Bible

Matthew

Chapter 11To lah sosilah koturuunt Yesus Kristus,onak Daud,onak Abraham.2Abraham ngranook Ishak,Ishak ngranok Yakub,Yakub ngranok Yehuda,ngan balo posiik,e.3Yehuda ngranok Peres ngan Zerah siik Tamar,Peres ngronak Hezron,Hezron ngronak Ram,4Ram ngronak Aminadab,Aminadab ngronak Nahason,Nahason ngronak Salmon.5Salmon ngranok Boas siik Rahab,Boas ngranok Obed siik Rut,Obed ngronak Isai.6Isai ngranok rajo Daud.Daud ngranok Salomo siik osao Uria.7Salomo ngranok Rehabeam,Rehabeam ngronak Abia,Abia ngranok Asa.8Asa ngranok Yosafat,Yosafat ngranok Yoram,Yoram ngronak Uzia.9Uzia ngronak Yotam,Yotam ngranok Ahas,Ahas ngronak Hizkia.10Hizkia ngronak Manasye,Manasye ngranok Amon,Amon ngronak Yosia.11Yosia ngranok Yekhonya,gok balo posiik,e libo sowa pomongkaat koni Babel.12Pongkosiik pomongkat koni Babel,Yekhonya ngronak Sealtiel,Sealtiel ngranok Zerubabel.13Zerubabel ngronak Abihud,Abihud ngronak Elyakim,Elyakim ngronak Azor.14Azor ngronak Zadok,Zadok ngronak Akhim,Akhim ngronak Eliud,15Eliud ngranok Eleazar,Eleazar ngranok Matan,Matan ngronak Yakub,16Yakub ngranok Yusuf boniih Maria,dik ngkodooh Yesus dik nih nyobut Kristus.17Jodi soluruh,e odoh:Empat bolas koturuun siik Abraham sampae Daud,empat bolas koturuunt siik Daud sampae pomongkaat koni Babel,gok empat bolas koturuunt siik pomongkaat koni Babel sampae Kristus.18Pongkodooh Yesus Kristus haeek wook to: Libo nyen Maria,nook,e botunang ngan Yusuf,tonyata dop,e bitii siik Minu Suci,libo balo,e midop jodi osao boniih.19Nih Yusuf boniih,e,nya dik tulus oti gok kae lugi ngcomar odaant osao,e wah jowi umum,dop,e bomaksud roo nyarook,e socara motiingk.20Tetapi libo dop,e bopahaamp owaangk nyent,malaekat ponompa odoh nganu,e masok nganu saiih pimii ngan boba:"Yusuf,onak Daud,yooklah moo golaak miaah Maria nyak osao moo,sobab onak dik odoh wah saiih kobitii,e sajoo siik Minu Suci.21Dop,e roo ngkodooh onak ndarii gok moo tongki odaant Dop,e Yesus,nih Dop,e lah dik akan nyokamat umat,e siik dosa ballo,e.22Hal nyent tojadi sopayo gonaplah dik tomboba Ponompa nih gok nabi:23Sosunguh,e,onak ndayongk nyent akan bitii gok ngkodooh nya onak cade ndarii,gok balo,e akan mongki odaant Dop,e Imanuel"- Dik borati: Ponompa bosamoh dop.24Mosiik mongkaat siik pomiis,e,Yusuf bobuat wook dik nih torintah malaekat Ponompa nyen nganu,e.Dop,e miaah Maria nyak sobagae osao,e.25Totapi kae borogap ngan dop,e sampae domp ngkodooh onak,e ndarii gok Yusuf mongki odaant,e Yesus.

Chapter 21Mosiik Yesus nih ngkodooh wah Betlehem wah poya Yudea libo zaman rajo Herodes,moniklah nya ntoyaant majus siik Timur koni Yerusalem.2samel bopiseek- piseek:"Wah keh haeek Dop,e,rajo nya Yahudi dik bauuh nih ngkodooh nyent?Mee jeh leek bintang,e wah timur gok mee moniik nyak roo nyomaah Dop,e."3Libo rajo Herodes ngopiingk hal nyen mpojeetlah domp gok sokayuuk Yerusalem.4Maka tongumpuul,e sidik imam kopalok ngan ahli- ahli Taurat banso Yahudi,lalu tominta,e agooh siik balo,e,wah keh Mesias akan tongkodooh.5Balo,e nyona,e koni,e:"Wah Betlehem wah poya Yudea,niih wook nyenlah odoh totulis saiih kitab nabi:6Ngan Moo Betlehem,poya Yehuda,moo sokali- kali kaelah dik pongiciik siik antara balo,e dik morintah Yehuda,nih siik moo lah roo mongkat nya pomimpint,dik roo mongombalakan umat Koo Israel."7Lalu socara motiingk Herodes nosu nya ntoyaant majus nyen gok ngan nlitii bopiseek nganu balo,e,bila odoh bintangk nyen tileek.8Mosiik nyen dop,e ngaso balo,e koni Betlehem,sona,e:"Nanuu gok tonyolidiklah ngan seksama hal- hal monginai Onak nyen gok sogira mosiik moo ndopat Dop,e,sano maeh koo sopaya koo pun monik nyomah Dop,e.9Mosiik ngopiingk boba- boba rajo nyent,borongkatlah balo,e.gok tileek maeh,bintangk dik balo,e ngronoong siik Timur nyent nglumaa balo,e hinga moniik gok togaak wah somu aroongk,wah keh cade nyen monae.10Tungkah balo,e leek bintangk nyen,sajo maa baek owaangk balo,e.11Maka masoklah balo,e nganu wah romiingk nyen gok ngronong Onak nyen bosamooh Maria,nook,e,lalu bosujud nyomah Dop,e.Balo,e pun mukaak badah ritaa bonaa,e gok munyook pomunyook koni,e,yaitu omas,komenyan ngan mur.12Nih korina tosobuut wah pimii,sopaya yok balek koni Herodes,maka morii maeh balo,e koni daerah,e nglalu joraant kiint.13Jeh mosiik nya ntoyaant majus nyen borongkat,toronoonglah malaekat Ponompa nganu Yusuf wah pimii ngan boba:"Mongkatlah,tiaah ngan Cade nyen sorota nook,e,obu maeh koni Mesir gok monae maeh wah iih sampae koo bosona koni moo,korina Herodes roo mogaoo Onak cade nyen nyak roo komeek Dop,e."14Yusuf pun mongkat,tomiaah,e Onak nyen gok nook,e ngoriimp, nyent geeh,lalu tomonah koni Mesir,15gook monae wah iih hingga Herodes kobiis.Hal nyen sopaya gonaplah dik tomboba,e Ponompa nih nabi:"Siik Mesir Koo mpaau Onak- Koo.16Tungkah Herodes ntaook,bahwa domp jeh nih podaya nih nya- nya majus nyen,domp sajo ndoruuh.Lalu domp ngaso ngkomeek sidiik cade wah Betlehem gok sokitar,e,jak siik onak cade dik boumur dukah sowa ko sigaant,sosuae ngan onu dik dopat nihtaook siik nya ntoyaant majus nyen.17Ngan wook nyen gonaplah boba dik tonyampae nih nabi Yeremia:18"Tongopiingk maeh boba wah Rama,tongiis gok kojotiingk dik sajo susah;Rahel nongiis onak cade,e gok domp kae lugi,e tongibuur,niih balo,e kidoh geek."19Mosiik Herodes kidooh,timool malaekat Ponompa koni Yusuf wah saiih pimii,e wah Mesir,boba,e:20"Mongkat maeh,dibeet onak cade nyen ngan nook,e gok borongkat maeh koni Israel,nih balo,e dik ngaso komeek Onak nyen,jeh kobiis,"21Lalu Yusufpun mongkat,tomiaah Onak cade nyen ngan nook,e gok obu nganu poya Israel.22Tetapi jeh mosiik tokapiingk,e,bahwa Arkhelaus jodi rajo wah Yudea nyilee kan Herodes,maang,e,domp,e golaak ko iih.Niih nya nasehat wah saiih pimii,obu maeeh Yusuf nganu daerah Galilea.23Jeh pongkoniik wah iih domp pun monae wah kota dik borodaant Nazaret.Hal nyen tojadi sopaya gonap geeh boba dik tonyampae nya nih nabi-nabi,bahwa Dop,e roo nyak sabut:Nya Nazaret.

Chapter 31Libo masa nyen monik Yohanes Pombabtis wah padang gurun Yudea ngan mbritakan:2"Botobat maeh,nih korajaan ompik Sobayoont jeh somaak!"3Sobonar,e dop,e lah dik nomaksud nya nabi Yesaya libo dop,e bosona:"Odoh boba wah nya dik mangkos- mangkos wah padang gurun:Tonyiap maeh joraant nyak Ponompa,tomujoor maeh joraant nyak Dop,e."4Yohanes nginyaak jibah buruuh unta gok poniset kopoongk kuret,gok pongudaap,e buntaak ngan madu yoop.5Maka monik lah nganu,e obih ompiik Yerusalem,gok sokayuk Yudea ngan siik sokayuk daerah sokitar Yordan.6Libo samel ngaku dosa,e ballo,e nih baptis Yohanes wah sungi Yordan.7Tetapi tungkah domp leek obeengk nya Farisi gok nya Saduki moniik nyak tombaptis,bosonalah domp,e nganu balo,e:"Hae moo koturuunt nyipiih boludak.Oseh haeek dik bosona nganu moo,bahwa moo dopat ngkobuu domp siik acoomp dik roo moniik?8Jodi tongasel maeh buah dik sosuae ngan potobatan.9Yook lah ngiraa,bahwa moo dopat bosona wah saih owangk moo:Abraham sajo haeek mangk mee!Niih koo bosona koni moo:Ponompa dopat njodi onak cade nyak Abraham siik gok botuh to!10Kapook jeh odooh wah waat koyuh gok sotiap koyuh dik kae ngasel buah dik baek,pasti totiboongk ngan tobotaant koni saiih opi.11Koo mbaptis moo ngan piingk nyak tano potobatan,totapi Dop,e dik roo moniik mosiik siik pada koo lobeh bokuasa sik koo gok koo soniriik kae patut nguleeh sopatu,e.Dop,e roo mbaptis moo ngan Minu Suci gok ngan opii.12Copaant pongampe jeh wah tongaan,e.Dop,e roo moroseeh aroongk pomonyook,e,gok ngona gandum,e ko wah juroongk,tetapi dobu ampo nyent tomanook,e wah saiih opi dik sajo kae pojaamp."13Maka moniklah Yesus siik Galilea nganu Yordan koni Yohanes nyak tombaptis domp,e.14Totapu Yohanes ncogah Dop,e,sano,e:"Koo lah dik porolu tombaptis nih moo,ngan moo dik monik koni koo?"15Yesus nyamoot,sano,e nganu,e:"Adu maeeh hal nyen tojadi,nih wook nyen sopatut,e dop nggonap soluruh kohendak Ponompa."Yohanes pun ngajeeh owangk Dop,e.16Mosiik nih baptis,Yesus lokas koluar siik piingk gok libo nyen geeh ronyeent tobukaak gok Dop,e ngronoong Minu Ponompa wook monook merpati tomonah wah somu Dop,e.17Lalu odooh angkoongk boba siik sobayoont dik nyona,e:"Too lah haeek Onak Koo dik nih ngaseh,koni Dop,e maeh Koo bojantoh,"

Chapter 41Maka Yesus oduk dibeet nih minu koni padang gurun nyak toncuba Iblis.2Ngan jeh pongkosiik puasa empat puruu onu gok empat puruu ngoriimp,akher Yesus sobirook.3Lalu moniiklah nya poncuba nyent gok bosona nganu,e:"Maak Moo Onak Ponompa,norintah ngan,e botuh- botuh nyen jodi kue."4Tetapi Yesus nyamoot,e:"Odoh totulis:Monsia kae midop siik kue maeeh,totapi siik sotiap boba dik koluar siik tukook Ponompa."5Mosiik nyen iblis meet Dop,e koni kota suci gok ngonaa Dop,e wah tunuuh buboongk Romiingk Ponompa,6Lalu bosona nganu,e:"Maak Moo Onak Ponompa,tonjotuuk maeh moo koni sigaant,sbab odooh totulis:Monginai moo Dop,e roo ngrintaah balo malaekat,e ngan balo,e roo nontaangk moo wah somu tongan,e,sopaya koja moo kae tosongkaak koni botuuh."7Yesus bosona koni,e:"Odoh pula totulis:Yook lah moo ncuba Tuhaan,Ponompa moo"8Gok iblis nyen meet Dop,e pula koni somu doriik diik sajo domiik sameel ngronoong nganu Dop,e sidik ritaa korajaan dunia ngan kolobeeh,e.9Domp bosona nganu,e:"Sidiik too roo tunyook koo nganu moo,maak moo bosujud nyomaah koo."10Maka bosona geeh Yesus koni,e:"Sajoo kobiis moo Iblis,nih odoh totulis: Moo arus nyomaah Tuhan,Ponompa moo,gok cuma nganu Dop,e maeeh moo bobakti!"11Mosiik nyen iblis ntiggal Dop,e tileek maeeh,balo malaekat moniik nglayan Yesus.12Tetapi libo Yesus ngopiingk,bahwa Yohanes oduk dakoop,Dop,e borinseet koni Galilea.13Dop,e ntiggal Nazaret caroo motiingk wah Kapernaun,siik bubeeh donuu,wah daerah Zebulon gok Naftali,14Sopaya gonaplah boba dik tonyampae nih nabi Yesaya:15"Poya Zebulon gok Poya Naftali,joraant koni laoot,daerah sungi Yordan,Galilea,wilayah banso- banso kiint,16Banso diik monae wah aroongk pitii,jeh leek Tampook dik daiik gok nyaak balo,e dik monae wah negri dik bonaung maut,jeh timool Tampook."17Libo masa nyenlah Yesus jeh bosona:"Botobat maeh,konooh Korajaan Sobayoont jeh nyomaak!"18Libo nyen Yesus tungkah jaloont nlalu donu Galilea,Dop,e ngronongk dukah konaan boposiik,nya haeek Simon dik nya sobut Petrus,gok Andreas,posiik,e.Balo,e tungkah nompooh jaloo wah donu,sajo balo,e ponyalloo baook.19Yesus bosona nganu balo,e:"Booh,najeeh maeeh koo,ngan moo to kojodikan ponjaloo monsia,"20Balo,e pun lokaas ntiggal jallo,e nyak ngajoh Dop,e.21Gok jeh pongkosiik Yesus obu siik nyuuh,totileek Dop,e pula dukah naan boposiik,nya haeek Yakobus onak Zebedeus,ngan Yohanes posiik,e,boropiik gok mangk balo,e,Zebedeus,tungkah nyiimpoor jallo,e koni wah oruut,.Yesus nosu balo,e,22gok balo,e lokaas ntiggal oruut ngan mangk,e,nyaak ngajooh Dop,e.23Yesus pun booutaar koni soluruh Galilea:Dop,e ngajoor wah romingk- romiingk somayaangk gok mbritakan Injil Korajaan Ponompa sorota ngkoyaap sidiik ponyakit ngan kolomahan wah ropoot banso nyuuh.24Maka tosiiaarlah borita pongodi Dop,e wah soluruh Siria ngan nih meetlah nganu,e sidik nya dik bieek bakoo,e,dik monaamp bobagae ponyakit gok songsara,dik korasukan,dik monaamp ayan ngan dik lumpooh,Yesus nompaal mbaeek balo,e.25Makin nyen obengk balo,e bojireh- jireeh ngajoh Dop,e.Balo,e monik siik Galilea gok siik Dekapolis,siik Yerusalem ngan siik Yudea gok siik Dipaah Yordan.

Chapter 51Tungkaah Yesus ngronoongk nya obeengk nyen,Dop,e simaak kosomuu dampooh mosiik dop,e dudook,monik balo murid- murid,e nganu,e.2Maka Yesus pun mulae ngomoong ngan ngajoor balo,e,sano,e:3"Bobahagia maeh nya dik bagoont wah jowii Ponompa,niih balo lah dik mpoo Korajaan Sobayoont.4Bobahagia maeh nya dik bodukacita,niih balo,e oduk tongibuur.5Bobahagia maeh nya dik lomah lomuut,karna balo,e roo mpoo bumi.6Bobahagia maeh nya dik sobirook ngan auus nih kobonaar,karna balo,e roo tompuas.7Bobahagialah nya dik murah oti,e,nih balo,e roo ndopat kemurahaan.8Bobahagia maeh nya dik boriseeh owaangk,e,niih balo,e sajo leek Ponompa.9Bobahagia maeh nya dik meet damae,niih balo,e roo nyaak sobut balo onak Ponompa.10Bobahagia maeh nya dik toaniaya nih sajo kobonaar,karna balo,e nyen dik mpo Korajaan Ompiik Sobayoont.11Bobahagia maeh moo,maak niih koo moo nih encela gok nih aniaya ngan koni moo nih fitnah sidiik toruunt dik kae bagaee.12Senyum gok notaao maeh,niih upah moo daiik wah sobayoont,nih wook nyen geeh jeh nih aniaya nabi- nabi dik libo goont moo."13"Moo sajoo garoomp dunia,Maak garoomp nyen jodi modaas,ngan oneh geek tongasoo arook?Kidooh gek guna,e solaingk nyak tampooh gok dimpeet nya.14Moo sajoo tampook dunia,kota dik tolotak wah somu doriik kae mungkiin tosukaant.15Lagipula nya kae ngkidoop polita lalu ngonaa,e wah sigaant gantang,molainkan wah somuu koja sohinga nampook sidiik nya dik odoh wah saiih romiingk.16Wook nyen lah owaang,e kotampook moo bojilao wah jowii nya,sopaya balo,e ngronongk pongodie moo dik baeek gok momuliakan Mangk moo dik wah Sobayoont,"17"Yooklah moo monyangka,bahwa Koo moniik nyak ngkoyaap ukump Taurat atau Kitab Balo nabi.Koo moniik kae nyak ngkoyaap,molainkan nyak nggonap,e.18Niih Koo bosona koni moo:Sobonaar,e solama goont moyaamp ronyeent gok bumi to,tek ko boba atau tek kotitik pun kae akan tongkoyap siik ukump Taurat,sobolum tojadi sidiik,e.19Niih nyen oseh dik ngkoyaap salah satu porintah ukump Taurat sokalipun dik palingk ciik,e,gok ngajoor,e nganu nya kiint,domp kan ndopat ponudook aroongk dik paling ronaah wah saiih ompiik Korajaan Sobayoont;Tetapi oseh dik ngkodi gok ngajoor sogala porintah atoor ukump Taurat,Dop,e dopat dudok aroongk dik domiik wah saiih ompiik Korajaan Sobayoont.20Nih to koo bosona nganu moo: maak midop bogama moo kae lobeh bonar pada midop bogama ahli- ahli Taurat gok ntoyant Farisi,sobonar,e moo sajo kae masook koni saiih Korajaan Sobayoont.21Moo jeh ngopiingk dik tosona koni balo nek moyaangk dop:Yook bokobeek;oseh dik bokobeek arus tongukuump.22Too koo bosona koni moo:Sotiap nya dik ndoruuh tohadap balo posiik,e arus tongukuump,;Maak oseh bojantooh koni posiik,e:Kafir! arus tongadop nganu Makhamah rogama gok oseh dik bosona:Jahil!arus sonoraah nganu noraka dik bojilao-jilao.23Nih nyen,maak moo munyook ponyokoongk moo wah somu mezbah gok moo toringaant nih toruunt dik odooh wah owaangk posiik moo toradap moo,24tontook maeh pomunyook moo wah jowii mezbah nyen gok obulah bodamae tiaant ngan posiik moo,mosik nyen morii nyak munyook pomunyook moo nyen.25Lansongk maeh bodamae ngan lawoont moo solama moo samooh borota- rota ngan domp wah ropoot joraant,sopaya lawoont moo nyen yook munyook moo koni hakim ngan hakim nyen nyiraah moo koni pombantu,e gok moo niih murook kosaiih ponjara.26Koo bosona koni moo:Sobonaar,e moo kae kan toluaar siik nyen,sampae moo ngkosiik mayaar utangk moo jangkook mosiik.27Moo jeh ngopiingk boba:Yook ngompaangk butaangk.28Tetapi Koo bosona nganu moo:Sotiap nya ngronongk ndayoongk sorota odooh owaangk,jeh bozinah ngan domp wah saiih owaangk,e.29Maka maak motiih moo dik tauuh nyosaat moo,tonyungkel maeh ngan batoont maeeh,karna lobeh baek bagi moo maak tek siik anggota woongk moo bonasa,siik pada woongk moo gek utuh tampooh nya nganu saiih noraka.30Gok wook nyen geh maak tongan tauh mo nosaat moo,kapiik maeh ngan tampooh ngan,e,nih lobeh baek bagi mo maak tek anggota siik mpo moo bonasa dari pada woongk moo gek utuh masok noraka.31Jeh niih mboba,e geeh;Oseh dik nyarook osao,e arus domp munyok surat sarook koni,e.32To koo bosona koni moo: Sotiap nya dik roo nyarook osao,e kocuali nih bozinah,dop,e ngaso osao,e bozinah;maak oseh kawin ngant ndayoongk dik nih nyarook,domp bobuat ompaangk.33Moo jeh pula ngopiingk dik tosona koni balo nek moyangk dop:Yook gooh bosumpah palsu,molainkan pigoongk ngan sumpah moo wah jowi Ponompa.34To koo bosona nganu mo:Yook gooh sokalik- kalik bosumpah,baek nyak ronyeent,niih ronyeent haeek Takhta Ponompa.35maupun nyak bumi,niih bumi sajo poo impet koja,e,ataupun nyak Yerusalem,nih Yerusalem kota Rajo Daiik;36Yook lah geeh mo bosumpah nyak baak moo,niih moo kidoh kuasa ngaso mopau atau ngaso nyabook solamoor buruuh baak pun.37Maak iik,sano maeeh:iik,maak kae,sano maeh kae.Oneh dik lobeh sik pada nyen borasal sik dik kobieek.38Moo jeh ngopiingk boba:Motiih ganti Motiih,gok jipiint ganti jipiint.39Tetapi koo bosona nganu moo:Sajo yook gooh moo nlawoont nya dik roo bobuat kobieek koni moo,molaikan oseh pun dinampaar pompi tauh mo,punyok maeh geek nganu,e pompi moyeet mo.40Gok koni nya dik roo ngadukan mo nih koowangk,e bojuh mo,punyook geh jubah mo.41Gok oseh pun dik maksa mo bojaloont kojaau tek mil,bojaloont maeh ngan domp jangkook dukah mil.42 Tunyook ngan koni nya dik minta nganu mo ngan yook maeh mo nulak nya dik loongk roo minnyaam toruunt siik moo.43Mo jeh ngopiingk boba:Tongaseh maeh sosamooh mo monsia gok tobonciik maeh munsu mo.44Tetapi Koo bosona nganu mo:Tongaseh maeh munsu mo gok nondoa ngan nyak dieent dik ngjoraa mo.45Nih ngan wook nyen mo jodi balo onak Mangk mo wah Sobayoont,dik ngkodooh motih onu nyaak nya dik kobieek gok nya dik baek samel ntonaah ujaan nyaak nya dik bonat gok nya dik kae bonar.46Apabila mo ngaseh nya dik ngaseh mo,oneh kah upah mo?Kae kah pomungut cukae geh bobuat wook nyen?47Maak apabila mo munyok salam koni balo posiik mo maeh,oneh kah ko lobeh,e siik pada pongodi nya kiint?Kae kah nya dik kae nginal Ponompa pun bobuat wook nyen?48Niih nyenlah arus sempurna,samoh wook Maangk mo dik wah sobayoont sajo sompurna."

Chapter 61Tingaant maeh,yook mo ngkodi kowajiban rogama mo wah jowii nya sopaya tileek balo,e,niih maak wook nyen,mo kidoh ndopat upah siik Maangk mo dik wah sobayoont.2Jodi apabila mo munyok sodikah,yook mo ngrancang,e hal nye,wook dik kadii nya munafik wah romingk- romiingk somayangk ngan wah singkaap oroongk,sopaya balo,e tomuji nya,Koo bosona nganu mo:Sobonar,e balo jeh dopat upah,e.3Maak mo munyok sodikah,yook sampae taok tongan moyeet mo oneh dik tongkodi tongan tauh mo.4Aduu maeh sodikah mo nyen tomunyook libo tosukaant,,maka Maangk mo dik ngronoongk dik bosukaant paji,e molas,e koni mo."5"Maak pabila mo bodooa,yook maeh bodooa wook nya munafik.balo,e konaa nyobut doa,e samel tokiit saiih romiingk- romiingk somayaangk ngan wah cikuuh tojook joraant rayo,sopaya balo,e tileek nya.Koo bosona koni mo:Sobonar,e balo,e jeh ndopat upah,e.6Tapi maak mo bodooa, masok maeh nganu saiih kamar mo,titoop kore gok bodooa maeh koni Maangk mo dik odooh wah aroongk tosukaant,Maka Maangk mo dik ngronongk dik tosukaant molaas,e koni mo.7Lagipula wah doa mo yook maeh botele-tele wook kobiasa nya dik ngonal Ponompa.Balo,e nyangka bahwa niih obeengk boba jantooh doa,e roo tongabul nya.8Jodi yooklah mo wook balo,e, niih Maangk mo odoh ntaook oneh dik nyak mo norulu,libo goont mo minta nganu,e.9Nih nyen bodooa maeh wook to:Mangk mee dik wah sobayoont,Totuucii maeh odaant mo,10Monik maeh Korajaan mo,jodi maeh koowangk mo wah bumi samoh wah sobayoont.11Tunyok maeh me libo onu to ponduook me dik socukup,e.12ngan nampuunt maeh me nih ponyalah me,samoh me geh ngampuun nya dik bosalah nganu me;13Gok yook maeh meet me koni saiih poncuba,totapi tombebas maeh me siik nya kobieek,Nih mo lah dik mpo Korajaan gok kuasa gok komuliaan sampai paji,e.Amin.14Nih maak mo ngampuunt kosalahan nya,Maangk mo dik wah sobayoont loong ngampuuni mo.15Totapi mask mo kae ngampuunt nya,Maangk mo siik kae akan ngampuunt kosalahan mo."16"Maak pabila mo bopuasa,yook maeh mosiim jowi mo wook nya munafik.Balo,e ngubah bisook jowii,e,sopaya nya leek bahwa dieent tungkah bopuasa.Koo bosona koni mo:Sobonaar,e balo jeh dopat upah,e.17Totapi apabila mo bopuasa,tominyaak baak mo gok tumeek maeh jowi mo,18sopaya yook tileek nih nya bahwa mo libo bopuasa,molainkan nih hanya nih Maangk dik odoh wah arongk tosukaant.Maka Maangk mo dik ngronong dik bosukaant nyen molaas,e nganu mo."19"Yook maeh mo ngruggok rita wah bumi;wah bumi koripuut ngan toggoriingk ngkieek,e gok ponongku mungkaar sorota nongku,e.20Tetapi tongruggok nyak mo ritta wah sobayoont;wah sobayoont koriput ngan toggoriingk kae ngkieek,e gok ponongku kae tobungkar sorota nongku,e.21Nih oneh wa keh ritta mo monae,wah nyen geeh owaangk borada.23Maak motih mo kobieek,pitiilah sidiik woongk mo.Jodi maak tampook dik odoh wa mo pitii,sajo pitii,e kopitii nyen.24Kae ntoyaant pun dopat ngabdi koni dukah tuan.Niih maak wook nyen,dop,e roo nbonciik dik tek ngan ngaseh dik kiint,atau dop,e roo sotia koni dik tek gok kae ngopiingk dik laiingk.Mo kae dopat ngabdi koni Ponompa gok nganu Mamon.25"Niih nyen Koo bosona nganu mo:Yook maeh wateer toruunt pongkidop mo,roo oneh dik koowangk mo naiik atau sinop,gok yook maeh pula wateer woongk mo,roo oneh dik owaangk mo ninyaak,Kae kah midop nyen lobeh penting dari pada pomakoont gok woongk nyen lobeh penting daripada adoh?26Ranoongk maeh balo monook wah ronyeent,dik kae bopuruuh,gok kae ngotiimp gok kae ngruggok bokal saiih juroongk namun nih munyook duook siik Maangk mo dik wa sobayoont.Kae kah mo oju lobeh baek siik balo monook nyen?27Oseh kah dik ropoot mo nih karna wateer dopat noduuk somiteer maeh wah joraant midop,e?28Ngan nih ngoneh mo kuwateer nih adooh?Tongratii maeh bunga jaguur wah miih,domp timuu tanpa korija gok tanpa bopongkii.29namun Koo bosona koni mo:Salomo wah saiih sogala komegahan pun kae bopakae ongao dik bagoos siik salah satu bunga nyent.30Jodi maak wook nyen Ponompa ngkosaant iduuh wa miih,dik onu to odooh gok babuut nih motaant ko waah saiih opi,kaekah Dop,e dik tolobeh tiaant ngkosaant mo,o..o nya dik kurang pocayook?31Niih nyen yook maeh mo wateer gok boboba:Oneh toruunt nyak me naiik?Onehkah dik roo sinoop me?Onehkah dik roo mee tinyaak?32Sidiik to nih tomogaao banso- banso dik kae ngonaal Ponompa.Akan totapi Maangk mo dik wah sobayoont taook,bahwa mo moruuluu sidiik to.33Nih nyen tagaao goont Korajasn ompiik Ponompa ngan kobonaar,e,maka sidiik to roo taduuk nya nganu mo.34Nih nyen yook maeh mo wateer nyak onu babuut,e,nih onu diik babuut,e borisiik ponogooh,e soniriik,Ponogooh kah nuu cukup nyak kah onu.

