¹Pitö ji̧na̧'a̧ Noe i̧tti̧mö̧ pinätö̧mä̧, Sem'inä, Cam'inä ja̧'hua̧ta̧'a̧nö̧ Jafet'inä. Pitömä ajiyattö suädinö oca'a uhuäpächinä̧tö̧ jina̧'a̧.²Jafet i̧tti̧mö̧mä̧ pitö ji̧na̧'a̧: Gomer'inä, Magog'inä, Madai'inä, Javán'inä, Tubal'inä, Mesec'inä Tiras'inä. ³Gomer i̧tti̧mö̧mä̧ pitö ji̧na̧'a̧: Askemaz'inä, Rifat'inä Togarmá'inä. ⁴Javán i̧tti̧mö̧mä̧ pitö ji̧na̧'a̧: Elisa'inä, Tarsis'inä, Quitim'inä Dodanim'inä. ⁵Pitöttömä 'cä̧'chi̧nä̧tö̧ rü̧ä̧ aje jäyotocu, ttidepiyura̧'a̧cu̧ 'chi̧nä̧tö̧mä̧ tti̧rȩjä̧ pönä, tti̧tti̧mö̧ pönä, ttahuaruhuäpönä pönä̧.⁶Cam i̧tti̧mö̧mä̧ pitö ji̧na̧'a̧: Cus'inä, Mizraim'inä, Fut'inä, Canaán'inä. ⁷Cus i̧tti̧mö̧mä̧ pitö ji̧na̧'a̧: Seba'inä, Havila'inä, Sabta'inä, Raama'inä, Sabteca'inä. Raama i̧tti̧mö̧mä̧ pitö ji̧na̧'a̧: Seba ja̧'hua̧ta̧a̧nö̧ Dedán.⁸Cusmä, Nimrod jä'o ji̧na̧'a̧, ja̧u̧tä̧ ä̧cuo̧mȩnä̧ji̧ rohuäu rȩjȩ 'cho'ipinö̧mä̧. ⁹Ja̧u̧mä̧ TÖ̧Ä̧NÄ̧HUA̧ äca jo̧mȩttö̧ ppu'ä po̧i̧ ȩmä̧huä̧ i̧sa̧ ji̧na̧'a̧. Ja̧'hua̧nö̧ ja̧'a̧ttö̧ pähuina̧'a̧: Nimrod ji̧nö̧'a̧nö̧ ppu'ä po̧i̧ ȩmä̧hua̧ i̧sa̧ ju̧ru̧hua̧ ju̧nä̧ hua̧jä̧ TÖ̧Ä̧NÄ̧HUA̧ ä'ca jo̧mȩttö̧. ¹⁰Ruhuo huettö kada'cahuoimemä Babelnä'inä, Erecnä'inä, Acabnä'inä ja̧'hua̧ta̧'a̧nö̧ Calmenä'inä Sinar rȩjȩttö̧mä̧.¹¹Juä̧jä̧ttö̧ kä̧bä̧dö̧ 'chi̧nö̧ ja̧u̧mä̧ Asiriacu ja̧'hua̧nö̧ ja̧'ttö̧ aditinö Nínive, Rehobot, Ir, Cala, ¹²ja̧'hua̧ta̧nö Resén'inä ju̧'ä̧nȩmä̧ ki̧na̧'a̧ Nínivecu Calacu 'cä̧tȩ jo̧mȩ. Ja̧u̧ ötahuiyämä bäreu ji̧nä̧'a̧. ¹³Mizrainmä Ludimitas'i̧nä̧, anamitas'inä, lehabitas'inä, naftuhimitas'inä jä'o jinä'a̧, ¹⁴patrusimitas'inä, casluhimitas'inä, caftorimitas'inä jina'a̧ Filisteottö rä'opinättö̧mä̧.¹⁵Sidón jä'o jina'a̧ Canaánmä,i̧tti̧mä̧ ja̧'hua̧ta̧nö̧ ji̧na̧'a̧ Het'inä, ¹⁶ja̧'hua̧nö̧ ja̧'a̧nä̧'i̧nä̧ jebuseos ttö̧ja̧'inä, amorreos ttö̧ja̧'inä, gereseos ttö̧ja̧'inä, ¹⁷heveos ttö̧ja̧'inä araceos ttö̧ja̧ inä, sineos ttö̧ja̧'inä, ¹⁸arvadeos ttö̧ja̧'inä zemareos ttö̧ja̧'inä ja̧'hua̧ta̧nö̧ hamateos ttö̧ja̧'inä. Ja̧u̧nu̧ o'ca'amä caneos ttähuäruhuämä pperehuächinättö̧.¹⁹cananeos tti̧rȩjä̧ beipomemä Sidón jubu ji̧na̧'a̧, jua'amä Gerar ätahuiyä päte'ö, Gaza ötahuiyätä töcö, tti̧cha̧'a̧ 'cua̧rö̧nä̧ Sodomacu̧, Gomorracu'i̧nä̧, Admacu'i̧nä̧ ja̧'hua̧ta̧'a̧nö̧ Zeboimcu'inä, oto ji̧na̧'a̧ Lasa ötahuiyä jubu päi'önä. ²⁰Pitömä Cam i̧tti̧mi̧ pinätö ji̧na̧'a̧, ttahuaruhuä o'cotö, tti̧huȩnȩ ttö̧'i̧nä̧, ttö̧jo̧cuo̧mȩttö̧'i̧nä̧ ja̧'hua̧ta̧'a̧nö̧ tti̧rȩjä̧ttö̧'i̧nä̧.²¹Ja̧'hua̧ta̧'a̧nö̧ Sem i̧tti̧mu̧'i̧nä̧ ttuhuäpächiniyä̧cu̧, ja̧u̧mä̧ Jafet ubuo pänö. O'catoi'önä Heber i̧tti̧mu̧mä̧ Sem ahuaruhuä o'cotö ji̧na̧'a̧. ²²Sem i̧tti̧mu̧mä̧ ji̧na̧'a̧ Elam, Asur, Arfaxad, Lud ja̧'hua̧ta̧'a̧nö̧ Aram'inä. ²³Aram i̧tti̧mu̧mä̧ ji̧na̧ Uz, Hul, Geter ja̧hua̧ta̧'a̧nö̧ Mas'inä.²⁴Sela jäomä̧ Arfaxad ji̧na̧a̧ ja̧'hua̧ta̧'a̧nö̧ Heber jäomä Sela ji̧naa̧. ²⁵Heber i̧tti̧mö̧ ta̧ju̧ru̧ cu̧nä̧ri̧nö̧. Jahuätöttö ya̧tȩ micuinö Peleg, Juo̧nö̧ pänä ttö̧jo̧mȩnä tti̧rȩjä̧ pu̧nä̧tä̧ ka̧cui̧nä̧tö̧. Ka̧rá̧ i̧jä̧hua̧mä micuinö Joctán.²⁶Pitö ji̧naa̧ Joctán i̧tti̧mu̧ Almodad, Selef, Hazar, Mavet, ²⁷Adoram, Uzal, Dicla, ²⁸Obal, abimael, Seba, ²⁹Ofir, Havila ja̧'hua̧ta̧'a̧nö̧ Jobab inä.³⁰I̧rȩjä̧mä̧ Mesattö kä̧mä̧dö̧ Sefar jubö ji̧na̧'a̧ mö̧ä̧'cattömä kä̧hua̧ räopa'acunä. ³¹Pitö ji̧na̧'a̧ Sem i̧tti̧mö̧mä̧, i̧huȩnȩttö̧mä̧, i̧rȩjä̧ttö̧mä̧ ja̧'hua̧ta̧'a̧nö̧ ahuaruhuättömä.³²Pitö ji̧na̧'a̧ Noé i̧tti̧mö̧ ttahuaruhuä 'cotö tti̧tti̧mö̧mä̧, ttö̧tä̧mö̧mi̧nä̧ttö̧mä̧, ttahuaruhuättömä. Pitö ttö̧ja̧mä̧ 'cä̧'ȩcuä̧chö̧ pperecuächinä̧tö̧ pi̧jä̧ rȩjȩ o'cajuiyönä rö̧ä̧ aje suädinö o'ca'amä.

¹Abraham Neque rȩjȩra̧'a̧cu̧ 'chi̧nö̧ ja̧'hua̧nö̧ ja̧'a̧ttö̧ ki̧nö̧ Cades'inä ja̧'hua̧ta̧nö̧ Shur'inä 'cä'co jo̧mȩ. Ja̧u̧mä̧ i̧chä̧cua̧cua̧ jö̧nä̧ ki̧nö̧ Gerar'nämä. ²Abraham irecua Sararö pa'anö pä'ö jiähuinö: "Jahuäjumä ttö chijähuaju". Ja̧'hua̧nö̧ ja̧'a̧ttö̧ Gerar ucuo ru̧hua̧ Abimelecmä, hue'inö umuhuäyotörö Sararö ttema'ja̧'pä'ö. ³Ja̧hua̧'a̧nö̧ ja̧'a̧nä̧ Diostä Abimelec'rö yodo u̧'cuo̧ti̧nä̧ ichö jiäu pä'inäcu̧: "Ä̧ju̧cuí̧, ucumä 'coru juocuächä̧cua̧jä̧ isajuru cuȩmä̧ji̧ta̧'a̧nö̧, jahuäjumä tä'cö ya̧tȩ irecua."⁴Jitä Abimelec'mä jahuäjucumä ä'o'cö pinö, ja̧'hua̧nö̧ ja̧'a̧ttö̧ pä'inö: "TÖ̧Ä̧NÄ̧HUA̧ ¿cuä'ö cuicu'anö ja̧'a̧ tä̧ji̧ adinä huotörö'inä? ⁵¿ja̧u̧tä̧tä̧ pä'o'cö pinö ta̧ji̧: 'Jahuäjumä ttö chijähuaju'?. Jahuäjutä'inä päinäju̧: 'A̧'a̧ ja̧u̧mä̧ ttö chi̧jä̧cua̧. 'piyȩ jȩchö̧mä̧ suronä amucuädömä̧'cö̧."⁶Ja̧'ha̧nö̧ ja̧'a̧ Dios päinäcu̧ u̧'cuo̧ti̧nä̧: "A̧, iso päi'önä ttö'inä huo̧jua̧sä̧ jua'amä jȩpä̧ji̧jä̧ cua̧mi̧so̧'qui̧ttö̧ adiunä amucuädö, ja̧'hua̧ta̧'a̧nö̧ TTÖ chöjö'cocomenä jȩcu̧'a̧cu̧ pä'ö pporädö chu̧ju̧nu̧nä̧cu̧jä̧s. Ja̧'hua̧nö̧ ja̧'a̧ttö̧ ja'huäjuru mȩcua̧ pä'ocö pinösä̧. ⁷Ja̧'hua̧nö̧ ja̧'a̧ttö ja̧u̧ irecuarömä ppa̧'a̧dä̧tu̧cui̧ö̧, ja̧u̧mä̧ Dios pä'ö jiäcuähua i̧sa̧ ja̧'a̧. Ja̧u̧tä̧ ja̧'a̧ Diorö u̧cuo̧cuä̧cua̧mä̧, ja̧'hua̧nö̧ ja̧'a̧ttö̧ cu̧jä̧cua̧jä̧. Ja̧'hua̧nö̧ ja̧'a̧nä̧ ppa̧cuä̧dö̧ juiyöttömä, huo̧juä̧jä̧ ucumä ja̧'hua̧ta̧'a̧nö̧ ucu cuahuaruhuämä o'catoi'önä 'corujuottächäcuotö."⁸Abimelec mo̧ro̧ päia'a porächö ä̧rä̧mi̧'ö̧ u̧mu̧huäyotö o'catoi'önä ö̧ja̧'a̧cu̧ ticha pä'ö huopinö. Ja̧u̧ ji'ähuinö o'cajuiyönä ttö̧ä̧nä̧hua̧ päjimä, ja̧'hua̧nö̧ jiähuomenä u̧mä̧tö̧mä̧ ye'ecue'inätö. ⁹Ja̧'hua̧nö̧ ja̧'a̧ Abimelec huopinö Abrahamrö̧ pa̧'a̧nö̧ ji'ähuinö: "¿Ujuturu tta̧'a̧nö̧ jȩcu̧'ä̧ttö̧ jitämä? ¿Tta̧'a̧nö̧ suronä jȩchä̧jä̧ttö̧ ucurumä, jitämä däjé i'chächö cuiyättöttö jitämä ja̧'hua̧ta̧'a̧nö̧ ttö̧ja̧rö̧ hue'ö chö̧jö̧mä̧ rö̧'ä̧nä̧ surojö ja̧'a̧? Ucumä jȩttö̧ jui̧yö̧'a̧nö̧ jö̧ jȩpä̧ji̧jä̧ ttörömä."¹⁰Abimelec päinä̧cu̧ Abrahamrö̧; ¿ Däjé amucuädö päcuättö? ¹¹Abraham ädätinäcu̧: Amucuädäjisä: penemä DIOSRÖ yettecuocome päö ja̧'hua̧ta̧'a̧nö̧ cuäicu chirecuarötä ttȩmi pa̧a̧cu̧ pä'ö. ¹²Ja̧'hua̧nö̧ ja̧'a̧nä̧, jahuäjumä ttötä chijäju, ttötä chä'ötä ittiju, ja̧'hua̧nö̧ ja̧'a̧nä̧ cha̧ju̧ttö̧mä̧cö̧ ja̧'hua̧nö̧ ja̧'a̧ttö̧ chirecuatä ki̧i̧pi̧nä̧ju̧.¹³DIOSMÄ chä'ö ahuaruhuättö räopu'icuinömä cueächinö̧sä̧ korome koromenö cueächö kä̧nö̧mä̧, jahuäjurö päinösä̧: cui̧jȩpä̧ peö ka̧a̧ chirecua jä̧i̧nö̧a̧nö̧; ti̧'cho̧mȩ o̧dö̧nä̧, päcuajá ttörömä: Juo̧u̧mä̧ ttö chubuo päö. ¹⁴Ja̧'hua̧nö̧ ja̧'a̧ttö̧ Abimelecmä iyinö Abrahamrö̧ oveja̧ttö̧rö̧'inä pä̧cä̧yö̧rö̧'i̧nä̧ huettö adicuä ttö̧ja̧rö̧ u̧mä̧tö̧rö̧'i̧nä̧ ja̧'hua̧ta̧'a̧nö̧ nätö̧rö̧'inä. Ja̧'hua̧nö̧ ja̧'a̧ttö̧ ppa̧a̧di̧nö̧ Sararö irecua päi'önä jo̧u̧rö̧.¹⁵Abimelecmä pä'inö: "Topi, Ttö chi̧rȩjä̧mä̧ ucu cuä'ca jo̧mȩ ka̧'a̧. Ucurutä pä̧huä̧rö̧jo̧mȩ kä̧hui̧. ¹⁶Sararömä pä'inö: "Topi, cubuorö platamä milnö o̧bi̧ jo̧mȩnä̧ iyäjisä, ja̧u̧mä̧ ucuru to'ija̧'a̧cu̧ jȩtto̧mȩnä̧ tto'epö ppädö jä̧cua̧'a̧, ucucu ka̧cuä̧tö̧ to̧ttä̧ro̧mȩttö̧mä̧, ja̧'hua̧ta̧'a̧nö̧ o'catoi'önä ttä'cattömä ucumä surojömä jȩpo̧co̧ju̧jä̧ pä'ö ttu̧huo̧juä̧cua̧ju̧jä̧.¹⁷Ja̧'hua̧nö̧ ja̧'a̧ Abrahammä TÖ̧Ä̧NÄ̧HUA̧ Diosrö jä'epinö, ja̧'hua̧nö̧ jäepomenä Diosmä, Abimelecrö'inä, irecuarö'inä, umöhuäyotö nä̧tö̧rö̧'inä tti̧tti̧mö̧rö̧ ttu̧ju̧nä̧rö̧nä̧ jȩpi̧nö̧. ¹⁸Juhua'amä TÖ̧Ä̧NÄ̧HUA̧ Abimelec ahuaruhuä nä̧tö̧rö̧mä̧ yorö'iso tti̧tti̧mö̧mä̧ tottönä̧tä̧ jȩi̧na̧'a̧ ji̧na̧'a̧, Abraham irecua Sara jähuänämä.

¹Jitä Abraham'mä buo̧sa̧ huinö, ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧TÄ̧ o'cajuiyönä adiunä ja̧'a̧pä'ö jȩi̧nä̧cu̧ ²Abraham'mä. Abraham pä'inö u̧mu̧huä̧ya̧rö̧, tä'cö recuonä aditö 'kö̧rö̧ ojusodenä ja̧'hua̧ta̧nö̧ ja̧u̧mä̧ o'cajuiyönä̧tä̧ chuä̧ri̧nö̧ u̧ru̧hua̧ öäre jö̧mä̧: "cumunä mȩí̧ chöja dea'a ³ja̧'hua̧ta̧nö̧ ttötä jȩchä̧cua̧sä̧ TÖ̧Ä̧NÄ̧HUA̧ DIOS mo̧ro̧jä̧'i̧nä̧ pi̧jä̧'i̧nä̧ u̧ru̧hua̧ ä'ca jo̧mȩttö̧ päcuä pä'ö a̧'a̧ jȩchä̧cua̧sä̧, ucumä cui'cächojó canaeos ttö̧ja̧ isajurumä chi̧tti̧ irecua pä'iönämä, ttö chö̧jo̧mȩ 'cä̧tȩttö̧ ka̧cuȩtö̧ttö̧mä̧ ⁴Ja̧'hua̧nö̧ ja̧'a̧ttö̧ ucumä cui̧'chä̧cua̧jä̧ ttö chi̧rȩjä̧ra̧'a̧, chacuäruhuä ttö̧ja̧'a̧cu̧ jahua'attö cui'cächapä'ö chi̧tti̧ Isaac irecuarö."⁵Umucuä̧ya̧ pä'inö ja̧u̧ru̧:? Ttanö jȩcha̧cua̧'a̧jä̧ttö̧ jahuäju pi̧jä̧ra̧'a̧cu̧ kicha ppäjoca'a jö̧ttö̧mä̧? ¿cui̧tti̧rö̧ chuädö chȩpä̧cua'a̧ tä̧ji̧ ucu cui̧chi̧nä̧ja̧ra̧'a̧cu̧tä̧ ppa̧cuä̧cha̧ pä'ö?" ⁶Abraham pä'inö ja̧u̧ru̧: chi̧tti̧rö̧mä̧ jahua'acumä ppa̧cuä̧di̧yä̧ttö̧ ji̧'qui̧cha̧nö'inä ⁷TÖ̧Ä̧NÄ̧HU̧A̧ Dios mo̧ro̧jä̧ ru̧hua̧ ȩmi̧nä̧cu̧sä̧ chacuäruhuä ttö'inä chäo ttö'inä räepu'icu ja̧'hua̧tä̧nö̧ chacuäruhuä tti̧rȩjä̧ttö̧'i̧nä̧, ja̧u̧tä̧ ji̧yȩtȩ ucuotönö jȩä̧cuä̧ päinäcu̧sä̧: ' Ucu cuahuäruhuä o'cotörö TTÖTÄ chi̧yä̧cua̧sä̧ pi̧jä̧ rȩjȩmä̧, JA̧U̧TÄ̧ cuȩä̧cua̧ ángelrö̧mä̧ ucu cuä'canämä, ja̧'hua̧nö̧ ja̧'a̧ttö̧ ucumä cui̧'cä̧chä̧cua̧jä̧ chi̧tti̧ irecuarömä jahua'attötä.⁸Ja̧'hua̧nö̧ ja̧'a̧nä̧ ja'huäju ucucu ki̧'cha̧ päjöjuiyöttömä, ja̧'hua̧nö̧ jo̧ttö̧mä̧ jȩchä̧cua̧sä̧ päcuinöjinömä jȩpo̧cö̧cuä̧cua̧jä̧. ji̧yȩtȩtä̧ ja̧'a̧ chi̧tti̧rö̧ jua'a cui̧pö̧ juiyä pä'ötä. ⁹Ja̧'hua̧nö̧ ja̧'a̧ttö̧ jueö adicuä i̧sa̧mä̧ u̧ru̧hua̧ Abaham öjanä me'i̧nö̧, ja̧'hua̧nö̧ jȩa̧'a̧ttö̧ pä'inö isopäi'önätä jȩchä̧cua̧sä̧ ucu päcumä.¹⁰Jueö adicua i̧sa̧mä̧ u̧ru̧hua̧ ä̧ji̧mö̧ttö̧ to̧mu̧rȩnö̧ ca̧mȩyu̧tu̧ jo̧mȩ 'chu'ädö rä'opö 'chi̧nö̧. ja̧u̧mä̧ koro u̧ru̧hua̧ mi̧ppoönä iyähua päi'önä u̧ju̧nä̧rö̧'i̧nä̧ ȩpö̧ 'chi̧nö̧. Rä'opö 'chi̧nö̧ Aram Naharaim rȩjȩ ra̧'a̧cu̧, Nacor idepiyu ji̧na̧'a̧cu̧. ¹¹Ja̧u̧mä̧ jȩpi̧nö̧ ca̧mȩyu̧tu̧'i̧nä̧ ttihue'quiyunä ttö̧'ä̧mä̧dö̧nä̧ ötahuiyä'inä otonänö jo̧mȩttö̧, ajiya ttahuäju tö'cö jo̧mȩ. täcö ni̧pa̧ro̧mȩ ji̧na̧'a̧, nä̧tö̧ ajiya huä'ö tti̧'cha̧ pä'ö pätecuächome.¹²ja̧'hua̧nö̧ ja̧'a̧ttö̧ jäepinäcu̧: TÖ̧Ä̧NÄHUA̧, chö̧rö̧hua̧ Abraham i̧ä̧nä̧hua̧ DIOS, jädepäcujä jitä moró̧ adiunä pätecuächönä i̧jȩpi̧ttö̧ escu cu̧ju̧ni̧nö̧ chu̧rö̧hua̧ Abrahamcu. ¹³Pȩné kö̧sä̧ ajiya acuäju jäyä, ja̧'hua̧ta̧'a̧nö̧ ajiya huä'ö räopätö ötahuiyättö nä̧tö̧ mu̧ä̧yotö. ¹⁴Huȩi̧nä̧ ja̧'a̧tä̧ topi. ttö yajute muä̧yajurö pädomenä: ucú cuäre 'cänäri̧yu̧ttö̧ mȩyȩdi̧ ajiya chahua, ja̧'hua̧nö̧ ja̧'a̧ttö̧ jahuäju päjäcuaju: Ahuí, ja̧'hua̧ta̧'a̧nö̧ cuäji camellorö'inä ajiya ahua peö iyäjusä; ja̧'hua̧nö̧ ja̧'a̧ttö̧ jahuäjutä ja̧cua̧a̧ Isaac irecua päjiäcuaju päö. ja̧'hua̧nö̧ ja̧'a̧ttö̧ chu̧huo̧jui̧a̧ chi̧a̧cua̧sä̧ ucu jueönä cui̧jȩpä̧ji̧mä̧ ttö chu̧ru̧hua̧rö̧ esecu cu̧ju̧ni̧nö̧.¹⁵Ji̧nä̧ ucucu cädocä'anä, Rebeca räoinäju̧ kiäre 'cänäri̧yu̧cu̧ ajiya acuaa kuupi'canä ka̧a̧. Rebeca kä'omä Betuel pinö, Milca ki̧tti̧, Nacor irecua, Abraham i̧jä̧hua̧. ¹⁶Muhuä̧yajumä juiyo a̧'cua̧cui̧nä̧ju̧ ja̧'hua̧ta̧'a̧nö̧ ubocumä 'cuäopocoju pinäju̧. Ya̧tȩ'i̧nä̧ ttö̧ja̧'i̧sä̧mä̧ äocuocua pinäju̧ jahuäjucumä. Jahuäju meyȩdä̧cuä̧huö̧ kiäre 'cänäri̧yu̧nä̧, 'carinäju̧ juo̧nö̧ o̧'ca̧a̧ cäecu kö̧nä̧hui̧nä̧ju̧.¹⁷Ja̧'hua̧nö̧ ja̧'a̧ umöhuä̧ya̧mä̧ jopinö jahuäjucu ö'ätecuächa pä'ö, ja̧'hua̧nö̧ pötecuächömä päinäcua̧: Ppä'ädipönö cuiäre 'cänäri̧yu̧ttö̧ ajiya chahua a̧'u̧cu̧nä̧ iyittö." ¹⁸Jahuäjumä päjimnä̧cu̧: "Chu̧ru̧hua̧, ahui, pä'ö kä̧nö̧ kiäre 'cä̧nä̧ri̧yu̧ jurunä ku̧mö̧nä̧ mȩyȩdä̧cuä̧huo̧po̧'ö̧ ahua pä'ö iyinä̧ju̧.¹⁹Ahua pä'ö iyä'coju cä'ädömä, jahuäjumä pä'inä̧ju̧: Ja̧'hua̧ta̧'a̧nö̧ ajiya huä'opo'äjusä camellos au cättädome jubö." ²⁰Ja̧'hua̧nö̧ ja̧'a̧ttö̧ jurunä̧nö̧ huä'opo'inä̧ju̧, huäpo'ömä 'cä̧nä̧ri̧yu̧ttö̧mä̧ ajicuäcuähuotö ttahuosenä to'inä̧ju̧, ja̧'hua̧nö̧ jȩpö̧mä̧ pä'äjita'anä jopächinäju ajiya rejura̧'a̧cu̧ ajiya huäjopa pä'ö, ja̧'hua̧nö̧ huä'ö camellotö̧mä̧ o'catoi'önärö̧ huä'ö iyinä̧ju̧.²¹Ja̧u̧ ttö̧ja̧sa̧mä̧ 'corujueinä to̧pä̧ri̧nö̧ TÖ̧Ä̧NÄ̧HUA̧MÄ̧ po chichäja'amä̧ isojuoönä jȩä̧cua̧di̧, jȩpo̧cö̧di̧ pä'ö u̧huo̧jua̧ pä'ö. ²²Ja̧'hua̧nö̧ ja̧'a̧ Camellos au kättäda'anä̧, ja̧u̧ ttö̧ja̧sa̧mä̧ ttödo'che i̧so̧bö̧ orottö adicuobö̧ tti̧ji̧yu̧nä̧ ru̧nä̧huo̧bö̧ ya'ute siclo kä'co jo̧mȩnä̧ a̧mä̧qui̧nö̧ ja̧'hua̧ta̧'a̧nö̧ ttöjonä rö̧nä̧huä̧sa̧ orottö a̧di̧cuä̧sa̧ diez siclo jo̧mȩnä̧ a̧mä̧qui̧nä̧sa̧, ²³ja̧'hua̧nö̧ ja̧'a̧ ja̧u̧ jä'epö ä̧ju̧cyu̧i̧nö̧: ¿Ucumä di ittiju cua'attö̧? ji'ähuittö, ¿Cuä'o ojusodenä chä'i'amä yȩnȩtȩ ä'ähuome ka̧'a̧?"²⁴Jahuäjumä ja̧u̧rö̧ pä'inäju̧: Ttömä Milca Nacorttö ki̧tti̧ kuhuäbecuinä̧cu̧ Betuel ittijusä." ²⁵Jahuäjumä ja̧'hua̧ta̧'a̧nö̧ pä'inä̧ju̧ ja̧u̧rö̧mä̧: Rö̧ä̧nä̧ ku̧nä̧rä̧tö̧jä̧, isä'cua'inä, ajicuäcuähuotö ttucuä'cua'inä ja̧'hua̧ta̧'a̧nö̧ ucu yodo cuä'äcyo̧ca̧'inä."²⁶Ja̧'hua̧nö̧ ja̧'a̧ ja̧u̧ ttö̧ja̧sa̧mä̧ ja̧rȩyu̧ pä'i'ö TÖ̧Ä̧NÄ̧HUA̧RÖ̧ ucuotö esehuinö. ²⁷Ja̧u̧mä̧ pä'inö: Diostä ja̧'a̧ adiunä jö̧nä̧ jȩpö̧mä̧, chu̧ru̧hua̧ Abraham Ö̧Ä̧NÄ̧HUA̧ Diosmä, esecuinö jinö̧mä̧ ja̧'hua̧ta̧'a̧nö̧ chu̧ru̧hua̧rö̧ a̧'cua̧ u̧huȩnä̧ri̧nö̧mä̧ cädi'oca'a i̧jȩpö̧. Ttörömä, TÖ̧Ä̧NÄ̧HUA̧MÄ̧ jueönä̧tä̧ o'ipäji chu̧ru̧hua̧ ahuaruhuä ttojusodera̧'a̧tä̧."²⁸Ja̧'hua̧nö̧ ja̧'a̧ möäyajumä jopipinäju̧ ja̧'hua̧nö̧ jopipö ka̧ju̧ttö̧ kahuaruhuärö 'cuäopäjimä o'cajuiyönä ji'ähuinä̧ju̧. ²⁹Ja̧'hua̧nö̧ ja̧'a̧ Rebecamä kubuorö ku̧nä̧ri̧nä̧ju̧ ja̧u̧ i̧mi̧mä̧ Labán pä'ö micuinö. Labánmä umicu rä'opächö ja̧u̧mä̧ mänättömä̧ reju jäyä ö̧jo̧mȩcu̧ jopinö. ³⁰Ja̧u̧mä̧ i̧so̧bö̧ ki̧ji̧yu̧nä̧ ra̧'a̧ toaja'a ja̧'hua̧ta̧'a̧nö̧ ttö̧jo̧nä̧ rö̧nä̧huä̧sa̧ öjähuaju köjonä ra̧'a̧ toäja'amä, juhua'atäcu öjähuaju Rebeca kucuocua'a ä̧ju̧cuo̧mȩnä̧: "Pi̧yȩ ja̧'a̧ ja̧u̧ ttö̧ja̧sa̧ päinö̧mä: Ja̧u̧mä̧ ttö̧ja̧sa̧ ö̧jo̧mȩcu̧ 'chä̧hui̧'ö̧ toomenä, ja̧u̧ ttö̧ja̧sa̧mä̧ rejuttömä jäyä camellotö̧tä̧ ttippeyänä ki̧nö̧.³¹Ja̧'hua̧ta̧nö̧ Labán pä'inö: "Doächí, ucu TÖ̧Ä̧NÄ̧HUA̧ ȩmi̧nä̧cu̧. ¿Tocu pä'ö u̧mi̧tä̧ cu̧jä̧? ttö chojusode jo̧mȩnö̧ ja̧'a̧, ja̧'hua̧ta̧nö̧ cameyu̧tu̧ ttö̧jo̧cuä̧cuo̧mȩ'i̧nä̧." ³²Ja̧'hua̧ja̧'a̧ttö̧ ja̧u̧mä̧ 'chi̧nö̧ isodera'acu ja̧u̧ umuhuäyotötä cameyu̧tu̧ru̧ chuädö rutinättö. jahuätö cameyu̧tu̧ru̧mä̧ juhuätötä ttucuä'che tti̧yi̧nä̧u̧, ja̧'hua̧ta̧nö̧ ajiya'inä tti̧yi̧nä̧u̧ tti̧jä̧pi̧yä̧ ttötöcapä'ö ja̧'hua̧nö̧ jö̧ta̧'a̧nö̧ ja̧u̧cu̧ ka̧cuä̧tö̧rö̧'i̧nä̧ ttö̧jä̧pi̧yä̧ ttötöca pä'ö.³³Jahuätömä ja̧u̧ ä'ca jo̧mȩ rutinättö̧ cuäcuähuä ucua pä'ö, ja̧'hua̧nö̧ ja̧'a̧nä̧ ja̧u̧ pä'inö: "Ttömä cuocö chäcua̧sä̧ ji̧yȩtȩ jidäcua pä'ö pädomejobu." Ja̧'hua̧nö̧ ja̧'a̧ttö̧ Labán pä'inö: " Ucuocuí". ³⁴Ja̧u̧ pä'inö: "Ttömä Abraham umuhuä̧ya̧sä̧. ³⁵TÖ̧Ä̧NÄ̧HUA̧ ttö chu̧ru̧hua̧rö̧ rö̧ä̧ö̧nä̧ adiunä jȩpu̧ ja̧'hua̧nö̧ ja̧'a̧ttö̧ pä̧rä̧tä̧ ru̧hua̧ juo'ö. JA̧U̧TÄ̧ iyäcu recuätö oveja̧tö̧rö̧'i̧nä̧, pärätä'inä ja̧'hua̧ta̧nö̧ oro'inä, umucuäyotö umätö̧rö̧'i̧nä̧ ja̧'hua̧ta̧nö̧ nä̧tö̧rö̧'i̧nä̧, ja̧hua̧ta̧nö̧ cameyu̧tu̧ru̧'i̧nä̧ ja̧'hua̧ta̧nö̧ asnos'ru̧'i̧nä̧³⁶Sara, chu̧ru̧hua̧ irecua, churuhuattö ki̧tti̧rö̧ uhuäbecuinäju̧ jahuäjumä buasaju ja̧'a̧nä̧, ja̧'hua̧nö̧ ja̧'a̧ttö̧ ja̧u̧ma̧ iyinö jo'cajuiyönä u̧ju̧nä̧rö̧mä̧ ja̧u̧ru̧tä̧. ³⁷Chu̧ru̧hua̧mä ttörö pä'inö pa̧'a̧nö̧ jȩcu̧'a̧ pä'ö, pä'inö: Chi̧tti̧ irecua päi'önämä jȩcu̧'o nanam ttö̧ja̧ tti̧tti̧mö̧ttö̧mä̧, pi̧jä̧ rȩjȩnä̧ ttö chidepiyu päi'önä chö̧jo̧mȩttö̧mä̧. ³⁸Ja̧hua̧nö̧ jo̧ca̧'a̧, ucumä cui̧'chä̧cua̧jä̧ chä'ö ö̧jo̧mȩcu̧, ja̧'hua̧ta̧'a̧nö̧ chahuaruhuä ttö̧jo̧cua̧'a̧cu̧tä̧, jua'attö cui̧'cä̧chä̧cua̧jä̧ chi̧tti̧ irecua päi'önä.³⁹Chu̧ru̧hua̧rö̧ pä'inösä̧: tta̧'a̧nö̧ jä̧cua̧'a̧ttö̧ isaju ttucu kicha päjöjuiyöttömä. ⁴⁰Ja̧'a̧hua̧nö̧ pädomenä päinäcu̧sä̧: CHÖ̧A̧NÄ̧HUA̧ ä'canä chi̧'chä̧cu̧mä̧, u̧mu̧hä̧ya̧ Angelrö ucuru huȩä̧cua̧, ja̧u̧tä̧ ppä̧dä̧rä̧cua̧ cui̧'cho̧mȩ, chi̧tti̧ irecuarö cu̧'o̧cui̧'a̧ pä'ö ttöttä chahuaruhuättö ja̧'hua̧ta̧'a̧nö̧ chä'o ahuaruhuä o'cötöttö. ⁴¹Ja̧'hua̧nö̧ ja̧'a̧nä̧ ttö jȩcu̧'a̧ pädinö ji̧nö̧'i̧nä̧ jȩpo̧cö̧ cuä̧cua̧jä̧ ttö chahuaruhuä ttö̧jo̧cua̧'a̧ cui̧'cha̧'a̧ttö̧ ja̧'hua̧nö̧ ja̧'a̧nä̧ jahuätö ucuru ttiyöjuiyöttö. Jȩcu̧'u̧ jui̧yä̧cua̧jä̧ ttörö jȩchä̧cua̧sä̧ päcuinö'inä.⁴²Jitä moró̧tä̧ ajiya acuäju ko̧mé ttö rȩbȩhui̧pu̧, ja̧'hua̧ta̧'a̧nö̧ pä̧dö̧cua̧sä̧: TÖ̧Ä̧NÄ̧HUA̧, ttö chu̧ru̧hua̧ Abraham i̧ä̧nä̧hua̧ DIOS, ja̧'hua̧nö̧ jua'acu chi̧'cho̧mȩnä̧ adihuönä pätecuächönä ucurö pä̧huä̧rö̧ jö̧mȩnä̧tä̧ jȩ'cuä̧jä̧cu̧sä̧, ⁴³pȩnȩtä̧ kö̧sä̧, ajiya acuäju jäyä; ja̧a̧tä̧ topi muä̧yaju räopu ajiya huäja'anä, ttö jädepäcuaju ja̧cua̧'a̧: ajiya chahua iyittö ucú cuiäre 'cä̧nä̧ri̧yu̧ttu̧, ⁴⁴pädomenä juäju isaju kädätäcuaju, a̧já̧ ahuí, ja̧'hua̧ta̧'a̧nö̧ cuäji camellorö ahua pe'ö ttötä huädäcuajusä ajiya, TÖ̧Ä̧NÄHUA̧, juajutä jä̧cua̧'a̧ isajumä ucú päcuäcua, ucutä ȩmú̧ iyöjä ttö chu̧ru̧hua̧ i̧tti̧rö̧.⁴⁵Ji̧nä̧́ ttö jacuänä amuädö ucuocu cädädiyai, topinätö̧jä̧, Rebeca räoinäju̧ kiäre 'cänäri̧yu̧cu̧ kuupi'canä ka̧'a̧ juäju ajiya acuäjucu 'chä̧hui̧'ö̧ ajiya huäopinäju̧. ja̧'hua̧nö̧ ja̧'a̧ ttö jäepinösä̧ juäjurö: chahuá iyittö. ⁴⁶Juäju yotäcu kuupi'cattö meyȩdä̧cu'ä̧huo̧u̧ kiäre 'cänäri̧yu̧ päjinäcu̧sä̧: a̧já̧ ahuí, ja̧'hua̧ta̧'a̧nö̧ cuäji camello̧tu̧rö̧'i̧nä̧ ajiya iyäjusä. Ja̧'hua̧nö̧ kiyäcu ahuinösä̧, ja̧'hua̧ta̧'a̧nö̧ juäju iyinäju̧ ajiya camello̧tu̧rö̧'i̧nä̧.⁴⁷Ttömä jä'epö ä̧ju̧cu̧mä̧ pä'inösä̧: ¿Ucumä di ittiju cua'attö̧? Jahuäjumä ädätinä̧ju̧: Nacor Milcacu tti̧tti̧ uhuäpächinö Betuel ittijusä. Ja̧'hua̧nö̧ ja̧'a̧ i̧so̧bu̧mä̧ ki̧ji̧yu̧nä̧ ru̧ni̧nu̧sä̧ ja̧'hua̧ta̧'a̧nö̧ ttöjonä ru̧nä̧huä̧sa̧mä̧ köjonä. ⁴⁸Ja̧'hua̧nö̧ jȩpö̧ chihue'quiyunä kä̧mä̧dö̧ ja̧rȩyu̧ pä'i'ö chu̧ru̧hua̧ Ö̧Ä̧NÄ̧HUA̧ Diosrö ucuo te'äu esehuinö̧sä̧, jueä mä̧nä̧nä̧ chi̧'chö̧nä̧ o'ipinö̧rö̧, chu̧ru̧hua̧ ahuaruhuaju kittijurö i̧tti̧ irecua päi'önä chu̧'o̧cui̧'ö̧nä̧.⁴⁹Jitämä, ja̧'hua̧nö̧ ja̧'a̧ttö̧, ucutu jo̧mȩnä̧ ku̧jä̧tu̧cu̧ttö̧mä̧ chu̧ru̧hua̧rö̧ re kä̧nö̧ jueönä̧tä̧ ji'ähuätucuittö. Ja̧'hua̧nö̧ ja̧'a̧nä̧ jȩ'cuä̧tu̧cu̧ juiyöttö'inä ji'ähuätucuittö, chu̧huo̧jua̧'a̧cu̧cö̧, chu'ohuecucö̧ chijärächi'äcua'anö̧."⁵⁰Ja̧'hua̧nö̧ ja̧'a̧ Labán'inä Betuel'inä ädätömä pättinä̧cu̧: Pi̧yȩ huȩnȩmä̧ TÖ̧Ä̧NÄ̧HUA̧TTÖ̧ ichinö ja̧'a̧; ujutumä suronä'inä, adihuomenä'inä tucuocua pä'ömä juiya'a. ⁵¹Topiju, Rebecamä yenaja̧ kjä̧ju̧. O'ipächö täiju, cu̧ru̧hua̧ i̧tti̧ irecua jö̧nä̧ käcua'anö, ja̧'hua̧nö̧ TÖ̧Ä̧NÄ̧HUA̧ päjita'anö̧tä̧.⁵²Abraham umöhuä̧ya̧mä̧ ttucuocu ä̧ju̧cu̧mä̧, TÖ̧Ä̧NÄ̧HUA̧ ä'ca jo̧mȩ ihue'quiyönä kä̧mä̧dö̧ ja̧rȩyu̧ pä'i'inö. ⁵³Umöhuäya̧mä̧, platattö adicuä'inä, orottö adicuä'inä ja̧'hua̧ta̧'a̧nö̧ pö̧jä̧ta̧'inä Rebecarö iyinö. Ja̧'hua̧ta̧'a̧nö̧ ja̧u̧mä̧ kubuorö'inä, ka̧ju̧ru̧'inä rö̧ä̧nä̧ micuäu mipponä iyinö.⁵⁴Ja̧'hua̧nö̧ ja̧'a̧ ja̧u̧mä̧ chutäcu kä̧cuä̧tö̧cu̧ u̧cuȩ'inä cuinö̧ a̧huȩ'inä ahuinö. Jahuätömä juȩnȩtä̧ 'cuäopinä̧tö̧ ja̧u̧ yodomä̧, ja̧'hua̧nö̧ ja̧'a̧ jahuätömä mo̧ro̧ päia'a ttö'orächia'a, ja̧u̧mä̧ pä'inö: ''Chu̧ru̧hua̧ chi̧'cha̧ hue'ittö.'' ⁵⁵kuböotö̧'inä ka̧ju̧'inä pättinäcu̧: ''Jahuäju muäyajumä ya'ute mo̧ro̧ yabonä̧nö̧ ku̧ji̧a̧'a̧nä̧ ja̧'a̧tä̧ topiju ujutucu, dieznö̧ mo̧ro̧tä̧'iinä. Ja̧u̧nö̧ o'ca'atä, ki̧huä̧cua̧ju̧ juajumä̧.''⁵⁶Ja̧'hua̧nö̧ ja̧'a̧nä ja̧u̧mä̧ jahuättörö päinö, '' chi̧'chä̧'a̧nä̧mä̧ 'to̧huȩpä̧rä̧tö̧, jua'amä̧ TÖ̧Ä̧NÄ̧HUA̧TÄ̧ chu̧mä̧nä̧mä̧ bahuepäcusä. Hueittö chu̧ru̧cuä̧cu̧ chi̧chä̧.'' ⁵⁷Ja̧'hua̧nö̧ jä̧'ä̧ pättinä̧cu̧: '' juotähuottöjä̧ yajute mu̧äyajuru jätepapä'ö.'' ⁵⁸Ja̧'hua̧nö̧ ja̧'a̧ Rebecarö juo'opö jäepinätö̧: '' ¿chä̧ju̧juä̧ pidecu?'' juajumä a̧'a̧ chä̧ju̧sä̧ pä'ö ädätinäju̧.''⁵⁹Ja̧'hua̧nö̧ ja̧'a̧ttö̧ jahuätömä ttijäcuaju Rebecarö cueö'icuinättö̧, ki̧'cha̧pä'ö jahuäjuru ttä̧'a̧rä̧ju̧cu̧ ji̧nä̧ yo̧mȩtȩ, Abraham u̧mu̧huäyotucu. ⁶⁰Ja'huätö Rebecarö̧ ppädäcuäcuä adicuäcua'a pä'inättö̧ jahuäjuru:"Ttijäcuaju repetäcua, ucumä juiyó recuätö ttä̧ju̧ cuäcuajujä pa̧ja̧cuo̧mȩ'i̧nä̧ juiyönä, ja̧'hua̧nö̧ ja̧'a̧ttö̧ ucu cuacuäruhuä iso juottepäcuotö ttabo'iyotö a̧u̧tä̧tö̧rö̧mä̧."⁶¹Ja̧'hua̧nö̧ ja̧'a̧ Rebeca ä̧rä̧mi̧'i̧nä̧ju̧, ja'huäju cu̧mu̧cuäyotucu cameyu̧tu̧nä̧ ttu̧cuä̧bä̧da̧pä'ö, ja̧'hua̧nö̧ ja̧'a̧ ja̧u̧ o'ca'anä 'chinättö̧. Ja̧'hua̧nö̧ ja̧'a̧ttö̧ Abraham umuhuä̧ya̧ päjimä o'ipu 'chinö Rebecarö, ja̧'hua̧nö̧ ja̧'a̧ttö̧ ichäjä̧mä̧nä̧tö̧ i̧cui̧nö̧. ⁶²Jitä Isaacmä Neguev ki̧nö̧, Beer Lajai Roi jareönä ppa̧'a̧chö̧.⁶³Isaac ni̧pä̧ro̧mȩ rä'opinö meje'cara̧'a̧ adiunänö amucuäda pä'ö. Ja̧'hua̧nö̧ 'chä̧nö̧ to'omenä topinö, ¡ca̧mȩyu̧tu̧ tticha'a! ⁶⁴Rebeca topinä̧ju̧, ja̧'hua̧nö̧ ja̧'a̧ tojomenä Isaactä jina'a, Camejo u̧huä̧mȩttö̧ jurunä mȩyȩhuä̧chi̧nä̧ju̧. ⁶⁵Ja'huäju pä'inäju̧ ttu̧mu̧huä̧ya̧rö̧: "¿Tide jua̧'a̧ jä̧ttö̧ ujuturu toa pä'ö meje'cara'a 'chä̧ji̧mä̧?" Ttu̧mu̧huä̧yä̧ ädätinö: "Ja̧u̧mä̧ chu̧ru̧hua̧ jä̧'a̧". Ja̧hua̧nä̧ ä̧ju̧cu̧ jahuäjumä 'to̧ȩcuä̧cuä̧huä̧ta̧ ȩmo̧po̧'ö̧ kunä i̧sä̧ta̧ a'tocuinä̧ju̧.⁶⁶Ja̧'hua̧nö̧ ja̧'a̧ Abraham i̧tti̧ Isaac ja̧ju̧ Sarami̧nä̧ kojusodera'acu Rebecarö o'ipinödo jahuäjucutä ö̧ja̧ pä'ö. ⁶⁷Isaac repe'inödo Rebecarö. Ja̧'hua̧nö̧ ja̧'a̧ttö̧ ja̧ju̧ Sarami̧nä̧ 'corupäji'inö o'ca'a, Rebeca ja̧u̧ru̧ ppäjäda'attö Isaac a̧'cua̧ adihuächi'inäcudo täcö.

¹Abraham karaju irecuarö ȩmi̧nö̧ Cetura pä'ö micuajuru. ²Juäjuttu i̧tti̧mu̧rö̧ ku̧nä̧ri̧nö̧ Zimram, Jocsán, Medán, Madián, Isbac ja̧'hua̧ta̧'a̧nö̧ Súa'inä. ³Seba'inä Dedán'inä ttä'ó pinö Jocsánmä̧. Dedán ahuaruhuä o'cotö ji̧na̧'a̧ Letuseo'inä leumeo'inä asirio ttö̧ja̧pinätö̧. ⁴Madián i̧tti̧mu̧mä̧ pitö ji̧na̧'a̧ Efa,Efer, Hanoc, Abida ja̧'hua̧ta̧'a̧nö̧ Elda'inä. Jahuätö o'catoinä kahuaruhuä ji̧na̧a̧ Cetura.⁵Recuo a̧'ȩ o'ca'a Abrahammä o'ca juiyönä u̧ju̧nä̧rö̧mä̧ i̧tti̧ Isaacrö hue'ipinödo. ⁶Ja̧'hua̧nö̧ ja̧'a̧nä̧ i̧tti̧mö̧rö̧, Ceturacu i̧tti̧mö̧rö̧ koro juäi iyö, i̧tti̧ Isaacttö oto hueinä̧u̧do, kä̧hua̧ räopa'acu tti̧'cha̧ pä'ö ja̧huä̧jä̧ra̧'a̧ ttö̧ja̧cua̧ pä'ö.⁷Abraham o'ca juiyönä a̧'cua̧rö̧ kä̧nö̧ u̧ju̧nä̧ri̧nö̧mä̧ ku̧nä̧ri̧nö̧ ciento setenta y cinco a̧'ȩ jo̧mȩnä̧. ⁸A̧'cua̧ ko̧mȩnä̧ böäcuächötä 'corupä'i'inödo.⁹'Corupäi'äji o'ca'a i̧tti̧mö̧ Isaac'inä, Ismael'inä ttä'omi̧nä̧ o'co jähuä Macpela idoränä rötinätödo. Ja̧huä̧jä̧ Mamre pä̧tȩcuä̧nö̧ ki̧nä̧jä̧, hititas ttö̧ja̧ i̧sa̧ Zohar i̧tti̧ Efrónttö ȩmi̧nä̧jä̧nä̧. ¹⁰Ja̧huä̧jä̧ Abrahamminä hititas ttö̧ja̧ttö̧ pärätänä mitö ȩmi̧nä̧jä̧nä̧ Abraham minärö'inä, irecua Sarami̧nä̧rö̧'i̧nä̧ rötinätödo. ¹¹Ja̧'hua̧nö̧ ja̧'a̧ Abraham 'corupäi'inö o'ca'a, i̧tti̧ Isaacrö ppä'ädinödo Diosmä. Isaacmä reju ajiya acuäju ppeye ki̧nö̧do. Jahuäju rejumä ―Dios 'cuäopönä kö̧mä̧ ttörö topö― pä'ö micuinäjudo.¹²Ja̧'hua̧nö̧ ja̧'a̧, Pitö ji̧na̧'a̧ Abraham irecua Sara cumöhuäyaju Abrahamrö huejinä̧cua̧ Agar Egipto ttö̧ja̧sajuttö i̧tti̧ Ismael i̧tti̧mö̧ pinätö̧mä̧.¹³Ismael i̧tti̧mö̧ o'catoi'önä tti̧mi̧mä̧ pa̧'a̧nö̧ micuinä̧tö̧, ttuhuäpächinö̧'a̧cuä̧mä̧: Ismael ä̧cuo̧mȩnä̧ i̧tti̧mä̧ Nebaiot ji̧na̧'a̧, Cedar'inä, Adbeel'inä, Mibsam'inä, ¹⁴Misma'inä, Duma'inä, Massa'inä, ¹⁵Hadar'inä, Tema'inä, Jetur'inä, Nafis'inä, Cedema'inä. ¹⁶Pitö ji̧na̧'a̧ Ismael pinä̧tö̧mä̧, tti̧mi̧mä̧ pa̧'a̧nö micuinätö̧, ttidepiyu ppo̧ö̧'a̧cuä̧, ja̧'hua̧ta̧'a̧nö̧ ä'ö ttö̧jo̧mȩ jö̧'a̧cuä̧; ttahuaruhuä 'cotö docenö huotö ttturuhuotö pinätö̧ttö̧mä̧.¹⁷Ismaelmä̧ 137nö a̧'ȩ jo̧mȩnä̧ ku̧nä̧ri̧nö̧. Röjinä̧mä̧ juäpi'ipötä 'corupä'i'inö, 'coru päi'äji o'ca'amä ahuaruhuä 'corujuo'ächinä̧tö̧ ttö̧'o̧mȩcu̧ ttȩpi̧nä̧cu̧. ¹⁸Jahuätömä Havilacu Shurcu kä'co jo̧mȩ ka̧cui̧nä̧tö̧, Egipto rȩjȩttö̧tä̧ tö'cönä̧nö̧, Asiria rȩjȩra̧'a̧cu̧ 'chä̧cuä̧hua̧'a̧cu̧. Jahuätömä korotö korotönöcu̧ rohuäu ka̧cui̧nä̧tö̧.¹⁹Pa̧'a̧nö̧ ji̧na̧'a̧ Abraham i̧tti̧ Isaac ötö'cö huȩnȩmä̧. Abrahammä Isaac jä'o jinö huinö. ²⁰Isaacmä cuarenta a̧'ȩ hua̧ pinödo Rebecarö irecua päi'önä ȩmi̧nö̧mä̧. Rebecamä Betuel ittiju, Labán öjähuaju pinäjudo. Jahuätömä arameos ttö̧ja̧ pinätödo. Padan-aram rȩjȩnä̧ ka̧cui̧nä̧tö̧do.²¹Rebecamä ki̧tti̧mö̧ recuo to'inäjudo. Isaacmä Tu̧ru̧hua̧ Diosrö jä'epö ucuocuinödo Rebecarö. Isaac jäepäjimä ädätinödo Tu̧ru̧hua̧ Dios. Ja̧'hua̧nö̧ ja̧'a̧ Rebeca täcö möchaju päi'inäjudo. ²²Ja̧'hua̧nö̧ ja̧'a̧ ki̧tti̧mö̧ ta̧ju̧ ja̧cuä̧ba̧ttö̧ cäyucue'inätödo. Rebeca pä'inäjudo: ―Ja̧'hua̧nö̧ ja̧'a̧mä̧, ¿Tta̧'a̧nö̧ pä'ö jä̧cua̧sä̧ttö̧ pa̧'a̧nö̧mä̧? Ja̧'hua̧nö̧ jä̧cua̧ amöcuädö, Tu̧ru̧hua̧ Diosrö jä'epö 'chi̧nä̧ju̧do.²³Tu̧ru̧hua̧ Dios päinäcuado: Ja̧cuä̧ba̧nä̧ ta̧ju̧ huotö ja̧'a̧ttö̧ jä̧cua̧jä̧. Ji̧nä̧ isocu kada'cattömä jahuätö isotö päi'önä ttö̧ja̧cuä̧cuo̧tö̧rö̧ ta̧ju̧ huotörö cuhuäbecuäcuajujä. Yotötemä korotöttö'inä abonänö ttujuruhuäcuotö. Ä'canä ru̧hua̧ttö̧ isotömä ö̧jä̧hua̧ttö̧ isotö huettötä jȩttä̧cuo̧tö̧―. ä'inödo Tu̧ru̧hua̧ Diosmä.²⁴Rebeca täcö kuhuäbecuomenä, u̧mä̧tö̧ ta̧ju̧ru̧ uhuäbecuinäjudo. ²⁵Ä'canä ru̧hua̧mä̧ i̧jȩta̧ adiu tu'inödo. Uhuo'chemä jä̧ttä̧pä̧ya̧tä̧ ku̧nä̧ri̧nö̧do. Ja̧u̧mä̧ Esaú pä'ö ottinäcudo. ²⁶Ja̧u̧nu̧ o'ca'a uhuäpächi'ömä uböo utturuhuä'canä u̧mö̧nä̧ 'chu̧huä̧rä̧nö̧ uhuäpächi'inödo. Ja̧u̧mä̧ ottinäcudo Jacob pä'ö. Rebeca Isaacttö ki̧tti̧mö̧rö̧ kuhuäbecuinömä, Isaac sesenta a̧'ȩ ku̧nä̧ri̧nö̧do.²⁷Ja̧'hua̧nö̧ ja̧'a̧ Isaac i̧tti̧mö̧ böo juo'inätödo. Esaúmä de'atä cueächa pä̧huä̧ rö̧ji̧nä̧cu̧do, po̧cuä̧ru̧hua̧ ja̧'a̧ttö̧. Jacobmä oju odehuiyänätä a̧'cua̧ pö̧nö̧ aditö ki̧nö̧do. ²⁸Isaacmä de'a ru̧hua̧ idepä ucua päa'attö, i̧tti̧ Esaúru repe'inödo. Ja̧'hua̧nö̧ ja̧'a̧nä̧ Rebecamä Jacobrö repe'inäjudo.²⁹Koronö mo̧ro̧ Jacob jȩru̧huä̧ da'inödo. Uböo Esaúmä de'attö ichomenä, juiyo ucua ppäi rö̧jä̧chi̧'i̧nä̧cu̧do. ³⁰Ja̧'hua̧nö̧ ja̧'a̧ Esaúmä Jacobrö pä'inödo: ―Chucua iyittö ja̧u̧ tuhuo jȩru̧huä̧ttö̧. Ppäittö juiyupächi'ösä―. (Ja̧'hua̧nö̧ ja̧'a̧ttö̧ Esaú koro i̧mi̧mä̧ Edom pä'ö micuinödo.)³¹Jacob ädätinödo: ―Ja̧'hua̧nö̧ jö̧ttö̧mä̧ ä'canä ru̧hua̧ chö̧jö̧nä̧ hue'ipittö, ä'canä ru̧hua̧ ȩmä̧cuȩmä̧ ttötä chȩmä̧cua̧'a̧nö̧ micuä päi'önä―. ³²Esaú pä'inödo: ―Ttömä täcö 'corupädi'ö'a̧nö̧ päi'äcusä. Jitämä ttörö micuähuoca'a ä'canä ru̧hua̧ ȩmä̧cuȩ chȩma̧ pä'ö―. ³³Jacob pä'inödo: ―Iso päi'önä huecuhuipö'a̧nö̧ jö̧ttö̧mä̧, “A̧' hue'ipösä pä'ittö”― päinäcudo. Ja̧'hua̧nö̧ ja̧'a̧ Esaúmä ä'canä ru̧hua̧ ȩmä̧cuȩmä̧ Jacobrötä hue'ipinödo. ³⁴Ja̧'hua̧nö̧ ja̧'a̧ttö̧ Jacobmä Esaúru ucua pä'ö iyinödo pa̧'i̧nä̧, jȩru̧huä̧'i̧nä̧. Ja̧'hua̧nö̧ ja̧'a̧ cuä̧nö̧'i̧nä̧ cuäji'ca̧, au'inä ahuäji'ca̧ ä̧rä̧mi̧'ö̧ i̧hui̧nö̧do. Ja̧'hua̧nö̧ jȩa̧'a̧ttö̧ ä'canä ru̧hua̧ ȩmä̧cuȩ ȩma̧ pä'ömä micuähuocö pinödo.

¹Ja̧'hua̧nö̧ ja̧'a̧ ja̧u̧ rȩjȩnä̧mä̧ ppäi ttuhuähuä 'cuäopina'a, ä̧cuo̧mȩnä̧ ppäi ttuhuähuä Abraham ö̧ji̧nö̧ pä̧nä̧ 'cuäopinö̧ttö̧'inä. Isaacmä filisteos Gerar ötahuioyänä ka̧cuä̧tö̧ ttu̧ru̧hua̧ Abimelec ö̧ja̧'a̧cu̧ 'chi̧nö̧.²Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ ja̧u̧rö̧ i̧jȩcu̧mä̧ päinä̧cu̧: Egipto rȩjȩra̧'a̧cu̧mä̧ cui̧mȩyȩhuä̧; Ttö ku̧ja̧ pä̧dä̧jä̧nä̧tä̧ ku̧ja̧jä̧. ³Ja̧huä̧jä̧nä̧tä̧ kä̧hui̧ ja̧'hua̧ta̧'a̧nö̧ Ttömä ucutäcu chu̧jä̧cua̧sä̧ juhua'atäcu adiunä̧tä̧ jȩchä̧cua̧jä̧, ucuru'inä, cui̧tti̧mö̧rö̧'inä pi̧jä̧ rȩjȩ jä̧ttä̧jä̧ chi̧yä̧cua̧sä̧ ja̧'hua̧nö̧ iyö cuä'o Abraham minärö̧ chi̧yä̧cua̧jä̧ pädinö ji̧nö̧mä̧ ja̧u̧nu̧ mo̧ro̧ pätecuächäcua'a.⁴Ttötä jȩchä̧cua̧sä̧ ucutu ru̧cuä̧chä̧tu̧cu̧nä̧ mo̧ro̧jä̧ si̧ri̧'cö̧ jö̧ ta̧'a̧nä̧, ja̧'hua̧ta̧'a̧nö̧ ucu cuahuäruhuä 'cotörö chiyä̧cua̧sä̧ pi̧jä̧ rȩjȩ o'cajuiyönä. Cuahuäruhuä 'cotöttömä o'catoinä tti̧rȩjä̧ ttö̧jo̧cuo̧mȩ pu̧nä̧mä̧ adihua pä'ötä jȩchä̧cua̧sä̧. ⁵TTÖ pi̧yȩmä̧ jȩchä̧cua̧sä̧ Abraham TTÖ chi̧huȩnȩ esetinä'a̧ttö̧ ja̧'hua̧ta̧nö̧ TTÖ chu̧huo̧juȩtö̧ ucuotönö jȩi̧nä̧'a̧ttö̧ TTÖ huedö'i̧nä̧, TTÖTTÖ pa̧'a̧nö̧ ja̧'a̧cua̧ pä'ö huȩyu̧tu̧ rutähuä'inä, ja̧'hua̧ta̧nö̧ TTÖTTÖ hueähuä huȩnȩ'i̧nä̧."⁶Ja̧'hua̧nö̧ ja̧'a̧ttö̧ Isaacmä kä̧bä̧di̧nö̧ Gerar'nä. ⁷Juä̧nȩ ka̧cuä̧tö̧mä̧ jättepinäcu̧ irecua kötö'cö, Ja̧'hua̧nö̧ jo̧mȩnä̧ ja̧u̧ ädätinö: "Jahuäjumä ttö chijähuaju." Ja̧u̧mä̧ yecunä ji̧nä̧cu̧ papä'ömä: "Ja'huäjumä ttö chirecua." Ja̧u̧mä̧ amucuadinö: " Pȩnȩ u̧mä̧tö̧mä̧ ttörö cuä'ö tticu'anö ja̧'a̧ Rebecarö ttȩmi̧pa̧ pä'ö, ja'huäju juiyó kö'adicua'attö." ⁸Ja̧u̧nu̧ o'ca'a Isaacmä juä̧nȩmä̧ recuonänö ki̧nö̧, ja̧'hua̧nö̧ ja̧'a̧nä̧ Filisteos tu̧ru̧hua̧ Abimelec topinö ventana isatenä. Ja̧u̧ to'omenä, topinö, Isaac irecua Rebecarö esecua'a.⁹Abimelecmä Isaac ichi'a pä'ö ä̧tȩpä̧ji̧'ca̧ pa'inö: "Topi, iso päi'önä ja'huäjumä ucu cuirecua ja̧'a̧. ¿Tta̧'a̧nö̧ pä'ö päcuättö̧, ja'huäjumä ttötä chijähuaju pä'ömä?" Isaac ja̧u̧ru̧ pä'inö: "Ttömä amucuädäjisä ya̧tȩ cuä'ö icu'anö ja̧'a̧ jahuäjuru chȩmä̧ttä̧mä̧ pä'ö." ¹⁰Abimelec pä'inö: "¿Däje jä̧ttö̧ ja̧'hua̧nö̧ ujuturu jecu'äjimä? Ötahuiyä ttö̧ja̧sa̧ttö̧ ya̧tȩ ä'ö'anö̧tä̧ jä̧'a̧ cuirecuacumä ja̧'hua̧nö̧ jȩo̧mȩnä̧ huȩnȩ jö̧'a̧nö̧ jä̧'a̧ ujuturu." ¹¹Ja̧'hua̧nö̧ ji̧yä̧cu̧, Abimelecmä ji'äu ku̧ni̧nö̧ o'catoi'önä ttö̧ja̧rö̧ pa̧'a̧nö̧ pä'ö: "Ujututtö ya̧tȩ ja̧u̧ru̧ suronä jȩö̧ttö̧mä̧ ja̧'hua̧ta̧'a̧nö̧ irecuarö'inä, iso päi'önätä pä'ösa ja̧u̧mä̧ cuä'ö i̧cuä̧hua̧ jä̧cua̧."¹²Isaac cuähuä ku̧ni̧nö̧ ja̧huä̧jä̧ rȩjȩnä̧ ja̧'hua̧nö̧ ja̧'a̧ ja̧u̧ a̧'ȩttö̧tä̧mä̧ cienö̧ jo̧mȩ yabonänö ucuähuö 'to'inä, TÖ̧Ä̧NÄ̧HUÄ̧TÄ̧ ppäda'attö̧. ¹³Ja̧u̧mä̧ ru̧hua̧ juo'inö ja̧'hua̧ta̧'a̧nö̧ aditähuä'inä yabocutä rö̧'ä̧chi̧na̧'a̧ ja̧'hua̧ta̧'a̧nö̧ yabocutä hueöttö'inä ru̧hua̧ juo'inö. ¹⁴Ku̧nä̧ri̧nö̧ ovejattö̧ recuätörö ja̧'hua̧ta̧'a̧nö̧ pä̧ca̧yö̧'i̧nä̧ ja̧'hua̧ta̧'a̧nö̧ recuätö umuhuäyotörö'inä. Ja'huanö jiyäu filistea ttö̧ja̧mä̧ ja̧u̧ru̧ ä'cuoyähuinätö.¹⁵Ja̧'hua̧nö̧ ja̧'a̧ttö̧, u̧mu̧huäyotörö jä'ó hueinö satta peö o'cajuiyönä ajiya acuäjumä jä'ó Abraham u̧mo̧ro̧, filisteos ttö̧ja̧mä̧ redä'ca tta̧'ö̧ du̧mä̧di̧nä̧ttö̧. ¹⁶Isaacrö päinö Abimelecmä: tiipächi otó ujututtömä, ucú juiyo ri̧ȩnä̧ ju̧ru̧hua̧jä̧ ujututtö'inä abonänö. ¹⁷ja̧'hua̧nö̧ ja̧'a̧ttö̧ Isaac räopächinö juorö ja̧'hua̧nö̧ ja̧'a̧ kä̧mä̧di̧nö̧ Gerar ötahuiyä pämäroppänä ja̧'hua̧nö̧ ja̧'a̧ttö̧ juȩnȩtä̧ ki̧nö̧.¹⁸Jä'ó Abraham minä huahuinö moró̧, Isaac päajita'anö sainö ajiya acuäju. Filisteos ttö̧ja̧ a̧ttu̧tticuinö oju Abraham 'corujuächinö'ca'a. Ja̧'hua̧nö̧ ja̧'a̧ Isaac rejuhuiyä ajiya acuäjumä̧ oinö jä'ó minä oä'chinö̧ta̧'a̧nö̧.¹⁹Isaac umöhuäyotö pämäroppä päi'ome reju sattomenä, jahuätömä rejuttömä ajiya rȩjȩttö̧ räopa'a po̧cui̧pi̧nä̧tö̧. ²⁰Gerar a̧ji̧mö̧rö̧ tta̧huä̧rä̧cuä̧huä̧ ttö̧ja̧mä̧ Isaac ä̧ji̧mö̧rö̧ tta̧'a̧rä̧tu̧cu̧ pä'ä'chäcuäumä pä'inä̧tö̧: "Poya ajiyamä ujutu tahuoya" ja̧'hua̧nö̧ ji̧yä̧cu̧ Isaacmä jahuäju reju i̧mi̧mä̧ o'inö esek pä'ö juhua'amä jahuätö churutä ra̧huä̧rö̧nä̧ pättä'chinomettö̧.²¹Ja̧'hua̧nö̧ ji̧yä̧u̧ jahuätömä rejumä korojutä sa'inä̧tö̧, ja̧'hua̧ta̧'a̧nö̧ koro oju'inä, ja̧'hua̧nö̧ sattäja'amä jahuäjunä'inä pä'ä'chäcuähuinä̧tö̧, ja̧'hua̧nö̧ ja̧'a̧ttö̧ jahuäjumä o'inätö̧ Sitna pä'ö. ²²Ja̧u̧mä̧ juorömä koromecu̧ 'chä̧hui̧'ö̧, koro oju'inä sa'inä̧tö̧, ja̧'hua̧nö̧ sattaja'amä yabonö̧mä̧ pä'ä'chocotö pinä̧tö̧ jahuäju tö'cömä. Ja̧'hua̧nö̧ jo̧mȩttö̧ jahuäjumä o'inö Rehobot pä'ö, ja̧'hua̧nö̧ pä'ömä pä'inö: Jitämä TÖ̧Ä̧NÄ̧HUA̧MÄ̧ rö̧ä̧nä̧nö̧ jo̧mȩ i̧yä̧jä̧u̧jä̧, ja̧'hua̧nö̧ ja̧'a̧ttö̧ ujutumä pi̧jä̧ttö̧mä̧ yabonö rö̧tä̧chä̧cuo̧tö̧jä̧."²³Ja̧u̧nu̧ o'ca'a Isaacmä juorumä Beersebara̧'a̧cu̧ 'cha'achinö. ²⁴TÖ̧Ä̧NÄ̧HUA̧MÄ̧ ja̧u̧tä̧ yodo i̧jȩcu̧mä̧ päinä̧cu̧: "Ttötäsä cuä'o Abraham ö̧ä̧nä̧hua̧ Diosmä. Yecuecuä, isopäi'önä ucutäcu ku̧sä̧ ja̧'hua̧ta̧'a̧nö̧ adiunätä jö̧nä̧ jȩchä̧cua̧jä̧ juhua'atäcu cui̧tti̧mö̧ yabonö yottäunä jȩchä̧cua̧jä̧, chu̧mö̧huä̧ya̧ Abraham jähuänämä." ²⁵Isaacmä ju̧huȩnä̧tä̧ i̧sa̧rö̧ ku icu iyähuome aditinö, aditäji'ca̧mä̧ Ö̧Ä̧NÄ̧HUA̧ i̧mi̧nä̧ ucuocuinö. Ju̧huȩnȩtä̧ isode i̧sa̧ i̧jȩta̧ttö̧ 'tu̧ä̧huode aditö kä̧nö̧mä̧ juhua'atäcu umöhuäyotömä ajiya reju sa'inä̧tö̧.²⁶Ja̧'hua̧nö̧ ja̧'a̧ Abimelecmä yo̧mȩtȩnä̧ 'chi̧nä̧tö̧ Gerarttö kä̧mä̧dö̧ a̧hua̧ru̧hua̧ Ahuzatcumä ja̧'hua̧ta̧'a̧nö̧ su̧ro̧da̧u̧ ttu̧ru̧hua̧ Ficolcu'inä. ²⁷Isaacmä jahuätörö pä'inö: ¿Tta̧'a̧nö̧ pä'ö ttö chö̧ja̧'a̧cu̧ cuichätucua'attö, ucutumä ttörö kö'cocotöjä̧ ja̧'hua̧ta̧'a̧nö̧ ucutumä ttörö otome hue'ö icuocotö pinä̧tö̧jä̧?²⁸Ja̧'hua̧nö̧ ja̧'a̧ jahuätömä pä'inä̧tö̧: Ujumä huajunä topä'ijätöjä TÖ̧Ä̧NÄ̧HUA̧ ucucu ö̧ja̧'a̧mä̧, ja̧'hua̧nö̧ ji̧yä̧u̧ a̧mö̧cuädätöjä ji̧yȩtȩnä̧ huȩnȩtö̧ päcuatö pä'ö, ujutumä ucucu. Ja̧'hua̧nö̧ ja̧'a̧ttö̧ ucucu esecuätöjä, ²⁹ucumä suronämä jȩ'cuo̧tó, ujutu ucuru suronä jȩto̧ca̧'a̧ jä̧'i̧ta'anö ja̧'hua̧nö̧ ja̧'a̧ttö̧ adiu jȩpö̧mä̧, huȩnȩ juiyönä̧tä̧ oto huetinä̧cu̧jä̧. Isopäi'önä̧tä̧ ucumä̧ TÖ̧Ä̧NÄ̧HUA̧TÄ̧ adiu jö̧nä̧ jȩi̧nä̧cu̧jä̧.³⁰Ja̧'hua̧nö̧ ja̧'a̧ttö̧ Isaac pä'cäri jȩpi̧nö̧ jahuätucumä ja̧'hua̧ta̧'a̧nö̧ cuä̧nö̧'inö cuinä̧tö̧, au'inä ahuinä̧tö̧. ³¹Pä'ö mo̧ro̧ päia'a poröchi'ö ji̧yȩtȩ i̧mi̧nä̧ huȩnȩtö̧ pä'ähuinä̧tö̧ ka̧ra̧ ka̧ra̧nö̧. Ja̧'hua̧nö̧ ja̧'a̧ Isaacmä te'ähui'inö, ja̧'hua̧nö̧ jo̧mȩnä̧ huȩnȩ juiyönätä ki̧'i̧nö̧.³²Ja̧u̧nu̧tö̧ mo̧ro̧ ichi'inättö Isaac umuhuäyotö ja̧'hua̧nö̧ ja̧'a̧ttö̧ pä'inättö̧ reju sattäju ötö'cö. Jähuättö pö'inättö̧: "Tä'cö ajiya po̧cui̧pä̧jä̧tö̧jä̧." ³³Ja̧u̧ jahuäju o'inö Seba pä'ö, ja̧u̧ ötahuiyämä micua'a Beerseba pä'ö jitä mo̧ro̧ jobu pä'inä.³⁴Esaú cuarenta a̧'ȩ u̧ju̧nä̧ro̧mȩnä̧ irecuarö ȩmi̧nö̧, Judit'rö Beeri ittijuru hitita ttö̧ja̧sa̧, ja̧'hua̧nö̧ ja̧'a̧nä̧'i̧nä̧ eminö Basemat' rö'inä Elón ittijuru hitita ttö̧ja̧sa̧. ³⁵Jahuätö nä̧ttö̧mä̧ kä̧'chinä̧tö̧ tta̧'cua̧ tta̧huȩcuä̧cuä̧huä̧tä̧ Isaac'rö'inä ja̧'hua̧ta̧nö̧ Rebeca 'rö'inä.

¹²Isaac tä'cö bu̧o̧sa̧ ji̧na̧'a̧ ja̧'hua̧nö̧ ja̧'a̧ttö̧ ö'äriyä'inä adiunä toö juiyönä ji̧na̧'a̧, juopinä, i̧tti̧ ä̧cuo̧mȩnä̧ i̧sa̧rö̧, ja̧u̧ru̧ pä'inö: "Chi̧tti̧." ja̧u̧ ädätinö: "Pȩnȩtä̧ kö̧sä̧." Ja̧u̧ pä'inö: "Adiunä ä̧ju̧cu̧ topittö, ttömä tä'cö bu̧o̧sa̧sä̧, 'corujuo̧dä̧chä̧cuä̧ mo̧ro̧'i̧nä̧ chieru'unä jä̧cu̧sä̧³Ja̧'hua̧nö̧ ja̧'a̧ttö̧, curämä emi, ppö̧'a̧ri̧ ȩnä̧huättä'inä ja̧'hua̧ta̧'a̧nä̧ ppo'obu'inä, ja̧'hua̧nö̧ ȩmö̧ meje'ca̧ra̧'a̧ 'chä̧nö̧ idepottättö chucua ȩma̧ji̧yi̧ttö̧. ⁴Adiu nö̧nä̧ da'ö iyittö, chucua pädä'ijö'anö, ja̧'hua̧nö̧tä̧ i'chächö iyittö chucua ja̧hua̧nö̧ jo̧mȩnä̧tä̧ 'corujuodächäcua'a ä'canä a̧di̧huo̧mȩnä̧ cui̧'cha̧tä̧ pä̧dä̧cua̧jä̧."⁵Ja̧'hua̧nö̧ ja̧'a̧ Rebeca ä̧ju̧cui̧nä̧ju̧ Isaac ucucua i̧tti̧ Esaúrö. Esaú 'chi̧nö̧ dea po̧i̧rö̧ 'poapeö usú jäorö ucuäjeapeö. ⁶Ja̧'hua̧nö̧ ja̧'a̧ Rebeca ki̧tti̧ Jacobrö ucucu jijähuinäcu̧: Ä̧ju̧cui̧, ttö ä̧ju̧cuä̧jä̧ju̧sä̧ cuä'ó ucuocua cubuo Esaúrö. Jo̧u̧rö̧ päinö: ⁷deá i̧sä̧ idepättö nö̧'ö̧nä̧ daipu ttö chucua iyittö TÖ̧Ä̧NÄHUA̧ ö̧jo̧mȩttö̧ hua'ö́ chicuäcua a'canä adihuä juäi ucucu chö̧ju̧na̧cu̧.⁸Ja̧'hua̧nö̧ ja̧'a̧ttö̧, chi̧tti̧ ttö huedömä eseti. ⁹topäji cuä̧ji̧mu̧ ovejatö̧ttö̧ ta̧ju̧rö̧ adihuätöttö ȩmä̧ji̧; jahuätöttö ttötä adihuö nö̧ö̧nä̧ dadacuäjusä cuä'ó ucapeö, chutä ucuapeö öjö'cäita'anö. ¹⁰Ucutä cuiyä̧cua̧jä̧ cuäorö ucuapeö, ja̧'hua̧nö̧ ja̧'a̧ttö̧ hua'ö icuäcua'a ä'canä adihuönä ucuocu u̧ju̧nä̧cua̧jä̧.¹¹Jacobmä ja̧ju̧ Rebecarö pä'inö: Topi, chuböo Esaúmä ttö̧ja̧sa̧ u̧huo̧cua̧ ja̧'a̧, ja̧'hua̧ta̧'a̧nö̧ ttömä uhuocuocösä, ¹²chä'orö ttörö itihuo'omenä, chujuamä yaparetä jȩpä̧'chö̧ pä̧cua̧sä̧. Ttö surojuoecuätä chi'cächä̧cua̧sä̧, adiunätä̧ ja̧rö̧jä̧ pähuämä̧cö̧."¹³Ja̧ju̧mä̧ päjinä̧cu̧: Chi̧tti̧, ji̧yȩtȩ surojömä ttörötä ma̧ä̧cua̧'a̧. pädötä'inä ucuotittö, 'chi̧'i̧pö̧ i'cächiyittö. ¹⁴Ja̧'hua̧nö̧ päjäcu Jacobmä cabra i̧tti̧rö̧ i'cächö ja̧ju̧rö̧ iyinö, ja̧'hua̧nö̧ iyäcua ja̧ju̧mä̧ cuäcuähuämä nö̧nä̧ da'inä̧ju̧, ucua pä'ö öjö'cä'ijomenä.¹⁵Rebecamä ki̧tti̧ ä̧cuo̧mȩnä̧ i̧sa̧ Esaú ȩmö̧po̧'i̧nä̧ju̧, yajutä kojusodenä kä̧ta̧ttö̧ ja̧'hua̧nö̧ ȩmö̧ Jacobrö 'ca̧ti̧nä̧ju̧, ki̧tti̧ röjinä̧ i̧sa̧rö̧. ¹⁶Umö̧pi̧yä̧nä̧mä̧ cabra i̧tti̧ i̧jȩta̧ttö̧ rö̧nö̧ kä̧nö̧ u̧ru̧pä̧'quȩ uhuo'che juiyome'inä ja̧u̧tä̧ i̧jȩta̧ttö̧ huȩni̧nä̧ju̧. ¹⁷Jahuäjumä cuäcuähuämä nö̧nä̧ da'ä'coju ja̧'hua̧ta̧'a̧nö̧ pancu̧ kȩttä̧ji̧cu̧ ki̧tti̧ Jacob u̧mö̧ttö̧ ȩmö̧.¹⁸Jacobmä jä'o ö̧ja̧'a̧ 'chä̧ji̧'ca̧mä̧ pä'inö: "Chä'o" Ja̧u̧mä̧ ädätinä̧cu̧: "Pȩnȩtä̧ pö̧sä̧; ¿Chi̧tti̧ ucumä di cua'attö̧?" ¹⁹Jacobmä jä'orö pä'inö: "Ttömä cui̧tti̧ ä̧cuo̧mȩnä̧ i̧sa̧ Esaúsä; jȩpä̧ji̧sä̧ huecuäjita'anö. Jitämä pȩnȩ pä̧mä̧dö̧, idepä cuitiyittö, adiunä jö̧nä̧ pähuä cuiyattö."²⁰Isaacmä i̧tti̧rö̧ pä'inö: "¿Chi̧tti̧, Tocu jurunämä cu̧'o̧cui̧'ä̧jä̧ttö̧?" Ja̧u̧mä̧ päinä̧cu̧: Isopäi'önä TÖ̧Ä̧NÄ̧HUA̧ Diostä i'chächäjätucui." ²¹Isaacmä i̧tti̧ Jacobrö pä'inö: "Chi̧tti̧, Ttö chu̧ja̧'a̧cu̧ ichi'ö tihuopittö ja̧'hua̧ta̧'a̧nö̧ ucumä ja̧u̧tä̧ ja̧'a̧ pä'ö chu̧huo̧juä̧cua̧'a̧nö̧, isopäi'önä chi̧tti̧ Esaú ja̧'a̧ pä'ö."²²Jacobmä jä'o Isaacmä tö'cönänö 'chä̧hui̧'ö̧ mȩ'ö̧mä̧ pä'inö: "I̧huȩnȩmä̧ Jacob i̧huȩnȩ ja̧'a̧, ja̧'hua̧nö̧ ja̧'a̧nä̧ u̧mö̧mä̧ Esaú umö ja̧'a̧. ²³Isaacmä ttu̧'ȩpä̧ri̧'o̧cö̧ pinö umömä uhuocua'attö uböo Esaú u̧mö̧pi̧yä̧ jä̧'i̧ja̧'a̧nö̧, ja̧'hua̧nö̧ ji̧yä̧cu̧ Isaac adiunätä̧ ja̧ pä'ö iyinö.²⁴Ja̧u̧ pä'inö: ¿Ucumä isopä'inätä̧ ttö chi̧tti̧ Esaú tä̧ji̧? ja̧'hua̧nö̧ päcu ädättö pä'inö: "A̧'a̧ ttötä." ²⁵Isaac pä'inö: "I'cächipi chucua ucu cuabotäcu idepättö, ucuru adiunä ppädäcuähuä rȩbȩhua̧ pädacu." ja̧'hua̧nö̧ ja̧'a̧ttö̧ Jacob i'cächipinö cuäcuähuä. Isaac'mä cuinö, ja̧'hua̧ta̧nö̧ Jacob i'cächipinö vino'inä ja̧'hua̧nö̧ ja̧'a̧ttö̧ ja̧u̧'inä ahui'inö.²⁶Ja̧hua̧nö̧ ja̧'a̧ jä'o Isaac pä'inö: "Jitämä tö'cönä̧nö̧ pä'iö 'chu'o̧pi̧ttö̧, ttötä chi̧tti̧." ²⁷Jacob tö'cönänö pä'iö 'chu̧'o̧pi̧nö, ja̧'hua̧nö̧ jȩpu̧ ö̧'ca̧ta̧hua̧ta̧ ö̧a̧mȩ 'cö̧'ö̧ a̧di̧huä̧cua̧jä̧ päinä̧cu̧. Ja̧u̧ pä'inö: "Topí, ttö chi̧tti̧ ö̧a̧mȩmä̧ a̧mȩhua̧'a̧ de'a 'cua̧rö̧nä̧tä̧ TÖ̧Ä̧NÄ̧HUA̧TÄ̧ adiunä jȩpi̧nö̧.²⁸Diota i̧yä̧cua̧jä̧ mo̧ro̧jä̧ra̧'a̧ttö̧ ajiya, cui̧rȩjä̧ttö̧'i̧nä̧ cuähuä ppuru'unä, ja̧'hua̧ta̧'a̧nö̧ cu̧cuä̧ cuähuättö'inä rö̧'ä̧nä̧ttä̧, cua̧huä̧ vinottö̧'i̧nä̧ jare'ötä.²⁹Ji̧nä̧ ji̧yȩtȩnä̧ huotö ttö̧ja̧mä̧ ucu huecutä jȩttä̧cuo̧tö̧ ja̧'hua̧ta̧'a̧nö̧ pi̧jä̧ o'cajuiyönä ucu cuä'cajo̧mȩ ja̧rȩyu̧nu̧ pätti'äcuotö. Cua̧mo̧nä̧ cuahuaruhuärötä hue'ö kä̧hui̧, ja̧'hua̧ta̧'a̧nö̧ cua̧ju̧ i̧tti̧mu̧'i̧nä̧ ucu cuä'cajo̧mȩ ja̧rȩyu̧nu̧ pätti'äcuotö. O'catoi'önä ucuru suroja pä'ätömä surojötä jä̧cuo̧tö̧; O'catoi'önä ucuru adiunä pä'ätömä adiunätä jä̧cuo̧tö̧."³⁰Juo̧nö̧ o'caa Isaacmä Jacobrö adihuönä ucuocu cäädinö, ja̧'hua̧ta̧'a̧nö̧ Jacobmä Esaú jä'ó ö̧jo̧mȩttö̧ räopä̧ji̧'ca̧ ki̧nö̧, ja̧'hua̧nö̧ ja̧'a̧nä̧ ubuo Esaúmä rȩbȩhui̧nö̧ deá po̧i̧rö̧ ȩmu̧'chä̧ji̧'ca̧. ³¹Juo̧u̧'i̧nä̧ dainö adihuönä nöönä ja̧'hua̧nö̧ ja̧'a̧ttö̧ jäorö iyö'chi̧nö̧. Juo̧u̧ päinö jäorö: chä'ó, ä̧rä̧mi̧'ö̧ cuití cui̧tti̧ 'poäcu idepä, juo̧nö̧ o'caa adihuönä ucucu cu̧ju̧na̧ttö̧.³²Isaac i̧tti̧rö̧ ädätinö̧: ¿Di cuättö̧? Juo̧'u̧ ädätinö: ttö cui̧tti̧, ttö ä̧cuo̧mȩnä̧ cui̧tti̧ Esaú. ³³Isaac ri̧ȩnä̧ yeecueö tti̧ä̧hui̧pu̧ päinö: ¿Di ȩmú̧ i̧huä̧cu̧ idepä jä̧ttö̧ ttörö i'cächo ttiyäjimä? ttö o'cajuiyönä cuäjisä cuichäcua'a a'canä, ja̧'hua̧nö̧ ja̧'a̧ttö̧ adihuönä ucuocu iyäjisä. Ja̧'hua̧nö̧ ja̧'a̧ttö̧ juo̧rö̧tä̧ ki̧a̧'a̧ adihuönä ucuocu chiyäjimä.³⁴Esaú jä'o i̧huȩnȩ ä̧ju̧cu̧mä̧, rö̧ä̧nä̧ ajahuinö, ja̧'hua̧nö̧ ja̧'a̧ jä'orö pä'inö: Chä'ö, Ttörö'inä adiunä ja̧ttö̧ pä'ö iyittö". ³⁵Isaacmä pä'inö: "Cui̧jä̧hua̧ ichi'ö yaparetö ucuru adiunä ja̧ pä'ö jä̧ji̧mä̧ 'cho̧i̧pä̧jä̧cu̧jä."³⁶Esaúmä pä'inö: ¿Isopäi'önätä̧ ja̧'hua̧nö̧ jä̧cua̧ ji̧yä̧u̧ Jacob pä'ö ottinä̧cu̧ti̧? Täcö todärenä päia'a ttörö yapare jȩä̧'cha̧'a̧mä̧. Ä̧cuo̧mȩnä̧ uhuäpächinö ȩma̧ pä'ö ji̧nö̧'inä 'choipinä̧cu̧sä̧, ja̧'hua̧ta̧'a̧nö̧ jitämä ttörö adiunä ja̧ pä'ö iyähuä'inä 'choipäjäcusä. Ja̧'hua̧nö̧ jä̧cu̧ ja̧u̧mä̧ pä'inö: ¿Ji̧yȩtȩ ttörö adiunä ja̧ pä'ö iyähuämä i̧mi̧cu̧nä̧mä̧ 'cä̧'ȩpö̧ ku̧no̧cö̧ päjijä̧? ³⁷Isaacmä. Esaúrö ädätömä pä'inö: "Topi, Ttömä ja̧u̧rö̧mä̧ cu̧ru̧hua̧ jö̧nä̧tä̧ rötäjisä, ahuaruhuämä u̧mö̧huäyotö ttönätä̧ jȩpä̧ji̧sä̧ ja̧'hua̧ta̧'a̧nö̧ u̧huä̧ju̧ ote'inä vino isoya jareö oya'inä iyäjisä. ¿Chi̧tti̧ däjetä jȩchö̧'a̧nö̧ttö̧ ucurumä?³⁸Esaúmä jä'orö pä'inö: ¿Chä'o a̧'u̧cu̧nä̧tä̧'inä adiunä ji̧ya̧tö̧ pä'ö iyähuämä juicua'a? Ja̧'hua̧ta̧'a̧nö̧ Ttörö'inä adiunätä ja̧ pä'ö iyähuä iyittö. "Esaúmä pä̧i̧cu̧nä̧ ajahuinö.³⁹Jä'o Isaacmä ja̧u̧rö̧ ädätömä pä'inö: Topi, ucu cu̧jo̧mȩttö̧mä̧ rȩjȩ ppö̧rö̧huä̧jä̧mä̧ oto ja̧'a̧, ajiya mo̧ro̧jä̧ttö̧ ka̧ppȩppȩnö̧ ma̧a̧mä̧ oto ja̧'a̧. ⁴⁰Rohuäutä cu̧jä̧cua̧jä̧ ja̧'hua̧ta̧'a̧nö̧ cu̧jä̧hua̧rö̧ ppä̧'ä̧dä̧rö̧tä̧ cu̧jä̧cua̧jä̧. Ja̧'hua̧nö̧ ja̧'a̧ ucuru ttö̧ra̧huä̧ro̧mȩnä̧mä̧, cu̧ru̧pä̧'quȩnä̧ ppi̧'ȩpö̧ ru̧nä̧huä'camä yȩ'ȩpö̧ cui̧cuä̧cua̧jä̧."⁴¹Isaacmä adihuä juäi Esaúru ucuocu'anö ja̧'a̧nä̧, Jacob'rötä ucuocuinö. Ja̧'hua̧nö̧ ja̧'a̧ttö̧ Esaúmä ami surächi'inäcu̧ ö̧jä̧hua̧ Jacob'rö. Chutä a̧mo̧nä̧ amöcuädäcuähuinö. Pä'inö: ―hä'omä 'corujuoächä̧cuȩ mo̧ro̧mä̧ täcö tö'cö ja̧'a̧. 'Corupäi'ö o'ca'a chö̧jä̧hua̧ Jacobrö cuä'ö chi̧cuä̧cua̧sä̧― pä'inödo. ⁴²Rebecamä ki̧tti̧ ä'canä ru̧hua̧ Esaú amöcuädö jittähua'a kä̧ju̧cuo̧mȩnä̧, ki̧tti̧ röji ru̧hua̧ Jacobrö huopo'ö hue'ö kicuinäcudo. Ja̧'hua̧nö̧ ja̧'a̧ttö̧ päjinäcudo: ―Ä̧ju̧cui̧. Cuböo Esaúmä churutä suronä jȩcu̧'i̧nö̧ micuämä pärocua'attö ucuru cuä'ö icua päcujädo.⁴³Ja̧'hua̧nö̧ ja̧'a̧ttö̧ ttö huedömä jȩpi̧, chi̧tti̧. Chuböo Labán Harán ötahuiyära̧'a̧ kö̧cu̧ cu̧ja̧ pä'ö, ä̧rä̧mi̧'ö̧ tö'ipächi. ⁴⁴Ja̧u̧cu̧tä̧ cu̧jä̧cua̧'a̧nö̧, cuböo ami surumä 'cuäopächome jubö päi'önä― päjinäcudo. ⁴⁵Cuböo amisuru toepächome jubö ja̧'hua̧ta̧'a̧nö̧ ucu churutä jȩ'cui̧nö̧'inä unichi'ome jubö. Ja̧'hua̧nö̧ jo̧mȩnä̧ juhua'attömä tti'cächacu pä'ö huȩdä̧cua̧jä̧. ¿Tta̧'a̧nö̧ ya'ute mo̧ro̧tä̧mä̧ ta̧ju̧cuäyotörö tode'ächa pä'ö ja̧'a̧ttö̧?⁴⁶Rebecamä Isaacrö pä'inä̧ju̧: Cha̧'cua̧rö̧mä̧ suräjäcuasä Het i̧tti̧mö̧ nä̧tö̧rö̧mä̧. Jacob Het i̧tti̧mö̧ nä̧tö̧ttö̧ yajuterö irecua pä'i'önä ȩmö̧ttö̧mä̧ jahuätö nä̧tö̧ ja̧huä̧jä̧nä̧ ka̧cuä̧tö̧ tti̧tti̧mö̧ttö̧ yajuterö, ¿Cha̧'cua̧rö̧mä̧ adiunä ppädäcua'a?

¹Isaac huopinö Jacob'rö, adiunä adihuarö pä'ö ja̧'hua̧nö̧ ja̧'a̧nä̧'i̧nä̧ hue'inö: "Cuȩmó cuirecua päi'önämä cananitas nä̧tö̧ttö̧mä̧. ²Jitätä täijó, Padán Aram'ra̧'a̧, Betuel ojusodera'a cua̧ju̧ kä'o, juhua'attötä cuirecuarö cuȩma̧ja̧, Labán cua̧ju̧ ki̧jä̧cua̧ ittiju yajutettö.³Dios o'cajuiyönä ju̧ru̧hua̧tä̧ ppädacujá, cuahuäruhuättö juahua'a yabocu ru̧cuä̧chö̧nä̧, cutahuiyä ttö̧ja̧'i̧nä̧ abora'atä pä'inä rö̧'ä̧chö̧nä̧. ⁴Ja̧u̧tä̧ iyä̧cua̧jä̧ adiunä ppädäcuähuämä Abraham ji̧nö̧ta̧'a̧nö̧, ucuru'inä cuahuaruhuä o'cotörö'inä ucu cuo'comenä ka̧cuȩtö̧rö̧mä̧ ttȩmä̧cua̧'a̧nö̧ ucu ku̧ji̧nä̧jä̧, Dios i̧yi̧nä̧jä̧ Abraham'rö."⁵Ja̧'hua̧nö̧ ja̧'a̧ Isaac te'ähui'inö Jacob'rö. Jacob 'chi̧nö̧ Padán Aramra̧'a̧, Betuel aram ttö̧ja̧sa̧ i̧tti̧ Labán ö̧ja̧'a̧, Rebeca chi̧jä̧hua̧, Jacob ja̧'hua̧ta̧'a̧nö̧ Esau'inä ja̧jú̧.⁶Jitämä Esaú topinö Isaac Jacab'rö ppäda'a, ja̧'hua̧nö̧ ja̧'a̧ttö̧ hueäja'a Padán Aramra̧'a̧, jahua'attö irecuarö ȩmi̧ya̧rö̧ pä'ö. Ja̧u̧'i̧nä̧ topinö Isaac ppäda'a ja̧'hua̧ta̧'a̧nö̧ huea'a pa̧'a̧nö̧ pä'ö: "Cuirecua päi'önämä cuȩmä̧ Canaán i̧tti̧mu̧ttö̧mä̧." ⁷Esaú topinö Jacobmä jä'o'inä ja̧ju̧'i̧nä̧ huettöta'anö jȩa̧'a̧, Padán Aramra̧'a̧ i̧'chä̧ja̧'a̧.⁸Esaú ttö̧ȩpä̧rä̧chi̧'i̧nö̧ Canaán ttö̧ja̧ nä̧tö̧rö̧ jä'ó Isaac hueocaamä. ⁹Ja̧'hua̧nö̧ ja̧'a̧ttö̧ jo̧'u̧ 'chi̧nö̧ irecua u̧ju̧na̧ra̧'a̧nä̧ Abrahaminä i̧tti̧ Ismael ö̧ja̧'a̧cu̧ jua'attö ittijurö irecua päi'önä ȩminö Mahalatrö, Nabaiot kahuaruhuajuru.¹⁰Ja̧u̧nu̧ o'ca'a Jacob Beersebattö rä'opö, Harán ätahuiyära̧'a̧cu̧ 'chi̧nö̧do. ¹¹Korome rȩbȩhui̧pi̧nö̧do ya'ute yodo ä'a pä'ö, kä̧hua̧mä̧ täcö mo̧ä̧cha̧'a̧ttö̧. Ido'qui yo'quite ȩmö̧, u dea'a jo̧mȩ rötö, ä'i'inödo ju̧huȩnȩtä̧ pä̧nö̧.¹²Ä'ö 'cuo̧ti̧cui̧nö̧do. U̧'cuo̧ti̧nä̧mä̧ topinödo 'chahuächäcuähuä̧cä̧ rȩjȩttö̧ todehua'anä mo̧ro̧jä̧ra̧'a̧ päi'önä todehuäcä. Tö̧ä̧nä̧hua̧ Dios hue'ähuotö ángeles 'cha'ächö'inä 'cha'ächinätödo. Mȩyȩu̧'i̧nä̧ mȩyȩhui̧nä̧tö̧do ju̧huä̧cä̧ 'chahuächäcuähuä̧cä̧nä̧. ¹³Ja̧'hua̧nö̧ ja̧'a̧ Tu̧ru̧hua̧ Dios 'chahuächäcuähuä̧cä̧ yotä kada'ca kä̧nö̧ pä'inödo: ―Ttömä ucu Cu̧ru̧hua̧sä̧. Ucu cuä̧do̧ Abraham'inä, Isaac'inä Ttö̧ä̧nä̧hua̧sä̧. Pi̧jä̧ ucu cu̧'ä̧jä̧mä̧ chi̧yä̧cua̧sä̧ ucuru'inä, cuahuaruhuä'cotörö'inä.¹⁴Ucu cuahuaruhuä'cotömä rȩjȩ i̧sa̧ppȩ jä̧'i̧nö̧'a̧nö̧ ttirecuächäcuotö. Ja̧'hua̧nö̧ ja̧'a̧ ucutumä cuipperecuächäcuotöjä kä̧hua̧ mo̧ä̧cha̧'a̧cu̧, kä̧hua̧ räopa'acu'inä, kä̧hua̧ u̧huo̧jua̧'a̧cu̧'i̧nä̧, kä̧hua̧ ieruhua'acu'inä. Ucunä'inä, cuahuaruhuä'cotönä'inä ppä̧dä̧dä̧cua̧sä̧ pi̧jä̧ ttö̧ja̧rö̧ o'ca toi'önä. ¹⁵Ttömä ucutäcu kö̧sä̧. Tta̧dä̧rä̧cua̧jä̧ cuecuhuächö o̧du̧nä̧. Pä'äji ta'anö chi̧'cä̧chä̧cua̧jä̧ pi̧jä̧ rȩjȩra̧'a̧. Jaropi'ocösä ucuru, ttö pädäjimä jȩcho̧mȩ jubö päi'önä―.¹⁶Ja̧'hua̧nö̧ ja̧'a̧ Jacob 'cuo̧ti̧cuä̧ji̧'ca̧ porächi'ö pä'inödo: ―Iso päi'önä Tu̧ru̧hua̧ Diosmä pȩnȩtä̧ kö̧ pä'ömä. Ttömä jerupäjisä―. ¹⁷Jacob juiyo ye'ecue'inödo. Pä'inödo: ―Pȩnȩmä̧ juiyo ucuotäcuähuäcuome jä̧cuo̧mȩ. Pȩnȩmä̧ Tö̧ä̧nä̧hua̧ Dios ojusode. Pȩnȩmä̧ mo̧ro̧jä̧ra̧'a̧ doächäcuähuate―.¹⁸Ja̧'hua̧nö̧ ja̧'a̧ Jacob yo̧ȩi̧ pä'ö mo̧ro̧ päi'a'a porächi'ö, ido'qui u dea'a ötäjo'qui ärädö ku̧ni̧nö̧do. Tö̧ä̧nä̧hua̧ Diosrö ucuotönö juhuo'qui huäme a̧dȩ isoya da'epinödo. ¹⁹Pä'äjimä ötahuiyä ju̧huȩnȩ huejina'ado. Ja̧u̧ ötahuiyämä Luz pä'ö micuinödo. Ja̧'hua̧nö̧ micuinömä pärou icu o'inödo Jacobmä Betel pä'ö.²⁰Ja̧'hua̧ta̧nö̧ po'qui ido'qui ärädö chu̧ju̧no̧mȩmä̧ Tö̧ä̧nä̧hua̧ Diosrö ucuocuäcuähuome jä̧cuo̧mȩ. Ja̧'hua̧ta̧nö̧ o'ca juiyönä ucu ttörö cuiyömä, ucuru to̧mö̧rȩ jähuättömä ji̧yȩtȩ 'quȩ'ȩpö̧ chi̧yä̧cua̧sä̧― pä'inödo Jacobmä Tö̧ä̧nä̧hua̧ Diosrö. ²¹Ja̧'hua̧nö̧ ja̧'a̧ Jacobmä Tö̧ä̧nä̧hua̧ Diosrö i̧yä̧cuȩ pä'ö ku̧ni̧nö̧do: ―Dios ttöcu ö̧jö̧ttö̧mä̧, chi̧hua̧'a̧nä̧'i̧nä̧ ttörö tta̧huä̧rö̧ttö̧mä̧, chu̧cuȩ'i̧nä̧, chi̧ä̧rȩti̧yu̧'i̧nä̧ iyöttömä, ²²ja̧'hua̧ta̧nö̧ chä'o ojusodera'a adiu ppa̧dä̧chö̧ttö̧mä̧, Diosmä ttö Chu̧ru̧hua̧ päi'önä ö̧jä̧cua̧.

¹Ja̧u̧nu̧ o'ca'a Jacob juhua'a yabo 'chi̧nö̧do. Kä̧hua̧ räopa'acu ka̧cuä̧tö̧ ttö̧ja̧ tti̧rȩjä̧ra̧'a̧ rȩbȩhui̧nö̧do. ²Meje'canä ajiya reju ka̧'a̧ topinö, ja̧'hua̧ta̧'a̧nö̧, huä̧bo̧sa̧cuä̧nä̧ ji̧nä̧ yo̧mȩtȩ reju jäyä ttö̧'ȩja̧'a̧ topinö, juhua'amä jahuäju rejuttötä ovejatö̧rö̧mä̧ ajiya ttiyä'ijome ja̧'a̧ ja̧'hua̧ta̧'a̧nö̧ ajiya reju möecuäbi inäbimä rö̧i̧nä̧bi. ³Ttä̧ji̧mö̧ o'catoi'önä ju̧huȩnȩ ttö̧ca̧ca̧cui̧'o̧mȩnä̧, jahuätörö tta̧huä̧rä̧cuä̧huä̧ ttö̧ja̧mä̧ reju möecuäbi pporädi'änätö̧, ja̧'hua̧nö̧ pporädö icu ajiya iyi'änä̧tö̧ ovejastö̧rö̧mä̧, ja̧'hua̧nö̧ ja̧'a̧ pä'äjita'anö rejumä ä'coji jä̧ji̧ta̧'a̧nö̧tä̧ mö̧'ȩpi̧'ä̧nä̧tö̧.⁴Jacobmä jahuätörö pä'inö: Chö̧jä̧hua̧tö̧, ¿Tottö cuichätucuä? Jahuätömä ttädätinäcu̧: "Ujutumä Harán ötahuiyä ttö̧ja̧jä̧." ⁵Ja̧u̧mä̧ jahuätörö pä'inö: ¿Ucutumä Nacor i̧tti̧ Labánrö̧ huo̧juä̧tö̧jä̧? Jahuätömä ttädätinä̧cu̧, A̧ tu̧huo̧juä̧cu̧." Ja̧u̧mä̧ jahuätörö pä'inö: ¿Tocutä ö̧jä̧ttö̧? jahuätömä pättinä̧cu̧, ⁶Ja̧u̧mä̧ adiutä kö̧, ja̧'hua̧ta̧'a̧nö̧ ju̧huȩnȩ topi, ittiju Raquelmä kä̧ji̧mö̧ ovejastu̧cu̧ ichäju."⁷Jacobmä pä'inö̧: "Topi, Mo̧ro̧ kä'co ja̧'a̧. Äjicuäcuähuotörö ji̧nä̧ yo̧mȩtȩ ca̧ca̧tö̧ ku̧nä̧huo̧cö̧ hora ja̧'a̧. Ovejastö̧rö̧ ajiyata cuiya pä'ö ja̧'a̧ ja̧'hua̧ta̧'a̧nö̧ ttucuä'cua cuäjepö cui̧'cha̧ pä'ötä ja̧'a̧." ⁸Jahuätömä pä'inä̧tö̧: Ajiyamä tiyö juiyö'anö ja̧'a̧ äjicuäcuähuotö o'catoi'önä ji̧nä̧ yo̧mȩtȩ ttö̧ca̧ca̧cui̧'ö̧ juiyäimä. U̧mä̧tö̧mä̧ ja̧'hua̧nö̧ jo̧mȩnä̧tä̧ ajiya reju möecuäbi inäbimä pporädö tticuäcuotö ja̧'hua̧nö̧ jȩtto̧mȩnä̧tä̧ ovejastö̧rö̧ ajiyamä tiyäcuotöjä."⁹Jacobmä̧ ji̧nä̧ jahuätucu ucuocu ö̧ja̧'a̧nä̧, Raquelmä kä'o ä̧ji̧mö̧ ovejastö̧cu̧ ichinä̧ju̧, juhua'amä jahuäjutä ji̧na̧'a̧ äjicuäcuähuotörö tta̧'ä̧rä̧ju̧mä̧. ¹⁰Jacobmä , Raquelrö, ja̧ju̧ kuböo Labán ittijuru topömä, ja̧ju̧ kuböo Labán ä̧ji̧mö̧ ovejastö̧cu̧, Jacobmä 'chä̧hui̧'ö̧, ajiya reju mö̧ȩcuäbi pporädö icuinö ja̧'hua̧nö̧ jȩpö̧ ja̧ju̧ kuböo Labán ä̧ji̧mö̧rö̧ ajiya iyinö.¹¹Jacobmä Raquelrö 'chu̧'o̧pö̧mä̧ rö̧ä̧nä̧ ajahuinö. ¹²Jacobmä Raquelrö pä'inö̧, ttömä cuä'o a̧hua̧ru̧hua̧sä̧, ja̧'hua̧ta̧'a̧nö̧ Rebeca ki̧tti̧sä̧. Ja̧'hua̧nö̧ ja̧'a̧ jahuäjumä kä'o ö̧jo̧mȩcu̧ jopipö kä'orö ji'ähuinäju̧.¹³Labán öjähuaju ki̧tti̧ Jacob ötö'cö huȩnȩ ä̧ju̧cu̧mä̧, toarö pä'ö jopächäji'ca, hua'adi'ö 'chu̧'o̧pi̧nö̧ ja̧u̧nu̧ o'ca'amä ojusodera̧'a̧cu̧ oipinä̧cu̧. Jacobmä ucuocuäjimä o'cajuiyönä Labánrömä ji'ähuinö. ¹⁴Labán päinäcu̧: "Ucumä isopäi'önätä ttötä chucuoja isotö i̧sa̧jä̧." Ja̧'hua̧nö̧ ja̧'a̧ Jacobmä ja̧u̧cu̧mä̧ ki̧nö̧ ya'ute kä̧hua̧ tö'cöhuächi'ome jo̧mȩnä̧.¹⁵Ja̧'huanö ja'a Labán pä'inö Jacob'rö: "Tocu pä'ö ttö cha̧cua̧ru̧hua̧ jä̧ttö̧, ¿ja̧'hua̧nö̧ jö̧ttö̧mä̧ micuä juiyönätä̧ ppäcuäda'anö ja̧'a̧ tä̧ji̧? Jiähuittö, ¿Däje chimitä̧cua̧jä̧ttö̧?" ¹⁶Jitä Labán'mä ku̧nä̧ri̧nö̧ i̧tti̧mu̧ nä̧ttö̧ ta̧ju̧ru̧. A̧cuo̧mȩnä̧ isaju ki̧mi̧mä̧ micuinä̧ju̧ Leal pä'ö ja̧hua̧nö̧ ja̧'a̧nä̧ röji isaju kimimä micuinäju̧ Raquel pä'ö. ¹⁷Leal kiäremä juiyo adihuinä̧ju̧, ja̧'hua̧nö̧ ja̧'a̧nä̧ Raquel'mä jahuänä'inä huä̧mȩnä̧'i̧nä̧ juiyo adihuinä̧ju̧. ¹⁸Jacobmä öjö'cönä topinö Raquel'rö, ja̧'hua̧nö̧ ja̧'a̧ttö̧ pä'inö: "Ppä̧dä̧dä̧rä̧cua̧jä̧ ji̧mu̧tȩttö̧ todäre a̧'ȩ jo̧mȩnä̧ Raquel'rö ja'ateö, . cuittiju röji isaju¹⁹Labán pä'inö: "Adicuä'anö jä̧cu̧sä̧ ucutä chiyapä'ö, ka̧ra̧rö̧ chiyö juiyacua'anö. Ttö cutä ki̧'i̧pi̧." ²⁰Ja̧'hua̧nö̧ ja̧'a̧ttö̧ Jacob'mä ji̧mu̧tȩ todäre a̧'ȩ jo̧mȩnä̧ aditö ki̧nö̧ Raquel kimicuä, ja̧'hua̧nö̧ ja̧'a̧nä̧ ja̧u̧ru̧mä̧ ji̧na'a̧ yaute mo̧ro̧tä̧ 'cua̧rö̧nä̧, jahuäjuru juiyo öjönä ja̧'a̧ttö̧.²¹Ja̧'hua̧nö̧ ja̧'a̧ Jacob pä'inö Labánrö̧: "Chirecuarömä iyittö, tä'cö pätecuächö mo̧ro̧ ja̧'a̧ jahuajuru chirecua päi'önä chȩma̧ pä'ö." ²²Ja̧'hua̧nö̧ ja̧'a̧ Labán umuhuäyotucu ji̧nä̧ yo̧mȩtȩ pä̧'i̧'ö̧ ttö'cäu pä'cäri jȩpi̧nä̧ a̧tȩpi̧nä̧ ppeyänä ko̧cuä̧tö̧rö̧'i̧nä̧.²³Yodo päi'a'a, Labán ittiyu Learö ȩpö̧ iyinö Jacob'rö, ja̧u̧nu̧ yodomä jahuäjucutä a'inö. ²⁴Labán iyinö umuhuäyaju Zilparö'inä ittiju Learö ppä̧'ä̧dä̧rö̧ kö̧ja̧ pä'ö. ²⁵Mo̧ro̧ päi'a'a, topí, ¡Lea ji̧na̧'a̧! ja̧'hua̧nö̧ topö Jacob pä'inö Labanrö̧: "¿Däje jä̧tö̧ pi̧yȩmä̧ ttörö jȩcu̧'ä̧ji̧mä̧? ¿Raquelnä'cö̧ pädäjä huecuäcu chaditä'amä? ¿Dä̧bu̧ yapare päcuäjättö̧ttö̧ törömä?"²⁶Labán ädatinö: ujutu tö̧jö̧ jo̧ca̧'a̧ chittijuru chiya peömä ä̧cuo̧mȩnä̧ huäpächinäju̧ ko'ca'anä isajurumä. ²⁷Aditi yaute semana jo̧menä pajú chittijunämä ja̧'hua̧nö̧ cuaditö o'caa karajuru chi̧yä̧cua̧jä̧ cuaditiyattö pe'ö ji̧mu̧tȩ koromuttö̧ ta'are a̧'ȩ́ jo̧menä.²⁸Jacobmä yaute semana aditinö Leanä. Ja̧'hua̧nö̧ ja̧'a̧ttö̧ Labán ittiju Raquelrö iyinäcu̧ irecua pä'iönä. ²⁹Ja̧'hua̧nö̧ ja̧'a̧nä̧ Labán ittiju Raquelrö iyinö Bilharö kumuhuäyoju pä'iönä. ³⁰Ja̧'hua̧nö̧ ja̧'a̧ttö̧ Raquelcu ki̧nö̧ Jacobmä, jo̧u̧mä̧ ri̧ȩnä̧ repeinö Raquelrö, Leattö'inä abonänö. Ja̧'hua̧nö̧ ja̧'a̧ttö̧ Jacobmä a̧di̧tä̧ri̧nö̧ Labán äre ji̧mu̧tȩ karaanättö taare a̧'ȩ́ jo̧menä.³¹TÖ̧Ä̧NÄ̧HUA̧MÄ̧ topinö Learömä adiunänömä öjö'coca'a, ja̧'hua̧nö̧ ji̧yä̧cu̧ ki̧tti̧mö̧ ku̧ju̧nä̧rö̧nä̧ jȩi̧nä̧cua̧. ja̧'hua̧nö̧ ja̧'a̧nä̧ Raquelmä ki̧tti̧mö̧ to'inäju̧. ³²Leamä muchaju juo'inä̧juä̧, ja̧'hua̧nö̧ ja̧'a̧ ki̧tti̧rö̧ ku̧nä̧ri̧nä̧ju̧, ja̧u̧rö̧mä̧ Ruben pä'ö o'inäju̧. Juhua'amä pa̧'a̧nö̧ pä'ö: Isopäi'önä CHUÄ̧NÄ̧HUA̧MÄ̧ cha̧'cua̧ tta̧dȩcu̧ toäjäcuasä; jitätä jä̧cua̧'a̧ chirecuo ttörö repeäcua'amä."³³Ja̧'hua̧nö̧ ja̧'a̧ jahuäjumä pä'äjita'anö muchaju juo'inä̧ju̧, ja̧'hua̧nö̧ ja̧'a̧ ki̧tti̧rö̧ ku̧nä̧ri̧nä̧ju̧. Jahuäju pä'inäju̧: isopäi'önä TÖ̧Ä̧NÄ̧HUA̧MÄ̧ ttörö öjö'coca'amä ä̧ju̧cuä̧ji̧, ja̧'hua̧nö̧ jo̧mȩttö̧ pide chi̧tti̧rö̧mä̧ iyäjäcuajusä, ja̧'hua̧nö̧ ja̧'a̧ttö̧ ja̧u̧ i̧mi̧mä̧ Simeón pä'ö o'inäju̧. ³⁴Ja̧'hua̧nö̧ ja̧'a̧ pä'äjita'anö muchaju juo'inä̧ju̧, ja̧'hua̧nö̧ jä̧ji̧ o'ca'a ki̧tti̧rö̧ ku̧nä̧ri̧nä̧ju̧, jahuäjumä pä'inä̧ju̧: Jitätä jä̧cua̧'a̧ chirecuo ttöcu ö̧jä̧cua̧'a̧mä̧, juhua'amä chi̧tti̧mö̧ huämetucuärö iyaja'attö, ja̧'hua̧nö̧ ja̧'a̧ ja̧u̧ i̧mi̧mä̧ Leví pä'ö o'inäju̧.³⁵Jahuäjumä pä'äjita'anö muchaju juo'ino'coju ki̧tti̧rö̧ ku̧nä̧ri̧nä̧ju̧. Jahuäjumä pä'inäju̧: "Jitämä TÖ̧Ä̧NÄ̧HUA̧RÖ̧ chesehuäcuajusä." Ja̧'hua̧nö̧ päja'attö imimä Judá pä'ö o'inä̧ju̧, ja̧'hua̧nö̧ ji̧nö̧ o'ca'anä yabonömä i̧tti̧cuo̧co̧ju̧ pinäju̧.

¹Raquelmä Jacobrö ki̧tti̧mö̧rö̧ uhuäbecu kiyö juiyönä jä̧cua̧mä̧, kuböarö kö'cocoju pinä̧ju̧. Jahuäjumä Jacobrö pä'inäju: muchaju juo'epittö ja̧'hua̧nö̧ jo̧ca̧'a̧ttö̧ 'corujuodächäcuajusä." ²Jacobmä Raquel rö̧ä̧nä̧ ra̧huä̧ri̧pi̧nö̧. Ja̧u̧mä̧ pä'inö: ¿Ttömä cui̧tti̧mö̧ tocunä jȩpi̧nö̧ Dios ja̧'a̧nö̧ hua̧sä̧?³Jahuäjumä pä'inä̧ju̧: Topittö, Juȩnȩ kä̧ju̧ chumöhuäyaju Bilha. Jahuäjucu ä'i, jahuäju kihue'quiyönä pä̧mä̧dö̧ ppo̧'ä̧tö̧rö̧ kuhuäbecuäcua'anö, jahuäjunätä̧ chi̧tti̧mö̧rö̧mä̧ chu̧ju̧nä̧rä̧cua̧'a̧nö̧." ⁴Ja̧'hua̧nö̧ ja̧'a̧ttö̧ ku̧möhuäyajurö hue'inä̧ju̧ irecua päi'önä, ja̧'hua̧nö̧ ja̧'a̧ Jacob jahuäjucu ä'inö.⁵Bilha muchaju juojinäju̧ jahuanö ja'attö Jacob'rö ya̧tȩrö̧ i̧tti̧cu̧ iyinäju. ⁶Ja̧'hua̧nnö ja̧'a̧ Raquel pä'inä̧ju̧: "Diostä ttörö re'topu ppädäcuasä. Ja̧u̧tä̧ ttö jueönä jä̧dȩpä̧rö̧ ä̧ju̧cu̧mä̧ ja̧'hua̧nö̧ ja̧'a̧ttö̧ ya̧tȩ chi̧tti̧rö̧ iyäcuasä." ja̧'hua̧nö̧ jä̧cua̧ jahuäju o'inä̧ju̧ ja̧u̧ imimä Dan pä'ö.⁷Raquel 'cumuhuäyaju Bilha, pä'äjita'anö muchaju juo'ö Jacobttö i̧tti̧cui̧nä̧ju̧ ta̧ju̧ pä'inä. ⁸Raquel pä'inäju̧: "Chubuarö pä̧i̧cu̧nä̧ chi̧tti̧cua̧ pä'ö pädächönä jä̧i̧ja̧'a̧ttö̧ iso jö̧nä̧ jä̧cua̧sä̧." Ja̧'hua̧nö̧ ja̧'a̧ttö̧ jahuäju o'inä̧ju̧ ja̧u̧ i̧mi̧mä̧ Neftalí pä'ö.⁹Lea jua'a yabocu ki̧tti̧cu̧ jui̧yö̧nä̧ jä̧cua̧, hue'inäju ku̧mu̧huäyaju Zilparö, Jacob irecua päi'önä. ¹⁰Zilpa, Lea kumuhuäyaju, Jacob i̧tti̧rö̧ uhuäbecuinäju. ¹¹Lea pä'inäju: "¡Pomä adiunätä ja̧'a̧!" ja̧'hua̧nö̧ä̧ ja̧'a̧ttö̧ ojinäcu̧ Gad pä'ö.¹²Ja̧'hua̧nö̧ ja̧'a̧ttö̧ Zilpa, Lea kumuhuäyajumä, Jacob ä̧cuo̧mȩnä̧ i̧tti̧ o'ca'anä i̧sa̧rö̧ uhuäbecuinäju. ¹³Lea pä'inäju̧: "¡Cha̧'cua̧ adihuäcuasä! nä̧tö̧ muäyotömä ka̧'cua̧ adihuäcua pättäcuajusä." Ja̧'hua̧nö̧ ja̧'a̧ttö̧ jahuäjumä o'inäju Aser pä'ö.¹⁴Rubén räopinö trigo ttö̧ca̧ta̧tö̧ moró̧ juattö ttu̧cuȩ ku̧nä̧hua̧'a̧ttö̧ cuo̧cu'i̧ pi̧nö̧ ȩ'u̧ oba mandrágora päö micú. Juo̧'u̧ i'cächö iyinö a̧jú̧ Learö. Ja̧'hua̧nö̧ ja̧'a̧ Raquel päinäju̧ Learö: cui̧tti̧ i'cächäjomettö̧ yaute mandrágora iyittö. ¹⁵Lea kädätinäcua̧: ¿Jerupajujä tä̧ji̧ ucumä, chirecuorö 'chocui pina'amä? ¿Ja̧'hua̧ta̧'a̧nö̧ chi̧tti̧ i'cächäji mandrágoras 'chocuipa päcua'a? Raquel ädätinäju̧: juo̧nö̧mä̧ jitä yodo juo̧u̧mä̧ ucucu ä̧'ä̧cua̧, cui̧tti̧ i'cächäji mandrágora cuya'attö.¹⁶Jacob ppa̧a̧chi̧nö ttö̧cuȩ ku̧nä̧huo̧mȩttö̧ ni̧pä̧ro̧mȩ. Lea rä'oö päjinäcu̧: jitä yodo ttucu cuä̧'ä̧cua̧jä̧, chi̧tti̧ iäre mandrágoracu chiärohua ja̧'a̧ttö̧. Ja̧'hua̧nö̧ ja̧'a̧ttö̧ Jacobmä juo̧'u̧ yodomä Leacu äinö̧. ¹⁷Learö ä̧ju̧cui̧nö̧ DIOSMÄ, ja̧'hua̧nö̧ ja̧'a̧ttö̧ iyinäcua̧ ji̧mu̧tȩ jo̧mȩnä̧ päi'önä ki̧tti̧rö̧ Jacobttö. ¹⁸Lea päinäju̧: DIOSTÄ iyäcuasä micuä päi'önä, chumuhuäyojuru chiyina'a̧ttö̧ chirecuorö, Ja̧hua̧nö̧ ja̧'a̧ttö̧ i̧mi̧mä̧ mi̧cua̧ Isacar.¹⁹Leamä pä'äjita'anö muchaju juo'inä̧ju̧, ja̧'hua̧nö̧ ja̧'a̧ Jacob i̧tti̧mö̧ttö̧mä̧ 6nö̧ päi'önä uhuäbecu kiyinä̧cu̧. ²⁰Leame pä'inä̧ju̧: "Dios adihuäjuei mippounä iyähuä iyäcuasä. Jitämä chirecuomä ucuotäcuajusä, juhua'amä i̧tti̧mö̧rö̧mä̧ seisnö huotörö i̧tti̧cu̧ chiya'attö." Jahuäju ja̧u̧ i̧mi̧mä̧ Zabulón pä'ö o'inäju̧. ²¹Ja̧u̧nu̧ o'ca'amä isajuru uhuäbecuinäju̧ ja̧'hua̧nö̧ ja̧'a̧ juajurumä Dina pä'ö o'inä̧ju̧.²²Diosmä Raquelrö amöcuädinö ja̧'hua̧nö̧ jo̧mȩnä̧ ä̧ju̧cui̧nä̧cua̧. Ja̧u̧mä̧ muchaju juojunä jȩpi̧nö̧. ²³Jahuäju muchaju juojinö o'ca'a ki̧tti̧rö̧ uhuäbecuinä̧ju̧. Jahuäjumä pä'inä̧ju̧: "Diosmä ttö dä'ä ttudä'ijömä jȩpö̧ icuäcuasä." ²⁴Jahuäju ki̧tti̧ i̧mi̧mä̧ José pä'ö o'inä̧ju̧: TÖ̧Ä̧NÄ̧HUA̧MÄ̧ ka̧ra̧ chi̧tti̧rö̧ iyäcuasä" päja'attö.²⁵Raquelmä Joserö kuhuäbecuinö o'ca'a, Jacomä Labanrö pä'inö: Oto hue'ö icuittö, cha̧mö̧nä̧ chojusodera̧'a̧ ja̧'hua̧ta̧'a̧nö̧ cha̧mö̧nä̧ chi̧rȩjä̧ra̧'a̧ chi̧'cha̧. ²⁶Chirecuamö̧rö̧'inä, chi̧tti̧mö̧rö̧'i̧nä̧ iyittö jahuätönä ucurumä ppä̧'ä̧dä̧rö̧ aditinö̧sä̧ ja̧'hua̧nö̧ ja̧'a̧ chi̧'cha̧'a̧nä̧ ja̧'a̧tä̧ topittö, isopäi'önä ucumä huo̧jua̧jä̧ ucuru ppä̧'ä̧dä̧rö̧ chaditä'ijömä."²⁷Labánmä ädätinäcu̧: Isopäi'önä ttöcu eseu ku̧ju̧ttö̧mä̧, a̧'u̧cuo̧mȩ ki̧'o̧po̧'i̧, isopäi'önä amöcuädö tochomenä TÖ̧Ä̧NÄ̧HUA̧MÄ̧ ucu jähuänämä adiunä jö̧nä̧ ppädä'ijäcusä." ²⁸Ja̧'hua̧ta̧'a̧nö̧ päinä̧cu̧: "Ucuru chimitä̧cuȩ ji'ähuittö ja̧'hua̧nö̧ jö̧ttö̧mä̧ ttömä chi̧mi̧tä̧cua̧jä̧."²⁹Jacobmä päinä̧cu̧: "Ucumä huo̧jua̧jä̧ ucuru ppä̧'ä̧dä̧rö̧ chäditä'ijömä, ja̧'hua̧ta̧'a̧nö̧ cuä̧ji̧mö̧rö̧ ttö adiu jȩchä̧'i̧jö̧'i̧nä̧. ³⁰Isopäi'önä ttö chichäcua'a ä'canämä a̧'u̧cuo̧tö̧rö̧tä̧ ku̧nä̧ri̧nä̧jä̧ ja̧'hua̧nö̧ ja̧'a̧nä̧ yabonö rö̧ä̧nä̧ rechächinä̧tö̧. TÖ̧Ä̧NÄ̧HUA̧MÄ̧ adiunä jö̧nä̧ jȩä̧'i̧jä̧cu̧jä̧ ttö chaditome pö̧nä̧mä. Ja̧'hua̧nö̧ ja̧'a̧ jitämä ¿Tocu tta̧'dä̧rä̧cua̧'a̧ttö̧ chamönä chi̧tti̧mö̧rö̧mä̧?³¹Ja̧'hua̧nö̧ päcu Labánmä pä'inö: ¿Däjetä chimitä̧cua̧ cua'attö̧? Jacobmä ädätinö: Ucumä yorö'iso ji̧yȩtȩ'inä cuiyättö. Ttönä ja̧u̧ jȩ'cu̧ttö̧mä̧, ttömä ppa̧dä̧chä̧cua̧sä̧ cuä̧ji̧mö̧rö̧ ttu̧cuä̧ iyö tta̧dä̧ra̧ pä'ö. ³²Jitä no̧ro̧ cuä̧ji̧mö̧ ttippeyänä cuedächa'anä ja̧'a̧tä̧ topittö, juorö rä'epö chi̧cuä̧cua̧sä̧ idicuätörö'inä, hueyucä huotörö'inä, idicuätörömä yotucupönätä̧ ja̧'hua̧ta̧'a̧nö̧ hueyucä huotö'inä juhua'atäcu cabaratöttö huȩyu̧pä̧tö̧rö̧'inä, Ja̧u̧ jä̧cua̧'a̧ ttö chaditähuä micuämä.³³Ttö jueönä jidäuttö huo̧jä̧cuä̧cua̧'a̧ jȩchö̧mä̧, ucutä usäu cuichomenä ttö chaditähuä. chä̧ji̧mu̧ cabras tö̧ttö̧ ya̧cu̧nä̧rö̧ to'cuomenä teasanö cua̧jö̧ttö̧'i̧nä̧ teöcu jö̧ttö̧'i̧nä̧, ja̧'hua̧ta̧nö̧ ovejattö̧ ttö̧'cä̧tȩnä̧ idicuättö jö̧ttö̧'i̧nä̧, ya̧tȩrö̧ chu̧ju̧nä̧ra̧'a̧ cu̧'o̧cui̧ö̧ttö̧mä̧, nä̧u̧cuä̧cuö̧cua̧tä̧ jä̧cua̧'a̧." ³⁴Labán pä'inö: "Ja̧'hua̧nö̧tä̧ ja̧cua̧'a̧. Ucu päcuta'anö."³⁵Labán ja̧u̧nu̧ mo̧ro̧ pojö icuinö cabras u̧mä̧tö̧rö̧ sa̧sa̧ba̧nö̧ cuätörö'inä ja̧'hua̧ta̧nö̧ po̧ö̧nä̧ huȩyu̧pä̧tö̧rö̧'i̧nä̧ ja̧'hua̧ta̧nö̧ bäreunä huȩyu̧pä̧tö̧rö̧'i̧nä̧, teö̧nä̧ huätörö'inä i̧mi̧cu̧nä̧ ja̧'hua̧ta̧nö̧ oveja̧ttö̧ idicuätörö'inä, ja̧'hua̧'a̧nö̧ jȩpu̧ i̧tti̧ tta̧cua̧ra̧ pä'ö iyinö. ³⁶Labánmä cuäbodäcuä mo̧ro̧ jo̧mȩnä̧ jȩpu̧ ku̧ni̧nö̧ ttadita pä'ö ja̧u̧'inä ja̧hua̧ta̧nö̧ Jacob'inä. Ja̧'hua̧nö̧ ja̧'ttö̧ Jacobmä Labán ä̧ji̧mu̧rö̧ ka̧cui̧pä̧jä̧tö̧rö̧ tta̧'a̧rö̧ ki̧'i̧pi̧nö̧.³⁷Jacob ȩmi̧nö̧ álamö ä̧na̧jui̧yä̧ jareönä 'co̧rä̧huä̧ttö̧, almendrottö'inä ja̧hua̧ta̧'a̧nö̧ bäreu päruruttö'inä, ja̧'hua̧ta̧'a̧nö̧ 'pa̧'i̧nö̧ ja̧u̧nä̧mä̧ i̧sä̧mä̧ tȩä̧mä̧tä̧ päi'önä, ja̧'hua̧nö̧tä̧ jȩpi̧nö̧ dauhuiyämä jacuä jähuä teötä ko̧cua̧'a̧ 'cua̧rö̧nä̧. ³⁸Ja̧'hua̧nö̧ ja̧'a̧ ja̧u̧mä̧ ku̧ni̧nö̧ duhuiyä 'pa̧huä̧ji̧mä̧ ku̧ni̧nö̧ äjicuäcuähuotö ttö̧jo̧cuo̧mȩ pä̧tȩcuä̧nö̧, ä̧ji̧mö̧ au ttichome pä̧tȩcuä̧nö̧. Au ttichomettö ttömu̧'u̧ muchotö juottiyarö pä'ö.³⁹ttä̧ji̧mö̧ dauhuiyä pä̧tȩcuä̧nö̧ttö̧ ttä̧mu̧huä̧tö̧mä̧, jahuättö tti̧tti̧mu̧mä̧ uhuäpächinätö o̧mä̧nö̧, hueyucänö ttȩhuä̧ta̧nö̧ huotö. ⁴⁰Jacob jahuätö tti̧tti̧mu̧ru̧ kä̧'ȩpi̧nö̧, ja̧'hua̧nö̧ ja̧'a̧nä̧ ju'totörömä huȩyu̧pä̧tö̧ ttö̧ja̧'a̧cu̧ to̧ttää̧rö̧nä jȩpi̧nö̧, ja̧'hua̧ta̧'a̧nö̧ idicuätörömä Labán ä̧ji̧mö̧ ttö̧jo̧cua̧'a̧cu̧. Ja̧'hua̧nö̧ ja̧'a̧ttö̧ ja̧u̧mä̧ chutä ä̧ji̧mö̧rö̧mä̧ i̧mi̧cu̧nä̧ kä̧'ȩpö̧ ku̧ni̧nö̧ Labán ä̧ji̧mu̧cu̧ ttihuacuächö juiyönä.⁴¹Oveja̧tö̧ juruhuätö tti̧tti̧mu̧ru̧ yottähuomenä, ja̧'hua̧nö̧ ja̧'a̧ttö̧ Jacob ru̧nä̧'chi̧nö̧ da'ú isade cuänö'cänö dau isadetä tottäcuäcua'anö. ⁴²Ja̧'hua̧nö̧ ja̧'a̧nä̧ oveja̧tö̧ jiyupätö ttichomenämä, jo̧u̧mä̧ dau isademä rö̧no̧cö̧ pinö jahuätö tta'cajo̧memä. Jahuätö isotö jiyupätömä Labán ä̧ji̧mu̧ ji̧na̧'a̧, ja̧'hua̧nö̧ ja̧'a̧nä̧ oveja̧tö̧ juruhuätömä Jacob ä̧ji̧mu̧ ji̧na̧'a̧.⁴³Jo̧ú̧ tti̧ja̧sä̧mä̧ ru̧hua̧ joächinö. Oveja̧tö̧rö̧'inä, camellotö̧rö̧'i̧nä̧, burrotö̧rö̧'i̧nä̧ ri̧ȩnä̧ kö̧nä̧ri̧nö̧, nä̧tö̧rö̧ hue'ö aditätörö'inä ja̧'hua̧ta̧'a̧nö̧ u̧mä̧tö̧ hueö aditätörö'inä kö̧nä̧ri̧nö̧.

¹Ja̧'hua̧nö̧ ja̧'a̧ Jacobmä, Labán i̧tti̧mö̧ tti̧huȩnȩ ä̧ju̧cui̧nö̧, jahuätömä pä'inä̧tö̧: "Jacobmä tä'o öäre jä̧'i̧jö̧mä̧ o'cajuiyötä ȩmi̧pä̧ji̧, ja̧'hua̧nö̧ ja̧'a̧ ja̧u̧mä̧ tä'o u̧mö̧ jähuä ja̧'a̧ o'cajuiyönä ru̧hua̧ jö̧nä̧ u̧ju̧nä̧rä̧'i̧jö̧mä̧." ²Jacobmä Labán toa'a ö'änä topinö, Ja̧u̧mä̧ chutärö topö jȩö̧mä̧ pärohuächina'a. ³Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ Jacob pä'inö: Ppa̧'a̧chi̧ cuä'o'inä, cuahuaruhuärö'inä tti̧rȩjä̧ra̧'a̧tä̧ ttömä ucutäcu chö̧jä̧cua̧sä̧."⁴Jacobmä hue'inö Raquelrö'inä Learö'inä ttä̧ji̧mö̧rö̧ tta̧'a̧rö̧ ttö̧ja̧cua̧'a̧ttö̧ ottäjiyarö pä'ö, ja̧'hua̧nö̧ ja̧'a̧ ⁵jahuätömä pä'inö̧: Ttömä topäjisä cuä'otucu ttöcu jȩö̧mä̧ pärohuächa'a, ja̧'hua̧nö̧ ja̧'a̧nä̧ chä'o ö̧ä̧nä̧hua̧ Diosmä ttötäcu kä'ijö̧, ⁶Ucutu huo̧juä̧tö̧jä̧ cuä'otucuru chujurumä o'cajuiyötä aditö ppä̧dä̧dä̧rä̧'i̧ja̧'a̧mä̧.⁷Cuä'omä uyaparehuäcusä ja̧'hua̧nö̧ jȩpö̧ ttörö i̧mi̧ta päinömä to̧mö̧rȩ jähuä jo̧mȩnä̧ pärotö icuinö̧, ja̧'hua̧nö̧ ji̧na̧'a̧nä̧ Diosmä ja̧u̧ ttörö surojuoepö juiyönä jȩpi̧nö̧. ⁸Ja̧u̧mä̧ pä'i'änö: ajicuäcuähuoto rurucä huotönä̧tä̧ chi̧mi̧tä̧cua̧jä̧, ja̧'hua̧nö̧ pä'amä o'catoi'önä̧tä̧ rurucä huotötä pöttächinä̧tö̧. Ja̧u̧ o̧mä̧ rö̧jä̧u̧ jä̧cua̧'a̧ ucuru chimitäcuä̧u̧mä̧ päomenämä, o'catoi'önätä ajicuäcuähuotömä o̧mä̧ rö̧jä̧u̧rö̧tä̧ o'ca juo'inä̧tö̧. ⁹Pa̧'a̧nö̧ jȩpö̧tä̧ cuä'o ä̧ji̧mö̧ttö̧mä̧ ttörömä Diosmä ȩmö̧ iyinäcu̧sä̧.¹⁰Ya'utenä̧ ä̧ji̧cuä̧cuä̧huo̧tö̧ ttö̧ttä̧mö̧huö̧ mo̧ro̧mä̧, ttömä 'cuo̧ti̧nä̧ topäjisä chivotö̧mä̧ äjicuäcuähuotö recuätucu ttö̧ttä̧mö̧hua̧'a̧. Chivotö̧mä̧ o̧mä̧ jö̧ rö̧ji̧nä̧u̧, ru̧ru̧cä̧ jö̧nä̧ 'inä ja̧'hua̧ta̧'a̧nö̧ bäreunä rurucä jö̧nä̧ huinä̧tö̧. ¹¹Dios umöhuä̧ya̧ ángelmä 'cuotinämä päinä̧cu̧sä̧: Jacob, päcumä pȩnȩtä̧ kö̧sä̧ pä'ö chädätinä̧cu̧.¹²Ja̧u̧mä̧ pä'inö: boyu̧cu̧ topi chivostö̧ o'catoi'önä ajicuäcuähuotö recuätucu ttä̧mö̧huä̧tö̧rö̧. Jahuätömä o̧mä̧ rö̧jä̧u̧ ja̧'a̧nä̧ ru̧ru̧cä̧nö̧ huotö ja̧'a̧ ja̧'hua̧ta̧'a̧nö̧ bäreönä'inä rurucä huotö ja̧'a̧, juhua'amä Labán o'cajuiyönä ucuru jȩö̧mä̧ tochäja'attö. ¹³Ja̧hua̧ta̧nö̧ Dios Jacobrö pä'inödo: ―Ttötäsä Betelttö ucuru ucuocuinö Cu̧huä̧nä̧hua̧ Diosmä. Juhuorötä ido'qui ärädö ku̧nä̧huo'quinä a̧dȩ isoya da'epö ttörö ucuocuinöjä. Jitämä ä̧rä̧mi̧'ö̧ pi̧jä̧ttö̧ rä'opö, cuhuäpächinä̧jä̧ra̧'a̧ ppa̧'ä̧chi̧―.¹⁴Raquel'inä, Lea'inä ja̧u̧rö̧ ädätinätö̧: ¿Yorö'iso a̧'u̧cu̧nä̧tä̧'inä juiya'a ujutu tä'o ujuturu iya päinö tȩmö̧'a̧nö̧ jö̧mä̧? ¹⁵¿Tä'omä korojä̧ttö̧ ichäcuähuotörö jȩtta̧'a̧ jä̧'i̧ja̧'a̧nö̧tä̧ jȩa̧'a̧ tä̧ji̧? Isopäi'ömä ja̧u̧mä̧ iyö icuinä̧u̧jä̧ ja̧'hua̧nö̧ jȩpö̧ töäre pärätä'inä o'cajuiyötä cui'i'inö. ¹⁶Ja̧'hua̧nö̧ ja̧'a̧ttö̧ o'cajuiyönä tä'o öäre Dios 'choipäjimä, jitämä ujutu'inä tti̧tti̧mö̧'inä ttöäre ja̧'a̧. Ja̧'hua̧nö̧ ja̧'a̧ttö̧ ji̧yȩtȩ Dios ucuru jiähuäjimä, jȩpi̧."¹⁷Ja̧'hua̧nö̧ ja̧'a̧ Jacob jo̧mȩnö̧ jȩpu̧ ku̧ni̧nö̧ i̧tti̧mu̧rö̧'i̧nä̧ irecuamu̧rö̧'i̧nä̧ cameyu̧tu̧ tu̧huä̧mȩ cäepu huä̧ni̧nö̧. ¹⁸Ja̧u̧mä̧ ä̧ji̧mu̧ o'catoinärö̧ ä'canä o'ipinö, ö'äre u̧ju̧nä̧rö̧ o'cajuiyönä̧, ä̧ji̧mu̧ pä̧'cä̧yö̧' Padán Aramttö̧ ȩmi̧nä̧u̧ pinätö̧rö̧'inä ȩpi̧nö̧. Ja̧'hua̧nö̧ jȩpu̧ i̧cui̧nö̧ Canaán'ra̧'a̧cu̧ jä'o Isaac i̧rȩjä̧ ji̧nä̧jä̧ra̧'a̧cu̧.¹⁹Labán ovejattö̧ ttuhuo'che 'cui'ö rä'opomenä, Raquel kä'o ö̧'ä̧nä̧huo̧ttö̧rö̧ nä̧u̧cui̧nä̧ju̧. ²⁰Jacob'inä jiähuo'cö pinö Labán'rö̧mä̧ chihuä̧cua̧sä̧ pä'ömä. ²¹Ja̧,hua̧nö̧ ja̧'a̧ttö̧ tö'ipächinö i̧hui̧nö̧ jurunä ö'äre u̧ju̧nä̧rö̧ o'cajuiyönäcu̧ aje'inä kähuächinö, ja̧'hua̧nö̧ ja̧'a̧ttö̧ 'chi̧nö̧ Galaad deeyucu.²²Huäbodäcuä mo̧ro̧ jä̧ji̧ o'ca'atä huo̧juä̧chi̧'i̧nö̧ Jacob toipächäja'amä. ²³Ja̧'hua̧nö̧ ja̧'a̧ ja̧u̧mä̧ ahuaruhuäcu ca̧ca̧cui̧'ö̧ ruhui'inö ji̧mu̧tȩ ta'arenö mo̧ro̧ i̧huä̧huo̧mȩ. Ja̧u̧mä̧ rä̧bȩhui̧nö̧ 'chuädinäcu Galaad muä'quiyu päi'omettö̧.²⁴Ja̧u̧nu̧ yodo Dios i̧jȩcui̧nö̧ Labán aram ttö̧ja̧sa̧nä̧ ja̧'hua̧nö̧ ja̧'a̧ päinäcu: "Tta̧'a̧rä̧cuä̧hui̧ Jacob'römä cucuocuä adiu'inä surona'inä." ²⁵Labán rä̧bȩhui̧'i̧nö̧ Jacob ö̧jo̧mȩ. Jacob'mä ä'äcuome a̧di̧tä̧ji̧'ca̧ ki̧nö̧ muä'quiyu jo̧mȩ. Labán'inä umuhuäyotucu Galaad muä'canä ko̧cuä̧mi̧nä̧tö̧.²⁶Labán päinö Jacobrö: ¿Däjé jȩ'cuä̧ttö̧, yapare jicuähuäcusä ja̧'hua̧ta̧'a̧nö̧ chi̧tti̧mu̧rö̧ ȩmi̧pä̧ji̧yä̧ curä rohuähuipu ttȩmi̧ pa̧'a̧ 'cua̧rö̧nä̧? ²⁷¿jicuähuococu päjisä jiäcuähuä juiyönä cui̧hua̧'a̧mä̧? ja̧'hua̧nö̧ jo̧ca̧'a̧ jö̧ttö̧mä̧ ttö teähuäjisä pä'cäri eseunö rä̧ttö̧nä̧, panderonä'inä ja̧'hua̧ta̧'a̧nö̧ arpana'inä. ²⁸Ja̧hua̧nö̧ ja̧'a̧nä̧ tedähuiyönä jȩcuä̧cu̧sä̧ chi̧nä̧mu̧rö̧'i̧nä̧, ja̧'hua̧ta̧'a̧nö̧ chi̧tti̧mu̧rö̧'i̧nä̧ 'chö̧o̧pu̧nö̧. Jitämä ja̧'a̧tä̧ jȩpä̧ji̧yä̧.²⁹Ttö churuhuonä chö̧ju̧ttö̧mä̧ suronä jȩcha̧cu̧jä̧, ja̧'hua̧nö̧ ja̧'a̧nä̧ cuä'ó I̧Ä̧NÄHUA̧ DIOSTÄ moro̧ji̧ yodo ucuocuäcusä: Jacobrömä suronä cucuocuä adiu ju̧ttö̧'i̧nä̧ surojö ju̧ttö̧'i̧nä̧. ³⁰Jitämä ppa̧a̧chä̧ji̧yä̧ cuä'ó i̧rȩjä̧ra̧'a̧. ¿Chahuaruhuä tti̧ä̧nä̧huo̧tö̧rö̧ 'choipina'a̧ttö̧?³¹Jacob Labánrö ädätömä pä'inö: "Juhua'amä ttömä ye'ecuinö̧sä̧, ja̧'ha̧nö̧ jä̧cu̧ a̧mö̧cuädinö̧sä̧ ucumä cui̧tti̧mö̧rö̧mä̧ cujurucu jȩpö̧ 'choipä̧cua̧sä̧'cua̧ra̧'a̧ pä'ö yo̧ä̧huä̧i̧nä̧ i̧hui̧'i̧nö̧sä̧. ³²Cu̧ä̧nä̧huä̧'ca̧ ȩmi̧pä̧ji̧mä̧ a̧'cua̧rö̧mä̧ ko̧cö̧ jä̧cua̧, ttahuaruhuä ttä'ca jo̧mȩttö̧ korojuäu ttö chu̧ju̧nä̧rö̧ cu̧'o̧cui̧'ö̧ttö̧mä̧ cuiäre päi'önä̧tä̧ ȩmi̧, pi̧yȩmä̧ pä'inö Jacobmä Raquel ku̧nä̧u̧cua̧'a̧mä̧ ieruhua'attö.³³Labánmä Jacob ojusodenä'inä, Lea kojusodenä'inä, ja̧'hua̧ta̧'a̧nö̧ ku̧mö̧huäyotö nä̧tö̧ ta̧ju̧ ttojusodenä'inä usa'anä po̧cui̧po̧cö̧ pinö. Ja̧u̧mä̧ Lea kojusodettö rä'opächö Raquel kojusode do'ächi'inö.³⁴Ja̧'hua̧nö̧ ja̧'a̧ Raquelmä ttö̧ä̧nä̧huä̧'ca̧ ȩmi̧pä̧'coju camellonä huä̧nö̧ pä̧cuä̧huä̧cä̧ dȩa̧'a̧ rötö, ja̧u̧tä̧ huä̧mȩ pä̧mä̧di̧nä̧ju̧. Labánmä isotä tti̧jȩta̧ttö̧ 'tö̧ä̧huode jättäjode usa'anä po̧cui̧po̧cö̧ pinö. ³⁵Jahuäjumä kä'orö pä'inä̧ju̧: Cu̧ra̧huä̧ri̧'ä̧, chu̧ru̧hua̧, ucu cuä'ca jo̧mȩ chä̧rä̧mi̧'ö̧ juiyöttö'inä, juhua'amä chihua chö̧ro̧mȩttö̧ ja̧'a̧." Ja̧'hua̧nö̧ päjäcu o'cajuiyönä usa'anä ö̧ä̧nä̧huä̧'ca̧mä̧ po̧cui̧po̧cö̧ pinö.³⁶Jacobmä rö̧ä̧nä̧ ra̧huä̧ri̧nö̧ ja̧'hua̧ta̧'a̧nö̧ Labáncu̧ pä'ä'chäcuähuinö. Ja̧u̧mä̧ pä'inö: ¿Ti̧yȩjä̧ttö̧ ttö suronä jȩchä̧ji̧mä̧? ¿Ti̧yȩjä̧ttö̧ ttö surojö jȩcha̧'ja̧'a̧, cho'ca'anä juiyo ru̧cuä̧rö̧mä̧? ³⁷Ja̧'hua̧nö̧ ja̧'a̧ ucumä chöäre ko̧mȩmä̧ o'cajuiyötä usäjijä̧. ¿O'cajuiyötä cusa'anämä cuiäremä po̧cui̧pä̧ji̧jä̧? Ttahuaruhuä ttä'ca jo̧mȩ cu̧'o̧cui̧'ä̧ji̧mä̧ ruti, ujutu ta̧ju̧ jȩtä̧ji̧mä̧ jahuätötä adihuomenä pättäcua'anö̧.³⁸Veinte a̧'ȩ jo̧mȩnä̧ ttö ucutucu cho̧jo̧mȩnä̧mä̧. Cuajimö Ovejattö̧ttö̧'i̧nä̧ Cabrattöi'nä̧ ppu'ömä̧ ihuo'ca'anä̧ Oveja uboröi'nä cuo'kopinö̧sä̧ cuajimö ovejattö 'ca̧'ca̧ttö̧ cu̧ju̧ni̧no̧mȩttö̧mä̧. ³⁹dea i̧sä̧ cua'öihuomenä̧mä̧ i'cächumä̧ iyo'cöpienö̧sä̧ ucurumä̧. ucu jȩcuä̧jueimä̧ ttötätä chäjimö a̧cua̧rö̧nä̧tä̧ jȩpi̧nö̧sä̧. ja̧'hua̧nö̧ jo̧mȩnä̧mä̧ ttörömä̧ cuä̧ji̧mö̧ toeächättörömä̧ yä̧u̧cu̧po̧nä̧ chi̧mittö̧nä̧ jȩpi̧ȩnö̧ja̧, mo̧ro̧i̧'nä̧ yodoi'nä ttö̧nä̧jui̧ȩnä̧cu̧sä̧. ⁴⁰juenȩtä̧ ki̧ȩnö̧sa̧, mo̧ro̧ kä'co duoi'nä ja̧'hua̧ta̧nö̧ yodo diyottöju äo'copienö̧sä̧ diyottö.⁴¹Veinte a̧'ȩ jo̧mȩnä̧ ki̧nö̧sä̧ ucu cuojuisodenä̧mä̧. Catorce a̧'ȩ jo̧mȩnä̧ aditinö̧sä̧ cui̧tti̧mo̧ ta̧ju̧nä̧ ja̧'hua̧ta̧nö̧ seis a̧ȩ jo̧mȩnä̧ cuäjimo̧ ovejattörö ttö̧jo̧cuo̧mȩnä̧jä̧. Dienö jo̧mȩnä̧ päröttö icuinö ttörö imita pä'ö jäi̧'mä̧. ⁴²Chäo Dios pä'ö juiyuttömä̧, Abrahami'nä̧ Isaac'inä ye'ecuäcuä juiyuttömä̧ Ö̧Ä̧NÄ̧HUA̧ Diosrö Ja̧'hua̧ta̧nö̧ ttöcu jo̧ju̧jui̧yu̧ttö̧mä̧, chaditäjittöi'nä micuäjuiyunä̧ hueicua'anöti chu̧mo̧nä̧mä̧. Diosmä̧ ttö chaditäcua topu ree ka̧'i̧ Ja̧'hua̧nö̧ ja̧'a̧ttö̧ mo̧ro̧ji̧ yodomä̧ rä̧huä̧ri̧ pä̧ji̧.''⁴³Labán Jacobrö ädätö pä'inö: "cui̧tti̧mu̧ nä̧tö̧mä̧ ttö chi̧tti̧mu̧, ucu cu̧nä̧mu̧'i̧nä̧ ttö chö̧nä̧mu̧ ja̧'hua̧ta̧'a̧nö̧ ucu cuä̧ji̧mu̧'i̧nä̧ ttötä chäjimu. O'cajuiyönä ucu to'cumä ttö chiäre ja̧'a̧. ¿Ja̧'hua̧nö̧ ja̧'a̧nä̧ tta̧'a̧nö̧ jȩcha̧ jitämä pitö ttö chi̧tti̧mu̧ nä̧tö̧ tti̧tti̧mu̧ tu̧huä̧bȩcui̧nä̧u̧ru̧mä̧? ⁴⁴Ja̧'hua̧nö̧ ja̧'a̧ttö̧ jitämä, esecu jȩttö̧'a̧nö̧ ja̧'a̧ ucu'inä ja̧'hua̧ta̧nö̧ ttö'inä, huȩnȩ'inä juiyönä ucuttu'inä ja̧'hua̧ta̧nö̧ ttöttö'inä."⁴⁵Ja̧'hua̧nö̧ ja̧'a̧ttö̧ Jacobmä inä o'qui chuädö jinä yo̧mȩtȩ rutinö. ⁴⁶Jacob pä'inö ahuäruhuärö: "inä o'qui ji̧nä̧ yo̧mȩtȩ ca̧ca̧tö̧ rutätucui."Ja̧'hua̧nö̧ ja̧'a̧ttö̧ jahuätömä inä o'qui chuädö ppäepu rutu 'ca̧ti̧nä̧tö̧. Ja̧'hua̧nö̧ jȩpu̧ jahuätömä cuinä̧tö̧ ttu̧cuä̧ ju̧huȩnȩtä̧ ppeyettö. ⁴⁷Labán ju̧huȩnȩ o'inö Jegar Sahaduta pä'ö, ja̧'hua̧nö̧ ja̧'a̧nä̧ Jacobmä o'inö Galed pä'ö.⁴⁸Labán pa'inö: "Pi̧yȩ i̧nä̧ o'quitó ji̧ä̧huä̧cuä̧mä̧ jitä mo̧ro̧ ujuturu 'cuäopö." Ja̧'hua̧nö̧ ja̧'a̧ttö̧, i̧mi̧mä̧ micuäcuome Galed. ⁴⁹Ja̧'hua̧nö̧ ja̧'a̧nä̧'i̧nä̧ pättome Mizpa, jua'amä Labán paina̧'a̧ttö̧: "TÖ̧Ä̧NÄ̧HUA̧TÄ̧ tta̧huä̧rä̧cua̧ ucuru'inä ttörö'inä, otonä totäcuähuoca'a tö̧ja̧'a̧nä̧'i̧nä̧. ⁵⁰Ucu ttö chittijuru surojönä jȩcu̧'u̧ttu̧mä̧ ko̧ro̧nö̧mä̧ chittijuru kä̧nö̧ karajuru cuu̧mu̧ttö̧'i̧nä̧, ujutucu ya̧tȩ'i̧nä̧ ö̧jo̧ca̧'a̧nä̧, amucuädi, DIOS ja̧'a̧ to̧pä̧rö̧mä̧ ucuru'inä ttörö'inä.⁵¹Labán pa'inö Jacob'rö: "Pi̧yȩ i̧nä̧ topöjä ja̧'hui̧a̧ta̧'a̧nö̧ pi̧yȩ i̧nä̧ 'ca̧tö̧ rötähua'ainä topöjä, tötä chötäja'a ttö ucucu 'cä̧tȩ jo̧mȩ. ⁵²pi̧yȩ i̧nä̧ jä̧cua̧'a̧ ji̧ä̧huä̧cuä̧mä̧ ja̧'hua̧ta̧'a̧nö̧ pi̧yȩ i̧nä̧ 'ca̧tö̧ rötähuä ja̧'a̧ ji̧ä̧huä̧cuä̧mä̧, jua'a yabocu ttömä 'cuä'opocö chä̧cua̧sä̧ pi̧yȩ i̧nä̧ po̧mȩ jubu ucu'inä 'cuä'opocö cuä̧cua̧jä̧ pi̧yȩ i̧nä̧ po̧mȩ po̧mȩ jubumä ttörö suronä jȩcu̧'a̧ pä'ömä. ⁵³Abrahan ö̧ä̧nä̧hua̧ Dios, ja̧'hua̧ta̧'a̧nö̧ Nacor ö̧ä̧nä̧hua̧ Dios, cuä'otu̧cu̧ tö̧ä̧nä̧hua̧ pi̧nö̧'i̧nä̧, ja̧u̧tä̧ ja̧'a̧ ro̧ȩpä̧cua̧ ujuturu." Jacob iso jȩchä̧cua̧sä̧ pä'inö yecua'attö jä'o Isaac'rö.⁵⁴Jacob kuhuicu iyähuä iyinö̧ möä̧'ca̧ra̧'a̧ttö̧ ja̧'hua̧ta̧'a̧nö̧ ahuaruhuärö ä̧tȩpi̧nö̧ tu̧cuȩ ttucua pe'ö. Mö̧ä̧'cara̧'a̧tä̧ jahuätö cuänö 'cuäopinätö̧ yaute yodo cuäo'inä. ⁵⁵Päi moró̧ päianä Labán porächiö, adiunä pä'ö i̧nä̧mu̧rö̧ ja̧'hua̧ta̧'a̧nö̧ i̧tti̧mu̧ nä̧tö̧rö̧'i̧nä̧ 'chuo̧pi̧nö̧. ja̧'hua̧nö̧ teähuä ji̧'ca̧ Labán ppa̧'a̧chi̧nö̧ ojusodera̧'a̧cu̧.

