PANYALASOT NANG MULO-MULO ¹dah manyak urokng barusoho nyusun catatan nang ado hubungane dah tajadi katangoh-tangoh diri, ²angayo catatan nang dah dinyampeot ka diri oleh urokng-urokng nang jaman dee dah jaji saksi mato lantas panyampeot firman. ³karamo aku dah maajari samuae secaro taliti dari mulae, baeklah aku ugo nulisot secaro baurutan onto'ngu, hai Teofilus nang setia, ⁴supayo kao biso nahui kabanarot nang hal-hal dah dingajarot ka kao.MARENAHUI YOHANES PAMAPTIS⁵pado waktu pamarintoh Herodes, Rajo Yudea, ado urokng imam banamo Zakharia nang asale dari kalompok imam Abia. binie asale dari katurunan Harun, lantas namoe adolah Elisabet. ⁶zakharia nang Elisabet adolah urokng-urokng nang banar kamato Allah. ne'udo idup ano' kotor sasuai nang samuae ukum nang parintoh Tuhan. ⁷tapi, ne'udo ano' baranak karamo Elisabet mandul lantas urokng ba duo dah tuho sidi.⁸waktu giliran rombongane onto' batugas, Zakharia namu tugas onto' jaji imam kaadapot Allah. ⁹manurut kabiasaan imam, Zakharia kano pilih manurut undian onto' taamo kabait Allah lantas nunu persembahane onto Tuhan. ¹⁰pado saat persembahane di ngantarot, samuae umat badoa ka luar.¹¹tibo-tibo, malaekat magariot dirie ka zakharia lantas badiri kasabaloh pangung persembahan. ¹²waktu nanang malaekat koo, zakharia jaji gagatar lantas kagaianan sidi. ¹³tapi malaekat koo bakato ka iyo, "ame gai, zakharia, makae doa pamohonanngu dah dinangar. biningu, Elisabet, pasti maranakot anak angaki onto'ngu lantas lantas kao mare io namo Yohanes.¹⁴kao pasti kaasoot lantas karepoot, lastas manyak urokng ugo pun ikut kaasoot atas kalahirane. ¹⁵io jaji ayo kaadapot Tuhan lantas ano' nyocok angur nyocok minuman karas laene. bahkan waktu io kadoop parut uma'e io dipanuhi Roh Kudus.¹⁶Io mao ngamuat urokng Israel ba muok Ka Tuhan, Allah na'ido'. ¹⁷Io mao bajoot ngadohoi Tuhan nang Roh ba kuaso Elia unto' ngamuat ati bapo'-bapo' muok ka kamudo-kamudo na'ido'. Io gae mao nyurh urokng picayo sidi unto' muok ka hikmat-hikmat urokng. Nang jaiolah Io nyiapot umat nang dah di njadiaot unto' Tuhan¹⁸Zahkaria bakato ka malaikat ko, "Jamae ke aku biso nahui jukut nyian? karamo, Aku nyian dah tuho bini ku gae dah baumur tuho." ¹⁹Malaikat ko nyahut," Aku adolah Gabriel, Malaikat nang badiri ka muho Allah. Aku dingutus unto' bakato ba kau ba nyampeot kabar baik nyan ka Kau.²⁰ Tapi, kanio dangarlah! kau mao jadi awok inok biso bakto sampe ka ari jukut- jukut Nyian tajadi karamo kau inok picayo ka kataKu, nang mao Io cukupot pas Waktu E.²¹Samantaro ko, umat nunggu Zakharia. Na ido'batanyo-tanyo dameo Zakharia ado lamo sidi ka doop Bait Allah.²² Pas kauar, Zakharia inok biso bakato ka na'ido. Na'ido pun nahui Zakharia dah namu pananangan ka doop bait Allah karamo Io sugak ngamuat isyarat ka Na'ido' tapi inok biso bakato.²³ Dah jako waktu tugas ka imananNe abis. Puok lah Zakharia ka rumoh E.²⁴Ako kajadian ko, Elisabet babuntik ba nosokot diri E salamo limo buot. Io bakao," ²⁵ nyian lah nang Tuhan mare aku Io maratiot ba ngapus Aib ku ampat ka antaro urokng manyak." PAMATAKOT TENTANG YESUS KRISTUS²⁶Pas waktu umur buntik Elisabet ba umur anam buot, Allah ngutus malaikat Gabriel ka segek kota ka wilayah Galilea, Nang ba namo Nazaret. ²⁷Io di utus unto' namui seko ambini nang batunangan ba seko angaki nang ba namo Yusuf, katurunan Daud namo ambini ko adolah Maria.²⁸ Lalu, malaikat ko atok ka Maria nang bakato, " salam, kau nang di marakti! Tuhan ba kau," ²⁹ Nanggar kato ko, maria jadi heran. Io batanyo- tanyo ka doop atiE dameo arti tentang salam ko.³⁰Malaikat ko bakato ka Io," ame gaik Maria, karamo Allah dah mareot kasih karuniaE ka kau.³¹Dangarlah, kau nano babuntik ba maranakot seko kamudo ngaki, ba kau nano mare Io namo Yesus. ³² Io nano jadi ayok nang di sabut anak Allah nang Mahatinggi. Tuhan Allah mao mare Io kadudukan Daud, nenek mo yang Nge' . ³³ Io mao marentoh atas katurunan Yakub unto' salamo- lamoE ba KarajaanE inok biso bahahir."³⁴Lalu, Maria bakato ka malaikat ko," Jamae jukut nyan biso tajadi, Sadangan aku nape ba aki?"³⁵ Malaikat ko nyawab lalu ba kato ka Io," Roh kudus mok atok ka atas ngu ba kuaso Allah nang Tinggisidi mao menaungi kau. koolah sababpe, Kamudo nang mao lahir ko adolah kudus ba mao di sabut kamudo Allah.³⁶Ba, Nahuilah bahwo Elisabet kamaru ngu ko, agik babunik gae ka umur tuhoe, Io nang daho' di matak mandul, kanio dah babuntik salamo anam buot.³⁷ Karamo, inok ado jukut nang msokakal unto' Allah." ³⁸ Ba Maria bakato, " sasubgguhe Aku nyan Hambo Tuhan. Tajadi lah ka aku angayo nang kau madohot." Ako ko, malaikat ampus ninggot Io. MARIA NGAMPUSI ELISABET³⁹Pas ari ari ko, Maria ba siap- siap unto' ancang ampus ka daeroh bukit, ka segek kota ka Yahuda. ⁴⁰ Io taamo ka rumoh zakharia ba mare salam ka Elisabet.⁴¹ Pas Elisabet nanggar salam ampat ka Maria, Anak ka doop parutte malompat ba Elisabet dimanuhi Roh kudus.⁴²Ako ko, Elisabet, ngampak ba suaro koat, " Dibaraktilh kau ka antaro samue'e ambini ba di baraktilh buoh buntik ngu. ⁴³ Sape ke aku nyian ke uma Tuhan ku atok ka aku? ⁴⁴Sidi, Pas suaro ngu sampe ka tarenyek ku, kamudo ka doop buntik ku malompat, karamo sukacita. Barepolah⁴⁵ Io nang picayo bahwa dameo nang dimadohot Tuhan ka Io mao di ganapot." PUJIAN MARIA UNTO' ALLAH.⁴⁶Lalu,Bakatolah Maria," jiwo ku mamulioot Allah,⁴⁷ Ba Roh Ku basukacita ka doop Allah, Juru Slamat⁴⁸Karamo, Allah mampritungan, hamba Nya nang hina Nyian. Dangarot lah mulai kanio ba Sataruse, samue' ganarasi mao nyabut aku babahagia,⁴⁹ Karamo Io nang maha Kuasa dah ngamuat jukut-jukut ayok ka Aku, ba Kudus lh Namo E'.⁵⁰Rahmat -Te, ampat ka ganarasi ka ganarasi, ka urokng- urokng nang gaik ka Io.⁵¹ Io dah nunjukot kuasa E' ba kokot Te' Io nyarai- baraiot urokng- urokng nang sombong doop pikiran hati E.⁵² nurunan paro panguaso ampat ka tahta na'ido' ba ninggiot urokng nang rendah ati e'. ⁵³ Io dah nganyangan urokng kaparot ba kabaikan. Tapi ngoser urokng kayo dari ba kokot kosong.⁵⁴Allah dah mareot patolongan ka urokng Israel, hamba E, karamo ngingat ti Rahmat-Te. ⁵⁵Jamae nang dah Io madohot, Ka nenek moyang diri, Ka Abraham ba katurunan unto' salamo- lamo E."⁵⁶Dan, Maria diop sabayo-bayo ba Elisabet kiro-kiro talu buot lamoe, lalu Io puokng ka rumoh E. KALAHiROT YOHANES PAMBABTIS. ⁵⁷ Kanio' tibo lah Waktu E bagi Elisabet mok barank ko ba Io maranakot Seko kamudo angaki,⁵⁸ Urokng samak rumohE ba kamaru E nangar bahwo Tuhan dah nunjukot Rahmat-E nang ayok ka Elisabet, ba na'ido ikut ba suka cita ba sabayo ba Io.⁵⁹Pas ari nang ka lapan, na' ido atok unto' nyunato kamudo ko. na'ido' mok mare Io namo kamudo ko Zakaria, angayo namo Bapak E.⁶⁰ Tapi, uma E bakato," inok, Io mok di bare namo Yohanes."⁶¹ urokng-urokng ko bakato ka Elisabet," inok ado seko kamaru- kamaru ngu nang di mare namo ko.⁶²Ako ko, na'ido mare isyarat ka Zakaria unto' nanyo ka Io, namo ameo nang mao Io bare ot ka anake ko. ⁶³Zakaria minto sege papot tulis, ba nulis angayo Nyian:"Namo E Yohanes." Ba, samue urokg jadi heran.⁶⁴Saat ko gae, moot Zakaria tabuko ba jioh E tabebas. Io pun mulai ba kato ba muji Allah. ⁶⁵ Samue nang samak rumoh na"ido' jadi gaik ba kajadian ko,ko jadi bahan buoh bibir ka samue kampong ka bukit Yudea. ⁶⁶ Dan Samue urokng nanggar jukut nyian batanyo- tanyo doop ati na' ido", mok jadi dameo ke nano?" karamo, kokot Tuhan nyarataib Io. ZAKARIA MULIOT ALLAH.⁶⁷Zakaria, bapok Yohanes, ugok Io di manuhi ba Roh Kudus ba nubuat, jare, ⁶⁸ " Tapujilah Tuhan, Allah Israel Karamo Io udah malawat ba nabus umat E.⁶⁹Io dah mangkittot tanduk kasalamatot unto' diri. ampat ka turunan Daud, hamba nya,⁷⁰ Angayo nang io firmanot, Ampat ka moot2 nabi E nang Kudus ampat ka zaman bahare. ⁷¹ Supayo diri di salamatot ampat ka musuh-musuh diri. Ba ampat ka kokot samue' urokng nang teget ka diri.⁷²Io ngmbuat unto' nunjukot rahmat ka Nenek moyang diri. Ba karamo Io ingat ba pajanjian- Ne'⁷³ Nang kudus, adolh sumpoh nang di ngatoot, ka nenek moyang diri, Abraham, ⁷⁴ Bahwo diri mao dibebasot ka kokot musuh-musuh diri supayo diri biso ngelayani-Io inok raso gaik,⁷⁵ Doop ka Kudusot ba kabanarot ka hadapot- Ne', Saumur idup.⁷⁶Ba kau, anaku, mao di sabut Nabi Allah nang Mahatinggi, Karamo kau mao bajoot ngadohoi Tuhan, unto' nyiapot marago ka-Io. ⁷⁷ unto mareot pangaratiot tantang kasalamatot ka umat-Te lewat pangampunan atas doso-doso Na'ido'.⁷⁸Karamo Rahmat ba balas kasih Allah diri, cahayo matahari mao naranki diri ampat ka tampat tinggi ⁷⁹ unto' naraki na'ido' nang dioop ka galapot ba nang barado ka doop bayang- bayang maut, unto' ngiringan poho diri manuju ka doop joot damai Sajahtra."⁸⁰Makae, kamudo ko batumbuh ayok sidi, ba mankin koat ka doop Roh. Io dioop ka padang balantara sampe tibo waktu E unto' nunjukot diri ka bangso Israel.

¹Kalakarot Yesus Ba Ambini Samaria Takallo Tuhan dah nahui kade urok'ng-urok'ng Farisi udoh nangar bahwo Io ngasilot ba maptis labih manyak murit dari pado Yohanes, ²(maskipun Yesus sandidi ano maptis, malainkan murit-murit'E), ³Io ningoot Yude lantas puok agi ka Galilea.⁴Jadi, Io harus ngalewati wilayoh Samaria. ⁵Nyampelah Yesus ka Samaria, ka sege koto nang banamo Sikhar, nang ado ka samak tanoh nang de'e di mareot Yakub ka anak'ke , Yusup.⁶Kolam Yakub ado ka naan. Salanjute, Yesus nang latih kareno bajoot, duduk ka sisi kolam ang'koo. Saat ang'koo, kiro-kiro jam ka'anam (12:00). ⁷Atoklah seko urok'ng ambini Samaria untu nimbo'o ai. Yesus bakato ka -io," ⁸(Sabab, murit-murit'E udoh ampus ka koto untu mali'o makanan.)⁹Ambini Samaria ang'koo bakato ka Yesus, "Jamae biso Kito, urok'ng Yahudi, minto'o ai nyocok ka aku nang asale ambini Samaria?(nang balatar balakang urok'ng Samaria ba urok'ng Israel ba musuh lantas Yesus ano muih make tampat nyocok ambini ang'koo) Sabab, urok'ng Yahudi ano bataguri ba urok'ng Samaria. ¹⁰Yesus nyahut lantas bakato ka io, "Kade kau nahu'i manganaai pamare Allah ba nahui sape nang bakato ka kau,'Barelah Aku nyocok', kau pasti ma'o minto'o ka Io, lantas Io ma'o mareo kau ai idup."¹¹Ambini ang'koo bakato ka'Io, 'Tuan, Kito ano ba panyenok di' tamboh kolam ang'koo dooplah sidi, dari mae Kito namu'o ai idup ang'koo? ¹²Atoke Kito labih ayo dari pado nenek moyang kami, Yakub, nang mareoot kolam anyian ka kami ba nang udoh nyocok sandiri ampat ka kolam anyian basarato samuo anak ba ayamane?"¹³Yesus nyahut lantas bakato ka io, "Satiap urok'ng nang nyocok ampat ka ai anyian tatap k'ausot agi, ¹⁴tapi urok'ng nang nyocok ai nang Ku mareot ka io ano biso k'ausot agi; malainkan ai nang Ku mareot ka io ang'koo ma'o jadi'o mato ai ka doop diri'e nang ma'o mancaro sampe ka idup nang kakal."¹⁵Nang bini ang'koo bakato ka Yesus, 'Tuan, barelah aku ai ang'koo supayo aku ano k'ausot agi ba aku ano palaru atok agi kasio untu nimbo'o ai." ¹⁶Yesus bakato ka io, "Ampuslah, saru akinyu ba muoklah ka sio."¹⁷Ambini ang'koo nyahut, "aku ano ado baaki." Kato Yesus ka io, "Kau banar saat bakato, 'Aku ano ado baaki'. ¹⁸Kareno limo angaki dah suoh kau gampu, ba angaki-angaki nang diop bakau kani'o bukelah akinyu. Ka doop jukut anyian, kau bakato banar."¹⁹Kato ambini ang'koo ka Io, "Tuan, kanio aku nahui sasunguhe Kito adolah salah seko urok'ng Nabi(Urok nang nahui manganai jukut-jukut nang tasosok bagi urok'ng lain). ²⁰Nenek moyang kami nyamboh ka bukit anyian, tapi bangso'Nyu ngatoot bahwo Yerusalemlah tampat urok'ng harus nyamboh."²¹Yesus bakato ka io, "Picayolah ka Aku, he ambini! Pasti tibo saat'e katika buke ka bukit anyian ato ugo ka Yerusalem urok'ng nyamboh Bapo. ²²Kau nyamboh nang ano kau kanal, tapi nang kami nyamboh nang kami kanal kareno kasalamatot atok ampat ka bangso Yahudi.²³Jadi, ma'o tibo saat'e, panyamboh-panyamboh banar ang'koo kanio ma'o nyamboho Bapo ka doop Roh ba kabanaroot; sabab Bapo nuntut nang saparati ang'koo untu nyamboho Io. ²⁴Allah adolah Roh ba ne'ido nang nyamboh Io harus nyamboh Io kadoop Roh ba kabanaroot."²⁵Ambini ang'koo bakato ka Io, "Aku nahui sasunguhe Mesias ma'o atok (Io nang di nyabut Kristus). Katiko Io atok, Io ma'o mareo nahui sagalo sasuatu ka kami." ²⁶Nyahut Yesus ka io, "Aku, nang cakahan bakato ka kau adolah Io."²⁷Saat ang'koo, atoklah murit-murit'E lantas ne'ido heran nanang Yesus cakahan galakar ba seko urok'ng ambini. Karamo, ano seko urok'ng pun nang batanyo ka Io, "Ameo nang Kito ngagui?" Ato gameo Kito galakar ba io?"²⁸Salanjute, nangbini ang'koo ningoot tampat ai'e lantas ampus ka koto sarato bakato ka urok'ng-urok'ng ka naan, ²⁹"Je, tananglah ado seko urok'ng nang ngatoot ka aku sagalo sasuatu nang udoh ku ngalakuoot. Mungkinke Io Mesias ang'koo?" ³⁰Ne'ido pun ampus ka uas koto lantas namui Yesus.³¹Samintaro ang'koo, murit-murit'E nasak Yesus sambil bakato, "Rabi(Guru), makotlah." ³²Tapi, Yesus bakato ka ne'ido, "Aku ado makanan nang ano kau kanal." Lantas, murit-murit batanyo seko ka nang lain," ³³Ano adoke urok'ng nang nabanan sasuatu ka Io untu di makot?"³⁴Yesus bakato, "Makanan- Ku adolah ngalakuoot kamaoan Io nang nyuruh Aku ba nyalasaeot pakarajaa'Ne. ³⁵Buke'ke kau bakato, 'Ampat buot agi musim bahanyi tibo'? Tananglah, Aku bakato ka kau, bukolah matanyu lantas tananglah umo-umo udoh manguning untu di anyi. ³⁶Kani'o ugo, io nang bahanyi udoh narimo upahe ba ngomoan buoh untu idup kakal sahinggo panganyi ba panabur biso ba repo-repo sabayo-bayo.³⁷Kadoop jukut anyian pakatoot ang'koo banar, 'nang seko urok'ng menabur ba nang laine bahanyi. ³⁸'Aku nyuruh kau untu nganyi sasuatu nang ano kau karajo'ot; urok'ng lain udoh garajo'ot io lantas kau udoh ta'amo ka doop pakarajoot ne'ido."³⁹Manyak urok'ng Samaria ampat ka koto ang'koo jadi picayo ka Yesus kareno pakatoot ambini ang'koo, nang mareoot kasaksioot, "Io mare nahui ka aku samuo jukut nang udoh kungalakuoot." ⁴⁰Jadi, takallo urok'ng-urok'ng Samaria ang'koo sampe ka Yesus, ne'ido minto'Io untu dioop ba ne'ido lantas Yesus dioop ka'koo salamo duo ari.⁴¹Lantas, ado labih manyak agi urok'ng nang picayo karano pakatoot Yesus sandiri. ⁴²Ne'ido bakato ka nangbini ang'koo, "Buke agi karano pakatoot Kito kami jadi picayo, malainkan karano kami sandiri udoh nangar, lantas kami nahu'i Io anyian banar-banar Juru Salamat sunio." Anak Pagawe Istana Dinyamuhoot⁴³Dah udoh 2 ari, Yesus ningoot tampat ang'koo lantas nuju'o Galilea. ⁴⁴(Sanape, Yesus sandiri ako mare kasaksio'ot manganaai seko urok'ng nabi ano dihormati kanagarie sandiri.) ⁴⁵Takallo Yesus tibo ka Galilea, urok'ng-urok'ng Galilea nyambut Io karano ne'ido nanang sagalo sasuatu nang Yesus galakuoot kadoop prayaan Paskah ka Yerusalem karano ne'ido ampus ugo ka prayaan ang'koo.⁴⁶Karano ang'koo, Yesus atok agi ka Kana, Galilea, tampat Io suoh majawat ai jadi ai anggur. Ka Kapernaum ado seko urok'ng pagawe istana nang anak angaki'e cakahan rongko. ⁴⁷Takallo pagawe istana ang'koo nangar bahwo Yesus udoh atok ampat ka-Yudea ka Galilea, io ampus namui ba minto ka Yesus supayo atok ba nyamuoot anak'e karano anak'e udoh ampir mati.⁴⁸Lantas, Yesus bakato ka io, "Kade kau ano nanang tando-tando ba jukut-jukut ajaib, kau bai picayo'o." ⁴⁹Pagawe istana ang'koo bakato, "Tuan, atoklah sanape anak'ku mati." ⁵⁰Yesus bakato ka io, "Puoklah, anaknyu idup!" Urok'ng ang'koo picayo ka pakatoot nang Yesus ngatoot ka io lantas darilah urok'ng ang'koo.⁵¹Saat pagawe istana ang'koo masih ka doop paja'anan, kuli-kuli'e batamu ba io lantas mare nahui manganaai anak angakie idup. ⁵²Pagawe istana ang'koo batanyo ka ne'ido mulaai jam sangape keadaan anak'e baangsur tomo. Lantas, ne'ido nyahut, "Tumare kiro-kiro jam katujuh (13.00) damam'e ilang."⁵³Bapo anak ang'koo nahui, pado waktu ang'koolah Yesus bakato ka io, "Anaknyu idup." Jadi pagawe istana ang'koo ba saluruh kaluargae jadi picayo ka Yesus. ⁵⁴Ang'koolah tando ajaib kaduo nang Yesus ngalakuoot saudoh puok ampat ka Yudea ka Galilea.

