¹Chitabu cha mbari ya Yesu kiristo mwana wa Daudi, mwana Ibrahimu. ²Ibrahimu wekara ni ise wa Isaka, na Isaka ise wa Yakobo na Yakobo ise wa Yuda na nduguze. ³Yuda kara ni ise wa Peresi na Sera kwa Tamani , Peresi ise wa Hezeron na Nashora ise wa Ramu.⁴Ramu kara ni ise wa Aminadabu , Aminadabu ise wa Nashoni na Nashomu ise wa Salimoni. ⁵Salimon kara ni ise wa Boazi kwa Rahabu, Boazi ise wa Obedi kwa Ruth, na Obedi ise wa Yese. ⁶Yese kara ndiye ise wa mfalm Daudi . Daudi ndiye ise wa Sulemani kwa mchewe Uria.⁷Suleiman kara ni ise wa Rehobohamu, ise wa Abiya, Abiya ise wa Asa. ⁸Asa ise wa Yehoshafati, Yehoshsfati ise wa Yoramu, Yoramu ise wa Uzia.⁹Uzia ise wa Yothamu ise wa Ahazi, Ahazi ise wa Hezekia. ¹⁰Hezekia ise wa Manase, Manase ise wa Amoni na Amoni ise wa Yosia. ¹¹Yosia kara ni ise wa Yekonia na kakize kh'otsukura kumia Babeli.¹²Na ph'otsukurwa kumia Babeli, Yekonia kara ni ise wa Shatieli, kara ni tsaweye Zerubabeli. ¹³Zerubabeli ise wa Abiudi, Abiudi ise wa Eliakimu, na Eliakimu ise wa Azori. ¹⁴Azori ise wa Zadoki, Zadoki ise wa Akimu na Akimu ise wa Eliudi.¹⁵Eliudi kara ni ise wa Elieza, Elieza ise wa Matani na Matani ise wa Yakobo. ¹⁶Yakobo kara ni ise wa Yusufu mrume wa Mariamu, we mvyara Yesu aiwaye Kristo. ¹⁷Mbari zosi kuanzira Ibrahimu hadi Daudi kara ni mbari mirongo kumi ni na ine, kura Daudi hadi kutsukurwa Babeli nimbari mirongo kumi na ine na kuturuzwa kura Babeli hadi Kiristo ni mbari kumi na vine.¹⁸Kuvyarwa kwa Yesu Kiristo kwa kara hivi. Nineye Mariamu kara waph'oswa ni Yusufu, na kabla taadzambwe kutana chimwiri waonekana kukara na mimba kwa uwezo wa Mph'eph'era /mnono/. mng'aro. ¹⁹Mrumewe Yusufu kara ni mutu mongofu kayaronda kumtia haya. Kwa sirisiri achidosa shauri kumricha mchumbawe.²⁰Ph'okara naanza chitendo hichi, raraika ra dzumbe richimturukira usingizini usiku richimwambira "Yusufu mwana wa Daudi usiogoph'e kumtsukura Mariamu kama mcheo kwa kukara mimba ariyonayo ni kwa uwezo wa mph'eph'era mng'aro wa Mungu. ²¹Andavyara chidzana cha chirume dzinare andaiwa Yesu. ndiye mkombori wa atue na uyi wao.²²Higa gosi gaturukira kurungana na gara gonenwa ni Dzumbe kutsupira manabii, ²³Tunza (b,k) mwari andatsukura mimba na andavyara mwana wa chirume dzinare andamwih'a Imanuel - maanage "Mrungu ph'amwenga naswi".²⁴Yusufu waramuka usingizini na achienda gosi gararaika vyomragiza achimtsukura mchewe. ²⁵Vivyo hivyo kayammanya mchewe hadi ph'odzivugura mwana na achimwih'a Yesu.

¹Ph'okara Yesu wavyarwa Betherehemu ya uyahudi mitsi ga mfarume Herode atu osoma kura mashariki ga kure akwendza Yerusalemu achiuza, ²"akuph'i iye chevyarwa Mfarume wa Ayaudi? Waona nyezi mashariki naswi ukedza kumchitira mavwindi". ³Ph'asi mfarume Herode ph'osikira maneno iga wareya muno ph'amwenga na atu osi a Yerusalemu.⁴Herode waakusanya abaha a Makuhani aandisi a atu naye achiuza "Kiristo andavyarwa kuph'i? ⁵Nchimwambira ni hiko Betherehemu ya Uyahudi, kwa kukara ndivyo vyonenwa ni nabii, ⁶Uwe Betherehemu tsi ya Yuda, Kumdide kahi ya abah'a a Yuda, kwa kukara kwako kundatsimbukira mtawala ndearisa atu angu Israei.⁷Ph'ahi Herode achiahia ara asomi sirini achiauza nyezi yaonekana saa nyingaph'i. ⁸Achiaragiza Betherehemu achiambira, "Mihani kwa kudzifwitsafwitsa mmanye choph'ovyarwa hiyu mwana . Ndoph'omuona ndzoni mniambire nami nimihe nikamwabudu.⁹Ph'omsikira mfarume achianza charo chao na ira nyenyezi yo iona kura mashariki ichiarongoza mpaka ichiima dzuru ya ph'ovywarwa mwana. ¹⁰Ph'oiona ira nyenyezi aererwa muno.¹²Achiinjira nyumbani na kumona mwanachevyarwa na nine Mariamu. Achisujudu na kumwabudu. Achivugura vimbweta vyao achimuph'a mwana tunu zao za dhahabu, uvumba na manemane. ¹¹Mrungu achiafunda dzozini asiuye kwa Herode, achiukira njira yanjina achimia vyao.¹³Ph'ouka raraika ra Dzumbe richimwambira Yusufu usinjizini "Ramuka mtsukure mwanao na nine mchimbirire misri sagarani iko hadi ndoph'oambira kwa kukala Herode anamuenza mwana amorage. ¹⁴Usiku huohuo Yusufu achiramuka achimtsukura mwana na nine na kuchimbirira misri. ¹⁵Wasagara hiko hadi Herode ph'ofwa. Higa gatimizwa tsa Dzumbe vyonenwa kutsapira manabii "Kura misri namwiha mwanangu'.¹⁶Herode ph'oona akaufwa ni asomi wareya muno. Achiragiza ana osi achirume enye myaka miiri na tsini asagarao Beterehemu na osi kwenye sehemu zanjina aoragwe.¹⁷Hiph'a ni iph'ara rira neno ronenwa ni nabii Yeremia, ¹⁸'Mvumo wasichika ramah, chiriro na masononeko mabaha, Rahel achiariria anae na warema kugwirwa moyo kwa kukara anae taaph'o tsona.¹⁹Herode wofwa, tunza raraika ra Dzumbe richimturukira Yusufu usinjizini hiko misri richimwambira, ²⁰Ramuka mtsukure mwanao na nine muuye tsi ya Isirael kwa kukara yuya kara arondaye kumoraga mwana wafwa. ²¹Yusufu achiramuka, achimtsukura mwana na nine achiuya Israel²²Ph'osikira kukara Arekalau ndiye wetawazwa mfarume hiko yuda ph'atu ph'a ise Herode achiogoph'a kumia hiko. Dzumbe Mrungu usinjizini achimuonya naye achimia mudzi wa Galilaya. ²³Hiko wamia kusagara mudzi wa Nazareti. Hiri ra timizwa kama maneno ga unabii vyo nena kukara andaiwa Mnazareti.

¹Sikuzira Yohana Mbatizadzi wakwedza tsi ya Yuda chidzeni achinena, ²Dzinyenyekezeni kwa kukara udzumbe wa mbingu uph'eph'i. ³Kwakukara hiyu ndiye wenenwa ni nabii Isaya achinena, "mvumo wa mutu riraye chidzeni; ikani tayari penjere ya Dzumbe, sogorosani penjere atsapaph'o".⁴Yohana kara akavwara madzoya ga ngamia makanda wa chingo ya mbuzi chununi. Kandeye kara ni nzije na asali ta tsakani. ⁵Ph'ahi Yerusalemu, Yuda yosi na tsi izungurukayo muh'o Yorodani achimrunga. ⁶A abatize muh'o Yorodani hiku achitubia ubananzi wao.⁷Naye ph'oona Mafarisayo na Masadukayo anji aredza kubatizwa, achiaambira "Mwi ana a nyoka enye sumu, ni yuph'i weambira mchimbire tsukizi yedzayo? ⁸Vyarani manono gapasayo kutubu. ⁹Na msedze kunena kukara mnasowe yenu aiwaye Ibrahimu. Naambira kukara Mrungu anaweza kumuph'a Ibrahimu ana kura iga mawe hiph'a.¹⁰Mkaikirwa tayari shoka kwenye mizi ya mih'i. Kwahiyo kila muh'i soovyara matunda manono undakatwa na kutuv'wa moh'oni. ¹¹Naabatiza kwa madzi mtubie, era iye aedzaye mbereni ni mbah'a kuriko mimi wala siweza hata kutsukura viatuvye. Iye andaabatiza kwa mph'eph'e mng'aro na kwa moh'o. ¹²Na rungore anaro mkononi kuph'eh'a nganoye ghalani. Na andaocha wiswa kwa moh'o soozimika.¹³Chimara Yesu achetsa kura Galilaya mpaka muh'o Yorodani achibatizwa ni Yohana. ¹⁴Era Yohana waronda kurema kumbatiza achinena" Mimi naronda nibatizwe ni uwe chimara uwe uredza kwangu? ¹⁵Yesu achiandura achinena ' Ruhusu hivi sasa kwa kukara ndivyo irondwavyo ili kutimiza haki yosi. Yohana achimruhusu / achimkubalia.¹⁶Tunza baada ya kubatizwa Yesu achituruka madzini, na tunza Mbingu zichifwenuka. Na achimuona peph'o mng'aro wa Mrungu anatserera kwa mfano wa njiya na achiima dzuruye. ¹⁷Tunza mvumo kura mbinguni uchinena ' Hiyu ndiye mwanangu nimmendzaye muno.

¹Chimara Yesu warongozwa ni peph'o muyi hadi chidze ili ajezwe. ²Kara wa funga kwa siku arubaini mutsi na usiku achiona ndzara. ³Mjezaji achedza achimwambira, ' Kama uwe u mwana wa Mrungu garuza iga mawe gakare mkah'e. ⁴Phah'o Yesu achiandura achimwambira' gaandikwa mutu kasagara kwa kuya mkah'e macheye bali kwaneno rinenwaro ni Mrungu.⁵Chimara peph'o muyi achimph'irika mudzi mng'aro achimuika dzuru sana ya dzengo ra hekalu, ⁶Nakumwambira / achimwambira "kama uwe u mwana wa Mrungu dzitsuph'e ph'otsi kwa vira gaandikwa "Andatsereza mararaika aedze kumtsukura dzurudzuru na anda muinura mikononi usedze ukadzikwara na tsiwe".⁷Yesu achimwambira, Tsona gaandikwa usimjeze Dzumbe Mrunguo. ⁸Chimara achimtsukura na kumfisa dzuru zaidi, na kumuonyesa unono wosi wa ulimwengu na faharize. ⁹Achimwambira nindakuph'a vyosi hivi mradi unisujudie na kuniabudu.¹⁰Chimara Yesu achimuambira " Miavyako peph'o muyi, kwa vira gaandikwa kukara umwabudu Mrungu macheye na kumwendera kazi macheye. ¹¹Tunza peph'o muyi achimricha, na mararaika kachedza kumwendera kazi.¹²Ph'ah'i ph'osikira kukara Yohana akagwirwa wamia hadi Galilaya. ¹³Wauka Nazareti achimia kusagara Kaperanaumu mchechemo na Bahari ya Galilaya, miph'akani mwa mwidzi na Zabuloni na Naftali.¹⁴Higa gaendeka kutimiza gonenwa ni nabii Isaya," ¹⁵Kwenye mdzi wa Zabuloni na Naftari kuelekea Baharini ng'ambo ya Yorodani Galilaya ya mataifa! ¹⁶Atu asagara djizani aona mng'aro mbah'a na ara kara sagarao chivuli cha kufwa mng'aro uchiaang'arira.¹⁷Kuanzira hiph'o Yesu achianza kuhubiri na kunena" Tubuni kwa kuhara udzumbe wa Mrungu uph'eph'i."¹⁸Ph'okara ananyendeka ufukweni mwa Bahari ya Galiilaya, achiona ndugu airi, Simoni aiwaye Petero na Andrea kakiye, anaega nyavu zao baharini, kwakukara h'ano ni avuvi. ¹⁹Yesu achiaambira "Ndzon"i mnirunge, nindaaenda avuvi a atu. ²⁰Maramwenga aziricha nyavu zao achimrunga.²¹Kura hiph'o achiona ndugu airi anjina Yakobo mwana wa Zebedayo na Yohanakakiye. Kara akwenye mtumbwi na ise yao Zebedayo anashona nyavu zao, achiaia. ²²Mara mwenga aricha nyavu zao na mtumbwi na ise yao achimrunga.²³Yesu wanyendeka Galilaya yosi achifundisha kwenye nyumba za ibada achihubiri injili ya Udzumbe na kuph'oza makongo mbali mbali. ²⁴Habarize zichisikirwa Siria nzima,na atu achiareh'a akongo a aina mbali mbali, enye peph'o mbaya, chifwafwa na akuph'oroza, achiaph'onya. ²⁵Atu anji muno amrunga kura Galilaya, na Dekapoli na Yerusalemu na Uyahudi na hata kura ng'ambo ya Yorodani.

¹Yesu ph'oona unji wa atu achiuka achimih'a Mwangoni. Ph'ofika achisagara ph'otsi anafunzie achimrunga. ²Wafwenura chivwache achinena, ³Heri ario achiya a moyo kwa vira ufalme wa mbinguni ni wao. ⁴Heri asononekao kwa maana andaph'ozwa myoyo.⁵Heri azizimizao maana andarithi ntsi. ⁶Heri enye ndzara na chiru hao andamvunyizwa. ⁷Heri enye Rehema maana hao andawewa Rehema. ⁸Heri enye myoyo minono kwa maana andamuona Mrungu.⁹Heri apatanishao kwa maana andaiwa ana a Mrungu. ¹⁰Heri ateswao kwa haki maana hao Udzumbe wa Mrungu ni wao¹¹Heri hao aramizwao na kuteswa na kunenwa kwa uyi na kwa ruanzo kwa ajili yangu. ¹²Endani chinyemi na kupiga njerejere kwa kukara mariph'o genu ni mabah'a Mbinguni, Vivi hivi ndivyo vyotesa manabii iph'o kare.¹³Mwimwi mu munyu wa tsi. Chikara munyu undaangamiza utamuwe si munyu tsona niwakutsuph'a kondze uvyogwe ni atu. ¹⁴Mwimwi m nuru ya tsi. Mudzi choodzengwa dzuru ya mwanga taufwitsika.¹⁵Pia atu taasha taa akaifwitsa chikaph'uni bali ph'atu ph'a dzuru iangaze ndani ya nyumba. ¹⁶Richani nuru yenu ing'are mbere za atu kiasi cha kuona uzuri wa mambo muendago na kumph'asifa sowe yenu wa mbinguni.¹⁷Sikedza kubananga sheria wala unabii. Sikedza kuibananga bali kuitimiza. ¹⁸Naambira ukweli mpaka Mbingu na tsi zitsape taph'andakara hata na dakika mwenga ndoyousa sheria hadi hiph'o kila chitu ndoph'otimizwa.¹⁹Yeyosi avundzaye sheria ndide kati ya hizi na kuafundisha anjina kuenda vivyo andakara mdide kwenye ufalme wa Mrungu. ²⁰Naambira kukara haki yenu soph'ozidi ira ya waandishi na Mafarisayo katutamndai njira kwenye udzumbe wa mbinguni.²¹Mwasichirs kare yanenwa ' Usiorage' na yeyosi aoragaye andahukumiwa. (Na yeyosi amwambiraye nduguye kukara kafaa andadzitia kwenye hatari baraza). ²²Naambira yeyosi amsinywaye nduguye anahatari ya hukumuni. Na yeyosi amwambiraye nduguye kufaa andatiwa barazani. Na yeyosi anenaye, uwe u mjinga andakara kwenye hatari ya moh'o wa kuzimu.²³Kwa ivyo kama unaravya sadaka madhabahuni na unakumbuka kukara mkagombana na nduguyo, ²⁴Iriche hiyo sadaka madhabahuni chimara mia vyako. Kapatane na nduguyo chimara uedze kuravya sadakayo.²⁵Suluhishana na mshitakih'o upesi wakati mph'amwenga njirani kumia mahakani vinjinevyo mshitakio anaweza kukutsuma mikononi mwa hakimu na hakimu akuriche kwa askari nawe undatsuv'wa gerezani. ²⁶Amini naambirani kundaka huru mpaka ndoph'oriph'a tsentse ya mwisho udaiwayo.²⁷Mwasikira kukara 'Usizini'. ²⁸Ph'ahi naambira yeyosi amtunzaye mchetu kwa matamanio akazini kare moyoni mwakwe.²⁹Kama dzitsoro ra kurume rinakutia mjezoni ring'ore uritsuphe kure nawe. Kwa kukara niafadhali chiungo chimwenga mwirini chibananzike kuriko mwiri mzima utsuph'we jehanamu. ³⁰Na kama mkonoo wa kurume undakutia majezoni na kudzikwara nao ukate uutsuph'e kure nawe, kwa kukara ni afadhali chiungo chimwenga chiangamike kuriko mwiri mzima utsup'we jehanamu.³¹Yaandikwa pia yeyosi amzoraye mchewe na amuph'e taliki. ³²Mimi naambira yeyosi amrichaye mchewe soph'okara kwa sababu ya zinaa anamuenda mzinzi. Na yeyosi amuroraye baada ya kurichwa a.naenda uzinzi³³Tsona mwasikira hiph'o akare 'Msiape kwa ruanzo bali fisani viraph'o vyenu kwa Dzumbe". ³⁴Naambira pia msiape hata chidide kwa mbingu kwa kukara ni enzi ya Mrungu; ³⁵Wala kwa ntsi ni ph'atu ph'a kuika chihi cha kuvyogera nyayoze, ama kwa Yerusalemu kwa maana ni mudzi wa mfalme mkuru.³⁶Wala usiape kwak chitwacho kwa kukara kuweza hata nyere mwenga kuinda nyereru au nyiru. ³⁷Kwa hiyo maneno genu gakare 'hewala. hewala, Taph'ana taph'ana kwa kukara gazidigo igo gara kwa muyi.³⁸Mwasikira ganenwa Dzitso kwa dzitso na Dzino kwa dzino; ³⁹Bali mimi naambira msirumbane na mutu muyi, bali mutu achikupiga funda ra kurume mgaruzire na ranjina pia.⁴⁰Na kama mutu aronda akufise mahakamani na akakufuta kanzuyo mrichire na joho pia. ⁴¹Na yeyosi akukungumizaye kumia naye maili mwenga mfise mbiri. ⁴²Na yeyosi akuvoyaye muph'e usimdunye na wala usimchimbire arondaye kukukopa.⁴³Wasikirs ganenwa "Mmendze jiraniyo na umsinye aduiyo. ⁴⁴Bali mimi ( Lakini) mimi naambira amendzeni adui zenu, avoyereni sooamendza, ⁴⁵Ili mpate kukara ana a sowe yenu wa Mbinguni. Kwa kukara anaenda dzuwa kwa atu ayi na anono, na ananyesera mvura kwa ayi na anono.⁴⁶Kama mndaamendza muamendzao mwimwi mndapata thawabu iph'i? Hata atoza ushuru anaenda gago higo. ⁴⁷Na kama mchiaramusa ndugu zenu tu mndapatini zaidi ya anjina? Je! atu amataifa taaenda gago higo? ⁴⁸Kwa iga inaapasa mkare akamilifu tsa arivyo mkamilifu sowe yenu wa Mbinguni.

¹Richa kuenda mambo ga haki mbere za atu ili kudzionyeshasa kwa atu kundapata thawabu yoyosi kura kwa sowe wa Mbinguni. ²Ph'ah'i uravyaph'o usipige dzogo/ kururu na kudzinadi mwenye, kama anafiki aendavyo masinagogini, na mitaani, ili atogorwe,naambirani hano akaph'okera kare thawabu yao.³Ph'a uwe uravyaph'o mkono wa kumotso usimanye chiendwacho ni mkono wa kurume, ⁴Kwa hiyo ravya tununyo kwa siri. Ndiph'o sowe aonaye sirini ndoph'okuph'a thawabuyo.⁵Na wakati uvoyav'o msikare kama kwa kukara mnamendza kuima na kuvoya kwenye masinagogi na kwenye perenje za mutsi ili mtunzwe ni atu.Naambirani hano akawewa thawabu yao kare ⁶.Lakini uwe uvoyaph'o injira chumbani. Funga myango na uvoye kwa sowe ariye sirini. Ndiph'o sowe aonaye sirini andoph'okuph'a thawabuyo. ⁷Na uvoyaph'o usiuyire uyire maneno sogofaida kama a mataifa gaendavyo achidhani anasikirwa kwa maneno gao manji anenago.⁸Usikare kama hao kwavira sowe anamanya mahitadzigo hata kama kudzambwe mwambira. ⁹Ph'ahi voya hivi: Baba yehu uriye mbinguni, Dzinaro riere. ¹⁰Udzumbeo wedze, Urondavyo viendeke hiph'a tsini dza vihendekavyo mbinguni.¹¹Uh'ume rero kande za rero. ¹²Uhusamehe ubananzi weh'u dza swiswi chovyo sehemu choohubanangira. ¹³Usihuph'irike mjezoni, Era uhutizye mayini:¹⁴Kwani udzumbe nanguvu na unono ni wako kare na kare. Kama mndaasehemu atu mayi gao sowe wa mbinguni pia andaasehemu namwi. ¹⁵Chikara tamndaasehemu mayi gao namwi tamndasehemiwa mayi genu.¹⁶Kurungana na igo, ufungaph'o usionyese sura ya kusinywa kama anafiki aendavyo, anakundza amanyise kukara akafunga. Naambirani hano akawewa thawabu tayari. ¹⁷Lakini uwe ufungaph'o sara mafua chitswani na utsukutse usoh'o. ¹⁸Hivyo atu taandamanya kukara ukafunga nayo indakara kwa sowe ariye sirini, Nawe undawewa thawabuzo.¹⁹Usidziikire malizo hiph'a tsi ambaph'o nondo na kutu anazibananga na aivi anaziiya. ²⁰Badalaye dziikire hazinayo mbinguni ambaph'o takuna nondo wala kutu taziweza kuzibananga na wala aivi taweza kuvundza na kuiya. ²¹Ndoph'okara na azinayo ndiph'o na moyoo ndoph'okara pia.²²Dzitso ni taa ya mwiri, kwahiyo kama dzitsoro ni zima, mwirio wosi undaodzazwa nuru. ²³Lakini kama dzitsoro ni kongo, mwirio wos ukaodzara jiza totoro. Kama nuru uriyonayo ni jiza (baha) hasa, ni jiza chiasi hicho. ²⁴Takuna hata mtu mmwenga awezaye kuh'umirwa ni abaha airi, kwa vira andamsinya mmwenga na kummendza wanjina, tamuweza kuhumirwa ni Mrungu na mali.²⁵Kwahiyo nakuambira usikare na dzogofyo ra maisha kukara undayani au undanwani au undavwarani. Je! maisha si zaidi ya kande au mavwazi? ²⁶Tunza videge chovyoodzara angani. Hano taavuna wala taakusanya na kuika darini, lakini sowe yenu wa Mbinguni anaarisa. Je! mwimwi si athamani zaidi?²⁷Ni yuph'i kahikahi yenu awezaye kudziongeza hata dhiraa mwenga kwenye maishage? ²⁸Na ni viph'i mnawasiwasi wa mavwazi? Hebu tunza maruwa mndani gakuravyo. Tagaenda kazi wala tagaweza kudzivwika. ²⁹Bado ninaambira hata Sulemani kwenye utukufuwe kayavwikwa kama mwengawaph'o wa iga maruwa.³⁰Chikara Mrungu anavwika maruwa gamndani ambago ganadumu kwa siku tu muondo ganaochwa mohoni, Je! ni chiasi gani ndovyoriswa mwimwi enye imani ndide? ³¹Ph'ahi msikare na wasiwasi kukara undayani? auJe undanwani au Je undavwarani?³²Anamanya kukara mataifa ganaenza mambo higo, na sowe yenu wa Mbinguni anagamanya mahitaji gao. ³³Lakini enzani udzumbe na hakiye na iga gosi mndawewa. ³⁴Ph'ahi usikare na mashaka na muondo kwa kukara muondo indadzishughulikia yenye

¹Usimtie myao malauni, usedze nawe ukatiwa malauni. ²Hukumu umukumuyo myao undahukumiwa vivyo. Na chipimo umpimiracho myao, nawe undapimirwa chicho hicho³Kwani unatunza chibanzi cha muhi dzitsoni kwa nduguyo, Ni viph'i bila kutunza chidzigogo uricho nacho dzitsoni mwako? ⁴Unamwambiradze nguguyo godza nikuturuze chibanzi dzitsoni mwako, wakati uwe mwenye unachipande cha chigogo dzitsoni? ⁵Uwe si mutu chesalifika, tongorya kuravya chigogo dzitsoni mwako, ndiph'o uravye chibanzi dzitsoni mwangu.⁶Usiaph'e madiya chitu mng'aro, wala usiatsumire nguruwe lulu. Andakugarukira avivyogevyoge chimara akukatekate vipande pande.⁷Voya nawe undawewa, Enza nawe undapata, Gong'onda undavugurirwa. ⁸Kwa yeyosi avoyaye anaph'ochera, Na kwa yeyosi aenzaye andaph'aha na agong'ondaye andavugurirwa. ⁹Dje! kunamutu kwenu mwanawe achimvoya mkahe anamuph'a dziwe? ¹⁰Au achimvoya ng'onda anamuph'a nyoka?¹¹Kama mwimwi atu ayi mnamanya kuaph'a anaenu vitu vinono, dje Mrungu wa mbinguni kandaaph'a zaidi vitu vinono ara amvoyao? ¹²Ph'ahi uchironda kuenderwa jambo ama chitu chochosi ni atu anjina, nawe indakupasa uaendere vivyo. Kwa kukara hiyo ndiyo sheria ya manabii.¹³Injirani kwa kutsapira penjere finyu. Kwa kukara ira njira pana inamiha ubananzini na ndiyo itsapirayo atu anji. ¹⁴Ino penjere finyu, myangowe pia ni mfinyu ndiyo imiayo kwenye mkaramo na niachache ndootsupira penjere hino.¹⁵Karani matso na manabii aruanzo choovwara chingo ya ng'onzi kumbavi ni simba mrara. ¹⁶Hano undaamanya kwa matunda.Dje! unaweza kuvuna matunda kwenye miya, ama kuph'aha mbeyu ya mtini kwenye mbaruti? ¹⁷Hiph'a kila muhi mzuri undavyara matunda mazuri, bali muhi muyi undavyara matunda ga hovyo.¹⁸Muhi mzuri tauweza kuvyara matunda mabaya, wala muhi mbaya tauweza kuvyara matunda mazuri. ¹⁹Muhi soovyara matunda mazuri undakatwa na kutsuph'wa mohoni. ²⁰Ph'asi undaamanya kwa matunda gao.²¹Si chira mutu ndeniambiraye Dzumbe Dzumbe andainjira mkaramoni bali ni iyuya macheye ndeenda maphenzi ga Bhabha ariye mbingunu. ²²Anji siku hiyo andaniambira Dzumbe Dzumbe, tauyaravya unabii kwa dzinaro, tauyaravya peph'o ayi kwa dzinaro, na kwadzinaro waenda manji mabaha baha? ²³Ndiph'o ndoph'oambira chinaganaga siamanya mwimwi, ukani kwangu mwimwi atu ayi.²⁴Phah'i kila asichiraye maneno gangu, andamvanana na mutu wedzenga nyumbaye dzuru ya mwamba. ²⁵Mvura yanya na mafuriko gachedza na kusepia ichiipiga ira nyumba bali taiyagwa, kwa kukara yadzengwa dzuru ya mwamba.²⁶Yeyosi asikiraye neno rangu asiritii andamvanana na mutu seachiri wedzenga nyumbaye dzuru ya mtsanga. ²⁷Mvura ichedza na mafuriko na chikurukuru na kuipiga nyumba ichigwa, uharibifuwe uchikamilika.²⁸Wafika wakati Yesu ph'omara kunena maneno iga mwaswa wa atu achimakizwa ni mafundishoge. ²⁹Wafundisha kama Dzumbe mkuu si kama hao aandishi ao.

¹Yesu wakati ph'otserera ngura mwangoni, mwaswa wa atu uchimrunga. ²Tunza mutu mwenye maana wakwedza achimwinamira achinena "Dzumbe amba undamendza nitakasa / niph'oza. ³Yesu wagorosa mkonowe achimguta, achimwambira, "nikamendza, uka ukaph'ora" ph'aph'o hiph'o maana achiph'ora.( Tunza usimwambire mutu yeyosi).⁴Tunza usimwambire mutu yeyosi. Gwira njirayo ugatsionyeshe kwa makuhani na uravye tunu ambayo Musa waragiza kwa ajili ya ushuhuda kwao.⁵Yesu ph'ofika kapernaumu wakwedza jemadari achimuuza achinena ⁶"Dzumbe msunya wangu arere nyumbani akaph'oroza anamatsungu muno. ⁷Yesu achimwambira "Nindakwedza nimph'oze"⁸Jemadari achimwambira "Dzumbe mimi ni yuph'i hata wedze na kuinjira kwenye dari yangu, nena neno tu msunya wangu andaph'ora. ⁹Kwa kukara mimi pia ni mtu mbaaha ninao askari ariyo tsini yangu. Nchinena kwa hiyu miha anamiha, wanjina nichimwambira ndzo aredza, na kwa msunya wangu enda hivi naye anaenda. ¹⁰Yesu ph'osikira maneno higa wamaka na kuambira ara kara amrungao naambirani sidzambwe ona mutu mwenye imani kama hiyu Israel nzima.¹¹Naambira anji andakwedza kura mashariki na Magharibi, na kusagara ph'amwenga na Abrahimu, Isaka na Yakobo kwenye udzumbe wa mbinguni. ¹²Bali ana a ufalme andatsuphwa jizani kondze kwenye chiriro na kuafuna meno. ¹³Yesu achimwambira Jemadari"Miha vyako chovyoamini vikaendeke kwako'. Na msunya waph'ora ph'aph'o hiph'o.¹⁴Yesu ph'ofika nyumbani kwa Petero, wamuona nine vyara anahoma arere. ¹⁵Yesu achimguta mkonowe, na homa richiph'ora ph'aph'o hiph'o, achianza kuahudumia.¹⁶Ph'ofika dzironi Yesu wareherwa atu anji enye peph'o ayi achiazora na ara akongo anjina achiaph'oza. ¹⁷Kwa jinsi hino gatimia gara maneno gonenwa ni nabii Isaya 'Iye mwenye watsukura makongo gehu na maradhi".¹⁸Yesu ph'oona mwaswa wa atu waravya maragizo ga atu amie upande wanjina wa Bahari ya Galilaya. ¹⁹Chimara achedza Mwandishi achimwambira' Mfuzi, nindakurunga ph'oph'osi umiaph'o. ²⁰Yesu achimwambira, Madzogo gana mashimo na ndege aangani ana vitumbi vya kurara, bali mwana wa Adamu ph'atu ph'akuraza hata chitwache kana.²¹Mwanafunzi wanjina achimwambira, "Dzumbe navoya nimie nikamzike bhabha". ²²Yesu achimwambira, nirunga richa afu azike afu hao.²³Yesu ph'oinjira kwenye mtumbwi anafunzie achimrunga. ²⁴Tunza kwakara na chikukuru chibaha mtumbwi uchibwinikwa, Yesu kara arere. ²⁵Anafunzie achedza kwakwe achimramusa achinena," Dzumbe utirye unafwa".²⁶Yesu achiaambira mbona mnaogoph'a atu enye migwirire midide? Ndiph'o ph'oramuka achiufokera ( Mph'eph'era) chikurukuru) na bahari kuchitengamaa/ kuchikara chimya muno. ²⁷Arume achigwira nchimako achinena, Hiyu ni mutu wa viph'i, ambaye hata chikurukuru na bahari zikamvotwa?²⁸Yesu ph'okwedza upande wanjina wa ntsi ya Magadala, arume airi wogrirwa ni peph'o muyi achikutana naye. Kara ara mararoni na kara anaenda vurugu muno chiasi kwamba acharo ashindwa kutsapa kwenye hiyo penjere. ²⁹Tunza achiravya mvumo mbaha muno, achinena, Unani nawe we mwana wa Mrungu? Ukedza kuutesa kabla ya wakati wehu?³⁰Ph'ahi kara ipha' ph'eph'i kuna kundi ra nguruwe arisao na kara si kure na iph'ara arimo ao, ³¹Peph'o muyi achirarama kwa Yesu achimwambira, "Ph'ahi kama ni hivyo ufise ukainjire kwa hao nguruwe". ³²Yesu achiambira "Miani" Peph'o ayi achiaturuka achiainjira nguruwe. Na tunza kundi rosi richitserera mwangoni hadi baharini achifwa osi madzini.³³Ara arume kara arisao ano nguruwe achichimbira. Ph'ofika madzini achinena mambo gosi chogoturukira kwa ara atu wogwirwa ni peph'o ayi. ³⁴Tunza mudzi mzima wakwedza kuktana na Yesu. Ph'omuona achimvoya auke mkoani mwao.

¹Yesu achiinjira kwenye ngarawaye achitambukira kwenye mudziwe. ²Tunza achimrehera mutu we poroza cherazwa kwenye godoro. Ph'oona migwirire yao, Yesu achimwambira yuya mutu wa kuph'oroza, "Mwanangu (kara) (chinyemi) hererwa, umbananzio ukauswa".³Tunza achache ya alimu na ana sheria achinong'onezana enye kwa enye. Achinena " hiyu mutu anakufuru". ⁴Yesu wamanya mawazo gao, achinena" Mbona mnaaza mambo mayi myoni mwenu? ⁵Chiyuya ni chiph'i kumwambira" Ubananzio ukauswa, au kumwambira" Ima umie vyako? ⁶Ph'ahi mmanye kukara mwana wa Adamu ana uwezo wa kusehemu ubananzi" wanena higa yuya mutu wa kuph'oroza "Ima, tsukura godoroho umie vyako nyumbani kwenu.⁷Ndiph'o yuya mutu ph'oima achimia vyakwe kwao. ⁸Mwasu wa atu ph'oona higa amaka na kumtogora Mrungu weaph'a atu uwezo huo. ⁹Bhahi Yesu ph'ouka achimia vyakwe, wakutana na mutu aiwaye Matayo, asegere ph'eph'i na atoza ushuru. Naye achimwambira, "Nirunge mimi" Naye achiima achimrunga.¹⁰Ph'ahi Yesu ph'osagara ili arye kande ph'ara nyumbani, akwedza atoza ushuru na atu ayi achiya kande ph'amwenga nao na anafunzie. ¹¹Ndiph'o Mafarisayo ph'oona higa, achiambira anafunzie 'Ni viph'i mbona mfuzi wenu anarya kande ph'amwenga na atoza ushuru na atu ayi?¹²Yesu ph'o sikira higa, achinena"Atu enye afya (azima) taaronda mtibabu, ila ara akongo. ¹³"Inaapasa mmie kumkadzifunzi maanage, "Namendza rehema wala si dhabihu" kwa kukara nakwedza si kwa enye haki kutubia, nakwedza kwa enye ubananzi.¹⁴Ndiph'o anafunzi a Yohana achedza kwakwe achinena" Mbona swiswi na Mafarisayo unafunga, bali anafunzio taafunga?" ¹⁵Yesu achianbira, Dje asindikizao arusi anaweza kukara na masononeko achikara ph'amwenga na mrozi? Bali siku ziredza ambaph'o mrozi andatsukurwa kura kwao (andafutwa ndiph'o ndoph'ofunga.¹⁶Takuna mutu wetiya chiraka chivya kwenye nguwo ya kare, ndiph'o nguo ndoph'o hauka ph'abhaha zaidi.¹⁷Takuna atu aikao uchi wa rero kwenye chombo cha kare, achienda hivyo vindahauka na kubanzika. Bali uchiuika kwenye chombo chivya uchi undakara salama(taunda mwagika).¹⁸Yesu ph'okara ananena maneno higo, tunza mbhah'a mmwenga achedza achimchitira mavwindi naye achinena"Chigori changu chikafwa ph'aph'a punde, bali nakuvoya wedze umwikire mikonoyo andafufuka. ¹⁹Ndiph'o Yesu ph'oima na anafunzie achimrunga.²⁰Tunza mwanachetu kara aravyaye miratso kwa muda wa myaka kumi na miiri, achedza ph'eph'i na Yesu achiguta pindo ra vwazire. ²¹Kwakukara wanena " Kama nindaguta vwazire nindaph'ora. ²²Yesu achigaruka, achimtunza na kumwambira."Chigori ererwa, migwiriyo ikakuph'oza. Phaph'o hiph'o mchetu achiph'ora.²³Yesu ph'ofika nyumbani kwa yuya mbhaha achiaona apigao magunda na mwaswa wa atu anapiga madzogo. ²⁴Naye achiambira, Turukani hiph'a kwakura chigori kadzambwefwa akarara. Ph'ahi atu amtseka na kumbera.²⁵Na ara atu ph'ozorwa kondze, achiinjira nyumbani achimgwira mkono chigori achiramuka. ²⁶Habari hizi zichitangaa mudzi mzima²⁷Yesu kura ph'ara achitura kondze, arume airi vipofu achimrunga, achipiga kururu muno achinena" Unakuvoya uurehemu Mwana wa Daudi. ²⁸Ph'ahi Yesu ph'ofika nyumbani ara vipofu achedza kwake. Yesu achiambira" Mnamigwirire kukara mnaweza/ kuph'ora"? Nao achimvumikiza " Ndiyo Dzumbe."²⁹Ndiph'o Yesu ph'oguta matso gao nakunena nagaendeke kama migwirire yenu chovyo arongoza. ³⁰Na matso gao gachifumbuka. Ndiph'o Yesu achikokotera achiambira"Tunzani mutu yeyosi asimanye kuhusu jambo hiri. ³¹Bali atu ano airi amiavyao achieneza hizi habari mudzi mzima.³²Ndiph'o ara arume airi ph'okara anamia vyao, Tunza mutu mmwenga bubu mwenye peph'o muyi achirewa kwa Yesu. ³³Na peph'o ayi ph'o mturuka yuya bubu achianza kunena."Iga tagadzambwe turukira hiph'a Israel. ³⁴Bhahi mafarisayo kara achinena ' Nikwaakuu wa peph'o ayi anazora ano peph'o ayi.³⁵Yesu achimia kwenye midzi na vidzidzi, Achiafundisha atu kwenye masinagogi injili ya udzumbe,na kuph'oza makongo gachira aina na udhaifu. ³⁶Ph'outunza ura umati achiuonera mbazi, kwa kukara kara akakorwa myoni mwao. Achioneka kama ng'onzi soomrisa.³⁷Achiambira anafunzie " Mavuno ni manji lakini avunadzi ni achache. ³⁸Ph'ahi endani hima mumvoya Dzumbe wa Mavuno akuonjerezeni avunadzi.

¹Yesu achiahia ara anafunzie kumi na airi achiap'ha mamlaka dzuru ya peph'o ayi na atsama, kuaph'ekera na kuazora na kuphoza aina zosi za makongo.²Madzina ga hao anafunzie kumi na airi higa, Ra kwandza ni Simioni( ambaye pia aih'wa Petero), ( Tom) na Andrea kakiye, Yakobo mwana wa Zebedayo, na Yohana kakiye, ³Philipo na Bateremayo, Tomaso na Matayo mtoza ushuru, Yakobo mwana wa Alifayo, na Tadeo. ⁴Simoni mkananayo na Yuda Isikariosi, ariye msaliti.⁵Ano kumi na airi Yesu waaragiza. Naye waarongoza achinena " Msimihe asagarako atu achimataifa, na msiinjire kwenye midzi ya asamaria. ⁶Vyanjinavyo miani kwa mang'ozi go angamika ga nyumba ya Isiraeli. ⁷Na mmiaph'o hubirini, nenani, udzumbe wa mbinguni uph'eph'i.⁸Ph'ozani akongo, fufurani ofwa, erezani enye mahana na zorani peph'o ayi. Mwawewa bure ravyani bure. ⁹Msitsukure dhahabu, almasi au shaba kwenye mifuko yenu. ¹⁰Msitsukure mikoba kwenye charo chenu, au nguph'o zanjina, viatu au mgufu, kwa kukara aendeye kazi anabidi awewe kandeye.¹¹Mudzi wowosi au chidzidzi ndochoingira enzani ambaye anastahili na msagare mpaka ndoph'ouka. ¹²Ndophoinjira kwenye nyumba ramusani. ¹³Ph'ano nyumba istahiliyo amani yenu bakini ph'aph'o, bali nyumba soyostahili amani yenu ukani ( nayo), mmievyenu.¹⁴Na kwa atu so aph'okera au kuaegera sikiro manenogenu muukaph'o kwenye nyumba hiyo au mudzi h'uo ph'angusani mavumbi ga nyayo zenu muuke. ¹⁵Naambira kweri indakara yakustahili zaidi midzi ya Sodoma na Gomora siku ya marau ga hukumu kuriko mudzi huo.¹⁶Tunzani naaragizani kama mang'onzi ( kwenye) kah'i ya vingugwa mkare ( aerevu)/ amvyu kama nyoka na apore kama njiya. ¹⁷Mkare matso kwa atu, andakufisani kwenye mabaraza na kuapiga kwenye masinagogi. ¹⁸Na mndareh'wa kwa abhah'a na afalme chiswa ni mimi kama ushuhuda kwao na kwa a mataifa.¹⁹Hiph'o ndoph'oashutumu msikare na woga wa jinsi gani ya kuandura kwa kukara chakunena undaambirwa ph'aph'o hiph'o. ²⁰Kwa kukara mwimwi soondonena, ndenena ni mph'eph'era mng'aro wa Dzumbe.²¹Ndugu andamoraga nduguye, na bhabha andamoraga mwanawe. Ana andaoraga avyazi h'ao. ²²Namwi mndasinywa ni chira mutu kwa ajili ya dzina rangu. Bali yeyosi nde vumirira hadi mwisho andatizwa. ²³Wakati mteswaph'o mudzi huno tsamirani mudzi wanjina, nami naambira kweri tamndaimara midzi yosi ya Israeli kabla mwana wa Adamu kadzambwe kwedza.²⁴Mwanafunzi kamtsapa mwalimuwe wala msunya kamtsapa mwajiriwe / tajiriwe. ²⁵Inatosha mwanafunzi akare kama mwalimuwe na msunya kama tajiriwe, Kama amwih'a Dzumbe wa nyumba Belzabuli ni chiasi cha viph'i ndoph'omkashifu a nyumbaye.²⁶Ph'asi msiaogoph'e kwa vira kila jambo rindaikwa ( bayana, ph'ondze) wala takuna chorofwitsika ambaro tarindamanyikana. ²⁷Chira niambiracho jizani chineneni nuruni, na mchisikiracho kwa uyuya masikironi mwenu chitangazeni dzuru ya nyumba.²⁸Msiaogoph'e aoragao mwiri, wala taanauwezo wa kuoraga roho. Mogoph'eni awezaye kuoraga mwiri na roho kura kuzimu. ²⁹Je? kasuku airi taaguzwa kwa setse ndide? Na vivyo hivyo takuna ndegwa ph'otsi bila ise yenu kumanya. ³⁰Bali hata idadi ya nyere zenu zahorangwa kare. ³¹Msiogoph'e kwa kukara mwimwi mnathamani kuriko kasuku anji.³²Ph'ahi yeyosi ndenikubali mbere za atu, nami nindamkubali mbere za Bhabha ariye mbinguni. ³³Naye ndenirema mbere za atu nami pia nindamrema mbere ya Bhabha yangu ariye mbinguni.³⁴Ph'ah'i msidhani nikedza kureh'a amani ntsini. Sikedza kureh'a amani bali nikareh'a mundu. ³⁵Kwakukara nakwedza kumuika mutu azozane na ise, na msichana azozane na nine na mayo vyara na mtsedzawe. ³⁶Adui wa mutu andara nyumbani mwakwe.³⁷Yeyosi ammedzaye ise, au nine, zaidi yangu hiye kanistahili, dzavivyo ammedzaye mvulana au msichana kuriko mimi naye pia kanistahili. ³⁸Yeyosi ( aenzaye maishage) ambaye kandaoreka msalabawe na kunirunga kanistahili. ³⁹Aenzaye maishage andagaangamiza, bali yeyosi ndegaangamiza maishage kwa ajili yangu andagaph'ah'a.⁴⁰Ndeakaribisha akanikaribisha mimi naye ndekaribisha mimi akamkaribisha iye weniuma mimi. ⁴¹Naye ndemkaribisha nabii kwa kukara ni nabii andaph'ochera swawabu ya nabii. Na yeyosi ndemkaribisha ye mwenye haki kwa kukara ni mutu wa haki andaph'ochera swawabu ya mutu wa haki.⁴²Yeyosi ndeaph'a ano ana adide hatakama ni chikombe tu cha madzi ga kunwa ga peph'o, kwa kukara iye ni mwanafunzi, kweri naambirani iye kaweza kukosa kwa njira yoyosi swawabuye.

¹Yesu baada ya kualekeza anafunzie ara kumi na airi wauka kumih'a kufundisha na kuhubiri kwenye midzi yao. ²Yohana kara agerezani, ph'osikira kuhusu habari za kiristo, wauma udzumbei kutsapira anafunzi. ³Na achimuuza, "Uwe u yuya aedzae, ua kunawanjina ndekwedza umtunzire?⁴Yesu achiaambira, Miani mkamwambire Yohana iga mgaonago na iga mgasikirago. ⁵Atu soona anaona, viwete ananyendeka, amaana naerezwa, viziwi anasikira, ofwa anafufuka, na atu ahitaji anahubiriwa habari nono. ⁶Abarikiwe yuya senionera haya dzuru yangu.⁷Ndiph'o ara atu achiuka, Yesu achianza kunena na ura umati kuhusu Yohana, Mwamia chinze kutunzani, nyasi zichiph'eph'erwa ni kuse? ⁸Mwamia kuonani, mutu chevwara vinono? Atu avwarao mavwazi manono asagara kwa afalme.⁹Mwauka kumuona Nabihi? Ph'ahi naambirani ni zaidi ya Nabihi. ¹⁰Hiyu ndiye weandikirwa, ' Tunza namuuma mdzumbe wangu mbere ya usoho ambaye andatengeneza penjere umiako.¹¹Nami naambira ukweri kahi ya atu ovyarwa ni achetu takuna ariye mbah'a kama Yohana Mbatizaji. Bali ariye mdide kwenye ufalme wa mbinguni ni mbah'a kuriko iye. ¹²Tangu siku za Yohana Mbatizadzi mpaka rero hivi ufalme wa Mbinguni ni wamabavu, na atu enye mabavu, anautsukura chimabavu.¹³Kwakukara manabihi na sheria kara achitabiri hadi kwa Yohana. ¹⁴Nakama mtayari kukubari kukara hiyu ni Eliya yuya aedzaye. ¹⁵Ariye na masikiro na asikire¹⁶Nichimvananishe nani, chivyazi hichi? Ni mfano wa ana avumbao cheteni na kuiana ¹⁷Na kunena, Waapigira firimbi tamyavumba. Wasononeka lakini tamyarira.¹⁸Kwakura Yohana wakwedza bila kuya mkae au kunwa uchi achinena, 'Anapeph'o muyi. ¹⁹Mwana wa Adamu wakwedza kara achiya na kunwa uchi achinena, tunza ni mutu mlafi na mlevi, msena wa atoza ushuru na enye ubananzi. Bali hekima inaonyeswa kwa matendoigo.²⁰Yesu achianza kuikwamira midzi yoenda mambo ga miujiza / gakomakoma kwakukara kara taadzambwe kutubu. ²¹Ole wako Kolazini Ole wako Betesaida Kama matendo mabaha gaendeka Tiro na Sidoni gara go endeka hiph'a chere angetubu kare kwa kuvwara magunia na kudzipaka maivu. ²²Bali Tiro na Sidoni indavumirirwa wakati wa hukumu.²³Nawe kapernaumu unadhani undainurwa hadi mbinguni? Katu undatserezwa hadi kuzimu. Kama Sodoma kungeendeka mambo mabaha kama vyoendeka kwako, ungekarako mpaka rero. ²⁴Bali nakwambira kwamba indakaravi yuya kwa tsi ya Sodoma siku ya hukumu kuima kuriko uwe.²⁵Ph'ahi wakati huo Yesu achinena " Nakutogora Bhabha Dzumbe wa Mbinguni na tsi kwakukara waafwitsa mambo higa atu enye hekima, na kugafwenura kwa asio na elimu. ²⁶Bhabha kwa kukara waererwa uwe mwenye matsoni phako. ²⁷Mambo gosi nawewa kura kwa Bhabha na takuna ammanyaye Mwana soph'okara Bhabha, na takuna ammanyaye Bhabha soph'okara Mwana.Na yeyosi ambaye Mwana anaronda kumfunurira.²⁸Ndzoni kwangu mosi msumbukao na kuremwerwa ni mizigo mizito, nami nindaapumzisha. ²⁹Dzitieni kaha yangu dzifunzeni kura kwangu kwa kukara mimi ni navumira na ni mpole wa moyo na ndaaph'a pumziko ra nafsi zenu. ³⁰Kwa kukara nira yangu ni laini na mzigo wangu ni myuya.

¹Ph'ahi Yesu wamia siku ya sabato kutsapira kwenye minda. Anafunzie kara anandzara achianza kuvundza miganda na kurya. ²Ph'ahi Mafarisayo ph'oona iga, achimwambira Yesu " Tunza anafunzio anavundza ( miganda) sheria anaenda mambo sogomendzwa siku ya sabato.³Yesu achiambira tamsoma vyoenda Daudi ph'okara na ndzara ph'amwenga na atue? ⁴Namna vyoinjira nyumbani mwa Mrungu na kurya mikahe ya wonyesho, ambayo kara si halali kwakwe kuirya ph'amwenga na atue bali kwa Makuhani?⁵Tamdzambwe soma kwenye sheria siku ya sabato Makuhani ndani ya hekalu anainajisi sabato wala taana hatia / kosa kwao. ⁶Ph'ahi naambirani kukara ariye mbaha kuliko hekaku aiph'a.⁷Kama mngemanya maanage kukara naronda rehema na siyo dhabihu, msinge ahukumu atu asio na hatia. ⁸Kwa kukara Mwana wa Adamu ndiye Dzumbe wa Sabato.⁹Yesu wauka achimia kuinjira kwenye sinagogi rao. ¹⁰Tunza kara kuna mutu ( cheph'oroza) achiarusicha mkono Mafarisayo achimuuza achimwambira " Je!, nihalali kuph'oza siku ya Sabato? auza ili amshitaki kwa kuenda ubananzi.¹¹Yesu achiambira, Ni yuph'i kahi yenu anang'onzi wegwa kwenye shimo siku ya sabato kandamturuza shimoni? Je!, nichiph'i chenye thamani zaidi si zaidi ya ng'onzi? ¹²Kwahiyo kumbavi ni halali kuenda mambo manono siku ya sabato.¹³"Chimara Yesu achimwambira yuya mutu gorosa mkono, Achiugorosa na achipata afya, kama ura wanjina. ¹⁴Ph'asi Mafarisayo gaturuka kondze achipanga jinsi gani andamwangamiza, achipanga chinyumeche. Apanga kumooraga.¹⁵Yesu ph'oaelewa achiuka. Atu anji achimrunga na achiaph'oza osi. ¹⁶Achiaragiza asedze akaambira atu akamanyikana kukara ni iye. ¹⁷Higa ni kwamba hira kweri imanyike kama vyonena Nabii Isaya achinena " ( Tunza muumwa wangu chemtsagura, mmendzwa wangu kwahiye nafsi yangu ikahererwa ).¹⁸Tunza muumwa wangu chemtsagura mmendzwa wangu kwa hiye nafsi yangu ikahererwa. Nindaika Roho yangu dzuruye, na andatangaza hukumu kwa Mataifa.¹⁹Kandahangaika wala kurira /au kupiga dzogo wala kandasikirikana mitaani. ²⁰Kandavundza lingoti so uswa magada wala kandazima utambi uravyao moshi mpaka ndoph'oreha hukumu na kushinda. ²¹Na mataifa andakara na ujasiri kwa dzinare.²²Mtu mmweanga chipofu na bubu tsona mwenye peph'o ayi wareh'wa kwa Yesu. Achimph'oza phamwenga kwamba mtu hiyu wanena na kuona. ²³Makutano amaka na kunena " Inawezekana hiyu ni mwana wa Daudi?"²⁴Mafarisayo ph'osikira muujiza uno achinena " Hiyu mutu katuruza peph'o ayi kwa nguvuze mwenye bali kwa nguvu za Belzabuli mbaha wa peph'o ayi. ²⁵Ph'ahi Yesu achiamanya mawazo gao na achiambira " Kila ufalme chooganyikana na kila nyumba choyoganyikana yenye taiweza kuima.²⁶kama peph'o muyi andamuusa myawe basi andadzipinga nafsiye mwenye. ²⁷Niviph'i ufalme huo undaima? Na kama naturuza peph'o ayi kwa nguvu za Belzabuli afuasi enu andaravya kwa njira iph'i kwa ajili hiyo andakara mahakimu enu.²⁸Nakama naravya peph'o ayi kwa nguvu za Roho wa Mrungu, basi ufalme wa Mrungu wakwedza kwenu. ²⁹Mutu andawezadze kuinjira kwenye nyumba ya mutu mwenye nguvu na kuiya, bila kumfunga mwenye nguvu kwanza? Ndiph'o ndophoiya malize kura nyumbani mwakwe. ³⁰Yeyosi asiye ph'amwenga nami achinyume changu na sekusanya ph'amwenga nami andatawanya.³¹Nami nanena kwenu, kila ubananzi na kufuru atu andasamehewa bali kumkufuru peph'o mng'aro kandasamehewa. ³²Na yeyosi ndenena neno chinyume cha Mwana wa Adamu andasamehewa, bali ndeyenena chinyume cha peph'o mng'aro kandasamehewa kwenye ulimwengu huno na hata na wedzao.³³Muhi mzuri uvyara matunda mazuri au uubanange muhi na matundage kwakukara muhi mzuri unamanyika kwa matundage. ³⁴Mwimwi uvyazi wa nyoka, mwimwi atu ayi mnawezadze kunena mambo manono? Kwakukara mromo unanena kura kwenye akiba ya garigomo moyoni. ³⁵Mutu mwema ananena mambo mema na mutu muyi anena mambo mayi.³⁶Naambira siku za hukumu atu andaravya hesabu ya kila neno ronena risiro na maaana ya gara kara anenago. ³⁷Kwa kukara kwa maneno gako undahesabiwa haki na kwa manenogo pia undahukumiwa.³⁸Ph'asi baadhi ya aandishi na Mafarisayo achimjibu Yesu achimwambira " Mwalimu ungemendza uuonye she ishara. ³⁹Bali Yesu waajibu achiaambira" Mwimwi chivyazi chiyi na cha uzinzi mronda ishsra. Bali takuna ishara ndoyoonyeswa kwao era ishara ya nabii Yona. ⁴⁰Kama vira nabii Yona vyoosagara ndani ya uumbo wa ng'onda mbaha kwa siku tahu mutsi na usiku vivyo ndivyo ndovyokara kwa mwana wa Adamu ndovyokara ndani ya moyo wa tsi kwa siku tahu mutsi na usiku.⁴¹Atu a Ninawi andaima mbere ya hukumu ph'amwenga na atu a chivyazi hichi na kuchihukumu. Kwakura atubu kwa mahubiri ga Yona, na tunza mutu fulani mbaha kuliko Yona aph'aph'a.⁴²Malkia wa kusini andainuka kwenye hukumu ph'amwenga na atu a chivyazi hichi na kuchihukumu. Hiyu wakwedza kura mwisho wa tsi kwedza kusikiliza hekima za Selemani, na tunza mutu fulani mbaha kuliko Selemani aph'aph'a.⁴³Wakati peph'o muyi amturukaph'o mutu anatsapa phatu sopho madzi achienza pha kupumzika era kaph'aona. ⁴⁴Chimara ananena nindauya kwenye nyumba yangu yo turuka: achifika anakuta nyumbaye ikaphyerwa iteyari. ⁴⁵Chimara ndiph'o amiaph'o kuatsukura anjina aroho tsama saba ariyo ayi zaidi kuriko iye na kusagara ph'amwenga. Na haliye inakara mbaya zaidi kuriko ira ya mwanzo. Hivyo ndivyo ndovyokara kwa chivyazi hichi chiyi.⁴⁶Wakati Yesu ph'osimurira na umati wa atu tunza,nine na nduguze akaima kondze achironda kunena naye. ⁴⁷Mtu mmwenga achiwambira" Tunza chakwenu na nduguzo akaima kondze anakuenza usimurire nawe".⁴⁸Yesu achiambira chemmanyisa mayo ni yuph'i? Na ndugu zangu ni ano aph'i?" ⁴⁹Naye wagorosa mkono kwa anafunzie na kuambira, Tunza hano ndio mayo na ndugu zangu. ⁵⁰Kwa kukara yeyosi aendaye mapenzi ga Bhabha yangu ariye mbinguni ndiye ndugu yanngu na moyo wangu.

¹Ph'ahi siku hiyo Yesu wauka nyumbani achimia kusagara kanda kanda ya bahari. ²Mwasu mbah'a wa atu akwedza kusimurira, achiinjira mtumbwini achisagara umati wosi waima kanda kanda ya bahari.³Chimara Yesu achinena maneno manji kwa ndarira, Achinena " Tunza mph'andi waturuka kusiya mbeyu. ⁴Ph'okara anasiya mbeyu zanjina zichigwa njirani achedza tsongo achizirya. ⁵Zanjina zichigwa ph'enye mawe soph'o na mtsanga munji, zichimera kwa kukara na mtsanga mchache. ⁶Hata dzuwa ph'oturuka zichimvya kwa kukara tazina mizi zichiuma.⁷Mbeyu zanjina zichigwa miyani, ira miya ichikura ichiizongomeza. ⁸Zanjina zichigwa kwenye mtsanga mnono zichivyara tembe na kuonjezeka, zichivyara zanjina mirongo mih'ah'u zanjina sitini na zanjina sarasini. ⁹Ariye na masichiro na asikire.¹⁰Anafunzie achidza achimuuza Yesu kwani usimurire na anu atu kwa ndarira? ¹¹Yesu achiambira, mwawewa upendeleo wa kumanya siri za ufalme wa mbinguni hano taayawewa. ¹²Yeyosi ariye nacho kwakwe andaonjerezerwa zaidi na andapata faida mbaha, bali asiye nacho hata chira arichonacho andafutwa.¹³Kwa hivyo nasemwerera nao kwa ndarira kwa kukara ingawa anaona, asione. Na hatakama anasikira, asisikire na kufahamu. ¹⁴Unabihi wa Isaya utimie vyonenwa, "Msikiraph'o msikire bali tamndafahamu, na kuona ndamndaona ili msimanye.¹⁵Na myo ya atu hano ikakara jiza, ni vigumu kusichira, na akabwinikiza matso gao ili asiweze kuona kwa matso gao, au kusichira kwa masichiro gao, au kumanya kwa myo yao angenigarukira tsona na kuaph'onya.¹⁶Bali matso genu gakabarikiwa kwa kukara ganaona, na masichiro genu ganasikira. ¹⁷Kwa kweri naambirani, manabihi anji na enye haki atamani kugaona mambo mgaonago na tayagaona. Atamani kusikira tayaasikira gosikira mwimwi.¹⁸Ph'ahi sikilizani ndarira ya muph'andi. ¹⁹Kwa yeyosi ndesichira neno ra ufalme na asirimanye / fahamu ndiph'o yuya peph'o muyi edzaph'o kutsukura chochoph'andwa ndani ya myo yao, Ino ni ira mbeyu yoph'andwa njirani.²⁰Mbeyu sigwa kwenye dziwe, ni yuya asichiraye neno na kuriph'ochera haraka na kuererwa. ²¹Bali kama mizi inavumira chidide. Matatizo au mateso gachidziravya kwa ajili ya neno, anadzikwara ghafla.²²Mbeyu yosiywa miyani, ni yuya asichiraye neno achiinjirwa ni mambo gakusonyonywa ni tsi na kuchengwa ni mari na rira neno risivyare maunda. ²³Mbeyu yosiywa kwenye mtsanga mnono, ni yuya mutu wesikia neno na kurimendza, na kuvyara mbeyu zaidi zanjina sitini na zanjina thalathini.²⁴Yesu achiaph'a ndarira yanjina achinena " Ufalme wa mbinguni unamvanana na mutu weph'anda mbeyu nono kwenye mundawe / utseruwe. ²⁵Atu ph'okuka mkondowe achedza achisiya rusi kahikahi ya ngano, chimara achimih'a vyakwe. ²⁶Ira ngano ph'omera na kuvyara ndiph'o na rusi naro ph'omera.²⁷Asunya amwenye munda achedza, achimwambira, Dzumbe kuyaph'anda mbeyu nono kwenye mundao? Ikakaradze kuna rusi? ²⁸Achimwambira, akondo angu ndiocheoenda hivyo: Asunyae achimwambira "Swino unamia ukagang'ore.²⁹Mwenye munda achinena "Richani kwa vira ndoph'ong'ora rusi, mndang'ora ph'amwenga na ngano. ³⁰Garicheni gakure ph'amwenga na ngano. Wakati wa kutsengwa nindaambira avunadzi, Aukire kung'ora rusi na agafunge mah'ih'ah'ih'a akagaoche, mtsukure ngano yangu ghalani.³¹Chimara Yesu achiambira ndarira yanjina achinena ufalme wa mbinguni, unamvanana na mbeyu ya mkuyu ambayo mutu waitsukura achiphanda mundani mwakwe. ³²Mbeyu ino ni ndinde kutsupa mbeyu zosi, bali imeraph'o inakara muhi mbaha kutsupa mihi yosi ya mndani, unakara muhi kiasi hata tsongo aredza anadzenga mwake matsanzuni.³³Achiambira ndarira yanjina tsona. Ufalme wa mbinguni unamvanana na vidzuchi vyaorwani mchetu achivitsanganya na pishi tah'uzaunga hata uchitsatsa wosi.³⁴Iga gosi Yesu waganena kwenye atu kwa ndarira. Na bila ya ndarira kayanena neno rorosi kwao. ³⁵Higa ni kwa ajili ya igara gonenwa kutsapira kwa nabii chiweze kutimia ph'ara ph'onena 'Nindavugura mromo wangu kwa ndarira. Nindanena maneno gofwitsika tangu misinji ya tsi.³⁶Chimara Yesu achiaricha atu achimia kaya. Anafunzie achimrunga achimwambira ' Uph'e tambuzi za ndarira ya rusi na munda. ³⁷Yesu achiambira, 'Aph'andaye mbeyu nono ni Mwana wa Adamu. ³⁸Munda ni tsi, na mbeyu nono hano ni ana a ufalme. Rusi ni ana a yuya muyi na mkondo wangu we ph'anda rusi ni peph'o muyi. ³⁹Na mavuno ni mwisho wa tsi na avunadzi ni mararaika.⁴⁰Kama viratuvira rusi rikusanywavyo na kuochwa moho, ndivyo ndovyokara mwisho wa tsi. ⁴¹Mwana wa Adamu andauma mararaikage ma kukusanya kwenye ufalmewe mambo gosi goreha ubananzi na ara oenda ubananzi. ⁴²Andatsuph'wa kwenye dziko ra moho, ambako kundakara na chiriro na kuafuna meno. ⁴³Ndiph'o atu enye haki ndophong'ara kama dzuwa kwenye ufalme wa ise yao, mwenye masikiro na asikire.⁴⁴Ufalme wa mbinguni ni kama hazina yofwitswa mndani. Mutu achiiona na kuifwitsa. Kwa kuererwakwe, achimia kuguza vyosi vyokara navyo na achiugura ura munda. ⁴⁵Tsona ufalme wa mbinguni ni kama mutu mtsumi aenzaye lulu yenye thamani. ⁴⁶Phoiona ira yenye thamani wamia achiguza chira chitu arichonacho achiigura.⁴⁷Ufalme wa mbingunini kama nyavu iriyo ndani ya bahari ikusanyayo kila aina ya chiumbe chirichomo. ⁴⁸Phoodzara avuvi achiuvuta ufukoni. Chimara achisagara achitsambura vitu vinono kura chomboni bali vyosi sovyo na thamani achivitsupha.⁴⁹Ndivyo ndovyo mwisho wa tsi, Mararaika gandakwedza kuateganyika atu ayi kura atu enye haki. ⁵⁰Na kuatsupha kwenye dziko ra moho ambako kundakara na masononeko na kusaga meno.⁵¹Mkafahamu mambo gosi higa? Anafunzi achivumikiza "Ndiyo". ⁵²Chimara Yesu achiambira "Kila mwandishi wekara mwanafunzi wa ufalme, anamvanana na mwenye nyumba aravyaye kwenye hazinziye vitu viphya na vyakare. ⁵³Ph'ahi Yesu ph'omara ndarira zosi achiuka achimia vyakwe.⁵⁴Ndioh'o Yesu phomia mkoani kwao na achiafundisha atu kwenye sinagogi. Atu amaka na kunena "Mtu hiyu wapataphi ino hekima na miujiza? ⁵⁵Mutu hiyu siyuya mwana wa seremara? Nine si Mariamu? Na nduguze si Yakobo, Yusufu, Simion na Yuda? ⁵⁶Na dadize unao hiph'a ph'ehu, Sasa wagapataphi gosi higa?⁵⁷Waatsukiza bali Yesu achiambira " Nabihi kakosa heshima kwao na tsi yao. ⁵⁸Kayaweza kuenda miujiza minji kwa kukara kara taana migwirire naye.

¹Ph'asi Herode achisikira habari za Yesu. ²Achiambira asunyahe, hiyu ni Yohana mbatizadzi akafufuka, kwahiyo nguvu hizi zidzuruye.³Kara Herode wamgwira Yohana achimfunga gerezani, kwa chisa cha mlamuwe Herode mkaza Filipo. kumgaruza mchewe. ⁴Kwakukara Yohana wamwambira Herode si vinono kumtsukura mlamuo akare mcheo. ⁵Herode waronda kumoraga bali waogoph'a atu kwa kuona kukara Yohana ni Nabii.⁶Siku ya kuvyarwa Herode ph'ofika binti Herodia avumba mbere ya atu ili amhereze Herode na umatiwe. ⁷Wayachiraph'o kwamba andamuph'a chochosi arondacho kwa kumvumbira vinono mbere ya atu.⁸Baada ya kushauriwa ni nine, achimwambira "Niph'a chitswa cha Yohana Mbatizaji mwenye iri biga. ⁹Mfalme wasononeka moyoni kusikira Herode arondacho: era kwa vira akaya chiraph'o yamlazimu atekeleze¹⁰Waragiza Yohana arenhwe kura gerezani ¹¹Achikatwa chitswa chichiphirikwa ndani ya biga kwa Herode naye achichiphirika nine. ¹²Anafunzie achedza achiutsukura mwiriwe achiuzika; achimia kumwambira Yesu.¹³Naye Yesu ph'osikira mambo higa wauka achidzitenga macheye, bali atu ph'omanya ariph'o amrunga kwa maguru kura mdzini. ¹⁴Yesu achedza mbere ya mwaswa uno wa atu achiaonera mbazi na kuph'oza makongo.Dzironi ph'ofika anafunzie achedza achimwambira, hiph'a ni chidze na dzuwa rikatswa. Ariche atu amie vyao vidzidzini akadzigurire kande.¹⁶Bali Yesu achiambira takuna haja ya kumia vyao. "Aph'eni kande mwimwi. ¹⁷Achimwambira, "Hiph'a unamikahe mitano na ng'onda airi tu. ¹⁸Yesu achiambira niph'ani.¹⁹Chimara Yesu achiambira atu asagare kwenye nyasi. Achitsukura ira mikahe mitano na ng'onda airi, achitunza dzuru mbinguni, achiibariki achiimega mega na kuapha anafunzie. Anafunzi achiaganyira atu. ²⁰Osi achirya na achimvuna. Chimara achikusanya vipande chovyosara, achiodzaza vikaphu kumi na viiri. ²¹Osi worya kande akasimiwa kama arume vikwivitsano bila kuoranga achetu ns ana.²²Achiambira anafunzie ainjire kwenye mtumbwi naye ahiuraga umati uchimia vyao. ²³Ph'ouraga umati wa atu achikwera mwangoni kuvoya. macheye mpaka dzironi. ²⁴Mashua ph'okara kahikahi ya bahari ichipigwa ni mawimbi kwani kuse yakara kali.²⁵Usiku wa zamu yane Yesu achiadzera ph'eph'i anaweha dzuru ya madzi. ²⁶Anafunzie ph'omuona anaeweha dzuru ya bahari achiogoph'a, achinena, " Ni mzuka achipiga kururu ra uoga. ²⁷Yesu achiambira gwiran myo yenu ni mimi msiogoph'e.²⁸Petero achimwambira, Dzumbe kama ni uwe niamuru nami niedze kwako dzuru ya madzi ²⁹.Yesu ahimwambira "ndzoo" petero waturuka mashuani achinyendeka dzuru ya madzi mpaka kwa yesu. ³⁰Ph'ahi Petero phoona maimbi achiogopha na achianza kuzama tsini, achipiga kururu achinena " Dzumbe nitizya.³¹Ph'ahi hiph'o Yesu wagorosa mkonowe achimwinura Petero na kumwambira, uwe mwenye migwirire midide kwani chere unamashaka? ³²Ndiph'o Yesu na Petero achiinjira kwenye mashua mph'eph'era phonyamara. ³³Anafunzie achimwabudu Yesu achinena "Kweri uwe u mwana wa Murungu.³⁴Baada ya kuvuka atsorokera tsi ya Genezareti. ³⁵Atu a eneo hiro ph'omanya kukara ni Yesu aphirika udzumbe kila sehemu na kureha kila wekara mkongo. ³⁶Achimvoya agute pindo ra vwazire na anji oguta aph'ora.