¹Ja̧'hua̧ta̧'a̧nö̧ Jacob mä i̧'cha̧ pä'acutä 'chi̧nö̧, ja̧'hua̧nö̧ i̧'cha̧'a̧ Dios umöhuäyotö ángeles ttu̧'o̧cui̧'i̧nä̧cu̧. ²Jacob jahuätörö topömä pä'inö: Pȩnȩmä̧ Dios ö̧jo̧mȩ ja̧'a̧, " Ja̧'hua̧nö̧ ja̧'a̧ttö̧ ju̧huȩnȩmä̧ Mahanaim pä'ö o'inö.³Jacobmä ä'canä huȩnȩ ȩcuä̧ ttö̧ja̧rö̧ hue'inö uböo Esaú Edóm rȩjȩttö̧ Seir pä'ö micuom e ö̧ja̧'a̧cu̧. ⁴Ja̧u̧mä̧ jahuätörö hue'ömä pä'inö: "Pi̧yȩ jicuähuätucuaja chu̧ru̧hua̧ Esaúrömä: Pi̧yȩ ja̧'a̧ cu̧mö̧huä̧ya̧ Jacob päömä: Labáncu kä̧'i̧jö̧sä̧ ja̧'hua̧nö̧ jo̧mȩttö̧ jurunä ppa̧dä̧chi̧'ö̧ juiyönä jä̧'i̧ja̧'a̧ jitä jubö päi'önä. Ttömä ku̧nä̧rö̧sä̧ pä̧cä̧yu̧rö̧'inä, bö̧rö̧ba̧rö̧'inä, ovejastö̧rö̧'inä, ttumöhuäyotörö'inä ja̧'hua̧ta̧'a̧nö̧ ttumöhuäyotö nä̧tö̧rö̧'inä. ⁵Ttömä pi̧yȩ huȩnȩ hue'äjisä chu̧ru̧hua̧rö̧mä̧, adiu amöcuädö topö ppädäcua'anö."⁶Huȩnȩ ȩcuä̧ ttö̧ja̧mä̧ Jacob ö̧jo̧mȩ ppä̧'a̧chi̧'ö̧ pä'inä̧ttö̧ ja̧u̧rö̧: '' cubuo Esaú ö̧jä̧'a̧ i̧hu̧ä̧jä̧tö̧jä̧. Ja̧u̧mä̧ i̧chö̧ ucurö toa pä'ö cuatrocientos-nö̧ huottöcu chutäcu 'cä̧cuä̧tö̧cu̧.'' ⁷Ja̧'hua̧nö̧ ja̧'a̧ Jacob mä̧ a̧cua̧'tä̧nö̧päi'ö Rö̧ȩi̧nä̧ yeähuipu. Ä'ähua'ariyänä̧ chutäcu ka̧cuä̧tö̧cu̧römä̧ todärejo̧mȩnä̧ kä̧'cho̧po̧'ö̧ po̧'i̧nö̧ ja̧hua̧tä̧nö̧ Ovejatö̧ pächunö̧ hueächätörö'inä̧ camellotö̧rö̧'i̧nä̧. ⁸Ja̧u̧mä̧ pä'inö: '' Ja̧u̧ Esaú ya'ate ä'ähuäränätä̧ röhuäjuö ichutömä̧, ja̧hua̧nö̧ jö̧tö̧mä̧ koraränä̧ ka̧cuä̧tö̧mä̧ ttötipächä pä'ö ja̧'a̧.''⁹Ja̧'hua̧nö̧ ja̧'a̧ pä'inö Jacobmä̧: '' chä̧do̧ Abraham 'inä̧ jäo Dios ja̧'hua̧ta̧nö̧ Isaac jäo Dios, Ja̧u̧ TÖ̧Ä̧NÄ̧HUA̧MÄ̧, pä'äi: ''hui̧rȩjä̧rä̧'a̧ pä̧'a̧chi̧ huäcuäruhuä tö̧jo̧cuä̧ ttötä ppädädäcuäjä̧ cuäcuäruhuärö'inä̧. ¹⁰ttömä̧ chuju'coku ja̧'a̧nä̧ ucumä̧ re'e cujä̧cu̧sä̧ törömä̧ pi̧yȩ O'cajuiyunä̧mä̧ adiunämä̧ i̧jȩ pä̧ji̧yä̧ cu̧mo̧hu̧äyä̧rö̧mä̧. tömä̧ surö chi'ta'canä̧tä̧ cuäopinö̧sä̧ poto Jordán ajemä̧ ja̧'hua̧nö̧ ja̧'a̧ttö̧ jitämä̧ todäre jo̧mȩnä̧ ku̧nä̧rö̧sä̧ ä'ähuäariyämä̧.¹¹Re'topittö, chubu'o Esaú ujuruttu chö̧ji̧pu̧nä̧, ja̧u̧ru̧ yedecunä jä̧cu̧sä̧, ichi'ö rohuäu icuättö pä'ö chi̧tti̧mu̧ tta̧ju̧tu̧cu̧. ¹²ja̧'hua̧nö̧ ja̧'a̧nä̧ ucutä pä'inöjä̧: 'TTÖTÄ adiunä jö̧nä̧ jȩchä̧cua̧jä̧. TTÖTÄ jȩchä̧cua̧sä̧ cuahuäruhuä'cotörö'inä aje rö'oto rȩba̧ 'cuarö̧nä̧ ttirehuächönä, pa̧ja̧cuo̧mȩ'i̧nä̧ juiyönä."¹³Jacob ja̧u̧ yodo ju̧huȩnȩtä̧ ki̧'i̧pi̧nö̧. ja̧'hua̧nö̧ ja̧'a̧ttö̧ ä̧ji̧mu̧ u̧ju̧nä̧rä̧u̧ttu̧ ȩmi̧nö̧ ubu'o Esaú'ru mippo'önä iya pä'ö, ¹⁴doscientas cabras jo̧mȩnä̧, veintenö umä̧ttö̧ cabrios jo̧mȩnä̧, doscientos ovejas jo̧mȩnä̧ ja̧'hua̧ta̧nö̧ veinte carneros jo̧mȩnä̧, ¹⁵treintanö̧ camellas jo̧mȩ atateja'inä ä̧cuä̧'u̧ tti̧tti̧mu̧cu̧, cuarentanö pä'cäyö̧ jo̧mȩ ja̧'hua̧ta̧nö̧ dieznö torotö̧ jo̧mȩnä̧, veintenö asnas jo̧mȩ ja̧'hua̧ta̧nö̧ dieznö burros jo̧mȩ. ¹⁶Pitörömä ja̧u̧mä̧ iyinö umuhuäyotö ttu̧mu̧nä̧, ja̧u̧mä̧ yotucu isasa punämä iyinö umuhuäyotörötä: "Ttö chä'canä tätucuijó ja̧'hua̧nö̧ ja̧'a̧nä̧ otonänö punä ocuipätucuajá jisate punämä.¹⁷Ja̧u̧mä̧ huo̧juȩti̧u̧nö̧ ä̧cuo̧mȩnä̧ u̧mu̧huä̧ya̧rö̧, pa̧'a̧nä̧ pä'ö: "Chuböo Esaú ucru po̧cui̧pö̧ pa̧'a̧nö̧ jä'epöttömä: ¿Di jä̧ttö̧ ucu cu̧ru̧hua̧mä̧? ¿To cui̧'chä̧? ¿Tide ä̧ji̧mu̧jä̧ttö̧ ucu cuä'canä 'chä̧tö̧mä̧? ¹⁸Ja̧'hua̧nö̧ jäepomenämä cuädätäröjá̧: Ja'huätömä ucutä cu̧mu̧huä̧ya̧ Jacob ä̧ji̧mö̧. Ja'huätömä u̧ru̧hua̧ Esauru mippoönä i̧yä̧u̧ ja̧'a̧. Topi, ja̧u̧'inä̧ ichö ujutu to'ca'anä."¹⁹Jacob ja̧u̧nu̧ o'ca'a todäre päi'önä 'chä̧tö̧rö̧'i̧nä̧ ji'ähuinö, huäbodäcuä päi'önä 'chä̧tö̧rö̧'i̧nä̧ ji'ähuä'chinätö ja̧'hua̧ta̧'a̧nö̧ o'ca'anä päyunu 'chä̧tö̧rö̧'i̧nä̧. Pä'inö: "Ucutu'inä ja̧u̧ päji ta'anö päcuätucuajá Esaúcu cu'ätecuächätucuomenämä. ²⁰Pa̧'a̧no̧ päcuätucuaröjá̧: Cu̧mu̧huä̧ya̧ Jacob'inä ujutu to'ca'anö ichö. "'Jua'amä amucuädö pä'inö: Ö̧'ä̧i̧ pȩjä̧mi̧pö̧nä̧ jȩchä̧cua̧ pi̧yȩ chä'canä chȩpö̧ mippoönä iyähuä iyö. Ja̧'hua̧nö̧ jȩchö̧ o'ca'atä, dodächomenä tȩä̧huä̧cua̧sä̧ 'cua̧ra̧'a̧." ²¹Ja̧'hua̧nö̧ ja̧'a̧ttö̧ mipoönä iyähuämä ä'canä hue'inö. Ja̧u̧nu̧ yodo katätä ki̧'i̧pi̧nö̧ ä'ähuaränä²²Ji̧nä̧ yodó ja̧'a̧nä̧ Jacob porächiö i̧rȩcua̧mu̧ ta̧ju̧rö̧'i̧nä̧ hueö adicuä ttö̧ja̧ nätö̧rö̧ ta̧ju̧rö̧'i̧nä̧ ja̧'a̧hua̧ta̧'a̧nö̧ oncenö huotörö i̧tti̧mu̧rö̧'i̧nä̧ oipinö. Jacob hueinö re'tönänö jo̧mȩnä̧ 'cuätto'inä ajé päcuädä̧jä̧nä̧. ²³Ja̧'hua̧nö̧ 'cuä'o ä̧ji̧'ca̧ o'cajuiyönä u̧ju̧nä̧rö̧ hueinö 'cuatte pejipa pe'ö.²⁴Jacob katä ki̧i̧pi̧nö̧ ya̧tȩ ttö̧ja̧sä̧cu̧tä̧ rohuähuö moró̧ joomebu. ²⁵Ttö̧ja̧sä̧ ttö̧ȩpä̧rä̧chi̧'i̧nö̧ cuä'ö icuiyönä jä̧cu̧, ja̧'hua̧nö̧ ji̧yä̧cu̧ Jacob äcänä cuäinö. Ijiyuhuächiönä Jacob äcänä ijiyudinäcu̧ jo̧u̧cu̧ örohuähuomenä. ²⁶Ya̧tȩ ttö̧ja̧i̧sä̧ päinö: Tidipächa'anä ja̧'a̧tä̧ topittö, täcö moró̧ päi'ia. Jacob ädätinäcu̧: Ticuicha'anämä ja̧'a̧tä̧ tochococujä adiunä pä'ö cuiyomebu ttörö.²⁷Ja̧u̧ ttö̧ja̧sa̧mä̧ pä'inö: ¿Tocu micua̧jä̧ttö̧ cui̧mi̧mä̧?Jacob pä'ö micua̧sä̧ pä'ö ädätinö. ²⁸Ja̧'hua̧nö̧ ja̧'a̧ttö̧ ja̧u̧ ubo Jacobrö pä'inödo: ―Cui̧mi̧mä̧ Jacob pä'ö mi̧cuo̧cö̧jä̧. Jitämä ucumä Tö̧ä̧nä̧hua̧ Dioscu'inä, ttö̧ja̧cu̧'i̧nä̧ cu̧ju̧nä̧rä̧cuä̧huo̧mȩnä̧ cujuruhuäja'attö, Israel pä'ö cui̧mi̧cuä̧cua̧jä̧―.²⁹Jacobmä ja̧u̧rö̧ jä'epö ä̧ju̧cui̧nö̧: Cuimi ji'ähuittö, päcu ja̧u̧mä̧ ädätinä̧cu̧, ¿Tta̧'a̧nö̧ pä'ö chimi jä̧cuȩpä̧rä̧cu̧sä̧ttö̧? Ja̧u̧nu̧ o'ca'amä juhuorötä adiunä ji̧yä̧rö̧ pä'ötä päinä̧cu̧. ³⁰Jacob ju̧huȩnȩ peniel pä'ö o'inö pa̧'a̧nö̧ pä'ö, Dioscumä pä̧tȩcuä̧cuä̧huä̧nö̧ topäcuähuöjätöjä ja̧'hua̧nö̧ jo̧mȩnä̧ surojö jȩpo̧cö̧ päji 'cua̧rö̧nä̧tä̧ jȩä̧jä̧cu̧sä̧.³¹Kä̧hua̧mä̧ rä'o'inö Jacob ji̧nä̧ Peniel pä'ö micuome 'cuäopa'anä. Ja̧u̧mä̧ ko̧ppȩ ko̧ppȩ 'chi̧nö̧ äcä pporächi'äjäcu. ³²Ja̧'hua̧nö̧ jo̧mȩttö̧ jitä mo̧ro̧ jubö päi'önä, Israel ttö̧ja̧mä̧ cuocotö äcä huäborä jo̧mȩmä̧, juhua'amä ja̧u̧ ttö̧ja̧sa̧mä̧ ju̧huȩnȩ jisome Jacob äcä huäborä jo̧mȩ pporächi'önä jȩi̧no̧mȩttö̧.

¹Jacobmä̧ bo̧yu̧cu̧ topinö̧ ja̧'hua̧,a̧nö̧ ja̧'a̧, topinö̧sä̧ Esaú icha'a cuatrocientos juotöcu, Jacobmä̧ i̧tti̧mo̧ro̧mä̧ 'cä̧so̧po̧ö̧ ku̧ni̧nö̧ Leacu'inä, Raquelcu'inä, ²ä̧huo̧mȩnä̧mä̧ u̧huäyotö tä̧ju̧ päja̧törö ku̧ni̧nö̧ tti̧ti̧mo̧cu̧ ja̧u̧nö̧ O'ca'amä̧ Lea ki̧tti̧mö̧cu̧ ja̧u̧nö̧ O'ca ja̧'hua̧ta̧nö̧ Raquelrö'inä ki̧tti̧mö̧cu̧ pittö O'cato'i̧önä̧ 'taboja'anä̧ ki̧nö̧ Jose i̧nä̧'a̧. ³Ja̧u̧tä̧ ji̧nä̧'a̧ juättö tiä'came 'chinä̧'ä̧. ja̧u̧mä̧ Sietenö̧ jo̧mȩmä̧ rȩjȩcu̧ ja̧rȩyu̧ pä'ö jȩpi̧nö̧, ubuo päji tö'ku päi'ömebuö päi'önä̧.⁴Ja̧'hua̧nö̧ jä̧i̧'Oca'a Esaúmä̧ ja̧u̧ ö̧jä̧cu̧ jopächu, Ja̧u̧mä̧ pȩi̧cu̧nä̧ cuä'adiö uru̧pä̧'cȩnä̧ chuo̧pi̧nö̧, ja̧'hua̧nö̧ jȩpö̧ ajähuähuinätö̧ juä̧'ä̧tömä̧. ⁵Esaú päji ä̧rä̧mi̧ö̧ to'omenä̧mä̧, tto'omenä̧mä̧ nä̧ttö̧ päjätö'inä̧ ja̧'hua̧ta̧nö̧ ppo̧'ä̧tö̧'i̧nä̧ ka̧cui̧nä̧tö̧, päinö ja̧u̧mä̧: '' ¿tituhuotö jä̧'a̧ttö̧ ucucu ka̧cuä̧tö̧mä̧,? '' pä'inö Jacobmä̧: '' juättömä̧ Dios rettö pä'ö ichinä̧'ö̧ ttö cumo̧huä̧ya̧rö̧ ichinä'ö.''⁶Ja̧'hua̧nö̧ ja̧'a̧ ttumuhuäyotö tti̧rȩcua̧mu̧ ä'canä ichi'inättö̧, ja̧'hua̧nö̧ ja̧'a̧ttö̧ ja̧rȩyu̧nu̧ jȩpi̧nä̧ttö̧. ⁷Ja̧u̧nu̧ o'ca'a Lea'inä ki̧tti̧mu̧cu̧ ä'ca jo̧mȩ ichi'inäju̧ jahuätö'inä ja̧rȩyu̧nu̧ jȩpi̧nä̧ttö̧. Röjinämä ichi'inätö̧ ä'ca jo̧mȩmä̧ José'inä ja̧'hua̧ta̧nö̧ Raquel'inä jahuätö'inä ja̧rȩyu̧nu̧ jȩpi̧nä̧ttö̧. ⁸Esaú pä'inö: "?Däje päcua pä'ö jä̧ttö̧ pito tochä̧u̧nä̧mä̧?" Jacob pä'inö: "Ttö CHIÄ̧NÄ̧HUA̧TÖ̧ adiu ppädäcuähuä to'attö pä'ö."⁹Esaú pä'inö: "Ta'cö röänä 'cu̧nä̧rö̧sä̧, chi̧jä̧cua̧. Ucutäcutä ka̧cua̧ ȩmi̧cu̧í̧." ¹⁰Jacob pä'inö: "Tä'cö, ppä'ädittö, re'topu cueseunä to'cunä jö̧ttö̧mä̧, mippo'önä chiyömä ȩmi̧yi̧ttö̧,jueönämä ucu cui'ämä topusä Diostä ö'ä 'cua̧rö̧nä̧tä̧, ja̧'hua̧nö̧ ja̧'a̧ttö̧ huȩnȩ juiyönä to'cuäcusä. ¹¹Ppä'ädittö, ȩmu̧ mippoönä chiya pä'ö ttö'cächäjimä, Diostä ttörö iyö ppädinö ja̧'a̧ttö̧, ja̧'hua̧nö̧ ja̧'a̧ttö̧ rö̧'ä̧nä̧ ku̧nä̧rö̧sä̧." Jacob juruhuächi'ö jä̧ȩpä̧ri̧nö̧, ja̧'hua̧nö̧ jä̧ȩpä̧rä̧cu̧ Esa̧ú̧ a̧ pä̧'i̧nä̧cu̧.¹²Ja̧'hua̧nö̧ ja̧'a̧ Esaú päinäcu̧: "Ujutu'inä tu̧mä̧nä̧nä̧ ti̧'chä̧tu̧cua̧. Tö'inä cuä'canä 'chö̧sä̧." ¹³Jacob painäcu̧: "TTÖ chu̧ru̧hua̧mä̧ huo̧jua̧ ppo̧'ä̧tö̧mä̧ jo̧mȩnö̧mä̧ huocotö, ja̧'hua̧ta̧'a̧nö̧ oveja̧ttö̧'i̧nä̧ pä̧ca̧yö̧'i̧nä̧ tti̧tti̧mö̧rö̧ atate ajätö. Ja'huätörö pä̧'i̧cu̧nä̧ tti̧'chö̧nä̧ jȩtö̧ttö̧mä̧ yaute mo̧ro̧ jö̧ttö̧'i̧nä̧, o'catoi'önä ajicuäcuähuotömä 'corujuottächäcuotö. ¹⁴Chu̧ru̧hua̧ u̧mu̧huä̧ya̧ ä'canä i̧'cha̧'a̧nä̧, ja̧'a̧tä̧ topi. Ttömä ja̧'cuo̧ppö̧nä̧ ichösä, pä̧ca̧yö̧ chä'canä 'chä̧tö̧ tti̧'chö̧ta̧'a̧nö̧, ja̧'hua̧ta̧'nö̧ ppö̧'ä̧tö̧ tti̧'chö̧ ta̧'a̧nö̧, chu̧ru̧hua̧rö̧ Seirttö chö̧rä̧bȩhuo̧mȩ jubu.¹⁵Esaú pä'inö: "Chu̧mu̧huäyotö ttucu ichätöttö yotöterö chu̧ju̧ni̧'ä̧cu̧yä̧." Ja̧'hua̧nö̧ ja̧'a̧nä̧ Jacob pä'inö: "¿Tta̧'a̧nö̧ pä'ö ja̧'hua̧nö̧mä̧ jȩcu̧'a̧? chu̧ru̧hua̧mä̧ täcö a̧diun rȩrö̧jö̧nä̧tä̧ topö ttörömä." ¹⁶Ja̧'hua̧nö̧ ja̧'a̧ttö̧ Esaú ja̧u̧nu̧ mo̧ro̧tä̧ ppa̧'a̧chö̧ i̧hui̧nö̧ Seir ra̧'a̧. ¹⁷Jacob i̧hui̧nö̧ Sucot ra̧'a̧cu̧, aditinö oju'odehuiyä'inä, ja̧'hua̧ta̧'a̧nö̧ ä̧ji̧mä̧ pä̧ca̧yö̧ ttä'äcuome'inä. Ja̧'hua̧nö̧ ja̧'a̧ttö̧ juȩnȩmä̧ micuinome Sucot.¹⁸Padán Aramttö̧ Jacob ichömä, jo̧u̧ rȩbȩhui̧pi̧nö huȩnȩ́ juiyönä Siquem ötahuiyänä, canaán rȩjȩra̧'a̧. Jo̧'ú̧ kä̧mä̧di̧nö̧ ötahuiyä tö'cönänö. ¹⁹Ja̧'hua̧nö̧ ja̧'a̧ttö̧ mitö ȩmi̧nö̧ ciennö o̧bi̧nä̧ i̧rȩjä̧ Hamor i̧tti̧ttö̧, Siquem jä'o. ²⁰Juȩnȩtä̧ aditinö kuhuicu iyähuome ja̧'hua̧ta̧'a̧nö̧ oinö̧ Israel tti̧ä̧nä̧hua̧ DIOS.

¹Ja̧'hua̧nö̧ ja̧'a̧ Dina, Lea Jacob ittiju jö̧nä̧ o'cajuo'ö kiyinä̧cua̧mä̧, rä'opächinä̧ju̧ ja̧huä̧jä̧ rȩjȩnä̧ ka̧cuä̧tu̧cu̧ ki'ätecuächa pä'ö. ²Siquen, Hev ttö̧ja̧sa̧ Ha̧mo̧r ittimä ja̧huä̧jä̧ttö̧ ru̧hua̧ jö̧nä̧ kö̧mä̧, topö 'chu'ädi'ö ȩmi̧pö̧ jahuäjucu ä'inö. ³Ja̧u̧mä̧ jahuäju Dinarö̧ rö̧ä̧nä̧ kö'quinö̧ , Jacob ittijuru, jahuäju möäyajurumä rö̧ä̧nä̧ öjö'cönä ji̧nä̧cu̧ ja̧'hua̧nö̧ jä̧cu̧ adiunä̧tä̧ ucuocuinö.⁴Siquenmä jä'o Hamorcu ucuocumä pä'inö: jahuäju möäyajuru chirecua päi'önä jä'epiyittö." Ja̧'hua̧nö̧ ja̧'a̧ Jacobmä ittiju Dinaru suronä jȩä̧ja̧'a̧mä̧ ä̧ju̧cui̧nö̧, Ja̧u̧ i̧tti̧mö̧mä̧ ttä̧ji̧mö̧cu̧ meje'cara̧'a̧ ka̧cui̧nätö, ⁵ja̧'hua̧nö̧ ja̧'a̧ttö̧ Jacobmä 'coruchi'äji'ca̧ ki̧nö̧ jahuätö ttichi'ome jubö.⁶Siquem jä'o Hamormä Jacobcu ucuocu 'chä̧nö̧ rä'opächinö. ⁷Jacob i̧tti̧mö̧mä̧ ja̧u̧ huȩnȩ ä̧ju̧cuo̧po̧'ö̧mä̧ meje'cara̧'a̧ttö̧ ichi'äcuähuipinätö̧. Jahuätö umätö̧mä̧ surojönä jö̧nä̧ ttö̧ja̧cui̧'ä̧ja̧'a̧tä̧ ji̧nä̧u̧. Rö̧ä̧nä̧ ttami surinä̧u̧ juhua'amä Israel ttö̧ja̧rö̧ dä'ä ttuhuähuä jö̧nä̧ Jacob ittijuru ujurucu ȩmi̧pä̧jo̧mȩnä̧, ja̧u̧ jahuämä jȩä̧cuä̧huo̧cö̧ jähuä jȩä̧jo̧mȩnä̧.⁸Hamormä pa̧'a̧nö̧ ucuocuinö: "Chi̧tti̧ Siquemmä cuittijuru rö̧ä̧nä̧ öjö'cönä jä̧cu̧. Ja̧u̧ru̧mä̧ irecua päi'önä iyyätucuittö. ⁹Ujutucu jinä yotute päcui'ätucunä, cui̧tti̧mö̧cu̧ nä̧tö̧rö̧mä̧ ujuturu iyätucuitö ja̧'hua̧ta̧'a̧nö̧ ujutu ti̧tti̧mö̧ nä̧tö̧rö̧mä̧ ucutu ȩmä̧tu̧cui̧tö̧. ¹⁰Ujutucu cu̧ja̧cuä̧cuo̧tö̧jä̧ ja̧'hua̧nö̧ jo̧mȩttö̧ ucutu pi̧jä̧ rȩjȩnä̧ cu̧ja̧cuä̧tu̧cua̧ pä'ömä huȩnȩmä̧ juiyäcua'a juhua'atäcu cuiäretucu micuänä cuiyätucua pä'ö'inä ja̧'hua̧ta̧'a̧nö̧ cui̧rȩjä̧tu̧cu̧ päi'önä cuȩmä̧tu̧cua̧ pä'ö'inä.¹¹Siquemä̧ pä'inö kä'o'inä̧ ja̧'hua̧ta̧nö̧ kahuärucuärö'inä̧: '' tocha pä'ö a̧ päcuätöcutömä̧, ja'hua̧ta̧nö̧ jähue pättöcucumä̧ chi̧yä̧cua̧sä̧. ¹²jäepätucuitö cuju'cätucu mipponä̧ i̧chäcuä bäreju'ö jo̧ttö̧'i̧nä, ja̧'hua̧nö̧ jo̧ttö̧mä̧ ttömä̧ chi̧yä̧cua̧sä̧ jähuepättöcumä̧, ja̧'hua̧nö̧ ja̧'a̧ttö̧ juaju muäyajurumä̧ chirecuä pä'iönätä iyätucuittö. ¹³Jacob i̧tti̧mo̧mä̧ ädätinä̧ttö̧ Siquemrö̧'i̧nä̧ ja̧'hua̧ta̧nö̧ jä'o Hamorö̧'i̧nä̧ yaparehuinä̧tö̧, jua'amä̧ Siquemä̧ uhuotoca'a jȩö̧ta̧nö̧ ttijäcuäju Dinarömä̧.¹⁴juättömä̧ pä'i̧nä̧tö̧: '' pi̧yȩmä̧ ujutu tijäcuäjurumä irecua päi'önä̧ tiya pä'ömä̧ ö̧dä̧pä̧rö̧ päjure cuiohuokorömä̧; juo̧'ö̧mä̧ ujuturumä̧ surojutä ja̧'a̧ ja̧u̧mä̧. ¹⁵pi̧yȩ jȩcu̧tö̧tä̧ ujutumä̧ a̧ pätähuotöjä̧ ucuturumä̧: ucutu'inä ujutu jo̧tä̧nö̧ cu̧nä̧pä̧'ä̧rö̧ päjure cuihohuätucutötä ja̧'a̧cuä̧, ja̧'hua̧nö̧ ja̧'a̧ttö̧ ucutu ö̧mä̧tö̧ O'cato'iönä̧ cu̧nä̧ pä̧rö̧ päju̧re cuihuocuätöcutömä̧, ¹⁶ja̧'hua̧nö̧ jo̧ttö̧mä̧ ujutu titti̧mo̧rö̧mä̧ nä̧tö̧rö̧mä̧ ti̧yä̧cuä̧u̧cuä̧, ja̧'hua̧ta̧nö̧ ujutu'inä cui̧tti̧mo̧tö̧cu̧ nä̧tö̧rö̧mä̧ tȩmä̧cuä̧tö̧jä̧, ja̧'hua̧'a̧nö̧ jo̧ttö̧mä̧ ucutucumä̧ i̧nä̧yotöte ö̧nä̧tä̧ tähuotujä̧. ¹⁷ja̧'hua̧nö̧ ja̧'a̧nä̧ ucutu cunä̧pä̧rö̧ pä̧ju̧re cuihuocuätuhuoca'a jo̧ttö̧mä̧, tijäcuajurutä ȩmi̧po̧ ti̧cuä̧cuä̧tö̧ja̧.¹⁸Tti̧huȩnȩ jä̧ji̧mä̧ micuäunä jȩpi̧nä̧tö̧ Hamor'rö'inä ja̧hua̧ta̧nö̧ i̧tti̧ Siquem'rö̧'i̧nä̧. ¹⁹Ubo mu̧ä̧ya̧mä̧ jurunätä̧ jȩpi̧nö̧ pättäjimä, ja̧u̧mä̧ Jacob ittijuru öjö'cönä jinäcu, ja̧u̧mä̧ jä'o ojusodettömä o'cato'inä ttucuotinä̧cu̧.²⁰Hamor i̧tti̧ Siquemcu̧ chi̧nä̧ttö̧ ötähuiyä apate ä'cacu ttucuocua pä'ö ötahuiyä tä̧mu̧cu̧, pä'inä̧ttö: ²¹"Pitö u̧mä̧tö̧mä̧ ujutucumä huȩnȩ 'i̧nä̧ juiätö ja̧'hua̧nö̧ ja̧'a̧ttö̧ ja̧'a̧tä̧ topätucuitö ti̧rȩjä̧nä̧ ttö̧jo̧cua̧'a̧nä̧ ja̧'hua̧ta̧nö̧ ttiäre'inä micuänä ttiyä'cha'anä, jueönämä ujutumä ti̧rȩjä̧'i̧nä̧ rö̧a̧'a̧ jahuätörömä. Tȩmä̧cua̧'a̧nä̧ jahuätö tti̧tti̧mu̧ nä̧tö̧ttö̧ tirecua pä'iönä, ja̧hua̧ta̧'a̧nö̧ ujutu'inä ttittijuru tiyäcua'anö²²Iso päi'öna jitötä ttö̧jö̧'a̧nö̧ ttö̧jö̧ttö̧tä̧ jitucu tö̧ja̧'a̧nä̧ ja̧'a̧tä̧ tottäcuotö ja̧'hua̧nö̧tä̧ ji̧nä̧ yotöte jö̧nä̧ tö̧jä̧cuo̧tö̧jä̧: ujututtu o'catoi'önä u̧mä̧tö̧ ttö̧dä̧pä̧rȩ päjure 'cui̧'o̧cuo̧tö̧ jö̧'ttö̧mä̧, jitötä ttö̧dä̧pä̧rȩ päjure 'cui̧'o̧cuo̧tö̧ ttö̧jö̧'a̧nö̧. ²³Täji päcayö̧ ja̧'hua̧ta̧'a̧nö̧ o'cajuiyönä ttu̧ju̧nä̧rö̧'i̧nä̧, o'catoi'önä i̧so̧ca̧nä̧ tto'epu ku̧nu̧ ttä̧ji̧mu̧mä̧, ¿ujutu tiäre mä̧cö̧ jä̧cua̧'a̧? Ja̧'hua̧nö̧ jö̧ttö̧mä̧ jahuätucu adihuomenä tucuocu'anö ja̧'a̧, ja̧'hua̧nö̧tä̧ ujutucu ttö̧jä̧cuo̧tö̧."²⁴O'catoi'önä ötahuiyä ttö̧ja̧mä̧ ä̧ju̧cui̧nä̧tö̧ Hamor ja̧'hua̧ta̧'a̧nö̧ i̧tti̧ Siquemrö̧'i̧nä̧. O'catoi'önä u̧mä̧tö̧mä̧ ttö̧dä̧pä̧rȩ pöjure 'cui'ocuotöä pinätö̧. ²⁵Huäbodäcuä mo̧ro̧ päi'omernä, ji̧nä̧ ubara ttuttä'anä, Jacob i̧tti̧mu̧ ta̧jú̧, Dina ki̧jä̧hua̧tö̧'i̧nä̧, Simeón ja̧'hua̧ta̧'a̧nö̧ Levi'inä, ya̧cu̧pu̧nä̧ ttucurä'chu 'chu'ädö ötahuiyä ra̧'a̧ 'chi̧nä̧tö̧ huȩnȩ juiyönä ja̧'a̧ pä'ö, ja̧'hua̧nö̧ 'chä̧nö̧ ötahuiyä tö̧ja̧rö̧ cuä'äu icuinätö. ²⁶Ja'huätömä cuä'äu icuinätö̧ ttucurä'chunä Hamor'rö ja̧'hua̧ta̧'nö̧ i̧tti̧ Siquemrö'inä.²⁷korotö Jacob i̧tti̧mu̧ ötahuiyänä doächö cuä'ö icuinätö̧ ja̧'hua̧ta̧'a̧nö̧ ttäre'inä ȩmi̧pi̧nä̧tö̧, ötahuiyä ttö̧ja̧ ttahuaruhuajurö ttucuotocaja̧ttö̧. ²⁸Ttȩmi̧pi̧ni̧yä̧u̧ oveja̧tö̧rö̧'i̧nä̧ burrotö̧rö̧'i̧nä̧ ja̧'hua̧ta̧'a̧nö̧ o'cajuiyönä ötahuiyä jäyänä ka̧cu̧'i̧nä̧. ²⁹Ja̧'hua̧ta̧'a̧nö̧ o'cajuiyönä ttiäre ri̧ȩnä̧ micuäuje'inä, tti̧tti̧mu̧rö̧'i̧nä̧, tti̧rȩcua̧mu̧rö̧'i̧nä̧ jahuätö 'chuädinätö̧. jahuätö ȩmi̧nä̧tö̧ o'cajuiyönä ttojusodenä ka̧cu̧'i̧nä̧.³⁰Jacob päi̧nä̧u̧ Simeónrö̧'i̧nä̧ ja̧'hua̧ta̧'a̧nö̧ Levirö'inä. Ucutu jȩ'cuä̧tu̧cu̧mä̧ ttörö ri̧ȩnä̧ huȩnȩ́ jö̧nä̧ jȩpä̧tö̧jä̧, cananeos'inä, ferezeos'inö ju̧huä̧jä̧nä̧ kä̧tö̧mä̧ totta pe'ömä ttö̧ji̧'qui̧yä̧cua̧sä̧. Ttö chahuarähuä juiyo ji̧'qui̧cha̧ ja̧'a̧. Jahuätö ji̧nä̧ yo̧mȩtȩ pä'iö ttörö ttörohuahua'anö, ja̧'hua̧nö̧ ja̧'a̧ttö̧ cuä'ö tticua peötä hua̧sä̧ ttörö'inä chahuaruhuärö'inä. ³¹Ja̧hua̧nö̧ ja̧'a̧nä̧ Simeón'inä Levi'inä ttädätinäcu̧: ¿Siquemmä ujutu tahuaruhuajurö toiya'anö ji̧na̧a̧ quidepä iyähuäju ju̧nä̧mä̧?

¹Diosmä Jacobrö pä'inö̧: A̧rä̧mi̧'ö̧ Betelra̧'a̧ täi, ja̧'hua̧nö̧ ja̧'a̧ ju̧huȩnȩtȩ cu̧ja̧jä̧. Ju̧huȩnȩtä̧ Dios ku icu icu Diosrö iyähuome aditi, cuböo Esaúttö tö'ipö cui̧huo̧mȩnä̧ ucuru i̧jȩcui̧nörö. ²Ja̧'hua̧nö̧ ja̧'a̧ Jacobmä pä'inö ojusodenä̧ ka̧cuä̧tö̧rö̧'inä ja̧'hua̧ta̧'a̧nö̧ o'catoi'önä chutäcu ka̧cuä̧tö̧rö̧'inä: pporädö ku̧nä̧tu̧cui̧ korotö ttö̧ä̧nä̧huo̧tö̧ ucutucu ka̧cuä̧tö̧rö̧mä̧, cua̧mö̧nä̧ pa̧ja̧tö̧ tucäu icu cu̧'ca̧tä̧huä̧ti̧yu̧tu̧cu̧'inä pärou icuätucui. ³Ja̧'hua̧nö̧ ja̧'a̧ rä'opö Betelra̧'a̧cu̧ 'chatächätucua. Ttömä ju̧huȩnȩtä̧ ku icu Diosrö iyähuome chaditäcua̧sä̧, cha̧'cua̧ tta̧dȩcu̧ mo̧ro̧ ädätinö̧rö̧, ja̧'hua̧ta̧'a̧nö̧ cuedächome pönä ttötäcu kä̧'i̧jö̧rö̧."⁴Ja̧'hua̧nö̧ ja̧'a̧ttö̧ Jacobrömä korotö ttö̧ä̧nä̧huo̧tö̧ o'catoi'önä̧rö̧ jitötä ttu̧ju̧nä̧rä̧u̧rö̧mä̧ iyinä̧tö̧ ja̧'hua̧ta̧'a̧nö̧ o̧bö̧ ttä̧ja̧hui̧yä̧nä̧ rö̧jö̧'inä. Jacob Siquemttö̧mä̧ tö'cönänö encina dau kada'ca 'turu icuinö. ⁵Yabonö tti̧'cha̧'a̧nä̧, ju̧huȩnȩ jäyänä ka̧cu̧ ötahuiyänä ka̧cuä̧tö̧rö̧ Diosmä yettecunä jȩpi̧nö̧, ja̧'hua̧nö̧ jo̧mȩttö̧ Jacob i̧tti̧mö̧rö̧mä̧ ru'ocotö pinä̧tö̧.⁶Ja̧'hua̧nö̧ ja̧'a̧ttö̧ Jacobmä Luz ötahuiyära̧'a̧ttö̧ rȩbȩhui̧pi̧nö̧ (Ju̧huȩnȩmä̧ Betel pä'ö'inä ottinome) ja̧u̧ ötahuiyämä Canaán rȩjȩnä̧ huȩji̧nö̧, Chutä'inä, ja̧'hua̧ta̧'a̧nö̧ ja̧u̧tä̧cu̧ ka̧cuä̧tö̧ o'catoi'önäcu̧. ⁷Ja̧u̧mä̧ i̧sa̧rö̧ ku icu iyähuome aditinö̧ ju̧huȩnȩ aditäjomemä Betel pä'ö o'inö, isopäi'önä Diosmä churutä juhuorö i̧jȩcui̧na̧'a̧ttö̧, uböottö tö'ipö i̧huo̧mȩnä̧. ⁸Rebecarö to̧pä̧rö̧ tta̧'ä̧rä̧'i̧jä̧ju̧mä̧ Deboramä 'corujuo'ächinä̧ju̧. Jahuäjumä Betelttömä dȩa̧'a̧nä̧nö̧ Encina dau dȩa̧'a̧ rȩ'ä̧dö̧ tticuinäcua̧, ja̧'hua̧nö̧ ji̧no̧mȩttö̧ Alón Bacut pä'ö ottinome.⁹Jacob Padán Aramra̧'a̧ttö̧ ichomenä, Diosmä pä'äjita'anö i̧jȩcu̧, adiunä ji̧ya̧rö̧ pä'ötä päinä̧cu̧. ¹⁰Diosmä ja̧u̧rö̧ pä'inö: "Ucu cuimimä Jacob pä'ö cuimicuä'ija'anä Jacob pä'ömä micuocö cuä̧cua̧jä̧. Cui̧mi̧mä̧ Israel pä'ö cuimi̧cuä̧cua̧jä̧." Ja̧'hua̧nö̧ ja̧'a̧ttö̧ Diosmä Ja̧u̧ i̧mimä Israel pä'ö oinä̧cu̧.¹¹Diosmä̧ ja̧u̧rö̧ pä'inö: '' tötäjä̧ ja̧'a̧ Dios O'cajuiyunä̧ ju̧rö̧cuä̧mä̧. yabonö recuätö jonä̧ yoäju 'cä̧cuä̧tö̧cui̧. jitöte ttöjä̧ jo̧nä̧ rä'topähuotö juätötumä̧ ja̧'hua̧ta̧nö̧ ppa'ächätö ttö̧ja̧'i̧nä̧ ttichäcuotö ucutumä̧, ja̧'hua̧ta̧nö̧ cui̧tti̧mo̧tö̧mä̧ ruhuotö'inä̧ rä'topähuotö. ¹²Cui̧rȩjä̧tö̧cu̧ Abrahamrö̧'i̧nä̧ Isaacrö'inä̧ chi̧yi̧nä̧jä̧nä̧mä̧, chi̧yä̧cuä̧jä̧ ucurumä̧. ja̧u̧nö̧ O'ca'amä̧ ja̧'hua̧ta̧nö̧ cui̧tti̧mo̧rö̧'i̧nä̧ chi̧yä̧cuä̧sä̧ tti̧rȩjä̧mä̧.'' ¹³Diosmä̧ 'cha'achinö̧ uhuocuä jomecu̧.¹⁴Jacobmä̧ inä̧oyu bärejutö 'cä̧tö̧ rutinö Dios ucuocuäjo̧mȩmä̧, i̧nä̧yu 'cätä̧cuä̧ oyu. acuähuoya ttiya pä'ö joya totopinö ja̧u̧mȩ ja̧'hua̧ta̧nö̧ a̧dȩhuo̧ya'inä totopinö ja̧'hua̧ta̧nö̧ ja̧u̧tä̧ huä̧mȩmä̧. ¹⁵Jacobmä̧ Dios chutä ucuocuäjämemä̧ juenȩmä̧ i̧mi̧mä̧ oinö̧ Betel pä'ö.¹⁶Jahuätö i̧cui̧nä̧tö̧ Betel'ttö kä̧mä̧dö̧. Efratara'acu jinä o'to ki̧'i̧pi̧nä̧'a̧, ja̧'hua̧nö̧ ja̧'a̧nä̧ Raquel'rö ku̧cuä̧ba̧ baracuächi'inä̧'a̧ kucuäbecua pä'ö. Kucuäbecuomenä juiyo ra̧huȩpi̧'ji̧nä̧cua̧. ¹⁷Ja̧'hua̧nö̧ päi'omenämä jahuäjuru tta̧'ä̧rä̧ju̧mä̧ päinä̧ju̧: "Yecuecuä, jitämä kä̧ra̧ cui̧tti̧rö̧ cu̧ju̧nä̧rä̧cua̧ju̧jä̧." ¹⁸'coru juoächö'cä̧nö̧ röji juäjoppanä jahuäju o'inä̧ju̧ Benoni pä'ö, ja̧'hua̧nö̧ ja̧'a̧nä̧ jä'omä o'inö Benjamín pä'ö. ¹⁹Raquel 'coru juoächinä̧ju̧ ja̧'hua̧nö̧ ja̧'a̧ttö̧ Efrata mä̧nä̧ jäyä rȩ'ä̧dö̧ tticuinä̧cua̧ "jahua'amä,jitämä Belén" . ²⁰Jacobmä jahuäju huajomȩmä̧ i̧nä̧ttö̧ 'ca̧ttö̧ huä̧ni̧nö̧. Jahua'amä jitä mo̧ro̧ jobu huo̧jä̧cua̧'a̧ Raquel huajome pä'ö.²¹Israel juhuä'a yabocutä i̧hui̧nö̧ ja̧'hua̧nö̧ ja̧'a̧ kä̧bä̧di̧nö̧ ttä̧ji̧mu̧rö̧ to̧pä̧rö̧ ju'tojunä to̧'ä̧rä̧cuä̧'cuä̧'ca abonänö. ²²Israel ju̧huä̧jä̧nä̧ ö̧jo̧mȩnä̧mä̧, Rubén ä'inö Bilhacu jä'o karaju irecuacu. Ja̧hua̧nö̧ jo̧mȩnä̧ Israel huo̧jä̧chi̧'i̧nö̧. Jitä Jacobmä ku̧nä̧ri̧nö̧ i̧tti̧mu̧ docenö huotörö.²³Leattö i̧tti̧mu̧mä̧ ji̧na̧'a̧ Rubén, a̧cuo̧mȩnä̧ Jacob i̧tti̧ ji̧na̧'a̧, ja̧'hua̧ta̧'a̧nö̧ Si̧mȩ'o̧n'i̧nä̧, Levi'inä, Juda'inä, Isacar'inä, Zebulón'inä. ²⁴Raquelttö i̧tti̧mu̧mä̧ ji̧na̧'a̧ José ja̧'hua̧ta̧nö̧ Benjamín. ²⁵Bilhattö i̧tti̧mö̧, Raquel kumuhuäyäjuttu, ji̧na̧'a̧ Dan ja̧'hua̧ta̧'a̧nö̧ Neftalí.²⁶Zilpa ki̧tti̧mö̧, Lea ku̧mu̧huäyajuttu, ji̧na̧'a̧ Gad ja̧'hua̧ta̧'a̧nö̧ Aser. Pitö o'catoi'önä Jacob i̧tti̧mö̧ ji̧na̧'a̧ uhuäpächinätö̧ Padán Aramttö̧. ²⁷Jacob jä'o Isaac'rö topu 'chi̧nö̧, Mamre ra̧'a̧ Quiriat Arba ötahuiyäcu (juȩnȩmä̧ Hebróntä ja'a), Abraham'inä Isaac'inä ttö̧ji̧no̧mȩ.²⁸Isaac ku̧nä̧ri̧nö̧ ciento ochenta a̧'ȩ́ jo̧menä. ²⁹Isaac recuo ki̧nö̧'ca̧ 'cörujoächinö, ja̧'hu̧nö̧ ja̧'a̧tö̧ i̧tä̧mu̧mi̧nä̧cu̧ ji̧nä̧ yo̧mȩtȩ päiönö, recuo ö̧ja̧'a̧ttö̧ bu̧o̧sa̧ joächinö. I̧tti̧mu Esaú'inä Jacob'inä ttu'turinäcu̧.

¹Pitö ji̧na̧'a̧ Esaú i̧tti̧mö̧ 'cotömä (ja̧u̧mä̧ Edom pä'ö'inä ottinä̧cu̧) ²Esaúmä irecuarö ȩmi̧nö̧ canaán ttö̧ja̧ isajuru, pitö ji̧na̧'a̧ ja̧u̧ i̧rȩcua̧mö̧mä̧: Ada, hit ttö̧ja̧sa̧ Elón ittiju, Aholibama, Aná ittiju, hev ttö̧ja̧sa̧ Zibeón u̧do̧ju̧, ³ja̧'hua̧ta̧'a̧nö̧ Basemat'inä, Ismael ittiju, Nebaiotä öjähuaju.⁴Adamä Elifazrö uhuäbecu iyinä̧ju̧ Esaúrömä, ja̧'hua̧ta̧'a̧nö̧ Basematmä Reuelrö uhuäbecuinä̧ju̧. ⁵Aholimamä Jeusrö'inä, Jalaamrö'inä ja̧'hua̧ta̧'a̧nö̧ Corérö'inä uhuäcuinä̧ju̧. Pitö ji̧na̧'a̧ Esaú i̧tti̧mö̧ Canaán rȩjȩttö̧ uhuäpächinä̧tö̧mä̧.⁶Esaúmä i̧rȩcua̧rö̧'inä, i̧tti̧mö̧ u̧mä̧tö̧rö̧'inä nä̧tö̧rö̧'inä ja̧'hua̧ta̧'a̧nö̧ ojusodenä ka̧cuä̧tö̧rö̧mä̧ o'catoi'önärö, ä̧ji̧mö̧rö̧'inä, äjicuäcuächuotörömä o'catoi'önä̧rö̧, jiuhua'atäcu öäremä o'cajuiyötä, Canaán rȩjȩttö̧ ca̧ca̧tö̧ u̧ju̧ni̧nö̧mä̧, ja̧'hua̧nö̧ jȩpö̧ ö̧jä̧hua̧ Jacob ö̧jo̧mȩttö̧mä̧ oto kä̧jä̧ rȩjȩra̧'a̧ tö'ipächinö. ⁷Pi̧yȩmä̧ jȩpi̧nö̧ öäremä juiyo rö̧ä̧nä̧ u̧ju̧nä̧ra̧'a̧ jä̧cu̧ ji̧nä̧ yo̧mȩtȩ ttö̧ja̧cua̧ pä'ömä. Jahuätö ttö̧ja̧cuä̧mi̧nä̧jä̧mä̧ ttä̧ji̧mö̧ ttirecuomettö ttö̧ja̧cu̧ juiyönä ji̧na̧'a̧. ⁸Ja̧'hua̧nö̧ ja̧'a̧ttö̧ Esaú, koro imimä Edom pä'ö ottinä̧cu̧mä̧, Seir rȩjȩttö̧ möä'canä kä̧mä̧di̧nö̧.⁹Pitö ji̧na̧'a̧ Esaú i̧tti̧mö̧mä̧, ttä'otö̧ mi̧nä̧ Edom ttö̧ja̧ Seir ötahuiyä möä'canä ki̧nö̧ttö̧mä̧. ¹⁰Pa̧'a̧nö̧ micuinä̧tö̧ Esaú i̧tti̧mö̧mä̧: Esaú irecua Ada ki̧tti̧mä̧ Elifaz ji̧na̧'a̧; Esaú irecua Basemat ki̧tti̧mä̧ Reuel ji̧na̧'a̧. ¹¹Elifaz i̧tti̧mö̧mä̧ ji̧na̧'a̧, Temán'inä, Omar'inä, Zefo'inä, Gatam ja̧'hua̧ta̧'a̧nö̧ Quenaz'inä. ¹²Esaú i̧tti̧ Elifaz i̧tti̧ karaju irecua Timna kuhuäbecuinä̧cu̧ Amalec pä'ö micuinö. Pitö ji̧na̧'a̧ Esaú irecua Ada ku̧nä̧mö̧ pinä̧tö̧mä̧.¹³Pitö jina̧'a̧ Reuel i̧tti̧mö̧mä̧: Nahat'inä̧ Zera'inä̧, Sama ja̧'hua̧ta̧nö̧ Miza'inä̧ pitö O'catoi'önä̧ Basemat . ku̧nä̧mu̧ pinä̧tö̧mä̧, Esaú irecua karäjuttö. ¹⁴ja̧'hua̧ta̧nö̧ pitö ji̧na̧'a̧ Aholibama i̧tti̧mo̧mä̧, Esaú irecua'inä , juajumä̧ Aná ittiju jina̧'a̧ ja̧'hua̧ta̧nö̧ Zibeón ö̧do̧ju̧. juajumä̧ Esaúrö o'cajuo'ö kiiyinäu̧mä̧, Jeús'i̧nä̧, Jaalam'inä̧ ja̧'hua̧ta̧nö̧ Core'inä̧ ji̧na̧'a̧.¹⁵Pitö jina'a̧ Esaú i̧tti̧mo̧ttö̧ ttö̧ja̧ ttöröhuotö jo̧nä̧ huinä̧tö̧mä̧, ja̧'hua̧ta̧nö̧ Elifaz i̧tti̧mö̧, Esaú itti̧ ä̧cuo̧mȩnä̧ i̧tti̧ttö̧mä̧: Temár'inä̧, Omar'inä̧, Zefo'inä̧ ja'hua̧ta̧nö̧ Quenaz'inä̧ , ¹⁶Coré'inä̧, Gatam'i̧nä̧, ja̧hua̧ta̧nö̧ Amalec'inä̧ ji̧na̧'a̧. pitö ji̧na'a̧ Elifaz i̧tti̧mö̧ttö̧ ttö̧ja̧ tturuhuotö jö̧nä̧ huinä̧tö̧mä̧ Edom Rȩjȩttö̧mä̧. Jahuätömä Ada Ö̧nä̧mö pinä̧tö̧.¹⁷pitö jina̧'a̧ Reuel ö̧ttä̧mu̧mi̧nä̧tö̧ ahuaruhuämä̧: Esaú i̧tti̧mo̧: Nahat'inä̧, Zera'inä̧, Sama'inä̧, Ja̧'hua̧ta̧'a̧nö̧ Miza'i̧nä̧, Pittö ja̧'a̧ ö̧ttämö̧tö̧ ahuarucuämä̧ Reueltö̧ rȩbȩhui̧nä̧tö̧mä̧ Edom rȩjȩnä̧ pitö jina'a̧ Basemat ku̧nä̧mu̧mä̧ Esaú irecua'inä̧. ¹⁸pitö ja̧'a̧ Aholibama cu̧tä̧mo̧ttö̧ kacuaruhuämä̧, Esaú irecua: Jeús'inä̧, Jaalam'inä̧, Ja̧'hua̧ta̧'a̧nö̧ Coré'i̧nä̧. pitö ja̧'a̧ cu̧tä̧mu̧ttö̧ kahuarucuämä̧, Esaú irecua kuhuäbeinä̧cu̧ Aná kittiju. ¹⁹Pitö ji̧na'a̧ Esaú i̧tti̧mu̧mä̧, ja̧'hua̧ta̧'a̧nö̧ pitö ji̧na'a̧ ö̧tä̧mö̧ttö̧ ahuarucuämä.²⁰Pitö jina'a̧ Seir Horeo i̧tti̧mu̧mä, rȩjȩ ca̧cui̧nä̧tö̧mä̧: Lotán'inä, Sobal'inä̧, Zibeón'i̧nä̧ ja̧'hua̧ta̧'a̧nö̧ Aná'i̧nä̧. ²¹Disón'inä̧, Ezer'i̧nä̧ ja̧'hua̧ta̧'a̧nö̧ Disán'i̧nä̧. pitö ji̧na'a̧ Horeos ttötö̧tä̧mu̧tö̧ 'tahuaruhuämä̧ Seir rȩjȩnä̧ ka̧cui̧nä̧tö̧mä̧ Edonnä̧. ²²Lotán i̧tti̧mu̧mä̧ pitö ji̧na'a̧ Hori, Ja̧'hua̧ta̧'a̧nö̧ Hemam'i̧nä̧, ja̧'hua̧'a̧nö̧ ja̧'a̧ttö̧ Timnanmä̧, Lotán kijähuäju'i̧nä̧.²³Pitö ji̧na̧'a̧ Sobal ki̧tti̧mö̧: Alván'inä, Manahat'inä, Ebal'inä, Sefo ja̧'hua̧ta̧'a̧nö̧ Onam'inä. ²⁴Pitö ji̧na̧'a̧ Zilveón ki̧tti̧mö̧: Aja ja̧'hua̧ta̧'a̧nö̧ Aná. Pide Aná ji̧na̧'a̧ de'a jui̧yä̧jä̧ra̧'a̧ttö̧ ajiya po̧cui̧pi̧nö̧mä̧, jä'o Zilbeón äjí burrottö̧rö̧ yahuomenä.²⁵Pitö ji̧na̧'a̧ Aná ki̧tti̧mu̧mä̧: Disón ja̧'hua̧ta̧'a̧nö̧ Aholibama, Aná kittiju. ²⁶Pitö ji̧na̧'a̧ Disón i̧tti̧mu̧mä: Hemdán'inä, Estebán'inä, Itrán ja̧hua̧ta̧'a̧nö̧ Querán'inä. ²⁷Pitö ji̧na̧'a̧ Ezer ki̧tti̧mu̧mä̧: Bilhán'inä, Zaaván ja̧'hua̧ta̧'a̧nö̧ Acán'inä. ²⁸Pitö ji̧na̧'a̧ Disán ki̧tti̧mu̧mä̧: Uz ja̧'hua̧ta̧'a̧nö̧ Arán'inä.²⁹Pitö ji̧na̧'a̧ töruhuotö horeos pä̧ttä̧u̧: Lotán'i̧nä̧, Sobal'i̧nä̧, Zibeón'i̧nä̧, Aná'i̧nä̧. ³⁰Disón'i̧nä̧, Ezer'i̧nä̧, ja̧'hua̧ta̧'a̧nö̧ Disán'i̧nä̧: ttähuaruhuä o'cotö tti̧rȩjä̧ pu̧nä̧ tturuhuottö pinätu̧mä̧ pitu ja̧'a̧ Seir rȩjȩttö̧.³¹Pitö ji̧na̧'a̧ ruhuo hueinätö̧mä Edom rȩjȩnä a'quejitä päi'önä israel ttö̧ja̧rö̧ ya̧tȩ ru̧hua̧ hueiyäi. ³²Beor ki̧tti̧ Belatä, ruhuo hueinö Edom rejenä, ja̧'hua̧nä̧ ja̧'a̧ttö̧ i̧ji̧no̧mȩ ötahuiyamä micuina'a Dinaba. ³³Ja̧'hua̧nö̧ ja̧'a̧nä̧ Bela huaicuomenä, Bosra rȩjȩnä̧ ku̧tä̧ Zera i̧tti̧ Jobabtä hueinö.³⁴Jobab 'corujuoächomenä, ruhuo hueä'iju o'comemä Teman i̧tti̧mö̧ 'coto tti̧rȩjä̧nä̧ kö̧ Husamtä̧ hue'inö. ³⁵Husam 'coruhuoächomenä ruhuo hueä'iju o'comemä Bedad i̧tti̧ Hadad moab rȩjȩttö̧ madian ttö̧ja̧rö̧ rohuäu icuinö̧tä̧ ruhuomä hue'inö. Ja̧u̧ idepiyumä Avit pä'ö micuinome. ³⁶Hadad 'corujuoächomenä ruhuo hueä'iju o'comemä Masreca pä'ö micuome ttö̧sa̧ Samlatä ruhuomä hue'inö.³⁷Samla 'corujuoächomenä, ruhuo hueä'iju o'comemä Rehobot ttö̧ja̧sa̧ aje jäyoto kö̧tä̧ ruhuomä hue'inö. ³⁸Saúl 'corujuoächomenä,ruhuo hueä'iju o'comemä, Baal Hanán Acbor i̧tti̧tä̧ ruhuomä hue'inö. ³⁹Baal Hanán Acbor i̧tti̧ 'corujuoächomenä, ruhuo hueä'iju o'comemä, Hadartä ruhuomä hue'inö. Ja̧u̧ idepiyumä Pau pä'ö micuinome. Ja̧u̧ irecuamä Mehetabel pä'ö micuinä̧ju̧, jahuäjumä Mastred ittiju, Mezaabtä ö̧do̧ju̧.⁴⁰Esaú i̧tti̧mö̧ ttö̧tä̧mö̧ mi̧nä̧ttö̧ tturuhuotö ttimimä pa̧'a̧nö̧ micuinä̧tö̧, ttö̧tä̧mö̧ mi̧nä̧ttö̧ ja̧'hua̧ta̧'a̧nö̧ tti̧rȩji̧yä̧ttö̧ juhua'atäcu ttimipi̧yä̧mä̧: Timna'inä, Alva'inä, Jetet'inä , ⁴¹Aholibama'inä, Ela'inä, Pinón'inä, ⁴²Quenaz'inä, Temán'inä, Mibsar'inä, ⁴³Magdiel'inä Iram'inä. Pitö ji̧na̧'a̧ Edom ttö̧ja̧ tturuhuotö pinätö̧mä̧ tti̧rȩjä̧ päi'önä ttö̧jä̧jä̧ttö̧mä̧. Esaúmä Edom ttö̧ja̧ ttä'o jina̧'a̧.

¹Ja̧u̧nu̧ mo̧ro̧mä̧ 'cuäopina'a Judá ö̧jä̧hua̧tö̧ttö̧ 'cä̧i̧pä̧chi̧nö̧ mo̧ro̧mä̧ ja̧'hua̧nö̧ ja̧'a̧ Adulam ttö̧ja̧sa̧ Hira pä'ö micua̧ ö̧jo̧mȩ kä̧nö̧ 'chi̧nö̧. ²Ja̧u̧mä̧ topinö Canaán ttö̧ja̧ isajuru jahuäju kimimä Súa pä'ö micuinä̧ju̧. Ja̧u̧mä̧ jahuäjuru irecua päi'önä ȩmä̧ji̧'ca̧ jahuäjucutä ä'inö.³Jahuäjumä muchaju juo'inö̧'coju ki̧tti̧rö̧ uhuäbecuinäju̧. Ja̧u̧ i̧mi̧mä̧ Er pä'ö o'inä̧tö̧. ⁴Jahuäjumä pä'äjita'anö muchaju juo'inä̧'coju kuhuäbecuäcurumä Onán pä'ö o'inäju̧. ⁵Pä'äjita'anö ka̧ra̧ ki̧tti̧rö̧ ku̧nä̧ri̧nä̧ju̧, ja̧u̧ i̧mi̧mä̧ Sela pä'ö ottinäcu̧. Jahuätörö Quezib pä'ö micuome ttö̧ja̧cua̧'a̧ uhuäpächinä̧tö̧.⁶Judámä̧ i̧tti̧ ä'canä̧ i̧sa̧mä̧ ER ji̧na'a̧ irecuaru huei'nö. ki̧mi̧mä̧ mihuinä̧ju̧ tamar pä'ö. ⁷ER Judá i̧tti̧ ä'ca̧nä̧ isä̧ ji̧na'a̧ suronä̧ jȩpi̧nö̧ TÖ̧Ä̧NÄ̧HUA̧, ä̧'ca jo̧mȩtö̧mä̧, TÖ̧Ä̧NÄ̧HUA̧MÄ̧ cuä'ö icuinä̧cu̧.⁸Judá-mä̧ pä'inö onörö̧: ä'i cubo'ominä̧ irecuacu ja̧'hua̧'a̧nö̧ jȩpi̧ cusäpo a̧cu̧ru̧nä̧ juajuru, ja̧'hua̧ta̧'a̧nö̧ putädi juajuru cubuominä̧ reyojuru. ⁹Onan-mä̧ huo̧jui̧'i̧nö̧ juajutö i̧tti̧mä̧ i̧tti̧ jo̧'ca̧'a̧ pä'ömä, Ja̧'hua̧nö̧ ja̧'a̧ ubuo irecua minä̧cu̧ ä'omenä̧mä̧, ja̧u̧mä̧ jäyatä do'opinö̧ uuti rȩjȩttä̧, ja̧'hua̧'a̧nö̧ jȩpo̧ i̧tti̧cui̧cu̧ya pä'ömä̧ uborö. ¹⁰Ja̧u̧ jȩ'i̧nö̧mä̧ surojina'a̧ TÖ̧Ä̧NÄ̧HUA̧ ä'ca jo̧mȩttö̧mä̧, TÖ̧Ä̧NÄ̧HUA̧MÄ̧ ja̧'hua̧ta̧'a̧nö̧ cuä'ö icuinä̧cu̧.¹¹Ja̧'hua̧nö̧ ja̧'a̧ Judá pä'inö ö̧ja̧ri̧ju̧ Tamar'rö: "Recua juocuyäji o'ca'amä cuä'o ujusudenätä̧ kä̧hui̧ chui̧tti̧ Zela, buo juoa'anä." Yecunä ji̧na̧'a̧: "Ja̧u̧'i̧nä̧ 'corujuächö'anö ja̧'a̧, u̧bu̧o̧tö̧ 'corujuotächinö ta'anö." Tamar i̧hui̧nä̧ju̧ ja̧'hua̧nö̧ ja̧'a̧ttö̧ kö'o ö̧ja̧'a̧tä̧ ki̧nä̧ju̧.¹²Recuó 'cuäopinö o'ca'a, Súa ittiju, Judá irecua, 'corujuo'ächinä̧ju̧. A̧'cua̧ tta̧huȩcuo̧mȩ ppättädäji o'ca'a 'chi̧nö̧ ovejattö̧ ttuhuo'che 'cuittome Timnat ra̧'a̧cu̧, chutä'inä ja̧'hua̧ta̧'a̧nö̧ a̧hua̧ru̧hua̧ Hira adulam ttö̧ja̧sa̧'i̧nä̧. ¹³Tamarömä ji'ähuinätö̧: "Ä̧ju̧cui̧, cui̧mi̧ya̧mä̧ Timnat ra̧'a̧cu̧ ichö äji ovejatö̧ ttuhuo'che 'cui'a pä'ö." ¹⁴Ja'huäju recua jö̧nä kö̧'ca̧tä̧huä̧ta̧ cärocu icuinäju̧ ja̧'hua̧nö̧ jȩpö̧ ki'ä a̧tto̧cuä̧ta̧ attocu juä'ocuyinä̧ju̧. Enaim doächäcuähuome tta̧'a̧rö̧ pi̧nä̧ju̧, juȩnȩmä̧ ki̧'i̧pi̧na̧'a̧ Timnat ra̧'a̧ 'chä̧cuä̧huä̧mä̧cu̧. Jahuäju topinäju̧ Sela buo juoina'a̧ ja̧'hua̧nö̧ ja̧'a̧nä̧ jahuäjurumä ttiyococu pinö irecua päi'önä.¹⁵Ja̧'hua̧nö̧ ja̧'a̧ Judá to'omenä, jo̧'u̧ jahuajurö kidepä iyä'chä 'cuähuäju 'cua̧ra̧'a̧ pä'ö amucuädinö ki'änä̧ mu̧ȩcuä̧ta̧ ri̧yä̧cu̧. ¹⁶Jo̧'ú̧ jahuäjurö 'chähuiö päinö: ichi ucucu chäa päösä ja̧'hua̧nö̧ ja̧'a̧nä̧ jerupinö jahuäjurumä chö̧jo̧ri̧ju̧ päömä ja̧'hua̧nö̧ ja̧'a̧ttö̧ jahuäju kädätinäcu̧: ¿ttucu cuäöttömä däjé cuiyäcu'ajusättö̧?¹⁷Jo̧'ú̧ ädätinäcua̧: ttö chäji̧mu ovejatö̧ttö̧ ya̧tȩ ovejarö huedäcuajujä päinäcua̧. Jahuäju kädätinäcu̧ ¿ju̧'o̧nö̧mä̧ huecuomebu päi'onä cuiyattöjé yaute pu̧jä̧ta̧? ¹⁸Jo̧'ú̧ ädätinö: ¿Däjé pu̧jä̧ta̧ttö̧ chiyacu päcuä? jahuäju kädätinäcu̧: iyittö curahuappäcu ucú cua̧'cua̧juȩ ka̧bi̧ ja̧'hua̧ta̧'a̧nö̧ cu̧mu̧nä̧ 'chu̧cuä̧ro̧'quȩ'i̧nä̧. ja̧'hua̧nö̧ iyinö jahuäjuru ja̧'hua̧nö̧ ja̧'a̧ttö̧ äinö jahuäjucumä ääji o'ca'amä jahuäju muchaju joächinäju̧ jo̧u̧ttu̧.¹⁹Ja'huäjumä ä̧rä̧mi̧'ö̧ 'chi̧nä̧ju̧, pu̧jä̧ta̧ ki'änä a̧tto̧pä̧rä̧ta̧ ȩmä̧u̧ icuinäju̧ ja̧'hua̧nö̧ jȩpö̧ recua kö̧'ca̧tä̧huä̧tä̧ 'ca̧tä̧hui̧nö̧ju̧. ²⁰Judá ä̧ji̧mu̧tö̧ cabra i̧tti̧ttö̧ hue'inö a̧hua̧ru̧hua̧ adulam ttö̧ja̧sa̧ ȩpi̧ya̧rö̧ pä'ö ja'huäju öräu o̧sa̧ ppa̧ja̧da̧rö̧ pä'ö, ja̧'hua̧nö̧ ja̧'a̧nä̧ jahuäjurumä po̧cui̧po̧cö̧ pinö.²¹Ja̧'hua̧nö̧ ja̧'a̧ Adulám ttö̧ja̧sa̧ jä'epö ä̧ju̧cui̧nö̧ juȩnȩ ttö̧ja̧rö̧: "¿Tȩnȩ kö̧jä̧ ttö̧ä̧nä̧hua̧rö̧ ucuo tettähuodettö kidepä iyä'chäcuähuäjumä Enaim mä̧nä̧ ra̧'a̧'i̧nä̧ kä̧jä̧ju̧?" Jahuätö pä'inätö̧: "Porö ttö̧ä̧nä̧hua̧rö̧ ucuo tettähuodettö kidepä iyä'chäcuähuäjumä tome." ²²Ja̧u̧mä̧ Judá ö̧ja̧'a̧ ppa̧'a̧chö̧ ji'ähuinö: "Po̧cui̧po̧cö̧ päjisä. Ttö̧ja̧ juȩnȩ ko̧cuä̧tö̧'i̧nä̧ pä'äjätö: Pȩnȩmä̧ kidepä iyä'chäcuähuäjumä tome." ²³Judá pä'inö: "Ja̧'a̧tä̧ topätucui jahuäju ku̧ju̧nä̧rö̧mä̧, 'cuäopäji ä̧ju̧cu̧ ujuturutä ya̧ttä̧huä̧'cha̧'a̧cu̧. Iso päi'önätä ja̧'a̧, ttömä hue'inösä cabra i̧tti̧ mu̧ä̧ya̧rö̧, ja̧'hua̧nö̧ä̧ ja̧'a̧nä̧ ucumä po̧cui̧po̧cö̧ pinöjä."²⁴Pi̧yȩ 'cuäopinömä kä̧hua̧tö̧ huämetucuä jo̧mȩ tö'cöhuächi'omenä Judárömä̧ jittähuinätö̧: "Tamar cu̧jo̧ri̧ju̧mä̧ kidepä iyä'chäcuähuinä̧ju̧mä̧, ja̧'hua̧nö̧ jȩji̧nö̧nä̧mä̧ jitämä̧ muchaju ja̧'a̧." Judámä pä'inö: ²⁵Pocu i'cächätucuiju cui'cächipätucuomenä ku tticuaju." Jahuäjurö umicu tti'cächomenä ji̧yȩtȩ huȩnȩ ki̧mi̧ya̧rö̧ hue'inä̧ju̧: Pi̧yȩ öäre pä'ömä ttörö muchaju juo'epinö ja̧'a̧." Jahuäjumä pä'inä̧ju̧: Adiu topätucui pi̧yȩmä̧ di öäre ja̧ pä'ö: sellomä, i̧sä̧ta̧mä̧ ja̧'hua̧ta̧'a̧nö̧ ttötta'camä." ²⁶Judá ja̧u̧ topö huo̧jui̧'ö̧ pä'inö: Jahuäjumä adiutä jȩji̧na̧'a̧nä̧ ttötä ja̧'a̧ suronä jȩpi̧nö̧mä̧, ttömä chi̧tti̧ Sela irecua päi'önämä iyocö pinäsä̧." Ja̧u̧mä̧ pä'äjita'anö̧mä̧ jahuäjucumä ä'ocö pinö.²⁷Kuhuäbecua pä'ö jö̧ mo̧ro̧mä̧ pa̧'a̧nö̧ 'cuäopina'a, topätucuittö̧, ku̧cuä̧ba̧ jacuä ka̧cuä̧tö̧mä̧ ta̧ju̧huotö ji̧na̧'a̧. ²⁸Jahuäju kuhuäbecu mo̧ro̧mä̧ 'cuäopina'a, ya̧tȩmä̧ u̧mö̧ rä'epinö ja̧'hua̧nö̧ ji̧yä̧cua̧ modu tta̧'ä̧rä̧jö̧mä̧ isappä tuhuappä ȩmo̧po̧'ö̧ u̧mö̧nä̧ tti̧'ä̧dö̧ kä̧nö̧ pä'inäju̧: pide ja̧'a̧ ä̧cuo̧mȩnä̧ ma̧'a̧mi̧pä̧ji̧mä̧."²⁹Ja̧'hua̧nö̧ ja̧'a̧nä̧ u̧mö̧mä̧ do'ädö icuinö ja̧'hua̧nö̧ ja̧'a̧mä̧ adiu topätucuittö̧, ö̧jä̧hua̧ju̧ ä̧cuo̧mȩnä̧ ma̧'a̧mi̧pi̧nö̧. Modu tta̧'ä̧rä̧ju̧mä̧ pä'inäju̧: ¡Tocu bahuecuächäcuttö cu̧mä̧nä̧mä̧!" Ja̧hua̧nö̧ ji̧no̧mȩttö̧ Fares pä'ö ottinä̧cu̧. ³⁰Ja̧u̧nu̧ o'ca'a uböomä ma̧'ä̧mi̧pi̧nö̧, u̧mö̧nä̧ ttuhuappä ti̧'ä̧dä̧cuä̧hua̧mä̧ ja̧u̧ i̧mi̧mä̧ Zara pä'ö ottinä̧cu̧.

¹Jahuätö Egipto rȩjȩ ru̧hua̧ umöhuäyotö ta̧ju̧ ttu̧'cuo̧ti̧ huäjunä rä'epö icuäji o'ca'a, ji̧nä̧ todäre a̧'ȩ cärenä pinödo Josémä. Ja̧'hua̧ ja̧'a̧ Egipto rȩjȩ ru̧hua̧ ji̧yȩtȩ 'cuo̧ti̧cuä̧cuä̧huä̧ 'cuo̧ti̧cui̧nö̧do. U̧'cuo̧ti̧cuo̧mȩnä̧, Nilo aje jäyoto ö̧ja̧'a̧ jä̧'i̧nö̧'a̧nö̧ ji̧nä̧cu̧do. ²Toomenä, Nilo aje jacuotottö huȩjä̧mi̧nä̧tö̧do ko̧ro̧mö̧ttö̧nö̧ ta̧ju̧nu̧ pä̧cä̧yö̧ adiu bärepätö. Mȩji̧yä̧'chȩ cuä̧nö̧ ka̧cui̧nä̧tö̧do. ³Ja̧'hua̧ta̧nö̧ jahuätö tto'ca'anä huȩjä̧mi̧nä̧tö̧do ko̧ro̧mö̧ttö̧nö̧ ta̧ju̧nu̧ pä̧cä̧yö̧ suropätö juiyo siähuächätömä. Pä̧cä̧yö̧ barepätöcu tö'cö ka̧cui̧nä̧tö̧do Nilo aje jäyoto.⁴Jahuätö pä̧cä̧yö̧ siähuätö cui'i'inätödo pä̧cä̧yö̧ bärepätörö. Ja̧'hua̧nö̧ ja̧'a̧ Egipto rȩjȩ ru̧hua̧ 'cuo̧ti̧cu̧ porächi'inödo. ⁵Ja̧u̧nu̧ o'ca'a pä'äji ta'anö ä'i'inödo. Ä'i'omenä, pä'äji ta'anö 'cuo̧ti̧cui̧nö̧do. Pättiyu cuähuä trigona ji̧na̧tȩttö̧ ko̧ro̧mö̧ttö̧nö̧ tochare räreipa'a 'cuo̧ti̧cui̧nö̧do, adiu ka̧cu̧ ocha. ⁶Ja̧u̧ ocha o'ca'a räreipina'ado ji̧na̧tȩttö̧ pä'äji räreipäjomenätä ko̧ro̧mö̧ttö̧nö̧ tocharenö. Ja̧u̧ ocha jä̧ji̧mä̧ surojina'ado. Kä̧ru̧'coppa kä̧hua̧ räopa'acuttu ichoppattö cuo'ö icu jo'ö icuinödo.⁷Ja̧'hua̧nö̧ ja̧'a̧ ja̧u̧ ko̧ro̧mö̧ttö̧nö̧ tochare surojäjimä trigo adiu ocha jä̧ji̧ cui'i'ina'ado o'ca juiyönä. Ja̧u̧nu̧ o'ca'a Egipto rȩjȩ ru̧hua̧ porächi'inödo. 'Cuo̧ti̧ a̧'cua̧ra̧'a̧ pä'ö ttu̧'ȩpä̧ri̧'i̧nö̧do. ⁸Mo̧ro̧ juomenä a̧'cua̧ tta̧'ȩcui̧nö̧do. O'ca toi'önä ttu̧'cuo̧ti̧ huäjunä rä'epö icu jiäcuähuä ttö̧ja̧ pättä̧u̧ru̧'i̧nä̧, o'ca toi'önä huo̧juä̧tö̧rö̧ Egipto rȩjȩnä̧ ka̧cui̧nä̧tö̧rö̧ tticha pä'ö huopinödo. Ru̧hua̧ u̧'cuo̧ti̧cuä̧ji̧mä̧ rö̧ȩnä̧ jahuätörö jiähua'anä, ya̧tȩ'i̧nä̧ yorö'iso toina'ado rä'epö icu ji'äumä.⁹Ja̧u̧nu̧ o'ca'a ru̧hua̧ ahuoya iyähuä i̧sa̧mä̧ ru̧hua̧rö̧ pä'inödo. ―Täcö amöcuädi'ösä suronä jȩchi̧nö̧mä̧. ¹⁰Ucu chu̧ru̧hua̧, cumöhuäyotö ujuturu cu̧ra̧huä̧ri̧'o̧mȩnä̧, ttörö'inä, pa̧ adicuä i̧sa̧rö̧'i̧nä̧ guardia ttu̧ru̧hua̧ ojusodenä cärenä tö̧'a̧ pä'ö do'ädö cuicuinä̧u̧jä̧. ¹¹Ja̧'hua̧nö̧ ja̧'a̧ ja̧u̧nu̧tä̧ yodo yo̧mȩtȩnä̧ 'cuo̧ti̧cui̧nä̧tö̧jä̧ ttö'inä, ka̧ra̧ pinö'inä. Tu̧'cuo̧ti̧cui̧nö̧ räecuämä i̧mi̧cu̧nä̧ ji̧na̧'a̧.¹²Mö̧ä̧ya̧mä̧, hebreos ttö̧ja̧ i̧sa̧, guardia ttu̧ru̧hua̧ u̧mö̧huä̧ya̧, ujutucu pinörö ji'ähuinätöjä tu̧'cuo̧ti̧cuä̧ji̧mä̧. Ja̧u̧mä̧ rä'epö icu ji'ähuinö ttö chu̧'cuo̧ti̧cui̧nö̧'i̧nä̧, pa̧ adicuä i̧sa̧ pinö u̧'cuo̧ti̧cui̧nö̧'i̧nä̧. ¹³Ja̧'hua̧nö̧ ja̧'a̧ ja̧u̧ jiähuäji ta'anö 'cuäopina'a ujuturu. Ja̧'hua̧nö̧ ja̧'a̧ ucu ttörö hue'inöjä ttö chaditä'ijome. Pa̧ adicuä i̧sa̧rö̧mä̧ ti̧'ä̧dö̧ ttönarö pä'ö hue'inöjä―.¹⁴Ru̧hua̧ ahuoya iyähuä i̧sa̧ jiähua'a ä̧ju̧cuo̧mȩnä̧, Egipto rȩjȩ ru̧hua̧ Josérö tti'cächa pä'ö hue'inödo. Cärenä päcuähuodettömä jurunä rä'epö tticuinäcudo. Ja̧'hua̧nö̧ ja̧'a̧ ä̧'quȩ isä'che'inä quiräu icuinödo. Ö̧'ca̧tä̧huä̧ta̧'i̧nä̧ pärohuäji'ca̧, ru̧hua̧ ö̧'a̧'a̧cu̧ 'chi̧nö̧do. ¹⁵Ja̧hua̧nö̧ ja̧'a̧ ru̧hua̧ Josérö pä'inödo: ―'Cuo̧ti̧cuä̧ji̧sä̧. Chu̧'cuo̧ti̧cuä̧ji̧mä̧, ya̧tȩ'i̧nä̧ toa'a jiähuattöhue pädomenä. Ttö ä̧ju̧cuä̧ji̧sä̧ ucuru ttu̧'cuo̧ti̧ rä'epö icu jiäcuähuänä huo̧jua̧do pä'ö jittähua'a―. ¹⁶José ru̧hua̧rö̧ ädätinödo: ―Ttömäcö̧. Chö̧ä̧nä̧hua̧ Diostä huäjunä i̧yä̧cua̧jä̧ cu̧'cuo̧ti̧ jä̧ji̧mä̧, chu̧ru̧hua̧―.¹⁷Faraón Josérö uhuocuinö: "Ttö chu̧'cuo̧ti̧nä̧, kä̧ji̧sä̧, Nilo aje jäyoto. ¹⁸Topäjisä. ji̧mu̧tȩttö̧ ta̧ju̧ huotö pä̧'cä̧yö̧ rättopa'a Nilo ajettö, bärepätö märiche'inä juiätö, jahuätö ttucuä'che cuänö kä̧jä̧tö̧ aje jäyoto.¹⁹Jahuätö tto'come topäjisä, korotö pä'cäyö̧rö̧ ji̧mu̧tȩ ta̧ju̧nu̧ huotörö juiyó abora'atä suropätörö juiyupu'inä juiyupätö ja̧'hua̧nö̧ ja̧'a̧nä̧'i̧nä̧ siäcuätörö. Ttömä pi̧jä̧ Egipto rȩjȩttö̧mä̧ ja̧'hua̧nö̧ huotörömä topo'cö päijösä. ²⁰Päcäyö̧ juiyo siähuäjätömä cui'iäjätö pä̧cä̧yö̧ ä̧cuo̧mȩnä̧ barepäjätörö. ²¹Jahuätö ttucuiäji o'ca'amä, jeruhuina'a̧ jä̧ja̧'a̧ ttu̧cui̧ä̧u̧ pä'ömä sittähua'attö. Ja̧'hua̧nö̧ jä̧cu̧ porächiäjisä²²Ttomä chu̧'cuo̧ti̧nä̧ topinösä̧, ja̧'hua̧ta̧'a̧nö̧, ä̧ju̧cuä̧tu̧cui̧, ji̧mu̧tȩ ta'arenö u̧huä̧ju̧ ocha bahui'ina'a, jo̧mȩnö̧ adiunä. ²³Topätucui, juȩnȩ yabonänö, ji̧mu̧tȩ ta'arenö u̧huä̧ju̧ ocha, joächächö'inä, pöjuihuächö'inä kä̧hua̧ räopa'acuttu ichoppa du'oppa döomenä cuo'ö icu'inä, ja̧hua̧nö̧ jä̧ji̧ o'ca'a bahui'ina'a. ²⁴U̧huä̧ju̧ ocha puhuihuächömä rahuädi'inö u̧huä̧ju̧ adiu ocha, Pi̧yȩ chu̧'cuo̧ti̧ i'ähuinösä mä̧ri̧mö̧rö̧, ja̧'hua̧nö̧ ja̧'a̧nä̧ ya̧tȩ'i̧nä̧ toina'a jiähua pä'ömä."²⁵Ja̧'hua̧nö̧ ja̧'a̧ Egipto rȩjȩ ru̧hua̧mä̧ Josérö u̧'cuo̧ti̧cuä̧ji̧mä̧ jiähuäji o'ca'a, José ru̧hua̧rö̧ pä'inö: ―Chu̧ru̧hua̧, cu̧'cuo̧ti̧cuä̧ji̧mä̧ ji̧yȩtȩtä̧ ja̧'a̧. Chö̧ä̧nä̧hua̧ Dios jȩä̧cuȩmä̧ ucuru ji'ähuäji. ²⁶ji̧mu̧tȩ ta'arenö pä̧cä̧yö̧ adihuätömä ja̧u̧ jä̧ji̧mä̧, ji̧mu̧tȩ ta'arenö a̧'ȩ pä'ö jä̧cua̧'a̧. Ja̧'hua̧ta̧nö̧ trigo ocha adiu ocha ji̧mu̧tȩ ta'arenö jä̧ji̧mä̧, ji̧mu̧tȩ ta'arenö a̧'ȩ pä'ö jä̧ji̧. Cu̧'cuo̧ti̧cuä̧ji̧mä̧ ji̧yȩtȩtä̧ ja̧'a̧.²⁷Ja̧'hua̧ta̧nö̧ adihuätö tto'ca'anä korotö pä̧cä̧yö̧ si'ähuätö huȩjä̧mä̧jä̧tö̧mä̧, ko̧ro̧mö̧ttö̧nö̧ todäre a̧'ȩ pä'ö jä̧cua̧'a̧. Ja̧'hua̧ta̧nö̧ trigo ocha ko̧ro̧mö̧ttö̧nö̧ tocharenö kä̧rö̧'coppa kä̧hua̧ räopa'acuttu ichoppattö jo'ö icu tu̧huä̧'chȩ jä̧ji̧ ochamä, ko̧ro̧mö̧ttö̧nö̧ todäre a̧'ȩ ppäi rö̧jö̧ 'cuäopäcua'a pä'ö jä̧ji̧. ²⁸Ucuru jidäumä iso päi'önä jä̧cua̧'a̧. Chö̧ä̧nä̧hua̧ Diosmä ja̧u̧ 'cuäopä̧cuȩ ucuru i̧jȩpä̧ji̧. ²⁹Ä̧ju̧cui̧, chu̧ru̧hua̧. Egipto rȩjȩ ttö̧ja̧ tti̧rȩjä̧nä̧mä̧ cuähuä rö̧ȩnä̧ ppöröhuäcua'a ko̧ro̧mö̧ttö̧nö̧ todäre a̧'ȩ jo̧mȩtä̧.³⁰Ja̧u̧nu̧ o'ca'a rȩbȩhuä̧cua̧'a̧ ppäi rö̧jö̧mä̧ ji̧mu̧tȩ ta'arenö a̧'ȩ. Egipto rȩjȩ ttö̧ja̧mä̧ ttucuähuä rö̧ȩnä̧ ka̧'a̧ pä'ö ttunichi'äcuotö yorö'iso. ³¹Ja̧'hua̧nö̧ ja̧'a̧nä̧ tti̧rȩjä̧nä̧ rö̧ȩnä̧ ppäi rö̧jä̧cua̧'a̧. Cuähuä bahuoca'attö ppäi ttuttäcuotö. ³²Ucu todärenä cu̧'cuo̧ti̧cuä̧ji̧mä̧ ji̧nä̧ ji̧yȩtȩ jä̧ji̧, Chö̧ä̧nä̧hua̧ Dios iso päi'önä jȩä̧cua̧'a̧ ja̧'a̧ttö̧, ja̧'hua̧ta̧nö̧ jurunänö huȩä̧cuȩ 'cuäopa'a ja̧'a̧ttö̧.³³Ja̧'hua̧nö̧ ja̧'a̧ttö̧ ya̧tȩrö̧ cusu'a̧nö̧ ja̧'a̧, chu̧ru̧hua̧, adiu huo̧ju̧nä̧ hua̧ttö̧, adiu huo̧juȩcu̧nä̧ hua̧ttö̧. Ja̧u̧ru̧ ru̧hua̧ päi'önä cu̧ju̧nu̧'a̧nö̧ ja̧'a̧, Egipto ttö̧ja̧rö̧ hueähuä i̧sa̧ päi'önä ö̧jä̧cua̧'a̧nö̧. ³⁴Ja̧'hua̧ta̧nö̧ korotörö'inä huecu'a̧nö̧ ja̧'a̧, porötä pi̧jä̧ rȩjȩttö̧ cuähuä ttö̧ca̧ca̧tä̧cuo̧tö̧rö̧. Egipto ttö̧ja̧ ttu̧cuȩ cuähuättö, ji̧mö̧tȩ jähuättömä ji̧yȩtȩ tettö'a̧nö̧tä̧ 'quȩ'ȩpö̧ ttiyäcua'anö ucuru. Ja̧'hua̧nö̧ jȩttä̧cua̧'a̧nö̧, ko̧ro̧mö̧ttö̧nö̧ todäre a̧'ȩ cuähuä rö̧ȩnä̧ ppöröhuomenä.³⁵Ja̧'hua̧nö̧ rö̧ȩnä̧ cuähuä ttö̧ca̧ca̧tä̧cua̧'a̧nö̧ cuähuä adiu ppöröhuä̧cuȩ a̧'ȩnä̧. Ja̧'hua̧ta̧nö̧ huecu'a̧nö̧ ja̧'a̧ ja̧u̧ cuähuä hua'adö ttu̧ju̧na̧ pä'ö, ötahuiyä jö̧ a̧'u̧cuä̧ ru̧hua̧ hueome pö̧nä̧. Ja̧'hua̧ta̧nö̧ ja̧u̧ cuähuä to̧pä̧rö̧ tta̧huä̧rä̧cuä̧huä̧ isotörö'inä ttu̧ju̧nä̧rä̧cua̧'a̧nö̧. ³⁶Ja̧u̧ cuähuä hua'adö ku̧nä̧huä̧mä̧ ttö̧ja̧ ttu̧cuȩ päi'önä jä̧cua̧'a̧, ko̧ro̧mö̧ttö̧nö̧ todäre a̧'ȩ ppäi rö̧jo̧mȩnä̧ Egipto rȩjȩttö̧. Ja̧'hua̧nö̧ ja̧'a̧ttö̧ ttö̧ja̧mä̧ 'corupä'i'ocotö ttäcuotö ppäi rö̧jö̧ pä̧nä̧mä̧― pä'inödo Josémä.³⁷José jiäu huȩnȩmä̧ ru̧hua̧rö̧'i̧nä̧, ja̧u̧tä̧ ippeye ruhuotörö'inä adihuina'ado. ³⁸Ja̧'hua̧nö̧ ja̧'a̧ ru̧hua̧mä̧ ippeye ruhuotörö pä'inödo: ―Ka̧ra̧rö̧mä̧ tö̧'o̧cui̧'ö̧ juiyö'a̧nö̧ ja̧'a̧ pide ta'anö hua̧rö̧mä̧. Ö̧ä̧nä̧hua̧ Diosmä iso päi'önä pidecutä kö̧.³⁹Ja̧'hua̧nö̧ ja̧'a̧ttö̧ ru̧hua̧mä̧ Josérö pä'inödo: ―Pi̧yȩ o'ca juiyönä Cu̧huä̧nä̧hua̧ Diostä jiähuäjäcujä. Ka̧ra̧mä̧ toa'a ucu ta'anö huo̧ju̧nä̧ hua̧mä̧, adiu huo̧juȩcu̧nä̧ hua̧mä̧. ⁴⁰Ucurutä hue'ipösä chojusode'inä hueähuä i̧sa̧ cu̧ja̧ pä'ö. Ja̧'hua̧ta̧nö̧ chumöhuäyotö o'ca toi'önä ucu huecutä jȩttä̧cuo̧tö̧. Ttömä ji̧yȩä̧cuȩtä̧ ucuttu'inä abonänö hueähuä i̧sa̧ päi'önätä chö̧jä̧cua̧sä̧. ⁴¹Juhua'a yabo pä'inödo ru̧hua̧ Josérö: ―Egipto rȩjȩ jä̧ttä̧yä̧jä̧ o'ca juiyönä ru̧hua̧ päi'önä cu̧ja̧ pä'ö ucurutä hue'ipösä―.⁴²Ja̧'hua̧nö̧ pä'ö kä̧nö̧, ru̧hua̧ ö̧'ca̧tä̧huä̧ti̧yu̧ttu̧ 'ca̧tö̧ ku̧ni̧nö̧do Josérö. Ru̧hua̧ ödo'che o̧bö̧'i̧nä̧ José ödo'chenä rö̧ni̧nö̧do. Ö̧rä̧u̧sa̧ orottö adicuä̧sa̧'i̧nä̧ Josérö huä̧ni̧nö̧do. ⁴³Ja̧u̧nu̧ o'ca'a todäre päi'önä jäcä carucä adihuä juäi isäcä ru̧hua̧ öärecättö iyinäcudo. José ä'canä 'chi̧nä̧tö̧rö̧mä̧ ―Ucuotätucui― huotta pä'ö hue'inödo ru̧hua̧mä̧. Ja̧'hua̧nö̧ ja̧'a̧ Egipto rȩjȩ ttö̧ja̧ ttu̧ru̧hua̧ päi'önä ö̧ja̧ pä'ö hue'ö ku̧ni̧nö̧do Josérö.⁴⁴Ja̧'hua̧ta̧nö̧ ru̧hua̧ Josérö pä'inödo: ―Ttötäsä ru̧hua̧mä̧. Ja̧'hua̧nö̧ ja̧'a̧nä̧ Egipto rȩjȩ o'ca juiyönä ya̧tȩ u̧mö̧'inä̧, ö̧jä̧pö̧'i̧nä̧ cä'epocö jä̧cua̧ ucu huecuhuoca'anämä―. ⁴⁵Ru̧hua̧ Josérö o'inödo Zafnat-panea pä'ö. Ja̧'hua̧ta̧nö̧ hue'inödo Asenatrö José irecua päi'önä. Asenat kä'omä On ötahuiyä ru̧hua̧ pinödo. Potifera pä'ö micuinödo. Ja̧u̧nu̧ o'ca'a José rä'opö 'chi̧nö̧do Egipto rȩjȩ o'ca juiyönä usäu.⁴⁶José Egipto rȩjȩ ru̧hua̧ ä'ca jo̧mȩttö̧ ru̧hua̧ päi'inömä, treinta a̧'ȩ hua̧ pinödo. Egipto rȩjȩ ru̧hua̧ ä'ca jo̧mȩttö̧ rä'opö 'chä̧nö̧, Egipto rȩjȩ jä̧ttä̧yä̧jä̧ cue'ächö usähuinödo. ⁴⁷Ja̧'hua̧nö̧ ja̧'a̧ ko̧ro̧mö̧ttö̧nö̧ todäre a̧'ȩnä̧mä̧, rȩjȩttö̧ cuähuä rö̧ȩnä̧ ppöröhuina'ado.⁴⁸José ko̧ro̧mö̧ttö̧nö̧ todäre a̧'ȩ 'cuäoi'önä ja̧u̧ cuähuä ppöröhuinö pä̧nä̧mä̧ Egipto rȩjȩnä̧ ca̧ca̧tö̧ ttöta hue'inödo ötahuiyänä. Ötahuiyä jö̧ a̧'u̧cuä̧ ca̧ca̧tö̧ rötinätödo ja̧u̧ ötahuiyä tö'cö pä̧jö̧ pättiyuttu cuähuämä. ⁴⁹Ja̧'hua̧nö̧ trigodu cuähuä juiyo rö̧ȩnä̧ ca̧ca̧tö̧ rötinätödo, rȩba̧ aje jacuoto pä̧ba̧ rö̧ȩnä̧ pa̧'a̧ jä̧'i̧nö̧'a̧nö̧. Ja̧'hua̧nö̧ ja̧'a̧ José täcö pa̧ja̧tö̧ cä'ädinödo, ttö̧'a̧tö̧ juiyö'a̧nö̧ juiyo rö̧ȩnä̧ ja̧'a̧ttö̧.⁵⁰Ppäi rö̧jö̧ rȩbȩhuä̧cua̧'a̧ ä'canä, José irecua Asenatmä, On ötahuiyä ttö̧ja̧ ttu̧ru̧hua̧ Potifera ittijumä, José i̧tti̧mö̧ u̧mä̧tö̧ ta̧ju̧ru̧ uhuäbecuinäjudo. ⁵¹José i̧tti̧ ä'canä ru̧hua̧rö̧ o'inödo Manasés pä'ö. Pä'inödo: ―Tö̧ä̧nä̧hua̧ Dios chunichi'a pä'ö jȩi̧nä̧cu̧sä̧ suronä 'cuäopinö'inä, chä'o ahuaruhuärö'inä―. ⁵²Ju̧huȩnȩ o'comenä i̧tti̧rö̧mä̧ Efraín pä'ö o'inödo. Pä'inödo: ―Tö̧ä̧nä̧hua̧ Dios chi̧tti̧mö̧rö̧ iyäji pi̧jä̧nä̧, surojö ttörö 'cuäopä̧jä̧nä̧―.⁵³Ja̧'hua̧nö̧ ja̧'a̧ ko̧ro̧mö̧ttö̧nö̧ todäre a̧'ȩ cuähuä rö̧ȩnä̧ ppöröhuäjimä täcö beipächina'ado. ⁵⁴Ko̧ro̧mö̧ttö̧nö̧ todäre a̧'ȩ ppäi ttuähuä rȩbȩhui̧na̧'a̧do, José päinö ta'anö. Korotö tti̧rȩjä̧ttö̧'i̧nä̧ ppäi ttu'inätödo. Ja̧'hua̧nö̧ ja̧'a̧nä̧ Egipto rȩjȩ jä̧ttä̧yä̧jä̧mä̧, cuähuä hua'adö ttu̧ju̧ni̧nö̧ ki̧na̧'a̧do.⁵⁵Egipto rȩjȩ ttö̧ja̧'i̧nä̧ rö̧ȩnä̧ ppäi ttuttomenä, Egipto rȩjȩ ru̧hua̧rö̧ huopinätödo, cuähuä iyatö pä'ö. Ru̧hua̧mä̧ Egipto ttö̧ja̧rö̧ pä'inödo: ―Josérö jä'epäjätucui. José hueömä jȩpä̧tu̧cui̧― pä'inödo. ⁵⁶Pi̧jä̧ jä̧ttä̧yä̧jä̧ ppäi rö̧jo̧mȩnä̧, José cuähuä hua'adö ttu̧ju̧ni̧nö̧ odehuiyä o'ca juiyönä ba'epinödo. Cuähuämä Egipto ttö̧ja̧rö̧ micuänätä ttiyä'cha pä'ö hue'inödo, o'ca toi'önä Egipto rȩjȩ ttö̧ja̧ rö̧ȩnä̧ ppäi ttutta'attö. ⁵⁷Korotö pi̧jä̧ jä̧ttä̧yä̧jä̧ttö̧'i̧nä̧ Egipto rȩjȩra̧'a̧cu̧tä̧ 'chi̧nä̧tö̧do, Joséttö cuähuä mitö ttȩma̧ pä'ö, rö̧ȩnä̧ ppäi ttutta'attö pi̧jä̧ pa̧ja̧cu̧nä̧.

¹Ppäimä rö̧ȩnä̧ ppäi ttu'inätödo Canaán rȩjȩttö̧. ²Egipto rȩjȩra̧'a̧ttö̧ ȩmö̧ tti̧hui̧nö̧ cuähuä ttucui'omenä beipächa'attö, Jacob i̧tti̧mö̧rö̧ pä'inödo: ―Pä'äji ta'anö tätucui. Tu̧cuȩ ji̧'qui̧cha̧nö̧tä̧ ȩmä̧jä̧tu̧cui̧―.³Ja̧'hua̧nö̧ ja̧'a̧nä̧ Judá jä'orö pä'inödo: ―Ja̧u̧ ru̧hua̧ pä̧i̧cu̧nä̧ pä'inö: “Ppa̧'ä̧chö̧ tocu'ätucuättö cu̧jä̧hua̧rö̧ cui'cächätucu juiyöttömä,” pä'inö ru̧hua̧mä̧― pä'ö ji'ähuinödo Judá. ⁴―Ja̧'hua̧nö̧ ja̧'a̧ttö̧ tö̧jä̧hua̧rö̧ ujutucu huecuttutä, ti̧'chä̧cuo̧tö̧jä̧ tu̧cuȩ ȩmö̧ 'chä̧nö̧. ⁵Ja̧'hua̧nö̧ ja̧'a̧nä̧ ja̧u̧ru̧ huecu juiyöttömä, 'cho̧co̧tö̧jä̧, “Ttörömä ppa̧'ä̧chö̧ tocu'ätucuättö, cu̧jä̧hua̧rö̧ cui'cächätucu juiyöttömä,” ru̧hua̧ päina'attö― pä'inödo Judá.⁶Ja̧'hua̧nö̧ ja̧'a̧ Israel pä'inödo: ―¿Dä̧bö̧ ja̧'hua̧nö̧ ttörö suronä jȩcu̧'i̧nä̧tu̧cua̧'a̧ttö̧ ucutumä? ¿Dä̧bö̧ ru̧hua̧rö̧ jicuhuähuinätucua'attö ji̧nä̧ ka̧ra̧ tö̧jä̧hua̧rö̧ ku̧nä̧rä̧tö̧jä̧ pä'ö?― ⁷Jahuätö ttä'orö ädätinätödo: ―Ru̧hua̧ pä̧i̧cu̧nä̧ jäepä̧ri̧nä̧u̧jä̧ ujuturu'inä tahuaruhuärö'inä. “¿Cuä'omä ji̧nä̧ kö̧? ¿Ka̧ra̧ cu̧jä̧hua̧tu̧cu̧ru̧'i̧nä̧ ku̧nä̧rä̧tö̧jä̧ pä'ö?” jä̧ȩpä̧ri̧nä̧u̧jä̧. Jerupö ädätinätöjä, cu̧jä̧hua̧tu̧cu̧ru̧ cui'cächätucuaja päiyäcua'acö̧ pä'ö―.⁸Ja̧'hua̧ta̧nö̧ Judá jä'o Israelrö pä'inödo: ―Mö̧ä̧ya̧rö̧ hue'ittö ttöcu. Ja̧'hua̧nö̧ jȩcu̧'u̧ttu̧mä̧, ä̧rä̧mi̧'ö̧ ti̧'chä̧cuo̧tö̧jä̧, ji̧nä̧ ta̧'cua̧rä̧cua̧'a̧nö̧ 'corupäti'oca'a, ujutu'inä, ucu'inä, ujutu ti̧tti̧mö̧'i̧nä̧. ⁹Ttötä ja̧u̧ru̧ tta̧huä̧rä̧cuä̧huä̧ i̧sa̧ päi'önä chö̧jä̧cua̧sä̧. Ja̧u̧ru̧ ji̧'qui̧cha̧nö̧ i̧mi̧cu̧nä̧ 'cuäopöttömä, ttöcu, ucucu'inä ji̧nä̧yo̧mȩtȩ tucuocuäcuotöjä. Ucu cui̧tti̧rö̧ ucuru ppa̧dä̧dö̧ juiyöttömä, ucu cuä'ca jo̧mȩ chi'cächö juiyöttömä, ucu cuä'ca jo̧mȩttö̧ ttötä suronä jȩä̧cuä̧huä̧ i̧sa̧ päi'önä chö̧jä̧cua̧sä̧ o'ca juiyö cha̧'cua̧ro̧mȩ jubö päi'önä. ¹⁰Tta̧tä̧ro̧ca̧'a̧ jä̧ji̧ttö̧mä̧ täcö todärenä i̧u̧ i̧hua̧tö̧ päjatöjä―.¹¹Ja̧'hua̧nö̧ ja̧'a̧ ttä'o Israel i̧tti̧mö̧rö̧ pä'inödo: ―Ye. Ja̧'hua̧nö̧ jö̧ttö̧mä̧, ja̧'hua̧nö̧ jȩcu̧'ä̧tu̧cu̧'a̧nö̧ ja̧'a̧. Ujutu ti̧rȩjä̧ jähuättömä adihuä juäittötä cusacu oyunä ȩpä̧tu̧cui̧, ru̧hua̧rö̧ cuiyätucua pä'ö. Mayattö'inä ji̧'qui̧cha̧nö̧tä̧, ja̧'hua̧ta̧nö̧ ameuttu'inä, koro juäi u̧ju̧ca̧ca̧ jacuä jähuättö'inä ji̧'qui̧cha̧nö̧tä̧ ȩpö̧ cuiyätucuaröja. ¹²Ja̧'hua̧ta̧nö̧ cuähuä micuä todärenä ȩpä̧tu̧cui̧, pärätä cusacuyutucu ä'cattö cu̧'o̧cui̧'i̧nä̧tu̧cu̧ micuä päi'önä ppa̧cu̧huä̧dä̧tu̧cua̧ pä'ö. Jerupächi'ö ȩni̧nä̧tö̧cö̧.¹³Cu̧jä̧hua̧tu̧cu̧ru̧'i̧nä̧ o'ipätucuirö. Ja̧'hua̧nö̧ ä̧rä̧mi̧'ö̧ ru̧hua̧ ö̧ja̧'a̧ tätucui. ¹⁴Tö̧ä̧nä̧hua̧ Dios o'ca juiyönä ju̧ru̧hua̧mä̧ ucuturu ppä̧dä̧cua̧, ru̧hua̧ ucuturu re rö̧jö̧nä̧ toäcua'anö, Simeónrö'inä, Benjamínrö'inä ppa̧huä̧dä̧cua̧'a̧nö̧. Ttötämä chi̧tti̧mö̧ toönä chö̧jö̧ttö̧mä̧, huäinä chi̧tti̧mö̧ toönä chö̧jä̧cua̧sä̧―. ¹⁵Ttä'o jiähua'a ttäju̧cuo̧mȩnä̧, Jacob i̧tti̧mö̧ adihuä juäittö ȩpi̧nä̧tö̧do, ru̧hua̧rö̧ ttiya pä'ö. Ja̧'hua̧ta̧nö̧ cuähuä micuämä todärenä päi'önä ttu̧mö̧nä̧ ȩpi̧nä̧tö̧do. Ja̧'hua̧ta̧nö̧ Benjamínrö'inä ȩpö̧, ä̧rä̧mi̧'ö̧ 'chi̧nä̧tö̧do Egipto rȩjȩra̧'a̧cu̧. Juhua'attö José ä'ca jo̧mȩ ka̧cuä̧mi̧nä̧tö̧do.¹⁶Josémä jahuätöcu Benjamínrö toomenä, ojusodenä aditätö ttu̧ru̧hua̧rö̧ pä'inödo: ―Pitörö o'ipi chojusodera̧'a̧. Po̧ya̧rö̧ cuä'ö icu, cuaditätucuaja tucua. Jahuätömä ttöcu ttu̧cuȩ ttucuäcuotö kä̧hua̧ jueö päi'omenä―. ¹⁷José hueäjimä jȩpi̧nö̧do. Ojusodenä aditätö ttu̧ru̧hua̧mä̧ jahuätö u̧mä̧tö̧rö̧ o'ipinödo José ojusodera̧'a̧.¹⁸José ojusodera̧'a̧ jahuätörö oipomenä, ye'ecuinätödo. Ka̧ra̧ ka̧ra̧nö̧ ucuocu pä'inätödo: ―Ä̧cuo̧mȩnä̧ ti̧huä̧chi̧nö̧ ji̧nö̧ pärätä tusacu oyu jacuättö po̧cui̧pi̧nä̧tö̧jä̧. Ja̧'hua̧nö̧ ja̧'a̧ttö̧ ujuturu pocu i'cächö. Ujutumä 'choipä̧u̧jä̧, chutä umöhuäyotö päi'önä chutäcu taditäcuotöjä. Tä̧ji̧mö̧ burrotö̧rö̧'i̧nä̧ 'choipäcuotöjä, a̧'cua̧ra̧'a̧― pä'inätödo. ¹⁹Äpate ttötö'cöhuächi'omenä, José ojusodenä aditätö ttu̧ru̧hua̧rö̧ töcönänö 'chä̧hui̧'ö̧ ttucuocuinäcudo. ²⁰Pä'inätödo: ―Chu̧ru̧hua̧, iso päi'önä ujutu ä̧cuo̧mȩnä̧ tu̧cuȩ ȩmö̧ i̧huä̧chi̧nä̧tö̧jä̧.²¹Ja̧'hua̧nö̧ ja̧'a̧ i̧u̧ kä'co tä'omettö̧ tösacu oyu ejädö totomenä, o'ca toi'önä ya̧cu̧nä̧ tösacuyu ä'ca pärätä ȩji̧na̧'a̧, töäre pärätä pö̧nä̧ jä̧ji̧mä̧ yoräteunätä. Ja̧'hua̧nö̧ ja̧'a̧ttö̧ pä'äji ta'anö i'cächäjätöjä. ²²Ja̧'hua̧ta̧nö̧ koro pärätä'inä tu̧mö̧nä̧ i'cächäjätöjä, tu̧cuȩ cuähuä tȩma̧ pä'ö. Ujutu jerupätöjä di ȩni̧na̧'a̧jo tusacu oyu jacuä pärätämä pä'ö―. ²³Ja̧'hua̧nö̧ ja̧'a̧ José ojusodenä aditätö ttu̧ru̧hua̧ pä'inödo: ―Huä̧i̧nä̧ ja̧'a̧cuä̧. Yecuecuätucuä'. Ucutu Cu̧huä̧nä̧hua̧tu̧cu̧, ucutu cuä'o Ö̧ä̧nä̧hua̧ iyinä̧u̧jä̧ pärätämä cusacu oyutucu jacuä. Ttömä ȩmi̧nö̧sä̧ cuähuä micuä ji̧nö̧mä̧― pä'inödo ttu̧ru̧hua̧mä̧. Ja̧'hua̧nö̧ ja̧'a̧ttö̧ rä'epö icuiniyä̧u̧do cärenä pä̧cuä̧huode jacuättö tö̧jä̧hua̧ Simeónrö.²⁴Ja̧'hua̧nö̧ ja̧'a̧ jahuätörö do'ädinödo José ojusode jacuä. Ja̧'hua̧ta̧nö̧ ajiya iyinä̧u̧do ttö̧jä̧pi̧yä̧ ttötöcähua pä'ö. Ja̧'hua̧ta̧nö̧ ttä̧ji̧mö̧ burrotö̧rö̧'i̧nä̧ ttu̧cuȩ iyinödo. ²⁵José ojusodenä ttu̧cuȩ ttucuäcua'a ttä̧ju̧cuä̧ja̧'a̧ttö̧, tti'cächäjimä jo̧mȩ päi'önä jȩpi̧nä̧tö̧do, kä̧hua̧ jueö päi'a'a ichomenä, Josérö ttiya pä'ö.²⁶José ojusodera̧'a̧ ichi'omenä, tti̧yä̧cuȩmä̧ jacuojucu ttu̧mö̧nä̧ i'cächinätödo. José ä'ca jo̧mȩttö̧ ja̧rȩyu̧nu̧ pä'i'ö tti'ä rȩjȩcu̧ ucuotönö jȩpi̧nä̧tö̧do. ²⁷Ja̧'hua̧nö̧ ja̧'a̧ ―¿Tta̧'a̧nö̧ ja̧'a̧cuä̧ ucutumä?― pä'ö jäepinä̧u̧do. ―¿Tta̧'a̧nö̧ ja̧'a̧cuä̧ cuä'o bö̧o̧ i̧sa̧mä̧, ucutu ttörö jicuhuähuinätucuäcumä? ¿Ja̧u̧mä̧ ji̧nä̧ kö̧?―²⁸Jahuätö pä'inätödo: ―Ujutu tä'o, ucu cu̧mö̧huä̧ya̧mä̧, adiu kä̧ji̧. Ji̧nä̧ a̧'cua̧rä̧ji̧―. Pä'ö, tti'ä rȩjȩcu̧ ja̧rȩyu̧nu̧ ucuotönö jȩpi̧nä̧tö̧do. ²⁹Ja̧'hua̧nö̧ ja̧'a̧ Josémä u cä'epö, ö̧jä̧hua̧ Benjamínrö, ja̧ju̧mi̧nä̧ ki̧tti̧rö̧ topinödo. Pä'inödo: ―Pidemä ¿cu̧jä̧hua̧tu̧cu̧ röji ru̧hua̧ tä̧ji̧, ttörö jicuhuähuinätucuäcumä? Tö̧ä̧nä̧hua̧ Diostä adiu ppä̧dä̧cua̧jä̧, chi̧tti̧― pä'inödo.³⁰José ja̧'hua̧nö̧ päomenä, rö̧ȩnä̧ a̧'u̧ rö̧jä̧chi̧'i̧nä̧cu̧do. Jurunä rä'opächö ä'o̧ca̧ra̧'a̧. Do'ächächö juhuorö ajuähuinödo. ³¹Täcö ajuähuäjimä 'cuäopächi'äcu, i'ä töcähuäji'ca̧, pä'äji ta'anö do'ächi'ö, pä'inödo: ―Tu̧cuȩ tucua iyä'chätucui―.³²Ja̧'hua̧nö̧ ja̧'a̧ Josérö'inä i̧mi̧cu̧nä̧, u̧bö̧o̧tö̧rö̧'i̧nä̧ i̧mi̧cu̧nä̧, Egipto rȩjȩ ttö̧ja̧ Josécu cuä'ijätörö'inä i̧mi̧cu̧nä̧ ttu̧cuȩ iyä'chinätödo. Egipto rȩjȩ ttö̧ja̧ yorö'iso cuocotö pinätödo hebreos ttö̧ja̧cu̧. Tucuttumä suroja'a pä'ö ttamöcuädina'attö, jahuätöcumä i̧mi̧cu̧nä̧nö̧ ja̧'a̧ttö̧. ³³José huea'attö u̧bö̧o̧tö̧rö̧mä̧ chutä ä'ca jo̧mȩ ttö̧'ä̧mä̧da̧ pä'ö hue'inätödo. Ä'canä ru̧hua̧mä̧ ä'canä ö̧'ä̧mä̧da̧ pä'ö hue'inätödo. Ju̧huȩnȩ o'ca'a ru̧hua̧mä̧ ja̧u̧ o'comenä ö̧'ä̧mä̧da̧ pä'ö hue'inätödo. Röji ru̧hua̧mä̧ röjinä ö̧'ä̧mä̧da̧ pä'ö hue'inätödo. José u̧bö̧o̧tö̧mä̧, ¿tta̧'a̧nö̧ pä'ö ja̧'hua̧nö̧ u̧huo̧jua̧'a̧huä̧jo? pä'ö amöcuädinätödo. ³⁴Ja̧'hua̧nö̧ ja̧'a̧ José chutä mesa isodättö ttu̧cuȩ iyä'chinödo. Ja̧'hua̧nö̧ ja̧'a̧nä̧ Benjamínrö korotöttö'inä abonänö rö̧ȩnä̧ u̧cuȩ iyinödo. Ja̧'hua̧nö̧ cuä̧nö̧'i̧nä̧ cuinätödo. Au'inä ahuinätödo. Cuä̧nö̧ eseäcuähuinätödo Josécu o'ca toi'önä.

¹Ja̧'hua̧nö̧ ja̧'a̧ Josémä do'ächi'ö Faraónrö pä'inö: Chä'o'inä, chu̧bö̧o̧tö̧'inä, ttä̧ji̧mö̧ päyunö kä̧tö̧'i̧nä̧, ttöäre o'cajuiyönäcu̧tä̧ Canaán rȩjȩra̧'a̧ttö̧mä̧ ichäjätö. Topittö, jahuätömä Gosén rȩjȩnä̧ ka̧cuä̧tö̧. ²Ja̧u̧mä̧ u̧bö̧o̧tö̧ttö̧mä̧ cinconö huotörötä o'ipächö Faraón ä'ca jo̧mȩcu̧ ȩpi̧nö̧.³Faraón ja̧u̧ u̧bö̧o̧tö̧rö̧mä̧ pä'inö: ¿Ucutumä däjettö cuaditähuätucumä? Jahuätömä faraónrö ädätömä pä'inätö̧: Cumöhuäyotömä ovejastö̧rö̧ tta̧'a̧rö̧ aditätö tö̧tä̧mö̧ mi̧nä̧ ji̧nö̧ta'anö. ⁴Ja̧'hua̧nö̧ ja̧'a̧ Faraónrö̧ pä'inä̧tö̧: Ujutumä̧ a̧'u̧cu̧nä̧ mo̧ro̧ jo̧mȩtä̧ pi̧jä̧ rȩjȩnä̧mä̧ tö̧jä̧cuo̧tö̧jä̧. Cumöhuäyotö ttä̧ji̧mö̧ ttucuä'cuamä juiya'a Canaán rȩjȩnä̧mä̧, juhua'amä ja̧huä̧jä̧ rȩjȩnä̧mä̧ rö̧ä̧nä̧ ppäi ttuhuähuä ka̧'a̧ttö̧, Ja̧'hua̧nö̧ ja̧'a̧ttö̧ cumöhuäyotörömä Gosén rȩjȩnä̧tö̧ tö̧ja̧cu̧nä̧ hue'itö."⁵Ja̧'hua̧nö̧ ja̧'a̧ Faraónmä Josécu ucuocumä pä'inö: Cuä'o'inä, cubö̧o̧tö̧'inä ucuru topö ichäjätö. ⁶Egipto rȩjȩmä̧ ucu cu̧mö̧nä̧tä̧ ka̧'a̧. Cuä'orö'inä, cu̧bö̧o̧tö̧rö̧'inä rȩjȩ a̧di̧huä̧jä̧ Gosén rȩjȩnä̧ ttö̧ja̧cua̧ hue'itö. Jahuätöttö yotuterö ajicuäcuähuotörö tta̧huä̧cuä̧huä̧ huo̧juä̧tö̧rö̧ cu̧'o̧cui̧'ö̧ttö̧mä̧, chä̧ji̧mö̧rö̧ tta̧ttä̧ra̧ hue'itö."⁷Ja̧'hua̧nö̧ ja̧'a̧ José jä'orö o'ipäji'ca̧, Faraónrö i̧jȩpi̧nö̧. Jacobmä Faraónrö adiunä ji̧ya̧rö̧ pä'ötä jȩpi̧nö̧. ⁸Faraónmä Jacobrö pä'inö: ¿Tta̧'a̧nö̧ rö̧ä̧nä̧ a̧'ȩ jo̧mȩnä̧ ku̧ju̧nä̧rä̧? ⁹Jacobmä Faraónrö ädätinö: 130 a̧'ȩ jo̧mȩnä̧ cue'ächö kä̧'i̧ju̧sä̧. Chö̧jö̧ a̧'ȩmä̧ a̧'u̧cu̧nä̧tä̧ jä̧'i̧ja̧'a̧ ja̧'hua̧ta̧'a̧nö̧ barautä jä̧'i̧ja̧'a̧. Chu̧tä̧ mö̧mi̧nä̧ recuo ttö̧ji̧nö̧'a̧nö̧ jo̧ca̧'a̧ ja̧'a̧." ¹⁰Ja̧'hua̧nö̧ ja̧'a̧ Jacobmä Faraónrö adiunä ji̧ya̧rö̧ pä'ipötä, juhuorömä rä'opächinö.¹¹Ja̧'hua̧nö̧ ja̧'a̧ Josémä jä'orö'inä, u̧bö̧o̧tö̧rö̧'inä ttö̧ja̧cuö̧mö̧nä̧ hue'inö. Ja̧u̧mä̧ Egipto rȩjȩ iyinö, juiyo adihuä̧jä̧ttö̧, Ransés i̧rȩjä̧ttö̧, Faraón hueäjita'anötä̧. ¹²Josémä jä'orö'inä ö̧bö̧o̧tö̧rö̧'inä ttu̧cuä̧mä̧ iyinö ja̧'hua̧ta̧'a̧nö̧ jä'o ahuaruhuärö'inä ttö̧ja̧ ttö̧'a̧cuä̧cho̧mȩ jo̧mȩ.¹³Ja̧'hua̧nö̧ ja̧'a̧ ja̧huä̧jä̧ rȩjȩnä̧mä̧ cuäcuähuämä juiyina'a; juhua'amä ppäi ttuhuähuämä rö̧ä̧nä̧ ja̧'a̧ttö̧. Egipto rȩjȩ'i̧nä̧ ja̧'hua̧t'a̧nö̧ Canaán rȩjȩ'i̧nä̧ rö̧ä̧nä̧ ppäitä 'chu̧huä̧ri̧na̧'a̧. ¹⁴Josémä pärätä o'cajuiyötä Egipto rȩjȩ ttö̧ja̧ ttöäremä ca̧ca̧tö̧ icuinö ja̧'hua̧ta̧'a̧nö̧ Canaán ttö̧ja̧ ttöäre pärätä'inä, ttö̧ja̧rö̧ u̧huä̧ju̧ ote iyömä. Ja̧'hua̧nö̧ ja̧'a̧ José ja̧u̧ pärätämä Faraón ö̧jo̧de ruhuodecu 'icächinö.¹⁵Egipto ttö̧ja̧'i̧nä̧ Canaán ttö̧ja̧'i̧nä̧ o'cato'inä ttöäre pärätä be'epäjipu'icuinä̧ttö̧, ja̧'hua̧nö̧ jä̧u̧ ichinättö̧ José pättä pä'ö: "Tu̧cuä̧ iyitö ¿Tocu pä'ö 'coru juotacha'anö jä̧ttö̧ ucu cuä'ca jo̧mȩttö̧mä̧ töäre pärätä beipächaja'attö ta̧ji̧?" ¹⁶José ädätinö: " Cuiäretucu pärätä beipächäjittömä, i'cächätucui cuä̧ji̧mu̧ pä̧cä̧yö̧rö̧tä̧ ja̧'hua̧nö̧ jo̧mȩnä̧mä̧ ttötä chiyäcuotöjä cu̧cuä̧tu̧cu̧mä̧ jahuätö päcäyö̧ ttimicuä." ¹⁷Ja̧'hua̧nö̧ ja̧'a̧ttö̧ ttäjimu päcä̧yö̧rö̧ i'cächinättö̧ Josérö ttiya pä'ö. José ttu̧cuä̧ i̧yi̧nö̧ jahuätörö ttä̧ji̧mu̧ cabayu̧tu̧'i̧nä̧, ovejattö̧'i̧nä̧, burrottö'inä ttimicuä, Ja̧u̧mä̧ jahuätö ttu̧cuä̧ cuäjetinö ja̧u̧ duhuonämä ttäji̧mu̧ ttimicuä.¹⁸Ja̧u̧ duo beipächomenä, jahuätömä pä̧'ä̧ji̧ta̧'a̧nö̧ ichinä̧ttö̧ ja̧u̧ ö̧jo̧mȩcu̧ ja̧'hua̧nö̧ ja̧'a̧tö̧ ja̧u̧ru̧ pä'inättö: "Chu̧ru̧hua̧ ucurumä tödajahua pä'ömä juiätöjä töäre pärätä beipächäja'anä, ja̧'hua̧ta̧nö̧ tä̧ji̧mu̧ ovejatö̧'i̧nä̧ päcäyö̧'i̧nä̧ ucutä cuä̧ji̧mu̧ ja̧'a̧ chu̧ru̧hua̧. Tä'cö juiya'a ucu cuä'catömä chu̧ru̧hua̧, ja̧'hua̧nö̧ ja̧'a̧nä̧ ji̧yȩtȩ ki̧'i̧pa̧'a̧ ujutu tidepä'inä ja̧'hua̧ta̧nö̧ ti̧rȩjä̧'i̧nä̧. ¹⁹¿Tocu pä'ö ja̧'a̧tä̧ tocu'ätö ujuturumä 'corujuotächa'anä ti̧rejä'inämä? Ujuturu mitö ȩmi̧ ja̧'hua̧ta̧'a̧nö̧ ti̧rȩjä̧'i̧nä̧ tu̧cuä̧tä̧ cuiyatö, ujutu'inä ja̧'hua̧ta̧'a̧nö̧ ti̧rȩjä̧'i̧nä̧mä̧ Faraón huea'anätä tö̧jo̧cuä̧cuo̧tö̧jä̧. Iyittö u̧huä̧ju̧tä ta̧'cua̧rä̧cua̧'a̧nö̧ 'corujuotächa'acu, ja̧'hua̧'a̧nö̧tä̧ rȩjȩ'i̧nä̧ toächome kö̧ juiyäcua'anö."²⁰Ja̧'hua̧nö̧ ja̧'a̧ttö̧ Josemä Egipto rȩjȩ o'cajuiyönä mitö ȩmi̧nö̧ Faraón i̧rȩjä̧ päi'önä. Egipto ttö̧ja̧mä̧ o'catoi'önätä tti̧rȩjä̧ ttiyä'cha'attö, rö̧'ä̧nä̧ ppäi rä̧bȩhua̧'a̧ttö̧, ja̧'hua̧nö̧tä̧, tti̧rȩji̧yä̧mä̧ Faraón i̧rȩjö̧ päi'önätä jina'a. ²¹Ja̧'hua̧nö̧ ja̧'a̧nä̧ ttö̧ja̧rö̧mä̧, iäre adicuä isotö päi'önätä̧ jȩpi̧nö̧ Egipto beipomettö̧ kä̧mä̧dö̧ pä̧tȩcuä̧jä̧bu beipunä. ²²Ja̧'hua̧nö̧ ja̧'a̧nä̧ sacerdote huotö ti̧rȩjä̧ jo̧mȩtä̧ mitö ȩmo̧cö̧ pinö Josemä, jua'amä sacerdote huotömä ttu̧cuä̧ ji̧'chi̧cha̧nö̧ ttȩma̧'a̧ttö̧. Ja'huätömä Faraón iya'a cuinätö. Ja̧'hua̧nö̧ ja̧'a̧ttö̧, tti̧rȩjä̧mä̧ iyocotö pinätö̧.²³Ja̧'hua̧nö̧ ja̧'a̧ttö̧ Josemä ji'ähuinö ttö̧ja̧rö̧: "Topätucui, jitä mo̧ro̧mä ucututtumä ȩmä̧ji̧sä̧ cui̧rȩjä̧tu̧cu̧ Faraón i̧rȩjä̧ päi'önä. Jitämä chi̧yä̧u̧jä̧ u̧huä̧ju̧ ote ucututä cu̧ju̧nä̧tu̧cua̧ pä'ö ja̧'huä̧jä̧ rȩjȩnä̧. ²⁴U̧huä̧ju̧ 'tocuätucuomenämä ju'tomä cuiyäcuotöjä Faraónrö̧, koro ju'tomä ucututä cuȩmä̧cuo̧tö̧jä̧, u̧huä̧ju̧ pä'äjita'anö cu̧ju̧nä̧tu̧cua̧ pä'ö ja̧'hua̧ta̧'a̧nö̧ cuojusodettö cui̧tti̧mu̧cu̧ cucuätucua pä'ö.²⁵Jahuätö päinätö̧: ujuturu ppäcuäda ja̧'a̧ttö̧. ucú päcuomenätä̧. Tö̧jä̧cuo̧tö̧jä̧ Faraón umuhuäyotötä. ²⁶Ja̧'hua̧nö̧ ja̧'a̧ttö̧ josé huȩyu̧tö̧ rötinö huea pe'ö, ji̧nä̧ siähuächoca'a Egipto rȩjȩnä̧ huȩyu̧tu̧ utinömä jitä moró̧bu, ttäditähuättö ji̧mu̧tȩ jähuä 'torähuättömä yaute rijijähuätä ru̧hua̧ Faraónrö̧ iyinättö̧. Ucuotinö Faraónmä sacerdote tti̧rȩjä̧tä̧.²⁷Israel Egipto rȩjȩttö̧mä ki̧nö̧́ Gosén micuome, juȩnȩ kä̧cui̧nä̧tö̧ ahuaruhuä'inä. jahuätö ri̧ȩnä̧ yoähuinätö̧ . ²⁸Jacob Egipto rȩjȩnä̧ diecisiete a̧'ȩ jo̧mȩtä̧ ki̧nö̧. Ja̧'hua̧nö̧ ja̧'a̧nä̧ Jacobmä ciento cuarenta y siete a̧'ȩ jo̧mȩnä̧ ki̧nö̧ o'ca juiyönämä.²⁹Israelmä täcö 'corupäi'ome tö'cöhuächi'äcu, i̧tti̧ Josérö ä̧tȩpi̧nö̧do. Pä'inödo: ―Ttörö re rö̧jö̧nä̧ tocu'uttumä, chöja dea'a cu̧mö̧ ppäcuepo'attöja. Ja̧'hua̧nö̧ jȩcu̧'o̧mȩnä̧tä̧ chu̧huo̧juä̧cua̧sä̧ iso päi'önä pädäjimä jȩpö̧ pä'ö. 'Corupädi'omenä, Egipto rȩjȩnä̧mä̧ 'turu cuicuättö. ³⁰Egipto rȩjȩttö̧mä̧ cho'co jähuä cuȩpa̧ja̧ chä̧do̧tö̧mi̧nä̧rö̧ 'turu tticuinomecu, jahuätöcu ppeyänä 'turu cuicuattö pä'ö. Ja̧'hua̧nö̧ ja̧'a̧ José pä'inödo: ―Ye. Ucu päcuhuäji ta'anö jȩchä̧cua̧sä̧. ³¹Jinä̧ adicuoca.

¹Pi̧yȩ jä̧ji̧ o'ca'a ji̧yȩtȩ 'cuäopina'a, ya̧tȩ ji'ähuinö Josérö, Topittö, cuä'omä na'achö̧, pä'ö." Ja̧'hua̧nö̧ ä̧ju̧cu̧ ja̧u̧mä̧ i̧tti̧mö̧ ta̧ju̧rö̧; Efraínrö'inä, Manasésrö'inä o'ipächinö. ²Jacobrö ji'ähuinä̧tö̧: Topittö, cui̧tti̧ Josémä ucuru topö ichäji," Israel ujuru ȩmo̧po̧'ö̧, ä̧'ä̧huä̧ma̧nä̧ pä̧mä̧di̧nö̧.³Jacobmä Josérö pä'inö: Dios o'cajuiyönä ju̧ru̧hua̧mä̧ Luz pä'ö micuomȩ Canaán rȩjȩttö̧ i̧jȩcui̧nä̧cu̧sä̧. Ja̧u̧mä̧ Ttörö adiunä ji̧ya̧rö̧ pä'ötä iyinö, ⁴ja̧'hua̧ta̧'a̧nö̧ ja̧u̧mä̧ pä'inö: Ttömä ucuru cui̧tti̧mö̧rö̧ yabonö recuätö yottähuächönä jȩchä̧cua̧jä̧, Ttömä ucuttömä ttö̧ja̧ recuätö ttö̧ja̧ ttirecuächönä jȩchä̧cua̧sä̧. Ttömä pi̧jä̧ rȩjȩmä̧ cui̧tti̧mö̧ tti̧rȩjä̧ päi'önä chi̧yä̧cua̧sä̧ 'cuäopönä tti̧rȩjä̧ jö̧nä̧tä̧.⁵Ja̧'hua̧nö̧ ja̧'a̧ttö̧ ucu cui̧tti̧mö̧ ta̧ju̧, Egipto rȩjȩttö̧ ttö Egiptära̧'a̧ chichäcua'a ä'canä uhuäpächinä̧tö̧mä̧ ttötä chi̧tti̧mä̧ ja̧'a̧. Efráin'inä, Manasés'inä ttötä chi̧tti̧ ja̧'a̧, Ruben jö̧ta'anö juhua'atäcu Simeón jö̧ta'anö. ⁶Jahuätö tto'comenä ichätötä jä̧cua̧'a̧ cui̧tti̧mö̧ ttäcuotömä; jahuätömä tti̧rȩjä̧mä̧ ttu̧bö̧o̧tö̧ tti̧mi̧nä̧tä̧ iyähuäcuotö. ⁷Ja̧'hua̧nö̧ ja̧'a̧nä̧ ttömä, Padánttö chichomenä, ttörö barahuinö̧mä̧, Canaán rȩjȩ mänättö̧ Raquelmä 'corujuo'ächinju̧, ji̧nä̧ Efratara̧'a̧ tti̧rȩbȩhui̧a̧'a̧ pä'ömä ji̧nä̧ otottö. Ttömä ju̧huȩnȩtä̧ Efrata mä̧nä̧ jäyä rȩ'ä̧dö̧ chicuinä̧cua̧." (Ju̧huȩnȩmä̧ Belén ja̧'a̧).⁸Israel José i̧tti̧mö̧rö̧ topömä, ja̧u̧rö̧ pä'inö: ¿Pitö titö juo'otöttö? ⁹Josémä jä'orö pä'inö: Jahuätömä ttö chi̧tti̧mö̧, Dios porö iyinä̧u̧. "Israelmä pä'inö: Pocu jahuätörö i'cächipi, ttö adiunä jö̧ chiyatö." ¹⁰Ja̧'hua̧nö̧ ja̧'a̧ Israel i'äriyämä toö juiyönä pä̧i̧pä̧ri̧nä̧cu̧ bö̧o̧sa̧ juoächa'amä, ja̧'hua̧nö̧ toö juiyönä ji̧nä̧cu̧. Ja̧'hua̧nö̧ ji̧yä̧cu̧ José tö'cönä̧nö̧ i'cächi pinö, ja̧'hua̧nö̧ ja̧'a̧ jahuätörö 'chu̧'o̧pö̧mä̧ huahuädi'inä̧u̧.¹¹Israelmä̧ Josérö pä'inö̧: Ttömä̧ yorö'iso ucu cui'ämä̧ pä'äjita'anömä̧ topöcösä̧cö̧ pä'ä'ijösä, ja̧'hua̧nö̧ ja̧'hua̧nö̧ ja̧'a̧nä̧ Diosmä̧ cui̧tti̧mö̧rö̧'inä tochönä̧ jȩi̧nä̧cu̧sä̧. ¹²Josémä̧ ppo̧'ä̧tö̧rö̧ Israel ihue'quiyu 'cä̧tȩ jo̧mȩttö̧ ȩmo̧po̧'i̧nö̧ ja̧'hua̧nö̧ jȩpö̧ ja̧u̧mä̧ i'ämä rȩjȩ jubö meä̧huä̧chö̧nä̧ ja̧rȩyu̧ pä'i'inö̧. ¹³Josémä̧ ta̧ju̧cuäyotörö ȩmo̧po̧'ö̧, Efraín umö̧ u̧huo̧jua̧'a̧cu̧nä̧ ja̧'a̧nä̧, Israeltä u'ohucunä̧ ji̧na̧'a̧, ja̧'hua̧ta̧'a̧nö̧ Manasémä̧ u'ohuecu ja̧'a̧nä̧ Israeltä u̧huo̧jua̧'a̧cu̧nä̧ ji̧na̧'a̧, ja̧'hua̧nö̧ ja̧'a̧ jahuätörömä̧ ja̧u̧ ö̧jo̧me tö'cöcu ȩpi̧nä̧u̧.¹⁴Israelmä̧ u̧huo̧jua̧'a̧cu̧nä̧ i̧sä̧mö̧ te'ädinö̧ ja̧'hua̧nö̧ jȩpö̧ Efraín unä mȩ'inö̧ ö̧jä̧hua̧rö̧ ja̧'a̧nä̧, ja̧'hua̧ta̧'a̧nö̧ umö̧ u'ohuecunä̧mä̧ Manasés unä mȩ'i̧nö̧. Ja̧u̧mä̧ u̧mö̧pi̧yä̧ bi'cätö mȩ'i̧nö̧, Manasésmä̧ ä̧cuo̧menä̧ i̧sa̧rö̧ ji̧yä̧cu̧. ¹⁵Israelmä̧ Josérö adiunä̧ jö̧ iyö kä̧nö̧mä̧ pä'inö̧: Chä̧do̧ minä̧ Abraham'inä̧, chä'o minä̧ Isaac'inä̧ ä'ca jo̧mȩnä̧ cuettächinä̧cu̧ Diomä̧, ja̧u̧ Diostä ja̧'a̧ jitä mo̧ro̧ jubö päi'önä̧ ttörö to̧pä̧rö̧ tta̧'a̧rä̧'i̧jö̧mä̧. ¹⁶Ángel ttörö surjuoepa päö surojueö juiyönä̧ tta̧'a̧rä̧'i̧jö̧mä̧, ja̧u̧tä̧ adiunä̧ jö̧ iyätö pitö ppo̧'ä̧tö̧rö̧mä̧. Chimimä̧ jahuätönä̧'inä̧ ttunuchi'ö juiyajä̧ ja̧'hua̧ta̧'a̧nö̧ chä̧do̧ minä̧ Abraham imi'inä̧, chä'o minä̧ Isaac imi'inä̧. Jahuätömä̧ pi̧jä̧ttö̧mä̧ recuätö juottächönä̧ yottähui'a pä'ö ja̧'a̧.¹⁷José ö'cö juiyönä topinö jä'o u̧huä̧jua̧'a̧nä u̧mu̧nä̧ Efraín ú juttä mȩa̧'a̧ to'omenä, ja̧u̧mä̧ jä'o u̧mu̧ 'chu'ädö pporädinö Efraín uttu Manasés unä u̧huä̧nä̧ pä'ö. ¹⁸Josemä pä'inö jä'orö: "Chä'o ja̧hua̧nö̧mä̧cö; Pide ja̧'a̧ ä̧cuo̧mȩnä̧ cui̧tti̧mä̧. Cu̧mu̧ cu̧huo̧jua̧'a̧nä̧ i̧sä̧mu̧ piderö mȩ'i̧."¹⁹Ja̧'hua̧nö̧ä̧ ja̧'a̧nä̧ jä'omä kö'cö jui'ö pa'inö: "Ttömä huo̧hua̧sä̧, chi̧tti̧, huo̧jua̧sä̧. Ja̧u̧'i̧nä̧ ahuartuhuä ttirecuächönä ö̧jä̧cua̧, ja̧u̧'i̧nä̧ ucuounä ä̧jä̧cua̧. Ja̧'hua̧nö̧ ja̧'a̧nä̧, cui̧jä̧hua̧mä̧ ja̧u̧ttu̧'i̧nä̧ abonänö ucuounä ö̧jä̧cua̧, Ja̧'hua̧nö̧ ja̧'a̧ttö̧ ahuaruhuä o'cotömä pi̧jä̧ o'cajuiyönä yottähuächäcuotö." ²⁰Ja̧u̧nu̧ mo̧ro̧tä̧ Israél jahuätörö adiunä ja̧ pä'ö ucuocuinö pa̧'a̧nö̧ pä'ö: "Israél ttö̧ja̧mä̧ ucutu cuimitu̧cu̧nä̧ adihua pä'ö pa̧'a̧nö̧ pättäcuotö: Diostä jȩä̧cua̧ Efraínrö̧'i̧nä̧ ja̧'hua̧ta̧'a̧nö̧ Manasérö jȩi̧nö̧ta̧'a̧nö̧." Pa̧'a̧nö̧tä̧ pa'inö, Israélmä Efraínrö̧mä̧ Manasés ä'cattömä.²¹Israél pä'inö Josérö: "Topí, ttömä tä'cö 'corujuodächa'anötä̧ ja̧'a̧, ja̧'hua̧nö̧ ja̧'a̧nä̧ Diosmä ucutucu ö̧jä̧cua̧, Ja̧'hua̧ta̧'a̧nö̧ pä'äjita'anö cuä̧'o̧tu̧cu̧ tti̧rȩjä̧ ra̧'a̧cu̧ i'chächäcuotöjä. ²²Ucuru'inä, cuahuaruhuättö'inä abonänö chiyäcujä, chiyäcujä muä'quiyu de'a jo̧mȩ amorreorö chucurä'chunä ja̧'hua̧ta̧'a̧nö̧ chu'popobunä rohuäu 'chodipinome."

¹Ja̧'hua̧nö̧ ja̧'a̧ Jacob i̧tti̧mu̧rö̧ huopö pä'inö: Ji̧nä̧ yo̧mȩtȩ pä'i'ätucui, ja̧'hua̧nö̧tä̧ ji̧dä̧huä̧ju̧jä̧ ucuturu yodoji 'cuä̧o̧pä̧cuä̧. ²Ji̧nä̧ yo̧mȩtȩ pä'i'ö ä̧ju̧cuä̧tu̧cui̧, Jacob i̧tti̧mö̧. Ä̧ju̧cuä̧tu̧cui̧ Israélrö, cuä'otucuru.³⁴Rubén, ucutä ja̧'a̧ ä̧cuo̧mȩnä̧ chi̧tti̧mä̧, chujurumä, muä̧ya̧ kä̧nö̧ chujuruhuäi chi̧tti̧mä̧, ucutä ja̧'a̧ korotöttö'inä yabonänä ucuotäcuähua ja̧'hua̧ta̧'nö̧ cujuru'inä ku̧nä̧rö̧mä̧. Aje pä̧i̧cu̧nä̧ döome ttottepapä'o jȩttä̧'i̧nö̧'a̧nö̧ hua̧jä̧, cui̧jä̧hua̧tö̧ttö̧'i̧nä̧ ttubuo jö̧nä̧mä̧ cu̧ji̧yä̧cua̧jä̧, jua'amä cuä'o ä'omä 'chacuächäja̧'a̧ttö̧. Cucuotoca'a: Ttö chä'ome do'ächäjijä.⁵Simeón'inä, Leví'inämä ji̧nä̧ yotöte isotö ja̧'a̧. Ttucuräcuähuänämä 'cui'ö icu cuä'äu tticua pä'ötä huotö. ⁶Sottö̧ cha̧'cua̧ruhue, jahuätö ro̧'ȩpö̧ jittäunämä ja̧'hua̧ta̧'a̧nö̧ ca̧ca̧cu̧ ttö̧'ȩjo̧mȩmä̧ doächö juiyajá, isopäi'önä chami iso'quimä ja̧u̧ tö'cömä rö̧ä̧nä̧ ucuotäcuähuä ka̧'a̧, Jahuätö ttö̧'ä̧i̧nä̧mä̧ ttö̧ja̧rö̧ cuä'äu icuinä̧tö̧. Rö̧ä̧nä̧ eseu pä̧cä̧yu̧rö̧ 'cui'ö icuinä̧tö̧.⁷Ttamisurumä surojuoepötä ja̧'a̧, jahuätömä pä̧i̧cuä̧tö̧ jo̧mȩttö̧, rö̧ä̧nä̧ suronä jȩttö̧mä̧ juhua'amä usurä isotö juottönä jȩpä̧tö̧ jo̧mȩttö̧. Jacobrömä 'cä̧'ȩpö̧ chi̧cuä̧cua̧sä̧, ja̧'hua̧nö̧ jȩpö̧ Israelnä pperetö chicuäcuotö.⁸Judá ahuaruhuäcumä̧ eseu ra̧ttä̧cua̧jä̧. Ucu cumömä̧ cuaboiyotö ttu̧ru̧pä̧'quȩnä̧ cu̧huȩnä̧rä̧cua̧jä̧. Cuä'o i̧tti̧mö̧mä̧ ucu cuä'ca jo̧mȩ ttihue'quiyunä̧ kä̧mä̧dö̧ ja̧rȩyu̧ pätti'äcuotö.⁹Judámä̧ mö yähui i̧tti̧ ja̧'a̧. Chi̧tti̧, cu̧'o̧ya̧rö̧mä̧ cuänö̧ cä'ädö 'cha'achäjijä̧. Ja̧u̧mä̧ jareyu pä'i'ö, beberunö pä̧mä̧dö̧ mö yähui jä̧'i̧nö̧'a̧nö̧, mö yähui isaju jä̧'i̧nö̧'a̧nö̧. ¿Dijä̧ttö̧ ja̧u̧ru̧ ö'oräda'anö̧ hua̧mä̧?¹⁰Ruhuo hue'ö ötta'camä̧ Judáttömä̧ 'cä̧ípä̧cho̧ca̧'a̧ jä̧cua̧'a̧, ttö̧ja̧ ttu̧ru̧hua̧ ötta'ca'inä ttö̧jä̧pö̧ 'cä̧tȩttö̧mä̧ räopoca'a jä̧cua̧'a̧, Siloh ichome jubö päi'önä̧. Ttö̧ja̧mä̧ ja̧u̧ru̧ ttucuotäcuotö.¹¹Uva daunä̧ äji bö̧rö̧ba̧rö̧ ti̧'ä̧dö̧ ku̧nu̧mä̧ ja̧'hua̧ta̧'a̧nö̧ bö̧rö̧ba̧ acu ttahuähuächäcurumä̧ uva dau pojopö ku̧nä̧huäinä̧, ja̧u̧ ö̧'ca̧tä̧huä̧ti̧yu̧mä̧ vino isoyanä̧ ö̧tö̧cä̧cua̧ juhua'atäcu ö'catähuä'pimä̧ uva ucuojanä̧. ¹²Iäremä̧ rö̧ä̧nä̧ i̧di̧cuä̧cua̧ vino isoya 'cua̧rö̧nä̧, ja̧'hua̧ta̧'a̧nö̧ acumä̧ rö̧ä̧nä̧ tȩä̧cua̧ atateja 'cua̧ru̧nä̧.¹³Zabulón ucumä cu̧jä̧cua̧jä̧ dä'ähuäptä jäyototä, Juȩnȩmä̧ huoi'quiyu bäreu rä̧mä̧dä̧cuo̧mȩ, ja̧'hua̧ta̧'a̧nö̧ tti̧rȩjä̧ beipomemä Sidónbu jä̧cua̧'a̧.¹⁴Isacar ahuaruhuämä amäcöjueitä ttaditäcuotö burro 'cua̧rö̧nä̧, Ja̧'a̧tä̧ra̧'a̧ isotö ttä'ocanä'inä ä'ecu ko̧cuä̧tö̧. ¹⁵'Cuä'ächö ö̧'a̧ pä'ömä rȩjȩta̧'i̧nä̧ adihuäcu. Amäcö juei'inä cä'epö huä̧nä̧u̧ ȩpö̧ ja̧'hua̧nö̧tä̧ korotö huetta'anä̧tä̧ aditö ö̧jä̧cua̧.¹⁶Dantä̧ ruhuo huȩä̧cua̧ ahuaruhärö israél ttö̧ja̧sa̧ ja̧'a̧ttö̧. ¹⁷Dan jä̧cua̧'a̧ mä̧nä̧nä̧ äca ö̧'a̧'a̧ jä̧'i̧nö̧'a̧nö̧ ö̧'ä̧cua̧mä̧, äca u̧mä̧nȩhuä̧ ni̧'a̧ cameyu̧tu̧ ttö̧'a̧juȩnä̧ yö̧ä̧cua̧, ja̧u̧ u̧huä̧mȩ huö̧mä̧ aboja̧'a̧cu̧ ppoächönä. ¹⁸Ttömä tta̧'a̧rö̧sä̧ ppäcuädattö pä'ö, CHÖ̧Ä̧NÄ̧HUA̧.¹⁹Gad'römä, nä̧u̧cuä̧rä̧cuä̧huä̧ isotö 'chuttä̧dä̧cua̧, ja̧'hua̧nö̧ ja̧'a̧nä̧ ja̧u̧mä̧ örohuphuä̧cua̧ röjinä rö̧jä̧tu̧cu̧. ²⁰Aser u̧cuä̧mä̧ juiyo nö̧ä̧cua̧'a̧, ja̧'hua̧nö̧mja̧'a̧ttö̧ ruhuotö ttucunä'inäp i̧yä̧cua̧. ²¹Naftalí ahuaruä o'cotömä pä̧huä̧rö̧jö̧'a̧nö̧ yä̧mä̧ isaju kö̧jaa̧'a̧ jä̧'i̧nö̧'a̧nö̧ ko̧cuä̧tö̧, ja̧u̧mä̧ ku̧nä̧rö̧ adihuätö yä̧mä̧ i̧tti̧mu̧rö̧ u̧ju̧nä̧rä̧'i̧nö̧ a̧nö̧ ku̧nä̧rö̧.²²Josemä dau ä̧na̧juȩ u̧huä̧ju̧ huȩja̧i jä̧'i̧nö̧'a̧nö̧ hua̧, ä̧na̧juä̧ rö̧'ä̧nä̧ juȩja̧juȩ aje jäyoto käittö, ä̧na̧jui̧yä̧ ttoecuäbä huä̧mȩnä̧nö̧ päi'önä käi. ²³'po'obunä rohuähuäto'inä tti̧chä̧cua̧ ja̧'hua̧ta̧'a̧nö̧ 'po'äu'inä 'po̧ttä̧huä̧cua̧ ja̧'hua̧ta̧'a̧nö̧ ru̧'huä̧rö̧'i̧nä̧ ru̧ttä̧ra̧cua̧.²⁴Ja̧'hua̧nö̧ ja̧'a̧nä̧ chutä u'popobumä jueönätä̧ u̧ju̧nä̧rä̧cua̧, ja̧'hua̧nö̧ ja̧'a̧nä̧ cu̧mu̧nä̧mä̧ 'cuä'ächi'o'inä 'cuäcuächi'ä Jacob u̧mu̧nä̧ ujuruhuinö'anö juruhui, adihua'a ovejatö̧ro̧ tta̧huä̧rä̧cuä̧huä̧ i̧sa̧rö̧tä̧, Israél ttö̧ja̧rö̧ inähua tto̧ȩpä̧ra̧'a̧ jä̧'i̧nö̧'a̧nö̧ ttä̧'ȩpä̧rö̧'²⁵Ucu cuä'o Diostä ppä̧dä̧cua̧jä̧. Ja̧'hua̧ta̧'a̧nö̧ o'cajuiyönä ju̧ru̧hua̧tä̧ re'topu ppä̧dä̧cua̧jä̧ mo̧ro̧jä̧ ju'toju jähuänä, ppä̧dä̧cua̧jä̧ pi̧jä̧ dea'a ko̧cu̧nä̧'i̧nä̧, ppä̧dä̧cua̧jä̧ ttamucanä jahuänä'inä ja̧hua̧ta̧'a̧nö̧ tti̧rȩba̧ jome'inä.²⁶Cuä'o ucuru ppädömä juiyo rö̧a̧'a̧tó täbo muäkiyutu'inä korojuä'ittö'inä,täbo'cö meje'ca po̧ri̧yä̧ttä jö̧ttö̧'i̧nä̧ abonänö. Ja̧u̧mä̧ ka̧cua̧cua̧ pä̧'ö̧ ja̧'a̧ José ú juttä, ja̧hua̧nö̧ ja̧'a̧nä̧'i̧nä̧ cui̧jä̧cua̧ ru̧hua̧ i̧tti̧ ú juttä'inä.²⁷Benjamínmä̧ böo ähuiri ppä̧i̧cua̧ ja̧'a̧. Mo̧ro̧ päia'amä̧ idepä ucui'äcua̧, ja̧'hua̧ta̧'a̧nö̧ nipä̧ro̧mȩmä̧ rohuäu 'choipäji iyä'chu i̧cuä̧cua̧.²⁸Pitö ja̧'a̧ Israel i̧tti̧ doce huinä̧tö̧mä̧. Pa̧'a̧nö̧tä̧ päinä̧u̧ ttä'omä̧ adiunä̧ jö̧ iyö kä̧nö̧mä̧, yotucunä̧rö̧ adiunä̧ jö̧mä̧ ²⁹iyä'chinö̧ adiunä̧ ppädö'anö̧ jö̧mä̧. Ja̧'hua̧nö̧ ja̧'a̧ jȩttä̧cuä̧ ji'äumä̧ pä̧i̧nä̧u̧: A̧'u̧cua̧'a̧tä̧ jö̧ o'ca'a chahuaruhuä ttö̧ja̧cua̧'a̧ chi̧'chä̧cua̧sä̧. Chä̧do̧tö̧ minä̧ ttö̧'ȩjo̧metä̧ rȩä̧dö̧ cuicuätucuattojä̧ ³⁰idorä hit ttö̧ja̧sa̧ ö'ättanä̧ koränätä̧. Idorä macpela meje'canä̧ koränä̧tä̧, mamrettö̧mä̧ tö'cönä̧nö̧, canaán rȩjȩnä̧, Abraham i̧rȩjä̧nä̧ hit ttö̧ja̧sa̧ Efrónttö̧ eminome hua'are 'turähuome jö̧nä̧.³¹Ju̧huȩnȩtä̧ Abraham minä̧rö̧'inä, irecua Sara minä̧rö̧'inä̧, Isaac minä̧rö̧'inä, irecua Rebeca minä̧rö̧'inä ja̧'hua̧ta̧'a̧nö̧ Lea minärö̧'inä ju̧huȩnȩtä̧ rȩä̧dö̧ icuinö̧sä̧. ³²De'a ja̧'hua̧ta̧'a̧nö̧ idorä'inä ro̧mȩ het ttö̧ja̧ttö̧ emä̧huo̧mȩ." ³³Jacobmä i̧tti̧mö̧rö̧ röji i̧huȩnȩ ucuocu rö̧ni̧pö̧, ö̧jä̧pi̧yä̧ camanä cä'epö huä̧nö̧ pä̧mä̧dö̧, ami yuppa täcö röjitä 'chahuäda'attö 'corupä'i'inödo.

¹Ja̧'hua̧nö̧ ja̧'a̧ Josémä jä'orö hua'adiö ajuäunu 'chuo̧pi̧nö̧. ²Ja̧u̧nu̧ o'ca'a Josémä u̧mu̧huäyoto jahuapu ruhuärö hueinö jä'orö tuttepa pä'ö a̧mȩu̧ juiyönä. ³Jahuätömä cuarentanö mo̧ro̧ jo̧mȩ aditinätö̧, ja̧'hua̧nö̧ mo̧ro̧ jo̧mȩnä̧ pättecuächa'attö 'corujuoächätörö isähua tuecuämä. Egipto ttö̧ja̧mä̧ ja̧u̧ru̧ ajuähuinättö̧ setentanö mo̧ro̧ jo̧mȩ.⁴⁵⁶Ttajahuäji mo̧ro̧ beipächomȩnä̧, Josémä Faraón umuhuäyotö su̧ru̧da̧u̧ tturuhuotucu ucuocuinö pa̧'a̧nö̧ pä'ö: Jitä ucutunä po̧cui̧pu̧sä̧ retopu ppädäcuäcuä ja̧'hua̧nö̧ ja̧'a̧ttö̧ ppä'ädätucuittö ucuocu Faraónrö̧: Ttö chä'omä a̧ jȩchä̧cua̧sä̧ pädönä pä'inäcu̧sä̧: "Topittö, tä'cö 'corujuoächösä. Ja̧'hua̧nö̧ ja̧'a̧ttö̧ ttötä sadinä̧junä rȩä̧dö̧ cuicuattö̧ja̧ Canaán rȩjȩra̧'a̧tä̧. Juȩnȩtä̧ rȩä̧dö̧ cuicuätucuättö̧ja̧," Jitämä, ja̧'a̧tä̧ topätucuittö chä'orä rȩä̧dö̧ 'chi̧cha̧'a̧nä̧, ja̧u̧nu̧ o'ca'atä ppa̧dä̧chä̧cua̧sä̧." Faraón ädätinö: "Tä'i cuä'orö rȩä̧dä̧ji̧, ucuru jȩcu̧'a̧ pä'ö hueinö ta'anö."⁷Josemä 'chi̧nö̧ jä'orö rȩä̧dö̧ icua pä'ö. O'catoi'önä su̧ro̧do̧u̧ faraón u̧mu̧huä̧yo̧tö̧'i̧nä̧ ja̧u̧cu̧ 'chi̧nä̧tö̧, Ru̧hua̧rö̧ isodettöä tta̧'a̧rä̧tö̧'i̧nä̧, o'catoi'önä su̧ro̧do̧u̧ Egipto rȩjȩnä̧ ko̧cuä̧tö̧'i̧nä̧, ⁸o'catoi'önä José ojusodenä ko̧cuä̧tö̧'i̧nä̧ i̧jä̧hua̧'i̧nä̧, ja̧'hua̧ta̧'a̧nö̧ jä'o ojusodenä ko̧cuä̧tö̧'i̧nä̧. Ja̧'hua̧nö̧ ja̧'a̧nä̧ tti̧tti̧mu̧mä̧, ttäji oveja̧tö̧'i̧nä̧ ttä̧ji̧ pä̧cä̧yö̧'i̧nä̧ ko̧cui̧pi̧nä̧tö̧ Gosén rȩjȩnä̧tä̧. ⁹Carukiyä ja̧hua̧ta̧'a̧nö̧ cabayu̧tu̧nä̧ hu̧jä̧tö̧'i̧nä̧ ja̧u̧cu̧ 'chinätö. Juiyó recuinätö ttö̧ja̧mä̧.¹⁰Jordán aje pä̧tȩcuä̧nö̧ trillar de Atad rȩjȩnä̧ ttö̧rä̧bȩhuo̧mȩnä̧, jahuätömä rö̧'ä̧nä̧ tta̧'cua̧ tta̧'ȩcu̧ pä̧i̧cu̧nä̧ ajuähuinätö. Juorömä ji̧mu̧tȩ ta'arenö mo̧ro̧ jo̧mȩnä a̧'cua̧ ttä̧'ȩcui̧nö̧ Josemä jä'o korujuoächäja'amä. ¹¹Ja̧huä̧jä̧ rȩjȩnä̧ ko̧cuä̧tö̧mä̧, canan ttö̧ja̧mä̧, topinätö tta̧ö̧'cua̧ tta̧ttȩcu̧mä̧ Atad rȩjȩttö̧, ja'huätö pä'inätö: "Pi̧yȩ pä̧nä̧mä̧ Egipto ttö̧ja̧ rö̧ä̧nä̧ tta̧'cua̧ tta̧tȩcu̧ mo̧ro̧ ja̧'a̧." ja̧'hua̧nö̧ä̧ ja̧'a̧ttö̧ juȩnȩmä̧ ottinome Abel Mizraim pä'ö, juȩnȩmä̧ ki̧'i̧pa̧'a̧ Jordán aje yabonä.¹²Jacob i̧tti̧mö̧'cotö ttä'omi̧nä̧ hueipinö ta'anö jȩpi̧nä̧tö̧do. ¹³Canaán rȩjȩra̧'a̧cu̧ o'co jähuä ȩpi̧nä̧tö̧do. Ihueye 'turu icuähuome päi'önä Abrahamminä Efrón hitita ttö̧ja̧ i̧sa̧ttö̧ imitinä̧jä̧nä̧, ju̧huȩnȩtä̧ rorä idoränä ttä'o Jacobmi̧nä̧ o'co jähuä rötinätödo. Ja̧huä̧jä̧ Macpela pä'ö mi̧cuä̧jä̧'inä, Mamre pä'ö micuä̧jä̧'inä tö'cö ji̧na̧'a̧do. ¹⁴Jä'omi̧nä̧rö̧ rötö i̧huä̧ji̧'ca̧, José Egipto rȩjȩra̧'a̧ ppa̧'ä̧chi̧nö̧do, u̧bö̧o̧tö̧cu̧, ö̧jä̧hua̧cu̧ o'ca toi'önä jahuätöcu jä'ominärö rötö i̧huä̧jä̧tö̧cu̧.¹⁵Ttä'omi̧nä̧ 'corupäi'äji o'ca'a, José u̧bö̧o̧tö̧ pä'inätödo: ―Iso päi'önä Josémä churutä suronä jȩti̧nö̧ micuä päi'önä ¿pärocua'attö ujuturu suronä jȩö̧'a̧nö̧ ja̧'a̧ tä̧ji̧?― ¹⁶Ja̧'hua̧nö̧ ja̧'a̧ttö̧ Josérö tti̧huȩnȩ hue'inätödo. Pä'inätödo: ―Tä'omi̧nä̧ 'corupäi'äcua'a ä'canä hue'ipinö: ¹⁷“Pa̧'a̧nö̧ päcuhuätucuaröja Josérömä pä'ö. Jädepäcujä, unichi'i cu̧bö̧o̧tö̧ suronä jȩtti̧nö̧mä̧, ucuru suronä jȩtti̧na̧'a̧ttö̧,” pä'inö cuä'omi̧nä̧― pä'inätödo. ―Ja̧'hua̧nö̧ ja̧'a̧ttö̧ unichi'i cuä'o Ö̧ä̧nä̧hua̧ Dios umöhuäyotö suronä jȩti̧nö̧mä̧― pä'inätödo. Ja̧'hua̧nö̧ ja̧'a̧ tti̧huȩnȩ ä̧ju̧cu̧, José ajuähuinödo.¹⁸Ja̧u̧nu̧ o'ca'a u̧bö̧o̧tö̧ José ä'ca jo̧mȩ ichi'ö, ttihue'quiyunä pä̧mä̧dö̧ ucuotönö pä'inätödo: ―Topi, ujutumä ucu cumöhuäyotö päi'önä ichäjätöjä―. ¹⁹Ja̧'hua̧nö̧ ja̧'a̧nä̧ José jahuätörö pä'inödo: ―Yecuhuecuätucuättö. Tö̧ä̧nä̧hua̧ Diosmä̧cö̧sä̧ ttömä. ²⁰Ucututä ttörö suronä jȩcu̧'ä̧tu̧cua̧ pä'ö cuamöcuädinätucua'anä, Tö̧ä̧nä̧hua̧ Diostä jȩpi̧nö̧ adihua'a ja̧ pä'ö. Ja̧'hua̧nö̧ ja̧'a̧ttö̧ jitä pi̧yȩ pä̧nä̧ recuätö tta̧'cua̧rö̧ ki̧'ä̧tö̧ Tö̧ä̧nä̧hua̧ Dios jȩi̧nö̧nä̧. ²¹Ja̧'hua̧nö̧ ja̧'a̧ttö̧ yecuecuätucuä'. Ttö ucuturu'inä, cui̧tti̧mö̧rö̧'i̧nä̧ chi̧yä̧cua̧sä̧ ucuturu recuä rö̧jö̧mä̧―. Ja̧'hua̧nö̧ José jahuätörö repe'ö re rö̧jö̧nä̧ topö ucuocuinä̧u̧do.²²Egipto rȩjȩnä̧tä̧ ki̧nö̧do Josémä, jä'ominä ahuaruhuä'cotö'inä. José ciento diez a̧'ȩ ki̧nö̧do. ²³Ja̧'hua̧ta̧nö̧ Josémä i̧tti̧ Efraín i̧tti̧mö̧ tti̧tti̧mö̧ juhua'a yabo tti̧tti̧mö̧rö̧'i̧nä̧ topinödo. Manasés i̧tti̧ Maquir i̧tti̧mö̧ ttuhuäpächomenä, ttiyinäcudo José öja ju'tä huä̧nä̧u̧ esehua pä'ö.²⁴Ja̧'hua̧nö̧ ja̧'a̧ Josémä u̧bö̧o̧tö̧rö̧'i̧nä̧, ö̧jä̧hua̧rö̧'i̧nä̧ pä'inö: ―Täcö 'corupädi'a̧nö̧ jä̧cu̧sä̧. Ja̧'hua̧nö̧ ja̧'a̧nä̧ Tö̧ä̧nä̧hua̧ Dios yorö'iso ucuturu tta̧huä̧rä̧cuo̧töjä̧. Ja̧'hua̧ta̧nö̧ pi̧jä̧ttö̧ ucuturu ȩpä̧cuo̧tö̧jä̧ korojä̧ra̧'a̧cu̧, Abrahamrö'inä, Isaacrö'inä, Jacobrö'inä iya päinä̧jä̧ra̧'a̧―. ²⁵Ja̧'hua̧nö̧ ja̧'a̧ Josémä, jä'ominä Israel i̧tti̧mö̧'cotörö pä'inödo: ―Yorö'iso Tö̧ä̧nä̧hua̧ Diostä ucuturu tta̧huä̧rä̧cua̧mä̧. Ja̧'hua̧nö̧ ja̧'a̧ttö̧ “Cuihue'quiyu cuo'co jähuä pi̧jä̧ttö̧ tȩpä̧cuo̧tö̧jä̧” pä'ätucuittö― pä'inödo José. ²⁶Ja̧'hua̧nö̧ ja̧'a̧ José ciento diez a̧'ȩ hua̧ ö̧jo̧mȩnä̧, 'corupä'i'inödo. Ja̧u̧ru̧ Egipto rȩjȩ ttö̧ja̧ ttihueye jȩtti̧nö̧ ta'anö jȩpi̧nä̧tö̧do. Ja̧u̧nu̧ o'ca'a hua'are ȩnä̧huo̧ca̧ jacuä ȩni̧nä̧tö̧do Egipto rȩjȩttö̧.