Chapter 71Yook mo menghakimi,sopaya mo kae tongakimi.2Niih ngan penghakiman diik nih mo nginyaak nyak menghakimi,mo oduk tongakimi gok ukuran dik nih mo nginyaak nyak ngukur,sajo tongukuur nya koni mo.3Ngoneh kah mo ngronongk solumaar wah motiih posiik mo,sedang balok wah saiih motiih mo kataook mo ngkaant,e.4Kameh kah mo dopat bosona koni posiik mo:Naduu maeh koo ngluar solumaar nyen siik motiih mo,padahal odooh balok wah saiih motiih mo.5Hae nya munafik tongluar maeh tiaant balok wah saiih motiih mo,maka mo akan ngronongk sajo jelas nyak ngoluar solumar nyen siik motiih posiik mo."6"Yook mo munyook barang dik baeek koni kuyuuk gok yook mo nompooh mutiara mo koni janeek,sopaya yook oduk dimpeet lunyaak ngan koja,e,mosiik nyen bobaleek ngriaas mo,"7"Minta maeh,maka punyook nya nganu mo;Kagaao maeh,maka mo odooh dopat;ketok maeh,maka koree tomukaak nya nyaak mo.8Maak sotiap nya dik minta,ngrimaa gok sotiap nya dik mogaao,ndopat ngan sotiap nya dik mengetuk,nyak domp,e kore nih mukaak.9Odooh kah ntoyaant siik mo munyook botuuh koni onak,e,maak domp minta kue,10atau munyook nyipiih,libo domp minta baook?11Jodi maak mo dik kobieek taook munyook pomunyook dik baek koni balo onak mo,apalagi Maangk mo dik wah sobayoont!Dop,e roo munyook dik baeek koni balo,e dik minta nganu,e,"12"Sogala toruunt dik mo owaangk sopaya nya bobuat koni mo,bobuat maeh wook nyen koni balo,e.Too lah obiih soluruuh ukump Taurat gok kitab balo nabi.13Masok maeh nglalu kore dik sokoot nyen,niih daiik lah koree gok luas geh joraant dik botuju koni kobinasaan,gok obeengk nya dik masok nlalui,e:14niih sokot kore gok sokoot joraant dik nuju koni pongkidop,maka ciik,e ntoyaant dik ndopat,e.15"Waspada maeh toradap balo nabi- nabi palsu dik monik nganu mo dik nyamoor wook domba,totapi sobonaar,e balo,e haeek serigala dik buas.16Siik buah domp lah mo dopat nginal balo,e.Dopat haek nya ngrutiik buah anggur siik rampoo roja atau buah aroo siik iduh roja?17Wook nyen geh sotiap puunt koyuh dik baek ngaseel buah dik baek,sedangkan kayoo dik kae baek ngasel buah dik baeek.18Kae mungkin koyuuh dik baek nyen ngasel buah dik kae baeek,ataupun koyuh dik kae baeek nyen ngaseel buah dik baeek.19Gok sotiap kayo dik kae ngasel buah dik baeek,pasti tiboongk nya mosik nyen tampooh nya ko saiih opii.20Jodi siik buah nyen lah mo nginal balo,e.21Kae sotiap ntoyaant dik mpaau koni Koo:Ponompa,Ponompa!roo masok nganu saiih Korajaan Sobayoont,molainkan domp dik ngkodie koowangk Maangk Koo dik wah sobayoont.22Libo onu pongkosiik obeengk nya roo mpaau koni Koo:Ponompa,Ponompa! Kae kah me jeh bonubuat nyaak Moo,gok ngkobuu muunt nyak odaant Moo ngan ngkodie obengk mujizat nyak odaant Moo geeh?23Libo masa nyen lah Koo roo botorus trangk koni balo,e ngan bosona:Koo kae suaah ngonal mo?Nyuuh obu siik Koo,moo sokaligus pomongki kobieek!"24"Sotiap nya dik ngopiingk pongomong koo to gok ngkodie,e,domp samoh ngan nya dik bijaksana,dik ntokiit romiingk,e wah tunuuh botuuh.25Mosiik nyen tomonah lah ujaant gok moniik geh piingk ngkujooh,lalu buaaak ngibaao romiingk nyen,tetapi romiingk nyen kae rurooh,sbab nih ntokiit wah tunuuh botuh.26Tapi maak sotiap ntoyaant dik ngopiingk ponyona Koo to ngan kae ngkodie,e,domp samoh wook nya dik bodo,dik ntokiit romiingk wah tunuh koroseek.27Mosiik nyen tomonaah ujaant moniik ngkujooh,lalu buaak ngibao romingk nyen gok sajoo maa pomieek,e,"28Jeh mosiik Yesus ngkosiik ponyona,e to,takjub ngan nyarooh obengk nya nyen ngopiingk pongajoor,e 29niih Dop,e ngajoor balo,e sobagae nya dik bokuasa,kae wook nya ahli- ahli Taurat balo,e.

Chapter 81Mosiik Yesus tomonaah siik doriik,obengk nya bojireeh- jireeh ngajooh Dop,e.2Sajoo moniik maeh ntoyaant dik konaamp kusta nganu,e,lalu bosujud nyomah Dop,e samel bosona:"Tuan,maak Tuan loongk,Tuan dopat tahirkan koo."3Yesus pun nyuroong tongan,e,nokoop nya nyen gok bosona:"Koo loongk,jodi maeh mo tahir,"Sajoo nyen tahirlah ntoyaant nyen siik konaamp kusta,e.4Lalu Yesus bopisiingk nganu,e:"Tingaan maeh,yook mo bosona hal- hal to koni oseh pun nya,tapi morii maeh,tongampoor ngan,e woongk mo koni imam gok tunyook pomunyook mo dik tongrintah Musa nyak bukti bagi ballo,e,"5Libo Yesus masok koni Kapernaun,monik geh tek naan perwira ndopat Dop,e gok mohon nganu,e.6"Tuan,hamba koo nggariingk wah romingk nih konaamp lumpuh ngan domp sajo maa jorra,e,"7Yesus bosona nganu,e:"Koo taook moniik nompaal,e,"8Tetapi samoot perwira nyen koni,e:"Tuan,Koo kae layak ngrima tuan koni saiih romiingk koo,sano maeh kah pota boba,maka hambako nyen baeek.9Nih koo soniriik nya bawahan,gok wah sigaant koo odoh prajurit,Maak koo nyona,e koni tek naan nyen:obuu!,maka dop,e obu,ngan wook nyen koni dik kiint,Moniik!,maka dop,e moniik,atau pun nganu hamba koo:Tongrija to!,maka dop,e ngrija,e."Mosiik Yesus ngopiingk hal nyen,nyaarooh Dop,e samel bosona koni balo,e diik nyunoot,e:"Koo nyona mo,sobonar,e iman kaiik to,goont suaah koo ndopat,e wah nya diik ntoyaant Israel.11Koo bosona koni mo:obeengk nya kan monik siik Timur gok Barat ngan dudook duook bosamooh ngan Abraham,Ishak,ngan Yakub wah Korajaan Sobayaant.12Sedangkan onak cade Korajaan nyen roo tampooh nya koni poya pitii diik maa pitii,wah iih lah kan odoh poratap gok kireent jipiint,"13Lalu Yesus bosona koni perwira nyen:"Morii maeh ngan jodi maeh nganu mo wook dik mo ncayook,"libo saat nyen geeh baeek maeh hamba,e.14Jeh pongkoniik Dop,e wah romiingk Petrus,Yesus pun leek nook datoo Petrus togalaae niih mongooh.15Maka tigoongk,e tongaan,e ndayoongk nyen,mosiik nyen moyaamp maeh mongooh,e.Domp,e pun mongkaat nyaak nglayan Dop,e.16Tulaak ngoriimp nih nya meet nganu Yesus obeengk nya kerasukan muunt,Ngan nginyaak kah pota boba maeh Yesus ngosaar minu- minu nyen gok nompaal nya ntoyaant dik jorra monaamp.17Hal nyen tojadi sopaya gonap jantooh dik sano nya nabi Yesaya:"Dop,e maeeh dik mikuul kolomaah dop ngan nangoongk konaamp dop,"18Libo Yesus ngronong nya obeengk ntoyaant nglilingk,e,Dop,e ngaso bopinaah ko dipaah.19Lalu moniik geeh tek naan ahli Taurat gok bosona nganu,e:"Guru,koo roo ngajooh mo,kokeeh pun Mo obu,"20Yesus bosona nganu,e:"Serigala odooh liaangk gok monook odooh soorrii,e,tetapi Onak Monsia kae mpoo aroongk nyak ngona baak,e.21Nya kiint,yaitu nya siik tek naan murid,e,bosona koni,e:"Tuhan,izinkan koo morrii tiaant ngubuur maangk koo,"22tetapi Yesus bosona nganu,e:"Ngajeeh maeh koo gok naduu maeh ntoyaant kobeek ngubuur nya ntoyaant kobeek balo,e.23Mosiik nyen Yesus simaak ko saiih oruut gok murid- murid,e sidiik ngajooh Dop,e.24Mpidaat apoot ndoruuh lah buaaak sinooh wa donu nyen sohinga oruut nyen oduuk golumaang,tetapi Yesus biis.25Maka moniik lah murid- murid,e nggoraak Dop,e, sano,e:"Ponompa,tulong,dop bonasa,"26Dop,e bosona nganu balo,e:"Ngoneeh moo poncauunt,mo nyaa kurang pocayook?Lalu mongkatlah Yesus ngraarooh buaak wa donu nyen,maka donu nyen jodi pojaamp rijoop.27Gok balo ntoyaant nyen nyarooh boba,e"Nya oneh haek Dop,e to,sohinga buaak ngan donu pun patooh koni Domp,e,?28Jeh moniik wah dipaah,yaitu wah daerah nya Gadara,moniik nya siik pongareent dukah konaan nya dik korasukan muunt ndopat Yesus.Balo,e maa kobieek,e sohinga kidooh ntoyaant pun diik borani ngolalu joraant nyen.29Gok balo nyent pun mangkoos,sano,e:"Oneh urusan mo ngan mee,o..o Onak Ponompa?Odooh kah moo kotoo roo nyaak njorra mee diik libo goont onu,e.30Kae ojaau siik balo,nyen boruggok kobeengk,e janeek libo moggao mpaan,e.31Ballo muuntn nyen minta nganu,sano,e:"Maak moo ngosaar mee,naso maeeh mee pinaah koni waah roompoongk janeek nyen."32Yesus bosona nganu balo,e:"Obbuu moo!mosiik nyen koluaar balo,e gok masook kosaiih ballo jannek nyen.Maka ngrojook tingaah,e sokayuuk janeek nyen siik bubeeh ponamiingk nganu wah donu gok kobiis saiih piingk.33Libo nyen obuu maeh balo ponjago ponjago janeek gok jeh pongkoniik koni kota,bosona,e balo sidiik toruunt,ngant pongodi,e balo ontoyaant dik korasukan nyen.34Maka koluaar nya sidiik kota ndopat Yesus gok mosiik balo,e bodopat ngan Dop,e,balo pun ndesak,sopaya Dop,e ngtiggal daerah dieent,e.

Chapter 91Mosiik nyen simaak lah Yesus ko saiih oruut lalu mutaas,Mosiik nyen moniik geh Dop,e wah kota Dop,e soniriik.2Maka dibeet ntoyaant nganu,e tek naan dik lumpuh dik jeh tobariingk wah pomiis,e.Libo Yesus ngronong iman balo,e,bosona geh Dop,e koni nya lumpuh nyen:"Pocayook maeh,o.o onak koo,dosa moo jeh tongampun nya,"3Maka bosona geh kudu naan nya ahli Taurat wah saiih owaangk maeh:"Dop,e ngkongiin Ponompa,"4Tetapi Yesus ngtaook pikeer balo,e,lalu sano,e:"Ngoneeh moo mikeer hal- hal dik bieek wah saiih owaangk moo?5Keh lobeeh mudah nyonaa,e:Dosa moo jeh tongampunt nya,atau nyona,e:Mongkat maeeh gok bojaloont maeeh?6Tetapi sopaya mo taook,bahwa wah dunia to Onak Monsia bokuasa ngampuunt dosa"-mosiik bosona,e dop,e koni nya lumpuh nyen, -:Mongkaat maeeh,dibeet aroongk pomiis mo ngan morrii maeh ko romiingk!"7Ngan ntoyaant nyen pun mongkaat layeer morri.8Maka nya obeengk dik leek hal nyen toboongaam lalu muliakan Ponompa dik jeh munyook kuasa dik wook nyen koni monsia.9Pongkosiik Yesus obuu siik nyen,Dop,e ngronoongk tek naan nya borodaant Matius dudok wah romiingk cukae,lalu dop,e bosona nganu,e:"Najooh maeh Koo," kunyoong tokiit Matius lalu ngajooh Dop,e.10.Mosiik nyen libo Yesus duook wah romiingk Matius,moniik sidiik kobeengk pomungut cukae,gok nya bodosa gok duook borrota-ngan Dop,e gok balo murid,e.11Libo onu nya Farisi ngronongk hal nyen,bosonalah balo,e nganu murid-murid Yesus:"Ngoneh guru mo duok borota samooh gok nya pomungut cukae gok nya bodosa?"12Yesus ngopiingk,e boboba geh:"Kae nya sehat dik morolu tabib,tetapi nya monaamp.13Jodi obu maeh ngan tolajoor maeh ritii boba to:Diik nih koo owaangk ialah bolas kaseh gok kae pomunyook,niih Koo moniik kae nyak nosuu nya dik bonar,molaikan nya diik bodosa.14Mosiik nyen moniiklah murid- murid Yohanes koni Yesus gok bosona:"ngoneh me ngan nya farisi bopuasa,totapi murid- murid mo kae?"15Samoot Yesus nganu balo,e:"Dopat haeek balo dingaan ponganteen nya ndarii berdukacita solama ponganteen nyen bosamooh ngan ballo,e?Tetapi onu odoh moniik ponganteen nyen nih miaah siik balo,e ngan libo nyen,e haeek balo roo bopuasa.16Kae ntoyaant pun diik namool rocaak ncarek diik goont coridoot nganu bojuuh diik muntuuh,niih mak wook nyen adooh ponamool nyen diik ngriaas bojuuh nyen,somakiin daiik pula kijaat,e.17Wook nyen geeh anggur diik bauuh ngak nya ngkobiih koni kantong kureet dik muntuuh,nih maak wook nyen kantong nyen roo ngriaas,sohinga anggur nyen tobotaan gok kantong nyen lulooh.Tetapu anggur diik bauuh tonaanya wah kantong dik bauh geh,ngan nih wook nyen topoliaraa kodukah- dukaah.18Tungkah Yesus bojantooh wook nyen nganu balo,e,nya diik kopalook romiingk somayaang,lalu nyomaah Dop,e samel bosona:"Onak koo diik dayoong bauuh jiih kobeek,tetapi moniik maeh gok nglotaak maeh tongan mo koni domp,e,maka domp akan midoop."19Yesus pun mongkat gok ngajooh nya nyeen bosamoh-samooh ngan murid-murid,e.20Libo masa nyen tek naan ndayoongk di jeh dukah bolas sowa kotaae monaamp pendarahan maju nyomaak Yesus siik rutuuk gok nokoop rumaae jubaah,e.21Maak wah owangk oti,e:"Asool ko migoongk maeh jubaah,e,koo pasti baek.22Tapi Yesus bobalek ngan ngronongk domp samel bosona:"Togaap maeh owangk mo,hai onak koo,iman mo jeh nyolamat mo,"Maka jaak siik nyen baeek lah ndayoongk nyen.23Tungkah Yesus moniik wah romiingk kopalok rogama nyen ngan ngronong balo ponyipoh sorokingk gok obengk nya mukaao,24Boboba lah Dop,e:"Obu maeeh,niih cade to bah kae kobeek,tapi biis,"Tetapi balo,e kakaak notaao Dop,e.25Jeh mosiik nya obengk nyen nih ngosaar,Yesus masok ngan migoongk tongan cade nyen,mpojet jam nyen cade jiih mongkat.26Maka tosiaar lah agooh pongodie nyen koni sokayuuk Yudea.27Tungkah Yesus nduduk ponyaloont,e siik nyen,dukah naan nya bokaap ngajooh Dop,e samel mpau nosu ngan boba:"To masee lah me,o Onak Daud,"28Mosiik Yesus masok nganu teh buah romiingk,moniik haek kodukah nya bokap nyen nganu,e gok Yesus bopisiingk nganu balo,e;"Pocayook kah mo,bahwa Koo dopat ngkodie,e?"Balo,e nyamoot:"Iik Ponompa,me pocayook."29Mosiik nyen Yesus migoong motiih balo,e samel bosona:"Jodilah koni mo monurut iman mo."30Maka tobukaak lah motiih balo,e.Gok Yesus pun ngan togas bopisiingk nganu balo,e.boba,e:"Jago maeh sopaya yook nya kiint diik ntaook hal to."31Balo,e koluar ngan mijiih Dop,e koni sokayuuk daerah nyen.32Libo kodukah naan bokap nyen koluar,dibeetnya koni Yesus tek naan nya bisuuk diik korasukan setan.33Gok jeh setan nyen nih ngosaar,taooklah nya bisuuk nyen bojantoh boba.Maka heraan niih nya obengk,sano,e:"Diik wook to goont suaah totileek wah Israel.34Totapi nya Farisi bosona:"Nyaak kuasa pongulu muunt Dop,e ngosaar muunt,"35Wook nyen geeh Yesus koliling mutaar sidiik kota gok desa.;Dop,e ngajor wah roming- romingk somayangk gok mbrita Injil Korajaan Sobayoont sorota ngkoyaap sogala ponyakit ngan kolomahan.36Ngronongk nya obengk nyen,togorak geh owaangk Yesus nih komasee koni balo,e,niih balo,e lopa gok mpapuu wook domba dik kidooh nya mpo,e.37Maka sano,e nganu murid- murid,e:"Hasel sajo maa obengk,tapi nya ngrijaa,e kurangk.38Niih nyen minta maeh nganu nya diik mpo hasel,sopaya domp,e ngciriimp balo pokorija nya hasel nyen.

Chapter 101Yesus mpaau balo koduka bolas murid-murid,e gok munyook kuasa koni balo,e nyak ngkurii ngosar minu-minu kobieek gok nyaak ngkoyaap sogala macamp ponyakit ngan kolomahan.2To lah odaant kodukah bolas rasul nyen:Potama Simon diik nya sobut Petrus,gok Andereas posiik,e,gok Yakobus onak Zebedeus ngan Yohanes posiik,e,3Filipus ngan Bartolomeus ,Tomas gok Matius pomungut cukae,Yakobus onak Alfeus,ngan Tadeus,4Simon nya Zelot gok Yudas Iskariot diik ngkianat Dop,e.5Kodukah bolas murid nyen tongutus nih Yesus ngan Dop,e bopisiingk nganu balo,:"Yook maeh mo nyimpangk koni joraant banso kiint atau masok koni saiih kota nya Samaria.6molainkan obu koni domba-domba diik moyaamp siik umat nya Israel.7Obu maeh gok boritakan: Korajaan Sobayoont jeh somaak.8Tongobaat nya monaamp;tomongkat ngan nya kobeek;tahirkan nya kusta;kasoor ngan balo setan.Mo jeh ndopat,e ngan cuma-cuma,niih nyen punyook geh pula ngan cuma-cuma.9Yook gooh mo meet omas atau perak atau tomagoo wah saiih poniseet kopoongk mo.10Yook maeh mo meet bokal wah ponyaloont,yook geh mo meet adoh dukah elae,silup atau songkut,sebab nya pokorija patut ndopat upaah,e.11Maak mo masok kota atau desa kagaao maeh wa nyen nya diik layak gok montook maeh ngan domp,e sampae mo borongkat.12Apabila mo masok romiingk nya punyook salam nganu balo,e.13Maak balo,e layak ngrima,e,salam mo nyen tomonaah nganu,e,maak kae salam mo nyen morii gek koni mo.14Maak apabila ntoyaant kae ngrima mo gok kae ngopiingk ponyonaa mo,koluar maeh gok tiggal ngan,e romiingk atau kota nyen gok tipaau ngandobu,e siik koja mo.15Koo bosona nganu mo:Sobonaar,e libo onu penghakiman poya Sodom ngan Gomora roo lobeeh nyangoon tanggungan,e siik pada kota nyen."16"Tileek,Koo ngutuus mo wook domba koni tuda-tuda serigala,sbab nyen owaangk maeh mo cerdik wook nyipiih ngan tulus wook merpati.17Tetapi waspada maeh tohadap sidiik nya;niih odooh diik roo munyook mo koni majelis rogama gok balo,e roo nyusahkan mo wah saiih romiingk somayaangk.18Gok niih Koo,mo oduk giriingk koni balo jowii ponguasa-ponguasa ngan rajo-rajo sobagae toruunt kosaksian nyak balo,e gok nyaak nya-nya diik kae ngonal Ponompa.19Apabila balo,e munyook mo,kae joreeh mo golaak ngan kameh cara,e ngan oneh diik niih mo arus sanoo,niih sidiik nyen jeh dikaruniakan koni mo libo saat nyen geh.20Karena kae mo diik boboba,molainkan Minu Maangk mo;Dop,e diik bojantooh boba wah saiih mo.21Nya kan munyook posiik,e nya tongkomeek,wook nyen geh nya muntuuh ngan onak,e.Gok balo onak,e roo mborontak toradap nya muntuuh,e ngan ngkomiis balo,e.22Ngan mo kan nombonciik sidiik nya niih sajo odaant Koo;tetapi nya diik botahaant sampae libo kosudaah,e jodi solamat.23Apabila balo,e ngjoraa mo wah kota diik teek,obu lah koni kota kiint;korina Koo bosona nganu mo:Sosunguh,e libo goont mo mosiik nguncao kota-kota Israel,Onak Monsia jeh moniik.24Tek naan murid kae lobeh siik pado guru,e,atau tek naan hamba siik pado tuan,e.25Cukup maeh tek naan murid maak domp jodi samooh wook guru,e gok bagi tek naan hamba.maak domp,e jodi samooh wook tuan,e.maak tuan rumah nyak sobut Beelzebul,apalagi obiih romiingk,e.26Jodi yook maeh mo golaak torada balo,e,niih kidooh diik odoh toruunt pun diik totitop diik kae kan tobukaak gok kae odooh toruunt pun diik tosukaant diik kae kan nontaook nya.27Oneh diik niih koo nyonaa koni mo saiih pitii,sanoo maeeh nyen wah saiih tampook;ngan oneh diik niih miseek koni kopiingk mo,tonyobaar maeh nyen siik somuu buboongk romiingk.28Gok kae joreeh mo golaak koni balo,e diik dopat ngkomiis woongk,totapi diik kae bokuasa ngkomiis jiwa;golaak maeh torutama koni Dop,e diik bokuasa mbinasakan baek jiwa maupun woongk wah saiih noraka.29Kae haeek monook pieet tonyuaal dukah sogola tek kodueet?Namun tek sogola pun siik pado,e kae kan jotuuk nganu bumi diluaar ko owaangk Maangk mo.30Ngan mo,buruuh baak mo pun tobilaangk sidiik.31Niih nyeen yook maeh mo golaak,niih mo lobeh borooga daripado monook pieet.32Sotiap nya diik ngangku Koo wah jowi Monsia,Koo juga ngangku,e wah jowi Maangk Koo dik wah Sobayoont.33Tetapi maak oseh nyangkol Koo wah jowi Monsia,Koo geh kan nyangkol domp,e wah jowi Maangk Koo diik wah sobayoont.34"Yook mo nyangka,bahwa Koo moniik nyak meet damae diik wah somu bumi;Koo moniik kae nyak meet damae molainkan podaangk.35Sbab Koo moniik nyak roo moncaae nya ntoyaant siik maangk,e,onak ndayoongk siik nook,e,ibaant ndayoongk siik datoo dunuu,e.36gok munsu nya haeek nya ntoyaant kah koroomiingk,e.37Maak oseh diik ngaseh Maangk atau nook,e lobeh siik pado Koo,domp,e kae layak nyak Koo;maak oseh ngkaseeh onaak,e diik ndarii atau ndayoongk lobeeh siik pada Koo,domp,e siik kae layak nyak Koo.38Maak oseh kae mikuul saleb domp,e gok ngajooh Koo,domp,e kae layak nyak Koo.39Maak oseh diik nahaan nyawa,e,domp kan moyaamp nyawa,e,gok maak oseh moyaamp nyawa,e niih Koo,domp kan ndopat,e.40Maak oseh nyamuut mo,domp nyamuut Koo,domp diik nyamuut Dop,e diik ngutuus Koo.41Maak oseh nyamut ntoyaant nabi sobagae nabi,domp kan ngrima upaah nabi,gok maak oseh nyamuut nya baeek sobagae nya baek,domp kan ndopat upah nya baeek.42Gook oseh pun munyook piingk colap sogilas maeh pun koni nya diik pongiciik to,niih domp murid Koo,Koo bosona koni mo: Sosunguh,e domp kae kan moyaamp upah,e siik dop,e."

Chapter 111Tungkah Yesus mosiik bopisiingk koni dukaah bolas murid,e,obu lah Dop,e siik nyen nyak ngajoor ngan mbritakan Injil wah saiih kota-kota balo,e.2Wah saiih ponjara Yohanes ngopiingk pongodie korija Kristus.3Lalu ngasoo murid-murid,e bopiseek koni,e:"Moo haeek diik roo moniik nyen atau aruskah me botunguuk nya diik kiint?"4Yesus nyamoot balo,e:"Obu maeeh ngan sanoo maeh koni Yohanes oneh diik kapiingk ngan mo tileek:5nya bokaap ngronoongk,nya lumpooh bojaloont,nya kusta jodi tahiir,nya bangool ngopiingk,nya kobeek niih ngongkaat,gook koni nya bagoont niih nyonaa agooh baeek.6Gook maa baeek owangk maeh nya diik kae jodi kecewa gook nulaak Koo,"7Mosiik murid-murid Yohanes obu,mulae geek Yesus ngomoong koni ntoyaant obeengk nyen pongodie Yohanes;"Nyak oneeh haeek mo obu koni padang gurun?Ngronongk muntee diik tosipooh buaak kotoo koiih? 8Atau nyak oneh haeek mo obu?Ngronoongk nya diik bopakae aluus?Ntoyaant diik bopakae aluus nyen aroongk nya wah istana rajoo.9Jodi nyak oneh pareeh mo obu?Ngronoongk nabi?Bonar,ngan Koo bosona koni mo,bahkan lobeh siik nya nabi.10Niih pongodie domp odooh totulis:Tileek maeh,koo ngaso utusan Koo tiaant siik Mo,domp kan tiaant mongkii joraant Mo wah jowi Mo.11Koo bosona nganu mo:Sobonar,e wah antara balo,e diik niih ngkodooh niih ndayoongk kae suaah tampil tek naan nya diik lobeeh daiik siik pada Yohanes Pombaptis,namun diik pongociik,e waah Korajaan Sobayoont lobeeh daiik siik domp,e.12Jaak siik timool,e Yohanes Pombabtis sampae ntooh,Korajaan Sobayoont niih nyiimpangk gook nya diik nyiimpang,e borusaha roo nguasai.13Sebab sidiik nabi ngan Kitab Taurat bonubuat sampae ponimool Yohanes.14Gook - maak mo loongk ngrima,e - dop,e haeek Elia diik roo moniik nyen.15Oseh bokopiingk,owaangk,e domp ngopiingk,e!16Ngan oneh kah Koo umpamokan angkatan to?Balo,e to soumpamo onak cade diik dudook wah pasar gook bopiseek ngan balo dingaan,e:17Me nyipooh sorooling nyak mo,tetapi mo kae bokondan,me bonyanyi kidung duka,totapi mo kae bokabung.18Niih Yohanes moniik,domp kae duook, gook kae nyinoop,gook balo,e bosona:Dop,e korasukan setan.19Mosiik nyen Onak Monsia moniik,Dop,e duook gook nyinoop,ngan balo,e bosona:Tileek maeh,Dop,e nya rangkook gook ponyinoop,dingaan pomungut cukae ngan nya bodosa.Tetapi hikmat Ponompa diik tombonaar ngan pongodie,e.20Mosiik nyen Yesus ntojiih ngaboont kota-kota diik kae botobat,sokalipun wah nyen Domp palingk obeengk ngkodie mujizat- mujizat Dop,e:21"Colaka maeh mo Khorazim!Colaka maeh mo Betsaida!niih oneeh maak wah Tirus gook wah Sidon tojadi mujizat-mujizat diik jeh tojadi wah ropoot tuda mo,jeeh otae balo,e botobat gook bokabung.22To Koo bosona nganu mo:Libo onu penghakiman,Tanggungan Tirus ngan Sidon kan lobeeh nyangoont siik pada tanggungan mo.23Gook mo Kapernaun,oneh kah mo kan tonsinaak sampae ko ronyeent?Kae,mo kan tontonaahnya sampae koni dunia nya kobiis!Karena maak wah Sodom tpjadi mujizat-mujizat dik jeh tojadi wah tuda-tuda mo,kota nyen tontu maseh tokiit sampae onu to.24Tetapi Koo bosona koni mo:Libo onu penghakiman,tanggungan negeri Sodom kan lobeh nyangoon siik tanggungan mo,"25Odooh libo nyen bosonalah Yesus:"Koo bosyukur koni mo,Maangk,Ponompa ronyeent gook bumi,niih sidiik to mo sukaant nyak nya bijak ngan nya panae,tetapi Mo nyatakan nganu ntoyaant ciik.26Oek Maangk,nyen lah diik bokinaan koni Mo.27Sidiik to niih munyook koni Koo niih Maangk-Koo gook kidoh ntoyaant pun nginal Onak solain Maangk,gook kidooh ntoyaant pun nginal Maangk solain Onak ngan nya diik koni,e Onak nyen bokenaan bosona.28Boohlah koni-Koo,sidiik diik lopa jora gook diik bopikeer borat,Koo kan munyook kobaek nyaamp nganu mo.29Jingkoong maeh kuk diik niih Koo masangk gook bolajoor maeh koni-Koo,niih Koo lomah lomuut ngan ronah owaangk gook jiwa mo kan ndopat ketenangan.30Niih kuk diik niih Koo masangk nyen maann gook boban Koo pun nyangoon,"