¹Ndiph'o Mafarisayo na andisi ph'okwedza kwa Yesu kura Yerusalemu, Achinena, ²"Ni viph'i anafunzio anavudza kanuni za Azee? Kwa kukara taatsukutsa mikono yao ayaph'o kande. ³Yesu waranduka achiambira "Mbona namwi mnavudza kanuni ya Dzumbe ya ibada zenu?⁴Kwakukara Mrungu wanena, "Heshimu sowe na chinakenu, na ndenena mayi kwa ise au nine andafwa lazima. ⁵Bali mwimwi mnanena, mtu achikara na chitu ambacho chinaweza kumsaidia ise au nine, na ukanena chitu hichi nikamwikira Mrungu. ⁶Mutu hiyu takuna haja ya kumuheshimu ise, Bhahi kwa iri mkavudza kanuni ya Mrungu.⁷Mwimwi anafiki ni vinono kama Isaya vyoatabiria achinena, " ⁸Atu hano ananitogora mimi miroroni bali myo yao i kure nami. ⁹Ananiabudu bure kwa vira mafundisho gao ni maragizo gachibinadamu.¹⁰Ndiph'o ph'ohia atu na kuambira "Nisikirazani chimara mnielewe. ¹¹Takuna chitu chiinjira mromoni mwa mutu na kumtia unajisi, Bali ni chira chimturukacho mromoni ndicho chimtiacho mutu unajisi.¹²'Ndiph'o anafunzi ph'omrunga na kumwambira Yesu " Je unamanya Mafarisayo ph'osikira gara maneno areya?" ¹³Yesu achiandura achinena, " Kila muhi ambao Bhabha kayauph'anda undang'orwa. ¹⁴Aricheni hao ni viongozi soona .Kama mutu seona andamrongoza seona myawe osi airi taandagwa shimoni?¹⁵Petero achimwambira Yesu "Hebu ueleze ndarira hino, ¹⁶Yesu achiauza "Hata namwi tamuelewa? ¹⁷Kwani tamuona chiinjiracho mromoni chinatsapira ndanini chimara chinaturuzwa chooni?¹⁸Bali vitu vyosi viravyo mromoni vira ndani ya moyo. Ndivyo vitu vimtiavyo mutu unajisi. ¹⁹Kwa kukara moyoni mwa mutu kunamawazo mayi manji, kuoraga, uwivi, kusinga, ruanzo, kuraphiza na uasherati. ²⁰Higa ndigo mambo gamtiago mutu unajisi, bali kurya bila kutsukutsa mikono takumtia mutu unajisi.²¹Ndiph'o Yesu photuruka kara aripho achidzitenga, na kuelekea midzi ya Tiro na Sidoni. ²²Tunza achedza mchetu Mkanani, Achipiga kururu achinena "Nionera mbazi Dzumbe Mwana wa Daudi, msichana wangu anateswa ni peph'o ayi. ²³Yesu kayamwandura neno. Aanafunzie achidza achimgwerera achimwambira "Muuse amievyakwe kwavira anaupigira dzogo."²⁴Yesu achiambira, Siyaumwa kwa mutu yeyosi bali kwa mang'onzi goangamika ga nyumba ya Israel. ²⁵Era wakwedza achichita mamvindi, achinena "Dzumbe niterya.' ²⁶Achimwambira,"Si vinono kutsukura kande ya ana na kuaph'a madiya.²⁷Achimjibu "Nisawa Dzumbe, hata vidiya vidide vinaya makombo ga kande igwayo mezani mwa Dzumbewe. ²⁸Phanh'i Yesu achimwambira yuya mchetu migwiriroyo ni mibaha,"Naiendeke kwako kama urondavyo" Msichanawe achiph'ora phaph'o hiph'o.²⁹Yesu wauka achimia ph'eph'i na bahari ya Galilaya. Achikwera mwangoni achisagara hiko. ³⁰Mwaswa mbaha wa atu uchedza. Achimrehera vipofu, atu a chiarusi, bubu, viwete na anjina anji karao ni akongo, achiaika maguruni mwa Yesu achiph'ora. ³¹Nao umati wa atu uchimaka ph'oona mabubu achinena, vilema ni azima, viwete ananyendeka na vipofu anaona. Amsifu Mrungu wa isiraeli.³²Yesu achiahia anafunzie achiambira "Nikauonera huruma uno umati kwani ukakara nao kwa muda wa siku tahu bila kurya chochosi. Sindaaraga amie bila kurya, asedze akazimia njirani." ³³Anafunzie achimwambira,"Undapata ph'aph'i mikahe ya kutosha iph'a chidze akuamvunyiza umati wosi. ³⁴Yesu achiauza mnamikahe mingaph'i achinena mikahe saba na Ng'onda adide airi. ³⁵Yesu achiambira atu asagare ph'otsi.³⁶Achitsukura ira mikahe saba na ara ng'onda airi achishukuru, achiimega na kuaph'a anafunzie. Anafunzie achiaph'a atu. ³⁷Atu achirya achimvuna. Na achikusanya mabaki ya vipande vya kande vikaph'u saba. ³⁸Atu osi worya kara ni arume vikwi vine bila kuoranga achetu na ana. ³⁹Ndiph'o Yesu phouraga umati wa atu amie vyao, naye achiinjira mashuani achimia Magadani.

¹Mafarisayo na Masudakayo amwedzera kumdjeza Yesu aonese ishara irayo dzuru. ²Era Yesu achiandura, achiambira kukara "Ichikara ni dzironi mnanena hali ya hewa ni nono kwa kukara anga ni rakundu.³Rugundzu mnanena hali rero si nono kwa kukara anga ni rakundu na maingu gakabwinikiza anga rosi, "Mnamanya kufasiri muonekano wa anga era tamturya kufasiri ishara za nyakati / majira. ⁴Chivyazi chiyi na chakuzinga, chinaenza ishara, era takuna ishara yoyosi ndoyowewa, soph'okara ira ya Yona. Chimara Yesu achiaricha achimiha vyakwe.⁵Anafunzie achedza upande wa ph'iri era araya kutsukura mikahe. ⁶Yesu achiambira dzitahidini na mkare amvyu na tsatsu ya Mafarisayo na Masadukayo. ⁷Anafunzie achisemwerera enye kwa enye achinena "Nikwakura taukatsukura mikahe." ⁸Yesu wagamanya higo, achinena mwimwi enye migwirire midide, kwani mkawaza na kunenezana enye kwa enye na kunena ni hwira taukutsukura mikahe?⁹Dze! tamdzambwe kambukira wara tamkambukira ira mikahe mitsano kwa atu vikwi vitsano, ni seje nyingaph'i zo kusanya? ¹⁰Ama mikahe saba kwa atu mirongo mine na ni seje nyingaph'i zotsukura?¹¹Ikakaradze hata tamwelewa kukara nanena namwi dzuru ya mikahe? Dzitunzeni na dzihadharini na mikahe ya tsatsu era ni kudzihadhari na mafundisho ga Mafarisayo na Masadukayo. ¹²Chimara achimanya kukara taambirwa dzuru ya kudzihadhari na mikahe ya tsatsu era ni kudzihadhari na mafundisho ga Mafarisayo na Masadukayo.¹³Minga Yesu photsoroka Kaisari ya Filipi achiuza anafunzie achinena "Atu ananena mwana wa mutu ni yuphi? ¹⁴Achinena, Anjina ananena kukara ni Yohana mbatizaji, anjina Eliya na anjina Yeremia ama mmwenga wapho wa manabii. ¹⁵Ambi ambira mwimwi mnanena mimi ni ani? ¹⁶Simoni Petero achijibu achinena "Uwe u kirisito Mwana wa Mrungu ariye moyo.¹⁷Yesu achimjibu achimwambira " Uwe ukabarikiwa Simoni Bar Yona, kwa kukara miratso na nyama taziyafwenurirwa hiri soph'okara Bhabha ariye mbinguni. ¹⁸Nami pia nakuambira kukara uwe u Petero na dzuru ya mwamba huno nindadzenga kanisa rangu, Miyango ya kuzimu taindaritulya.¹⁹Uwe nindakupha funguo za mbinguni chochosi ndochochifungira hipha tsi chindafungirwa mbinguni, na chochosi ndochochifungurira hipha tsi chindavugurwa mbinguni. ²⁰Chimara Yesu achiambira anafunzie asimwambire mutu yeyosi kukara iye chere ni Kiristo.²¹Angu wakati ura Yesu achianza kuambira anafunzie kukara ni lazima aminhe Yerusalemu kuteswa kwa mambo manji mikononi mwa azee na abaha a makuhani na aandishi, kuoragwa na kufufuka siku ya hanhu. ²²Chimara Petero achimtsukura Yesu kanda achimwambira, na kunena Dzambo hiri na rikare kure nawe Dzumbe, hiri risikuturukire. ²³Era Yesu achigaruka nakumwambira Petero uya nzingo kwangu uwe peh'o muyi, Uwe uchipingamizi kwangu kwa kukara kumanya mambo ga Mrungu, bali mambo ga anadamu.²⁴Chimara Yesu achiambira anafunzie "Ichikara mutu yeyosi achironda kunirunga mimi ni lazima adzikane mwenye, atsukure msalabawe anirunge. ²⁵Kwa kukara arondaye kutizya maishage andagaamiza na yeyosi agangaamizaye kwa ajili yangu andagatizya. ²⁶Dze! nifaida iphi ndoyophaha mutu achiiphaha tsi nzima na kuangamiza maishage? Je ni chitu chani ndochoravya mutu kwenyekubadilishana na maishage?²⁷Kwa kukara mwana wa Adamu andakwedza phenye utukufu wa Ise na mararaikage chimara andamriph'a mutu kadiri ya vyoenda. ²⁸Kweri naambirani kanhi yenu chooima hipha taandaondza chifo mpaka ndophomona Mwana wa Adamu achedza phenye udzumbe wa Mrungu.

¹Baada ya siku sita Yesu achiatsukura ano Petero na Yakobo nduguye, na aatsukura mpaka mwangoni dzuru kwenye chirere chirefu. ²Achigaruzwa mbere yao. Usowe uching'ara kama dzuwa, na nguwoze zang'ara kama nuru mbah'a.³Tunza achiturukira Musa na Eliya na kusemwerera naye. ⁴Ndiph'o Petero ph'omwambira Yesu," Dzumbe unaonadze uchikara ph'amwenga naswi, nindadzenga vibanda vih'ah'u, chimwenga chako, chimwenga cha Musa na chimwenga kwa ajili ya Eliya".⁵Wakati ananena, tunza ingu dzereru richiatia chivuli, na tunza yaturukira sauti kwenye rira ingu inenayo, "Hiyu ni Mwanangu mmendzwa nimmendzaye msikilizeni iye. ⁶Anafunzie phosikira iga achigwa chifudifudi na chiogoph'a muno. ⁷Chimara Yesu achedza achiaguta na kuambira "Ramukani msiogoph'e. ⁸Aching'oka achiinura matso gao dzuru tayaona mutu yeyosi ila Yesu macheye.⁹Ph'okara anatserera mwangoni, Yesu achiaragiza achinena msiravye habari za maono iga mpaka Mwana wa Adamu ndoph'ofufuka kura wafuni. ¹⁰Anafunzie achimuza mbona aandishi ananena kukara Eliya andakwedza kwanza?¹¹Yesu achiajibu achiambira " Eliya andakwedza kweri na kuuyiza mambo gosi. ¹²Ph'ahi naambira mwimwi kukara Eliya wekwedza, bali tayammanya. Na amwendera mambo agarondago h'ao, Na vivyo hivyo Mwana Adamu ndovyoteswa mikononi mwao. ¹³Ndiph'o anafunzi ph'omanya kukara chere ananena habari za Yohana Mbatizadzi.¹⁴Ph'ofika kahikahi ya atu, mtu mmwenga achimwendera, achichita mamvindi achimwambira, ¹⁵Dzumbe muonere mbazi mwanangu kwavira anagwa chitswa na anarumira muno. Mara nyinji anagwa mohoni aura madzini. ¹⁶Namreh'a kwa anafunzio, nao tayaturya kumtizya.¹⁷Yesu achiandura achiambira " Mwimwi chivyazi sochomigwirire na chotsobananzinga nindasagara namwi mpaka rini? Nindaavumirira mpaka rini? Mreeni kwangu. ¹⁸Yesu achimph'ekera na yuya peph'o muyi achimturuka. Mvulana achiph'ora ph'aph'o hiph'o.¹⁹Chimara anafunzie achimwedzera chisiri siri achimuuza, 'Mbona tauyaturya kumzora yuya peph'o muyi? ²⁰Yesu achiambira, ni kwakukara ya migwirire yenu midide. Kweri naambirani kama hata mndakara na migwirire midide kama mbeyu ya mkuyu, mnaweza kutsamiza miango kuifisa mrondaph'o nayo ikamia kama mrondavyo. ²¹Bali aina hino ya peh'o muyi kaweza kuturuka mpaka kwa kuvoya na kufunga.²²Ph'okara Yesu achere Galilaya waambira anafunzie, Mwana wa Adamu andagwirwa. ²³Andamoraga na siku ya h'ah'u andafufuka "Anafunzie asononeka muno.²⁴Ph'ofika Kapernaumu atu akusanyao kodi amwedzera Petero achinena "Je mwalimu wenu anariph'a kodi ya nusu shekeli? ²⁵Petero wavumikiza, Ndiyo" Phoinjira nyumbani Yesu achisemwerera na Petero, achimwambira, "Simoni unaonadze jambo hiri? Kwani afalme a ulimwengu aph'ochera kodi na ushuru kura kwa yuph'i? " Ni kwa ara aatawalao kura kwa ajeni?²⁶Petero ph'onena kura kwa ajeni, Yesu achimwambira, hivyo atawaliwa akauswa kwenye kuriph'a. ²⁷Tunza usedze ukaenda atoza ushuru akaenda ubananzi, mih'a baharini, tsuph'a ndoana, mtsukure ng'onda wa kwanza agwirwaye, uchimtsukura mtunze mromoni undaona shekeli mwenga. Itsukure na uaph'e atoza ushuru kwa ajili yeh'u.

¹Ph'aph'o hiph'o anafunzie achedza kwa Yesu achimwambira," Ni yuph'i ariyembah'a kwenye ufalme wa Mbinguni? ²Yesu achichihia chidzana chidide kahi kahi yao. ³Achiambira "kweri nakuambirani, msoph'otubu na kukara kama hano ana adide, tamndaweza kuinjira kwenye ufalme wa Mrungu.⁴Yeyosi ndedzitsereza kama mwana mdide atakara mbah'a kwenye ufalme wa Mbinguni. ⁵Na yeyosi ndemph'ochera mwana mdide kwa dzina rangu akaniph'ochera mimi. ⁶Na yeyosi ndeasabisha hano hana adide enye migwirire nami kuaangamiza, mutu hiye ni vinono afungwe dziwe baha ra kusagira adidimizwe baharini⁷Ole kwa urimwengu kwa kukara wakati wa kujezwa ukafika, Ole kwa mutu ambaye nyakati hizo zindamwedzera. ⁸Kama mkonoo aura chigurucho chindakupotosha vikate uvitsuph'e kure nawe, Ni vinono kuinjira kwenye mkaramo wa Mrungu bila mkono aura chiguru kuriko kutsuphwa kwenye moho wa kare na kare na mikono yosi na maguru gosi⁹Dzitsoro richikukwaza ring'ore na uritsuph'e mbali nawe. Ni vinono kuinjira kwenye mkaramo wa Mrungu na nditso mwenga, kuriko kutsuphwa kwenye moho wa kare na kare na matso gosi mairi.¹⁰Tunzani, msedze mkaabera hata mmwenga wao wa ano adide " Kwakukara Mbinguni kuna mararaika siku zosi anautunza uso wa Bhabha yangu wa Mbinguni. ¹¹"Kwakukara Mwana wa Adamu wakwedza kutizya chira chochoangamika"¹²Dze? nj viph'i kama mutu ana ng'ozi mirango kumi na mmwenga wao achiangamika, je kandaaricha ara mirongo tisa na tisa kumia kumwenza yuya mmwenga? ¹³Achimara kumpata, naambirani andahererwa naye kutsapa ara mirongo tisa na tisa ario nao. ¹⁴Ni viratu vira sowe yenu wa Mbinguni asiaangamize hata mmwenga wa adide h'ano.¹⁵kama nduguyo akakufyurira, mrunge ukamunyese kosare machiyenu, Kama achikusikiza basi undakara ukamuyiza nduguyo. ¹⁶Kama kandakusikiza muarire ndugu mwenga aura airi phamwenga, kwa kukaraphenye mashindi airi aura ah'ah'u dosari indathibitika.¹⁷na kama achirema kuasikiza riambire kanisa jambo hiri,na kama naphio pia andarema kusikili kanisa,(mhesabuni)musikeni mwenye fungu na mutu asa mataifa na mtoza ushuru.¹⁸Kweri naambirani chochosi chira ambachomndachufungira hiph'a urimwenguni na mbinguni chindafungwa, na chochosi ndochochivugurirwa urimwenguni na mbimbiguni chindavungurirwa. ¹⁹Tsoma naambiranikama atu airi anakubalia jambo rorosi hiph'a urimwenguni na kumroya bhabha wa mbinguni andarienda. ²⁰Kwa kukara mariph'ona na atu airi aura ahahu adzakusanyaph'io' kwadzna rangu nami nindakara kahikahi yao²¹Tsoma Petero nayeachedza na kuumuza Yesu "Dzumbe ni mara nyingaph'i ndugu yangu achinikosera nimsamehe?Hata mara saba? ²²Yesu achimambira sikuambira mara saba, lakini hata sabini mara saba.²³Kurungana swala hiri,ufalme wa mbinguni una mvananishua na mfalme fulani weronda kusahihisha hesabuze kura kwa asunyae. ²⁴Ph'iondira kusahihi hesabuze msunya mmwenga achirie hiasa kara amdaiye talanta vikwi kumi. ²⁵Kwa kukara kara kanachitu cha kumriph'a achiragizwav aguzwe, mchowe bphamwenga na anaae, na kila chitu kara aricho nacho.²⁶Ph'ahi hiyu msunyawagusa achichita namrindi, achinena "Dzumbe nivumirira nindakuriph'ia kila chitu. ²⁷Phafii Dzumbe ya yuya msunya wakara mutu usa mbazi nyinji,wamrichira na achimsamehe deni rosi.²⁸Bali yuya msunya waturuka,na achikutana na mmwenga kati ya asunya ayae amdaiye dinari mirongo kumi.wamtsetseza achimgwira mmmiro, na kumwambira niriph'a nikudaicho. ²⁹Yuya msunya myawe wagwa achimvoya sana,achimwambira "nivumirira nindakuriph'a³⁰Hiyu msunya wa kwanza warema achimtsukura na kumtsuph'a gerezani myawe mpaka mdoph'omriph'aamdaicho. ³¹Asunya ayae ph'oona vyoenda asononeka muno.Akwedza achimwambira Dzumbe wao gosi goturuhira.³²Noliph'o yuya Dzumbe wa ara asunya achimwih'a na kumwambira"We msunya muyi, siyakusamehe deni rangu rosi kwa kukara waniroya nikusamehe. ³³Dje,'kuyaronduswa naweukarena mbazi kwa msunya myao kama vyokara na mbazi nawe.³⁴Dzumbe wareya muno,achimkabidhi kwa atesazihadi 'ndoph'oriph'adeni rosiadaiwaro. ³⁵Vivyi hivyo ndivyo bhabha wa mbinguni ndovyoenda kama kila mmwenga wenu kandamsamehe nduguye kura myonimwenu

¹Phanph'i wakati Yesu Ph'omarigiza kunena manenoge,achiuka Galilaya achimia mph'akani mwa Yudea phephi na muho Jordani. ²Unji wa atu uchimrunga naye achiatizya osi.³Mafarisayo gachimrunga na kumnjeza achimwambira, "Je ni vinono mtu kumricha mchewe kwa jambo rorosi?. ⁴Yesu achiandura nakuambira, iye wewaumba hiph'o kare waumba mrume na mchetu tomasyoma?⁵Na tsoma achiambira "Kwa ajili ya hili mrume andamricha ise na nine na kuvwangamizana ns mchewe hanu ato airi andakara mwili mmweng?. ⁶Ph'ah'i si airi tsoma bali mwili mmwenga,na chira chovwangamizwa na Mrungu mtu yeyosi asichitenganishe"⁷Achimwambira kwani ni viph'i,mbona Musa wauambira uravye taliki na kumricha mcheo?. ⁸Achiambira "kwa kuumirya myo yenu Musa wakuph'ani ruhusa aravye taliki kwa mchetu zunu era tangu kare kara takuna . ⁹Era naambira yefasi ndericha mchewe bila sababu ya kuzinga na kurora mchetu wanjina iye akazinga. Na mrume nderora mchetu cherichusa naye akazinga?.¹⁰Anafunzi achimwambira Yesu"Ph'ah'i kama ni hivyo mwa mrume na mchetu si vinono kurora". ¹¹Era Yesu achiambira "Si chiramutu aph'ocheraye mafundisho iga bali ni kwa ara wowewa ruhusa ya kuph'ochera. ¹²Kwa vira kuna matowashi ga kuvyarwa kwa nine zao na matowashi gotengenezwa ni atu. Na kuna matowashi odzienda ni matowashi kwa ajili ya ufalme wa mbinguni. Awezaye kugaph'ochera mafundisho iga nao ga ph'ochere.¹³Chimara ware erwa ana adide aikile mikono na kuavoyela era anafunzie achi aph'iekela. ¹⁴Era Yesu achinena alicheni ana adide aedze msiaremeze kwedza kwangu, kwavira ufalme wa mbinguni ni atu kama hano. ¹⁵Nae Yesu achiakira mikono chimara achiuka.¹⁶Tunza mtu mwenga wakwedza kwa Yesu achinena "Mwalimu, kuna chitu chiph'i chinono chilondwacho nichiende ili nipate mkaramo wa kare na kare?". ¹⁷Yesu achimwambira, "kwani ananiuza chinono? kuna mmwenga tu ariye mwema era kama yunaronda kupaph'a mkaramo wa kare na kare gwira sheria za Mungu"¹⁸Yuya mutu achimuaza ni shiria ziph'i? "Yesu achimwambira usiorage, usiiye, ¹⁹Usinene ruanzo,aheshimu sowe na china kwenu na umendze jiranio kama nafsio."²⁰Yuya mutu achimwambira mambogosi ig'o nagagwira, bado chitu chani? ²¹Yesu achimwambira "Kama anaronda akamirifu,mia ugaguze kira ulichonacho chimara uaph'e achia nawe undakara na hazina mbinguni, chimandzo unirunge" ²²Era yuya mvurana ph'osikira gara Yesu gonena, achiuka kwa kusononeka,kwa kukara kara ni tajiri muano.²³Yesu achiwambira anafunzie kweri nakwambira nit taivoezeka kwa tajiri kuichira kwenye ufalme wa mbinguni. ²⁴Tsona naambira ni viyuya kwa ngamia kutsaph kwenye tundu ya sindano kuriko tajiri kuinjira kwenye ufalme wa Murungu.²⁵Anafunzi ph'osikira iga achimaka muno achinena, kuna yuph'i ndeokoka? ²⁶Yesu achitunza, achinena,"Kwa anadamu jambo hiri tariwezekana,bari kwa Murungu ganawezekana" ²⁷Ndiph'o Petero achimjibu achimwambira "tunza ukaricha vitu vyosi na kukurunga uwe,kuna chitu chani ndochochipata?²⁸Yesu achiambira, " Kweri naambirani yeyosi anirungae mimi wakati uno mwana wa damu ndoph'osagara kwenye chichi cha enzi na utukufu,namwepia mundasagariravihi kumi na viiri vya enzi,kuahukumu mbari kumi na mbiri za Isiraeri.²⁹Yeyosi kahi yenu chericha nyumbaye, kakie, dada, bhabha, kakie, mayo, ana aure munda kwa ajiri ya dzina rangu, anda ph'ochera mara mia nakuph'aha mkaramo wa korena. ³⁰Era hiri rero anji ario wa kwanza, andakara a mwisho na ario amwisho andakara akwanza

¹Kwa kukara ufalme wa mbinguni ukamvanana na mutu mwenye munda, cheramuka na rugundzu muno iri andishe awiri kwenye mundawe wa muzabibu. ²Ph'okubariana aende kwa mutsi mmwenga dinari mwenga, achiaragiza amie m ndani³Ph'otsupa masaa maanhu achiminha na achiona awiri anjina akaima cheteni bila kazi yoyosi. ⁴achambira mwimwi namwi pia miani m ph'enye mizabibu, na chochosi ndo chokara halalinindaariph'a, ph'anhi achimia kazini.⁵Ph'anhi wamia baada ya masaa sita chimara saa ya tisa achiamia tsona. ⁶Mara ya njina tsona saa kumi na mwenga achimia achiakuta atu anjina akaima bila kazi achiauza kwani inkaima bila kazi yoyosi mutsi muzima? ⁷Achimjibu achimwambira, kwa kukara laodzambwe ajiriwe, achiambira mwimwi pia mihanimwenye munda mwamizabibu.⁸Dzironi phofika mwenye munda wa mizabibu achimwambia mnyaparawe ainhe awiri awariphe mishahara yao kuanzira wa mwisho hadi wa kwanza. ⁹Phokwedza ara choajiriwe saa kumi na mwenga chiri mmwenga achiphochera dinari. ¹⁰Phokswedza ara awiri ama(ny)nya ataphochera zaidi,achiphochera chiri mmwenga dinari mwenga.¹¹Phophochera maripho gao achimraramikira mwenye munda wa mizabibu. ¹²Achinena nao awiri a mwisho akatskura saa mwengatu kuenda kazi mbona unaaripha sawa na swiswi? swiswi ukaunura mizigo siku nzima na ukamya na joto.¹³Era mwenye munda wa mizabibu achimwambira mmwenga wao, msena wangu sikaenda vibaya je' tauyakubaliana na mimi kwa dinari mwenga? ¹⁴Phochera chiricho halaliyo na umevyako. Ni chinyemi kwangu kuapha nao choajiriwa mwisho sawa sawa na uwe.¹⁵Dje!si haki kwangu kuenda achira rirondacho na marizangu? Ama dzitso ro ni iyi kwa sababu ya wema wangu. ¹⁶Phanhi wa mwisho andakara wa kwanza na wa kwanza andakara wa mwisho.¹⁷Yesu phokara achikwera kuminha Yerusalemu waatsukura anafunzi kumi na airi kanda kanda (njirani) penjere ni achiambira. ¹⁸Tunazani unaelekea Yerusalemu na mwana wa Adamuandatiwa vegandzani mwa abaha a makuhani na andishi andamuhukumu chifo. ¹⁹Na andamravya kwa atu a mataifa ili akambere,akampige na kumsulubisha, era siku ya hanhu andafufuka.²⁰Chimara nine wa ana a Zobedayo achedza kwa Yesu na anae. Achichita m amvindi na kumroya chitu kura kwakwe. ²¹Yesu achimuuliza "Urondani?" Achimwambira , amuru ano anangu airi asagare mmwenga kurume na mmwe kumotso phenye ufalme wa Mrungu²²Era Yesu achimjibu achimwambira "kumanya avoyacho" Dze unatura kumwerera chikombe ndochochinwerera? achimwambira undaweza" (undatulya). ²³Achimwambira ni sawa chikombe changu mndachimwerera era kusogora kurume na kumotso kwangusi dzukumu rangu kuapha, era ni kwa ara ni kwa hao oandaliwa ni Bhabha yangu. ²⁴Anafunzi anjina kumi phosikira achihuzunishwa muno na ara ndugu airi.²⁵Yesu achiahinha achiambira "Mnamanya kukara atawala a mataifa anatia dzogovya na abaha ao anagwira mamlaka dzuru yao. ²⁶Era mwimwi isikare hivyo,kwenu. Ila yeyosi arondaye kukara mbaha kahi yenu inambidi akare muwiri wenu. ²⁷Na nderonda kukara wa kwanza kahi yenu indambidi akaremwiri wenu. ²⁸Cha viratu mwana wa Adamukaya kwedzakutumikirwa era kutumika na kuravya moyowe kwa ukombori wa anji.²⁹Phokara anaturuka Jeriko mwaswa wa atu uchimrunga. ³⁰Achiona vipofu airi asegere kanda kanda ya penjere.Phosikira kukara Yesu anatsapa, apiga kururu na achinena " Dzumbe mwana wa Daudi, uonere mbazi". ³¹Era mwaswa wa atu uchiaphekera na kuambira, nyamarani. Bure ao achipiga kururu muno, na kunena "Dzumbe mwana wa Daudiuonere mbazi"³²Chimara Yesu achiima achiainha na kuauza "Mrondani?" ³³Achimwambira "Dzumbe anakuvoya matsogehu gavugurive" ³⁴Phanhi Yesu waaonera mbazi muno,achilaguta matso gao, phapho hiph'o achiphora achimrunga

¹Yesu na anafunzie afika ph'eph'i na Yerusalemu na achimia mpaka Bethfage,kwenye mwango wa mizeituni, chimara Yesu achiaragiza anafunzi airi. ²Achiambira miani kwenye chidzidzi chambere mndakuta ndzoya akafungwa ph'amwenga na mwanawe avugureni mnireere. ³Kama mutu achiuza kuhusu hiri, mwambire "Dzumbe anamronda, Naye andakuph'ani na mwedze naye.⁴Jambo hiri raendeka ni rira ronenwa na nabihi lazima ritimizwe achiambira. ⁵Waambire binti Sayuni,tunza mfalmeoaredza kwenu mnyenyekevu chekwera ndzoya na mwand ndzoya mrume na mwana ndzoya mtsongo.⁶Anafunzie auka achienda kama chovyoragizwa ni Yesu. ⁷Achimreh'a ndzoya na mwanawe na kuandika nguo dzuru yaonaye Yesu achikwera dzuruye. ⁸Anji andika nguo zao njirani an anjina akata matsanzu gamihi na kuandika njirani(barabarani).⁹Umati womtugorya Yesu na anjina womrunga achipiga kururu.uchinena "Hosana kwa mwana wa Daudi, Ni mbarikiwa aedzayekwadzina na Dzumbe, Hosana Dzuru tsona. ¹⁰Yesu ph'oph'ika Yerusalemu mdzi mzima uchimaka na kunena hiyu ni yuph'i? ¹¹Umati uchijibu "Hiyu ni Yesu Nabhi kura Nazareth ya Galilaya¹²Chimara Yesu achinjira hekaruni achiazora atu osikara agurao na kuguza achibedura bedura mezaza abadilishao pesa na vichivya aguzao njiya. ¹³Achiambira, yaandikwa " nyumba yangu indaihwa nyumba ya kuvoyera, bali mwimwi mnaigaruza (pango ra ) nyumba ya chinyang'anyiro. ¹⁴Chimara vipofo na vilema achimwedzer hekaluni naye achiatizya¹⁵Era wakati abaha a makuhani na aandishi ph'oona miudjiza iendwayo na phesikira ana achipiga kururu hekaluni, na kunena "osana mwana wa Daudi" Achireya muno. ¹⁶Achimwambira "ukasikira chira chinenwacho ni hanu atu?" Yesu achiambira nikasikira (ndiyo) Viph'i tamdzambwe soma "Kura kwa miromo ya ana na vidzana vitsanga aamwao mnasifa kamili. ¹⁷Chimara Yesu achiaricha achimia kondze wa mudzi wa Bethania achirara iko.¹⁸Rugundzu phokara anauya mdzini kara ana ndzara. ¹⁹achiona mtini kanda kanda ya njira wausengerere era kara tauna chitu ni makodza mauph'u achiumbira, "Usivyare kare na kare, ph'aph'o mtini uchiumarara.²⁰Anafunzi ph'oona achimaka,achinena akakaradze mtini ukaumarara? ²¹Yesu achiambira "Kweri naambirani, kama mtakara na migwirire soyo na shaka ta mndaenda chira chochoendeka kwa mtini tu, bali mndauambira hata mwango utsukurwe ukatsuphwe baharini vindaendeka. ²²Rorosi ndorovoya kwa sala na mchikara na migwirire mndaph'ochera²³Yesu ph'okwedza hekaluniabaha a makuhani na azee achimwedzera ph'okara anafundisha na achimuuza "Ni kwa mamlaka gaph'i uendago mambo higa? Na ni yuph'i wakuph'a mamlaka higa?. ²⁴Yesu achiambira Nami nindawauza swali mwenga, mchiniambira nami nindaambira mamlaka ienderago iga mambo.²⁵Ubatizo wa Yohana waraph'i, mbinguni au kwa anadamu?Achisemwererana enye kwa enye, achinena, uchinena warambinguni, andawambira mbona tamyaamini? ²⁶Era uchinena ura kwa anadabu anaaogoph'a makutano kwa kukara atu osi anamuona Yohana kama nabihi. ²⁷Chimara achimwambira Yesu "Taumanya" Achiambira wala nami sindaambira ni kwa mamlaka gaph'i niengerago mambo higa.²⁸Era mnafikidze, mutu mwenye ana airi achimia kwa mmwenga nakumwambira Mawanangu, mih'a ukaende kazi kwenye munda wa mizabibu rero. ²⁹mwanawe achimwambira simih'a/ sironda chimara kure achiona si vinono achimia. ³⁰Na yuya mutu achimia kwa mwana wa ph'iri achimwambira viratu vira, mwana hiyu achinena andamia bhabha era asimihe³¹Ni (yuph'i) yuph'i kwa ana ani airi weenda vyorondwa ni ise yao?Achinena"Ni yuya wa kwanza"Yesu achiambira, kweri naambirani,akusanya ushuru na makahaba andainjira kwenye ufalme wa Mrungukabla mwimwi kuinjira. ³²Kwa kukara Yohana wakwedzakwenu njira ya unyofu, bali tamyagwira, bali akusanya ushuru na makahaba amgwira. Namwi phoona higa tamyatubia ili mpate kumgwira.³³Eganisikiro kwa ndarira ya njina kwa kara na mutu mwenye munda mbaha waph'auda mizabibu, achiikira wigo, achitengeneza chombo cha kutsudzira (zabibu) divai,achidzenga chidungu cha kurindira na achirikodisha kwa akurima chimara achitsama tsi ya njina. ³⁴Ph'eph'i na kuvuna achiauma atumishie kwa anao akurima kutsukura zabibu.³⁵Era akulima a mizabibu achiatsukura hano aumwa achimpiga mmwenga, achimoraga,wanjina achipiga mawe. ³⁶Kwa mara ya phiri mwenye munda achimuona atunishi anjina, anji zaidi ya ara a kwanza, akurima a mizabibu achia endera viratu vira kama ara a kwanza. ³⁷Ndiph'o mwenye munda ph'omragiza mwanawe achinena "andamuheshimu mwanangu"³⁸Bali akulima a mizabibu ph'omuona mwanawe achinenezana "Hiyu ndiye mrathi,Ndzoni umorage undarithi swiswi". ³⁹Achimtsukura achimtsuph'a kondze ya munda achomoraga⁴⁰Je1mwenye munda achedza andaendani akurima a mizabibu?" ⁴¹Achimwambira anda abananga atu hao ayi vibaya munokutsapa,chimara anda ukodisha huo munda wa mizabibu kwa akurima anjina a mizabibu ndooriph'a kwa ajili ya mizabibu ndoph'o ivzwa⁴²Yesu achiambira, Tamyasoma maandiko "Dziwe orirema aashi rakara dziwe kuu ra msingi. Hili rara kwa Dzumbe na rinashangaza matso gehu⁴³Ph'ah'i naambira, ufalme wa Mrungu unda tsukurwa kura kwenu na kuwewa taifa rithaminiro matundage. ⁴⁴Yeyosi ndegusa kura dzuru ya iri dziwe andavudzikavundzika vipande vipande. Bali kwa yuya ndeyegwererwa rindomphonda phonda.⁴⁵Abaha a makuhani na mafariasayo phosikira ndariraze achimanya (anamnena) ananenwa hao. ⁴⁶Ph'oronda kugorosa mikono dzuru achiyogopha atu kwa kukara anamtunza kwao kama Nabihi.

¹Yesu achinena nao tsona kwa dharira achinena. ²Ufarume wa mbinguni unamvanana na mfarume cheandaa karamu ya urozi wa mwanawe. ³Achiauma awiriwe kuakaribisha atu oaalikwa kwedza kwenye sherehe ya wozi,era tanyakwedza⁴Mfarume achiauma tsona awiri anjina achinena "Aaambireni osi chooalikwa aedze kwa kura nikavuga kande nono na nikatsitosa mri na ndama anono na mabo gosigateyari,ndzoni kwenye sherehe⁵Era ano atu tenyazingatia chikweri ura mwariko,anjina auya mindani, na anjina auya kwenye kazi zao za utsumi. ⁶Anjina achiainukira hano awiri a mfarume achiabera chimara achiaoraga. ⁷Era mfarume wareya,achiuma jeshire na kuaoraga osi oorga awirie na kuochamudzi wao kwa moh'o.⁸Chimara ufarume wareya awirie harusi iteyari era chooarikwa taastahili. ⁹Ph'ah'imiani maganikoni, muarike atu anji kama viwenekanavyo aedze kwenye arusi. ¹⁰A wirie achimia maganiko achiakaribisha atu aina mbari mbari ario anono na hata ariyo ayi. Ukumbi uchiodzara adjeni.¹¹Ph'ah'i mfarume ph'oinjira kutunza adjeni wamuona mutu mmwenga kara kayavwara vwazi ra arusi. ¹²Mfarume achimuuza "Msena wangu ukainjiradze bila kuvwara vwazi ra arusi?Yuya mutu kayaandura rorosi¹³Ndiph'o mfarume ph'oambira awirie mfungeni huyu mutu mikono na miguruge mkamtsuph'e kondze djizani kwenye chiriro na kuafuna meno. ¹⁴Kwa kukara atu anji ananh'wa era ateule ni achache.¹⁵Ndiph'o mafarisayo phouka achienda njama ya kumgwira Yesu kwa manenoge mwenye. ¹⁶Ndiph'o mafarisayo phouma anafunzi ao ph'amwenga na maherode, achimwambira Yesu "Mwarimu h'unamanya kukara uwe ni mutu wa kweri na kukara unafundisha mafundisho garondwago ni Mrungu ga kweri wala kubera maazo gaanjina na wala kuonyesa upendeleo kwa atu. ¹⁷Hebu uambire unafikiridze Je!uambire ni sheria kuripha kodi kwa Kaisari au siyo?¹⁸Yesu waamanya unananzi wao, achiambira mwimwi anafiki mbona mnaronda kunidjeza? ¹⁹Nionyesani hiyo pesa itumikayo kuriphira kodi, ndipho phomreera dinari.²⁰Yesu achiauza "Sura na hiri dzina ni ra yuph'i?/ani?. ²¹"Ni vya Kaisari" ndipho phoambira " Mpheni Kaisari virivyo vyakwe na vya Mrungu mpheni Mrungu. ²²Phosikira igo achimaka, chimara achimricha achimia vyao²³Baadhi ya masadukayo siku ira akwedza kwa Yesuara anenao takuna ufufuo wa afu achimwambira. ²⁴Achinena Mwarimu Musa wanena,chikara mutu akafwa bila kuvyara na ana nduguye na amrithi hiye mchewetu na amvyarire ana kwa ajiri ya nduguye²⁵Phakara na ndugu saba wa kwanza achirara, chimara achifwa kayavyars mwana ,achimrichira mchetu nduguye. ²⁶Chimara yuya nduguye wa phiri naye achifwa vivyo,chimara yuya wa hanhu ichikara vivyo hadi yuya wa saba. ²⁷Baada ya igo gosi yuya mchetu naye achifwa. ²⁸Kwenye ufufuo hiyu mchetu andakara wa yuphi kahi ya ano ndugu saba?Kwa kukara osi amrora.²⁹Era Yesu achiajibu achiambira "Mnakosera kwa kukara tammanya maandiko wala nguvu za Mrungu. ³⁰Kwa kukara phenye ufufuo atu taarora wals kurorwa, atu anakara kama mararaika iko mbinguni.³¹Kuhusu ufufuo wa afu, tamdza mbwesoma igara gonena Mrungu kwenu, achinena. ³²Mimi ni Mrungu wa Ibrahimu, Mrungu wa Isaka na Mrungu wa Yakobo?Mrungu si Mrungu wa afu, ni Mrungu wa atu ariyo moyo. ³³Atu phenye mkusanyikounophosikira iga maneno, achimaka mafundishoge³⁴Era mafarisayo phosikira kukara Yesu waanyamazishe Masukayo adzikusanya phamwenga. ³⁵Mmwenga wao kara mwanasharia achimuuza swali kwa kumdjeza. ³⁶Mwarimu ni mromo uphi wa Mrungu urio mbanha kuriko miromo yosi chisheria?³⁷Yesu achimjibu Mmedze Dzumbe kwa moyoo wosi, kwa rohoyo yosi,na kwa achirizo zosi. ³⁸Uno ndio mromo mbaha wa kwanza³⁹Na waphiriwe unamvanana na uno nao ni mmedze jiraniyo kama udzimendzavyo uwe mwenye. ⁴⁰Sheria zosi na Manabihi zinarunga miromo ino miiri.⁴¹Na phokara Mafarisayo anadzikasanya phamwenga Yesu waauza swali. ⁴²Achinena "Je Mnamfikiriadze Kiristo?Iye ni mwana wa yuphi?" Nao achijibu " Ni mwana wa Daudi"⁴³Yesu achiauza "Ni kwa viphi Daudi chiroho anamwinha Dzumbe achinena. ⁴⁴Dzumbe wamwambira Dzumbe wangu, "Sagara mkono wangu wa kurume hadi ndophoaika akondoo tsini ya magurugo?⁴⁵Kama Daudi anamwinha Kiristo"Dzumbe ni viphi akare mwanawe? ⁴⁶Takuna weturya kumjibu neno tsona na takuna tsonawemuuza maswali siku hiyo na hiko mbereni

¹Phanhi wasemura na umati phamwenga na anafunzie. Achinena . ²"Aaandishi na Mafarisayo anasagarira chihi cha Musa. ³Chimara chochosi ndochoaamuru kuenda endani iku mchiatsunguza. Era msedze mka mkaiga mwenendo yao, kwa vira hao ananena mambo sogogaenda⁴Ni kweri hao anafusigasha mabundu ga mizigo (mizito)ambayo ahotaaihorekana chimara anaoerekaza atu mabegani mwao. Haomenye ita aisengeze kuioreka hata kwa chara. ⁵Gosi aendago, anagaenda ili atunzwe ni atu. Kwa vire hao anapanura masandugu gao na kuonjereza ubaha wa maph'indo ga mavwazi gao.⁶Ana anamendza gusagara sehemu za chifahari phenye sherehe na phenye vihi vya heshima masinagogini. ⁷Na kuramuswa kwa heshima maeneo ga cheteni na lwinhwa "Arimu ni atu"⁸Era mwimwi tamphaswa kuinhwa "Arimu"kwa kukara munaye mwarimu mmwenga ,na mwimwi osi mdugu. ⁹Msimwinhe mutu yoyosi ipha intsini kukara ni sow yenu mmwenga tu asagaraye mbinguni. ¹⁰wana msiinhwa"Arimu" kwa kukara muna mwarimu mmwenga tu naye ni Kiristo.¹¹Era ariye mbanha kahi kahi yenu andakara muiri wenu. Yeyosi adziinuraye andatserezwa. ¹²Na yeyosi adzierezayeandainurwa¹³Era ore wenu Aandisi na Mafarisayo afitinishi mnafungira atu ufarume wa mbinguni tamnainjira namwi tamrondo kuaricha anjina ainjire. ¹⁴"Ore wenu aandisi na Mafarisayo afitini kwa kukara mnaamiza ajane". ¹⁵"Ore wenu aandisi na Mafarisayo mtambukao ng'ambo ya bahari na kuenda atu aamini gara mgafundishago na agaphocherapho mnaganuza mara mbiri mutu wa jehanamu kama mwimwi enye mrivyo.¹⁶"Ore wenu virongozi soona mwimwi mnenao yeyosi atyaye chorapho nyumbani mwa Mrungu kama neno. Era aryaye chirapho kwa dhahabu ya nyumba ya Mrungu akafungwa ni chiraphoche. ¹⁷Mwimwi aphuphi sooona ni chiphi chibanha kutsaba chanjina dhahabuau nyumba ya Mrungu ambayo haikwa wakfu kwa Mrungu?¹⁸Na yeyosi aryaye chirapho kwa madhahabu kana neno era aryaye chirapho wa sadaka iriyo dzuruye akafungwa ni chiraphoche. ¹⁹Mwimwi atu sooona chibanha ni chiphi kiriko cha?njina sadaka ama madhahabuambago ganaika wakfu sadaka ziravywazo kwa Mrungu²⁰Phanh'iaryaye chirapho kwa madhabahu anaapha kwa vitu vyosi virivyo dzuruye. ²¹Na iye aryaye chirapho kwa nyumba ya Mrungu, anaapha kwa hiye asagaraye ndaniye. ²²Ya yeyo aryaye chirapho kwa mbingu anaapha kwa chihi cha enzi cha Mrungu na kwa hiye asagaraye dzuruye²³Ore enu aandisi na Mafarisayo afitini kwa kukara mnaripha zaka kwa bizari, mnanaa na mmakaya etra mnaricha mambo mafu ga sheria , haki, rehema na migwirira. Era mnapaswa iga kugaenda na si kuricha ganjina bila kugaenda. ²⁴Mwimwi virongozi sooona ambao mnatsudza chidudu chidide era mnamiza ngamia mzima.²⁵Ore enu Aandisi na Mafarisayo afitini mtsukutsao chikombe kondze phamwenga na sahani era ndani mkaodzana dhuluma soyo chikomo. ²⁶Mwi-Mafarisayo sooona tsukutsani kwanza ndani ya chikombe na sahani, iri na upande wa ndani nao ukare mwereru.²⁷Ore enu aandishi na Mafarisayoafitini kwa kukara mnamvanana na mbira zopakwa chokaa ambazo kwa kondzezinaonekana nono, bumbamvi kwa ndani mkaodzara mifupha ya afu na vitu vya koma koma sovyofaa. ²⁸N amwi vivyi hivyokwa kondzemnaonekana atu a haki mbere za atu era ndani yenu mkaodzara fitina na udhalimu.²⁹Ore enu aandisi na Mafarisayo kwa kukara mnadzenga mbira za manabii na kugaremba mbira za atu enye haki. ³⁰Mwimwi mnane kama mngesagara enzi za sowe zenu msingeshiriki phamwenga na amwagadzi miratso ya manabii. ³¹Kumbavi mnadzionesa enye kukara mwimwi muana a hao ooraga manabii³²Namwipia mnadzionesa wazi wazi kukura musehemu ya atu mstahilio ubanananzi wa sowe zenu. ³³Mwimwi ana nyoka ana vipiribao. mndaendadze kuichimbira hukumu ya Jehanamu?³⁴Ph'anhi tunzani naaragizira manabii kwenu atu enye hekima na aandisi. Achache hao mndaaraga na kuasulubisha. Na anjina mndaapiga onilewa masinagogini na kuazora kura mudzi hadi mudzi wanjina . ³⁵Ndolokwendza dzuru yenu, kunaturukira miratso yosi ya atu okara na haki mozimwaga ntsini, kuanzira miratso Habili mwenye hadi miratso ya Zakaria mwana wa Barakia mwemoraga kahi ya madhabahu na phatakatifu. ³⁶Ni kweri naambirani mambo higa gosigandachipata chivyazi hichi.³⁷Yerusaremu Yerusaremu uwe uoragaye manabii na kuatsutsa/piga mawe ara oumwa kwako ni mara nyingaphi naakusanya anao phamwenga kama viratu vira kuku akusanyavyo vifarangavye tsini ga mbawa za era kuya kubali. ³⁸Tunzani nyumbayo ikabaki uchiya . ³⁹Nami nakuambira kuazira rero na kuenderera kundaniona hadi ndophonena "Akabarikiwa iye aedzaye kwa dzina ra Dzumbe

¹Yesu waturuka hekaluni achimiha vyakwe. Anafunzie achimiha kumu. monesa mandzegoga hekalu. ²Era waandura achiambira "Dje tamuona mambo gosi higa? kweri naambirani takuna dziwe ndorobaki dzuru ya ranjina bila kubomorwa"³Na phokera asegere mwangoni mzaituni anafunzie amwenzera kwa siri siri achimwambira "Uambire mambo gandaturukira rini?Kundakara na ishara iphi ya kwedza kwako na mwisho wa ntsi? ⁴Yesu waandura na kuambira "Tsiikenitoasetse mutu aka aphotosha. ⁵Kwa kura anji andakwedza kwa dzina rangu Na kunena " Mimi ndiye Kiristo na anji andaatosha.⁶Mndasikira kondo na mambo ga kondo. Tunzani m sedze mkara na wasiwasi kwa kukara mambo higa takanabudi kwedza era ura mwisho taundzambwe. ⁷Kwa kukara mbari mwenga indainukira mbari ya njina na ufarume kwa ufarume wa njina, kumdakara na dzara na mtetemo wa tsi maeneo mbarimbari. ⁸Era mambo higo gosi ni mwanzo wa utsungu wa kudzivuruga.⁹Ndipho anji andadzikwara kwa ajili ya mateso na kuoragwa. Mndasinywa ni mbari zozi za tsi kwa ajili ya dzina rangu. ¹⁰Ndipho anji andadzikwara na kufitiana na kuremana enye kwa enye. ¹¹Manabii anji aruanzo andaturukira na kuaufwya atu/ kuachenga atu¹²Kwa kukara ubananzi undaonje'rezeka na umendzo kwa atu undaangamika na kuphora. ¹³Era ndevumirira hadi mwisho andatezwya. ¹⁴Na ino Injiri indahubiriwa tsi nzima kama ushuhuda kwa mbari zosi. Na ndipho huo mwisho ndophotsoroka/ kwedza¹⁵Phanphi ndophoona tsuki na ubananzi, neno renenwa ni Nabii Daniel rikaima phatakatifu. ¹⁶Ndipho ipho ariye Yuda achimbirire mwangoni. ¹⁷Na ariye dzuru ya paa ra nyumba asitserere photsi kutsukura chochosi kura nyumbani mwake. ¹⁸Naye ariye mundani asiuye kaya kutsukura Vwazire.¹⁹Era ore ara ambao andaka na ana atsanga na aamusao siku hizo. ²⁰Voyani kuchimbira kwa wakati huo kusikare nyakati za pepho wala siku za sabato. ²¹Kwa kukara kundakara dhiki mbaha ambaya taidzambwe karapho angu kuumbwa kwa ntsi hadi iri rero na wara taindakarapho tsona. ²²Kama siku hizo zingeendwa chache takuna mutu ambaye angeterywa, era kwa ajili ya otsagurwa siku hizo zindafupishwa.²³Chimara kama kundakara na mutu ndeaambira tunzani Kiristo a hipha au Kiristo akuera kure msimwamini manenoge. ²⁴Kwa kukara Akristo a ruanzo na manabii ga ruanzo andakwedza na kuonesa ishara mbaha na miujiza ili aapotoshe atu phamwenga na ara otsagurwa. ²⁵Tunzani naapha taadhari kabla ya mambo higa kukarapho.²⁶Phahi mchedza kuambirwa Kiristo ajangwani au a ndani ya nyumba msiamini maneno gao. ²⁷Chavira radi imusirikavyo kura mashariki hadi magharibi ndivyo ndovyokara kwedzakwe mwana wa Adamu. ²⁸Phophosi pharipho na (mziga) chibudu hipho ndipho akusanyikapho.²⁹Era baada ya dhiki mbaha ya mitsi hiyo, dzuwa randainjizwa djizani mwezi taundaturuza mwangawe na nyota zindagwa kura mbinguni na nguvu za mbingunizindadzisukasuka³⁰Ndipho ishara ya mwana wa Adamu indaonekana angani na mbari zosi za urimwengu ndopho sononeka na kurira andamona mwana wa Adamu achidza kwenye maingu angani kwa nguvu na utukufu munji. ³¹Andaaragiza mara raikage kwa kara baha ya magunda nao andaakusanya otsagurwa phamwenga kura pande ne za urimwengu kura tsa ya mwanzo hadi tsa ya mwisho ya urimwengu³²Dzibazeni somo ra muhi wa mtini. Mara tu tsanzure ritsiphukapho na kuravya makodza, mnamanya kukara kazikaziiphephi. ³³Phahi pia higa mchigaona gosi manjani kukara aphephi na myango³⁴Phahi chivyazi hichi ta chindatsapa hadi mambo higa gosi gaturukire. ³⁵Mbingu na urimwengu vindatsapa era maneno yangu tagandatsapa kemwe.³⁶Era kuhusu metsi(siku) na saa takuna mutu amanyaye hata mararaika ga mbinguni wara mwana bari baba mwenye macheye.³⁷Chavyaratu vyokara mitsi ya Nuhu ndivyo ndovyobara kwedza kwa mwana wa Adamu. ³⁸Kwa kukara mitsihiyo kabla ya gharika atu kara anarya na kunwa, achirora na kurorwa hadi mutsi ura nuhu phoinjira Safinani. ³⁹Ndaayamanya rorosi hadi gharika phokwedza kuatsukura osi, ndivyo ndovyokara kwedza kwa mwana wa Adamu.⁴⁰Atu airi andakara mundani mmwenga andatsukurwa na mmwenga andarichwa nyuma. ⁴¹Achetu airi andakara anasaga phamwenga, mmwenga andatsukura mmwenga andarichwa. ⁴²Phahi karani matso kwa kukara tammanya ni mutsi uphi ndoo kwedza Dzumbe wenu⁴³Era mmanye kukara kama mwenye nyumba angemanya saa aedzayo mwivi angechereza asingekubali nyumbaye ivundzwe. ⁴⁴Phahi dzitayarisheni kwa kukara mwana wa Adamu andakwedza saa soyoimanya⁴⁵Ni ani ariye mwaminifu, msunya mwenye achiri ambaye Dzumbe waapha madaraka dzuru ya ario nyumbani mwakwe, ili naye aaphe kande kwa wakati ufaao. ⁴⁶Akabarikiwa miri hiyu ambaye Dzumbe achedza andamkuta akaenda virondwavyo ni Dzumbe. ⁴⁷Kweri naambira Dzumbe andamuika dzuru ya chira chitu chirichipho nyumbani.⁴⁸Era kwa msunya muyi angedzenenera moyoni mwakwe Dzumbe akachererwa. ⁴⁹Na kuanza kuapiga airie na kulrya na kurewa. ⁵⁰Dzumbe wa msunya hiyu andakwedza mutsi sooumanya na saa sooimanya. ⁵¹Dzumbe andamkatakata vipande viiri na kumuika nafasi mwenga na anafiki ambako kundakara na chiriro na kusaga meno.

¹Ndiph'o ufarume wa Mrungu undamvananishwa na ana ari kumi/asichana otsukara taa zao achiminha kumphochera mwari. ²Atsano kara niapumbavu/aph'uph'i na atsano kara niamvyu. ³Ara oph'uph'a/opumba atsukura taa zao asitsukure na mafunha gogosi. ⁴Era ano amvyu atsukura vyombo/tupa zao za mafunha phamwenga na taa zao.⁵Mwari phokaa osi achikuke achirara. ⁶Phahi wakati wa usiku munji kwa kara na makururu, mwari aredza turukani mumphochere.⁷Punde achiinuka osi na kuasa taa zao. ⁸Ara aphuphi achiaambira ara amvyu huganyireni mafunha geni chidide kwa vira taa zahu zinafwa. ⁹Ara amvyu achiaambira kukara mafuha tagatosha kwa swiswi osi, bali miani mkagure madukani.¹⁰Wakati anamia kugure mafuha mwari achedza na osi kara ambao atayari achidzi ikato achiinjira naye nyumbani kwenye sherehe na myango uchifungwa. ¹¹Chimara ara aphuphi atsano achedza na achiinha Dzumbe dzumbe uvungurire. ¹²Era ajibiwa achiambirwa, kwa kweri mimi siamanya. ¹³Ph'anhi namwitunzani kwa kukara tammanya snutsi wa saa.¹⁴Ino ni sawa na mutu weronda kusafiri kumiatsi za kure, Waahia asunyae nakuapha/kuakaribithi utajiriwe. ¹⁵Mmwenga wao wawewa talanta tsano, wanjina wawewa mbiri na yuya wanjina achimupha mwenga. Kila mmwenga waphochora kurungana na karamaye chimara yiya mutu achimia vyakwe. ¹⁶Yuya wewewa talanta tsano wamia achiziikiza phatu zichivyara zanjina tsano¹⁷Viratu vira yuya wephochera talanta mbiri wazionjereza zichikara mbiri tsona. ¹⁸Era yuya wewewa mwenga wamiavyakwe achidzimba shimo achiifwitsa mati ya Dzumbewe.¹⁹Siku zatsapa njinji yuya Dzumbe wa ara asunya achiuya, na kuenda mahesabu nao. ²⁰Yuya msunya wewewa talanta tsano wakwedza na zanjina tsano, achimwambira "Dzumbe wanipha talanta tsano,Tunza nikafaida ya talanta tsanozanjina. ²¹Yuya Dzumbe achimwambira, Ukaenda vinono msunya mwaminifu na mnono;Ukakara mwaminifu kwa vitu vidide, pha'nhi nindakupha ubaha dzuru ya vitu vinji. Injira kwenye nyambura ya Dzumbe.²²Na yuya wewewa talanta mbiri naye achedza achinena Dzumbe, wanipha talanta mbiri, tunza nikaphaha faida ya talanta mbiri zanjina. ²³Dzumbe achimwambira ukaenda vinono msunya mwaminifu na mnono,Ukakara mwaminifu kwa vitu vidide, phahi nindakupha ubaha dzuruya vitu vinji. Injira kwenye nyambura ya Dzumbe.²⁴Na yuya wewewa talanta mwenga achedza achimwambira Dzumbe, namanya uwe u mutu msiru. Unatsuma phatu sopho siya na unavuna phatu sophophanda. ²⁵Mimi naogopha nichimia kuifwitsa kwenye shimo udongoni Tsukura ino hipha.²⁶Era Dzumbe achimwambira, Uwe u msunya muyi kama wamanya kukara natsuma phatu sopho siya, na vuna phatu sophophanda. ²⁷Phahi kara ungeapha atu a bank wakati wa kuuya ningephochera iriyo yangu na faida.²⁸Hebumfuteni hiyo talanta mumuphe yuya mwenye zira kumi. ²⁹Kila ariye nacho andaonjerezewa zaidi na kwa yeyosi asiye na chitu, hata hicho aricho nacho andafutwa. ³⁰Mtsupheni djizani kodze msunya muyi hiko ndiko kwenye chiriro na kusaga meno.³¹Wakati mwana wa Adamu ndophokwedza kwenye utukufu phamwenga na mararaika ndipho ndophosagara dzuru ya chihiche cha utukufu. ³²Mbari zosi zindaikwa ph'amwenga naye andaaganya atu kama viratu vira, mrisaaganyavyo ng'onzi na mbuzi. ³³Andaaika ng'onzi mkono wa kurume na mbuzi mkono wa kumotso.³⁴Chimara mfarume andaambira ara ario mkono wa kurume, Ndzoni mwimwi choobarikiwa ni baba muurithi mkaramo woendwa kare nyakati za kuikwa msingi wa urimwengu. ³⁵Kwa kukara kara nina ndzara mchiniphakande, kara nimdjeni mwanikaribisha. ³⁶Kara nichitsaha mchivwika nguo, kara ni mkongo mchinitunza, kara nakafungwa mchiniramusa.³⁷Ndipho hao enye haki ndophomuuliza Dzumbe nirini phokuona unadzara na kukurya/ kukurisa au una chiru na ukakupha madzi? ³⁸Na nirini Phokuona umdjeni uchikukaribisha? Au uchitsaha uchikuvwika nguo? ³⁹Na nirini phokuona u mkongo au chifungoni uchikuramusa? ⁴⁰Phahi yuya Mfarume andaambira"Kweri naambira rorosi murienda kahi ya ano ndugu zangu adide mwaniendera mimi.⁴¹Ndipho ndophoambira ara ario mkono wa kumotso , Niukirani hipha mwimwi choolaniwa miani mohoni wa bare kare woikwa kwa ajiri ya mphephera muujina mararaikage. ⁴²Kwa kukara kara nina ndzara tamyani pha kande, kara nina chiru tamyani pha madzi ( Kara ni chifungoni tamkwedza kunitunza, kara nichitsaha, tamyanivwika, kara ni mkongo na mfungwa). ⁴³Kara ni mdjeni tamya nitunza, kara ni chitsaha mtayanivwika,kara ni mkongo na mfungwa era tamyanitunza.⁴⁴Ndipho nao ndophomwambira Dzumbe ni rini phokuona una dzara au chiru au umdjeni au uchitsaha au umkongo au umfungwa na tauyakuhudumia? ⁴⁵Chimara achiaambira kweri nakuambirani chochosi ambachotamyaaendera mmwenga wao wa hano ana adide,tamyaniendera mimi. ⁴⁶Hano andompha kwenye adhabu ya kare na kare, era enye haki andamiha kwenye mkaramo wa kare na kare.

¹Yesu phomara kunena maneno gosi higa achiaambira anafunzie. ²Mnamanya baada ya siku mbiri indakara sikukuu ya pasaka, na mwana wa Adamu andaravywa ili asulubiwe.³Ndipho akuu a makuhani na azee phokutana phamwenga kwa kuhani mkuu aiwaye Kayafa. ⁴Kwa phamwenga aenda njama ya kumgwira Yesu kwa siri na kumoraga. ⁵Kwa kukara anena jambo hiri risiendeke siku ya sikukuu, ili isedze ikareh'a vurugu kwa atu.⁶Wakati Yesu phokara a Bethania nyumbani kwa Simioni mkoma. ⁷Phobara akadzigorosa mezani, mwana chetu mmwenga achidza kwakwe akaoreka mkoba wa Alabasta yokara na mafuh'a ga thamani mbah'a, achigachinjiriza chitswani mwakwe. ⁸Anafunzie phoona jambo hiri, asinywa achinena kwani atie hasara chiasi hichi? ⁹Mafuh'a iga gangeguzwa kwa bei banh'a na kuwewa achiya.¹⁰Era Yesu wamanya mawazo gao, achiambira, mbona mnamgayisa iyu mchetu? Ni kwa kukara akaenda jambonono kwangu. ¹¹Achiya mnao kila mitsi, era mimi tamndakara nami siku zosi.¹²Hipha chophinichinjira iga mafuh'a mwirini mwangu waenda hivyo kwa ajili ya maziko yangu. ¹³Kweri naambirani phophosi Injili ndopho ubiriwa urimwenguni phosi chitendo chochoenda hiyu mchetu chindaadzwa kama tambukiro ra jambo hiri.¹⁴Ndiph'o mmwenga wapho wa kumi na airi aiwaye Yuda - Iskariote achimia kwa makuhani. ¹⁵Na achiambira "Mndanipha chitu chani nichimsaliti?Achimpira vipande onagana mah'ah'u ga fedha. ¹⁶Ndipho angu hipho achienza njira ya kumsaliti/kumravya.¹⁷Phofika siku ya kwanza ya mikahe soyotiwa amira, anafunzie amwedzera Yesu achimuuza "Ni phaphi ndophorya kande ya Pasaka? ¹⁸Achiambira, miani ndzini kwa mutu fulani na mumuambire kukara mwarimu ananena mudawe uphephi. Nindaitimiza Pasaka phamwenga na mwi nyumbani mwakwe. ¹⁹Anafunzie achienda vyoragizwa ni Yesu na achiandaa kande ya Pasaka.²⁰Phophika dzironi asagara na anafunzie phamwenga osi kumi na airi. ²¹Phokara anarya achinena "Kweri naambirani mmwenga wenu andanisaliti" ²²Asononeka muno kila mmwenga anamuuza myawe "Je ni mimi Dzumbe?²³Yesu Andura achiambira yuya nde tsotsa nami mkonowe phamwenga nami ndiye ndonisaliti. ²⁴Mwana wa Adamu andauka kama vyoandikwe, Era ole kwa mutu ndemsaliti mwana wa Adamu!Ingekara bora mutu hiye kama asingevyaarwa. ²⁵Yuda ambaye angemsaliti achinena "Je ni mimi Rabi/Mwarimu? Yesu achimwambira -ugadzituruza mwemwenye.²⁶Phokara anarya kande, Yesu watsukura mkahe achiubariki na achiumega. Achiapha anafunzie na kunena "Tsukurani murye. Huno ni mwiri wangu.²⁷Achitsukura chikombe achishukuru achinena mwani osi. ²⁸Kwa kukara ino ni miratso ya agano rangu, imwagwayo kwa ajiri ya anji kwa msamaha wa ubananzi. ²⁹Nami naambirani sindanwa tsona matunda ga mzabibu uno, mpaka hipho ndophonwa mwamwenga a namwi kwenye ufarume Baba.³⁰Phomara kuvwina wirw wao aturuka achimih'a mwangoni mizeituni. ³¹Chimara Yesu achiambira usiku uno osi mndatsikwara kwa ajiri yangu kwa kukara yaandikwa , Nindampiga mrisa na mang'onzi gandatawanyika. ³²Baada ya kufufuka kwangu mindaatongorya kumia Galilaya³³Petero achimwambira hata kama osi andakurema kwa mambo ndogo kupita mimi sindakurema. ³⁴Yesu achiandura achimwambira usiku wa rero dzogoro taridzambwe ika undanirema mara tah'u. ³⁵Petero achimwambira hata kama indanibidi nifwe sindakuricha "Na anafunzi anjina osi achinena vivyo hivyo.³⁶Yesu ndipho phomia nao phatu phaiwapho Gethsemane achiambira anafunzie"Sagarani hipha mimi namia nikavoye" ³⁷Achimtsukura Petero na ana airi a Zebedayo achianza kusononeka na kuhuzunika. ³⁸Chimara achiambira "Roho yangu ina huzuni muno chiasi cha kufwa. Sagarani hipha mtsereze mwamwenga nami.³⁹Achimia chitambo chidide achigwa chifudifudi na kuvoya achinena "Baba kama inawezekana chikombe hichi chinitsape, Era isikare kama nirondavyo bali kama urondavyo uwe/ mapenzigo gatimizwe. ⁴⁰Achiauyira anafunzie achikuta arere, achimwambira Petero " Mbona tamkaturya kkutsereza nami kwa saa mwenga tu? ⁴¹Tserezani na kuvoya iri msiinjire madzezoni moyo uradhi rakini mwiri ni mnyonje.⁴²Achimiha kuvoya tsona mara ya phiri achinena "Baba kama jambo hiri tarituijika kuriricha na inabidi ninwe hichi chikombe basi mapenzigo gatimizwe. ⁴³Achiuya achiakuta arere tsona kwa kukara matso gaokara gakorwa. ⁴⁴Chimara Yesu achiaricha achimika vyakwe. Achivoya mara ya tah'u achinena maneno garatu gara.⁴⁵Chimara achiauyira anafunzie achiambira, Bado mcherekuka? Tunzani saa iphephi na mwana wa Adamu anasalitiwa mikononi mwa ambananzi. ⁴⁶Uukeni ramukani umieni yuya msaliti aphephi.⁴⁷Phokera kodzambwe mara kunena Yuda mmwenga wapho wa ara kumi na airi achedza. Kundi baha achirongozana naro kura kwa a kwi a makuhani ma azee a atu. Wakuedza na myundu na marungu. ⁴⁸Tsona yuya mutu wekusudia kumsariti Yesu waapha ishara achiambira,Mutu ndiyemuchumu mgwireni ndiye iye.⁴⁹Mara phaph'o hipho achedza kwa Yesu achinena "Salamu Mwalimu" achimchumu. ⁵⁰Yesu achimwambira msena wangu enda rira ambaro rikakureka, Ndipho phokwedza achigwira Yesu⁵¹Tunza mutu mmwenga kara ambaye aambatana na Yesu, waturuza munduwe achimkamata muwiri wa makuhani mbah'a achimdosa sikiro. ⁵²Ndiph'o Yesu phomwambira uyiza munduo dzani, kwa kukara osi ahumiraomundu andafwa kwa mundu. ⁵³Tammanya kukara sishindwa kumuia Baba anireere majeshi zaidi ya kumi na airi ga malaraika? ⁵⁴Era ikakara ivyo iri maandiko gatimizwe kwa kukara ndiyo virondwavyo kutimia⁵⁵Ndipho Yesu phouambira umati wa atu " Dje mkedza na myundu na marungu mnigwire kama vira ni mfwakasi? Mara nyinji kara uph'amwenga hekaluni nichiafuza tamyanigwira! ⁵⁶Era gosi iga gakaendeka iri maandiko ga manabii gatimie "Ndiph'o ananzuie phomricha achichimbira.⁵⁷Ara ogwira Yesu amfisa kwa (Mvoyesi) Kayafa, Mvoyezi mbah'a hipho ndiph'o aandishi na azee phokusanyika phamwenga. ⁵⁸Era Petero wamrunga runga nyuma kwa kure chidide hadi ukumbini pha Mvoyazi mkuru.Wainjira ndani achisagara phamwenga na arinzi atunze ndocho turukira⁵⁹Ph'ah'i avoyadzi akuru na baraza rosi kara rinaenza ushahidi wa ruanzo kuhusu Yesu iri amorage. ⁶⁰Ph'ah'i aturukira mashahidi anji era taayapata rorosi, Punde chidide aturukira mashahidi airi. ⁶¹Achinena "Mutu hiyu wanena kukara anaweza kuvundza hekalu ra Mrungu na kuridzenga tsona kwa muda wa siku tah'u"⁶²Mvoyadzi mkuru waima achimuuza "Mbona ukanyamara"Ano atu akushuhudia chitu chani? ⁶³Yesu wanyamara chimya. Mvoyadzimkuru achimwambira "Kama Mrungu aishivyo makuvoya mwambire kama uwe u Kiristo mwana wa Mrungu" ⁶⁴Yesu achiandura mwe ukanena, era nakuambira kuanzira rero na kuenderera undamuona mwana wa Adamu asegere mkono wa kurume wenye nguvu na andakwedza mainguni"⁶⁵Ndipho Mvoyadzi mkuru achitatu vwazire na kunena kukara "Akakufuri je unaronda ushahidi wanitsona?Tunzani, mkasikira achikufuru. ⁶⁶Je!mnariphi?Achiandura achinena "Anastahili chifo"⁶⁷Ph'ah'i awerera mah'e usoni na kumpiga makonde na madere. ⁶⁸"Achinena haya uambire ni yuph'i cha kupiga, uwe Ukiristo?"⁶⁹Petero wakati huo kara asegere kondze ya ukumbi, na mwiri mmwenga wa chichetu achedza achimwambira "Nawe pia kara uphamwenga na Yesu wa Galilaya" ⁷⁰Wamrema mbere za atu osi achimwambira simanya mnaniambirani.⁷¹Photura kondzemuwiri wanjina wa chichetu achimona, achinena mutu hiyu kara aphamwenga na Yesu wa Nazareti. ⁷²Achikana tsona kwa chirapho"Mino simmanya iye mutu"⁷³Baadaye ara atu kara akaima naye phephi achimrunga achinena na Petero, kwa kweri uwe umwenga wapho kwa kukara hata kusemwerera kwenu kunaigana. ⁷⁴Ndipho phoanza kusinywa na kurya chirapho "Mimi simmanya mutu hiyu"Phapho hipho dzogoro richiika. ⁷⁵Petero achitambukira maneno goambirwa ni Yesu"Kukara kabla ya dzogoro taridzambwe ika undanirema mara tah'u.