¹Israel i̧tti̧mö̧ chutäcu Egipto rȩjȩra̧'a̧ i̧hui̧nä̧tö̧do. Tti̧tti̧mö̧cu̧ tti̧tti̧mö̧ tta̧ju̧tu̧cu̧ i̧hui̧nä̧tö̧do. Israel, koro i̧mi̧mä̧ Jacob, i̧tti̧mö̧ tti̧mi̧mä̧ pa̧'a̧nö̧ mi̧cui̧nä̧tö̧do: ²Rubén'inä, Simeón'inä, Leví'inä, Judá'inä, ³Isacar'inä, Zabulón'inä, Benjamín'inä, ⁴Dan'inä, Nealí'inä, Gad'inä, Aser'inä. ⁵Jacob ahuaruhuä o'ca toi'önä setentanö huotö ji̧na̧'a̧do. Jacob i̧tti̧ José täcö Egipto rȩjȩra̧'a̧ ki̧nö̧do.⁶Ja̧u̧nu̧ o'ca'a José 'corupä'i'inödo. U̧bö̧o̧tö̧'inä̧, ö̧jä̧hua̧'inä̧, tti̧rȩcua̧mö̧'inä̧ o'ca toi'önä Canaán rȩjȩra̧'a̧ttö̧ ichinätömä hua'ö icuinätödo. ⁷Ja̧'hua̧nö̧ ja̧'a̧nä̧ Israel ttö̧ja̧ tti̧tti̧mö̧ recuätörö ku̧nä̧rinä̧tö̧do. Ja̧'hua̧nö̧ recuächö, juruhuinätödo. Egipto rȩjȩ o'ca juiyönä suhuädi'önä ka̧cuinä̧tö̧do.⁸Recuo a̧'ȩ o'ca'a ka̧ra̧ Egipto rȩjȩttö̧ ru̧hua̧ päi'önä hue'inödo. Ja̧u̧ ru̧hua̧mä̧ José minä ru̧hua̧ ö̧jinö̧mä̧ jerupinödo. 9 ⁹Umöhuäyotörö pä'inödo: Ä̧ju̧cuätu̧cui.̧ Israel ttö̧ja̧mä̧ ujututtu'inä abonänö recuächätö. Ja̧'hua̧ta̧nö̧ ujututtu'inä abonänö juruhuätö. ¹⁰Jahuätörö huo̧ju̧nä̧tä̧ jȩta̧ja̧ juhua'a yabocu ttirecuächö juiyäcua'anö. Yodoji ujutu taboiyotö ttichomenä, Israel ttö̧ja̧ jahuätöcu do'ächi'ö ujuturu tturohuähua'acu. Ja̧u̧nu̧ o'ca'a ti̧rȩjä̧ttö̧ rättopächö juiyäcua'anö.¹¹Ja̧'hua̧nö̧ amöcuädö, Egipto rȩjȩ ttö̧ja̧mä̧ hue'inätödo jahuätöttö korotö adicuä ruhuotö päi'önä ttö̧ja̧cua̧ pä'ö. Israel ttö̧ja̧ tturuhuotö päi'önä ttu̧ju̧ninä̧u̧do. Israel ttö̧ja̧rö̧ suronä jȩpö̧ pä̧icu̧nä̧ ttadita pä'ö hue'inätödo. Ja̧'hua̧nö̧ ja̧'a̧ Israel ttö̧ja̧ ötahuiyä to̧mȩrȩ aditinätödo Pitón'inä, Ramsés'inä pä'ö micu, Egipto rȩjȩ ru̧hua̧ cuähuä hua'adö u̧ju̧na̧ pä'ö ja̧u̧ ötahuiyänä. ¹²Egipto rȩjȩ ttö̧ja̧mä̧ Israel ttö̧ja̧rö̧ rö̧ȩnä̧ tta̧'cua̧ tta̧ttȩcu̧nä̧ jȩtta̧'a̧nä̧, tti̧tti̧mö̧mä̧ yabonötä recuächinätödo. Ja̧'hua̧ta̧nö̧ yabonötä rö̧ä̧chinä̧tö̧do. Ja̧'hua̧nö̧ jiy̧ ä̧u̧, Egipto rȩjȩ ttö̧ja̧ yettecuinä̧u̧do.¹³Ja̧'hua̧nö̧ ja̧'a̧ Egipto rȩjȩ ttö̧ja̧ hue'inätödo Israel ttö̧ja̧rö̧ juiyo pä̧icu̧nä̧ ttaditönä. ¹⁴Egipto ttö̧ja̧mä̧ ra̧huä̧rö̧nö̧ ttadita pä'ö huettinä̧u̧do. Redä'quiyu ttadita pä'ö huettinä̧u̧do. Ttö'ättiyu'inä rö̧ȩnä̧ ttadita pä'ö huettinä̧u̧do. Piy̧ ȩ o'ca juiyönä ubara ttu'u kä̧nö̧ ttadita pä'ö huettinä̧u̧do.¹⁵Ja̧'hua̧nö̧ ja̧'a̧ Egipto rȩjȩ ru̧hua̧ ucuocuinödo Sifrarö'inä, Fúarö'inä, modu tta̧huä̧rä̧cuä̧huä̧ isotörö. Jahuätömä hebreos ttö̧ja̧ttö̧ nä̧tö̧rö̧ tta̧'ä̧rinä̧tö̧do tti̧tti̧mö̧rö̧ ttuhuäbecua'anä. ¹⁶Egipto rȩjȩ ru̧hua̧ pä'inödo: Hebreos ttö̧ja̧ nä̧tö̧rö̧ tta̧cu̧huä̧rätu̧cuo̧mȩnä̧, ubo uhuäpächöttömä, cuä'ö cuicuätucuaröja. Isaju kuhuäpächöttötä, huäinä cäcuepätucuaja pä'inödo. ¹⁷Ja̧'hua̧nö̧ ja̧'a̧nä̧ Egipto rȩjȩ ru̧hua̧ hueäji'anömä jȩpo̧co̧tö̧ pinätödo modu tta̧huä̧rä̧cuä̧huä̧ isotömä, Tö̧ä̧nä̧hua̧ Diosrö ttucuota'attö. U̧mä̧tö̧rö̧'inä̧ huäinä ttuhuäpächa'anä topinätödo.¹⁸Ja̧'hua̧nö̧ ja̧'a̧ttö̧ Egipto rȩjȩ ru̧hua̧ huopinödo modu ta̧huä̧rä̧cuä̧huä̧ isotö tticha pä'ö. Jahuätörö pä'inödo: ¿Dä̧bö̧ ja̧'hua̧nö̧ jȩcu̧'ä̧jä̧tucuä̧ttö̧? ¿Dä̧bö̧ huäinä tocu'äjätucuättö u̧mä̧tö̧ ttuhuäpächa'anä? ¹⁹Modu tta̧huä̧rä̧cuä̧huä̧ isotö Egipto rȩjȩ ru̧hua̧rö̧ pä'inätödo: Hebreos ttö̧ja̧ttö̧ nä̧tö̧mä̧ Egipto rȩjȩ ttö̧ja̧ nä̧tö̧ttö̧'inä imicu̧nä̧nö̧ uhuäbecuätö. Juruhuätö ja̧'a̧ttö̧, ujutu ti̧rȩbȩhui'ä̧cua̧ ä'canä, tti̧tti̧mö̧rö̧ täcö ttuhuäbecu o'ca'atä topä'ijätöjä pättinäcudo.²⁰Ja̧'hua̧nö̧ jo̧mȩnä̧ Tö̧ä̧nä̧hua̧ Dios adiu jȩpinö̧do modu tta̧huä̧rä̧cuä̧huä̧ isotörö. Ja̧'hua̧nö̧ ja̧'a̧ttö̧ Israel ttö̧ja̧ recuächö juruhuinätödo. ²¹Modu tta̧huä̧rä̧cuä̧huä̧ isotö Tö̧ä̧nä̧hua̧ Diosrö ye'ecu cuä'ö tticuoca'attö, tti̧tti̧mö̧ recuätörö iyinä̧u̧do Tö̧ä̧nä̧hua̧ Dios. ²²Ja̧'hua̧nö̧ ja̧'a̧ Egipto rȩjȩ ru̧hua̧mä̧ hue'inödo o'ca toi'önä umöhuäyotörö, hebreos ttö̧ja̧ tti̧tti̧mö̧ u̧mä̧tö̧ ttuhuäpächomenä, Nilo ajera'a do'opö tticua pä'ö, tti̧tti̧mö̧ nä̧tö̧tä̧ ttö̧jipa̧'a̧nä̧.

¹Ja̧u̧nu̧ pä̧nä̧ ya̧tȩ Leví ahuaruhuä'cotöttö isa̧ irecua päi'önä ȩminö̧do. Yaju'inä Leví ahuaruhuä'cotöttö isaju jina̧'a̧do. ²Ja̧u̧nu̧ o'ca'a möchaju pä'i'inäjudo. Uborö uhuäbecuinäjudo. A̧dihua̧ uhuäpächa'a topö, kä̧hua̧tö̧ huämetucuä jo̧mȩnä̧ räjepoca'a dajö kicuinäcudo kojusodenä.³Juhua'a yabonö dajö icuähuä juiyinäcuado. Ja̧'hua̧nö̧ ja̧'a̧ttö̧ mära jä̧'inö̧'a̧nö̧ jö̧ttö̧ pöttähuä̧cä̧ ȩmö̧, tätinäjudo dö'cäu juäittö. Jahuä̧cä̧ jacuä kitti̧rö̧ ȩnö̧, Nilo ajenä isä'cua 'quȩtȩ rö̧ninä̧ju̧do. ⁴Ji'quicha̧hua̧ uböa otonänö kä̧nö̧, kö̧jä̧hua̧rö̧ däje jȩtta̧ pä'ö topä̧rinä̧ju̧do ku̧huo̧jua̧ pä'ö.⁵Ja̧'hua̧nö̧ ja̧'a̧ Egipto rȩjȩ ru̧hua̧ ittiju Nilo ajera'a aje i'ö 'chinä̧ju̧do, kumöhuäyotö nä̧tö̧mä̧ aje jäyotonä cuettächa'anä. Ru̧hua̧ ittiju pöttähuä̧cä̧ ajenä isä'cua 'quȩtȩ ra̧'a̧ topö, kumöhuäyajuru hue'inäjudo ki'cächa pä'ö. ⁶Pöttähuä̧cä̧ ba'epö, ji'quicha̧hua̧rö̧ topinäjudo. Ajuähuiyäcua re rö̧jä̧chi'ö̧nä̧ topinäjudo. Hebreos ttö̧ja̧ isa̧ itti̧, a̧'cua̧ra̧'a̧ pä'inäjudo.⁷Ja̧'hua̧nö̧ ja̧'a̧ ji'quicha̧hua̧ uböamä ru̧hua̧ ittijuru pä'inäjudo: ¿Katate acuaju hebreos ttö̧ja̧ isajuru kicha pä'ö huochopo'äjato? ji'quicha̧hua̧rö̧ katate kajarö pä'ö, pä'inäjudo. ⁸A̧, täi päjinäcuado ru̧hua̧ ittiju. Ja̧'hua̧nö̧ huejäcua, jahuäju möäyajumä ji'quicha̧hua̧ ja̧ju̧ru̧ o'ö 'chinä̧ju̧do.⁹Ja̧'hua̧nö̧ ji'quicha̧hua̧ ja̧ju̧ kichomenä, ru̧hua̧ ittiju pä'inäjudo: Piderö ȩpi.̧ Cuatate cuajiyattö. Ttö chimitäcuajujä. Ja̧'hua̧nö̧ päjäcua, ji'quicha̧hua̧rö̧ ȩpö̧, katate ajö pöttädinäjudo. ¹⁰Ja̧u̧nu̧ o'ca'a ji'quicha̧hua̧ böo juomenä, ja̧ju̧mä̧ ȩpö̧ iyinäjudo ru̧hua̧ ittijuru. Ru̧hua̧ ittiju yajutä kitti̧ päi'önä pöttädinäjudo. Ja̧u̧ imimä̧ o'inäjudo Moisés pä'ö. Ajettö chȩminä̧cu̧ pä'ö o'inäjudo Moisés pä'ömä.¹¹Moisés böo juo'inö'ca̧, ahuaruhuä hebreos ttö̧ja̧ ttaditome do'ächö 'chinö̧do. Juiyo pä̧icu̧nä̧ ttadita'a topinödo. Ja̧'hua̧ta̧nö̧ Egipto rȩjȩ ttö̧ja̧ isa̧ Moisés a̧hua̧ru̧hua̧ hebreos ttö̧ja̧ isa̧rö̧ cuäcuäa'a topinödo. ¹²Korotö totta'acu pä'ö adiunä toä'chomenä toiyäcu, Egipto rȩjȩ ttö̧ja̧ isa̧rö̧ cuä'ö icu, rȩba̧nä̧ dajö icuinäcudo.¹³Pä'äji ta'anö koro mo̧ro̧ do'ächö 'chinö̧do juhua'atä. Ja̧'hua̧nö̧ ja̧'a̧ hebreos ttö̧ja̧ ta̧ju̧ ttörohuähua'a topinödo. Suronä jȩpä̧jiŗ ö̧ pä'inödo: ¿Dä̧bö̧ cua̧hua̧ru̧hua̧rö̧ cuäcuäcu'a'attö? ¹⁴Ja̧'hua̧nö̧ ja̧'a̧nä̧ ka̧ra̧ ädätinödo: ¿Di jä̧ttö̧ ucuru hue'inömä ujutu tu̧ru̧hua̧ päi'önä ujuturu tä̧bo̧cuä̧ isa̧ cu̧ja̧ pä'ö? ¿Ttörö'inä cuä'ö cuicua pä'ö amöcuädöjä tä̧ji,̧ Egipto rȩjȩ ttö̧ja̧ isa̧rö̧ cuä'ö cuicuäji ta'anö? Moisés ja̧u̧ huȩnȩ ä̧ju̧cu̧, ye'inödo. “Iso päi'önä ttö jȩchä̧jimä̧ huo̧juä̧chi'ä̧tö̧ a̧'cua̧ra̧'a̧ pä'ö,” amöcuädinödo.¹⁵Ja̧'hua̧nö̧ ja̧'a̧ ru̧hua̧ u̧huo̧juä̧chi'o̧mȩnä̧, Moisésrö cuä'ö tticua pä'ö hue'inödo. Ja̧'hua̧nö̧ ja̧'a̧nä̧ Moisésmä Egipto rȩjȩ ru̧hua̧ttö̧ tö'ipächinödo, Madián rȩjȩra̧'a̧ ö̧ja̧ pä'ö. Juhua'attö ajiya reju jäyä pä̧mä̧dinö̧do. ¹⁶Juhua'attö Madián rȩjȩnä̧ ya̧tȩ ru̧hua̧ kinö̧mä̧, itti̧mö̧ nä̧tö̧rö̧ ko̧ro̧mö̧ttö̧nö̧ ta̧ju̧ru̧ ku̧nä̧rinö̧do. Jahuätö ajiya huä'ö ichinätödo rejuttu. Ja̧'hua̧nö̧ ja̧'a̧ ajiya a̧cuo̧'ta̧ suhuädi'önä tototta pä'ö ichinätödo, ttä'o ä̧jimö̧ ovejatö̧ ttahua pä'ö. ¹⁷Ja̧'hua̧nö̧ ja̧'a̧ korotö ovejatö̧rö̧ tta̧'ä̧rä̧tö̧mä̧ ichi'ö, nä̧tö̧rö̧ ya'opö icuinätödo. Ja̧'hua̧nö̧ jiy̧ ä̧cu̧ Moisés ä̧rä̧mi'ö̧, nä̧tö̧rö̧ ppä'ädö 'chinö̧do, ajiya iya pä'ö ttä̧jimö̧rö̧.¹⁸Jahuätö nä̧tö̧mä̧, ttä'o Jetro ö̧jo̧mȩ ttichi'iyäcu, jä'epö ä̧ju̧cuinä̧u̧do: ¿Dä̧bö̧ jurunätä cuichäjätucuättö jitä mo̧ro̧mä̧? ¹⁹Jahuätö ädätinätödo ttä'orö: Egipto rȩjȩ ttö̧ja̧ isa̧ ppä'ädäji ovejatö̧rö̧ tta̧huä̧rä̧cuä̧huä̧ ttö̧ja̧ ujuturu ya'opö tticuiyäcu. Ajiya'inä huä'ö iyäji tä̧jimö̧ ttahua pä'ö. ²⁰Ttä'omä itti̧mö̧rö̧ pä'inödo: Ja̧'hua̧nö̧ jö̧ttö̧mä̧, ¿to ö̧jä̧ttö̧ ja̧u̧mä̧? ¿Dä̧bö̧ katä jarocu ipäjätucuäröttö? Ji'ähuäjätucuirö ujutucu u̧cuȩ ucua.²¹Ja̧'hua̧nö̧ ji'äu tti̧huä̧jä̧cu̧, Moisés eseunu kinö̧do Jetro ojusodenä. Ja̧u̧mä̧ ittiju Séforarö hue'inödo Moisés irecua päi'önä. ²²Ja̧u̧nu̧ o'ca'a Séfora kitti̧rö̧ uhuäbecuinäjudo. Moisésmä ja̧u̧ru̧ o'inödo Gersón pä'ö. Ja̧u̧ imimä̧ päa'a “Ttömä ichä̧cuä̧hua̧sä̧ korotö tti̧rȩjä̧nä̧ pä'ö”.²³Ja̧'hua̧nö̧ ja̧'a̧ recuo jinö̧ o'ca'a Egipto rȩjȩ ru̧hua̧ 'corupä'i'inödo. Israel ttö̧ja̧ juiyo pä̧icu̧nä̧ ttaditönä huettä̧rä̧u̧ tta̧'cua̧ tta̧'ȩcu̧ huopinätödo. Ja̧'hua̧nö̧ huottömä Tö̧ä̧nä̧hua̧ Diosrö rȩbȩhuina̧'a̧do. ²⁴Ja̧'hua̧nö̧ ja̧'a̧ Tö̧ä̧nä̧hua̧ Dios jahuätö huottömä ä̧ju̧cu̧, amöcuädinödo Abrahamrö'inä, Isaacrö'inä, Jacobrö'inä jitörö iso päi'önä jȩä̧cuȩ huȩnȩ. ²⁵Tö̧ä̧nä̧hua̧ Dios Israel ttö̧ja̧ ubara ttutta'a re rö̧jö̧nä̧ topinödo.

¹Juhua'a kä̧nö̧ Moisésmä imiy̧ a̧ Jetro ä̧jimö̧rö̧ tta̧'ä̧rinö̧do. Jetromä ru̧hua̧ pinödo Madián rȩjȩra̧'a̧ttö̧. Moisés ovejatö̧rö̧ ȩpinö̧do ttö̧ja̧ toächome pä̧tȩcuä̧nö̧ päte'ö Sinaí inähuära'a, Tö̧ä̧nä̧hua̧ Dios ijȩcuä̧cuo̧mȩ inähuära'a. ²Juhua'attö Tu̧ru̧hua̧ Dios huȩ'ä̧hua̧ ángel Moisésrö ijȩcuinö̧do dau u'cua jäinä ocurä cuoa'a jä̧'inö̧'a̧nö̧ jäittö. Moisés toomenä, dau u'cua jäimä ocurä cuoa'anä, cuo'ö icuoca'a jiy̧ ä̧cu̧ ye'önö topinödo. ³“Cuo'ömä cuoa'anä, dau u'cua jäimä ¿tta̧'a̧nö̧ pä'ö cuo'ö icuocua'a jä̧ttö̧? 'Quȩ'ichö̧ 'chä̧nö̧ tochäjäcua'ato,” pä'ö amöcuädinödo Moisés.⁴Ja̧'hua̧nö̧ ja̧'a̧ Moisés 'cä̧'ichö̧ 'chä̧nö̧ toomenä, Tu̧ru̧hua̧ Dios Moisésrö ucuocuinödo dau u'cua jäittö. Moisés, Moisés pä'inödo. Moisés ädätinödo: Pȩnȩtä̧ kö̧sä̧. ⁵Ja̧'hua̧nö̧ ja̧'a̧ Tu̧ru̧hua̧ Dios pä'inödo: Tö'cönänömä cuichi'ä'. Cu̧jä̧pö̧ isäya ko̧'ä̧dä̧cuä̧u̧ icui. Ju̧huȩnȩ ucu cu̧jä̧do̧mȩmä̧, ttö adihuä isa̧ chiŗ ȩjä̧. ⁶Ja̧'hua̧ta̧nö̧ pä'inödo: Ttötäsä cuä'ominä̧ Ö̧ä̧nä̧hua̧mä̧, Abrahamminä Ö̧ä̧nä̧hua̧mä̧, Isaacminä̧ Ö̧ä̧nä̧hua̧mä̧, Jacobminä̧ Ö̧ä̧nä̧hua̧mä̧ ttötäsä. Ja̧u̧ huȩnȩ ä̧ju̧cu̧, Moisés i'ä mö̧'ȩcuinö̧do, Ö̧ä̧nä̧hua̧ Diosrö topö yecue'a'attö.⁷Tu̧ru̧hua̧ Dios juhua'a yabocu pä'inödo: Iso päi'önä chumöhuäyotö Egipto rȩjȩnä̧ ka̧cuä̧tö̧mä̧ pä̧icu̧nä̧ aditö kä̧nö̧ tta̧'cua̧ tta̧ttȩcu̧nä̧ huettinä̧u̧ topäjisä. Ja̧'hua̧ta̧nö̧ hueähuä isotö suronä jȩttä̧u̧ huotta'a ä̧ju̧cuä̧jisä̧. Ubara ttuttu'inä, huo̧jua̧sä̧. ⁸Ja̧'hua̧nö̧ ja̧'a̧ttö̧ mȩyȩhuä̧jisä̧ Egipto rȩjȩ ttö̧ja̧ ttu̧mö̧ttö̧ 'chodipatö pä'ö, ja̧'hua̧ta̧nö̧ Egipto rȩjȩttö̧ rä'epö chicuatö pä'ö, korojä̧ rȩjȩ a̧dihuä̧jä̧, rö̧ä̧jä̧ cuähuä ppuruhuä̧jä̧ra̧'a̧ chȩpa̧tö̧ pä'ö. Juhuä̧jä̧ra̧'a̧mä̧ cananeos ttö̧ja̧'inä̧, hititas ttö̧ja̧'inä̧, amorreos ttö̧ja̧'inä̧, ferezeos ttö̧ja̧'inä̧, heveos ttö̧ja̧'inä̧, jebuseos ttö̧ja̧'inä̧ ka̧cuä̧tö̧.⁹Iso päi'önä Israel ttö̧ja̧ rö̧ȩnä̧ ajuäunu huotta'a ä̧ju̧cuä̧jisä̧. Ja̧'hua̧ta̧nö̧ Egipto rȩjȩ ttö̧ja̧ jahuätörö suronä huettära'a topäjisä. ¹⁰Ja̧'hua̧nö̧ ja̧'a̧ttö̧ ucuru hue'ösä Egipto rȩjȩ ru̧hua̧rö̧ ucuocuäji, chumöhuäyotö Israel ttö̧ja̧rö̧ rä'epö cuicuatö pä'ö Egiptottö, pä'inödo Tu̧ru̧hua̧ Dios.¹¹Ja̧'hua̧nö̧ ja̧'a̧nä̧ Moisés Tö̧ä̧nä̧hua̧ Diosrö pä'inödo: Egipto rȩjȩ ru̧hua̧cu̧mä̧ ucuocu chi'chö̧ juiyö'anö hua̧sä̧ ttömä, Egipto rȩjȩttö̧ ucu cumöhuäyotö Israel ttö̧ja̧rö̧ rä'epö chicua pä'ö. ¹²Ja̧'hua̧nö̧ ja̧'a̧nä̧ Tö̧ä̧nä̧hua̧ Dios päinäcudo: Ttömä iso päi'önä ucutäcu chö̧jä̧cua̧sä̧. Pa̧'a̧nö̧ cu̧huo̧juä̧cua̧jä̧ ttötä ucuru huedömä. Egipto rȩjȩra̧'a̧ttö̧ ttö̧ja̧rö̧ cui'cächö o'ca'a, pihuä inähuättö jahuätöcu ttörö ucuotönö amöcuädö ttö huedö jȩcu̧'ä̧cuo̧tö̧jä̧.¹³Ja̧'hua̧nö̧ ja̧'a̧ Moisés Tö̧ä̧nä̧hua̧ Diosrö pä'inödo:―Ttö Israel ttö̧ja̧ ttö̧ja̧cuo̧mȩ 'chä̧nö̧, jahuätörö jidähuomenä: Cuä̧do̧tö̧minä̧ Ttö̧ä̧nä̧hua̧ Dios hueäcusä ucuturu. Pädomenä, ¿tta̧'a̧nö̧ micua̧ jä̧ttö̧ imimä̧ pä'ö? jahuätö jättepöttömä, ¿tta̧'a̧nö̧ chädätäcua'a jä̧ttö̧? ¹⁴Ja̧'hua̧nö̧ ja̧'a̧ Tö̧ä̧nä̧hua̧ Dios Moisésrö pä'inödo: TTÖTÄSÄ KÖ̧MÄ̧ IHUEYE TTÖTÄSÄ. Pa̧'a̧nö̧ pä'ö jicuhuähuaja Israel ttö̧ja̧rö̧: IHUEYE TTÖTÄSÄ pä'ö micua̧ hueinäcusä ucuturu jidähua pä'ö, päcuhuaja. ¹⁵Juhua'a yabocu Tö̧ä̧nä̧hua̧ Dios pä'inödo Moisésrö: Pa̧'a̧nö̧ jicuhuähuaja Israel ttö̧ja̧rö̧: Tu̧ru̧hua̧, cuä̧do̧tö̧minä̧ Abraham'inä, Isaac'inä, Jacob'inä Ttö̧ä̧nä̧hua̧ Dios, ttörö hueinäcusä ucuturu pä'ö, jicuhuähuaja pä'inödo Dios. Jitä chi̧mi̧ pädäjimä IHUEYE TTÖTÄSÄ beipächocö chimimä̧. Pi̧yȩtä̧ 'cuäopönätä chimimä̧ pä'äji pä'ö, jicuhuähuaja.¹⁶Israel ttö̧ja̧ttö̧ u̧mä̧tö̧ tä̧mö̧tä̧ cu̧ca̧ca̧cuätu̧cua̧ pä'ö hue'inö pä'ö, jicuhuähuaja. Jahuätörö jicuhuähuaja: Tu̧ru̧hua̧, tä̧do̧tö̧minä̧ Ttö̧ä̧nä̧hua̧ Dios, Abraham'inä, Isaac'inä, Jacob'inä Ttö̧ä̧nä̧hua̧ ttörö ijȩcu̧ päinäcusä pä'ö: Cha̧'cua̧ tta̧nö̧ topösä Egipto rȩjȩ ttö̧ja̧ ucuturu suronä jȩttö̧mä̧. ¹⁷Ja̧'hua̧nö̧ tocha'attö pä'ösä: Ucuturu rä'epö chicuä̧cua̧sä̧ Egipto rȩjȩttö̧, ubara ttucuhuätucuomettö, korojä̧ra̧'a̧ cuähuä ppuruhuä̧jä̧ra̧'a̧ chȩpätu̧cua̧cu̧ pä'ö. Ja̧huä̧jä̧ra̧'a̧ ka̧cuä̧tö̧ cananeos ttö̧ja̧'inä̧, hititas ttö̧ja̧'inä̧, amorreos ttö̧ja̧'inä̧, ferezeos ttö̧ja̧'inä̧, heveos ttö̧ja̧'inä̧, jebuseos ttö̧ja̧'inä̧. ¹⁸Ja̧'hua̧nö̧ ja̧'a̧ chumöhuäyotö Israel ttö̧ja̧ ucu päcumä adiu ttä̧ju̧cuä̧cuo̧tö̧. Ja̧'hua̧nö̧ ja̧'a̧ ucucu, Israel ttö̧ja̧ttö̧ tä̧mö̧cu̧ Egipto rȩjȩ ttö̧ja̧ ttu̧ru̧hua̧rö̧ 'chä̧nö̧, pä̧cuhuä̧cua̧jä̧: Tu̧ru̧hua̧, Israel ttö̧ja̧ Tö̧ä̧nä̧hua̧ Dios, ujuturu ucuocuinö pä'ö. Ja̧'hua̧nö̧ ja̧'a̧ttö̧ huäbodäcuä mo̧ro̧ 'chä̧cuä̧huo̧mȩ ttö̧ja̧ toächomecu huecuhuatö pä'ö jä'epö ichäjätöjä, Tu̧ru̧hua̧ Tö̧ä̧nä̧hua̧ Dios koro juo'otörö ku icu tiya pä'ö, päcuhuäcuotöjä.¹⁹Ja̧'hua̧nö̧ ja̧'a̧nä̧ ro̧ȩcuä̧ 'cuäopoca'a jö̧ttö̧mä̧, Egipto rȩjȩ ru̧hua̧mä̧ räcuopätucua pä'ö hue'ocö jä̧cua̧. ²⁰Ja̧'hua̧nö̧ ja̧'a̧ttö̧ ttö chujurunä ttö̧ja̧ ttieru juäi jȩchä̧cua̧sä̧ Egipto rȩjȩ ttö̧ja̧ rö̧ȩnä̧ yettecue'ächönä. Ja̧u̧nu̧ o'ca'a ja̧'a̧tä̧ to̧ä̧cua̧ ru̧hua̧mä̧, räcuopätucua'anä. ²¹Egipto rȩjȩ ttö̧ja̧ ucuturu ucuotönö tottäcuotö. Ja̧'hua̧ta̧nö̧ räcuopätucuomenä, koro juäi jui'ömä rä'opocotö cuäcuotöjä. ²²Israel ttö̧ja̧ttö̧ nä̧tö̧ o'ca toi'önä jättepäcuotö Egipto rȩjȩnä̧ ka̧cuä̧tö̧ttö̧, ttö̧jo̧mȩ tö'cö ka̧cuä̧tö̧ttö̧'inä̧, ttojusodenä kä̧ju̧ttu̧'inä̧ koro juäi pärätättö adicuä'inä, koro juäi orottö adicuä'inä, ttö̧'ca̧tä̧huäti̧yu̧'inä̧, cuittimö̧tu̧cu̧ u̧mä̧tö̧rö̧'inä̧, nä̧tö̧rö̧'inä̧ cu̧'ca̧tätu̧cua̧ pä'ö. Ja̧'hua̧nö̧ Egipto rȩjȩ ttö̧ja̧ ttöärettö cuȩpä̧cuo̧tö̧jä̧ pä'inödo Tö̧ä̧nä̧hua̧ Dios.

¹Ja̧hua̧nö̧ ja̧'a̧ Moisés Tö̧ä̧nä̧hua̧ Diosrö pä'inödo: Esetocotö ttäcuotö a̧'cua̧ra̧'a̧. Pärocua'acu ttörö pättäcuotö a̧'cua̧ra̧'a̧: Isocö. Tu̧ru̧hua̧ Dios ucuru ijȩcuo̧co̧cu̧ pinö̧jä̧ pä'ö. ²Tu̧ru̧hua̧ Dios Moisésrö pä'inödo: ¿Däje jä̧ttö̧ cu̧mö̧nä̧ 'chu̧cu̧huä̧rö̧mä̧? Moisés ädätinödo: Chitta'ca. ³Ja̧'hua̧nö̧ ja̧'a̧ Tu̧ru̧hua̧ Dios hueinäcudo: Cuitta'ca rȩjȩ icui. Moisés itta'ca rȩjȩ icuomenä, äcatä päi'ina'ado. Moisés ye'ö tö'ipächi'inödo.⁴Ja̧'hua̧nö̧ ja̧'a̧nä̧ Tu̧ru̧hua̧ Dios Moisésrö pä'inödo: Cumö ki̧'ä̧dö̧, ihuiri'pa̧ttö̧ 'chu'ädi. U̧ru̧hua̧ hueö ta'anö 'chuhuädomenä, pä'äji ta'anö itta'catä päi'iniyäcudo. ⁵Juhua'a yabocu Tu̧ru̧hua̧ Dios päinäcudo: Pä'äji ta'anö jȩpö̧sä̧ Cu̧ru̧hua̧tu̧cu̧ ucutu cuä̧do̧tö̧minä̧ Ttö̧ä̧nä̧hua̧, Abrahamminä'inä, Isaacminä̧'inä, Jacobminä̧'inä Ttö̧ä̧nä̧hua̧ ucuru chijȩcuä̧jimä̧ ttesetäcua'anö, pä'inödo Dios.⁶Ja̧'hua̧ta̧nö̧ Tu̧ru̧hua̧ Dios Moisésrö pä'inödo: Cu̧mö̧ rä'ädäcuähui cu̧'ca̧tä̧huä̧ta̧ jacuä cu̧bä̧ dea'a. Tu̧ru̧hua̧ Dios ja̧'hua̧nö̧ päcu, Moisés ö̧'ca̧tä̧huä̧ta̧ jacuä u̧bä̧ dea'a u̧mö̧ rä'ädäcuähuinödo. Rä'ädäcuähuäji'ca̧ 'cho'äu toomenä, ajiya isoppa teoppa jä̧'inö̧'a̧nö̧ teina'ado u̧mö̧mä̧, lepra märicheittö. ⁷Ja̧'hua̧nö̧ ja̧'a̧ Tu̧ru̧hua̧ Moisésrö pä'inödo: Pä'äji ta'anö cu̧mö̧ rä'ädäcuähui cu̧'ca̧tä̧huä̧ta̧ jacuä cu̧bä̧ dea'a. Moisés pä'äji ta'anö ö̧'ca̧tä̧huä̧ta̧ jacuä u̧bä̧ dea'a u̧mö̧ rä'ädäcuähuinödo. Pä'äji ta'anö 'cho'äu toomenä, lepra märichei jä̧jimä̧ täcö huahuächipäja'atä topäcuähuinödo. Korome ijȩta̧ adihuome ta'anö päi'inäcudo.⁸Juhua'a yabonö Tu̧ru̧hua̧ Dios pä'inödo: Cuitta'ca äca päi'a'a tottomenä ttesetö juiyöttömä, cu̧mö̧ cu̧'ca̧tä̧huä̧ta̧ jacuä cu̧bä̧ dea'a rä'ädäcuähui'ö'ca̧ 'chocuhuähua'a tottomenä ttesetäcua'anö. ⁹Ja̧u̧ todäre ijȩcuä̧ jȩcu̧'o̧mȩnä̧ ttesetö juiyöttömä, ucuru'inä ttä̧ju̧cuo̧ca̧'a̧ jö̧ttö̧mä̧, jȩcu̧'ä̧ji'inä̧ ttesetö juiyöttömä, Nilo ajettö ajiya huä'opö tocuhuaja rȩjȩ ajiya joome. Ja̧'hua̧nö̧ ja̧'a̧ttö̧ Nilo ajettö ajiya tocuhuomenä, ttucuojatä päi'äcua'a rȩjȩ ajiya joomemä.¹⁰Ja̧'hua̧nö̧ ja̧'a̧ Moisés ädätinödo Tu̧ru̧hua̧ Diosrö. Chu̧ru̧hua̧, ttömä adiunä chucuocuä̧rö̧ juiyö'anö hua̧sä̧. Mo ttörö huecu'inö'inä adiunä ucuocuä̧ro̧cö̧ pinösä. Jitä'inä ttö ucu cu̧mö̧huä̧ya̧ cha'anä, chihuȩnȩ'inä̧ adiunämä ucuocuä̧ro̧cö̧sä̧. ¹¹Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: ¿Di jä̧ttö̧ ttö̧ja̧ isa̧ ä aditinömä? ¿Di jä̧ttö̧ ihuȩnȩ jui'a̧rö̧'inä̧, ä̧ju̧cuo̧cö̧rö̧'inä̧, adiu topä̧rö̧rö̧'inä̧, ä̧to̧ca̧rö̧'inä̧ aditömä? Ttötä ucu Cu̧ru̧hua̧ ja̧'hua̧nö̧ aditömä ¿isodi? ¹²Ja̧'hua̧nö̧ ja̧'a̧ttö̧ ucuocuäji. Cuänä cucuocuomenä ucutäcu chu̧cuo̧cuä̧cua̧sä̧. Chu̧huo̧juȩtä̧cua̧jä̧ ucu cucuocuä̧cu̧ȩmä̧. ¹³Ja̧'hua̧nö̧ ja̧'a̧nä̧ Moisés ädätinödo: Chu̧ru̧hua̧, ka̧ra̧rö̧tä̧ hue'i ucu pä̧huä̧ rö̧jö̧ tocu'äcuru, cuihuȩnȩ jiähua pä'ö.¹⁴Ja̧'hua̧nö̧ päa'a ä̧ju̧cuo̧mȩnä̧, Tu̧ru̧hua̧ Dios Moisésrö ra̧huä̧ripinö̧do. Pä'inödo: Ye, ja̧'hua̧nö̧ jö̧ttö̧mä̧, cuböo Aarón'inä Leví isotö isa̧ kö̧. Ja̧u̧mä̧ adiu ucuocuä̧rö̧ chu̧huo̧juä̧cu̧. Ja̧'hua̧ta̧nö̧ ja̧u̧mä̧ täcö ichö ucuru mä̧nä̧ kä'cottö pä̧tȩcuä̧ päi'a pä'ö. Ucuru toomenä, rö̧ȩnä̧ ȩsȩhuä̧cua̧. ¹⁵Ja̧u̧cu̧ ucuocu huȩnȩ jä̧jimä̧ jicuhuaröja. Ja̧'hua̧ta̧nö̧ ttötä ucu cuänä'inä, ja̧u̧ änä'inä chu̧cuo̧cuä̧cua̧sä̧. Jȩcu̧'ätu̧cuä̧cuȩmä̧ chu̧huo̧juȩtä̧cua̧sä̧. ¹⁶Ja̧'hua̧ta̧nö̧ ucu cucuocuaji juäimä, ja̧u̧tä̧ Israel ttö̧ja̧rö̧ u̧cuo̧cuä̧cua̧. Ja̧u̧mä̧ ucu cuä ta'anö ö̧jä̧cua̧. Ucutä ja̧u̧ Ö̧ä̧nä̧hua̧ ta'anö cu̧jä̧cua̧jä̧. ¹⁷Ja̧'hua̧ta̧nö̧ cu̧mö̧nä̧ ȩpi̧cuitta'ca, huo̧juȩcuä̧ päi'önä jȩcu̧'ä̧cua̧'a̧nö̧ pä'inödo Dios Moisésrö.¹⁸Tu̧ru̧hua̧ Dios päji huȩnȩ ä̧ju̧cuä̧ji'ca̧, Moisés juhua'attö rä'opö, imi̧ya̧ Jetro ö̧jo̧mȩcu̧ ppa̧'ä̧chinö̧do. Imiy̧ a̧rö̧ pä'inödo: Egipto rȩjȩra̧'a̧ hue'ittö, chahuaruhuä Egipto rȩjȩra̧'a̧ ka̧cuä̧tö̧rö̧ ppa̧dä̧cha̧ pä'ö, jinä̧ tta̧'cua̧ra̧ pä'ö tochäja pä'inödo. Ja̧'hua̧nö̧ ja̧'a̧ Jetro Moisésrö pä'inödo: Ye, ja̧'hua̧nö̧ jö̧ttö̧mä̧ adiu täi. ¹⁹Moisés Madián rȩjȩra̧'a̧ ö̧jo̧mȩnä̧, Tu̧ru̧hua̧ Dios ja̧u̧ru̧ päina'a jina̧'a̧do: Ppa̧cu̧huä̧cha̧'a̧ Egipto rȩjȩra̧'a̧. O'ca toi'önä ucuru cuä'ö tticua amöcuädinätömä täcö hua'ö icuinätö pä'inödo Tu̧ru̧hua̧ Diosmä. ²⁰Ja̧'hua̧nö̧ ja̧'a̧ Moisésmä imiy̧a̧ Jetro hueäji ta'anö itti̧mö̧rö̧'inä̧, itti̧mö̧ tta̧ju̧ru̧'inä̧ burronä cä'epö huä̧nö̧, Egipto rȩjȩra̧'a̧ ppa̧'ä̧chinö̧do. Ja̧'hua̧ta̧nö̧ u̧mö̧nä̧ 'chö̧huä̧rä̧nö̧ ȩpinö̧do itta'ca Tö̧ä̧nä̧hua̧ Dios hueinä'ca.²¹To̧a̧na̧hua̧ Dios Moiserö pa̧inö Egipto rȩjȩ'aa̧ ppa'cuaho̧mena Ucujȩcua̧cua̧jä̧ ²²Faraonrö cui̧jȩpa̧cuä̧jä̧ ttö chu̧jörö u̧cu̧nä kano chijȩpä̧cuä̧mä Amisoqui amacuä̧dö̧tö kiyä̧chia̧cu̧a̧ pa̧ömä Faraonro jicua̧hu̧a̧ja̧ To̧a̧na̧hua̧ Dios pa'inö Israelma ttö chi̧tti̧ äca̧nä̧ ttoja isa ji̧nä̧ä̧ ²³Ja̧hua̧ta̧nö̧ u̧cu̧ru̧ta̧ pä̧ö̧sa̧ ttö chi̧ttirö̧ raopa i̧cui̧ jao esehuam pa̧cu̧ttoma toca ya̧pa̧rema jepocusa ra̧o̧pö̧ cui̧cua̧ paö ttoca ya̧pa̧rema jepocusa ra̧o̧pö̧ cui̧cua̧ paö ttö̧mä̧ jȩcä̧cuä̧sä̧ cuitti a̧ca̧nä̧ huä̧pchi̧nöromä̧ cu̧ä̧chi̧cuä̧äsä̧ cuitti a̧ca̧nä̧ huä̧pä̧chi̧nörömä̧ cua̧ö chi̧cua̧cua̧sä̧²⁴Ja̧'hua̧nö̧ ja̧'a̧ mä̧nä̧ttö̧mä̧, jahuätö yodo jä̧u̧ ttö̧jä̧mä̧do̧mȩnä̧, TÖ̧Ä̧NÄ̧HUA̧MÄ̧ Moisésrö cuä'ö icua pä'ö jȩpi̧nö̧. ²⁵Ja̧'hua̧nö̧ ja̧'a̧ Seforamä nahuodä ido'quittö adicuodä ȩmo̧po̧'ö̧, ki̧tti̧ u̧dä̧pä̧rȩ päjure 'cui'opinä̧ju̧, ja̧'hua̧nö̧ 'cui'opö öjahuiyä kada'ca rötinä̧ju̧, ja̧'hua̧nö̧ ja̧'a̧ pä'inä̧ju̧" Isopäi'önä ucumä chucuojattö chirecuoä̧." ²⁶Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ huȩnȩ juiyönätä u̧ju̧ni̧'i̧nä̧u̧. Jahuäjumä pä'inä̧ju̧ ucumä chucuojattö chirecuojä̧, ttö̧dä̧pä̧rȩ päjure 'cuiocuä jähuänä̧mä̧.²⁷Ja̧'hua̧nö̧ ja̧'a̧ Tu̧ru̧hua̧ Dios Moisés uböo Aarónrö pä'inödo: Ttö̧ja̧ toächome täi Moisésrö cui'ätecua pä'ö. Ja̧'hua̧nö̧ 'chä̧nö̧, Tö̧ä̧nä̧hua̧ Dios ijȩcuä̧cuo̧mȩ inähuä kada'cattö ö̧jä̧hua̧rö̧ pä̧tȩcuä̧ pä'i'ö, 'chu̧'o̧pö̧ esehuinödo. ²⁸Juhuorötä Moisés Tu̧ru̧hua̧ Dios hueinö huȩnȩ o'ca juiyö ttö̧ja̧ ttieru juäi jȩa̧ pä'ö hueinö'inä Aarónrö ji'ähuinödo.²⁹Ja̧u̧nu̧ o'ca'a Moisés'inä, Aarón'inä 'chä̧nö̧, Israel ttö̧ja̧ttö̧ u̧mä̧tö̧ tä̧mö̧tä̧ ttö̧ca̧ca̧cua̧ pä'ö hue'inätödo. ³⁰Jahuätörö ji'ähuinödo Aarónmä Tu̧ru̧hua̧ Dios Moisésrö ucuocuinömä o'ca juiyö. Ja̧'hua̧ta̧nö̧ Tu̧ru̧hua̧ Dios hueinö ta'anö jȩpinö̧do ttö̧ja̧ ttieru juäi ttö̧ja̧ tottönä. ³¹Ja̧'hua̧nö̧ jittähua'a ä̧ju̧cu̧, esetinätödo. Ja̧'hua̧ta̧nö̧ Israel ttö̧ja̧ jitörötä surojö 'cuäopa'attö Tu̧ru̧hua̧ Dios re rö̧jö̧nä̧ toa'a ttä̧ju̧cuo̧mȩnä̧, ja̧rȩyu̧nu̧ pä'i'ö ucuotönö jȩpinä̧tö̧do Diosrö.

¹Ja̧u̧nu̧ o'ca'a Moiséscu, Aaróncu Egipto rȩjȩ ru̧hua̧rö̧ 'chä̧nö̧ pättinäcudo: Pa̧'a̧nö̧ pä'äji ujutu Tu̧ru̧hua̧, Israel ttö̧ja̧ Tö̧ä̧nä̧hua̧ Diosmä. “Ja̧'a̧tä̧ topi ttö chumöhuäyotö ttö̧ja̧ toächomecu tti̧'cha̧'a̧nä̧, ttörö amöcuädö pä'cäri jȩtta̧ pä'ö,” pä'äji Tö̧ä̧nä̧hua̧ Diosmä pä'ö ji'ähuinätödo. ²Ja̧'hua̧nö̧ ja̧'a̧nä̧ Egipto rȩjȩ ru̧hua̧ ucuotäcuähuä juiyönä pä'inödo: ¿Di jä̧ttö̧ Cu̧ru̧hua̧mä̧ ihuȩnȩ ucuotö Israel ttö̧ja̧rö̧ rättopächa hueda pä'ö? Cu̧ru̧hua̧mä̧ chieruhuäcu. Ja̧'hua̧ta̧nö̧ ja̧'a̧tä̧ topocösä Israel ttö̧ja̧ rä'opö tti̧'cha̧'a̧nä̧ pä'inödo Egipto rȩjȩ ru̧hua̧mä̧.³Ja̧'hua̧nö̧ ja̧'a̧ pä'inätödo: Ujutu hebreos ttö̧ja̧ Tö̧ä̧nä̧hua̧ Dios ujuturu po̧cuipö̧ ucuocuinö. Ja̧'hua̧nö̧ ja̧'a̧nä̧ huäinä hue'itö ttö̧ja̧ toächomecu huäbodäcuä mo̧ro̧ 'chä̧cuä̧huo̧mȩ ti̧'cha̧ pä'ö koro juo'otörö ku icu iyö jȩta̧ pä'ö Tu̧ru̧hua̧ Tö̧ä̧nä̧hua̧ Diosrö. Ja̧'hua̧nö̧ jȩtö̧ juiyöttömä, märichei'inä, rohuäcuähuä'inä huȩä̧cua̧. ⁴Ja̧'hua̧nö̧ ja̧'a̧nä̧ Egipto rȩjȩ ru̧hua̧ jahuätörö pä'inödo: Moisés'inä, Aarón'inä ¿dä̧bö̧ huocu'ätucuättö ttö̧ja̧rö̧ ttaditähuä jarotti'a pä'ö? Ucutu'inä aditäjätucui. ⁵Ja̧'hua̧ta̧nö̧ Egipto rȩjȩ ru̧hua̧ pä'inödo: Topätucui. Ttö̧ja̧ recuätö ka̧cuä̧tö̧. Ucutumä jahuätö ttaditähuä jarotti'a pä'ätöjä pä'inödo ru̧hua̧mä̧.⁶Ja̧u̧nu̧tä̧ mo̧ro̧ Egipto rȩjȩ ttö̧ja̧ttö̧ adicuättö ruhuotörö'inä, ja̧'hua̧ta̧nö̧ Israel ttö̧ja̧ttö̧ adicuättö ruhuotörö'inä hue'inödo Egipto rȩjȩ ru̧hua̧mä̧. Pä'inödo: ⁷Jitämä mȩjiy̧ ä̧ uhuo'che ttö̧ja̧rö̧ cuiyinätucu ta'anö cuiyätucuä' redä'quiyu ttadita pä'ö. Jitötä 'chä̧nö̧ mȩjiy̧ ä̧ uhuo'che ȩmö̧ tti̧'chö̧'a̧nö̧ ja̧'a̧. ⁸Ja̧'hua̧nö̧ ja̧'a̧nä̧ redä'quiyu pä'äji rö̧ȩnä̧ ttaditinö ta'anö yoräteunä ttadita pä'ö hue'ätucuitö. Pabotämä ttaditö juiyö'anö ja̧'a̧. Jahuätömä ötähuätö. Ja̧'hua̧nö̧ ja̧'a̧ttö̧ huopätö: Ja̧'a̧tä̧ topitö ti̧'cha̧'a̧nä̧ koro ju̧'a̧rö̧ ku icu Tö̧ä̧nä̧hua̧ Diosrö tiyö'a̧nö̧ ja̧'a̧ pä'ö. ⁹U̧mä̧tö̧rö̧ pä̧icu̧nä̧ ttadita hue'ätucuitö. Ja̧'hua̧nö̧ aditö kä̧nö̧, yappareu huȩnȩ ttä̧ju̧cu̧ juiyäcua'anö pä'inödo Egipto rȩjȩ ru̧hua̧mä̧.¹⁰Ja̧'hua̧nö̧ ja̧'a̧ Egipto rȩjȩ ttö̧ja̧ttö̧ adicuättö ruhuotö'inä, Israel ttö̧ja̧ttö̧ adicuättö ruhuotö'inä Israel ttö̧ja̧rö̧ 'chä̧nö̧ pä'inätödo: Pa̧'a̧nö̧ pä'äji Egipto rȩjȩ ru̧hua̧mä̧: “Jitämä mȩjiy̧ ä̧ uhuo'che ucuturu i'cächö iyocösä. ¹¹Pä̧huä̧ rö̧jö̧'a̧nö̧ 'chä̧nö̧ ucututä usu ȩmä̧jätu̧cui ̧mȩjiy̧ ä̧ uhuo'chemä. Ja̧'hua̧nö̧ ja̧'a̧nä̧ redä'quiyumä pä'äji rö̧ȩnä̧ cuaditinätucu ta'anö aditätucui.¹²Ja̧'hua̧nö̧ ja̧'a̧ttö̧ Israel ttö̧ja̧ Egipto rȩjȩttö̧ pperecuächö 'chinä̧tö̧do, mȩjiy̧ ä̧ uhuo'che ȩmö̧ 'chä̧nö̧. ¹³Äma̧'cu ttaditönä̧ hueähuatö ttöruhuotömoä o'ca päiönä ttadita pä´ö hue'ö pä'inütö̧: cuanditähuätöcu ö'ca päiönä cä'ädätöcui, mȩjiy̧ ä̧ uhmo'che ucutörö tiyinö cuaditinätö̧cua'anö. ¹⁴Faraon umuäyotö ämäcuttaditönä hueähuotö ttöruhuotömoä cuäcuäpinätö̧. ämäcu adicuä to̧ä̧rä̧cuä̧huä̧ ttö̧ja̧ israelitarö , ja'hiütömä yitötä ttö̧jö̧ni'ä̧ö̧ jinä̧'ä̧ ä̧mä̧cu ttaditö to̧ä̧ra̧cuä̧huä̧ ttö̧ja̧ päiönä̧ . ä̧mä̧cu ttoditönä hueä huatö ttöruhuotömä ya'acutä jä̧`ȩpä̧rinä̧tö̧ ': tta̧'a̧nö̧ pä'ö ucutumä reda'cattö Quiädö adicuiä'o'camä räcuätöcuoca'attö, mipo'inä, jitämo̧ro̧'inä̧ jö̧nämä, acuomenä cuaditinätöcua'anömä.<sup>15</sup>ja'hua̧nö̧ ja̧'a̧ttö̧ a̧mä̧cu adicuä to̧ä̧rä̧cuähuä̧ ttö̧ja̧ israelitamä Faraon a'ca jome ïchiö suräja̧ujä̧ pä'ö ö̧cuo̧cuä̧rinä̧tö̧ ja'huätö pä'inätö̧: tta̧'a̧nö pä'ö ucu cumuäyotö ä̧mä̧cu adicuä ttö̧jarö̧mä̧ pä'anö jȩtta̧'a̧ttö̧. <sup>16</sup>Jitämä jiya'a mejiyä̧ uhui'echemä ttiyo̧co̧ujä̧ ujutu ucu cumäyotö ämäcu adicuä ttö̧jarö̧mä̧, ja'hua̧nö̧ ja'anä'inä pä̧ttä̧u̧jä̧: iya'acutä räepätucui reda'cattö quiädö adicuä o'camä! ujutumä, jitamä yori'iso röänä cuacuattä̧u̧jä̧ ja̧'hua̧nö ja̧'a̧nä̧ cumuäyotö suronä jettö̧mettö̧. <sup>17</sup>Ja̧'hua̧nö ja̧'a̧ Faraon päinö̧: iucutumä utähuätöjö̧!, juiyo utähuätöjä̧ tä̧ji ucutumä pä'ätöjä̧ ticha̧ hueitö isa̧rö̧ kuicu to̧änä hua̧rö̧ tiya'ja. <sup>18</sup>Ja̧'hua̧nö ja'attö jitämä ppa̧'a̧chätöcui cuaditähuätucura̧'a̧ jua'a yabo mejiyä̧ uhuo'che ucuturumä iyähui'iyäcuotöjä̧ Ja̧'hua̧nö jua'a̧nä̧ reda'cattö `quiädö adicuä o´ca räcuepä'äyätöcua'anö̧tä̧ juiächiö juiyunä aditätucui.¹⁹Ämacu aditätörö toä̧ra̧cuä̧huä̧ ttö̧ja̧ israelitamä tottuacuä hu`jpomenä jiyȩtȩ hu̧nȩ puai'inä̧ö̧ pa'anö̧ pöromenä : "reda'cattö `quiädö adicuä o´camä jicate'inä cuä̧cho̧cächiö juiyunä aditätucui moro jö̧a̧cuä̧". ²⁰Ja̧'huätömä Moises rö'inä, anrón'inä topäcuihuinätö̧, ru̧hu̧a̧ ojusode imi jäyä ttö̧ja̧cua̧'a̧ ru̧hu̧a̧ Faraón ö̧jomȩttö̧ otonänö töipächinätö̧a. ²¹Ja̧'hua̧nö̧ ja̧'a̧ Israel ttö̧ja̧ttö̧ adicuättö ruhuotö Moisésrö'inä, Aarónrö'inä pä'inätödo: Ja̧'hua̧nä̧ ja̧'a̧ttö̧ Tu̧ru̧hua̧ Dios ucuturu ro̧ȩpä̧cua̧. Ucutu jȩcu̧'inätu̧cua̧'a̧ttö̧ Egipto rȩjȩ ru̧hua̧ ujuturu kö'cocö. Ja̧'hua̧ta̧nö̧ Egipto rȩjȩ ttö̧ja̧ ttu̧ru̧hua̧ ippeye ruhuä'inä ujuturu kö'cocotö. Ja̧'hua̧nö̧ ja̧'a̧ttö̧ ujuturu cuä'ö tticu'anö ja̧'a̧ pä'inätödo Israel ttö̧ja̧ttö̧ adicuättö ruhuotömä.²²Ja̧'hua̧nö̧ ä̧ju̧cuo̧mȩnä̧, Moisés Tu̧ru̧hua̧ Diosrö ppa̧'ä̧chö̧ pä'inödo: Chu̧ru̧hua̧, ¿dä̧bö̧ surojö cui'cächäjättö Israel ttö̧ja̧rö̧? ¿Dä̧bö̧ ttörö huecuhuina'attö ru̧hua̧rö̧ chucuocua pä'ömä? ²³Egipto ttö̧ja̧ ttu̧ru̧hua̧rö̧ ucu cuiminä̧ chucuocuomenä, suronätä jȩpä̧ji ̧ jahuätörö. Ja̧'hua̧ta̧nö̧ ucumä jahuätö cumöhuäyotörö ji'quicha̧nö̧'inä̧ ttö̧jipö̧nä̧ ppä'ädocö päjijä pä'inödo Moisésmä.

¹Ja̧'hua̧ta̧nö̧ Tu̧ru̧hua̧ Dios Moisésrö pä'inödo: Jitä ttö Egipto rȩjȩ ru̧hua̧rö̧ jȩchä̧cuȩmä̧ to̧cu̧'ä̧cua̧jä̧. Ttö chujurunä jȩchä̧cua̧sä̧ Egipto rȩjȩ ru̧hua̧ ja̧'a̧tä̧ toa pä'ö Israel ttö̧ja̧rö̧ rättopächa'anä. Ttö chujurunä jȩchä̧cua̧sä̧ hue'ö icua pä'ö jahuätörö chutä iŗ ȩjä̧ttö̧.²Ja̧'hua̧ta̧nö̧ Tö̧ä̧nä̧hua̧ Dios Moisésrö pä'inödo:Ttötä ucu Cu̧ru̧hua̧mä̧. ³Abraham minärö'inä, Isaac minärö'inä, Jacob minärö'inä, O'ca juiyönä Ju̧ru̧hua̧ Ttö̧ä̧nä̧hua̧ Dios päi'önä ijȩcuinö̧sä̧. Ja̧'hua̧nö̧ ja̧'a̧nä̧ ttö chimimä̧ Chu̧ru̧hua̧ Dios pä'ömä yorö'iso ttieruhuinäcusä. ⁴Ja̧'hua̧ta̧nö̧ ttö jahuätörö iso päi'önä jȩchä̧cuȩ huȩnȩ ji'ähuinösä, korotö tti̧rȩjä̧, Canaán rȩjȩ jahuätö ttö̧jinä̧jä̧, tti̧rȩjä̧ päi'önä chiyatö pä'ö. ⁵Ja̧'hua̧ta̧nö̧ Israel ttö̧ja̧ ajuäu kä̧nö̧ huotta'a ä̧ju̧cuinö̧sä̧, Egipto ttö̧ja̧ pä̧icu̧nä̧ ttaditönä huettä̧rä̧u̧. Ja̧'hua̧ta̧nö̧ ttö jahuätörö iso päi'önä jȩchä̧cuȩ huȩnȩ pädinömä amöcuädäjisä pä'inödo Dios.⁶―Ja̧'hua̧nö̧ ja̧'a̧ttö̧ Israel ttö̧ja̧rö̧ piy̧ ȩ chihuȩnȩ jicuhuähuaja: Ttötäsä ucutu Cu̧ru̧hua̧tu̧cu̧mä̧, pä'äji Tu̧ru̧hua̧mä̧ pä'ö. Egipto rȩjȩ ttö̧ja̧ pä̧icu̧nä̧ huettära̧'a̧ttö̧ rä'epö chicuäcuotöjä. Ja̧'hua̧ta̧nö̧ pä̧icu̧nä̧ cuaditähuättömä 'chodipäcuotöjä. Ja̧'hua̧ta̧nö̧ chöjo cä'epö chujurunä Egipto rȩjȩ ttö̧ja̧rö̧ pä̧icu̧nä̧ ro̧dȩpä̧cua̧sä̧ cu̧jipätu̧cua̧ pä'ö. ⁷Ja̧'hua̧nö̧ ja̧'a̧ ucuturu chȩmä̧cua̧sä̧ chumöhuäyotö päi'önä cu̧jätu̧cuä̧cua̧'a̧nö̧. Ja̧'hua̧nö̧ ja̧'a̧ttö̧ ttötä ucutu Cu̧huä̧nä̧hua̧tu̧cu̧ päi'önä chö̧jä̧cua̧sä̧. Egipto rȩjȩ ttö̧ja̧ pä̧icu̧nä̧ huȩttä̧ro̧mȩttö̧, ujuturu rä'epö icuinö pä'ö cu̧huo̧juä̧cuo̧tö̧jä̧. Ja̧'hua̧ta̧nö̧ ucutu cu̧huo̧juä̧cuo̧tö̧jä̧ ttörö ujutu Tu̧ru̧hua̧ Diosmä iso päi'önä kö̧ pä'ö.⁸Korojä̧ Abraham minärö'inä, Isaac minärö'inä, Jacob minärö'inä chiy̧ ä̧cua̧sä̧ pä̧dinä̧jä̧ra̧'a̧ chȩpä̧cuo̧tö̧jä̧. Ja̧'hua̧ta̧nö̧ ucuturu chiy̧ ä̧cua̧sä̧ ja̧huä̧jä̧ ucututä cua̧mo̧nä̧ cuiŗ ȩjätu̧cu̧ päi'önä. Ttötäsä ucutu Cu̧ru̧hua̧tu̧cu̧mä̧ pä'inödo Dios Moisésrö. ⁹Moisés Dios hueäji huȩnȩ Israel ttö̧ja̧rö̧ jiähuomenä, ä̧ju̧cuo̧co̧tö̧ pinätödo rö̧ȩnä̧ tta̧'cua̧ tta̧ttȩcua̧'a̧ttö̧, ja̧'hua̧ta̧nö̧ juruhuächi'ö pä̧icu̧nä̧ ttadita'attö.¹⁰Ja̧u̧nu̧ o'ca'a Tu̧ru̧hua̧ Dios Moisésrö pä'inödo: ¹¹Ji'ähuäji Egipto rȩjȩ ru̧hua̧rö̧: Cuiŗ ȩjä̧ttö̧ Israel ttö̧ja̧mä̧ rättopa'anä ja̧'a̧tä̧ topitödo pä'ö. ¹²Ja̧'hua̧nö̧ ja̧'a̧nä̧ Moisés Tu̧ru̧hua̧ Dios ä'ca jo̧mȩttö̧ ucuocu pä'inödo: Topi. Israel ttö̧ja̧ yorö'iso ttörö ä̧ju̧cuo̧co̧tö̧ päjätö. Ja̧'hua̧nö̧ ja̧'a̧mä̧ ¿tta̧'a̧nö̧ ä̧ju̧cuä̧cua̧'a̧ jä̧ttö̧ ttörö Egipto rȩjȩ ru̧hua̧mä̧? Ttömä adiunä ucuocuä̧ro̧cö̧sä̧. ¹³Ja̧'hua̧nö̧ ja̧'a̧ Tu̧ru̧hua̧ Dios Moisésrö'inä, Aarónrö'inä ucuocuinödo. Jahuätörö hue'inödo Israel ttö̧ja̧rö̧'inä̧, Egipto rȩjȩ ru̧hua̧rö̧'inä̧ ucuocu tti̧'cha̧ pä'ö, Israel ttö̧ja̧rö̧ Egipto rȩjȩttö̧ rä'epö tticua pä'ö.¹⁴Pitö̧ jina'a tta'ao ujo̧sodetto oicua hijamä: Rubén ittimonä, Israel ttittimöa'ca ttijämä pita jima'a: Hamóc, Falú, Hezrón ina cami'ina Pito jina'a oicua hijamä Rubén ita̧muninattö. ¹⁵Simeón ihimomä pito jina'a jemuel ina jamin Ohad, Jaquín, Zoharina, Saul ina yajöte cananea hijaisa ihö ittijina a pita jina'a oicua hijamä Simeón utamömina̧tto̧¹⁶Pitota jina'a hi̧mi̧ pajacuo̧to̧ Leví ittimä pita ina'a Gersón, caat'ina, Merariyina Levimä (137) dua jomena kinö. ¹⁷Gersón ittimomä pito jina'a Libni ina Simei'ina. ¹⁸Cohat ittimä pitö jina'a Amram'ina, Iz harina, Hebrón uziel'ina cohatmä (133) dua jomebö jamenä kinö. ¹⁹Merari ittimömä pito jina'a Mahli'ina Musi'ina. Pitomä Levitas utamö minätto̧, aicua ttijä paina̧to̧ juatocuta utomö o'coto'ina.²⁰Amram apa'achi'inö jocabedcä jaö ahuäruaattö juamä uhuabecuinajo Aaron'ina Moisés'ina. Amram kinö (137) duo jomenä junö camä corö pa'inö. ²¹Izhar ittimömä pitö jina'a Coré, Nefeg'ina Zicri'ina. ²²Uziel ittimömä pitö jina'a. Juamä uhuäbecuinajö̧ Nadab, Abiu'ina, Eleazar'ina itamarina.²³Aarónmä ppa'achinö Elisebacu, Aminadab kitto jina'a Naasón ahuäruhuäjö̧ jinamä uhuäbecuinajö̧ Nadab, Abiú'ina, Eleazar'ina itamarina. ²⁴Coré ittimomä pito jina'a Asirina, El cana'ina Abia saf'ina Pitomä jina'a coroitas ttotö̧mö̧ minä oicua ttija̧ jina'a. ²⁵Eleazarmä, Aarón itti jina'a levitattö tta ujosode köda'ca ttahua̧racua húa ttija̧mä juatocúta utamöminä.²⁶Pitö umäto̧ ta̧jo̧ jina'a Aarón'ina Moisés'ina tia̧nahua juatorö pa'ino: Egipcios rejȩttö̧ma̧ Israelilita raepicuatocui, curä röhuä ttomä." ²⁷Aarón'ina Moisés'ina Faraónro ucuocuina̧to̧, Egipto ruhuaro, Egipto rejetto Israelistarö raepöcäpaö hueca pao. juato patota jina'a Moisés'ina Aarón'ina.²⁸Tia̧na̧hua ucuacui̧no̧ Moisésrö Egipto rejȩttö̧, ²⁹Juato painö "Ttota ja'a cui'anahuamä. Faraónro iyinömä, Egipto ruhua̧ma̧ cajuiöna ttopadana̧ta̧". ³⁰Juanö ja'a tia̧na̧huaro pa'inö: ttomä odiunäma ucuocuaro̧cu̧sa,¿Juanö juttomö ajicua̧cua̧tto̧ Faraónmä?

¹Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: Ttötä ucuru huȩdä̧cua̧sä̧ Egipto rȩjȩ ru̧hua̧rö̧. Ttö jȩcha̧ji ̧ juäimä o'ca juiyönä ucutä jȩcu̧'a̧nö̧ ja̧'a̧. Ja̧'hua̧ta̧nö̧ cuböo Aarónmä ucu cuihuȩnȩ jiäcuähuä isa̧ päi'önä ö̧jä̧cua̧. Ya̧tȩ Ttö Chihuȩnȩ jiäcuähuä isa̧ jä̧'inö̧'a̧nö̧ jö̧nä̧ ö̧jä̧cua̧ ja̧u̧mä̧, ucu cuihuȩnȩ jiähuomenä ru̧hua̧rö̧. ²O'ca juiyönä huedömä, cuböo Aarónrö cu̧cuo̧cuä̧cua̧jä̧. Ja̧'hua̧ta̧nö̧ chutä Aarónmä Egipto rȩjȩ ru̧hua̧rö̧ u̧cuo̧cuä̧cua̧, iŗ ȩjä̧ttö̧ Israel ttö̧ja̧ rättopa'anä ja̧'a̧tä̧ toa pä'ö.³Ja̧'hua̧nö̧ ja̧'a̧nä̧ ttötä Egipto rȩjȩ ru̧hua̧ esetö juiyönä öaroda pä'ö jȩchä̧cua̧sä̧, ttö̧ja̧ tottocö juäi rö̧ȩnä̧ chijȩpa̧ pä'ö Egipto rȩjȩnä̧. ⁴Egipto rȩjȩ ru̧hua̧mä̧ ucuturu esetocö jä̧cua̧. Ja̧'hua̧nö̧ ja̧'a̧ttö̧ Egipto rȩjȩmä̧ pä̧icu̧nä̧ chujurunä ro̧dȩpä̧cua̧sä̧, chumöhuäyotö Israel ttö̧ja̧rö̧ Egipto rȩjȩttö̧ rä'epö chicua pä'ö. ⁵Ja̧'hua̧nö̧ Israel ttö̧ja̧rö̧ Egipto rȩjȩ ttö̧ja̧ ttö̧'quȩtȩttö̧ chujurunä rä'epö chicuomenä, jahuätö ttörö ttu̧huo̧juä̧cuo̧tö̧ Cu̧ru̧hua̧tu̧cu̧mä̧ kö̧ pä'ö pä'inödo Tu̧ru̧hua̧ Diosmä Moisésrö.⁶Ja̧'hua̧nö̧ ja̧'a̧ Moisés'inä, Aarón'inä Tu̧ru̧hua̧ Dios hueäji ta'anö jȩpinä̧tö̧do. ⁷Egipto rȩjȩ ru̧hua̧rö̧ ttucuocuinö pä̧nä̧, Moisésmä ochenta a̧'ȩ ku̧nä̧rinö̧do. Aarónmä ochenta y tres a̧'ȩ ku̧nä̧rinö̧do.⁸Tu̧ru̧hua̧ Dios Moisésrö'inä, Aarónrö'inä ucuocu pä'inödo: ⁹Egipto rȩjȩ ru̧hua̧ ucuturu huȩä̧cua̧ ttö̧ja̧ tottocö juäi jȩcu̧'ätu̧cua̧ pä'ö. Ja̧'hua̧nö̧ hueomenä, ucumä Aarónrö päcuhuaja: “Cuitta'ca ȩmo̧po̧'ö̧, rȩjȩ icui” pä'ö, Egipto rȩjȩ ru̧hua̧ ä'ca jo̧mȩttö̧, äca päi'a pä'ö― pä'inödo Dios. ¹⁰Ja̧'hua̧nö̧ ja̧'a̧ Moisés'inä, Aarón'inä Egipto rȩjȩ ru̧hua̧rö̧ ucuocu 'chä̧nö̧, Tu̧ru̧hua̧ Dios hueäji ta'anö jȩpinä̧tö̧do. Aarónmä, Egipto rȩjȩ ru̧hua̧ ä'ca jo̧mȩttö̧'inä̧, ja̧'hua̧ta̧nö̧ ippeye ruhuotö ttä'ca jo̧mȩttö̧'inä̧ itta'ca icuomenä, äca päi'ina'ado.¹¹Ja̧'hua̧nö̧ päi'omenä, Egipto rȩjȩ ru̧hua̧ umöhuäyotö huo̧juä̧huä̧ ttö̧ja̧'inä̧, mä̧rimö̧rö̧'inä̧ tticha pä'ö huopinödo. Jahuätö ttichomenä, ja̧u̧tä̧ juäi jȩpinä̧tö̧do ttumäri'ä jähuänä. ¹²Ya̧tȩ pö̧nä̧ ttitta'ca rȩjȩ tticuomenä, ä̧ca̧tö̧ pä'i'inätödo. Ja̧'hua̧nö̧ ja̧'a̧nä̧ Aarón itta'cattö äca päi'äjimä korotö ttitta'quiyuttu ä̧ca̧tö̧ pä'i'äjätörö rahuädi'ina'ado. ¹³Ja̧'hua̧nö̧ ja̧'a̧ topö, Egipto rȩjȩ ru̧hua̧ jarodi'inödo, Moisésrö'inä, Aarónrö'inä ä̧ju̧cu̧ juiyönä, Tu̧ru̧hua̧ Dios päji ta'anö.¹⁴TÖ̧Ä̧NÄ̧HUA̧MÄ̧ pä'inö̧ Moisés-rö:

"Faraón a̧mi̧'iso'quinä̧mä̧ 'qui'ädäcuähuö ja̧'hua̧nö̧ jä̧cu̧ ttö̧ja̧rö̧ rä'epö icuamä pä'ocö.

¹Ja̧u̧nu̧ o'ca'a Moisésrö TÖ̧Ä̧NÄ̧HUA̧MÄ̧ ucuocuinö "Egipto rȩjȩ ru̧hua̧rö̧ 'chä̧nö̧ ji'äbhuäji, TÖ̧Ä̧NÄ̧HUA̧MÄ̧ pä'ö; ²chumöhuäyotö tti̧'cha̧'a̧nä̧ ja̧'a̧tä̧ topi ucuo tettähuattö pä'ö. Tti̧'cha̧'a̧nä̧ ja̧'a̧tä̧ to'cuoca'a jö̧ttö̧mä̧, ttömä juautö̧nä̧ ro̧dȩpä̧cua̧sä̧ cui̧rȩjä̧ jä̧ttä̧yä̧jä̧. ³Jua̧u̧tö̧ttö̧ suhuädächäcua'a ajemä. Töttöcuotö ja̧'hua̧ta̧'a̧nö̧ tti̧'chä̧cuo̧tö̧ odehuiyä jacuojura̧'a̧, ä'ähuä̧ppä̧nä̧'i̧nä̧, ä'ähuä o̧'ca̧nä̧'i̧nä̧, cumöhuäyotö ttoju odehuiyänä'inä dottächäcuotö. Cuidepiyu ttö̧ja̧rö̧'i̧nä̧ tti̧'chä̧cuo̧tö̧, cu̧cuä̧ ȩttä̧huä̧nä̧'i̧nä̧, cu̧cuȩ adicuä obänä'inä. ⁴Ucuturu'inä suronä jȩttä̧cuo̧tö̧ jua̧u̧tä̧mä̧ cumöhuäyotörö'inä ja̧'hua̧ta̧'a̧nö̧ cui̧rȩjä̧ ttö̧ja̧rö̧'i̧nä̧.⁵TÖ̧Ä̧NÄ̧HUA̧MÄ̧ Moisésrö pä'inö: Aarónrö ji'ähui: cumö cä'epi ja̧'hua̧ta̧'a̧nö̧ ajehuiyänä cutta'ca ki̧'ä̧di̧, isoranä'inä, aje ppo̧ö̧ oranä'inä ja̧'hua̧ta̧'a̧nö̧ Egipto rȩjȩnä̧ jua̧u̧tö̧ rättönä jȩpi̧. ⁶Egipto rȩjȩ ajehuiyänä cumö cä'epinö Aarónmä ja̧'hua̧ta̧'a̧nö̧ rä'ähuinätö̧ jua̧u̧tö̧mä̧, Egipto rȩjȩ jä̧ttä̧jä̧ a̧ttä̧di̧'i̧nä̧tö̧. ⁷Ja̧'hua̧nö̧ ja̧'a̧nä̧ ma̧ri̧mö̧mä̧ juhua'a jö̧ta'anö jepinätö ttumäri'änä, jahuätömä Egipto rȩjȩnä̧ rä'epinä̧tö̧ jua̧u̧tö̧rö̧.⁸Ja̧u̧nu̧ o'ca'a Moisés'inä, Aar'on'inä tti̧'cha̧ pä'ö huopinö Egipto ru̧hua̧mä̧ ja̧'hua̧ta̧'a̧nö̧ pä'inö: Chi̧rȩjä̧ ttö̧ja̧ttö̧'i̧nä̧ ja̧'hua̧ta̧'a̧nö̧ ttöttö'inä jua̧u̧tö̧rö̧ rä'epö icua jä'epätucui CU̧Ä̧NÄ̧HUA̧TU̧CU̧RÖ̧ ja̧u̧nu̧ o'ca'anä cuidepiyu ttö̧ja̧rö̧ tti̧cha̧'a̧nä̧ ja̧'a̧tä̧ to̧chä̧cua̧sä̧ ku icu iyähuä jȩtta̧ pä'ö ja̧u̧ru̧. ⁹Egipto rȩjȩ ru̧hua̧rö̧ Moisésmä pä'inö: Ucumä ti̧yȩnö̧ jädepa päcu'anö hua̧mä̧ ucutä ja̧'a̧, cuahuaruhuärö'inä ja̧'hua̧ta̧'a̧nö̧ cu̧mö̧huäyotörö'inä jua̧u̧tö̧ ucu cuä'ca jo̧mȩttö̧ rä'epö icuähuotö pätti'a pä'ö cuoju odehuiyättö'inä ja̧'hua̧ta̧'a̧nö̧ ajenätä ttö̧jha̧cua̧ pä'ö.¹⁰Egipto ru̧hua̧mä̧ pä'inö: "Yo̧i̧ mo̧ro̧tä̧" Moisésmä pä'inö ucu päcuta'anö jä̧cua̧'a̧, ucu cu̧huo̧juä̧cua̧'a̧nö̧, TÖ̧Ä̧NÄ̧HUA̧ jö̧ta'anö hua̧ ka̧ra̧mä̧ toa'a päcujuiyäcua'anö, ujutu tu̧ru̧hua̧ Diosmä. ¹¹Ucuttömä tti̧huä̧cuo̧tö̧ jua̧u̧tö̧mä̧ cuahuaruhuättö'inä, cumöhuäyotöttö'inä ja̧'hua̧ta̧'a̧nö̧ cuoju odehuiyättö'inä jahuätömä ajenätä̧ ttö̧ja̧cuä̧cuo̧tö̧. ¹²Egipto rȩjȩ ru̧hua̧ ä'ca jo̧mȩttö̧ rä'ochinätö̧ Moisés, Aaróncumä, ja̧u̧nu̧ o'ca'a Moisés TÖ̧Ä̧NÄ̧HUA̧RÖ̧ jä'epinö jua̧u̧tö̧ Egipto ru̧hua̧rö̧ i'cächäjä̧u̧rö̧.¹³Moisés jäepäjita'anö jȩpi̧nö̧ TÖ̧Ä̧NÄ̧HUA̧MÄ̧ odehuiyättö'inä hua'ahuinätö̧ jua̧u̧tö̧mä̧, pättiyuttö'inä, ¹⁴ja̧'hua̧ta̧'a̧nö̧ ro̧ȩcuä̧ o̧ca̧ttö̧'i̧nä̧ rö̧ä̧nä̧ ca̧ca̧tö̧ rö̧ti̧nä̧tö̧ ttö̧ja̧mä̧ ja̧'hua̧ta̧'a̧nö̧ huahuina'a rȩjȩmä̧. ¹⁵Ja̧'hua̧nö̧ ja̧'a̧nä̧ tto̧ȩcuä̧nä̧ päia'a Egipto ru̧hua̧ toomenämä ami iso'qui jacuänä jarodi'inö ja̧'hua̧ta̧'a̧nö̧ Moisésrö'inä, Aarónrö'inä ä̧ju̧cuo̧cö̧ pinö, ja̧'hua̧nö̧tä̧ jȩä̧cua̧ pä'ö TÖ̧Ä̧NÄ̧HUA̧ jiähuäjita'anö.¹⁶Ja̧u̧nu̧ o'ca'a Tu̧ru̧hua̧ Dios Moisésrö pä'inödo: Aarónrö pä'i: Cuitta'ca cujo te'ädö rȩjȩ cuä'i, isa̧ppȩttö̧ ra̧jö̧ pätti'a pä'ö Egipto rȩjȩ jä̧ttä̧yä̧jä̧ suhuädi'önä. ¹⁷Tu̧ru̧hua̧ Dios hueäji ta'anö jȩpinä̧tö̧do. Aarón itta'ca 'chu'huädö öjo te'ädinödo. Rȩjȩ isa̧ppȩnä̧ cuä'inödo. Ja̧'hua̧nö̧ jȩo̧mȩnä̧, ra̧jö̧ a̧ttä̧di'inä̧tö̧do ttö̧ja̧rö̧'inä̧, ttä̧jimö̧rö̧'inä̧. Rȩjȩ isa̧ppȩ o'ca juiyönä ra̧jö̧ päi'ina'ado Egipto rȩjȩ jä̧ttä̧yä̧jä̧ suhuädi'önä.¹⁸Mä̧ri̧mö̧'i̧nä̧ ttumäri'anä ra̧ju̧ rättopönä jȩpi̧nä̧tö̧, ja̧'hua̧nö̧ jȩtta̧'a̧nä̧ rättepö juiyönä ji̧nä̧u̧, ttö̧ja̧nä̧'i̧nä̧, isotönä'inä, ka̧cui̧nä̧tö̧ ra̧jö̧mä̧. ¹⁹Ma̧ri̧mö̧mä̧ Egipto ru̧hua̧rö̧ pä'inätö: "Pomä Dios ödo'che ja̧'a̧" ja̧'hua̧nö̧ pätta'anä Egipto ru̧hua̧ amiso'quimä 'quiyiona'a, ja̧'hua̧nö̧ jä̧cu̧ a̧ju̧cua̧tö̧mä̧ pä'ocö pinö TÖ̧Ä̧NÄ̧HUA̧ Dios päinäta'anö ji̧na̧'a̧ Egipto ru̧hua̧ jȩä̧cuȩmä̧.²⁰TÖ̧Ä̧NÄ̧HUA̧MÄ̧ Moisésrö pä'inö" Pä'ö mo̧ro̧ päia'a porächi'ö ja̧'hua̧ta̧'a̧nö̧ Egipto ru̧hua̧ ä'ca jo̧mȩ cu̧jä̧mä̧da̧jä̧ ja̧u̧ ajera̧'a̧cu̧ i̧'cho̧mȩnä̧ pä'irö TÖ̧Ä̧NÄ̧HUA̧MÄ̧ pä'ö "Chumöhuäyotö tti̧'cha̧'a̧nä̧ ja̧'a̧tä̧ topi ucuo tetähuattö." ²¹Chumöhuäyotö tti̧'cha̧ pä'ö huecu juiyöttömä ucuru huȩdä̧cua̧sä̧ tä̧mö̧ na̧nö̧rö̧ 'teyu jö̧nä̧ cu̧mö̧huäyotörö'inä ja̧'hua̧ta̧'a̧nö̧ cuahuaruhuärö'inä juhua'atäcu cuoju odehuiyä jacuä'inä. Egipto ttö̧ja̧ ttoju odehuiyämä nanöttö̧ su'adi'ö 'teyu jä̧cua̧'a̧ ja̧'hua̧ta̧'a̧nö̧ jahuätö ttö̧ja̧cuo̧mȩ rȩjȩmä̧ o'cajuiyönätä̧ na̧nö̧ttö̧ 'teyö jä̧cua̧'a̧.²²²³Ucu cumöhuäyotöttö Ttö chumöhuäyotörömä imicu̧nä̧nö̧ jö̧nä̧ ttö̧jö̧nä̧ jȩchä̧cua̧sä̧. Pi̧yȩ iso päi'önä ja̧'a̧ pä'ö ijȩcuä̧mä̧ yo̧ȩi ̧mo̧ro̧tä̧ topö cu̧huo̧juä̧cua̧jä̧ ²⁴Ja̧'hua̧nö̧ ja̧'a̧ Tu̧ru̧hua̧ Diosmä jȩchä̧cua̧sä̧ päji ta'anö jȩpinö̧do, na̧nö̧ recuätörö 'teyu jö̧nä̧tä̧ jȩttö̧nä̧. Egipto rȩjȩ ru̧hua̧ ojusode jacuä'inä, umöhuäyotö ttoju odehuiyä jacuä'inä dodepinätödo. Egipto rȩjȩmä̧ surojuoächina'ado na̧nö̧ ttirecua'attö.²⁵Moisés'inä, Aarónrö'inä huopäji'ca Egipto ru̧hua̧mä̧ pä'inö: "Tätucui Cu̧ru̧huu̧ Diosrö i̧sa̧rö̧ ku icu iyähuä jȩpä̧tu̧cui̧ ujutu ti̧rȩjä̧ttö̧tä̧." ²⁶Moisésmä pä'inö: Ujutu jȩta̧ pä'ömä ujuturumä adihuoca'a TÖ̧Ä̧NÄ̧HUA̧RÖ̧ i̧sa̧rö̧ ku icu iyähuä jȩtö̧mä̧ Egipto ttö̧ja̧rö̧mä̧ huahuö jä̧'i̧nö̧'a̧nö̧ jö̧ ja̧'a̧, ttä'ca jomettö i̧sa̧rö̧ ku iyähuä jȩtö̧ttö̧mä̧, Egipto ttö̧ja̧rö̧ huahuö jä̧'i̧nö̧'a̧nö̧ ja̧'a̧mä̧ ¿I̧nä̧dönä icuäumä tti̧cuo̧co̧u̧ täcuotöjä̧? ²⁷Ja̧'hua̧nö̧mä̧cö̧ jȩta̧ pä'ömä huäbodäcuä mo̧ro̧ jo̧mȩnä̧ meje'canä ti̧'cha̧ pä'ö ja̧'a̧ ja̧u̧nu̧tä̧ TÖ̧Ä̧NÄ̧HUA̧RÖ̧ i̧sa̧rö̧ ku icu iyähuä tiya pä'ö, chutä ujuturu hueäjita'anötä̧.²⁸Egipto ru̧hua̧mä̧ pä'inö cui'chä̧tu̧cua̧ pä'ömä huedäcua̧sä̧ Cu̧ä̧nä̧hua̧ Diosrö meje'cattö ku icu iyähuä jȩ'cuȩtu̧cua̧ pä'ö ja̧'hua̧nö̧ ja̧'a̧nä̧ oto abomä 'cho̧co̧tö̧jä̧ ja̧'hua̧ta̧'a̧nö̧ ttö chutö'cä'inä jäcuepätucuaja. ²⁹Moisés pä'inö cuä'ca jo̧mȩttö̧ rädochöttömä yabocutä jädepäcua̧sä̧ TÖ̧Ä̧NÄ̧HUA̧RÖ̧ na̧nö̧ 'teyunö ichätö ucuru tticuipa pä'ö, Egipto ru̧hua̧, cuuhuaruhuärö'inä, cumöhuäyotörö'inä yo̧i̧mo̧ro̧tä̧ ja̧'hua̧nö̧ ja̧'a̧nä̧ yapare jȩpö̧mä̧ jȩ'cua̧tö̧ pä'ömä juiya'a ucumä TÖ̧Ä̧NÄ̧HUA̧RÖ̧ i̧sa̧rö̧ ku icu iyähuä tiya pä'ö ujutu tahuaruhuärömä ttocuepa pä'ömä juiya'a.³⁰Egipto ru̧hua̧ ä'ca jomettö ru̧hua̧mä̧ rä'opächinö Moisésmä ja̧'hua̧ta̧'a̧nö̧ jä'epinö TÖ̧Ä̧NÄ̧HUA̧RÖ̧: ³¹Moisés jäepäjita'anö jȩpi̧nö̧ TÖ̧Ä̧NÄ̧HUA̧MÄ̧ Egipto ru̧hua̧ttö̧ pporädö icuinö nanö 'teyunö jȩpä̧tö̧rö̧mä̧, ahuaruhuättö'inä umöhuäyotöttö'inä ya̧tȩ'i̧nä̧ ki̧'o̧cö̧ pi̧nö̧. ³²Ja̧'hua̧nö̧ ja̧'a̧nä̧ Egipto ru̧hua̧mä̧ ami iso'qui jarodö 'quiyönä jȩpi̧nö̧ ja̧'hua̧ta̧'a̧nö̧ ja̧u̧nö̧'i̧nä̧ ttö̧ja̧ tti̧'cha̧ pä'ömä hue'ocö pinö.

¹Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: Egipto rȩjȩ ru̧hua̧rö̧ 'chä̧nö̧, ucuocuirö. “Pa̧'a̧nö̧ pä'äji Chu̧ru̧hua̧mä̧, hebreos ttö̧ja̧ Ttö̧ä̧nä̧hua̧mä̧. Ja̧'a̧tä̧ topi chumöhuäyotö tti̧'cha̧'a̧nä̧, ttö huedö jȩtta̧ pä'ö. ²Tti̧'cha̧'a̧nä̧ ja̧'a̧tä̧ tocu'u juiyöttömä, jinä̧ jahuätörö repecuttumä, ³ttötä huȩdä̧cua̧sä̧ rö̧ȩnä̧ na̧ttä̧cha̧ pä'ö cuä̧jimö̧rö̧, mȩjiy̧ ä̧nä̧ ka̧cuä̧tö̧rö̧, ca̧hua̧yu̧tö̧rö̧'inä̧, burrotö̧rö̧'inä̧, camellotö̧rö̧'inä̧, pä̧cä̧yö̧rö̧'inä̧, ovejatö̧rö̧'inä̧. ⁴Ja̧'hua̧nö̧ ja̧'a̧nä̧ Ttö Israel ttö̧ja̧ ttä̧jimö̧rö̧mä̧ imicu̧nä̧ jȩchä̧cua̧sä̧ Egipto ttö̧ja̧ ttä̧jimö̧rö̧'inä̧. Ja̧'hua̧nö̧ Israel ttö̧ja̧ ttä̧jimö̧ttö̧ ya̧tȩ'inä̧ 'corupä'i'ocö jä̧cua̧”pä'inödo Tu̧ru̧hua̧ Diosmä Moisésrö.⁵Ja̧'hua̧ta̧nö̧ Tu̧ru̧hua̧ Dios jȩä̧cuȩ mo̧ro̧ pätetö ji'ähuinödo: Yo̧ȩi ̧mo̧ro̧tä̧ pa̧'a̧nö̧ jȩchä̧cua̧sä̧ cuiŗ ȩjȩnä̧ pä'inödo. ⁶Ja̧'hua̧nö̧ ja̧'a̧ Tu̧ru̧hua̧ Diosmä jȩchä̧cua̧sä̧ päji ta'anö jȩpinö̧do. Egipto rȩjȩ ttö̧ja̧ ttä̧jimö̧ o'ca toi'önä u̧mi ̧ ka̧cuinä̧tö̧mä̧ 'corupä'i'inätödo. Ja̧'hua̧nö̧ ja̧'a̧nä̧ Israel ttö̧ja̧ ttä̧jimö̧ttö̧mä̧ ya̧tȩ'inä̧ 'corupä'i'ocö pinödo. ⁷Egipto rȩjȩ ru̧hua̧mä̧ Israel ttö̧ja̧ ttä̧jimö̧rö̧ tottäja pä'ö hue'inödo. Ja̧'hua̧nö̧ topö tti̧'chä̧ja̧'a̧mä̧, Israel ttö̧ja̧ ttä̧jimö̧ttö̧mä̧ ya̧tȩ'inä̧ 'corupä'i'ocö pinödo. Ja̧'hua̧nö̧ ja̧'a̧nä̧ Egipto rȩjȩ ru̧hua̧ yorö'iso jarodi'inödo. Israel ttö̧ja̧ rättopa'anä ja̧'a̧tä̧ topocö pinödo.⁸Ja̧u̧nu̧ o'ca'a Moisés'inä, Aarón'inä ocurä rö̧a̧rättö cuo'ö rä̧mä̧da̧ppȩ ocurä isa̧ppȩ ca̧ca̧tö̧ 'chuädäjä'cotö, ⁹Egipto rȩjȩ ru̧hua̧ ö̧ja̧'a̧cu̧ 'chinä̧tö̧do. Egipto rȩjȩ ru̧hua̧ ä'ca jo̧mȩttö̧ kä̧nö̧, Moisés ocurä isa̧ppȩ mo̧ro̧jä̧ra̧'a̧cu̧ icuinödo. Ja̧u̧ ocurä isa̧ppȩmä̧ dudu oyu räopa pä'ö jȩina̧'a̧do ttö̧ja̧rö̧'inä̧, ttä̧jimö̧rö̧'inä̧ Egipto rȩjȩnä̧mä̧ jä̧ttä̧jä̧tä̧. ¹⁰Ja̧'hua̧nö̧ ja̧'a̧ttö̧ Moisés ja̧'hua̧ta̧nö̧ Aaróncu̧ ocurä äyarisa ȩmi̧pö̧ faraón ä'ca jo̧mȩ 'chä̧hui̧'ö̧ kä̧mä̧di̧nä̧tö̧. Ja̧'hua̧nö̧ ja̧'a̧ Moisés äyarisa ri'äu icuinö̧ ju'tojucu, ri'äu icuomenä o'catoi'önä̧ ttö̧ja̧rö̧'i̧nä̧ isotö äjicuäcuähuotörö'inä ttöttahuiyätä pȩjä̧mi̧pi̧nä̧u̧.¹¹Märimu̧mä̧ 'ta̧mi quittächia päömä̧ Juinätö̧ Moises-römä̧, Ja̧'hua̧'a̧nö̧ Ja̧'a̧nä̧ Ju'attömä, Egipcios-mä̧ o'catoi'önä̧ ttöttahuiyä cu̧nä̧ri̧nä̧tö̧ ¹²Ja'hua̧a̧nö̧ ja̧'a̧ Tö̧A̧NA̧HUA̧-mä Faraon amiiso'qui 'quiädinö̧ Ja̧'hua̧a̧nö̧ Ja̧a̧ttö̧ Faraon-mä̧ äju̧ca̧cö̧ pinö Moises-römä̧ Ja'huata'a̧nö̧ A̧aron'i̧nä̧. Tö̧A̧NA̧HUA̧-mä̧¹³Ja'hua̧a̧nö̧ Ja̧'a̧ttö̧ Tö̧A̧NA̧HUA̧ pä̧i̧nö̧ Moisestö: Pä'ö mo̧ro̧ päia ärämiö̧ ttä̧i, Faraon ä'ca Jo̧mȩ cuijä̧mä̧dä̧ , Ja̧'hua̧ta̧a̧nö̧ Jiähuirö Jua'rö: Tö̧ä̧Nä̧HUA̧-Mä̧, Hebreos Tö̧ANäHUA̧ Dios, pa̧a̧nö pä'ö: Hueitti̧cha̧ chumuHuäyotö ötahuiyä ttö̧ja Juätö̧ ttö̧rö cuco teäö tti̧cha. ¹⁴Ja̧ä̧'hua̧'a̧nö̧ ja̧'a̧piyȩ, pä̧nä̧mä̧ Ttö̧mä̧ Huȩdä̧cua̧sä̧ ucurumä o'cajuiyönä̧, surojö̧nä̧ jȩpä̧tö̧rö̧, cumuhuäyotöröi̧nä̧ ja̧'hua̧ta̧'a̧nö̧ ucu cu̧mu̧huäyotö̧ tojo odehuiyäi̧nä̧. TTö̧mä jȩchäcua̧sä̧ pi̧yä̧a̧mä̧ ucu cu̧huo̧ju'a̧ pä'ö ya̧tei̧nä̧ to'a'a̧ ttö̧'a̧nö̧ hua̧ ka̧ra̧ pi̧jä̧nä̧mä rȩjȩnä̧mä̧pi̧yȩ ¹⁵pä̧nä̧mä̧, ttö̧ chu̧mu̧ cäepinajisä ja̧'hua̧ta̧nö̧ Jȩchinacu̧jä̧ ucuro Ja'hua̧ta̧a̧nö̧ ö̧tahuiyättö cu̧mu̧huätotö'i̧nä̧ märicheinä̧, Ja̧'hua̧ta̧'a̧nö̧ pi̧jättö̧mä̧ rȩjȩttö̧mä̧ toepächinajijä̧. ¹⁶Ja̧'hua̧'a̧nö̧ Ja̧'a̧ttö̧ Jittämä̧ ttö̧ jȩpinösä̧ ucu cu̧ji̧pa̧pä'ö : Ja̧hua̧'a̧nö̧ ja̧'a̧ttö̧ ttö̧mä̧ ijȩpa̧jisä̧ ucuru chujurö, ja̧'hua̧ta̧'nö̧ chimimä yabocuttä ttöhua̧hua̧ pä'ö pi̧jä̧ rȩjȩ o'cajuiyönä̧. ¹⁷Ucumä̧ jinä̧ yabocuttä, yacocuȩcuära̧'a̧ chumuhuäyottörömä Ja'hua̧ta̧'a̧nö̧ hue'ocö cua'a tti̧'chä̧ pä'omä.! ¹⁸Äju̧cui̧! yo̧'ä̧i̧mä̧ , pa̧'a̧ta'a̧nö̧ ja̧'a̧, ttö̧mä̧ jȩ'chäcua̧sä̧ mo̧ö̧nä̧ kärö'coppa̧, rö'äu̧n'ä , diyahuappa, ä'co̧mȩnä̧nö̧ kä̧mä̧di̧nomȩttö päi'önä ja̧hua̧ta̧'a̧nö̧ pȩnȩ jo̧mȩbö. ¹⁹Jittämä̧, huei u̧mä̧tö̧tö̧ Ja̧hua̧ta̧'a̧nö̧ O'cajuiyönä̧ eu̧ju̧nä̧rö̧ cuiäti̧yura̧'a̧ adiuo joca̧ra̧'a̧. O'cataiönä̧ u̧mä̧tö̧ Ja̧'hua̧ta̧a̧nö̧ ajicuähuotö, pätti̧yura̧a̧ttö̧ ikächäcuahuocootö Isodera'a diyau o'qui moacua̧'a̧ Juättö töämȩ, Ja̧'hua̧'a̧nö̧ Ja̧'a̧ Juätömä̧ 'corö Juottähuäcotö̧.²⁰Ja̧'hu̧a̧'a̧nö̧ Ja̧'a̧, Jittö Faraon u̧mu̧huäyotö̧ adicuä ttö̧ja̧ huenȩ esetinä̧tö̧mö̧mä̧a̧ Tö̧Ä̧NÄ̧HUA̧ i̧Huäene äju̧cuäjätö̧mä̧ ttikächä pä'ö hue'inä̧tö̧ tu̧mu̧huäyatörö ja̧hua̧ta̧'a̧nö̧ ttä̧jimu̧ o'catoiönä̧ 'tojuodehuiyärä̧a̧. ²¹Ja'hua̧'a̧nö̧ Ja̧'a̧ , Juättö ka̧ro̧tö̧ huȩnȩ eseto'cotö̧ pä̧jä̧ttömä̧ Tö̧Nä̧HUA̧ i̧Huȩnȩ isopäi'önä̧ tesetoca'a cu̧nipäjätö̧mä̧ tu̧mu̧Huäyö̧tö̧rö̧i̧nä̧ Ja̧hua̧ta̧a̧nö̧ ttä̧jimu̧rö̧'i̧nä̧ pättiyöra̧'a̧.²²²³Ja̧u̧nu̧ o'ca'a Moisésmä Tu̧ru̧hua̧ Dios hueäji ta'anö mo̧ro̧jä̧ra̧'a̧cu̧ itta'ca cäepomenä, Tu̧ru̧hua̧ Dios cu'upä'inä, diyau o'qui'inä hue'inödo. Ja̧'hua̧ta̧nö̧ ocurä'inä mo̧ina̧'a̧do rȩjȩra̧'a̧cu̧. Diyau o'qui'inä hue'inödo Tu̧ru̧hua̧ Diosmä Egipto rȩjȩra̧'a̧cu̧. ²⁴Diyau o'qui'inä cu'upä örohua'a jä̧'inö̧'a̧nö̧ jö̧nä̧ mo̧ina̧'a̧do. Kara'acu'inä, kara'acu'inä bi'cä̧rä̧cu̧ä̧u̧nä̧ mo̧ina̧'a̧do. Yorö'iso ja̧'hua̧nö̧ rö̧ȩnä̧ jö̧ 'cuäopa'a topocotö pinätödo pä'äjimä Egipto rȩjȩ o'ca juiyönä.²⁵Diyau o'quimä o'ca toi'önä̧rö̧ u̧minä̧ ka̧cuä̧tö̧ ttö̧ja̧rö̧'inä̧, ttä̧jimö̧rö̧'inä̧ mo̧ina̧'a̧do Egipto rȩjȩ jä̧ttä̧yä̧jä̧. Ja̧'hua̧ta̧nö̧ pättiyu cuähuänä'inä o'ca juiyönä, dauhuiyänä'inä o'ca juiyönä ttö'ättiyumä juiyönä päi'önä nächächipönä mo̧ina̧'a̧do. ²⁶Gosén rȩjȩnä̧tä̧ Israel ttö̧ja̧ ttö̧ja̧cuä̧jä̧nä̧mä̧, diyau o'qui mo̧ca̧'a̧ jina̧'a̧do.²⁷Ja̧'hua̧nö̧ ja̧'a̧ Egipto rȩjȩ ru̧hua̧ huopinödo Moisés'inä, Aarón'inä tticha pä'ö. Jahuätörö pä'inödo: Jitämä suronä jȩpä̧jisä̧. Cu̧ru̧hua̧ Diostä adihuä isa̧mä̧. Ttö'inä, chumöhuäyotö'inä suropätöjä. ²⁸Ja̧'hua̧nö̧ ja̧'a̧ttö̧ Cu̧ru̧hua̧ Diosrö jä'epätucui. Täcö rö̧ȩnä̧ cu'upä'inä cuä'äu, ja̧'hua̧ta̧nö̧ diyau o'qui'inä Cu̧huä̧nä̧hua̧ Dios hueäjimä ka̧'a̧. Ja̧'hua̧nö̧ ja̧'a̧ttö̧ ttö ja̧'a̧tä̧ to̧chä̧cua̧sä̧ räcuopätucua'anä. Jitämä pȩnȩmä̧ ka̧cuo̧co̧tö̧jä̧.²⁹Egipto rȩjȩ ru̧hua̧ ja̧'hua̧nö̧ päomenä, Moisés päinäcudo: Ötahuiyättö rädopomenä, chu̧mö̧ cä'epö tȩdä̧dä̧cua̧sä̧ Chu̧ru̧hua̧ Diosrö. Cu'upä'inä täcö cuä'ähuocö jä̧cua̧. Diyau o'qui'inä täcö mo̧ca̧'a̧ jä̧cua̧'a̧. ³⁰Ja̧'hua̧nö̧ cu̧huo̧juä̧cua̧jä̧ iso päi'önä pijä̧ rȩjȩmä̧ Tu̧ru̧hua̧ Dios iŗ ȩjä̧ pä'ö.³¹Jitämä Lino pättö'i̧nä̧, cebada cuähuä pättö'i̧nä̧ ku̧nä̧huo̧mȩ pönä̧mä̧ pparächächäja'a. Cebada pättömä̧ ocha jo̧mȩnü̧ ja̧'a̧, lino pättö'i̧nä̧ ä̧'u̧mä̧ jo̧mȩnö̧ ja̧'a̧ttö̧. ³²Ja̧'hua̧nö̧ 'cuäopa'anä̧ trigo cuähuä pättö'i̧nä̧, centeno cuähuä pättönä̧mä̧ ji'qui̧cha̧nö̧'i̧nä̧ jȩä̧cho̧ca̧'a̧ ji̧na̧'a̧, juhua'amä röjinä ca̧ca̧cuä̧ ja̧'a̧ttö̧. ³³Ja̧'hua̧nö̧ ja̧'a̧ Moisésmä Egipto rȩjȩ ru̧hua̧ ä'ca jo̧mȩttö̧, ötahuiyättö rä'opö 'chä̧nö̧, U̧ru̧hua̧ Diosrö u̧mö̧pi̧yä̧ teädomenä, cu'upä'inä, diyau o'qui'inä täcö mo̧ca̧'a̧ jina̧'a̧. Ja̧'hua̧ta̧nö̧ ajiya'inä täcö ichoca'a jina̧'a̧.³⁴Ja̧'hua̧nö̧ ja̧'a̧nä̧ Egipto rȩjȩ ru̧hua̧ ajiya ichoca'a, cu'upä'inä, diyau o'qui'inä mo̧ca̧'a̧ toomenä, pä'äji ta'anö chutä'inä, Ja̧hua̧nö̧ umöhuäyotö'inä suronä jȩpö̧ jarodi'inätödo. ³⁵Ja̧'hua̧nö̧ Egipto rȩjȩ ru̧hua̧mä̧ öaroda'attö, Israel ttö̧ja̧ rättopa'anä ja̧'a̧tä̧ topocö pinödo, Tu̧ru̧hua̧ Dios Moisésrö päinö ta'anö.

¹Tu̧ru̧huä̧ päi'nö Moisésrö: ''tä'i Faraón jo̧'a̧, ja̧u̧römä a̧misoquinä uarodomä jȩpȩ i̧sȩ, ja̧'hua̧ta̧'a̧nö umuhuäyotörö'inä ttämi'isoquinä ttö'ärödönä jȩpȩ'se, jȩpi̧nösa̧ chujurö i̧jȩpo chi̧jepäpäi jahuetörö. ²Jahuata'anö jepe'isa̧ piyȩmä̧ yo̧dȩji̧mo̧ro̧ öcutö cuittimötö̧cu̧rö̧ Jahuata'anö cunämötöcurö jicuehueta̧'cua̧a cuanö ttö tottönä jeche'imä.³Jahuata'anö Moises' mä, Aarón'inä , Faraón, ijua'a checui'o̧co̧ttö̧ pettinä'cö: '' Tu̧ru̧huä̧ hebreo ttijä ttö'a̧nähuä Dios, pi̧yȩ 'pä'ö: ttä'anö̧ recuätö curödä cuäja'atö ttörömä chiä'cattö yacuocuarämä? Ja̧'a̧ttä topi chä̧cuä̧rö̧ huerö rättö pä'änä ttörö ucuo tettähuacuänö. ⁴Jinä'ä charahuärö ttichä pä'ö jarödö recuapoca'a ja'a jutömä, ejicui, yö̧i̧ mo̧ro̧ huenecua̧sȩ mȩrȩquȩyu̧rö̧ ucu cuirȩja̧ra̧'a̧.⁵pi̧yȩ rȩjȩ huemänämä tto̧ȩpä̧rä̧cuä̧ korotö'inä töttiyapei ja rȩjȩmä. ⁶pi̧yȩmä suediecua cuojö 'odiye'inä, jahuata'anö cumueyotö tojö odiye'inä juata'anö Egipcios tto̧ja̧ O'catöi'önärö 'inä ji̧yȩtȩ ucu cueo''inä, cuenö'inä töttöcuijinö pi̧yȩmä jiyȩnö̧ mo̧ro̧ pijä̧ rȩjȩnä̧ ka̧cui̧nätönä jitä mo̧ro̧ uboö ''o'ca Moises i̧hui̧'i̧nö̧ jahuata̧'a̧nö reöchinö Faraón ttömä:⁷Faraón u̧mucuäyotömä pättinäcu ¿ tta'anö recuo pide ujutörö yeepe'chö iä̧cuä̧ttö? juatä topi ticha'anä Israelitarömä uhuo tetähuähuä'anö TÖ̧Ä̧NÄ̧HUA̧ Diosrö . ¿jinä jeröpätö jättö jätö täji̧ Egiptos jepi̧huäcuäbä pä'ömä?'' ⁸Moises'inä , Aarónrö'inä. päi'nö ikechinätö Faraón ijomä'cö, pä'änä'ä '' tetöcui ucuotönö ja'epo cuenähuätöcu̧ Diosrö, Jahuanö: titö tijätö tti'chähuottömä.?⁹Moises pä'nö '' tichecuotöja muyötö'inä cuehuetö'inä, ti̧ttimos umätö'inä , nätö'inä ti̧chahuotötijä̧ tȩji̧mö ppo'ätoinä. Jahuanö recuätörunä'inä tesehuä ttöja̧ pä'ä'quäri jepo turuhuarömä. ¹⁰Farón pä'inö: '' Turuhuämä ija pause ucutöcutä , ja'atö mo̧ro̧ huichicuittömä Jahuata'anö ppo'ätörö'inä. topetöcui suronä cuopa'anö ja'a. ¹¹¡Cuichetöhue tetö cui ucutömä cui'quetetö cunä umetötöcue. Jahua'anö TÖ̧Ä̧NÖÄ̧HU̧A röte jä'eperö, ja'ö ja'a ttiji'cumä. ''O'ca'a Moises, Aarón cömä huecuinä'ö Faraón.¹²Ja̧u̧nu̧ o'ca'a TÖ̧Ä̧NÄ̧HUA̧MÄ̧ Moisés-rö pä'inö̧:"Egipto huä̧mȩ päte'ö cu̧mü̧ cä'epö ki̧'ä̧di̧, jirichu̧tu̧ ttichi'a rȩjȩnä̧ ka̧ku̧ dauhuiyä'i̧nä̧ i̧sa̧ppȩ hua'adö icua'anä ka̧cui̧pi̧nö̧ o'cajuiyötä ttucui'äcua'anö̧. ¹³Moisés öjo te'ädö itta'ca cä'epinödo Egipto rȩjȩ huä̧mȩnä̧. TÖ̧Ä̧NÄ̧HUA̧MÄ̧ hue'inö kä̧ru̧'coppa kä̧hua̧ räopa'acuttu mo̧ro̧ jä̧'ijimä̧ beipächönä, yodo jä̧'ijimä̧ beipächönä. Koro mo̧ro̧ päi'omenä kä̧ru̧'coppa kä̧hua̧ räopa'acuttu mä̧rä̧cäyu̧ru̧ i'cächina'a.¹⁴Mä̧rä̧cäyu̧mä̧ Egipto rȩjȩ jä̧ttä̧yä̧jä̧ ichö ja̧huä̧jä̧ jä̧ttä̧yä̧jä̧ ka̧cuinä̧tö̧do juiyo recuätö. Pä'äjimä ja̧'hua̧nö̧ recuätö ttö̧ja̧cua̧'a̧ tottoca'a jä̧'ija̧'a̧ttö̧'inä̧ abonänö recuätö ka̧cuinä̧tö̧do. Ja̧u̧nu̧ o'ca'amä ja̧'hua̧nö̧ recuätömä ka̧cuo̧co̧tö̧ pinätödo. ¹⁵Egipto rȩjȩ jä̧ttä̧yä̧jä̧ a̧ttä̧di'inä̧tö̧do mä̧rä̧cäyu̧ttu̧ rȩjȩ'inä̧ idicuä̧jä̧tä̧ päi'önä. Ja̧'hua̧ta̧nö̧ o'ca juiyönä mȩjiy̧ ä̧'chȩ'inä̧, adiyä'inä, dau u̧huä̧ju̧ diyau o'quittö ka̧cuipä̧ji'inä̧ cui'i'inätödo. Ja̧'hua̧nö̧ ja̧'a̧ttö̧ ja̧'tö̧ra̧ jö̧ adiyä'inä Egipto rȩjȩ jä̧ttä̧yä̧jä̧ yorö'iso ki'o̧ca̧'a̧ jina̧'a̧do.¹⁶Ja̧'hua̧nö̧ ja̧'a̧ttö̧ Faraónmä̧ jurunänö̧ ä̧tȩpi̧nö̧ Moisésrö i̧nä̧ Aarónrö i̧nä̧ ja̧hua̧ta̧'a̧nö̧ päinö: "Cö̧'ä̧nä̧hua̧tu̧cu̧ Diosrö i̧nä̧ ja̧hua̧ta̧nö̧ ucuturö i̧nä̧ surojunä̧ jȩpä̧jä̧ji̧sä̧. ¹⁷ja̧hua̧nö̧ ja̧'a̧ttö̧ jitä, ttö jäyä jȩchä̧ji̧mä önuchiätucui pi̧yȩnä̧mä̧ ja̧hua̧nö̧ ja̧'a̧ttö̧ Cö̧ä̧nä̧huatu̧cu̧ Diosrö jäepätucui pi̧yȩ surojö 'cä̧ȩpicu'attö ttöttömä." ¹⁸ja̧'hua̧nö̧ ja̧'a̧ttö̧ Moisésmä̧ Faraón ö̧jo̧mȩttö̧ räopächö TÖ̧Ä̧NÄHUA̧RÖ̧ jäepinö̧.¹⁹Tu̧änä̧hua̧mä̧ i'cächinö̧ isoppa juruhuoppa ka̧hua̧ mo̧ä̧cha̧cu̧ttö̧ mä̧rä̧cä̧yu̧rö̧ ca̧ca̧tu̧ ȩmi̧pö̧nä̧ dubora tuhuoracu; märäcäyuhua ya̧tȩ i̧nä̧ i̧ji̧pi̧yu̧nä̧ Egipto rȩjȩnä̧. ²⁰ja̧hua̧nö̧ ja̧a̧na̧ Tu̧ä̧nä̧hua̧mä̧ Faraón iarodunä̧ jȩpi̧nö̧ ja̧hua̧nö̧ ja̧a̧ttö̧ Faraónmä̧ Israel ttö̧ja̧rö̧ tti̧'cha̧pe hueocupinö̧²¹Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: Cujo te'ädi mo̧ro̧jä̧ra̧'a̧cu̧ Egipto rȩjȩ o'ca juiyönä yo̧ö̧nä̧ päi'a pä'ö, yo̧ö̧ yodomä tti'ä mö̧ttȩcua̧'a̧ jä̧'inö̧'a̧nö̧ yo̧ö̧nä̧ päi'a pä'ö. ²²Tu̧ru̧hua̧ Dios hueäji ta'anö Moisés öjo te'ädinödo mo̧ro̧jä̧ra̧'a̧cu̧. Ja̧'hua̧nö̧ jȩo̧mȩnä̧, Egipto rȩjȩ jä̧ttä̧yä̧jä̧ yo̧'ö̧tä̧ yo̧ina̧'a̧do huäbodäcuä mo̧ro̧ jo̧mȩnä̧. ²³Tta̧hua̧ru̧hua̧rö̧'inä̧ tottö juiyönä jina̧'a̧do, jäyäcu'inä tti̧'chi'ö̧ juiyönä jina̧'a̧do huäbodäcuä mo̧ro̧ jo̧mȩnä̧. Ja̧'hua̧nö̧ ja̧'a̧nä̧ o'ca toi'önä Israel ttö̧ja̧ ttoju odehuiyänämä mo̧ro̧ jina̧'a̧do.²⁴Faraón Moisésrö ä̧tȩpä̧jä̧ji̧'ca̧ päinö: "Cö̧ä̧nä̧hua̧rö̧ ucuotunö̧ jȩ'cua̧ täi, cuahuäruhuä i̧nä̧ tti̧'cha̧nu̧ ja̧'a̧ ucucutä, ja̧hua̧nö̧ ja̧a̧nä̧ cuä̧ji̧mö̧ o̧vȩja̧stö̧mä̧ tti̧ji̧pä̧cuo̧tu̧." ²⁵ja̧hua̧nö̧ ja̧'a̧nä̧ Moisésmä̧ päinö: "cuiyatupe ja̧a̧ tä̧ji̧mö̧rö̧mä̧ ucuotunö cuäicönö̧ kuicu tiyapäu Tu̧ä̧nä̧hua̧ DIOSRö. ²⁶täji päcäyä i̧nä̧ ujutucu ichape ja̧a̧; ttö̧no̧yä̧ i̧nä̧ ki̧o̧ca̧ja̧cua̧ o'canämä, juäturumä tȩpa̧peja̧a̧ Tu̧ä̧na̧hua̧ DIOSRö ucuotunö̧ jȩpu̧ tesehuape. ujutumä teruhua ja̧a̧ttö̧ yotä ti̧rä̧mȩhuo̧mȩnä̧ Tu̧ä̧na̧hua̧rö̧ ucuotunö jȩtä̧cuä̧mä̧ ."²⁷Ja̧'hua̧nö̧ ja̧'a̧nä̧ TÖ̧Ä̧NÄ̧HUA̧MÄ̧ faraón ami 'quiädäcuäunä jȩä̧cu̧ tti̧'chö̧ juiyönä jȩpi̧nö̧. ²⁸Ja̧hua̧nö̧ ja̧'a̧ Egipto rȩjȩ ru̧hua̧ Moisésrö pä'inödo: Porömä tö'ipächi. Juhua'a yabomä chi'ä tocu'ättö. Pä'äji ta'anö ppa̧cu̧huä̧chö̧ttö̧mä̧, 'corupäcuhui'ä̧cua̧jä̧ ucumä. ²⁹Ja̧'hua̧nö̧ ja̧'a̧ Moisés ädätinödo: Iso päi'önä pä'öjä. Yorö'iso ucu cu'ämä topocö chä̧cua̧sä̧ ttömä.

¹Tu̧ru̧hua̧ Diosmä Moisésrö ja̧u̧nu̧ pä'äjinänö päina'a jina̧'a̧do: Jitä ya'ute ro̧ȩcuä̧ huȩdä̧cua̧sä̧ Egipto rȩjȩ ru̧hua̧rö̧'inä̧, Egipto rȩjȩ ttö̧ja̧rö̧'inä̧. Ja̧u̧nu̧ o'ca'a räcuhuopätucua'anä, ja̧'a̧tä̧ to̧ä̧cua̧. Räcuhuopächätucuomenä, yorö'iso ucuturu ya'opöicuä̧cua̧ pottömä. ²Ja̧'hua̧nö̧ ja̧'a̧ttö̧ ttö̧ja̧ ttä̧ju̧cua̧ pä'ö ji'ähui Israel ttö̧ja̧ u̧mä̧tö̧ o'ca toi'önä̧rö̧, Israel ttö̧ja̧ nä̧tö̧ o'ca toi'önä̧rö̧ Egipto rȩjȩ ttö̧ja̧ tö'cö ka̧cuä̧tö̧ttö̧ koro juäi jättepa pä'ö, pärätättö adicuä'inä, orottö adicuä'inä. ³Ja̧'hua̧nö̧ ja̧'a̧ Tu̧ru̧hua̧ Dios jȩpinö̧do, Egipto rȩjȩ ttö̧ja̧ adiunä jȩtta̧ pä'ö Israel ttö̧ja̧rö̧. Ja̧'hua̧ta̧nö̧ Egipto rȩjȩ ru̧hua̧ ippeye ruhuotö'inä, o'ca toi'önä Egipto rȩjȩ ttö̧ja̧'inä̧ Moisésrötä juiyo ucuotinätödo.⁴Ja̧'hua̧nö̧ ja̧'a̧ttö̧ Moisésmä Egipto rȩjȩ ru̧hua̧rö̧ pä'inödo: Pa̧'a̧nö̧ pä'äji Tu̧ru̧hua̧ Diosmä: Yodo kä'co Egipto rȩjȩnä̧ 'cuä̧do̧pä̧cua̧sä̧. ⁵O'ca toi'önä tti̧tti̧mö̧ u̧mä̧tö̧ ä̧cuo̧mȩnä̧ uhuäpächinätömä, Egipto rȩjȩ ru̧hua̧ ideäcänä pö̧ itti̧'inä̧, umöhuäyaju trigo ta'äju kitti̧'inä̧, ttä̧jimö̧ pä̧cä̧yö̧ tti̧tti̧mö̧'inä̧ 'corupätti'äcuotö.⁶Ja̧'hua̧ta̧nö̧ o'ca toi'önä ttajuähuäcuotö pä'äji ttajuähuina'attö'inä abonänö, yodoji ttajuähuäcuättö'inä abonänö rö̧ȩnä̧. ⁷Ja̧'hua̧nö̧ ja̧'a̧nä̧ Israel ttö̧ja̧ ttä̧jimö̧ttö̧mä̧ ya̧tȩ'inä̧ ajuähuocö jä̧cua̧. Ja̧'hua̧ta̧nö̧ ähuiri ya̧tȩ'inä̧ ajuähuocö jä̧cua̧, ttö̧ja̧'inä̧, ttä̧jimö̧'inä̧ 'corupätti'oca'attö. Israel ttö̧ja̧ Tu̧ru̧hua̧ Diosmä Egipto rȩjȩ ttö̧ja̧ttö̧'inä̧, imicu̧nä̧ jȩpö̧ Israel ttö̧ja̧rö̧mä̧ pä'ö, cu̧huo̧juä̧cua̧jä̧, pä'äji Tu̧ru̧hua̧ Diosmä pä'ö ji'ähuinödo Moisésmä. ⁸Moisés juhua'a yabocu Egipto rȩjȩ ru̧hua̧rö̧ ucuocuinödo: Ja̧'hua̧ta̧nö̧ cuippeyä ruhuotö o'ca toi'önä ttörö ichö, ttö chä'ca jo̧mȩttö̧ rȩjȩcu̧ ja̧rȩyu̧nu̧ jȩpö̧, pa̧'a̧nö̧ pättäcuotö ttörö: Rä'opächätucui, ucu'inä, cumöhuäyotö'inä. Ja̧'hua̧nö̧ pättö o'ca'a rä̧do̧pä̧cua̧sä̧― pä'inödo Moisésmä. Ja̧'hua̧nö̧ ja̧'a̧ Moisésmä Egipto rȩjȩ ru̧hua̧ ä'ca jo̧mȩttö̧ juiyo ra̧huä̧rö̧nö̧ rä'opinödo.⁹Tu̧ru̧hua̧ Diosmä Moisésrö ja̧u̧nu̧ pä'äjinänö päina'a jina̧'a̧do: Egipto rȩjȩ ru̧hua̧mä̧ yorö'iso ucuru esetocö jä̧cua̧. Ja̧'hua̧nö̧ ja̧'a̧ttö̧ ttö ttö̧ja̧ ttieru juäi rö̧ȩnä̧ jȩchä̧cua̧sä̧ Egipto rȩjȩnä̧ päina'a jina̧'a̧do Tu̧ru̧hua̧ Diosmä. ¹⁰Moisés'inä, Aarón'inä o'ca juiyö piy̧ ȩ ttö̧ja̧ ttieru juäi Egipto rȩjȩ ru̧hua̧ ä'ca jo̧mȩttö̧ jȩtta̧'a̧nä̧'inä̧, Israel ttö̧ja̧rö̧mä̧, iŗ ȩjä̧ttö̧ rättopa pä'ö ja̧'a̧tä̧ topocö pinödo, Tu̧ru̧hua̧ Diosmä Egipto rȩjȩ ru̧hua̧rö̧ juiyö öarodönä jȩina̧'a̧ttö̧.

¹Ja̧'hua̧nö̧ ja̧'a̧ Tu̧ru̧hua̧ Diosmä pä'inödo Moisésrö'inä, Aarónrö'inä, Egipto rȩjȩnä̧ ttö̧ja̧cuo̧mȩnä̧: ²Pide kä̧hua̧mä̧ a̧'ȩ ä̧cuo̧mȩnä̧ kä̧hua̧ päi'önä ö̧jä̧cua̧ ucuturumä.³O'ca toi'önä Israel ttö̧ja̧rö̧ ji'ähuätucui: Pide kä̧hua̧ fecha diez päi'omenä, oveja itti̧rö̧ ȩmö̧ tti̧'chö̧'a̧nö̧ ja̧'a̧, ttojusodenä ka̧cuä̧tö̧ ttö̧'o̧ya̧ päi'önä, isode yodete pö̧nä̧mä̧ oveja itti̧ ya̧tȩrö̧tä̧. ⁴Yodete isodenä ta̧ju̧tä̧ huotö ttö̧ja̧cu̧ttu̧mä̧, jahuätö ttahuaruhuäcu tö'cönänö ttö̧ja̧cu̧ttu̧mä̧, ya̧tȩrö̧ cuä'ö icu ttö̧ja̧ttö̧ topö, pä̧cuä̧da̧rö̧ ttiyäcua'anö cuä̧nö̧ ttö̧'a̧cuä̧cho̧mȩ jubötä.⁵Oveja itti̧ttö̧'inä̧cö̧, chivo itti̧ttö̧'inä̧cö̧ ya'ute a̧'ȩ ku̧nä̧rö̧, ötta jui'a̧ a̧dihua̧ttö̧ ȩmö̧ tti̧'chö̧'a̧nö̧ ja̧'a̧. ⁶Oveja itti̧rö̧mä̧ hua'adö ttu̧ju̧nu̧'a̧nö̧ ja̧'a̧ ja̧u̧tä̧ kä̧hua̧ fecha catorce jubö. Ja̧u̧nu̧ mo̧ro̧ yo̧ä̧sa̧ päi'omenä o'ca toi'önä Israel ttö̧ja̧ ovejatö̧ tti̧tti̧mö̧rö̧ cuä'ö tticu'anö ja̧'a̧. ⁷Ja̧'hua̧ta̧nö̧ oveja itti̧ ucuoja ȩmö̧, isode idepä ttucuäcuode äpate ä'ca jäyä odiyä todärenä'inä, äpate ä'ca huä̧mȩ isodänä'inä tuttepö'a̧nö̧ ja̧'a̧. ⁸Ja̧u̧nu̧tä̧ yodo idepä ocuränä ȩttö̧ ttucu'a̧nö̧ ja̧'a̧. Pa̧ ppö̧ä̧mo̧cö̧cu̧, reö ojiyäcu, idepäcu ttucu'a̧nö̧ ja̧'a̧.⁹Idepä ji'quicha̧nö̧tä̧ i'ti'a'a'inä, ajiyanä ahuähua'a'inä cucuätucuä'. Ttupiyä'inä, ttöjahuiyä'inä, ttu̧huä̧siyu̧'inä̧ ocuränä ȩttö̧ cucuätucuaja pä'inödo Tu̧ru̧hua̧ Dios. ¹⁰Ja̧'hua̧ta̧nö̧ cu̧ju̧ni'ätu̧cuä̧' yo̧ȩi ̧mo̧ro̧ juäisome cucuätucuäcua'amä. Ji'quicha̧nö̧tä̧ ki'ö̧ttö̧mä̧, ocuränätä ku cuicuätucu'a̧nö̧ ja̧'a̧ pä'inödo Dios. ¹¹Pa̧'a̧nö̧ jȩpö̧ idepämä cucuätucuaja 'chä̧nö̧ cu̧'ca̧tä̧huäti̧yu̧tu̧cu̧'inä̧, cu̧jä̧pö̧ isäyatucu'inä, cuitta'catucu'inä cu̧mö̧nä̧ 'chu'huädö, jo̧mȩ päi'önä jȩcu̧'ätu̧cua̧ja̧ cui'chätu̧cua̧ pä'ö. Ja̧'hua̧ta̧nö̧ jurunänö cucuätucuaja, ttö, Cu̧ru̧hua̧ Dios, cu̧huä̧mȩtu̧cu̧nä̧ 'cuädopö yodo ja̧'a̧ttö̧.¹²Ja̧'hua̧nö̧ ja̧'a̧ttö̧ ja̧u̧nu̧tä̧ yodo Egipto rȩjȩnä̧ 'cuä̧do̧pä̧cua̧sä̧. U̧mä̧tö̧ o'ca toi'önä ä̧cuo̧mȩnä̧ uhuäpächinätörö cuä'ö chicuä̧cua̧sä̧ ttö̧ja̧ttö̧'inä̧, ttä̧jimö̧ttö̧'inä̧. Ja̧'hua̧ta̧nö̧ Egipto ttö̧ja̧ ttö̧ä̧nä̧huo̧tö̧rö̧'inä̧ ro̧dȩpä̧cua̧sä̧. Ttötäsä Cu̧ru̧hua̧tu̧cu̧ Diosmä. ¹³Oveja ucuojamä tocha pä'ö jä̧cua̧'a̧ cuoju odehuiyä cu̧ja̧cuätu̧cuodenä. Ucuoja tochomenä, ucuturumä cu̧huä̧mȩtu̧cu̧nä̧tä̧ 'cuä̧do̧pä̧cua̧sä̧. Ja̧'hua̧ta̧nö̧ surojö 'cuäopoca'a jä̧cua̧'a̧ ucuturu cuä'ö icuähuä juiyönä Egipto rȩjȩ ttö̧ja̧rö̧ ro̧dȩpo̧mȩnä̧. ¹⁴Ja̧'hua̧ta̧nö̧ piy̧ ȩ mo̧ro̧ cunichi'ätucu juiya pä'ö a̧'ȩ jö̧ a̧'u̧cuä̧ Cu̧ru̧hua̧tu̧cu̧ Dios cu̧huä̧mȩtu̧cu̧nä̧ 'cuädopinö amöcuädö pä'cäri jȩcu̧'ätu̧cua̧ja̧. Piy̧ ȩ hueähuä huȩnȩ amöcuädö ucutu'inä cuahuaruhuä'cotö'inä jȩttä̧cuo̧tö̧ pä'inödo Tu̧ru̧hua̧ Diosmä.¹⁵ko̧ro̧mo̧ro̧ttö̧ todäre mo̧ro̧ jo̧mȩnä̧ ttucuäcuotö ppö̧ä̧mö̧ juiyunä adicuaa panttötä. ä̧cuo̧mȩnä̧ mo̧ro̧ma̧ ppöämö̧ jähuamäkoromecu pporädö ttu̧ju̧na̧'nu̧ ja̧'a̧ ttojusodehuiyättömä. ya̧tȩ ppö̧ä̧mö̧ jähuättö adicua'a pan äcuomenä mo̧ro̧ttö̧ kä̧mä̧nö̧ ko̧ro̧mo̧ro̧ttö̧ todäre mo̧ro̧ jo̧mȩnä̧ ucuttumä Israel ttö̧ja̧ cuä'ö tti̧cuä̧cua̧. ¹⁶äcuomenä mö̧rö̧mä̧ ttö chu̧mu̧ru̧ jö̧nä̧ 'cä̧ȩpö̧ ku̧nu̧ ji̧nä̧ yo̧mȩtȩ päiäcuähuä mo̧ro̧ jä̧cua̧'a̧, ja̧'hua̧ta̧nö̧ ko̧ro̧mo̧ro̧ttö̧ todäre mo̧ro̧ päio̧mȩnä̧ jinä yo̧mȩte ca̧cu̧i̧pö̧ ncuöcuäcuotujä. pi̧yȩ mo̧ro̧mä̧ ya̧tȩ i̧nä̧ aditiyä̧cua̧, o'catoinä ttucua päu dahuähuäcua'a. pi̧yȩ ji̧yȩä̧cuä̧tä̧ cuaditäcuotujä ucutumä.¹⁷pä'cäri mo̧ro̧mä̧ ppö̧ä̧mö̧ juiyunä adicua panmä ttu̧ȩcuä̧nä̧ ka̧cuä̧mö̧ tottu anö̧ ja̧'a̧ ja̧hua̧ta̧nö̧ pi̧yȩ mo̧ro̧mä̧ cuahuäruhuaru chi'chächinö mo̧ro̧ ja̧'a̧ttö̧, päcuotu curä ruhuärö 'cä̧'chu̧ korotöttö i̧nä̧ curä ruhuärö, Egipto rȩjȩ i̧mi̧ttö̧. ja̧hua̧nö̧tä̧ ka̧cuä̧mö̧ tottäcuotö pi̧yȩ mo̧ro̧mä̧ ucutötä i̧nä̧ ja̧hua̧ta̧nö̧ cui̧ti̧mö̧ o'cotö i̧nä̧, pi̧yȩmä̧ yautetä jä̧cua̧'a̧ 'cuäopönä̧tä̧ hueähuä huȩnȩ ucuturumä. ¹⁸cucuätucuanö ja̧'a̧ ppö̧ä̧mä̧ juäi enähuocu panmä yo̧ä̧sa̧ ja̧'a̧ kä̧hua̧ räoiäcua a'canä 14 mo̧ro̧ a̧'ȩttu̧mä̧ ä̧cuo̧mȩnä̧ kä̧hua̧nä̧ ja̧u̧nu̧tä̧ kä̧hua̧ 21nä̧ yo̧ä̧sa̧ ja̧'a̧ cäädö. ¹⁹pi̧yȩ 7 nö̧ mo̧ro̧ jo̧mȩnä̧mä̧, ppö̧ä̧mö̧ jähuämä cojuodehuiyänämä juiyacuato. ya̧tȩ pan ppö̧ä̧mö̧ jähuättö aicua ucuttumä Israel ttö̧'ja̧ cuäutti̧cuä̧cua̧, i̧chä̧cuä̧hua̧ ju̧ttu̧ i̧nä̧ juȩnȩtä̧ cuidepiyuttö uhuäpächinö̧ttu̧ i̧nä̧, ²⁰ppö̧ä̧mö̧ jähuättömä cucuätucuape juiyaa. cucuatucuape ja̧'a̧ pan ppö̧ä̧mö̧ jähuä juiyunä aicuatä.²¹Ja̧'hua̧nö̧ ja̧'a̧ Moisésmä Israel ttö̧ja̧ttö̧ u̧mä̧tö̧ tä̧mö̧tä̧ tticha pä'ö hue'inödo. Jahuätörö pä'inödo: Ȩmä̧jätu̧cui ̧ ovejatö̧ tti̧tti̧mö̧rö̧ cuojusodetucunä ka̧cuä̧tö̧ ttö̧'o̧ya̧ päi'önä. Cuä'ö icuätucui oveja itti̧rö̧, Cu̧ru̧hua̧tu̧cu̧ Dios cu̧huä̧mȩtu̧cu̧nä̧ 'cuäopö pä'cäri cuä'ö icuähuä isa̧ päi'önä. ²²Ja̧'hua̧ta̧nö̧ hisopo isade 'te'ädö, oveja ucuoja iso̧'ta̧nä̧ acuoyattö 'cucuetö tucuepätucuaja äpate ä'ca huäme isodänä'inä, äpate ä'ca jäyä odiyänä'inä. Ja̧'hua̧ta̧nö̧ ya̧tȩ'inä̧ isodettö räopö juiyö'a̧nö̧ ja̧'a̧ mo̧ro̧ juome jubö päi'önä pä'inödo Moisésmä.²³ja̧a̧nö̧ ja̧a̧ttö̧ Tu̧ä̧nä̧hua̧mä̧ 'cuä̧o̧pä̧cua̧ Egipto ttö̧'ja̧rö̧ ro̧ȩpape. ja̧u̧ apate isodänä̧ i̧nä̧ ja̧'hua̧ta̧nö̧ apate a'ca isanä i̧nä̧ cuocoya ra̧a̧ toomȩnä̧, ja̧u̧mä̧ 'cuä̧o̧pä̧cua̧ ttiäre apatenä̧ ja̧'hua̧ta̧nö̧ cuäähuä i̧sa̧ ttoju isode jacuä doächiynä̧ jȩä̧cua̧.²⁴pi̧yȩ 'cuaopumä̧ ttö̧ȩpä̧u̧nö̧ to'cuätucuape ja̧a̧. pi̧yȩmä̧ 'cuäopunä̧tä̧ hueähuä jä̧cua̧ ucuturö i̧nä̧ ja̧hua̧ta̧nö̧ ucutö cuo'canä̧ ichäturö i̧nä̧. ²⁵Tu̧ä̧nä̧hua̧ rȩjȩ iyä̧cuä̧jä̧ra̧ docuächätucuomȩnä̧ chutä päinu̧ta̧nö̧²⁶cui̧tti̧mö̧tu̧cu̧ jätteponä̧: '¿pi̧yȩ ucuotecuähuätucumä̧ däje ja̧a̧ttö̧?' ²⁷ja̧'hua̧nö̧ ja̧a̧ ucutumä̧ päcuätucuape ja̧a̧: 'Tu̧ä̧nä̧hua̧ iare pä'cäri kuicu iyähuä ja̧a̧, Tuä̧nä̧hua̧ toju isodenä̧ 'cuäopina̧ ja̧a̧ttö̧ Egipto rȩjȩra̧ttö̧ Egipto rȩjȩ ttö̧'ja̧rö̧ ro̧ȩpi̧nö̧ pä̧nä̧. ja̧u̧mä̧ räepicuinö̧ Israel ttö̧'ja̧rö̧'". ja̧hua̧nö̧ ja̧a̧ttö̧ ttö̧'ja̧mä̧ ja̧rȩyu̧nö̧ pä̧mä̧nö̧ Tu̧ä̧nä̧hua̧rö̧ ucuoteähuinä̧tö̧. ²⁸Israel ttö̧'ja̧mä̧ 'chi̧nä̧tu̧ ja̧'hua̧ta̧nö̧ jȩpi̧nä̧tö̧ Tu̧ä̧nä̧hua̧ Moisesrö i̧nä̧ Aaronrö i̧nä̧ hueejita̧nö̧.²⁹Ja̧'hua̧nö̧ ja̧'a̧ yodo kä'co päi'omenä, Tu̧ru̧hua̧ Dios cuä'ö icuinödo o'ca toi'önä äcuomenäji ruhuärö, Egipto rȩjȩnä̧ ka̧cuä̧tö̧rö̧. Egipto rȩjȩ ru̧hua̧ ideäcänä pö̧ äcuomenäji itti̧rö̧'inä̧, cärenä pä̧nö̧ äcuomenäji itti̧rö̧'inä̧, ttä̧jimö̧ pä̧cä̧yö̧ ä̧cuo̧mȩnä̧ tti̧tti̧mö̧rö̧'inä̧ cuä'ö icuinödo. Egipto rȩjȩ ttö̧ja̧ äcuomenäji tti̧tti̧mö̧rö̧ o'ca toi'önä cuä'ö icuinödo. ³⁰Ja̧u̧nu̧ yodo Egipto rȩjȩ ru̧hua̧'inä̧, ippeye ruhuotö'inä, o'ca toi'önä Egipto rȩjȩ ttö̧ja̧'inä̧ porächi'inätödo. Ja̧'hua̧nö̧ ja̧'a̧ Egipto rȩjȩttö̧ rö̧ȩnä̧ ajuäcuähuinätödo. Isode yodete'inä ki'o̧ca̧'a̧ jina̧'a̧do tti̧tti̧ 'corupä'i'iyoco̧u̧ päjätömä.³¹Ja̧u̧nu̧ yodo Egipto rȩjȩ ru̧hua̧mä̧ Moisésrö'inä, Aarónrö'inä huopinödo tticha pä'ö. Pä'inödo: Rä'opätucui chumöhuäyotö ttö̧'quȩtȩttö̧mä̧, ucutu'inä, Israel ttö̧ja̧'inä̧. Cu̧ru̧hua̧tu̧cu̧ Diosrö cucuocua tätucui, ucutu päcuhuäjätucumä. ³²Cuä̧jimö̧rö̧ o'ca toi'önä, ovejatö̧rö̧'inä̧, chivotö̧rö̧'inä̧, pä̧cä̧yö̧rö̧'inä̧ ȩpätu̧cui,̧ ucutu päcuhuäjätucumä. Ja̧'hua̧ta̧nö̧ Cu̧ru̧hua̧tu̧cu̧ Diosrö ucuocuätucui ttörö ppäda pä'ö. ³³Ja̧'hua̧ta̧nö̧ Egipto rȩjȩ ttö̧ja̧mä̧ Israel ttö̧ja̧rö̧ jurunä tti̧'cha̧ pä'ö hue'inätödo, ujutu'inä o'ca toi'önä 'corupäti'äcuotöjä a̧'cua̧ra̧'a̧ pä'ö ttamöcuäda'attö.³⁴Ja̧'hua̧nö̧ ja̧'a̧ Israel ttö̧ja̧ ttu̧cuȩ pa̧ isähua ppö̧ä̧mo̧co̧hua̧ ttö̧ä̧ro̧'ta̧ jacuä ȩnö̧, ttö̧'ca̧tä̧huäti̧yu̧ juäocua'a ttu'upi'canä hua̧'a̧nä̧ ȩpö̧ 'chinä̧tö̧do. ³⁵Israel ttö̧ja̧mä̧ Moisés hueäji ta'anö jȩpinä̧tö̧do. Egipto ttö̧ja̧ttö̧ koro juäi pärätättö adicuä'inä, koro juäi orottö adicuä'inä, ttö̧'ca̧tä̧huäti̧yu̧'inä̧ ä'canä jä'epinätödo. ³⁶Tu̧ru̧hua̧ Diostä jȩpinö̧do Egipto rȩjȩ ttö̧ja̧mä̧ Israel ttö̧ja̧rö̧ adiunä jȩtta̧ pä'ö. Ja̧'hua̧nö̧ ja̧'a̧ttö̧ Israel ttö̧ja̧ jättepinömä iyinätödo Egipto rȩjȩ ttö̧ja̧mä̧. Ja̧'hua̧nö̧ ȩpinä̧tö̧do Egipto rȩjȩ ttö̧ja̧ ttöärettö.³⁷I̧srael ttö̧ja̧mä̧ 'chi̧nä̧tö̧ Ramsésttö Kä̧mä̧dö̧ Sucot jubö. juätumä jina̧'a̧ 600,000 nö̧ umä̧tö tti̧jä̧pö̧nä̧ 'chä̧tu̧mä̧, nä̧tu̧rö̧ i̧nä̧ ppo̧ä̧tö̧ru̧ i̧na̧ tti̧a̧to̧ca̧tä̧mä̧, ³⁸ttö̧'ja̧ recuätö 'cä̧u̧nä̧ 'chi̧nä̧tö̧ Israel ttö̧ja̧ pocotö i̧nä̧, ttä̧ji̧mö̧ ovejastö̧cö̧ i̧nä̧, pä̧cä̧yu̧ recuätucu i̧nä̧, juätumä pan ppö̧ä̧mö̧ jähuä juiyunä ä̧tti̧nä̧tu̧ Egipto rȩjȩra̧ttö̧ tti'cächäjäjittö. ³⁹ppö̧ä̧mö̧ jähuä juiyina̧a̧ Egipto rȩjȩra̧ttö̧ räepötticuä̧ö̧ ja̧'a̧ttö̧ ja̧hua̧ta̧nö̧ recuo jȩtta̧pȩ juiyina̧a̧ dadapukä̧nu̧mä̧. ⁴⁰I̧sra̧ȩl ttö'ja̧mä̧ 430 a̧'ȩ jo̧mȩnä̧ ka̧cui̧nä̧tö̧ ji̧na̧a̧ Egipto rȩjȩra̧mä̧.⁴¹430 a'e beipächomenä, ja̧u̧nö̧ mo̧ro̧tä̧ ji̧na̧'a̧, o'catoinä Tö̧ä̧nä̧hua̧ umuäyotö curä ruhuä ttö̧'ja̧ Egipto rȩjȩra̧ttö̧ rättopina̧mä̧. ⁴²pi̧yȩ yodomä ttaapemä juiyinaa, Tö̧ä̧nä̧hua̧ Egipto rȩjȩra̧ttö̧ räepicuatupemä. pi̧yȩ yodomä o'catoinä Israel ttö̧'ja̧ Tö̧ä̧nä̧hua̧rö eseäcuähuä yodo ji̧na̧a̧ ja̧hua̧ta̧nö̧ ujututä ti̧tti̧mu̧ o'cotu i̧nä̧ ttesehuape jä̧cua̧a̧.⁴⁴⁴³Ja̧'hua̧ta̧nö̧ Tu̧ru̧hua̧ Dios Moisésrö'inä, Aarónrö'inä pä'inödo: Ttö Cu̧ru̧hua̧ cu̧huä̧mȩtu̧cu̧nä̧ 'cuädopö hueähuä huȩnȩ piy̧ ȩmä̧: Korotö tti̧rȩjä̧ttö̧ ichinätöttö ya̧tȩ'inä̧ pä'cäri ucu juiyö'anö ja̧'a̧.⁴⁵Ko̧ro̧jä̧ttö̧ ichäcuähuotömä ja̧'hua̧ta̧'a̧nö̧ adicuä ttö̧ja̧'i̧nä̧ ji̧yȩtȩ cuäcuähuä'inä ttucua pä'ömä juiya'a. ⁴⁶Ja̧'hua̧ta̧nö̧ oveja itti̧ idepämä yodetettötä cucuätucu'a̧nö̧ ja̧'a̧. Idepämä ji'quicha̧nö̧'inä̧ u̧micu̧ cuȩpätu̧cu̧ juiyö'a̧nö̧ ja̧'a̧. Ja̧'hua̧ta̧nö̧ ihue'ca ji'cate'inä 'tecuhuädätucu juiyö'a̧nö̧ ja̧'a̧.⁴⁷Israel ttö̧ja̧mä̧ o'catoi'önä̧ pä'cärimä jȩpö̧ ttö̧ja̧ pä'ö ja̧'a̧.

¹Tö̧a̧nä̧nähua̧ ucuo cuinö̧ Moisesrö pä'inö ²Israel ttö̧ja̧ ä̧ca̧nä cui̧ttimarö̧ o'catoinärö̧ quȩepu̧ kö̧nätö̧cui, u̧mätö̧rö̧rö̧i̧nä̧ jahua̧ta̧'nö̧ isotöröinä A'canä cui̧tti̧mutö̧cu̧mä ttötä chumuhuä yotö³Moises päinö̧ ahuaröhuarö ; amucuädätucui, Egipto rejettö̧ ucutu räcuo pinätöcu moro, ucutunö pä̧'i̧cu̧nä huettinomettö̧ ; TÖ̧A̧NA̧HUA ujurönätä̧ ju'orö rä'epu i̧cu̧inäu̧jä̧. Pan ppö ä̧mu̧ttö̧ adicuämä cucuätucuä ⁴Ucutumä näcuo päcutöjä Egipto rȩjȩttö̧ ji̧tä mo̧ro̧tä̧ rattopinö kä̧hua̧ ⁵Tö̧änäHUA̧ epa̧cuotöjä ttöjacuä̧jä̧cu̧ Cananeos, Hitita, Amorreos Heveos ja̧huata̧nö̧ Jebuseo, cu̧tä̧mutu̧cua̧sä̧ ja̧hua̧'a̧nö̧ lecho'inä , maya'inä rö̧'enä kä̧jä̧nä, ja̧'hua̧nö̧ ja̧'a̧ttö̧ topu jȩ'cuä̧ cu'o̧tö̧jä̧ucuo tönö̧ jȩä̧cuä̧huä̧ pide kä̧hua̧nä̧⁶Si̧ȩtȩnö mo̧ro̧ ja̧menä cucuä tucu'aja pan ppi̧ö̧ä̧mocö̧ jue'ittö adicuätä siete moro päi'omenä je'cuä cuo̧tö̧jä̧ pä'cäri TöA̧Nä̧HUA̧ i̧minä ⁷Cucuä tucua'nö ja̧'a pan ppu̧'ä̧mocö̧ jue'ittö adicuätä sietenö mo̧ro̧ jo̧menä : juonö moromä cujunärä̧tu̧cuä̧ pan ppu'ämuttö adicuämä Ö'cajuiyönä cujätu cuomemä juiya'anö ja̧'a̧ huihua'tö adicuämä⁸Ju'onö mo̧ro̧mä jicuä huäcuo töjä cuittimurö "Egipto rejettö" jȩi̧nömä̧ TöA̧Nä̧HUA̧ ttö̧rö rä'epomenä ⁹Piyemä cuama cuädätucua pe'ö jä̧cuädö: Piye ja̧'a̧ hueähuä huȩnȩmä Tö̧äNäHUATö pä'ö ji̧cuä huäcuajä; ja̧'hua̧ta̧a̧nö̧ Tö̧ä̧NäHUA̧ ujutunätä̧ rä̧'epu icu'inäcujä̧ Egipto rȩjȩttö̧ ¹⁰Ja̧huanö̧ ja̧'a̧ttö̧ pi̧ye hucähuä huȩnȩmä hua'adö cu̧ju̧nä cuö̧tö̧jä̧ cu̧jä̧tu̧cuo̧ebu a̧'ȩ jö̧ a̧u̧cuä̧.¹³Ja̧'hua̧nö̧ ja̧'a̧ TÖ̧Ä̧NÄ̧HUA̧ Canaán ttö̧ja̧ tti̧rȩjä̧ra̧'a̧ ucuru ȩpo̧mȩnä̧mä̧, chutä pä'ö u̧ju̧ni̧nö̧ ta̧'a̧nö̧ ucuru ja̧'hua̧ta̧nö̧ cu̧tä̧mö̧mi̧nä̧rö̧'i̧nä̧, ja̧'hua̧ta̧'a̧nö̧ rȩjȩ ucuru iyomenämä, ¹¹ä̧cuo̧mȩnä̧ cui̧tti̧ uhuäpächörömä ja̧'hua̧ta̧'anö̧ ä̧cuo̧mȩnä̧ pöttächi'ätö isotö tti̧tti̧mö̧ o'catoi'önä̧rö̧tä̧. U̧mä̧tö̧mä̧ TÖ̧Ä̧NÄ̧HUA̧TÄ̧ ttötodehuäcuotö. ¹²Ä̧cuo̧mȩnä̧ Buroba̧ ä̧cuo̧mȩnä̧ i̧tti̧rö̧ ttiya jueimä̧, oveja i̧tti̧rö̧tä̧ cuiyätucua pä'ö jä̧cua̧'a̧, Buroba̧ i̧tti̧rö̧ ttiyö juiyöttömä̧ ja̧u̧ru̧mä̧ u̧ru̧pä̧'quȩ meropö tticua pä'ötä jä̧cua̧'a̧. Ja̧'hua̧nö̧ ja̧'a̧nä̧ cui̧tti̧mö̧tu̧cu̧ u̧mä̧tö̧ yotucunä̧rö̧mä̧ ppa̧'a̧di̧pö̧ cuȩmä̧tu̧cua̧ pä'ötä jä̧cua̧'a̧.¹⁴14 Ja̧u̧nu̧ o'ca'a cui̧tti̧mö̧tu̧cu̧ ji̧yȩtȩ jättepomȩnä̧: “¿Tocu pä'ö jȩtö̧ttö̧ pi̧yȩmä̧? pättomenä cuädätätucuajá: “Umö ju̧ru̧huä̧mö̧nä̧ Egipto rȩjȩttö̧ rä'epö icuinä̧cu̧jä̧ a̧mä̧cu̧ cuaditönä huȩttä̧ro̧mȩttö̧.

