Zereh Yesus Kristus ¹Kitab zereh Yesus Kristus Anak Daud, anak Abraham. ²Abraham aye hio amah Ishak,Ishak aye hio amah Yakub.Yakub aye hio amah amah Yehuda nihi pulaksanai-pulaksai e. ³.Yehuda aye hio amah Peres nihi Zerah,ine here aye hio Tamar.Peres aye hio amah Hezron,Hezron aye hio amah Ram.⁴Ram aye hio amah Aminadap.Aminadap aye hio amah Nahason.Nahason aye hio amah Salmon. ⁵Salmon aye hio amah Boas,ine e aye hio Rahab.Boas aye hio amah Obed, ine e aye hio Rut.Obed aye hio amah Isai. ⁶Isai aye hio amah tekei Raja Daud.Daud aye hio amah Salomo,ine e aye hio bakas harau Uria.⁷Salomo aye hio amah Rehabeam.Rehabeam aye hio amah Abia.Abia aye hio amah Asa. ⁸Asa aye hio amah Yosafat.Yosafat aye hio amah Yoram.Yoram aye hio amah Uzia.⁹Uzia aye hio amah Yotam.Yotam aye hio amah Ahas.Ahas aye hio amah Hizkia. ¹⁰Hizkia aye hio amah Manase.Manase aye hio amah Amon. Amon aye hio amah Yosia. ¹¹Yosia aye hio amah Yekhonya nihi pulaksai-pulaksanai e,katika naumpe gi Babel.¹²Udi na umpe gi Babel,Yekhonya aye hio amah Sealtiel.Sealtiel aye hio amah Zerubabel. ¹³Zerubabel aye hio amah Abihud.Abihud aye hio amah Eiyakim.Elyakim aye hio amah Azor. ¹⁴Azor aye hio amah Zadok.Zadok aye hio amah Akhim,Akhim aye hio amah Eliud.¹⁵Eliud aye hio amah Eleazer.Eleazer aye hio amah Matan.Matan aye hio amah Yakub. ¹⁶Yakub aye hio amah Yusuf,wane Maria.Dari Maria dilahirkan Yesus,sa na antuh Kristus. ¹⁷Jari,kaluhan Zereh tekei Abraham hampe Daud naan epat walas katurunan,balalu tekei Daud hampe na umpe gi Babel naan epat walas katurunan,balalu tekei na umpe gi Babel hampe Kristus naan epat walas katurunan.Kalahiran Yesus Kristus¹⁸Wayah ina,kalahiran Yesus Kristus aye hio sameh ina.katika Maria,ine E haot batunang nihi Yusuf,samete here baya,salenga aye sawuntung tekei Roh Kudus. ¹⁹tapi gene Yusuf,wane e,aye hio ulun sa maeh balalu bakoi kakan nampamangan Maria tangar penah ulun ajoh,Yusuf ba aheng nampasarak Maria nihi benyem-benyem.²⁰tapi,katika Yusuf rahat manimbang gene hio,ini lei,malaikat Tuhan nyantarang arep e gi aye huang upi balalu ngeau,"Yusuf anak Daud,ada takut ngalap Maria gi harau nu gene anak sa na sawuntung e hio tekei Roh Kudus. ²¹Aye sagar nganak erang kulun nakia laki balalu hanyu sagar ngantuh aranE Yesus gene Aye sagar nyalamat umatE tekei dosa-dosa here."²²Kaluhan ina jari pakai nyansukup sa na firman ulah Tuhan nangkah nabu E, ²³Ini lei,erang kulun bujang peruna sagar sawuntung balalu sagar nganak erang kulun nakia laki.Here sagar ngantuh aranE Imanuel,"sa naarti lei:Allah nampahayak takam"²⁴Katika Yusuf mele tekei andre e,aye ngagawi sameh sa malaikat Tuhan marentah gi aye,balalu aye ngalap harau e,Maria, ²⁵tapi bakoi baya nihi Maria hampe nganak Nakia laki.Balalu,Yusuf ngantuh aranE,Yesus

Ulun-ulun Majus nyambah Yesus. ¹Rahat e,udi Yesus na lahir ta Betlehem,ta Yudea,waktu wayah Raja Herodes,ini lei,ulun-ulun majus tekei timur hahi gi Yerusalem. ²here nyantane,"ta awe lah Aye,sa na anak hio.Raja ulun Yahudi?gene,kami haou ngini bintang E ta timur balalu kami hawi kakan mayambah E." ³Katika Raja Herodes ngarengei gene hio, gelisah bo aye nihi kaluhan Yerusalem umba aye.⁴balalu,aye ngumpul kaluhan imam kepala nihi ahli-ahli taurat bang hio.aye nupui katerangan tekei here,uneng Kristus na anak lei. ⁵here ngeau gi aye,"ta Betlehem,wilayah Yudea,ulah kalitilah sa natulis Nabi: ⁶Balalu hanyu Betlehem,ta tane Yehuda,bakoi hindra lei sa panga halus tekei antara hadi penguasa Yehuda,ulah tekei hanyu sagar hulet erang kulun pamimpin,sa sagar menggembalakan umatKu,Israel."Mika 5:2⁷Udi hio,Herodes benyem-benyem nerau ulun-ulun majus hio.ngalako kepastian tekei here gene waktu bacahaya e bintang hio. ⁸balalu,aye nunyu here gi Betlehem nihi ngeau,"tulak nihi selidiki lei andri teliti gene nakia hio.Balalu,amun kaon haot kahaba E,wara gi aku mat aku lei tau hawi nihi manyambah E⁹Udi ngarengei eau Raja,here tulak.Balalu ini lei,bintang sa na ini here ta timur hio nunda here hampe balalu tunduk ta entu uneng Nakia hio muneng. ¹⁰katika ngini bintang hio,here sanang nihi kasanangan sa hante tuu.¹¹Udi suluk gi huang lewu,here panalu Nakia hio nengkeng Maria ine E.Balalu here suntup nihi mayembahE.Udi hio,here nguka uneng harta here balalu ngami pangamian-pangamian gi Aye,aye hio amas,kemenyan nihi mur. ¹²gene na peringat lei huang upi mat ada waleng gi Herodes,here waleng gi negri e nangkah lalan lain.Perintah mat nempat gi Mesir¹³Udi ulun-ulun Majus hio tulak,ini lei,malaikat Tuhan nyantarang arep e gi Yusuf huang upi balalu ngeau,"buan bo,tunda Nakia hio nihi ine E balalu lempat bo gi Mesir.Muneng bo ta aro hampe aku mawara gi hanyu gene Herodes hamen nupui Nakia hio mat munu E." ¹⁴Udi hio Yusuf buan balau nunda Nakia hio nengkeng ine E wayah malem ge tulak lawit gi Mesir, ¹⁵balalu muneng ta aro hampe Herodes matei mat ganap lei sa na firman kan Tuhan nangkah Nabi:"Tekei Mesir Ku nerau NakiaKu."Hosea 11:1.Panampateian kaluhan Nakia laki ta Betlehem¹⁶udi hio,hayak Herodes ngini bahwa aye haot na akal ulah ulun-ulun Majus,aye sangit tuu balalu nunyu nampatei kaluhan nakia laki ta Betlehem nihi kaluhan wilayah ta riet e,sa ba umur rueh taun gi kapit,sameh nihi waktu sa haot napastikan ulah ulun-ulun Majus¹⁷balalu,ganap lei sa nahampe ulah Nabi Yeremia: ¹⁸"isa lengan karengei ta Rama,tangisan nihi ratapan sa sedih.Rahel nangis gi nakia-nakiae,balalu bakoi hakun na katau ulah here haot bakoi naan."Yeremia 31: 15 Parentah mat waleng gi Mesir¹⁹Namun,katika Herodes matei,ini lei,malaikat Tuhan nyantarang arep e huang upi gi Yusuf ta Mesir, ²⁰Balalu ngeau,"buan bo,tunda Nakia hio nengkeng ine E gi tane Israel ulah ulun-ulun sa kakan munu Nakia hio haot matei." ²¹balalu,aye buan nihi nunda Nakia hio baya ine E waleng gi tane Mesir²²tapi lei,katika aye ngarengei bahwa Arkhelaus mamarintah ta Yudea nganti Herodes amah e,Yusup bakoi heei tulak gi aro.udi naparingat ta huang upi,aye tulak gi daerah Galilea. ²³Yusuf hampe balalu muneng ta isa tumpuk sa ngarane Nazaret,mat ganap lei sa nahampe here Nabi,"Aye sagar na antuh ulun Nazaret."

¹Khotbah Yohanes panapandrus.Ta andrau-andrau hio,huletlah Yohanes panapandrus,berkhotbah ta pulau haket Yudea. ²aye ngeau,"batobatlah ulah Kerajaan Surga haot riet." ³Gene,aye lah sa na wara Nabi Yesaya katika ngeau,"lengan erang kulun sa kamiak-kamiak ta pulau haket,sadialah lalan gi Tuhan,ulahlei lalanNe lurus."Yesaya 40: 3⁴Balalu,Yohanes raerai makai lamma e tekei wulu unta nihi huruk pahiwu e upak ta kaliling pinggang e.nakuta e aye hio sangkalap-sangkalap nihi ranu wani. ⁵udi hio ulun-ulun Yerusalem hawi gi aye,nihi kaluhan Yudea,nihi kaluhan wilayah riet Yordan. ⁶Balalu,here natapandrus ulah Yohanes ta Yordan,nelang mangaku dosa-dosa here⁷Tapi,waktu Yohanes kakini ojoh ulun Farisi nihi Saduki hawi gi baptisan e,aye ngeau gi here,"kaon,zereh nipe raat,hie sa nyompo kaon mat nempat tekei muruka sa sagar hawi? ⁸gene hio, hasilkan lei wua-wua sa sameh nihi pertobatan, ⁹balalu ada bapikir mat ngeau gi tenga raerai,kami ampun Abraham,amah zereh kami,gena kuki ngeau gi kaon aye hio tekei watu-watu iti Allah kiut nampabuan nakia-nakia gi Abraham!¹⁰Nelang lei,wayah ina,kapak na andak ta wakat kayu-kayu,balalu setiap kayu sa bakoi naan hasil wua sa maeh nateweng balalu na tawut gi huang apui. ¹¹kuki sabujur e napandrus kaon nihi ranu pakai pertobatan,tapi Aye sa sagar udi kuki aye hio labih bakuasa tekei kuki,sa sarumpah E gin kuki bakoi susuk nunda e.Aye sagar napandrus kaon nihi Roh Kudus nihi Apui. ¹²banda pangitap naan ta tangan E,balalu Aye sagar mambarasih uneng pangiikan E,nihi sagar ngumpul gandumgi huang palunu.Tapi,aye sagar nutung ape e nihi apui sa bakoi kiuh na tampare."Yesus na tapandrus ulah Yohanes Pengapandrus¹³Udi hio,Yesus hawi tekei Galilea gi Yordan nalu Yohanes mat na tapandrus ualh Yohanes. ¹⁴Tapi,Yohanes bausaha nahalang E balalu ngeau,"kuki lah sa perlu natapandrus ulahNu,tapi justru Kayo sa hawi gi kuki?" ¹⁵balalu, Yesus nuing nihi ngeau gi aye,"wayah ina,elah e bo ulah kalina lei sa harus e jari gi takam mat nansukup kaluhan sa bujur,"Balalu Yohanes ngaret bo Aye.¹⁶Udi natapandrus, Yesus langsung balua tekei ranu,balalu inni lei,Surga ta uka nihi Aye ngini Roh Allah minau sameh wurung Merpati hawi gi amau E ¹⁷. Balalu,rengei bo lengan tekei Surga sa ngeau,"itilah NakiaKi sa nasayangKi,gi Ayelah Kuki katuju."

Yesus na cobai ulah iblis ¹Udi hio,Yesus na tunda ulah Roh gi pulau haket mat nacobai ulah iblis. ²Balalu,Aye ngaret epat pulu andrau nihi epat pulu malem,udi hio Aye jari kaluan. ³Balalu,hawi lei aye,sa mancobai yo,nihi ngeau gi Yesus,"amun kayo bujur Anak Allah,huyu bo mat watu-watu iti jari wadai." ⁴Tapi,Aye nuing nihi ngeau,"naan tatulis,bakoi ekat tekei nakuta bo marunsia welum,tapi ulah setiap Firman tekei wawa Allah."Ulangan 8:3⁵Udi hio,iblis nunda Aye gi tumpuk barasih nihi ngandak Aye ta entu Bait Allah, ⁶balalu ngeau gi Aye,"amun kayo Anak Allah,sanawu bo tengaNu gi kapit ulah naan tertulis : gene Kayo,Allah sagar marentah malaikat-malaikat E balalu ngenat Kayo ta entu tangan here mat pee Nu ada wuah watu."Mazmur 91: 11-12⁷Yesus ngeau gi aye,"hindra lagi,naan tertulis,kayo ada mancobai Tuhan Allahnu."Ulangan 6:16 ⁸Hindra lagi,iblis nunda Yesus gi entu gunung sa entu tuu balalu nyantarang gi Aye kaluhan kerajaan ta dunia namput kemegahane, ⁹balalu ngeau gi Aye,"kaluhan ina sagar naamiki gi Kayo,amun Kayo suntup manyembah kuki."¹⁰Udi hio,Yesus ngeau gi aye,"hulu kayo iblis,kayo harus menyembah Tuhan Allahnu nihi ekat gi Aye bo kayo sambayang."Ulangan 6 : 13 ¹¹Udi hio,iblis nanan Aye,balalu ini lei,malaikat-malaikat hawi malayani Aye.Yesus mamulai pelayan E ta Galilea¹²Balalu,katika Yesus ngarengei bahwa Yohanes haot najaput,Aye mahulu gi Galilea. ¹³Aye nanan Nazaret balalu hampe nihi muneng ta Kapernaum,ta iring danau,ta helang Zebulon nihi Naftali,¹⁶¹⁴Mat nasansukup inon sa nawara nangkah Nabi Yesaya: ¹⁵"tane Zebolon nihi tane Naftali,lalan danau, ta sabarang Yordan,Galilea,wilayah ulun-ulun bakoi Yahudi, bangsa sa muneng huang mieng ngini maraai sa hante,balalu bagi here sa muneng ta negri nihi amma-amma kapateian,maraai hio haot hulet.Yesaya 9 : 1-2¹⁷Mulai saat hio,Yesus mulai berkhotbah nihi ngeau,"batobatlah ulah Kerajaan Allah haot riet!" Yesus Nerau epat murid E sa ka isa¹⁸Katika Yesus takia ta iring danau Galilea,Aye kainni rueh kulun pulaksanai,aye hio Simon sa naantuh Petrus,nihi Andreas,pulaksanai e,rahat nimai lunta ta danau gene here pangenahan. ¹⁹Balalu,Aye ngeau gi here,"gi iti bo umma Kuki mat kuki sagar ngajari kayo ngalunta murunsia." ²⁰Here palus nanan lunta -lunta e balalu umma Aye.²¹Balalu,katika tulak nekei hio,Aye kakini rueh kulun pulaksanai sa lain,Yakobus anak Zebedeus nihi Yohanes pulaksanai e.Here rahat ta huang isa jukung baya Zebedeus amah here,rahat nagkaeh lunta-lunta here.Balalu Aye nerau here. ²²Balalu,here palus nanan jukung nihi amah here,palus umma Yesus. Yesus ngajar nihi nyamare ajoh ulun.²³Udi hio Yesus ngaliling kaluhan daerah Galilea,ngajar ta Sinagoge-sinagoge here,mawara lei Injil Kerajaan , nihi nyamare ajoh masam panyakit,nihi ajoh masam kahanang ta penah ulun ajoh. ²⁴Balalu,kabar tentang Aye tersebar hampe gi kaluhan Siria.Balalu,here nunda gi Aye kaluhan ulun sakit sa rara ajoh masam panyakit nihi hanang,nihi sa karasukan setan,sa sa sakit rapui iwek,nihi lumpuh,balalu Aye nyamare here. ²⁵karumunan hante ulun ajoh tekei Galilea,Dekapolis,Yerusalem,nihi tekei Yudea nihi tekei sabarang Yordan.

³Khotbah Yesus ta bukit antuhan berkat ¹Katika kakini ulun ajoh hio,Yesus mambai gi bukit.Balalu udi hio Aye maharung,murid-murid E hawi nalu Aye. ²Balalu,Aye nguka wawa E nihi ngajar here,eau E,

Ajaran hal ngami ¹"baingat lei huang ngagawi kewajiban agamanu ta hadapan murunsia,ada nihi aheng mat naindi gi here.amun kala hio,kayo bakoi sagar narime upa tekei Amah nu sa ta surga. ²Ulah hio,katika kayo ngami sadakah,ada nampalengan terompet ta hadapannu sameh sa ulun-ulun munafik ngagawi e ta Sinagoge-sinagoge nihi ta lalan-lalanmat here na sanawat ulun lain.Kuki mawara sa bujur e gi kayo aye hio here haot narime upa e.³Tapi katika kayo ngami sadakah,ada na aret tangan kawi nu karasa inon sa na gawi tangan kawan nu, ⁴mat sadakah nu hio na siok bo balalu Ambah nu sa kakini sa nasiok hio sagar ngami upa gi kayo." Ajaran hal berdoa⁵" Balalu,katika kayo berdoa,ada sameh ulun-ulun munafik ulah here sanang mindri palus berdoa ta sinagoge-sinagoge nihi ta iring-iring lalan mat na inni ulun lain.kuki mawara sabujur e gi kayo,here haot narime upa e. ⁶tapi,katika kayo berdoa,suluk bo gi huang kamarnu palus tutup bo wanawang e,balalu berdoa bo gi Amahnu sa naan ta uneng tasiok,balalu Ambahnusa kakini sa tasiok hio sagar ngami upa gi kayo. ⁷Balalu,katika kayo berdoa,ada bo ngaguna paner-paner sa⁸Gene hio,ada sameh here ulah Amah nu karasa inon sa na kahanak kayo samete kayo ngalako gi Aye. ⁹Berdoalah sameh siti,`Amah kami sa ta Surga,nabarasih lei aranNu. <sup>10</sup>Hawilah kerajaanNu,jari lei kahandakNu ta bumi sameh ta surga.<sup>11</sup>Ami lei gi kami,ta andrau ina,nakuta kami sa sasukup e. <sup>12</sup>Balalu,ampuni lei kahalaan-kahalaan kami,sameh kami lei mengampuni ulun-ulun sa bahala nihi kami. <sup>13</sup>Balalu,ada nunda kami gi huang pencobaan,tapi sanapas lei kami tekei sa jahat.gene Hanyulah isa ampun kerajaan,nihi kuasa,nihikemuliaan hampe salawah-lawah e.Amin.`¹⁴ulah amun kayo mengampuni kesalahan-kesalahan ulun lain,Amah surgawinu lei sagar mengampuni kayo. ¹⁵Tapi lei,amun kayo bakoi mengampuni kesalahan-kesalahan ulun lain,Amah nu lei bakoi sagar mengampuni kesalahan-kesalahannu. " Kalakuan katika bangaret¹⁶" Balalu,katika kayo bangaret,ada marut sameh ulun munafik gene here sangaja ngarubah rai mate here mat nainnni ulun here rahat bangaret.Kuki mawara sabujur e gi kayo aye hio here haot narime upa e. ¹⁷Tapi lei,kayo katika bangaret,na minyak lei ulu nu palus na sawu rai matenu ¹⁸mat ngaretnu bakoi naan naini ulun,tapi ulah Amahnu sa ta uneng tasiok.Balalu,Amahnu sa ngini gawiannu sa tasiok hio sagar ngabalas e gi kayo." Kumpul bo katatau ta surga¹⁹Ada mangumpul lei pakai tenga nu raerai katatau ta bumi,uneng wuwuk nihi karat nanrusak,nihi uneng pangalat ngungkar palus ngalat e. ²⁰Tapi lei,kumpul bo katatau pakai tenga raerai katatau ta surga,uneng wuwuk nihi karat bakoi nyanrusak nihi uneng pangalat bakoi ngungkar palus ngalat. ²¹gene ta uneng katataunu na simoh,ta hio lei atei nu muneng.²²" Mate aye hio palita tenga.Jari,amun matenu maeh,kaluhan tenganu sagar jari maraai. ²³Tapi lei,amun matenu raat,kaluhan tenganu sagar penu maieng.Jari,amun maraai saharus e naan ta hanyu sakali e sa maieng,jari maieng tuu bo hio." ²⁴"Bakoi naan ulun sa kiuh melayani rueh tuan ulah aye sagar marikang tuan sa isa balalu sayang nihi tuan sa isa,atawa aye sagar setia gi tuan sa isa balalu maremehkan tuan sa isa e,Kayo bakoi kiuh melayani Allah nihi mamon," Ada hanyu gaer²⁵"gene hio lei kuki ngeau gi kayo,bakoi usah gaer hal welumnu,inon sa sagar nakuta kayo atawa inon sa sagar nakoot kayo.kalahio lei hal tenga nu,inon sa sagar na pakai nu.bakoi lah welum labih penting tekei nakuta,nihi tenga tekei pakaian? ²⁶ini lei wurung-wurung ta langit sa bakoi ngamule,bakoi masi,nihi bakoi mangumpul gi huang palunnu,tapi Amah Surgawi nu ngami here kuman.Bakoi lah kayo labih baharaga tekei here?²⁷hie boh tekei antara kaon sa ulah kagaer e kiuh nambah sehasta tekei umur e ? ²⁸Balalu,hal pakaian,wuah inon kayo gaer? perhatikan lei wunge bakung ta pulau rikut,kalawe here welum,here bakoi bagawi nihi lei bakoi mapuru, ²⁹tapi kuki ngeau gi kaon aye hio Salomo huang kaluhan hal kemulian e gin bakoi bapakaian sameh salah isa tekei wunge-wunge hio.³⁰Jari,amun rikut ta haket,naan andrau ina balalu katuni natawut gi apui,Allah ngadandan e sameh hio,bakoi lah labih lei kaon,ui kaon sa kurang iman? ³¹Gene hio,ada kayo gaer balalu ngeau,`inon sa sagar nakuta kami?,`atawa inon sa sagar na oot kami ?,`atawa inon sa sagar na pakai kami?`³²Gene,bangsa-bangsa lain nupui-nupui kaluhan iti balalu Amah Surgawinu karasa bahwa kayo perlu kaluhan hio. ³³Tapi lei,lupui bo dahulu Kerajaan palus kebenaran E,balalu kaluhan hio sagar na tambah gi kayo. ³⁴jari,ada gaer tentang andrau katuni gene andrau katuni sagar naan kagaer e raerai.Sukup bo erang andrau nihi kasusah e raerai.

Ada menghakimi ¹" ada menghakimi mat kayo bakoi nahakimi. ²Gene nihi penghakiman sa napakai kayo gi menghakimi,kayo sagar nahakimi,balalu nihi ukuran sa kayo pakai gi ngukur sagar naukur lei gi kayo.³Balalu,wuah inon kayo kakini sasuban ta mate pulaksanai nu,tapi bakoi karasa balok sa naan ta mate nu raerai? ⁴Atawa,kalawe tau kayo ngeau gi pulaksanainu,`elah e kuki nampalua sasuban ta mate nu,`tapi inni,naan balok ta mate nu raerai? ⁵ui ulun munafik, na tampalua bo dahulu balok hio tekei mate nu,balalu udi hio kayo sagar kakinni nihi lentah gi nampalua sasuban tekei mate pulaksanai nu.⁶Ada ngami barang sa kudus gi tahu-tahu,ada lei nawut mutiara nu gi hadapan wawui mat here bakoi narah-narah hio nihi pee e balalu waleng minsit-minsit kayo. "Lako bo,lupui bo,nihi katok bo⁷Lako bo,palus hal hio na ami gi kayo.Lupui bo,palus kayo sagar kahaba,katok bo balalu hal hio sagar na uka gi kayo. ⁸gene,setiap ulun sa ngalako,aye narime,balalu ulun sa nupui sagar kahaba,balalu basing sa ngatok sagar nauka lei. ⁹Atau,hie tekei antara kaon,sa amun anak e lako roti sagar ngami watu gi anak e hio ? ¹⁰Atau,amun anak e lako kenah,aye bakoi sagar ngami lei nipe gi anak e hio,bakoi ?¹¹Jari,amun kayo sa jahat gin kataru kala awe ngami gi nakia-nakia nu pangamian - pangamian sa maeh,labih lagi Amah nu sa tasurga,aye sagar ngami sa maeh pakai here sa lako nihi Aye."Hukum sa panga entu ¹²" gene hio,segala sesuatu sa kayo kakan ulun ngulah gi kayo,kala hio lei kayo ngulah e gi here gene iti lah wusi Hukum Taurat nihi kitab here Nabi." Lalan nuju pamelum¹³" Suluk bo nangkah pintu sa hipit gene hante lbo lalan balalu luas bo lalan sa nuju kabinasaan,palus ajoh sa suluk nangka e. ¹⁴Gene, hipit lei pintu nihi sasak lei lalan sa nuju pamelum,palus doho sa kahaba e."Peringatan hal Nabi-nabi palsu¹⁵Tapi,waspada bo nihi nabi-nabi palsu sa hawi gi kayo nihi bapakaian domba,tapi sabujur e here sarigala-sarigala buas. ¹⁶tekei wua e lei kayo sagar ngataru here.kiuh lah ulun mangumpul wua-wua anggur tekei jobot-jobot barundrui balalu wua ara tekei kayu-kayuan barundrui? ¹⁷Kala hio lei,setiap kakau sa maeh halu hasil wua sa maeh,tapi kakau sa bakoi maeh halu hasil wua sa bakoi maeh.¹⁸Kakau sa maeh bakoi sagar halu hasil wua sa bakoi maeh,kaku sa bakoi maeh bakoi sagar halu hasil wua sa maeh. ¹⁹setiap kaku sa bakoi naan halu hasil wua sa maeh sagar na teweng palus naumpe gi huang apui. ²⁰Jari,tekei wua-wua e kayo sagar ngataru here.²¹Bakoi kaluhan ulun sa ngeau gi Kuki,`Tuhan,Tuhan`,sgar suluk gi huang Kerajaan Surga. ²²Huang andrau hio,ajoh ulun sa ngeau gi Kuki,`Tuhan,Tuhan`, bakoi lah kami bernubuat huang aranNu,balalu ngusir roh-roh raat huang aranNu,nihi ngulah ajoh mujizat huang aranNu? ²³Balalu,Kuki sagar nekah gi here,`Kuki bakoi piji ngataru kayo! hulu bo kayo nekei Kuki,kaon sa naggawi sa hala! " Ngarengei palus ngagawi²⁴gene hio,kaluhan ulun sa ngarengei eau-eau Ku iti palus ngagawi e sagar jari sameh ulun sa bijaksana sa namuan lewu e ta amau watu. ²⁵Balalu,minau lei uran balalu ranu lalem,nihi angin riwut nukun lewu hio,balalu lewu hio bakoi runtun uluah na tamuan ta entu watu.²⁶Balalu,setiap ulun sa ngarengei eau Ku iti nihi bakoi ngagawi e sagar jari sameh ulun bungul sa namuan lewu e ta entu pasir. ²⁷Balalu,minau lei uran palus hawi lei ranu lalem,nihi angin riwut nukun lewu hio,balalu lewu hio runtun,nihi hante tuu karusakane."²⁸Katika Yesus tadoh ngantuh hal-hal iti,ulun ajoh dodor-dodor ngarengei pengajaran E, ²⁹Gene Aye ngajar here sebagai ulun sa berkuasa,nihi bakoi sameh ahli-ahli Taurat here.

"Yesus nyamare ulun sa sakit kodong ¹Waktu Yesus minau tekei bukit hio,ulun ajoh nutah Aye. ²balalu,inni,erang kulun sa sakit kodong hawi gi Aye,palus sujud ta hadapan Aye,nihi ngeau,"Tuan,amun Kayo hakun,Kayo kiuh nyamare kuki." ³Balalu,Yesus nyolor tangan E nihi negei e,eau E,"Kuki hakun,ware bo."waktu hio lei,na samare lei kodong ulun hio.⁴Balalu,Yesus ngeau gi aye," perhatikan lei,ada kayo nyurah inon-inon gi erang kulun lei,tapi tulak bo,batampai bo tenganu gi imam,palus persembah kan bo pangamian sa na rentah Musa sebagai kesaksian gi here. " erang kulun pelayan Perwira Romawi na samare⁵Waktu Yesus suluk gi Kapernaum,erang kulun Perwira hawi gi Aye,lako tekei Aye, ⁶palus ngeau,"Tuan, hambaku rahat mangkading lumpuh ta lewu,rara tuu". ⁷Balalu,Yesus ngeau gi aye,"Kuki sagar hawi palus nyamare aye."⁸Tapi lei,perwira hio nuing palus ngeau,"Tuan,kuki bakoi layak gi Kayo suluk kapit hatap kuki,tapi antuh bo erang kawusi paner balalu hamba kuki sagar ware. ⁹Gene,kuki lei aye hio ulun sa naan ta kapit kekuasaan,nihi tentara-tentara sa takapit kuki.Balalu,kuki ngeau gi sa isa,`tulak bo,`aye gin tulak,balalu gi sa lain,`hawi bo,`palus aye gin hawi,balalu gi hamba kuki,`gawi nu ina,`palus aye gin ngagawi e." ¹⁰waktu Yesus ngarengei hal iti,Aye kagum palus ngeau gi ulun-ulun sa nutah Aye,"Kuki mawara sawitu e iman sakahante ina bakoi piji Kuki kahalu nihi erang kulun lei tekei antara ulun Israel.¹¹Kuki ngeau gi kayo aye hio ajoh sa sagar hawi tekei timur nihi barat,palus maharung kuman nihi Abraham,Ishak,nihi Yakub huang kerajaan Surga, ¹²tetapi nakia-nakia kerajaan hio sagar na umpe gi huang kamaieng sa panga maieng e.taaro sagar naan ratap nihi dipen saketek." ¹³Balalu,Yesus ngeau gi perwira hio,"tulak bo,elah bo jari gi kayo sa sameh na harap kayo."balalu katika hio lei,hamba e na samare. "Umpu wawei Petrus nihi ulun ajoh na samare¹⁴Katika Yesus hampe ta lewu Petrus,Aye kakinni umpu wawei Petrus rahat mangkading nihi maringin. ¹⁵balalu,Yesus negei tangan umpu wawei e hio palus ringin e jawoh.udi hio aye buan palus nyarungan Yesus.¹⁶Katika andrau kakan kamalem,here nunda gi Aye ajoh ulun sa karasukan roh jahat,balalu Aye nulak roh-roh hio nihi erang kawusi paner,palus nyamare kaluhan ulun sa maringin, ¹⁷mat na tampa geneplah inon sa naantuh ulah Nabi Yesaya: "Aye lah sa ngalap kamalemean-kemalemean takam palus nangung panyakit-panyakit takam."Yesaya 53 : 4 " Jari panutah Yesus¹⁸Wayah ina,waktu Yesus ngini ulun ajoh ta riet Aye,Aye nunyu mat tulak gi sabarang. ¹⁹Udi hio,erang kulun ahli Taurat hawi palus ngeau gi Aye,"Guru,kuki sagar nutah Kayo gi awe bo Kayo tulak." ²⁰Balalu,Yesus ngeau gi Aye,"here rubah naan liang nihi wurung-wurung ta langit naan hanai-hanai.tapi Anak Murunsia bakoi naan uneng pakai ngandak ulu E."²¹Isa tekei antara murid ngeau gi Aye," Tuhan,izin bo kuki gi dahulu tulak palus ngogang amah ki." ²²tapi,Yesus ngeau gi aye,"tutah bo Kuki,nihi elah e ulun matei ngogang ulun matei kakarep e." Yesus nyantadoh riwut barat²³Balalu,katika Yesus mamai gi jukung,murid-murid E nutah Aye. ²⁴Balalu,inni bo,jari riwut barat hante ta danau hio hampe jukung hio tatutup ombak.Tapi lei,Yesus mandre. ²⁵Balalu,murid-murid nutah Aye palus ngele Aye,eau e,"Tuhan,salamat kan kami! takam rahat binasa!"²⁶Balalu,Aye ngeau gi here,"wuah inon kayo takut,ui kayo sa kurang kaharap?" balalu,Aye mindri palus nyompo angin nihi danau hio,palus jari tenang tuu. ²⁷Balalu,ulun-ulun hio dodor-dodor palus ngeau,"ulun masam inon lah Aye iti,hinga angin nihi danau gin umma eau E?" Rueh ulun Gadara karasukan roh raat²⁸Katika Yesus hampe ta sabarang danau,uneng ulun Gadara,rueh ulun sa karasukan roh raat nutah Aye.Here balua tekei ogang nihi maraat tuu hampe bakoi naan ulun sa kiuh nangkah lalan hio. ²⁹Balalu,inni bo,here kamiak,eau e,"inon urusan nihi Kayo nihi kami,ui Anak Allah?inon kah Kayo hawi gi manyiksa kami sa mete waktu e?³⁰Balalu,lawit doho tekei here naan kumpulan hante iwek sa rahat nupui kuta. ³¹setan-setan hio ngalako gi Aye palus ngeau,"amun Kayo kakan nulak kami,huyu bo kami mahulu gi kumpulan iwek hio." ³²Balalu,Yesus ngeau gi here,"hulu bo!"balalu,here balua palus suluk gi huang iwek-iwek hio.udi hio,kaluhan iwek hio gin mitun tekei iring danau palus matei huang ranu.³³ulun-ulun sa ngajaga pulau iwek hio buyo,palus suluk gi huang kota,nihi nyurah kaluhane,termasuk inon sa terjadi nihi ulun-ulun sa narasuk setan hio. ³⁴Balalu,inni bo,kaluhan kota balua pakai nalu Yesus.Katika ngini Yesus,here ngalako Aye gi nanan wilayah here.

Yesus mengampuni dan menyembuhkan seorang lumpuh ¹Udi suluk gi huang jukung,Yesus nyabarang danau balalu hampe ta kota E raerai. ²Balalu,inni,here nunda gi Aye erang kulun lumpuh sa mangkading ta uneng mandre.katika ngini iman here,Yesus ngeau gi ulun lumpuh hio,"tamape ateinu anakKu, dosanu haot naampuni."³udi hio,papire ahli taurat ngeau huang atei e,"ulun ina nnyumpah!" ⁴Tapi,Yesus karasa huang atei here,eau e,wuah inon kayo ngarayang sa raat huang ateinu? ⁵saawe lah sa labih murah,ngeau,`dosa-dosanu na ampuni,`atau ngeau,`buan bo palus takia lei`? ⁶Tapi,mat kayo kiuh karasa aye hio ta bumi anak murunsia berkuasa gi mangampuni dosa."udi hio,Yesus ngeau gi ulun lumpuh hio,"buan bo,enat uneng mandre nu,palus mudi bo!"⁷Balalu , aye buan palus mudi. ⁸Tapi,katika ulun ajoh nginni hal ina,here jari dodor palus nyanawat Allah sa ngami kuasa sameh hio gi manusia. "Matius pangumpul Pajak nutah Yesus ⁹Katika Yesus tulak tekei hio,aye nginni erang kulun sa na herau Matius rahat maharung ta uneng pangumpulan pajak.balalu Yesus ngeau gi aye,"tutah bo Kuki,"balalu,Matius mindri palus nutah Yesus.¹¹¹⁰Katika Yesus maharung kuman ta huang lewu hio,inni,ajoh pangumpul pajak nihi ulun-ulun berdosa hawi,palus maharung kuman hayak Yesus nihi murid-murid E.

Yesus mengutus murid-murid E ¹Balalu,Yesus nerau karueh belas murid E palus ngami here kuasa entu roh-roh raat pakai nulak roh-roh hio nihi pakai nyamare kaluhan masam penyakit gin lei kaluhan kahanang.²iti lah aran-aran karueh belas Rasul hio: sa kaisa,Simon sa na antuh Petrus,nihi Andreas pulaknai e,nihi Yakobus anak Zebedeus,nihi Yohanes pulaknai e, ³Filipus nihi Bartolomeus,Tomas,nihi Matius sa pangumpil pajak,Yakobus anak Alfeus,dan Tadeus, ⁴Simon orang Zelot,dan Yudas Iskariot yang menghianati Yesus.⁵Yesus mengutus karueh belas Rasul hio palus nuyu here,"ada tulak gi lalan bangsa-bangsa lain atawa suluk gi kota ulun Samaria, ⁶Tapi tulak bo gi domba-domba sa tawang tekei antara umat Israel. ⁷Balalu,salawah kayo tulak,kabar bo nihi ngeau,`Kerajaan Surga haot riet,`⁸Samare bo sa sakit,samelum bo sa matei,samare bo sa kusta,palus natulak roh-roh raat.kayo haot narime nihi bakoi bayar,ami bo nihi bakoi na bayar lei. ⁹ada kayo nunda amas,atawa perak,atawa tembaga huang ikat pingang nu, ¹⁰atawa tas gi kia an,atawa rueh lamar lamma,atawa sandal,atawa tungkeh gene erang kulun sa bagawi pas bo pakai nakuta e.¹¹Balalu,ta kota atwa ta tumpuk awe bo sa kayo suluk,selidiki ba hie sa pas ta huang e balalu muneng bo ta aro hampe kayo tulak. ¹²katika kayo suluk lewu hio,ami bo salam. ¹³Balalu,amun lewu hio pas,elah e damai sejahtera nu minau gi entu e,tapi amun bakoi,elah e damai sejahteranu waleng gi kayo.¹⁵¹⁴Balalu,hie bo sa bakoi narime kayo atawa bakoi kakan ngarengei eau kayo,katika kayo balua tekei lewu atawa kota hio,nakibas bo habu tekei pee kayo. Kuki mawara sabujur e gi kayo aye hio tangar andrau penghakiman,tane sodom nihi Gamora sagar labih tau mananggung e tekei kota hio," Kahadin-kahadin sa sagar na hadapi here murid¹⁶" inni bo,Kuki mangutus kayo sameh domba ta penah-penah serigala.Gene hio, jari bo cerdik sameh nipe palus tulus sameh wurung-wurung merpati. ¹⁷Tapi, bahati-hati lei nihi ulun-ulun ulah here sagar manyarah kayo gi Sanhendrin nihi sagar ngompak kayo tangar sinagoge-sinagoge here. ¹⁸Balalu,kayo sagar natunda gi hadapan here penguasa nihi here Raja ulah Kuki,sebagai kesaksian gi here nihi bangsa - bangsa lain.²⁰¹⁹tapi,katika here manyarah kayo,ada gaer mengenai kala awe atawa inon sa na eau kayo ulah saat hio lei sagar na amin gi kayo inon sa harus na antuh kayo. gene,bakoi kayo sa bapaner,tapi hio lah Roh Amah nu sa bapaner huang kayo.²¹Pulaksanai sagar manyarah pulaksanai e gi matei,balalu amah nihi anak e.Balalu anak-anak sagar nawan ulun matueh palus munu here. ²²kayo sagar nakarikang ulah kaluhane gene aranKu,tapi ulun sa batahan hampe akhi e sagar salamat. ²³katika here nampahanang kayo huang isa kota,lempat bo gi kota sa lain.Kuki mawara sabujur e gi kayo aye hio kayo mete sagar galis nangkah kota-kota Israel hampe Anak Manusia hawi.²⁴Murid bakoi labih tekei guru e,kala hio lei walah bakoi labih tekei tuan e. ²⁵Sukup bo amun murid sameh nihi guru e,balau walah sameh nihi tuan e.Amun here ngantuh ulun ampun lewu hio beelzebul,labih raat lagi gi anggota keluarga e. "Takut bo nihi Allah bakoi nihi murunsia²⁶Gene hio,ada lei kayo takut nihi here ulah bakoi naan inon lei sa tatutup sa bakoi na uka,atawa sa na siok sa bakoi sagar narasa. ²⁷Inon sa na eau kuki gi kayo huang maieng,wara bo hio huang tarawa.palus,inon sa kanarengei kayo nakeneh ta silu kayo,nawara bo ta entu lewu.²⁸ada takut nihi here sa kiuh munu tenga,tapi bakoi kiuh munu jiwa,tapi sa diwi e takut bo nihi Aye sa kiuh mamusnahkan jiwa atawa tenga ta neraka. ²⁹Bakoilah rueh kikui wurung pipit na batang nihi isa duit?palus bakoi naan erang kikui lei tekei here sagar lawu gi tane taluar aheng Ammahnu. ³⁰Magin e,wulu ta ulu nu kaluhane tareken. ³¹Gene hio,ada takut,kato diwi ba uman tekei ajoh wurung pipit. " Mangaku Yesus ta hadap ulun lain³²Jari setiap ulun sa mangaku Kuki ta hadap murunsia,Kuki lei sagar mangaku aye ta hadap Ammah Kuki ta surga. ³³Tapi lei,hie sa bakoi mangaku Kuki ta hadap murunsia,Kuki lei sagar bakoi mangaku aye ta hadap Ammah Kuki sa ta Surga."Aheng hawi e Yesus.³⁴Ada bapikir bahwa Kuki hawi pakai nunda perdamaian ta bumi.Kuki hawi bakoi gi nunda perdamaian,tapi pedang. ³⁵Gene,Kuki hawi pakai nampisah nakia laki tekei ammah e,nakia wawei tekei ine e,nantu wawei tekei umpu wawei e, ³⁶balalu musuh erang kulun aye hio tekei anggota keluarga e.³⁷Hie sa labih sayang ammah atawa ine e tekei Kuki,bakoi pas gi Kuki.Balalu,hie sa labih sayang anak e laki ataw anak e wawei tekei Kuki,bakoi pas gi Kuki. ³⁸Balalu,hie sa bakoi ngaun salib e palus nutah Kuki,bakoi pas bagi Kuki. ³⁹hie sa mempertahan lei nyawa e sagar kajawohan nyawa e,balalu hie sa kajawohan nyawa e gene Kuki sagar kahalu e. "Upa tekei Allah⁴⁰" hie sa narime kayo,narime Kuki.balalu,hie sa narime Kuki,narime Aye sa mengutus Kuki. ⁴¹hie sa narime Nabi huang aran Nabi sagar narime upa Nabi.balalu,hie sa narime ulun wuah huang aran ulun wuah sagar narime upa ulun wuah.⁴²Balalu,hie sa ngami ngoot gi isa tekei ulun-ulun halus ina biar lei ekat erang galas ranu risak huang aran erang kulun murid,Kuki mawara sabujur e gi kayo,aye bakoi sagar kajawoh upa e."

¹Katika Yesus haot jari ngami parintah gi ka rueh belas murid E,Aye tulak tekei hio pakai ngajar palus khotbah ta kota-kota here.Yesus nihi Yohanes pembaptis ²Wayah ina,katika Yohanes,sa naan ta penjara,ngarengei gawian-gawian Kristus,aye ngirim pesen nangkah murid-murid E, ³Palus nane gi Aye," inon kah Kayo sa sagar hawi hio,ataw harus kah kami ngandrei sa lain e?"⁴Yesus ngajawab palus ngeau gi here,"tulak bo palus wara gi Yohanes inon sa na rengei nihi na inni kayo, ⁵ulun pehe kakinni,sa lumpuh takia,sa sakit kusta kaoh,sa marengen karengei,sa matei buan,palus gi sa susah na hampe Injil. ⁶Balau,na berkatilah ulun sa bakoi ta lonyong gene Kuki."⁷Balalu,udi here tulak,Yesus mulai bapander gi ulun ajoh hal Yohanes,"inon sa kakan na inni kayo ta pulau haket?erang kakau paring sa na tampuh riwut? ⁸kayo tulak gi nginni inon? erang kulun sa ba pakaian halus? Here sa bapakaian halus hio naan ta istana-istana Raja.⁹Pakai nginni inonkah kayo tulak?erang kulun Nabi?oi,Kuki mawara gi kayo,aye bahkan labih hante tekei erang kulun Nabi. ¹⁰Gene,aye lah ulun sa hal aye haot tatulis:`inni bo!Kuki mangirim utusan Kuki ngadahulu Kayo.aye sa sagar nyadia lalan gi Kayo tangar hadapan Kayo.`Maleakhi 3 : 1¹¹Kuki mawara sabujur e gi kayo,ta helang here sa naanak ulah wawei,bakoi piji hulet ulun sa labih hante tekei Yohanes Pembaptis.Tapi,sa palin halus huang Kerajaan Surga,labih hante tekei aye. ¹²Tekei wayah Yohanes Pembaptis hampe wayah ina,Kerajaan Surga rara gene kekerasan,balalu ulun-ulun kejam hio ngulah e nihi paksa.¹³Gene,kaluhan Nabi nihi hukum Taurat banubuat hampe wayah Yohanes. ¹⁴Balalu,amun kayo hakun narime e,aye lah Elia sa sagar hawi hio. ¹⁵hie sa naan silu pakai ngarengei, elah bo aye ngarengei!¹⁶Tapi,nihi inon lah Kuki ngabanding generasi iti?here hio sameh nakia halus sa maharung tangar uneng-uneng umum,sa nerau hengau-hengau e, ¹⁷balalu ngeau,`kami nyiwui suling gi kayo,tapi kayo bakoi matandrik.kami manyanyi nyanyian kahanang,tapi kayo bakoi mahanang.`¹⁸Gene Yohanes hawi bakoi kuman,bakoi ngoot lei,`aye karasukan roh raat,` ¹⁹Tapi,katika Anak Murunsia hawi balalu kuman nihi ngoot,palus here ngeau,`inni,erang kulun sa rakus palus pamabuk,hengau here pangumpul pajak nihi ulun-ulun badosa,`tapi,hikmat nasamuah ulah gawian E." Peringatan gi ulun sa bakoi hakun harap²⁰Udi hio Yesus mulai ngeau kota-kota uneng Aye ngulah paling ajoh mukjizat gene here bakoi batobat. ²¹" Salaka lei kaon,Khorazim!,salaka lei kaon,Betsaida! gene,amun mukjizat-mukjizat sa haot jari ta helang kaon jari lei ta Tirus,Sidon,here haot lawah batobat nihi bapakaian kabung palus walenun. ²²Tapi,Kuki mawara gi kayo aye hio tangar andrau penghakiman,Tirus nihi Sidon sagar labih kiuh nanggung e tekei kayo.²³Balalu kayo,Kapernaum, sagar kah kayo na tampa ammau hampe langit? bakoi,kayo sagar na tampinau gi dunia ulun matei,gene amun mukjizat-mukjizat sa haot jari ta helang kaon hio jari ta Sodom,kota hio sagar tatap naan hampe andrau ina. ²⁴tapi,Kuki mawara gi kayo aye hio tangar andrau penghakiman,tane Sodom sagar labih tau nanggung e tekei kayo."Kelugaian gi ulun sa hawi nihi Yesus²⁵Tangar wayah hio Yesus mawara,"Kuki memuliakan Kayo,Ammah,Tuhan entu langit nihi Bumi,aye hio Kayo nyiok kaluhan iti tekei ulun-ulun sa bijaksana nihi panai,palus nampa hulet e pakai nakia-nakia halus. ²⁶oi,Ammah,gene sameh hio lei sa pas ta hadapan Kayo. ²⁷kaluhan hal haot na sarah gi Kuki ulah Ammah Kuki.Balalu bakoi erang kulun lei sa kataru Anak ,salain Ammah;bakoi erang kulun lei kataru Ammah salain Anak palus setiap ulun sa naaheng Sang Anak hio pakai nampa hulet e.²⁸Hawi bo gi Kuki,kaluhan sa kauyuhbalalu weat na tanggung e,palus Kuki sagar ngami kayo kalugaian. ²⁹pikul bo kuk sa napasang Kuki,balalu balajar lei nihi Kuki ulah Kuki lemah lembut balalu bakoi sakah,balalu kaon sagar kahaba kalugaian huang jiwa kayo. ³⁰gene kuk sa napasang Kuki hio murah palus beban Kuki neat bo."

Yesus aye hio Tuan entu andrau Sabat ¹Ta wayah hio,Yesus takia nangkah pulau gandum tangar andrau Sabat,balalu murid-murid kaluan,palus here mulai ngutik wusi-wusi gandum,palus nguta e. ²Tapi,katika ulun-ulun Farisi kakinni e ,here ngeau gi Aye,"inni,murid-muridNu ngagawi inon sa bakoi wuah ta andrau Sabat."³Tapi,Yesus mawara gi here,"mete piji lah kayo ngabaca inon sa na gawi Daud waktu aye nihi sa nutah aye kaluan, ⁴kalawe aye suluk gi huang Lewu Allah palus nguta roti persembahan sa bakoi tau gi aye pakai nakuta e, kalahio lei ulah ulun-ulun sa umma aye,kecuali ekat pakai here Imam?⁵Atau,mete piji lah kayo ngabaca huang hukum Taurat,aye hio tangar andrau Sabat,here Imam ta Bait Allah ngalangar Sabat palus here bakoi bahala? ⁶Tapi,Kuki mawara gi kayo aye hio sa labih hante tekei Bait Allah naan ta iti.⁷Tapi,amun kayo haot karasa arti e iti:`Kuki ngaheng belas kasihan palus bakoi persembahan,`kayo bakoi sagar suah ngahukum sa bakoi bahala. ⁸Gene,Anak Murunsia aye hio Tuhan entu andrau Sabat,"Yesus nyamare ta andrau Sabat⁹Udu tulak tekei aro,Yesus hampe ta Sinagoge here. ¹⁰Inni,naan erang kulun laki sa lumpuh tuhi tangan e.Balalu,here nane tekei Yesus,eau here,"inon kah na samuah pakai nyamare tangar andrau Sabat?" mat here tau nampahala Yesus.¹¹Balalu,Aye ngeau gi here,"Hie ulun e ta helang kaon sa naan baisi erang kikui domba,palus amun domba hio lawu gi huang tolong ta andrau Sabat,bakoilah aye sagar ngaweh e palus nampalua e? ¹²Kalawe lawit labih banilai e murunsia tekei erang kikui domba!gene hio,na samuah ngulah sa maeh ta andrau Sabat."¹³Udi hio,Yesus ngeau gi ulun hio,"sansolor tangan nu."ulun hio nyansolor tangan e balalu na samare sepenu e sameh tangan e sa lain. ¹⁴Tapi,ulun-ulun Farisi tulak tekei hio balalu bagabung nawan Aye,kala awe here tau nampatei Aye.Yesus,Hamba Pilihan Allah¹⁵Tapi,Yesus,katika karasa hal iti,tulak tekei hio.Banyak sa nutah Aye palus Aye nyamare here kaluhan, ¹⁶Balalu memperingatkan here mat bakoi ngulah Aye rasa ulun. ¹⁷Hal iti jari pakai nyansukup inon sa nahampe nangkah Nabi Yesaya:¹⁸"inni bo,hamba Kuki sa haot napidi Ku,sa na sayang Ku,sa gi Aye jiwaKu berkenan.Kuki sagar ngandak Roh Ku gi entu E,balalu Aye sagar nyantarang keadilan gi bangsa-bangsa lain.¹⁹Aye bakoi sagar nawan,atawa kamiak,balalu bakoi sagar naan erang kulun lei sa ngarengei lengan E ta lalan-lalan. ²⁰paring sa tepu bakoi sagar Aye nyamitus e,balalu sumbu sa ane pare bakoi sagar Aye nampatei e,hampe Aye ngulah keadilan manang, ²¹Balalu aran E,bangsa-bangsa lain sagar baharap,"Yesaya 42 : 1 - 4 Kuasa Berasal dari Roh Allah²²Udi hio erang kulun sa karasukan roh raat,sa pehe nihi bisu,na tunda gi Yesus.Balalu,Yesus nyamare e sehingga ulun sa pehe nihi bisu hio bapander nihi nginni. ²³kaluhan ulun jari ta dodor-dodor balalu nane," mungkin lah Aye iti Anak Daud?"²⁴Tapi,katika ulun-ulun Farisi ngarengei here ngeau,"ulun iti bakoi mungkin nulak roh-roh raat amun bakoi nihi Beelzebul,pemimpin roh-roh raat," ²⁵Yesus karasa aheng here balalu ngeau gi here,"Setiap kerajaan sa ta bagi-bagi nawan tenga e raerai,na tanan.Balalu,setiap kota atawa lewu sa ta bagi-bagi nawan tenga e raerai,bakoi sagar batahan.²⁶Balalu,amun iblis nulak iblis,aye ta bagi-bagi nawan tenga e raerai.Amun sameh hio,kalawe kerajaan e sagar batahan? ²⁷Balalu,amun Kuki,nulak roh-roh raat nihi Beelzebul,nihi hie kah anak-anaknu nulak here?gene hio,here sagar jari hakimnu.²⁸Tapi,amun nihi Roh Allah,Kuki nulak roh-roh raat,Kerajaan Allah haot hawi gi kayo. ²⁹Atau,kalawe erang kulun tau suluk gi lewu ulun sa gagah pakai marampok harata banda e amun aye bakoi nuruk dulu e ulun gagah hio?udi hio,japo aye kiuhngarampok lewu hio. ³⁰Hie bo sa bakoi hayak Kuki,nawan Kuki.balau hie bo sa bakoi mangumpul hayak Kuki,aye mapisah-pisah.³¹Gene hio,Kuki mawara gi kayo aye hio satiap dosa nihi sapa murunsia sagar naampuni,tapi sapa gi Roh bakoi sagar naampuni. ³²Balalu,hie bo sa ngantuh inon-inon sa nawan Anak Murunsia sagar naampuni,tapi hie bo sa bapander nawan Roh Kudus bakoi sagar naampuni,maeh ta wayah ina atau lei ta wayah sa sagar hawi. "kakau na santaru tekei wua e³³Amun kakau hio maeh,wua e sagar maeh lei.Atawa,amun kakau hio bakoi maeh wua e lei bakoi sagar maeh.Gene,kakau na santaru tekei wua e. ³⁴Uy,katurunan nipe haket,kalawe tau kayo sa jahat ngantuh isa maeh? gene balua tekei atei,wawa bapaner. ³⁵Ulun maeh nampalua hal-hal sa maeh tekei panatau e sa maeh,balalu ulun jahat nampalua hal-hal sa jahat tekei panatau e sa jahat.³⁶Tapi,Kuki mawara gi kayo aye hio satiap paner sa bakoi maeh,sa nantuh ulun,here sagar mempertanggung jawab e ta andrau penghakiman. ³⁷Gene ulah paneran nu,kayo sagar na samuah,palus gene paneran nu kayo na hukum. "Ulun Farisi nihi Ahli Taurat ngalako tanda³⁸Udi hio,papire ahli Taurat nihi ulun Farisi ngeau gi Yesus,"Guru,kami kakan ngini tanda tekei Kayo." ³⁹Tapi,Yesus ngajawab palus ngeau."Katurunan sa jahat palus bazina iti nupui isa tanda.balalu,bakoi sagar naan tanda sa naami gi here,kecuali tanda Nabi Yunus. ⁴⁰Gene,sameh nihi Yunus sa tangar wuntung kenah hante salawah telu andrau telu malem,kala hio lei Anak Murunsia sagar muneng salawah telu andrau telu malem huang wuntung bumi.⁴¹Ulun-ulun Niniwe sagar mindri hayak nihi katurunan iti ta penghakiman nihi sagar menghukum e gene here bertobat udi ngarengei khotbah Yunus.Balalu,inni,sa labih hante tekei Yunus naan ta iti.⁴²Ratu tekei selatan sagar buan hayak turunan iti ta andrau penghakiman nihi sagar nukum e gene aye hawi tekei iring bumi pakai ngarengei hikmat Salomo naan ta ina. Bahaya tekei kakosongan⁴³" waktu roh raat balua tekei murunsia,aye nangkah uneng-uneng sa baranu pakai nupui uneng istirahat,tapi bakoi kahalu. ⁴⁴Balalu aye ngeau,`kuki sagar waleng gi lewu kuki,uneng kuki balua.`balalu,hayak hampe,aye kahalu lewu hio kosong,haot na sapu,nihi saregep. ⁴⁵udi hio,roh raat hio tulak palus nunda hayak aye pitu roh lain sa labih jahat tekei aye,balalu here suluk palus muneng tangar hio.Akhir e,keadaan ulun hio jari lawit labih raat tekei sa mete e.kala hio lei sa sagar jari nihi katurunan sa jahat iti."⁴⁶Waktu Yesus rahat bapander nihi ulun ajoh,inni,ine nihi pulaksanai-pulaksanai E mindri tangar wading,bausaha mat basurah nihi Aye. ⁴⁷erang kulun mawara gi Aye,"ine nihi pulaksanai-pulaksanai Nu mindri tangar wading,bausaha basurah nihi Kayo."⁴⁸Tapi,Yesus ngajawab ulun sa nampe gi Aye hio palus ngeau,"hie lah ine Kuki nihi hie lah pulaksanai-pulaksanai Kuki? ⁴⁹Balalu,nelang ngansang tangan E gi tuhi murid-murid E, Yesus ngeau,"ina lah ine Kuki nihi pulaksanai-pulaksanai Kuki! ⁵⁰Ulah hie bo sa ngagawi aheng Amah Kuki sa naan ta Surga, aye lah pulaksanai Kuki laki,pulaksanai Kuki wawei,nihi ine Kuki."

Perumpamaan hal penabur ¹huang andrau hio,Yesus balua tekei lewu palus maharung iring danau. ²Balalu,ulun ajoh bakumpul gi Aye.Gene hio, Aye mambai gi jukung balalu maharung , palus ulun ajoh hio mindri iring danau.³Balalu,Aye nyurah ajoh hal gi here huang perumpamaan,eau E,"naan erang kulun penabur tulak lepuh mule, ⁴balalu waktu aye mule,papire umang lawu tangar iring lalan,wurung-wurung hawi palus nguta e hampe galis. ⁵umang sa lain lawu tangar uneng sa ba watu,sa bakoi ajoh tane e,palus hinang bo tumbu gene tane e bakoi lalem. ⁶tapi,hayak mate andrau hulet,tanaman hio wuah laing.Balalu,gene bakoi naan wakat,tanaman hio jari meang.⁷Umang sa lain lawu ta helang pulau runrui,balalu pulau runrui hio tumbu,palus napid e. ⁸tapi,umang sa lain lawu ta tane sa maeh nihi menghasilkan wua,naan sa jatuh kali lipat,naan sa enem pulu kali lipat,palus naan sa telum pulu kali lipat. ⁹Hie sa basilu,rengei bo aye ngarengei."Yesus ngajar nihi perumpamaan¹⁰Balalu,murid-murid Yesus hawi palus nane gi Aye,"Wuah inon Kayo mawara gi here huang perumpamaan?" ¹¹Yesus ngajawab here,"gi kaon haot na karuniakan pakai ngarasa rahasia Kerajaan Surga,tapi gi here bakoi na karuniakan. ¹²Gene,ulun sa naan,gi aye sagar na ami palus aye sagar bakalabihan.tapi,hie sa bakoi naan inon-inon,bahkan inon sa naan ta aye sagar naalap tekei aye.¹³Gene hio lah,Kuki bapander gi here huang perumpamaan gene waktu here nginni,here bakoi nginni,palus katika here ngarengei,here bakoi karengei,nelang bakoi paham. ¹⁴Hal here,na tampa ganap lah nubuat Yesaya sa ngeau,`nihi pangarengei,kayo sagar karengei,tapi bakoi sagar suah paham.Balalu,nihi nginni,kayo sagar nginni,tapi bakoi sagar paham.`¹⁵Gene atei bangsa iti haot mape,silu here koler pakai ngarengei,palus here nutup mate here.amun bakoi,pasti here kiuh nginni nihi mate here,ngarengei nihi silu here,palus kiuh paham nihi atei here,balalu waleng gi Kuki palus na samare.` Yesaya 6 : 9 - 10<sup>16</sup>Tapi,na berkati lei mate nu gene nginni palus silu nu gene karengei. <sup>17</sup>Kuki mawara sabujur e gi kayo aye hio ajoh Nabi nihi ulun-ulun wuah sa kakan nginni inon sa na inni kayo,tapi bakoi nginni e,balalu kakan ngarengei inon sa na rengei kayo,tapi bakoi ngarengei e."Penjelasan hal perumpamaan penabur<sup>18</sup>Ulah gene hio,rengei bo lah arti perumpamaan hal penabur. <sup>19</sup>katika ulun ngarengei Firman Kerajaan tapi bakoi mamaham e,sa jahat hawi ngarampas inon sa haot na bule huang atei ulun hio.Iti lah ulun sa umang e na bule tangar iring lalan.<sup>20</sup>naan lei sa ta bule tangar uneng sa bawatu - watu,iti lei ulun sa ngarengei Firman palus narime e nihi sanag atei, <sup>21</sup>tapi aye bakoi naan wakat huang tenga e balalu batahan tawelek bo.Balalu,waktu panindasan atawa pangahanang jari gene Firman hio, aye palus lawu.<sup>22</sup>Umang sa lawu tangar penah pulau runrui aye hio ulun sa karengei Firman hio,udi hio kagaer dunia nihi tipu daya katatau nyingkir Firman hio balalu bakoi ba wua. <sup>23</sup>Tapi,ulun sa umang e na bule ta tane sa maeh,iti lah ulun sa ngarengei Firman hio balau mamaham e.Aye lah sa bujur-bujur bawua palus bahasil, naan sa jatuh kali lipat,papire enem kali lipat,balalu telum pulu kali lipat."Perumpamaan hal rikut liar nihi Gandum<sup>24</sup>Yesus ngahampe perumpamaan sa lain e gi here, eau E ,"Kerajaan Surga hio kiuh na umpama lei sameh ulun sa ngamule umang sa maeh tangar allah e. <sup>25</sup>Tapi,salagi ulun-ulun mandre,musuh e hawi palus ngamule umang rikut ta helang umang gandum,palus tulak. <sup>26</sup>Waktu tanaman batunas nihi bainsoi,udi hio rikut hio timbul lei.<sup>27</sup>Balalu,walah-walah tekei sa ampun allah hio hawi palus nane gi Aye,`Tuan,bakoi lah kayo ngamule umang sa maeh tangar allah nu?balalu,tekei awe lah hawi e rikut hio?` <sup>28</sup>Aye ngeau gi here,`erang kulun musuh haot ngulah e.`balalu,walah-walah hio ngeau gi Aye,`inon kah Kayo kakan kami tulak balalu ngumpul e?`<sup>29</sup>Tapi,Tuan hio ngeau,`ada ! gene,katiak kayo mangumpul rikut-rikut hio,tau bo kayo munat gandum hio hayak e. ³⁰elah e bo kararueh e tumbu sasameh hampe wayah masi, balalu tangar waktu masi , kuki sagar ngeau gi here sa ngamule,"sa kaisa,na kumpul bo rikut-rikut hio palus huruk bo huang kakumpulan mat na tutung.Tapi,kumpul lei gandum gi huang palunnu kuki. " Kerajaan Allah sameh insoi sesawi nihi Ragi³¹Udi Yesus ngesah perumpamaan sa lain gi here,eau E,"Kerajaan Surga hio sameh insoi sesawi sa naalap ulun palus na bule ta allah e. ³²insoi hio aye hio sa paling halus tekei kaluhan masam umang,tapi katika tummu,aye labih hante tekei kaluhan masam sayuran,bahkan jari kakau kayu sehingga wurung-wurung ta langit hawi palus ba hanai tangar jangkeng-jangkeng e."³³Udi hio Yesus ngesah isa perumpamaan sa lain gi here,"Kerajaan Surga hio sameh ragi,sa ulah wawei naalap balalu na tampa suluk gi huang kalutan tepung sa ajoh telu sukat hampe kaluhan kalutan hio ta sampur ragi.³⁴Kaluhan hal iti na eau Yesus gi ulun ajoh huang perumpamaan-perumpamaan,balalu Aye bakoi bapaner gi here bakoi perumpamaan. ³⁵nihi hio,na genep lei inon sa nahampe nangkah Nabi,"Kuki sagar nguka wawa huang perumpamaan-perumpamaan,Kuki sagar ngantuh hal-hal sa nasiok tekei dunia na sanyari."Mazmur 78:2 Perumpamaan hal rikut liar tangar allah³⁶Udi hio,Yesus nanan ulun ajoh hio balalu suluk gi lewu.Palus murid-murid E hawi gi Aye balalu,"na jelas bo gi kami perumpamaan hal rikut-rikut ta allah." ³⁷Balalu, jawab E," ulun sa ngamule umang sa maeh aye hio Anak Manusia, ³⁸balalu allah hio aye hio dunia iti.umang sa maeh aye hio anak-anak Kerajaan,palus rikut aye hio anak-anak sa jahat, ³⁹balalu musuh sa ngamule e aye hio iblis,balalu musim masi hio aye akhir zaman,palus here sa masi hioaye hio Malaikat.⁴⁰Jari,sameh nihi rikut sa nakumpul balalu na tutung huang apui,ka hio lei sa sagar jari tangar akhir zaman. ⁴¹Anak murunsia sagar mangutus here Malaikat E,balalu here sagar mangumpul kaluhan watu sandungan hayak ulun-ulun sa ngulah kajahatan tekei Kerajaan E, ⁴²balalu sagar nawut e gi tungku apui.tangar hio sagar naan tangis an nihi karutup dipen. ⁴³Udi hio,ulun-ulun wuah sagar ba mara ai sameh mate andrau huang Kerajaan Amah here.Hie sa basilu,elah lei aye ngarengei."Kerajaan Surga sameh panatau⁴⁴"Kerajaan Surga aye hio sameh panatau sa nasiok tangar allah,sa na halu ulun,balalu na siok lagi.Balalu gene kasanang atei e,aye tulak,matang kaluhan sa naan ta aye,palus midi allah hio. ⁴⁵hindra lagi,Kerajaan Surga aye hio sameh erang kulun pedagang sa nupui mutiara sa maeh. ⁴⁶waktu aye kahaba isa mutiara sa banilai entu,aye tulak palus matang kaluhan sa naan ta aye,balalu midi mutiara hio."Kerajaan Surga sameh lunta sa penu kenah⁴⁷Kala hio lei,Kerajaan Surga aye hio sameh lunta sa na timbai gi huang laut,balalu ngumpul ajoh kenah, ⁴⁸katika lunta hio penu,here narik e gi pampang balalu maharung,balalu ngumpul kenah-kenah sa maeh gi huang karanjang-karanjang hante,tapi ngumpe sa bakoi maeh.⁴⁹Jari,hio lah sa sagar jari tangar akhir zaman.Here Malaikat sagar balua balalu nampisah sa jahat tekei ulun-ulun wuah, ⁵⁰palus nawut ulun-ulun jahat hio gi huang tungku apui.Ta uneng hio sagar naan ratapan nihi karautup dipen.⁵¹Haotlah kayo paham mat kaluhan iti?"here ngeau gi Aye,"oi". ⁵²Balalu,Yesus ngeau gi here,"gene hio,setiap ahli Taurat sa haot jari murid Kerajaan Surga,aye sameh ulun ampun lewu sa nampalua panatau e sa bio palus sa lawah tekei panatau e."Yesus na tulak tangar kota asal E ⁵³Katika Yesus haot nyanyari perumpamaan-perumpamaan hio,Aye tulak tekei hio.⁵⁴Balalu,katika Aye hampe ta kota asal E, Aye ngajar tangar Sinagoge-sinagoge here balalu heredodor palus ngantuh,"tekei awe ulun ina kahaba kebijaksanaan nihi mujizat-mujizat iti? ⁵⁵Bakoi lah Aye iti anak erang kulun tukang kayu?bakoilah ine E naantuh Maria,balalu pulaksanai-pulaksanai E aye hio Yakobus,Yusuf,Simon nihi Yudas? ⁵⁶bakoi lah pulaksanai-pulaksanai E sa wawei naan nihi takam? balau tekei awe ulun ina kiuh kaluhan hal sameh iti ?"⁵⁷Balalu,here tasinggung ulah E.Tapi,Yesus ngeau gi here,"Erang kulun Nabi bakoi lah bakoi na hormati,kecuali tangar uneng asal E nihi ta lewu E raerai." ⁵⁸Balalu,Aye bakoi ngualh ajoh mujizat ta aro gene here bakoi harap.