¹Phofika rugundzu avoyadzi akuru osi mwamwenga na azee achirya njama kuhusu Yesu iri amorage. ²Amfunga na achimrongoza kwa liwali Pilato.³Chimara yuya Yuda arondaye kumravya achiona kukara Yesu akatiwa kare hukumuni wasononeka achiuyiza vira vipande thelathini vya fedha kwa mvoyadzi mkuru na azee. ⁴Achiaambira "Nikaenda ubananzi kwa kuvyara mitatso ya mutu se hatia" Achimwambira undanya mwenye swiswi taumo,gatunze uwe mwenye. ⁵Chimara achivitsupha vira vipande vya fedha hekaluni, achiuka achimia kudzinyonga mwenye.⁶Mvoyadzi mkuru wavitsukura vira vipande vya fedha na achinena"Si vinono kuiika ino fedha kwenye hazina kwa kukara ni gharama ya miratso" ⁷Achienda ng'anzi phamwenga na ira fedha yatumika kugurira munda wa kuzikira adjeni. ⁸Ph'ah'i munda ura waih'wa "Munda wa miratso" hadi rero⁹Hipho ndipho rira neno ronenwa ni Nabii Jeremia richitimizwa rinenaro"Atsukura vipande thelathini vya fedha gharama yopangwa ni Asraeli kwa ajiliye" ¹⁰Na aitumia kwa munda wa mfinyanzi kama Dzumbe vyoelekeza.¹¹Ndipho Yesu phoima mbere ya Liwali na Liwali achimuuza "Je uwe ndiwe mfarume wa Ayahudi?" Yesu achiandura Uwe ndivyo unenavyo. ¹²Era phoshitakiwa ni avoyadzi akuru na azee kayanena rorosi. ¹³Chimara Pilato achimwambira "Gugasikira higa mastaka kuhusu uwe?" ¹⁴Era kayanena hata neno mwenga. Ph'ah'i Liwali wamaka.¹⁵Kara ni desturi wakati wa sikuu Liwali kumvungurira mfungwa mmwenga atu amtsagurao. ¹⁶Mitsi hiyo kara kuna mfyakasi mmwenga dzinare aichwa Baraba¹⁷Phokara atu akeedza phamwenga, Pilato waauza "Nimvungurire yuphi mumrondaye?Baraba au Yesu aihwaye Kiristo? ¹⁸Kwa kukara amanya amgwira kwa kumsinywa. ¹⁹Phokara asegere kwenye chihiche cha hukumu, mchewe achimrehera chitsibaru achimuasa, usiende jambo iyi rorosi kwa mutu seye kosa kwa kukara rero nikateseka muno kuroha dzuru ya mutu hiyu.²⁰Ndipho avoyadzi akuru na azee achitsembeza atu amvoyere Baraba avunguriwe na Yesu amorage. ²¹Liwali achiauza "Mronda niavungurire yuphi?Achinena "Baraba". ²²Pilato achiauza nimuendedze Yesu aih'we ye Kiristo "Msulubishe"²³Achiambira na kuauza akaenda kosa riphi?Era achizidi kupiga kururu muno "Msulubishe" ²⁴Pilato phoona kana rakuenda ira vurugu zinaongezeka watsukura madzi achitsukutsa mikono mbere ya atu achiambira "Mimi sina hatia dzuru ya muratso ya hiyu mutu se hatia, Higa ni genu"²⁵Atu osi achinena "Miratsore na ikare dzuru yeh'u na ana eh'u. ²⁶Chimara achiavugurira Baraba, era ampiga milawa Yesu na kumkabidhi kwao akamthulubishe.²⁷Chimara askari a liwali achimtsukura Yesu mpaka Praitorio na kundi bah'a ra askari achimzunguruka. ²⁸Achimvura nguwoze, achimvwika kanzu ya rangi ya kundu. ²⁹Chimara achitengeneza taji ra miya achimvwika chitswani, achimupha na mridza mkowe wa kurume. Achichita mavwindi mbereye na kumbeua achinena "Salaamu mfarume wa Ayahudi"³⁰Achimtserera mah'e na achitsukura mianzi na kumkota nayo chitswani. ³¹Phokara anambeua amvura ira kanzu na kumvwika nguoze achimuongoza kumiha kumsulubisha³²Phokura kondze amona mutu kura krene dzinare aih'wa Simeoni achimlazimisha amtsukure ili atsukure na msalabawe. ³³Phofika phatu phaiwapho Golgotha maana ge "Phatu pha (Fuvu) bebeta ra chitswa" ³⁴Amupha madzi ga utsungu gobiganywa na nyongo anwe, phoiondza kayaweza kuinwa.³⁵Phokara anamsulubisha aganyana mavwazige kwa kupigirana kura. ³⁶Achisagara achimtunza. ³⁷Dzuru chitswache aika maandiko kasomekago "Hiyu ni Yesu mfarume wa Ayahudi".³⁸Afwakasi airi osulubishwa naye mmwenga mkono wa kurume na mmwenga mkono wa kumotso. ³⁹Atu kara atsapah'o njirani hiku achimbera na kusukasuka vitswa vyao. ⁴⁰Hiyu achinena "Uwe kara uronda kurivundza hekalu chimara uridzenge kwa siku tah'u, dziterye mwenye kama kweri u mwana wa Mrungu tserera hipho msalabani.⁴¹Na vivyo hivyo avoyadzi akuru nao kara anambera phamwenga na aandishi na azee achinena. ⁴²Watera anjina era aweza kudziterya mwenye, iye ni mfarume wa Ayahudi Na atserere msalabanindipho mdophomwamini⁴³"Kara anadzivunira Mrungu. Richa iye mrunguwe amterye kwa vira wanena iye ni mwana wa Mrungu" ⁴⁴Na ara afyakasi airi osulubiwa mwamwenga nao pia amdhihaki/ambera⁴⁵Kura saa sita ya mutsikwakara na dgiza tsi yosi hadi saa tisa. ⁴⁶Phofika saa tisa, Yesu achirira kwa rukere ra dzuru"Eloi, Eloi lamathaba kitani" maanage "Mrungu wangu Mrungu wangu mbona ukaniricha?" ⁴⁷Baadhi ya atu kara chooima phephi asikira, achinena "amwia Eliya"⁴⁸Mwenga wapho achimbira kwenda tsukura sifongo na kuiodzaza ondziga utsungu anwe. ⁴⁹Osaraphara achinena, mricheni macheye uone kama hiye Eliya andakwedza amterya/kumtizya. ⁵⁰Ndipho Yesu phorera kwa rukera ra dzuru muno rohoye uchituruka⁵¹Tunza pasia ra hekalu rahauka sehemu mbiri kuanzira dzuru hadi photsi. Na tsi ichididima mawe mabaha gachihauka vipande vipande. ⁵²Mbira zichivuguka na miri ya otsagurwa anji yakar4a yafwa yafufuka. ⁵³Aturuka mbirani baada ya ufufuo achiinjira mudzi mnono na atu anjina achiaona⁵⁴Phanh'i yuya akida na anjina kara amtunzao Yesu achiona mtetemo wa tsi na mambo gaturukira achiodzarwa ni woga muno achinena "Ni kweri hiyu kara ni mwana wa Mrungu" ⁵⁵Achetu anji kura Galilaya kara amrumgao ili amuhudumie kara aphapho anatunza kwa kure. ⁵⁶Kahikahi kana kuna Mariam Magdarena Mariam nine wa Yakobo na Yusufu na nineyao ana a Zebedeyayo⁵⁷Phephika dzironiwakwedza mutu mmwenga rajiri kura Arimathayo ainhwa Yusufu ambaye pia kara ni mwanafunziwe. ⁵⁸Achimrunga pilato na kuvoya mwiri wa Yesu. Pilato achiragiza awewe.⁵⁹Yusufu wautsukura mwiri wa Yesu achiuzongomeza na nguo safi ea sufu. ⁶⁰Na achiuraza kwenye mbira mphya rakwe ambaro kara waritsonga kwenye dziwe baha. Chimara achiburuta tsiwe baha richibwinikiza myango wa mbira na achia vyakwe. ⁶¹Maria Magdalena na Maria wanjina kara aphapho asegere kueleke kwenye mbira.⁶²Siku ya phiri kara iriyo siku ya maandalizi Avoyadzi abaha na makuhani na mafarisayo akwedza phamwenga kwa Pilato. ⁶³Achimwambira "Dzumbe atambukira kukara yuya mumvyu phokara ni mzima wanena baada ya siku tanh'u andafufuka tsona. ⁶⁴Phah'i radjiza mbira irindwe sawas sawa mpaka ira siku ya tanh'u ra sivyo anafunzie anaweza kwedza na kumuiya chimara anene akafufuka tsona , kuchenga kwa mwisho kundakara kuyi kuriko kwa kwanza.⁶⁵Pilato achiapha arinzi, achiambira aminhe ataendekazi ipasavyo. ⁶⁶Phahi auka achiminha kurinda mbira kama dzovyoragizwa, dziwe rapigwa muhuri na arinzi achiikwa.

¹Ph'ah'i dzironi mutsi wa Sabato dzuwa kara rinatswa kwedzera mutsi wa kwanza wa juma, Mariamu na yuya Mariam wanjina akwedza kutunza mbira. ²Tunza phakara na mdidimo mbah'a kwa vira raraika ra Dzumbe ratserera na kuribidura rira dziwe chimara achirisagarira.³Cheniche chakara kama umeme na mavwazige karani mereru ndamka ni theluji. ⁴Ara arinzi aodzarwa ni wasi wasi achikara kama choofwa⁵Yuya raraika achiafwenurira ara achetu achiambira "Msiogophe, kwa kukara namanya mnamuenza Yesu, wesulibiwa" ⁶Kapho hipha era akafufuka kama avyooambira. Ndoni mtunze phatu phorazwa Dzumbe. ⁷Miani Haraka mkaambire anafunzie "Akafufuka kura kwa wafu, tunza akatongorya Galilaya. Ndiko ndokomuone.⁸Ara achetu achiuka phara mbirani upesi iku ana ogopha iku ana chinyemi muno, na achimbira kuambira anafunzie. ⁹Tunza Yesu achikutana nao achiaramusa "Salamu" ara achetu achetsa kumgwerera maguruni na kumwabudu. ¹⁰Chimara Yesu achiambira msiogophe miani mkaambire ndugu zangu atongorige Galilaya hiko ndiko ndokoniona.¹¹Ara achetu phokara anamia, tunza ara arinzi amiha mdzini kuambira aviyezi abah'a mambo gosi ambago gakaturukira. ¹²Phahi avoyezi abah'a phokutana na azee na kurisemurira jambo hiri phamwenga aravya pesa nyinji muno kwa ara askari. ¹³Achiambira aambireni anjina kukara anafunzie akwedza achiuiya mwiri wa Yesu usiku phokaraswiswi urere¹⁴Vyanjinevyo kama taarifa inoandaisikira Liwali swiswi andonena naye iri aausire mashaka dzuru yenu. ¹⁵Phahi ara askari achizitsikura zira pesa na achienda kama vyoraagizwa. maneno higa gatangaa muno kwa Ayahudi na ni vivyo hadi rero¹⁶Era ara mitume kumi na mmwenga amih'a Galilaya kwenye ura mwango phoaelekeziwa. ¹⁷Phomuona achimwabudu era anjina ao akara na shaka¹⁸Yesu achidza kwao achiambira "Nikawewa mamlaka gosi hipha urimwenguni na mbinguni. ¹⁹Ph'ah'i miani mkaagaruze mbari zosi akare anafunzi angu chimara Muabatize kwa dzina ra Baba na ra Mwana na ra Mphephera mng'aro.²⁰Afunzeni kuzigwira amuri na mambo gosi nogoa amuru. Na tunza, mimi ni phamwenga namwi kare hata kusirira kwa urimwengu.

¹Huno ni mwanzao wa injili ya Yesu Kristo mwana wa mrungu. ²Kama irivyoandikwa ni nabii Isaya,''Tunza,nina muh'uma madzumbe wangu mbereyo,mmwenga andayetayarisha njiryo. ³Sauti ya mtu ahilaye nyikani,kamilishani njira za dzumbe ;Zigoroseni njira ze''.⁴Yohana wakwedza achibatizwa nyikani na kuhubiri ubatizo wa toba kwa msamaha wa ubananzi. ⁵Nchi yosi ya Uyahudi na atu osi a Yerusalimu amia kwakwe. Machikara manabatizwa nih'iye phenye muh'o Yordani, maechiungama ubananzi wao. ⁶Yohana kara anavwara vwazi ra manyoya ga ngamia na mkanda wa chingo chibiruni mwakwe, na achikara anaya nzidzje na asali ya nyika.⁷Waambira na kunena "Aphapho mmwenga aredza baada yangu wenye nguvu ny'in'ji kuriko mimi, na sifwaa hata ya kuzama photsi na kamba za viatuvye. ⁸Mim'o naabatiza kwa madzi, lakini iye andaabatiza mwimwi kwa mph'eph'era mng'aro.⁹Yaturukira katika siku hizo kwamba Yesu wakwedzja kura Nazareti ya Galilaya, na wabatizwa ni Yohana pheny'e muh'o Yordani. ¹⁰Mida Yesu phong'oka kura madzini, waona mbinguni kukafwenuka wazi Mph'eph'era achitserera tsini juruye dza njiya. ¹¹Na sauti yaturuka mbinguni, "Uwe ni mwanangu nikumendzaye. Nafwairwa sana ni uwe."¹²Tsona mara mwenga mph'eph'era achimlazimisha kumia nyikani. ¹³Wakarako nyikani siku mirongo nine, achidzjezwa ni Shetani. Wakara phamwenga na anyama a tsakani, na mararaika mamudumia.¹⁴Sasa baada ya Yohana kugwirwa, Yesu wakwedza Galilaya achitangaza injili ya Mrungu, ¹⁵achinena "Wakati ukafika, na ufarume wa Mrungu uphephi. Tubuni na kuamini katika injili".¹⁶Na achitsapa kanda ya bahari ya Galilaya, wamwona Simoni na Andrea ndugu wa Simoni achitsupha nyavu zao katika bahari kwa kukara makara avuvi. ¹⁷Yesu achiambira, "Nvzoni nirungani, ninda ahenda avuvi a atu." ¹⁸Na mara mwenga aricha nyavu na achimrunga.¹⁹Mida Yesu phonyendeka umbali chidide, wamwona Yakobo mwana wa Zebedayo na Yohana nduguye; makara kwenye dau machitengeza nyavu. ²⁰Mara waahih'a na h'ao machimricha ise yao Zebedayo ndani ya dau vibaruwa akukodiwa, machimrunga.²¹Na ariphofika Kaperinaumu, siku ya Sabato, Yesu wainjira kwenye sinagogi na kufunza. ²²Mashangazwa funzore, kwa vira wakara achiafundisha kama mtu ambaye ana uwezo na sio kama aandishi.²³Saa iyo - iyo kwakara na mtu katika sinagogi rao pepho muyi na wapiga dzogo, ²⁴achinena, "Unani chakuenda na uwe, Yesu wa Nazareti? Ukedza kuuangamiza? Nakumanya u yuphi. Uwe ni mtu mnono machenye wa Mrungu!" ²⁵Yesu wamdemurira pepho na kunena, "Nyamara na uturuke ndaniye!" ²⁶Na pepho muyi wam'bwaga photsi na achituruka kwakwe achirira kwa rakara dzuru.²⁷Na atu osi achimaka, hivyo achiuzana kila mmwenga, "Hiri ni nini? Fundzo dziphya renye uwezo? Hata anademurira pepho muyi nao anamuheshimu!" ²⁸Na habari kuhusu iye mara mwenga zatapakaa kila phahali ndani ya jimbo rosi ra Galilaya.²⁹Na mara mwenga baada ya kura konje ya sinagogi, mainjira nyumbani mwa Simoni na Andrea achikara na Yakobo na Yohana. ³⁰Sasa mayo mtsendzaye Simoni kara arere ni mkongo wa homa, na mara mwenga amwambira Yesu habarize. ³¹Hivyo wakweza, achimgwira kwa mkono, na kmuunura dzuru; homa ichiuka kwakwe, na achianza kuah'umikira.³²Dzironi hiyo wakati wa dzuwa rikasira kuzama, mamrehera kwakwe osi ariokora akongo, na oinjirwa ni pepho. ³³Mji wosi madzikusanya phamwenga phenye myango. ³⁴Waphonza anji arih'o akongo ah makongo manji manji na kuravya pepho anji, katu kuyaruhusu pepho kunena kwasababu mammanya.³⁵Waramuka rugunju na mapema, wakati wakara kuchere gziza; wauka na achiminh'a phahali pha machenye na achivoya iko. ³⁶Simoni na osi ariokara phamwenga naye mamuenza. ³⁷Mamphaa na machimwambira, " Kila mmwenga anakuh'enza"³⁸Waambira, "Umieni phahali phanjina, kondzje katika midzi ya phephi phephi niweze kutangaza iko pia. Ndio sababu nakwedza hipha." ³⁹Wamia achitsapa Galilaya yosi, achitangaza katika masinagogi gao na kukemera pepho.⁴⁰Mwenye ma'na mmwenga wakwedza kwakwe wakara anamvoya; achigota mavwindi na achimwambira, "Ichikara unaronda, unaweza kunienda nikare mnono." ⁴¹Achisukumwa ni mbazi, Yesu wagorosa mkono we na kumguta, achimwambira, "Niaronda. Ukare mnono." ⁴²Mara mwenga ma'na gachumuh'uka, na achiendwa kukara mnono.⁴³Yesu wamkanya vikali na achimwambira amie mara mwenga, ⁴⁴Waambira, "Hakikisha kunena neno kwa yeyosi, lakini mia, udzionyese kwa mwarimu mbah'a, na uravye sadaka kwa ajili ya utakaso ambah'o Musa waragiza, dza ushuhuda kwao."⁴⁵Lakini wamia na kuanza kumwambira kila mmwenga na kutapakaza neno zaidi hata Yesu kayaweza tsona kuinjira madzini kwa uhuru. Hivyo wasagara phahali pha fwitso na atu makwedza kwakwe kura kila phahali.

¹Ph'ouya Kaperinaumu baada ya siku chache, wasikirwa kukara kara anyumbani. ²Atu anji muno makara makusanyika phara na taiyakarapho nafasi tsona, hata ira ya phara myangoni, na Yesu wanena neno kwao.³Ph'anhi, baadhi atu akwedza kwakwe ach'imr'eh'era mtu ariyekara chiwete; atu ane akamuoreka. ⁴Wakati phoshindwa kumsongerera kwasababu ya umati wa atu, mausa paa dzuru ya phahali phara aripho. Na phokara makaomborwa tundu, atsereza chitanda ambacho mutu we phoroza kara arere.⁵Phoina miggurir'ere yao, Yesu wamwambira mutu we phoroza, "Mwanangu, uban'anzio ukasamehewa." ⁶Lakini baadhi ya aandishi ara h'okara asegere phara mauzana mioyoni mwao, ⁷"Anawezadze mutu hiyu kunena hivyo? Anakufuru! Niyuphi awezaye kusamehe ubanazi phokara Mrungu machenye?"⁸Mara Yesu achimanya rohoni mwakwe anafikiri kahi yao enye. Achiaambira, "Kwani mnafikiri hivi mioyoni mwenu? ⁹Riphi ni dzepesi zaidi kunena kwa mutu we phoroza, 'Ubananzio ukasamehewa' au kunena 'Ima, tsukura chitandacho, na unyendeke?'¹⁰Lakini ili maphah'e kumanya kukara mwana wa mutu ana mamlaka ga kusamehe ubananzi hipha duniani, wamwambira yuya we phoroza, ¹¹"Nakwambira uwe, ng'oka tsukura mchekah'o, na umie nyumbani kwakwo." ¹²Waima na mara mwenga achitsukura mchekawe, naachimia kondze ya nyumba mbere ya kila mutu, hivyo osi amaka na amupha Mrungu utukufu, na machinena "Katu taudzambwe wahi kuona neno kama hiri."¹³Namia tsona mbali na ziya, na umati phwosi wa atu uchedza kwakwe, na achiafundisha. ¹⁴Phokara achitsapa wamwona Lawi mwana wa Alfayo asegere kwenye sehemu ya kukusanyira kodi na achimwambira "Nirunga." Waima na achimrunga.¹⁵Wakati Yesu phokara anaphah'a kande nyumbani ga Lawi akusanyadzi kodi anji na atu enye ubananzi kara achiya na Yesu na anafundzie, kwa kukara karanianji na amrunga. ¹⁶Wakati aandishi, ambah'o makara Mafarisayo, phoona kukara Yesu kura achiya na atu enye ubananzi na akusanya kodi, maambira anafundzie, "Kwani anaya na akusanya kodi na atu enye ubananzi?"¹⁷Wakati Yesu phosikira hivyo waambira, " Atu arih'o na afya miri yao taamronda mtibabu; ni atu akongo machenye ndih'o mamrondah'o. Siyakwedza kuah'ah'ih'a atu enye haki, lakini atu enye ubananzi."¹⁸Anafundzi a Yohana na Mafarisayo kara achifunga. Na baadhi ya atu makwedza kwakwe na kumwambira, "Kwani anafundzi a Yohana na Mafarisayo anafunga, lakini anafundzio taafunga? ¹⁹Yesu achiambira, "Dje chafika arusini manaweza kufunga wakati bwana harusi bado achere phamwenga nao? Kwa vyovyosi bwana harusi achikara bado aphapho phamwenga nao taaweza kufunga."²⁰Lakini siku ziredza wakati bwana harusi ndaophuswa kwao, na katika nao siku hizo nao andafungwa. ²¹Takuna mutu asshonaye chipande chiphya cha nguo kwenye vwazi chikuu kuu vyanjinavyo chipasho chindabanduka kura kwenye hiro, dziphya chindabanduka kura katika kwenye tsakavu, na kundakarapho na mkwanyuko mbaya.²²Takuna mutu atiaye uchi muphya katika viriba vikuu kuu, vyanjinavyo uchi undavih'a h'ura na vyosi viiri uchi na viriba vindavundzika. Badalaye ika uchi muphya kwenye viriba viphya."²³Katika siku ya Sabato Yesu watsupa kwenye baadhi ya minda, na anafundzie maanza kutsukura baadhi ya masuche ga ngano. ²⁴Na Mafarisayo machimwambira, "Tunza, kwani manahenda chitu ambacho ni chinyume cha shariya kwenye siku ya Sabato?"²⁵Waambira, "Tamsoma chira chochienda Daudi phokara katika kuronda na njara iye phamwenga na atu okara phamwenga naye? ²⁶Jinsi vyoenda kwenye nyumba ya Mrungu wakati Abiathari phokara kuhani mbah'a na achiya mkalih'e urih'ohikwa mbere ambao yakara chinyume cha shariya kwa mutu yeyosi kuya isiphokara makuhani na waapha hata baadhi ya ora ario phamwenga naye?"²⁷Yesu achinena, "Sabato yaendwa kwa ajili ya anadamu, sivyo anadamu kwa ajili ya Sabato. ²⁸Kwa hiyvo, Mwana wa Mutu ni Dzumbe, hata kwa Sabato."

¹Na tsona wainjira ndani ya sinagogi na mra wakarapho na mutu mwenye mkono wakuphoroza. ²Kah'i ya atu makara achimrungiza kwa uphephi kutunza ichikara anda mphonza siku ya Sabato ili kwamba mamshitaki.³Yesu wamwambira mutu mwenye mkono chophoroza, "Unuka na uime kah'ikah'i ya umati huno." ⁴Chimara achiambira atu, "Dje ni halali kuh'enda dzambo dzema siku ya Sabato au kuh'enda gasigo kweri; kutizya maisha au kuoraga?" Lakini achinyamara chimya.⁵Achihatunza kwa utsungu achisononeka kwa sababu ya umu wa mioyo yao, na achimwambira yuya mutu, "Gorosa mkonoh'o". Achiugorosa na Yesu achimphonza mkonowe. ⁶Mafarisayo machimia kondze na mara machienda njama phamwenga na Maherode dzuruye ili amworage.⁷Kisha Yesu, phamwenga na anafundzie, mamia pwani, na umati mbah'a wa atu waarunga waturukira Galilaya na Uyahudi ⁸na kura Yerusalemu na kura Idumaya na mbere ya Yordani na jirani za Tiro na Sidoni, umati mbah'a phosikira kila chitu cha kura anachienda, makwedza kwakwe.⁹Na waambira anafundzie masengezere dau dide kwa ajiliye kwasababu ya umati ili kwamba asedze akamzongazonga. ¹⁰Kwa kukara waphonza anji, ili kila mutu we kara na masononeko wakara na nia ya kumfikira ili amgute.¹¹Pho phosi pepho muyi phomuona magwa photsi mbereye na kurira na kunena, "Uwe u mwana wa Mrungu". ¹²Waafunda kwa kukazira masiende akamanyikana.¹³Wamia dzuru ya mwango, achih'ah'ih'a hao arondao, na achimih'a kwakwe. ¹⁴Achiatsambura mrongo mmwenga na airi (achih'ah'ih'a ah'umwa) ili kwamba makare phamwenga naye na awedze kuaragiza kuhubiri, ¹⁵na kukara na mamlaka ga kuravya mapeph'o. ¹⁶Na achih'atsambura kumi na airi: Simoni ariyemuph'a dzina ra Petro,¹⁷Yakobo mwanangwa wa Zebedayo, na Yohana nduguye Yakobo, ariyewewa dzina ra Bonagesi, h'ao ni h'ana h'a ngurumo, ¹⁸na Andrea, Filipo, Bartholomayo, Matayo, Tomaso, Yakobo mwana wa Alfayo, Thadayo, Simoni Mkananayo, ¹⁹na Yuda Iskariote, ambaye andamravya.²⁰Kisha mamia nyumbani, na umati wa atu achedza phamwenga tsona, hata tah'aya weza kuya hata mkah'e. ²¹Familiaye ariphosikira habari hiyo, mamia kumgwira, kwani manena, " Akarukwa ni achiri". ²²Aandishi ariokwedza kura Yerusalemu manena, " Akainjirwa ni Beelzebuli," na, " Chirongozi wa mapeph'o".²³Yesu wah'ah'ih'a kwakwe na kunena nao kwa ndarira " ²⁴Dze Pepho muyi anaweza kumravya Pepho muyi? ²⁵Ichikara ufalme uchidziganya wenye, ufalme h'uo tauweza kuima.²⁶Kama Shetani andang'oka chinyumeche mwenye na kuganyika, kaweza kuima, na andakara akafika mwishowe. ²⁷Lakini takuna hata mmwenga awezaye kuinjira ndani ya nyumba ya mutu mwenye nguvu na kuiya vituvye bila kumfunga mwenye nguvu kwanza, na chimara kukusanya chirichomo nyumbani.²⁸Kweri nah'ambirani, ubananzi wosi wa ana ah atu zindasamehewa phamwenga na kufuru ambazo manena, ²⁹lakini yeyosi andaye mkufuru kwa Mph'eph'era Mng'aro kandasamehewa katu, bali ana hatiya ya ubananzi wa kare" ³⁰Yesu warinena hiri kwasababu akara achinena, " Ana pheph'o muyi".³¹Chimara nine na nduguze makwedza na kuima kondze. Achimragiza mutu, kumuhih'a. ³²Na umati wa atu okarapho ukasagara ph'eph'i naye uchimwambira, " Chinakwenu na nduguzo aipho kondze, na anakuh'enza uwe".³³Waajibu, " Ni yuph'i mayo wangu na ndugu zangu?" ³⁴Waatunza okara akasagara akamzunguka, na achinena, " Tunza h'ano ni mayo zangu na aneh'u! ³⁵Yeyosi ahendaye arondago Mrungu, mutu h'iye ni mweneh'u, na dada yangu na mayo".

¹Tsona waanza kufundisha kandakanda ya pwani. Na umati mbah'a wakusanyika uchimzunguruka, ufukweni. ²Na achifundisha mambo manji kwa ndarira, na achinena kwao kwa mafundzoge.³Sikizani, aph'andaye wamia kuph'anda. ⁴Phokara achiph'anda, baadhi ya mbeyu zagwa njirani, na tsongo machedza machiziya. ⁵Mbeyu zanjina zagwa kwenye dziwe, iph'o taph'ana udongo munji. Mara zanyuruka kwasababu taziyakara na udongo wa kutosha.⁶Era dzuwa photsomoza, zanyara na kwasababu taziyakara na mizi zauma. ⁷Mbeyu zanjina zagwa kah'ikah'i ya miya. Miya yakura na ichizi zongomeza, na taziyavyara matunda gogosi.⁸Mbeyu zanjina zichigwa kwenye udongo mnono na zichivyara matunda wakati zichikura na kuonjezeka, zanjina zavyara mara thalathini zaidi, na zanjina sitini, na zanjina mia". ⁹Na achinena "Yeyosi mwenye masichiro ga kusikira na asikire!"¹⁰Yesu ariphokara macheye, ara ariokara ph'ephi naye na ara kumi na airi amuuza kuhusu ndarira. ¹¹Achinena kwao, Kwenu mwawepwa siri za ubah'a wa Mrungu. Lakini kwa arih'o kondze kila chitu ni ndarira, ¹²ili machitunza, ndio mnatunza, lakini tah'ah'ona, na kwahiyo asikirapho ndiyo anasikira, lakini tah'aelewa, vyanjina viyo angegeruka na Mrungu angeh'asamehe."¹³Na achinena kwao, "Dze tamuelewa ndarira hino? Mndawezadze kumanya ndarira yanjina?. ¹⁴Mph'andadzi waph'anda neno. ¹⁵Baadhi ni ara akugwa kanda ya njira, phahali neno ririph'oph'andwa. Na ariphosikira, mara Peph'o muyi achedza na kuritsukura neno ambaro raphandwa ndani yao.¹⁶Na baadhi ni ara akuph'andwa dzuru ya dziwe, ambao arisikirapho neno, kwa haraka anariph'ochera kwa chinyemi. ¹⁷Na taphana mizi yoyosi ndani yao, lakini anavumirira kwa siku chache. Halafu ugayi na masumbufu vyedzaph'o kwa sababu ya neno, mara anadzikwara.¹⁸Na anjina ni ara akuphandwa kwenye miya. Anarisikira neno, ¹⁹lakini masumbufu ga dunia, ruanzo ra mali, na tamaa za mambo ganjina, ganah'ah'injira na kurizonga neno, na rinashindwa kuvyara matunda. ²⁰Kisha kuna ara ambao maph'andwa kwenye udongo mnono. Manarisikira neno na kuriphochera na kuvyara matunda: baadhi thelathini, na baadhi sitini, na baadhi mia mwenga."²¹Yesu achiambira "Dze unareh'a taa ndani ya nyumba na kuyiika tsini ya chikaphu, au tsini ya chitanda? Unah'ireh'a ndani na kuyiika dzuru ya chinara. ²²Kwa kukara takuna chochosi chofwitsika ambacho tachitanda manyikana, na takuna siri ambayo tah'indah'ikwa mwazi. ²³Achikarapho mwenye masikiro ga kusikira, asikire!"²⁴Achambira "Karani makinikwa chira mchisikiracho, kwa kukara chipimo mpimacho, ndicho mndachopimirwa, na indaonjezwa kwenu. ²⁵Kwa sababa iye ariyenacho, andaphochera kuzidi, na yuya asiyenacho, kura kwakwe vindatsukurwa hata vira arivyonavyo."²⁶Na achinena, "Udzumbe wa Mrungu wafananishwa na mtu ariyephanda mbeyu katika udongo. ²⁷Ariphokara arere usiku na kuramuka rugundzu, na mbeyu zikamera na kukura, dzabwe kamanya vyoturuka. ²⁸Dunia inaravya mbeyu yenye; Kwanza kodza, halafu marumwa, halafu mbeyu zakuphera. ²⁹Na wakati mbeyu ichikara ikaphera mara unafisa mundu, kwa sababu mavuno ga tayari."³⁰Na achinena, "tuumvwananishe udzumbe wa Mrungunachitu chani,au tuhumire ndarira uphi kuunenera?. ³¹Ni dza mbeyu ya haradali, ambapho yaphandwa ni ndide sana kuriko mbeyu zosi duniani. ³²Hata, wakati ikaphandwa, inaukura na kukara mbah'a zaidi ya mih'i yosi ya bustani, inaenda mapanda mabah'a, hata tsongo ah Mbinguni anaweza kuenda vidzumba vyao kwenye pepho'ye."³³Kwa mifano minji wafundisha na achinena neno kwao,kadiri marivyoweza kurimanya, ³⁴na kayanena nao bila mifano. Lakini wakati ariphokara macheye achiaelezea kila chitu anafundzie.³⁵Katika siku hiyo, wakati wa dzironi uriphofika, achinena kwao, "umieni upande kwa ph'ir'i". ³⁶Hivyo mauricha umati, machimtsukura Yesu, wakati h'uo wakara ndani ya dau. Madau ganjina gakara phamwenga naye. ³⁷Na upepo munji wa dharabu na mawimbi gakara gachiinjira ndani ya dau na dau tayari kara rikaodzara.³⁸Lakini Yesu mwenye wakara kwenye shetri, arere kweny e mto. Machimramusa, machinena, kumaka sisi tunafwa?" ³⁹Na achiramuka achiunenera upepo ne achiiambira bahari, '"Kara ichimya, amani". Upepo wakoma na ikwakarana uchimya mbah'a.⁴⁰Na achinena kwao, " Kwani mnaogopha? dze tamna Imani bade?". ⁴¹Mainjirwa ni hofu mbah'a ndani yao na machinenezana enye kwa enye, " Hiyu ni yuphii tsona, kwa sababu hata upepo na bahari vina muheshimu?".

¹Makwededza mpaka upande wanjina wa bahari, kwenye jimbo ra Gerasi. ²Na ghafla wakati Yesu ariphokara achituruka kondize ya dau, mtu mwenye pepho muyi wakwedza kwakwe kura vikurani.³Mtu hiyo waishi vikurani . Takuna weweza Kumzuwiya zaidi, takuna hata kwa minyororo. ⁴Wakara akamfunga siku nyinji kwa pingu na minyororo. na pinguze zavundzwa. Tukuna hata mmwenga wekara na nguvu za kumshinda.⁵Usiku na mutsi achikara vikurani miangoni warira na kudzikata iye mwenye kwa mawe makali. ⁶Phomwona Yesu kwa kure, wachimbirira kwake na kuzama mbereye.⁷Warira kwa sauti mbah'a, "unaronda nikuendereni,Yesu, mwana wa Mrungu ariye dzuru sana? Ninakuvoya kwa Mrungu mwenye usinitese." ⁸Kwa kukara wamwambira," Mturuke yuno, uwe piepho muyi."⁹Naye wamuuza," dzinaroo ni yuph'i?" naye wamjibu," dzina rangu ni Legion, kwa rira uanji." ¹⁰Wamvoya tsoma na tsona asiafise kodze ya jimbo.¹¹Sasa kundi bah'a ra nguruwe rakara richiriswa dzuru ya chirima, ¹²Nao mamsihi, machinena,"Turagize kwa nguruwe, tuinjire ndani yao." ¹³Ndipho phoruh'usu; mphephera pepho a ayi atuvuka na kuinjira ndani ya nguruwe, nao achimbira tsininya chirima mpaka baharinini akaribia nguruwe magana mairi dohizama baharini.¹⁴Na ava iokara manaavisa nguruwe achimbira na kuravya habari ya turukira kwenye mudzi na intsini. Ndipho atu anji aturuka achimia kutunza chia'choturukira. ¹⁵Ndipho kwedza kwa Yesu na achimuona mtu weinjirwa ni peph'o - wekara na jeshi- akasagara ph'otsi, akavwikwa, na achikara wenye achiriye timamu, nao maogoph'a.¹⁶Ara okara aona chochotuvukira kwa mtu wekara akainjirwa ni va pepho aambira chochoturukira kwakwe na pia kuhusu nguruwe. ¹⁷Nao maanza kumvoya auke kwenye jimbo rao.¹⁸Na phokava achiinjira ndani ya dau, mtu wekara akainjirwa ni mapeph'o wamvoya kwamba amie phamwenga naye. ¹⁹Lakini kayamruhusu, lakini achimwabira," mia nyumbani kwako na kwa atuh'o, na uaambire chochokuendera dzumbe, na rehema choyokupha. ²⁰Hivyo wamia na achianza kutangaza mambo mabah'a ambago Yesu akaenda kwake hiko Dekapoli, na kila mmwenga wamaka.²¹Na wakati Yesu phovuka tsona upande wanjina, ndani ya dau, umati mbah'a wakusanyika kumzunguruka, kara aripho kanda ya bahari. ²²Na mmwenga wa chirongozi wa sinagogi, wehih'wa yairo, wakwedza, na phomuona, wagwa maguruni ph'aakwe. ²³Achimvoya zaidi na zaidi, achinena Binti yangu mdide aph'ephi na kufwa. Nakuvoya, ndzjoo na umwikire mikonoyo dzuruye ili kwambwa aweze kuph'ah'a afya na uzima. " ²⁴Hivyo wamia phamwenga naye, na umati mbah'a wamrunga nao mamzonga ph'eph'i machimzunguruka.²⁵Kwakava na mchetu ambaye damuye yakara yaturuka miaka kumi na miiri. ²⁶Wateseka vya kutosha tsini ya aganga anji na waumira kila chitu ichokara nacho. Hata hivyo taviyamsaidia kwa chochosi, lakini badiliye wazidi kakara na hali mbaya. ²⁷Waskira habari kuhusu Yesu. Hivyo achedza nyumaye wakati phokaro achinyendeka ndani ya umati, naye wanguta vwazive.²⁸Kwa kukara wanena, "Kama nichigaguta mavwazige tu nindakaramzima." ²⁹Ph'omguta, kuturukwa damu kwakoma, na wadzisikira kwenye mwiriwe kwamba waphozwa kwenye matesoge.³⁰Na ghafla Yesu wamanya ndaniye mwenye kwamba nguvu zikamturuka. Nwagaruka hiku na hiku kwenye umati wa atu na kuuza, Ni yuphi cheriguta vwazi rangu?" ³¹Anafunzih'e mamwambira, "unaona uno umati ukakusonga ukakuzunguruka, nawe unanena, Ni yuphi chekuguta?"' ³²Lakini Yesu watunza hiku na hiku kutunza ambaye ywekara akaenda hiri.³³Mchetu,achimanya chochoturukira kwake, waogoph'a na kukakama. Wakwedza na zchingwa tsini mbereye na kumwambira ukweriwosi. ³⁴Wanena kwake ," Binti, imaniyo ikakuh'enda ukare mzima. Mih'a kwa Amani na uphozwe kwenye ukongoho."³⁵Ph'okara anchizungumza, baadhi ya atu makwedza kura kwa chirongozi wa sinagogi, achinena, "Bintiyo akafwa. Kwani kuendelea kumyuga mwarimu?"³⁶Lakini Yesu phosikira ambacho anachine wambira chirongozi wa sinagogi,"Usiogoph'e amini tu. ³⁷"Kayamruhusu yeyosi kurongozana naye, sophokara Petro, Yakobo, na Yohana nduguye Yakobo. ³⁸Makwedza nyumbani kwa chirongozi wa sinagogi naye waona vurugu, kurira kunji na kusononeka.³⁹Phoh'injira nyumbani, waambira, "Kwani mkasikitika na kwani mnarira? Mwana kadzambwefwa arere." ⁴⁰Mamtseka, lakini iye, waaravya osi kondze, watsukura ise wa mwana na nine na ara ekaraph'o ph'amwenga naye, na wainjira ndani mokara mwana.⁴¹Wautsukura mkono wa mwana na achimwambira, "Talitha koum," ambayo ni kunena, "Binti mdide, nakuambira, ramuka." ⁴²Ghafula mwana aching'oka na kunyendeka (kwa kukara wakara na rika ra miaka kumi na mih'iri). Na ghafula magwirwa ni chimako chibah'a. ⁴³Waaragiza kwa nguvu kwamba takuna yeyosi arondwaye kumanya kuhusu hiri. Na achiambira amuphe yuya mwana kande.

¹Na achiuka hipho na achimia mdzini kwao, na anafundzie amrunga. ²Sabato phofika, waanza kufundisha kwenye Sinagogi. Atu anji mamsikira na achishangazwa. Achinena, "Akaph'ah'a ph'aph'i mafundisho gano?" Ni hekima gani ino ariyophwephwa?" Anah'endadze mihudziza h'ino kwa mikonoye?" ³Dze hiyu si yuya seremala, mwana wa Mariamu na ndugu ya china Yakobo, Yose, Yuda na Simoni? Dze dadize si manaishi ph'aph'a hiph'a ph'amwenga naswi?" Na tah'ayafwahirwa ni Yesu.⁴Yesu achih'ambira "Nabih'i kakosa heshima, isiph'okara kwenye mdziwe na kah'ikah'i mwa nduguze na nyumbani mwakwe." ⁵Kayaweza kuh'enda mih'udziza h'ipho, ila wah'ah'ikira mikono akongo achache achiaphoza. ⁶Washangazwa sana kwasababu ya kuricha kuamini kwao. Chimara wavinyendekera vidzidzi vya jirani achifundisha.⁷Wah'ah'ih'a ara anafundzi kumi na airi achianza kuaragiza airi airi. Wah'aph'a mamlaka dzuru ya pepho muyi, ⁸na achih'amuru msitsukure chochosi amiaph'o ph'okara bakora tu. Asitsukure mkah'e wala mkoba wa pesa chibindoni; ⁹lakini vwarani viatu, na siyo kanzu mbiri.¹⁰Na achih'ambira, "Nyumba yoyosi mndayoinjira, sagarani hiph'o mpaka ndaphoh'uka. ¹¹Na mdzi wowosi aph'ochera wala kuh'asikiza, ukani kwao, kutakutani mavumbi ga maguru genu, ikare ushuhuda kwao."¹²Na machimia machitangaza atu atubu na kuricha ubananzi wao. ¹³Maazora peph'o anji, na achiapaka mafuh'a akongo achiphozwa.¹⁴Mfalme Herode phosikira higo kwa kukara dzina ra Yesu rakara rikamanyikana sana. Baadhi manena, Yohana mbatizadzi akafufuka na kwasababu hiyo, hino nguvu ya muudziza inah'enda kazi ndaniye." ¹⁵Baadhi yao anena, "Hiyu ni Eliya," Bado anjina machinena, "Hiyu ni nabih'i, kama mmwenga wa ara manabih'i a kare."¹⁶Lakini Herode ph'osikira iga achinena, "Yohana wemkata chitswa akafufurwa." ¹⁷Maana Herode mwenyewe waragiza Yohana agwirwe na wamfunga jela kwasababu ya Herodia (mchetu wa kakiye Filipo) kwasababu iye kara wamrora.¹⁸Kwa maana Yohana wamwambira Herode, "Sihalali kumrora mchetu wa kakiyo." ¹⁹Lakini Herodia waanza kumreyera achikara achironda kumuoraga, lakini kayaweza, ²⁰maana Herode wamwogoph'a Yohana; wamanya kwamba ni mwenye haki mtu mnono, na wamricha salama. Na phoendelea kumsikiza wasononeka sana, lakini wafwah'irwa kumsikiza.²¹Hata phofika wakati mwafaka ichikara ikasegera siku ya kuvyarwa Herode achiaandalia maafisah'e karamu, na makamanda, na virongozi wa Galilaya. ²²Hipho binti wa Herodia wainjira na kuvumba mbere yao, wafwairwa Herode na adzeni asagara wakati wa kande ya dzironi. Ndipho mfalme achimwambira binti, "Nivoya chochosi urondacho nami nindakuph'a."²³Achimraph'ira na kunena chochosi undachonivoya, nitakuph'a, hata nusu ya ufalme wangu." ²⁴Achituruka kondze achimuza nine, "Nivoyeni?" Achinena, "Chitswa cha Yohana mbatizadzi." ²⁵Na mara mwenga achiinjira kwa mfalme achianza kunena, "Naronda uniphe ndani ya sahani, chitswa cha Yohana mbatizadzi."²⁶Mfalme wsononeshwa sana, lakini kwasababu ya chiraphoche na kwaadzili ya adzeni, kayaweza kumremera voyare. ²⁷Hivyo mfalme achiragiza askari kah'i ya arinzih'e na kuaragiza kumia kumreh'eh'era chitswa cha Yohana. Mrinzi wamia kumkata chitswa kara achifungoni. ²⁸Achichireh'a chitswache kwenye sahani na kumupha binti, na binti achimupha nine. ²⁹Na anafundzie phosikira higo mamih'a kumtsukura mwiriwe machimia kuuzika vikurani.³⁰Na ah'umwa, makusanyika phamwenga mbere ya Yesu, mbere ya Yesu, machimweleza gosi marigogah'enda na nagofunz'oha. ³¹Naye achiambira," eye ph'ah'ah' ph'fwitso na umpumzike kwa muda." Atu anji kara maredza na kuh'uka, hata taayaphah'a nafasi ya kurya. ³²Hivyo manpanda mashua achimia phah'ah' ph'a fwitso machi yao.³³Lakini maaona machih'uka na anji na anji machiamanya, kwa phamwenga machimbira kwa aguru kura midzi yosi,na machifika kabla yao. ³⁴Phofika Pwani, waona umati mbah'a na a'chiaonera mbazi, kwa sababu akara kama mang'onzi sookara na mrisa. Na achianza kuh'afundza mambo maunji.³⁵Muda phohenderera sana anafundzi chi achimwedzera achimwambira,''Hipha ni phahali pha fwitso na muda ukaenderera. ³⁶Uarage mamie midzi ya jirani na vidzidzi ili makadzigurire kande.''³⁷Lakini achiajibu achinena,''Aph'eni mwimwi kande.''machimwambira,unaweza kumia na kugura mikahe yenye thamani ya dinarimia mbiri na kupha aye?'' ³⁸Achiambira ''Mna mikahe mingaphi?miani mkatunze''phophaha achimwambira,''mikahe mitano na ng'onda airi.''³⁹Kwenye giza Achiamuru atu asagare katika makundi dzuru ya nyasi mbitsi. ⁴⁰Achiasagika lawenye makundi;makundi ga mamia kwa hamsini. ⁴¹Chimara achitsukura mikahe mitano na ng'onda airi na kutunza mbinguni,achiibariki achimara achiapha anafunzi maike mbere ya umati.Na kisha waganya ng'onda airi kwa atu osi.⁴²Marya osi hadi machitosheka. Makusanya vipande vya mikahe yobaki,vichiodzara vikaphu kumi na viiri,na pia vipande vya ng'onda. ⁴³Makusanya vipande vya mikahe yobaki,vichiodzara vikaphu kumi na viiri,na pia vipande vya ngonda. ⁴⁴Na makara arume vikwi vitsano orya mikahe.⁴⁵Mara achiambira akwere kwenye mashua anie sehemu yanjina,hadi Bethsaida, wakati iye anaaraga makutano. ⁴⁶Phokara akasira,achimia mwangoni kuvoya. ⁴⁷Phokara dzironi,na mashua yao wakati huho ichikara kahiihi ya bahari naye kara achere kavu.⁴⁸Na waaona anagaya kupiga makasia kwa sababu upepo wahazuwiya bia rugunju achiamiira,achinyendeka dzuru ya madzi,na waronda kuatsapa. ⁴⁹Lakini aphomwona ananyendeka dzuru ya madzi,achihijirwa ni wasi wasi achidharani ni mzimu hata machipiga rukanga. ⁵⁰Kwa sababu amuona machiodzarwa ni hofu.Mara achinena nao achiambira,''karani mashujaa:ni mimi! msikare na hofu.''⁵¹Achiinjira ndani ya mashua,na upepo uchiricha kuvuma,nao mashangaa kabisa. ⁵²Hivyo tahayakara makaelewa maana ga ira mikahe.Maana achiri zao zakara na uelewa mdide.⁵³Na phovuka nga'ambo,mafika nchi ya Genesareti mashua ichitia nanga. ⁵⁴Photuruka kondze ya mashua,mara machimmanya. ⁵⁵Achichiambira kutangaza jimbo zari na achianza kureliraakongo kwa machela,kila aphosikira aredza.⁵⁶Phophosi ainjirapho phenye vidzidzi,au madzini au katika ntsi,maaika akongo phahali pha soko,na achimvoya aharuhusu kuguta pindo ra wzire.Na osi aph'ozwa

¹Mafarisayo na baadhi andishi ambao akara makaturukira Yerusalemu akusanyika kumzunguruka iye .²Na maona kukara baadhi ya anafunzie maya mkalie kwa mikono najisi,ambayo taiyatsukutswa. ³(Kwa mafarisayo na Ayahudi osi taaya mpaka atsukutse mikono yao vinono;managwiririra utamaduni wa azee. ⁴Wakati mafarisayo mauyapho kura phahali pha soko,taaya mpaka makaoga manaziru.Na kuna shariya zanjina ambazo manazirunga kabisa,ichikara ni phamwenga na kutsukutsa vikombe,masufuriya na viya vya shaba,na hata viki vihumikavyo wakati wa kande.)⁵Mafarisayo na Aandishi amuuza Yesu,Pkwani anafundizio taamia kulingana na tamaduni za azee,kwani manaya mkahe bila kutsukutsa mikono?''⁶Laikini iye waambira,''Isaya watabiri vinono kuhusu mwimwi anafiki,waandika,Atu hano ananiogopha kwa miromo yao lakini mioyo yao ikure nami. ⁷Manani hendera ibada zisizo na mana,machifundza shariya za anadamu kama maphochero gao!⁸Mkairicha shariya ya Mrungu na kugwirira kwa wepesi tamaduni za anadamu.'' ⁹Na achinena kwao,''Mkairema ragizo ra Mrungu kwa urahisi ili kwamba mtunze tamaduni zenu. ¹⁰Kwa kura Musa wanena,Muheshimu sowe na chinakwenu,na iye anenaye mayimuyi dzuru ya ise au nine kweri andafwa.'¹¹Lakini mnanena,'kama mtu achinena kwa ise au nine,''Msaada wowosi ambao mngephochera kura kwangu ni hazina ya kanisa,''(hiyo ni kunena kwamba ,'ikaraviwa kwa Mrungu) ¹²hivyo tahumruhusu kuenda dzambo rorosi kwa ajili ya sowe au chinakwenu. ¹³Mnarienda ragizo ra Mrungu kukara bure kwa kureha tamaduni zenu.Na mambo manji ga jinsi hiyo mgahendago.''¹⁴Wahahiha makutano tsona na kuambira,''Mnisikize mimi,mwimwi mwosi,na mnielewe. ¹⁵Takuna chochosi kura kondze ya mtu ambacho chinaweza kumchafuwa mtu chii njirapho kwakwe.Bali ni chira chimturukacho mtu ndicho chimchafuacho. ¹⁶(Zangatiya:mstari huno,''kama mtu yeyosi ana masikiro ga kusikira ,na asikire''Taumo kwenye maandishi ga kare).¹⁷Yesu phoaricha makutano na kuinjira nyumbani,anafunzie achimuza kuhusu mfano huo. ¹⁸Yesu achinena,Namwi pia bado tamdzambwe elewa?Tamuona kwamba chochosi chimuinjiracho mtu rachiweza kumchafuwa, ¹⁹Kwa kukara tachiweza kumia kwenye moyowe,lakini chinainjira kwenye ndaniye na chimara chinatsapa kumia chooni.''Kwa maelezo iga Yesu wavuenda vyakurya vyosi kukara vinono.²⁰Wanena,''ni chira ambacho china mturuka mtu ndicho chimchafuacho. ²¹Kwa kukara kuturuka ndani ya mtu,kondze ya moyo,kuturukira mawazo mayi,zinaa,uivi,kuoraga. ²²washerati,tamaa mbaya,ubaya,kuchenga,kujamiiana,wivu,chibero,kudzivuna,uphuphi.'' ²³Mayi iga gosi ganara ndani,ndigo gamchafuago mtu,''²⁴Waramuka kura phakara na kuuka kumia kwenye jimbo ra Tiro na Sidoni.Wainjira ndani na kayaronda mtu yeyosi amanye kara ahipho,lakini taiyawezekana kunifwitsa. ²⁵Lakini ghafla mwanachetu,ambaye mwanawe mdide wakare na pepho muyi wasikira habarize,achedza,na achigwa maguruni phapkwe. ²⁶Mchetu hiye kara ni Myunani wa kabila kifoeniki.Wanivoya iye amzore phepho kura kwa bintiye.²⁷Yesu achimwambira mwanachetu,ariche anache mariswe kwanza,kwa kukara si vinono kuutsura mkalie wa anache na kuutsuphira madiya.'' ²⁸Lakini mwanachetu achimjibu na kunena,''ndivyo djumbe,hata madiya tsini ya meza anarya mabaki ga kande ya anache''.²⁹Achimwambira,''kwa kura ukanena hivi,una uhuru kumia.Phepho akamturuka bintiyo''. ³⁰Mwanachetu wahiya nyumbani kwakwe na achimkuta bintiye arere chitandani,na phepho kara akamturuka.³¹Yesu waturuka tsona kondze ya jimbo ra Tiro kutsapira Sidoni kuelekea Bahari ya Galilaya mpaka kanda ya Dikapolisi. ³²Na mamrehera mtu ariye chiziwi na kara kaweza kunena vinono,mamvoya yesu aike mikono dzuru.³³Wamravya kondze ya kusanyiko kwa siri,na achilika vyaravye kwenye masikirage na baada ya kutsitsa malie achimguta baada ya kutsitsa malie achimguta rurimire. ³⁴Watunza dzuru mrunguni,achihema na kumwambira,''Efata,''hiyo ni kunena ''vuguka!'' ³⁵Muda urato masikiro gachifuguka,chozuia chabananhwa na waanza kunena vinono.³⁶Na waaragiza asimwambire mtu yeysoi.Lakini kadiri vyoaragiza,ndivyo vyotangaza habari hizo kwa unji. ³⁷Kweri amakizwa na kunena,''Akaenda kila chitu chinono.Hata akahahenda masito kusikira na mabubu kunena.''

¹Katika siku hizo,kwakara tsona na umati mbaha,na tahayakara na kande.Yesu achiaiha anafundzie achiambira, ²''Ninaunera mbazi umati huno akaendelea kukara nami kwa siku tahu na taana na kande. ³Nichitawanya auye madzumbani mwao bila kurya anaweza akazimie njirani kwa ndzara.Na baadhi yao akaturuka mbali muno.'' ⁴Anafundzihe achijibu,''Undaphaha kuphi mikalie ya kutosha kuarisa atu ano phenye eneo hiri chororichwa?''⁵Achiauza,''mna vipande vingaphi vya mikahe?''achinena,''saba''. Achiragiza umati usagare photsi. ⁶Achitsukura mikahe saba,achimshukuru Mrungu na kuivudza.Achiapha anafundzie aiike mbere yao nao achiika mbere ya umati.⁷Pia akara na ng'onda adide achache,na baada ya kuvoya,waaragiza anafunzie aaganyire hivyo pia. ⁸Alya na atosheka.Na akusanya vipande vyo baki,vikaphu vibalia saba. ⁹Akaribia atu.elfu nne.Na achiamie. ¹⁰Mara achiinjira phenye dau na anafundzihe, na achimia phenye ukada wa Dalmanuta.¹¹Chimara Mafarisayo aturuka kondze na kuanza kurumbana naye.Aronda aaphie dalili kura Mrunguni,kwa kumjeza. ¹²Achifikiri kwa china moyoni mwakwe achinena,''Kwani chivyazi hichi chinaenza dalili?Naambira mwimwi kweri,takuna dalili raviwa kwa chivyazi hichi.'' ¹³Chimara achiaricha,achiinjira ndani ya dau tsona,achiuka kuelekea upande wanjina.¹⁴Wakati huo anafunzie araya kutsukura mikahe.Taayakara na mikalie zaidi ya chipande chimwenga chokara phenye dau. ¹⁵Waakanya na kunena,''Mkare matso na mdzirinde dhidi ya unafiki wa mafarisayo na unafiki wa Herode.¹⁶Anafundzi achinenezana enye kwa enye,''Ni kwa sababu tauna mikahe.'' ¹⁷Yesu warimanya hiri na achiambira,''Kwani mnanenezana kuhusu kutokara na mikahe?Tamdzambwe manya bado?Tamuelewa?Mioyo yenu ikakara miepesi?¹⁸Mna matso,tamuona?mna masikiro,tamsikira?Tamkumbuka? ¹⁹Chophoi gawanya mikahe mitsano kwa atu elfu tsano,mwatsukuru vikaphu vingaphi vingaphi vyaodzara vipande vya mikalie?''achimjibu,''kumi na mbiri.''²⁰''Na chophoiganya mikalie saba kwa atu elfu nne,mwatsukura vikaphu vingaphi?'' ²¹Achinena ''saba''.Achiaambira,''Bado tamuelewa?''²²Achedza Berhsaida.Atu hao amreha kwa Yesu mtu chipofu na achimvoya Yesu amgute. ²³Yesu achimgwira kwa mkono yuya chipofu,na kumrongoza kondze ya chidzidzi mahe dzuru ya matsoge na kugorasa phomtwerera dzuruye,wamuuza,''Unaona chochosi?''²⁴Watunza dzuru na kunena,Naona atu ana.onekana kama mihi inanyendeka.'' ²⁵Ndipho achigorosa tsona mikonoye dzuru ya matsoge,mtu yuya achivugura matsoge,waona tsona,na achiona kila chitu vinono. ²⁶Yesu wamricha amie nyumbani na achimwambira,''Usinjire mdziru.''²⁷Yesu wauka na anafundzie kumia vidzidzi vya kaiseria ya Filipi phokara njirani achiauza anafundzi,''Atu ananena mimi ni yuphi?'' ²⁸Achimjibu achinena,''Yohana mbatizadzi.Anjina ananena,'Eliya'na anjina,mmwenga a manabii.''²⁹Achiuza,''Lakini mwimwi mnanena mimi ni yuphi?''Petro achimwambira ''uwe ni masihi. ³⁰Yesu waakanya asimwambire mtu yeyosi kuhusu iye.³¹Na achianza kuafundza kukara mwana wa Adamu lazima ateswe kwa mambo manji,na andaremewa ni virongozi na Arimu abalia na aandishi,na andaoragwa,na baada ya siku tahu andafufuka. ³²Wanena iga kwa wazi-wazi.Ndpho petro achimtukura kanda na achianza kwamira.³³Lakini Yesu wagaruka na kutunza anafundzie na kuakwamira petro na kunena,''tsapa nyuma yangu pepho muyi''kujali mambo ga Mrungu,sophokra mambo ga atu.'' ³⁴Chimara achiuiha umati na anafundzie phamwenga,na achiambira,ichikara kuna mutu anaronda kunirunga,adzi mwenye atsukure msalawe,anirunge.³⁵Kwa kukara yeyosi arondaye kugaokora maishage andagaangamiza,na yeyosi agaangamizaye maishage kwa ajili yangu na kwa ajili ya Injiri,andagaokora. ³⁶Inamfwaidirani mutu,kuphalia urumwengu phwosi,na kisha kuphalia hasara ya maishage? ³⁷Mutu anaweza kuravyani badala ya maisha ge?³⁸Yeyosi anioneraye haya na maneno gangu katika chivyazi hichi cha azindzi na chivyazi cha ubananzi,mwana wa Adamu andamwonera haya andophokwedza katika ufalme wa ise phamwenga na raraika anono.

¹Na wanena kwao,''Hakika nanena kwenu,baadhi yenu phana atu choima hipha taanda kufwa kabla ya kuuona Ufalme na Mrungu achedza nguvu.'' ²Na baada ya siku sita,yesu waatsukura petro Yakobo na Yohana phamwenga naye mwangoni machiyao.ndipho waanza kubadilika. ³Nguweze zaanza kung'ara sana mereru zaidi,mereru kuriko angarishaye yeyosi duniani.⁴Ndipho Eliya phamwenga na Musa aturukira mbere yao na kara machizungumza na yesu. ⁵Petro wajibu achimwombira Yesu,''Mwarimu,ni vinono sisis kukara hipha,na udzenge vibanda vihahi,chimwenga kwa ajiliyo,chimwenga kwa ajili ya Musa cha njina kwa ajili ya Eliya.'' ⁶(Kwa kukara kayamanya nini cha kunena,maogopha sana.)⁷Ingu raturukira na kuafwinika,Ndipho sauti Ichituruka mahiinguni ichinena,msikizeni iye'' ⁸Ghafla phokara anatunza,taayamuona yeyosi phamwenga nao,isaphokara yesu tu.⁹Phokara anatserera kura mwengoni waaragiza asimwambire mtu yeyosi gara gosi chogoana,mpaka mwana wa mtu ndaphofufufka kura kwa afu. ¹⁰Ndipho atunza hao enye.Lakini majadiliana hao kwa hao nini maanage''Kufufurwa kura kwa afu''¹¹Muuza Yesu,''Kwani aandishi ananena lazima Eliya aedze kwanza?'' Achiambira,''uweri Eliya andakwedza pkwanza kuokora vitu vyosi ¹².Kwani yaandikwa mwana wa mtu lazima aphalie mateso manji na areyerwa? ¹³Lakini nanena kwenu Eliya wakwedza,na amuenda kama vyomenja,kama vira maandiko ganenavyo kuhusu iye''¹⁴Na phohuya kwa anafunzi,maona kundi kundi baha rikaazunguruka na masadukayo makara manabishana nao. ¹⁵Na mara phomuona,kundi rosi rashangaa na kumchimbirira kumromusa. ¹⁶Waauza anafunzi''Mnabishana nao dzuru yani?''¹⁷Mmwenga wao phenye kundi wamjibu,''Mwarimu namreha mwanangu kwako;ana mphephera muyi ambaye anamuhenda asiweze kunena, ¹⁸na kumsababisha kukara na kumbwaga photsi na kuturukira furo mromoni na kuafuna meno na kudingarara.Naavoya anafuzio kumravya pepho,laikini taayaweza. ¹⁹Waajibu,''chivyazi isachoaini,dasagara namwi kwa muda uphi?Nindatsukurira namwi mpaka rini?mrehni kangu.''²⁰Mamreha mwanawe.Pepho phomuona Yesu.gafla yamtia katika kukakama.Mvulana wagwa photsi na kuravya fro mromoni. ²¹Yesu wamuuza ise,''Wakara kwenye hali ino kwa muda gani?''ise achinena''Tangu wanache. ²²Mara yanjina anagwa kwenye moho au kwenye madzi,na kudzeza kumwangamiza.Kama unaweza kuendaa chochosi uhurumie.''²³Yesu wamwambira,''Kama u tayari?Kila chitu chinawezekana kwa yeyosi aaminiye.'' ²⁴Ghafla ise wa mwana warira na kunena,''Naaamini!Niteya kuricha kuamini kwangu.'' ²⁵Wakati Yesu kumdi rinachimbirira kwao,wamphekera peho muyi na kunena,''uwe peho bubu na masito,nakwambira mriche,usiinjire kwakwe tsona.''²⁶Warira kwa nguvu na kumhangaisha mwana na pepho waturuka.Mwana waonekana kama akafwa,ndipho anji achinena,''Akafwa'', ²⁷Lakini Yesu wamtukura kwa mkono achimunura,na mwana waima.²⁸Wakati yesu injira ndani,anafunzihe amuuza fwitsoni,kwani ta uyaweza kumravya?'' ²⁹Achiambira,kwa namna hino katuruka siphokara kwa kuvoya.''³⁰Aturuka phara na kutsapira Galilaya.Kayaronda mtu yeyosi amanye maripho, ³¹Kwa kukara anafundza anafundzihe.Waambira,''Mwana wa mtu anddafiswa mikononi mwa atu,na andamuoroga.ndaphokara akafwa,baada ya siku tahu andafufuka tsona.'' ³²Lakini taayaelewa maneno iga,na maogopha kumuhuza.³³Ndipho machifika karprinaumu wakati kara ndani ya nyumba wahauza,mwakara mnaneneza na chitu chani njirani''? ³⁴Lakini akara chimya.kwani akara machinenezana njirani kwamba yuphi ariye mbalia zaidi. ³⁵Wasagara photsi achihiha kumi na airi phamwenga,na achinena nao,''Kama yeyosi anaronda kukara wa kwanza,lazima akare wa mwisho n mragizwa wa osi.''³⁶Wamtsukura mwana mdide achimuika kahi kahi yao.Achimtsukura kwenye mikonoye,achinena, ³⁷''Yeyosi amphocheraye mwana mdide kama hiyu kwa dzina rangu pia akariphochera mimi,na ichikara mtu,lakini pia cheniragiza''³⁸Yohana wamwabira,''Mwarimu wamwona mtu anaravya pepho kwa dzimaro na uchimzuia,kwa sababu kaurunga.'' ³⁹Lakini Yesu wanena,''Msimremeze kwa kukara takunandayeenda kazi mbaha kwa dzina rangu,na ndipho baadaye anene neno baya rorosi dzuru yangu.⁴⁰Yeyosi siyekara chinyume naswi aupande wehu. ⁴¹Yeyosi ndaeyekupha chikombe cha madzi ga kunwa kwa sababu uphamwanga na masihi,kweri naambira,kandaangamiza thawabuye.⁴²Yeyosi aakoseraye hano adide aaminio mimi,ingekara vinono kwakwe kufungwa dziwe ra kusagira singoni na kutsuphwa baharini. ⁴³Kama mkonolio uchikakosera ukate.Ni heri kuinjira kwenye uzima bila mkono kuriko kuinjira kwenye hukuma uchikara na mikono yosi.Katika moh'o''sipozimika'' ⁴⁴(Zangatiya:mstari huno,''Phahali ambapho funza taafwa na moho spozimika.''taumo katika nakala za kare.)⁴⁵Kama chigurucho chichikukosesha,chikate.Ni vinono kwako kuinjira uzimani uchikara chilema,kuriko kutsuphwa hukumuni na maguru mairi. ⁴⁶(Zangatiya:mstari huno,''Phaphi ambaphofunza taafwa na moho usioweza kuzimika''taumo kwenye nakala za kave).⁴⁷Kama dzitsoro richikukosera ringore.Ni vinono kwako kuinjira kwenye ufalme wa Mrungu uchikara na dzitso mmwenga,kuriko kukara na matso mairi na kutsuphwa kuzimu. ⁴⁸Phahali pharipho na funza masiofwa,na moh'o usihozimika.⁴⁹Kwa kukara kila mmwenga andakolezwa na mah'o. ⁵⁰Munyu ni mnono,kama munyu uchiangamiza utamuwe,undauendadze ukare na utamuwe tsona?mkare na munyu kahi kahi yenu enye na mkare na Amani kwa kila mmwenga.''