¹Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: ²Israel ttö̧ja̧rö̧ jicuhuähuaja ppa̧ttä̧cha̧ pä'ö Pi-hahirot tö'cö Migdol yabo'inä dubora pabo'inä Baal-zefón pä̧tȩcuä̧nö̧ dubora rö̧ora jäyä ttö̧'ö̧jä̧ma̧ pä'ö. ³Egipto ru̧hua̧ a̧mö̧cuä̧dä̧cua̧ a̧'cua̧ra̧'a̧: Ja̧'a̧tä̧ rȩjȩnä̧tä̧ cue'ächätöcö̧ pä'ö ttö̧ja̧ toächomemä 'cuättopoca'a.⁴Pa̧'a̧nö̧ jȩchä̧cua̧sä̧ Egipto ru̧hua̧ jarodö amöcuäda pä'ö, ucutu cuo'cometucu i'chä̧cua̧'a̧nö̧. Ja̧'hua̧nö̧ Egipto ru̧hua̧rö̧ umöhuäyotörö'inä be'epäjipö chicuomenä, korotö ttörö ttucuotäcuotö. Ja̧'hua̧nö̧ Egipto ttö̧ja̧ ttu̧huo̧juä̧cuo̧tö̧ ttötä o'ca toi'önä Ttu̧ru̧hua̧ kö̧sä̧ pä'ö pä'inödo Dios. Ja̧u̧ huȩnȩ ä̧ju̧cu̧, Israel ttö̧ja̧ Tu̧ru̧hua̧ Dios hueäji ta'anö ppa̧'ä̧chinä̧tö̧do. ⁵Ja̧'hua̧nö̧ ja̧'a̧ Egipto ru̧hua̧rö̧ jittähuomenä Israel ttö̧ja̧ tö'ipächäjätö pä'ö, Egipto ru̧hua̧'inä̧, ippeye ruhuä'inä pärocua'acutä amöcuädinätödo. ¿Dä̧bö̧ ja̧'a̧tä̧ totä̧rä̧jä̧ttö̧ Israel ttö̧ja̧ tti̧'cha̧'a̧nä̧? Täcö toa'a ujutu huetö adicuä isotö pä'ijätömä.⁶Ja̧'hua̧nö̧ amöcuädö, Egipto ru̧hua̧mä̧ Israel ttö̧ja̧ tto'ca'anä i'cha̧ pä'ö, öäre carucä jo̧mȩ päi'önä ttadita pä'ö hue'inödo. Su̧ro̧da̧u̧ru̧'inä̧ ȩpinö̧do. ⁷Ja̧'hua̧ta̧nö̧ ji̧yȩtä̧ adihuä juäi caruquiyä seiscientos jo̧mȩnä̧, ja̧'hua̧ta̧nö̧ o'ca juiyönä caruquiyä Egipto rȩjȩnä̧ ka̧cuinö̧ ocä'inä, ca̧hua̧yu̧tö̧ dotta'anä pȩä̧dä̧rä̧cuä̧huä̧ isotörö'inä ȩpinö̧do̧. ⁸Ja̧'hua̧nö̧ Tu̧ru̧hua̧ Diosmä Egipto ru̧hua̧ ami iso'quittö esetö juiyönä jȩinä̧cu̧do. Egipto ru̧hua̧mä̧ Israel ttö̧ja̧ tto'ca'anä 'chinö̧do, jahuätö esehuäyotö rättopa'anä. ⁹Egipto ttö̧ja̧ttö̧ su̧ro̧da̧u̧, Egipto ru̧hua̧ ä̧jimö̧ ca̧hua̧yu̧tö̧ o'ca toi'önä, caruquiyä o'ca juiyönä Israel ttö̧ja̧ tto'ca'anä 'chinä̧tö̧do. Israel ttö̧ja̧ ttö̧'ö̧jo̧mȩra̧'a̧cu̧ dubora rö̧ora jäyänä, Pi-hahirot tö'cö Baal-zefón pä̧tȩcuä̧nö̧rȩbȩhuinä̧tö̧do.¹⁰Israel ttö̧ja̧mä̧ Egipto ru̧hua̧rö̧ su̧ro̧da̧u̧cu̧ tto'ca'anä tticha'a tottomenä, juiyo ye'ecuinätödo. Tu̧ru̧hua̧ Diosrö pä̧icu̧nä̧ jä'epö ajuähuinätödo. ¹¹Ja̧'hua̧ta̧nö̧ Moisésrö pä'inätödo: ¿'Corupä'i'ätö huattome juiya'a tä̧ji ̧ Egipto rȩjȩra̧'a̧? Ja̧'hua̧nö̧ juiya'attö ¿ujuturu pocu i'cächäjijä tä̧ji ̧ porö ttö̧ja̧ toächomettö 'corupäti'a pä'ö? ¿Dä̧bö̧ ja̧'hua̧nö̧ ujuturu rä'epö icu jȩcu̧'ä̧jä̧ttö̧ Egipto rȩjȩttö̧? ¹²Egipto rȩjȩnä̧ tö̧jo̧mȩnä̧ ucuru pä'inätöjä: Ja̧'a̧tä̧ topitö Egipto ttö̧ja̧ huettö jȩta̧'a̧nä̧, pä'inätöjä. Egipto ttö̧ja̧ huettötä jȩto̧mȩnä̧ pottö ttö̧ja̧ toächomettö 'corupäti'öttö'inä abonänö adihuaja'a pä'inätödo.¹³Ja̧'hua̧nö̧ ja̧'a̧nä̧ Moisésmä ttö̧ja̧rö̧ pä'inödo: Yecuecuätucuä'. 'Quiyönä kätu̧cui.̧ Jitä mo̧ro̧tä̧ tocu'äcuotöjä Tu̧ru̧hua̧ Dios jȩä̧cuȩmä̧ cu̧jipätu̧cua̧ pä'ö. Egipto ttö̧ja̧ jitä mo̧ro̧ tocu'ätucuä̧u̧ru̧mä̧ pä'äji ta'anömä topocotöjä yorö'iso. ¹⁴Tu̧ru̧hua̧ Diostä ö̧ro̧huä̧huä̧cua̧, ucutu 'corunä cu̧jätu̧cua̧'a̧nä̧.¹⁵Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: ¿Dä̧bö̧ ttörö huocu'a'attö? Israel ttö̧ja̧rö̧ ji'ähui tti̧'cha̧ pä'ö. ¹⁶Ucutä cuitta'ca cä'epö ki'ä̧di ̧ dubora rö̧ora huämenä, kä'coranä 'toi'önä jȩcu̧'a̧ pä'ö. Israel ttö̧ja̧ duboranä 'cuättopäcuotö rȩjȩ jo̧ä̧jä̧nä̧. ¹⁷Ttötä Egipto ttö̧ja̧ ttöaroda pä'ö jȩchä̧cua̧sä̧, Israel ttö̧ja̧ tto'ca'anä dottächi'a pä'ö. Ja̧'hua̧nö̧ Egipto ru̧hua̧rö̧'inä̧, su̧ro̧da̧u̧ru̧'inä̧, caruquiyä'inä, pȩä̧dä̧rä̧cuä̧huä̧ isotörö'inä be'epäjipö chicuomenä, o'ca toi'önä ttörö tucuotäcuotö. ¹⁸Ja̧'hua̧ta̧nö̧ yodoji'inä ttö jȩchinö̧ ttä̧ju̧cuo̧mȩnä̧, Egipto ttö̧ja̧ ttu̧huo̧juä̧cuo̧tö̧ ttö Cu̧ru̧hua̧tu̧cu̧ päi'önä chö̧jö̧mä̧, Egipto ru̧hua̧rö̧'inä̧, caruquiyä'inä, pȩä̧dä̧rä̧cuä̧huä̧ isotörö'inä chujuruhuomenä pä'inödo Diosmä.¹⁹Dios adihuä u̧mö̧huä̧ya̧ isoppa hua̧ Israel ttö̧ja̧ ttä'canä 'chä̧ji̧mä̧ kärächi'ö ja̧'hua̧ta̧'a̧nö̧ jahuätö tto'ca'anä 'chi̧nö̧. Isoppa rȩjȩttö̧ kä̧mä̧dö̧ ju'tojucu jueönä kö̧nä̧ oipoppamä kärächi'ö jahuätö tto'ca'anä kä̧mä̧di̧na̧'a̧. ²⁰Isoppamä ichina̧'a̧ Egipto ttö̧ja̧ ttö̧jo̧mȩttö̧'i̧nä̧ ja̧'hua̧ta̧'a̧nö̧ Israel ttö̧ja̧ ttö̧jo̧mȩttö̧'i̧nä̧ 'cä̧tȩ jo̧mȩ.Juhuoppa isoppamä yo̧i̧no̧ppa Egipto ttö̧ja̧rö̧mä̧, ja̧'hua̧nö̧ ja̧'a̧nä̧ Israel ttö̧ja̧rö̧mä̧ tȩa̧u̧ kä̧dȩpi̧na̧'a̧, ja̧'hua̧nö̧ ja̧'a̧ttö̧ tö'cöpächi'ocotö pi̧nä̧tö̧ jahuätö ttö̧ja̧'a̧nä̧mä̧ yo̧ö̧tä̧ yo̧a̧'a̧ttö̧ ya'ute yodo jo̧mȩnä̧.²¹Moisesmä duborara'acu u̧mu̧ cä'epinö .Tu̧ru̧hua̧mä̧ hue'inö isoppa pä̧i̧cu̧nä̧ ichönä ja̧u̧nö̧ yodo 'cuäoi'önä dubora o'ca'acu ichö ja̧'hua̧ta̧'a̧nö̧ ba'ecuächö rȩjȩ jo̧ä̧jä̧tä̧ päi'ina̧'a̧. Ja̧'hua̧nö̧ pä'i'ö ajiyamä todärenä päi'önä 'cä̧ȩcuä̧chi̧na̧'a̧. ²²Israel ttö̧ja̧mä̧ 'cuä'opinä̧tö̧ dubora tuhuora 'cä̧tȩnä̧ rȩjȩ jo̧ä̧jä̧nä̧. Ajiyamä räbä jö̧nä̧tä̧ päi'ina̧'a̧ jahuätö ttu̧huo̧jua̧'a̧cu̧'i̧nä̧ jahuätö ttö'ohuecu ja̧'a̧nä̧'i̧nä̧.²³Egipto ttö̧ja̧mä̧ ru'i'inä̧tö̧ .'Chi̧nä̧tö̧ tto'ca'anä dubora kä'co päte'ö jubö päi'önä, o'catoi'önä Faraon ä̧ji̧mö̧ ca̧ba̧yu̧tu̧ caruquiyä do'ätö'inä, ja̧hua̧ta̧'a̧nö̧,ja̧hua̧ta̧'a̧nö̧ ca̧ba̧yu̧tu̧nä̧ huä̧tö̧'i̧nä̧. ²⁴Ja̧'hua̧nö̧ ja̧'a̧ttö̧ horamä ( a la 02 - 06 am.) mo̧ro̧jä'canä Egipto ttö̧ja̧ su̧ro̧da̧u̧ru̧ isoppa ocuräcu rȩttö̧ kä̧mä̧dö̧ jueönä kö̧nä̧ ttoepa'a topinö Tu̧ru̧hua̧mä̧. ja̧'hua̧nö̧ kä̧mä̧da̧'a̧ topö ye'ö ttö̧'ä̧hui̧nä̧tö̧ Egitpto ttö̧ja̧mä̧. ²⁵Caruquiyä i̧jȩpö̧'quiyu'inä kärächi'iyönätä 'chu'ädö ku̧ni̧na̧'a̧ ja̧'hua̧ta̧'a̧nö̧ ca̧ba̧yu̧tu̧'i̧nä̧ jȩttö̧ juiyönä̧tä̧ päi'inä̧u̧ . Ja̧'hua̧nö̧ pä̧i̧'ä̧u̧ Egipto ttö̧ja̧mä̧ pä'inä̧tö̧,"hue'itö rätopächa Israel ttö̧ja̧ttö̧, TTu̧ru̧hua̧mä̧ rohuähuö ujuturumä jahuätörö ppä'ädö."²⁶Tu̧ru̧hua̧mä̧ pä'inö Moisesrö," cu̧mö̧ cä'epi dubora tuhuoracu pä'äjita'anö ajiya mö̧ȩcuö̧cha̧ Egipto ttö̧ja̧rö̧'i̧nä̧, caruquiyä'inä, ja̧hua̧ta̧'a̧nö̧ ttö̧ja̧ ca̧ba̧yu̧tu̧nä̧ huä̧tö̧'i̧nä̧." ²⁷Moisesmä u̧mö̧ cä'epinö dubora tuhuora huä̧mȩnä̧, ja̧'hua̧ta̧'a̧nö̧ pä'äji jä̧ji̧ ta̧'a̧nö̧ yoräteunä päi'a'atä topinä̧tö̧ mo̧ro̧ päia'amä. Egipto ttö̧ja̧mä̧ kärächi'ö tö'ipächinätö ja̧'hua̧nö̧ ja̧'a̧nä̧ Tu̧ru̧hua̧mä̧ ȩpi̧nö̧ kä'co päte'ö. ²⁸Ajiyamä a̧ttä̧di̧'i̧na̧'a̧ Faraon öäre Caruquiyä'inä,ttö̧ja̧ Ca̧ba̧yu̧tu̧nä̧ huä̧tö̧rö̧'i̧nä̧, ja̧'hua̧ta̧'a̧nö̧ o'catoi'önä u̧mö̧huäyotö su̧ro̧da̧u̧ Caruquiyänä 'chä̧tö̧rö̧'i̧nä̧ .Ya̧tȩ'i̧nä̧ a̧'cua̧rö̧mä̧ ki̧'o̧cö̧ pi̧nö̧.²⁹Ja̧'hua̧nö̧ ja̧'a̧nä̧, Israel ttö̧ja̧mä̧ 'cuä'opinä̧tö̧ Dubora 'cä̧tȩnä̧ rȩjȩ jo̧ä̧jä̧nä̧. Ttu̧huo̧jua̧'a̧cu̧'i̧nä̧ ja̧'hua̧ta̧'a̧nö̧ ttö'ohue ja̧'a̧cu̧'i̧nä̧ ajiyamä räbä jö̧nä̧tä̧ ji̧na̧'a̧ jahuätörömä. ³⁰Ja̧'hua̧nö̧tä̧ jȩpö̧ ppä'ädinö Tu̧ru̧hua̧mä̧ Israel ttö̧ja̧rö̧mä̧ ja̧u̧nö̧ mo̧ro̧ Egipto ttö̧ja̧ ttu̧mö̧ttö̧ ttö̧ji̧pö̧nä̧, Israel ttö̧ja̧mä̧ topinä̧tö̧ Egipto ttö̧ja̧ ttö'co jähuämä Dubora jäyoto rö̧ja̧'a̧tä̧. ³¹Israel ttö̧ja̧ Tu̧ru̧hua̧ Egipto ttö̧ja̧rö̧ ujuruhuäji tottomȩnä̧, ttö̧ja̧mä̧ ye'inätö Tu̧ru̧hua̧rö̧mä̧, ja'huätömä ucuotö jȩpi̧nä̧tö̧ Tu̧ru̧hua̧rö̧'i̧nä̧ ja̧'hua̧ta̧'a̧nö̧ u̧mu̧huä̧ya̧ Moisesrö'inä.

¹Ja̧'hua̧nö̧ ja̧'a̧ttö̧ Moisés'inä, Israel ttö̧ja̧'i̧nä̧, pi̧yȩ huȩnȩ Tu̧ru̧hua̧ Diosrö ra̧'i̧nä̧tö̧do: Tu̧ru̧hua̧ Diosrö ra̧dä̧cua̧sä̧, adiu juruhuäjirö. Ca̧hua̧yu̧tö̧rö̧'i̧nä̧, ca̧hua̧yu̧tö̧nä̧ huä̧mä̧dä̧tö̧rö̧'i̧nä̧ duborara̧'a̧ do'opö icuäji.²TÖ̧Ä̧NÄ̧HUA̧TÄ̧ ja̧'a̧ chujurumä ja̧'hua̧ta̧'a̧nö̧ ra̧dö̧mä̧, juhua'atäcu, Ja̧u̧mä̧ ra̧huä̧pi̧jö̧ttö̧ chö̧ji̧pö̧nä̧ ppä'ädinä̧cu̧sä̧. Pidetä ja̧'a̧ Ttö chö̧ä̧nä̧hua̧ Diosmä ja̧'hua̧ta̧'a̧nö̧ ja̧u̧ru̧tä̧ ucuo tedähuä̧cua̧sä̧, chä'o u̧ru̧hua̧ Diosrömä ja̧'hua̧ta̧'a̧nö̧ ja̧u̧rö̧mä̧ chesehuä̧cua̧sä̧ cä'epönö. ³TÖ̧Ä̧NÄ̧HUA̧MÄ̧ curä ttö̧ja̧sa̧ ja̧'a̧; i̧mi̧nä̧ TÖ̧Ä̧NÄ̧HUA̧ pä'ö micua̧.⁴Ja̧u̧mä̧ caruquiyä'inä, faraón umöhuäyotö su̧ro̧da̧u̧rö̧'i̧nä̧ aje dä'ähuotora̧'a̧cu̧ do'opö icuinö. Faraón umöhuäyotö su̧ro̧da̧u̧ tturuhuotö pojopö ȩmi̧nä̧u̧mä̧ aje tuhuotottö a̧'a̧u̧ icuinä̧tö̧. ⁵Täcuometä a̧ttä̧di'änä̧u̧; ja̧'hua̧ta̧'a̧nö̧ jahuätömä ido'qui täcuome ma̧ä̧cha̧'a̧ jä̧'i̧nö̧'a̧nö̧ ma̧'ä̧chi̧nä̧tö̧.⁶Cu̧mö̧ cu̧huo̧jua̧'a̧cu̧nä̧, TÖ̧Ä̧NÄ̧HUA̧, cujurunä eseäcuä̧hua̧jä̧; Ucu cumö̧ cu̧huo̧jua̧'a̧cu̧nä̧mä̧, TÖ̧Ä̧NÄ̧HUA̧, cuaboiyotörömä si'epö icuinö̧jä̧. ⁷Ucu cucuo rö̧ä̧u̧ jähuänä jitö ucuru ra̧huä̧ri̧nä̧tö̧rö̧mä̧ cuä'äu icuinö̧jä̧. Cu̧'ä̧i̧mä̧ i̧jȩpi̧nö̧jä̧, isä'cua cuo'ö icua'a jä̧'i̧nö̧'a̧nö̧ cuo'ö icuinä̧tö̧. ⁸Cui̧ji̧yu̧nä ppöcuomenä ajiyamä suhuädi'ina'a; ajiya räopoyamä kämädö̧ rä̧mä̧di̧na̧'a̧; aje täcuotomä amiso'quimä 'quiyönä kä̧mä̧di̧na̧'a̧.⁹Taboi̧ya̧mä̧ pä'inö: Ttömä rö̧dä̧rä̧cua̧sä̧, Ttömä chi̧rȩbȩhuä̧cua̧sä̧, 'cho'ipö̧'ca̧mä̧ chi̧yä̧'chä̧cua̧sä̧, cheseumä jahuätönä̧tä̧ isojuoäcua'a; chucurä'chu a̧'u̧cuä̧ cha̧di̧tä̧cua̧sä̧, chu̧mö̧nä̧tä̧ si'epö chicuäcuotö. ¹⁰Ja̧'hua̧nö̧ ja̧'a̧nä̧ isoppa ppöönä jȩpi̧nö̧jä̧ ja̧'hua̧ta̧'a̧nö̧ ajetä a̧ttä̧di̧'i̧nä̧u̧, jahuätömä cu'upädö aje jurunä maä̧cha̧'a̧ jä̧'i̧nö̧'a̧nö̧ ma̧'ä̧chi̧nä̧tö̧. ¹¹TÖ̧Ä̧NÄ̧HUA̧ ucu'anömä huocotö tö̧ä̧nä̧huo̧tö̧mä̧, ka̧ra̧ ucu'anö hua̧mä̧ toa'a, surojö jui̧'a̧ ucuo i̧sa̧mä̧, ucuotö rä̧ttä̧cu̧mä̧, ja̧'hua̧ta̧'a̧nö̧ ttieruhuö juäi'inä jȩpö̧mä̧.¹²Ucumä cujuru juruhuönä isojuo'epinö̧jä̧ ja̧'hua̧nö̧ jo̧mȩnä̧ rȩjȩ ra̧huä̧di̧'i̧nä̧u̧. ¹³Isopäi'ö ucu cuesecuinö̧mä̧ ttö̧ja̧ usurä ttȩmä̧huo̧ttö̧ rä'epö cui̧cui̧nä̧u̧rö̧mä̧ oipä'ija'a. Ucu cujurutä oipina'a ucu cu̧jo̧mȩ ro̧o̧mȩra̧'a̧cu̧.¹⁴Ttö̧ja̧mä̧ ttä̧ju̧cuä̧cuo̧tö̧ ja̧'hua̧nö̧ ä̧ju̧cu̧mä̧ ttö̧ttä̧huä̧cuo̧tö̧, filistea ttö̧ja̧ yettecutä ȩmi̧pä̧cuä̧u̧. ¹⁵Ja̧'hua̧nö̧ jo̧mȩnä̧ Edom ttö̧ja̧ tturuhuotömä yettecuäcuotö; Moabttö su̧ro̧da̧u̧mä̧ yettecui'äcuotö; ja̧'hua̧ta̧'a̧nö̧ o'catoi'önä canáan ttö̧ja̧mä̧ ttipperecuächäcuötö¹⁶Yettecu'inä ttö̧ttö̧huö̧'i̧nä̧ rȩbȩhui̧na̧'a̧ jahuätörö cumö ujurunä jahuätömä inähuä 'quiyönä ka̧'a̧nö̧tä̧ ttö̧ja̧cuä̧cuo̧tö̧ cu̧mö̧huäyotö 'cuättopome jubö päi'önä, TÖ̧Ä̧NÄ̧HUA̧ cu̧mö̧huäyotö ttö̧ji̧pö̧nä̧ jȩö̧cui̧nä̧u̧ 'cuättopome jubö.¹⁷Ucutä cui'cächäcuotö ja̧'hua̧nö̧ i'cächö möä'canä cu̧ju̧nä̧cuo̧tö̧ cuiya päcuinö'a̧cuä̧tä̧ cuiyinome, TÖ̧Ä̧NÄ̧HUA̧ Ucutä cu̧jo̧de jö̧nä̧ cu̧ja̧ pä'ö cuaditinome tö̧ä̧nä̧hua̧ jö̧nä̧, ucu cumöpi̧yä̧tä̧ aditinome. ¹⁸TÖ̧Ä̧NÄ̧HUA̧ 'cuäopönätä̧ ruhuomä hue'ö cu̧jä̧cua̧jä̧ ja̧'hua̧ta̧'a̧nö̧ 'cuäopönä̧tä̧.¹⁹Isopäi'önä faraón ä̧ji̧mö̧ cabayu̧tu̧'i̧nä̧, ttiäre carucäquiyä'inä ja̧'hua̧ta̧'a̧nö̧ cabayu̧tu̧rö̧ huȩjä̧tö̧'i̧nä̧ dä'ähuotora̧'a̧cu̧ 'chi̧nä̧tö̧. TÖ̧Ä̧NÄ̧HUA̧MÄ̧ jahuätörö aje dä'ähuotö ppa̧huä̧chi̧'ö̧nä̧ jȩpi̧nö̧. Ja̧'hua̧nö̧ ja̧'a̧nä̧ Israel ttö̧ja̧mä̧ dä'ähuotö kä'cotonä rȩjȩ jo̧ä̧jä̧nä̧tä̧ 'cuä'opinätö̧. ²⁰Dios päö ji'ähuäju Mirian Arón öjähuajumä cuä'ö 'porähuäba ȩmo̧po̧'ö̧ rä̧'i̧nä̧ju̧ ja̧'hua̧nö̧ ji̧yä̧u̧ nä̧tö̧mä̧ o'catoi'önä 'poru kä̧nö̧ tö'ö rä̧'i̧nä̧tö̧. ²¹Mirianmä rä̧ji̧nä̧u̧: TÖ̧Ä̧NÄ̧HUA̧RÖ̧ ra̧'ä̧tu̧cui̧, ujurunä̧tä̧ isojuo'epäji. Cabayu̧tö̧rö̧'i̧nä̧, jahuätönä huȩjä̧tö̧rö̧'i̧nä̧ ajera̧'a̧cu̧ icu icuäji.²²Ja̧'hua̧nö̧ ja̧'a̧ Moisésmä Israel ttö̧ja̧rö̧mä̧ yabocutä aje dä'ähuotottömä̧. Jahuätömä 'chi̧nä̧tö̧ Shur de'a jui̧yä̧jä̧ra̧'a̧cu̧. Jahuätömä huäbodäcuä mo̧ro̧ jo̧mȩnä̧ de'a jui̧yä̧jä̧nä̧ 'chi̧nä̧tö̧ ja̧'hua̧ta̧'a̧nö̧ ajiyamä po̧cui̧po̧co̧tö̧ pinä̧tö̧. ²³Ja̧u̧nu̧ o'ca'amä Marara̧'a̧ rȩbȩhui̧nä̧tö̧, ja̧'hua̧nö̧ ja̧'a̧nä̧ juoröttömä ajiyamä ahuocotö pinä̧tö̧, ajiyamä reoyatä ja̧'a̧ttö̧, ja̧'hua̧nö̧ ja̧'a̧ttö̧ ju̧huȩnȩmä̧ Mara pä'ö o'inä̧tö̧.²⁴Ja̧'hua̧nö̧ ji̧yä̧u̧ ttö̧ja̧mä̧ Moisésrö ra̧huä̧ri̧pö̧ pä'inä̧tö̧: ¿Däje tahuäcua'attö̧? ²⁵Moisésmä huopönö jä'epinö TÖ̧Ä̧NÄ̧HUA̧RÖ̧ ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ dau i̧jȩpi̧nä̧cu̧. Moisésmä ajiyanä icuinö, ja̧'hua̧nö̧ icuäji o'ca'amä ajiyamä sa̧do̧ya jö̧nä̧tä̧ pärohuächina'a ttahua pä'ömä. Juorötä ji̧na̧'a̧ TÖ̧Ä̧NÄ̧HUA̧ hueähuä huȩnȩ jahuätörö iyina'amä ja̧'hua̧ta̧'a̧nö̧ juorutä ji̧na̧'a̧ jahuätörö ka̧cuä̧mö̧ toina'amä̧. ²⁶Ja̧u̧mä̧ päinä̧u̧: "Ucutu TÖ̧Ä̧NÄ̧HUA̧ Dios ucuocu ucuotönö cuä̧ju̧cuä̧tu̧cu̧ttö̧mä̧ ja̧'hua̧ta̧'a̧nö̧ ja̧u̧ to̧ä̧ro̧mȩttö̧ adiutä jȩ'cuä̧tu̧cu̧ttö̧mä̧, juhua'atäcu hueähuä huȩnȩ päö'inä ä̧ju̧cu̧ o'cajuiyönä cucuotätucuttömä, yoirö'iso märichei nacuä̧chä̧tu̧cu̧nä̧mä̧ jȩpo̧cö̧ chä̧cua̧sä̧, Egipto ttö̧ja̧rö̧ jȩchi̧nö̧'a̧nö̧mä̧, Ttötä ja̧'a̧ CU̧Ä̧NÄ̧HUA̧TU̧CU̧MÄ̧ na̧cuä̧chä̧tu̧cu̧'i̧nä̧ aditö icumä."²⁷Ja̧'hua̧nö̧ ja̧'a̧ ttö̧ja̧mä̧ Elimra̧'a̧cu̧ ichinä̧tö̧, ju̧huȩnȩmä̧ aje rȩjȩttö̧ räopö otomä docenä jo̧mȩnä̧ ki̧no̧mȩ ja̧'hua̧ta̧'a̧nö̧ sensetanö jo̧mȩnä̧ o̧i̧'inä ka̧cui̧na̧'a̧. Jahuätömä aje jäyoto ka̧cui̧nä̧tö̧.

¹Ttö̧ja̧mä̧ i̧hui̧nä̧tö̧ Elim Ötahuiyättö, ja̧'hua̧ta̧'a̧nö̧ Israel ttö̧ja̧ ttö̧jo̧cu̧du̧nä̧ttö̧ ichinätö̧ Sin rȩjȩ de'a jui̧yä̧jä̧ra̧'a̧cu̧ttu̧'i̧nä̧, juȩnȩmä̧ ki̧'i̧pa̧'a̧ Ein rȩjȩttö̧ Sinaícu, to̧mu̧rȩ ji̧mu̧tȩ mo̧ro̧ pöi'omenä ta'are kä̧hua̧ jo̧mȩ ja̧u̧nu̧ o'ca'a Egipto rȩjȩttö̧ rä'opö ttichäji o'ca'a. ²O'catoi'öna Israel ttö̧ja̧ de'a jui̧yä̧jä̧ra̧'a̧ ttö̧jo̧cu̧du̧nä̧ttö̧mä̧ ttu̧ru̧hua̧ Moiserö huopinätö̧ ja̧'hua̧ta̧'a̧nö̧ Aaronrö̧'i̧nä̧. ³Israel ttö̧ja̧ ppättinäu̧: "Huä̧i̧nä̧ totea'anä ja̧'a̧tä̧ toinado TÖ̧Ä̧NÄ̧HUA̧ ji̧yȩnö̧ pä̧nä̧ Egipto rȩjȩra̧'a̧ttö̧ idepä uriyu jäyä pȩji̧nä̧tö̧jä̧ pan'inä sutädi'önä cui'änätö̧jä̧. Ja̧'hua̧nö̧ ja̧'a̧nä̧ ucutu ja̧'a̧ ujuturu i'chächäjätömä de'a jui̧yä̧jä̧ra̧'a̧cu̧ ppäittö tote'iyätucuacu pä'ö."⁴Ja̧u̧nu̧ o'ca'a TÖ̧Ä̧NÄ̧HUA̧ Moiserö pä'inö: "ttötä jȩchä̧cua̧sä̧ mo̧ro̧jä̧ra̧'a̧ttö̧ pan ttähuäunä ucuturu. Ttö̧ja̧mä̧ rä'opö tottäcuotö ja̧'hua̧nö̧tä̧ ya̧cu̧pu̧nä̧ ttö̧ca̧ca̧tä̧cuo̧tö̧ mo̧ro̧ jö̧ ta̧'a̧nö̧ ttu̧cuä̧cuȩmä̧ ja̧'hua̧nö̧tä̧ ka̧cuä̧mö̧ to̧chä̧cua̧sä̧ isopäi'önä padinöta'anö tti̧'cha̧ pä'ö 'cho̧co̧tö̧cö̧. ⁵Jua'amä jä̧cua̧'a̧ ji̧mu̧tȩ ya'atenö mo̧ro̧ pai'omenä, jahuätömä ttö̧ca̧ca̧tä̧jo̧mȩttö̧'i̧nä̧ abonänö jo̧mȩ ttö̧ca̧ca̧tä̧cuo̧tö̧ ja̧'hua̧nö̧ ca̧ca̧tö̧ dattäcuotö tti'chächijhimä."⁶Ja̧u̧nu̧ o'ca'a Moises ja̧'hua̧ta̧'a̧nö̧ Aron'inä pä'inätö̧ Israel ttö̧ja̧rö̧: "Ni̧pä̧ro̧mȩcu̧tä̧ cu̧huo̧juä̧cuo̧tö̧jä̧ isopäi'önä TÖ̧Ä̧NÄ̧HUA̧TÄ̧ ja̧'a̧ ujuturu rä'epö icuinömä Egipto rȩjȩra̧'a̧ttö̧. ⁷Mo̧ro̧ päia'a tocu'äcuotöjä TÖ̧Ä̧NÄ̧HUA̧ usäru, ja̧u̧mä̧ ä̧ju̧cuä̧ji̧ ucutu huocu'ätucua'amä. ¿Titö tättö̧ ujutumä ja̧'hua̧nö̧ huocu'ätucuattö̧ pä'ömä? ⁸Moises'inä pa'inö: "Ucutumä cuo̧huo̧huä̧cuo̧tö̧jä̧ TÖ̧Ä̧NÄ̧HUA̧ i̧sa̧ idepä iyomenä ja̧'hua̧ta̧'a̧nö̧ mo̧ro̧ päi'omenämä pan'inä sucuädi'ätucunä cucuäcuotöjä, ja̧u̧mä̧ ä̧ju̧cuä̧ji̧ ucutu kö'cö jui'ö huocu'ätucua'a ja̧u̧ru̧. ¿Tittö tättö̧ ujutu Aroncu̧ ttö'inämä? kö'cö jui'ö huocu'ätucua'amä ujuturumä'cö̧; Jua'amä TÖ̧Ä̧NÄ̧HUA̧RÖ̧TÄ̧."⁹Moisés pä'inö Aaronrö̧: "O'cajuiyönä Israel ttö̧ja̧ ttö̧jo̧cu̧du̧nä̧ ji'ähuäji: TÖ̧Ä̧NÄ̧HUA̧ ö̧jo̧mȩcu̧ ichätucui, ja̧u̧mä̧ ä̧ju̧cuä̧ji̧ ucutu kö'cö jui'ö huocu'ätucua'amä." ¹⁰Aarón Israel ttö̧ja̧cu̧ ucuocua'anä jua'a de'a jui̧yä̧jä̧ ra̧'a̧cu̧ttu̧ tottomenä isoppanä i̧jȩcui̧na̧'a̧ TÖ̧Ä̧NÄ̧HUA̧ usäru. ¹¹Ja̧u̧nu̧ o'ca'a TÖ̧Ä̧NÄ̧HUA̧ ucuocu pä'inö Moiserö: ¹²Ä̧ju̧cuö̧ji̧sä̧ Israel ttö̧ja̧ ucutu kö'cö jui'ö huotta'amä. pa̧'a̧nö̧ ucuocu ji'ähuitö: Ni̧pä̧ro̧mȩcu̧mä̧ cucuäcuottöjä idepä ja̧'hua̧ta̧'a̧nö̧ mo̧ro̧ päia'amä pancu̧ huihuatö. Ja̧u̧nu̧ o'ca'atä cu̧huo̧juä̧cuo̧tö̧jä̧ ttötä ja̧'a̧ CU̧'Ä̧NÄ̧HUA̧TU̧CU̧ Diosmä pä'ö."¹³Nipä̧ro̧mȩcu̧ 'cuaopina'a̧ du̧'ca̧ra̧ recuätö 'cha'chepinätö̧ ttä'ähuaränä. Mo̧ro̧ päi'a'a ttä'ähuaränä ajiya 'chȩnö̧ attocuächina'a̧. ¹⁴A̧jiya 'chȩnö̧ ichäji ojuchi'omenä, juȩnȩ rȩjȩ de'a jui̧yä̧jä̧ rȩjȩnä̧ i̧jȩcuä̧chi̧na̧'a̧ diyau o'chi ppo̧'ö̧ ja̧'i̧nö̧'a̧nä̧ jö̧ o'chi̧. ¹⁵Israel ttö̧ja̧ Ja̧'hua̧nö̧ ja̧'a̧ topö, jittö tta̧mo̧nä̧ pä'ä'chäcuähuinätö̧: "¿Däjȩjä̧ttö̧ ja̧'hua̧nö̧ jö̧mä̧?" Ja'huätömä jerupinätö ja̧'hui̧a̧nö̧ jö̧mä̧. Moises ji̧ä̧hui̧nä̧u̧: "Ja̧u̧mä̧ pan ja̧'a̧ TÖ̧Ä̧NÄ̧HUA̧ iyäji cucuätucua pä'ö.¹⁶Pi̧yȩ ja̧'a̧ hue'ähuä TÖ̧Ä̧NÄ̧HUA̧ iyäjimä: ca̧ca̧tä̧tu̧cui̧, ucutu ya̧cu̧nä̧, cucuätucuä pä'ö recuärö̧jo̧mȩtä̧, ta'are litro jo̧mȩ cuahuaruhuättö topö. Ja̧'hua̧nö̧tä̧ cu̧ca̧ca̧tä̧cuo̧tö̧jä̧: Ca̧ca̧tä̧tu̧cui̧ rö̧'ä̧nä̧nö̧ sucuädi'önä cucuätucua, ya̧cu̧pö̧nä̧ cuä'ähuaränä ka̧cuä̧tö̧mä̧." ¹⁷Israel ttö̧ja̧mä̧ ja̧'hua̧nö̧tä̧ jȩpi̧nä̧tö̧. Korotö pönämä rö̧'ä̧nä̧ ȩmi̧nä̧tö̧, ja̧'hua̧ta̧'a̧nö̧ korotömä a̧u̧cu̧nä̧tä̧ ȩmi̧nä̧tö̧. ¹⁸Ja̧'hua̧ta̧'nä̧ ta'are litro jo̧mȩnä̧ pa̧ja̧tö̧ to'tömenä, jitö rö̧'ä̧nä̧ ca̧ca̧tä̧jä̧tö̧rö̧'i̧nä̧, ki̧'i̧po̧ca̧'a̧ ji̧na̧'a̧ ja̧'hui̧a̧ta̧'nö̧ jitö ji̧'chi̧ca̧nö̧tä̧ ca̧ca̧tä̧tö̧rö̧'i̧nä̧ juiyoca'a ji̧na̧'a̧. Ya̧cu̧pu̧nä̧ ca̧ca̧ti̧nä̧tö̧ jitörötä recuärö̧jo̧mȩttö̧ pa̧ja̧cuä̧chö̧'a̧nö̧ jo̧mȩ.¹⁹Ja̧'hua̧nö̧ ja̧'a̧ Moises pä̧i̧nä̧u̧: "Ya̧tȩ'i̧nä̧ ja̧u̧ttu̧mä̧ cu̧ju̧ni̧'ä̧tu̧cua̧ koro mo̧ro̧ ju̧bu̧mä̧." ²⁰Ja̧'hua̧nö̧ ja̧'a̧nä̧, ja'huätömä Moiserö ä̧ju̧cuo̧co̧tö̧ pinätö. Ja'huätöttö yotucunämä koro mo̧ro̧ päi'önä ku̧nä̧ri̧nä̧tö̧, ja̧'hua̧nö̧ ja̧'a̧nä̧ mi̧yö̧huä̧chiniyä̧u̧ ja̧'hua̧nö̧tä̧ surojuo'ächiniyä̧u̧. Ja̧'hua̧nö̧ ji̧yä̧cu̧ Moises amisurächi'önä topinö ja'huätörö. ²¹Ja'huätömä 'cuäopönä mo̧ro̧ juoöta'anä ca̧ca̧ti̧nä̧tö̧ mo̧ro̧ ttucuäcuome pa̧ja̧cuä̧chö̧nä̧. Kä̧hua̧ duhui'öta'anä, eripächinö.²²Ji̧mu̧tȩ ya'atenö mo̧ro̧ päi'omenämä ta'arenä pan jo̧mȩ ca̧ca̧ti̧nä̧tö̧, ta'are litro jo̧mȩ ya̧cu̧pu̧nä̧. O'catoi'önä ötahuiyä ruhuotö päi'önä ka̧cuä̧tö̧mä̧ pi̧yȩ huȩnȩ ji'ähuinätö̧ Moiserö. ²³Ja̧u̧ päinä̧u̧: "Pa̧'a̧nö̧ pä'äji TÖ̧Ä̧NÄ̧HUA̧MÄ̧: Yo̧ä̧i̧ mo̧ro̧mä̧ ro̧'ö̧nä̧ 'cuächäcuähuä mo̧ro̧ ja̧'a, TÖ̧Ä̧NÄ̧HUA̧RÖ̧ ucuotö 'cuächäcuähuä mo̧ro̧. Cuȩttä̧tu̧cua̧ päcuätucumä jitätä ȩttä̧tu̧cui̧, dacuätucua päcuätucumä jitätä da'ätucui. O'cajuiyönä ka̧cui̧pö̧mä̧, i̧mi̧cu̧nä̧ pporädö ku̧nä̧tu̧cui̧ koro mo̧ro̧ jubu päi'önä."²⁴Ja̧'hua̧nö̧ ja̧'a̧ttö̧ pporädö ku̧ni̧nä̧tö̧ koro mo̧ro̧ ju̧bu̧ pä̧i̧'ö̧nä̧, Moises jiähuäjita'anö. Surojuo'ächo'cö ji̧nö̧ miyu̧huä̧chö̧'i̧nä̧ mi̧yu̧hä̧cho̧cö̧ ji̧nö̧. ²⁵Moises pä'inö: "Ja̧u̧ cuäcuähuämä jitä mo̧ro̧tä̧ cui'iätucui, jitä mo̧ro̧mä̧ pätetö ku̧nä̧hua̧'a̧ TÖ̧Ä̧NÄ̧HUA̧RÖ̧ ucuotö 'cuächäcuähuä mo̧ro̧. Ucutumä de'a isarettömä cuo̧cui̧po̧co̧tö̧ cuäcuotöjä.²⁶Ucutumä cu̧ca̧ca̧tä̧cuo̧tö̧jä̧ ji̧mu̧tȩ ya'ateno mo̧ro̧ jo̧mȩ, ja̧'hua̧nö̧ ja̧'a̧nä̧ ji̧mu̧tȩ ta'arenö mo̧ro̧ jo̧mȩmä̧ 'cuächäcuähuä mo̧ro̧ ja̧'a̧. 'Cuächäcuähuä mo̧ro̧mä̧ mana'inä juiyäcua'a." ²⁷Pätecuächina'a ji̧mu̧tȩ ta'arenö mo̧ro̧i̧, korotö pönämä rä'opinätö mana ttö̧ca̧ca̧ta̧ pä'ö, ja̧'hua̧nö̧ ja̧'a̧nä̧ ja'huätömä po̧cui̧po̧co̧tö̧ pinätö̧.²⁸Ja̧'hua̧nö̧ ja̧'a̧ TÖ̧Ä̧NÄ̧HUA̧ pä'inö Moiserö: "¿Ttä̧'a̧nö̧ recuotä ja̧'a̧jä̧ttö̧ jȩcu̧'ä̧tu̧cuo̧ca̧'a̧mä̧ ttö jȩcu̧'ä̧tu̧cua̧ pä'ö hue'ähuä huedinömä? ²⁹Ä̧ju̧cuä̧tu̧cui̧, TÖ̧Ä̧NÄ̧HUA̧MÄ̧ 'cuächäcuähuä mo̧ro̧ i̧yi̧nö̧. Ja̧'hua̧nö̧ ja̧'a̧ttö̧ ji̧mu̧tȩ ya'atenö mo̧ro̧ JA̧U̧MÄ̧ iyinö todäre mo̧ro̧ cuäcuähuome. Ucutumä ya̧cu̧pu̧nä̧ ka̧cuä̧tu̧cui̧ cu̧jä̧tu̧cuo̧mȩtä̧; ya̧tȩ'i̧nä̧ räopapä'ömä juiya'a ö̧jo̧mȩttö̧mä̧ ji̧mu̧tȩ ta'arenö mo̧ro̧mä̧." ³⁰Ja̧'hua̧nö̧ ja̧'a̧ttö̧ ja'huätömä 'cuä'ächinätö ji̧mu̧tȩ ta'arenö mo̧ro̧mä̧.³¹Israel ttö̧ja̧mä̧ ja̧u̧ cuäcuähuämä o'inätö, "maná" pä'ö. Ja̧u̧mä̧ te'inö cilantro u̧huä̧ju̧ jä̧'i̧nö̧'a̧nö̧ ja̧u̧ ö̧nö̧ä̧mä̧ i̧ri̧si̧ mayacu huihuatö a̧di̧cuä̧si̧ a̧'cua̧rö̧nä̧. ³²Moises pä'inö: "Pi̧yȩ ja̧'a̧tó TÖ̧Ä̧NÄ̧HUA̧ jȩta̧ pä'ö hue'äjimä: Ya'ate omer maná jo̧mȩ hua'adö ku̧nä̧tu̧cui̧ cuahuaruhä o'cotö'inä tottäcua'anö, ja̧'hua̧ta̧'a̧nö̧ ucuttu yo'ähuächätö'inä tottäcua'anö TTÖ de'a jui̧yä̧jä̧ ra̧'a̧ttö̧ cucuätucua pä'ö chiyinö, Egipto rȩjȩra̧'a̧ttö̧ rä'epö chicuinö o'ca'a."³³Moises pä'inö Aronrö̧: " I̧so̧'ta̧ yo̧'ta̧tȩ 'chu'ädö ya'ate omer jo̧mȩ maná ȩni̧ juo̧'ta̧nä̧. ³⁴Hua'adö ku̧ni̧ TÖ̧Ä̧NÄ̧HUA̧ ä'ca jo̧mȩ cuahuaruhuä o'cotö jä̧cua̧'a̧nö̧." TÖ̧Ä̧NÄ̧HUA̧ Moiserö päinö ji̧nö̧ ta̧'a̧nö̧, Aronmä hua'adö ku̧ni̧nö̧ esecuinö ȩco̧ca̧ ppeyänä. ³⁵Israel ttö̧ja̧mä̧ maná cuinätö̧ cuarentanö̧ a̧'ȩ jo̧mȩ ttö̧ja̧ ttö̧jo̧cuo̧mȩ ttö̧rä̧bȩhuo̧mȩ jubu. Ja'huätömä cuinätö̧ Canaán rȩjȩ beipome ttö̧rä̧bȩhuo̧mȩ jubu. ³⁶Jitämä ya'ate omermä ta'are pa̧ja̧cuo̧mȩ ji̧na̧'a̧ juȩnȩmä̧ pä'inätö efa pä'ö.

¹O'catoi'önä ji̧n= yo̧mȩtȩ ka̧cuä̧tö̧ Israel ttö̧ja̧mä̧ rä'opinä̧tö̧ rȩjȩ de'a juiyomecu̧ Sin mänä yabocu u̧'cua̧pö̧ja̧'a̧ 'chä̧nö̧ TÖ̧Ä̧NÄ̧HUA̧ huea'anä. Kä̧mä̧di̧nä̧tö̧ Refidim pä'ö micuome, ja̧'hua̧nö̧ ja̧'a̧nä̧ ajiyamä juiyinome ttö̧ja̧ ttahua pä'ömä. ²Ja̧'hua̧nö̧ ja̧'a̧ttö̧ huȩnȩ jö̧mä̧ Moisésrö huȩnȩtö̧mä̧ pä'inä̧tö̧: "Ajiya tahua iyitö. Moisésmä pä̧i̧nä̧u̧: ¿Tta̧'a̧nö̧ pä'ö ttörö cu̧ra̧huä̧rä̧tu̧cua̧'a̧ttö̧? ¿Tta̧'a̧nö̧ pä'ö TÖ̧Ä̧NÄ̧HUA̧RÖ̧ ka̧cuä̧mȩ'ö̧ to'cuätucua'attö̧? ³Ttö̧ja̧mä̧ ttahua pä'ö rö̧ä̧nä̧ a̧di̧ri̧jä̧u̧, ja̧'hua̧nö̧ jä̧u̧ ttö̧ja̧mä̧ Moisésrö suronä pä'ä'chu̧mä̧ jahuätömä pä'inä̧tö̧. ¿Tta̧'a̧nö̧ pä'ö Egipto rȩjȩttö̧mä̧ rä'epö cuicuäjätöttö̧? ¿Ujuturu'inä, ti̧tti̧mö̧rö̧'i̧nä̧ cuä'ö cuicua pä'ö ja̧'hua̧ta̧'a̧nö̧ tä̧ji̧mö̧ pä̧cä̧yu̧'i̧nä̧ tahua a̧di̧ttö̧ 'coru juottächa pä'ö?⁴Ja̧'hua̧nö̧ ja̧'a̧ Moisésmä jä'epinö TÖ̧Ä̧NÄ̧HUA̧RÖ̧ pa̧'a̧nö̧ pä'önö̧: ¿Tta̧'a̧nö̧ jȩchä̧cua̧'a̧ttö̧ pitö ttö̧ja̧rö̧mä̧? ¡Täcö ttörömä inädönä icuäu tticuometä̧ ja̧'a̧! ⁵Ja̧'hua̧nö̧ ji̧yä̧cu̧ TÖ̧Ä̧NÄ̧HUA̧MÄ̧ ädätinä̧cu̧ ttö̧ja̧ ttä'canä 'cuä'opö täi, ja̧'hua̧ta̧'a̧nö̧ ucucu tti̧'cha̧ o'ipi Israel tturuhuotörö'inä. Cuitta'ca ajenä cuäcuinä̧'ca'inä ȩmi̧pö̧ tä'i. ⁶Ttömä cuä'ca jo̧mȩ Horeb inähuänä chö̧jä̧cua̧sä̧, ja̧'hua̧ta̧'a̧nö̧ ucumä inähuänä cuäcuajä̧. Ajiyamä juähuättötä räopäcua'a ttahua pä'ömä, Moisésmä ja̧'hua̧nö̧ jȩpi̧nö̧ Israel ttö̧ja̧ tturuhuotö ttä'ca jo̧mȩttö̧mä̧. ⁷Ja̧hua̧nö̧ ja̧'a̧ttö̧ ju̧huȩnȩmä̧ Masah pä'ö'inä Meribá pä'ö'inä o'inö Israel ttö̧ja̧mä̧ ö̧ra̧huä̧rö̧nä̧ jȩtti̧na̧'a̧ttö̧ ja̧'hua̧ta̧'a̧nö̧ TÖ̧Ä̧NÄ̧HUA̧RÖ̧ ka̧cuä̧mö̧ topö pättina'attö̧: ¿TÖ̧Ä̧NÄ̧HUA̧MÄ̧ ujututäcu ku̧, ko̧cu̧?⁸Ja̧'hua̧nö̧ ja̧'a̧ Amalec ttö̧ja̧ttö̧ su̧ro̧da̧u̧mä̧ ichinä̧tö̧, ichömä Israel ttö̧ja̧cu̧ rohuähuinä̧tö̧ Refidim pä'ö micuomettö̧. ⁹Ja̧'hua̧nö̧ ja̧'a̧ Moisésmä, Josuérö pä'inö: Ya̧cu̧nä̧ u̧mä̧tö̧rö̧ pojopö ȩmö̧'ca̧ rä'opi. Amalecu rohuähui. Yo̧i̧ mo̧ro̧ po̧ri̧'tä̧ jo̧mȩ beipome Dios iäro̧'quȩ 'chu̧huä̧rä̧nö̧ chö̧jä̧cua̧sä̧. ¹⁰Josuémä amalec ttö̧ja̧cu̧ rohuähuinö Moisés jiähuinöta'anötä̧, Moisés, Aarón'inä ja̧hua̧ta̧'a̧nö̧ Hur'inämä po̧ri̧yä̧'tä̧ päi'ome beipomecu̧ 'cha'achinä̧tö̧.¹¹Ja̧'hua̧ta̧'a̧nö̧ Moisés umö cä̧'ȩpä̧ra̧'a̧nä̧mä̧, Israel ttö̧ja̧mä̧ rohuäu iso juo'epinä̧tö̧, 'cuä'ächi'ö umö juiädomenämä, amalec ttö̧ja̧tä̧ rohuäu isojuo'epinä̧tö̧. ¹²Moisés u̧mö̧ a̧mä̧cä̧chi̧'i̧yä̧u̧mä̧, Aarón'inä, Hur'inä ido'qui ȩmo̧po̧'ö̧ ppättepinä̧cu̧ i̧dȩ'a̧ jo̧mȩ ö̧'ä̧mä̧da̧ pä'ö, ja̧'hua̧ta̧'a̧nö̧ ja̧'a̧nä̧ Aarón'inä Hur'inä umö cä̧ttȩpä̧ri̧nä̧cu̧ yotucu pönä pätecu, ¹³ja̧'hua̧nö̧tä̧ Moisés umöpi̧yä̧mä̧ 'chu̧'ä̧ri̧nä̧tö̧ kä̧hua̧ ma̧ä̧cho̧mȩ jubö päi'ömnä̧. Ja̧'hua̧nö̧tä̧ Josuémä rohuäu icuinö ucurä'chunä Amalec ttö̧ja̧rö̧mä̧.¹⁴TÖ̧Ä̧NÄ̧HUA̧ pä'inö Moisésrö: Pi̧yȩmä̧ cuyäru'tänä huȩyu̧ti̧, huȩyu̧ti̧'i̧pö̧mä̧ Josué ä̧ju̧cua̧ ucuocui, Mo̧ro̧jä̧ dȩa̧'a̧ttö̧mä̧ o'catoi'änärö si'epö chi̧cuä̧cua̧sä̧ Amalec ttö̧ja̧rö̧mä̧. ¹⁵Ja̧'hua̧nö̧ ja̧'a̧ Moisés aditinö ku icu iyähuome ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ ji̧yȩtȩ jä̧cuä̧ jiäcuähuä i̧sa̧ pä'ö o'inö. ¹⁶Ja̧u̧mä̧ pä'inö, chöjo cä̧dȩpä̧ȩä̧ji̧mä̧ TÖ̧Ä̧NA̧HUA̧ i̧dȩä̧cä̧tä̧ ja̧'a̧, TÖ̧Ä̧NÄ̧HUA̧TÄ̧ jä̧cua̧'a̧ Amalec ttö̧ja̧cu̧ juhua'a yabo tti̧tti̧cu̧'i̧nä̧ tturohuäunä jȩä̧cua̧mä̧.

¹Madián rȩjȩ sacerdote Jetró pä'ü mi̧kua̧, Moisés irecua kä'omä̧, Moisésrö'i̧nä̧, Israel ttö̧ja̧rö̧'i̧nä̧ o'cajuiyönä Dios jȩä̧ji̧mä̧ ä̧ju̧cui̧nö̧. Ja̧u̧mä̧ ä̧ju̧cui̧nö̧ TÖ̧Ä̧NÄ̧HUA̧MÄ̧, Egipto rȩjȩttö̧ Israel ttö̧ja̧rö̧ rä'epö icuäja'a. ²Moisés imiya̧ Jetromä, Moisés i̧tti̧mö̧ tta̧ju̧ Séforarö ȩmi̧pä̧ 'chi̧nö̧ isodera̧'a̧ hue'ö icuinä̧cua̧rö̧, ³ja̧'hua̧ta̧'a̧nö̧ ki̧tti̧mö̧ ta̧ju̧ru̧cu̧tä̧; Ya̧tȩmä̧ Gersón pä'ö micuinü̧, juhua'amä̧: “Korotö tti̧rȩjä̧ttö̧mä̧, ko̧ro̧jä̧ ttö̧ja̧sa̧sä̧”, Moisés päinomȩttö̧. ⁴ka̧ra̧mä̧ Eliezer pä'ü micuinü̧, juhua'amä̧ Moisésmä̧ pa̧'a̧nö̧ päina̧'a̧ttö̧: “Chä'o Ö̧ä̧nä̧hua̧ Diosmä̧ ttörö ppä'ädinö. Ja̧u̧mä̧ faraón ucurä'chuttö tode'ö juiyönä̧ ppädinäcu̧sä̧.”⁵Moisés imiya Jetromä, Moisés i̧tti̧mö̧ tta̧ju̧ru̧'i̧nä̧, i̧tti̧mö̧rö̧'i̧nä̧ o'ipö ichinö, de'a jui̧yä̧jä̧ Dios ö̧jo̧mȩ mü̧ä̧'ca pättomȩ ä'ö ö̧ja̧'a̧. ⁶Ja̧u̧mä̧ Moisésrö pä'inö: "Ttö cuimiya̧ Jetromä̧ ucuru topö ichäjisä, kui̧tti̧mö̧ tta̧ju̧ru̧'i̧nä̧, kui̧tti̧mö̧ ta̧ju̧ru̧'i̧nä̧ i'cächö.⁷Moisésmä̧ i̧tti̧mö̧ ttä̧do̧rö̧ topo'ö ichö rä'o'ömä, ä'cajo̧mȩ ja̧rȩyu̧ pä'i'ö te'äu 'chu̧o̧pi̧nä̧cu̧. Jahuätömä jitötä yotucunä adihuomenä 'cuättopäji jä'ecuäjä'cotömä̧, ö̧jode jacuä dodepinä̧tö̧. ⁸Moisésmä̧ o'cajuiyönä ji'ähuinü̧ Israel ttü̧ja̧rö̧ ppä'ädö TÖ̧Ä̧NÄ̧HUA̧ faraónrö̧ jȩi̧nö̧'i̧nä̧, Egipto ttö̧ja̧rö̧ jȩi̧nö̧'i̧nä̧, mä̧nä̧nä̧ oto ttichomȩnä̧ usurä ttȩmä̧hua̧'a̧nä̧ ra̧huä̧pi̧jö̧ttö̧ TÖ̧Ä̧NÄ̧HUA̧ ppädinö̧'i̧nä̧ jiähuinä̧cu̧.⁹Jetromä̧ TÖ̧Ä̧NÄ̧HUA̧RÖ̧ rö̧ȩnä̧ esehuinö̧, o'cajuiyönä Israel ttö̧ja̧rö̧ adiu jȩä̧ji̧, Egipto ttu̧mu̧ttö̧ rä'epö icuäji'inä. ¹⁰Jetromä pä'inö: TÖ̧Ä̧NÄ̧HUA̧MÄ̧ tesehuarö pä'ötä hua̧, Israel ttö̧ja̧rö̧ faraón u̧mö̧ttö̧'i̧nä̧ ja̧'hua̧ta̧'a̧nö̧ Egipto ttö̧ja̧ ttu̧mö̧ttö̧'i̧nä̧ rä'epö icuina̧'a̧ttö̧. ¹¹Jitämä huo̧jua̧sä̧ TÖ̧Ä̧NÄ̧HUA̧MÄ̧, o'catoi'önä ttö̧ä̧nä̧huo̧tö̧ttö̧'i̧nä̧ abonänö böo ja̧'a̧ pä'ö, Egipto ttö̧ja̧ ttujurucu Israel ttö̧ja̧ ttö̧ja̧cuo̧mȩcu̧ dottächi'omenä, Diosmä umöhuäyotörömä rä'epö icuinö̧.¹²Moises i̧mi̧ya̧, Jetromä iäre iyähuä Diosrö kuicu ichähuä i'cächinö. Araron'inä, jahuata'anö o'ca toinä Israelttö ta̧mö̧ huotö'inä iyinätö̧ ji̧yȩtȩ ttu̧cuä̧ cuä̧nö̧ Dios ä'ca jo̧mȩttö̧, Moises i̧mi̧ya̧cu̧.¹³Koro mo̧ro̧ Moisesmä pä̧mä̧di̧nö̧ ötahuiyä ttö̧ja̧rö̧ ro̧ȩpa̧ pä'ö. Ötahuiyä ttö̧ja̧mä̧ sobucuäcuönä kä̧mä̧di̧nä̧tö̧ ja̧u̧ttö̧mä̧, pä'i mo̧ro̧ jupmettö̧ kä̧mä̧dä̧ yodo jubö. ¹⁴Moises i̧mi̧ya̧ o'ca juiyönä jȩi̧nö̧ ötahuiyä ttö̧ja̧rö̧ ja̧'a̧tä̧ jȩi̧nö̧ to'omenämä, pä'inö: "¿Däjettö̧ pi̧yȩ ötahuiyä ttö̧ja̧cu̧ jȩcu̧mä̧? ¿Dä̧mö̧ttö̧ pi̧yȩmä̧, ka'atä pä̧mä̧dö̧ ja̧hua̧ta̧'a̧nö̧ o'ca toinä ötahuiyä ttö̧ja̧mä̧ pä'i mo̧ro̧ päiomettö̧ kä̧mä̧dö̧ yodo jubö cuä'ca jo̧mȩ ttö̧ja̧mä̧da̧ttö̧?"¹⁵Moisesmä i̧mi̧ya̧rö̧ pä'inö: "Ötafuiyä ttö̧ja̧mä̧ ttö chu̧ja̧cu̧ ichätö Dios pä'ö huȩnȩ jitähuata pä'ö. ¹⁶Jahuätö ji̧yȩtȩ huȩnȩ jö̧ ttö̧ju̧nä̧ro̧mȩnä̧, ttö chö̧ja̧cu̧ ichätö. Ttömä ka̧ra̧rö̧nä̧ ka̧ra̧rö̧nä̧ pä'ö jȩtta̧'a̧ pä'öcö̧nö̧sä̧, ja̧hua̧ta̧'a̧nö̧ huo̧juȩtö̧sä̧ Dios hueinö'inä ja̧hua̧ta̧'a̧nö̧ chutä jähuä'inä.¹⁷Moises i̧mi̧ya̧mä̧ päinäcu̧: "Ucu jȩcu̧mä̧ adihuoca'a. ¹⁸Ucumä jueinätä̧mä̧ cuä'ächiöjä̧m ucu'inä ja̧hua̧ta̧'a̧nö̧ ucutä ka̧cuä̧tö̧ ötahuiyä ttö̧ja̧'i̧nä̧. Pi̧yȩmä̧ ucurumä ämäcö ja̧'a̧. Ucutä cuamo̧nä̧mä̧ jȩcu̧ juiyanö hua̧jä̧. ¹⁹Ä̧ju̧cui̧ttö̧. Ttömä ji̧yȩtȩ huȩnȩ jidähuäcöjä, ja̧hua̧ta̧'a̧nö̧ Diosmä ucutä u̧ja̧'a̧cua̧, ucumä Dios ä'ca jo̧mȩttö̧ i̧jȩcuä̧rö̧ ötahuiyä ttö̧ja̧ tti̧mi̧nä̧, ja̧hua̧ta̧'a̧nö̧ ucumä i'cächöjä̧ jahuätörö huȩnȩ jö̧mä̧ Dios ä'ca jo̧mȩ. ²⁰Ucumä cu̧huo̧juȩta̧ra̧'a̧ pä'ö ja̧'a̧ chutä jähuä'inä ja̧hua̧ta̧'a̧nö̧ hueinö huȩnȩ'i̧nä̧. Ucumä ocui̧pä̧cua̧jä̧ tȩnȩ tti̧ya̧'a̧ pä'ö ja̧hua̧ta̧'a̧nö̧ ti̧yȩ jȩtta̧'a̧ pä'ö.²¹Ja̧hua̧ta̧'a̧nö̧, ucumä cu'ojoa pä'ö ja̧'a̧ ötahuiyä ttö̧ja̧ttö̧ u̧mä̧tö̧ jȩttö̧'a̧nö̧ huotörö, u̧mä̧tö̧ Dios ucuotätörö, u̧mä̧tö̧ isopäinä yapare jȩpö̧ micuäu jö̧ cuo̧cui̧pä̧cuä̧huä̧ a̧u̧tä̧tö̧rö̧. Ucumä cu̧ju̧nu̧'a̧nö̧ ja̧'a̧ ötahuiyä ttö̧ja̧rö̧, milnö'inä, cienö'inä, cincuentanö'inä ja̧hua̧ta̧'a̧nö̧ dieznö'inä jo̧mȩnä̧ huotörö huetta'a pä'ö. ²²Jahuätömä ro̧dȩppä̧cuo̧tö̧ o'ca juiyönä ötahuiyä ttö̧ja̧rö̧ ro̧ttȩpa̧pe jö̧ jäcuä, ja̧hua̧nö̧ ja̧'a̧nä̧ jeröunänö jö̧mä̧ ucurötä i'cächö ttichäcuotö. Ja̧hu̧anö ja'anä a̧u̧cu̧ jähuämä, jahuätötä ro̧ttȩpä̧cuo̧tö̧ jitötä. Pa̧'a̧nö̧ jö̧nä̧tä̧ , ucuru cojeunä jä̧hua̧'a̧, ja̧hua̧ta̧'a̧nö̧ ucutä ämäcö cättepäcuotö. ²³Pi̧yȩ jȩcu̧tö̧mä̧, ja̧hua̧ta̧'a̧nö̧ Dios jȩpö̧ iyöttömä, ja̧hua̧nö̧tä̧ ucumä cuami'quiäyiu cui̧jä̧cua̧jä̧, ja̧hua̧ta̧'a̧nö̧ o'ca toinä ötahuiyä ttö̧ja̧mä̧ tta̧'cua̧ adihuatä ttojuisodecu ppa̧dä̧chä̧huo̧tö̧.²⁴Ja̧hua̧nö̧ ja̧'a̧ttö̧mä̧ Moisesmä i̧mi̧ya̧ i̧huȩnȩ ä̧ju̧cu̧ ja̧hua̧nö̧tä̧ jȩpi̧nö̧ o'cajuiyönä pä'äji ta'anötä̧. ²⁵Moisesmä u̧mä̧tö̧ Israel ttö̧ja̧ttö̧ jȩttö̧a̧nö̧ huotörö pojopö ötahuiyä ttö̧ja̧ ttöröhuotö päiönä jȩi̧nä̧u̧, milnö juotö ttöruhuotö jö̧nä̧'i̧nä̧, cienö'inä, cincuetanö'inä ja̧hua̧ta̧'a̧nö̧ dieznö'inä. ²⁶Jahuätömä ro̧ȩpi̧nä̧tö̧ pamonänö huȩnȩ jö̧nä̧. Rö̧ä̧nä̧ huȩnȩ jö̧mä̧ Moises ö̧ja̧cu̧ ȩpö̧ ichinätö̧, ja̧hua̧nö̧ ja̧'a̧nä̧ jahuätötä ro̧ȩpi̧nä̧tö̧ paponänötä̧ jö̧mä̧. ²⁷Ja̧hua̧nö̧ ja̧'a̧mä̧ Moisesmä i̧mi̧ya̧rö̧ i̧hua̧nä̧ ja̧'a̧tä̧ topinö, ja̧hua̧nö̧ ja̧'a̧mä̧ Jetromä i̧rȩjä̧ra̧'a̧cu̧ ppa̧'a̧chi̧nö̧.

¹Israel ttö̧ja̧ Egipto rȩjȩttö̧ rä'to pä'attömä 'kä̧huä̧ttö̧ 'huä̧mettöhuä päi'ömä, jä̧u̧tä̧ mo̧ro̧ Sinai de'a rȩjȩ jui̧yä̧jä̧nä̧ rȩbȩhui̧''inä̧tö̧ bȩhui̧pinättö. ²yȩtȩ Refidim pä'tömä rȩbȩhui̧pi̧nätö̧ Sinai nä rȩjȩ de'a juiyome, muä'cä pä̧tȩcuä̧nö kä̧cuä̧minätö.³Moisesmä Dios ö̧jö̧mecu chi̧nö, TÖ̧Ä̧NÄ̧HUÄMÄ muä'cättö kä̧mänö päi'nö: '' Jacob ahuäruhuäru Israel ttö̧ja̧ro̧ ji̧huä'ähuä pä'ö jä̧'ä̧. ⁴topinättöjä Egipciosrö jȩcha̧'a̧mä pare öjuabänä jäi'önö'a̧nö junä chi'cächinä'ä̧ö ja̧u̧hua̧ ⁵'ä̧. Ja'hua̧nö̧ jä̧'ä̧ chihuene jä̧ju̧cu̧ cuhuotätucuttömä jä̧'hua̧tä̧nön jitämä ttö chutodehuinö chu̧cuä̧rä̧huä̧tu̧cu̧ttö̧mä, Ttö̧jä̧ O'cätoi'önätä, juä'a̧ja̧ rȩjȩmä o'cajuiyunätä ttö chi̧rȩja̧'ä̧ ja̧'a̧. ⁶Ucutumä ruhuo hueähuottö huottöjä̧ Sacerdotettö ja̧'hua̧tä̧nö surojuttö 'cäȩpu̧ kunähuö̧ttö̧tä̧ junä huäcuottöjä̧, pi̧yȩ ja̧'a̧ ttö chihuene Israel ttö̧ja̧rö̧ cuhuocua pä'ö jö̧mä.⁷Ja̧'hua̧nö ja̧'a̧ Moisesmä ya̧tȩ pinö Ötacuiyä ttö̧ja̧ ttöruhuottörö. TÖ̧Ä̧NÄ̧HUÄ ihuene hueä'ä cu jiähuinö. ⁸Ttö̧jä̧ O'cätoi'önätä ji̧nä̧'ä̧ yo̧metȩnätä ädätinättö esehuipunö: '' jȩtä̧ huottöja̧ O'cäjuyunätä, TÖ̧Ä̧NÄ̧HUA̧ päjimä. Ja̧'hua̧nö ja̧'a̧ Moisesmä ichinöm TÖ̧Ä̧NÄ̧HUÄ Ihuene päji jiä'ö. ⁹TÖ̧Ä̧NÄ̧HUÄMÄ Moisesrö pä'äji: '' chi̧chä̧cuä̧sä̧ ajiya isoppa röȩi̧nä yo̧'cuö̧ju̧nä juä̧'a̧nö jo̧menätä ttö̧jä̧nä̧'ä̧ 'tä̧ju̧cu̧nä̧ chu̧huö̧cuä̧ cuä̧ ja̧'hua̧nötä ucucumä chuhuocuäsä̧ ja̧'hua̧nö ä̧ju̧cu̧tä̧ tesetä huottö '' Ja̧'hua̧nö ja̧'a̧ Moisesmä TÖ̧Ä̧NÄ̧HU̧Ä ihuȩnȩ jiähuäji ttö̧jä̧rö.¹⁰TÖ̧Ä̧NÄ̧HUÄ pä'äji Moisesrö: '' Ötahuiyarä täi jitä mo̧ro̧inä jä̧'hua̧tä̧nö yoi̧ mo̧ro̧i̧nä, 'cä̧ȩpu̧ ttö̧ju̧nä pä'ö huittö ttö'cä̧tä̧ huä̧ti̧yö̧ ttötuca pä'ö jiähuittö. ja̧u̧ mo̧ro̧. ¹¹huäbo däcuä mo̧ro̧ pä'ömä jo̧menötä ttö̧jä̧ huecuä'ä̧. ja̧u̧ mo̧ro̧ päi'ömä ttömä TÖ̧Ä̧NÄ̧HU̧ÄMÄ Sinai muä'cättö chi̧meyȩcuä̧sä̧ .¹²Muä'cä jäyä'cämä do'opu cuju̧na̧'ä̧ jä̧'ä̧ ji̧ähui, Ja̧'hua̧tömä: jue'ene cuä'topujuyunä muä'cä käda'cänämä, juenenä cuäopu mȩ'ömä isopäi'önä 'coruhuoächä̧cuä̧. ¹³Yä̧tȩi̧nä me'ä̧ pä'ömä jö̧cä̧'ä̧ ji̧nä̧'a̧ jä̧u̧rö̧mä. Ja̧'hua̧ta̧nö, ja̧u̧ päjiromä i̧näoyunä icuä'u ja̧hua̧ta̧nö 'cupa̧i̧nä'ä ppoä'u cuä'ö ticuä pä'ö jina'a̧, dea i̧sa̧'a̧ pä'öinä ttö̧jo̧sa̧ ja̧'a̧ pä'öinä 'corujuoächa'a pä'ötä ji̧nä̧'a̧. trompeta oto'önä rä̧mipomenä, Ja'huätömä muä'cä 'käda'kä'u ttötuö'u huächä cuottö.''¹⁴Ja̧'hua̧nö ja̧'a̧ Moisemä mu'kärä̧ttö tto̧ja̧ ttö̧jo̧ cuä̧'ä̧'u̧ meyȩhui̧nö. TÖ̧Ä̧NÄ̧HUÄ̧ Ö̧mu̧huäyottä pä'ömä 'cäȩpu̧ 'ku̧nähuottä jinä'a̧ ja̧'hua̧nö ja̧'a̧ ti̧'äreti̧yu̧ tuquinättö̧. ¹⁵Ja̧u̧mä päi'nö ttö̧jä̧ro̧mä: '' Jo̧menö 'ka̧cuä̧ttö̧hui̧ huäbodäcuä mo̧ro̧ päi'omebu pä'iönä, cuitti̧mu̧ 'tä̧ju̧tö̧rö̧dä̧'ä̧ cutu'cö cuacha tuhuä.''¹⁶Huäbodäcuä mo̧ro̧ päi'ömä mo̧ro̧ päi'a'acu, ki̧nä'a̧ huorötä cupädä̧ rohuä'attö ja̧'hua̧ta̧nö muä'kiyunä'ä̧ ajiya isoppa a̧tä̧'ä̧chi̧nä'a yö̧'ö̧nätä, trompeta pȩi̧cu̧nä rä̧mipomenä, ttö̧ja̧ O'cätoi'önä ä'ähuäränä ti̧ä̧hui̧nättö ye'ehue'ö. ¹⁷Moisemä ttö̧jä̧rö̧mä räepi'icuinö muä'ka 'cada'cättömä kärä'äcu ja'huä'amä Dios ttö'ätehuächa pä'ömä muä'ka kada'cattö päi'önä. ¹⁸Sinai muä'ka ättäjiyä'cätä ä̧tä̧chi̧na'a̧ ocurä isoppattötä jua'amä TÖ̧Ä̧NÄ̧HUÄ̧ i̧meyȩ hui̧a̧ttö̧ ocurä isoppanätä. isoppamä chahuächächinä'ä̧ ocurä ttujuhuomettö̧ 'chähuäda'a jäinö'ä̧nö jö̧nä, O'cajuiyunätä muäquiyumä tti̧ȩpi̧nä'a̧ rö̧ȩnätä.¹⁹Trompeta rä̧mipu yabonö ppu'tomenä, Moises ucuohuomenämä, Diosmä ädätinö pȩi̧cu̧nä. ²⁰TÖ̧Ä̧NÄ̧HUÄ̧ Sinai muä'cättö i̧meyȩhuiomenä, muä'cä huä'äme ä̧tȩpi̧nö ja̧huä̧nö ja̧'a̧ttö̧ Moisemä chä'achinö jua'atä huäme. ²¹TÖ̧Ä̧NÄ̧HUÄ̧MÄ päi'nö Moiserö: ''Meyȩhui̧'ö̧ jiähuäji ttö̧jä̧römä ttötu'cucuächiya pä'ömä ttörö ttö'tä pä'ömä, recuättö totteächä huottö. ²²Jä̧'hua̧tä̧nö Sacerdotȩttö̧nä ttötu'cucuächä pä'ö ja̧'a̧ttö 'cäȩpu̧ cu̧nähuottö junä̧, jo̧menötä̧ jȩpu̧ ttö̧ju̧nä̧'a̧ pä'ö ttö chichäcuä'ämä- ja̧'hua̧nö ttömä churohuäjuiyäcuä'änö,''²³Moisesmä TÖ̧Ä̧NÄ̧HUÄ̧RÖ̧ päi'nö, '' ttö̧jä̧mä muä̧'cä'ärä̧mä ttötu'cuhuächa pä'ömä juiya'a, pä'äji: 'Muä'cä jäyänä beipäro̧mä ja̧'hua̧nötä̧ 'cä̧ȩpu̧ ö̧ju̧näcu TÖ̧Ä̧NÄ̧HUÄ̧MÄ.'' ²⁴TÖ̧Ä̧NÄ̧HUÄ̧MÄ pä'äji: meyȩhui̧'i̧ muä'cärä̧ttö̧mä, Ja̧'hua̧nö ja̧'a̧ttö̧ Aarónmä ucutäcu ichä'ä̧, ja̧'hua̧nö jä̧'ä̧nä̧ sacedotettö̧rö̧mä huecuo ja̧'hua̧nö ttö̧jä̧ro̧i̧nä juene 'toehuome cuä'to'a pä'ömä ttö chu̧jo̧mecu tticha pä'ömä, ja̧'hua̧nö jo̧'cä̧'a̧ ju̧ttö̧mä ttö churohuä'a. ²⁵Moisesmä ja̧'hua̧nötä mȩyȩhui̧nö̧ uhuocuinö ttö̧jä̧rö̧mä.

¹Diosmä pa̧'a̧nö̧ ucuocuinö: ²Tötäsä CU̧Ä̧NÄ̧HUA̧ Diosmä, Egito rȩjȩttö̧ koromecu̧ pporädinömä, korotö huetta'anä suräu cu̧jä̧tu̧cuo̧mȩttö̧ rä'epö icuinömä. ³Ka̧ra̧ cu̧'ä̧nä̧hua̧tu̧cu̧ru̧mä̧ ucuo tecuähuätucuä ttö ttö chö'cattömä.⁴Ucutumä a̧'cua̧juä̧ 'co̧'ö̧mä̧ jȩcu̧'u̧ juiyätucu'anö ja̧'a̧ mo̧ro̧jä̧nä̧ ko̧cu̧ a̧'u̧cuä̧mä̧, pi̧jä̧nä̧ rȩjȩ jacuä co̧cu̧ttu̧'i̧nä̧, aje jacuoto ko̧cu̧tt'i̧nä̧. ⁵Ucutumä ja̧rȩyu̧nu̧ pä'i'ö ucuotömä jȩcu̧'ä̧tu̧cuä̧ jahuätötömä, ttö, CU̧'Ä̧NÄ̧HUA̧TU̧CU̧ Diosmä, ttömä Dios ä'cuoyäusä. Tömä̧ ro̧'ȩpö̧sä̧ ttä̧do̧tö̧ mi̧nä̧rö̧'i̧nä̧ jua'a yabo jahuätottö ichätörö'inä jua'a yabo ttö̧nä̧mu̧ o'cotörö'inä ja'auätö ttö̧nä̧mu̧rö̧'i̧nä̧ ttörö a̧'u̧tä̧tö̧rö̧mä̧. ⁶Ja̧'hua̧nö̧ ja̧'a̧nä̧ TTÖMÄ isopäi'önätä̧ rȩcuätörö i̧jȩpö̧sä̧ TTÖRÖ repe'ätörö ja̧'hua̧ta̧'a̧nö̧ huedinö jȩpö̧ ko̧cuä̧tö̧rö̧mä̧.⁷Ucutumä CU̧'Ä̧NÄ̧HUA̧TU̧CU̧ Dios chi̧mi̧ yapare ȩmö̧mä̧ jȩcu̧'ä̧tu̧cuä̧, jerupätö pä'ömä ja̧'a̧tä̧mä̧ topo'cö chä̧cua̧sä̧ TTÖ chi̧mi̧nä̧ yapare jȩpä̧tö̧rö̧mä̧.⁸Amucuädätucui 'Cuä'ächö pä̧mä̧dä̧cuä̧huä̧ mo̧ro̧, ttö chu̧mo̧ro̧ päi'önä 'cä̧'ȩpö̧ ku̧nä̧tu̧cui̧. ⁹Cuaditätucu'anö ja̧'a̧ o'cajuiyönä cuaditähuätucumä ji̧mu̧tȩ ya'atenö mo̧ro̧ jo̧mȩtä̧. ¹⁰Ja̧'hua̧nö̧ ja̧'a̧nä̧ ji̧mu̧tȩ ta'arenö päi'omenämä TTÖRÖ ucuotö 'cuä'ächö pä̧cuä̧huä̧ mo̧ro̧mä̧ ja̧'a̧, CU̧'Ä̧NÄ̧HUA̧TU̧CU̧ Dios chu̧mo̧ro̧. Ja̧u̧nu̧ mo̧ro̧ päi'omenämä ja̧tȩ'i̧nä̧ adita pä'ömä juiya'a, ucu'inä, cui̧tti̧mu'inä, cu̧i̧tti̧mu̧mu nätö̧'i̧nä̧, cu̧mu̧huäyotö'inä, cu̧mu̧huäyotö nä̧tö̧'i̧nä̧, cuä̧ji̧mö̧ pä̧ca̧yö̧'i̧nä̧, ichäcuähuotö cuojusodenä ko̧cuä̧tö̧'i̧nä̧. ¹¹Jua'amä ttö CU̧'Ä̧NÄ̧HUA̧TU̧CU̧MÄ ji̧mu̧tȩ ya'atenö mo̧ro̧tä̧ aditinösä̧ mo̧rpjä̧'i̧nä̧, pi̧jä̧ rȩjȩ'i̧nä̧, dä'ähuotä'inä o'cajuiyönä jua'a ko̧cu̧mä̧, ja̧'hua̧ta̧nä̧ 'cuä'ächö pä̧mä̧di̧nö̧sä̧ ji̧mu̧tȩ ta'arenö̧ mo̧ro̧. Ja̧'hua̧nä̧ ja̧'a̧ttö̧ ttö CU̧'Ä̧NÄ̧HUA̧TU̧CU̧MÄ adihua pä'ötä kä̧'ȩpö̧ ku̧ni̧nö̧sä̧ ttö chu̧mo̧ro̧ päi'önä.¹²Cuä'orö'inä ja̧'hua̧ta̧'a̧nö̧ cua̧ju̧ru̧'i̧nä̧ ucuotätucui, recuonänö cu̧jä̧tu̧cuä̧cua̧'a̧nö̧ pi̧jä̧nä̧ TTö CU̧'Ä̧NÄ̧HUA̧TU̧CU̧ Dios chi̧yä̧jä̧nä̧. ¹³Ucutumä ya̧tȩrö̧'i̧nä̧ cuä'ömä cuicuätucuä. ¹⁴Ucutumä ka̧ra̧ irecuacumä ä'ö'inä cui̧'chä̧tu̧cuä̧.¹⁵Ucutumä korotö ttiäre'inä cu̧nä̧u̧cuä̧tu̧cuä̧. ¹⁶Ucutumä cuippeyänä ko̧cuä̧tö̧ tottätö pä'ötämä jȩcu̧'ä̧tu̧cuä̧. ¹⁷Ucutumä tö'cönä ko̧cuä̧tö̧ ttojusode pä̧huä̧ ttucuätucuó; ucutumä pa̧hua̧ttucuätucuä cuippeyänä kö̧ irecuarö'inä, u̧mu̧huä̧ya̧rö̧'i̧nä̧, u̧mu̧huäyajuru'inä, äji päcayärö'inä, burrorö'inä koro cuippeyänä kö̧ ö'äre'i̧nä̧.¹⁸O'catoi'önä topinätö̧ cu'upä cöru'ächa'a ja̧'hua̧ta̧'a̧nö̧ cu'upä örohua'a'inä ja̧'hua̧ta̧'nö̧ ä̧ju̧cui̧nä̧tö̧ trompetä rä̧mi̧pa̧'a̧, topinätö de'attö isoppa räopa'a. Ja̧'hua̧nö̧ ja̧'a̧ tottomenä jahuätömä ye'ecu tti̧'ä̧u̧ otonänö kä̧mä̧ni̧nä̧tö̧. ¹⁹Jahuätö pä'inätö̧ Moiserö: Ujuturu ucuocui, ujuturu cucuocumä tä̧ju̧cuä̧cuo̧tö̧jä̧; DIOS ucuocuatö pä'ömä jȩcu̧'ä̧tö̧ hua'ö ticua'acu. ²⁰Moisés Israél ttö̧ja̧rö̧ pä'inö, "Yecuecuätucuä, Diomä ucuturu ko̧cuä̧mu̧ to̧'ä̧u̧jä̧ ja̧u̧ru̧ ye'ecunu cu̧jä̧tu̧cua̧ pä'ö jua'a yabocu suronä jȩpö̧ cu̧jä̧tu̧cua̧'a̧cu̧ pä'ö". ²¹Ja̧'hua̧nö̧ ja̧'a̧ tö̧ja̧mä̧ otonätä̧ ko̧cui̧nä̧tö̧, ja̧'hua̧nö̧ ja̧'a̧nä̧ Moisemä tö'cö päi'önä 'chi̧nö̧ isoppa idicuoppa ro̧mȩcu̧ DIOS ö̧jo̧mȩcu̧.²²TTÖ̧Ä̧NÄ̧HUA̧ pä'inö Moiserö. "Pa̧'a̧nö̧ jicuähuajá Israél ttö̧ja̧rö̧mä̧: Ucutumä tä'cö ä̧ju̧cuä̧jä̧tö̧jä̧ TTÖ mo̧ro̧jä̧ra̧'a̧ttö̧ chucuocua'a ucuturu. ²³Ttö chä'cattömä korotö a̧mo̧nä̧ ttö̧ä̧nä̧hua̧rö̧ cuä̧nä̧huä̧tu̧cu̧ pä̧i̧'ö̧nä̧mä̧ cuaditätucuä, orottö'inä ja̧'hua̧ta̧'a̧nö̧ pärätättö'inä tätömä.²⁴Ucutumä TTÖRÖ ku'icu iyähuä cuiyätucua pä'ömä, isä'ca redä'cattö cuaditätucu'anä ja̧'a̧, juorötä i̧sa̧rö̧ ku'icu cuiyätucua pä'ö, tu̧ru̧hua̧cu̧ huȩnȩ juiyönä kä̧cuä̧huä̧ päi'onä, ovejarö jö̧ttö̧'i̧nä̧, päcayärö jö̧ttö̧'i̧nä̧. ²⁵Ja̧'hua̧nö̧ jȩcu̧'ä̧tu̧cuo̧mȩnä̧ttä̧ TTÖ chi̧mi̧nä̧ ucuotö jȩcu̧'ä̧cuo̧tö̧jä̧, ttötä ichö ppä̧dä̧dä̧cua̧sä̧ ucuturu. I̧sa̧rö̧ ku iyähuome inäduttu cuaditätucuttumä, cuaditätucuajá inähuä 'töcuocohuättö, ja̧'hua̧nö̧ ja̧'a̧nä̧ ja̧u̧ ucututä cuamonä cuiäretucunä cuaditätucumä surojötä bocuecuäcuotöjä. ²⁶Ucutumä TTÖ chiäre ku iyähuome 'cha̧cuä̧'chä̧cuä̧huä̧cä̧nä̧mä̧ 'chacuächätucuä; Jua'amä ucutu cu̧dä̧pä̧rä̧tu̧cu̧ i̧jȩcuä̧cha̧'a̧cu̧ pä'ö."

¹Pii̧yȩ ja̧'a̧ hueähuä huȩnȩ jähuätörö cui̧jȩpa̧ pä'ö jö̧mä̧.²Hebreo ttö̧ja̧sa̧rö̧ cu̧mö̧huä̧ya̧tu̧cu̧ päi'önä cuȩmä̧tu̧cu̧ttö̧mä̧, ja̧u̧mä̧ seisnö̧ a̧'ȩ jo̧mȩnä̧ adita pä'ötä ö̧jä̧cua̧ ja̧'hua̧nö̧ ja̧'a̧ sietenö a̧'ȩ päi'omenä ja̧u̧mä̧ huȩnȩ juiyönä̧tä̧ i̧mi̧toca'atä rä̧o̧pä̧cua̧. ³Ja̧u̧ katätä ichinöttö̧mä̧, ja̧u̧mä̧ kätätä huȩnȩmä̧ juiyönätä rä̧o̧pä̧cua̧; ja̧u̧ irecuarö ȩmi̧nö̧ jö̧ttö̧mä̧, ja̧u̧ irecuamä kirecuocu huȩnȩ juiyönätä̧ räjopäcuaju. ⁴U̧ru̧hua̧ u̧mö̧huä̧ya̧rö̧ irecua päi'önä iyinäcu̧ jö̧ttö̧mä̧, ja̧hua̧nö̧ ja̧'a̧ jähuäjumä kuhuäbecuinä̧ö̧ u̧mä̧tö̧'i̧nä̧, nä̧tö̧'i̧nä̧, irecua ki̧tti̧mö̧cu̧mä̧ ttu̧ru̧hua̧tä̧ umöhuäyotö jö̧nä̧tä̧ opätti'äcuotö. Ja̧'hua̧nö̧ jo̧mȩnä̧ ubomä katätä huȩnȩ juiyönätä̧ rä̧o̧pä̧cua̧.⁵Ja̧'hua̧nö̧ ja̧'a̧nä̧ u̧mö̧huä̧ya̧ huäjönätä̧ ucuocuttömä: Ttömä chu̧ru̧hua̧rö̧mä̧ repe'ösä. Chirecuacu'inä, chi̧tti̧mö̧cö̧'i̧nä̧ rädopächamä pä'ocösä" ⁶Ja̧'hua̧nö̧ päomenä u̧ru̧hua̧mä̧ Dios ö̧ja̧'a̧cu̧ i̧'cä̧chä̧cua̧, u̧ru̧hua̧mä̧ äpatecu i̧'cä̧chä̧cua̧ ja̧'hua̧nö̧ jo̧ca̧'a̧ttö̧mä̧ doächi'äcuähuomecu̧, ja̧'hua̧nö̧ ja̧'a̧ u̧ru̧hua̧mä̧ i̧sa̧ri̧nä̧ ä̧ja̧nä̧ 'tä̧ȩpä̧cua̧, ja̧'hua̧nö̧ tä̧ȩpö̧ o'ca'a ji̧nä̧ pi̧jä̧nä̧ ö̧jä̧i̧mä̧ ppä̧'ä̧dä̧rö̧tä̧ aditö ö̧jä̧cua̧.⁷Ya̧tȩ ittijuru ttumöhuäyaju päi'önä iyö icuttömä jahuäjumä huȩnȩ juiyönämä räjopö juiyönä jä̧cua̧'a̧. Ttumöhuäyotö u̧mä̧tö̧rö̧ jȩttö̧ta̧'a̧nö̧. ⁸Jahuäjuru ku̧ru̧hua̧ öjö'coca'a jö̧ttö̧mä̧, chutä hueinäcua̧ pinäju̧ ja̧'hua̧nö̧ jo̧mȩnä̧ ja̧u̧mä̧ pä'äjita'anö ttȩma̧ju̧ pä'ömä hue'ocö jä̧cua̧. Ja̧u̧mä̧ ko̧ro̧jä̧ttö̧ ichäcuähuotörö ichäcuähuotörö iya pä'ömä hueähuoca'a, ja̧u̧ jȩa̧ pä'ömä jui̧'a̧, täcö ja̧u̧mä̧ yaparetä jȩä̧'i̧ja̧'a̧ttö̧.⁹Ku̧ru̧hua̧ i̧tti̧ irecua päi'önä hueöttömä, ja̧u̧mä̧ yoräteönätä̧ ittiju 'cua̧rö̧nä̧tä̧ jȩa̧ pä'ötä ja̧'a̧. ¹⁰Ja̧u̧ karajuru irecua päi'önä ȩmö̧ttö̧mä̧ ja̧u̧mä̧ u̧cuȩ'i̧nä̧ pö̧jä̧tti̧yö̧'i̧nä̧, iäre jö̧ttö̧'i̧nä̧ hu̧yi̧ä̧chi̧'ö̧nä̧ jȩa̧ pä'ömä juiya'a. ¹¹Ja̧'hua̧nö̧ ja̧'a̧nä̧ huäbodäcuänä jä̧ji̧ i'cächö iyoca'a jö̧ttö̧mä̧, jahuäjumä huȩnȩ juiyönätä̧ pärätämäkimitoca'atä räjopächäcuaju.¹²Ya̧tȩ ka̧ra̧rö̧ 'tahuomenä 'tahuäcu 'corujuoächöttömä, isopäi'önä̧tä̧ ja̧u̧ ttö̧ja̧sa̧mä̧ 'coru juoächa pä'ötä hua̧. ¹³Ya̧tȩ ja̧'hua̧nö̧ jȩcha̧ja̧ päoca'a jä̧ja̧'a̧nä̧ ji̧yȩtȩ mȩä̧huä̧chä̧ji̧ttö̧mä̧, mȩä̧huä̧chö̧nä̧ jȩpä̧ji̧rö̧mä̧ dajahuächö ö̧jä̧cuo̧mȩ jȩpö̧ chu̧ju̧nä̧cua̧sä̧. ¹⁴Ya̧tȩ chutä amöcuädö ö̧jo̧mȩ ppäyänä kö̧rö̧ rohuäu, a̧mö̧cuädö ö̧jö̧nä̧ji̧ta'anö cuä'ö icuttömä, ja̧'hua̧nö̧ ja̧'a̧ ja̧u̧rö̧ 'chu'ädö ku icu iyähuome Diosrö ö̧ja̧ pä'ö'inä ja̧u̧mä̧ cuä'ötä i̧cuä̧huä̧cua̧.¹⁵Ya̧tȩ jä'oröcö̧ ja̧ju̧rö̧cö̧ cuäcuäuttömä isopäi'önätä̧ 'coru päi'a pä'ötä hua̧. ¹⁶Ya̧tȩ ttö̧ja̧sa̧rö̧ u̧nä̧u̧cu̧ttö̧mä̧ ja̧hua̧ta̧'a̧nö̧ iyö icuttömä, ja̧'hua̧nö̧ jo̧ca̧'a̧ttö̧'i̧nä̧ chutäcu ö̧ja̧'a̧ ttö̧'o̧cui̧'ö̧ttö̧mä̧, ja̧u̧ ttö̧ja̧rö̧ nä̧u̧cuä̧rö̧mä̧, isopäi'önä̧tä̧ cuä'ö tticua pä'ötä hua̧. ¹⁷Ya̧tȩ jä'oröcö̧ ja̧ju̧rö̧cö̧ suronä päöttömä isopäi'önätä̧ cuä'ö tticuarö pä'ötä hua̧.¹⁸U̧mä̧tö̧ tturohuähuöttömä ja̧'hua̧nö̧ ja̧'a̧ ya̧tȩ ka̧ra̧rö̧ ido'quinä̧cö̧, u̧mä̧nä̧cö̧ cuäöttömä, ja̧'hua̧nö̧ cuäomenä ja̧u̧ ttö̧ja̧sa̧ 'coru juoächoca'a jö̧ttö̧mä̧, ja̧'hua̧nö̧ ja̧'a̧nä̧ ä'ö ö̧'ä̧'i̧jo̧mȩ ö̧'ö̧ttö̧mä̧; ¹⁹ja̧'hua̧nö̧ ö̧'a̧'a̧nä̧ yoyoja̧'a̧ a̧'cua̧ttö̧ juoöttömä ja̧'hua̧ta̧'a̧nö̧ itta'canätä cueächöttömä̧, ja̧u̧rä̧ cuä'äji päjimä adita pä'ö jä̧ji̧ mo̧ro̧ toe'ächäji micuämä imitähua pä'ötä jä̧cua̧'a̧; ja̧'hua̧ta̧'a̧nö̧ ja̧u̧mä̧ jo̧mȩnö̧ a̧'cua̧ttö̧ juhuome jubö päi'önä imitähua pä'ötä jä̧cua̧'a̧. Ja̧'hua̧nö̧ ja̧'a̧nä̧ ja̧u̧ ttö̧ja̧sa̧mä̧ ttö̧ja̧sa̧rö̧ cuä'ö icuähuä ttö̧ja̧sa̧ pä'ömä pä'ähuocö jä̧cua̧.²⁰Ya̧tȩ itta'canä cuäöttömä umöhuä̧ya̧rö̧cö̧ umöhuäyajurucö̧, umöhuä̧ya̧ päjirö cuäja'a 'coru juoächöttömä, isopäi'önä ja̧u̧ ttö̧ja̧sa̧mä̧ ro̧'ȩpö̧tä̧ ro̧ȩcuä̧cua̧. ²¹Ja̧'hua̧nö̧ ja̧'a̧nä̧ ttu̧mö̧huä̧ya̧ ya'ute mo̧ro̧cö̧ todäre mo̧ro̧cö̧, u̧ru̧hua̧mä̧ ro̧'ȩpö̧mä̧ ro̧'ȩcuo̧cö̧ jä̧cua̧, juhua'amä ja̧u̧ u̧mö̧huä̧ya̧mä̧ usurä ȩmä̧u̧ toe'ächönä jȩä̧ja̧'a̧ttö̧.²²U̧mä̧tö̧ tturohuäuttömä ja̧'hua̧nö̧ tturohuähuomenä isaju muchajuru 'tahuähuächomenä cu̧cuä̧ba̧ ppö'ö icuttmä, ja̧'hua̧nö̧ ja̧'a̧nä̧ jahuäju kutta päi'önä jȩä̧cho̧ca̧'a̧ jä̧ji̧ttö̧mä̧, ja̧'hua̧nö̧ ja̧'a̧ ja̧u̧ ttö̧ja̧sa̧ jȩä̧ji̧ huȩnȩcuä̧chä̧ji̧mä̧ imitähua pä'ötä huettäcua̧, kirecuo ja̧u̧ imitähua pä'ö hueö'acuä̧tä̧, ja̧'hua̧ta̧'a̧nö̧ ja̧u̧mä̧ imitähua pä'ötä jä̧cua̧'a̧ röji pä'ö icuätö pättö'a̧cuä̧tä̧. ²³Ja̧'hua̧nö̧ ja̧'a̧nä̧ ttötta päi'önä 'tahuähuächäjittömä̧, ka̧ra̧ a̧'cua̧rö̧mä̧ ucu cua̧'cua̧rö̧mä̧cu̧ micuähuächa pä'ötä jä̧cua̧'a̧, ²⁴i'äremä, cui'ärecu, acupa'chemä cuacupa'checu, umömä ucu cumöcu̧, öjä̧pö̧mä̧ kö̧jä̧pö̧cu̧, ²⁵cuo'ö icuäjimä ucu cuo'ö cuicunä, ötta päi'äjittömä, cutta päi'önä ja̧'hua̧nö̧ jo̧ca̧'a̧ttö̧mä̧, i̧jȩta̧nä̧ tuhuäba jö̧nä̧ päi'äjittömä cui̧jȩta̧ tuhuäba päi'önä.²⁶Ya̧tȩ u̧mö̧huä̧ya̧cu̧, umöhuäyajucö̧ ki'ärenä 'tauttömä ja̧'hua̧nö̧ 'ta'ö ttȩ'ö̧ icuttömä, umöhuä̧ya̧mä̧ huȩnȩ juiyönätä̧ räopa'anä ja̧'a̧tä̧ toa pä'ötä jä̧cua̧'a̧ i'äre ttȩä̧huä̧ji̧ micuämä. ²⁷U̧mö̧huä̧ya̧cu̧, umöhuäyajucö̧ kacu baropö icuttömä, ja̧u̧mä̧ huȩnȩ juiyönätä̧ räopa'anä ja̧'a̧tä̧ toa pä'ötä jä̧cua̧'a̧ acu barächi'äji micuämä jö̧nä̧tä̧.²⁸Päcäyämä̧ ä̧ja̧ i̧sä̧na̧nä̧ uboröcö̧, isajurucö̧ 'coru pätti'önä äcuädö jȩpö̧ icuttömä, ja̧u̧ päcäyämä 'coru päi'ome jubö inädönä icuäu i̧cuä̧jhuä̧cua̧, ja̧'hua̧ta̧'a̧nö̧ ja̧u̧ idepämä cuäcuähuocö jä̧cua̧; ²⁹ja̧'hua̧nö̧ ja̧'a̧nä̧ ja̧u̧ päcäyä u̧ru̧hua̧mä̧ äji jȩä̧ji̧nämä surojönämä ki̧'o̧cö̧ jä̧cua̧. Ja̧'hua̧nö̧ ja̧'a̧ päcäyä ä'cojitä päi'önä ja̧'hua̧nö̧tä̧ jȩpä̧'i̧jö̧ jö̧ttö̧mä̧ ja̧'hua̧nö̧ ji̧yä̧u̧ u̧ru̧hua̧rö̧mä̧ jittähuina'anä do'ädö mö'ȩpö̧ ö̧jö̧no̧ca̧'a̧ jä̧'i̧ttö̧mä̧, ja̧'hua̧nö̧ jo̧mȩnä̧ ja̧u̧ päcäyämä uboröcö̧ isajurucö̧ cuä'ö icuina'a jö̧ttö̧mä̧ ja̧u̧ päcäyärömä inädönä icuä icuähuä̧cua̧ ja̧'hua̧ta̧'a̧nö̧ u̧ru̧hua̧rö̧'i̧nä̧ cua'ö icuähuäcua'a. ³⁰A̧'cua̧rö̧ ki̧'a̧rö̧ pä'ömä ttimita pä'ö, pä'ö ku̧nä̧huo̧mȩ imita pä'ö ja̧'a̧, ja̧u̧mä̧ pä'ö ku̧nä̧huo̧mȩmä̧ juia pä'ö'inä imita pä'ötä jä̧cua̧'a̧.³¹Ya̧tȩ päcäyä ä̧ja̧ i̧sä̧na̧nä̧ äcuädöttömä ya̧tȩ i̧tti̧rö̧cö̧ ittijurcö̧, ja̧u̧ u̧ru̧hua̧mä̧ jȩtta̧ pä'ö hue'ö ku̧nä̧hua̧'a̧cu̧tä̧ jȩa̧ pä'ötä jä̧cua̧'a̧. ³²Ya̧tȩ päcäyä ä̧ja̧ i̧sä̧na̧nä̧ äcuädöttömä ttumöhuäya̧rö̧cö̧ ttumöhuäyajurucö̧, päcäyä u̧ru̧hua̧mä̧ pärätämä 30nö ciclo jomenä imita pä'ötä jä̧cua̧'a̧ ja̧'hua̧nö̧ i̧mi̧ta'anä päcäyärömä inädönä icuäu icuähuäcua'a.³³Ya̧tȩ reju mö̧ȩcuo̧mȩ ba'epö icuttö̧cö̧, ya̧tȩ reju sa'ö'ca̧ mö̧ȩpo̧ca̧'a̧ ja̧'a̧ päcäyäcö̧, burocö̧ jahuäjunä ma̧ä̧chö̧ttö̧mä̧, ³⁴jahuäju u̧ru̧hua̧mä̧ toe'ächäji micuämä imitähua pä'ötä jä̧cua̧'a̧. Ja̧u̧mä̧ pärätämä̧ i̧yä̧cua̧ i̧sa̧ 'coru juo'ächäji u̧ru̧hua̧rö̧ ja̧'hua̧nö̧ i̧yomenä i̧sa̧ 'coru juo'ächäjimä mitähuäjitä ö̧'o̧ya̧ pä̧i̧'ä̧cua̧.³⁵Ya̧tȩ aji päcäyä ka̧ra̧ aji päcäyärö dö'ö icuomenä 'corujuo'ächöttömä, ja̧'hua̧nö̧ ja̧'a̧ jahuätömä päcäyä a̧'cua̧ra̧rö̧ iyö icu micuämä 'cä̧ttȩcuä̧cuo̧tö̧ ja̧'hua̧ta̧'a̧nö̧ jahuätömä päcäyä 'corujuo'ächäjirö'inä pä̧cuä̧da̧ pönä ttȩmä̧cuo̧tö̧. ³⁶Ja̧'hua̧nö̧ ja̧'a̧nä̧ ä'cojitä päi'önä päcäyämä ä̧ja̧ i̧sä̧na̧nä̧ äcuädä'chö jȩpä̧'i̧jö̧ jö̧ttö̧mä̧ ja̧'hua̧nö̧ jȩa̧'a̧nä̧ do'ädö ö̧jö̧no̧ca̧'a̧ jä̧'i̧ttö̧mä̧, päcäyä 'corujuo'ächäjinämä a̧'cua̧ra̧rö̧tä̧ i̧yä̧cua̧ ja̧'hua̧nö̧ i̧yo̧mȩnä̧ 'corujuo'ächäjirömä mitähuäjitä ö̧'o̧ya̧ jö̧nä̧tä̧ pä̧i̧'ä̧cua̧.

¹Ya̧tȩ ttö̧ja̧sa̧ päcäyäro'inä ovejarö'inä nä̧u̧cu̧ iyöicuttumä̧, Ja̧'hua̧nö jö̧ttö̧mä̧ ja̧u̧mä̧ i̧mi̧ta̧cua̧tó ji̧mu̧tȩnö̧ huotö päcäyärö ya̧tȩ imihuämä ja̧'hua̧ta̧nö ya̧tȩ oveja imicuämä pa̧ja̧cua̧nö huotörö i̧mi̧ta̧cua̧. ²Ya̧tȩ näu̧cuä̧rö̧rö̧ ttö̧o̧cui̧'o̧mȩnä̧ ka̧ra̧ i̧äre surojuoepurö, ja̧'hua̧ta̧'a̧nö 'corupäioca'a jöttö'inä 'corupättö'inä, jahuanö jo̧mȩnämä ji̧yȩtȩ'i̧nä̧ ro̧ȩcuä̧mä̧ jui̧a̧tä̧ ö̧jä̧cua̧. ³Ja̧'hua̧nö jo̧mȩnä käcua̧ räopäcua'a ä'canä ja̧u̧ doächöttömä, ja̧u̧tä̧ ja̧'a̧ cu̧ä'ö i̧cuäjimä pättäcua̧. Näu̧cuä̧rä̧cuä̧huä̧ i̧sa̧mä suronä jȩpu̧ önäu̧cuä̧ji̧mä imitacuapäö ja̧'a̧. Ja̧u̧ ppa̧huä̧dä̧ji̧ juia'a jöttömä, churutä micuänä iyö icuähua̧ päi'äcua̧ önäu̧cuä̧ji̧ micuähuomȩta̧. ⁴I̧sa̧ ö̧nä̧u̧cuä̧cu̧ru̧ a̧cua̧rö'rö u̧ju̧nä̧rö̧ttö̧mä, päcäyärö jö̧ttö̧'inä burrorö jö̧ttö̧'inä ovejarö jö̧ttö̧'inä ja̧u̧mä ta̧ju̧ru̧ jo̧mȩ imitäcuä'cua̧.⁵Ya̧tȩ ä̧ji̧mu̧ päcäyö̧rö̧ 'toecuoca'a u̧ju̧nä̧ra̧'a̧ u̧va̧ pättänä ka̧ra̧ iättättö cuätö, ttu̧ru̧cua̧mä suronä jȩttä̧ji̧mä̧ chutä uva iättättö adicuomȩttö̧ aditö ppa̧cua̧dö̧anö ja̧'a̧.⁶Ocurä cuähuä ochanä'inä o̧tȩnäa'inä jareönä pättä o̧tȩ jö̧ cu̧nä̧cuo̧mȩinä yoähuächö huoöttömä,ttö̧ja̧sa̧ ocurä rä̧dȩta̧ji̧mä̧ toeäaji micuämä iso päiönä imitähuäcua̧.⁷Ya̧tȩ u̧borö pärätä'inä umu jähuä'inä iyöttömö ojusode ppeyänä kö̧rö̧ hua'adö ötiyarö pä'ö ja̧'hua̧nö ja̧'a̧nä juodettö ttö̧nä̧u̧cuo̧mȩnä̧mä̧, nä̧u̧cuä̧rö̧'rö̧ ttö̧'o̧cui̧'o̧menämä, pidemä micuähuomettö̧'i̧nä̧ abonänö todäre jo̧mȩ päi'önä imitäcua̧'cua̧. ⁸Näu̧cuä̧rö̧rö̧ ttö̧o̧cui̧o̧ca̧'a̧ jo̧mȩnämä, ja̧'hua̧nö jö̧ttö̧mä isode u̧ru̧cua̧tä̧ i̧'cha̧ päö ja̧'a̧ hueähuä ruhuotö ttä'ca jo̧mȩ jahuätötä tottarö päö ippeyänä kö̧ umu jähuä mea̧'ja̧päö. ⁹Ji̧yȩtȩttö̧ huȩnȩ jö̧ ötö'cömä, päcäyä jö̧ttö̧'inä, mu̧rö̧ba̧ jö̧ttö̧'inä, pujä̧ti̧yu̧ jö̧ttö̧'inä, koro juäi toeäji jöttö̧o' inä ka̧ra̧ ya̧tȩtö̧ päöttömä: "Piyȩmä ttö chiäre ", hueähuä huȩnȩ aditätömä jahuätö pättö ttäju̧cua̧ päö jina'a̧. Juorötä jahuätörö ä̧ju̧cu̧ pidetä ja̧'a̧ päö tticua päö. Ja̧u̧ jahuätö ttö̧o̧cui̧ä̧cu̧mä micuähuomettö̧'inä abonänö todäre jo̧mȩ päi'önä imitäacua̧ ippeyänä kö̧rö̧mä.¹⁰Ya̧tȩ ippeyänä kö̧rö̧ iyöttömä asnorö'inä, päcayärö'inä, ovejarö'inä ka̧ra̧ i̧sa̧rö̧'i̧nä̧ tta̧huä̧ra̧ pä'ö hue'öttömä ja̧u̧ päjí 'corujuo'ächöttö'inä 'tahuipöttö'inä ko̧ro̧nö̧mä̧ tottöjuiyönä ttö̧nä̧u̧cu̧ttu̧mä̧, ¹¹ta̧ju̧cuäyotö pättäcuotö TTÖ̧Ä̧NÄ̧HUA̧ ä'cajo̧mȩttö̧, ujutu ta̧ju̧huotömä tippayänä kö̧ ö'äremä me'o̧co̧tö̧ pjätöjä. Ja̧u̧ u̧ru̧hua̧mä̧ ja̧'hua̧nö̧tä̧ ja̧'a̧cua̧ pä̧cua̧ ja̧'hua̧nö̧ ja̧'a̧nä̧ ka̧ra̧'i̧nä̧ pä'äji jä̧ji̧ta̧'a̧nö̧ jȩa̧ pä'ömä juiyäcua'a. ¹²Ja̧'hua̧nö̧ ja̧'a̧nä̧ ttö̧nä̧u̧cuä̧ji̧tö̧mä̧, ka̧ra̧mä̧ pa'ajita'anä suronä päi'äji aditö icu iyö'anä ja̧'a̧ u̧ru̧hua̧rö̧. ¹³Ja̧u̧ äjicuä̧cuä̧hua̧rö̧ de'a i̧sa̧ cuä'ö sesepö icuäjitömä, ja̧u̧ tta̧'a̧rö̧mä̧ i̧jȩpa̧ pä'ö ja̧'a̧ jua'a 'cuäopäjimä. Ja̧u̧mä̧ i̧mi̧töjui̧yä̧cua̧ ja̧u̧ de'a i̧sa̧ sesepö iucuäjimä.¹⁴Ya̧tȩ ttö̧ja̧sa̧ ippeyänä kö̧ ä̧ji̧mu̧ttö̧ pärou ȩmö̧ttö̧mä̧ ja̧u̧ ȩmä̧jä̧cu̧ 'tahuipönä ko̧ro̧nö̧mä̧ korupäi'öttömä̧ u̧ru̧hua̧ toächomettö̧, ja̧u̧ pärohuäjimä pä'äji jä̧ji̧ta̧'a̧nö̧ aditö u̧ju̧nä̧cua̧ suronä päi'äjimä. ¹⁵Ja̧'hua̧nö̧ ja̧'a̧nä̧ u̧ru̧hua̧ jȩnȩtä̧ ö̧jö̧ttö̧mä̧, ja̧u̧ pärohuäjimä mitocö jä̧cua̧; Ä̧ji̧cuä̧cuä̧hua̧ päroutä i̧yä̧hua̧ jö̧ttö̧mä̧, i̧mi̧tä̧cua̧ pärou micuähuometä̧.¹⁶Ya̧tȩ isaju uborö jerupajuru oborädöttömä ja̧u̧mä̧ pätecuächö, ja̧'hua̧nö̧ ja̧'a̧nä̧ jahuäjucu ä'öttömä, ja̧u̧mä̧ isopäi'onätä̧ irecua päi'önö ȩmä̧cua̧ ö'cähuätö ttimita pä'ö pätetö ku̧nä̧huo̧mȩ jö̧ta̧'a̧nö̧. ¹⁷Jahuäju kä'o ja̧u̧ru̧ iyä pä'ö juiyöttömä, ja̧u̧ ubomä pärätä i̧mi̧tä̧cua̧ uborö jerupajuru mitähuome jö̧ ta̧'a̧nö̧.¹⁸Chu̧mä̧ri'änä̧tä̧ kä̧ju̧mä̧ kö̧jö̧ juiyö'anö ja̧'a̧. ¹⁹Ya̧tȩ i̧sa̧cu̧ ä'ömä cuä'ö tticuapä'ötä pätecuächö.²⁰Ya̧tȩ Ö̧Ä̧NÄ̧HUA̧ huocotörö ku'icu iyähuä iyöttömä iyöttömä ja̧u̧mä̧ si'epö i̧cuä̧huä̧tä̧ jä̧cua̧. ²¹Ko̧ro̧jä̧ tö̧ja̧sa̧rö̧mä̧ amäcö aditö usuräunämä jȩcu̧'ä̧, ucu'inä Egiptorȩjȩ ra̧'a̧ttö̧mä̧ ko̧ro̧jä̧ ttö̧ja̧sa̧ ki̧nö̧jä̧.²²Amäcö juäi aditö kusuräunämä jȩcu̧'ä̧ recuarö'i̧nä̧ ja̧hua̧ta̧'a̧nö̧ rȩyo̧rö̧'i̧nä̧. ²³Amäcö juäi aditö kusuräunä jȩcu̧'ä̧u̧ TTÖ, TTÖ̧Ä̧NÄ̧HUA̧RÖ̧ pä̧i̧cu̧nä̧ jättepöttömä, isopäi'önä jahuätö huottömä chä̧ju̧cuä̧cua̧sä̧. ²⁴Ttö chamisurächi'äcua'a ja̧'hua̧nö̧ päi'omenä ucuturu curä'chunä cuä'ö chi̧cuä̧cua̧sä̧; ttirecuamä recua juojäcuaju ja̧'hua̧ta̧'a̧nö̧ tti̧tti̧mu̧'i̧nä̧ rreyotö juottäcuotö.²⁵ya̧tȩ chu̧mu̧huäyotöttö usurä isarö pärätä ö'oräuttumä, pärocuähuä i̧sa̧ 'cua̧rö̧nä̧ yabucu imitönä jȩcu̧'ä̧. ²⁶'ca̧tä̧cuä̧hua̧tä̧ cu'oräuttumä, kä̧hua̧ räopäcua'a ä'canä ppa̧cuä̧di̧pa̧ pä'ö ja̧'a̧, ja̧huä̧ta̧mä̧ ji̧ta̧tȩtä̧ ja̧'a̧ttö̧ juäocua pä'ömä; ²⁷Ja̧huä̧ta̧tä̧ ja̧'a̧ cuidepänä juäcuocunä ppä̧dä̧ta̧ ja̧'a̧ttö̧. ¿Ti̧tä̧ ko̧ro̧ta̧nä̧ juä'ocu cuä'a'a jä̧ttö̧? ja̧u̧ ttörö juo'öttäömä, ttömä chä̧ju̧cuä̧cua̧sä̧ jua'amä re toäcuähuä i̧sa̧ cha'attö.²⁸TTÖRÖMÄ surojönä pä'ä'chömä cucuocuätucuä, Diorömä, ötahuiyänä ruhuo hue'ätörö'inä.²⁹Ttiäre iyähuä cuiyätucuoca'a jö̧nä̧mä̧ jȩcu̧'ä̧tu̧cuä̧ iyätucui ppätta cuähuä u̧huä̧ju̧mä̧ uva isoyä pä̧i̧'ö̧nä̧ 'cuȩcuä̧huo̧mȩtö̧mä̧. TTÖRÖ iyi cui̧tti̧mu̧ttö̧ ä̧cuo̧mȩnä̧ i̧sa̧rö̧. ³⁰Ja̧'hua̧ta̧'a̧nö̧tä̧ jȩcu̧'a̧ cuä̧ji̧mö̧ bueyetö̧ttö'inä jja̧'hua̧ta̧'a̧nö̧ ovejatö̧ttö̧'i̧nä̧. Ji̧mu̧tȩ ta'arenö mo̧ro̧ jo̧mȩ tö̧jä̧cuo̧tö̧ tta̧ju̧cu̧mä̧, ja̧'hua̧nö̧ ja̧'a̧nä̧ ji̧mu̧tȩ huäba'acuä mo̧ro̧ päi'omenä TTÖRÖ cuiyajá. ³¹Ucutumä ttöttö 'quȩ'ȩcuo̧tö̧tä̧ huotöjä. Ja̧'hua̧nö̧ ja̧'a̧ttö̧ de'a i̧sa̧ yö̧yö̧pö̧ icuäcuru idepä'inä cucuätucuä. Ja̧'hua̧nö̧ jo̧ca̧'a̧ jö̧ttö̧mä̧, ä̧hui̧ri̧tö̧ ttucua pä'ötä iyätucui.

¹Yaparemä jicuhuähuä kärätä yapare pä'äji pä'ömä. juhua'a jö ta'anö surojö yapare jiähuä'chöcui'inö ppäcuächiä'ä. ²Recuätöcumä cui'chä suronä jecu'a̧ pä'ömä, Ucuocuätä'inä cucuocuä, isopä'önä korotö Recuätö pättönä juhua'a jo̧tä̧'anö jȩpi̧. ja'hua'anö pä'anö cuieruhua'arä'amä jȩcu'ä. ³ya̧tȩ usurä I̧sa̧rö̧ suronä pä'imä ppä̧cuä̧dä̧rä̧.⁴Ya̧tȩ cuäboi'yä̧ äji bö'ö pä'cäyä jö̧ttö'inä, äji burro jo̧ttö'inä i̧re'ttehuä̧'chä'a cu'ocui'ottömä, uruhuarätä ppä'ädirö. ⁵ya̧yȩ ucuru kö'cocö äji burro ämä'ca'a epomenä juiyö ppä'ächi'ö mo'ämöttömä, jä'atemä to'cuärö̧. ppä'ädirö äji burrocutä.⁶Yorö'iso suröju cuoepä'ä̧nä pä'a̧nä pätömä tocuä'a, ja̧'hua̧nö ja̧'a̧ ju̧ta̧'a̧nö suronä jȩpä̧ji̧ro̧ huȩnȩ jui'a jö̧nä̧'i̧nä'a̧ pä'cuhuä, ja̧'hua̧'a̧nö ja̧'a̧nä suronä jȩpo̧'co̧ pä'ä jirömä ro̧ȩcuänä päcuhuä. ⁷Ka̧ra̧cu̧ ppäcuächia'ä yapare ji'ähuäcuä pä'ömä, jȩpo̧'cö̧ pä'irömä cuä'ö cui'cuä, ttömä pädö juiyä̧cu̧äsa̧ suronä jȩpä̧'ä̧tö̧rö̧ , Ja̧'hua̧ta̧'a̧nö suronä jȩpo̧'cö̧tö̧ pätö jö̧nämä. ⁸Ji̧yȩtȩ'i̧nä cuemä yapare jȩcö̧ tti̧mitömä, Ja̧'hua̧'a̧nö jȩä̧cuä̧huä̧mä adicuo'cä'a tö̧pä̧rä̧ttömä , ja̧'hua̧'a̧nö jȩä̧cuä̧huä̧mä surojuoecuätä ja̧'a̧ ka̧rä̧ adiunätä kö̧rö̧. ⁹Kärä'attö ichäcuäcuötörömä cua̧'cua̧ ttä̧huȩcuä̧, tä'cö ucutumä huo̧juä̧to̧ja̧ kärättö ichäcuähuötö ttö̧ja̧mä, Ucutu'inä käräja Egipto ttö̧ja̧ tti̧rȩja̧ttö̧ ichäcuähuötö pinätö̧ja̧.¹⁰Cui̧rȩja̧nämä seis a̧jȩ jo̧menä cujunäcua̧ja̧ ö̧cuä̧ju̧mä Ja̧'hua̧'a̧ta̧nö cu'cä̧'ä̧täcua̧ja̧ ö̧huäjuo̧mä. ¹¹ja̧hua̧'a̧nö ja̧'a̧nä korömo̧ttö̧ todäre a̧'jȩmä tä'cö cu'cuä cuähuämä . cuju̧ni̧yä̧cuä̧ja̧. korotö ttirȩja̧nä kähuätö̧ ötähuätö huoröttö tucuä pä'ö. ja'huätö tticuipömä de'a isottö äjicuäccuähuöttötä ttua̧huä̧cuȩmä. jua'a ta̧'a̧nö cuätucu uvas'inä a̧dȩ'i̧nä.¹²Seisnö mo̧ro̧tä̧ cuä̧di̧tä̧cuä̧ja̧ cuäditähuämä, ja̧'hua̧nö ja̧'a̧dä̧ sietenö mo̧ro̧mä cuä'ächi'ö cui'ämädä̧cuä̧'ä̧, pi̧yȩmä cuäji bö'ö pä'cäyä'inä,cuäji burro'inä cuä'ächi'ö i̧'a̧ pä'ö, ja̧'hua̧ta̧'a̧nö cumuhuäyaju ki̧tti̧'i̧nä, kärättö ichacuähuottö'inä 'cuä'ächi'ö ttö̧ja̧ pä'ö. ¹³Adiunä a̧ju̧cui̧ ucuru pädömä. Ja'huätö ja̧'a̧ttö̧ 'cöröttö tö̧ä̧nö̧ttö̧ro̧mä oä'chu'inä pätä'chä'anämä ja̧'a̧tä̧ töhuocumä, Ja̧hua̧ta'a̧nö ttucuöcuänä'inä ja̧'a̧tä̧ ttuhuö.¹⁴A̧'ȩttö̧mä huäbodäcuä jo̧menätä̧ jȩcuä̧ttö̧cuä̧jä̧ ttörö amucuädö. ¹⁵pi̧yȩ pä'cärimä pan ppö̧'a̧mo̧'cö̧ jui̧yönä cuäcuähuä jäcuä'ä ttötä huedinö pi̧yȩmä cucuäja̧ pan ppo̧'ä̧mo̧ juiyönä cuähuäcuämä sietenö mo̧ro̧tä̧. ja̧'hua̧nö ja̧'a̧ttö̧ pä̧'a̧nö pä'ö. 'kunäcuä̧'ä̧ ttö 'chä'cä jo̧metö Abil ka̧hua̧ kä'cä'inä cui̧jȩcua̧ja̧. Ja̧'hua̧ta̧'anö ja̧'a̧ttö̧ ja̧u̧nö pä̧nä jä'inöso̧me ji̧na'a̧ Egipto rȩjȩttö̧ räcuopinä'a̧mä. Ja̧'hua̧nö ja̧'a̧ttö̧ ya̧tȩ'i̧nä jui'ömä ichujuyuanö ja̧'a̧ttö̧ 'chä̧'a̧cu̧mä.¹⁶Ja̧'hua̧ta̧'a̧nö ppättiyu cuähuä a̧cuo̧mȩnä'a̧ji̧ cui̧ättänä cu̧ju̧nömä 'quiyächomenämä pä'cäri jȩcuä̧cuä̧ja̧, Ja̧hua̧nö ju̧ta̧'a̧nö cucuȩ cuähuä röji a̧'ȩ beipome 'tö̧'cä̧ta̧'a̧ pä'ö pä'cari jȩ'ttä̧cuä̧ja̧, ja̧'hua̧ta̧'a̧nö cuähuä cu̧ju̧näji röji cujunäji̧ o̧'ca ka̧cui̧pä̧ji̧ do'opö cuihuomenä'inä. ¹⁷Jahuanö ja̧'a̧ttö̧ O'catoi'önä u̧mätömä ya̧'ö̧cu̧pö̧nä ttichö'anö ja̧'a̧ttö̧ cu̧ru̧huä̧ chä'ca jo̧me a̧'ȩttö̧mä cuäbodäcuä jo̧menä.¹⁸I̧sa̧ro̧ uhuojacumä kuicumä cuiya pä'ömä jo̧'ca̧'a̧ ttörö mä pan ppö'a̧mä juaicu korö mo̧ro̧ pä̧i'önä cuiyuttö, Ja̧'hua̧ta̧'a̧nö i̧sä̧ ö̧'a̧dȩmä korö mo̧ro̧ päi'önä cu̧ju̧ni̧ä̧'a̧chä̧. ¹⁹Cujunähuä̧'a̧ a̧huo̧mȩnä jähuätö cui'cacha pä'ö ja̧'a̧ chojuisodenärä̧. TÖ̧Ä̧NÄ̧HUA̧ Dios ojusoderä̧'a̧ oveja i̧tti̧ mu̧ä̧yä̧rö̧mä chutä ja̧ju̧ 'kätäte isoyanämä dacujuiya'anö ja̧'a̧nö ja̧'a̧.²⁰huȩdä̧cuä̧sä̧ chu̧mo̧cuäyä̧ Angelrö mänänä cui'chä̧'a̧nä̧ tä̧huä̧rä̧cuö̧ pä'ö, Ttötä ihueye 'que'epo̧ chu̧ju̧ninärä̧'a̧ cui̧rȩbȩhuä̧'a̧ pä'ö. ²¹Churötä adiu'ö ä̧ju̧cu̧ uhuöti curahuäri'oca'a, Curähuäröttömä ja'ate toiyäcuäjä. ja̧u̧ru̧mä ttötä ja'huanö huedä'ättö. ²²Isopäi'önä ihuene ä̧ju̧cu̧, ttö huedötä'anö jecu̧ttu̧mä, ucu cuäboiyottömä ttö'inä chaboiyottö ttä'cuotö, ucuru suronä pä'ättörömä, ttö'inä surönä pä̧tä̧cuä̧sä̧ jahuätörö.²³chu̧mo̧cu̧äyä Angel cuä'canä i̧'chä̧'a̧cua̧, Amoreosrö i'cächä̧'a̧cuä̧, Hititas ttö̧ja̧rö̧'i̧nä, Ferezeosrö'inä, Cananitasrö'inä, Hetitasrö'inä ja̧hua̧ta̧'a̧nö Jebuseorö'inä. Siepuchicuä̧'a̧sä̧. ²⁴Ä̧mönä tö̧ä̧nä̧huo̧tö̧rö̧mä cuihue'quiyunä pämädö̧mä ucuotömä jȩcuä̧tö̧cuä̧'a̧, jahuätö jȩttö̧ja̧nömä. Ja̧hua̧nö ja̧'a̧ttö̧ ja̧u̧ O'ca'amä kä'ö'icu kada'ca ' chuhuäromettö mo'ä chö ppo'äcua päi'önä jȩpo̧ 'chi̧cuä̧cuä̧sä̧. ²⁵ttö churu̧huä̧'a̧ cuä̧nä̧huä̧ Dios rötä ucutu päi. ja̧'hua̧nö Jȩcu̧tö̧mä ttötä chiyä̧cuä̧ja̧ cu̧cuȩ pan'inä, cuäcuoya ajiya'inä. Cumäri'che'inä aditöchicuäcuäja̧.²⁶Isajumä yajute'inä möchaju päji'oca'amä ko̧ji̧'yä̧cuä̧ju̧ ja̧'hua̧'a̧ta̧'a̧nö yajute'inä kitti̧rö̧ kä'conä kuhuäbecuä'acu 'corupäi'yäcua juhuöjä rȩjȩttö̧mä. ttötä recuo ttö̧jö̧nä jȩchä̧'ä̧cuä̧sä̧. ²⁷Ucu cui'chacuäjärä'a ka̧cuä̧tö̧ro̧mä, ttötä jechä̧'a̧cuä̧sä̧ jahuattö yettecuä'chönä. ttötö cuä'ö chienäcua̧sä̧ cui̧'cho̧'a̧cuä̧ kämätörö. ttötä jȩchä̧cua̧sä̧ ucu cuabo'iyottömä ye'ecueä'chö tötipä'ächönä . ²⁸töttä huedä̧cuä̧sä̧ cuä'canä isotö pä̧ju̧ru̧, jua̧'anö kä̧cua̧ttö̧ ucu cuä'ca jo̧mȩttö̧ ttötipächa pä'ö jahuätömä pitö ja̧'a̧ Cananeos ttö̧jä̧'i̧nä, Heveos'inä ttö̧ja̧'i̧nä, hititas ttö̧ja̧'i̧nä ji̧nä'a̧. ²⁹ya'ate a'ȩtö̧'inä chi̧cui̧pi̧yä̧cuä̧jä̧ juhuäjä rȩjȩ de'a juiyä̧ja̧ pä'inö. de'a Isotö päcuätö rottächa'anämä .³⁰Juhuätö jattömä, ttötä jȩ'chä̧'ä̧cua̧sä̧ cuä'ca jo̧mettömä a̧cuo̧pö̧nä rä'opächö cuähuä uhuä̧ju̧mä jua'a rȩjȩ suhuädi'önä ka̧'a̧ pä'ö. ³¹ttötä jȩchä̧cuä̧sä̧ cui̧rȩja̧mä pä̧'a̧nö jö̧nä̧. dubora töhuorätö ka̧mädö̧ Filisteos ttö̧ja̧ tö'aje jubö de'a juiyä̧'a̧ttö ka̧mädö̧ Eufrates aje bu'ö ttötä jȩchä̧'ä̧cuä̧cua̧sä̧ juä̧'ä̧nä ka̧'a̧cuä̧törö̧ rokuäju cujuruhuä pä'ö. Ucu cujö̧metö̧mä jahuanöta̧. ya'opu cuicuäcuäja̧ jahuätörömä. ³²Jahuätöcumä ppäcuä'ächi'ä a̧mönä tö̧ä̧nä̧huö̧tö̧rö̧ uhuotö jȩcuä̧'a̧cu̧ ucu'inä. ³³Cuirȩja̧ nä ttö̧jä̧'ä̧nä'inä ja̧'a̧tä̧ to'cua'attö, Ucu'inä jahuatö ju̧tä̧'a̧nö suronä jȩcuä̧'ä̧cu̧ a̧mönä tö̧ä̧nä̧huottörö Ucuotö. jau̧ juäi'mä yapare jahuätä ja̧'a̧.

¹Ja̧u̧nu̧ o'ca'a TÖ̧Ä̧NÄ̧HUA̧MÄ̧, Moisésrö pä'inö: "Chö̧ja̧'a̧cu̧ 'cha'achi, Ucu'inä, Aarón'inä, Nadab'inä, Abiú'inä, ja̧'hua̧ta̧'a̧nö̧ Israel ttö̧ja̧ tturuhuotö ttä̧mö̧ setentanö huotucu juhua'atä otonänö kä̧nö̧ ucuo tecuähuätucuattö̧jä̧. ²Suro Moiséstä jä̧cua̧'a̧ chö̧ja̧'a̧cu̧ tö'cönä̧nö̧ päi'ö̧cua̧mä̧. Korotömä chö̧jo̧mȩcu̧mä̧ ttötö'cöhuächi'a pä'ömä jo̧ca̧'a̧, ja̧'hua̧ta̧'a̧nö̧ ttö̧ja̧'i̧nä̧ ja̧u̧cu̧mä̧ 'cha'achocotö ttäcuotö.³Moisésmä 'chä̧hui̧'ö̧ ttö̧ja̧rö̧ o'cajuiyönä TÖ̧Ä̧NÄ̧HUA̧ i̧huȩnȩ'i̧nä̧, päji huȩnȩ'i̧nä̧ ji'ähuinö. Ttö̧ja̧ o'catoi'önä ji̧nä̧ yo̧mȩtȩnä̧ huopö ädätinä̧tö̧: "Ujutumä jȩtä̧cuo̧tö̧jä̧ o'cajuiyönä TÖ̧Ä̧NÄ̧HUA̧ i̧huȩnȩ'i̧nä̧ ja̧'hua̧ta̧'a̧nö̧ päji'inä̧ ." ⁴Ja̧'hua̧nö̧ ja̧'a̧ Moisésmä TÖ̧Ä̧NÄ̧HUA̧ i̧huȩnȩmä̧ o'cajuiyönä̧tä̧ huȩyu̧ti̧nö̧. Pä'ötä mo̧ro̧ päia'a, Moisésmä möä'ca kada'ca i̧a̧sa̧rö̧ ku icu iyähuome aditinö ja̧'hua̧nö̧ jȩpö̧ docenö ido'qui'inä aditö ku̧ni̧nö̧, ja̧u̧ inä o'quimä huȩnȩcuä̧chi̧na̧'a̧ israel ttö̧ja̧ docenö huotörö.⁵Ja̧u̧mä̧ Israel ttö̧ja̧ mö̧ä̧yotöttö yotuterö hue'inö ttiäre ku icu ttiya pä'ö, ja̧'hua̧nö̧ ja̧'a̧ttö̧ ttöäre iyähuä iyinä̧tö̧ pä̧cä̧yu̧rö̧ TÖ̧Ä̧NÄ̧HUA̧RÖ̧. ⁶Moisésmä ttucuoja ju'toyattä ca̧ca̧tä̧ji̧'ca̧ o̧'ta̧hui̧yä̧nä̧ dachö ku̧ni̧nö̧; juhuoyatä ju'toyamä ku icu iyähuome riripinö.⁷Ja̧u̧mä̧ esecuinö cuyäru'tä ȩmo̧po̧'ö̧ pä̧i̧cu̧nä̧ ttö̧ja̧ ttä'ca jo̧mȩttö̧ ucuocuinö. Jahuätömä pä'inä̧tö̧: "Ujutumä jȩtä̧cuo̧tö̧jä̧ o'cajuiyönä TÖ̧Ä̧NÄ̧HUA̧ ucuocuäjimä. Ujutumä isopäi'önä tucuotäcuotöjä̧". ⁸Ja̧u̧nu̧ o'ca'a Moisésmä ca̧ca̧ti̧nö̧ isotö ttucuoja ja̧'hua̧nö̧ ja̧'a̧ ttö̧ja̧rö̧ riripinö, ja̧u̧mä̧ pä'inö: poya ttucuojanä ucuturu esecuinö TÖ̧Ä̧NÄ̧HUA̧MÄ̧, pi̧yȩ jȩä̧cuä̧ iyinömä o'cajuiyönä ucuocuinötä̧ ja̧'a̧.⁹Ja̧u̧nu̧ o'ca Moisés'inä Aarón'inä, Nadab'inä, Abiú'inä ja̧'hua̧ta̧'a̧nö̧ setentanö̧ huotö Israel ttö̧ja̧ tturuhuotömä möä'cara̧'a̧cu̧ 'cha'achinä̧tö̧. ¹⁰Jahuätömä topinä̧tö̧ Israel ttö̧ja̧ TTÖ̧Ä̧NÄ̧HUA̧RÖ̧. Ttö̧jä̧pö̧ ttö̧jä̧dä̧ro̧mȩmä̧ zafiro ido'quittö rutähua'a jä̧'i̧nö̧'a̧nö̧ ji̧na̧'a̧. Adiu saruhuina̧'a̧ mo̧ro̧jä̧ jö̧ ta'anö. ¹¹Diosmä ra̧huä̧ro̧cö̧ pinö Israel ttö̧ja̧ tturuhuotörömä, jahuätömä Diosrö topinä̧tö̧ ja̧'hua̧ta̧'a̧nö̧ cuä̧nö̧'i̧nä̧ cuinä̧tö̧, au'inä ahuinä̧tö̧.¹²TÖ̧Ä̧NÄ̧HUA̧MÄ̧, Moisésrö pä'inö: 'Cha'achi chö̧jo̧mȩ mö̧ä̧'cara̧'a̧cu̧ ja̧'hua̧ta̧'a̧nö̧ ju̧huȩnȩtä̧ cu̧ja̧jä̧. Ttötä chiyäcua̧jä̧ inäbittö chaditodä, hueähuä huȩnȩ ttö chi̧huȩyu̧tinodä, ja̧u̧mä̧ ucutä cu̧huo̧juȩta̧ pä'ö. ¹³Ja̧'hua̧nö̧ ja̧'a̧ttö̧ Moisésmä umöhuä̧ya̧ Josuécutä rä'opinö̧ ja̧'hua̧nö̧ ja̧'a̧ 'cha'achinö möä'cara̧'a̧ Dios ö̧ja̧'a̧cu̧.¹⁴Moisésmä ji'ähuinö pinö jina'a̧ ttö̧ja̧ tturuhuotörömä: Pȩnȩtä̧ ka̧cuä̧tu̧cui̧ ja̧'hua̧ta̧'a̧nö̧ tta̧'ä̧rä̧tu̧cui̧ ujutu ppa̧tä̧chome jubö ucutu cujä̧tu̧cuo̧mȩcu. Aarón'inä, Hur'i̧nä̧ jahuätömä ucutucu ttö̧jä̧cuo̧tö̧. Ya̧tȩ surojö ucuocuttömä, ja̧'a̧tä̧ topätucuirö jahuätö ttö̧ja̧'a̧cu̧ i̧'cha̧'a̧nä̧." ¹⁵Ja̧'hua̧nö̧ ja̧'a̧ttö̧ Moisésmä möä'cara̧'a̧cu̧ 'cha'achinö ja̧'hua̧nö̧ ja̧'a̧ ajiya isoppatä a̧ttä̧di̧'i̧nä̧cu̧.¹⁶TÖ̧Ä̧NÄ̧HUA̧ usärömä Sinaí möä'canä ki̧na̧'a̧ ja̧'hua̧ta̧'a̧nö̧ isoppamä a̧ttä̧di̧'i̧na̧'a̧ seisnö mo̧ro̧ jo̧mȩnä̧. Sietenö mo̧ro̧ päi'omenä Ja̧u̧mä̧ huopinö Moisésrö isoppa jacuättö. ¹⁷TÖ̧Ä̧NÄ̧HUA̧ usärömä Israel ttö̧ja̧ tottomenämä ocurä cuoarä möä'ca ju'tättö cuoa'a jä̧'i̧nö̧'a̧nö̧ ji̧na̧'a̧. ¹⁸Moisésmä isoppa jacuä do'ächächö möä'cara̧'a̧cu̧ 'cha'achinö. Ja̧u̧mä̧ ki̧nö̧ möä'ca ju'tämä cuarentanö mo̧ro̧ jo̧mȩnä̧ ja̧'hua̧ta̧'a̧nö̧ cuarentanö yodo jo̧mȩnä̧.

¹²TTÖ̧Ä̧NÄ̧HUA̧ ucuocuinö Moisérö pa̧'a̧nö̧ pä'ö: "Israél ttö̧ja̧rö̧ ji'ähui ttiäre iyähuä ttiyattö ja̧u̧ iyähuä ttiyömä ttamiso'quinä jacuättö tteseunä jo̧mȩttö̧ ttiyä. Ja̧u̧ iyähuä cuȩmu̧mä̧ TTÖRÖ cui̧yä̧cua̧jä̧.³Ja̧'hua̧ta̧'a̧nö̧ jahuätö ttiäre iyähuättö cuȩmä̧cuä̧mä̧ pi̧yȩtä̧ ja̧'a̧: oro'inä, plata'inä ja̧'hua̧ta̧'a̧nö̧ bronce'inä; ⁴pö̧jä̧ta̧ ja̧ttu̧huä̧ta̧'i̧nä̧, tädönä jä̧ta̧'i̧nä̧ ja̧'hua̧ta̧'nö̧ tu̧huä̧ta̧'i̧nä̧, adihuäjuei lino i̧sä̧ta̧'i̧nä̧, cabra uho'chettö'inä, ⁵carnero̧tö̧ tti̧jȩti̧yu̧ tu'unä tuhuecua'a'inä, marsopa pä̧ttä̧u̧ tti̧yȩti̧yu̧'i̧nä̧ ja̧'hua̧ta̧'a̧nö̧ cedro dau odiyä'inä; ⁶a̧dȩja Dios ö̧jode tuhuecua'a'inä, ruhuo huȩ'a̧cua̧rö̧ a̧dȩja̧ tuhuecuä'inä ja̧'hua̧ta̧'nö̧ a̧dö̧nä̧ 'chopönä cuä̧huä̧cha̧'i̧nä̧; ⁷Ónice i̧nä̧'o'qui'inä, ja̧'hua̧ta̧'nö̧ koro i̧nä̧'o'qui ki'ö adicuä sacerdote huotö ttö̧'ca̧tä̧huä̧tä̧ ttämöca isodänä rö̧jä̧cuä̧.⁸TTÖ chö̧jä̧cuo̧mȩ ttadita'anä ja̧'a̧tä̧ topitö, jahuätö ttö̧'cä̧tȩnä̧ chö̧jä̧cua̧'a̧nö̧. ⁹Chi̧jȩpä̧cua̧jä̧ chö̧jä̧cuode pa̧'a̧nö̧ jä̧cua̧'a̧ pä'ö chi̧jȩpö̧ta̧'a̧nö̧ jäyä jö̧ juiyönä jȩcu̧'a̧já̧ ja̧'hua̧ta̧'a̧nö̧ jua'a jacuä ko̧cu̧'i̧nä̧.¹⁰Ja̧'hua̧nö̧ ja̧'a̧nä̧'i̧nä̧ cuaditajá i̧so̧ca̧ acacia odiyättö. Ö'otocumä 1,10 metros jö̧mȩ käcuoräcumä 0,70 metro jo̧mȩ ja̧'hua̧ta̧'a̧nö̧ ju'tojucumä 0,70 metro jo̧mȩnä. ¹¹Ja̧u̧nu̧ o'ca'amä huä̧mȩnä̧'i̧nä̧ ja̧'hua̧ta̧'nö̧ jacuänä'inä päcuäi orottö cu̧ttä̧rä̧da̧já̧ ja̧'hua̧nö̧ ja̧'a̧nä̧ jäyänä tto'ecuä'inä orottötä mu'ȩpö̧ cuicuajá.¹²Pa̧ja̧cuä̧nä̧ o̧bu̧ orottö ku'icu cuaditajá juo̧ca̧ jähuä, ja̧u̧ o̧bu̧mä̧ cu̧ju̧nä̧cua̧jä̧ juo̧ca̧ttö̧ pa̧ja̧cuä̧nö̧ u̧yu̧'ca̧ri̧ jo̧mȩ, ja̧u̧mä̧ kä̧cua̧'a̧ kara'anä'inä to̧bu̧rȩ ja̧'hua̧ta̧'a̧nö̧ kara'anä'inä to̧bu̧rȩ jo̧mȩ. ¹³Ja̧'hua̧ta̧'nö̧ i̧so̧'quȩ acacia dauttö jȩcu̧'a̧'já̧, juo̧'quȩmä̧ orottö cu̧ttä̧rä̧da̧já̧. ¹⁴Dios ȩsȩcui̧nö̧ ȩco̧ca̧ jäyä ö̧bu̧nä̧ i̧so̧'quȩnä̧ ppu'quepö cu̧ju̧na̧ja̧ ttȩpä̧cua̧'a̧.¹⁵Dios esecuinö ȩjo̧ca̧nä̧ ko̧cu̧ o̧'quȩma̧ juȩnȩta̧ ko̧cuä̧cuȩ, juorömä pporädäcuähuoca'a jä̧cua̧'a̧. ¹⁶Ucutucu esecusä pädäjimä chö̧tä̧cua̧sä̧ i̧so̧ca̧ jacua ucuturu chi̧jä̧cuo̧ca̧nä̧. ¹⁷Ja̧'hua̧nö̧ ja̧'a̧nä̧'i̧nä̧ päcuäi orottö cuaditätucuajá mu̧ȩcuäbimä. Öotomä jä̧cua̧'a̧ ta'are ttu̧yu̧'ca̧ri̧ ya'ate kä'cobu jo̧mȩ ja̧'hua̧ta̧'a̧nö̧ öcähuemä ya'ate ttu̧yu̧ca̧ri̧ kara'a kä'co jo̧mȩ jö̧nä̧. ¹⁸cuaditajá ta̧ju̧ kerubinerö̧ orottö mu̧ȩcäbi huä̧mȩ pä̧tȩcuä̧nö̧ ttö̧jö̧nä̧.¹⁹Aditätucui ya̧tȩ querubin i̧sa̧rö̧ mu̧ȩcuäbinä ja̧'hua̧ta̧'a̧nä̧ ka̧ra̧ querubin i̧sa̧rö̧mä̧ pä̧tȩcuä̧nö̧ Aditätucu'nö̧ ja̧'a̧ yȩtȩtä̧ 'cua̧rö̧nä̧ juo̧ca̧ mu̧ȩcuäbi huä̧mȩ. ²⁰Jahuätö querubinema ttujuabi̧yämä̧ ju'tojucu ca̧ȩpä̧nö̧ ttö̧jö̧nä̧, ja̧'hua̧nö̧tä̧ o'cajuiyönä mu̧ȩcuä̧chö̧nä̧ ttö̧jä̧cuo̧tö̧ juo̧ca̧nä̧. Ja'huatö querubinema ttö̧jo̧cuä̧cuo̧tö̧ ka̧ra̧cu̧ pä̧tȩcuä̧nö̧ juo̧ca̧ mu̧ȩcuabi kä'copte'ö to̧pä̧rö̧. ²¹Muȩcuäbi cu̧huä̧nä̧tu̧cua̧ Dios esecuinö̧ ko̧cuo̧ca̧ huä̧mȩ ja̧'hua̧ta̧'a̧nö ucutucu esecusä pädinöji̧nö̧ chi̧yä̧u̧jä̧ jitämä.²²Dios esecuinö ȩjo̧ca̧nä̧ji̧na̧'a̧ ucucu tochäcuähuina'a̧mä̧. Ttö chö̧jo̧mȩttö̧ ucucu chu̧cuo̧cuä̧cua̧sä̧ huo̧ca̧ mu̧ȩcuäbi ötö'cömä. Jua'amä jä̧cua̧'a̧ ta̧ju̧ querubines ttö̧'ca̧tȩttö̧, juo̧ca̧mä ttö chöadihua i̧jȩcuä̧ päi'önä chu̧cuo̧cuä̧cua̧jä̧ Israel ttö̧ja̧rö̧ jȩchä̧cua̧sä̧ pädinöji̧nö̧ cu̧huo̧jua̧ pä'ö.²³Ja̧'hua̧ta̧'a̧nö̧ acacia dauttu cua̧di̧tä̧cua̧jä̧ mesaisodä. Öotomä todäre ttu̧yu̧'ca̧ri̧ jo̧mȩ ja̧'hua̧ta̧'a̧nö̧ ö̧rö̧ä̧mä̧ ya'ute ttu̧yu̧'ca̧ri̧ jo̧mȩ ja̧'hi̧u̧a̧ta̧'a̧nö̧ ju'töjucumä ya'ate ttu̧yu̧'ca̧ri̧ttö̧ ka̧ra̧ kä'co jo̧mȩ. ²⁴Jua'amä tu̧cuȩpä̧cua̧jä̧ päcuäi orottötä ja̧'hua̧ta̧'a̧nä̧ jäyänä tto̧'ȩcuä̧ 'pa̧nä̧'i̧nä̧.²⁵Ja̧'hua̧ta̧'a̧nö̧ juodä jäyänämä ji̧mu̧tȩ ta'arenö jo̧mȩnä̧ ö̧rö̧'ä̧ jȩcu̧'ä̧cua̧jä̧ jua̧'a̧ jäyänämä attopö cui̧cuä̧cua̧jä̧ orottötä. ²⁶Jȩcu̧'a̧ja̧ orottö pa̧ja̧cuä̧nä̧ o̧bö̧, jua̧u̧ o̧bö̧mä̧ cu̧nä̧cua̧jä̧ pa̧ja̧cuä̧nö̧ u̧ju̧'ca̧ri̧ jo̧mȩ pa̧ja̧cuä̧nö̧ ö̧jä̧pö̧ o'ca jo̧mȩ. ²⁷Jua̧u̧ o̧bö̧mä̧ rö̧jä̧cua̧'a̧ jäyänä i̧so̧'quȩnä ppu'quepö juodä mesaisodä ttȩpa̧ pä'ö.²⁸Jȩcu̧'a̧já̧ o̧'qui̧yä̧ acacia dauttu jua̧u̧ o̧'quȩmä̧ tu̧cuȩpä̧cua̧jä̧ o̧rottö mesa isodä ja'huätö ttȩpa̧ pä'ömä. ²⁹Jȩcu̧'ä̧cua̧jä̧ sä̧rä̧bi̧yä̧'i̧nä̧ huȩ'chä̧ca̧'i̧nä̧ känäri o̧yu̧'i̧nä̧ ja̧'hua̧ta̧'a̧nö̧ o̧'ta̧hui̧yä̧ bäreu ttiäre isoya jö̧ ku'icu iyähuä ttiya pä'ö. ³⁰Päcuäi orottötä cua̧di̧tä̧cua̧jä̧. Ja̧'hua̧ta̧'a̧nö̧ 'cuäopönätä pa̧ppä̧ cutajá ttö cho'cajo̧mȩ juȩnȩtä̧ chö̧jä̧cua̧sä̧.³¹Ja̧'hua̧nö̧ ja̧'a̧ttö̧ ra̧pa̧ra̧ ku̧nä̧huo̧mȩ'i̧nä̧ cuaditajá päcuäi orottö. Ja̧u̧ ra̧pa̧ra̧ri̧yu̧mä̧ o̧'qui̧yä̧nä̧ chu̧'ä̧rö̧ ko̧cuä̧cua̧'a̧. Ja̧'hua̧ta̧'a̧nö̧ päjure'inä i̧so̧ttä̧ ucuonä a̧huä̧huo̧'ta̧'i̧nä̧ ja̧'hua̧ta̧'a̧nö̧ ȩ'u̧'i̧nä̧ ji̧yȩtȩ jueittötä cuaditö'anö ja̧'a̧. ³²Juorö jäyättötä räopäcua'a ji̧mu̧tȩ ya'atenö öjó räopäcua'a--huäbodäcuä öjó jo̧mȩ te'ächi'äcua'a ra̧pa̧ra̧ri̧yu̧ ko̧cuo̧mȩttö̧ ja̧'hua̧ta̧'a̧nö̧ huäba'acuä öjó teächi'äcua'a ra̧pa̧ri̧yu̧ pä̧tȩcuä̧nö̧ttö̧mä̧.³³Ä̧cuo̧mȩnä̧ öjonämä ka̧ pä'ö ja̧'a̧ i̧so̧tä̧ 'chu'ädäcuähuome ko̧tta̧ almendro ȩ'u̧ ocha 'cua̧rö̧nä̧ kä'co i̧sä̧cha̧'i̧nä̧ jäyänä o̧tti̧'i̧nä̧ ja̧'hua̧ta̧'nö̧ huäbodäcuä i̧so̧tä̧ 'chu'ädäcuähuome ko̧tta̧ almendro ȩ'u̧ ocha 'cua̧rö̧nä̧ pätecua'anä öjomä ji̧chä̧tȩ ȩ'u̧cha̧ ja̧'hua̧ta̧'a̧nö̧ yya'ate ȩ'u̧tti̧tä̧. ³⁴Ja̧'hua̧nö̧tä̧ jo̧'a̧nö̧ ja̧'a̧ o'cajuiyönä ji̧mu̧tȩ ya'atenö öjohuiyä ra̧pa̧ri̧yu̧ttu̧ rä'opömä, kä̧cua̧'a̧ koro i̧so̧tä̧ 'chu'ädäcuähuome ko̧tta̧'inä almendro ȩ'u̧ 'cua̧rö̧, i̧sä̧chä̧ o̧tti̧'i̧nä̧ ko̧cu̧.³⁵Yo̧'ta̧tȩ i̧so̧tta̧ kä̧cua̧'a̧ dȩa̧'a̧ ä̧cuo̧mȩnä̧ ta'are ttöjó dȩa̧'a̧-- ji̧yȩtä̧ttö̧ta̧ adicua'a, ja̧'hua̧ta̧'nö̧ yo̧'ta̧tȩ i̧so̧'ta̧ ta'are päi'önä ttöjohuiyä dȩa̧'a̧--ja̧'hu̧ta̧'a̧nö̧ ji̧yȩtȩttö̧tä̧ adicua'a. ja̧'hua̧nö̧ jö̧ta̧'a̧nö̧ kä̧ pä'ö jä̧cu̧ya̧'a̧ yo̧'ta̧tȩ i̧so̧'ta̧ huäbodäcuänä ttöjohuiyä jo̧mȩ'i̧nä̧, jȩ'ä̧cuä̧hua̧'a̧ ji̧yȩtȩttö̧tä̧. Ja̧'hua̧nö̧tä̧ jo̧'a̧nö̧ ja̧'a̧ o'cajuiyönä ji̧mu̧tȩ ya'atenö ttöjohuiyämä ra̧pa̧ri̧yu̧cu̧ te'ächiu'önä ko̧cu̧mä̧. ³⁶Ú'ochamä ja̧'hua̧ta̧'nö̧ öjohuiyä'inä ji̧yȩtȩtö̧tä̧ adicuä ja̧'a̧, ji̧yȩtȩttö̧tä̧ adicua päcuäi orottö 'co̧'ö̧.³⁷Ja̧'hua̧nö̧ ja̧'a̧ttö̧ cua̧di̧tä̧cua̧jä̧ ji̧mu̧tȩ ta'arenö ra̧pa̧ra̧ ku̧nä̧huä̧'ocä ja̧hua̧ta̧'a̧nö̧ ra̧pa̧ra̧'i̧nä̧; Ra̧pa̧ra̧ cu̧ju̧nä̧cua̧jä̧ ku̧nä̧huä̧ ocänä o'cajuiyönä kä̧dȩpö̧nä̧. ³⁸'Chu'ädäcuähuäcä ja̧'hua̧ta̧'a̧nö̧ sä̧rä̧bäya'inä jä̧cua̧'a̧ päcuäi orottö. ³⁹34 kg. päcuäi oro jo̧mȩ jä̧cua̧'a̧ ra̧pa̧ra̧ ku̧nä̧huä̧ ocä ja̧'hua̧ta̧'a̧nö̧ jua'a ppächönä ko̧cu̧'i̧nä̧. ⁴⁰Adiunä to̧pä̧ri̧jó mö̧'ä̧'cara̧'a̧ttö̧ ucuru i̧jȩcuä̧chi̧nö̧'a̧nö̧tä̧ ja̧ pä'ö.