Chapter 121Libo saat nyen,libo onu Mingu,Yesus bojaloont wah miih gandum.Niih sobirook,murid-murid,e ngrutiik biteer gandum samel naiik,e.2Leek nyen,bosonalah ntoyaant Farisi koni,e:"Tileek maeh,murid-murid mo ngkodie toruunt diik kae nyak kadie libo onu Mingu,"3Tapi Yesus nyamoot koni balo,e:"Kae haeek mo maca oneh diik kadie Daud,libo domp gook balo,e diik ngajooh,e sobirook,4kameeh domp masok ko saiih romiingk Ponompa ngan kameeh balo,e duook kue ngontaang nya diik kae buleh naiik,baek niih domp maupun niih balo,e diik ngajooh,e,kocuali niih gook imam-imam?5Atau kae kah mo baca wah kitab Taurat,bahwa libo onu-mingu,imam-imam nglangaar ukuump Mingu wah saiih Romiingk Ponompa,namun kae bosaalah?6Koo bosona nganu mo:Wah to odooh diik nlobeeh Romiingk Ponompa.7Maak sajo mo ngritii maksud Boba to: Diik koowangk to lah bolas mase gook kae pomunyook,tontu mo kae ngukuump nya diik kae bosaalah.8Niih Onak Monsia Ponompa wah onu Mingu,"9Jeeh mosiik obu siik nyen,Yesus masok ko romiingk somayang balo,e.10Wah nyen odoh ntoyaant diik kobiis sopiaak tongan,e.Balo,e miseek koni,e:"Taook haeek ngkurii nya libo onu mingu?"Owaangk balo,e nyen sopaya dopat taook konyalaah Dop,e.11Yesus bosona koni balo,e:"Maak ntoyaant siik mo odooh tek sogola domba gook domba nyen mpurook koni wah rubaang libo onu mingu,kae haeek mo nokoop,e gook ngluaar,e?12Kae kah Monsia ojau lobeeh boroga siik pada domba?Niih nyen taook bobuat baek libo onu mingu,"13Lalu boba Yesus koni nya nyen:"Suroongk maeh tongan mo!"gook domp nyuroongk tongan,e,maka baek nyam tongan nya nyen,gook jodi sehat wook tongan dik kiint.14Mosiik nyen somopa maeh balo nya Farisi nyen gook bopokaat nyak komeek Dop,e.15Niih Yesus dopat ntaook owaangk balo,e lalu obu borinseet siik nyen.16Obeengk ntoyaant ngajooh Yesus gook Dop,e ngkurii sokayuuk balo,e.17Dop,e ngan koras ndoruuh balo,e nyona oseh Dop,e.18"Tileek maeh,nyen Hamba-Koo diik Koo pileh,diik Koo ngaseh,diik koni,e jiwa-Koo bokenan:Koo kan ngona Minu-Koo nganu somu,e,ngan domp nyak maklum ukump koni juru banso.19Dop,e kae kan mbantah gook kae kan mangkoos gook nya kae kan ngopiingk boba,e wah jong joraant.20Muntee diik potaa roopok kae nyak kapiik,e,ngan sumuu diik ncidoor jilao,e kar nyak pajoomp Dop,e,sampae Dop,e njodi ukuump nyen monang.21Gook nganu,e lah ponjuru banso roo boaroop."22Mosiik nyen dibeet nya nganu Yesus tek naan diik korasukan muunt.Nya nyen bokap ngan bisuuk,lalu Yesus ngkuri,e,sohinga diik bisuuk nyen boboba jantoh ngan ngronoong.23Maka tobongaamp sidiik balo nya obeeng nyen."24Libo tungkah ntoyaant Farisi ngopiingk,e,balo bosona:"Ngan Belzebul,puaka muunt,Dop,e ngosaar muunt,"25Tapi Yesus ntaook piker balo,e lalu bosona koni balo,e:"Sotiap korajaan diik pocah-pocah pasti bonasa gook sotiap kota atau romiingk lawoongk diik toponcae-poncae kae dopat botahaan.26Wook nyen geh maak Iblis ngosaar iblis,domp pun tobagi-bagi roo bolawoont dop,e soniriik;Kameeh haeek korajaan,e dopat botahaan?27Jodi maak Koo ngosaar setan nginyak kuasa Belzebul,ngan kuasa oseh haeek balo pongajooh mo ngosaar,e?Niih nyen balo,e lah diik kan jodi hakim mo.28Tetapi maak Koo ngosaar muunt nginyaak kuasa Minu Ponompa,maka sosunguh,e Korajaan Ponompa jeh moniik nganu mo.29Atau kameeh haeek ntoyaant dopat masok romiingk nya diik kuat nyaak miaah bonaa rita,e apabila kae niih niseet tiaant nya diik kuat nyen?jeeh niih niseet baru koo,e dopat domp ngrampok romiingk nyen.30Oseh kae bosamooh Koo,domp nglawoont Koo gook oseeh kae bokumpul ngan Koo,Domp,e pocaar piaar.31Niih nyen Koo bosona koni mo:Sogala dosa ngan ongiin Monsia kan toampuuni,tetapi mak kongiin toradap Minu Ayu sajo kae toampuun.32Apabila ntoyaant nyobut toruunt nontaang Onak Monsia,domp kan tongampuun,tetapi maak domp nontaang Minu Ayu,domp kae toampunn,wah dunia to kae,gook wah dunia diik kan moniik pun kae.33Maak sajo kayoo toruunt sano mo baek,maka baek pula buah,e;Maak kayoo toruunt sano mo kae baek,maka siik kae baek pula buah,e.sbab siik buah,e kayuuh nyen tongonaal.34Ooe mo koturuunt nyipiih bolangae,kameeh bah mo dopat nyobut hal-hal baek,sajo mo soniriik kobieek?Niih diik sanoo tukook ngrupap siik owaangk.35Nya diik baek ngoluar hal-hal dik baek siik pongodie dik baek gook ntoyaant diik kobieek ngoluaar hal-hal diik kobieek siik pongodie diik kobieek.36Tetapi Koo bosona koni Mo:Sotiap boba jantoh sia-sia diik tonyobut nya arus dipertanggungjawabkan libo onu penghakiman.37Maak monuruut ponyona mo mo kan baso nya bonar,gook monurut ponyona mo pula mo kan tongukuump."38Libo masa nyen bosona geh kudu naan ahli Taurat ngan nya Farisi koni Yesus:"Guruu,me ma owaangk ngronong tanoo toruunt siik Mo."39Tetapi samoot Dop,e koni balo,e:Angkatan diik kobieek gook kae setia to nuntut tanoo toruunt,Tetapi koni balo,e kae nya punyook tanoo solain tanoo nabi Yunus.40Sbab wook Yunus montook wah saiih toniik baook toruuh onu toruh ngoriimp,wook nyen geh Onak Monsia roo montook wah saiih toniik bumi toruh onu toruh ngoriimp.41Libo onu penghakiman,nya Niniwe roo mongkat sorota angkatan to gook ngukump,e geh.Sbab balo ntoyaant Niniwe nyen botobat mosiik ngopiingk ponyina Yunus,ngan sobonar,e diik odooh wah to lobeeh siik pada Yunus.42Tungkah onu penghakiman,ratu siik selatan nyen kan mongkat samooh sorota Angkatan to gook Dop,e kan ngukuump,e geh.Sbab ratu nyen moniik siik tojook bumi nyak ngopiingk hikmat Salomo,gook sobonar,e diik odoh wah to lobeh siik pado Salomo!"43"Apabila minu kobieek koluar siik monsia,domp pun ntiaao koni aroongk-arongk diik ngkasoo mogaao pomonae.Tetapi domp kae ndopat,e.44Mosiik nyen Dop,e nyona: Koo roo balek ko romiingk diik jeh niih koontiggal nyen,Maka morii maeh domp,gook ndopat romiingk,e puaangk,boriseh tosapu ngan rapi torator.45Lalu Domp koluar gook ngoraah iju minu kiint diik lobeeh kobieek siik nyen gook balo,e masok ngan monae wah nyen.lobeh bieek siik koadaan pontojiih,e.Domikian geh kan bolaku wah Angkatan diik sajo kobieek to,"46Tungkah Yesus gek ngomong gok nya obeengk nyen,Nook Dop,e ngan balo posiik,e tokiit wah luar nyak borusaha ndopat Dop,e.47Maka tek naan nya bosona nganu,e:"Tileek lah Nook Mo ngan balo posiik Mo odoh wah sopa borusaha bodopat ngan Mo,"48Tetapi samoot Yesus koni nya dik nyona agooh nyen koni,Dop,e:"Oseh nook Koo?Gook oseh balo Posiik Ko?"49Mosiik nyen samoot,e samel nijuuk koarah murid-murid,e:"To nook,Koo ngan balo posiik Koo! 50Sbab oseh pun nya ngkodie owaangk Maangk-Koo wah sobayoont,domp haeek posiik-Koo dik darii,Domp haeek posiik-Koo dik dayoongk,nyen haeek nook-Koo,"

Chapter 131Libo onu nyen somopa lah Yesus siik romiingk nyen sameel dudook wah bubeh donu.2Maka moniik lah nya obeengk borompongk-rompoongk samel ngruunt Dop,e.Maka Dop,e simaak koni oruut samel dudook wah nyen.maak ntoyaant obeengk sidiik,e tokiit wah pantae.3Yesus pun nyobuut obeengk hal wah porumpamo koni balo,e.Sano,e:"Odoh tek naan pongumpaant somopa nyak ngumpaant.4Libo domp ngumpaant,sobagi bini,e jotuuk wah bubeh joraant,lalu moniik monook ngkosiik mungkoot,e.5Sobagi jotuuk wah poya dik bobotuh-botuh,diik kae obeengk poya,e,bini,nyen pun timuu,sajo niih poya,e nopiis.6Tetapi libo motiih onu timuu,layo maeh domp gook jodi ngrikes nih kae bowaat.7Sobagi gek jotuuk wah tuda rampo roja,lalu makiin daiik lah rampo nyen sohinga nglunyaak sampae kobeek.8Gook sobagi jotuuk wah poya dik baek lalu bobuah:odoh dik soratus kali lipat,odoh diik nim puruu kali lipat,odoh diik toruh puru kali lipat.9Oseh bokopiingk,owaangk,e domp ngopiingk!"10Maka moniklah murid-murid,e samel bopiseek koni Dop,e:"Ngoneeh bah Mo bojantoh boba koni balo,e nginyak porumpamo?"11Samoot Yesus nganu,e:"Koni mo niih munyook karunia nyak ntaook rosia Korajaan Sobayoont,tapi koni balo,e kae.12Oseh diik odooh koni domp niih roo punyook,sohinga domp bokolimpahan;tetapi oseh diik kae odoh,oneh pun geh diik odoh wah domp oaduuk totiaah siik domp,e.13Nyen haeek sobab Koo bosona-sona nyak porumpamo koni balo,e;maak sokalipun ngronong,balo pun kae ngronong ngan sokalipun ngopiingk,balo,e kae ngopiingk gook kae ngritii,e.14Maka nyak balo,e gonap sudah nobuat Yesaya,dik boiint:Moo kan ngopiingk gook ngopiingk,namun kae ngritii,mo kan ngronong gook ngronong,namun kae menanggap.15Sbab owaangk banso nyen jeh kobaal,ngan kopiingk,e borat ngopiing,e,gook motiih,e likaat totitop; sopaya yook balo,e ngronong nyak motiih,e gook ngritii nyak owaangk,e,lalu bobalek sohinga Koo ngkurii balo,e.16Niih bobagia maeh motiih mo niih ngronong ngan kopiingk mo niih ngopiingk.17Sbab Koo bosona koni mo:Sobonaar,e obengk nabi ngan nya bonar,tetapi kae ngronong,e,gook owaangk ngopiingk oneh diik mo kapiingk,tetapi kae ngopiing,e.18Niih nyen kapiingk maeh ritii porumpamo pongumpan nyen.19Koni sotiap ntoyaant dik ngopiingk boba jantoh Korajaan sobayoont,tetapi kae ngritii,e,moniklah si kobieek nyak ngrobuut diik niih ngona wah saiih nya nyen;nyen haeek binii diik niih nyoboor wah bubeh joraant.20Binii diik nih nabuur wah poya dik bobotuh-botuh nyen nya diik ngopiingk boba nyen sajo juruus ngrima,e sakiing sinang.21Tetapi domp kae bowaat gook tahan sotogal maeeh,Apabila moniik ponindasan atau kojoraa niih boba nyen,ntoyaant nyen pun lansongk murtad.22Diik niih naboor wah tuda rampo roja haeek nya diik ngopiingk boba nyen,mosiik kamooh pahaamp dunia to gok tipu daya pongaaya nyokoot boba nyen sohinga kae jodi bobuah.23Diik nih naboor wah poya dik bagos haeek nya diik ngopiing boba nyen lansong ngritii,niih nyen domp bobuah,odoh dik soratus kali lipat,odoh dik nim puruu,"kali lipat,odoh diik toruh puru kali lipat.24Yesus nyonaa toruunt porumpama kiint gek koni balo,e, sano,e:"Hal Korajaan Sobayoont nyen wook ntoyaant diik noboor binii dik baek wah tunuh miih,e.25Totapi libo onu,e sidiik nya biis,moniik lah munsu,e nyobor binii podaang wah ropot gandum nyen mosiik nyen obu.26Libo gandum nyen timuu gok hamper nloteeh,oduuk tileek geh podaang nyen.27Maka monik lah hamba-hamba dik mpo miih nyen koni,e sano,e:"Tuan,kae haeek binii bagae,diik nih tuan nyoboor wah miih tuan? Siik keeh haeek pongkoniik podaang nyen?28Samoot tuan nyen:Odoh nya munsu diik ngkodie,e.Lalu bobobalah hamba-hamba nyen koni,e: Jodi loong kah tuan ngaso me nganu,e ncimoot podaang nyen?29Tapi domp bosona:Aduu maeeh,atooh laak gandum nyen ngajooh tociboot libo tungkah mo ncimoot podaang nyen.30Naduu maeh kodukaah nyen timuu borota sampae onu nyak ngotiim,e.Libo onu nyen koo kan nyona koni balo ngkodie:Tongumpuul maeh tiaant podaang nyen gok tiseet ngan bokopal-kopal nyak ponanook,mosiik nyen tongumpul ngan gandum nyen nganu saiih juroong koo,"31Yesus nyona toruunt porumpama kiint gek koni balo,e,sano,e:"Hal Korajaan Sobayoont nyen wook umpama biterr sauu,diik nih miaah gok diik niih ntoyaant nyoboor waah miih,e.32Sajo,e ruaang sauu nyen paling ciik siik sogala jenis binii,tetapi maak jeh timuu,sauu nyen lobeh daiik siik ponaaik diik kiint,bahkan jodi kayo,sohinga monook-monook wah somuu moniik mongki sorii,e wah gook apeet,e,"33Gok Dop,e bocorita porumpama to geeh koni balo,e:"Hal Korajaan Sobayoont nyen wook ragi dik niih ndayoong miaah mosiik nyen tongaduk,e nganu saiih topoong terigu toruuh dodaak sampae mosaak sokayuuk,.34Sidiik to niih Yesus nyonaa koni ntoyaant obeeng wah porumpama,maak tanpa porumpama toruunt pun kae dopat sonampae Dop,e koni balo,e.35sopaya gonap geh boba diik nih nabi nyobut:"Koo loong mukaak tukook-Koo nyona porumpama to,Koo loongk nyobuut hal diik bosukaant jaak siik dunia niih ngkodooh,"36Mosiik nyen Yesus ntiggal ntoyaant obeng nyen,lansong morii.Murid-murid,e moniik gok bosona nganu Dop,e:"Tonjelas ngan koni me porumpama pongodi podaang wah miih nyen."37Dop,e nyamoot,sano,e:"Ntoyaant dik nyoboor binii bagos nya haeek Onak Monsia;38Miih nyen dunia,Binii dik bagos nyen onak cade Korajaan ngan podaang nyen onak cade dik kobieek.39Munsu dik nyoboor podaang nyen haeek Iblis.Libo ngotiimp nyen haeek pongkosiik sowa gok balo pongotiimp nyen malaekat40Toruunt wook podaang nyen tongrugook nya nyaak ponanook ko saiih opi,wook nyen geeh libo pongkosiik sowa.41Onak Monsia roo ngaso malaekat-malaekat Dop,e gok balo,e roo ngrugook sidiik toruunt diik nyosaat ngan sokayuuk ntoyaant ngkodie kobieek siik saiih Korajaan,e.42Sidiik kan totompooh koni saiih dapuur opi,waah iih kan todopat pongodi gok ringiis jipiint.43Libo onu nyenlah balo ntoyaant dik bonar bosilaao wook motiih onu wah Korajaan Maangk balo,e.Oseh bokopiing yook gooh kae ngopiingk!"44"Hal Ompiik Sobayoont nyen wook riita diik topuruuh wah miih,diik todopat nya,mosiik nyen turuuh geek.Nih sajo kobaeek owaangk,e obuu lah domp nyuaal sokayuuk pomuruunt,e nyak miriih miih nyen.45Wook nyen geh hal Ompiik Sobayoont nyen wook model ntotaant bodagaangk diik mogaao mutiara diik bagoos.46Mosiik jeh ndopat mutiara nyen sajo borooga,domp pun lansong obu nyuaal sidiik toruunt domp mosiik nyen miriih mutiara nyen."47"Wook nyen geh hal Ompiik Sobayoont to wook oneh ubah pukat diik niih nlabooh koni laoot,lalu ngruggook bomacam banso baook.48Jeeh bunuuk,pukat nyen pun sogira niih noreek ko pantae,samel dudook lah balo,e nyimpoir baook diik bagos koni waah jaraae gok baook diik bieek niih dieent,e motaant.49Wook nyen geh libo pongkosiik sowa:Malaekat-malaekat pajooh moniik nyimpoor nya kobieek siik nya diik bonaar.50Sameel ngkikaa nya kobieek koni saiih dapur opi;wah iih haeek kan todopat toniingk ngan ringiis jipiint.51Ngritiinkah mo sidiik to?"Ballo,e nyamoot:"Iik,me ngritii?"52Mosiik nyen bosona geh Yesus koni balo,e:"Niih to sotiap ahli Taurat diik ngrima polajoor siik hal Ompiik Sobayoont nyen wook mudel tuan rumah diik ngoluaar riita diik bauuh gook diik tiaant siik baak bendahara,e.53Jeh mosiik Yesus bocorita balo porumpama nyen;Dop,e pun obu siik nyen.54Libo moniik wah aroong Dop,e,Yesus ngajoor balo ntoyaant wah nyen saiih romiing somayaangk balo,e.Sajoo tobongaam sidiik balo,e samel bosona:"Siik keeh bah Dop,e ndopat hikmat nyen ngan kuasa nyak ngkodie mujizat-mujizat nyen?55Kae kah Dop,e to onak nya tukang koyuuh?Kae haeek nook,e boroodaant maria gok balo posiik,e: Yakobus,Yusuf,Simon,ngan Yudas.56Sajo kae kah balo posiik Dop,e ndayoong sidiik odoh bosamooh dop?Jodi siik keeh Dop,e ndopat sidiik nyen?"57Sajjo kecewa balo,e gook nulaak Dop,e.Mosiik nyen Yesus bosona koni balo,e:"Maak nabi niih nya hormat wakeh-wakeh,kocuali wah aroongk asool domp soniriik ngan wah romiingk,e."58Gook niih kae pocayook balo,e,kae obeengk mujizat diik Dop,e ngkodie wa nyen.

Chapter 141Libo masa nyen moniik lah agoh-agooh pongodie Yesus nganu Herodes,rajo wilayah.2Mosiik nyen domp bosona koni ballo pogawae:"Too haeek Yohanes Pombaptis;Dop,e jeh mongkaat siik ropoot nya kobiis niih nyeb lah sbab,e balo kuasa nyen korija wah saiih Dop,e.3Sajo nyen Herodes jeh ngaso nokoop Yohanes,mpasoongk,nguroongk,niih odooh sangkiik ngan Herodias,osaao Filipus posiik,e.4Niih Yohanes suaah ngaboont domp boba,e:"Kae halal mo miaah Herodias!"5Herodes maa owaangk roo ngkomiis,e,tapi domp gollaak niih nya obeeng diik ngronoong dop,e wook nabi.6Tetapi libo onu ulang tahun Herodes,botajolah onak ndayoong Herodias wah ropoot tuda balo,e sameel ngonaak owaang Herodes.7sohinga Herodes bosumpah roo munyook nganu,e oneh maeeh toruunt pinta,e.8Maka mosiik tongasuut nook,e.onak ndayoong nyen bosona:"Pinyook maeh koo wah to baak Yohanes Pombaptis wah tunuuh taloomp,"9Sajo borat owangk rajo,tapi niih sumpah domp gok niih balo tamu,e tongrintaah geeh nyak munyook,e.10Domp ngasoo ngopiik baak Yohanes wah ponjaraa.11Gok baak Yohanes nyen pun niih nya meet wah tunuuh taloomp,samel niih munyook koni ndayoong nyen niih domp meet nganu nook,e.12Mosiik nyen moniik lah balo murid Yohanes Pombaptis miaah bangkae nyaak ngubuur,e.Mosiik nyen obu lah ballo,e bosoona koni Yesus.13Mosiik Yesus ngopiingk agooh nyen borongkatlah Dop,e siik nyen,Maak sajoo owaangk Dop,e roo ngkojuu Dop,e nyaak oruut nganu aroongk dik sunyiik.Tetapi nya obeengk ngopiingk,e samel ngajooh Dop,e montaas miaah joraant sik doiih kota-kota balo,e.14Libo Yesus singaah,Dop,e ngronong nya obengk diik ngan jomilah daiik,nih nyen timool mase owaangk,e koni balo,e lansongk Dop,e ngkuriie nya dik monasmp.15Ngosiik ngoriimp,Murid-murid,e moniik nganu,e damel bosona:"Aroongk to sunyiik gok onu jeh mulae ngoriimp,Naso maeh nya obengk nyen morii sopaya balo,e dopat miriih pomakoont waah desa-desa,"16Niih nyen Yesus boboba koni balo,e:"Kae porolu balo,e morii,moo aruus munyook balo,e duook,"17Samoot balo,e:"Diik odooh waah mee too somuuk rimiih siroop kue ngan baook dukaah."18Yesus nyamoot,e:"Dibeet maeh kotoo koni Koo.,"19Lalu Dop,e ngasoo nyoyaant onengk nyen dudok waah tunuuh iduh,Ngan jeh Dop,e miaah rimiih kue ngan baook dukaah nyen.Yesus ngronong ronyeent samel nyobuut borikat,mpsiik nyen ngrocaak-rocaak kue nyen samel munyook,e nganu murid-murid,e,mosiik nyen balo murid,e mbagi-bagi,e koni nya obengk.20Balo sidiik duook jangkoo busooh.Mosiik nyen ntoyaant ngroggok kopik rocaak kue dik bosisa,dukah bolas bakool biniik.21Dik ngajooh duook,e sokitar rimiih ribu nya ndarii,kae tomasok ndayoong gok onak cade.22Mosiik nyen Yesus songogga ngrintah balo murid,e simaak ko oruut ojaau tiaant koni dipaah,somontara nyen Dop,e ngasoo ntoyaant obengk nyen morii.23Jeeh mosiik ntoyaant obengk nyen nih Dop,e ngaso morii,Yesus simaak ko somu doriik nyaak bodoa domp todop.Tungkah onu jeh ngoriimp,Domp todop maeeh wah nyen.24Oruut balo murid,e jeh botoreek banso kudu mil kojaau,e sik pantae nih golumaang nopao koto koih,mpadae buaak boyoongk.25Kira-kira jam tiga ponuruu ngoriimp,Yesus pun moniik koni balo,e bojaloont waah tunuuh piingk.26Libo tungkah balo murid,e ngronong Dop,e bojaloont wah tunuuh piingk,balo,e mpojeet samel mangkos:"Nyuuh muunt!"Samel bopangkos-pangkos nih toruna golaak,e.27Tetapi sogira do,e Yesus ngomong nganu balo,e:"Tenang maeh!Koo baah to,yook mo golaak!"28Petrus nyona samel nyamoot Dop,e:"Tuhan,apabila nyen Moo,nasoo lah koo moniik koni Mo bojaloont wah tunuuh piingk,"29Samoot Yesus:"Moniik maeeh!"Petrus pun tomonaah siik oruut siik bojaloont wah tunuuh piingk,bodopat ngan Yesus.30Sajo libo domp nginaamp asuuh buaak,domp jotiingk gok hampeer tongiliip domp mangkos:"Tuhan,tuloongk koo!"31Yesus pun sogira nyuroongk tongan,e nganu,e samel bosona:"Hae ntoyaant dik kurang pocayook,ngoneeh bah mo bimaang?"32Dieent pun simaak koni oruut gok buaak nyen pun monaae.33Gok balo ntoyaant dik odoh wah oruut nyen nyomaah Dop,e sano,e:"Sobonaar,e Mo Onak Ponompa."34Pongkoniik balo wah dipaaah balo singah wah Ganesaret.35Libo Yesus tongonal balo ntoyaant wah nyen,balo,e nyantooh nyona Dop,e ko sokayuuk daerah nyen.Maka sidiik nya dik monaamp nih meet koni,e.36Balo minta mohon sopayo nombinaan,e nokop rumaae jubah Dop,e.Gok sidiik nya dik ndokop,e jodi baeek.

Chapter 151Mosiik nyen moniik lah balo ntoyaant Farisi ngan ahli -ahli Taurat siik Yerusalem koni Yesus samel bosona:2"Ngoneh balo murid mo nglangkooh adat istiadat neek moyang dop?Balo,e kae ngumeek tongan libo roo duook,"3Tetapi samoot Yesus nganu balo,e:"Ngoneeh mo nglangaar porintah Ponompa demi adat istiadat neek moyang mo?4Sbab Pononpa boba:Hormatilah maangk mo gok nook mo:gok nyen:Oseh dik ngutuk maangk,e atau nook,pasti oduk ukump kobiis.5To mo bosona:Maak oseeh bosona koni maangk,e atau koni nook,e:Oneh dik odoh wah koo taook tongguna nyak ngrintuu mo,sopaya nih guna nyak pomunyook koni Ponompa.6Nya nyen kae wajib gek ngrogaa maangk,e atau nook,e.Jeh wook nyen Boba Ponompa mo nyatakan kae bolaku demi adat istiadat mo soniriik.7Oo balo ntoyaant munafik!bonaar haeek nubuat Yesaya pongodi mo:8Banso to muliakan Koo nginyak solomeer,e,padahal otii,e ojaau siik Koo.9Pocuma balo,e somayaang koni Koo,maak ajaran diik balo,e najoor sajo nyak porintah monsia"10Mosiik nyen Yesus mpaau ntoyaant obeengk nyen bosona nganu balo,e:11"Kapiingk gok tongijiim maeh:Kae dik masok ko saiih tukook diik ncomeek nya,molainkan dik koluaar sik tukook,nyen diik ncomeek nya."12Maka moniik balo murid,e samel bopiseek nganu,e:"Mo taok bahwa boba Mo nyen jeh jodi bottuh songkaak nyak balo ntoyaant Farisi?"13Samoot Yesus:"Sotiap pomuruunt dik kae toturuuh nih maangk Ko dik wah sobayoont mosiik nih cimoot sampae ngan waat-waat,e.14Naduu maeh balo nyen.Dieent nya bokap dik ngiriingk nya bokap,maak nya bokap ngiriingk nya bokap,pasti kodukaah,e jotuuk koni rubaangk,"15Petrus pun bosona nganu,e:"Tonjelas ngan porumpamo nyen koni me."16Samoot Yesus:"Mo pun maseh goont dopat mo mahaam,e?17Kae taook mo aeek sogala toruunt dik masok nganu saiih tukook tomonah ko saiih toniik mosiik nyen tonikeek nya wah jamoont?18Tetapi oneh dik koluar siik tukook borasal siik otii gok nyenlah dik ncomeek nya.19Niih siik owaangk timool sogala piker bieek,roo ngkomiis,roo ngompaangk,roo ncabul,ponongku,sumpah palsu,ngan ngkongiin.20Nyenlah diik ncomeek nya,tetapi duook nyak tongan kae nih ngumeek kae ncomeek nyaa,"21Mosiik nyen Yesus obu siik nyen ngan obu nyiseeh koni daerah Tirus ngan Sidon.22Maka moniik lah ndayoong Kanaan siik daerah nyen samel nosuu:"Tongaseh ko,o Ponompa,Onak Daud,korina onak ndayoongk koo korasukan setan sajo maa jooraa,e,"23Tetapi Yesus samoh sokali kae nyamoot,e.mosiik nyen balo murid,e moniik samel minta nganu,e:"Nasoo maeh domp obu,domp ngajooh dop bujoor mangkos."24Samoot Yesus:"Koo nih ngutus hanya koni domba-domba dik moyaamp siik umat Israel."25Somakin nya ndayoong nyen nyomaak samel nyomaah Dop,e samel bosona:"Tuhan,tulongk lah koo,"26Yesus nyamoot,e:"Kae patut miaah kue diik nih nyodia nyaak balo cade gok tampooh gek koni kuyuuk."27Sano nya dayoongk nyen:"Maant Tuhan,namun kuyuuk nyen naiik rocaak tisa,e dik jotuuk sik mija mpo,e,"28Maka Yesus nyamoot,e gok bopiseek nganu,e:"O..o mak,daiik wook iman mo,to jodilah nganu mo wook dik nih mo owaangk,"Sajo nyen,e geeh onaak,e baeek.29Tulaak ntiggal daerah nyen.Yesus mutaar pantae donu Galilea samel simaak koni somu doriik lansong dudook wa nyen.30Mosiik nyeen obengk ntoyaant bojireeh-jireeh moniik nganu,e meet nya lumpuh,nya timpang,nya bokap,nya bisuuk,gok obeengk dik kiint,e,lalu nlotak tongan balo,e koni koja Yesus gok Dop,e ngkurie sidiik balo,e.31Sajo tobongaamp sidiik ontoyaant obeengk nyen leek nya bisuuk taok ngomong,nya timpang baeek,nya lumpuh bojaloont,nya bokap ngronong,sodiik balo,e muliakan Ponompa Israel.32Mosiik nyen Yesus nosuu murid-murid,e samel bosona:"Otii Koo togorak nyam niih komasee koni ntoyaant obengk nyen.Jeh toruuh onu balo,e ngajooh Koo sigiik balo,e kidoh ku naiik.Koo kae lugi ngaso balo,e morii tungkah sobirook,atooh laak pisaant wah ropoot joraant,"33Sano balo murid,e nganu Dop,e:"Kameeh waah aroongk sunyiik to dop ndopat kue nyak ngkusooh nya obengk dik bogitu daiik jireeh,e?"34Sano Yesus koni balo,e:"Kudu biter kue odoh wah mo?"Iju,"Samoot balo,e.gok odoh geh banso kudu biter baook alus."35Mosiik nyen Yesus ngaso ntoyaant obeengk dudok ko poya,36Mosiik nyen Dop,e miaah ko iju kue ngan baook nyen,ngucap syukur,tongrocak-rocaak,nyak munyook koni balo murid,e,mosiik nyen balo murid,e munyook mbagi koni ntoyaant obeengk.37Gok sidiik balo duook jangkook busooh.Mosiik nyen nya ngruggok kopik rocak kue dik botisa,Iju bakool bunuuk.38Nya dik ngajooh duook,e empat ribu balo ndarri,kae tomasok dayoong gok onak cade.39Mosiik nyen Yesus ngasoo ntoyaant obeengk nyen morii.Dop,e simaak oruut samel botulaak koni daerah Magadan.

Chapter 161Mosiik nyen moniik lah balo ntoyaant siik Farisi gok Saduki roo ncuba Yesus.Balo,e minta sopaya Dop,e ngampoor tanoo toruunt siik sobayoont nyak balo,e.2Sonamoot Yesus:"Libo olaangk onu nyaa ronyeent ntocaak,mo bopiseek: Onu siik baeek.3Gok libo majii onu,nya ronyeent ntocaak ngan nyabook,mo bosona:Onu bieek.Bakoo ronyeent mo taok mbeda,e,tapi maak tano-tano zaman kataook mo.4Angkatan dik kobieek gok kae setia to nuntut tano toruunt.Tapi koni,e balo,e kae kan tomunyook tanoo solaingk tanoo nabi Yunus," Mosiik nyen Yesus ntiggal obu balo,e.5Tungkah libo balo murid-murid Yesus ngrutaas danau,balo,e nomoot meet kue.6Yesus bopiseek nganu balo,e:"Bojago-jago maeh ngan waspada maeh toradap ragi nya Farisi ngan Saduki,"7Balo pun bopiker-piker gok dik tek bosona koni dik kiint:"Nyen diik sanoo Dop,e niih dop kae meet kue."8Gok libo nyen Yesus jeh taook oneh nih balo,e ngomong,dop,e miseek:"Ngoneeh mo nyobuut soal kae odoh kue?" o..o balo ntoyaant dik kurangk pocayook!9Siik maseh geeh mo kae ngriti?Kae tingaant mo geek rimiih biteer kue nyak rimiih ribu nya nyuuh gok kudu bakool kue nih moo ngruggok mosiik nyen?"10Ataupun nganu iju biter kue nyak nya empat ribu naan nyen gok kudu bakool nih mo ngruggok mosiik nyen?11Kameeh wook,e mo kae ngritii bahwa kae kue dik nih Koo maksud.Koo nyona mo:"Waspada maeh toradap ragi nya Farisi ngan Saduki.12Mosiik nyen baru balo,e ngritii bahwa kae maksud Dop,e sopaya balo,e waspada ragi kue,molainkan toradap ajaran nya Farisi ngan Saduki.13Libo Yesus moniik wah daerah Kaisarea Filipi,Dop,e bopisek nganu murid-murid,e:"Kaant nya,oseh nuuk Onak Monsia nyen?"14Samoot balo,e:"Odoh dik nyona,e:Yohanes pombaptis,odoh geeh dik nyona,e:Elia,gok odoh pula dik nyona,e:Yeremia atau tek konaan nya siik balo nabi,"15Yesus botanyaak koni balo,:"Tetapi oneh kaant mo,oseh haek Koo to,e?"16Sonamoot Simon Petrus:"Mo sajo haeek Mesias,Onak Ponompa diik midop!"17Sano Yesus nganu,e:"Bobahagia maeh mo Simon bin Yunus sbab kae monsia geek dik nyonaa ko haeek koni mo,molainkan Maang-Koo diik wah sobayoont.18Gok Koo pun bosona nganu mo:Moo diik Petrus gok diik wah somu botuh karangk nyen Koo roo ntokiit Jemaat Koo ngan ompiik muunt kae kan dopat nguasai,e.19Nganu mo kan koo tunyook kunci Korajaan Sobayoont.Oneh dik nih mo niseet wah dunia to kan totiseet wah sobayoont gok oneh diik nih nlopas wah dunia to kan tolopas wah sobayoont,"20Mosiik nyen Yesus ngaboont balo murid,e sopaya kae nyona,e koni oseh pun bahwa Dop,e Mesias.21Jaak siik nyen Yesus mulae bosona nganu balo murid,e bahwa Dop,e arus obu koni Yerusalem nyak nangoong obengk kojoraa nya siik pihak pomuntuuh,imam-imam kopalok gok ahli-ahli Taurat,lalu nih ngkomeek gok niih ngongkat libo onu kotoruuh.22Tetapi Petrus noreek Yesus ko bubeeh samel ngaboot Dop,e sano,e:"Tuhan,sokira,e Ponompa ngkoju hal nyen!Hal nyen sokali-kali oduuk moo,"23Maka Yesus giliingk nyona,e koni Petrus:"Enyah maeh Iblis,mo nyen sajo jodi botuuh songkaak bagi Koo,sbab mo kae mikeer oneh toruunt diik ponikeer Ponompa,molainkan oneh toruunt dik poniker monsia,"24Mosiik nyen Yesus nyona nganu balo murid,e:"Sotiap ntoyaant diik owaangk ngajoh Koo,domp arus nyangkol diri domp soniriik,nyingkoongk saleb domp nyak ngajooh Koo.25Maak oseeh loongk nyolamaant pongasoongk domp,domp kan moyaamp pongasoongk,e;maak baroong oseh moyaamp pongasoongk,niih Koo,domp pasti nopaat,e.26Oneh guna,e ntoyaant mbuleeh soluruuh dunia maak moyaamp pongasoongk,e?Ngan nyak oneh dopat nih munyook koni,e sobagae sile pongasoongk,e?27Niih Onak Monsia roo moniik wah komuliaan Maangk,e tongiriingk balo malaekat,e;Libo masa nyen dop,e kan molaas sotiap nya monurut pongidie,e.28Koo bosona nganu mo;"Sobonaar,e wah antara ntoyaant dik odoh wah to odoh dik kae kan kobeek maak goont balo,e leek Onak Monsia moniik wook Rajo waah Korajaan,e."