Herodes ngarengei kabar hal Yesus ¹ta wayah hio,Herodes Raja wilayah,ngarengei kabar-kabar hal Yesus. ²Balalu,aye ngeau dapot walah-walah e," iti lah Yohanes pangapandrus.Aye haot buan tekei helang ulun matei palus gene hio mujizat-mujizat iti bagawi huang E,"kejadian kapateian Yohanes pangapandrus⁵³Gene,Herodes haot nyaput Yohanes,nuruk e,palus nampasuluk aye gi penjara ulah Herodias,harau Filipus,pulaksanai Herodes. ⁴gene Yohanes piji ngeau gi aye,"bakoi maeh gi kayo ngalap Herodias." balalu,biar lei Herodes kakan munu Yohanes,aye takut nihi ulun ajoh gene here nganggap Yohanes Nabi.⁶Tapi,katika andrau ulang taun Herodes hampe,anak wawei Herodias manari tangar hadapan here,balalu hio nampasanang atei Herodes, ⁷hampe aye basumpah pakai ngami inon bo sa sagar nalako wawei hio.⁸Balalu,udi na paksa ulah ine e,wawei hio ngeau,"ami bo gi kuki ta iti,ulu Yohanes pangapandrus tangar talam." ⁹biar lei Raja mahanang atei,tapi gene sumpah e nihi gene ulun-ulun sa kuman hayak aye,aye nuyu lei mat hio naami.¹⁰Aye nuyu mat netek ulu Yohanes ta penjara. ¹¹Balalu,ulu Yohanes na tunda tangar entu talam,naami lei gi wawei hio palus aye nunda e gi ine e. ¹²Udi hio,murid-murid Yohanes hawi,ngalap tenga e,palus ngogang e,balalu,here tulak palus mawara gi Yesus. "dime roti nihi rueh kenah mat gi dime ribu ulun¹³Katika Yesus ngarengei hal iti,Aye tulak tekei hio nihi jukung,gi uneng sa suni ngareerai.Balalu,ulun-ulun ngarengei iti,here nutah E nihi takia pee tekei kota - kota. ¹⁴Katika Yesus balua,Aye nginni ajoh ulun,balalu kaahi nihi here,balalu nyamare panyakit here.¹⁵waktu andrau kakan kamalem,here murid hawi gi Yesus palus ngeau,"uneng iti suni balau andrau haot kakan kamalem.huyu bo ulun ajoh hio gi tumpuk-tumpuk nihi midi nakuta pakai here raerai."¹⁶Tapi,Yesus ngeau gi here,"here bakoi ngatah tulak . Kayo,sa ngami here kuman." ¹⁷here ngeau gi Aye,"tangar iti bakoi naan inon-inon,ekat dime roti nihi rueh kenah." ¹⁸Balalu,Aye ngeau,"tunda bo hio gi ina,gi Kuki."¹⁹Udi hio,Aye nunyu ulun ajoh hio maharung tangar rikut,palus Aye ngalap dime roti nihi rueh kenah hio,balalu nelang nginni gi langit,Aye ngantuh syukur palus muhi-muhi roti hio.Udi hio,Aye ngami e gi murid-murid E,balalu murid-murid E gi ulun ajoh. ²⁰Balalu,here kaluhan kuman hampe wising,palus here ngalap puhian-puhian sa tisai,naan rueh belas panuk penu. ²¹Balalu,here sa kuman kakiraan dime ribu ulun laki,mete tamasuk wawei nihi hadi nakia. "Yesus takia tangar entu ranu²⁴²²Yesus hinang manggasak murid-murid E suluk gi huang jukung balalu tulak ngadahulu E gi sabarang,sadang Aye nunyu ulun ajoh mudi. ²³Balalu,udi Yesus nunyu ulun ajoh hio mudi,Aye mambai gi entu gunung raerai balalu berdoa ta aro. Tapi,jukung hio haot lawit tekei pampang,na ombang ambing lei ulah gelombang gene nawan angin.²⁵Balalu,tangar jam epat malem hio,Aye hawi gi here,takia ta entu ranu. ²⁶katika here murid ngini E takia ta entu ranu,here takut tuu palus kamiak,"hio panguluh!"balalu,here kamiak kamakai gene takut. ²⁷Tapi,Yesus palus bapander nihi here,eau E"natamape lei atei kaon!iti Kuki,ada takut."²⁸Balalu,Petrus ngeau gi Aye,"Tuhanamun hio Kayo,huyu lei kuki hawi gi Kayo ta entu ranu." ²⁹Yesus ngeau,"hawi bo!"balalu,Petrus balua tekei jukung,palus takia ta entu ranu,balalu hawi gi Yesus. ³⁰Tapi,katika nginni angin,aye mulai takut palus mulai leteng.aye kamiak,"Tuhan,awat nyalamat Kuki!"³¹Yesus palus nyolor tangan E,negei Petrus,balalu ngeau,"kayo sa kurang harap,wuah inon kayo ragu-ragu?" ³²katika here suluk gi huang jukung,angin lei tadoh. ³³Udi hio,here sa naan tangar huang jukung nyambah Yesus palus ngeau,"sabujur e, Kayo itilah Anak Allah!"Yesus nyamare ulun sakit³⁴Udi nyabarang,here hampe gi tane Genesaret. ³⁵katika ulun-ulun tangar hio kataru Aye,here mawara gi kaluhan daerah hio balalu nunda kaluhan ulun sa sakit nutah Yesus. ³⁶here lako nihi Yesus mat tau negei puting jubah E,balalu kaluhan ulun sa negei jari kaoh.

Hukum Allah nihi tradisi murunsia ¹Udi hio,papire ulun Farisi nihi ahli-ahli Taurat tekei Yerusalem hawi gi Yesus balau ngeau, ²"Wuah inon murid-muridNu ngalanggar tradisi itak buyut?gene,here bakoi mui tangan waktu kuman roti!" ³Balalu,Yesus ngajawab palus ngeau gi here,"balalu wuah inon ngalanggar perintah Allah gene tradisi nu?⁴Gene Allah berfirman,`hormati lah ammah nihi ine nu,`balalu hie sa nyapa ammah atawa ine e,harus na hukum matei.` <sup>5</sup>tapi,kayo ngeau,"hie bo sa ngeau gi ammah atawa ine e,`inon sa naan na ami gi kayo haot naami gi Allah," ⁶aye bakoi perlu ngahormat ammah atawa ine e,nihi kala hio,kayo ngabatal Firman Allah gene tradisinu.⁷Kayo,ulun-uln munafik,mula bujur nubuatan Yesaya gene kayo: ⁸bangsa iti mahormati Kuki nihi wawa here,tapi atei here lawit tekei Kuki. ⁹Balalu,sia-sia here menyembah Kuki nihi ngajar perintah-perintah murunsia."¹⁰Balalu,Yesus nerau ulun ajohpalus ngeau,"rengei balau napaham! ¹¹bakoi inon sa suluk gi huang wawa sa manajis kan ulun,tapi inon sa balua tekei wawa e,itilah sa manajiskan ulun."¹²Udi hio,murid-murid Yesus hawi palus nane nihi Aye,"karasa lah Kayo aye hio ulun-ulun Farisi tasinggung waktu ngarengei pamaneran iti?" ¹³Tapi,Yesus ngajawab palus ngeau,"setiap tanaman sa bakoi nabule ulah Ammah Kuki sa tangar Surga sagar na bunat hampe gi wakat-wakat e. ¹⁴Elah bo here.here aye hio penuntun-penuntun pehe tekei ulun pehe.¹⁵Petrus ngeau gi Aye," na jelas bo perumpamaan hio gi kami." ¹⁶Yesus ngeau,"inon ksh kayo mete paham lei? ¹⁷inon kah kayo bakoi mamaham aye hio kaluhan isa suluk gi huang wawa sagar minau gi wuntung balalu na umpe gi jamban?¹⁸Tapi,inon sa balua tekei wawa timbul tekei atei,balalu hio lah sa manajiskan ulun. ¹⁹gene tekei atei timbul pikiran-pikiran sa jahat,pamunu,perzinahan,dosa-dosa seksual,pangalat,panamposo,palus pitnah. ²⁰Hal-hal hio lah sa manajiskan ulun,tapi kuman bakoi mui tangan bakoi manajiskan ulun."Yesus ngawat wawei Kanaan²¹Udi hio,Yesus tulak nekai hio palus mahulu gi daerah Tirus nihi Sidon. ²²Balalu,erang kulun wawei Kanaan sa nekei daerah hio hawi palus kamiak,"ahi bo kuki,Tuhan,Anak Daud! anak kuki wawei karasukan roh jahat tamam tuu." ²³Tapi,Yesus bakoi ngajawab wawei hio,isa wusi lei.palus murid-murid E hawi mandasak Aye," huyu bo aye tulak gene aye kamiak tarus ta lutuk takam."²⁴Balalu Aye ngajawab here nihi ngeau,"Kuki ekat na utus gi domba-domba sa jawoh tekei umat Israel." ²⁵Udi hio,wawei hio nutah palus sujud ta hadapan Yesus,eau e,"Tuhan awat bo Kuki!" ²⁶Tapi,Yesus ngajawab palus ngeau,"bakoi maeh ngalap roti ampun nakia-nakia palus nawut gi tahu-tahu."²⁷Wawe hio ngajawab,"Bujur,Tuhan,tapi tahu-tahu hio kuman garabak-garabak sa lawu tekei meja ampu e." ²⁸Udi hio,Yesus ngeau gi aye,"ui wawei,iman nu hante! jari lah gi kayo sameh kaaheng kayo."waktu hio lei,nakia wawei e kaoh. "Yesus nyamare ulun ajoh²⁹Yesus tulak tekei hio,netei pampang danao Galilea.Balalu,udi mambai gi entu bukit,Aye maharung ta aro. ³⁰Udi hio,kumpulan ulun ajoh hawi nutah Aye,nunda ulun-ulun lumpuh,cacat,pehe,bisu palus ulun ajoh lain e.balau here nampakading ulun-ulun hio tangar pee Yesus balalu Aye nyamare here, ³¹hampe ulun ajoh hio dodor katika here nginni ulun bisu tau bapanner,sa cacat kaoh,sa lumpuh takia,balalu sa pehe kakinni.Balalu here nyanawat Allah Israel. "Yesus ngami kuman gi labih epat ribu ulun ³²Balalu,Yesus nerau murid-murid E palus ngeau,"Kuki kaahi nihi ulun-ulun hio gene here haot nampahayak Kuki salawah telu andrau nihi bakoi naan nakuta.palus,Kuki bakoi kakan nuyu here mudi kaluan mat here ada pisan tangar lalan." ³³Udi hio,here murid ngeau gi Aye,"tekei awe takam sagar kahalu roti sa ajoh ta uneng suni iti namising ulun sa ajoh tuu iti." ³⁴Yesus nane gi here,"pire ka ngajoh roti saampun kayo?"here ngajawab,"pitu,nihi papire kenah halus." ³⁵ Balalu,Yesus nuyu ulun ajoh hio maharung tatane.³⁶Udi hio,Aye ngalap kapitu roti hio nihi kenah-kenah hio. Balalul,nelang ngantuh syukur,Aye mambagi-bagi e,balalu ngami e gi murid-murid E,palus murid-murid E ngami gi ulun ajoh hio. ³⁷here kaluhan kuman nihi wising.balalu,here ngumpul pulakan-pulakan tisai e,naan pitu panuk penu. ³⁸here sa kuman naan epat ribu ulun laki,bakoi tamasuk wawei nihi hadi nakia. ³⁹udi nuyu ulun ajoh hio mudi,Yesus suluk gi jukung balalu tulak gi daerah Magadan.

Ulun Farisi nihi ulun Saduki mancoba Yesus ¹Udi hio,ulun-ulun Farisi nihi Saduki hawi mat mancobai Yesus.here lako mat Yesus nampa inni gi here isa tanda tekei Surga. ²Tapi,Yesus ngajawab,"waktu sanya,kayo ngeau,`andrau maeh gene langit mariang.`³Balalu,waktu andrau kiat,`andrau iti sagar naan angin mehet gene langit mariang nihi mieng.`kayo kataru kalawe mambeda rai langit,tapi bakoi sanggup membedakan tanda-tanda zaman. ⁴isa turunan sa jahat nihi penzina iti lako isa tanda,tapi isa tanda lei bakoi sagar naami gi aye,kecuali tanda Nabi Yunus."balalu,Aye nanan here palus tulak. 'Penjelasan hal ragi ulun Farisi nihi Saduki⁵Katiak murid-murid hampe ta sabarang danau,here koi ingat nunda roti. ⁶Balalu,Yesus ngeau gi here,"perhati lei nihi waspada bo nihi ragi ulun-ulun Farisi nihi Saduki." ⁷Balalu,here mulai nyurah hal hio nihi here sameh here palus ngeau,"iti gene takambakoi nunda roti." ⁸tapi,Yesus karasa hal hio balalu ngeau, "ui ulun sa kurang iman,wuah inon kayo nyurah nihi sameh kaon raerai hal koi naan roti?⁹Inon lah kayo masih mete paham jua,bakoi ingat nihi dime roti pakai dime ribu ulun,balalu pire kangajoh panuk tisai e sa na kumpul kayo? ¹⁰Atawa,pitu roti gi epat ribu ulun,balalu pire panuk tisai e sa nakumpul kayo?¹¹Kalawe lah kayo bakoi paham aye hio Kuki bakoi rahat basurah gi kayo hal roti? tapi ,waspada bo nihi ragi ulun-ulun Farisi nihi Saduki." ¹²Udi hio,here paham aye hio Aye bakoi ngantuh mat waspada nihi ragi roti,tapi nihi ajaran ulun-ulun Farisi nihi Saduki." Yesus aye hio Mesias"¹³Katika Yesus hampe tangar daerah Kaiseria Filipi,Aye nane gi murid-murid E,"manurut eau ulun,hie lah anak murunsia hio?" ¹⁴here ngajawab,"papire ngeau Yohanes pangapandrus,sa lain ngeau Elia,balalu sa lain lagi ngeau Yeremia,atawa isa tekei here Nabi." ¹⁵Balalu, Yesus nane tekei here,"Tapi manurut kayo,hie lah Kuki iti?" ¹⁶Simon Petrus ngajawab,"Kayo hio Mesias,Anak Allah sa welum!"¹⁷Yesus ngeau gi aye,"na berkati lah kayo,Simon anak Yunus,gene bakoi tekei lunek nihi ira sa nyantarang iti gi kayo,tapi Ammah Kuki sa ta Surga. ¹⁸Balalu,Kuki lei ngantuh gi kayo aye hio kayo Petrus.balalu tangar entu watu iti,Kuki sagar nabuan jemaat Kuki palus gerbang-gerbang Hades bakoi sagar menguasai e.¹⁹Kuki sagar ngami kunci-kunci Kerajaan Surga.balalu,inon bo sa nahuruk kayo ta bumi sagar ta huruk ta surga.Balalu,inon bo sa nalapas kayo ta bumi sagar talapas tangar surga." ²⁰Balalu,Yesus nampaingat gi murid-murid mat bakoi mamander gi hie-hie aye hio Aye Mesias. "Yesus mawara hal kapateian E²¹Nekei waktu hio,Yesus mulai nampa inni gi murid-murid E aye hio Aye harus tulak gi Yerusalem palus rara ajoh hal tekei here matueh-matueh,imam-imam kepala,atau lei ahli-ahli Taurat,balalu na wunu palus na tamuan ta andrau ka telu. ²²Udi hio,Petrus nyujut Yesus gi pampang,nyompo E,palus ngeau,"Tuhan,mudahan Allah nampalawit hal hio tekei Kayo!hal iti bakoi sagar suah jari gi Kayo." ²³Tapi,Yesus ngulik palus ngeau gi Petrus,"tulak bo tekei hapa Kuki,ui iblis!kayo hio watu santukan gi Kuki gene kayo bakoi²⁴Udi hio Yesus ngeau gi murid-murid E,"amun naan sa kakan nutah Kuki,aye harus nawan tenga e raerai,mamikul salib e,nihi nutah Kuki. ²⁵gene hie sa hamen nyalamat kan nyawa e sagar kajawohan nyawa e.tapi hie sa kajawohan nyawa e gene Kuki,aye sagar kakiyuh e. ²⁶Inon untung e amun erang kulun kakiyuh kaluhan dunia,tapi kajawoh nyawa e ?atawa,inon sa tau erang kulun ngami mat ngaganti nyawa e ?²⁷Gene,Anak Murunsia sagar hawi huang kemuliaan Ammah E hayak nihi here Malaikat E palus udi hio sagar ngabalas tiap ulun manurut gawian e. ²⁸Kuki mawara sabujur e gi kayo,naan papire ulun sa mindri tangar ina sa bakoi sagar nginam matei hampe here kakinni Anak Murunsia hawi huang Kerajaan E."

²Yesus na inni hayak Musa nihi Elia ¹Enem andrau udi hio,Yesus nunda Petrus,Yakobus,nihi Yohanes pulaksanai Yakobus,balalu nunda here mambai gi gunung sa entu raerai. Balalu,Yesus barubah rai mate e ta hadap here,rai mate E maraai sameh mate andrau balalu lamma E jari mahilak sameh cahaya.³Balalu,inni,kainni an bo gi here Musa nihi Elia,rahat basurah nihi Yesus. ⁴Petrus ngeau gi Yesus,"Tuhan, maeh lah gi takan mat naan tangar iti,kuki sagar napindri telu kemah ta iti,isa gi Kayo,isa gi Musa balalu isa gi Elia."⁵Katika Petrus masih basurah,isa awan sa tarang nyanungen here,balalu inni,naan lengan tekei huang awan hio ngeau,"Iti lah AnaKuki sa na sayang Kuki,gi Aye lah Kuki berkenan.rengei bo Aye." ⁶Waktu murid-murid ngarengei iti,here ta suntup nihi rai hampe gi tane palus takut tuu. ⁷Tapi,Yesus hawi balalu nyantuk here,eau E," buan bo ada takut." ⁸katika here nguka mate here,here bakoi kakinni hie lei,kecuali Yesus kakarep.⁹Waktu here minau tekei gunung,Yesus nuyu lei gi here,eau E,ada nyurah panginni hio gi hie lei hampe Anak murunsi na tamuan tekei helang ulun matei." ¹⁰Balalu,murid-murid nane tekei Aye," balalu,wuah inon ahli-ahli Taurat ngeau aye hio Elia harus hawi labih dahulu?"¹¹Yesus ngajawab,"Elia mula hawi labih dahulu palus sagar nangkaeh kaluhane. ¹²Tapi,Kuki ngeau gi kayo bahwa Elia haot hawi,tapi here bakoi ngataru e palus ngulah aye sameh aheng here.Kalahio lei Anak Murunsia sagar rara tangar tanga here. ¹³"Udi hio,here murid paham aye hio Aye bapander gi here hal Yohanes Pangapandrus. "Erang kulun nakia na bebas kan tekei roh jahat¹⁴Katika Yesus nihi murid-murid waleng gi ulun ajoh,erang kulun laki hawi gi Yesus palus suntup ta hadap Aye nelang ngeau, ¹⁵"Tuhan,lako ahi gi anak kuki gene aye sakit ayan balalu rara tuu.aye gaha lawu gi huang apui nihi huang ranu. ¹⁶kuki haot nunda aye gi murid-murid Kayo,tapi here bakoi kiuh nawas aye."¹⁷Yesus ngajawab,"ui,kaon katurunan sa bakoi harap nihi tawang!pire kalawah lagi kuki sagar muneng hayak kaon?pire kalawah lagi kuki harus sabar nadap kaon?tunda bo nakia hio gi Kuki." ¹⁸maka Yesus nyampengar roh jahat hio hampe balua tekei nakia laki hio,balalu naki hio kaoh waktu hio lei.¹⁹Udi hio here murid hawi gi Yesus,katika here kakarep nihi Aye palus nane",wuah inon kami bakoi kiuh nulak roh jahat hio?" ²⁰Eau E gi here,"gene iman nu sa halus.Kuki mawara sa bujur e gi kayo,amun kayo naan iman sakahante insoi sasawi bo,maka kayo kiuh ngeau gi gunung iti,`pindah bo tekei iti gi aro!`balalu gunung iti sagar pindah.bakoi naan sa mustahil gi kayo. ²¹(tapi,roh jahat masam iti ekat kiuh na tulaknihi doa palus puasa.") "Yesus nyrah hal kapateian E²²Katika Yesus nihi murid-murid E rahat bakumpul tangar wilayah Galilea,Aye ngeau gi here,"Anak Murunsia sagar na sarah gi tangan murunsia, ²³Balalu here sagar munu Aye,palus Aye sagar na tamuan ta andrau sa katelu."Balalu,here murid E jari mahanang atei tuu." Pengajaran hal ngabayar pajak²⁴waktu here hampe ta Kapernaum,here pangumpul pajak rueh Dirham hawi gi Petrus palus nane,"inonkah guru nu bakoi ngabayar pajak rueh dirham?" ²⁵Petrus ngajawab,"oi"katika aye suluk gi huang lewu,Yesus terlabih dahulu nyurah gi aye,"kala awe pendapat nu,Simon? tekei awe lah raja-raja dunia iti managih bea nihi pajak? tekei anak-anak e atau tekei ulun lain?"²⁶Katika Petrus ngajawab,"tekei ulun lain",Yesus ngeau gi aye,"amun kala hio,anak-anak e bebas. ²⁷tapi,mat takam bakoi manyinggung here,tulak bo gi danau palus tawut bo wintan.alap bo kenah sa pertama wuah palus waktu kayo nguka wawa e,kayo sagar kahaba sakeping stater.alap bo duit hio balalu ami bo gi here,gi Kuki nihi gi Kayo."

Hie sa panga hante huang Kerajaan Surga ? ¹ta wayah hio,murid -murid hawi nutah Yesus palus nane,"hie lah sa panga hante huang Kerajaan Surga?" ²Balalu,Yesus nerau erang kulun nakia halus nutah Aye,balau ngandak nakia hio ta peneh-penah here, ³balalu ngeau,"Kuki mawara sa bujur e gi kayo,kecuali kayo bertobat palus jadi sameh nakia-nakia,kayo bakoi sagar suluk gi huang Kerajaan Surga.⁴hie sa marendah kan tenga e sameh nakia iti aye hio sa panga hante huang Kerajaan Surga. ⁵Balalu,hie sa narime nakia halus sa isa iti huang aran Kuki,aye narime Kuki."peringatan hal panyabab dosa ⁶"Tapi,hie sa nyantawang isa tekei nakia-nakia halus sa harap gi Kuki iti,lebih maeh gi aye amun watu kilangan na gonteng tangar diung e balalu na saneteng gi laut sa paling lalem.⁷Salaka lah dunia gene payantawang-panyantawang sa naan ta huang e!gene,panyantawangan mula harus jari,tapi salakalah ulun sa nampahawi e. ⁸amun tangan atawa pee nu ngualh kayo badosa,tetek balalu umpe bo hio.labih maeh gi kayo suluk gi huang welum nihi kutung atawa kepa tekei naan rueh tangan nihi rueh pee,tapi naumpu gi huang apui sa kekal.⁹Amun mate nu ngulah kayo badosa,sungkil palus umpe bo hio.labih maeh kayo suluk gi huang welum nihi isa mate,tekei naan rueh mate tapi naumpe gi huang apui neraka."¹⁰"perhati kan bo,ada kayo maremeh kan isa tekei nakia-nakia halus iti.gene,Kuki ngeau gi kayo aye hio Malaikat-malaikat here ta Surga ngulik tarus rai Ammah Kuki sa ta Surga. ¹¹(gene,Anak Murunsia hawi pakai manyalamat ulun sa jawoh.) "Perumpamaan hal domba sa jawoh¹²Kala awe manurut kayo ? amun erang kulun baisi 100 ikui domba,tapi sa isa tekei here tawang,bakoi lah ulun hio nanan sa 99 ikui tangar gunung balalu tulak ngalupui isa sa tawang hio? ¹³Balalu,amun aye kahaba e,sabujur e Kuki mawara gi kayo,aye labih sanang gene isa sa tawang hio tekei 99 sa bakoi tawang. ¹⁴Kala hio lei, bakoi lah aheng Ammah nu sa ta Surga amun erang kulun tekei nakia-nakia halus iti binasa."Manesihati ulun sa bahala¹⁵"amun pulaksanai nu berdosa,tulak palus nawara kesalahan e,kayo nihi aye kakareb.amun aye ngarengei eau kayo,kayo haot kahaba pulaksanai nu. ¹⁶tapi,amun aye bakoi ngarengei kayo,tunda isa atawa rueh ulun lagi nihi kayo mat nihi wawa tekei rueh atawa telu ulun saksi,setiap pamaneran na tetap kan.¹⁷amun aye bakoi kakan ngarengei here,surah bo hal hio gi Jemaat.balalu,amun aye bakoi kakan ngarengei Jemaat,elah bo aye jari sameh bangsa-bangsa lain nihi pangumpul pajak.¹⁸Kuki mawara sabujur e gi kayo aye hio inon sa nahuruk kayo tangar bumi sagar tahuruk lei ta Surga.balalu,inon sa nalapas kayo tangar bumi sagar talapas lei ta Surga." ¹⁹Hindra lagi,Kuki mawara gi kayo aye hio amun rueh kulun ta antara kaon sapakat tangar bumi mengenai hal sa nalako here,hal hio sagar jari gi here ulah Ammah Kuki ta Surga. ²⁰gene, ta uneng rueh atawa telu ulun bakumpul sasameh huang aran Kuki,Kuki naan ta penah-penah here. "perumpamaan hal pengampunan²¹Udi hio,Petrus hawi gi Yesus palus nane,"Tuhan,sapire ka gaha seharus e kuki mengampuni pulaksanai Kuki sa badosa nihi kuki? hampe 7 kali? ²²Yesus ngeau gi aye,"Kuki bakoi ngeau gi kayo hampe 7 kali tapi hampe 7 kali 7 kali.²³gene hio lah,Kerajaan Surga na umpamakan sameh erang kulun raja sa ngulah perhitungan nihi here walah e. ²⁴waktu aye mulai ngulah perhitungan, ulun sa ba utang sa ajoh 10.000 talenta na tunda gi aye. ²⁵gene aye hio bakoi kiuh mambayar utang e,ampu e nuyu mat aye na batang palus namput harau nihi anak-anak e,namput lei kaluhan sa ampun aye,palus nihi hio lah aye bayar e.²⁶Balalu,walah hio suntup nihi manyembah ampu e,eau e,`basabar lah nihi kuki balalu kuki sagar ngabayar kaluhan e gi kayo.` ²⁷Udi hio,ampu tekei walah hio kaahi,palus nga bebas aye,palus ngami ampunan gi utang e hio.²⁸tapi,waktu walah hio balua aye panalu nihi walah lain sa bautang 100 dinar nihi aye,aye nyaput palus ngeat walah hio,balalu ngeau,`bayar waleng duit sa na utang nu tekei kuki!` ²⁹balalu,walah sa bautang hio suntup nihi ngalako gi aye, eau e,`basabar bo nihi kuki palus kuki sagar ngabayar kaluhan e gi kayo.`³⁰tapi,aye bakoi kakan narime balalu nampasuluk hengau e hio gi panjara hampe aye hio ngalunas kaluhan utang e. ³¹katika walah-walah sa lain kakinni kejadian hio,here jari mahanang atei balalu hawi ngalapor gi ampu e mengenai kaluhan sa terjadi.³²Udi hio,ampu e nerau walah sa pertama hio balalu ngeau gi aye,`kayo walah sa jahat. Kuki mangampuni kaluhan utang kayo gene kayo ngalako gi Kuki. <sup>33</sup>Bakoi lah kayo seharus e naan kaahi gi sasameh nu walah,sameh kuki haot nampainni kaahi gi kayo?`³⁴Balalu,ampu e,nihi penu kasangit e,manyarah aye gi here sa nyiksa aye hampe aye kiuh ngabayar waleng kaluhan sa na tampa utang gi aye. ³⁵Amah Kuki tangar Surga lei sagar ngulah hal sa sameh gi kayo,amun kayo bakoi mangampuni pulaksanai nu tekei huang atei nu."

Pengajaran hal sarak tuar ¹Katika Yesus haot nyanyari paneran-paneran iti,aye tulak tekei Galilea balalu hampe tangar wilayah Yudea,ta sabarang hungei Yordan. ²Balalu,kumpulan hante ulun ajoh nutah Aye,balalu Aye nyamare here ta aro.³papire ulun Farisi hawi gi Yesus pakai mancoba Aye palus nane,"inon kah na samuah pakai laki gi nanpasarak harau e nihi ajoh sabab?" ⁴Balalu,Yesus ngajawab palus ngeau,"bakoi lah lah kayo ngabaca aye hio Aye,sa ngulah here tekei asal,ngajari here laki nihi wawei,⁵Balalu Aye ba Firman,` gene hio,laki harus nanan ammah e nihi ine e,balalu jari isa nihi harau e,palus here rueh hio sagar jari isa tenga`? ⁶Jari,here bakoi lagi rueh,tapi isa tenga.gene hio inon sa haot napakisa Allah,marunsia bakoi tau nampisah e."⁷Here ngeau gi Yesus,"balalu wuah inon Musa nuyu mat ngami surat sarak nihi nampasarak harau?" ⁸Yesus ngeau gi here,"gene kakape atei kayo,Musa ngijin kayo nampasarak harau nu.tapi,nekei asal e bakoi lei kala hio. ⁹balalu,Kuki mawara gi kayo aye hio hie sa nampasarak harau e,kecuali gene zinah,balalu naharau nihi wawei lain,aye bazina."¹⁰Murid-murid ngeau gi Aye,"amun sameh ina hal e wane nihi harau e,lebih maeh bakoi naharau." ¹¹Tapi,Yesus ngeau gi here,"bakoi kaluhan ulun kiuh narime pamaneran hio,kecuali here sa nakaruniai. ¹²gene,naan ulun sa bakoi naharau gene mula lahir sameh hio tekei huang wuntung ina e,balalu naan ulun sa bakoi naharau gene na ulah ulun lain,nihi naan lei sa ulah aheng kakareb e demi Kerajaan Surga.hie bo sa kiuh narime hal ina,elah e bo aye narime e." Yesus nihi nakia-nakia halus¹³Udi hio,papire nakia halus na tunda napot Aye mat Aye kiuh ngannak tangan E entu nakia-nakia hio balalu nag doa here.Tapi,murid-murid nyompo ulun-ulun hio. ¹⁴Tapi, Yesus Ngeau,"elah e bo nakia-nakia halus hio.ada ngahalang here hawi gi Kuki gene Kerajaan Surga aye hio ampun nakia-nakia halus iti." ¹⁵Udi Yesus ngannak tangan E tangar entu nakia-nakia hio,Aye tulak tekei hio. "Kala awe kiuh welum kekal ?¹⁶Udi hio,hawi lei erang kulun gi Yesus palus nane,"Guru,hal maeh inon sa harus na gawi kuki mat tau kiuh welum sa kekal?" ¹⁷Balalu,Yesus ngeau gi ulun hio,"wuah inon kayo nane nekei Kuki hal inon sa maeh?ekat isa sa maeh.tapi amun kayo kakan suluk gi huang welum,umma bo perintah-perintah hio."¹⁸Ulun hio nane tekei Yesus,"perintah sa awe?" Yesus ngajawab,"ada munu,ada bazina,ada ngalat,ada namposo, ¹⁹hormati lei amahnu nihi ine nu,balalu n ahi lei sameh murunsia sameh tenga arep raerai."²⁰Ulun bujang hio ngeau gi Aye,"kaluhan ahl hio haot na umma kuki,inon lagi sa masih kurang?" ²¹Yesus ngeau gi aye,"amun kayo kakan sempurna,tulak balau batang bo kaluhan panatau kayo.balalu,ami gi ulun susah,balalu kayo sagar ampun harta tangar Surga,palus ayu umma bo Kuki." ²²Tapi,katika ulun bujang hio ngarengei paneran iti,aye tulak nihi sedih gene ajoh panatau e.²³Balalu,Yesus ngeau gi murid-murid E,"Kuki mawara sabujur e gi kayo,mahadin pakai ulun tatau mat suluk Kerajaan Surga. ²⁴Hindra lagi,Kuki ngeau gi kayo aye hio lebih murah gi erang kikui unta suluk tolong pilos tekei ulun tatau suluk Kerajaan Allah."²⁵Katika here murid karengei paneran hio,here jari dodor,palus ngeau,"amun sameh hio,hie sa kiuh na salamat?" ²⁶nelang nginni here,Yesus ngeau,"hayak murunsia,hal iti mustahil,tapi hayak Allah,kaluhan hal hio mungkin." ²⁷Udi hio,Petrus ngeau gi Aye,"inni bo,kami haot nanan kaluhan e balalu umma Kayo.jari,inon sa sagar na tarime kami?"²⁸Balalu,Yesus ngeau gi here,"Kuki mawara sabujur e gi kayo aye hio kayo,sa nutah Kuki huang dunia sa bio,katika Anak Murunsia maharung tangar tahkta hante E,kayo lei sagar maharung ta entu rueh belas tahkta pakai menghakimi karueh belas suku Israel.²⁹Balalu,setiap ulun sa haot nanan lewu,pulaknanai laki,pulaksanai wawei,ammah,ine,anak-anak,atawa allah e gene aran Kuki sagar narime jatuh kali lipat palus sagar ngawaris welum sa kekal. ³⁰Tapi, ajoh ulun sa panga dahulu sagar jari panga handrian,balalu sa panga handrian sagar jari panga dahulu."

Perumpamaan hal here panggawi kabun anggur ¹"gene,Kerajaan Surga aye hio sameh ulun ampun kabun sa kiat sunsung tulak mat nupui panggawi-panggawi gi kabun anggur e. ²Katika aye haot sapakat nihi here sa bagawi hio mat sedinar erang andrau,aye nuyu here gi kabun anggur e.³Balalu,sekitar jam telu aye tulak balalu kakinni sa lain e rahat mindri koi naan gawian ta uneng umum. ⁴Balalu,aye ngeau gi here,`kaon,tulak bo lei gi kabun anggur balalu inon sa pas sagar naami kuki gi kayo.`palus ,here tulak lei.⁵Hindra lagi,sekitar jam ka enem balalu jam ka suei aye tulak ngulah hal sa sameh. ⁶Balalu,sakitar jam ke sebelas,aye tulak balalu kahalu sa lain e rahat mindri palus aye nane gi here,`wuah inon kayo mindri tangar ina koi naan gawian erang andrau?` ⁷Here ngeau gi aye,`gene mete naan sa ngupa kami.`sa ampun kabun hio ngeau gi here,`kaon ,tulak bo lei gi kabun anggur kuki.`⁸Katika andrau haot mulai kamalem,sa ampun kabun hio ngeau gi mandor e,`herau bo here sa bagawi palus bayar lei gi here upa e,mulai tekei sa panga handrian hampe sa panga dahulu.` ⁹katika here sa bagawi ta jam sebelas,hawi masing-masing ulun narime 1 dinar. ¹⁰katika here sa bagawi panga dahulu,hawi,here nanguh sagar narime labih ajoh.tapi here masing-masing narime 1 dinar.¹¹Katika narime e,here memprotes nihi sa ampun kabun. ¹²here ngeau,`ulun-ulun sa suluk panga handrian ekat bagawi 1 jam,balalu kayo ngami here sameh nihi kami,sa haot naggung weat nihi laing andrau erang andrau.`¹³Tapi,sa ampun kabun hio ngajawab balalu ngeau gi here,`pulaksanai,kuki bakoi bahala nihi kaon.bakoi lah kayo haot sapakat nihi kuki gi isa dinar? ¹⁴Alap bo upa kayo palus tulak bo,tapi kakan ngami gi ulun sa pang handrian iti,sameh nihi gi kayo.¹⁵Inon kah kuki bakoi wuah mat ngulah inon bo sa na aheng kuki nihi ampun kuki kakareb?atawa inon kah jahat tangar mate nu gene kuki maeh? ¹⁶jari,sa panga handrian sagar jari sa pang dahulu,balalu sa panga dahulu sagar jari panga handrian."Yesus ba surah lagi hal pamaptei E¹⁷Katika Yesus sagar tulak gi Yerusalem,Aye nunda rueh belas murid E nihi bapisah.huang perjalanan,Aye nyurah gi here, ¹⁸"inni lei,takam rahat nuju Yerusalem palus Anak Murunsia sagar nasarah gi imam-imam kepala nihi ahli-ahli Taurat.here sagar nukum Aye nihi pampatei. ¹⁹balalu,here sagar manyarah Aye gi bangsa-bangsa lain mat ngasese,mancambuk,palus menyalibkan Aye.balalu ta andrau ka telu,Aye sagar na tamuan."Pangalako ine tekei anak-anak Zebedeus²⁰Udi hio,ine tekei anak-anak Zebedeus nihi anak-anak e hawi dapot Yesus balalu suntup mat ngalako isa hal nihi Yesus. ²¹Balalu,Yeus ngeau gi aye,"inon sa na aheng kayo ?"ine hio ngajawab,"huyu bo mat kararueh anak kuki kiuh maharung tangar huang Kerajaan Nu,isa ta tuhi kawan Nu balalu isa ta tuhi kawi Nu."²²Tapi,Yesus ngajawab,"kayo bakoi paham inon sa nalako.inonkah kayo kiuh ngoot tekei cawan sa harus na koot Kuki?"here ngeua gi Yesus,"oi,kami kiuh." ²³Yesus ngeau gi here,"kayo mula sagar ngoot tekei cawan Kuki,tapi gi maharung ta kawan Kuki atawa ta kawi Kuki,bakoi lah hak Kuki ngami e,tapi mat gi here sa nasiapkan ulah Ammah Kuki." ²⁴Katika sapuluh murid sa lain e karengei e,here sangit nihi karueh pulaksanai hio.²⁵Tapi,Yesus nerau here palus ngeau,"kayo karasa aye hio penguasa bangsa-bangsa lain memerintah entu here,balalu ulun-ulun hante here ngajaln wewenang entu here. ²⁶sa harus e bakoi kala hio ta antara kaon,tapi hie sa kakan jari hante tekei antara kaon,aye harus jari walah nu. ²⁷Balalu,hie bo sa kakan jari sa panga dahulu tekei antara kaon,aye harus jari walahnu, ²⁸sameh nihi Anak Murunsia sa hawi bakoi mat nalayani,tapi mat melayani palus nyarah nyawa E mat jari tewuhan gi ajoh ulun."²⁹Balalu,katika here nanan Yeriko,kumpulan hante ulun nutah E. ³⁰Balalu,rueh ulun pehe sa rahat maharung iring lalan,katika ngarengei aye hio Yesus kakan nangkah,here kamiak,"Tuhan Anak Daud,ahi lei kami!" ³¹Ulun ajoh nyompo here mat her benyem.Tapi,magin mehet kamiak,"Tuhan ,Anak Daud,ahi lei kami!"³²Balalu,Yesus tunduk palus nerau here.Aye ngeau,"inon sa kangakan kayo Kuki ngagawi gi kayo?" ³³Here ngeau gi Aye,"Tuhan,kami hamen mate kami nauka lei." ³⁴Yesus kaahi gi here,balalu negei mate here, balalu saat hio lei here narime panginni e waleng,balalu nutah Yesus

³Yesus na sambut sameh erang kulun Raja ¹Katika here haot riet nihi Yerusalem balalu haot hampe gi Betfage,ta wungkur Zaitun, Yesus mangutus rueh kulun murid E; ²eau E gi here," tulak bo gi tumpuk sa naan tangar hadapan nu,balalu kayo palus kahalu erang kikui keledai sa tahuruk balalu erang kikui anak keledai hayak e.sanapas hurukan here balalu tunda bo kararueh e gi Kuki. Amun naan ulun nane inon-inon tekei kayo,kayo harus ngeau,`Tuhan memerlukan e,`balalu aye palus ngrim e."⁴Hal iti jari mat tagenep lah inon sa naantuh ualh Nabi: ⁵"wara bo gi putri Sion,`inni lei,Raja nu hawi gi kayo,rendah atei,nihi nunggang erang kikui keledai,nihi erang kikui keledai muda,anak tekei keledai beban. Zakaria 9 : 9<sup>6</sup>Murid-murid tulak balalu ngagawi sameh sa haot na huyu Yesus gi here. <sup>7</sup>here nunda keledai nihi anak keledai hio,balalu ngandak jubah-jubah here ta entu keledai-keledai hio,balalu Yesus maharung ta entu e. <sup>8</sup>ta pa ajoh ulun ajoh hio ngampar jubah-jubah here ta lalan,balalu sa lain e netek raan-raan kayu,balalu ngampar e ta lalan.<sup>9</sup>Ajoh ulun takia ta hadapan E palus here nutah Aye kamiak,"Hosana gi Anak Daud`na berkatilah Aye sa hawi huang aran Tuhan.`Hosana ta uneng sa entu!"Mazmur 118 : 25-26 <sup>10</sup>Katika Yesus suluk Yerusalem,kaluhan kta geger gampar.here nane,"hie lah Aye ina?" <sup>11</sup>Balalu,ulun ajoh hio ngajawab,"Aye hio Nabi Yesus,tekei Nazaret ta Galilea."Yesus Menyucikan Bait Allah<sup>12</sup>Balalu,Yesus suluk gi Bait Allah palus nulak ulun-ulun sa rahat babatang nihi bawidi ta Bait Allah,balalu nyamaleng hadi meja-meja uneng bahurup duit palus bangku-bangku here sa matang wurung-wurung merpati. <sup>13</sup>Aye ngeau gi here,"haot ta tulis,`Lewu Kuki sagar naantuh lewu Doa,`tapi kayo ngulah e jari uneng here parampok," <sup>14</sup>Balalu,ulun sa pehe nihi sa lumpuh hawi nutah Aye ta Bait Allah,balalu Aye nyamare here.<sup>15</sup>Tapi,katika here imam kepala nihi ahli-ahli Taurat nginni mukjizat-mukjizat sa haot na ulah Yesusbalalu nginni nakia-nakia sa kamiak huang Bait Allah,"Hosana gi Anak Daud,"here jari sangit. <sup>16</sup>Balalu,here nane gi Yesus,"inon kah Kayo karengei sa na antuh nakia-nakia iti?"balalu,Yesus ngajawab here,"oi.mete piji kah kayo ngabaca,`tekei wawa awau-awau nihi nakia-nakia sa omo,Kayo haot nyansiap pujian pakai tenga Nu kakareb.?" ¹⁷Udi hio,Yesus nanan here palus balua tekei kota hio¹⁸Wayah ina,waktu andrau kiat,katika Yesus waleng gi kota,Aye jari kaluan. ¹⁹Balalu,katika kakinni kakau ara ta iring lalan,Aye hawi gi hio balalu bakoi halu inon-inon,ekat rawen-rawen bo.balalu aye ngeau gi kakau hio,"bakoi sagar naan wua lagi tekei kayo hampe kalawah-lawah e!"waktu hio lei,kakau ara hio jari meang.²⁰Katika murid-murid nginni hal iti,here murid dodor palus nane,"kalawe kakau ara hio meang sa katika hio lei?" ²¹balalu,Yesus ngajawab here,"sabujur e Kuki ngeau gi kayo,amun kayo naan Iman nihi bakoi bimbang,kayo bakoi ekat sagar ngulah inon sa nagawi nadap kakau ara iti,`bahkan amun kayo ngeau gi gunung iti,pa enat bo palus lawu gi huang laut,`hal hio sagar jari. ²²Balalu,kaluhan e sa kayo lako huang doa,harap bo,kayo sagar narime e." Pemimpin Yahudi bakoi harap Kuasa Yesus²³Katika Yesus suluk gi Bait Allah,here imam kepala nihi matueh an bangsa Yahudi hawi gi Aye rahat Aye mengajar palus nane,"nihi kuasa inon kah Kayo ngulah hal-hal iti ?" ²⁴Yesus ngajawab here,"Kuki lei sagar nane isa hal nihi Kayo,sa amun kayo tau ngajawab e,Kuki lei sagar mawara gi kayo nihi kuasa inon Kuki ngulah kaluhan hal iti.²⁵Tekei awe kah baptisan Yohanes?tekei Surga atawa tekei murunsia?"balalu,here mulai nyurah sameh here kakareb,eau e,"amun takam ngeau,`tekei Surga,`Aye sagar ngeau,`amun kala hio,wuah inon kayo bakoi harap nihi Yohanes?` ²⁶tapi,amun takam ngajawab,`asal tekei murunsia.`takam takutnihi ulun ajoh gene here kaluhan nganggap aye hio Yohanes Nabi." ²⁷balalu here ngajawab Yesus,"kami bakoi karasa."balalu Yesus ngeau,"amun kala hio,Kuki lei bakoi sagar mawara gi kayo nihi kuasa inon kah Kuki ngulah hal-hal iti."perumpamaan hal rueh kulun anak²⁸Tapi,inon pendapat kayo?naan ulun sa baisi rueh anak laki,balalu aye hawi gi sapanga tueh palus ngeau,`anak ku,tulak bo nihi bagawi lah andrau ina tangar kabun anggur.` ²⁹Balalu,aye ngajawab,`oi,Ammah,`tapi udi hio aye bakoi tulak. ³⁰udi hio ammah hio tulak gi anak sa karueh palus ngantuh hal sa sameh.nakia hio ngajawab,`bakoi kakan,`tapi aye manyasal balalu tulak.³¹Hie kah tekei karueh nakia hio sa ngarengei ammah e?"here ngeau,"sa pangalis."Yesus ngeau gi here,"sabujur e,Kuki mawara gi kayo aye hio here pangumpul pajak nihi pelacur-pelacur sagar suluk gi huang Kerajaan Allah ngadahulu kayo. ³²gene,Yohanes hawi gi kayo huang lalan sabujur e balalu kayo bakoi harap aye,tapi,here pangumpul pajak nihi palacur-palacur harap nihi aye.palus,kayo,katika nginni hal iti hampe bakoi manyesal udi hio hampe kayo kiuh harap aye."perumpamaan hal ulun ampun nihi sa nyewa kabun anggur³³Renegei lei perumpamaan sa lain.naan ulun ampun kabun sa ngamule isa kabun anggur,balalu masang pagar tangar kaliling e,balalu ngadi uneng pemerasan anggur,balalu na pindri menara.udi hio,aye nampasewa kabun anggur e gi papire petani,balalu aye tulak gi luar negri. ³⁴katika musim wua kakan hampe,aye mangutus walah-walah e gi petani-petani hio mat narime wua e.³⁵Balalu,here petani nyaput here walah hio palus ngompak erang kulun,balalu munu erang kulun,balalu salain e na pedak nihi watu. ³⁶hindra lagi,ampun kabun hio nuyu walah-walah e sa lain,sa labih ajoh tekei sa dahulu.balalu,here petani hio ngulah hal sa sameh nihi here. ³⁷akhir e,sa ampun kabun hio mangutus anak e gi here,eau e,`here sagar ngahormati anaku,`³⁸Tapi,katika here petani hio nginni anak e,here nyurah nihi here kakareb,`aye ahli waris,ayu takam munu aye palus ngarampas warisan e.` ³⁹Balalu,here nyaput anak sa ampun kabun hio,nawut aye gi luar kabun anggur,balalu munu e.⁴⁰gene hio,katika sa ampun kabun anggur hio hawi,inon sa sagar na gawi e nadap petani-petani hio?" ⁴¹here ngeau gi Aye,"Aye sagar nampatei ulun-ulun sa jahat hio nihi jahat tuu,balalu sagar nampasewa kabun anggur e gi petani-petani sa lain,sa sagar manyarah gi aye wua-wua tangar musim e."⁴²Yesus ngeau gi here,"inon kah kayo piji ngabaca tangar Kitab Suci:`watu sa naumepe ulah tukang-tukang bangunan haot jari watu penjuru.hal iti jari tekei pihak Tuhan,balalu hal iti ajaib ta mate takam`? Mazmur 118 : 22-23⁴³gene hio, Kuki mawara gi kayo,Kerajaan Allah sagar naalap tekei kayo balalu sagar na ami gi ulun-ulun sa ngahasil wua tekei e. ⁴⁴Balalu,hie sa lawu gi entu watu hio sagar puhi ba keping-keping;balalu hie sa natukun watu hio sagar ramuk."⁴⁵Katika imam-imam kepala nihi ulun-ulun Farisi ngarengei perumpamaan-perumpamaan E,here paham aye hio Yesus rahat mamaner here. ⁴⁶Tapi,katika here bausaha pakai nyaput Yesus,here takut nihi ulun ajoh gene ulun ajoh hio manganggap Yesus aye hio Nabi.

Perumpamaan hal ulun sa na undang gi kakawinan ¹Yesus bapander lagi gi here huang perumpamaan-perumpamaan,eau E, ²"Kerajaan Surga kiuh naumpamakan sameh erang kulun Raja sa ngulah pesta kakawinan pakai anak e laki. ³Balalu,aye nuyu here walah e mat nerau ulun-ulun sa na undang gi pesta hio,tapi here bakoi kakan hawi.⁴Balalu,Raja nuyu pudi walah-walah sa lain,eau e,`antuh bo gi ulun-ulun sa na undang,inni, kuki haot nyadia panguta.lembu-lembujantan nihi satua-satua ponok kaluhan e haot na samalih,balalu kaluhan e haot siap.Hawi bo gi perjamuan kawin iti.`⁵Tapi,here bakoi ngadiuh palus tulak,sa isa gi allah e,sa lain gi usaha e, ⁶balalu sa lain nyaput walah-walah raja hio,nampahanang,balalu munu here. ⁷Balalu,Raja hio sangit,palus aye ngirim tentara-tentara e,nampatei pamunu-pamunu hio,palus nutung kota here.⁸Udi hio,aye ngeau gi walah-walah e,`pesta kakawinan haot siap,tapi ulun-ulun sa na undang hio bakoi pas. <sup>9</sup>Gene hio,tulak bo gi lalan-lalan hante palus undang bo papire ajoh ulun sa kiuh kayo halu gi pesta kakawinan iti.` ¹⁰Balalu,walah-walah hio tulak gi lalan-lalan palus ngumpul kaluhan ulun sa na halu ,sa maeh nihi sa jahat.Balalu,uneng kakawinan hio penu nihi tamu.¹¹Tapi,waktu raja suluk mat panalu nihi here tamu e,aye kakinni erang kulun tangar aro,sa bakoi makai lamma gi pesta kakawinan. ¹²Aye ngeau gi aye,`pulaksanai,kalawe kayo tau suluk gi ina bakoi makai lamma gi pesta kakawinan?`balalu ulun hio suni.¹³Udi hio raja hio ngeau gi walah-walah e,`huruk tangan nihi pee e,balalu tawut aye gi huang mieng sa paling wading.tangar aro,sagar naan tangis nihi karatup dipen,` ¹⁴gene,ajoh sa na terau,tapi dohot sa na pidi."Usaha pemimpin Yahudi mat ngajebak Yesus¹⁵Udi hio,ulun-ulun Farisi tulak palus ba komplot mat here kiuh ngajarat Yesus nihi paneran E. ¹⁶Balalu,here mengutus murid-murid here gi Yesus,hayak nihi ulun-ulun Herodian.here ngeau,"guru,kami karasa bahwa Kayo jujur nihi mengajarkan lalan Allah huang sabujur e.Kayo bakoi takut nihi hie bo gene Kayo bakoi nginni rupa. ¹⁷amun kala hio,wara bo pendapat Nu gi kami.inon kah na anggap wuah ngabayar pajak gi kaisar atawa bakoi?"¹⁸Tapi,Yesus karasa kejahatan here balalu ngeau,"wuah inon kayo ngacoba Kuki,ui munafik? ¹⁹pa tena bo gi Kuki duit pajak hio."balalu, here manyarah isa kiping dinar gi Aye.²⁰Balalu,Aye ngeau gi here,"gamar nihi tulisan hie kah iti?" ²¹here ngajawab,"kaisar."udi hio,Yesus ngeau gi here,"ulah gene hio,bayar bo gi kaisar hal-hal ampun kaisar,balau gi Allah hal-hal sa ampun Allah." ²²katika ngarengei e,here dodor,balau nanan Aye palus tulak. "Usaha ulun Saduki mat ngajebak Yesus²³Tangar andrau sa sameh,ulun-ulun Saduki,sa ngeau bahwa bakoi naan kebangkitan,hawi gi Yesus palus nane nihi Aye. ²⁴here ngeau,"guru,Musa mawara bahwa amun erang kulun laki matei balalu bakoi naan anak,pulaksanai laki e harus naharau harau e nihi nampalus katurunan gi pulaksanai e sa matei hio.²⁵Wayah ina,naan pitu ba pulaksanai ta antara kami.sa panga tueh kawin,balalu matei bakoi baanak,balalu nanan harau e pakai pulaksanai e. ²⁶Kala hio lei nihi sa karueh,sa katelu,hampe sa ka pitu. ²⁷Akhir tekei kaluhan e,wawei hio matei lei. ²⁸waktu andrau kebangkitan,wawei hio jari harau hie tekei ka pitu pulaksanai hio?gene here kaluhan haot mangawin e."²⁹Tapi,Yesus ngajawab palus ngeau gi here,"kaon tawang,bakoi paham Kitab Suci atawa lei kuasa Allah. ³⁰Gene,tangar andrau kebangkitan,here bakoi kawin atawa lei na kawin,tapi sameh Malaikat ta Surga.³¹Tapi,hal kebangkitan ulun-ulun matei,mete kah kayo ngabaca inon sa na antuh gi kayo ulah Allah, ³²Kuki lah Allah Abraham,Allah Ishak,palus Allah Yakub`?Aye bakoi Allah ulun matei,Tapi Allah ulun welum." <sup>33</sup>Katika ulun ajoh ngarengei hal iti,here dodor nihi pengajaran E. "Hukum awe lah sa paling penting?<sup>34</sup>Tapi,katika ulun-ulun Farisi ngarengei bahwa Yesus haot ngulah ulun-ulun Saduki suni,bakumpul lah here. <sup>35</sup>Udi hio,isa tekei here,erang kulun ahli hukum Taurat,nane tekei Yesus mat manguji E, <sup>36</sup>"Guru,perintah sa awe kah sa paling penting huang hukum Taurat?"<sup>37</sup>Balalu,Yesus ngeau gi aye,"kayo harus sayang nihi Tuhan Allah nu nihi kaluhan atei nu,nihi kaluhan jiwa nu,palus nihi kaluhan pikiran nu. <sup>38</sup>Iti aye hio perintah sa paling hante nihi sa panga dahulu.<sup>39</sup>Sa karueh aye hio sameh iti,`kayo harus sayang sa sameh nu sameh nihi tenga nu kakareb.` <sup>40</sup>Huang karueh perintah iti,tergantung kaluhan Hukum Taurat nihi kitab here nabi." Tanean hal Mesias<sup>41</sup>Wayah ina,rahat ulun-ulun Farisi bakumpul sasameh,Yesus nane gi here, <sup>42</sup>"Kala awe pendapat nu hal Kristus?Anak hie kah Aye?"here ngeau gi Aye,"Anak Daud."<sup>43</sup>Aye ngeau gi here,"amun kala hio,kala awe kah Daud,huang Roh,nerau E `Tuan`,eau e, <sup>44</sup>Tuhan ber Firman gi Tuan kuki,"maharung bo tangar tuhi kawan Kuki,hampe Kuki ngandak musuh-musuh Nu ta kapit pee Nu.`? Mazmur 110 : 1⁴⁵Amun Daud nerau Kristus aye hio` Tuan`,kalawe tau Aye hio anak Daud?" ⁴⁶Bakoi erang kulun lei sa kiuh ngajawab isa wusi paner lei gi Aye.balalu nekei andrau hio,bakoi naan ulun sa heei nane tanean-tanean lagi nihi Aye.

Yesus mengecam pemimpin Agama ¹Udi hio,Yesus bapanner nihi ulun ajoh balalu murid-murid E, ²"Here ahli Taurat nihi ulun-ulun Farisi maharung ta kursi Musa. ³Ulah gene hio,kaluhan hal,kangajoh sa na antuh here gi kayo,gawi bo nihi perhatikan bo.tapi,ada ngulah gawian-gawian e gene here ngantuh e,tapi bakoi ngagawi e.⁴Here nuruk banda-banda sa weat nihi ngannak e ta entu papale ulun lain.tapi,here kakareb bakoi kakan nampindah e nihi kingking here. ⁵here ngulah kaluhan gawian here mat nainni ulun.here nampa luas tadi-tadi sambayang here palus nampahante rumbai-rumbai ujung jubah here.⁶here kagiri uneng terhormat huang perjamuan,uneng maharung palin muka huang Sinagoge-sinagoge, ⁷tabe penghormatan ta uneng-uneng umum,balalu na antuh Rabi ulah ulun-ulun.⁸Tapi,kayo ada naantuh rabi gene ekat isa guru kayo,balalu kayo kaluhan ba pulaksanai. ⁹ada ngantuh hie bo mat jari ammah nu tangar dunia iti gene isa bo Ammah nu ,aye hio Aye sa tangar Surga. ¹⁰Ada lei kayo naantuh pemimpin gene isa ba pemimpin nu,aye hio Kristus.¹¹Tapi,sa panga hante ta antara kaon,elah bo aye jari pelayan nu. ¹²Hie sa napa entu tenga e kakareb sagar na tampime balalu hie sa nampime teng e sagar na tampa entu. ¹³salaka lei kayo,ahli-ahli taurat nihi ulun-ulun Farisi,ulun-ulun munafik! kayo nutup wanawang Kerajaan Surga ta hadap ulun gene kayo kakareb bakoi suluk e balalu lei bakoi nampa ijin here sa rahat suluk mat nyuluk e. ¹⁴Salaka lei kayo,ahli-ahli Taurat nihi ulun-ulun Farisi,ulun-ulun munafik! kayo nelen lewu here walu nihi mat kapura-puraan kayo ngulah doa-doa sa ammau.gene hio,kayo sagar narime hukuman sa labih weat.¹⁵ Salaka lei kayo, ui ahli-ahli Taurat nihi ulun-ulun Farisi,ulun-ulun munafik! kayo menjelajahi lautan nihi daratan mat nunda erang kulun suluk gi huang agama nu.balalu,katika aye haot jari salah isa e,kayo ngajari e anak neraka,rueh kali liapt tekei kayo kakareb.¹⁶Salaka kayo,ui here pemimpin pehe,sa ngeau,`hie sa basumpah demi Bait Allah,aye tahuruk gene sumpah e hio.` ¹⁷Kayo,sa bungul nihi sa pehe!awe sa panga hante,emas atawa Bait Allah sa mangudus kan emas hio?¹⁸Balalu,`hie sa basumpah demi altar,sumpah hio bakoi naan arti e.Tapi,hie sa basumpah demi persembahan ta entu altar hio,aye ta huruk gene sumpah e hio,` ¹⁹ui kaon ulun-ulun pehe! sa awe sa panga hante,persembahan atawa altar sa manguduskan persembahan hio ?²⁰Gene hio,hie sa basumpah demi altar,basumpah demi altar nihi kaluhan sa naan ta entu e. ²¹Balalu,hie sa basumpah demi Bait Allah nihi demi Aye sa muneng tangar huang e. ²²Balalu,hie sa basumpah demi Surga,basumpah demi takhta Allah,balalu demi Aye sa maharung ta entu e.²³Salaka kayo,ui ahli-ahli Taurat nihi ulun-ulun Farisi,ulun-ulun munafik!kayo ngami persepuluhan nu tekei selasih,adas mamis,nihi jintan,tapi haot ng abaikan hal-ahal sa labih weaat tekei hukum Taurat,aye hio keadilan,ahi lelu,nihi iman.hal-hal iti lah sa saharus e haot na gawi kayo bakoi nga abaikan hal-hal sa lain. ²⁴kayo pemimpin-pemimpin pehe,sa mehet mamu balalu nelen erang kikui unta!²⁵Salaka kayo,ui ahli-ahli Taurat nihi ulun-ulun Farisi,ulun-ulun munafik!gene kayo ngabarasih tangar luar sangkir nihi piring nu,tapi bagian huang e penu rampasan nihi kasarakahan. ²⁶kayo,ulun-ulun Farisi sa pehe!barasih dulu e bagian huang sangkir nihi piring,balalu bagian luar e jari barasih lei.²⁷Salaka kayo,ahli-ahli Taurat nihi ulun-ulun Farisi,ulun-ulun munafik!gene,kayo sameh kuburan sa na cet mahilak,tangar bagian luar e kainni an maeh,tapi bagian huang e penu tulang-tulang ulun matei nihi kaluhan kenajisan. ²⁸kala hio lei nihi kayo,ta luar kayo kakinni wuah gi murunsia.tapi,ta bagian huang kayo penu kemunafikan nihi kejahatan.²⁹Salaka lei kayo,ahli-ahli taurat nihi ulun-ulun Farisi,ulun-ulun munafik!gene,kayo na buan ogang-ogang here nabi nihi nampa kaeh nisan-nisan ulun-ulun saleh, ³⁰Balalu ngeau,`amun kami haot welum ta jaman itak uyut kami,kami bakoi sagar ngalap bagian nihi here huang ira here nabi.` ³¹Nihi kalahio,kayo bersaksi nadap tenga nu kakareb bahwa kayo aye hio anak-anak here sa munu here nabi.³²Jari,genep lei ukuran here itak uyut nu. ³³Kayo,nipe-nipe,utus nipe-nipe haket,kalawe kayo sagar nyanapas tenga tekei hukuman neraka?³⁴Gene hio,inni lei,Kuki ngutus nabi-nabi,ulun-ulun bijaksana,nihi ahli-ahli Taurat gi kayo.papire tekei here sagar nawunu kayo nihi nasalib kan,papire sagar na ompak kayo ta sinagoge-sinagoge nu,balau na tampahanang kayo tekei kota gi kota, ³⁵gene kaluhan ira ulun-ulun wuah sa na santundrak ta bumi sagar hawi gi kayo,mulai tekei ira habel,ulun wuah hio,hampe gi ira Zakharia,anak Berekhya,sa na wunu kayo ta helang Bait Allah nihi altar. ³⁶Sabujur e,Kuki mawara gi kayo bahwa kaluhan hal-hal iti sagar hawi entu generasi iti," Hukuman gi Yerusalem³⁷"ui Yerusalem,Yerusalem,sa munu here nabi balalu medak nihi watu here sa nautus gi aye.kalawe gaha e Kuki kakan mengumpulkan anak-anaknu ta kapit kalekep e,tapi kayo bakoi kakan. ³⁸Inni lei,lewu nu na tanan gi kayo balalu jari suni. ³⁹Gene,Kuki mawara gi kayo bahwa mulai wayah ina,kayo bakoi sagar nginni Kuki lagi hampe kayo ngeau,`na berkati lah Aye sa hawi huang ngaran Tuhan

Khotbah Yesus tentang akhir zaman Bait Allah sagar na sanruntun ¹Yesus balua nekei Bait Allah balalu tulak katika here murid E hawi mat nutui bangunan-bangunan Bait Allah gi Aye. ²Balalu,Aye nane gi here,"bakoi lah kayo kakainni kaluhan hal ina?Kuki mawara sabujur e gi kayo bahwa bakoi naan isa lei watu ta iti sagar na aret naan ta entu watu sa lain,sa bakoi sagar na san runtun." mulai kasansara an³Balalu,waktu Yesus maharung ta entu wungkur Zaitun,murid-murid hawi gi Aye kakareb here balalu ngeau,"wara bo gi kami,tawuk awe hal- hal hio sagar jari balalu inon kah sa sagar jari tanda Kayo hawi nihi pangalis jaman iti?" ⁴Yesus ngajawab here,"perhati bo mat ada naan sa nyantawang kayo. ⁵gene,ajoh sa sagar hawi huang aran Kuki palus ngeau,`Kuki aye hio Kristus,`balalu here sagar nyantawang ajoh ulun.⁶Kayo sagar ngarengei peperangan palus kabar hal perang.perhatikan lei mat kayo bakoi takut gene hal-hal harus jari,tapi iti mete pangalis e. ⁷gene,bangsa sagar buan nawan bangsa,balalu kerajaan nawan kerajaan,balalu ta ajoh uneng sagar naan kaluan nihi gempa bumi. ⁸kaluhan iti aye hio mulai tekei rara mahanang ulun nganak.⁹Udi hio,here sagar manyarah kayo mat gi natampahanang,palus sagar munu kayo,balalu kayo sagar na rikang ulah kaluhan bangsa gene ngaran Kuki. ¹⁰ta waktu hio,ajoh sa sagar ta pahantuk,palus sagar saling manyarah,nihi marikang isa nihi sa lain. ¹¹Ajoh nabi palsu sagar balua palus nyantawang ulun ajoh.¹²Gene,palanggaran makin batamah,kasih ka ajohan ulun sagar jari marisak. ¹³Tapi,ulun sa batahan hampe galis sagar nasalamat kan. ¹⁴Balalu,Injil Kerajaan iti sagar na kahampe gi kaluhan dunia jari kesaksian gi kaluhan bangsa,palus udi hio pangalis e sagar hawi. "kara hante nihi Kristus-Kristus palsu¹⁵Jari,katika kayo kakinni pembinasa keji,sameh sa naantuh nabi Daniel,mindri ta unengan suci,oboh lei here pembaca ngataru e, ¹⁶balalu here sa naan ta Yudea harus mahulu gi pegunungan. ¹⁷hie sa naan ta entu hapau lewu,ada bo aye minau mata nagalap inon bo tangar huang lewu e. ¹⁸hie sa naan tangar allah,ada mudi mat ngalap jubah e.¹⁹tapi,salaka lei here sa rahat sa wuntung nihi here sa rahat nampomo awau e ta andrau-andrau hio. ²⁰Badoa bo mat panulak nu ada tangar musim marisak nihi andrau sabat. ²¹Gene udi hio sagar jari wayah sansara hante,sameh nihi mete piji jari nekei mulai dunia hampe wayah ina,balalu bakoi sagar jari lagi. ²²Balalu,amun andrau-andaru hio bakoi na tampa imme,bakoi naan sagar sa welum salamat.Tapi,gene here sa na pidi,andrau-andrau hio sagar na pa imme.²³Udi hio,amun erang kulun ngeau gi kayo,`inni,Kristus naan ta iti,`atawa`Aye naan ta aro,`ada bo harap nihi aye. ²⁴Gene, Kristus-Kristus palsu nihi nabi-nabi palsu sagar balua palus sagar ngulah tanda-tanda sa hante nihi mukjizat-mukjizat hampe nyantawang,amun tau,bahkan here sa napidi. ²⁵Perhatikan lei,Kuki haot mawara gi kayo sa mete e.²⁶jari,amunhere ngeau gi kayo,`inni,aye naan ta pulau haket,`ada tulak gi aro,atawa`inni,Aye naan ta huang kamar hio,`ada harap e, ²⁷gene,sameh nihi kelat sa mamancar tekei timur balalu bacahaya hampe gi barat,kala hio lei Anak Murunsia hawi sagar jari. ²⁸Tangar uneng sa naan bangkai,ta hio lah wurung nazar sagar bakumpul."Kahawian Anak Murunsia²⁹Hinang bo,udi wayah sansara hio,`mate andrau sagar jari mieng,balalu wulan bakoi sagar ngami cahaya e,bintang-bintang sagar lawu tekei langit,balalu kuasa-kuasa ta langit sagar na gunsang kan.`Yesaya 13 : 10;34 : 4³⁰Balalu,tanda Anak Murunsia sagar balua ta langit palus suku-suku ta bumi maratap.here sagar nginni Anak murunsia hawi huang awan-awan ta langit,nhi kuasa palus kemuliaan sa hante. ³¹Balalu,Aye sagar mengutus Malaikat-malaikat E nihi lenga terompet sa mehet,palus here sagar mangumpul umat pidian E tekei ka epat penjuru bumi,tekei puting langit sa isa gi puting e sa lain.³²Wayah ina,pelajari lei perumpamaan tekei kakau ara katika raan e jari maleme balalu rawen eba paka,kayo kataru bahwa musim malaing haot rieet. ³³kala hio lei katika kayo nginni kaluhan hal iti,kayo kataru bahwa Aye haot rieet,tangar ambang wanawang.³⁴Sabujur e,Kuki mawara gi kayo bahwa turunan iti bakoi sagar nangkah hampe hal iti jari. ³⁵Langit nihi bumi sagar jawoh,tapi Firman-Firman Ku bakoi sagar jawoh." Waktu kahawian Anak Murunsia³⁶" tapi, hal andrau nihi waktu e,bakoi naan isa lei sa karasa,Malaikat-malaikat ta Surga gin bakoi,Sang Anak gin bakoi,ekat Sang Ammah bo.³⁷Sameh nihi sa sagar jari tangar zaman Nuh,sameh hio lei kahawian Anak Murunsia sagar jari. ³⁸Gene,sameh nihi andrau-andrau samete ranu baah,here kuman nihi ngoot,kawin nihi nakawin lei,hampe andrau Nuh suluk gi huang bahtera. ³⁹Balalu,here bakoi mamaham hampe ranu baah hawi palus nyaneteng here kaluhan;sameh hio lei kahawian Anak Murunsia sagar jari.⁴⁰Udi hio,sagar naan rueh ulun tangar allah;sa isa sagar naalap balalu sa isa sagar natanan. ⁴¹Rueh wawei sagar ngagiling ta watu kilangan,sa isa sagar naalap balalu sa isa sagar naalap balalu sa isa na tanan. ⁴²Gene hio,berjaga-jaga bo gene kayo bakoi karasa ta andrau inon Tuhan nu sagar hawi.⁴³Tapi,karasa bo iti bahwa amun ulun ampun lewu haot karasa wayah awe,ta waktu malem, pangalat sagar hawi,aye sagar bajaga-jaga nihi bakoi sagar ngabiar lewu e na bongkar. ⁴⁴gene hio,kayo lei harus siap sedia gene Anak Murunsia hawi ta waktu sa kayo bakoi ngira e."Walah sa setia nihi walah sa jahat⁴⁵Balalu, hie bo walah sa setia nihi bijaksana,sa na enat tuan e entu kaluhan lewu e mat ngami kuta ta waktu sa pas? ⁴⁶na berkati lah walah hio,sa katika tuan e hio kahalu aye rahat bagawi sameh hio. ⁴⁷sabujur e, Kuki mawara gi kayo bahwa Tuan hio sagar ngenat walah hio entu kaluhan ampun aye.⁴⁸Tapi,amun walah sa jatat hio ngeau huang atei e,`Tuan ku mete hawi,` ⁴⁹Balalu aye mulai ngompak walah-walah sa lain,balalu kuman palus ngoot nihi sa mahamui,` ⁵⁰Tuan tekei walah hio sagar hawi tangar andrau katika aye bakoi ngaharap e nihi ta waktu sa bakoi aye karasa, ⁵¹Balalu sagar netek ulu e palus ngandak aye sasameh nihi ulun-ulun munafik.tangar uneng hio,sagar naan tangisan nihi karatup dipen.