¹Dios ö̧jo̧de cuaditajá tto̧ȩcuä̧ta̧ adihuäjuäi linottö adicuä̧ta̧mä̧ dieznö o̧ta̧ jo̧mȩnä̧, ja̧'tu̧huä̧ta̧'i̧nä̧, tädönä tu̧huä̧ta̧'i̧nä̧, ja̧'hua̧ta̧'a̧nö̧ tu̧huä̧ta̧'i̧nä̧ querubin pä̧ttä̧u̧ tta̧'cua̧juä̧ ku̧nö̧. Pi̧yȩ adicuämä huo̧juȩcu̧nä̧ hua̧ aditäcuä̧ ja̧'a̧. ²Pi̧yȩ o̧ta̧ öotomä 28nö ttu̧yu̧'ca̧ri̧ pa̧ja̧cuo̧mȩ jo̧mȩnä̧, o'cajuiyönä tto̧ȩcuä̧ o̧ta̧mä̧ koro o̧ta̧ jö̧ta̧'a̧nö̧ yorätehuina'a. ³Jimötenö o̧ta̧ koro o̧ta̧cu̧ todeunä kö̧nä̧, ja̧'hua̧ta̧'a̧nö̧ koro o̧ta̧'i̧nä̧ koro o̧ta̧cu̧ todehuina'a.⁴Ä̧cuo̧mȩnä̧ i̧sä̧ta̧ jäyä beipome huä̧mȩnä̧mä̧ ojuhui̧yänä̧ rö̧nä̧'chi̧ ja̧'tu̧huä̧ta̧ttö̧. Ja̧'hua̧ta̧nö̧tä̧ rö̧nä̧'chö̧ jȩpi̧ ko̧ro̧ta̧ röji isä̧ta̧nä̧'inä̧. ⁵Ä̧cuo̧mȩnä̧ i̧sä̧ta̧nä̧mä̧ cincuentanö jo̧mȩnä̧ o̧ta̧ttö̧ nö̧'cä̧rö̧ cuaditajá ja̧'hua̧ta̧'a̧nö̧ röjinä rä̧ta̧'i̧nä̧ cincuentanö jo̧mȩnä̧ o̧ta̧nä̧ nö̧'cä̧rö̧ cuaditajá, pi̧yȩmä̧ jȩ'cua̧jä̧ pä̧tȩcuä̧nö̧ rö̧jä̧mö̧nä̧. ⁶Cincuentanö o̧bö̧ orottö ȩttö̧ icu cuaditajá koro o̧ta̧cu̧ todeunä, Dios ö̧jo̧memä yoräteunä̧tä̧ ki̧'ä̧cua̧'a̧nö̧.⁷Cabra uhuo'chettö isode huäme tto̧ȩcuä̧ta̧ 'cua̧rö̧nä̧ jä̧ta̧ cuaditajá Dios ö̧jo̧de huä̧mȩnä̧mä̧. Tto̧ȩcuä̧ o̧ta̧mä̧ oncenö o̧ta̧ jo̧mȩnä̧ cuaditajá. ⁸Ji̧ta̧cu̧nä̧ tto̧ȩcuä̧ o̧ta̧ öotomä̧ 30nö ttu̧yu̧'ca̧ri̧ jo̧mȩnä̧ ji̧na̧'a̧ ja̧'hua̧ta̧'a̧nö̧ kä̧cuo̧rä̧ta̧cu̧mä̧ pa̧ja̧cuä̧nö̧ ttu̧yu̧'ca̧ri̧ jo̧mȩnä̧ jä̧cua̧'a̧. Ja̧u̧ oncenö o̧ta̧ ji̧ta̧cu̧ pö̧nä̧mä̧ yorätehuä̧cuä̧. ⁹Ji̧mö̧tȩnö̧ o̧ta̧mä̧ ko̧ro̧ta̧cu̧ todeunä jȩ'cua̧jä̧ ja̧'hua̧ta̧'a̧nö̧ koro o̧ta̧ seisnö o̧ta̧nä̧'i̧nä̧. Seisnö̧ i̧sä̧ta̧mä isode ä'ca jo̧mȩ to̧rä̧dö̧ cu̧na̧jä̧.¹⁰Ä̧cuo̧mȩnä̧ rö̧jö̧ o̧ta̧nä̧mä̧ cincuentanö nö'cähuä appiyä cu̧na̧jä̧, ja̧'hua̧ta̧'a̧nö̧ ttoecuä o̧ta̧ korota̧cu̧ boecuächome beipomemä cincuentanö appiyä cu̧na̧jä̧. ¹¹Broncettö̧ cincuentanö o̧bö̧ cuaditajä ja̧'hua̧ta̧'a̧nö̧ ko̧ro̧ta̧cu̧ jäbechächönä ittähuä appiyämä. O'cajuiyönä o̧ta̧mä̧ ji̧nä̧ ji̧ta̧tȩtä̧ päi'önä todehuächi'önä.¹²Ttoecuä o̧ta̧ttö̧ ka̧cui̧pä̧ji̧mä̧, pa̧'a̧nö̧ pä'ö pähuä, isode beipome 'cuäo'önä ka̧cui̧pö̧mä̧ Dios ö̧jo̧de aboja'acu ti̧ttä̧da̧ pä'ö ja̧'a̧. ¹³Ya'ute ttu̧yu̧'ca̧ri̧ jo̧mȩnä̧ ka̧ pä'ö ja̧'a̧ ya'utenämä ja̧'hua̧ta̧'a̧nö̧ kara'anä'inä ya'ute ttu̧yu̧'ca̧ri̧ jo̧mȩnä̧ ki̧na̧'a̧-- isode ttoecuä o̧ta̧ttö̧ otoö ka̧cui̧pä̧ji̧ o̧ta̧mä̧ ö̧jo̧de pätecu a̧ttä̧chi̧'ö̧nä̧ tti̧cuä̧da̧ pä'ö ja̧'a̧. ¹⁴Dios ö̧jo̧de huä̧mȩnä̧ tto̧ȩcuä̧ta̧mä̧ oveja ubo i̧jȩta̧ tuhuönä 'cucuetö cuaditajá ja̧'hua̧ta̧'a̧nö̧ tä̧ö̧nä̧ jä̧ta̧mä̧ ko̧ro̧ta̧ dȩa̧'a̧nä̧ cu̧huȩna̧ja̧.¹⁵Dios ö̧jo̧demä äpate ä'ca jueönä ku̧nä̧huodämä acacia dauttö cuaditajá. ¹⁶'Chu̧huä̧rä̧cuȩ o̧'quȩ öotomä 10nö ttu̧yu̧'ca̧ri̧ jo̧mȩnä̧ jä̧cua̧'a̧ ja̧'hua̧ta̧'a̧nö̧ öcähuemä ya'ute ttu̧yu̧ca̧ri̧ kä'co jo̧mȩ ji̧na̧'a̧. ¹⁷Dau isode korodä korodäcu rarecuomȩmä̧ ta̧ri̧rȩnä̧ pȩcuo̧pa̧ja̧. O'cajuiyönä isodemä pa̧'a̧nö̧tä̧ cuaditaja. ¹⁸Dios ö̧jo̧de cuaditätucuomenämä, cu'ohuetucunä ja̧'a̧cu̧mä̧ veintenö odiyä jo̧mȩnä̧ ku̧ju̧na̧jä̧.¹⁹Veintenö 'chu̧huä̧rö̧ o'ca dȩa̧'a̧nä̧ kada'ca 'chu̧huä̧ro̧mȩmä̧ platattö cuarentanö jo̧mȩnä̧ cuaditajá. Ä̧cuo̧mȩnä̧ 'chu̧huä̧rä̧'ca̧ dȩa̧'a̧mä̧ todäre kada'ca 'chu̧huä̧ro̧mȩ ka̧ pä'ö ja'a ja̧u̧ ppä̧ȩpä̧rö̧nä̧ 'chu̧huä̧rä̧cuo̧mȩmä̧. ²⁰Ja̧'hua̧ta̧'a̧nö̧ TÖ̧Ä̧NÄ̧HUA̧ ö̧jo̧de pätecua'anä̧, kä̧hua̧ räopa'akuttömä̧ ttieruhua'acunä̧ dau odiyämä̧ veintenä̧ jo̧mȩnä̧ jȩ'cua̧jä̧; ²¹Kada'ca 'chu̧ä̧rö̧mä̧ cuarentanö̧ jo̧mȩnä̧ plata pättö jähuänä̧ jȩ'cua̧jä̧, ji̧yȩte dau isodänä̧mä̧, 'chu̧ä̧rö̧mä̧ todäre jo̧mȩnä̧ ka̧cu̧nä̧, ja̧'hua̧a̧nö̧ yabocu'inä.²²Dios ö̧jo̧de kä̧hua̧ räopa'acunämä 'chu̧huä̧rä̧cuȩmä̧ seisnö o'ca cuaditö'anö ja̧'a̧. ²³Dios ö̧jo̧de ä'cacuttu u̧yu̧'ca̧ri̧nä̧cu̧mä̧ to'care cu̧ju̧na̧ pä'ö ja̧'a̧, ²⁴ja̧u̧ ttoecuä odiyämä dea'anä̧ttö̧ rä̧cä̧yä̧nö̧ kö̧'a̧nö̧ ja̧'a̧, ja̧'hua̧nö̧ ka̧'a̧nä̧ huämenä jähuäcu todeunä ji̧yȩtä̧ o̧bö̧nä̧ 'chu̧huä̧rö̧nä̧. Ja̧'hua̧nö̧tä̧ jȩ'cua̧jä̧ ä'cacunä ka̧cu̧ u̧yu̧'ca̧ri̧nä̧'i̧nä̧. ²⁵'Chu̧huä̧rö̧ odiyämä ochonö jo̧mȩnä̧ aditi, rȩjȩnä̧ 'chu̧huä̧rä̧cuȩ platattö adicuäcu todeunä. O'cajuiyönä rȩjȩnä̧ 'chu̧huä̧rö̧mä 16nö jo̧mȩnä̧ jä̧cua̧'a̧, ä̧cuo̧mȩnä̧ 'chu̧huä̧ro̧mȩ dȩa̧'a̧nä̧'i̧nä̧, juhua'a yabonä 'chu̧huä̧rö̧ dȩa̧'a̧nä̧'i̧nä̧ ja̧'hua̧nö̧tä̧ koro 'chu̧huä̧rö̧'i̧nä̧.²⁶Acacia dauttö käcuorä odiyä cuaditätucuajä, ²⁷Dios ö̧jo̧de pätecua'anä cu̧ju̧nä̧cuä̧mä̧ cinconö̧ odiyätä, cinconö jo̧mȩnä̧ käcuorä odiyä kä̧cua̧'a̧ Dios ö̧jo̧dettö kä̧hua̧ räopa'acunättömä, ja̧'hua̧ta̧'a̧nö̧ cinconö jo̧mȩnä̧ käcuorä odiyä kä̧cua̧'a̧ Dios ö̧jo̧dettö kä̧hua̧ ma̧ä̧cha̧'a̧cu̧ttömä. ²⁸Käcuorä odiyä kä'co päte'ö 'chu̧huä̧rö̧cuä̧mä̧ ja̧'hua̧nö̧ pä'ömä kä'codäbötä, kara'anä beipome'inä pa̧ja̧cuä̧chö̧nä̧.²⁹Ttoecuä odiyämä orottö tucuepätucuaja. O̧bö̧mä̧ orottö cuaditätucuajá, ja̧u̧ o̧bö̧mä̧ käcuorä odiyä 'chu̧huä̧rö̧ jä̧cua̧'a̧ ja̧'hua̧ta̧'a̧nö̧ odiyämä orottö a̧tto̧pö̧ icuähuäcua'a, ³⁰Dios ö̧jo̧denä möä'cara̧'a̧ttö̧ jiäcuähuinöta'anötä jȩ'cuä̧tu̧cua̧jä̧.³¹I̧sa̧ i̧jȩta̧ ja̧'tu̧huä̧ta̧ttö̧'i̧nä̧ tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ tu̧huä̧ta̧ttö̧'i̧nä̧ tto̧ȩcuä̧ta̧mä̧ cuaditätucuaja, querubin tta̧'cua̧juȩ ku̧nä̧, pi̧yȩ adicuämä ya̧tȩ huo̧juö̧nä̧ hua̧tä̧ a̧di̧tä̧cuä̧. ³²Pa̧ja̧cuä̧nö̧ o'ca oro tuhuecuä o'canä ti̧'ä̧dö̧ cu̧nä̧tu̧cua̧ pä'ö ja̧'a̧. Pi̧yȩ o'canämä ppa̧ja̧cuä̧nö̧ oro o̧bö̧'i̧nä̧ ka̧'a̧nä̧ 'chu̧huä̧ro̧mȩ platattö adicuomemä pa̧ja̧cuä̧nö̧ jo̧mȩnä̧ kä̧cua̧'a̧. ³³O̧bö̧hui̧yä̧ dȩa̧'a̧nä̧ ttoecuä̧ta̧mä̧ ttö̧na̧ pä'ö ja̧'a̧ ja̧'hua̧ta̧'a̧nö̧ hueähuä hȩnȩ ȩco̧ca̧'i̧nä̧ cui'cächätucuaja. Tto̧ȩcuä̧ta̧mä̧ ro̧o̧ca̧ttö̧, rö̧ä̧nä̧ ro̧ca̧mä̧ 'cä̧ȩcuä̧chö̧nä̧ kä'co rö̧nä̧hua̧cua̧'a̧.³⁴Hueähuä huȩnȩ ȩco̧ca̧ rö̧ä̧nä̧ ro̧o̧mȩ ko̧ca̧ mö̧ȩcuäbimä mö̧cuȩpä̧tu̧cua̧ja̧. Tto̧ȩcuä̧ta̧ttö̧ umicu̧nä̧mä̧ ttu̧cuȩ rötähuodä ku̧ju̧nä̧tu̧cua̧ja̧. ³⁵Cuoö käcämä ttu̧cuȩ ku̧nä̧huodä aboja'acu, Dios ö̧jo̧dettömä ttu'ohuecunä. Ttu̧cuȩ rutähuodämä ttu̧huo̧jua̧'a̧cu̧nä̧ ka̧ pä'ö ja̧'a̧.³⁶Isodecu doächi'äcuähuome i̧sä̧ta̧ aditi'ipö ku̧nä̧tu̧cua̧ja̧. Ja̧huä̧ta̧mä̧ ja̧'tu̧huä̧ta̧ttö̧'i̧nä̧ tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ tu̧huä̧ta̧ttö̧'i̧nä̧ juhua'atäcu Lino adihuä juei i̧sä̧ta̧ a̧'cua̧tä̧cuä̧huä̧ta̧ttö̧'i̧nä̧ adicuäcua'a, ja̧huä̧ta̧ a̧di̧tä̧cua̧mä̧ ja̧u̧ juei adicuä isa̧ jä̧cua̧'a̧. ³⁷Ja̧u̧ o̧ta̧ ttu̧na̧ pä'ömä acacia dauttö cinconö o'ca orottö tuhuecuä o'ca ttadita pä'ö jä̧cua̧'a̧. O̧bö̧'i̧nä̧ oro jähuätä jä̧cua̧'a̧ ja̧'hua̧ta̧'a̧nö̧ ja̧u̧ kä̧cuo̧mȩmä̧ bro̧ncȩttö̧ ku icu adicuäcua'a ja̧u̧ ttu̧ju̧na̧ pä'ömä.

¹Acacia dauttu cuaditajá i̧sa̧rö̧ ku'icu iyäcuomȩmä , tu̧yu̧'cari̧ ji̧mu̧tȩ jo̧mȩ ö'otocumä ja̧'hua̧ta̧'a̧nö ji̧mu̧tȩ jo̧mȩ käacuoräcumä. Ja̧u̧ i̧sa̧rö̧ ku'icu iyäcuomemä pa̧ja̧cuä̧nö u̧yu̧'ca̧ri̧ ko̧ca̧ rehuä rö̧ja̧'a̧ huäbodäcuä tu̧yu̧'ca̧ri̧ jo̧mȩ ju'tojucumä. ²Jȩ'cua̧päötä ja̧'a̧tó isappänä tti̧ȩpu pa̧ja̧cuä̧nö u̧yu̧'cari̧ yorätehuo̧ca̧mä päcäyä a̧ja̧ i̧sä̧na̧ jäinö'anö kunö. A̧ja̧ o̧nämä ji̧na̧tȩtä̧ jö̧nä̧ jä̧cuä̧'a̧ ku'icu iyähuomemä, ja̧'hua̧ta̧'a̧nö ucumä broncettö̧ a̧'tö̧pu̧ cuaditajá.³Cuaditajá ku'icu iyäcuome ko̧cuä̧cuä̧mä: Uriyu ocurä i̧sa̧ppȩ ȩnä̧cuo̧'tä̧'inä, jahua̧ta̧'a̧nö kirehuä oya'inä, bäreu o̧tta̧hui̧ya̧'inä, deä kädäcuähuä o̧cä̧'inä ja̧'hua̧ta̧'anö ocuräsa pi̧ä̧huä̧ ocä'inä. Pi̧yȩ o'cajuiyönämä cuaditäcua̧jä̧ broncettö̧. ⁴Cuaditäcua̧jä̧ i̧sa̧rö̧ ku'icu iyähuo̧'ca̧ ko̧mȩmä ttoȩcua̧sa̧, bronce isappiyä'inä. Aditijó bronce o̧bu̧'i̧nä̧ pa̧ja̧cuä̧nö uyu'cari jo̧mȩ kö̧nä̧.⁵Cuaditajá i̧sa̧rö̧ ku'icu iyäcuome jäyä deamä tto̧ȩpä̧sä̧ ru̧nu̧, ju̧'tomȩttö̧ kä̧mä̧dö̧ dea'cu. ⁶Cuaditajá o̧'qui̧yä̧mä acacia dauttu i̧sa̧rö̧ ku'icu iyäcuomemä ja̧'hua̧ta'anö broncettö ttä̧rȩdȩö̧ icu.⁷Dau o̧'qui̧yä̧mä̧ o̧bu̧huiyä jäcuänä huena ja̧, ja̧'hua̧ta̧'a̧nö dau o̧'qui̧yä̧mä ku'icu iyäcuo̧ca̧ päcuäda o̧du̧nä̧ ka̧'päö ja̧tó käepu ȩcuä̧cuȩmä. ⁸Isa̧rö̧ ku'icu iyäcuomemä ojuhuiyä'inä cuaditajá, dau odiyättö. Deattö i̧jȩcua̧cha̧'a̧ ttocuinö ta̧'anötä̧ jȩcua̧ päö jä̧cua̧'a̧tó.⁹Päbarä jȩcua̧ päö jä̧cua̧tó Dios ö̧jodenä̧mä. Tto̧ȩcuä̧ta̧ ka̧ pä'ö jä̧cua̧'tó päbarätömä kä̧hua̧ moä̧cha̧'a̧cu̧ päteö, ttoecuä̧ta̧ lino adihuä juäi i̧sä̧ta̧ cien'nö ttu̧yu̧'ca̧ri̧ pa̧ja̧cuo̧me jönä ö'otomä. ¹⁰Ttoecua̧ta̧mä äcuepu rö̧nä̧huä̧ o'ca ka̧ pä'ö ja̧tó, kada'ca chuä̧ro̧mȩmä̧ broncettö. Ja̧'hua̧ta̧'a̧nö ka̧ pä'ö ja̧'a̧tó nö'cädäcuä'cuä obu'i̧nä̧ o'canämä, ja̧'hua̧ta'anö plata i̧sä̧juä̧'i̧nä.¹¹Ja̧'hua̧ta̧'a̧nö ötoöcumä kä̧cua̧ rä'opu̧ u̧huo̧jua̧'a̧cu̧ päteömä, ttoecua̧ta̧ ka̧ pä̧'ö ja̧'a̧tó̧ cien'nö ttu̧yu̧'ca̧ri̧ jo̧mȩ öto'öcumä veintenö o'ca'inä, veintenö kada'ca chuä̧ro̧mȩ'inä broncettö̧, o'cattö ähuädö tiä̧dä̧cuä̧huä̧ o̧'cä̧'inä ja̧'hua̧ta̧'a̧nö plata o̧juä̧'inä. ¹²Päbarä ö'tocumä ka̧cua̧ ieruhua'acu päteö ka̧ pä'ö jä̧cuä̧tó ttoȩcua̧tamä cincuentanö ttö̧yö̧ca̧ri̧ pa̧ja̧cuo̧mȩ jö̧nä̧ öto'öcumä. Ka̧ päö jä̧cua̧'a̧ tomure jähuä o'ca ja̧hua̧ta̧'a̧nö to̧mu̧rȩnö kada'ca chuä̧ro̧mei̧nä̧. ¹³päbaränä̧mä̧ cincuentanö ttu̧yö̧ca̧ri̧ jo̧mȩ jö̧nä̧ ja̧ päö ja̧'a̧ ötoöcumä ka̧cuä̧ räopomȩ päteöcumä.¹⁴Ttö̧ȩcuä̧ta̧ jäyänä̧ doächäcuähuomȩmä̧ ja̧ pä'ö quincenö ttö̧yö̧'ca̧ri̧ pa̧ja̧cuo̧mȩ jö̧nä̧ öto'öcumä. Ka̧ päö jä̧cua̧'a̧ huäbo'cacuänö o'ca ja̧'hua̧ta̧nö̧ kada'ca chuä̧rö̧mȩi̧nä̧ huäbodäcuänö. ¹⁵Pä̧tȩcuä̧nö̧ doächäcuähuomȩi̧nä̧ ka̧ päö ja̧'a̧ quincenö ttö̧yö̧'ca̧ri̧ jo̧mȩ öto'öcumä. Ka̧ pä'ö ja̧'a̧ huäbo'cacuänö o'ca jo̧mȩ ja̧'hua̧ta̧'a̧nö̧ kada'ca chuä̧ro̧mȩi̧nä̧ huäbodäcuänö. ¹⁶Juä'cä päbarä ttoecuäcänä̧mä̧ ka̧ pä̧ö ja̧'a̧ ttoȩcua̧ta̧nä̧mä̧ veintenö ttö̧yö̧'ca̧ri̧ jo̧mȩ ötoöcumä. Juä̧tä̧ ttö̧ȩcua̧ta̧mä̧ a̧di̧cua päö jä̧cua̧'a̧ ja̧ttu̧'u̧ huäittö 'i̧nä púrpurattö'inä ja̧'hua̧ta̧nö̧ escarlatattö'inä ja̧'hua̧ta̧'a̧nö̧ lino adihuäjuäittö puttö adicuä o̧ta̧, puttähuä i̧sa̧ aditähuämä. U̧ju̧nä̧ra̧ pä'ö ja̧'a̧ pa̧ja̧cuä̧nö o'ca ja̧'hua̧ta̧nö̧ pa̧ja̧cuä̧nö̧ kada'ca chuä̧ro̧mȩi̧nä̧.¹⁷O'cajuiyönä̧ päbaränä ko̧cu̧ o'camä ka̧ pä'ö ja̧'a̧ plata o̧juä̧'i̧nä̧ plata o̧bu̧'i̧nä̧ ja̧'hua̧ta̧'a̧nö̧ kada'ca chuä̧ro̧mȩmä̧ broncettö̧. ¹⁸Juarä päbarämä ö'otocumä ja̧ päö ja̧'a̧ cien'nö ttu̧yu̧'ca̧ri̧ jo̧mȩ, ö'cähuecumä ja̧ päö ja̧'a̧ cincuentanö ttu̧yu̧'ca̧ri̧ jo̧mȩ, ja̧'hua̧ta̧nö̧ juttojucumä ji̧mu̧tȩ ttu̧yu̧'ca̧ri̧ jo̧mȩ ja̧nä̧'i̧nä̧ lino adihuä juäittö puttähua̧ta̧ öotocumä o'cajuiyönä̧tä̧, ja̧'hua̧ta̧nö̧ kada'ca chuä̧ro̧mȩmä̧ broncettö̧. ¹⁹O'cajuiyönä Dios ö̧jode adihuä jä̧huä̧mä̧, ja̧'hua̧ta̧nö̧ o'cajuiyönä to̧mu̧rȩnö̧ jä̧huä̧ o̧'quȩ taö ku̧nä̧huä̧ Dios ö̧jodenä̧ ja̧'hua̧ta̧nö̧ päbarämä broncettö̧ adihua päö ja̧'a̧.²⁰Israel ttö̧ja̧rö̧mä̧ huecuajá oliva a̧dȩ tti̧'cächa, päcuäitä ja̧'hua̧ta̧nö̧ i̧nȩcuä̧'i̧nä̧, ra̧pa̧ri̧yu̧ nahui̧o̧ca̧'a̧ huoö kä̧cua̧'a̧nö̧. ²¹Ca̧ca̧cuä̧rö̧ päcuähuodettömä, Dios ö̧jode pptȩcuänö u̧mi̧nä ttoecuä̧rä̧ta̧mä hueähuä ȩjo̧'ca̧'i̧nä̧ ka̧cua̧tó, Aaron'i̧nä̧ i̧tti̧mu̧'i̧nä̧ tejähuoremä na̧hui̧ö̧ juiyönä cuäopunä cuo'önä jȩtta̧ päö TTU̧RU̧HUA̧ TTI̧ä̧Nä̧HUA̧ ä'ca jo̧mȩ , päö ni̧pä̧cho̧mȩttö̧ kä̧mä̧dö̧ koro mo̧ro̧ päiomejobu kä'ädö. Pi̧yȩmä jä̧cua̧'a̧ hueö kunä̧huä̧ jö̧nä̧ cuäopunä ka̧ päö Israel ttahuäruhuä o'cotö'inä jȩtta̧ päö.

¹Jitömä jȩcua̧nö ja'a que'ȩpo̧ ku̧nö̧ ttörärö'inä johuatanö huecui adihuä Isatä käno päcäyä mö̧a̧ya̧rö jahua tanö todärenö huoturö ttidepä suroju'ina juiätöttö. ²Pan ppö̧ä̧mö̧ juiyunä ja̧hua̧ta̧nö̧ a̧dȩja̧'i̧nä̧ hui̧hua̧ti̧. ja̧hua̧tanö emi oblea'inä ppö̧ämö juiyunä a̧dȩja'inä obleas trigo i̧sa̧ppä̧ a̧di̧u̧nä säyuhua̧ppä̧.³Rö'töcä jicätenä̧tä cu̧ju̧nö'anö̧ ja̧va̧ cuȩmipö̧ java rö̧tö̧cänä̧tä̧ ja̧hua̧ta̧nö̧ ya̧rȩtȩu̧nä̧ ku̧ni̧ päcäyärö'ina jahuanö todärenä jo̧nä̧ huotö ttidepä adihua tuttö'ina. ⁴Aarón cuä̧jȩpa̧ ku̧nä̧ri jahua̧tanö̧ i̧tti̧ mö̧rö'inä jinä yo̧mȩte ca̧ca̧cuä̧rö̧ doächiäcuähuome iso̧ca̧nä̧ ajiyanä cutuco'anö ja̧'a̧ Aarón'inä ja̧hua̧ta̧nö̧ i̧tti̧mö̧rö̧'inä.⁵catacuä̧ttö'inä cuȩpo̧'anö ja̧'a̧ Aarón cuca̧ta̧ pä̧'ö̧ po̧ja̧ta̧ o̧to̧u̧mä̧ adihua̧ta̧ttö̧. adiu juäittö quiyunä adicuaoca äcänä ti̧a̧na̧cua̧hua̧ta̧'ina. ⁶Cujunö ja̧'a̧ önä ku̧ni̧ su̧ro̧ju̧ juiyunä uöttähuä'ina po̧ja̧ta̧ttö̧ ⁷Ta̧u̧nö o'cainä ȩmi̧ adeja önä nȩö̧ ku̧nä̧huä̧'ina.⁸Cu'cächö'a̧no̧ ja̧'a̧ i̧tti̧mö̧ro'inä ja̧hua̧ta̧nö̧ ku̧nä̧hui̧a'a pä'ö ca̧ta̧cuä̧hua̧ta̧ jahuäturö'inä̧. ⁹Aarónrö ca̧to̧ ku̧ni̧ ja̧hua̧ta̧nö̧ i̧tti̧mö̧rö̧'inä täcänä rönähua o̧ta'ina höpiyänäinä. Sacerdotal Diottö'ina tto̧ja̧ho̧'inä käcö päteö tto̧jo̧cuä̧cuäcuo̧tö̧ jahuätumä hueahuä höja päiönä. Aaron'inä ittimo̧jinä̧ jahuätutä huedö jeäcuähuä ho̧ja̧ cuo̧tö̧.¹⁰cu'cächä tucua'a̧nö̧ ja̧'a̧ pacäyä böottö ji̧nä̧ yomete päiö iyä̧ huoca a'ca jahuatanö Aarónrö'ina i̧tti̧mö̧rö̧'i̧nä̧ hö̧mö̧pi̧yä̧ttö̧'inä isä̧ ö̧ttö'ina ku̧na̧hui̧ö̧nä̧. ¹¹Päcäyä böotto cuäö icui ttö chä'ca jomȩttö̧. chu̧ru̧hua, jinä̧ yömȩtȩ päiöiyu doa̧cha̧cuä̧hua̧ttö̧.¹²Päcäyä böo ucuojattö'inä cuȩno̧'a̧no̧ ja̧'a̧ ja̧hua̧ta̧nö iyä̧huo̧mȩ o'cajuiyunä käda'caltö kämädäö̧ cu̧ju̧nö̧'i̧nö̧ ko̧ro̧ttö̧'i̧na̧ abonänö ucuotö iyähuome ocajuiyunä käda'catto kä̧mä̧dö ucuojanätä̧ toö riripi. ¹³O'cajuiyunä ö̧ä̧dȩtto̧'i̧nä̧ ȩmi̧ uhuäsiyu'ina atiyattö'inä öacuärätto'inä a̧dȩu̧ juäimi: o'cajuiyunä kuö icui. ¹⁴Jahuata̧nö̧ ko̧ro̧ i̧dȩpä̧ jähuä päcäyä böottönä, ijeti̧yu̧i̧nä̧ jahuanö jä̧'ä̧ icäbiyu'inä, ja̧u̧mä̧ kuö cuicuajá cujatuciscuo̧nettö̧ jäyä u̧mi̧ttö̧. Piyeme ja̧cua̧'a surojocu jarodo kä̧tu̧rö̧ iyähuä painönä.¹⁵Ja̧hua̧no̧ ja̧'a̧ idepä adihuattö emö Aarónrö'inä jahuata̧nö̧ i̧tti̧mö̧ro'inä ittömönä idepä adiunä hua̧ttö̧mä̧ ö̧'i̧nä̧ cui̧yu̧'a̧nö̧ ja̧va̧. ¹⁶idepä adihuä hua̧rö̧mä̧ cuäö icu, jaunö emöpo̧ö ucuoja'inä kuö icu iyähuo̧mȩ o'cajuiyunä juerächiönä totopi. ¹⁷Idepä adiuwä hua̧ttö̧mä̧ ppo̧ö̧cuo̧ päiönä 'cui'i, ö̧huä̧ si̧yu̧'i̧nä̧ ö̧jä̧pi̧yä̧'inä, atiyattö'inä öppätto'ii̧nä ppo̧ö̧cuo̧ ja̧hua̧ta̧nö̧ ö̧'i̧nä̧ ku̧ni̧ ¹⁸Kuö iai iyähuome. ja̧u̧nö̧ o'ca'a idepä adiumä hua̧mä ja̧tta̧pa̧ya̧ kuö ucuirö Ja̧u̧ kuö icua̧hua̧mä̧ ttörötä iyahuacua'a, chu̧ru̧hua̧. 'chopacua'a adiunä a̧mȩu̧nä ttörömä ja̧huanö ja̧'a̧ ucuränä̧tä̧.¹⁹Ja̧hua̧nö ja̧'a̧ ka̧ra̧ idepä adimä hua̧rö̧ ȩmö̧pö̧ö Aarónrö'ina ja̧hu̧ata̧nö̧ i̧tti̧mö̧rö̧'i̧nä̧ jitutä ttömönä paiönä idepä̧ adiunä hua̧ öinä. ²⁰ja̧u̧nö̧ o'ca'a idepä adiunä hua̧ttö̧ cuäö icu ja̧hua̧nö̧ a̧u̧cu̧nä̧ cuahua'a̧nö̧ ja̧'a̧ ja̧u̧ ucuojatto'inä. Aarón a̧ja̧ uchuo̧ja̧'a̧nä isäju kaa̧nä̧ ku̧ni̧ ja̧hua̧ta̧nö̧ i̧tti̧mö̧ ta̧ja̧pi̧yä̧ i̧sä̧ju ttö̧huo̧ja̧va̧nä̧ ya̧cu̧nä̧rö̧ ku̧ni̧, ttö̧mpiyä̧ttö̧ hö̧mö̧ a̧cuo̧mȩnä̧ ttö̧huo̧ja̧nö̧ ö̧ca̧ ja̧'che ja̧hu̧nö o'ca'amä kuö icu iyähuo̧mȩ kara'acu ja̧'a̧nä̧'i̧nä̧ u̧cuo̧ja̧ttö̧ huȩrä̧chi̧ö̧nä̧ jȩcu̧'a̧nö̧ ja̧'a̧.²¹Käu icu iyähuomettö ucuojamä a̧u̧cu̧na̧ cuau'a̧no̧ ja̧'a̧ jahua̧ta̧nö̧ a̧u̧cunä̧ a̧dȩja'inä ucuocu ku̧nä̧huättö ja̧hua̧ta̧ Aarónrö'inä o'cajuiyunä̧tä̧, ja̧u̧ ö̧ca̧ta̧ hui̧yuttö̧'ina. Ja̧hua̧nö̧, itti̧mö̧ ito̧ca̧ta̧ hui̧yyttö̧ttö̧mä̧. Ja̧hua̧nö̧, Aarón ö̧ja̧cua̧ra̧ que'ȩpö̧ ku̧na̧ huata̧nö̧ ö̧'ca̧ta̧hui̧yu̧'i̧nä̧, i̧tti̧mö̧ ttö̧ä̧ta̧hui̧yu̧'i̧nä̧ i̧tti̧mö̧mä̧ ja̧u̧tä̧cu̧²²Idepä adiunä hua̧ ö̧a̧dȩli̧nä̧ ȩmi̧, icäcä päjue ja'acu̧tto̧'i̧nä̧ i̧dȩpä̧ jacuättö ö̧a̧dȩ'inä adiyattö'ina öacuärättö'inä ö̧huo̧ja̧cu̧ ja̧'a̧cu̧tto̧'i̧nä̧, i̧dȩpä adiunä huanä Sacerdote höja̧hö̧'i̧nä̧ Diostto'ina ka'co pateö i̧ya̧hua̧tä̧ päicacua'a ttörö. ²³Cuemacua̧jä̧ pán jä̧ro̧bo̧ adicua'a panmä ppö̧ö̧nänö jomenö adicua'anä adejacu jo̧nä̧ itöröcättö'inä i̧mi̧cu̧na̧ ppö̧ö̧mö̧ jui̧yu̧ttö̧, jo̧ttö̧ cha'ca jome cu̧ru̧hua̧ Dios.²⁴Kunö̧ cuiyu'a̧nö̧ ja̧'a̧ Aarón u̧mi̧pi̧ya̧nä̧ ja̧hua̧ta̧nö̧ i̧tti̧mö̧ ttömöpi̧ya̧nä'inä̧ hö echa'ca jö̧mȩ chä̧hui̧ö̧nä̧. ²⁵Jahua̧nö̧ o'ca'a ttö̧mö̧piyä̧nä̧ ttȩmö'anö̧ ja̧'a̧ i̧tö̧cuä'inä̧ ja̧u̧mä kuoicu iyähuome kuötä icuähuä kuö'icu iyähuo̧mȩ kuötä icuähuä kuö'icu iyähuo̧mȩ päiönä. Piyemä hörö adiu a̧mȩhuo̧ chopacua'a Ja̧u̧ma̧ yautenä̧tä̧ iyähuä ttörömä ocuränä̧tä̧ jo̧mȩ pä̧i̧ö̧nä̧.²⁶Adiunä̧ hua̧ idepätto amöca jahuä'inä cuȩmö̧'anö̧ ja'a Aarón öäre iyähuä päiönä tu̧ru̧hua a'ca jo̧me kärächiönä ja̧hua̧ta̧nö̧ ja̧u̧mä̧ ucu jahuätä päiönä tu̧ru̧hua̧ a'ca jahuätä pöiönä. ²⁷Hö jahuämä que'epö kuni cuare iyahuä päiönä amöca jahuättomä jahua̧ta̧nö̧ äcä jahuä'inä höja̧tto̧'i̧nä̧ Diosttö kä'cö päteo höja̧ i̧sa̧rö̧ sacerdotes, amöca'inä öjahuiyälinä adicuä höja̧rö̧ Aarón'inä Ja̧hua̧ta̧nö̧ i̧tti̧mö̧li̧nä. ²⁸Piye idepämä iyähuinä'a Israelitas hö̧ja̧rö̧ ku̧nä̧hui̧na'a 'cuäopönatä ka̧'a̧ pärö Aarónrö̧ jabuatomö i̧tti̧mö̧ öcoturö'inä . ji̧na̧ yo̧mȩte kä̧nö̧ ttöäre iyähuä päiönä, pi̧yȩ iyähuämä käcö päteö körö pätetö kumaluarö Israelitas hö̧ja̧ttö̧mä̧ hö̧a̧rȩ iyahuämä tu̧nȩhua a'ca jo̧mȩ.²⁹Aarón surojö̧ juiyunä ö̧ca̧ta̧hui̧yu̧ ji̧nö̧mä̧ i̧tti̧mö̧ 'co̧tu̧rö̧'i̧nä ku̧nä̧hui̧na̧va̧. jahuätuätunä ȩmö̧ ku̧nä̧huo̧tö̧ pättäcuotö ttötättötä. ³⁰Sacerdote kä'co päteö adicuä i̧sa̧mä huȩa̧hua̧tä̧ päiacua'a tti̧tti̧mö̧ 'co̧töttö'inä , jinä yo̧mwtȩtä̧ ku̧nähuo̧ca̧ttö̧'iä ttörö tiya pä'ö surojuttö'inä jui̧yo̧ca̧, ca̧tä̧cuä̧huä̧ o̧ta̧mä ttȩpö̧'a̧nö̧ ja̧'a̧ ji̧mö̧tȩ jahuätto todävenö mo̧ro̧.³¹idepä adihua̧ttö̧'inä̧ cuȩmö̧'a̧nö̧ ja̧'a̧ kä'co pä̧teo adicuä ttö̧ja̧rö̧ sacerdotes Jo̧nä̧ huaturö ttörömä̧ Ja̧hua̧ta̧nö̧ dacua'a̧nö ja̧'a̧ cuäräönä idepämä surojöttö'inä juiyo̧ca̧nä. ³²Aaron'inä Jahuätumä ttöcua'a̧nö̧ ja̧'a̧ idepä a̧dihua̧ttö̧ ja̧hua̧ta̧nö̧ pan itärucänä ku̧nä̧huä̧ttö̧'i̧na̧ ji̧nä̧ yo̧mȩtȩ pä̧iö ku̧nä̧huo̧ea̧ttö. ³³Ja̧huä̧tu̧mä hucu'a̧nö̧ ja̧'a̧ idepättö'inä Jahua̧ta'a̧nö̧ panttö̧'i̧nä iyähui'inö surojuttö siepö icuähuä päiönä, ttöttö'inä 'quȩ'ȩpö ku̧nä̧huä̧ päiönä. Ka̧ra̧'i̧nä ucu juiyunä ja̧u̧ cuäcuähuättömä, ja̧u̧mä̧ ja̧cua̧'a̧ rö̧'ö̧ jahuä ttöttömä, ttörö iyähuiömä. ³⁴Deättö'inä, panttö'inä yoreteunä iyähuiömä, ponttö'inä, koro mo̧ro̧ juomȩnä̧, , ja̧u̧mä̧ kuötä cuicu'a̧nö̧ ja̧'a̧. Ttucuö juiyu'a̧nö̧ ja̧'a̧, täcö 'quȩ'ȩpö ku̧nä̧hui̧a'anö ja̧'a̧ ttöttömä.³⁵Pi̧yȩ jo̧nä̧mä, o'cajuiyunä cui'chö'a̧nö̧ ja̧'a̧ ttö jȩchi̧nö̧a̧nö̧tä̧ ucu jȩcua̧ pä'ö, Aaron'inä itti̧mö̧rö̧'inä jȩcu'a̧nö̧ ja̧'a̧. Ji̧möte jahuättö todäre mo̧ro̧ päiomenä jo̧mȩnö̧tä̧.

¹Ucutumä cuaditätucuajá kö'icu iyähuome a̧dö̧nä̧ isoppa 'chopome. Cuaditä cuotöjä acacia dauttö. ²Iotomä yaute ö̧yö̧'ca̧ri̧ u̧mu̧bu pa̧ja̧cuo̧me ja̧'a̧nö̧ ja̧'a̧ ja̧'hua̧ta̧'a̧nö̧ käcuo räcumä yaute ö̧yö̧'ca̧ri̧ u̧mubu pa̧ja̧o̧me ja̧'a̧nö̧ ja̧'a̧. Yo̧räteunä ja̧'a̧nö̧ ja̧'a̧ ja̧'hua̧ta̧'a̧nö̧ ju'tojucumä todäre ö̧yö̧'ca̧ri̧ u̧mubu pa̧ja̧cuo̧me ja̧'a̧nö̧ ja̧'a̧. Ä̧ja̧ o̧namä yo̧ca̧ttö̧tä̧ todehuina'a̧.³'Cho'opunä adiunä kuicu i̧yä̧huo̧ca̧mä tucuepätucua'anö̧ ja̧'a̧ päcuä'i orottötä beipomebu iesubiyäna ja̧'hua̧ta̧'a̧nö̧ ä̧ja̧hui̧yä̧ o̧na'i̧nä.Beipome'i̧nä̧ orottötä cuadita'anö̧ ja̧'a̧. ⁴Cuaditätucua'a̧nö̧ ja̧'a̧ to̧bu̧rȩ orottö pätecu iesubiyäna ka̧cu̧nä. Jo̧'u̧ o̧bu̧mä̧ ppu'quepu ttȩpä̧cuo̧bu̧ ja̧'a̧ kuicu i̧yä̧huo̧ca̧.⁵Jȩ'cu̧a̧tu̧cua̧'a̧nö̧ ja̧'a̧ yö̧'ȩpä̧rö̧ o'camä acacia dauttö ja̧'hua̧nö̧ ja̧'a̧nä̧ tucuepätucuaja orottö. ⁶Cu̧nä̧tu̧cu̧'a̧nö̧ ja̧'a̧ a̧du̧nä̧ 'cho'opunä kuicu i̧yä̧huo̧ca̧ ä'co̧ca̧ rö̧nä̧tö̧cui̧ tto̧ȩcuä̧ta̧ ippeyänä TÖ̧Ä̧NÄHUA̧ DIOS ötö'cö ji̧'ä̧huo̧ca̧cu̧. Kä̧cua̧'a̧ muȩcuäbi huä̧me to̧cha̧ra̧pe'ö TÖ̧Ä̧NÄHUA̧ ötö'cö ji̧'ä̧huo̧ca̧nä̧, juȩnȩtä̧ chi̧jä̧cua̧sä̧ ucutucumä.⁷Aaron ujuhua'anö ja̧'a̧ a̧du̧nä adicuättö moro̧ jo'öa̧cuä. ujuhua'anö̧ ja̧'a̧ ra̧pa̧ri̧yö̧ ttädita'anä. ⁸Aaron pä'äji ta'anö̧ ni̧pä̧cha̧'a̧ ra̧pa̧ri̧yö̧ i̧rȩdȩto̧mȩnä, ujuhua'anö̧ ja̧'a̧ a̧du̧nä̧ adicuättö 'chopunä kuhuicu iyä̧huo̧ca̧nä̧. Kujuhua'anö̧ ja̧'a̧ ttö TTÖ̧Ä̧NÄHUA̧ chä'cajo̧mȩttö̧ cädiäcuähuä juiyönä, o'catoinä cuacharuhuä o'cotö ttö̧jo̧mȩbu. ⁹Ja̧'hua̧nö̧ ja̧'a̧nä̧ ucutumä korottö a̧du̧nä̧ adicuättömä cuiyätucu'o a̧du̧nä̧ 'chopunä kuicu i̧yä̧huo̧ca̧nä̧mä̧, cujuhuätucu'o ku'icu iyähuämä odujumä. To'önä tocuätucuä vino isoyamä ku'icu iyähuänämä.¹⁰A̧'ȩttö̧ yautenätä̧ Aaron usäu'anö ja̧'a̧ a̧du̧nä̧ 'chopunä kuicu i̧yä̧huo̧ca̧ ä̧ja̧ o̧namä. Jo̧'u̧mä jȩ'a̧nö̧ ja̧'a̧ ucuja ȩmu̧ suronä jȩttä̧ji̧ jȩpi̧cö̧ kuicu iya pe'ö. Sacerdote ttu̧ru̧hua̧mä jȩ'a̧nö̧ ja̧'a̧ pi̧yȩmä o'cato'inä ahuaruhuärö. Piyȩ ttö TÖ̧Ä̧NÄHUA̧RÖ̧ kuicu iyähuämä kȩ'ȩpu̧ ttö̧ju̧na'anö̧ ja̧'a̧.¹¹TÖ̧Ä̧NÄHUA̧ ucuocu pä'inö̧ Moisesrö. ¹²Ja̧'hua̧nö̧ ja̧'a̧nä Israelitarö cui̧'a̧to̧mȩnämä, ya̧cu̧nä̧ tta̧'cua̧rö̧ ki̧'ö̧nä̧ ttiya'anö ja̧'a̧ TÖ̧Ä̧NÄHUA̧RÖ̧. Jȩtta̧'a̧nö̧ ja̧'a̧ pä̧ja̧tö̧ cädö'ca'a, ö̧a̧ta̧'a̧nä̧ hua'ö tticua'acu jähuätö. ¹³O'cäto'inä tti̧mi̧ huȩyu̧tö̧ tti̧'a̧tä̧u̧mä̧ ttimita'anö ja'a yaute pä̧rä̧tä̧bi̧ ja̧hua̧ta̧'a̧nö̧ tämäcö̧ttö̧ topu TÖ̧Ä̧NÄHUA̧ ö̧jode'inä. Ttö TÖ̧Ä̧NÄHUA̧RÖ̧ ttiyäcuotö pärätä medio gramo. ¹⁴O'catoinä huȩyu̧tö̧ rötö ttö̧a̧tä̧jä̧ ju̧ttö̧mä̧, veinte a̧'ȩ jo̧mȩnä̧ kö̧nä̧rä̧tö̧ttö̧, ttörö ttiya'anö̧ ja̧'a̧.¹⁵Ttö̧ja̧ tti̧ä̧rȩ iyähuä ttörö ttiyöttö suronä jȩtti̧nö̧ micuä chimihuiyatö pä'ö, ruhuotömä 5,5gramomä dȩa̧'a̧cu̧mä̧ tti̧mi̧töjuiyö'anö ja̧'a̧ ja̧'hua̧ta̧'a̧nö̧ usurä isotömä 5,5 gramomä huä̧mȩcu̧mä̧ ttimitö juiya'anö ja̧'a̧. ¹⁶Pi̧yȩ pärätämä ttȩmä̧cuä̧ Israel ttö̧ja̧ suronä jȩtti̧nö̧ mi̧cuätä, ja̧u̧mä̧ i̧yä̧huä̧cuä̧ huȩnȩ ucuocuäcuähuode ttaditome. Jua'amä Israél ttö̧ja̧rö̧ amucuädäcuähua päi'önä chä'cattö, suronä jȩtti̧nö̧mä̧ tta̧'cua̧rö̧tä̧ iyähuinätö̧"¹⁷TÖ̧Ä̧NÄ̧HUA̧ ucuocu pä'inö Moiserö: ¹⁸Ja̧'hua̧ta̧'a̧nö̧ uriba'inö broncettö

cuaditajá ku̧nä̧huo̧mȩ'i̧nä̧ broncettö̧, uribamä töcäcuähuäbä jä̧cua̧'a̧. Cu̧ju̧nä̧tu̧cua̧ huȩnȩ ucuocuäcuähuo̧ca̧ ja̧'hua̧ta̧'a̧nö̧ i̧sa̧rö̧ ku'icu iyähuome kä'co päte'ö ajiyä da'epö cu̧ju̧nä̧tu̧cua̧ juäbanä.

¹TÖ̧A̧NA̧HUA̧ ucuocu päinö Moisesrö: ²"Topi", huopusä i̧mi̧nä Bezalelrö Uri itti̧rö Hur i̧tti̧ Juda isottö i̧sa̧rö³Bezalelrö ttö cha̧cua̧ ru̧hua̧ttö̧ suppȩnö̧ pä'iönä chiyäcu, adiunä ttu̧ȩpä̧rä̧cuä̧ cuä̧ cuä̧inä huo̧jä̧ chi̧ä̧ cuä'inä ja̧'huata̧'a̧nö huo̧jä̧ cuä cua inä puttähuätö o'cajuiyönä adilhuäma; ⁴A'cuacunä jȩpu Hadita päö orottöinä pärätättö ina broncettö̧ ' i̧nä̧ ⁵Ja̧'hua̧jö̧ta̧'anö huiö adihuäinä ido'guittö rötä adihuäinä daukȩttö̧ ko̧'ö̧ adihuäinä puttö adihuä o'cahuiyönätä̧.⁶Ja̧u̧ ja̧'anä̧'i̧nä, ȩmu̧sä̧ Aholiabrö Ahisamac i̧tti̧rö Dan isotö i̧sä̧rö Huo̧jȩcu̧nä̧ Hadita päö jȩchä̧u̧ ttamisho'guina huo̧jȩcu̧nä huo̧ttörömä ucuru huedäji O'cajuiyönä ttadita päö , pi̧yȩmä ko̧cua̧'a ⁷jina yo̧mȩtȩ päiö ttucuocuode, Dios esecujiäu u̧juninoca̧'inä , juo̧'ca cuä̧me kuica iyahuodä'ina ja̧'hua̧jö̧ta̧'anö juhuode ko̧cu̧mä o'cajuiyönä ⁸Meso isodänä ko̧cu̧'inä rä̧dȩtö̧ Ku̧nahuä̧ ocä'inä Ko̧cu̧mä O'cajuiyönä̧ta̧. ⁹A̧diunä a̧meu̧ ku iyahuome'inä ku'icu iyähuome o'cajuiyönä ka̧cu̧mä , ja̧'hua̧jota'anö kä̧näri̧yu ri̧a̧yu kada'ca ka̧mȩina¹⁰Pi̧yȩ ja̧'a̧nä'i̧nä ka̧'a̧ ttöca̧ta̧hui̧yu̧ adiunä puttacua : ttöca̧tä̧hui̧yu̧ surojö juiyö Aarontä̧ ö̧ca̧taa̧cua̧ päö Sacerdote cua̧tä̧ ja̧hua̧jö̧ta̧'anö i̧tti̧mu'inä ttä chiäre jö̧ ttadita päö dottachomenä ttöca̧ta̧ma̧päö Sacerdote huotö jönä ¹¹pi̧yȩ ja̧'a̧näi̧nä̧ ka̧'a̧ a̧deja dahuecuoya ja̧'hua̧ta'anö adiu a̧mȩhuönä ichopunä kä̧ȩpu ku̧näcuo̧me. Pitö puttäcuänä ttö ucuru jueönä huedäjita'anö¹²TöA̧NA̧HUA̧ uhuocu päinö Moisesrö: ¹³Jiähui Israel ttö̧ja̧rö: ISO päi'önä ttuju̧nära̧ päö ka̧'a̧ 'cuächäcuä'cuä mo̧ro̧mä TöA̧NA̧TTUA̧Rö̧ Uhuotö, pi̧yȩ jä̧cua̧'ato ijȩcuä̧ jä̧cuä̧mä ja̧u̧ru̧ Ucutucumä cua huäruhuä O'ca'anä ttichäcuotö'inä ttu̧hu̧huo̧juä̧'anö ja̧u̧tä̧ ja̧'a päö TöA̧NA̧HUA̧MA̧ , Kä̧ȩpu ku̧näcua̧ ya̧cu̧nä̧rö̧ ¹⁴Ja̧hua̧ ja̧'a̧ttö̧ hua'adö ttu̧ju̧nä̧cuätö 'cuächä cuä'cuä mo̧ro̧mä, ucututä jȩcuä̧cuo̧töjä̧ ucuotö kä̧'ȩpu̧ ku̧nä̧cuo̧me pä'iönä ja̧u̧nu̧. Cuä'ädiö ttö̧'ö̧ mo̧ro̧ aditömä räepu i̧hua̧tä̧ ö̧jä̧cua̧ ahuärucuätömä. ¹⁵Adihuämä adihuäcua'a ji̧mu̧tȩttö yaute mo̧ro̧tä̧ ja̧'hua̧'a̧nö ja̧'anä ji̧mu̧tȩttö todäre mo̧ro̧mä 'cuä'ächö pä̧cuä̧'cuä̧ mo̧ro̧ ja̧'cua̧'a̧ surojöttö kä̧'ȩpu̧ ku̧näcuö̧me jö̧nä̧ TÖ̧A̧NA̧HUA̧Ö̧ uhuotö. Ya̧tȩttö̧ 'cuächäcuä'cuä mo̧ro̧ aditöttömä, jueönä̧tä̧ cuä'ö tticua pä̧ötä ö̧jä̧cuä̧.¹⁶Ja̧hua̧ ja̧'ttö̧ Israel ttö̧ja̧mä 'cuächäcuäcuä mo̧romä hua'adö ttuju̧nä̧ päö ja̧ma̧'a̧ O'ca'anä̧ päö jä̧ma̧'a. Ttotta päö jä̧ma̧'a̧ O'ca'anä̧ ttö̧jä̧mo̧tö̧'i̧nä ja̧u̧ hueähuä huȩnȩ beipu juiyönä. ¹⁷Cuächä cuä'cuä mo̧ro̧mä cuä'oounä mä'opunä ijȩcuä̧rö̧ Kä̧cua̧'a̧ Tö̧A̧NA̧HUAMA Ji̧mu̧tȩttö̧ yaute mo̧ro̧tä̧ aditina̧'a̧ttö

mo̧ro̧jä̧'i̧nä pi̧ja̧'inä̧ , ja̧'hua̧'anö. ja̧'anä ji̧mu̧tȩttö̧ todäre mo̧ro̧mä 'cuä'achiönö.

¹Ja̧'hua̧nö̧ ja̧'a̧ ttö̧ja̧mä̧ Moisés mö'ä'cara̧'a̧ttö̧ i̧mȩyȩhuo̧ca̧'a̧ recuó to̧'i̧yä̧u̧, jahuätömä 'chi̧nä̧tö̧ Aaroncu̧ ja̧'hua̧nö̧ 'chä̧nö̧ pättinäcu̧: "Ichi, a̧mo̧nä̧ tto̧ä̧nä̧hua̧'ca aditiyitö ujuturu ppä'ädö tä'canä o'ipatö. Moisés ji̧na̧'a̧ ujuturu rä'epinömä, ja̧u̧tä̧ ji̧na̧'a̧ ujuturu rä'epinämä Egipto rȩjȩra̧'a̧ttö̧, jerupätöjä tta̧'a̧nö̧ ki̧jä̧ päi'äjä'a ja̧ru̧mä̧. ²Ja̧'hua̧nö̧ pätiyäcu Aarón pä̧'i̧nä̧u̧: "Cuirecuatucuttu'inä cui̧tti̧mö̧ u̧mä̧tö̧ttö̧'i̧nä̧ cui̧tti̧mö̧ nä̧tö̧ttö̧'i̧nä̧ ttö̧nä̧rö̧ oro'o̧bu̧ 'cho'ipätucui ja̧'hua̧nö̧tä̧ iyätucuittö."³O'catoi'önä ttö̧ja̧ ttä̧ja̧nä̧ ttö̧nä̧rö̧ oro'o̧bö̧ jȩpä̧cuä̧u̧ i̧cui̧nä̧tö̧ ja̧'hua̧nä̧ jȩpö̧ iyinätö Aaronrö̧ iyinätö̧. ⁴Ja̧u̧mä̧ ȩmi̧nö̧ jahuätö ttiäre oro, ku'icu isoya päi'omenä päcäyä i̧tti̧ a̧'u̧cuä̧ jo̧mȩ tómenä 'quiyächipina̧'a̧. Ja̧'hua̧nö̧ ja̧'a̧ topö ttö̧ja̧mä̧ pä'inättö̧, "Israél, pidetätó cuä̧nä̧hua̧tu̧cu̧ Egipto rȩjȩtö̧ rä'epö icuinömä ucuturu."⁵Aarón ja̧'hua̧nö̧ jȩtta̧'a̧ topö, aditinö i̧sa̧rö̧ ku ttiäre iyähuä'ca päcayä i̧tti̧ a̧'u̧cuä̧ ja̧'hui̧a̧nö̧ jȩpö̧ ttöjarö ji'ähuinö; Ja̧u̧ pä'inö: "Yo̧'ä̧i̧ mo̧ro̧ jä̧cua̧'a̧ pä'cari jȩtä̧cua̧'a̧mä̧ TU̧RU̧HUA̧RÖ̧ ucuotö." ⁶Ttö̧'ja̧mä̧ koro mo̧ro̧ yo̧ä̧sa̧ ja̧i̧ poröchö ttiäre ku iyähuä iyö jȩpi̧nä̧tö̧ pi̧yȩ ja̧'a̧ esecu kä̧cuä̧hua̧mä̧ pä'ö. Ja'huanä jȩpö̧ ttu̧cuä̧cuä̧nö̧ aú esehuinätö̧, ja̧u̧nu̧ o'ca'a ko̧cuä̧mi̧nä̧tö̧ pä'cäri jitörötä pä̧huä̧ro̧jo̧mȩnä̧ jȩpö̧.⁷Ja̧'hua̧nö̧ ja̧'a̧ TTÖ̧Ä̧NÄ̧HUA̧ u̧cuo̧cui̧nö̧ Moiserö: "O'capäi'önä täí, cumuhuäyotö, Egipto rȩjȩra̧'a̧ttö̧ räcuepä̧u̧mä̧, surojötä jȩpö̧ ko̧cuä̧tö̧. ⁸O'capäi'önä jaropi'ätö ja̧'a̧ pädinomettö̧'i̧nä̧ i̧mi̧cu̧nä̧tä̧ jȩpö̧ ko̧cuä̧tö̧. Päcayä i̧tti̧ a̧'u̧cuä̧ adittö ja̧u̧ru̧ ttiäre iyähuä i̧sa̧rö̧ ku iyó jȩpä̧tö̧. Pä'äjätö: "Israél, pidetätó cuä̧nä̧hua̧tu̧cu̧ Egipto rȩjȩtö̧ rä'epö icuinömä ucuturu."⁹Ja̧'hua̧nö̧ ja̧'a̧ TTÖ̧Ä̧NÄ̧HUA̧ pä'i̧nö̧ Moiserö: "Pitö ttö̧ja̧rö̧ topäjisä. Topitö, ttö̧ja̧mä̧ juiyó jarodätö ja̧'a̧. ¹⁰Jitämä, jȩcu̧'ä̧ päcua pä'ö'inä juiya'a ucumä. Juiyó rö̧'ä̧nä̧ cha̧mi̧ suräcusä jahuätörö, Ja̧'hua̧nö̧ ja̧'a̧ttö̧ si'epötä chicuäcuotö. ¹¹Ja̧'hua̧nö̧ ja̧'a̧nä̧ ucunä jȩchä̧cua̧sä̧ pi̧jä̧ ttö̧ja̧ ttu̧ru̧hua̧ jö̧nä̧," Ja̧'hua̧ ja̧'a̧ Moisemä TTÖ̧Ä̧NÄ̧HUA̧ Dios ö̧ro̧huä̧rö̧ juiyönä jȩ'a̧ pä'ö amucuädinö. Päinäcu̧: "CHÖ̧Ä̧NÄ̧HUA̧, ¿Tta̧'a̧nö̧ pä'ö cu̧mu̧huäyotörö cua̧mi̧surunä tocu'a'a jä̧ttö̧, ucutä jä̧'a̧ Egipto rȩjȩra̧'a̧ttö̧ cujurunä rä'epö icuäjimä.¹²Egipto ttö̧ja̧mä̧ pättö'anö ja̧'a̧: Ja̧u̧mä̧ rä'epö i̧cui̧nä̧u̧ ä'cuoyäu, möä'quiyura̧'a̧ttö̧ cuä'ö icuatö pä'ö jja̧hua̧nö̧ jȩpö̧ pi̧jä̧ttö̧ si'epö icuatö pä'ö? Juijomä cu̧rä̧huä̧rä̧ ucutä cu̧mu̧huäyotö ja̧'a̧ ro̧'ȩpö̧mä̧ ro̧cuȩpä̧tö̧. ¹³Amucuädi Abrahamrö̧, Isaac'rö ja̧'hua̧ta̧'a̧nö̧ Israel ttö̧ja̧, cu̧mu̧huäyotö, ucutä jȩchä̧cua̧sä̧ ucuturu päcua'ttö pä'inö̧jä̧ ja'huätörö: 'Ucu cuahuaruhuärö o'cotöttö jȩchä̧cua̧sä̧ mo̧ro̧jä̧ si̧ri̧'cö̧ jö̧ta̧'a̧nä̧ ttirecuächönä, ja̧'hua̧nö̧tä̧ chi̧yä̧cua̧jä̧ cuahuaruhuä o'cotöttö pi̧jä̧ o'cajuiyönä padäjita'anö. Jahuätö tti̧rȩjä̧ jä̧cua̧'a̧ 'cuäopönätä̧."' ¹⁴Ja̧'hua̧nö̧ jo̧mȩnö̧ TÖ̧Ä̧NÄ̧HUA̧MÄ̧ ro̧'ȩpo̧'cö̧ pi̧nö̧ u̧mu̧huäyotörö ro̧'ȩpa̧ päjimä.¹⁵Ja̧'hua̧nö̧ ja̧'a̧ Moisés pä'aji ta'anö möä'cara̧'a̧ttö̧ mȩyȩhui̧nö̧, U̧mu̧nä̧ i̧nä̧ obi tobire jȩ'tä̧cuä̧ pä'inö huȩyu̧cua̧'a̧ 'chu̧'ä̧rä̧nö̧. Ja̧u̧ odä todäremä huȩyu̧cui̧na̧'a̧ pätecua'acu, ä'canä'inä aboja̧'a̧nä̧'i̧nä̧. ¹⁶Jua̧u̧ dau odämä chutä Dios aditähuä odä ji̧na̧'a̧, huȩyu̧cuä̧'i̧nä̧ chutä Dios i̧huȩyu̧tu̧ ji̧na̧'a̧, juodänä 'chu'ädö ku̧nä̧hua̧'a̧.¹⁷Ja̧'hua̧nö̧ ja̧'a̧ Josué ttö̧ja̧ huottä'a ä̧ju̧cu̧, Moisérö pä'inö: "Ä'ö ttöjometömä rohuäu pä̧'i̧cu̧nä̧ huopätö." ¹⁸Ja̧'hua̧nö̧ päiyäcu Moisés päinäcu̧: Iso juo'epömä juottöca'a jua'amä ja̧'hua̧ta̧'a̧nö̧ rohuäu tti̧cuä̧u̧'i̧nä̧ huottoca'a, ja̧hua̧nö̧ jo̧ca̧'a̧ ra̧'ö̧ eseu huotta'atä ä̧ju̧cu̧sä̧."¹⁹Ja̧'hua̧nö̧ ja̧'a̧ Moisésmä ä'ö ttö̧ja̧cuo̧mȩ tö'cö 'chä̧hui̧'ö̧mä̧ päcäyä i̧tti̧ a̧'cua̧juä̧ adicua'atä ja̧'hua̧ta̧'a̧nö̧ ttö̧ja̧'i̧nä̧ tötta'atä topinö. Ja̧u̧mä̧ juiyo ra̧huä̧ri̧pi̧nö̧. ²⁰U̧mö̧nä̧ 'chu̧huä̧rö̧ obi icuomenä möä'ca kada'camä dörächipö pperecuächötä maina'a. Päcäyä i̧tti̧ ttö̧ja̧ ttäditäjäcurö ȩmo̧po̧'ö̧ i̧sa̧ppȩ päi'önä ku icuäji'ca̧ ajiyanä 'cuȩ'ȩpi̧nö̧. Ja̧'hua̧nö̧ jȩä̧ja̧'a̧ Israel ttö̧ja̧mä̧ ttahuönä jȩi̧nä̧u̧.²¹Ja̧'hua̧nö̧ jä̧ji̧ o'ca'a Moisésmä Aarónrö jä'epö ä̧ju̧cui̧nö̧: ¿Däje jȩttä̧cu̧ttö̧ jitöja ttö̧ja̧mä̧, rö̧ä̧nä̧ jahuätö surojö jȩttö̧nä̧ cui'cächönä̧mä̧? ²²Aarónmä ädätinö: Chö̧ä̧nä̧hua̧ juiyo rö̧ä̧nä̧mä̧ cu̧ra̧huä̧rä̧tö̧. Ucumä huo̧jua̧jä̧ pitö ttö̧ja̧rö̧mä̧ ja̧'hua̧ta̧'a̧nö̧ surojö jȩtta̧ pä'ömä jo̧mȩnö̧tä̧ amöcuädö ku̧nä̧jä̧tö̧. ²³Jahuätömä pättäjäcusä: Tö̧ä̧nä̧hua̧ ujutu tä'canä 'chä̧nö̧ oipä̧cua̧rö̧ aditiyitö, pide Moisés pinömä̧, Egipto rȩjȩttö̧ rä'epö icuinö pinömä̧, däje 'cuäopäjäcucö̧. ²⁴Ja̧'hua̧nö̧ pättiyäcu pä̧dä̧jä̧u̧: ya̧tȩ oro ku̧nö̧rö̧mä̧ 'cho'ipätucuirö, jahuätömä oromä ttiyäjäcusä, ttiyäjäcu ocuränä chicuomenä, pide päcäyä i̧tti̧mä̧ rä'o'äji.²⁵Moisésmä topinö ttö̧ja̧mä̧ ka̧mä̧dä̧cuä̧cuä̧ jui̧yonä jo'tä'a, Aarón päi'nö jarodähuäcuärä̧'a̧ juotächiyäcu ja̧'a̧tä̧ topinö ja'huatö 'taboiyorö yä̧tä̧hua̧'chä̧'a̧nä̧mä̧. ²⁶Ja̧'hua̧nö̧ ja̧'a̧ Moisés cä̧mä̧di̧nö̧ tä̧'äbäriyä do'ächäcuähuomä ä'ca'a, Ja̧'hua̧'a̧nö̧ päi'nö: O'catoi'önä TÖ̧Ä̧NÄ̧HUA̧ ippeyänä 'cä̧huä̧tö̧mä̧ ttöcu ichätucui, Levita ttö̧ja̧ O'catoi'önätä ippeyänä ka̧tö̧mä̧'ca̧'ca̧hui̧pi̧nä̧tö̧. ²⁷Ja̧'hua̧'a̧nö̧ ja̧'a̧ pä'äji: Israel ttö̧ja̧ TÖ̧Ä̧NÄ̧HUA̧MÄ Dios-mä, pä̧'ä̧nö̧ pä'äji: yä̧'ö̧cu̧punä cucurä'chuö 'cho'äjui'ö tätucui do'ächäcuähuome tä'äbäriyä̧nä̧pu̧nä̧ Ja̧'hua̧'a̧nö̧ ja̧'a̧tö̧ cuäi'icui hui̧ja̧ cuä̧rö̧i̧'nä̧ ja̧u̧cu̧ ko̧rö̧i̧'nä̧ ja̧'hua̧ta̧'a̧nö̧ ippeyänä ka̧cuä̧tö̧rö̧'i̧nä̧."²⁸Moisés pä'ö u̧ju̧nä̧ji̧ ja̧i̧ jȩpi̧nä̧tö̧ Levita ttö̧ja̧mä̧. ja̧u̧ mo̧ro̧mä̧ tres mil ttö'cohuächi'önä huotö 'koröhuo'ächinätö. ²⁹Ja̧'hua̧'a̧nö̧ ja̧'a̧ Moisesmä päi'nö levitarö: "Ucutumä jitä mo̧ro̧mä̧ TÖ̧Ä̧NÄ̧HUA̧ aditähuänä cuäditätucuä pä'ö, i̧yi̧nä̧ u̧juä̧ ȩminätöjä cuäditätucuä pä'ö toija'a̧cu̧ cui̧ti̧mu̧rö̧'i̧nä̧ ja̧'hua̧ta̧'a̧nö̧ cuähuäruhuäröi'nä, juo̧'u̧mä̧ TÖ̧Ä̧NÄ̧HUA̧TÄ̧ iyäcuäucuä 'a ppädä̧'a̧cua̧u̧ju̧ jitä mo̧ro̧mä̧.³⁰Ja̧u̧nu̧ o'ca mo̧ro̧ Moisés päinö ttö̧ja̧rö̧: "Ucutumä juiyó suronä jȩpä̧ttö̧jä̧. Jitämä 'cha̧dä̧chä̧cua̧sä̧ TÖ̧Ä̧NÄ̧HUA̧ ö̧jo̧mȩcu̧. Tochipäcua̧sä̧ ucutu suronä jȩcu'ä̧jä̧tu̧cu̧ esecu'icuaja pä'ötä" ³¹TÖ̧A̧NÄ̧HUA̧ ö̧jo̧mȩcu̧ pa̧ja̧chö̧ Moisés pä'inö: "Isó, pitö ttö̧ja̧hué isopä'iönä̧tä̧ juiyó suronä̧tä̧ jȩpä̧jä̧tö̧ a̧mo̧nä̧ ttö̧ä̧nä̧hua̧rö̧ orottö aditö ucuo teäu. ³²Jitämä adihua'a, rȩrö̧jö̧nä̧ topitö suronä jȩttä̧ji̧mä; ja̧'hua̧'a̧nö̧ jȩcu'o̧ca̧'a̧jö̧ttö̧mä̧, cuiäre cuyäru'tänä cui̧huȩyu̧tti̧nomettö räepu icuittö.³³TÖ̧Ä̧NÄ̧HUA̧ ädätinö Moisérö: "Ya̧tȩ ttö chä'ca jo̧mȩttö̧ suronä jȩpö̧mä̧, ja̧u̧ ttö̧ja̧sa̧mä̧ chiäre cuyäru'tättö si'epö i̧cuä̧huä̧cua̧. ³⁴Ja̧'hua̧nö̧ ja̧'a̧ttö̧ jittätä kä̧hui̧, chu̧mu̧huäyotötö o'ipi ucuru jidähui̧no̧mȩ jubu. Topi, ttö chu̧mu̧huä̧ya̧ isoppa hua̧ ucu cuä'canä i̧'chä̧cua̧. Ja̧'hua̧nö̧ ja̧'a̧nä̧ ro̧dȩpö̧ mo̧ro̧ pätecuächomenämä, suronä jȩttö̧ micuätä ro̧dȩpä̧cua̧sä̧." ³⁵Ja̧'hua̧nä̧ ja̧'a̧ttö̧ TÖ̧Ä̧NÄ̧HUA̧ hue'inö märichei ja'huätö ttö̧ja̧rö̧ päcayä i̧tti̧ a̧'u̧cua̧ tätähuä'ca esetinätö̧rö̧, Aarón aditö iyinä'ca.

¹TÖ̧Ä̧NÄ̧HUA̧-MÄ ucucuinö̧ Moisesrö: " Rä'opi porämä̧, Ucu'inä̧ Ja̧'huä̧ta̧'a̧nö ttö̧ja̧ ucu cui'cächajä̧'u̧ Egiptos Rȩjȩttö̧. Tätucui juä'a Rȩjȩ ttö'cö jo̧mȩ Abraham, Isaac ja̧'hua̧ta̧'a̧nö̧ Jacob-rö'inä̧ chesecuinömȩ ja̧u̧nö̧ pä̧'i̧no̧sä: " ttö̧mä̧ chi̧yä̧cuä̧sä̧ ucu cui̧tti̧mö̧ O'cotörö. ²TTö̧mä̧ huȩdä̧cua̧sä̧ ya̧tȩ Tu̧ruhua̧ ucuocu jiäcuähuä Isä̧rö huȩdä̧cuä̧sä̧, ucutu cuä'catucunä, Ja̧'hua̧ta̧'a̧nö̧ rä̧dȩpä̧'a̧cua̧sä̧ cananeos ttö̧ja̧rö̧, Amoreos, Hititas-rö'inä, Ferezeos-i̧nä̧ ja̧'hua̧ta̧'a̧nö̧ Jebuseos ttö̧ja̧rö̧. ³Tätucui juä'a̧ rȩjȩrä̧'a̧ cuähuä adiu ppurucua'a atate Isoya ja̧'i̧nö a̧nö̧ jö̧nä̧ ja̧'hua̧ta̧'a̧nö maya jä'inö a̧nö̧ jö̧nä, Ja̧hua̧'a̧nö ja̧'a̧nä̧ ttö̧mä 'cho̧'cö̧sä̧ ucutucumä, juä'attömä ta̧mi'quiätö̧ ta̧'attö. ttö̧mä̧ jȩpö̧ chicuä'anö̧ ja̧'a̧ mä̧nä̧ kä'cottö̧.⁴Ttö̧ja̧mä jua'a̧nö̧ rö̧ȩ'i̧nä jö̧'ö̧ huȩnȩ tä̧ju̧cui̧pomenämä tä̧cuä̧tä̧ȩcui̧pi̧nätö̧ ja̧'hua̧nö̧ ja̧'a̧ttö̧ yä̧tȩ'i̧nä̧ rö̧ȩ'i̧nä̧ micuäju jähuämä rö̧näjuo'cö̧tö̧ pi̧nätö̧. ⁵TÖ̧Ä̧NÄ̧HUA̧-MÄ̧ Pä̧'i̧nö̧ Moisesrö: " Israelitas ji'ähui: " Ucutu ttö̧ja̧mä̧ cua̧mi̧'quiätö̧jä̧. ja̧'hua̧'a̧nö̧ ja̧'a̧ttö̧ ucutucu chi'chöttömä jurunä̧ttä̧'i̧nä̧, ttö̧mä̧ Siepu chi̧cuä̧'ä̧u̧ä̧'ä̧. Ja̧'hua̧'a̧nö̧ ja̧'a̧ttö̧ jitämä, 'co̧'ä̧dä̧cuä̧cuättöcui̧ curätöcu rö̧ȩ'i̧nä̧ jähuä 'tä'anö jȩcha̧ pä'ö tocha ucuturö, ⁶Ja̧'hua̧'a̧nö̧ ja̧'a̧ttö̧ Israelitas- mä rö̧ȩ'i̧nä̧ micuäju jähuämä rö̧nähuö̧'cö̧tö̧ pi̧nätö̧ Monte Horetö kä̧mä̧dö̧ yabocumä.⁷Moisés-mä Ojuisode I̧sä̧ta̧ ttö̧jo̧metö ppeyänänö̧ pporädinö otonänö tä'äbarättömä. Ca̧'ca̧cu̧ pä̧'a̧cuä̧huo̧me pättinome.O'ca'atoi'önä TÖ̧Ä̧NÄ̧HUA̧RÖ̧ jäepätömä I̧'chä̧'a̧ pä'ömä ji̧nä'a̧ ca̧'a̧ca̧cu̧ pä̧cuä̧huo̧dȩrä̧'a̧, i'äbarä'ärä̧. ⁸ja̧'hua̧'a̧nö̧ ja̧'a̧ttö̧ Moisés -mä̧ 'chi̧nö̧ isode pporädö cu̧nä̧huodera̧'a̧, ttö̧ja̧ O'catoi'önä̧ tä̧'a̧ri̧nätö isode pporädö ku̧nä̧huode ä'ca, Ja̧'huä̧tä̧'a̧nö̧ to̧pä̧'ä̧ri̧nä̧tö̧ Moisés Isode pporädö cu̧nä̧huodenä do'ächiomebu. ⁹Moisés pporädö cunähuodenä̧ do'ächöta'anö Meyȩhui̧nä'a̧ kä̧rö̧'co̧ppänä ja̧'hua̧ta̧'a̧nö̧ ka̧mädi̧nä̧'a̧ apate isode pporädu cu̧nä̧huodemä ä'ca, ja̧'hua̧'a̧nö̧ ja̧'a̧ttö̧ TÖ̧Ä̧NÄ̧HUÄ̧MÄ̧ Uhuocuinö Moisés -cu.¹⁰Korö̧nö̧ punä ttö̧ja̧ O'catoi'önä totömenä̧ kä̧rö̧'coppa isode pporädö cu̧nä̧huode ä'ca. A̧ra̧mi'ö̧ Ja̧rȩyu̧nö̧ päi'ö ucuo teähuinä̧tö̧ ya̧u̧cu̧po̧nä̧ U̧mä̧tö̧ 'töjude ä'ca jo̧mȩtö̧. ¹¹TÖ̧Ä̧NÄ̧HUA̧-MÄ̧ Ucucuinö̧ Moisés-mä̧ tti̧'ä topäcuä'ö, ttö̧ja̧sa̧ ubo a̧cua̧rö̧nä̧ a̧huä̧rö̧hua̧cu̧ ucuocuä'a a̧cua̧ro̧nä̧ juȩnȩ O'ca'a Moisés-mä̧ ppä̧'a̧chi̧nö̧ isode pporädö cu̧nä̧huoderä̧'a̧, Ja̧'hua̧'anö̧ Ja̧'a̧nä̧ u̧mu̧huä̧yä̧ Josué Nun i̧tti̧, ja̧'u̧ mu̧'ä̧yä̧ 'ki̧nö̧ isode pporädö cu̧nä̧hu̧odenä̧.¹²Moisés-mä̧ pä̧i̧'nö̧ TÖ̧Ä̧NÄ̧HUA̧_RÖ̧: " A̧mu̧cuädi päcuinöcu̧sä̧: ȩpi̧tö̧ ttö̧ja̧ tti̧cua, Ja̧hua̧'a̧nö̧ ja̧'a̧nä̧ ji̧nä̧ yoriso jihuähuo'cocusä ttocu huȩcuä̧cuä̧rö̧. päi'nö̧jä̧ Chu̧huo̧ juä̧cuä̧jä̧ Cui̧minämä̧, Ja̧'hua̧'a̧nö̧ ja̧'a̧nä̧ po̧cui̧pä̧ji̧jä̧ ppä'ädipö jȩcuä̧huä̧ chä̧'ca̧ jo̧mȩtö̧. ¹³Jitämä̧ Isopäi'önä̧ po̧cui̧pä̧ji̧sä̧ pporödipö jecuä̧huä̧ cuä'ca jo̧mȩtö̧ i̧jȩpi̧tö̧ cu̧mä̧niyä̧ chu̧huo̧jua̧cu̧ päi'ömä̧ Ja̧'hua̧ta̧'a̧nö̧ yabocutä chuo̧'cui̧a̧ pä'ömä ppä'ädö jȩ'a̧cuä̧huä̧ Cuä'ca Jo̧mȩtö̧. A̧mu̧cuädi pi̧ja̧ rȩjȩmä̧ ucutä cuidepiyu ttö̧ja̧ ttö̧jo̧mȩ.¹⁴TÖ̧Ä̧NÄ̧HUA̧-MÄ̧ ädätinö̧:" ttötäsä ucucu chi̧chä̧cuä̧mä̧, ja̧'hua̧'a̧nö̧ Ja̧'a̧ttö̧ ttötä ja̧'a̧ 'cuächu̧cu̧'a̧ pä̧'ö chi̧yä̧cuä̧mä̧." ¹⁵Moisés-mä päi'nö: Isopäi'önä ucu ujutucu cui'chu juiyutömä̧ porömä̧ räcuepätö ja̧'u̧tö̧mä̧. ¹⁶Isopäi'önä̧ Ja̧'hua̧'a̧nö̧ jö̧' juiyutömä̧, ¿ Ta̧'a̧nö̧ tö̧huo juä'äcuä'attö̧ cu̧mu̧huä̧yotö Ötahuiyä ttö̧ja̧mä̧ Ja̧'hua̧ta̧'a̧nö̧ tottöi'nää̧ pocui̧pä̧jä̧tö̧ jä̧ pä'ömä ppä'ädö jȩ 'ä̧huä̧huä̧ cu'ca'a jo̧mȩtö̧mä̧ ? ¿ Ja̧'huä̧'a̧nö jö̧ o'ca'a isopäi'önä cui̧'cha'anä ujutucu ja̧'hua̧'a̧nö̧ Ja̧'a̧nä̧ ucu cumuhuäyotö Ötahuiyä ttö̧ja̧mä toi'nä'a̧ tä pä'ö i̧mi̧cu̧nä̧ korötö ttöi'nä abonänö̧ pi̧ja̧ rȩjȩ ca̧'a̧huä̧tö̧i̧'nä̧.¹⁷TÖ̧Ä̧NÄ̧HUA̧-MÄ̧ päi'nö Moisés-rö Ja̧hua̧ta̧'a̧nö̧ Jȩchä̧cua̧sä̧ pi̧yȩ jäcuepä jimä ja̧'hua̧'a̧nö̧ ja̧'a̧ttö̧ po̧cui̧pä̧ji̧yä̧ pä'ädö jȩcuä̧huä̧ cui̧'ä'ca jo̧mȩtö̧ ja̧'hua̧ta̧'a̧nö̧ 'chuo̧juä̧cuä̧jä̧ cui̧minä. ¹⁸Moisésmä päi'nö̧: '' Ja̧'hua̧'a̧nö̧ jo̧ta̧'a̧nö̧ pä'ädipö huo̧juȩti̧tö̧ ucu adiu cu̧ro̧'ä̧.¹⁹TÖ̧Ä̧NÄ̧HUA̧_MÄ̧ päi'nö jȩchä̧cuä̧sä̧ ucunä rȩro̧ju̧nä̧ to̧'äcuähuä cuiä'catö jo̧mȩnä̧ cui'äpunä, ja'huata'anö chiminä̧ ji̧dä̧cu̧ähua̧sä̧ TÖ̧Ä̧NÄ̧HUÄ̧ "ucu cuiä'ca jo̧mȩ Rȩrö̧ju̧nä̧ tochäcuäsä rȩrö̧ju̧nä̧ tochäcuru, ja̧'hua̧'a̧nö̧ ja̧'a̧ttö̧ chi̧jȩpä̧'ä̧cu̧sä̧ rȩrö̧jö̧nä̧ tochäcurö ja̧u̧rö̧ chi̧jȩpä̧'a̧cua̧sä̧ rechujö̧.'' ²⁰Ja̧'hua̧'a̧nö̧ ja̧'a̧nä̧ TÖ̧Ä̧NÄ̧HUÄ̧-MÄ päi'nö: to'cuätucuä pä'ömä jo̧'ca̧'a̧ chi'ämä, yä̧tȩi̧'nä̧ topi'ömä̧ u̧ja̧'a̧ pä'ömä jo̧'ca̧'a̧ .''²¹TÖ̧Ä̧NÄ̧HUA̧-MÄ päi'nö: topihuä, pȩrȩmä̧ ja̧'a̧ttö̧ dajacuähuomȩ ttö̧ chu'tö'cö; ucumä cui̧jȩpo̧mä̧ cu̧ja̧ja̧ pihuä inähuänä̧. ²²Ji̧nä̧ ja̧'hua̧'a̧nö̧'cuä'opä'anä ö'adicuä ttömä chötä'cua̧jä̧ huä'ose jo̧mȩ inähuä ja'hua'anö ja̧'a̧ttö̧ chu̧mo̧nä̧ chä̧ 'to̧pä̧cuä̧jä̧ ttö̧ 'cuädopome jomebu. ²³Ja̧u̧nö̧ O'ca'a chodäcuäcua̧sä̧ chu̧mu̧, ja̧'hua̧nö̧ ja̧'a̧ chäbotä to'cuäcuä̧ja̧, ja̧'hua̧nö̧ ja̧'a̧ttö̧ chiä'ämä̧ topocotöjä̧.

¹TÖ̧Ä̧NÄ̧HUA̧ Dios Moiserö päi'nö: ''cuiopinäbi Tobirä acomeneji cuicuopinanö. Töchihueyö te cuase huȩyu̧cuämä ja'ö tobi̧ra̧nä̧ acomenäji obi̧ huȩyu̧cue kacuinötä̧'a̧nö; ocutedi'icuicuinö obi̧. ²Jomenö päi'ömenä yo̧'ȩ ja̧hua̧ta̧'a̧nö 'chacuächomenä Sinai Mö'ä̧'cära̧, jahuättömä muä̧'cä huä̧mettö̧mä chä'cä jo̧me cui'jȩpä̧ttö̧ja̧.³Ya̧tȩi̧'nä 'chähuächa pä'ömä juiyä'a ucucumä. Ja'atemä tocuö Ya̧tȩ'nä ja'a̧ yabocu toa pä'ömä mu̧ä'cä jäyänä'i̧nä.'' ⁴Ja̧hua̧nö ja'a̧ Moises Inäbi tobire 'cuiopinö a'komenäji obi̧ ji̧na̧'a̧nö, Ja̧hua̧nö ja'a̧ yo̧'ȩcuo̧ ä̧rä̧mi'ö 'cha'achinö Sinai mu̧ä'cärä̧, TÖ̧Ä̧NÖÄ̧HUA̧ Päi'nö, Moisés ȩpi̧nö U̧munänä i̧nähuä obi.⁵TÖ̧Ä̧NÄ̧HUÄ Meyȩhui̧'inö ajiya isoppanä ja̧hua̧nö ja̧'a Moises I̧jö̧me kämädi̧nö, Ja̧hua̧nö ja'a pä'inö '' chu̧ru̧huä̧.'' ⁶Jau U̧ru̧hua̧mä̧ cuäpinö Moises a'ca Jo̧menä ja̧hua̧nö ja̧'a̧ pä̧i̧'cu̧nä rä̧mipunä ucuohuinä'cö̧ ttötäsä Cu̧ru̧hua̧, Cu̧ru̧hua̧ Diosmä rȩru̧ju̧to'ähuä'i̧sa̧mä, adihua'isa̧mä O'cä päi'önämä rä̧huä̧ri̧ä̧o̧'co̧, Ja̧hua̧ta̧'a̧nö uhuotehuäujui'nä O'cäjuiyunä ucuocuä cua̧hua̧mä̧. ⁷Tö̧ja̧ recuätö'o uhuotähuä'ä jidähuinö juenetä kä̧cua̧'a̧nö, Suronä jȩpi̧nätö̧rö̧'i̧nä, u̧nöchi̧'ö̧sä̧. Tti̧ti̧mö̧ttö'inä suronä ku̧närä̧tö̧'i̧nä, Ja̧hua̧'a̧nö ja̧'a̧ ja̧u̧mä cuenehuächo̧nä cumä̧ u̧nu̧chi̧'ä̧cuä̧. ja̧u̧mä suronä jȩpi̧nä̧tö ro̧ȩpa̧cua̧ , tä̧'o̧tö̧ minättö, ttiti̧möttö'inä Ja̧hua̧ta̧'a̧nö ttö̧nämö̧ttö̧'i̧nä̧, juä yabo ttiti̧möttö̧'i̧nä ro̧dȩpä̧cuä̧sä̧.⁸Moises ja̧'hua̧nö ja'a äji'cö rȩjȩ jurunä ja̧rȩyu̧nö̧ päi'ö ucuottönö jȩpi̧nö̧. ⁹Ja̧u̧nö O'comenä ja̧u̧ päi'nö: '' ja̧'hua̧nö juttömä jitämä ucutä tocuättöja̧ 'chu̧ru̧hua̧, Ujutucutä ka̧cui̧, pi̧yȩ Ötahuiyä ttö̧ja̧mä pä̧i̧cuä̧ttö ja̧'attö. Unu̧chi̧'i̧ ttä̧'dö̧ttö̧ minä suronä jȩtti̧nönä Ja̧'hua̧ta'anö suronä ttö̧jo̧näri̧nä'inä. Ja'huata'anö emittö ucutä cuiyipä'ätö.¹⁰TÖ̧Ä̧NÄ̧HUA̧ päi'nö: Topätucui, ttömä jȩchä̧ pä'ö ku̧sa̧ ucuocu 'cä'änö. O'catoi'inärö̧ jau̧ Ötahuiyä ttö̧ja̧rö̧mä, ttö jȩchä̧cu̧sa̧ Adiunätä rȩjȩ O'cäjuiyunä Jȩ'ecuȩhuo̧cö̧'yö̧ ya̧cunä tti̧rȩjä̧pu̧nä'inä. O'cätoi'önä ttija̧mä ucutucu kä̧cuä̧tö̧mä totäcuottö ttö chaditähuämä. ¹¹Ja̧'hua̧'a̧nö ja̧'a̧ttö̧ kusa̧ aditö yettecui'önä jö ji̧yȩtȩ ucutöcutö. Adiu'ö topi jitämo̧ro̧ ucuru huedö ttömä cuä'cättö Amorreorö räepuchiciä pä'ö jua̧sa̧, Cananeosrö'inä , Hititas-rö'inä, Ferezeosrö'inä, Heveosrös'inä Ja̧hua̧'a̧nö Jebuseosrö'inä.¹²Cuichä'ättöcuätömä ttu̧ȩhuä̧nä̧ cui̧ja̧tö̧cuä̧ja̧ pi̧ja̧ ttö̧ja̧cu̧mä̧ ucuocu'inä jȩcuä̧ttö̧cua̧ Ja̧hua̧tömä yare jȩttö̧cu̧ ucutu'inä ja̧u̧nä cuȩki̧pä̧tö̧cuä'a̧cu̧ pä'ö. ¹³Ja̧hua̧ta̧'a̧nö kometöme jahuatö tiare kui'cö iyähuome'inä inähuiyätö adicuä'cä'inä täbi päi'önä , ja̧hua̧ta̧'a̧nö siepu chi̧cuä̧cuä̧sa̧ kada'cä ja̧huȩ cureä'inä. ¹⁴Ya̧tȩi̧'nä ka̧ra̧rö̧mä ucutettähuä töcue, ttusa̧ cuä̧nä̧huä̧tö̧cu̧mä̧, ja̧hua̧nö ja̧'a̧ttö̧ a'cuoyäjusä̧, tö Diosmä a'cuoyäjusä̧.¹⁵Ja̧'hua̧nö ja̧'a̧ttö̧ ti̧huȩnȩ ' ka̧cuä̧tö̧cui̧ pi̧ja̧ ttö̧ja̧cuä̧mä jinä yo̧mȩtȩ pähuiätöcuä, jua'attö ucuo tettähuäcurutä cuidepätö cuiyä'chu cuija̧tö̧cuä̧. Ja̧hua̧ta̧'a̧nö a̧cuäruhua̧ jui̧a̧ru̧tä̧ ucuo teähuätö. ¹⁶Ucumä cuemäcuja̧ cui̧tti̧mo̧ u̧mätö ttö̧ja̧ pä'ö ya̧u̧cu̧nä̧rö̧ nätö̧rö̧, ja̧hua̧ta̧'a̧nö ttiti̧mo̧ nätö̧mä ttidepä iyä'chäcuäcuä jei̧nö ja̧'a̧nö̧ ucuo tetähuähuotö pija̧ i̧sa̧ro̧tä. Ja̧'hua̧ta̧'a̧nö jȩtä̧huo̧ttö̧ tti̧ti̧mö̧ umätö̧ro̧'i̧nä jauro̧tä̧ ucuo tetähuä pä'ö pi̧ja̧ ti̧jo̧sa̧ro̧tä̧. ¹⁷Jȩ'cuätöcuä ucutömä cuämonätöcö corotö töänähuärö cureötö cuiö adicuarömä.¹⁸Pan ppö'ä̧mo̧'cö̧ pä'cärimä cäcuädi'ätöcuä. Huenö̧'ä̧cuä̧tä̧, Abil kä̧hua̧ pähuächinacuö̧ siete mo̧ro̧ jo̧mȩnä cucuäja̧ pan ppö̧'a̧mo'co̧mä, Jua'amä Abil kä̧huä̧ nä räcuopinatö̧ Egiptomä.¹⁹O'catoi'önä ä̧'ca̧nä̧ uhuäpächätömä ttö chöäre jä̧cua̧'a̧, ä'canä uhuäpächö päcäyä i̧tti̧ ubo jö̧ttö̧'i̧nä̧, oveja i̧tti̧ jö̧ttö̧'i̧nä̧. ²⁰Cuimitätucuaja ä̧cuo̧mȩnä̧ uhuäpächö burro i̧tti̧rö̧ jö̧ttö̧'i̧nä̧, ja̧'hua̧ta̧'a̧nö̧ oveja i̧tti̧rö̧ jö̧ttö̧'i̧nä̧, u̧ru̧pä̧'quȩnä̧ 'cui'opö ttorö cuiyätucuomȩnä̧mä̧ suronä jȩcu̧'ä̧tu̧cu̧mä̧ jȩpö̧ icuähuotö päcuhui'äcuotöjä .Cui̧tti̧mö̧tu̧cu̧ ä'canä uhuäpächinätöttö totte'aji juäimä. Ya̧tȩ'i̧nä̧ iyoca'amä ö̧ji̧po̧ ttörömä.²¹Ja̧'hua̧nö̧ ja̧'a̧nä̧ ko̧ro̧mö̧ttö̧ ya'ate mo̧ro̧mä̧ cuaditätucuaja, ko̧ro̧mö̧ttö̧ todäre mo̧ro̧ päi'menä täcö cuaditätucuo 'cuäcuächi'ätucu mo̧ro̧ jä̧cua̧'a̧. ja̧u̧nu̧ pä̧nä̧mä̧ rȩjȩ do'ö'inä,ku̧nä̧huä̧ mo̧ro̧'i̧nä̧ ji̧yä̧cua̧'a̧ 'cuättächi'ö mo̧ro̧ ja̧'a̧ttö̧. ²²pä'cäri mo̧ro̧mä̧ ka̧cuä̧mö̧ tocu'ärä̧tu̧cua̧ ä̧cuo̧mȩnä̧ ku̧nä̧huä̧ttö trigo 'cächö ttiya pä'ö, ja̧'hua̧ta̧'a̧nö̧ ka̧cuä̧mö̧ to̧cu̧'ä̧rä̧tu̧cua̧ a̧'ȩttö̧ röjinä ku̧nä̧huä̧ttö̧'nä̧ 'cächö ttiyaja pä'ö'i̧nä̧.²³O'catoi'önä ucu cuahuaruhuämä ttö chä'ca jo̧mȩ ichi'ö ttö̧jä̧mä̧da̧ pä'ö jä̧cua̧'a̧, Israel ttö̧ja̧ Ttu̧ru̧hua̧ Dios chä'ca a̧'ȩttö̧mä̧ huäbodäcuänä. ²⁴Ja̧'hua̧nö̧ ja̧'a̧nä̧ ttömä chi̧'cä̧chä̧cua̧sä̧ cuahuaruhuärö ucu cuä'ca jo̧mȩ ja̧'hua̧ta̧'a̧nö̧ ja̧huä̧ja̧nä̧ kä̧tö̧rö̧mä̧ rä'epö chi̧cuä̧cua̧sä̧. Korotö'inä ichömä 'chottipiyäcuotöjä ucutu cui̧rȩjä̧tu̧cu̧mä̧ ja̧'hua̧ta̧'a̧nö̧ a̧'ȩttö̧mä̧ huäbodäcuänä ichö Cu̧ru̧hua̧tu̧cu̧ Diosrö ucuotö jȩcu̧'ä̧tu̧cuo̧mȩnä̧.²⁵Cucuätucua pä'ömä ji̧yä̧cua̧'a̧ ucuoja kö̧nä̧mä̧ ,ppö̧ä̧mö̧ juäittö adicua'a'inä, de'ä'inä ucuoja kö̧nä̧mä̧ cucuätucuä i̧sa̧rö̧ ku icu pascua pä'cäri jȩttö̧ mo̧ro̧mä̧ koro mo̧ro̧ jubö päi'önä. ²⁶Cui'cächätucua pä'ö jä̧cua̧'a̧ pättiyu cuähuä ä̧cuo̧mȩnä̧ ku̧nä̧huä̧ u̧huä̧ju̧ttu̧ adiu ötta'inä juiyöttö ttö chojusodera'amä. cabritorömä ja̧ju̧ katate isoyanä̧ ȩnö̧ cuäräönä̧mä̧ dacuätucuä a̧'cua̧ra̧'a̧nä̧tä̧ cui'cächätucua pä'ö ja̧'a̧, i̧sa̧rö̧'i̧nä̧ i̧mi̧cu̧nä̧,katate isoya'inä i̧mi̧cu̧nä̧.²⁷Tu̧ru̧hua̧mä̧ pä'inö Moisesrö:"Huȩyu̧ti̧ pi̧yȩ pädömä, ja̧'hua̧ta̧'a̧nö̧ ttötä pä'ö ku̧nu̧sä̧ pi̧yȩ pädömä chucuocuäjimä, ucuru'inä,Israel ttö̧ja̧rä̧'i̧nä̧ chi̧yä̧cua̧sä̧ pä'ö chu̧ju̧nä̧ji̧mä̧. ²⁸Moisesmä ju̧huȩnȩtä̧ ki̧nö̧ Tu̧ru̧hua̧cu̧tä̧ cuarentanö mo̧ro̧ ja̧'hua̧ta̧'a̧nö̧ cuarentanö yodo jo̧mȩnä̧; ja̧u̧mä̧ u̧cuä̧'i̧nä̧ ucuoca'atä, ajiya'inä ahuoca'atä ki̧nö̧. Ja̧u̧mä̧ huȩyu̧ti̧nö̧ i̧nä̧bi̧nä̧ pä'ö ku̧nä̧huä̧ to̧mö̧rȩ jähuä hueähuä huȩnȩ.²⁹Moisesmä mȩyȩhui̧nö̧ Sinai möä'ca ju'tättö i̧nä̧bi̧ to̧bi̧rȩ hueähuä huȩnȩ huȩyu̧tu̧ rötähuäcu u̧mö̧nä̧ 'chuä̧rä̧nö̧, ja̧u̧mä̧ jerupinö Dioscu ucuocuocua'anä ö'ä säruhuächi'a'amä. ³⁰Aaron'inä ja̧'hua̧ta̧'a̧nö̧ Israel ttö̧ja̧'i̧nä̧ topinä̧tö̧ Moisesrö, ö'ä säruhuönä kä̧dȩpa̧'a̧mä̧, jahuätömä ye'ecuinä̧tö̧ ja̧u̧ru̧ ttötö'cöhuächi'a pä'ömä. ³¹Ja̧'hua̧nö̧ ja̧'a̧nä̧ Moisésmä Aarónrö'inä ttö̧ja̧ tturuhuotörö'inä huo̧ä̧jä̧u̧mä̧, chutä ö̧jo̧mȩcu̧ 'cha'achinä̧tö̧. Ja̧u̧nu̧ o'ca'a Moisésmä jahuätucu ucuocuinö.³²Pi̧yȩ O'ca'a, Israel ttö̧ja̧ O'catoi'önätä̧ cha̧'chȩpinätö̧ Moisés ö̧ja̧'a̧cu̧, ja̧u̧mä̧ päi'nö hueähuä huȩnȩ O'cajuiyunä TÖ̧Ä̧NÄ̧HUA̧ iyäji jäi̧'mä̧ Monte Sinaitö̧. ³³Ja̧'hua̧'a̧nö̧ ja̧'a̧ Moisés ja'huätöcu uhuöcu cädäji'ca, I'änä̧ pu̧'ä̧tä̧ a̧tä̧chi̧'ö̧nä̧ mu̧ȩcui̧nö̧.³⁵Moisés Ö̧Ä̧NÄ̧HUA̧CU̧ ucuocua pä'ö ä'ca 'chä̧hui̧'u̧mä̧ ö̧huȩnä̧hua̧'a̧nä̧, juorö rä'opächötä ȩmäu̧ icuinö̧ juä̧ta̧ pu̧ja̧ta̧mä̧. Ja̧u̧mä jua'attö räopumä Israel ttö̧ja̧rö̧ jicuähuaja pä'ö hueäjimä jiähuinö̧. ³⁴Israel ttö̧ja̧ Moisés i'ä kä̧dȩpa̧'a̧ to̧tto̧rä̧cu̧ pö̧jä̧ta̧ i'änä huȩnȩhui̧nö̧ ppa̧huä̧cho̧mȩ jubö päi'önä ja̧'hua̧ta̧'a̧nö̧ TÖ̧Ä̧NÄ̧HUA̧CU̧ ucuocu pä'ö doächome jubö.

¹Israel ttö̧ja̧ o'catoinä ka̧cuä̧tu̧rö̧ ca̧ca̧ti̧nö Moisesmä Ja̧haa̧nö̧ päina̧ö̧ : pi̧yȩ jȩä̧cuähuä ja̧'a̧ ucutu jȩcuätucua pä'ö TöA̧NA̧HUA̧ hueäjimä ²ji̧mo̧tȩttö̧ yäute mo̧ro̧ cuaditätucua Rä'ö ja̧la̧ Ja̧hua̧nö̧ ja̧'a̧nä̧ Ucuturumä ji̧mö̧tȩttö̧ ta'are mo̧ro̧mä̧ adicuhuacö mo̧ro̧ adi'u mo̧ro̧ ja̧'a̧ttö, Tö̧A̧NA̧HUA̧Rö. adica̧acu mo̧ro̧ ja̧'a̧ttö, adiu mo̧ro̧ ya̧tȩ ttömä corö päiapetä hua̧ ³Ucutumä cuä'ächi'ö pa̧cuähuä mo̧ro̧mä cuojuode huiyättömä ya'ate pä'ö'inä ucurämä cujuhuatucua pä'öinä juiya.⁴Oicatoin'ä Israel ttö̧ja̧röma̧ Moisesmai ucuocuinö, päökä̧nö̧ TO̧A̧NA̧HUA̧ hueäjimä pi̧jȩyȩ ja̧'a̧ ⁵Tö̧A̧Nä̧HUäRO cuiyätucua cuiäre iyähuä ȩmä̧tucui, Ucutu O'catoinä jo̧mȩnö̧ kä̧cuä̧huä̧ cuamiso'quinä ku̧na̧rä̧tömä Töä̧Nä̧HUA̧Rö̧ cuiäre iyähuä cuiyätucua i'kächätucui, Ora'inä, plata'inä broncei'ina ⁶Ja̧tu̧hu'i̧nä̧ cabrato̧ ttuhuo'che'inä; ⁷Ohueja ubo ijȩtatttö adicua tuhunä tuhuecua'inä ja̧hua̧ta̧no̧ tejon i̧jȩta̧tö adicuäya'inä ; acia dauttu'inä ⁸adihuame tejähuare jähuä a̧dȩ'inä̧ a̧dȩja to'ö pporädö kö̧nä̧hua̧rö̧ adiu a̧mȩu̧ jue toähuä'inä ja̧hua̧ta̧nö̧ adiu a̧mȩu̧ jue incienso inä, ⁹Onice inä'ote'inä ja̧hua̧ta̧nö̧ kora adihuäjuei inä̧'ote 'inä ttä'canä räbä̧nä'inä päjä̧ta̧ adihuä̧ta̧naimä ttö̧na̧ pä'ö¹⁰Ucututtö o'catainä ö̧mä̧tö̧ ttö̧'ȩpä̧rätö̧mä̧ ttichacuutö, ja̧hua̧ta̧nö̧ o'cajuiyonä Tö̧A̧NA̧HUA̧ hue'äjitanö jȩttä̧cuatö̧ ; ¹¹isode Dios Öjöde'inä ttoecuä'inä, äcuädö ku̧na̧ huä okä okä'inä apate jäyänä ku̧nä̧huä̧ inä ¹²Ja̧hua̧ta̧nö̧ Dios esecuinö ȩjo̧ca̧'inä juo̧ca̧tä̧ chu̧huä̧rä̧cuähua Dau'inä ttöja̧ suroja jȩttö̧ si'epö möȩpö icuähua'inä , ja̧hua̧ta̧nö̧ Oppepötticua pä'ö pö̧jä̧ta̧'i̧nä¹³juätumä mesa'inä i'cächinätö oäre chöä̧rä̧cuähuäcö O'cajuiyönä järe'inä , ja̧hua̧ta̧nö̧ panppa ro̧ä̧ppä̧'i̧nä̧i ¹⁴dä'änö ja̧päö tejähuore ku̧nähuäcä'inä a̧dȩ'i̧nä̧ Ku ica iyähuomä jähuä incienso'inä juatä 'chö̧ä̧räcuä̧ huä'inä̧ adeja̧ ttö̧ja̧sa̧ro toähua'inä ja̧hua̧ta̧nö̧ adiu a̧mȩö̧ incienso'inä , Dios ö̧judenä doächäcuähuome acuädärä̧cuähua'inä; i̧sa̧rö ¹⁵ku ica iyähuä'ca isäcä tto̧ȩpäräaca broncettö adicuäcä'inä ja̧hua̧ta̧nö̧ ja̧hua̧ta̧nö̧ ju'a chö̧'a̧räcuähua'inä, ¹⁶i̧sa̧rö ku ica iyähuä'ca isäcä tto̧ȩpäaräcä broncettö adicuäcä'inä ja̧hua̧ta̧no̧ jua'atä jähuä'inä ja̧hua̧ta̧nö̧ ju'a chö̧'a̧räcuähua'inä ja̧hua̧ta̧nö̧ rio'ta ttö̧mö̧ töcäcuähuota'inä kadä'ca jahuacö¹⁷juätumä äcuädä cuädä cuähuäcä i'cächinätö̧ ö̧mi̧ isare jähuä ju'atä kadä'ca jähuäcö ja̧hua̧ta̧nö̧ chö̧a̧ra̧cua̧hua̧cö ja̧hua̧ta̧nö̧ o̧mi̧ isarenä da'ächäcuähuome ttö'ȩpä̧rä̧ta pö̧jä̧ta̧'i̧nä̧; ¹⁸Ja̧hua̧ta̧nö̧ isode Dios isode ö̧jode'inä ö̧mi isare'inä jähuä dau'o'ca'inä, nö'cähuä oppäca ji̧nä̧ ya'atenä ¹⁹juätumä pö̧ja̧ta̧ 'ca̧tä̧huä̧cuähuä adiu pöttähuä i'cächinätö ji̧nȩtȩ ro̧o̧mȩ jähuä päiönä ttiya pä'ö, Aaron-rö'inä i̧tti̧mö̧'inä ttöäre ca̧tä̧huäcuähuä suruju juiyö'inä , Sacerdotes huotö päiönä ttadita pä'ö juätö²⁰ja̧hua̧nö̧ Israel ttöja̧ O'catoi'önä ji̧mo̧tettö todärenö huotö ttahuäröhuämä Moises ä'cattö'inä ji̧mo̧tettö oto pporächi'inätö ²¹O'catoi'önä amisaquinä eseunä päi'äcumä ja̧'hua̧ta̧nö̧ TO̧A̧NA̧HU̧A̧Rö̧ iäre iya pä'ö i'cächäjimä Dios öjö̧dȩ 'ti̧tta̧ jähuä päi'önä , Jua'a adicua jähuä O'cajuiyönä ja̧'hua̧ta̧nö̧ suroju juiyö 'ca̧tä̧huähuä jähuä'inä. ²²juätumä ichinätö, ö̧mä̧tö̧'inä̧ ja̧hua̧nö̧ a̧'cua̧täcuähuä 'inä̧; oro jähuä korojue o'cajuiyänä'inä O'catoi'önä juätumä ttiäre iyähuä oro juei i̧jȩpi̧nä̧tö̧ TO̧Ä̧NÄ̧HUARö iyähuä adihuä juei cua̧ro̧nä̧i²³Jitö O'catoinä ohueja uhuoc'hettö adicua ja̧tu̧hua̧ ku̧nä̧ri̧nä̧tö̧mä̧ , pä̧rödäja̧'a̧inä tuhua'inä, adihuä lino pö̧jä̧'que'inä, cabra uhoichettö adicua'inä, ohueja ubö i̧jȩta̧ttö adicua tuhunä tahuecua'inä, tejones ttijȩta̧ttö adicuä'inä i'cächinätö ²⁴O'catoinä ttöäre iyähuä coräuttuinä bronce ttö'inä jȩpö̧ka̧nö̧ 'ca̧jui̧yö̧nä̧ adicuä acacia däuhaiyä ku̧nä̧rä̧to̧mä̧ , i'cächinätö .²⁵O'catoi'önä nä̧tö̧ttä huö̧ju̧nä̧ huajumä ohueja uhuoc'hettö ppöttinäjö̧ kö̧mö̧nä̧tä̧ ja̧hua̧nö̧ ku'uttejimä icächö ichinäjö̧, ohueja uchuoc'hettö adicua ja̧tuhua'inä , pä̧ru̧te ja̧'a̧i̧nä, tuhualinä , adihaä pö̧jä̧ta̧ tä̧'äta̧'i̧nä̧ ²⁶nä̧tö̧ o'ctoinä, ttamiso ' quinä tteseunä päi'inäömä̧ ja̧hua̧ta̧nö̧ i̧nä adiu koro'inä ttä'canä rönähuäbänä'inä po̧jä̧ta̧ adihuä̧ta̧nä̧'i̧nä ttö̧na̧ pä'ö;²⁷Onice inä'ote i'cächinätö̧ tturuhuhuotumä ja̧hua̧ta̧nö̧ inä adiu koro'inä ttä'canä rönähuäbänääinä pö̧jä̧ta̧ adihuä̧ta̧nä'inä ttö̧na̧ pä'ö; ²⁸adiu a̧mȩu̧ jue i'cächinätö̧ juätumä ja̧hua̧ta̧nö̧ lamparas jähuä a̧dȩ'inä ; ²⁹TöA̧NA̧HUA̧Rö̧ ttiya pä'ö Israel ttö̧ja̧mä̧ jilötä tta̧mo̧nci̧tä̧ i'cächinätö̧ , ö̧mä̧tö̧'i̧nä̧ nä̧tu̧inä jo̧mȩnö̧ kö̧na̧rö̧ pö̧nä̧mä̧ , korojue adicua i'cächinö̧ O'cajuiyö TöA̧NA̧HUA̧ hueinö adicuä jö̧mȩnö̧ päi'a pä'ö Moisesnä ka̧nö.³⁰Israel ttö̧ja̧rö̧ pä'inö Moises mä "topätucui, TöäNäHUA̧Mä i̧mi̧nä huopäji Bezalel rö Uri, i̧tti̧rö , Hur i̧tti̧ , Juda ahuäröhuäröhuättö ³¹Bezalel rö, chutä a̧cua̧ru̧hua̧nä̧tä̧ suhuädi'önä jȩpä̧ji̧ ja̧u̧mä̧ huȩjä̧huä̧ iyarö päö, huö̧jicua̧'i̧nä ja̧hua̧ta̧nö̧ huö̧ji̧'ä̧cuähuä'inä; O'cajuinä ttö̧mö̧nä adicuä jähuättö; ³²korojuettö a̧u̧cuä̧ rä'epa pä'ö ja̧hua̧ta̧nö̧ orottö'inä adita pä'ö, coräuttu'inä ja̧hua̧ta̧nö̧ broncettö'inä; ³³ja̧hua̧nö̧tä̧ 'cuiopa pä'oinä ja̧hua̧ta̧nö̧ inä'otettö O̧jo̧nä̧c'ha̧ pä'ö'inä jua jö̧ta̧nö̧ dauttu korojue ä̧u̧cuä̧ adita pä'ö'inä; jȩa̧ pä'ö o'cajuiyönä korojue a̧u̧cuä adicuä'inä ja̧hua̧ta̧nö̧ ttö̧mö̧nä̧ korojue a̧u̧cua̧ adicua'inä³⁴amiso'quinä o̧jö̧nä̧cö̧ ö̧huu̧juȩta̧ pä̧'ö chutä, ta̧ja̧cuäinärö ja̧u̧rö̧'inä ja̧hua̧ta̧nö̧ Ahisamac i̧tti̧ Aholiab-rö'inä , Dan ahuäröhuä ' cotöttö O'ajuiyonä adicuä jȩtta̧ pä̧'ö ttujuru suhuädi'önä jȩä̧ö̧ chutä̧ , korojue a̧u̧cuä̧ adicuä sotu cua̧rö̧nä̧ tadita pä'ö'inä̧, amöcuädötä adicuä sota cua̧rö̧nä̧'inä̧ Ohueja uhuo'chettö adicua juei lino pö̧jä̧quȩttö 'inä̧ ja̧hua̧ta̧nö̧ ppö̧ttähuä sotö cua̧rö̧nä'inä̧ ³⁵O̧'cajuiyä adicuättömä Juatumä ttö̧mö̧nä̧tä̧ adicuä sotu ja̧'a̧ korujue a̧u̧cuä ja̧hua̧ta̧nö̧ korujue a̧u̧cu̧nä̧ rä̧'epatö ja̧'a̧ juätumä

¹ja̧hua̧nö̧ ja̧'a̧ Bezalel i̧nä̧ Aholiab i̧nä̧ ja̧hua̧ta̧nö̧ o'catoinä korojueu jȩä̧cuä̧huä̧ ttu̧ttȩpä̧ru̧nä̧ huo̧tö Tu̧ä̧nä̧hua̧ ttu̧ttȩpä̧ru̧nä̧ i̧yä̧ujä̧ju̧ o'cajuiyunä̧ adicuänä ro̧o̧mȩ ttaditape, Tö̧ä̧nä̧hua̧ hueutanö̧tä̧ ttaditape ka̧cuä̧tö̧."²Moises Bezalelrö huopinö, Aholiabrö i̧nä̧ ja̧hua̧ta̧nö̧ o'catoinä Tö̧ä̧nä̧hua̧ korojueö adicuä̧nä ttö̧ttȩpä̧rö̧nä̧ i̧yä̧jä̧ju̧rö̧ i̧nä̧, ja̧hua̧ta̧nö̧ ttami̧ iso'quinämä adijuajue ttaditapetä pä̧huä̧ri̧ji̧nä̧ö̧. ³Moisésrö Israel ttö̧ja̧ o'cajuiyunä ttiäre iyähuä Ro̧o̧mȩ ttaditape ttiyäjäjimä ȩmi̧nä̧tö̧. ttö̧'ja̧mä̧ yitutä amocuädö päimo̧ro̧joa jö̧ta̧nö̧ ttiäre iyähuä i'cachinätö Moisésrö ttiyape ⁴ja̧hua̧nö̧ ja̧'a̧ o'catoinä huo̧ju̧nä̧ adicuä ttö̧'ja̧ Ro̧o̧mȩ ttaditumä̧ ttaditäjäyuttutä topu aditinätö̧.⁵de'a jähuättö korojueö joepö adicuä ttö̧'ja̧mä̧ Moisésrö päinä̧tö̧: "ttö̧ja̧mä̧ Tö̧ä̧nä̧hua̧ tadiptape hueäji ja̧jä̧ji̧ rȩcuä̧ri̧jo̧mȩttö̧nä̧ abonä̧nö̧ i'cächätöto". ⁶ja̧hua̧nö̧ ja̧'a̧ Moisésmä juȩnȩ tti̧ja̧cuo̧mȩttö̧ o'cato̧i̧nä̧ ttiäre iyähuä Ro̧o̧mȩ ttaditape ttiyäjäji jä̧jä̧ji̧ cättädiape hueinö̧. ja̧hua̧nö̧ ja̧'a̧ttö̧ ttö̧'ja̧mä̧ ttiyäji jä̧jä̧ji̧mä̧ cäädiinä̧tö̧. ⁷juätumä ttaditapemä̧ rȩcuä̧ri̧ju̧mä̧ juiyiyunä ri̧ä̧nä̧ ku̧nä̧ri̧nä̧tu̧.⁸ja̧hua̧nö̧ ja̧'a̧ o'catoinä adicuä ttö̧'ja̧mä̧ yitutäcu aditinätu Dios u̧jodemä, dieznö tto̧ȩcuä̧ta̧ jo̧mȩnä̧ jȩpi̧nä̧tö̧ ja̧u̧ o̧ta̧mä̧ ji̧na̧a̧ pu̧jä̧ta̧ a̧di̧huä̧ta̧ttu̧ i̧nä̧ ovejas i̧jȩta̧ttö̧ ja̧'tu̧u̧nä̧ adicuattö i̧nä̧, ja̧hua̧ta̧nö̧ päruunä̧ adicua adicuattö i̧nä̧, tuunä adicuattö i̧nä, DIOS umuäyotu tta̧'cua̧juȩna̧ pu̧jä̧ta̧nä̧ ru̧nu̧ aditinätö̧, pi̧yȩ pi̧yȩmä̧ Bezalel aditähuä ja̧a̧, dea jähuättö korojueu joepu adicuä ri̧ä̧nä̧ huo̧ju̧nä̧ hua̧. ⁹pu̧jä̧ta̧ uotomä 28nö ttömu̧nä̧ mȩö̧ pa̧ja̧cua̧ ji̧na̧'a̧. o'cajuiyunä pu̧jä̧ o̧ta̧mä̧ yorätecuäunätä̧ ji̧na̧'a̧, ¹⁰Bezalelmä̧ cinconö tto̧ȩcua̧ta̧ ji̧na̧yo̧mȩtȩ jȩpi̧nö̧ ko̧ro̧ta̧cu̧ ju̧nä̧, ja̧hua̧ta̧nö̧ koro o̧ta̧ i̧nä̧ ji̧nä̧yo̧mȩtȩ jȩpi̧nö̧ ko̧ro̧ta̧cö̧ jö̧nä̧.¹¹ja̧u̧mä̧ hue'ca ja̧'chö̧nä̧mä̧ ja̧'tuö̧u̧nä̧ tuepinö jäyänä koro yoräteö ttoecuä̧ o̧tä̧ rä̧mȩhuo̧mȩ jöbu, yoräteunätä̧ jȩpi̧nö̧ koro todäre o̧ta̧ jäyänä i̧nä̧. ¹²ja̧u̧mä̧ cicuentanö̧ hue'ca jo̧mȩnä̧ a'canä̧ o̧ta̧nä̧ i̧nä̧ ja̧hua̧ta̧nö̧ cincuentanö hue'ca jo̧mȩnä̧ koro todäre o̧ta̧ beipome i̧nä̧ jȩpi̧nö̧. ja̧hua̧nö̧ ja̧a̧ttö̧ ja̧u̧ o̧ta̧mä̧ pä̧tȩcua̧nö̧ jö̧nä̧ ji̧na̧'a̧. ¹³ja̧u̧mä̧ cincuentanö̧ ppi̧ȩcuä̧ ocä orottö adicuaa jȩpi̧nö̧ ja̧hua̧nö̧ jȩpö̧ Tö̧ä̧nä̧hua̧ ö̧jode ttoecuä o̧ta̧ ji̧nä̧ yo̧mȩtȩ päiönä jȩpi̧nö̧.¹⁴Bezalelmä̧ cabra i̧jȩta̧ jähuättö jȩpi̧nö̧ Dios u̧jode huä̧mȩnä̧ isode ttoepunä̧ aditape; ja̧u̧mä̧ oncenö̧ jo̧mȩnä̧ jȩpi̧nö̧ pi̧yȩ o̧ ta̧mä̧. ¹⁵uotomä treintanö̧ ttö̧mu̧nä̧ mȩö̧ pa̧ja̧cuo̧mȩ ji̧na̧a̧, yaate tto̧ȩcuä̧ta̧ icähuetä cuatronö̧ ttö̧mu̧nä̧ mȩö̧ pa̧ja̧cuo̧mȩ ji̧na̧'a̧. yaacunä ttoecuä o̧ta̧ oncenöjö̧ i̧ri̧ä̧mä̧ yoräteunätä̧ ji̧na̧'a̧ ¹⁶ja̧u̧mä̧ ji̧nä̧ yo̧mȩtȩ päiönä jȩpi̧nö̧ cinconö̧jö̧ tto̧ȩcuä̧ o̧ta̧ yaacunä̧ i̧nä̧ ja̧hua̧ta̧nö̧ koro seisnö̧ o̧ta̧ yaacunä̧ i̧nä̧. ¹⁷ja̧u̧mä̧ cincuentanö̧ hue'ca jo̧mȩnä̧ jȩpi̧nö̧ tto̧ȩcuä̧ o̧ta̧ jäyä a'canä̧ ji̧nä̧yo̧mȩtȩ ka̧cuö̧nä̧ i̧nä̧, ja̧hua̧ta̧nö̧ cincuentanö̧ hue'ca jo̧mȩnä̧ pu̧jä̧ta̧ ja̧ya̧ra̧nä̧ to̧dä̧rȩ päiönä ji̧nä̧yo̧mȩtȩ ka̧cuö̧nä̧ i̧nä̧.¹⁸Bezalelmä cincuentanö̧ ppi̧ȩcuä̧ o̧cä̧ Bronzettö aditinö̧ isode pu̧jä̧ta̧ttö̧ adicuode yaatetä jö̧nä̧ jȩa̧pe. ¹⁹ja̧u̧mä̧ jȩpi̧nö̧ Dios u̧jode ttoecuä jähuämä oveja ubo i̧jȩta̧ tuunä tuecuattu i̧nä̧, ja̧hua̧ta̧nö̧ korotu isotu tti̧jȩta̧ adinä̧nö̧ ju̧ttö̧ kö̧ni̧nö̧ pi̧yȩnä̧mä̧.²⁰Bezalelmä Dios u̧jode jähua jȩpi̧nö̧ acacia dau odiyättö jueunä ku̧nä̧'chö̧. ²¹dau isodä uotomä dieznö ttö̧mä̧nä̧ mȩö̧ pa̧ja̧cuo̧mȩ ji̧na̧'a̧ ja̧hua̧ta̧nö̧ icähuemä̧ yaate ja̧a̧na̧ kara ka'conö̧ jö̧nä̧ ttö̧mu̧nä̧ mȩö̧ pa̧ja̧cua̧mȩ ji̧na̧a̧. ²²yaacunä dau odiyänämä o̧cä̧hui̧yä̧ taare jo̧mȩnä̧ dau isodättö adicua ki̧na̧a̧ dau isodä ji̧nä̧yo̧mȩtȩ päiönä̧ ka̧ja̧pe. o'cajuiyunä Dios u̧jode jacuä ka̧cö̧ dauodiyänämä̧ pa̧a̧nö̧tä̧ jȩpi̧nö̧. ²³ja̧u̧mä̧ pa̧a̧nö̧tä̧ jȩpi̧nö̧ Dios u̧jode jacuä o'cajuiyunä dau odiyä ka̧cö̧nä̧mä̧: veintenö Dau odiyä kä̧hua̧ ieröhua petecu.²⁴Bezalelmä cuarentanö jo̧mȩnä̧ kada'ca jähuä plata jähuättö aditinö̧ dau odiyä kada'canä ö̧ju̧na̧pe, taare jo̧mȩnä̧ ki̧na̧a̧ kada'ca jähuä dau odiyä̧ dȩa̧ ji̧nä̧ yo̧mȩtȩ u̧jö̧na̧pemä̧. yaacunä taare kada'ca jähuä kina̧a̧ koro dau odiyä ji̧nä̧ yo̧mȩtȩ ka̧ja̧pe. ²⁵Dios u̧jode u̧yu̧'ca̧ri̧ karanämä, kä̧hua̧ ieröhua päteucö, ja̧u̧mä̧ dau odiyä veintenö̧ jo̧mȩnä̧ i̧nä̧ aditinö ²⁶ja̧hua̧ta̧nö̧ cuarentanö kada'ca jähua plata jähuättö i̧nä̧. ka̧cui̧na̧ taare kada'ca jähuä dau isodä a'canä ö̧ju̧nä̧jodänä, taare kada'ca jähuä ki̧na̧'a̧ korodä dau isodänä i̧nä̧ ja̧hua̧ta̧nö̧ jua̧a̧nö̧tä̧ 'chö̧nä̧ beipome jöbu.²⁷Dios u̧jode ä'ca kä̧hua̧ mo̧ä̧cha̧ patecu a'canä jähuänämä, Bezalelmä jȩpi̧nö̧ dau odiyä seisnö jo̧mȩnä̧. ²⁸ja̧hua̧ta̧nö̧ jȩpi̧nö̧ taare dau odiyä ö̧yu̧'ca̧ri̧ ju̧ a̧u̧cuä̧ Dios ö̧jode abo ja̧'a̧nä̧.²⁹pi̧yȩ dau odiyämä otonänö kä̧ȩpö̧ kö̧nä̧hua̧ ki̧na̧a̧ dȩa̧nä̧ma̧, ja̧hua̧nö̧ ja̧a̧nä̧ i̧so̧mu̧ttö̧ ji̧nä̧ yo̧mȩtȩ ki̧na̧a̧ huämenämä. ja̧u̧mä̧ pa̧a̧näö̧tä̧ jȩpi̧nö̧ taarecue ö̧yu̧'ca̧ri̧nä̧. ³⁰ochonö dau odiyä ki̧na̧a̧, platattö adicuä kada'ca jähuäcu, dieziseisnö jo̧mȩnä̧ ki̧na̧a̧ o'ca juiyunämä, kada'ca jähuä taare jo̧mȩnä̧ dau isodä a'canä kodänä ki̧na̧a̧, ja̧hua̧ta̧nö̧ taare kada'ca jähuä korodä dau isodänä̧ i̧nä̧ ja̧hua̧ta̧nö̧ jua̧a̧nö̧tä̧ yaacu 'chö̧nä̧.³¹Bezalelmä jȩpi̧nö̧ o̧juä̧ acacia dauttö ppöracunä, Dios ö̧jode jäyänänö dau odiyä cinconö jo̧mȩnä̧, ³²cinconö o̧juä̧ dauodiyänä ppöracunä Dios ö̧jode jäyänä i̧nä̧, ja̧hua̧ta̧nö̧ Dios u̧jode kä̧hua̧ mo̧ä̧cha̧ päteöcö cinconö o̧juä̧ dau odiyänä ppöracunä i̧nä̧. ³³ja̧u̧mä̧ i̧sä̧juä̧ dauttö adicuäjua̧ dau isodä kä'conä 'cuäoönä jȩpi̧nö, pi̧yȩmä̧, jo'tojuttömä kä'cotä ja̧'a̧, koro odiyäcu ppöracunä ja̧ja̧pe. ³⁴oronä töepu icuinö dau odiyämä. i̧so̧mö̧ jähuä i̧nä̧ oronä töepinö, o̧juä̧ 'cuäopome adiö 'cuäopape ja̧hua̧ta̧nö̧ o̧juä̧ i̧nä̧ oronä töepinö.³⁵Bezalelmä jȩpi̧nö̧ pö̧jä̧ta̧ tto̧ȩcuä̧ta̧mä̧ ja̧'tö̧u̧nä̧, päruönä i̧nä̧, ovejas i̧jȩtä̧mä tuunä, ja̧hua̧ta̧nö̧ pu̧jä̧ta a̧di̧huä̧ta̧ttö̧ i̧nä̧, DIOS ömuäyotö isoppa isotö tta̧'cua̧jȩ räopönä, adicuä huo̧ja̧ adutähuä. ³⁶ja̧u̧mä̧ jȩpi̧nö̧ ö̧yu̧'ca̧ri̧ jähuämä acaciia dauttö, oronä tuepökanö. ö̧yu̧'ca̧ri̧ jähuä 'chö̧ä̧rö̧ o̧cä̧ i̧nä̧ oronä turpinö, ja̧hua̧ta̧nö̧ ocuränä daicö jȩpi̧nö̧ plata jähuättö dȩa̧ jähuä cuatronö jo̧mȩnä̧³⁷ja̧u̧mä̧ jȩpi̧nö̧ pö̧jä̧ta̧ tto̧ȩcuä̧ta̧ isode pu̧jä̧ta̧ttö̧ adicuode doächäcuähuome ä'ca. pu̧jä̧ta̧ ja̧'tö̧ä̧ta̧ttö̧, päruattö i̧nä̧, ovejas i̧jȩta̧ tuunä töecuä̧ta̧ttö̧ i̧nä̧, pu̧jä̧ta̧ a̧di̧hua̧ta̧na̧ jȩpö̧, pu̧jä̧ta̧ 'tu̧ä̧huä̧ ttö̧'ja̧ i̧sa̧ aditähuä. ³⁸ja̧u̧mä̧ jȩpi̧nö̧ cinconö ö̧yu̧'ca̧ri̧ jähuä 'chuä̧rö̧ o̧cä̧cö̧. huä̧mȩnä̧ i̧nä̧ ja̧hua̧ta̧nö̧ o̧juä̧ i̧nä̧ oronätuepö icuinö. kada'ca jähuä cinconömä broncettö adicuina

¹Bezalel acacia dauttö i̧so̧ca̧ aditinö. Öotomä ttö̧yö̧'ca̧ri̧ da'are kä'co jo̧mȩ ji̧na̧'a̧; öcähuemä ttö̧yö̧'ca̧ri̧ yaute kä'co jo̧mȩ ji̧na̧'a̧; ja̧hua̧ta̧'a̧nö̧ jö'tojucu öotomä ttö̧yö̧'ca̧ri̧ yaute kä'co jo̧mȩ ji̧na̧'a̧. ²Ja̧u̧mä̧ päcuäi orottötä tuhuepinö acuänämä ja̧hua̧ta̧'a̧nö̧ u̧mi̧nä̧mä̧ päcuäi orottö jȩpi̧nö̧ ja̧hua̧ta̧'a̧nö̧ jäyä jähuä orottö aditinö jäyä huä̧mä̧ jo̧mȩ. ³Ja̧u̧mä̧ pa̧ja̧cuä̧nö̧ oro kuicu a̧tti̧cu̧ ttöto'che i̧so̧mu̧ pa̧ja̧cuä̧ tti̧jä̧pu̧ huotö ja̧'a̧tä̧, ttöto'che i̧so̧mu̧ daure jähuänämä kara jäyänänö, ja̧hua̧ta̧'a̧nö̧ ttöto'che i̧so̧mu̧ dauremä kara jäyänänö.⁴Ja̧u̧mä̧ acacia dauttö ttöttä'ca aditinö ja̧hua̧ta̧'a̧nö̧ jättäyä'ca oronä tuhuepinö. ⁵Ja̧u̧mä̧ ttöttäcamä ttöto'che i̧so̧mu̧ jahuä i̧so̧ca̧ jäyänä, i̧so̧ca̧ ttȩpa̧ pä'ö ja̧'a̧ pä'ömä. Ja̧u̧mä̧ päcuäi orottö micuäpi aditinö i̧so̧ca̧ ja̧'a̧tȩu̧. ⁶Öotomä ttö̧chu̧'ca̧ri̧ daure kä'co jo̧mȩ ji̧na̧'a̧, ja̧hua̧ta̧'a̧nö̧ öcähuemä yaute ttö̧chu̧'ca̧ri̧ kä'co jo̧mȩ ji̧na̧'a̧.⁷Bezalalmä orottö 'tatapö aditinö querubin ta̧ju̧ru̧ i̧so̧ca̧ mi̧ȩcuo̧ca̧ to̧ca̧rȩ ja̧'a̧tȩu̧. ⁸Ya̧tȩmä̧ pä̧tȩcuä̧nö̧ i̧so̧ca̧ micuäpi pä̧tȩcuä̧nö̧ päteö, ja̧hua̧ta̧'a̧nö̧ ka̧ra̧ querubimä karanä pä̧tȩcuä̧nö̧ jäyänänö. Adicui'a ji̧na̧'a̧ yaute jähuänätä̧ i̧so̧ca̧ mi̧ȩcuo̧'ca̧ jähuänätä̧. ⁹Querubi öjabämä jö'tojucu 'cä̧ȩcuä̧ri̧na̧ ja̧hua̧ta̧'nö̧ a̧cuä̧jä̧mä̧ i̧so̧ca̧ mi̧ȩcuo̧'ca̧ cuä̧mȩ i̧jȩcuä̧ri̧na̧. Querubintömä ka̧ra̧ ka̧ra̧cu̧ pä̧tȩcuä̧nö̧ ki̧nä̧tö̧ ja̧hua̧ta̧'a̧nö̧ to̧pä̧ri̧nä̧tö̧ i̧so̧ca̧ mi̧ȩcuä̧räpi kä'co päteö jo̧mȩ.¹⁰Bezalel acacia dauttö mesaisodä aditinö. Öotome ttö̧chu̧'ca̧ri̧ daure jo̧mȩ ji̧na̧'a̧, öcähuemä ttö̧chu̧'ca̧ri̧ yaute jo̧mȩ ji̧na̧, ja̧hua̧ta̧'a̧nö̧ jutocu öotomä ttö̧chu̧'ca̧ri̧ yaute kä'co jo̧mȩ ji̧na̧'a̧. ¹¹Ja̧u̧mä̧ päcuäi orottö tuhuepinö ja̧hua̧ta̧'a̧nö̧ jäyänämä päcuä'i orottö jäyänä ku̧nä̧huä̧ ku̧ni̧nö̧ isodänämä. ¹²Ja̧u̧mä̧ huä̧nä̧huo̧mȩmä̧ yaute ttö̧chu̧'ca̧ri̧ jo̧mȩ jina'a öcähuemä, jäyänämä orottö jȩpi̧nö̧ jäyänä jähuämä. ¹³Ja̧u̧mä̧ pa̧ja̧cuä̧nö̧ jo̧mȩnä̧ orottö kuicu dainö ttöto'che i̧so̧mu̧ ja̧hua̧nö̧ jȩpö̧ ijicuä päteö pa̧ja̧cuä̧nö̧ ttöto'che i̧so̧mu̧ jähuhäcu todecuächönä jȩpi̧nö̧, ttö̧jä̧pu̧ pa̧ja̧cuä̧nö̧ kä̧jä̧mȩ.¹⁴ttöto'che i̧so̧mu̧mä̧ todecuänö ki̧na̧'a̧ ttötta'ca kä̧cuo̧mȩ adiu jä̧cua̧'a̧nö̧, mesa isodä cättepönä kä̧cua̧'a̧nö̧. ¹⁵Acacia dauttö aditinö oro tuhhuepinö ttöttacamä o̧'quȩmä̧, ja̧hua̧nö̧ jö̧nä̧tä̧ 'cättepacuanö meso isodämä. ¹⁶Ja̧u̧mä̧ koro juei aditinö mesa isodänä ka̧cua̧ pä'ö: sä̧srä̧mi̧yä̧'i̧nä̧, huȩ'chä̧qui̧yä̧'i̧nä̧, o̧'ta̧hui̧yä̧'i̧nä̧ ja̧hua̧ta̧'a̧nö̧ ttahua pä'ö huä̧o̧cuo̧ta̧'i̧nä̧ tti̧ä̧rȩ iyähuä totta'a pä'ö. Ja̧u̧mä̧ päcuäi orottö aditinö.¹⁷Ja̧u̧mä̧ lampari̧yu̧ ku̧nä̧huä̧cä päcuäji orottö 'ta'ö aditinö. Ja̧u̧mä̧ lampari̧yu̧ ku̧nä̧huä̧cämä̧ kada'ca 'chu̧huä̧ro̧mȩ ku̧nö̧ aditinö. O̧ta̧hui̧yä̧'i̧nä̧, öjohuiyä 'chu̧huä̧ro̧mȩ'i̧nä̧, ja̧'hua̧ta̧'a̧nö̧ ku̧nä̧huo̧mȩ 'chu̧huä̧ro̧mȩ'i̧nä̧ o'cajuiuyötä ji̧nä̧ ji̧yȩtȩnä̧ 'chu̧huä̧ri̧na̧'a̧. ¹⁸Seisnö jo̧mȩnä̧ öjohuiyä ka̧cui̧na̧'a̧ o'cajuiyönämä, pätecua'anämä huäbodäcuä öjohuiyä jo̧mȩnä̧ ja̧'hua̧ta̧'a̧nö̧ pätecua'anä'inä huäbodäcuänö jo̧mȩnä̧ lampari̧yu̧ ku̧nä̧huä̧cänämä ka̧cui̧na̧'a̧. ¹⁹Ä̧cuo̧mȩnä̧ öjonemä huä̧bo̧'ta̧cuä̧ jo̧mȩnä̧ almendro ä̧'u̧ttö̧ adicuä jä̧'i̧nö̧'a̧nö̧ jö̧ o̧'ta̧, kada'ca 'chu̧huä̧rö̧nä̧ jö̧nä̧, juhua'atäcu ä̧'u̧'i̧nä̧, ja̧'hua̧ta̧'a̧nö̧ kara'anä öjonämä huä̧bo̧'ta̧cuä̧ jo̧mȩnä̧ almendro ä̧'u̧ttö̧ adicuä jä̧'i̧nö̧'a̧nö̧ jö̧ o̧'ta̧ ki̧na̧'a̧, kada'ca 'chu̧huä̧rö̧nä̧ jö̧nä̧, juhua'atäcu ä̧'u̧'i̧nä̧, seisnö öjohuiyämä yorätehuinö lampari̧yu̧ ku̧nä̧huättömä umi ja̧'a̧cu̧ setächi'önä.²⁰Lampari̧yu̧ ka̧cuä̧cä jicänä̧tä kä'co jo̧mȩmä̧, pa̧ja̧cuä̧nö̧ o̧'ta̧ almendro ä̧'u̧ttö̧ adicuä jä̧'i̧nö̧'a̧nö̧ jö̧ o̧'ta̧, kada'ca 'chu̧huä̧rö̧nä̧ jö̧nä̧, juhua'atäcu ä̧'u̧'i̧nä̧ ki̧na̧'a̧. ²¹Ä̧cuo̧mȩnä̧ todäre öjohuiyä dȩa̧'a̧mä̧ ji̧yȩnä̧tä̧ todehuina'a ja̧'hua̧ta̧'a̧nö̧ todäre päi'önä öjohuiyämä dȩa̧'a̧mä̧ i̧so̧'ta̧ jacuä jö̧nä̧ 'chu̧huä̧ri̧na̧'a̧ ja̧'hua̧ta̧'a̧nö̧ ji̧yȩnä̧tä̧ 'chuhuärönä tedehuina'a. Ja̧'hua̧nö̧ jö̧ ta'anö Huäbodäcuä päi'önä ka̧cu̧ öjohuiyä dȩa̧'a̧mä̧ i̧so̧'ta̧ jacuä jö̧nä̧ 'chu̧huä̧ri̧na̧'a̧ ji̧yȩnä̧tä̧ 'chuhuära̧'a̧ tedeönä. ²²O'cajuiyönätä̧ yorätehuina'a seisnö öjohuiyä lampari̧yu̧ ku̧nä̧huäcättö u̧mi̧cu̧ setächi'önä ki̧nö̧mä̧. 'Chu̧huä̧rö̧ o̧'ta̧'i̧nä̧ ja̧'hua̧ta̧'a̧nö̧ öjohuiyä'inä ji̧yȩnä̧tä̧ 'chu̧huä̧ri̧na̧'a̧, ya'utetä jö̧nä̧ 'ta'ö adicuina'a päcuäji orottömä̧.²³Bezalelmä lampari̧yu̧ ku̧nä̧huäcä'i̧nä̧ aditö kä̧nö̧mä sietenö jo̧mȩnä̧ lampara̧ o̧yu̧, 'chuhuädäcuähuä ocä'inä ja̧'hua̧ta̧'a̧nö̧ sä̧rä̧bi̧yä̧ o̧bä̧cu̧'i̧nä̧ päcuäji orottö aditinö, ²⁴Ja̧u̧mä̧ lampari̧yu̧ ku̧nä̧huäcä'i̧nä̧ aditö kä̧nö̧mä, o̧'ta̧hui̧yä̧mä̧ päcuäji orottö ya'ute talento jo̧mȩttö̧ aditinö.²⁵Bezalelmä incienso ku icu iyähuome'inä aditinö. Ja̧u̧mä̧ acacia dauttö aditinö. Öotomä ya'ute ttu̧yu̧'ca̧ri̧ öoto jo̧mȩnä̧ ji̧na̧'a̧ ja̧'hua̧ta̧'a̧nö̧ öcähuemä ya'ute ttu̧yu̧'ca̧ri̧ jo̧mȩtä̧ juhua'atäcu ju'tojucumä todäre ttu̧yu̧'ca̧ri̧ öoto jo̧mȩtä̧. Ä̧ja̧ o̧na̧mä̧ ji̧yȩnȩä̧tä̧ todeu 'chu̧huä̧rö̧nä̧ ki̧na̧'a̧. ²⁶Ja̧u̧mä̧ incienso ku icu iyähuomemä päcuäji orottö tu'epö aditinö, huä̧mȩnä̧'i̧nä̧, jäyänä'inä juhua'atäcu ä̧ja̧hui̧yä̧ onanä'inä. Ja̧'hua̧ta̧'a̧nö̧ ja̧u̧mä̧ jäyä bȩi̧pä̧ro̧mȩmä̧ orottö aditinö.²⁷Ja̧u̧mä̧ to̧bö̧rȩ beipome dȩa̧'a̧nä̧ pätecu be'epö rö̧nä̧huä̧ jö̧nä̧ aditinö. Ja̧u̧ o̧bö̧nä̧mä̧ i̧so̧'quȩ rä'ädö ku icu i̧yä̧huo̧ca̧ ti̧ttä̧da̧ pä'ö ji̧na̧'a̧. ²⁸Ja̧u̧mä̧ acacia dauttö o̧'qui̧yä̧mä̧ aditäji'ca̧ orottö tu'epö aditinö. ²⁹Ja̧u̧mä̧ a̧dȩja dahuecuoya'inä ja̧'hua̧ta̧'a̧nö̧ incienso adiu ameu'inä, ameu aditä'ija'anö jȩpö̧ aditinö.

¹Bezalelmä acacia dauttö ku icu ttiäre iyähuä ihuähuome aditinö. Öotomä ji̧mö̧tȩ jähuä ttu̧yu̧'ca̧ri̧ öoto jo̧mȩnä̧ ji̧na̧'a̧ ja̧'hua̧ta̧'a̧nö̧ käcuoräcumä̧ ji̧mö̧tȩ jähuä ttu̧yu̧'ca̧ri̧ öoto jo̧mȩnä̧ ji̧na̧'a̧-- yoräteunä̧tä̧ -- ju'tojucumä huäbodäcuä ttu̧yu̧'ca̧ri̧ öoto jo̧mȩnä̧ ji̧na̧'a̧. ²Ja̧u̧mä̧ aditinö̧ ä̧ja̧hui̧yä̧ o̧na̧mä̧ päcäyä ä̧ja̧ ona jä̧'i̧nö̧'a̧nö̧ jönä. Ä̧ja̧hui̧yä̧ o̧na̧mä̧ ku icu i̧yä̧huä̧huo̧ca̧cu̧ todeu̧nä̧ aditicuina'a, ja̧u̧mä̧ broncettö tu'epinö. ³Ja̧u̧mä̧ ku icu ttiyomenä ttiyomenä tta̧di̧tä̧cuȩ o'cajuiyönä aditinömä ä̧ya̧ri̧ ttȩnä̧cuä̧ba̧'i̧nä̧, cacuocuäya'inä, o̧'ta̧hui̧yä̧'i̧nä̧ idepä juaocuä ocä'inä ja̧'hua̧ta̧'a̧nö̧ soähuä ocä'inä ji̧na̧'a̧. Pi̧yȩ o'cajuiyönämä broncettö̧ aditinö.⁴Ja̧u̧mä̧ ku icu iyähuo̧ca̧ i'esobänä kunähuä̧ ocä, broncettö i̧sä̧sa̧ i̧so̧ca̧ dȩa̧'a̧nä̧ ppättepa pä'ö, kä'co jubö päi'önä. ⁵Ja̧u̧mä̧ broncettö aditäjäcä pa̧ja̧cuä̧nö̧ u̧yu̧'ca̧ri̧nä̧ i̧so̧'quȩ rä'ädö u̧nä̧cuȩ o̧bö̧mä̧ ȩtti̧nö̧.⁶Bezalelmä acacia dauttö o̧'qui̧yä̧ aditinö aditäji'ca̧mä̧ broncettö tu'epinö̧. ⁷Jaumä ku icu i̧yä̧huo̧ca̧ jäyänä u̧nä̧ji̧ o̧bö̧nä̧ o̧'qui̧yä̧mä̧ rä'ädö ru̧ni̧nö̧ juo̧ca̧ ȩcuä̧ jö̧nä̧. Ja̧u̧mä̧ ku icu i̧yä̧huo̧ca̧ isodänä isäju 'tä̧'ȩpi̧nö̧.⁸Bezalelmä o̧'ta̧hui̧yä̧ bäreu brncettö 'quiyönä 'chu̧huä̧rö̧nä̧ aditinö. Ja̧u̧mä̧ aditinö i̧so̧'ta̧ tti'ä toäcuähuä odiyä nä̧tö̧ ttottäcuähua pä'ö doächi'äcuähuome aditätö ttiyäjittö.⁹Ja̧'hua̧ta̧'a̧nö̧ umi isarä'inä aditinö̧. Isarä ttu'ohue ja̧'a̧cu̧ tto'epö rö̧nä̧huä̧ta̧ lino pö̧jä̧ta̧ öotomä ciennö ttu̧yu̧'ca̧ri̧ öoto jo̧mȩnä̧ ji̧na̧'a̧. ¹⁰Tto'epö rö̧nä̧huä̧ta̧ 'chu̧huä̧rö̧ o'camä veintenö o'ca jo̧mȩnä̧ ji̧na̧'a̧, ja̧u̧ o'ca 'chu̧huä̧ro̧mȩ broncettö adicuomemä veintenö jo̧mȩnä̧ ji̧na̧'a̧. O̧bö̧mä̧ icui'quiyunä todehuina̧'a̧ ja̧'hua̧ta̧'a̧nö̧ platattö adicuä o̧'qui̧yä̧'i̧nä̧.¹¹Ja̧'hua̧ta̧'a̧nö̧ ttu̧huo̧jua̧'a̧cu̧ tto'epö rö̧nä̧huä̧ o̧ta̧ öotomä ciennö ttu̧yu̧'ca̧ri̧ öoto jomȩnä̧ ji̧na̧'a̧, ja̧u̧ 'chu̧huä̧rö̧ o'camä veintenö̧ jo̧mȩnä̧, ja̧u̧ kada'camä broncettö adicua'a, ja̧u̧ o'canämä o̧bö̧ todeunä rö̧nä̧hui̧na̧'a̧ ja̧hua̧ta̧'a̧nö̧ o̧'qui̧yä̧mä̧ plata pättujueittö adicuina'a. ¹²kä̧hua̧ ma̧ä̧cha̧'a̧cu̧ tto'epö rö̧nä̧huä̧ o̧ta̧ öotomä cincuentanö ttu̧yu̧'ca̧ri̧ öoto jo̧mȩnä̧ ji̧na̧'a̧, 'chu̧huä̧rö̧ o'camä dieznö̧tä̧ ja̧'hua̧ta̧'a̧nö̧. O̧bö̧'i̧nä̧ icui'quiyunä 'chuä̧rä̧cuȩ o̧'qui̧yä̧'i̧nä̧ plata pättöjueittö adicuina'a.¹³Ja̧'hua̧ta̧'a̧nö̧ Isarä öotomä cincuentanö ttu̧yu̧'ca̧ri̧ öoto jo̧mȩnä̧ ji̧na̧'a̧ kä̧hua̧ räopa'accumä. ¹⁴Doächäcuähua'acu tto'epö rö̧nä̧huä̧ o̧ta̧ öotomä cincuentanö ttu̧yu̧'ca̧ri̧ öoto jo̧mȩnä̧ ji̧na̧'a̧. Icui'quiyömä huäbo'cacuätä, ja̧u̧ o'ca 'chu̧huä̧ro̧mȩmä̧ huäbo'acuätä. ¹⁵Kara'anä isarära̧'a̧cu̧ doächi'äcuähuomemä, ri̧na̧'a̧ tto'epö rö̧nä̧huä̧ta̧mä̧ quincenö ttu̧yu̧'ca̧ri̧ jo̧mȩnä̧ o̧tä̧ta̧, icui'quiyömä huäbo'cacuätä ja̧'hua̧ta̧'a̧nö̧ 'chu̧huä̧ro̧mȩmä̧ huäbo'acuätä. ¹⁶O'ca juiyönä isarä soböcuächönä tto'epö rö̧nä̧huä̧ o̧ta̧mä̧ adihuäjuei linottö adicua'a ji̧na̧'a̧.¹⁷Icui'quiyu 'chu̧huä̧ro̧mȩmä̧ broncettö adicuina'a. O̧bö̧hui̧yä̧'i̧nä̧, o̧'qui̧yä̧'i̧nä̧ icui'quiyunä ttö̧nä̧cuȩmä̧ platattö adicuina̧'a̧. Icui'quiyumä plata pättöjueittö tuhuecuina̧'a̧ ja̧'hua̧ta̧'a̧nö̧ ja̧u̧tä̧ jäittö adicuina̧'a̧. O'cajuiyönä isaränä ttu̧ju̧nä̧cuȩmä̧ plata pättöjueittö tuhuecuina'a. ¹⁸Isarära̧'a̧cu̧ doächi'äcuähuome rö̧nä̧huä̧ta̧ äotomä veintenö ttu̧yu̧'ca̧ri̧ öoto jo̧mȩnä̧ ji̧na̧'a̧, rö̧nä̧huä̧ta̧mä̧ ja̧'tu̧huä̧ta̧ttö̧'i̧nä̧, tädönä tu̧huä̧ta̧ttö̧'i̧nä̧, lino i̧sä̧ta̧ tu̧huä̧ta̧ttö̧'i̧nä̧, lino i̧sä̧ta̧ mȩtä̧huä̧ta̧ttö̧'i̧nä̧ ja̧u̧ o̧ta̧ öotomä veintenö̧ ttu̧yu̧'ca̧ri̧ öoto jo̧mȩnä̧ ji̧na̧'a̧. Öotomä veintenö ttu̧yu̧'ca̧ri̧ öoto jo̧mȩnä̧ otoinö, ja̧'hua̧ta̧'a̧nö̧ ju'tojucunä cinconö ttö̧yu̧'ca̧ri̧ öoto jo̧mȩnä̧ otoinö̧, isaränä ru̧nä̧huä̧ o̧ta̧ ju̧ta̧'a̧nö̧tä̧. ¹⁹'Chu̧huä̧ro̧mȩ broncettö adicuomemä pa̧ja̧cuä̧nö̧ jo̧mȩnä̧ ki̧na̧'a̧ ja̧'hua̧ta̧'a̧nö̧ o̧bö̧mä̧ platattö adicuinö. Huä̧mȩnä̧ huȩnä̧huä̧ o̧'qui̧yä̧mä̧, plata pättöjueittö adicuina'a. ²⁰O'ca juiyönä icui'quiyu beö o'ca sa̧huȩcuä̧ Dios ö̧jo̧de tta̧di̧tä̧cuȩmä̧ ja̧'hua̧ta̧'a̧nö̧ isarämä broncettö adicuina'a.²¹Pi̧yȩ ja̧'a̧ Dios ö̧jo̧denä ka̧cuä̧cuȩ ji̧nö̧mä̧, Dios ö̧jo̧dettö jȩtta̧ pä'ö hueähui'inö̧mä̧, Moisésrö hueähui'inö̧ttö̧ ȩmö̧ jȩpi̧nä̧tö̧. Sacerdote Aarón i̧tti̧ Itamar huea'anä aditinä̧tö̧ Levis ahuaruhuä 'cotömä. ²²Juda ahuaruhuä 'cotöttö Hur i̧tti̧ Urim i̧tti̧ Besalelmä, o'cajuiyönä TÖ̧Ä̧NÄ̧HUA̧ Moisésrö hueinö jinö̧mä̧ jȩpi̧nö̧. ²³Dan ahuaruhuä 'cotöttö ttö̧ja̧sa̧ Ahisamac i̧tti̧ Aholiabmä Besalelcu aditinö, 'co̧'ö̧'i̧nä̧, huo̧juȩcu̧nä̧'i̧nä̧ ja̧'hua̧ta̧'a̧nö̧ ja̧'tu̧huä̧ta̧nö̧ ja̧'tu̧huä̧ta̧'i̧nä̧ tädönä tu̧huä̧ta̧nä̧'i̧nä̧, tu̧huä̧ta̧nä̧'i̧nä̧ ja̧'hua̧ta̧'a̧nö̧ lino i̧sä̧ta̧ tä̧ta̧nä̧'i̧nä̧ a̧'cua̧tö̧ aditinö.²⁴Ttadita pä'ö ttamöcuädäjimä orottötä aditinä̧tö̧, ro̧ca̧'a̧ra̧'cu̧ todehuome'inä ja̧u̧ jueittötä adicuina'a-- ttiäre iyähuä ttiyäjittötä ja̧u̧ ö̧ä̧mȩcämä 29nö talento jo̧mȩnä̧ ja̧'hua̧ta̧'a̧nö̧ 730 siclo jo̧mȩnä̧ Dios ö̧jo̧dettö pa̧'a̧nö̧ tö̧'a̧ta̧jä̧ pä'ö ttu̧ju̧ni̧nö̧nä̧mä̧. ²⁵Plata ttö̧ja̧ ttiyinö ö̧a̧mȩcämä ciennö talento jo̧mȩnä̧ ja̧'hua̧ta̧'a̧nö̧ 1,775 ciclo jo̧mȩnä̧ a̧mä̧qui̧na̧'a̧ Dios ö̧jo̧dettö pa̧'a̧nö̧ tö̧'a̧ta̧jä̧ pä'ö ttu̧ju̧ni̧nö̧nä̧mä̧, ja̧'hua̧nö̧ jo̧ca̧'a̧ jö̧ttö̧mä̧ ²⁶ya'ute becá pättome jo̧mȩnä̧ ya̧cu̧nä̧mä̧, ja̧u̧mä̧ ya'ute ciclottö kä'co jo̧mȩ ji̧na̧'a̧, Dios ö̧jo̧dettö pa̧'a̧nö̧ tö̧'a̧ta̧jä̧ ciclomä pä'ö ttu̧ju̧ni̧nö̧nä̧mä̧. Pi̧yȩmä̧ u̧mä̧tö̧ 20nö̧ a̧'ȩ yabocu ku̧nä̧rä̧tö̧ 603,550 jo̧mȩnä̧ huotö o'catoi'önä ttö̧'a̧ti̧nä̧u̧ yotucunä ttiyinömä pa̧ja̧cuä̧chi̧na̧'a̧.²⁷Ciennö talento jo̧mȩnä̧ ȩtti̧nä̧tö̧ ro̧o̧ca̧ kada'ca 'chu̧huä̧rä̧cuȩmä̧ ja̧'hua̧ta̧'a̧nö̧ o̧ta̧ 'chu̧huä̧rä̧cuȩ o'camä, ciennö o'canämä ya'ute talento jo̧mȩnä̧ ȩttö̧ aditinätö̧. ²⁸Plata 1,775co̧ttö̧ ka̧cui̧pä̧ji̧ siclottö, Besalelmä icui'quiyunä rä̧huä̧huȩ o̧bö̧'i̧nä̧ aditinö, huä̧mȩnä̧'i̧nä̧ ja̧u̧tä̧ jähuättö tu'epinö, ja̧u̧nä̧tä̧mä̧ o̧'qui̧yä̧ ppo̧ö̧'i̧nä̧ aditinö. ²⁹Ttiäre iyähuä broncettö ttiyinö ö̧a̧mȩcämä setentanö talento jo̧mȩnä̧ a̧mä̧qui̧na̧'a̧ ja̧'hua̧ta̧'a̧nö̧ 2,400nö̧ siclos jo̧mȩnä̧ a̧mä̧qui̧na̧'a̧.³⁰Pi̧yȩttö̧mä̧ tottäcuähua pä'ö doächi'äcuähuome'inä, broncettö ku icu iyähuome'inä, broncettö adicuä ocä'inä, ku icu ihuähuomettö̧ tta̧di̧tä̧cuȩ'i̧nä̧ ja̧u̧ jahuättötä aditinö, ³¹isaränä 'chu̧huä̧rä̧cuȩ'i̧nä̧, doächi'äcuähuome 'chu̧huä̧rä̧cuä̧huo̧mȩ'i̧nä̧, o'cajuiyönä Dios ö̧jo̧de 'chu̧huä̧rä̧cuȩ o'ca sa̧huȩcuä̧'i̧nä̧ ja̧'hua̧ta̧'a̧nö̧ o'cajuiyönä isarä soböcuächönä̧ ku̧nä̧huä̧cuȩ o'ca'inä, ja̧u̧ttö̧tä̧ aditinö.