Chapter 171Niim onu mosiik nyen Yesus mert Petrus,Yakobus ngan Yohanes posiik,e,gok borota ngan balo,e Dop,e simaak koni doriik diik maa domiik.Wah nyen balo,e nodoop maeh.2Libo nyen Yesus borubah bakoo wah jowi motiih ballo,e;jowii,e bosilao wook motihonu ngan adooh Dop,e jodi mopaau bopancaar bojilao wook tampook.3Libo nyen odoh tilerk nganu balo,e Musa ngan Elia libo ngomong ngan Dop,e.4Sano Petrus koni Yesus:"Tuhan,maa seek baek owangk me monae wah aroongk to,Maak Mo loongk,tek nyak Mo,tek nyak Musa,ngan tek nya Elia."5Tungkah libo pongodi domp ngomong tomonaah lah romaangk dik tampook nglinoongk balo,e gok siik saiih romaangk nyen odoh boba dik bosona:"To haeek Onak diik Koo kaseh,koni Dop,e maeh Koo bosona,kapiingk maeh Dop,e."6Ngopiingk nyen tosungkoor sidiik balo murid,e sakiingk balo,e golaak.7Yesus pun moniik nganu balo,e samel nokoop balo,e sano,e:"Tokiit maeh,yook golaak,"8Ngan libo nyen balo,e ngongkat baak,balo,e mpojet kidooh leek ntoyaant tek naan pun kocuali Yesus todoop.9Tungkaah onu balo,e tomonaah siik doriik nyen,Yesus bopisiingk nganu balo,e:"Yook gooh mo nyona,e pongronoongk mo nyen koni oseh pun libo goont Onak Monsia niih ngongkaat siik ropoot ntoyaant kobiis."10Mosiik nye balo murid,e bopiseek nganu,e;"Maak wook nyen ngoneh balo ahli Taurat nyona bahwa Elia arus moniik tiaant?"11Samoot Yesus:"Siik maant Elia diik moniik nyaak mulih sidiik toruunt.12To Koo nyona nganu mo: Elia jeh moniik,tapi ntoyaant kae ngona,e,gok nyamuut baek domp monuruut owaangk balo,e.Wook nyeen geeh Onak Monsia diik joraa niih ballo,e,"13Libo masa nyen ngritii geh murid-murid Yesus bahwa Dop,e ngomong pongodie Yohanes pombaptis.14Tungkaah Yesus ngan balo murid,e baleek nganu nya obeengk nyen, moniik lah ntoyaant ndopat Yesus nyomaah Dop,e.15Sanoo,e:"Ponompa,tomaselah onak koo,Domp monaamp gila janeek,ngan maa joraa,e,Domp malaar jotuuk ko saiih opi gok koni saiih piingk.16Koo jeeh meet koni balo murid-Mo,tapi balo,e kae dopat ngkurie,e."17Samoot Yesus:"O..o wae mo angkatan nya dik kae pocayook gok sosat,kuduu kotaae geek Koo arus montook ngan mo?Kuduu kotaae geek Koo arus sabar toradap mo?Dibeet maeeh cade nyen koto!"18Sokuat tonaga Yesus ngaboont domp,e,mosiik nyen koluar lah balo muunt nyen siik nii,e gok cade nyen pun baeek libo nyen geeh.19Mosiik nyen balo murid Yesus moniik libo balo nodoop gok Dop,e,Bopiseek lah balo,e:"Ngoneeh me kataook ngosaar muunt nyen?"20Dop,e nyona balo,e:"Niih mo kurangk pocayook.Sebab Koo nyona koni mo:Sobonaar,e maak mo mpo iman kaiik biteer sawi maeeh mo taook nyona koni doriik nyen:Pinaah siik to koiih, - maka doriik nyen pinaah,niih siik kidooh diik mustahil bagi mo.21(Modeel ti kae dopat nya ngkobuu,e kocuali nginyak bodoa gok bopuasa,)22Libo nyen Yesus ngan balo murid,e boroota waah Galilea,Dop,e bosona nganu balo,e:"Onak Monsia roo tunyook nya koni saiih tongan Monsia.23Nyak nyen balo,e ngkomiis Dop,e libo onu kotoruuh,e Dop,e niih ngongkaat-"Maak owaangk otii,balo murid,e maa susaah,e.24Libo Yesus ngan balo murid,e moniik waah Kapernaun moniik lah,Pomungkoot cukae Romiingk Ponompa koni Petrus samel bopiseek:"Ngoneeh Guru mo kae mayaar ongkoos dukah dirham nyen?"25Samoot,e:"Jeeh mayaar,"libo tungkah Petrus masok romiingk,Yesus tiaant siik domp nyonae:"Onehkah ponapat, mo Simon? Siik keeh haeek balo Rajo dunia nyen mungkoot cukae gok pajak?Siik rayoot,e kooh atau nya laingk?"26Samoot Petrus:"Siik nya kiint!"Maka sano Yesus nganu,e:"Jodii bebas lah balo rayoot,e.27Niih to yook dop jodi botuh songkaak nyak balo,e,nganu maeh ngaeel ko donu.Gok baook pontojiih mo ngaeyel,dakop maeh nfan bukaak tukook,e,sajoo mo ndopat motiih dueet empat dirham wa saiih,e.Tiaah maeh nyen lansoongk bayar nganu balo,e,nyak Koo ngan nyak mo geeh."

Chapter 181Libo masa nyen moniik lah balo murid,e nyen koni Yesus nyak bopiseek:"Oseeh haeek diik palingk daiik waah Korajaan Sobayoont?"2Maka Yesus mpaau tek naan obak cade gok niih ngongkaah wah tuda balo,e.3lalu nyobae:"Koo bosona koni mo,sobonaar,e maak mo kae botobaat goj jodi onak cade to,mo siik kae masook koni saiih Korajaan Sobayoont.4Misaal,e maak oseh ngronaahkan dop,e gok jodi wook onak cade to,domplah diik palingk daiik wah saiih sobayoont.5Maak oseeh diik nyamuut tek naan cade wook to nyak odaant Koo,domp,e nyamuut Koo,"6"Tapi maak oseh nosaat salah satu,e siik onak cade ciik to diik pocayook nganu Koo,lobeh baek nyak domp,e tek biteer botuh museent niih niseet wa rasoongk,e nyak jijook ko saiih laoot.7Sajo colaka haeek dunia ngan sidiik ponyosaat,e: Sajo ponyosaat dik arus odoh,tetapi colakalah ntoyaant dik ngkodiie.8Maak tongan mo atau koja mo ntosaat mo,kapiik ngan batoon maeh ngan,e,nih lobeh baek bagi mo masok koni wah pongkidop nyak tongan tokopiik atau timpangk daripada ngan woongk utuh kodukaah tongan gok koudukah koja mo niih ngkika kosaiih opi dik kidoh pomojaamp,e.9Gok maak motih mo nyosaatkan mo,congkeel maeh gok batoont ngan,e,nih lobeh baek bagimo masok kosaiih pomidop ngan bomotiih teek daripada batoon nya kosaiih opi noraka ngan bomotih dukaah.10Tingaant maeh,yook ngangap ronaah ntoyaant sik balo nya onak cade to.Korina Koo bopisingk koni mo:Odooh malaekat balo,e wah sobayoont dik solalu ngronong jowi Maangk Koo diik wah sobayoont.11( Niih Onak Monsia moniik nya nyolamaant nya diik moyaamp.)"12"Kameeh ponopat mo?Maak ntoyaant mpoo soratus sogola domba,ngan tek sogola wah ropoot nyen sosat,kae kah domp roo ntiggal dik piri puru pirii sogola wah lompaak doriik samel obu mogaao diik sosat nyen?13To Koo bosona koni mo:Sobonaar,e jika domp borasel ndopaat,e,lobeh baek kosiinaang,e wah dik tek sogola nyen daripada wah diik kopirii puru pirri sogola dik kae sosat.14Wook nyen geeh Maangk mo diik wah sobayoont kae ngowaang,e sopayo tek naan pun siik balo onak cade to moyaamp."15"Apabila posiik mo bobuat dosa,naboont ngan domp,e wah jowi boradoop.Maak domp loongk,e ngopiingk nasehat mo mo jeeh ndopaat domp somula.16Maak domp kae ngopiingk mo,dibeet nya tek naan atau dukaah naan gek,sopaya oneh kaan pota boba dukaah atau toruuh nya saksi,pokara nyen kae nya sangsikan.17Maak domp kae lugi ngopiingk balo,e,sanoo maeeh soal,e koni jemaat.Gook maak domp maseh kae geeh ngopiing jemaat,ranoong maeh domp sobagae ntoyaant dik kae ngonaal Ponompaa atau ntoyaant pomungut cukae.18Koo bosona nganu mo:Sobonaar,e oneh diik niih mo niseet wah dunia to kan totiseet wah sobayoont gok oneeh diik mo nacool wah dunia to kan tolopaas geeh wah sobayoont.19Gok to gek ko bosona koni:Maak dukaah naan siik mo wah dunia to sopakat bopinta oneh pun toruunt,pominta balo,e nyen roo tongabul,nya niih Maangk Koo diik wah sobayoont.20Sbab to wakeh dukaah atau toruuh naan nya borugook waah odaant Koo,wah nyen Koo odoh wah ropoot tuda balo,e.21Mosiik nyen moniiklah Petrus sameel bosona nganu Yesus:"Tuhan,sampae kudu kali Koo gek arus ngampuunt dosa Koo maak dop,e bobuat dosa toradap Koo?Sampae iju kali?"22Yesus bosona nganu,e:"Kaae!Koo nyona koni mo:Kaae sampae iju kali,molainkan sampae iju puruu kali iju kali.23Sbab hal Korajaan Sobayoont wook umpamo tek naan rajo diik owaangk ngkodie poritoong ngan balo hamba,e.24Mosiik domp nojiih ngkodie poritungan nyen,koni,e nih ngadoop tek naan dik borutaang simoongk ribu talenta.25Tetapi nya nyen kae mampu nglunas utangk,e,rajo nyen ngrintah sopaya domp tonyuaal gok onak osaao,e gok sidiik toruunt,e nyak mayaar utaangk,e.26Maka bosujudlah hamba nyen nyomaah dop,e,sano,e:Sabar maeh goont,sidiik utaangk koo sogira koolunaskan.27Lalu timool mase owaangk rajo nyen nih bolas kaseh nganu hamba nyen.sohinga dop,e mbebaskan samel ngapus sidiik utaangk,e.28Tetapi tungkah hamba nyen somopa,domp bodopat gok hamba dik kiint diik borutangk soratus dinaar koni,e,Dop,e ndokop samel ngicaal dingaan,nyen,sano,e:Bayaar utaangk mo!29Maka bosujud dingan,e nyen nyak minta mohon nganu,e:Sabar maeh goont,utaangkoo nyen kan koolunaaskan.30Tetapi dop,e kae ngrima samel munyook dingaan,e nyen koni saiih ponjarra sampae utaangk,e toolunaas.31Leek nyen balo dingaan,e dik kiint sajo susaah samel nyonaa,e oneh diik tojadi koni tuan balo,e.32Rajo nyen ngasoo mpauu ntoyaant nyen nyak bosona koni,e:Oe hamba dik kobieek,sidiik utaangk mo jeh nih koo ngapus nih korina moo minta mohoon koni koo.33Kae kah mo pun arus ngkasee dingaan mo wook koo dik jeeh ngkasee mo?34Maka ndoruuh lah tuan,e nyen sameel munyook dop,e koni algojo-algojo,sampae domp nglunaas sidiik utaang,e.35Maka Maangk-Koo dik wah sobayoont roo bobuat wook nyen geeh toradap mo,maak mo masing-masing kae ngampuni posiik mo ngan sogonap owaangk mo,"

Chapter 191Mosiik Yesus ngkosiik boba pongajoor,e nyen,Dop,e borongkat siik Galilea gok moniik wah daerah Yudea dik wah dipaah sungi Yordan.2Ntoyaant obeengk bojireeh-jireeh ngajooh Dop,e gok dop,e pun nompaal balo,e wah nyuh.3Maka moniik lah balo ntoyaant Farisi koni,e roo nyak ncuba Dop,e.Balo,e bopiseek:"Binaan nya kah ntoyaant nyarook osaao,e ngan alasan oneh maeeh?"4Samoot Yesus:"Kae haeek mo maca,bahwa domp diik ngkodooh monsia jaak siik tojiih,e mongki balo,e nya ndarri ngan nya ndayoong?5Gook boba,e:Nih nyen nya ndarii roo ntiggal mang gok nook,e nyak borompuuk ngan osaao,e sohinga kodukaa,e nyen jodi tek badoont.6Wook nyen geeh balo,e kae geek dukaah,molainkan teek,e.Niih nyen,oneh diik jeh nih tonyatu Ponompa,kae buleeh tonyarook monsia,"7Sano balo,e nganu,e:"Maak wook nyen,oneh ponyebab Musa taook ngrintah nyona nyaak munyook surat sarook maak ntoyaant nyarook osaao,e?"8Sano Yesus koni balo,e:"Sajo niih kotingeeng owaangk mo Musa ngijinkan mo nyarook osaao mo,tetapi jaak siik somula kae lah wook nyen.9To Koo bosona koni mo:Oseh pun nyarook osaao,e,kocuali nih bozinah,mosiik nyen kawin gok ndayoong kiint,domp bobuat zinah."10Balo murid,e nyen bosona koni,e:"Maak wook nyen hal,e hubungan antara osaao ngan boniih,lobeh baek yook boromiingk."11Kan totapi Dop,e nyona koni balo,e:"Kae sidiik nya dopat ngritii ponyona nyen.somuuk balo,e dik nih ngarunia maeh.12Odooh nya diik dopat boromiingk niih domp sajo odooh wook nyen siik toniik nook,e,odooh geeh nya diik topongki wook nyen nih nya kiint,gok odoh nya diik mongkii todop,e wook nyen nih koowaangk todop nih sajo Korajaan Sobayoont.Oseeh diik dopat ngritii owaangk maeh dop,e ngritii,"13Lalu nya meet balo onak cade aluus koni Yesus,sopaya Dop,e nglotaak tongan,e wah balo,e samel ndoakan balo,e;akan tetapi balo murid-murid,e ngdoruuh balo ntoyaant nyen.14Tetapi Yesus nyona:"Adu maeh onak cade nyen,yook lah ngaraal-ngaraal balo,e moniik koni Koo;Niih nya dik wook to lah diik mpo,e Korajaan Sobayoont,"15Mosiik nyen Dop,e nglotaak tongaan,e koni balo,e gok mosiik nyen Dop,e borongkat siik nyen.16Odooh tek naan nya moniik koni Yesus,samel bosona:"Guru,pongodie baek oneh geek dik arus ko kadie nyak ndopaat midoop diik kokaal?"17Samoot Yesus:"Oneeh kah sbab mo bopiseek koni koo pongodie oneh dik baek?Cuma teek diik baeek.Tetapi maak mo owaangk masok koni saiih pomidop,turutui maeh sidiik porintah Ponompa."18Kaant nya nyen koni,e:"Porintaah diik keeh?"Sano Yesus:"Yook ngkomiis,yook bozinah,yook nongkuu,yook nyobuut saksi dusta,19hormatilah mangkmo ngan nookmo gok tongasehlah samooh mo monsia wook mo soniriik."20Boba nya monguunt nyen koni,e:"Sidiik to jeh konyunoot,oneh geek dik maseh kuraangk?"21Sano Yesus koni,e:"Maak mo owaangk sompurna,obu maeh,jual maeh sidiik toruunt mo gok tunyook maeh nyen koni balo nya bagoont,maka mo kan ndopaat bona ritaa wah sobayoont,mosiik nyen moniik maeh koto gok najooh maeh Koo."22Libo nya monguunt ngopiingk ponyona nyen,moriilah domp sajo susah,niih sajo obeengk ritta,e.23Yesus bosona koni balo murid-murid,e:"Koo nyona koni mo,sobonaar,e togooh seek bagi nya kaya nyak masok ko saiih Korajaan Sobayoont.24Sokali geek koo bosona koni mo,lobeh mudah tek sogola unta masok nglalu rubaangk jariimp daripada tek naan nya kaya masok nganu saiih Korajaan Sobayoont."25Libo balo murid-murid,e ngopiingk nyen,sidiik ballo mpojeet samel nyona:"Maak wook nyen,osehkah dik dopat tonyolamaat.?"26Yesus ngronong balo,e ngan boboba:"Bagi monsia hal to kae mungkin,tetapi bagi Ponompa sidiik toruunt mungkin,"27Petrus nyamoot samel nyona koni Yesus:"Me to jeh ntiggal sidiik toruunt nyak ngajooh Mo;jodi oneh kooh diik roo dopat me?"28Sano Yesus koni balo,e:"Koo bosona koni mo,sobonaar,e libo onu pongkodooh morii,maak Onaak Monsia bosadae wah takhta kemuliaan Dop,e,mo,dik jeh ngajooh Koo,kan dudook geh wah somu dukaah bolaas takhta nyak menghakimi kodukaah bolas suku Israel.29Gok sotiap ntoyaant dik niih odaant Koo ntiggal romiingk,e,posiik nya ndarri atau posiik nya ndayoongk,e,maangk atau nook,e,onak cade atau miih,e,roo ngrima morii soratus kali lipat nyaak ndopat pomidop dik kokal.30Tetapi obeengk nya dik tiaant roo jodi dik pongkosiik,gok dik pongkosiik kan jodi nya diik tiaant.,"

Chapter 201Odoohpun hal Korajaan Sobayoont samooh wook tek naan nya mpo romiingk dik sajo maji sunsoongk somopa mogao balo pokorija nyak ngrija kuboont anggur,e.2Mosiik domp sopakat ngan balo pokorija nyen nyaak upah sodinar kah onu,domp ngaso balo,e koni kuboont anggur,e.3Kira-kira jam somilaan maji domp somopa geeh nyak ngronong nya laak odooh nya kiint dik nganggur wah pasar.4Sano,e koni balo,e:Koiih geh mo nganu kuboont anggur koo gok oneh wook dik pantos kasiik koo munyook nganu mo.Sidiik ballo pun obu.5Kira-kira jam lima olaangk onu domp somopa geek samooh ngkodiie wook diik jiih.6Jeh sokitar jam limak olaangk onu nyaak ndopat,e balo ntoyaant kiint pula,lalu sano,e koni balo,e:Ngoneeh mo nganguur maeh wah to boonu-onu?"7Sano balo,e nganu,e:Niih kidoh nya dik ngupaah me.Sano,e koni balo:Obuu koiih geh mo nganu kuboont anggur koo.8Libo onu ngoriimp tuan nyen bopisiingk nganu manoor,e:Tasuu maeh balo pokorija nyen gok bayaar ngan,e upah balo,e,mulae ngan balo,e dik masok pongkosiik,e sampae balo,e dik masook tiaant.9Balo,e pun moniik diik mulae korija kira-kira rimiih jam gok balo ngrima masing-masing sodinar kah onu.10Mosiik nyen moniiklah balo diik masok tiaant,kira,e roo ndopat lobeh obeengk,balo pun samooh ngrima masing-masing teek dinar geeh.11Tungkaah balo ngrima,e,balo,e bosunguut-nyunguunt koni tuan nyen.12Sano,e:Balo dik masook pongkosiik nyen somuuk korija soojaam,e ngan nyen sonamooh mo balo,e ngan me diik kah onu korija borat oduk soronuuh toreek motiih onu.13Namun tuan nyen nyamoot tek naan sik balo,e:Balo dorumak,Koo kae bolaku kae adel toradap mo,Kae kah dop jeh bopokat sodinar kah onu?14Tiaah maeh bagian mo nya morii:Koo roo munyook koni nya dik masok pongkosiik to samooh wook nganu mo.15Kae kah koo bebas ngguna toruunt koo,e monuruut owaangk koo?Atau iri ati haeek mo,niih ko murah owaangk?16Wook nyen lah ntoyaant dik pongkosiik kan jodi diik tiaant ngan diik tiaant jodi nya diik pongkosiik,e."17Tungkah Yesus roo morii koni Yersalem,Dop,e nosuu kodukah bolas balo murid,e tosoniriik samel bopisiingk koni balo,e wah tuda joraant:18"Ntooh dop obu koni Yerusalem nyak Onak Monsia sajo roo tunyook nya nganu imam-imam kopalok gok ahli-ahli Taurat,gok balo kan njotuuk Dop,e ukuman kobeek.19Gok balo dik munyook Dop,e koni banso nya dik ngonal Ponompa,sopaya Domp tongolook,nya,nihlasaah gok sonalebnya,gok libo onu kotoruuh,e Dop,e kan tomongkaat nya."20Libo nyen moniiklah nook onak cade Zebedeus sorota balo onak cade nyen koni Yesus,lalu sujud wah jowi,e nyak roo minta toruunt siik Dop,e.21Sano Yesus:"Oneh dik mo owaangk siik Koo?"Samoot,e:"Tunyook maeh porintah,sopaya kodukah onak koo to taook dudok paji,e wah saiih Korajaan Mo,dik tek naan wah sopiak tauuh Mo,gok dik tek nasn gek wah sopiak moyeet Mo."22Yesus pun nyamoot,sano,e:"Moo kae taook,oneh dik nih mo minta,Dopat haek nya nyinoop cawoon,dik arus koosinoop?"Sano balo koni Dop,e:"Dopat me,"23Yesus nyona koni balo,e:"Cawoont Koo sajoo roo sinoop mo,tetapi hal dudok wah dipah tauuh Koo atau wah dipah moyeet Koo,Koo kae bohaak munyook,e,nyen roo tunyook nya nganu ntoyaant bagi oseh Maangk Koo dik jeh nyodia,e,"24Ngopiingk nyen kosimoongk balo murid ndoruuh koni kodukaah ntoyaant nyen.25Tapi Yesus nosuu balo,e sano,e:"Taook mo,bahwa pomorintah-pomorintah balo ponjuruu ngrintaah rayoot,e nyak tongan bosi,gok balo pembesar njaloont kuasa,e pun koras nganu balo,e.26Kaelah wook nyen wah antara mo.Mak oseh owaangk jodi nya daiik wah ropoot mo,dop,e arus loongk jodi polayaan mo,27Maak oseh geh owaangk jodi nya tokomuka sik antara mo,dop,e arus jodi hamba mo;28Samooh wook Onak Monsia moniik kae nyak tolayan,molainkan nyak nglayan nya ngan nyak munyook pongkidop,e jodi tobuus bagi nya obengk."29Tungkah Yesus ngan murid-murid,e somopa siik Yerikho,obengk nya bojireeh-jireeh ngajooh Dop,e.30Odooh dukah naan ntoyaant bokap dik dudook wah bubeeh joraant ngrintiingk,bahwa Yesus lalu,balo,e pun mpaau:"Tuhan,Onak Daud,tomaseelah me!"31Balo ontoyaant obengk nyen ngaboont balo,e sopaya balo,e motiingk.Niih nyen balo,e mangkiin boromaant mpaau,sano,e:"Tuhan,Onak Daud,Tomaseelah me!"32Yesus pun monase samel nosuu balo,e.Dop,e nyonae:"Oneh diik owaangk mo siik Koo nyak nuloongk mo?"33Samoot balo,e:"Tuhan,sopaya motiih me dopat ngronong."34Niih nyen togoraak geh owaangk Yesus niih maa masee,Dop,e pun nginaamp motiih balo,e gok libo nyeen geh balo,e ngronong samel nyak ngajooh Dop,e.

Chapter 211Libo Yesus ngan murid-murid,e jeh nyomaak Yerusalem ngan moniik wah Beetfage ditolotak wah Doriik Zaitun,Yesus ngaso dukaah naan murid,e.2samel bopisiingk:"Nganu ngan,e koni ompiik dik odoh wah jowi mo nyen,wah nyen mo odoh dopat tek sogola keledai dayoong botiseet somaak domp odoh onaak,e.Tolopos ngan keledai nyen lansong dibeet kodukaah nyen nganu Koo.3Maak odooh soandaee nya miseek mo,sano ngan,e:Tuhan ngrolu,e.Dop,e sogiraa ngkorii,e.4Pongodie to tojadi sopaya gonaplah boba dik nyona nih gok balo nabi:5Sano maeh nganu putri Sion:Tileek ,Rajo mo moniik nganu mo,Domp lomah lomuut numpaang tek sogola keledai,tek sogola keledai beban monguunt,"6Maka borongkat lah murid-murid,e nyen ngkodie wook diik nih sano Yesus koni balo,e.7Balo,e meet keledai dayoong nyen ngan gok sogola onaak,e,lalu nalaas nginyaak adooh balo,e mosiik nyen Yesus pun simaak koni tunuuh,e.8Ballo ntoyaant dik obeengk jomilaah,e ngimpaar bojuh adooh,e wah joraant,odoh geeh dik ngopiik rangaao sik kayo koyuuh nyak tongampoor wa joraant.9Ntoyaant obeengk dik bojaloont wah jowii Yesus gok diik ngajooh Dop,e siik rutuuk bosona,boba,e:"Hosana nyak Onak Daud,niih berkati Dop,e dik moniik wah odaant Ponompa,hosana wah aroongk dik ma domiik!"10Ngan libo Dop,e masok koni Yerusalem,daiik agooh nguraak soluruh kota nyen gok nya nyona,e:Oseeh bah ntoyaant to?"11Gok ntoyaant obeengk nyen nyamoot:"To lah nabi Yesus siik Nazaret wah Galilea."12Yesus pun mulae simaak masok nganu Romingk Ponompa samel ngosaar sidiik nya dik bojual bobiriih wah layoont Romiingk Ponompa.Dop,e maleek sidiik mija ponukar duet gok bangku-bangku dik bodagoongk merpati.13samel bosona koni balo,e:"Odooh totulis,Romiingk-Koo nyak nya sobut roming doa,Tetapi mo nginyaak,e sorri ponyamun."14libo nyen moniik lah balo ntoyaant bokap,ntoyaant timpangk,nganu,e wah saiih Romiingk Ponompa nyen gok balo nyen tongkurii Dop,e.15Nih libo nyen imam-imam kopalok ngan ahli-ahli Taurat leek mujizat-mujizat dik kadi,e Dop,e nyen gok balo onak cade bonyanyi wah saiih Romiingk Ponompa nyen:"Hosana bagi Onak Daud!"Otii balo,e sajo ma konaam owaangk,e.16Balo,e pun bosona koni,e:"Mo ngopiingk oneh dik sano onak cade to?"Sano Yesus koni balo,e:"Kapiingk Koo;Goont suaah kah mo mbaca:Siik tukook balo cade ngan balo onak dik nisuuk Mo jeh nyodia puji-pujian?"17Mosiik nyen Dop,e ntiggal balo,e samel obu koluar kota nganu Betania gok ngrimiin wah nie.18Libo maji sunsoongk wah ponyaloont,e baleek koni kota,Yesus nginaamp sobirook.19Nyomaak joraant Dop,e leek kayo aroo landong nganu,e,tapi Dop,e kidoh nopat oneh-oneh wah kayo nyen solaing daun-daun maeeh,Sanoo,e koni koyuh nyen:"Mo kae kan bobuah gek sampae paji,e!"Libo nyen geeh kayoo koyuuh nyen koriingk.20Leek kojadian nyen mpojeet balo murid-murid,e,lalu nyona:"Kameeh wook kayuuh aroo nyen mpidaat lokas koriing?"21Yesus nyamoot balo,e:"Koo nyona nganu mo,sobonaar,e maak mo pocayook ngan kae bimaangk,mo kae sajaa dopat bobuat oneh dik nih Koo ngkodie nganu koyuuh aroo to,nih nyen geeh mak mo nyona koni doriik nyuh:Bopinaah maeh gok tongiliip maeh kosaiih laot!hal nyen kan tojadi.22Gok oneh pun toruunt pinta mo saiih doa ngan bunuuk kopocayook, mo kan ngrimaa,e.23Yesus pun masok koni Romiingk Ponompa,libo Dop,e tungkah ngajoor wah nie,moniik imam-imam kopalok sorota pomuntuh banso nya Yahudi koni,e,samel bopiseek:"Ngan kuasa diik keeh bah Mo ngkodie hal-hal nyen? Gok oseeh bah diik munyook kuasa nyen nganu Mo?"24Samott Yesus nganu balo,e:"Koo gaak roo ngajukan tek kopiseek koo nganu mo maak soandae mo munyook jawob,e koni- Koo,Koo kan nyona,e koni mo ngan kuasa oneh kah Koo ngkodie hal-hal nyen.25Siik keeh haeek baptisan Yohanes?Siik sobayoont atau sik Monsia?"Dieent boromoong,nyeen,e antara dieent,e,samel nyona,e:"Maak dop nyonae:Sik sobayoont,Domp,e pasti nyona dop:Maak wook nyen,ngoneeh mo kae pocayook nganu,e?"26Tetapi maak sano dop:Siik Monsia,golaak dop geeh nkaant ntoyaant obeengk,niih ballo,e sidiik nya ngangaap Yohanes nyen sajo nabi?"27Balo,e pun nyamoot Yesus:"Me kataook kaant,"Yesus pun nyona wook nyen geh koni ballo,e:"Maak wook nyen,Koo pun nyonaa,e koni mo ngan kuasa oneeh Koo ngkodie hal-hal nyen,"28"Tapi oneeh kah ponapat mo hal to: Tek naan ntoyaant odooh dukah onak balo ndarri,Domp obu nganu onak dik bunsu samel bosona:Onak koo,nanuu ngan,e,tongrijaa maeeh onu to wah kuboont anggur.29Samoot onaak nyen: Baik pak,Tapi domp sajo kae konii,e.30Mosiik nyen domp obu nganu onaak kodukaah,e bosona wook nyen geeh.Gok onak nyen nyamoot:Kae lugi Koo.Tapi mosiik dop,e nyosaal,tapi borongkat geeh.31Oseeh kah wah antara kodukaah nasn nyen dik ngkodie owaangk mangk,e? Samoot balo,e:"Diik pongkosiik,"Sano Yesus koni balo,e:"To Koo nyona koni mo,Sobonaar,e pomungut-pomungut cukae ngan balo nya ndayoong ngompaangk diik tiaant siik mo masok nganu saiih Korajaan ponompa.32Sbab Yohanes moniik nyak nijuuk joraant kobonaraan koni,e.Tapi balo pomungut cukae ngan balo ndayongk ngompaangk pocayook koni,e.nih meskipun mo ngronongk,e,mosiik nyen mo kae pocayook nganu,e,"33"Kapiingk maeh toruunt porumpamaa dik kiint,Odooh nya tek naan ntoyaant dik kaya poyaa mukaak kuboont anggur sameel nuruuh pigaa sokoliling,e.Domp nguceeh rubaangk aroongk nyaak ngapeet anggur nyen sameel ntokiit monaraa jago wah saiih kuboont nyen.Mosiik nyen domp nyewaa,e nganuu balo ponggarap nyaak boroongkat ko luar negeri.34Jeeh roo somaak sowwa nyak nyiluuk,Domp ngasoo balo hamba,e nganu balo kuli ponggarap nyen nyaak ngrimaa hasel dik jodi bagian,e.35Tapi balo kuli,e nyen nokoop balo hamba,e nyen:Balo,e mongkoongk dik tek naan,ngkomiis dik kiint gok nompooh diik kiint nyaak botuuh.36Mosiik nyen tuan nyen ngasso pula hamba-hamba dik kiint,lobeeh obeengk siik dik tojiih,e,nyen pun ballo,e ngkodiie samooh wook nganu kawan-kawan balo,e.37Akheer,e domp ngasoo onak,e koni balo,e sano,e:Onaak Koo to ballo segani.38Nih nyen libo balo kuli,e nyen leek onaak,e,balo,e bopisek dik teek nganu dik kiint:Dop,e to wali wariis,booh dop ngkomeek,e,sopaya warissan,e jodi dop mpo,e.39Balo,e nokoop domp sameel nompooh,e koni luarr kuboont anggur nyen,samel ngkomiis,e.40Maka pabila nya dik mpo kuboont anggur nyen moniik, oneh toruunt dik roo kadi,e ngan balo kuli,e nyen?"41Sano balo,e nganu,e:"Domp kan pasti roo ngkomiis balo ntoyaant kobieek nyent mosiik nyen domp sewakan koni balo kuli kiint,diik pasti roo munyook hasel nganu,e pas onu,e."42Sanoo Yesus nganu balo,e:"Goont suaahkah mo mbaca kitab suci:Botuuh dik nih tukang-tukang bangunan motaant jeh jodi botuuh ponjuru,:hal to tojadi sik pihak Ponompa,suatu pobuatan ajaib wah motiih dop.43Nih nyen,Koo bosona nganu mo,Bahwa korajaan Ponompa roo tiaahnya sik mo ngan roo nyak nya tunyook koni banso diik jeh nghasel buah korajaan nyen.44Ngan oseh diik jotuuk ko somuu botuuh nyen,domp kan ancoorr maak oseh pun oduk tumpaak botuuh nyen,domp kan romoongk.45Libo imam-imam kopalok ngan balo ntoyaant Farisi ngopiing porumpama-porumpama Yesus,toriiti balo,e,bahwa dieent nyen diik nih maksud Dop,e.46Ngan nyen balo,e borusaha roo nokoop Dop,e,tetapi balo,e gollak ngkaant nya obeeng,nih karna ntoyaant nyen jeh nganggap Dop,e nabi.