¹Yesu wauka eneo hiro na achimia kwenye jimbo ra Uyahudi na eneo ra mbere ya muho Yorodani,na mkutano amrunga tsona.Waafundisha tsona,kama vyokara kawaidaye kuenda. ²Na mafarisarisayo makwedza kumdjeza na achimuuza,''Ni halali kwa mwanarume kurichana na mchewe?'' ³Yesu achiajibu,''Musa waaragizana?'' ⁴Achinena,''Musa waruhusu kuandika cheti cha kurichana na tsona kumzora mchetu.''⁵''Ni kwa sababu ya mioyo yenu mifu ndiyo maana achiaandikira shariya ⁶hino,''Yesu waambira. ''Lakini tangu mwanzo wa kuumba,Mrungu waaumba mwanarume na mwanachetu!⁷Kwasababu hino mwanarume andamricha ise na nine andagwirana na mchewe, ⁸na hao airi andakara mwiri mmwenga;walasi airi tsona,bali ni mwiri mmwenga. ⁹Kwa hivyo chochiunganisha Mrungu,mwanadamu asichitenganishe.''¹⁰Phokara undani ya nyumba,anafundzie amuuza tsona kuhusu hiri. ¹¹Achiaambira,''Yeyosi mchewe na kumrora mchetu wanjina,anaenda uzinzi dzuruye. ¹²Mwana chetu naye achimricha mrume na kurorwa ni mwanarume wanjina,anaenda uzinzi.''¹³Nao amreheza anahao adide ili aagute,lakini anafundzie achiaphekea. ¹⁴Lakini Yesu phomanya hiro,kayafwairwa naro kabisa ahiambira,''Aricheni anache adide edze kwangu,na msiaremeze kwa ukara sababu ariho kama hano ufalme wa mrungu ni wao.¹⁵Ukweri naambira yeyosi esiyeuphochera ufalme vya Mrungu kama mwana mdide kweri kaweza kuinjira kwenye ufalme wa Mrungu. ¹⁶Chimara achiatsukura anache mikono mwakwe na achiabanki achiakira mikonoye dzuru yao.¹⁷Na phoanza safariye mtu mmwenga wamchimbirira na achipiga magoti mbereye,achimuuza,Mwarimu mnono,niendendze niweze kurithi uzima wa kare?'' ¹⁸Na Yesu achinena,''Kwani unanihilia mwema?Takuna ariye mwema,siphokara Mrungu macheye. ¹⁹Unamanya maragizo:'Usiorage,Usizini,usiiye,usishuhudie ruphayo,usichenge,Mheshimu sowe na chinakwenu.''²⁰Mtu yuya achinena,''Mwarimu higo gosi nagaheshimu tangu nichere mwananche.'' ²¹Yesu wamtunza na achimmendzja.Achiaambira,''Ukapungukirwa ni chitu chimwenga.Unarondwa kuguza vyosi urivyo navyo na uaphe achiya,na undakara na akiba mbinguni.ndipho wdza unirunge.'' ²²Lakini wakata tamaa kwa sababu ya maneno higa;waukara mwenye kusononeka,kwa kukara kara ana mali nyinji.²³Yesu watunza pande zosi na achiambira anafundzie,''Ni jinsi gani irivyo vigumu kwa tajiri kuinjira ufalme wa Mrungu! ²⁴Anafundzi ashanagzwa kwa maneno higo.Lakini yesu achiambira tsona,''Anache,ni jinsi gani irivyo vigumu kuinjira katika ufalme wa Mrungu! ²⁵Ni rahisi kwa ngamia kutsapa kwenye tundu ra sindano,kuriko tajiri kuinjira katika ufalme wa mrungu''.²⁶Mashangazwa sana na machinenezana, '' Hivyo ni yuphi andaeokoka'' ²⁷Yesu achiatunza na achinena,''kwa anadamu taiwezekana lakini si kwa mrungu.kwa kukara phenye mrngu gosi ganawezekana.'' ²⁸''Petro achianza kuzungumza naye,Tunza karicha vyosi na ukakurunga.''²⁹Yesu achinena ,''Ukweri naambira mwimwi,takuna wericha nyumba,au kaka,au dada,au mayo au baba au anache au aridhi kwa ajili yangu,na kwa ajili ya injiri, ³⁰ambaye kandaphochera mara mia zaidi ya sasa hipha duniani:nyumba,kaka,dada,mayo,anache,na aridhi,kwa mateso,na ulimwengu wedzao,uzima wa kare. ³¹Lakini anji ariho kwanza andakara mwisho na ariho mwisho mandakara a wanza.''³²Phokara anjirani,kumia Yerusalemu,achikara akaatangulia mbere yao anafundzi mashangaa na ara okara anarunga nyuma maogopha .Ndipho yesu achiaravya kanda tsona ara kumi na airi na achianza kuambira ambacho chindaturukira hivi siku chache: ³³''Tunza,unamia mpaka Yerusalemu,na mwana wa mtu andafiswa kwa Arimu abalia na Aandishi,andamuhukumu afwe na mandamravya kwa atu asio Ayahudi. ³⁴Andambera,manda mtsitsira malie,mandampiga fwimbo,ma ndamuoraga.Lakini baada ya siku tahu andafufuka.''³⁵Yakobo na Yohana,anangwa ah Zebedayo,makwedza kwakwe na kunena,''Mwarimu tunakuronda utuendere chochosi tukuvoyacho.'' ³⁶Waambira,''Mnaronda niaendereni?'' ³⁷Mchinena,''Turuhusu tusagare naumwa katika utawalao,mmwenga katika mkonoho wa kurume na wanjina mkonoho wa kushoto.''³⁸Lakini Yesu waajibu,'Tammanya mvoyacho.Mnaweza kuchimwera chikombe ambacho nindachinwera au kuvumirira ubatizo ambao nabatizwa?'' ³⁹Machimwambira,''Tunaweza'' Yesu achiaambira,''Chikombe nindachonwera,mndachinwera.Na ubatizo ambao kwao nabatizwa mndauvumirira. ⁴⁰Lakini andeyesahara mkono wangu wa kurume au mkono wangu wa motso sio mimi wa kuravya,Lakini ni kwa ara ambao kwao kasira kuikirwa.''⁴¹Ara anafunzie anjina kumi phosikira higo,Machianza kuareyera Yakobo na Yohana. ⁴²Yesu achiahia kwakwe na kunena ''Mnamanya kukara ara muadhanio kukara atawala ah atu mataifa anaatawala,na atu hao maarufu ni kuaonyesa mamlaka dzuru yao.''⁴³Lakini taipaswa kukara hivi kahi yenu yeysi arondaye kukara mbalia kahi yenu lazima ahukumike, ⁴⁴na yeyosi arondaye kukara wa kwanza kahii yeru ni lazima akare muhumwa wa osi. ⁴⁵Kwa kukara mwana wa mtu kayakwedza kuumikira bali kuhumika,na kugaravya maishage kwa fidia ya anji.''⁴⁶Chedza Yeriko.Phokara achiuka yeriko na onafundzie na kundi baha,mwana wa Timayo,Batimayo,chipofu mvoyadzi,wasagara kanda ya Barabara. ⁴⁷Phosikira kukara ni yesu mnazareti,Waanza kupiga rukanga na kunena,''Yesu mwana wa Daudi nionerambazi!'' ⁴⁸Anji mamphekera yuya chipofu,machimwambira anyamare,lakini warra kwa sauti zaidi,''Mwana wa Daudi nionerambazi!''⁴⁹Yesu waima na achiragiza ahihwe.Mamuhilia yuya chipofu,machinena,''Dziphe moyo!ng'oka !Yesu anakuhiha.'' ⁵⁰Achiritsupha kanda kotiwe,achichimbira zaidi,na kwedza kwa yesu.⁵¹Yesu achimjibu na kunena,''Unarondanikuhendereni?yuya mwanarume chipofu achijibu,''Mwarimu,naronda nione.'' ⁵²Yesu achimwambira,''mia.Imaniyo ikakuphoza''phapho hipho matsoge gachimrunga barabarani.

¹Wakati huo phokwedza Yerusalemu,phokara phephi na Bestthfage na Bethania,Phephi na mwango wa mizeituni,Yesu wahuma airi kahii ya anafundzie ²na waambira,''mihanikwenye chidzidzi chiricho mbere yenu.Mara ndophoinjira himo,mndamkuta mwana-punda ambaye kadzambwe humirwa ni mtu.Mvugureni na mreheni kwangu. ³Na kama yeyosi achiambira,'Kwani mnaenda hivi?Mnarondwa kunena,dzumbe anamronda na mara andamuuyiza hipha'.''⁴Achi na achimkuta mwanapunda akafungwa kondze myangoni kwenye njira mboho,nao chimvugura. ⁵Na baadhi ya atu okara akaima phara na achiaambira,''mnaendani,kumvugura mwanapunda hiyu?'' ⁶Achiambira kama yesu vyo ambira,na atu achiaricha amihe.⁷Anafunzie airi amrepha mwanapunda kwa Yesu aandika nguwo zao dzuruye ili yesu aweze kumhumira. ⁸Atu anji achiandika nguwo zao barabarani,na anjina achiandika matawi makandza chigogakata kura mindani. ⁹Ara omia mbereye chotongorya,na ara omrunga achipiga makururu,''Hosana!Akajaliwa endzaye kwa dzinara dzumbe. ¹⁰Ubandikinde udzumbe ujaliwe ufalme wedzao wa baba yehu Daudi!Hosana ariye dzuru ''¹¹Ndipho Yesu njira Yerusalemu na wamia kanisani na achitunza chiri chitu.Sasa,wakati kara ukamia,wamia Bethania phamwenga nao kumi na airi. ¹²Siku yorungira,wakati phokara manauya kura Bethania,wakara na ndzara.¹³Na achiona muhii wa mtini phokara na makodza kwa mbali,wamia kutunza kama angeweza kuphalia chochosi dzuruye.Na wakati phomia kwa huo muhi kayaphalia chochosi sophokara makodza,kwa kukara togayakara majira ga mtini. ¹⁴Waumbira,''Takuna yeyosi nderya tunda kura kwako tsona''Na anafuzie machisikira.¹⁵Akwedza Yerusalemu,naye achiinjira kanisani na achianza kuaravya kondze aguzadzi na aguradzi ndani ya kanisa.Wazipindua meza za abadilishadzi ali pesa na vihii vya ara okara anaguza njiya. ¹⁶Kayamruhusu yeyosi kuoreka chochosi kanisani choricho weza kuguzwa.¹⁷Waafundisha na kunena,''dze taiyaandikwa,nyumba yangu indailwa nyumba ya Ibada kwa makabila gosi?Lakini mkaienda fwitsora afyakatsi''. ¹⁸Arimu abalia na Aandishi asikira vyokara chinena,nao alienza njira ya kumuhoraga.Hata hivyo amuhogopha kwa sababu umati washangazwa ni mafunzoge. ¹⁹Na kila chiri wakati dzironi ichifika,auka mdziru.²⁰Phokara achinyendeka rugundzu aona muhi wa mtini ukauma mpaka kwenye miziye. ²¹Petro waakumbuka na kunena,''Rabi!Tunza,muhi wa mtini waulani choupigo vii ukauma''.²²Yesu achio ajibu,''Mkare na imani kwa Mrungu. ²³Amini naambira kwamba chiriauambiraye,''Mwango huno,'Uka,na ukadzitsuphe mwenye baharini,na kama kana mashaka moyoni mwakwe lakini anaamini arichoakaninena chindaturukira,hivyo ndivyo Mrungu ndovyoenda.²⁴Kwahivyo ninaambira:Ichiri chitu muvoya na kuuza kwa ajiliye,amini kwamba mkaphochera navyo vindakara vyenu. ²⁵Wakati mchiima na kuvoya,mnarondwa kusamehe chochosi mrichonacho dhidi ya yeyosi,ili kwamba sowe yenu ariye mrunguni aasamehe pia mwimwi makosa hgenu. ²⁶(Zingatia:mstari huno)''Lakini msiphosamehe,wala sowe yenu ariye mrungui kandasamehe ubananzi wenu''taumo kwenye nakala za kare).²⁷Kwedza Yerusarem tsona.Na Yesu aphokara achivyendeka kanisani,Arimu abalia,aandishi na azee a kwedza kwakwe. ²⁸Mwambira,''kwa mamlaka gaphi unaenda mambo gano?Na yuphi achekupha mamlaka kuenda hano?''²⁹Yesu achiaambira,''Nindaauza.Swali mwenga.Niambira na mimi nindaambira kwa mamlaka gaphi ninagaenda mambo higa. ³⁰Dze ubatizo wa Yohana wara mrunguni au wara kwa anadamu?Nijibuni.''³¹Mwenenezana miongoni mwao na kushindana na kunena,''Kma uchinena,kura mrunguni,andanena,kwani phasi tumyamwamini? ³²Lakini kama tuchinena,kura kwa anadamu ,....'aogopha atu,kwa kukara osi agwiririra kwamba Yohana kara ni Nabii. ³³Ndipho achimjibu yesu na kunena,''Taumanya Ndipho yesu achiambira,''wara mimi sindaaambira ni kwa mamlaka gaphi naenda mambo higa.

¹Phahi Yesu waanza kuafundisha kwa ndarira Achinena,''Mtu waphanda munda wa mizabibu,achirizungurusia uchigo na achitsimba shimo ra kuminyira uchi.Achidzenga chinara na chimara achipangisha munda wa mizabibu kwa akurima ali mizabibu chimara achisafiri kure. ²Wakati phofika,wamuhuma muwiri kwa akurima ali mizabibu kuphochera kura kwao baadhi ya matunda ga munda wa mizabibu. ³Lakini mamgwira,machimpiga,na machimzora bila chochosi.⁴Achimhuma kwao muwiri wanjina,chimjeruhi chitswani na kumuendera mambo ga aibu. ⁵Bado wamragiza wanjina,na hiyu mmwenga achimworaga.aendera anjina anji mambo kama gago igo,achiapiga na anjina achiaoraga.⁶Kara bado na mtu mmwenga zaidi wa kumuhuma,mwana ammendzaye.Naye achikara wa mwisho wehumwa kwao.Achinena,''Andamheshimu mwanangu'' ⁷Lakini apangaji manenezana hao kwa hao''Hiyu ndiye mrithi.Ndzoni,hebu na umuorage,na urithi undakara wehu .''Amyamra,Achimuoraga na kumtsupha kondze ya munda wa mizabibu.⁸Amgarira,Achimuoraga na kumtsupha kondze ya mundza wa mizabibu. ⁹Kwa hiyo,dze!Andaendani mmiliki wa munda wa mizabibu?Andakwedza na kuaangamiza akurima ali mizabibu na andaukabidhi muda wa mizabibu kwa wanjina.¹⁰Tamdzambwe soma andiko iri?''Dziwe ambaro adzenzi marirema rikakara Dziwe ra pembeni. ¹¹Hiri raturuka kwa Dzumbe,na ni ra muujira matsoni phehu.'' ¹²Maronda kumgwira Yesu,lakini aliaogopha mkutano,kwani amanya kukara wanena mfano huo dzuru yao.Hivyo amricha na achimia vyao.¹³Phahi achiaragiza baadhi ya mafarisayo na maherodia kwakwe ili kumuhega kwa manenoge. ¹⁴Phofika achimwambira''mwarimu,unamanya kukara kujali maoni ga yeyosi kuonyesa upendeleo kahii ya atu.unafundza njira ya Mrungu ya ukweri.Dze ni haki kuripha kodi kwa kaisa au la?Dze ni haki weza kuripha au la? ¹⁵Lakini Yesu wamanya umbeya wao na achiambira,''kwani mnanidjeza?Niphani pesa ruweze kuitunz.''¹⁶Achireha mwenga kwa Yesu,Achiaambira,''Dze ni sura ya yuphi na maandhishi garigo pho hipha ni ga yuphi?machinena''ga kaisari'' ¹⁷Yesu masadukayo,maneno takuna kufufurwa,mamia.achimuliuza,machinena.¹⁸Kisha masadukayo,maneno takuna kukurwa,mamia.achimuhuza,machinena, ¹⁹''Mwarimu,musa wawandikirwa kukara,ichikara nduguyo achifwa na kuricha mchetu nyumaye,lakini kakaricha mwana,mtu,achimtsukura mchetu wa nduguye,na kudzipatira mwana kwa ajili ya nduguye.'²⁰Kwakara na ndugu saba,wa kwanza wamtsukura mchetu na chimara achifwa,kayaricha mwana. ²¹Chimara wa phiri achimtukura naye achifwa,kayaricha mwana.Na wa hahu vivyo hivyo. ²²Na wa saba achifwa bila kuricha ana mwishowe na mchetu pia achifwa. ²³Wakati wa ufufuo,ndaphofufurwa tsona,Dze! A ndakora mchetu wa yuphi?kwani ara ndugu osi saba akara arumeze.''²⁴Yesu achiambira,''Dze!ino si sababu kukara,mwachengwa,kwa sababu tammanya maandiko wala nguvu za Mrungu?'' ²⁵Wakati wa kufufuka kura kwa afu,ndandarora wala kuinjira kwenye ndowa,bali mandakara kama mararaika ga mrunguni.²⁶Lakini,kuhusu ofwa ambao andafufurwa,Dze!tamyasoma kura chitabu cha Musa,udzumbe wa chitsaka,jinsi Mrungu vyonena na kumwambira,mimi ni mrungu wa Yakobo?' ²⁷Iye si mrungu wa afu,bali wa ario moyo.Ni wazi mkaangamika.''²⁸Mmwenga wa aandishi achedza na kusikira ngazi zao;Waona kukara yesu akaajibu vinono.wamuuza,Dze!ni sheriya iphi iriyo ya muhimu zaidi katika zosi?'' ²⁹Yesu achimjibu,''Iriyo ya muhimu ni hino,''Sikira,Aisrael,Dzumbe Mrungu wehu Dzumbe ni mmwenga. ³⁰Lazima ummedze Dzumbe mrunguo kwa moyoho wosi,kwa rohoyo yosi,kwa achiriyo yosi,na kwa nguvuzo zosi. ³¹Ragizo ra phiri ni hiri,lazima ummendze jiranio kama udzimendzavyo mwenye:takuna ragizo ranjina balia zaidi ya higo''³²Mwandishi achinena,''Vinono mwarimu ukanena kweri kwamba mrungu ni mmwenga,na kwamba takuna wanjina zaidiye. ³³Kummendza iye kwa moyo wosi,na kwa kuelewa kosi na kwa nguvu zosi,na kummenya jirani kama mwenye,ni muhimu muno kuriko sadakaa na dhabihu za kuteketeza.'' ³⁴Wakati Yesu akaravya jibu ra busara,wamwambira,''uwe kure na ufalme wa Mrungu.''Baada ya hipho takuna hata mmwenga we thubutu kumuuza Yesu maswali gogosi.³⁵Na yesu wajibu,wakati phokara achifundisha hekaluni achinena ''Dze aandishi mananenadze kwamba kiristo masihi ni mwana wa Daudi? ³⁶Daudi mweenye kwenye Mphephera mng'aro wanena''Dzumbe waneno kwa Dzumbe wangu,sagara mkono wangu wa kurume niaenda akondo angu kukara tsini ya magurugo.' ³⁷Daudi mwenye wamwiha kristo Dzumbe Dze!ni mwana wa Daudi kwa jinsi gani?'' Na kusanyiko balia ramsikiza kwa chinyemi.³⁸Katika mafundishoge yesu wanena,''dzirindeni na aandhishi,matamanio kunyendeka na kanzu ndefu ³⁹na kuramuswa kenye chete na kusagara kwenye vihi vya abalia kwenye masinagogi na kwenye sikukuu kwa maeneo ga abalia. ⁴⁰Pia manaya nyumba za agungu na manavoya mavoyo marefu ili atu maaone.Hano atu andaphochera hukumu iriyo mbaha.''⁴¹Kisha yesu wasagara Photsi phephi na sanduku ra sadaka ndani ya eneo la kanisa ;kara achitunza atu maatiyavyo pesa zao ndani ya sanduku.Atu anji matajiri maika kiasi chibalia cha pesa. ⁴²Phahi mwanachetu mgungu mchiya wakwedza na kutiya vipande viiri,thamani ya tsentse.⁴³Kisha achi anafundzie na achiambira,''Amini naambira,mwanachetu hiyu mgungu akatiya chiasi chibaha zaidi ya osi ambao akaravya kwenye sanduku ra sadaka. ⁴⁴Kwani osi akaravya kutokana na unji wa chipato chao.Lakini mwanachetu mgungu hiyu,kura kwenye uchiyawe,akatiya pesa yosi ambayo yapaswa kuimira kwa maishage.''

¹Yesu phokara achinyeka ndeka kura kanisani,mmwenga wa anafunzie wamuuuza,''Mwarimu,tunza mawe higa ganashangaza na madzengo!'' ²Achimwambira,unama madzengo iga mbalia?Takuna hata dziwe mwenga ndarobaki dzuru ya ranjina ambaro la rindabwagwa photsi.''³Naye phokara asegere dzuru ya mwanga mizeituni nyuma ya kanisa,Petro ,Yakobo,Yohana na Andrea muuza kwa siri, ⁴''Tuambire,mambo igo gandakara rini?Ni hiphi dalili ya mambo higo kuturukira?''⁵Yesu achianza kuaambira,''karani mchimanya kwamba mtu yeyosi asiachenge. ⁶Anji andakwedza kwa dzina rangu machinena,'Mimi ndiye',na andaachenga anji.⁷Kira kondo na tetesi za kondo msiogopho,mambo gano tagana budi kuturukira,lakini misho taudzabwe. ⁸Taifa rindangoka chinyume na taifa ranjina na ufalme chinyume na ufalme.Kunda kara na chitingisha sehemu nyinji,na njara.Huno ni mmwanzo wa utsungu.⁹Karani matso.Mndafiswa hadi mabarazani,na mndaremerwa kwenye masinagogi.Mndahimiswa mbere za atawala na afalme kwa ajili yangu,kwa ushuhuda kwao. ¹⁰Lakini habari njema lazima kwanza Hangazwe kwa mataifa gosi.¹¹Ndpho gwirwa na kukabidhiwa,msiogophe kuhusu chira ndachonena.Ndani ya muda huho,mndawewani cha kunena:mndakara mwimwi ndaonena,bali mphephera mngaro. ¹²Ndugu andamshitaki ndugu kuoragwa,baba na mwanawe.anache mandaima chinyue cha ise zao na kusababisha kuoragwa. ¹³Mndareyerwa ni kila mtu kwa sababu ya dzina rangu.Lakini ndaeyevumirira mpaka mwisho,mtu hiye andaokoka.¹⁴Ndaphoona regezo ra unananzi rikaima phara phosiphorondwa kuima(asomaye na amanye),ndipho ariye yuda achimbire mwangoni, ¹⁵naye ariye dzuru ya nyumba asitsere tsini ya nyumba,au kutsukura chochosi chircho kondze, ¹⁶na ariye mndani asiye kutsikura wzire.¹⁷Lakini ole wao achetu enye mimba na maamusaho siku hizo! ¹⁸Voyani kwamba isiturukire wakati wa mnyevu. ¹⁹Kwani phandakara na matsungu mabalia,ambago tagadzambwe wahi kuturukila,angu mrungu phoumba urumwengu,mpaka sasa,takuna,wala taindaturukira tsona. ²⁰Mpaka Dzumbe andaphophunguza siku,takuna mwiri undahookora,lakini kwa ajili ya ateule tsagurwa andaphunguza namba za siku.²¹Wakati huo kama mtu yeyosi andaambira,Tunza,Kristo ah hipha!au tunza ali phara!msiamini. ²²Kwani akristo ali aruanzo na manabii garuanzo andaturukira na andaravya dalili na Virozo,ili kwamba,aachenge,Inawezekana hata otsagurwa. ²³Karani matso!Nikaambira higa gosi kabla ua siku.²⁴Lakini baada ya,matsungu ga siku hizo,Dzuwa rindatiwa gziza,mwezi taundaravya mwangawe, ²⁵nyota zinddagwa kura dzuru,na nguvu zirizoko Mrunguni zindasu kwasukwa. ²⁶Ndipho daphomuona mwana wa mtu achedza maliinguni kwa nguvu mbalia na utukufu. ²⁷Ndipho andaragiza mararaikage na andaakusanya phamwenga otsagurwa he kura pande nne za dunia kura mwisho dunia mpaka mwisho wa mbingu.²⁸Kwa mtini dzifunzeni.Kama tawi riwezavyo kuravya na kuika haraka makodzage,ndipho mndamanya kukara kazikazi ili phephi. ²⁹Ndivyo irivyo phoona mambo higo gachiturukira,manyani kwamba aphephi na myango.³⁰Kweri,naambirani,hichi vhivyazi tachinda tsapa mbali kabla mambo higa ragadza mbweturukira. ³¹Mbingu na nchi zindatsapa,lakini maneno gangu tangandatsapa kabisa. ³²Lakini kuhusu siku higo au saa,takuna amanyaye hata mararaika ga Mrunguni,wala mwana ila Baba.³³Karani matso,Tunza,kwa sababu tammanya ni muda uphi gandaturukira.(Zingatiya:mstari huno,''Mkare aangalifu,Tunzani na Voyani kwa sababu.....''taumo kwenye nakala za kare). ³⁴Ni kama mtu amiaye charoni:akaricha nyumbaye,na nyumba,kila mmwenga na kaziye.Na kumragiza mrindzi kukara matso.³⁵Kwa hiyo karani matso kwani tammanya ni rini Dzumbe wa nyumba ndaphouya nyumbani,Inawezekana ni dzironi,usiku wa manane,wakati Dzogoro ndaphoika,au rugundzu. ³⁶Kama achedza ghafla,asikukute urere. ³⁷Chura nichinenacho kwako nachinena kwa kila mtu:chesani''!

¹Phokara siku mbiri tu,baada ya sikukuu ya Pasaka na ya mikaha isiyotiwa Amira.Arimu obalia na aandishi makara malienza njama ya kumgwira Yesu kwa werevu na kumuoraga. ²Kwa kukara manena,''silio wakati huno wa sikukuu,atu masedze makaenda vurugu.''³Wakati yesu Bethania nyumbani kwa Simoni wa mahana,na phokara achielekea mezani,mwanachetu mmwenga wakwedza kwakwe kara anachupa ya marashi ga nardo nono yenye bei mbalia muno,wavundzja chupa na achimmwagira dzuru ya chitswache. ⁴Lakini kwakara na baadhi yao mareya.mchiya mbirana hao kwa hao machinena,''Ni nini sababu ya upotovu huo? ⁵Marashi jiga gangeweza kuguzwa kwa zaidi ya dinari mia tahu na kuwewa achiya.''Nao amphekera.⁶Lakini Yesu achinena,''Mrichenimacheye kwani mnamyuya?Akaenda dzambo nono kwamgu. ⁷Siku zosi achiya mnao na wakati wowosi mtamanipho mnaweza kuhenda manono kwao,lakini tamndakarenami siku zosi. ⁸Akaenda chira awezacho:akaupaka mwiri wangu mafulia kwa ajili ya maziko. ⁹Kweri naambira,kila phahali injili ihubiriwapho katika urumwenguni wosi,chira chochienda mwanachetu hiyu chindanenwa kwa ukumbushowe.¹⁰Phahi yuda Iskariote,mwenga wa ara kumi na airi,wamiha kwa abalia ali Arimu abalia ili kwamba aphalie kumravya kwao. ¹¹Wakati abalia arimu abalia iphosikira hivyo,mafwahirwa na achiaia kumupha pesa waanza kukenza nafasi ya kumyavye kwao.¹²Phaphi siku ya kwadza ya mkalie Amira,wakati phoravya,''unaronda umie kuphi ukatayarishe ili uphalie kuya kande ya Pasaka?'' ¹³Waaragiza anafunzie airi na achihaambira,''Miani mdzini ,na mwanarume ambaye akaoreka nziro mndaonana naye.Mrunguni. ¹⁴Nyumba andyonjira,Mrungeni na mmwambre mchina nyumba hiyo,.Mwarimu anena,''chiphaphi chumba cha adjeni phahali ndaphoya pasaka na anafuzi angu.?''¹⁵A ndaaonyesa chumba cha dzuru chibaha chenye aMni ambacho chi tayari.Endani maandalizi kwa ajili yehu phara.'' ¹⁶Anafundzi auka achimia Mdzini,akuta kila chitu kama vyokara akaambira,na achiandaa kande ya Pasaka.¹⁷Wakati phokara dzironi,wakwedza na ara kumi na airi. ¹⁸Na phokara akaisengerera meza na kuya,Yesu wanena ,''Kweri nakuambirani,mmwenga kahi yenu ayaye phamwenga nami andani saliti.'' ¹⁹Osi masononeka,na mmwenga baada ya wanjina achimwambira,''kweri si mimi?''²⁰Yesu wajibu na achiambira,''Ni mmwenga wa kumi na airi kahi yenu,Mmwenga ambaye sasa anatsotsa donje bakuli ni phamwenga nami. ²¹Kwa kukara mwana wa mtu andamia kama maaandiko ganenavyo dzuruye.Era kare ole mtu yuya ambaye kutsapira iye mwana wa mtu andasalitiwa!Ingekara vinono zaidi kwakwe kama mtu yuya asingevyarwa.''²²Na aphokara achiya,yesu watsukuma mkahe achiubarikina kuumega.Waapha achinena,''Tsukurani.Huno ni mwiri wangu.'' ²³Watsukura chikombe,achishukuru,na achiapha,na osi achichi nmwerera. ²⁴Waambira,''Hino ni miratso yanngu chiraagane,miratso Imwagikayo kwa ajili ya anji. ²⁵Kweri naambira,sindanwa tsona zao hiri ra mzabibu mpaka siku ir ndaphonwa mpya kwenye ufalme wa Mrungu.''²⁶Phomara kuvwina wira amia kondze katika mwango wa miezeituni. ²⁷Yesu waambira,''Mwimwi mwosi mndadzitenga kure kwa sababu yangu,kwa kukara yaandikwa,nindampiga mrisa na mang'onzi gandatawanyika.'²⁸Lakini baada ya kufufuka kwangu,nindaatanguliwa mbere yenu Galilaya.'' ²⁹Petro wamwambira''Hata kamo osi andakuricha,mimi sindakuricha.''³⁰Yesu wamwambira,''kweri nakuambira,usiku huhu,kabla dzogoro taridzambwe ika mara mbiri ,undakara ukanirema mara tahu.'' ³¹Lakini petero wanena,''Hata indanipasa kufwa phamwenga nawe,sindakurema.''osi maravya ahadi ira ira.³²Akwedza kwenye eneo inhwaro Gethsemane,na yesu achiambira anafuzie,''Sagarani hipha wakati navoya.'' ³³Waatsukura Petro,Yakobo,na Yohana phamwenga naye ,achianza kusononeka na kugaya sana. ³⁴Waambira,Nafsi yangu ina inasononeka muno,hata kufwa bakiri hipha na mchese.''³⁵Yesu wamia mbere chidide achirwa photsi achivoya,kama ingewezekana,kwamba saa hino ingemtsapa. ³⁶Wanena,''Aba,Baba,mambo gosi kwako ganawezekana,Niusira chikombo hichi.Lakini sigo kwa mapendzi gangu,bali mapenzigo.''³⁷Wauya achiakuta marere,na achimwambira Petreo,''Simoni dze uere?kukaweza kuchesa hata saa mwenga? ³⁸Chesani na mvoye msedze mkainjira kwenye majaribu kweri roho i radhi,lakini mwirini mnyonje.'' ³⁹Wamia tsona kuvoya,na waumira maneno garatugara.⁴⁰Wakwedza tsona achiakuta arere,kwa kukara matso gao gakara mazito na taayamanya ninich kumwambira. ⁴¹Wakedza mara ya hahu na kuambira,''Bado mrere na kuoya?inatosha!Sasa inafika.Tunza!mwana wa mtu andasalitiwa mikononi mwa enye ubananzi. ⁴²Ramukeni,umieni.Tunza,yuya anisalitiye ah ohephi.''⁴³Mara tu aphokara bado ananena,yuda,mmwenga wa ara kumi na airi,wafika,na kundi baha kura akuu ah Arimu abalia,aandishi na azee enye mnyundu na Marungu. ⁴⁴Wakati huo msalitiwe kara akaapha dalili,achinena,yuya ndeaye mbusu,ndiye.Mgwireni na kumsifa tsini ya urinzi.'' ⁴⁵Wakati yuda phofika,mwenga kwa menga wamia kwa yesu na kunena,''Mwarimu Na achimbusu. ⁴⁶Chimara achimuika tsini ya urinzi na kumgwira.⁴⁷Lakini mmwenga kahi yao wiyeima phephi naye watsomora munduwe achimpiga Mragizwa wa mwarimu mbalia na kumkata sikiro. ⁴⁸Yesu achimwambira,''Medza kunigwira kwa myundu na marungu kama uivi? ⁴⁹Wakati kila siku nakara namwi na nichifundisha kanisani,tamyanigwire lakini hiri rekanisa,tamyanigwira.Lakini hiri rekaendeka ili maandiko gatimie. ⁵⁰Na ara osi kara na yesu mamricha na kuchimbira.⁵¹Mvulana mmwenga wamrunga,wekara akawara shuka tu yokara akadzifwinika kumzunguruka ;achi mgwira lakini ⁵²waachimbira achiiricha shuka pharatu chimbira chitsalia.⁵³Mamrongoza yesu kwa mwarimu mbalia.phara makusanyika phamwenga naye Arimu abalia osi azee na aandishi. ⁵⁴Petro naye wamrunga yesu kwa kure,kuelekea kwenye uwa wa mwarimu mbalia.Wasagara phamenga na arinzi,phephi na moho achihoha ili kuphalia joto.⁵⁵Wakati huo Arimu abalia osi na Baraza rosi makara manaenza ushahidi dzuru ya Yesu ili phalie kumworaga.Lakini taayauphalia. ⁵⁶Kwa kukara atu anji maeha ushuhuda wa ruphayo dzuruye,lakini hata ushahidi wao tauyamvwanana.⁵⁷Baadhi maima na kureha ushahidi wa ruphayo dzuruye;achinena, ⁵⁸''Wamsikira achinena,'Nindaribananga kanisa hiri hendwa kwa mikono,na ndani siku tahu rindadzenga ranjina sarohendwa kwa mikono.''' ⁵⁹Lakini hata ushahidi wao tauya mvwanana.⁶⁰Mwarimu mbalia waima lahikahi yao na achimuuza yesu,''Dze jibu?Atu hano anakushuhudiana dzuroyo?'' ⁶¹Lakini wanyamara chimya kayajibu chochosi.Mara mwarimu Kiristo,Mwana wa Mbarikiwa?'' ⁶²Yesu wanena,Mimi ndiye.Na undamwona mwana wa mtu asegere mkono wa kurume wa nguvu achedza na maingu ga mrunguni.''⁶³Mwarimu mbalia wakwanyura nguwoze na achinena,Dze bado mchereronda mashahidi?

¹Rugudzu na mapema abalia a makuhani a kutana phamwenga na azee na aandishi na baraza zima ra azee.Chimara amfunga yesu achimfisa kwa pilato.Pilato achimuuza,''Uwe u mfalme wa Ayahudi?'' ²''Achimjibu,''Uwe ukanena hivyo.'' ³Abaha a makuhani maeleza mashitaka manji dzuru ya Yesu.⁴Pilato achimuuza tsona,kunena rorosi?kuona jinsi akushitakivyo kwa mambo manji? ⁵Lakini Yesu kayamjibu Pilato,na hivyo yammakiza.⁶Kwa kawaida wakati wa sikukuu humvugurira mfungwa mmwenga,mfungwa wemroya. ⁷Phakara na akosadzi gerezani,kahi yao aoraga kahi ya chaasi aumukirao makosa gao.phakara na mtu mmwenga aiwaye Baraba. ⁸Kundi rakwendza kwa pilato,na kumvoya aende kama chovyoenda iko nyuma.⁹Pilato achijibu na kunena,''Mnaronda nivugurire mfalme wa Ayahudi?'' ¹⁰Kwa kukara wamanye ni kwa sababu ya chidzitso abalia makuhani amgwira Yesu na kumreli kwakwe. ¹¹Lakini akuu a makuhani achochea kundi kupiga kururu kwa sauti kwamba avugurwe Baraba badalaye.¹²Pilato achiajibu tsona na kunena,''nimuendeni mfalme wa Ayahudi? ¹³Achipiga kururu tsona,''Asulubishwe!''¹⁴Pilato achinena,''wahenda jambo riphi baya?''Lakini achizidi kupiga kururu muno zaidi''Asulubiwe.'' ¹⁵Pilato achironda kuridhisha kundi,achivuguriwa Baraba.Achimpiga Yesu Viboko chimara achimravya ili asulubiwe.¹⁶Asikari chiamrongoza mpaka ndani ya ugo(ura urilio ndani ya kambi)na akusanyika phamwenga chikosi cha Asikari. ¹⁷Achimvwika Yesu kandzu ya rangiya Zambarau,na achisokota chilemba cha miya achimvwika. ¹⁸Achianza kumbera na kunena,''salamu,mfalme wa Ayahudi!''¹⁹Achimpiga chitswani kwa mwanzi na kumtwerera malie.Achichita mavwindi mbereye kwa kumheshimu. ²⁰Hata phomara kumbera,achimvura ira kadzu ya rangi ya zambarau na kumvwika nguwoze,na kumravya kondze kumia kumsulubisha. ²¹Achimlazimisha mtsapa njira kumteya,kara anainjira mdini kura mndani.Awayesimoni mkirene (ise wa iskanda na Rufo):chimlazimisha kuuoreka msalaba wa Yesu.²²Asikari achimfisa Yesu phahali Phahihwapho Goligotha(mana ga tafsiri ni Bebe ra chitswa). ²³Achimupha uchi wakutsanganywa na manemane,lakini kayaunwa. ²⁴Chi msulubisha na achiganyana nguwoze,achigapigira kura kuamua chipande ndachophalia kila asikari.²⁵Inaphaha saa tahu rugundzu phomsuhebisha. ²⁶Chiika dzuru ubao choandikwa shitaka,''Mfalme wa Ayahudi.'' ²⁷Msulubisha phamwenga na majambazi airi,mmwenga upande wa kurume na wanjina kumotso kwakwe. ²⁸(Zangatiya:mstari huno''maandiko gakatimu gonewa''taumo katika nakala za kare).²⁹Nao chokara anatsapa amraphiza,na kusuku suka vitswa vyao achinena''Aha!Uwe nderudza kanisa na kuridzenga kwa siku tahu, ³⁰dziokore mwenye na utserere photsi kura msalabani!''³¹Kwa namna iratuira akuu ali makuhani ambera achinenezana,phamwenga na aandishi na kunena,''Waokora anjina,era kaweza kudziokora mwenye. ³²Masihi mfalme wa Israel,tserera photsi sasa kura msalabani,ili tuweze kutunza na kuamini.Ara chosurubiwa phamwenga ppia nao achimbera.³³Phofika saa sita,djiza richedza dzuru ya ntsi yosi hadi saa tisa. ³⁴Wakati wa saa tisa,Yesu wapiga rukanga kwa sauti mbalia,''Eloi,lama sabaktani?''Ichikara na maana''Mrungu wangu,mrungu wangu kwani ukaniricha?'' ³⁵Baadhi ya haho houma phosikira machinena,''Tunza anamu Eliya.''³⁶Mutu mmwenga achichimbira,achiodzaza uchi kwenye demu na achichiriika dzuru ya muhi wa mwanzi,achimupha ili anwe.Mutu mmwenga achinena,''godza tutunze kama Eliya anda kwedza kumtsere za photsi.'' ³⁷Tsona Yesu warira kwa sauti mbaha na achifwa. ³⁸Pazia ra kanisa raganyika vipande viiri kura dzurumpka tsini.³⁹Ofisa mmwenga kara akaima kumwelekea Yesu,phomuona akafwa kwa namna Ira,wanena,''kweri hiyu mtu kara ni mwana wa Mrungu.'' ⁴⁰Akarapho piya achetu kara achitunza kwa kure.Kahi yao kara mariamu Magdalena(nine wa Yakobo mdide wa yose)na salome. ⁴¹Wakati phokara Galilaya amrunga ili mamteye.Na achetu anjina anji pia arongozanaye hadi Yerusalemu.⁴²Phokara dzironi,na kwa kukara siku ya kuandaa,siku kabla ya Sabato, ⁴³Yusufu wa Ari mathaya wamia phara.Kara ni mdzumbe wa Baraza aheshimiwaye mtu augodzeraye ufalme wa mrungu.Kwa ujasiri wamia kwa pilato,na kuuvoya mwiri wa yesu. ⁴⁴Pilato washangaa kwamba yesu tayari akafwa kare achimuhilia yuya afisa achimuuza amba Yesu akafwa.⁴⁵Phopata ukweri kwa afisa kukara akafwa wamruhusu Yusufu kuutsukura mwiri. ⁴⁶Yusufu kara akagura sanda.Achimtereza kura msalabani,achimfunga kwa sauda,na kumuika ndani ya kaburi choro tsimbwa phenye mwamba.Chimara achirivingirisha dziwe myangoni mwa kaburi. ⁴⁷Mariamu magdalena na Mariamu nine wa Yose aona phahali phozikwa Yesu.

¹Wakati sabato phosira,Mariamu Magdalena na Mariamu nine na Yakobo na Salome,magura marashi manono ili maweze kumia na kupaka mafuha mwiri wa Yesu kwa ajili ya Maziko. ²Rugundzu mapema siku ya kwauza ya juma,Amia kwenye mbira wakati dzuwa rinaturuka.³Achinenezana hao kwa hao,''yuphi andaribiringisha dziwe kwa ajili yehu ili uimjire kaburini?'' ⁴Wakati photunza,smuons mtu tayar akaribingirisha dziwe,ambaro rakara baha muno.⁵Machiinjira kwenye mbira na achimwona mvula na akavavwa joho dzereru,asegere upande wa kurume,na achimaka. ⁶Achimbira,''Msiogophe.mnamuhenza yesu,wa Nazareti,wateswa.Akafufuka!kapho hipha.Tunza phahali phara akamuika. ⁷Miani,mkaambire anafunzire na Petero kukara akaatongoyera kumia Galilaya.Hiko mndamwone,kama aambira.''⁸Machuka na kuchimbira kura kwenye mbira makakama na ashangazwa.Taayanena chochosi kwa mtu yeyosi sababu maogopha muno.⁹(zagatiya:Nakala za kare tazima Marko 16:9-20) Mapema katika siku ya kwanza ya juma,baada ya kufufuka,wamturukira kwanza Mariamu Magdalena,ambaye kura kwakwe wamravya pepho saba. ¹⁰Wauka na achambira ara ambao wakara phamwenga naye,wakati phokara anasononeka na kuravya matsozi. ¹¹Masikira kwamba ni mzima na akaonekana naye,lakini yamwamini.¹²(Zangatiya:Nakala za kare tazina Marko 16:9-20) Baada ya higo,Wadziturukiza kwenye namna yanjina kwa atu anjina airi,wakati phokara achinyebdaka jura kwenye ntsi. ¹³Mamia na kuambira anafunzi anjina hobaki,lakini taaya-aamini.¹⁴(Zangatiya:Nakala za kare tazina Marko 16:9-20)Yesu baadaye wadziturukiza kwa ara kumi na mmwenga makara makazamira meza,na achiaphekera kwa kuricha kwao na umua wa mioyo kwa sababu taayamini ara akumwona baada ya kufufuka kura kwa afu. ¹⁵Achiambira,''Miani urimwenguni mwosi,na mkatangaze habari njema kwa viumbe vyosi. ¹⁶Yeyosi aaminiye na kubatizwa andaokolwa na yuya siyeamini andahukumiwa.¹⁷(Zangatiya:Nakala za kare tazina Marko 16:9-20) Dalili hizi zindarungana na osi aaminio.Kwa dzina rangu mndavavya phepho.Mndanena kwa lugha mpya. ¹⁸Mandagwira nyoka kwa mikono yao,na hata machinwa chitu chochosi cha kuoraga tachiandaazuru.Mandaika mikono kwa Akongo,nao mandakara azima''.¹⁹Baada ya dzumbe kunena nao,achitsukurwa dzuru mrunguni na asegere mkono wa kurume wa mrungu. ²⁰Anafunzi auka na kutangaza kila phahalia,wakati Dzumbe achienda kazi nao na kurikamilisha neno kwa virozo na dalili zichirungana nao.

¹Atu anji maandika na kugaika kwenye mpangilio maneno go semuriwa na gango gahendeka kwehu. ²kama vyo hupatihira swiswi eno angu mwanzo tu mashahidi ga matso na ahumwa a udzumbe. ³Phahi nani piya,baada ya kugaaza kwa uangalifu chanzo cha mambo higa kwangu piya kukuandikira mpangiliowe muhishimiwa Theofilo. ⁴Ili kukara uweze kumanya ukweri wa mambo go fundishwa.⁵Hipho siku za Herode,dzumbe wa Yesu,phakara na mwarimu mbalia dzinare ndiye Zakanya,wa ukoo wa Abiya,Mchetuwe waturuka kwa ana aHaruni na dzinare kara anaihwa Elizabethi. ⁶Osi kara ana haki mbere za mrungu,na piya mairunga bila lawama miromo yosi na maragizo ga dzumbe. ⁷Tamaya enda mwana kwa kukara Elizabethi kara ni tasa, na kwa wakati huo osi airi kara ni azee.⁸Phasi yaturukira kukara zakariya kara a kwenye uwepho wa Mrungu achiendereza na kazize za marimu mbalia kwenye zamaye. ⁹Kulingana na mila yao ya kutsagurana kukara ni ani mwarimu mbaha udemia kufukiza ubani.Iye ndiye wetsagurwa kwa kura kuinjira hekaluni na kufuiliza ubani. ¹⁰Kundi rosi ra atu kara rinevoya kondze wakati wa kufukizwa kwa ubani.¹¹Phai Raraika ra Mrungu ramturukira na richiima mkono wa kurume wa madhabahu cha kufulizira. ¹²Zakariya watishirwa phomuona,achiinjira hofu. ¹³Lakini malaika achimwambira.''usiogophe Zakariya ,kwa kukara mavoyogo gakasikirwa,mchetuo Elizabeti andkuvyariva mwana Dzinaye undamwiha yoana.¹⁴Undakara na chinyeni na kuhererwa,na anji mandahererwa kwa kuvyarwakwe. ¹⁵Kwa kukara andaakara mbalia mbere za matso ga Dzumbe.kandanwa uchi wara chinwadzi chisira kwani andakara akaodzazwa mphephera Mng'aro angu ndanini mwa nine.¹⁶Na atu anji Israeli manda mrunga Dzumbe mrungu wao. ¹⁷A ndamia mbere zauso wa Dzumbe kahi za mphephera na nguvu za Eriya Andahenda hivi iri kuuyiza myoyo ya ano baba kwa ana zao.Iri kukara asiotii andahenda kwa hekima ya enye haki.Andahenda hivi kuaika tayari kwa dzumbe atu macho ikwa ajiliye.''¹⁸Zakariya achimwambira raraika''sasanindawezadze kurimanya hiri?kwa kukara mimi ni mzee na mkazangu myakaye ikakara minji muno. ¹⁹''Raraika richimjibu richimwambira''Mimi ni Gabrieli ninaima mbere za mrungu.Nikahumwa kukwambira na kukurehera udzumbe huno mnono. ²⁰Na tunza,kundanena ,undakara chimya kundaweza kunena mpaka siku ira mambo higa photurukira.Hino ni kwa kukara ukashindwa kuruphira maneno ga mrungu ambago hendeka kwa wakati uchopangwa.²¹Sasa atu makare kondze kumgodzera zakariya.maangarazwa kukara kane anahumira muda munji hekaluni. ²²Era photuruka kondze,kayaweza tsona kunena nao machimanya kukara akaphaha maono himo hekaruni waenderera kuonyesa ishara achisara chimya. ²³Ichiturukira kukara siku za mazumage phosira achiuka achiuya kwakwe kaya.²⁴Baada ya zakariya kuuya nyumbani kura kwenye zumare ra hekaruni kura kwenye zumare ra hekaruni,mchewe wagwira mimba.Naye kayaturuka nyumbani mwakwe kwa muda wa myezi mitsano.Achinena. ²⁵Hiri ndiro ambaro,Dzumbe akarihenda kwangu phonituuza kwa kunipendelea iri kuniusira waibu kahi ya atu.²⁶Phasi kali ya mwezi wa sita wa mimba ya Elizabeti,Mrungu wamwambira raikaGabriel kumia kwenye mudzi wa Gariraya uiwao Nazareti. ²⁷kwa mwari we chumbiywa ni mwanarume ariye dzinare ni Yusufu iye kara ni wa mbari ya Daudi na dzina ra mwari iye kara ni mariamu. ²⁸Achedza kwakwe na achimwamba,''Honjera uwe wewa neema mbalia!Dzumbe akafwairwa ni uwe,'' ²⁹Era maneno ga raika ga mtsanganya na kudziuza kwani raika rikanipha mawadzo uno wa chirozo kwakwe.³⁰Raika richimwambira,''Usiogophe ,Mariamu maana ukaphalia neema kura kwa mrungu. ³¹Na tunza,undaoreka mimba kwenye ndaniyo na undavyara mwana.Nawe undamwiha dzinare ''Yesu'. ³²Andakara dzumbe na andaiwa mwana wa ariye dzuru muno Dzumbe mrungu andamupha chichi cha mkaramo cha Daudi iseye. ³³Andatawara dzuru ya mbari ya Yakobo mkaramo na ufarumewe taundakara na mwisho.³⁴Mariamu achimwambira yuya raika,Hiri rindaturukira chiviphi?,kwa kukara sidzambwe kurara na mrume yeyosi. ³⁵Raika richimjibu richimwambira,''Mphephera Mng'aro andakwedzera dzuruyona nguvu ya ariye Dzuru muno andakwedza dzuruyo kwa kukara Mng'aro andevyarwa andaiwa mwana wa mrungu.³⁶Na tunza,nduguyo,Elizabeti ana mimba ya mwana kwenye uvyere wa uzeewe.Huno ni wezi wa sita kara anahiwa mgumba. ³⁷Kwa kukara taphana orowezekana kwa mrungu. ³⁸Mariamu achiamba,''Tunza,mimi ni msunyu wa dzumbe wa chichetu.Richa naikare hivyo kwangu sawasawa na udzumbeo chimara raika richimricha.³⁹Ndipho kwenye siku hizo mariamu wauka kafwani achimia kwenye ntsi ya myango kwenye mudzi wa Yudea. ⁴⁰Wamia nyumbani kwa Zakariya.Achimramusa. ⁴¹Sasa,yaturukira kukara Elizabeti phosikira mwadzo wa mariamu,mwana ndanini mwakwe wauruka na Elizabeti achiodzazwa Mphephera mng'aro⁴²Achipiga makururu na kunena kwa sauti mbalia.;;ukabarikiwa uwe kahi za achetu osi.Na mwana ariye ndani ya ndaniyo akabarikiwa. ⁴³Na ikakaradze kwangu kukara nine wa dzumbe wangu yamfwa aedze kwangu? ⁴⁴Kwa kukara tunza ichophosikika masichironi mwangu sauti ya mwadzoo,mwana ndanini mwangu akauruka kwa chinyemi. ⁴⁵Akabarikiwa mwanachetu yuya ariye wakuruphira kukara ungeturukira ukamirifu wa mambo gara cho goambirwa kura kwa dzumbe.''⁴⁶Mariamu achiamba nafsi yangu inamtogora Dzzumbe. ⁴⁷na roho yange inaonato kwa mrungu mwokori wangu.⁴⁸Kwakukara akanitunza hali ya photsi ya msunyewe wa chichetu.Tunza,kura sasa vivyazi vyosi vindaniih'a mbarikiwa. ⁴⁹Kwa kukara iye awezaye akahenda mambo mabah'a kwngu na dzinare ni Mng'aro.⁵⁰Rehema ye inasagara kura chivyazi hata chivyazi kwa ara mamuogophao iye. ⁵¹Akaonyesa nguvu kwa mkonowe,kuaganya adzivunao dzuru ya mawazo ga myoyo yao.⁵²Akaatsereza phostsi ana a afarume kura kwenye vihii vyao vya mkaramo na kuaunura dzuru ario na hali ya tsini. ⁵³Waamvunyiza enye ndzara kwa vitu vinono era matajiri waazora mikono mihuphu.⁵⁴Waravya msada kwa Israeli msunywe iri kukambukira kuonyesa rehema. ⁵⁵(Dza arivyonena kwa baba zehu) wa Abrahamu na uvyaziwe mkaramo.⁵⁶Mariamu wasagara na Elizabeti inaphah'a myezi nuihau hivi ndipho achiuya nyumbani kwakwe. ⁵⁷Ndipho wakati ukafika,kwa Elizabeti kudzivugura mwanawe a achidzivugura mwana wa chirume. ⁵⁸Jiranize na nduguze msichira vira dzumbe vyoikuza rehema kwakwe na machionato phamwenga naye.⁵⁹Sasa yaturukira kukara siku ya nane nakwedza kumtahiri mwana kara inaafwaa kumwiha dzinare ''zakariya ''kwa kuzangatiya dzina ra ise. ⁶⁰Era nine wajibu achiamba,taphana andainhwa Yohana. ⁶¹Machimwambira.Takuna hata mmwenga wa ndugzo aiwaye kwa dzina hiri.'⁶²Machimuendere ishara ise iri kumuuza mwana dzinare aiwedze? ⁶³Ise achivoya chibao cha kuandikira na achiandika,''Dzinare ni Yohana.''Osi achima ni hiri.⁶⁴Ghafula,mromowe uchivugurwa na rurakare richirichirwa.Achinena na kumtogora Mrungu. ⁶⁵Hofu yaainjira osi masagarao phephi nao.Mambo higa gagota katoka ntsi ya myango ya Yudea. ⁶⁶Na osi osichira machigaika myoyoni mwao.Machinena.Mwana hiyu andakara wa Viphi?Kwa kukara mkono wa dzumbe kara u phamwenga naye.⁶⁷Ise Zakariya achitiwa Mphephera mng'aro na achiravya unabii achinena , ⁶⁸Atogorwe Dzumbe,Mrungu wa Israelkwa kukara wateya na waahendera mng'aro atue.⁶⁹Akahunurira pembe ya wokovu kwenye nyumba ya msunywe Daudi. kura kwenye mbari za msunywe Dandi. ⁷⁰Dza vyonena kwa kwana za manabiige karapho siku za kare. ⁷¹Andsturuza kura kwa akondo ehu na kura mikononi mwa osi mareyerao.⁷²Andahenda hivi kuonyesa rehema kwa ano baba na kukambukirwa chiraga che chitakatifu. ⁷³Chirapho chochinena kahi ya Abrahamu baba yehu. ⁷⁴Waapa kukokotera kukara ingewezekana kumhumichira iye bira hofu,baada ya kuokorwa kura kwenye mikono ya akondo ehu. ⁷⁵Kwenye utakatifu na haki mbereza mrungu siku zehu zosi.⁷⁶Ndipho na uwe mwana,undaiwa nabii wa ariye dzuru muno,kwa kukara undanyendeka mbere ya uso wa dzumbe iri kumuendera njira,kuaikato atu kwa ajiri ya kwedzakwe, ⁷⁷Kuamanyisa atue,kukara,andaokorwa kwa njira ya kuseemiwa kusamehewa mabananzi gao.⁷⁸Hiri nindaturukira kwa sababu ya mbazi za mrungu,wehu sababu ya kukara dzuwa kura dzuru rindahwedzera. ⁷⁹Kuang'azira ao masagarao chizani na kwenye chivuvi cha mauti.Andahenda hivi kugarongoza maguru genu kwenye njira ya amani.⁸⁰Sasa yuya mwana chikura na kukara mwenye nguvu rohoni na wasagara nyikani mpaka siku ya kudzituruza kwa Israeli.

¹Phai kahi ya siku hizo,ichiturukira kukara kaisari Agusto waraavya achierekeza kukara itsukurwe hisabu osi asagarao duniani. ²Ino yakara ndiyo hisabu ya kwanza yo hendendeka wakati kirenio phokara mtawara wa Siria. ³Hipho chira mmwenga achimia kwao kaya kuorangwa.⁴Naye Yusufu achiuka piya kahi za mudzi wa Nazareti hiko Gariraya na achimia Yudea kahi za mudzi a Bethlehemu,umanyikanao dza mudzi wa Daudi,kwa kukara waturukira kahi za mbari ya Daudi. ⁵Wamih'a hiko kudziandikisha phamwenga na mariamu we kara wamchumbiya na kara anagodzera mwana.⁶Phahi yaturukia kukara,Phokara kura wakatiwe wa kudzivugura mwana uchifika. ⁷Achidzivugura mwana wa chivume mwana wa mbere wa kwanza,achimzongomeza nguwo mwirini kumchinga na mnyevu mwanawe.Ndipho achimuika kwenye chihori chisanduku cha kurisira .Kwa kukara taiyakarapho nafasi kahi ya nyumbani za ajeni.⁸Kahi ya eneo hiro,Makarapho arisa osagara mindani machirinda vyaa vyao vya mang'onzi usiku. ⁹Ghafula,Raika Dzumbe richiturukira na utukufu unono wa Dzumbe uchiangarira kuaazunguruka,na machiinjirwa ni wogas muno.¹⁰Ndipho Raika richiaambira ,Msiogophe,kwa kukara niaarechera udzumbe mnono ambao undaarehera furaha mbalia. ¹¹Rero mkombozi akavyarwa kwa ajiri yenu mdzini mwa Daudi!iye ndiye Kristo Dzumbe. ¹²Ino ndiyo ishara iriyo kwamba mndawewa,mundamkuta mwana akafungwa nguwo na akarazwa hori ya kurisira anyama.¹³Ghafura phachikara na jeshi balia ra mrunguni richiungana na raika iye chimtogora mrungu achinena. ¹⁴''Utukufu unono kwa mrungu ariye dzuru sana na phepho ikare duniani kwa osi mendzao.''¹⁵Ichikara gara mararaika phomara kuuka kumia mrunguni arisa maambirana ao kwa ao.''Tumieni sasa ikura Beterehemu tukaone hichi chitu chochoturukira dzumbe akahuambira. ¹⁶Chimia kafwani kura,na achimkuta Mariamu na Yusufu na machimuona mwana arere kwenye hori ra kurisira anyama.¹⁷Naa phoona hivi achiamanyisa atu chira chokara akaambirwa kumhusu mwana. ¹⁸Osi osichira habari ino mamaka chira chonewa ni arisa. ¹⁹Era Mariamu waenderera kuaza kuhusu gosi gomara kugasichira,achigaika moyoni mwakwe. ²⁰Arisa machiuya hiku achimtogora na kumsifu mrungu kwa ajiri ya chira chitu chosichira na kuona dza viratu vyonenwa kwao.²¹Phofika siku ya nane yakara ndio wakati wa kumtiya mwana suna,machimuiha mwana dzinare Yesu dzina wewe ni yuya raraika kabla ya mimba taidzambwe kutiywe ndanini.²²Siku zao za kudzitakasa phosira,kulingana na shariya ya Musa,Yusufu na Mariamu mamia achimphirika mwana hekaluni kura Yerusalemu kumwika mbere za dzumbe. ²³Dza vyoandikwa kahi ya sheria za dzumbe.''Chira mwanarume avuguraye ndani andaiwa wakfu kwa dzumbe. ²⁴Ao viravira akwedza kuraya sadaka chiravyo kwingana na chira chinenwacho kahi za shariya ys dzumbe.''Jozi ya njiya au Madzana njiya mairi.²⁵Tunza phakara na mtu hipho Yerusalemu dzina kara anaiwa simioni,mtu huyu wakara ni mwenye haki na kumuogopha mrungu.Iye kara achigodzera kwa ajiri ya mphozi wa Iziraeri,na mpepher mugaro wakara dzuruye. ²⁶Yakara akafumuriwa kwakwe kutsapira mpephera mng'aro kukara iye asingefwa kabla ya kumwona kristo wa Dzumbe.²⁷Siku mwenga wakwedza ndani ya hekaru achirongozwa ni mphephera Mng'aro.Ambapho avyasi amreha mwana,Yesu,kumuhendera gara ganjo kawaida ya shariya. ²⁸Ndipho Simoni pho mpochera mikononi mwakwe,na achimtogora mrungu na achinena. ²⁹''Sasa mruhusu Msunyeo amihe kwa amani Dzumbe sawa sawa na nenoro.³⁰Kwa kukara matso gangu gakauona wokovuo, ³¹Ambao ukaonekana kwa matso ga atu osi. ³²Iye ni nuru kwa ajiri ya ufunuo kwa mataifa na utukufu wa atu Izraeli.³³Baba nine wa mwana machimaka kwa mambo go semuirwa dzuruye. ³⁴Ndipho Simioni achibariki na achimwambira nine Mariamu.Phunjisa kwa makini!mwana hiyu andakara chisa cha kuangamika na kutiya kwa atu anji kahi za Izraeri na ni ishara ambayo atu andairema. ³⁵Piya ni mundu ndaocha nafsiyo mwenye,iri kukara,mwanzo ga mgoyo ya atu anji gamanyikane.³⁶Nabii mwanachetu ahwaye Ana piya wakarako hekaruni.Iye kara ni mwana wa Fanueri kura kabira ya Asheri kara ana myaka minji muno .Naye wasagara na mrumewe kwa myaka mifangalie baada ya kurorwa. ³⁷Na ndipho phokara mgumba kwa myaka samanini na mine.Naye kayawahi kuruka hekaruni na wakara achienderera kumvoya usiku na mutsi. ³⁸Na kwa wakati huo wakwedza phara aripho achianza kumshukuru mrungu.Wanena kumhusu mwana kwa chira mtu wekapho kwamba kara achigodzera ukombori wa Yerusaremu.³⁹Phomara chira chitu choronda wa kuhendwa sawasawa na shariya ya dzumbe mauya Gariraya,mdzini kwao,azareti. ⁴⁰Mwana achikura na achikara na nguvu,achionjezeka kwenye hekima na neema ya mrungu ichikara dzuruye.⁴¹Avyazie chira mwaka amiha Yerusalemu kwa ajiiri ya Pasaka. ⁴²Pho kare na umri wa myaka kumi na miiri amiha tsona wakati mwafaka achidasturi kwa ajiri ya sikukuuu. ⁴³Baada ya kusara siku zosi kwa ajiri ya sikukuu,Maanza kuuya kaya .Era mvurana Yesu wasara nyuma mura Yerusalemu na avyazie tamaya rimanya hivi. ⁴⁴Afikiri kukara amumo mwenye kundi rirokara achisafiri naro,hivyo safiri charo cha siku.Ndipho achianza kumuenza kahi za ndugu na asena ao.⁴⁵Phoshindwa kumpah'a,mauya yerusaremu na machianza kumuenza himo. ⁴⁶Ichiturukira kukare baada ya siku tah'u achimpate hekaruni,achikara asegerer kahi za aarimu,achiasikiza na kuauza maswari. ⁴⁷Osi omsichiraamaka kwa kumanyakwe na majibuge.⁴⁸Pho muona,amaka,Nine achimwamba''Mwanangu kwani kutuhendera hivi?N'sichiza,sowe na mimi hukakuenza kwa wasiwasi mbalia. ⁴⁹Achiaambira kwani mnanienza?Taniyamanya kukara razima nikare kwenye nyumba ya baba wangu? ⁵⁰Era tamayaerewa chomaanisha iye kwa maneno higo.⁵¹Ndipho achimia phamwenga nao mpaka kaya Nazareti na achikara mtii kwao Nine wagaika mambo gosi moyoni mwakwe. ⁵²Era Yesu waendereza kukura kahi za hekima na cimo,na achizidi kumendwa ni mrungu na atu.

¹Sasa,kahi ya mwaka wa kumi na tano wa utawara wa kaisari Tiberia,wakati Pontio Pilato kara aripho gavana wa uyahudi,Herode wakara mbalia wa mkoa wa Gariraya na Filipo nduguye wakara mbalia wa mkoa wa iturea na Trakoniti,na lisania wekara mbalia wa mkoa wa Abilene. ²Na wakati wa ukuhani mbalia wa Anasi na kayafa,Neno ra mrungu ramwedzera Yohana mwana wa Zakariya rwangwani.³Wasafiri kahi za mkowa wosi kuzunguruka muhowa Yordani,achihubiri ubatizo watoba kwa ajiri ya mseemu wa mabananzi.⁴Dza andikwa kwenye chitabu cha maneno ga Isaya nabii,''Sauti ya mtu ariraye chidze Itengenezeni tayari njira ya dzumbe,gagoroseni matsapiroge gachigoroka.⁵Chira rwasi rindaodzazwa,na chira mwango na vidzi mwango vindaikwato,barabara zichizobeta zindagoroswa.Na njira zichizo paraza zindarainishwa. ⁶Atu osi mandauona wokovu wa mrungu.''⁷Hivyo ,Yoana achiuambira mkutano mbalia wa atu okwedzaa maphahe kubatizwa ni iye .''mwimwi chivyazi cha nyoka enye utsungu msiru,Ni yuphi wekuonyani kuichimbira gadhabu yedzayo?⁸Vyarani matunda gamianagona toba,na msianze kunena yenu.''Tunaye Iburaimu anye ni baba yehu kwa kukara na kuambirani kukara Mrungu anaweza kumuunurira Iburaimu anache hata kura na kwenye mawe higa.⁹Tayari shoka rikaikwa kwenye muzi wa mihi.Hivyo chira muhi siovyara matunda manono,undakatwa na kutsuphiwa mohoni.¹⁰Chimara atu kahi za machimuuza machinena.'' sasa narondwa hendedze.?'' ¹¹Wajibu achiaaambira,''kama mtu ana kanzu mbiri anarondwa araye kanzu mwenga kwa wanjina ariye kana kabisa na ariye ana kande na ahende vivyo ivyo.¹²Kisha baadhi ya atoza ushuru makwedza piya kubatizwa na machimwambira.''Mwarimu,tunarondwa tuhendeni? ¹³Achiaambira,''Msikusanye pesa zaidi kuriko mrondwacho kukusanya.¹⁴Baadhi ya maasikari piya gachimuuzaa gachinena na swiswi dze?tunarondwa tuhendeni?Achimwambira,''Msitsukure pesa kwa mtu yeyosi kwa nguvu,na msimtuhumu mtu yeyosi kwa ruanzo,Ridhikani na mishahara yenu.¹⁵Sasa kwa kukara atu mana shauku ya kumgodzera chiristo andekwedza,chira mmwenga kara anaaza moyoni mwakwe kuhusu Yoana kukara iye ndiye chiristo. ¹⁶Yoana achijibu kwa kuaambira osi,mimi nakubatizani mwimwi kwa madzi,Era kuna mmwenga aedzaye ana nguvu kuriko mimi,na sifwaa hata kuvugura kamba za virahuvye.Andakubatizani mwimwi kwa mphephera mngaro na kwa moho.¹⁷Rungore ri mkononi mwakwe iri kuphyera ugawe wa kuphehera ngana ,na kuikusanya ngano chitsagani mwakwe.Era andagaocha matsafi kwa moho zo azimika.¹⁸Kwa maonyo ganjina manji piya,wahuri habari nono kwa atu. ¹⁹Yoana waphekera piya Herode mbaha wa mkowa kwakumrora Herodia,mchetu wa nduguye na kwa mayi ganjina manji garigo kara Herode wagahenda. ²⁰Era Herode baadaye wahenda mayi munji mbaya muno.Wamfunga yohana Jera.²¹Tsona yaturukira kukara,akati atu osi phokara manabatizwa ni Yoana,naye Yesu wabatizwa piya.Wakati phokara achivoya,mbingu zichivuguka. ²²Mphephera Mng'aro achitserera dzuruye kwa mfwano wa chiriwiriwi dza niya,wakati uho uho ruraka rakwedza kura mrunguni richinena''uwe ndiwe mwanangu chimedzo nikuonageto.²³Ndipho Yesu mwenye phoanza kufundisha ,kara ana umri uphao myaka sarasini kara ni mwana(Dza uruvyotadhaniwa) wa Yusufu,mwana wa Eri, ²⁴mwana wa Matathia,mwana wa Lawi,mwana wa Meriki,mwana wa Yana,mwana wa Yusufu.²⁵Mwana wa Matathia,mwana wa Amosi,mwanawa Nahumu,mwana wa Esli,mwana wa Nagai, ²⁶Mwana wa Maati,mwana wa Matathia,mwana wa Semeini,mwana Yusufu,mwana wa Yuda.²⁷mwana wa Yoanani,mwana wa Resa,mwana wa Zerubabeli,mwana wa Shealtieli,mwana wa Neri, ²⁸mwana wa Melki,mwana wa Adi,mwana wa kosamu,mwana wa Elmadamu,mwana wa Eri, ²⁹mwana wa Yoshua,mwana wa Eliezeri,mwana wa yorimu,mwana wa Matathi,mwana wa Lawi.³⁰mwana wa simioni,mwana wa Yuda,mwana wa Yusufu,mwana wa Yonamu,mwana waEliyakimu, ³¹mwana wa Melea,mwana wa Mena,mwana wa Matatha,mwana wa Nathani,mwana wa Daudi, ³²mwana wa Yese,mwana wa Obedi,mwana wa Boazi,mwana wa Salmoni,mwana wa Nashoni,³³mwana wa Abinadabu,mwana wa Hersoni,mwana wa Peresi,mwana wa Yuda, ³⁴mwana wa Yakobo,mwana wa Isaka,mwana wa Ibrahimu,mwana wa Tera,mwana wa Nahori, ³⁵mwana wa Seruig,mwana wa Ragau,mwana wa Pelegi,mwana wa Eberi,mwana wa Sala,³⁶mwana wa Kenani, mwana wa Arfaksadi, mwana wa Shemu, mwana wa Nuhu, mwana wa Lameki, ³⁷mwana wa Methusela, mwana wa Henoko, mwana wa Yaredi, mwana Mahalalei, mwana wa Kenani, ³⁸mwana wa Enoshi, mwana wa Sethi, mwana wa Adamu, mwana wa Mrungu.