Wawei sa bungul nihi sa bijaksana ¹"Udi hio,Kerajaan Surga sagar naumpamakan nihi sapuluh wawei sa nunda pelita-pelita e balalu tulak mat panalu panganten laki. ²Dime tekei antara here aye hio bungul,balalu dime sa lain e bijaksana. ³Katika sa bungul hio nunda pelita-pelita e,here bakoi nunda minyak hayak e. ⁴Tapi,sa bijaksana nunda minyak huang kusi halus hayak nihi pelita-pelita here.⁵Wayah ina,katika pangantin laki hio mete hawi hawi,here kaluhan kaandre balalu mandre. ⁶Tapi,ta penah malem naan ulun kamiak,`panganten laki hawi ! ayu balua nahalu e!`⁷Udi hio,kaluhan wawei hio buan balalu namberes pelita-pelita here. ⁸Balalu, sa bungul ngeau gi sa bijaksana,`lako gi kami dohot minyak kaon gene pelita-pelita kami kakan pare.` ⁹Tapi,sa bijaksana ngajawab,`bakoi kiuh,bakoi sagar sukup gi kami nihi gi kaon.oboh,hulu bo gi sa matang minyak balalu widi bo gi kaon kakareb.`¹⁰Rahat here tulak mat midi,panganten laki hio hawi,balalu here sa siap ,suluk hayak nihi aye gi uneng kawin,balalu wanawang na tutup. ¹¹Udi hio,hawi lei waei-wawei sa lain e balalu ngeau,`Tuan,tuan! uka bo wanawang gi kami.` ¹²Tapi,aye nuing,`sabujur e,kuki mawara gi kayo,kuki bakoi kataru kaon, <sup>13</sup>` gene hio, ba jaga-jaga bo gene kayo bakoi andaru atawa waktu e." Perumpamaan hal telu walah¹⁴Gene,Kerajaan Surga sameh nihi erang kulun sa sagar tulak gi luar negri,sa nerau walah-walah e balalu manyarah panatau e gi here. ¹⁵gi sa erang kulun,aye ngami 5 talenta.gi sa lain e, 2 talenta,balalu gi sa lain e lagi, 1 talenta. masing-masing pas nihi ka ulean e.Udi hio aye tulak. ¹⁶Ulun sa narime 5 talenta hio palus tulak,balalu ngajalan talenta hio,palus aye kiuh hasil 5 talenta lei.¹⁷Kala hio lei ulun sa narime 2 talenta,aye kiuh hasil rueh talenta lei. ¹⁸Tapi,ulun sa narime 2 talenta hio tulak,ngdi tolong tangar tane,balalu nyiok duit Tuan e.¹⁹Lawah udi hio,Tuan tekei walah-walah hio hawi balalu ngulah pareken an nihi here. ²⁰Ulun sa haot narime 5 talenta hio nadap palus unda 5 talenta lain e,eau e,`Tuan,kayo nyarah 5 talenta gi kuki,inni bo,kuki kiuh hasil 5 talenta lain.` ²¹Tuan e ngeau gi aye,` maeh tuu,walah sa maeh nihi setia.kayo setia nihi hal-hal halus,kuki sagar ngenat kayo entu ajoh hal,suluk bo gi huang kasanang tuan nu.`²²balalu,ulun sa narime rueh talenta hio nada lei palus ngeau,`Tuan,kayo nyarah rueh talenta gi kuki.inni bo,kuki kiuh hasil rueh talenta lagi,` ²³Tuan e nuing,`maeh tuu,walah sa maeh nihi setia.kayo setia nihi hal-hal sa halus,kuki sagar ngenat kayo entu ajoh hal,suluk bo gi huang kasanang tuan nu,`²⁴Udi hio,ulun sa narime isa talenta hio nadap eli balalu ngeau,` Tuan,kuki karasa kayo ulun sa kejam,masi tangar uneng sa kayo bakoi ngamule,balalu ngumpul tangar uneng sa kayo bakoi ngahambur umang. <sup>25</sup>Gene hio,kuki takut,balalu tulak nyiok talenta nu huang tane.inni bo kayo ampun inon sa jari ampun nu.`²⁶Tapi, Tuan e nuing palus ngeau gi aye,`kayo walah sa jahat nihi pangoler!kayo karasa bahwa kuki masi ta uneng sa kuki bakoi ngamule balalu mangumpul ta uneng sa kuki bakoi nammur umang. <sup>27</sup>Gene hio,sa harus e kayo nyimoh duit kuki tangar bank balalu katika kuki waleng,kuki sagar narime ampun kuki waleng nihi bunga e.<sup>28</sup>Alap bo isa talenta hio tekei aye,balalu ammi gi sa ampun 10 talenta hio. <sup>29</sup>gene,sa tiap ulun sa naan sagar na ammi lagi,balalu aye sagar balabihan.tapi,tekei ulun sa bakoi naan,bahkan inon sa naan tangar aye sagar na alap. <sup>30</sup>Tawut bo walah sa bakoi naan diran e yo gi huang kamieng sa panga mieng.ta uneng hio sagar naan tangisan nihi karatup dipen."Penghakiman ulah Anak Murunsia<sup>31</sup>"katika Anak Murunsia hawi huang kemuliaan E,balalu here Malaikat hayak Aye,balalu Aye sagar maharung tangar tahta kemuliaan E. <sup>32</sup>Kaluhan bangsa sagar na kumpul ta hadap Aye,balalu Aye sagar nampisah here isa nihi sa lain,sameh gembala sa nampisah domba tekei kambing-kambing. <sup>33</sup>Balalu,Aye sagar ngandak domba-domba tangar tuhi kawan E,balalu kambing ta tuhi kawi E.<sup>34</sup>Balalu Raja sagar ngeau gi here sa tangar tuhi kawan E,`gi iti bo,kayo sa na berkat ulah Ammah Kuki,warisi bo kerajaan sa nasadia gi kayo tekei awal dunia. ³⁵Katika Kuki kaluan,kayo ngami Kuki kuman.Kuki haus palus kayo ngami Kuki ngoot. Kuki ulun asing,palus kayo nunda Kuki suluk. ³⁶Kuki mapoloi balalu kayo ngami Kuki pakaian.Kuki maringin palus kayo nyuwuk Kuki.Kuki na penjara kayo hawi nutah Kuki.`<sup>37</sup>Balalu,ulun-ulun bujur hio sagar nuing E,`Tuhan,wayah awe kami kakinni Kayo kaluan palus ngami Kayo kuman,atawa haus balalu ngami Kayo ngoot? ³⁸Wayah awe kami kakinni Kayo erang kulun asing balalu nunda Kayo suluk,atawa mapoloi palus ngami Kayo pakaian? ³⁹Wayah awe kami nginni Kayo maringin atawa ta panjara balalu kami hawi nutah Kayo?` <sup>40</sup>Raja hio sagar nuing,`Kuki mawara sa bujur e gi kayo,kala awe kayo ngulah nadap erang kulun tekei pulaksanai-pulaksanai Kuki sa panga halus iti, kayo ngulah e gi Kuki,`<sup>41</sup>Udi hio,Aye sagar ngeau lei gi here tuhi kawi E,`hulu bo tekei hadap Kuki,kayo sa ta kutuk,gi huang apui abadi sa haot na siap gi iblis nihi malaikat-malaikat e. ⁴²gene,Kuki kaluan palus kayo bakoi ngami Kuki kuman.Kuki haus balalu kayo bakoi ngami Kuki ngoot. ⁴³Kuki ulun asing balalu kayo bakoi nunda Kuki suluk;mapoloi palus kayo bakoi ngami Kuki pakaian;maringin nihi ta penjara,balalu kayo bakoi nyuwuk Kuki.`<sup>44</sup>Udi hio,here gi nuing,`Tuhan,andrau awe kami nginni Kayo kaluan ataw haus,atawa erang kulun asing,atawa maringin,atawa mapoloi,atawa ta penjara,balalu bakoi melayani Kayo? ⁴⁵Udi hio,Aye nuing,"Kuki mawara sabujur e gi kayo,kala awe bakoi ngulah e nadap isa tekei here sa panga halus iti,kayo bakoi ngulah e gi Kuki.` ⁴⁶Balalu, hereiti sagar tulak gi huang penghukuman kekal,tapi ulun-ulun bujur gi huang pamelum kekal."

Rencana mat munu Yesus ¹Katika Yesus haot nyanyari kaluhan wusi-wusi iti,aye ngeau gi murid-murid E, ²"kayo karasa bahwa rueh andrau lagi Paskah hawi,balalu Anak Murunsia sagar nasarah mat na salib."³Udi hio,here imam kepala nihi tueh-tueh bangsa na kumpul sasameh tangar istana Imam hante, sa bangaran Kayafas. ⁴Balalu,here ba sakongkokol mat nyaput Yesus nihi akal nipu palus munu E. ⁵Tapi,here ngeau,"ada salawah perayaan mat ada geger ta penah ulun ajoh."Yesus na urapi ulah erang kulun wawei⁶Wayah ina,katika Yesus ta Betania,ta lewu Simon sa kusta, ⁷erang kulun wawe hawi nutah Aye nihi erang botol kusi pualam halus baisi ilau harum sa larang tuu,balalu wawei hio nyiram e gi entu ulu Yesus katika Aye rahat maharung kuman. ⁸Katika murid-murid nginni e,here sangit palus ngeau,"wuah inon pemborosan ina? ⁹Gene,ilau harum hio kiuh na batang mat uman larang e balalu na ammi gi ulun sa susah."¹⁰Tapi,Yesus,karasa hal iti,ngeau gi here,"wuah inon kayo nyusah wawei ina?gene,aye ngulah gawian maeh gi Kuki. ¹¹gene,kayo naan tarus ulun susah hayak kaon,tapi kayo bakoi sagar hayak Kuki tarus.¹²katika wawei iti nyiram ilau harum gi tenga Kuki,aye ngulah e pakai mempersiap gi ngogang Kuki. ¹³Kuki mawara sabujur e gi kayo bahwa taawe bo Injil na tahampe gi kaluhan dunia,inon sa na ulah wawei iti sagar jari pamaneran lei jari pangingat hi aye."Rencana mat menghianati Yesus¹⁴Udi hio,isa tekei ka 12 murid,sa bangaran Yudas Iskariot,tulak napot Imam-imam kepala, ¹⁵Balalu ngeau,"kayo sagar ngami inon gi kuki amun kuki manyarah Aye gi kaon?" balalu, here manetapkan 30 kiping perak gi aye. ¹⁶Balalu,mulai hio,aye nupui kesempatan maeh mat manyarah Yesus. Hidangan Paskah¹⁷wayah ina,ta andrau ka isa Roti bakoi baragi,here murid hawi napot Yesus palus nane,"tangar awe Kayo kakan kami manyiap gi kuman Paskah gi Kayo?" ¹⁸Yesus nuing,"suluk bo gi kota,gi erang kulun,palus antuh gi aye,`guru ngeau,"waktu Kuki haot rieet.Kuki sagar ngarayakan Paskah ta lewu nu sasameh nihi murid-murid Kuki." <sup>19</sup>here murid ngagawi sameh pesen Yesus gi here,balalu here mempersiap Paskah hio.<sup>20</sup>wayah ina,katika mulai kamalem,Yesus maharung kuman nihi ka 12 murid. <sup>21</sup>Balalu,waktu here rahat kuman,Aye ngeau,"Kuki mawara sabujur e gi kayo bahwa isa tekei kaon sagar menghianati Kuki." <sup>22</sup>Here mahanang atei tuu balalu isa-isa ulun mulai bapander gi Aye," pasti e,bakoi kuki,Tuhan?<sup>23</sup>Balalu,Aye nuing,"aye,sa nyolop tangan e gi huang mangkuk sameh-sameh Kuki,aye lah sa sagr menghianati Kuki. <sup>24</sup>Anak Murunsia sagar tulak sameh sa tatulis hal Aye.tapi,salaka lah ulun hio,s ualah aye Anak Murunsia na hianati! sagar labih maeh gi ulun hio amun aye bakoi piji lahir." <sup>25</sup>Udi hio Yudas,sa sagar manyarah Yesus,ngeau gi Aye,"pasti bakoi Kuki, Rabi?Yesus ngeau gi aye,"kayo haot ngantuh e."pangingat sagar tenga nihi ira Kristus<sup>26</sup>Katika here rahat kuman,Yesus ngalap roti.Balalu,udi ngaberkat e,Yesus nampuhi-nampuhi e balalu ngami e gi here murid palus ngeau,"alap bo palus kuta bo,iti lah tenga Kuki."<sup>27</sup>Udi hio,Aye ngalap cawan,ngantuh syukur,balalu ngami e gi here,eau E,"kayo kaluhan,ngoot bo tekei e. <sup>28</sup>gene,iti aye hio ira Kuki,ira perjanjian,sa na santundrak mat gi ajoh ulun pakai pengampun dosa-dosa. <sup>29</sup>Kuki mawara gi kayo bahwa Kuki bakoi sagar ngoot hasil kakau anggur iti,tekei wayah ina hampe andrau hio,katika Kuki ngoot anggur sa bio hayak kaon huang kerajaan Ammah Kuki."<sup>30</sup>Udi manyanyi isa lagu pujian,here tulak gi wungkur Zaitun.Petrus sagar manyangkali Yesus <sup>31</sup>Udi hio Yesus ngeau gi murid-murid E,"kayo kaluhan sagar tasandung gene Kukimalem ina.gene naan ta tulis,`Kuki sagar ngompak gembala,nihi domba-domba tekei kawanan hio sagar bahamur,` Zakaria 13 : 7 <sup>32</sup>Tapi,udi Kuki buan,Kuki sagar ngadahulu kayo gi Galilea."<sup>33</sup>Petrus ngeau,"biar pun kaluhan tasantuk gene Kayo,kuki bakoi sagar piji tasantuk." <sup>34</sup>eau Yesus gi aye,"Kuki mawara sabujur e gi kayo bahwa malem ina,samete manu nandru,kayo sagar manyangkal Kuki telu kali." <sup>35</sup>Petrus ngeau gi Aye,"sekali pun kuki harus matei hayak Kayo,kuki bakoi sagar manyangkal Kayo!"kaluhan murid sa lain lei ngantuh hal sa sameh."Yesus berdoa tangar Getsemani<sup>36</sup>Udi hio Yesus hampe nihi murid-murid E ta uneng sa bangaran Getsemani palus Aye ngeau gi murid-murid E,"harung lah ta iti,rahat Kuki gi aro mat berdoa." <sup>37</sup>Balalu,Aye nunda Petrus nihi anak Zebedeus hayak Aye,balalu Aye mulai berduka nihi mahanang atei. <sup>38</sup>Udi hio,Aye ngeau gi here,"atei Ku mahanang tuu,bahkan sameh kakan matei nanam e.Muneng bo ta itit balalu tatap bo berjaga-jaga hayak Kuki."<sup>39</sup>Balalu,Aye balawit doho,balalu suntup nhi rai E hampe tane palus berdoa,eau E,"Ammah Ku,amun tau,elah bo cawan iti nangkah tekei Kuki.tapi ada sameh sa na aheng Kuki,tapi sameh aheng Kayo." <sup>40</sup>Udi hio,Aye hawi gi murid-murid E balalu kahalu here rahat mandre.balalu Aye ngeau gi Petrus,"jari kayo bakoi kiuh berjaga-jaga nihi Kuki salawah erang jam? <sup>41</sup>Berjaga-jaga bo nihi berdoa mat kayo ada lawu huang pencobaan.Roh mula nuu bo tapi daging maleme."<sup>42</sup>Yesus tulak lagi gi karueh kali e palus berdoa,eau E,"Ammah Ku,amun iti bakoi kiuh nangkah kecuali Kuki ngoot e,aheng Nu bo sa sagar jari." <sup>43</sup>Hindra lagi,Aye hawi palus kahalu here mandre gene mate here kinam maweaat. <sup>44</sup>Balalu,Aye nanan here,palus Aye tulak lagi,balalu berdoa gi katelu kali e,ngantuh wusi-wusi sa sameh.<sup>45</sup>Udi hio Yesus waleng gi murid-murid E palus ngeau,"mandre bo haot e palus istirahat bo.Inni bo,waktu e magin rieet balalu Anak Murunsia na sarah gi tangan ulun-ulun berdosa. <sup>46</sup>Buan bo,ayu takam tulak.Inni,ulun sa nyarah Kuki haot rieet."Yesus na japut<sup>47</sup>Rahat Yesus masih basurah,Yudas,isa tekei ka rueh belas murid hio hawi.hayak nihi aye,kumpulan hante ulun ajoh nihi pedang nihi pentung,tekei imam-imam kepala nihi tueh-tueh bangsa hio. <sup>48</sup>wayah ina,aye sa manyarah Yesus ngami tanda gi here,eau e,"hie sa nasiuk ku,hio lah Aye,japut bo Aye."<sup>49</sup>Yudas hinang rieet nihi Yesus balalu ngeau ,"salam,Rabi!"balalu,Yudas nyiuk E. <sup>50</sup>Yesus ngeau gi aye,"hengau,ulah bo inon aheng kayo hawi."udi hio ulun ajoh hio ngarieet,negei tangan Yesus,palus nyaput Aye.<sup>51</sup>Balalu,inni,isa tekei here sa hayak Yesus nyolor tangan e,nyujut pedang e,palus nyarang walah imam hante hio,balalu netek silu e. <sup>52</sup>Udi hio,Yesus ngeau gi aye,"sampudi bo pedang nu gi uneng e,gene kaluhan sa makai pedang sagar matei ulah pedang. <sup>53</sup>atawa,kono kaon Kuki bakoi kiuh lako tekei Ammah Kuki,balalu Aye,iti lei, sagar ngami labih rueh belas pasukan malaikat gi Kuki? <sup>54</sup>Tapi,kalawe udi hio Kitab Suci sagar na genapi sa ngeau bahwa harus jari sameh hio?<sup>55</sup>Tangar waktu hio,Yesus ngeau gi ulun ajoh,"inonkah sameh nawan perampok kaon balua nihi pedangbalalu pentung mat nyaput Kuki?setiap andrau,Kuki maharung ngajar ta Bait Allah balalu kayo bakoi nyaput Kuki. <sup>56</sup>Tapi,kaluhan iti jari mat kitab-kitab here Nabi na genapi."Udi hio,kaluhan murid nanan Aye palus ngahulu areb e."here pemimpin Yahudi menghakimi Yesus<sup>57</sup>Here nyaput Yesus balalu nunda E napot Kayafas,aye imam hante,uneng here ahli-ahli Taurat nihi tueh-tueh bakumpul sameh-sameh. <sup>58</sup>Balalu,Petrus nutah Yesus tekei lawit hampe gi hadap lewu Imam Hante.Balalu,Petrus suluk,maharung nihi here pengawal mat nginni kasudahan e.<sup>59</sup>Wayah iti,here imam kepala nihi kaluhan Sanhedrinnupui kesaksian palsu gi Yesus mat kiuh nukum matei Aye. <sup>60</sup>Tapi,here bakoi kiuh kahalu e biar lei ajoh saksi oso sa hawi.udi hio, naan rueh kulun balua, <sup>61</sup>balalu ngeau,"ulun iti ngeau,`Kuki kiuh nyanruntun Bait Allah palus napindri e waleng huang telu andrau."⁶²Udi hio,Imam hante mindri balalu ngeau gi Yesus,"inon kah kayo bakoi naan tuing?inon sa natuduh ulun-ulun iti gi Kayo?" ⁶³Tapi,Yesus tatap suni.Balalu,Imam hante hio ngeau gi Yesus,"kuki nyumpah Kayo demi Allah sa welum mat Kayo mawara gi kami,inon kah Kayo Mesias,Anak Allah?" ⁶⁴Yesus ngeau gi aye,"kayo haot ngantuh e kakreb.tapi,kuki ngeau gi kayo bahwa mulai wayah iti kayo sagar nginni Anak Murunsia maharung ta tuhi kawan sa maha kuasa,balalu hawi ta entu awan-awan ta langit."⁶⁵Udi hio,Imam hante mawinsit pakaian e palus ngeau,"Aye haot menghujat!inon lagi perlu here saksi?inni,wayah iti kayo haot ngarengei hujatan E. ⁶⁶Kalawe pendapat nu? here pemimpin Yahudi hio ngajawab,"pas bo Aye nahukum matei."⁶⁷Udi hio,here nura rai E palus nampar E.balalu,sa lain ngompak E. ⁶⁸Here ngeau,"bernubuat bo nadap kami,ui Mesias;hie kah sa ngompak kayo?"Petrus bakoi mangaku Yesus⁶⁹wayah iti,Petrus maharung ta luar halaman balalu erang kulun walah wawei hawi gi aye balalu ngeau,"kayo lei hayak nihi Yesus ulun Galilea hio." ⁷⁰Tapi,Petrus bakoi mangaku e ta hadap here kaluhan, aye ngeau,"kuki bakoi paham sa na surah kaon."⁷¹Katika Petrus balua gi pintu gerbang,walah wawei sa lain nginni aye balalu ngeau gi ulun-ulun sa naan ta aro,"ulun iti sasameh nihi Yesus tekei Nazaret hio." ⁷²Balalu,hindra lagi Petrus bakoi mangaku e nihi sumpah,"kuki bakoi kataru nihi ulun hio."⁷³Bakoi lawah udi hio,ulun-ulun sa mindri ta hio ngarieet Petrus palus ngeau,"pasti kayo lei aye hio isa tekei here gene logat nu katena jelas." ⁷⁴udi hio,Petrus mulai nyapa balalu basumpah,eau e,Kuki bakoi kataru ulun hio."balalu salenga,manu jagau nandru. ⁷⁵Balalu,Petrus kaingat inon eau Yesus,"sa mete manu jagau nandru,kayo sagar koi ngaku Kuki telu kali."udi hio, Petrus balua palus nangis nihi mahanang atei e.

Yesus ta hadap Gubernur Pilatus ¹wayah iti,katika haot kiat,kaluhan Imam kepala nihi tueh-tueh bangsa hio ngalap keputusan sasameh hal Yesus mat ngahukum matei Aye. ²Balalu,here nuruk Yesus,balalu nunda nihi manyarah Aye gi Gubernur Pilatus." Yudas mantiu³Katika Yudas,sa manyarah Yesus,nginni bahwa Yesus na hukum matei,aye nginam manyasal balalu nyampudi 30 kepeng perak napot imam-imam kepala nihi tueh-tueh, ⁴eau e,"kuki haot badosa gene manyarah ira ulun bakoi bahala,"tapi,here ngeau,"inon urusan e nihi kami?hio urusan nu!" ⁵Balalu,Yudas nawut kepeng-kepeng perak hio gi huang Bait Allah palus nanan e.balalu, aye tulak palus mantiu.⁶Tapi,imam-imam kepala ngalap kepeng-kepeng perak hio balalu ngeau,"bakoi wuah mat nyimoh e huang perbendaharaan gene iti aye hio uman ira." ⁷balalu,here negalap keputusan sasameh nihi duit hio,here midi tane tukang periuk mat uneng ogang gi ulun-ulun asing. ⁸hio lah sabab e,tane hio na antuh` tane ira`hampe andrau ina⁹nihi kalahio,genep bo inon sa na antuh nabi Yeremia."Udi hio,here ngalap 30 kepeng perak.hio lah uman gi tenga E sa na kira ulah ulun Israel. ¹⁰here makai 30 kepeng perak pakai midi tane tukang periuk,sameh sa haot Tuhan perintah gi kuki." Yesus nihi Gubernur Pilatus¹¹wayah iti,Yesus mindri ta hadapan Gubernur balalu Gubernur nane nihi Aye,"inonkah kayo ulun Yahudi?"tuing Yesus,"oi,sameh sa naantuh kayo." ¹²tapi,katika Aye na tuduh ulah imam-imam kepala nihi tueh-tueh,Aye bakoi nuing inon-inon. ¹³Udi hio,Pilatus ngeau gi Aye,"inon kah kayo bakoi karengei kalawe ajoh e here nuduh Kayo?" ¹⁴Tapi,Yesus bakoi nuing Pilatus,bahkan gi isa tuduhan lei hampe Gubernur hio waoh tuu." Pilatus gagal nampa bebas Yesus¹⁵wayah iti,ta tiap andrau raya,Gubernur biasa e nyanapas ajoh ulun,erang kulun tahanan sa na aheng here. ¹⁶ta wayah hio,here naan erang kulun tahanan sa terkenal, sa naantuh Barabas¹⁷Jari,katika ulun ajoh hio bakumpul,Pilatus nane gi here,"hie sa naaheng kayo mat kuki nyanapas e,Barabas atawa Yesus, sa naantuh Kristus?" ¹⁸Gene,Pilatus karasa gene bahiri , here haot nyarah Yesus gi aye. ¹⁹katika Pilatus rahat maharung tangar kursi pengadilan,harau e ngirim pesen napot aye,"ada ngulah inon bo nadap ulun wuah hio.gene,kuki haot rara ajoh hal huang upi gene Aye."²⁰Tapi,imam-imam kepala nihi tueh-tueh ngayakin ulun ajoh mat ngalako barabas balalu munu Yesus. ²¹Gubernur nane nihi here,"sa awe nekei karueh ulun hio aheng kaon kuki nyanapas e gi kaon?Balalu,here nuing,"Barabas!" ²²Pilatus ngeau gi here,"amun kalahio,inon sa harus na ulah kuki nihi Yesus,sa naantuh Kristus?"here kaluhan nuing,"salib bo Aye!"²³Balalu,Pilatus nane,"wuah inon?Aye ngulah kajat inon?" tapi,here kamiak magin mehet lagi,"salib bo Aye!" ²⁴katika Pilatus nginni bahwa aye bakoi nyanyari inon lei,malah karusuhan mulai jari,aye ngalap ranu balau mui tangan e ta hadap ulun ajoh hio palus ngeau,"kuki bakoi bahala entu ira ulun iti.hio urusan kaon kakareb.!"²⁵Balalu,kaluhan ulun hio nuing,"ira E naan ta entu kami nihi anak-anak kami!" ²⁶Udi hio,Pilatus nyanapas Barabas gi here balalu udi mencambuk Yesus,Pilatus nyarah Aye mat na salib. " tentara Pilatus ngahahulut Yesus²⁷Udi hio,here tantara Gubernur nunda Yesus gi markas unengan gubernur nihi mangumpul kaluhan pasukan Romawi ngaliling Aye. ²⁸here nguka pakaian Yesus palus makai gi Aye jubah ungu . ²⁹Balalu,udi mengayam isa mahkota barundrui sasameh,here masang e tangar ulu Yesus,isa watang buluh ta tangan kawan E,palus basujud ta hadap Aye,balalu ngahahulut Aye,eau here,"salam Raja ulun Yahudi!"³⁰Here nura Aye,ngalap buluh hio,balalu ngompak e gi ulu E. ³¹Udi here ngahahulut Aye,here napas jubah ungu hio tekei Yesus,balalu masang waleng pakaian Aye kakareb,balalu nunda Etulak mat nyalib Aye. "Yesus na salib³²Katika tentara hio balua,here panalu erang kulun laki tekei Kirene sa bangaran Simon.Here mamaksa Simon mat mamikul salib Yesus. ³³Balalu,katika here hampe ta isa uneng sa bangaran Gologota,sa baarti "uneng tengkorak," ³⁴here ngami Aye anggur mat na oot E na sampur nihi peru,balalu udi nyelap e Aye bakoi kakan ngoot e.³⁵Katika here menyalibkan Yesus,here ngabagi-bagi pakaian E ta sameh here nihi na undi. ³⁶Udi hio,here maharung balalu ngjaga Aye ta hio. ³⁷Balalu,ta entu ulu E,here masang tuduhan E,"ITI LAH YESUS RAJA ULUN YAHUDI."³⁸Ta waktu hio,naan rueh kulun penjahat sa nasalib hayak nihi Yesus. isa ta tuhi kawan balalu isa ta tuhi kawi. ³⁹Balalu,ulun-ulun sa nangkah nyapa Aye nelang ngutik-ngutik ulu, ⁴⁰balalu ngeau,"Kayo sa sagar nyantumang Bait Allah balalu na buan e waleng huang telu andrau,salamat kan tenga Nu kakareb! amun Kayo Anak Allah,minau bo tekei salib hio!"⁴¹Kala hio lei imam-imam kepala,sasameh nihi ahli Taurat,nihi here tueh-tueh ngahulut Yesus,eau here, ⁴²" Aye nyalamat ulun lain,tapi Aye bakoi kiuh nyalamat tenga E raerai. amun Aye Raja Israel,elah bo Aye minau tekei salib hio wayah iti balalu takam harap gi Aye.⁴³Aye harap nihi Allah,balalu ealh bo Allah nyalamat Aye wayah iti,amun Allah ngaheng E.gene Aye kakareb ngeau,`Kuki aye hio Anak Allah." <sup>44</sup>here penjahat sa na salib hayak Aye ngahahulut Aye lei. "kapateian Yesus<sup>45</sup>Wayah iti,tekei jam enem,mieng tangar kaluhan tane hio,hampe jam suei. <sup>46</sup>kira -kira jam suei,Yesus kamiak mehet,"Eli,Eli,lama sabakhtani?" sa arti e,"Allahku,Allahku,wuah inon Kayo nanan Kuki?" <sup>47</sup>Balalu,papire tekei here sa mindri ta hio,katika here ngarengei hio,here ngeau,"ulun iti rahat nerau Elia."<sup>48</sup>salenga e,isa tekei here nempat,palus ngalap wunge karang,nyamehu e nihi anggur maasem,balalu nuruk e nihi isa buluh,balalu ngami e gi Yesus mat na oot. <sup>49</sup>Tapi,sa lain e ngeau,"ayu takam nginni,inon kah Elia sagar hawi mat nyalamat Aye." <sup>50</sup>Balalu,Yesus kamiak hindra lagi nihi lengan mehet palus nyarah Roh E.<sup>51</sup>Balalu,inni,tirai huang Bait Allah pawinsit jari rueh,tekei entu hampe kapit,balalu bumi bagoncang,balalu watu-watu patuhi. <sup>52</sup>ogang-ogang ta uka,ajoh tenga ulun-ulun suci sa haot matei na tambuan. <sup>53</sup>Balalu,udi balua tekei ogang-ogang e,udi kebangkitan Yesus,here suluk gi kota suci balalu nampai tenga here gi ulun ajoh.<sup>54</sup>wayah iti,kepala pasukan,balalu here sa hayak nih aye ngajaga Yesus,katika here nginni gempa bumi nihi kaluhan hal sa terjadi iti,jari takut tuu balalu ngeau,"bujur,Aye ina Anak Allah!" <sup>55</sup>Ta aro,naan ajoh wawei sa nginni tekei lawit,sa nutah Yesus tekei Galilea mat nyadia Aye. <sup>56</sup>tekei here naan Maria Magdalena,Maria ine Yakobus nihi Yusuf,nihi ine anak-anak Zebedeus. "Yesus na kubur<sup>57</sup>Katika andrau mulai kamalem,hawi lei erang kulun sa tatau tekei Arimatea bangaran Yusuf,sa lei haot jari murid Yesus. <sup>58</sup>Aye tulak gi Pilatus balalu ngalako tenga Yesus.Balalu,Pilatus mamarentah mat tenga Yesus naami gi Yusuf.<sup>59</sup>Balalu,Yusuf ngalap tenga Yesus,balalu mungkus E nihi kain lenan sa barasih, <sup>60</sup>Balalu nampakading E huang ogang sa bio,na aye kakareb,sa haot na kadi tangar bukit watu.Balalu,Yusuf ngaguling isa watu hante gi wanawang ogang hio balau tulak. <sup>61</sup>Balalu,ta aro,naan Maria Magdalena nihi Maria sa lain rahat maharung ta hadap ogang hio."ogang Yesus na jaga<sup>62</sup>Tangar andrau nangkah,aye hio andrau udi persiapan mat Sabat,imam-imam kepala nihi ulun-ulun Farisi na kumpul ta hadap Pilatus. <sup>63</sup>Here ngeau,"Tuan,kami kakingat bahwa waktu panamposo hio masih welum,Aye piji ngeau,`udi telu andrau,Kuki sagar buan waleng.` <sup>64</sup>gene hio,perintah bo mat ogang hio na jaga hampe andrau sa katelu,hie karasa murid-murid E tau hawi ngalat E,balalu ngeau gi ulun ajoh,`Aye haot buan tekei helang ulun matei.`balalu,oso sa pangalis iti sagar labih raat tekei sa mulai e."⁶⁵Pilatus nane gi here,"kayo naan penjaga.hulu tulak jaga bo kala awe sa rasa kayo," ⁶⁶Balalu,here tulak palus mangamankan ogang hio sasameh nihi regu penjaga,nihi manyegel panutup ogang.

Peristiwa kebangkitan Yesus ¹Wayah iti,udi sabat,waktu dama hari,ta andrau ka isa minggu hio, Maria Magdalena nihi Maria sa lain tulak mat nginni ogang hio. ²Balalu,inni,jari lah gempa bumi sa hante gene Malaikat Tuhan minau tekei Surga,hawi nihi ngaguling watu hio,udi hio maharung tangar entu e.³Rai mate e sameh kelat nihi pakaian e mahilak sameh salju. ⁴ulah katakut nihi aye,here sa ngajaga hio ta gunsang balalu sameh ulun matei.⁵Balalu,Malaikat hio ngeau gi wawei-wawei hio,"ada takut gene Kuki karasa amun kayo nupui Yesus sa haot na salib yo. ⁶Aye bakoi naan tangar ina gene Aye haot buan sameh sa na eau E.gi iti inni uneng Aye na kading. ⁷hinang bo tulak balalu wara gi murid-murid E bahwa Aye haot buan tekei antara ulun matei,balalu inni,Aye bada hulu gi Galilea.ta aro,kayo sagar kakinni Aye.Perhati bo kuki haot mawara gi kayo."⁸Balalu,here hinang-hinang nanan ogang hio nelang takut palus sanang tuu;balalu nempat mat mawara hio gi murid-murid E. ⁹Balalu,inni,Yesus manalu here balalu ngeau,"Salam"balalu,here hawi napot Yesus,negei pee E,palus meyembah E. ¹⁰Udi hio,Yesus ngeau gi here,"ada takut;tulak palus wara bo pulaksanai Ku mat tulak gi Galilea,balalu ta aro,here sagar nginni Kuki." Here penjaga ogang na bayar mat namposo¹¹Waktu here tulak,papire penjaga tulak gi kota balalu mawara gi imam-imam kepala gene kaluhan hal sa jari. ¹²Balalu, katika here na kumpul sasameh here tueh-tueh.udi mapakat,balalu here ngami ajoh duit gihere penjaga hio, ¹³Balalu ngeau,"wara bo,`murid-murid Yesus hawi ta andrau kamalem palus ngalat E waktu kami mandre,`¹⁴Balalu,amun hal iti rengei ulah Gubernur,kami sagar ngayakin aye balalu ngulah kayo bakoi gaer." ¹⁵Balalu,here narime duit hio palus ngulah sameh sa haot na ajar gi here;balalu paneran hio masih naan ta penah ulun Yahudi hampe andrau ina."Amanat Agung Yesus¹⁶Udi hio,kesebelas murid tulak gi Galilea,gi bukit sa haot na tutui Yesus gi here. ¹⁷Waktu here nginni E,here menyembah E.tapi papire ragu-ragu.¹⁸Balalu,Yesus hawi palus ngeau gi here,"kaluhan kuasa haot n ami gi Kuki,ta Surga maupun ta bumi. ¹⁹gene hio,tulak bo balalu sa nyari kaluhan Bangsa murid Ku,pakandrus here huang aran Ammah,nihi Anak,nihi Roh Kudus,²⁰Ajar bo here mat nuu kaluhan sa na perintah Ku gi kayo;balalu inni bo,Kuki hayak kayo tarus,bahkan hampe pangalis zaman.

¹Haot ajoh ulun bausaha nyusun isa catatan gene kajadian-kajadian sa haot jari tangar penah-penah takam, ²sameh hal e catatan sa haot na hampe napot takam ulah ulun-ulun sa nekei asal e haot jari saksi mate nihi pemberita Firman. ³gene kuki haot mempelajari kaluhan e nihi teliti tekei awal,maeh bo kuki lei manulis e secara ba ururtan napot kayo,ui Teofilus sa mulia, ⁴mat kayo kiuh ngarasa sa wuah gene hal-hal sa haot na ajarkan napot kayo."pawaraan gene Yohanes Pembaptis⁵Tangar wayah pemerintahan Herodes,Raja Yudea,naan erang kulun Imam bangaran Zakharia sa baasal tekei kelompok imam Abia.Harau e ba asal tekei katurunan Harun,balalu aran e Elizabet. ⁶Zakharia nihi Elizabet aye hio ulun-ulun sa wuah tangar mate Allah.here welum bakoi naan cacat e susuk nihi kaluhan hukm nihi aheng Allah. ⁷Tapi,here bakoi naan anak gene Elizabet mandul balalu kararue e haot matueh.⁸Katika hampe gilir rombongan e mat batugas,Zakharia haba tugas mat jari Imam tangar hadap Allah. ⁹Manurut kebiasaan keimaman,Zakharia ta pidi nangkah undian mat suluk gi huang Bait Allah balalu nutung ukupan. ¹⁰Tangar wayah ukupan na persembahkan,kaluhan umat ba lako doa tangar wading.¹¹Salenga,malaikat Tuhan nyantena areb e napot Zakharia palus mindri tangar kawan alter ukupan. ¹²Katika kakini Malaikat hio,Zakharia jari saketek palus takut tuu. ¹³Tapi,malaikat hio ngeau napot aye,"ada takut,Zakharia,gene lako doa nu haot na rengei.Harau nu,Elizabet,sagar nganak erang kulun laki mat gi kayo balalu kayo sagar nampa ngaran e Yohanes.¹⁴Kayo sagar basuka cita nihi basanang atei,balalu ajoh ulun lei sagar umma basukacita ulah kelahiran e. ¹⁵Aye sagar jari hante tangar hadap Tuhan balalu bakoi sagar ngoot anggur atawa ngoot pangoot sa mehet lain e.hampe,nekei huang wuntung ine e aye sagar na tampenu ulah Roh Kudus¹⁶Aye sagar ngulah ajoh ulun Israel waleng napot Tuhan,Allah here. ¹⁷Aye sagar takia dahulu tekei Tuhan nihi Roh palus kuasa Elia,`mat ngulah atei here ambah-ambah waleng napot anak e,`Aye lei sagar ngulah ulun-ulun sa bakoi nuu mat waleng napot hikmat ulun-ulun wuah.nihi sameh hio,aye nampa siap umat sa haot na sadia kan napot Tuhan."¹⁸Zakharia ngeau napot Malaikat hio,"kalawe kah kuki sagar karasa gene hal iti?gene,kuki iti haot matueh nihi harau ku lei haot matueh." ¹⁹Malaikat hio nuing,"kuki aye hio Gabriel,malaikat sa mindri tangar hadap Allah. Kuki na utus mat bapander napot kayo balalu nampe kabar maeh iti napot kayo. ²⁰Tapi,wayah iti rengei bo!kayo sagar jari muna balalu bakoi kiuh bapander hampe tangar andrau katika hal-hal iti jari gene kayo bakoi harap nihi paneran kuki,sa sagar na genapi tangar waktu e."²¹Helang hio,umat ngandrei Zakharia.here nane-nane wuah inon Zakharia muneng lawah tuu tangar Bait Allah. ²²Katika balua,Zakharia bakoi kiuh bapander napot here.here lei karasa bahwa Zakharia haot kakinni panginni tangar Bait Allah gene aye tarus-tarusan ngulah kode napot here,tapi bakoi kiuh bapander. ²³Udi helang wayah tugas keimaman e galis,mudi lah Zakharia gi lewu e.²⁴Udi kejadian hio,Elizabet sawuntung balalu nyiok areb e salawah dime wulan.aye ngeau, ²⁵"iti lah sa haot na ulah Tuhan napot kuki.aye memperhatikan kuki nihi ngahapus aibku tekei helang ulun ajoh."Pawaraan gene Yesus Kristus²⁶Tangar wayah Elizabet sawuntung enem wulan,Allah mengutus malaikat Gabriel gi isa kota tangar wilayah Galilea sa bangaran Nazaret. ²⁷Aye na ututs mat nalu erang kulun wawei bujang sa rahat batunangan nihi laki sa bangaran Yusuf,katurunan Daud.ngaran wawei bujang hio Maria. ²⁸Balalu,malaikat hio hawi napot Maria palus ngeau,"Tabe,ui kayo sa na berkati!Tuhan hayak kayo." ²⁹ngarengei antuhan hio,Maria jari dodor,aye nane-nane huang atei e gene arti tabe hio.³⁰Malaikat hio ngeau napot aye,"ada takut,Maria,gene Allah haot ngami kasih Karunia E napot kayo. ³¹rengei bo,kayo sagar sawuntung balalu nganak erang kulun nakia laki,balalu kayo sagar ngulah aran E Yesus. ³²Aye sagar jari hante balalu sagar na antuh anak Allah Sa Panga Entu.Tuhan Allah sagar ngami Aye takhta Daud,itak uyut E. ³³Aye sagar memerintah entu keturunan Yakub mat gi kalalawah e balalu kerajaan E bakoi sagar piji galis."³⁴Balalu,Maria ngeau napot Malaikat hio,"kalawe hal iti sagar jari padahal kuki mete namane?" ³⁵Malaikat hio nuing palus ngeau napot aye,"Roh Kudus sagar hawi entu kayo balalu kuasa Allah sa Panga Entu sagar nyanungen kayo.hio lah gene e,nakia sa sagar lahir hio aye lah kudus balalu na antuh Anak Allah.³⁶Balalu,karasalah bahwa Elizabet,pulaksanai nu hio,rahat sawuntung lei ta umur matueh e.aye sa sadi na antuh mandul,wayah iti haot sa wuntung sa lawah enem wulan. ³⁷Gene,bakoi naan hal sa mustahil napot Allah." ³⁸Balalu,Maria ngeau,"sabujur e,kuki iti hamba Tuhan.jari lah napot kuki sameh sa na antuh nu hio."Udi hio,Malaikat hio tulak nanan aye."Maria ganta Elizabet³⁹Ta andrau-andrau hio,Maria basiap-siap mat hinang tulak gi daerah pegunungan,gi isa kota tangar Yudea. ⁴⁰Aye suluk gi lewu Zakharia balalu ngami tabe napot Elizabet. ⁴¹katika Elizabet ngarengei tabe tekei Maria,nakia tangar huang wuntung e nampetu balalu Elizabet na tampenu Roh Kudus.⁴²Udi hio Elizabet kamiak nihi lengan mehet,"na berkati lah kayo tangar helang kaluhan wawei,balalu na berkati lah wua kandungan nu. ⁴³Hie kah kuki iti hampe ine Tuhan ku hawi napot kuki? ⁴⁴Bujur,katika lengan nu tabe nu hampe gi silu ku,nakiia huang wuntung ku nampetu gene sanang. ⁴⁵berbahagia lah aye sa harap bahwa inon sa na antuh Tuhan napot aye sagar na tampa genep."Pujian Maria napot Allh⁴⁶Balalu,bapanderlah Maria,"jiwa ku memuliakan Allah, ⁴⁷balalu Roh ku basuka cita ta huang Allah,juru selamatku.⁴⁸Gene,Allah haot ngahitung hamba E sa hina iti.rengei lah,mulai wayah iti palus kalawah e,kaluhan turunan sagar ngantuh kayo berbahagia. ⁴⁹Gene Aye Sa Pangakuasa haot ngulah hal-hal sa hante napot kuki,nihi kuduslah aran E.⁵⁰Rahmat E na ami tekei generasi napot generasi,napot ulun-ulun sa takut sagar Aye. ⁵¹Aye haot nutui kuasa E nihi tangan E.Aye nampisah-pisahkan ulun sa sombong huang pikiran atei e.⁵²Aye nampinau here penguasa tekei takhta here,balalu nanan ulun-ulun sa imme atei e. ⁵³Aye haot namising ulun sa kaluan nihi sa maeh,tapi nyanulak ulun sa sugih nihi tangan lawang.⁵⁴Allah haot ngami pangawat napot Israel,hamba E,gene ngitung rahmat E. ⁵⁵sameh awe sa haot na natuh e napot itak uyut takam,napot Abraham nihi katurunan e mat gi kalalawah e."⁵⁶Balalu,Maria muneng baya Elizabet kira-kira telu wulan lawah e,balalu aye mudi gi lewu e."kelahiran Yohanes Pembaptis ⁵⁷wayah iti hampe lah waktu e gi Elizabet mat nganak balalu aye nganak erang kulun nakia laki. ⁵⁸here tetangga nihi babuhan e ngarengei bahwa Tuhan haot nutui rahmat E sa hante napot Elizabet,balalu here umma bersuka cita hayak nihi aye.⁵⁹Tangar andrau sa ka walu,here hawi lepuh nyunat nakia hio.here ngahengnampangaran nakia hio Zakharia,sameh aran amah e. ⁶⁰Tapi,ine e ngeau,"bakoi,aye sagar natampa ngaran Yohanes." ⁶¹ulun-ulun hio ngeau napot Elizabet,"bakoi naan erang kulun lei ta helang pulaksanai atei nu sa tampa ngaran nihi aran hio."⁶²Udi hio,here ngami kode napot Zakaria mat nane tekei aye,aran inon sa kakan na ami e napot anak e hio. ⁶³Zakharia ngalako isa kua papan tulis,balalu manulis sameh iti:"Aran e Yohanes."Balalu,kaluhan ulun jari dodor.⁶⁴wayah hio lei,wawa Zakharia ta ukan nihi lela e talapas.Aye lei mulai bapander nihi memuji Allah. ⁶⁵Kaluhan tetangga here jari takut nihi kejadian iti jari bahan pamaneran ta kaluhan desa perbukitan Yudea. ⁶⁶Balalu,kaluhan ulun sa ngarengei hal iti jari ba tane-tane huang atei here,"sagar jari inonkah nakia iti narian e?"Gene,tangan Tuhan ngahayak e."Zakharia memuliakan Allah⁶⁷Zakharia,amah Yohanes,na tampenu Roh Kudus lei balalu banubuat,eau e, ⁶⁸"terpujilah Tuhan,Allah Israel gene Aye haot melawat nihi newuh umat E.⁶⁹Aye haot nambuan tandruk keselamatan mat gi takam tekei katurunan Daud,hamba E, ⁷⁰sameh sa Aye Firmankan nangkah wawa nabi E sa kudus tekei sadi hurap ⁷¹mat takam na selamatkan tekei musuh-musuh takam,nihi tekei tangan kaluhan ulun sa marikang takam.⁷²Aye ngulah mat nutui rahmat itak uyut takam,nihi gene Aye ngingat sagar perjanjian E sa kudus, ⁷³aye hio sumpah sa na antuh napot itak uyut takam,Abraham, ⁷⁴Bahwa takam sagar na bebaskan tekei musuh-musuh takam mat takam kiuh melayani E nihi bakoi naan takut, ⁷⁵Huang kekudusan nihi sa wuah ta hadapan E,sa umur welum takam.⁷⁶Balalu kayo,anakku,sagar na antuh Nabi Allah Sa Panga entu,gene kayo sagar takia ngadahului Tuhan,mat mempersiapkan lalan mat gi Aye. ⁷⁷Mat ngami pamahaman gene keselamatan napot umat E nangkah pengampunan entu dosa-dosa here.⁷⁸Gene rahmat nihi ahi lelu Allah takam,cahaya mate andrau sagar nyatarang takam tekei uneng amau ⁷⁹Mat nyantarang here sa muneng huang ka mieng nihi sa muneng huang bayang-bayang pampatei,mat nunda pee takam nutah gi lalan damai sejahtera."⁸⁰Balalu,nakia hio tumbu magin hante,nihi magin gagah ta huang Roh.Aye muneng tangar pulau haket hampe wayah e hampe mat nyantarang areb e napot bangsa Israel.

¹Tangar wayah hio,Kaisar Agustus nampa lua perintah mat na ulah sensus napot kaluhan penduduk tangar seluruh dunia. ²iti lah sensus penduduk sa ka isa na ulah katika Kirenius jari gubernur ta Siria. ³Balalu,kaluhan ulun waleng gi kota asal here asing-asing mat ngadaftar areb e.⁴Yusuf lei nanan Nazaret,kota ta Galilea,balalu nuju Yudea,gi kota Daud sa na antuh Betlehem,gene aye baasal tekei garis katurunan Daud, ⁵mat aye na daftar kan hayak nihi Maria,tunangan e,sa rahat sa wuntung.⁶Katika Yusuf nihi Maria naan tangar Yerusalem,hampe lah wayah e gi Maria mat nganak. ⁷Maria lei nganak nakia laki e sa panga tueh.aye mungkus e nihi kain salampin balalu nampa kading e tangar huang dulang gene bakoi naan kamar gi here uneng bamalem."here gembala ngini awau Yesus⁸Tangar daerah sa sameh,naan papire gembala sa muneng tangar pulau haket mat ngajaga kawan domba here ta andaru kamalem. ⁹salenga,Malaikat Tuhan mindri tangar riet here balalu kemuliaan Tuhan bacahaya ta kaliling here hampe here takut tuu.¹⁰Tapi,Malaikat hio ngeau napot here,"ada takut gene rengei lah,Kuki mawara napot kayo kabar maeh gene kasanang hante sa na tuju napot kaluhan bangsa. ¹¹Tangar andrau iti,haot lahir gi kayo erang kulun Juru Selamat,aye hio Kristus,Tuhan,ta kota Daud. ¹²iti lah tanda napot kayo:kayo sagar kahalu awau sa na bungkus nihi kain salampin balalu ta nampa kading tangar dulang."¹³Salenga,ka tena lah hayak-hayak Malaikat hio sa kumpulan ajoh tantara surgawi memuji Allah nihi ngeau, ¹⁴"Kemuliaan napot Allah tangar uneng sa panga entu balalu damai sejahtera ta bumi,ta helang ulun-ulun sa susuk napot Aye."¹⁵Katika here Malaikat nanan here gembala hio balalu waleng gi surga,here gembala hio bapander isa napot sa lain,"ayu bo takam gi Betlehem mat ngini hal-hal sa haot terjadi iti,sa haot na wara Tuhan napot takam." ¹⁶Balalu,here hinang-hinang tulak balalu kahalu Maria nihi Yusuf,namput awau sa mangkading tangar dulang.¹⁷Katika gembala ngini Aye,here ngesah paneran sa haot na antuh napot here gene nakia hio. ¹⁸Balalu,kaluhan ulun sa ngarengei hal hio dodor entu hal-hal sa na antuh here gembala napot here. ¹⁹Tapi,Maria nyimoh hal hio balalu mamaham e huang atei e. ²⁰Balalu,here gembala waleng napot domba-domba here nelang memuliakan nihi memuji Allah entu kaluhan sa haot na inni here palus na rengei sameh sa na antuh napot here.²¹Balalu,udi genep walu andrau mat manyunat kan awau hio,aran E na antuh Yesus,sameh ngaran sa na ami ulah malaikat samete Aye na sawuntung ta huang rahim,"awau Yesus na tunda gi Bait Allah²²Katika andrau penyucian hukum Musa haot galis,Maria nihi Yusuf nunda Yesus gi Yerusalem mat manyarah E napot Tuhan, ²³sameh sa tatulis huang hukum Tuhan,"satiap nakia laki panga tueh harus na kuduskan gi Tuhan ²⁴balalu mat ngami persembahan susuk nihi inon sa na antuh huang hukum Tuhan,aye hio sapasang wurung dara atawa rueh kikui wurung merpati muda."Simeon dan Hana ngini Yesus²⁵Naan erang kulun laki bangaran Simeon sa muneng tangar Yerusalem.Aye hio ulun sa wuah nihi taat,sa ngandrei-ngandrei penghiburan Allah entu Israel,nihi Roh Kudus ngahayak e. ²⁶Roh Kudus mawara gi aye bahwa aye bakoi sagar matei samete ngini Kristus sa na urapi Tuhan.²⁷Balalu,Simeon hawi gi Bait Allah entu huyuan Roh Kudus,katika Yusuf nihi Maria nunda awau Yesus gi Bait Allah mat ngulah napot Aye inon sa haot na tutui ulah Hukum Taurat. ²⁸Udi hio,Simeon nyantatang awau hio balalu memuji Allah,eau e, ²⁹"wayah iti,ui Tuhan,kono e Kayo nuyu pelayan Nu iti tulak huang damai,susuk nihi Firman Nu;³⁰Gene mate ku haot kakini keselamatan Nu, ³¹sa haot na sadia Nu ta hadapan kaluhan bangsa; ³²aye hio cahaya sa sagar nampatarang bangsa-bangsa sa bakoi kataru Tuhan,balalu sa jari kemuliaan napot umat Nu,Israel."³³Yusuf nihi ine Nakia hio jari dodor entu inon sa na antuh Simeon gene Aye. ³⁴Udi hio,Simeon memberkati here balalu ngeau napot Maria,ine Yesus,"rengei,nakia iti haot na tantu kan mat nyanruntun palus nambuan ajoh ulun Israel,nihi jari tanda sa na sual ajoh ulun. ³⁵(balalu,isa kawua pedang sagar nyusuk jiwa nu)mat isi atei ajoh ulun sagar na santarang."³⁶tangar aro lei naan erang kulun nabiah bangaran Hana,anak Fanuel tekei suku Asyer.Aye haot matueh tuu.aye ekat welum nihi wane e salawah pitu taun udi kawinan e, ³⁷balalu udi hio jari walu hampe umur 84 taun.Aye bakoi piji nanan Bait Allah,tapi ba ibadah ka andrau kamalem nihi bapuasa palus ba lako doa. ³⁸Tangar wayah hio,hawilah Hana nihi ngantuh syukur napot Allah nelang ngesah gene Yesus napot kaluhan ulun sa ngandrei-ngandrei panewuhan Yerusalem ".Yusuf nihi Maria mudi gi Nazaret³⁹Udi Yusuf nihi Maria ngagawi kaluhan hal sameh hukum Tuhan,here waleng gi Galilea,kota asal here,aye hio Nazaret. ⁴⁰Nakia hio lei tumbu magin hante,gagah,penu hikmat,balalu Allah memberkati E."Yesus tangar Bait Allah⁴¹Setiap taun,ulun matueh Yesus tulak gi Yerusalem tangar andaru Raya Paskah. ⁴²Katika Yesus ba umur rueh belas taun,here tulak gi aro susuk nihi kapatuhan andrau Raya hio. ⁴³udi perayaan hio galis,here mudi,tapi,Yesus tatap muneng tangar Yerusalem bakoi sa pangarasa ulun matueh E. ⁴⁴Gene ulun matueh Yeus ngono bahwa Aye naan tangar helang rombongan,here lei nampalus jalanan hampe erang andrau penu.balalu here mulai nupui Aye tangar helang kula warga nihi ulun-ulun sa na patuh here.⁴⁵Katika here bakoi kahalu Yesus,here waleng gi Yerusalem mat nupui E. ⁴⁶udi telu andrau,here panalu Yesus ta Bait Allah rahat maharung ta helang guru-guru Agama,nelang ngarengei balalu ba katane nihi here. ⁴⁷kaluhan ulun sa ngarengei E jari dodor sagar panga rasa nihi tuingan-tuingan E.⁴⁸Katika ulun matueh E ngini Aye,here lei dodor.balalu ine E nane,"nak,wuah inon Kayo ngulah sameh iti napot kami?amah Nu nihi kui gaer tuu nupui Kayo." ⁴⁹tuing Yesus napot here,wuah inon kayo nupui Kuki?bakoi karasa kah kayo bahwa Kuki pasti muneng ta lewu Amah Ku?" ⁵⁰Tapi,here bakoi paham inon sa na antuh E napot here.⁵¹Balalu,Yesus mudi hayak here gi Nazaret palus nuu nihi here.tapi ine E nyimoh paneran hio huang atei e. ⁵²Yesus lei magin ba tumbu magin hante balalu magin bijaksana.Aye na kagiri Allah nihi murunsia.

¹tangar taun ka dime belas wayah pemerintahan Kaisar Tiberius,katika Pontius Pilatus jari gubernur Yudea,Herodes jari raja Galilea;Filifus pulaksanai Herodes jari raja wilayah Iturea nihi Trakhonitis;nihi Lisanias jari raja Abilene, ²Hanas nihi Kayafas menjabat jari imam agung,hawi lah firman Allah napot Yohanes,anak Zakharia,sa muneng ta pulau haket.³Balalu,tulak lah Yohanes gi kaluhan daerah ta sekitar Yordan balalu mangabar baptisan pertobatan mat pengampunan dosa,⁴Sameh sa tatulis ta huang kitab Nabi Yesaya:"itilah lengan ulun sa kamiak-kamiak ta pulau haket,`na siapkan bo lalan napot Tuhan,sa mitu bo lalan napot Aye.<sup>5</sup>Satiap lembah sagar na timbun,balalu satiap gunung nihi bukit sagar na ratakan.lalan sa liku-liku sagar na san witu,balalu satiap lalan sa bakoi rata sagar na tangkaeh. <sup>6</sup>Balalu,kaluhan ulun sagar ngini keselamatan tekei Tuhan!"<sup>7</sup>Balalu,Yohanes ngeau napot ulun ajoh sa hawi mat na baptis ulah e,"ui,kayo katurunan nipe haket! hie sa nampa ingat kayo mat nempat tekei muruka sa sagar hawi?<sup>8</sup>Ulah gene hio,ngahasil bo wua-wua sa nutui pertobatannu.ada ngeau napot areb nu kakareb,`Abraham aye hio itak uyut kami!`kuki ngeau napot kayo,sabujur e tekei watu-watu iti Allah kiuh nambuan nakia-nakia napot Abraham!⁹Bahkan,mulai wayah iti kapak haot na andak tangar wakat kakau.satiap kakau sa bakoi ngahasil wua sa maeh sagar na teweng balalu na tawut gi huang apui."¹⁰Ulun-ulun ba tane napot Yohanes,"amun sameh hio,inon sa harus na ulah kami?" ¹¹Aye nuing,"setiap ulun sa naan rueh lamma,aye harus ngami e nihi ulun sa bakoi naan.balalu satiap ulun sa naan panguta,harus ngulah hal sa sameh."¹²Papire pangumpul pajak lei hawi mat na baptis.here nane napot Yohanes,"Guru,inon sa harus na gawi kami?" ¹³Yohanes mawara gi here,"ada narik pajak labih tekei sa haot na tantu gi kayo."¹⁴Papire tentara nane napot aye,"kala awenihi kami?inon sa harus na ulah kami?"Yohanes ngeau napot here,"ada lako duit tekei hie bo nihi cara paksa atawa tuduhan palsu.sukup lah tenga nu nihi gaji nu."¹⁵katika kaluhan ulun rahat ngahrap ka hawian Mesias,here kaluhan baka tane huang atei gene Yohanes,inon kah aye Kristus ataw bakoi. ¹⁶Yohanes nuing here nihi ngeau,"kuki membaptis kayo nihi ranu.sagar tapi,erang kulun sa labih bakuasa tekei kuki sagar hawi.mat nguka tadi sarumpah E bo kuki bakoi pas.Aye sa sagar membaptis kayo nihi Roh Kudus nihi apui.¹⁷Alat pangitab haot naan tangar tangan E mat ngarasih lantai pangiikan balalu mat mangumpulkan gandum sa maeh gi huang palunu E.tapi,Aye sagar nutung ape gi huang apui sa bakoi piji pare."¹⁸Nihi ajoh nasihat ulun lain,Yohanes mengajarkan Injil napot ulun ajoh.Yohanes Pembaptis na penjarakan ¹⁹Tapi,gene Yohanes nyompo Herodes,raja wilayah,ulah gawian e nihi Herodias,harau pulaksnai Herodes,balalu gene kaluhan hal jahat sa haot na ulah e, ²⁰maka Herodes nambah iti mat gi kaluhan e nihi nampasuluk Yohanes gi huang penjara.Yesus na Baptis²¹Katika kaluhan ulun na baptis,Yesus na baptis lei.Balalu,katika Aye lako doa,langit ta uka, ²²Balalu Roh Kudus minau ma entu E huang ujud wurung merpati.Balalu,naan lengan tekei langit nihi ngeau,"Kayo aye hio Anak Kuki sa na sayang ku.Napot Kayo lah Kuki berkenan."Silsilah Yesus²³Katika Yesus memulai pelayanan E,Aye ba umur tanguhan telum pulu taun.ulun-ulun ba pendapat aye hio Yesus aye lah anak Yusuf.Yususf anak Eli. ²⁴Eli anak matat.matat anak Lewi.Lewi anak Malkhi.Malkhi anak Yanai.Yanai anak Yusuf.²⁵Yusuf anak Matica.Matica anak Amos.Amos anak Nahum.Nahum anak Hesli.Hesli anak Nagai. ²⁶Nagai anak Maat.Maat anak Matica.Matica anak Simei.Simei anak Yosek.Yosek anak Yoda.²⁷Yoda aye hio anak Yohanan.Yohanan anak Resa.Resa anak Zerubabel.Zerubabel anak Sealtiel.Sealtiel anak Neri. ²⁸Neri anak Malki.Malki anak Adi.Adi anak Kosam.Kosam anak Elmadam.Elmadam anak Er. ²⁹Er anak Yesua.Yesua anak Eliezer.Eliezer anak Yorim.Yorim anak Matat.Matat anak Lewi.³⁰Lewi aye hio anak Simeon.Simeon anak Yehuda.Yehuda anak Yusuf.Yusuf anak Yonam.Yonam anak Elyakim. ³¹Elyakim anak Melea.Melea anak Mina.Mina anak Matata.Matata anak Natan.Natan anak Daud. ³²Daud anak Isai.Isai anak Obed.Obed anak Boas.Boas anak Salmon.Salmon anak Nahason.³³Nahason aye hio anak Aminadab.Aminadab anak Admin.Admin anak Arni.Arni anak Hezron.Hezron anak Peres.Peres anak Yehuda. ³⁴Yehuda anak Yakub.Yakub anak Ishak.Ishak anak Abraham.Abraham anak Terah.Terah anak Nahor. ³⁵Nahor anak Serug.Serug anak Rehu.Rehu anak Peleg.Peleg anak Eber.Eber anak Salmon.³⁶Salmon aye lah anak Kenan.Kenan anak Arpakhsad.Arpakhsad anak Sem.Sem anak Nuh.Nuh anak Lamekh. ³⁷Lamekh anak Metusalah.Metusalah anak Henokh.Henokh anak Yared.Yared anak Mahalaleel.Mahalaleel anak Kenan. ³⁸Kenan anak Enos.Enos anak Set.Set anak Adam.Adam aye hio anak Allah.