¹Ja̧'tu̧huä̧ta̧ttö̧'i̧nä̧, tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ tu̧huä̧ta̧ttö̧'i̧nä̧ jahuätömä ttu̧'ca̧tä̧huä̧ti̧yu̧ adihuäjuai o̧ta̧ 'tö̧'i̧nä̧tö̧, ro̧o̧mȩ aditö ttö̧'ca̧tä̧huä̧cuȩmä̧. Jahuätömä Aarón ö̧'ca̧tä̧huä̧ti̧yu̧ ro̧o̧mȩ do'ächö ö̧'ca̧tä̧huä̧cuä̧ta̧'i̧nä̧ 'tö̧'i̧nä̧tö̧, TÖ̧Ä̧NÄ̧HUA̧ Moisésrö hueinöta'anötä̧.²Bezaletmä orottö 'ca̧tä̧cuä̧huä̧ta̧ aditinö, ja̧'tu̧huä̧ta̧ttö̧'i̧nä̧, tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ tu̧huä̧ta̧ttö̧'i̧nä̧ juhua'atäcu lino i̧sä̧ta̧ ppö'cähu̧ta̧ttö̧'i̧nä̧. ³Jahuätömä orottö obi päi'önä 'ta'inä̧ttö̧ ja̧'hua̧ta̧'a̧nö̧ ja̧u̧mä̧ 'torinätö̧ appiyä jö̧nä̧, ja̧'tu̧huä̧ta̧'i̧nä̧, tädönä tu̧huä̧ta̧nä̧'i̧nä̧ ja̧'hua̧ta̧'a̧nö̧ tu̧huä̧ta̧nä̧'i̧nä̧ juhua'atäcu lino i̧sä̧ta̧nä̧'i̧nä̧ ti̧ttä̧da̧ pä'ö, pi̧yȩmä̧ adicuämä huo̧jua̧tä̧ aditinö.⁴Jahuätömä sacerdote ö̧'ca̧tä̧huä̧ta̧ u'upi'ca jähuämä̧ korota̧ ö̧yu̧'ca̧ri̧cu̧ boecuächönä aditinä̧tö̧. ⁵Adihuäjuäi lino i̧sä̧ta̧ttö̧ äcänä ti̧ä̧dä̧cuä̧huä̧ta̧'i̧nä̧ 'tu̧'i̧nä̧tö̧; ö̧'ca̧tä̧huä̧ta̧cu̧ todeunä tö̧'i̧nä̧tö̧, lino pö̧jä̧ta̧ ppö'cähuäta̧ttö̧'i̧nä̧, orottö'inä, ja̧'tu̧huä̧ta̧ttö̧'i̧nä̧, tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ tu̧huä̧ta̧ttö̧'i̧nä̧, TÖ̧Ä̧NÄ̧HUA̧ Moisésrö hueinöta'anö̧tä̧.⁶Ónices o'quittö rö̧nö̧ aditinä̧tö̧, orottö adicuä huämenä sello jä̧'i̧nö̧'a̧nö̧ jö̧nä̧ 'co̧'ö̧, ja̧'hua̧ta̧'a̧nö̧ 'co̧'ö̧ ttaditäjimä̧ Israel i̧tti̧mö̧ 12nö̧ huotö ttimi ji̧na̧'a̧. ⁷Bezalelmä 'ca̧tä̧cuä̧huä̧ta̧ u'upi'canä inä o'qui rötinö̧ Israel i̧tti̧mö̧ doce huotörö amöcuädäcuähuä jö̧nä̧; TÖ̧Ä̧NÄ̧HUA̧ Moisésrö hueinöta'a̧nötä.⁸Ttamöcanä rä̧ta̧mä̧ aditinömä, adicuä huo̧jua̧tä̧ aditinö̧ 'ca̧tä̧cuä̧jhuä̧ta̧ aditäji ta'anö̧tä̧. Orottö'inä, oveja i̧jȩta̧ ja̧'tu̧huä̧ta̧ttö̧'i̧nä̧, tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ tu̧huä̧ta̧ttö̧'i̧nä̧ juhua'atäcu adihuäjuäi lino i̧sä̧ta̧ttö̧'i̧nä̧ aditinö. ⁹ja̧huä̧ta̧mä̧ öotcu'inä öcähuecu'inä yorätehuina'a. Jahuätömä ttamöcanä rä̧ta̧mä̧ todärenä jäbetinätö̧. Ja̧huä̧ta̧mä̧ öoto'inä käcuoräcu'inä ya'ute ttumönä pa̧ja̧cuo̧mȩ jö̧nä̧ ji̧nä̧ta̧.¹⁰Ku̧ni̧nä̧tö̧ pa̧ja̧cuä̧nö̧ o̧mä̧nä̧ inä o'qui adihuäjuäittö. Ä̧cuo̧mȩnä̧ i̧sä̧mä̧nä̧mä̧ ki̧na̧'a̧ rubí ido'qui'inä, topacio ido'quiínä ja̧'hua̧ta̧'a̧nö̧ granate ido'qui'inä. ¹¹Todäre päi'önä i̧sä̧mä̧nä̧mä̧ ki̧na̧'a̧, esmeralda ido'qui'inä, safiro ido'qui'inä ja̧'hua̧ta̧'a̧nö̧ diamante ido'quinä. ¹²Huäbodäcuä päi'önä i̧sä̧mä̧nä̧mä̧ ki̧na̧'a̧ jacinto ido'qui'inä, ágata ido'qui'i̧nä̧ ja̧'hua̧ta̧'a̧nö̧ amatista ido'qui'i̧nä̧. ¹³Pa̧ja̧cuä̧nö̧ päi'önä i̧sä̧mä̧nä̧mä̧ ki̧na̧'a̧ berilo ido'qui'i̧nä̧, ónice ido'qui'i̧nä̧ ja̧'hua̧ta̧'a̧nö̧ jaspe ido'qui'inä. Pi̧yȩ inä o'quimä orottö adicuome jacuä ȩqui̧pö̧nä̧ ȩnä̧hui̧na̧'a̧.¹⁴Docenö huotö Israel i̧tti̧mö̧ jö̧ ta'anö rötinä̧tö̧ Inä o'quimä, o'catoi'önä ttimi pi̧yä̧ ottinöta'anötä̧. Ttudo'che i̧so̧bö̧nä̧ sello jö̧nä̧ 'co̧'ö̧ ttadita'a jä̧'i̧nö̧'a̧nö̧ yotucunä ttimipi̧yä̧mä̧ ji̧yȩtȩnä̧ huȩnȩcuä̧chi̧na̧'a̧ docenö huotömä. ¹⁵Amöca isäbimä̧ aditinä̧tö̧ äcuädö ru̧nä̧huä̧sa̧ päcuäi orottötä metähua'a. ¹⁶Orottömä ȩnä̧huo̧mȩ todäre jo̧mȩnä̧ aditinä̧tö̧ ja̧'hua̧ta̧'a̧nö̧ oro o̧bö̧ to̧bö̧rȩ juhua'atäcu ja̧u̧ to̧bö̧rȩmä̧ u̧yu̧'ca̧ri̧ jo̧mȩ pö̧nä̧ be'epö runinätö.¹⁷Jahuätömä oro o̧sa̧ to̧sa̧rȩ mȩtä̧huä̧sa̧mä̧ ru̧ni̧nä̧tö̧ ttamöcanä räbi u̧yu̧'ca̧ri̧nö̧ pö̧nä̧. ¹⁸Jahuätömä kara'anä todäre u̧yu̧'ca̧ri̧cu̧ todehuächi'önä todetinä̧tö̧. Jahuätömä 'ca̧tä̧cuä̧huä̧ta̧ u'upi'quiyumä ko̧ro̧ta̧cu̧ todehuächi'önä todetinä̧tö̧ ä̧cuo̧mȩnä̧ ji̧nö̧ ta'anö.¹⁹Jahuätömä i̧so̧bö̧ to̧bö̧rȩ aditinä̧tö̧ aditäjä'cotömä ttamuca räbi u̧yu̧'ca̧ri̧nä̧ ru̧ni̧nä̧tö̧, beipome jäyä jacuänä ja̧'a̧cu̧nä̧. ²⁰Jahuätömä oro o̧bö̧ to̧bö̧rȩttö̧'i̧nä̧ koro o̧bö̧ aditinätö̧ aditäjä'cotömä amöcanä rä̧ta̧ u'upi'quiyu dȩa̧'a̧nä̧ ä'cacunä todehuächi'önä rö̧ni̧nä̧tö̧, ttäcänä ti̧ä̧dä̧cuä̧huä̧ta̧tä̧ huä̧mȩnä̧nö̧ tta̧mö̧canä rä̧ta̧ 'tö̧ä̧huo̧mȩ beipome.²¹Jahuätömä amöcanä räbi o̧bö̧mä̧, ö̧'ca̧tä̧huä̧ta̧nä̧ rö̧jö̧ o̧bö̧cu̧ todehuächi'önä ja̧'tu̧huä̧ta̧nä̧ ti̧'ä̧dö̧ ru̧ni̧nä̧tö̧, ja̧'hua̧nö̧ pporochi'oca'a rä̧cua̧'a̧nö̧ äcänä ti̧ä̧dä̧cuä̧huä̧ta̧ huä̧mȩnä̧ ö̧'ca̧tä̧huä̧ta̧ 'tu̧ä̧huo̧mȩ beipomemä. Pi̧yȩ jȩpi̧nä̧tö̧ ttamöcanä räbi ttö̧'ca̧tä̧huä̧ta̧ttö̧ 'quiyönä 'chu̧huä̧rä̧cua̧'a̧nö̧. Pi̧yȩ aditinä̧tö̧ TÖ̧Ä̧NÄ̧HUA̧ Moisésrö hueinä ta'anötä̧.²²Bezalelmä sacerdote ö̧'ca̧tä̧huä̧ta̧ tädönä tu̧huä̧ta̧ttö̧ jo̧mȩnö̧ aditö cä'ädi̧nö̧, 'tu̧huä̧ ttö̧ja̧sa̧ aditähuä jä̧ji̧mä̧. ²³Pö̧jä̧ta̧ kä'co isäju 'tä̧ȩcui̧na̧'a̧ U jä̧cuo̧mȩmä̧. U̧ru̧pä̧'quȩ jo̧mȩnä̧ jäyänämä i̧sa̧bä̧nä̧ 'tu̧ä̧hui̧na̧'a̧ quȩrä̧chi̧'ö̧ juiyäcua'anö. ²⁴'Ca̧tä̧cuä̧huä̧ta̧ dȩa̧'a̧nä̧ to̧rä̧dä̧cuä̧huo̧mȩ dȩa̧'a̧dä̧mä̧, o̧ba̧ ru̧ni̧nä̧tö̧ ja̧'tu̧huö̧ttö̧'i̧nä̧ tädönä tuhuöttö'inä, tuhuöttö'inä ja̧'hua̧ta̧'a̧nö̧ lino i̧sä̧ta̧ttö̧'i̧nä̧ adicuä.²⁵Jahuätömä päcuäi orottö campana aditinä̧tö̧ ja̧'hua̧ta̧'a̧nö̧ o̧ba̧ 'cä̧tȩ jo̧mȩ ö̧'ca̧tä̧huä̧ta̧ beipome dȩa̧'a̧ ru̧ni̧nä̧tö̧. ²⁶Campanamä ya'utetä ja̧'hua̧ta̧'a̧nö̧ i̧sä̧ba̧'i̧nä̧ jiba̧tȩtä̧ Aarón ö̧'ca̧tä̧huä̧ta̧ beipomemä. Pi̧yȩmä̧ aditinä̧tö̧ TÖ̧Ä̧NÄ̧HUA̧ Moisésrö hueinö ta'anötä̧.²⁷Aarón'inä, i̧tti̧mö̧'i̧nä̧ huä̧mȩnä̧ ttö̧'ca̧tä̧huä̧ti̧yu̧ aditinätö̧. ²⁸Jahuätömä lino pö̧jä̧ta̧ttö̧ öcäyuhuä'ca'inä a̧'cua̧tö̧ Unämä lino pö̧jä̧ta̧ juä'opö, adihuäjuäi Lino i̧sä̧ta̧ jacuänä 'ca̧tä̧cuä̧huä̧ta̧ttö̧, ²⁹ja̧'hua̧ta̧'a̧nö̧ ttäcänä juäocuä̧ta̧ lino i̧sä̧ta̧ ja̧'tu̧huä̧ta̧ttö̧'i̧nä̧, tädönä tu̧huä̧ta̧ttö̧'i̧nä̧ ja̧'hua̧ta̧'a̧nö̧ i̧sa̧ i̧jȩta̧ tu̧huä̧ta̧ttö̧'i̧nä̧ a̧'cua̧tö̧ adicuä i̧sa̧mä̧ aditinö. Pi̧yȩmä̧ aditinä̧tö̧ TÖ̧Ä̧NÄ̧HUA̧ Moisésrö hueinö ta'anötä̧.³⁰Jahuätömä päcuäi orottö 'co̧'ö̧ u'uttähuä i̧sä̧bä̧ aditinä̧tö̧, jahuätömä ja̧u̧ ppöttähuänä sello jä̧'i̧nö̧'a̧nö̧ 'co̧'ö̧ rutinä̧tö̧ "TÖ̧Ä̧NÄ̧HUA̧MÄ̧ surojö jui̧'a̧" pä'ö. ³¹Jahuätömä isappänä ja̧'tu̧huappänä öcäyuhuä'ca huä̧mȩ jo̧mȩ ti̧'ä̧di̧nä̧tö̧. Pi̧yȩmä̧ aditinä̧tö̧ TÖ̧Ä̧NÄ̧HUA̧ Moisésrö hueinö ta'anötä̧.³²Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧ ö̧jo̧de ca̧ca̧cu̧ pä̧cuä̧huodemä aditö cä'ädinä̧tö̧. Israel ttö̧ja̧mä̧ o'cajuiyötä jȩpi̧nä̧tö̧. ³³Jahuätömä o'cajuiyönä TÖ̧Ä̧NÄ̧HUA̧ Moisésrö jiähuinö ta'anötä̧ jȩpi̧nä̧tö̧. Jahuätömä TÖ̧Ä̧NÄ̧HUA̧ ö̧jo̧demä Moisés ö̧ja̧'a̧cu̧ i'cächinä̧tö̧: Isode'inä, juodetä ttaditä̧cuä̧'i̧nä̧, o̧bö̧'i̧nä̧, äpate jäyä jahuä'inä, o̧'qui̧yä̧'i̧nä̧, kada'ca o'ca'inä ja̧'hua̧ta̧'a̧nö̧ ja̧u̧tä̧ o'ca 'chu̧huä̧rä̧cuȩ'i̧nä̧; ³⁴mu̧ä̧cuä̧cuȩ o̧ta̧ oveja ubo i̧jȩta̧ tuhuönä tu̧huȩcuä̧ta̧'i̧nä̧, mu̧ȩcuä̧ta̧ aje päcäyä i̧jȩta̧'i̧nä̧, ³⁵ja̧'hua̧ta̧'a̧nö̧ tto'epö ötö'cö jiäu ȩco̧ca̧ mu̧ȩcuä̧ta̧'i̧nä̧ juhua'atäcu ȩcuä̧cuȩ o̧'quȩ'i̧nä̧ ja̧'hua̧ta̧'a̧nö̧ mu̧ȩcuäbi'inä.³⁶Jahuätömä ttu̧cuȩ rutähuodä'inä i'cächö kä̧nö̧mä̧, juorö ttä̧di̧tä̧cuä̧mä̧ o'cajuiyötä ja̧'hua̧ta̧'a̧nö̧ pan ä'ca jo̧mȩ tti̧yä̧cuȩ'i̧nä̧, ³⁷päcuäi orottö adicuäcä cuoö ku̧nä̧huä̧cä'inä juhua'atäcu i̧sä̧mä̧nä̧ ka̧cu̧ la̧pa̧ri̧yu̧'i̧nä̧, ja̧u̧tä̧ ppächönä kä̧cuȩ'i̧nä̧, cuoönä rȩdȩcuä̧cuȩ'i̧nä̧; ³⁸ku icu iyähuo̧ca̧ orottö adicuo̧ca̧'i̧nä̧, a̧dȩja dahuecuä'inä, incienso chopönä kuhuähuä'inä, TÖ̧Ä̧NÄ̧HUA̧ ö̧jo̧decu doächäcuähuome rö̧huä̧ta̧'i̧nä̧; ³⁹ku icu i̧yä̧huo̧ca̧ broncettö a̧di̧cuo̧ca̧nä̧ huȩnö̧ ȩttä̧huä̧cä'inä, kada'ca o'ca'inä, ppächönä adicuä'inä ja̧'hua̧ta̧'a̧nö̧ tucäcuähuome 'chu̧huä̧ro̧mȩ'i̧nä̧.⁴⁰Jahuätömä kä'co isarä ttoecuä o̧ta̧'i̧nä̧, icui'quiyu'inä ja̧hua̧ta̧'a̧nö̧ ja̧u̧tä̧ kada'ca chu̧huä̧rä̧cuä̧'i̧nä̧ juhua'atäcu kä'co isaräcu doächi'äcuähuome ttoecuä o̧ta̧'i̧nä̧ i'cächinä̧tö̧; ti̧ä̧dä̧cuä̧huä̧ o̧chu̧'i̧nä̧, isode ti̧'ä̧dö̧ ta'u ku̧nä̧huä̧'i̧nä̧ ja̧'hua̧ta̧'a̧nö̧ TÖ̧Ä̧NÄ̧HUA̧ ö̧jo̧de ppä'ädipö tta̧di̧tä̧cuȩ'i̧nä̧, ca̧ca̧cu̧ pä̧cuä̧huode. ⁴¹Jahuätömä ȩpi̧nä̧tö̧ ro̧o̧mȩ kä̧nö̧ 'ca̧tä̧hui̧'ö̧'cotö ttaditäcuä̧'i̧nä̧, sacerdote Aarón ja̧'hua̧ta̧'a̧nö̧ i̧tti̧mö̧ sacerdotestö jö̧nä̧ aditö ttö̧'ca̧tä̧huä̧ti̧yu̧'i̧nä̧ i'cächinä̧tö̧.⁴²Ja̧'hua̧nö̧tä̧ Israel ttö̧ja̧mä̧ adicuämä o'cajuiyötä aditinä̧tö̧ TÖ̧Ä̧NÄ̧HUA̧ Moisésrö hueinö ta'anö̧tä̧. ⁴³Moisésmä usähuinö ttadijäjimä o'cajuiyönä̧tä̧, ja̧'hua̧ta̧'a̧nö̧ jahuätö ttaditäjimä topinö. TÖ̧Ä̧NÄ̧HUA̧ hueinö ta'anö̧tä̧ jahuätömä aditinätö̧. Ja̧'hua̧nö̧ ji̧yä̧cu̧ Moisésmä TÖ̧Ä̧NÄ̧HUA̧ i̧mi̧nä̧ adiutä̧ ja̧ pä'ö ucuocu ku̧ni̧nö̧.

¹Ja̧'hua̧nö̧ ja̧'a̧ TÖ̧Ä̧NÄ̧HUA̧ ucuocuinö Moiserö pa̧'a̧nö̧ pä'ö: ²Kä̧hua̧ttö̧ ä̧cuo̧mȩnä̧ mo̧ro̧ ja̧'a̧ jareö a̧'ȩ päi'omenä ucutumä jo̧mȩnö̧ cu̧ju̧nä̧rä̧tu̧cu̧'a̧nö̧ ja̧'a̧ Tö̧ä̧nä̧hua̧ ö̧jodemä, tta̧di̧tä̧cuä̧ ucuocu pä̧cuä̧huode'inä.³Cutätucuajá i̧so̧ca̧nä̧ jȩchi̧nö̧ i̧jȩcuo̧ca̧nä̧mä̧, ucumä juo̧ca̧ i̧so̧ca̧ i̧sä̧ta̧ 'to'epö tta̧cuä̧rä̧cua̧jä̧. ⁴Mesa isodä cui'chächaja ja̧'hua̧nö̧ i'chächö ji̧yȩtä̧ jö̧ta̧'a̧nä̧ yoräteunä cutajá. Ja̧'hua̧nö̧ o'ca'a cui'chächajá tejähua jua̧u̧ttu̧tä̧ tejähuore cuaditajá.⁵I̧sa̧rä̧ 'cu iyähuodä ja̧'tu̧huodanä cutajá a̧mȩu̧nä̧ i̧so̧ca̧ ttö jȩchi̧nö̧ i̧jȩcuo̧ca̧ ä'ca. Ucumä cu̧tä̧cua̧jä̧ tto̧'ȩcuä̧ta̧ Tö̧ä̧nä̧hua̧ ö̧jode doächäcuähuome ä'ca. ⁶Ja̧'hua̧ta̧'a̧nö̧ cu̧tä̧cua̧jä̧ i̧sa̧rä̧ ku'icu iyähuiodä Tö̧ä̧nä̧hua̧ ö̧jode do'ächäcuähuome ä'ca, huȩnȩ ucuocuäcuähuome'inä. ⁷Ja̧'hua̧ta̧'a̧nö̧ cu̧ju̧nä̧cua̧jä̧ Tö̧ä̧nä̧hua̧ ö̧jode ja̧'hua̧ta̧'a̧nö̧ huȩnȩ ucuocuäcuähuome kä'co päte'ö i̧so̧'tä̧ rö̧o̧'tä̧ jua'a jacuämä ajiya acunä.⁸Jo̧mȩnö̧ u̧mi̧nä̧'i̧nä̧ sobucuächönä juätädö kö̧nä̧tu̧cui̧, ja̧'hua̧ta̧'a̧nö̧ u̧mi̧ isaränä do'ächäcuähuome'inä i̧sä̧tä̧ äcuädö rö̧nä̧tu̧cui̧. ⁹A̧dȩja̧ 'cucuettö tu'epätucui Tö̧ä̧nä̧hua̧ ö̧jode ja̧'hua̧ta̧'a̧nö̧ juodenä ko̧cu̧'i̧nä̧ o'cajuiyönä. Ucumä kä̧'ȩpö̧ cu̧ju̧na̧ja̧ o'cajuiyönä tto chö'äremä; ja̧u̧mä̧ surojö juiyö jä̧cua̧'a̧. ¹⁰Ucumä cu'cucuȩtä̧cua̧jä̧ i̧so̧ca̧ 'cu'icu iyähuome o'cajuiyönä juȩnȩ a̧di̧cuä̧mä̧. Ucutä kä̧'ȩpö̧ cu̧ju̧nä̧cua̧jä̧ TTÖ chö̧'ä̧ro̧ca̧mä̧ ja̧'hua̧nö̧ jo̧mȩnä̧tä̧ ttöttö surojö'inä jui̧yo̧ca̧ jä̧cua̧'a̧. ¹¹Broncettö̧ a̧di̧cuo̧ca̧'i̧nä̧ tucuepajá jua'a chu̧huä̧rö̧'i̧nä̧ kä̧'ȩpä̧ cu̧ju̧na̧já̧ ttö chöäre päi'önä¹²Ucutä cui̧'chä̧chä̧cua̧jä̧ Aaronrö̧'i̧nä̧ ja̧'hua̧ta̧'a̧nö̧ i̧tti̧mu̧rö̧'i̧nä̧ do'ächö huȩnȩ ucuocuäcuähuomettö̧ ja'huätörö cu̧tu̧cä̧cua̧jä̧ ajiyanä. ¹³TTö chi'äre päi'önä kä̧'ȩpö̧ cu̧ju̧nä̧jä̧tu̧cu̧ttu̧ Aaronrö̧ cu̧'ca̧tä̧tu̧cua̧já̧, 'cucuetö ja̧'hua̧ta̧'a̧nä̧ kä̧'ȩpö̧ ku̧nä̧tu̧cui̧rö̧ ja̧u̧ jä̧cua̧'a̧ ttö pädö jiäcuähuä i̧sa̧ jä̧cua̧'a̧nö̧.¹⁴Ucumä cui̧'chä̧chä̧cua̧jä̧ i̧tti̧mu̧rö̧'i̧nä̧ ja̧'hua̧nö̧ i̧'chä̧chö̧mä̧ cu̧'ca̧tä̧tu̧cua̧já̧ 'ca̧tä̧'ä̧cuähuä'pi otoä'pi. ¹⁵Ucutä cu'cucuetajá ja'huätö tä'orö cu'cucuetajita'anö ja̧'hua̧nö̧ jo̧mȩnä̧tä̧ TTÖ pädö ji'äcuähuotö ttäcuotö. Ja̧'hua̧nö̧ cu'cucuetomettö̧tä̧ yabocu 'chä̧cua̧'a̧ ja'huätö ttahuaruhä o'cotörö'inä." ¹⁶Ja̧'hua̧nö̧tä̧ jȩpi̧nö̧ Moisemä; Ja̧u̧mä̧ TÖ̧Ä̧NÄ̧HUA̧ päinö ta'anötä jȩpi̧nö̧. Ja̧u̧mä̧ jȩpi̧nö̧ pi̧yȩ o'cajuiyönä.¹⁷Ja̧'hua̧nö̧ ja̧'a̧ttö̧ Tö̧ä̧nä̧hua̧ ö̧jodemä̧ jo̧mȩnö̧ ji̧na̧'a̧ mo̧rä̧ttö̧mä̧ ä̧cuo̧mȩnä̧ mo̧ro̧ kä̧hua̧tö̧ttö̧'i̧nä̧ ä̧cuo̧mȩnä̧ kä̧hua̧ a̧'ȩttö̧mä̧ dodäre a̧'ȩ päi'omenä. ¹⁸Moisemä jo̧mȩnö̧ aditö ku̧ni̧nö̧ Tö̧ä̧nä̧hua̧ ö̧jodemä̧, kä̧cuo̧mȩ jo̧mȩnö̧ bo'copö ku̧ni̧nö̧, ku̧ni̧nö̧ kä̧cuo̧mȩ'i̧nä̧, pätecu nö'cädö ku̧ni̧nö̧ yö̧ȩpä̧rä̧cua̧'i̧nä̧ ja̧'hua̧ta̧'a̧nä̧ chu̧huä̧rö̧nä̧ ko̧cuä̧cuä̧ o'ca'inä ku̧ni̧nö̧. ¹⁹I̧sä̧tä̧ cä'epö huä̧ni̧nö̧ Tö̧ä̧nä̧hua̧ ö̧jode juttä isode pporädäcuähuode huä̧ni̧nä̧ juȩnȩmä̧ TÖ̧Ä̧NÄ̧HUA̧ päjita'anö. ²⁰Ja̧u̧mä̧ ȩmi̧nö̧ jȩchä̧cua̧sä̧ päinöji̧nö̧ ja̧'hua̧nö̧tä̧ jȩpö̧ rötinö juo̧ca̧ jacuä. Ja̧'hua̧ta̧'a̧nö̧ itta'ca'inä rötinö ja̧u̧nu̧ o'ca'a muecuäbi i̧sa̧ ucuoja dahuipome'inä käbi mu̧'ȩpi̧nö̧.²¹Ja̧u̧mä̧ i'chächinö i̧so̧ca̧ Tö̧ä̧nä̧hua̧ ö̧jode jacuä. I̧sä̧ta̧ tto'epinö Tö̧ä̧nä̧hua̧ jȩi̧nö̧ ȩco̧ca̧ tto̧ȩpä̧rö̧nä̧, TÖ̧Ä̧NÄ̧HUA̧ pä'inö ji̧nö̧ta̧'a̧nö̧. ²²Mesa isodä'inä ku̧ni̧nö̧ huȩnȩ u̧cuo̧cuä̧cuä̧huo̧ca̧ jacuä'inä, Tö̧ä̧nä̧hua̧ ö̧jodettö kä̧hua̧ u̧huo̧jua̧'a̧nä̧cu̧ttu̧, i̧sä̧tä̧ u̧mi̧nä̧. ²³Ja̧u̧ rötinö pan o̧ppö̧ mesa roräteunä pȩjö̧nä̧ TÖ̧Ä̧NÄ̧HUA̧ ä'cajome, TÖ̧Ä̧NÄ̧HUA̧ hueäji ta'anö.²⁴Ja̧u̧mä̧ ku̧ni̧nö̧ ra̧pa̧ra̧ ku̧nä̧huä̧ o'cä huȩnȩ ucuocuäcuähuode jacuä, mesa ko̧mȩ jäyä, Tö̧ä̧nä̧hua̧ ö̧jodettömä kä̧hua̧ ieruhua'acunä. ²⁵Ra̧pa̧ra̧mä̧ kä̧dȩpi̧na̧'a̧ TÖ̧Ä̧NÄ̧HUA̧ ä'cajome, TÖ̧Ä̧NÄ̧HUA̧ päinö ji̧nö̧ ta'anö.²⁶Ja̧u̧mä̧ ku̧ni̧nö̧ ku icu iyähuome ja̧ttu̧huo̧mȩ huȩnȩ ucuocuäcuähuoca jacuä ttö̧ȩpä̧rä̧ta̧ ä'cajome. ²⁷'Cu icuinö juodä adiunä a̧mȩu̧nä̧ juorö, TÖ̧Ä̧NÄ̧HUA̧ päinö ji̧nö̧ ta'anötä̧.²⁸Ja̧u̧mä̧ ti̧'ä̧dö̧ rö̧ni̧nö̧ i̧sä̧ta̧ Tö̧ä̧nä̧hua̧ ö̧jode ä'ca. ²⁹Ku̧ni̧nö̧ 'cu icu iyähuome'inä Tö̧ä̧nä̧hua̧ ö̧jodecu do'ächäcuähuome, huȩnȩ u̧cuo̧cuä̧cuä̧huo̧ca̧nä̧. 'Cu'icu iyähuome iyinö u̧huä̧ju̧ iyähuä TÖ̧Ä̧NÄ̧HUA̧ päinö ji̧nö̧ ta'anö. ³⁰Ja̧u̧ ku̧ni̧nä̧ i̧sä̧yu̧ huȩnȩ u̧cuo̧cuä̧cuä̧huo̧ca̧cu̧ i̧so̧ca̧cu̧ kä̧tȩ jo̧mȩ, ajiya'inä ku̧ni̧nö̧ ttutucähua pä'ö.³¹Moises'inä Aaron'inä ja̧'hua̧ta̧'a̧nö̧ i̧tti̧mu̧'i̧nä̧ ttu̧mu̧pi̧yä̧ ja̧'hua̧ta̧'a̧nö̧ ttö̧jä̧pi̧yä̧'i̧nä̧ ja̧huä̧yu̧ttu̧ töcähui'änätö ³²huȩnȩ u̧cuo̧cuä̧cuä̧huo̧ca̧ra̧'a̧ ja̧'hua̧ta̧'nö̧ Tö̧ä̧nä̧hua̧ ö'äre ka̧cuo̧ca̧ra̧'a̧ dottächa pä'ömä. Jahuätömä ja̧'hua̧ta̧'a̧nö̧ töcähui'änätö, TÖ̧Ä̧NÄ̧HUA̧ hueinö ji̧nö̧'a̧nö̧tä̧ Moiserö. ³³Moisemä jo̧mȩnö̧ aditö ku̧ni̧nö̧ Tö̧ä̧nä̧hua̧ ö̧jode sobucuächönä ja̧'hua̧ta̧'a̧nö̧ hueinö ȩjo̧cä̧ ko̧mȩ'i̧nä̧. U̧mi̧ isaränä dottächi'omeinä i̧sä̧tä̧ ti̧'ä̧dö̧ rö̧ni̧nö̧. Ja̧'hua̧nö̧tä̧, Moisemä aditähuä cä'ädinö.³⁴Ja̧'hgu̧a̧nö̧ ja̧'a̧ttö̧ huȩnȩ u̧cuo̧cuä̧cuä̧huo̧ca̧ ko̧mȩmä̧ isoppa a̧ttä̧chi̧'i̧na̧'a̧, TÖ̧Ä̧NÄ̧HUA̧ öadihuämä juodettö i̧jȩcuä̧chi̧na̧'a̧. ³⁵Moise'inä doächa pä'ömä juiyina'a huȩnȩ ucuocuäcuähuodera̧'a̧mä̧ juodenä isoppa attächi'a'attö, Jua'amä juode TÖ̧Ä̧NÄ̧HUA̧ usäruttu attächi'a'attö.³⁶'Cuä'opönä ajiya isoppa Tö̧ä̧nä̧hua̧ ö̧jode u'tättö pporächi'öta'anö̧ Israel ttö̧ja̧mä̧ rötädö ihui̧nä̧tö̧. ³⁷Ja̧'hua̧nö̧ ja̧'a̧nä̧ ajiya isoppa Tö̧ä̧nä̧hua̧ ö̧jode u'tättö pporächi'ö juiyöttömä, ttö̧ja̧mä̧ rä'opö i̧huo̧co̧tö̧ pinätö. Ja'huätömä tta̧'a̧ri̧nä̧tö̧ juoppa cäecuächomejubu. ³⁸Jua'amä TÖ̧Ä̧NÄ̧HUA̧ öadihuä isoppa jau̧nu̧ mo̧ro̧ juode isodenä huirochö ra̧'a̧ttö̧, yodomä juode ju'tämä ucurä huirochö ri̧na̧'a̧, ocatoi'önä Israel ttä̧ja̧mä̧ topinätö̧ koromecu̧ tti̧huo̧mȩnä̧mä̧.

¹TÖ̧Ä̧NÄ̧HUA̧MÄ̧ Moisésrö huopinö ja̧'hua̧nö̧ ja̧'a̧ ca̧ca̧cu̧ pä̧mä̧dä̧cuä̧huo̧mȩttö̧ ucuocumä pä'inö: ²"Israel ttö̧ja̧rö̧ ji'äumä pä'itö: Ucututtö ya̧tȩ iäre iyähuä Ö̧NÄ̧HUA̧RÖ̧ iya pä'ö i'cächuttömä, ä̧ji̧mö̧ttö̧ ya̧tȩrö̧ ttiäre iyähuä jö̧nä̧ iya pä'ö i'cächöttömä, päcäyärö jö̧ttö̧'i̧nä̧cö̧ a̧ji̧mö̧ttö̧ ya̧tȩrö̧cö̧.³Ttiäre iyähuä päcäyärö ku icu iyähuä jö̧ ttö̧mä̧, Ja̧u̧mä̧ päcäyä ubo öttahuiyä jui̧'a̧rö̧ iya pä'ö ja̧'a̧. Ja̧u̧mä̧ ca̧ca̧cu̧ pä̧cuä̧huo̧mȩ do'ächi'äcuähuomettö̧ iya pä'ö jä̧cua̧'a̧, TÖ̧Ä̧NÄ̧HUA̧RÖ̧ iyäji ȩmi̧ya̧rö̧ pä'ömä. ⁴Ja̧u̧mä̧ umö i̧sa̧ ku icu i̧yä̧hua̧ unä 'chuhuäda pä'ö jä̧cua̧'a̧, ja̧'hua̧nö̧ jo̧mȩnä̧ ȩmi̧yä̧cua̧ chutärö'inä surojö jȩä̧ji̧ jȩä̧chö̧nä̧ jö̧nä̧.⁵Ja̧'hua̧'a̧nö̧ jö̧ O'ca'amä pä'cäyäru cuä'ö huicuä pä'ö ja̧'a̧ TÖ̧Ä̧NÄ̧HUA̧ i'ä'catö. Aarón i̧tti̧mo̧ Sacerdotetömä, ttötte pähuotö ca̧'ca̧cu̧ ti̧ȩjo̧mȩ ä'ca kä'ca i̧sa̧ru̧ kui'cu iyäcuome do'ächä'cuä'ome. ⁶Ja̧u̧nö̧ O'ca'a̧ isotö tti̧jȩtä̧mä̧ 'pä̧'ö̧ hui̧cuä̧ja̧ ofrenda jö̧nä̧ cui̧'cu̧ i̧yäcuättömä Jahua̧ta̧'a̧nö̧ ppo̧u̧cu̧ päi'önä 'cui'icu.⁷Ja̧u̧nö̧ O'ca'a Aarón i̧tti̧mo̧ Sacerdotetä̧'a̧ ti̧rȩdȩta̧ pä̧'ö̧ kuhuähuomemä ja'hua̧ta̧'a̧nö̧ dau odiyämä ocurätä cuo'ö i̧cuä̧cuȩ. ⁸Aarón i̧tti̧mö̧ Sacerdotetömä ttötäcuotö po̧'ö̧ o̧'ca̧nä̧ 'cui̧'ö̧ icutä U'i̧nä̧ Ja̧'hua̧ta̧'a̧nö̧ ö̧'a̧dȩ'i̧nä̧, Dau odiyä ocurä'cu huä̧mȩnä̧mä̧ ji̧yȩcu̧po̧nä̧ cutätucuäja̧. ⁹Jua̧'a̧nö̧ ja̧'a̧nä̧ jacuä̧nä̧ ka̧cu̧mä̧ ajiyanä ttö̧töca pä'ö ja̧'a̧. Ja̧u̧nö̧ o'ca'amä Sacerdote huotötä ku tticuä pä'ö ja̧'a̧ o'cajuiyönä ttiäre iyähuä jö̧nä̧. pi̧yȩmä̧ ttorö a̧dö̧nä̧ 'chopa'a; pi̧yȩmä̧ ttörö ttiäre ku'icu iyähuä ja̧'a̧.¹⁰öäre ku icu iyäcuämä ä̧ji̧mu̧ puttädäcuäcuotöttö oveja̧ttö̧ jö̧ttö̧'inä cabratö̧ jö̧ttö̧ inä̧,ja̧u̧mä̧ iyöanö ja̧'a̧ ubottö öttä inä̧ juia̧ttö̧. ¹¹Ja̧u̧mä̧ cuäö icuäpäö ja̧'a̧ käcua̧ u̧huo̧hua̧'a̧cu̧ttu̧ TÖ̧Ä̧NÄ̧HUÄ̧ ä,cajo̧mȩttö̧. Aarón i̧ti̧mu̧inä̧ sacerdote cuotöinä̧mä̧ ucuoja ririttäcuotö ku icu iyähuä'ca jäyänä̧.¹²Ja̧u̧nu̧ o'ca'a ja̧u̧mä̧ ppo̧ö̧nä̧ 'cuiä̧cua̧, u'inä ja̧'hua̧ta̧'a̧nö̧ ö̧a̧dȩinä̧, ja̧'hua̧'a̧nö̧ jö̧ o'camä sacerdote huotömä adiunä pojopu ttutäcuotö dau sodänä ocurä cuomȩcu̧, ku icu iyäcuä'ca ko̧mȩttö̧, ¹³Ja̧'hua̧'a̧nö̧ ja̧'a̧nä̧ öahuä jahuänä ko̧cumä̧ ja̧'hua̧ta̧'a̧nö̧ öjahuiyä'inä̧mä ajiyanä̧ ötöcapäö ja̧'a̧ ja̧u̧mä̧. Ja̧u̧nu̧ o'ca'amä sacerdote cua̧mä̧ o'cajuiyönä̧tä̧ iyö icuapäötä jä̧cua̧'a̧, ja̧'hua̧'a̧nö̧ ja̧'a̧ttö̧ ku icu iyäcuomȩtä̧ ku i̧cua̧'cua̧. Pi̧yȩmä ku'icu iyäcuätä ja̧'a̧, ja̧'hua̧'a̧nö̧ ja̧'a̧ttö̧ TÖ̧Ä̧NÄ̧HUÄ̧RÖ̧MÄ̧ a̧di̧u̧nä̧ a̧mȩu̧nä̧tä̧ 'cho̧päcua'a, ja̧u̧ru̧tä̧ ku'icu iyäcuätä ja̧cua'a pi̧yȩmä̧.¹⁴TTÖ̧Ä̧NÄ̧HUA̧RÖ̧ iyähua i̧sa̧ co'örö ku'icu iyahuäjö̧ttö̧mä̧, ja̧'hua̧nö̧ jö̧ttö̧mä̧ cuiäre iyähuä cuiyacua̧já du'o äjiröcö̧ ja̧'hua̧nö̧ jö̧ juiyöttömä unucu mö̧'ä̧ya̧rö̧. ¹⁵Sacerdote hua̧mä̧ ku'icu iyähuomecu i'chächö, u̧ru̧pä̧'quȩ meropö ku'icu'anö ja̧'a̧. Ja̧u̧nu̧ o'ca'a ucuoja huerächö icunä ku'ähuome jäyäcu.¹⁶Ja̧u̧mä̧ ö'cäbiyu'inä 'cärepö topö jua'a ȩjö̧mä̧, i̧cuä̧cua̧ ku'iyähuome jäyä, ä̧ya̧ri̧ osa rötähuomecu̧. ¹⁷Ujuabiyä kä'copäte'ö jo̧mȩ nä̧'ȩpä̧cua̧, ja̧'a̧hua̧nö̧ ja̧'a̧nä̧ i̧mi̧cu̧nä̧ päi'öjuyiyönä ujuabiyä. Ja̧u̧nu̧ o'ca'a sacerdote hua̧mä̧ u̧ju̧huä̧cua̧ ku iyähuome, dauhuiyättö ocurä cuome. Pa̧'a̧nö̧ jä̧cua̧'a̧ tti'äre hu iyähuämä, Ja̧'hua̧nö̧ jo̧mȩnä̧tä̧ a̧di̧u̧nä̧ 'chopäcua'a TTÖ̧Ä̧NÄ̧HUA̧RÖ̧MÄ̧; Ocuränä ja̧u̧ iäre iyähuätä jä̧'a̧ttö̧.

¹TÖ̧Ä̧NÄHUA̧RÖ̧ iya pä'ö ya̧tȩ i'cächöttömä ö̧hua̧ju̧ o̧tȩttö, iya pä'öttömä adihuä jä'i trigo i̧sa̧ppȩttö̧, jo̧u̧mä̧ dahuepä̧cua̧ a̧dȩja ja̧'hua̧ta̧'a̧nö̧ a̧du̧nä̧ a̧mȩu̧ttö̧'i̧nä̧. ²Jo̧u̧mä̧ i̧ya̧cua̧ iya pä'ömä Aarón i̧tti̧mu̧rö̧, sacedorterö̧, juorö ya̧tȩ sacerdote ȩmä̧cua̧ u̧mu̧nä̧ adihua juä'i trigo i̧sa̧ppȩ dahuecua'a a̧dȩja ja̧'hua̧ta̧'a̧nö̧ a̧du̧nä̧ a̧mȩu̧ttö̧'i̧nä̧, sacerdote i̧ya̧cua̧ ku'icu iyähuä ju̧nä̧ TÖ̧Ä̧NÄHUA̧RÖ̧. Jo̧u̧mä̧ 'chopäcua a̧du̧nä̧ TÖ̧Ä̧NÄHUA̧RÖ̧, pi̧yȩtä̧ ja̧'a̧ ko'ícu i̧ya̧huä̧ cua̧'i̧mä̧ jo̧u̧rö̧. ³Koró ö̧hua̧ju̧ ote ju̧ttö̧'i̧nä̧ ttiare ku'icu iyähuämä ttiya'anö ja̧'a̧ Aarónrö̧ ja̧'hua̧ta̧'a̧nö̧ i̧tti̧mu̧rö̧tä̧, TÖ̧Ä̧NÄHUA̧RÖ̧ kuicu iyähuämä ro̧'ö̧ jähuä ja̧'a̧.⁴Cuiya päcutömä kuicu iyähuä jo̧mȩnö̧ ȩtta̧hua̧'a̧ pa̧ ppö̧ä̧mo̧ cö̧ttö̧ adicua'a, jua̧ppä̧nä̧mä̧ a̧dȩja tuhuecuä cua'a ja̧'hua̧ta̧'a̧nö̧ ppu̧ä̧mo̧cu̧cu̧ adicua pa̧ joachödä̧, a̧dȩ tuhuecuä cua'a. ⁵Ja̧'hua̧ta̧'a̧nö̧ kuicu iyahua cuȩttö̧ttö̧mä̧ a̧dȩ́ pä̧rä̧hua̧bä̧nä̧, cuȩtta̧'a̧nö̧ ja̧'a̧ ppö̧ä̧mo̧cocu̧ adicuäta a̧dȩ́cu̧ tuhuecua'a.⁶Ucumä ppo̧u̧cu̧ 'cä̧'chu̧ cuicua pä'ö ja̧'a̧ ja̧'hua̧ta̧'a̧nö̧ ja̧u̧mä̧ huä̧mȩmä̧ a̧dȩja dacuepa pä'ö ja̧'a̧. Pi̧yȩ ja̧'a̧ u̧huä̧ju̧ otettö ttiäre iyähuämä. ⁷Ttiäre iyähuä u̧huä̧ju̧ ote jö̧ttö̧mä̧ sä̧rä̧bä̧nä̧ da'u icuähuä jä̧cua̧'a̧, trigo i̧sa̧ppȩ a̧di̧hua̧ppȩttö̧ a̧dȩjacu huihuacua'a jä̧cua̧'a̧.⁸Ucumä u̧huä̧ju̧ otettö cui'cächa pä'ö jä̧cua̧'a̧, TÖ̧Ä̧NÄ̧HUA̧RÖ̧ cuiya pä'ömä, ja̧'hua̧ta̧'a̧nö̧ sacerdoterö iyähuäcua'a ja̧u̧tä̧ ku icu iyähuomecu̧ i'cächa pä'ö hua̧mä̧. ⁹Ja̧u̧nu̧ o'ca,a sacerdotemä u̧huä̧ju̧ iyähuä jä̧ji̧ttö̧ ji̧yȩtȩ ȩmä̧cua̧ chutä jähuänä iyähuä jö̧nä̧, ja̧'hua̧nö̧ ja̧'a̧ ja̧u̧mä̧ ku icu iyähuomettö̧ ku icua pä'ö. Ucuränä̧ ku icu iyähuä jä̧cua̧'a̧, ja̧'hua̧nö̧ ttujuhuomenä nunä a̧mȩhuä̧cua̧'a̧ TÖ̧Ä̧NÄ̧HUA̧RÖ̧MÄ̧. ¹⁰U̧huä̧ju̧ ttiyäjittö ka̧cui̧pä̧ji̧mä̧ Aarón'i̧nä̧ i̧tti̧mö̧'i̧nä̧ ttu̧cuȩ jö̧nä̧ jä̧cuȩ. Ja̧u̧mä̧ juiyo ro̧ö̧ jä̧cuȩ TÖ̧Ä̧NÄ̧HUA̧RÖ̧ iyähuä jä̧cuȩ ocuränä ku̧icuähuä jä̧cuȩmä.¹¹Ji̧yȩtȩ'i̧nä̧ ucutu CU̧Ä̧NÄ̧HUA̧TU̧CU̧RU̧ u̧huä̧ju̧ ote cuiyätucua päcuäjätucumä ppö̧ä̧mö̧cu̧mä̧ huihuacuoca'a jä̧cua̧'a̧, juhua'amä ucutumä ppö̧ä̧mö̧ jähuämä ji̧yȩtȩ'i̧nä̧ cujuhuätucua pä'ömä juiyäcua'a, maya'inä, ocuränä ku icu TÖ̧Ä̧NÄ̧HUA̧RÖ̧ iyähuä jö̧nä̧mä̧. ¹²Ucutumä cuiyäcuotöjä TÖ̧Ä̧NÄ̧HUA̧RÖ̧MÄ̧ ä̧cuo̧mȩnä̧ u̧huä̧ju̧ huȩju̧ttö̧, ja̧'hua̧nö̧ ja̧'a̧nä̧ ku icu iyähuomettö̧mä̧ a̧mȩu̧nä̧ 'chahuädönä cujuhuätucua pä'ömä jo̧ca̧'a̧ jä̧cua̧'a̧. ¹³Ucutumä u̧huä̧ju̧ ote cuiyätu̧cuä̧cuȩmä̧ 'cäruhuäbucu ȩnö̧ dacuätucua pä'ö ja̧'a̧. Ucutumä u̧huä̧ju̧ ote cuiyätu̧cuä̧cuȩnä̧mä̧ 'cäruhuäbömä̧ juiyöjuiyönä jȩ'cuä̧tu̧cua̧jä̧ TÖ̧Ä̧NÄ̧HUA̧ ötodecui ja̧'a̧ttö̧. Cuiyätucuä̧cuȩnämä̧ o'cajuiyötä 'cärubö cuȩnä̧tu̧cua̧ pä'ötä jä̧cua̧'a̧.¹⁴Ucutu cu̧ju̧nu̧ä̧tu̧cu̧ttö̧ ä̧cuo̧mȩnä̧ huȩju̧ttu̧ TÖ̧Ä̧NÄ̧HUA̧RÖ̧ cuiyätucuomenämä, u̧huä̧ju̧ otemä ji̧nä̧ jareönänö jö̧tä̧ iyätucui, ocuränä sa̧ri̧dö̧ icuähuätä ja̧u̧nu̧ o'ca'amä ttu̧cuä̧ jö̧nä̧ nu'cu cuicuätucuaja. ¹⁵Ja̧u̧nu̧ o'ca'amä jau huämemä a̧dȩjacö, inciensocö̧ cutätucua pä'ö ja̧'a̧. Pi̧yȩ jä̧cua̧'a̧ u̧huä̧ju̧ otettö cuiyätucuä̧cuȩmä̧. ¹⁶Ja̧u̧nu̧ o'ca'a sacerdotemä iyähuä nu'cu icuähuämä ja̧'hua̧ta̧'a̧nö̧ a̧dȩja'inä, incienso'inä chutä jähuänä'inä ku icu i̧yä̧cua̧. Pi̧yȩ ja̧'a̧ ocuränä ku icu TÄ̧O̧Ä̧NÄ̧HUA̧RÖ̧.

¹Isopäi'önä ya̧tȩ ttö̧ja̧sa̧ adiunä ja̧ pä'ö iäre iyähuä iyöttö ä̧ji̧mu̧ttö̧ ya̧tȩrö̧, ubo'cö ja̧'hua̧nö̧ jö̧ juiyöttö'inä isaju'cö̧, ja̧u̧mä̧ cuä'ö iyö'anö ja̧'a̧ ttötta'inä jui'ätöttö TÖ̧Ä̧NÄ̧HUA̧ ä'cajomemä. ²Ja̧u̧ cuä'ö i̧cuä̧cua̧ unä 'chu'ädö ji̧nä̧ yo̧mȩtȩ ca̧ca̧cuä̧rö̧ päi'äcuähuode apate'ä'cattö cuä'ö i̧cuä̧cua̧. Ja̧u̧nu̧ o'ca'a Arón i̧tti̧mu̧mä̧ i̧sa̧ ucuoja 'chitäcuotö ku'icu iyähuome ppeyänä.³Ya̧tȩ i̧sa̧rö̧ cuä'ö icu surojö juiya pä'ö TTÖ̧Ä̧NÄ̧HUA̧RÖ̧ iyähuä ocuränä ku'icu iyöttömä. Ja̧u̧ ö̧a̧dȩmä̧ todeunä ka̧'a̧ idepä jacuänä, ⁴ja̧'hua̧ta̧'a̧nö̧ tta'arenä acué ppeädome'inä ö̧ä̧dȩ ppeyänä ko̧cu̧'i̧nä̧ abo iso'tänä'inä, atiya'inä, ja̧u̧ acué ppeädome ö̧ä̧dȩcu̧ o'cajuiyönä huihuatö icuä̧cua̧. ⁵Arón i̧tti̧mu̧tä̧ ku tticuäcuotö i̧sa̧rö̧ ku iyähuome, dauhuiyättö ocurä cuome huä̧mȩ. Ja̧'hua̧nö̧ jo̧mȩnä̧ ö̧a̧mȩ adiunä 'chopäcua'a TÖ̧Ä̧NÄ̧HUA̧RÖ̧MÄ̧; Ja̧'hua̧nö̧ jo̧mȩnä̧tä̧ ocuränä ku iyähuä jä̧cua̧'a̧ ja̧u̧ru̧mä̧.⁶Isopäi'önä ya̧tȩ ttö̧ja̧sa̧ ä̧ji̧mu̧ttö̧ TTÖ̧Ä̧NÄ̧HUA̧RÖ̧ i̧sa̧rä̧ ku'icu iyähuä surojö juiyä pä'ö iyá pä'öttömä; ubo'cö ja̧'hua̧nö̧ jö̧ juiyöttö'inä isaju'cö̧, ja̧u̧mä̧ cuä'ö iyö'anö ja̧'a̧ ttötta'inä jui'ätöttö. ⁷Oveja i̧tti̧ttö̧ cuä'ö icu iyöttömä, ja̧'hua̧nö̧tä̧ TTÖ̧Ä̧NÄ̧HUA̧ ä'cajome iyö'anö ja̧'a̧. ⁸Ja̧u̧ cuä'ö i̧cuä̧cua̧ unä 'chu'ädö ji̧nä̧ yo̧mȩtȩ ca̧ca̧cuä̧rö̧ päi'äcuähuode apate'ä'cattö cuä'ö i̧cuä̧cua̧. Ja̧u̧nu̧ o'ca'a Arón i̧tti̧mu̧mä̧ i̧sa̧ ucuoja 'chitäcuotö ku'icu iyähuome ppeyänä.⁹Ya̧tȩ ttö̧ja̧sa̧ surojö juiyönä ö̧ja̧ pä'ömä i̧sa̧rö̧mä̧ ocuränätä̧ ku'icu i̧yä̧cua̧ TTÖ̧Ä̧NÄ̧HUA̧RÖ̧MÄ̧. Ö̧a̧dȩ'i̧nä̧, I̧hui̧ri̧ppa̧ päjure ö̧a̧dȩ'i̧nä̧ öcäcä kada'canä 'cuiocua'a, Ja̧'hua̧ta̧'a̧nö̧ jacuänä o'cajuiyönä ö̧ä̧dȩ'i̧nä̧, ja̧'hua̧ta̧'a̧nö̧ ö̧a̧dȩ jua'a jacuä ko̧cu̧'i̧nä̧, ¹⁰ja̧'hua̧ta̧'a̧nä̧ ta'are 'tacué ppeädome ko̧cu̧ ö̧ä̧dȩ'i̧nä̧ juȩnȩ ppeyänä ko̧cu̧ ö̧ä̧dȩ'i̧nä̧, ja̧u̧mä̧ ko̧cua̧'a̧ abo iso'tänä ja̧'hua̧ta̧'a̧nö̧ ö'cäbiyunä'inä, ja̧u̧ acué ppeädome ö̧ä̧dȩcu̧ o'cajuiyönä huihuatö'icuä̧cua̧. ¹¹Ja̧u̧nu̧ o'ca'a, sacerdotehua̧ ku i̧cuä̧cua̧ ttiäre iyähuome i̧yä̧cua̧ TÖ̧Ä̧NÄ̧HUA̧RÖ̧.¹²Ttö̧ja̧sa̧ ubo ku'icu iya pe'ö hua̧mä̧ cabra jö̧ttö̧mä̧, jo̧u̧mä̧ TÖ̧Ä̧NÄHUA̧ ö̧jo̧me i̧yä̧cua̧. ¹³Jo̧ú̧mä̧ u̧mú̧ mȩhuö̧́ cabra unä jȩcua̧ ja̧'hua̧nö̧ ja̧'a̧ttö̧ cuäö́ i̧cua̧cua̧ TÖ̧Ä̧NÄHUA̧ ö̧jode ä'cattö. Aarón i̧tti̧mu̧mä ririttäcuotö ucuoja kuicu iyähuä'ca jäyänä. ¹⁴Ttö̧ja̧sa̧ ubomä kuícu i̧yä̧cua̧ ucuränä TÖ̧Ä̧NÄHUA̧RÖ̧. Jo̧ú̧mä̧ ö̧á̧dehua ȩmú̧ i̧cuä̧já̧ jacuänä ka̧cú̧ ja̧'hua̧ta̧'a̧nö̧ ö̧á̧dehua o'ca juiyönä jacuä́ tö'cöhuächönä ka̧cu̧'i̧nä̧ .¹⁵Jo̧u̧mä̧ ȩmú̧ i̧cuä̧cua̧ ta'are ijäcuräte abó päte'ö ka̧cú̧ ja̧'hua̧ta̧'a̧nö̧ ö̧á̧dȩ jo̧u̧cu̧ ka̧cu̧'i̧nä̧, jo̧u̧tä̧́cu̧ ȩmú̧ i̧cuä̧cua̧ atiya'inä. ¹⁶Kuhuö́'i̧cuä̧cua̧ TÖ̧Ä̧NÄHUA̧RÖ̧ iya pä'ö sacerdotemä jo̧ú̧ o'cajuiyönä kuicu iyähuä'canä, a̧dö̧nä̧ 'chopunä. O'ca juiyönä ö̧á̧dȩmä̧ TÖ̧Ä̧NÄHUA̧RÖ̧TÄ̧ iyähuä. ¹⁷Pi̧yȩ́ hueähuämä cuahuaruhuä o'cotö'inä ttö̧jo̧mȩpunä ucutöttö ttirecua ttȩmomenämä̧, jähuätö'inä ttöcuó ö̧á̧dȩmä̧ ja̧'hua̧ta̧'a̧nö̧ ucuja'i̧nä̧.

¹TÖ̧Ä̧NÄ̧HUA̧MÄ̧ Moisésrö ucuocumä pä'inö: ²Israel ttö̧ja̧rö̧ ji'ähui: Ya̧tȩ suronä jȩa̧ päoca ja̧'a̧nä̧ jȩö̧ttö̧mä̧, TÖ̧Ä̧NÄ̧HUA̧ pi̧yȩmä̧ jȩ'cuä̧tu̧cuó päinö jinö jȩö̧ttö̧, ja̧'hua̧ta̧'a̧nö̧ jȩttö̧ juiyönä ro̧ȩpi̧nö̧ jȩö̧ttö̧mä̧, pi̧yȩ jȩa̧ pä'ö ja̧'a̧. ³Sacerdotetö̧ttö̧ jue'ipa̧ surojö jȩö̧ttö̧mä̧, ja̧u̧ jȩä̧ji̧ jähuänä ttö̧ja̧'i̧nä̧ ma̧ttä̧chö̧ttö̧mä̧, ja̧u̧mä̧ surojö jȩä̧ji̧ jähuänämä TÖ̧Ä̧NÄ̧HUA̧RÖ̧MÄ̧ päcäyä ubo mö̧ä̧ya̧ ötta'inä jui̧'a̧rö̧ iya pä'ö jä̧cua̧'a̧ suronä jȩä̧ji̧ micuä iyähuä jö̧nä̧mä̧.⁴Ja̧u̧mä̧ TÖ̧Ä̧NÄ̧HUA̧ ä'ca jo̧mȩ ca̧ca̧cu̧ pä̧cuä̧huo̧decu doächi'äcuähuomettö̧ päcäyä uborö i'cächipö, ja̧u̧ unä me'ö̧, TÖ̧Ä̧NÄ̧HUA̧ ä'ca jo̧mȩttö̧ cuä'ö icua pä'ö jä̧cua̧'a̧. ⁵Sacerdote pojopö ku̧nä̧hua̧mä̧ päcäyä ucuoja a̧'u̧cu̧nä̧ ȩmo̧po̧'ö̧ TÖ̧Ä̧NÄ̧HUA̧ ö̧jo̧decu ȩpä̧cua̧.⁶Ja̧u̧ Sacerdotemä ödo'chenä i̧sa̧ ucuoja tu'ecuäcua̧ ja̧'hua̧nö̧ jȩpö̧ TÖ̧Ä̧NÄ̧HUA̧ ä'ca jo̧mȩttö̧, rö̧ȩnä̧ ro̧o̧mȩ i̧sa̧ ucuojamä a̧'u̧cu̧nä̧tä̧ sietenö̧ jo̧menä ririä̧cua̧. ⁷Ja̧'hua̧nö̧ ja̧'a̧ Sacerdotemä i̧sa̧ ucuoja a̧'u̧cu̧nä̧ incienso ku icu i̧yä̧huo̧ca̧ ä̧ja̧ o̧na̧nä̧ tuhuepäcua̧ TÖ̧Ä̧NÄ̧HUA̧ Ä'cä jo̧mettö̧, ju̧huo̧ca̧mä̧ ca̧ca̧cu̧ ttö̧'ȩjo̧mȩ ko̧ca̧nä̧, ja̧u̧mä̧ ucuoja ki̧'o̧yamä k icu i̧yä̧huo̧ca̧ kada'ca ririäcua̧ ca̧ca̧cu̧ pä̧cuä̧huo̧mȩcu̧ doächi'äcuähuome ko̧ca̧nä̧.⁸Ja̧u̧mä̧ suronä̧ jȩttö̧nä̧ ku icu iyähuä päcäyä ö̧ä̧dȩmä̧ ȩmö̧ i̧cuä̧cua̧; ö̧'a̧dȩ ö'cäbiyunä bä̧rö̧'i̧nä̧ o'cajuiuyönä u̧huä̧sa̧nä̧ bä̧rö̧mä̧ cärö i̧cuä̧cua̧, ⁹ö̧jä̧cuorä ote toterenä bä̧rö̧'i̧nä̧, abonä rö̧jö̧'i̧nä̧ ja̧'hua̧ta̧'a̧nö̧ atiyanä rö̧jö̧'i̧nä̧ ö̧jä̧cuorä otecutä ȩmö̧ i̧cuä̧cua̧. ¹⁰O'cajuiyötä ȩmö̧ i̧cuä̧cua̧, ja̧'hua̧nö̧ päcäyärö emö i̧cu̧ huȩnȩ juiyönä kä̧cuä̧huä̧ jähuänä ttiyä'ijö jö̧ta'anö i̧yä̧cua̧. Ja̧u̧nu̧ o'ca'a Sacerdotemä ttiäre ku icu iyähuomettö ja̧u̧ jähuämä ku i̧cuä̧cua̧.¹¹Toro i̧jȩta̧'i̧nä̧ ja̧'hua̧ta̧'a̧nö̧ idepä o'cajuiyönä ko̧cui̧pä̧ji̧'i̧nä̧ u'inä̧ ja̧'hua̧ta̧'a̧nö̧ ö̧jä̧pi̧ya̧'i̧nä̧ ja̧'hua̧ta̧'a̧nö̧ öacuä jacuänä ko̧cu̧'i̧nä̧ ja̧'hua̧ta̧'a̧nö̧ ite'inä, ¹²O'cajuiyönä̧tä̧ toronä ko̧cu̧mä̧, ja̧u̧ ȩpä̧cua̧ o'cajuiyönä ä'ähuarätömä u̧mi̧cu̧ TTÖ chö̧ja̧ päö surojö juiyönä̧ aditö ku̧nä̧cuo̧mȩcu̧, a̧ya̧ri̧'osa ma̧o̧mȩcu̧; Jacuätömä ku tticuäcuotö ja̧u̧mä̧ ju̧huä̧nȩta̧ dau isodänä̧. Jahuätömä ku tticua pä'ö jä̧cua̧'a̧ ja̧u̧mä̧ a̧ya̧ri̧'osa mo̧ö̧nä̧ jȩtto̧mȩ jo̧mȩttö̧.¹³Israel ttö̧ja̧ o'catoi'önä suronä jȩtta̧ pättoca'anä suronä jȩttö̧ttö̧mä̧, jahuätö ttö̧ja̧mä jerupätö jahuätö surojö jȩttö̧mä̧ ja̧'hua̧ta̧'a̧nö̧ jȩpä̧tö̧ pä̧huä̧rö̧jö̧'a̧nö̧ TÖ̧Ä̧NÄ̧HUÄ̧ jȩ'cuä̧tu̧cuó pä'inö, ja̧'hua̧nö̧ ja̧'a̧ttö̧ huȩnȩ huotö, ¹⁴Ja̧'hua̧nö jo̧mȩnä̧, jahuätö suronä jȩttä̧ji̧ ttu̧huo̧juä̧chi̧'o̧mȩnä̧mä̧, ttö̧ja̧ ca̧ca̧hui̧pu̧mä̧ toro mu̧ä̧ya̧rö̧ ku'icu iyähuä jȩtta̧ pä'ö ja̧'a̧ suronä jȩttä̧ji̧ mi̧cuähuächa pä'ö ja̧'hua̧ta̧'a̧nö̧tä̧ tti̧'cächa pä'ö ji̧nä̧ yo̧mȩtȩ pä'i'ö ucuocuäcuähuode ä'ca jo̧mȩ. ¹⁵TTö̧ja̧ tturuhuotö tä̧mu̧mä̧ toro u'nä ttu̧mu̧pi̧yä̧nä̧ mȩttä̧cuo̧tö̧ TÖ̧Ä̧NÄ̧HUÄ ä'ca jo̧mȩttö̧. ja̧'hua̧nö̧ jȩpu̧ toromä cuä'ö tticuä̧cua̧ TÖ̧Ä̧NÄ̧HUÄ̧ ä'ca jo̧mȩttö̧.¹⁶Sacerdotehua̧ pojopö ȩmä̧hua̧mä̧ i'chächö'anö ja̧'a̧ päcäyä buo ucuoja ji̧nä̧yo̧mȩtȩ pä'i'ö ucuocuäcuähuodecu, ¹⁷Ja̧'hua̧ta̧'a̧nö̧ Sacerdotemä ödo'che ucuojanä ta'epö ja̧u̧mä̧ ri̧ri̧'ä̧cua̧ ji̧mu̧tȩ ta'arenö jo̧mȩnä̧ ppa̧'a̧dö̧ TÖ̧Ä̧NÄ̧HUA̧ ö'cajo̧mȩ, ttö̧ȩcuä̧tä̧ ro̧mȩ.¹⁸Ja̧u̧mä̧ ji̧'chi̧cha̧nö̧ da̧huȩpä̧cua̧ päcayä ä̧ja̧ i̧sä̧nä̧nä̧ TÖ̧Ä̧NÄ̧HUA̧RÖ̧ ku'icu iyähuome ä'ca chä̧na̧nä̧, jua'amä ka̧'a̧ ji̧nä̧yo̧mȩtȩ pä'i'ö ucuocuäcuähuodenä̧, ja̧'hua̧ta̧'a̧nö̧ ja̧u̧mä̧ ucuoja dahuepä̧cua̧ ttiäre ku'icu iyähuome, jua'amä ka̧'a̧ ji̧nä̧yo̧mȩtȩ pä'i'ö ucuocuäcuähuode doächäcuähuome. ¹⁹Ja̧u̧mä̧ i̧sa̧ ö̧ä̧dȩ'i̧nä̧ 'cui'ö icu ku iyähuomettötä̧ ku'i̧cui̧ä̧cua̧.²⁰Pi̧yȩtó Sacerdote tororö jȩá̧nö̧ jö̧mä. Tororö iyomenä suronä jȩä̧́ji̧ jȩa̧cha̧ pe'ö, ja̧'hua̧ta̧'a̧nö̧ jȩá̧cua̧ jo̧ú̧ tororömä, sacerdotemä i̧yä̧cua̧ ahuaruhuä suronä jȩttä̧ji̧ micuähuächönä , jähuätö soronä jȩttä̧ji̧ jȩa̧cha pe'ö. ²¹Jo̧ú̧mä̧ ȩpä̧cua̧ tororö ä'ä́huärä i̧mi̧cu̧ ku'ú icua pe'ö ä̧cuo̧mȩnä̧ tororö ujuhuä'ita'anö. Pi̧yȩ ja̧cua̧'a iyähuä̧ cuä̧'i̧mä̧ o'cätoinä suronä jȩttä̧ji̧ jȩä̧cha pe'ö.²²Ucuo kö̧nä̧rö̧ suronä jȩcha̧já̧ päoca'anä, koro jȩö̧ttö̧mä̧ TÖ̧Ä̧NÄHUA̧ DIOS jȩ'cua̧tö̧cu̧ó päinönö, jo̧'u̧tä̧ suronä jȩpu̧mä. ²³Ja̧'hua̧nö̧ ja̧'a̧ttö̧ jo̧ú̧mä̧ suronä jȩä̧ji̧mä̧ ttö̧huo̧jä̧cu̧, jo̧ú̧mä̧ i'cächa pe'ö ka̧'a̧ cabra uborö uttä jui̧'á̧rö̧ cuä'ícu iya pe'ö.²⁴Ja̧u̧mä̧ cabra ubo unä 'chu̧huä̧dä̧cua̧ ja̧'hua̧nö̧ 'chu'ädö TÖ̧Ä̧NÄ̧HUA̧RÖ̧ ä'ca jo̧mȩttö̧ ku icu i̧yä̧hua̧rö̧ cuä'ö tticuä'ijomȩttö̧ cuä'ö i̧cuä̧cua̧. PI̧yȩ jä̧cua̧'a̧ suronä jȩtto̧mȩnä̧ iyähuä jä̧cuȩmä̧. ²⁵Sacerdotemä i̧sa̧ ucuoja surojö jȩttö̧ micuä iyähuoya ȩmo̧po̧'ö̧ udo'chenä tu'ecu ku icu i̧yö̧huo̧ca̧ ä̧ja̧ o̧na̧nä̧ tu̧huȩpä̧cua̧, ja̧'hua̧nö̧ jȩpö̧ ja̧u̧mä̧ ku icu i̧yä̧huo̧ca̧ kada'ca to̧to̧ä̧cua̧.²⁶Ja̧u̧mä̧ ku icu i̧yä̧huo̧ca̧ huȩnö̧ ö̧a̧dȩmä̧ o'cajuiyötä ku i̧cuä̧cua̧, unichä̧rö̧ ttö̧ja̧ pä'ö iyähuä ö̧a̧dȩ ttiya jä̧'i̧ja̧'a̧nö̧. Sacerdotemä̧ ru̧hua̧ surojö jȩä̧ji̧ jähuänä micuähuächönä jȩä̧cua̧, ja̧'hua̧nö̧ jȩo̧mȩnä̧ ja̧u̧ ru̧hua̧ suronä jȩä̧ji̧mä̧ jȩpo̧cö̧ 'cua̧rö̧nä̧tä̧ pä̧i̧'ä̧cua̧.²⁷Ja̧tȩ ttö̧ja̧sa̧ suronä jȩ'a̧ päöca'anä jäyä jȩ'ö̧ttö̧mä̧, churutä pä̧huä̧rö̧jo̧mȩnä̧ TÖ̧Ä̧NÄ̧HUA̧ jȩcu̧'ä̧tu̧cua̧ päinomettö̧'i̧nä̧ i̧mi̧cu̧nä̧ jȩo̧ttö̧mä̧, ja̧'hua̧ta̧'a̧nö̧ suronä jȩpa̧ji̧sä̧ pä'ö u̧huo̧juä̧chi̧'ö̧ttö̧mä̧, ²⁸ja̧'hua̧nö̧ jo̧mȩnä̧tä̧ juo̧juä̧chi̧'ö̧ suronä jȩä̧ji̧mä̧, chutä a̧mo̧nä̧tä̧, ja̧'hua̧nö̧ä̧ jo̧mȩnä̧tä̧ ja̧u̧mä̧ i̧'chä̧chä̧cua̧ cabra isajuru cuä'ö icua pä'ö, surojö'inä jui'ajuttu, chutä suronä jȩä̧ji̧ micuä päi'önä.²⁹Ja̧u̧ma̧ suronä jȩä̧ji̧ micuä iyäcu unä 'chu'ädö ja̧u̧ru̧ cuä'ö i̧cuä̧cua̧ surunä jȩö̧ micuä päi'önä ku'icu iya pä'ö. ³⁰Sacerdote hua̧mä̧ ödo'chenä i̧sa̧ ucuoja ji̧'chi̧cha̧nö̧ ȩmö̧ päcäyä ä̧ja̧ i̧sä̧na̧nä̧ da̧huȩpä̧cua̧ ttiäre ku'icu iyähuome. Ja̧u̧mä̧ i̧huȩrä̧dä̧cua̧ i̧sa̧ ucuoja o'cajuiyönä ku'icu iyähuome kada'ca.³¹Jo̧u̧mä ö̧ä̧dȩ ȩmú̧ i̧cuä̧cua̧, ö̧ä̧dȩ ȩmi̧cuähuamä ttiyinö̧ kuicu surojö juiya pa'ö. Sacerdote u̧ju̧hua̧cua̧ kuicu iyähuome adiu a̧du̧nä̧ 'chopunä TÖ̧Ä̧NÄHUA̧RÖ̧. Sacerdote to̧ä̧rä̧cua̧ ttö̧ja̧sä̧rö̧ ja̧'hua̧ta̧'a̧nö̧ jo̧ú̧ suronä jȩä̧ji̧mä̧ jȩä̧chä̧cua̧'a̧.³²Ya̧tȩ suronä jȩä̧ji̧ jȩä̧cha̧ pä'ö ovejarö cuäícö iya pe'ö i'cachöttömä, jo̧u̧mä̧ i̧'cä̧chä̧cua̧ oveja isajuru köttahuiyä jiajurö. ³³Jo̧ú̧mä̧ i̧yä̧cuä̧'i̧nä̧ u̧mú̧ mȩä̧cua̧ ja̧'hua̧ta̧'a̧nö̧ cuä'ö́ icuä̧cua̧ suronä jȩä̧ji̧ jȩä̧chö̧nä̧ iya pä'ö kuhuícu iyähuomettö̧ jähuätö cuättäcuotö.³⁴Sacerdotemä i̧sa̧ ucuoja suronä jȩttö̧ jähuänä iyähuoya a̧'u̧cu̧nä̧ ȩmo̧po̧'ö̧ udo'chenä tu'ecu ku icu i̧yä̧hu̧yo̧ca̧ ä̧ja̧ o̧na̧nä̧ tu̧huȩpä̧cua̧ ja̧'hua̧ta̧'a̧nö̧ ja̧u̧mä̧ ku icu i̧yä̧huo̧ca̧ kada'ca ucuojamä o'cajuiyötä totoä̧cua̧. ³⁵Ja̧u̧mä̧ i̧sa̧ ö̧a̧dȩmä̧ o'cajuiyötä ȩmö̧ i̧cuä̧cua̧, huȩnȩ juiyönä ttö̧ja̧ pä'ö ku icu iyähuä oveja ö̧a̧dȩ ȩmö̧ tticua'a jä̧'i̧ja̧'a̧nö̧tä̧, ja̧'hua̧ta̧'a̧nö̧ ku icu iyähuome huä̧mȩ huȩjö̧ TÖ̧Ä̧NÄ̧HUA̧RÖ̧ ocuränä ku icu iyähuämä, sacerdotemä ku i̧cuä̧cua̧. Sacerdotemä suronä jȩä̧ji̧ jȩä̧chö̧nä̧ jȩä̧cua̧ ja̧'hua̧nö̧ jȩo̧mȩnä̧ ja̧u̧ ttö̧ja̧sa̧mä̧ suronä jȩä̧ji̧mä̧ jȩpö̧cö̧ päji 'cua̧rö̧nä̧tä̧ to̧ä̧cua̧.

¹Ya̧tȩ suronä jȩö̧ttö̧mä̧ toäja'anä jiuähuoca'a ja̧u̧ jiähua pä'ö jättepäcu, toäjittö'inä ä̧ju̧cuä̧ji̧ttö̧'i̧nä̧ ja̧'hua̧nö̧ 'cuäopaji̧, ja̧u̧tä̧ jä̧cua̧'ä̧ huȩnȩ jua̧mä̧. ²Dios pi̧yȩmä̧ surojötó päinö̧ji̧nö̧ ya̧tȩ mȩö̧ttö̧mä̧, de'a i̧sa̧ 'corujuo'ächäjicö̧ ja̧'hua̧nö̧ jö̧ juiyöttömä ya̧tȩ päcäyä 'corujuo'ächäjicö̧, i̧sa̧ rȩjȩnä̧ do'äucö̧, ja̧'hua̧nö̧ ja̧'a̧nä̧ mȩa̧ päoca'anä mȩä̧huä̧chö̧ttö̧mä̧, ja̧u̧mä̧ surojönätä hua̧ ja̧'hua̧nö̧ ja̧'a̧ttö̧ huȩnȩtä̧ hua̧.³Ya̧tȩ surojö kunärö̧ pä̧'ä̧hua̧rö̧ mȩ'ö̧ttö̧mä̧, o'cajuiyönä surojönä pätecuächinömä, ja̧'hua̧nö̧ surojö ieruhua'anä jȩö̧ttö̧mä̧, ja̧u̧mä̧ huȩnȩ jö̧nä̧ jä̧cua̧ u̧huo̧huä̧chi̧'o̧mȩnä̧. ⁴Ja̧'hua̧nö̧ ja̧'a̧nä̧ ya̧tȩ chutä ättö räopächönä suronä jȩchä̧cua̧sä̧ pä'ö amucuädöttömä, ja̧'hua̧nö̧ jo̧ca̧'a̧ adiutä jȩa̧ pä'ö amucuädöttömä, adiunä amucuädoca'atä ya̧tȩ i̧mi̧nä̧ jȩchä̧cua̧sä̧ pä'öttömä, ja̧'hua̧nö̧ ja̧'a̧nä̧'i̧nä̧ ja̧u̧ u̧huo̧juä̧chi̧'o̧ca̧'a̧ jo̧ttö̧mä̧, o'ca'atä u̧huo̧juä̧chi̧'ö̧ttö̧mä̧, ja̧u̧mä̧ huȩnȩtä̧ hua̧, ja̧'hua̧nö̧ suronä jö̧mä̧.⁵Ya̧tȩ pi̧yȩ jähuänä u̧huȩnȩcuä̧chö̧ttö̧mä̧, ji̧yȩtȩ suronä jȩä̧ji̧mä̧ ji'äu icua pä'ötä ja̧'a̧. ⁶Ja̧'hua̧nö̧ jo̧mȩnä̧ ja̧u̧mä̧ suronä jȩä̧ja̧'a̧ u̧huȩnȩcuä̧chä̧ja̧'a̧ micuä jö̧nä̧ TÖ̧Ä̧NÄ̧HUA̧RÖ̧ iyähuä i'cächa pä'ö jä̧cua̧'a̧, ä̧ji̧mö̧ttö̧mä̧ isajurutä, oveja jö̧ttö̧'i̧nä̧, cabra jö̧ttö̧'i̧nä̧ suronä jȩä̧ji̧ micuä iyähuä jö̧nä̧ ja̧'hua̧nö̧ jo̧mȩnä̧ sacerdotemä ja̧u̧ suronä jȩä̧ji̧ jȩä̧chö̧nä̧ jȩä̧cua̧.⁷Ja̧u̧mä̧ oveja i̧tti̧rö̧ mitö ȩmä̧ pä'ömä jo̧ca̧'a̧ jä̧cua̧'a̧, ja̧'hua̧nö̧ jo̧mȩnä̧ ja̧u̧mä̧ suronä jȩä̧ji̧ micuä iyähuä jö̧nö̧mä̧ du'o ä̧ji̧mö̧ ta̧ju̧rö̧cö̧, unucutö̧ möäyotöröcö̧ i'cächa pä'ö jä̧cua̧'a̧ suronä jȩä̧ji̧ micuä TÄÖ̧Ä̧NÄ̧HUA̧RÖ̧ iya pä'ömä, ja̧'hua̧ta̧'a̧nö̧ koromä ku icu iyähuä'inä i̧'cä̧chä̧cua̧. ⁸Ja̧u̧mä̧ sacerdoterö i'cächö i̧yä̧cua̧, ja̧u̧mä̧ ä̧cuo̧mȩnä̧mä̧ suronä jȩä̧ji̧ mi̧cuä jö̧nä̧ i̧yä̧cua̧, ja̧u̧mä̧ i̧sa̧rö̧mä̧ u meropö icua'anä 'toi'önä̧mä̧ jȩpö̧cö̧ jä̧cua̧. ⁹Ja̧'hua̧nö̧ jȩpi̧'ö̧'ca̧ i̧sa̧ ucuojamä a̧'u̧cu̧nä̧tä̧ ririäcua̧ suronä jȩä̧ji̧ mi̧cuä iyähuo̧ca̧ i'esobänä̧mä̧ ja̧'hua̧nö̧ jȩpö̧ ku icu i̧yä̧huo̧ca̧ kada'ca ucuojä royamä jo'ädö i̧cuä̧cua̧. Pi̧yȩ ja̧'a̧ suronä jȩttö̧ micuähuächönä iyähuämä.¹⁰Ja̧u̧nu̧ o'ca'a todäre päi'önä iyö'anö ja̧'a̧ i̧sa̧ co'örö öäre ku'icu iyähuä päi'önä, pa̧'a̧nö̧tä̧ jȩcu̧'a̧ja̧ pä'ö rutäuta'anötä̧ ja̧'hua̧nö ja̧'a̧ttö̧ sacerdote hua̧tä̧ i̧sa̧ ucuoja riripu jȩä̧cua̧ ja̧u̧ suronä jȩ'ä̧ji̧mä̧, ja̧'hua̧nö̧ jo̧mȩnä̧tä̧ ro̧'ȩcuo̧cö̧ jä̧cua̧.¹¹Ja̧'hua̧nö̧ ja̧'a̧nä̧ mitö ȩmu̧ juiyöttö duhuo äjimu̧ tä̧ju̧ru̧cö̧ ja̧'hua̧nö̧ jo̧ juiyöttö unucutu̧ mu̧äyotö ta̧ju̧ru̧cö̧, ja̧u̧mä i'cächa pä'ö ja̧'a̧ 3.7 kg. jo̧mȩ harina adihuäjuäittö ku'icu iyähuä päi'önä suronä̧ jȩä̧ji̧ mi̧cuä päi'önä. Ja̧u̧mä̧ ötö juiyö'anö ja̧'a̧ a̧dȩja'i̧nä̧ ja̧hua̧ta̧'a̧nä̧ ameunä 'chopö'inä, ja̧u̧mä ttöäre iyähuä ja̧'a̧ surojönä̧ jȩttö̧ micuä päi'önä.¹²Ja̧u̧mä̧ sacerdoterö i'cächö i̧yä̧cua̧, ja̧'hua̧nö̧ iyäcu sacerdotemä̧ ya'ute cacuopö ȩmä̧cua̧ iyähuä huȩnȩcuä̧chö̧ jö̧nä̧tä̧ ku icu iyähuomettö̧ TÖ̧Ä̧NÄ̧HUA̧RÖ̧ i̧yö ocuränä ku tticuäji o'cottömä. Pi̧yȩ ja̧'a̧ suronä jȩttö̧ jȩä̧chö̧nä̧ iyähuämä. ¹³Sacerdotemä ya̧tȩ suronä jȩä̧ji̧ jȩä̧chö̧nä̧ jȩä̧cua̧, ja̧'hua̧nö̧ ja̧'a̧ ja̧u̧ ttö̧ja̧sa̧mä̧ suronä jȩä̧ji̧mä̧ jȩä̧chä̧cua̧. Ttiyomenä̧ ka̧cui̧pä̧ji̧mä̧ sacerdote u̧cuä̧ jö̧nö̧tä̧ jä̧cuȩ, u̧huä̧ju̧ otettö ttiyäji jö̧ttö̧'i̧nä̧."¹⁴Ja̧u̧nu̧ o'ca'a TÖ̧Ä̧NÄ̧HUA̧MÄ̧ Moiséscu ucuocumä pä'inö: ¹⁵"Ya̧tȩ hueähuä huȩnȩ ucuotoca'a jö̧ttö̧mä̧ ja̧'hua̧ta̧'a̧nö̧ TÖ̧Ä̧NÄ̧HUA̧RÖ̧ iyähuäcu suronä jȩpö̧rö̧mä̧, ja̧'hua̧nö̧ ja̧'a̧nä̧ suronä jȩcha̧jä̧ pä'ömä jȩo̧ca̧'a̧nä̧, ja̧'hua̧nö̧ ja̧'a̧ttö̧ ja̧u̧mä̧ suronä jȩä̧ji̧ micuä jö̧nä̧ TÖ̧Ä̧NÄ̧HUA̧RÖ̧ iya pä'ö i'cächa pä'ö ja̧'a̧. Pi̧yȩ iyähuämä oveja ubo suropocörö ji̧nä̧ yo̧mȩtȩ ka̧cuä̧tö̧ttö̧; imicuämä 11.4 kg plata jo̧mȩnä̧ micuähuäcua̧, suronä jȩä̧ji̧ micuämä. ¹⁶Ja̧u̧mä̧ TÖ̧Ä̧NÄ̧HUA̧RÖ̧ suronä jȩä̧ji̧ jähuämä iya pä'ötä jä̧cua̧'a̧, surojö jui̧'a̧tä̧ päi'a pä'ömä, ja̧'hua̧nö̧ jo̧mȩnä̧ ja̧u̧mä̧ jimöte jähuättömä yabonä̧nö̧ iya pä'ö jä̧cua̧'a̧ juhua'atäcu sacerdoterö'i̧nä̧. Ja̧'hua̧nö̧ jo̧mȩnä̧ sacerdotemä ja̧u̧ surojö jȩä̧ji̧mä̧ jȩä̧chö̧nä̧ jȩä̧cua̧, oveja uborö suronä jȩä̧ji̧ jähuänä micuähuächönä ja̧'hua̧nö̧ jo̧mȩnä̧tä̧ ja̧u̧mä̧ jȩä̧chä̧cua̧ surojö jȩä̧ji̧mä.¹⁷Ja̧'hua̧nö̧ ja̧'a̧nä̧ ya̧tȩ TÖ̧Ä̧NÄ̧HUA̧ pi̧yȩmä̧ surojuto pä'ö hueinönä ji̧yȩtȩ jȩ'ö̧ttö̧mä̧, Ieruhua'anä̧ jȩ'ö̧mä̧, ja̧u̧mä̧ yabocutä huȩnȩcuä̧chu̧ ja̧'huä̧nö̧ jö̧mä̧ chu̧nä̧tä̧ ki̧'ä̧cuä̧'a̧ ja̧u̧mä̧. ¹⁸Oveja ubo suröjö jui'a̧rö̧ cui̧'cächa pä'ö ja̧'a̧ i̧micunä̧ ttoecuä'a ka̧cuä̧tö̧tö̧, Jitä micuähuometö'inä abonänö micuähua̧rö̧, ofrenda ja̧'i̧nö̧'a̧nö̧ ja̧'a̧ jö̧nä̧ Sacerdoterö huȩnȩcuä̧chu̧ja̧'a̧. Ja̧'hua̧'a̧nö̧ ja̧'a̧ ja̧u̧ Sacerdotemä jȩä̧cua̧ ieruhua'anä jȩ'ä̧ji̧mä̧ suronä jȩpo̧cö̧ jö̧nä̧tä̧ a̧mu̧cuädoca'anä jȩä̧ji̧mä̧, ja̧'hua̧ta̧'a̧nö̧ ja̧u̧mä̧ surojömä juiyunätä̧ ki̧'ö̧. ¹⁹ji̧yȩtȩ ofrenda suronä jȩcuä̧huä̧ huȩnȩchu̧nä̧ jȩä̧ji̧mä̧, ja̧u̧mä̧ isopäi'önä i̧huȩnȩcuä̧chä̧cua̧ TÖ̧Ä̧NÄ̧HUA̧ ä'cattö'inä.''

¹TÖ̧Ä̧NÄ̧HUÄ̧ Moisérö̧ ucuocu, pä'inö: ²"Ya̧tȩ suronä jȩö̧ttö̧mä̧ TÖ̧Ä̧NÄ̧HUÄ̧ hueö u̧ju̧ninö̧ji̧nö̧ttö̧ jäyäcu jȩo̧mȩnä̧, ippeyänä ko̧rö̧ amö̧nä̧tä̧ esecu 'cua̧rö̧nä̧, yapare jiäu churutä ucuotönö ttesecuäcu'inä, amonä̧ i'äu nä̧u̧cuä̧rö̧, ippeyänä ko̧ro̧ usuräunä jȩpä̧'chö̧, ³Ippeyänä kö̧ öäre toepäji'inä ku̧nä̧rö̧ ja̧'hua̧'a̧nö̧ ja̧'a̧nä ä̧ppu̧tä̧rö̧ ja̧u̧ öttö'cömä, yaparetä pä'ä'chö, pi̧yȩtä̧ ja̧'a̧ ttö̧ja̧ suronä jȩttö̧mä̧. ⁴Ja̧'hua̧'a̧nö̧ ja̧'a̧ttö̧ 'cuä'opäcua'a suronä jȩä̧ji̧mä ja̧u̧tä̧ jä̧cua̧'a̧, pa̧cuä̧dö̧'a̧nö̧ ja̧'a̧ pä̧i̧cu̧nä̧ jȩpu̧ ö̧nä̧u̧cuä̧ji̧mä̧, churutä tta̧'cua̧ huȩnä̧rö̧ ttiyäji'inä, koro toepäji'inä u̧ju̧nä̧rö̧'inä.⁵Ä̧ppu̧tä̧rä̧ji̧ttö̧'i̧nä̧ pi̧yȩ öttö'cö jäcuä jö̧, ja̧u̧mä̧ ppa̧huä̧dö̧'a̧nö̧ ja̧'a̧ o'cajuiyönä̧tä̧ ja̧'hua̧ta̧'a̧nö̧ ji̧mu̧tȩ jähuä jo̧mȩ abonänö ppädipu imitö̧'anö ja̧'a̧ imippotäcurumä, ji̧yȩnö̧ mo̧ro̧ ja̧u̧ru̧ ttö̧o̧hui̧o̧mȩnä̧ huȩnȩ cua̧ päö. ⁶Ja̧u̧nu̧ o'ca'amä, ö,cächö'anö ja̧'a̧ öäre iyähuä Ö̧Ä̧NÄ̧HUA̧RÖ̧: oveja ubottö öttä'inä jui̧'a̧ttö̧ jitä pänä mi̧cuäcuomȩ cua̧ttö̧, suronä jö̧ ko̧mȩnä̧ iyähuä cua̧rö̧ sacerdoterö. ⁷Sacerdotetä jȩä̧cua̧ iyäcuämä TÖ̧Ä̧NÄ̧HUÄ̧ a'ca jo̧mȩmä̧, ja̧'hua̧'a̧nö̧ jo̧mȩnä̧tä̧ ja̧u̧mä huȩnȩ jui̧'a̧ pä̧i̧'ä̧cua̧ ja̧u̧ jȩä̧ji̧ttö̧mä̧."⁸Ja̧u̧nu̧ o'ca'a TÄ̧Ö̧NÄ̧HUA̧ ucuocuinö Moiserö, pa̧'a̧nö̧ pä'ö: ⁹Arón'rö̧ ja̧'hua̧ta̧'a̧nö̧ i̧tti̧mu̧rö̧'i̧nä̧ hue'i, pa̧'a̧nö̧ pä'ö: Pi̧yȩ ja̧'a̧ hue'ähuamä i̧sa̧rö̧ ku'icu iyähuättömä: Ttiäre ku'icu tti̧yä̧huä̧mä ku iyähuome pä̧cua̧'a̧ yodo 'cuäo'önä mo̧ro̧ juome jubu, ja̧hua̧nö̧ ja̧'a̧ttö̧ ocurämä 'cuäopönä cuo'ö pä̧cua̧'a̧.¹⁰Saceredote hua̧mä̧ ö̧'ca̧tä̧huä'pi linottö̧ adicuä'pitö ö̧'ca̧tä̧hui̧'ä̧cua̧, Ja̧'hua̧ta̧'a̧nö̧ jacuänä ö̧'ca̧tä̧huä̧ti̧yu̧'i̧nä̧ linottö̧tä̧. Ja̧u̧mä̧ ö̧ca̧ca̧tä̧cua̧ ku'iyähuomettö̧ ä̧ya̧ri̧ osa isa̧rö̧ kutticu o'ca'a, ja̧u̧ ä̧ya̧ri̧ osamä ö̧tä̧cua̧ ku'iyähuome ppeyänä. ¹¹Ja̧u̧mä̧ ö̧'ca̧tä̧huä̧ti̧yu̧ ka̧sä̧u̧ icu ö̧tä̧cua̧ ä̧yä̧ri̧ osa isode u̧mi̧cu̧ ȩpa̧pä'ö, adiu te'önä juatädö icuähuomecu̧.¹²Co'ötä ki̧na'a̧ kuhuicu iyähuomemä. Nahui̧pä̧ pe'ömä hueyecuina'a̧, ja̧'hua̧ta̧'a̧nö̧ sacerdote mi tta̧tä̧dä̧ri̧nö̧, 'cuäpunä moro̧ ju̧'a̧cua̧. Jo̧u̧mä̧ a̧di̧tä̧ra̧cua̧ kuhuicu iyähuä jiähuinö ta̧'a̧nö̧, päinöta̧'a̧nö̧ kuhuö i̧cuä̧cua̧ jo̧u̧ta̧cu̧ ö̧a̧dȩ suronä jȩttä̧ji̧ juiya pä'ö. 'Cuäpunä kuhuö icu iyähuomemä ucuräma coö ki̧na̧'a̧. ¹³Jo̧u̧mä̧ na'ȩpu̧ icua pe'ömä juiyaca'a̧.¹⁴Pi̧yȩ ja̧'a̧ huedömä ö̧huȩju̧ obattö iyähuä. Aarón i̧tti̧mu̧tä̧ ttiyäcuotö TÖ̧Ä̧NÄHUA̧ ö̧jo̧mȩ, kuicu iyähuomettö̧. ¹⁵Sacerdote ȩmä̧cua̧ u̧mu̧nä̧ trigo i̧sä̧ppȩ a̧dȩja dahuȩpä̧cua̧ ja̧'hua̧ta̧'a̧nö̧ a̧dö̧nä̧ a̧meu̧nä kuicu iya pe'ö, pa̧'a̧nö̧ ja̧cua̧'a̧ ö̧hua̧ju̧ obattö iyähuämä, jo̧u̧mä̧ kuhuö i̧cuä̧cua̧ kuicu iyähuome 'chopa pe'ö adiunä a̧du̧nä̧ jähuatö ttiyö.¹⁶Aarón'i̧nä̧ ja̧'hua̧ta̧'a̧nö̧ i̧tti̧mö̧'i̧nä̧ ttucuäcuotö ttiya'anä ka̧cui̧pä̧ji̧ttö̧mä̧. Ppö̧ä̧mö̧cu̧mä̧ ȩttä̧huo̧cö̧ jä̧cuȩ ro̧o̧mȩttö̧mä̧. Jahuätömä ca̧ca̧cu̧ pä̧cuähuode ä'ca isarättö ttucuäcuotö. ¹⁷Ppö̧ä̧mö̧cu̧ huihuatömä ȩttä̧huo̧ca̧'a̧ jä̧cua̧'a̧tó. Ttö mippoönä chiyinö ku icuähuättö ppächämä̧ iyinö̧sä̧. Ja̧u̧mä̧ ro̧ö̧ ja̧'a̧ suronä jȩttö̧nä̧ huȩnȩcuä̧chö̧nä̧ iyähuämä ja̧'hua̧ta̧'a̧nö̧ suronä jȩttä̧ji̧ huȩnȩcuä̧chö̧ jähuänä iyähuämä. ¹⁸Ucu cuahuaruhuä cuo'ca'atucunä yo'ähui'ätöttömä 'cuäopönä̧tä̧, Aarón i̧tti̧mö̧ttö̧ u̧mä̧tö̧mä̧ ttucua pä'ötä jä̧cua̧'a̧, ocuränä ku icu TÖ̧Ä̧NÄ̧HUA̧RÖ̧ ttiyäjittömä. Ya̧tȩ ja̧u̧nä̧ mȩ'ö̧mä̧ 'cä̧'ȩpö̧ ku̧nä̧hua̧ jö̧nä̧tä̧ päi'äcua̧.¹⁹Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧MÄ̧ pä'äjita'anö Moiséscu ucuocumä pä'inö: ²⁰Pi̧yȩ ja̧'a̧ Aarón'inä, i̧tti̧mö̧'i̧nä̧ ttiya pä'ö 'cä̧'ȩpö̧ ttu̧ju̧nä̧ji̧ TÖ̧Ä̧NÄ̧HUA̧RÖ̧ tti̧yä̧cuȩmä̧ tti̧tti̧mö̧ o'catoi'önä̧rö̧ pojopö ttȩmö̧ mo̧ro̧mä̧: Trigo i̧sa̧ppȩ adihuäjuei i̧sa̧ppȩmä̧ 3.7 kg jo̧mȩnä̧ u̧huä̧ju̧ otettö iyähuä jö̧nä̧mä̧, yo̧ȩi̧ ja̧'a̧cu̧mä̧ ja̧u̧ttö̧mä̧ ju'totä ja̧'hua̧ta̧'a̧nö̧ ni̧pä̧rä̧mȩcu̧'i̧nä̧ ju'totä.²¹Sä̧rä̧bä̧ pä̧rä̧huä̧bä̧nä̧ a̧dȩjcu jȩpö̧ ö̧'ä̧rä̧cua̧. Cuä̧mi̧'ö̧ 'cucuächi'äji o'ca'amä, ucumä jacuojucu cui'cächaja. Ȩttä̧huä̧ttö̧ a̧'u̧cu̧nä̧ u̧huä̧ju̧ ote ttiyä'ija'anö cuiyajá, TÖ̧Ä̧NÄ̧HUA̧RÖ̧ adiu 'chopönä̧ jä̧cua̧'a̧nö̧. ²²Sacerdotetö̧ttö̧ juȩ'i̧pa̧ pä'äjita'anö jareönä ppa̧'a̧chi̧'ö̧mä̧ i̧tti̧mö̧cu̧ i̧yä̧cua̧. Ttiya pä'ö pähui'inö̧ta'anö ja̧u̧ o'cajuiyönä TTÖ̧Ä̧NÄ̧HUA̧RÖ̧ ttiyömä ku icuähuä jä̧cua̧'a̧. ²³U̧huä̧ju̧ otettö Sacerdote iyömä o'cajuiyönä ku icuähuä jä̧cua̧'a̧, ja̧u̧mä̧ ttucuocö jä̧cuȩ.²⁴TÖ̧Ä̧NÄ̧HUA̧MÄ̧ pä'äjita'anö Moiséscu ucuocumä pä'inö: ²⁵Aaróncö'inä i̧tti̧mö̧cö̧'i̧nä̧ ucuyocumä pa̧'a̧nö̧ pä'itö: Pi̧yȩ ja̧'a̧ suronä jȩtto̧mȩnä̧ hueähui'inö̧mä̧: Suronä jȩtto̧mȩnä̧ i̧yä̧hua̧rö̧mä̧ TÖ̧Ä̧NÄ̧HUA̧ ä'ca jo̧mȩttö̧ ku icu ttiyä'ijomettö̧ cuä'ö icuähuäcua'a. Juiyo ro̧ö̧ jä̧cuȩ. ²⁶Sacerdote suronä jȩä̧cuä̧huä̧nä̧ ku icu iyäjimä ucua pä'ötä jä̧cua̧'a̧. Ja̧u̧mä̧ u̧cuä̧cua̧ ro̧o̧mȩ ca̧ca̧cu̧ pä̧cuä̧huo̧mȩ ä'ca isarättö.²⁷Ji̧yȩtȩ idepänä mȩä̧huä̧chö̧ttö̧mä̧ mȩä̧huä̧chä̧ji̧mä̧ surojö juiyö jö̧nä̧tä̧ päi'ä̧cuȩ, ja̧'hua̧ta̧'a̧nö̧ i̧sa̧ ucuo ttö̧'ca̧tä̧huä̧ta̧nä̧ rihuächöttömä, ro̧o̧mȩttö̧ töcö tticua pä'ötä jä̧cuä̧ta̧, ucuoja 'cucuächi'äjä̧ta̧mä. ²⁸Ja̧'hua̧nö̧ ja̧'a̧nä̧ reda'ca uriyu dattäjäyumä dö'ö tticua pä'ötä jä̧cua̧'a̧. Broncettö adicuäbanä dattöttömä quirö icu ajiya teoyanä 'ca̧'u̧ tticua pä'ö jä̧cua̧'a̧.²⁹Ya̧tȩ Sacerdote päi'önä hua̧mä̧ a̧'u̧cu̧nä̧tä̧'i̧nä̧ ucua pä'ö jä̧cua̧'a̧, isopäi'önä ja̧u̧mä̧ rö̧ä̧nä̧ ja̧'a̧ttö̧. ³⁰Ja̧'hua̧nö̧ ja̧'a̧nä̧ suronä jȩttö̧ jähuänä iyähuä, ucuoja ro̧o̧mȩ ca̧ca̧cu̧ pä̧cuä̧huo̧mȩ riritta pä'ö tti'cächäjäcu idepämä ttiucua pä'ömä jo̧ca̧'a̧ jä̧cua̧'a̧. Kutä i̧cuä̧huä̧cuȩ.

¹Pi̧yȩ hueähuä huȩnȩmä ttiäre iyähuä ja̧'a̧ hu̧ene ttu̧ju̧nä̧ro̧mȩnä̧. ²ja̧'hua̧'a̧nö̧ ja̧'a̧ttö̧ surojö juiyötó ja̧u̧mä̧. Jahuätö huȩnȩ huotömä ttiäre iyähuämä cuättö'anö ja̧'a̧ ä̧tȩcuä̧nö̧ cuähuomȩttö̧, ja̧hua̧'a̧nö̧ ja̧'a̧ttö̧ jahuätomä uhuoja ririttö'anö ja̧'a̧ ku'icu iyähuä'ca ppeyänä. ³O'cajuiyönä ö̧'ä̧dȩmä̧ ttiyapä'ö ja̧'a̧: I̧hui̧ri̧pa̧ ö̧a̧dȩ'i̧nä̧ ja̧'hua̧ta̧'a̧nö̧ ö'acuä ö'cäbiyu jacuä u̧cua̧sa̧ ö̧a̧dȩ'inä, ⁴Ta'arehuäi öjacuorä ote' inä ja̧'hua̧ta̧'nö ja̧u̧ ö̧a̧dȩ'inä abosottä ppeyenä ko̧cu̧'inä, ja̧'hua̧ta̧'a̧nö̧ atiya a̧tto̧pä̧rö̧'inä, öjäcuorä ote'inä, o'cajuiyönä̧tä̧ siepu icuä'cuäcua'a pi̧yȩmä̧.⁵Sacerdote hua̧mä̧ ocuränä ku'icu iya päö ja̧'a̧ öäre iyäcuämä Ö̧Ä̧NÄ̧HUA̧RÖ̧. Pi̧yȩmä̧ surojö ttu̧ju̧nä̧rö̧ micuä päinä iyäcuä jö̧ ja̧'a̧. ⁶Sacerdote huotötö ya̧cu̧nä̧mä̧ tucua päö ja̧'a̧ pi̧yȩ i̧sa̧rö̧ cuä'ö iyäcuätömä. Ttucua päö ja̧'a̧ surojö'inä juiyomȩttö̧ surojö juiyö ja̧'a̧ttö̧.⁷suronä jȩttä̧ji̧ micuä jö̧nä̧ ttiäre iyähuämä jua'amä ja̧'a̧ suronä jȩttä̧ji̧ micuä jo̧nä̧tä̧. Ja̧u̧ hueähuätä jȩtta̧ pä'ö ja̧'a̧ ta'arecue'önä. Sacerdote hua̧tä̧ ja̧'a̧ ja'huätö suronä jȩttä̧ji̧ ttiya'ä toa'anö hua̧mä̧. ⁸Sacerdote hua̧tä̧ ja̧'a̧ o'catoi'önä ttäre ku'iyähuome toö'anö̧ hua̧mä̧, ja̧u̧tä̧ ja̧'a̧ i̧sa̧rö̧ ku'icu tiyö o'ca'a i̧jȩta̧ u̧ju̧nä̧rö̧'a̧nö̧ hua̧mä̧.⁹Ttiäre iyähuä u̧huä̧ju̧ otemä ȩttä̧huä̧cua̧'a̧ ȩttä̧huäbanä̧tä̧, ja̧'hua̧nö̧ ja̧'a̧ttö̧ ya̧cu̧nä̧ ttiäre iyähua pä̧rä̧huä̧bä̧nä̧ dahuähua'a jö̧ttö̧'i̧nä̧ ja̧'hua̧ta̧'a̧nö̧ ȩttä̧huä̧bä̧nä̧ jö̧ttö̧'i̧nä̧ sacerdote hua̧rö̧tä̧ pätecuächäcua'a iya pä'ömä. ¹⁰Ya̧cu̧pö̧nä̧ ttiäre iyähuä otemä, jo'ö otecö̧ ja̧'hua̧ta̧'nö̧ a̧dȩjacu huihuacuä ote'cö̧, yoräteunätä iyähuäcua'a Arón i̧tti̧mö̧ o'cotörö.¹¹Pi̧yȩ ja̧'a̧ huedumä cuiyätucua pe'ö surojöttö juiyönä pä'iönä cu̧jä̧tu̧cua̧ pe'ö, tti̧yä̧cuȩmi̧ ttö̧ja̧ TÖ̧Ä̧NÄHUA̧RÖ̧. ¹²Ya̧tȩ i̧yöttömä adihuarö pä'ö, ja̧'hua̧nö̧ ja̧'a̧ttö̧ jo̧u̧mä̧ i̧yä̧cua̧ cuäicu iyähuäcu pä̧ a̧dȩcu̧tä̧ ppu̧ä̧mu̧ juiyönä adicuäcu, pä̧ bäreunä a̧dȩcu̧tä̧ adicuä ppu̧a̧mu̧ juiyönä ja̧'hua̧ta̧'a̧nö̧ pastelenä adicuä a̧dȩcu̧tä̧ ppu̧ä̧mu̧ juiyönä.¹³Ja̧'hua̧nö̧ ja̧'a̧ttö̧, eseunö̧ ttiyäcuotö, jo̧u̧ iya pe'ö jö̧mä̧ ja̧'hua̧nö̧ iyömä surojö juiya pä'ö jö̧ pä̧ppä̧ ppu̧ä̧mu̧cu̧ adicuätä ja̧'a̧. ¹⁴Jo̧u̧mä̧ i̧yä̧cua̧ ji̧yȩtȩ ya'acunä pi̧yȩ i̧yä̧cua̧ cuäicu iyähuäcu ö̧jȩpu̧nö̧ TÖ̧Ä̧NÄHUA̧RÖ̧. Sacerdoterötä hue'ö́ könähuä̧ ucuoja riria pe'ö kuhuicu iyahuome surojö juiyönä ttiya pe'ö.¹⁵Ya̧tȩ ttö̧ja̧sa̧ huȩnȩ juiyönä kä̧cuä̧huä̧nä Ö̧Ä̧NÄ̧HUA̧CU̧ adiu eseu ö̧ja̧ pä'ö, i̧sa̧ idepä iyäjimä iyäji mo̧ro̧tä̧ ucui'a pä'ö jä̧cua̧'a̧. Ja̧u̧mä̧ koro mo̧ro̧ ucua pä'ömä yorö'iso u̧ju̧ni̧'a̧ pä'ömä juiyäcua'a. ¹⁶Ja̧'hua̧nö̧ ja̧'a̧nä̧ i̧sa̧rö̧ cuä'ö icu ji̧yȩtȩ päcumä jȩchä̧cua̧sä̧ pä'ö iyöttö'inä, ucurutä pä̧huä̧rö̧jo̧mȩnä̧ cuiyuttö'inä i̧sa̧rö̧ cuä'ö icu cuiyäji mo̧ro̧tä̧ cucui'a pä'ö jä̧cua̧'a̧, ja̧'hua̧nö̧ ja̧'a̧nä̧ cucuomenä ka̧cui̧pä̧ji̧mä̧ koro mo̧ro̧ ttucua pä'ötä jä̧cuȩ.¹⁷Ja̧'hua̧nö̧ ja̧'a̧nä̧ i̧sa̧ cuä'ö tticuäjäcu idepä ka̧cui̧pä̧ji̧ttö̧ huäbodäcuä mo̧ro̧ jo̧mȩnä̧ kö̧ttö̧mä̧ kutä i̧cuä̧huä̧cuȩ. ¹⁸Huȩnȩ juiyönä ttö̧ja̧ pä'ö I̧sa̧ cuä'ö icu i̧yä̧hua̧ idepä huäbodäcuä mo̧ro̧ päi'önä ka̧cu̧ ucuttumä, ȩmä̧huo̧cö̧ jä̧cua̧ ja̧'hua̧ta̧'a̧nö̧ iyäji'inä ȩmä̧huo̧ca̧'a̧ jä̧cua̧'a̧, surojö jö̧nä̧tä̧ to̧ä̧cuä̧huä̧cuȩ juhua'atäcu ja̧u̧ cuäjimä suronä jȩpä̧ji̧ pä'ötä huȩnȩcuä̧cua̧.¹⁹Ji̧yȩtȩ surojö idepänä mȩä̧huä̧chä̧ji̧ttö̧mä̧ ttucua pä'ömä jo̧cö̧ jä̧cuȩ. Kutä i̧cuä̧huä̧cuȩ, idepä ka̧cui̧pä̧ji̧mä̧, surojömä juiyö ja̧'a̧ttö̧ ttucua pä'ötä jä̧cuȩ. ²⁰Ja̧'hua̧nö̧ ja̧'a̧nä̧ ttö̧ja̧sa̧ su̧ro̧pa̧ i̧sa̧ cuä'ö tticuäjäcu idepä huȩnȩ juiyönä ttö̧ja̧ pä'ö TÖ̧Ä̧NÄ̧HUA̧RÖ̧ ttiyäji curumä, ahuaruhuättömä 'cä̧'ȩpö̧ i̧cuä̧huä̧cua̧.²¹Ya̧tȩ ji̧yȩtȩ surojö kä̧cu̧nä̧ ttö̧ja̧sa̧rö̧ jö̧ttö̧'i̧nä̧, de'a i̧sa̧rö̧ jö̧ttö̧'i̧nä̧, korojuei jö̧ttö̧'i̧nä̧ ja̧'hua̧ta̧'a̧nö̧ su̧ro̧tä̧cuä̧huä̧nä̧ jö̧ttö̧'i̧nä̧ mȩ'ö̧rö̧mä̧ juhua'atäcu ji̧yȩtȩ i̧sa̧ cuä'ö tticuäcu idepä huȩnȩ huiyönä ttö̧ja̧ pä'ö TÖ̧Ä̧NÄ̧HUA̧RÖ̧ ttiya pä'ö ku̧nä̧huä̧ curumä, ahuaruhuättömä 'cä̧'ȩpö̧ i̧cuä̧huä̧cua̧.²²Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ Moiséscu ucuocumä pä'inö: ²³Israel ttö̧ja̧rö̧ ji'äumä pa̧'a̧nö̧ pä'itö: Ucutumä päcäyä ö̧a̧dȩ'i̧nä̧, oveja ö̧a̧dȩ'i̧nä̧ ja̧'hua̧ta̧'a̧nö̧ cabra ö̧a̧dȩ'i̧nä̧ cucuätucua pä'ömä jo̧ca̧'a̧. ²⁴I̧sa̧ a̧mö̧nä̧ pa̧ja̧tö̧ 'corujuo'ächäji ö̧a̧dȩcö̧, I̧sa̧ de'a isotö yu̧yu̧pö̧ tticuäjäcu öademä̧ korojuei ttadita pä'ötä pätetö ku̧nä̧huä̧cuȩ, ja̧'hua̧nö̧ ja̧'a̧nä̧ ja̧u̧mä̧ cuäcuähuocö jä̧cuȩ.²⁵Ya̧tȩ i̧sa̧ ö̧a̧dȩ ocuränä ku icuTÖ̧Ä̧NÄ̧HUA̧RÖ̧ ttiya pä'ö ku̧nä̧huä̧ curumä, ahuaruhuättömä 'cä̧'ȩpö̧ i̧cuä̧huä̧cua̧. ²⁶Ucutumä i̧sa̧ ucuojamä yoriso cucuätucuä cuojusodetucuttömä, ppiyuhuä ucuoja jö̧ttö̧'i̧nä̧ i̧sa̧ ka̧ra̧ ucuoja jö̧ttö̧'i̧nä̧. ²⁷Ya̧tȩ i̧sa̧ ucuoja curumä, ahuaruhuättömä 'cä̧'ȩpö̧ i̧cuä̧huä̧cua̧."²⁸Ja̧'hua̧nö̧ ja̧'a̧ttö̧ ucuocu päinö Moiserö: ²⁹"Ucuocui jiähui Israel ttö̧ja̧rö̧: Chuttä amänä surojö juiya pä'ö i̧sa̧rö̧ cuä'ö iyähuä iyö'anö ja̧'a̧ Ö̧Ä̧NÄ̧HUA̧RÖ̧ i'chächö'anö ja̧'a̧ juorötä 'cä̧'ȩpö̧ cuä'ö icu iyähuättö TÖ̧Ä̧NÄ̧HUA̧RÖ̧. ³⁰TÖ̧Ä̧NÄ̧HUA̧RÖ̧ iyähuämä ocuränä ku'icu ttiyö'anö ja̧'a̧ ttämonä ttumunä i'cächö. Ja̧u̧mä̧ i'cächö'anö ja̧'a̧ amucattö ö̧a̧dȩ'i̧nä̧, amuca isäbämä öäre iyähuä TÖ̧Ä̧NÄ̧HUA̧ ä'ca jo̧mȩttö̧ adihua pä'ö.³¹Sacerdote hua̧mä̧ ku'icu iyähuä'ca ko̧mȩttö̧ ku'icuäcua̧ ö̧a̧dȩmä̧, ja̧'hua̧'a̧nö̧ ja̧'a̧nä̧ amucamä Aarontä̧ i̧tti̧mu̧cu̧ ȩmä̧cua̧. ³²Ucutumä cuiyätucu'anö ja̧'a̧ u̧huo̧jua̧'a̧nä̧ öjatö sacerdoterömä cuiäretucu iyähuä jä̧ji̧mä̧.³³Sacerdote hua̧, Arón i̧tti̧mu̧tö̧ ya̧tȩ, huȩnȩ juiyönä ttöja pä'ö i̧sa̧ ucuoja iyähuä iyömä ja̧'hua̧ta̧'a̧nö̧ ö̧a̧dȩ'i̧nä̧ ja̧u̧mä̧ ȩmä̧cua̧ u̧huo̧jua̧'a̧nä̧ a̧na̧nȩ idepä'ca iäre iyäji micuä. ³⁴Ja̧hua̧nö̧ ji̧yä̧cu̧ Israel ttö̧ja̧tä̧ jä̧cua̧'a̧ pä'ösä ttömä; Ttiäre iyähuä ttiya pä'ö amöca isäbättö'inä ja̧'hua̧ta̧'a̧nö̧ abó iso'tättö'inä, Ja̧u̧ma̧ iyähui'ina'a̧ sacerdotehua̧ Aronrö̧, Ja̧'hua̧ta̧'nö̧ i̧tti̧mö̧rö̧'i̧nä̧ yoräteunätä̧.³⁵Pi̧yȩ ji̧na̧'a̧ Aarónrö̧ ja̧'hua̧ta̧'a̧nö̧ i̧tti̧murö̧'i̧nä̧ iyähui'inömä TÖ̧Ä̧NÄ̧HUA̧RÖ̧ ku'icu iyähuä päi'önä ji̧nö̧mä̧, ji̧yȩnö̧ mo̧ro̧ Moisés i̧jȩpi̧nö̧ TÖ̧Ä̧Ö̧NÄ̧HUA̧ ä'cajome sacerdote huotö tta̧di̧tä̧cuä̧. ³⁶Pi̧yȩ ji̧na̧'a̧ TÖ̧Ä̧NÄ̧HUA̧ hue'inömä Israél ttö̧ja̧rö̧ ttiya pä'ö, Ji̧yȩnö̧ mo̧ro̧ CHUTÄ sacerdote huotörö u'cucuetinö pä̧nä̧. 'Cuäopönätä̧ jahuätö ttähuaruhuärö 'chä̧cuä̧ ji̧na̧'a̧.³⁷Pi̧yȩtä̧ huedömä ku'icu iyähuä, ö̧huä̧ju̧ trigottö iyähuä, suronä jȩttä̧ji̧ jȩä̧chö̧nä̧ iyähuä, suronä jȩpä̧ji̧ i̧yä̧cuȩ'i̧, ucuotönö iyähuä, ja̧'hua̧ta̧'a̧nö̧ cuäicu iyähuä ttiya pe'ö surojö juiyönä päi'a pe'ö, ³⁸TÖÄNÄHUA̧ iyö hue'inö̧ Moisesrö Sinaí inähuättö, jo̧ú̧ hueínö mo̧ró̧ Israel ttö̧ja̧rö̧ ttiya pe'ö cuäicu iyahuä TÖ̧Ä̧NÄHUA̧RÖ̧ Sinaí pämäroppä dauhuiyä juiyä'cattö̧.

¹TÖ̧Ä̧NÄ̧HUA̧MÄ̧ Moiséscu ucuocumä pä'inö: ²Aarónrö̧'inä i̧tti̧mö̧rö̧'inä ttu̧ca̧ca̧ca̧cui̧'ö̧nä̧ jȩpö̧ ttö̧'ca̧tä̧huä̧ti̧yu̧'i̧nä̧ ja̧'hua̧ta̧'a̧nö̧ pojopö ku̧nö̧ dahuecuoya a̧dȩja'inä, päcayä suronä jȩttö̧ micuä jö̧nä̧ i̧yä̧hua̧rö̧'inä, ta̧ju̧ ovejastö̧rö̧'inä ja̧'hua̧ta̧'a̧nö̧ dejäcänä ȩcö̧ pan ppö̧ä̧mö̧ juiyönä ȩttä̧huä̧'inä. ³Dios ö̧jo̧decu doächäcuähuome ä'ca ttö̧ja̧mä̧ o'catoi'önärö̧ ca̧ca̧ti̧pi̧.⁴Ja̧'hua̧nö̧ ja̧'a̧ Moisésmä TÖ̧Ä̧NÄ̧HUA̧ hueäjita'anötä̧ jȩpi̧nö̧, ja̧'hua̧nö̧ jȩo̧mȩnä̧ ttö̧ja̧ yo̧mȩtȩnä̧ Dios ö̧jo̧decu doächäcuähuome ä'cacu ichinä̧tö̧. ⁵Ja̧'hua̧nö̧ ja̧'a̧ Moisésmä ttö̧ja̧rö̧ pä'inö: Pi̧yȩ ja̧'a̧ CU̧Ä̧NÄ̧HUA̧TU̧CU̧ jȩ'cuä̧tu̧cua̧ pä'ö hueäjimä."⁶Moisésmä̧ i'cächinö̧ Aarónrö̧'i̧nä̧ ja̧'hua̧ta̧'a̧nö̧ i̧tti̧rö̧'i̧nä̧ ja̧'hua̧nö̧ i'cächö jahuätörömä̧ ajiyanä̧ töquinö̧. ⁷Aarónrö̧mä̧ ö̧'catä̧huäta̧ 'ca̧tö̧ äcä kärocuächönä i̧sata̧nä̧ ti̧ä̧di̧ä̧cu̧, pu̧jä̧ta̧ o̧to̧ä̧ta 'ca̧tö̧ kä̧nö̧mä̧, huä̧mȩnä̧ ö̧'cata̧huä̧ta̧mä̧ i̧sä̧ta̧nä̧ kärocuächönä ti̧ädinä̧cu̧ röjínä̧mä̧ pö̧ttä̧huä̧ta̧ttö̧ ja̧'hua̧nö̧ jȩpö̧ chunä̧tä̧ ti̧ä̧di̧nä̧cu̧.⁸Ja̧u̧mä̧ a̧mö̧canä isäbi (pectoral) pättö u̧ni̧nä̧cu̧ ja̧'hua̧ta̧'a̧nö̧ ja̧u̧ isäbinä̧mä̧ ru̧ni̧nö̧ Urim'inä ja̧'hua̧ta̧'a̧nö̧ Tumim pättö'inä. ⁹Unämä cäyuhuä'ca i̧sä̧ppä̧ jö̧nä̧ adicua'a u̧huȩni̧nä̧cu̧ ja̧'hua̧ta̧'a̧nö̧ Unä i̧huȩnä̧ji̧ ä'cacumä sä̧rä̧bä̧ sä̧ru̧huä̧bä̧ ro̧ö̧ pöttähuä jö̧nä̧ adicua u̧huȩni̧nä̧cu̧, TÖ̧Ä̧NÄ̧HUA̧ hueinöta'anö̧tä̧.¹⁰Moisésmä 'cä̧'ȩpo̧ ku̧nö̧ dahuehuoya a̧dȩja ȩmö̧ Dios u̧jo̧de'inä̧ juodenä̧ ka̧cu̧nä̧'inä̧ ja̧'hua̧nö̧tä̧ ja̧u̧mä̧ TÖ̧Ä̧NÄ̧HUA̧ i'äre päi'önä̧. ¹¹Ja̧u̧mä̧ ku icu iyähuome a̧dȩjattö riripinö̧ sietenö̧ jö̧menä̧ Ja̧'hua̧nö̧ ja̧'a̧ttö̧ juȩnȩtä̧ ku icu iyähuome'inä̧ O'cäjuiyunä̧tä̧ ju̧huȩnȩtä̧ ka̧cu̧ uribiyunä'inä̧, huȩ'chä̧qui̧yä̧nä'i̧nä̧, pärähuä ä̧bä̧nä'i̧nä̧ ja̧'hua̧ta̧'a̧nö̧ juahuocuä ocänä'inä riripinö juhua'atäcu ttumö tu'cäcuähuä̧bä̧nä̧'i̧nä̧, ja̧u̧tä̧ kada'ca 'chu̧huä̧ro̧mȩ'i̧nä̧ TÖ̧Ä̧NÄ̧HUA̧RÖ̧ jähuätä päi'önä 'cä̧'ȩpö̧ ku̧ni̧nö̧.¹²Ja̧u̧mä̧ 'cä̧'ȩpö̧ dahuocuoya a̧dȩja Aarón Unä da'epinö ja̧'hua̧nö̧ da'epö ro̧'a̧ jö̧nä̧ 'cä̧'ȩpö̧ u̧ju̧ni̧nä̧cu̧. ¹³Moisésmä Aarón i̧tti̧mö̧rö̧ i'cächipö ttö̧'ca̧tä̧huä̧ti̧yö̧ ö̧'ca̧ti̧nä̧u̧. Ja̧u̧mä̧ ttäcänä i̧sä̧ta̧nä̧ juä'opö ti̧ä̧di̧nä̧u̧ ja̧'hua̧ta̧'a̧nö̧ lino pö̧jä̧ta̧ttö̧ ttunä kärocuächönä juäopinä̧u̧ TÖ̧Ä̧NÄ̧HUA̧ hueinöta'anötä̧.¹⁴Moisés tororö 'cächinö öäre iyäcuä jȩ'a̧ päö

surojö micuä päiönä, ja̧'hua̧'ja̧ttö̧ Aarón i̧tti̧mu̧cu̧mä̧ toro u cuä̧mȩ mȩi̧nä̧ttö̧ ku'icu i̧ya̧hua̧ päinä i'cächäjäcuru surojö micuä päinä.

¹Mo̧ro̧mä̧ ochonö̧ mo̧ro̧ päi'omenä̧ Moisésmä̧ Aarónrö̧'i̧nä̧ ja̧'hua̧ta̧'a̧nö̧ i̧tti̧murö̧'i̧nä̧ huopinö̧ ja̧'hua̧ta̧nö̧ Israel ttö̧ja̧ tturuhuottörö'inä. ²Ja̧u̧mä̧ pä'inö̧ Aarónrö: "Ji̧nä̧ yo̧mȩtȩ ka̧cuä̧tö̧ttö̧ päcäyä i̧tti̧ ji̧'quicha̧hua̧rö̧ ȩpö̧ mipponä̧ iyähuä suronä̧ jȩttö̧ mihuächunä̧ ttiyäi'ö̧mä̧, Ja̧'hua̧ta̧nö̧ päcäyä suroju jui̧'a̧ttö̧ mipponä̧ ku icu iyäcuämä̧ TÖ̧Ä̧NÄ̧HUA̧ to̧ä̧ro̧mȩttö̧ iyätucui.³Ucumä Israel ttö̧ja̧rö̧mä̧ pa̧'a̧nö̧ ucuocuitö: cabra ubo i̧tti̧ttö̧ ȩmö̧ suronä jȩttö̧ jähuänä iyi ja̧'hua̧ta̧'a̧nö̧ pä̧cä̧yä̧ i̧tti̧rö̧'i̧nä̧ juhua'atäcu oveja i̧tti̧ ta̧ju̧cuäyotö ya'ute a̧'ȩtä̧ ku̧nä̧rä̧tö̧rö̧ ja̧'hua̧ta̧'a̧nö̧ suropocotörö ku icu iyähuä jö̧nä̧; ⁴ja̧'hua̧ta̧'a̧nö̧ päcäyä uborö'inä ja̧'hua̧ta̧'a̧nö̧ oveja uborö'inä huȩnȩ juiyönä kä̧cuä̧huä̧ jö̧nä̧ cuä'ö icu iyähuotö jö̧nä̧ TÖ̧Ä̧NÄ̧HUA̧ ä'ca jo̧mȩttö̧ ja̧'hua̧ta̧'a̧nö̧ u̧huä̧ju̧ otemä a̧dȩjacu huihuatö, isopäi'önä jitä mo̧ro̧mä̧ jä̧cua̧'a̧ TÖ̧Ä̧NÄ̧HUA̧ ucuturu i̧jȩcuä̧cua̧'a̧mä̧." ⁵Ja̧'hua̧nö̧ ja̧'a̧ttö̧ jahuätömä o'cajuiyönä Moisés hueäjita'anö ca̧ca̧cu̧ pä̧cuähuodecu juhua'atäcu Israel ttö̧ja̧mä̧ o'catoi'önä ichi'ö TÖ̧Ä̧NÄ̧HUA̧ ä'ca jo̧mȩ ka̧cuä̧mi̧nä̧tö̧.⁶Ja̧'hua̧ta̧'a̧nö̧ Moisés päinö: Pi̧yȩ ja̧'a̧ TÖ̧Ä̧NÄ̧HUA̧ ucuturu hueömä jȩ'cua̧tu̧cua̧ päö, JA̧U̧ i̧tȩa̧u̧ ö̧jö̧ ucutu cuä'catucu jo̧mȩ jö̧ja̧ päömä. ⁷Moisés Aarón päinö:"Ichí ku'icu iyähuome tö'cöcu ja̧'hua̧ta̧'a̧nö̧ ucutä surojö cu̧ju̧nä̧rö̧ micuähuächönä ku'icu iyähuä iyi. Ä̧cuo̧mȩnä̧mä̧ ucutätä adihuähuäu i'cuí̧ ja̧u̧nu̧ o'ca'atä ttö̧ja̧ su̧ro̧nä̧ jettö micuähuächönä ku'icu huiya, TÖ̧Ä̧NÄ̧HUA̧ hueäjita'anö̧tä̧.⁸Ja̧'hua̧nö̧ ja̧'a̧ttö̧ Aarón ku icu iyähuome tö'cö 'chä̧nö, cuä'ö icuinö päcäyä i̧tti̧rö̧ öäre ku icu iya pä'ö, chutä a̧mo̧nä̧ jähuätä. ⁹Aarón i̧tti̧mu̧mä̧ ucuojatä ȩpi̧nä̧tö̧ ja̧u̧ru̧mä̧, ja̧hua̧ ja̧'a̧ttö̧ ja̧u̧mä̧ ödo'che 'cucuecu päcäyä ä̧ja̧ o̧na̧ ko̧mȩ ku̧ni̧nö̧ ku icu iyähuomettö̧mä̧, ja̧'hua̧nö̧ ja̧'a̧ttö̧ ucuoja riripinö ku'icu iyähuä'ca kada'ca.¹⁰Ja̧'hua̧nö̧ ja̧'a̧nä̧, ja̧u̧mä̧ kuäji ö̧a̧dȩ'i̧nä̧, öjäcuoräte'inä, ja̧'hua̧ta̧'a̧nö̧ atiya'inä ttiare ku iyähuome suronä jȩttä̧ji̧ micuä päi'önä, TÖ̧Ä̧NÄ̧HUA̧ Moisérö hueinö ji̧nö̧ ta'anö. ¹¹Idepämä ja̧'hua̧ta̧'a̧nö̧ i̧jȩta̧'i̧nä̧, ttä'ähuarättö oto ȩpö̧ ku'icuinö.¹²Aarónmä cuä'ö icuinö ttiäre iyähuä ttu̧ju̧huä̧cua̧rö̧, ja̧'hua̧ta̧'a̧nö̧ i̧tti̧mu̧'i̧nä̧ ja̧u̧ ucuoja ȩmi̧nä̧tö̧, ja̧'hua̧nö̧ jȩpö̧ ucuojä riripinätö ku iyähuä'ca jäyä. ¹³Ja̧'hua̧nö̧ ja̧'a̧ttö̧ ja'huätömä ja̧u̧ru̧ iyinätö ttiäre ku'icu iyähuämä, pö̧u̧cu̧ pö̧nä̧ uyucu yoräteunä 'torähua'a̧, ku'ähuä'canä ku'icuinö. ¹⁴Öacuä jacuänä ko̧cu̧'i̧nä̧ ja̧'hua̧ta̧'a̧nö̧ ö̧'ä̧juȩ'i̧nä̧ ku'icuinö ttiäre iyähuä ku'iyähuome juȩnȩtä̧ huä̧nȩcuä̧chö̧nä̧.¹⁵Ttö̧ja̧ ttiyö́ cuäicu iyähuä iyinö Aarón cabrarö, ja̧'hua̧ta̧'a̧nö̧ cuä'ínö suronä jȩttä̧ji̧ cuä'icu iyahuä pä'i'önä, ja̧ú̧ iyinö cuä'icu iyähuä pä'inä suronä jȩtta̧ji̧, ä̧cu̧'o̧mȩnä̧ cabrarö jȩ'ä̧ji̧ta̧'a̧nö̧. ¹⁶Ja̧u̧mä̧ iyinö kuhuicu iyähuä pä'i'önä TÖ̧Ä̧NÄHUA̧RO̧ ji'ähuinöta̧'a̧nö̧. ¹⁷Ja̧u̧u̧mä̧ i'cächö iyinö u̧hua̧ju̧ obattö u̧mu̧nä̧ ȩmo̧po̧'ö̧ kuhuicu iyähuome kuhuinö, moró̧ pä'i'ä kuhuicu iyähuäcu.¹⁸Ja̧'hua̧nö̧ ja̧'a̧ttö̧ jo̧'ú̧mä̧ päcäyärö ja̧'hua̧ta̧'a̧nö̧ ovejarö cuä'inö ttö̧ja̧ suronä jȩttä̧ji̧ ju'iyächi'önä cuä'icu iyähuä pä'i'önä. jo̧'ú̧rö̧ iyinätö̧ ucu'oja Aarón i̧tti̧mu̧, jo̧u̧tä̧ riripinö kuhuicu iyähuä'ca ippeyänä. ¹⁹Ja̧'hua̧nö̧ ja̧'a̧ttö̧ jähuätömä ȩmu̧ i̧cu'inätö̧ toro ja̧'hua̧ta̧'a̧nö̧ oveja i̧hui̧ri̧'pa̧ttö̧'i̧nä̧ i̧'ä̧́dȩ, ö'acuä jacu'a ja̧'hua̧ta̧'a̧nö̧ öjacurätenä ja̧'hua̧ta̧'a̧nö̧ atiyanä ka̧cu̧'i̧nä̧ i̧'a̧dȩ ȩmu̧'icuinätö̧.²⁰Jahuätömä cui'ö icuähuättö ppächä ȩmo̧po̧'i̧nä̧tö̧ ja̧'hua̧nö̧ ȩmö̧ a̧mö̧'ca jähuäcu rutinä̧tö̧, ja̧'hua̧nö̧ ja̧'a̧ Aarónmä ku icu iyähuome rötö ö̧a̧dehuamä ku icuinö. ²¹Aarónmä isotö ttamä'ca'inä ja̧'hua̧ta̧'a̧nö̧ ttöjahuiyä ttö̧huo̧jua̧'a̧cu̧nä̧ jähuämä TÖ̧Ä̧NÄ̧HUA̧ ä'ca jo̧mȩttö̧ hui'cuopo'ö ttöäre iyähuä jö̧nä̧ iyinö, Moisés hueinöta'anö̧tä̧.²²Ja̧'hua̧nö̧ ja̧'a̧ Aarónmä ttö̧ja̧ ttö̧ja̧cua̧'a̧cu̧ u̧mö̧pi̧yä̧ cä'epinö ja̧'hua̧nö̧ cä'epö adiunä̧tä̧ jö̧nä̧ ji̧ya̧rö̧ pä'ö ucuocuinö̧; ja̧'hua̧nö̧ ja̧'a̧ ja̧u̧ juorö mȩyȩhui̧nö̧ suronä jȩttö̧ micuä ku icu iyähuä iya pä'ö juhuatäcu huȩnȩ juiyönä kä̧cuä̧huä̧'inä. ²³Moisés'inä, Aarón'inä Dios ö̧jo̧denä dodepinätö̧ dodepäjä'cotö pä'äjita'anö rä'o'ömä ttö̧ja̧rö̧ adiunä̧tä̧ jö̧nä̧ ji̧ya̧tö̧ pä'ö ucuocuinä̧tö̧, ja̧'hua̧nö̧ ttucuocuomenä TÖ̧Ä̧NÄ̧HUA̧ usärömä ttö̧ja̧ o'catoi'önä̧rö̧ i̧jȩcuä̧chi̧'i̧na̧'a̧. ²⁴Ttiäre ku icu iyähuä jä̧ji̧'inä ja̧'hua̧ta̧'a̧nö̧ ku icu iyähuome huȩju̧ i̧sa̧ ö̧a̧dȩhua'inä ocurämä TÖ̧Ä̧NÄ̧HUA̧TTÖ̧ rä'o'ö cuo'ö icuina̧'a̧. Ttö̧ja̧ pi̧yȩ o'cajuiyönä topö, jahuätömä huopinä̧tö̧ ja̧'hua̧nö̧ huopö tti'ämä rȩjȩ mȩä̧huö̧chö̧nä̧ ja̧rȩyu̧ pä'i'inätö̧.

¹²Nadab'inä Abiú'inämä Aarón i̧tti̧mö̧ ji̧na̧'a̧, yotucunä ttiäre incienso ȩnä̧huä̧ o̧ba̧ ȩmo̧po̧'ö̧ ja̧u̧nä̧ incienso ȩnö̧ rȩdȩti̧nä̧tö̧. Ja̧u̧nu̧ o'ca'a jahuätömä cuoö jähuä TÖ̧Ä̧NÄ̧HUA̧RÖ̧ ttiyäjimä, chutä pa̧'a̧nö̧ cuiyätucuattöjä päoca'a ji̧na̧'a̧cu̧ jȩpö̧ iyinä̧tö̧. ²Ja̧'hua̧nö̧ jo̧mȩttö̧ ocurämä TÖ̧Ä̧NÄ̧HUA̧ to̧ä̧ro̧mȩttö̧ räo'ina'a ja̧'hua̧nö̧ päi'omenä̧ jahuätömä ocurä ku icuinä̧u̧, ja̧'hua̧nö̧tä̧ jahuätömä TÖ̧Ä̧NÄ̧HUA̧ ä'ca jo̧mȩttö̧ 'coru pä'i'inä̧tö̧.³Ja̧'hua̧nö̧ jä̧ji̧yä̧cu̧ Moisésmä Aarónrö pä'inö: Pi̧yȩ ji̧na̧'a̧ TÖ̧Ä̧NÄ̧HUA̧ ucuocu päinömä: Ttömä jitö chu̧jo̧mȩ tö'cöcu ichi'ätörömä Ttö surojö juidö jähuä chi̧jȩpä̧cuo̧tö̧. Ttö̧ja̧mä̧ o'catoi'önä ttä'ca jo̧mȩttö̧ ttȩsȩhuä̧cua̧sä̧." pä'inö päcu Aarónmä yorö'iso ädätocö pinö. ⁴Moisésmä Misaelrö'inä ja̧'hua̧ta̧'a̧nö̧ Elzafánrö'i̧nä̧ huopinö, Aarón imiya̧ Usiel i̧tti̧mö̧rö̧, ja̧'hua̧nö̧ ja̧'a̧ jahuätörö pä'inö: Pocu ichi'ö cuahuaruhuärö TÖ̧Ä̧NÄ̧HUA̧ ö̧jo̧detö rä'epö icu ä'ö ttö̧ja̧cuo̧mȩttö̧mä̧ u̧mi̧cu̧ ȩpä̧tu̧cui̧tö̧."⁵Ja̧'hua̧nö̧ pä̧ö̧, jahuätö ju̧huȩnȩcu̧ 'chä̧hui̧'ö̧ ji̧nä̧ sacerdote ttö̧'ca̧tä̧huä̧ta̧ ttö̧'ca̧tä̧huä̧ji̧mä̧ ttö̧'ca̧huä̧hua̧'a̧nä̧ ä'ö ttö̧jo̧mȩttö̧mä̧ u̧mi̧cu̧ ttȩpi̧nä̧u̧, Moisés hueäjita'anö̧tä̧. ⁶Ja̧u̧ 'cuäopäji o'ca'a Moisésmä, Aarón'inä ja̧'hua̧ta̧'a̧nö̧ i̧tti̧ Eleazarö'inä juhuatäcu Itamarö'inä pä'inö: "Cuhuo'chetucumä ejächi'ö ra̧'a̧nä̧mä̧ ja̧'a̧tä̧mä̧ to'cuäcuähuätucuä ja̧'hua̧ta̧'a̧nö̧ cu̧'ca̧tä̧huä̧ti̧yu̧mä̧ cui̧sȩrä̧huä̧tu̧cuä̧, 'coru juocuächätucu juiyäcua'anö̧ ja̧'hua̧ta̧'a̧nö̧ TÖ̧Ä̧NÄ̧HUA̧ ttö̧ja̧ o'catoi'önä̧rö̧ ö̧ra̧huä̧ri̧'ö̧ jiuyäcua'anö. Ja̧'hua̧nö̧ ja̧'a̧nä̧ ttahuaruhuä, Israel ttö̧ja̧mä̧ o'catoi'önärö ja̧'a̧tä̧ topätucui, TÖ̧Ä̧NÄ̧HUA̧ ocurättö ku icuomenä cuo'ö icuäjätörö ttajahua'anä. ⁷Ucutumä ca̧ca̧cu̧ pä̧cuä̧huo̧mȩttö̧mä̧ räcuopätucuä, 'coru juocuächätucu juiyäcua'anö, TÖ̧Ä̧NÄ̧HUA̧RÖ̧ pätetö 'cä̧'ȩpö̧ ku̧nu̧ dahuecuoya a̧dȩja̧mä̧ ucutucu ka̧'a̧ttö̧," Ja̧'hua̧nö̧ pä̧ö̧ Moisés päjita'anö̧tö̧ jȩpi̧nä̧tö̧.⁸TÖ̧Ä̧NÄ̧HUA̧MÄ̧ Aaróncu ucuocumä pä'inö̧: ⁹Vino isoyamä cuahuätucuó, ahuähuättö juruhuömä, ucutä'i̧nä̧ cui̧tti̧mö̧'i̧nä̧, ucutäcu ka̧cuä̧tö̧'i̧nä̧, ca̧ca̧cu̧ pä̧cuä̧huo̧mȩra̧'a̧cu̧ docuächi'ätucuomenä 'coru juocuächätucu juiyäcua'anö. Pi̧yȩ hueähuä huȩnȩmä̧ cuahuaruhuä tti̧tti̧mö̧'i̧nä̧ 'cuäopönätä̧ jȩttä̧cuȩ ja̧'a̧, ¹⁰surojö juiyö'inä, juiyocö'inä ttu̧huo̧jua̧ pä'ö ja̧'hua̧ta̧'a̧nö̧ surojucu huihuacuä'inä, huihuacuocö'inä, ¹¹Israel ttö̧ja̧ o'catoi'önärö hueähuä huȩnȩ TÖ̧Ä̧NÄ̧HUA̧, Moisésnä hueinö jinö cu̧huo̧juȩtä̧cua̧'a̧nö̧.¹²Moisés Aarónrö ucuocuinö ja̧'hua̧ta̧'a̧nö̧ Eleazarö'inä, Itamarö'inä röjicu i̧tti̧mu̧rö̧: Ȩmi̧ u̧huä̧ju̧ ote TÖ̧Ä̧NÄ̧HUA̧RÖ̧ ku'icu iyähuomettö̧ ko̧cui̧pä̧ji̧, ja̧'hua̧ta̧'a̧nö̧ ja̧u̧ cuití ppu̧ä̧mu̧ juäi huihuacu juiyönä ku'icu iyähuä'ca ko̧mȩttö̧, pi̧yȩmä̧ surojö'inä juiyö ja̧'a̧. ¹³Pi̧yȩ cucuä pä'ötä ja̧'a̧ surojö'i̧nä̧ juiyomȩttö̧, ucutä'inä jäcuä ja̧'a̧ttö̧ ja̧'hua̧ta̧'a̧nö̧ cui̧tti̧mu̧'i̧nä̧ jähuä ja̧'a̧ cuiäre ku'icu iyähuämä CU̧'Ä̧NÄ̧HUA̧RÖ̧, pi̧yȩtä̧ ja̧'a̧ jidähuä pä'ö hueipinömä.¹⁴Amucattö'inä ja̧'hua̧ta̧'a̧nö̧ öjattö'inämä TÖ̧Ä̧NÄ̧HUÄ̧RÖ̧ Pätetö iyähuä jä̧cua̧'a̧, ja̧u̧mä̧ cucuätucua päö jä̧hua̧'a̧ surojö'inä juiyomȩttö̧tä̧ Dios esehuätucuacu päömä. Ucu cui̧tti̧mu̧ u̧mä̧ttö̧ nä̧ttö̧'i̧nä̧mä̧ ucucutä tucua päö jä̧cua̧'a̧ ja̧u̧mä̧, tä'cö ucurutärö'inä cui̧tti̧mu̧rö̧'inä iiyähua'attö cuäö'icu iyähuättö'inä i̧mi̧cu̧nä̧ Israel ttö̧ja̧ eseu ttiyö ja̧'a̧. ¹⁵Öja'inä ja̧'huta̧'a̧nö̧ amuca isäbämä tti'cächa' päö ja̧'a̧ ö̧a̧dȩ ku'icu iyähuomȩcu̧, TÖ̧Ä̧NÄ̧HUÄ̧ ä'ca jo̧mȩcu̧. Ja̧u̧mä̧ 'cuä̧opunä ucuru'inä cui̧tti̧mu̧rö̧'inä ko̧cui̧pä̧cuä̧ TÖ̧Ä̧NÄ̧HUA̧ hueinö̧ta'anö̧tä̧.¹⁶Ja̧'hua̧nö̧ ja̧'a̧, Moisémä jä'epö ä̧ju̧cui̧nö̧ suronä jȩttö̧ micuä päi'önä tti̧yä̧cua̧ chivorö. Ja̧u̧nu̧tä̧ juo̧juä̧chi̧'i̧nö̧ ku tticuäja'amä. Ja̧hua̧nö̧ jo̧mȩnä̧ ja̧u̧mä̧ amisurunä topinö Eliazarö ja̧'hua̧ta̧'a̧nö̧ Itamar'rö'inä, Aarón röjicu i̧tti̧mu̧rö̧'i̧nä̧; ja̧u̧ pä'inö: ¹⁷"¿Dä̧bö̧ ttiäre suronä jȩttö̧ micuä päi'önä ku'icu iyähuämä cucui'ätucuoca'a jä̧ttö̧ ttö̧ä̧nä̧hua̧ ö̧jodettömä, juȩnȩ ja̧'a̧ rö̧ä̧nä̧ ro̧mȩmä̧, jua'amä TÖ̧Ä̧NÄ̧HUA̧TÄ̧ iyinö ucuturu ji̧nä̧ jo̧mȩtȩ cu̧jä̧tu̧cuo̧mȩttö̧ suronä jö̧ jȩpö̧'icua pä'ö, hua'amä chutä ä'cattö surunä jȩcu̧'i̧nä̧tu̧cua̧'a̧ttö̧? ¹⁸Topätucui, ucuojamä ji̧nä̧ yo̧mȩtȩ pä'i'ö u̧cuo̧cuä̧cuä̧huo̧ca̧ttö̧mä̧ i'chächäcuähuoca'a jä̧ja̧'a̧, ja̧'hua̧nö̧ ja̧'a̧ttö̧ ucutumä cucuätucua pä'ö jä̧'a̧ ji̧nä̧ yo̧mȩtȩ pä'i'ö u̧cuo̧cuä̧cuä̧huo̧ca̧ttö̧tä̧, tto huedäjita'anö,"¹⁹Ja̧'hu̧nö̧ päcu Aarón ädätinö Moisérö: "Topí, jitä mo̧ro̧mä̧ jahuätömä ttiäre iyähuä suronä jȩttö̧ micuä päi'önä iyätö ja̧'hua̧ta̧'a̧nö̧ ku'icu'inä TÖ̧Ä̧NÄ̧HUA̧ ä'cajo̧mȩ, ja̧'hua̧ta̧'a̧nö̧ 'cuäopäcusä jitä mo̧ro̧mä̧. Ttö'inä suronä jȩttö̧ micuä päi'önä ttiäre iyähuä jitä mo̧ro̧tä̧ chucuttumä, ¿TTÖ̧Ä̧NÄ̧HUA̧MÄ̧ eseunu toö'anö ja̧'a̧?" ²⁰Ja̧'hua̧nö̧ päa'a ä̧ju̧cu̧ Moisesmä, esehuipinö.

¹TÖ̧Ä̧NÄHUA̧ ucuocuinö Moisesrö ja̧'hua̧ta̧'a̧nö̧ Aarónrö̧'i̧nä̧ pä̧i̧nä̧u̧. ²Ucuocu'i chahuaruhuä Israelrö ji'ähuitö. Pitö ja̧'a̧ pi̧jä̧nä̧ o'cato'inä a̧'cua̧rä̧tö̧ttö̧ ucutu cucuä tucua pä'ö kä̧tö̧mä̧.³Ucutu cucuätucua pä'ö ka̧tö̧mä̧ isotö ttö̧jä̧pu̧ o̧tta̧ ä̧cä̧́ huotutä ja̧'hua̧ta̧'a̧nö̧ ttö̧cu̧'ȩ tti'cäbiyuttö rä'epu cuätöttö. ⁴Ja̧'hua̧nö̧ ja̧'a̧nä̧ yä̧cu̧nä̧ isotö ja̧'hua̧ta̧'a̧nö̧ tti'cäbiyuttö rä'epu ttöcua'anä tti̧jä̧pu̧ o̧tta̧ ä̧cä̧́ huocotö, jahuätörömä cucuätucuä, jähuätömä camello ja̧'a̧, ttöcuäji rä'epu yä'cöpö ttöcua'anä, ja̧'hua̧nö̧ ja̧'a̧ttö̧ jähuätömä ucuturumä suropätö ja̧'a̧.⁵Ja̧'hua̧ta̧'a̧nö̧ tejón pä'ö micua̧mä̧, u̧cuȩmä̧ ppa̧'ä̧dö̧rö̧ ya'cupu cu ja̧'a̧nä̧, u̧no̧jä̧'inä 'cä̧rä̧cä̧ huocö ja̧'a̧nä̧, ucutumä su̧ro̧pa̧ jö̧nä̧ to'cuätucuaröjä̧. ⁶Conejomä u̧cuȩmä̧ ppa̧'ä̧dä̧rö̧ yä'cupu cu ja̧'a̧nä̧, u̧no̧jä̧'inä 'cä̧rä̧cä̧ huocö ja̧'a̧nä̧ ucutumä̧ su̧ro̧pa̧ jö̧nä̧tä̧ to'cuätucuaröjä̧. ⁷Cuchimä u̧no̧jä̧mä̧ 'cä̧rä̧cä̧ hua̧ ja̧'a̧nä̧, u̧cuȩmä̧ ppa̧'ä̧dä̧rö̧ yä'cupumä cuocö ja̧'a̧nä̧ ucutumä su̧ro̧pa̧ jö̧nä̧tä̧ to'cuätucuaröjä̧. ⁸Ucutumä ja̧u̧ idepämä cucuätucuó, 'corujuo'ächäjirö'inä mecuä̧tu̧cuä̧, jahuätömä suropätö jo̧mȩttö̧ ucututtömä.⁹Isotö ajenä kä̧tö̧ ucutu cucuätucua'anö huotömä o'catoi'önä ttihuiribu'inä ttijesa'inä ku̧nä̧rä̧tu̧ru̧tä̧, aje dä'ähuotonä kä̧tö̧rö̧'i̧nä̧. ¹⁰ja̧'hua̧nö̧ ja̧'a̧nä̧ o'catoi'önä isotö a̧dȩcuä̧tö̧ ttihuiböhuiyä'inä tti̧jȩsa'i̧nä̧ jui'ätörömä dä'ähuotonä kä̧tö̧rö̧ ja̧'a̧nä, ajenä'i̧nä̧ ka̧cuä̧tö̧rö̧ ja̧'a̧nä̧ cuo̧'ä̧rä̧tö̧rö̧'i̧nä̧ ja̧'hua̧ta̧'a̧nö̧ o'catoi'önä a̧'cua̧rä̧tö̧ ajenä ka̧cuä̧tö̧rö̧mä̧ suropä jö̧nä̧tä̧ to'cuätucuatöjä.¹¹Suropätö jö̧nä̧tä̧ topäcuähuotörömä, ucutumä jahuätö ttidepämä cucuätucuó; ja̧'hua̧ta̧'a̧nö̧ 'corujuo'ächäjätörö'inä mecuä̧tu̧cuä̧. ¹²O'catoi'önä ttihuiriböyä'inäcö̧ tti̧jȩsacö̧ jui'ätö ajenä cuo̧'ä̧rä̧tö̧mä̧ suropätö jö̧nä̧tä̧ to'cuätucuäcuotö.¹³Ju'tojunä co̧'ä̧rä̧tö̧ suropätö jö̧nä̧ topäcuähuotömä ja̧'hua̧ta̧'a̧nö̧ cuäcuähuocotö ttäcuotömä pitö ja̧'a̧; pare'inä, möca'inä, ¹⁴aje pare'inä, pa̧rȩtö̧ jö̧nä̧ huotörömä, ¹⁵o'catoi'önärötä, 'chajahuä jä̧'i̧nö̧'a̧nö̧ huotörö'inä, ¹⁶pepepeyurö'inä ja̧'hua̧ta̧'a̧nö̧ pepepeyu jö̧ta'anö hua̧rö̧'i̧nä̧, cä̧cu̧huä̧rö̧'i̧nä̧ ja̧'hua̧ta̧'a̧nö̧ korotö pä̧rȩtö̧ pä'ähuotörö'inä.¹⁷Ja̧'hua̧ta̧'a̧nö̧ ucutu suropätö jö̧nä̧tä̧ to'cuätucuäcuäu̧mä̧ a̧'u̧cua̧ pepepeyurö'inä, ja̧'hua̧ta̧'a̧nö̧ buo pepepeyurö'inä, berurirö'inä, ¹⁸tȩ'a̧ pepepeyurö'inä, pepepeyu ju̧ta'anö hua̧rö̧'i̧nä̧, ttihue'quiyu 'co'u curu'inä, ¹⁹tȩ'a̧ rasarö'inä, korotö ra̧sa̧tö̧rö̧'inä, abubilla pättäcurö'inä, ja̧'hua̧ta̧'a̧nö̧ cuojuhuärö'inä.²⁰O'catoi'önä isotö ppö̧'ä̧tö̧ co'ätö ttu̧jä̧pi̧yä̧ pa̧ja̧cuä̧nö̧ ku̧nä̧rä̧tö̧rö̧'i̧nä̧ ucutumä suropätö jö̧nä̧tä̧ to'cuätucuajá, ²¹ja̧'hua̧nö̧ ja̧'a̧nä̧'i̧nä̧, isotö ppo̧'ä̧tö̧ co̧'ä̧rä̧tö̧ ttö̧jä̧pi̧yä̧ pa̧ja̧cuä̧nö̧ ku̧nä̧rä̧tö̧ ucutu cucuätucua pä'ö huotömä, töttomenä ttö̧jä̧pi̧yä̧ ti̧'ca̧cuä̧chä̧u̧rö̧tö̧ jä̧cua̧'a̧. ²²ja̧'hua̧ta̧'a̧nö̧ cucuätucuatö päi'önä huotömä korotö o'catoi'önä ji̧ri̧chu̧tu̧rö̧'inä, ä̧yu̧rö̧'inä juhua'atäcu mä̧rä̧cä̧yu̧rö̧'inä. ²³Ja̧'hua̧nö̧ ja̧'a̧nä̧ o'catoi'önä isotö ppo̧'ä̧tö̧ co'ätö ttö̧jä̧pi̧yä̧ pa̧ja̧cuä̧nö̧ ku̧nä̧rä̧tö̧rö̧mä̧ suropätö jö̧nä̧tä̧ to'cuätucuatöjä̧.²⁴Ucutumä surojö ku̧nä̧rä̧tö̧ta̧ cuäcuotöjä ni̧pä̧rö̧mȩ juoächomȩ jöbu pitö de'a isotö 'corujuo'ächäjätöttö ya̧tȩrö̧ mȩcuä̧tu̧cu̧ttu̧mä̧. ²⁵Ya̧tȩttö̧ 'corujuo'ächäjirö ȩmä̧ji̧ttö̧mä̧ ö̧'ca̧ta̧hua̧ta̧mä̧ ötöcö'anö ja̧'a̧ ja̧'hua̧ta̧'a̧nö̧ ni̧pä̧ro̧mȩ juoächomejobu surojö ku̧nä̧rö̧ hua̧tä̧ ö̧jä̧cua̧.²⁶Isotöttö ya̧cu̧nä̧ ttö̧na̧ji̧yä̧ ta'are ku̧nä̧rä̧tö̧ i̧mi̧cu̧nä̧ ko̧ca̧'a̧nä̧ ja̧'hua̧ta̧'a̧nö̧ u̧cuä̧ yä'cupö ra'adiö pa̧'a̧dö̧ yä'cupömä, ja̧u̧mä̧ ucuturu surojötä hua̧. O'catoi'önä ja̧u̧ru̧ mȩ'ä̧tö̧mä̧ surojötä huottö. ²⁷O'catoi'önä isotöttö 'chä̧tö̧ttö̧ ttö̧na̧ji̧yä̧ o̧ttä̧ ku̧nä̧rä̧tö̧ pa̧ja̧cuä̧nö̧ ttö̧jä̧pi̧yä̧nä̧ 'chä̧tö̧mä̧. Jahuätömä ucuturumä suropätö ja̧'a̧. Yä̧tȩ ja'huätöttö 'corujuo'ächäjirö mȩ'ö̧ttö̧mä̧ surojö hua̧tä̧ jä̧cua̧ ni̧pä̧ro̧mȩ päi'ome jubu. ²⁸Ya̧tȩ ja'huätöttö korujuo'ächäjirö ȩmä̧ji̧mä̧ ö̧,ca̧tä̧huä̧ta̧'i̧nä̧ ötöcö'anö ja̧'a̧, ja̧'hua̧ta̧'nö̧ ja̧u̧mä̧ surojö hua̧tä̧ jä̧cua̧ ni̧pä̧ro̧mȩ päi'ome jubu. Pitö isotömä surojötä huotö ttäcuotö ucuturumä.²⁹Isotö rȩjȩnä̧ do'ähuätöttömä, jahuätö isotömä ucuturumä suropätö ja̧'a̧: mutua'inä si̧ri̧'cu̧'i̧nä̧ o'catoi'önä ttȩppa̧tö̧ ppo̧'ä̧tö̧ tä̧mö̧'i̧nä̧, ³⁰je'quebe'inä, tteppä ju'tojunä bo'ipö'inä rȩjȩnä̧ do'äu'inä, ä̧ca̧tö̧'i̧nä̧ ja̧'hua̧ta̧'a̧nö̧ camaleon'inä.³¹O'catoi'önä isotö rȩjȩnä̧ do'ähuätöttömä, jahuätö ja̧'a̧ isotöttö surojönä huotömä ucuturu. Ya̧tȩttö̧ 'corujuo'ächäji pu̧rö̧ mȩ'ö̧ttö̧mä̧ ja̧u̧mä̧ surojötä hua̧ ni̧pä̧rö̧mȩ päi'ome jubu päi'önä. ³²Jahuätöttö ya̧tȩ 'corupä'i'ö korojueinä maö̧ttö̧mä̧, ja̧u̧ ma̧ä̧ji̧mä̧ surojötä ja̧'a̧, dau isodättö adicuä jö̧ttö̧'i̧nä̧, pa̧yu̧'cuanö jö̧ttö̧'i̧nä̧ i̧jȩta̧nä̧ ja̧'hua̧ta̧'a̧nö̧ sacuyunä jö̧ttö̧'i̧nä̧. Koro jö̧ttö̧'i̧nä̧ ja̧'hua̧ta̧'a̧nö̧ koro jui adicuä jö̧ttö̧'i̧nä̧, ajiyanä ȩnö̧ ttu̧ju̧na̧ pä'ö ja̧'a̧; Ja̧u̧mä̧ surojötä jä̧cuä̧ ni̧pä̧ro̧mȩ juo'ächome jubu päi'önä. Ja̧'hua̧nö̧ jo̧mȩnä̧tä̧ surojö'inä jui̧yä̧cuä̧. ³³O'cajuiyönä 'cä̧nä̧ri̧o̧yu̧ jacuä ja̧'hua̧ta̧'a̧nä̧ u̧mi̧nä̧ ja̧u̧ i̧sa̧ surojö ku̧nä̧rö̧ ma̧'ö̧ttö̧mä̧, korojuei 'cä̧nä̧ri̧o̧yu̧nä̧ ko̧cu̧mä̧ surojötä ja̧'a̧, Ja̧'hua̧nö̧ ja̧'a̧ttö̧ ucutumä si'epö cuicuätucua pä'ötä ja̧'a̧.³⁴O'ca juiyönä adiutä ttöcua pä'ö hue'inömä ja̧u̧tä̧ ji̧na̧'a̧ ttöcua pä'ö ji̧nu̧mä̧, ja̧'hua̧nö̧ ja̧'a̧nä̧ 'cänäri̧yu̧ surä̧ja̧yu̧nä̧ acuya ma'u̧ttö̧mä ja̧'hua̧ja̧'a̧ttö̧ surojötä jö̧. O'ca juiyönä ttahua'anö jo̧mä̧ ja̧'hua̧nö̧ ja̧'a̧nä̧ 'ca̧nä̧ri̧yu̧ suräjä̧yu̧nä̧ acu'oyamä surojoya. ³⁵Ya̧tȩ i̧sá̧ hua'ö icuäji idepä yo̧mȩtȩ ma'u̧ttö̧mä̧, ja̧'hua̧nö̧ ja̧'a̧ttö̧ ja̧u̧mä̧ surojö, ȩttä̧huo̧mȩ ju̧ttö̧'i̧nä̧ ja̧'hua̧ta̧'a̧nö̧ da̧hua̧hua̧bä̧ ju̧ttö̧'i̧nä̧. Ja̧u̧mä̧ dö'ö icuätucui. Surojö ja̧'a̧ttö̧ ja̧'hua̧ta̧'a̧nö̧ surojö ja̧u̧mä̧ ucuturumä̧.³⁶Ajiya huerächome ja̧'hua̧ta̧'a̧nö̧ ajiya huättömä te'önä ttö̧ju̧nä̧ra̧'a̧nö̧ ja̧'a̧, ja̧'hua̧nö̧ ja̧'a̧nä̧ i̧sä̧ ma̧'ä̧chö̧ttö̧mä̧. Ya̧tȩ i̧sä̧́ hua'icuäjirö me'ö̧ttö̧mä̧ ajiyamä̧ surojoya, jo̧'u̧mä̧ su̧ro̧pä̧ ja̧'a̧ttö̧. ³⁷Ttö̧ju̧na pä'ö u̧huä̧ju̧ba jacuä i̧sä̧bi̧ ji̧bi̧tȩ maö̧ttö̧mä̧ hua'icuäjirö, ji̧nä̧ adihuä cuä̧bi̧. ³⁸Ja̧'hua̧nö̧ ja̧'a̧nä̧ ajiyanä 'cuättädöttömä i̧sä̧ hua'ö icuäjirö ma'ö̧ttö̧mä̧ ja̧u̧ o̧bi̧mä̧ suräjötä jä̧cuä̧ ucuturumä.³⁹Ya̧tȩ i̧sa̧ cuö̧cuä̧hua̧ ja̧'a̧nä̧ 'corujuoächäjittömä, ja̧u̧ 'corujuo'ächäjirö me'ö̧mä̧ ni̧pä̧cho̧mȩ jubö su̧ro̧pa̧ jö̧nä̧tä̧ to̧ttä̧cua̧. ⁴⁰Ya̧tȩ ja̧u̧ 'corujuo'ächäjirö cuäjimä ö̧'ca̧tä̧huä̧ti̧yu̧mä̧ ötöca pä'ötä jä̧cua̧'a̧ ja̧'hua̧nö̧ ötöca'anä ni̧pä̧cho̧mȩ jubö päi'önä su̧ro̧pa̧ jö̧nä̧tä̧ to̧ttä̧cua̧. Ya̧tȩ i̧sa̧ 'corujuo'ächäjirö äräbe'ömä ö̧'ca̧tä̧huä̧ti̧yu̧mä̧ ötöca pä'ötä jä̧cua̧'a̧ ja̧'hua̧nö̧ ötöca'anä ni̧pä̧cho̧mȩ jubö päi'önä su̧ro̧pa̧ jö̧nä̧tä̧⁴¹Isotö rȩjȩnä̧ do'ähuotörömä cucuätucuó jahuätömä su̧ro̧tä̧cuä̧huotö̧ jö̧nä̧tä̧ huotö. ⁴²Ttö̧cuä̧ba̧nä̧ dä'ohuätörö'inä ja̧'hua̧ta̧'a̧nö̧ ttö̧jä̧pö̧ pa̧ja̧cuä̧nö̧ o̧'ö̧nä̧ cue'ächätörö'inä, oöcatoi'önä ttö̧jä̧pi̧yä̧ rö̧ä̧nä̧ ku̧nä̧rä̧tö̧ rȩjȩnä̧ do'ähuätörö'inä pitörömä cucuätucua pä'ömä jo̧ca̧'a̧, jahuätömä su̧ro̧tä̧cuä̧huotö jo̧mȩttö̧.⁴³Ucututä cuamönä pa̧ja̧tö̧mä̧ surojuocuecuätucuä isotö a̧'cua̧rä̧tö̧ rȩjȩnä̧ do'ähuätucumä; ucutu cuamönä pa̧ja̧tö̧mä̧ jahuätucumä surojuocuecuätucuä, jahuätö surojuottepa'anä'inä cuiyähuätucuä. ⁴⁴Isopäi'önä Ttötä ja̧'a̧ CU̧Ä̧NÄ̧HUA̧TU̧CU̧ Diosmä. Ucutumä cuamönä pa̧ja̧tö̧ surojö jui'ätö jö̧nä̧tä̧ 'chä̧'ä̧rä̧cuä̧u̧ cu̧jä̧tu̧cua̧jä̧, ja̧'hua̧nö̧ jo̧mȩnä̧ surojömä jui'ätötä jö̧nä̧ cuäcuotöjä̧, isopäi'önä surojömä jui̧'a̧ chomȩttö̧. Ucutumä cua̧mö̧nä̧ pa̧ja̧tö̧ korojuo'otö isotö rȩjȩnä̧ cue'ächätucumä surojuocuecuätucuä. ⁴⁵Isopäi'önä Ttö ja̧'a̧ TTÖ̧Ä̧NÄ̧HUA̧MÄ̧, Egipto rȩjȩttö̧ u̧mi̧cu̧ rä'epö icu i'cächinömä cu̧ru̧hua̧tu̧cu̧ Dios jö̧nä̧. Ja̧'hua̧nö̧ ja̧'a̧ttö̧ ucutumä surojö jui'ättö jö̧nä̧tä̧ ka̧cuä̧tu̧cui̧, Ttö'inä surojö juiyönä kö̧ cha'attö.⁴⁶Pi̧yȩ ja̧'a̧ hueähuä huȩnȩ de'a isotö'inä, ppi̧yu̧'inä, o'catoi'önä yo'ähuätö aje cuo̧'ä̧rä̧tö̧'inä ja̧'hua̧ta̧'a̧nö̧ o'catoi'önä yo'ähuätö rȩjȩnä̧ do'ätö'inä ttötö'cö hueähuächinö̧mä̧, ⁴⁷pitömä suropätö ja̧'hua̧ta̧'a̧nö̧ pitötä ja̧'a̧ adihuätömä pä'ö cu̧huo̧juä̧tu̧cuä̧cua̧'a̧ juhua'atäcu tta̧'cua̧rö̧ ku̧nä̧rä̧tö̧ cucuätucua pä'ö huotörö'inä, ja̧'hua̧ta̧'a̧nö̧ tta̧'cua̧rö̧ ku̧nä̧rä̧tö̧ cucuätucua pä'ö huocotörö'inä cu̧huo̧juä̧ru̧cuä̧cua̧'a̧nö̧."