¹Kisha,Yesu achikara akaodzara mpephera mng'aro wanya kura muho wa Yordani,na warongozwa ni mphephera Rwangwani. ²Kwa siku mirongo mine,na hiko wadjezwa mzuka.Wakati huo kayaya chochosi na mwisho wa wakati huo wasichira ndzara.³Mzuka uchimwambira,''Amba uwe u mwana wa mrungu riambire dziwe hiri rigaruke mkalie.'' ⁴Yesu,achimjibu,''Yaandikwa''Mtu kandaishi kwa mkahe macheye.⁵Kisha mzuka achimrongoza dzuru kwenye chirere mwangoni na achimuonyesa utsi zosi za duniya kwa muda mdide. ⁶Mzuka uchi mwambira,''Nindakupha mamraka gakutawara untsi hizi zosi phamwenga na vituvye vyosi.Naweza kuhenda hivyo kwa kukara vyosi na wewe ni vitaware na ninaweza kumupha yeyosi nirondaye kumpha. ⁷Kwahiyo amba undanitatamira,na kuniabudu vitu hivi vyo vindakara vyako.⁸Era Yesu wamjibu na achimwambirie ''Yaandikwa''lazima umwabudu Dzumbe mrunguo,Lazima umuhumikire iye macheye⁹Baadaye Mzuka uchimrongoza Yesu mpaka Yerusaremu na uchimuika mahali phadzuru kabisa pha dzengo ra hekaru na achimwambira,''Amba uwe u mwana wa mrungu dzitsuphe photsi kura hipha. ¹⁰Kwa kukara yaandikwa,''Andaragiza mararaikage gakugwire na kukurinda. ¹¹na mandakuunura dzuru mikononi mwao iri kukara usirumize magurugo dzuru ya dziwe.''¹²Yesu wajibu achimwambira,'' Yanenwa''Usimdjeze mrunguo''. ¹³Mzuka phomara kumdjeza Yesu wamia vyakwe hadi wakati wanjina.¹⁴KishaYesu wauya Gariraya kwa nguvu za Mphephera na habari kumhusu iye zichigota na kusambaa kahi za mikowa yosi ya phephi. ¹⁵Wafundisha kahi za masinagogi gao,na chira mmwenga wamtogora.¹⁶Siku wamia Nazareti,mudzi warerwa na kukurira kama kara irivyo desturiye wainjira kwenye sinagogi,siku ya sabato,na waima kusoma maandiko. ¹⁷Wawe wa gombo ra nabii Isaya,hivyo warivugura dombo na achienza phah'ari phondikwa?¹⁸Mphephera wa dzumbe a dzuru yangu,kwa kukara wanitiya mafuha ni hubiri habari nono kwa agayi.Akanihuma kutangangaza uhuru kwa mabusus na kuahenda masioona maweze kuona tsona kuaika huru ara maonerwao. ¹⁹kuutangaza mwaka wa dzumbe onyesa wemawe.''²⁰Kisha achirifunga gombo achimuuyizira chirongozi a sinagogi na achisagara photsi matso ga atu osi kara mario kwenye sinagogi gamtunza iye. ²¹Waanza kusemurira nao achinena,Rero andiko hiri rikatimizwa masichironi mwenu.'' ²²Chira mmwenga phara washuhudia chira yesu achochinena,na anji kahi yao mashangazwa ni maneno ga hekima kara ganaturuka kanwani makwe kara achinena.Hiyu si mwanache tu wa Yusufu siyo hivyo?²³Yesu achiaambira ,''hakika mndanena ndarira ino kwangu,''Mganga dziragure mwenye chochosi chosichira chihenda kaperinaumu,chihende piya hipha chidzidzini phako.'' ²⁴Piya wanena,hakika na kwambirani mwimwi takuna nabii(akubarikaye katika ntsiye) chidzidzi ni kwao.²⁵Era ninakwambirani mwimwi kweri kukara kwa kara na agungu anji Izirael kahi za chipindi cha Eriya,wakati mbingu phofungwa kusikare na mvura kwa myaka mihau na nusu,wakati phokara na ndzara mbalia ntsi yosi. ²⁶Era Eriya kayahumwa kwa yeyosi mmwenga wao,rakini kwa mgungu mmwenga tu wesagara sarepa,phephi na mudzi wa sidoni. ²⁷Piya,kara kuna atu anjina a mahana Izraeri kahi za chipindi cha Erisha nabii.erakini takuna hata mmwenga wao ayephozwa sophokara naamani mtu wa siria.²⁸Atu osi ndani ya sinagogi maodzarwa ni gadhabu phogasichirahiga gosi. ²⁹Maima achimturuza kondze ya mudzi na achimrongoza mpaka kwenye majenje ga mwango wa mudzi ambao mudzi wao wadzengwa dzuruye,iri maweze kumtupha,photsi. ³⁰Era watsupa sarama kahikahi yao na achimia vyakwe.³¹Chimara watserera kaperinaumu,kali za mudzi wa Gariraya.Sabato mwenga kara achifundisha atu ndani ya sinagogi. ³²Mashangazwa ni mafundishoge kwa kukara wafundisha kwa mamraka.³³Sasa siku hiyo ndani ya sinagogi kara kuna mtu kara ariye na roho ya pepho mtsama na warira kwa ruraka ra dzuru, ³⁴Tunani na uwe.Yesu wa Nazareti?Ukedza kutuangamiza?Ninakumanya uwe u yuphi!!Uwe u mnga'ro wa mrungu!''³⁵Yesu wa mkwamira pepho achinena,nyamara chimyana na umturuke mtu hiyu!Pepho yuya phomtsupha mtu yuya photsi kahikahi yao wamturuka yuya mtu bira ya kumsababisha ra maumivu gogosi. ³⁶Atu osi mashangaa na maenderera kusemurira dzambo hiro chira mmwenga na miyawe,machinena ni maneno ga viphi higa?Anaamuru pepho mtasama kwa mamraka na nguvu na manaturuka. ³⁷Hivyo habari dzuru ya Yesu zaagota chira phahati kahi za maeneo ga zungurukago mkowa huo.³⁸Kisha Yesu wauka kahi ya mudzi huo na achiinjira nyumbani pha simioni.sasa mtsedzangwa wa Simioni kara anarumwa ni homa kali na mchimsihi kwa niabaye. ³⁹HivyoYesu,achimsengerera,achiri kwamira rira homa na richimrichira gafla waima na achianza kuahumikira.⁴⁰Dzuwa kara rizamapho,atu amrehera Yesu chira mmwenga wekara mkongo wa makongo mbarimbari waika mikonoye dzuru ya chira mkongo na achiaphoz osi, ⁴¹Mapepho piya gaaturuka anji ao gachirira kwa ruraka na kunena,''uwe mwana wa mrungu Yesu kwamira mapepho na achigaruhusu ganene.Kwa kukara wamanya kukara iye kara ni chiristo.⁴²Wakati phopambazuka,wamia phahari phasipho na atu mkutano wa atu wakara unaamuenza na machedza phara kara aripha madjeza kumzuwiya asimie kure nao. ⁴³Era waambira,Razima piya nihubiri habari nono za ufarume wa mrungu kahi za midzi ynjina minji kwa kukara hino ndiyo sababu yoricha nichihumwa hipha. ⁴⁴Chimara waenderera kuhubiri ndani ya masinagogi kahi za uyahudi yosi.

¹Phasi yaturukira wakati atu phomkusanyikira na kumzunguruka Yesu na kusichiza neno ra Mrungu,pho kara aikama kanda ya ziya Genesareti. ²Waona mashuwa mbiri zikatiya nanga kanda kanda ya ziya.Avuvi kara makaturuka na kara manasuwa nyavu zao. ³Yesu achiinjira ndani ya mashuwa mwengawapho,kahi ya zira mashuwa,yo kara ni ya Simioni na achimvoya aitiye madzini kure chidide na ntsi kavu.chimara achisagara na kufundisha kura kwenye mashuwa.⁴Kusemurira,achimwambira Simioni,''phirike mashuwayo mpaka phara phenye china cha madzi ukaziterezee nyavuzo uphahe kuvuwa ng'onda. ⁵Simioni chijibu achinena.Dzumbe tukahenda kazi usiku wosi na taukagwira chochosi era kwa nenoro nindazitsereza nyavu. ⁶Na phohenda hivyo makusanya chiasi chibaha cha ng'onda na nyavu zao zichianza kudoka. ⁷Hivyo machiatsuphira mikono avuvi ayaao a mashuwa yanjira iri maedze maasaidie machedza machiziodzaza mashuwa zao,chiasi kukara zichianza kuzama.⁸Era Simioni petro phoona hivyo,wagwa mavwindini pha Yesu ahinena ''Uka kwangu kwa kukara mimi ni mtu mabanzi Dzumbe.'' ⁹Kwa kukara shangazwa ,na osi okara phamwenga naye kwa uvuvi wa ng'onda okara makauhenda. ¹⁰Hiri raajumiisha,Yakobo na Yohana anangwa a zebedayo,okara ashirika a simioni.Na Yesu achimwambira Simioni,''Usiogophe,kwa kukara kuanzira sasa na kuenderera undavuwa atu.'' ¹¹Phozihera mashuwa zao ntsi kavu aricha chira chitu na machimrunga iye.¹²Yaturukira kukara kahiza mudzi mmwenga wao,mtu kara wodzara maliana,wakara hiko.Wakati homuona Yesu,wagwa achizamisa usowe mpaka photsi na achimvoya,achinena ''Dzumbe,amba unaronda''Naronda riswafika.'' ¹³Chimara Yesu achigorosa mkonowe achimguta,achinena''Naronda swafika''.Na saa iratu ira mahana gachimricha.¹⁴Wamragiza asimwambire mtu yeyosi,era wamwambira,''mia vyako ,na ukadzionyese kwa makuhani na ukaravye sadaka kwa kuswafi kako,sawasawa na chira musa chioragiza kwa ushuhuda kwako.''¹⁵Era habari kumhusu iye xichigota kure zaidi na umati mbali wa atu uchedza phamwenga kumsichiza achifundisha na kuphoza makongo gao. ¹⁶Era mara kwa mara wadzitenga faragani na kuvoya.¹⁷Yaturukira siku mwenga kahi ya hizo siku kara afundishazo,akarapho mafarisayo na aarimu a shariya akasagara hipho akwedza kura vidzidzi vinji tofauti kahi za mkowa wa Gariraya na Yudea na piya kura kahi za mudzi wa Yerusalemu.Nguvu za dzumbe za kara phamwenga naye kuphoza.¹⁸Atu kadhaa akwedza,akaoreka mchekani mutu wye phoroza,achienza phahalipha kumwinjiza ndani iri kumraza photsi mbere ya Yesu. ¹⁹Taayaph'a njira ya kumwinjiza ndani kwa kukara umati kara ni mbali.hipho kwera dzura ya paa ra nyumba, achimtsera yuya mtu photsi kutsapira vyungoni,dzuru mchekawe kahikahi ya atu,mbere kabisa ya Yesu.²⁰Achiatunza imani yao,Yesu wanwe,msena wangu,mabananzigo gakaseemiwa. ²¹Aandishi na mafarisayo aanza kuuza hiro,machinena,''Hiyu ni ani anenaye kufuru?Ni ani aturyaye kuseemu mabananzi siphokara mrungu macheye?²²Era Yesu wachimanya ni chiphi cho kara manachianza,achiajibu achiaambira,kwani mnadziuza hiri myoyoni mwenu? ²³Chiphi ni chiyuya kwenu,kunena mabana nzigo gakaseemiwa aura kunena ima unyendeke?' ²⁴Era mmanye kukara mwana wa Adamu amago mamraka duniani ga kuseemu mabananzi.Nakwambira uwe,Ramuka,tsukura,tsukura mchekao na umie nyumbani kwako.²⁵Wakati huo huo achiramka mbere yao na achitsukura mchekawe kara achiourarira chima achiuya nyumbani kwakwe achimtogora mrungu. ²⁶Chira mutu washangazwa na kumtogora mrungu.Aodzara hofu achinena,tukaona mambo gasigo ga kawaida rero.²⁷Baada ya mambo higa turukira,Yesu waturuka hiko na achimwona mtoza ushuru aiwaye Rawi asegere phaliari pha kukusanyira kodi Achimwambira''Nirungi.'' ²⁸Phasi Rawi aching'oka na achimrunga,achiricha chira chitu nyuma.²⁹Tsona Rawi achiandaa kaya kwakwe karamu mbalia kwa ajiiri ya Yesu.Akarapho atoza ushuru anji kura na atu anji osagara mezani achiya phamwenga nao. ³⁰Era Mafarisayo na aandishi ao akara achimchira anafunzi,achinena kwani mnaya na anjina na atoza ushuru phamwenga na atu anjina enye mabananzi? ³¹Yesuachiajibu.''Atu ario azima taaronda kuragurwa ni ara tu arumwao ndio arondao kuragurwa. ³²Siyakwendza kuaiha atu enye haki aphahe kutubu era kuaiha enye mabananzi aphahe kutubu..''³³Achimwambira,''Anafunzi a Yohana maranyinji anafunga na kuvoya,na anafunzi a mafarisayo nao anaenda dza vivyo.Era anafunzio anaga na kunwa. ³⁴Yesu achiaambira inawezekana mtu yeyosiakaahenda chiohuzuriya arusi ya Dzumbe wa Arusi kufunga wakati Dzumbe Arusichereze phamwenga nao? ³⁵Era phahi sikuzindakwedza wakati Dzumbe wa Srusi ndaphouswa kwao ndipho kahi ya siku hizo andafunga.³⁶Tsona Yesu wanene nao kwa ndarira.Takuna Takuna aahuraye chipande cha nguwoye kura kwenye vwazi dzipya,na kuchihumira kuhendato vwazi ra kare.Amba andalienda hivyo,andaikwanyura nguwo nyipya na chipande cha nguwo kura rwazi dzipya chisingefwa kuhumika na nguwo ya rwazi ra kare.³⁷Piya takuna mtu ariye waika divai nyipya kwenye viburu vya kutsakara.Amba andahenda hivyo divai mnyipya ingeahura viburu na divai ingemwanjika na viburu vinge hauka. ³⁸Era divai mnyipya razima yiikwe kwenye viburu vipya. ³⁹Na takuna mtu ariye baada ya kuuwa divai ya kare,Kaironda mnyipya,kwa kukara yanenwa,''ya kare ni manono.

¹Phabi yaturukira kwenye sabato mwenga kukara Yesu wakara anatsapa kahihahi ya munda wa nafaka na anafunzie achivundza masuche,achigaphukusa kwa mikono yao achiya nafaka. ²Era mafarisayo ganjina ganena,kwani mnahenda chitu chiricho si halali chi shariya kuhendwa siku ya sabato?³Yesu achijibu achiamba,''Tamyawai kusoma chira Daudi chochihenda kara ona dzara?iye na arume kara ario phamwenga naye? ⁴Wamia ndani ya nyumbani ya mrungu na achitsukura mikah'e mitakatifu na achiiya yanjinaye,na achiiravya yanjinaye kwa atu okara naye kuiya Dzabwe yakara halali kwa makuhani kuiya. ⁵Tsona achiaambira,''Mwana wa adamu ni Dzumbe wa sabato⁶Ichiturukira kwenye Sabato ya njina kukara wamia ndani ya sinagogi na kuafundisha atu hiko phakara na mtu mkonowe wa kurume kara waphoroza. ⁷Aandishi na Mafarisayo kara anamtunza kwa makini kuona angemphoza mtu siku ya sabato,iri aweze kuphaha sababu ya kumshitaki kwa kuhenda kosa. ⁸Era iye wamanya ni chiphi achiazacho na achinena kwa yuya mtu wephoroza mkono,''Ramka,Ima kahikahi ya chira mmwenga Hivyo hiye mtu aching'oka na achiima phara.⁹Yesu achinena kwao.''Nakuuzani mwimwi ni halali siku ya sabato kuhenda manono au kuhenda mayi,kuokora maisha au kugabananga?kisha achiatunza osi na kumwambira yuya mtu. ¹⁰Gorosa mkonoo,''Achihenda hivyo,na mkonowe uchikara ukaphozwa. ¹¹Era ao aodzarwa tsuki achiambira ao kwa ao kuhusu chiphi chifwaacho kumhenda Yesu.¹²Yaturukira kukara kahi ya siku hizo wamia mwangoni kuvoya.Wamia usiku mzima kumvoya mrungu. ¹³Phokara rugundzu waaia anafunzie kwakwe na achitsagura kumi na airi kahi yao waahia ''ahumwa''¹⁴Madzina ga hara ahumwa kara ni Simioni (ariye piya wamuiha Petro)na Andireya nduguye,Yakobo,Yohana,Filipo,Bartolomayo, ¹⁵Matayo,Tomaso na Yakobo mwana wa Alfayo Simioni ariyehiwa Zelote. ¹⁶Yuda mwana wa Yakobo na Yuda Iskariote wemsaliti Yesu.¹⁷Tsona Yesu watserera nao kura mwangoni na achima phahari tambarare idadi mbalia ya anafunzie kara a hiko phamwenga na idadi mbalia ya atu kura uyahudi na Yerisalemu na kura pwani ya Tiro na sidoni. ¹⁸Akwedza kumsikiza na kuphozwa makongo gao.Atu kara ayugwao ni pepho atsama aphozwa piya. ¹⁹Chira mtu kwenye huo mkutano wadjeza kumguta kwa kukara nguvu za kuphoza kara zichimtukura,na waaphoza osi .²⁰Tsona achiatunza anafunzie na achinena ,mkabarikiwa mwimwi mrio achiya kwa kukara ufarume wa mru ngu ni wenu ²¹.Mkabarikiwa mwimwi mrio na ndazara sasa kwa kukara madam vunywazwa, mkabarikiwa mwimwi mrirao sasa kwa kukara mudatseka.²²mkabarikiwa mwimwi atu achikureyerzani na kukutengani na kukushutumui mwimwi kukarsa mu ayi,kwa ajiri ,kwa ajiri ya mwana wa Adamu. ²³Hererwani,kahi za siku hiyo na kuurukauru kwa kuonato,kwa kukara hahika mundakara na thawabu mbalia mbinguni kwakukara ise zao aahendera dza vivyo manabii.²⁴Ole wenu mrio matajiri !kwa kukara mkapha kare faraja yenu. ²⁵Ole wenu chiomvuna sasa!kwa kukara mndaona ndzara baadaye.Ole wenu mtesekao sasa!kwa kukara mnda omboreza na kurira badaye.²⁶Ole wenu ndophotogorwa ni atu osi!kwa kukara ise zao aahendera manabi ga ga ruanzo dza vivyo.²⁷Era nanena mwimwi mnisikizao,amendzeni akondo enu na kuhenda manono kwa ara akureyerao. ²⁸Abarikini ara akupigao vii mwimwi avoyerezani ara kuoneraioni²⁹Kwake iye akupigaye nzeya mwenga,mgaruzire na ya phiri.Amba mtu andakufuta joho usimremere na kanzu. ³⁰Muphe chira akuvyoyage.Amba nutu andakufuta chitu chiricho chako,usimvoye akuuyizire.³¹Dza viratu mrondavyo atu akuhendereni,namwi ahendereni dza vivyo. ³²Amba mnamendza atu akumendzanio mwimwi tu,hiyo ni thawabu ya viphi kwenu?kwa kukara hata ara abananzi anamendza atu aamendzao. ³³Amba mnakopesha vitu kwa atu ambao mnamanya andakuuyizarani hiyo nayo ni thawabu ya viphi kwenu?kwa kukara hata abananzi anahenda dza vivyo. ³⁴Amba mnakopesha vitu kwa atu ambao mnamanya andakuuyizirani hivyo nayo ni thawabu ya viphi kwenu?Hata abanzi anaokopesha abananzi ayaao na anakuruphina kuphochera chiasi hicho tsona.³⁵Era amendzeni akondo enu na ahendereni manono.Akopesheshi na msihende haja ya kuriphiwa na thawabu yenu indakara mbali mudakara ana a iye ariye dzuru kwa kukara iye mwenye ni mwema kwa atu asio na shukurani na ayi. ³⁶Karani na mbazidza viratu sowe yenu ariyo na mbazi.³⁷Msiukumu namwi tamndaukumiwa,msipige vii,namwi tamndapigwa vii,seemuni anjina,namwi mndaseemiwa.³⁸Apheni anjina,namwi mndawewa,chiasi cha mbazi chosindirirwa,kusukwasukwa na kumwanjika-chindamwajika mavwindani phenu kwakukara chipimo chochosi mchihumiracho kupimira,chipimo chicho hicho chindahumika kukupimirani mwimwi.''³⁹Tsona achiaambira ndarira piya ''dze mutu ariye chipofu anaweza kumrongoza mutu wanjira ariye chipofu?ambao andahenda hivyo hivyo,phasi osi andagwa dirumbwini .dze asingegwa dimbwini? ⁴⁰Mwanafunzi kukara mbali'a kuriko mwarimuwe era phai chira mutu achimara kufundishwa chisawasawa andakaro dza mwarimuwe.⁴¹Na kwani phasi unachitunza chibamvu chiricho ndani ya dzitso ra nduguyo,na boriti iriyo ndani ya dzitsoro kuiona? ⁴²Undawezadze kumwambira nduguyo,mwenehu nakuvoya mchituruze chibamvu chiricho ndani ya dzitsoro,nauwe kuitunza boriti iriyo ndani ya dzitsoro mwenye?Umnafiki uwe!kwanza ituruze boriti kahi za dzitsoro mwenye ndipho undaona vinono kuravya chibamvu kahi za dzitso ra nduguyo.⁴³Kwakukara takuna muhi mnono uvyarao matunda mayi wara takuna muhi muyi uvyarao matunda manono . ⁴⁴Kwakukara chira muhi unamanyikana kwa matundage kwa kukara atutaaunda zabibu kura kwenye michongoma wala taaunda tini bura miyani.⁴⁵Mtu mnono kahi za hazina nono ya moyowe anaravya garigo manono na mutu muyi kahi za hazina kongo ya moyowe anaravya garigo mayi.Kwa kukara kanwaye inanena gara gauodzazago moyowe.⁴⁶Kwani mnanihia''Dzumbe,dzumbe ''na hiku tamgahenda gara ninenago? ⁴⁷Chira mutu aedzaye kwangu na kugasichwa maneno gangu na kugahendera kazi nindakuonyesani dzinsi arivyo. ⁴⁸Anarwanana na mutu adzengaye nyumbaye ambaye anatsimba photsi sana na kudzenga msingi wa nyumba dzuru ya mwamba imara mumbu phokwedza maimbi ga madzi gaipiga nyumba,era tagayaweza kuisumbisa kwa kukara yadzengwa vinono.⁴⁹Era yeyosi asichiraye neno rangu na kakariogopha,ndariraye ni mutu che dzenga nyumbaye dzuru ya ntsi phasiphokara na msingi,muho phoigwerera kwa nguvu nyumba ira yaphaha mbananzi mabah'a.

¹Baada ya Yesu kumara chimara chitu chochinena kwa atu omsikiza ,achiinjira kaperinaumaumu.²Msunya furani wa,Achida,ariyekara wa maana sana kwakwe,kara ni mkongo muno na kara aphephi na kufwa. ³Era kara akasichira kuhusu Yesu,Yuya Achida wamuuma chirongozi wa chiyahudi,kumvoya aedze kumwokora msunyawe iri asifwe. ⁴Ariphofika phephira na Yesu amsihi kwa bidii na kunena,''anafwaa na kukara unapaswa kuhenda hivi kwa ajiriye. ⁵Kwa kukara anarimendza taifwa rehu na ndiye wedzenga sinagogi kwa ajiri yehu.⁶Yesu achienderera na charoche phamwenga nao erakini kabla kadzambwe mia kure na nyumba,mbah'a mmwenga wahuma asenaze kuzungumuza naye.''Dzumbe usidzikoze mwenye kwa kukara mimi sifwa uwe kuinjira kwenye dari yangu. ⁷Kwa sababu hiyo sikaaza hata mimi mwenye kukara ninafwaa kwedza kwako,era phai nena nneno tu na msunye wangu andaphora. ⁸Kwani mimi piya ni mutu yeikwa kwenye mamraka na nina askari tsini yangu.Nanena kwa hiyu,''mia''na amamia,na kwa wanjina,''Ndzoo''naye aredza na kwa msunya wangu henda hichi,naye anahenda.⁹Yesu ariphosichira higa wamaka na achiugaru kira monano urikara unamrunga achinena''Ninaambiara kahi za iziraeri sidzambweona muntu mwenye imani mbah'a dza hiyu' ¹⁰Kisha ara ohumwa auya nyumbani na achimkuta yuya msunye akaphora.¹¹Harafu baada ya higa,yaturukira kukara Yesu kara anamiha mudzi uhiwao naini anafunzie achimiha phamwenga naye,achirongozana na unji wa atu. ¹²Phofika phephi na myango wa mudzi,tunza mu wefwa kara akaorekwa,na nimwana wa macheye kwa nine,wekara mgungu na unji wa awakirishi kura kwenye akara phamwenga naye. ¹³Phomuona,Dzumbe wamsengerera kwa mbazi nyinji dzuruye na achimwambira,usirire.'' ¹⁴Tsona achisengera mbere achiriguta jeneza ririro atsukurira mwiri na ara oritsukura achiima achinena,''mwanache ramuka.'' ¹⁵Mfu achiunuka,na achisagara photsi na richiaruka kunena.Kisha Yesu achimupha nine.¹⁶Kisha hofu ichiaodzara osi.Achiendereza kumtogora''Mrungu achinena ,''Nabii mbalia akaunurwa kahi zehu na mrungu akaatunza atue'' ¹⁷Hizi habari nono za Yesu zagota Yudea yosi na kwa mikowa yosi ya phephi.¹⁸Anafunzi a Yohana amwambira mambo higa gosi. ¹⁹Ndipho Yohana achiahira airi kahi za anafunzie na achiahuma kwa dzumbe kunena ,''Uwe ndiye yuya aedzaye ,aura kuna mtu wanjinawe tumtunzire? ²⁰Phofika phephi na Yesu ano anena,Yohana mbatizaji akatuhuma kwako kukara ,''Uwe ni yuya aedzaye au ra kuna mtu wanjina tumtunzire?²¹Kwa wakati huo waaphoza atu anji kura kahiza makongo na mateso,kura kwa pepho atsama,na kwa atu enye upofu waapha kuona. ²²Yesu achijibu na kunena kwao.Baada ya kukara mkamiha hiko mrikokuturuka,mndammanyisa Yoana mchichochiona na kuchisichira,enye upofu anaphochera kuona na viswere ananyendeka enye mahana anaswafika,masito anasichira akufwa anafufurwa na anakara azinatsona achiya anaambirwa habari nono. ²³Na mutu ariye kandaricha kuniamini mimi kwa sababu ya mahendo gangu akabarikiwa.²⁴Baada ya ara ohumwa ni Yohana kuuya hikokora,Yesu achianza kunena kwa monano dzura ya Yohana.''Mwamia kondzekuonani?muwazi uchisu mbiswa ni kuse? ²⁵Era phai mwamiha kuondze kuonani?mutu achevwara vinono?tunza atu ara avwarao mavwazi ga chifarume na kuishi maisha ga starehe aiko kwenye nafwasi za chifarume. ²⁶Era kini mnamiha kondze kuonani?Nabii,Ndiyo ninanena kwenu na zaidi sana kuriko nabii.²⁷Hiyu ndiye weandikwa,''Tunza namragiza mdzumbe wangu,mbere ya matso genu andeenda njira kwa ajiri yangu. ²⁸Nanena kwenu kahi ya ara ovyarwa ni mehetu,takuna mbah'a dza Yoana,era mutu asiye muhimu sana andeishi na mrungu phahari aripho iye,andakara mbah'a kuriko Yoana.''²⁹Na atu soi phosichira higa phamwenga na atoza ushuru,atangaza kukara mrungu ni mwenye haki.Akarapho kahiyao ara obatizwa kwa ubatizo wa Yohana. ³⁰Era kini mafarisayo na ataaramu a shariya za chiyahudi,ario taayabatizwani iye arema hekima za mrungu kwa ajiri yao enye.³¹Tsona ninaweza kuamvwananisa nan?atu achivyazi hichi?Aviphi haswa? ³²Anamuwanana na anache avumbao phahari pha chete asagarao na kuhiana mmwenga baada ya wanjina achinena.Tukaipiga firimbi kwa ajiri yenu na tamkafwiha ukaomboreza tamkarira.³³Yohana mbatizaji wakwedza kayaya mkahe wara kayanwa uchi,na mwanena''Ana pepho. ³⁴Mwana wa mutu akedza akaya na kunwa na mkanena.''Achere mkafiri na mrevi msena wa atoza ushuru na abananzi.'' ³⁵Era hekima ikamanyikana kukara ina haki kwa anae osi.''³⁶Mmmwenga wa mafarisayo wamuoga yesu amie akaye phamwenga naye.Baada ya Yesu kuinjira kwenye nyumba ya farisayo,wagandamira meza iri aye. ³⁷Tunza,kwakwera na mchetu mmwenga kahi za mudzi huo kara ariye mbananzi.Achimanya kukara kara asegere kwa farisayo.Achireha tupa ya marashi. ³⁸Achiima nzingoye phephi na maguruye hiku achirira.Tsona waanza kurowesa maguruge kwa matsozi na achinga phangusa kwa nyereza chitwache,achimdonera maguruge na achimsara mafuha.³⁹Na yuya farisayo kara achiye mwalika Yesu phoona hivyo achidzira mwenye achinena''Amba hiyu mutu angekara ni nabii angemanya hiyu ni ani na aina iphi ya mchetu amgutaye na kukara ni mbananzi. ⁴⁰Yesu achijibu achimwamba,''Simoni nina chitu cha kukuambira,''Achinena''Chinene tu mwarimu!''⁴¹Yesu achinena,kwahenda adeni airi adaiwa ni mkopesadzi mmwenga.Mmwenga kara anadaiwa shiringi mia tano na waphiri wadaiwa shiringi hamsini. ⁴²Na pjokora taana pesa za kuripha waasemu osi.Sasa ni yuphi andeyemmwendza muno? ⁴³Simoni achimjibu achinena''Nadhani weseemiwa nyinji.''achimwambira ukaramura vinono.⁴⁴Yesu achimgarukira mchetu na achimwambira Simoni,''Unamwona hiyu mchetu.Nikainjira kwenya nyumbayo,kukaranipha madzi kwa ajiri maguru gangu,era hiyu kwa matsoziye akarowesa maguru,era hiyu kwa matsozige akarowesa maguru gangu na akagaphanguza kwa nyereze. ⁴⁵Kukanidonera,era iye ,angu achiphoinjira himu kakaricha kudonera maguru gangu⁴⁶Kukagasara maguru gangu mafula,era,iye,akagasara maguru gangu mafula. ⁴⁷Kwa dzambo hiri,nakwambira kukara kara ana mabananzi manji na akaseemiwa muno na piya wamendza muno,'Era piya acheseemiwa chidide ,anamendza chidide tu,''⁴⁸Baadaye achimwambira mchetu,''Mabananzigo gakaseemiwa,'' ⁴⁹Ara osagara mezani phamwenga naye achianza kuambira ao kwa ao,''Hiyu ni ani mpaka aseemu mabananzi? ⁵⁰Yesu achimwambira bira mwanachetu,''Imani yako ikakuokora,mia kwa amani''

¹Yaturukira muda mfupi baaadaye Yesu waanza kunyendekera midzi vidzi mbarimbari achihubiri na kutangaza habari nono za ufarume wa mrungu na ara kumi na airi amia phamwenga naye. ²Viratu ,vira anachetu furani okara akaphozwa kura kwa pepho atsama na makongo mbarimbari kara ni ano mariamu wehiwa Magdalena waruruzwa pepho a fungae. ³Yohana mkaza kuza na meneja wa Herode,Susana na anacheru anjina anji,oravya mari zao kwa ajiiri yao enye.⁴Na baada ya unji wa atu kudzikusanya phammwenga achikaramo na atu okwedza kwake kura midzi mbarimbari,achisemirira nao kwa kuhumira ndarira. ⁵Mphandi wa mia kuphanda mbeyu,phokara anaphanda,mbegu za njina zagwa kandakanda ya njira zichivyogwa tsini ya maguru,na tsongo achiziya. ⁶Mbeyu za nzineze zagwa dzuru ya udongo wa mawe na phomera na kukura zaphoroza kwa kukara takuyakara na unyevunyevu.⁷Mbeyu zanjira zagwa phenye nii ya miya nayo hiyo mii ya miya ichikura phamwenga na zira mbegu zichizongomezwa. ⁸Era kini mbegu zanjina zichigwa phenye udongo ufwao na zichivyera tembe mara mia zaidi.''Baada ya Yesu kunena mambo higa wapiga ruraka,Yeyosi ariye na masichiro ga kusichira naasichire.⁹Tsona anafunzie achimuuza maana ga ndarira hiyo. ¹⁰Yesu achiaambira mkawewa pendereo wa kumanya siri ya ufarume wa mrungu erakini atu anjina andafundishwa tu kwa udarira iri kukara achiona asione''na achisichira asierewe.¹¹Na ino ndiyo maana ya ndarira. ¹²Mbeyu ni neno ra mrungu. Mbegu zira zogwa kandakanda ya njira ndiyo ara atu arisichirao neno na baadaye aredza mzuka na kuritsukura kura moyoni iri kukara asimini na kuokorwa. ¹³Chimara na zira zogwerera mawe ni atu ara asichirao neno na kuriphochera kwa chinyeni era taahenda nizi yoyosi anaamini tu kwa muda mfupi ,na wakati wa madjezo anagwa.¹⁴Na mbeyu zira zogwerera phenye miya ni atu asichirao neno era endererapho kukura anazongomezwa ni huduma na utajiri na ubora wa maisha higa taavyara matunda. ¹⁵Era kini zira mbeyu zogwerera phenye udongo mnono ni ara atu ario anyenyechevu na myoyo minono,baada ya kurisichira neno na kurigwiririrw na ikakara sarama na kuvyara matunda ga uvumilivu.¹⁶Sasa takuna hata mmwenga aasaye taa na kuibwiningiza kwa rwiga aura kuiika tsini ya chitanda.Baadara ya kuiika kwenye chinara taa iri kukara chira mmwenga ainjiraye aphae kuiona. ¹⁷Kwa kukara takuna chindodzifwitsa ambacho tachinda monyikana chochosi chiricho sirini ambacho tachinda manyikana chichikara phenye mwanga. ¹⁸Kwa hiyo kara msikivu uchikara unasichiza kwa kukara ariye nacho,kwakwe andaonjezerwa muno era asiye nacha hata chira chidide aricho nacho chindatsukurwa.¹⁹Baadaye nine wa Yesu na nduguze akwendza kwakwe erakini taayaweza ku muona kwa unji wa atu. ²⁰Na achiambirwa,''Chinakwenu na nduguzo akedza hipha phondze anaronda kukuona uwe. ²¹Era,Yesu achijibu achinena,''Mayo wangu na ndugu zangu ni ara arisichiarao neno ra mrungu na kuritii.²²Yaturukira siku mwenga kahi ya siku zira Yesu na afunzie ainjira phenye mtumbwi,na achiaambira,''Tuvukeni kura ngambo ya phiri ya ziya''achiandaa mashuwa yao'' ²³Era phoanza kuuka,Yesu achirara Usingizi,na dhoruba siru iriyo na kuse,ichipiga chira chombo,na mashuwa yao ichianza kuodza madzi na akara kwenye hatari mah'a muno.²⁴Baadaye anafunzie chedza kwakwe achimramusa,achinena,Dzumbe mbah'a!Dzumbe mbalia!phephi ha kufwa''!Achiramuka na achirichemera kuse na maimbi ga madzi achituwa na kuchika zii. ²⁵Tsona aciaambira,''Kuruphiro yenu i phaphi?achiogopha,achimaka,achiambirana chira mmmwenga na myawe,''Hiyu ni ani ,Chiasi kukara anamuru hata kuse na madzi piya vinamwogopha?²⁶Achifika mudzi wa Gerasini iriyo upande wa nzingo wa Gariraya. ²⁷Yesu photsera na kuvyoya photsi,mutu mmwenga kura kaya,achikutana naye,na hiyu mutu kara ana nguvu za djiza kw muda munji kara kavwara nguwo na kara kasagara nyumbani,eraa kara asagara mabirani.²⁸Phomwona Yesu achipiga ruraka,na achigwa photsi mbereye kwa ruraka rubani achinena,Nikahendani kwako?Yesu mwana wa mrungu ariye dzuru?Nakuvoya,usinitese. ²⁹Yesu achiamuru roho tsama imturuke mutu yuya kwa kukara mara nyinyi pepho kara achidedemuka,hata kara akafungwa nyungwe na kuinywa na kuikwa tsini ya urinzi anadosa ngugwe na kutukurwa ni pepho mpaka rwagwani.³⁰Yesu achimuuza,Dzinaro ndiwe ani?achijibu achinena ''Region''kwa kukara pepho anji ainjira kwakwe. ³¹Achienderera kumvoya ,usitsuphe simwini.³²Cha nguruwe kara chinarisa dzuru ya chidzimwango,achimvoya akaanjire ao nguruwe.Na achiaruhusu kuhenda hivyo. ³³Kwa hiyo ara maphepho amturuka mutu yuy na achiinjira ara nguruwe,na chira chaa chichichimbirira mwangoni mpaka ziyani na achihoda mumo.³⁴Ara atu okara anarisa ara nguruwe phoona chochoturukira,achizora mairo na kuravya taarifwa phara kaya na kondze kahi za midzi yoazunguruka. ³⁵Atu phosichira higo ania kuona choturukira na achedza kwa Yesu na achimwona mtu kara ariye na mapepho gamturuka,kara akarwara vinono na mwenye achiri timamu,asegere phenye maguru ga Yesu,na aogopha.³⁶N dipho mmwenga wao weona choturukira achianza kuasemurira ayae vira hiyu mutu kara arongozwaye ni mapepho vyophozwa. ³⁷Atu osi mkowa wa ogerasi na maeneo gozunguruka amvoya Yesu auke kwao kwa kukara ahenda hofu mbalia,na achiinjira phenye mtumbwi iri auye.³⁸Mtu yuya wa turukwa ni phepho achimvoya Yesu amie naye,era yesu achimwambira mia na Ukanene. ³⁹''Uya kwenye nyumbayo.''na ukaofanye gara gosi ambago mrungu akakuhendera.''Hiyu mutu wauka achitangaza phosi khahi za mudzi wosigara gosi Yesu wagahenda kwa ajiriye.⁴⁰Na yesu achiuya kutano uchimkaribisha kwa kukara osi kara anamgodsera. ⁴¹Tunza achedza mutu mmweng aiwaye Yairo ni mmwenga kahi ya virongozi phenye sinagogi Yairo achigwa maguruni pha Yesu na achimvoya amie ntumbani kakwe. ⁴²Kwa kukara ana mwanawe wachichetu mmwenga tu mwenye umri wa myaka kumi na miiri,na kara a phephi na kufwa na phokara achimia atu amfyeha.⁴³Mwanachetu weturukwa ni miratso kwa myaka kumi na miiri kara aiphara na wahumira pesa zosi kwa aganga era takuna hata mmwenga wemphoza. ⁴⁴Wakwedza nzingo ya Yesu na achiuguta mutse wa vwazi na gafra mruatso ichirituma.⁴⁵Yesu achinena''Ni yuphi niguta?Phorema osi,Petro achinena,Dzumbe mbalia ''uji wa atu umakusukuma na anakuzongomeza. ⁴⁶Era Yesu achinena,''Mtu mmwenga akaniguta kwa kura nikasichira nguvu zikanituruka.''⁴⁷Mwanachetu phoona kukara kaweza kudzifwitsa nachochochihenda,achianza kukakama achigwwa Photsi mbere za Yesu achitangaza mbere ya atu osi sababu zomuhenda ammguta na vira kivyopozwa gafra. ⁴⁸Chimara Yesuachinena''Mwanache migwiriro yo ikakuhenda ukare mzima mih'a vyako kwa Amani.⁴⁹Phokara achienderera kunena,mtu mmwenga wakwedza kura kwenye nyumba ya chirongozi wa sinagogi achinena.''Mwanacheo akafwa usimyuge mwarimu. ⁵⁰Era Yesu phosichira hivyo wajiu ''Usiogophe gwirira tu na andaokorwa.⁵¹Kisha phoinnjira phenye hiyo nyumba kayaruhusu mtu yeyosi kuinjira phamwenga naye sophokara petro,Yohana na Yakobo,isewa iye mwanache na nine. ⁵²Sasa atu osi kara anarira na kuravya ruraka kwa ajiri,erakini achinena msipige makururu,kadzambwefwa arere tu. ⁵³Era wamtesa kwa chibero,achimanya kukara akafwa.⁵⁴Era iye achimgwira iyuya mwanache mkono achiia kwa ruraka,achinena,mwanache,unuka'' ⁵⁵rohoye ichiuya na achinuka wakati huohuo. ⁵⁶Achiaambira awewe chitu furani achiyeye. Avyaye amaka era achiamuru asimwambire mutu chochokara chikaturukira.

¹Achiaia ara kumi na airi phammwenga achiapha uwezo na mamraka duru ya mapepho gosi na kuphoza makongo. ²Achiamu amie akahubiri ufarume wa Mrungu na kuphoza akongo.³Achiambira,''Msitsukure chochosi kwa ajiri ya safari yenu wara fimbo wara mkoba wara mkahewara pesa wara msitsukure kanzu mbiri. ⁴Nyumba yoyosi ndayoiinjira,sgarani himo mpaka ndopho uka phaali hipho.⁵Na kwaara asiokuphocherani ndophoika mdzi huo,dzikukuteni vumbi ya aguru genu kwa ushuhuda dzuru yao. ⁶Achiuka na kumilia,kutsapira vidzidzini achitangaza habari nono na kuphoza atu chira phahari.⁷Sasa Herode,Mtawara,wagasichira gosi gara gokaturukira wataabika muno,kwa kukara yanekana na atu anjina kukara Yohana mbatizadzi akafufuka kura kuzimu. ⁸na anjina kukara Eriya waturukira kare,na anjina kukara mmwenga wa manabii ga kare akafufuka kura afyu,tsona. ⁹Herode achinena,''Namstindza Yohana,era ni ani nimsichiraye habarize?Na Herode waenza njira ya kumwona Yesu.¹⁰Wakati phouya ara ohoomwa,achimwambira chira chitu chochihenda achiatsukura phamwenga naye,achimiha macheye mudzi uiwaho Betisaida. ¹¹Erakini makutano machisichira kuhuusu hiri,achimrunga na achiakaribisha,achisemurira nao kuhusu ufarume wa mrungu na achiaphoza ara aronda kuphozwa.¹²Siku ichianza kusira,na ara kumi na airi chimia kwakwe na kunena,''Atsamuse makutano kukara amie vidzidzi vya phephi na midzini akaenze phahari pha kuvoya kande,kwa kukara tu phahari pha chidze. ¹³Erakini achiaambira,''Mwimwi apheni chitu cha kurya.Achinena,''Tauza zaidi ya vipande vitano vya mikah'e na ng'onda airi sophokara tu ngemiha na kugara kande kwa ajira ya kusanyiko hiri ra atu. ¹⁴Kara phana anarume aphah'ao vikwi vi tsano.Achiaambira anafunzie .''Asigikeni photsi kahi za vikundi vya atu aphaliao hamsini kwa chira chikundi.¹⁵Kwahiyo achihenda hivyo,na atu achisagara photsi. ¹⁶Achitsukura mikali'e mitsano na ng'onda airi na acchituuza dzuru mrunguni achivivoyera na achivimega vipande,achiapha anafunzie iri aviike mbere ya makutana. ¹⁷Osi achiya na kumvuna.Na vipande vya kande vyosara vyatsorwa tsorwa na vichiodzara vikaphu kumi na viiri.¹⁸Naye phokara anavoya macheye afunzie kara aphamwenga naye,achiauza,achinena''Atu ananena mimi ni ani? ¹⁹Achimjibu achinena,''Yohana mbatizadzi anjinse anajinae anen Eriya na anjinae ananena mwenga wa manabii ga enzi za kare akafufuka tsona.²⁰Achiaambira,''Era mwimwi mnanenadze mimi ni ani?Achijibu Petro achinena chiristo kura kwa mrungu. ²¹Era kwa kuonya,Yesu achiaerekeza kusamwambira yeyosi dzuru ya hiri . ²²Achinena kukara mwana wa Adamu razima agaye kwamambo manji na kuremewa ni azee na makuhani abalia na aandishi na andamoraga na siku ya haliu andafufuka.²³Achiaambira osi,''Amba mutu yeyosi achironda kunirunga razima adzireme mwenye atsukure msarabawe chira siku na anirunge . ²⁴Yeyosi adjezaye kuokora maishage anda gaangamiza,era yeyosi aangamizaye maishage kwa faida yangu andagaokora. ²⁵Dje chindamfwaidiani mwanadamu,amba achiuwera urumwengu wosi,erakini akaangamiza au akaphalia hasara ya nafsiye?²⁶Yeyosi andenionera haya mimi na maneno gangu kwakwe iye mwana wa Adamu andamuonera haya andaphokara kahi za utukufuwe na utukufu wa ise na mararaika atakatifu. ²⁷Erakini,ninakwambirani ukweli kuna kahiai hiplia,taandaondza chifo mpaka auone ufarume wa mrungu.²⁸Ichiturukira inaphalia siku nane baada ya Yesu kunena maneno higa achiatsukura phamwenga naye Petro,Yoana,Yakobo,achikwera mwangoni kuvoya. ²⁹Na phokara achivoya,muonekano wa usowe uchigaruka,na marwazige gachikara mereru na ga kung'ara.³⁰Na tunza phakarapho na anarume airi achisemurira naye ni Musa na Eriya, ³¹Aonekane kahi za utukufu asemuriwa kuhusu kuukakwe,dzambo ambaro kara aphephi na kurihenda Yerusalemu.³²Sasa Petro na ara okara phamwenga naye akara kahi za usingizi mzilioe ra phoramuka aona utukufuwe na anarume airi okara akaima phamwenga naye. ³³Ichiturukira kukara phokara anauka kwa Yesu,Petro achimwambira,Dzumbe ni vinono kweli kukara hipha na inefwaa tuliende makaro ga atu ahahu urende mwenga kwa ajiiriyo,mwenga kwa ajiri ya Musa na mwenga kwa ajiri ya Eriya kayachimanya chira achisemuriracho.³⁴Phokara achinena higo,richedza ingu na richiabwiningiza,na achiogopha ,,phoona akazungurukwa ni ingu. ³⁵Ruraka richituruka phenye ingu richinena Hiyu ni mwanangu chenye mtsagura msikizeni iye,'' ³⁶Ruaraka phonyamara,Yesu wakara macheye akara chimya na kahi ya siku hizo taaya mwambira yeyosi rorosi kahi za higo agaona.³⁷Siku yorungiza baada ya kura mwangoni kusanyiko balia ra atu rakutana naye. ³⁸Tunza,mwanarume kura phenye kusanyiko warira kwa ruraka achinena,''mwarimu ninakuvoya ukamtunze wanangu kwa kukara ni mwanangu wa macheye. ³⁹Unaona roho tsama inamgwira na maraanapiga kururu na piya anamuhenda atsanganyikirwe,na kuturukwa ni furo kanwani,nayo inamturuka kwa kugaya na kumreliera maumivu makari. ⁴⁰Naavoya anafunzio kuichemera ituruke era taayaweza.⁴¹Yesu achijibu achinena,''Mwimwi chivyazi migwirire nachochoangamika mpaka rini nidakara namwi?na kutsukurira rini nindakara namwi?''Mrehe mwanao hipha. ⁴²Mwanache phokera aredza roho tsama ichimbwaga photsi na kumsumbisa kwa fujo Era ?Yesu waichemera ira roho tsama na achimupha ise.⁴³Osi amaka ubahia wa Mrungu,Era phokara achimaka osi kwa mambo gosi goh'endeka achinena kwa anafunzie, ⁴⁴''Maneno gasagare masichironi mwenukwa kukara mwana wa Adamu andariwa mikononi mwa Abnadamu.'' ⁴⁵Era taaya gagwira maana ga maneno higo,na afwitswa matsoni phaoiri asedze akariererewa.Aogopha kumuuza kuse neno hiro.⁴⁶Chismara mgogoro waanza wazuka kahi yao dzuru ya ni yuphi ndekara m'baha. ⁴⁷Era Yesu wanya chira aazacho myoyoni mwao,achimtsukura mwanache mdzidide na achimuika upandewe, ⁴⁸na achinena mtu yeyosi andamphochera mwananche mdzidide dza iyu kwa dzina rangu ananiphochera mimi oiya,na yeyosi achiniphochera mimi,anamphochera piya wenihuma mimi kwa kukara ariye mdide kahi yenu osi ndiye ariye nibaha.⁴⁹Yohana achijibu achinena,''Dzumbe,twamuona mutu achituruza pepho kwa dzinaro na tuchimzuwiya,kwa kukara kayarungizana na swiswi.'' ⁵⁰Era Yesu achimbira,''Msimzuwiye kwa kukara asiye chinyume namwi ni wa kwenu''⁵¹Ichiturukira kukara,kuringana na siku vyo kara zi phephi na sikuze za kumilia mrunguni kwa uimara wa erekeza usowe Yerusalem. ⁵²Achihuma a humwa mbereye,nao achimilia na achiinjira achidzidzi cha Asamariya iri amtayarishire phatu. ⁵³Erakini atu hiko taayampochera,kwa kukara kara akaerekeza usowe Yerusalemu.⁵⁴Anafunzingwa a Yakobo na Yakobo phooma hiri achinena,''Dzmbe unaronda tuamuru moh'o utserere photsi kura mrunguni Uaangamize? ⁵⁵Erakini waagarukira achiachemera. ⁵⁶Phokara anamia vyao himo njirani,mutu nimwenga achimwambira,''Nindakurunga phophosi umiliapho.⁵⁷Phokara anamia vyao himo njirami,mutu mmwenga achimwambira,''Nindakurunga phophosi umili'apho. ⁵⁸Yesu achimwambira,''mbewa ana madimbwi,Vinyama vya mapha vina zao,Era mwna w Adamu kana pha kuraza chitswache.⁵⁹Ndipho achimwambira mutu wanjina,''Nirunga Erakini iye achinena,;;Dzumbe niricha kwanza nimih'e nikamzike baba. ⁶⁰Erakini iye achimwambira,;;Ariche atu a kufwa azike maiti ao.Era uwe mih'a ukautangaze ufarume wa mrungu chira phahari.⁶¹Piya mtu wanjina achinena,''Nindakurunga''Dzumbe era niricha kwanza nikaarage ario nyumbani mwangu. ⁶²Erakini Yesu achimwambira,takuna mutu atiyaye mkonowe kurima na kutunza nyuma ndefwaa kwa ufarume wa mrungu.''

¹Baada ya mambo higo,Dzumbe achitsagura mirongo mifungahe anjina na achiah'uma airi,airi atongoye chira mudzi na phah'ari phoronda kumih'a. ²Achiaambira,''Mavuno ni manji erakini aliendadzi kazi ni achache.Phahi muoyeni Dzumbe wa mavuno,iri kukara ahume kafwani ahendadzi kazi phakwe mndani.³Mihani midzini,mmanyirire,ninkuh'umani dza mang'onzi kahikahi za mabawa. ⁴Msitsukure mkoba wa pesa mikoba ya charano,wara virahu,wara msiramusane na yeyosi njirani.⁵Nyumba yoyosi ndayoinjira kwanza nenani''Amani ikare kahi ya nyumba ino. ⁶Amba mutu wa Amani aphapho phara,Amani Yenu indasara dzuruye,erakini amba sivyo,indauya kwenu. ⁷Erakini kahi ya nyumbani hiyo,ryani na nwani ndochochiwewa awewe mshaharawe msitsame kura nyumba hino kumih'a yanjina⁸Mudzi wowosi muuinjirao,na akakuphocherani ryani chochosi ndachoikwa mbere yenu, ⁹na phozani akongo ario himo.Nenani kwao''ufarume wa mrungu ukedza phephi yenu'¹⁰Erakini kahi za mudzi wowosi ndoouinjira na asekuphochereni,mihani kondze barabarani na nenani'' ¹¹Hata vumbi ra mudzi wenu chironata maguruni mweh'u tunarikukuta riuye kwenu!Erakini rimanyeni hiri,mfarume wa mrungu uphephi. ¹²Ninakuambirani kukara siku ya hukumu indakara ni kuvumirira muno kwa Sodoma kuriko mudzi hiio.¹³Pore kwako korazini,Pore kwako Betisaida! kukara kazi mbalia zoendeka ndaniyo zingeendeka Tiro na sidoni,anetubu siku nyinji sana,achisagara ndani ya nguwo za gunia na maivu. ¹⁴Erakini indakara kuvumirira muno siku ya hukumu kwa Tiro na sidoni zaidi yenu. ¹⁵Uwe kaperinaumu,unafikiri undaunururwa mpaka mrunguni¹⁶Asikiza mwimwi ananisikiza mimi na yeyosi ndekuremani,ananirema mimi na yeyosi aniremaye mimi anamrema wenihuma.¹⁷Ara mirongo mifungahe auya na chinyemi achinena,Dzumbe,hata mapepho ganatutii kwa dzinaro. ¹⁸Yesu achiaambira''Namwona mzuka achigwa kura mrunguni dza rukwakwa. ¹⁹Tunza nakuphani mamraka ga kuvyoga nyoka na mainje n nguvu zosi za mkondo,na taphana chochosi kwa njira yoyosi chochoarumiza. ²⁰Hata hivyo msihererwa tu kwa hiri,kukara roho zinatii,erakini hererwani muno kwa kukara madzina genu gaandikwa mrunguni.²¹Muda uraura waonato muno ndani ya Mphephera Mugaro na achinena.''Ni na kutogora uwe baba,Dzumbe wa mrunguni na duniani,kwa kukara ukagafwista mambo higa kura kwa enye hekima na achiri na kugagura kwa enye hekima na achiri na kugavugura kwa soofunzwa,dza anacheadide.Ehe ,baba,kwa kukara,ndivyo vyo kuhamira.²²Chira chiru nikawewa mimi ni baba na takuna amanyaye mwana ni ani era baba na takuna amanyaye Baba ni ani era mwana na yeyosi ariye mwana anamendza kudzifwenura kwake.''²³Achiagarukira anafunzi,achinena faragani,''Akabarikiwa agaonago higa mwimwi gaona. ²⁴Niakwambirani mwimwi,kukara manabii anji na afarume aronda kuona mambo mgaonago na taayagaona na kusichira mgasi chirago na taayagasichira.''²⁵Tunza,Mwarimu furani wa shariya ya chiyahudi waima achimdjeza,achinena''Mwarimu,nihende viphi niphalie mkaramo? ²⁶Yesu achimwambira,kwa andikwa kwadze kwenye shariya?unaisomadze? ²⁷Achijibu achinena,Unimendze dzumbe mrunguo kwa moyoo wosi,na kwa rooryo yosi na kwa nguvuzo zosi,na kwa achirizo zosi na jiranio dza udzimendzavyo mwenye. ²⁸Yesu achinena,ukajibu sawasawa,henda hivi na undaishi.''²⁹Erakini mwarimu,waronda kudzisabira haki mwenye,Achimwambira Yesu na Jirani wangu ni yuphi? ³⁰Yesu achimjibu achinena,mtu mmwenga kara achitsrera kura Yerusarem kumiha,Yeriko,achikutana na majambazi omfuta vituvye vyosi,achimpiga na achimiricho phephi na kufwa.³¹Kwa bahati mwarimu mbaha mmwenga kara achitserera na nira hiyo,phomuona achitsapa na upande wanjina. ³²Vivyo hivyo mrawi piya,phofika phahari phara phomuona achitsapa na kanda.³³Era Msamariya mmwenga,wekara na charoche watsapa na phapho,phomuona mutu iye wagwirwa ni mbazi. ³⁴Wamsengerera na achimfunga vidondavye achimsagara mafuha na uchi dzuruye.achimkweza dzuru ya mnyamawe,n achimphirika kwenye nyumba ya adjeni achihudumiwa. ³⁵Siku yorungizira,watsukura dinari mbiri achimupha yuya mwenye nyumba ya adjeni na achimwambira''mrorome na chochosi ndichozidi nindakuripha nichinya.'³⁶Ni yuphi kahi ya ano ahahu unafikiri wakara jirani mnono kwa iyu weutana na majambazi? ³⁷''Mwarimu,wanena,''Ni iyuya weonyesa mbazi kwakwe''Yesu achimwambira,''Miha ukaliende dza vivyo.³⁸Sasa phokara achimiha charochao,ainjira chidzidzi furani na mwanachetu mmwenga dzinare ni Marita achimkaribisha kwakwe nyumbani. ³⁹Kara ana mwanao ahiiwaye mariyamu wsagara maguni pha dzumbe kusichiza nenore.⁴⁰Era Marita wadzipha shuguri nyinji za kujita kande.wamilia kwa Yesu achimwamba,''Dzumbe ,kudjali kukara mwenehu akaniricha nidjite machiyangu? phasi mwambire anitaye. ⁴¹Era dzumbe wamjibu achimwamba,''Marita,uUnadziyuga dzuru ya mambo manji. ⁴²Era ni chitu chimwenga tu cha muhimu Mariyamu akatsagura chiricho chinono chiricho taachindauswa kura kwakwe.

¹Yaturukira wakati Yesu Phokara anavoya phahari furani mmwenga wa anafunzie wamwambira,''Dzumbe ufundze swiswi kuvoya dza vira Yoana vyo afunza anafunzie.'²Yesu achiaambiraa,Mchi voya nenani''Baba dzinaro ritogorwe,ufarumeo wedze.³Uuphe mkahe wehu wachiri siku. ⁴Uuseemu mapananzi gehu,dza swiswi uaseemuvyo osi chou kosera,usi urongoze madjezoni.⁵Yesu achiaambira,''Ni ani kwenu ndekara na msenawe,andemilia kwakwe usiku na amwambire,msena wangu,niazima mikalie mihalu. ⁶Kwa kukara msena wangu akedza sasa hivi kura charoni nami sina cha kumupha. ⁷Na iyuya ariye ndani achimjibu,usiniyuge myango ukafungwa kare,na anangu phamwenga nami hukara kare chitandani.siweza kuramuka na kukupha uwe mikalie. ⁸Na kwambirani,dzabwe karamuka na kukuphahira mikahe dza msenawe,kwa sababu ya kuenderera kugong'onda bira aibu,andaramuka na kukuphahira vipande vinji vya mikalie kulingana na mahitaji dzigo.⁹Nami piya nakuambirani,voyani,namwindawewa,enzani,namwi mudaphalia,gong'ondani namwi davuguriwa. ¹⁰Kwa kukara chiri mutu avoyaye andaphochera,na chiri mutu aenzaye andaphalia na chiri mutu agong'ondaye myango andavugurirwa.¹¹Ni baba yaphi kahi yenu,,mwanawe achimvoya achimvoya ng'onda muphe nyoka?. ¹²Ama mwanawe achimvoya yayi amphe chisuse?. ¹³Kwahiyo ichikara mwimwi mrio ayi mnamanya kuapha ana enu vitu vinono dze si zaidi muno sowe yenu wa mrunguni kukara andakuphani Mphephera mugaro hao amvoyao?''¹⁴Baadaye Yesu achikara anachemera pepho na mutu mwenye pepho kara ni bwibwi phokara phepho phomtukara mtu hiye waanza atu achimaka jangao baha. ¹⁵Era atu anjina anena hiyu anausa mapepho kwa Beerzeburi wa mapepho¹⁶Anjina amdjeza achimronda aonyese ishara kura mrunguni. ¹⁷Era Yesu wamanya aazago achiaambira chiri ufarume ndaoganyika undakara uchiya na nyumba ichiganyika indagwa.¹⁸Amba mzuka andakara akadziganya ufarumewe undaima viphi?kwa kukara mnanena ninaravya ¹⁹mapepho kwa Berzebur Amba mimi naravya mapepho kwa Berzebur,ayaenu anaravya mapepho kwa njira?kwa chisa hichi hao andakuhukumuni mwimwi. ²⁰Era,amba naravya mapepho kwa chara cha mrungu phahi ufarume wa mrungu ukakwe dzerani.²¹Mtu ariye na nguvu ariye na siraha achirinda nyumbaye,vituvye vindakara sarama. ²²Era achivamira ni mutu mwenye nguvu nyinji,hiyuya mutu mwenye nguvu andamfuta sirahaze na kutsukura marize zosi. ²³Yeyosi sekara phamwenga nami achinyume nami na yeyosi sekusanya phamwenga nami anda fawanya.²⁴Pepho mtsama amturukapho mutu anamilia na kuenza phahari sopho n madzi iri adzioyeze ndophokara akaphakasa,ananena,nindauya koturuka. ²⁵Achiuya na kukuta nyumbani ikaphyerwa na ikasagara vinono. ²⁶Hipho anamilia na kuenza mapepho saba ario ayi kuriko iye mwenye na kuareha aedze akare phahari phara.Na hari ya mutu hiye inakara mbii kuriko vyokara mara ya kwanza.²⁷Yaturukira kukara phokara achinena maneno igo,mwanachetu furani wapiga rukare kuriko osi phenye mkutano wa atu achinena''Ikabarikiwa ndani yokuvyara na nyaho zozih'amwa. ²⁸Era hiye achinena akabarikiwa ara ari si hirao neno ra mrungu na kuriroroma.²⁹Wakati atu anji phoanza kuonjezeka Yesu achianza kunena chivya hichi ni chivyazi chii chinaenza ishara na takuna ishara ndegowewa zaidi ya ira ishara ya Yona. ³⁰Maana dza Yona vyokara ishara kwa atu a Ninawi,Ndivyo na mwana wa Adamu du vyokara ishara kwa chivyazi hichi³¹Markia wa kusini andaima siku ya hukumu na atu a chivyazi hichi na kuaukumu ao kwani hiye wara mwisho wa ntsi iri aedze asichize hekima za soromoni na hipha aphapho nibalia kuriko soromoni.³²Atu a Ninawi andaima kahi za hukumu phamwenga na atu a chivyazi hichi siku ya hukumu andachihukumu,kwani ao a tubu kwa mahubiri ga Yona na tunza hipha aphapho ariye mbalia kuriko Yona.³³Takuna mutu Yeyosi ashaye taa na kuyiika phahari pha photsi phenye chiza isionekane au tsini ya chikaphu era anaiwasha na kuyiika dzuru ya chitu iri chiiri mutu ainjiraye aweze kuona mwanga. ³⁴Dzitsoro ni taa ya mwiri.Dzitsoro richikara zuri phasi mwirio wosi undakara kwenye mwanga Era dzitsoro richikara kongo phasi mwirio wosi undakara djikani. ³⁵Phasi,mdzirinde iri mwanga urio ndani yenu usitiywe djiza . ³⁶Hivyo phasi amba mwiriho wosi uphenye mwanga na takuna sehemu iriyo phenye djiza,phasi mwirio undakare sawa na taa ihakayo na kuravya mwanga kwenu.³⁷Phomara kunena higo,Farisayo mmwenga wampiga karibu akaye chakuya nyumbani kwakwe, naye Yesu achiinjira ndani na achikara phamwenga nao. ³⁸Na Mafarisayo gamaka kwakukara kayatsukutsa mikono kwanza kabla ya kuya kande ya dzironi.³⁹Era dzumbe achiambira,''Mwimwi mafarisayo mnatsukutsa kondze ya vikombe na mabakuri,era ndani yenu mkaodzara tamaa na uyi. ⁴⁰Mwimwi atu msiomanya ,dje iye weumba kondze kayaumba na ndani piya? ⁴¹Apheni achiya garigo ndani,na mambo gosi gandakara manono kwenu.⁴²Era ole wenu mwi mafarisayo,kwanimnavaravya zaka ya mnanaa na mchicha na chiri aina ya mboga ya bustani.Era mkaricha ni muhimu muno kuhenda garigo ga haki na kumwendza mrungu,bira kuricha kuhenda na higo ganjina piya.⁴³Ore yenu mafarisayo,kwa kukara mnamendza kusagara vihi vya mbere kwenye masinagogi na kuramuswa kwa mwadzo wa ishima cheteni. ⁴⁴Ore yenu hiro,kwani mnamuwanana na mbira zisizo na arama zirizo atu anayendeka dzuruye birakumanya.''⁴⁵Mwarimu mmwenga wa shariya za chiyahudi achimjibu achimwamba,''Mwarimu uchinenacho chnatuudhi piya swiswi. ⁴⁶Yesu achinena ore vyenu aarimu a shariya!kwani munaapha atu mizigo mubahalia seyoweza kuyumura,era mwimwi tamuiguta mizigo hiyo hata kwa mwenga ya vyara vyenu.⁴⁷Ore yenu kwa kukara mnadzenga na kuika kumbukumbu kwenyenmbira za manabii aoragwe ni tsawe zenu. ⁴⁸Hivyo mwimwi mnashuhudia na kukubariana na kazi zozienda anotsawe enu kwa kukara kwa kweri aoraga manabii ambago mnadzenga kumbukumbu kwenye mbira zao.⁴⁹Kwasababbu iyo piya,hekima ya mrungu inanena''Nindakuhumirani manabii na ahumwa nao andaatesa na kuaoraga kahii yao. ⁵⁰Chivyazi hichi chinda wa djibishwa kwa miratso ya manabii ooragwa hangu kuandza kwa dunia. ⁵¹Kura miratso ya Abel paka miratso ya zakariya.Weoragwa kahikahi ya madhbahu na phatakatifu,ndivyo na kwambirani mwimwi chivyazi hichi chinda wajibika.⁵²Ore yenu aarimu a shariya za chiyahudi kwa kukara mkatsukura fuunguwo za umanyi mwimwi enye tamwnjira,na arondao kuinjira mnaazuwiya.⁵³Baada ya Yesu kuka phara,aandishi na mafarisayo ampinga na kubishana naye dzuru ya mambo manji. ⁵⁴Achidjeza kumuhega kwa manenoge.