¹Seko Urok'ng Angaki Dinyamuhot ka Kolam Bestesda Dah ako samua'e ang'koo, ado parayoot ari rayo urok'ng Yahudi lantas Yesus naik ²ka Yerusalem, ka samak pintu pagar dombo ado sabuoh kolam nang kadoop bahasa Ibrani di sabut Betesda(Rumoh balas kasih), nang samii'e ado limo. ³Ka samii-samii ang'koo, ado manyak urok'ng rongko baguringan: urok'ng buto, urok'ng pincang, ba urok'ng lumpuh (ne'ido ngantioot ai nyingkorak (Ne'ido ngantiot ai ang'koo bagarak). ⁴Sabab, pado saat-saat tatantu, malaikat Tuhan ma'o turut ka kolam ba magarak'kato ai'e. Urok'ng nang partamo kali taamo ka kolam daudoh ai'e nyingkorak, ma'o di samuhato dari panyakit dameo pun nang io galami).⁵Ka ka'koo, ado urok'ng nang udoh rongko salamo 38 tahut. ⁶Takallo Yesus nanang io gurik ka'koo ba nahui bahwo io udoh lamo sidi mandarito rongko, Yesus batanyo ka io, "Maoke kau di samuhato?"⁷Urok'ng rongko ang'koo nyahut, "Tuan, ano ado urok'ng nang nurunan aku ka doop kolam cakahaan ai'e nyingkorak, tapi samintaro aku barusoho urok'ng lain udoh turut ngadohoi aku." ⁸Yesus bakato ka io, "Badirilah! Angkatlah kasornyu(Alat tidur jaman de'e ato nang di nyabut saduni) tarus bajootlah."⁹Saat ang'koo ugo, urok'ng ang'koo disamuhoot, io ngangkat kasore, tarus bajoot. Tapi, ari ang'koo ari Sabat.¹⁰Karano ang'koo, urok'ng-urok'ng Yahudi bakato ka urok'ng nang di nyamuhoot ang'koo, "Ari anyian ari sabat(minggu), kau ano muih ngangkat kasornyu(ari nang ano muih bakarajo)." ¹¹Tapi ang'koo, io nyahut, "Urok'ng nang nyamuhoot aku, Iolah nang bakato ka aku, 'Angkatlah kasornyu tarus bajootlah."'¹²Ne'ido batanyo ka io, "Sapeke urok'ng nang bakato ka kau, 'Angkatlah kasornyu tarus bajootlah'?" ¹³Tapi, urok'ng nang udoh di nyamuhoot ang'koo ano nahui sape Io kareno Yesus udoh nyalinap ka antaro urok'ng manyak ka tampat ang'koo.¹⁴Dah ako ang'koo, Yesus batamu agi ba'urok'ng ang'koo ka Bait Allah tarus bakato ka io, "Dangar, kau udoh samuh. Usoh ngalakuot doso agi supayo ano tajadi jukut nang labih buruk ka kau!" ¹⁵Urok'ng ang'koo ampus tarus bacarito ka urok'ng-urok'ng Yahudi bahwo Yesuslah nang udoh nyamuhoot diri'e.¹⁶Karano ang'koo, urok'ng-urok'ng Yahudi menganiayo Yesus karano Io ngalakuot samuo ang'koo ari sabat. ¹⁷Tapi ang'koo, Yesus bakato ka ne'ido, "Bapo-Ku masih bakarajo sampe kanio, maka Aku pun masih bakarajo." ¹⁸Jawaban ang'koo nyuruh urok'ng-urok'ng Yahudi barusoho labih karas agi untu munuho Yesus, buke kareno kahe Yesus ngalangar ari Sabat, malainkan ugo karano nyabut Allah sebage Bapo'E sandiri, nang baarti nyabayoot diri'E sandiri ba Allah. Kuaso Allah ka-doop Yesus¹⁹Salanjute, Yesus nyahuti ne'ido, "Sasunguh-sunguh'e, Aku bakato ka kau, Anak ano biso ngalakuoot sasuatu dari dirie sandiri, kade io ano nanang Bapo ngalakuoot io; karano ameo nang di ngalakuot Bapo, ang'koo ugo nang dingalakuoot Anak. ²⁰Sabab, Bapo kasih ka Anak lalu magarioot ka Anak sagalo sasuatu nang Io ngalakuoot sandiri, lantas Bapo ugo ma'o magarioot ka io pakarajoot-pakarajoot nang labih ayo agi supayo kau kamangapot.²¹Sabab, sabayo saparati Bapo mangkitot urok'ng mati lantas mare ne'ido kaidupot, ja'koo ugo Anak mare kaidupot ka sape nang Io ma'o. ²²Bapo ano mengakimi sape pun, tapi udoh mareoot saluruh pengakiman ang'koo ka Anak, ²³supayo samuo urok'ng ma'o ngormati Anak sabayo saparati ne'ido ngormati Bapo. Urok'ng nang ano ngormati Anak, ano ngormati Bapo nang nyuruh Io.²⁴Sasunguhe Aku ngatoot ka kau, urok'ng nang nangaroot pakatoot-Ku lalu picayo ka Io nang nyuruh Aku namu'o idup kakal, ba ano tamo'o ka doop pengakiman karano io udoh pindoh dari mati ka idup agi.²⁵Sasunguhe Aku bakato ka kau, waktue pasti atok lalu udoh atok kanio, karano urok'ng-urok'ng mati pasti nangaro suaro Anak Allah lantas ne'ido nang nangar ang'koo pasti idup.²⁶Karano sebagemae Bapo biso idup ka doop diri'E sandiri, ja'koo ugo Io mareoot ka Anak idup ka doop diri'E sandiri, ²⁷lantas Bapi mareoot kuaso ka Anak untu majaanan pengakiman karano Io ugo Anak Manusio.²⁸Usoh takajut manganaai jukut anyian kareno saate pasti atok takallo samuo urok'ng nang ado ka doop kuburan pasti nangar suara'E ²⁹lalu ne'ido pasti kauwar, saparati ne'ido nang babuaat kabaikoot ma'o nuju'o kabangkitoot idup. Sadangkan ne'ido nang babuaat ano gagas, nuju'o kabangkitoot pangakimaan.³⁰Aku ano biso ngalakuoot ameo-ameo dari diri'Ku sandiri. Aku ngakimi sasuai nang Aku nangar lalu pengakimaan Ku adil karano ano ngagu'i kamaoaan Ku sandiri, malainan kamaoaan Io nang nyuruh Aku."Kesaksioot Manganaai Yesus Asale ampat ka Allah Bapo ³¹"'Kade Aku basaksi manganaai diri'Ku sandiri, kasaksioot'Ku ano banaar. ³²Tapi ko'o, ado nang lain basaksi manganaai Aku, lantas Aku nahui bahwo kasaksioot nang Io mareoot manganaain Aku ang'koo sidi.³³Ka Yohanes dah Kito nyuruh lantas io udoh mare kasaksioot manganaai kabanaroot. ³⁴Tapi ko'o, kasaksioot nang Aku tarimo buke ampat ka manusio. Jukut anyian Aku ngatoot supayo kau di salamatoot. ³⁵Yohanes ang'koo tensan nang idup lalu basinar, lantas kau ma'o repo-repo sabantar kadoop sinar'e.³⁶Tapi ang'koo, kasaksioot nang ado ka Aku labih ayo daripado kasaksioot Yohanes. Sabab, pakarajo'ot-pakarajo'ot nang dinyarohoot Bapo ka Aku untu Kuakoot, saparati pakarajo'ot-pakarajo'ot nang cakahaan Ku ngalakuoot kanio, mareoot kasaksio'ot manganaai Aku bahwo Bapolah nang nyuruh Aku. ³⁷Lantas, Bapo nang nyuruh Aku ang'koo udoh mare kasaksio'ot manganaai Aku. Tapi ang'koo, kau ano suoh nangar suara'E atu ugo nanang paras'E. ³⁸Lantas, firman'E ano diop kadoop atinyu karano kau ano picayo ka Io nang Io nyuruh.³⁹Kau maajari Kitab Suci(Kato anyian di pake untu samua'e Kitab Suci) karano kau nyangko bahwo ka doop Kitab Suci kau ma'o muiho idup nang kakal; Lalu Kitab Suci ang'koo ugo mare kasaksioot manganaai Aku, ⁴⁰tapi kau bai atok ka Aku supayo kau idup.⁴¹Kamulio'ot ano Aku tarimo ampat ka manusio. ⁴²Tapi ko'o, Aku kanal ka kau, bahwo kasih Allah ano ado ka doop dirinyu.⁴³Aku atok atas namo Bapo-Ku, tapi kau ano narimo Aku. Kade urok'ng lain atok atas namo ne'ido sandiri, kau ma'o narimo Io. ⁴⁴Jamae'ke kau biso picayo, kade kau narimo sanjongan ampat ka seko urok'ng ato nang lain ba ano ngago'o sanjongan nang atok ampat ka Allah nang Esa?⁴⁵Usoh nyangko bahwo Aku ma'o mendakwanyu ka adapot Bapo; nang mendakwanyu adolah Musa, saparati urok'ng nang ka io kau baarap. ⁴⁶Sabab, kade kau picayo ka Musa, kau haruse picayo ka Aku karano Musa nulis manganaai Aku. ⁴⁷Tapi ang'koo, kade kau ano picayo ka dameo pun nang Musa nulis, jamae mungkin kau picayo ka pakato'ot-Ku?"

¹Pajuhoot untu Labih dari Limo Ribu Urok'ng Dah udoh ang'koo, Yesus yabaran'gi dano Galilea, saparati dano Tiberias(Kadoop PL disabut dano Kineret,dano nang untu ngormati kaisar Tiberias). ²Manyak urok'ng nang nunaan Io karano ne'ido nanang tando-tando ajaib nang Io ngalakuo'ot ka urok'ng-urok'ng rongko. ³Salanjute, Yesus naik ka atas bukit lalu duduk ka naan sabayo-bayo ba murit-murit'E.⁴Saat ang'koo, parayoot paskah urok'ng Yahudi dah samak. ⁵Sambil nanang ka sakaliling'E lantas nanang urok'ng rami atok ka diri'E, Yesus bakato ka Filipus, "Kamae'ke diri biso mali'o roti supayo urok'ng-urok'ng ang'koo biso majuh?" ⁶Yesus ngatoot jukut ang'koo untu gates'o Filipus karano sabanare Io sorok nahu'i dameo nang ma'o Io lakuoot.⁷Filipus nyahut, "Roti sarago 200 dinar ano pasti cukup untu ne'ido, biarpun masing-masing kahe namu satatak kenek ajo." ⁸Saloh seko urok'ng murit'E, Andreas, kamaru Simon Petrus, bakato ka Yesus, ⁹"Kasio ado seko urok'ng kamudo nang ado ba'limo roti jelai( Tanaman padi-padian panganti gandum nang kurang gagas ) ba duo ikot, tapi dameo paedahe untu urok'ng nang samanyak anyian?"¹⁰Yesus bakato, "Suruhlah samu'o urok'ng untu duduk." Ka tampat ang'koo manyak rumput, jadi urok'ng-urok'ng ang'koo duduk jumbalahe kiro-kiro limo ribu angaki. ¹¹Salanjute, Yesus ngicok roti-roti ang'koo dah ako ngatoot tarimo kasih, Io magiot roti-roti ang'koo ka ne'ido nang badudukot; jako'o ugo nang Io majawat ka ikot-ikot ang'koo samanyak nang ne'ido mao'an. ¹²Pado saat samu'o urok'ng dah kanyang, Yesus bakato ka murit-murit'E, "Komoaan tatakot-tatakot nang tasiso supayo ano ado nang tabuok."¹³Karano ang'koo, samu'o murit ngomoaan'io lalu ngisi duo balas karanjang ba'tatakoot-tatakoot dari limo roti jelai nang ditinggot ne'ido nang dahudoh majuh. ¹⁴Takallo urok'ng-udok'ng ang'koo nanang tando ajaib nang Yesus ngalakuo'ot, ne'ido bakato, "Io nyian pasti Nabi(Maksud ne'ido kamungkinan Io Nabi nang Tuhan matakot ka Musa) nang di'nyanjioot ma'o atoko ka dunio." ¹⁵Karano nahu'i bahwo urok'ng rami ang'koo barancano atok ba makso'o Io jadi Rajo untu ne'ido. Yesus Bajoot ka Atas Ai¹⁶Takallo ari dah mulai maam,samuo murit nuju'o ka dano ¹⁷dah udoh naik ka parahu, ne'ido mulai nyabarangi dano nuju'o Kapernaum. Ari udoh mula'i galap, tapi Yesus nape ugo atok namui ne'ido. ¹⁸Dano mula'i baguruh karano angin barambus sidi koat.¹⁹Lantas, takallo ne'ido udoh gayuh parahu sakitar 25 ato 30 stadia( ukurot anyok sajauh 185 m), ne'ido nanang Yesus bajoot kaatas dano lantas nyamaki parahu nyabapot ne'ido ka'gaianan. ²⁰Namun Yesus bakato ka ne'ido, "Nyian Aku, usoh ga'i!" ²¹Ako ang'koo, ne'ido ma'o naik'koto Io ka doop parahu lalu tibo-tibo parahu ang'koo dah ngaramus ka tampat nang ne'ido ampusi'o. Urok Manyak Gagu'i Yesus²²Ari ampagie, urok'ng manyak nang masih badiri ka sabarang dano nanang ano ado parahu lain ka'koo, kacuali sege parahu ajo nang murit-murit udoh taamo ka doop'pe. Namun, Yesus ano ampus taamo ka doop parahu ang'koo sabayo-bayo samu'o murit'E nang udoh barangkat sansiri. ²³Atoklah parahu-parahu lain ampat ka Tiberias ka samak tampat urok'ng-urok'ng ang'koo makot roti, saudoh Tuhan nguvapot tarimo kasih.²⁴Takallo urok'ng manyak nanang bahwo Yesus ba samu'o murit'E ano ado agi ka'koo, ne'ido naik ka parahu-parahu ang'koo lalu barangkat ka Kapernaum untu ngagu'i Yesus.Yesus adolah Roti Idup ²⁵Sawamtu urok'ng manyak ang'koo namuan Yesus ka sabarang dano, ne'ido batanyo ka Io, "Rabi(Guru), kamie Kito atok ka sio?"²⁶Yesus nyahuti ne'ido lalu bakato, "Sasungguhe Aku bakato ka kau, kau ngaggui Aku buke karano kau udoh nanang tando-tando ajaib, malainkan karano kau udoh majuh roti sampe kanyang. ²⁷Usoh bakarajo untu ngago pajuhoot biao binasa, malainkan untu pajuhoot nang biso batahan sampe idup nang kakal, nang Anak Manusio ma'o bareato ka kau karano ka Anak Manusio ang'koo, Bapo, yaitu Allah, udoh mareo'ot pangesohot'E."²⁸Lantas, ueok'ng manyak ang'koo batanyo ka Yesus, Ameo nang ma'o kami laku'ot supayo kami ngarajaan pakarajaan nang dimao?"an Allah ²⁹Yesus nyahut lantas bakato ka ne'ido, "Anyianlah pakarajaan nang simaoan Allah: picayolah ka Io nang udoh si nyuruh Allah."³⁰Ne'ido batanyo ka Io, "Kade ja'koo, tando ajaib ameo'ke nang ma'o Kito lakuo'ot supayo kami nanang lantas picayo ka Kito? pakarajaan ameo nang kito lakuo'ot? ³¹Nene moyang kami majuh manna(makanan lang'hoe nang dimare'ot Allah ka urok'ng Israel ka padok gurun) ka padok balantaro, saparati nang tatulis, 'Io mare ne'ido roti ampat ka Subayot untu di pajuh."'³²Yesus bakato ka ne'ido, "Sasunguh'e, Aku bakato ka kau, buke Musa nang mare kau roti ampat ka'subayot, malainan Bapo Kulah mare kau roti nang sasidie ampat ka'subayot. ³³Sabab, Roti(maksut'E Yesus sandiri) ampat ka Allah adolah Io nang turut ampat ka'subayot lantas mare idup ka dunio." ³⁴Ne 'ido bakato ka Io, "Tuhan, sega barelah kami roti ang'koo."³⁵Kato Yesus ka ne'ido, "Akulah roti idup; urok'ng nang atok ka Aku ano ihane kaparot agi, ba urok'ng nang picayo ka Aku ano ka'ausoto agi. ³⁶Tapi ang'koo, Aku usoh ngatooto ka kau bahwo sakaipun kau udoh nanang Aku(kau udoh nanang tando-tando ajaib nang Aku ngalakuo'ot), kau tatap ano picayo. ³⁷Samuo nang dimareot Bapo ka'5Aku ma'o atok ka'Aku, lantas nang atok ka'Aku ano ihane paranoh Aku usir.³⁸Sabab, Aku turut ampat ka subayot buke untu ngalakuo'ot kamaoaan Ku sandiri, malainan kamaooan Io nang nyuruh Aku. ³⁹Lantas, anyianlah kamaoaan Io nang nyuruh Aku: supayo samuo nang udoh Io mareot ka'Aku ang'koo ano ado nang angit, tapi Aku umpat'tato ka ahir zaman. ⁴⁰Sabab, anyianlah kamaoan Bapo'Ku, bahwo satiap urok'ng nang nanang Anak ba picayo ka'Io ma'o namuo idup kakal, lalu Aku ma'o ngumpat'tato ka ahir zaman."⁴¹Karano ang'koo, basangape urok'ng Yahudi mulai basungut mangana'ai Io karano Io bakato, "Akulah roti nang udoh turut ampat ka'subayot ang'koo." ⁴²Ne'ido bakato, "Buke'ke Io anyian Yesus, anak Yusuf, nang bapo ba uma'E diri kanal? Jamae mungkin Io biso bakato, 'Aku udoh turut ampat ka'subayot?"'⁴³Yesus nyahuti ne'ido lalu bakato, "usoh basungut ka antaro kito sandiri. ⁴⁴Ano seko urok'ng pun biso atok ka'Aku, kacuali Bapo nang nyuruh Aku narik'io, lantas Aku ma'o ngumpat'tato io ka ahir zaman. ⁴⁵Ado tatulis ka'doop kitab samuo nabi: 'Lantas, ne'ido samuo ma'o diajar oleh Allah. 'Satiap urok'ng nang udoh nangar lalu balajar ampat ka'Bapo pasti atok ka'Aku.⁴⁶Jukut ang'koo buke ba'arti ado urok'ng nang udoh suoh nanang Bapo, kacuali Io nang atok ampat ka'Allah; Io'lah nang udoh nanang Bapo. ⁴⁷Aku bakato ka'kau, 'Sasungguhe, satiap urok'ng nang picayo namuo idup kakal.'⁴⁸Akulah roti idup. ⁴⁹Nene moyang'yu udoh majuh manna ka padok balantaro, tapi ne'ido mati.⁵⁰Anyianlah roti nang turut ampat ka'subayot, supayo satiap urok'ng majuho'io lalu ano mati. ⁵¹Akulah roti idup ang'koo nang udoh turut ampat ka'subayot. Kade urok'ng majuh roti anyian, io pasti idup salama'e; lalu roti nang ma'o Kubareot dami kaidupot dunio ang'koo iolah tubuh'Ku."⁵²Urok'ng-urok'ng Yahudi mulai batangkar seko ba nang laine, ne'ido bakato, "Jamae biso urok'ng anyian mareot tubuh'E untu di pajuh?" ⁵³Yesus bakato ka ne'ido, "Aku bakato ka kau, sasungguhe kade kau ano majuh tubuh Anak Manusio ba nyocok darah'E(ungkapot simbolik untu narimo Yesus), kau ano ado ba'idup ka doop diri'nyu.⁵⁴Satiap urok'ng nang majuh isi'Ku ba nyocok darah'Ku ado ba'idup kakal, lantas Aku ma'o ngumpat'tato io ka ahir zaman. ⁵⁵Sabab,isi'Ku iolah paju'hot nang sasidie ba darah'Ku iolah cocokot nang sasidie. ⁵⁶Sape nang majuh isi'Ku ba nyocok daroh'Ku diop ka doop diri'Ku ba Aku diop ka doop diri'e.⁵⁷Saparati Bapo nang idup nyuruh Aku, lantas Aku idup oleh karano Bapo, ja'koo ugo io nang majuh Aku, io ma'o idup karano Aku. ⁵⁸Anyianlah roti nang turut ampat ka'subayot, buke roti nang saparati udoh di pajuh nene moyang'nyu lalu ne'ido mati, urok'ng nang majuh roti anyian ma'o idup salamo-lamo'e." ⁵⁹Yesus gatoot samuae anyian ka Kapernaum saat Io gajar ka sinagoge(tampat sambayang urok'ng Yahudi). Manyak Pangikut Ningoot Yesus⁶⁰Takallo manyak nangar ampat ka murit-murit jukut anyian, ne'ido bakato, "Ajarot anyian talalu karas. Sape nang sangup narimo'io?" ⁶¹ Karano nahui bahwo samuo pangikut'E basungut manganaai jukut anyian, Yesus bakato ka ne'ido, "Dameo'ke pakato'ot-Ku anyian majawat kau tasinggung?⁶²Kade ja'koo, jamae'ke kade kau nanang Anak Manusio puok naik ka tampat asal'E?⁶³ Rohlah nang mare idup sadangkan isi ano baguno sadikit pun(kadoop kaitane kadoop kasalamatot,isi ato tubuh ano baguno). Pakato'ot-pakato'ot nang Ku ngatoot ka kau iolah roh ba idup.⁶⁴Tapi ang'koo, ado basangape kaantaro kau nang ano picayo."sabab, ampat kasamulo, Yesus nahui sape nang ano picayo ba sape nang ma'o ngianati Io. ⁶⁵Yesus bakato, "Anyianlah sabap'e Aku ngato'ot ka kau bahwo ano seko urok'ng pun biso atok ka'Aku, kacuali jukut ang'koo dikarunio'ot ka'io oleh Bapo."⁶⁶Samanjak saat ang'koo, rami pangkut'E ngundurot diri lalu baranti nunaan Io. ⁶⁷Karano ang'koo, Yesus bakato ka'duo balas murit'E, "Ma'o ampuso ugo ke kau?" ⁶⁸Simon Petrus nyahuti Io, "Tuhan, kasape'ke kami ma'o ampus? ngato'ot kaidupot kakal Kito'lah nang ado. ⁶⁹Kami udoh picayo ba nahu'i ka'Kito, bahwo Kitolah nang kudus ampat ka Allah."⁷⁰Yesus nyahuti ne'ido, "Buke'ke Aku sandiri nang milih kau, duo balas urok'ng anyian? Maski ja'koo saloh seko ampat ka kau iolah setan." ⁷¹Nang Io maksutot iolah Yudas, anak Simon Iskariot, sabab Yudas iolah salah seko ampat kaduo balas mirit ang'koo, tapi io ma'o gianati Yesus.