¹Yesus,sa penu nihi Roh Kudus waleng tekei Yordan.udi hio,Aye na pimpin ulah Roh Kudus nuju pulau haket ²salawah 40 andrau mat na pansoba ulah iblis.Aye bakoi nguta inon-inon salawah andrau-andrau hio.Katika haot galis,Aye jari kaluan.³Balalu,iblis ngeau napot Aye,"amun Kayo Anak Allah,huyu bo watu iti jari roti." ⁴Yesus nuing e,"naan tatulis,`Murunsia welum bakoi nekei roti bo."<sup>5</sup>Udi hio,iblis nunda Yesus gi uneng sa entu balalu nyantarang napot Aye kaluhan kerajaan dunia nihi tawelek. <sup>6</sup>Balalu,Iblis ngeau napot Aye,"Kuki sagar ngami Kayo kuasa nihi kemuliaan entu kaluhan uneng hio,gene kaluhan e haot na ami napot kuki.Balalu,kuki ngamie napot hie bo sa na aheng kuki. <sup>7</sup>Jari,amun Kayo menyembah kuki,kaluhan e hio sagar jari ampun Nu."<sup>8</sup>Balalu,Yesus nuing,"naan tatulis,`kayo harus menyembah Tuhan Allahnu,balalu ekat napot Aye kayo harus berbakti."⁹Udi hio,Iblis nunda Yesus gi Yerusalem balalu ngandak E tangar pusing entu Bait Allah.eau Iblis napot Yesus,"amun kayo Anak Allah,sanawu bo areb nu tekei iti gi leba, ¹⁰gene naan ta tulis,1gene Kayo,Allah sagar nuyu malaikat-malaikat E mat ngajaga Kayo,` <sup>11</sup>Balalu,nihi tangan here,here sagar nyangga Kayo mat pee Nu bakoi ta santuk watu."<sup>12</sup>Tuing Yesus napot Iblis,"naan tatulis,`ada mansoba Tuhan Allahnu," ¹³Udi iblis galis mansoba Yesus,aye tulak nanan E balalu ngandrei kesempatan sa lain."mulai Pelayanan Yesus ta Galilea¹⁴Yesus waleng gi Galilea nihi penu kuasa Roh,balalu kabar gene Aye hampe gi kaluhan daerah ta iring e. ¹⁵Balalu Aye mulai ngajar ta Sinagoge balalu kaluhan ulun nawat Aye."Yesus bakaoi na tarime ta kota asal E¹⁶Udi hio Yesus tulak gi Nazaret,kota uneng Aye na tampa hante.Sameh biasa E,Yesus tulak gi Sinagoge tangar andrau Sabat,balalu mindri mat ngabaca. ¹⁷Kitab Nabi Yesaya sa na ami napot Aye,balalu Aye nguka Kitab hio palus kahalu bagian sa manulis,¹⁸"Roh Tuhan naan tangar Kuki,gene Aye haot mengurapi Kuki mat nampe kabar maeh napot ulun-ulun susah.Aye mangutus Kuki mat mawara pembebasan napot here tawanan,balalu nyamare pangini napot ulun-ulun pehe,mat nyanapas ulun-ulun sa ta tindas, ¹⁹balalu mat mawara bahwa taun rahmat Tuhan haot hawi."²⁰Yeus nutup Kitab hio balalu nyampudi e napot pejabat lewu ibadah,balalu udi hio Aye maharung.Mate kaluhan ulun ta huang Sinagoge hio tapaku napot tenga E. ²¹Balalu,Yesus mulai bapander nihi here,"Andaru iti,geneplah inon sa na tuliskan Kitab Suci iti wayah kayo ngarengei e." ²²Balalu,kaluhan ulun nyamuah E nelang dodor-dodor nihi paneran bungas sa balua tekei wawa E.here ngeau,"bakoi lah Aye hio anak Yusuf?"²³Udi hio,Yesus ngeau napot here,"kayo pasti sagar ngantuh paribahasa iti napot Kuki,`Tabib,samare bo areb Nu kakareb!kami ngarengei gene hal-hal sa na ulah Kayo ta Kapernaum,ulah bo hio lei tangar iti,tangar kota asal Nu kakareb." ²⁴Udi hio Aye ngeau,"Kuki marawara napot kayo,sabujur e bakoi naan Nabi sa na tarime tangar kota asal e kakareb.²⁵Huang sa wuah,Kuki ngantuh napot kayo,naan ajoh walu ta Israel tangar wayah Elia,waktu langit ta tutup salawah telu taun nihi enem wulan,katika kaluan weat jari tangar kaluhan negeri. ²⁶Tapi,Elia bakoi na utus napot hie lei kecuali napot erang kulun walu ta Sarfat,ta daerah Sidon. ²⁷Balalu,naan ajoh karara kusta ta Israel wayah Nabi Elisa,tapi bakoi naan erang kulun lei tekei here sa na samare salain tekei Naaman,ulun Siria hio."²⁸Katika ngarengei hal-hal iti,kaluhan ulun ta huang sinagoge hio na tampenu nihi kasangit. ²⁹Balalu,mindri lah here palus nyujut Yesus balua tekei kota hio,balalu nunda E gi entu bukit uneng kota here na tambuan mat nyanawu E tekei tebing. ³⁰Tapi,Yesus nangkah tekei penah-penah here balalu tulak."Erang kulun laki na bebas kan tekei Roh Setan³¹Yesus tulak gi Kapernaum,isa kota ta daerah Galilea,balalu ngajar ulun ajoh ta andra Sabat. ³²here nyanawat napot pengajran-E gene paneran E penu nihi kuasa.³³Ta Sinagoge,naan erang kulun laki sa karasukan roh setan sa najis.ulun hio kamiak nihi lengan mehet, ³⁴elah bo kami kakareb!inon urursanNu nihi kami Yesus,ulun Nazaret?inonkah Kayo hawi kakan nampatei kami?kuki kataru hie Kayo,Sa Kudus tekei Allah!"³⁵Tapi,Yesus nyompo roh setan hio,eau E,"benyem!balua bo tekei ulun iti!"udi setan hio nampas ulun hio gi tane,ta hadap kaluhan ulun,aye balua tekei tenga ulun hio balalu bakoi nampa hanang e. ³⁶nihi penu ka bangga,kaluhan ulun sa naan tangar hio ba pander isa nihi sa lain,"paneran inonkah iti? gene nihi wibawa namput kuasa,Aye nuyu roh-roh najis hio balalu here balua." ³⁷Balalu,kabar gene Yesus ta sebar gi kaluhan uneng tangar daerah hio." umpu wawei Petrus nihi ulun ajoh na samare³⁸Udi hio,Yesus nanan lewu ibadah hio balalu tulak gi lewu Simon.wayah hio,umpu wawei Simon rahat maringin,gene hio here lako Yesus mat nyamare e. ³⁹Balalu,mindri lah Yesus ta riet umpu wawei Simon palus nyompo maringin hio,balalu ringin e kaoh.Wayah hio lei,umpu wawei Simon buan palus melayani here.⁴⁰Katika mate andrau mulai leteng,kaluhan ulun nunda babuhan here sa rara ulah ajoh masam panyakit napot Yesus.Balalu Yesus ngandak tangan E ta entu here asing-asing palus nyamare here. ⁴¹setan-setan lei balua tekei ulun ajoh hio nelang kamiak,"Kayo aye hio Anak Allah!"tapi,Yesus nyompo here,Aye bakoi kalewa here bapander gene here karasa bahwa Aye lah Kristus."Yeus berkhotbah tangar kota-kota lain⁴²mat gi katuni kiat e Yesus tulak gi isa uneng mat kakareb e.ulun ajoh nupui Aye,balalu katika here kahalu Aye,here ba usaha ngahalang Aye mat bakoi nanan here. ⁴³Tapi,Aye ngeau napot here,"Kuki harus memberitakan Injil Kerajaan Allah gi kota-kota lain lei gene ulah iti lah Kuki na utus." ⁴⁴Balalu,Yesus berkhotbah ta sinagoge-sinagoge ta Yudea.

¹Tangar isa katika,ulun ajoh bakumpul iring Aye mat ngarengei Firman Allah.wayah hio,Yesus mindri tangar iring danau Genesaret, ²balalu kakinni rueh jukung sa rahat tunuk ta iring danau hio,tapi here pangenahan haot balua tekei jukung-jukung hio nihi rahat mui lunta here. ³Yesus suluk gi isa tekei jukung hio,aye ampun Simon,balalu nuyu Simon mat mawehei jukung e lawit dohot tekei pampang.Udi hio, Yesus maharung balalu ngajar ulun ajoh tekei entu jukung.⁴Udi galis bapander,Yesus ngeau napot Simon,"tulak bo gi uneng sa ranu e lalem palus timai bo lunta nu mat nyaput kenah." ⁵Simon nuing,"Guru kami bagawi erang malem,tapi bakoi kiuh inon-inon!tapi,gene Kayo sa nuyu,kuki sagar nimai lunta iti." ⁶Balalu,katika here ngagawi e,here kiuh ajoh tuu kenah hampe lunta here kakan jabas. ⁷Balalu,here ngami kode napot hengau-hengau here tangar jukung sa lain mat hawi ngawat here.Udi hio,hawi lah hengau-hengau here palus ngisi rueh jukung hio nihi kenah hampe jukung here kakan leteng.⁸Katika Simon Petrus kakinni hal iti,aye basujud ta hadap Yesus palus ngeau,"tulak bo tekei kuki,Tuan,gene kuki aye hio ulun badosa!" ⁹Petrus ngeau sameh hio gene aye nihi kaluhan ulun sa hayak aye nginam kagum tuu gene ajoh e kenah sa iyuh here. ¹⁰Sameh hio lei nihi Yakobus nihi Yohanes anak Zebedeus,sa bahengau nihi Simon.Yesus ngeau napot Simon,"ada takut.mulai wayah iti,kayo sagar ngalunta murunsia." ¹¹Udi here nyujut jukung-jukung here gi pampang,here nanan kaluhan hal balalu nutah Yesus."Ulun sakit kusta na samare¹²Ta isa andrau,Yesus naan ta isa kota.ta kota hio,naan erang kulun sa tenga e penu kusta.katika ulun hio kakiini Yesus,aye basujud hampe rai e santuk tane nelang ngalako napot Aye,"Tuan,amun Kayo kakan,Kayo kiuh nyamare kuki." ¹³Balalu,Yesus nyolor tangan E nihi negei ulun hio.eau E,"Kuki kakan,jarilah kaoh."Wayah hio lei,penyakit kusta ulun hio jawoh.¹⁴Tapi,Yesus nuyu ulun hio mat bakoi mawara napot hie lei nihi ngeau,"tulak palus santarang areb nu napot imam.Persembahkan kurban entu ka barigas nu sameh sa haot na huyu Musa mat jari bukti napot here."¹⁵Kabar gene Yesus magin ta siar balalu ajoh ulun hawi bakumpul mat nagrengei Aye nihi mat na samare tekei penyakit here. ¹⁶Tapi,Yesus gaha tulak nyelinap gi uneng-uneng suni mat ba lako Doa."Ulun lumpuh na samare¹⁷Ta isa andrau,katika Yesus rahat ngajar,ulun-ulun Farisi nihi ahli-ahli Taurat sa hawi tekei kaluhan kota tekei wilayah Galilea,Yudea,nihi kota Yerusalem lei maharung ta aro.Balalu,kuasa Tuhan ngahayak Yesus hampe Aye kiuh nyamare ulun ajoh.¹⁸Balalu,tena bo papire ulun ngaun ulun lumpuh ta entu uneng mandre e,balalu here bausaha nunda e suluk palus ngandak ulun hio tangar hadap Yesus. ¹⁹Tapi,gene here bakoi kahalu lalan mat nunda ulun hio suluk gene ajoh ulun,mamai lah here gi entu hatap balalu nampinau ulun lumpuh hio hayak nihi uneng mandre e ta penah-penah ta hadap Yesus.²⁰Katika ngini iman here, Yesus ngeau,"Ui pulaksanai,dosanu haot na ampuni." ²¹Ahli-ahli Taurat nihi ulun-ulun Farisi mulai nane-nane,"Hiekah ulun sa menghujat Allah iti?Hie sa kiuh mengampuni dosa-dosa kecuali Allah bo?"²²Katika Yesus karasa aheng here,Aye ngeau,"wuah inon kayo nane sameh hio huang atei nu? ²³Sa awe sa labih maraoh,ngantuh `dosa-dosanu haot na ampuni`atawa `buan nihi takia bo`? ²⁴Tapi,mat kayo karasa bahwa Anak Murunsia bakuasa tangar bumi mat mengampuni dosa,"Yesus ngeau napot ulun lumpuh hio,"Kuki ngeau napot kayo:buan bo,enat uneng mandre nu balalu mudi bo."²⁵Ta wayah hio lei,ulun hio palus mindri tangar penah kaluhan ulun palus ngalap uneng mandre e,balalu takia mudi nelang memuji Allah. ²⁶Kaluhan ulun nginam kagum palus memuji Allah.Nihi nginam takut tuu nadap kuasa Allah,here ngeau,"andrau iti kami kakini hal-hal sa luar biasa!"Lewi nutah Yesus²⁷Udi hio,Yesus balua balalu ngini erang kulun pangumpul pajak bangaran Lewi sa rahat maharung ta uneng pamungutan pajak.Yesus ngeau napot aye,"tutah bo Kuki." ²⁸Balalu Lewi mindri lei,nanan kaluhane,palus nutah Yesus.²⁹Udi hio,aye ngulah pesta hante mat gi Yesus ta lewu e.ajoh pangumpul pajak nihi ulun-ulun lain sa kuman hayak here. ³⁰Tapi,ulun-ulun Farisi nihi ahli-ahli Taurat mulai mangomel napot murid-murid Yesus,"wuah inon kayo kuman nihi ngoot hayak here pangumpul pajak namput ulun-ulun badosa?" ³¹Yesus nuing palus ngeau napot here,"bakoi ulun-ulun sehat sa memerlukan tabib,tapi ulun-ulun sakit. ³²Kuki hawi bakoi mat nerau ulun-ulun wuah,tapi mat nerau ulun-ulun ba dosa mat here batobat."Ulun Farisi ngabanding murid Yohanes nihi Yesus³³Here ngeau napot Yesus,"murid-murid Yohanes Pembaptis gaha ba puasa nihi ba lako doa,kala hio lei murid-murid ulun Farisi.tapi,murid-murid Nu kuman nihi ngoot tarus." ³⁴Yesus ngeau napot here,"kiuh lah kayo nuyu pangiring pangantin laki bapuasa katika pangantin laki hio magun hayak-hayak here? ³⁵Tapi,andrau-andaru hio sagar hawi,katika pangantin laki hio na alap tekei here,balalu ta andrau-andrau hio lah here sagar bapuasa."³⁶Yesus ngesah lei perumpamaan iti napot here,"bakoi erang kulun lei sagar mawinsit isa tetek kain tekei pakaian sa bio mat nambal pakaian sa haot lawah.gene amun sameh hio,ulun hio sagar nyanrusak pakaian sa bio,balalu kain panambal tekei pakaian sa bio hio bakoi sagar susuk nihi pakaian sa lawah.³⁷Sameh hio lei bakoi naan erang kulun lei sa nyanawang anggur bio gi huang kantong upak sa lawah.anggur sa bio hio sagar minsit katung upak sa lawah balalu anggur hio sagar tundrak balalu kantung upak e sagar lenuh. ³⁸Anggur sa bio harus na simoh ta huang kantong upak sa bio. ³⁹bakoi erang kulun lei sa udi ngoot anggur lawah,kakan ngoot naggur bio gene here ngeau,`anggur sa lawah hio labih maraoh."

¹Tangar isa katika,ta andrau Sabat,Yesus takia nangkah isa ka wua kabun gandum.Ta wayah hio,miridmurid E ngutik papire insoi gandum,ngusuk-ngusuk e nihi tangan here,balalu nguta e. ²Papire ulun Farisi nane,"wuah inon kayo ngulah hal sa bakoi iyuh na ulah tangar andrau Sabat?"³Yesus nuing here nihi ngeau,"bakoi kah kayo piji mambaca inon sa na ulah Daud katika aye nihi ulun-ulun e kaluan, ⁴gene kala awe aye suluk gi huang lewu Allah,ngalap roti persembahan balalu nguta roti hio,balalu ngami e napot ulun-ulun sa hayak aye,sa bakoi iyuh nguta e,kecuali here imam bo?" ⁵Balalu,Yesus ngeau napot ulun-ulun Farisi hio,"Anak Murunsia aye hio Tuhan entu andrau Sabat."Yesus nyamare tangar andrau Sabat⁶Tangar andrau Sabat sa udi hio,Yesus tulak gi Sinagoge balalu mengajar.ta uneng hio naan erang kulun sa tangan kawan e lumpuh. ⁷ahli-ahli Taurat nihi ulun-ulun Farisi nyantena Yesus mat ngini inon kah Aye sagar nyamare ta andrau Sabat,mat here naan alasan pakai nuduh Aye. ⁸Tapi,Yesus karasa inon sa na pikir here.Aye ngeau napot ulun sa tangan kawan e lumpuh hio,"buan palus mindri bo ta penah."balalu ulun hio buan nihi mindri ta aro.⁹Yesus ngeau napot here,"Kuki nane napot kaon,sa awe kah na huyu mat na gawi ta andrau Sabat:ngulah sa maeh atawa ngulah sa jahat?nyalamat nyawa atawa nampatei e?" ¹⁰Udi ngini kaliling,napot here kaluhan,Yesus napot ulun sa tangan e lumpuh hio,"sansolor bo tangan nu."udi hio ulun hio nyansolor tangan e balalu tangan e kaoh. ¹¹Tapi,ulun-ulun Farisi nihi ahli-ahli Taurat jari sangit tuu balalu mapakat gene inon sa sagar na ulah here nadap Yesus. "Pamidian ka rueh belas Rasul¹²Tangar andrau-andrau hio,Yesus mambai gi bukit mat ba lako doa,balalu ta aro Aye lako Doa napot Allah earang malem. ¹³Mat katuni kiat e,Aye nerau murid-murid E balalu midi rueh belas ulun tekei helang here,aye hio ulun-ulun sa na antuh E rasul:¹⁴Simon sa lei na tamapa ngaran e "Petrus",Andreas pulaksanai Petrus,Yakobus,Yohanes,Filipus,Bartolomeus, ¹⁵Matius,Tomas,Yakobus anak Alfeus,Simon sa na antuh ulun Zelot, ¹⁶Yudas anak Yakobus,nihi Yudas Iskariot sa ja penghianat."Pengajaran Yesus¹⁷Udi Yesus nihi here rasul minau,Aye mindri ta isa uneng rata.Balalu,hawi lah napot Aye sa rombongan hante here murid E nihi ulun ajoh sa hawi tekei kaluhan daerah Yudea,Yerusalem,namput tekei daerah pampang kota Tirus nihi Sidon. ¹⁸here kaluhan hawi mat ngarengei Yesus nihi mat kiuh kaoh tekei kaluhan penyakit here.Balalu,ulun-ulun sa na rasuk roh jahat lei kaoh. ¹⁹Kaluhan ulun ba usaha mat nyaput Yesus gene naan kuasa sa balua tekei Aye balalu nyamare here kaluhan.²⁰Yesus waoh napot murid-murid E hio balalu ngeau," na berkati lah kayo sa susah gene kayo ampun Kerajaan Allah. ²¹Na berkatilah kayo sa wayah iti kaluan gene kayo sagar na tamising.na berkatilah kayo sa wayah iti nangis gene kayo sagar kakihi.²²N berkati lah kayo amun ulun marikang kayo,mengucilkan kayo,menghina kayo,namput nampa raat aran kayo gene Anak Murunsia. ²³bersuka cita lah tangar andrau kayo wuah e,balalu nampetu bo kasuka an gene upa nu hante ta surga;gene sameh hio lah itak uyut here ngulah here nabi.²⁴Tapi,salaka lah ui kayo sa tatau gene kayo haot kiuh karaoh welum. ²⁵salaka lah kayo sa wayah iti wising gene kayo sagar kaluan.salaka lah kayo sa wayah iti kakihi gene kayo sagar maratap nihi nangis.²⁶salakalah kayo amun kaluhan ulun ngantuh hal-hal maeh gene areb nu ulah sameh hio lei itak uyut here katika bapander hal nabi-nabi palsu."na ahilah musuh nu²⁷"Tapi,Kuki mawara napot kayo sa ngarengei Kuki.Na ahilah musuh nu balalu ulah sa maeh lah napot ulun sa marikang kayo. ²⁸Berkatilah ulun sa nyapa kayo palus lako doa bo gi here sa nampahanang kayo.²⁹napot ulun sa nampar pahunu,ami lei pahu nu sa lain.Balalu,napot hie lei sa nyiau jubah nu,ada nguring e mat nyiau lama nu lei. ³⁰Ami lah napot satiap ulun sa lako nihi kayo,balalu amun erang kulun ngalap ampun kayo,ada bo ngalako e waleng.³¹Ulah bo ulun lain sameh kayo ngaheng ulun ngulah napot kayo. ³²amun kayo ekat sayang nihi ulun sa sayang kayo,inonkah tawat sa na ami napot kayo? gene,ulun badosa lei sayang ulun-ulun sa sayang here. ³³amun kayo ekat ngulah sa maeh napot ulun sa ngulah maeh gi kayo,pas kah kayo kiuh tawat?gene ulun badosa lei ngulah hal sa sameh. ³⁴amun kayo ngihau barang napot ulun lain nihi ngaharap imbalan,inonkah tawat sa na ami napot kayo?gene, ulun badosa lei ngihau napot ulun badosa lain e mat here kiuh narime e waleng nihi jumlah sa sameh.³⁵Tapi,sayangi lah musuh nu balalu ngulah sa maeh,ami bo ihauan napot ulun lain bakoi ngaharap imbalan.nihi sameh hio,kayo sagar kiuh upa sa hante balalu kayo sagar jari anak-anak Sa Panga Entu,gene Allah hio maeh napot ulun-ulun sa bakoi kataru ba tarima kasih nihi sa jahat. ³⁶Gene hio,aheng e kayo ba belas kasian,sameh nihi Amahnu sa lei penu nihi belas kasian."Ada menghakimi ulun lain³⁷"ada menghakimi mat kayo bakoi na hakimi.ada nukum mat kayo bakoi na hukum.ampuni lah balalu kayo sagar na ampuni.³⁸ami lah balalu sagar na ami napot kayo: isa takaran sa maeh,sa na tampenu,sa na gagunsang nihi limpar,balalu sa sagar na isik gi santatang nu.gene nihi ukuran sa sameh sa na pakai kayo pakai mengkur,hal hio sagar na ukurkan waleng napot kayo."³⁹Yesus ngesah perumpamaan iti napot here,"kiuh lah ulun pehe ngayak ulun pehe?bakoi lah here rueh sagar lawu gi tolong? ⁴⁰erang kulun murid bakoi labih tekei guru e.tapi,tiap ulun sa haot na latih sagar jari sameh nihi guru here.⁴¹Wuah inon kayo ngini uhai tangar mate pulaksanai nu,tapi kayo bakoi karasa balok kayu ta mate nu kakareb? ⁴²kalawe kayo kiuh ngantuh napot pulaksanai nu,`pulaksanai,elah bo kuki nampalua uhai kayu hio tekei mate nu,`padahal kayo kakareb bakoi kakini balok kayu ta mate nu? ui ulun munafik!tampalua dahulu balok kayu hio tekei mate nu kakareb.udi hio,kayo kiuh ngini nihi tena mat nampalua uhai kayu tekei pulaksanai nu."Kakau sa maeh ngahasil wua sa maeh⁴³"kakau sa maeh bakoi sagar ngahasil wua sa raat,balalu kakau sa raat bakoi sagar ngahasil wua sa maeh. ⁴⁴Satiap kakau na santaru tekei macam wua sa na hasil e.ulun bakoi ngumpul wua ara tekei pulau haket barunrui,atawa ngutik anggur tekei pulau haket.⁴⁵Ulun sa maeh nampalua hal-hal sa maeh tekei atei e sa maeh balalu ulun jahat nampalua hal-hal sa jahat tekei atei e sa jahat.Inon sa balua tekei wawa erang kulun baasal tekei inon sa nampenu atei e."Rueh masam Fondasi⁴⁶"wuah inon kayo nerau Kuki,`Tuhan,Tuhan,`tapi bakoi ngulah inon sa na ajarkan Ku? ⁴⁷Kuki sagar nutui napot kayo,sameh inonkah ulun sa hawi napot Kuki,ngarengei ajaran Ku palus ngulah e. ⁴⁸Aye sameh ulun sa nambuan erang kua lewu,sa ngadi lalem-lalem,balalu ngandak fondasi e ta entu watu.katika banjir hawi,ranu nantam lewu hio,tapi bakoi kiuh nyanruntun e gene lewu hio na nambuan nihi tagap tuu.⁴⁹Tapi,ulun sa ngarengei ajaran Ku tapi bakoi nuu e,aye sameh ulun sa nambuan lewu ta entu tane bakoi ba fondasi.katika banjir hawi,lewu hio runtun palus tamam karusak e."

¹Udi Yesus nyanyari kaluhan paneran E ta hadap ulun ajoh,Aye suluk gi Kapernaum.²Ta aro,naan erang kulun perwira Romawi sa naan ba isi budak sa na hargai e.Budak hio rahat maringin mehet balalu kakan matei. ³Katika perwira hio ngarengei gene Yesus,aye nuyu papire tueh-tueh Yahudi nalu Yesus palus ngalako Aye hawi mat nyamare pelayan e hio." ⁴Katika ulun-ulun hio hawi napot Yesus,here tuu-tuu ngalako napot Aye.eau here,"ulun iti pas bo kiuh na awat ulah Kayo, ⁵Gene aye ma ahi nihi bangsa takam balalu aye lah sa nambuan Sinagoge gi takam."⁶Tulak lah Yesus hayak here.katika Aye haot riet gi lewu perwira hio,perwira hio nuyu papire hengau e balalu ngeau napot Yesus,"Tuan,ada Kayo nganguyuh areb Nu mat gi kuki gene kuki bakoi susuk narime Kayo tangar lewu ku. ⁷hio lah gene e,kuki kakareb nginam bakoi susuk mat hawi napot Kayo.Tapi,antuh bo isa pangeau bo,balalu pelayan ku pasti sagar kaoh. ⁸Gene,kuki lei erang kulun sa ta ime tapi tangar kapit kuki naan lei prajurit-prajurit.amun kuki ngantuh napot erang kulun prajurit,`tulak bo!,`aye lei tulak.amun kuki ngantuh napot prajurit lain,`hawi bo!`aye lei hawi.balalu,amun na antuh kuki napot budakku,`gawi bo iti!`,budakku hio lei sagar ngagawi e."⁹Katika Yesus ngarengei hal hio,aye ngawaoh nihi perira Romawi hio.nelang bawaleng napot ulun ajoh sa nutah Aye,Aye ngeau,"Kuki ngeau napot kayo,hampe tangar helang ulun Israel lei Kuki mete piji kahalu iman sa hante iti." ¹⁰Wayah rombongan sa na utus napot Yesus waleng gi lewu perwira hio,here kahalu budak e haot kaoh."Anak erang kulun walu na tambuan¹¹Mat gi katuni andrau e,Yesus tulak gi isa kota sa bangaran Nain hayak here murid E balalu rombongan ulun ajoh nutah Aye. ¹²Katika Aye ngariet pintu gerbang kota,naan bangkai erang kulun laki na enat balua.ulun sa matei hio aye hio anak tungal tekei ine e sa haot walu.Balalu,naan ajoh ulun tekei kota hio sa hayak-hayak wawei hio. ¹³Katika Tuhan ngini wawei hio,Tuhan ka ahi napot aye nihi ngeau,"ada nangis." ¹⁴Udi hio,Aye ngariet balalu negei tandu bangkai hio.ulun-ulun sa nunda tandu hio balalu tunduk.Balalu,Yesus ngeau,"ui nakia bujang,Kuki ngeau napot kayo,buan bo!" ¹⁵Udi hio,ulun sa huni e matei hio maharung palus mulai bapander.Balalu,Yesus nyamaleng e napot ine e.¹⁶Kaluhan ulun sa ngini hal hio na tampenu kanakut balalu mulai memuji Allah nihi ngeau,"erang kulun nabi hante haot balua tangar penah-penah takam!"balalu "Allah haot melawat umat E." ¹⁷Balalu,berita gene Aye ta siar gi kaluhan Yudea nihi gi kaluhan uneng lain ta iring e."Yohanes Pembaptis mengutus murid e napot Yesus¹⁸Murid-murid Yohanes mawara napot Yohanes gene kaluhan hal hio. ¹⁹Balalu,Yohanes nerau rueh kulun murid e palus mangutus here napot Tuhan mat nane,"Kayo kah sa hawi hio?atawa,harus kah kami ngandrei sa lain?" ²⁰katika here hawi napot Yesus,here lei ngeau,"Yohanes pembaptis nuyu kami mat hawi napot Kayo palus nane,`Kayo kah sa hawi hio?atawa, harus kah kami ngandrei sa lain ?"<sup>21</sup>Ta wayah hio,Yesus rahat nyamare ulun ajoh tekei ba masam panyakit,wabah,nihi roh-roh jahat.Aye lei mengaruniakan pangini gi ajoh ulun pehe. <sup>22</sup>Tuing Yesus napot rueh ulun hio," tulak balalu surah bo napot Yohanes inon sa na inni kayo palus rengei:ulun pehe kiuh ngini,ulun lumpuh kiuh takia,ulun sa sakit kusta na samare,ulun marengen kiuh karengei,ulun matei na tambuan,balu ulun-ulun susah na kahampe kabar maeh. <sup>23</sup>Gene hio,berbahagia bo aye sa bakoi ta santuk ulah Kuki."<sup>24</sup>Udi utusan-utusan Yohanes tulak,Yesus bapander napot ulun ajoh gene Yohanes,"mat ngini inonkah kayo tulak gi pulau haket?ngini buluh sa na siwui angin? <sup>25</sup>Tapi,inon sa tulak na inni kayo?ulun sa ba lamma bungas?inni bo,ulun sa makai lamma bungas balalu welum huang kemewahan naan e tangar istana-istana raja. <sup>26</sup>Jari,inon sa tulak na inni kayo?erang kulun nabi?oi,Kuki ngeau napot kayo,hampe labih nekei erang kulun nabi.<sup>27</sup>Aye lah ulun e,sa gene Aye naan na tulis:`rengei bo! kuki nuyu utusan Ku ngadahulu Kayo.Aye lah sa sagar mempersiapkan lalan ta hadapab Kayo.` <sup>28</sup>Kuki ngeau napot kayo,ta helang kaluhan ulun sa piji na anak ulah wawei,bakoi naan erang kulun lei sa labih hante tekei Yohanes.tapi sa panga halus huang Kerajaan Allah,labih hante tekei aye."<sup>29</sup>Katika ulun ajoh nihi here pangumpul pajak ngarengei hal iti,here kaluhan mengakui keadilan Allah gene here haot na baptis nihi baptisan Yohanes. <sup>30</sup>tapi,ulun-ulun farisi nihi ahli-ahli taurat nulak rencana Allah nadap areb here gene here mete na baptis ulah Yohanes.<sup>31</sup>" NIhi inonkah Kuki ma umpamakan ulun-ulun sa welum tangar turunan iti?sameh inonkah here hio? <sup>32</sup>here aye hio sameh nakia-nakia sa maharung-maharung ta pasar,sa kamiak isa nihi sa lain,`kami nyiwui suling mat gi kayo,tapi kayo bakoi ba igal.kami manyanyikan lagu pampamtei,tapi kayo bakoi nangis.`<sup>33</sup>Gene,katika Yohanes Pembaptis hawi nihi bakoi nguta roti atawa ngoot anggur,kayo ngeau,`Aye karasukan setan.` <sup>34</sup>Tapi,katika anak murunsia hawi kuman nihi ngoot,kayo ngeau,`inni bo! Aye erang kulun sa rakus nihi pa ngoot!Aye lei hengau here pangumpul pajak nihi ulun badosa!` ³⁵Tapi,hikmat na samuah ulah anak-anak e."erang kulun wawei badosa mengrapi Yesus³⁶Ta isa katika,naan erang kulun tekei golongan Farisi sa ngundang Yesus mat kuman hayak aye.Yesus tulak gi lewu ulun Farisi hio balalu maharung kuman. ³⁷Ta kota hio, naan erang kulun wawei badosa.katika aye karasa bahwa Yesus rahat kuman ta lewu ulun farisi hio,aye balalu midi erang botol pualam sa baisi minyak harum. ³⁸Balalu,aye mindri ta lutuk Yesus,rieet pee E,nelang nangis balalu mulai mui pee Yesus nihi ranu mate e balalu muhut e nihi wulu e.udi hio,aye nyiuk pee Yesus balalu muwui e nihi minyak harum.³⁹katika ulun Farisi sa mengundang Yesus nginni hal iti,aye ngeau huang atei,"amun ulun iti erang kulun nabi,Aye tentu karasa hie balalu masam inon wawei sa nyaput Aye hio gene wawei iti aye hioerang kulun badosa." ⁴⁰Yesus nuing nihi ngeau,"Simon,naan sa kakan na antuh Ku napot kayo."tuing Simon,"antuh bo,Guru."⁴¹Yesus ngeau,"naan rueh ulun sa ba utang napot erang kulun kredit an,sa erang kulun ba utang 500 dinar balalu sa lain e ba utang 50 dinar. ⁴²katika kararueh e bakoi sanggup mambayar,sa tukang kredit hio nyanyawoh utang here rueh.wayah iti,hie kah ta antara kararueh ulun hio sa sagar labih sayang nihi tukang kredit hio? ⁴³Tuing Simon,"manurut ku,ulun sa panga ajoh na sa nyawoh utang e."Yesus ngeau napot aye,"kayo manilai e nihi wuah."⁴⁴Nelang bawaleng napot wawei hio,Yesus ngeau napot Simon,"inonkah kayo nginni wawei iti?katika Kuki hawi gi lewu nu,kayo bakoi ngami ranu mat pakai mui pee Ku,tapi aye mui pee Ku nihi ranu mate e balalu muhut e nihi wulu e. ⁴⁵kayo bakoi ngami Kuki siuk an,tapi aye bakoi tadoh-tado e nyiuk pee Ku nekei Kuki suluk.⁴⁶kayo bakoi muwui ulu Ku nihi minyak,tapi aye muwui minyak tangar pee Ku nihi minyak harum. ⁴⁷Gene hio,Kuki ngeau napot kayo,dosa e sa ajoh hio haot na ampuni gene aye nutui kasih sa hante.tapi,ulun sa dohot na ampuni hio,dohot lei mengasihi."⁴⁸Balalu Yesus ngeau napot wawei hio,"dosa nu haot na ampuni." ⁴⁹ulun-ulun sa maharung kuman hayak Yesus mulai ba tane-tane huang atei here,"hiekah ulun iti hampe Aye kiuh ngampuni dosa? ⁵⁰Yesus ngeau napot wawei hio,"Iman nu haot nyalamat kayo,tulak bo nihi damai."

¹Tangar gi katuni andrau e,Yesus tulak ba kaliling gi kota-kota nihi desa-desa mat nampe palus nyantaranag Injil Kerajaan Allah.ka rueh belas rasul naan hayak-hayak nihi Aye, ²sameh hio lei papire wawei sa haot na samare Yesus tekei kaluhan roh-roh jahat nihi ajoh masam penyakit.ta helang here aye hio Maria,sa na antuh Magdalena,sa na sanapas Yesus tekei pitu roh jahat. ³Naan lei Yohana harau Khuza bendahara Herodes,susana,nihi masih ajoh wawei lain e sa makai ka tatau here kakareb mat mendukung Aye.⁴Katika ulun ajoh bakumpul balalu ulun-ulun tekei ba masam-masam kota hawi napot Yesus,Aye bapander napot here nihi isa perumpamaan. ⁵erang kulun petani tulak nambur umang.katika aye nambur,naan mehe e lawu ta iring lalan balalu ta rarah-rarah,nihi na kuta ulah wurung-wurung ta udara. ⁶Mehe e lagi lawu ta entu ba watu,balalu katika umang hio mulai tumbu,umang hio jari meang gene bakoi naan ranu.⁷mehe lain e lawu ta penah-penah rikut barundrui balalu tumbu hayak e hampe rikut hio nyiek e. ⁸tisai lain e lawu tangar tane sa subur balalu tumbu hampe ngami hasil jatuh kali lipat ajoh e."udi nangalis perumpamaan hio Yesus kamiak,"aye sa naan silu mat ngarengei,aheng e ngarengei maeh-maeh!"⁹Udi hio,murid-murid Yesus nane napot Aye gene arti perumpamaan hio. ¹⁰Aye ngeau,"napot kayo na wara rahasia Kerajaan Allah,tapi napot ulun lain na wara huang perumpamaan mat,`biar lei ngulik,here bakoi kakinni,balalu biar lei ngarengei,here bakoi paham."Penjelasan Yesus gene Perumpamaan umang¹¹Iti lah arti perumpamaan hio: " umang hio aye lah Firman Allah. ¹²Umang sa lawu tangar iring lalan hio aye lah here sa ngarengei Firman Allah.udi hio,hawilah setan ngalap Firman hio tekei atei here mat here ada harap balalu na selamatkan. ¹³umang sa lawu ta entu tane ba watu aye hio ulun-ulun sa ngarengei firman Allah balalu narime e nihi sanang atei,tapi bakoi ba wakat.here ekat harap tawelek,tapi katika ka hadin hawi,here palus nantalutuk Allah.¹⁴Umang sa lawu ta helang haket barunrui aye hio ulun-ulun sa ngarengei Firman Allah,tapi nelang here ba tumbu,here na siek ulah nanam gaer,ka tatau,nihi ka sanang welum hampe here bakoi ngahasil wua sa mihak. ¹⁵sedangkan umang sa lawu ta tane sa subur hio aye lah ulun-ulun sa ngarengei Firman Allah balalu nyimoh e huang atei sa jujur nihi maeh,nelang ba wua huang ketekunan."Pa tene bo cahaya nu¹⁶"bakoi naan erang kulun lei sa udi nyamelum pelita,udi hio nutup e nihi gantang atawa ngandak e ta kapit uneng mandre.sa waleng e,aye sagar ngandak pelita hio tangar pee pelita mat ulun sa suluk gi huang lewu kiuh ngini cahaya e. ¹⁷Gene,bakoi naan hal sa na siok sa bakoi sagar na santarang,balalu bakoi naan rahasia sa bakoi sagar na ungkap nihi na tunda napot tarang. ¹⁸Gene hio,perhatikan bo sameh awe kayo ngarengei gene hie sa naan sagar na ami magin ajoh lagi.tapi,hie sa bakoi naan,tekei aye sagar na alap, hampe inon sa na tanguh e ampun aye."Keluarga Yesus sa tuu e.¹⁹Balalu,ine nihi pulaksanai Yesus hawi nalu Aye,tapi here bakoi tau ngarieet Aye gene ajoh ulun. ²⁰Jari,na wara lah napot Aye,"ine namput pulaksnai-pulaksanai Nu rahat mindri tangar wading,here kakan nalu Kayo." ²¹Tapi,Yesus nuing here,"ine Kuki nihi pulaksanai-pulaksanai Ku aye hio here sa ngarengei Firman Allah palus ngagawi e."Yesus nyantadoh angin mehet²²Tangar isa andrau,Yesus mambai gi huang jukung hayak murid-murid E balalu Aye ngeau napot here,"ayu bo takam nyabarang gi tuhi danau iti."balalu,tulak bo here gi sabarang. ²³Tapi,katika here berlayar,Yesus sa andre.balalu,ba siwui lah angin mehet gi danau hio balalu jukung here suluk ranu hampe here naan huang bahaya.²⁴Ydi hio,here murid hawi napot Yesus balalu ngele Aye nelang ngeau,"Guru! Guru! takam sagar matei!" balalu,Yesus lei buan palus nyangangar angin mehet hio namput gelombang sa bergelora hio.angin mehet hio lei tadoh balalu danau hio jari benyem. ²⁵Balalu,Aye ngeau napot here,"ta awe kah iman nu?"here jari takut nihi waoh nelang bapander isa nihi sa lain,"Hie kah ulun iti? Aye hampe kiuh marentah napot angin nihi ranu,balalu here nuu eau E." Erang kulun Gerasa na sanapas tekei roh jahat²⁶Balalu hampe lah Yesus nihi murid-murid E ta wilayah ulun Gerasa,ta sabarang Galilea. ²⁷katika Yesus minau gi entu,Aye na tahalu ulah erang kulun laki tekei kota hio sa na rasuki ulah roh-roh jahat.ulun hio haot lawah mapoloi balalu bakoi muneng ta lewu,tapi ta ogang.²⁸Katika ulun hio ngini Yesus,aye lei kamiak palus sujud tangar hadap Aye.nihi lengan sa mehet aye ngeau,"inonkah urursan helang Kayo nihi kuki,ui Yesus,Anak Allah sa Panga Entu?kuki lako nihi Kayo,ada nyiksa kuki!" ²⁹hal hio gene Yesus mmamarentah roh jahat hio balua nekei ulun hio.setan hio gaha tuu nyujut-nyujut ulun hio hampe aye na rantai,na borgol,balalu na jaga ulun,tapi aye kiuh nya mitus rantai e balalu na tunda ulah setan gi uneng-uneng sa suni.³⁰Udi hio,Yesus nane napot ulun hio,"hie ngaran nu?tuing ulun hio,"legion"gene naan ajoh setan sa marasuki aye. ³¹Setan-setan hio ngalako napot Aye mat Aye ada mamarentah here suluk gi jurang pampatei.³²Ta uneng hio,naan sa kumpulan hante iwek sa rahat nupui kuta ta bukit.Setan-setan hio ngalako napot Yesus mat nuyu here suluk gi huang kumpulan iwek hio,balalu Yesus nuyu here. ³³Balalu,setan-setan hio lei balua tekei ulun hio balalu suluk gi huang iwek-iwek,balalu kumpulan iwek hio nempat minau iring bukit sa curam nuju gi danau palus leteng.³⁴Katika here penggembala iwek nginni e,here ngahulu areb e palus nyurah kejadian hio ta kota nihi ta tumpuk sa rieet e. ³⁵Jari,ulun ajoh hawi mat ngini inon sa rahat jari.here hawi napot Yesus balalu kahalu ulun sa haot na sanapas tekei setan-setan hio rahat maharung ta rieet pee Yesus,haot ba lamma,nihi haot waras pikiran e.hal iti ngulah here takut.³⁶here sa nginni kejadian iti nyurah napot ulun lain kalawe ulun sa karasukan setan hio na samare. ³⁷Balalu,kaluhan ulun sa muneng ta daerah Gerasa ngalako Yesus mat nanan here gene tamam kanakut here.gene hio,Yesus mambai gi jukung balalu waleng gi Galilea.³⁸Tapi,ulun sa haot na sanapas tekei setan-setan hio ngalako nekei Yesus mat aye kiuh hayak-hayak nihi Yesus.Tapi Yesus nuyu aye tulak,eau E, ³⁹"mudi bo gi lewu nu balalu surah bo hal-hal sa hante sa haot na ulah Allah napot kayo."ulun hio lei tulak gi kaluhan penjuru kota palus nyurah inon sa haot na ulah Yesus napot aye."anak Yairus na tambuan palus erang kulun wawei na samare⁴⁰Katika Yesus waleng gi Galilea,ulun ajoh nahalu Aye gene here kaluhan haot ngandrei Aye. ⁴¹Ta hio naan erang kulun bangaran Yairus sa hawi napot Aye,aye hio erang kulun kapala Sinagoge.nelang sujud menyembah ta pee Yesus,Yairus ngalako mat Aye hawi gi lewu e ⁴²gene aye naan erang kulun anak wawei tunggal sa kira-kira ba umur rueh belas taun,balalu nakia hio ane matei.balalu,katika Yesus nuju gi aro,ulun ajoh badasak-dasak ta iring Aye.⁴³Ta hio naan erang kulun wawei sa haot rara pendarahan weat salawah 12 taun,nihi bakoi erang kulun lei sa kiuh nyamare e. ⁴⁴Wawei hio ngariet Yesus tekei lutuk nihi negei jubah E,balalu katika hio lei pendarahan e tadoh.⁴⁵Balalu,Yesus ngeau,"Hie sa negei Kuki?"gene kaluhan ulun bakoi ngaku,Petrus ngeau,"Guru,ulun ajoh bakumpul irirng Kayo balalu badasak-dasak nihi Kayo!" ⁴⁶Tapi,Yesus ngeau,"erang kulun negei Kuki gene Kuki nginam naan kuasa sa balua nekei Kuki."⁴⁷Katika wawei hio nginni aye bakoi kiuh nyiok areb e,aye hawi napot Yesus nihi neter balalu ba sujud ta hadap Aye.ta hadap kaluhan ulun,aye nyurah wuah inon aye negei Yesus,balalu kala awe aye nihi wayah hio lei na samare. ⁴⁸Udi hio,Yesus ngeau napot aye,"Anak-Ku,imannu haot nyamare kayo."tulak bo huang damai sejahtra."⁴⁹Katika Yesus rahat basurah,erang kulun tekei lewu kapala Sinagoge hio hawi balalu ngeau napot Yairus,"anak wawei nu haot matei.koi usah lagi namparepot Guru." ⁵⁰Tapi,ngarengei hal hio Yesus ngeau napot Yairus,"ada takut.percaya bo balalu anak nu sagar selamat."⁵¹Katika Yesus hampe ta lewu Yairus,Aye bakoi nuyu hie lei suluk hayak Aye kecuali Petrus,Yohanes,Yakobus namput amah nihi ine nakia hio. ⁵²Kaluhan ulun nangis nelang meratap nakia wawei hio,tapi Yesus ngeau,"ada nangis,aye bakoi matei tapi mandre." ⁵³Ulun ajoh hio lei kamihi napot Aye gene here karasa nakia wawei hio haot nanan.⁵⁴Tapi,Yesus negei tangan nakia hio palus nerau e,"buan bo,nak!" ⁵⁵Balalu,waleng lah roh nakia hio balalu wayah hio lei aye mindri.balalu Yesus nuyu mat nakia hio na ami inon bo mat nakuta. ⁵⁶Karueh ulun matueh nakia hio takjub,tapi Yesus nguring here mat mawara hie lei gene inon sa haot jari.

¹Udi hio,Yesus nerau ke rueh belas murid E balalu ngami here kuasa nihi otoritas entu roh-roh jahat,nihi lei mat nyamare panyakit. ²Aye mengutus here mat memberitakan gene Kerajaan Allah palus memulihkan.³Eau E napot here,"ada nunda inon lei huang kian nu,ada nunda tungkeh,tas,roti,duit atawa rueh lambar lamma. ⁴gi lewu awe lei kayo suluk,muneng bo ta aro hampe kayo tulak nekei uneng hio.⁵napot here sa bakoi kakan narime kayo,tanan bo kota hio balalu kibas bo abu e nekei pee nu jari pangingat nadap here." ⁶udi hio tulak bo here rasul nihi bakaliling gi desa-desa nelang memberitakan injil balalu nyamare ulun-ulun maringin ta awe-awe."kebingungan Herodes gene Yesus⁷Herodes,isa raja wilayah,ngarengei gene kaluhan hal sa rahat jari balalu aye bingung tuu gene papire ulun ngantuh bahwa Yohanes Pembaptis haot buan tekei helang ulun matei, ⁸rahat e sa lain ngeau bahwa Elia haot balua waleng,balalu naan lei sa ngeau bahwa isa tekei erang kulun nabi sa welum ta wayah sadi haot haot buan. ⁹Herodes ngeau,"kuki haot netek ulu Yohanes.jari,hiekah ulun sa gene Aye kuki ngarengei kabar sa sameh hio iti?balalu,Herodes hamen tuu mat panalu Yesus."panguta mat gi dime ribu ulun.¹⁰Katika here Rasul waleng,here nyurah napot Yesus gene kaluhan hal sa haot na ulah here balalu Aye nunda here mat kakareb gi isa kota bangaran Betsaida. ¹¹Tapi,ulun ajoh karasa hal hio balalu here lei nutah E.balalu,nelang nahalu here,Yesus bapander napot here gene Kerajaan Allah nihi lei here sa kakan na samare.¹²Katika andrau mulai kamalem,ka rueh belas murid Yesus hawi napot Aye palus ngeau,"huyu bo ulun-ulun hio tulak gi tumpuk-tumpuk nihi pedesaan tangar iring iti mat nupui uneng bamalem namput panguta gene ta iti takam muneng ta uneng terpencil." ¹³Tapi,Yesus ngeau nihi here,"kayo bo sa ngami here kuman."tuing murid-murid E,"kami ekat naan dime roti nihi rueh kenah,keculai amun kami tulak midi panguta mat gi kaluhan ulun iti." ¹⁴Tangar hio naan kira-kira dime ribu ulun laki.Yesus ngeau napot murid-murid E,"huyu bo here maharung bakalompok,kira-kira dimem pulu ulun per kalompok."¹⁵Balalu,here lei ngulah susuk nihi sa na huyu Yesus balalu nuyu kaluhan ulun hio maharung. ¹⁶Balalu,Yesus ngalap dime roti nihi rueh kenah hio,nadap gi langit,memberkati e, mepet-mepet e,balalu ngami e napot here murid mat here nyadia e napot ulun ajoh. ¹⁷Balalu,here kaluhan kuman nampe wising.udi hio,tisai-tisai tetekan roti sa na kumpulkan naan rueh belas panuk penu."Petrus mengakui Yesus aye hio Kristus¹⁸ta isa katika,wayah Yesus rahat ba lako doa kakareb E,murid-murid E hayak Aye.balalu,Aye nane napot here,"hie kah Kuki iti manurut ulun ajoh?" ¹⁹tuing here,"Yohanes pembaptis,sa lain ngantuh Elia,balalu sa lain lagi ngantuh Kayo aye hio isa tekei nabi-nabi wayah sadi sa buan waleng."²⁰Udi hio,Yesus ngeau napot here,"tapi,manurut nu,hiekah Kuki?" tuing Petrus,"Kayo aye hio Kristus tekei Allah." ²¹Tapi,Yesus nampa ingat here nihi mehet balalu nuyu here mat bakoi mawara napot hie lei gene hal iti."Yesus mawara pampatei E ²²Udi hio Yesus ngeau,"Anak Murunsia harus rara ajoh hal balalu na tulak ulah tueh-tueh,imam-imam kapala,nihi ahli-ahli Taurat,balalu na wunu nihi sagar na tambuan tangar andrau katelu."²³Yesus ngeau napot here kaluhan,"amun erang kulun kakan nutah Kuki,Aye harus nulak areb e kakareb,balalu mikul salib e satiap andrau,balalu nutah Kuki. ²⁴Gene,hie lei sa bausaha menyelamatkan nyawa e,sagar ka jawoh nyawa e.tapi,hie sa ka jawoh nyawa e gene Kuki,aye sagar nyalamat e. ²⁵inonkah untung e amun erang kulun kiuh kaluhan dunia,tapi matei atawa kajawoh nyawa e kakareb?²⁶Napot ulun sa nginam mangan gene Kuki nihi paneranKu,Anaka Murunsia lei sagar mangan mangaku ulun hio katika Aye hawi huang Kemuliaan E nihi kemuliaan Amah E,nihi here malaikat kudus. ²⁷Kuki mawara sa sabujue e napot kayo,naan papire ulun ta helang sa mindri ta ini sa ba bakoi sagar matei sa mete ngini Kerajaan Allah."Yesus hayak Musa nihi Elia²⁸Kira-kira,8 andrau udi Yesus nampe pengajaran E hio,Aye nunda Petrus,Yohanes,nihi Yakobus mambai gi gunung mat lako doa. ²⁹Katika Yesus rahat lako doa,rai E baubah nihi lamma E jari mahilak ba kilauan.³⁰Udi hio,tena lah rueh ulun rahat bapander nihi Aye.karueh ulun hio aye hio Musa nihi Elia, ³¹sa nyantena areb e huang kemuliaan nihi bapander gene pampatei Yesus sa sagar hinang na tampa genep ta Yerusalem.³²Ta wayah hio,Petrus nihi hengau-hengau e rahat na kuasai ulah sa ruru sa mehet,tapi katika here bujur-bujur ta sadar,here ngini kemuliaan Yesus nihi rueh ulun sa mindri hayak-hayak nihi Aye. ³³Katika Musa nihi Elia sagar nanan Yesus,Petrus ngeau,"Guru,maeh bo takam tatap tangar iti.kami sagar na pindri telu kemah,isa gi Kayo,isa mat gi Musa,balalu isa mat gi Elia."tapi,Petrus bakoi sadar inon sa na antuh e hio.³⁴Katika Petrus rahat ngantuh hal hio,hawilah awan nyanungen here hampe Petrus,Yohanes nihi Yakobus jari takut katika here suluk gi huang awan hio. ³⁵Udi hio,karengei lah lengan tekei awan hio,"itilah Anak-Ku,Ayelah sa na pidi Ku,rengei bo Aye." ³⁶udi hio lengan hio tadoh,Yesus ekat kakareb E.here ngarahasia kan e nihi bakoi mawara erang kulun lei ta andrau-andrau hio gene inon sa haot na inni here."erang kulun nakia laki na bebaskan tekei Roh jahat³⁷Mat gi katuni andrau e,katika here minau tekei gunung,sa rombongan hante ulun ajoh hawi napot Yesus. ³⁸erang kulun tekei ulun ajoh hio kamiak,"Guru,kuki lako napot Kayo,suwuk bo anakku gene aye isa-isa e anakku. ³⁹Inni bo,naan roh sa menguasai e,balalu salenga aye kamiak kamakai.roh hio ngagunsang-gunsang aye hampe wawa e babusa,roh hio nampa hanang aye tarus nihi bakoi hakun nanan aye. ⁴⁰Kuki haot ngalako napot murid-murid Nu mat nulak e,tapi here bakoi kiuh ngagawi e."⁴¹Tuing Yesus,"Ui,kaon turunan sa bakoi harap nihi tawang!pire kalawah lagi Kuki harus muneng hayak kaon nihi sabar napot kayo?tunda bo nakia hio gi iti." ⁴²Katika nakia hio rahat ngariet napot Yesus,roh jahat hio mambanting e gi tane nelang ngagunsang-gunsang e.tapi,Yesus nyampengar roh najis hio,nyamare nakia laki hio,balalu nyampudi e napot amah e."Yesus mawara pampatei E⁴³Kaluhan ulun waoh entu kuasa Allah,tapi katika here magun dodor-dodor napot kaluhan hal sa na ulah Yesus,Aye ngeau napot murid-murid E, ⁴⁴"rengei bo antuhan iti maeh-maeh:Anak Murunsia sagar na sarah gi tangan murunsia." ⁴⁵Tapi,here murid bakoi mamaham aheng paneran hio,balalu hal hio na siok napot here hampe here bakoi kiuh mamaham e.tapi,here takut nane napot Yesus gene arti paneran hio."Hie kah sa panga dahulu?⁴⁶Isa katika,jari kalakat tangar helang murid-murid Yesus gene hie sa panga dahulu ta helang here. ⁴⁷Tapi,Yesus karasa aheng atei here,balalu Aye ngalap erang kulun nakia halus balalu nunda e mindri tangar iring Aye. ⁴⁸Balalu,Aye ngeau napot murid-murid,"Satiap ulun sa narime nakia halus iti huang aran Ku,aye narime Kuki.Balalu,hie lei sa narime Kuki,aye lei narime Aye sa mengutus Kuki.gene,sa panga hina ta helang kayo,aye lah sa panga dahulu."Tuhi sa sameh⁴⁹Yohanes nuing E balalu ngeau,"Guru,kami nginni erang kulun nulak roh jahat huang aran Nu balalu kami ba usaha nyantadoh e gene aye bakoi tekei kelompok takam." ⁵⁰Tapi,Yesus ngeau napot aye,"ada nyantadoh e gene hie lei sa bakoi nawan kayo,aye naan ta tuhi nu."Yesus na tulak ta Samaria⁵¹Katika wayah e magin riet mat gi Yesus na tamap entu,Aye nampa kuat atei E mat tulak gi Yerusalem. ⁵²Aye nuyu papire utusan ngadahulu Aye.balalu,utusan-utusan hio lei tulak balalu suluk gi isa ka wua tumpuk tangar daerah Samaria mat manyiap kaluhan e gi Aye. ⁵³Tapi,ulun-ulun ta uneng hio bakoi narime Yesus gene Aye rahat nuju gi kota Yerusalem.⁵⁴Katika murid-murid Yesus,aye hio Yakobus nihi Yohanes,nginni hal iti,here ngeau,"Tuhan,inonkah Kayo ngakan kami mat nuyu apui minau tekei langit balalu nutung here? ⁵⁵Tapi,Yesus ngulik gi lutuk balalu nyompo here. ⁵⁶Balalu,Yesus nihi murid-murid E tulak gi tumpuk sa lain."Tantangan napot Panutah Yesus⁵⁷Katika here rahat huang kiaan,naan erang kulun ngeau napot Yesus,"Kuki sagar nutah Kayo gi awe lei Kayo tulak." ⁵⁸Yesus lei ngeau napot aye,"rubah naan tolong mat uneng muneng balalu wurung-wurung ta udara naan sarang e.Tapi, anak murunsia bakoi naan uneng mat gi istirahat.'⁵⁹Yesus ngeau napot sa lain,"tutah bo Kuki!"tapi,ulun hio ngeau,"Tuhan ijin bo dulu e kuki tulak ngogang amah ku dulu e." ⁶⁰Tapi,Yesus ngeau napot aye,"elah bo ulun matei ngogang ulun matei here,tapi kayo harus tulak memberitakan Kerajaan Allah."⁶¹Balalu,naan erang kulun lagi ngeau,"kuki sagar nutah Kayo,Tuhan,tapi ijin bo kuki mawara dulu nihi babuhan ku." ⁶²Yesus ngeau napot aye,"bakoi naan erang kulun lei sa haot ngandak tangan e ta entu bajak,tapi ngulik lagi gi lutuk,sa pas napot Kerajaan Allah."

¹Udi hio,Yesus manentukan pitu pulu ka ulun sa uma lain e,nihi Aye mengutus here tulak ba rueh-rueh mat dahulu tekei Aye gi setiap kota nihi uneng sa sagar na suwuk E. ²eau E napot here,"hasil wasi mula ajoh tuu,tapi sa ngagawi e dohot.ulah gene hio,lako bo napot Tuan sa ampun hasil wasi hio mat mangutus ulun sa bagawi mat mengumpul hasil wasi E."³" Tulak bo!Kuki mangutus kayo sameh anak domba tangar penah-penah pulau serigala. ⁴ada nunda kantung duit,tas,atawa sandal.nihi,ada nyompo hie lei huang kiaan.⁵Gi lewu awe lei kayo suluk,antuh bo dahulu,`damai sejahtera entu lewu hio.` ⁶amun ulun sa naan ta hio cinta damai,damai sejahtera nu sagar muneng entu e.tapi,amun bakoi,damai sejahteranu hio sagar waleng napot kayo. ⁷muneng bo tangar lewu hio.kuman bo nihi ngoot bo inon sa na sadia here gi kayo,gene erang kulun sa bagawi pas bo halu upa e.ada ba pindah-pindah tekei isa lewu gi lewu sa lain.⁸Setiap kali kayo suluk ta isa kota nihi ulun-ulun ta aro nahalu kayo,kuman bo panguta sa na surung here ta hadap kayo. ⁹samare bo ulun-ulun maringin sa muneng ta aro,nihi wara bo napot here,"Kerajaan Allah haot riet napot kayo.`<sup>10</sup>Tapi,amun kayo suluk gi isa tumpuk balalu ulun-ulun ta aro bakoi nahalu kayo,tulak bo gi lalan-lalan kota hio nihi ngeau, <sup>11</sup>Hampe abu tekei kota nu sa leket ta pee kami sagar na kebas kami tangar hadap kayo.Tapi,ingat bo iti: Kerajaan Allah haot rieet.` ¹²Kuki ngeau napot kayo:ta andrau hio,tanggungan sodom sagar labih nean tekei tanggungan kota hio."Pangingat napot sa nulak Yesus¹³"Salaka lah kayo,Khorazim!salakalah kayo,Betsaida!amun eKuki ngulah mukjizat-mukjizat sa sameh ta Tirus nihi Sidon,balalu here pasti haot lawah ba tobat nihi maharung balalu makai kain kabung nihi abu. ¹⁴Tapi,ta waktu penghakiman,tanggungan Tirus nihi Sidon magin nean tekei tanggungannu. ¹⁵Balalu kayo,Kapernaum,inonkah kayo sagar na enat gi Surga?bakoi,kayo sagar na tawut gi dunia ulun matei!¹⁶Hie lei sa ngarengei kayo,ngarengei Kuki.Tapi,hie sa nulak kayo,aye lei nulak Kuki.balalu,hie nulak Kuki,aye nulak Aye sa mengutus Kuki."setan-setan tunduk napot Pengikut Yesus¹⁷Udi hio ka pitu pulu sa nutah hio waleng nihi sanang nelang ngeau,"Tuhan,setan-setan lei tunduk napot kami huang aranNu." ¹⁸Yesus ngeau napot here,"Kuki ngini iblis lawu tekei langit sameh kelat. ¹⁹karasa bo aye hio Kuki haot ngami kuasa mat narah nipe nihi kalajengking,lei kuasa entu kaluhan kekuatan musuh.bakoi sagar naan sa nampahanang kayo. ²⁰Tapi,ada bo kayo ba suka cita gene roh-roh hio tunduk napot kayo,tapi ba suka cita bo gene ngarannu ta tulis ta surga."Yesus ba lako doa napot Amah²¹Ta wayah hio,ba suka citalah Yesus ta huang Roh Kudus nihi ngeau,"Kuki bersyukur napot Kayo Amah,Tuhan entu langit nihi bumi,gene Kayo nyiok hal-hal iti tekei ulun bijaksana nihi cerdas.Tapi,Kayo nutui e napot awau-awau.Ui Amah,gene hio lah sa pas tangar hadap Kayo.²²AmahKu haot manyarah kan kaluhan hal napot Kuki,nihi bakoi erang kulun lei sa kataru Anak kecuali Amah.nihi bakoi erang kulun lei sa kataru Amah,kecuali Anak namput ulun-ulun sa napot here Anak ba aheng mat nyantarang e."²³Udi hio,Yesus ngulik napot murid-murid E palus bapander napot here nihi kakareb,"babahagialah mate sa ngini inon sa na inni kayo, ²⁴gene Kuki ngeau napot kayo:ajoh nabi nihi raja sa kakan tuu ngini hal-hal na na inni kayo wayah iti,tapi here bakoi ngini e.Balalu,kakan tuu ngarengei hal-hal sa na rengei kayo,tapi here bakoi ngarengei e."Ulun Smaria sa maeh atei²⁵Udi hio,erang kulun ahli Hukum Taurat mindri mat mencobai Yesus,eau e,"Guru,inon sa harus na ulah ku mat kiuh welum sa kekal? ²⁶Tuing Yesus napot aye,"inon sa tatulis huang Hukum Taurat?inon sa nabaca kayo ta huang e?" ²⁷Ulun hio nuing,"Kasihilah Tuhan, Allah nu,nihi kaluhan atei nu,nihi kaluhan jiwa nu,nihi kaluhan kekuatan nu,palus nihi kaluhan akal budi nu.Balalu,kasihi lah sameh murunsia ngalut arebnu kakareb." ²⁸Yesus bapander napot aye,"tuing nu hio pas.ulah bo hio,balalu kayo sagar welum."²⁹Tapi,ulun hio kakan nyamuah areb e,balalu aye ngeau napot Yesus,"balalu,hiekah sasamehku murunsia?" ³⁰Yesus nuing hio nihi ngeau,"naan erang kulun sa minau tekei Yerusalem gi Yerikho,aye lawu gi tangan here parampok sa marampas pakaian e nihi ngompak aye,udi hio nanan aye gagaleng huang keadaan kakan matei.³¹Salenga,erang kulun imam nagkah lalan hio.katika aye ngini ulun hio,aye tulak bo nelang takia nekei tuhi lain. ³²sameh hio lei sa na ulah erang kulun Lewi,katika hawi gi uneng hio balalu nginni ulun hio,aye nangkah nihi takia ta tuhi lalan sa lain.³³Tapi,naan erang kulun Samaria sa rahat huang kiaan nangkah ta hio.balalu,katika aye kakinni ulun hio,aye ka ahi napot aye. ³⁴Balalu,ulun Samaria hio ngariet e,palus nuruk batan-batan e.aye ngusuk nihi ilau nihi anggur,balalu nampamai ulun hio gi entu Keledai e palus nunda e gi uneng penginapan,balalu marawat ulun hio. ³⁵Mat gi katuni andrau e,ulun Samaria hio nampalua duit 2 dinar balalu ngami e napot ulun sa jaga penginapan hio nihi ngeau,`rawat bo ulun sa batan iti.balalu,pire bo kayo galis duit mat gi aye,kuki sagar nganti e katika kuki waleng."³⁶Balalu,Yesus ngeau,"manurut kayo,hie kah tekei helang katatelu ulun hio sa jari sasameh murunsia tekei ulun sa lawu gi tangan here perampok hio? ³⁷Tuing ahli Taurat hio,"ulun sa nyantarang ka ahi napot aye."balalu eau Yesus,"tulak bo,palus ulah bo hal sa sameh."Maria nihi Marta³⁸Katika Yesus nihi murid-murid E huang kiaan,Yesus suluk gi isa desa balalu erang kulun wawei bangaran Marta nahalu Yesus ta lewu e. ³⁹Marta naan pulaksanai wawei bangaran Maria sa maharung ta riet pee Yesus nelang ngarengei pengajaran Yesus.⁴⁰Tapi,Marta deruh tuu ngagawi kaluhan gawian sa harus na sanyari.Marta balalu ngariet Yesus palus ngeau,"Tuhan,bakoi paduli kah Kayo bahwa pulaksanai wawei ku maladar kuki ngagawi kaluhan gawian iti kakareb?huyu bo aye ngawat kuki!" ⁴¹Tapi,Tuhan nuing,"Marta,Marta,kayo gaer nelang ngelau ulu nihi ajoh hal. ⁴²ekat isa sa hal sa penting.Maria haot midi bagian sa labih maeh,balalu bagian e hio bakoi sagar piji na alap tekei aye."