¹Kwa wakati h'uo mavikwi manji ga atu adzikusanya phamwenga,chinyasi cha kuanza kuvyogana,achianza kunena na anafunzie kwanza.''Dzurindeni tsatsu ya mafarisayo iriyo ni unafiki.²Na taphandakarapho na siri ichoyofwitsika ambayo taindavurugwa,wala dzambo chirofwi tswa ambaro tarindamanyikana. ³Na rorosi ambaro mwarinena djizani,rinda sichirwa phereru.Na gogosi goganena phenye sichiro ndani ya vyumba vyenu vya ndani ambavyo vyafungwa gandatangazwa dzuru ya tsusi ra nyumba.⁴Nakwambirani asena angu msiogophe aoragao mwiri na mara taana chitu chanjina cha kulienda. ⁵Era,nindakwambirani ndaye mwogopha,mwogopheni yuya ariye baaya ya kukara akaoraga ana uwezo wa kukutsupha Jehanamu ndivyo,nakwambirani mwimwi mwogopheni iye.⁶Dje!shomoro atsano taaguzwa kwa shilingi mbiri?hata hivyo takuna hata mmwenga wao anderagwa mbere za mrungu. ⁷Era,mmanye kukara nyere za vitswa vyenu zaolangwa,msiogophe mwimwi muasamani mbalia kuriko shomoro anji.⁸Ninakwambirani yeyosi Andeyenikiri mimi mbere za atu,Mwana wa Adamu andamkiri mbere za mararaika ga mrungu. ⁹Era,Yeyesi andenirema mbere za atu naye ndaremewa mbere za mararaika ga mrungu. ¹⁰Yeyesi ndenena neno iyi dzuru ya mwana wa Adamu dzuru ya mwana wa Adamu andasee miwa,era yeyesi ndeyemkufuru Mphephera mng'aro kandaseemiwa.¹¹Dophokufisani mbere za abalia a masinagogi ,atawara,na enye mamraka,msiogophe dzuru ya namna ya kunena aki ya kudzihehera au ni chiphi ndachinena. ¹²Kwa kukara mpephera mpephera mng'aro andakufunzani ndovyonena kwa waati huo.''¹³Mtu mmwenga phenye kutano achimwambira ''Mwarimu,mwambire mweneh'u aniganyire seemu ya urisi wangu. ¹⁴Yesu achimdjibu ni ani weniika nikare akimu na mpatanishi wenu? ¹⁵Ndipho achiaambira,dzirindani na chiri namna ya tamaa,kwa kukara uzima wa mutu tauko kwenye unji wa vitu arivyonavyo.¹⁶Yesu achimwambira ndarira,achinena munda wa mutu mmwenga tajiri wavyara muno. ¹⁷Na achidziuza ndaniye,achinena,nindalie ndadze kwani sina phahari pha kuika kande yangu?. ¹⁸Achinena,nindalienda hivi,nindavundza vitsaga vyangu vidide na nidzenge vibaha na niike kande yangu yosi na vitu vyaujina. ¹⁹Nindaiambira nafsi,''Nafsi,ukadziikira akiba ya vitu vinji kwa myaka minji.Oya,uje,unwe na kuhererwa.''²⁰Era mrungu achimwambira uwe mutu mbumbavu,usiku wa rero anaronda roho kura kwko na vitu vyosi chivyoviika vindakara ni nyaani? ²¹Ndivyo ndovyokara kwa chuvii mutu adziikiraye mari,nasi kudzitadzivisa kwa adziri ya dzumbe.²²Yesu achiaambira anafunzi,kwa hiyo nakwambirani msikare na shaka dzuru ya maisha genu,kukara mndayani au dzuru ya miri yenu mundavwarani. ²³Kwa kukara maisha ni zaidi ya kande,na mwiri ni zaidi ya mavwazi.²⁴Tunza nyama na mapha,taarima wara taavuna taana chumba wara chitsaga,cha kuikira kande,era sowe yenu aanarisa .Mwimwi si bora muno kuriko tsongo? ²⁵Ni yuphi kahi yenu ambaye achisziyuga andaweza kudzienjerezera mkono nimwenga kahi za maishage? ²⁶Amba phahi tamuweza kuliende hicho chitu chidide chiricho rahisi kwani phahi kudziyuga na mambo ganjina?.²⁷Tunzani maruwa gameravyo,Taga henda kazi wara tagasokota.Era nakwambirani,hata mfarume seremani kahi za utukufuwe wosi kayavikwa dza mwenga wapho ya higamaruwa. ²⁸Amba mrungu anazicwika vinono nyasi za vwasini zirizo rero ziphapho,na muhondo zinatsuphiwa mohoni.Dje si zaidi anakuvwikani mwimwi?Mwimwi nikuruphirao chidide?²⁹Msidziyuge dzuru ya kukara mundayani au mundanywani wara msikare na woga. ³⁰kwa kukara mataifa gosi ga dunia gona angaikira mambo gao.Na sowe yenu anamanya mnaronda higo.³¹Era uenzeni ufarumewe kwanza,na higo ganjinage munda enjezerwa. ³²Msiogophe mwimwi kundi dide,kwa kukara sowe yenu anaonato kukuphani mwimwi huo ufarume.³³Guzani mari genu na mkaaphe achiya mudzilienere mifuko isiyosirirwa hazina ya mrunguni isiyosika,pharipho aivi taandapha senjerera na wara mafunza tagaweza kufuza. ³⁴Kwa kukara pharipho na azinayo ndipho na rohoro phokara.³⁵Nguwo zenu udefu zikara zikafungwa kwa msiphi na taa zenu zihakikishwe kukara zinaenderera kuaka. ³⁶Na mukare dza atu amgodzerao Dzumbe wao kura kwenye sharee ya nyambura,iri kukara achedza achigongonda andaweza kumvugurira m'yango kwa kafwani.³⁷Akabarikiwa ara asunya ambao dzumbe andaakuta achere maatso,Hakika andafunga nguwoye ndefu kwa msiphi chimara andaasajika photsi kwa kande na chimara kuahudunia. ³⁸Amba dumbe andakwetu kwa djiiba ra phiri ra urinzi wa usiku,au hata djiba ra hau ra urinzi na achiiakuta a tayari indakara vinono kwa hao airi osi.³⁹Zaidi ya higo,mumanye hiri,amba dzumbe mchina nyumba angemanya saa mwiri andakwedza asingeruusu nyumbaye ivundzwe. ⁴⁰Karani tayari piya kwani tanimanya ni wakati uphi mwana wa Adamu phauya.⁴¹Petro achinena''Dzumbe,unatuambira swiswi enye hizi ndarira aura unamwambira chiri mutu''? ⁴²Dzumbe achiaambira,Ni ani muiri mwaminifu mwenye hekima ambaye,dzumbewe andamwika dzuru ya airi anjina iri aaganjire chakuya chao kwa wakati ufwaao. ⁴³Akabarikiwa miuri yuya ambaye dzumbewe achedza andamkute achilienda gara goragizwa. ⁴⁴Hakika nakwambirani mwimwi kukara andamwika dzuru ya marige gosi.⁴⁵Erakini muuri yuya chinena moyoni mwakwe.''Dzumbe wangu anacherewa kuuya hipho akaanza kuapiga ara asunya achirume na acichetu,mara achianza kurya,kunwa na kuerewa. ⁴⁶Dzumbewe yuya muiri andakwedza kahi za siku soyoikuruphira,na saa soyoimanya naye andamkata visiku na kumuika phahari phamwenga na sookara aaminifu.⁴⁷Msunya amanyaye umendzo wa wa dzumbewe,naye kakadzikato wara kakalienda sawa swa na maliendzoge andapigwa sawa sawa na maliendzoge andapigwa viboko vinji. ⁴⁸Era msunya asiyemanya mahendzo ga dzumbe,erakini akalienda gafwaago adhabu,andapigwa viboko vichache kwa kukara iye wawewa vinji.Vinji vinadaiwa kura kwakwe na iye weaminiwa kwa vinji muno.⁴⁹Nikwedza kuasa molio duniani,na ninatamani ikre ukaaswa kare, ⁵⁰Erakini nina ubatizo urio nindabatizwa na nina uzuni mpaka undapho kamirika.⁵¹Dje mnaaza kukara nikedza kureha amani duniani?Taphana,ninakuambira badiviye nikarehia kudziganya. ⁵²Hangu sasa na kuenderera kundakara na atu atano a nyumba mwenga akadziganya na atu aliahu andakara chinyume na airi na airi andakara chinyume na aliahu. ⁵³Andaganyikana baba andakara chinyume na ise,mayo andakara chinyume na mwanawe wa chichetu,na mwanawe wa chichetu andakara chinyume na nine mayo vyara andakara chinyume na mkaza mwanawe naye mkaza mwana andakara chinyume na nine vyakara.⁵⁴Yesu achikaara anaambira makutano piya''mara muonapho maingu gachiturukira mtswerero wa dzuwa,mnanena nyakati za mvura ziphephi na ndiyo inavyokara. ⁵⁵Na kusera kusini richivuma mnanena phandakara na joto kari na ndivyo ikaravyo. ⁵⁶Mwino anafiki mnaweza kutfisi mwonekano wantsi na mrunguni,era inakadze tamuweza kuutafsiri wakati uripho?⁵⁷Kwani chiri mmwenga wenu asitsambure ririro sawa kwakwe kurihenda wakati ambapho achere na nafasi ya kuhenda hivyo? ⁵⁸Maana uchimia na mkondoo mbere ya akimudzitai kuphaliana na mkondoo mchere bado mu njirani asedza akakuphirika kwa akimu na akimu akakuphirika kwa mbalia na mbalia akatutsupha gerezani. ⁵⁹Nakwambira,kundaturuka hiko hadi ukaripha mpaka sensi ya mwisho.

¹Kwa wakati huo huo kwaendekana na atu anjina mwambira zuru ya Agariraya ambao Pirato waaoraga na achitso nganya miratso yao na sadaka zao. ²Yesu achiadjibu achiaambira dje muazani kukara Agariraya ao kara ana mabananzi kurikoni abjinae osi ndiyo mana aphaliwa ni mayi higo? ³Taphana,nakwambirani,msiphoricha mbabananzi,namwi mundaangamika vivyo hivyo.⁴Atu ara kumi na anane ikura Siroamu ambako mnara waagwerera uchioraga mna ona ao akara na mabananzi manji muno kuriko atu anjina a Yerusalemu? ⁵Taphana,mimi nanena,erakin amba tamundaricha mabananzi,mwimwi mwosi piya mundangamika.⁶Yesu waambira ndarira hino,mtu mmwenga wakara ana mtini ophandwa phakwe mundani na wamilia kuenza maundwa dzuruye era kayaphalia. ⁷Achimwambira mdjimawe,Tunza kwa myaka mih'ah'u nikedza na kudjeza kuena maunda phenye muhi humo era siyaphaka chitu uukate usirehe ubananzi wa aridhi?⁸Mdjimawe achidjibu achinena.'' Uriche mwaka huno iri niurimriwe na kuuikira mboreya dzuruye. ⁹Amba undavyara maunda,mwaka wedzao ni vinono,era amba taundavyara uukate.''¹⁰Sasa Yesu wakara achifundisha kahi za mwengawapho ya Masinagogi wakati wa sabato. ¹¹Tunza wakarapho mayommwenga mbaye kwa miaka kumi na minane wakara na pepho mtsama wa unyonje,na ye walienda chinundu na kaweza kung'oka kabisa.¹²Yesu phomwona ,wamuih'a,achimwambira''Mayo,ukaikwa hurukura kura kwenye unyonjeo.'' ¹³Achiika mikonoye,dzuruye,na phapho hipho achidzigorora mwiriwe na achimtogora mrungu. ¹⁴Era mbalia wa sinagogi wareya kwa kukara Yesu kara akamphoza siku ya chipalata.Hipho Baurabu achidjibu achiaambira mkutano''Kunasiku sita zirizo ni razina kulienda kazi,ndzoni muphozwe phasi si kahi ya siku ya chipalata.'¹⁵Dzumbe achimdjibu achinena.''Anafiki!!takuna mmwenga wenu avuguraye pundawe au ng'ombewe kura chaani na kuarongoza kumfisa kunwa madzi siku ya chipalata? ¹⁶Hivyo piya mwana wa chichetu wa Aburaamu mwenye pepho amfunga kwa myaka kumi na minane,dje taifa mfwea chifungoche chisi vugurwe siku ya chipalata?¹⁷Phokara anena maneno higo,ara osi ompiga aona hiaya,era muonano wosi na anjinae ahererwa kwa ajiri ya mambo ga adjabu gogalienda.¹⁸Yesuachinena,''Ufarume wa mrungu unavwanana na ni?na ni ninaweza kuuringanisha nani? ¹⁹Ni dza mbeyu ya haradari mgandi yotsukurwa ni mtu mmwenga na achiiphanda mnandani mwakwe,na ichimera ichikira muhi mbalia na tsongo a mrunguni anadzanga mwakwe matsanzuni.²⁰Tsona achinena,niumvwananise na ni ufarume wa mrungu? ²¹Ni dza tsatsu ambayo mwanachetu waitsukura na achiitsanganya phenye vipimo vikaliu vy unga hata uchiumuka.²²Yesu wanyendekera chiri mudzi na chidzidzi njirani achimilia Yerusaremu na kuafuuza. ²³Mutu mmwenga achiuza,Dzumbe ,ni atu achache tu andauphanha ukombori?hivyo waambira. ²⁴Endani bidii kuinjira kwa kutspira miyango mphatsu kwa kukara anji andadjeza na taandaweza kuinjira.²⁵Mara baada ya mchina nyumbani kuima na kufunga miyango,phasi ni ndaima kodze na kugong'onda niyangoni na kunena,Dzumbe,Dzumbe ,huvugurire niaye andadjibu na kuaambira,sikumanyani mwimwi wara mrako. ²⁶Ndipho nindanena,Twaya na uchinwa mbereyo na uwe waufunza kwehu kaya. ²⁷Era iye andaadjibu,na kwambirani siku manyani ,mrako,ukani kwangu,mwimwi muhendao mayi.²⁸Kundakara na chiriro na kusaga meno wakati ndophoaona,Aburahamu,Isaka,Yakobo na Aborha kahi za ufarume wa mrungu,Eva mwimwi enye mkatsuphiwa kondze. ²⁹Anda kwedzakura maturukiro ga dzuwa matwerero ga dzuwa,vurini na mwakani na kuoya phenye meza ya chakuya cha dzironi kahi za ufarume wa Mrungu. ³⁰Namanya hiri wa mwisho ni wa kwanza na wa kwanza andakara wa mwisho.''³¹Muda mfupi baadaye,mafarisayo anjina kwedza achimwambira,''Milia na tsona phauke phano kwa kukara Herode anaronda kukuoraga. ³²Yesu achinena,''Mihani mkamwambire yuya bawa,Tunza,ninaaturuza pepho na kuaphoza rero na muhondona siku ya h'ah'u nindatimiza rengo rangu. ³³Phenye hari yoypsi,ni muhimu kwa ajiri kuenderera rero,na muhondo na siku yorungizira kwa vira taikubarika kumuoraga nabii kure na Yerusaremu.³⁴Yerusaremu,Yerusaremu ni yuphi aoragaye manabii na kuapiga mawe ara ohumwa kwenu.Mara ngi ngaphi naronda kuafumbatira ana enu dza vira kuku aafumbatirayvyo ana kukue,tsini ya maphage,era tamuyarironda hiri. ³⁵Tunza nyumbayo,ikarachwa.Nami nakwambirani,tamuweza kuniona hata ndophonena ,''Akabarikiwa hiye aedzaye kwa dzina ra Dzumbe,''

¹Yaturukila siku ya chipalata phokara achimilia nyumbani kwa mmwenga wa virongozi a mafarisayo kya mkalie nao akara achimchunguza kwa phephi. ²Tunza,phara mbereye kara phana mutu kara anagayiswa ni uvimbe. ³Yesu wauza ataaramu kahi ya shariya za ayahudi na mafarisayo''Dze ni sawa kumpoza mutu siku ya chipalata aura?''⁴Era ao asara chimya,kwa hiyo Yesu achimgwira,achimuphoza na achimruhusu amilie vyakwe. ⁵Naye achimwambira ni yuphi kahi yenu ariye ana mwana au ngombe achigwa chisimani siku ya chipalata kanda mturuza kondze mara mwenga?'' ⁶Ao taayakara na uwezo wa kura vya dzibu kwa mambo higa.⁷Wakati Yesu phomanya jinsi ara oalikwa kukra akatsagura vihi vya ishima achiaambira narira achiaambira. ⁸Wakati mchialikwa ni mutu nyambarani usisagare nafasi za ishima kwa kukara inawezekana akaalikwa mutu ariye ni wa kuogophewa muno kurikoni uwe. ⁹Wakati mutu us kwalikani mwimwi airi achifika andakuambira uwe,''Muphise mutu hiyu nafasiyo,''na chimara kwa waibu undaanza kutsukura nafasi ya mwisho.¹⁰Era uchialikwa milia ukasagare phahari pha mwisho,iri wakati yuya chekualika achedza aweze kukuambira uwe,''Msena wangu,miha mbere muno,ndipho undakara ukaishimika mbere ya osi,chosagara phamwenga mezani. ¹¹Kwa maana chiri adzikwezaye andatserezwa na iye adzitserezaye andakwezwa.¹²Yesu pia wamwambira mutu mwalika''uravyapho chakuya cha mutsi au cha dzironi,Usiaalike asenazo tu au nduguzo au jamaazo,au madjiranigo au matajiri iri kukara ao asedze akakuolika uwe ukaphalia maripho.¹³¹⁴Baadariye ,uhendapho nyambura,aalike achiya virema,viswere na vipofu. Na uwe udabarikiwa,kwa kukara taaweza kukurupha kwa kukara undariphiwa kahi za ufufuo wa enye haki.''¹⁵Mutu mmwenga wa ara osagara mezani ohamwenga na Yesu phosichira higo ,naye achimwambira,''Akabarikiwa yuya andeya mkalie kahi za ufarume wa Mrungu. ¹⁶Erakini Yesu achiaambira,mutu mmwenga wahienda sharee mbalia achialika atu anji. ¹⁷Wakati wa sharee phokara tayari waliuma muhumwawe kuambira ara oalikwa,Ndzoni kwa kukara vitu vyosi vikaikwa kare tayari.'¹⁸Osi achianza kuvoya razi,wa kwanza achimwambira muhumwa,''Nikagura munda razima nimilie ni kuona,Tafadhali niseemu. ¹⁹Na wanjina achinena,''Nikagura jozi tsano za ng'ombe na mimi namilia nikaadjeze tafadhali kara razi nami. ²⁰Na mtu wanjina achinena ,''Nikarora mchetu kwa hiyo siweza kwedza.'²¹Muhumwa achiuya na achimwambira dzumbe mambo higo yuya mchina nyumba achireya achimwambira muhumwawe milia kafwani,mitaani na vichochoroni vya mudzi ukaarehe hipha achiya,virema,vipofu na aremavu. ²²Muhumwa achinena,Dzumbe,higo chogoraji za gakahendeka kare na hata bado kuna nafwasi.²³Dzumbe achimwambira muhumwa,''Miha kahi za njira mbalia na vichochoroni na uashurutize atu ainjire,iri nyumba yangu iodzare. ²⁴Kwa maana nakwambirani kahi ya ara oalikwa kwanza taphana ndeondzasharee yangu.²⁵Sasa umati mbalia kara unamilia phamwenga naye achigaruka na achiaambira. ²⁶'Amba mutu achedza kwangu na kamureyera ise,nine,mchewe,anae,nduguze arume na achetu,ndiyo na hata maishage piya,kaweza kukara mwanafunzi wangu. ²⁷Mutu sophotsukura msarabawe na kwedza nyuma yangu kaweza kukara mwanafunzi wangu.²⁸Maani ni ani kahi yenu ambaye anaronda kudzenga mnara kandasagara kwanza akadiriye garama kwa maisabu amba ana chira achihitadjicho iri kukaramirisha hiro? ²⁹Vyanjira,baada ya kuika msingi na kushindwa kumara,osi oona andaanza kumbera, ³⁰Achinena,mutu hiyu waanza kudzenga achikara kana mkotse wa kumarigiza.³¹Aura ni mfarume yuphi achirounda kumilia vihani na mfarume wanjina ambaye kandaagara photsi kwanza na kutsukura ushauri amba andaweza,phamwenga na atu vikwi kumi kupigana na mfarume wanjina aedzaye dzuruye na atu vikwi ishirini. ³²Na amba sibyo wakati jeshi ra anjina bado vichere kure,anaragiza barozi kuronda masharti ga amani. ³³Kwa hiyo phasi yeyosi kahi yenu ariye kandarisha vyosi arivyo navyo,kaweza kukara mwanafuzni wangu.³⁴Mungu ni mnono,era amba munyu ukaangamiza mtwanowe viphi unaweza kukara munyu tsona? ³⁵Tauna maliumizi tsona kwa udongo kwa mboreya,unatsuphiwa kure.Iye ariye na masichiro ga kusichirwa na asichire.''

¹Phahi atoza ushuru osi na anjinae enye mabananzi akwedza kwa Yesu kumschiza na aandishi achinungunika achinena. ²Hiyu mutu anaakaribisha enye mabananzi na piya anaye nao.''³Yesu achinena ndarira hino kwao,achinena. ⁴Ni ani kwenu,ambayo ana mang'oni mia mwenga na achiangamikirwa ni mmwengawapho kandaricha gara mirongo chenda chendad na amihe akaenze rira angamika paka arione? ⁵Naye achiripha andadzibandika mafunzi mwakwe na kuonato.⁶Afikapho kwakwe nyumbani,ondahia asenaze na madjiranige na kuaambira onanito phamwenga nami, kwa kukara nikariphalia ng'onzi rangu roangamika. ⁷Nakwambirani vivyo kuandakara na chitseko mbinguni kwa adjiri ya mwenye mabananzi mmwenga atubuye⁸Au kuna mchetu ani ariye ana shiringi kumi za pesa,achiangamikwa ni shiringi mwenga hata kandaasa hata na kuphera nyumba na kuendza kwa chadi paka ndaphoiphalia? ⁹Na achimara kuiona anaiha asenaze na madjiranige achiaambira hererwani phamwenga nami,kwa kukara mikaiphaha tsona shilingi yangu iriyo kara nikaiangamiza. ¹⁰Hata hivyo nakwambirani kuna chinyemi mbere ya mararaika ga mrungu kwa ajili ya mwenye mabananzi nimwenga atubuye.''¹¹Na yesu achinena,''Mtu mmwenga kara ana ana airi,'' ¹²Iyuya mdide achimwambira ise,baba nipha sehemu ya mari inistahiriyo kuirisi,phahi achiganya marige kahi yao.¹³Siku si ningi yuya mdide achikusanya vyosi avimirikivyo achimia ntsi ya kure,na hiko achitapanya pesaze,kwa kugura vitu asivyo vironda na kutapanya pesaze kwa anasa. ¹⁴Naye phokara akamara kuhumira vyosi ndzara mbalia yainjira n'tsi ira achianza kukara muhendzadzi.¹⁵Achimilia na achidziajiri mwenye kwa mmwenga wa raiya wa ntsi ira,naye achimpika mundani kwakwe kurisa nguruwe. ¹⁶Na achikara achitamani sana kudzimvunyiza kwa magada chogoriwa ni nguruwe,kwa kukara takuna mutu wemupha chitu chochosi aphalie kuya.¹⁷Era yuya mwana mdide,phozingatiya moyoni mwakwe ,wanena ni asunye angaphi a baba wangu anaknde nyinji ya kutosha na mimi ni hipha,ninafwa na ndzara! ¹⁸Nindahuka na kumia kwa baba wangu na kumwambira,''Baba nikakosa dzuru ya mbingu na mbere za matsongo. ¹⁹Sifwaa kuhiwa mwanao tsona nihenda dza mmwenga wa asunyao.''²⁰Ndipho achinka achimilia kwa ise.phokara achere kure ise wamwona achimwonera mbazi achimia mairo achimvwamira achimdonera. ²¹Yuya mwana achimwambira,''Baba nikakosa dzuru ya mbingu na mbere za matsogo sifwa kuhiwa mwanao.'²²Yuya ise waambira asunyae,;;Rehni kafwani vwazi ririro nono,mkamvwike mtiyeni na pelie charani na virahu maguruni. ²³Chimara mreheni sau yuya chenona mkamtsindze uye na kuhererwa. ²⁴Kwa kukara mwanangu kara akafwa naye ni mzima kara akaangamika naye akaonekana achianza kung'ara.²⁵Phahi yuya mwanawe mbalia kara amundani.phokara aredza na kuisengerera nyumba wasichira ruraka ra mawira na mvumbo. ²⁶Achihiha msunya mmwenga achimuuza mambo higa maanage nii? ²⁷Msunya achimwambira mdideo akedza na sowe akamtsindza sau chenona kwa kukara akanya sarama.'²⁸Mwana mvyere achirema kuinjira ndani na ise achituruka kondze kumraramira. ²⁹Era achimdjibu ise achinena,''Tunza mimi nikakuhumika myaka minji,wara sidzambwe kukosa amriyo,erakini kudzambe kunipha mwana buzi,iri mweze kuonato na asena angu. ³⁰Era chephokwedza iyu mwanao wetapanya mariyo yosi phamwenga na maraya ukamtsinzira sau chenona.³¹Baba achimwambira ,''Mwangu uwe uphamwenga siku zosi na vyosi nirivyo navyo ni vyako. ³²Ira yakara vinono kweliu kuhenda sharee na kuhererwa,hiyu nduguyo kara akafwa na sasa ni mzima,kara akaamika naye akaonekana.

¹Yesu achiaambira tsona anafunzie phaliendekana mutu mmwenga tadjiri kara ariye na menedja,waambirwa kuka menedja hiyu anatapanya marize. ²Hipho tadjiri achimuhiha achimwambira nini hivi sichiravyo dzuyo?Ravya isabu ya uenedjao,kwa kukara kuweza kukara menedja tsona.'³Yuya menedja achinena moyoni mwakwe,Nihendeni,maana dzumbe wangu ananiusira kazi yangu ya umenedja? sina nguvu za kurima na kuvoyavoya naona haya. ⁴Namanya ndororihenda iri ndophoturuzwa kwenye kazi yangu ya uwakili atu anikaribishe nyumbani mwao.⁵Hivyo wakili achialia adeni a dzumbewe chira mmwenga,achimwambira wa kwanza unaiswa chiasi gani ni dzumbe wangu? ⁶Achinena vipimo mia mwenga vya mafuha achimwambira''Tsukura hatiyo,sagara kafwani andika h'amsini. ⁷Chisha achimwambira wanjina na ue unasiwa chiyasi gani?''Achimwambira,''Tsukura hatiyo andika samanini.'⁸Yuya dzumbe achimtogora meneja zarimu kwa vira vyoh'enda kwa werevu.kwa kukara ana a urumwengu hino ni erevu muno na kudzishugurisha kwa werevu na atu muno na upande wao kuriko arivyo ana a nuru. ⁹Nani nakwambirani dzihendereni asena kwa mari ya uzrimu iri indaphokosekana akukaribisheni kwenye makaro ga mkaramo.¹⁰Ariye mwaminifu kwa ririro dide muno anakara mwaminifu kwa ririro baia piya na ariye zarimu kwa dide anakara zarimu kwa ririro anakara zarimu kwa riro balia piya. ¹¹Amba mwimiw takakara aaminifu kwa mari ya uzaimu niani andekwamini kwa mari ya kweri? ¹²Na amba tamkakara aaminifu kwa kuliu mira mari ya mutu wanjina na ni ani andekuphani iiyo yenu enye?¹³Takunamsunye awezaye kuhumikira madzumbe mairi kwa kukara andamreyera mmwenga na kummendzaa wanjina,ama andagwira na hiyu na kumbera hiyu tamuwezaa kumhumikira mrungu na mari.''¹⁴Phasi mafarisayo,garigo kara anamendza pesa agasichira higa gosi na achimzihaki achimberi. ¹⁵Na achiaambira,''Mwimwi ndimwi mdidaio haki mbere za anadamu,Erakini mrungu anaimanya myoyo yenu kwa kukara ririrori katukuka kwa anadamu inakara tsukizo mbere za mrungu.¹⁶Shariya na manabii vyakaro hangu yohana phokwedza.Tangu wakati huo habari nono za ufarume udzumbe wa mrungu zinatangazwa,na chiri mutu anadjeza kudziinjira kwa mkotse. ¹⁷Era ni rahisi kwa mbingu na n'tsi kuangamika kuriko hata herufi mwenga ya shariya kukosekana.¹⁸Chiri mrichaye mchetuwe na kumrora mchetu wanjina anazinga,nye amroraye hiye richwa ni mrumewe nazinga.¹⁹Phakara na mutu mmwenga tadjiri ariye wavwara nguwo za rangi ya zambarau na chitani nono kuonerato utadjiriwe mbaha. ²⁰Na mchiya mmwenga dzinare Razaro weikwa phakwe myangoni na ana vidonda. ²¹Naye kara anatamani kudzimvunyiza kwa makombo chgogwa mezani pha yuya tadjiri hata madiya gachedza kumramba vidondavye.²²Ichikara yuya mchiya wafwa na achitsukurwa ni raraika mpaka chifuwani pha Buraimu yuya tadjiri naye achifwa achizikwa. ²³Na kura kuzimu phokara anagaya waunura matsoge achimuona Buraimu kwa kure na rozaro chifuwani makwe.²⁴Achirira achinena ,''Baba Buraimu nionera mbazi umragize Razaro atsovye n'tsa ya charache madzini,ariburudise ririmi angu kwa kukara ninagayiswa himu mohoni.²⁵Erakini Buruimu achinena,mwanangu kambukira kukara kwenye maishago wagaphochera mambogo manono na Razaro vivyo waphalia mayi Era sasa ahiapha anafaridjiwa na uwe unagaya. ²⁶Na zaidi ya higo,kuhahikwa dimbwi baha na refu kali yehu iri ara arondao kura hiku kwedza kwenu asiweze wara atu a kwenu asivuke kwedza kwehu.²⁷Yuya tadjiri achinena,''Nakuvoya baba Buaimu kukara umuragize nyumbani kwa baba wangu ²⁸Kwa kukara ninao ndugu atsano iri aaonye kwa hofu ya kukara nao piya andakwdza phahari hipha pha kugaya.²⁹Erakini Buraimu achinena,''Anao Musa na manabii ariche aasichize ao. ³⁰Yuya tadjiri achinena,taphana,Baba Buraimu,Erakini amba achimihirwa ni mutu arayage kwa akufwa andatubu. ³¹Erakini Buraimu achimwambira,asiphoosichira musa na manabiii taandashawishiwa hata mutu achifufuka kura kufwani.

¹Yesu achimwambira anafunzie,''Maambo galiendago atu ahende mabananzi tagana budi kutukira.Erakini shaka ni rakwe mutu agasababishaye. ²Ingekara ni balia amba mutu hiye angefungwa iwe zilio ra kusagira singoni na kutsuphiwa baharini,kurikoni kumhenda mmwenga wa adide ahende mabananzi.³Dzirindeni,amba uduguyo akakukosera naye achitubu mseemu. ⁴Amba andakukosera kano fungake kwa siku mwenga na kano fungahe kwa siku mwenga achedza kwako achinena ,''Ninatubu mseemu''⁵Ahumwae achimwambira,''Dzumbe huonjezere imani yehu. ⁶Dzumbe achinena,''Amba mngekara na imani dza tembe ya haradari,mngeweza kuuambira muhi huno wa mkuyu ng'oka na ukamere baharini nao ungekutiini,⁷Erakini ni ani kahi yenu ariye ana mdjima arimaye munda au arisaye mang'onzi,andamwambira auyapho kura mndani,''Ndzo kafwani na sagara uye kande. ⁸Dze!kandamwambira ,Niikira kande nirye na dzifunge mkanda na unihumikire mpaka vhiraga ndophomara kurya na kunwa.Baada ya hipho undarya na kunwa?⁹Kanda mshukuru yuya msunyewe kwa kukara akatimize gara chogoambirwa? ¹⁰Vivyo namwi mchimara kuhenda chogoragizwa nenani swiswi asunye tusio stairi hukahenda tu gara chogopaswa kugahenda .'¹¹.Ichiturukira kukara phokara achisafiri kumilia Yerusaremu,watsapa mphakani mwa samariya na Gariraya. ¹²Phokara anainjira chidzidzi chimwenga,hiko wakutana na atu kumi okara na mahana achiima kure. ¹³Achipiga ruraka achinena,''Yesu Dzumbe huonere mbazi.''¹⁴Phoona achiaambira,mihani mkadzionyese kwa makuhani,''nao phokara anamilia achiswafika. ¹⁵Mwenga wao kukara akapho,achinya na ruraka balia achimtogora mrungu. ¹⁶Achichita mavwindi,maguruni mwa Yesu achimshuku Iye kara ni msamariya.¹⁷Yesu achidjibu achinena,dze!taakaswafika osi kumi,akuphi ara anjina chenda? ¹⁸Takuna hata mmwenga acheonekana kuuya iri kumtogora mrungu sophokara hiyu mdjeni? ¹⁹Achimwambira,ng'oka na umilie vyako imaniyo ikakuphoza.²⁰Phouzwa ni mafarisayo,ufarume wa mrungu undakwedza rini?Yesu waadjibu achinena''Ufarume wa mrungu sio chitu chiricho chinaweza kuonekana. ²¹Wara atu taandanena.''Tunza hipha aura kura kwaa maana ufarume wa mrungu umumo ndani yenu.''²²Yesu achimwambira anafunzi,''Wakati undafika ambapho mundatamani kuiona mwenga ya siku ya mwana wa Adamu,Era tamndaiona. ²³Andakwambirani,''Tunzani kura,''Tunza hipha era msimihe kutunza wara kuarunga. ²⁴Dza umeme wa chikwakwara umurikao mrunguni kuanzira upande mmwenga paka wanjina.Hivyo hata mwana wa Andakara ivyo kwenye sikuze.²⁵Era kwanza indampasa kugaya kwa mambo manji na kuremewa ni chivyazi hichi. ²⁶Dza irivyokara siku za Uhu,ndivyo ndovyokara kwenye siku ya mwana wa Adamu. ²⁷Arya,anwa,achirora na kurorwa mpaka siku ira iriyo Nuhu phoinjira safinani na garika ichedza na ichiaangamiza osi.²⁸Ndivyo irivyokara kwenye siku za Rutu,arya,kunwa ,achigura na kuguza,kurima na adjenga. ²⁹Era siku ira Rutu phouka Sodoma,ichinya mvura ya moho na chibiriti kura mrunguni ichiaangamiza osi.³⁰Hivyo ndivyo ndovyokara siku ira ya wana wa Adamu ndophofunuriwa. ³¹Siku hiyo msimruhusu ariye kwenye dari ya nyuba atserere kutsukura vituvye ndani ya nyumba,Na usimruhusu ariye mundani kuuya nyumbani.³²Mkambukire mkaza Rutu. ³³Yeyosi adjezaye kuga tizya maishage andagaaa ngamiza er yeyosi nde gaangamiza maishage andagatizya.³⁴Nakwambira,usiku huo kundakara na atu airi phenye chitanda chimwenga,mmwenga andatsukurwa na mmwenga andarichwa. ³⁵Kundakara na achetu airi anasaga mapemba phamwenga,mmwenga anda tsukurwa na wanjina andarichwa.''³⁷Achirandura,achimuuza,kuphi,Dzumbe?Achiaambira uripho mzoga ndipho gakutanapho marasi.''

¹Chisha achiaambira ndarira ya vira arodwavyo kuvoya daima na asikate tamaa. ²achinena,kwa kara na hakimu kwenye mudzi furani,ariye kara kamwogopha mrungu a kuyaheshimu atu.³Kwakara na mgungu kwenye dzidzi hiro naye wamilia mara nyinyi,achinena,''Niterya kuphalia haki kura kwa mkondo wangu.' ⁴Kwa muda munji kayakara tayari kumterya.Era baada ya muda achinena moyoni mwakwe''dzabwe mimi simwogopha mrungu wara kuheshimu mutu, ⁵Era kwa vira hiyu mgungu ananiguya nindamterya kuphalia hakiye iri asedere akanikoza kwa kunedsera mara kwa mara.''⁶Chisha dzumbe achinena,sichizani vyonena hiye hakimu zarimu. ⁷Dze! mrungu piya kandareha haki kwa ario anamrira mutsi na usiku?Je,iye kandakara anaavumirira? ⁸Na kwambirani kukara andelia haki kwao kafwani era wakati,dze andakuta imani duniani?'⁹Ndipho achiaambira ndarira hino kwa baadhi ya atu ario anadziona enye kukara ni enye haki na kuabera atu anjina. ¹⁰Atu airi kwera kumiha hekaruni kuvoya.mmwenga mfarisayo wanjina mtoza.¹¹Farisayo achiima achivoya mambo higa dzuruye mwenye,''Mrungu nakushukuru kwa vira mimi si dza atu anjina ario ni afyakatsi atu asio aadirifu,azingao aura dza hiyu mtoza ushuru. ¹²Nafunga mara mbiri chiri chipara.Naravya zaka kwenye mapato gosi nighaphaliago.'¹³Era yuya mtoza ushuru,waima kure,wara kuyaweza hata kuunura matsoge mrunguni achidzipiga chifuwache achinena,''Mrungu nionera mbzi mimi mwenye mabananzi.'' ¹⁴Na kwambirani mutu hiyu wanya nyumbani achikara akaisabiwa haki kuriko yuya wanjina.kwa kukara chira adzikwezaye andatserezwa era chiri mutu adzinyenyekezaye andaunuurwa.'¹⁵Atu achimreha ana ao atsanga iri aweze kuaguta,era anafunzie phoona higo achiazuwiya. ¹⁶Era Yesu achiahia kwakwe achinena.Aricheni anache adide aedze kwangu,wara msiazuwiye.Maana ufarume wa mrungu ni wa atu adza ch'ao. ¹⁷Amiu,na kwambirani,mutu yeyosi asiyeuphochera ufarume wa mrungu dza mwanache ni wazi kandaninjira.'¹⁸Mtawara mmwenga achimuuza,achinena,''Mwarimu mwema,nihendedze iri niurisi uzima wa na kare? ¹⁹Yesu achimwambira,''kwani unaniilia unaniilia mwema?takuna mutu ariye mwema era mrungu macheye. ²⁰Unaimanya miroso ya mrungu- usizinge,usiorage,usiiye,usimzige ruanzo,aogophe sowe na chinakwenu. ²¹Yuya mtawara achinena,''mambo higa gosi nagagwira hangu wanache wangu.'²²Yesu phosichira higo achimwambira,ukaphunguchirwa dzambo mwenga,razima uguze vyosiurivyonavyo na uaganyire achiya nawe undakara hazina mrunguni chisha ndzoo,unirunge.' ²³Era tadjiri phosichi higo wasononeka muno,kwa kukara kara ni tadjiri mbalia.²⁴Chisha Yesu wamuona vyo sononeka muno achinena,Ni viphi indakara vyumu kwa matadjiri kuinjira ufarume wa mrungu. ²⁵Maana ni rahisi sana kwa ngamia kutsapa phenye tundu ya sindano,kuriko kwa tadjiri kuinjira ufarume wa mrungu! Maana ni rahisi sana kwa ngamia kutsapa phenye tundu ya sindano,kuriko kwa tadjiri kuinjira ufarume wa mrungu.²⁶Ara osichira higo achinena,''Niani phasi andeweza kutiyewa?' ²⁷Yesu achidjibu,''Mambo gasigowezekana wa mwanadamu kwa mrungu ganawezekana.''²⁸Petro achinena,''Naam,swiswi tukaricha chiri chitu na tukakurunga uwe. ²⁹Chisha Yesu achiaambira,Amin,na kwambirani kukara takuna mutu wericha nyumba aura mchetu, mwanao aura avyazi aura ana,kwa ajiri ya ufarume wa mrungu, ³⁰Ariye kandaphochera manji muno,kwenye urumwengu huno,na kwenye urumwengu wedzao,uzima wa kare na kare.'³¹Baada ya kuakusanya ara kumi na airi achiaambira,Tunzani,hunakwera kumilia Yerusaremu,na mambo gosi garigo gaandikwa ni manabii kuhusu mwana wa Adamu gandakamirishwa. ³²Kwa maana andatiwa mikononi mwa atu a mataifa na andahenderwa vibero djeuri,na kutsirwa malie. ³³Baada ya kumchapa viboko andamworaga na siku ya haliu andafufuka.'³⁴Taaya,manya mambo higa na neno hiri rakara rikafwitswa kwao na taaya manya mambo gonenwa.³⁵Ichikara Yesu phosenjerera Yeriko,Mutu mmwenga chipofu yekara asegere kanda ya barabara achivoya msaada. ³⁶Phosichira umati wa atu uchitsapa wauza ni chiphi chiturukiracho. ³⁷Achimwambira kukara Yesu wa Nazareti anatsapa.³⁸Hivyo yuya chipofu waravya ruraka achirira ''achinena'',Yesu mwana wa Daudi,Unirehemu.' ³⁹Ara okara achinyendeka phekera hiye chipofu achimwambira anyamare.Era iye achizidi kuravya ruraka.''Mwana wa Daudi,unirehemu.⁴⁰Yesu achiima achiragiza mutu yuya arehiwe kwakwe.Chisha chipofu phomsenjerera,Yesu achimuuza. ⁴¹'Unaronda nikuhendereni?'Achinena,dzumbe naronda kuona.'⁴²Yesu achimwambira,'Uphahe kuona.Imaniyo ikakuphoza. ⁴³Mara hiyo achipha kuona,achimrunga Yesu achimtogora mrungu.Phoona hiri atu osi amtogora mrungu.

¹Yesu wainjira na kutsapa kahikahi ya Yeriko. ²Na hipho phakara na mutu mmwenga ahiwaye zakayo.Ariye kara ni mbalia wa atoza ushuru tsona mutu tadjiri.³Kara anadjeza kumwona Yesu ni mutu wa viphi.Era kayaweza kuona kwa unji wa atu kwa kukara kara ni mfupi wa chimo. ⁴Hivyo watongoya mbere za atu,achi kwera dzuru ya mkuyu iri aweze kumwona,kwa kukara Yesu kara aphephi kutsapa nira hiyo.⁵Wakati Yesu phofika phaliari phara watunza dzuru achimwambira,''Zakayo,tserera kafwani maana rero ni razima midererwe nyumbani phako. ⁶Achihenda kafwani achitserera na achimkaribisha kwa chinyemi. ⁷Atu osi phoona higo,achiraramika achinena akamiha kumnyendekera mutu mwenye mabananzi.'⁸Zakayo achiima achimwambira Dzumbe,Tunza Dzumbe nusu ya mari yangu naapha achiya na ichikara namzurumu mutu yeyosi chitu nindamuuyizira mara nne. ⁹Yesu achimwambira.Rero wokovu ukafika nyumba ino kwa kukara iye piya ni mwana wa Ibrahimu.' ¹⁰Kwa maana mwana wa mutu akedza kwenza na kuokora atu aangamika.'¹¹Phosichira higo,waenderera kusemurira na achiravya ndarira kwa kukara kara aphephi na Yerusaremu,na ao aaza kukara ufarume wa mrungu kara uphephi kuonekana mara mwenga. ¹²Hivyo achiaambira''Mbalia mmwenga wamilia n'tsi ya kure iri aphochere ufarume na chisha achinya.¹³Achiiha asunyae kumi,achiapha mafungu kumi,achiaambira,''hendani biashara paka uya. ¹⁴Era ana n'tsie amreyera na hivyo achihuma atu amrunge na kunena.''Tahumuronda mutu hiyu atutaware. ¹⁵Ichikara phouya kaya baada ya kuhendwa mfarume achiragiza ara asunyae okara akaarichira pesa ahihwe kwakwe aphae kumanya faida iphi choiphaha kwa kuhenda biashara.¹⁶Wa kwanza achedza achinena,Dzumbe funguro rikahenda mafungu kuni zaidi.' ¹⁷Hiye mbalia achimwambira,vinono msunya mnono kwa kukara wakara mwaminifu kahi za dzambo dide undakara na ubawabu dzuru ya midzi kumi.'¹⁸Wa phiri achedza,achinena,Dzumbe funguro rikahenda mafungu matano.' ¹⁹Hiye mbalia achimwambira tsukuru ubawabu dzuru ya midzi mitano.'²⁰Na wanjina achedza achinena.Dzumbe hino hipha pesayo iriyo nayiika sarama chitambaani, ²¹kwa maana naogopha kwa uwe u mutu msiru.Unausa chira usichochiika na kuvuna usichophanda.'²²Hiye mbalia achimwambira,kwa manenogo mwenye nindakuukumu,uwe msunya muhi wamanya mimi kukara ni mutu msiru natsukura nisichoika na kuvuna chiricho sikachiphanda. ²³Phasi mbon kuyaiika pesa yangu benki iri nichiuya nitsukure phamwenga na faida?²⁴Mbalia achiaambira atu okara akaima hipho ''Mfuteni hiro fungu na mumphe yuya ariye na mafungu kumi.' ²⁵Achimwambira,Dzumbe iye ana mafungu kumi.'²⁶N akwambirani chiri mutu ariye nacho andawephwa zaidi era ariye kana hata chidide hata aricho nacho chinndatsukurwa. ²⁷Era hano akodno angu ario taayaronda nikare mfaume wao,arehani hipha na na muaorage mbere yangu.''²⁸Baada ya kunena higo waenderera mbere achipanda kumiha Yerusaremu.²⁹Ichikara phofika phephi na Betifage na Betaniya phephi na mwango wa mizaituni waahuma anafunzie airi. ³⁰Achinena,Mihani phenye chidzidzi cha djirani mchiinjira mundamkuta mwana nzoya kadzambwe kupanda bado,mvugureni,mkamrehe kwangu. ³¹Amba mutu achikuuzani mbona mnamvugura?nenani''Dzumbe anamronda.''³²Ara ohumwa achimilia achimwona mwana nzoya dza Yesu vyokara akaambira. ³³Phokara anamvurugura mwana nzoya hiyu?' ³⁴Achinena ''dzumbe anamronda,'' ³⁵Phasi achimphirikira Yesu achihandika nguwo zao dzuru ya mwana zoya na achimmkweza Yesu dzuruye. ³⁶Phokara achimilia atu achitandaza mavwazi gao barabarani.³⁷Phokara anatserera mwango wa mizaituni umwenga wosi wa anafuzni achianza kung'ara na kumtukuza mrungu kwa ruraka balia kwa sababu ya mambo mabaha gogaona,. ³⁸Achinena,'Ndiye mbarikiwa mfarume aedzaye kwa dzina ra dzumbe!Amani mbinguni na utukufu dzuru!'³⁹Baadhi ya mafarisayo phenye muonano achimwambira,mwarimu anafunzio. ⁴⁰Yesu achidjibu,achinena nakuambirani amba ano andanyamara,mawe gandaravya ruraka. Yesu achidjibu,achinena na kuambirani amba ano andanyamara,mawe gandaravya ruraka.⁴¹Yesu phousenjerera mudzi wauririra. ⁴²Achinena raiti ungemanya hata uwe siku hino mambo gari gakurecherago amani! era sasa gakafwitsa matsoni phako.⁴³Kwa kukara siku ziredza zirizo akondoo andadzenga uchigo phephi na uwe na kuku zunguruka na kukugandamiza kura chiri upande. ⁴⁴Andakubwaga photsi uwe na anao taanda kurichira hata iwe mwenga dzuru ya ranjina kwa kukara kuyamanya wakati mrungu phodjeza kukuokora.'⁴⁵Yesu wainjira Hekaruni achianza kuazora ara okara achiguza. ⁴⁶Achiaambira,''Yaandikwa Nyumba yangu indakara nyumba ya kudwari,era mwimwi mkaih'enda kukara pango ra anyang'anyi.''⁴⁷Kwa, hiyo yesu kara achiafunza chiri siku hekaruni.Makuhani abaha na aarimu a shariya na virongozi atu aronda kumworaga. ⁴⁸Era taayawezanjira ya kuhenda hivyo kwa kukara atu osi.

¹Yakara siku mwenga,Yesu phokra achifundi sha atu Hekaruni na kuhubiri injiri.Makuhani abah'a naarimu a shariya amrunga phamwenga na azee. ²Asemurira,achiaambira ,uambire ni kwa mamraka gaphi unahenda mambo higa?aura ni ani hiye ekupha mamraka higa?''³Naye achidjibu,achibu,achiaambira,''Nami piya nindakuuzani swari,niambirani ⁴Ubatizo waYoana dze!wara Mbinguni wbwe kwa atu.?⁵Era adjadiriana ao kwa ao,achinena,tuchinena wara mbinguni,andatunza,phasi mbona tamyamwamini?' ⁶Na uchinena,wara kwa anadamu,atu osi hipha anda piga madzine maana osi anaamini kukara Yoana wakara nabii.'⁷Phasi,achimdjibu kukara taamanya waraphi. ⁸Yesu achiaambira,''wara mimi sikwambirani mwimwi ni kwa iphi ninahenda mambo higa.''⁹Waambirani atu ndarira hino,mutu mmwenga waphaunda munda wa mizabibu,achiukodisha kwa akurima a mizabibu na achimilia ntsi yanjina kwa muda mrefu. ¹⁰Kwa muda opangwa,wahuni msunya kwa akurima a mizabibu,kukara awewe seemu ya ,maunda ga munda wa mizabibu,era akurima a mizabibu ampiga achimuuyiza mikono- mihuphu.¹¹Chimara achimhuma tsano msunya wanjina na nage achimpiga,achimhendera vii na achimuuyiza mikono -mihuphu. ¹²Wamhuma tsona wa hahu na nage amdjeruhi na achimtsupha kondze.¹³Hipho dzumbe wa munda achinena,nindahendani?Nindamhuma mwanangu nimmendzaye rabuda andamwogopha.' ¹⁴Era akurima a mizabibu phomuona achiambirana,adjadiriana ao kwa ao achinena ''Hiyu ndiye mrisi umuorage,iri urisiwe ukare wehu.'¹⁵Achimravya kondze ya munda wa mizabibu na achimworaga.Dje! mwenye munda andaahendadze? ¹⁶Andakwedza aangamize akurima a mizabibu na andaapha munda huo anjinae na phosi chira higo,achinena,mrungu akarema.''¹⁷Era Yesu achiatunza ,achinena,''Dje andiko hiri rina maana iphi?''Dziwe roremwa ni adzenzi rikakara dziwe ra pembeni? ¹⁸Chiri mutu agwaye dzuru ya dziwe hiro andavundzika vipande-Vipande era yuya ariye rindamgwerera riundamtikitisa.'¹⁹Hivyo aandishi na abalia makuhani aeuza njira ya kumgwira wakati huo,amanya kukara wanena udarira hino kwa ajiri yao era aogopha atu. ²⁰Amtunza kwa makini,achihuma apererezi odzihenda kukara atu a haki iri aphalie kuphalia kosa kwa hotubaye,iri amphirike kwa atawara na enye mamraka.²¹Nao amuuza,achinena,''Mwarimu unamanya kukara unanena na kufundisha mambo ga kweri na si kushawishiwa ni mtu yeyosi,era uwe unafundisha ukweri kuhusu njira ya mrungu. ²²Dje? ni harari kwehu kuripha kodi kwa kaisari,aura?''²³Era Yesu wamanya muhambo wao achiaambira. ²⁴Nionyesani pesa surana chapa ni ya yuphi?''achinena ni ya kaisari.''²⁵Naye achiaambira,''Phasi,mupheni kaisari garigo gakwe kaisari,na mrungu garigo gakwe mrungu. ²⁶Aandishi na abalia a makuhani taayakara na mkotse wa kukosoa chira chochibuge na wara taayanena chochosi.²⁷Masadukayo ganjina amrunga,ara ario anena kukara takuna ufufuwo. ²⁸Achimuuza achinena,''Mwarimu Musa watuandikira kukara amba mutu achifwererwa ni mwanao mwenye mchetu ariyekana mwana phasi anaphaswa kumtsukura mchetu wa mwanao na kuvyara naye kwa ajiri ya kakiye.²⁹Kwahendeka na ndugu fugahe,wa kwaruka warora,achifwa bira kuricha mwana. ³⁰Na wa phiri piya. ³¹Wa hahu achimtsukura viravira,vivyo hivyo wa saba kariyacha anache na achifwa. ³²Baadae yuya mchetu piya achifwa. ³³kahi ya kufufurwa andakara mchetu wa ani ?maana osi saba kara akamrora.'³⁴Yesu achiaambira.''Ana a urumwengu huno anaroa na kurorwa. ³⁵Era ara astahirio kuphochera ufufuwo wa akufwa na kuinjira uzima wa kare na kare taarora wara taarorwa. ³⁶Wara taaweza kufwa tsona,kwa kukara anakara sawa sawa na mararaika na ni ana a mrungu ana a ufufuwo.³⁷Era ofwa anafufurwa,hata waonyesa phahari phenye habari za chitsaka,phara wamuihia dzumbe dza mrungu wa Ibrahimu na mrungu wa Isaka na mrungu wa Yakobo. ³⁸Sasa iye si mrungu wa atu akufwa era wa azima,kwa kukara osi anaishi kakwe.''³⁹Aarimu anjinae a shariya achimdjibu''Mwarimu,ukadjibu vinono.' ⁴⁰Taayasubutu kuuza maswari ganjina zaidi.⁴¹Yesu achiaambira,chi viphi atu ananena kukara chiristo ni mwana wa Daudi? Dudi anamwiha chrisito,Dzumbe, ⁴²Maana Daudi mwenye ananena kwenye Zumo Dzumbe wamwambira Dzumbe wangu,sagara mkono wa kurume. ⁴³Paka niaike akondo angu tsini ya magurugo.' ⁴⁴Daudi anamwiha chiristo,Dzumbe,Phasi andakaradze mwana wa Daudi?''⁴⁵Atu osi phoka anamsichizo,achiaambira anafunzie., ⁴⁶Dzirindeni na aandishi,amendzao kunyendeka akavwara mavwazi marefu na anamedza mwadzo maarum cheteni na vihi vya Ishima karamuni. ⁴⁷Ao piya anarya nyumba za agungu,na anadzihenda ana swari swala ndefu.Ano andaphochera hukumu mbalia zaidi.'

¹Yesu photunza achiona arume matadjiri okara anaika zawadi zao kwenye hazina. ²Achimuona mgungu M'mwenga mchiya achiika sensi mbiri. ³Hivyo achinena,''Kweri nakuambirani hiyu mgungu mchiya akaika nyinji kuriko anjinae osi. ⁴Hano osi akaravya hizi zawadi kura kwenye vinji arivyo.Era hiyu mgungu kahi ya uchiyawe akaravya pesa zosi arizonazo kwa ajiri ya kuishikwe.''⁵Wakati wanjina phokara achinena dzuru ya hekaru,namna ririvyokara rikapambwa na mawe manono na matoreo,wanena, ⁶''Kwa habari ya mambo higa mgaonago,siku zindakedza zirizo takuna dziwe mwenga ririrori rindarichwa dzuru ya dziwe ranjina ririro tarindabomorwa.''⁷Hipho achimuuza achinena,''Mwarimu mambo liga gandaturukira rini?Na ni iphi indakara ishara kukara higa mambo ga phephi kuturukira? ⁸Yesu achidjibu,''Mkare aangarifu kukara Msichengwe kwa kukara anji andakwedza kwa dzina rangu achinena,mimi ndiye''na muda uphephi,msiarunge. ⁹Mchisichira kondo na vuruguvurugu msiogophe kwa kukara higa mambo razima gaturukire kwanza era mwisho taundaturukira kafwani.''¹⁰Chimara achiaambira,''Taifwa rindang'oka kupigana na taifwa ranjina,na ufarume dzuru ya ufarume wanjina. ¹¹Kundakara na matetemeko mabaha na ndzara na tauni phahari mbarimbari kundakara matukio ga kuogophesa kura mbinguni.¹²Era kabura ya mambo higa gosi,andaika mikono yao dzuru yenu na kuatesa,kuaphirika kwenye masinagogi na magereza,kuarenha mbere za afarume na enye mamraka kwa sababu ya dzina rangu. ¹³Hino indakuvurirani,fursa kwa ushuhuda wenu.¹⁴Kwa hiyo amuani myoyoni mwenukuricha kudziano uhehezi wenu mapema. ¹⁵Kwa kukara nindaapha maneno ga hekima garigo akondo enu osi taandaweza kuipinga wara kuirema.¹⁶Era mundaremewa piya ni avyazi enu,ndugu zenu,abari enu na asena enu,na andaaoraga anjinae kahi yenu. ¹⁷Mundareyerwa ni chiri mmwenga kwa adjiri ya dzina rangu. ¹⁸Era takuna hata runyere rumwenga ra Vitswa vyenu ndoroangamika. ¹⁹Kahi za kuvumirira mundazitizya nafsi zenu.²⁰Ndaphoona Yerusaremu ikazu ngurukwa ni madjeshi,phasi manyani kukara ubanauziwe uphephi. ²¹Hipho ara ario Yudeaachimbirire myangoni,na ara ario kahikahi ya dzidzi naauke na msiariche ario vidzidzini kuinjira. ²²Maana siku hizi ni za chisasi,iri kukara mambo gosi goandikwa gaphahe kukamirika.²³Shaka ni kwa ara ario na mimba na ara aamusao kahi ya siku hizo!kwa maana kundakara na adha mbalia dzuru ya n'tsi,na ghadhabu kwa atu ano. ²⁴Na andagwa kwa n'tsa ya mundu na andatsukurwa mateka kwa mataifwa gosi na Yerusaremu indavyogwa ni atu a mataifwa paka wakati wa atu a mataifwa rika.²⁵Kundakara na vituko dzuwani,mwezini nanyenyezi na kwenye tsi kundakara na dhiki ya mataifwa kwa kuangara kwa udiro ya bahari na maimbi. ²⁶Kundakara na atu achizimia kwa woga na kuaza dzuru ya mambo gandago turukira dzuru ya dunia,kwa maana mbingu zindasumbishwa.²⁷Chisha andamwona mwana wa Adamu achedz mainguni kwa mkotse na utukufu mkuru. ²⁸Era mambo higa gandaphoanza kutukira,Imani,unurani vitsa vyenu kwa kukara kukomborwa kwenu kuphephi.''²⁹Yesu achiaambira kwa ndarira,utunzeni mtini na mihi yosi. ³⁰Ichikanza kutura mnadzionera enye na kumanya kwamba chiyangazi tayari chi phephi. ³¹vivyo hivyo,muonapho mambo higa ganaturukira mwimwi manyani ufarume wa mrungu uphephi.³²Kweri nakwambirani chivyazi hichi hatachinda tsapaoaka mambo higa gosi gandophoturukira. ³³Mbingu na n'tsi zindatsapa era maneno gangu tagandatsapa kamwe.³⁴Era dzimanyirireni enye,iri kwamba myoyo yenu isedza ikaremererwa ni ufisadi,urevi,na mahangaiko ga maisha higa kwa kukara siku ira indaaedzera gafura. ³⁵Dza muhambo kwa kukara indakara dzuru ya chiri mmwenga aishiye phenye uso wa dunia nzima.³⁶Era mkare tayari wakati wosi,mvoye kwamba mndakara imara vya kutosha kugaepuka higa gosi dephoturukira na kuima mbere za mwana wa Adamu.''³⁷Hivyo wakati wa mutsi kara anfundisha hekaruni na usiku waturuka kondze,na kumiha kuchesa penye mwango uhiwao wa mizaituni. ³⁸Atu osi amwendzera rugundzu na mapema iri kumsichiza ndani ya hekaru.

¹Phasi sikukuu ya mkahe usiotiywa tsatsu phokara iphephi, ambayo inahiwa pasaka. ²Makuhani abalia na aandishi adjadiriana namna ya kumworaga Yesu,kwa kukara aogopha atu.³Mzuka achiinjira ndani ya Yuda Isikariote m'mmwenga wa ara anafunzi kumi na airi. ⁴Yuda achimilia kudjadiriana na ababa a makuhani na abalia vira ambavyo andamkabidgi Yesu kwao.⁵Ahererwa na achikubariana kumupha pesa. ⁶Iye achiridhia ,na achienza nafwasi ya kumkabidhi Yesu kwao kure na kundi ra atu.⁷Siku ya mikahe isiyotiwa tsatsu ichifika ambapho ng'onzi ra pasaka razima riraviwe. ⁸Yesu achiahuma petro na Yoana,achinena''Mihani mkatuandariye chakuya cha pasaka iri uchiye. ⁹Achimuuza,''phaphi urondapho uende higo maandarizi?''¹⁰Achiadjibu,sichizani ndophoka mkainjira mdzini mwanarume ariye akadzibandika nziro ya madzi andakutana na mwimwi,Mrungeni kwenye ntymba mbayo andainjira. ¹¹Chimara mwambireni dzumbe wa nyumba ''mwarimu anakwambira,chiphaphi chumba cha adjeni,phahari ambapho nindaya pasaka na anafunzi angu?''¹²Andakuonyesani chumba cha gorofwani chiricho chi tayari.Hendani maandarizi himo.'' ¹³Hivyo achimha na achikuta chiri chitu dza vyoaambira chisha achiandaa chakuya cha pasaka.¹⁴Muda phofika achisagara na ara ahumwa. ¹⁵Chimara achiambira.Nina hamu muno ya kuya sikukuu hino ya pasaka na mwimwi kabura ya kuteswa kwangu. ¹⁶Kwa maana nakwambianirani sindaya tsona paka indophotimizwa phenye ufarume wa mrunguni.''¹⁷Chimara Yesu achitsukura chikombe na phomara kushukuru achinena,''Tsukurani hichi na mganyana mwimwi kwa mwimwi. ¹⁸Kwa maana nakwambirani sindanwa tsona mvyaro wa mzabibu,paka ufarume wa mrungu ndophokwedza.''¹⁹Chimara achitsukura malie,na phomara kushukuru,achiumega,na kuaplia achinena,''Huu ni mwiri wangu urio raviwa kwa ajiri yenu .Hendani hivi kwa kunikambukira.'' ²⁰Achitsukura chikombe vivyo hivyo baada ya chakuya cha usiku achinena.Chikombe hichi ni chiragane chipya cha miratso yangu ambayo ikamwadjika kwa ajiri yenu.²¹Era tunzani.Yuya aniravyaye aphamwenga namimezani. ²²Kwa maana mwanna wa Adamu kwa kweri anamilia vyakwe dza vyoramurwa kare.Era shaka ni kwa mutu yuya ariye kutsupira iye mwana wa Adamu anasalitiwa. ²³Achianza kuuzana ao kwa ao niani kahi yao ariye angehenda dzambo hiri .²⁴Chisha phachiturukira marumbani kalikali yao kukara ni ani aazirwaye kukara mbalia kurikoni osi. ²⁵A chiaambira farume a atu a mataifwa ana ubalia dzuru yao na ara enye mamraka dzuru yao ana hihwa aishimiwa atawara.²⁶Era tairondwa kabisa kukara hivi kwenu mwimwi,Badiriye,richa yuya ariye ni mbalia kahi yenu akare mdid na yuya ariye ni wa muhimu sana akare dza ahumikaye. ²⁷Kwa kukara,yuphi ni mbalia yuya asagaraye mezani ebwe yuya ahumikaye?Dze si yuya asagaraye mezani na mimi bado ni kahi yenu dza ahumikaye.²⁸Era mwimwi ndimwi mrio munaenderera kukara nami kwenye madzjezo gangu. ²⁹Nakuphani mwimwi ufarume,dza vira baba vyonipha mimi ufarume. ³⁰Kukara muphahe kuya na kunwa mezani kwangu kwenye ufarume wa mrungu.Na mndasagara kwenye vihi vya enzi mchizihukumu mbari kumi na mbiri za Iziraeli.³¹Simioni,simioni,manya kukara mzuka akavoya akupateni iriakuph'eh'eni dza ngana. ³²Era nikakuvoyera,kukara imaniyo isishindwe baada ya kukara ukanya tsona aimarishe enenu.''³³Peturo achimwambira,''Dzumbe,ni tayari kumiha na uwe djera na hata kufwa.'' ³⁴Yesu achidjibu achimambira,Peturo dzogoro rera tarinda kabura kudzambwe kunirema mara tahu kukara kuinya.''³⁵Chimara Yesu achiaambira,''Phokutsukurani mwimwi bira mfuko,chikaphu cha kaunde,wara virah'u dze!mwaphunguchirwa ni chitu?''Achidjibu taphana.'' ³⁶Chimara achiaambira,''Era sasa chiri mwenye mfuko na autsukure phsmwenga na chikaphu cha kande.Yuya ariye kana mundu inafwaa aguze johore agure mmwenga.³⁷Kwa kukara na kwambirani,gosi garigo gaandikwa kwa ajiri gangu razima gahendeka,Na watsukurwa dza mutu ambaye anavudza torati,kwa kukara chira chotabiriwa kwa ajiri yangu chinatimizwa.'' ³⁸Chisha achinena,Dzumbe tunza,''Hino hipha myundu miri'' Na achiaambira''inatosha.''³⁹Baada ya chakuya cha usiku,Yesu wauka dza arivyo kara achihenda,mara kwa mara achimiha mwango wa mizaituni na anafunzie achimrunga. ⁴⁰Phofika waambira,''Voyani kukara msiinjire madjezoni.''⁴¹Achimilia kure nao dza hatumwa ya mutu kutsupha dziwe achichita marwindi achivoya. ⁴²Achinena,''Baba,amba unaronda nihusira chikombe hichi,era si dza vira nirondavyo mimi,era mahendzogo gahendeke.''⁴³Chisa raraika kura mbingu richi mtu rukira richimtiya mkotse. ⁴⁴Achikara dza arumwaye,achivoya kwa chadi muno,na djashore richikara dza matone mabalia ga miratso gachigwa photsi.⁴⁵Wakati phokaramuka kura kwenye mavoyezige wakwedza kwa anafunzie,na achiakuta arere kwa unyonje wao, ⁴⁶Na achiauza,''kwa viphi mrere?Ramukani muvoye msiinjire mdjezoni.''⁴⁷Wakati phokara achere nena,tunza,kundi balia ra atu raturukira na Yuda mmwenga wa ahumwa kumi na airi achiarongoza.Achedza phephi na Yesu iri amdonere, ⁴⁸Era Yesu achimwambira,''Yuda dze unamtongrga mwana wa Adamu kwa kumdonera?⁴⁹Wakati okra phephi na Yesu phoona higo gatuukirago anena,dzumbe,dje tuapige kwa mundu?'' ⁵⁰Chimara mmwenga wao achimpiga msunya wa kuhani mbah'a achimkata sichirore ra kurume. ⁵¹Yesu achinena,hino inatosha .Na achiguta sichirore achimuphoza.⁵²Yesu achinena kwa kuhani m'baha na kwa abah'a a hekaru na kwa azee okwedza chinyumeche.Dze muredza dzavi muredza kumgwira mwiri na mnyang'anyi na marungu na myundu? ⁵³Phokara phamwenga namwi siku zosi kwenye Hekaru tamyaika mikono yenu dzuru yangu.Era hino ni saayo,na mamraka ga djiza.''⁵⁴Achimgwira,Achimrongoza,achimreha nyumbani mwa kuhani m'baha,Era petro achimrunga runga kwa kure. ⁵⁵Baada ya kukara akawasha moho phenye uga ura wa ndani na phomara kusagara photsi phamwenga.Peturo achisagara kahikahi yao.⁵⁶Msunya mmwenga wa chichetu achimwona peturo phokakara asegere phenye mwanga wa moho,achimtunza achimwambira .''Hiyu mutu piya kara aphamwenga naye. ⁵⁷Era peturo achirema,achinena ,''Mwanachetu,mimi simmanya.'' ⁵⁸Baada ya muda chidide mutu wa njina achimwona achinena,uwe piya ummwenga wapho''Era peturo achidjibu mwanarume mimi siye.''⁵⁹Baada ya dza saa mwenga hivi mwarume mmwenga achisisitiza achinena''kweri kabisa hiyu mutu piya kara aphamwenga naye maana ni mgariraya.'' ⁶⁰Era peturo achinena,''Mwanarume ,simanya unenaro.Phapho hipho,wakati achinena dzogoro richiihika.⁶¹Achigaruka,Dzumbe achimtunza peturo,na peturo achirikambukira neno ra Dzumbe phara ariphomwambira,''Kabura ya dzogoro kuhika rero undanirema mimi mara tatu. ⁶²Achimiha kondze,peturo achirira kwa utsungu munji⁶³.Chisha ara anarume okara achimrinda Yesu achimzemerera na kumpiga. ⁶⁴Baada ya kumfumba matso amuuza achinena Tabirini ni achiye kupiga?'' ⁶⁵Achinena mambo ganjinamanji chinyume cha Yesu na kumkufuru iye.⁶⁶Mara phokara rungudzu,azee a atu akusanyika phamwenga,abalia a makuhani na aandishi achimphirika kwenye baraza, ⁶⁷Achinena,Amba uwe u chirisito,huambire era hiye achiaambira''Amba nichikwambirani tamundaniamini, ⁶⁸na amba nindakuuzani tamuundanidjibu.''⁶⁹Era kuanzira sasa na kuendereza,mwana wa Adamu andakara asegere mkono wa kurume wa mkotse wa mrungu. ⁷⁰Osi achinena,''kwahiyo uwe u mwana wa mrungu?Na Yesu achiambira,''mwimwi mkanena mimi ndiye.'' ⁷¹Achinena,''Kwani bado tunahidji tsona ushahidi?kwa kukara sisienye tukasichira kura kwa kwanaye mwenye.''