Chapter 221Mosiik nyen Yesus bojantooh gek wah porumpama kiint koni balo,e:2"Hal korajaan sobayoont wook umpama tek naan rajo,dik ngkodie pesta kaween nyaak onaak,e.3Domp ngaso balo hamba,e nosuu balo nya dik jeeh nih ngundsang koni pesta kaween nyen,tetapi balo ntoyaant nyen kae lugii moniik.4Domp ngaso balo hamba-hamba dik laiingk,pisiingk,e:Sano maeeh koni nya-nya dik nih undang nyen:Sobonaar,e hidangan,jeh nih koonyodia,lembu-lembu darri,ngan ballo pomuruunt koo jeh mosiik nih moleeh,sidiik nyen jeh tosodia,moniik maeh nganu pesta kawin to.5Nih oneh geek,balo ntoyaant dik nih ngundaang nyen malah kae ngiraao,e:odooh dik koni miih,e,odooh diik korija nguruus usaha,e,6gok balo dik kiint nokoop hamba-hamba raji nyen,tonyiksa,e nyak ngkomeek,e.7Niih nyeen ndoruuh seek rajo nyen,lalu ngaso pasukan,e nganu,e nyak ngjorraa,balo pongkomiis nyen,samel nyaak nicool kota balo,e.8Mosiik nyen domp nyona koni balo hamba,e:Pesta kawin jeh tosodia,nih balo nya dik nih ngundang nyen kae layak nyak koto.9Nih nyen nganu maeh cikuuh simpaang joraant ngan ngundang ngan sotiap ntoyaant dik nih mo nopaat wah iih naso ngano pesta kawin nyen.10Borongkatlah balo hamba,e nyen gok valo,e ngruggok sidiik nya dik nih nopaat wah joongk joraant,nya kobieek baek ko kaah nya antuus,sohinga bunuuklah ruaangk pasta kawin nyen nih balo tamu.11Tungkaah rajo nyen masok roo nyak bodopat ngan balo tamu,e nyen,domp ngronong tek naan nya dik kae boadooh pesta.12domp nyona nganu,e:O..oe mo,dorumaak,kameeh mo masok koto look kae nginyak adooh pesta?Ntoyaant nyen monaae maeeh.13Sano rajo nyen nganu balo hamba,e:Tiseet ngan koja tongaan domp mosiik nyen tampooh ngan nya nyen nganu poyaa piti dik sajo pitii,wa iih lah todopat rataap ngan rorraak jipiint.14Sbab obengk dik nih nosu,tetapi ciik,e diik nyak pileeh.15Mosiik nyen obu maeeh balo nya Farisi;balo,e bopokaat kamerh nyak balo roo nosaat Yesus nginyak tek potanyaan.16Dieent,e ngaso murid-murid balo,e bosamoh-samoh nya ntoyaant Herodian bopiseek nganu,e:"Guru,me taook ngkaant,e, Mo sajo ntoyaant dik jujoor ngan jujor ngajor joraant Ponompa gok Mo kae suah mogao jowi.17Sano maeh koni me ponapat Mo:Apakah taook mbayar pajak nganu Kaisar atau kataook?"18Sajo nyen Yesus ntaook koburook owaangk oti,e balo nyen sano,e:"ngoneeh mo ncuba Ko,o..o balo ontoyaant munafik?"19Nampoorr ngan nganu Koo motiih duet nyen dik pajak nyen."Dieent,e meet tek dinar nganu,e.20Mosiik nyen Domp miseek balo,e:"Gamaar ngan tulisan oseh to?"21Samoot dieent,e:"Gamaar ngan tilisan Kaisar."Sano Yesus koni balo,e:"Punyook ngan,e koni Kaisar oneh dik jodi wajib hak Kaisar ngan nganu Ponompa oneh dik wajib nyak mo tunyook koni Ponompa."22Ngopiingk nyen heraanlah balo,e ngan ntiggal Yesus nyaak obu.23Libo onu nyen moniik lah nganu Yesus banso kudu naant nya Saduki,dik bopondapat,bahwa kae odoh kobangkitan.Ballo,e bopiseek nganu,e:"24Guru,Musa nyona,e,bahwa maak ntoyaant kobek ngan kidoh domp nontook onak,posiik,e gek arus kawin ngan osaao,e nyakk ngkodooh koturuunan nyaak posiik domp nyen.25Tapi wah antara me to odooh iju naan boposiik,dik pontojih kawin,tapi mosiik nyen kobiiis.Niih domp kae boroonaak,domp,e nontook osaao,e nyen nyaak posiik,e.26Wook nyen geeh dik kodukaah,e ngan dik kotoruuh,e sampae ngan dik ko iju,e.27Pajooh parooh,e,jeeh balo,sidiik,nya ndayoongk nyen pun kobeek.28Oseh aeek wah antara ko iju ntoyaant nyen dik jodi boniih ndayoongk nyen libo onu kobangkitan?Sbab balo,e jeh suaah sidiik ngosaao dop,e."29Yesus nyamoot balo,e:"Mo sesat,nih oneh mo kae ngriti Kitab Suci apalagi Kuasa Ponompa! 30Nih oneh,libo onu kebangkitan nya dik kae kawin ngan kae nih ngawin molainkan midoop wook malaekat wah Sobayoont.31Tetapi hal kebangkitan nya ntoyaant kobeek kidooh aeek mo mbaca boba Ponompa,libi Domp bosona:32Koo haeek Ponompa Abraham,Ponompa Ishak ngan Ponompa Yakub?Dop,e sajo kae Ponompa nya kobeek molainkan Ponompa nya dik midop."33Balo ntoyaant dik obeengk ngopiingk nyen takjub nih pongajoor,e.34Libo balo ntoyaant Farisi ngopiingk,bahwa Yesus jeh mongki balo nyaa Saduki tobungkaam,balo,e boruggok.35ngan tek naan nya sik balo,e,nya nyen ahli Taurat,bopiseek roo nya ncuba Dop,e:36"Guru,ukuump dik keeh dik torutama wah ukump Taurat?"37Samoot Yesus koni,e:"Tongaseh ngan Tuhan,Ponompa mo,ngan sogonap otie mo gok ngan sogonap jiwa mo gok ngan sogonap akal budi mo.38Nyen aekk ukuum torutama ngan dik pontojiih,e.39Ngan ukum dik kodukaah,e,dik samooh ngan nyen,haeek:Tongasee maeh sosamoh mo monsia sorupa wook mo soniriik.40Wah kodukaah ukum to lah togantongk soluruh ukump Taurat ngan Kitab balo nabi,"41Libo balo ntoyaant Farisi tungkah borugook,Yesus bopiseek nganu,e,sano,e:42"Oneh kah ponapat mo pongodie Mesias?Onak oseh kah Dop,e?"Sano dieent,koni,e:"Onak Daud."43Sano,e koni balo,e:"Maak wook nyen,kameeh wook Daud nih pimpinan Minu dopat nyobut Dop,e tuan,e libo domp nyonae:44Ponompa jeh boboba koni tuan koo:dudok maeh wah sopiak tauuh Koo,sampae munsu-mubsu Mo tongona koo wah ribuu koja Mo.45Jodi maak Daud nyona Dop,e tuan,e,kameeh wook,e domp dik onak geeh?"46Kidoh dik odooh ntoyaant pun taook nyamoot Dop,e.maak kaah onu nyen kidoh dik odoh pun nya dik borani bopiseek toruunt nganu,e.

Chapter 231Maka Yesus nyonaa,e koni nya obengk ngan murid-murid,e sano,e:2"Ahli-ahli Taurat ngan balo ntoyaant Farisi jeh ndopaat dudok bangku Musa,3Niih nyen turuut ngan samel ngkodie sogala toruunt dik balo,e ngajoor nganu mo,tetapi yook gooh mo ngajooh balo pongodi,e dieent,e,niih balo,e ngajoor,e tapi balo,e kae ngkodii,e.4Ballo,e niseet toruunt diik borat,nyaak ngonaae wah omii,e,tetapi balo,e soniriik kae lugi,e nokoop,e.5Sidiik korija dik kadii,e balo,e hanya tomaksud sopaya nyak ranoongk nya:balo,e nginyak toriih somayaangk dik abboob gook rumaae dik doniik;6Dieent,e konaak dudok wah aroongk dibagoos libo pesta ngan waah aroongk paling jowii wah roniibgk somayangk.7ballo,e konaak ngrima ponghormat nyaa wah pasar gok konaak tasuu nya Rabi.8Sajo mo,yook maeeh mo tasuu nya Rabi;Niih cuma teek Rabi mo ngan mo sidiik haeek boposiik.9Niih nyen yook maeeh mo nyona oseh pun maangk wah bumi to,nih cuma maangk mo teek,yaitu Domp dik wah sobayoont.10Yook geh pula mo nyak sobut pomimpin,niih sajo teek Pomompin mo,nya aeek Mesias.11Maak oseeh nya diik daiik wah antara mo,ngadu maeh domp jodi polayan mo.12Maak barongoseh dik ngrongkaao domp,domp naso nya ronaah,ngan oseh nya dik ngronaah owaangk,domp naso nya wah jowii.13Colaka maeh mo,o..balo ahli ahli Taurat nfan balo nya Farisi,o..mo nya dik munafik,Sajo nih mo nyen nitoop kore-kore Korajaan Sobayoont wah jowii ntoyaant.Sajoo mo soniriik kae masok ngan sogola mo ngaraal balo,e dik borusaha nyaak masok.14Colaka mo,o..o balo ahli Taurat ngan ntoyaant Farisi,hae mo ntoyaant munafik,sajo nih mo diik ningook romiing balo janda nih mo soniriik nglabui motiih nya nyaak doa dik domiik-domiik.Mosiik nyen mo pasti ngrima hukuman dik lobeh borat.15Colaka mo balo ahli Taurat ngan balo nya Farisi,o..mo nya munafik,sajo mo ngrutaas laot ngan nguncao doiih,nyak mongki ponobat nya nyak ngajoh ponganut agama mo,16Colaka mo,balo pominpin bokap,dik nyona,e:"Bosumpah maeh demi Bait Suci,Sumpah nyen kae makool;tetapi bosumpah demi omas Bait Suci,sumpah nyen niseet.17O mo balo ntoyaant malaangk ngan balo nya bokap,oneh dik lobeh penting,Omas atau Bait Suci dik ngkagaae omas nyen?18Bosumpah demi mezbah,sumpah nyen pun kae makool;tetapi bosumpah maeh demi toruunt dik odoh wah tunuuh,e,sumpah nye niseet.19O..o mo ntoyaant dik bokap,oneh dik penting,pomunyook atau mezbah dik nyak ngkagaae pomunyook nyen?20Nih nyen maak oseh dik bosumpah demi mezbah,domp bosumpah ngan sidiik sogala toruunt,e dik odooh wah tunuuh,e21Mak oseeh diik bosumpah nyak Bait Suci,domp bosumpah nya Bait Suci ngan sidiik Dop,e,dik monaae wah nyen.22Mak oseh nya bosumpah nyaak sobayoont,domp bosumpah nyak takhta Ponompa ngan nyaak Dop,e geh,dik mpunuuk saiih,e.23Colaka mo o balo ahli Taurat ngan balo nya Farisi,balo ntoyaant dik munafik,sbab persepuluhan sik solasih,adas siida ngan jintan bayaar mo,tapi dik topenting wah hukum Taurat mo tonlaliis,ku nyeent:keadilan,ngan bolas kaseeh ngan kesetiaan,dik teek arus kadie gok kiint yook nlaliis,e.24Hae mo balo pomimpin bokap,porungaangk mo tapius siik ponyinoop mo,ngoneh unta wah saiih tingook mo.25Colaka mo,o balo ahli-ahli Taurat ngan balo nya Farisi,ooo mo balo ntoyant munafik,niih cawoon gok pingaan nih mo ngumeek luarr,e,tetapi sopiak saiih,e bunuuk nih porampoos ngan korangkook.26O balo nya Farisi dik bokap,tongumeek lah goont,e bubeh saiih cawoont nyen,maka sopiak luar,e pun tileek boriseh.27Colaka mo,oo balo ahli-ahli Taurat,o balo mo nya munafik,niih nyen mo samoh wook pongareent dik nih loboor mopau,dik wah luar,e sajo boriseh tileek,nya,tetapi dik wah saiih bunuuk nih turaang rangko ngan bobagae poncomeek. 28Wook nyen geh mo,wah sopiak luar,e mo tileek bonar wah motiih nya,tetapi wah sopiak saiih mo bunuuk pomborool ngan pomaliis.29Colaka mo,oo balo ahli-ahli Taurat gok ntoyaant Farisi,oo mo balo nya munafik,niih mo roo mongki pongareent nabi-nabi ngan roo mbagaae tugu balo ntoyaant saleh.30samel bosona:Maak me midop wah zaman nek moyang dop,tontulah me kae ngajoh ngan balo,e libo ngkomiis nabi-nabi nyen.31Sajo nih wook nyen mo bosaksi toradap diri mo soniriik,bahwa mo dik koturuunan dik ngkomiis nabi-nabi nyen.32Jodi,tombunuuk maeh takoor ne moyangmo!33Oo mo balo nyipiih,ngan mo balo koturuunt nyipiih ronsiaant!Kameeh wook mudel mo dopat nlopas diri siik hukuman noraka?34Nih nyen,tileeklah,Koo ngutus koni mo nabi-nabi,balo ntoyaant bijaksana ngan nya ahli Taurat:Soparooh siik balo,e roo nyak mo kabiis gok mo sonaleb,dik kiint roo mo lasaah joong saiih roming-romiing somayaangmo ngan mo,e tonjoraa jak sik kota koni kota.35sopaya mo nginyak akibat doya nya soyaangk dik kae bosalah mulae sik Habel,nya bonar nyen,sampae nganu Zakharia onak Berekhya,dik kabiis mo wah ropoot aroongk kudus ngan mezbah.36Ko nyona mo:Sobonaar,e sidiik to roo tonangoong angkatan to!"37"Yerusalem,Yerusalem,mo dik ngkomiis nabi-nabi ngan nompooh nyak botuh balo ntoyaant dik nih ngutus koni mo!Bokali-kali Koo ripu roo ngruggook balo onakmo,samoh wook nook siap ngruggok balo onak,e wah ribu iraat,e,tetapi kae lugii mo.38Tileek maeh romiingk mo to tiggal nya gok jodi sunyiik.39Ngan to Koo nyona koni mo:Mulae ntooh mo yook kan ngronongk Koo geek,sampae mo nyona:Nihberkati Dop,e dik moniik wah odaant Ponompa!"

Chapter 241Mosiik nyen Yesus somopa sik Bait Ponompa,juruus obu.Maka moniiklah murid-murid,e samel ngampoor nganu,e model bangunan Romiingk Ponompa.2Dop,e bosona nganu mo:"Mo leek sidiik to?Koo bosona koni mo,sobonaar,e kidoh tek kobotuuh pun wah to roo nombiaar nya tolotak wah somu botuh dik kiint:Sidiik,e roo tongrurooh nya."3Libo Yesus dudok wah somu dampooh Zaitun,moniiklah balo murid,e koni,e nyak roo bojantoh-jantoh nodop ngan Dop,e.Sano balo,e:"Sano maeh koni me,bilamana nyen roo tojadi gok oneh tano pongkoniik Mo ngan tano kosudah Mo?"4Samoot Yesus nganu balo,e:"Waspada maeh sopaya yook odooh nya di nyosaat mo!5Niih sajo obengk nya moniik nyamoor nginyaak odaant Koo sano,e:"Koo haeek Mesias,nih balo,e roo nyosaat balo nya obengk.6Mo pasti ngopiing gaooh poraangk atau agoh-agooh nya poraangk.Namun bowas-was maeh mo yok golisah;sbab sidik to arus tojadi,tetapi nyen goont bokosudah.7Konooh juruu banso mongkat nlawoont juru banso,gok korajaan nlawoont korajaan.jodilah odoh bagoont sobirook gok gempa bumi wah soluruh aroongk.8Niih oneh sidiik to bauuh pontojih kojoraa roo nyomaak sowa bauh.9Libo onu nyen mo kan tomunyook nya sopayo tonyiksa,gok mo roo kabiis nya ngan roo tombonciik nya sidik banso niih korina odaant Koo,10Gok obengk ntoyaant roo murtad gok balo,e roo saling bopunyook gok saling borareeh.11Obeengk nabi palsu roo timool somuuk nyak nyosat ntoyaant obengk.12Sajo nih makin botoduuklah kotulah rangkooh,maka kaseh kobeengk,e nya roo jodi colap.13Tetapi ntoyaant dik botahan sampae nganu kosudaah,e kan solamat.14Gok injil Korajaan to roo tunyook nya wah sokayuk dunia njodi kosaksian nyak sidik nya,mosiik nyen barulah moniik kosudaah,e."15"Jodi apabila mo leek Pongkomiis kobieek tokiit wah aroongk bagos,monurut boba dik sano nya nabi Daniel - Balo pomaca hendaklah ngronongk-16maka balo ntoyaant dik wah Yudea aruslah domp ngkoduuh nganu doriik.17Ntoyaant dik tungkah wah poromuunt,e wah tunuuh romiingk,e yook geeh domp tomonah nyak miah barang-barang siik romiingk nyent.18gok nya tungkaah wa miih yook lah domp morii roo miaah adooh,e.19Sajo colaka maeh balo nook dik tungkah biti atau dik tungkah ntisuuk cade lima masa nyen.20Bodoa maeh,sopaya libo mo ngkobu yok sampae jotuk nganu sowa dik colap gok libo onu Bopantongk.21Sbab libo masa nyen roo tojadi ponyiksa dik maa dahsyat wook diki goont suah tojadi jak siik libo tojiih dunia sampae ntooh gok sajo kae kan tojadi gek.22Maak sokira,e waktu kae nih nyingkat,maka dik sogala dik midop,kidoh dik odoh solamat.nih oneh gok balo ntoyaant topileh libo nyen nya tonyingkat.23Libo masa nyent mak nya nyona nganu mo:Tileek,Mesias odoh wah to,atau Mesias odoh waiih,yook mo pocayook.24Sbab Mesias-mesias palsu gok nabi-nabi palsu roo timol gok balo,e kan ngkodi,e tano-tano dik sajo dahsyat ngan Mujizat-mujizat,sohinga sokira,e,balo,e pun nyosat balo ntoyaant dik topileh geeh.25Camkan maeh,Koo jeh nyona,e lobeh tiaant koni mo.26Jodi,Apabila nya bosona koni mo:Tileek,Dop,e odoh wah lompak paloh.yook maeh mo nganu koiih;atau:Tileek,Dop,e odoh wah saiih romari,yook maeh mo pocayok.27Sbab samoh wook cilat dik mancar sik sopiak timur samel mancaar sampae koni barat,wook nyen pula paji,e pongkonik Onak Monsia.28Wah keh odoh bangkae,wah nyen odoh monok nazar borugok,"

²⁹"Sogira jeh mosik ponyiksaan libo masa nyent,motihonu roo jodi piti ngan burant kidoh mampor gok bintangk-bintangk roo borubuus siik ronyeent ngan rajo kuasa ronyent pun boguncaangk.30Libo saat nyen roo kinaamp tano Onak Monsia sik ronyen gok sidik bangsa wah bumi kan motiingk ngan balo,e kan Ngronong Onak Monsia nyen monik wah somu romangk-romangk wah ronyent ngan sidik kekuasaan ngan komuliaan Dop,e.31Dop,e roo ngaso balo malaekat-malaekat,e samel nyipoh sangkala dik dahsyat angkong,e gok balo,e roo ngrugok balo ntoyant dik owangk Dop,e sik empat ponjuru bumi,sik tojok ronyent dik tek koni tojok ronyent dik kiint.32Tiah maeh polajoor sik porumpamaan hal kaoyuh nunok:Mak rangao-rangao,e lomuut gok mulae bosuaat,mo taok,bahwa sowa komarao jeh somak.33Wook nyen geh,mak mo leek sidik to,kinamp maeh sowa,e jeh somak,jeh wah jowi kore.34Koo bosona koni mo:Sobonar,e pantoor to kidoh kan mosik,mak goont sidik to tojadi.35Ronyent gok bumi kan bolalu,nih oneh ponyona Koo kae kan bolalu.36Nih pongodi onu gok saat nyen kidoh ntoyant pun dik taok,apalagi malaekat wah sobayoont,gok Onak pun kae,somuk mangk,e todop maeh,"37"Sbab wook keh hal,e libo zaman Nuh,wook nyen geh hal,e paji,e koni pongkonik Onak Monsia.38Sbab wook keh balo,e libo zaman piingk daiik nyen duook ngan nyinop,nganteen ngan boromiingk,sampae koni onu Nuh masok koni saiih bahtera,39gok balo,e kidoh dik taok oneh toruunt,libo piingk daiik nyent monik ngkoyap sidik balo,e,wook nyen geh hal konooh,e nganu Pongkonik Onak Monsia.40Libo masa nyen maak odoh ntoyant dukah naan wah miih,dik tek naan dibeet,e gok dik kiint nih nontook;41Maak odoh dukah naan ndayoongk tungkah mutar botuh rocak dik tek naan dibet,e gok dik kiint nih nontook.42Nih nyen bojago-jago nya,nih mo kae taook wah onu dik keh Ponompa moniik.43Nih nyen kinamp maeh to:Mak nya dik mpo romiingk taok libo masa naan,e libo ngoriimp onu poncuri roo monik,jeh pasti domp,e bojaga-jaga,sajo kae kan mbiaar rpmiingk,e tomungkaar nya.44Nih nyen,hendaklah mo geh siap sodia,nih Onak Monsia monik libo saat dik kae mo duga."45"Oseh nya dik sotia gok bijaksana,dik nih tongkat tuan,e wah balo ntoyan,e dik munyok balo,e ponduook libo nyen,e?46Baek owangk ntoyant,dik pas todopat tuan,e ngkodi,e tugas nyen,libo tuan,e monik.47Koo bosona koni mo;Sobonar,e tuan,e nyen ngongkat dop,e jodi pongawas sidik toruunt domp,48Sajo nyen maak tuan,e nyen kobieek gok bosona wah saiih oti,e:49Tuankoo kae monik-monik,mosik nyen tuan,e mongkoongk balo ntoyant dik kiint,gok duok nyinop bosamoh-samoh balo dik obook.50maka tuan ntoyant nyen monik libo onu dik kae tingaant dop,e,gok libo saat dik kataok ngkaant,e,51Gok roo ngkomiis domp mongki domp sonasip ngan ntoyant munafik.Wah iih lah kan todopat noniingk ngan korotak jipiint.

Chapter 251Libo masa nyen hal Korajaan Sobayoont sompamo ndayoong simongk,dik miah polita,e nyak obu ngosiik ponganten nya ndarii.2Rimiih sik antara nyen malankg gok rimiih bijaksana.3Balo ndayongk dik babal nyen met polita,e,tapi kae meet minyak,4Maak balo ndayongk dik bijaksana nyen meet polita,e gok minyak wah saiih topok balo,e.5Tetapi nih mempelai nyen otae kae monik-monik geh,balo,e nyen sidik ngantok lalu biis.6Jeh tuda ngoriimp odoh boba nya mpau:Ponganteent monik!Tonungcoongk ngan domp.e!7Balo ndayongk nyen pun mongkat sidiik lalu mberes polita balo,e.8Balo ndayongk dik babel bosona koni ndayong dik bijaksana:Bagi ciik me sik minyak mo nyen,sbab polita me to ampeer pojamp.9Tetapi samot balo ndayongk dik bijaksana nyen:Kae,atoh lak kae boyah nyak me gok nyak mo.Lobeh baek mo nganu nya dik nyual minyak gok biriih maeh wah nyen.10Nih oneh,libo tungkah balo,e obu nyak miriih,e,moniklah ponganteen nyen gok balo,e dik jeh siap sodia masok borota-rota domp koni arongk pojamuan kawin,lau kore nih nitop.11Mosik nyen monik geh balo ndayongk dik kiint nyentsamel bosona:Pak,pak bukaak kore nya me!12Tetapi nya nyen nyamot:Koo nyona koni mo,sobonar,e koo kae ngonal mo.13Niih nyen,bojago-jago maeh,sbab mo kataok ngkaant onu,e maupun bila saat,e."14"Wook to hal Korajaan Sobayoont samoh wook ntoyaant ntiao koni luar negri,dik nosu balo posuruuh,e nyak dop,e cayook leek ritaa,e koni balo,e.15Tek naan nih munyok rimih talenta,dik tek naan kiint dukah gok dik tek naan kiint,gek kiteek talenta.masing-masing monurut komampu,e,lalu dop,e ntiggal borongkat.16Sogira obu nya dik ngrima rimih talenta nyen,Domp ngronaak duet nyen lalu nopat lobeh rimih talenta.17Ntoyaant dik ngrima dukah talenta nyen pun wook nyen geh gok ndopat dukah talenta.18Tetapi ntoyaant dik ngrima tek talenta nyen obu,samel nguceh rubaangk saiih poya nyen jurus domp nyukaant duet tuan,e.19Yook kotai mosik nyen mpo,e ntoyaant nyen lalu ngoraah borikeent ngan balo,e.20Ntoyant dik ngrima rimih talenta nyen monik samel domp meet lobeh rimiih talenta,sano,e,;Pak,Rimih talenta pak cayook koni koo;Tileek,koo jeh rimih onak rimiih talenta.21Maka sano mpo,e koni,e,baek seek pongodi mo nyen,o bangk mo dik baek gok sotia.mo jeh patooh wah pongodi dik ciik,mosik nyen koo munyok hal dik lobeh daik jodi tangong jawab mo.Masok sunot maeh pongodi koo.22Mosiik nyen monik geh kuli dik ngrima dukah talenta,Tuan,dukah talenta to nih mo munyok nganu koo; tileek,koo jeh dopat lobeh dukah talenta.23Sano mpo,e nganu,e:Baekk seek pongodi mo nyen,o.. mo dik baek gok patoh,mo jeh sotia meet tangong jawab pongodi dik ciik,to koo munyok gek pongodi hal dik lobeh daik.Masok sunot maeh kobaek owangk mpo mo.24To pongkosiik,monik lah mpo,e dik ngrima kitek talenta nyen samel nyona;Tuan, koo bah taok koo ngkaatn mo monsia dik maa kobieek,dik somuk miah asel wah keh moo kae korija,gok minta siik aroongk dik wakeh moo kae usaha.25Nih nyen nya koo golaak koo,sohinga mosiik nih koo nyukaatn wah saih poya talenta mo nyen:to haeek,toruunt mo tih.26Samoot mpo,e nyen:o..o mo ntoyaant dik kobieek gok soleer,jodi mo jeh taok ngkaant koo ngrutiik wah arongk dik wah keh koo kae bopuruuh,gok botiaah toruunt wah keh koo kae boturuuh.27Nih nyen soharus,e jeh lah duet koo nyen tunyok mo koni ntoyaant dik mutaar duet,jeh pongkonik koo ngrima sidiik ngan gok bungaa,e.28Nih nyen tiah mo maeh talenta nyen gok tunyok lah nganu ntoyaant dik simongk talenta nyen.29Karena sotiap ntoyaann dik mpo,e nganu,e roo tunyook nya,sohinga domp,e bolobeh.tetapi mak kidooh toruunn,oneh pun toruunn wah domp,e mosiik nabeeh nya.30Mosiik nyen tampoh nya kira dik kae boguna nyen koni poya pitii dik sajo pitii.Waih lah odoh korotak jipiitn.31"Mak pabila onak Monsia monik wah pongodi Domp,e sidik gok malaekat samoh borota ngan Domp,e, maka Domp,e monae bogadae wah saiih pongodi,e.32Mosiik nyen domp,e roo ngruggok wah jowi Domp,e,samel tomisaah tek naan nya,samoh wook gembala misah domba ngan komiinkg.33Domp munyook ngona balo domba sopiak tauuh domp,gok kominkg wah moyeet Domp.34Rajo nyen pasti nyona koni balo,e dik wah tauuh domp:Booh, moo dik nih berkat ntoyant Mankg Koo,Torima maeh Korajaan dik jeh nih nyodia nyak mo jak sik libo nya ngkodoh dunia.35Sbab libo Koo sobirook,Mo munyook Koo duook,Libo Koo aus,moo ngaso Koo nyinop,Libo Koo wook nya nyarooh,mo ngaso Koo ngrimuunn:36Libo Koo kolanyaao mo munyok adoh nganu Koo,Libo Koo monaapm,mo ngopiik Koo,Libo Koo wah Ponjara,mo ngjongok Koo.37Sajoo,e ntoyaant dik bonar nyen nyamot Domp,sano,e;Ponompa,wa keh bah me leek Moo sobirook gok me ngaso Mo nyinoop? 38 Wa keh me leek mo jodi nya nyarooh,gok ngaso Mo ngrimuun,atau kolanyaao gok me munyok adoh koni Mo?39Wa keh me leek Mo monaapm atau joonkg saiih ponjara gok me ngjobgok Mo?40Rajo nyen pun nyamoot balo,e:Koo bosona koni mo,sobonaar,e sidik toruutn dik nih mo ngkodie nyak salah satu siik posiik Koo,dik maa hina,e,Mo bah jeh ngkodie nyak Koo.41Mosiik nyen Domp bosona nganu ntoyaatn dik wah moyeet:Obuu koiis mo sik jowi Koo,mo balo ntoyaatn dik tulaah rangkoh,tampoh maeh nganu saiih opi dik kae pojaapm dik tosodia nyak balo Iblis ngan malaekat,e.42Sebab:Libo Koo sobirook,Mo kae munyook Koo duok,Libo Koo aus mo kae ngaso Koo nyinoop;43Libo Koo ntoyaatn nyarooh mo kae ngaso Koo ngrimuun,Libo Koo kolanyaao,mo kidoh munyok adoh,Libo Koo monaampm ngan wah saih ponjara Mo kidoh ngjongok Koo.44Balo pun nyamoot Domp,sano,e:Ponompa,wa eh leemo sobiroo,atau aus,atau wook nya nyarooh,atau monapm,atau kolanyaoo,atau wah saiih ponjara gok me kae nglayan Mo?45Maka Domp pun nyamoot balo,e,Koo nyona mo;Sobonar,e sidik toruutn dik kae nih mo ngkodie nya salah satu ntoyaatn dik maa hina to,mo pun kidoh ngkodie nyak Koo.46Ngan mo roo tomasok nya koni saih opi dik kokal,ntoyaatn baek wah saih pomidop kokal.