¹Tangar isa andrau,Yesus lako doa ta isa uneng.katika Aye galis lako doa,erang kulun tekei murid-murid E ngeau napot Aye,"Tuhan,ajar bo kami lako doa sameh nihi Yohanes ngajar murid-murid e."²Udi hio Yesus ngeau napot here,"katika kayo lako doa,lako doa lah sameh iti:`Amah,na kudus lah aranNu.Hawilah kerajaanNu.<sup>3</sup>Ami bo napot kami panguta kami sa sukup e tiap andrau, <sup>4</sup>balalu ampunilah dosa-dosa kami gene kami kakareb lei mengampuni satiap ulun sa bahala napot kami.balalu ada bo nunda kami gi huang pencobaan."Lako bo,lupui bo,nihi katuk bo<sup>5</sup>Udi hio Yesus ngeau napot here,"umpama e isa tekei kaon naan erang kulun hengau balalu kayo tulak gi lewu hengau kayo hio tangar penah malem nihi ngeau napot aye,`hengau,pa kihau gi kuki telu roti, ⁶gene erang kulun hengau ku rahat naan huang kiaan tunduk ta lewu kuki,tapi kuki bakoi naan inon-inon ta lewu mat na surungan napot aye.` <sup>7</sup>tau lah hengau nu tekei huang lewu nuing,`ada nganggu kuki! wanawang haot takunci nihi kuki namput anak-anakku haot ta uneng mandre.kuki bakoi kiuh buan mat ngami inon lei napot kayo.` <sup>8</sup>kuki ngantuh napot kayo bahwa biar lei hengau nu hio bakoi buan balalu ngami isa lei napot kayo gene kayo hengau e,tapi gene kayo tarus ngalako,aye pasti sagar buan balalu ngami inon sa na perlu kayo.<sup>9</sup>Jari,Kuki mawara napot kayo lako lah,kayo sagar narime.lupui,kayo sagar kahalu.katuk bo,wanawang sagar na uka napot kayo. <sup>10</sup>gene hie lei sa ngalako sagar narime.hie lei sa nupui sagar kahalu.balalu hie lai sa ngatuk,wanawang sagar na uka napot aye.<sup>11</sup>naan kah erang kulun amah tekei helang kaon sa sagar ngami nipe napot anak e amun aye lako kenah? <sup>12</sup>atawa ngami alimangu,amun aye lako telui? <sup>13</sup>amun kayo sa jahat kataru kalawe ngami pangamian sa maeh napot anak-anak nu,magin e Amah nu sa ta surga.Aye sagar ngami Roh Kudus napot ulun-ulun sa ngalako napot Aye."Yesus makai Kuasa Allah<sup>14</sup>Tangar isa andrau,Yesus nulak setan tekei erang kulun laki sa bisu.udi setan hio balua,ulun sa huni e muna hio kiuh bapander nihi ajoh ulun jari heran. <sup>15</sup>Tapi,papire ulun ngeau,"Aye nulak nihi kuasa Beelzebul,pemimpin setan."<sup>16</sup>Papire ulun lain e kakan manguji Yesus,here ngalako Aye nutui isa tanda tekei Surga. <sup>17</sup>Tapi,Yesus karasa inon sa na pikir here balalu ngeau napot here,"setiap kerajaan sa ta puhi-puhi nihi bakasarang sagar lenuh.nihi keluarga sa anggota-anggota e baka lakat sagar sarak tuar.<sup>18</sup>Jadi,amun iblis lei ta puhi-puhi nihi nawan areb e kakareb,kalawe tau kerajaan e kiuh tatap batahan?Kuki ngantuh bahwa Kuki makai kuasa Beelzebul mat nulak setan-setan. <sup>19</sup>Amun Kuki nulak setan-setan nihi Beelzebul,nihi kuasa hie kah anak-anak nu nulak here?gene hio,here lah sa sagar jari hakim nu. <sup>20</sup>Tapi,amun Kuki makai kuasa Allah mat ngusir setan,"Kerajaan Allah haot hawi napot kayo.<sup>21</sup>Amun erang kulun sa gagah nihi basenjata lengkap ngajaga istana e kakreb,harta benda e pasti huang keadaan aman. <sup>22</sup>Tapi,amun naan ulun sa labih gagah tekei aye kakan nyarang balalu nampa kalah e,balalu ulun sa labih gagah hio harus marampas senjata-senjata sa na andal kan ulah ulu hio balalu mambagi-bagikan harta rampasan e. <sup>23</sup>Hie lei sa bakoi muneng tangar tuhi Kuki,aye nawan Kuki.Balalu hie lei sa bakoi ngumpul hayak Kuki,aye nampisah tuar."Waleng e Roh Najis<sup>24</sup>"Amun roh najis balua tekei tenga erang kulun,roh hio sagar bakaliling nangkah uneng-uneng sa meang mat nupui uneng ba istirahat,tapi aye bakoi kahalu.gene hio,aye ngeau,`kuki sagar waleng gi lewu sa haot na tanan ku.` <sup>25</sup>Katika aye waleng,aye kahalu lewu hio huang keadaan nasapu barasih nihi ta atur rapi. <sup>26</sup>Udi hio,roh najis hio tulak nihi nunda pitu roh sa labih jahat tekei aye mat suluk nihi muneng ta lewu hio hampe keadaan ulun hio jari magin labih raat tekei samete e."Ulun-ulun sa berbahagia<sup>27</sup>Katika Yesus ngantuh iti,erang kulun wawei sa muneng tangar penah-penah ulun ajoh kamiak,"na berkatilah rahim sa haot ngalahir Kayo nihi wua dada sa nampomo Kayo." <sup>28</sup>Tapi,Yesus ngeau,"Berbahagialah ulun-ulun sa ngarengei firman Allah palus ngagawi e."Tanda Yunus<sup>29</sup>Katika ulun-ulun sa ba kumpul magin ajoh,Yesus ngeau,"katurunan iti aye hio katurunan sa jahat; here ngalako isa tanda,tapi bakoi sagar isa tanda lei sa na tutui napot here sa lain tanda Yunus. <sup>30</sup>sameh Yunus sa jari tanda napot ulun-ulun Niniwe,sameh hio lah Anak Murunsia sagar jari tanda bagi katurunan iti.<sup>31</sup>" Ta andrau kiamat,Ratu tekei Selatan sagar buan hayak ulun-ulun tekei generasi iti nihi aye sagar nukum here gene aye hawi tekei ujung bumi mat ngarengei hikmat Salomo,sedangkan ta iti naan erang kulun sa labih hante tekei Salomo.<sup>32</sup>Tangar andrau kiamat,ulun-ulun Niniwe sagar buan hayak turunan iti balalu nukum e,gene ulun-ulun Niniwe ba tobat katika Yunus ba khotbah ta hadap here,padahal ta iti naan erang kulun sa labih hante tekei Yunus."Mate aye hio pelita tenga<sup>33</sup>bakoi erang kulun sa haot nyamelum pelita,sagar ngandak pelita hio ta uneng sa masiok atawa ta kapit gantang.sa waleng e,here ngandak pelita hio ta pee pelita hampe ulun-ulun sa suluk kiuh ngini cahaya e. <sup>34</sup>mate aye hio pelita tenga nu.amun mate nu maeh,kaluhan tenga nu sagar penu nihi tarang.Tapi,amun mate nu jahat,kaluhan tenga nu sagar na tampenu maieng. <sup>35</sup>Gene hio,ha hati-hati bo mat tarang ta huang tenga nu bakoi jari maieng. <sup>36</sup>amun tenganu na tampenu nihi tarang balalu bakoi naan bagian e sa mieng,tenganu hio sagar tarang kaluhan e sameh nihi katika isa ka wua pelita nyilu kayo nihi cahaya e."Yesus nyompo ulun Farisi nihi Ahli Taurat.<sup>37</sup>Udi Yesus galis bapander,erang kulun Farisi ngundang Aye kuman.Aye hawi lei,balalu maharung palus kuman. <sup>38</sup>Tapi,ulun Farisi hio dodor katika ngini Yesus bakoi mui tangan E dahulu sa mete kuman.<sup>39</sup>Tapi,Tuhan ngeau napot Aye,"ulun-ulun Farisi sameh kayo marasih tuhi wading galas nihi piring,tagal tangar huang tenga nu penu nihi keserakahan nihi kejahatan. <sup>40</sup>ui ulun-ulun bungul!bakoi kah Aye sa ngulah tuhi wading nihi ngulah tuhi huang? <sup>41</sup>Gene hio,bagi bo inon sa naan ta huang nu hio jari sadakah nu.nihi sameh hio,kayo sagar bujur-bujur barasih.<sup>42</sup>Tapi,salaka lah kayo,ulun-ulun Farisi!gene,kayo ngami persepuluhan tekei hasil selasih,inggu,nihi kaluhan masam tanaman kabun nu,tapi kayo mengabaikan keadilan nihi kasih Allah.seharus e,kayo ngulah kaluhan hal hio bakoi mengabaikan hal-hal sa lain.<sup>43</sup>Salaka lah kayo,ulun-ulun Farisi gene kayo sanang maharung ta uneng sa panga maeh ta Sinagoge nihi lei sanang narime hormat ta pasar. <sup>44</sup>Salaka lah kayo gene kayo sameh ogang sa bakoi ba siri,sa na rarah-rarah ulun bakoi here sadar."<sup>45</sup>Udi hio,isa tekei ahli Taurat ngeau napot Yesus,"Guru,katika Kayo ngantuh hal-hal iti,Kayo lei ngahina kami." <sup>46</sup>Tapi,Yesus nuing,"salaka lah kayo,ui ahli-ahli Taurat!gene,kayo ngandak beban sa weat mat na pikul ulun lain,tapi areb nu kakareb bakoi kakan nyaput beban hio nihi isa kingking lei.<sup>47</sup>Salaka lah kayo gene nambuan ogang mat gi nabi-nabi sa na wunu ulah itak uyut nu. <sup>48</sup>Hampe,kayo nyantarang napot kaluhan ulun bahwa kayo mangaku ulahan itak uyutnu;herelah sa munu nabi-nabi hio,tapi kayo sa nambuan ogang e.<sup>49</sup>Iti lah gene e,Allah huang hikmat E ngeau,`Kuki sagar mengutus nabi-nabi nihi rasul-rasul napot here,tapi papire tekei ulun-ulun sa na utus Kuki hio sagar na wunu nihi na siksa,` ⁵⁰mat ira kaluhan nabi,sa tundrak tekei dunia na ciptakan,kiuh na tuntut tekei generasi iti, ⁵¹mulai tekei ira Habel hampe Zakharia,sa na wunu ta helang altar nihi Bait Allah.oi,Kuki ngeau napot kayo bahwa katurunan iti sagar ba tanggung jawab napot hal iti.⁵²Salakalah kayo,ui ahli-ahli Taurat!gene kayo haot ngalap kunci pangataru,tapi kayo kakareb bakoi kakan suluk nihi nga halang-halang ulun lain mat suluk."⁵³Udi Yesus nanan uneng hio,ahli-ahli Taurat nihi ulun-ulun Farisi mulai ngalakat Aye palus nyameeat Aye nihi ajoh masam tane an. ⁵⁴Here ba komplot mat nyaput Yesus nihi paneran sa na antuh E.

¹Rahat hio,katika naan ribuan ulun bakumpul nihi here ba ka rarah,Yesus mulai bapander napot here murid panga dahulu,"ba hati-hatilah nadap ragi ulun-ulun Farisi,aye hio kemunafikan.²Gene,kaluhan sa ta tutup sagar na uka nihi kaluhan sa na siok sagar na santarang. ³Gene hio,inon sa kayo antuh ta huang mieng sagar na rengei ta huang tarang nihi sa na keneh kayo ta huang kamar sagar na wara ta entu-entu atap lewu."Takut napot Allah⁴Kuki ngantuh napot kayo,ui hengau-hengau Ku,ada bo takut napot here sa kiuh munu tenga,tapi udi hio bakoi kiuh ngagawi labih lawit lagi. ⁵Tapi,Kuki sagar nampa ingat kayo gene hie sa harus na takut kayo;takut bo napot Aye,sa udi munu,lei ba kuasa nawut kayo gi huang neraka.oi,Aye lah sa harus na takut kayo.⁶Bakoi lah 5 kikui wurung pipit na batang ekat sa harga 2 kiping bo?tapi,bakoi erang kikui lei tekei wurung-wurung hio sa koi na ingat ta hadap Allah. ⁷Hampe,jumlah wulu tangar ulu nu lei ta hitung.ada takut,kayo lawit labih ba uman tekei ajoh wurung pipit."pangingat napot sa nulak Yesus⁸"Kuki ngeau napot kayo,setiap ulun sa mangaku Kuki tangar hadap ulun lain,lei sagar na akui ulah Anak Murunsia ta hadap malaikat-malaikat Allah. ⁹Tapi,setiap ulun sa nulak Kuki ta hadap ulun lain lei sagar na tulak ta hadap malaikat-malaikat Allah. ¹⁰Balalu,hie lei sa ngantuh isa hal nawan Anak Murunsia kiuh na ampun,tapi hie lei sa menghujat Roh Kudus bakoi sagar na ampuni.¹¹Katika here nunda kayo gi Sinagoge balalu gi hadap here pemimpin nihi penguasa,ada gaer gene kalawe kayo ngabela areb nu atawa inon sa harus na antuh kayo, ¹²gene wayah hio lei Roh Kudus sagar ngajar kayo gene inon sa harus na antuh kayo."Perumpamaan gene erang kulun tatau¹³Isa tekei ulun ajoh hio ngeau napot Yesus,"Guru,huyu bo pulaksanai ku mat babagi warisan nihi kuki." ¹⁴Tapi,Yesus ngeau napot aye,"pulaksanai,hie sa ngenat Kuki jari hakim atawa pengantara entu kayo?" ¹⁵Udi hio,Yesus ngeau napot here,"ba jaga-jaga bo nihi waspada bo entu kaluhan model ka sakakar gene welum erang kulun bakoi bagantung tangar ajoh e harta sa ampun aye."¹⁶Balalu,Yesus nyurah isa perumpamaan napot here,"naan tane ampun erang kulun sa tatau tuu sa ngahasilkan ajoh tuu hasil wasi. ¹⁷Jari,ulun hio bapikir huang atei e,`inon sa harus na ulah kuki gene kuki bakoi naan uneng lagi mat nyimoh hasil wasi ku?` ¹⁸Balalu,aye ngeau,`itilah sa sagar na ulah ku.kuki sagar mungkas lumbung-lumbung ku balalu nambuan sa magin hante.Ta hio,kuki sagar nyimoh kaluhan gandum nihi barang-barangku. <sup>19</sup>Balalu,kuki ngeau napot jiwa ku,`ui jiwaku,kayo naan ajoh barang sa ta simoh mat ba taun-taun;istirahat bo,kuman,ngoot,nihi ba sanang-sanang bo!`<sup>20</sup>Tapi,Allah ngeau napot ulun hio,`ui ulun bungul! malem iti lei,jiwa nu na alap tekei kayo.balalu,hiekah sa sagar ampun barang-barang sa na simoh kayo?` <sup>21</sup>Sameh hio lah sa sagar jari napot ulun sa nyimoh harta napot tenga e kakareb,tapi bakoi lah tatau tangar hadap Allah."ada gaer<sup>22</sup>Yesus ngeau napot murid-murid E,"gene hio,Kuki ngeau napot kayo,ada gaer gene welum nu,gene inon sa sagar na kuta kayo.atawa,gaer gene tenga nu,gene inon sa sagar na pakai kayo. <sup>23</sup>Gene,welum labih penting tekei panguta nihi tenga labih penting tekei pakaian.<sup>24</sup>Inni lah wurung-wurung gagak.here bakoi mule atawa masi,here lei bakoi naan gudang atawa lumbung,tapi Allah ngami here kuman.kayo lawit labih ba uman tekei wurung-wurung hio. <sup>25</sup>hie kah ta helang kaon sa gene gaer kiuh nambah sehasta lei ta umur welum e? <sup>26</sup>amun kayo bakoi kiuh ngulah hal-hal sa halus iti,wuah inon kayo gaer hal-hal sa lain?<sup>27</sup>Perhati bo wunge bakung,sameh awe here tumbu.wunge-wunge hio bakoi bagawi mehet atawa memintal,tapi Kuki mawara napot kayo,hampe Salomo huang kemuliaan e lei bakoi bapakaian sa maeh isa tekei wunge-wunge hio. <sup>28</sup>amun Allah ngahias rikut ta kabun,sa andrau iti tumbu balalu katuni na umpe gi huang apui,bakoi kah Aye sagar ngahias kayo labih tekei rikut hio?ui,kayo sa kurang kaharap!<sup>29</sup>Jari,ada bo kayo nupui inon sa sagar na kuta kayo atawa inon sa sagar na oot,balalu ada bo nga gaer e. <sup>30</sup>Gene,bangsa-bangsa ta dunia nupui hio kaluhan,tapi Ambah nu karasa bahwa kayo memerlukan e.<sup>31</sup>Sa waleng e,lupui bo dahulu Kerajaan Allah,balalu kaluhan e iti lei na tambahkan napot kayo."kumpul bo harta ta surga <sup>32</sup>"ada takut,ui kumpulan halus,gene Amah nu kakan ngami napot kayo Kerajaan hio.<sup>33</sup>Batang bo kaluhan sa ampun kayo balalu ami bo sadakah.ulah bo napot kayo kantung duit sa bakoi tau rusak,aye hio harta ta surga sa bakoi kiuh jawoh,sa bakoi kiuh na alap maling atawa na rusak ulah wuwuk. <sup>34</sup>gene,ta awe uneng harta nu muneng,ta hio lei atei nu muneng."Hamba sa setia ngulah tugas e<sup>35</sup>" maeh bo pinggang nu tatap bahuruk balalu pelita-pelita nu tatap welum. <sup>36</sup>Jarilah sameh nihi ulun-ulun sa ngandrei tuan e mudi tekei pesta kakawinan mat here kiuh hinang nguka pintu gi aye,katika tuan e mudi nihi ngatuk pintu.<sup>37</sup>Na berkatilah hamba-hamba,sa na halu tuan e basiap sedia,katika aye hawi.Kuki mawara napot kayo,sabujur e,aye sagar nuruk pinggang e mat malayani nihi nyurung pelayan-pelayan e mat maharung kuman.Aye sagar hawi melayani here. <sup>38</sup>Amun tuan hio hawi rahat penah malem atawa kiat subuh balalu kahalu here rahat ngulah sameh hio,na berkatilah here!<sup>39</sup>Tapi karasa bo,amun erang kulun ampun lewu karasa jam pire maling sagar hawi gi lewu e,aye pasti bakoi sagar ngaret lewu e na bobol. <sup>40</sup>ulah gene hio,kayo lei harus tarus ba siap sedia gene Anak Murunsia sagar hawi ta wayah sa bakoi na inna-inna."<sup>41</sup>Udi hio,Petrus nane napot Aye,"Tuhan,inonkah Kayo nyurah perumpamaan iti ekat napot kami atawa napot kaluhan ulun lei?" <sup>42</sup>Tuing Tuhan,"hie kah kapala pelayan sa setia nihi bijaksana sa na percaya tuan e mat mengawasi here hamba sa lain,mat ngami here panguta ta wayah sa pas? <sup>43</sup>Na berkatilah hamba hio,sa katika Tuan e hawi,kahalu aye rahat ngagawi tugas e. <sup>44</sup>Kuki ngeau napot kayo,sa bujur e,tuan hio sagar midi aye mat mengawasi kaluhan ampun e.<sup>45</sup>Tapi,amun hamba hio ngeau huang atei e,`Tuan ku bakoi sagar hawi hinang,`balalu mulai ngompak walah laki namput walah wawei lain e,udi hio kuman ngoot hampe mahamui, <sup>46</sup>katika tuan e hawi ta wayah sa bakoi na inna-inna balalu bakoi na karasa ulah hamba hio,sang tuan sagar munu hamba hio balalu ngandak aye hayak nihi ulun-ulun sa bakoi setia.<sup>47</sup>erang kulun hamba sa karasa aheng tuan e,tapi bakoi basiap sedia atawa ngulah susuk aheng tuan e sagar kiuh ajoh kahanang. <sup>48</sup>Tapi,hamba sa bakoi karasa inon sa kana kakan tuan e nihi ngulah hal-hal sa pas kiuh kahanang,aye sagar kiuh kahanang labih doho.Setiap ulun sa na ami ajoh,na tuntut ajoh.nihi here sa na percaya labih ajoh sagar na tuntut labih ajoh lagi.Yesus ngulah pamisahan<sup>49</sup>Kuki hawi mat nawut apui gi dunia,nihi Kuki baharap apui hio haot welum! <sup>50</sup>Tapi,naan baptisan sa harus na langkah Ku,balalu Kuki nginam ma weat tuu hampe hal hio na tampa genep.<sup>51</sup>Inonkah kayo nanguh bahwa Kuki hawi mat nunda perdamaian ta entu bumi?bakoi,Kuki mawara napot kayo,tapi psah-pisah! <sup>52</sup>Mulai wayah iti,dime ulun huang isa keluarga sagar na pisah.telu ulun sagar nawan rueh ulun balalu rueh ulun sagar nawan telu kulun. <sup>53</sup>here sagar na tampisah;Amah sagar nawan anak laki e,balalu anak laki sagar nawan amah e.ine sagar nawan anak wawei e,balalu anak wawei e sagar nawan ine e.umpu wawei e sagar nawan nantu wawei e,balalu nantu wawei e sagar nawan umpu wawei e."Menafsirkan Zaman<sup>54</sup>Balalu,Yesus mawara napot ulun ajoh,"katika kayo ngini awan bakumpul ta tuhi barat,kayo hinang ngeau,`uran sagar minau,`balalu uran bujur-bujur minau. <sup>55</sup>Katika kayo nginam angin nyiwui tekei selatan,kayo ngeau,`andrau iti sagar kai mehet,`balalu hal hio bujur-bujur jari. ⁵⁶kayo munafik!kayo tau menafsirkan rupa langit nihi bumi,tapi wuah inon kayo bakoi tau menafsirkan zaman iti?"⁵⁷"wuah inon kayo kakareb bakoi tau mamutus inon sa wuah? ⁵⁸katika kayo tulak hayak musuh nu mat nadap pemerintah,usahakan bo mat nyanyari masalah nu nihi aye huang kiaan mat aye bakoi nyujut kayo napot hakim balalu hakim sagar nyarah kayo napot pengawal,balalu pengawal hio sagar nawut kayo gi huang penjara. ⁵⁹Kuki mawara napot kayo,kayo bakoi sagar balua tekei aro samete kayo bayar utang nu hampe peser pangalis e."

¹Ta aro,naan papire ulun mawara Yesus gene ulun-ulun Galilea sa ira e nasampur Pilatus nihi kurban persembahan here. ²Tuing Yesus napot here,"inonkah here nanguh ulun-ulun Galilea iti labih badosa tekei ulun-ulun Galilea lain e gene here rara sameh hio? ³Kuki mawara napot kayo,bakoi.tapi,amun kayo bakoi batobat,kayo kaluhan lei sagar matei.⁴Atawa kataru gene ka walu belas ulun sa matei katika menara ta riet kolam Siloam lawu balalu nukun here,inonkah kayo nanguh here hio pendosa sa labih raat tekei kaluhan ulun sa muneng ta Yerusalem? ⁵Kuki ngeau napot kayo,bakoi.tapi,amun kayo bakoi batobat,kayo kaluhan lei sagar matei!"kakau kayu sa bakoi ba wua⁶Yesus ngesah lei perumpamaan iti:"naan erang kulun sa ampun erang kakau kayu ara sa na bule e ta kabun anggur e.tapi, wayah aye hawi mat nupui wua ta kakau hio,aye bakoi ka halu e. ⁷Jari,aye ngeau napot tukang kabun e,`haot telu taun kuki hawi nuoui wua ta kakau ara iti,tapi kuki mete piji kahalu isa lei.Teweng bo kakau kayu hio!wuah inon ngumpe-ngumpe tane mat kakau kayu hio?`⁸Tapi,tukang kabun hio nuing,`Tuan,ami bo kakau kayu hio kesempatan lagi taun iti mat mua.elah bo kuki ngadi tane ta iring e balalu ngami pupuk, <sup>9</sup>bahara kakau kayu hio sagar ngahasil wua taun hadap.amun bakoi mua lei,Tuan tau neweng e."Yesus nyamare ta andrau Sabat<sup>10</sup>Ta isa wayah,Yesus ngajar ta isa Sinagoge ta andrau Sabat. <sup>11</sup>Ta aro naan erang kulun wawei sa karasukan roh hampe ngulah aye maringin salawah walu belas taun.punggung wawei hio bungkuk hampe bakoi kiuh mindri tagap.<sup>12</sup>Katika Yesus ngini e, Aye nerau wawei hio balalu ngeau,"Ui wawei,kayo haot na bebaskan tekei panyakitnu." <sup>13</sup>Udi hio,Yesus menumpangkan tangan E ta wawei hio palus wayah hio lei,aye kiuh mindri tagap palus memuji Allah. <sup>14</sup>Tapi,pimpinan Sinagoge hio jari sangit gene Yesus nyamare ta andrau Sabat.Aye ngeau napot ulun ajoh,"naan enem andrau mat bagawi.gene hio,hawi lah mat na samare ta andrau-andrau hio,bakoi ta andrau Sabat."<sup>15</sup>Tapi,Tuhan nuing ulun hio,"Kayo ulun-ulun munafik! bakoikah kayo kaluhan nyanapas sapi atawa ampun kayo sa na huruk tangar kandang balalu ngayak e balua mat ngoot ta andrau Sabat? <sup>16</sup>Gene hio,bakoi kah wawei iti,erang kulun katurunan Abraham sa haot na huruk salawah walu belas taun ulah setan,harus lei na sanapas tekei belenggu e hio ta andrau Sabat?"<sup>17</sup>Katika Yesus ngeau sameh hio,kaluhan lawan E na pamangan,nihi ulun ajoh ba suka cita entu gawian ajaib sa haot na ulah E."perumpamaan Insoi Sesawi nihi ragi<sup>18</sup>Udi hio,Yesus ngeau," sameh inon kah Kerajaan Allah hio?nihi inonkah Kuki kiuh nga umpamakan e? <sup>19</sup>Kerajaan Allah hio sameh insoi sesawi sa na alap ulun palus na bule ta kabun e;insoi hio tumbu jari kakau kayu,balalu wurung-wurung ta udara ba hanai tangar jangkeng-jangkeng e."<sup>20</sup>Balalu lagi Aye ngeau,"nihi inonkah kuki ma umpama Kerajaan Allah? <sup>21</sup>Kerajaan Allah hio sameh ragi sa na alap erang kulun wawei balalu na sampur huang telu sukat tepung hampe kaluhan adonan hio kamer."ekat dohot sa naselamatkan<sup>22</sup>Yesus malupui kota-kota nihi desa-desa,Aye ngajar nihi tarus takia nuju Yerusalem. <sup>23</sup>Balalu,erang kulun nane napot Aye,"Tuhan,inonkah ekat dohot ulun sa na salamtkan?"Yesus ngeau napot here kaluhan, <sup>24</sup>" ba juang bo mat kiuh suluk nangkah pintu sa hipit;gene Kuki ngeau napot kayo,ajoh ulun sagar ba usaha suluk gi aro,tapi here bakoi sagar tau.<sup>25</sup>Amun ulun ampun lewu mindri palus nutup lewu e,rahat kayo mindri tangar wading nihi nagtuk wanawang nelang ngeau,`Tuan,awat uka bo napot kami.` Aye nuing,`Kuki bakoi karasa nekei awe kayo ba asal.` <sup>26</sup>Balalu,kayo sagar nuing,`kami haot kuman nihi ngoot hayak kayo.Kayo haot ngajar ta lalan-lalan kota kami.` <sup>27</sup>Tapi,Aye sagar nuing,`Kuki bakoi kataru nihi kayo balalu bakoi karasa tekei awe kayo ba asal.Tulak bo nekei hadap kuki,kaon kaluhan sa ngulah kajahatan!`<sup>28</sup>Kayo sagar nangis nihi ngaratup dipen katika ngini Abraham,Ishak,nihi Yakub,namput kaluhan Nabi muneng huang Kerajaan Allah nelang kayo na tawut gi wading. <sup>29</sup>Udi hio,ulun-ulun sagar hawi tekei timur nihi barat,balalu lei utara nihi selatan.here sagar maharung nihi kuman huang Kerajaan Allah. <sup>30</sup>Sa bujur e,ulun-ulun sa pangalis sagar jari sa panga dahulu nihi ulun-ulun sa panga dahulu sagar jari sa pangalis e."Yesus harus tulak gi Yerusalem<sup>31</sup>Ta wayah hio,papire ulun Farisi hawi napot Yesus palus ngeau,"tulak bo,tanan uneng iti gene Herodes kakan munu Kayo." <sup>32</sup>Yesus nuing here,"tulak bo palus wara napot rubah hio,`andrau iti nihi katuni,Kuki sagar nulak roh-roh jahat nihi nyamare ulun,nihi andrau ka telu,Kuki sagar nyanyari gawian Ku.` <sup>33</sup>Tapi,Kuki harus nampalus kiaan andrau iti,katuni,nihi karuan gene bakoi sagar erang kulun Nabi matei ta wading Yerusalem.<sup>34</sup>Yerusalem,Yerusalem!kayo munu here Nabi nihi merajam ulun sa na utus naot kayo! gaha Kuki ngaheng ngumpul anak-anak nu,sameh nihi indu manu sa ngumpul anak-anak e tangar kapit kalekep e.Tapi,kayo bakoi hakun. <sup>35</sup>wayah iti lewu nu sagar na sa nawang nihi jari suni.Kuki mawara napot kayo,kayo bakoi sagar ngini Kuki lagi hampe hawi wayah e kayo sagar ngeau,`na berkati lah Aye sa hawi huang aran Tuhan!"

¹Ta isa andrau Sabat,Yesus hawi gi lewu erang kulun pamimpin ulun-ulun Farisi mat kuman roti hayak-hayak e balalu here kaluhan mangawasi Yesus. ²Wayah hio,naan erang kulun sa rara gene busung ranu ta hadap E. ³Yesus mawara napot ulun-ulun Farisi nihi ahli-ahli Taurat,"inonkah iyuh nyamare ulun tangar andrau Sabat?"⁴Tapi,here bakoi nuing E.Udi hio,Yesus lei negei ulun maringin hio balalu nyamare e,balalu nuyu ulun hio tulak. ⁵Yesus mawara napot here,"hie kah nekei penah kaon sa amun anak e atawa sapi jagau e lawu gi huang sumur ta andrau Sabat,bakoi hinang nyujut e balua?" ⁶Balalu,here lei bakoi kiuh nawan paneran E." Uneng Kehormatan.⁷Udi hio,Yesus nyurah isa perumpamaan napot tamu-tamu undangan wayah Aye ngini sameh awe here midi uneng-uneng maharung sa terhormat ta iring meja kuman,eau E napot here, ⁸"amun kayo na undang ulah erang kulun gi isa pesta kawinan,ada bo kayo maharung ta uneng kehormatan gene tuan pesta hio tau haot mengundang ulun sa labih terkemuka tekei kayo. ⁹Balalu,tuan lewu hio sagar hawi napot kayo palus ngeau,`ami bo unengan nu napot ulun lain iti!"balalu,kayo lei harus mahulu gi uneng sa panga imme nihi mangan.<sup>10</sup>Tapi,amun kayo na undang,maharung bo ta uneng sa panga wading mat katika sa ngundang kayo hawi,aye sagar ngeau napot kayo,`Sahabat,pindah bo gi uneng sa labih terhormat.`nihi sameh hio,kayo sagar kiuh penghormatan ta hadapan ulun-ulun sa maharung kumanhayak nihi kayo. <sup>11</sup>Gene,kaluhan ulun sa nampa entu areb e sagar na tampinau,tapi aye sa nampinau areb e sagar na tampa entu."Undangan kuman nihi balasan e<sup>12</sup>Balalu,Yesus ngeau napot ulun sa ngundang E hio,"amun kayo nyarungan kuman entu andrau nihi kuman kamalem,ada ngundang hengau-hengau,pulaksanai-pulaksanai,babuhan kaluhan,atawa tetangganu sa tatau gene here sagar nyamaleh gi kayo nihi ngundang lei kayo kuman hayak here.<sup>13</sup>Tapi,amun kayo ngulah pesta,undang bo ulun-ulun susah,ulun-ulun cacat,ulun-ulun lumpuh nihi ulun-ulun pehe. <sup>14</sup>Balalu,kayo sagar na berkati gene ulun-ulun iti bakoi kiuh nyamaleh kayo waleng;kayo sagar halu waleh an e ta wayah ulun-ulun wuah na sambuan."Perumpamaan gene undangan surungan kuman<sup>15</sup>Katika erang kulun sa kuman hayak Aye ngarengei paneran-paneran iti,ulun hio ngeau napot Aye,"na berkati lah ulun sa sagar kuman roti huang Kerajaan Allah." <sup>16</sup>Tapi,eau Yesus napot ulun hio,"naan erang kulun sa nyurung kuman kamalem sa hante nihi ngundang ajoh ulun, <sup>17</sup>balalu katika wayah kuman kamalem haot hampe,ulun hio nuyu walah e mat ngeau napot tamu sa haot na undang,` hawi bo,gene kaluhan e haot siap.`<sup>18</sup>Tapi,kaluhan tamu undangan hio ngulah alasan-alasan.ulun sa panga dahulu ngeau,`kuki japo midi isa kabun balalu kuki harus tulak ngini e.tarime bo lako maaf ku.` <sup>19</sup>sa lain ngeau,`kuki japo midi dime pasang sapi nihi kuki harus tulak ma mariksa sapi-sapi hio.tarime bo lako maaf ku.` <sup>20</sup>nelang sa lain lagi ngeau,`kuki japo bo kawin.gene hio,kuki bakoi kiuh hawi.`<sup>21</sup>Balalu,pelayan hio lei waleng palus ngadu kaluhan e napot tuan e.Balalu,tuan e hio jari sangit,balalu ngeau napot walah e,`hinang bo! tulak gi lalan-lalan nihi tiap gang tangar kota iti.tunda bo napot kuki ulun-ulun susah,ulun-ulun lumpuh,ulun-ulun kepa,nihi ulun-ulun pehe.` <sup>22</sup>Udi hio,walah hio ngeau napot aye,Tuan,kuki haot ngagawi inon sa na huyu kayo,tapi magun naan uneng lawang.`²³Tuan hio ngeau napot walah e,`tulak bo gi lalan-lalan raya nihi tiap gang.tunda bo ulun-ulun ta aro mat hawi gi ina mat lewu ku jari penu. <sup>24</sup>Kuki mawara napot kayo,bakoi erang kulun lei tekei here sa na undang ku sa mete e hio sagar nginam panguta surungan ku."Gene nutah Yesus<sup>25</sup>Ajoh ulun takia hayak-hayak nihi Yesus.udi hio Yesus ngulik napot here nihi ngeau, <sup>26</sup>Amun erang kulun hawi napot Kuki tapi bakoi marikang amah nihi ine e,harau nihi anak-anak e,pulaksanai laki nihi pulaksanai wawei e,hampe welum e kakareb,aye bakoi tau jari murid Ku. <sup>27</sup>Hie lei sa bakoi ngaun salib e palus nutah Kuki,aye bakoi tau jari murid Ku.<sup>28</sup>Hie kah tekei helang kaon sa kakan napindri menara,tapi bakoi maharung dulu e nihi ngareken biaya mat ngarasa inonkah aye sukup duit mat nyanyari e? <sup>29</sup>Amun sameh hio,katika aye ngandak fondasi nihi bakoi sanggup nyanyari e,kaluhan ulun sa ngini e sagar kamihi napot aye. <sup>30</sup>Ulun-ulun hio ngeau,`ulun iti mulai nambuan,tapi aye bakoi sanggup nyanyari e.`³¹Atawa,Raja awe kah sa sagar tulak berperang nawan Raja lain tapi bakoi maharung dulu e balalu mempertimbangkan inonkah aye hayak 10.000 tentara e kiuh nawan 20.000 tentara? ³²Amun aye bakoi kiuh nyantalau raja lain hio,aye sagar ngirim erang kulun utusan balalunane syarat-syarat ba damai katika pasukan lawan e hio magun lawit. ³³Sameh hio lei nihi kayo asing-asing,bakoi naan erang kulun lei tangar penah kayo sa kiuh jari murid Ku amun aye bakoi nyarah kaluhan ampun aye."Sira sa mapahe bakoi naan guna e.³⁴"Sira hio maeh,tapi amun sira hio jari mapahe,kala awe kah ngulah e maerang waleng? ³⁵Sira hio hampe bakoi lagi kiuh na pakai mat gi kabun atawa pupuk hampe ulun ekat sagar ngumpe e.hie sa naan ba silu mat ngarengei,oboh lei aye ngarengei!"

¹Here sa ngumpul pajak nihi ulun badosa ngariet Yesus mat ngarengei E. ²Udi hio ulun-ulun Farisi nihi ahli-ahli Taurat mulai ba mamai,"Ulun iti narime ulun-ulun berdosa nihi hampe kuman hayk here."³Udi hio Yesus mawara perumpamaan iti napot here,eau E, ⁴Hie kah tekei penah kaon sa amun naan 100 ikui domba,nihi ka jawoh erang kikui,bakoi sagar nanan 99 kikui lain e tangar pulau haket?bakoikah aye sagar tulak nupui sa tawang hio hampe aye kahalu e? ⁵Balalu katika aye kahalu e,aye sagar nyantatang domba hio ta entu papale e nihi sanang tuu.⁶Sa hampe e ta lewu,aye sagar tulak manalu hengau-hengau nihi tetangga-tetangga e palus ngeau napot here,`ba sanang-sananglah nihi kuki gene kuki haot kahalu dombaku sa jawoh.` ⁷kuki mawara napot kayo,sameh iti lah sagar naan kasanang sa magin hante ta surga entu 1 ulun badosa sa batobat tekei entu 99 ulun wuah sa bakoi memerlukan pertobatan."Perumpamaan Duit Perak sa jawoh⁸Atawa wawei awe sa naan sapuluh kepeng duit perak,amun aye ka jawoh isa kepeng nekei helang e,bakoi nyamelum palita e nihi mayapu lewu e,balalu nupui kepeng duit hio nihi maeh-maeh hampe aye kahalu e? ⁹Balalu,amun aye kahalu e,aye nerau hengau-hengau nihi tetangga-tetangga e nihi ngeau napot here,`basanang lah hayak kuki gene kuki haot kahalu isa kepeng sa jawoh hio.` ¹⁰Kuki ngeau napot kayo,sameh hio lei naan kasanang ta helang malaikat Allah gene isa ulun berdosa sa bertobat."Perumpamaan rueh nakia laki nakia bungsu nanan amah e.¹¹Udi hio Yesus ngeau,"naan erang kulun ba isi rueh anak laki. ¹²Anak sa sepu ngeau napot amah e,`Amah,ami bo napot kuki bagian harta sa jari ampun ku,`balalu,amah e lei ngabagi katatau e napot kararueh anak e.¹³Bakoi lawah udi hio,anak sa sepu hio ngumpul kaluhan ampun aye, balalu tulak gi negri sa lawit palus ta aro aye namur-namur harata banda e nihi ba foya-foya. ¹⁴Katika aye haot nangalis kaluhan e,jarilah bencana kaluan sa mehet tuu tangar negri hio,balalu aye lei mulai bakakurangan.¹⁵Jari,tulak lah aye palus bagawi nihi erang kulun ta negri hio,sa nuyu aye gi kabun mat ngamin kuta iwek-iwek e. ¹⁶Aye kakan tuu ngisi wuntung e nihi wua karob sa nakuta iwek-iwek hio,tapi bakoi naan erang kulun lei sa ngami napot aye.Anak sepu mudi napot amah e.¹⁷Katika anak sepu hio sadar,aye ngeau,`sameh hio ajoh e ulun sa bagawi uneng amah ku sa naan nakuta sa balabih-labih,tapi kui tangar iti kakan matei kaluan. <sup>18</sup>kuki sagar buan balalu waleng napot amah ku.kuki sagar ngeau napot aye:Amah,kuki haot badosa napot surga nihi tangar hadap kayo. <sup>19</sup>Kuki bakoi lagi pas na antuh anak nu,jari bo kuki isa tekei erang kulun sa bagawi nihi kayo.`²⁰Balalu,mindrilah aye palus tulak napot amah e.Tapi,katika nakia hio magun lawit tuu,amah e ngini aye balalu nihi penu kaahi sayang,amah e hio nempat balalu ngikup nihi nyiuk e. ²¹Udi hio,nakia hio ngeau napot amah e,`amah,kuki haot badosa napot surga nihi tangar hadap kayo.kuki bakoi pas lagi na antuh anak nu.`²²Tapi,amah e hio ngeau napot ulun sa bagawi nihi aye,`hinang!tunda bo jubah sa panga segah balalu pakai bo napot aye.na pakai lei cincin ta kingking tangan e nihi sandal tangar pee e. <sup>23</sup>tunda bo gi iti anak sapi sa bonok palus samalis bo.ayu bo takam kuman nihi basanang, <sup>24</sup>gene anak ku iti haot matei,tapi welum waleng! aye haot jawoh,tapi wayah iti haot na kahalu!`balalu here lei mulai basanang-sanang."anak panga tueh sangit napot amah e²⁵"wayah hio,anak panga tueh rahat tangar kabun,balalu katika aye haot rieet lewu e,aye ngarengei lengan musik nihi tari-tarian. ²⁶Jari,aye nerau isa tekei ulun sa bagawi hio balalu nane gene inon sa rahat jari. ²⁷tuing ulun sa bagawi hio napot aye,`andi nu haot hawu,balalu amah nu nyamalis anak sapi sa bonok,gene aye waleng nihi salamat.`²⁸Tapi,anak panga tueh hio sangit balalu bakoi kakan suluk hampe ambah e balua palus ngararunu aye. ²⁹Tapi,aye ngeau napot ambah e,`ba taun-taun kuki haot bagawi melayani kayo balalu bakoi piji nawan huyu an nu,tapi kayo hampe bakoi piji ngami kuki kambing muda mat kuki tau ba pesta nihi hengau-hengau ku. <sup>30</sup>Tapi,katika anak nu hio mudi udi nangalis harta nu nihi pelacur-pelacur,ambah nyamalis anak sapi sa bonok gi aye.`³¹Balalu,ambah e nuing napot aye,`anakku,kayo hayak nihi kuki tarus,balalu kaluhan ampun ku aye hio ampun kayo. ³²Tapi,andrau iti takam harus ba pesta nihi basanang gene andi nu iti haot matei tapi wayah iti aye welum waleng;aye haot jawoh,tapi wayah iti haot na kahalu."

¹Yesus ngeau napot murid-murid E," naan erang kulun tatau sa ampun kepala walah.balalu,napot ulun tatau hio na lapor kan aye hio kepala alah e haot ngaroros kan katatau e. ²Gene hio,ulun tatau hio nerau kepala walah e hio palus ngeau,`inon sa na rengei kuki gene kayo iti?ami bo pertanggungjawaban entu tugas nu gene kayo bakoi tau lagi jari bendaharaku.`³Kepala walah hio lei ba pikir,`inon sa sagar na ulah kuki gene wayah iti tuan ku haot nyantadoh kuki tekei gawian ku?kuki bakoi sukup gagah mat mancangkul balalu mangan mun ngalako. <sup>4</sup>kuki karasa inon sa sa harus na ulah kuki mat katika kuki na santadoh jari bendahara,ulun-ulun sagar narime kuki ta lewu here.`⁵Udi hio,aye nerau lei tiap ulun sa ba utang napot tuan e.napot ulun sa ka isa aye ngeau,`pire utang nu napot tuan ku? <sup>6</sup>Ulun hio nuing,` jatuh bat ilau zaitun.`balalu kapala walah hio ngeau napot aye,`alap bo surat utang nu,hinang bo maharung balalu tulis bo 50 bat.` <sup>7</sup>Udi hio kepala walah hio nane napot ulun lain,`pire ka ngajoh utang nu?`ulun hio nuing,`jatuh kor gandum.`balalu bendahara hio ngeau napot aye,`alap bo surat utang nu balalu tulis bo bahwa utang nu 80 pikul.`<sup>8</sup>Udi hio,ulun tatau hio nawat kepala walah sa bakoi jujur hio gene aye ngagawi nihi cerdik.Gene,anak-anak dunia iti labih cerdik ba urusan nihi sameh e tekei anak-anak tarang. <sup>9</sup>Kuki ngeau napot kayo,ba sahabat bo nihi mamon sa bakoi bujur mat katika mamon hio galis,kayo sagar na tahalu tangar lewu abadi.<sup>10</sup>Hie bo sa setia huang hal-hal sa halus,aye lei setia huang hal-hal sa hante.Balalu,hie lei sa bakoi jujur huang hal-hal sa halus,aye lei bakoi jujur huang hal-hal sa hante. <sup>11</sup>Jari,amun kayo bakoi kiuh na harap mat mengelola harata duniawi,hie sa sagar harap harata sa bujur e napot kayo? <sup>12</sup>Balalu,amun kayo bakoi kiuh na harap huang makai ampun ulun lain,hie sa sagar ngami inon sa seharus e jari ampun kayo?<sup>13</sup>Bakoi naan tau walah melayani rueh majikan e gene aye sagar marikang nihi sa isa balalu sanang nihi sa lain.Atawa,aye sagar nuu napot majikan sa isa balalu koi nuu nihi sa lain.kayo bakoi kiuh melayani Allah nihi mamon."Pangingat napot ulun Farisi<sup>14</sup>Ulun-ulun Farisi,sa aye hio pecinta duit,ngarengei hal iti ngahulut Yesus. <sup>15</sup>Yesus ngeau napot here,"kayo aye hio ulun-ulun sa nyamuah areb nu kakareb tangar hadap murunsia,tapi Allah karasa isis atei nu sa sabujur e gene sa na agung-agungkan ta helang murunsia aye hio isa raat tangar hadap Allah.<sup>16</sup>Hukum Taurat nihi Kitab here Nabi na jarkan hampe jaman Yohanes;tekei jaman Yohanes,kabar maeh gene Kerajaan Allah haot na wara balalu kaluhan ulun mamaksa suluk gi huang e. <sup>17</sup>Tapi sa bujur e,labih maraoh gi Bumi nihi langit jawoh tekei isa titik huang hukum Taurat na batalkan.Gene sarak<sup>18</sup>"satiap ulun sa nyansarak harau e balalu naharau nihi wawei lain,aye ngulah zinah.balalu,ulun sa naharau wawei sa na sansarak wane e,lei ngulah zina."Ulun tatau nihi Lazarus<sup>19</sup>" Naan erang kulun tatau sa tarus ba pakaian ungu nihi kain linen,balalu ba sanang-sanang tarus tiap andrau huang kemewahan e. <sup>20</sup>ta pintu gerbang lewu ulun tatau hio,mangkadinglah erang kulun susah bangaran Lazarus,sa tenga e penu nihi purat. <sup>21</sup>Aye baharap na ami kuta inon lei sa lawu tekei meja kuman ulun tatau hio;hampe tahu-tahu hawi nelap purat e.<sup>22</sup>Ta isa katika,ulun susah hio matei balalu ulah here malaikat gi santatang Abraham.ulun tatau hio matei lei balalu na ogang. <sup>23</sup>Ta alam diau aro,wayah na siksa,ulun tatu hio nginni gi entu balalu ngini Abraham ta lawit nihi Lazarus ta santatang e.<sup>24</sup>Balalu,ulun tatau hio kamiak,`Bapa Abraham,kaahilah nihi kuki balalu huyu bo Lazarus nyolop puting kingking e gi ranu balalu nyanrisak lelaku gene kuki rara huang lelap apui iti.`<sup>25</sup>Tapi,Abraham ngeau,`Nak,itung lah katika kayo masih welum,kayo haot narime hal-hal sa maeh,nelang Lazarus narime hal-hal sa raat;wayah iti,ta iti Lazarus na hibur,nelang kayo na siksa. ²⁶salain hio kaluhan,naan jurang hante sa nampisah takam hampe ulun sa kakan nyabarang tekei iti gi uneng nu bakoi tau nyabarang,balalu ulun sa tekei uneng nu lei bakoi tau nyabarang gi uneng kami.`<sup>27</sup>Balalu,ulun tatau hio ngeau,`amun sameh hio,kuki lako napot kayo Bapa,utuslah Lazarus gi lewu amah ku, ²⁸gene kuki naan dime pulaksanai laki.elah bo Lazarus nampa ingat here mat uni here bakoi suluk gi uneng penyiksaan iti.`<sup>29</sup>Tapi,Abraham ngeau,`here naan hukum Musa nihi Kitab here nabi,elah bo here karasa tekei kaluhan hio.` <sup>30</sup>eau ulun tatau hio lagi,`bakoi Bapa Abraham.amun erang kulun tekei helang ulun matei hawi napot here japo lah here sagar batobat.` <sup>31</sup>Tuing Abraham napot ulun tatau hio,`amun pulaksanai-pulaksanai nu bakoi ngarengei Hukum Musa nihi kitab here nabi,here bakoi sagar tau na yakinkan,hampe ulah erang kulun sa buan tekei helang ulun matei."

¹Udi hio,Yesus ngeau napot here murid E,"watu santukan pasti naan,tapi salaka lah ulun sa ngulah e. ²magin maeh isa kua watu kilangan na huruk ta diung e nihi aye na tawut gi huang laut tekei aye jari watu santukan napot nakia-nakia halus iti.³Waspadalah! amun pulaksanai nu ngulah dosa napot kayo,tagur bo aye;amun aye manyasal dosa e,ampuni bo aye. ⁴Hampe,amun aye badosa napot kayo kangajoh pitu kali huang erang andrau,balalu waleng napot kayo pitu kali nelang ngeau,`kuki manyasal,`ampuni lah aye."Kuasa Iman⁵Eau rasul-rasul hio napot Tuhan,"tambahkan bo Iman kami!" ⁶Tuing Tuhan napot here,"amun kayo naan iman sa hante insoi sasawi bo,kayo kiuh ngantuh napot kakau murbei iti,`ta bunat bo tekei tane balalu ta bule bo ta laut,`nihi kakau hio sagar nuu napot kayo."Walah sa nuu parentah Tuan e⁷" Hie kah tekei helang kaon sa naan walah,sa rahat membajak atawa menggembala,sagar ngeau napot walah e hio katika aye waleng tekei kabun,`ayu,maharung bo palus kuman`? ⁸bakoikah aye magin sagar ngeau napot walah e hio,`sadia bo panguta mat gi kuki balalu ba lamma bo sa patut mat melayani kuki sa lagi kuki kuman nihi ngoot.udi hio,japo lah kayo tau kuman nihi ngoot`?⁹inonkah aye sagar batarima kasih napot walah e hio gene ngagawi sa na parentah e? ¹⁰Sameh hio lei nihi kayo.amun kayo haot ngulah kaluhan sa na parentahkan napot kayo,maeh e kayo ngeau,`kami aye hio walah sa bakoi ba uman.kami ekat ngulah inon sa wajib na ulah."Sapuluh ulun kusta sa samare<sup>11</sup>Huang kiaan E napot Yerusalem,Yesus netei sa amau batas antara Samaria nihi Galilea. <sup>12</sup>Wayah suluk gi isa kawua desa,Aye panalu nihi sapuluh ulun kusta sa mindri lawit-lawit tekei Aye, <sup>13</sup>balalu here kamiak nihi lengan mehet,"Yesus,Guru,kaahilah nihi kami!"<sup>14</sup>Katika Yesus nginni here,Aye ngeau napot here,"Tulak bo balalu santarang bo areb nu napot Imam-imam."Balalu,katika here huang kiaan,here jari kaoh. <sup>15</sup>katika isa tekei here ngini bahwa areb e haot kaoh,aye waleng palus memuji Allah nihi lengan mehet, <sup>16</sup>Balalu sujud ta hadap pee Yesus nihi ba tarime kasih napot Aye.ulun hio aye hio ulun Samaria.<sup>17</sup>Udi hio,Yesus ngeau napot ulun hio,"bakoi lah naan sapuluh ulun sa haot na samare?ta awekah suei ulun lain e? <sup>18</sup>Bakoi naankah ta helang here sa waleng mat memuliakan Allah sa lain ulun asing iti? <sup>19</sup>Balalu,Yesus ngeau napot aye,"buan palus tulak bo,imannu haot nyalamt kan kayo."Ka hawian Kerajaan Allah<sup>20</sup>Katika na tane ulah papire ulun Farisi gene wayah awe Kerajaan Allah sagar hawi,Yesus nuing here nihi ngeau,"Kerajaan Allah sagar hawi bakoi naan tanda-tanda sa kiuh na tena, <sup>21</sup>Bakoi sagar naan ulun sa ngeau,`inni,Kerajaan Allah naan ta iti!`atawa `Kerajaan Allah naan ta aro!`gene sabujur e Kerajaan Allah naan ta penah-penah kaon."<sup>22</sup>Udi hio,Yesus ngeau napot murid-muirid E,"sagar hampe wayah e kayo kakan tuu nginni isa andrau tekei andrau-andrau Anak Murunsia,tapi kayo bakoi kiuh nginni e. <sup>23</sup>Ulun-ulun sagar ngeau napot kayo,`inni,ta aro!` atawa inni,ta iti!`tapi,ada bo kayo tulak balalu nutah ulun-ulunhio."Kahawian Anak Murunsia ²⁴gene sameh kelat sa mamancar tekei puting langit sa isa napot puting langit sa lain,sameh hio lah Anak Murunsia tangar andrau E.²⁵Tapi,Anak Murunsia harus rara ajoh hal labih dahulu nihi natulak ulah turunan iti. ²⁶Balalu,sameh sa haot jari ta andrau-andrau ta wayah Nuh,sameh hio lei uni ta andrau-andrau Anak Murunsia. ²⁷Ulun-ulun kuman nihi ngoot,kawin nihi na kawin hampe ta andaru Nuh suluk gi huang bahtera nihi hawilah ranu baah balalu munu here kaluhan.²⁸sameh hal ni sa jari wayah Lot,wayah hio ulun-ulun kuman,ngoot,midi,matang,ngamule,nihi nambuan. ²⁹tapi,tangar andrau wayah Lot nanan kota Sodom,apui nihi balerang lawu tekei langit sameh uran palus munu here kaluhan.³⁰Sameh hio lei keadaan e ta andrau wayah Anak Murunsia na santarang. ³¹Ta andrau hio,hie lei sa rahat muneng ta wuwungan lewu,ada bo aye minau mat ngalap e;balalu hie lai sa rahat muneng ta kabun,ada bo aye mudi.³²Ingat bo inon sa jari napot harau Lot! ³³Hie lei sa ba usaha memelihara nyawa e,sagar kajawoh nyawa e,balalu hie lei sa kajawoh nyawa e,sagar nyalamat e.³⁴Kuki mawara napot kayo,tangar malem hio sagar naan 2 ulun sa mandre ta 1 uneng mandre.tapi,sa erang kulun sagar na tunda,sedangkan sa lain sagar na tanan. ³⁵Rueh wawei sagar manggiling gandum sasameh.sa erang kulun sagar na tunda,tagal sa lain sagar na tanan. ³⁶[sameh hio lei rueh ulun sa bagawi tangar kabun,sa erang kulun sagar na tunda,tagal sa lain sagar na tanan."]³⁷Balalu murid-murid nane nihi Yesus,"ta awe Tuhan?tuing Yesus napot here,"ta awe naan bangkai,ta hio lah wurung elang sagar ba kumpul."

¹Udi hio, Yesus nyurah isa perumpamaan napot murid-murid E mat mawara here bahwa here harus tarus lako doa balalu bakoi mawah. ²Eau E,"ta isa kota,naan erang kulun hakim sa bakoi takut napot Allah nihi bakoi menghormati ulun lain.³Ta kota hio,naan erang kulun walu sa tarus-tarusan hawi napot hakim hio balalu ngeau,`ami bo keadilan napot kuki nadap musuh ku.` ⁴mat papire wayah,hakim hio bakoi kakan ngawat walu hio.tapi,udi hio hakim hio ngeau huang atei e,`biar lei kuki bakoi takut napot Allah nihi bakoi menghormati hie lei, <sup>5</sup>tapi gene walu iti tarus-tarusan ngaganggu kuki,kuki sagar ngami keadilan napot aye mat aye bakoi nyusah kuki nihi kahawiane tarus-tarusan hio."<sup>6</sup>Balalu,Tuhan ngeau,"rengeilah inon sa na antuh hakim sa bakoi adil hio. <sup>7</sup>Bakoikah Allah sagar ngami keadilan napot ulun-ulun pilihan E sa kamiak napot Aye ka andrau nihi kamalem?inonkah Aye sagar menunda-nunda hampe lawah mat ngawat here? <sup>8</sup>Kuki ngeau napot here,Aye sagar hinang ngami keadilan napot here.tapi,katika Anak Murunsia hawi,inonkah Aye sagar kahalu iman ta bumi?"Perumpamaan gene Ulun Farisi nihi Pangumpul Pajak<sup>9</sup>Yesus nampe lei perumpamaan iti napot papire ulun sa nganggap areb e bujur nihi nginni ime ulun lain. <sup>10</sup>"naan rueh ulun tulak gi Bait Allah mat lako doa.sa erang kulun aye hio ulun Farisi nihi sa lain aye hio erang kulun pengumpul pajak.<sup>11</sup>Ulun Farisi hio mindri nihi ngantuh doa gene areb e,`Ui,Allah,kuki lako terima kasih napot kayo gene kuki bakoi sameh nihi ulun lain;sameh tukang peras,panipu,pezina,atawa hampe sameh pengumpul pajak iti. ¹²Kuki bapuasa rueh kali isa minggu,kuki ngami sepersepuluh tekei kaluhan penghasilanku.`<sup>13</sup>Tapi,sa pengumpul pajak mindri lawit dohot,hampe bakoi nginni gi langit.sa waleng e aye nampas-nampas dada e nelang ngeau,`Ui,Allah.kaahilah napot kuki,sa badosa iti`. <sup>14</sup>Kuki ngeau napot kayo,pangumpul pajak iti mudi gi lewu e jari ulun sa labih na samuah tekei ulun Farisi hio gene ulun sa nampa entu areb e sagar na tampinau,balalu ulun sa nyampime areb e sagar na tampa entu."Yesus nihi nakia-nakia<sup>15</sup>Balalu,ulun-ulun nunda nakia-nakia here sa masih halus napot Yesus mat Aye nyaput here.Tapi,katika here murid nginni e,here mulai nyangit ulun-ulun hio. <sup>16</sup>Tapi,Yesus nerau nakia-nakia hio mat hawi napot Aye balalu ngeau,"elah bo nakia-nakia halus hio hawi napot Kuki,ada nahalang here gene Kerajaan Allah aye hio ampun ulun-ulun sa sameh here iti. <sup>17</sup>Kuki mawara sa bujur e napot kayo,hie lei sa bakoi narime Kerajaan Allah sameh erang kulun nakia halus,aye bakoi sagar piji suluk gi huang e."Ulun tatau nihi Kerajaan Allah<sup>18</sup>Naan erang kulun pemimpin here sa nane tekei Yesus,"Guru sa maeh,inon sa harus na gawi kuki mat kiuh mawarisi welum sa kekal?" <sup>19</sup>Tuing Yesus napot aye,"wuah inon kayo ngantuh Kuki maeh? bakoi naan erang kulun lei sa maeh kecuali Allah kakareb. <sup>20</sup>Kayo karasa gene hukum-hukum iti: `ada berzina,ada munu,ada ngalat,ada namposo,nihi hormati bo amah nihi ine nu." ²¹Tuing ulun hio,"kuki haot ngulah kaluhan hio nekei kuki masih iya."²²Katika Yesus ngarengei e,Aye ngeau napot ulun hio,"masih naan isa hal sa kurang.batang bo kaluhan sa ampun kayo balalu bagi kan bo napot ulun-ulun susah,balalu kayo sagar naan ka tatau ta surga;balalu ayo lah,umba Kuki." ²³Katika ulun hio ngarengei paneran Yesus hio,aye jari mahanang atei tuu gene aye tatu tuu.²⁴Udi hio Yesus waoh napot aye balalu ngeau,"mahadin tuu ulun-ulun tatau mat suluk gi huang Kerajaan Allah! ²⁵Hampe,magin maraoh napot erang kikui unta suluk tolong pilos tekei ulun tatau suluk huang Kerajaan Allah."Sa nutah Yesus sagar narime welum kekal²⁶Ulun-ulun sa ngarengei paneran hio ngeau,"amun sameh hio,hie sa tau na selamatkan?" ²⁷Tuing Yesus,"inon sa mustahil napot murunsia aye hio mungkin napot Allah."²⁸Balalu,Petrus ngeau,"inni lah,kami haot nanan kaluhan sa naan tangar kami balalu nutah Kayo." ²⁹Yesus ngeau napot here,"Kuki mawara sa bujur e napot kayo,bakoi erang kulun lei sa haot nanan lewu,harau,pulaksanai-pulaksanai,ulun matueh,atawa anak-anaknya demi Kerajaan Allah, ³⁰sa bakoi sagar narime hal-hal hio balipat ganda ta wayah iti,nihi ta wayah sa sagar hawi,aye hio welum sa kekal."pa waraan gene Pampatei nihi Kebangkitan Yesus³¹Balalu,Yesus ngumpul ka rueh belas murid E balalu ngeau napot here,"rengei,takam sagar tulak gi Yerusalem nihi kaluhan hal sa haot na tulis ulah here nabi gene Anak Murunsia sagar na tampa genep. ³²Aye sagar na sarah napot ulun-ulun sa bakoi kataru Allah.aye sagar na kasese,na aniaya,nihi na tura. ³³Balalu,udi here mencambuk Aye,here sagar munu E.tapi,tangar andrau ka telu,Aye sagar buan waleng."³⁴Tapi,here murid bakoi paham isa lei tekei hal-hal iti.arti paneran hio ta simoh napot here hampe here bakoi paham inon lei sa haot na antuh.Yesus Nyamare ulun pehe³⁵Katika Yesus kakan hampe ta kota Yerikho,naan erang kulun pehe sa rahat maharung tangar iring lalan nelang mengemis. ³⁶Katika ulun pehe hio ngarengei ulun ajoh nangkah,aye nane inon sa rahat jari. ³⁷Balalu,ulun-ulun ngeau napot aye,"Yesus tekei Nazaret rahat nangkah."³⁸Balalu,kamiaklah ulun pehe hio,"Yesus,Anak Daud,ka ahilah nihi kuki!" ³⁹Ulun-ulun sa takia ta hadap rombongan,nyangit ulun pehe hio palus nuyu aye suni.tapi aye magin mehet kamiak,"Anak Daud kaahilah nihi kuki!"⁴⁰Balalu Yesus tunuk palus nuyu mat ulun pehe hio na tunda napot Aye.katika ulun pehe hio ngariet, Aye nane napot aye, ⁴¹"inon sa kanakakan kayo mat Kuki ngagawi e napot kayo?"Ulun pehe hio nuing,"Tuhan,kuki kakan mate ku tau ngini."⁴²Yesus ngeau napot aye,"nginni bo,iman nu haot nyamare kayo." ⁴³Ta wayah hio lei,aye kiuh ngini balalu mulai nutah Yesus nelangmemuji Allah.Katika ulun ajoh nginni hal hio,here lei memuji Allah

¹Balalu,suluklah Yesus balalu nangkah kota Yerikho. ²Ta aro naan erang kulun laki bangaran Zakheus,aye hio kepala pengumpul pajak nihi erang kulun sa tatau.³Aye ba usaha ngini Yesus,tapi bakoi kiuh gene tahalang ulun ajoh;gene tenga e ime. ⁴Jari,Zakheus nempat ngadahulu ulun ajoh balalu mambai isa kakau ara mat ngini Yesus gene Aye sagar nangkah lalan hio.⁵Katika Yesus hampe ta uneng Zakheus muneng,Aye nangut gi entu balalu ngeau napot aye,"Zakheus,hinang bo minau gene andrau iti Kuki harus nilang ta lewu nu." ⁶Balalu,Zakheus hinang minau lei balalu narime Yesus nihi sanang atei. ⁷Tapi,katika kaluhan ulun ngini hal hio,here mulai bamamai palus ngeau,"Aye jari tamu ta lewu erang kulun badosa."⁸Udi hio,Zakheus mindri balalu ngeau napot Tuhan,"Tuhan,inni lah,saparu tekei katatau ku sagar na ami ku napot ulun susah,balalu amun kuki haot nyanyawoh katatau erang kulun,kuki sagar nyampudi e 4 kali lipat." ⁹Balalu,Yesus ngeau napot Zakheus,"tangar andrau iti,keselamatan haot hawi gi entu lewu iti gene ulun iti lei anak Abraham. ¹⁰Gene,Anak Murunsia hawi mat nupui nihi menyelamatkan sa jawoh."Hamba sa setia nihi Hamba sa jahat¹¹Nelang here ngarengei kaluhan iti,Yesus ngalanjut e nihi nyurah isa perumpamaan gene Aye haot riet nihi Yerusalem balalu gene here nangguh bahwa Kerajaan Allah sagar hinang hawi. ¹²Ulah gene hio,Aye ngeau lei,"Erang kulun bangsawan tulak gi Negri sa lawit mat na angkat jari Raja,balalu udi hio aye sagar mudi.¹³Udi hio,tuan hio mangumpulkan sapuluh ulun pelayan e balalu ngami here duit sa hante 10 mina.Eau e napot here,`ba dagang lah makai duit iti hampe kuki waleng.` ¹⁴Tapi,ulun-ulun sebangsa e marikang aye balalu ngirim perwakilan udi aye tulak mat ngeau,`kami bakoi kakan ulun iti jari raja entu kami.` ¹⁵Udi na enat jari Raja,bangsawan hio waleng balalu nuyu walah-walah sa haot na ami e duit hio na herau nadap aye mat aye kiuh karasa pire hante ka untungan sa halu here tekei badagang.¹⁶pelayan sa ka isa hawi nihi ngeau,`Tuan,duit 1 mina ampun kayo hio haot ngahasilkan 10 mina lagi.` ¹⁷Raja hio ngeau napot aye,`maeh tuu,ui kayo walah ku sa maeh! gene kayo setia huang hal sa halus,kayo sagar memerintah entu sapuluh kota.`¹⁸Pelayan sa karueh lei hawi nihi ngeau,`Tuan,duit 1 mina ampun kayo hio haot ngahasil 5 mina.` ¹⁹Balalu,Raja ngeau napot hamba hio,`ba kuasalah kayo entu 5 kota.`²⁰Udi hio,hawilah walah sa isa lagi nihi ngeau,`Tuan,iti duit 1 mina ampun kayo sa na simoh ku huang sapu tangan. <sup>21</sup>Kuki takut napot kayo gene kayo ulun sa mape.Kayo ngalap inon sa bakoi piji na simoh kayo nihi masi inon sa bakoi piji ta bule kayo.`²²Udi hio,Raja hio ngeau napot aye,`Kuki sagar mengadili kayo sesuai nihi penerannu,ui kayo walah sa jahat!jari,kayo karasa kuki aye hio ulun sa mape,sa ngalap inon sa bakoi piji na simoh ku nihi masi inon sa bakoi na bule ku? <sup>23</sup>Amun sameh hio,wuah inon kayo bakoi ngandak duit ku uneng ulun sa ngajalankan duit hampe katika kuki waleng,kuki sagar narime duitku hio hayak nihi wunge e?<sup>24</sup>Balalu,Raja hio ngeau napot ulun-ulun sa mindri ta hio,`alap mina hio tekei aye balalu ami lah napot ulun sa ampun 10 mina.` <sup>25</sup>Tapi,here ngeau napot raja,`Tuan,hamba hio haot naan 10 mina.`<sup>26</sup>Tuing raja hio,`Kuki mawara napot kayo,setiap ulun sa naan sagar na ami labih,tapi tekei ulun sa bakoi naan inon-inon,kaluhan sa ampun aye na alap. ²⁷Tapi,gene musuh-musuhku sa bakoi kakan nihi kuki jari Raja entu here,tunda lah here gi iti balalu wunulah here tangar hadap kuki."Yesus Na tahalu Jari Raja²⁸Udi Yesus ngantuh hal-hal hio,Aye takia panga dahulu nuju Yerusalem.²⁹Katika Aye hampe ta riet desa Betfage nihi Betania,riet bukit ba ngaran Bukit Zaitun,Aye mengutus rueh ulun murud E. ³⁰Eau E napot here,"tulak bo gi desa sa naan ta hadap nu hio.Balalu,katika kayo suluk gi aro,kayo sagar ngini erang kikui anak keledai sa tahuruk nihi bakoi piji na amai ulun.sanapas bo anak keledai hio balalu tunda bo gi iti. ³¹amun naan ulun nane napot kayo,`wuah inon kayo nunda keledai hio?,`eau bo sameh iti:Tuhan memerlukan e."³²Balalu,tulak bo kararueh murid sa na utus E hio nihi kahalu kaluhan hal e pas sameh sa haot na antuh E napot here. ³³Rahat here napas anak keledai hio,sa ampun e nane napot here,"wuah inon kayo napas anak keledai hio?" ³⁴here nuing lei,`"Tuhan memerlukan e." <sup>35</sup>Balalu,here nunda anak keledai hio napot Yesus balalu ngandak pakaian e ta entu punggung keledai hio,udi hio nampamai Yesus gi entu e. <sup>36</sup>Katika Yesus nangkah lalan,ulun-ulun ngampar pakaian here ta lalan.<sup>37</sup>Balalu,katika Yesus haot magin riet Yerusalem,aye hio ta lalan sa minau tekei arah bukit Zaitun,kaluhan sa nutah Aye mulai memuji Allah nihi sanang palus lengan sa mehet.here basyukur napot Allah entu kaluhan mukjizat sa haot na inni here. <sup>38</sup>Here kamiak,"na berkatilah Aye sa hawi jar Raja huang aran Tuhan,damai sejahtera ta sorga nihi kemuliaan ta uneng sa panga entu!"<sup>39</sup>Papire ulun Farisi tekei ulun ajoh hio ngeau napot Yesus,"Guru, na sompo bo murid-murid Nu." <sup>40</sup>Tapi,Yesus nuing,"Kuki mawara napot kayo,amun here suni,watu-watu itilah sa sagar kamiak-kamiak."Yesus Menangisi Yerusalem<sup>41</sup>Wayah Yesus haot ta riet kota Yerusalem nihi nginni kota hio,Aye lei nangis. <sup>42</sup>Eau E,"jaka e andaru iti kayo karasa inon sa nampahawi damai sejahtera entu kayo.tapi,wayah iti hal hio ta simoh tekei mate nu.<sup>43</sup>Gene sagar hawi wayah e katika musuh-musuh nu nambuan tembok penghalang tangar sakaliling nu nihi mengepung nu tekei kaluhan arah. <sup>44</sup>Here sagar nyanruntun kayo,kayo hayak nihi anak-anak nu sa balindung tangar tembok nu.balalu,here bakoi sagar nisai isa watu lei ta susun ta entu watu sa lain ta huang nu gene kayo bakoi kataru wayah Allah nyuwuk kayo."Yesus nulak ulun-ulun sa babatang ta Bait Allah<sup>45</sup>Udi hio,Yesus suluk gi Bait Allah balalu mulai nulak balua ulun-ulun sa babatang ta aro. <sup>46</sup>Eau E napot here,"naan tatulis:`lewu ku sagar jari lewu doa,`tapi kayo haot ngulah e jar hanai perampok!"⁴⁷Balalu,Yesus mengajar ta Bait Allah satiap andrau.tapi,imam-imam kepala,ahli-ahli Taurat,nihi here pemimpin bangsa hio nupui cara mat munu E. ⁴⁸Tapi,here bakoi karasa sameh awe ngagawi e gene kaluhan ulun negei tagap paneran Yesus.