¹Kamaru-Kamaru Yesus Ano Picayo Ka'Io Dah ako ang'koo, Yesus bajoot mutari Galilea. Io bai'o bajoot ka Yudea sabab urok'ng-urok'ng Yahudi ka'koo batujuaan ma'o munuho Io. ²Takallo ang'koo, ari rayo urok'ng Yahudi, iolah ari rayon pondok daun, (ganang kisoh urok'ng Israel maranto ka padok gurun,lalu diop samintaro ka tendo-tendo nang dimajawat ampat ka sige kayu ba dauke)udoh samak.³Karano ang'koo, kamaru-kamaru Yesus bakato ka'Io, "Barangkatlah ampat ka sio ka Yudea supayo murit-murit'nyu ma'o ugo nanang pakarajo'ot-pakarajo'ot nang Kau galakuot. ⁴Sabab ano ado urok'ng nang ngalakuot ameopun sacaro yosok kade io ma'o di'kanal sacaro umum. Kade kau galakuo'ot jukut-jukut ang'koo, pagariot'lah diri'Nyu ka dunio."⁵⁶⁷Sabab, kamaru-kamaru Yesus sandiri pun ano picayo ka'Io. Yesus bakato ka ne'ido, "Waktu'Ku nape sampe, tapi waktu'yu ma'o ado bata'it. Dunio ano biso negeti kau, tapi dunio negeti Aku karano Aku mareot kasaksio'ot manganaai dunio, bahwo kalakuan-kalakuan'e iolah jahat.⁸⁹Ampuslah kito ka acara ang'koo. Aku nape ampus ka acara ang'koo karano waktu'Ku nape sampe." Dah udoh ngato'ot ja'koo, Yesus tatap diop ka Galilea.¹⁰¹¹Tapi, dah udoh kamaru-kamaru'E ampus ka acara ang'koo, Yesus ampus ugo ka naan, ano sacaro tarang-tarangan, tapi sacaro yosok-yosok. Urok'ng-urok'ng Yahudi ngagui Io ka'doop acara ang'koo, lantas bakato,"ka mae Io?"¹²¹³Kantaro urok'ng rami ado manyak bisik-bisik manganaai Io. Ado nang bakato, "Io urok'ng bai." Ado ugo nang bakato, "Buke Io yasatot warga." Tapi ang'koo, ano seko urok'ng pun barani bakato tarus tarang manganaai Io karano gai ka urok'ng-urok'ng Yahudi. Yesus Gajar ka Bait Allah¹⁴¹⁵¹⁶Takalo acara ang'koo masih balangsung, Yesus ta'amo ka Bait Allah lantas mulai gajar. Urok'ng-urok'ng Yahudi jadi heran lalu bakato, Jamae urok'ng anyian ado ba'pangatahuoot(urok'ng nang nahu'i huruf-huruf grammata) nang ja'koo, padahal ano ba'ajar?" Yesus yahuti ne'ido lantas bakato, "Ajarot'Ku ano barasal ampat ka diri'Ku sandiri, tapi ampat ka Io nang yuruh Aku.¹⁷¹⁸Kade seko urok'ng ma'o ngalakuoot kamaoan Allah, io pasti nahu'i ajarot'Ku ang'koo asale ampat ka Allah ato ampat ka diri'Ku sandiri. Urok'ng nang bakato ampat ka diri'e sandiri gago'o ka'hormatot untu diri'e sandiri, tapi urok'ng nang gago ka'hormatot untu Io nang yuruh diri'E, io banar ba ano ado ka'anobanaro'ot ka doop diri'e.¹⁹Buke'ke Musa udoh mareot Ukum Taurat ka kau, tapi ano seko urok'ng pun ampat ka antaro'nyu nang matuhi hukum ang'koo? gameo kau barusoho untu munuho Aku?" ²⁰Urok'ng manyak ang'koo yahut, "Kito ka'masokot roh jahat! Sape nang barusoho munuho'Kito?"²¹Yesus bakato ka ne'ido, "Aku kahe galakuot sege pakarajaan(kamungkinan garoh ka paristiwo Yesus nyamuhoot urok'ng rongko ka kolam Betesda) lantas kau samuo heran. ²²Musa mare kau tando(turoh), sabanare ang'koo buke ampat ka Musa, tapi ampat ka nene moyang, lantas kau mare tando(turih) urok'ng pas ari Sabat.²³Kade seko urok'ng diturih(di tanda'i) pas ari Sabat jadi Ukum Musa ano di langgar, gameo kau bero ka'Aku karano Aku majawat seko urok'ng tomo sautuh'e saat ari Sabat? ²⁴Usoh gadili badasaroot nang katanangan, malainan adili'lah ba ka'adilot nang banar."Yesus ke Sang Mssias?²⁵Salanjute, basangape urok'ng nang diop ka Yerusalem bakato, "Buke'ke Io anyian urok'ng nang ma'o ne'ido bunuh? ²⁶Tapi'koo, tananglah, Io bakato sacaro tarang-tarangan lantas ne'ido ano bakato dameo pun ugo ka Io. Mungkin'ke samuo pamimpin ang'koo banar-banar nahu'i bahwo Io iolah Kristus? ²⁷Tapi ang'koo, diri nahu'i ampat ka mae urok'ng ang'koo barasal. Samintaro ang'koo, Takallo Kristus atok, padahal apabilo Kristus atok, ano seko urok'ng pun nahu'i ampat ka mae Io barasal."²⁸Karano ang'koo, samintaro Yesus gajar ka Bait Allah, Io baseru, "Kau memang ganali Aku ba nahu'i ampat ka mae Aku barasal. Tapi, Aku ano atok ampat ka diri'Ku sandiri, ²⁹tapi Io nang yuruh Aku Iolah banar, kau ano ganali Io, tapi Aku ganal Io karano Aku asale ampat ka'Io lantas Iolah nang udoh yuruh Aku."³⁰Lalu, ne'ido barusoho nangkapo Io, tapi ano seko urok'ng pun biso genes Io karano waktu'E nape sampe. ³¹Tapi ka'koo,mamyak ampat ka urok'ng-urok'ng ang'koo picayo ka Yesus. Ne'ido bakato, "Saande'e Kristus ang'koo atok, Io mao'ke galakuoto labih manyak tando ajaib daripado nang udoh di'galakuot urok'ng anyian?" Pamimpin Yahudi Barusoho Nangkapo Yesus ³²Urok'ng-urok'ng Farisi nangar ameo nang dimarukuman urok'ng manyak ang'koo manganaai Yesus, salanjute imam-imam kapalo yuruh samuo panjago Bait Allah untu nangkapo Io.³³Karano ang'koo, Yesus bakato, "Waktu'Ku ³⁴sabayo-bayo bakau tingal sabantar agi lalu dah'ako ang'koo, Aku ma'o ampuso ka Io nang yuruh Aku. Kau ma'o gaguio Aku, tapi ano biso namuano Aku. lalu, dimae kabaradoot'Ku, kau ano biso atok ka'naan."³⁵Urok'ng-urok'ng Yahudi ang'koo bakato seko urok'ng ka nang lain, "Ka maeke urok'ng anyian ma'o ampuso mambuat diri ano biso namuano Io? Io ma'o ampuso'ke ka urok'ng Yahudi nang tasabar ka antaro urok'ng-urok'ng Yunani, lantas gajaro urok'ng-urok'ng Yunani? ³⁶Ameo maksut pakatoote nang bakato, 'kau ma'o gaguio Aku, tapi ano biso namuan Aku. Lalu, dimae kabaradoot'Ku, kau ano biso atok kanaan?"' Yesus Bakato manganaai Roh Kudus³⁸Pado ari tarakir, iolah puncak acaro ang'koo, Yesus badiri lalu gampak/bakato ayo, kata'E, "Kade ado nang aus sabaike io atok ka'Aku lantas yocok. ³⁷Urok'ng nang picayo ka'Aku, saparati nang dingato'ot Kitab Suci, dari doop diri'e ma'o ngaliro aliran ai idup."³⁹Jukut nang dimaksut iolah Roh, nang ma'o ditarimo urok'ng nang picayo ka'Io. Sabab, Roh ang'koo nape dibareot karano Yesus nape dimulio'ot. Patangkarot manganaai Yesus⁴⁰⁴¹Takallo ne'ido nangar pakatoot ang'koo, basangape ampat ka ne'ido bakato, "Urok'ng anyian batol-batol seko urok'ng Nabi(Musa gato'ot sasungguhe Allah ma'o gangkato seko urok'ng nabi ka antaro urok'ng Yahudi)." Urok'ng nang lain bakato, "Io iolah Kristus," Urok'ng lain agi bakato, "Mungkinke Kristus atok ampat ka Galilea? ⁴²Buke'ke Kitab Suci gatoot sasungguhe Kristus barasal ampat ka katurunan Daut ba ampat ka Betlehem, kampok tampat Daut de diop?"⁴³Lantas, tajadilah papacohot ka antaro urok'ng-urok'ng ang'koo karano Io. ⁴⁴Basangape urok'ng ka antaro ne'ido ma'o nangkapo Yesus, tapi ano seko urok'ng pun genes'Io. Pamimpin Yahudi basangape anopicayo⁴⁵Karano ang'koo, samuo panjago Bait Allah ang'koo muok ka imam-imam kapalo ba urok'ng urok'ng Farisi, nang batanyo ka ne'ido, "Gameo kito ano nabanan Yesus?" ⁴⁶Samuo panjago Bait Allah ang'koo yahut, "Ano seko urok'ng pun paranoh bakato-kato saparati urok'ng anyian!"⁴⁷Urok'ng-urok'ng Farisi ang'koo yahuti ne 'ido, "Ameo'ke kito ugo udoh disasa'tot? ⁴⁸Ado'ke ampat ka antaro pamimpin ato ugo urok'ng Farisi nang udoh picayo ka'Io? ⁴⁹Tapi ang'koo, urok manyak nang ano nahu'i Ukum Taurat anyian takutuk(menurut urok'ng Farisi,urok'ng nang ano baajar sidi-sidi Ukum Taurat pasti ano mampu matuhi'o io yabapot ne'ido najis)!" Pangoanan Nikodemus⁵⁰Tapi ang'koo, Nikodemus, salah seko urok'ng ampat ka ne'ido, nang de suoh namu'i Yesus, bakato ka ne'ido, ⁵¹"Dameo'ke Ukum Taurat diri gakimi seko urok'ng sanape didangar jukut nang io kato'oto ba ma'o dinahu'i jukut nang io galakuot?" ⁵²Ne'ido yahut, "Kau ugo urok'ng Galilea ke? Salidiki ba tanang sasungguhe ano ado nabi nang atok ampat ka Galilea." Ambini nang Tatangkap Babayo⁵³Salanjute, ne'ido samuo puok ka rumoh masing-masing.

¹Tapi ang'koo, Yesus ampus ka Bukit Zaitun. ²O'op-o'op sidi, Io atok agi ka Bait Allah lantas samuo urok'ng atok ka'Io. Io duduk ba gajari ne'ido. ³Lantas, ahli-ahli taurat ba urok'ng-urok'ng Farisi nabanan seko urok'ng ambini nang katauanan ba'bayo, lantas dah'udoh nampatot nang'bini ang'koo badiri ka tangoh-tangoh,⁴Ne'ido bakato ka Yesus, "Guru, nang'bini anyian cakahan babayo. ⁵Ukum Taurat Musa marintohot kami untu nabaki nang'bini sarupo anyian pake batu(saloh sege ukuman mati ja ukum Taurat). Ameo pandapat Kito manganaai jukut anyian?" ⁶Ne'ido gato'ot ja'koo untu yobaio Yesus supayo ne'ido ado ba'dasar untu yalohoto Io. Tapi ang'koo, Yesus mambongkok lalu pake jari'E, Io nulis ka tanoh.⁷Karano ne'ido sega nanyai Io, Yesus badiri lantas bakato ka ne'ido, "Urok nang ano badoso ka antaro kito saharuse io jadi nang partamo nabaki ambini anyian pake batu." ⁸Lantas, Yesus mambongkok agi ba nulis ka tanoh.⁹Takallo ne'ido nangar jukut ang'koo, ne'ido mulai badariot seko demi seko, mulai ampat ka nang labih tuho, lantas Yesus diningo'ot Io sorok, ba nang'bini tai nang masih badiri ka tangoh-tangoh. ¹⁰Lantas, Yesus badiri lalu bakato ka nang'bini ang'koo, "He nang'bini, ka mae'ke ne'ido? ano ado'ke urok'ng nang gukumo kau?" ¹¹Yahut ambini ang'koo, "ano ado, Tuhan." Yesus bakato, "Aku pun ano biso gukumo kau. Darilah, ba mula'i kanio, usoh galakuot doso agi." Yesus Tarok Dunio¹²Salanjute, Yesus bakato ka urok'ng rami ang'koo, kata'E, "Akulah tarok dunio. Satiap urok'ng nang nunaan Aku ano biso bajo'ot ka'doop kagalapot, tapi ma'o ado'o idup tarok." ¹³Salanjute, urok'ng-urok'ng Farisi bakatobka Yesus, "Kau basaksi manganai diri'Nyu sandiri, yabapot kasaksiot'Nyu ano banar."¹⁴Yesus yahuti ne'ido, kata'E, "Sakaipun Aku basaksi manganai diri'Ku sandiri, kasaksiot'Ku iolah banar karano Aku nahu'i ampat ka'mae Aku atok ba ka'mae Aku ampus, tapi kau ano nahu'i ampat ka'mae Aku atok ba ka'mae Aku ampus. ¹⁵Kau gakimi manurut caro kaisi'ot(Duniawi'ot), sadangkan sape pun ano Aku akimi. ¹⁶Tapi, sa'ande pun Aku gakimi, pangakiman'Ku ang'koo banar karano Aku gakimi ano ba'sorok, malainkan basabayo-bayo Bapo nang yuruh Aku.¹⁷Bahkan, kadoop Kitab Taurat'nyu tatulis manganai kasaksiot duo urok'ng sidi ada'e. ¹⁸Aku basaksi manganai diri'Ku sandiri lantas manganai diri'Ku Bapolah nang yuruh Aku basaksi."¹⁹Tarus, ne'ido batanyo ka'Io, "Ka mae'ke Bapo'Nyu?" Yesus yahut, "Kau ano nahu'i ka'Aku. ato ugo Bapo'Ku, kade kau nahu'i Aku, kau ma'o ugo nahu'i ka Bapo'Ku." ²⁰Pakatoot amyian Yesus yanpeot ka samak pabendaharo'ot(tampat nang di galangkapi tiga balas kotak amal) waktu Io gajar ka Bait Allah, tapi ano ado seko urok'ng pun nang nangkap Io karano waktu'E nape sampe. Yesus Bakato Manganai Bapo²¹Lantas, Yesus bakato agi ka ne'ido, "Aku ma'o ningooto kau tarus kau ma'o gagui'o Aku, tapi kau pasti mati ka'doop doso'nyu. Ka mae Aku ma'o ampus, kau ano biso atok." ²²Salanjute, urok'ng-urok'ng Yahudi ang'koo bakato, "Io ma'o munuho diriE'ke Karano Io bakato, 'Ka mae Aku ma'o ampus, kau ano biso atok'?"²³Tapi ang'koo, Yesus bakato ka ne'ido, "Asal'nyu ampat ka baboh, tapi Aku barasal ampat ka atas. Kau barasal ampat ka dunio anyian, tapi Aku buke ampat ka dunio anyian. ²⁴Oleh karano ang'koo, Aku gato'ot ka kau sasungguhe kau pasti mati ka'doop doso'nyu karano kade kau ano picayo ka'Aku, kau pasti mati ka'doop doso-doso'nyu."²⁵Lantas, ne'ido batanyo ka'Io, "Sape'ke Kito?" Yesus yahuti ne'ido, "Aku udoh gatoot'io ka'kau mulai samulo. ²⁶Ado manyak jukut manganai kau nang harus Aku kato'ot ba akimi, tapi Io nang yuruh Aku iolah banar lalu ameo nang Aku nangar ampat ka Io, angkolah nang Kusampeoto ka dunio." ²⁷Ne'ido ano garati sasungguhe Yesus cakahan bakato ka ne'odo manganai Bapo.²⁸Oleh sabab ang'koo, Yesus bakato, "Takallo kau udoh ningiot(maksut'e maku Yesus ka kayu salib ba naikot Io tarus Io mati) Anak Manusio, waktu ang'koolah kau ma'o nahu'i Aku iolah Io, lantas ano ado sege pun nang Aku galakuot ampat ka diri'Ku sandiri, malainkan Aku ngato'ot ameo nang di gajarot Bapo ka'Aku. ²⁹Lantas, Io nang yuruh Aku ado ba'sabayo-bayo ba Aku, Io ano ningo'ot Aku basorok kareno Aku sega galakuot jukut-jukut nang bapaedoh ka'Io." ³⁰Samintaro Yesus gato'ot samuo ang'koo, manyak urok'ng picayo ka'Io. Anak-Anak Abraham ba Anak-Anak Iblis³¹Salanjute, Yesus bakato ka urok'ng-urok'ng Yahudi nang picayo ka'Io, "Kade kau tatap ka'doop firman'Ku, kau batol-batol murit'Ku. ³²Lalu kau pasti nahu'i kabanarot, lantas kabanarot ang'koo ma'o mebasoto kau." ³³Ne'ido yahut, "Kami iolah katurunan Abraham ba ano suoh jadi hambo sape pun. Jadi, gameo Kito bakato, 'Kau pasti bebas?"'³⁴Yesus yahuti ne'ido, "Sasungguhe, Aku bakato ka'kau,satiap urok'ng nang galakuot doso iolah hambo doso. ³⁵Seko urok'ng hambo ano diop sege kaluarga untu salama'e, tapi seko urok'ng anak diop untu salama'e. ³⁶Jadi, kade Anak mebas'soto kau, kau banar-banar bebas.³⁷Aku nahu'i sasungguhe kau iolah katurunan Abraham, tapi kau ma'o munuho'Aku karano ajarot'Ku ano namu tampat ka doop diri'nyu. ³⁸Aku gato'ot manganai jukut-jukut nang udoh Aku nanang barage Bapo'Ku, ja'koo ugo kau galakuot jukut-jukut nang kau nangar ampat ka bapo'nyu."(kato ato kalakuan Tuhan Yesus nang Io namu ampat ka Allah Bapo)³⁹Ne'ido yahut lantas bakato ka'Io, "Abraham iolah bapo kami." Yesus yahut, "Kade kau katurunan Abraham, kau saharuse galakuot ameo nang Abraham galakuot. ⁴⁰Tapi ang'koo, kau barusoho munuho Aku, urok'ng nang mare kau nahu'i kabanarot, nang Aku nangar ampat ka Allah. Abraham ano galakuot jukut ang'koo. ⁴¹Jadi, kau kahe galakuot ameo nang digalakuot bapo'nyu sorok." Ne'ido bakato ka'Io,"Kami ano dibaranakot ampat ka asil babayo (kato babayo kadoop PL saring diartiot ano nurut ka'Allah). Kami kahe ado seko Bapo, iolah Allah."⁴²Yesus bakato ka ne'ido, "Kade Allah iolah Bapo'nyu, kau pasti kasih ka'Aku kareno Aku atok barasal ampat ka'Allah. Lantas, Aku atok buke atas kamaoan'Ku sandiri, malainkan Io nang yuruh Aku. ⁴³Ameo sabab kau ano garati ameo nang Aku gato'ot? karano ang'koo kau ano biso nangarot firman'Ku. ⁴⁴Kau barasal ampat ka bapo'nyu, iolah setan lantas kau ma'o galakuot kamaoan-kamaoan bapo'nyu. Io iolah pamunuh ampat ka'awal samulo ba ano mampaut'ti kabanarot karano ano ado kabanarot ka'doop diri'e. Kade io bakato pangalok, io bakato ampat ka sipat'e sandiri karano io iolah pangalok ba bapo pangalok.⁴⁵Tapi ko'oo, karano Aku gato'ot kabanarot ka'kau, kau ano picayo ka'Aku. ⁴⁶Sape'ke ka antaro kito nang biso nyato'ot sasungguhe Aku badoso? Kade Aku gato'ot kabanarot, gameo kau ano picayo ka'Aku? ⁴⁷Sape pun nang asale ampat ka Allah, io nangarot firman Allah; ang'koolah sabab'e kau ano nangarot'io karano kau buke barasal ampat ka'Allah." Yesus Bakato manganai Diri'E ba Abrahamt⁴⁸Urok'ng-urok'ng Yahudi yahuti Yesus lantas bakato ka'Io, "Sidi buke kade kami gato'ot sasungguhe Kito iolah urok'ng Samaria lantas Kito kamaso'kot roh jahat?" ⁴⁹Yesus yahut, "Aku ano kamaso'kot roh jahat, tapi Aku gormati Bapo'Ku, tapi kau ano gormati Aku.⁵⁰Tapi ang'koo, Aku ano ngago kamuliot unto diri'Ku sandiri; ado seko nang ngago'Io ba nang gakimio. ⁵¹Sasidie, Aku bakato ka'kau, satiap urok'ng nang nuruti firman'Ku, io ano paranoh suoh nanang'o kamatiot."⁵²Urok'ng-urok'ng Yahudi ang'koo bakato ka Yesus, "Kanio kami nahu'i sasunguhe Kito memang kamaso'kot roh jahat! Sabab, Abraham ba samuo nabi pun udoh mati. Tapi ko'oo, Kito bakato, 'Satiap urok'ng nang nuruti firman'Ku, io ano paranoh suoh yacapi kamatiot.' ⁵³Kito labih ayo'ke daripado Abraham bapo kami, nang udoh mati; ba'sapeke Kito yabayo'ot diri'Nyu?"⁵⁴Yesus yahut, "Kade Aku mulio'ot diri'Ku sandiri, kamulio'ot-Ku ano ado arti'e; Kaulah nang mulio'ot Aku, nang manganai'Io kau bakato, Io iolah Allah kami."' ⁵⁵Namun, kau ano nahu'i Io, tapi Aku nahu'i Io; Kade Aku gato'ot sasungguhe Aku ano nahu'i Io, Aku ma'o jadi'o pangallok, sabayo macam kau, tapi Aku nahu'i Io ba Aku nuruti firman'E. ⁵⁶Bapo'nyu, Abraham, karepo'ot karano io ma'o nanang'o ari'Ku (iolah ari Tuhan, nang gacu ka ari Kiamat). Io udoh nanang lalu karepo'ot."⁵⁷Lantas, urok'ng-urok'ng Yahudi ang'koo bakato ka'Io, "Umur'Nyu ajo nape ado 50 tahut, tapi kau udoh nanang Abraham?" ⁵⁸Yesus bakato ka ne'ido, "Sasungguhe Aku gato'ot ka'kau, sanape Abraham ado, Aku udoh ado." ⁵⁹Karano ang'koo, ne'ido gicok batu untu nabaki Io, tapi Yesus yosok'kot diri lantas ningoot Bait Allah.