Chapter 26

¹jeh mosik Yesus ngomong nyona pongajor,e nyen,sano,e koni balo murid Domp, ²"Mo jeh taok ngkaatn onu raya Paskah dukah onu geek, Maka Onak Monsia roo punyok nya nyak tonyaleb."³Libo masa nyen boruggok sidik balo imam-imam kopalok ngan balo pomuntuh Nya Yahudi wah Istana Imam Daiik dik Borodaan Kayafas. ⁴Dieetn boorudoonkg owankg roo ndokop Yesus nginyak Tipu muslihat nyak roo ngkomiis. ⁵Balo pun bopiker, "Yook Kodak libo onu Raya,sopaya kidoh kapingk nya Pongacao wah anatara rayoot."6Masa nyen Yesus monae wah Betania,wah rominkg Simon nya Kusta.7Odoh tek naan ndayonkg meet buli-buli pualam borobih minyak wangi dik mahal.Minyak nyen nih modaak koni buruuh baak Yesus,libo dudok duok.8Leek pongodie, wook nyen murid-murid Yesus ndoruuh domp,"Nyak mo oneh ngkosiik minyak nyen?9Minyak nyen bah taok mo nyual geek nginyak roga dik mahal nyak mo panoh nganu ntoyaatn bagootn.10Tetapi Yesus taok ngkaatn pomiker balo,e sano,e:'Ngoneh mo mongki ponogoh ndayong to,?sbab domp jeh ngkodie pongodie baek nganu Koo.11Nih balo ntoyatn Bagootn solarat odoh wah mo.Tetapi Koo solalu monae ngan mo.12Nih domp nopus minyak nganu woonkg Koo,dop,e mongki toruutn roo nyak nyiapkan pongubur Koo.13Koo nyona koni mo: Sobonare wah keh maeh Injil to nih nyona ko sokayuk dunia,oneh dik kadie to roo nyak ngingaatn dompe."14Mosiik nyen tek naan obu balo sik kodukah bolas murid nyen dik borodaatn Yudas Iskariot koni Imam-imam Kopalok.15Sano domp:"Oneh dik roo punyok mo nganu Koo,sopayo taok Koo nyirah Domp koni mo?"Balo mayar toruh puru duet pirak nganu,e.16Mulae saat nyen domp mogao selah dik baek nyak nyirah Domp.17Libo pontojih onu raya Kue kae boragi moniklah balo murid Yesus koni,e nyak nyna:'Wah keh Mo ngaso me mongki pojamuan Paskah nyak Mo?"18Samoot Yesus:"Nanu maeh kota dik borodaatn Oseh sano ngan koni,e:Pisiinkg Guru,onu Koo jeh monik;jonkg saiih rominkg-rominkg Koo roo ngraya Paskah samoh-samoh ngan murid-murid Koo."19lalu murid-murid domp ngkodie oneh dik sano Yesus nganu dieetn samel nyiapkan Paskah.20Libo ngoriipm onu,Yesus dudok duok bokadop samoh ngan kodukah bolas murid,e nyen.21Tungkah dieetn libo duok,sano domp,"Sobonare tek naan wah antara mo odoh dikk nyirah Koo."22Nginapm Paham dik susah bosonalah balo dik tek nganu dik kiitn,nganu Domp,e."Kae koo Ponompa?'23Yesus nyamot;"Domp dik borota samoh ngan Koo nciliip tongan,e nganu saih pingan to,domp haeek dik nyerah Koo.24Onak Monsia sajo siik obu sosuae ngan dik odoh totulis pongodie Domp.akan tetapi colakalah ntoyaatn nih dop,e Onak Monsia nyen nih nyerah.Sajo lobeh baek bah ontoyatn dik nyen kae nih ngkodooh."25Yudas,dik roo munyook Domp nyen nyamoot,sano,e:'Kae Koo,ya Rabi? "Sano Yesus nganu,e:"Mo nyen jeh nyona,e."26Sajo tungkah baloe ropot duok,Yesus miah kue nyobut borikat,samel nih ngrocaak,mosik nyen nyak manoh koni murid-murid Domp samel nyona,e:"Tiah ngane,naik maeh,to haeek woonkg Koo,"27Jeh mosik nyen Domp miah cawon,nyobut syukur samel munyok koni balo sano,e:"Sinop maeh,sidik mo,sik cawon to.28Sbab to lah doya-Koo pojanjian dik nih nyoyankg bagi obenkg nya nyak pongamputn dosa.29Nih oneh Koo nyona nganu mo;"Jaak siik ntooh Koo kae geek nyinop hasel kayo anggur to sampae koni onu Koo nyinop,e,yaitu dik bauh,borota samoh ngan mo saiih Korajaan Mankg-Koo."30Jeh mosik bonyanyi lagu pujian,Yesus pun obu ngan balo murid-murid Domp koni Doriik Zaitun.31Bosonalah Yesus nganu dieetn,e:"Ngoripm to sidik dieetn toguncankg iman mo nih Koo.nih odoh totulis,Koo roo ngkomis gembala gok balo domba nyen boponcar-piar.32Akan tetapi jeh Pomongkat Koo, Koo lobeh tiaatn sik mo nganu Galilea."33Petrus nyamot Domp;"Kamehpun baloe sidik toguncankg iman,e nih Mo,Koo sokali-kali kae."34Sano Yesus nganu,e;"Koo bosona koni mo,sobonare ngoripm to,libo gootn siap ngkokuuk,mo jeh nyangkol Koo toruh kali."35Sano Petrus nganu,e;"biarpun koo kobiis bosamoh-samoh Mo,koo kae kan nyangkol Mo,"Sidik balo murid pun bosona wook nyen geh.36Jeh moniklah Yesus ngan murid-murid,e koni aroonkg dik borodaatn Getsemani.Lalu Domp bosona nganu murid-murid,e;"Dudok gootn wah to,somontara Koo obu koih sotogal nyak Bodoa,"37Domp pun meet Petrus gok kodukah onak Zebedeus borota Domp.maka mulae lah Domp morasa ngigit gok jotiinkg.38Sano Domp nganu dieent."Owankg Koo maa susah,wook nyam roo kobek nyapm,e,Montok maeh wah to samel bojago ngan Koo,"39Domp agak maju ciik,samel sujud gok bodoa,boba,e;"Mankg Koo,laak sokirae maatn,adu maeh cawon to lalu siik Koo,tetapi yook lah wook dik owankg Koo,molainkan wook dik nih owankg Mo."40Mosik nyen domp balek nganu murid-murid,e nyen,jeh ndopat dieent libo biis.Domp bosona nganu Petrus:"Sajo kae sangiip kah mo bojago-jago sojaam maeh gok Koo?41Bojago-jago gok bodoalah,sopaya mo kae jotuuk koni poncuba nya,Minu sajo nyunot,tetapi badon lomah,"42Domp pun obu kodukah kali,e nyak bodoa,sano,e:" Siik maatn Mankg-Koo maak cawon to kae mungkin lalu siik Koo,kocuali pabila Koo nyinop,e,Jodilah owankg Mo!"43Jeh libo Domp balek,Domp pun ndopat dieetn tungkah biis,sbab motih balo,e maa borat.44Yesus ngadu dieent wah nyen samel obu nyak bodoa kotoruh kale,e siik nyobut doa dik nyen geek.45Mosik nyen Domp monik nganu murid-murid,e samel nyona,e koni dieent;Biis maeh ntoh,samel bolopa,Tileek,to jeh monik,bahwa Onak Monsia nih nyirah ko tongan ntoyaant dik bodosa.46Mongkat maeh,booh dop obu,Domp dik munyok Koo jeh nyomaak."47Libo Yesus gek ngomong moniklah Yudas,salah satu nya siik kodukah bolas rasul nyen,borota ngan domp jireeh ntoyaatn obenkg dik met ba,i podang gok polimah,tongaso imam-imam kopalok gok pomuntuh nya banso Yahudi.48Ntoyaatn dik nyerah Domp jeh tiaatn nyona tano to nganu dieetn:"Nya dik nih nodook,nyen lah domp,dakop maeh ngan."49Domp sogora maju bodopat ngan Yesus sanoe;"Salam ya Rabi,"samel nodook domp.50Yesus pun nyona domp:"Hae kawan,nih nyent kah nya mo monik?:"libo nyen sidik balo maju migoonkg Yesus lansonkg nokop domp.51Tetapi tek naan siik balo,e nyen sorota ngan Yesus nyulor tongan,e,noreek podang domp lalu nitook kopinkg hamba Imam daik nyen sampae tokopiik kopinkg,e.52Sano Yesus konie:"Purook gek podankg mo koni tanciinkg,mak oseh ngawook ba,i,maka domp sonirik jora nih ba,i nyen.53Sangka mo,Koo kataook nyona Mankg Koo,sopaya dop,e ngciriim lobeh siik dukah bolas pasukan malaekat nyak nulonkg Koo?.54Maak wook nyen,kameh wook roo nggonap ditotulis wah kitab suci,dik nyona,bahwa arus tojadi wook to?55Libo nyen geh Yesus nyona ntoyaant obengk;" Sangka mo Koo to ponyamun kah,sohinga mo monik meet sidik nya bopodang nyak nokop Koo? padahal tiap-tiap onu odoh dudok samel ngajor wah rominkg Ponompa,mo kidoh pahamp nokop Koo.56Ngoneh to sidik tojadi sopaya gonap dik odoh totulis saiih Kitab nabi-nabi."mosik nyen balo murid domp sidik obu ntiggal Yesus.57Jeh mosik nokop Yesus,dieent meet ngadop rajo Kayafas,Imam daiik,Wah nyen jeh borugook ahli-ahli Taurat ngan balo pomuntuuh.58Petrus pun ngajoh domp siik oju jangkok mowa kolasar Imam daiik,sotelah masok nganu saiih,domp dudok wah ropot balo pongawal nyak ngronong kosudah pongodi nyen.59Imam-imam kopalok,ngan soluruh Mahkamah Rogama mogao sangkiik palsu toradap Yesus,sopaya Dope dopat ukupm kobek.60Balo pun kidoh nopat ponyalah,walaupun obenkg nya bosaksi nglakoor.Tetapi pajooh monik dukah naan nya,61diik nyonae:"Ntoyaant nyen nyonae:Koo dopat ngrurooh Rominkg Ponompa samel mongki,e geek tempo toruh onu."⁶²Tokiitlah Imam daik nyen samel nyona Domp:"Kae geeh mo munyok samoot nganu tuduhan-tuduhan gok saksi-saksi toradap Mo?"⁶³Yesus pun totap monae.lalu sano Imam daiik nyen:"Demi Ponompa dik midop,sanolah koni me,siik maant Mo to Mesias,Onak Ponompa,atao kae,"⁶⁴Samot Yesus:"Mo soniriik jeh nyonae,Nih oneh,Koo nyona koni mo,jak siik ntooh mo kan ngronong Onak Monsia dudok sopiak tauh Diik Ma kuasa,e ngan monik romankg-romankg wah ronyent,"⁶⁵Sajo,e Imam daiik nyen pun ngriaas adoh Domp sano,e:"Domp ngkongin Ponompa.Nyak oneh gek dop porolu saksi gek? ntoh jeh mo ngopinkg dik ngkongiin Dop,e.⁶⁶Kameh ponapat mo?"Balo nyamoot samel nyona:"Domp arus tongukump kobek!"⁶⁷Doo,e balo ngrucooh jowi Domp lalu nampaar Domp;balo dik kiint mongkoonkg Domp.⁶⁸samel nyonae:"Baeek sano nganu me,o..Mesias,oseh kah dik mongkoonkg Mo?"⁶⁹Somontara nyen Petrus dudok wah sopa kolasar.Maka monik balo nya ndayoonkg nganue,sano,e:"Mo toe geeh dik bosamoh-samoh ngan Yesus,ntoyaant Galilea nyeN."⁷⁰Domp pun nyangkol wah jowi nya nyen,sano,e:"Kae toritii Koo oneh dik nih mo nyona."⁷¹Tulaak domp obu koni piga kore,tek naan hamba dik kiint leek domp samel nyona nganu balo ntoyaant dik odoh wah yeent:"Nya to bosamoh-samoh ngan Yesus nya Nazaret nyen."⁷²Libo nyen domp nyangkol gek samel bosumpah:"Koo sajo kae konal ntoyaant nyuh."⁷³Yook kotae mosiik nyen balo ntoyaant dik wah nyen monik nganu Petrus sanoe:"Pasti mo geh salah satu ntoyant sik baloe,to nyata siik boba mo,"⁷⁴Jeeh mulae Petrus ndoruuh samel bosumpah: "Kae kinal Koo nya nyen,"libo nyen geh siap ngkokuuk.⁷⁵Tingaant geh Petrus oneh toruunt dik sano Yesus nganue;"Libo goont siap ngkokuuk,mo jeh nyangkol Koo toruh kali,"Domp pun lalu somopa samel nongiis sakiinkg susah,e.

Chapter 27

¹Libo onu jeh roo nyowa,sidik imam kopalok,ngan balo pomuntuh nya Yahudi boruggok nyak miah koputusan nyak roo ngkomis Yesus.²Dieent niseet Dop,e,samel meet Domp nyak roo soniraah nya koni Pilatus,baak wali negri nyen.³Libo saat Yudas,dik munyok Domp,e,leek,bahwa Yesus jeh nih njotuuk hukuman kobiis,domp pun nyosal,lalu ngkorie duet perak nyen nganu imam-imam kopalo ngan balo pomuntuh.⁴Sano domp:"Koo jeh bodosa karena nyerah doya ntoyaant diik kae bosalah."Tetapi samoot baloe:"Oneh urusan me ngan mo? nyen urusan mo soniriik!"⁵Domp pun nompooh duet perak nyen ko saiih Romiinkg Ponompa,lalu obu siik nyen nyak ngantoong domp.⁶Imam-imam kopalok miah duet perak nyen samel nyona:" Kae buleh murook duet to koni saiih poti pesembahan.sbab to duet doya."⁷Mosik borunding balo bobiriih nyak duet nyen Poya dik sabutnya Poya Tukang Sampao nyak nya aroongk pongareen nya nyarooh.⁸Nyenlah sbab,e maka Poya nyen sampae ntooh sabutnya Poya Doya.⁹Nih wook nyen gonap lah boba dik sano nya nabi Yeremia;"Baloe ngrima upah toruh puru duet perak,nyen roga dik nih notap nyak nyunot nilae nya bolaku dik wah ropot ntoyaant Israel.¹⁰Balo pun munyok duet nyen nyak poya tukang sampao,wook dik jeh pisiinkg Ponompa koni koo,"¹¹Yesus pun nih meet ngadop wali negri,gok wali negri nyen miseek Dop,e:"Mo kah rajo nya Yahudi?" Samoot Yesus,:" Mo soniriik dik nyonae,"¹²Tetapi atas tuduhan pongajuan imam-imam kopalok ngan balo pomuntuh toradap Dop,e,Domp kae munyok oneh pun alasan.¹³Sano Pilatus nganue:"Kae kah Mo ngopingk sajo obenkg tuduhan saksi-saksi to nganu Mo?"¹⁴Tetapi Yesus pun totap kae nyamoot boba,sohinga wali negri nyen nyarooh.¹⁵Jeh jodi Kobiasa bagi Wali negri nyak mbebas kitek tawanan lobu tiap onu raya nyen sosuae koputusan ntoyaant obengk.¹⁶Libo nyen wah saiih ponjara odoh dik tokonal kobieek domp dik borodaant Barabas.¹⁷Nih balo,e jeh boruggok wa iih,Pilatus bopiseek nganu dieent:"Oseh kirae dik koowangk mo taook koo mbebas nyak mo,Yesus Barabas atau Yesus,dik sobutnya Kristus?"¹⁸Domp jeh ntaook,bahwa balo,e jeh nyerah munyok Yesus nih kodingki.¹⁹Libo Pilatus dudok wah bangku pongadel,Osao,e misingk agooh koni,e:"Yook gooh mo ncampur pongodie urusan nya dik bonar nyen,sbab nih Domp joraa koo nih wah saiih pimii koo ngoriimp jiih,"²⁰Tetapi nih gok pongasut imam-imam kopalok ngan balo pomuntuh,obengk nya botekad roo minta sopaya Barabas tombebas gok Yesus tongukump kobiis.²¹Wali negri nyamot nyona koni balo,e:"Oseh siik nya dukah naan to nyak koo tombebas bagi mo?"Samoot baloe:"Barabas,"²²Boba Pilatus koni baloe:"Maak wook nyen,oneh bah dik nyak koo kadie koni Yesus,dik sobutnya Kristus?"Sidik balo pun mangkoos:"Domp arus sonaleb!"²³Sanoe:"Kobiek oneh dik jeh nih domp ngkodie?"Nih nyen balo somakin koras mangkoos:"Domp arus sonaleb!"²⁴Libo Pilatus leek bahwa sidik usaha kidoh ritii,e,malah jeh somakin timol kokacao,domp pun miah piingk ngumeek tongane wah jowi ntoyaant obengk nyen,sanoe:"Koo kidoh ponyalah koo ngan doya nya to;nyen urusan mo soniriik!"²⁵Gok soluruh rayoot nyen nyamoot:"Adu maeh doya Domp tonangoongk nyak me gok balo onak cade me!"²⁶Domp pun mbebas Barabas nyak ntoyaant obengk,Yesus nih lasah samel nih munyook nyak tonyaleb.²⁷Mosik nyen balo sodadu wali negri meet Yesus koni gedung ngadop pongadel,samel nosu soluruh pasukan boruggok ngolilingk Yesus.²⁸Balopun nguleeh adooh Dop,e samel ngrosook jubah biru koni,e.²⁹Balopun njomeet tek biter mahkota roja samel nih ngona wah tunuuh baak Dop,e.samel munyok Dop,e tek kayo munte wah tongan tauh Domp.Mosik nyen baloe bolutut wah jowie samel ngolok Domp,sanoe:" Tabeek,o rajo nya Yahudi!"³⁰Balo ngrucooh domp,miah munte nyen samel ngomaat baak Dop,e.³¹Mosiik ngolok ngrinyengk Domp balo,e nguleh jubah nyen siik domp,mosiik nyen dieent meet Domp somopa nyak tonyaleb.³²Libo dieent bojaloont koluar kota,balo,e bodopat ngan tek naan nya siik Kirene dik borodaant Simon.Nya nyen nih maksa ngaso nyingkoongk saleb Yesus.³³Balo pun moniik wah doriik dik borodaant Golgota,Porugook Koruntook.³⁴Balo,e pun munyok Domp ngaso nyinop Anggur bocampur ompodok.Jeh Dop,e nocaap,Domp pun ngaak nyinoop,e.³⁵Jeh mosiik balo,e nyaleb Domp,dieent pun bobagi-bagi adooh Domp samel nih ngundi.³⁶Samel balo dudok wah nyen njago Domp.³⁷Waah somu baak topasangk tulisaant dik nyona alasan ngoneh Domp nih ngukuump:" To haeek Yesus Rajo Nya Yahudi."³⁸Borota Domp tosaleb dukah naan ponyamun,tek naan sopiak tauuh gok tek naan sopiak moyeet Domp.³⁹Balo ntoyaant dik nglalu,e jongk nyen ngkongiin Domp samel bogileek baak.⁴⁰Baloe nyona:" O..Mo toe diik roo ngrurooh Romiingk Ponompa samel roo mbangun saih tempo toruh onu,tonyolamant Mo,Maak Mo Onak Ponompa,tomonah siik atuh saleb nyen!"⁴¹Wook nyen geh imam-imam kopalok bosamoh-samoh balo ahli Taurat ngan nya pomuntuh ngolook Domp balo,e nyona:⁴²"Nya kiint Domp solamat,tetapi Domp soniriik kae dopat nyolamat,e!Domp rajo Israel? baeek mo tomonah siik kayo saleb nyen,baruuk me loongk pocayook koni Mo.⁴³Domp ngona aroop Domp koni Ponompa:Baeek bah Ponompa nyolamat Domp,maak dik Ponompa owangk nganu,e!Nih Domp jeh nyona:" Koo too,e Onak Ponompa."⁴⁴Bahkan balo ponyamun dik nih nyaleb nyen samoh gok Domp ncela geh wook nyen.⁴⁵Botojih jak siik jam dukah bolas pitii ngojoot sokayuuk idaar nyen takoor jam tiga.⁴⁶Kira-kira jam 3 Yesus pun mangkoos nyariing:"Eli,Eli, lama sabaktani,?"riti,e;"Ponompa,Ponompa,Ngoneh Mo ntiggal Koo?"⁴⁷Ngopiingk wook nyen,kudu naan nya dik tokiit wah nyen nyona,e:"Domp mpaau Elia."⁴⁸Sogira monik tek naan sik balo,e:Domp miah bunga karang,nih nciliip koni anggur mosiimp samel nih nyamongk ngan munte nyaak munyok koni Yesus.⁴⁹Balo ntoyaant dik kiint nyonae:Naduu,ngan baek dop leek,oneh koh Elia odoh monik nyolamat Domp."⁵⁰Yesus mangkos jangkook nyaringk samel motingk pongasoongk,e.⁵¹Tileek maeh,tabeer kore Romiingk Ponompa toriaas dukah sik somu koni sigaatn,tojadilah gempa bumi,balo doriik bobotuh mosiik porooh.⁵²Gok pongareetn-pongaretn tobukaak,ngan obengk ntoyaatn dik jeh kobiis mongkat.⁵³Jeh mosiik pomongkat Yesus,dieent pun somopa siik kubur,lalu masok nganu kota kudus,samel ngampoor dop,e koni ntoyaant obengk.⁵⁴Kopalok pasukan ngan balo tontara dik njaggo Yesus jodi jotiingk ngronong gempa bumi ngan oneh dik tojadi,samel nyonae:"Siik omaatn nya to sajo Onak Ponompa,"⁵⁵Ngan wah nyen obengk ndayoongk dik ngronong siik oju,yaitu balo ndayoongk dik ngajooh Yesus jak siik Galilea roo nyak nglayan Domp.⁵⁶Wah nyen odoh geh Maria Magdalena,ngan Maria nook Yakobus, ngan Yusuf,gok nook balo cade Zebedeus.⁵⁷Tulaak ngoriipm monik geh nya dik kaya,nya Arimatea,dik borodaant Yusuf dik jeh suah ngajoh jodi murid Yesus.⁵⁸Domp koni ngadop Pilatus samel roo minta bangkae Yesus,Pilatus morintah ntoyaant nyak munyok koni,e.⁵⁹Yusuf pun miah bangkae Yesus,mongki munyok adoh pocak puteh dik mopaau kilau,⁶⁰samel domp nggalae ko saiih kubur dik bauh nih nguceeh wah tuda saih botuh,mosiik nyen nggulingk botuh nyen nyak nitoop kore kubur nyen,domp pun obu.⁶¹Maria Magdalena ngan Maria dik kiint montook wah nyen nyomak jowi kubur nyen.⁶²Jeh maji babuut,e,oonu jeh posiapan,monik imam-imam kopalok gok balo ntoyaant Farisi bosamoh-samoh ngadop Pilatus.⁶³ Sidik balo,e nyona:"Tuan,tingaatn me,bahwa nya nyosat to libo midop,e nyona:"Jeh pongkosiik onu kotoruuh Koo kan mongkaat.⁶⁴Nih nyen naso ngan nya njaggo pongareetn nyen sampae onu kotoruuh;Maak kae,balo murid,e monik nyak roo nongku Domp.sano,e nganu rayoot:Dop,e jeh mongkat siik ropoot ntoyaant kobek,sohinga konoh pongodie pongkosiik lobeh parah siik dik pontojiih.⁶⁵Sano Pilatus nganu dieent:" To nya balo ponjaga nyak Mo,obu koih nonjaggo ngan pongareen nyen sobaek mungkin.⁶⁶Maka balo pun obu nginyak bantu balo ponyaggo nyen dieent nyen mongki materai kubur nyen.

Chapter 28

¹Jeh mosiik onu pantoongk lalu,tulaak onu majji sunsoongk wah onu pontojiih mingu nyen,borongkat lah Maria Magdalena gok Maria dik kiint,ngaboos kubuur nyen.²Saajo tojadi gooh gempa dik daiik sbab tek naan malaekat Ponompa tomonaah siik ronyeent moniik koni botuuh nyen lalu nguuliingk,e nyaak dudook wah somuu,e.³Jowii,e oneeh ubah wook cilaat ngan adooh,e wook oneh ubaah Salju.⁴Ballo ponyago-ponyago nyen mpojeet torunaa golaak tileek bakoo wook nya kobeek.⁵Niih to malaekat nyen nyona koni balo ndayoong nyen:"Yook gooh mo golaak;sbab ko taook mo pasti mogaao Yesus diik nih nyaleb nyen.⁶Dop,e kidoh wa to,sbab Dop,e jeh bangkit,samooh wook dik jeh nih Domp nyona.Booh,Tileek maeh aroongk domp nggalae.⁷Ngan sajoo sogira obu nyak nyona,e koni murid-murid,e bahwa Dop,e jeh bangkit siik ropoot nya kobeek.Domp ojaau tiaant ntiggal mo koni Galilea;Wah iih moo ngronoongk Dop,e.Sosunguh Koo nyona to nganu mo,"⁸Ballo,e sogira obuu siik kubur nyen,owaangk gollak gok sukacita diik daiik gok ngkoduuh copat samel nyona,e agooh koni murid-murid Yesus.⁹Siik Tiba-tiba Yesus bodopat ngan balo,e sano,e:"Salam nyak mo,"Balo,e nyomaak Dop,e samel mangkoop,e gok nyomaah Dop,e.¹⁰Nyen boba Yesus nganu balo,e:"Yook golaak,morii samel sano maeh koni balo posiik Koo,sopaya balo,e obu koni Galilea,ngan wa iih lah balo,e ngronongk Koo."¹¹Libo balo,e wah ropoot joraant,moniik banso kudu naan nya ponyago nyen koni kota nyak nyonaa sogala dik tojadi nyen koni imam-imam kopalok.¹²Jeeh mosiik boraiimp ngan balo pomuntuuh,balo,e miaah koputusan lalu nih munyook wah jomilah daiik duet nganu balo tontara nyent.¹³samel nyona,e:"Mo arus nyona,e,bahwa murid-murid,e moniik ngoriimp-ngoriimp nyak nongku,e tungkah mo lilook biis.¹⁴Maak pabila agooh to oduk kapiingk nya wali negri,me kan ngomong ngan Domp,sohinga mo kae dopat ponogooh oneh-oneh.¹⁵Balo,e ngrima duet nyen gok bobuat wook dik jeh nih misiingk nganu balo,e.Gok corita to tosiaar wah balo nya Yahudi sampae saat ntooh.¹⁶Gok kosobolas murid nyen borongkat koni Galilea,nganu Doriik dik jeh nih Yesus nijuuk koni balo,e.¹⁷Libo leek Dop,e balo,e nyomaah Domp,tetapi kudu naan maeh gek ragu-ragu.¹⁸Yesus nyomaak balo,e samel nyona:"Koni Koo jeh nih munyook sogala kuasa wah sobayoont ngan wah bumi.¹⁹Niih nyen morii maeh,jodi maeeh sidik banso murid-Koo ngan tombaptiis ngan,e balo,e wah odaant Maangk gok Onak ngan Minu Ayu,20Ngan najoor maeh balo,e ngkodie sidiik toruunt dik jeh Kooporintahkan koni mo.ngan nontaook maeh,Koo ngrotta mo sonantiasa sampae pongkosiik sowa."

Mark

Chapter 11To haeek pontojiih Injil pongodie Yesus Kristus,onak Ponompa.