¹tangar isa andrau,katika Yesus rahat ngajar ulun ajoh ta Bait Allah nihi memberitakan Injil,imam-imam kepala nihi ahli-ahli Taurat hayak nihi tueh-tueh hawi napot Aye. ²Here ngeau napot Aye,"ara bo napot kami nihi kuasa inonkah Kayo ngagawi hal-hal iti?atawa,hiekah sa ngami Kayo kuasa iti?³Tuing Yesus napot here,"Kuki lei sagar nane isa tanean napot kayo.Tuing lah Kuki, ⁴tekei awe kah asal baptisan Yohanes?tekei Surga atawa tekei murunsia?"⁵here mapakat hal hio ta helang here nihi ngeau,"amun takam nuing,`tekei surga,`Aye sagar ngeau,`amun sameh hio,wuah inon kayo bakoi harap napot Yohanes? <sup>6</sup>Tapi,amun takam ngeau,`tekei murunsia,`kaluhan ulun sagar merajam takam hampe matei gene here yakin bahwa Yohanes aye hio erang kulun nabi."<sup>7</sup>Jari,here lei nuing bahwa here bakoi karasa tekei awe baptisan hio ba asal. <sup>8</sup>Udi hio,Yesus ngeau napot here,"amun sameh hio,Kuki lei bakoi sagar mawara napot kayo nihi kuasa inonkah Kuki ngulah hal-hal iti."Perumpamaan gene Here panyewa kabun anggur<sup>9</sup>Balalu,Yesus nyurah perumpamaan itit napot ulun ajoh,"naan erang kulun sa ngamule isa kabun anggur balalu nampasewa e napot papire petani,balalu tulak gi negris sa lawit mat waktu sa lawah. <sup>10</sup>Katika musim masi hampe,aye nuyu erang kulun pelayan e tulak napot petani-petani hio mat here ngami napot aye mehe tekei hasil kabun anggur hio.Tapi,here petani hio ngompak pelayan hio balalu nulak e tulak nihi tangan kosong.<sup>11</sup>Balalu aye lei ngirim pelayan sa lain,tapi petani-petani hio ngompak lei pelayan hio nihi ngulah aye nihi hina,balalu nulak e nihi tangan kosong. <sup>12</sup>Balalu,sa ampun kabun anggur hio mengutus pelayan sa katelu napot here petani hio,tapi petani-petani hio lei nambatan pelayan sa isa iti nihi nulak e balua.<sup>13</sup>Sa ampun kabun hio lei ngeau,`inon sa harus na ulahku?Kuki sagar ngirim anakku sa na sayang ku,mudahan here sagar menghormati e.` <sup>14</sup>Katika here petani hio ngini anak sa ampun kabun,here barunding isa nihi sa lain,`Aye iti ahli waris sa ampun kabun anggur iti,ayu takam munu aye mat warisan e jari ampun takam!`<sup>15</sup>Udi hio,here lei nawut nakia hio gi wading tekei kabun anggur palus munu e.Balalu,inon sa sagar na gawi ulah sa sa ampun kabun anggur hio napot here? <sup>16</sup>Aye sagar hawi palus nampatei petani-petani hio,balalu nampasewa kabun e napot ulun lain."katika ulun ajoh hio ngarengei perumpamaan iti,here ngeau"Ada bo hal iti hampe jari!"<sup>17</sup>Tapi,Yesus waoh napot here balalu ngeau,"amun sameh hio,inonkah arti ayat iti:`Watu sa na umpe ulah tukang bangunan haot jari watu penjuru?` <sup>18</sup>Setiap ulun sa lawu gi entu watu hio sagar lenuh hampe halus nihi hie lei sa na tukun watu hio sagar ramuk!"<sup>19</sup>Katika ahli-ahli Taurat nihi here imam kepala sadar bahwa perumpamaan hio nyurah gene here,here kakan nyaput Yesus wayah hio lei.Tapi,here takut napot ulun ajoh.tane an gene membayar pajak <sup>20</sup>Udi hio,here ahli Taurat ngawasi Yesus nihi ngirim papire ulun mata-mata sa papura tulus mat here kiuh ngajebak Yesus nihi pertanyaan mat here kiuh nyaput Aye makai paneran E kakareb nihi manyarah Aye gi huang kuasa nihi wewenang gubernur.<sup>21</sup>Ulun-ulun huyuan hio lei nane napot Yesus,"Guru,kami karasa bahwa Kayo ngantuh nihi mengajarkan sa wuah.Kayo lei bakoi nampa lain-lain ulun,tapi ngajar lalan Allah huang sa wuah. <sup>22</sup>inonkah kami na lewa membayar pajak napot Kaisar atawa bakoi?<sup>23</sup>Tapi Yesus karasa ka sulas atei here balalu ngeau napot here, <sup>24</sup>"suba tutui napot Kuki isa kepeng dinar.Gambar nihi tulisan hie kah sa naan tangar duit hio?" tuing here,"Gambar nihi tulisan Kaisar."<sup>25</sup>Balalu,Yesus ngeau napot here,"amun sameh hio,ami bo napot Kaisar inon sa ampun Kaisar,balalu ami bo napot Allah inon sa jari ampun Allah." <sup>26</sup>nihi sameh hio,ulun-ulun hio bakoi tau ngajabak Yesus nihi paneran E kakareb tangar hadap ulun ajoh;here waoh nihi tuingan E palus suni.Tanean ulun Saduki<sup>27</sup>Udi hio,hawilah napot Yesus papire ulun Saduki,aye hio golongan sa bakoi harap naan kebangkitan,balalu nane napot Aye, <sup>28</sup>"Guru,Musa nulis kan napot takam,amun erang kulun laki nanan,padahal aye naan harau balalu bakoi naan anak,pulaksanai laki e harus naharau walu pulaksanai e hio palus nambuan keturunan gi aye.<sup>29</sup>Sameh iti,naan pitu ulun ba pulaksanai.pulaksanai sa kaisa kawin,tapi nanan bakoi naan anak. <sup>30</sup>Udi hio,pulaksanai sa karueh naharau wawei hio balalu matei lei bakoi naan anak. <sup>31</sup>Balalu,pulaksanai sa katelu naharau lei nihi wawei hio balalu hal iti jari lei hampe pulaksanai e sa ka pitu,tapi here kaluhan matei bakoi naan anak. <sup>32</sup>ta pangalis e,wawei hio matei lei. <sup>33</sup>ulah gene hio,ta andrau penghakiman,hie kah sa sagar jari wane tekei wawei hio gene ka pitu hio haot naharau aye ?"<sup>34</sup>Tuing Yesus napot here,"ulun-ulun ta zaman iti naharau nihi na taharaukan, <sup>35</sup>tapi ulun-ulun sa na anggap pas mat kiuh bagian huang dunia sa sagar hawi,nihi huang kebangkitan tekei helang ulun matei,bakoi sagar naharau nihi na taharaukan. <sup>36</sup>Here bakoi tau matei lagi gene here sameh nihi here malaikat.here aye hio anak-anak Allah gene here haot na tambuan tekei pampatei.<sup>37</sup>Musa hampe haot nutui gene kebangkitan ulun-ulun matei huang bagian sa mancatat gene rikut runrui sa rakit.huang bagian hio,Tuhan na antuh jari Allah Abraham,Allah Ishak,nihi Allah Yakub.` ³⁸Aye bakoi Allah ulun matei tapi Allah ulun welum,gene kaluhan ulun welum ta hadap Aye.³⁹Udi hio,papire ahli Taurat ngeau,"Guru,tuingan Nu pas." ⁴⁰Balalu,bakoi naan lagi ulun sa heei mengajukan tanean napot Kayo.Kristus aye hio Tuhan⁴¹Udi hio,Yesus ngeau napot here,"kala awe tau ulun-ulun ngeau bahwa Kristus aye hio Anak Daud? ⁴²padahal huang kitab Mazmur,Daud kakareb ngeau,`Tuhan Allah ngeau napot tuanku,"maharunglah tan tuhi kawanKu, <sup>43</sup>hampe kuki ngandak musuh-musuhNu ta kapit peeNu. <sup>44</sup>"amun Daud ngantuh Kristus jari` Tuan,` sameh awe tau Kristus aye hio anak Daud?"Pangingat mat hati-hati nihi Ahli Taurat⁴⁵Katika ulun ajoh ngarengei,Yesus ba bapander napot muridmurid E, ⁴⁶"ba hati-hatilah napot ahli-ahli Taurat sa rajin takia-takia makai jubah amau,sanang na hormati ulun ta pasar,sa sanang maharung ta uneng panga entu ta sinagoge-sinagoge,ta uneng terhormat ta pesta-pesta. ⁴⁷here ngarampas lewu-lewu here walu nihi lako doa amau-amau mat na inni ulun.ulun-ulun sameh itit pasti sagar narime hukuman sa labih ma weat."

¹Katika Yesus waoh napot entu,Aye kakinni ajoh ulun tatau nampa suluk persembahan here gi huang kota persembahan. ²Aye lei kakinni erang kulun walu susah nampa suluk 2 kepeng duit tembaga. ³Yesus ngeau,"Kuki ngeau sa sabujur e napot kayo,walu susah iti ngami labih ajoh tekei kaluhan ulun tatau hio. ⁴Gene,here ngami persembahan tekei kalabihan here,tapi walu iti ngami persembahan e tekei kakurangan e,aye hio kaluhan sa naan ampun aye mat pakai ngalanjut welum."Tanda-tanda akhir zaman⁵Katika papire murid rahat bapander gene Bait Allah sa na hiasi nihi watu-watu maeh nihi persembahan-persembahan,Yesus ngeau, ⁶"sagar hampe wayah e,kaluhan sa na inni kayo sagar na sanlenuh.bakoi naan isa lei watu sa mindri ta entu watu sa lain sa bakoi sagar na sanruntun."⁷Balalu,here murid nane napot Aye,"Guru,wayah awe hal hio sagar jari?balalu inon tanda-tanda bahwa kaluhan hio sagar jari?" ⁸Tuing Yesus,"bahati-hatilah mat kayo bakoi na santawang gene ajoh ulun sagar hawi makai ngran Kuki balalu ngeau,`Kukilah Aye,`balalu `wayah e haot riet,`ada bo kayo nutah here. ⁹Tapi,katika kayo ngarengei hal perang nihi pembrontakan,ada bo kayo takut gene hal-hal hio mula harus jari labih dahulu,tapi pangalis e bakoi sagar hinang hawi."¹⁰Udi hio Yesus ngeau napot here,"bangsa sagar buan nawan bangsa nihi kerajaan sagar buan nawan kerajaan. ¹¹Sagar jari gempa bumi sa mehet,bencana kaluan,nihi ba masam-masam penyakit ta ajoh uneng.sagar lei balua peristiwa-peristiwa sa maka tatakut nihi tanda-tanda hante tekei langit.¹²Tapi,sa mete kaluhan e iti jari,ulun-ulun sagar nyaput nihi nampahanang kayo.here sagar manyarahkan kayo gi Sinagoge-sinagoge here balalu nampasuluk kayo gi huang penjara-penjara.here lei sagar nunda kayo nadap here raja nihi gubernur ulah gene aran Ku. ¹³Tapi,hal iti sagar jari kesempatan napot kayo mat bersaksi.¹⁴ulah gene hio,tagap kan bo atei nu mat bakoi ngono inon sa sagar na paner kayo mat ngabela areb nu, ¹⁵gene Kuki sagar ngami peneran nihi kebijaksanaan napot kayo sa bakoi kiuh na lawan nihi na tentang ulah musuh-musuhnu.¹⁶kayo sagar na khianati ulah ulun matueh nu,pulaksanainu laki,keluarganu,nihi hengau-hengau nu,nihi here sagar munu papire ulun ta helang kayo. ¹⁷kayo sagar na karikang ulah kaluhan ulun gene aran Ku. ¹⁸Tapi,bakoi erang kahijir wulu lei tekei ulu nu lawu. ¹⁹nihi ketabahan nu,kayo sagar kiuh welum nu."pa waraan gene ka lenuh an Yerusalem²⁰"Tapi,katika kayo nginni kota Yerusalem na kapung ulah pasukan-pasukan tentara,kayo sagar karasa bahwa kalenuh an e haot riet. ²¹ta wayah hio,ulun-ulun sa naan ta wilayah Yudea harus mahulu areb e gi pegunungan,ulun-ulun sa muneng ta luar kota harus balua nekei kota,balalu ulun-ulun sa muneng ta desa-desa bakoi kiuh suluk gi kota Yerusalem. ²²hiolah andrau-andrau penghukuman mat kaluhan hal sa haot tatulis na genep²³Salakalah wawei-wawei sa rahat sawuntung nihi nampomo anak e wayah hio gene sagar jari ka rara sa mehet tuu ta negri iti,nihi muruka sa hante entu bangsa iti. ²⁴Her sagar na wunu nihi pedang nihi na tawan ulah bangsa-bangsa.Kota Yerusalem sagar na kuasai bangsa-bangsa asing hampe wayah kejayaan bangsa-bangsa hio galis."ka hawi Anak Murunsia huang Kemuliaan²⁵"sagar naan tanda-tanda ta mate andrau,wulan,nihi bintang-bintang.ta bumi,bangsa-bangsa sagar katakutan huang kabingungan ulah gemuruh lautan nihi deru ombak. ²⁶ulun-ulun sagar pingsan gene katakut e nihi andreian sagar hal-hal sa sagar jari entu bumi iti gene kaluhan kuasa sa naan ta langit sagar na gunsangkan.²⁷Udi hio,here sagar ngini Anak Murunsia hawi huang awan nihi kuasa nihi kemuliaan sa hante. ²⁸Amun hal-hal iti mulai jari,mindrilah nihi enat lah ulun nu gene wayah pembebasannu haot riet."Perumpamaan kakau Ara²⁹Udi hio Yesus nyurah isa perumpaman napot here: "innilah kakau ara nihi kaluhan sa lain. ³⁰Amun kakau-kakau hio welum rawen-rawen e,kayo sagar paham nihi karasa bahwa musim malaing haot riet. ³¹Sameh hio amun kayo ngini kaluhan hio jari,kayo sagar karasa bahwa Kerajaan Allah haot riet.³²Sabujur e Kuki ngeau napot kayo,katurunan iti bakoi sagar matei hampe kaluhan hal iti jari. ³³Langit nihi bumi sagar jawoh,tapi paneran Ku bakoi sagar nangkah."Siap sedialah setiap saat³⁴" ba hati-hati lah mat atei nu bakoi na tampenu nihi ka ngakan mat ba pesta,ba mabuk-mabukan,nihi gaer gene pamelum.balalu,andrau hio sagar hawi entu kayo sameh perangkap. ³⁵Gene,andrau hio sagar hawi gi entu kaluhan sa muneng ta kaluhan muka bumi iti.³⁶Bajaga-jaga lah setiap wayah nihi lako doa tarus mat kayo kiuh kekuatan mat nyanapas areb nu tekei kaluhan hal sa sagar jari hio nihi mat mindri ta hadap Anak Murunsia."³⁷Tangar entu andrau,Yesus ngajar ulun ajoh ta pelataran Bait Allah,tapi ta malem andrau aye nanan kota balalu mamalem ta Bukit Zaitun. ³⁸Nihi,kiat-kiat,kaluhan ulun hawi napot Aye ta huang Bait Suci mat ngarengei E.

¹Andrau raya Roti bakoi baragi sa na antuh andrau Paskah haot riet. ²Imam-imam kepala nihi ahli-ahli Taurat nupui cara mat munu Yesus,gene here takut napot ulun ajoh."Penghianantan Yudas³Udi hio,suluk lah setan gi huang Yudas,sa na antuh Iskariot.Aye hio isa tekei rueh belas murid. ⁴Balalu,tulak lah Yudas palus barunding nihi imam-imam kepala dan pengawal Bait Allah gene sameh awe aye kiuh nyarah Yesus napot here.⁵Balalu,here sanang tuu nihi sepakat mat ngami duit. ⁶Balalu,Yudas satuju nihi mulai nupui kesempatan mat manyarah Yesus napot here wayah bakoi naan ulun ajoh.Kutaan Paskah⁷Udi hio,hampe lah andrau raya roti bakoi baragi,hio lah wayah e mat mempersembahkan anak domba Paskah. ⁸tangar wayah hio,Yesus nuyu Petrus nihi Yohanes,eau E,"tulak nihi persiap bo panguta Paskah mat takam kuman." ⁹Eau here napot Yesus,"ta awekah Kayo kakan mat kami mempersiapkan e?"¹⁰Tuing Yesus napot here,"Katika kayo haot suluk gi kota,kayo sagar panalu nihi erang kulun laki sa nunda kendi;tutah bo aye gi lewu sa sagar na suluk e, ¹¹balalu eau bo napot sa ampun lewu hio,`Guru nane napot kayo: ta awe kah ruang tamu uneng Kuki kiuh kuman Paskah hayak murid-murid Ku?"<sup>12</sup>Balalu,aye sagar nutui e napot kayo isa ka wua ruangan hante ta lantai entu,sa parabotan e haot siap.persiapkan bo panguta mat gi takam tangar hio." <sup>13</sup>Balalu,Petrus nihi Yohanes tulak balalu kahalu kaluhan e jari sameh sa na antuh Yesus balalu here lei mempersiapkan panguta Paskah.Perjamuan Paskah<sup>14</sup>Katika haot hampe wayah e,Yesus nihi here Rasul maharung kuman ta sakaliling meja. <sup>15</sup>Udi hio,Yesus ngeau napot here,"Kuki kakan tuu kuman hidangan Paskah iti hayak kaon,samete Kuki rara. <sup>16</sup>Gene Kuki ngeau napot kayo,Kuki bakoi sagar nguta e lagi hampe hal iti na genapi huang Kerajaan Allah."<sup>17</sup>Balalu,Yesus ngalap cangkir ba isis anggur palus mengucap syukur,udi hio ngeau,"alap bo cangkir iti balalu bagikan bo ta penah kaon. <sup>18</sup>Gene,Kuki ngeau napot kayo bahwa mulai wayah iti Kuki bakoi sagar ngoot anggur hampe Kerajaan Allah hawi."<sup>19</sup>Udi hio,Yesus ngalap roti palus mengucap syukur,Aye nampuhi-nampuhi roti hio nihi ngami e napot here nelang ngeau,"Roti iti aye hio tenga Ku sa na amikan napot kayo;ualh bo iti mat jari pangingat gi Kuki." <sup>20</sup>sameh hio lei udi kuman,Yesus ngalap cangkir anggur nihi ngeau,"cangkir sa na tuangkan napot kayo iti aye hio Perjanjian bio huang ira Ku."Pawaraan gene ulun sa manyarah Yesus<sup>21</sup>Tapi,inni bo,tangan ulun sa sagar manyarah Kuki naan hayak nihi Kuki ta meja iti. <sup>22</sup>Gene hio,Anak Murunsia sagar tulak nihi cara sameh sa haot na tantukan,tapi salaka lah ulun sa manyarah Aye!" <sup>23</sup>Murid-murid E nane isa nihi sa lain gene hie ta penah here sa sagar ngagawi e."Jarila ulun sa melayani<sup>24</sup>Kalakat lei jari ta penah here Rasul gene hie kah ta penah here sa na tanguh panga hante. <sup>25</sup>Tapi,Yesus ngeau napot here,"Raja-raja bangsa sa bakoi kataru Tuhan bakuasa entu rakyat e,nihi ulun-ulun sa bakuasa entu raja-raja hio na antuh `Pelindung rakyat.`<sup>26</sup>Tapi,kayo ada sameh hio,sa waleng e,sa panga hante tekei helang kaon harus ngulah sameh sa panga ia e,balalu pemimpin harus jari sameh pelayan. <sup>27</sup>Hie sa panga hante,ulun sa maharung kuman atawa sa melayani?bakoi lah ulun sa maharung kuman?Tapi,Kuki naan ta penah-penah nu jari ulun sa melayani.<sup>28</sup>Kayo aye hio ulun-ulun sa tatap hayak Kuki huang pencobaan-pencobaanKu. <sup>29</sup>Gene hio,Kuki ngami napot kayo isa kua Kerajaan,sameh sa na ami AmbahKu napot Kuki, <sup>30</sup>mat kayo kiuh kuman nihi ngoot isa meja nihi Kuki huang KerajaanKu.Balalu,kayo sagar maharung ta entu takhta mat menghakimi ka rueh belas suku Israel."Petrus sagar Manyangkal Yesus<sup>31</sup>" Simon,Simon,rengei bo Kuki.setan lako mat ngitap kayo sameh gandum, <sup>32</sup>tapi Kuki lako doa mat imannu ada lawu.nihi ,udi kayo ba tobat,tampa kuat bo pulaksanai-pulaksanainu."<sup>33</sup>Tapi,Petrus ngeau napot Yesus,"Tuhan,kuki siap na penjara hampe matei hayak Kayo!" <sup>34</sup>Tuing Yesus napot aye,"Kuki ngeau napot kayo,Petrus,andrau iti manu jagau bakoi sagar nandru samete telu kali kayo nulak bahwa kayo kataru nihi Kuki."Basiap-siap bo nadap kasusah<sup>35</sup>Udi hio,Yesus nane napot here murid,"katika Kuki mengutus kayo bakoi naan kantung duit,tas,atawa sandal,inonkah kayo kakurangan inon-inon?tuing here,"bakoi." <sup>36</sup>Eau E napot here,'tapi wayah iti,hie lei sa naan ampun kantung duit,tas,tunda bo.balalu,hie sa bakoi naan pedang,ealh bo aye matang jubah e balalu midi pedang.<sup>37</sup>Gene,Kuki ngeau napot kayo bahwa inon sa tatulis huang Kitab Suci iti harus na tampa genep ta huang Kuki,`Aye sagar na reken hayak ulun-ulun badosa.`Gene,sa tatulis gene Kuki rahat jari wayah iti." ³⁸Balalu here ngeau,"inni bo Tuhan,ta iti naan rueh pedang."Balalu,Yesus ngeau napot here," hio sukup."Yesus lako doa ta Taman Getsemani³⁹Udi hio,Yesus balua palus tulak sameh gi bukit Zaitun sameh sa gaha na ulah E;nihi murid-murid E lei tulak nutah Aye. ⁴⁰Katika Yesus hampe ta uneng hio,Aye ngeau napot here,"Lako doa bo mat kayo ada suluk gi huang pencobaan."⁴¹Udi hio,Yesus nampa lawit areb E tekei here kira-kira sa panawut watu lawit e,balalu balutut palus lako doa, ⁴²Amah,amun Kayo kakan,alap bo cawan iti tekei Kuki.tapi,ada lah ka ngakan Ku sa jari,tapi kangakan Nu."⁴³Udi hio,erang kulun Malaikat tekei Surga nyantarang areb E nihi nampa kuat Aye. ⁴⁴Balalu,huang ka rara E,Aye lako doa magin babujur lagi;lahik E jari sameh petak ira sa metak gi tane.⁴⁵Katika Yesus galis lako doa,Aye tulak napot murid-murid E nihi kahalu here rahat mandre gene hanang atei. ⁴⁶Yesus ngeau napot here,"wuah inon kayo mandre?buan nihi lako doa bo mat kayo ada suluk gi huang pencobaab."Panyaputan Yesus⁴⁷Katika Yesus magun ba surah,hawi lah sa rombongan ulun;balalu aye sa na antuh Yudas,isa tekei ka rueh belas murid hio,ma mimpin here.Balalu,Yudas ngariet Yesus mat nyiuk E. ⁴⁸Tapi,Yesus ngeau napot aye,"Yudas,inonkah kayo nyarah Anak Murunsia nihi siuk an?⁴⁹Katika murid-murid sa mindri ta sakaliling E nginni inon sa jari,her ngeau,"Tuhan harus kah kami nyarang nihi pedang?" ⁵⁰Udi hio,isa tekei here murid hio nyarang pelayan Imam Agung hampe nampek silu kawan e. ⁵¹Tapi Yesus ngeau,"haot,sukup!"Balalu, Yesus nyaput silu pelayan hio palus nyamare e.⁵²Udi hio,Yesus ngeau napot imam-imam kepala,kepala pengawal Bait Allah,nihi tueh-tueh sa hawi mat nyaput Aye,"wuah inon kayo kaluhan hawi nihi pedang palus kayu sameh kakan nyaput perampok? ⁵³Katika Kuki hayak kaon tangar Bait Allah setiap andrau,kayo bakoi nyaput Kuki.tapi,itilah wayah e gi kayo nihi kuasa mieng."Petrus nulak Yesus⁵⁴Udi nyaput E,ulun-ulun hio lei nggiring nihi nunda Yesus gi lewu imam hante.Tapi, Petrus nutah here tekei lawit. ⁵⁵Udi ulun-ulun hio nyamelum apui ta penah-penah halaman nihi maharung hayak-hayak,Petrus lei maharung ta penah here.⁵⁶Tapi,erang kulun pelayan wawei sa ngini Petrus maharung ta riet apui hio waoh rai Petrus balalu ngeau,"ulun iti lei hayak nihi Aye." ⁵⁷Tapi,Petrus nulak,eau e,"ui wawei,kuki bakoi kataru Aye." ⁵⁸bakoi lawah udi hio,erang kulun sa lain ngini e palus ngeau,"kayo lei tamasuk isa tekei here!"Tapi Petrus ngeau,"Bakoi,kuki bakoi isa tekei here!"⁵⁹Kira-kira isa jam udi hio,erang kulun sa lain lagi ngeau nihi harap,"pasti ulun iti lei hayak nihi Aye,gene aye lei ulun Galilea." ⁶⁰Tapi,Petrus ngeau," kuki bakoi karasa inon sa na pander kaon!" wayah hio lei,la masih Petrus magun bapander,nandru lah jagau.⁶¹Balalu,ba palinglah Yesus nihi waoh napot Petrus.balalu,Petrus kaingat sagar paneran Yesus,aye hio Aye ngeau napot aye,"samete manu jagau nandru andrau iti,kayo haot nulak Kuki telu kali." ⁶²Udi Petrus tulak gi wading palus nangis nihi mahanang atei tuu."Penjaga nampa hanang Yesus⁶³Ulun-ulun sa nahan Yesus mulai ngasese nihi ngompak E. ⁶⁴here nutup mate E nihi ngeau,"ba nubuat lah! hie sa ngompak Kayo?" ⁶⁵Here lei ngantuh ajoh hal lain sa manantang Aye nihi ngahina E."Yesus tangar hadapan pimpinan Yahudi⁶⁶Mat gi katuni andrau e,tueh-tueh pemimpin Yahudi,imam-imam kepala,nihi ahli-ahli Taurat bakumpul nihi nunda Yesus gi Mahkamah Agama here. ⁶⁷here ngeau," amun Kayo Mesias,eau napot kami,"tapi Yesus ngeau napot here,"amun Kuki mawara gi kayo,kayo bakoi sagar harap napot Kuki. ⁶⁸Balalu amun Kuki nane napot kayo,kayo bakoi sagar nuing.⁶⁹Tapi,mulai wayah iti Anak Murunsia sagar maharung ta tuhi kawan Allah Sa Mahakuasa." ⁷⁰Here kaluhan ngeau,"amun sameh hio,inonkah Kayo Anak Allah?"Yesus nuing here,"kayo lah sa ngeau bahwa Kuki lah Aye." ⁷¹Udi hio here ngeau,"Kesaksian inon lagi sa na perlukan?takam haot ngarengei e kakareb tekei wawa E!"

¹Udi hio,kaluhan ulun hio mindri balalu nunda Yesus gi hadap Pilatus. ²Balalu,here mulai nuduh Yesus nihi ngeau,"kami kahalu ulun iti nyantawang bangsa kami nihi nguring kami mat ngabayar pajak napot Kaisar,nihi ngantuh bahwa Aye aye hio Kristus,erang kulun Raja."³Pilatus nane nekei Yesus,"inonkah Kayo Raja ulun Yahudi?"Yesus nuing,"hio sa na antuh kayo." ⁴Udi hio,Pilatus ngeau napot imam-imam kepala nihi ulun ajoj,"Kuki bakoi kahalu kahala nihi ulun iti." ⁵Tapi,here nuntut nelang kamiak mehet,"Aye ngasung ulun-ulun nihi ajaran E ta kaluhan wilayah Yudea mulai tekei Galilea hampe ta iti!" Yesus na tunda napot Herodes⁶Katika Pilatus ngarengei hal hio,aye nane inonkah Yesus ulun Galilea. ⁷Balalu,udi aye karasa bahwa Yesus ba asal tekei wilayah kekuasaan Herodes,Pilatus lei ngirim Yesus napot Herodes sa wayah hio rahat muneng ta Kota Yerusalem.⁸Katika Herodes ngini Yesus,aye sanang tuu.Aye haot lawah kakan panalu nihi Aye gene aye haot ngarengei ajoh hal gene Yesus gene aye baharap kiuh nginni isa mukjizat sa na ulah Yesus. ⁹Balalu,Herodes nyurung ajoh tane an napot Yesus,tapi Yesus bakoi ngami jawaban inon lei napot aye. ¹⁰Imam-imam kepala nihi ahli-ahli Taurat sa mindri ta aro nuduh Yesus nihi tamam tuu.¹¹Hampe,Herodes nihi here tentara e lei nampime nihi ngasese Yesus.udi hio,here nampakai jubah sa maeh balalu ngirim E waleng napot Pilatus. ¹²Wayah sadi,Pilatus nihi Herodes bamusuhan,tapi tangar andrau hio here ba hengau."Pilatus gagal nyanapas Yesus¹³Udi hio,Pilatus ngumpul imam-imam kepala,here pemimpin Yahudi,nihi ulun ajoh, ¹⁴Balalu ngeau napot here," kayo nunda ulun iti napot kuki jari erang kulun sa nyantawang ulun ajoh.Tapi,katika kuki mengadili E ta hadap kayo,kuki bakoi kahalu kahala sameh sa na tuduh kayo napot Aye.¹⁵Herodes lei bakoi kahalu kahala E hampe aye ngirim ulun iti waleng napot takam.Inni bo,Aye bakoi ngulah kahala sa pas kiuh hukuman matei. ¹⁶gene hio,udi kuki ngompak E,kuki sagar nyanapas E." ¹⁷[ ta setiap andrau raya Paskah,Pilatus harus membebaskan erang kulun tahanan mat ulun ajoh.]¹⁸Tapi,ulun ajoh hio kamiak hayak-hayak,"na singkir bo ulun iti! lapas bo Barabas napot kami!" ¹⁹[Barabas aye hio erang kulun sa na penjara gene uma huang pembrontakan ta kota nihi lei munu ulun.]²⁰Gene Pilatus kakan nyanapas Yesus,balalu hindra lagi aye bapander napot ulun ajoh. ²¹Tapi,here tatap kamiak," Salib kan Aye!Salib kan Aye!" ²²Mat ka telu kali e Pilatus nane napot here,"wuah inon?kejahatan inon sa haot na ulah ulun iti?Aye bakoi bahala.Kuki bakoi kahalu kahala inon lei napot Aye sa pas kiuh hukuman matei.gene hio,kuki sagar ngompak E balalu nyanapas E."²³Tapi,here tarus ba karas nihi nuntut nihi lengan mehet mat Yesus na salibkan.Nihi,lengan here lei manang. ²⁴Akhir e,Pilatus memutuskan mat nampenu tuntutan here. ²⁵Aye nyanapas ulun sa na lako ulah ulun ajoh,sa na penjara gene ngulah pembrontakan nihi munu ulun.tapi,manyarah Yesus napot ka ngkan here."Penyaliban Yesus²⁶Katika here tentara nunda Yesus tulak,here lei nahan erang kulun,aye hio Simon tekei Kirene sa japo hawi tekei desa.here tentara ngandak salib Yesus ta papale e nihi nuyu aye mikul salib hio tangar lutuk Yesus.²⁷Ajoh ulun sa nutah Yesus,balalu tangar helang here naan wawei-wawei sa nangis nihi maratapi Aye. ²⁸Tapi,Yesus waoh napot here palus ngeau,"Ui putri-putri Yerusalem,ada kaon nangis gi Kuki.na tangis bo areb nu kakareb nihi anak-anak nu.²⁹Sagar hampe wayah e katika ulun-ulun ngeau,`berbahagia bo wawei-wawei sa mandul,nihi sa paranakan e bakoi piji nganak,balalu sa omo e bakoi piji nampomo.` ³⁰Tangar wayah hio her sagar ngeau napot gunung-gunung,`runtun bo gi entu kami!`nihi napot bukit-bukit,`timun bo kami!` ³¹Gene,amun here ngulah hal-hal iti katika kakau kayu magun welum,inon sa sagar jari katika kakau kayu hio haot karing?"³²Naan lei rueh kulun penjahat sa na tunda mat na hukum matei hayak-hayak nihi Yesus.³³Katika here hampe isa kua uneng sa bangaran" Tengkorak,"here tentara nyalib Yesus hayak kararueh penjahat hio,erang kulun tangar tuhi kawan E nihi erang kulun lagi tangar tuhi kawi E. ³⁴Udi hio Yesus ngeau,"oh Amah,ampuni bo here,gene here bakoi kataru inon sa na gawi here."balalu here tentara nawut undi mat ngabagi-bagi pakaian E ta penah here.³⁵Ulun ajoh sa mindri ta aro nginni kaluhan e,tapi here pemimpin Yahudi ngasese Yesus nelang kamihi ngasese.here ngeau,"Aye nyalamat ulun lain,jari elah bo Aye nyalamat areb E kakareb amun Aye aye hio Kristus,"Sa na pidi ulah Allah!"³⁶Here tentara lei ngasese Aye,balalu here hawi nihi nawar anggur maasem napot Aye, ³⁷nihi ngeau,"amun Kayo Raja ulun Yahudi,selamatkan bo areb Nu kakareb!" ³⁸Balalu,naan lei isa tulisan tangar entu E: ITILAH RAJA ULUN YAHUDI."³⁹Isa tekei penjahat ta gonteng tangar hio ngahina Yesus,eau e,"bakoi lah Kayo Kritus?selamatkan bo areb Nu nihi kami!" ⁴⁰Tapi,penjahat sa lain e nyompo aye nihi ngeau," bakoi lah kayo takut napot Allah gene kayo lei narime hukuman sa sameh? ⁴¹takam mula haot sa harus e narime sa pas nihi inon sa haot na ulah,tapi Ulun iti bakoi ngulah kasala inon lei."⁴²Balalu,aye ngeau napot Yesus,"oi Yesus,ingat bo kuki katika Kayo suluk gi huang kerajaan Nu." ⁴³Udi hio Yesus ngeau napot aye,"Kuki mawara sa bujur e napot kayo,andrau iti lei kayo sagar hayak Kuki tangar Firdaus."Pampatei Yesus⁴⁴Wyah hio sekitar jam 12 entu andrau,ka mieng nutup kaluhan daerah hio hampe jam 3 kariwe ⁴⁵Gene mate andrau jari mieng nihi tirai huang Bait Allah jabas jari 2 bagian.⁴⁶Balalu Yesus kamiak nihi lengan sa mehet,"ui Amah,gi huang tangan Nu Ku manyarah nyawa Ku."udi ngantuh hio Yesus nyanapas hewuk E sa pangalis. ⁴⁷Katika kepala pasukan ngini inon sa jari,aye memuliakan Allah nihi ngeau,"bujur,ulun iti bakoi bahala!"⁴⁸Katika ulun ajoh hawi hayak-hayak mat nginni peristiwa hio saksi inon sa jari,here mudi nihi ngompak-ngompak areb e. ⁴⁹kaluhan sa kataru Yesus nihi papire wawei sa haot nutah E tekei Galilea mindri lawit-lawit nihi saksi hal-hal iti. "Yesus na ogang⁵⁰Naan erang kulun laki bangaran Yusuf,anggota dewan penasehat,erang kulun sa maeh nihi wuah. ⁵¹( aye kakareb bakoi satuju keputusan nihi ulahan here).Yusuf ba asal eteki kota Arimatea,isa kua kota ulun Yahudi.Aye lei erang kulun sa nagndrei-ngandrei Kerajaan Allah.⁵²Aye tulak napot Pilatus balalu lako bangkai Yesus. ⁵³Balalu,aye lei nampinau bangkai Yesus tekei kayu salib palus mungkus e nihi kain linen.udi hio,aye nampa kading E huang isa kua ogang sa na peet tangar bukit watu.ta aro,mete piji naan erang kulun lei sa na ogang.⁵⁴Andrau hio aye lah andaru persiapan,nihi andaru Sabat sagar hinang na mulai. ⁵⁵Wawei-wawei sa hawi hayak Yesus tekei Galilea nutah Yusuf.here ngini ogang hio nihi sameh awe bangkai Yesus na tampakading ta huang e. ⁵⁶Udi hio,here mudi nihi nampasiap raragi - raragi namput ilau mat ngusuk bangkai Yesus.ta andrau Sabat here ba istirahat pas nihi hukum Taurat Musa.

¹Ta andaru ka isa minggu hio,katika andaru lagi sunsung kiat,wawei-wawei hio tulak gi ogang Yesus nelang nunda raragi-raragi sa haot na siap here. ²Balalu here kahalu watu hante haot ta guling tekei ogang. ³Tapi,wayah here suluk,here bakoi kahalu bangkai Tuhan Yesus.⁴Katika here magun waoh gene hal hio,salenga-salenga naan rueh ulun sa makai lamma bakilau-kilauan mindri ta iring here. ⁵Wawei-wawei hio takut tuu nelang manunduk rai here,tapi rueh ulun hio ngeau,"wuah inon kayo nupui ulun sa welum tekei penah ulun-ulun matei?⁶Yesus bakoi naan tangar iti,Aye haot buan.ingat bo gene inon sa haot na antuh e napot kayo katika Aye magun ta Galilea. ⁷Aye ngeau bahwa Anak Murunsia harus na sarah napot tangan ulun-ulun ba dosa,na salibkan,nihi sagar buan waleng ta andrau ka telu."⁸Balalu,wawei-wawei hio ta ingat sagar paneran Yesus. ⁹Udi here waleng tekei ogang Yesus,here nyurah kaluhan kajadian hio napot ka sebelas rasul namput here sa nutah Yesus sa lain e. ¹⁰Wawei-wawei sa nyurah hal hio napot here rasul aye hio Maria Magdalena,Yohana,Maria ibu Yakobus,nihi papire wawei lain.¹¹Tapi,paneran wawei-wawei hio na tanguh oso ulah here rasul nihi here bakoi harap napot wawei-wawei hio. ¹²Tapi,Petrus mindri palus nempat gi ogang Yesus.Aye mambungkuk nelang nginni gi huang,tapi aye ekat kahalu kain linen pa mungkus bangkai.Udi hio,Petrus mudi nihi waoh tuu entu inon sa haot jari. "Yesus nyantarang Areb E napot sa nutah E ta lalan nuju Emaus¹³Tangar andrau hio lei,2 ulun sa nutah Yesus tulak gi isa kua desa bangaran Emaus sa kira-kira 60 stadia lawit e tekei kota Yerusalem. ¹⁴karueh ulun hio nyurah gene kaluhan kajadian sa jari.¹⁵Katika here rahat ba surah-surah nihi ba tukar pikiran,Yesus kakareb hawi ngariet nelang takia hayak-hayak here. ¹⁶Tapi,mate here tahalang hampe here bakoi kiuh kataru Aye.¹⁷Yesus ngeau napot here,"inon sa na surah kaon rueh nelang takia?"karueh ulun hio lei tunuk nihi rai here kainian mahanang atei tuu. ¹⁸Isa tekei here sa bangaran Kleopas ngeau napot Aye,"inonkah Kayo isa-isa e ulun lain ta Yerusalem sa bakoi karasa gene inon sa jari ta aro bio-bio iti?"¹⁹Yesus ngeau,"gene inon?"here lei ngeau napot Aye,"gene Yesus tekei Nazaret.Aye hio erang kulun nabi sa penu kuasa huang paneran namput gawian E ta hadapan Allah nihi ta hadapan kaluhan bangsa kami. ²⁰Tapi,imam-imam kepala nihi here pemimpin kami manyarah Aye mat na hukum matei,nihi here menyalibkan E.²¹Sabujur e kami baharap bahwa sa sagar nyanapas bangsa Israel.Tapi,andrau iti aye hio andaru ka telu nekei kaluhan hio jari.²²Tapi,papire wawei tekei penah kami haot ngangemah kami.katika here muneng ta ogang sunsung kiat, ²³here bakoi kahalu bangkai Yesus.Balalu,here waleng palus mawara bahwa here haot nginni panyantarangan malaikat-malaikat,sa ngantuh bahwa Aye welum. ²⁴Udi hio,papire tekei kami tulak gi ogang nihi kahalu lai sameh sa na antuh ulah wawei-wawei hio.Tapi,here bakoi kakinni Yesus."²⁵Udi hio Yesus ngeau napot here,"uh,kala hio bungul e kayo nihi lamat atei mat harap kaluhan hal sa haot na antuh ulah here nabi. ²⁶bakoikah Kristus harus nginam ka rara iti balalu suluk gi huang kemuliaan E." ²⁷Balalu,Yesus ngajelaskan kaluhan hal sa na tulis huang kaluhan Kitab Suci gene areb E,mulai tekei Kitab Musa hampe kaluhan Kitab here nabi.²⁸katika here haot riet gi desa Emaus,Yesus Yesus takia tarus same kakan nampalus kiaan E. ²⁹Tapi,here nahan Aye nihi ngeau,"muneng bo nihi kami gene andrau haot kakan kamalem nihi mate andrau kakan leteng."Balalu, Yesus suluk mat muneng nihi here.³⁰Katika Aye bagabung nihi here tangar meja uneng kuman,Yesus ngalap roti nihi mamberkat e.Aye nampuhi-nampuhi e,balalu ngami e napot here. ³¹Wayah hio,mate here ta uka palus here kataru Yesus.tapi salenga Yesus jawoh tekei panginni here. ³²Udi hio,ba surah lah here isa nihi sa lain,"bakoi lah atei takam ba kobar-kobar katika Aye bapander nihi takam salawah kiaan nihi katika Aye ngajelas Kitab Suci napot takam?"³³Ta wayah hio lei,here mindri balalu waleng gi Yesrusalem.here panalu ka sebelas murid nihi ulun-ulun sa hayak here rahat bakumpul hayak-hayak. ³⁴murid-murid hio ngeau napot here rueh,"Tuhan bujur-bujur haot buan nihi nyantarang areb E napot Simon!" ³⁵Kararueh sa nutah hio lei nyurah inon sa jari huang kiaan here.here nyurah sameh awe here kataru Yesus katika Aye nampuhi roti."Yesus nyantarang Areb napot sa nutah-sa nutah E³⁶Katika karueh ulun hio magun nyurah kajadian iti,Yesus mindri ta penah-penah here palus ngeau napot here,"Damai hayak kaon." ³⁷Tapi,here tarewen nihi takut.here nanguh bahwa here rahat nginni panguluh.³⁸Udi hio,Yesus ngeau napot here,"wuah inon kayo tarewen nihi bakoi harap timul huang atei nu? ³⁹Inni bo tangan Kuki nihi pee Kuki.iti bujur-bujur Kuki.japut bo Kuki nihi inni bo,panguluh bakoi naan daging nihi tulang sameh sa na inni kayo tangar Kuki." ⁴⁰Udi Yesus ngeau iti,Aye nutui tangan nihi pee E napot here.⁴¹Rahat here magun mete harap gene sanang nihi waoh-waoh,Yesus nane napot here,"inonkah ta iti kayo naan sa tau mat na kuta?" ⁴²Balalu here ngami erang ka tetek kenah papui napot Aye. ⁴³Yesus ngalap kenah hio nihi nguta e ta hadap here.⁴⁴Udi hio,Yesus ngeau napot here,"iti lah paneran sa na antuh Kuki napot kayo katika Kuki magun hayak kayo.kaluhan hal sa na tulis gene Kuki huang hukum Taurat Musa,kitab here nabi,nihi Mazmur harus na genep."⁴⁵Udi hio Yesus nguka pikiran here hampe here kiuh mamaham Kitab Suci. ⁴⁶Yesus ngeau lagi napot here,"naan tatulis bahwa Kristus harus rara nihi buan tekei penah ulun matei ta andrau ka telu. ⁴⁷Balalu,pertobatan mat pangampunan dosa sagar na santarang huang aran E napot kaluhan bangsa,mulai tekei Yerusalem.⁴⁸Kayo aye hio saksi-saksi tekei kaluhan iti. ⁴⁹Karasa bo,Kuki ngirimkan janji Ambah Ku napot kayo.Tapi,muneng bo ta kota Yerusalem hampe kayo na lengkapi nihi kuasa tekei uneng sa entu."Yesus ta enat gi Surga⁵⁰Udi hio,Yesus nunda here sa nutah E gi wading kota hampe Betania.Ta aro,Aye ngenat tangan E nihi memberkati here, ⁵¹Katika Yesus memberkati here,Aye bapisah tekei here nihi ta enat gi Surga.⁵²Balalu,here menyembah E nihi waleng gi Yesrusalem nihi sanang tuu. ⁵³Here muneng tarus ta huang Bait Allah nihi memuji Allah.

¹Cahaya Sejati haot hawi gi dunia nekei asal e aye hio Firman,Firman hio hayak nihi Allah palus Firman hio aye hio Allah. ²Firman hio haot hayak nihi Alllah nekei asal e. ³Kaluhan sa naan na ciptakan nangkah Aye.Amun bakoi Aye,kaluhan sa naan sa haot naan iti bakoi mungkin tau naan.⁴tangar huang Aye naan welum balalu welum hio cahaya murunsia. ⁵cahaya hio tarang huang mieng,balalu kamieng bakoi kiuh manguasai E.⁶Naan erang kulun sa na utus Allah,Aran e Yohanes. ⁷Aye hawi jari saksi mat nampe kesaksian hal cahaya hio mat nangkah aye kaluhan ulun jari harap. ⁸Yohanes kakareb bakoi lah cahaya hio,tapi aye hawi mat nampe kesaksian hal cahaya hio.⁹Cahaya sa sejati,sa nyantarang kaluhan ulun,sagar hawi gi dunia.¹⁰Cahaya hio haot naan tangar dunia balalu dunia iti na sanyari ulah E,tapi dunia bakoi ngataru E. ¹¹Aye hawi nalu ampun E,tapi sa ampun E hio bakoi narime Aye.¹²Tapi,here sa narime Aye naami E kuasa mat jari anak-anak Allah,aye hio here sa harap nihi aran E. ¹³here lahir bakoi tekei ira atawa kaaheng lunek,atawa tekei ka ngakan laki,tapi tekei Allah.¹⁴Firman hio haot jari lunaek balalu muneng tangar helang takam.takam haot ngini kemuliaan E,aye hio Kemuliaan Anak Tunggal Amah,penu nihi Anugrah palus sa wuah. ¹⁵Yohanes ngami kesaksian hal Aye nihi kamiak,"iti kah Aye sa na aheng kuki waktu kuki ngeau,`udi kuki,sagar hawi Aye sa ngadahulu kuki gene Aye naan samete kuki."<sup>16</sup>Tekei kapenuan E,takam kaluhan narime Anugrah hayak Anugrah. <sup>17</sup>Gene,Hukum Taurat na ami nangkah Musa;tapi anugrah nihi sa wuah hawi nangkah Yesus Kristus. <sup>18</sup>bakoi erang kulun lei piji nginni Allah,tapi Anak Tunggal Allah,sa na sangkapu Amah,nyantarang E. "Kesaksian Yohanes Pembaptis<sup>19</sup>Iti lah kesaksian Yohanes katika ulun-ulun Yahudi mangutus Imam-Imam nihi ulun-ulun Lewi ta Yerusalem mat nane nihi Yohanes," hie kah kayo?" <sup>20</sup>Yohanes ngaku,balalu aye bakoi nawan e,aye ngaku,"kuki bakoi Kristus hio." <sup>21</sup>here nane gi aye,"amun sameh hio,hie kah kayo?inon kah kayo Elia?" aye nuing here,"kuki bakoi Elia."inon kah kayo Nabi hio?" aye nuing,"bakoi."<sup>22</sup>Udi hio here nane nihi aye," hie sa kayo, gene kami harus ngami jawaban gi ulun sa mangutus kami?inon sa eau nu hal tenga nu kakareb?" <sup>23</sup>Yohanes nuing nihi wusi paner Nabi Yesaya," Kuki lah lengan ulun sa na eau Nabi Yesaya kamiak-kamiak tangar haket: ` na san witu bo lalan gi Tuhan!" Yesaya 40 : 3²⁴Ulun-ulun Yahudi sa na utus aye hio ulun Farisi. ²⁵Balalu,here ngeau gi Yohanes,"amun kayo bakoi Mesias,bakoi Elia,balalu bakoi Nabi hio,wuah inon kayo napandrus?"²⁶Yohanes nuing here,"kuki napandrus nihi ranu,tapi tangar helang kaon mindri erang kulun sa bakoi na kataru kaon. ²⁷aye hio sa sagar hawi udi kuki.nguka tadi sandal E bo,kuki bakoi pas." ²⁸kaluhan hio jari tangar Betania,ta sabarang hungei Yordan,uneng Yohanes napandrus."Anak Domba Allah²⁹mat gi katuni andrau e,Yohanes kakinni Yesus hawi napot aye,balalu Yohanes ngeau,"Inni bo,Anak Domba Allah sa ngahapus dosa dunia! ³⁰Aye hio sa na aheng kuki katika kuki ngeau,`udi kuki sagar hawi erang kulun sa labih hante tekei kuki gene aye haot naan samete kuki.` ³¹sadi, kuki bakoi kataru Aye,tapi mat Aye na santarang gi ulun-ulun Israel,maka kuki hawi napandrus nihi ranu."³²Balalu,Yohanes bersaksi,eau e,"kuki kakinni Roh minau tekei langit sameh wurung Merpati balalu Roh hio muneng tangar Aye. ³³Kuki kakareb bakoi ngataru Aye,tapi Aye sa mangutus kuki mat napandrus nihi ranu ngeau gi kuki,`Aye sa gi entu E kayo kakinni Roh minau balalu muneng,Aye hio lah sa sagar napandrus nihi Roh Kudus.` ³⁴kuki kakareb haot kakinni nihi ngami kesaksian bahwa Aye iti lah Anak Allah."Murid-murid Yesus sa ka isa³⁵Mat gi kiat katuni andra e,Yohanes mindri lagi nihi rueh kulun murid e, ³⁶balalu aye kakinni Yesus rahat takia.Yohanes ngeau," inni bo,Anak Domba Allah!"³⁷Kararueh murid e ngarengei wusi paner hio balalu here nutah Yesus. ³⁸Yesus ngulik gi lutuk balalu waktu kakinni here rahat nutah Aye,Aye ngeau gi here," inon sa na lupui kaon?"here ngeau gi Aye," Rabi (sa amun naarti lak arti e; Guru),tangar awe kah Kayo muneng?" ³⁹Aye ngeau napot here,"ayu gi iti balalu kayo sagar nginni e." udi hio,here hawi palus nginni uneng Aye muneng balalu here muneng nihi Aye andrau hio gene kakiraan jam sapuluh.⁴⁰Isa tekei karueh murid sa karengei wusi paner Yohanes balalu nutah Yesus hio aye hio Andreas,pulaksanai Simon Petrus. ⁴¹Samete e,Andreas manalu Simon,pulaksanai e,balalu mawara e,"kami haot kahalu Mesias (sa naarti kan jari `Kristus`)." ⁴²Udi hio,Andreas nunda Simon gi Yesus.Yesus ngulik Simon balalu ngeau,"Kayo Simon,anak Yohanes.kayo sagar naantuh Kefas (sa ba arti`Petrus atawa `watu`)".<sup>43</sup>Gi kiat katuni andrau e,Yesus ngaheng tulak gi Galilea.Aye panalu nihi Filifus balalu ngeau gi aye,"ayu umma Kuki!" <sup>44</sup>Filipus ba asal nekei Betsaida,kota uneng Andreas nihi Petrus muneng. <sup>45</sup>Filipus panalu nihi Natanael balalu ngeau napot aye," kami haot kahalu Aye na natulis kan ulah Musa huang hukum Taurat nihi ulah here Nabi,aye hio Yesus tekei Nazaret,anak Yusuf."<sup>46</sup>Natanael ngeau gi aye,"mungkin lah isa sa maeh hawi tekei Nazaret?"Filipus ngeau gi aye," hawi bo balalu inni." <sup>47</sup>Yesus nginni Natanael hawi napot Aye balalu bapaner hal Natanael,"inni bo,erang kulun Israel sejati,bakoi naan kepalsuan ta huang aye!" <sup>48</sup>Natanael nane,"kalawe maka Kayo kataru nihi kuki?"Yesus nuing,samete Filipus nerau kayo,Kuki haot kakinni kayo waktu kayo naan ta kapit kakau ara."<sup>49</sup>Tuing Natanael,"Rabi,Kayo aye hio Anak Allah.Kayo aye hio Raja ulun Israel." <sup>50</sup>Yesus nuing balalu ngeau gi aye,"Gene Kuki ngeau nihi kayo,`Kuki haot kakinni kayo tangar kapit kakau ara,`maka kayo harap?kayo sagar nginni hal-hal sa lawit labih hante tekei iti!" ⁵¹Balalu,Aye ngalanjut kan,"sabujur e,Kuki ngeau gi kayo,kayo sagar kakinni langit ta uka nihi malaikat-malaikat Allah mamai minau melayani Anak Murunsia."

Ranu na sanjari Anggur ¹Ta andrau katelu naan pesta kakawinan ta Kana,Galilea,balalu ine Yesus naan ta aro. ²Yesus nihi murid-murid E na undang lei gi pesta kakawinan hio.³Katika ranu anggur galis,ine Yesus ngeau gi Aye,"here kagalisan ranu anggur." ⁴Yesus nuing,"wawei,inon hubungan e nihi Kuki?andrau malem Ku mete hampe." ⁵ine Yesus ngeau gi here pelayan,"inon lei sa na antuh E gi kaon,gawi bo hio."⁶Tangar aro,naan enem kusi nekei watu,sa gaha na pakai ulun Yahudi ta upacara penyucian.masing-masing kusi hio muat kira-kira rueh atawa telu ember. ⁷Yesus ngeau gi here pelayan,"isi bo kusi-kusi hio nihi ranu."balalu, here ngisi kusi-kusi nihi ranu hampe penu. ⁸Udi hio,Yesus ngeau gi here,"wayah ina,alap bo doho nihi tunda gi tuan pesta."balalu here nunda gi pamimpin pesta.⁹Katika pemimpin pesta nginam ranu sa haot jari anggur hio,balalu aye bakoi karasa tekei awe asal e hio (tapi here pelayan sa ngalap ranu hio karasa),balalu pemimpin pesta hio nerau panganten laki, ¹⁰balalu ngeau nihi aye,"tiap ulun nyadia ranu anggur sa maeh dahulu balalu katika kaluhan ulun haot puas ngoot,japo lah anggur sa kurang maeh.tapi,kayo nyiok anggur sa maeh hampe wayah ina."¹¹Tanda ajaib ka isa iti na ulah Yesus ta Kana,Galilea,nihi nyantarang kemuliaan E,balalu murid-murid E percaya nihi Aye.¹²Udi hio,Yesus minau gi Kapernaum hayak ine,pulaksanai-pulaksanai,nihi murid-murid E.here muneng ta aro salawah papire andrau."Yesus ta Bait Allah¹³Andrau Raya Paskah ulun Yahudi haot rieet,balalu Yesus lei mamai gi Yerusalem. ¹⁴Tangar Bait Allah,Aye nginni ulun-ulun matang lembu,domba,nihi Merpati,nihi here pahurup duit maharung ta aro.¹⁵Yesus ngulah cambuk nekei tadi balalu nulak here kaluhan balua nekei Bait Allah,ta masuk kaluhan domba nihi lembu here.Aye lei ngumpe duit-duit koin here pahurup duit balalu nyamaleng meja-meja here. ¹⁶gi here pambatang merpati,Yesus ngeau,"tunda balua kaluhan iti nekei ina!ada ngulah lewu Ammah Ku uneng mat babatang bawidi!"¹⁷Murid-murid E ta ingat bahwa naan tatulis:"cinta nihi lewu Nu,nampa hangus Kuki." Mazmur 69 : 10 ¹⁸Udi hio,ulun-ulun Yahudi nuing palus ngeau gi Aye,"tanda ajaib inon sa na pa inni Kayo gi kami hampe Kayo ba hak ngulah hal-hal iti?" ¹⁹Yesus nuing here,"na palenuh bo Bait Allah iti balalu huang telu andrau Kuki sagar ngabangun e waleng."²⁰Here nuing," perlu 46 taun mat ngabangun Bait Allah iti,balalu Kayo sagar ngabangun e huang telu andrau?" ²¹Tapi,sa na aheng Yesus Bait Allah aye hio tenga E kakareb. ²²Gene hio,katika Yesus na tambuan tekei helang ulun matei,murid-murid E taingat wusi paner iti;balalu here harap nihi kitab Suci palus wusi paner sa na antuh Yesus.²³Katika Yesus muneng tangar Yerusalem salawah Perayaan Paskah,ajoh ulun harap huang aran E ulah kakainni tanda-tanda ajaib sa na gawi E. ²⁴Tapi,Yesus kakareb bakoi harap nihi here gene Aye kataru kaluhan ulun, ²⁵balalu bakoi perlu hie lei mat ngami kesaksian hal murunsia gene Aye karasa inon sa naan huang atei murunsia.

Arti na lahirkan waleng ¹naan erang kulun Farisi ba ngaran Nikodemus. Aye hio erang kulun pemimpin bangsa Yahudi. ²tangar isa malem,aye hawi napot Yesus balalu ngeau,"Rabi,kami karasa bahwa Kayo aye hio Guru sa hawi tekei Allah gene bakoi naan erang kulun lei sa kiuh ngagawi tanda-tanda ajaib sa na ulah Kayo,kecuali Allah naan hayak e."³Yesus nuing aye,"sa bujur-bujur e Kuki mawara gi kayo,amun erang kulun bakoi nalahirkan waleng,aye bakoi kiuh nginni Kerajaan Allah." ⁴Nikodemus nane,"kalawe tau erang kulun tau nalahirkan waleng amun aye haot matueh? kiuh lah aye suluk lagi gi huang paranakan ine e balalu nalahirkan lagi?"⁵Yesus nuieng aye,"sa bujur e,Kuki mawara gi kayo,amun erang kulun bakoi nalahirkan tekei ranu nihi Roh,aye bakoi kiuh suluk gi huang Kerajaan Allah. ⁶Inon sa nalahirkan tekei daging aye hio daging,balalu inon sa nalahirkan tekei Roh aye hio Roh.⁷Ada lah waoh gene Kuki ngeau gi kayo,`kayo harus na lahir kan waleng`. ⁸Angin nyiwui gi awe bo aye kakan balalu kayo karengei lengan e,tapi kayo bakoi karasa tekei awe asal e nihi gi awe aye sagar tulak.kala hio lei nihi tiap ulun sa nalahirkan tekei Roh."⁹Nikodemus nane," kalawe tau kaluhan hal hio jari?" ¹⁰Yesus nuing,"bakoi kah kayo guru ulun Israel,tapi kayo bakoi paham kaluhan hal ina? ¹¹Sabujur-bujur e,Kuki mawara gi kayo bahwa kami bapander hal inon sa nakarasa kami balalu ngami kesaksian hal inon sa na inni kami,tapi kayo bakoi narime kesaksian kami.¹²Amun Kuki mawara gene hal-hal duniawi bo kayo bakoi harap,kalawe tau kayo sagar harap amun Kuki mawara gene hal-hal Surgawi? ¹³Bakoi erang kulun lei piji mambai gi Surga,kecuali Aye sa haot minau tekei surga,aye hio Anak Manusia.¹⁴Sameh nihi Musa nampamai nipe tembaga ta pulau haket,sameh hio lei Anak Murunsia harus natampamai, ¹⁵mat satiap ulun sa harap nihi Aye kahaba welum sa kekal.¹⁶Gene Allah maahi tuu gi dunia iti,Aye ngami Anak E sa tunggal mat setiap ulun sa harap nihi Aye bakoi matei,tapi kahaba welum sa kekal. ¹⁷Gene Allah mengutus Anak E gi huang dunia bakoi mat menghakimi dunia,tapi mat dunia na selamatkan nangkah Anak E. ¹⁸Ulun sa harap nihi Aye bakoi sagar na hukum,tapi ulun sa bakoi harap nihi Aye sagar na hukum,tapi ulun sa bakoi harap haot naan ta kapit hukuman gene aye bakoi harap huang aran Anak Tunggal Allah.¹⁹Iti lah hukum hio : cahaya haot hawi gi huang dunia,tapi manusia labih sanang sa maieng tekei cahaya gene inon sa naulah here aye hio jahat. ²⁰Gene kaluhan ulun sa ngulah jahat marikang cahaya balalu bakoi hawi lei napot cahaya hio mat gawian-gawian e bakoi na ungkit-ungkit. ²¹Tapi,ulun sa ngulah sa wuah hawi gi cahaya hio mat na santarang gawian-gawian e hio na ulah ta huang Allah." Yohanes Bersaksi hal Yesus²²Udi hio,Yesus nihi here murid E tulak gi tane Yudea.tangar aro,Aye nangalis waktu hayak here nihi napandrus. ²³Yohanes na pandrus lei ta Ainon riet Salim gene naan ajoh ranu tangar aro.Ulun-ulun hawi palus na tapandrus. ²⁴Wayah hio,Yohanes mete natampasuluk gi huang penjara.²⁵Balalu,hulet lah soal ta helang here murid Yohanes nihi erang kulun Yahudi hal penyucian. ²⁶Here manalu Yohanes balalu ngeau,"Guru,ulun sa hayak Kayo tangar hungei Yordan,sa hal Aye kayo haot bersaksi,inni bo,Aye lei napandrus nihi kaluhan ulun hawi napot Aye."²⁷Yohanes nuing,"murunsia bakoi kiuh narime inon lei,kecuali hal hio na ami gi aye nekei Surga. ²⁸kayo kakareb kiuh ngami kesaksian bahwa kuki piji ngeau,`Kuki bakoi Mesias,`tapi kuki na utus mat ngadahulu E.²⁹Ulun sa ampun panganten wawei aye hio panganten laki; tapi hengau panganten laki,sa mindri balalu ngarengei e,sanang tuu ngarengei lengan panganten laki,jari kasanang ku iti haot na sanyari penu. ³⁰Aye harus magin hante balalu kuki harus magin halus."³¹" Aye sa hawi tekei entu aye hio ta entu kaluhan e,Aye sa baasal tekei bumi aye hio tekei bumi nihi bapander gene hal-hal sa naan ta bumi.Aye sa hawi tekei surga aye hio ta entu kaluhan hal. ³²Aye ngami kesaksian gene inon sa na inni balalu na rengei E,tapi lun-ulun bakoi narime kesaksian E. ³³Ulun sa narime kesaksian E mangakui nihi sabujur e bahwa Allah hio bujur.³⁴Gene,ulun sa nautus Allah sagar nampe wusi paner Allah gene Allah ngami Roh sa bakoi tabatas. ³⁵Amah kaahi Anak balalu haot manyarah kaluhan hal gi huang tangan E. ³⁶ulun sa harap nihi Anak ampun welum sa kekal,tapi ulun sa bakoi nuu Anak bakoi sagar kakinni pamelum,tapi muruka Allah tatap naan tangar aye."