¹Urok'ng nang Buto Mulai Dimaranakot Dinyamuhot Takallo Yesus cakahan bajo'ot, Io nanang urok'ng nang buto mulai dimaranakot. ²Murit-murit Yesus batanyo ka'Io, "Guru, sape'ke nang badoso, urok'ng anyian ato urok'ng tuho'e nyabab'pot io dimaranakot buto?"³Yesus yahut, Buke io ato'ugo urok'ng tuho'e badoso, malainan supayo pakarajo'ot-pakarajo'ot Allah di yato'ot ka doop io. ⁴Diri arus garajo'ot Pakarajo'ot-pakarajo'ot Io nang yuruh Aku salamo ari masih siok; maam ma'o atok saat ano ado seko urok'ng pun biso bakarajo. ⁵Salamo Aku masih ka dunio, Akulah tarok dunio."⁶Dah ako bakato ja'koo, Yesus gaujoh ka tanoh lalu gancoh ujoh'E ba'tanoh, lantas golesot io ka mato urok'ng ang'koo, ⁷Lalu bakato ka'io, "ampuslah, sasohlah diri'nyu ka kolam Siloam." Siloam artie "diyuruh". Lantas, urok'ng ang'koo ampus,yasoh diri'e, lantas io muok agi sambil nanang.⁸Samuo tatangga ba ne'ido nang sanap'e nanang io sebage urok'ng buto bakato, "Buke'ke urok'ng anyian nang biasae duduk ba minto?" ⁹Saparo urok'ng bakato, "au, iolah paminto ang'koo." Nang lain bakato, "Buke, io kahe sarupo ba paminto ang'koo." Tapi, urok'ng nang tai'e buto ang'koo bakato, "Akulah paminto ang'koo."¹⁰Lantas, urok'ng-urok'ng ang'koo batanyo ka'io, "Jamae mata'nyu biso dipincarangan?" ¹¹Urok'ng ang'koo yahut, "Urok'ng nang banamo Yesus ang'koo gancoh tanoh ba golesot'io ka mato. Salanjute, Io bakato ka aku, 'Ampus ka Siloam lantas sasohlah diri'nyu',jadi aku ampus ba yasoh diri, lantas aku biso nanang." ¹²Ne'ido bakatoka'io,"Kamae'kurok'ngang'koo?" Io yahut, "Aku ano nahu'i."¹³Salanjute, ne'ido nabanan urok'ng nang tai'e buto ka urok'ng-urok'ng Farisi. ¹⁴Adopun takallo ari Yesus gancoh tanoh ba mincarangan mato urok'ng ang'koo iolah ari Sabat. ¹⁵Maka'e, urok'ng urok'ng Farisi sakai agi batanyo ka urok'ng ang'koo jamae io biso nanang. Io bakato ka ne'ido, "Io golesot gancohot tanoh ka mato'ku, ba aku yasoh diri lalu aku biso nanang."¹⁶Karano ang'koo, basangape urok'ng Farisi ang'koo bakato, "Urok'ng ang'koo buke barasal ampat ka'Allah karano Io ano matuhi ari Sabat." Nang lain bakato, "Tapi ang'koo, jamae biso urok'ng nang badoso biso galakuot tando ajaib saparati anyian?" Maka, timulah papacohot ka antaro ne'ido. ¹⁷Jadi, ne'ido muok batanyo agi ka urok'ng buto ang'koo, "Dameo pandapat'nyu manganai Io karano Io udoh mincarangan mato'nyu?" ¹⁸Urok'ng ang'koo yahut, "Io iolah seko urok'ng Nabi." Urok'ng-urok'ng Yahudi ang'koo tatap ano picayo ka'io, sasungguh'e urok'ng ang'koo tai'e buto sidi tapi kanio biso nanang, sampe ne'ido yaru urok'ng tuho dari urok'ng nang kanio biso nanang ang'koo,¹⁹lantas batanyo ka ne'ido, "Anaknyu'ke anyian, nang kau gato'ot buto mulai di maranak'kot? Kade ja'koo, jamae io kanio biso nanang?" ²⁰Urok'ng tuho'e yahuti ne'ido lantas bakato, "Kami nahu'i sasungguhe io anak kami lantas io memang buto mulai di maranakot, ²¹tapi jama'e kanio io biso nanang, kami ano nahu'i; ato sape nang udoh mincarangan mato'e, kami ano nahu'i. Tanyo'ot ajo ka'io, io udoh ayo; io pasti bakato untu diri'e san'diri."²²Urok'ng tuho'e gato'ot ja'koo karano ne'ido gai ka urok'ng-urok'ng Yahudi. Soale, urok'ng-urok'ng Yahudi ang'koo udoh sapakat, kade satiap urok'ng nang gaku'i Yesus sebagai Kristus, ma'o dikucilkan (urok'ng lain ano muih bagaul ba urok'ng nang malanggar ) ampat ka sinagoge. ²³Ang'koolah sabab'pe urok'ng tuho'e bakato, "Io dah ayo, tanyo'ot ajo ka'io."²⁴Jadi, untu kaduo kai'e urok'ng-urok'ng Yahudi yaru urok'ng nang tai'e buto ang'koo, lantas bakato ka'io, "Bare'ot kamulioot'nyu untu Allah, kami nahu'i sasungguhe urok'ng anyian badoso." ²⁵Io yahut, "Urok'ng ang'koo urok'ng badoso'ke ato ano, aku ano nahu'i; sege jukut nang aku nahu'i, sanape aku buto, tapi kanio aku nanang."²⁶Ne'ido bakato ka'io, "Ameo nang io galakuot ka'kau? Jamae Io mincaranggan mato'nyu?" ²⁷Io yahuti ne'ido, "Aku udoh gato'ot io ka'kau, tapi kau bai ma'o nangaroto'io; gameo kau ma'o nangaroto 'io agi? Kau ma'o jadio murit'Eugo'ke?"Tarus, ne'ido gino io lantas bakato, "Kaulah mudit urok'ng ang'koo, tapi kami iolah murit-murit Musa. Kami nahu'i sasungguhe Allah udoh bakato ka Musa, manganai urok'ng ang'koo, kami ano nahu'i ampat ka mae io barasal!"²⁸Angkoa, naido menghinaio bakato,"kaulah muird urog iotapi na ido adalah murid-murid Musa. ²⁹Diri ngarati bahwa Allah telah bakato ka Musa, tetapi keadoot urog iyo, diri ano nauan iyo atok³⁰Urok'ng ang'koo yahut lantas bakato ka ne'ido, "Sidi heran kau ano nahu'i ampat kamae Io barasal, padahal Io udoh mincarangan mato'nyu. ³¹Diri nahu'i sasungguhe Allah ano nangarot urok'ng badoso, tapi sape pun nang gai ka Allah lantas galakuot kamaoan'E, Allah nangarot io.³²Mulai de sampe kanio, nape suoh didangar seko urok'ng mincarangan mato urok'ng nang buto mulai dimaranakot. ³³Kade urok'ng ang'koo buke barasal ampat ka Allah, Io ano biso galakuot ameo-ameo." ³⁴Urok'ng-urok'ng Yahudi ang'koo yahut lantas bakato ka'io, "Kau dimaranakot baisi ba'doso, lantas kau ma'o gurui'o kami?" Tarus, ne'ido yuruh urok'ng ang'koo dari.³⁵Yesus nangar sasungguhe urok'ng-urok'ng Yahudi udoh yuruh dari urok'ng buto ang'koo; takallo Yesus batamu ba'io, Yesus bakato, "Kau picayo'ke ka Anak Manusio?" ³⁶Urok'ng ang'koo yahut, "Sape'ke Io ang'koo, Tuhan, supayo aku picayo ka'Io?" ³⁷Yesus bakato ka'io, "Kau udoh nanang Io. Io iolah nang cakahan bakato ba'kau." ³⁸Urok'ng ang'koo yahut, "Tuhan, aku picayo!" Salanjute, io sujut kahadapot'E.³⁹Yesus bakato, "Untu gadilio Aku atok ka dunio anyian supayo ne'ido nang ano nanang, biso nanang ba ne'ido nang nanang, jadi buto." ⁴⁰Basangape urok'ng Farisi nang ado ka samak'E nangarot jukut ang'koo, lantas bakato ka'Io, "Kami buto ugo'ke?"⁴¹Yesus bakato ka ne'ido, "Kade kau buto, kau ano ado ba'doso; tapi karano kau bakato, 'Kami nanang', doso'nyu tatap ado."

¹Yesus Gembala nang Gagas Yesus bakato, sarato sasidie, Aku bakato ka'kau, urok'ng nang ta'amo ka kandang dombo nang ano galalui pintu, malainkan naik ba'galalui marago lain, urok'ng ang'koo iolah pangait ba parampok. ²Tapi ang'koo, urok'ng nang ta'amo galalui pintu, io iolah gembala dombo.³Bagi'e, panjago pintu muko'ot pintu, ba dombo-dombo nangar suara'e, lantas io yaru dombo-dombo'e sandiri ba'namo ne'ido, sarato giringan ne'ido ka uas. ⁴Dah'udoh samuo dombo'e digauasot, io bajo'ot ka depan ne'ido lantas dombo-dombo'e ma'o nuna'an io karano ne'ido ganali suara'e.⁵Urok'ng lain ano mungkin ne'ido tuna'an, tapi ne'ido ma'o dari'o ampat ka'io kareno ne'ido ano ganali suaro urok'ng-urok'ng lain." ⁶Parumpamaan ang'koolah nang digato'ot Yesus ka ne'ido, tapi ne'ido ano garati dameo nang baru ajo Yesus gato'ot ka ne'ido.⁷Oleh sabab ang'koo, Yesus bakato agi ka ne'ido, "Sasidie, Aku bakato ka'kau, Akulah pintu ka dombo-dombo ang'koo. ⁸Samuo urok'ng nang atok sanape Aku iolah pangait ba parampok, tapi dombo-dombo ano nangarot ne'ido.⁹Akulah pintu. Kade seko urok'ng ta'amo galalui Aku, io ma'o disalamatot, ba ma'o ta'amo kauas, sarato namuan padok rumput. ¹⁰Pangait atok kahe untu gaito, munuho, ba minaso'oto; Ne'ido supayo ado ba'idup Aku atok, gampu'o io sacaro balabih.¹¹Akulah gambalo nang gagas; gambalo nang gagas mare'ot nyawo'E bagi dombo-dombo. ¹²Seko urok'ng upohot, buke seko urok'ng gambalo, nang buke ampu dombo-dombo ang'koo, nanang sarigala atok, io ningo'ot dombo-dombo ang'koo lantas dari; sarigala ang'koo ma'o narakam ba misoh-misohoto dombo-dombo ang'koo. ¹³Io dari karano io urok'ng upohot lantas ano paduli ka dombo-dombo ang'koo.¹⁴Akulah gambalo nang gagas. Aku ganali dombo-dombo'Ku lantas dombo-dombo'Ku ganali Aku ¹⁵samo saparati Bapo ganali Aku lantas Aku ganali Bapo; ba Aku mare'ot nyawo'Ku bagi dombo-dombo ang'koo. Dombo-dombo lain ¹⁶Aku ado ugo (Urok'ng-urok'ng lain nang ma'o jadio pangikut Yesus ampat ka bangso lain nang buke bangso Yahudi) nang buke ampat ka kandang anyian; Aku ma'o mabo'o ne'ido ugo, lantas ne'ido ma'o nangar suaro'Ku; ba ne'ido ma'o di'jadioto sege kalompok ba seko gambalo.¹⁷Karano anyianlah Bapo gasihi Aku, soale Aku mareot nyawo'Ku supayo Aku biso gicoko'io agi. ¹⁸Ano seko urok'ng pun udoh gicoko'io ampat ka'Aku, malainkan Akulah nang mareot'io manurut kamaoan'Ku sorok. Aku ado hak untu mareot nyawo'Ku, lantas Aku ugo ado hak untu gicoko'io agi. Anyianlah parintoh nang Aku tarimo ampat ka Bapo'Ku."¹⁹Sakai agi, ado papacohot ka antaro urok'ng-urok'ng Yahudi karano pakato'ot Yesus ang'koo. ²⁰Manyak ampat ka ne'ido nang bakato, "Io kamasokot roh jahat lantas jadi gilo. Gameo'ke kito nangarot Io?" ²¹Nang lain bakato, "Ang'koo buke pakato'ot seko urok'ng nang kamasokot roh jahat. Biso'ke roh jahat mincarangan mato urok'ng buto?" Yesus ba Bapo iolah Seko²²Pado waktu ang'koo, ari rayo pentabhisan (minggu langho'e nang digarayot urok'ng Yahudi satiap buot desember untu mampringati panyuciot altar Bait Suci nang sanape udoh kotor) balangsung ka Yerusalem. Saat ang'koo musim dinggin, ²³Lantas Yesus cakahan bajo'ot ka Bait Allah, ka'sami Salomo (bagian sabaloh timur Bait Suci nang dinutupi atap) ²⁴ba, urok'ng-urok'ng Yahudi bakomo galilingi Io lantas bakato ka'Io, "Sangape lamo agi Kito miarot jiwo kami bimbang? Kade Kito Kristus, bakatolah tarus tarang ka kami."²⁵Yesus jahuti ne'ido, "Aku udoh gato'ot io ka'kau, tapi kau ano picayo. Pakarajo'ot-pakarajo'ot nang Aku galakuot ka'doop namo Bapo'Ku, ang'koolah nang mare'ot kasaksiot manganai Aku. ²⁶Tapi ang'koo, kau ano picayo karano kau ano tamasuk dombo-dombo'Ku.²⁷Dombo-dombo'Ku nangar suaro'Ku, Aku ganali ne'ido lantas ne'ido nuna'an Aku. ²⁸Aku mareot idup kakal ka ne'ido, ba ne'ido ano paranoh biso binaso; lantas ano seko urok'ng pun biso garabut ne'ido ampat ka kokot'Ku.²⁹Bapo'Ku, nang udoh mareot ne'ido ka'Aku, labih ayo daripado samua'e, ba ano ado seko urok'ng pun biso garabut ne'ido ampat ka'kokot Bapo. ³⁰Aku ba Bao iolah seko." ³¹Sakai agi, urok'ng-urok'ng Yahudi gicok batu untu nabaki Yesus.³²Tapi ang'koo, Yesus bakato ka ne'ido, "Aku udoh nojok'kot ka'kau manyak pakarajo'ot gagas ampat ka'Bapo, pakarajo'ot mae'ke ampat ka antarae nang majawat'nyu ma'o nabakio Aku pake batu?" ³³Urok'ng-urok'ng Yahudi ang'koo yahuti Io, "Buke karano sege pakarajo'ot gagas kami ma'o nabakio Kito pake batu, malainkan karano hujat (ano gako'i Allah) lantas karano Kito, nang kahe seko urok'ng manusio, yadioto diri'Nyu Allah."³⁴Yesus yahuti ne'ido, "Buke'ke tatulis ka'doop Kitab Taurat'nyu, 'Aku udoh bafirman, Kau iolah Allah'? ³⁵Kade Allah yabut ne'ido nang narimo firman ang'koo 'allah', padahal Kitab Suci ano biso dibatalot, ³⁶ameo'ke kau gato'ot manganai Io nang udoh Bapo kudusot ba yuruh ka doop dunio, 'Kito menghujat (ano gaku'i Allah)', karano Aku bakato ka'kau, 'Aku iolah Anak Allah'?³⁷Kade Aku ano galakuot pakarajo'ot-pakarajo'ot Bapo'Ku, usoh picayo ka'Aku. ³⁸Tapi ang'koo, kade Aku galakuot pakarajo'ot-pakarajo'ot ang'koo, maskipun kau ano picayo ka'Aku, picayolah ka pakarajo'ot-pakarajo'ot ang'koo supayo kau nahui ba garati sasungguhe Bapo ka doop diri'Ku, lantas Aku ka doop Bapo." ³⁹Sakai agi, ne'ido yobo nangkap Yesus, tapi Io lapas ampat ka ne'ido.⁴⁰Lantas, Yesus ampus agi yabarangi batangan Yordan notoko ka tampat Yohanes partamo kai maptis de'e lantas Yesus diop ka naan. ⁴¹Manyak urok'ng atok ka'Io lantas bakato, "Maskipun Yohanes (Yohanes pambaptis buke Rasul Yohanes) ano galakuot sege tando ajaib pun, tapi samuo nang digato'ot Yohanes manganai urok'ng anyian sidi." ⁴²Lantas, manyak urok'ng jadi picago ka'Io ka naan.