¹TÖ̧Ä̧NÄ̧HUA̧MÄ̧ Moisésrö pä'inö: ²"Israel ttö̧ja̧rö̧ pa̧'a̧nö̧ ucuocui: Isaju yajute ki̧tti̧ uborö kuhuäbecuttömä̧, ja̧'hua̧nö̧ ja̧'a̧ jahuäjumä̧ sietenö̧ mo̧ro̧ jo̧mȩnä̧ suropajutä kö̧jä̧cuä̧ju̧, jahuäjumä̧ kihua ku̧rö̧ mo̧ro̧ suronä̧ huäju jö̧nä̧tä̧ kö̧jä̧'i̧ja̧'a̧nö̧tä̧. ³ji̧'qui̧cha̧hua̧ ochonö̧ mo̧ro̧ pä'i'örömä̧ i̧hui̧ri̧chö̧ päjure i̧sä̧ta̧ cui'opö tticua i̧cuä̧huä̧cua̧.⁴Ja̧'hua̧nö̧ ja'a̧ ja̧ju̧ cucuojatä ja̧'a̧mä̧ treinta tresnö̧ mo̧ro̧ jo̧mȩnä̧tä̧ kadihuächäcuaju. ja̧huäjumä korojuehuei surojöttö 'cä̧'ȩpö̧ ku̧nä̧huä̧mä̧ yorisotä meja̧ pä'ömä̧ jo̧ca̧'a̧ jä̧cua̧'a̧ ja̧'hua̧ta̧'a̧nö̧ ca̧ca̧cu̧ pä̧cuä̧huo̧mȩ'inä cucuoja jö̧nä̧ jä̧ji̧ toepächö mo̧ro̧ jubö päi'önä̧. ⁵Ja̧'hua̧nö̧ ja̧'a̧nä̧ isajuru kuhuäbecuttömä̧ dos semana jo̧menä̧ suropajuna̧tä̧ ki̧'ä̧cu̧ju̧, kicuä ku̧rö̧menä̧ ja̧ii̧ta̧'a̧nö̧ ju̧nä̧tä̧ ja̧'hua̧nö̧ ja̧'a̧ttö̧ sesenta seisnö̧ morö̧ yabocutä suropaju jö̧nä̧ käcuäju.⁶Suronä̧ jö̧ töcä'u kicu mo̧ro̧ beipächomenämä, ki̧tti̧nä̧'i̧nä̧ ki̧ttijunä̧'i̧nä̧mä̧ jahuäjumä ki'cächö'anö ja̧'a̧ ovejarö yaute a̧'ȩ hua̧rö̧ ku'icu iyähua̧ pä'inä, ja̧hua̧ta̧nö̧ unucuru'inä mu̧ä̧ya̧ttö̧ ja̧hua̧'anö jö̧ juiyöttömä du'o äjirö'inä kiyapäö ja̧'a̧ kiäre iyähuämä surojö micuä päiönä, sacerdote hua̧cu̧ ucuocu doächäcuäcuomȩ ä'ca jo̧mȩttö̧.⁷Ja̧hua̧nö̧ ja̧'a̧ttö̧ ja̧u̧tä̧ i̧yä̧hua̧ TÖ̧Ä̧NÄ̧HUA̧ ä'ca jo̧mȩmä̧ ja̧hua̧ta̧nö̧ jähuä'juru suronä kö̧mä̧ siepu i̧cua̧cua̧ ja̧hua̧nö̧ ja̧'a̧ttö̧ jahuäju ppu'o kucuottömä ttö'cö icuähuajutä päjiäcuaju. Pi̧yȩmä̧ ötö'cömä huehuä huȩnȩ ja̧'a̧ isaju ji̧'qui̧chä̧hua̧rö̧'i̧nä̧ isajuru'inä kuäbecuomenä̧mä̧. ⁸Jahuäju ovejarö mitö kȩmu̧ juiyönä jö̧ttö̧mä̧, jahuäjumä kȩpu̧ a̧nö ja̧'a̧ du'o a̧ji̧mu̧rö̧ ta̧ju̧ru̧ ja̧hua̧nö jö̧ juiyöttömä ta̧ju̧ unucuo̧tö̧ muäyottöttö, ya̧tȩrö̧mä̧ ku'icu i̧yä̧cua̧ pä'inä ja̧hua̧ta̧'a̧nö̧ ka̧ra̧mä̧ surojö micuä päinä i̧yä̧cua̧ päi'önä ja̧hua̧ ja̧'a̧ttö̧ sacerdote cua̧tä̧ surojö siepu i̧cua̧cua̧ jahuäjunä,jahuäju adiu kö̧ji̧pu̧nä̧."

¹TÖ̧Ä̧NÄ̧HUA̧ ucuocuinö Moisésrö ja̧'hua̧ta̧'nö̧ Aarónrö'inä pa̧'a̧nö̧ pä'ö: ²Ya̧tȩ i̧jȩta̧nä̧ märichei jö̧'ä̧mu̧nä̧ u̧ju̧nä̧rö̧ttö̧mä̧ ja̧'hua̧ta̧'nö̧ i̧jȩta̧ obinä jö̧ttö̧'i̧nä̧ ja̧'hua̧ta̧'nö̧ idepänä teru'cuanö jö̧ttö̧ ja̧u̧ märichei boipö'anö jö̧ttö̧mä̧ jua'amä idepänä merichei ka̧'a̧, Ja̧'hua̧nö̧ jo̧mȩnä̧mä̧ sacerdotettö ttu̧ru̧hua̧ Aarón jö̧jo̧mȩcu̧ ȩpä̧tu̧cui̧, ja̧'hua̧nö̧ jo̧ juiyöttömä ȩpä̧tu̧cui̧ sacerdote hyuotö tti̧ti̧mö̧ ttö̧jo̧cuo̧mȩcu̧.³Ja̧u̧nu̧ o'ca'a sacerdote hua̧mä̧ u̧sä̧huä̧cua̧ idepänä i̧jȩta̧ märichei. Juorö uhuo'che teä'che kö̧ttö̧mä̧, Ja̧'hua̧ta̧'nö̧ i̧jȩta̧nä̧ märichei jacuänänö jö̧ttö̧mä̧, ja̧u̧ maricheimä yabocutä yoähuächö'anö jö. Sacerdote hua̧ usäu o'ca'amä, ja̧u̧ma̧ ji̧ä̧huä̧cua̧ ja̧u̧ märucheimä surojuoepö ja̧'a̧ pä'ö. ⁴Cui̧jȩta̧nä säröcänö huȩyu̧'u̧nä̧ jo̧ te'öttömä, ja̧'hua̧nö jö̧ tti̧jȩtä̧ jacuänä jö̧ juiyönä jö̧ttö̧mä̧ ja̧'hua̧ta̧'a̧nö̧ märichei ko̧mȩ ttuhuo'che te'ipö juiyöttömä, Ja̧'hua̧nö̧ jo̧mȩnä̧mä̧ sacerdote hua̧mä̧ ji̧mu̧tȩ ta'arenö mo̧ro̧ jo̧mȩ kä̧'ȩpö̧ pporädö u̧ju̧nä̧cua̧.⁵Ji̧mu̧tȩ jähuä koromuttö̧nö̧ ta'are jo̧mȩnä̧ moró̧ pä'i'omenä, sacerdote usähuinö̧ umäriche'i yabonö jo'ächa pä'ö ja̧'hua̧nö̧ ja̧'a̧nä̧ ji̧nä̧ juȩnȩtä̧ jö̧ttö̧mä̧. Sacerdote ji̧nä̧ iya'anö ja̧'a̧ moró̧ koromuttö̧nö̧ ta'are jo̧mȩnä̧. ⁶Pä'ä jita'anö sacerdote usähuinö koromuttö̧nö̧ ta'chere moró̧ päi'omenä umäriche'i i̧'i̧pä̧ pä'ö ja̧'hua̧nö̧ to'omenä umäri'che'i i̧'i̧pä̧ji̧ttö̧mä̧. Ja̧'hua̧nö̧ ja̧'a̧ttö̧ sacerdotemä ji̧'ä̧huä̧cu'a̧ täcö pi̧'i̧pä̧ji̧. I̧jȩta̧nä̧mä̧ u̧ttahui yämä jui̧'a̧. Ö̧'ca̧tä̧hui̧yu̧ itöca'anö ja̧'a̧ ja̧u̧mä̧ umäriche'ittö pi̧'ä̧ji̧mä̧.⁷Ji'ä huäji'ca'a i̧jȩta̧ yabonö 'cuä'i pächöttömä na'a̧chö̧tä̧ ji̧ä̧huä̧cua̧ sacerdoterö aditö icuarö pä'ö, ja̧hua̧nö̧ ja̧'a̧ttö̧ ja̧u̧mä̧ sacerdote ö̧jo̧mȩ i̧'chä̧cua̧ pä'ä jita'anö. ⁸Ja̧hua̧nö̧ sacerdote u̧sä̧huä̧cu'a̧ ja̧u̧rö̧ i̧jȩta̧ yabonö 'cuäicha pä'ö. Yabocu juoächöttömä, ja̧'hua̧nö̧ ja̧'a̧ttö̧ sacerdote ji̧'ä̧huä̧cua̧ ja̧u̧mä̧ na'a̧chö̧. Ja̧u̧ mä̧riche'imä bo'ipu.⁹Tti̧jȩta̧ 'cuäipächö märichei ya̧tȩnä̧ ko̧mȩnä̧mä̧, ja̧u̧rö̧ sacerdote ö̧jo̧mȩcu̧ ȩcuä̧cua̧. ¹⁰Sacerdotemä ja̧u̧ru̧ u̧sö̧huö̧cua̧ tuhuäba jo̧mȩmä̧ i̧jȩta̧ teönä ja̧ pä'ö, uhuocoy teönä pärohuächäja pä'ö, ji̧'ä̧mo̧mä̧ idepä jareaja pä'ö. ¹¹Jareöttömä, tti̧jȩta̧ 'cuäipächö rö̧ä̧nä̧ ra̧huä̧pi̧jö̧ märichei jä̧cua̧'a̧ ja̧'hua̧nö̧ jo̧mȩnä̧ sacerdotemä ja̧u̧rö̧mä̧ su̧ro̧pa̧ pä'ötä pä̧cua̧. Ja̧u̧mä̧ su̧ro̧pa̧ pä'ö ku̧nä̧hua̧ ja̧'a̧nä̧ u̧mi̧cu̧mä̧ rä'epö icuähuocö jä̧cua̧.¹²Ja̧u̧ mä̧richei yabonö i̧jȩta̧nä̧ räreipöttömä̧ ja̧'hua̧ta̧'a̧nö̧ uttö kä̧mä̧dö̧ ö̧jä̧pö̧ jubö ja̧u̧ märichei i̧jȩta̧ jättäpä̧ya̧tä̧ a̧ttä̧di̧'ö̧ttö̧mä, sacerdote'inä toä'anö jo̧mȩ, ¹³ja̧'hua̧nö̧ jo̧mȩnä̧ sacerdotemä u̧sä̧huä̧cua̧ ja̧u̧rö̧mä̧ umäricheimä jä̧ttä̧pä̧ya̧rö̧ päi'äjá pä'ö, päi'äjittömä, sacerdotemä ja̧u̧ ttö̧ja̧sa̧ märichei ku̧nä̧rö̧rö̧mä̧ surojö jui̧'a̧ pä'ötä pä̧cua̧. O'cajuiyötä teönä̧tä̧ pärohuächäjittömä, ja̧u̧mä̧ su̧ro̧pa̧ jö̧nä̧mä̧ huocö jä̧cua̧. ¹⁴Ja̧'hua̧nö̧ ja̧'a̧nä̧ ötta jareöttömä, ja̧u̧mä̧ su̧ro̧pa̧ jö̧nä̧tä̧ to̧ttä̧cua̧.¹⁵Sacerdotemä̧ ya̧tȩ ötta jarea'a toa pä'ö jä̧cua̧'a̧ ja̧'hua̧nö̧ topö ja̧u̧mä̧ pä̧cua̧ pidemä su̧ro̧pa̧ jö̧nä̧tä̧, öttamä ji̧nä̧ jarea'attö su̧ro̧pa̧ jö̧nä̧tä̧ hua̧. Ja̧u̧ maricheimä juhua'a yabo boipö ja̧'a̧. ¹⁶Ja̧'hua̧nö̧ ja̧'a̧nä̧ ötta teönätä̧ pärohuächöttömä, ja̧u̧mä̧ sacerdoterötä i̧jȩcu̧ i̧'cha̧ pä'ötä jä̧cua̧'a̧. ¹⁷Sacerdotemä ja̧u̧ ötta teänä pärohuachaja pä'ötä. Pärohuächäjittömä sacerdotemä pä̧cua̧ pidemä suropocö jö̧nä̧tä̧.¹⁸Ya̧tȩ ttö̧ja̧sa̧ i̧jȩta̧nä̧ ötta pä̧'i̧jo̧mȩ, huahuächäjittömä, ¹⁹ja̧'hua̧nö̧ huahuächäjome teönäcö̧, sa̧rä̧ta̧ jö̧nä̧cö̧, teöcö tuhuäbanö jö̧nä̧cö̧ ji̧ä̧mö̧ttö̧mä̧, sacerdoterö i̧jȩcua̧ pä'ö ja̧'a̧, ²⁰Sacerdotemä adiu to̧ä̧cua̧ i̧jȩta̧ttö̧mä̧ jacuänä̧nö̧ ji̧ä̧ma̧'a̧ ja̧ pä'ö ja̧'hua̧ta̧'a̧nö̧ uhuo'che teönä pärohuächaja pä'ö. Pärohuächäjittömä sacerdotemä pidemä su̧ro̧pa̧ pä'ötä pä̧cua̧. Ja̧u̧mä̧ mä̧richei juhua'a yabo boipö ja̧'a̧, öta jätta juhua'a yabocutä rö̧ä̧chö̧ttö̧mä̧.²¹Ja̧'hua̧nö̧ ja'a̧nä̧ sacerdotemä̧ ösä̧huomenä̧ uhuocoi teoi juiyuttömä̧ ja̧hua̧ta̧'a̧nö̧ i̧jȩta̧ dȩa̧'a̧ päi'önä 'cuäi'oca'a, 'cuäia'jajueimä huahuächäjittömä, ja̧'hua̧nö̧ ja̧'a̧ Sacerdotemä̧ ja̧u̧ru̧mä̧ sietenö̧ mo̧ro̧ jo̧mȩnä̧ juorömä otonänö ö̧ju̧nä̧rä̧cua̧. ²²I̧jȩta̧ yabonö̧ cuäipächuttömä̧ ja̧u̧mä̧ surö̧pa̧ jö̧nä̧tä̧ pä̧cua̧ Sacerdotemä̧. ²³Ja̧'hua̧nö̧ ja̧'a̧nä̧ ju̧huȩnȩ ötta jo̧mȩ sä̧rö̧ta̧ jö̧nä̧tä̧ ki̧'ö̧ttö̧mä̧ juhua'a yabonö̧ rö̧ä̧chö̧ juiyöttömä̧, ötta jo̧mȩ huahuächäja'a huä'tärä jö̧nä̧tä jö̧ttö̧mä̧ ja̧'hua̧nö̧ ja̧'a̧ Sacerdotemä̧ pide täcö a̧di̧hua̧ pä'ö pä̧cua̧.²⁴I̧jȩta̧nä̧ cuo'ö icuomenä ja̧'hua̧ta̧'a̧nö̧ cuo'ö icuäjome idepänä̧mä jarea'anä̧ teöcucö̧ tuhuöcucö̧ teönä tuhuäbanöcö̧ päröhuächöttömä, ²⁵jạ'hua̧nö̧ ja̧'a̧ Sacerdotemä̧ u̧sä̧huä̧cua̧ uhuo'chemä̧ tea pä'ö i̧jȩta̧mä̧ tuhuäba jo̧mȩmä̧ teönä̧tä̧ pärohuächöttömä̧, ja̧'hua̧ta̧'a̧nö̧ i̧jȩta̧ dȩa̧'a̧bö päi'önä̧ 'cuäipächöttömä̧. 'cuäipächa'atä ja̧'a̧ttö̧, ja̧u̧ 'cuättipächö mä̧ichei jö̧cua̧'a̧. Cuo'ö icuäjome yabocutä cuäipächöttömä, Sacerdotemä̧ ja̧u̧rö̧mä̧ su̧ro̧pa̧ pä'ötä pä̧cua̧. Ja̧u̧ na̧huä̧chö̧mä̧ 'cuättipächö ma̧richei jo̧mȩttö̧.²⁶Ja̧'hua̧'a̧nö̧ sacerdtote hua̧ tti̧jȩta̧ idicuoma usähuomenä ttuhuocoi teoi ka̧'a̧ u̧ö̧cui̧'ö̧ juiyöttömä, ja̧'hua̧ta̧'a̧nö̧ i̧jȩta̧ dȩa̧'a̧ttö̧tä̧ dä'ähuächöttömä, ja̧'hua̧nö̧ jo̧mȩnä̧ sacerdote hua̧mä̧ jäyäcu pporädö u̧ju̧nu̧a̧'nö̧ ja̧'a̧ ja̧u̧ru̧mä̧ ji̧mu̧i̧tȩ ta'arenö mo̧ro̧ jo̧mȩ. Ja̧'hua̧nö̧ jö̧ ä'ca'amä sacerdote hua̧ usähuä̧cua̧ ji̧mu̧tȩ ta'arenö mo̧ro̧ päi'omenä. ²⁷Ja̧'hua̧nö̧ jo̧ca̧'a̧ i̧jȩta̧ huä̧mȩnä̧ yabocutä yoäcuächättömä, ja̧'hua̧nö̧ jö̧ttö̧mä̧ sacerdote hua̧mä̧ ja̧u̧ru̧ pä̧cua̧ surojö ku̧nä̧rö̧tä̧ hua̧. Ja̧u̧ märicheimä yabocutä yoähuächö ja̧'a̧. ²⁸I̧jȩta̧nä̧ idicunä jö̧ yȩnȩ ä̧cuo̧mȩtä̧ kö̧ttö̧mä̧ yabocu'inä yoähuächoca'a juorätä dä'äuttumä, jua'ampä cuo'ö icuäja'atä jö'äma̧'a̧, ja̧'hua̧nö̧ jo̧mȩnä̧ sacerdote hua̧mä̧ ji̧ä̧huä̧cua̧ surojö'inä jui̧'a̧ pä'ö, koromä juiya'a öttä cuoinometä ja̧'a̧.²⁹Ya̧tȩ ubo'inä isaju'inä märichei 'cuättipu juä'i tu̧ju̧nä̧ro̧ttö̧mä̧ ttunä i̧nä̧ ttä̧'cä̧ so̧dä̧ inä. ³⁰Ja̧'hua̧nö̧ jö̧ttö̧mä̧ sacerdote hua̧mä̧ u̧sä̧cuä̧cua̧ ttö̧ja̧rö̧ 'cuättipu märichei tti̧jȩta̧ jacuänänö ja̧ja̧ päö, ja̧'hua̧nö̧ ja̧'a̧nä ja̧u̧ uhuochenä tu̧huo̧ppa̧nö̧ jö̧ o̧i̧ kö̧ttö̧mä̧. Ja̧'hua̧nö̧ jo̧mȩnä̧mä̧ sacerdotemä ja̧u̧ru̧mä̧ pä̧hua̧ suro̧pa̧tä̧ hua̧ pidemä. Pi̧yȩmä̧ i'quiu, 'cuättipu märichei ja̧'a̧ ttunä'inä täcä so̧dä̧nä̧'inä.³¹Sacerdote hua̧ idepänä baraunä jö̧ märichei to'omenä ja̧u̧ märichei i̧jȩta̧ dȩa̧'a̧nä̧ jö̧ juiyöttömä ja̧'hua̧ta̧'nö juȩnȩ to'omenä ttuhuo'che idicuä'che ja̧u̧ru̧ juiyöttömä, sacerdote ja̧u̧ idepä huä̧mȩnä̧ baraunä na̧'a̧chö̧rö̧mä̧ ji̧mu̧tȩ ta'arenö mo̧ro̧ jo̧mȩnä̧ jäyäcu pporädö u̧ju̧nä̧cua.³²Ji̧mu̧tȩ ta'arenö mo̧ro̧ päi'omenä sacerdote hua̧mä̧ to̧'ä̧cua̧ marichei jä̧'ji̧ jabucu yoähuachajá pä'ö. Ttuhuo'che tuhuä'pänö jä'che juiyöttömä Ja̧u̧ märichei i̧jȩta̧nä̧tä̧ kö̧ttö̧mä̧, ³³ja̧'hua̧nö̧ hua̧mä̧ uhuo'che 'cui'ö i̧cuä̧huä̧cua̧ öttä tö'cö jo̧mȩ jubutä ja̧'hua̧nö̧ ja̧'a̧nä̧ öttä jo̧mȩmä̧ 'cui'ähuiocö jä̧cua̧ ja̧'hua̧nö̧ jo̧mȩnä̧mä̧ sacerdote hua̧tä̧ jäyäcu pporädö u̧ju̧nä̧cua̧ ja̧u̧ i̧jȩta̧ i'quiunä na̧'a̧chö̧rö̧mä̧ yabocu ji̧mu̧tȩ ta'arenö mo̧ro̧ jo̧mȩnä̧.³⁴Koromuttö̧nö ta'are moró̧ päi'omenä sacerdote toä̧cua̧ nahuä̧chä̧ji̧ i̧jȩta̧ 'cuäipäji kä̧mä̧da̧ pä'ö. i̧jȩta̧ jacuänänö jo̧ca̧'a̧ ju̧ttö̧mä̧, ja̧'hua̧nö̧ ja̧'a̧ttö̧ sacerdote ji'ähua'anö ja̧'a̧ pi̧'ä̧ji̧ pä'ö. Na̧'a̧chä̧ji̧mä̧ ittö ca'anö ja̧'a̧ ö̧'ca̧tä̧huä̧ta̧ ja̧'hua̧nö̧ ja̧'a̧ttö̧ jo̧'u̧mä̧ täcö pi̧'ä̧ji̧.³⁵Ja̧'hua̧ta̧'a̧nö̧ i̧jȩtä̧ i'quihuönä nahuä̧chä̧ji̧ yabocu jo'ächöttömä sacerdote ji'ähuä ji'ca'a pidemä pi̧'i̧pä̧ji̧ pä'ö. ³⁶Ja̧'hua̧nö̧ ja̧'a̧ttö̧ sacerdote jo̧'u̧rö̧mä̧ pä'ä jita'anö̧ to'a pä'ö ka̧'a̧. I̧jȩta̧ 'cu'ä'i päji yabocu juoächöttömä, sacerdote u̧si̧yä̧cu̧'a̧ uhuo'che tu̧huä̧pä̧ ju̧ttö̧mä̧cö̧. Ja̧u̧mä̧ na'ä̧chö̧ ja̧'a̧ttö̧. ³⁷Ja̧'hua̧nö̧ ja̧'a̧ttö̧ sacerdote topu i̧'cho̧mȩnä̧ i'quihuönä nahuä̧chä̧ji̧ i̧'i̧pu̧ttö̧mä̧ ja̧'hua̧ta̧'a̧nö̧ uhuo'che'inä idicunä bauttömä, nahuä̧chä̧ji̧ttö̧mä̧ pi̧'i̧pä̧ji̧. Ja̧u̧mä̧ adihuächäji ja̧'hua̧nö̧ ja̧'a̧ttö̧ sacerdote ji'ähua pä'ö ja̧'a̧ täcö pi̧'i̧pä̧ji̧ pä'ö.³⁸Uborö jö̧ttö̧'i̧nä̧ ja̧'hua̧ta̧nö̧ isajuru jö̧ttö̧'i̧nä̧ tti̧jȩta̧nä̧ teö jö̧nä̧ ji̧ä̧mi̧'ö̧ttö̧mä̧, ³⁹ja̧'hua̧nö̧ jo̧mȩnä̧ sacerdotemä usähua pä'ö jä̧cua̧'a̧ ja̧u̧ ji̧ä̧mi̧'ä̧ji̧mä̧ teötä ja̧ pä'ö suro tti̧jȩta̧ mä̧richeitä já̧ pä'ö, ja̧'hua̧nö̧ jo̧mȩnä̧ ja̧u̧ ttö̧ja̧sa̧mä̧ surojömä̧ jui̧'a̧ pä'ötä pä̧huä̧cua̧.⁴⁰40 Ya̧tȩrö̧ uhuo'che ma̧ä̧chomȩnä̧ unä̧mä̧ jui̧'a̧tä̧ ö̧ji̧pö̧ttö̧mä̧, ja̧u̧mä̧ su̧ro̧pa̧ pä'ömä̧ pä'ähuöcö jä̧cua̧. ⁴¹Üocuorä ja̧'a̧cu̧nä̧ uhuo'che ma̧ä̧chö̧ttö̧mä̧, öocuoränä̧mä̧ uhuo'chemä̧ jui̧'a̧tä̧ ö̧ji̧pa̧'a̧nä̧, ja̧u̧mnä̧ su̧ro̧pa̧ pä'ömä̧ pä'ähuocö jä̧cua̧.⁴²Ja̧'hua̧nö̧ ja̧'a̧nä̧ ötta töhuönä ja̧'a̧nä̧ teönä jö̧ttö̧mä̧ unä uhue'che sahuepächäjomecö̧, i'änäcö̧ ju̧huȩnȩ kä̧mä̧ji̧mä̧ 'cuättipächö märichei jä̧cua̧'a̧. ⁴³Ja̧'hua̧nö̧ ja̧'a̧ttö̧ sacerdotemä̧ adiunänö toärö pä'ötä jä̧cua̧'a̧ märicueittö unä uhuo'che maächä̧jo̧mȩcö̧, i'änäcö̧tuhuöcu teönä ji̧ä̧mo̧mä̧, tti̧jȩta̧ 'cuäipächö märichei ja̧ pä'ö. ⁴⁴Ja̧u̧ maricheimä 'cuättipächö jö̧ttö̧mä̧ ja̧u̧ ttö̧ja̧sa̧mä̧ su̧ro̧pa̧ jö̧nä̧tä̧ to̧ttä̧cua̧. Sacerdotemä ja̧u̧ ttö̧ja̧sa̧ unä märichei kä̧mä̧cu̧ru̧mä̧ su̧ro̧pa̧tó pä'ötä pä̧cua̧.⁴⁵Ja̧u̧ 'cuättipächö marichei ku̧nä̧rö̧mä̧ ö̧'ca̧tä̧huä'pimä sȩrä̧huä̧'pitä ö̧'ca̧tä̧huä̧cua̧, uhuo'che'inä jeyu'chenötä̧, ja̧'hua̧ta̧'a̧nö̧ ja̧u̧mä̧ i'ämä i̧ji̧yu̧ jubö tto̧'ȩcuä̧rö̧ kä̧nö̧ huo̧ä̧cua̧: Ttö̧mä̧ su̧ro̧pa̧sä̧, Ttömä, su̧ro̧pa̧sä̧. ⁴⁶'Cuäopönä mo̧ro̧tä̧ 'cuättipächö märichei ku̧nä̧rö̧mä̧ su̧ro̧pa̧ jö̧nä̧tä̧ ö̧jä̧cua̧. Juhua'amä ja̧u̧mä̧ su̧ro̧pa̧ jä̧cua̧'a̧ umäricheimä yabonö 'cuättipächu jähuä jo̧mȩttö̧, ja̧u̧mä̧ katätä ö̧jä̧cua̧. Ja̧u̧mä̧ ä'ö ttö̧jo̧mȩttö̧mä̧ otonänötä̧ ö̧ja̧ pä'ö jä̧cua̧'a̧.⁴⁷Ttö̧'ca̧tä̧huä̧ta̧ Lepra märicheittö temäreyu jö̧nä̧ räopa'a surojuepä̧ta̧mä̧, oveja uhuo'chettö adicuäta̧cö̧, lino pö̧jä̧ta̧cö̧, ⁴⁸oveja uhuo'chettö 'tö̧'ö̧ o̧tȩ rötä'chö adicuäta̧cö̧, lino i̧sä̧ta̧cö̧, i̧sa̧ i̧jȩta̧ttö̧ a̧di̧cuä̧ta̧cö̧, koroju̧hua̧ i̧jȩta̧ttö̧ a̧di̧cuä̧ta̧nä̧cö̧ ⁴⁹tȩmö̧reyu jö̧ surojuoepö kö̧ttö̧mä̧ ja̧'tu̧huö̧nä̧cö̧, tuhuönä̧cö̧, pö̧jä̧ta̧nä̧cö̧, i̧sa̧ i̧jȩta̧nä̧, mȩtö adicuänäcö̧, 'tö̧ä̧huä̧ta̧nä̧cö̧, i̧sa̧ i̧jȩta̧ttö̧ korojuei ttaditäjimä, ja̧'hua̧nö̧ ja̧'a̧ ja̧u̧mä̧ lepra marichei räopaja'a jä̧cua̧'a̧, ja̧u̧mä̧ sacerdoterötä tti̧jȩpa̧ pä'ö jä̧cuȩ.⁵⁰Sacerdotemä usähua pä'ö jä̧cua̧'a̧ pö̧jä̧ta̧nä̧ temöreyu jö̧, ja̧u̧mä̧ korojuei temöreyu jö̧nä̧ jö̧mä̧ u̧mi̧cu̧ rä'epö icua pä'ötä jä̧cua̧'a̧ sietenö mo̧ro̧ jo̧mȩnä̧. ⁵¹Ja̧u̧mä̧ pä'äjita'anö̧ sietenö mo̧ro̧ päi'omenä usähua pä'ö jä̧cua̧'a̧. Tȩmö̧reyu jö̧ yabonö rö̧ä̧chö̧ttö̧mä̧, pö̧jä̧ta̧nä̧cö̧, ti̧ä̧dä̧cuä̧huä̧'panä̧cö̧, i̧sa̧ ohuo'chettö a̧di̧cuä̧ta̧nä̧cö̧, lino i̧sä̧ta̧ a̧di̧cuä̧ta̧nä̧cö̧, i̧sa̧ i̧jȩta̧nä̧cö̧, korojuei i̧sa̧ i̧jȩta̧ttö̧ adicuäcö̧, ja̧'hua̧nö̧ ja̧'a̧ lepra marichei temäreyu jö̧nä̧ uhuähuächäjimä surojuoepö jö̧ttö̧mä̧ ja̧u̧ uhuähuächäja'a ka̧cu̧mä̧ surojö jö̧nä̧tä̧ to̧ä̧cuä̧huä̧cuȩ. ⁵²Ja̧u̧mä̧ ku i̧cuä̧cuȩ, pö̧jä̧tya̧ jö̧ttö̧'i̧nä̧, korojuei ti̧ä̧dä̧cuä̧huä̧ o̧ta̧ jö̧ttö̧'i̧nä̧, i̧sa̧ uhuo'chettö a̧di̧cuä̧ta̧ jö̧ttö̧'i̧nä̧, lino pö̧jä̧ta̧ jö̧ttö̧'i̧nä̧, korojuei i̧sa̧ i̧jȩta̧ttö̧ adicuä jö̧ttö̧'i̧nä̧, korojuei temöreyu jö̧ surojuoepö ka̧cu̧mä̧, ja̧u̧ märicheimä juhua'a yabo boipö jö̧nä̧ jä̧cuȩ. Pö̧jä̧ta̧mä̧ o'cajuiyötä ku i̧cuä̧huä̧cuȩ.⁵³Sacerdote hua̧mä̧ u̧sä̧huä̧hua̧ ttiärenä̧ ja̧u̧nä̧tä̧ isotö huottö rö̧ttä̧chö̧ huiyapäö koro tti´äre ppu̧jä̧ta̧ huiäcuätanä'inä lino o̧ta̧ttö̧'inä, koro i̧sa̧ i̧jȩta̧ttö̧ adihuänä'inä. ⁵⁴Jaunu o'ca'a ja̧u̧mä̧ adiu jo̧mȩnä̧ topu aditö icua̧cua̧ ja̧u̧ ttiäre jä̧ji̧nä̧ ko̧cuȩji̧mä̧ lepramä, ja̧'hua̧ta̧nö̧ ja̧u̧mä̧ ji̧mu̧ tȩttö̧ todäre mo̧ro̧ jo̧mȩnä̧ 'cä̧'ȩpu̧ u̧ju̧nä̧cua̧. ⁵⁵Ja̧'hua̧nö̧ ja̧'a̧ttö̧ sacerdotemä u̧sä̧huä̧cua̧ ttiäre ttötöcäji o'ca'a'inä. Isotö tti̧huȩyu̧ pärohuächoca'a jä̧ji̧ttö̧'i̧nä̧, rö̧ä̧chö̧ juiyäjittö'inä, surojötä huaju. Ucutä ku cuicua pä'ö ja̧'a̧ ttiäremä, huä̧i̧nä̧tä̧ ja̧'a̧nä̧ isotö huotö suro juottepa'anä.⁵⁶Sacerdote hua̧ ttiäre u̧sä̧huä̧cua̧ ttötöcäji o'ca'a ji̧nä̧ temöreyu jä̧ji̧ttö̧mä̧, ja̧'hua̧nö̧ jö̧ttö̧mä̧ ja̧u̧tä̧ 'cui'opu i̧cua̧cua̧ juä̧nȩ surojö ko̧mȩmä̧ tti̧ä̧rȩta̧nä̧'i̧nä̧, i̧sa̧ i̧jȩta̧nä jo̧ttö̧'inä ttiäre hui'ö puttö adicuä jö̧ttö̧'inä. ⁵⁷Ja̧'hua̧nö̧ ja̧'a̧nä̧ tti'äre jä̧ji̧nä̧ ji̧nä̧ kö̧ttö̧mä̧ koronä'inä ko̧cu̧ttu̧mä̧, juhua'a yabocu rö̧ä̧chö̧ttö̧mä̧. Ucutä ku cuicu'anö ja̧'a̧ ja̧'hua̧nö̧ surojö mä̧richei ko̧cu̧mä̧. ⁵⁸O'cajuiyönä tiäre jö̧ pputtö huiö adihuä'inä i̧sa̧ i̧jȩta̧ttö̧ adihuä jö̧ttö̧'inä ucutä ja̧u̧ ttiäre jö̧ tö'cö icu märichei siehuächönä päiönä jȩ'cu̧ttu̧mä̧, ja̧'hua̧'a̧nö̧ jo̧mȩnä̧ ttiäremä todäre päi'önä cutöcö'anö ja̧'a̧ ja̧'hua̧nö̧ jo̧ttö̧tä̧ ttädihuächiäcuotö.⁵⁹Pi̧yȩ ja̧'a̧ hueähuamä marichei päi'omenä ttiärenä lino i̧sä̧ta̧nä̧ koro ttiäre rȩni̧yö̧na̧'i̧nä̧ pöttähuänä'inä, i̧sa̧ i̧jȩta̧na̧'i̧nä̧ ja̧'hua̧ta̧'a̧nö̧ i̧sa̧ i̧jȩta̧ttö̧ adicuä'inä, jua'amä ucutu topö cu̧juo̧juä̧tu̧cua̧ adiu surojö pä'ö."

¹TÖ̧Ä̧NÄHUA̧ ucuocuinö Moisesrö ji'ähuinö. ²Pi̧yȩ ja̧'a̧ hue'ähuä huȩnȩttö̧ na'ä̧chä̧tö̧rö̧ ttädita pä'ö jö̧ moró̧. Ja̧u̧ru̧mä̧ sacerdote ö̧jö̧mȩ ttȩpi̧nä̧cu̧.³Sacerdote ttä'ähuarättö rä'opä̧cua̧ usähuönö to'a pe'ö ttö̧ja̧sä̧rö̧ i̧jȩtä̧nä̧ 'cu'ä'ipu nahuä̧chä̧ji̧ i'ipä̧ja̧ pä'ö. ⁴Ja̧'hua̧nö̧ ja̧'a̧ttö̧ sacerdote huȩ'ä̧cua̧ aditicuä hua̧rö̧mä̧ iya pä'ö ppi̧yu̧ ta̧ju̧rö̧ hue'inä'u̧ttö̧, cedro da'uttö'i̧nä̧, pu̧jä̧'quȩ tu̧huä̧'quȩ'i̧nä̧ ja̧'hua̧ta̧'a̧nö̧ isä'cu'a a̧dö̧nä 'chopä'cu'inä. ⁵Sacerdote huȩ'ä̧cu̧'a̧ cu'ätta pä'ö ya̧tȩ ppiyuhuärö 'cä̧näri̧yu̧nä̧ acuoyacu.⁶Sacerdotemä ppiyuhuä a̧'cua̧ra̧rö̧ ȩmö̧ kä̧nö̧ cedro dau'inä ȩmä̧cua̧ ja̧'hua̧ta̧'a̧nö̧ isappä tuhuappä'inä juhuatäcu hisopo i̧so̧'quȩ'inä ja̧'hua̧nö̧ ja̧'a̧ ja̧u̧mä̧ ja̧u̧ o'cajuiyönä u'utädäcua̧, ppiyuhuä a̧'cua̧ra̧rö̧'inä, ppiyuhuä ajiyanä cuä'ö tticuäjäcu ucuojanä. ⁷Ja̧u̧nu̧ o'ca'a sacerdotemä ttö̧ja̧sa̧ umärichei jȩä̧chä̧cua̧rö̧ sietenö jo̧mȩnä̧ ririä̧cua̧ ja̧'hua̧nö̧ jȩpi̧'ö̧'ca̧ sacerdotemä pä̧cua̧ pidemä suropocö pä'ötä. Ja̧u̧nu̧ o'ca'a sacerdotemä ppiyuhuä a̧'cua̧ra̧rö̧mä̧ huäjuarä jo̧mȩttö̧ co'epö i̧cuä̧cua̧.⁸Ttö̧ja̧sa̧ surojö jȩä̧chä̧jä̧cu̧mä̧ ö̧'ca̧tä̧huä̧ti̧yu̧ töcö kä̧nö̧'inä uhuo'che'inä 'cui'äu i̧cuä̧cua̧ ja̧'hua̧ta̧'a̧nö̧ aje i'ö i̧cuä̧cua̧ ja̧'hua̧nö̧ jo̧mȩnä̧ ja̧u̧mä̧ umäricheimä jui̧'a̧tä̧ ö̧jä̧cua̧. Ja̧u̧nu̧ o'ca'a ä'ö kä̧cuä̧huo̧mȩcu̧ icha'anä ojusodettömä u̧mi̧tä̧ sietenö mo̧ro̧ jo̧mȩnä̧ ö̧jä̧cua̧. ⁹Siete mo̧ro̧ päi'omenä uhuo'chemä o'cajuiyönä̧tä̧ 'cui'äu icua pä'ö jä̧cua̧'a̧ ja̧'hua̧ta̧'a̧nö̧ ä 'cähuiyä'che'inä, iöäre huä̧mȩ isä'che'inä. Uhuo'chemä o'cajuiyötä 'cui'äu icua pä'ö ja̧'a̧ ja̧'hua̧ta̧'a̧nö̧ ö̧'ca̧tä̧huä̧ti̧yu̧'inä tö̧cö̧ kä̧nö̧ aje i̧'ö̧ icuäcua; ja̧'hua̧nö̧ jȩo̧mȩnä̧ ja̧u̧mä̧ surojumä jui̧'a̧tä̧ ö̧jä̧cua̧¹⁰Ochonö mo̧ro̧ päi'omenä ja̧u̧mä̧ ȩma̧ pä'ö jä̧cua̧'a̧ ovejastö̧ u̧mä̧tö̧ ta̧ju̧rö̧ ttöttahuiyä'inä jui'ätörö'inä, oveja kittiju ya'ute a̧'ȩtä̧ ku̧nä̧rä̧ju̧ kuttahuiyä jui'ajurö ja̧'hua̧ta̧'a̧nö̧ trigo i̧sa̧ppȩ a̧dȩjacu huihuacua'a 11.1kg jo̧mȩnä̧ ja̧ppȩ'i̧nä̧, u̧huä̧ju̧ otettö ku icu iyähuä'inä ja̧'hua̧ta̧'a̧nö̧ a̧dȩjamä yo̧'ta̧tȩ jo̧mȩnä̧. ¹¹Sacerdotemä umärichei jȩä̧chä̧jä̧cu̧ru̧mä̧ iya pä'ö jȩpö̧ u̧ju̧nä̧ji̧cu̧ TÖ̧Ä̧NÄ̧HUA̧ ä'ca jo̧mȩ ȩpö̧ u̧ju̧nä̧cua̧, ca̧ca̧cu̧ pä̧cuä̧huode doächi'äcuähuomecu̧.¹²Sacerdotemä ovejastö̧ttö̧ ya̧tȩ ȩmo̧po̧'ö̧ suronä ö̧ji̧pä̧ji̧ jähuänä iya pä'ö jä̧cua̧'a̧, a̧dȩja a̧cuo̧'ta̧cu̧; ja̧u̧mä̧ TÖ̧Ä̧NÄ̧HUA̧ ä'ca jo̧mȩttö̧ iya päjimä ihui'cuäcua̧. ¹³Ja̧u̧mä̧ ovejas uborömä ä̧tȩcuä̧nä̧ suronä jȩttö̧ micuä jö̧nä̧ i̧yä̧huo̧tö̧rö̧ cuähuomettö̧ cuä'ö icua pä'ö jä̧cua̧'a̧ ja̧'hua̧ta̧'a̧nö̧ ku icu iyähuä'inä, ca̧ca̧cu̧ pä̧cuä̧huo̧mȩ isarättö, ja̧'hua̧nö̧ ja̧'a̧ suronä jȩttö̧ micuä jö̧nä̧ iyähuämä sacerdote päi'önä hua̧tä̧ i̧yä̧cua̧, ja̧'hua̧ta̧'a̧nö̧ suronä jȩttä̧ji̧ huȩnȩcuä̧chä̧ji̧ jähuä'inä, ja̧u̧ rö̧ä̧nä̧ ro̧ö̧ jo̧mȩttö̧.¹⁴Sacerdotemä̧ suronä jȩttä̧ji̧ huȩnȩcuä̧chö̧nä̧ iyähuä i̧sa̧ ucuoja a̧'u̧cu̧nä̧tä̧ ȩmo̧po̧'ö̧ ja̧'hua̧ta̧'a̧nö̧ suronä jȩä̧ji̧ jȩä̧chä̧jä̧cu̧ ä̧ja̧ i̧sä̧tti̧nä̧ tu̧huȩpä̧cua̧, u̧mö̧ u̧huo̧jua̧'a̧cu̧nä̧ udo'che u'ca ja'chenä'inä, ö̧jä̧pö̧ttö̧ udo'che rö̧a̧'chenä'inä. ¹⁵Ja̧'hua̧nö̧ ja̧'a̧ Sacerdotemä i̧so̧'ta̧ttö̧ a̧dȩja ȩmo̧po̧'ö̧ chutä u̧mö̧ ö'ohuecunä̧ i̧sä̧mö̧ jacuä da̧huȩcuä̧cua̧ ¹⁶ja̧'hua̧nö̧ da'ecu udo'che umö u̧huo̧jua̧'a̧cu̧nä̧ isa'che u'utä̧dä̧cua̧, u̧mö̧ ö'ohuecunä jacuä acuoyanä, ja̧'hua̧nö̧ jȩpö̧ adeja̧mä̧ a̧'u̧cu̧nä̧tä̧ TÖ̧Ä̧NÄ̧HUA̧ ä'ca jo̧mȩttö̧ sietenö jo̧mȩnä̧ riähuä̧cua̧.¹⁷Sacerdotemä a̧dȩja umö jacuä acuipäjoyamä suronä jȩä̧ji̧ jȩä̧chä̧cua̧ äja i̧sä̧tti̧nä̧ tu̧huȩpä̧cua̧, u̧mö̧ u̧huo̧jua̧'a̧cu̧nä̧ udo'che ö'ca ja'chenä'inä, ja̧'hua̧ta̧'a̧nö̧ ö̧jä̧pö̧ u̧huo̧jua̧'a̧cu̧nä̧ i̧sä̧mö̧ttö̧ udo'che rä̧a̧'che huäme'inä. A̧dȩjamä i̧sa̧ ucuoja suronä jȩttö̧ jȩpö̧ icuoya huä̧mȩ öta pä'ö jä̧cua̧'a̧. ¹⁸I̧sa̧ ucuo sacerdote umö jacuä acuipäjoyamä, suronä jȩä̧ji̧ jȩä̧chä̧cu̧ unä da̧huȩpä̧cua̧ ja̧'hua̧nö̧ jȩpö̧ sacerdote TÖ̧Ä̧NÄ̧HUA̧ to̧ä̧ro̧mȩttö̧ ja̧u̧ suronä jȩä̧ji̧mä̧ jȩpö̧ i̧cuä̧cua̧.¹⁹Ja̧hua̧nö̧ ja̧'a̧ttö̧ sacerdotemä ja̧u̧ surojö u̧ju̧nä̧rö̧ mihuähuächönä öäre iyähuä i̧yä̧cua̧ ja̧u̧nä̧, ja̧u̧ surojö märicheittö u̧ju̧nä̧ro̧mȩttö̧ a̧di̧hua̧tä̧ päi'önä, ja'huanö jö̧ o'ca'amä ja̧u̧tä̧ cuäö icuä̧cua̧ i̧sa̧rö̧ ku'icu iyähuä iyapäö. ²⁰Ja'hua̧nö̧ ja̧'a̧ttö̧ sacerdotemä ku icu iyähuä i̧yä̧hua̧ jahua jö̧ta̧'a̧nö̧ o̧tȩ jö̧'i̧nä̧ öäre iyähuä i̧yä̧hua̧ ku'icu iyäcuä'ca ko̧mȩttö̧mä̧. Sacerdotemä ja̧u̧ surojö u̧ju̧nä̧rö̧ rä'ochönä jȩä̧hua̧ ja̧hua̧'a̧nö̧ jo̧mȩnä̧tä̧ surojö jui'a̧ päi'äcua̧.²¹Ja̧'hua̧'a̧nö̧ ja̧'a̧nä̧, ya̧tȩ usurä i̧sa̧ jö̧ttö̧mä̧ pi̧yȩ cuä'ö icu iyähuä mi̧ttö̧ ȩmu̧ juiyönä hua̧, ja̧'hua̧'a̧nö̧ jö̧ttö̧mä̧ ja̧u̧mä̧ ȩmu̧'anö ja̧'a̧ ya̧tȩ oveja uborö öäre iyähuä iyapäö surojö u̧ju̧nä̧rö̧ mi̧cuähuächi yarö päömä, a̧mo̧nä̧tä̧ surojö u̧ju̧nä̧rö̧ rä'opu icuähua'anö ja̧'a̧, ja̧'hua̧ta̧'a̧nö̧ 3.7kg. jo̧mȩnä̧ harina adiunä sä̧yu̧hua̧ppȩ a̧dȩcu̧ huihuatö i̧hua̧ppȩ iyö anö ja̧'a̧ iäre iyähuä päiönä o̧tȩ ju̧cu̧mä̧ ja̧'hua̧ta̧'a̧nö̧ yaute litro a̧dȩ i̧nä̧. ²²Ja̧'hua̧'a̧nö̧ ja̧'a̧nä̧'i̧nä̧ ji̧nä̧ yo̧mȩtȩnä̧ ta̧ju̧ duo a̧ji̧mu̧rö̧ jö̧ttö̧'inä ta̧ju̧ u̧nu̧cu̧ru̧ muäyottötö jö̧ttö̧'inä, chutä ö̧'o̧hui̧'a̧nö̧ jo̧mȩtä̧, ya̧tȩ co'örömä surojö mihuä päi'önä i̧yä̧huacua̧ ja̧'hua̧ta̧'a̧nö̧ ka̧ra̧mä̧ ku'icu i̧yä̧huä̧cua̧. ²³Ji̧mu̧tȩttö̧ huäbo'acuä mo̧ro̧ päi'omenä ja̧u̧mä̧ i'cächö'anö ja̧'a̧ sacerdote hua̧ tö'cö icua päö, huȩnȩ ucuocu doächähuähuomettö̧ TÖ̧Ä̧NÄ̧HUA̧ a'ca jo̧mȩttö̧.²⁴Sacerdote hua̧mä̧ oveja i̧tti̧ttö̧ ȩmä̧cua̧ ttiäre iyähuä iya pä'ö, ja̧'hua̧ta̧'nö̧ ja̧u̧nä̧ ȩmä̧cua̧ ya'ate litro oliva a̧dȩttö̧, ja̧u̧mä̧ ju'tojucu cä'epö i̧jȩpä̧cua̧ TÖ̧Ä̧NÄ̧HUA̧RÖ̧. ²⁵Oveja i̧tti̧rö̧ cuä'ö i̧yä̧cua̧ suronä jȩttö̧ micuä päi'önä, ja̧'hua̧ta̧'a̧nö̧ ucuojattö'inä ji̧'qui̧cha̧nö̧ ȩmö̧ ttiäre iyähuä i̧yä̧cua̧ suronä jȩttö̧ micuä päi'önä ja̧'hua̧nö̧ jȩpö̧ tu̧huȩpä̧cua̧ ä̧ja̧ u̧huo̧jua̧'a̧nä̧ i̧sä̧tti̧nä̧ suronä jȩä̧cuä̧huä̧ i̧jȩcuä̧ päi'önä, ja̧'hua̧ta̧'nö̧ u̧mö̧ttö̧ u̧huo̧jua̧'a̧nä̧ ödo'che u'caja'chettö'inä ja̧'hua̧ta̧nö̧ ö̧jä̧pö̧ttö̧ u̧huo̧jua̧'a̧nä̧ ödo'che u'caja'chettö'inä.²⁶Ja̧u̧nu̧ o'ca'a sacerdote hua̧ chutä u̧mu̧ ö'ohue ja̧'a̧nä̧ a̧dȩja dä̧huȩpäcua, ²⁷ja̧u̧nu̧ o'ca'a u̧huä̧ja̧'a̧nä̧ttö̧ ödo'chiyänä ri̧ri̧ä̧cua̧ ji̧'qui̧cha̧nö̧ a̧dȩja ö'ohue ja̧'a̧nä̧ ji̧mu̧tȩ ta'arenö jo̧mȩnä̧ TÖ̧Ä̧NÄ̧HUA̧ ä'cajo̧mȩttö̧.²⁸Sacerdote a̧dȩja tu̧huȩpä̧cua̧ aditö tti̧cuä̧cua̧rö̧ ä̧já̧ dȩ'ä̧nä̧ 'cu̧'ä̧rá̧ jo̧mȩ ja̧'hua̧ta̧'a̧nö̧ u̧mú̧ u̧hu̧ó̧ju̧'a̧nä̧ ö'caja'chenä ö̧jä̧pö̧ u̧huo̧jua̧nä ö'caja'chenä ja̧'hua̧ta̧'a̧nö̧ utäme ucu'oja ku icu iyähuome suronä jȩ'ä̧ji̧. ²⁹Ja̧u̧ tuhue pa'anä ki̧'ä̧ji̧mä̧ tuhuepä̧cua̧ a̧dȩ́ aditö i̧cu'ä̧huä̧cua̧ unä ja̧'hua̧nö̧ jo̧'u̧ i̧yä̧cua̧ TÖ̧Ä̧NÄHUA̧ ö̧jo̧mȩ.³⁰Ja̧'ú̧ i̧yä̧cua̧ yä̧tȩ unucu mu'ä̧yä̧ttö̧, ja̧'hua̧nö̧ ja̧'a̧ttö̧ ttö̧ja̧sä̧mä̧ u̧ju̧nära̧ pä'ö ja̧'a̧. ³¹Ya'utemä suronä jȩ'ä̧ji̧ iyähuä koromä ku'icu iyähuä, ja̧u̧tä̧cu̧ u̧huä̧ju̧ oba iyähuä. Ja̧'hua̧nö̧ ja̧'a̧ttö̧ sacerdote i̧yä̧cua̧ iyäji TÖ̧Ä̧NÄHUA̧ ö̧jo̧mȩ. ³²Pi̧yȩ́ ja̧'a̧ huedömä̧ yä̧tȩ yoähuä chöttö na'a̧'chö̧rö̧ 'cu'ä'ipurö i̧jȩta̧nä̧, mitö ȩmä̧ji̧ ju'i̧'a̧rö̧ hue'inö aditö tticu'arö pä'ö.³³TÖ̧Ä̧NÄ̧HUA̧MÄ̧ Moiséscu'inä, Aaróncu'inä ucuocumä pä'inö: ³⁴Canáan rȩjȩnä̧ docuächi'ätucuomenä ucutu cui̧rȩjä̧tu̧cu̧ päi'önä chiyinome ja̧'hua̧ta̧'a̧nö̧ cuojusodenä temörȩyu̧ jö̧ rö̧ä̧chö̧ttö̧mä̧ cu̧jä̧tu̧cuä̧jä̧ttö̧, ³⁵ja̧'hua̧nö̧ jo̧mȩnä̧ ojusode päi'önä hua̧mä sacerdoterö ji'äu icha pä'ö jä̧cua̧'a̧. Ja̧u̧mä̧ pä̧cua̧: Chojusode tȩmö̧reyu jö̧ räopäjiyäcusä.³⁶Ja̧u̧nu̧ o'ca'a sacerdote huȩä̧cua̧ isode jacuä ka̧cu̧mä̧ rä'epö tticua pä'ötä, temäreyu jö̧ toäcua'a ä'canämä, juhuode isode surojode jö̧nä̧ ki̧'ö̧ juiyäcua'anö̧. Ja̧u̧nu̧ o'ca'atä sacerdotemä do̧ö̧chä̧cua̧ isode usähua pä'ömä. ³⁷Ja̧u̧mä̧ u̧sä̧huä̧cua̧ temöreyu jö̧mä̧ isode tto'epö tätähuäbänä ka̧ pä'ö ja̧'hua̧ta̧'a̧nö̧ ja̧'tu̧huö̧nä̧'i̧nä̧ ja̧'a̧nä̧ tuhuoppunö isode tto'epö tätähuäbä huä̧mȩnä̧tä̧ ka̧ pä'ö. ³⁸Isodenä temöreyu jö̧ kö̧ttö̧mä̧ sacerdotemä rä'opächö kä̧nö̧ mö̧'ȩpö̧ i̧cuä̧cua̧ äpatemä siete mo̧ro̧ jo̧mȩnä̧.³⁹Ja̧'hua̧nö̧ ja̧'a̧ sacerdotemä sietenö mo̧ro̧ päi'omenä pä'äjita'anö ppa̧huä̧chä̧cua̧, ja̧'hua̧nö̧ ppa̧'ä̧chi̧'ö̧ isode räbänä temöreyu jö̧mä̧ yabonö rö̧ä̧cha̧ja̧ pä'ö u̧sä̧huä̧cua̧. ⁴⁰Rö̧ä̧chä̧ji̧ttö̧mä̧, sacerdotemä jahuätörö inä o'qui tȩmö̧reyu jo'qui juhuȩnȩ pȩju̧mä̧ ötahuiyättömä̧ jäyäcu ȩmi̧pö̧ surojomȩcu̧ do'opö tticua pä'ö huȩä̧cua̧,⁴¹Ja̧u̧mä̧ isode räbänä temöreyu jö̧mä̧ quirö tticua pä'ö huȩä̧cua̧, ja̧'hua̧ta̧'a̧nö̧ jahuätömä quirö tti̧cuä̧jä̧ppȩmä̧ ötahuiyättö umicu̧ rä'epö icu suroju icuähuometä̧ icu tticuäcuotö. ⁴²Jahuätömä koro inä o'qui ȩmo̧po̧'ö̧, ȩmö̧ tticuäji o'qui ka̧cuä̧jo̧mȩ ttu̧ju̧nä̧cuo̧tö̧ ja̧'hua̧nö̧ jȩpö̧ redähua'inä jareähuanä tätö tticuäcuotö isodemä.⁴³Ido'qui tȩmö̧reyu jo'quimä̧ baropö icu isode tto'epö tätähuäbä'i̧nä̧ quirö icu tätö tticuäja'anä̧ pä'äjita'anö̧ räopöttömä̧, ⁴⁴sacerdotemä̧ usähua pä'ö doächa pä'ö̧ jä̧cua̧'a̧, tȩmö̧reyu jö̧mä̧ isode o'cajuiyönä̧ yoähuächaja pä'ö, yoähuächäjittö ja̧u̧ surojö tȩmö̧reyu jö̧mä̧ surojuoepö jä̧cua̧'a̧ ja̧'hua̧nö̧ jo̧mȩnä̧ juodemä̧ surojode jö̧nä̧tä̧ jäcuode.⁴⁵Juode isodemä̧ pparopötä icuähuäcuode. Inä o'qui'inä, dau odiyä'inä ja̧'hua̧ta̧'a̧nö̧ o'cajuiyötä ötahuiyättömä̧ jäyäcu ȩmi̧pö̧ surojomȩcu̧ do'opö icuähuäcua'a. ⁴⁶Koromä, ya̧tȩ juode mö'ȩpö̧ icuähuodenä doächöttömä̧, ja̧u̧mä̧ ni̧pä̧cho̧mȩ jubö päi'önä̧ su̧ro̧pa̧ jö̧nä̧tä̧ to̧ttä̧cua̧. ⁴⁷Ya̧tȩ juodenä ä'äjittömä ö̧'ca̧tä̧huä̧ti̧yu̧mä̧ töcö icua pä'ötä jö̧cua̧'a̧ ja̧'hua̧ta̧'a̧nö̧ juodettö u̧cuȩ ucuttu ö̧'ca̧tä̧huä̧ti̧yu̧mä̧ töcö icua pä'ötä jä̧cua̧'a̧.⁴⁸Sacerdote hua̧ isodenä doächö usähuomenämä toa päö jä̧'hua̧'a̧ märichei isode jahuänä ri̧ä̧cha̧ ja̧ päö isode a̧ttö̧ tti̧huäji'o'ca'a, märichei jä̧ji̧ juiya jö̧ttö̧mä̧, ja̧u̧tä̧ pä̧hua̧ isodemä tä'cö märichei juiyode.⁴⁹Ja̧'hua̧ta̧'a̧nö̧ sacerdote hua̧mä ȩmu̧'anö ja̧'a̧ co'ättötö ta̧ju̧ru̧ isode töcö icua'päö, ja̧'hua̧ta̧'a̧nö̧ cedro i̧so̧'quȩttö̧'i̧nä̧ ja̧'hua̧ta̧'a̧nö̧ isappä

säröcänö jappä'inä ja̧'a̧nä dau isade'inä.

¹TÖ̧Ä̧NÄHUA̧ ucu'ocu'inö Moisésrö ja̧'hua̧ta̧'a̧nö̧ Aarónrö̧'i̧nä̧ pä'inö. ²Ucuocu'i cu'ahuaruhuä Israelrö ja̧'hua̧ta̧'a̧nö̧ ji'ähuitö. Ttö̧ja̧sä̧ ya̧tȩ idepänä 'cu'ä'inä nahua̧chö̧ttö̧mä̧, jo̧'ú̧mä̧ mȩttä̧ pe'ömä huocö. ³Surojö cujunära̧'a̧ttö̧ 'cu'äcu'i pa'amä. ja̧'hua̧nö̧ ja̧'a̧ttö̧ 'cuä'o pa'a cuidepänämä 'cuä'opäjimä kä̧mä̧da̧ ja̧'a̧. cu'idepä suro ka̧'a̧.⁴O'caju'ijönä ä'ö́ i̧'ä̧'í̧mä̧ jo̧'u̧mä̧ surojö ja̧'hua̧ta̧'a̧nö̧ o'ca ju'iyönä i̧'ä̧'i̧mä̧ surojö. ⁵Yä̧tȩ me'ö̧ttö̧mä̧ ä'ö́ i̧'ä̧'í̧ji̧ jo̧'u̧mä i̧'ca̧tä̧huä̧ta̧ öttö ca'anö ja̧'a̧ ja̧'hua̧ta̧'a̧nö̧ ajé i'icu'a pe'ö ka̧'a̧, ja̧hua̧nö̧ ja̧'a̧nä̧ ttöcä'u icu'anä nipä̧ro̧mȩ jo'ächomebu su̧ro̧pä̧tä̧ i̧jä̧cu̧'a̧.⁶Ya̧tȩ ttö̧ja̧sa̧ ö̧dä̧pä̧rö̧ erönä̧tä̧ juo'ächinö ö̧'ä̧jo̧mȩ ö̧'ä̧mä̧dö̧ttö̧mä̧, ja̧u̧ ttö̧ja̧sa̧mä̧ ö̧'ca̧tä̧huä̧ti̧yu̧ töcö kä̧nö̧ ajiyanä i'ö icua pä'ö jä̧cua̧'a̧, ja̧u̧mä̧ ni̧pä̧cho̧mȩ jubö päi'önä su̧ro̧pa̧ jö̧nä̧tä̧ to̧ttä̧cua̧. ⁷Ya̧tȩ ttö̧ja̧sa̧ ö̧dä̧pä̧rö̧ erönä̧tä̧ juo'ächinörö̧ mȩ'ö̧mä̧ ö̧'ca̧tä̧huä̧ti̧yu̧ töcö kä̧nö̧ ajiyanä i'ö icua pä'ö jä̧cua̧'a̧, ja̧u̧mä̧ ni̧pä̧cho̧mȩ jubö päi'önä su̧ro̧pa̧ jö̧nä̧tä̧ to̧ttä̧cua̧.⁸Ya̧tȩ ttö̧ja̧sa̧ ö̧dä̧pä̧rö̧ erönä̧tä̧ juo'ächinö, surojö jui̧'a̧rö̧ suhuöttömä, suhuäjäcumä ö̧'ca̧tä̧huä̧ti̧yu̧ töcö kä̧nö̧ ajiyanä i'ö icua pä'ö jä̧cua̧'a̧, ja̧u̧mä̧ ni̧pä̧cho̧mȩ jubö päi'önä su̧ro̧pa̧ jö̧nä̧tä̧ to̧ttä̧cua̧. ⁹Ji̧cä̧tȩ dȩä̧cä̧ i̧sa̧ abonä pä̧cuä̧huä̧cä̧nä̧ ö̧dä̧pä̧rö̧ isoya eräcu ö̧'ä̧jä̧cä̧mä̧ surojäcä jö̧nä̧tä̧ tottäcuäcä.¹⁰Ji̧yȩtȩ ja̧u̧ iärenä̧ meä̧huä̧chö̧ttö̧mä̧ nipä̧chö̧ jubö surojö jö̧nä̧tä̧ kä̧cuȩ, ja̧'hua̧ta̧'a̧nö̧ ya̧tȩ ja̧u̧ suroju ȩpö̧mä̧ ö̧'ca̧tä̧huti̧yu̧mä̧ utuca pä'ötä jä̧cua̧'a̧ juhua'atäcu amö̧nä̧ pa̧ja̧tö̧tä ajiyanä̧ aje i'ö icua pä'ötä jä̧cua̧'a̧; ja̧u̧mä̧ yodo jubö su̧ro̧pa̧ jö̧nä̧tä̧ ö̧jä̧cua̧. ¹¹Ya̧tȩ ö̧dä̧pä̧rȩ isoya huerächäcu ä̧cuo̧mȩnä umö ajiyanä̧ utucähuoca'a mȩä̧jittö̧mä̧, mȩä̧jä̧cu̧mä̧ ö̧'ca̧tä̧huä̧ti̧yu̧mä̧ töcö icua pä'ötä jä̧cua̧'a̧ ja̧'hua̧ta̧'a̧nö̧ ja̧u̧mä̧ nipä̧cho̧mȩ jubö su̧ro̧pa̧ jö̧nä̧tä̧ ö̧jä̧cua̧. ¹²Ya̧tȩ ö̧dä̧pä̧rȩ isoya ma̧ä̧cu̧ redä'ca i̧so̧'ta̧nä̧ mȩö̧ttö̧mä̧ dö'ötä icuähuäcuo̧'ta̧ ja̧'hua̧ta̧'a̧nö̧ huȩ'chä̧qui̧yä̧ dauttö adicuämä ajiyanä̧ töcö i̧cuä̧huä̧cuȩ.¹³Chu ö̧dä̧rȩ isoya huerächäcu ja̧u̧ huerächäji ö̧'i̧po̧mȩnä̧, chutä amönä̧ pa̧ja̧tö̧ sietenö̧ mo̧ro̧ jo̧mȩnä̧ ö̧'a̧tä̧cua̧ umäricheittö pi̧'i̧pä̧ji̧'ca̧mä̧; ja̧u̧nu̧ o'ca'a ja̧u̧mä̧ ö̧'ca̧tä̧huä̧ti̧yu̧'inä töcö kä̧nö̧ aje pö̧o̧mȩttö̧ jä̧ttä̧pä̧ya̧ töcäu icua pä'ö jä̧cua̧'a̧. ¹⁴Ochonö̧ mo̧ro̧ päi'omȩnä̧ ja̧u̧mä̧ ta̧ju̧ du'o ä̧ji̧tö̧rö̧cö̧, ta̧ju̧ unucutu̧ tä̧mö̧ juo'ätörö̧cö̧, TÖ̧Ä̧NÄ̧HUA̧ ä'ca jo̧mȩ ichäcua̧ ca̧ca̧cu̧ pä̧cuä̧huomecu̧ doächi'äcuähuomȩ; juorutä jahuätö ppi̧yu̧ru̧mä̧ sacerdoterö i̧yä̧cua̧. ¹⁵Sacerdotemä̧ ja̧u̧ suronä̧ jȩä̧ji̧ micuä jö̧nä̧ iya pä'ö jä̧cua̧'a̧ ja̧'hua̧ta̧'a̧nö̧ koromä̧ ku icu iyäbuä jö̧nä̧tä̧, ja̧'hua̧ta̧'a̧nö̧ sacerdotemä̧ TÖ̧Ä̧NÄ̧HUA̧ ä'ca jo̧mȩttö̧ ö̧dä̧rȩ isoya räopäji jȩä̧chö̧ jö̧nä̧ jȩä̧cua̧.¹⁶Ya̧tȩ ö̧dä̧pä̧rö̧ isoya räopäcumä, jä̧ttä̧pä̧ya̧tä̧ ajiyanä töcäu icua pä'ö jä̧cua̧'a̧; ja̧u̧mä̧ ni̧pä̧cho̧mȩ jubö päi'önä su̧ro̧pa̧ jö̧nä̧tä̧ to̧ttä̧cua̧. ¹⁷Ttö̧'ca̧tä̧huä̧ta̧mä̧ o'cajuiyötä, i̧sa̧ i̧jȩta̧ jö̧ttö̧'i̧nä̧ ö̧dä̧pä̧rö̧ isoya tuhuähuächäjittömä̧ ajiyanä töcö tticua pä'ötä jä̧cua̧'a̧; ja̧u̧ o̧ta̧mä̧ ni̧pä̧cho̧mȩ jubö päi'önä surojö ä̧ta̧ jö̧nä̧tä̧ to̧ttä̧cuȩ. ¹⁸Ja̧'hua̧ta̧'a̧nö̧ Ya̧tȩ isajucu ä'öttömä̧, ubo ö̧dä̧pä̧rö̧ isoya isajucu 'cuäo'äjittö jahuätö ta̧ju̧mä̧ ajiyanä̧mä̧ töcäu tticua pä'ötä jä̧cua̧'a̧; tucäu tticua'anä ni̧pä̧cho̧mȩ jubö päi'önä̧ suropätö jö̧nä̧tä̧ toäcuähuäcuotö.¹⁹Yajute kihuarö kö̧ro̧mȩnä̧mä̧, ja̧u̧ kusurämä siete mo̧ro̧ jo̧mȩnä̧ kä̧cua̧ju̧, ya̧tȩ jahujuru mȩ'ö̧mä̧, ni̧pä̧cho̧mȩ jubö päi'önä̧ su̧ro̧pa̧ jö̧nä̧tä̧ to̧ttä̧cua̧. ²⁰O'cajuiyönä jahuäju kihuarö rä̧nö̧ kö̧rä̧ji̧mä̧, surojö jö̧nä̧tä̧ to̧ä̧cuä̧huä̧cuȩ; o'cajuiyönä jahuäju kihuarö rä̧jö̧ kö̧'ä̧ji̧mä̧, surojö jö̧nä̧tä̧ to̧ä̧cuä̧huä̧cuȩ.²¹Ya̧tȩttȩttö̧ jahuäju kä'ome mȩ'ä̧ji̧mä̧ öäre pu̧jä̧tti̧yu̧'i̧nä̧ ötö'cö'anö ja̧'a̧ ja̧'hua̧ta̧'a̧nö̧ ajiyanä ajeö icua'anö ja̧'a̧; ja̧'hua̧'a̧nö̧ mȩä̧ji̧mä̧ surojötä ku̧nä̧rö̧ ni̧pä̧ro̧mȩ juoächamejobu. ²²Ya̧tȩ jahuäju kö̧'o̧mȩ mȩä̧ji̧ttäö̧mä̧ öäre pu̧jä̧ti̧yu̧'inä töcö icua'anö ja̧'a̧ ja̧'hua̧ta̧'a̧nö̧ ajiyanä ajeö icua'anö ja̧'a̧; ja̧u̧mä̧ ni̧pä̧ro̧me jobu surojötä hua̧ jä̧hua̧. ²³käome jä̧ji̧ttö̧'i̧nä̧ kö̧o̧mȩ jä̧ji̧ttö̧'inä, ja̧u̧ mȩö̧ttö̧mä̧, ja̧u̧ päjimä sorojö hua̧tä̧ ö̧jä̧hua̧ ni̧pä̧ro̧mȩ juoächomejobu.²⁴Ya̧tȩ ubo jahuäjucu äö kucuo su̧ro̧jö̧ jö̧ mȩö̧ttö̧mä̧, ja̧u̧mä̧ surojö ku̧nä̧rö̧tä̧ hua̧ jä̧cua̧'a̧ ji̧mu̧tȩttö̧ todäre mo̧ro̧ jo̧mȩ. O'cajuiyönä cama ja̧u̧ äö ö̧'o̧mȩmä̧ surojötä jä̧cuo̧mȩ.²⁵Yajute isaju recuo mo̧ro̧ jo̧mȩnä̧ kucuo i̧jȩcuä̧rö̧ttö̧mä̧ ihua kö̧ra̧ pä̧'ö̧ pätecuä̧cho̧ca̧'a̧nä̧, ko̧ro̧nö̧mä̧ ihua kö̧ra̧ pä'ö pätecuächoca'anä kucuo i̧jȩcuä̧chö̧ä̧ttö̧mä̧, ja̧u̧ kucuo i̧jȩcuä̧rö̧ mo̧ro̧mä̧ su̧ro̧jö̧nä̧tä huaju ja̧'a̧, ihua kö̧ro̧ mo̧ro̧ pätecuächö jö̧ta̧'a̧nö̧. Ja'huäjumä surojönätä̧ huaju. ²⁶Ja'huäju cuä'ipö i̧sä̧ppä̧nö̧ kö̧'o̧mȩmä̧, o'cajuiyönätä̧, kucuo i̧jȩcuä̧ro̧mȩ jubu cuä'ipö i̧sä̧ppä̧nö̧ kö̧'o̧mȩmä̧ juȩnȩmä̧ ihua rä̧nö̧ kö̧'o̧mȩ jä̧'i̧nö̧'a̧nö̧tä̧ jo̧mȩ ja̧'a̧, o'cajuiyönä jahuäju kö̧'ä̧mä̧do̧mȩmä̧ surojänätö jo̧mȩ jä̧cua̧'a̧, ihua rä̧nö̧ kö̧ro̧mȩnä̧ jö̧ ta̧'a̧nö̧. ²⁷Ya̧tȩttö̧ juȩnȩ ko̧cu̧ mȩ'ö̧mä̧ surojötä hua̧ jä̧cua̧; Ja̧u̧mä̧ ö̧'ca̧tä̧huä̧ti̧yu̧'i̧nä̧ ötöcö'anä ja̧'a̧ ja̧'hua̧ta̧'a̧nö̧ aje'ö'inä icu'anö ja̧'a̧, ja̧u̧mä̧ surojötä hua̧ jä̧cua̧ ni̧pä̧ro̧mȩ juoächome jubu.²⁸Ja̧'hua̧nö̧ ja̧'a̧nä̧ jahuäju kucuojä i̧jȩcuä̧ro̧ca̧'a̧ jö̧ttö̧mä̧, ka̧mo̧nä̧tä̧ kö̧'a̧tȩcua̧ju̧ ji̧mu̧tȩ ta'arenö mo̧ro̧ jo̧mȩnä̧, ja̧'hua̧nä̧ jö̧ oca'atä jahguäjumä surojö'inä jui'aju käcuaju. ²⁹Ji̧mu̧tȩ huäba'acuä mo̧ro̧ päi'omenä jahuäjumä 'chujädäcuaju ta̧ju̧ duhuo äjimu̧rö̧ ja̧'hua̧nö̧ jö̧ juiyöttömä ta̧ju̧ u̧nu̧cu̧tu̧ muäyotöttö ja̧'hua̧nä̧ 'chu'ädö kȩpä̧cua̧ju̧ huȩnȩ ucuocuäcuähuode apate ä'ca sacertdote hua̧ ö̧jo̧mȩcu̧. ³⁰Sacerdote hua̧tä̧ i̧sa̧ co'örö suronä jȩttö̧ micuä päi'önä i̧yä̧cua̧ ja̧'hua̧ta̧'a̧nö̧ koro ku'icu ttiäre iyähuä'inä, TTÖ̧Ä̧NÄ̧HUA̧ ä'cajo̧mȩmä̧ ja̧'hua̧nö̧tä̧ i̧mi̧tä̧cua̧ surojönä tucuo i̧jȩcuä̧rä̧ji̧tö̧mä̧.³¹Ja̧'hua̧nö̧ ja̧'a̧ttö̧ ucutu 'quȩ'ȩpu̧ cu̧ju̧nätu̧cua̧ pe'ö ja̧'a̧ Israel ttö̧ja̧rö̧ suronä jȩttä̧'i̧ttö̧, jähuätö hua'ö́ tticu'i yäcua'anö surojö ttö̧jö̧närö̧ttö̧, ttö chö̧jodettö ucu'o ju'iyönä jȩ'cuä̧tu̧cu̧, jähuätötäcu chö̧ja̧'a̧ttö̧.³²Pi̧yȩtä̧ ja̧'a̧ jȩ'cu'ä̧tö̧'cu̧'ä̧ pe'ö kö̧mä̧ cu̧ju̧närä̧tu̧cu̧ ji̧yȩtȩ kö̧ ju'e'i i̧jȩcuä̧ chö̧ttö̧mä̧, ya̧tȩ ttö̧ja̧sä̧ttö̧ i̧dä̧pä̧rȩ isoya rä'eputtömä jo̧'ú̧mä surojö ku̧nä̧rö̧, ³³yajute isaju kö̧ju̧närö̧ cu'ocu'ä cu'amä, ja̧'hua̧nö̧ huajurö, uboju̧ttö̧'i̧nä̧ ja̧'hua̧ta̧'a̧nö̧ isajujö̧ttö̧'i̧nä̧, ya̧tȩ ä'öttömä ja̧'hua̧nö̧ kö̧nä̧rä̧ju̧mä̧ mȩ'ä̧huo̧co̧ju̧.

¹TÖ̧Ä̧NÄ̧HUA̧MÄ̧ Moiséscu ucuocuinö, pi̧yȩ cuäopina̧'a̧ Aarón i̧tti̧ ta̧ju̧ totte'ächäji o'ca'a, jahuätömä TÖ̧Ä̧NÄ̧HUA̧ ö̧jo̧mȩ tö'cö tti̧'chi̧'o̧mȩnä̧ 'corujuo'ächinä̧tö̧. ²TÖ̧Ä̧NÄ̧HUA̧MÄ̧ Moisésrö pä'inö: Cuböo Aaróncu ucuocu ji'ähuirö rö̧ä̧nä̧ ro̧o̧mȩ, tto̧ȩcuä̧ta̧ abonä ji̧yȩtȩ mo̧ro̧ esecuäcuähuä ȩco̧ca̧ muecuäbi ä'ca ichö juiyäcua'anö. Ichöttömä, ja̧u̧mä̧ 'coru päi'äcua̧, isopäi'önä Ttömä i̧so̧ca̧ mö̧ȩcuäbi huä̧mȩttö̧ isoppanä chi̧jȩcuä̧cua̧sä̧.³Ja̧'hua̧nö̧ ja̧'a̧ Aarón rö̧ä̧nä̧ ro̧o̧mȩ doächa pä'ö pi̧yȩ jȩa̧ pä'ö ji̧na̧'a̧. Ja̧u̧mä̧ doächa pä'ö ja̧'a̧ päcäyä mö̧ä̧rö̧ i'cächötä suronä jȩä̧ji̧ jȩä̧chö̧nä̧ iya pä'ö ja̧'hua̧ta̧'a̧nö̧ oveja uborö'inä ku icu iyähuä iyäcua'anö̧. ⁴Ö̧'ca̧tä̧huä̧ta̧mä̧ lino i̧sä̧ta̧ 'cä̧'ȩpö̧ ku̧nä̧huä̧ta̧ ö̧'ca̧tä̧hua̧ pä'ö ja̧'a̧ juhua'atäcu chutätä jacuänä 'ca̧tä̧huä̧cuä̧huä̧ta̧'i̧nä̧ ö̧'ca̧tä̧hua̧ pä'ö ja̧'a̧, ja̧'hua̧ta̧'a̧nö̧ lino i̧sä̧ta̧ttö̧ äcänämä ti̧ä̧dä̧cuä̧cua̧ pä'ö ja̧'a̧ juhua'atäcu cäyuhuä'ca lino i̧sä̧ta̧ttö̧ adicua'a i̧huȩnä̧hua̧ pä'ö ja̧'a̧. Ja̧u̧mä̧ jä̧ttä̧pä̧ya̧ ajiyanä töcäu icua pä'ö ja̧'a̧ ja̧'hua̧nö̧ ja̧u̧ pö̧jä̧ta̧ a̧mö̧nä̧ pa̧ja̧tö̧ 'ca̧tä̧hui̧'ö̧'ca̧. ⁵Ja̧u̧mä̧ Israel ttö̧ja̧ surojö jȩttä̧ji̧nä̧ iyähuä jö̧nä̧mä̧, ȩmä̧cua̧ chivostö̧rö̧mä̧ ta̧ju̧ru̧tä̧ ja̧'hua̧ta̧nö̧ oveja uborömä ya̧tȩrö̧tä̧ ku icu iyähuä jö̧nä̧.⁶Ja̧u̧nu̧ o'ca'a, Aarónmä suronä jȩttö̧ jȩä̧chö̧nä̧ i̧yä̧hua̧ päcäyä uborö i̧yä̧cua̧, chutä jähuänä'inä ja̧'hua̧ta̧'a̧nö̧ ahuaruhuä suronä jȩttä̧ji̧ jähuänä'inä. ⁷Ja̧'hua̧ta̧'a̧nö̧ chivostö̧ ta̧ju̧ru̧ 'chu'ädo'ö TÖ̧Ä̧NÄ̧HUA̧ ä'ca jo̧mȩ ö̧tä̧cua̧ pä̧mä̧dä̧cuä̧huodera̧'a̧cu̧ doächi'äcuähuomettö.⁸Ja̧u̧nu̧ o'ca'a, Aarónmä ta̧ju̧ cabratö̧ u̧mä̧tö̧rö̧ icu toa pä'ö jä̧cua̧'a̧, ya̧tȩrö̧mä̧ TÖ̧Ä̧NÄ̧HUA̧RÖ̧ ja̧'hua̧ta̧'a̧nö̧ ka̧ra̧rö̧tä̧ suronä jȩttö̧ jȩä̧chö̧ jähuänä. ⁹Aarón, icu toomenä cabra TÖ̧Ä̧NÄ̧HUA̧NÄ̧ i̧mi̧nä̧ ma'amä̧ji̧rö̧mä̧ TÖ̧Ä̧NÄ̧HUA̧RÖ̧TÄ̧ iya pä'ö jä̧cua̧'a̧ ja̧'hua̧nö̧ ja̧'a̧ cabra uborömä suronä jȩttö̧ jȩä̧chö̧nä̧ iyähuä jö̧nä̧tä̧ i̧yä̧cua̧. ¹⁰Ja̧'hua̧nö̧ ja̧'a̧nä̧ cabra ubo icu toomenä suronä jȩttö̧ jȩä̧chö̧ jähuänä ma'ä̧mä̧ji̧rö̧mä̧ a̧'cua̧ra̧'a̧nä̧ TÖ̧Ä̧NÄ̧HUA̧ ä'ca jo̧mȩcu̧ i'cächa pä'ö jä̧cua̧'a̧, suronä jȩttö̧ jȩä̧chö̧nä̧ ttiyö o'ca'a cabra uborömä oto de'a juiyä̧jä̧ra̧'a̧tä̧ hue'ö tticuarö pä'ö.¹¹Ja̧u̧nö̧ o'ca'a Aarónmä̧ äji päcäyä uborö iya pä'ö ja̧'a̧ suronä̧ jȩttö̧ jȩä̧chu̧nä̧ iyäcu jä̧cu̧a̧'a̧, Ja̧u̧mä̧ chutä jähuänä̧'i̧nä̧. Ja̧u̧mä̧ chutä surönä̧ jȩö̧nä̧'i̧nä̧ ja̧'hua̧ta̧'a̧nö̧ ahuäruhuä surönä jȩttö̧'i̧nä̧ jȩä̧cha̧ pä'ö. Ja̧'hua̧nö ja̧'a̧ttö̧ päcäyärumä̧ cuä'ö icuä pä'ö ja̧'a̧ chutä surönä̧ jȩä̧ji̧ jȩcha̧rö̧ pä'ö.¹²Aarónmä̧ TÖ̧Ä̧NÄ̧HUA̧ ä'ca jo̧mȩ ko̧ca̧ ku icu iyähuomettö̧ incienso ȩnä̧huäba ȩmo̧po̧'ö̧ ppusi icua pä'ö ja̧'a̧ incienso i̧sa̧ppȩ kärö i̧cuä̧hua̧ppä̧ adiu a̧da̧ppȩ u̧mö̧nä̧ i'cächa pä'ö tto̧ȩcuä̧ta̧ abo ja̧'a̧cu̧. ¹³Juorötä ja̧u̧ inciensomä ocuränä öta pä'ö ja̧'a̧ TÖ̧Ä̧NÄ̧HUA̧ ä'ca jo̧mȩ incienso isoppa esecu jȩtta̧ pä'ö hueinö ȩco̧ca̧ möecuäbi a̧ttä̧di̧'ö̧nä̧. Ja̧u̧mä̧ pi̧yȩ jȩa̧ pä'ö ji̧na'a̧ 'corujuoächö juiya pä'ömä̧.¹⁴Ja̧'hua̧nö̧ jö̧ttö̧mä̧, ja̧u̧mä̧ ȩmu̧'a̧nö̧ ja̧'a̧ a̧u̧cu̧nä̧ toro ucuojattö ödochenä riripäö surojö micuächa päö iyähuome mi̧ȩhuäbi uttä. Ja̧u̧mä̧ ucuoja a̧u̧cu̧nä̧ ȩmu̧ ödochenä 'cuhuecu ri̧ri̧'anö ja̧'a̧ ji̧mu̧tȩttö̧ todäre jo̧mȩnä̧ surojö micuähuächa päö miecuäbi juttä.¹⁵Ja̧u̧nu̧ o'ca'a ja̧u̧mä̧ cabra uborö cuäö icu'anö ja̧'a̧ ttö̧ja̧ suronä jȩttö̧ mi̧cuächönä iyähuä päiönä ja̧'hua̧ta̧'a̧nö̧ ucuoja ö'cächöanö ja̧'a̧ jacuojunä tto̧ȩcuä̧ta̧ ko̧mȩcu̧. Juorötä toro ucuoja jȩä̧ji̧ta̧'a̧nä̧ jȩ'a̧ päö ja̧'a̧: Ja̧u̧tä̧ riri'apäö ja̧'a̧ surojö micuähuächa päö mi̧ȩhuäbi juttä'inä ja̧'hua̧ta̧'a̧nö̧ ä,cacu'inä. ¹⁶Ja̧u̧tä̧ jȩa̧ päö ja̧'a̧ juiyó ro̧mȩttö̧mä̧ surojö micuähuächa̧ pä̧ö̧mä̧ Israel ttö̧ja̧ jȩttä̧'chö̧ micuä päiönä, ja̧'hua̧ta̧'a̧nö̧ jarodä'chö jȩttö̧i̧nä̧ o'cajuiyönä surojö ttu̧ju̧nä̧rö̧'i̧nä̧. Pi̧yȩmä̧ ja̧u̧tä̧tä̧ jȩä̧cuä̧ TÖ̧Ä̧NÄ̧HUA̧CU̧ ucuocuähuäcuodettö jacuätucutä ö̧ja̧'a̧ttö̧, surojö jȩttö̧'i̧nä̧ ä'ca jo̧mȩttö̧tä̧ jȩpä̧ttö̧.¹⁷Ya̧tȩ'i̧nä̧ jö̧ja̧ pä'ömä juiya'a huȩnȩ u̧cuo̧cuä̧cuä̧huo̧ca̧nä̧mä̧ Aarón doächomenä suronä jȩttö̧ micuä päi'önä iya pä'ö surojö jui̧'a̧ ä'cajo̧mȩ, jo̧mȩnö̧ cä'ädö räopomejubu suronä jȩttö̧ micuä päi'önä iyö o'ca'a chutä i̧mi̧nä̧'i̧nä̧ ja̧'hu̧ta̧'a̧nö̧ chutä ahuaruhuä ti̧mi̧nä̧'i̧nä̧, ja̧'hua̧ta̧'a̧nö̧ o'catoi'önä Israäel ttö̧ja̧ ti̧mi̧nä̧'i̧nä̧. ¹⁸Ja̧u̧mä̧ rä̧o̧pä̧cua̧ TTÖ̧Ä̧NÄ̧HUA̧RÖ̧ ttiäre ku iyähuomettö̧ ja̧'hua̧nö̧ jȩpö̧ chutä su̧ro̧nä̧ jȩö̧ micuä'inä iyipö, ja̧'hua̧ta̧'a̧nö̧ ja̧u̧mä̧ päcäyä buó ucuojattö'inä chivo muä̧ya̧ ucuojottö'inättö̧'i̧nä̧ ȩmö̧ ttiäre ku iyähuome i̧sa̧ ä̧ja̧ i̧sä̧na̧ ko̧mȩ ppeyänä u̧ju̧nä̧cua̧. ¹⁹Ja̧u̧mä̧ ri̧ri̧ä̧cua̧ ödö'chenä̧tä̧ ja̧u̧ru̧ ucuojamä̧, ji̧mu̧tȩ ta'arenö jo̧mȩ töcächi'ome jubu, TÖ̧Ä̧NÄ̧HUA̧ iäre 'quȩ'ȩpö̧ ku̧nö̧,²⁰Ja̧u̧ suronä jȩä̧ji̧ surojö jui̧yo̧ca̧tättö̧ mitäu icu o'ca'a, huȩnȩ u̧cuo̧cuä̧cuä̧huo̧ca̧, ja̧'hua̧ta̧'a̧nö̧ ttiäre ku'iyähuome'inä, ȩpö̧ i̧yä̧cua̧ cabra ubottö. ²¹Aaronmä u̧mu̧ to̧mu̧rȩcue'ö cabra ubo unä huä̧nö̧ ja̧hua̧nö̧tä̧ ji̧'ä̧huä̧cua̧ ja̧u̧ i̧sa̧rö̧ Israél ttö̧ja̧ suronä jȩtti̧nä̧, ttöarodinö'inä, ja̧'hua̧ta̧'nö̧ yapare ttö̧ä̧nä̧hua̧rä̧ esetö ttö̧ji̧nö̧'i̧nä̧. Ja̧u̧mä̧ i̧yä̧cua̧ jahuätö suronä jȩtti̧nö̧mä̧ cabra ubo unä mȩ'ö̧, ja̧u̧nu̧ o'ca'a otó hue'ö i̧cuä̧cua̧ ja̧u̧ru̧mä̧, ya̧tȩ ubo jo̧mȩnö̧ tta̧huä̧ra̧'a̧nä̧ de'a jui̧yä̧jä̧ra̧'a̧cu̧ hue'ö icuarö pä'ö. ²²Ja̧u̧ cabra ubomä ja̧u̧nä̧mä̧ ȩpä̧cua̧ o'cajuiyönä suronä jȩtti̧nö̧ ji̧nö̧ toächomecu̧, ja̧u̧ ttö̧ja̧sa̧mö̧ i̧'cha̧'a̧nä̧ ja̧'a̧tä̧ tö̧ä̧cua̧.²³Ja̧'hua̧nö̧ ja̧'a̧ttö̧, Aarón ppa̧huä̧ cha̧'a̧nö̧ ja̧'a̧ Dios ö̧jodecu ö̧'ca̧tä̧hui̧yu̧ ko̧sä̧'u̧ uta pe'ö surojö ju'i̧yo̧ca̧ ä'ca, jo̧'ú̧mä ö̧'ca̧tä̧huä̧ti̧yu̧mä̧ ju̧'ȩnȩtä̧ uti'a pe'ö ki̧na'a̧. ²⁴Jo̧'ú̧mä idepämä ajiyanä ötöcähuä pe'ö ka̧'a̧ surojö ju'i̧yo̧ca̧ttö̧, ja̧'hua̧nö̧ ja̧'a̧nä̧ ja̧'a̧tä̧ känö ö̧'ca̧tä̧huä̧ta̧ ö̧'ca̧tä̧hua̧ pe'ö ka̧'a̧ ja̧'hua̧nö̧ ja̧'a̧ttö̧ jo̧'ú̧mä rä'opa pe'ö ka̧'a̧ ja̧'hua̧ta̧'a̧nö̧ köhuicu iya pe'ö ttö̧ja̧ ttiyö, ja̧'hua̧nö̧ jȩpu̧ iyinö chutädä̧jä̧ ttö̧ja̧ ttiyödä̧jä̧.²⁵Jo̧'ú̧mä kuhuicu iya pe'ö ka̧'a̧ i̧'a̧dȩ surojö jȩ'ä̧cha̧ pe'ö iyähuä kuhuicu iyähuöme. ²⁶Ttö̧ja̧sä̧ cabrarö tipächa'a ja̧'a̧tä̧ to'öttömä ö̧'ca̧tä̧huä̧ta̧ öttöca pe'ö ka̧'a̧ ja̧'hua̧ta̧'a̧nö̧ idepädä̧jä̧ ajiyanä ötöcähua pe'ö ka̧'a̧, ja̧'hua̧nö̧ ja̧'a̧ttö̧ jo̧'ú̧mä̧ ppa̧huä̧cha̧ pe'ö ka̧'a̧ a'ahuäräcu.²⁷Päcäyärö'inä, cabrarö'i̧nä̧ surojö jȩttä̧ji̧ jähuänä iyähuotö jö̧nä̧ jahuätö ttucuoja surojö jȩä̧cha̧ pä'ö rö̧ä̧nä̧ ro̧o̧mȩcu̧ jahuätö ttucuoja ttȩpä̧joyamä̧, ä'ö kä̧cuä̧huo̧mȩttö̧mä̧ umicu ȩcuä̧cuo̧ya. Juorötä ku icuähuäcua'a ö̧jä̧pi̧yä̧'i̧nä̧, idepä'i̧nä̧ ja̧'hua̧ta̧nö̧ u̧huä̧si̧yö̧'i̧nä̧. ²⁸Ja̧u̧ ku icuäjimä̧ ö̧'ca̧tä̧huä̧ta̧'i̧nä̧ töcö icu kä̧nö̧ aje'i̧nä̧ i'ö icuä̧cua̧; ja̧'hua̧nö̧ jȩpi̧'ö̧'ca̧tä̧ ä'ö kä̧cuä̧huo̧mȩcu̧mä̧ do̧ä̧chä̧cua̧.²⁹Pi̧yȩ huedömä̧ 'cuäopönä̧tä̧ jȩ'cuä̧tu̧cua̧ pä'ö jä̧cuȩ kä̧hua̧tö̧ sietenö huotö päi'omenämä, ja̧u̧ kä̧hua̧ttö̧ Mo̧ro̧mä̧ to̧mö̧rȩ mo̧ro̧ päi'omȩnä̧, ucututä'i̧nä̧, Israel ttö̧ja̧'i̧nä̧ ja̧'hua̧ta̧nö̧ ko̧ro̧jä̧ra̧'a̧ttö̧ ichäcuähuotö ucutucu ka̧cuä̧tö̧'i̧nä̧, ucuo'inä tecuähuätucuoca'a ja̧'hua̧ta̧nö̧ cuäditähuätucu'i̧nä̧ aditocotö cuäcuotöjä̧. ³⁰Ja̧u̧ mo̧ro̧mä̧ TÖ̧Ä̧NÄ̧HUA̧ ä'cajo̧mȩttö̧ surojö jȩ'cuä̧'i̧jä̧tu̧cu̧mä̧ jȩä̧chä̧cuä̧u̧jä̧ ja̧'hua̧nö̧ jo̧mȩnä̧ adihuätötä päcui'äcuotöjä̧. ³¹Ja̧u̧ mo̧ro̧mä̧ 'cuä'ächi'ö pä̧cuä̧huä̧ mo̧ro̧ jä̧cua̧'a̧ ja̧'hua̧nö̧ ja̧'a̧ttö̧ ucutumä cua̧mö̧ pa̧ja̧tö̧mä̧ ucuomä tecuähuätucuoca'a ja̧'hua̧ta̧nö̧ cuäditähuätucu'i̧nä̧ aditocotö cuäcuotöjä̧. Pi̧yȩ huedömä̧ 'cuäopönä̧tä̧ kä̧cua̧'a̧ ucutu cu̧'cä̧tȩtu̧cu̧nä̧mä̧.³²Sacerdotettö juȩ'i̧pa̧ jö̧nä̧ da'epö pojopö ku̧nä̧hua̧mä̧ ja̧'hua̧ta̧'a̧nö̧ juȩ'i̧pa̧ sacerdote jö̧nä̧ hue'ö ku̧nä̧hua̧ jä'o aditä'ijome aditä̧cua̧mä̧, suronä jȩttö̧ jȩä̧chö̧nä̧ pä'ö ja̧'a̧ ja̧'hua̧ta̧'a̧nö̧ lino pö̧jä̧ta̧ttö̧ ö̧'ca̧tä̧hua̧ pä'ö ja̧'a̧, ja̧u̧ o̧ta̧mä̧ ro̧ö̧ o̧ta̧ jä̧cua̧'a̧. ³³Ja̧u̧mä̧ rö̧ä̧nä̧ ro̧o̧mȩttö̧ suronä jȩttö̧mä̧ jȩpö̧ icua pä'ö ja̧'a̧; ja̧'hua̧ta̧'a̧nö̧ sacerdotetö̧'i̧nä̧ juhua'atäcu ttö̧ja̧ o'catoi'önä suronä jȩttö̧mä̧ jȩä̧chö̧nä̧ jȩa̧ pä'ö ja̧'a̧.³⁴Pi̧yȩmä̧ ucuru hueähui'ö ja̧'a̧, Israel ttö̧ja̧ o'catoi'önä suronä jȩttö̧ jȩä̧chö̧nä̧ jȩ'cua̧ pä'ömä, a̧'ȩttö̧mä̧ ya'utenä̧tä̧." Pi̧yȩmä̧ jȩpi̧nö̧ TÖ̧Ä̧NÄ̧HUA̧ Moisésrö hueinö ta'anötä̧.

¹TÖ̧Ä̧NÄ̧HUA̧MÄ̧ Moiséscu ucuocumä pä'inö̧: ²Ucuocui Aaróncu'inä ja̧'hua̧ta̧'a̧nö̧ i̧tti̧mö̧cu̧'i̧nä̧ juhua'atäcu o'catoi'önä Israel ttö̧ja̧cu̧'i̧nä̧. TÖ̧Ä̧NÄ̧HUA̧ hueäjimä ji'ähuitö: ³Isrsel ttö̧ja̧ttö̧ ya̧tȩ päcäyä uborö cuä'ö icuttumä̧, ovejaröcö̧, ä'ö kä̧cuä̧huo̧mȩttö̧ cabraröcö̧, ä'ö kä̧cuä̧huo̧mȩ u̧mi̧ttö̧ cuä'ö icuttumä̧ Ö̧Ä̧NÄ̧HUA̧RÖ̧ iya pä'ö. ⁴Ja̧u̧ ca̧ca̧cu̧ pä̧cuä̧huodecu i'cächoca'attömä, Ö̧Ä̧NÄ̧HUA̧RÖ̧ ö̧jo̧de ä'ca jo̧mȩttö̧ iya pä'ö, ja̧u̧ ttö̧ja̧sa̧mä̧ cuä'ö icuäja'atä huȩnȩtä̧cuä̧huä̧cua̧. Ja̧u̧mä̧ cuä'ö icuäja'attö̧ ja̧'hua̧ta̧'a̧nö̧ ja̧u̧ ttö̧ja̧sa̧mä̧ ahuaruhuättö rä'epö i̧cuä̧huä̧cua̧.⁵JI̧nä̧so jȩtta̧ pä'ö pätetö hueähui'inömä Israel ttö̧ja̧rö̧ i̧sa̧rö̧ cuä'ö icu ttiya pä'ö TTÖ̧Ä̧NÄ̧HUA̧RÖ̧ ca̧ca̧cu̧ pä̧cuä̧huode ä'cattö, sacerdoterö'inä TÖ̧Ä̧NÄ̧HUA̧CU̧ esecu icuähuä jö̧nä̧ iyäcua'anö̧, meje'ca huäjuomettö cuä'ö icu ttiyajueimä. ⁶Sacerdotemä Ku icu iyähuome TÖ̧Ä̧NÄ̧HUA̧RÖ̧ totoä̧cua̧ ca̧ca̧cu̧ pä̧cuä̧huo̧mȩcu̧ doächi'äcuähuomettö̧; ja̧u̧mä̧ ö̧a̧dehua ujuhuäcua TÖ̧Ä̧NÄ̧HUA̧RÖ̧ adiunä 'chopönä.⁷Ttö̧ja̧mä̧ tä'cö amonä tti̧ä̧nä̧huo̧tö̧rö̧mä̧ i̧sa̧rö̧ cuäö 'icu iyähuämä jȩttö̧ juiyäcuottö, jahuätömä kidepä iyä'chäcuähuäju 'cua̧rö̧nä̧ jȩpä̧ttö̧. Pi̧yȩmä̧ hueähuä huȩnȩmä̧ 'cuä'opunätä̧ kä̧cuä̧ yodoji ttähuäruhuä 'cotö'inä jȩttä̧cuä̧.⁸Ucumä jicuähua'anö ja̧'a̧ jahuätörö: Ya̧tȩ Israél ttö̧ja̧sa̧ jo̧ttö̧'i̧nä̧ ja̧hua̧nö̧ jo̧ca̧'a̧ i̧chä̧cuä̧hua̧ ucutu cu̧'cä̧tȩnä̧ ö̧jö̧ttö̧'i̧nä̧, ttiäre iyähua ku'icu ja̧'hua̧nö̧ jo̧ca̧'a̧ cuä'ö icu iyöttömä, ⁹TÖ̧Ä̧NÄ̧HUA̧ ö̧jo̧ca̧ apate ö'cattö cuä'ö icuoca'a jö̧ttö̧mä̧, ja̧u̧mä̧ ahuaruhuättö 'cä̧'ȩpö̧ i̧cuä̧hua̧ jä̧cua̧.¹⁰Israél ttö̧ja̧sa̧ttö̧ ya̧tȩ, ja̧hua̧nö̧ jo̧ca̧'a̧ jö̧ttö̧mä̧ i̧chä̧cuä̧hua̧ ucutu cu̧'cä̧tȩnä̧ chö̧, idepä cuocua'anä ucuttumä, ttötä chabo'i̧ya̧ 'cua̧rö̧nä̧ to̧chä̧cua̧, ucututtu ja̧tȩ cuocua'anä ucuttumä; ttötä 'ca̧'ȩpö̧ chi̧cuä̧cua̧ ahuaruhuättömä. ¹¹De'a i̧sa̧ a̧'cua̧rö̧mä ucutu cucuojanä ka̧'a̧ttö̧. Ttömä jahuätö ttucuoja iyinö̧sä̧ ucuturu ucutu suronä jȩcu̧'ä̧tu̧cu̧ mi̧cua̧ päi'önä cuiyätucua pä'ö ku'iyähuome ja̧'hua̧nö̧ iyötä a̧'cua̧rö̧ cu̧jä̧tu̧cua̧ pä'ö, ttucuojämä suronä jȩttö̧ micuä päi'önä iyähuoya ja̧'a̧, juoyä ttucuojanätä micuä iyö a̧'cua̧rö̧ kä̧tö̧jä̧.¹²Ja̧'hua̧nö̧ ja̧'a̧ttö̧, ttö ji'ähuinösä̧ israel ttö̧ja̧rö̧ ya̧tȩ'i̧nä̧ cucu'ätucu'ó ucututtömä idepäcu ja̧'hua̧ta̧'a̧nö̧ ucuojamä, ja̧'hua̧ta̧'a̧nö̧ ucu'ó idepäcu ucu'ojacu ko̧ro̧ jä̧ttö̧ i̧chä̧cu'ä̧hua̧dä̧jä̧ ucutucu kö̧mä̧. ¹³Ya̧tȩ Israel ttö̧ja̧ttö̧'i̧nä̧ ya̧tȩ koromettö̧ 'chä̧cua̧huo̧tu̧'i̧nä̧ ucutucu kä̧tu̧mä̧ ,u̧sä̧rö̧ cu'ättöttömä de'á i̧sa̧ju̧ttö̧'i̧nä̧ eju'abä ku̧nä̧rö̧ju̧ttö̧'i̧nä̧ ttucu'a pe'ö ju̧ttö̧mä̧ , jo̧'ú̧ ttö̧ja̧sä̧mä̧ ucu'oja huerädö icu'a pe'ö ka̧'a̧ rȩjȩ́ 'cucuächi'önä ucujattö.¹⁴Ja̧'hua̧ta̧'a̧nö̧ ya̧cu̧nä̧ de'á isotömä ttucu'ojanä a̧'cu'arätö̧. Ja̧'hua̧nö̧ ja̧'a̧ttö̧ ji'ähuinösä̧ Israel ttö̧ja̧rö̧, ucutumä cucu'ätucu'ä ya̧tȩrö̧'i̧nä̧ de'á i̧sä̧rö̧mä̧ idepäcu ucu'ojacumä, o'cato'inä de'á isotömä a̧'cu'a̧rä̧tö̧ ttucu'ojattötä. Ya̧tȩ ucuttömä 'quȩ'ȩpu̧ ku̧nä̧hua̧.¹⁵O'catoi'önä i̧sa̧ 'corujuo'ächäjiröcö̧ ka̧ra̧ i̧sa̧ pä̧i̧cua̧ cuä'ö icuäcurucö̧ cuätumä, juhuorötä uhuäpächinö ja̧ pä'ö'inä ko̧ro̧jä̧ttö̧ i̧chä̧cuä̧hua̧ ucutucu kö̧ ja̧ pä'ö'inä, ja̧u̧mä̧ ö̧'ca̧tä̧huä̧ti̧yu̧ töcö kä̧nö̧ ajiyanä iä́ icua pä'ötä ja̧'a̧, ja̧'hua̧ta̧'a̧nö̧ ja̧'hu̧ta̧'a̧nö̧ ja̧u̧mä̧ ni̧pä̧cho̧mȩ jubö päi'önä su̧ro̧pa̧ jö̧nä̧tä̧ to̧ttä̧cua̧. Ja̧'hua̧nö̧ jo̧mȩnä̧tä̧ surojömä jui̧'a̧ jö̧nä̧tä̧ ö̧jä̧cua̧. ¹⁶Ja̧'hua̧nö̧ ja̧'a̧nä̧ ö̧'ca̧tä̧huä̧ta̧'i̧nä̧ ötöcoca'a ajiyanä'inä i'ö icuoca'a jö̧ttö̧mä̧, chutä jähuänätä̧ ro̧ȩcuä̧cua̧.

¹TÖ̧Ä̧NÄ̧HUA̧MÄ̧ Moiséscu ucuocumä̧ pä'inö̧: ²- ³"Israel ttö̧ja̧rö̧ ji'äumä̧ pä'itö: Ttötäsä CU̧Ä̧NÄ̧HUA̧TU̧CU̧ Diosmä̧. ucumä̧ jȩcuä̧ pä'ömä̧ jo̧ca̧'a̧ Egipto ttö̧ja̧ jȩpö̧ ttö̧jö̧mä̧, Ucutu ä'canä̧ cu̧ji̧nä̧tö̧cuo̧mȩttö̧mä. Ucutumä̧ Canaán ttö̧ja̧ jȩttö̧mä̧ jȩcua̧tö̧cuä̧ ja̧huö̧jä̧ rȩjȩra̧'a̧ Ucuturu chȩpa̧'a̧ttö̧mä̧ jahuätö jȩpö̧ ttö̧ju̧mä̧ jȩ'cuä̧.⁴Ttö huedö hueähuä huȩnȩmä̧ ucutu jȩ'cuä̧tu̧cua̧ pä'ö ja̧'a̧ ja̧'hua̧ta̧'a̧nö̧ Ttöttö hueähuä huȩnȩ jȩpö̧ cu̧jä̧tö̧cua̧ pä'ö ja̧'a̧, ja̧u̧nä̧ cui̧'chȩtu̧cuä̧ccua'anö, isopäi'önä Ttötä ja̧'a̧ttö̧ CU̧Ä̧NÄ̧HUA̧CU̧ Diosmä̧. ⁵Ja̧'hua̧nö̧ ja̧'a̧ttö̧ Ttöttö hueähuä huȩnȩ'inä, jȩ'cuä̧tu̧cua̧ pä'ö huedö'inä jȩpö̧ ka̧cuä̧tu̧cui̧. ya̧tȩ ja̧u̧ ucuotöttömä̧, ja̧u̧ jähuänä̧mä̧ 'cuäopönä̧tä̧ öjäcua. Ttötäsä TTÖ̧Ä̧NÄ̧HUA̧MÄ̧.⁶Ya̧tȩ'inä̧ ä'a pä'ömä̧ juiyäcuä'a tö'cönä̧ ahuaruhuajucumä̧. Ttötä ja̧'a̧ttö̧ TÖ̧Ä̧NÄ̧HUA̧MÄ̧. ⁷Cuä'orö cucuotoca'amä̧ jȩ'cuä̧'chä̧ cuä'o irecua cua̧ju̧rö̧mä̧. jahuäjumä̧ cua̧ju̧ ja̧'a̧! cucuotoca'amä̧ jȩcuä̧. ⁸Yorisotä cuä'ä''chä cuä'o irecuacumä̧; ja̧'hua̧nö̧ jȩpö̧ cucuotoca'amä̧ jȩ'cuä'chä̧ cuä'orömä̧.⁹Cui̧jä̧hua̧ttö̧ nä̧tö̧ ya̧ju̧tȩcu̧'inä̧ cuä'ä cuäo jö̧ttö̧'inä cua̧ju̧ jö̧ttö̧'inä ttittijucumä, cuojusodettö buo juoäjujö̧ttö̧'i̧nä̧ ucuttu otottö jö̧ttö̧'i̧nä̧. Ucumä cuijähuajucumä cuäöapäömä juiya'a. ¹⁰Cui̧tti̧mu̧ u̧mä̧ttö̧'i̧nä̧ nä̧ttö̧ ttittijumä̧ cuä'ä. Pi̧yȩ jȩ'cu̧ttu̧mä̧ cua̧mo̧nä̧ttä̧ daä ttu̧huä̧cua̧jä̧. ¹¹Cuä'ä cuäo irecua kittijucu'inä, jahuäjumä cuä'o ttötä uhuäpächinäju. Ja'huäjumä cuijähuajutä ja̧'a̧ ja̧'hua̧'a̧nö̧ ja̧'a̧ttö̧ jahuäjumä cuä'ä.¹²Cuä'ä cuä'o ijähuajucumä. Jahuäjumä cuä'o ttö'cö ahuaruhuaju. ¹³Cuä'ä cua̧ju̧ kijäcuajucumä. Ja'huäjumä cua̧ju̧ ttö'cö kahuaruhuaju. ¹⁴Cuä'o i̧jä̧hua̧rö̧ ucuottö irecuacumä cuä'ä. Jahuäju kö̧jo̧mȩcu̧mä̧ hui̧'chi̧'ä̧ suronä amuhuädomä, jahuäjumä juimiyaju ja̧'a̧.¹⁵Cui̧tti̧ irecuacumä cuä'ä. Ja'huajumä cui̧tti̧tä̧ irecua ja̧'a̧; ja'huäjucumä cuä'ä. ¹⁶Cuirecua ki̧jä̧hua̧cu̧mä̧ cuä'ä; Ja̧'hua̧nö̧ suronämä jȩcu̧'ä̧.¹⁷Isajucumä cuä'ä ja̧'hua̧ta̧'a̧nö̧ ja'huäju kittijucu'inä, jua'a yabo ja'huäju kittijucu'inä, ja'huäju kittiju jua'a yabo kittijucu'inä. Ja'huätömä ja'huäjutä tö'cönä kahuaruhuä ja̧'a̧ ja'huätucu cuä'öttömä surojönä̧tä̧ hua̧jä̧. ¹⁸Ucuma cuirecua päi'önämä ȩmo̧'cö̧cuä̧cua̧jä̧ cuirecua kijähuajurumä ta'arenä cuirecua päi'önämä ja̧'hua̧ta̧'a̧nö̧ ja'huäjucumä ä'öcö cuä̧cua̧jä̧ ä̧cuo̧mȩnä̧ji̧ cuirecua ka̧'cua̧ra̧'a̧nä̧mä̧.¹⁹Cu'ä'ä́ isaju ku̧ju̧nä̧rö̧ kö̧ra̧'a̧nämä. Jähuäjumä kö̧rö̧mȩbu me'ä̧huo̧co̧ju̧. ²⁰Cu'ippeyänä kö̧ irecu'acumä cu'ä'ä́ ja̧'hua̧nö̧ jȩpä̧'chö̧ suronä jecu'ä̧'chä̧'ä̧ ucutä ju'ajucu²¹Ucutumä ya̧tȩrö̧'i̧nä̧ cu'iyätu'ä cu'i̧tti̧mu̧rö̧mä̧ kuhuö tticu'a pe'ömä, ucutö cu'ä'icu iyähuä pä'i'önä Molocrö, dä̧ pe'ö́ ucutumä suronä jȩ'cu'ä̧tu̧cu̧a pe'ömä jo̧ ca̧'a̧ DIOS i̧mi̧nä̧. Ttötäsä TÖÄNÄHUA̧.²²Isaju kä'a'a 'cua̧rö̧nä̧mä̧ ubocumä cuä'ä. Ja̧u̧mä̧ surojutä jä̧cua̧'a̧. De'a i̧sa̧cu̧'inä cuä'ä'chä ja̧'hua̧nö̧ jȩpö̧ cua̧mö̧nä̧ surojuocuecua'acu. ²³Isajumä yajute'inä de'a i̧sa̧cu̧mä̧ kä'ä'cha pä'ömä juiya'a. Ja̧u̧mä̧ rö̧ä̧nä̧ suroju ja̧'a̧.²⁴Cua̧mö̧nä̧ pa̧ja̧tö̧mä̧ surojuocuecuätucuä pi̧yȩ jähuä jȩ'pä̧'chu̧m, ja̧'hua̧nö̧ ja̧'a̧nä̧'inä ttö̧ja̧mä̧ ja̧u̧ juai jȩpä̧'chö̧ surojuo'ecuinä̧tö̧, ucutu cuä'catucu jo̧mȩttö̧ rä'epö chicuäcuotömä. ²⁵Rȩjȩmä̧ surojuoächina'a, ja̧hua̧nö̧ jo̧mȩnä̧ surojö jȩttä̧ji̧ jähuänä ro̧'ȩpä̧ji̧sä̧ ja̧'hua̧nö̧ ja̧'a̧ttö̧ ja̧huä̧jä̧ rȩjȩmä̧ ja̧huä̧nä̧ ka̧cuä̧tö̧rö̧ rä'epö i̧cuä̧jä̧.²⁶Ja̧'hua̧nö̧ ja̧'a̧ttö̧ ucumä Ttöttö hueähuä huȩnȩ'inä ja̧'hua̧ta̧'a̧nö̧ jȩ'cua̧ pä'ö hue'ö chu̧ji̧ni̧nö̧'inä jȩ'cua̧ pä'ö ja̧'a̧, pi̧yȩ su̧ro̧tä̧cuö̧huö̧mä̧ yororiso jȩ'cua̧ pä'ömä jo̧ca̧'a̧, Israel ttö̧ja̧'inä, ko̧ro̧jä̧ttö̧ ichäcuähuotö ucutucu ka̧cuä̧tö̧'inä. ²⁷Ja̧'hua̧nö̧ ja̧'a̧ jitö ucutu ku̧jä̧tu̧cuä̧cua̧'a̧ ä'canä ka̧cui̧nä̧tö̧ pi̧jä̧ ttö̧ja̧ jȩtti̧nö̧mä̧ surojö pi̧yȩ ja̧'a̧ ja̧'hua̧nö̧ ja̧'a̧ttö̧ jitämä pi̧jä̧ rȩjȩmä̧ surojuoächinä̧jä̧tä̧ ja̧'a̧. ²⁸Ja̧'hua̧nö̧ surojuoächina'attö̧ cuä'catucunä ka̧cui̧nä̧tö̧rö̧ edecu icuinö'a̧nö̧, ucuturu'inä surojuocuepätucu o'ca'a rȩjȩ edecu icu juiyätucuacu pä'ömä̧ ttu̧'ȩpä̧rö̧nä̧ ka̧cuä̧tu̧cui̧.²⁹Ya̧tȩ pi̧yȩ su̧ro̧tä̧cuä̧huä̧ jȩpö̧mä̧, ttö̧ja̧ pi̧yȩ jȩpä̧tö̧mä̧ ttahuaruhuättömä 'cä̧'ȩpö̧tä̧ icuähuäcuotö. ³⁰Ja̧'hua̧nö̧ ja̧'a̧ttö̧ ucutumä huedinömä jȩpö̧ ka̧cuä̧tu̧cui̧ su̧ro̧tä̧cuä̧huä̧ jȩpö̧ hueye juottinömä ji̧yȩtȩ'i̧nä̧ jȩ'cuä̧tu̧cuä̧ ucutu cuä'catucunä ka̧cui̧nä̧tö̧ jȩtti̧nö̧mä̧, ucutu'inä jahuätö jȩtti̧nö̧nä̧ surojuocuächätucu juiyäcua'anö̧. Ttötäsä CU̧Ä̧NÄ̧HUA̧CU̧ Diosmä.

¹TÖ̧Ä̧NÄ̧HUA̧MÄ̧ Moiséscu ucuocumä pä'inö: ²Israel ttö̧ja̧ o'catoi'önärö̧ ucuocumä ji'ähuitö: "Ucutumä Surojö juiyönä̧ ku̧jä̧tu̧cua̧ pä'ö jja̧'a̧, isopäi'önä̧ Ttö CU̧Ä̧NÄ̧HUA̧TU̧CU̧ Dios surojö jui̧'a̧ cha'attö. ³O'catoi'önä cua̧ju̧ru̧'inä cuä'orö'inä ucuotätucui ja̧'hua̧ta̧'a̧nö̧ 'cuä'ächi'ö pä̧cuä̧huä̧ mo̧ro̧'inä ucuotätucui. Ttö ja̧'a̧ CU̧Ä̧NÄ̧HUA̧TU̧CU̧ Diosmä̧. ⁴ttätähuä o'ca micuähuocömä ucuomä tecuähuätucuä, ja̧'hua̧ta̧'a̧nö̧ cuoräuttu cu̧ä̧nä̧hua̧tu̧cu̧ jö̧nä̧mä̧ cuaditätucuä. Ttö ja̧'a̧ CU̧Ä̧NÄ̧HUA̧TU̧CU̧ Diosmä̧.⁵TÖ̧Ä̧NÄ̧HUA̧RÖ̧ i̧sa̧rö̧ cuä'ö icu huȩnȩ juiyönä kä̧cuä̧huä̧ cuiyätucuomenämä, adihuomenä cuiyätucua pä'ö ja̧'a̧ ȩmä̧cua̧'a̧nö̧. ⁶Cuiyäjätucu mo̧ro̧tä̧ cucui'ätucua pä'ö ja̧'a̧, koro mo̧ro̧ jö̧ttö̧'inä. ⁷Ji̧yȩtȩ ki̧'ä̧ji̧ttö̧mä̧ huäbodäcuä mo̧ro̧ päi'omenämä kutä i̧cuä̧huä̧cuȩ, ja̧u̧mä̧ surojuoächäji ja̧'a̧. Ttucua pä'ömä jo̧cö̧, ⁸ja̧'hua̧nö̧ ja̧'a̧nä̧ ya̧tȩ ja̧u̧ cumä usurä ȩmä̧huä̧cua̧ TÖ̧Ä̧NÄ̧HUA̧ i̧mi̧nä̧ 'cä̧'ȩpö̧ ku̧nä̧huä̧ ocuotocome jo̧mȩttö̧. Ja̧u̧ ttö̧ja̧sa̧mä̧ ahuaruhuättömä 'cä̧'ȩpö̧ i̧cuä̧huä̧cua̧.⁹Cui̧rȩjä̧ttö̧ cu̧ju̧nä̧cuä u̧huä̧ju̧ ttocuomenämä, cui'ättä ö̧yu̧'ca̧ri̧ra̧'a̧ päi'önä̧mä̧ o'cajuiyönämä 'to'ö cuicuä, ja'hua̧ta̧'a̧nö̧tä̧ cu̧ju̧nä̧huä̧mä̧ o'cajuiyönämä ji̧nä̧ yo̧mȩtȩmä̧ cutä. ¹⁰Uvas cui'ättättö'inä ji̧nä̧ yo̧mȩtȩmä̧ pä̧i̧'ö̧nä̧mä̧ jecu'ä̧, ja̧'hua̧ta̧'a̧nö̧ uvas cui'ättättö rȩjȩ mo̧ä̧chö̧'i̧nä̧. Ja̧u̧ ko̧cui̧pu̧mä̧ usurä isotörö'inä ja̧'hua̧ta̧'a̧nö̧ ichäcuähuotörö'inä cuiyö'anö ja̧'a̧. TTÖTÄ ja̧'a̧ CU̧Ä̧NÄ̧HUA̧TU̧CU̧ Diosmä.¹¹Cu̧nä̧u̧cuä̧. Yapare'inä jicuäu juiyö'anö ja̧'a̧. Yapare'inä jicuähuä ka̧ra̧ka̧ra̧nö̧mä̧. ¹²Ttö chi̧minä'inämä amonämä á̧ jȩchä̧cua̧sä̧ pä'ömä cuierusehuä CU̧Ä̧NÄ̧HUA̧ Dios i̧mi̧nä̧mä̧. TTÖTÄ ja̧'a̧ CU̧Ä̧NÄ̧HUA̧TU̧CU̧MÄ̧.¹³Cuippeyänä kö̧rö̧mä̧ suronämä jȩcu̧'ä̧ nä̧u̧cu̧'i̧nä̧ cu̧nä̧u̧cuä̧. Cu̧mu̧huä̧yä̧ aditäji micuämä yodo juo'äcua'anä koro mo̧ro̧ juomebumä cu̧ju̧nä̧rä̧. ¹⁴Surona'inä päcu'ä ä̧ju̧cuo̧cö̧rö̧mä̧ ja̧'hua̧ta̧'a̧nö̧ ä̧to̧ca̧ i̧'cho̧mȩ'i̧nä̧ isö'ca tto'epömä cutä. Ja̧'hua̧nö̧ jȩcu̧'o̧ca̧'a̧, Diosrö ye'ecunu kä̧hui̧. Ttötäsä CU̧'Ä̧NÄ̧HUA̧MÄ̧.¹⁵Yapare'inä ja̧u̧tä̧ jä̧'a̧ pä'ö'inä päcuä. Ucumä jȩcu̧'ä̧ pidemä usurä'i̧sa̧ pä'ö ja̧u̧ru̧tä̧ ppädäda pä'ö'inä, ja̧'hua̧ta̧'a̧nö̧ pidemä ucuounä kö̧ pä'ö ja̧u̧ru̧tä̧ ppädäda pä'ö'inä jȩcu̧'ä̧. Ja̧'huä̧nö̧ jo̧ca̧'a̧, jö̧ttö̧ topötä pä'i. ¹⁶Yapare ttucuocu huȩnȩ'i̧nä̧ ji'ähuä'chö cuecuächä cuahuaruhuärömä, ja̧'hua̧nö̧ jo̧ca̧'a̧ adiunä jö̧tä̧ tta̧'a̧ri̧ jitucu cu̧jä̧u̧ru̧mä̧. Ttötäsä CU̧'Ä̧NÄ̧HUA̧TU̧CU̧MÄ̧.¹⁷Cu'i̧jä̧hua̧rö̧mä̧ cu'amisurö to'cu'a cu'amiso'quittö. Jicu'ähua pe'ö hua̧ suronä jȩ'ö̧mä̧ cu'ippeyänä kö̧rö̧ jo̧'ú̧ suronä jȩ'ö̧ jȩ'cua̧'a̧cu̧. ¹⁸Ucú cu'ahuaröhuärö suronä jȩttö̧mä̧ micu'ä päcu'ä ja̧'hua̧ta̧'a̧nä̧ suronä jȩttä̧ji̧mä̧ cu'a̧mu̧cu'ä̧rä̧, pärocu'a'acutä cu'ippeyänä kö̧rö̧mä̧ repe'i cu'amunä repecuhuäu ta'anötä̧ . Ttötäsä TÖ̧Ä̧NÄHUA.¹⁹Ucutumä hua'adö kö̧nä̧tu̧cu'i̧ ttö huedinö. Cu'äji̧mu̧ korotucu isotucumä yocu'epätucu'ä. Rȩjȩ́ u̧huä̧ju̧ o̧bi̧ttö̧ cu̧ju̧nomenä koro u̧huä̧ju̧ o̧bi̧cu̧mä̧ cu'ihuatä. Cu'i̧'cä̧tä̧huä̧tu̧cu'ä̧ cu'i̧'ca̧tä̧huä̧ti̧yu̧ ko̧ro̧ta̧cu̧ huihuatö 'ti̧'ä̧huä̧ta̧mä̧.²⁰Ttö̧mö̧huäyaju päi'önä̧ huaju ka̧ra̧ irecua päi'önä̧ jä'epö u̧ju̧nä̧cua̧cu̧, ya̧tȩ jähuäjucu ä'ötttömä̧, ja̧'hua̧nö̧ ja̧'a̧nä̧ ji̧nä̧ ȩmö̧'i̧nä̧ ȩmä̧huo̧co̧ju̧ ka'attö ja̧'hua̧ta̧nö̧ yajurutä pä̧huä̧rö̧jo̧mȩ kö̧ja̧ pä'ö'i̧nä̧ rä'epö icuähuocoju ka'attö, jahuätömä̧ ro̧ttȩpa̧tö̧ pä'ötä huotö. Jahuätömä cuä'ömä icuähuocotö pä̧huä̧rö̧jo̧mȩnä̧ kö̧ja̧ pä'ö rä'epö icuähuocoju komȩttö̧. ²¹Ja̧u̧mä̧ Ö̧Ä̧NÄ̧HUA̧RÖ̧ iäre iyähuä Surojö jȩä̧ji̧ micuä jö̧nä̧ ca̧ca̧cu̧ pä̧cuä̧huode ä'cattö iya pä'ö i'cächä̧cua̧, oveja uborötä. ²²Ja̧u̧nö o̧'ca̧'a̧ sa̧cȩrdo̧tȩmä̧ oveja ubonä ttö̧ja̧sa̧ suronä̧ jȩä̧ji̧ jȩä̧chö̧nä̧ TÖ̧Ä̧NÄ̧HUA̧ ä'ca jo̧mȩttö̧ i̧yä̧cua̧. Ja̧'hua̧nö̧ jȩo̧mȩnä̧tä̧ surojö jȩä̧ji̧mä̧ jȩä̧chä̧cua̧'a̧.²³Cui̧rȩjä̧tu̧cu̧nä̧ do'ächi'ö ja̧'hua̧ta̧'a̧nö̧, cu̧cuȩ cuähuättömä o'cajuiyönä cu̧ju̧nä̧tu̧cuo̧mȩnä̧, ja̧u̧ cu̧ju̧nä̧tu̧cu̧ u̧huä̧ju̧mä̧ huȩju̧mä̧ cuäcuähuocö jä̧'i̧nö̧'a̧nö̧tä̧ to'cuätucuaja. Ja̧u̧ u̧huä̧ju̧mä̧ huäbodäcuä a̧'ȩ jo̧mȩnä̧ cucuätucuä. ²⁴Ja̧'hua̧nö̧ ja̧'a̧nä̧ pa̧ja̧cuä̧nö̧ a̧'ȩ päi'omȩnä̧mä̧ cuähuä u̧huä̧ju̧mä̧ 'cä̧'ȩpö̧ ku̧nä̧huä̧tä̧ jä̧cua̧'a̧, TÖ̧Ä̧NÄ̧HUA̧RÖ̧ eseu iyähuä jö̧nä̧tä̧. ²⁵Ji̧mö̧tȩnö̧ a̧'ȩ päi'omȩnä̧tä̧ cuähuä u̧huä̧ju̧mä̧ cucuäcuotöjä̧. Ja̧'hua̧nö̧ jȩ'cuä̧tu̧cuo̧mȩnä̧tä̧ u̧huä̧ju̧mä̧ jua'a yabonö̧ huȩjä̧cua̧'a̧. Ttötäsä TTÖ̧Ä̧NÄ̧HUA̧ Diosmä̧.²⁶Idepä ucuoja ka̧cu̧mä̧ cucuätucuä. Tta̧'cua̧ru̧huä̧nä̧mä̧ cuä'cacu jähuä 'cuä̧o̧pä̧cuä̧mä̧ jä̧cuȩpä̧rä̧, ja̧'hua̧ta̧'a̧nö̧ Märipä jähuä ujurunä jȩpö̧'chö̧ korotörömä 'chu̧cuä̧rä̧tu̧cuä̧. ²⁷Tätähuä'ca esetätörö pi̧yȩ jȩttö̧mä̧ jȩ'cuä̧tu̧cuä̧ cuhuo'chetucu'inä ro'oyunömä, cuä'cähuiyä'che'inä jäyänämä 'cuicuähuä'chätucuä. ²⁸Cuidepänämä 'cuicuähuätucuä hua'inä̧tö̧rö̧ amöcuädömä ja̧'hua̧ta̧'a̧nö̧ cuidepänöämä cutähuä'chätucuä isotö tta̧'cua̧juä̧mä̧. Ttötäsä CU̧Ä̧NÄ̧HUA̧CU̧MÄ̧.²⁹Cuittijuru kidepä micuänä kiyä'chäcuäunämä huehue'cuä, ttö̧ja̧'inä ja̧u̧ ttidepä micuänä iyä'chäcuähuänä mattä̧chö̧ juiyäcua'anö̧ ja̧'hua̧ta̧'a̧nö̧ ja̧huä̧jä̧ rȩjȩ'i̧nä̧ surojutä rö̧ä̧chö̧ juiyäcua'anö. ³⁰Ucutumä chumo̧ro̧ 'cuä'ächi'ö pä̧mä̧dä̧cuö̧huä̧ mo̧ro̧mä̧ cucuotätucua pä'ö ja̧'a̧ ja̧'hua̧ta̧'a̧nö̧ chö̧jo̧de ca̧ca̧cu̧ pä̧cuä̧huode'inä ucuotätucui. Ttötäsä CU̧Ä̧NÄ̧HUA̧CU̧MÄ̧.³¹Hua'inä̧tu̧cu̧'inä tta̧'cua̧ru̧hua̧nä̧'i̧nä̧ ucuocuätöjä̧ pä'ätu ttö̧ja̧cuo̧mȩcu̧mä̧ cui̧'chä̧tu̧cuä̧. Jitö ucuturu surojuottepa'anö huotörömä cusätucuä. Ttötäsä CU̧Ä̧NÄ̧HUA̧TU̧CU̧ Diosmä̧.³²Tä̧mö̧rö̧'i̧nä̧, ttö̧ja̧ tturuhuotörö'i̧nä̧ ttä'ca jo̧mȩttö̧mä̧ ucuotömä̧ ä̧rä̧mi̧'ö̧ cu̧jä̧mä̧dä̧tu̧cua̧jä̧. Diosrö'i̧nä̧ cucuotätucua pä'ö ja̧'a̧. Ttötäsä TTÖ̧Ä̧NÄ̧HUA̧MÄ̧.³³Ya̧tȩ i̧chä̧cuä̧hua̧ ucutu hui̧rȩjä̧tu̧cu̧nä̧ ö̧jö̧ttö̧mä̧, suronämä jȩcu̧'ä̧tu̧cuä̧rö̧. ³⁴Ja̧u̧ i̧chä̧cua̧hua̧ ucutucu kö̧rö̧mä̧ Israelttö uhuäpächinö 'cua̧rö̧nä̧ topätucuirö, ucutu repecuähuätucu'anötä̧ repe'ätucuirö, ucutu'inä ichäcuähuotö huinätö̧jä̧ Egipto rȩjȩttö̧mä̧. TTÖTÄSÄ ucu CUÄ̧NÄ̧HUA̧ Di̧o̧smä̧.³⁵Yaparemä amo̧nämä cu'a̧tä̧'chä̧ ö'oto'inä ä̧mä̧cö'inä ö̧rö̧ä̧'inämä. ³⁶Cu'a̧tö̧'anö ja̧'a̧ jueönä pajatä̧cuä̧huä̧nä̧tä̧ ämäcö'inä ja̧'hua̧ta̧'a̧nö̧ ö̧rö̧ä̧'i̧nä̧. TTÖTÄSÄ ucu CU̧Ä̧NÄ̧HUA̧ Diosmä, Egipto rȩjȩttö̧ rä'epu icuinömä. ³⁷Ja̧'hua̧nö̧ ja̧'a̧ttö̧ ttö päö chu̧ju̧ni̧nö̧'inä ja̧'hua̧ta̧'a̧nö̧ o'cajuiyönä ttö hueähuä huȩnȩ hue'ö chu̧ju̧ni̧nö̧mä̧ jȩpä̧tu̧cui̧. TTÖTÄSÄ CU̧Ä̧NÄ̧HUA̧TU̧CU̧MÄ̧".

¹TÖ̧Ä̧NÄ̧HUA̧ Moiaerö ucuocu pä'inö: ²"Israél ttä̧ja̧rö̧ ji'ähui: Ya̧tȩ Israél ttö̧ja̧ttö̧ jö̧ttö̧'i̧nä̧, ko̧ro̧nö̧mä̧ i̧chä̧cuä̧hua̧ Israélnä kö̧ i̧tti̧mu̧rö̧ Moloc'rö iyöttömä, ja̧u̧mä̧, isopäi'önätä̧, cu'ö i̧cuä̧hua̧tä̧ jä̧cua̧. Pi̧jä̧nä̧ ko̧cuä̧tö̧mä̧ i̧nä̧du tti̧cuä̧huä̧cua̧ 'corupäi'ome jubu.³Tto'inä kö'cocö chä̧cua̧sä̧ ja̧u̧ ttö̧ja̧sa̧rö̧mä̧, 'cä̧'ȩpö̧ chi̧cuä̧cua̧ ahueruhuä ttö'inä i̧tti̧rö̧ Moloc'rö iyöta'anö, TTÖ chö̧jo̧mȩ surojö juiyome surojuoepa'attö ja̧'hua̧ta̧'a̧nö̧ TTÖ chi̧mi̧nä̧ suronä jȩa̧'a̧ttö̧. ⁴Pi̧jä̧nä̧ ko̧cuä̧tö̧ ja̧u̧ ttä̧ja̧sa̧ i̧tti̧mu̧rö̧ Moloc'rö iya'a totta'anä, cuä'ö tticuoca'a jö̧ttö̧mä̧, ⁵ja̧u̧nu̧mä̧ TTÖTÄ chö̧'ä̧i̧nä̧ ro̧dȩpä̧cua̧sä̧ ja̧u̧ru̧mä̧ ja̧'hua̧ta̧'a̧nö̧ jua'a yabo ahueruhuä o'cotörö'inä, ja̧hua̧nö̧ TTÖTÄ kä̧'ȩpö̧ chi̧cuä̧cua̧ ja̧u̧mä̧ ja̧'hua̧nö̧tä̧ jȩchä̧cua̧sä̧ o'catoi'önärö̧ ja̧hua̧nö̧ suronä jȩpä̧tö̧rö̧mä̧, Moloc'rö ttidepä ttiyähuä'cha̧'a̧ttö̧.⁶Pä'äji ta'anö ttö̧ja̧ hua'inätö̧cu̧ ucu'ocuttömä ja̧'hua̧ta̧'a̧nö̧ hua'inätö̧ ttä̧'cua̧rö̧hua̧cu̧ ucu'ocumä jähuätörö ucu'otunö jȩpä̧'chä̧tö̧mä̧, ttö tochäcu'otö to'icutä jähuätörömä; ttötä pporädö chicu'ä̧cu'a̧ chahuaruchä tti̧'cä̧tȩttö̧. ⁷Ja̧'hua̧nö̧ ja̧'a̧ttö̧, ucu'otönö jȩpä̧tu̧cu'i̧ ucututä surojö ju'iyönä, dä̧ pe'ö ttötäsä̧ ucutu cu'ä̧huä̧na̧tu̧cu̧ DIOMÄ.⁸Ucutumä huedinö ucuotönö jȩpä̧tu̧cui̧. Ttötäsä TÖ̧Ä̧NÄHUA̧, surojö juiyönä kö̧mä. ⁹Ö'cato'inä suronä pä'ömä jä'orö'inä a̧ju̧rö̧'i̧nä̧ ja̧'u̧mä̧ kȩ'ȩpu̧ i̧cua̧hua̧ hua'ö icua pä'ö. Jä'orö'inä ja̧'hua̧ta̧'a̧nö̧ a̧ju̧rö̧'i̧nä̧ suronä pä'attö ja̧u̧mä̧ hua'ö icua pä'ötä kö̧.¹⁰Ya̧tȩ ka̧ra̧ irecuacu ä'ä'chörömä, ja̧u̧mä̧ ttö̧jo̧mȩ ppeyänä kä̧ irecuacu jö̧ta'anö jö̧-- ä'äjirö'inä ja̧'hua̧ta̧'a̧nö̧ ä'äjuru'inä ta̧ju̧cuäyotörö cuä'ö tticuatö pä'ötä ttäcuotö. ¹¹Ya̧tȩ jä'o irecuacu rö̧mä̧ jahuäjucu ä'a pä'ö, ja̧u̧mä̧ chutä amönä jä'orö ucuotocö ja̧'a̧. Ja̧'hua̧nö̧ ja̧'a̧ttö̧ ta̧ju̧cuäyotö i̧tti̧'inä juhua'atäcu irecua'inä cuä'ö tticuatö pä'ötä ttäcuotö. ¹²Ya̧tȩ ö̧jo̧ri̧ju̧cu̧ ä'öttömä jahuätö ta̧ju̧mä̧ cuä'ö tticuatö pä'ötä ttäcuotö. Jahuätömä surojö jȩttä̧ja̧'a̧ttö̧. Jahuätömä jȩttä̧ji̧tä̧ huȩnȩcuä̧cuo̧tö̧ ja̧'hua̧nö̧ jo̧mȩttö̧ cuä'ö tticuatö pä'ötä ttäcuotö.¹³Ya̧tȩ ubo ka̧ra̧ ubocu ä'ä'chumä, isajucu ttä'a'a 'cua̧rö̧nä̧, jahuätö ta̧ju̧mä̧ su̧ro̧tä̧cuä̧tä̧ jȩpä̧jä̧tö̧. Jahuätömä cuä'ö tticuatö pä'ötä ttäcuotö. cuä'ö tticuatö pä'ötä ttäcuotö. ¹⁴Ya̧tȩ kittijuru'i̧nä̧ ȩmö̧ kä̧nö̧ ka̧ju̧ru̧'i̧nä̧ irecua päi'önä̧ ȩmö̧mä̧, rö̧ȩnä̧ surojötä jȩpö̧, churutä'i̧nä̧ ja̧'hua̧ta̧nö̧ nä̧tö̧rö̧'i̧nä̧ ku tticuatö pä'ötä huotö ja̧u̧ surojö jȩä̧cuä̧huä̧ juhua'a yabonö ucutu cu̧'cä̧tȩtu̧cu̧ttö̧ rö̧ä̧chö̧ juiyäcua'anö̧.¹⁵Ya̧tȩ de'a i̧sa̧cu̧ ä'ömä̧, isopäi'önä̧tä̧ cuä'ö tticuarö pä'ötä bua̧, ja̧'hua̧ta̧'a̧nö̧ de'a i̧sa̧'inä ucutumä̧ cuä'ö cuicuätucua pä'ötä ja̧'a̧. ¹⁶Yajute issaju de'a i̧sa̧cu̧ kä'a pä'ö kötö'cöhuächi'öttömä ucutumä̧ isajuru'inä cuä'ö icu kä̧nö̧ de'a i̧sa̧rö̧'inä cuä'ö cuicuätucua pä'ötä ja̧'a̧. Jahuätö isopäi'önä̧tä̧ cuä'ö tti cuatö pä'ötä huotö. Jabuätömä̧ isopäi'önä̧ jȩpä̧jä̧tö̧ ja̧'hua̧nö̧ ja̧'a̧ttö̧ 'coru juottächa pä'ötä huotö.¹⁷Ya̧tȩ öjähuacu ä'öttömä, jä'otä ittijurö ja̧'hua̧nö̧ jo̧ca̧'a̧ jö̧ttö̧'inä ja̧ju̧tä̧ kittijurö, ja̧u̧mä̧ jähuäjucu ä'öttömä, jähuäju'inä ja̧u̧cu̧ kä'öttömä, ja̧u̧mä̧ dä'ä ttuhuähuä ja̧'a̧. Jahuätömä ttahuaruhuä ttä'ca jo̧mȩttö̧ rä'epötä icuähuäcuotö. ¹⁸Ya̧tȩ isaju kihuarö rä̧ju̧cu̧ ä'öttömä̧, ja̧'hua̧ta̧'a̧nö̧ jahuäjucu ä'i'äjittömä ja̧u̧mä̧ ta̧ju̧cuäyotö juä̧jä̧ rȩjȩttö̧mä̧ rä'epötä icuähuäcuotö. kucuoja räopome topäji ja̧'a̧. Ta̧ju̧cuäyotö, ubo'inä, isaju'inä, ttahuaruhuä ttä'ca jo̧mȩttö̧ rä'epötä icuähuäcuotö.¹⁹Ucutumä̧ cua̧ju̧ kijähuajucumä̧ cua'ätöcua pä'ömä jo̧ca̧'a̧ ja̧'hua̧nö̧ jo̧ca̧'a̧ jö̧ttö̧'inä cuö'o ijähuajucumä, ja̧u̧ jȩ'cuä̧tu̧cu̧ttö̧mä̧ tö'cö cuahuaruhuärö dä'ä ttucuepätucua pä'ötä ja̧'a̧. Ucututä cuamo̧nä̧ jähuänätä usurä cuȩmä̧huä̧cuo̧tö̧jä̧. ²⁰Ya̧tȩ ubo imiyajucu ä'öttömä̧, ja̧u̧mä̧ imiya̧rö̧ ucuotoca'atä jä̧cua̧'a̧. Jahuätö 'coru juottächomenä̧mä̧ ta̧ju̧cuäyotörö rö̧dȩpäcua̧sää̧ ja̧'hua̧ta̧'a̧nö̧ jahuätö 'corujuottächomenämä, ttiäre o'co tti̧ti̧mö̧ tȩmajueimä̧ ttötä chȩmä̧cua̧sä̧. ²¹Ya̧tȩ a̧hua̧ru̧hua̧ ireccuärö, ji̧nä̧ pi̧jä̧nä̧ ö̧ja̧'a̧nä̧ 'ca̧ȩpö̧tö̧mä̧. ja̧u̧mä̧ dä'ä ttuhuähuätä ja̧'a̧. ja̧u̧mä̧ ö̧jä̧hua̧rö̧ ucuotoca'atä ja'a, ja̧'hua̧nö̧ jo̧mȩnä̧, tti̧tti̧mö̧rö̧mä̧ Ttötä chȩmi̧yä̧cuo̧tö̧ ttä'o tti̧rȩjä̧ päi'önä iya päinä̧jä̧'i̧nä̧.²²Ja̧'hua̧nö̧ ja̧'a̧ttö̧ o'cajuiyönä̧ Ttö jȩ'cuä̧tu̧cua̧ pä'ö huedinömä cäcuädi'ätucuä ucutumä̧; Ucutumä cucuotätucua pä'ötä ja̧'a̧ cu̧jä̧tu̧cua̧ pä'ö chi'cächä̧jä̧ rä'epö icuätucua'acu pä'ömä. ²³Ucutumä cuä'catucuttö rä'epö chi̧cuä̧cuä̧u̧ jȩpö̧ ttö̧jä̧'i̧jö̧mä̧ jȩpö̧ cu̧jä̧tu̧cuä̧, ja̧'hua̧nö̧ ja̧'a̧ o'cajuiyönä jȩttä̧'i̧jö̧mä̧, Ttömä chu̧so̧ro̧tö̧ ja̧'a̧.²⁴Ttö päinösä̧ ucuturu: Rȩjȩmä ucuturutä ki̧'i̧pä̧cua̧'a̧; Ja̧huä̧jä̧ rȩjȩ cuähuä adiunä i̧ya̧jä̧mä ttötä chi̧yä̧cua̧sä̧ ucuturu cuȩmätu̧cua̧ päö. Ttötä ja̧'a̧ ucutu CUÄ̧NÄ̧HUA̧TU̧CU̧ Diosmä, korotucu ku̧jä̧tu̧cuo̧mȩttö̧ 'cȩ'ȩpu̧ ku̧ni̧nö̧mä̧. ²⁵Ja̧'hua̧nö̧'a̧nö̧ ja̧'a̧ttö̧ ucutumä cu̧huo̧juä̧tu̧cu̧'a̧nö̧ ja̧'a̧ dea isotöttö surojö juiätörömä ja̧'hua̧ta̧'a̧nö̧ surojö ku̧nä̧rä̧ttö̧rö̧'i̧nä̧, ja̧'hua̧nö̧ jö̧ ta̧'a̧nö̧tä̧ coätöttö'inä. Ucutumä jahuätöttömä suropätö juocuächätucuó rȩjȩnä̧ doähuätöttö 'inä, ttötä ucuturumä pitömä surojö juotö päö 'cȩ'ȩpu̧ chu̧ju̧ni̧nä̧u̧."²⁶Ucutumä surojöttö 'cä̧ȩpu̧ ku̧nä̧huo̧ttö̧jä̧, TTÖMÄ, CUÄ̧NÄ̧HUÄ̧TU̧CU̧MÄ̧ surojömä jui̧'a̧sä̧, ja̧'hua̧'a̧nö̧ ja̧'a̧ttö̧ korottötömä ttötä 'cȩdȩpi̧nä̧u̧jä̧, ja̧'hua̧'a̧nö̧ ja̧'a̧ttö̧ ucutu cu̧ru̧hua̧tu̧cu̧mä̧ ttötä ja̧'a̧.²⁷Ubo jö̧ttö̧'i̧nä̧ isaju jö̧ttö̧'i̧nä̧ 'corujuo'ächinätu̧cu̧ ko̧ro̧nö̧mä̧ isoppa huotucu ucuocuätömä, iso päi'önä ja'huätömä cuä'ötä icuähuotö. Ttö̧ja̧mä̧ inädu icuäutä. Ja'huätö ja̧'a̧ huȩnȩ jö̧nä̧ jȩpä̧tö̧mä̧ ja̧'hua̧nö̧ ja̧'a̧ttö̧ 'corujuotächapä'ötä huotö."

¹TÖ̧Ä̧NÄHUA̧ pä'inö Moisesrö: ucu'ocu'i sacerdote huotörö, Aarón i̧tti̧mu̧rö̧ jiähuitö jähuätörö: ucututtömä ya̧tȩ'i̧nä̧ jȩ'a̧ pä'ömä̧ ju'iya'a tta̧mu̧nä ttädihuächa pe'ömä cu'ahuaröhuä 'corö jottächomettö̧, ²tö'cö ahuaruchärö ppä'ädömä a̧ju̧rö̧, jä̧'orö, i̧tti̧rö̧, ittijurö, i̧jä̧hua̧rö̧, ³ja̧'hua̧ta̧'a̧nö̧ ijähuaju mu̧'ä̧yäju chutä ppädä̧rä̧cua̧, ji̧nä kirecu'o to'aju ja̧'a̧ttö̧ jo̧'ú̧mä̧ jähuäjunä adihuo'cö a̧mu̧nä̧mä̧.⁴Ja̧'hua̧nö̧ ja̧'a̧ttö̧ jo̧'ú̧mä̧ adihuocö korotö ttä'cattömä ja̧'hua̧ta̧'a̧nö̧ ucu'o ju'iyönä jȩ'a̧ttö̧. ⁵Sacerdote huotömä ttöhuo'che'i̧nä̧ ttäcähuiyä'che jäyänä'i̧nä̧ 'cu'ittähuiya'anö ja̧'a̧, ja̧'hua̧ta̧'a̧nö̧ ttidepä koro tti̧jȩpi̧ya̧'a̧nö̧ ja̧'a̧. ⁶Jähuätömä DIOS cutä surojö ju'i'ätö ttö̧ja̧ pe'ö ja̧'a̧ TÖ̧Ä̧NÄHUA̧ DIOS i̧mi̧nä̧ jȩpu̧, sacerdote huotömä TÖ̧Ä̧NÄHUA̧RÖ̧ iyätö ja̧'a̧ttö̧ ucu'otönö cu'äcu'ähuä, ja̧'hua̧nö̧ ja̧'a̧ttö̧ sacerdote huotömä surojö ju'i'ä̧tö ttö̧jö̧'a̧nö̧ ja̧'a̧.⁷Jahuätömä ttirecua päi'önä̧ ttȩma̧ pä'ömä̧ huocotö kidepä iyä'chäcuähuäjucurö'i̧nä̧, isaju suronä̧ jȩtti̧nä̧cua̧cu̧rö̧'i̧nä̧, kirecuorö jaropi'inä̧ju̧cu̧rö̧'i̧nä̧,, juhua'amä̧ Dios aditähuä ttadita pä'ötä pojopö ku̧nä̧huo̧tö̧ jo̧mȩttö̧. ⁸Ucutä surojöttömä̧ 'cä̧'ȩpö̧ ku̧ni̧tö̧, isopäi'önä̧ ja̧u̧mä̧ Diosrö pan iyö jo̧mȩttö̧. Ja̧u̧mä̧ surojö juiyönä̧ ö̧jä̧cua̧ ucunämä, juhua'amä̧ Ttö TTÖ̧Ä̧NÄ̧HUA̧ ja̧'a̧ surojö jui̧'a̧ jö̧nä̧ jȩpö̧mä̧, Ttö'inä surojä jui̧'a̧ cha'attö̧. ⁹"Sacerdote päi'önä̧ hua̧ ittiju ttidepä iyä'chäcuähuänä̧ juojuächöttömä̧, kä'omä̧ esehuocötä jȩjä̧cua̧ju̧. Jahuäjumä kutä icuähuäcuaju.¹⁰Chu sacerdotestö̧ ttu̧ru̧hua̧ ahuaruhuä ttö̧'cä̧tȩttö̧ unä̧ a̧dȩja da'epö pojopö ku̧nä̧hua̧mä̧, ja̧'hua̧ta̧'a̧nö̧ ö̧'ca̧tä̧huä̧ta̧'i̧nä̧ ucuo i̧sä̧ta̧ sacerdotetö̧ ttö̧'ca̧tä̧huä̧ta̧ 'ca̧tä̧huö̧mä̧, uhuo'chemä̧ ti̧ä̧dä̧cuä̧huo̧ca̧'a̧mä̧ cueächa pä'ömä̧ jo̧ca̧'a̧, i̧ä̧rȩta̧'inä i̧sȩrä̧hua̧ pä'ömä̧ jo̧ca̧'a̧; ¹¹Jahuätömä yoriso 'corujuo'ächäji ö̧'o̧mȩ'i̧nä̧ do'ächocötö ttäcuotö ja̧'hua̧ta̧'a̧nö̧ chutä'inä jä'o jö̧ttö̧'i̧nä̧, ja̧ju̧ jö̧ttö̧'i̧nä̧ jahuätö jähuä surojuoecua pä'ömä̧ jo̧ca̧'a̧ jä̧cua̧'a̧. ¹²Sacerdotemä̧ Dios ö̧jodettömä̧ räopächa pä'ömä̧ jo̧ca̧'a̧, Dios ö̧jo̧de surojuoächa'anä̧'i̧nä̧ ja̧'a̧tä̧ toa pä'ömä̧ jo̧ca̧'a̧ jä̧cua̧'a̧, juhua'amä̧ unä̧ a̧dȩja da'epö Dios u̧mö̧huä̧ya̧ päi'önä̧ pojopö ku̧nä̧hua̧ jo̧mȩttö̧. Ttötäsä TTÖ̧Ä̧NÄ̧HUA̧ Diosmä̧.¹³Sacerdotettö juȩ'i̧pa̧mä̧ irecua päi'önämä uborö jerupajuttö ȩma̧ pä'ö ja̧'a̧. ¹⁴Ja̧u̧mä̧ irecua päi'önä̧ ȩmä̧cua̧mä̧ recuamäcö̧, kirecuo jaroi'inä̧cua̧mä̧cö̧, isaju kidepä iyä'chäcuähuäjumäcö̧. Ja̧u̧mä̧ pa̧'a̧nö̧ huotöttömä irecua päi'önämä ȩmo̧cö̧ jä̧cua̧. Ja̧u̧mä̧ ȩmä̧cua̧ chuta ahuaruhuättö isaju uborö jerupajuttö, ¹⁵ja̧'hua̧nö̧ ja̧'a̧ttö̧ ja̧u̧mä̧ i̧tti̧mö̧rö̧mä̧ surojuo'epocö jȩcua̧ ahuaruhuättömä, isopäi'önä Ttötäsä TTÖ̧Ä̧NÄ̧HUA̧, surojö jui'ätö jö̧nä̧ jȩpö̧mä̧.¹⁶TÖ̧Ä̧NÄ̧HUA̧MÄ̧ Moiséscu ucuocumä pä'inö: ¹⁷Aaróncu̧ ucuocumä pa̧'a̧nö̧ ji'ähuirö: Ucu cui̧tti̧mä̧ yo'ähui'ätöttö ji̧yȩtȩ jä̧ttä̧pä̧ya̧ttö̧ su̧ro̧pa̧mä̧, Ö̧ä̧nä̧hua̧ Diosrö cuäcuähuä iya pä'ö ötö'cöhuächi'a pä'ömä juiyäcua'a.¹⁸Ya̧tȩ jä̧ttä̧pä̧ya̧ttö̧ ji̧yȩtȩ su̧ro̧pa̧mä̧ TÖ̧Ä̧NÄ̧HUA̧ ö̧jo̧mȩcu̧mä̧ ötö'cöhuächi'ö juiyö'anö ja̧'a̧, ä̧to̧ca̧mä̧, adiunä 'cho̧cö̧mä̧, i̧ji̧yu̧ su̧ro̧pa̧'inä, ä̧ja̧ jui̧'a̧'inä, ¹⁹ya̧tȩ u̧mö̧cö̧ ö̧jä̧pö̧cö̧ huisobö hua̧'inä, ²⁰abo ja̧rȩyu̧ hua̧'inä, ä̧tȩcuä̧nä̧ si̧'ä̧hua̧'inä, äcä́ bȩ'a̧'inä, iäre su̧ro̧pa̧'inä, ji̧yȩtȩ märichei ku̧nä̧rö̧'inä, barau ku̧nä̧rö̧'inä, cä̧pä̧chä̧rö̧'inä, örä'cäyä 'cä'ö i̧cuä̧hua̧'i̧nä̧. ²¹Ya̧tȩ'inä sacerdote Aarón i̧tti̧mö̧ttö̧mä̧ ji̧yȩtȩ jä̧ttä̧pä̧ya̧ttö̧ su̧ro̧pa̧mä̧; ku icu iyähuä Diosrö iya pä'ömä ötö'cöhuächi'ö juiyö'anö ja̧'a̧.²²TÖ̧Ä̧NÄ̧HUA̧RÖ̧ u̧cuȩmä̧ chutä'inä u̧cuä̧cua̧ rö̧ä̧nä̧ ro̧ö̧ jö̧ttö̧'i̧nä̧, ro̧ö̧tä̧ jö̧ttö̧'inä. ²³Ja̧'hua̧nö̧ ja̧'a̧nä̧ ja̧u̧mä tto̧ȩcuä̧tä̧ jacuämä̧ doächa pä'ömä̧ huocö jä̧cua̧, ja̧'hua̧ta̧nö̧ ku̧ icu iyähuome tö'cunä̧nö̧'inä̧, Juhua'amä̧ huä̧mȩnä̧ öttahuiyä hua̧ jo̧mȩttö̧, ja̧u̧mä̧ ju̧huȩnȩ ro̧o̧mȩ surojuoepö juiyäcua'anö. Ttötäsä TTÖ̧Ä̧NÄ̧HUA̧MÄ̧, jahuätörö surojö jui'ätö ttönä jȩpö̧mä̧." ²⁴Ja̧'hua̧nö̧tä̧ Moisésmä̧ ji'ähuinö̧ Aarónrö̧'i̧nä̧ ja̧'hua̧ta̧'a̧nö̧ i̧tti̧mö̧'inä̧ juhua'atäcu Israel ttö̧ja̧rö̧mä̧ o'catoi'önä̧rö̧tä̧.