Yesus basurah nihi wawei Samaria ¹Katika Tuhan karasa amun ulun-ulun Farisi haot ngarengei bahwa Aye bahasil nihi napandrus labih ajoh murid tekei Yohanes, ²(biar Yesus kakareb bakoi napandrus,tapi murid-murid E), ³Aye nanan Yudea palus waleng lagi gi Galilea.⁴Tapi,Aye harus nangkah daerah Samaria. ⁵Hampe lah Yesus ta Samaria,tangar isa kota sa bangaran Sikhar,sa tangar ta riet tane sa sadi na ami Yakub gi anak e, Yusuf.⁶Sumur Yakub naan ta aro,udi hio, Yesus sa uyuh gene takia,maharung ta iring sumur hio.Waktu hio,kakiraan jam enem. ⁷Hawi lah erang kulun wawei Samaria mat nyauk ranu.Yesus ngeau gi aye,"ami bo Kuki ngoot," ⁸(gene,murid-murid E haot tulak gi kota mat midi nakuta.)⁹Wawei Samaria hio ngeau gi Yesus,"kala awe tau kayo,ulun Yahudi,laku ranu oot nihi kuki sa wawei Samaria?" (gene,ulun Yahudi bakoi ma wawa nihi ulun Samaria). ¹⁰Yesus nuing palus ngeau gi aye,"amun kayo karasa hal karunia Allah balalu karasa hie sa mawara gi kayo,`ami bo kuki ngoot,` kayo pasti sagar lako nihi Aye,balalu Aye sagar ngami kayo ranu welum,"¹¹wawei hio ngeau gi Aye,"Tuan,Kayo bakoi naan panyauk balalu sumur iti lalem tuu,tekei awe Kayo sagar kahalu ranu welum hio? ¹²inon kah Kayo labih hante tekei itak uyut kami,Yakub,sa ngami sumur iti gi kami nihi sa haot ngoot kakareb tekei sumur iti namput kaluhan anak palus pamelum e?"¹³Yesus nuing nihi ngeau nihi aye,"setiap ulun sa ngoot tekei sumur iti sagar kalalah lagi, ¹⁴tapi ulun sa ngoot tekei ranu sa naami Kuki gi aye bakoi sagar piji kalalah lagi; tapi ranu sa naami kuki gi aye hio sagar jari mate ranu ta huang tenga e sa sagar tarus bacahaya hampe gi welum sa kekal."¹⁵Wawei hio ngeau nihi Yesus,"Tuan,ami bo kuki ranu hio mat kuki bakoi sagar kalalah lagi balalu kuki bakoi perlu lagi gi iti mat nyauk ranu." ¹⁶Yesus ngeau gi aye,"tulak bo,herau wane nu balalu waleng gi iti."¹⁷Wawei hio nuing,"kuki bakoi naan wane."eau Yesus nihi aye,"bujur eau kayo waktu ngeau ,`kuki bakoi naan wane,` ¹⁸Gene kayo haot piji naan dime wane,balalu laki sa isa nihi kayo wayah iti bakoi lah wane nu.Huang hal iti,kayo bapander bujur."¹⁹Eau wawei hio gi Aye,"Tuan,wayah iti kuki karasa bahwa Kayo aye hio Nabi. ²⁰itak uyut kami menyembah tangar gunung iti,tapi bangsa Nu ngeau bahwa Yerusalem lah uneng ulun harus menyembah."²¹Yesus ngeau nihi aye," harap bo nihi Kuki,ui wawei! sagar hawi waktu e katika bakoi ta gunung iti atawa ta Yerusalem ulun menyembah Ammah. ²²kayo menyembah sa bakoi kaon kataru,tapi kami menyembah sa kami kataru gene keselamatan hawi tekei bangsa Yahudi.²³Tapi,sagar hawi waktu e,aye hio wayah ina,penyembah-penyembah bujur sagar menyembah Ammah huang Roh nihi sa wuah;gene Amah menuntut sa sameh hio mat menyembah Aye. ²⁴Allah aye hio Roh balalu here sa menyembah Aye harus menyembah E huang Roh nihi sa wuah."²⁵Wawei hio ngeau gi Aye," kuki karasa bahwa Mesias sagar hawi (Aye sa naantuh Kristus).katika Aye hawi,Aye sagar mawara isa kaluhane gi kami," ²⁶Tuing Yesus gi aye," Kuki,sa rahat bapander nihi kayo aye hio Aye."²⁷Waktu hio,hawi lah murid-murid E nihi here waoh nginni Yesus rahat basurah nihi erang kulun wawei.Tapi,bakoi erang kulun lei sa nane nihi Aye,"inon sa nalupui Nu?" atawa "wuah inon Kayo basurah nihi Aye?"²⁸Udi hio,wawei hio nanan kusi ranu e balalu tulak gi kota nelang ngeau gi ulun-ulun ta aro, ²⁹"ayu,inni bo naan erang kulun sa ngantuh gi kuki kaluhan hal sa haot na ulah kuki.mungkin kah Aye Mesias hio?" ³⁰here lei tulak gi luar kota balalu manalu Yesus.³¹Rahat hio,murid-murid E mendasak Yeus nihi ngeau,"Rabi,kuman lah," ³²Tapi,Yesus ngeau gi here,"Kuki naan panguta sa bakoi kayo kataru." ³³Balalu,murid-murid nyantane isa nihi sa lain,"inon kah bakoi naan ulun sa nunda inon lei gi Aye mat nakuta?"³⁴Yesus ngeau,"panguta Kuki aye hio ngagawi aheng Aye sa mangutus Kuki palus nyanyari gawian E. ³⁵Bakoi kah kayo ngeau ,`epat wulan lagi musim masi hawi`?inni bo,Kuki ngeau gi kayo,uka bo mate nu balalu inni bo alah taun haot madintang mat nawasi. ³⁶wayah ina jua,aye sa masi haot narime upa e balalu sa mangumpul wua mat welum sa kekal hampe pamasi nihi pamule kiuh basanang sasameh.³⁷Huang hal iti paneran iti bujur,`sa erang kulun mule balalu sa lain masi,` ³⁸Kuki mangutus kayo mat masi isa sa bakoi na gawi kayo; ulun lain haot ngagawi e balalu kayo haot suluk gi huang gawian here."³⁹Ajoh ulun Samaria tekei kota hio jari harap nihi Yesus gene paneran wawei hio,sa ngami kesaksian,"Aye mawara kuki kaluhan hal sa na ulah kuki." ⁴⁰Jari,katika ulun-ulun Samaria hio hampe gi Yesus,here lako E mat muneng nihi here balalu Yesus muneng ta aro salawah rueh andrau.⁴¹Balalu,naan tamah ajoh lagi sa harap gene panderan Yesus kakareb. ⁴²Here ngeau nihi wawei hio,"bakoi lagi gene paneran nu kami jari harap,tapi gene kami kakareb haot ngarengei,balalu kami karasa bahwa Aye iti bujur-bujur Juru selamat dunia." Anak Pegawai Istana na samare⁴³udi 2 andrau,nanan uneng hio balalu tulak gi Galilea. ⁴⁴(sa mete e,Yesus kakareb haot ngami kesaksian bahwa erang kulun Nabi bakoi sagar na hormati tangar negri e kakareb) ⁴⁵Katika Yesus hampe ta Galilea,ulun-ulun Galilea nyambut Aye gene here haot nginni ssegala hal sa nagawi Yesus huang perayaan Paskah tangar Yerusalem gene here tulak lei gi perayaan hio.⁴⁶Gene hio,Yesus hawi lagi gi Kana,Galilea,unengan Aye piji ngulah ranu jari ranu anggur. Ta Kapernaum naan erang kulun pegawai Istana ya naan ank laki e rahat maringin. ⁴⁷Katika pegawai Istana hio ngarengei bahwa Yesus haot hawi tekei Yudea gi Galilea,Aye tulak manalu nihi ngalako napot Yesus mat hawi palus nyamare anak e sa haot kakan matei.⁵⁰⁴⁸Balalu,Yesus ngeau nihi aye,"amun kayo bakoi kakinni tanda-tanda nihi hal- hal ajaib,kayo bakoi kakan harap," ⁴⁹Pegawai Istana hio nuing,"Tuan hawi bo samete anak kuki matei." Yesus ngeau nihi aye,"mudi bo,anak nu welum!" ulun hio harap nihi paner an Yesus napot aye balalu tulak bo ulun hio.⁵¹Waktu pegawai Istana hio masih huang perjalanan,walah-walah e panalu nihi aye balalu mawara bahwa anak e laki welum. ⁵²Pegawai Istana hio nane tekei here hal jam pire nakia hio mulai kaoh.balalu here nuing," kariwe kira-kira jam pitu ringin laing e jawoh."⁵³Ammbah nakia hio karasa,tangar waktu hio lah Yesus ngeau gi aye,"anak nu welum."jari,pegawai Istana hio namput kaluhan kaluarga e harap gi Yesus. ⁵⁴Hio lah tanda ajaib ka rueh sa ulah Yesus udi mudi tekei Yudea gi Galilea.

Erang kulun laki na samare ta kolam Betesda ¹Udi kaluhan e hio,naan Perayaan hari raya ulun Yahudi balalu Yesus mamai gi Yerusalem. ²Ta Yerusalem,ta rieet Pintu Gerbang domba naan kolam sa huang bahasa Ibrani na antuh Betesda,sa ba isis dime kamar. ³ta kamar-kamar hio,naan ajoh ulun maringin mangkading:ulun pehe,ulun timpang nihi ulun lumpuh (here ngandrei ranu kolam hio ba gunsang. ⁴Gene,ta waktu-waktu tamuni e,malaikat Tuhan sagar minau gi kolam balalu ngagarak ranu e.ulun sa panga dahulu suluk gi kolam hio hayak ranu e bagunsang,sagar na samare tekei penyakit inon lei sa ta sandang e).⁵Ta hio,naan ulun sa maringin salawah 38 taun. ⁶Katika Yesus nginni aye mangkading tangar hio palus karasa bahwa aye haot lawah tuu ngaret panyakit e, Yesus nane napot aye,"inon kah kayo kakan na samare?"⁷Ulun sakit hio nuing,"Tuan,bakoi naan ulun sa nampinau kuki gi huang kolam waktu ranu e bagunsang,tapi rahat hio kuki bausaha ulun lain haot minau ngadahulu kuki." ⁸Yesus nuing aye,"mindri bo!enat bo tilam nu palus takia bo."⁹ta waktu hio lei,ulun hio na samare,aye ngenat tilam e,balalu takia.tapi,andrau hio aye hio Sabat.¹⁰Gene hio,ulun-ulun Yahudi ngeau nihi ulun sa nasamare hio,"andrau iti aye hio andrau Sabat,kayo bakoi tau ngenat tilam nu." ¹¹Tapi,aye nuing,"ulun sa nyamare kuki,Aye lah sa ngeau gi kuki,`enat bo tilam nu balalu takia bao."<sup>12</sup>Here nane nihi aye,"hie lah ulun sa ngeau gi kayo,`enat bo tilam nu balalu takia bo?" ¹³Tapi,ulun sa haot nasamare hio bakoi karasa hie Aye gene Yesus haot manyalinap tekei ulun ajoh ta uneng hio.¹⁴Udi hio,Yesus panalu lagi nihi ulun hio ta Bait Allah balalu ngeau nihi aye,"rengei,kayo haot kaoh.ada ngulah dosa lagi mat bakoi jari hal sa magin raat lagi nihi kayo!" ¹⁵Ulun hio tulak balalu nyurah nihi ulun-ulun Yahudi bahwa Yesus lah sa haot nyamare e.¹⁶Gene hio,ulun-ulun Yahudi nampahanang Yesus gene Aye ngulah kaluhan hio tangar andrau Sabat. ¹⁷Tapi,Yesus ngeau gi here,"Amah Ku masih bagawi hampe wayah ina,maka Kuki lei masih bagawi." ¹⁸Tuingan hio ngulah ulun-ulun Yahudi bausaha magin mehet lagi mat munu Yesus,bakoi gene ekat Yesus nawan andrau Sabat,tapi lei gene ngantuh Allah hio Ammah E kakareb,sa arti e nyansameh tenga E kakareb nihi Allah. Kuasa Allah dalam Yesus¹⁹Udi hio,Yesus nuing here,eau E,"Sabujur e,sabujur e,Kuki ngeau nihi kayo,anak bakoi kiuh ngagawi isa inon lei tekei tenga e kakareb,amun Aye bakoi kakinni Amah ngagawi e;gene inon sa nagawi Amah,hio lei sa na gawi Anak. ²⁰Gene,Amah sayang nihi Anak balalu nyantarang gi Anak kaluhan hal sa nagawi Aye kakareb,balalu Ammah lei nyantarang gi Aye gawian-gawian sa magin hante lagi mat kayo dodor.²¹Gene,sameh nihi Ammah namuan ulun matei balalu ngami here welum,sameh hio lei Anak ngami pamelum gi hie sa na aheng E. ²²Ammah bakoi mengahkimi hie bo,tapi haot ngami kaluhan penghakiman hio nihi Anak, ²³mat kaluhan ulun sagar ngahormat Anak sameh nihi here ngahormat Ammah.Ulun sa bakoi ngahormat Anak,bakoi ngahormat Ammah sa mangutus E.²⁴Sabujur e Kuki mawara nihi kayo,ulun sa ngarengei pander Ku balalu harap nihi Aye sa mangutus Kuki naan welum kekal,balalu aye bakoi suluk gi huang penghakiman gene aye haot pindah tekei kapateian gi pamelum.²⁵Sabujur e Kuki mawara nihi kayo,waktu e sagar hawi balalu haot hawi wayah ina,katika ulun-ulun matei sagar ngarengei lengan Anak Allah balalu here sa ngarengei hio sagar welum.²⁶Gene sameh awe Ammah naan welum ta huang tenga E kakareb,kala hio lei Aye ngami gi Anak welum ta huang tenga E kakareb, ²⁷Balalu Ammah ngami kuasa gi Anak mat ngajalan penghakiman gene Aye hio Anak Murunsia.²⁸ada waoh sagar hal iti gene waktu e sagar hawi katika kaluhan ulun sa naan ta huang ogang sagar ngarengei lengan E ²⁹balalu here sagar balua,aye hio here sa haot ngagawi sa maeh sagar nintu kebangkitan welum.tapi here sa ngulah sa raat,nintu kebangkitan penghakiman.³⁰Kuki bakoi kiuh ngulah inon-inon tekei tenga Kuki kakareb.Kuki menghakimi susuk nihi sa na rengei Kuki balalu penghakiman Ku adil gene Kuki bakoi nupui aheng Ku kakareb,tapi aheng Aye sa mengutus Kuki."kesaksian hal Yesus baasal tekei Allah Bapa" ³¹Amun Kuki bersaksi hal tenga Ku kakareb,kesaksian Ku bakoi wuah. ³²Tapi,naan sa lain sa bersaksi hal Kuki,balalu Kuki karasa bahwa kesaksian sa na ami E gene Kuki hio wuah.³³Kayo haot mengutus gi Yohanes balalu aye haot ngami kesaksian hal sa wuah. ³⁴Tapi,kesaksian sa Kuki tarime bakoi tekei murunsia.Kukingantuh hal iti mat kayo naselamatkan. ³⁵Yohanes aye hio pelita sa malelap nihi bacahaya,balalu kayo kakan basanang tawelek huang cahaya e.³⁶Tapi,kesaksian sa ampun Kuki diwi hante tekei kesaksian Yohanes.Gene,gawian-gawian sa nasarah Amah gi Kuki mat nasanyari Ku,aye hio gawian-gawian sa rahat na ulah Ku wayah ina,ngami kesaksian hal Kuki bahwa Ammah lah sa mengutus Kuki. ³⁷Balalu,Ammah sa ngutus Kuki hio kakareb haot ngami kesaksian gene Kuki. Tapi,kayo bakoi piji ngarengei lengan E atawa kakinni rai E. ³⁸Balalu,Firman E bakoi muneng ta huang atei nu gene kayo bakoi harap nihi Aye sa na utus E.³⁹Kayo balajar Kitab Suci gene kayo nangguh bahwa huang Kitab Suci kayo sagar kiuh welum sa kekal;balalu Kitab Suci hio lei ngami kesaksian gene Kuki, ⁴⁰Tapi kayo bakoi kakan hawi napot Kuki mat kayo welum.⁴¹Kuki bakoi narime kemuliaan tekei murunsia. ⁴²Tapi,Kuki kataru kayo,bahwa kayo bakoi naan kasih Allah ta huang tenga nu.⁴³Kuki hawi entu aran Ammah Ku,tapi kayo bakoi narime Kuki.amun ulun lain hawi entu aran here kakareb,kayo sagar narime e. ⁴⁴Kalawe lah kayo kiuh harap,amun kayo narime pujian tekei erang kulun nihi sa lain balalu bakoi nupui pujian sa hawi tekei Allah Esa?⁴⁵Ada nangguh bahwa Kuki sagar mandakwa kayo ta hadap Ammah;sa mandakwa kayo aye hio Musa,aye hio ulun sa nihi aye kayo harap. ⁴⁶Gene,amun kayo harap nihi Musa,kayo harus e percaya nihi Kuki gene Musa manulis hal Kuki. ⁴⁷Tapi,amun kayo bakoi harap nihi inon sa natulis Musa,kala awe tau kayo harap nihi paneran Ku?"

Panguta mat gi labih tekei dime ribu ulun ¹Udi hio,Yesus nyabarang danau Galilea,aye hio danau Tiberias. ²Ajoh ulun nutah Aye gene here nginni tanda-tanda ajaib sa na ulah E nadap ulun-ulun maringin. ³Udi hio,Yesus mambai gi entu bukit balalu maharung ta aro hayak murid-murid E.⁴Wayah hio,perayaan Paskah ulun Yahudi haot riet. ⁵nelang nginni gi kaliling E balalu nginni ulun ajoh hawi napot Aye,Yesus ngeau nihi Filipus," ta awe lah takam kiuh midi roti mat ulun-ulun hio kiuh kuman?" ⁶Yesus ngeau hal hio mat nguji Filifus gene sabujur e Aye kakareb karasa inon sa sagar na ulah E.⁷Filipus nuing,"Roti sa uman 200 dinar bakoi sagar sukup mat gi here,biar lei erang kulun ekat halu erang katetek halus bo." ⁸Isa tekei murid E,aye hio Andreas,pulaksanai Simon Petrus,ngeau nihi Yesus, ⁹"Ta iti naan erang kulun nakia sa ampun dime roti jelai nihi 2 kikui kenah,tapi inon arti e hio mat gi ulun sa ajoh iti?"¹⁰Yesus ngeau,"huyu bo kaluhan ulun mat maharung."tangar hio ajoh rikut,jari ulun-ulun hio maharung kira-kira dime ribu laki jumlah e. ¹¹Udi hio,Yesus ngalap roti-roti hio balalu udi ngucap syukur,Aye membagi roti-roti hio gi here sa maharung;sameh hio lei na ulah E nadap kenah-kenah hio sa ajoh kana aheng here. ¹²Katika kaluhan ulun haot kuman hampe wising,Yesus ngeau nihi murid-murid E,"na kumpul bo tetekan-tetekan sa batisai mat bakoi naan sa na umpe."¹³Gene hio,here murid ngumpul e balalu ngisi 12 panuk nihi tetekan-tetekan tekei dime roti jelai sa na tanan here udi kuman. ¹⁴Katika ulun-ulun hio ngini tanda ajaib sa ulah Yesus,here ngeau,"Aye iti pasti Nabi sa najanjikan sagar hawi gi dunia." ¹⁵Gene karasa bahwa ulun ajoh hio barencana hawi balalu mamaksa Aye jari Raja here,Yesus mahulu lagi gi bukit kakareb."Yesus takia ta entu ranu¹⁶Katika andrau mulai kamalem,here murid minau napot danau ¹⁷balalu udi mamai gi jukung,here mulai nyabarang danau napot Kapernaum.Andrau mulai kamalem,tapi Yesus mete lei hawi nalu here. ¹⁸Danau mulai ba galombang gene angin sa mehet tuu .¹⁹Udi hio,katika here haot mawehei jukung sa lawit 25 atawa 30 stadia,here nginni Yesus takia ta entu danau balalu takia nyanrite jukung hampe here takut tuu. ²⁰Tapi,Yesus ngeau nihi here,"iti Kuki,ada takut!" ²¹udi hio,here kakan nampamai Aye gi huang jukung balalu tiba-tiba jukung hio haot hampe gi uneng sa na tuju here. "Ulun ajoh ngalupui Yesus²²Mat gi katuni andrau e,ulun ajoh sa masih mindri tangar sabarang danau nginni bahwa naan jukung lain ta hio,kecuali isa jukung bo sa murid-murid haot suluk gi huang e.Tapi,Yesus bakoi umma suluk gi huang jukung hio hayak nihi murid E sa haot tulak kakareb. ²³Hawilah jukung-jukung lain tekei Tiberias gi rieet uneng ulun-ulun hio kuman roti,udi Tuhan Yesus mengucap syukur.²⁴Katika ulun ajoh ngini bahwa Yesus nihi here murid E bakoi naan lagi ta hio,here mamai gi jukung-jukung hio balalu tulak gi Kapernaum mat nupui Yesus.Yesus aye hio roti welum ²⁵Waktu ulun ajoh hio kahalu Yesus ta sabarang danau,here nane nihi Aye,"Rabi,wayah awe Kayo hampe gi ina?"²⁶Yesus nuing here balalu ngeau,"sabujur e,Kuki mawara nihi kayo,kayo nupui Kuki bakoi gene kayo haot nginni tanda-tanda ajaib,gene kayo haot nguta roti hampe wising. ²⁷ada bagawi gene nupui nakuta sa sagar galis,tapi mat gi nakuta sa kiuh batahan hampe welum sa kekal,sa sagar naami Anak murunsia gi kayo gene Anak murunsia hio,Ammah,aye hio Allah,haot ngami pengesahan E."²⁸Balalu,ulun ajoh hio nane nihi Yesus,"inon sa harus na ulah kami mat kami ngulah gawian sa na aheng Allah?" ²⁹Yesus nuing balalu ngeau gi here,"iti lah gawian sa na aheng Allah:harap bo nihi Aye sa haot na utus Allah."³⁰Here nane nihi Aye,"amun sameh hio,tanda ajaib inon kah sa sagar na ulah Kayo mat kami nginni balalu harap nihi Kayo?gawian inon sa naulah Kayo? ³¹Itak uyut kami nguta manna tangar haket,sameh sa tatulis,`Aye ngami here roti tekei Surga mat nakuta."<sup>32</sup>Yesus ngeau nihi here,"Sabujur e,Kuki mawara gi kayo,bakoi Musa sa ngami roti tekei Surga,tapi Ammah Ku lah sa ngami roti sa sejati tekei Surga. <sup>33</sup>Gene, roti tekei Allah aye hio Aye sa minau tekei Surga balalu ngami welum gi dunia." <sup>34</sup>Here ngeau nihi Aye,"Tuhan,ami bo gi kami roti hio tarus."<sup>35</sup>Eau Yesus nihi here,"Kuki lah roti welum;ulun sa hawi gi Kuki bakoi sagar kaluan lagi,balalu ulun sa harap gi Kuki bakoi sagar kalalah lagi. <sup>36</sup>Tapi,Kuki haot ngeau nihi kayo bahwa biar lei kayo haot kakinni Kuki,kayo bakoi harap. <sup>37</sup>kaluhan sa naami Ammah gi Kuki sagar hawi gi Kuki,balalu sa hawi gi Kuki bakoi sagar Kuki nulak e.<sup>38</sup>Gene,Kuki minau tekei Surga bakoi matngagawi aheng Ku kakareb,tapi aheng Aye sa mangutus Kuki. <sup>39</sup>Balalu,iti lah aheng Aye sa mangutus Kuki: mat kaluhan sa haot na ami E gi Kuki hio bakoi naan sa jawoh,tapi na tambuan Ku tangar akhir zaman. <sup>40</sup>Gene,iti lah aheng Ammah Ku,bahwa satiap ulun sa nginni Anak balalu harap nihi Aye sagar kahalu welum kekal,balalu Kuki sagar nambuan aye tangar akhir zaman."<sup>41</sup>Gene hio,papire ulun Yahudi mulai baramuham nihi Aye gene Aye ngeau,"Kuki lah roti sa minau tekei Surga hio." <sup>42</sup>here ngeau,"bakoi lah Aye iti Yesus,anak Yusuf,sa ammah nihi ine e na kataru takam?kalawe tau Aye kiuh ngeau,`Kuki haot minau tekei Surga?"⁴³Yesus nuing here balalu ngeau,"ada baramuham tangar helang kaon kakareb. ⁴⁴bakoi erang kulun kiuh hawi napot Kuki,kecuali Ammah sa mangutus Kuki nyujut e,balalu Kuki sagar nambuan e tangar akhir zaman. ⁴⁵naan ta tulis tangar kitab here Nabi:`Balalu,here kaluhan sagar na ajar ulah Allah.`satiap ulun sa haot karengei balalu balajar tekei Ammah sagar hawi napot Kuki.⁴⁶hal hio bakoi baarti naan ulun sa haot piji nginni Ammah,kecuali Aye sa hawi tekei Allah;Aye lah sa haot nginni Ammah. ⁴⁷Kuki mawara nihi kayo,`sabujur e,setiap ulun sa harap kiuh welum kekal.`⁴⁸Kuki lah roti welum. ⁴⁹Itak uyut nu haot nguta manna ta pulau haket,tapi here matei.⁵⁰Iti lah roti sa minau tekei Surga,mat tiap ulun sa kuman e balalu bakoi matei. ⁵¹Kuki lah roti welum hio sa haot minau tekei Surga.amun ulun kuman roti iti,aye sagar welum salawah e;balalu roti sa sagar naami Ku mat gi pamelum dunia hio aye lah tenga Ku."⁵²Ulun-ulun Yahudi mulai basoal isa nihi sa lain,here ngeau,"kalawe tau ulun iti ngami tenga E mat nakuta?" ⁵³Yesus ngeau gi here,"Kuki mawara gi kayo,sabujur e amun kayo bakoi nguta tenga Anak Murunsia balalu ngoot ira E,kayo bakoi naan welum huang tenga nu.⁵⁴Setiap ulun sa kuman daging Ku balalu ngoot ira Ku naan welum kekal,balalu Kuki sagar nambuan aye ta akhir zaman. ⁵⁵Gene,daging Ku aye lah panguta sa sejati balalu ira Ku ayelah pangoot sa sejati. ⁵⁶Hie sa kuman daging Ku balalu ngoot ira Ku muneng ta huang Kuki palus Kuki ta huang aye.⁵⁷Sameh Ammah sa welum mengutus Kuki,balalu Kuki welum ulah gene Ammah,sameh hio lei aye sa kuman Kuki,aye sagar welum gene Kuki. ⁵⁸iti lah roti sa minau tekei Surga,bakoi roti sa sameh nakuta itak uyut nu balalu here matei,ulun sa nguta roti iti sagar welum salawah-lawah e." ⁵⁹Yesus ngeau kaluhan e iti tangar Kapernaum waktu Aye ngajar ta Sinagoge."Ajoh sa uma Yesus nanan Aye⁶⁰Katika ajoh tekei murid-murid ngarengei hal iti,her ngeau,"ajaran iti bangat karas.hie sa sanggup narime e?" ⁶¹Gene karasa bahwa sa uma Aye baramuham gene hal hio,Yesus ngeau nihi here,"inon kah paneran Ku iti ngulah kayo rere?⁶³⁶²Amun sameh hio,kalawe amun kaon kakinni Anak Murunsia mambai waleng gi uneng asal E? Roh lah sa ngami welum,sedangkan daging bakoi baguna sama sekali.wusi paner sa na antuh Ku gi kayo aye hio Roh nihi welum.⁶⁴Tapi,naan papire kulun tekei kaon sa bakoi harap."Gene,tekei asal,Yesus karasa hie sa bakoi harap nihi hie sa sagar menghianati Aye. ⁶⁵Yesus ngeau,"hio lah gene e Kuki mawara nihi kayo bahwa bakoi erang kulun lei kiuh hawi napot Kuki,kecuali hal hio na karuniakan gi aye ulah Ammah."⁶⁶Neneki waktu hio,ajoh sa uma Aye undur balalu tadoh nutah Aye. ⁶⁷Gene hio,Yesus ngeau nihi ka dua belas murid E,"inon kah kayo lei kakan tulak?" ⁶⁸Simon Petrus nuing Aye,"Tuhan,nutah hie kah kami sagar tulak?Kayo lah sa naan paneran pamelum kekal. ⁶⁹kami haot harap balalu kataru nihi Kayo,bahwa Kayo lah sa Kudus tekei Allah."⁷⁰Yesus nuing here,"bakoi lah Kuki kakareb sa midi kayo,rueh belas ulun iti?biar sameh hio,isa kulun tekei kayo aye hio setan". ⁷¹Sa na aheng aye lah Yudas,anak Simon Iskariot,gene Yudas aye lah isa tekei ka rueh belas murid hio,tapi aye sagar menghianati Yesus.

Pulaksanai-pulaksanai Yesus bakoi harap nihi Aye ¹Udi hio,Yesus takia ngaliling Galilea.Aye bakoi hakun takia ta Yudea gene ulun-ulun Yahudi tangar aro ngaheng mat munu Aye. ²Katika hio,andrau Raya ulun Yahudi,aye hio Andrau Raya Pondok Daun,haot riet.³Gene hio,pulaksanai-pulaksanai Yesus ngeau nihi Aye,"tulak bo tekei ina gi Yudea mat murid-murid Nu sagar lei nginni gawian-gawian sa na ulah Nu. ⁴Gene,bakoi naan ulun sa ngagawi inon lei nihi masiok amun aye kakan nakataru ulun ajoh.Amun Kayo ngulah hal-hal hio,santarang bo tenga Nu nihi dunia."⁵Gene,pulaksanai-pulaksanai Yesus kakareb bakoi harap nihi Aye. ⁶Yesus ngeau nihi here,"waktu Ku mete hampe,tapi waktu nu sagar tasadia tarus. ⁷Dunia bakoi kiuh ngarikang kayo,tapi dunia ngarikang Kuki gene Kuki ngami kesaksian hal dunia,bahwa gawian-gawiane aye hio jahat.⁸Tulak bo kaon gi perayaan hio.Kuki mete tulak gi perayaan hio gene waktu Ku mete hampe." ⁹Udi ngeau sameh hio,Yesus tatap muneng ta Galilea.¹⁰Tapi,udi pulaksanai-pulaksanai E tulak gi perayaan hio,Yesus tulak lei gi aro,bakoi nihi batampai tapi nihi masiok. ¹¹ulun-ulun Yahudi nupui Aye huang perayaan hio,balalu ngeau,"ta awe Aye?"¹²Naan ajoh keneh-keneh ta helang ulun ajoh hal Aye.naan sa ngeau" Aye ulun maeh."naan lei sa ngeau,"bakoi,Aye nyantawang rakyat." ¹³Tapi,bakoi erang kulun lei heei bapander babujur hal Aye gene takut nihi ulun-ulun Yahudi. " Yesus ngajar tangar Bait Allah¹⁴Katika perayaan hio rahat nagawi,Yesus suluk gi Bait Allah balalu mulai ngajar. ¹⁵ulun-ulun Yahudi jari awoh balalu ngeau,"kalawe maka ulun ina naan pengetahuan sa sameh hio,padahal bakoi balajar?" ¹⁶Yesus nuing here balalu ngeau,"ajaran Ku bakoi baasal nekei tenga Ku kakareb,tapi tekei Aye sa ngutus Kuki.¹⁷Amun erang kulun kakan ngulah aheng Allah,aye sagar karasa ajaran Ku,inon kah hio baasal tekei Allah atawa tekei tenga Ku kakareb. ¹⁸ulun sa bapander tekei tenga e kakareb nupui hormat gi tenga e kakareb,tapi ulun sa nupui hormat mat gi Aye sa mangutus e,aye wuah balalu bakoi naan sa hala ta huang tenga e.¹⁹Bakoi kah Musa haot ngami hukum taurat gi kayo,tapi bakoi rang kulun lei tekei helang kayo sa nuu hukum hio?wuah inon kayo kakan munu Kuki?" ²⁰ulun ajoh hio nuing,"Kayo karasukan roh jahat!hie sa kakan munu Kayo?²¹Yesus ngeau nihi here,"Kuki ekat ngulah isa gawian balalu kaon kaluhan waoh. ²²Musa ngami kaon sunat,sabujur e hio bakoi tekei Musa,tapi tekei itak uyut,balalu kayo nyunat ulun tangar andrau sabat.²³amun erang kulun na sunat tangar andrau Sabat balalu Hukum Musa na langgar,wuah inon kayo sangit nihi Kuki gene Kuki ngualh erang kulun kaoh kaluhane ta andrau Sabat? ²⁴ada ngahakimi nekei inon sa na inni,tapi hakimi lah nihi penghakiman sa wuah."inon kah Yesus Sang Mesias?²⁵Udi hio,papire ulun sa muneng ta Yerusalem ngeau,"bakoi lah Aye iti ulun sa kakan nawunu here? ²⁶Tapi,inni bo,Aye bapaner nihi terang-terangan balalu here bakoi inon lei nihi Aye.mungki lei here pemimpin hio haot karasa bahwa Aye hio Kristus? ²⁷Tapi,takam karasa tekei awe ulun iti baasal.sementara hio,katika Kristus hawi,padahal apabila Kristus hawi,bakoi erang kulun lei karasa tekei awe Aye baasal,"²⁸Gene hio,rahat Yesus ngajar ta Bait Allah,Aye bapander,"kayo mula kataru Kuki balalu karasa tekei awe Kuki baasal.Tapi,Kuki bakoi hawi tekei tenga Ku kakareb,tapi Aye sa mangutus Kuki aye hio wuah,kayo bakoi kataru Aye, ²⁹tapi Kuki kartaru Aye gene Kuki baasal tekei E palus Aye lah sa haot mangutus Kuki."³⁰Balalu,here bausaha nyaput Aye,tapi bakoi erang kulun lei kiuh negei Aye gene waktu E mete hampe. ³¹Tapi,ajoh tekei ulun-ulun hio percaya nihi Yesus.here ngeau,"apa bila Kristus hawi,inon kah Aye ngulah magin ajoh tanda ajaib tekei sa haot na ulah ulun iti?"Pemimpin Yahudi bausaha nyaput Yesus ³²Ulun-ulun Farisi karengei inon sa na pander ulun ajoh hio gene Yesus,balalu imam-imam kepala nihi ulun-ulun Farisi nunyu here pejabat Bait Allah mat nyaput Aye.³³Gene hio, Yesus ngeau,"waktu Ku kumpul hayak kaon ekat tawelek lagi balalu udi hio,Kuki sagar tulak napot Aye sa mangutus Kuki. ³⁴Kayo nupui Kuki,tapi bakoi sagar kahalu Kuki.Balalu,ta awe Kuki muneng,kayo bakoi kiuh hawi gi aro."³⁵Ulun-ulun Yahudi hio ngeau isa nihi sa lain,"ga awe kah ulun iti sagar tulak hampe takam bakoi kiuh kahalu Aye?inonkah Aye sagar tulak gi ulun Yahudi sa tersebar ta antara ulun-ulun Yunani,balalu ngajar ulun-ulun Yunani? ³⁶inon aheng paneran E sa ngeau,`kayo sagar nupui Kuki,tapi bakoi sagar kahalu Kuki.Balalu,ta awe Kuki muneng kayo bakoi kiuh hawi gi aro?" Yesus bapaner hal Roh Kudus³⁷Tangar andrau pangalis e,aye hio puncak perayaan hio,Yesus mindri balalu ngeau,eau E,"amun naan sa kalalah oboh aye hawi nutah Kuki balalu ngoot. ³⁸ulun sa harap nihi Kuki,sameh sa naantuh Kitab Suci,tekei huang tenga e sagar mangalir aliran ranu welum."³⁹Hal hio na aheng Yesus aye hio Roh,sa sagar na tarime ulah ulun sa harap nihi Aye.Gene,Roh hio mete naami gene Yesus mete na muliakan.Perdebatan gene Yesus⁴⁰Katika here karengei paner hio,pa pire tekei here ngeau,"ulun ina bujur-bujur erang kulun Nabi." ⁴¹Ulun lain ngeau,"Aye hio Kristus."ulun sa lain ngeau lagi,"mungkin kah Kristus hawi tekei Galilea? ⁴²Bakoi kah Kitab Suci ngeau bahwa Kristus baasal tekei keturunan Daud balalu tekei Betlehem,tumpuk uneng Daud sadi muneng?"⁴³Balalu,jari lah kalakat tangar helang ulun-ulun hio gene Aye. ⁴⁴Papire ulun tekei antara here kakan nyaput Yesus,tapi bakoi erang kulun lei negei Aye.ka bakoi harap papire pemimpin Yahudi⁴⁵Gene hio,here penjaga Bait Allah hio waleng gi Imam-imam kepala nihi ulun-ulun Farisi,sa nane nihi here,"wuah inon kaon bakoi nunda Yesus?" ⁴⁶Here penjaga Bait Allah hio nuing,"bakoi naan erang kulun lei piji bapander sameh ulun ina!"⁴⁷ulun-ulun Farisi hio nuing here,"inonkah kaon lei haot na santawang? ⁴⁸naan kah erang kulun tekei helang pemimpin atawa lei ulun Farisi sa haot harap nihi Aye? ⁴⁹Tapi,ulun ajoh sa bakoi karasa hukum Taurat iti aye hio terkutuk!" Pembelaan Nikodemus⁵⁰Tapi,Nikodemus,isa kulun tekei here,sa piji manalu Yesus,ngeau gi here, ⁵¹"inon kah Hukum Taurat takam menghakimi erang kulun sa mete na rengei hal sa na naulah e?" ⁵²Here nuing,"inon kah kayo lei ulun Galilea?selidiki balalu inni bo bahwa bakoi naan Nabi sa hawi tekei Galilea."Wawei sa ta japut berzina⁵³Udi hio,here kaluhan mudi gi lewu masing-masing.

¹Tapi,Yesus tulak gi bukit Zaitun. ²Sunsung kiat tuu,Aye hawi lagi gi Bait Allah balalu kaluhan ulun hawi napot Aye.Aye maharung balalu ngajar here. ³Lalu,ahli-ahli Taurat nihi ulun-ulun Farisi nunda erang kulun wawei sa kadapatan nglah zina,balalu udi nganak wawei hio mindri tangar penah-penah,⁴Here ngeau nihi Yesus,"Guru,wawei iti tajaput katika rahat berzina. ⁵Hukum Taurat Musa nuyu takam medak wawei sameh ina nihi watu hampe matei.inon pendapat Nu gene hal iti?" ⁶Here ngeau sameh hio mat mancoba Yesus mat here naan dasar pakai nampahala Aye.Tapi,Yesus mambungkuk balalu nihi tangan E,Aye manulis ta tane.⁷Gene here tarus-tarus an nane tekei Aye,Yesus mindri balalu ngeau nihi here,"ulun sa bakoi badosa tekai kaon elah e aye jari sa panga dahulu medak wawei ina nihi watu." ⁸Balalu,Yesus mambungkuk lagi balalu manulis ta tane.⁹Katika here ngarengei hal hio,here mulai tulak isa maka isa,mulai tekei sa paling matueh,balalu Yesus na tanan kakareb,nihi wawei huni sa masih mindri tangar penah. ¹⁰Balalu,Yesus mindri palus ngeau nihi wawei hio,"ui wawei,gi awe here kah here?bakoi naan kah ulun sa nukum kayo?" ¹¹tuing awwei hio,"bakoi naan,Tuhan."Yesus ngeau "Kuki lei bakoi sagar nukum kayo.hulu bo,balalu mulai wayah ina,ada ngulah dosa lagi."Yesus tarang Dunia¹²Udi hio,Yesus ngeau nihi ulun ajoh hio,eau E," Kuki lah tarang dunia.setiap ulun sa nutah Kuki bakoi sagar takia huang mieng,tapi sagar naan tarang welum." ¹³Udi hio ulun=ulun Farisi ngeau nihi Yesus,"Kayo bersaksi hal tenga Nu kakareb,maka kesaksian Nu bakoi wuah."¹⁴Yesus nuing here,eau E,"biar pun Kuki bersaksi hal tenga Ku kakareb,kesaksian Ku aye hio wuah gene Kuki karasa tekei awe Kuki hawi balalu gi awe Kuki tulak,tapi kayo bakoi karasa tekei awe Kuki hawi balalu gi awe Kuki tulak. ¹⁵Kayo menghakimi umma cara kedagingan,sedangkan Kuki bakoi menghakimi hie lei. ¹⁶Tapi,seandai e lei Kuki menghakimi,penghakiman Ku hio wuah gene Kuki bakoi menghakimi kakareb,tapi nihi Ammah sa mengutus Kuki.¹⁷Bahkan,huang Kitab Taurat nu bahwa kesaksian rueh ulun aye hio wuah. ¹⁸Kuki bersaksi gene tenga Ku kakareb balau Ammah sa mangutus Kuki bersaksi hal Kuki."¹⁹Maka,here nane nihi Aye,"ta awe kah Ammah Nu?"Yesus nuing,"kayo bakoi sagar kataru Kuki maupun Ammah Ku,Amun kayo kataru Kuki,kayo lei sagar kataru Ammah Ku." ²⁰Panderan iti na kahampe Yesus ta riet perbendaharaan waktu Aye ngajar ta Bait Allah,tapi bakoi naan erang kulun lei sa nyaput Aye gene waktu E mete hampe."Yesus bapander hal Ammah²¹Balalu,Yesus ngeau lagi nihi here,"Kuki sagar nanan kayo balalu kayo sagar nupui Kuki,tapi kayo sagar matei huang dosa nu.gi awe Kuki sagar tulak,kayo bakoi kiuh hawi." ²²Udi hio,ulun-ulun Yahudi hio ngeau,"inon kah Aye kakan mantiu gene Aye ngeau,`gi awe Kuki sagar tulak,kayo bakoi kiuh nutah?"<sup>23</sup>Tapi,Yesus ngeau nihi here,"kayo baasal tekei kapit,tapi Kuki baasal tekei entu.kayo baasal tekei dunia ina,tapi Kuki bakoi tekei dunia iti. <sup>24</sup>Ulah gene hio,Kuki ngeau nihi kayo bahwa kayo sagar matei huang dosanu gena amun kayo bakoi harap nihi Kuki,kayo sagar matei huang dosa-dosanu."<sup>25</sup>Balalu,here nane nihi Aye,"hie kah Kayo?"Yesus nuing here,"Kuki haot mawara nihi kayo nekei asal. <sup>26</sup>naan ajoh hal gene kayo sa harus na antuh nihi hakimi,tapi Aye sa mangutus Kuki aye hio wuah balalu inon sa narengei Kuki tekei Aye,hio lah sa nahampe Ku gi dunia." <sup>27</sup>here bakoi paham bahwa Yesus rahat bapander nihi here hal Ambah.<sup>28</sup>Ulah gene hio,Yesus ngeau,"katika kayo haot na paentu Anak Murunsia,waktu hio lah kayo sagar karasa bahwa Kuki aye hio Aye,palus bahwa bakoi naan isa lei sa na ulah Kuki tekei tenga Kuki kakareb,tapi Kuki ngeau inon sa naajarkan Amah nihi Kuki. <sup>29</sup>Balalu,Aye sa mengutus Kuki naan hayak nihi Kuki,Aye bakoi nanan Kuki kakareb gene Kuki tarus ngulah hal-hal sa na aheng E." <sup>30</sup>Rahat Yesus ngeau kaluhan hio,ulun ajoh harap nihi Aye."Anak-anak Abraham nihi Anak-anak iblis<sup>31</sup>Udi hio,Yesusngeau nihi ulun-ulun Yahudi sa harap nihi Aye,"amun kayo tatap huang Firman Ku,kayo bujur-bujur murid Ku, <sup>32</sup>Balalu kayo sagar karasa sa wuah,balalu sa wuah hio sagar nyanapas kayo." <sup>33</sup>Here nuing,"Kami aye hio keturunan Abraham nihi bakoi piji jari walah hie bo.jari wuah inon kayo ngeau,`kayo sagar bebas?"³⁴Yesus nuing here,"sabujur e,Kuki mawara nihi kayo,setiap ulun sa ngulah dosa aye hio walah dosa. ³⁵Erang kulun walah bakoi muneng huang isa keluarga salawah e,tapi erang kuln anak muneng salawah e. ³⁶Jari,apabila anak nyanapas kayo,kayo bujur-bujur bebas.³⁷Kuki karasa bahwa kayo hio keteurunan Abraham,tapi kayo kakan munu Kuki gene ajaran Ku bakoi kiuh muneng ta huang kayo. ³⁸Kuki ngeau hal-hal sa haot na inni Kuki hayak Ammah Ku,sameh hio lei kayo ngulah hal-hal sa na rengei kayo tekei amahnu."³⁹Here nuing nihi ngeau gi Aye,"Abraham mula ammah kami."tuing Yesus,"amun kayo keturunan Abraham,kayo seharus e ngulah inon sa naulah Abraham. ⁴⁰Tapi,kayo bausaha munu Kuki,ulun sa mawara gi kayo sa wuah,sa narengei Kuki tekei Allah.Abraham bakoi ngulah hal hio. ⁴¹Jari,kayo ekat ngulah inon sa naulah amah nu kakareb."Here ngeau nihi Aye,"kami bakoi na lahir tekei hasil perzinaan.kami naan isa Ammah, aye hio Allah."⁴²Yesus ngeau nihi here,"amun Allah aye hio Amah nu,kayo sagar sayang nihi Kuki gene Kuki baasal tekei Allah.balalu,Kuki hawi bakoi nihi aheng Ku kakareb,tapi Aye sa mengutus Kuki. ⁴³Inon sabab e kayo bakoi paham inon sa naantuh Kuki?hio gene kayo bakoi kiuh ngarengei Firman Ku. ⁴⁴Kayo baasal tekei amah nu,aye hio setan balalu kayo kakn ngulah aheng-aheng amah nu.aye hio pa munu tekei asal balalu bakoi bategei ta sa wuah gene bakoi naan sa wuah huang tenga e.Amun aye ngeau namposo,aye ngeau tekei karakter e kakareb gene aye hio panamposo palus amah sa oso⁴⁵Tapi,gene Kuki ngeau sa wuah nihi kayo,kayo bakoi harap nihi Kuki. ⁴⁶hie kah tekei helang kayo sa kiuh ngantuh bahwa Kuki berdosa?amun Kuki ngantuh sa wuah,wuah inon kayo bakoi harap nihi Kuki? ⁴⁷hie lei sa baasal tekei Allah,aye ngarengei Firman Allah;hio lah gene e kayo bakoi ngarengei e gene kayo bakoi baasal tekei Allah."Yesus bapaner hal tenga E nihi Abraham⁴⁸Ulun Yahudi nuing Yesus balalu ngeau nihi Aye,"bujur bakoi amun kami ngeau bahwa kayo aye hio ulun Samaria balau Kayo karasukan roh jahat?" ⁴⁹Yesus nuing,"Kuki bakoi karasukan roh jahat,tapi Kuki menghormati Amah Kuki,tapi kayo bakoi menghormati Kuki.⁵⁰Tapi,Kuki bakoi nupui kemuliaan gi tenga Ku kakareb;naan Isa sa nupui e nihi sa menghakimi. ⁵¹Nihi sabujue e,Kuki ngeau nihi kayo,setiap ulun sa nuu Firman Ku,aye bakoi sagar piji nginni kapateian."⁵²Ulun-ulun Yahudi hio ngeau nihi Yesus,"wayah iti kami karasa bahwa Kayo mula karasukan roh jahat!gene,Abraham nihi here Nabi lei haot matei.Tapi Kayo ngeau,`setiap ulun sa nuu Firman Ku,aye bakoi sagar piji nginam kapateian.` ⁵³inon kah kayo labih hante tekei Abraham,amah kami,sa haot matei?here Nabi lei haot matei;nihi hie kah Kayo nyameh tenga Kayo?"⁵⁴Yesus nuing,"amun Kuki memuliakan tenga Ku kakareb,kemulian Ku hio bakoi naan arti e; Amah Ku lah sa memuliakan Kuki,sa ha E kayo ngeau,`Aye hio Allah kami," ⁵⁵Tapi,kayo bakoi kataru Aye,tapi Kuki kataru Aye;amun Kuki ngantuh bahwa Kuki bakoi kataru Aye,Kuki sagar jari panamposo,sameh nihi kayo,tapi Kuki kataru Aye balalu Kuki nuu Firman E. ⁵⁶Ammah nu,Abraham,basanang gene aye sagar nginni andrau Ku.aye haot nginni e balalu basanang."⁵⁷Balalu,ulun-ulun Yahudi hio ngeau nihi Aye,"umur nu gin mete hampe 50 taun,tapi Kayo haot nginni Abraham?" ⁵⁸Yesus ngeau nihi here,"Sa bujur e Kuki mawara nihi kayo,sa mete Abraham naan,Kuki haot naan." ⁵⁹Gene hio,here ngalap watu mat medak Aye,tapi Yesus nyiok areb E balalu nanan Bait Allah.

Ulun sa pehe tekei lahir na samare ¹Katika Yesus rahat takia,aye nginni ulun sa pehe tekei lahir e. ²Murid-murid Yesus nane nihi Aye,"Guru,hie kah sa badosa,ulun iti atawa ulun matueh e hampe nalahir pehe?"³Yesus nuing,"bakoi aye atawa ulun matueh e berdosa,tapi mat gawian-gawian Allah na santarang huang aye. ⁴Takam harus ngagawi gawian-gawian Aye sa mangutus Kuki salawah andrau masih ka andrau;malem sagar hawi waktu bakoi naan erang kulun lei kiuh bagawi. ⁵salawah Kuki masih ta dunia,Kuki lah tarang dunia,"⁶Udi ngeau sameh hio,Yesus nura gi tane balalu ngaur iwei e nihi tane,balalu ngusuk e ta mate ulun hio, ⁷balalu ngeau nihi aye,"hulu,wui bo tenga nu ta kolam Siloam."Siloam artinya "na utus."Balalu,ulun hio tulak,mui tenga e,balalu aye waleng nihi katena.⁸Here tetangga nihi here sa samete e kakinni aye hio pehe ngeau,"bakoi lah ulun iti sa biasa e maharung nelang ngalako?" ⁹Mehe tenga ngeau,"oi,aye hio pengemis hio."sa lain ngeau,"bakoi,aye ekat mirip nihi pengemis hio."tapi ulun sa huni e pehe hio ngeau,"kuki lah pengemis hio."¹⁰Balalu,ulun-ulun hio nane nihi aye,"kalawe hampe mate nu tau katena?" ¹¹Ulun hio nuing,"ulun sa bangaran Yesus hio ngaur tane nihi muhut e gi mate ku.udi hio,Aye ngeau gi kuki,`tulak gi Siloam palus wui bo tenga nu,balalu kuki kiuh nginni." <sup>12</sup>here ngeau nihi aye,"ta awe kah ulun hio?"aye nuing,"kuki bakoi karasa."<sup>13</sup>Udi hio,here nunda ulun sa hini e pehe hio napot ulun-ulun Farisi. <sup>14</sup>naan lei andrau katika Yesus ngaur tane balalu nguka mate ulun hio aye lah andrau Sabat. <sup>15</sup>Maka,ulun-ulun Farisi hindra lagi nane nihi ulun hio kalawe aye kiuh nginni.aye ngeau nihi here,"Aye ngaur tane balalu muhut e gi mate ku,balalu kuki mui tenga palus kuki kiuh nginni."<sup>16</sup>Gene hio,papire ulun Farisi hio ngeau,"ulun hio bakoi baasal tekei Allah gene Aye bakoi nuu andrau Sabat."sa lain ngeau,"tapi,kalaawe tau ulun sa badosa kiuh ngulah tanda ajaib sameh iti?"Balalu timul lah kalakat tangar helang here. <sup>17</sup>Jari,here waleng nane nihi ulun pehe hio,"inon pendapat nu hal Aye gena Aye haot nguka mate nu?"ulun hio ngajawab,"Aye erang kulun Nabi." <sup>18</sup>Ulun-ulun Yahudi hio tatap bakoi harap nihi aye,bahwa ulun hio huni e mula pehe tapi wayah ina kiuh nginni,hampe here nerau ulun matueh tekei ulun sa wayah ina kiuh nginni hio,<sup>19</sup>Balalu nane tekei here,"inonkah iti anak nu,kala awe aye wayah iti kiuh kakanni?" <sup>20</sup>Ulun matueh e nuing here balalu ngeau,"kami karasa bahwa anak kami mula bujur pehe tekei lahir e, <sup>21</sup>Tapi kala awe wayah ina aye kiuh nginni,kami bakoi karasa;atwa hie sa haot nguka mate e,kami bakoi karasa.tane bo nihi aye,aye haot dewasa;aye sagar bapander gi tenga e kakareb."<sup>22</sup>Ulun matueh e ngeau sameh hio gene takut nihi ulun-ulun Yahudi.gene,ulun-ulun Yahudi hio haot mapakat,bahwa tiap ulun sa mangaku Yesus aye hio Kristus,sagar na kucilkan tekei Sinagoge. <sup>23</sup>Hio lah gene e ulun matueh e ngeau,"aye haot dewasa,tane bo nihi aye."<sup>24</sup>Jari,gi karueh kali e ulun-ulun Yahudi nerau ulun sa huni e pehe hio,balalu ngeau nihi aye,"ami bo kemuliaan gi Allah,kami karasa bahwa ulun iti berdosa." <sup>25</sup>Aye nuing,"inonkah ulun hio berdosa atawa bakoi,kuki bakoi karasa;isa hal sa rasa ku,samete e kuki pehe wayah iti kuki kakinni."<sup>26</sup>Here ngeau nihi aye,"inon sa na ulah enihi kayo?kala awe aye nguka mate nu? <sup>27</sup>Aye nuing here,"kuki haot ngeau nihi kayo,tapi kayo bakoi kakan ngarengei e lagi?inon kah kayo kakan jari murid E lei?"<sup>28</sup>Maka,here menghina aye balalu ngeau,"kayo lah murid ulun hio,tapi kami murid-murid Musa. <sup>29</sup>Kami karasa bahwa Allah haot bapander nihi Musa,tapi gene ulun hio,kami bakoi karasa tekei awe Aye baasal!"<sup>30</sup>Ulun hio nuing balalu ngeau nihi here,"bujur aneh bahwa kayo bakoi karasa tekei awe Aye baasal,padahal Aye haot nguka mate ku. <sup>31</sup>Takam karasa bahwa Allah bakoi ngarengei ulun berdosa,tapi hie lei sa takut nihi Allah balalu ngagawai aheng E,Allah ngarengei Aye.<sup>32</sup>Tekei sadi hampe wayah ina,mete piji na rengei bahwa erang kulun nguka mate ulun sa pehe tekei lahir. <sup>33</sup>Amun ulun hio bakoi baasal tekei Allah,Aye bakoi kiuh ngulah inon-inon." <sup>34</sup>ulun-ulun Yahudi hio nuing balalu ngeau nihi aye,"kayo lahir penu nihi dosa,balalu kayo kakan manggurui kami?"balalu here nulak ulun hio.<sup>35</sup>Yesus karengei bahwa ulun-ulun Yahudi haot ngusir ulun pehe hio;katika Yesus panalu nihi aye,Yesus ngeau,"inon kah kayo harap nihi Anak Murunsia?" <sup>36</sup>Ulun hio nuing,"hie kah Aye hio,Tuhan,mat kuki harap nihi Aye?" <sup>37</sup>Yesus ngeau nihi Aye,"kayo haot kakinni Aye.Aye hio sa rahat bapander nihi kayo." <sup>38</sup>Ulun hio nuing,"Tuhan,kuki harap!"udi hio,aye sujud ta hadapan E.<sup>39</sup>Yesus ngeau,"mat gi penghakiman Kuki hawi gi dunia iti mat here sa bakoi kiuh nginni,kiuh nginni balalu here sa nginni,jari pehe." <sup>40</sup>papire ulun Farisi sa naan riet E ngarengei hal hio,balalu ngeau nihi Aye,"inonkah kami pehe lei?" <sup>41</sup>Yesus ngeau nihi here,"amun kayo pehe,kayo bakoi berdosa;tapi gene kayo ngeau,`kami kakinni,`dosa nu tatap naan."

Yesus Gembala sa maeh ¹Yesus ngeau,"nihi sa bujue e,Kuki mawara nihi kayo,ulun sa suluk gi kandang domba nihi bakoi nangkah wanawang,tapi nihi mambai nangkah lalan lain,ulun hio aye pangalat nihi parampok. ²Tapi,ulun sa suluk nangkah wanawang,aye hio Gembala domba³Gi aye,penjaga wanawang nguka pintu,balalu domba-domba ngarengei suara e,balalu aye nerau domba-domba e kakareb nihi aran here,balalu nuntun here balua. ⁴Udi hio nampalua kaluhan domba e,aye takia ta muka here balalu domba-domba e sagar nutah aye gene here kataru lengan e.⁵Ulun lain bakoi here nutah,tapi here sagar nempat tekei aye gene here bakoi kataru lengan ulun-ulun lain." ⁶Perumpamaan hio lah sa naantuh Yesus nihi here,tapi here bakoi paham inon sa japo lei na antuh Yesus gi here.⁷Ulah gene hio,Yesus ngeau lagi nihi here,"sabujur e,Kuki mawara nihi kayo,Kuki lah pintu gi domba-domba hio. ⁸kaluhan ulun sa hawi samete Kuki aye hio pangalat nihi parampok,tapi domba-domba bakoi ngarengei here.⁹Kukilah pintu,amun erang kulun suluk nangkah Kuki,aye sagar na salamatkan,balalu sagar balua suluk,nihi kahalu pulau rikut. ¹⁰pangalat hawi ekat mat ngalat,munu,nihi nampatei;Kuki hawi mat here naan pamelum,balalu ampun e nihi balimpah.¹¹Kuki lah gembala sa maeh;gembala sa maeh ngami nyawa E gi domba-domba. ¹²erang kulun upa an,bakoi erang kulun gembala,sa bakoi ampun domba-domba hio,nginni Serigala hawi,aye nanan domba-domba hio balalu nempat;serigala hio kakan ningkap balalu nampa murai domba-domba hio. ¹³Aye nempat ulah aye erang kuln upaan balalu bakoi paduli nihi domba-domba hio.¹⁴Kuki lah gembala sa maeh.Kuki kataru domba-domba Ku balalu domba-domba Ku kataru nihi Kuki ¹⁵sameh nihi Ammbah kataru nihi Kuki balalu Kuki kataru nihi Ambah;balalu Kuki ngami nyawa Ku gi domba-domba hio. ¹⁶Kuki lei ampun domba-domba lain sa bakoi tekei kandang iti; Kuki harus nunda here lei,balalu here sagar ngarengei lengan Ku;balalu here sagar jari isa kumpulan nihi isa gembala.¹⁷Gene ina lah Ambah sayang nihi Kuki,gene Kuki ngami nyawa Ku mat Kuki kiuh ngalap e waleng. ¹⁸Bakoi erang kulun lei haot ngalap e tekei Kuki,tapi Kuki lah sa ngami e manurut aheng Ku kakareb.Kuki naan hak mat ngami nyawa Ku,balalu Kuki lei naan hak mat ngalap e waleng.itilah parentah sa Kuki tarime tekei Ambah Ku."¹⁹Hindra lagi,naan pisah darai ta helang ulun Yahudi gene panderan Yesus hio. ²⁰ajoh tekei here ngeau,"Aye karasukan roh jahat balalu jari rapui.wuah inon kaon ngarengei Aye?" ²¹sa lain ngeau,"hio bakoi paneran erang kulun sa karasukan roh jahat.kiuh lah roh jahat nguka mate ulun pehe?" Yesus nihi Ambah aye lah isa²²ta wayah hio,andrau raya penahbisan rahat ta Yerusalem.waktu hio musim marisak, ²³balalu Yesus rahat takia ta Bait Allah,aye hio ta Serambi Salomo. ²⁴Balalu,ulun-ulun Yahudi bakumpul ngaliling Aye palus ngeau nihi Aye,"papire kalawah lagi Kayo maladar jiwa kami bimbang?amun Kayo Kristus,wara bo wawitu nihi kami."²⁵Yesus nuing here,"Kuki haot mawara nihi kayo,tapi kayo bakoi harap.gawian-gawian sa nagawi Kuki huang aran Ambah Ku,hio lah sa ngami kesaksian gene Kuki. ²⁶Tapi,kayo bakoi harap gene kayo bakoi tamasuk domba-domba Ku.²⁷Domba-domba Ku ngarengei suara Ku,Kuki kataru here balalu here nutah Kuki. ²⁸Kuki ngami welum kekal gi here,balalu here bakoi sagar piji binasa;balalu bakoi erang kulun lei kiuh ngarampas here tekei tangan Ku.²⁹Ambah Ku,sa haot ngami here gi Kuki,labih hante tekei kaluhan,balalu bakoi naan erang kulun lei kiuh ngarampas here tekei tangan Ambah. ³⁰Kuki nihi Ambah aye lah isa." ³¹Hindra lagi,ulun-ulun Yahudi ngalap watu mat medak Yesus.³²Tapi,Yesus ngeau nihi here,"Kuki haot nutui gi kayo ajoh gawian sa maeh tekei Ambah,gawian sa awe kah tekei antara e ngulah kayo kakan medak Kuki nihi awtu?" ³³Ulun-ulun Yahudi hio nuing Aye,"bakoi gene gawian sa maeh kami kakan medak Kayo nihi watu,tapi gene hujat;balalu gene Kayo,sa ekat erang kulun murunsia,ngulah tenga Nu Allah."³⁴Yesus nuing here,"bakoi lah tatulis ta huang kitab Taurat nu,`Kuki haot ba Firman,Kayo aye hio allah`? ³⁵Amun Allah ngantuh here sa narime Firman hio` Allah`, padahal Kitab Suci bakoi tau na batal kan, ³⁶inon kah kayo ngantuh gene Aye sa haot na kudus kan Ambah balalu na utus gi huang dunia,`Kayo menghujat,` gene Kuki ngeau nihi kayo,`Kuki aye lah Anak Allah`?³⁷Amun Kuki bakoi ngulah gawian-gawian Ambah Ku,ada harap nihi Kuki. ³⁸Tapi,amun Kuki ngulah gawian-gawian hio,biar lei kayo bakoi harap nihi Kuki,harap bo nihi gawian-gawian hio mat kayo karasa nihi paham bahwa Ambah huang Kuki,balalu Kuki huang Ambah." ³⁹Hindra lagi,here mancoba nyaput Yesus,tapi Aye lolos tekei here.⁴⁰Balalu,Yesus tulak lagi nyabarang hungei Yordan nuju uneng Yohanes pertama hindra napandrus ari ni balalu Yesus muneng ta hio. ⁴¹Ajoh ulun nutah Aye balalu ngeau,"biar lei Yohanes bakoi ngulah isa tanda ajaib lei,tapi kaluhan sa naantuh Yohanes gene uln iti wuah." ⁴²Balalu,ajoh ulun jari harap nihi Aye ta aro.

Kapateian Lazarus ¹Naan erang kulun laki sa rahat maringin,aran e Lazarus tekei Betania,tumpuk Maria nihi pulaksanai e,Marta. ²Maria iti lah wawei sa piji ngilau pee Yesus nihi ilau harum balalu muhut e pakai wulu e,sa pulaksanai e laki,Lazarus,waktu hio sakit.³Gene hio,kararueh pulaksanai iti ngirim kabar napot Aye,sa ngeau,"Tuhan, ulun sa nasayang Nu rahat maringin." ⁴Tapi,katika Yesus karengei kabar hio,Aye ngeau,"panyakit hio bakoi sagar nunda pampatei,tapi sagar nyantarang kemuliaan Allah mat Anak Allah na muliakan nagkah e."⁵Yesus mula sayang nihi Marta,palus pulaksanai wawei e,balalu Lazarus. ⁶Jari,katika Yesus ngarengei bahwa Lazarus maringin,Aye sangaja muneng 2 andrau lagi ta uneng aye muneng. ⁷Udi hio,Yesus ngeau nihi murid-murid E,"ayu takam tulak lagi gi Yudea."⁸Here murid ngeau nihi Aye,"guru,ulun-ulun Yahudi mete lawah ina bausaha medak Kayo nihi watu,inonkah Kayo tatap sagar gi aro lagi?" ⁹Yesus nuing," bakoi kah naan 12 jam huang erang andrau ? amun erang kulun takia ta kaandrau,aye bakoi tahantuk gene aye kakinni trang dunia iti.¹⁰Tapi,amun erang kulun takia ta kamalem andrau,aye ta hantuk gene tarang hio bakoi naan ta aye." ¹¹Udi Yesus ngeau sameh hio,Aye ngeau nihi here,"hengau takam Lazarus,haot mandre,tapi Kuki sagar tulak mat nambuan Aye."¹²Murid-murid ngeau nihi Aye,"Tuhan,amun aye haot mandre,aye sagar kaoh." ¹³Yesus sa bujur e bapander hal kapateian Lazarus,tapi murid-murid nangguh Aye bapander hal mandre huang arti istirahat. ¹⁴Gene hio,Yesus udi hio mawara wawitu nihi here,"Lazarus haot matei,¹⁵Balalu Kuki sanang ulah kepentingan nu,Kuki bakoi naan mat kayo kiuh harap.Jari,ayu takam tulak napot aye." ¹⁶Udi hio,Tomas,sa naantuh Didimus,ngeau nihi murid-murid sa lain,"ayu takam lei tulak mat takam kiuh matei hayak Aye."¹⁷Katika Yesus hampe,Aye kahalu Lazarus haot naan ta huang ogang salawah 4 andrau. ¹⁸Naan lei Betania ta andak dime belas stadia lawit e tekei Yerusalem. ¹⁹Ajoh ulun Yahudi haot hawi nalu Maria nihi Marta,mat ngahibur here bakaitan nihi pulaksanai e hio. ²⁰Katika ngarengei bahwa Yesus haot hawi,Marta tulak nahalu E,tapi Maria tatap ta lewu.²¹Marta ngeau napot Yesus,"Tuhan, umpama e wayah hio Kayo naan ta iti,pulaksanai kuki pasti bakoi sagr matei. ²²Tapi,wayah ina kuki karasa bahwa inon lei kalako Kayo tekei Allah,Allah sagar ngami gi Kayo." ²³Yesus ngeau nihi aye,"pulaksanai nu sagar buan,"²⁴Marta nuing Aye,"Kuki karasa aye sagar buan ta andrau kebangkitan ta akhir zaman." ²⁵Yesus ngeau nihi aye,"Kuki lah kebangkitan nihi kehidupan; hie lei sa harap nihi Kuki,aye sagar welum biar aye haot matei, ²⁶balalu setiap ulun sa welum nihi harap nihi Kuki bakoi sagar matei.inon kah kayo harap sagar hal iti?"²⁷Marta ngeau nihi Aye," oi Tuhan,kuki harap bahwa Kayo lah Kristus,Anak Allah,sa hawi gi dunia." Yesus nangis ²⁸Udi ngantuh hal hio,Marta tulak nerau Maria,pulaksanai e, balalu ngeau kakareb,"guru naan ta ina palus Aye nerau kayo." ²⁹Ngarengei hal hio,Maria hinang mindri balalu nalu Yesus.³⁰Waktu hio,Yesus mete hampe gi desa hio,tapi masih ta uneng Marta nalu E. ³¹Ulun-ulun Yahudi sa hayak Maria ta lewu hio,sa rahat ngahibur aye,nginni Maria baansap buan balalu tulak balua;here nutah aye gene nangguh aye sagar gi ogang mat nangis ta aro. ³²Katika Maria hampe gi uneng Yesus,aye nginni Yesus balalu tasungkur ta pee E,palus ngeau nihi Aye,"Tuhan,jaka Kayo naan tangar iti waktu hio,pulaksanai ku bakoi sagar matei,"³³Katika Yesus nginni Maria nangis,nihi ulun-ulun Yahudi sa hayak aye nangis lei,kamiak huang atei lei Yesus ulah kaahi. ³⁴Yesus nane,"ta awe Lazarus na ogang kayo?"here nuing Aye,"Tuhan, ayu nutah balalu inni bo." ³⁵Yesus nangis lei.³⁶Maka,ulun-ulun Yahudi ngeau,"inni bo!kalawe aye sayang tuu nihi Lazarus!" ³⁷Tapi,papire ulun tekei antara here ngeau,"bakoi tau kah Aye sa haot nguka mate ulun pehe iti lei ngulah Lazarus bakoi matei?" Lazarus na tambuan tekei kapateian³⁸Yesus,hindra lagi kamiak huang atei E,tulak gi ogang.Ogang hio aye hio isa gua,balalu naan watu na andak nutup e. ³⁹Yesus ngeau,"tulak bo watu hio!"Marta pulaksanai ulun sa nanan hio,ngeau nihi Aye,"Tuhan,wayah iti pasti sagar naan enguh boto gene aye haot matei salawah 4 andrau." ⁴⁰Yesus nuing aye,"bakoi lah Kuki haot ngeau nihi kayo bahwa amun kayo harap,kayo sagar kakinni kemuliaan Allah?"⁴¹Jari,here ngenat watu hio,udi hio,Yesus nginni gi entu nelang ngeau,"Ambah,Kuki bersyukur nihi Kayo gene Kayo haot ngarengei Kuki. ⁴²Kuki karasa bahwa Kayongarengei Kuki tarus,tapi gene ulun-ulun sa mindri tangar iring Kuki,Kuki ngeau hal iti mat here harap bahwa Kayo lah sa haot mengutus Kuki."⁴³Udi ngeau hio,Yesus kamiak nihi lengan mehet,"Lazarus balua bo!" ⁴⁴Ulun sa haot matei hio balua,tangan nihi pee e magun tahuruk tadi kafan,balalu rai e masih tatutup kain kafan.Yesus ngeau nihi here,"lapas kain-kain hio tekei aye balalu elah bo aye tulak."Rencana mat munu Yesus⁴⁵Ulun-ulun Yahudi sa hawi napot Maria,balalu nginni inon sa haot na ulah Yesus,jari harap nihi Aye. ⁴⁶Tapi,papire tekei here nutah ulun-ulun Farisi balalu mawara gi here inon sa haot na ulah Yesus.⁴⁷Maka,imam-imam kepala nihi ulun-ulun Farisi ngulah pertemuan Sanhendrin balalu ngeau,"inon sa sagar na ulah takam?gene ulun iti ngulah ajoh tanda ajaib. ⁴⁸Amun takam ngabiar Aye tarus sameh ina,kaluhan ulun sagar harap nihi Aye balalu ulun-ulun Roma sagar hawi mat ngarampas uneng iti nihi bangsa takam."⁴⁹Tapi,erang kulun tekei here sa bangaran Kayafas,sa jari imam hante ta taun hio,ngeau nihi here,"kaon bakoi karasa inon-inon, ⁵⁰Atau lei mempertimbang kan bahwa labih maeh isa ulun matei mat gi kaluhan bangsa,tekei kaluhan dunia punah."⁵¹Aye bakoi ngantuh tekei tenga e kakareb,tapi sebagai imam taun hio,aye bernubuat bahwa Yesus sagar matei mat gi bangsa hio. ⁵²Balalu,bakoi ekat mat gi bangsa Yahudi bo,tapi lei mat mangumpulkan jari isa anak-anak Allah sa tapisah. ⁵³Maka mulai andrau hio,here sapakat mat munu Yesus.⁵⁴Gene hio,Yesus bakoi lagi takia nihi terang tarus ta helang ulun Yahudi,tapi Aye tulak nekei aro gi wilayah riet pulau haket sa bangaran Efraim;balalu Aye muneng tangar aro nihi murid-murid E. ⁵⁵Waktu hio,Paskah ulun Yahudi haot riet,balalu ajoh ulun tekei wilayah hio tulak gi Yerusalem sa mete Paskah mat namparasih tenga here.⁵⁶Balalu,here nupui Yesus bapander isa nihi sa lain nelang here mindri huang Bait Allah,here ba santane,"kala awe manurut nu?inonkah Aye sama sekali bakoi sagar hawi gi perayaan ina?" ⁵⁷Naan lei imam-imam kepala nihi ulun-ulun Farisi haot mangaluar kan perintah bahwa amun erang kulun karasa ta awe Aye muneng,ulun hio harus mawara e mat here kiuh nyaput E.