¹Kamatiot Lazarus Ado seko urok'ng angaki nang cakahan rongko, nama'e Lazarus ampat ka Betania, kampok Maria ba kamaru'e, ²Marta. Maria anyianlah ambini nang paranoh minyaki (caro urok'ng Yahudi gormati tamu istimewo nang atok) poho Yesus pake minyak wangi ba galap poho'E pake bu'ukke, nang kamaru angakie, Lazarius, waktu ang'koo rongko.³Sabab ang'koo, kaduo kamaru'e anyian giriman barito ka'Io, nang bakato, "Tuhan, urok'ng nang Kito gasihi cakahan rongko." ⁴Tapi takallo Yesus nangar barito ang'koo, Io bakato, "Panyakit ang'koo ano biso yabapot kamatiot, tapi ma'o yato'oto kamuliaan Allah supayo Anak Allah dimuliot galalui'Io."⁵Yesus memang gasihi Marta, kamaru ambini'e, ba Lazarus. ⁶Jadi, takallo Yesus nangar Lazarus rongko sasidie, Io singajo diop 2 ari agi katampat'E ang'koo. ⁷Dah'ako ang'koo, Yesus bakato ka murit-murit'E, "Je diri ampus agi ka Yudea."⁸Samuo murit bakato ka'Io, "Guru, urok'ng-urok'ng Yahudi nape lamo anyian barusoho nabakio Kito pake batu, Kito tatap ampuso kanaan agi'ke?" ⁹Yesus yahut, "Buke'ke ado 12 jam doop sa'ari? Kade seko urok'ng bajo'ot siok ari, io ano tarantuk karano io nanang tarok dunio anyian.¹⁰Tapi ang'koo, kade seko urok'ng bajo'ot maam ari, io tarantuk karano tarok ang'koo ano ado ka'io." ¹¹Dahudoh Yesus bakato ja'koo, Io bakato ka ne'ido, "Ayuk diri, Lazarus, udoh tidur (nang dimaksut Yesus udoh mati), tapi Aku ma'o ampuso untu gumpat'tato io."¹²Murit-murit bakato ka'Io, "Tuhan, kade io udoh tatidur, io pasti tomo." ¹³Yesus sabanare bakato manganai kamatiot Lazarus, tapi murit-murit giro Io bakato manganai tatidur doop arti istirahat. ¹⁴Karano ang'koo, Salanjute Yesus bakato ba'tarus tarang ka ne'ido, "Lazarus udoh mati,¹⁵ba Aku aso untu kapantingan'nyu, Aku ano ado kanaan supayo kau biso picayo. Jadi, je diri ampus ka'io." ¹⁶Salanjute, Tomas, nang diyabut Didimus (namo Tomas asale ampat ka'bahaso Ibrani, Didimus nang artie anak kamar), bakato ka murit-murit nang lain, "Je diri ampus ugo supayo diri biso mati barage'Io."¹⁷Takallo Yesus sampe, io napati Lazarus dah ado ka doop kuburan salamo 4 ari. ¹⁸Adopun Betania barado limo balas stadia jauh'e ampat ka Yerusalem. ¹⁹Manyak urok'ng Yahudi udoh atok namui Maria ba Marta, untu giburo ne'ido nang bakaitan ba kamaru'e ang'koo. ²⁰Takallo nangar Yesus dah atok, Marta ampus lantas yambut'Io, tapi Maria tatap diop ka rumoh.²¹Marta bakato ka Yesus, "Tuhan, sa'ande waktu ang'koo Kito ado ka sio, kamaru'ku pasti ano mati'o. ²²Tapi ang'koo, kanio anyian aku nahui sasungguh'e ameo pun nang Kito minto ampat ka Allah, Allah ma'o mareoto'io ka'Kau." ²³Yesus bakato ka'io, "Kamaru'nyu ma'o bangkit."²⁴Marta yahuti Io, "Aku nahui io ma'o bangkit ka ari kabangkitot saat ahir zaman." ²⁵Yesus bakato ka'io, "Akulah kabangkitot ba kaidupot; sape pun nang picayo ka'Aku, io pasti idup walaupun io udoh mati, ²⁶lantas satiap urok'ng nang idup ba picayo ka'Aku ano paranoh biso mati. Kau picayo'ke manganai jukut anyian?"²⁷Marta bakato ka'Io, "au Tuhan, aku picayo sasungguh'e Kitolah Kristus, Anak Allah, nang atok ka dunio." Yesus Nangis ²⁸Dah ako gato'ot jukut ang'koo, Marta ampus ba yaru Maria, kamaru'e, lantas bakato sacaro pribadi, "Guru ado ka sio ba Io yaru'kau." ²⁹nangar jukut ang'koo, Maria langsung badiri lantas namu'i Yesus.³⁰Saat ang'koo, Yesus nape sampe ka kampok ang'koo, tapi masih ka tampat Maria namu'i Io. ³¹Urok'ng-urok'ng Yahudi nang sabayo-bayo Maria ka rumoh ang'koo, nang cakahan gibur io, nanang Maria langsung umpat lantas ampus kauwas; ne'ido nuno io kareno giro io ma'o ampuso ka kuburan untu nangiso ka naan. ³²Takallo Maria sampe ka tampat Yesus ang'koo, io nanang Yesus lantas basujut ka paha'E, tarus bakato ka'Io,"Tuhan, sa'ande Kito ado ka sio waktu ang'koo, kamaruku pasto ano mati."³³Takallo Yesus nanang Maria nangis, ba urok'ng-urok'ng Yahudi nang sabayo-bayo'io turut nangis ugo, ga'delah Yesus ka'doop Roh lantas maraso taganggu. ³⁴Yesus batanyo, "Kamae Lazarus kau yubur?" Ne'ido yahuti Io, "Tuhan, je ampus lantas tananglah." ³⁵Yesus pun nangis.³⁶Tarus, urok'ng-urok'ng Yahudi bakato, "Tananglah! Batapo Io gasihi Lazarus sidi!" ³⁷Tapi ang'koo, ado basagape urok'ng ka antaro ne'ido bakato, "Ano biso'ke Io nang udoh mincarangan mato urok'ng buto anyian ugo majawat Lazarus ano mati?" Lazarus Dimangkitot dari Kamatiot³⁸Yesus, nang sakai agi ga'de ka'doop diri'E, ampus ka kuburan. Kuburan ang'koo iolah sabuoh guo ba sabuoh batu digako'ot nutupi'io. ³⁹Yesus bakato, "Singkirot batu ang'koo!" Marta, kamaru urok'ng nang mati ang'koo, bakato ka'Io, "Tuhan, kanio pasto ma'o ado'o bau buruk karano io udoh mati salamo 4 ari." ⁴⁰Yesus yahuti io, "Buke'ke Aku udoh gato'ot io ka'kau sasidie kade kau picayo, kau ma'o nanang kamuliot Allah?"⁴¹Jadi, ne'ido gangkat batu ang'koo. Salanjute, Yesus nigawo lantas bakato, "Bapo, Aku basukur ka'Kito karano Kito udoh nangar'rot Aku. ⁴²Aku nahu'i sasidie Kito sega nangar'rot Aku, tapi karano urok'ng-urok'ng nang badiri ka sakaliling'Ku, Aku gato'ot jukut ang'koo supayo ne'ido picayo sasidie Kitolah nang yuruh Aku."⁴³Dahudoh gato'ot ang'koo, Yesus gampak pake suaro yarek, "Lazarus, kauwarlah!" ⁴⁴Urok'ng nang udoh mati ang'koo kauwar, kokot ba pahae masih tarikat tali kafan, ba muhae masih tatutup kain kafan. Yesus bakato ka ne'ido, "Lapasot kain-kain ang'koo dari'io lantas biarot io dari." Rancano untu Munuho Yesus⁴⁵Urok'ng-urok'ng Yahudi nang atok nabo Maria, ba nanang ameo nang udoh Yesus galakuot, jadi picayo ka'Io. ⁴⁶Tapi ang'koo, basagape ampat ka ne'ido gataki urok'ng-urok'ng Farisi lantas mataki ne'ido ameo nang udoh Yesus galakuot.⁴⁷Jadi, imam-imam kapalo ba urok'ng-urok'ng Farisi gado'ot patamuan Sanhedrin (dewan Yahudi nang paling tinggi untu masalah agama ba sipil) lantas bakato, "Ameo nang ma'o diri lakuot? Sabab, urok'ng anyian galakuot manyak tando ajaib. ⁴⁸Kade diri miarot Io tarus macam anyian, samuo urok'ng pasti picayo ka'Io lantas urok'ng-urok'ng Roma ma'o atok untu garabuto tampat anyian ba bangso diri."⁴⁹Tapi ang'koo, seko urok'ng ampat ka ne'ido nang banamo Kayafas, nang jadi imam ayo pado tahut ang'koo, bakato ka ne'ido, "Kito ano nahu'i ameo-ameo, ⁵⁰atougo mampartimbangkan sasungguhe labih gagas seko urok'ng mati untu samuae bangso, daripado samuae bangso binaso."⁵¹Io ano gato'otio ampat ka diri'e sandiri, tapi jadi imam ayo tahut ang'koo, io bernubuat(garamalot) bahwo Yesus ma'o mati untu bangso ⁵²ang'koo. Ba, buke kahe untu bangso Yahudi ajo,malainkan makomoan'no ugo anak-anak Allah nang papar. ⁵³Jadi, mulai ari ang'koo, ne'ido sapakat untu munuho Yesus.⁵⁴Karano ang'koo, Yesus ano agi bajo'ot sacaro tarang-tarangan ka antaro urok'ng Yahudi, tapi Io ampus ampat ka naan ka wilayoh samak padok balantaro ka sege koto banamo Efraim(koto nang samak Yerusalem ka utara kiro-kiro 20 km) ; lantas Io diop kanaan ba'murit-murit'E. ⁵⁵Saat ang'koo, Paskah urok'ng Yahudi udoh samak, lantas manyak urok'ng ka wilayoh ang'koo ampus ka Yerusalem sanape paskah untu ne'ido marasihoto diri.⁵⁶Kamudian, ne'ido gagui Yesus lantas bakato seko ka nang lain samintaro ne'ido badiri ka'doop bait Allah, ne'ido saling batanyo, "Jamae manurut'kau? Io samo sakai ano atoko'ke ka acara anyian?" ⁵⁷Adopun imam-imam kapalo ba urok'ng-urok'ng Farisi udoh gauarot parintoh kade ado seko urok'ng nahu'i kamae kabaradaate, urok'ng ang'koo harus madohot'io supayo ne'ido biso nangkap'Io.

¹Maria Minyaki Poho Yesus ka Betania Anam ari sanape ari Rayo Paskah, Yesus ampus ka Betania, tampat diop Lazarus, nang udoh Io mangkitot dari kamatiot. ²Ka naan, udoh di yiapot jamuan makot maam untu Yesus; ba Maria cakahaan galayani, tapi Lazarus salah seko ampat ka ne'ido nang duduk ka mejo sabayo-bayo Yesus. ³Salanjute, Maria gicok satangoh kati( Harfiah iolah litra, sepertiga kilogram ) minyak narwastu murni( parpum nang dimajawat ampat ka'akar kayu nard ) nang moho sidi, lantas minyaki poho Yesus ba garingan'io pake bu'uk-ke. Tarus, rumoh ang'koo baisi bau harum minyak wangi ang'koo.⁴Tapi ko'o, Yudas Iskariot, salah seko urok'ng murit'E, nang ma'o gianatio Io, bakato, ⁵Gameo minyak wangi ang'koo ano di'juo ajo sarago tiga ratus dinar lantas dibareot ka urok'ng-urok'ng sontok?" ⁶Io bakato ja'koo buke karano io paduli ka urok'ng sontok, malainkan karano io iolah salah seko urok'ng pangait, lantas karano io nabanan kotak duit( Yudas Iskariot pana'api duit kas murit-murit, tapi io sega gaiti duit ang'koo ), io biaso gicok duit nang dinamaan ka doop kotak ang'koo.⁷Lantas, Yesus yahut, "Biarotlah ambini ang'koo, io galakuot'io sebagai persiapan untu yuburo'Aku. ⁸Sabab, urok'ng sontok sega ado ba'kau, tapi ba'kau Aku jarok ado." Samuo Imam Kapalo Ma'o Munuho Lazarus⁹Takallo sajumbaloh manyak urok'ng Yahudi nangar Yesus ado ka Betania, ne'ido ampus ka naan, buke kahe karano Yesus, malainkan ugo karano ma'o nanang Lazarus nang udoh Io mangkitot dari kamatiot. ¹⁰Lantas, imam-imam kapalo barancano untu munuho Lazarus ugo. ¹¹Karano Lazarus, manyak urok'ng Yahudi ningo'ot ne'ido lantas picayo ka Yesus.Yesus Ta'amo ka Koto Yerusalem Macam Rajo¹²Ari ampagi'e, urok'ng rami nang gadiri gawe ang'koo, takallo nangar manganai Yesus ma'o atoko ka Yerusalem, ¹³ne'ido gicok dauk-dauk tingoh lantas ampus ka uas untu yambuto Io ba langsung ba'gampa'kot, "Hosana! Dibarakatilah Io nang atok ka'doop namo Tuhan, Rajo Israel!" Mazmur 118:25-26¹⁴Dah ako namuan seko keledai mudo, Yesus duduk ka atase, macam nang tatulis: ¹⁵"usoh ga'i, he putri Sion( metapora untu panduduk Yerusalem )!Tananglah! Rajanyu atok, duduk ka atas seko keledaimudo."Zakharia 9:9¹⁶Awale, murit-murit'E ano garati samuo jukut ang'koo, tapi takallo Yesus di mulio'ot( saat Yesus di yalipot,bangkit dari mati ba naik ka Subayot ), ne'ido salanjute garati bahwo mangganai Io samuae ang'koo udoh tatulis, lantas ne'ido udoh galakuot samuae untu Io. Urok'ng Manyak Bakato manganai Yesus¹⁷Jadi, urok'ng-urok'ng nang sabayo-bayo Yesus waktu Io yaru Lazarus kauar ampat ka kuburan lantas mangkitot io dari kamatiot tarus basaksi. ¹⁸Oleh sabab ang'koo, manyak urok'ng yambut Yesus karano ne'ido nangar sasungguhe Iolah nang udoh galakuot mukjizat ang'koo. ¹⁹Jadi, urok'ng-urok'ng Farisi bakato seko ka nang lain, "Kito nanang, ameo nang diri garancano'ot ano barasil. Tananglah, saluruh dunio udoh nuna'an Io!" Yesus Bakato manganai Kaidupot ba Kamatiot²⁰Pado saat ang'koo, ado ugo urok'ng-urok'ng Yunani( buke urok Yahudi ) ka antaro ne'ido nang ampus untu sambayang waktu parayo'ot ang'koo. ²¹Ne'ido namui Filipus, nang barasal dari Betsaida ka Galilea, lantas bakato ka'io, "Tuan, kami ma'o batamuo ba'Yesus." ²²Filipus ampus lantas mataki Andreas; salanjute Andreas ba Filipus ampus ba mare Yesus nahui.²³Yesus jahuti ne'ido, "Waktu'e dah sampe bagi Anak Manusio untu dimulio'ot. ²⁴Sa'sidi-sidie, Aku gato'ot ka'kau, kacuali bege gandum janto ka tanoh lantas mati, bege ang'koo tatap sege ajo; tapi kade bege ang'koo mati, io gasilot manyak buoh.²⁵Urok'ng nang yayangi nyawae, ma'o ka'angitot nyawae, tapi urok'ng nang ano yayangi nyawae ka dunio anyian, ma'o miharo'io untu idup kakal. Kade ²⁶seko urok'ng galayani Aku, io harus nuna'an Aku; ka mae Aku barado, ka ko'o ugo palayan'Ku ado; kade seko urok'ng galayani Aku, Bapo pasti gormati io." Yesus Bakato manganai Kamatio'E²⁷"Kanio, jiwa-Ku galisoh. Ameo nang ma'o Kukato'ot? 'Bapo, salamatotlah Aku dari kanio anyian?' tapi ang'koo, saat anyian untu tujuan ang'koolah Aku atok. ²⁸Bapo, mulio'otlah namo-Nyu!" Lantas, tadangarlah suaro ampat ka'subayot, "Aku udoh mulio'ot namo-Ku ba Aku ma'o mulioto'io agi." ²⁹Urok'ng manyak nang badiri ka ko'o ba nangarot'io gato'ot sasungguhe ang'koo bunyi guntur, tapi nang laine bakato, "Seko urok'ng malaikat udoh bakato ka-Io!"³⁰Yesus yahut lantas bakato, "Bunyi ang'koo kadangarot buke untu kapantingan-Ku, malainkan untu kapantinganyu. ³¹Kaniolah panghakiman untu dunio anyian, kaniolah panguaso dunio ma'o diburu.³²Lantas, kade Aku ditingiot (dinaikot dari kamatiot sampe ka subayot) ampat ka dunio anyian, Aku ma'o yujuto/mabo'o samuo urok'ng ba-Aku." ³³Yesus gato'ot jukut anyian untu madohot manganai kamatiot macam mae Io ma'o mati.³⁴Urok'ng manyak ang'koo yahuti Io, "Kami udoh nangar ampat ka hukum Taurat sasungguhe Kristus ma'o diop tatap salamo-lamae; jamae mungkin Kito bakato, Anak Manusio ang'koo arus ditinggiot?' Sape'ke Anak Manusio ang'koo?" ³⁵Yesus yahuti ne'ido, "Tinggal sabantar agi Tarok(iolah Yesus) ang'koo ado ba'kau. Bajo'otlah sa'agi Tarok ang'koo masih ado supayo kagalapot ano biso guasainyu; sabab urok'ng nang bajo'ot ka doop kagalapot ano nahui ka mae io ampus. ³⁶Kade Tarok ang'koo ado ka'kau, picayolah ka Tarok ang'koo supayo kau jadi'o anak-anak Tarok." Dah'ako gato'ot ja'koo, Yesus ampus lantas yoso'kot diri dari ne'ido. Labih dari Seko Urok'ng Yahudi Ano Picayo Ka Yesus³⁷Biarpun Yesus udoh galakuot manyak tando ajaib/endoh ka hadapot ne'ido, ne'ido tatap ano picayo ka-Io, ³⁸supayo ganaplah pakato'ot nang diyampeot oleh Nabi Yesaya, Tuhan, sapeke nang picayo ka pakabar'ot kami? Lantas, ka sape'ge kokot (barupo simbol kuaso/kakuaso'ot) Tuhan udoh di yato'ot?" Yesaya 53:1³⁹Ang'koolah sabape, ne'ido ano biso picayo karano Yesaya bakato ugo, ⁴⁰"Io udoh muto'ot mato ne'ido lantas gara'kot ati ne'ido, supayo ne'ido usoh nanang pake mato ne'ido tapi ne'ido garati pake ati lantas babalik tarus Aku yamuhot ne'ido." Yesaya 6:10⁴¹Yesaya gato'ot samuae anyian kareno io udoh nanang kamulio'ot Yesus lantas io bakato manganai Io ⁴²Maski ja'koo, manyak ugo pamimpin nang picayo ka Yesus, tapi karano ga'i ka urok'ng-urok'ng Farisi, ne'ido ano gato'otio tarus tarang karano ga'i ma'o di- kuciloto ampat ka sinagoge. ⁴³Sabab, ne'ido labih repo narimo kamulio'ot ampat ka manusio daripado kamulio'ot ampat ka Allah.Ajarot Yesus Manganai Mengakimi Manusio⁴⁴Salanjute, Yesus bakato ayo, kata'E, "Satiap urok'ng nang picayo ka-Aku, ano picayo ka-Aku, malainkan ka Io nang yuruh Aku. ⁴⁵Lantas, satiap urok'ng nang udoh nanang Aku, udoh nanang Io nang yuruh Aku.⁴⁶Aku udoh atok sebagai tarok ka dunio anyian, supayo satiap urok'ng nang picayo ka-Aku ano diop kadoop kagalapot. ⁴⁷Kade seko urok'ng nangarot pakato'ot-Ku, tapi ano nuruti'io, Aku ano menghakimi io; sabab Aku atok buke untu menghakimi dunio, malainkan untu yalamat'tato dunio⁴⁸Sape nang nolak Aku ba ano narimo pakato'ot-Ku, tarus firman nang Aku gato'ot ma'o gakimio io ka akhir zaman. ⁴⁹Kareno Aku ano bakato atas kamaoan-Ku, malainkan Bapo nang yuruh Aku mare-Aku parintoh atas ameo nang ma'o Aku kato'ot ba kalakar'ot. ⁵⁰Lantas, Aku nahui sasungguhe parintah'E iolah idup kakal. Sabab ang'koo, jukut nang Aku yampeot, Aku yampeot macam nang digato'ot Bapo ka-Aku."