²Wok dik odoh totulis wah saih kitab nani Yesaya;" Tileek maeh,Koo ngaso utusan koo nlalu tiaant sik mo,dop,e roo nyiap mongki joraant nyak- mo;³odoh boba nya dik mangkos- mangkos wah padang gurun: Soniap maeh joraant nyak Ponompa,tomujoorlah joraant nyak dop,e.4Woknnyenlah Yohanes pombaptis maju wah padang gurun samel mangkos;" Botobatlah gok punyok lah todop mo nya tombaptis gok Ponompa akan ngampuun dosa moo,"5 lalu moniklah koni,e nya ntoyant sik soluruh daerah Yudea gok sidik ponduduk Yerusalem,gok samel ngaku dosa,e dieent,te nih baptis wah piingk Yordan.6 Yohanes nginyak jubah buruh unta gok ponyontiing kureet,gok pongudap,e buntaak ngan madu yoop.7To haeek dik tosona; " mosik koo roo monik dop,e dik lobeh bokuasa sik pado koo;mbungkok gok mukaak toriih sopatu- dop,e pun koo kae layak.8Koo mbaptis moo nginyaak piing,totapi dop,e roo mbaptis moo nginyak minu suci,"9Libo onu nyent Yesus monik sik Nazaret wah poya Galilea,gok dop,e nih mbaptis wah piing Yordan nih Yohanes.10Libo saat dop,e simaak sik piingk,dop,e ngronong ronyeent toriaas,gok Minu wok monook merpati tomonah koni somu dop,e.11Lalu tokaping boba nya sik sobayoont;" Sajo Moo lah Onak- koo dik nih ko ngaseh,koni- moo lah Koo bopaham."12Sogira mosiik nyent Minu minah ngiriing dop,e koni padang gurun.13Wah padang gurun nyen dop,e montook empat puru onu kotaae,nih iblis ntaruu,dop,e monae wah iih gok daang bonatang liar gok malaekat- malaekat ngopiik dop,e.14Mosik Yohanes todokop monik lah Yesus nganu Galilea nyobar nyiar Injil Ponompa.15Boba,e," Onu,e jeh roo gonap: Korajaan ompik Ponompa jeh somaak.Botobatlah gok pocayoklah koni Injil."16Libo Yesus tungkah bojaloont ngrutaas danau Galilea,dop,e leek Simon gok Andreas,posik Simon.Dieent,te tungkah nompooh jallo wah donu,sebab dieent te,ponyalo baook.17Yesus bosona koni dieent,te; " Booh,najeeh maeh koo gok moo naso koo jodi ponyalo," 18Lalu dieent pun sokadook ntigal jalo,e gok ngajeh Dop,e.19Gok mosik nyent Yesus ngroruu Ponyaloont dop,e ciik geek,dop,e leek Yakobus,Onak Zabedeus,gok Yohanes posiik,e tungkah nyimpoor jallo,e wah saih oruut.20Yesus sogira mpaau nosu ballo,e gok ballo,e ntigal mangk,e, Zebedeus,wah saih orut bosama nya uranngk kuli,e lalu ngajeeh Dop,e.21Dieent,te monik wah Kapernaum,pas libo onu mingu mulae,Yesus sogira masok koni wah saih roming gorija samel ngajoor.22Ballo,e takjub ngopingk pongajoor dop,e,nih dop,e ngajoor ballo,e sobagae nya dik bokuasa,kae wok ahli- ahli Taurat.23Pado onu libo nyent wah saih roming gorija to odoh tek konaan dik komasok minu kobieek.nya nyent mangkoos.24" Oneh urusan moo ngant me, oe Yesus nya Nasaret? Mo monik roo ngkomis mee? Koo taook ngkaant oseh moo; Dik Kudus sik Ponompa."25Totapi Yesus ngdoruuh domp,e, kaant dop,e; Motiingk,koluar maeh sik dop,e.! 26Minu dik kobieek nyen nguncangk- nguncang nya nyent, gok samel obu mangkos nyaring dieent te, koluar sik dop,e.27Ballo sidik nyarooh,sohinga ballo,e boroomongk,ngomong; " Oneh to? toruunt pongajor bauh.Dop,e boboba jantooh ngant Kuasa,Minu- minu dik kobieek pun nih dop,e ngrintaah gok dieent tunok patoh koni dop,e.28Lalu tosobaar sajoo copat oagooh pongodi dop,e koni sogalo sidik ponjuru wah sokayuk Galilea.29Sorota koluar sik roming somayangk nyen Yesus ngant Yakobus gok Yohanes borongkat koni romingk Simon gok Andreas.30Nook datoo Simon nggaring nih monaamp mongooh,ballo,e sogira nyona boba koadaan,e koni Yesus.31Dop,e borongkat koni aroongk ndayoongk nyent,samel migoongk tongan,e dop,e nggoraak domp,e.Lalu moyaamp maeeh mongooh,e, Mosik nyent nya ndayong nyen njamu dieent,te.32Nyolang ngoriimp,mosik motih onu tongiliip,nih meet koni Yesus sidiik nya dik oduk konaamp gok dik korasukan minu muunt,33Maka borugook sidiik soluruh obiih kota nyent wa jowi koree.34Dop,e nompaal obeengk nya dik joraa bonacam- macam konaamp samel ngkobu sitaant; Dop,e kae ngaso buleh muunt nyent ngomong,nih ballo jeh ngonaal dop,e.35Sajoo majii sunsongk,libo onu maji gek pitii,dop,e mongkat gok obu koni sopa.dop,e obu koni arongk dik sunyik samel bodoa wah nyuh.36Totapi Simon gok ballo dingan,e ngosiik dop,e; 37Libo bodopat dop,e bojantoh;" Sidik nya mogaoo moo,"38Samoot dop,e: " Booh dop obu pinaah nganu kiint,koni kota- kota dik bosomaak,supayo wa iih ko geh mbrita Injil,nih nyak nyen ko jeh monik,"39Lalu borongkatlah dop,e koni soluruh Galilea samel nyobaar Injil wah saiih roming- roming somayaangk dieent,e samel ngkobu ballo muunt.40Tek konaan monammp kusta monik koni Yesus,samel domp,e bolutut wah jowi,e domp,e minta mohon tulongk,boba,e; " Maak moo loongk,moo taok dopat tahirkan koo,"41 Maka togoraaklah oti,e nih komasee,lalu domp,e nyuloor tongan dop,e,migongk nya nyent samel bojantoh koni,e; Koo loongk,jodilah moo tahir." 42Sokotika nyen moyaamp sidik konaamp kusta nya to,gok domp,e jodi tahir.43Sogira dop,e ngaso nya nyen obu samel boromaant bopisiingk; 44" Tingaant maeh,yok moo ngragoh oneh- oneh pongodi hal to koni oseh nya pun,totapi koiih,nampoor maeh bako moo koni imam gok tonyumbang maeh nyak kobaeek mo wok dik jeh Musa ngrintah,nyak bukti bagi ballo,e.45Totapi nya nyent obu nyona agooh pongodie nyen sameel nyonae kokeh- kokeh,sohinga Yesus kae dopat gek bisa loluasa masok koni kota.Dop,e montook wah luar wah arongk dik sunyik;Namun nya solalu geeh moniik koni,e sik sogalo ponjuru.

Chapter 21Mosik nyent,solangk lalu banso kudu onu,libo Yesus monik gek koni kapernaum,tosobar sidik agoh,bahwa dop,e odoh wah romiingk.2Maka monik lah sidik ntoyaant bojaloh- jaloh sohinga kidoh gek arongk,bahkan wah jowi mao kore pun kae dopat.Somontara dop,e nyona Firman Ponompa koni ballo,e.3odoh nya ntoyaant monik nih meet koni dop,e tek konaan dik lumpuh,nih nya nyintaang empat konaan.4Totapi ballo,dieent kae dopat meet koni dop,e nih nya sallo obeng.lalu ballo,e mukaak buboongk romiingk sik somuu; mosik tobukaak ballo,e ntonaah tilaamp,badaah nya dik lumpuh nyen tih tobariingk.5Kotika libo Yesus leek iman ballo,e, bojantooh lah dop,e koni nya lumpuh nyent; " Hae onak- koo,dosa moo jeh toampunt!" 6Wah nyent odoh geeh dudook banso kudu konaant ahli Taurat,ballo,e bopiker wah saiih owaangk maeeh.7" Ngoneh nya to ngomong wok nyent? dop,e nghujat Ponompa.Oseeh dik dopat ngampuunt dosa solaing sik pado Ponompa soniriik?"8Tetapi Yesus sogira taook wah saiih otii,e, bahwa ballo,e bopiker wok nyent,lalu dop,e ngomong koni dieent,te; " Ngoneh moo bopiker wok nyen wah saiih otii moo? 9Keh kah lobeh mudah nyona koni nya lumpuh to; Dosamu jeh toampuunt,atau nyona,e; Mongkaat maeeh,tongkat geh tilaamp moo gok bojaloont?10Tetapi sopayo moo taook,bahwa wah dunia to Onak Monsia bokuasa nyak ngampuni dosa"- bojantohlah dop,e koni nya dik lumpuh nyent.11"Koni moo Ko nyona,e, mongkaatlah,tongkat aroongk pomiis moo,gok samel morii maeh koni romiingk mo!"12 Gok nya nyent pun mongkat,sogira ngongkat aroongk pomiis domp,e samel koluar morii wah pongadop nya nyent,sohinga ballo,e sidik takjub iraant lalu momuliakan Ponompa,boba,e:" Dik wok to goont suaah dop leek,e".13Mosik nyent Yesus borongkat geek koni pantae danau,gok soluruh nya obengk moniik koni dop,e,lalu samel dop,e ngajoor ballo,e.14libo kotika domp,e lalu bojaloont wah yeent,Dop,e leek Lewi onak Alfeus dudok wah romiing pajak lalu dop,e boromong koni,e;"Najehlah Koo!"Maka tokitlah Lewi lalu ngajooh Dop,e.15Mosik nyent libo Yesus Duook wah romiing nya nyent,obeng ponageh pajak gok nya dik bodosa duook bosamoh -samooh ngant dop,e gok murid-murid dop,e sobab nih korina obeng nya dik roo ngajooh dop,e.16Libo onu ahli- ahli Taurat sik golongan nya Farisi ngronong,bahwa dop,e duok ngant ponageh pajak gok nya dik bodosa nyen,bopiseklah ballo,e koni murid-murid,e:"Ngoneeh dop,e duook boroota gok ponageh pajak ngan nya bodosa?"17.Yesus ngopingk,nge samel ngomong koni dieent,:"Kae nya ntoyant dik sehat morolu tabib,totapi nya monaamp;Koo moniik kae nyak nosuu nya bonar,molainkan nya bodosa."18Libo onu haeek libo murid-muriid Yohanes gok nya Farisi tungkaah bopuasa,moniiklah balo nya gok nyonae koni Yesus;"Ngoneh murid-murid Yohanes gok onak buah nya Farisi bopuasa,totapi murid moo kae?"19Sonamoot Yesus koni dieent,e;"Dopatkah balo koyongk ponganteen ndarii bopuasa sedang ponganten nyen bosamoh dieent? mak solama ponganten nyent borota ballo,baloo,e kae dopat bopuasa.20.Totapi odoh libo moniik ponganteen nyen nih nya miaah sik dieent,gok libo nyenlah ballo,e roo puasa.21 Kidooh oseh nya pun namool rocaak adooh dik goont susot wah bojuh dik dokot,nih jika wok nyent ponamool adoh nyen akan toriaas,dik bauh ngriaas dik muntuh,lalu makin daiik pula kijaat nyeen.22.Domikian geh kidoh nya ntoyaan pun dik ngisiik angur dik bauuh koni kantong kuret dik jeh muntuuh,nih wok nyeen anggur nyen akan nggriaas kantong nyen,sohinga anggur gok kantong kuret nyen samoh nyak batoont.Tetapi anggur dik bauuh soarus,e tongonaa wah kantong dik bauuh geh,"23.Odoh libo onu,e,libo onu mingu,Yesus bojaloont wah miih ganduum,Libo samel bojaloont balo murid ngrutiik gandum.24Maka sano nya ntoyaant Farisi koni,e;"Tileek,!Ngoneh Ballo,e bobuat korija dik kae naso buleh libo onu minggu?"25Sonamot dop,e Koni ballo,e;Goont suaah aek moo maca oneh dik nih Daud Ngkodie,Libo domp,e gok nya dik ngajooh dop,e tacooh bagoont ngant sobirook, 26Kameeh domp,e masok koni romiing Ponompa libo Abyatar monjabat sobagae Imam Daik lalu duook kue mpaant saji nyent- dik kae buleh Naiik kocuali nih imam-imam - samel dop,e munyok koni gok balo onak buah,e.27lalu kaan Yesus koni dieent,te; Onu minggu nih ngkodooh nya monsia gok kae monsia nyak onu mi nggu.28jodi onak monsia sajoo haeek Ponompa wah onu minggu.,"

Chapter 31.KEMUDIAN Yesus masok geek ko roming somayaangk.Wah nyen odoh ntoyaant dik kobek sopiak tongan,e.2 Ballo,e ngratii Yesus,mak oseh ntaook Dop,e ngkurii nya nyuh libo onu minggu,sopayo ballo,e taok dopat mogao ponyalah dop,e.3.Boba Yesus koni nya dik kobek sopiak tongan nyen;"Kotoo,Tokiitlah wah tuda!" 4Komudian boba dop,e koni dieent,te,;Keeh kah dik arus taook libo onu minggu,bobuat baeek atau bobuat kobieek,nyolamaat nyawa nya atao ngkomeek nya?" Tetapi dieent nyent monae maeeh.5Dop,e ndoruuh nih kotingeeng ballo,e samel ndoruuh dop,e ngronong sokayuuk,e koni dieent lalu dop,e bosona koni nya nyent; "Suloorlah tongan moo!" gok domp,e nyuloor,e, maka baeek lah tongan nya nyen.6lalu koluar lah nya Farisi gok sogira bosokongkol ngant nya Herodian nyak roo komeek Dop,e.7Mosiik nyent Yesus gok onak muriid,e borongkat koni danau,gok obeeng nya sik Galilea ngajooh dop,e.gok nya sik Yudea geh.8sik Yerusalem,sik Idumea,sik soborangk Yordan,ngant sik daerah Tirus gok Sidon somakin obengk nya moniik koni dop,e.mosik dieent,te ngopingk sidik oneh dik nih dop,e ngkodie,9Dop,e ngaso balo murid,e nyodia tek buah oruut nyakk dop,e nih nya obeengk nyen,sopayo ballo,e kae sampae nyokoot,e.10Nih Dop,e nompaal nya obengk,sohinga sidik nya oduk konaamp,bosokot- sokoot nganu,e somuuk roo nokoop,dop,e.11Mak bilamana minu- minu kobieek ngronong dop,e,ballo,e jotuk tosungkoor wah jowi,e samel mangkos:" Moo lah Onak Ponompa." 12Totapi dop,e ngan koras ndoruuh ballo,e nyonaa oseh dop,e.Yesus nosu kodukah bolas murid13Mosiik nyen simaaklah Yesus koni somu tataae,,Dop,e nosu balo nya dik koowangk,e gok sidik nya balo pun monik nganu,e.14Dop,e mongki notap dukah bolas nya ngrotaa Dop,e gok nyak to ngutus mbrita nyona Injil.15Gok nih munyok kuasa nyak ngkobu sitaant.16Kodukah bolas nya dik nih dop,e nontu nyen ialah: Simon,dik nih munyok odaant Petrus.17Yakobus onak zebedeus,gok Yohanes posik Yakobus,dik kodukah,e nih munyok odaant Boanerges,dik boarti onak- onak gaooh,18mosik nyen Andereas,Filipus,Bartolomeus,Matius,Tomas,Yakobus onak Alfeus,Tadeus,Simon nya Zelot,19 ngan Yudas Iskariot,dik ngkianat Dop,eYesus gok Beelzebul20Mosik nyent Yesus masok nganu wah romiingk,Maka moniiklah nya obengk borugook pula,sohonga duook pun ballo,e kae dopat.21Libo kaum korabat,e ngopingk hal to,ballo,e monik owaangk roo miaah dop,e,sobab kaant nya dop,e kae waras gek.22Gok ballo ahli- ahli Taurat dik monik sik Yerusalem bosona;" Domp,e korasukan Beelzebul," gok:" ngan pongulu setan dop,e ngkobu sitan."23Yesus mpaau ballo,e,lalu bopisingk nganu ballo,e wah porumpamaan,;" Kameh iblis dopat ngosaar Iblis? 24Maak toruunt korajaan ompiik bopocah- belah,Ompiik nyen kae kae dopat botahan.25Gok maak suatu romiingk lawoongk bopecah- pecah,romingk lawoongk nyen kae dopat botahaan.26Wook nyen geh maak Iblis borontak nlawoont domp,e soniriik gok kalau dop,e tobagi- bagi,dop,e kae dopat botahan,molainkan jehlah monik kosudaah,e.27Totapi kae ntoyaant pun dopat masok romiingk nya dik kuat nyak ngrampos bonaa ritaa,e apabila kae tiseet goont,e nya kuat nyen.Sesudah nyen barulah dopat dop,e ngrampok romiingk nyen.28Koo bosona nganu moo; Sosunguh,e sidik dosa gok sunguunt onak cade monsia akan toampuni,iik,sidik sunguunt dik ballo,e sabuut.29Tetapi apabila ntoyaant ngsunguunt Minu suci,dop,e kae nopat ampuunt sampae pajii,e,molainkan bosalah niih bobuat dosa kokal," 30Dop,e bosona wok nyen nih dieent,e nyobut bahwa dop,e korasukan minu kobieek.Yesus gok dorumak posiik,e.31Lalu moniklah nok ngan posiik- posik Yesus,somotara ballo,e tokiit wah luarr ngaso nya mpauu Dop,e.32Odoh nya obengk dudok nglilingk dop,e,ballo,e bosona nganu,e;" Tileek mak gok posik- posik moo odoh wa luar,roo borusaha bodopat moo,"33Samoot Yesus nganu ballo,e: " Sia- sia nok koo gok oseh posik- posik Koo?" 34Dop,e ngronong nganu nya- nya dik dudok wah sokolilingk,e nye samel boboba;" To mak- koo gok posik- posik Koo!35 Barongoseh ngkodie koowangk Ponompa,dop lah posik- koo nya ndari,dop,e lah posik- Koo ndayoongk,Dop,e lah nok Koo,"

Chapter 4Porumpamo hal ntoyaant pongumpaant.1Pado libo onu Yesus nojiih pula ngajoor wah tobiing donu,maka moniklah nya obengk dik sajo jomilah daiik borugook nganu dop,e, sohinga dop,e simak koni tuda oruut dik libo bolabooh lalu dudok wah nie,sodangkan sidik nya obengk nyen wah doiih,wa tobiingk donu nyen.2Gok dop,e ngajoor obengk hal wah porumpamo koni ballo,e.Wah ajaran dop,e nyen dop,e bosona nganu ballo,e;3" Kapiingk bah! Siik maan nya ntoyaant pongumpaant koluar nyak ngumpaant.4Libo onu nyen dop,e noboor sobagi binii nyen jotuuk wah tamiingk joraant,lalu moniklah monook gok motook sampae mosiik.5Sobagi jotuuk wah poya dik bobotuuh- botuh,dik kae obeng poya,e,lalu binii nyen pun sogira timu,nih poya,e nopiis.6Totapi mosik motihonu timuu,layolah dop,e gok jodi koriingk nih kae bowaat.7Sobagi gek jotuk wah tuda rampo boroja,lalu makin daiiklah rampo nyen gok ngonyaang dop,e sampae kobis,sohinga dop,e kae bobuah.8Gok sobagi gek jotuuk wah poya dik baek,dop,e timu ngan kosubuur,e gok bobuah,hasel,e odoh dik toruh puru kali lipat,odoh dik niim puru kali lipat,odoh dik soratus kali lipat.9Kaant dop,e: "Oseh mpoo kopiinhk nyak ngopiingk,hendak maeh dop,e ngopiingk,"10Libo dop,e todoop,Pongajeh- pongajeeh dop,e gok kodukah bolas murid nyen miseek dop,e ritii porumpamo nyen.11Samoot dop,e;" nganu moo jeh nih munyok roosia korajaan ompiik Ponompa,totapi koni nya luar sidik toruunt nih nyona wah porumpamo.12sopayo; Sokalipun ngronong,ballo,e kae nangap,sokalipun ngopiingk,ballo,e kae toriiti,,sopayo ballo,e yok bobalek ngan dopat ampuunt.13Lalu dop,e bosona nganu ballo,e:" Kae kah moo ngritii porumpamo to? Mak wok nyen kameh moo dopat roo mahami sidik porumpamo dik kiint? 14Ponabur nyen nyoboor forman.15Nya- nya dik wah tobiingk joraant,aroongk firman nyen nih nyobor,too haeek ballo,e dik ngopiingk firman,lalu moniklah Iblis samel miaah firman dik bauuh nih nyobor wah saiih ballo,e.16Wook nyen geeh dik nih nyoboor wah poya dik bobotuh- botuh,ialah nya- nya dik ngopingk firman nyen ngan lansongk ngrimaa sajoo kobaeek,e.17Tetapi ballo,e kae boowat gok somuk tahan sotogal maeh,apabila mosik nyen monik ponindasa atao ponganiyaan nih firman nyen,ballo,e lansong murtad.18Gok dik kiint too dik nih nyobor wah tuda rampoo roja,nyenlah dik ngopingk firman to.19Lalu kowateer dunia to gok tipu daya kokayaan ngan koowangk nganu toruunt dik laingk masoklah nyontook firman nyen sohinga kae bobuah.20Ngan akher dik nih nyobor wah poya dik baeek,ialah nya dik ngopingk ngan nyamuut firman nyen lalu bobuah,odoh dik toruh puru kali lipat,odoh dik nim kali lipat,gok odoh dik soratus kali lipat."Porumpamo hal polita gok hal ukuran.21Lalu Yesus bosona koni ballo,e:"Nya meet polita kae sopayo tongona wah sigaant gantang atao wah aroongk pomiis,molaikan supayo tongona wah somu koja badaah,22Sebab kae odoh toruunt dik tosukaant dik kae roo sanoo,gok kae odoh toruunt dik roosia dik kae akan tosobut.23Barongoseh mpoo kopiingk nyak ngopingk,hendaklah domp,e ngopiingk,"24Lalu dop,e bosona geek:"Cam maeeh oneh dik nih moo ngopingk! Ukuran dik nih moo nginyak nyak ngukur roo tongukur nya nganu moo,gok wah samping nyen akan nih noduuk koni moo.25Niih oseh dik mpoo,nganu,e akan nih munyok,totapi oseh dik kae mpoo,oneh pun geh dik odoh wa dop,e akan totiah sik dop,e.26Lalu boba Yesus:"Wook to haeek hal korajaan ompiik Ponompa nyen,:soumpama nya dik noboor bini wah poya,27Lalu libo ngoriimp onu domm,e biis gok nyowa onu dop,e mongkat,ngan binii nyen ngluaar tusook gok tusook nyen makin domiik,kameh wook,tojadi kae oduk taook nya.28Bumi ngan soniriik ngluar buah,pontojih mongki tangkae,lalu boongang,mosik nyen biter- biter dik bunuk obiih,e wah saih oongang nyen.29Apabila buah nyen jeh boyaah mosak,nya nyen lokas ngariit,e,sobab musim ngotiimp jeh boyaah,e.30.Kaant,nya geek:" nyak oneh hendak dop mbaniingk ompiik Korajaan Ponompa nyen,atau ngan porumpamo dik keh kah sobonar,e dop munyok gamarr,e? 31Hal korajaan nyen wok ruaangk biteer sawi dik nih nyobor wah poya.Memang ruangk nyen paling ciik,e sik gok sogala jenis bini dik odoh wah bumi.32Tetapi mak dop tosoboor,dop,e timu gok jodi lobeh daiik sik gok macam ponaee dik laingk gok ngluar gok ballo daant dik daik,sohinga ballo monook wah somu taok mongki sorii,e wah ribu,e."33 Wah obengk porumpamo dik somacaamp to dop,e nyona,e firman koni ballo,e sosuae ngan pengertian ballo,e.34 gok mak tanpa porumpamo nyen,dop,e kae bosona boba nganu ballo,e,tetapi koni balo murid,e Dop,e ngurae sidik toruunt socara tosoniriik.Buaak jodi nih nogaak.35Libo onu nyen,libo onu jeh roo pitii,Yesus bosona nganu ballo,e;"Booh dop bopinah nganu dipaah."36Ballo ntiggal nya obengk nyen lalu bopinah koni dipaah samel meet Yesus ngan dieent,e wah saiih oruur wa keh Yesus jeh dudok gok orut- orut kiint geeh ngrota Dop,e.37Lalu ndoruuh buaak sinooh dik maa jodii,e gok golumaangk manciik masok wah orut,sohinga orut nyen mulai nojih bunuk nih piingk.38Libo saat nyen Yesus tungkah biis wah guloongk tilaamp.Maka ballo murid,e,nggoraak dop,e samel bosona nganu,e: "Guru,Kae poduki moo aeek mak dop bonasa?"39Dop,e pun mongkat,ngosaar buaak nyen gok samel bopisingk nganu donu nyen:" Monaae,!Tenang bah!" lalu buaak nyen motiing gok donu nyen jodi monae kidoh ritook,e.40Lalu dop,e bosona koni baloo,e:"Ngoneh moo bogitu sajo poncauunt? ngoneh moo kae pocayook?"41 Ballo,e jodi nyarooh golaak gok samoh ngronong kah tingah;" Oseh sobobarnya nya to,sohinga piingk ngan donu pun patooh nganu dop,e.?

Chapter 5Yesus ngosaar minu kobieek sik nya Gerasa.1Lalu moniklah ballo,e sik dipash danau,wah daerah nya Gerasa.2Bauuh Yesus roo tomonah sik oruut,monik nya dik korasukan minu biek sik pongareent bodopat gok Dop,e.3Nya nyen monae wa iih ngan kidoh dik odoh tek konaan pun nya gek dik sangip niseet,e,sokalipun ngan rantae,4Nih jeh malaar domp nih masiongk gok nih rantae,tetapi rantae nih motiik gok pasongk,e nih ngompas,sohinga kidoh ntoyaant pun dik cukup kuat nyak roo njinaak,e.5Nyowa ngorimp domp bokoliar ntiao wah tunuh pongareent gok dampoh doriik samel mangkos- mangkos gok mongkong dop todop ngan botuh.6Libo dop,e leek Yesus sik ojaau,ngkoduhlah dop,e bodopat ngan,e lalu nyomaah Dop,e.7Gok samel koras dop,e mangkos:"Oneh urusan moo ngan koo hae Yesus Onak Ponompa Dik Maha domiik?Demi Ponompa, yok nyiksa jora koo!"8Nih libo goont haeek Yesus bosona koni,e:Hae moo minu kobieek! Koluarr sik nya to!"9Mosik nyen dop,e bopisek koni nya nyen; " Oseh odaant moo?" Samoot,e; Odaant koo Legion,nih mee obeengk," 10Dop,e sajo minta tulongk Supayo Yesus yok ngosaar minu- minu bieek nyen koluar sik daerah nyen.11Odoh kuhaeek wah iih wah tamingk dampoh bojireeh jomilah kobengk janeek tungkah mogao pomakont,12lalu minu- minu bieek nyen minta nganu,e,samot,e:" Naso maeh mee pinaah nganu saih janek- janek nyen,adu,e me monae wa nie,!"13 Yesus ngabul pomintaan ballo,e.lalu koluar minu- minu biek nyen gok masok janek- janek nyen.Jaloh janek dik kira- kira dukah ribu kobengk nyen ngrojok sik tobingk orongk koni wah danau gok mosik kobiis wah saiih.14Maka obulah Ponunguk- ponunguk janek nyen samel nyona hal toruunt too wah kota gok ompik- ompik sokitar,e.Lalu koluarlah sidik nya ngronong oneh dik tojadi.15Ballo,e monik nganu Yesus gok ngronong nya dik korasukan nyen dudok,jeh kobojuh gok jeh waras,nya dik jih korasukan legion nyen,maka ballo,e jodi golaak.16Ballo nya ntoyaant dik jeh leek soniriik hal to bocorita nganu ballo,e oneh pongodi dik jeh tojadi nganu nya dik korasukan setan nyen,gok hal janek- janek nyen.17Lalu ballo,e ndesak Yesus sopayo dop,e ntiggal daerah dieent,e.18Libo cak saat Yesus roo simak gek nganu wah oruut,nya dik jiieh korasukan setan mintaa,supaya domp,e binan,e ngajooh Dop,e.19Yesus kae ngaso,e,tetapi dop,e bosona koni nya nyen:" Morii maeh ko romiingk moo,nganu nya kah koompik moo ngan sano maeh nganu ballo,e,sidik toruunt dik jeh nih ngkodi Ponompa nyak moo gok kameh nyam domp dik jeh ngaseh moo,! 20Nya nyen pun obu gok cak mulae nyobar agoh wah daerah Dekapolis sogala oneh dik jeh nih tokodi Yesus nganu dop,e gok nya nyen jodi herann.21Mosik Yesus mutaas gek ngan oruut,nya obengk bojireh- jireeh monik lalu nglilingk Dop,e.Sedangk Dop,e monae wah bubeeh donu.22moniklah ntoyaant baak kopalok romingk somayaangk dik borodaant Yairus.Libo dop,e leek Yesus tosungkoorlah domp,e wah jowi koja,Dop,e.23Samel mohon minta tuloongk nganu,e: " Onak koo dik dayoongk tungkah monaamp,hamper kobiis,monik lah kira,e tona tongan moo wah somu domp,supayo domp solamat ngan totap midop."24Lalu nanulah Yesus gok nya nyen,Nya obengk bojireh- jireh ngajooh dop,e gok bosokot- sokot nyomaak,e.25Odoh haee wah nyen tek konaang ndayoongk dik jeh dukah bolas sowa kotaae,monaamp pondarahan.26 Domp,e jeh boulangk- ulang kali nih ngkuri koni bobagae pongkurii,sohinga jeh mosik toruunt dik odoh wah domp,e,.namun samoh sokali kidoh foidah,e,malah sobalek,e koadaan makin jorraa.27Domp,e jeh ngopingk borita- borita hal Yesus,maka wah tuda obengk nya nyen domp,e nyomaak Yesus sik rutuuk sameel migoongk jubah dop,e.28Sebab kaant domp,e:" Asal koo njawae maeeh jubah,e,koo taok baeek."29 Sajo kontaant jam nyen,e togaklah pendarahan domp,e gok dop,nginaamp, bahwa woongk domp,e jeh baek sik konaamp,e30Libo kotika nyen geh Yesus ntaook,e: bahwa odoh tonaga dik koluar sik dop,e,lalu dop,e bobalek wah tuda obengk nya gok bopisek;"Oseh dik njawae jubah koo?"31Ballo murid,e nyamot;" Moo gak ngronong kameh nya- nya to bosokot- sokot nyomak moo,ngan Moo bopisek: Oseh dik njawae Koo?"32Lalu dop,e ngronong sokayuk nya,nyak leek oseh dik jeh ngkodi hal to.33Ndayoongk nyen,dik jodi golaak,e samel nggigit libo ntaok oneh dik jeh tojadi nganu dop,e,tampil maju gok tosungkoor wah jowi Yesus gok ngan tulus bosona sogala oneh toruuntnganu domp,e.34Maka boba,e nganu ndayoongk nyen;" Hai,Onak ko,iman moo jeh nyolamat moo.Moriilah ngan solamat gok baeeklah sik konaamp moo!"35Libo Yesus gek subaak ngomong moniklah nya sik lawobgk romingk kopalok roming somayang nyen samel ngomong:" Onak moo jeh Kobeek,oneh porolu gek moo nyusah payah Guru?"36Tetapi Yesus kae ngirao jantoh ballo,e samel boboba koni kopalok roming somayaang:" Yok golaak,pocayook maeeh!"37 Lalu Yesus kae ngasoo tek konaan nyapun sorota ngajeh,kocuali Petrus,Yakobus,ngan Yohanes posik Yakobus38Ballo,e monik wah roming kopalok roming somayaangk,gok wah iih jeh tileek,dop,e nya ntoyaant mukao,nongis,bocutak gok angkong nyariingk.39Jeh mosik dop,e masok dop,e bosona koni ballo nya nyen:" Ngoneh moo mukaao ngan nongiis? Onak cade to kae kobek,totapu biis!"40 Tetapi ballo nya sidik notaao dop,e.Maka kasoor,e sidik nya nyent,lalu dibeet maang gok nook onak cade nyen gok ballo,e dik bosamoh- samoh ngan dop,e masok nganu kamar onak nyen.41Lalu nih dop,e migoongk tongan cade nyen:" Hai onak,Koo bojantoh koni moo,mongkatlah!"42 Sokotika nyen geeh cade nyen mongkat tokiit ngan jaloont,nih umur,e jeh dukah bolas sowa,Sidik nya dik odoh ngajoh jodi tobongaam.43Sajoo bopisingk komaant koni ballo,e,supayo yok tek nya pun ntaook hal to,lalu Dop,e ngasoo ballo,e munyok cade nyen duok.