Maria ngilau pee Yesus ta Betania ¹Enem andrau samete Paskah,Yesus tulak gi Betania,uneng muneng Lazarus,sa haot na tambuan tekei kapateian. ²Ta aro,haot nasadiakan panguta pakai kuman kamalem gi Yesus;balalu Marta rahat nyadia,tapi Lazarus aye hio isa tekei here sa maharung ta meja nihi Yesus. ³Udi hio,Maria ngalap satengah kati ilau Narwastu sa larang tuu uman e,balalu ngilau pee Yesus palus muhut e nihi wulu e.maka,lewu hio penu nihi enguh harum tekei ilau harum hio.⁴Tapi,Yudas Iskariot,isa tekei murid E,sa sagar menghiananti Aye,ngeau, ⁵"wuah inon ilau harum hio bakoi na batang bo sa uman telu jatuh dinar balalu duit e na ami gi ulun-ulun susah?" ⁶Aye ngeau sameh hio bakoi gene aye paduli nihi ulun-ulun susah,tapi gene aye erang kulun pangalat, balalu gene aye nunda kotak duit,aye tau ngalat duit sa na pasuluk gi huang kotak hio.⁷Balalu,Yesus nuing,"elah e bo wawei hio,aye ngulah hio mat persiapan ngogang Kuki. ⁸Gene,ulun sa susah naan tarus hayak kaon." Here imam kepala kakan munu Lazarus⁹Katika sajumlah hante ulun Yahudi ngarengei bahwa Yesus naan ta Betania,here tulak gi aro,bakoi ekat gene Yesus,tapi lei gene kakan nginni lazarus sa haot na tambuan E tekei kapateian. ¹⁰Balalu,imam-imam kepala barencana mat munu Lazarus lei. ¹¹Gene Lazarus,ajoh ulun Yahudi nanan here balalu harap nihi Yesus,Yesus suluk gi kota Yerusalem sameh Raja¹²Gi katuni andrau e,ulun ajoh sa hawi ta pesta hio,katika ngarengei bahwa Yesus sagar hawi gi Yerusalem, ¹³Here ngalap rawen-rawen palem balalu tulak gi luar mat nahalu Aye balalu mulai kamiak-kamiak,"Hosana! na berkatilah Aye sa hawi huang aran Tuhan,Raja Israel!" Mazmur 118 : 25-26¹⁴Udi kiuh erang kikui keledai muda,Yesus maharung ta entu e,sameh sa tatulis: ¹⁵"Ada takut,ui putri Sion!inni bo!Raja nu hawi,maharung ta entu erang kikui keledai muda."Zakaria 9 : 9¹⁶Asal e,murid-murid E bakoi paham kaluhan hal hio,tapi katika Yesus na muliakan,here udi hio paham bahwa kaluhan hio haot tatulis gene Aye,balalu bahwa here haot ngulah kaluhan hio mat gi Aye. "Ulun ajoh basurah gene Yesus¹⁷Jari,ulun-ulun sa hayak Yesus waktu Aye nerau Lazarus balua tekei ogang balalu na tambuan tekei matei tarus bersaksi. ¹⁸Ulah gene hio,ajoh ulun nahalu Yesus gene here karengei bahwa Aye lah sa haot ngulah mujizat hio. ¹⁹Maka,ulun-ulun Farisi ngeau isa nihi sa lain,"inni kaon inon sa na rencana kan bakoi bahasil.inni bo, kaluhan dunia haot nutah Aye!"Yesus ba pander gene Pamelum nihi pampatei²⁰Ta waktu hio,naan lei ulun-ulun Yunani ta antara here sa tulak mat beribadah ta perayaan hio. ²¹Here manalu Filipus,sa baasal tekei Betsaida ta Galilea,balalu ngeau nihi aye," Tuan,kami kakan panalu nihi Yesus." ²²Filipus tulak balalu mawara Andreas;balalu Andreas nihi Filipus tulak palus mawara nihi Yesus.²³Yesus nuing here,"wayah e haot hampe gi Anak Murunsia mat na muliakan. ²⁴Nihi sabujur e,Kuki mawara nihi kayo,kecuali insoi gandum lawu gi tane palus matei,insoi hio tatap isa bo; tapi amun insoi hio matei,aye ngahasil ajoh wua.²⁵Ulun sa nyayang nyawa e,sagar kajawohan nyawa e,tapi ulun sa bakoi nyayang nyawa e ta dunia iti,sagar memelihara e mat gi welum kekal. ²⁶Amun erang kulun melayani Kuki,aye harus nutah Kuki;ta awe Kuki muneng,ta hio lei aye muneng;amun erang kulun melayani Kuki,Ambah sagar ngahormat aye."Yesus bapander hal pampatei E²⁷"Wayah ina,jiwa Ku gelisah.inon sa sagar na antuk Ku?`Amah,selamatkan lah Kuki tekei saat iti?`tapi,mat tujuan itilah Kuki hawi saat iti. ²⁸Amah,muliakan lah aran Nu!" balalu,ta rengeilah lengan tekei surga,"Kuki haot memuliakan aran Ku balalu Kuki sagar memuliakan e lagi." ²⁹ulun ajoh hio mindri ta hio balalu ngarengei e ngeau bahwa hio lengan guntur,tapi sa lain ngeau "erang kulun malaikat haot bapander nihi Aye!"³⁰Yesus nuing balalu ngeau,"lengan hio tarengei bakoi mat gi Kuki,tapi mat gi kayo. ³¹Wayah iti penghakiman gi dunia iti,wayah ina lah penguasa dunia sagar na usir.³²Balalu,amun Kuki na tampa entu tekei dunia iti,Kuki sagar nyujut kaluhan ulun napot Kuki." ³³Yesus ngeau hal iti mat nyantarang nihi pampatei sameh awe Aye sagar matei.³⁴Ulun ajoh hio nuing Aye,"kami haot ngarengei tekei hukum Taurat bahwa Kristus sagar tatap muneng kalalawah e;kala awe tau Kayo ngeau,`Anak Murunsia hio harus na tampa entu?`hie lah Anak Murunsia hio?" ³⁵Yesus nuing here,"ekat tawelek lagi tarang hio naan hayak kayo.takia lah sa lagi tarang hio masih naan mat ka mieng bakoi sagar menguasai kayo;gene ulun sa takia huang kamieng bakoi karasa gi awe aye tulak. ³⁶waktu kayo naan tarang hio,harap bo nihi tarang hio mat kayo jari anak-anak tarang."udi ngeau sameh hio,Yesus tulak balalu nyiok arep e tekei here."Papire ulun Yahudi bakoi harap nihi Yesus³⁷Biar lei Yesus haot ngulah ajoh tanda ajaib tangar hadap here,here tatap bakoi harap nihi Aye, ³⁸Mat genep lah panderan sa na kahampe ulah Nabi Yesaya,"Tuhan,hie kah sa harap nihi pemberitaan kami? balalu,gi hiekah tangan Tuhan haot na santarang ?" Yesaya 53 : 1³⁹hio lah gene e,here bakoi kiuh harap gene Yesaya lei ngeau, ⁴⁰"Aye haot nampehe mate here nihi nampa mape atei here,mat here ada nginni nihi mate here balalu mamaham nihi atei here,balalu waleng hampe Kuki nyamare here."Yesaya 6 : 10⁴¹Yesaya ngeau kaluhan hio gene aye haot nginni kemuliaan Yesus balalu aye bapander hal Aye. ⁴²Biar sameh hio,ajoh lei here pemimpin sa harap nihi Yesus,tapi gene takut nihi ulun-ulun Farisi,here bakoi ngeau terus terang gene takut sagar na kucilkan tekei Sinagoge. ⁴³Gene,here labih sanang narime kemuliaan tekei murunsia tekei kemuliaan tekei Allah."Ajaran Yesus sagar menghakimi murunsia⁴⁴Udi hio,Yesus kamiak,eau E,"setiap ulun sa harap nihi Kuki,bakoi harap gi Kuki,tapi nihi Aye sa mengutus Kuki. ⁴⁵Balalu,setiap ulun sa haot nginni Kuki,haot nginni Aye sa mengutus Kuki.⁴⁶Kuki haot hawi sebagai tarang dunia gi dunia iti,supaya setiap ulun sa harap nihi Kuki bakoi muneng huang kamieng. ⁴⁷Amun erang kulun ngarengei eau Ku,tapi aye bakoi nuu e,Kuki bakoi menghakimi aye;gene Kuki hawi bakoi mat menghakimi dunia,tapi mat nyalamat dunia.⁴⁸Hie sa nulak Kuki balalu bakoi narime eau Ku,balalu Firman sa na eau Kuki sagar menghakimi aye tangar akhir zaman. ⁴⁹Gene Kuki bakoi bapander entu aheng Ku,tapi Amah sa mengutus Kuki ngami Kuki perintah entu inon sa harus na antuh Ku nihi na pander Kuki. ⁵⁰Balalu,Kuki karasa bahwa perintah E aye hio welum kekal.Gene hio,hal sa na kahampe Ku,na kahampe Ku sameh sana antuh Ambah gi Kuki."

Yesus mui pee murid-murid E ¹Samete andrau Raya Paskah,Yesus karasa bahwa wayah E haot hampe bahwa Aye sagar nanan dunia iti napot Ambah,udi sayang nihi ampun E kakareb ta dunia,Aye sayang here hampe pangalis e. ²Salawah rahat kuman kamalem,setan haot suluk huang atei Yudas Iskariot,anak Simon,mat menghiananti Yesus.³Yesus,katika karasa bahwa Ambah haot nyarah kaluhane gi huang tangan E,balalu bahwa Aye hawi tekei Allah,balalu sagar waleng napot Allah, ⁴Aye mindri ta rahat kuman malem balalu napas jubah E,nelang ngalap kain Linen balalu nuruk e tangar pinggang E. ⁵Udi hio,Aye nuang ranu gi isa baskom balalu mulai mui pee murid-murid E nihi nampameang pee here nihi kain sa na huruk ta pinggang E⁶Balalu,Aye hampe gi Simon Petrus balalu aye ngeau nihi Yesus,"Tuhan,Kayo mui pee ku?" ⁷Yesus nuing nihi ngeau gi aye,"inon sa naulah Kuki,kayo bakoi mamaham e wayah ina,tapi narian kayo sagar paham." ⁸Petrus ngeau,"Kayo bakoi sagar piji mui pee ku!"Yesus nuing,"amun Kuki bakoi mui kayo,kayo bakoi kiuh bagian ta huang Kuki." ⁹Simon Perus ngeau nihi Aye,"amun kala hio Tuhan,ada ekat pee ku bo,tapi lei tangan nihi ulu ku!"¹⁰Yesus ngeau nihi aye,"ulun sa haot mandrus ekat perlu mui pee e,tapi haot barasih kaluhan e. kayo haot barasih,tapi bakoi kaluhan tekei kaon barasih." ¹¹Gene Yesus karasa hie sa sagar menghianati Aye,hio gene e Aye ngeau,"bakoi kaluhan tekei kaon barasih."¹²Jari,udi Yesus galis mui pee murid-murid E,makai waleng jubah E,balalu waleng gi uneng E,Aye ngeau nihi here,"inon kah kaon paham inon sa na ulah Kuki gi kaon? ¹³Kaon ngantuh Kuki Guru nihi Tuhan.hio pas bo gene Kuki mula Guru nihi Tuhan. ¹⁴Amun Kuki,sa aye hio Tuhan nihi Guru nu,haot mui pee nu,kayo lei harus sameh mui pee nu. ¹⁵Gene,Kuki haot ngami contoh gi kayo mat kayo lei ngulah sameh sa na ulah Kuki gi kayo.¹⁶Nihi sabujur e,Kuki mawara gi kayo,erang kulun walah bakoi diwi hante tekei tuan e,atau lei erang kulun utusan bakoi diwi hante tekei ulun sa mengutus e. ¹⁷Amun kayo haot karasa kaluhan iti,kayo na berkati amun kayo ngagawi e. ¹⁸Kuki bakoi bapander gene kaon kaluhan e.Kuki karasa hie bo sa haot na pidi Kuki,tapi nas iti harus na genep,`ulun sa kuman roti Ku haot ngenat tungka e nadap Kuki.`¹⁹Kuki mawara gi kayo wayah ina,samete halhio jari mat katika hal hio jari,kayo sagar harap bahwa Kuki lah Aye. ²⁰Nihi sabujur e,Kuki mawara gi kayo,setiap ulun sa narime ulun sa na utus Ku,narime Kuki;balalu ulun sa narime Kuki,narime Aye sa mangutus Kuki."Yesus mawara hie sa sagar menghianati Aye²¹Udi Yesus ngeau sameh hio,Aye gelisah huang Roh balalu bersaksi,"sa bujur-bujur e Kuki ngeau nihi kayo,isa kulun tekei kaon sagar menghianati Kuki." ²²Murid-murid asing kulik isa nihi sa lain balalu jari bingung gene hie sa na pander E.²³Isa tekei murid E maharung ba sandar ta dada Yesus.ayelah murid sa na sayang ulah Yesus. ²⁴Udi hio,Simon Perus ngami tanda gi aye mat nane tekei Yesus gene hie sa na aheng E. ²⁵Jari,murid sa basandar ta dada Yesus hio nane nihi Aye,"Tuhan hie kah ulun hio?"²⁶Yesus nuing,"ulun hio aye sa gi aye Kuki ngami tetekan roti iti udi Kuki nyolop e."Balalu,udi nyolop tetekan roti hio,Yesus ngami gi Yudas,anak Simon Iskariot. ²⁷Balalu,udi Yudas narime tetekan roti hio,Iblis ngarasuk aye.Gene hio,Yesus ngeau nihi aye,"inon sa sagar kan naulah,ulah bo hinang!"²⁸Bakoi erang kulun lei tekei here sa rahat kuman hio paham wuah inon Yesus ngeau sameh hio nihi Yudas. ²⁹Papire tekei here nangguhgene Yudaslah sa negei kotak duit hampe Yesus ngeau nihi Aye,"widi bo hal-hal sa takam perlu mat gi perayaan,"atawa mat aye ngami inon-inon gi ulun susah. ³⁰Jari,udi narime tetekan roti,Yudas tulak gi wading waktu hio lei;balalu waktu hio haot malem."Yesus bapander hal pampatei E³¹Udi Yudas tulak,Yesus ngeau,"wayah ina lah saat e Anak Manusia na muliakan balalu Allah na muliakan nangkah Aye. ³²Amun Allah na permuliakan ta huang Aye,Allah lei sagar memuliakan Aye ta huang tenga E,balalu sagar memuliakan Aye nihi hinang. ³³Anak-anak-Ku,Kuki naan hayak kaon ekat tawelek lagi.kayo sagar nupui Kuki,balalu sameh nihi sa haot na pander Ku nihi ulun-ulun Yahudi,wayah iti Kuki ngeau lei gi kayo,`gi awe Kuki tulak,kayo bakoi kiuh hawi.`³⁴Isa perintah bio na ami Kuki gi kayo,aye hio mat kayo saling sayang,sameh nihi Kuki haot sayang kaon,kala hio lei kayo saling sayang. ³⁵Nihi sameh hio,kaluhan ulun sagar karasa bahwa kayo murid-muridKu,aye hio amun kayo saling sayang."Peringatan Yesus kepada Petrus³⁶Simon Petrus nane tekei Yesus,"Tuhan,gi awe kah Kayo sagar tulak?"Yesus nuing aye,"gi awe Kuki tulak,kayo bakoi kiuh nutah Kuki wayah iti,tapi narian kayo sagar nutah Kuki." ³⁷Petrus nane nihi Aye,"Tuhan,wuah inon Kuki bakoi kiuh nutah kayo wayah iti?kuki sagar nyarah nyawa ku demi Kayo!" ³⁸Yesus nuing,"kayo sagar nyarah nyawanu gi Kuki? nihi sabujur e Kuki mawara gi kayo,manu bakoi sagar nandru samete kayo nulak Kuki 3 kali."

Yesus ngahibur murid-murid E ¹" adalah atei nu gelisah;harap lah nihi Allah,haraplah lei nihi Kuki. ²Ta lewu Amah Kuki naan ajoh uneng muneng;amun bakoi sameh hio,Kuki pasti haot ngantuh e nihi kayo gene Kuki tulak mat nyadia isa uneng gi kayo. ³Balalu,amun Kuki tulak balalu nyadia isa uneng gi kayo,Kuki sagar hawi waleng palus nunda kayo napot Kuki mat ta awe Kuki muneng,kayo lei muneng.⁴Balalu,kayo karasa lalan gi uneng Kuki tulak." ⁵Balalu,Tomas ngeau nihi Aye,"Tuhan,kami bakoi karasa gi awe Kayo tulak,kalawe kami karasa lalan hio?" ⁶Yesus ngeau nihi aye,"Kuki lah lalan,balalu sa wuah,balalu pamelum.bakoi naan erang kulun lei hawi napot Ambah,amun bakoi nangkah Kuki. ⁷Amun kayo haot kataru Kuki,kayo lei haot kataru Ambah Ku;mulai wayah iti,kayo haot kataru palus ngini Aye."⁸Filipus ngeau nihi Aye,"Tuhan,tutilah Ambah gi kami,balalu hio haot sukup gi kami." ⁹Yesus nuing Aye,"Filipus,haot kalawah iti Kuki hayak nihi kayo,balalu kayo masih mete kataru Kuki?hie ulun sa haot nginni Kuki,aye haot nginni Ambah,kalawe kayo tau ngeau,`tutui lah Ambah hio gi kami?`¹⁰Inonkah kayo bakoi harap bahwa Kuki ta huang Ambah balalu Ambah ta huang Kuki? paneran-paneran sa na eau Kuki gi kayo,Kuki bakoi ngeau tekei tenga Kuki kakareb,tapi Ambah sa muneng ta huang Kukilah sa ngagawi gawian E. ¹¹Harap lah nihi Kuki,bahwa Kuki ta huang Ambah balalu Ambah ta huang Kuki;atawa paling bakoi,harap bo gene gawian-gawian hio kakareb.¹²Nihi sabujur e,Kuki ngeau gi kayo,setiap ulun sa harap nihi Kuki,gawian-gawian sa na ulah Ku,aye lei sagar ngulah e;balalu gawian-gawian sa labih hante tekei kaluhan hio gene Kuki tulak nutah Ambah. ¹³Inon lei sa nalako kayo huang aran Ku,hio sagar na ulah Kuki mat Ambah na muliakan ta huang Anak. ¹⁴Amun kayo ngalako inon lei nihi Kuki huang aran Ku,Kuki sagar ngagawi e."Janji gene Roh Kudus¹⁵" Amun kayo sayang Kuki,kayo sagar nuu kaluhan perintah Ku. ¹⁶Kuki sagar ngalako nihi Ambah,balalu Aye sagar ngami gi kayo pangawat sa lain,mat Aye pahayak kaon salawah e, ¹⁷aye hio Roh sa wuah,sa bakoi kiuh na tarime dunia,gene dunia bakoi kakinni Aye atawa kataru Aye;tapi kayo kataru Aye gene Aye muneng hayak kayo nihi sagar naan huang kayo.¹⁸Kuki bakoi sagar nanan kayo sameh anule pahatu;Kuki sagar hawi napot kayo. ¹⁹Bakoi lawah lagi,dunia bakoi sagar kakinni Kuki lagi,tapi kayo sagar kakini Kuki;gene Kuki welum,kayo lei sagar welum. ²⁰Ta andrau hio,kayo sagar karasa bahwa Kuki ta huang Ambah Ku,balalu kayo ta huang Kuki,balalu Kuki ta huang kayo.²¹Hie lei sa negei perintah Ku balalu ngagawi e,aye sayang Kuki;balalu ulun sa sayang Kuki sagar na ahi ulah Ambah Ku,balalu Kukisagar sayang aye palus sagar nyantarang tenga Ku nihi aye." ²²Yudas sa bakoi Iskariot,ngeau nihi Aye,"Tuhan,kalawe kayo sagar nyantarang tenga Nu gi kami balalu bakoi gi dunia?"²³Yesus nuing balalu ngeau nihi aye,"amun erang kulun sayang Kuki,aye sagar nuu Firman Ku;balalu Ambah Ku ka ahi aye,balalu kami sagar hawi napot aye palus muneng pahayak aye. ²⁴Tapi,ulun sa bakoi sayang Kuki,bakoi nuu Firman Ku.balalu,Firman sa na rengei kayo bakoi tekei Kuki,tapi tekei Ambah sa mangutus Kuki.²⁵Kaluhan hal iti haot na wara Ku gi kayo salawah Kuki masih hayak kayo. ²⁶Tapi,pangawat hio,aye hio Roh Kudus,sa sagar na utus Ambah huang aran Ku,Aye sagar ngajar kaluhan hal gi kayo,balalu sagar nampa ingat kayo nihi kaluhan hal sa haot na wara Ku gi kayo. ²⁷Damai sejahtra na tanan Ku hayak kayo;damai sejahtra Ku na ami Ku gi kayo,bakoi sameh nihi sa naami dunia sa naami Kuki gi kayo.Ada ngaret atei nu gelisah atawa lei takut.²⁸Kayo haot ngarengei bahwa Kuki ngeau gi kayo,`Kuki sagar tulak,balalu Kuki sagar hawi lagi napot kayo.`amun kayo sayang Kuki,kayo sagar sanang gene Kuki tulak napot Ambah,gene Ambah labih hante tekei Kuki. ²⁹Kuki haot mawara wayah ina samete hal hio jari mat katika hal hio jari,kayo harap.³⁰Kuki bakoi sagar bapander labih ajoh lagi nihi kayo gene penguasa dunia iti rahat hawi.aye bakoi bakuasa dutik lei nihi Kuki. ³¹Tapi mat dunia karasa bahwa Kuki sayang Ambah,Kuki ngulah pas sameh sa Ambah perintah gi Kuki. Buan bo,ayu takam tulak tekei iti."

Yesus aye lah pokok anggur ¹Yesus ngeau,"Kukilah pokok anggur sa sejati balalu Ambah Ku lah sa ngusaha e ²Setiap jangkeng tangar Kuki sa bakoi ba wua,na rasih E,mat jangkeng hio ba wua magin ajoh.³Kayo mula ha na barasih gene Firman sa haot na wara Ku gi kayo. ⁴Muneng bo ta huang Kuki balalu Kuki ta huang kayo.sameh nihi jangkeng bakoi kiuh ba wua tekei tenga e kakareb,kecuali aye muneng ta pokok anggur,kala hio lei kayo bakoi kiuh bawua,kecuali kayo muneng ta huang Kuki.⁵Kukilah pokok anggur balalu kayo lah jangkeng-jangkeng e.setiap ulun sa muneng ta huang Kuki,balalu Kuki ta huang aye,aye sagar bawua ajoh gene tapisah tekei Kuki,kayo bakoi kiuh ngulah inon-inon. ⁶Amun erang kulun bakoi muneng ta huang Kuki,aye sagar na umpe sameh jangkeng balalu jari meang;balalu ulun sagar ngumpul e balalu nawut e gi huang apui,balalu rakit. ⁷Amun kayo tatap muneng huang Kuki balalu pamaneran Ku muneng huang kayo,lako bo inon lei sa kanakakan kayo,balalu hio sagar na ami gi kayo.⁸Ambah Ku sagar na muliakan nihi hal iti,aye hio amun kayo bawua ajoh balalu nihi sameh hio,kayo lah murid-murid Ku."perintah Yesus mat saling sayang ⁹"sameh Ambah haot sayang Kuki,sameh hio lei Kuki haot sayang kayo;tatap bo muneng huang kasih Ku.¹⁰Amun kayo nuu kaluhan perintah Ku,kayo sagar muneng huang kasih Ku,sameh nihi Kuki haot nuu perintah Ambah balalu muneng huang kasih E. ¹¹Hal-hal iti Kuki ngeau gi kayo mat kasanang Ku naan ta huang kayo,hampe kasanang nu jari penu.¹²Iti lah perintah Ku: kayo harus saling sayang,sameh nihi Kuki haot sayang kayo. ¹³Bakoi naan kasih sa labih hante tekei kasih erang kulun sa ngami nyawa e gi sahabat-sahabat e.¹⁴Kayo lah sahabat-sahabat Ku amun kayo ngulah inon sa na parentah Ku gi kayo. ¹⁵Kuki bakoi lagi ngantuh kayo walah gene walah bakoi karasa inon sa na ulah tuan e.Tapi,Kuki ngantuh kayo sahabat gene kaluhan sa narengei Ku tekei Ambah,haot na wara Ku gi kayo.¹⁶Bakoi kayo sa midi Kuki,tapi Kuki lah sa haot midi balalu haot manetapkan kayo mat kayo tulak balalu ngahasil kan wua,balalu wua nu tatap balalu inon lei sa na lako kayo tekei Ambah huang aran Ku,Aye sagar ngami e gi kayo. ¹⁷Iti lah perintah Ku: kayo harus saling sayang!" Yesus nampa ingat here Murid E¹⁸"Amun dunia marikang kayo,kayo karasa bahwa dunia haot marikang Kuki samete marikang kayo. ¹⁹Amun kayo tekei dunia,tentu lei dunia sagar sayang ampun kesayangan e;tapi gene kayo bakoi tekei dunia,tapi Kuki haot midi kayo tekei dunia,gene hal hio lah dunia marikang kayo.²⁰ingat bo paneran sa haot na antuh Ku gi kayo:`erang kulun walah bakoi labih hante tekei tuan e,`amun here haot nampahanang Kuki,here lei sagar nampahanang kayo.amun here nuu Firman Ku,here lei sagar nuu paneran nu. ²¹Tapi,kaluhan e hio sagar na ulah here nadap kayo,ulah gene aran Ku.gene,here bakoi kataru Aye sa mangutus Kuki. ²²Amun Kuki bakoi hawi balalu mawara kaluhan e hio nihi here,here bakoi sagar naan dosa.Tapi wayah ina,here bakoi naan kiuh ngilah gi dosa here.²³Setiap ulun sa marikang nihi Kuki,aye lei marikang Ambah Ku. ²⁴Umpama e Kuki bakoi ngagawi ta helang here gawian-gawian sa bakoi piji na ulah ulun lain,here bakoi sagar naan dosa.Tapi wayah iti,here haot nginni tapi tatap marikang Kuki nihi Ambah Ku. ²⁵Tapi,Firman sa tatulis huang kitab Taurat here harus na tampa genep: `here marikang Kuki bakoi naan alasan.`²⁶Katika Pangawat hio hawi,sa sagar na utus Kuki gi kayo tekei Ambah,aye hio Roh sa wuah sa baasal tekei Ambah,Aye sagar basaksi gene Kuki. ²⁷Balalu kayo lei sagar basaksi gene kayo haot hayak Kuki nekei asal."

¹" kaluhan iti haot nawara Ku gi kayo mat kayo bakoi ta gunsang. ²here sagar nulak kayo tekei Sinagoge.hampe,waktu e sagar hampe bahwa satiap ulun sa munu kayo sagar nangguh bahwa here rahat berbakti gi Allah.³Balalu,hal-hal hio sagar na ulah here gene here bakoi kataru Ambah atawa Kuki. ⁴Tapi,kaluhan hio haot na wara Kuki gi kayo mat amun waktu e hampe,kayo kaingat bahwa Kuki haot mawara e nihi kayo tangar mulai e gene Kuki masih hayak kayo. " gawian Roh Kudus⁵Tapi,wayah iti Kuki sagar tulak napot Aye sa mangutus Kuki,balalu bakoi erang kulun lei tekei kayo sa nane Kuki,`Gi awe kayo sagar tulak?` ⁶Tapi,gene Kuki haot mawara kaluhan iti nihi kayo,kahanang nampenu atei nu. ⁷Tapi,Kuki mawara sa wuah nihi kayo: labih maeh gi kayo amun Kuki tulak gene amun Kuki bakoi tulak,pangawat hio bakoi sagar hawi gi kayo;tapi amun Kuki tulak,Kkuki sagar mangutus E napot kayo.⁸Balalu,katika pangawat hio hawi,Aye sagar nampasadar dunia sagar dosa,sa wuah,balalu penghakiman; ⁹Hal dosa,gene here bakoi harap nihi Kuki; ¹⁰Hal sa wuah,gene Kuki tulak napot Ambah balalu kayo bakoi sagar kakinni Kuki lagi, ¹¹Balalu hal penghakiman,gene penguasa dunia iti haot na hakimi.¹²Masih ajoh hal sa kakan nawara Kuki nihi kayo,tapi kayo bakoi kiuh mananggung e wayah iti. ¹³Tapi,katika Aye,Roh sa wuah hio hawi,aye sagar mambimbing kayo gi huang kaluhan sa wuah.gene,Aye bakoi bapander entu aheng E kakareb,tapi kaluhan hal sa narengei E hio lah sa sagar na antuh E;balalu Aye sagar mawara hal-hal sa sagar jari. ¹⁴Aye sagar memuliakan Kuki gene Aye sagar narime sa na tarime Kuki,balalu sagar mawara e nihi kayo.¹⁵Kaluhan hal sa ampun Ambah aye lah ampun Kuki.ulah gene hio,Kuki ngeau bahwa Roh sa wuah sagar mawara nihi kayo inon sa na tarime E tekei Kuki". Kasusah jari kasanang. ¹⁶"Ekat tawelek lagi,balalu kayo bakoi sagar kakinni Kuki lagi;balalu hindra lagi,ekat tawelek bo,balalu kayo sagar nginni Kuki."¹⁷Papire murid Yesus bakatane,"inon maksud E Aye ngeau nihi takam,`ekat tawelek bo,balalu kayo bakoi sagar nginni Kuki lagi;balalu hindra lagi,ekat tawelek bo,balalu kayo sagar nginni Kuki?` balalu `gene Kuki sagar tulak napot Ambah?" <sup>18</sup>Jari here nane,"inon sa na aheng nihi,`ekat tawelek bo`? takam bakoi karasa inon sa na pander E."<sup>19</sup>Yesus karasa bahwa murid-murid E kakan nane nihi Aye,maka e Aye ngeau nihi here,"inonkah kaon bakatane nihi sasamah kaon kakareb gene hal sa naaheng Kuki waktu Kuki ngeau,`ekat tawelek bo balalu kayo bakoi sagar kakinni Kuki lagi;balalu hindra lagi,ekat tawelek bo,balalu kayo sagar nginni Kuki`? ²⁰Nihi sa bujur e,Kuki ngeau nihi kayo,kayo sagar nangis nungur,tapi dunia sagar basanang;kayo sagar mahanang atei,tapi hanang atei nu sagar ba ubah jari kasanang. ²¹Katika erang kulun wawei nganak,aye rara gene waktu e nganak hampe;tapi udi anak e lahir,aye koi kingat ka rara e sa weat gene kasanang bahwa erang kulun marunsia haot lahir gi dunia.²²Sameh hio kayo lei nginam ka rara wayah iti,tapi Kuki sagar manalu kayo lagi balalu atei nu sagar sanang,balalu bakoi naan erang kulun lei sa sagar ngalap kasanang nu tekei kayo. ²³Ta andrau hio,kayo bakoi sagar nane inon lei nihi Kuki.nihi sa bujur e,Kuki mawara gi kayo,inon lei sa nalako kayo napot Ambah Ku huang aran Ku,Aye sagar ngami e gi kayo. ²⁴Hampe wayah iti,kayo mete piji lako inon lei huang aran Kuki.Lako bo, mat kayo narime e mat kasanang kayo jari penu." Kamanang entu Dunia²⁵Kuki haot mawara hal-hal iti napot kayo nihi perumpamaan;waktu e sagar hampe katika Kuki bakoi lagi bapander nihi Kayo nihi perumpamaan,tapi sagar bapander nihi kayo wawitu hal Ambah²⁶Ta andrau hio,kayo sagar ngalako huang aran Ku,balalu Kuki bakoi ngeau nihi kayo bahwa Kuki ngadoakan e napot Ambah Ku gi kayo. ²⁷Gene,Amah kakareb sayang nihi kayo gene kayo haot sayang Kuki balalu harap bahwa Kuki hawi tekei Ambah. ²⁸Kuki ba asal tekei Ambah balalu haot hawi gi dunia;wayah iti,Kuki sagar nanan dunia balalu waleng napot Ambah."²⁹Murid-murid E ngeau,"nah,wayah iti Kayo bapander wawitu balalu bakoi makai perumpamaan lagi. ³⁰wayah iti,kami karasa bahwa Kayo karasa kaluhan hal balalu bakoi perlu erang kulun nane nihi Kayo.gene hio,kami harap bahwa Kayo hawi tekei Allah." ³¹Yesus nuing here,"harap kah kayo wayah ina?³²Ini bo! saat e sagar hawi,bahkan haot hawi napot kayo mat na tampisah,masing-masing mudi gi uneng asal e kakareb balalu sagar nanan Kuki kakareb.tapi,Kuki bakoi kakareb gene Ambah pahayak Kuki. ³³Kaluhan iti nawara Kuki gi kayo mat ta huang Kuki,kayo naan damai sejahtera.Ta dunia kayo sagar rara,tapi na tampa mape bo atei nu!Kuki haot nyantalau dunia!"

Yesus Berdoa mat gi murid-murid E ¹Hio lah paneran-paneran Yesus,udi nangut gi langit balalu ngeau,"Ambah,waktu e haot hampe,muliakanlah Anak Nu mat anakNu lei kiuh memuliakan Kayo. ²sameh nihi Kayo haot ngami Aye kuasa entu kaluhan murunsia,mat gi kaluhan sa na ami Kayo gi Aye,Aye kiuh ngami welum kekal.³Iti lah welum kekal hio,aye hio bahwa here kataru Kayo,ekat isa-isa e Allah sa bujur,balalu kataru Kristus Yesus sa haot na utus Kayo. ⁴Kuki haot memuliakan Kayo ta bumi nihi nyanyari gawian sa na ami Kayo gi Kuki mat na gawi. ⁵Balalu wayah iti,ui Ambah,muliakanlah Kuki hayak Kayo nihi kemuliaan sa naan ta Kuki hayak Kayo samete dunia naan.⁶Kuki haot nyantarang aran Ku nihi ulun-ulun sa naami Kayo gi Kuki tekei dunia iti.Here hio ampun Kayo balalu Kayo haot nagmi here gi Kuki,balalu here lei haot nuu Firman Nu. ⁷Wayah iti,here karasa bahwa kaluhan sa naami Kayo gi Kuki baasal tekei Kayo. ⁸Gene,Kuki haot ngami gi here Firman sa naami Kayo gi Kuki,balalu here haot narime e nihi bujur-bujur karasa bahwa Kuki baasal tekei Kayo,balalu here harap bahwa Kayo lah sa mangutus Kuki.⁹Kuki berdoa mat gi here,Kuki bakoi berdoa gi dunia,tapi mat gi here sa haot naami Kayo napot Kuki;gene here aye lah ampun Kayo. ¹⁰Kaluhan sa ampun Kuki aye lei ampun Kayo,balalu kaluhan sa ampun Kayo aye lah ampun Kuki;balalu Kuki haot na muliakan ta huang kaluhan hio. ¹¹Kuki bakoi lagi ta dunia iti,tapi here masih naan ta dunia iti,balalu Kuki hawi napot Kayo.Ambah sa Kudus,jaga lah here huang aran Nu,ngaran sa haot naami Kayo gi Kuki,hampe here jari isa sameh takam.¹²Salawah Kuki hayak here,Kuki haot nyaga here huang aran Nu sa haot naami Kayo gi Kuki.Kuki haot nyaga here balalu bakoi naan erang kulun lei sa jawoh kecuali sa nakia kapateian,mat Kitab Suci nagenapi. ¹³Tapi wayah iti,Kuki sagar hawi napot Kayo;balalu kaluhan ina naantuh Kuki nihi dunia iti mat here naan kiuh kasanang Ku sa na tampenu ta huang tenga here. ¹⁴Kuki haot ngami Firman Nu gi here,balalu dunia marikang here gene here bakoi baasal tekei dunia,sameh nihi Kuki bakoi baasal tekei dunia iti.¹⁵Kuki bakoi ngalako mat Kayo ngalap here tekei dunia,tapi mat melindungi here tekei sa jahat. ¹⁶here bakoi baasal tekei dunia. ¹⁷Na barasih lei here huang sa wuah;Fiman Nu aye lah wuah.¹⁸Sameh Kayo haot mangutus Kuki gi huang dunia,sameh hio lei Kuki mangutus here gi huang dunia. ¹⁹Mat gi here,Kuki namparasih tenga Ku mat here lei na barasih huang sa wuah.²⁰Kuki bakoi ekat berdoa mat gi here,tapi lei mat gi ulun-ulun sa percaya nihi Kuki nangkah pa waraan here, ²¹Mat here kaluhan jari isa,sameh nihi Kayo;mat here lei jari isa tangar huang takam hampe dunia harap Kayo lah sa haot mangutus Kuki.²²Kemuliaan sa haot na ami Kayo napot Kuki,haot naami Kuki gi here mat here jari isa,sameh ngalut Kayo nihi Kuki aye hio jari isa. ²³Kuki tangar huang here balalu Kayo naan ta huang Kuki,mat here jari isa sa penu e.nihi sameh hio,dunia sagar karasa bahwa Kayo lah sa mangutus Kuki,balalu bahwa Kayo ma ahi here,sameh ngalut Kayo ma ahi Kuki.²⁴Ui Ambah,Kuki kakan mat here,sa haot naami Kayo gi Kuki,naan lei hayak Kuki ta awe lei Kuki muneng,mat here nginni kemuliaan Ku, sa haot na ami Kayo gi Kuki,gene Kayo maahi Kuki samete dunia mulai naan.²⁵Ui Ambah sa adil,biar bo dunia bakoi kataru Kayo,tapi Kuki kataru Kayo;balalu here karasa bahwa Kayo lah sa mangutus Kuki. ²⁶Kuki haot mawara ngaran Kayo nihi here balalu sagar mawarawa e tarus mat kaahi sa nihi e Kayo ka ahi Kuki naan ta huang here,balalu Kuki naan ta huang here."

Yesus na japut ¹Udi Yesus mawara hal-hal iti,Aye tulak nihi murid-murid E gi sabarang hungei Kidron,uneng naan isa taman balalu Yesus suluk gi huang e nihi murid-murid E. ²Yudas,isa tekei murid sa menghianati Yesus,karasa lei taman hio gene Yesus gaha bakumpul nihi murid-murid E ta aro. ³Yudas,udi narime papire pasukan nihi walah-walah tekei imam-imam kepala nihi ulun-ulun Farisi,hawi gi taman hio nihi nunda lampu,obor,nihi senjata.⁴Yesus sa karasa kaluhan hal sa sagar jari nihi Aye,maju gi muka balalu nane tekei here,"hie lah sa nalupui kaon?" ⁵Here nuing,"Yesus tekei Nazaret."Yesus ngeau nihi here,"Kuki lah Yesus."balalu Yudas lei,sa menghianati Aye,mindri nihi here.⁶Katika Yesus ngeau,"Kuki lah Yesus,"ulun-ulun hio mundur balalu tumang gi tane. ⁷Udi hio,Yesus nane lagi nihi here,"hie lah sa nalupui kaon?"here nuing,"Yesus tekei Nazaret."⁸Yesus nuing,"haot na antuh Kuki nihi Kayo,Kuki lah Yesus.jari amun kayo nupui Kuki,elah e bo murid-murid Kuki ti tulak." ⁹hal iti jari mat genep lah paneran sa haot na antuh Yesus: "tekei kaluhan sa na ami Kayo gi Kuki,Kuki bakoi ka jawoh isa lei."¹⁰Simon Petrus,sa nunda isa pisau,nampalua pisau e balalu nampek e gi pelayan imam Besar,hampe netek silu kawan pelayan hio;aran imam Besar hio malkhus. ¹¹Maka, Yesus ngeau nihi Petrus,"tampasuluk pisau hio gi huang kumpang e! cawan sa haot na ami Ambah gi Kuki,bakoi lah Kuki harus ngoot e?"Yesus na tunda gi hadapan Hanas¹²Udi hio,here prajurit Romawi nihi perwira-perwira e palus here pelayan ulun Yahudi nyaput Yesus palus nuruk Aye, ¹³balalu labih dahulu nunda Yesus gi Hanas,umpu Kayafas,sa aye hio Imam Besar tangar taun hio. ¹⁴Balalu, Kayafas lah sa manasehat ulun-ulun Yahudi bahwa aye hio baguna amun erang kulun matei demi rakyat. Petrus bakoi mengakui Yesus¹⁵Simon Perus nihi erang kulun murid lain e nutah Yesus.murid sa lain hio na kataru ulah Imam Besar balalu aye suluk hayak Yesus gi huang halaman lewu Imam Besar. ¹⁶Tapi,Perus mindri ta luar,ta riet pintu.udi hio,murid sa lain hio,sa kataru nihi Imam Besar,waleng balua balalu bapander nihi wawei sa nyaga pintu,balalu nunda Petrus suluk.¹⁷Balalu,wawei sa nyaga pintu hio nane nihi Petrus,"bakoi lah kayo lei isa tekei murid lun hio?"Petrus nuing,"bakoi!" ¹⁸Udi nyamelum apui,here pelayan nihi perwira mindri ta aro gene wayah hio andrau marisak,balalu here nyanaing tenga rieet apui.Petrus lei hayak here,mindri nyanaing tenga e lei.Imam Besar nane nihi Yesus¹⁹Udi hio,Imam Besar nane nihi Yesusgene murid-murid E balalu gene ajaran E. ²⁰Yesus nuing aye,"Kuki haot bapander terus terang nihi dunia.Kuki tarus ngajar ta Sinagoge-sinagoge nihi Bait Allah,uneng kaluhan ulun Yahudi bakumpul.Kuki bakoi piji bapander benyem-benyem. ²¹wuah inon kayo nane tekei Kuki?tane bo nihi here sa haot ngarengei inon sa naantuh gi nihi here;here karasa inon sa haot na antuh Ku."²²Katika Yesus ngeau sameh hio,erang kulun penjaga sa mindri ta hio nampar rai E balalu ngeau,"sameh hio lah cara Nu nuing Imam Besar?" ²³Yesus nuing aye,"amun Kuki ngeau isa bo sa hala,tuti bo kahala e;tapi amun sa na antuh Kuki wuah,wuah inon kayo nampar Kuki?" ²⁴Blalau,Hanas ngirim Yesus nelang na huruk napot Imam Besar Kayafas.Petrus waleng bakoi mangaku Yesus²⁵Rahat hio,Simon Petrus masih mindri nihi nyanaing tenga e.balalu here nane nihi aye,"bakoi lah kayo lei isa tekei murid ulun hio?"Perus koi mangaku e balalu nuing,"bakoi." ²⁶isa tekei pelayan Imam Besar,sa aye hio babuhan tekei ulun sa silu e na tetek Petrus,ngeau,"bakoi lah kuki ngini kayo hayak Aye ta taman hio?" ²⁷hindra lagi Petrus bakoi mangaku e,balalu ta wayah hio lei,manu nandru. Yesus na tunda nadap Pilatus²⁸Udi hio, here nunda Yesus tekei uneng Kayafas gi gedung pengadilan mat here menajiskan tenga e,balalu iyuh kuman Paskah. ²⁹Maka,Pilatus balua nalu here palus nane,"inon kah tuduhan nu nadap ulun iti?" ³⁰Here nuing balalu ngeau nihi aye,"amun ulun iti bakoi ulun jahat,kami tentu bakoi nunda E napot kayo."³¹Pilatus ngeau nihi here,"tunda bo Aye balalu hakimi bo nutah hukum nu."ulun-ulun Yahudi hio nuing,"aye hio bakoi susuk hukum gi kami mat nukum matei erang kulun." ³²iti jari mat nampa genep paneran Yesus,sa nutui nihi pampatei sameh awe Aye matei.³³Maka,Pilatus suluk waleng gi huang gedung pengadilan balalu nerau Yesus,palus nane nihi Aye,"inon kah Kayo Raja ulun Yahudi?" ³⁴Yesus nuing,"inonkah tanean hio tekei tenga nu kakareb,atawa naan ulun lain sa mawara gene Kuki?" ³⁵Pilatus ngeau,"inon kah kuki erang kulun Yahudi?Bangsa nihi imam-imam kepala nu kakareb manyarah Kayo napot kuki.inon sa haot na ulah Kayo?"³⁶Yesus ngeau,"Kerajaan Kuki bakoi tekei dunia iti. amun Kerajaan Ku tekei dunia iti,pelayan-pelayan Ku pasti sagar nawan mat Kuki bakoi nasarah napot ulun-ulun Yahudi.tapi Kerajaan Ku bakoi tekei dunia iti." ³⁷Pilatus ngeau,"jari Kayo erang kulun Raja?" Yesus nuing,"Kayo lah sa ngeau bahwa Kuki aye lah Raja.mat ina lah Kuki lahir,balalu mat ina lah Kuki hawi gi dunia,aye hio mat bersaksi gene sa wuah.setiap ulun sa basasal tekei sa wuah sagar ngarengei lengan Ku."³⁸Pilatus ngeau nihi Aye,"inon kah sa wuah hio?"balalu,udi ngeau sameh hio,Pilatus balua lagi nalu ulun-ulun Yahudi,palus ngeau nihi here,"kuki bakoi kahalu kahala inon lei ta Aye. ³⁹Tapi kayo naan kebiasaan bahwa kuki harus nyanapas erang kulun tahanan tangar andrau Paskah.jari,inonkah kayo kakan mat kuki nyanapas`Raja ulun Yahudi iti?" ⁴⁰Here nuing lagi nihi kamiak,"ada nyanapas ulun iti,tapi Barabas!"Barabas aye hio erang kulun parampok.

¹Pilatus ngalap Yesus balalu nuyu mat Yesus na ompak. ²Here prajurit mapuru isa mahkota tekei jangkeng-jangkeng barunrui balalu ngopet e tangar ulu Yesus,balalu here makaian Aye nihi jubah ungu. ³here maju ngariet Yesus nelang ngeau,"Tabe,ui Raja ulun Yahudi!"balalu,here nampar rai E.⁴Pilatus balua lagi balalu ngeau nihi here,"inni lah!kuki nunda Yesus balua napot kaon mat kaon karasa bahwa kuki bakoi kahalu kahala inon lei ta Aye," ⁵Balalu,Yesus balua nelang makai mahkota runrui nihi jubah ungu.Pilatusngeau nihi here,"inni lah Aye!" ⁶katika imam-imam kepala kakinni Yesus,here kamiak,"salib kan Aye,salib kan Aye!"tapi,Pilatus ngeau nihi here,"tunda bo Aye balalu salib bo kakareb gene kuki bakoi kahalu kasala inon lei tangar Aye."⁷Ulun-ulun Yahudi hio nuing Pilatus,"kami naan hukum,balalu manurut hukum hio,Aye harus matei gene Aye nginam tenga E hio Anak Allah." ⁸Katika Pilatus ngarengei paneran hio,aye magin takut ⁹balalu suluk waleng gi huang gedung pengadilan,balalu nane nihi Yesus,"tekei awe kah asal Nu?"tapi Yesus bakoi nuing e.¹⁰Pilatus ngeau nihi Aye,"Kayo bakoi hakun bapander nihi kuki?inonkah Kayo bakoi karasa kuki naan kuasa mat ngabebaskan Kayo nihi naan kuasa mat nyalibkan Kayo?" ¹¹Yesus nuing,"kayo bakoi naan kuasa inon lei nihi tenga Kuki,kecuali kuasa hio na ami napot kayo tekei entu.hio lah gene e,ulun sa manyarah Kuki napot kayo labih hante dosa e."¹²Udi ngarengei hal hio,Pilatus ba usaha ngabebas Yesus,tapi ulun-ulun Yahudi kamiak,"amun kayo ngabebas uln iti,kayo bakoi lah sahabat Kaisar;satiap ulun sa nginam tenga e raja arti e nawan Kaisar." ¹³katika Pilatus ngarengei paneran hio,aye nunda Yesus balua,balalu maharung tangar kursi pengadlan,tangar isa uneng sa bangaran Litostrotos,tapi huang bahasa Ibrani na antuh Gabata.¹⁴Andrau hio aye hio persiapan mat Paskah,wayah hio sekitar jam ka enem.Pilatus ngeau nihi ulun-ulun Yahudi,"iti lah Rajanu!" ¹⁵Maka,here kamiak,"wunu bo Aye!wunu bo Aye!salib bo Aye!" Pilatus ngeau nihi here,"harus kah kuki nyalib kan Raja nu?"imam-imam kepala nuing,"kami bakoi naan Raja selain Kaisar!" ¹⁶Pangalis e,Pilatus manyarah Yesus nihi here mat na salibkan. Yesus na salibkan¹⁷Yesus balua nihi nunda salib E kakareb napot uneng sa bangaran "uneng tengkorak,"sa huang bahasa Ibrani na antuh Golgota" ¹⁸Tangar aro here menyalibkan Yesus hayak nihi rueh kulun lain,sa nasalibkan yangar tuhi kawan nihi kawi Yesus,balalu Yesus tangar penah.¹⁹Pilatus manulis lei isa tulisan balalu ngandak e tangar entu kayu salib,tulisan hio ba lengan,"YESUS ULUN NAZARET,RAJA ULUN YAHUDI." ²⁰Ajoh ulun Yahudi mambaca tulisan hio gene uneng Yesus nasalibkan hio naan tangar riet kota,balalu tulisan hio natulis huang bahasa Ibrani,Latin,nihi Yahudi.²¹Balalu,imam-imam kepala ulun Yahudi ngeau nihi Pilatus,"ada nulis,`Raja ulun Yahudi,`tapi tulis bo,ulun iti ngeau,`Kuki lah Raja ulun Yahudi." ²²Pilatus nuing,"inon sa haot na tulis kuki,sagar tatap tatulis!"²³Here prajurit,katika here haot nyalib Yesus,ngalap pakaian E balalu mambagi e jari epat,isa bagian mat gi masing-masing prajurit,lei jubah E; jubah hio bakoi naan kelim e,ekat na tenun tekei kapit bakoi na jahit. ²⁴here prajurit hio bapander sameh here,"ada bo takam minsit e,tapi ngumpe undi e mat mamutus e hie sa sagar kiuh e."hal iti jari mat genep lah sa tatulis huang Kitab Suci:"here mambagi-bagi pakaian Ku tangar sameh here balalu mat jubah Ku,here nawut undi."Maz. 22 : 18 Sameh hio lah here prajurit ngulah kaluhan hal hio.²⁵ta helang hio,ine Yesus,pulaksanai wawei ine Yesus,Maria harau Klopas,nihi Maria Magdalena,mindri riet salib E. ²⁶Katika Yesus nginni ine E nihi murid sa na sayang E mindri tangar aro,Aye ngeau nihi ine E,"wawei,inni bo,iti anaknu!" ²⁷Balalu,Yesus ngeau nihi murid sa nasayang E hio,"iti lah ine nu!"mulai waktu hio,murid hio narime ine Yesus muneng ta lewu e.Kapateian Yesus²⁸Udi hio,Yesus,sa karasa bahwa kaluhan e haot ta gawi,mat nampa genep Kitab Suci,Aye ngeau,"Kuki kalalah!" ²⁹Tangar hio naan isa kusi penu anggur maasem.gene hio,here nyusuk wunge karang sa haot na solop gi huang anggur maasem tangar isa watang hisop balalu nyurung e gi wawa Yesus. ³⁰Udi nyesep anggur maasem hio,Yesus ngeau,"haot galis jari."udi hio,Aye nyuntup ulu E balalu nyarah nyawa E.³¹Gene andrau hio aye lah andrau persiapan,balalu mat bangkai-bangkai hio bakoi tatap muneng ta kayu salib ta andrau Sabat,gene sabat aye hio andrau hante,ulun-ulun Yahudi lako nihi Pilatus mat pee ulun-ulun sa nasalib hio na pepet balalu bangkai-bangkai e na tampinau tekei salib. ³²Balalu, here prajurit hawi palus mepet pee ulun sa pangadahulue balalu sa lain e,sa na salib hayak Yesus. ³³Tapi,katika here hampe gi Yesus balalu nginni bahwa Aye haot matei,here bakoi nyantepu pee E.³⁴Tapi,isa tekei prajurit hio nyusuk doha e gi wawa atei Yesus,balalu waktu hio,ira leleh balua. ³⁵Ulun sa kakainni peristiwa hio lah sa ngami kesaksian iti,balalu kesaksian e bujur nihi aye karasa amun aye mawara sa bujur e,mat kayo harap lei.³⁶Gene,kaluhan iti jari mat genep lah sa haot tatulis huang Kitab Suci: "bakoi isa lei tekei tulang E sa nasantepu." ³⁷Balalu lei,huang bagian lain Kitab Suci ngeau,"here sagar nginni Aye sa haot na suduk." Yesus na ogang³⁸Udi kaluhan hio,Yusuf tekei Arimatea,sa lei murid Yesus tapi nihi masiok-masiok gene takut nihi ulun-ulun Yahudi,lako nihi Pilatus mat aye na huyu ngalap bangkai Yesus;balalu Pilatus ngalewa e.Jari,Yusuf tekei Arimatea hawi balalu ngalap bangkai Yesus. ³⁹Nikodemus,ulun sa sadi nalu Yesus ta andrau kamalem,hawi lei nihi nundsa campuran ilau mur nihi gaharu,sa weat e sekitar dime pulu kati.⁴⁰Blalau,here ngalap bangkai Yesus palus mungkus e nihi kain linen sa na ami rarampah,sameh adat penguburan ulun Yahudi. ⁴¹Tangar riet uneng Yesus na salib kan,naan isa taman balalu ta huang taman hio naan isa kuburan sa bio sa bakoi isa lei bangkai piji na andak ta aro. ⁴²Gene andrau hio aye lah andrau persiapan mat gi ulun Yahudi,balalu uneng ogang hio bakoi lawit,here ngandak bangkai Yesus ta aro.

Kabar hal Kebangkitan Yesus ¹Ta andrau ka isa minggu hio,Maria Magdalena tulak gi ogang Yesus kiat subuh tuu,katika andrau masih mieng,balalu here kakinni watu panutup ogang hio haot ta geser tekei ogang hio. ²Balalu,aye malempat palus nalu Simon Petrus nihi murid sa nasayang Yesus,balalu ngeau nihi here,"here haot ngalap Tuhan tekei ogang,balalu kami bakoi karasa ta awe herengandak E."³Balalu,Petrus nihi murid sa lain hio tulak gi ogang. ⁴kararueh e hayak nempat,tapi murid sa lain hio nempat diwi hinang tekei Petrus balalu aye hampe ba da hulu gi ogang. ⁵Aye nganining palus nginni gi huang,balalu kakinni kain linen pa mungkus bangkai Yesus baloyok ta aro,tapi aye bakoi suluk gi huang.⁶Udi hio,Simon Petrus hawi,nutah aye,balalu suluk gi huang ogang palus nginni kain linen pa mungkus baloyok ta aro. ⁷Balalu,kain panutup rai sa na huruk ta ulu Yesus bakoi baloyok hayak kain pamungkus huni,tapi haot ta puntal tangar uneng sa lain.⁸Udi hio,murid sa lain huni,sa dahulu hampe gi ogang,suluk lei.aye kakinni balalu harap. ⁹Gene,sa mete kajadian hio,here mete paham Kitab Suci,bahwa Yesus harus buan waleng tekei pampatei. Yesus nyantarang areb E nihi Maria Magdalena ¹⁰Jari,karueh murid hio mudi gi lewu.¹¹Tapi,Maria mindri ta wading ogang balalu nangis.nelang nangis,aye nginni gi huang ogang hio, ¹²Balalu aye kakinni rueh kulun Malaikat ba lama mahilak rahat maharung ta uneng bangkai Yesus na tampakading sa mete e.isa maharung tangar tuhi ulu balalu isa e tangar tuhi pee. ¹³Kararueh Malaikat hio nane nihi Maria,"Wawei wuah inon kayo nangis?"Maria nuing Malaikat hio,"here haot ngalap bangkai Tuhan kuki balalu kuki bakoi karasa ta awe here ngandak Aye."¹⁴Udi ngantuh sameh hio,Maria ngulik gi wading lutuk balalu kakinni Yesus mindri tangar hio,tapi bakoi karasa amun hio lah Yesus. ¹⁵Yesus nane nihi aye,"wawei,wuah inon kayo nangis?hie lah sa nalupui kayo?"gene nanguh Aye hio sa ngajaga taman,Maria ngeau nihi Aye,"Tuan,amun Tuan haot nampindah E,wara gi kuki ta awe Tuan haot ngandak E,balalu kuki sagar ngalap E."¹⁶Yesus ngeau nihi aye,"Maria,"Maria lei bawaleng palus ngeau nihi Aye huang bahasa Ibrani,"Rabuni,"sa arti e "guru." ¹⁷Yesus ngeau nihi aye,"ada bo kayo negei Kuki gene Kuki mete tulak napot Ambah.tapi,tulak bo gi pulaksanai-pulaksanai Ku palus eau napot here,`Kuki sagar tulak nutah Ambah Ku nihi Ambah nu,napot Allah Ku nihi Allah nu." ¹⁸Maria Magdalena tulak palus mawara gi murid-murid,"kuki haot kakinni Tuhan," balalu Yesus lah sa haot ngantuh hal-hal iti napot aye."Yesus nyantarang areb E napot murid-murid E¹⁹waktu andrau haot kamalem,aye hio andrau ka isa huang minggu hio,balalu wanawang-wanawang uneng here murid bakumpulna tutup gene here takut nihi ulun Yahudi,Yesus hawi balalu mindri tangar penah here nelang ngeau,"damai sejahtra bagi kaon!" ²⁰Udi ngantuh sameh hio,Yesus nyantarang tangan nihi wawaatei E napot here.here murid sanang tuu katika here kakinni Tuhan.²¹Udi hio,Yesus ngeau nihi here lagi,"Damai sejahtra napot kaon.sameh nihi Ambah mangutus Kuki,sameh hio lei wayah iti Kuki mangutus kayo." ²²balalu udi Aye ngantuh sameh hio,Yesus nyiwui here balalu ngeau,"tarime lah Roh Kudus! ²³Amun kayo ngampuni dosa erang kulun,maka dosa ulun hio na ampuni.Amun naan ulun dosa-dosa e bakoi na ampuni,maka dosa here bakoi naampuni."Yesus nyantarang Areb E napot Tomas²⁴Tomas,isa tekei ka dua belas murid,sa na antuh Didimus,bakoi naan hayak here waktu Yesus hawi. ²⁵Balalu,murid-murid sa lain mawara gi aye,"kami haot kakinni Tuhan."tapi Tomas ngeau nihi here,"kecuali kuki nginni bakas paku tangar tangan E balalu nampasuk kingking kuki gi huang bakas paku hio,balalu nampasuk tangan kuki gi huang wawa atei E,kuki bakoi sagar harap."²⁶Walu andrau udi hio,murid-murid waleng bakumpul tangar lewu hio,balalu Tomas naan hayak here.biar bo wawanawang tatutup,Yesus hawi balalu mindri tangar penah-penah here,balalu ngeau,"damai sejahtra gi kayo!" ²⁷Udi hio,Aye ngeau nihi Tomas,"sansolor bo kingking nu ta iti balalu andak bo tangar wawa atei Ku.ada bakoi harap,tapi harap bo!"²⁸Tomas nuing Yesus,"oi,Tuhan ku palus Allah ku!" ²⁹Yesus ngeau nihi aye,"inon kah kayo wayah iti harap gene kayo haot nginni Kuki?na berkati lah here sa bakoi ngini,tapi harap," Tujuan Yohanes nulis Kitab ina³⁰Masih ajoh tanda ajaib lain sa na ulah Yesus tangar hadapan murid-murid E,sa bakoi tatulis huang Kitab iti. ³¹Tapi,kaluhan iti na tulis mat kayo harap bahwa Yesus aye hio Kristus,Anak Allah,balalu mat nangkah kaharap nu hio,kayo kakiuh welum huang aran E.

Yesus nyantarang Areb mat gi pitu murid E ¹Udi hio,Yesus nyantarang tenga lagi mat gi murid-murid E tangar riet danau Tiberias.Aye nyantarang tenga E nihi cara sameh ina: ²Simon Petrus,Tomas sa naantuh Didimus,Natanael tekei Kana ta Galilea,anak-anak Zebedeus,balalu rueh kulun sa lain rahat bakumpul. ³Simon Petrus ngeau nihi here,"Kuki sagar tulak nyaput kenah."Here ngeau nihi Aye,"kami sagar tulak nihi Kayo."here kaluhan tulak balua balalu nyungkat gi jukung,tapi malem hio,here bakoi nyaput inon-inon.⁴Katika riet subuh,Yesus mindri tangar pantai,tapi murid-murid bakoi karasa bahwa hio lah Yesus. ⁵Aye ngeau nihi here,nakia-nakia,inon kah kayo naan kenah?"here nuing,"bakoi" ⁶Aye ngeau nihi here,"timbai bo lunta nu gi tuhi kawan jukung,balalu kayo sagar kiuh."balalu,here nimbai lunta,tapi bakoi kiuh ngenat e gi huang jukung gene ajoh kenah e.⁷Ulah gene hio,murid sa na sayang Yesus ngeau gi Petrus,"hio Tuhan!"katika Simon Petrus ngarengei bahwa hio Tuhan,aye nyuang lamma e gene aye bakoi ba lamma waktu bagawi,balalu mitun gi huang danau. ⁸murid-murid sa lain hawi nihi jukung balalu nyujut lunta sa penu nihi kenah hio.gene,here bakoi lawi tekei pampang, jarak e tanguhan 200 hasta. ⁹katika here hampe gi pampang,here kakinni waye apui nihi kenah sa na andak ta entu e balalu roti lei.¹⁰Yesus ngeau,"tunda papire kikui kenah sa bio bo na japut kayo." ¹¹Simon Petrus sungakt gi jukung balalu nyujut lunta sa penu nihi kenah hante hio gi pampang, jumlah e 153 kikui.biar kenah ajoh sameh hio,lunta e bakoi jabas.¹²Yesus ngeau nihi here,"ayu palus kuman bo."bakoi mangisa tekei murid-murid hio heei nane nihi Aye," hie lah Kayo?"gene here karasa bahwa Aye hio Tuhan. ¹³Yesus hawi balalu ngalap roti palus ngami e gi here. sameh hio lei na ulah Yesus nihi kenah hio. ¹⁴itilah katelu kali e Yesus nyantarang tenga napot here murid E udi Aye buang tekei helang ulun matei." Yesus ngalako Petrus menggembalakan Domba-domba E.¹⁵Udi here galis kuman,Yesus ngeau nihi Simon Petrus,"Simon,anak Yohanes,inonkah kayo labih sayang nihi Kuki tekei kaluhan e iti?"Petrus nuing,"bujur Tuhan,Kayo karasa bahwa kuki sayang Kayo."udi hio,Yesus ngeau nihi aye,"gembalakan bo domba-domba Ku!" ¹⁶Yesus ngeau lagi mat karueh kali e nihi aye,"Simon,anak Yohanes,inon kah kayo sayang Kuki?"Petrus nuing,"bujur Tuhan,Kayo karasa bahwa kuki sayang Kayo."Yesus ngeau nihi aye,"gembalakan bo domba-domba Ku!"¹⁷Yesus ngeau nihi aye ma katelu kali e,"Simon anak Yohanes,inon kah kayo sayang Kuki?"atei Petrus jari mahanang gene Yesus nane mat katelu kali e,"inonkah kayo sayang Kuki?balalu,Petrus ngeau nihi Aye,"Tuhan,Kayo karasa kaluhan e.Kayo karasa bahwa Kuki sayang Kayo!"Yesus ngeau nihi aye,"gembalakan bo domba-domba Ku! ¹⁸Kuki ngeau sa bujur e napot kayo,waktu kayo iya,kayo kakareb sa nuruk pinggang nu balalu takia gi awe bo kayo kakan;tapi waktu kayo jari matueh,kayo sagar ngansang tangannu balalu ulun lain sa nuruk pinggang nu,palus nunda kayo gi uneng sa bakoi na aheng kayo!".¹⁹Yesus ngantuh hal iti mat nyantarang nihi pampatei sameh awe Petrus sagar memuliakan Allah.balalu udi mawara hal hio,Aye ngeau nihi Petrus,"umma bo Kuki!"inon sa sagar jari nihi murid sa nasayang tuu Yesus ?²⁰Petrus ngulik balalu kakinni murid sa na sayang tuu ulah Yesus rahat nutah here.Aye hio murid sa maharung riet dada Yesus ta perjamuan kamalem palus nane,"Tuhan,hie kah ulun sa sagar menghianati Kayo hio?" ²¹Katika nginni aye,Petrus nane nihi Yesus,"Tuhan,kalawe nihi Aye?"²²Yesus nuing,"umpama Kuki kakan aye tatap welum hampe Kuki hawi waleng,inon urusan nu?kayo tutah bo Kuki!" ²³Balalu,panderan Yesus iti tersebar tangar helang pulaksanai-pulaksanai hio bahwa murid hio bakoi sagar matei,padahal Yesus bakoi ngantuh gi aye bahwa aye bakoi sagar matei,tapi ekat ngeau,"umpama Kuki kakan aye tatap welum hampe Kuki hawi waleng,inon urusan nu?"²⁴Aye lah murid sa bersaksi gene kaluhan hal iti,balalu haot manulis kaluhan iti,balalu takam karasa bahwa kesaksian e hio bujur. ²⁵masih naanajoh hal lain lagi sa haot na ulah Yesus,sa amun natuliskan isa ma ngisa,kuki nginam kaluhan dunia iti lei bakoi sagar sukup mat kaluhan kitab sa harus na tulis hio.[[ayt.co/Yoh]]