¹Muonano wosi uchiima,achimuphirika Yesu mbere ya Pirato. ²Achianza kumshitaki achinena kamkuta mutu hiyu achiangamiza taifwa rehu kwa kuremeza tusiravye kodi kwa kaisari,na achinena kukara iye mwenye ni chiisito mfwarume.''³Pirato achimuuza,achinena,''Dje uwe u mfarume wa Ayahudi?Na Yesu achimdjibu achinena,Uwe unanena hivyo''. ⁴Pirato achimwambira kuhani mibaha na muonano''siona kosa kwa mutu hiyu. ⁵Era ao achi kungumiza achinena,''anakara anaasunganya atu,achifundisha kahi za uyahudi yosi,kuanzira gariraya na sasa aipha.''⁶Pirato phosichira higa,achiuzira amba mutu hiye ni wa Gariraya? ⁷Phomanya kukara kara atsini ya utawara wa Heroide achimphirika Yesu kwa Herode mbaye naye kara a Yerusaremu kwa siku hizo.⁸Herode phomuona Yesu,waonata sana kwa kukara waronda kumuona kwa siku nyinji.Wasichira habarize na waronda kuona mwenga ya mijuzaye uchihendwa niiye. ⁹Herode wamuuza yesu kwa maneno manji,era Yesu kayamdjibu chochosi. ¹⁰Makuhani a'bala phamwenga na aandishi aima kwa usiru achimshitaki.¹¹Heroide phamwenga na maasikarige,achimraphiza na kumtamura na kumvwika mavwazi mauona chimara achimuuyiza Yesu kwa Pirato. ¹²Herode na Pirato achikara asena kuazira siku hiyo(kabura ya hipho kara ni akondo).¹³Pirato achialia phamwenga makuhani a'balia na atawara na umati wa atu. ¹⁴Achiaambira,''Mkanirehera mutu hiyu dza mutu ariye aarongozaye atu ahende mayi na tunza,baada ya kukara nikamuuza mbere yenu,sikaona kosa kwa mutu liyu kuhusu mambo gosi mwimwi ambago mnamshitaki iye.¹⁵Taphna,wara Herode kwa kukara akamuuyizakwehu na tunza takuna chochosi chochochihenda chifwacho adhabu ya chifo. ¹⁶Kwa hiyo phasi nindamwadhibu na kumrichira. ¹⁷(Sasa,pirato anawadjibika kumrichira mfungwa mmwenga kwa ayahudi wakati wa sikukuu).¹⁸Era osi achipiga dzogo phamwenga achinena,''muuse hiye na uvugurire Baraba''! ¹⁹Baraba kara ni mutu ambaye waikwa gerezani kwa chisa cha uasi furani kahi za dzidzi na kwa kuoraga.²⁰Pirato achiaambira tsona,achironda kumrichira Yesu. ²¹Era hao apiga rukururu achinena,''Mkotere mkotere.'' ²²Achiauza kwa mara ya hahu,kwani hiyu mutu akahenda mayi gaphi?Sidzambwe kuphaha kosa rifwaaro adhabu ya chifo kwakwe kwa higo ndophomra kumwadhibu nindamrichira.²³Era achisisitiza kwa ruraka ra dzuru,achironda akoterwe.Na maraka gao gachimtsondza pirato. ²⁴Hivyo Pirato achimua kuaphahira machendzo gao. ²⁵Achimrichira yuya emronda ambaye wafungwa kwa kusababisha ghasiya na kuoraga era achimravya Yesu kwa mahendzo gao.²⁶Phokara anampirika,amgwira mutu mmwenga ahiwaye Simoni wa uchirene achira kahi za ntsi achimbandika msaraba iri aworeke achimrunga Yesu.²⁷Umati mbaha wa atu na achetu ambao asononeswa na kurira kwa adjiziriye,kara anamrunga. ²⁸Era waagarukira,Yesu achiaambira,Anachetu a Yerusaremu,msinirire mimi era dziririreni mwimwi enye na kwa adzijiri ya ana enu.²⁹Tunza siku ziredza ambazo andarena ,Akabarikiwa ario tasa na ndani zisizovyara na nyaho ambazo taziyahamusa. ³⁰Ndipho ndophoanza kuimbirani myango,''Hugwerereni''na vidzimyango,muubwingize.' ³¹Maana amba achihenda mambo higa kwa muhimwitsi,indakaradze uchikara mufi?³²Anarume anjina,Aharifu airi,aaphirika phamwenga naye iri aoragwe.³³Phodika phahari phahiwapho Fuvu ra Chitswa,ndipho phomkotera phamwenga na ara aharifu,mmwenga upande wa kurume na wanjina upande wa kumotso. ³⁴Yesu wanena,''Baba waseemu kwa kukara taamanya ahendaro,''No achipiga kura kuganga mavwazige.³⁵Atu kara akaima achitunza hiku atawara achimbera,achinena,''Waaokora anjina sasa dziokore mwenye,Amba iye ni chirisito wa Mrungu wetsagurwa.''³⁶Asikari piya ambera,achimsenjerera iye na achimupha sichi, ³⁷Achinena,''Amba uwe umfwarume wa ayahudi dziokore mwenje'' ³⁸Kwakara piya na arama dzuruye yoandikwa''HIYU NDIYE MFWARUME WA AYAHUDI.''³⁹Mwega wa aharifu okoterwa naye wamraphiza achinena,''Uwe si chirisito''?dziokore mwenye na swiswi'' ⁴⁰Era yuya wanjina achidjibu,achimchemera na achinena,''Dje uwe kumwogopha mrungu?na we uphenye hukumu hiyo hiyo? ⁴¹Swiswi huipha kwa haki kwa maana swiswi unaphochera chira uchiphahacho kwa mahendo gehu era mutu hiyu kakahenda chochosi chiyi.''⁴²Na waonjeza,Yesu,nikambukira undaphoinjira kahi za ufwarumeo.'' ⁴³Yesu achimwambira,''Amini na kuambirani rero hino undakara phamwenga nami paradiso.''⁴⁴Hipho kara ni phephi saa sita,djiza richedza dzuru ya ntsi yosi hadi saa tisa, ⁴⁵Mwanga wa dzuwa wavungara,chimara paziya hekaru richganyika kahikahi kuanzira dzuru.⁴⁶Achirira kwa ruraka balia,Yesu wanena,''Baba mikononi mwako nayiika roho yangu''baada ya kunena higa achifwa. ⁴⁷Wakati Achida phoona gohendeka wamtogora mrungu achinena,''Hakika hiyu kara ni mutu mwenye haki,''⁴⁸Wakati umati wa atu phokwedza phamwenga kushuhudiya phoona mambo gohendeka,auya hiku achipiga vifuwa vyao. ⁴⁹Era asenaze na achetu omrunga kura Gariraya aima kure achitunza higo mambo.⁵⁰Tunza,phakarapho na mutu ahiwaye yusufu,ariye ni mmwenga wa baraza,mutu mnono na mwenye haki. ⁵¹(Kara kadzambwe kukubariana na maamuzi au mahendo gao) kura Arimataya mudzi wa chiyahudi ambao kara uchigodzera ufwarume wa mrungu.⁵²Mutu hiyu wamsengerera Pirato,achimvoya awewe mwiri wa yesu. ⁵³Wamtsere,na achimzubgurusira shanda na achimwika kaburini kara rotsongwa phenye dziwe ambaro takuna wewahi kuzikwa.⁵⁴Kara ni siku ya maandarizi,na sabato kara iphephi. ⁵⁵Achetu,akwedza nao kura Gariraya,amrunga,na achiona mbira na vira mwiriwe vyorazwa. Auyaa na achianza kuandaa manukato na marashi ⁵⁶.Chimara siku ya sabato achioya kwa mudjibu wa shariya.

¹Narugundzu muno siku ya kwanza ya Juma,akwendza kaburini achireha manukato kara akagaandaa. ²Achikuta iwe rikafingiriswa kure na mbira. ³Achiinjira ndani,era taayaukuta mwiri wa Dzumbe Yesu.⁴Yaturukita kukara,wakati atsanganyikirwa kuhusu hiri,gafure,atu aii aima kahikahi yao akavwara mavwazi ga kung'ara. ⁵Achetu achikara akaodzara woga na achizamisa nyuso zao photsi,achiaambira achetu,kwani mnamuenza mutu mzima kwa atu akufwa?⁶Kayupho hipha,era akafufuka,kambukirani vyonena namwi kara aripho achere Gariraya. ⁷Achinena kukara mwana wa Adamu razima araviwe kwenye mikono ya atu enye mabananzi na akoterwe,na siku ya hahu andafufuka tsona.''⁸Ara achetu achikambukira manenoge. ⁹na achiuya kura mbirani na achiaambira mambo higa gosi ara kumi na mmwenga na anjinae osi. ¹⁰Phasi mariya magidarena,Yoana,Mariya nine wa Yakobo na achetu anjinae phamwenga nao achiravya taarifwa hizi kwa ahumwa.¹¹Era maneno higa gaonekana dza nzimo tu kwa ahumwa na taayagaamini maneno ga ara achetu. ¹²Hata hivyo petro waremuka na achizora mairo kumilia mbirani na achitsungurira na kutunza ndani,achiona sauda macheye.Petro chimara achiuka achimilia nyumbani kwakwe,achimaka ni chiphi chocho turukira.¹³Na tunza,airi kahi yao,kara anamiha siku hiyo hiyo kahi za chi dzidzi chimwenga chihiwacho Emmau,chiricho mairi sitisini kura Yerusaremu. ¹⁴Achiambirana ao kwa ao kuhusu mambo gosi chogoturukira.¹⁵Ichiturukira kukara wakati phokara anaambirana na kuuzana maswari,Yesu achisenjera phephi achitsanganyikana nao. ¹⁶Era matso gao gazuwiywa kummanya iye.¹⁷Yesu achiaambira,Ni chiphi ma

¹Mwandzo phakara Neno,Naye neno wakara phamwenga na Mrungu,Naye neno wakara Mrungu. ²Hiyu Neno,mwandzoni wakara phamwenga na mrungu. ³Vitu vyosi vya endwa kwa iye,phasiphoiye taku na chitu chochosi cho endeka.⁴Ndaniye murimo uzima,nao ura uzima wakara ng'aro kwa anadamu osi. ⁵Ng'aro inang'ara jizani,wala jiza tariyauzimisa.⁶Kara phana mutu we humiwa kura kwa mrungu,dzinare Yohana. ⁷Wakwedza dza shuhuda kuishuhudiya dzuru ya ira ng'aro,iri kutsaphira iye osi aweze kuamini. ⁸Yohana kara si ira ng'aro,era akwedza ahuhudie dzuru ya ira ng'aro.⁹Hiyo kara ni Ng'aro yenye haswa,ambayo yedza urimwenguni imngarire chiri mutu.¹⁰Wakarapho duniani,nadunia yaumbwa kutsapira iye,na dunia taiya mtambukira. ¹¹Wakwedza kwao era atue taayamphochera.¹²Era kwa anji phomphochera,ambao arikiri dzinare,ka ao aapha baki akare ana a mrungu, ¹³Ovyarwa si kwa miratsyo,wala kwa mapenzi ga mwiri,wala kwa mapenzi ga mutu era kwa Mrungu mwenye.¹⁴Iye Neno waendeka kura mwiri.achikara kwehu naswi uchiona togare,togo dza mutu macheye wa chi macheyo araye kura kwa Baba,wakara na unono na kweri. ¹⁵Yohana wamshuhudiya iye,waenjereza rakare achinena,Hiyu ndiye iye ye nena habarize nichinena,Iye edzae nyuma yangu ni mkuru kuriko mino,kwa sababu akarapho kwa Mrungu kabula yangu.¹⁶Kwa kaziye yosi iriyokamili swiswi osi waphochera unono dzuru ya unono. ¹⁷Kwa kukara taurati yaturuzwa kwa mkono wa Musa,Unono na kweri za kwedza kwa kutsaphira yesu Kristo. ¹⁸Takuna mutu yemwona Mrungu mida yoyosi .Mrungu mwana macheye ariye chifuwani pha Baba wamwenda iye amanyike.¹⁹Na huno ndio ushuhudawe Yohana,wakati Ayoyezi na Alawi phohuma aarimu kura Yerusalemu ili ammuze uwe u yuphi?'' ²⁰Phasipho chiugumizi kaya kana,bali achijibu ''Mino siye kristo.'' ²¹Achimuuza Uwe uani?Uwe u Eliya?achijibu''Mino siye Achiuza uwe umbhora Achijibu la.''²²Chimara achimwambira uwe u yuphi iri kwamba uuyize majibu kwa choouhuma?ukadzishuhudiadze uwe mwenye?'' ²³Achinena Mino ni sautiye irirayo nyikani,Igoroseni njira ya Dzumbe,dza mborha Isaya vyonena.''²⁴Basi kara kuna atu aragwizwa phara kura kwa Mafarisayo Achimuuza achinena, ²⁵Kwani unabatizaichikara uwe si kristo wa la Eliya wala mbhora?''²⁶Yohana achiajibu achinena,Naabatiza kwa Madzi,Era miongoni mwenu akaima mutu musiye mutambukira. ²⁷Iye ndiye aendzaye baada yangu.Mino sistahili kuirejeza gidamu ya chiatuche. ²⁸Higo gaendeka hiko Bethania ng'ambo ya Yordani,arikokara Yohana anabatiza.²⁹Siku ya phiriye Yohana achimwona Yesu aredza kwake achichinena Tunza mwanangonzi wa Mrungu atsukuraye ubananzi wa urimwengu. ³⁰Hiyu ndiye we mnena habarize,kwamba iye edzae nyuma yangu ni mkuru kuriko mimi,kwa kukara wakara kala na mimi. ³¹Siyammanya iye,era gaendeka kusudi iikwewazi kwa Israeli,kwamba nakwedza nichibatiza kwa madzi.³²Yohana washuhudiya,N'kaona penho achitserera dza njiya kura mbinguni nayo ichisalid dzuruye. ³³Wala mino siyammanya,era iyee wnihuma kubatiza kwa madzi waniambira,Iye ndiyemwona Penho ichtserera na ichiima dzuruye,hiye ndiye abatizaye kwa penho mueri. ³⁴N'kaona na n'kashuhudiya kukara hiyu ni mwana na mrungu .'³⁵Tsona siku ya phiriye,yohana kara akaima na anafunzie airi, ³⁶achimwona Yesu achinyendeka na yohana achinena Tunza,Mwanang'onzi ya Mrungu.!''³⁷Hara anafunzi airi amsikira Yohana achinena haya achimrunya Yesu. ³⁸Tsona Yesu wagaruka achiona ara anafunzi airi ao achirurunga achiambira ''Mrondani ?''Achijibu Rabbi,(maanaye mwarimu usagara kuphi?'' ³⁹Achiambira''N'zoni na mwone''Chisa achimphiya achiona asagarapho,achisagara kwake siku hiyo,nayo kara inaphanha saa mrongo mmwenga.⁴⁰Mwenga wa ara airi womsikira Yohana achirandura na chisa kumrunga Yesu kara ni Andrea mwanao Simoni petro. ⁴¹Achimwona mwanao Simon achimwambira ukamwona masiki (maanage kristo). ⁴²Achimrenha kwa Yesu ,naye Yesu achimtunzato achinena uwe u simoni mwana wa yohana nawe undainhwa kefa(maanaye petro').⁴³Siku ya phiriye mida Yesu achironda kumphiya Galilaya,achimwona Filipo,achimwambira,''Nivung mino'' ⁴⁴Filipo wakara mwenyedji wa Bethsaida,mudzi wa Andrea na Petro. ⁴⁵Filipo achimwona Nathanael,achimwamba ukaniphaha yuya ambaye Musa waandika mamboge katika taurati na Abhora.Yesu mwana wa Yusufu kura Nazareti.⁴⁶Nathanaeli achimwamba Dze chitu chinono chawedza kuturukira Nazareti. ⁴⁷Yesu achimwona Nathanaeli aredza kakwe achinena Tunza mwisiraeli kweri kweri seye hila ndaniye!'' ⁴⁸Nathanaeli achimwambira,ukanitambuki-radze?Yesu achijibu kabla Filipo kadzambwe-kuinha u tsini ya muhin'kakuona.''⁴⁹Nathanaeli achijibu,''Rabi wee u mwana wa Mrungu ndiwe Dzumbe wa Israeli''! ⁵⁰Yesu achijibu,achimwambira,kwa kukara nkakuamba nkakuona utsini ya munhi je unakiri?undaona mahendo mabanha kuriko higa. ⁵¹Yesu achiambira Amini amini nakuambirani,madaona Dzuruni mbingu zichivuguka na raraika ra mrungu zichikwera na kutserera dzulu ya mwana Adamu.''

¹Photsapa siku tanhu phaturukira nyambura iko kana ya Galilaya na nineye yesu kara akuko. ²Yesu na anafunzie waalikwa nyamburani.³Phokara Divai ikasira,Ninaye yesu achimwaamba,''Taana divai.'' ⁴Yesu achi nyandura,Mayo inanihusuni mino?Mida yangu taidzamwe timia. ⁵Nineye achiaambira ahendadzi kazi Rorosi aambiravyo rihendeni.''⁶Hipha phakara na nziro,sita za mawe zoikwa kwa kawaida ya Ayahudi kudzitsukusia siku za sikukuru.Kila mwenga kara na udzazo wa nziro mbiri tanhu. ⁷Yesu achiaambira''Gaodjzeni madzi nziro za mawe achiadza hadi dzuru. ⁸Achiambira aendakadzi,tsukurani chidide mkamphirikire muondzadzi mkuru wa meza Achienda kama chovyoaragizwa.⁹Muondzadzi mkuru pho-ondza gara madzi garigohendwa divai,wala kakamanya chokoturukira (era aendakadzi wamanya photurukira)chimare ¹⁰achimwinhiya bwana nyambura achimwambira,Atu haanza kwa kuahudumia atu ira divai nono na achilewa unaapha divai soyo kora lakini uwe ukaika divainono hadi sasa''¹¹Mujuza huno wa kana ya Galiliya wakara mwandzo wa miudjiza yoihenda Yesu,achiontesa tagorwake hivyo anafunzie achimwamini.¹²Phosira hiri,Yesu,nineye,nduguze na anafunzie achiminhiya kapernaumu,achisagara iko siku sinyinji.¹³Na Pasaka ya Ayahudi kara iphephi,hivyo yesu achiminhiye Yerusalemu. ¹⁴Achiakuta aguzadzii ng'ombe,ng'onzi na njiya ndani mwa nyumba ya kuvoyera na abadilishao pesa kara akasagara ndani ya nyumba ya Mrungu kuvoyera.¹⁵Yesu achetenyeza mlawa enye ifundo achiazoresa konze osi ariokara ndani ya Hekalu,Ichujumuisha ng'ombe na ngozi.Achizimwaga pesa za abadilishaji ,achizi pindurapindura meza zao. ¹⁶Kwa anguzaji njiya achiaambira,Ravyani vitu hivi mbali na hipha richani kuienda nyumba ya Baba yangu kukara chete.''¹⁷Anafunzie achikumbira rira neno.''Wivu wa Nyumbayo undamiya'' ¹⁸Akurua chiyahudi achijibu,achimwambira,Ni ishara iphi ndoonyesa kukara unaenda mambo iga? ¹⁹Yesu achijibu Bomorani Hekalu hiri nindaridjenga baada ya siku tanhu.''²⁰Akuru a Ayahudi achinena''yatsukura miaka mirongo mine na sita kudzenga nyumba hino,uwe unauambira undaidzenga kwa siku tatu tanhu?'' ²¹Dzapha,kara iye wanena hekatu wamaanisha mwiriwe. ²²Hivyo iko mbereni baada ya kufufurwa kwakwe kura mdzimuni,anafunzie maandiko na kauli ino Yesu kara wainena.²³Basi phokara Yerusalemu minda ya pasaka.Minda ya siku kuru atu anji akiri dzinare phoona ishara na miudjiza yoienda. ²⁴Era Yesu kakara na imani nao kwa kukara iye waamanya anadamu osi. ²⁵Kaya kara ina haja ya mutu teyosi kumnenera dzuru ya anadamu arivyo kwani wamanya garicho ndani mwao.

¹Phakara na Farisayo,dzinare Nikodemo,mmwenga aaendao baraza la Ayahudi. ²Hiyu mutu wa minhiya kwa zumbe yesu usiku achimwambia Rabi unamanya kukara u mwalimu kwa wa Murungu,kwa maana takuna mutu aturyaye kuvienda vioja vino uvihendavyo uwe isiphokara mrungu aphamwenga naiye.''³Yesu achimjibu,Amin amin,mutu isophovyarwa kano mbiri katurya ku-wona ufarume wa mrungu . ⁴Nikodemo achimwaamba,mutu kuryarwa achikara ni mtumia?Anaweza kuinjira ndanini mwa nineye kani ya phiri akavyarwa?''⁵Yesu achijibu Amin amin mutu asiphovyarwa kwa madzi na kwa pepho,kaweza kuinjira ufarume wa mrungu. ⁶chovyarwa kwa mwiri ni mwiri na ichovyarwa kwa oeoho ni pepho.⁷Usimake kwa kukaraa n'kakwambira ni lazima kuryarwa kano ya piri. ⁸Peho rivuma rirondako na rakare ukarisikira era tammanya rirako na rimphi yako.Viratu vira na haliye chira ariyevyarwa kwa Roho.⁹Nikodemu achijibu,achinena mambo iga ganawedzakanadze? '' ¹⁰Yesu achijibu,Wee u mwarimu wa Israeli iga kugamanya? ¹¹Amini,amini na kwaambira Rira urimanyaro hurishuhudiya kwa rira urirorio-na ushuhuda wenhu tamuumendza.¹²Ichikara n'kakwambirani mambo ga duniani wala tamgasadiki mndagasadiki viphi n'kwambiranipho mambo ga mbinguni? ¹³Wala takuna mutu uruka kuturukira mbinguni,era iye ariyetserera kura mbinguni,Mwana wa Adamu¹⁴Dza vira Musa ivyomwinura yuya Nyoka nyikani vivyo hivyo mwana wa Adamu kana budi kuunurwa, ¹⁵Ili kwamba osi amukiriye iye akare na uzima wa kare na kare.¹⁶Kwa mana dza vino Mrungu waumedzazihimwengu,hata achimravya mwanawe wa macheye,ili chira mutu amkiriye asiangamike era akare na uzima wa kare na kare. ¹⁷Maana Mrungu kamuhumire Mwaanaye unimwenguni ili edze auamure urumwengu era urumwengu ukomborwe niiye. ¹⁸Amkiriye iye kaamuliwa,eyenuukiri waamuliwa kare,kwa kukara kadzambwe rikiri dzina-re mwana wa macheye wa Mrungu.¹⁹Hino,ndiyo sababu ya hukumu,kukara mng'aro yedza urimwenguni,lakini Anadamu achimedzajiza muno zaidi ya ngaro kwa kukara visa vyao vyakara n'vii. ²⁰Chira mutu ahendaye mayi anairema ng'aro,wala krdza mng'aro visavye visedze vikademurirwa. ²¹Era iye aihendaye kweri,akwedza phenye mng'ro ili visavye vionekane phereru kwa kukara vikahendwa kwa utiyifu wa Mrungu.²²Baada ya Higo Yesu na anafunzie nhiya ntsi ya Uyahudi achisinda hiko phamwenga nao achibatiza. ²³Yohana naye wakara achibatizwa hiko Ainoni phephi na salini kwa kukara hiko kwakara na madzi manji tu achimruvya akabatizwe. ²⁴Kwa kukara Yohana kadzambwe injizwa jela.²⁵Phahendwa ubishi wa anafunzi yohana na yahudi mmwenga dzuru ya utsukutso. ²⁶Achimrungu Yohana achimwamba iye wekera phamwenga nawe ng'ambu ya Yorodani,iye wemshuhudiyahabarize,rora hiye anabatiza na atu osi anaphiya kumrungu.''²⁷Yohana achijibu mutu kaweza kuphochera chitu chochosi isiphokara akaphepha kura mbingui. ²⁸Mwimwi enye mwashuudiya nichinena ''Mino siye kristo''era nanena,nkahumhwa mbereze.'²⁹Iye ariye na bibi arusi ni bwana mrusi.Msenawe nwarusi mrume ni iye aimaye na kusikiza akaherezwa muno na rakara mwarusi mrume .Bauhi huhererwa kwangu mino ukakamilika. ³⁰Hiye kanabudi kuonjezeka,era mino kuphungura.³¹Iye endzaye kura dzuru,a-dzuru ga gosi.Iye ariye wa urimwengu ara urimwenguni naye anagomba ga chi-urimwengu.Iye atutrikiraye kura Mrunguni adzuru ga gosi. ³²Hiye hushuhudiya gara arigogaona na kugasichira era takuna auphocheraye ushuhudawe. ³³Iye che uphochera ushuhudawe,akahakikisha kukara Mrungu nimkweri.³⁴Kwa kukara hiye waumiwa ni Mrungu huganena maneno ga Mrungu.Kwa kukara Mrungu akamupha Roho kwa Chipimo. ³⁵Baba anammendza mwana na akamupha vyosi mwakwe mikononi. ³⁶Amkiiriye mwana ana uzima wa kare na kare,era kwa iye seye mtii mwana kanda uona uzima era tsuki ya mrungu humsagarira dzuru-ye.

¹Hipho Yesu vyomanya kukara Mafarisayo akasiechira kukara,Yesu anahenda anafunzi anjizaidiye.Yohana na kuabatiza, ²(era Yesu mwenye kayabatiza sophokara anafunzie), ³aturukiraa Judea achiminhiya Galilaya.⁴ivyo kara ni muhimu kutsapira Samaria. ⁵Na achifika phenye mudzi wa Samaria winhwao Sikari,phephi na phahali ambapho Yakobo wamupha mwanaye Yusufu.⁶Na Chisima cha Yakobo chikakara hipho.Yesu kwa kukara wakorwa na charoche,achisagara phephi na chisima.Kara na mida ya mutsi. ⁷Mchetu Msamaria wakwedza kueka madzi na yesu achimwamba ''nipha madzi nimwe,'' ⁸Kwa sababu anafunzie amiphiya mdzini kugura chakurya .⁹Yuya mchefu achimwambira,ikakaradze wee Myahudi,kunivoya mini mchetu msamaria chitu cha kunwa?''Kwa sababu Ayahudi taasanganyikana na Asamaria. ¹⁰Yesu achimjibu,ikarapho wamanya karama ya Mrungu na iye chekuambira''Nipha madzi,''kara ukamvoya ,na angekupha madzi ga uzima.''¹¹Yuya mchetu achijibu,''Bwana kuna chitu cha kuekera,na chisima nchire.ukagaphanha viphiingo madzi ga uzima? ¹²Dzee?uwe umvyere kuriko ise yenhu yakobo,cheupha chisima hichi?iye mwenye na anae phamwenga na anyama-e achimwa madzi ga chisima hichi?''¹³Yesu achijibu,yeyosi ndeye-nwa madzi higa kandaona chirutsona. ¹⁴Era iye ndeye-nwa madzi ndogomupha mimi kandaona chiru tsona.era gara madzi ndogomupha gandakara chemichemi gachi tiririka kare na kare.¹⁵Yuya mchetu achimwamba ,Bwana,nagavoya madzi higo,nisisichire chiru na nisiangaike n'sedze hipha kueka madzi.'' ¹⁶Yesu achimwamba miha ukamwiinhe mrumeo,kisha uziye.''¹⁷Mchetu achimwambira,''sina mrume''Yesu achijibu''Yesu achijibu ukanena kun mrume.; ¹⁸kwa maana wakara na arume atsano na hiye uriye naye sasa si mrumeo,Hipho!ukanena kweri.''¹⁹Yuga mchetu achiambwa,Bwana nionavyo uwe u mborha. ²⁰Baba zenhu atatamirwa kwa mwango buno.Era mwimwi mwanena kukara hikoYerusalemu ndipho phahali phahusupho kuvoya.²¹Yesu achimjibu,Mchefu niamini,sa iredza ambayo tamnda mtatamini Baba phenye mwa'ngo huno wala iko yerusaremu. ²²Mwimi atu mnachitatamire msichochimanya,swiswi unachitatamira uchimanyacho,kwa kukara wokovu ura kwa Ayahudi.''²³Era sasa iredza na sasa saa i ipha,ambayo atatamirao kweri tatamira Baba kwa roho na kweli,kwa mana Baba anaaenza atu-a mamna hiyo akaeatu amuabuduo. ²⁴Mrungu ni Roho nao amwabuduo iye inaapasa kumtatamira kwa roho na kweri.''²⁵Mchetu achimwamba,Namanya kukara aredza masihi(ainhwaye kristo)Hiye ndophokwedza anda umanyisa gosi.'' ²⁶Yesu achimwamba ''Mino unenaye naye ndimi.''²⁷Mida hiyohiyo anafunzie achiuya .Nao amaka kukara chere anarandura na mchetu,era taphana cheye thubutu kumuuza ''urondani?au kwani kurandura naye?''²⁸Phanhi mchetu achiiricha nziroye,achimihya vyake mdzini na achiaambira atu, ²⁹Nzoni mwone mutu cheye niambira mambo gangu gosi chogogahenda.Dje! taionyesa kukara hiyu ndiye kristo?'' ³⁰Aturuka mdizini achedza kwakwe.³¹Mida na mutsi anafunzie achimkokotera achinena Rabi rya kande.'' ³²Achiaamba mino ninacho chakurya msitsochimanya mwimwi.'' ³³Phani amafunzie achiambirane,Dze!takuna chemrehera chitu chochosi cha kurya .Dze! warenha?''³⁴Yesu achidambira chakurya changu nigahende maphenzige na kuimarigiza kazi kwa hiye wenihuma. ³⁵Dze mwimwi tamnena,Bado myezi mitsano mavuno gandakara tayari?naambirani rorani minda chovyo tayari kwa mavuno! ³⁶Naye atsengaye huphochera mshara na kutsotsora matunda kwa udzima wa kare na kare,iri iye aphandaye na atsengaye aererwe phamwenga.³⁷Kwa kura neno hiri nrakweri,mmwenga kuphanda anjina kutsenga.' ³⁸Naahumani kutsenga gara msigo gaphahira tabu;anjina waenda kazi namwi mkainjira kuererwa ni kazi yao.''³⁹Asamaria anji mdjini mura amkiri kwa ushuhuda wa neno ra yuya mchetu waniambira mambo gosichoga henda'' ⁴⁰Hipho Asamari chopho kwedza,amchengechenga asagare phamwenga nao na achisagara kwao kwa siku mbiri.⁴¹Na anjina muno achimwamini kwa rira nenore. ⁴²Achimwambira yuya Mchetu,Ukaamini wala si dzuru ya manenogo,kwa sababu swiswi enye ukasikira,nasasa unamanya kwa kweri hiye ndiye muokori wa urimwengu .''⁴³Na baada ya siku mbiri hizo achiuka,achimhiya Galilaya. ⁴⁴Kwa mana Yesu mwenye arongora kukara Nabii kaphanha heshima katika ntsiye mwenye. ⁴⁵Pho kwedza kura Galilaya,Angalilaya amchinjira kwa kukara agaona mambo gosi arigogahenda hiko yerusalemu siku ya sikukuru,mana nao amphiya sikukuuni.⁴⁶Wauya tsona kana ya Galilaya hipho phogahenda madzi kukara divai phakara na mkuru ambaye mwanawe kara i mkongo hiko kapernaum. ⁴⁷Phosichira kukara Yesu atsarokera Judea kumnhiya Galilaya,achimhiya kwa yesu achimkokotera atserere na amphoze mwanawe,kwa mana ka-akufwani.⁴⁸Ndipho yesu achimwamba,Mwimwi sophoona dalili na mwangararo tamwedza kwamini. ⁴⁹Chirongozi achinena.''Bwana tserera mwanangu asedze akafwa.'' ⁵⁰Yesu achimwambira ''Mphiya mwanao ana moyo'' yuya mutu achiriamini rira neno roambirwa ni ''Yesu na achimhiya vya p'kwe.⁵¹Phokara anatserera,asunyee amphochera achimuamba mwanawe yu mzima. ⁵²Bhana achiauza ni mida iphwi phophalia kadjambo na achimwamba dzana saa fungaanhe homa ramritsa.''⁵³Ndipho Iseye achimwanya kukaransaa iratu hira Yesu choyonena mwanao yu mzima''Iye na osi a mwap'kwe nyumbani achiamini. ⁵⁴Hiyo ni ndariri ya phiri choihenda phokara achituruka yudea kumphiya Galilaya.

¹Baada ya hipho phakara na sikukuru ya Ayahudi,na Yesu naye achiniphiya Yerusalemu. ²Na hiko Yerusalemu phenye myango a mang'ozi phana mtsara uinhwao kwa chiebrania Bethzatha,nao una matsupiro matsano. ³Idadi mbapha ya akongo ikaramo,vigungu,viswere na waphoroza kara akarara himo mwenye mtsara .(Zingatiya:maneno ga mstari wa 3 tagaoneka dza vitabu vinono vya kare) .Achigodza madzi gabetuke). ⁴Kwahiyo yuya ambaye wakara wa aruka kuinjira ndani madzi gachiburungwa,waphora ukongo wa chochosi chomgwira kwa minda hiyo.⁵Mutu mumengwa che ugura kwa minda ya myaka mirongo mihanhu na minane akakara ndani ya mytsara hiyo. ⁶Yesu phomwona arera ndani ya mtsasara na achimanya kukara warara phara mida minji Yesu achimwambira ''Dze unaronda kukara mzima?''⁷Yuya mkongo achijibu,Bwana,Mino sina mutu wa kumitiya mtsarani madzi phoburungbwa.Era wakati nichi djzeza mino mtu wanjina akara mbere yangu. ⁸Yesu achimwamba,''Unanuka udzihike godoro-go umphiye vyako.''⁹Punde yuya mutu waphorwa,achidzihika chitandache achimpiya.Nayo yakara n'sabato (Chipalata) siku hiyo.¹⁰¹¹Ayahudi achimwambira yuya mutu chephozwa Rero risabato,na ikaremezwa kuecheka godoro-go. '' Achijibu,iye mutu cheniphonga ndiye weniambira ''Ara gadoro-go umphye''¹²Achiuza,''Ni yuphi chekuambira''godoro-go na umhiye?'' ¹³Dzapho yuya chephonywa kakammanya,kwakukara Yesu wauka kwa kudzititsa kwa kura phakara na atu anji phahatu phara.¹⁴Baada ya higo Yesu achimwona yuya mutu hekatuni achimwamba,''Rora ukaphora,usihende ubananzi tsona ritsedse rikakuphanha djzambo ririro iyi zaidi. ¹⁵Yuya mutu achimpiya kwa Ayahudi achiaambira kukara Yesu ndiye yemphoza.¹⁶Kwa chisa hicho Ayahudi,achimrerera Yesu kwa kukara wagaenda higo siku ya sabato. ¹⁷Yesu achiaambira Baba yangu azinahenda kazi mpaka sasa,nami nadzihenda kazi . ¹⁸Kwa chisa hicho Ayahudi azidi kuronda ,kumuoraga si kwa kukara akaivundza sabato,era kwa kumwiinha Mrungu Iseye,achidzienda sawa na mrungu.¹⁹Yesu achiajibu Aminii mwana katurya kudzihenda neno mwenye era ria ambaro amwona Ise anarihenda;kwa mana gosi Ise agaendago ndigo agaendago mwana viratu-vira. ²⁰Kwa kukara Baba anamwendza mwand,na kumwonyesa gosi agaendago mwenye na andamwonyesa mambo makuru kuriko higo,iri mwimwi mzidi kumaka.''²¹Kwa kukara vivaratu vira Baba afufuravyo afu na kuhapha uzima,viratu vira na mwana humupha yeyosi ammendzaye. ²²Tsona Baba kamuamura yeyosi,era wamupha mwana uamro wosi. ²³Ili atu osi amwogophe mwana dza vira anavyo amuogopha Baba .Asiyemuogopha mwana kamwogopha Baba ye nihuma.²⁴Amini,amini nakwambirani iye arisikiraye neno rangu na achi mkiriye yenihumwa ana uzima wa kare na kare wala kandainyira uamurini era andatsapa kura kufwani na kuinjira uzimani.²⁵Amini,amini,nakwambirani,saa iredza,na sasa iphapha.afu andasikira raka-a mwana wa mrungu na osi ndosichira andakara na uzima.²⁶Dza vira Baba arivyo na uzima mwaka moyoni, ²⁷Naye akamupha mwana akare na uzima ndaniye na Baba akamupha mwana ukawahuiri kwamba aravye uamuro kwa kukara ni mwana wa Adamu.²⁸Msimakizwe na hiri kwa mana saa iredza ambayo osi arimo mbirani andarisikira rakare. ²⁹nao andaturuka kondzje,ara chohenda manono kwa ufufuro wa uzima na hara choenda mayi kwa ufufuro wa uamuri.³⁰Siweza kuhenda neno mwenye .Vira nasikiravyo,ndivyo miamuruvyo na uamuri wangu niwa kweri kwa kukara sigaenza mahendo gangu era mahendo ga iye cheyenihuma. ³¹Nichidzishuhudiya mwenye ushuuda wangu si ngekara wa u-kweri. ³²Akuko wanjina neyenizhuudia ushuuda wangu si ngekara wa u-kweri. Akuko wanjina neyenishuudia,nani nammanya kukara ushuunda unda-we anaonishuudia ni wa kweri.³³Mwahuma kwa Yohana naye achiishuhudiya kweri. ³⁴Era ushuda niuphocherao taura kwa Anadamu era naganena higa iri mwimwi mkomborwe. ³⁵Yohana wakara taa iakayo na kungara,namwi mwakara tayari kuererwa na ngaroiye kwa chitambo chidide.³⁶Ushuda nirio nao mino ni mkuru kuriko ura wa Yohana kwa zira kazi zonipha Baba nizimare,kazi hizo zenye nizihendazo zinashuhudiya kukara Baba wahi huma. ³⁷Baba cheye ni humaa iye mwenye wanishuhudiya tamdzambwe kurisichira rakare wala suraye muda wowosi. ³⁸Wala nenore tamnaro na tariasagarire ndani yenu kwa kukara tamumkiri iye cheyeumwa.³⁹Mnagatsungurira-tsungurira maandiko kwa kura mnafikiri kwamba mwakara na uzima wa kare na kare na higo maandiko ganishuhudia mambo gangu ⁴⁰tammendza kwedza kwangu ili mkauphahe uzima.⁴¹Siphochera togo kura kwa Anadamu, ⁴²Era nakumanyani mwino kukara tamuna umendzo wa mungu ndni yenu.⁴³Nkedza kwa dzina ra Baba yangu,tamkaturya kuniphochera ichikara wanjina atsedza kwa dzinare hiye kara mudamphochera. ⁴⁴Dje mnaturuyadze kukiri mwino mpocherao togo za mwimwi kwa mwimwi era tamuhedza togo irayo kwa mrungu macheye?⁴⁵Msifikiri kukara mino n'ndaashiaki mbere za Baba Aashtakiye mwimwi ni musa,ambaye mwimwi mwa mkuruphira iye. ⁴⁶Ichikara mwamkiri musa,kara mngeniamini nami kwa kukara iye waandika mambo dzuru yangu. ⁴⁷Ichikara tamuamini maandiko-ge mndagamini viphi maneno gangu?

¹Baada ya mambo higo,Yesu wamphiya uphande wa Bahari ya Galilayo,huihwa Bahari ya Tiberia. ²Kundi bhaha muno richimrunga kwa kura aziona ishara zoziendera akongo. ³Yesu achiambuka uphande wa phiriwa mwango achisagara hiko phamwenga na anafunzie.⁴(Na pasaka sikukuu ya Ayahudi karaiphephi). ⁵Yesu phoinura matsoge dzuru kwona kundi kuru ra-atu riredza,amwambira Filipo,''undamiha kuphi kuguru mikante aphahe kuya? ⁶(Era Yesu wanena hivyo kwa Filipo kwa kumjeza kwa kukara iye mwenye wamanya ndochochiehenda).⁷Filipo achimjibu''mikanhe ya dinari miambiri taingetosha chira mmwenga kuphanha chiphande chidide'' ⁸Andrea,mmwenga aanafinzie mwanao Simoni Petro achimwambira. ⁹Yesu hipha phana mwanache ana mikanhe mitsano na samaki airi era hii indafaani kwa atu anji namnahii?¹⁰Yesu achiambira,''asagikeni atu photsi,''phakara na makodzaa manji phahali phara,''aphaha arume vikwi vitsano wosagara photsi. ¹¹Yesu achiitsukura hira mikanhe mitsano,achishukuru achiaganyira wosagara,na ara samaki nao dza vivyo enye vyohitaji. ¹²Atu phomvuna achiaamira anafunzie,tsorarani vinungu chovyosara,chisiangamike chochosi.''¹³Banhi achivitsoratsora,achiodzaza vikaphu mrongo mmwenga na viiri,vinungu vya mikanhe mitsano ya maere chovyo visaza hara ariorya. ¹⁴Banhi atu vyophoona dalili yoihenda,aamba kweri hiyu ni yuya nabii edzaye urimwenguni.'' ¹⁵Tsona Yesu achitambukira kukara aronda kumgwira ili amuhende dzumbe,achizitanya,achimpiya tsona mwangoni iye macheye.¹⁶Hata phokara dzironi anafunzie achitserera ziyani. ¹⁷Achikwera mtumbwini achiaruka kuvuka kumphiya kapernaumu.(Jiza rikara-rikainjira wala Yesu kadzambare asongerera ). ¹⁸Mida hiyo peho kuru ichuvuma,bahari ichiruka kutebuka.¹⁹Tsona anafunzie phopiga makafi mirango mitsano au miringo miah'u achimwona yesu ananyendeka dzuru ya bahari achiusengerera mtumbwi nao achiogopha. ²⁰Iye achiaamba''Ni mi msiogophe.'' ²¹Achi kaa tayari kumphochera mtumbwini,na punde hivi uchifikira n'tsi choyokara achiimphiya.²²Siku ya phiri-ye kundi roima ngambu ya bahari raona kukara takuna mtumbwi era ura ambao yesu na anafunzie kara ta adzambwe kuukwera era anafunzie amphiya machiyao. ²³(Era kukara na mitumbwi yanjina kua Tiberia mpaka phephi na phahali phara chophorya mikanhe mida Bwana phoshukuru).²⁴Banhi kundi phofamu kara si Yesu wala anafunzie kapho,ainjira mtumbwini enye,achimiphya kapernaum achimwenza Yesu. ²⁵Hata phomwona ngambo ya ziya,achimuuza Rabi wapkwedza rini iku?''²⁶Yesu achiajibu achiaamba.Amin amin mnanihendza mimi sipkwa kukara mwaona dalili era kwa kukara mwarya hira mikanha mchimvuna. ²⁷Richani kujdziendera kazi chakurya chenye kubananzikka era chihenderani kazi chakurya chidumucho moyo kara na kare chira mwana wa Adamu andakuphani ,kwa kukara mrungu Baba ndiye we chipiga mhuri.²⁸Chimara achi mwambira,inaupsa kuhendani iri udzihende kazi za mrungu?'' ²⁹Yesu achiajibu,''Hino ndiyo kazi ya Mrungu ;mumkiri iye we muhuma.''³⁰Basi achimwamba,undahenda dalili ziphi,ili uzione na ukakiri?undahendani? ³¹Baba zenhu aiye mana nyikani,dza viratu irivyoandikwa''waapha mikanhe kura mbinguni aye.''³²Yesu achiamba,Amin amin Musa siye yekuphani mikanhe kura mbinguni iri aye,era Baba yangu akuphani mikanhe ya kweri irayo kwa Mrungu. ³³Kwa kukara mkanhe wa Mrungu ni ura utsererao kura mbinguni na kuupha ulimwengu uzima. ³⁴Achimwambira,Bwana uuphe mkanhe hino mida yosi.''³⁵Yesu achiaambira,''Mimi ndimi mkanhe wa uzima ,iye edzaye kwangu kandaona ndzara tsona,naye anikiriye kanda ona chiru tsona'' ³⁶Dzabwe n'kwambirani kukara mkaniona wala tamkiri. ³⁷Osi aniphao Baba andakwedza kwangu,wala ye-yosi edza kwangu sindamtsupha kondze tsona.³⁸Kwa kukara n'katserera kura mbinguni si kwa kusudi nigahende mahendo gangu,era maphenziye ye nihuma. ³⁹Na mahenzo-ge ye nihuma ni higa,osi chonipha n'simwangamize hata mmwenga era ni ndaa fufura siku ya mwisho. ⁴⁰Kwa kukara mahenzo-ge Baba ni higa,kukara chira amroraye mwana na kumkiri iye aphahe uzima wa kare na kare ,nami n'namfufura siku ya mwisho.⁴¹Ayahudi achimnung'unika,kwa kukara waamba''mino ni mkanhe wp-tserera kura mbinguni. ⁴²Achinena,''hiyu siye yesu mwana wa yusufu,ambaye unammanya iseye nineye?sasa anaambadze akatserera kura mbinguni?''⁴³Yesu achiajibu,achiaamba,msinungunikirane mwimwi kwa mwimwi. ⁴⁴Taphana aturyaye kwedza kwangu sopho nhwa ni Baba ye nihuma,nami nindamfufura siku ya mwisho. ⁴⁵Yaandipkwa kwa Abohra ''Andafunzwa ni Mrungu hira che sikira na achidzifunza kuturukira kwa Baba huedza kwanga.⁴⁶Si kwamba phana mutu wamwona Baba,era iye araye kwa mrungu wa-mwoa Baba. ⁴⁷Amin amin iye akiriye ana uzima wa kare na kare.⁴⁸Mimi ndimi huo mkanche wa uzima. ⁴⁹sowe zenu aiya mana nyikani achifwa.⁵⁰Huno ndiwo mkanhe utsererao kura mbinguni,ili kwamba mutu auye sehemuye ili asifwe. ⁵¹Mimi ndimi mkanhe utsererao kura mbinguni mutu yeyosi achirya sehemu ya mkanhe uno,andaishi kare na kare mkanhe ndo uravya ni wiri wangu kwa dzuru ya uzima wa urimwengu.''⁵²Ayahudi achireyezana enye kwa enye achiaruka kubishana achinena,''Hiyu mutu aturya viphi kuuphwa mwiriwe uurye?'' ⁵³Banhi yesu achiambira,Amin amini sopho urya mwiri-we mwana wa Adamu na kunhwa mratsowe,tamuna uzima ndani yenu.⁵⁴Auryaye mwiri wanguna kuumwa mratso wangu aanao uzima wa kare na kare nami nindamfufura siku ya mwisho. ⁵⁵Kwa kukara mwiri wangu ni chakurya cha kweri na miratso yangu chinywadzi cha kweri. ⁵⁶Iye araye mwiri wangu na kuumwa mratso wangu nkasagara ndaniye naye ndani yangu.⁵⁷Dza vira Baba ariye na uzima,vyonihuma,nami niphwaavyo uzima kwa Baba,viratu vira naye andakara nao uzima kwa sababu yangu. ⁵⁸Huno ndiwo ura mkanhe utsererao kura mbinguni,si dza ira worya ano sowezeni achifwa iye auravyaye mkanhe huno andaishi kare na kare. ⁵⁹Yesu wanena maneno igo phenye sinagogi phokara anafunza,hiko kapernaumu.⁶⁰Banhi anji ya anafunzie phosikira axhinena Neno hiri n'dzifu ani aturyaye kuriphochera?'' ⁶¹Ni yesu kwa kumanya kwamba anafunzie ana rinungunikira neno hiri achiambira,Dze neno hiri rinakup'kwazani?⁶²Indakaradze bhanhi mmwonapho mwana wa Adamu achitserera kura hiko phakara awali. ⁶³Roho ndiyo itiyayo uzima,mwiri taufaa chitu,maneno higo nirigopkwambirani roho na uzima.⁶⁴Bado kuna anji kanhi yenusokiri,kwa maana yesu wamanya angu awali yya ambaye ge turya kumfani na iye ndeye mtongeya .'' ⁶⁵Achiambira,n'kwa sababu hii nakwambirani kukara takuna mutu aturuye kwedza kwangu isiphokara akajaliwa n Baba yangu.''⁶⁶Baada ya higo anji kanhi ya anafunzie achiuya nyuma,asirungane naye tsona. ⁶⁷Yesu achiaambira ara mrongo mmwenga na airi.Dze mwino namwi m'naronda kuuka? ⁶⁸Simon Petro achimjibu.Bwana umphiye kuphwi? uwe unago maneno ga uzima wa kare na kare?'' ⁶⁹naswi ukaamini na ukamanya kukara uwe ndiwe mueri wa Mrungu.''⁷⁰Yesu achiajibu,Dze mino siyaatsamura mwimwi na mmwenga wenu nshetani?. ⁷¹Tsere ana nena dzuruye yuda,mwana wa Simoni Iskariote,kwa kukara naye ni mmwenga wapho wa hara mrongo mmwenga na airi maana hiye ndiye ndeye mtongeya yesu.

¹Na baada ya higo yesu kara achisafiri kanhi za Galilaya,mana kayaronda kunyendeka kanhi za Uyahudi kwa kukara Ayahudi anaenda njama za kunworaga. ²Na sikukuru ya Ayahudi,sikukuru ya vibanda kara iphephi.³Ndipho nduguze achimwambira,''Uka phahali hipa umihiye vyako uyahudi,ili anafunzio nao agarore mihendago ugahendago. ⁴Takuna ahendaye neno kwa kudzifwitsa naye mwenye anaronda kumanyikana.Ichikara unaenda mambo higa,dzianyese kwa urimwengu uwe mwenye.''⁵Phamwenga na nduguze taaga mwamini. ⁶Bhahi yesu achiaambira,mia yangu taidzambefika era mida yenu iphapho mida yosi. ⁷Urimwengu tauturya kukuzirani mwimwi,era kunizira mimi kwa kukara na ushuudiya kukara kazize n'mbii.⁸Tambukani mpiye kwenye sikukuru,mino sinda mphya kwa kukara mida yangu taudzambefika.'' ⁹Phomara kuaambira higo wabaki Galilaya.¹⁰Nao anao phokara akamiphya penye sikukuru ndipho iye naye phomiphya,si kwa wazi era kudzifwitsa. ¹¹Ayahudi kara achimuenza phenye sikukuru na kunena Akuphi yuya?''¹²Phakara na majadiliano manji kanhi za makutano dzuru-ye.Anjina achinena,Ni mutu mnono .''Na anjina achinena sivyo anapotosha makutano.'' ¹³Takuna mutu wemuadja waziwazi kwa kuaogopha Ayahudi.¹⁴Hata ichikara kanhikanhi ya sikukuru,Yesu wapanda kuinjira hekatuni achiaruka kufindisha. ¹⁵Ayahudi achimaks=ishwa achinena,''akaturyadze hiyu kumanya mambo manji ambayo kagasomere kwamwe. ¹⁶Yesu achiajibu,''Mafunzo gangu i gangu mina era n'ga-kwe -iye wenihuma.¹⁷Mutu achimendza kugaenda maphenzige iye,andamanya dzuru ya mafunzo iga,ichikara gaturukira ka mrungu,amanaakokotera kuturukira kwangu mwenye. ¹⁸Iye akokoteraye chiracho kwakwe mwenye.huenza togo rake iye mwenye,era chira aendzaye togo ra iye muhuma,hiye ni mkweri ,wala ndaniye tamuna udalamu.¹⁹Dze!Musa kakureherani sheriya wala takuna mmwenga wenu aendaye sheria kwani kuronda mniorage? ²⁰Makutano gachijibu una pepho.Nyuphwi arondaye kukuoraga?''²¹Yesunachiajibu achiambira ,Nikaenda kazi mwenga,namwi osi mkamakizwa kwa sababuye. ²²Musa wakuphani mkudeka(era si kukara yaturukira kwa musa sopho kara kwa ano mababa)namwi siku ya chipalata mnamuendera mkudeko mutu.²³Ichikara mutu wadekwa siku ya chipalata,ili kwamba sheriya ya muingana na isedze ikavunzika,kwa viphi mnan'reyara mimi kwa kukara nyamphoza mutu siku ya chipalata? ²⁴Msiravye uamuro kutingana na matso era ehendeni uamuro wa kweri.²⁵Anjina kura Yerusalemu achinena,''Iyusiye amwenzaye ili aoragwe? ²⁶Na tunzani.Anarandura waziwazi,wala taamwambira neno;taiweza kukara virongozi anamanya hasa kukara hiyu ndiye kristo? ²⁷Unamanya hiyu mutu arako kristo edzapho takuna ndeyemanya arako.''²⁸Yesu achinena kwa raka-ra dzuru hekaluni,achifunza na achinena,mwimwi mwosi mnanimanya na hiko n'rako mnakumanya,wala sedzere kwa moyo wangu,era kwa hiye ariyeni-huma ni wa kweri,mwimwi tamumumanya iye. ²⁹Mino nammanya,kwa sababu rira kwa kwe naye ndiye iye cheyenihuma.''³⁰Kara achijaribu kumgwira;era takuna mutu we ugosora mkonowedzuruye kwa kukara saa-ye kara bado taidzambwe fika. ³¹Phamwenga na iro,atu anji kanhi ya makutano achimkiri,achinena,kristo ndophopkwedza,andaenda dalili nyinji zaidi kuriko hizi zozienda hiyu?'' ³²Mafasisayo achiasikira makutano uchinongonezana hivi dzuru ye yesu,phanhi Ariyezi Akuru na mafarisayo achihuma ahendazi kazi iri amgwire.³³Banhi yesu achinena,Bado chitambo chidide ri phapha phamwenga namwi,tsona nindaminhiya vyangu kwa iye hanihuma. ³⁴Mndanienza wala tamndaniona;kura nimiako mwino tamndaturya kwedza.''³⁵Ayahudi achikokoterana enye kwa enye ,Hiyu andaminhya kuphwi hata swiswi usiwone?Hambwe andamonhya kwa mganyikano kanhi ya Ayunani na kuafunza Ayunani?'' ³⁶Ni neno raninenda;mndanihenza wala tamndaniona kura ni mi hako mwimwi tamturya kwedza?''³⁷Hata siku ya mwisho,siku ira kuru ya sikukuru;Yesu waima achituruza raka-re achinena ,Mtu achiona hiru na edza kwangu anwe. ³⁸Anikiriye mimi,dza viraa maandiko ganenavyo kara ndaniye mihuno indatiririka madzi ga uzima ''³⁹Wanena neno hiri dzurunya habari ya Roho,ambaye ara-amkirio andamphochera;kwa kukara Roho karakadzambwe kwedza kwa kukara Yesu kadzambwe togorwa.⁴⁰Anjina kanhi ya makutano,pho-gasikira naneno iga,aamba kweri hiyu ni mbarha.'' ⁴¹Anjina anena Hiyu ni kristo,Lakini anjina achiuza Dze! kristo andara Galilaya? ⁴²Maandiko taganena kukara kristo andakara kanhi ya uvyazi wa Daudi na kutsurukira Bethlehemu,chidzidzi chira asagarapho Daudi?⁴³Banhi kuchiinjira mganyiko phenye makutano dzuru-ye-iye. ⁴⁴Anjinae achironda kumgwira,era takuna mutu chegorosa mikonoye ili amgwire.⁴⁵Ndipho hara ahendadzi akazi achimphiya kwa akuru Avoyezi na mafarisayo nao achiaambira mbona tamumrehere?'' ⁴⁶Ahendadzi akazi achidjibu,kadzambwe turukira yeyosi akokoteraye idza hiyu mutu kabla.''⁴⁷Ndipho mafarisayo achijibu,Dze mwimwi namwi mkatsengeka? ⁴⁸Ni ani kanhi ya akuru,ama a mafarisayo amkiriye? ⁴⁹Era mkusanyiko huno soimanya taurati alaaniwa.''⁵⁰Nikodemo achiaambira(naye ni yuya chemrunga kare,maana ni mmwenga wao), ⁵¹''Dze taurati yenhu inahukumu mutu kabla ya kumsichiza kwanza iri kumanya achihendacho? ⁵²Achijibu,achimwambira,Dze!we nawe ura Galilaya.Endza ukaone kukara Galilaya takurenha nabii.''⁵³(Zingatia:Baadhi ga maneno ga Yohana7:53-8:11 tagamo katika maandiko bora ga kale)Baadaye chiri mutu aminha kwake kaya.

¹(Zingatiya ufafanuzi wa Yohana 7:53-8:11 hipho juru)Yesu achimphiya mwango wa Mizeituni. ²Mapema rungunzu achedza tsona hekaluni,na atu osi achimrunga achisagara achiafundisha. ³Aandishi na Mafarisayo achimrehera mchetu ye gwirwa achizinga achimwika kanhi kanhi.⁴(Zingatiya ufafanuzi wa Yohana 7:53-8:11 hipho juru) Ndipho-wo mwaamba Yesu ''Mwarimu hiyu mchetu agwirwa ;achizinga wagwirwa na mrume anazinga. ⁵Sasa phenye tourati,Musa waamuru kuaphonda adziwe atu dza ano unaambadze juru-ye? ⁶Nao anena neeno hiro achimjeza,kusudi aenze chisa cha kumshitaki,era yesu achizama achiandika photsi na cara-che.⁷(Zingatiya ufafanuzi wa Yohana 7:53-8:11 hipho juru).Phozidi kumuuza wadziinura achiaambira,Iye asiye ubananzi kanhi yenu akare wa awali wa kumtsupha dziwe.'' ⁸Achizama tsona,achiandika photsi na chara-che.⁹(Zingatiya ufafanuzi wa Yohana 7:53-8:11 hipho juru).Nao phosichira hivyoo wauka mmwenga mmwenga kwanzira ariye mtumia achisara yesu macheye,na yuya mchetu yekara kanhikanhi,yao. ¹⁰Yesu achidziunura achimwambira yuya mchetu,'' akuphi ashtakio Taphana cheye kuhukumu?'' ¹¹Achimwambira''Takuna''hata mmengwa Bwana .Yesu achinena wala mino sikuhukumu,Gwira njira yo era usiende ubananzi t'sona.¹²Tsona yes achiakotera atu achinena.''Mimi ndimn'garo ya urimwenguni,iye anirungaye kandamphiya jizani,era andakara na ngaro ya moyo.'' ¹³Mafarisayo achimwambira,Uwr unadzishuhudia mwenye,ushuundao siwa kweri.''¹⁴Yesu achiajibu,achiaambira,Dzabwenije shuhudia mwenye ushuhuda wangu ni kweri .Na phamanya n'rako na hiko phiyako era. ¹⁵mwimwi tammanya n'rako ni miyako. ¹⁶Mino hata nichi hukumu,hukumu yangu ri'yakweri kwa kukara mimi si machiyangu,era mi phamwenga na iye baba we ni humwa.¹⁷Tsona ndani mwa taurati yenu yaandikwa kukara ushuhuda wa atu airi rikweri. ¹⁸Mino ndimi nijishuhudiaye,naye''Bwana yenihuma ananishuudiya.''¹⁹Achimuuza sowe akuphi?yesu achiajibu,Mino tamnimanya wala Iea yangu tamummanya!karapho mwanmanya mimi,na Iseyangu mungemanya.'' ²⁰Maneno higa agagamba phokara anafunza hekaluni phephi ya chumba cha akiba,wala takuna mutuye mgwira kwa kukara saa-aye taidzambiwe fika.²¹Banhi achiambira t'sona,Mino nauka ,namusi mndanienza,na mndafwa na mabananzi genu,iko ni miyako mwimwi tamturya kwedza.'' ²²Ayahudi achinena,Dze andadziorage mwenye?kwa kukara wanena mino niphiyako mwimwi tamturya kwedza?²³Yesu achiajibu,Mwimwi mwaraphotsi Mino nara dzuru,mwimwi mwa-urimwengu huno mimi simi wa urimwengu huno. ²⁴Kwahiyo n'ka kwambirani kukara mndaafwa na ubananzi wenu vyanjinavyo mukiri kukara MINO NDIMI'' mndafwa na ubananzi wenu.²⁵Hivyo achimwambira,Uwe uphi?yesu achiajibu gara chokwambirani angu mwadzo. ²⁶N'nago manji ga kunena na kuhukumu dzuru yenu era iyo we nihuma n'wakweri,namino gogasikira kwa kwe ndingo n'ganenago kwa urimwenguni.'' ²⁷Wala taayaelewa kukara ananena nao dzuru ya Baba.²⁸Yesu achinena,''phokara mkamwinura dzuru mwana wa Adamu, ndipho ndophomanya kukara MINO NDIMI, na kukara sienda rorosi kwa moyo wangu.Vira Baba vyonifunza ndigo niakokoterani. ²⁹Iye we nihuma aphamwenga nami ,kaya niricha machiyangu,kwa kukara siku zosi nahenda gara agamena dzango.'' ³⁰Phokara achinena higo,anji aamini.³¹Yesu achiaambira ara Ayahudi wo mkiri mchisagara ndani ya neno rangu,mkakara anafunzi angu kweri kweri,'' ³²Tsona mndaimanya p'kweri,nayo hiyokweri indakuikani huru.'' ³³Achijibu ,swino umbari ya iburahimu wala taudzambwe kara asunye a mutu mida iyowosi,nauwe; unaambadze,''mndai kwa huru.³⁴Yesu achiajibu ,Amini,amini,nakwambirani,chira ahendaye ubananzi ni msunye wa ubananzi. ³⁵Msunye kusagara kaya sikuzosi,mwana husagara kaya siku zosi. ³⁶Banhi mwana achi-kwikani huru mndakara huru kweri kweri.'''³⁷Namanya kukara mwimwi mmbari ya Ibrahimu,era mnaronda kunioraga kwa kukara neno rangu tarimo ndani yenu. ³⁸Naganena gara gagaona phamwenga n'ise yangu namwi mnahenda gara ambago mkagasi kira kwa sowe yenu.''³⁹Achijibu na achimwambirani ise yenhu ni Ibrahimu yesu achiajibu dza mwimwi ni ana a Ibeahimu kara mkazienda kazi za Ibrahimu. ⁴⁰Dzabwe sasa mnahenza kunioraga,mutu ambaye akwambirani iriyo kweri kwamba nikagasikira kura kwa mrungu.Abrahamu kakahenda hivyo. ⁴¹Mnazihenda kazi za sowe yenu.Ndipho phomwabira swiswi tauya vyarwa phenye kuzinga,unaye ise mmwenga,Mrungu.''⁴²Yesu achinena ,karapho mrungu ni sowe yenu,mngenimedza mimi,kwa kukara n'kara kura kwa mrungu wala sikedza kwa moyo wangu era iye ndiye we-nihuma. ⁴³Kwani tamgaelewa n'ganenago?kwa kura Mwimwi tamturya kusichira n'ganenago. ⁴⁴Mwimwi mu a sowe yenu,ibilisi na tamaa za sowe yenu ndizo mdzimenzadzo kuzihenda.Iye wakara mworagadzi hangu hiyo kweri ndamiye.Arandurapho ruanzo,hurandura kura asiliye kwa kukara niwaruanzo na Ise wa ruanzo.⁴⁵Dzabwe kara nanena ririro kweri tamriamini. ⁴⁶Ni ani kanhi yenu yenishuhudiaya kukara nina ubananzi Ichikara nanena ra kweri kwani tamniamini? ⁴⁷Iye ariye wa mrungu hugasikira maneno ga mrungu,mwimwi tamgasikira kwa kukara mwimwi si a mrungu.''⁴⁸Ayahudi achimjibu ,achimwambira,tauya nena kweri kukara uwe u msamaria nawe una pepho?'' ⁴⁹Yesu aciajibu,sinapepho;era namwishimu Baba yangu,namwimwi tam-nihishimu.⁵⁰Wala mini sienza ukuru wangu,akuko mmwenga aenzaye na kuhukumu. ⁵¹Amini, amini na kwambirani,ichikara yeyosi achirigwira neno rangu,kandaona kufua mida yewosi.''⁵²Ayahudi achimwambira sasa ukakambukira kukara unapepho,Abrahimu na Aborha wafwa,nawe unanena,mutu achirigwira neno rangu kandaondza kufura. ⁵³Uwe si mvyere kuriko Baba yenhu Ibrahimu ambaye afwa Aborha afwa,unadzihenda kukara uani?''⁵⁴Yesu achijibu,n'chidzikuza mimwenye,ukuru wangu si chitu,anikuzaye ni isa yangu,yayatu ambaye mwimwi mnanena kukara ni mrungu mwenu. ⁵⁵Wala mwimwi tamya mmanya;era mino nammanya iye ichikara n'ndanena,simumanya,n'ndakara mruhanzo dza viratu mwimwi,Era nammanya na neno re narigwira. ⁵⁶Sowe yenu Ibrahimu wa hererwa kwa vira vyoiona siku yangu naye waiona achihererwa.''⁵⁷Ayahudi achimwambira ,kudzambwefika miaka mirongo mtsano,nawe wamwona Ibrahimu? ⁵⁸Yesu achiambira Amini,amini,nakwambirani,kabla iye Ibrahimu kadzambwe vyarwa,MIMO NKABAPHO.'' ⁵⁹Ndipho achitsora madziwe amtuphire,era yesu achdzifitsa achituruka kondze ya wekalu.

¹Hipho phokara anatsapa wamwona mutu chigungu hangu avyarwe. ²Anafunzie achimuuza achinena,Rabi n'yuphi chehenda ubananzi,hiyu mutu au avyaziee,hata avyarwe chigungu?''³Yesu achijibu,Huyu kayaenda ubananzi wala avyazi-ee;era kusudi kazi za Mrungu ziikwe phereru kutsaphira iye. ⁴Ikauhusu kuzihenda kazi ya iye yehuuma kukapho na mutsi;Usiku uredza soturya mutu kuhenda kazi. ⁵Mida nikarapho urimwenguni,Mino ni ng'aro ya urimwenguni.''⁶Phokara kunena higo watsitsa manhe photsi,achienda tope kwa gara manhe.Achimphoka chigungu tope za matso. ⁷Achimwambira;miiphinya ukatsukutse ndani ya detera siloamu(Maanage yehumwa).''Iye mutu achimiiphiya,achitsukutsa na achiuya anaona.⁸Jiranize na hara phomwona kare kukara ni m'voyadzi achinena.Dze hiyu siya yuya mutu ye kara achisagara na kuvoya?''Ni iye.'' ⁹Na anjina achinena ''Siye waamvana naye''Iye mwenye achinena ,''Ndimi mimi.''¹⁰Achimwambira,Matso go gavugurwadze?'' ¹¹Achijibu,mutu yuya aih'waye,wahenda tope achiriphaka matso achimiambira,miiphiya siloama ukatsukutse phanhi nichimiiphiya na kutsukutsa n'chikara n'chiona.'' ¹²Achinena Akuphi ye?''Achijibu,''Simanya.''¹³Banhi achimphirika kwa Mafarisayo yuya yekara ni chigungu. ¹⁴Nayo kara ni siku ya chipalata,hipho yesu phozienda tope na kumfwenura matso. ¹⁵Ndipho mafarisayo phomuuza tsona,ikaradze ukaweza kuona.Axhiambira,wanitiya tope dzuru ga matso nami n'chitsukutsa na sasa naona.''¹⁶Mafarisayo anjina achinena,kakaturuka kwa mrungu kwa kukara kagwira chipalata.Anjina achinena anaturyadze mutu mwenye ubananzi kuhenda dalili dza hizo?kuchikara na mtanyano kanhi yao. ¹⁷Achimuuza yuya yekara chigungu mara ya phiri,uwe unaambadze dzuruye kwa vira vyokuvugura matso,chigungu achinena ,ni mberha.'' ¹⁸Banhi Ayahudi taaaya kiri kukara,wakara nichigungu naye akaphaha kuona mpaka phoanhya ,avyazie yuya wepata kuona.¹⁹Achiuza avyazie,Dze hiyu mwana wenu wavyarwa chigungu?akawedza kuona?'' ²⁰Avyazie achijibu,adainena,unamanya kukara hiyu ndiye mwana wenhu,tsona kukara wavyarwa chigungu. ²¹Kwa jinsi gani aweza kuona,taumanya na iye we mvugura matso taumumanya,muuzeni iye mwenye,ni mtu mvyere;andadzinenera iye mwenye.''²²Avyazie aganena higo kwa kukara aagopha mayaudi.Kwa kukara Ayahudi akasikizana kukara mutu achirukiri kukara ni Yesu kristo anda twanywa n'sinagogi. ²³Kwa sababu hino,avyazie anena,Ni mutu mvyere muuzani iye mwenye.''²⁴Banhi achimwiinha mara ya phiri ya mutu yekara chigungu achimwambira,Muphe mrungu utukufu.swiswi unamanya mutu hiyu ni mwenye ubananzi.'' ²⁵Yuya mutu achiajibu;kukara iye ni mwenye ubananzi simauya Nimanyaro neno mwenga,kukara mimi kara n'chigungu na sasa naona.''²⁶Banhi achimuuza,''Wa kwenderani?Wakuvugura matso viphi?'' ²⁷Achijibu,N'ka kwambirani kare,namwi tamyasikiza!mbona mnaronda kusichira tsona?Mwimwi namwi mnaronda kukara anafunzie?sivyo? ²⁸Banhi achimraphiz achimwambira,Uwe u mwanafunzi ngwa wa iye.Swino uanafunzia Musa. ²⁹Unamanya kukara Mrungu wa nena na Musa era yuya taumanya arako.''³⁰Yuya mutu achijibu,achiaambira,Hicho n'chimako kukara mwino tammanya arako naye wanifugura matso. ³¹Unamanya Mrungu kaasikiza enye ubananzi;era ichikara mutu ana mwabudu na kugahenda mahenzo ge iye humsichiza.³²Angu kuaruka urimwengu taudza mbwesichirwa kukara mutu akavugura matso ga chigungu cheye vyara hali hiyo. ³³Ichikara iye kaya turukira kwa mrungu,kandaturya kuhenda neno rorosi.'' ³⁴Achimjibu achimwambira,Amba uwe wavyarwa ndani ya ubananzi mtuphu,nawe unaufunza swiswi?Ndipho phomzora kodze ya sinagogi.³⁵Yesu achisikira kukara amturuza kondzeya ya sinagogi Achimwona achimwamba uwe unamkiri mwana wa mutu? ³⁶Naye achijibu achinena ,Ni ani Bwana niphahe kumkiri? ³⁷Yesu achimwambira,ukamwona,na iye unenaye iye ndiye. ³⁸Yuya mutu achinena,''Nakiri Bwana ''Ndipho achimchitira magoyo.³⁹Yuya achinena,Mino nakwedza himu urimwenguni kwa mwamuro kusudi hino ao soona aone,nao aonao akare vigungu. ⁴⁰Mafarisayo anjina okara phamwenga naye achigasikira higo achimuuza.swiswi u vigungu? ⁴¹Yesu achiaambira ichi kara mwakara vigungu,tamngekara na ubananzi.Phabi hivyo mnenavyo''unarara;ubananzi wenu undani yenu.''