¹Yesus Yasoh Poho Murid-Murid- Sanape Ari Rayo Paskha, Yesus nahui manganai waktu'E udoh sampe sasungguhe Io ma'o ningo'oto dunio anyian untu Bapo, dahako gasihi ane'E sandiri ka dunio, Io gasihi ne'ido sampe akhir. ²Salamo makot ma'am balanjut, setan udoh namaan ka'doop ati Yudas Iskariot, anak Simon, untu gianatio Yesus.³Yesus, sasungguhe nahui takallo Bapo udoh yarohot sagalo sasuatu ka doop kokot'E, lantas sasungguhe Io atok ampat ka Allah, ba ma'o muo'ko ka Allah. ⁴Io badiri ampat ka jamuan makot ma'am lantas galapasot jubah'E. Lantas gicok saput linen ba gikat'io ka pingok'E. ⁵Salanjute, Io nuangan a'i ka sege baskom lantas mulai yasoh poho murid-murid'E (Yesus galakuot untu mare contoh manganai ati nang randah) sarato garingan poho ne'ido ba saput nang tarikat ka pingok'E.⁶Lantas, Io nyampe ka Simon Petrus kamudian io bakato ka Yesus, 'Tuhan, Kito yasoh poho'ku? ⁷Yesus yawab lantas bakato ka'io, "Ameo nang Aku galakuot, kau ano garati'o kanio, tapi dudi'e kau pasti garati." ⁸Petrus bakato, "Kito pasti ano suoh'o yasoho poho'ku! Yesus yawab, "kade Aku ano yasoh'kau, kau ano namu'o bagiot ka doop diri'Ku." ⁹Simon Petrus bakato ka'Io, "Kade ja'koo Tuhan, iya kahe poho'ku ajo, tapi ugo kokot ba kapalo'ku!"¹⁰Yesus bakato ka'io, "Urok'ng nang dah'ako mani (urok'ng nang dah ako galami baptisot ampat ka Kristus, nang digalakuot galalui Roh Kudus) kahe palaru yasoh poho'e, tapi udoh barasih saluruhe. Kau dah barasih, tapi ano samua'e dari kito barasih." ¹¹Kareno Yesus nahui sape nang ma'o gianatio Io, ang'koo sabab'pe Io bakato, "Ano samua'e dari kito barasih."¹²Jadi, dahudoh Yesus ako yasoh poho murit-murit'E, make jubah'E agi, lantas muok agi ka tampat'E, io bakato ka ne'ido, "Kito garati'ke ameo nang Aku galakuot ka kito? ¹³Kito yabut Aku Guru ba Tuhan ugo. Ang'koo pas karano Aku Guru ba Tuhan. ¹⁴Kade Aku, nang iolah Tuhan ba Guru'nyu, udoh yasoh poho'nyu, kito pun harus saling yasoh poho kito. ¹⁵Soale, Aku udoh mare'ot contoh ka'kau supayo kau ugo galakuot macam nang Aku galakuot ka'kau¹⁶Nang sasidi'e, Aku gato'ot ka'kau, seko urok'ng hambo ano labih ayo daripado tuan'ne, atopun selo urok'ng utusan ano labih ayo daripado urok'ng nang yuruh'io. ¹⁷Kade kau udoh nahui samu'o anyian, kau dibarakati kade kau galakuot'io. Aku ano bakato-kato manganai kito samua'e. ¹⁸Aku nahui sape ajo nang udoh Ku'milih, tapi nas anyian arus diganapot, 'Urok'ng nang makot roti-Ku udoh gangkat tumit'te terhadap Aku.'¹⁹Aku mataki'kau kanio, sanape jukut ang'koo terjadi supayo takallo jukut ang'koo terjadi, kau pasti picayo sasungguhe Akulah Io (Aku iolah Allah ba Aku iolah Mesias). ²⁰Nang sasidi'e, Aku gato'ot ka'kau, satiap urok'ng nang narimo urok'ng nang Ku'utus, narimo Aku; lantas urok'ng nang narimo Aku, narimo Io nang gutus Aku." Yesus Mataki Sape nang Ma'o Gianati Io²¹Dahako Yesus bakato ja'koo, Io anotanang ka doop Roh lantas basaksi, "Sasidi-sidie Aku bakato ka'kau, salah seko urok'ng ampat ka kito ma'o gianati Aku." ²²Murit-murit saling batanang seko ka nang lain lantas jadi bingung manganai sape nang Io gato'ot.²³Salah seko urok'ng murit'E duduk basanar ka dado Yesus (pado waktu ang'koo urok'ng Yahudi makot ano duduk ka bangku, meja'e baboh, siku kebo untu basanar kokot kanan untu makot). Iolah murit nang Yesus gasihi sidi. ²⁴Salanjute, Simon Petrus mare tando ka'io untu batanyo ka Yesus manganai sape nang Io maksu'tot ²⁵Jadi, murit nang basanar ka dado Yesus ang'koo batanyo ka'Io, "Tuhan, sape'ke urok'ng ang'koo?"²⁶Yesus yawab, "Urok'ng ang'koo iolah io nang ka'io Aku mare'ot tatakot roti anyian dahako Aku yalupot'io." Lantas, dahako yalupot tatakot roti ang'koo, Yesus mareot'io ka Yudas, anak Simon Iskariot. ²⁷Lantas, dahako narimo tatakot roti ang'koo, Iblis garasuki'io. Karano ang'koo, Yesus bakato ka'io, "Ameo nang ma'o kaupajawat, lakuotlah ancang!"²⁸Ano seko urok'ng pun ampat ka ne'ido nang cakahan makot ang'koo garati gameo Yesus bakato ja'koo ka Yudas. ²⁹Basagape dari ne'ido yang'ko karano Yudaslah nang na'api kotak duit sehingga Yesus bakato ka'io, "Balilah jukut-jukut nang diri palaruot untu parayo'ot," ato supayo io mareot sasuatu ka urok'ng sontok. ³⁰Jadi, dahako narimo tatakot roti, Yudas ampus ka uwas saat ang'koo ugo; ba saat ang'koo udoh ma'am Yesus Bakato mangana'i Kamatio-Te³¹Dahudoh Yudas dari, Yesus bakato, "Kaniolah saate Anak Manusio dimulio'ot ba Allah dimulio'ot galalui Io. ³²Kade Allah dimulio'ot ka doop Io, Allah ma'o ugo mulio'oto Io ka doop diri-E, ba ma'o mulio'oto Io ancang. ³³Anak-anak-Ku, Aku ado ba'sarato kau kahe tinggal sabantar agi. Kau ma'o gagu'i Aku, ba saparati nang udoh Kugato'ot ka urok'ng-urok'ng Yahudi, kanio Aku kato'oto ugo ka'kau, 'Ka mae Aku ampus, kau ano biso atok.'³⁴Sege parintoh barahu Aku bareot ka'kau, iolah supayo kau saling mengasihi, sabayo macam Aku udoh gasihi kito, ja'koolah kau ugo saling mengasihi. ³⁵Macam ja'koo, samuo urok'ng pasti nahu'i bahwo kau iolah murit-murit-Ku, kade kau saling mengasihi."Paringatan Yesus ka Petrus³⁶Simon petrus batanyo ka Yesus, "Tuhan, ka mae'ke Kito ma'o ampus?" Yesus yawab io, "Ka mae Aku ampus, kau ano biso nuna'an Aku kanio, tapi dudi kau pasti nuna'an Aku." ³⁷Petrus batanyo ka-Io, "Tuhan, gameo aku ano biso nuna'an Kito kanio? Aku ma'o yaro'hot nyawo'ku demi Kito!" ³⁸Yesus yawab, "Kau ma'o yaro'hoto nyawo'nyu untu-Aku? Nang sasidie Aku gato'ot ka'kau, manok pasti bai bakakok sanape kau menyangkal Aku 3 kai."

¹Yesus Gibur Murit- Murit'TeUsohlah atinyu jadi'o galisoh; picacolah ka Allah, picayolah ugo ka-Aku. ²Ka rumoh Bapo-Ku ado manyak tampat diop; kade ano ja'koo, Aku tantu udoh gato'ot io ka'kau karano Aku ampus untu yiapot sege tampat untu'kau. ³Lantas, kade Aku ampus ba yiapot sege tampat untu'kau, Aku ma'o atok'ko agi lantas nabanan'no kau ampus ba-Aku supayo ka mae Aku barado, kau pun ado.⁴Ba, kau nahu'i marago ka tampat Aku ampus. ⁵Lantas, Tomas bakato ka-Io, "Tuhan, kami ano nahu'i ka mae Kito ampus, ja'mae kami nahu'i marago ang'koo?" ⁶Yesus bakato ka'io, "Akulah marago, ba kaidupot. Ano ado seko urok'ng pun nang atok ka Bapo, kade ano galalui Aku. ⁷Kade kau udoh ganal Aku, kau udoh ugo kanal ka Bapo-Ku; mulai kanio, kau udoh ganal Bapo ba udoh nanang Io."⁸Filipus bakato ka'Io, "Tuhan, pagariotlah Bapo ang'koo ka kami, lantas ang'koo dah sadok untu kami." ⁹Yesus yawab io, "Filipus, udoh sakian lamo Aku sabayo-bayo kau, lantas kau masih nape ganal Aku? Barangsape udoh nanang Aku, io udoh nanang Bapo, jamae kau biso bakato, pagariotlah Bapo ang'koo ka kami?'¹⁰Kau ano picayo'ke sasungguhe Aku ka doop Bapo ba Bapo ka doop Aku? Pakato'ot-pakato'ot nang Aku gato'ot ka kau, Aku ano gato'ot io ampat ka diri-Ku sandiri, tapi Bapo nang diop ka doop Akulah nang galakuot pakarajo'Ote. ¹¹Picayolah ka-Io, sasungguhe Aku ka doop Bapo ba Bapo ka doop Aku; ato sa'anae, picayolah karano pakarajo'ot-pakarajo'ot ang'koo sandiri.¹²Nang sasidi'e, Aku gato'ot ka'kau, satiap urok'ng nang picayo ka-Aku, pakarajo'ot-pakarajo'ot nang Aku galakuot, io ma'o ugo galakuoto'io; lantas pakarajo'ot-pakarajo'ot nang labih ayo daripado samua'e anyian karano Aku ampus ka Bapo. ¹³Ameo pun nang kau minto ka doop nama-Ku, ang'koo ma'o Aku lakuot supayo Bapo dimulio'ot ka doop Anak. ¹⁴Kade kau minto ameo pun ka doop nama-Ku, Aku pasti galakuot'io. Janji manganai Roh Kudus¹⁵"Kade kau gasihi Aku, kau ma'o nuruti samuo parintoh-Ku. ¹⁶Aku ma'o minto ka Bapo, lantas Io pasti mare ka'kau panolong nang lain, supayo Io ba'kau salamae, ¹⁷iolah Roh kabanarot, nang ano biso ditarimo dunio, karano dunio ano nanang Io ato ganal Io; tapi kau ganal Io karano Io diop ba'kau lantas pasti ado ka doop diri'nyu.¹⁸Aku pasti ba'i ningo'oto kau macam yatim piatu; Aku pasti atok ka'kau. ¹⁹Ano lamo agi, dunio pasto ano nananggo Aku agi, tapi kau pasti nanang Aku; karano Aku idup, kau pun pasti idup. ²⁰Ari ang'koo, kau pasti nahu'i manganai Aku ka doop Bapo-Ku, ba kau ka doop Aku, lantas Aku ka doop kau.²¹Sape pun nang bapegang ka parintah-Ku lantas galakuot'io, io gasihi Aku; ba urok'ng nang gasihi Aku pasti dikasihi oleh Bapo-Ku, ba Aku ma'o gasihi io lantas Aku pasti yato'ot diri-Ku ka'io." ²²Yudas, nang buke Iskariot, bakato ka-Io, "Tuhan, ja'mae Kito ma'o yato'oto diri-Nyu ka kami lantas buke ka dunio?"²³Yesus yawab lantas bakato ka'io, "Kade seko urok'ng gasihi Aku, io pasti nuruti firman-Ku; lantas Bapo-Ku ma'o gasihi io, tarus Kami pasti atok ka'io lantas diop ba'io. ²⁴Tapi ang'koo, urok'ng nang ano gasihi Aku, ano nuruti firman-Ku. ba, firman nang kau nangar ang'koo buke ampat ka-Aku, malainkan ampat ka Bapo nang gutus Aku.²⁵Samuo jukut anyian udoh Aku gato'ot ka'kau salamo Aku masih ba'kau. ²⁶Akan tatapi, Panolong ang'koo, iolah Roh Kudus, nang ma'o Bapo utus ka doop nama-Ku, Io ma'o garajo'oto sagalo sasuatu ka'kau, ba ma'o gingatio'kau ka samuo nang udoh Kugato'ot ka'kau. ²⁷Damai sejahtera Kutingo'ot ba'kau; damai sejahtera-Ku Kubareot ka'kau, buke macam nang dunio mareot nang Aku mareot ka'kau. Usoh biarot atinyu galisoh atopun gantar.²⁸Kau udoh nangar sasungguhe Aku bakato ka'kau, 'Aku ma'o ampus, lantas Aku ma'o atok'ko agi ka'kau.' Kade kau gasihi Aku, kau pasti basukacita kareno Aku ampus ka Bapo, soale Bapo labih ayo daripado Aku. ²⁹Aku udoh mataki'kau kanio sanape jukut ang'koo terjadi supayo takallo jukut ang'koo terjadi, kau pasti picayo. Aku bai bakato'o labih manyak agi ba'kau karano panguaso dunio anyian cakahaan atok. Io ano bakuaso sadikit pun ka diri-Ku. Akan tetapi supayo dunio nahu'i sasungguhe Aku gasihi Bapo, Aku galakuot tapat macam nang Bapo marintohot ka-Aku. Umpatlah, je diri dari ampat kasio."³⁰Aku ano bakato labih manyok agi bakito karano penguasa dunia nyian sadang atok. Iyo ano bakuasa sabebetpun ka aku. ³¹angko tapi supayo dunia nahui kade aku ngasihi Bapa. aku ngalakuan pas ayamae nang Bapa sampean ka aku.Umpatlh je diri ampus dari kanio,'

¹Yesus iolah Batok Anggur Yesus bakato, "Akulah batok anggur (perjanjian lamo, Israel saring kai digambarot sebagai batok anggur nang dinanam oleh Tuhan) nang sejati lantas Bapo-Kulah pangusahae. ²Satiap ramting ampat ka-Aku nang ano babuoh, Io-buok lantas satiap ranting (samuo pangikut Yesus) nang babuoh, Io-marasihot, supayo ranting ang'koo babuoh (bararti idup ba caro nang nunjukot ne'ido pangikut Yesus) labih manyak.³Kau memang udoh dimarasihot karano firman nang ako Kugato'ot ka'kau. ⁴Dioplah ka doop Aku ba Aku ka doop dirinyu. Sabayo macam ranting ano biso babuoh ampat ka diri'e samdiri, kacuali io diop ka batok anggur, ja'koo ugo kau ano biso babuoh, kacuali kau diop ka doop diri-Ku.⁵Akulah batok anggur ba kaulah ranting-rantingge. Satiap urok'ng nang diop ka doop diri-Ku ba Aku ka doop io, io pasti babuoh manyak karano tapisoh ampat ka-Aku, kau ano biso babuat ameo-ameo. ⁶Kade seko urok'ng ano diop ka doop Aku, io ma'o dibuok macam ranting lantas jadi karik; tarus urok'ng gomoan ba nabakot'io ka doop api, ⁷lantas angus. Kade kau tatap diop ka doop Aku lantas pakato'ot-Ku diop ka doop dirinyu, mintolah ameo nang kau maoan, lantas ang'koo pasti dikabullot untunyu.⁸Bapo-Ku ma'o dimulio'ot pake jukut anyian, iolah kade kau babuoh manyak lantas kade macam ko'o, kau iolah murit-murit-Ku."Parintoh Yesus untu Saling Gasihi ⁹Macam Bapo udoh gasihi Aku, ja'koolah Aku udoh gasihi'kau; tataplah diop ka doop kasih-Ku.¹⁰Kade kau matuhi samuo parintoh-Ku, kau pasti diop kadoop kasih-Ku, sabayo macam Aku udoh matuhi parintoh Bapo ba diop kadoop kasih'E. ¹¹Jukut-jukut anyian Aku gato'ot kakau supayo sukacita-Ku ado ka doop dirinyu, supayo sukacitanyu menjadi baisi.¹²Anyianlah parintoh-Ku: Kito harus saling mengasihi, sabayo macam Aku udoh gasihi kau. ¹³Ano ado kasih nang labih ayo dari pado kasih seko urok'ng nang mareot nyawae untu ayuk-ayuk'ke.¹⁴Ayuk-ayuk-Ku iolah kau kade kau galakuot ameo nang Kumarintohot ka'kau. ¹⁵Aku ano agi yabut kau hambo karano hambo ano nahu'i ameo nang digalakuot tuan'ne. Tapi ang'koo, Aku yaru kau ayuk karano samuo nang Ku nangar ampat ka Bapo, udoh Aku matak'kot ka'kau.¹⁶Buke kau nang milih Aku, malainkan Akulah nang udoh milih ba udoh natapot kau supayo kau ampus lantas gasilot buoh, buohnyu tatap (maksute supayo samuo murit gabarot injil ka urok'ng-urok'ng supayo ne'ido disalamatot ba namuo idup kakal) sehingga ameo pun nang kau minto ka Bapo kadoop nama-Ku, Io pasti mareotio ka'kau. ¹⁷Anyianlah parintoh-Ku: Kito harus saling mengasihi!" Yesus Gingati Samuo Murit-Te¹⁸"Kade dunio negeti'kau, kau nahu'i sasungguhe dunio udoh negeti Aku sanape negeti'kau. ¹⁹Kade kau ampat ka dunio, tantulah dunio sayang ka barang'ge sandiri; tapi karano kau buke ampat ka dunio, malainkan Aku udoh milih'kau ampat ka dunio, karano jukut ang'koolah dunio negeti kau.²⁰Ingatlah pakato'ot nang udoh Kugato'ot ka'kau: 'Seko urok'ng hambo ano labih ayo daripado tuanne'. Kade ne'ido udoh garongo'i Aku, ne'ido pasti ugo garongo'i kau. Kade ne'ido nuruti firman-Ku, ne'ido ugo pasti nuruti pakato'otnyu. ²¹Akan tetapi, samuae ang'koo ma'o ne'ido lakuot ka kau, oleh karano nama-Ku. Soal'le, ne'ido ano kanal ka-Io nang yuruh Aku. ²²Kade Aku ano atok ba gato'ot samuae ang'koo ka ne'ido, ne'ido pasti ano badoso'o. Tapi kanio, ne'ido ano biso ge'la untu doso ne'ido.²³Satiap urok'ng nang negeti Aku, io ugo negeti Bapo-Ku. ²⁴Sa'ande Aku ano galakuo'ot ka antaro ne'ido pakarajo'ot-pakarajo'ot nang ano suoh urok'ng lain galakuo'ot, ne'ido pasti ano ado badoso. Tapi kanio, ne'ido udoh nanang tapi tatap negeti Aku ba Bapo-Ku. ²⁵Tapi, firman nang tatulis ka doop kitab Taurat ne'ido harus diganapot: 'Ne'ido negeti Aku ano baalasan.'²⁶Takallo panolong ang'koo atok, nang ma'o Aku utus ka'kau ampat ka Bapo, iolah Roh kabanarot nang barasal ampat ka Bapo, Io ma'o basaksi mangana'i Aku. ²⁷Lantas kau ma'o ugo basaksi karano kau udoh ba-Aku mula'i samulo(de)."

¹Samuae anyian udoh Aku gato'ot ka'kau supayo kau ano tagoncok. ²Ne'ido ma'o yuruho kau dari ampat ka sinagoge. Bahkan, waktue ma'o sampe sasungguhe satiap urok'ng nang munuh kau pasti bapikir iolah ne'ido cakahan babakti ka Allah.³Ba, jukut-jukut ang'koo ma'o ne'ido lakuot karano ne'ido ano ganali Bapo atougo Aku. ⁴Tapi ko'o, samuae anyian udoh Aku gato'ot ka'kau supayo apabilo waktue atok, kau ingat sasungguhe Aku udoh gato'otio ka'kau. Lantas, jukut-jukut anyian ano Aku kato'ot ka'kau pado awale kareno Aku masih ba'kau. Pakarajo'ot Roh Kudus⁵Tapi ko'o, kanio Aku ma'o ampuso ka Io nang gutus Aku, ba ano seko urok'ng pun dari kau nang na'yai Aku, 'Ka mae Kito ma'o ampuso?' ⁶Tapi, kareno Aku udoh gato'ot samuae anyian ka'kau, atinyu baisi kasadihot. ⁷Tapi ko'o, Aku padohot kabanarot ka'kau: labih baik baginyu kade Aku ampus karano kade Aku ano ampus, panolong ang'koo pasti ano atok'ko ka'kau; tapi kade Aku ampus, Aku ma'o gutuso-Io ka'kau.⁸Lantas, takallo panolong ang'koo atok, Io ma'o yadaroto dunio mangganai doso, kabanarot, ba pengakiman (takallo urok'ng Farisi ba urok'ng Yahudi nuduh Io pandoso, Io gigati ne'ido untu balaku adil) ; ⁹mangana'i doso, kareno ne'ido ano picayo ka-Aku; ¹⁰mangana'i kabanarot, karano Aku ampus ka Bapo lantas kau pasti ano nanang'go Aku agi, ¹¹Lantas mangana'i pangakiman, karano panguaso dunio anyian udoh diakimi.¹²Masih manyak jukut nang ma'o Aku kato'oto ka'kau, tapi kau ano biso nangung'go io kanio. ¹³Tapi, takallo Io, Roh kabanarot ang'koo atok, Io ma'o mimbing'go kau ka doop samuo kabanarot. Soale, Io ano bakato atas kamaoan-Ne sorok, malainkan samuo jukut nang Io nangar ang'koolah nang ma'o Io kato'ot; lantas Io pasti madahi'kau jukut-jukut nang ma'o terjadi. ¹⁴Io ma'o mulio'oto Aku karano Io pasti narimo nang Aku tarimo, ba ma'o madohoto'io ka'kau.¹⁵Sagalo sasuatu nang ado ka Bapo iolah ane-Ku ugo. Oleh sabab ang'koo, Aku gato'ot sasungguhe Roh Kabanarot ma'o madohoto ka'kau ameo nang Io-narimo ampat ka-Aku." Kasadihot Menjadi Karepo'ot ¹⁶Tinggal sabantar agi, lantas kau pasti ano nanang'go Aku agi; ba sa'kai agi, tinggal sabantar agi, ba kau ma'o nanang'go Aku."¹⁷Basangape urok'ng murit Yesus saling batanyo, "Ameo maksud-Te Io bakato ka diri, 'Tinggal sabantar agi, lantas kau pasti ano nanang'go Aku agi; ba sa'kai agi, tinggal sabantar agi, lantas kau ma'o nanang'go Aku?' ba 'kareno Aku ma'o ampuso ka Bapo'?" ¹⁸Tarus, ne'ido batanyo, "Ameo nang Io maksud ja'koo, 'tinggal sabantar agi'? Diri ano nahui ameo nang Io gato'ot."¹⁹Yesus nahu'i sasungguhe murit-murit-Te ma'o batanyo'o ka-Io, makae Io batanyo ka ne'ido, "Kito saling batanyo'ke ka antaro kito sandiri mangana'i jukut nang Aku maksud takallo Aku bakato, 'Tinggal sabantar agi lantas kau pasti ano nanang'go Aku agi; ba sa'kai agi, tinggal sabantar agi, lantas kau ma'o nanang'go Aku'? ²⁰Sasidie, Aku bakato ka'kau, kau pasti nangis ba garatapi, tapi dunio ma'o karepo'ot; kau ma'o basadih, tapi kasadihatnyu pasti baruboh menjadi sukacita. ²¹Takallo seko urok'ng ambini baranak, io kasakitot karano waktue untu baranako udoh sampe; tapi dah ako anak'ke kauar, io kaupo'ot mangana'i pandaritaane nang barat karena karepo'ot seko urok'ng manusio udoh dimaranakot ka dunio.²²Ja'koolah kau ugo galami pandaritaan saat anyian, tapi Aku ma'o namu'io kau agi lantas atinyu pasto karepo'ot, ba ano ado seko urok'ng pun nang biso gicok karepo'otnyu ampat ka'kau. ²³Ari ang'koo , kau pasti ano batanyo ameo pun ka-Aku. Sasungguhe, Aku bakato ka'kau, ameo pun nang kau minto ka Bapo-Ku kadoop nama-Ku, Io pasti mareot'io ka'kau. ²⁴Sampe kanio, kau nape suoh minto ameo pun kadoop nama-Ku. Mintolah, ba kau pasti narimo'io supayo karepo'otnyu menjadi sampurna." Kamanangan atas Dunio²⁵"Aku udoh gato'ot jukut-jukut anyian ka'kau pake parumpamaan; waktue pasti sampe takallo Aku ano agi bakato ka'kau pake parumpamaan, tapi ma'o bakato ka'kau ba'tarus tarang mangana'i Bapo.²⁶Ari ang'koo, kau ma'o minto kadoop nama-Ku, lantas Aku ano gato'oto ka'kau sasungguhe Aku yampangano'io (minto, memohon) ka Bapo untunyu. ²⁷Soale, Bapo sandiri gasihi kau karano kau udoh gasihi Aku ba picayo sasungguhe Aku atok ampat ka-Bapo. ²⁸Aku barasal ampat ka-Bapo ba udoh atok ka dunio; kanio, Aku ma'o ningo'oto dunio lantas muok'ko ka Bapo."²⁹Murit-murit-Te bakato, "Nah, kanio Kito bakato tarus tarang ba ano make parumpamaan agi. ³⁰Kanio, kami nahu'i Kito sasungguhe nahui sagalo sasuatu ba ano palaru seko urok'ng batanyo ka-Kau. Karano ang'koo, kami pocayo sasungguhe Kito atok ampat ka Allah." ³¹Yesus yawab ne'ido, "Picayo'ke kau kanio?³²Tananglah! waktue pasti atok, bahkan dah atok baginyu ma'o dicare-bareot(dipisoh-pisohot), masing-masing puok ka tampat asale sandiri ba ma'o ningo'oto Aku sandiri. Tapi ko'o, Aku ano sandiri karano Bapo ado ba-Aku. ³³Samuo anyian Aku gato'ot ka-kau supayo ka doop Aku, damai sejahtra ado ka kau. Ka dunio, kau pasti gala'mi panyikso'ot, tapi pakaraslah atinyu! Aku udoh galohot dunio!"