¹TÖ̧Ä̧NÄHUA̧ ucuocuinö Moisesrö pä'inö: ²ucuocu'i Aarón ja̧'hua̧ta̧'a̧nö̧ i̧tti̧mu̧rö̧'i̧nä̧, jiähui jähuätörö Israel ttö̧ja̧tö̧ surojuttö 'qu̧ȩ'ȩpu̧ kö̧nä̧huo̧mȩ otonänö tö̧já̧ pe'ö, jähuätö 'quȩ'ȩpu̧ tö̧jö̧ninome ttörö. Ttö surojö jui̧'a̧ chi̧mimä ttöcuotoca'a jȩttä̧ pe'ömä jo̧ca̧'a̧. Ttötäsä CU̧Ä̧NÄHUA̧TU̧CU̧. ³Jiähui jähuätörö: ucutö isotöttö ya̧tȩ cuahuaröhuä'cotöttö ti̧chi̧'ö̧ttö̧mä̧ surojö juiyome 'quȩȩpu̧ ttö̧ju̧ni̧no̧mȩ TÖ̧Ä̧NÄHUA̧RÖ̧ Israel ttö̧ja̧, ja̧'hua̧nö̧ ja̧'a̧ttö̧ jo̧ú̧mä̧ surojö cö̧närö̧ ja̧'a̧ttö̧, joú̧ sacerdotemä ttö chö̧jo̧memä iya pe'ömä jo̧ca̧'a̧: Ttötä ja̧'a̧ CUÄ̧NÄ̧HUA̧TU̧CU̧MÄ̧.⁴Aarón ahuaruhuättö i̧jȩta̧nä̧ umäriche'i boipu nahua̧chu̧ttö̧mä̧, ja̧'hua̧ta̧'a̧nö̧ u̧ju̧nä̧rö̧ttö̧ idepä jacua u̧mä̧richei, u̧märichei ö̧i̧po̧mebu ucua pe'ömä jo̧ca̧a̧ TÖ̧Ä̧NÄHUA̧RÖ̧ kö icu iyähua. Ya̧tȩ su̧ro̧pa̧rö̧ huaicuä'irö meö̧ttö̧mä̧ ja̧'hua̧ta̧'a̧nö̧ ttö̧ja̧sä̧ idepättö tȩa̧'tä̧nö̧ ma'ö̧nä̧ na'a̧chö̧rö̧'i̧nä̧, ⁵ja̧'hua̧ta̧'a̧nö̧ suroja'a mȩttö̧ttö̧mä̧ de'a isotö doähuätörö ja'hua̧ta̧'a̧nö̧ ttö̧ja̧sä̧ su̧ro̧pä̧rö̧'i̧nä̧, ja̧'hua̧ta̧'a̧nö̧ korottö'inä surojoepa pe'ö kö̧ttö̧'i̧nä̧. ⁶Ja̧'hua̧nö̧ ja̧'a̧ttö̧ sacerdote surojö meö̧ttö̧mä̧ , jo̧u̧mä̧ su̧ro̧pä̧ ni̧pä̧ro̧mȩ joächomebu, jo̧u̧mä̧ ucuiyä̧cua̧ surojö juiyömä, ucua'anö ja̧'a̧ ajiyanä ajeö icuäjöttötä.⁷Ja̧umä kä̧hua̧ ma̧'ä̧cho̧mȩ jubutä, surojö jui̧'a̧ jä̧cua̧. Ja̧u̧nu̧ o'ca'a mo̧ro̧ juomenä ja̧u̧mä̧ ucu'anö ja̧'a̧ surojö juiyötä, jua'amä ja̧u̧ ja̧'a̧ttö̧ u̧cuä̧mä̧. ⁸Ja̧u̧mä̧ ucu juiyö'anö ja̧'a̧ de'a i̧sa̧ 'corujuo'ächäji pö̧rö̧mä̧ ja̧'hua̧ta̧'a̧nö̧ de'a i̧sa̧ cuä'ö ötäjäcurumä, ja̧'jua̧nö̧ jȩpö̧ ö̧ä̧nä̧hua̧ttö̧ surojuächö'anö ja̧'a̧ttö̧. Ttö ja̧'a̧ TTÖ̧Ä̧NÄ̧HUA̧MÄ̧. ⁹Sacerdote huotö'inä ttö pädötä jȩttö̧'a̧nö̧ ja̧'a̧, ja̧'hua̧nö̧ jö̧ juiyöttömä ja'huätö'inä huȩnȩ huotö ttäcuotö suronä jȩttö̧mä̧ ja̧'hua̧nö̧ ja̧'a̧ttö̧ jahuätö'inä 'corujuotächäcuotö TTÖ chi̧mi̧ surojuottepa'attö. Ttötä ja̧'a̧ TTÖ̧Ä̧NÄ̧HUA̧MÄ̧ surojö juiyönä'inä jȩpö̧mä̧.¹⁰Ya̧tȩ'i̧nä̧ toa'a sacerdote huotö ttahuaruhuä'inä, sacerdote huotö tä̧tȩpä̧u̧'i̧nä̧ ja̧'hua̧ta̧'a̧nö̧ ttiäre ttaditönä huȩttä̧rö̧'i̧nä̧, ttucu'anö ja̧'a̧ surojö juiyötä. ¹¹Ja̧'hua̧nö̧ ja̧'a̧nä̧ ya̧tȩ sacerdote hua̧ chutä iäre pärätänä mitö ttaditönä huȩttä̧rä̧u̧ru̧ ȩmö̧ttö̧mä̧, ja'huätö ttaditönä huȩttä̧rä̧u̧mä ttucuäcuotö TTÖ̧Ä̧NÄ̧HUA̧RÖ̧ ttiya pä'ö 'quȩ'ȩpö̧ ku̧nä̧huo̧mȩttö̧. Sacerdote huotöttö ttahuaruhuä ja̧'hua̧ta̧'a̧nö̧ ttaditönä huȩttä̧rä̧u̧ jahuätö 'tojusodettö uhuäpächättömä, ja'huätö'inä ja̧u̧cu̧ ttucuäcuotö chutä ucujueimä.¹²Sacerdote ittiju kirecu'o kȩmu̧ttö̧mä̧ ya̧tȩ sacerdote huocörö, jähuäjumä kucu'i ya'anö ja̧'a̧ surojö ju'iyönä ttiyöttömä. ¹³Ja̧'hua̧nö̧ ja̧'a̧nä̧ sacerdote ittiju recu'ajojöttö'inä jaroji'öttö'inä, jähuäju ki̧tti̧mu tojöttömä pä'äjita'anö kä'o ojusodenä kö̧ja̧ pe'ö ka̧'a̧ mu̧'ä̧yaju ki̧jä̧ji̧ta̧'a̧nö̧, ja̧'hua̧nö̧ ja̧'a̧ttö̧ jähuäjumä kucua pe'ömä ka̧'a̧ kä'ocumä. Sacerdote i̧tti̧mu̧ huocotömä sacerdote u̧cu'ȩmä̧ ttöcu'a pe'ömä jo̧ca̧'a̧.¹⁴Ya̧tȩ ttö̧ja̧sä̧ jerupu ucuttömä sacerdote ö̧cu'ȩ, ja̧'hua̧nö̧ ja̧'a̧ttö̧ jo̧'ú̧mä̧ imita pe'ö ka̧'a̧ sacerdoterö ja̧'hua̧ta̧'a̧nö̧ ppa̧huä̧da̧ pe'ö ka̧'a̧ ji̧mu̧tȩ jähuä 'torähuä yoräte'unä sacerdoterö. ¹⁵Israel ttö̧ja̧ ucu'otönö jȩttä̧ pe'ö ka̧'a̧ surojö juiyönä TÖ̧Ä̧NÄHUA̧RÖ̧ ttiyä'ita'anö, ¹⁶Jähuätö jäyä jȩttö̧tä̧ ku̧nä̧ra̧tö̧ surojömä ja̧'hua̧nö̧ ja̧'a̧ttö̧ kuhuicu iyähuämä ttöcu'iya'anö huotö, Ttötäsä TÖ̧Ä̧NÄHUA jähuätörö surojö ju'i'ätö pätti'önä jȩpu̧mä̧.¹⁷TÖ̧Ä̧NÄ̧HUA̧MÄ̧ Moiséscu ucuocumä pä'inö̧: ¹⁸"Aarón-rö̧'i̧nä̧, ja̧u̧tä̧ i̧tti̧mö̧rö̧'i̧nä̧ ja̧'hua̧ta̧nö̧ Israel ttö̧ja̧rö̧mä̧ o'catoi'önä̧rö̧tä̧ pi̧yȩ jȩttä̧cua̧'a̧nö̧ ji'ähuitö: Israel ttö̧ja̧sa̧'i̧nä̧, ko̧ro̧jä̧ttö̧ i̧chä̧cuä̧hua̧ ucututäcu kö̧'i̧nä̧, i̧sa̧rö̧ cuä'ö icu pä̧huä̧rö̧jo̧mȩnä̧ i̧yähuä chi̧yä̧cua̧sä̧ pä'ino'cotö ku icu iyähuä'inä TTÖ̧Ä̧NÄ̧HUA̧RÖ̧ ttiyöttömä̧, ¹⁹Ttömä chȩmi̧ya̧tö̧ pä'ömä̧, jahuätömä i̧sa̧ uborömä̧ päcäyäcö̧, ovejacö̧, cabracö̧ öttahuiyä'i̧nä̧ jui̧'a̧rö̧tä̧ ttiya pä'ö jä̧cua̧'a̧.²⁰Ja̧'hua̧nö̧ ja̧'a̧nä̧ i̧sa̧ öttahuiyä rö̧tä̧rö̧rö̧ cuiyuttömä̧. Ttömä ucu cuiyömä ȩmo̧cö̧ chä̧cua̧sä̧. ²¹Ya̧tȩ ä̧ji̧mö̧ ji̧nä̧ yo̧mȩtȩ kä̧tö̧ttö̧ esecu kö̧cuä̧huä̧ Ö̧Ä̧NÄ̧HUA̧RÖ̧ chi̧yä̧cua̧sä̧ päinö jȩpö̧, jitörötä pä̧huä̧rö̧jo̧mȩnä̧ iyähuä jö̧ttö̧'i̧nä̧, surojömä juiyötä cuiyätucuaja, chȩmi̧yä̧tu̧cua̧cu̧ pä'ömä. I̧sa̧ öttahuiyä hua̧rö̧mä̧ iyähyoca'a jä̧cua̧'a̧.²²Ucutumä isotö tti'äriyä ä̧to̧cä̧tö̧rö'inä, ppi̧sä̧ppi̧sä̧ 'chä̧tö̧rö̧'i̧nä̧, 'te'chächinä̧tö̧rö̧'inä, tti̧jȩta̧nä̧ mä̧richei ku̧nä̧rä̧tö̧rö̧'inä, ttöttahuiyä huotörö'inä, tu̧huä̧'quȩ huotörö'inä cuiyätucua pä'ömä jo̧ca̧'a̧. Ucutumä ja̧'hua̧nö̧ huotörömä ku icu iyähuome huä̧mȩ huȩnö̧ ocuränä ku icumä cuiyätucuä TÖ̧Ä̧NÄ̧HUA̧RÖ̧MÄ̧. ²³Ucutu pähuärö̧jo̧mȩnä̧ iyämä päcäyärötä, oveja ö̧jä̧pö̧ yorätehuocörötä, a̧'u̧cua̧rö̧tä̧, cuiyätucua pä'ö jä̧cua̧'a̧, ja̧'hua̧nö̧ ja̧'a̧nä̧ chi̧yä̧cua̧sä̧ päcuinö jinö jȩpö̧ cuiyätucuttömä ȩmä̧huo̧ca̧'a̧ jä̧cua̧'a̧.²⁴I̧sa̧ örä'cäyä cuäcuäpä̧cua̧hua̧rö̧'i̧nä̧, 'cä'ö i̧cuä̧hua̧rö̧'inä, barachi'inä̧cu̧rö̧'inä, 'cui'opö i̧cuä̧hua̧rö̧'i̧nä̧ TÖ̧Ä̧NÄ̧HUA̧RÖ̧MÄ̧ cuiyätucuä. Pi̧yȩmä̧ jȩ'cuä̧tu̧cuó cui̧rȩjä̧tu̧cu̧ jäcuättömä. ²⁵Ucutumä TÖ̧Ä̧NÄ̧HUA̧ u̧cuä̧ jö̧nä̧mä̧ cuiyätucuó ko̧ro̧jä̧ra̧'a̧ttö̧ i̧chä̧cuä̧hua̧ttö̧ ȩmö̧mä̧, jahuätö isotömä jättäpäyotöttö ji̧yȩtȩ jui'ätö ja̧'a̧ ja̧'hua̧ta̧'a̧nö̧ ttöttahuiyä huotö jo̧mȩttö̧ ȩmä̧huo̧co̧tö̧ ttäcuotö."²⁶TÖ̧Ä̧NÄ̧HUA̧MÄ̧ Moiséscu ucuocumä pä'inö: ²⁷Päcäyä isaju ki̧tti̧cö̧, oveja isaju ki̧tti̧cö̧, cabra isaju ki̧tti̧cö̧ uhuächömä ja̧ju̧cu̧mä̧ sietenö mo̧ro̧ jo̧mȩnö̧ ö̧jä̧cua̧. Ja̧'hua̧nö̧ ja̧'a̧ ochonö mo̧ro̧ yabocumä, ja̧u̧ i̧sa̧mä̧ cuä'ö icu ocuränä ku icu TÖ̧Ä̧NÄ̧HUA̧RÖ̧ ttiyomenämä ȩmä̧cua̧.²⁸Päcäyä isajurucö̧, oveja isajuröcö̧ ki̧tti̧cu̧mä̧ cuä'ö cuicuä, ji̧yȩtä̧ mo̧ro̧mä̧. ²⁹Ucutu i̧sa̧rö̧ cuä'ö icu TÖ̧Ä̧NÄ̧HUA̧RÖ̧ eseu cuiyätucuomenämä, ȩma̧'a̧nö̧ jo̧mȩnä̧ cuä'ö icu cuiyätucua pä'ö ja̧'a̧. Pi̧yȩmä̧ cuä'ö cuijätucu mo̧ro̧tä̧ cucuätucua pä'ö jä̧cuȩ. ³⁰Ucutumä ku̧ju̧ni̧'ä̧tu̧cua̧ pä'ömä jo̧ca̧'a̧ koro mo̧ro̧ cucuätucua pä'ömä. Ttöttäsä TTÖ̧Ä̧NÄ̧HUA̧MÄ̧.³¹Ja̧'hua̧nö̧ ja̧'a̧ttö̧, ucutumä ttö huedömä jȩpu̧ kä̧tu̧cui̧. TTÖTÄ ja'a CUÄ̧NÄ̧HUA̧TU̧CU̧MÄ̧. ³²Ucutumä TTÖ chimimä ucuo juiyönämä jȩ'cuä̧tu̧cuä̧. Israel ttö̧ja̧ttö̧mä̧ TTÖRÖMÄ ttu̧huo̧jua̧ päö hua̧sä̧ surojö'inä jui̧'a̧ päö. TTÖTÄ ja̧'a̧ TTÖ̧Ä̧NÄ̧HUA̧MÄ̧, surojö jui'ätö cuätucunä jȩpu̧mä̧, ³³Egipto rȩjȩttö̧'i̧nä̧ ucuturu räepu ihuinömä ttötä ji̧nä̧'a̧ cuä̧nä̧hua̧tu̧cu̧ Dios chö̧ja̧ päö: TTÖTÄ ja̧'a̧ CUÄ̧NÄ̧HUA̧TU̧CU̧MÄ̧."

¹TTÖ̧Ä̧NÄ̧HUA̧ ucuocuinö Moisésrö: ²Israél ttö̧ja̧rö̧mä̧ ucuocu, ji'ähui jahuätörö: Pi̧yȩ ja̧'a̧ TTÖ̧Ä̧NÄ̧HUA̧ hue'nömä pä'cäri jö̧nä̧ tesehuarö pä'ö, ji̧nä̧ yo̧mȩtȩ ca̧ca̧cu̧ cui̧jȩpä̧tu̧cua̧ ppi̧yȩ ja̧'a̧ surojö juiyönä ca̧ca̧cuä̧cuä̧huä̧ pä'ö; ja̧u̧ ja̧'a̧ ttö huedö pä'cäri adiunä jö̧mä̧.³Ucutumä cuaditätucu'anö ja̧'a̧ ji̧mu̧tȩ ta'arenö mo̧ro̧, ja̧'hua̧nö̧ ja̧'a̧nä̧ ji̧mu̧tȩ huäba'acuä mo̧ro̧mä̧ TÖ̧Ä̧NÄ̧HUA̧RÖ̧ ucuotö 'cuä'ächö pä̧cuä̧huä̧ mo̧ro̧ ja̧'a̧, o'catoi'önä tteseu mo̧ro̧. Ucutu'inä aditömä cuäditätucuä, ja̧u̧nu̧ mo̧ro̧mä̧ TÖ̧Ä̧NÄ̧HUA̧RÖ̧ ucuotö 'cuä'ächö pä̧cuä̧huä̧ mo̧ro̧ ja̧'a̧ ya̧cu̧pö̧nä̧ cu̧jo̧mȩtu̧cu̧ttu̧'i̧nä̧.⁴Pi̧yȩtó̧ pä'cäri TÖ̧Ä̧NÄHUA̧ ji'ähuö ö̧jö̧ni̧nö̧, ucutu surojö ju'iyomettö̧ ji̧nä̧ yo̧mȩtȩ pä'i'ö cucu'o cu'ätu cu'ä pä'ömä recu'ä'inä jicu'ä huätucu'a pe'ö ka̧'a̧: ⁵Ä̧cu'o̧mȩnä̧ kä̧hua̧, catorce moró̧ pä'i'omenä nipä̧ro̧mȩ, TÖ̧Ä̧NÄHUA̧ i'ä'cäri ja̧'a̧. ⁶Ja̧'hua̧ta̧'a̧nö̧ quince moró̧ pä'i'omenä jo̧'ú̧tä̧ kä̧hua̧nä̧, TÖ̧Ä̧NÄHUA̧RÖ̧ tti̧ya'a pä̧ ppu̧'ä̧mo̧cö̧ ju'e'ittö̧ adicuä. Ja̧'hua̧ta̧'a̧nö̧ ko̧ro̧mu̧ttö̧nö̧ ta'are moró̧ pä'i'omenä ucutumä cucuätu'a pe'ö ka̧'a̧ pä̧ ppu̧'ä̧mo̧cu̧ ju'e'ittö̧ adicuä.⁷Ucutu ji̧nä yo̧metȩ pä'i'ö cucocu'ätucu'a pe'ömä ya'ute moró̧ 'quȩ'ȩpu̧ cu̧ju̧nä̧tu̧'cu'a̧nö̧ ja̧'a̧; ucutu cu'adi tä'itucunä cu'aditätucu'ä. ⁸TÖ̧Ä̧NÄHUA̧RÖ̧ cu'iyä cu'otöjä Ucutu ku'icu iyähuä ko̧ro̧muttö̧ ta'are moró̧ pä'i'omenä. Koromuttö̧ ta'are morómä TÖ̧Ä̧NÄHUA̧CU̧ ucu'ocu 'cuä'ächö ttö̧'ö̧ moró̧, jo̧'u̧ moró̧mä̧ ucutu cu'aditätucumä cu'aditätucu'ä.⁹TÖ̧Ä̧NÄ̧HUA̧ ucuocuinö Moisésrö, pä'inö: ¹⁰Israél ttö̧ja̧rö̧ ucuocui ja̧'hua̧ta̧'a̧nö̧ ji'ähuitö jahuätörö: Ja̧u̧nu̧ cu̧rä̧bȩhuo̧mȩnä̧ rȩjȩ ttö ucuturu chi̧yi̧nä̧jä̧nä̧, ja̧'hua̧ta̧'a̧nö̧ trigo cu̧ca̧ca̧tä̧tu̧cuo̧mȩnä̧. ¹¹Ȩpä̧tu̧cui̧ cuähuä ä̧cuo̧mȩnä̧ jähuä kä'co päte'ö adicuä i̧sa̧ i̧jȩpa̧ pä'ö TTÖ̧Ä̧NÄ̧HUA̧RÖ̧ tiäre iyähuä ja̧'hua̧nö̧ ttiyäcu esehua pä'ö ucutu cui̧mi̧tu̧cunä. Ja̧u̧nu̧ 'chä̧ȩpöä̧cua̧ ttö chä'ca jo̧mȩ.¹²Ji̧yȩnö̧ mo̧ro̧ ucutu cuiyätucu mo̧ro̧mä̧ ä̧cuo̧mȩnä̧ cuaditähuätucu ttö chö'ca jo̧mȩ ucutumä cuiyätucua pä'ö ja̧'a̧ ya̧tȩ oveja i̧tti̧ yaute duhuo hua̧ttö̧ ja̧'hua̧nö̧ ja̧'a̧nä̧ usurä'inä jui̧'a̧rö̧ ttiäre iyähuä ku icu TTÖ̧Ä̧NÄ̧HUA̧RÖ̧. ¹³Ttiäre iyähuä otemä jö̧'a̧nö̧ ja̧'a̧ huäbodäcuä jo̧mȩnä̧ harinä i̧sa̧ppȩ a̧dȩjacu huihuäcua'a, ji̧yȩtȩ ttiäre iyähuä ocuränä ku icu TTÖ̧Ä̧NÄ̧HUA̧RÖ̧, adiu a̧mȩu̧nä̧ 'chopönä, ja̧'hua̧ta̧'a̧nö̧ jua'atäcu yoräteunä ya'ate litro jo̧mȩ yabonänö vino isoya'inä, ¹⁴Ucutumä cucujuiyätucu'anö ja̧'a̧ pa̧'i̧nä̧, sa̧ri̧dä̧cuä̧hua̧'a̧'i̧nä̧ u̧huä̧ju̧ jareö'inä Diosrö ttiäre iyähuä ttichächo mo̧ro̧ päi'ome jubu. Pi̧yȩ huedömä 'chä̧cua̧'a̧ cuahuaruhuä o'cotörö'inä, cuidepiyu jö̧nä̧ cu̧jä̧tu̧cuo̧mȩ'i̧nä̧.¹⁵Siete semana jo̧mȩnä̧ pa̧ja̧tä̧tu̧cui̧ mo̧ro̧ 'cuä'ächi'ö pä̧mä̧dä̧cuä̧huä̧ mo̧ro̧ttö̧ kä̧mä̧dö̧ ja̧u̧ mo̧ro̧ ji̧na̧'a̧ ucutu cu̧cuȩ cuähuätucuttö ö̧cuo̧mȩnä̧ jähuä hui'cu iyähuä cui'cächinä̧tu̧cua'amä. ¹⁶Ucutumä cincuentanö mo̧ro̧ jo̧mȩnä̧ cu̧'a̧tä̧tu̧cua̧ pä'ö ja̧'a̧, 'cuä'ächi' pä̧cuä̧huä̧ mo̧ro̧ siete mo̧ro̧ttö̧ kä̧mä̧dö̧. Ja̧'hua̧nö̧ jo̧mȩnä̧ ucutumä u̧huä̧ju̧ otettö iyähuä pä'äjita'anö TÖ̧Ä̧NÄ̧HUA̧RÖ̧ cuiyätucua pä'ö ja̧'a̧.¹⁷Ucutumä cuojusodetucuttö to̧ppä̧rȩ panppä trigo i̧sa̧ppȩttö̧ 4,5 kg jo̧mȩnä̧ ȩmö̧ adicua'a cui'cächätucuaja. Ja̧u̧ panmä trigo i̧sa̧ppȩ adihuäjueitä aditi'ipö ppö̧ä̧mö̧ jähuäcu huihuatö cuȩttä̧tu̧cua̧ja̧; ja̧u̧mä̧ ä̧cuo̧mȩnä̧ jähuättö hui'cu iyähuä jä̧cua̧'a̧ TÖ̧Ä̧NÄ̧HUA̧RÖ̧. ¹⁸Ucutumä Pancu̧ i'cöchö kä̧nö̧mä̧ oveja i̧tti̧mö̧ ya'ute a̧'ȩtä̧ ku̧nä̧rä̧tö̧rö̧mä̧ sietenö huotörö, ttöttahuiyä'i̧nä̧ jui'ätörö, päcäyä i̧tti̧rö̧mä̧ ya̧tȩrö̧tä̧ ja̧'hua̧ta̧nö̧ ovejattö umä̧tö̧rö̧mä̧ ta̧ju̧ru̧tä̧ cuȩpä̧tu̧cua̧jä̧, jahuätömä ku icu TÖ̧Ä̧NÄ̧HUA̧RÖ̧ iyähuotö jä̧cua̧'a̧, u̧huä̧ju̧ otecu ja̧'hua̧ta̧'a̧nö̧ ahuähuäcu juhua'atäcu ku icu iyähuäcu, TÖ̧Ä̧NÄ̧HUA̧RÖ̧ adiu ameu 'chopönä.¹⁹Ucutumä cabrattö uborö, suronä jȩcuä̧tu̧cu̧ jȩä̧chö̧ jö̧nä̧ cuiyätucuaja ja̧'hua̧ta̧'a̧nö̧ ovejas i̧tti̧mö̧ ta̧ju̧rö̧ ya'ute a̧'ȩtä̧ ku̧nä̧rä̧tö̧rö̧ cuä'ö icu huȩnȩ juiyönä kä̧cuä̧huä̧ jähuä jö̧nä̧ cuiyätucuaja. ²⁰Sacerdotemä pan ä̧cuo̧mȩnä̧ jähuättö iyähuäcu TÖ̧Ä̧NÄ̧HUA̧ ä'ca jo̧mȩnttö̧ i̧hui̧'cuä̧cua̧, ja̧'hua̧ta̧'a̧nö̧ ja̧u̧rö̧ iyähuä jö̧nä̧ ovejas i̧tti̧mö̧ ta̧ju̧cu̧. Ja̧u̧ iyähuämä ro̧ö̧ jähuä jö̧mä̧ TÖ̧Ä̧NÄ̧HUA̧RÖ̧ iyö kä̧nö̧ sacerdoterö'inä i̧yä̧huä̧cuȩ. ²¹Ucutumä ja̧u̧nu̧ mo̧ro̧mä̧ pä̧i̧cu̧nä̧ huopö jicuähuätucuaja. Ä̧tȩcuä̧nä̧ 'cä̧'ȩpö̧ ku̧nä̧huo̧tö̧ jö̧nä̧ ttäcuotö, ja̧'hua̧nö̧ jo̧mȩttö̧ ucutumä cuaditähuätucumä cuaditätucuä. Pi̧yȩ hueähuä huȩnȩmä̧ cui̧tti̧mö̧tu̧cu̧ juhua'a yabo tti̧tti̧mö̧'i̧nä̧ o'cajuiyönä ttö̧ja̧cuo̧mȩ pönämä toepächocö jä̧cuȩ.²²Ku̧cuȩ cuähuätucu rȩjȩttö̧ cu̧ca̧ca̧tä̧tu̧cuo̧mȩnä̧mä̧, cu'ättatucu jäyänä̧ bahuinö̧nä̧ huȩju̧ttö̧ o'cajuiyönämä̧ 'cuicuätucuä, ja̧'hua̧ta̧nö̧ cuäipächinö̧nä̧ huȩju̧ rȩjȩ pȩjö̧'i̧nä̧ cu̧ca̧ca̧tä̧tu̧cuä̧. Usurä isotötä ja̧'hua̧ta̧nö̧ ko̧ro̧jä̧ra̧'a̧ttö̧ ichäcuähuotötä ttö̧ca̧ca̧ta̧ cuti'ätucuajä̧, Ttötäsä TTÖ̧Ä̧NÄ̧HUA̧ Dios-mä̧."²³TTÖ̧Ä̧NÄ̧HUA̧ ucuocuinö Moisésrö, pa̧'a̧nö̧: ²⁴Israél ttö̧ja̧rö̧ ucuocui pa̧'a̧nö̧ pä'ö: "Ji̧mu̧tȩ ta'are kä̧hua̧ päi'omenä, ja̧u̧ kä̧hua̧ttö̧ ä̧cuo̧mȩnä̧ mo̧ro̧, yorö'isotä 'cuäcuächätucu mo̧ro̧ jä̧cua̧'a̧ ucuturu, dedecä rä̧mi̧pa̧'a̧nä̧ cuamucuädätucua pä'ö, ja̧'hua̧ta̧'a̧nö̧ surojö'inä juiyönä ca̧ca̧cuä̧tu̧cui̧. ²⁵Ji̧'qui̧cha̧nö̧'i̧nä̧ chadita pä'ö'inä jȩcu̧'ä̧tu̧cuä̧, ja̧'hua̧ta̧'a̧nö̧ u̧cu̧tu̧mä̧ cuiyätucu'anä ja'a cuiäre ku icu iyähuä CU̧Ä̧NÄ̧HUÄ̧TU̧CU̧RU̧."²⁶Ja̧'hua̧nö̧ ja̧'a̧ TTÖ̧Ä̧NÄ̧HUA̧ ucuocuinö Moisésrö, pa̧'a̧nö̧ pä'ö: ²⁷"Jitämä, Ji̧mu̧tȩ ta'are kä̧hua̧ päi'omenä, ja̧u̧ kä̧hua̧ttö̧ to̧mu̧rȩ mo̧ro̧, suronä jȩttö̧ micuä iyähuä mo̧ro̧ päi'omenä. Surojö'inä juiyönä ca̧ca̧cuä̧cuähuä mo̧ro̧ jä̧cua̧'a̧ juorö ucututä cua̧mo̧nä̧tu̧cu̧ ucuo tecuähuätucuä iyätucui TÖ̧Ä̧NÄ̧HUA̧RÖ̧TÄ̧ cuiäre iyähuä ku iyö.²⁸Ja̧u̧nu̧ mo̧ro̧ ucutumä cuäditätucuä jua'amä suronä jȩtti̧nö̧ micuä iyähuä mo̧ro̧ ja̧'a̧, ucutunä̧'i̧nä̧ suronä jȩcu̧'ä̧tu̧cu̧ TÖ̧Ä̧NÄ̧HUA̧ Diosrö iyähuä ja̧'a̧ttö̧. ²⁹Ya̧tȩ ja̧u̧nu̧ mo̧ro̧ suronä jȩpi̧nö̧sä̧ pä'ö iya pa'o'cömä, ahuaruhuättö i̧mi̧cu̧nä̧ pportädö ku̧nä̧hua̧ jä̧cua̧.³⁰Ucututtu ya̧tȩ ja̧u̧nu̧ mo̧ro̧ aditömä, TTÖ, CU̧Ä̧NÄ̧HUA̧TU̧CU̧, ttö̧ja̧ ttö̧'cä̧tȩttö̧ si'epö chi̧cuä̧cua̧. ³¹Ucutu ja̧u̧nu̧ mo̧ro̧mä̧ ji̧yȩtȩ adicuä'inä cuaditätucuä. Pi̧yȩ hueähua ja̧'a̧ ucutu cuahuaruhuä o'cotö'inä cu̧jä̧tu̧cuo̧mȩ pö̧nä̧ttö̧ hue'äu cu̧jä̧tu̧cua̧ pä'ö jö̧mä̧. ³²Pi̧yȩ mo̧ro̧ u̧cu̧tu̧ru̧mä̧ ucuotönö 'cuä'ächö pä̧cuä̧huä̧ mo̧ro̧ ja̧'a̧, ja̧'hua̧nö̧ ja̧'a̧ttö̧ cua̧mo̧nä̧tu̧cu̧tä̧ ucuotönö jȩpä̧tu̧cui̧ ya'ate kä̧hua̧ttö̧mä̧ ji̧mu̧tȩ pa̧ja̧cuä̧nö̧ mo̧ro̧ päi'ome ni̧pä̧ro̧mȩ jubu. Ni̧pä̧ro̧mä̧ koro mo̧ro̧ttö̧'i̧nä̧ ni̧pä̧ro̧mȩ jubu, ucutu'inä ku̧nä̧rä̧tö̧jä̧ eseu 'cuä'ächö cu̧'ä̧tu̧cu̧ mo̧ro̧.³³TÖ̧Ä̧NÄHUA̧ ucuocuinö Moisesrö pä'inö: ³⁴Ucuocui Israel ttö̧ja̧rö̧ , ji'ähuitö: Koromuttönö ta'are kä̧hua̧ pä'i'omenä to̧mu̧re jähuä ja̧'hua̧ta̧'a̧nö̧ ji̧mu̧tȩ jähuä pä'i'omenä hueähuä huȩnȩ ȩco̧ca̧ pä'cäri jȩttäjá TÖ̧Ä̧NÄHUA̧RÖ̧. Ji̧mu̧tȩ ta'are moró̧ jo̧mȩnä̧.³⁵Ä̧cuo̧menäji̧ mo̧ro̧mä̧ TÖ̧Ä̧NÄHUA̧RÖ̧ ucuotönö ttöcuocuaja. Cuaditätucuä ucutumä cuaditä'ijätucumä. ³⁶ji̧mu̧tȩ ta'aenö moró̧ pä'i'omenä ucutu cuiyätucuajá cuä'ö'icu ocuränä ku icu iyähuä TÖ̧Ä̧NÄHUA̧RÖ̧. Ucuotönö ttöcuocuaja ji̧mu̧tȩ huäba'acuä mo̧ro̧ päi'omenä ja̧'hua̧ta̧'a̧nö̧ ucutu cuiyätucuaja cuä'ö icu ku icu iyähuä TÖ̧Ä̧NÄHUA̧RÖ̧ . Pi̧yȩtó ucuotönö jȩcu'ä̧tu̧ cuä̧cuä̧mä̧ ja̧'hua̧nö̧ ja̧'a̧nä̧ ucutu cuaditä'ijä̧tucumä cuaditätucuä.³⁷Pi̧yȩtó TÖ̧Ä̧NÄ̧HUA̧RÖ̧ eseäcuähuä mo̧ro̧mä̧ ja̧u̧rö̧ tesehua pä'ö jȩpö̧ ku̧nä̧hjua̧'a̧ mo̧ro̧mä̧ isopäi'önä ucutu jȩ'cuä̧tu̧cua̧ pä'ö ja̧'a̧ ca̧ca̧cu̧ ucuotäcuähuä mo̧ro̧ jönä, ja̧'hua̧ta̧'a̧nö̧ ucutumä jȩ'cuä̧tu̧cua̧já̧ i̧sa̧rö̧ cuä'ö icu ocuränä ku icu iyähuä TÖ̧Ä̧NÄ̧HUA̧RÖ̧. Ocuränä ku icu iyähuä'inä ja̧'hua̧ta̧'a̧nö̧ u̧huä̧ju̧ ote iyähuä'inä, i̧sa̧rö̧ cuä'ö icu ihuä'inä ja̧'hua̧ta̧'a̧nö̧ ahuähuä iyähuä'inä ji̧yȩtȩpö̧nä̧mä̧ u̧mo̧ro̧ jö̧ta'anö. ³⁸Pi̧yȩ pä'cärimä TÖ̧Ä̧NÄ̧HUA̧RÖ̧ ucuo te'äu 'cuä'ächi'ö pä̧mä̧dä̧cuä̧huä̧ mo̧ro̧ ppädäcuähuäcua'a rö̧ä̧chi̧pö̧nä̧ ja̧'hua̧ta̧'a̧nö̧ mippoönä iyähuä'inä, ttiya pättinömä o'cajuiyötä juhua'atäcu ucuturutä pä̧huä̧rö̧jo̧mȩ TÖ̧Ä̧MÄ̧HUA̧RÖ̧ cuiyätucu'inä o'cajuiyötä.³⁹Dios ö̧jo̧dettö a̧mö̧cuädö ttu̧ju̧ni̧na̧'a̧cu̧, mo̧ro̧mä̧ 15nö̧ mo̧ro̧nä̧ kä̧hua̧tö̧tä̧ sietenö pätti'omenä, ucutu rȩjȩ cuähuä u̧huä̧ju̧ cu̧ca̧ca̧tä̧tu̧cuo̧mȩnä̧mä̧, ucutumä pi̧yȩ pä'cärimä sieten1ö mo̧ro̧ jo̧mȩnä̧ jȩ'cuä̧tu̧cua̧ pä'ö ja̧'a̧, ä̧cuo̧mȩnä̧ mo̧ro̧mä̧ 'cuä'ächi'ö pä'cäri jȩ'cuä̧tu̧cu̧ mo̧ro̧ jä̧cua̧'a̧ ja̧'hua̧ta̧'a̧nö̧ 8nö̧ mo̧ro̧ päi'omenä'inä 'cuä'ächi'ö pä'cäri jȩ'cuä̧tu̧cu̧ mo̧ro̧ jä̧cua̧'a̧.⁴⁰Ä̧cuo̧mȩnä̧ mo̧ro̧mä̧, dauhuiyä adihuäjuei oi u̧huä̧ju̧ttö̧'inä, o̧i̧ ojiyättö'inä, dauhuiyä a̧'cua̧cu̧ oicuttö'inä, ojiyä otoö bäreö aje jäyoto ka̧cu̧ttö̧'i̧nä̧ ca̧ca̧ti̧'i̧pö̧, cu̧ru̧hua̧tu̧cu̧ Dios ä'cajo̧mȩttö̧ sietenö mo̧ro̧ jo̧mȩnä̧ cuesehuätucuajá. ⁴¹A̧'ȩ jö̧'a̧cuä̧mä sietenö mo̧ro̧ päi'omȩnä̧mä̧, ucutumä CU̧Ä̧NÄ̧HUA̧TÖ̧CU̧RÖ̧ eseu pä'cärimä̧ jȩ'cuä̧tu̧cua̧jä̧, pi̧yȩ huedömä̧ ucutu'i̧nä̧ jȩ'cuä̧tu̧cua̧'a̧nä̧, juhua'a yabo cui̧tti̧mö̧tu̧cu̧'i̧nä̧ jȩttä̧cuȩ ja̧'a̧ ucutu cu̧ja̧cuä̧tu̧cuo̧mȩttö̧mä̧. Ucutumä pi̧yȩ pä'cärimä jȩ'cuä̧tu̧cua̧jä̧ kä̧hua̧tö̧ttö̧mä̧ sietenö kä̧hua̧tö̧ päi'omenä.⁴²Ucutumä sietenö mo̧ro̧ jo̧mȩnä̧ cu̧ja̧cuä̧tu̧cua̧ja̧ odehuiyä ppo̧ö̧nä̧, o'catoi'önä̧, Israel ttö̧ja̧ttö̧ uhuäpächinä̧tö̧mä̧, odehuiyä ppo̧ö̧nä̧ sietenö mo̧ro̧ jo̧mȩnä̧ ttö̧ja̧cua̧ pä'ö ja̧'a̧, ⁴³Cui̧tti̧mä̧tu̧cu̧ juhua'a yabo tti̧tti̧mö̧'i̧nä Israel ttö̧ja̧mä Egipto rȩjȩttö̧ rä'epö chicuäji o'ca'amä odehuiyä ppo̧ö̧nä̧ ka̧cui̧nä̧tö̧ pä'ö ttu̧huo̧juä̧cua̧'a̧nö̧. Ttötäsä TTÖ̧Ä̧NÄ̧HUA̧ Dios-mä̧." ⁴⁴Pa̧'a̧nö̧tä̧ Moisésmä̧ Israel ttö̧ja̧ TTÖ̧Ä̧NÄ̧HUA̧RÖ̧ eseu pä'cäri jȩttä̧cuȩ mo̧ro̧mä̧ pi̧yȩ mo̧ro̧ pönä̧tä̧ jȩ'cuä̧tu̧cua̧jä̧ pä'ö ji'ähuinö̧.

¹TÖÄ̧NÄ̧HUÄ̧MÄ̧ Moisésrö ucuocu pä'inö: " ²Israel ttö̧jä̧rö̧ olivosttö ta'ö adicuoja a̧dȩja päcuäyatä lamäari̧yu̧ rȩdȩcuoya ti'cächa hue'i, juoyamä̧ 'cuäopönä̧tä̧ tȩa̧u̧nä̧ kä̧dȩpö̧nä̧ cuoäcua'a̧nö̧.³Ä'ca jome ttoecua'a rä̧ta̧nä̧ umicu esecu jȩtta̧ pä'ö hueina'a̧ ca̧ca̧cu ttö̧'ȩjo̧mettö̧, Aarón ja̧'a̧ lámpara cuoönä̧ nipä̧rö̧mȩttö̧ kä̧mä̧dö̧ koro mo̧ro̧ mo̧ro̧ juhuome jubö cuounä̧ irȩdȩrȩtä̧rä̧cua̧mä̧ TÖ̧Ä̧NÄ̧HUA̧ ä'ca jomettö̧mä̧. Pi̧yȩ hueähuämä cui̧tti̧mö̧tu̧cu̧ juhua'a yabo tti̧timö'i̧nä̧ cuäopönä̧tä̧ jȩpö̧ ttö̧ja̧ pä'ö hueähui'ina'a ja̧'a̧. ⁴Sacerdotemä̧ juȩ'i̧pa̧mä̧ lámpara o̧yu̧mä̧ 'cuäopönä̧tö̧ cuoönä̧tä̧ i̧rȩdȩtä̧rä̧cua̧ TÖ̧Ä̧NÄ̧HUA̧ ä'ca jo̧mȩttö̧mä̧, lámpara o̧yu̧ ka̧cuäcämä päcuäji orotä ji̧na̧'a̧.⁵Trigo i̧sa̧ppȩ adihuappȩttö̧ cacuopi'ö'ca̧mä̧ panttö̧mä̧ 12nö o̧si̧ cuȩtta̧jä̧. Ji̧yȩtȩ o̧si̧ pö̧nä̧mä̧ cuatro-nö̧ quilos jo̧mȩttö̧mä̧ yabonä̧nö̧ ä̧mä̧cö̧ jä̧cua̧'a̧, ⁶ja̧u̧nu̧ o'ca'amä, mesa isodä oro päcuäittö adicuodä TÖ̧Ä̧NÄ̧HUA̧ ä'cajo̧mȩ ko̧dänä̧ to̧mä̧rȩ jo̧mȩnä̧ ku̧ni̧, ja̧u̧ o̧mä̧ ji̧mä̧cu̧nä̧mä̧ seisnö o̧si̧ pönä̧tä̧ kä̧cua̧'a̧.⁷Ja̧u̧ o̧mä̧nä̧mä̧ incienso pättö päcuäi ku̧nä̧'chi̧, ja̧u̧ panmä̧ ku icu iyähuä huȩnȩcuä̧chö̧tä̧ jä̧cua̧'a̧. Ja̧u̧ inciensomä ku icu TÖ̧Ä̧NÄ̧HUA̧RÖ̧ iyähuä jä̧cua̧'a̧. ⁸Pi̧yȩ panmä̧ 'cuä'ächi'ö pä̧mä̧dä̧cuä̧huä̧ mo̧ro̧ jö̧ta'anö sacerdotetö̧ttö̧ juȩ'i̧pa̧mä̧ TÖ̧Ä̧NÄ̧HUA̧ ä'ca jo̧mȩmä̧ 'cuäopönätä i̧yä̧cua̧, Israel ttö̧ja̧rö̧ ppä'ädömä esecuinö̧ beipocö ji̧nö̧ i̧jȩcuä̧ jö̧nä̧tä̧. ⁹Ja̧u̧ i̧yä̧huä̧mä̧ Aarón'i̧nä̧, i̧tti̧mö̧rö̧'i̧nä̧ i̧yä̧huä̧cuȩ, ja̧u̧mä̧ a̧tȩcuä̧nä̧ ttucua pähui'ino̧mȩttö̧tä̧ ttucuäcuotö, juhua'amä̧ ocuränä ku icuähuä cu̧ä̧nä̧hua̧rö̧ eseu cuiyö jo̧mȩttö̧."¹⁰Jitämä 'cuäopina'a̧ ya̧tȩ Israél ttö̧ja̧saju ki̧tti̧, ja̧u̧ jä'omä Egipto ttö̧ja̧sa̧ ji̧na̧'a̧, Israél ttö̧ja̧cu̧ rä'opinö, ja̧u̧ Israél ttö̧ja̧saju ki̧tti̧mä̧ ttä'ähuarättö rohuähuinö Israél ttö̧ja̧sa̧cu̧. ¹¹Israél ttö̧ja̧saju ki̧tti̧mä̧ TÖ̧Ä̧NÄ̧HUA̧ i̧mi̧ suronä huopinö ja̧'hua̧ta̧'a̧nö̧ Diosrömä suronätä̧ pä'inö, Ja̧'hua̧nö̧ jȩa̧'a̧ttö̧, ttö̧ja̧ tti'chächinäcu̧ Moisés ä'cajo̧mȩ. Ja̧ju̧ ki̧mi̧mä̧ Selomit pä'ö mi̧cuinä̧ju̧, Dibri kittiju ji̧na̧'a̧, Dan ahuaruhuä o'cotö isaju. ¹²Cärenä rötö tta̧ttö̧ri̧nä̧cu̧ TTÖ̧Ä̧NÄ̧HUA̧ päomenätä̧ jȩttä̧rö̧ pä'ö.¹³Ja̧'hua̧nö̧ ja̧'a̧ttö̧ TTÖ̧Ä̧NÄ̧HUA̧ ucuocuinö Moisérö, pa̧'a̧nö̧ pä'ö: ¹⁴Diorö surojönä pä'äjirö 'chu'ädö ȩpä̧tu̧cui̧ ä'ähuarättö'inä jäyäcu. O'catoi'önä ä̧ju̧cuä̧jä̧tö̧mä̧ cu̧mu̧tu̧cu̧ unä mecuä̧cuo̧tö̧jä̧, ja̧'hua̧nö̧ jȩpö̧ o'catoi'änä i̧nä̧ o'quinä icuäu cuä'ö cuicuäcuotöjä.¹⁵Ucutu ji'ä huätucu'i Israel ttö̧ja̧rö̧ pa̧'a̧nö̧: Ya̧tȩ DIORÖ suronä pä'öttömä usurä ȩmä̧huä̧cu'a̧ suronä pä'inätä̧. ¹⁶Ya̧tȩ TÖ̧Ä̧NÄHUA̧ i̧mi ucu'otocömä je'ö̧nätä̧ hua'ö i̧cu'ä̧cu'a̧. O'ca to'inä ucu'otönö ka̧cu'ä̧tö̧mä̧ i̧nä̧ o'quinä tti̧cu'ä̧cu'a̧, ko̧ro̧ jä̧ttö̧ ichinö'inä ja̧'hua̧ta̧'a̧nö̧ Israelitattö huäpächinö jö̧ttö̧'i̧nä̧. Ya̧tȩ ucu'otoca'a jȩ'ö̧ttö̧mä̧ TÖ̧Ä̧NÄHUA̧ i̧mí̧, jo̧'u̧mä̧ hua'ö icu'a pe'otä ö̧jä̧cu'a̧.¹⁷Ya̧tȩ cu'ä'icuttömä ka̧rá̧ ttö̧ja̧sä̧rö̧, jo̧'u̧mä̧ jue'inätä̧ hua'ö icu'a pe'ötä kö̧. ¹⁸Ya̧tȩ i̧sä̧ ttäjirö cu'ä'icuttömä, jo̧'u̧mä̧ imita pe'ötä kö̧, a̧'cu'a̧rö̧ kö̧nä̧rö̧ cu̧tä̧.¹⁹Ya̧tȩ ippeyänä kö̧rö̧ barahuächi'önä jȩ'ö̧ttö̧mä̧, jȩttö̧'a̧nö̧ hua̧ chutä ippeyänä kö̧rö̧ jȩä̧ji̧ta̧'a̧nö̧: ²⁰Jȩttö̧mä̧ jȩttö̧cu̧, tti'äre'inä tti'ärecu, ttäcu'inä ttäcucu. Ja̧u̧ ka̧ra̧rö̧ barahuächi'önä jȩö̧ta̧'a̧nä̧, ja̧'hua̧ta̧'nä̧ jȩtta̧ pä'ö hua̧. ²¹Ya̧tȩ de'a i̧sa̧rö̧ cuä'ö icumä i̧mi̧tä̧huä̧cua̧, ja̧'hua̧ta̧'a̧nö̧ ya̧tȩ ttö̧ja̧sä̧tö̧ cuä'ö icumä cuä'ö tticua pä'ötä hua̧.²²Ja̧u̧ hueähuä huȩnȩmä̧ micuähuäcua'a o'catoi'önä̧rö̧ ko̧ro̧jä̧ ttö̧ja̧rö̧'inä, pi̧jä̧ttö̧tä̧ uhuäpächinä̧tö̧ Israel ttö̧ja̧rö̧'i̧nä̧, isopäi'önä Ttömä ucu CU̧Ä̧NÄ̧HUA̧ Diosä". ²³Ja̧'hua̧nö̧ ja̧'a̧ttö̧ Moisésmä Israel ttö̧ja̧rö̧ ucuocuinö, ja̧'hua̧nö̧ ja̧'a̧ ttö̧ja̧mä̧ ja̧u̧ ttö̧ja̧sa̧ TÖ̧Ä̧NÄ̧HUA̧RÖ̧ suronä pä'äjipäjirömä ä'ö kä̧cuä̧huo̧mȩttö̧mä̧ jäyäcu ȩpi̧nä̧tö̧. Inädönä icuäu tticuinä̧cu̧. Israel ttö̧ja̧mä̧ TÖ̧Ä̧NÄ̧HUA̧ Moisésrö hueinöta'anötä̧ jȩpi̧nä̧tö̧.

¹TÖ̧Ä̧NÄ̧HUA̧MÄ̧ Sinaí möä'cattö Moiséscu ucuocumä pä'inö: ²Israel ttö̧ja̧cu̧ ucuocu, jahuätörömä pa̧'a̧nö̧ ji'ähuitö: Rȩjȩ ucuturu chi̧yä̧jä̧ra̧'a̧ docuächi'ätucuomenämä, ja̧'hua̧nö̧ ja̧'a̧ TÖ̧Ä̧NÄ̧HUA̧ u̧mo̧ro̧ 'cuä'ächi'ö pä̧mä̧dä̧cuä̧huä̧ mo̧ro̧mä̧ rȩjȩmä̧ ucuota pä'ö jä̧cua̧'a̧.³Cu̧cuä̧ cuähuätucumä seisnö a̧'ȩ jo̧mȩnä̧ ku̧ju̧nä̧tu̧cua̧ja̧, ja̧'hua̧ta̧'a̧nö̧ seisnö a̧'ȩ jo̧mȩnä̧ uva isäi ä̧nä̧jui̧yä̧mä̧ 'cui̧cuo̧pä̧ra̧jä̧ juhua'atäcu u̧huä̧ju̧'inä cu̧ca̧ca̧tä̧jä̧. ⁴Ja̧'hua̧nö̧ ja̧'a̧nä̧ sietenö a̧'ȩ päi'omenä 'cuä'ächi'ö pä̧mȩdä̧cuä̧huä̧ mo̧ro̧mä̧ ja̧huä̧jä̧ rȩjȩmä̧ hueähuä huȩnȩ pähuächinö'cuä̧ ku̧nä̧huo̧co̧jä̧ jä̧cuä̧jä̧, TÖ̧Ä̧NÄ̧HUA̧TTÖ̧ 'cuä'ächi'ö pä̧mä̧dä̧cuä̧huä̧ mo̧ro̧ jö̧nä̧. Cu̧cuä̧ cuhuämä cu̧ju̧nó̧, ä̧na̧jui̧yä̧'i̧nä̧ 'cuicuä.⁵Ucumä amönä pa̧ja̧tö̧ ba'ipö u̧huä̧ju̧ huȩjö̧mä̧ ttö̧ca̧ca̧ta̧ pä'ömä huecuó, ja̧'hua̧ta̧'a̧nö̧ uva änajui̧yä̧ 'cuiähuocönä u̧huä̧ju̧ huȩjö̧'inä ttö̧ca̧ca̧ta̧ pä'ömä huecuó, Ja̧u̧ a̧'ȩnä̧mä̧ ja̧'huä̧jä̧ rȩjȩmä̧ yabonömä adicuocojä jä̧cuä̧jä̧. ⁶Ja̧huä̧jä̧ rȩjȩnä̧ adicuocö mo̧ro̧ a̧mö̧nä̧ pa̧ja̧tö̧ ba'ipö huȩju̧tä̧ cu̧cuä̧cua̧jä̧ ucumä. Ucutä'inä, cumöhuäyotö u̧mä̧tö̧'inä, nätö̧'inä, cumöhuäyotö micuänä aditätö'inä juhua'atäcu ko̧ro̧jä̧ttö̧ ichäcuähuotö ucucu ka̧cuä̧tö̧'inä ttucua pä'ö ttö̧ca̧ca̧tä̧cuȩ. ⁷Ja̧'hua̧ta̧'a̧nö̧ cuä̧ji̧mö̧ pä̧cä̧yu̧'inä juhua'atäcu de'a isotö'inä amönä pa̧ja̧tö̧ ba'ipö huȩju̧tä̧ ttucuäcuotö.⁸Ucumä sietenö a̧'ȩ päi'omenä adicuocö jo̧mȩttö̧ kä̧mä̧dö̧ cu̧'a̧ta̧jä̧, sietenö a̧'ȩmä̧ sietenö jo̧mȩnä̧, ja̧'hua̧nö̧ ja̧'a̧ttö̧ sietenö a̧'ȩ jo̧mȩnä̧ cuähuämä i̧u̧nä̧huo̧co̧jä̧ jä̧cuä̧jä̧, o'cajuiyönämä cuarentinueve a̧'ȩ jo̧mȩnä̧ jä̧cua̧'a̧. ⁹Ja̧'hua̧nö̧ ja̧'a̧ trompeta pä̧i̧cu̧nä̧ ppöcuaja mo̧ro̧mä̧ to̧mö̧rȩ mo̧ro̧ päi'omenä kä̧hua̧tö̧tä̧ sietenö huotö jo̧mȩ päi'omenä. Surojö jȩttö̧ jȩä̧chö̧ mo̧ro̧mä̧ cui̧rȩjä̧ jä̧ttä̧jä̧tä̧ trompeta rä̧mi̧pö̧nä̧ ppöcua pä'ö jä̧cua̧'a̧.¹⁰Ucú 'quȩȩpu̧ kö̧ní̧ 50 a̧'ȩ́ päi'omenä amucuädi TÖ̧Ä̧NÄHUA̧ jua̧jä̧ttö̧ räepu i̧cui̧nä̧u̧jä̧ o'cato'inä cu̧jä̧u̧cu̧. Ja̧'hua̧nö̧ ja̧'a̧ttö̧ cuesehua'anö ja̧'a̧ ucumä, juorö cuadita pe'ö huettömetö̧ cuahuaruhuä ttö̧ ja̧'a̧ ppa̧cuä̧chi̧na̧'a̧ttö̧.¹¹50 a̧'ȩ́ päi'omenä ucú cueseu a'ȩ́ ja̧cua̧'a̧. Ucú cu̧ju̧na pe'ömä jo̧ca̧a̧ ja̧'hua̧ta̧'a̧nö̧ u̧huä̧ju̧ oba'inä cu̧ca̧tä̧tä̧. Cuití a̧mu̧nä pä̧ja̧tu̧tä̧ bautä ja̧'hua̧ta̧'nö̧ uva ttu̧ju̧noca̧'a̧nä bauttötä u̧huä̧ju̧ o̧cha̧ ca̧ca̧ti̧. ¹²Cueseumä, surojö juiyö ja̧cua̧'a̧ ucurömä. Ucú cucua pe'ö ja̧'a̧ cu̧cu̧'ȩ kö̧ nähuo̧me jäyä́ bauttötä.¹³Pi̧yȩ a̧'ȩ adihuomenä jȩä̧cuä̧huä̧ mo̧ro̧ päi'omenämä̧ ucumä cuiyä'chajá o'catoi'önärö̧ tti̧rȩji̧yä̧ pö̧nä̧. ¹⁴Cuippeyänä kö̧rö̧ ucu cui̧rȩjä̧ mitö cuiyöttömä ja̧'hu̧ya̧nö̧ jo̧ca̧'a̧ cuipeyänä kö̧ttö̧ mitö cuȩmö̧ttö̧mä̧, jäyä jȩpä̧ 'chodiparö pä'o'inä cuamucuädä ko̧ro̧nö̧mä̧ korotöcu esecu'inä yapare jiccuähuä.¹⁵Cuippeyänä kö̧ i̧rȩjä̧ cuȩmö̧ttö̧mä̧, amucuädi tta̧'a̧nö̧ rö̧'ä̧nä̧ a̧'ȩ ka̧ pä'ö ja̧'hua̧ta̧'a̧nö̧ cuähuä jo̧mȩnö̧ 'chiyächome a̧'ȩ adihuomenä jȩä̧cuä̧huä̧ mo̧ro̧ pätecuächome jubu. Cuippeyänä kö̧'i̧nä̧ rȩjȩ iyökä̧nö̧mä̧ ja̧u̧ o'cajuiyönä u̧huo̧jua̧ pä'ö ja'a. ¹⁶Adihuomenä jȩä̧cuä̧huä̧ mo̧ro̧ a̧'ȩ yabonänö jöttömä micuä'inä yäbonänö micuähuäcua'a, ja̧'hua̧ta̧'a̧nö̧ a̧'ȩ adihuomenä jȩä̧cuä̧huä̧ mo̧ro̧ pabotä jö̧ttö̧mä̧ micuä'inä pabotä jä̧cua̧'a̧, jua'amä rȩjȩ cuähuä 'chiyächomettö topö jä̧cua̧'a̧ tta̧'a̧nö̧ rö̧'ä̧nä̧ ȩmä̧cua̧ pä'ö a̧'ȩ adihuomenä jȩä̧cuä̧huä̧ mo̧ro̧ päi'omenä. ¹⁷Ucumä suronä ö̧ji̧pä̧ pä'ö'inä jȩcu̧'ä̧ yapare'inä jicuähuä'chä korotö korotucumä, ja̧'hua̧nö̧ jo̧ca̧'a̧, ucumä Diosrötä ucuotö kä̧hui̧ ttö̧tä̧sä̧ CU̧Ä̧NÄ̧HUA̧TU̧CU̧ Diosmä.¹⁸Ja̧'hua̧nö̧ ja̧'a̧ttö̧ ucumä ttö huedö́ jȩpi̧, ttöttö hue'ähuä huȩnemä 'chu̧'ä̧ri̧ ja̧'hua̧ta̧'a̧nö̧ jȩpä̧tu̧cu'i̧. Ja̧'hua̧nö̧ ja̧'a̧ttö̧ ju̧'ä̧jä̧ rȩjȩnä̧ ucumä adiunä cu'i̧jä̧cu'a̧jä̧. ¹⁹Ju̧'ä̧jä̧ rȩjȩnä̧ cu̧cu'ȩ cu'ähuämä rȩji̧yä̧cu'a̧jä̧, ja̧'hua̧nö̧ ja̧'a̧ttö̧ ucú cu cu'ä̧cu̧'a̧jä̧ sucu'ä di'önä ju'ȩnȩtä̧ cu̧jä̧ cu̧'a̧jä̧ jȩnȩ́ ju'iyönätä̧.²⁰Ucútu päcu̧'ä cu'ottöjä. ¿Ji̧mutȩ ta'arenö a̧'ȩ́ jo̧mȩnä̧ däjé tucu'ä cua'attö̧? ä̧ju̧cu'ä̧ tu̧cu'i̧. cu̧ju̧ni̧yä̧tu̧cu̧nä̧ ja̧'a̧tȩji̧ cu̧ju̧nä̧huä̧tu̧cu̧mä̧ cö̧ca̧tä̧ti̧yö̧nä̧ huotöjä̧tä̧ji̧. ²¹Ttötä huȩdä̧cu'otöjä adiunä ucu'ocu ucuturö koromuttö̧nö̧ ya'ute a̧'ȩ́ pä'i'omenä ja̧'hua̧nö̧ ja̧'a̧ttö̧ u̧huä̧ju̧ cu̧ca̧tä̧tä̧ cu'o̧ttö̧jä̧ ri̧'ȩnä̧ huabodäcu'ä a̧'ȩ́ jo̧mȩnä̧. ²²Ucutu cu̧ju̧nä̧cu'o̧tö̧jä̧ koromuttö̧ huäbodäcu'ä a̧'ȩ́ pä'i'omenä ja̧'hua̧nö̧ ja̧'a̧ttö̧ cu'esetäcu'otöjä jo̧'u̧ a̧'ȩ́ topu ö̧huä̧ju̧ iyö cu'ä̧nö̧tä̧ ja̧'hua̧ta̧'a̧nö̧ ö̧huä̧ju̧ iyömä ca̧ca̧tö̧ cö̧jö̧nä̧cu'o̧ttö̧jä̧. ji̧mu̧tȩ pa̧ja̧cu'a̧nö̧ a̧'ȩ́ pä̧'i̧'o̧mȩbu̧ pärocu'ä ö̧huä̧ju̧ iyomebu, ucutu cucu'ä cu'ottöjä hua'adö rutähuomettö̧.²³Rȩjȩmä̧ 'cuäopunä micuänä ttiya pä'ömä jo̧ca̧'a̧ ka̧ra̧rö̧, rȩjȩmä̧ ttö chi̧rȩjä̧ ja̧'a̧. O'catoi'önä ucutumä ichäcuähuotöjä ja̧'hua̧nö̧ ja̧'a̧ttö̧ pi̧jä̧nä̧mä̧ cu̧jo̧mebutä kä̧tö̧jä̧. ²⁴Ucumä topi huä̧inätä̧ o'cajuiyönä rȩjȩmä̧ ucu̧tä̧ cuȩmi̧nö̧ ja̧'a̧ttö̧; ucú rȩjȩ́ mitö cuȩminiyä̧u̧tä̧ mitö ttȩma iyí rȩjȩmä̧. ²⁵Ucú cuahua̧ru̧hua̧ israel ttö̧ja̧sä̧ u̧su̧rä̧i̧sä̧ ö̧jö̧nä̧ jä̧cu̧ u̧ju̧nä̧rä̧ji̧ mi̧cuä̧nä̧ iyö icuttumä, ja̧'hua̧nö̧ ja̧'a̧ttö̧ tö'cö ahuaruhuättötä pä'äji ta'anö mitö ttȩmä̧cuo̧tö̧ ja̧u̧ iyö icuäjimä.²⁶Ya̧tȩ ttö̧ja̧sä̧ u̧ju̧närö̧ ahuaruhuä mitö ttȩmä̧ pä'ö juittöttömä, ja̧'hua̧nö̧ ja̧'a̧nä̧ mitö ȩma̧ pä'ö u̧ju̧nä̧rö̧ttö̧mä̧ mitö ȩma pe'ö ka̧'a̧, ²⁷ja̧'hua̧nö̧ ja̧'a̧ttö̧ ja̧u̧mä̧ pojopu toa pä'ö ja̧'a̧ rȩjȩ́ mitö iyötticuinö a̧'ȩ́ ja̧'hua̧nö̧ ja̧'a̧ttö̧ pa̧ja̧tö̧ tottäjo̧metä̧ i̧mita pä'ö ja̧'a̧ mitö ȩmi̧nö̧rö̧mä̧. Ja̧'hua̧nö̧ ja̧'a̧ttö̧ ja̧u̧mä̧ i̧rȩjä̧ ppa̧huä̧dä̧cua̧. ²⁸Ja̧'hua̧nö̧ ja̧'a̧nä̧ chutä i̧rȩjä̧ ppa̧huä̧di̧yö̧nä̧ jö̧ttö̧mä̧, ja̧'hua̧nö̧ ja̧'a̧ttö̧ rȩjȩ́ mitö ȩmä̧ji̧tä̧ ö̧jä̧cua̧ juȩnȩ rȩjȩmä̧ jubileo a̧'ȩ jubu. Jubileo a̧'ȩ́nä, ppa̧huä̧dä̧cuä̧huä̧cua̧ rȩjȩmä̧ ttö̧ja̧sä̧ iyö icuinörö̧mä̧, ja̧'hua̧nö̧ ja̧'a̧ttö̧ ppa̧huä̧chä̧cua̧ i̧rȩjä̧ pä'ötä.²⁹Ya̧tȩ ojusode ötahuiyä ttoecuäbä jacuä huode micuänä iyöttömä, iyö icu'ca̧mä̧ ya'ute a̧'ȩ o'ca'a pä'äjita'anö micuä ema'anö ja̧'a̧. Ya'ute a̧'ȩ päi'ö o'ca'amä o'cajuiyönä ppa̧'a̧di̧pö̧ ȩma̧ pä'ömä̧ kä̧cua̧'a̧. ³⁰Juhuode isode ya'ute a̧'ȩ päia'anä isode u̧ru̧hua̧ pinö ppa̧'a̧di̧pö̧ ȩmo̧ca̧'a̧ jö̧ttö̧mä̧, ötahuiyä ttoecuäbi jacuä huode eminömä ojusode päi'önä̧tä̧ jäcuode, i̧tti̧mö̧ juhua'a yabo tti̧tti̧mö̧'i̧nä̧. Juhuode isodemä rö̧ä̧nä̧ eseu ttö̧jö̧ a̧'ȩnä̧'inä ppa̧ttä̧docode jäcuode.³¹31 Ja̧'hua̧nö̧ ja̧'a̧nä̧ ötahuiyä ttoecuäbä ttoecuocomȩ jäyänä huȩjö̧ odehuiyämä̧, mȩjȩ'quiyönä̧ huȩjö̧ odehuiyä jȩttö̧ta̧'a̧nö̧tä̧ jȩä̧cuä̧huä̧cua̧'a̧. Rö̧ä̧nä̧ eseu ttö̧ja̧cu̧ a̧'ȩnä̧ isode pä'äjita'anö̧ ttojusode päi'önä̧ ttȩma̧ pä'ö jä̧cua̧'a̧. ³²Ja̧'hua̧nö̧ ja̧'a̧nä̧ Jitötä tta̧mö̧nä̧ ttidepiyu jacuä huȩjö̧ odehuiyämä̧, Levíttö yo'ähui'inä̧tö̧mä̧ ja̧'a̧tä̧ mo̧ro̧'i̧nä̧ mitömä̧ ttȩmä̧cuo̧tö̧.³³Ya̧tȩ Leví isotö i̧sa̧ttö̧ isode micuänä iyö icuinode ppa̧'a̧di̧pö̧ ȩmo̧ca̧'a̧ jö̧ttö̧mä̧, rö̧ä̧nä̧ eseu ttö̧jö̧ a̧'ȩnä̧ juode isodemä̧ ä'coji u̧ru̧hua̧ pinö̧rö̧tä̧ iyähuäcuode, Israel ttö̧ja̧cu̧ ka̧cuä̧tö̧, Levíttö yo'ähui'inä̧tö̧ ttidepiyönä̧ huȩjö̧ odehuiyämä̧ jahuätötä ttoju odehuiyä jo̧mȩttö̧. ³⁴Ja̧'hua̧nö̧ ja̧'a̧nä̧ ötahuiyä jäyänä huȩjö̧ odehuiyämä micuänämä iyömä icuähuocö jä̧cuȩ, Levíttö yo'ähui'inä̧tö̧ ttidepiyunä̧ huȩjö̧ jo̧mȩttö̧.³⁵35 Kuahuaruhuättö ya̧tȩ recuä rö̧jä̧chi̧'ä̧cu̧ a̧mö̧nä̧ pa̧ja̧tö̧ ppädäcuähua pä'ö'inä juiöttömä, ko̧ro̧jä̧ra̧'a̧ttö̧ i̧chä̧cuä̧hua̧ 'cuä'opöröcö̧ ucutucu ku̧rö̧cö̧ ppäcuädä'ija'anö̧tä̧ ppäcua pä'ö jä̧cua̧'a̧. ³⁶Ja̧'hua̧nö̧ ja̧'a̧nä̧ cu'ärohuäjomȩ yabonä̧nö̧ ppa̧huä̧da̧cu̧ pä'ömä̧ jäcuepärö; yabonänö cu̧mu̧nä̧ra̧ pä'ö'inä korojueinä huȩnȩtö̧mä̧ jäcuepärö, ja̧'hua̧nö̧ jättepajueimä̧ Diosrötä ucuoti, ja̧u̧ cua̧hua̧ru̧hua̧mä̧ yabonö ucutäcu ö̧jä̧cua̧'a̧nö̧. ³⁷Pärätä cu'ärouttömä̧, cu'ärohuäjomȩ yabonä̧nö̧ ppa̧huä̧da̧cu̧ pä'ömä̧ jäcuepärö, ja̧'hua̧ta̧'a̧nö̧ yabonänö cu̧ju̧nä̧ra̧ pä'ömä cucuȩmä̧ micuänämä cuiyärö. ³⁸Ttötäsä TTÖ̧Ä̧NÄ̧HUA̧ Diosmä̧, Egipto rȩjȩttö̧ rä'epö icuinö̧mä̧ pi̧jä̧ Canaám rȩjȩ cui̧rȩjä̧tu̧cu̧ päi'önä̧ chiya pä'ö, ja̧'hua̧ta̧'a̧nö̧ Ttö ja̧'a̧ cu̧ru̧hua̧tu̧cu̧ Dios jö̧nä̧ kö̧mä̧.³⁹Cu̧jä̧hua̧ Israel ttö̧jä̧sa̧ usurä i̧sa̧ juo'ö ucurutä iyähuöttömä, juiyo pä̧i̧cu̧nä̧ aditönämä huecuärö. Huiäre adihuä i̧sa̧ 'cua̧rö̧nä̧tä̧ jȩpi̧rö̧. ⁴⁰Ucutäcutä beome kö̧ 'cua̧rö̧nä̧. Ja̧u̧mä̧ a̧di̧ta̧hua̧ ucumä tteseu a̧'ȩ mo̧ro̧ jubutä. ⁴¹Ja̧'hua̧nö̧ ja̧'a̧ttö̧ otó i̧cuä̧'cua̧ ucuttumä, chutä'inä ja̧'hua̧ta̧'a̧nö̧ i̧tti̧mu̧'i̧nä̧, ja̧'u̧mä̧ ppä̧huä̧chä̧cua̧ chutä jäottö ahuäruhuä ttidepiyura'acu.⁴²Jahuätömä TTÖTÄ chumuhuäyotö Egipto rȩjȩttö̧ räepu chi̧jui̧nä̧u̧. ⁴³Jahuätömä pä̧i̧cu̧nä̧ ttädita pö'ömä iyähuocotö ttähuotö. Cu̧ru̧hua̧ Diosrö ucuotö pä̧i̧cu̧nä̧mä̧ huecuätö pitömä . ⁴⁴Ja̧'hua̧nö̧ ja̧'a̧nä̧ ucu huȩhuä̧u̧ päi'inämä cuȩmu̧'a̧nö̧ ja̧'a̧ u̧mä̧ttö̧ nä̧tö̧rö̧'i̧nä̧mä̧ huippeyenä ka̧cuä̧ttö̧tö̧.⁴⁵Ucutu'inä cuȩmä̧tu̧cu̧'a̧nö̧ ja̧'a̧ huȩcuä̧rä̧tu̧cuä̧u̧ru̧ ichäcuähuotö ucutucu huihuaunä ko̧cuä̧to̧ttö̧, ja̧'hua̧nö̧tä̧ ja̧'a̧, tta̧hua̧ru̧huä̧ ucutucu ko̧cuä̧tö̧ttö̧, tti̧tti̧mö̧ huä̧jä̧ttö̧ uhuäpächinätö̧rö̧. Ja'huätömä̧ ucutu huȩcua̧u̧ ttäcuotö. ⁴⁶Ucutu huȩcuä̧rä̧tu̧cuä̧u̧ru̧mä̧ cuiyäcuotöjä jua'a jabo cui̧tti̧mö̧rö̧ ki̧'i̧pö̧ juei 'cua̧rö̧nä̧, ttiäre 'cua̧rö̧nä̧ tta̧tä̧rä̧cua̧'a̧nö̧. Ja'huätöttö 'cuäopönä cuȩmä̧cuo̧tö̧jä̧ huȩcuä̧rä̧tu̧cuä̧u̧ru̧, ja̧'hua̧nö̧ ja̧'a̧nä̧ ucutumä cui̧jä̧hua̧tö̧ huotö Israél ttö̧ja̧cu̧mä̧ pä̧i̧cu̧nä̧ rohuäumä cu̧jä̧tu̧cuä̧.⁴⁷Ya̧tȩ i̧chä̧cuä̧hua̧ ja̧'hua̧nö̧ jo̧ca̧'a̧ jö̧ttö̧mä̧ ka̧ra̧'i̧nä̧ ucutucu recu'o ö̧jo̧ca̧'a̧nä̧ järettö ru̧hua̧ juo'öttömä, ja̧'hua̧ta̧'a̧nö̧ ucutä cuahuaruhuä Israél ttö̧ja̧ttö̧ usurä isa̧ juo'öttömä ja̧'hua̧ta̧'a̧nö̧ i̧chä̧cuä̧hua̧cu̧ iyäcuäu icuttumä, ja̧'hua̧nö̧ jo̧ juiyöttö'inä ya̧tȩ ahuaruhuättö iyäuttö'inä, ⁴⁸ja̧u̧nu̧ o'ca'a ucutu cuahuaruhuä Israél ttö̧ja̧ttö̧ ȩmuä̧huä̧chä̧ji̧ttö̧mä̧, ja̧u̧ma̧ pä'äjita'anä mitö ttȩma̧ pä'ötä hua̧. Ya̧tȩ ahuaruhuä isotöttö pä'äjita'anö ȩmä̧cua̧.⁴⁹Ttö̧ja̧sä̧ i̧miya̧ jö̧ttö̧'i̧nä̧, i̧mi̧ya̧ i̧tti̧ jö̧ttö̧'i̧nä̧, ya̧tȩ tö'cö a̧hua̧ru̧hua̧ jo̧'u̧mä̧ ru̧hu̧á̧ jo'ächäjittö̧mä̧ jo̧'u̧dä̧jä̧ ppäcu'ädarö pe'ö kö̧. ⁵⁰Ya̧tȩ ttö̧jä̧'i̧sä̧ mitö ȩmäji̧ttö̧mä̧ jo̧'ú̧cu̧ ucu'ocuirö; huo̧ju'ä̧tö̧ jähuätö a̧'ȩ́mä̧ ttiyinö a̧'ȩ́mä̧ ja̧'hua̧ta̧'a̧nö̧ mitö ȩmi̧nö̧rö̧'i̧nä̧ ja̧'hua̧nö̧ ja̧'a̧ttö̧ a̧'ȩ́ dottächö ja̧'hua̧ta̧'a̧nö̧ rättöpomebu huo̧ju'ä̧ttö̧. Rättepu micu'ämä ttȩmi̧nö̧mȩttö̧ topu pa̧ja̧ti̧nä̧tö̧ ya̧tȩ huettö adicu'ä i̧sa̧rö̧, ttȩmi̧nö̧ a̧'ȩ jö̧ta̧'a̧nö̧ jo̧'ú̧mä̧ adittö mitähuinö mitö ȩmi̧nö̧rö̧.⁵¹Recuó a̧'ȩ ttötinä̧cu̧ juö̧ttö̧mä̧ kä'conä rä'öpomenä, ja̧u̧nu̧mä̧ i̧mi̧tä̧huä̧cua̧ ö̧'i̧nö̧ a̧'ȩtä̧, rättepu micuä pä'i'önä, ö̧'i̧nö̧ a̧'ȩ́ pä̧jä̧cuä̧cho̧mȩtä̧ pärätä. ⁵²Dottädinö a̧'ȩ tö'cönänö jö̧ttö̧mä̧, ja̧u̧mä̧ mitö ȩmu̧cu̧ ucu'ocu'a pe'ö ji̧na̧'a̧ i̧'ö̧ rä'opäcue'i̧ a̧'ȩ́ ki̧'ö̧ totta pe'ö, ja̧'hua̧nö̧ ja̧'a̧ttö̧ jo̧'u̧mä̧ räopächäji̧'ca̧ kä̧nö̧ i̧mi̧ta pe'ö ki̧na'a̧ ra'epu icuäji micu'ämä ö̧'i̧nö̧ a̧'ȩtä̧.⁵³Ja̧u̧mä̧ du'o jö̧ta̧'anö adita pä'ö pätetö cu̧nä̧hua̧. Ucumä ja̧u̧ru̧ pä̧i̧cu̧nä̧ huettö juiyönä to'cua pä'ö ja̧'a̧. ⁵⁴Pi̧yȩ pä̧nä̧ rä'ecuocö ö̧jö̧ttö̧mä̧, Jubileo a̧'ȩ pänä jubo päi'önä a̧di̧tä̧cua̧ ucucumä i̧tti̧mö̧'i̧nä̧. ⁵⁵Israel ttö̧ja̧mä̧ TTÖ chumuhuäyotö. Jahuätömä ttö huedö jȩpä̧tö̧ TTÖTÄ Egipto rȩjȩttö̧ rä'epö chi̧cui̧nä̧u̧ ja̧'a̧ttö̧. TTÖTÄ ja̧'a̧ CU̧Ä̧NÄ̧HUÄ̧TU̧CU̧ Diosmä.

¹Tätähuä o'ca'i̧nä̧, tta̧'cua̧juä̧'i̧nä̧ aditömä̧ cu̧ju̧nä̧tu̧cuä̧; inä̧ o'qui ro̧ö̧'i̧nä̧, ja̧'hua̧ta̧nö̧ inä̧ o'qui huȩyu̧cuä̧ o'qui'i̧nä̧ äräbe'ö ku̧nö̧mä̧; ucuotömä̧ cuesehuätucuä, Ttötä ja̧'a̧ttö̧ TTÖ̧Ä̧NÄ̧HUA̧ Diosmä̧ ²Chu̧mo̧ro̧ adicuocö mo̧ro̧mä̧ ucuotätucui, ja̧'hua̧ta̧'a̧nö̧ chu̧jo̧de'inä ucuotätucui, Ttötäsä TTÖ̧Ä̧NÄ̧HUA̧ Diosmä̧.³Ttö huedinö̧'inä ja̧'hua̧ta̧'a̧nö̧ hueähuä huȩnȩ'inä ucuotö jȩ'cuä̧tu̧cu̧ttö̧mä̧, ⁴ajiya i̧chä̧cuȩ mo̧ro̧mä̧, ajiyamä̧ ichönä̧tä̧ huȩdä̧cua̧sä̧; rȩjȩmä̧ cuähuä u̧huä̧ju̧ iyäcua'a ja̧'hua̧ta̧'a̧nö̧ dauhuiyä'i̧nä̧ u̧huä̧ju̧mä̧ huȩjä̧cua̧'a̧;⁵trigo'i̧nä̧ huȩjä̧cua̧'a̧, uvas ocha jo̧mȩnö̧ jö̧ ttottomȩ jubö päi'önä̧, ja̧'hua̧ta̧nö̧ uvas ttu̧ju̧nu̧ mo̧ro̧ jubö päi'önä̧. pan'i̧nä sucuädi'ätucuomȩ jubö päi'önä̧ cuä̧nö̧ kä̧nö̧ juä̧jä̧nä̧mä̧ u̧ni̧chä̧rö̧ eseutä cu̧jä̧cuo̧tö̧jä̧. ⁶Ja̧huä̧jä̧ rȩjȩnä̧mä̧ u̧ni̧chä̧rö̧ kä̧cuä̧huä̧ kö̧nä̧ jȩchä̧cua̧sä̧; ucutumä ya̧tȩ'i̧nä̧ yepe'oca'a u̧ni̧chä̧rö̧tä̧ cuä'äcuotöjä̧. Ttömä de'iyu isotö rä̧huä̧pi̧ huotörö'i̧nä̧ rä'epö icu kä̧nö̧, curä rohuähuätörö'i̧nä̧ juä̧jä̧nä̧mä̧ dottächö juiyönä̧tä̧ jȩchä̧cua̧sä̧.⁷Ucutumä̧ cuaboiyotö döttecuächönä̧ jȩ'cuä̧cuo̧tö̧jä̧, ja̧'hua̧ta̧nö̧ jahuätörömä̧ curodänä̧ cuä'äutä cuicuäcuotöjä̧. ⁸Ucututtö cinconö jo̧mȩnä̧ huotömä̧, ciennö̧ huotörö ya'opö tticuäcuotö, ja̧'hua̧ta̧nö̧ ucututtö ciennö̧ huotömä̧, diez milnö̧ huotörö ya'opö tticuäcuotö; cuaboiyotörömä̧ rohuäu icu curodänä̧ cuä'äu cuicuäcuotöjä̧.⁹Ttötä topö ppä̧dä̧dä̧cua̧sä̧ ucuturu, ja̧'hua̧ta̧'a̧nö̧ yodepäcuotöjä yabocutä cuirecuächätucunä; Ttötä chersecu chi̧jȩpä̧cua̧sä̧ ucuturu. ¹⁰Ucutumä cucuäcuotöjä recuo hua'adö ku̧nä̧huö̧ttö̧tä̧. Ucutumä rä'epö cuicuätucuajá cu̧cuä̧tu̧cu̧ hua'adö cu̧ju̧nä̧'i̧jä̧tu̧cu̧mä̧ ucuturu recuä rö̧jä̧cua̧'a̧ cu̧cuä̧tu̧cu̧ jareö hua'adö cu̧ju̧nä̧tu̧cua̧ pä̧'ö̧.¹¹TTÖ chu̧ju̧nä̧cua̧sä̧ chö̧jo̧ca̧ ucutu cu̧'cä̧tȩtu̧cu̧nä̧, suronämä topocö chä̧cua̧sä̧. ¹²Ucututäcu chä̧jä̧cua̧sä̧ CU̧Ä̧NÄ̧HUA̧TU̧CU̧ jö̧nä̧tä̧ ja̧'hua̧nö̧ ja̧'a̧ttö̧ ucutu jä̧cua̧'a̧ jitucu chö̧jä̧u̧mä̧. ¹³Ttotäsä CU̧Ä̧NÄ̧HUA̧TU̧CU̧ Diosmä, Egipto rȩjȩttö̧ rä'epö icuinömä, ucuturu jahuätö huȩttö̧ra̧'a̧nä cu̧jätucua'acu pä'ö. Ttötä rä'epö icuinösä̧ rö̧'ä̧nä̧ huȩttö̧ro̧mȩttö̧ ucuturu ja̧'hua̧nö̧ jȩpö̧, adiu jueönätä cui̧'chä̧tu̧cu̧nä̧ jȩpi̧nö̧sä̧.¹⁴Ja̧'hua̧nö̧ ja̧'a̧nä̧ ucutu ttörö cuä̧ju̧cu̧ juiyöttömä, ¹⁵pi̧yȩ hueähuä huȩnȩ o'cajuiyönä jȩcu̧'ä̧tu̧cu̧ juiyöttömä, ja̧'hua̧ta̧'a̧nö̧ ttö pädinö cuju'cätucuoca'a jö̧ttö̧ ja̧'hua̧ta̧'a̧nö̧ ttö huedinö jarocu'ätucuttu'inä, jȩcu̧'u̧ juiyätucua pä'ö ttö huedinö ji̧nö̧, ja̧hua̧nö̧ jȩpö̧tä̧ ttö esecu chu̧ju̧ni̧nö̧'i̧nä̧ jȩpo̧co̧tö̧jä̧.¹⁶Pi̧yȩ jȩcu̧'ä̧tu̧cu̧ttö̧mä̧, ja̧u̧nu̧mä̧ pa̧'a̧nö̧ jȩchä̧cua̧sä̧: TTÖTÄ ro̧dȩpä̧cua̧sä̧ ucutu, maricheinä ja̧'hua̧ta̧'a̧nä̧ du'unä näcuä̧chä̧tu̧cuo̧mȩnä̧ cui'äriyä'inä tocu'u juiyätucunä ja̧'hua̧nö̧tä̧ cua̧'cua̧rö̧ jiyupöchö ja̧'cuo̧ppö̧nä̧ 'corujuocuächäcuotöjä. U̧huä̧ju̧ isade cu̧ju̧nä̧tu̧cu̧ttu̧'i̧nä̧ huȩjo̧ca̧'a̧ jä̧cua̧'a̧. ¹⁷TTÖ chö̧'ä̧i̧ chi̧jȩpä̧cua̧sä̧ ucuturu, ja̧'hua̧nö̧ jo̧mȩnä̧ cuabo'iyotötä huettäcuotöjä. Ru̧hua̧'i̧nä̧ ucuturu kö'cocötä hueäcuotöjä, ja̧'hua̧nö̧ jo̧mȩnä̧ tö'ipötä cu̧jä̧cuo̧tö̧jä̧, ko̧ro̧nö̧mä̧ korotö'inä ru̧ttä̧ro̧ca̧'a̧nä̧.¹⁸Ucutu ttö huedö jȩ'cu'ä̧ tu̧cuo̧ca̧'a̧ju̧ttö̧mä̧, ja̧'hua̧nö̧ ja̧'a̧ttö̧ ttötä ro̧dȩpä̧cu'a̧sä̧ ji̧mu̧tȩ ta'arenö jo̧menä̧, suronä jȩ'cu'ä̧tu̧cu̧nä̧tä̧ . ¹⁹Ttötä ro̧dȩpä̧cu'a̧sä̧ ucu'o tecu'ähuömä. Ttötä huedi yä̧cua̧sä̧ ajiya mo̧ro̧ jä̧ttö̧mä̧ ja̧'hua̧ta̧'a̧nö̧ ucutu cö̧jä̧tu̧cu'ä̧jä̧ 'quiyäcu'a. ²⁰Juruhuächi'ö cuadita'anä ja̧'hua̧nö̧ cuaditömä cu'i̧rȩjä̧ttö̧ cu̧cu'ȩ cu'ähuämä u̧huä̧ju̧ obamä huȩji̧yä̧cua̧'a̧.²¹Ucutu ttörö cu'arodätucútömä ja̧'hua̧ta̧'a̧nö̧ cuä̧ju̧cu'ä̧tu̧co̧ca̧'a̧ jö̧ttö̧mä̧, ttötä ro̧dȩpä̧cu'a̧sä̧, ji̧mu̧tȩ ta'are abonänö ucuturömä, suronä jȩ'cu'ä̧jä̧tu̧cu̧tä̧. ²²Ttötä de'á isotö pä̧'i̧cu'ä̧tö̧rö̧ huȩdä̧cua̧'sä̧ ucutu cuaboyotörö, cu'i̧tti̧murö̧ tti̧nä̧ cuä̧cu'o̧ttö̧, si'epu tticuäcu'ottö cu'ä̧ji̧mu̧ pä̧cä̧yö̧rö̧, hui̧ttä̧chi̧'ä̧cu'o̧tö̧. cu̧jä̧tu̧cu'o̧mȩmä̧ ya̧tȩ'i̧nä̧ to'äcua'a.²³ja̧'hua̧nö̧ jö̧ 'cuäopa'anä, ucutumä jidäjuomenä̧'inä juo̧juä̧chi̧'o̧co̧tö̧jä̧ TTÖ pädoca'acutä 'chä̧nö̧ icuätöjä, ja̧'hua̧nö̧ ja̧'a̧ttö̧ ttö'inä to'ija̧'a̧cu̧ jȩchä̧cua̧sä̧ ucuturu, ²⁴Ja̧'hua̧nö̧ ja̧'a̧ttö̧ TTÖTÄ ro̧dȩpä̧cua̧sä̧ ji̧mu̧tȩ ta'arenö jo̧mȩ suronä jȩtti̧nö̧mä̧ micuämä.²⁵Curä'chu chi̧'chä̧chä̧cua̧sä̧ ucuturu ro̧'ȩpä̧cuä'chu chesecuinö jȩcu̧'ä̧tu̧cuo̧ca̧'a̧ttö̧. Ucutu ji̧nä̧ yo̧mȩtȩ päcui'äcuotöjä cutähuiyätucu jacuättötä ja̧'hua̧nö̧ ja̧'a̧nä̧ TTÖTÄ märichi huȩdä̧cua̧sä̧ jua'atä ucuturu, ja̧'hua̧nö̧ jo̧mȩnä̧ cuabo'iyotö ttu̧mu̧nä̧tä̧ päcui'äcuotöjä. ²⁶Cu̧cuä̧ cuȩmä̧tu̧cuo̧mȩ TTÖ 'to'opö chicuomenämä, to̧mu̧rȩnö̧ jo̧mȩ nä̧tö̧mä̧ ji̧nä̧ ttȩttä̧pcuo̧tö̧ pa̧'o̧ppä̧ ȩttä̧huo̧mȩ, ja'huätö nätö̧mä̧ ttiyä'chäcuotö ttö̧ja̧ ttö̧'a̧cuä̧cho̧mȩtä̧ pa̧ja̧tö̧. Ucutumä cucuätucua'anä su'ädi'ocotö cuäcuotöjä.²⁷Ucutu Ttö pädö cuä̧ju̧cuä̧tu̧cuo̧ca̧'a̧ jö̧ttö̧mä̧, Ja̧u̧mä̧ 'cuäopa'anä̧ jarodö yabonö̧tä̧ to'ija̧'a̧cu̧ jȩ'cuä̧tu̧cu̧ttö̧mä̧, ²⁸Ttö'i̧nä̧ ucuturu to'ija̧'a̧cu̧ jȩpö̧, ra̧huä̧ri̧pö̧nö̧ surojö jȩchä̧cua̧sä̧, ja̧'hua̧nö̧ jȩpö̧mä̧ sietenö jo̧mȩnä̧ ro̧dȩpä̧cuä̧u̧jä̧, surojö rö̧ä̧nä̧ jȩ'cuä̧tu̧cu̧nä̧mä̧.²⁹Ucutumä cua̧mö̧nä̧ cui̧mö̧tu̧cu̧ u̧mä̧tö̧'i̧nä̧, nä̧tö̧'i̧nä̧ ttidepä cucuäcuotöjä̧. ³⁰Ju'to jo̧mȩ'inä si'epö chi̧cuä̧cua̧sä̧, incienso ku icu iyähuome'inä o'ca'inä si'epö chi̧cuä̧cua̧sä̧, ja̧'hua̧nö̧ jȩpö̧ cuo'co jähuätucumä tätähuä o'ca huä̧mȩ cä'epä'chö chu̧huȩnä̧cua̧sä̧, ja̧'hua̧nö̧ jȩpö̧tä̧ ttö chöjö'cocömä̧ chi̧jȩpä̧cua̧sä̧.³¹Kuidepiyutucumä̧ juiyomȩtä̧ päi'önä̧ chu̧nä̧hui̧'ä̧cua̧sä̧, ja̧'hua̧ta̧nö̧ cu̧ä̧huo̧tö̧rö̧'inä si'epö chicuä̧cua̧sä̧. Ttömä ku icu cuiyätucu ö̧a̧mȩmä̧ ku'cocö chä̧cua̧sä̧. ³²Ja̧hu̧ä̧jä̧ rȩjȩmä̧ si'epö chicuäcuäjä̧. Cuaboiyotucu ju̧huȩnȩ ka̧cuä̧tö̧mä̧, si'epö chicuäjittö ye'ecuä'chötä ttö̧ja̧cuä̧cuo̧tö̧. ³³Ucuturumä̧ tti̧rȩjä̧pö̧nä̧ ka̧cuä̧tö̧ ttö̧'cä̧tȩ jo̧mȩ pö̧nä̧ cu̧ja̧cuä̧tu̧cu̧nä̧ pperetö chicuäcuotöjä̧, chucurodä chu̧mö̧nä̧ 'chu̧ä̧rä̧nö̧ cuo'ca'atucunä̧ ru̧dä̧rä̧cuä̧u̧jä̧. Cui̧rȩjä̧tu̧cu̧mä̧ to̧ä̧jä̧tä̧ ki̧'ä̧cua̧'a̧ ja̧'hua̧ta̧'a̧nö̧ cuidepiyutucumä̧ juiyomȩtä̧ päi'önä̧ si'epö icuähuäcua'a.³⁴Ja̧u̧nu̧ o'ca'amä, juä̧jä̧ rȩjȩmä̧ o'cajuiyönä̧ adicuocö mo̧ro̧mä̧ surojuoächinä̧jä̧ ja̧'a̧nä̧ esehuä̧cuä̧jä̧, ja̧'hua̧ta̧'a̧nö̧ ucutumä̧ cuaboiyotö tti̧rȩjä̧nä̧ cu̧jä̧tu̧cua̧'a̧nä̧. Ja̧u̧nu̧ pä̧nä̧mä̧, ja̧huä̧jä̧ rȩjȩmä̧ adicuoco̧jä̧ jä̧cuä̧jä̧ ja̧'hua̧nö̧ jo̧mȩnä̧ adicuocö mo̧ro̧mä̧ ȩsȩhuä̧cuä̧jä̧. ³⁵Icuicäjä̧tä̧ ja̧'a̧nä̧ ku̧nä̧huo̧co̧jä̧ jä̧cuä̧jä̧, ucutu ja̧huä̧jä̧nä̧ cu̧jä̧tu̧cuo̧mȩnä̧ adicuocö mo̧ro̧ esehuocomȩ ji̧no̧mȩnä̧. ³⁶Ucutu cuaboiyotö tti̧rȩjä̧nä̧ ka̧cui̧pä̧tö̧rö̧mä̧, cuamiso'quitucunä rö̧ȩnä̧ yecuecuätucunä, isojä ma̧a̧'a̧ rä̧mi̧pa̧'a̧ ä̧ju̧cu̧tä̧'i̧nä̧ yecuecuä'chätucunä, ja̧'hua̧nö̧ jo̧mȩnä̧ ucutumä ducuecuächäcuotöjä̧ cuä'äu tticuatö pä'ö curodäcu rö̧ttä̧u̧ döttecuächa'a jä̧'i̧nö̧'a̧nö̧. Ucutu ma̧cuä̧cuo̧tö̧jä̧ ya̧tȩ'i̧nä̧ cuo'ca'atucunämä ruhuoca'anä̧.³⁷Ucutu cua̧mo̧nä̧tu̧cu̧tä̧ curohuähuäcuotöjä, ucutumä curächu ye'ecu jottea'a cua̧ro̧nä̧, ya̧tȩ cua̧bo̧cha̧tu̧cu̧'i̧nä̧ ru̧huä̧ro̧ca̧'a̧nä̧. Ucutu cuä̧rä̧bi̧ä̧tu̧cua̧ pä'öinä cujurutumä juihuäcuottöjä cuabo'iyotö ttä'cattömä. ³⁸Ucutumä 'coru juocuächäcuotöjä korotö tti̧rȩjä̧ttö̧tä̧ ja̧'hua̧nö̧ ja̧'a̧ttö̧ cuabo iyotö tti̧rȩjä̧ttö̧tä̧ ttuhui'äcuotöjä ucutumä. ³⁹Ucututu ka̧hui̧pä̧tö̧mä̧, ttämonä suronä jȩttö̧ micuätä totteäcuotö, jahuätämä ttäbo'iyotö tti̧rȩjä̧nä̧ ka̧cuä̧tö̧, ja̧'hua̧ta̧nö̧ ttä̧do̧tö̧ mi̧nä̧ suronä jȩpu̧ totte'inöta'anö̧tä̧ totteäcuotö.⁴⁰Iso pä'önä suronä jȩttö̧ jiäu tticuttumä ja̧'hua̧ta̧nö̧ ttä̧do̧tö̧ minä jȩtti̧nö̧'i̧nä̧, ja̧'hua̧ta̧nö̧ TTÖRÖ ucuo juiyönä jȩtti̧nö̧'i̧nä̧ ja̧'a̧nä̧ ttö chabo iyotö 'cua̧ro̧nä̧ tti̧'chi̧nö̧'i̧nä̧ ja̧'a̧ttö̧. ⁴¹Jahuätö ttäbo i̧ya̧ 'cua̧ro̧nä̧ 'chänö jȩchä̧cua̧sä̧ ja̧'hua̧nö̧ jȩpu̧ ttäbo iyotö tti̧rȩjä̧ra̧'a̧ chi'cächäcuotö, ttämiso'qui jahuätö jarodäcuäcuä juiyönä jahuätö a̧'a̧ pä'ö suronä jȩttäji ttimitähuä pä'ö, ⁴²Ja̧'hua̧nö̧ jö̧ttö̧mä̧ TTÖTÄ chamucuädäcua̧sä̧ Jacobcu'inä Isaac'cu'inä ja̧'hua̧ta̧'a̧nö̧ Abrahamcu̧'i̧nä̧ esecu jȩchä̧cua̧sä̧ pädinö jinö, TTÖ rȩjȩ chi̧yä̧cua̧sä̧ pädinö jinömä chi̧yä̧cua̧sä̧.⁴³Ja'huätömä tti̧rȩjä̧'i̧nä̧ jarotti'äcuotö, ja̧'hua̧nö̧ jȩpö̧ cuesehuäcuotöjä 'cuättächö̧ mo̧ro̧ jä̧u̧ cui̧rȩjä̧tu̧cu̧ jaropi'ö cuecuächätucua'anä'inä. Ja̧'hua̧nö̧ ja̧'a̧nä̧ ucutumä ro̧ȩcuä̧ cuȩmä̧cuo̧tö̧jä̧ suronä jȩcu̧'ä̧tu̧cu̧mä̧ jua'amä jitötä ttöaroda'attö ttö huedinö ja̧'hua̧ta̧'a̧nö̧ ttötö hueähua huȩnȩ cuju'cätucuoca'attö.⁴⁴Ji̧nä̧, ja̧'hua̧nö̧ 'cuäopa'anä'inä, ja'huätö ttabo iyotä ti̧rȩjä̧nä̧ ttö̧jo̧cua̧'a̧nä̧'i̧nä̧, ttömä jaropocö chä̧cua̧sä̧, ja̧'hua̧ta̧'a̧nö̧ TTÖTÄ 'cä̧'ȩpö̧ chu̧ju̧nä̧cuo̧tö̧ o'catoi'önärö̧ si'epö chicuomettö'inä, ja'huätörö chesecuinö'inä juȩnȩbutä jä̧cua̧'a̧, ttötäsä TTÖ̧Ä̧NÄ̧HUA̧ Diosmä. ⁴⁵Ja̧'hua̧nö̧ ja̧'a̧nä̧ ja'huätörö adinä ja̧ pä'ö, TTÖ cha̧mucuä̧dä̧cua̧sä̧ chesecuyinö ji̧nö̧ ttä̧do̧tö̧mi̧nä̧tö̧ pi̧nä̧tu̧cu̧, pi̧jä̧ o'cajuiyönä ttu̧huo̧ju̧nä̧ ttötä chi̧'chä̧chi̧nä̧u̧ru̧ Egipto rȩjȩra̧'a̧ttö̧, ttu̧ru̧hua̧ Dios chä pä'ö. TTÖ̧Ä̧NÄ̧HUA̧MÄ̧ ttötäsä.⁴⁶Ja̧'hua̧nö̧ ja̧'a̧ttö̧ pi̧yȩ ja̧'a̧tó hue'ähuä huȩnȩmä, jȩtta̧ pä'ö, ja̧'hua̧ta̧'a̧nö̧ TÖ̧Ä̧NÄHUA̧ hue'inömä Moisesrö Israel ttö̧ja̧rö̧ Sinaí mö'ä̧'cattö.

¹TÖ̧Ä̧NÄ̧HUA̧ Moiséscu ucuocumä pa̧'a̧nö̧ pä'inö: ²Israel ttö̧ja̧rö̧ ji'ähui ja̧'hua̧ta̧'a̧nö̧ jahuätörö ji'ähui: Ya̧tȩ TÖ̧Ä̧NÄ̧HUA̧RÖ̧ ji̧yȩtȩ chiya pä'ö amöcuädömä pi̧yȩ mi̧cuä̧u̧ jä̧huä̧ jȩa̧ pä'ö ja̧'a̧.³Ubo veintenö a̧'ȩ jo̧mȩnä̧ ku̧nä̧rö̧ttö̧ kä̧mä̧dö̧ sesentanö̧ a̧'ȩ jo̧mȩnä̧ ku̧nä̧rö̧ jubö ku̧nä̧rö̧ i̧micuomemä̧ cincuentanä plata o̧bi̧ jo̧mȩnä̧ jä̧cua̧'a̧ Dios ö̧jo̧dettö plata o̧bi̧nä̧ tti̧mi̧tä̧cuȩ pä'ö ttu̧ju̧ni̧nö̧'a̧cu̧ä̧tä̧. ⁴Isaju'i̧nä̧ ja̧u̧ a̧'ȩ jo̧mȩtä̧ ku̧nä̧rä̧ju̧ kimicuämä platamä treintanö o̧bi̧ jo̧mȩtä̧ jä̧cua̧'a̧.⁵U̧mä̧tö̧ cinconö̧ a̧'ȩ ku̧nä̧rä̧tö̧ttö̧ kä̧mä̧dö̧ veintenö̧ a̧'ȩ jo̧mȩnä̧ ku̧nä̧rö̧ jubömä̧ ttimicuämä veintenö̧ o̧bi̧nä̧tä̧ mitö ȩmä̧huä̧cuo̧tö̧, ja̧'hua̧ta̧'a̧nö̧ nä̧tö̧rö̧mö̧ dieznö̧ o̧bi̧nä̧tä̧ mitö ttȩmä̧cuä̧u̧. ⁶Ppo̧'ä̧tö̧ ya'ute kä̧hua̧tä̧ ku̧nä̧rä̧tö̧ttö̧ kä̧mä̧dö̧ cinconö̧ a̧'ȩ jo̧mȩnä̧ ku̧nä̧rä̧tö̧ jubö, cinconö o̧bi̧nä̧tä̧ mitö ȩmä̧huä̧cuo̧tö̧, ja̧'hua̧ta̧'a̧nö̧ nä̧tö̧ ppo̧'ä̧tö̧mä̧ ja̧u̧tä̧ a̧'ȩ jo̧mȩtä̧ ku̧nä̧rä̧tö̧mä̧ huä̧bo̧bi̧cuä̧nä̧tä̧ mitö ȩmä̧huä̧cuo̧tö̧.⁷U̧mä̧tö̧ sesentanö̧ a̧'ȩ yabonä̧nö̧ ku̧nä̧rä̧tö̧mä̧, quincenö̧ o̧bi̧nä̧tä̧ mitö ȩmä̧huä̧cuo̧tö̧, ja̧u̧tä̧ a̧'ȩ ku̧nä̧rä̧tö̧ nä̧tö̧mä̧ dieznö o̧bi̧nä̧tä̧ mitö ȩmä̧huä̧cuo̧tö̧. ⁸Ja̧'hua̧nö̧ ja̧'a̧nä̧ mi̧cuä̧huä̧cuȩ jȩpö̧ ttu̧ju̧ni̧no̧mȩ jo̧mȩ i̧mi̧ta päö juiyönä jö̧ttö̧mä̧, i̧yä̧hua̧ päjimä sacerdote ö̧ja̧'a̧cu̧ i̧'chä̧ pä'ö jä̧cua̧'a̧, ja̧'hua̧nö̧ jo̧mȩnä̧ sacerdotemä micuähuomȩttömä̧ pabonä̧tä̧ jui'ädö icua'atä ȩmä̧huä̧cua̧.⁹Ya̧tȩ i̧sa̧rö̧ cuä'ö icu Ö̧Ä̧NÄ̧HUA̧RÖ̧ iya pä'öttömä, ja̧'hua̧nö̧ iyomenä Ja̧u̧ ȩmö̧ttö̧mä̧, ja̧u̧ i̧sa̧mä̧ Ja̧u̧rö̧ i̧yähua jönätä 'cä̧'ȩpö̧ ku̧nä̧huäcua, ¹⁰ttö̧ja̧sa̧mä̧ päroumä icuo, ka̧rä̧ i̧sa̧ adihua̧cu̧'i̧nä̧, su̧ro̧pa̧cu̧'i̧nä̧mä̧. Ja̧u̧mä̧ i̧sa̧ ka̧ra̧ i̧sa̧cu̧ pärou icuttumä̧ ta̧ju̧cuäyotö pojopö ku̧nä̧huo̧tö̧ jö̧nä̧tä̧ ttö̧ja̧cuä̧cuo̧tö̧.¹¹Ja̧'hua̧nö̧ ja̧'a̧nä̧ ya̧tȩ ji̧yȩtȩ i̧mi̧nä̧ huȩnȩtö̧ I̧sa̧ su̧ro̧pa̧rö̧ Ö̧Ä̧NÄ̧HUA̧RÖ̧ iyöttömä TÖ̧Ä̧NÄ̧HUA̧MÄ̧ ȩmo̧cö̧ jä̧cua̧, ja̧'hua̧nö̧ jo̧mȩnä̧ ttö̧ja̧sa̧mä̧ ja̧u̧ i̧sa̧rö̧mä̧ sacerdote ö̧ja̧'a̧cu̧tä̧ i'cächa pä'ötä jä̧cua̧'a̧. ¹²Sacerdotemä u̧sä̧huä̧cua̧ i̧sa̧ i̧mi̧cuä ju̧huȩnȩnä̧ ttiya pä'ö ttu̧ju̧ni̧no̧mȩnä̧ ttiya pä'ötä. Sacerdote ju̧huȩnȩmä̧ mi̧cuä̧hua̧ päjittömä̧, ja̧u̧ jä̧cua̧'a̧ i̧sa̧ imicuämä. ¹³Sacerdote iyö icuähua̧rö̧ ppa̧huä̧da̧ päöttömä̧, i̧sa̧ i̧mi̧cuähuomȩttö̧mä̧ yabonä̧nö̧ cinconö jähuä jo̧mȩnä̧ i̧mi̧ta pä'ötä jä̧cua̧'a̧.¹⁴Ya̧tȩ ojusede 'quȩ'ȩpö̧ u̧ju̧nu̧ttö̧ Ö̧Ä̧NÄ̧HUA̧RÖ̧ iya pä'ö, ja̧'hua̧nö̧ jo̧mȩnä̧mä̧ sacerdote hua̧ ö̧tä̧cua̧ ja̧u̧ mi̧cuämä adiunä'inä surojöna'inä. Sacerdote hua̧ micuähuome päomenämä, ja̧'hua̧nö̧tä̧ jä̧cua̧'a̧. ¹⁵ja̧'hua̧nö̧ ja̧'a̧nä̧ isode u̧ru̧hua̧ 'quȩ'ȩpö̧ ppa̧huä̧dö̧ttö̧mä̧, ja̧u̧mä̧ micuähuomettö̧'i̧nä̧ yabonänö i̧mi̧tä̧cua̧ ppä̧huä̧dä̧ pä'ömä, ja̧'hua̧nö̧ jȩö̧ttö̧tä̧ iäre pä̧i̧'ä̧cua̧.¹⁶Ya̧tȩ chutä i̧rȩjä̧ttö̧ ji̧'qui̧cha̧nö̧ 'cä̧'ȩpö̧ttö̧mä̧, ja̧'hua̧nö̧ jo̧mȩnä̧mä̧ micuähuäcua'a cuähuä u̧huä̧ju̧ u̧ju̧nä̧cuo̧mȩttö̧ topö, 370 lts. jo̧mȩ cebadamä micuähuome ja̧'a̧ 50nö̧ pärätä o̧bi̧ jo̧mȩ.¹⁷TTesecu a̧'ȩ pätecuächomenä cuähuä u̧ju̧no̧mȩ 'cä̧ȩpö̧ttö̧mä̧, micuähumemä yorätehuäcua'a. ¹⁸Ja̧'hua̧nö̧ ja̧'a̧nä̧ cuähuä u̧ju̧no̧mȩ ttesecu a̧'ȩ o'ca'a 'cä̧ȩpö̧ttö̧mä̧, ja̧'hua̧nö̧ jo̧mȩnä̧mä̧ sacerdote hua̧tä̧ pa̧ja̧tö̧ to̧ä̧cua̧ cuähuä chu̧nä̧huo̧mȩ micuämä a̧'ȩttö̧ pä'äjita'anö ttesecu pä̧nä jo̧mȩ jubu, ja̧'hua̧nö̧ jo̧mȩnä̧mä̧ micuähuomettö'inä pabotä jui'ädö i̧cuä̧hui̧yä̧cua̧.¹⁹Ya̧tȩ cuähuä u̧ju̧no̧mȩ i̧yi̧nö̧'ca̧ pä'äjita'anö ppa̧huä̧da̧ pä'öttömä, ja̧'hua̧nö̧ jö̧ttö̧mä̧ ja̧u̧mä̧ micuähuomettö̧'i̧nä̧ yabonänö i̧mi̧tä̧huä̧cua̧, ja̧'hua̧nö̧ jö̧ttö̧tä̧ cuähuä u̧ju̧no̧mȩ pä̧i̧'ä̧cua̧. ²⁰Cuähuä ku̧nä̧huo̧mȩ ȩmu̧ juiyöttömä, ja̧'hua̧nö̧ jo̧ca̧'a̧ ka̧ra̧rö̧ micuänä iyäjittömä, pä'äjita'anö ȩmä̧ pä'ömä juiyäcua'a. ²¹Ja̧'hua̧nö̧ jä̧'ji̧ o'ca'a, cuähuä ku̧nä̧huo̧mȩ jä̧jo̧mȩmö̧ ttiya pätttöttömä ttesecu a̧'ȩ pä̧tȩcuä̧cho̧mȩnä̧, juȩnȩmä̧ TÖ̧Ä̧NÄ̧HUA̧RÖ̧ adihuomenä iyähuä jä̧cua̧'a̧, juȩnȩ rȩjȩmä̧ o'cajuiyönä TÖ̧Ä̧NÄ̧HUA̧RÖ̧TÄ̧ iyähuome. Sacerdote huotörötä iyähuäcuome.²²Ya̧tȩ ttö̧ja̧'i̧sa̧ mitö ȩmäme 'quȩ'ȩpu̧ icuttömä, 'quȩpä̧jä̧mä̧ ahuaruhuä tti̧rȩjä̧mäcö̧, ²³ja̧'hua̧nö̧ ja̧'a̧ttö̧ sacerdote pa̧ja̧tö̧ to̧'ä̧cua̧ i̧micuä rä'opächö a̧'ȩ́, ja̧'hua̧ta̧'a̧nö̧ ttö̧ja̧'i̧sä̧ i̧mi̧tä̧cua̧ i̧mi̧cuä ja̧u̧nu̧ moró̧ iya pä'ö surojö juiyönä TÖ̧Ä̧NÄHUA̧RÖ̧.²⁴Räopächö a̧'ȩ́mä̧, cuähuä ttu̧ju̧ni̧no̧mȩ mitö ȩmi̧nomemä̧ mitö ȩminäcu̧ru̧tä̧ ki̧'i̧na̧'a̧. ²⁵O'ca juiyönä micuäumä surojöttö 'quȩ'ȩpu̧ kö̧nä̧huo̧me ttötinöta̧'a̧nö̧ pärätä o̧bi̧. 20nö jo̧menä micuäö 57gms. Rö̧nä̧huo̧mȩ jo̧menä.²⁶Ajicuäcuähuotö ä̧cuo̧mȩnä̧ tti̧tti̧rö̧mä̧ ya̧tȩ'inä pporädö icua pä'ömä jo̧ca̧'a̧ jä̧cua̧'a̧, ja̧u̧ ä̧cuo̧mȩnä̧ tti̧tti̧mä̧ TÖ̧Ä̧NÄ̧HUA̧RÖ̧ i̧yä̧hua̧ jo̧mȩttö̧, päcäyä jö̧ttö̧'inä, oveja jö̧ttö̧'inä TÖ̧Ä̧NÄ̧HUA̧RÖ̧TÄ̧ i̧yä̧hua̧ jä̧cua̧. ²⁷I̧sa̧ su̧ro̧pa̧ i̧tti̧ jö̧ttö̧mä̧ u̧ru̧hua̧mä̧ ppa̧'a̧dö̧ imitäjhua pä'ötä jä̧cua̧'a̧ ja̧u̧ i̧mi̧cuomemä̧, yabonänö jimätejähuä jo̧mȩ jo̧mȩnä̧ mi̧cuähuomettö̧mä̧. Ja̧u̧ i̧sa̧rö̧ ppa̧'a̧di̧pö̧ ȩmä̧huo̧cö̧ jö̧ttö̧mä̧, ä̧tȩcuä̧nä̧ imicuome jo̧mȩtä̧ iyö i̧cuä̧huä̧cua̧.²⁸Ja̧'hua̧nö̧ ja̧'a̧nä̧ TÖ̧Ä̧NÄ̧HUA̧RÖ̧ iya pä'ö pojopö u̧ju̧no̧co̧cu̧ jö̧ttö̧mä̧, u̧ju̧nä̧rö̧mä̧ o'cajuiyötä ttö̧ja̧ jö̧ttö̧'inä, ajicuäcuähuotö jö̧ttö̧'inä ahuaruhuä tti̧rȩjä̧ jö̧ttö̧'inä iyötä icuähuäcua'a ja̧'hua̧nö̧ jo̧ca̧'a̧ttö̧mä̧ ppa̧'a̧dö̧ mitö ȩmä̧huä̧cua'a. ²⁹Si'epö tticua pä'ötä pätetö ku̧nä̧hua̧rö̧mä̧ ppa̧'a̧dö̧mä̧ mitömä ȩmä̧huo̧ca̧'a̧ jä̧cua̧'a̧. Ja̧u̧rö̧mä̧ cuä'ö tticua pä'ötä jä̧cua̧'a̧.³⁰Cu̧cuȩ cuähuä rȩjȩttö̧ bahuö to̧mö̧rȩ jähuättömä̧ ji̧yȩtȩ, rȩjȩttö̧ bahuinö u̧huä̧ju̧ ote jö̧ttö̧'inä, dauhuiyä u̧huä̧ju̧ jacuä jähuämä̧ jö̧ttö̧'i̧nä̧, TÖ̧Ä̧NÄ̧HUA̧ jähuätä jä̧cua̧'a̧. TÖ̧Ä̧NÄ̧HUA̧ jähuä päi'önä̧tä̧ 'cä̧'ȩpö̧ ku̧nä̧huä̧cuȩ. ³¹Ya̧tȩ to̧mö̧rȩ jähuättö ji̧yȩtȩ ȩma̧ päöttömä̧, ȩmö̧ ttimita pä'ö pähui'ino̧mȩttö̧mä̧ ji̧mö̧te jähuä jo̧mȩ yabonä̧nö̧ jo̧mȩnä̧ i̧mi̧ta pä'ö jä̧cua̧'a̧.³²Pä̧cä̧yu̧ jö̧ttö̧'i̧nä̧, ovejatö̧ttö̧ jö̧ttö̧'i̧nä̧ ttu̧ru̧hua̧ pa̧ja̧tä̧rö̧ tta̧huä̧rä̧u̧ to̧mö̧renö̧ jo̧mȩnä̧ huotöttömä̧ ya̧tȩrö̧tä̧ TÖ̧Ä̧NÄ̧HUA̧RÖ̧ i̧yä̧hua̧ jö̧nä̧ 'cä̧'ȩpö̧ ku̧nä̧huä̧cua̧'a̧. ³³Isotö ttu̧ru̧hua̧mä̧ usa pä'ömä jo̧ca̧'a̧ jä̧cua̧'a̧ adihuätörö jö̧ttö̧'i̧nä̧, suropätörö jö̧ttö̧'i̧nä̧, ja̧'hua̧ta̧'a̧nö̧ ja̧u̧mä̧ ka̧ra̧ i̧sa̧cu̧mä̧ pärotö'i̧nä̧ icua pä'ömä jo̧ca̧'a̧ jä̧cua̧'a̧. Ja̧u̧ o'catoi'önä̧rö̧ pärotö icuttumä̧, pärotö icuähuotö ta̧ju̧cuäyotö 'cä̧'ȩpö̧ ku̧nä̧huo̧tö̧ jö̧nä̧tä̧ ttö̧ja̧cui̧'ä̧cuo̧tö̧. Pä'äjita'anö̧ ppa̧'ä̧dö̧mä̧ ȩmä̧huo̧co̧tö̧ ttäcuotö."³⁴Pi̧yȩ hueähuä huȩnȩmä̧ Sinaí mö̧ä̧'cattö TÖ̧Ä̧NÄ̧HUA̧ Moisésrö iyinö̧ ja̧'a̧ Israel ttö̧ja̧rö̧ u̧huo̧juȩti̧ya̧rö̧ pä'ö.

¹Pi̧yȩ ja̧'a̧ Moisés i̧huȩnȩ ucuocuinö o'catoi'önä Israel ttö̧ja̧rö̧ Jordán ajettömä kä̧hua̧ räopa'acunä de'a jui̧yä̧jä̧ttö̧, Jordán aje pämäroppä päi'omettö̧, Suf'inä, Parán'inä, Tófel'inä, Labán'inä, Hazerot'inä ja̧'hua̧ta̧'a̧nö̧ Dizahab'inä rȩjȩttö̧. ²Horeb mö̧ä̧'cattö kä̧mä̧dö̧ Cades barnea ötahuiyä jubömä̧ oncenö̧ mo̧ro̧ 'chä̧cuä̧huo̧mȩ ji̧no̧mȩ, Seír mö̧ä̧'cara̧'a̧ 'chä̧cuä̧huä̧mä̧ mä̧nä̧nä̧ 'chä̧nö̧mä̧.³Cuarentanö a̧'ȩ o'ca'a kä̧hua̧tö̧mä̧ oncenö huotö päi'omenä, Egipto rȩjȩttö̧ rättopinö̧ pätecuächö kä̧hua̧ttö̧ ä̧cuo̧mȩnä̧ mo̧ro̧ Moisésmä Israel ttö̧ja̧rö̧ ji'ähuinö, jitö jȩttä̧cuȩ o'cajuiyönä TÖ̧Ä̧NÄ̧HUA̧ hueinö̧mä̧. ⁴Pi̧yȩmä̧ 'cuäopina̧'a̧ TÖ̧Ä̧NÄ̧HUA̧ amorreos ttö̧ja̧ ttu̧ru̧hua̧ Sehón Hesbón ötahuiyänä ku̧cu̧'inä ja̧'hua̧ta̧'a̧nö̧ Basán rȩjȩttö̧ Astarot en Edrei ötahuiyänä ku̧ ru̧hua̧ Ogcu'inä urohuähuinö o'ca'a⁵Moab ręjęttö Jordán aje yabonättö, Moisésmä̧ jȩttä̧cuȩ kä̧mädö̧ ji'ähuinö pa̧'a̧nö̧ pä'önö̧: ⁶TÖ̧Ä̧NÄ̧HUA̧ cu̧ä̧nä̧hua̧tu̧cu̧ Dios mä Horebttö ujuturu ucuocumä pą'ąnö̧ pä'inö: Ucutumä recuo mo̧ro̧ ka̧cuä̧'i̧jä̧tö̧jä̧ pi̧yȩ mö̧ä̧'quiyunämä.⁷Amorreos ttöją ttidepiyu möä'quiyura̧'a̧ tätucui ją'huątą'a̧nö̧ juhuoröttömä tö'cönä Jordán ajettö pämäroppa päi'ome rȩjȩ cähueächi'ome o'cajuiyönä, möä'quiyötä päi'ome, rȩjȩ juiächi'ome Neguevttömä aje jäyotonä, Cananeos tti̧rȩjä̧nä̧ ją'huątą'a̧nö̧ Líbanonä̧'įnä, juoröttömä oto Éufrates aje jubö. ⁸Topötucui, cui̧rȩjä̧tu̧cu̧mä̧ ucutu cuä'catucu jo̧mȩ ku̧ni̧nö̧sä̧; ja̧huä̧jä̧nä̧ dodepipö ka̧cuä̧mä̧tu̧cui̧ TÖ̧Ä̧NÄ̧HUA̧ i̧mi̧nä̧ huȩnȩtö̧ cuä'o Abraham minärö'inä, Isaac minärö'i̧nä̧ ja̧'hua̧ta̧'a̧nö̧ Jacob mi̧nä̧rö̧'inä jahuätörö iya päinä̧jä̧ra̧'a̧ ja̧'hua̧ta̧'a̧nö̧ jahuätö tti̧tti̧mö̧rö̧'inä.⁹Ttömä ucutucumä ucuocuinösä̧ ja̧u̧nu̧ pänämä: TTÖ katätämä chu̧dä̧ri̧ya̧'a̧nö̧ jä̧cu̧sä̧ ucuturumä. ¹⁰Topätucui jitä mo̧ro̧ ucuturumä CUÄ̧NÄ̧HUA̧TU̧CU̧ Diosmä yo'epö icuinäu̧jä̧ mo̧ro̧jä̧ si̧ri̧'cö̧ jö̧'ta'anötä̧. ¹¹¡Cuä̧do̧ttö̧ minä TTÖ̧Ä̧NÄ̧HUA̧ Diostä, jua'a yabocu rö̧cuä̧chä̧tu̧cu̧nä̧ jȩ'a̧cuo̧tö̧jä̧, adi̧unätä̧ ppä'ädö, CHUTÄ jȩchä̧cua̧sä̧ päinöta'anö!.¹²¿Tta'anö ttö katätä ämä'cö juä'i chȩpa̧ päcuätucuä, ucutu cua̧'cua̧ tta̧cuȩcuä̧tu̧cu̧'inä cuesehuätucuoca'amä?. ¹³Ja̧'hua̧nö̧ jö̧ttö̧mä̧ ȩmi̧ yotöte isäsattö ya̧cu̧nä̧ro̧ adiunä huo̧juȩcu̧nä̧ huotörö, ttötä jȩchä̧cua̧sä̧ ucutu curuhuotö pätti'önä. ¹⁴Ucututä ttörö ädätö pä'inätö̧jä̧: Cucuocuäjimä adihua'a ujutu jȩta̧ pä'ömä.¹⁵Ja̧'hua̧nö̧ ja̧'a̧ttö̧, ttahuaruhä o'cotö u päi'önä ko̧cuä̧tö̧ttö̧ ȩmi̧nö̧sä̧, ttö̧ja̧ huo̧juä̧tö̧ttö̧'i̧nä̧, ttö̧ja̧ ucuounä ko̧cuä̧tö̧ttö̧'i̧nä̧, ucutu curuhuotö jö̧nä̧ jȩpi̧nö̧sä̧, milnö jo̧mȩnä̧ tu̧ru̧hua̧ jo̧nä̧, cien'nö jo̧mȩnä̧ huea pä'ö'inä, cincuentanö ttu̧ru̧hua̧ jö̧nä̧'i̧nä̧, dieznö jo̧mȩnä̧ ttu̧ru̧hua̧ jö̧nä̧'i̧nä̧, yotucunä ttahuaruhä o'cotö tturuhuotucu jö̧nä̧'i̧nä̧. ¹⁶Ttötä hue'inösä to̧ä̧rä̧cuä̧huä̧ ttö̧ja̧rö̧'i̧nä̧ ja̧u̧nu̧ pä̧nä̧mä̧, pa̧'a̧nö̧ pä'ö: Ä̧ju̧cuä̧tu̧cui̧ ji̧nä̧ yotöte isotötä pättä'chäcuähua'a, jueönätä pä'ätucui jahuätöä tti̧jä̧hua̧tu̧cu̧ pättö'chäcuäumä , ja̧'hua̧ta̧'a̧nö̧ i̧chä̧cuä̧huä̧ jahuätucu kö̧'i̧nä̧.¹⁷Ucutumä pidemäcö̧ pidetä ja̧'a̧ pä'ö'inä päcuätucuä; ä̧ju̧cuä̧tu̧cui̧ ji̧'qui̧cha̧hua̧rö̧'i̧nä̧ buorö'inä yoräteunätä. Ya̧tȩrö̧'i̧nä̧ yecuäcuätucuä, Diostä ja̧'a̧ ro̧ȩpä̧cua̧mä̧. Ji̧nä̧ yo̧mȩtȩ adihuomenä päcujuiyätucuttumä, ichätucui cho̧jo̧mȩcu̧, ttämä chä̧ju̧cuä̧cua̧sä̧, ¹⁸Ttötä huȩdä̧cua̧sä̧ ja̧u̧nu̧ pä̧nä̧ jȩcu̧'ä̧tu̧cua̧'a̧nö̧ jö̧mä̧.¹⁹Otonä 'cuäopinätö̧jä̧ Horeb deattömä ja̧'hua̧nö̧ ja̧'a̧ttö̧ 'chi̧nä̧tö̧jä̧ dea juiyome o'cajuiyönä surojomenä topinätö̧jä̧ ucutumä, amorreos ttö̧ja̧ tti̧rȩjä̧nä̧ mu̧ä̧'qui̧yu̧nä̧ rä̧mä̧nä̧, ujutu TÖ̧Ä̧NÄHUA̧ DIOS hueäjita'anö; ja̧'hua̧nö̧ ja̧'a̧ttö̧ rȩbȩhui̧nä̧tö̧jä̧ Cades Barneara̧'a̧.²⁰Ji̧dä̧hui̧nä̧'u̧jä̧: cuichätucua pe'ö amorreos tti̧rȩjä̧ mö̧ä̧'qui̧yura̧'a̧nä̧, ujutu TÖ̧Ä̧NÄHUA̧ DIOS hueinöta̧'a̧nö̧. ²¹Ä̧ju̧cu'ä̧tu̧cui̧, CUÄ̧NÄHUA̧TU̧CU̧ DIOS ucuturö i̧yä̧u̧jä̧ cui̧rȩjä̧tu̧cu̧; tätucui, TÖ̧Ä̧NÄHUA̧ ȩmu̧'a̧nö̧ ȩmä̧tu̧cui̧, cuätucu DIOS, ucuocuinöta̧'a̧nö̧ ucuturu; yecuecuätucuä, ja̧'hua̧ta̧'a̧nö̧ ja̧a̧ta̧ra̧'a̧ päcui'ätucuä.²²Ucututä yotucunä ichö päcuinä̧tu̧cuä̧cu̧sä̧: "Ujututtö yotöterö tä'canä̧ hue'i, rȩjȩ usäu tti̧'chä̧cua̧'a̧nö̧ ujutu ttiminä, i̧u̧ i̧hui̧pö̧'cotö, jittähuatö ti̧mä̧ mä̧nä̧nä̧ ti̧'chä̧cua̧'a̧ja̧ pä'ö rohuäumä ja̧'hua̧ta̧'a̧nö̧ ötahuiyämä dodetä̧cuä̧ ötö'cö'unä.' ²³"Ucutu jicuähuätucumä juiyo adihuinä̧cu̧sä̧; ucututtumä̧ docenö huotörö pojopö ȩmi̧nö̧sä̧, ya̧tȩttö̧ yo'ähui'inä̧tö̧ttö̧mä̧ ya̧tȩpö̧nä̧tä̧. ²⁴Jahuätömä̧ usäu 'chä̧nö̧mä̧ mö̧ä̧'quiyura̧'a̧cu̧ 'cha'achinä̧tö̧, Escol rȩjȩ pämärächi'ome rȩbȩhui̧pi̧nä̧tö̧ ju̧huȩnȩ rȩbȩhui̧pö̧mä̧ rȩjȩ o'cajuiyönä̧tä̧ usähuinä̧tö̧.²⁵Ja̧huä̧jä̧ rȩjȩttö̧ cuähuä u̧huä̧ju̧ 'to'äjä'cotö i'cächinä̧tö̧, ja̧'hua̧ta̧'a̧nö̧ jahuätömä ji'ähuinä̧tö̧: "TTÖ̧Ä̧NÄ̧HUA̧ tö̧ä̧nä̧hua̧ Dios i̧yä̧jä̧ rȩjȩmä̧ juiyo a̧di̧huä̧jä̧ jä̧ja̧'a̧ pä'ö".²⁶Ja̧'hua̧nö̧ ja̧'a̧nä̧'inä, ucutumä curohuähua pä'ocotö pinä̧tö̧jä̧, tturohuähuajueimä TÖ̧Ä̧NÄ̧HUA̧ Dios hueinötä ucuotö jȩpi̧nä̧tö̧jä̧. ²⁷Cuoju odehuiyätucunä kä̧nö̧ jarodömä pä'inä̧tö̧jä̧: Isopäi'önä TÖ̧Ä̧NÄ̧HUA̧MÄ̧ öjö'cocoujä̧, Ja̧u̧tä̧ ja̧'a̧ Egipto rȩjȩttö̧ rä'epö icuinömä, amorreos ttö̧ja̧ ttö̧mö̧nä̧ iyö icuatö pä'ö, ujuturu si'epö tticuinä. ²⁸¿Jitämä totä ti̧'cha̧'a̧ttö̧? Tö̧jä̧hua̧tö̧mä̧ rö̧ä̧nä̧ yetecui'önä pa̧'a̧nö̧ ji̧ttä̧huä̧u̧jä̧: Jahuätö ttö̧ja̧mä̧ tä̧mö̧ ja̧'a̧, ujututtö'inä abonänö otopäjätö ja̧'hua̧ta̧'a̧nö̧ ötahuiyä'inä bäreö ja̧'a̧ jäyänä ttoecuä obämä juiyo ju'toju jä̧ji̧ mo̧ro̧jä̧ra̧'a̧ jubö päi'önä ja̧'hua̧ta̧'a̧nö̧ juhuorömä Anac i̧tti̧mö̧rö̧'inä topäjätöjä̧."²⁹Ja̧'hua̧nö̧ päcuiyätucuäcu ucuturu pä'äjisä: Yecuecui'ätucuä, ja̧'hua̧ta̧'a̧nö̧ jahuätörömä yecuecuätucuä. ³⁰TÖ̧Ä̧NÄ̧HUA̧ cu̧ä̧nä̧hua̧tu̧cu̧ Dios, cuä'catucunä 'chömä, ucuturu ppä'ädö u̧ro̧huä̧huä̧cua̧, o'cajuiyötä Egipto rȩjȩttö̧ to̧'cuä̧rä̧tu̧cua̧'a̧nä̧ jȩi̧nö̧ta̧'a̧nö̧, ³¹ja̧'hua̧ta̧'a̧nö̧ de'a jui̧yä̧jä̧ttö̧'i̧nä̧, TÖ̧Ä̧NÄ̧HUA̧MÄ̧ cu̧ä̧nä̧hua̧tu̧cu̧ Diosmä tta̧huä̧ra̧'a̧ to'cuinätucu ta'anö, ya̧tȩ i̧tti̧rö̧ cä̧'ȩpä̧rö̧ tta̧huä̧ra̧'a̧ jä̧'i̧ja̧'a̧nö̧, o'cajuiyönä cuecuächätucu o̧du̧nä̧mä̧ pȩnȩ cui̧rȩbȩhui̧'ä̧tu̧cuo̧mȩ jubö päi'önä.³²Ja̧'hua̧nö̧ ja̧'a̧nä̧ CU̧Ä̧NÄ̧HUA̧TU̧CU̧ i̧huȩnȩmä̧ ucutumä cuju'cätucuocö ji̧nö̧ ja̧'hua̧nö̧ jo̧mȩttö̧ TÖ̧Ä̧NÄ̧HUA̧ cu̧ä̧nä̧hua̧tu̧cu̧ Diosrömä estocotö pinä̧tö̧jä̧, ³³cuä'catucunä 'chi̧nö̧rö̧mä̧ cu̧jä̧tu̧cuä̧cuo̧mȩ ö̧'o̧cui̧'a̧ pä'ö, yodomä ocuränä ja̧'hua̧ta̧'a̧nö̧ mo̧ro̧tä̧ ajiya isoppanä.³⁴TÖ̧Ä̧NÄ̧HUA̧MÄ̧ cui̧huȩnȩtu̧cu̧ rä̧mi̧pa̧'a̧ ä̧ju̧cui̧nö̧ ja̧'hua̧nö̧ ä̧ju̧cu̧ rä̧huä̧ri̧nö̧; Ja̧u̧ ra̧huä̧rö̧mä̧ iminä huȩnȩcu̧ pä'inö: ³⁵Isopäi'önä̧tä̧ pitö ttö̧ja̧ jitä mo̧ro̧ ka̧cuä̧tö̧ suropätömä̧ ttö̧tä̧mö̧mi̧nä̧rö̧ chi̧yä̧cuä̧jä̧ a̧di̧huä̧jä̧ rȩjȩmä̧ topocotö ttäcuotö, ³⁶ya̧tȩ Caleb Jefone i̧tti̧tä jä̧cua̧'a̧, to̧ä̧cua̧mä̧. Ja̧u̧ ö̧jä̧dä̧jä̧mä̧ ja̧u̧rö̧tä̧ chi̧yä̧cua̧sä̧ ja̧'hua̧ta̧'a̧nö̧ i̧tti̧mö̧rö̧'inä, isopäi'önä ja̧u̧mä̧ jo̧mȩnö̧tä̧ Diosrö ucuotä'ija'attö.³⁷Ja̧'hua̧nö̧ ja̧'a̧ttö̧, ucutu jähuänä TÖ̧Ä̧NÄ̧HUA̧MÄ amisunä toinä̧cu̧sä̧, pa̧'a̧nö pä'ö: Ucu'inä do'ächocö cuäcua̧jä̧ juä̧nȩmä̧: ³⁸Nun i̧tti̧ Josuétä ja̧'a̧ ucu cuä'canä kö̧mä̧, ja̧u̧tä̧ jä̧cua̧'a̧ juänȩ doächäcua̧mä̧: esehuächiönä jȩpi̧rö̧, ja̧u̧tä̧ ja̧'a̧ I̧srael ttö̧ja̧rö̧ juȩpä̧ra̧cua̧mä̧ ttemomejobu päi'önä.³⁹Ja̧'hua̧nö̧ ja̧'a̧nä̧'i̧nä̧, ucu cui̧tti̧mu̧ po̧'ä̧tö̧ ttotte'äcuotö päcuinä̧u̧mä̧, jitämä adiu'inä surojö'inä huo̧juo̧co̧tö̧ jahuätömä juhuäne dottächäcuotö. Jahuätörö chiyäcua̧sä̧ ja̧'hua̧nö̧ ja̧'a̧ttö̧ jahuätömä ttȩmä̧cuo̧tö̧. ⁴⁰Ja̧'hua̧nö̧ ja̧'a̧nä̧ ucumä, ppa̧'a̧chi̧ täí de'a jui̧yä̧jära'acutä dubora tuhuora mänära̧'a̧cu̧.⁴¹Ja̧u̧nu̧ o'ca'a ucutu ädätö päcuinätu̧cuä̧cu̧sä̧: Suronä jȩpä̧'jä̧tö̧jä̧ TÖ̧Ä̧NÄ̧HUA̧ ä'cajo̧mȩttö̧; 'cha'chepö törohuähuäcuotöjä ja̧'hua̧ta̧'a̧nö̧ ujutu TÖ̧Ä̧NÄ̧HUA̧ Dios hueinö'anötä̧ jȩtä̧cuo̧tö̧jä̧. Ucutumä ya̧cu̧pö̧nä̧ curä rohuäcuähuä ku̧nä̧rä̧tö̧jä̧, ja̧'hua̧nö̧ ja̧'a̧ttö̧ jo̧mȩnö̧ kä̧tö̧jä̧ mö̧ä̧'quiyu de'a jo̧mȩ ko̧cuä̧tö̧rö̧ curohuähuätucua pä'ö. ⁴²CHÖ̧Ä̧NÄ̧HUA̧ päinäcu̧sä̧: Jahuätörö ji'ähui: "Jȩcu̧'ä̧tu̧cuä̧tö̧ rohuäu'inä curohuähuätucuä, TTÖMÄ ucutucu ko̧cö̧ kä̧cua̧sä̧, ja̧'hua̧nö̧ ja̧'a̧ttö̧ cuabo'iyotötä rohuäu tticuäcuotöjä."⁴³Ttömä päji ta'anö ji'ähuinösä̧, ja̧'hua̧nö̧ ja̧'a̧nä̧ ä̧ju̧cuo̧co̧tö̧ pinätö̧. Ucutumä TÖ̧Ä̧NÄ̧HUA̧ päinö'a̧nä̧ jȩpo̧co̧tö̧ pinätö̧jä̧; Ucutumä cua̧mo̧nä̧ cujurutucunätä muä'ca de'a jo̧mȩ ko̧cuä̧tö̧rö̧ rohuäu 'chi̧nä̧tö̧jä̧. ⁴⁴Ja̧'hua̧nö̧ ja̧'a̧nä̧ muä'ca de'a jo̧mȩ ko̧cuä̧tö̧ amorreomä, ucuturutä rohuäu icuinätö̧ ja̧'hua̧nö̧tä̧ mayatö jä̧'i̧nö̧'a̧nö̧ ruttinä̧u̧jä̧, ttö̧ro̧huä̧hui̧nä̧u̧jä̧ Seir rȩjȩttö̧, Horna ötahuiyä jö̧ta̧'a̧nö̧ oto ja̧'a̧ juȩnȩmä̧.⁴⁵Ucutu ppa̧a̧chi̧nä̧tu̧jä̧ ja̧'hua̧ta̧'a̧nö̧ TÖ̧Ä̧NÄHUA̧ ö̧jo̧mȩttö̧ ajahuinätö̧jä̧, ja̧'hua̧nö̧ ja̧'a̧nä̧ ä̧ju̧co̧co̧pi̧nö̧ cuajahuätucumä TÖ̧Ä̧NÄHUA̧, ja̧'hua̧ta̧'a̧nö̧ ucuturu ja̧a̧tä̧ to̧i̧nä̧u̧jä̧. ⁴⁶Ja̧'hua̧nö̧ ja̧'a̧ttö̧ ki̧i̧pi̧nä̧tö̧jä̧ Cades rȩjȩnä̧ recu'o moró̧, o'cajuiyönä moró̧ 'cuäcuopinätu̧cu̧mä.

¹Ja̧u̧nu̧ o'ca'a i̧huo̧po̧'ö̧ i̧huä̧ji̧ ppa̧'a̧chi̧'i̧nä̧tö̧jä̧ ja̧'hua̧nö̧ ppa̧'a̧chi̧'ö̧mä̧ de'a rȩjȩ jui̧yä̧jä̧ttö̧mä̧ dubora tuhuorara̧'a̧cu̧ rä̧mä̧ mä̧nä̧nä̧ 'chi̧nä̧tö̧jä̧, TÖ̧Ä̧NÄ̧HUA̧ ttörö ucuocuinöta'anötä̧; ujutumä seir möä'ca jäyänä recuo mo̧ro̧ cue'ächinä̧tö̧jä̧. ²TÖ̧Ä̧NÄ̧HUA̧MÄ̧ Ttörö pa̧'a̧nö̧ pä'önö ucuocuinö: ³Ucutumä ji'caja möä'ca jäyänä hui̧sä̧tö̧ cue'ächä'ijätöjä̧ recuo mo̧ro̧, jitämä cu̧huo̧juä̧tu̧cua̧'a̧cu̧ hui̧sä̧ti̧'ö̧ tätucui.⁴Ttö̧ja̧rö̧mä̧ pa̧'a̧nö̧ pä'itö: Ucutumä cui̧jä̧hua̧tu̧cu̧ Esaú i̧tti̧mö̧ Seir möä'canä ka̧cuä̧tö̧ tti̧rȩjä̧ beipomenä 'cuäcuopäcuotöjä̧; jahuätömä yettecuäcuäu̧jä̧. Ja̧'hua̧nö̧ ja̧'a̧ttö̧ ttu̧'ȩpä̧rö̧nö̧ ka̧cuä̧tu̧cui̧ ⁵jahuätucumä curohuähuätucuä, jahuätö tti̧rȩjä̧ttö̧mä̧ chiyococu cuä̧cua̧jä̧ ja̧huä̧jä̧ rȩjȩnä̧ cu̧jä̧pö̧ dȩa̧'a̧ kȩdä̧huä̧chö̧ttö̧'inä; juhua'amä Seir möä'camä Esaú i̧rȩjä̧ päi'önä chiyinomr ja̧'a̧ttö̧.⁶Ucutumä jitö ttu̧cuȩttö̧ pärätänä mitö cuȩmä̧tu̧cua̧ja̧, cucuätucua pä'ömä; ja̧'hua̧ta̧'a̧nö̧ jahuätöttötä ajiya'inä pärätänä mitö cuȩmä̧tu̧cua̧ja̧, cahuätucua pä'ömä. ⁷Isopäi'ömä TÖ̧Ä̧NÄ̧HUA̧ cu̧ ä̧nä̧hua̧ Diosmä cuäditomenämä o'cajuiyönätä̧ adihuomenätä jö̧nä̧ ppädä'ijäcujä̧; de'a jui̧yä̧jä̧nä̧ 'cuä'opö cui̧'chä̧cuȩmä̧ Ja̧u̧mä̧ huo̧jui̧nö̧. Cuarentanö a̧'ȩ jo̧mȩnä̧ TÖ̧Ä̧NÄ̧HUA̧ cu̧ ä̧nä̧hua̧ Diosmä ucutäcu kä̧'i̧jö̧ ja̧'hua̧nö̧ jo̧mȩttö̧ ucuru recuä rö̧jö̧mä̧ o'cajuiyötä ku̧nä̧rä̧'i̧jö̧jä̧.⁸Ja̧'hua̧nö̧ ja̧'a̧ rȩjȩ tö̧jä̧hua̧tö̧ ttö̧ja̧cuä̧jä̧ra̧'a̧cu̧ 'cuä'opinä̧tö̧jä̧, Esaú i̧tti̧mö̧ 'cotö ttö̧ja̧cuo̧mȩ Seirnä, Arabá mä̧nä̧ttö̧mä̧ otonä cuä̧o̧pä̧mä̧nä̧ Elat-ttö kä̧mä̧dö̧ Ezión geber jubö. Juhuorömä̧ ppa̧'a̧chä̧chö̧ kara'anä̧ sobötö Moabttö de'a jui̧yä̧jä̧nä̧ 'chä̧mä̧nä̧ 'chi̧nä̧tö̧jä̧.⁹TÖ̧Ä̧NÄ̧HUA̧MÄ̧ päinäcu̧sä̧: Moab ttö̧ja̧rö̧mä̧ mȩcuo̧pä̧rä̧, ja̧'hua̧ta̧'a̧nö̧ curänä'inä curohuähuä. Isopäi'önä ja̧huä̧jä̧mä̧ cui̧rȩjä̧ päi'önämä chiyococö cuä̧cua̧jä̧, juhua'amä ja̧u̧ Ar ötahuiyämä Lot i̧tti̧mä̧ ttö̧jä̧cuo̧mȩ päi'önä iyinö̧sä̧.¹⁰(Emitas pä̧ttä̧u̧ ttucuo ku̧nä̧rä̧tö̧ recuätömä ä'cojimä ju̧huȩnȩ ka̧cui̧nä̧tö̧ ja̧'hua̧ta̧'a̧nö̧ ttöotomä otopinä̧tö̧ Anac i̧tti̧mö̧ ji̧nö̧ta'anö; ¹¹jahuätömä refaítascö pä'ö'inä o̧tti̧nä̧u̧ ji̧na̧'a̧, Anac i̧tti̧mö̧rö̧ ottinöta'anö̧; ja̧'hua̧nö̧ ja̧'a̧nä̧ Moab rȩjȩ ttö̧ja̧rö̧mä̧ Emitas pä'ö o'inätö̧.¹²Horeos ttö̧ja̧'i̧nä̧ ka̧cui̧nä̧tö̧ Seirnä ja̧'hua̧nö̧ ja̧'a̧nä̧ pitömä ä'canä ka̧cui̧nä̧tö̧ jahuätötömä, ja̧'hua̧nö̧ ja̧'a̧nä̧ Esaú ahuäruhuä o'cotöttömä 'cuä'opinä̧'a̧ ji̧yȩtȩ. Jahuätömä jahuätörö cuä'öicu juȩnȩtä̧ ka̧cui̧nä̧tö̧, Israel ttö̧ja̧ tti̧rȩjä̧ jȩtti̧nö̧ta'anötä̧ TÖ̧Ä̧NÄ̧HUA̧ iyinä̧jä̧ jahuätörö.¹³Jitämä ä̧rä̧mi̧'í̧ Zered aje pu̧'oto huerächomȩcu̧ cui̧'cha̧. ¹⁴Ja̧'hua̧nö̧ ja̧'a̧ttö̧ 'chi̧nä̧tö̧ja̧ zered aje huerächomȩcu̧. Jjitä mo̧ro̧ 'cuäopinä'a̧ Cades Barnea rȩjȩttö̧ kä̧mä̧dö̧ tichinomȩttö̧mä̧ Zered aje pu̧'oto tijähuomejobumä, ji̧nä̧'a̧ treinta y ocho a̧'ȩ jo̧mȩ. Ja̧'u̧nu̧ kä̧mä̧dö̧ jitä päi'önä ja̧'a̧, jahuätöttö u̧mä̧tö̧ o'catoi'önä curä ttörohuähua pä'ö ka̧cui̧nä̧tö̧mä̧, 'coru juo'ächinä̧tö̧, TÖ̧Ä̧NÄ̧HUA̧ jahuätörö päinö ji̧nö̧ ta'anö. ¹⁵Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧MÄ̧ jahuätö isotörömä öjö'cö juiyönä topinö, jitötä tta̧monä rohuäu totte'iyarö pä'ötä jȩi̧nä̧u̧.¹⁶Ja̧'hua̧nö̧tä ja̧'a̧ 'cuä'opina'a̧ o'catoi'önä rohuäu jo̧mȩnö̧ huäjätö 'corujuottächäji o'ca'a, ttö̧ja̧ ttö̧'cä̧tȩttö̧ tti̧huä̧ji̧ o'ca'a, ¹⁷TÖ̧Ä̧NÄ̧HUA̧ ucuocuinäcu̧sä̧, pa̧'a̧nö̧ pä'ö: ¹⁸jitä mo̧ro̧ 'cuäcuopajá Ar ötahuiyänä, Moab rȩjȩ bȩi̧pä̧ro̧mȩnä̧. ¹⁹Amón ötahuiyä tö'cönä 'cuäcuopomenämä, ja'huätörömä mȩcuo̧pä̧rä̧ ja'huätucu'inä curohuähuä; juȩnȩmä̧ TTÖ iyo'cö chä̧cua̧sä̧ Amón ötahuiyä ttö̧ja̧ tti̧rȩjä̧ päi'önämä; Jȩnȩmä̧ TTÖ iyinö̧sä̧ Lot i̧tti̧mö̧ tti̧rȩjä̧ päi'önä.²⁰Ja̧'hua̧nö̧ ja̧'a̧nä̧'i̧nä̧ juȩnȩ rȩjȩmä̧ pättöme Rafaim ahuaruhuä tti̧rȩjä̧ pä'ö. Refa ttö̧ja̧mä̧ ä̧cuo̧mȩnä̧tä̧ päi'önä juȩnȩtä̧ ko̧cui̧nä̧tö̧, ja̧'hua̧nö̧ ja̧'a̧nä̧ Amón ttö̧ja̧mä̧ pä̧tti̧nä̧u̧ Zomzomeos, ja̧'hua̧nö̧ pä'ömä ttö̧ja̧ tä̧mö̧ pä'ö pä̧tti̧nä̧u̧. ²¹Ötahuiyä rö̧o̧mȩ ji̧na̧'a̧, ttö̧ja̧'i̧nä̧ ttirecuome, Anan ttö̧ja̧ jö̧ ta̧'a̧nö̧ tä̧mö̧ pinätö̧ ja'huätömä. Ja̧'hua̧nö̧ ja̧'a̧ttö̧ Ttö̧ä̧nä̧hua̧tä̧ si'epö i̧cui̧nä̧u̧ Amón ttö̧ja̧ ttä'cattö, ja'huätörö si'epö icu ttö̧jä̧'i̧jo̧mȩ ko̧cui̧nä̧tö̧. ²²TÖ̧Ä̧NÄ̧HUA̧MÄ̧ ja̧'hua̧ta̧'a̧nö̧ jȩpi̧nö̧ Esau umuhuäyotörö'inä, Seir ötahuiyänä ko̧cuä̧tö̧rö̧, ja̧u̧mä̧ si'epö icuinö Horeos pä̧ttä̧u̧ru̧ jahuätö ttä'cattö, Esaú i̧tti̧mö̧ rohuäu icuinätö̧ ja'huätörö ja̧'hua̧nö̧ ja̧'a̧tö̧ ja'huätömä juȩnȩtä̧ ko̧cuä̧tö̧ jitä mo̧ro̧ jubu päi'önä.²³Jitödä̧ ttö̧jo̧mȩ ka̧cui̧nä̧tu̧ Aveos ttö̧ja̧ Gaza jö̧ta̧'a̧nö̧ otó, ja̧'hua̧ta̧'a̧nö̧ Caftoreos ttö̧ja̧'i̧nä̧, ichinö'cotö Caftor rȩjȩttö̧, juȩnȩ ka̧cui̧nä̧tö̧ 'choipino'cotö.²⁴Jitä a̧ra̧mi̧i̧, tätucui cui̧'chä̧tu̧cuo̧mȩnä̧tä̧ 'cuäcuopatuajá Arnón muä̧tȩtȩ jo̧mȩnä̧; ä̧ju̧cuä̧tu̧cui̧, chiyinäcu̧ ujurö Sehónrö̧ Amorreorö 'choipa pe'ö, ru̧huá̧ Hesbónrö̧ ja̧'hua̧ta̧'a̧nö̧ i̧rȩjä̧'i̧nä̧. kä̧mä̧dö̧ jo̧u̧cu̧ rohuähui. ²⁵Jitä́ moró̧ kä̧mä̧dö̧ jȩchä̧cua̧ ri̧ȩnä̧ yecue'inä ucuturö ja̧'hua̧ta̧'a̧nö̧ deiyu ttö̧ja̧cuo̧mȩpunä̧ ka̧cua̧tu̧rö̧'i̧nä̧; jahuätö ucuturu ttä̧ju̧cu̧o̧mȩnä̧ ja̧'hua̧ta̧'a̧nö̧ yettecui'äcuottö, tta̧'cua̧ tta̧ttȩcuä̧cuo̧tö̧ jahuätö ttöjuröhuö.²⁶Ttömä huȩnȩ jiäcuähuä ttö̧ja̧rö̧ Cademottö Hesbón pä'ö micuome ru̧hua̧ Sehón ö̧jo̧mȩcu̧ hue'äjisä, chi̧huȩnȩ huȩnȩ juiyönä kä̧cuä̧huä̧nä̧ pä'ö kä̧nö̧: ²⁷Cui̧rȩjä̧nä̧ 'cuädopa'anä ja̧'a̧tä̧ topittö, mänänätä chi̧'chä̧cua̧sä̧, chu̧huo̧jua̧'a̧cu̧'i̧nä̧ ja̧'hua̧ta̧'a̧nö̧ chu'ohuecu'inä 'cä̧di̧pä̧cho̧ca̧'a̧tä̧.²⁸Cuäcuähuämä pärätänä̧tä̧ cuiyattöjä̧, ja̧'hua̧nö̧ mitötä chucu'anö ja̧'a̧, ajiya'inä pärätänätä cuiyattöjä, ajiya chahua pä'ömä, suro chö̧jä̧pö̧nä̧tä̧ chi̧'cha̧'a̧nä̧ ja̧'a̧tä̧ topittö; ²⁹Esaú i̧tti̧mö̧ Seir möä'canä ka̧cuä̧tö̧mä̧, ja̧'hua̧ta̧'a̧nö̧ moab ttö̧ja̧ Ar ötahuiyänä ka̧cuä̧tö̧mä̧ TÖ̧Ä̧NÄ̧HUA̧ ti̧rȩjä̧ päi'önä i̧yä̧jä̧cu̧ 'chä̧nö̧ Jordán aje töjähua'anä ppä̧ttä̧di̧nä̧u̧jä̧.³⁰Ja̧'hua̧nö̧ ja̧'a̧nä̧, Hesbón ötahuiyättö ru̧hua̧mä̧, i̧rȩjä̧nä̧ 'cuättopiyarö pä̧'ö̧mä̧ huȩ'o̧cö̧ pinö; Juhua'amä TÖ̧Ä̧NÄ̧HUA̧ Dios ja̧u̧ amiso'quinä ami'quiädäcuäunä jȩo̧mȩttö̧, ja̧u̧rö̧ rohuäu cuicuarö pä'ö ucutä cu̧mö̧nä̧ iyö jitä mo̧ro̧ jȩä̧ji̧ta'anötä̧. ³¹TÖ̧Ä̧NÄ̧HUA̧MÄ̧ päinä̧cu̧sä̧: Topittö, jitä kä̧mä̧dö̧ Sehónrö chiyäcu̧jä̧ ja̧'hua̧ta̧'a̧nö̧ i̧rȩjä̧'inä cuä'ca jo̧mȩttö̧ chiyäcujä; cui̧rȩjä̧, kä̧mä̧dö̧ 'cho'ipirö, ja̧'hua̧nö̧ jo̧mȩnä̧ cui̧rȩjä̧ jö̧nä̧ cu̧jä̧mä̧dä̧cua̧a'anö."³²Ja̧'hua̧nö̧ ja̧'a̧ Sehónmä ucutucu urohuähua pä'ö ichinö, chutä'inä juhua'atäcu ahuaruhuä'inä o'catoi'önäcu̧tä̧, Jahaza pä'ö micuomettö̧ urohuähua pä'ö. ³³TÖ̧Ä̧NÄ̧HUA̧ Diosmä ujuturu iyinö, i̧yä̧jä̧u̧mä̧ rohuäu ticuinäcu; 'coru päi'ome jubö cuäcuätinäcu, i̧tti̧mö̧rö̧'inä ja̧'hua̧ta̧'a̧nö̧ ahuaruhuärö'inä.³⁴Ja̧u̧nu̧ mo̧ro̧mä̧ idepiyu ötahuiyämä o'cajuiyötä 'chu'ädinätöjä ja̧'hua̧nö̧ jȩpö̧ ötahuiyämä ji̧yȩcu̧jä̧ si'epö ticuinö̧, uborö'inä isajuru'inä ja̧'hua̧ta̧'a̧nö̧ ppo̧'ä̧tö̧rö̧'inä, ya̧tȩrö̧'inä yorö'iso a̧'cua̧ra̧rö̧mä̧ ku̧ni̧po̧co̧tö̧ pinätö̧jä̧. ³⁵Tȩmä̧ji̧ jö̧nä̧mä̧ suro pä̧cä̧yu̧rö̧tä̧ ujutumä̧ ȩmi̧nä̧tö̧jä̧, ötahuiyättö 'chu̧tä̧dä̧u̧cu̧mä̧.³⁶Arnón aje jäyoto ppämäroppä päi'ome huȩju̧ Aroer ötahuiyättö kä̧mä̧dö̧mä̧ ja̧'hua̧ta̧'a̧nö̧ pä̧mä̧roppä päi'ome Galaad möä'canä̧ huȩju̧ ötahuiyä jubö cä'ädö, ujutu do'ächö turuhuähuäco̧u̧ ki̧'i̧pä̧jä̧tö̧mä̧ toina'a. TÖ̧Ä̧NÄ̧HUA̧ Diosmä taboiyotö o'catoi'önä̧rö̧ rohuäu iso juotepönä iyinäujä tä'canä ka̧cuä̧tö̧rö̧mä̧. ³⁷Yo̧mȩtȩ Amón i̧tti̧mö̧ 'co̧tö̧ ttö̧ja̧cuä̧jä̧nä̧tä̧ ji̧na̧'a̧ cui̧'chi̧ca̧'a̧ ji̧na̧'a̧mä̧, Jaboc aje pä̧cuä̧dä̧jä̧nä̧mä̧ jä̧ttä̧yä̧jä̧tä̧ ja̧'hua̧ta̧'a̧nö̧ ötahuiyä möä'quiyunä huȩju̧'inä ja̧u̧ o̧du̧ pönä̧mä̧ TÖ̧Ä̧NÄ̧HUA̧MÄ̧ Diosmä ti̧'cha̧ pä'ömä hue'ocö pinö̧.