¹Amini,Amini naambirani,iye seinjira kutsapira myango wa chaaa ra mang'ozi era anatsapira kwa njira ya njina,mutu hiye ni mwivi na mfyakasi. ²Iye atsapiraye kwa mnyangoni iye ni mrisa a mangonzi.³Kwake mrinzi wa myanga humvugurira.Mangozi husichira rakare na huachinhya ng'ozize kwa madzina gao na kuaravya kond'ze. ⁴Hipho phoaravya kondze ario akwe,huarangoza,na mangozi gachimrunga,kwa sababu anarimanya rakare.⁵Taanda mrunga mdzjeni era andamwephuka kwa kukara taayarimanya rakare mdzjeni.'' ⁶Yesu achinena ndarira hino kwao,lakini wagayiswa na mambo iga kara achiakokotera kwao.⁷Yesu achiambira t'sona Amini,Amini nakwambirani.Mino ni myango wamang'ozi . ⁸Osi ariatangurira ni erina afyakasi era mang'ozi taayaasikiza.⁹Mino ni mnyango,yeyosi ainjiraye kutsapira kwangu andakamborwa,andainjina ndani na kuturuka,naye andaphweha malisho. ¹⁰Mwivi kedja era kuiya,kuoraga na kubananga.Ni kedza ili kwamba aphahe uzima na akare nao munji.¹¹Mino ni mrisa mnono.Mrisa mnono uuravya moyowe kwa ajiri ya mangonzige. ¹²Mheda kazi we ajiriwa na siye mrisa,na ng'ozi sigakwe huona diya mwitu akedza hugaricha mangonzi na achiruka mairo. ¹³Na diya mwitu huagwira achiatimua.Huchimbira kwa sababu mtumishi wa ajira kaajili mang'ozi.¹⁴Mimi ni mrisa mnono,na naamanya ario angu,na ario angu ananimanyamini. ¹⁵Baba ananiamanya,nami nammanya Baba,nami nauravya uhai wangu kwa ajili ya mang'onzi. ¹⁶Ninago mang'ozi manji ambago si a zizi hiri .Inanihusu niarenhe imu,nao andarisikira raka rangu iri kwamba phakare na kundi mwenga mrisa mmwenga.¹⁷Hino ndiyo sababu Baba ananimendza;Niuravye uhai wangu chimara iuphanhe t'sona. ¹⁸Takuna ndeye utsukura kura kwangu,era mino nauravya wenye.Ninaombwa wabu wa kuuravya,na ninao ukuru wa kuu kuutsukura viratu .N'karophocheragizo hiri kura kwa Baba.''¹⁹Mgawiso wa turukira tsona kanhi ya Ayahudi kwa sababu ya neno hiri. ²⁰Anji ao achinena ,Anapepho na koma.Kwani kumsikiza?'' ²¹Anjina achigana,Iga si maneno ga mutu cheye charukwa nipepho.Pepho rinaturya kuvugura matso cha chipofu?''²²Ndipho yafika ira sikukuu ya kuikwa wakfu Yerusalemu. ²³Kara ni mida ya penha,na kara yesu achimyendeka hekaluni phenye ukumbi we salemani. ²⁴Ndipho Ayahudi achimzunguka na achimwambirani.²⁵Yesu achiajibu ,nikakwambirani lakini tamya Amini kazi ni zihendazo kwa dzina la Ise yangu hizo zinanishahadi ya dzuru yangu. ²⁶Hata hivyo tamkiri kwa sababu mwimwi si mangozi gangu mang'ozi gangu ganaimanya sauti yangu.Naamanya nao anirunga mino.²⁷Hivyo tamkiri kwa sababu mwimwi si mangozi gangu mang'ozi gangu ganaimanya sauti yangu.Naamanya nao anirunga mino. ²⁸N'kaapha moyo wa kare na kare,taandaangamia kamwe,na takuna nde turya kua tsukura mikononi mwangu.²⁹Baba yangu yenipha hao ni mkuru kuriko anjina osi,na takuna hata mmwenga aturuye kuatsakura kura mikononi mwa Baba. ³⁰Mimo na Baba uamwenga.'' ³¹Achirsora madjiwe amphonde tsona.³²Yesu achiajibu,tayari n'kaaonyesa kazi ninji nono kura kwa Baba.Kwa kazi ziphi kanhi ya hizo mnaronda kuniphonda madzjwe?'' ³³Ayahudi achijibu,Taukuphonda kwa kazi yoyosi yo kara nono,era kwaa kukufuru ,kwa sababu uwe uriye mutu,unadzjihenda kukara mrungu.''³⁴Yesu achiajibu,Taikaandikwa katika sheria yenu.Nenena.Mwimwi mwi mirungu'''?'' ³⁵Ichikara aha hinhya mirungu,kwa ra ambao neno ra mrungu rika ajirira (na maandiko tagaweza kuvundzya), ³⁶Mnanena dzuru ye yuya ambaye Baba amravya na achimhuma urimwenguni,''Unakufuru kwa sababu na nena mino ni mwana wa Mrungu'?³⁷''Ichikara sihenda kazi za Ise yangu,msinikiri. ³⁸Vivyo hivyo,ichikara nazihenda,hata ikarapho tamnikiri,zikirini kazi iri mwendze kumanya na kumanyiswa kukara Baba a ndani mwangu nami ni phamwenga na Baba. ³⁹Achijaribu tsona kumgwira yesu Era achimihya vyake kura mikononi mwao.⁴⁰Yesu wamihya tsona nga'mbu ya yordani,phahala ambapho yohana kara achibatiza kwandza,na achisagara iko. ⁴¹Atu anji achedza kwa Yesu.Achienderera kunena N'kweri Yohana kakaenda dali yoyosi,era mambo go gonena yohana dzuru ya hiyu mutu ni kweri. '' ⁴²Atu anji achi mkiri Yesu hipho.

¹Mutu mmwengwa dzjinareLazaro kara yu mkongo aturukira Bethania,kidzizjcha Mariamu na dadiye Martha. ²Kara ni Mariamu yuya we mphaka mafunha maguruni gakwe kwa nywere ze ambaye nduguye Lazaro yu mkongo.³Ndipho ano dada airi wophirika udzumbe kwa Yesu uchinena,''Bwana,tunza yuya ummendzaye yu mkongo.'' ⁴Yesu phosichira achinena ukongo huno si wa kufwa,lakini badalaye ni ajili ya utukufu wa mrungu iri kwamba mwana wa mrungu aphahe kutukuzwa kwa ajili ya hura ukongo.''⁵Yesu aamendza Martha na dadiye na Lazaro. ⁶Phosichira kukara Lazaro ni mkongo,Yesu wasagara siku mbiri zaidi phahali phokara. ⁷Ndipho baaada ya hiri achiaambira anafunziem,Umiyeni uyahudi tsona.''⁸Anafunzie achimwambira Rabi Ayahudi kara achijaribu kukuphonda maawe,nawse unaronda kuuya iko tsona?'' ⁹Yesu achiajibu,sasa za mutsi ni mrongo mmwenga na mbiri.Mutu achinyendeka na mutsi kadzikwara kwa kukara anawona mngaro wa mutsi.¹⁰Era achiphiya usiku andadzikwara kwa sababu ngaro taumo ndaniye. ¹¹Yesu achinena mambo higo,tsona bada ya higo,achiaambira msena wenhu Lazaro arere era naphiya nkamramuse kura usingidzini.''¹²Anafunzie achmwambira Bwana ivhikara arere andaramuka. ¹³Yesu wakara achirandara mambo ga chifo cha lazaro,lakini ao achifikiria arandura mambo ga kurara usingidzi. ¹⁴Ndipho yesu achiambira waziwazi Lazaro akafwa.¹⁵Nami naererwa dzuru yenu,kwa kukara sikakarapho kura ili mphahe kuamini,uminhiyeni kwakwe.'' ¹⁶Banhi Tomaso ainhwaye Batsa,achiaambira anafunzi ayae,upmhiyeni naswi kusudi ufwe phamwenga naye.''¹⁷Yesu phofika,wamkuta lazaro akamara dzasikunne mbirani. ¹⁸Na Bethani kara iphephi na Yerusalemu kadiri ya kilomita mirongo mine na tsano. ¹⁹Na atu anji kanhi ya Ayahudi akedza kwa Martha na Mariamu kusudi aafariji kwa chifwa cha mwanao wao. ²⁰Banhi Martha phosikira kukara Yesu edza,wamphiya kumchinjira,na Mariamu wakara achisagara kaya.²¹Ndipho Martha womwambira Yesu,Dzumbe kara wakarapho hipha mwenenhu kara kafwa. ²²Era hadi sasa namanya kukara rorosi urivoyaro kura kwa Mrungu andakupha.'' ²³Yesu achimwambira,Mwenenhu andafufuka t'sona.''²⁴Martha achinena,namanya kukara andafufuka kwenye ufufuro siku ya mwisho.'' ²⁵Yesu achimwambira Mimi ndimi huo ufufuro na uzima iye anikiriye mimi hata afwapho andakara anaishi. ²⁶naye chira aishiye na kunikiri kandafwa,Dze!unagakiri igo?²⁷Achimwambira,Naani Bwana mino nakiri kukara uwe ni ndiwe kristo,Mwana wa mrungu yuya edzaye ulimwenguni.'' ²⁸Phomara kunena higo wamphiya vyakwe achimwiinha mwanao Mariamu njamani,achinena,Mwalimu aphapho anakuinha.'' ²⁹Mariamu phosikara,wauka upesi achimphiya kwa yesu.³⁰Naye Yesu wakara kadzamwefika ndani ya chidzidzi era kara achere pharatuphara ariphochinjirwa n'martha. ³¹Ndipho Ayahudi ario karapho na mariamu kaya achimfariji,phomwona vira vyouka upesi na kuturuka,amrunga,achiona kukara anamphiya mbirani kusudi akaririre iko. ³²Ndipho Mariamu phofika phara phokara Yessu na kumwona,wagwa phapkwe maguruni,Achimwambira Bwana kara uphapha hipha mwenehu karakafwa.''³³Yesu phomwona achiririra,na hara Ayahudi omrunga na anarira,waomboteza mwake rohoni na achifadhaika; ³⁴Achiuza,Mkamwika kuphi?achimwambira Dzumbe nd'zoo urore.'' ³⁵Yesu achirira.³⁶Ndipho Ayahudi phonena Rorani vira vyommed'za!'' ³⁷Era Anjina ao annena ,Dze!hiyu seyenifwenura matso yuya chipofu,katurya kumuhenda na hiyu mutu asifwe?''³⁸Ndipho yesu hali anasoneneka tsona moyoni,wamiphiya phenye mbira.Nayo kara nipango na dziwe rikaikwa dzuruye. ³⁹Yesu achiambira,Rihuseni dziwe,Martha mwanao wa yuya ariyefwa achimwambira,''Bwana hipha sasa mwiriukaora kwa kukara mfu kwa siku n'ne.'' ⁴⁰Yesu achiaambira,mino sika kwambira kukara uchikiri undaonautukufue Mrungu?''⁴¹Hivyo achiriusa rira dziwe,Yesu achiinura matsoge dzulu,achinena,Baba wakutogora kwa kukara unanisikiza. ⁴²Nami namanya kukara unaniskira mara zosi,era kwa dzuru ya kutano hiri ririro hipha roni zunguka nanena higa kusudi Amini kukara ndiwe wenihuma.''⁴³Phomara kunena higo,achiinha kwa raka ra dzuru Lazaro ndzoo hiku kondze!'' ⁴⁴Yuya ariyefwa achituruka konze,akafungwa sanda maguruni na mikono,usowe ukafungwa Leso.Yesu achiaambira mvugureni mumriche amphiye vyakwe.''⁴⁵Banhi Ayahudi anji wokwedza kwa Mariamu nakugaona gara gogahenda yesu achimwamini; ⁴⁶Era anjina amimphiya vyao kwa Mafarisayo achiaambira gogahenda Yesu.⁴⁷Banhi akuru a Avoyezi na Mafarisayo achihenda mkutano,achinena''Uendzeje?mana mutu hiyu anahenda dalili nyinji. ⁴⁸Huchimricha hivi macheye,atu osi andamkiri,na Arui andakwedza,andauhusira phahali penhu na taifa renhu.''⁴⁹Mutu mmwenga kanhi yao,kayafa,yekara Mvoyezi mkuru mwaka huo achiaambira,mwino tammanya neno rorosi kabisa. ⁵⁰Wala tamfikiri kukara kwa ajili yenu,inafaa mutu mmwenga afwe dzulu ya atu kusudi isihangamike mbari yosi.''⁵¹Ni neno hiro iye kayarinena kwa ajiliye wenye badalaye kwa kukara waraka Mvoyezi mkuru mwaka huo,watabiri kukara Yesu andafwe kwa dzuru ya mbari; ⁵²Wala si dzuru ya mbari macheye era phamwenga na iyo yesu,viratuvira aaikephamwenga ana a mrungu woganyikana akare phamwenga. ⁵³Kwahiyo kwaanzira kwa siku hiyo aandaa kupanga kumuoranga Yesu.⁵⁴Hivyo yesu kayanyendeka tsona kwa wazi kanhikanhi ya Ayahudi,waturuka hiko achimphiya phakali phephi na nyika kanhi ya mudzi wiihwao Efraimu achisagara hipho na anafunzie. ⁵⁵Na pasaka ya Ayahudi yakara phephi,na anji achiamuka kumphiya Yerusalemu kondze ya mujdzi kusudi adzitsukutse enye.⁵⁶Kara achimuenza Yesu,achiuzana hali akaima hekaluni Mnaonadze?kanda kwedza sikukuu hino?'' ⁵⁷Na akuru a Avoyezi na Mafarisayo akara anaamuru kukara mutu achimwona aripho arehe udzumbe kusudi akamgwire.

¹Siku tanhu kabla ya pasaka yesu wamphiya Bethania,Phokara Lazaro,iye ambaye Yesu wamfufura kura mzukani. ²Achimwandaliya chakurya cha jdzironi na Martha achihumika na Lazaro wakara mmwenga wao wa ara osagara chakuryani phamengwa na Yesu. ³Kisha Mariamu achihara ratili ya marhamu ya narido nyereru yenye thamani nyinji ,achimpaha yesu maguruni,na achimphangusa kwa nyereze.Nayo nyumba viratu ichiodzara mzingo wa marhamu.⁴Yuda Iskariote,mmwenga wapho wa anafunzie,ambaye ndiye arondaye kumtongeya achinena, ⁵''Kwani marhamu hino taiyaguzwa kwa dinari mirongo mianhu akawephwa achiya.?'' ⁶Nage wanena hivyo sikwa kura anaaonera mbazi achiya,era kwa kukara n'mwivi,iye ndiye yegwira mkoba,achivihara vyotiywa hino kwa ajiliye mwenye.⁷Yesu achinena,Mriche agaike kwa siku ya maziko gangu. ⁸Ayi mnao phamwenga sikuzosi,era mimi tamnami sikuzosi.''⁹Banhi atuanji kanhi ya Ayahudi,aphanha kumanya yesu ahiko;nao achedza si kwa dzuruye yesu era amwone Lazaroambaye Yesu wamfufura kufwani. ¹⁰Nao akuru a Avoyezi achihenda njama ya kumuoraga Lazaro; ¹¹Maana kwa dzuru iye anji kanhi ya Ayahudi a minhya vyao na achimwamini Yesu.¹²Nayo siku ya phiriye atu anji wakwedza kwa sikukuru phosichira kukara Yesu aredza Yerusalemu. ¹³Achihara panda za mitende,achituruka kondze achenda mchinjira achipiga makururu,Hosana ndiye ariyejaliwa edzaye kwa dzina ra Bwana Dzumbe ra Israeli.''¹⁴Naye yesu wamkwera mwanapunda,achimkwera,dza vira vyoandikwa, ¹⁵Usiogophe binti sayuni;Rora Dzumbero reredza akakwera mwana- punda.''¹⁶Mambo higo anafunzie taagamanya hipho awali,era Yesu photogorwa,ndipho phootambukira kukara waandikirwa iye mambo igo nakukara wakagaenda mambo higo kwake.¹⁷Banhi wa mkutano wokarapho phamwenga naye phomwiinha Lazaro kura mbirani,achimfufura,wamshuhuiya kwa anji. ¹⁸Kara ni dzuru ya higo makutano gamphiya kumchinjira kwa kukara asikira kukari waienda dalili hiyo. ¹⁹Mafarisayo achikokoterana enye kwa enye.Mnaona kukara tamtuya kuenda rorosi,rorani urumwengu unamrunga iye.''²⁰Phakara na Ayahudi kanhi za atu phominhiya kuabudu phenye sikukuru. ²¹Hao achimrunga Filipo ,mutu wa Betsaida ya Galilaya,achimvoya,achinena,Bwana swino unaronda kumwona Yesu.'' ²²Filipo achimphiya ,achi mwambira Andreya:Andreya na Filipo achimwambira Yesu.²³Naye yesu achiajibu,achinena,ssa ikafika kwa ajiliye mwana wa Adamu atogorwe. ²⁴Amini,amini nakwambirani,tembe ya nganu isiphogwa photsi,ikafwa;inasagarama hali iyo macheye era ichifwa,huturuza uvyazi munji.²⁵Iye au mendzaye moye we andaungamiza;naye auziraye moyowe urimwengu huno andakombora hadi uzima wa kare na kare. ²⁶Mutu yeyosi achinihumikira mino;na anirunge:nami ni ripho,ndipho na mwendadzikazi wangu ndophokara.Tsona mutu yeyosi achinihukumkira Baba andamuheshimu.²⁷Hivi sasa moyo wangu ukayugika;nami niaambeze?Baba uniokore kwa sasa hii?.Era n'kwa kusudi hii ndipho nikaifikira saa hino. ²⁸Baba rikaze dzina-ro;Banhi richedza raka kura mbinguni ichenena N'karikuza nami nindarikuza t'sona.'' ²⁹Banhi mkutano urioima phephi naye uchisikira,na uchinena kukara kunavuma,anjina achinena,raraika rikanena naye.''³⁰Yesu achajibu achiaambira,Raka hiro tariyakarapho kwa dzuru yangu ,era kwa dzuru yenu. ³¹Sasa uamuvo wa urimwengu huno uphapho;sasa mkuru wa urimwengu huno andatsuphiwa kodze.³²Nami nichiinurwa dzuru ya ntsi,nindaaguruta osi kwangu.'' ³³Wanena igo kusudi aonetse ni chifo cha viphi ndochomworaga.³⁴Makutano achimjibu,swino wasikira ndani ya taurati kukara kristo andaishi hadi kare na kare.Uwe unaambadze kukara ikamuhusu Mwana wa Adamu kuunurwa?Hiyu mwana wa Adamu ni ani? ³⁵Yesu achiaambira,Ng'aro icheerepho phamwenga namwi mida chidide.Miphiyani hali mchere na ng'aro hivyo jiza risedze rika awedza kwa kukara amiphayaye jizani kamanya amiphiyako. ³⁶Mchene nao Ng'aro ,ikirini ng'aro hivyo kusudi mkare ara a ng'aro.Yesu wanena higo chimara achimpiya vyakwe achidzfitsa asimwone.³⁷Dzabwe Yesu wahendwa dalili nyinji dza hizo mbere zao,taayamkiri ³⁸Kusudi rikamirike neno ra mborha isaya rori nena ,''Bwana ni ani iye wesadiki habari zenhu;Na mkono wa Bwana wafwenuriwa ani?''³⁹Ndiyo sababu hao taa ya mkiri,Isaya wanena tsona, ⁴⁰Akaapofura matso,akaihenda mifu myoyo yao,Asedze akaona kwa matso gao.Asedze akamanya kwa myoyo yao,akakomborwa nami n'kaaphoza.''⁴¹Isaya waganena maneno igo,kwa kukara wawona ukuruwe Yesu na achinena habari ze. ⁴²Hata akuru anji amkiri Yesu,kwa ajili ya Mafarisayo anji na ao Taayamkiri asedze akasezwa phenye sinagogi. ⁴³Amenza togo za anadamu kuriko togo za mrungu.⁴⁵Naye Yesu achinena na raka ra dzuru,Iye anikiriye mimi,kanikiri mimi tu era na iye yenihuma, ⁴⁴Naiye we nirora mimi am rora iye yenihuma.⁴⁶Mino nakwedza dza mng'aro ya urimwengu kusudi chira anikiriye mimi asikare jizani. ⁴⁷Na mutu achisikira maneno gangu,asigagwire mimi imuhukumu kwa kukara sedze kuhukumu urimwengu era ni wokore urimwengu.⁴⁸Iye aniremaye mimi,asiyegamendza maneno gangu,anaye amuamurye;neno hiro rorinena ndiro rirondaro kumuamura siku ya mwisho. ⁴⁹Kwa kukara mino sikanena kwa moyo wangu,era Baba ye-nihuma,iye mwenye waniragiza n'ndagoganena na n'ndago akokotera. ⁵⁰Nami namanya kukara rangi zore ni uzima wa kare na kare banhi higo niganenago mimi,dza Baba vyonirandarira ndigo niganenago kwao.''

¹Banhi kabla ya sikukuu ya Pasaka,Yesu hali anamanya kukara saa ye ikafika ndoyo turuka urimwenguni kumphiya kwa ise,naye hali anaamendza atue urimwenguni aame-ndza hadi tsikomo. Iye shetani naye karaakai kwa tayari kumwinjira Yuda ²Iskariote,mwana wa simoni Iskariote kumtsongenya Yesu.³Hali yesu achimanya kukara Baba wa mupha vyosi mikononi mwake,na kukara wara kwa mrungu naye andamphiya kwa mrungu. ⁴Aramuka chakuryani na andandika photsi vya zire,achihara chitambara,achidzifunga chununi. ⁵Achitya madzi phenye liga,achianza kuatsukutsa maguru anafunzie,na kuaphangusa chira chitambara chodzifunga.⁶Pho kwedza kwa Simon,petro,jiye achimwambira,Bwana uwe unanitsukutsa maguru mimi?'' ⁷Yesu achimjibu,achinena Nirihendaro uwe kurimanya kwa sasa,era chisa undarimanya.'' ⁸Petro achimwambira,Uwe kundanitsukutsa maguru tsee.Yesu achimjibu,nisiphokutsukutsa kuna umwenga nami.'' ⁹Simon Petro achimwambira,Bwana si maguru gangu baadhi,era na mikono gangu na chitswa changu pia.¹⁰Yesu achimwambira,Iye cheyeoga kana haja ya kuoga era maguruge,na ni mwereru mwiri we wosi;namwi mkakara ereru era simwi mosini mkakara ereru.'' ¹¹Kwa kukara wamumanya iye ndege mtsogeya ndiyo mana wanema,si mwimwi osi mrio ereru.''¹²Banhi phomara kwatsukutsa maguru na kugahara mavwazi ge na kusagara tsona,achiaambira.Dze! Mkagatambukira higo n'chogokuhendereni? ¹³Mwimwi mnaniinha,Mwalimu,na Bwana,namwi mnanena vinono,kwa kukara ndivyo ni rivyo. ¹⁴Ichikara mino niriye Bwana na Mwarimu,ninakutsukutsani maguru,Ikakulazimuni vivyo kuutsukutsana maguru ayaenu. ¹⁵Kwa kukara n'kakuphani chielelezo kusudi dza vira ri'rivyokuhenderani mhende dza mino vyohenda.¹⁶Amini, Amini nakwamirani mwimwi,Msunye si mkuru kuriko Bwana mwee.walaiye wehumwa si mkuru kuriko iye cheyemuhuma. ¹⁷Mchigamanya higo,namwi mchigaenda,mkabarikiwa. ¹⁸Sinena dzuru yenu mwimwi mwosi,kwa kukara naamanya hara niriosatsambura,era naganena higa kusudi andiko rikatimirizwe.Aryaye mikanhe wangu,akanilinurira jimbere-che.'¹⁹Na kwambirani kablatagadzambwe kwedza,kusudi garapho kwedza mkiri kukara mimi Ndimi. ²⁰Amini, Amini iye aniphocheraye mimo,huphochera iye nimuhumuye na iye aniphocheraye mino humpochera iye we-nihuma mimi²¹Phonena higo,Yesu wayugika moyoni,achishuhudiya achinena,nakwambirani,Mmwenga wenu andantsongeya.'' ²²Anafunzie achirorana,achikara na shaka na ni amuhadzaye.²³Akarapho mmwenga wa anafunzie,akagandamira chifuwani pha Yesu ambaye Yesu wammendza. ²⁴Simon Petro achimuuza yuya mwanafunzi,achinena Uambire n'yuphi ambaye kwake amranduraye?'' ²⁵Mwanafunzi yuya cheye mrarira Yesu chifwani che achimwambira''Bwana ni ani?''²⁶Banhi Yesu achijibu,ni yuya ndiye mtsosera donjera chipande cha mkanhe na kumupha.Hivyo phochovya mkanhe achimupha yuda mwana wa Simoni Iskariote. ²⁷Na baada ya hiro donje shetani achimwnjira,Banhi Yesu achimwambira,chira ambacho unaronda kuchihenda chiende upesi.''²⁸Wala takuna mutu kunhi ya hara ariosagara chakuryani yemanya chisa cha kumwambira hivyo. ²⁹Anjina afikiria,yuda ni mtsukura mfuko,chere Yesu wamwambira kara,Gura unavyovironda kwa jiliya sikukuu ama anapaswa aaphe chitu maskini. ³⁰Banhi Yuda phomara kuphochera rira donje,aturuka konje haraka na kara ni usiku.³¹Mida Yuda photuruka,Yesu wanena sasa mwana wa Adamu akatogorwa,naye murungu akatogorwa ndaniye. ³²Mrungu andamtogora dza iye,iye mwenye. ³³Mwino anache adide, ni phamwenga nami chitambo chidide mndanihenza,dza vira vyoaambira Ayahudi,kukara N'miphiyako mwino tamturya kwedza,viratu vira na kwambirani mwimwi vivyo.³⁴Ragizo dziphya na kuphani,Mmendzane,Dza vira n'rivyokumenzani mwimwi,na mwimwi mmenzane mwimwi na mwimwi mmenzane vivyo hivyo. ³⁵Kwa ajili hiri atu andatambukira kukara mwimwi nuanafunzi angu,mchikara na umendzo mwimwi kwa mwimwi.''³⁶Simoni petro achimwambira,Bwana unamiphiyaphi?Yesu achi achijibu,N'phiyako kuturya kunirunga hipha sasa era undanivunga halafuye.'' ³⁷Petro achimwambirani,Bwana kwani nisikurunge kwa sasa?Mino nindauravya uzima wangu kwa dzuru yo uwe. ³⁸Yesu achijibu,Petro''Uwe undaravya uzimao kwa dzuru yangu?Amini Amin nakwambira Dzogolo tarinda ika hadi uwe phokara ukanirema kano tanhu.''

¹Msiyugike mwenu myoyoni,mnamkiri mrungu,nikirini na mimi. ²Kaya pha Baba,yangu phana makao manji,kara sivyo n'kakwambirani,kwa ukara namphiya nikakutengereni phahali. ³Banhi mino nichiphiya na kuatengezera phahali,n'ndakweza tsona ni kukaribisheni kwangu,kusidi niripho mimi namwi mkarepho.⁴Mnaimanya njira ya phahali ni miphayako!'' ⁵Tomaso achimwambira,Bwana taumanya umphi yako,Dze unaimanyate njira? ⁶Yesu achiaambira ,Mino ndimi njira,kweri na uzima,mutu kedza kwa Baba,era kwa njira ya mimi. ⁷Ichikara mwanimanya mimi vivye mnammanya na Baba yangu kuanzira sasa mnammanya tsona mkamuona.''⁸Filipo achimwambira,Yesu,Bwana uwonyese Baba inautosha.'' ⁹Yesu achiaambira,sikakarapho phamwenga namwi kwa siku si nyinji,namwi tamnimanya Filipo?Ariyeniona mimi akamwona Baba!Uwe unaambadze wonyese Baba?¹⁰Tamkiri kukara mino ni ndani ya Baba na Baba ndani yangu?Higo maneno n'kwambiragoni mino sikaganena kwa kumendza kwangu,era Baba akaraye ndani yangu huzienda kazize. ¹¹Niamini kukara ni ndani ya Baba na Baba andani yangu,vivyo nikirini kwa dzuru ya kazi zangu.¹²Amini,amini,nakwambirani,Iye anikiriye mimi,kazi nizihendazo,iye naye andazihenda,na andahenda kazi kuru kwako kwa kukara mino nampiya kwa Baba. ¹³Mchivoya chochosi kwa dzina rangu,ninda chihenda kusudi Baba atogorwe ndani ya mwana. ¹⁴Mchivoya neno rorosi kwa dzina rangu nindarihenda.¹⁵Mchinimedza,mndagagwira maragizo gangu. ¹⁶Nami nindamvoya Baba naye andakuphani mteyadzi wanjina ilikwamba akare namwi kare na kare, ¹⁷Roho wa kweri,urimwengu tauturya kumphochera kwa kukara taumwona wala kummanya era mwimwi mnammanya kwa mana anakara kwenu naye andakara ndani yenu.¹⁸Sindakurichani anaachiya nindakwedza kwenu. ¹⁹Kwa chitambo chidide,urimwengu taundaniona tsona,era mwimwi mndaniona kwa kukara ni moyo mimi namwi mndakara moyo. ²⁰Siku ira mwimwi mndamanya mndatambukira kukara mino ni ndani ya Baba yangu,namwi mndani yangu nami ndani yenu.²¹Yeyosi agwiraiye maragizo gangu na achigahenda,naye animenzaye andamenzwa N'Baba yangu yangu,nani nindammenza na kudzionyesha kwakwe.'' ²²Yuda (siye Iskariot)achimwambira,yesu,Bwana indakaradze uchidzionyesha kwenhu,wala si kwa urimengu?²³Yesu achijibu mutu achimendza,andarigwira,andarigwira eno rangu Baba yangu andammenza,naswi undakwedza kwakwe na kuhenda masagazi phamwenga naye. ²⁴Yeyosi asiyenimenza,iye kagagwira maneno gangu,naro neno mnarorisikira siro rangu,era Baba we nihuma.²⁵N'kaganena mambo higa kwenu,bado ni phano n'ripho kwenu nchisagara namwi. ²⁶Era hiye mte yadzi,hiye Roho mueri,ambaye Baba andamrenha kwa dzina rangu,andakufunzani gosi na kukutambukizani gosi n'rigo kwambirani. ²⁷Salama nakuphani,salama nakurichani.N'kuphanivyo mimi sivyo urimwengu uravyaro.Musiyugike myoyoni mwenu,wala msikare na woga.²⁸Mwasikira vira vyokwambirani,Namphiya vyangu tsona n'ndauya kwenu.kara mnanimendza mimi,mngekara na kuhererwa kwa kukara namphiya kwa Baba Mana ni mkuru kuriko mimi. ²⁹Sasa n'kakwambirani kabla taridzambwe turuka,kusudi riturukapho mkiri. ³⁰Sindanena namwi maneno manji,kwa kukara aredza mkuru wa Dunia mino wala kana nguvu dzuru yangu. ³¹Era banhi u mwengu umanye kukara nammendza Baba,Nahenda Baba vyoniragiza mimi,dza vira vyonipha ragizo unukani uuke phahali hipha.

¹Mino ndimi mzabibu wa kweri,na Baba yangu ndiye mkurima wa zabibu. ²Chira panda ndani yangu soyovyara,n'kuyisa nachira panda ivyarayo huisafisha kusudi yengereze kuvyara.³Mwimwi makakara ereru kare dzuru ya rira neno n'rirokwambirani. ⁴Sagarani ndani yangu,nami ndani yenu.Dza rira panda sovyoturya kuvyara macheye,sophokara ndani ya mzabibu vuratu vira namwi sophosagara ndani yangu.⁵Mino ni mzabibu,mwimwi mpanda.Asagaraye mwangu ndani,nami mwa kwe ndani,hiye huvyara muno,kwa kukara phasipho mimi mwimwi tamturya kuhenda neno rorosi. ⁶Mutu yeyosi seyesagara ndani mwangu,hutsuphwa dza panda na kunyara,atu huzikusakusa na kuzitsupha mohoni na kuphya. ⁷Mwimwi mchisagara ndani mwangu,na maneno gangu gachisagara mwenu ndani,voyani rorosi m'rirondaro namwi m'ndahenderwa.⁸Kwa hiro Baba yangu akatogorwa kwavira mvyaravyo matunda manji namwi mndakara anafunzie angu. ⁹Dza vira Baba vyoni mwendza mino,nami n'rivyo amendza mwimwi sagarani umenzoni mwangu.¹⁰Mchigagwira maragizo gangu,mndasagara umenzoni mwangu Dza viramini vyogagwira maragizo ga Baba yangu na kusagara umenzoni mwakwe. ¹¹Higo n'kakwambirani kusudi kuhererwa kwangu kukare mwenu ndani na kuhererwa kwenu kakamilishwe.¹²Ragizo rangu ni hiri kukara,Mmenzane mwimwi kwa mwimwi dza vira vyokumenzani mwimwi. ¹³Takuna mutu ariye na umenzo munji kuriko huno,kwa mutu kuuravya uzimawe kwa dzuru ya asenae.¹⁴Mwimwi muasena angu,mchigahenda gokuragizani. ¹⁵Sikwihani asunye,kwa kukara msunye kamanya ahendaro bwanawe,Mwimwi nakuiihani asena,kwa kukara gosigogasikira kwa Baba yangu rikakumanyisani.¹⁶Tamkanitsambura mimi,era ni mimi yeatsambura mwimwi nami nkaaika mphiye mkavyare matunda na tunda renu rikarepho kusudi rorosi mumvoyaro Baba kwa zina rangu andakuphani. ¹⁷Higa ninakuragizazani kusudi mmendzane chira mutu na myawe.¹⁸Ichikara urimwenguni undakuzirani,mmanye kukara ukanizira mimi kabla ya kuazira mwimwi. ¹⁹Dza mkakara a urimwengu,urimwengu unge kumendzani dza mrio akwe,era kwa kukara mwimwi simiri a urimwengu,sophokara mino naatsamburani kura urimwenguni kwa chisa hicho urimwengun ukakuzirani.²⁰Ritamburikeni rira neno rokwambirani si mkuru kuriko bwana we,Ichikara anisononesa mimi,andakusononesani mwimwi,ichikara arigwira rangu,andarigwira na renuvivyo. ²¹Iga gosi andakuendereni kwa dzuru ya dzina rangu,kwa kukara taamumanya iye wenihuma. ²²Kara sikwedza na kuambira,asingalihenda ubananzi.era sasa taana udhuru ya ubananzi wao.²³Aniziraye mimi,humzira na Baba pia. ²⁴Ichikara siyahenda kazi kwao asozihenda mutu wanjina weienda angekara taana ubananzi,era sasa waenda gosi mairi akamanya akamizira Mimi na Baba yangu. ²⁵Era rino rikaendeka kusudi rikamirike rira neno roandikwa ndani ya tourati,''Ananizira bure''.²⁶Era edzapho hiye mteyazi ambaye nindamragiza kwenu kukara kwa Baba,hiye ndiye Roho wa araye kwa Baba iye andanishuhudiya. ²⁷Namwi pia mnashuhudiya kwa kukara,mkakara phamwenga nami angu mwandzo.

¹Maneno higo rika kwambirani msedze kugayiswa. ²Andakutanyani ndze ya Masinagogi,saa iredza ambayo chira aaoragaye andafikiri anaenda kazi nono kwa ajiliye Mrungu.³Na higo andakuhendereni kwa kukara taayamanya Baba wala mino. ⁴N'kakwambirani mambo iga,makusudi saa ira indaphopkwedza mgatambukire kukara mino n'kakwambirani.Siya kwambirani higo angu aali kwa kukara njakara Phamwenga namwi.⁵Era,vino sasa namphiya vyangu kwakwe iye yenihuma,wala takuna mmwenga wenu aniuzaye unamphiyaphi?'' ⁶Kwa kukara n'kakwambirani maneno igo sonono ikakuodzarani mwenu mioyoni. ⁷Nakwambirani garigo kweri,ni vyema kwenu nichiuka kwa kukara mino sophouka,hiye Mteyadzi kandakwedza kwenu,era mimi n'chimphiya vyangu nindamhuma kwenu.⁸Naye achedza hiye andauhakikishia urimwengu dzuru ya ubananzi,dzuru ya haki na dzuru ya uamuri. ⁹Kwa dzuru ya ubananzi kwa sababu taayamkiri mimi. ¹⁰Dzulu ya haki kwa kukara mimi namphiya vyangu kwa Baba,wala tamniona tsona; ¹¹dzuru ya uamuri kwa kukara mkuru wa ulimwengu huno akaamuliwa kare.¹²N'cherenago manji ga kukwambirani,era sasa tamturya kugavumirira. ¹³Sophokara iye Roho wa kweli phokwedza,andakurongozani phenye kweri yosi,kwa kukara kandanena kwa shauriye mwenye,era gosi agasikirago andaganena na mambo gendzago andakumanyisani. ¹⁴Iye andanitogora mimi,kwa kukara andaga tsukura garigo gangu na kukumanyaseni.¹⁵Vitu vyosi navyo Baba n'vyangu,hivyo nanena kukara Roho andat'sukura chira chiricho changu na kukumanyisani. ¹⁶Bado chitambo chidide namwi tamndaniona tsona,na baada ya chitambo chidide namwi mndaniona.''¹⁷Anafunzie anjina achiuzana,N'neno riphi hiri anenara,Bado chitambo chidide namwi tamndamiona,na tsona bado chitambo chidide namwi mndaniona kwa kukara namphiya vyangu kwa Baba?'' ¹⁸Banhi achinen,N'neno riphi hire arinena,hiro,Bado chitambo chidide?Taumanya anenaro.''¹⁹Yesu wamanya kukara anaronda kumuuza;achiaambira,Mnajiuza enye kuhusu hiri vyonena Bado chitambo chidide tamndaniona tsona bado chitambo chidide namwi mndaniona'? ²⁰Amin,amin,nakwambirani,Mndarira na kusononeswa era sonono yenu indagaruka kukara fwahiro. ²¹Mchetu avyarapho ana sononeka kwa kukara saa ye ya kujivurugura ikafika,era achimara kuvyara mwana,kaitambukira tsona hira taabu kwa dzuru ya kufwahirwa kwa kuvyara mwana duniani.²²Mwimwi vino sana na sonoeka,era mino n'ndakuonani tsona na myoyo yenu indahererwa,na takuna akuusiraniye kuhererwa kwenu. ²³Tsona siku hira tamndaniuza neno rorosi.Amini,amini nakwambirani.Mchivoya rorosi kwa Baba,andakuphani kwa dzina rangu. ²⁴Tamdzambwe voya chochosi kwa dzina rangu,voyani namwi mndaphauha,kusudi kuhererwa kwenu kukare kamili.²⁵N'kanena namwi kwa chiunzi,saa iredza ambapho sindanena namwi tsona kwa chiunzi,era rindakuphani waziwazi udzumbe wa Baba.²⁶Na siku hiyo mndavoya kwa dzina rangu,wala sikwambirani kukara mino n'ndakuvoyerani kwa Baba kwa ajili yenu; ²⁷Kwa kukara Baba mwenye anakumendzani kwa kukara mwimwi mkanimedza mimi,na mkanikiri mino nara kwa Baba. ²⁸Nara kwa Baba na nakwedza hipha urimwenguni,tsona nauricha urimwenguni na kumphiya kwa Baba.''²⁹Anafunzie achinena,Roho ndipho unarandura wazi wazi,wala tauumira ndarira yoyosi. ³⁰Vino sasa unamanya kukara uwe unamanya mambo gosi,wala takuna haja mutu akuuze swali, kwa kukara unakiri wara kwa Mrungu. ³¹Yesu achijibu,Dze mnakiri kwa sasa?''³²Rora saa iredza,ndiyo ikedza kare,ambapho mndaganyikana chira mmwenga kwao na kuniricha mimi machiyangu.era si machiyangu kwa kukara Baba aphapho phamenga nami. ³³Nakwambirani higa kusudi mkareto ndani yangu;era Duniani mnayo tabu,era msifwe moyo,mino nikaushinda urimwengu.

¹Yesu wanena maneno higo,chisa achiinura matsoge kuekera mbinguni na achinena,Baba,saa ikafika kare,Mtogore mwanao ili naye akutogore uwe. ²Dza viratu vyomupha udzumbe dzuru ya vyosi vyenge mwiri kusudi odi omupha aphahe uzima wa kare na kare.³Na uzima wa kare na kare ndio huno,akumanye uwe,Mrungu wa macheye wa kweri,na Yesu kristo urimwenguni huma. ⁴Nakutogora duniani hali n'kaimara kazi uriyonipha niihende. ⁵Vino sasa Baba,unitogore mimi phamwenga na uwe mwenye kwa togo hiri nirirokaranaro phamwenga nauwe kabla ya urimwengu taudjzambwe hendeka.⁶Dzinaro n'karimanyisa kwa atu ara anipha hipha Duniani chere ako uchinipha mimi na nenoro arigwira. ⁷Sasa anamanya gosi urigonipha gaturukira kwako, ⁸Kwa maneno gara gonipha mimi,naapha ao,nao achigaphochera,achimanya kweri kukara nara kwako achikubali kukara uwe ndiye wenihuma.⁹Naavoyera hao.Si uvoyera urimwengu era ara urionipha kwa kukara ni ako. ¹⁰Vyosi vyokara n'vyako,naurivyo navyo n'vyangu,nami natogorwa ndani ya hivyo. ¹¹Mimo simi tsona urimwenguni,era ao a urimwenguni,nami sasa n'redza kwako.Baba mueri,arinde kwa dzinaro ronipha,kusudi akare na umwenga dza swiswi uribyo na ummwenga.¹²Phokara phamwenga nao naarinda kwa dzinaro ronipha n'chiatunza wala taphana mmwenga che angamika,kasoro yuya mwaana wa wangamiki,kusudi andiko rikamirike. ¹³Vino n'redza kwako,naganena maneno higa urimwenguni ini kuhererwa kwangu kukamilishwe ndayi yao enye. ¹⁴Naopha nenoro,na urummwengu ukaazira kwa kukara ao sia urumwengu dza vira mimi n'sivyo wa urumwengu.¹⁵Suvoyera kukara uause phenye urumwengu,era uarinde na yuya muyi. ¹⁶Ao si aurimwengu dza vira mimi n'sivyo wa urimwengu. ¹⁷Atsukutse kwako mwenye kwa ira kweri,nenoro ndiyo kweri.¹⁸Wanihuma urimwenguni nami n'kaahuna ulimwenguni. ¹⁹Na dzuru yao nadziika muzamini mwenye,kusudi nao aji zamini kwako kwa ira kweri.²⁰Si ao tu niavoyerezao,era na hao ndonikiri kutsapira neno rao ²¹kusudi akare na ummwenga,dza uwe Baba,urivyo mwangu ndani nami mwako ndani,Naavoyera nao akare mwenhu ndani,kusudi urimwengu ukiri kukara uwe ndiye cheyeni huma.²²Togo ira ira yonipha mimi naapha ao kusudi akare amwenga dza swiswi hurivyo amwenga. ²³Mimi ndani yao,nawe ndani yangu kusudi akarae akakamilika phenye umwenga,nao urimwengu umanye ndiye wenihuma uchiamendza ao dza vyonimenza mimi.²⁴Baba chonipha mimi,naronda akare phamwenga nami phophosi niripho kusudi aione togo yangu,phonipha kwa kura wanimendzi kabla ya kuikwa misinji ya urimwengu.²⁵Baba uriye na haki,urimwengu taukamunya uwe era mimi nakumanya uwe,na akakumanya kukare ndiwe wenihuma. ²⁶N'kahenda dzinaro rimanyike kwao,nanindarimanyisa kusudi imanyike umendzo urioni mendza mimi ukare ndani yao nami n'kare mwao ndani.''

¹Phomara kunena higo,Yesu achiuka phamwenga na anafunzie kuminha ng'ambu ya chidzuko kedroni,phariphokara na chidzimunda na achiinjira himo iye na anafunzie. ²Naye Yuda,yuya ariyeronda kumchongea wamanya dzambo hiro,kwa kukara Yesu wakara achimphiya hiko mara nyinji phamwenga na anafunzie. ³Banhi Yuda phophochera chikosi cha arinzi na ahendadzi akazi kura kwa Akuru aavoyezi achedza achitsuura taa vimwindi na silaha.⁴Naye hali anamanya gosi garondago kumwendzera,achiturufuruka,achiaambira,Ni ani mumwenzaye? ⁵Nao achimjibu,Ni Yesu mnzareth,Yesu achiaambira,''Ni mimi naye Yuda iyeari yenachongeya akaima phamwenga nao askari.⁶Banhi phoaambira,Ni mimi,auya nyuma achigwa photsi. ⁷Achiauza tsona Mnamwenza ani?Nao ahinyibu tsona ''Yesu Mnazareth.''⁸Yesu achiajibu,N'kakwambirani kare kukara ni mimi, ichikara mnanienza mimi,aricheni hao amphiye vyao.'' ⁹Higa gaendelka ili rira neno tikamilishwe rorinena,''Ara onipha siyamwangamiza hata mmwenga wao.''¹⁰Simon Petro wakara na mufyu achiusomora,achimkata sikiro ra kurume msunyee Mvoyezii mkuru yuya msunye kara anahiinhwa Malko. ¹¹Yesu achimwambira Petro uyiza Mufyuo chowani mwakwe chikombe chonipha Baba kwani,Mino nisichi nywerere?''¹²Hara arinzi na yuya mwamurishadzi na hara ahendadzikazia Ayahudi achimgwira Yesu achimfunga. ¹³Na achimrongoza mwandzo kwa Anasi,iye kara ni mtsedzawe kayata,ambaye wakara mvoyezi mkuru wa mwaka huo. ¹⁴Naye kayata ndiye yuya we apha Ayahudi shauri ra kukara ikampasa mutu mmwenga afwa kwa ajiye atu.¹⁵Simoni Petro achimrunga Yesu na Mwanafunzi wanjina.Na hiye mwanafunzi wakara anamanyikanakwa mvoyezi mkuru naye achiinjira phamwenga na Yesu phenye behewa ra Mvoyezi Mkuru; ¹⁶Era Petro achiimq kondze m yangoni.Banhi yuya mwanafunzi wanjina wemanyika kwa Mvoyesi mkuru achituruka achinena na yuya mchetu mvugura myango,achimwinjiza petro ndani.¹⁷Banhi yuya chijakazi yekara mvuguradzi myango achimuuza petro,Dze uwe nawe si mmwenga a anafunzie hiyu mutu?''Naye achijibu ,''Mimi simwi. '' ¹⁸Na ara asunye na ahendadzikazi kara akaima pharatu.achikara anaonha monho mana kukara na peho petro naye wakara mmwenga wao achionha monho kuusa peho iku achikara akaima.¹⁹Mvoyezi mkuru achimuuza Yesu dzuru ya anafunzie na dzuru ya mafundishoge. ²⁰Yesu aachimjibu,Nkanena waziwazi na Urimwengu mara kwa mara nafundisha phene sinagogi na Hekaluni phahali ambapho Ayahudi akusanyika osi .Nami siyanena neno rorosi kwa kudzifyitsa. ²¹Kwa utuani mwaniuza?Auzeni ara arionisikira dzuru ya rira tsogoganena,Ano atu anamanya mambo n'rigoganena.²²Phonena hivyo,mmwenga a akuru che inaa achimpiga Yesu kofi achinena,Dze unamjibu hivi mvoyezi mkuru? ²³Yesu achijibu,ichikara n'kanena iyii na ukare ushuda wa uyi,era ichikara ni kanena Vinono,unanipigi kwa iphi? ²⁴Ndipho Anasi phomphirika Yesu kwa kayafa Mvoyezi mkuru hiku akafungwa.²⁵Na Simoni petro kara akaima iku ananoha monho phenye A ra atu achimuuza.Dza uwe nawe!kumwanafunzie mmwenga wao?Naye achirema achinena siye.'' ²⁶Msunye mmwenga wa kuhani Mkuru naye ni nduguye yuya ariyekatwa sikio ni Petro achinena,Dze!mino sikakuona chidzimundani phamwenga naye?'' ²⁷Petro achirema tsona ,a punde hivi dzogoro richiika.²⁸Chisha achimtsukura Yesu kura kwa kayafa mpaka Praitoria,nayo yakara ni rugudzu muno,era taayainjira ndani ya ira Praitoria asedze akakara haramu na kuiya pasaka. ²⁹Hivyo pilato achiaturukira achinena,Ni shitaka riphi rimuhusuro higu mutu?'' ³⁰Achijibu achimwambira karapho hiyu kagaenda mai,wala usinali mrenha kwako.''³¹Pilato achiaambira,muhareni mwimwi,mkamuramure dza rira hira taureti yenu.Ayahudi achimwambira,Sheria tairuhuswiswi kuoraya mutu yeyosi.'' ³²Anena hivyo kusudi rikamirike rira nenore,Yesu,rorinena achionyesa ni kufw kuphi ndovyofwa.''³³Pilato achiinjira tsona ndani ya Praitoria,achimwiinha Yesu achimwambira,Dze!Uwe u-dzumbera Ayahudi?'' ³⁴Yesu achijibu,uwe unanena hivyo kwa sibabu unaronda kumanya,ama atu anjina akakuhuma uniuze mimi?'' ³⁵Naye pilato achijibu,Ama minosi myahudi Atuo na akuru a Avoyezi ndio ariokurenha kwangu ukahendadze uwe?³⁶Yesu achijibu;Udzumbe wangu si wa urimwengu huno,karapho udzumbe wangu ni wa urimwengu huno ahenda kadzi kazi angu angali nipigania nisedze n'kagwira ni Ayahudi .Era kwa kweri udzumbe wangu tauturukira hipha. ³⁷Pilato achimwambirani,kumbari uwe u dzumbe?Yesu achijibu uwe unanena,kukara mino ni dzumbe.Mimi navyarwa kwa sababu ya hii mino nakwedza urimwenguni,kusudi niishuhudiye ira kweri,chiro ariye wa hiyo kweri hurisikira raka rangu.³⁸Pilato achimwambira,kweri nini?Naye phomara kunena neno hiro achiaturukira mayahudi sona,achiaambira Mino siona uyi wowosi wa iyu mutu. ³⁹Mwimwi mwabata mimi kuavurireni mutu mmwenga majira ga pasaka.Dze!mnamendza ni kuvugurireni Dzumbe ra Ayahudi.'' ⁴⁰Basi achipiga hoyo tsona achipiga kururu si hiyu,uvugurire Baraba.Naye Baraba wakala ni mnyang'anyi.

¹Ndipho Pilato phomuhara Yesu achimpiga milawa. ²Nao arinzi achisuka chilemba cha miya.Achimvwika chitswani achimvisa na nguwo ya rangi ya za mbarau. ³Achikara anamrunga na achinena,Uwe Dzumbe ra Ayahudi ,Achimpiga kwa mafumba.⁴Chisha Pilato achituruka tsona kondze achiaambira atu,Tunzani namrenha hiyu mutu kwenu kusudi mmanya kukara mino sikaona hatiya yoyosi kwakwe. ⁵Ndipho yesu photuruka kondze,naye akavikwa chitemba cha miya na hira nguwo ya zambarau.Pilato achiaambira Rorani hiyu mutu.'' ⁶Ara akuru a avoyezi na akuru phomwona Yesu,apiga makururu achinena''Mkokoteree mkoketere.''Pilato achiaambira,muhareni mwimwi ,enye mukamkokotere kwa kukara mino siona hatiya ndaniye.''⁷Ayahudi achimjibu Pilato,swiswi unayo sheria na kwa sharia hiyo ikambidi kufwa kwa kukara wadzienda kukara ni mwana wa Mrungu.'' ⁸Pilato phosikira neno hiro achizidi kuogopha. ⁹Achiinjira tsona ndani ya praitoria achimuuza Yesu,uraphi uwe?Era yesu kayamupha jibu rorosi.¹⁰Pilato achimuuza kunena nami?Dze kumanya kukara mino nina ubawabu wa kukuvugura,nani nina ubawabu wa kukukokotera?'' ¹¹Yesu achimjibu uwe wala kara kuna mkat'se dzuru yangu dza kuya phephwa kura dzuru.Kwahiyo hiye wenitiya mikononi mwako ana ubananzi mkuru muno.''¹²Phosichira jibu hiri pilato achironda kumvugura era Ayahudi apiga hoyo achirena,uchimvugura hiyu uwe si msenawe kaisari.Chira adziendaye kara n'dzumbe hunena chinyume cha kaisari.'' ¹³Pilato phosikira maneno higo,achimrenha Yesu kondze,achisegara dzuru ya chinhi cha uamuro,phahali photengezwa kwa mawe phainhwapho Gabatha kwa Chiebrania.¹⁴Yokara siku ya maandariyo ya pasaka ikafika inaphaha saa tandanhu,Achiaambira Ayahudi Rorani Dzumbe a Ayahudi hiyu hipha!'' ¹⁵Achipiga kururu Muuse muuse mkokotere!Pilato achiaambira,Dze ni rikokotere Dzumbe renu?Naye kuhani mkuru achijibu,swiswi tauna dzumbe ela kaisari.'' ¹⁶Ndipho pilato pho mravya Yesu iri akamkokotere.¹⁷Nao Achimtsukura Yesu,akadzitsukurira msalebawe hadi phahali phainhwapho Fuvu la Chitswa.Kwa chiebrania Golgotha. ¹⁸Ndipho pho mkokotera yesu na anjina arume airi mmwenga hiku na mmwenga hiku yesu kanhikanhi.¹⁹Naye Pilato achiandika anuani,achii ika dzuru ya msalaba.ikaandikwa YESU MNAZARETH DZUMBE RA AYAHUDI. ²⁰Anjina Ayahudi aisoma hira anuani kwa kukara pgahali phara ariphokoterwa yesu phakara n'phephi na mudzi Ira anuani yaandikwa kwa Chiebrania,Chirumi na kwa Chiyunani.²¹Chisa akuru a avoyezi na wa Ayahudi achimwambira Pilato,Usiandike Dzumbe ra Ayahudi era kukara yuya wanena Mino ni dzumbe ra Ayahudi.'' ²²Pilato achiajibu N'rigogaandika N'kagaandika.''²³Nao askari phomara kumsulubisha Yesu,achigahara mavwazige achigaganya mafungu mane,kwa chira askari fungure na kanzu nayo.Hira kanzu kara ta ishonekarwe ela yahenda fumwa yosi hangu dzuru. ²⁴Banhi achiambirana hao kwa hao,huisi ure era nawuipigire kura,ikare ya ani.Kusudi rira andiko ritimizwe,rinrnaro,Aganya nguwo zangu,Na vwazi rangu achivipigira kura.''²⁵Ndivyo vyohenda ara askari.Phephi na msalaba kara akaima Nineye Yesu na mwanao wa nine,Mariamu mchetu wa Klopa Na Mariamu. ²⁶Banhi Yesu phomwona nineye na yuya mwanafunzi yemmendza akaima phephi,achimwambira nine,Mchetu,tunza rora mwanao hiyu hipha.'' ²⁷Chisa achimwambira yuya mwanafunzi,''Tunza,hiyu hipha nineyo.Na hangu saa ira yuya mwanafunzi achimuhara kwakwe kaya.²⁸Baada ya Hiro iku yesu achimanya gosi gakasira kare achinena,''Naona chiru.irigatimizwe maandiko.'' ²⁹Kwakara phana chiya chika odzara siki,banhi achitiya sifongo yoodzara siki dzuru ya ufwiho wa hisope,achimphirikira mromoni mwake. ³⁰Naye Yesu phoiondza hiyo achinena,''Ikasira''Achizamisha chitswa achiikabidhi rohoye.³¹Kwa kukara ni mida ya Maandaliyo,na miiri isikare dzuru ya msalaba mida sa sabato(mana sabato hira yakara ni siku kuru)amvoya pilato maguru gao gavundzwe na akauswe. ³²Askari wakwedza,achimvundjza maguru wa mwanzo na wa phiri ariakokoterwa phamwenga na Yesu. ³³Phomwendzera Yesu na kwona akafwa kare,taayamvundjza maguru gwe.³⁴Phamwenga na hivyo asikari mmwenga wapho wamdunga fumo ra rwavu,na punde ichituruka miratso na madzi. ³⁵Naye yeriona aakashuudiya,na ushuhudawe n,kweri .Naye anamanya kukara ananena kweri kusudi mwimwi nami muamini.³⁶Higa gahendeka kusudi andiko rikamirike.Taphana mfupha we ndovundjzwa.'' ³⁷Na t'sona andiko ranjina rinanena ,''Andamroro iye wemdunga''³⁸Baada ya higo yusufu wa Arimathaya,naye n'mwanafunzi wa Yesu era kwa kudzifichwa kwa kuaogopha Ayahudi,wamvoya .Pilato mwiri we Yesu.Pilato achimupha ruhusa.Yusufu achimphiya achiuusa mwiri wa Yesu. ³⁹Nikodemu naye yuya yemrumanga Yesu usiku hipho mwandzo achimphiya achirenha matsanganyiko ga manemane na udi,chiasi cha ratili gana mwenga.⁴⁰Hivyo achiutsukura mwiri wa Yesu ,achiufunga sanda ya chitani phamwenga na gara manukato,dza desturi ya Ayahudi garivyo mazikini. ⁴¹Pharatu phara phosulubiwa Yesu kwa kara na chimunda na ndaniye chimunda phana mbira mpya ambayo taidzambwe tiywa mutu yeyosi ndani ye. ⁴²Hivyo banhi kwa kukara kuna Maandaliyo ga Ayahudi, achimwiika Yesu,mana mbira ira kara iphephi.

¹Siku ya mwadzo ya juma,kara kuchere na jiza,Mariamu Magdalena wamphiya mbirani,achiriona rira dziwe rikauswa mbirani. ²Banhi achimphiya mairo kwa Simon Petro na kwa yuya mwanafuzni wanjina ambaye yesu wammenzda,achiaambira,Akamuusa bwana mbirani wala taumanya arikomwiika.''³Petro achituruka na yuya mwanafuzni wanjina achigwira njira kumphiya mbirani. ⁴Achimphiya mairo osi airi,na yuya mwanafunzi wanjina achimphiya mairo muno kuriko prto,achikara wa kwaruka kufika mbirani. ⁵Achiima na kutsungurira achiiona ira sanda ya chitani ikarara,lakini kaya injira ndani.⁶Simon Petro phofika ndani ya mbira.Achiiona. ⁷na ile leso kara iliyo chitswani mwake taiphamwenga na zira sanda za chitani era ikarara pembeni macheye.⁸Ndipho yuya mwanafuzni wanjina phoinjira ndani ya mbira,achiona na achiamini. ⁹Kwa kukara bado taadzambwe gamanya maandiko kukara ikambidi afufurwe tsona kura kwa afu. ¹⁰Banhi ara anafunzi achimphiya vyao tsona kurao kaya.¹¹Era Mariamu akara akaima mbirani achirira,vyokara achiendereza kurira waima chisa achitunza mbirani. ¹²Achiona raraika airi sura nyereru akasagaro,mmwenga chitswani na mmwenga maguruni phara phahali phorazwa mwiriwe Yesu. ¹³Nao achimwambira,Mchetu unairirani?Achiaambira kwa kukara akamuusa Bwana wangu wala mino simanya arikomwiika.''¹⁴Phomara kunena higo wagaruka nzigo,achimwona Yesu akaima era kayamanya kukara ni Yesu. ¹⁵Naye Yesu achimwambira,Mayo kwani unarira?Una mwenzani?Naye iku achifikiri kukara ni mrinzi wa chimund achimwambira,Bwana ichikara ukamutsukura uwe umambir phomwika nami nindamtsukura''¹⁶Yesu achimwambira''Mariamu Naye achigaruka mwenye na achimwambirani kwa chiaramu,''Roaboni,''nivino ni kkunena.''Mwarimu. ¹⁷Yesu achimwambirani,''Usinigute kwa kukara Sidzambwe uruka kumphiya kwa Baba,Sophokara mphiya kwa enehu ukaambire,N'ndaruka kumphiya kwa Baba yangu ambaye ni sowe yenu pia Mrungu wangu na Mrungu wenu.'' ¹⁸Mariamu Magdalena achimphiya,achiaambira anafunzi kukara Nikamwona Bwana na akamwambira mambo higo.¹⁹Ichikara dzironi,siku hira ya mwandzo wa juma,mi yango ikafungwa phahali anafunzie aripho kwa Wasiwasi wa.Ayahudi;achedza Yesu,achiima kaukikanhi,achiaambirani,''Amani ikare kwenu.'' ²⁰Naye phomara kunena higo,achiaonyesa mafumba ge na rwvu re.Nao anafunzi phomwona Dzumbe achiererwa.²¹Yesu achiaambira tsona Amani ikare kwenu dza viratu Baba vyohihuma mimi,vivyo hivyo nami nakuhumani mwimwi.'' ²²Yesu phomara kunena igo achiavurira achiaambira phochereni Roho mueri. ²³Yeyosi mumsehemuye ubananzi,aka sehemiwa;na ara ndoafungira andafungiwa.''²⁴Tomaso mmwenga wa ara mrongo mmwenga na airi ainhwaye Didimas kara kapho phamwenga na ayae Yesu phokwedza. ²⁵Ara anafunzie anjina baadae achi mwambira,ukamwona na Bwana,Achiambira,Mino sophoziona tsoga za misumari mwake mafumbani,na nichi injiza vyara vyangu phenye hizo alama,na piya kuurika mkono wangu phenye rwavu sinda amini.''²⁶Banhi baada ya siku nane anafunzie akara ndani tsona,na Tomaso kara ni mmwenga wao.Miyango kara ikafungwa,Yesu Achedza kanhikanhi yao,achinena, ''Amani na ikare namwi.'' ²⁷Tsona achimwambira Tomaso,Rehe hipha chara cho u rore mara gangu,urehe na mafumba ugaike rwavuni mwangu,wala usikare mutu seye amini era aaminiye.''²⁸Naye Tomaso achimjibu achimwambira,Dzumbe wangu na Mrungu wangu.'' ²⁹Yesu achimwambira kwa kukara ukaniona ukamini,Akabarikiwa iye asoona era achiamini.''³⁰Chisha Yesu wahenda dalili nyinji mbere ya anafunzie,ambazo taziyaandikwa kwenye chitabu hichi; ³¹sophokara hizi zikaandikwa,kusudi mumini kukara Yesu ndiye kristo,mwana wa Mrungu na mchiamini mkare na uzima kwa dzinare.

¹Baada ya higo yesu wadzionyesa t'sona kwa anafunzie phenye pwaa ya Tiberia;naye wadzionyesa mwenye hivi. ²Simoni Petro kara aphamwenga na Thomaso ainhwaye Didimas Nathanaeli wa kana ya Galilaya ana-a Zebedayo na anafunzi anjina airia yesu. ³Simoni Petro waambira,Mino namphiya nikavure ng'onda,Nao achimwambira,swino naswi undamphiya nawe.Achiuka achikwera mtumbwini,era usiku hura taavumire chitu.⁴Rungunzu phochaa,Yesu waima ufuoni era anafunzi taayamanya kukara ni Yesu. ⁵Chimara Chisa Yesu achiaambira mina chochosi cha kurya?Nao achinyibu.''Taphana'' ⁶Achiaambira,Tsuphani jarife uphande wa kurume wa mtumbwi,namwi mndaphaha chiasi.Banhi achtsupha jarife wala taakaturya kuriguruta t'sona kwa kukara ng'onda ni anji.⁷Banhi yuya mwanafunzi ambaye yesu wammedza achimwambira petro hiye ni bwana,naye Simoni petro phosichira kukara ni Bwana,achidzifunga vazire (maana kara achitsanha),achidzitsupha baharini. ⁸Ara anafunzi anjina achedza phanye mtumbwi (kwani taayakara kure na ufuoni,chiasi cha meta gana mwenga) nao kara achiringuruta rira jarife renye ng'onda. ⁹Phofika ufwoni achiona hiko monho una aka na dzuruye phana ng'onda na mkanhe.¹⁰Yesu achiaambira,reheni hipha sehemu ya ng'onda mrio avuwa sasa. ¹¹Banhi Simoni petro achikwera mtumbwini,achirirenha jarife ufuwni rikaodzara ng'onda akuru gana na mirongo mitsano 153;na ahanhu na dzambwe ni anjina namna hiyo jarife tarianhukire.¹²Yesu achiambira,Nzoni Mphahe chivugura kwana.Takuna hata mmwenga aanafunzi ye taya kumuuza uani wee?kwa kukara Amanya kukara ni Bwana. ¹³Yesu achimpiya achiutsukura ura mkanhe chisa achiapha,achienda vivyo hivyo kwa ara ng'onda. ¹⁴Hii yakara kano ya hanhu wa Yesu kudzionesa kwa anafunzie baada ya kufufuka kwenye afu.¹⁵Phomara kuphanha chivugura kwana,Yesu achimwambira Simoni Petro,''Simon mwana wa Yohana Dze ?unanimendza mimi kuriko ano?Petro achijibu ndiyo Bwana,''uwe unamanya kukara nakumendza,Yesu achimwambira,Risa ana-ngozi angu. '' ¹⁶Achimwambira kana ya phiri,Simon mwana wa Yona,Dze?unanimendza?petro achimwaamba,Ndiyo Bwana uwe unamanya kukara nakumendza.Yesu achimirambira Rinda mangozi gangu.''¹⁷Achimwambira kano ya hanhu Simoni mwana wa Yohana,Dze unanimendza?Naye petro achihuzunika kwa vira vyomwambira kano ya hanhu. Dze!Uwe unanimendza?Naye achimwambira Bwa unagamanya gosi kukara mino nakumendza,Yesu achimwambira Risa mangozi gangu. ¹⁸Amin amin nakuambiran,mida phokara mwananche wakara uchidzifunga mwenye na kumphiya urondako,era ukarapho mtumia,undaigorosa mikono na wanjina andakuvisa nguwa na kukutsukura usikokuronda kumhyia.''¹⁹Yesu anena neno hiro kwa kuonyesa ni chifwa cha vipwi ndochofwa petro kusudi Mrungu atogorwe Naye phomara achimwambira petro,''Nirunga''.²⁰Petro achigaruka achimwona yuya mwanafunzi ariyemendwa ni yesu achiarunga hiyu ndiye yegandamira chifuwani pha yesu mida ya chakurya cha dziloni na kumuuza,Bwana ni ani ndeye kuchogeya?'' ²¹Petro achimuona hiye achimwambira yesu,Bwana hiyu andaendani?''²²Yesu achimjibu,ichikara naronda hiyu asagare hata nyedzapho,inakuhusuni uwe?Nivunga.'' ²³Neno ragota kanhikanhi ya ndugu kukara mwanafunzi yuya kafwa.Era yesu kayamwambira petro kukara yuya mwanafunzi kandafwa.''Nichikara naronda hiyu akare hata nedzapho,inakuhusuni?''²⁴Hiyu ndiye hiye mwanafunzi wegashuhudiya higa na yegaandika higa;naswi una-manya kukara udhuudawe ni kweri . ²⁵Kuna mambo ganjina arigogahenda yesu ambago gachiandikwa mwenga mwenga,nafikiriya hata wamwenga ndaka taundatosha kuviika vitabu karapho vyaandikwa.