¹Yesus Basampok untu Murit-Murit' Anyianlah pakato'ot-pakato'ot Yesus, salanjute Io nigawo ka angit tarus bakato, "Bapo, waktue udoh sampe, mulio'otlah Anak-Nyu supayo Anak-Nyu dapat ugo mulio'ot Kito. ²Sabayo macam Kito udoh mare Io kuaso ka samuo manusio, supayo ka samuo nang Kito mareot ka-Io, Io biso mareot idup kakal.³Anyianlah idup kakal ang'koo, sasungguhe ne'ido kanal ka Kito, seko-seko'e Allah nang banar, ba ganali Kristus Yesus nang udoh Kito utus. ⁴Aku udoh mulio'ot Kito ka dunio nang udoh gako'ot pakarajo'ot nang Kito mareot ka aku untu dikarajo'ot. ⁵Lantas kanio, ya Bapo, mulio'ot Aku barage Kito ba kamulio'ot nang ado ka'aku barage Kito sanape dunio ado.⁶Aku udoh yato'ot nama-Nyu ka urok'ng-urok'ng nang Kito mareot ka-Aku ampat ka dunio anyian. Ne'ido ang'koo ane-Nyu ba Kito udoh mareot ne'ido ka-Aku, ⁷lantas ne'ido ugo udoh matuhi firman-Nyu. Kanio, ne'ido nahu'i sasungguhe samuo nang Kito mareot ka-Aku barasal ampat ka-Kito. ⁸Soale, Aku udoh mareot ka ne'ido firman nang Kito mareot ka-Aku, lantas ne'ido udoh narimoyo'o sarato banar-banar nahu'i sasungguhe Aku barasal ampat ka-Kito, lantas ne'ido picayo sasungguhe Kitolah nang gutus Aku.⁹Aku basampok untu ne'ido, Aku ano basampok untu dunio, tapi untu ne'ido nang udoh Kito mareot ka-Aku; soale, ne'ido adalah kapunyaan-Kito. ¹⁰Samuo nang ado ka-Aku adalah kapunyaan-Kito, ba samuo nang ado ka-Kito adalah kapunyaan-Ku; lantas ka doop samuae ang'koo Aku udoh dimulio'ot. ¹¹Aku ano agi ka dunio anyian, tapi ne'ido masih ado ka dunio anyian, lantas Aku atok ka-Kito. Bapo nang Kudus, jagolah ne'ido ka doop nama-Nyu, namo nang udoh Kito mareot ka-Aku, sehingga ne'ido menjadi sato sabayo macam diri.¹²Salamo Aku ba ne'ido, Aku udoh yaga'i ne'ido ka doop nama-Nyu nang udoh Kito mareot ka-Aku. Aku udoh yaga'i ne'ido ba ano ado seko urok'ng pun dari ne'ido nang ilang kacuali si anak kabinaso'ot, supayo Kitab Suci diganapi. ¹³Tapi kanio, Aku ma'o atoko ka-Kito; ba samuae anyian Aku gato'ot ka dunio anyian supayo ne'ido biso gampui sukacita-Ku nang dipanuhoot ka doop diri ne'ido. ¹⁴Aku udoh mareot firman-Nyu ka ne'ido, lantas dunio negeti ne'ido kareno ne'ido buke barasal ampat ka dunio, sabayo macam Aku ano barasal ampat ka dunio.¹⁵Aku ano minto ka-Kito untu gicoko ne'ido dari dunio, tapi untu galindungi ne'ido dari nang jahat. ¹⁶Ne'ido buke barasal ampat ka dunio, sabayo macam Aku buke barasal ampat ka dunio. ¹⁷Suciotlah(Kudus'sotlah) ne'ido kadoop kabanarot; firman-Nyu iolah kabanarot.¹⁸Macam Kito udoh gutus Aku ka doop dunio, ja'koolah Aku gutus ne'ido ka doop dunio. ¹⁹Demi ne'ido, Aku yuciot(marasihot) diri-Ku supayo ne'ido ugo disuciot(dibarasihot) kadoop kabanarot.²⁰Aku buke kahe basampok untu ne'ido, tapi ugo untu urok'ng-urok'ng nang picayo ka-Kito galalui pakabaroot ne'ido, ²¹supayo ne'ido samuo basatu, sabayo macam Kito, ya Bapo, ka doop Aku lantas Aku ka doop Kito; supayo ne'ido ugo menjadi satu ka doop Diri sehingga dunio picayo sasungguhe Kitolah nang udoh gutus Aku.²²Kamulio'ot nang udoh Kito mareot ka-Aku, udoh Aku mareot ka ne'ido supayo ne'ido basatu, sabayo macam Kito ba Aku iolah seko. ²³Aku ka doop ne'ido lantas Kito ado ka doop diri-Ku, supayo ne'ido basatu sautuhe. Macam ja'koo, dunio pasti nahui sasungguhe Kitolah nang gutus Aku, ba sasungguhe Kito gasihi ne'ido, sabayo macam Kito gasihi Aku.²⁴Ya Bapo, Aku mao supayo ne'ido, nang udoh Kito mareot ka-Aku, ado ugo ba-Aku kamae pun Aku ado, supayo ne'ido nanang kamulio'ot-Ku, nang udoh Kito mareot ka-Aku, karano Kito gasihi Aku sanape dunio pamulo.²⁵Ya Bapo nang adil, maskipun dunio ano ganali Kito, tapi Aku ganali Kito; lantas ne'ido nahui sasungguhe Kitolah nang gutus Aku. ²⁶Aku udoh madohoot nama-Nyu ka ne'ido ba Aku tarus madohoot'io supayo kasih nang baiyo Kito gasihi-Ku ado ka doop ne'ido, ka doop ne'ido ado ba Aku."

¹Panangkapot Yesus Dahako Yesus gato'ot jukut-jukut anyian, Io ampus ba murid-murid-Te ka sabarang batangan Kidron, tampat nang ado bataman lantas Yesus ta'amo kadoop'pe ba murid-murid'Te ²Yudas, salah seko murid nang gianati Yesus, nahui ugo taman ang'koo karano Yesus saring bakomo ba murid-murid'Te ka naan. ³Yudas, dahako narimo sajumbloh pasukan(sakitar 600 tentara) ba hambo-hambo ampat ka imam-imam kapalo ba urok'ng-urok'ng Farisi, atok ka taman ang'koo ba nabanan tarongkeng, obor ba sinjato.⁴Yesus, nang nahui samuo jukut ang'koo pasti terjadi ka-Io, maju ka depan lantas ba tanyo ka ne'ido, "Sapeke nang kito gaguwi?" ⁵Ne'ido nyawab, "Yesus ampat ka Nazaret." Yesus bakato ka ne'ido, "Akulah Yesus," ba Yudas ugo, nang gianati Io, badiri ba ne'ido.⁶Takallo Yesus bakato, "Akulah Yesus," urok'ng-urok'ng ang'koo mundur lantas janto ka tanoh. ⁷Salanjute, Yesus batanyo agi ka ne'ido, "Sapeke nang kito gaguwi?" Ne'ido nyawab, "Yesus ampat ka Nazaret."⁸Yesus nyawab, "udoh Kugato'ot kakito, Akulah Yesus. Jadi, kade kito gaguwi Aku, biarotlah murid-murid-Ku anyian dari." ⁹Jukut anyian terjadi supayo genaplah pakato'ot nang udoh digato'ot Yesus: "Dari samuo nang kau mareot ka-Aku, Aku ano kaangit'tot sege pun."¹⁰Simon Petrus, nang nabanan sabiloh mando, menghunus mandoe lantas gibasot mando ka palayan Imam ayo, tarus natak tarenyek kanan palayan ang'koo; namo palayan Imam ayo ang'koo Malkhus. ¹¹Maka, Yesus bakato ka Petrus, "tamaan mando ang'koo ka sarok'ke! Galas nang udoh Bapo mareot ka-Aku, buke'ke Aku harus yocok'ko io?Yesus Dinabanan ka Hadapot Hanas¹²Salanjute, samuo saridadu Romawi ba pawira-pawirae sarato samuo palayan urok'ng Yahudi nangkap ba gikat Io, ¹³ba talabih doho nabanan Yesus ka Hanas, datu Kayafas, nang adolah Imam ayo di tahut ang'koo. ¹⁴Lantas, Kayafaslah nang mare pituoh urok'ng-urok'ng Yahudi sasungguhe iolah jukut nang baguno kade seko urok'ng mati dami rakyat. Petrus Ano Gaku'i Yesus¹⁵Simon Petrus ba seko murid lain nunaan Yesus. Murid nang lain ang'koo dikanal oleh Imam Ayo lantas io ta'amo barage Yesus ka doop halaman istana Imam Ayo. ¹⁶Tapi ang'koo, Petrus badiri kauwas, ka samak pintu. Salanjute, murid nang lain ang'koo, nang ganali Imam Ayo, muok agi kauwas lantas bakato ka nang bini panjago pintu, lalu nabanan Petrus ta'amo.¹⁷Tarus, ambini panjago pintu ang'koo batanyo ka Petrus, "Bukeke kau ugo salah seko murid daro urok'ng ang'koo? Petrus yawab, ¹⁸"Buke!" Dah ako majawat parapiot, samuo palayan ba parwira badiri ka naan karano waktu ang'koo dah taraso dingin, lantas ne'ido badiok. Petrus basabayo ne'ido ugo. Imam Ayo Batanyo ka Yesus¹⁹Salanjute, Imam Ayo nanyai Yesus manganai murid-murid'Te ba manganai ajara'Te. ²⁰Yesus yawab io, "Aku dah bakato tarus tarang ka dunio. Aku sega gajar ka sinagoge-sinagoge ba ka Bait Allah, tampat samuo urok'ng Yahudi bakomo. Aku ano suoh bakato sacaro yosok-yosok. ²¹Gameo kau batanyo ka-Aku? Tanyaanlah ka ne'ido nang udoh nangar ameo nang Aku gato'ot ka ne'ido; ne'ido nahui ameo nang udoh Kugato'ot."²²Takallo Yesus bakato ja'koo, seko urok'ng panjago nang badiri di ka'ko nampar muha'E lantas bakato, "Ja'kooke cara-Nyu yawab Imam Ayo?"²³Yesus yawab io, "Kade Aku gato'ot jukut nang saloh, tojokotlah kasalahate; tapi kade nang Kugato'ot banar, gameo kau nampar Aku?" ²⁴Lantas, Hanas giriman Yesus cakahan masih tarikat ka Imam Ayo Kayafas. Petrus Gulangi agi Ano Gaku'i Yesus²⁵Samintaro ang'koo, Simon Petrus masih badiri sambil badiok. Maka, ne'ido batanyo ka'io,"Bukeke kau ugo salah seko murid urok'ng ang'koo?" Petrus ano gakui'io lantas yawab, "Buke."²⁶Salah seko urok'ng palayan Imam Ayo, nang masih kamaru dari urok'ng nang tarenyeke Petrus natak, bakato, "Bukeke aku nanang kau ba Io ka taman ang'koo? ²⁷Sakai agi, Petrus ano gakui'io, ba sakatiko ang'koo ugo, manok gokok. Yesus Dinabanan Gadap Pilatus²⁸Salanjute, ne'ido nabanan Yesus dari tampat Kayafas ka gedung pangadilan, (praitorion=markas ayo saridadu/tampat diop gubernur) waktu ang'koo masih dinihari, ba ne'ido sandiri ano taamo ka doop gedung pangadilan supayo ne'ido ano gotori diri, sehingga biso makot Paskah. ²⁹Maka, Pilatus kauwas namui ne'ido lantas batanyo, "Ameoke kau'nuduhot ka Urok'ng anyian?" ³⁰Ne'ido yawab lantas bakato ka'io, "Kade Urok'ng anyian buke urok jahat, kami tantu pasti ano nabanan-Io kakau."³¹Petrus bakato ka ne'ido," Icoklah Io ba akimilah manurut ukumnyu." Urok'ng-urok'ng Yahudi ang'koo nyawab,"iolah ano sasuai bagi kami untu gukumo mati seko urok'ng." ³²Anyian terjadi untu yampurna'an no pakato'ot Yesus, nang gambaro'ot macam mae Io ma'o mati.³³Tarus, Pilatus ta'amo agi ka doop gedung pengadilan ba yaru Yesus, lantas ba tanyo ka-Io, "Sidike Kito Rajo urok'ng Yahudi?" ³⁴Yesus nyawab,"Patanyaan ang'koo ampat ka dirinyu sandiri'ke, ato ado urok'ng lain nang mare kau nahu'i manganaai Aku? ³⁵Pilatus bakato, "Aku urok'ng Yahudi'ke? Bangsa ba Imam-imam kapala-nyu sandiri nyarohot Kito ka-aku. Ameo nang udoh Kito galakuot?"³⁶Yesus bakato, "Karajaan-Ku buke ampat ka dunio anyia. Kade karajaan-Ku ampat ka dunio anyian, palayan-palayan-Ku pasti ma'o malawan supayo Aku ano di sarohot ka urok'ng-urok'ng Yahudi. Tapi ko'o karajaan-Ku bukelah ampat ka dunio anyian," ³⁷Pilatus bakato, "Jadi, Kito rajo?" Yesus nyawab, "kaulah nang gato'ot bahwa Aku iolah rajo. Untu ang'koo Aku ado, ba untu ang'koolah Aku atok ka dunio, iolah untu gabarato manganaai kabai'kot. Dari ampat ka satiap urok'ng nang baik pasti ma'o nangaro'ot suara-Ku."³⁸Pilatus bakato ka-Io, "Ameo'ke kabaikot ang'koo?" Lantas, dah ako bakato ja'koo, Pilatus kauas agi namu'i urok'ng-urok'ng Yahudi, lalu bakato ka ne'ido, "Aku ano namui ka'salaha-Te sadikit pun. ³⁹Tapi, kabiaso'ot kito biasaae aku wajib gapa'sot seko urok'ng tahanan kade ari Paskah. Jadi, kito ma'o supayo aku mebasot 'Rajo urok'ng Yahudi' anyian?" ⁴⁰Ne'ido nyawab agi sambil gampak, "Usoh bebasot urok'ng anyian, malainkan Barabas!" Barabas iolah seko urok'ng pangait.

¹Pilatus gicok Yesus ba marintohot supayo Yesus disesah/cermeti. ²Para parajurit gayam sabuoh mahkota ranting-ranting baduri lantas makeot ka kapalo Yesus, ba makeot juboh ungu(ne'ido golo Yesus sebagai rajo palsu)kakapala'E. ³Ne'ido maju yamaki Yesus lalu bakato, "salam, hai Rajo urok'ng Yahudi!" Lantas, ne'ido nampar muha,E.⁴Pilatus kauar agi lalu bakato ka ne'ido, "Tananglah! Aku ma'o nabanano Yesus kakito kauar supayo kito nahu'i sasidie bahwa aku ano napati kasalohot dameo pun ampat ka diri'E." ⁵Kamudian, Yesus kauar make mahkota duri ba juboh ungu. Pilatus bakato ka ne'ido, "Tananglah Io!" ⁶Takalo imam-imam kapalo ba samuo parwira nanang Yesus, ne'ido gampak, "Salipot Io, salipot Io!" Tapi ang'koo, Pilatus bakato ka ne'ido, "icoklah Io ba salipot sandiri sabab aku napati kasalohot dameo pun ampat kadiri'E."⁷Urok'ng-urok'ng Yahudi ang'koo nyawab Pilatus, "Kami ado ba'aturan, lantas menurut aturan ang'koo, Io harus mati karano Io barangapan diri'E iolah Anak Allah." ⁸Takallo Pilatus nangarot pakato'ot ang'koo, io jadi ga'i ⁹lalu ta'amo ag'i kagedung pengadilan, lantas batanyo ka Yesus, "Dari mae'ke asal-Nyu?" Tapi ang'koo, Yesus ano yahuti'io.¹⁰Pilatus bakato ka-Io, "Kito bai bakato'o ba aku? An'oke Kito nahu'i sasungguhe aku ado kuaso untu gapasato diri-Nyu ba kuaso ugo untu yalipato diri-Nyu?. ¹¹Yesus nyawab, " Kau ano ber'hak ameo pun atas diri-Ku, kacuali kuaso ang'koo dimareot ka ka'kau ampat ka'atas. Ang'koolah sabape, urok'ng nang yarohot Aku ka kau labih ayo dosae."¹²Dahako nangarot hal ang'koo, Pilatus barusoho gapasato Yesus, tapi urok'ng-urok'ng Yahudi gampak, "Kade kito gapasato urok'ng anyian, kito bukelah ayuk Kaisar; satiap urok'ng nang gangap dirie rajo ba'arti galawan Kaisar." ¹³Takallo Pilatus nangar kato-kato ang'koo, io nabanan Yesus kauar, lalu duduk ka bangku pengadilan, ka sege tampat banamo Litostrotos(lante batu), tapi ka doop bahasa Ibrani dinyabut Gabata.¹⁴Ari ang'koo marupakan ari persiapan(saminggu sanape ari Sabat) untu Paskah, waktu ang'koo sakitar jam kaanam. Pilatus bakato ka urok'ng-urok'ng Yahudi, "Anyianlah Rajanyu!" ¹⁵Ngantas, ne'ido bangampakot, "Singkirot Io! singkirot Io! Salipot Io!" Pilatus bakato ka ne'ido, "Haruske aku nyalipot Rajanyu?" Imam-imam kapalo nyawab, "Kami an'o ba rajo lain salain Kaisar!" ¹⁶Ahire, Pilatus nyarohot Yesus ka ne'ido untu disalip. Yesus Dinyalipot¹⁷Yesus kauar sambil mikut salib-Pe sandiri ampus ka tampat nang banamo "Tampat Tangkorak", nang ka doop bahasa Ibrani di nyabut " Golgota". ¹⁸Ka na'an,ne'ido nyalipot Yesus barage ba duo urok lain, nang dinyalipot ka sabaloh kanan ba ke'bo Yesus, samintaro Yesus barado ka tangoh.¹⁹Pilatus nulis ugo sege tulisan lalu di'yimpan ka'atas kayu salib. Bunyi tulisan ang'koo,"YESUS UROK'NG NAZARET,RAJO UROK'NG YAHUDI." Urok'ng ²⁰Yahudi manyak maco tulisan ang'koo sabab tampat Yesus di nyalib'pot ang'koo samak ba koto, lalu tulisan ang'koo di nulis ka'doop bahasa Ibrani, Latin, ba Yunani.²¹Lantas,imam-imam kapalo urok'ng Yahudi bakato ka Pilatus, "Usoh tulis, 'Rajo urok'ng Yahudi,'tapi tulislah, Kato urok'ng anyian, 'Akulah Rajo urok'ng Yahudi. ²²Pilatus nyawab, "Ameo nang udoh aku nulis, pasti tatap tatulis!"²³Para parajurit, Takallo dah'ako ne'ido nyalib'pot Yesus, gicok pakean-Ne lalu dimagi jadi ampat, bagian nang sege masing-masing untu prajurit, ba jubah-He ugo; juboh ang'koo ano ado kalimae, kahe dinanun ampat ka atas turut ka baboh ano dijahit. ²⁴Para prajurit ang'koo bakato seko urok'ng ka nang lain, "Usohlah diri garantakio, sabaike di undi atase untu nantuot sape nang layak namuanio." Jukut anyian terjadi supayo ganaplah nang udoh tatulis ka'doop Kitab Suci: "Ne'ido magi-magi pakean-Ku ka antaro ne'ido lantas untu jubah-Ku, ne'ido gundi Jako'olah para prajurit galakuoot hal ang'koo.²⁵Samintaro ang'koo, uma Yesus, kamaru ambini uma Yesus, Maria samikot Klopas, ba Maria Magdalena, badiri ka samak salib-Pe. ²⁶Takallo Yesus nanang uma-E ba murid nang Io gasihi badiri ka naan, Io bakato ka uma-E, "Nangbini, tananglah, nyian anaknyu!" ²⁷Lantas, Yesus bakato ka murid nang Io gasihi ang'koo, "Anyianlah umanyu!" mulai ang'koo, murid ang'koo narimo uma Yesus diop ka rumah'he.Kamatioot Yesus²⁸Dahako ang'koo, Yesus, nang nahui bahwa samuae dah terlaksana, untu ganapi Kitab Suci, Io bakato, "Aku aus!" ²⁹Di ko'o ado sege bejana/bokor baisi anggur masam. Karano ang'koo, ne'ido yucukot bungo karang nang udoh diyalupot ka doop anggur masam ka sabatok hisop lalu namaanio ka moot Yesus. ³⁰Dah ako yacapi anggur masam ang'koo, Yesus bakato, "Dah ako." Salanjute, Io gogo'ot kapala-E ba yarohoot nyawa-E.³¹Karano ari ang'koo adalah ari persiapan, ba mayat-mayat ang'koo supayo ano tatap bagantuk ka kayu salib ari sabat, sabab sabat adalah ari ayo, urok'ng-urok'ng minto ka Pilatus supayo poho urok'ng nang diyalibpot ang'koo dipatohoot ba mayat-mayate di turunan ampat ka salib. ³²Lantas, para prajurit atok lalu mato'hot poho urok'ng nang pertama ba urok'ng nang lain'ne, nang diyalibpot barage Yesus. ³³Tapi ang'koo, takallo ne'ido nyampe ka Yesus ba nanang Io dah mati, ne'ido ano mato'hot paha-E.³⁴Tapi, salah seko urok'ng prajurit ang'koo nyucuk'koot tombake ka lambung Yesus, lantas seketika ang'koo ugo, daroh ba ai galir kauar. ³⁵Urok'ng nang nyaksioot kajadian ang'koolah nang mareot kesaksian anyian, ba kesaksiane sidi lalu io nahu'i kade io ngato'ot nang sasidie, supayo kau picayo ugo.³⁶Sabab, samua'e anyian terjadi supayo ganaplah nang udoh tatulis ka doop Kitab Suci: "Ano sege tuok-Ke nang dimato'hot." ³⁷Agi ugo, kadoop bagian lain Kitab Suci bakato, "Ne'ido mao nanang'go Io nang udoh ne'ido nikam." Yesus Diguburot³⁸Dah ako samuae ang'koo, Yusuf dari Arimatea, nang jadi murid Yesus ugo tapi secara yosok-yosok karena gai ka urok'ng-urok'ng Yahudi, minto ka Pilatus supayo di'ijinan gicok mayat Yesus; lalu Pilatus gau'ot io. Jadi, Yusuf dari Arimatea atok ba gicok mayat Yesus. ³⁹Nikodemus, urok'ng nang de nang namu'i Yesus ma'am ari, atok ugo ba nabanan campuran minyak mur ba gaharu, nang barate sakitar lima puluh kati(syikal/timbangan).⁴⁰Jadi, ne'ido gicok mayat Yesus ba mungkusio pake saput linen nang di mare rampoh-rampoh, sasuai adat basubur urok'ng Yahudi. ⁴¹Ka samak tampat Yesus di nyalibpot, ado sege taman ba ka doop taman ang'koo ado sege kuburan barahu nang gi ano seko mayatpun suoh di nampatot ka naan. ⁴²Karano ari ang'koo adalah ari persiapan untu urok'ng Yahudi, ba tampat kuburan ang'koo ano jauh, ne'ido gako'ot mayat Yesus ka naan.

¹Barito manganai Bangkite Yesus Ka ari pertama minggu ang'koo, Maria Magdalena ampus ka kuburan Yesus owop-owop sidi, takallo ari masih galap, lantas nanang batu panutup kuburan dah di geser dari kuburan ang'koo. ²Lalu, io batalamo lantas namu'i Simon Petrus ba murid lain nang di gasihi Yesus, lalu bakato ka ne'ido, "Ne'ido udoh gicok Tuhan dari kuburan, ba kami sandiri ano nahu'i ka mae ne'ido gako'ot-Io."³Lantas, Petrus ba murid nang lain ang'koo ampus ka kuburan. ⁴Ka duae barage-rage ba talamo, tapi murid nang lain ang'koo batalamo labih ancang dari pado Petrus jadi io sampe doho ka kuburan. ⁵Io mobo ba nanang ka doop, lantas nanang kain linen pamungkus mayat Yesus di gako'ot ka naan, tapi io ano tamo ka doop.⁶Salanjute, Simon Petrus atok, yusulo io, ba ta'amo ka kuburan lalu io nanang kain linen pamungkus di gako'ot ka naan. ⁷Ba, kain panutup muho nang mulat kapalo Yesus ano di simpan sabayo-bayo kain linen pamungkus tai, tapi dah tagolong ka tampat nang bedo.⁸Lalu, murid nang lain tai nang labih doho sampe ka kuburan, ta'amo ugo. Io nanang lalu picayo. ⁹Sabab, sanape kajadian ang'koo, ne'ido nape garati Kitab Suci, sasungguhe Yesus harus bangkit agi dari kematian. Yesus Magariot Diri ka Maria Magdalena ¹⁰Jadi, ka duo murid ang'koo puok ka rumoh.¹¹Tapi ko'o, Maria ba diri kauas kuburan sambil nangis. Sambil nangis, io melongkok/yiik ka doop kuburan ang'koo, ¹²lalu io nanang dua malaikat babaju putih cakahaan duduk ka tampat mayat Yesus nang di maringan sanap'e. Nang seko duduk ka bagian kapalo ba nang seko'e ka bagian poho ¹³Kaduo malaikat ang'koo ba tanyo ka Maria, "nang bini, gameo kito nangis?" Maria nyahuti malaikat ang'koo, "Ne'ido udoh ngicok mayat Tuhanku lantas aku ano nahu'i ka mae ne'ido gako'ot Io."¹⁴Dah ako bakato ja'koo, Maria nanang ka balakang lalu nanang Yesus ba diri ka'koo, tapi ano nahu'i kade ang'koo adalah Yesus. ¹⁵Yesus ba tanyo ka'io, "nang bini, gameo kau nangis? Sape nang kau gagui?" kareno giro Io adalah panjago taman, Maria bakato ka-Io, "Tuan, kade Tuan udoh mindohoot-Io, bare nahu'i akun ka mae Tuan muaangan-Io, lantas aku mao gicoko-Io¹⁶Yesus ba kato ka'io, "Maria. " Maria pun ba paling lalu ba kato ka-Io ka doop bahasa Ibrani, "Rabuni", nang arti'e " Guru". ¹⁷Yesus ba kato ka'io, "Usohlah kito memegang Aku sabab Aku nape ampus ka Bapo. Tapi ko'o, ampuslah ka kamaru-kamaru-Ku lalu padohoot ka ne'ido, " Aku mao ampuso ka Bapo-Ku ba Bapo'nyu, ka Allah-Ku ba Allah'nyu." ¹⁸Mari Magdalena ampus lalu mare nahu'i murid-murid, "Aku dah nanang Tuhan," lantas sasungguh'e Yesuslah nang gato'ot hal-hal anyian ka aku. Yesus Magari'ot Diri ka Murid-murid-Te¹⁹Takallo ari ko'o dah maam, yaitu ari pertama doop minggu ang'koo, ba pintu-pintu tampat murid bakomo tatutup/takunci sabab ne'ido gai ka urok-urok Yahudi Yesus atok lalu badiri ka tangoh-tangoh ne'ido sambil bakato, "Damai sejahtra untu kito!" ²⁰Dah ako ba kato ja'koo, Yesus magari'ot kokot ba lambung-Ge ka ne'ido. Para murid karepo'ot sidi takallo nanang malaikat Tuhan.²¹Kamudian, Yesus bakato ka ne'ido agi, "Damai sejahtra untu kito, sabayo macam bapo dah gutus Aku, macam ko'o ugo kanio Aku gutus kito." ²²Lalu dah ako bakato ja'koo, Yesus menghembusi ne'ido sambil bakato, "Tarimolah Roh Kudus! ²³Kade kau mengampuni doso seko urok'ng, maka doso urok'ng ang'koo diampuni. Kade ado urok'ng nang doso-dosa'e ano kau ampuni, maka doso ne'ido ano diampuni."Yesus Magari'ot Diri ka Tomas²⁴Tomas, salah seko urok'ng dari ka-12 murid, nang dinyabut Didimus, ano ado ba ne'ido takallo Yesus atok. ²⁵Lalu, murid-murid nang lain mataki io, "Kami dah nanang Tuhan." Tapi, Tomas bakato ka ne'ido, "Kacuali aku nanang bakas paku ka kokot-Te ba namaan jariku ka doop bakas paku ang'koo, sarato namaan kokot'ku ka doop lambung-Ge, aku ano akan picayo."²⁶lapan ari kamudiaan, murid-murid bakomo agi ka rumoh ang'koo, lantas Tomas ado ugo di ko'o ba ne'ido. Maskipun pintu-pintu takunci, Yesus atok lalu badiri ka tangoh-tangoh ne'ido, sambil bakato,"Damai sejahtra untu kito!" ²⁷Salanjute, Io bakato ka Tomas, "Uluroot'lah jarinyu ka sio lalu tananglah kokot-Ku; ba uluroot'lah kokotnyu ka sio lalu ako'ot ka lambung-Ku. Usoh ano picayo, tapi picayolah!"²⁸Tomas nyahuti Yesus, "Au, Tuhanku ba Allahku!" ²⁹Yesus bakato ka'io, "Apakah kau kanio picayo karano kau dah nanang Aku? Dibarakatilah ne'ido nang ano nanang, tapi picayo." Tujuan Yohanes Menulis Kitab Anyian³⁰Masih manyak tando ajaib lain nang Yesus majawat ka depan murid-murid-Te, nang ano tatulis ka doop kitab anyian. ³¹Tapi ang'koo, samuo anyia dinulis supayo kito picayo bahwa Yesus adalah Kristus, Anak Allah, lalu malalu'i kapicayo'otnyu ang'koo, kito memperoleh(namuan) idup ka doop nama-E.

¹Yesus Magari'ot Diri kaTujuh Murid-Te Salanjute, Yesus magari'ot diri agi ka murid-murid-Te ka samak dano Tiberias. Io magari'ot diri-E pake caro sebagai barikut: ²Simon Petrus, Tomas nang dinyabut Didimus, Natanael dari Kana ka Galilea, anak-anak Zebedeus, ba 2 murid nang lain cakahaan bakomo. ³Simon Petrus ba kato ka ne'ido, "Aku mao ampus nangkapo ikot." Ne'ido bakato ka'io, "Kami mao ampus ba'kau." Ne'ido samuae ampus ka uas lalu naik ka parahu, tapi maam ang'koo, ne'ido ano nangkap(namu/gicok)ameo-ameo.⁴Takallo subuh atok, Yesus ba'diri ka pantai, tetapi murid-murid ano nahu'i bahwa ang'koo adalah Yesus. ⁵Io bakato ka ne'ido, "Anak-anak, apakah kito ado ba'ikot?" Ne'ido nyawab, A'no." ⁶Io bakato ka ne'ido, "Tabarootlah jalanyu ka saballoh kanan parahu, lantas kau pasti namu." Maka, ne'ido nabarrot jalo, tapi ano biso narik'io ka doop parahu kareno manyake ikot.⁷Oleh sabab ang'koo, murid nang Yesus gasihi bakato ka Petrus, "Ang'koo Tuhan!" Takallo Simon Petrus nangar bahwa ang'koo Tuhan, io make bajue karano io muko bajue saat bakarajo, lalu tarajut ka doop dano. ⁸Murid-murid nang lain atok pake parahu lalu narik jalo nang baisi ikot. Sabab, ne'ido ano jauh dari darat, jarake kiro-kiro 200 hasta. ⁹Takallo ne'ido sampe ka darat, ne'ido nanang baro api ba ikot nang dimuangan ka atase ba roti ugo.¹⁰Yesus bakato, "Tabananlah sangape eko ikot nang baru aju kau nangkap." ¹¹Simon Petrus naik ka parahu lalu narik jalo nang baisi ikot ayo ang'koo ka darat, jumblahe 153 eko. Maskipun ikot ang'koo manyak sidi, jalae ano rantak.¹²Yesus ba'kato ka ne'ido, "Je lalu makot'lah." Ano seko pun dari mirid-murid ang'koo barani batanyo ka-Io, "Sape'ke Kito?" kareno ne'ido nahu'i bahwa Io adalah Tuhan. ¹³Yesus atok lalu gicok roti ang'koo lalu mareoot'io ka ne'ido. Ja'koo ugo digalakuo'ot ka ikot ang'koo. ¹⁴Anyianlah katiga kalie Yesus magarioot diri ka para murid-Te saudoh Io dimangki'tot dari antaro urok'ng mati Yesus Minto Petrus Gambalo'ot Domba-Domba-E¹⁵Dah ako abis ne'ido makot, Yesus bakato ka Simon Petrus, "Simon, anak Yohanes, kau mengasihi Aku labih daripado samuae anyian'ke?" Petrus nyawab, "Banar Tuhan, Kito nahu'i kade aku mengasihi Kito." Salanjute, Yesus bakato ka'io, "Gambalo'otlah domba-domba-Ku! ¹⁶Yesus bakato agi untu kaduo ka'ie ka'io, "Simon, anak Yohanes, kau kasih ka Aku ke?" Petrus nyawab, "Banar Tuhan, Kito nahu'i kade aku mengasihi Kito." Yesus ba kato ka'io, "Gambalo'otlah domba-domba-Ku!"¹⁷Yesus bakato ka'io untu katiga ka'ie, "Simon, anak Yohanes, kau kasih ka Aku ke?" Ati Petrus baruboh jadi sadih karano Yesus batanyo untu katiga ka'ie. "Kau kasih ka Aku ke?" Lalu, Petrus bakato ka-Io, "Tuhan, Kito nahu'i sagalo sasuatu. Kito nahu'i kade aku mengasihi Kito!" Yesus bakato ka'io, "Gambalo'otlah domba-domba-Ku! ¹⁸Aku bakato nang sasidi'e ka'kau, saat kau mudo, kau sandiri nang gikat pingok'nyu lalu ba'joot ka mae pun kau ma'o; tapi saat kau menjadi tuo, kau pasti garentangan kokot'nyu lalu urok'ng lain nang gikat pingok'nyu, ba nabanan-kau ka tampat nang ano kau suko."¹⁹Yesus gato'ot hal anyian untu nunjuk'kot kamatiot saparati ameo'ke Petrus ma'o mulia'ato Allah. Lalu dah'ako gato'ot hal ang'koo, Io bakato ka Petrus, "Tunaan'lah Aku!" Ameo nang ma'o Terjadi ka Murid nang Yesus Gasihi Sidi?²⁰Petrus mamalek lalu nanang murid nang Yesus gasihi sidi cakahaan nunaan ne'ido. Io adalah murid nang duduk samak dado Yesus ka perjamuan ma'am lantas batanyo, "Tuhan, sape'ke urok'ng nang ma'o gianatio Kito ang'koo?" ²¹Takallo nanang io, Petrus batanyo ka Yesus, "Tuhan, jamae kade io?"²²Yesus nyawab, "Sa'ande Aku ma'o io tatap idup sampe Aku atok agi, ameo urusan'yu? Kau, tunaan'lah Aku!" ²³Maka, pakato'ot Yesus anyian tasabar ka antaro kamaru-kamaru ang'koo bahwa murid ang'koo ano biso mati, padahal Yesus ano gato'ot ka'io bahwa io ano biso mati, malainkan kahe bakato, "Sa'ande Aku ma'o io tatap idup sampe Aku atok agi, ameo urusan'yu?"²⁴Iolah murid nang basaksi mangana'i samuae anyian, ba udoh nulisot samuae anyian, lalu diri nahu'i kasasiate ang'koo sidi. ²⁵Masih ado manyak hal lain agi nang udoh Yesus majawat, nang kade ditulisot sege demi sege, aku raso saluruh dunio anyian pun ano akan cukup untu samuo kitab nang arus ditulis ang'koo.

YESUS DI NGANGKAT KASARUGO YANJIOT NGATANGANO ROH KUDUS ¹ Ka doop buku lukas nang aku nulis sanap'e, Teofilus, ngisohot manyak sidi nang Yesus ngamuat mao pun nang io ngarajo'ot. ²sanape Io tarangkat, Io nyuruh Roh Kudus nga'lewati rasul- rasul nang Io milih. ³ka ne'ido, Io ugo magari'ot Diri'E idup dah ako' singsaro, nang manyak bukti, sambil magari'ot diri'e kane'ido sampe ampat puluh ari nang ugo bacarito ngana'i kerajaan ALLAH.⁴ samintaro barage ne'ido', Io nyuruh supayo tatap ka Yerusalem, sambil ngantiot janji Bapo' ," Nang katae, kau nangar ampat ka Aku, ⁵ Kareno ang'koo Yohanes mambaptis pake a'i , sadangkan kau di baptis make'o Roh Kudus, nang ano amo agi dari kani'o."'YESUS TARANGKAT KA SUBAYOT⁶Kareno ang'koo, cakahan ne'ido sabayo-bayo bakomo, ne'ido ba tanyo ka iyo,' Tuhan, sidike nyian waktu'ngu ma'o mulihato karajaan ka Israel?" ⁷ Io bakato ka ne'ido, " Bukenyo hak Ngu untuk nahu'i kami'e waktu ba saate samua'e ang'koo udoh di natapot Bapo ka doop kuasa'e. ⁸ Tapi ang'koo, kau tatap narimo'o kuasa'E kade Roh Kudus dah atok ka kau ba kau tatap kujadiot saksi-saksi Ku ka Yerusalem, ka saluruh Yudea ba samaria, ba bagian dunio nang paling ujuk."⁹ Ako' bakato ja'koo, samintaro ne'ido' nanang'an, Io tarangkat ba awan nabanan io ilang ka hadapot ne'ido .¹⁰Lantas, samintaro ne'ido masih nanang ka angit, sambil io ampus, tananglah, ado duo urokng angaki babaju putih badiri ka sisi ne'ido,¹¹ Kata'e, "he urokng-urokng Galilea, Nga'mio badiri nanang ka angit? Yesus anyian, nang udoh tarangkat ka antaro kito nang naik ka Subayot tatap atoko agi nang cara'e sabayo ba nang kau nanang io ampus ka Subayot.'' MILIH SEKO UROKNG RASUL BARAHU¹² Ako' ang'koo, ne'ido muok agi ka Yerusalem ampat ka bukit nang di nyabut Zaitun, nang samak ka Yerusalem, nang jauhe kiro-kiro sakilo. ¹³ Pado saat neido ta'amo, ne'ido naik karuang atas, tampat ne'ido diop. Petrus, ba Yohanes, ba Yakubus, ba Andreas, Filipus, ba Tomas, Bartolomeus, ba Matius, Yakubus anak Alfeus, ba Yudas anak,Yakubus. ¹⁴ Ne'ido samua'e saati batekun ka doop doa ba nang bini-bini ba Maria,uma Yesus, di tambohkamaru-kamaru'e.¹⁵Ari ang'koo ugo, Petrus badiri ka antaro kamaru-kamaru nang saiman (urokng manyak kiro-kiro saratus duo puluh jumlah'e ), nang kata'e, ¹⁶ " Kamaru-kamaru, Kitap Suci mao di ganapi, nang udoh di ngato'ot sanape'e oleh Roh Kudus lewat mo'ot Daut gisohot Yudas, nang jadi kapalo urokng-urokng nang nangkap Yesus .¹⁷ Karamo, Io di ngetong ka antaro diri ba namu ugo bagiot ka'doop palayanan anyian. ¹⁸ Kanio, urokng anyian mali sabidang tanoh dari hasil kajahatan'e, ba kapala'e janto doho, bagian tangoh tubuh'e pacoh, ba isi parute samua'e tabure . ¹⁹Ba, kisoh ang'koo pun tasabar ka urokng-urokng nang diop ka Yerusalem lantas tanoh ang'koo di nyabut ka bahasa ne'ido Hakal-Dama, arti'e, 'Tanoh Daroh'.²⁰Sabab udoh tatulis ka kitap Mazmur: ' Mae jare tampat diop'e jadi sunyi, mae jare ano seko nang diop kako'o,'Mazmur 69:26 lantas, 'Mae jare nang lain'ne ngicok' jabatan'ne.' Mazmur 109:8²¹Kareno ang'koo, salah seko ampat ka ne'ido nang sabayo-bayo ba'diri salamo Tuhan Yesus tamo ba kauas ampat ka antaro diri,²² mula'i ka baptisot Yohanes sampe io tarangkat ampat ka antaro diri, salah seko ne'ido anyian harus jadi saksi manganai kabangki'tate sabayo-bayo diri." ²³ Lantas, ne'ido ngu'sulot duo urokng, Yusup nang dinya'but Barsabas, nang ugo dinya'but Yustus, ba Matias.²⁴ Lantas, ne'ido basampok, "Kau, Tuhan nang nahui ati samua'e urokng. Tojok'kot ka kami sape ka antaro duo urokng anyian nang Kau milih, ²⁵Nang pantas narimo bagiot palayanan anyian ba jabatan rasul, ampat ka Yudas nang udoh nyimpok nang mau nuju'o tampat'te sorok. ²⁶ Ako ang'koo para rasul muang undian ka antaro ne'ido ba undian ang'koo janto ka Matias lantas Io di ngetong sabayo baka'sabalas rasul.