Chapter 6Yesus nih nulaak wah Nazaret.1Mosik nyen Yesus borongkat sik nyen gok monik wah ompik asol,e,libo murid- murid,e ngajeh Dop,e.2Libo onu Mingu Dop,e mulae ngajor wah roming somayangk gok jemaat dik obengk tobongaam libo ngopingk Dop,e gok ballo,bosona:" Sik keeh dop,e nopat sidik to? Hikmat oneh geh dik nih munyok nganu,e? Ngan mujizat- mujizat dik wok nyen kameh koh taook nih ngkodi tongan,e? 3 Kae kah dop,e to tukang koyuh,onak Maria,posikYakobus,Yoses,Yudas ngan Simon? Gok kae kah ballo posiik dop,e dik ndayoongk odoh bosamaha dop?"Lalu ballo,e kecewa gok kae ngangku dop,e.4Maka Yesus bosona nganu ballo,e:"Oneh ubah Nabi nih romat wakeh- wakeh kocuali wa aroongk dop,e sonirik,wah antara kaum lawoongk ngan wah romingk,e.5Domp,e kae dopat ngkodi tek mujizat pun wa iih,kocualu nompal banso kobengk nya monaamp nih ngokah tongan,e wah tunuh ballo,e.k.6aDop,e morasa heran nih kae pocayook ballo,e.Yesus nciriimp kodukah bolas rasul.7Dop,e nosu kodukah bolas murid nyen gok ngutus ballo,e ngroodukah- dukah.Dop,e munyok ballo,e kuasa sidik nyak gok minu- minu kobiek.8Gok bopisiingk koni ballo,e sopayo yok meet oneh- oneh wah ponyaloont ballo,e,kocuali songkut,kue pun kae buleh,bokalpun kae,duet wah saih poniset kopongk pun yok,9Taok nginyak alas koja,tetapi yok nginyak bojuh dukah.10Kaant dop,e mosik nyen koni ballo,e;"Maak tungkah wah aroongk moo jeh nih ngrima wah tek koromiingk.Monaelah wa nie sampae moo boronhkat sik aroongk nyen.11Gok maak odoh toruunt aroong dik kae ngrima moo maak ballo,e kae lugi ngopingk moo,koluar maeh sik nyen samel ngibao dobu dik odoh wah koja moo nyak poringatan bagi ballo,e.12Lalu borongkatlah dieent,e nyiaar nyona bahwa nya arus botobat.13gok dieent,e ngosaar obengk muunt,gok modaak obengk nya monaamp nginyak minyaank samel nompal ballo,e.Yohanes pombaptis nih komek.14Rajo Herodes gak ngopingk pongodi hal Yesus,sebab odaant,Dop jeh tokinal gok nya nyona,e;"Yohanes pombaptis jeh mongkat sik ropoot nya kobek ngan nyenlah sebab,e kuasa- kuasa korija wah saiih Dop,e,"15Dik kiint nyona,e:" Dop,e nyen Elia!" dik kiint nyona,e:" Dop,e nyen seorang nabi samoh wok nabi- nabi saeek seh,"16Libo Herodes ngopiingk hal to: dop boboba;" Kae,dop,e nyen Yohanes dik jeh nih koo ngopiik baak,e,gok dik mongkat lagi,"17Nih sajo Herodes gooh dik ngaso nya nokoop Yohanes gok nguroongk wah ponjara bohubung ngan poristiwa Herodias,osao Filipus posiik,e,Nih Herodes jeh miaah nyak osao.18Nih Yohanes suaah ngaboont Herodes:" Kae suaah nya moo miaah osao posik moo!" 19Nih nyen Herodes monaamp owaangk nganu Yohanes gok roo bomaksud nyak ngkomek dop,e,totapi kae dopat,20Sebab golaak,e ngkaant Yohanes nih domp taook,bahwa Yohanes sajoo nya bonarr ngan boriseh,jodi domp nglinoongk,e.Tetapi mak domp ngopiingk Yohanes,oti owaangk,e toombang- ambing ,namun domp morasa sinangk geh ngopiingk dop,e.21Akher,re monik geh kosompatan dik baek nyak Herodias,kotika Herodes libo onu malek sowa,e ngkodie pojamuan nyak ballo,pojabat- pojabat,e,ballo powira gok nya ntoyaant tokomuka wah Galilea.22Libo onu nyen cade dayoongk Herodias tampil lalu narii,gok dop,e ngonaak owangk Herodes ngan tamu- tamu,e.Rajo bosona nganu ndayoongk nyen:" Pinta maeh sik koo oneh dik koowangk moo,maka sajo koo punyok koni moo!"23lalu bosumpah nganu,e:" Oneh sidik toruunt dik moo piseek akan koo punyok koni moo,sokalipun sotongah bonarita sik korajaan ompik koo!"24Onak cade nyen obu gok bopiseek nganu nook dop,e: "Oneh dik arus koo pinta?" samoot,e;" Baak Yohanes pombaptis!"25Maka copat- copat dop,e obu nganu rajo samel bopinta:"Koo loongk,sopayo ntooh geeh moo munyok koo baak Yohanes Pombaptis wah tunuh midaangk!"26Lalu sajoo susaah pahaamp oti rajo,totapi nih sumpah dop,e gok nih tamu- tamu,e dop,e kae borani botulaak.27Rajo sogira ngrintah tek konaan pongawal ngan porintah sopayo miah baak Yohanes.Nya nyen pun borongkat gok ngopiik baak Yohanes wah ponjarra.28Domp meet baak nyen wah saih tunuh midaangk samel munyok nganu cade dayoongk gok ndayoongk nyen munyok gek nganu nook,domp,e.29Kotika murid- murid Yohanes ngopiingk hal nyen ballo,e monik samel miaah mayat,e,lalu nggalae,e wah saiih kubur.Yesus munyok ponduook rimiih ribu ntoyaant.30Mosik nyen rasul- rasul nyen morii borugoom ngan Yesus gok nyona,e nganu,e sidik dik dieent ngkodi ngan ajoor.31Lalu dop,e boboba koni ballo,e:" Booh maeh dop koni aroongk dik sunyiik,sopayo dop todop,gok boistirahat maeh sotogal!" Nih memang wok nyen kobeengk nya dik monik ngan dik obu,sohinga duok pun ballo,e kae sompat.32Maka borongkat ballo,e nyak ngkoyaap dop ngan oruut koni aroongk dik sunyiik.33Totapi libo ballo,e roo borinset obengk nya ngronong ballo,e gok ntaook tujuan ballo,e.samel miaah joraant doiih sogira geh monik nya sik sidik kota nganu aroongk nyen sohinga tiaant sik ballo,e.34Libo Yesus bosanar,Dop,e leek jomilah nya obengk,maka togoraak oti owaangk,e nih komasee koni ballo,e,nih ballo,e wok domba dik kae mpo pongiriingk,lalu mulaelah Dop,e ngajoor obengk hal koni ballo.35Libo onu jeh roo mulae ngoriimp,moniklah murid- murid,e nganu,e samel bosona:" Aroongk to sunyiik gok onu jeh mulae pngoriimp.36Nasoo maeh ballo,e obu,sopayo ballo,e dopat miriih tubiik wah Desa- desa ngan ompik- ompik wah sokitar to,"37Tapi samoot,e:" Moo aruus munyok balo,e duok!" kaant balo,e nganu,e; " Jodi aruskah mee miriih kue dik rogaa dukah ratus dinar nyak munyok balo,e duok?"38Tetapi dop,e bosona koni balo,e:" Kuduu kobengk kue dik odoh wa moo? Coba norisa!" Jeh moroosa,e ballo nyona,e: Rimiih kue ngan dukah baok,"39Mosik nyen dop,e ngaso ntoyaant nyen,sopayo sidik dudok bokolompok- kolompok wah tunuh iduh ijao.40Maka dudoklah balo,e bokolompok- kolompok,odoh dik soratus,odoh dik rimiih puru konaan.41Ngan mosik nyen dop,e miah rimih kue gok dukah baok nyen,Dop,e ngronong koni ronyeent samel ngucap borikat,lalu ngrocak- rocaak kue nyen gok munyok koni murid- murid,e,supayo tomagi- magi koni ntoyaant nyuh; wok nyen ngan kodukah baok nyen nih magi- magi koni soluruh ballo,e.42Gok ballo,e sidik duok sampae busooh.43Mosik nyen nya ngumpul kopik rocaak kue dukah bolas bakool bunuk,solaingk sik tisa- tisa baok.44Dik ngajeeh duok nyen odoh rimih ribu konaan nya ndarri.Yesus bojaloont wah tunuh piingk.45Mosik nyen Yesus sogira ngrintaah balo murid,e simaak nganu oruut samel borangkat lobeh tiaant koni dipaah,koni Betsaida,somontara nyen dop,e ngaso nya obengk morii.46Mosik dop,e bopisah sik ballo,e,dop,e obu koni dampooh doriik nyak bodoa.47Libo onu jeh ngoriimp oruut nyen jeh odoh wah tuda donu,sedang Yesus montok todop wah doih.48Libo Dop,e ngronong botapa togooh balo,e ngayooh nih buaak sinooh,maka kira- kira jam tiga ngoriimp dop,e monik nganu balo,e bojaloont wah tunuh piingk gok hamper roo nglalu balo,e.49Libo ballo,e leek Dop,e bojalont wah tunuh piingk,balo ngiraa bahwa odoh muunt,lalu balo mangkos- mangkos,50Nih balo sidik ngronong Dop,e ngan balo,e pun sajo tokojot.Tetapi sogira Dop,e bosona koni balo,e:" Tenang maeh!,To Koo, yok golaak!"51Lalu Dop,e simaak koni oruut bodopat balo,e,gok buaak pun monae geh.ballo,e sajo bingung ngan heraant.52sebab,mosik poristiwa kue nyen ballo,e goont geh toriti,ngan oti owangk,e totap polalis.Yesus nompaal nya- nya monaamp wah Genesaret.53Jeh pongkonik wah dipaah Yesus gok murid- murid,e bolaboh wah Genesaret ngan bosanar wah yeent.54Libo balo koluar sik oruut,nya sogira ngonal Yesus.55Maka bokosik- kosik balo,e koni soluruh daerah nyen gok mulae ngontik ntoyaant dik monaamp wah tunuh tilaamp,e koni Yesus,wah keh maeh odoh agoh pomonae,e.56Kokehpun dop,e obu,koni desa- desa,nganu kota- kota,atao koompik- ompik,ntoyant ngona nya- nya monaamp wah pasar samel minta mohon nganu,e,sopayo balo,e nih ngaso somuuk migoongl jubah- jubah dop,e maeh.Gok sidik nya dik migoongk-e jodi baeek.

Chapter 7Porintah Ponompa gok adat istiadat Yahudi.1Libo kala nyen bojireeh nya Farisi ngan kudu konaan ahli Taurat sik Yerusalem monik bodopat Yesus.2Balo ngronong,bahwa kudu konaan murid,e duok nyak tongan comeek,nginyak tongan dik kae nih ngumek.3Sebab ntoyant Farisi wok ntoyaant Yahudi laingk,e kae duok mak kae ngkodi pongumek tongan tiaant,nih balo,e botigoongk koni adat istiadat nek moyangk balo,e;4Gok mak morii sik pasar balo,e balo,e geh kae duok mak kalao kae tiaant ngumek domp,e.Obengk warisan kiint gek dik balo,e tigoongk,umpamo,e hal ngumek cawoont,payoont,gok pokakos- pokakos tomago.5Nih nyen nya Farisi ngan balo ahli Taurat nyen bopisek nganu,e:"Ngoneh murid- murid moo kae midop monurut adat- istiadat nek moyang dop,totapi duok ngan tongan comeek?"6Samoot dop,e koni balo,e:" Maant lah nubuat Yesaya pongodi moo,hai ntoyaant munafik! sebab odoh totukis: Banso to momuliakan koo ngan solomeer,e,padahal oti,e ojaau sik pado koo.7Pocuma balo,e somayangk koni koo,sedangkan ajaran dik balo,e ajarkan ialah porintah monsia.8Porintah Ponompa moo abaekan nyak botigoongk koni adat istiadat monsia."9 Yesus bosona geh koni balo,e:" Sajoo maa panae moo ngidooh porintah Ponompa,sopayo dopat moliara adat istiadat moo soniriik.10Nih Musa jeh nyonaa:Hormatilah maangk moo gok nook moo! ngan; Oseh dik ngutuk ntulah mangk gok nook,e arus kobek.11Tetapi moo bosona:Maak dik tek konaan nyen bopisek koni mangk,e atau nook,e:Oneh dik odoh wa koo,dik dopat nyak nongguna nyak ngrawat moo,jeh nih ngguna nyak korban - yaitu posombahan koni Ponompa.12Maka moo kae mbiaar,e gek bobuat toruunt pun nyak mangk atao nook,e.13Dengan wok nyen firman Ponompa moo nyatakan kae bolaku demi adat istiadat dik nih moo ngajeh nyen.Gok obengk hal kiint wok nyen dik nih moo ngkodie,"14Mosik nyen Yesus nosu nya obengk gek gok boboba koni ballo,e:" Moo sidiik,e,ngoping maeh nfanu koo gok camkan maeeh.15Oneh pun dik wah luar,dik masok koni ntoyaant,kae dopat toncomek,tetapi oneh dik koluar siik oyongk ntoyaant nyen dik ncomeek.16(Barongoseh bokopingk nyak ngopiingk hendak maeh dop,e ngopingk!)17Mosik dop,e masok nganu tek buah romiingk nyak ngkobu sik nya obengk,murid- murid,e bopisek koni,e pongodi ritii porumpamo nyen.18Maka samoot,e:" Onehkah moo geeh kae dopat mahaamp,e? kae taok kah moo bahwa sogala tiruunt sik luar dik masok nganu saih ntoyaant kae dopat ncomeek,e.19Nih kae masok koni saih owangk tetapi koji saih toniik,e.lalu nih motaant wah ponangkae?" nih wok nyen dop,e nyona,e sidik pomakoon halal.20Kaant dop,e gek:" Oneh dik koluar sik ntoyaant,nyenlah dik ncomek domp,e.21sebab sik saih,sik saih owangk timol sogala pomiker kobiek,ngrogaap,nongku,ongkomiis.22ngompaangk,sorakaah,biek mpodok,licik,hawa nafsu,iri ati,ngkongiin,korongkao,komalaangk.23Sidik hal- hal bieek to timol sik saih ngan ncomeek nya."24Lalu Yesus borongkat sik nyen gok obu koni daerah Tirus,Dop,e masok koni romiingk gok kae lugi,e bahwa odoh nya dik ntaook,e,tetapi pongkonik dop,e kae dopat torasiakan.25Malah tek konaan maak,dik onak,e korasukan minu kobieek,sogira ngopiingk hal dop,e, lalu monik nyungkoor wah jowi koja,e.26Ndayoongk to nya Yunani banso Siro- Fenisia,Domp mohon koni Yesus nyak ngkobu setan nyen sik onak,e.27Lalu Yesus bosona nganu,e:" Nadu maeh onak cade busoh tiaant,nih kae matut miah kue dik nih nyodia nyak onak cade tapi roo tampooh koni kuyuuk,"28Totapi ndayongk nyen nyamot;"maant,tuhan.tetapi kuyuk dik wah sigaant mija geh naiik rocak ampoh dik cade bujor njotuuk.,"29Maka kaant Yesus nganu ndayongk nyen:"Nih gok boba- boba moo nyen,mori maeh ntoh sbab setan jeh koluar sik onak moo,"30Ndayoongk nyen mori koni romiingk,e,lalu dop,e lek onak,e nyen nggariingk wah pomiis,sedang muuunt jeh obu."31Mosik nyen Yesus ntiggal daerah Tirus ngan gok nglalu Sidon mori koni danau Galelia,wah tuda ropot daerah Dekapolis.32Wah nyen nya meet nganu Dop,e ntoyant dik bangol gok mamao samel mohon koni,e,sopayo domp,e nglotak tongan,e nganu nya nyen.33Gok jeh mosik nyen Yesus ngkoju dop,e sik nya obengk,sohinga ballo,e todop,Dop,e ncolok buah tongan koni saih kopingk nya nyen,lalu dop,e ngrucoh samel mangoom jiraa nya nyent.34Mosik nyen samel ngronong ko ronyeent Yesus norek pongasoongk gok bosona nganu,e;"Efata"riti,e Tobukalah!35Maka tobukak lah kopingk nya nyen gok sokotika nyen tolopas pula geh poniset jira,e,lalu domp bojantoh- boba jeh baek.36Yesus bopisingk koni nya ntoyant dik odoh wah nyen sopayo yok bocorita koni oseh pun nya.Tetapi makin nih Dop,e ndoruuh balo,e,makin ojau luas balo nyona agooh,37Balo,e tobongaam gok tocengang samel boboba;" Dop,e njodi toruunt sogala- gala,e baek,dik bangol naso Dop,e ngopingk,dik bisu naso Dop,e boboba jantoh,"

Chapter 81Libo masa nyen odoh pula obengk nya wah nyen dik sajo daik jomilah,e,gok nih balo,e geeh sajo kae odoh konaiik,e,Yesus nosu murid- murid,e samel bosona: 2"Owang koo togorak nih bolas mase koni nya obengk to,Jeh toruh onu balo,e ngajeh Koo gok balo,e kidoh konaiik.3Maak ballo,e naso koo mori koni romingk,e ngan sobirook,balo,e akan tumaangk wah joraant,nih odoh dik monik sik poya ojau,"4 Murid- murid,e nyamot:"Kameh wah arongk dik sunyik to nya dopat munyok balo,e kue sampae busooh?"5Lalu Yesus bopisek koni balo,e:"Kudu kue dik odoh wah moo?" samoot balo,e"Iju"6Lalu Dop,e ngaso nya obengk nyen dudok wah poya.mosik nyen dop,e miah koiju kue nyen,mengucap syukur,nih ngorocak- rocak nih munyok koni murid- murid,e nyak tomagi- magi,gok balo,e munyok nganu nya obeengk.7Balo,e geeh odoh kudu sogola baook,jeh mosiik ngucap borikat koni,e,Dop,e ngasoo sopaya baook nyen nyaak tomagi- magi.Ngan dieent,e duook sampae busooh,mosiik nyen nya ngrugook kopiik rocaak kue dik botisa,iju bakool kobengk,e.9Balo,e nyen odoh kira- kira empat ribu jiwa.lalu Yesus ngaso balo,e morii.10Dop,e sogira simaak koni oruut ngan murid- murid,e gok bokosoot nganu daerah Dalmanuta.11Mosiik nyen timool lah ntoyaant Farisi gok bosoal samoot ngan Yesus.Nyak roo ncuba Dop,e balo,e minta siik Dop,e toruunt tanoo siik sobayoont.12Maka bosunguunt geh Dop,e wah saiih owaangk samel bosona:"Ngoneeh angkatan to minta tanoo? Koo bosona nganu moo,sobonar,e koni angkatan to sokali-kali kae akan tomunyook tano."13Dop,e ntiggal balo,e;Dop,e simaak gek nganu oruut gok bokosoot koni dipaah.14Mosiik nyen tonyata murid- murid Yesus konomoot meet kue,cuma tek siroop maeh dik odoh wah ballo,e wa saiih oruut.15Lalu Yesus ngingaant balo,e,boba,e:"Bojaga-jaga maeh gok nawas maeh toradap ragi nya Farisi gok ragi Herodes."16Maka balo,e bopiker-piker ngan dik tek koni dik kiint:"Nyen tosabuut Dop,e nih dop kae mpoo kue17Libo nyen Yesus ntaook oneh nih balo,e nyantooh.Dop,e bosona:"Ngoneeh moo nyantooh hal kidooh kue?Goont geeh moo Fahaamp gok ngritii? Jeh polalis kah owaangk moo?18Moo mpo motiih,kae kah mo ngronoongk gok moo mpo kopiingk,kae haeek moo ngopiingk? Kae haeek moo tingaant gek.19Libo tungkah Koo ngrocaak-rocak rimiih sirop kue nyak rimiih ribu nya nyuh,kudu bakool gek bunuuk tisa rocak-rocaak kue moo ngrugook,e?"Samoot balo,e"Dukah bolas bakool."20"Gok libo tungkah iju ko kue nyak nya empat ribu nyen.kudu bakool bunuuk kopiik-kopiik kue mo ngruggok?"Samoot balo,e"Iju bakool."21Lalu boba,e koni balo,e" Maseh geh moo goont ngritii?"22Mosiik nyen moniik lah Yesus ngan murid-murid,e wah Betsaida.Wah nyen nya meet nganu Yesus ntoyaant bokaap gok balo,e mohon koni,e sopaya Dop,e njamaah domp.23Yesus migoongk tongan nya bokaap nyen samel nih meet koluar ompiik.Lalu ngrucooh motiih nya nyen gok nlotak tongan,e nganu,e ngan bopisek:"Jeeh kah moo ngronoong toruunt?"24Nya nyen ngronong kojowi,samel boboba:"Koo leek nya,nih ngronong balo,e bojaloont-jaloont,totapi tileek wook botaang koyuuh."25Yesus nglotak gek tongan,e wah motiih nya nyen,maka nya nyen sunguh- sunguh ngronong gok jeh baeek,sohinga domp dopat ngronoong toruunt ngan jelas.26Mosiik nyen Yesus ngasoo domp morii koromiingk,e samel bosona:"Yook masok koni ompiik!"27Mosiik nyen Yesus sorota murid-murid,e borongkat koni ompiik-ompiik wah sokitaar Kaisarea Filipi.Wah ropoot joraant Dop,e bopiseek nganu murid-murid,e sano,e:"Kaant nya oseeh haeek Koo to?"28Samoot ballo,e:"Odoh dik nyonae:Yohanes Pombaptis,odoh geh dik nyonae:Elia,odoh pulak dik nyonae:ntoyaant daripada nabi."29Dop,e bopiseek nganu balo,e:"Tetapi oneh boba moo,Oseh kah Koo to?"maka samoot Petrus:"Moo haeek Mesias!"30Lalu Yesus ndoruuh koras balo,e sopaya yook moriik tau koni oseeh pun pongodie hal Dop,e.31Mosiik nyen mulaelah Yesus ngajoor nganu balo,e,bahwa Onak Monsia aruus nangoong obengk kojoraa gok nih nulaak gok balo nya pomuntuh,imam- imam kopalok ngan ahli-ahli Taurat,lalu nih komeek gok mongkaat kotoruuh onu pongkosiik.32Hal to tosona Dop,e ngan trus traangk.Tetapi Petrus noreek Yesus kobubeeh gok ngaboont Dop,e.33Maka bobaleklah Yesus ngan samel ngronoong murid-murid,e Dop,e ndoruuh Petrus,boba,e:"Moyaamplah Iblis,nih moo kae mikeer oneh dik ponikeer Ponompa,molainkan oneh dik poniker Monsia."34Mosiik nyen Yesus nosu nya obeengk gok murid-murid,e bosona koni balo,e:"Sotiap nya dik loongk ngajooh Koo,dop,e arus nyangkool dop,e,mikuul saleb Dop,e nyak ngajeeh Koo.35Maak oseh dik loongk nyolamat nyawa,e,Dop,e akan moyaamp nyawa,e,tetapi barang oseh moyaamp nyawa,e nih Koo ngan niih Injil,Domp akan nyolamaat,e.36Oneh guna,e ntoyaant ndopat soluruh dunia,tetapi dop,e moyaamp nyawa,e.37Niih oneh kah dik dopat tomunyook sobagae ganti nyawa,e?38Sobab barang oseh mongiint nih Koo ngan nih pojantooh Koo wah ropoot tuda angkatan dik kae setia gok bodosa to,Onak Monsia pun akan mongiint nih nya nyen apabila Dop,e monik konooh wah komuliiaan Maangk,e,sorota malaekat-malakat tuci."

Chapter 91Bobae gek nganu balo,e:"Koo bosona koni moo,sosunguh,e wah antara dik odoh wah too odoh dik kae akan kobiis maak goont balo,e ngronong korajaan ompiik Ponompa jeh moniik ngan kuasa,e,"2Niim onu mosiik nyen Yesus meet Petrus,Yakobus, gok Yohanes samel borota- rota ngan balo,e Dop,e simaak nganu doriik dik domiik.Waah nyen balo,e todoop maeh,Lalu Yesus borubah bakko wah jowii motiih balo,e.3ngan adooh,e sajoo mopaau boontaah-ontaah.Kidoh nya ntoyaant pun wah dunia to dik dopat ngimpaar adooh wook nyeen.4Maka totileek lah nganu balo,e Elia bosamoh ngan Musa,kodukah,e tungkah boromoongk ngan Yesus.5Sanoo Petrus koni Yesus:"Rabi,sajo maa baek nyaam mee monae wah aroongk to.Nadu maeh mee mongki toruuh kemah,tek nyak moo,tek nyak Musa ngan dik tek nyak Elia.6Dop,e bosona wook nyen,niih kae toritii oneh dik arus nyak sanoo,nih ballo,e sajo maa jotiingk.7Libo nyen moniiklah romaangk mupook balo,e gok siik saiih romaangk nyen odoh kaping boba:"Too lah Onak dik Koo,kaseeh,kapiingk maeh Dop,e."8Gok libo ompojeet tungkah balo,e ngronong sokitaar balo,e,dieent kidoh ngronong oseh pun geek bosamoh balo,e,kocuali Yesus todoop maeeh.9Tungkah libo balo,e tomonaah siik doriik nyen,Yesus bopisiingk nganu balo,e sopaya dieent,e yook corita koni oseh nya pun oneh dik jeh balo,e ngronoong nyen,libo goont Onak Monsia mongkaat siik ropoot nya kobeek.11Lalu balo,e bopisek nganu,e:"Ngoneeh ahli- ahli Taurat nyonae,e,bahwa Elia arus moniik tiaant?"12Samoot Yesus:"Memang Elia roo moniik tiaant nyak nyimpoor sidiik toruunt.Hanya,kaneehkooh ngan dik odoh totulis pongodi Onak Monsia,bahwa Dop,e akan obeengk joraa ngan nyak tonginaa?13Tetapi Koo bosona nganu moo:Memang Elia jeh moniik gok nya mpolakukan Dop,e nginyaak owaangk domp,sosuae ngan dik odoh totulis pongodie domp,"14Libo Yesus,Petrus,Yakobus gok Yohanes morii koni murid- murid kiint,balo,e ngronoong nya obeengk borugook ngan murid- murid nyen,gok banso kudu konaan ahli- ahli Taurat tungkah bojantooh soal toruunt ngan baloo,e.15Libo tungkah nya obeengk nyen leek Yesus,mpojeet lah balo,e sidiik ngan sisaak nyamuut Dop,e.16Lalu Yesus bosona nganu balo,e:"Oneh dik nih moo nyantooh ngan balo,e?"17Boba nya tek konaan sik nya obengk nyen:"Guru,onakkoo to koodibeet nganu moo,nih korina domp,e korasukan minu dik mbisuuk dop,e.18Gok sotiap kali minu nyen nyoraangk dop,e,minu nyen ngompaas dop,e ko poyaa;lalu tukook,e bobusa,jipiint,e bokorotek,gok woongk dop,e jodi ngriaangk.Koo jeh minta koni murid- murid moo,sopayo balo,e ngosaar minu nyen,tetapi balo,e kae dopat.19Maka boba Yesus nganu balo,e:"Hae moo angkatan dik kae pocayook,kudu kotaae gek koo arus montok ngan moo? kudu kotaae gek Koo arus bosabar toradap moo?dibeet koto onak cade nyen!"20Lalu balo,e meet,e koni,e.Libo minu nyen leek Yesus,cade nyen sogira nih nguncaang- nguncang,gok cade nyen polantiingk ko poya gok boguliingk- guliingk,maak tukook,e bobusa.21Lalu Yesus bosona nganu mangk cade nyen:"Jeeh kudu kotaae dop,e ngalami to?"Samoot,e:"Jaak siik libo ciik.22Sajo malaar seek minu nyen ngoraah dop,e koni waah opi ataupun koni saiih piingk nyak roo komeek,e.Sebab nyen maak Moo dopat bobuat oneeh,tuloongklah mee ngan tomasee lah mee."23Samoot Yesus:"Sano moo: maak moo dopat?Kae odoh dik mustahil bagi nya dik pocayook!"24Garaangk mang cade nyen mangkoos:"Koo pocayook.Tuloongklah koo dik kae pocayook to!"25Libo nyen Yesus leek nya obeengk makiin moniik borugook,Dop,e ngosaar minu kobieek nyen ngan boba ndoruuh,kaant,e:"Hae moo minu dik mongki nya jodi bisuuk gok bangool,Koo ngrintaah moo,koluarlah siik onak cade nyen gok yook geek ngraaruu,e geek!"26Lalu koluaarlah minu nyen samel mangkoos gok nguncaang onak cade nyen ngan kojoraa,e.Cade nyen poronoong nya wook nya kobeek,sohinga obengk nya dik bosona:"Dop,e jeh kobeek."27Niih Yesus migoongk tongaan cade nyen gok ngoraak dop,e.mosiik nyen dop,e mongkaat todoop.28Tungkah Yesus moniik wah romiingk,gok balo murid,e todop ngan Dop,e.bopiseek lah balo,e:"Ngoneeh mee kae dopat ngosaar minu nyen?"29Samoot,e koni balo,e:" Jenis to kae dopat tongosaar kocuali ngan bodoa,"30Yesus gok balo murid,e borongkat siik nyen gok nlalu Galilea,ngan Yesus kae lugii hal nyen oduk nontaook nya;31sebab Dop,e tungkah ngajoor balo murid,e.Dop,e bosona nganu balo,e:"Onaak Monsia akan roo tonyiraah nya koni tongaan monsia.gok balo,e akan roo komiis Dop,e,gok kotoruuh onu mosiik nyen Dop,e nih komeek gok akan mongkat."32Ballo,e kae toriitii,e boba nyen,pii mongiin miseek koni,e.33Mosiik nyen moniiklah Yesus gok murid- murid,e wah Kapernaun,libo Yesus jeh wah romiing,Dop,e bosona koni balo murid,e:"Oneh dik nih moo njantooh jiis,e wah ropoot joraant?"34Ballo,e motiingk maeeh,sbab wah ropoot joraant jiih balo,e bodoruuh boba oseh dik palingk daiik wah ropoot balo,e.35Lalu Yesus dudok gok nosuu kodukah bolas murid nyen:Boba,e nganu balo,e:"Maak ntoyaant owaangk roo jodi dik tiaant,Dop,e arus loongk jodi dik pongkosiik sik sogala,e gok polayaan siik sidiik,e."36Maka Yesus miaah tek konaan cade ciik,gok ndudook wah tuda balo,e,mosiik nyen Dop,e mangkoop cade nyen sameel bosona koni balo,e:37Maak oseh nyamuut nya cade to waah odaant Koo,domp nyamuut Koo.gok maak oseh nyamuut Koo,kae Koo nih nyamuut,e,tetapi Dop,e dik ngutus Koo.38Kaant Yohanes nganu Yesus:"Guruu,mee leek ntoyaant dik kae pongikut dop ngosaar muunt ngan odaant Moo,lalu mee ndoruuh nye nyen,niih domp kae pongikut dop."39Tetapi samoot Yesus:"Yook moo ngaraal domp!Sebab kidoh nya pun dik jeh ngkodie mijizat nginyak odaant Koo,dopat sokotika nyen geh nyukaant Koo.40Baroongoseh kae nglawoont dop,domp odoh wah pihak dop.41Ko bosona koni moo: Sosunguh,e maak oseeh munyook moo ponyinop sogilas piingk nih korina moo sajo pongikut Kristus,Dop,e kae akan moyaamp upaah,e."42"Maak oseh roo nyosat salah satu siik onak cade ciik dik pocayook too,lobeh baek nyak dop,e maak sogola botuuh poya tongiseet wah rasoongk,e lalu tonompooh nganu saiih laoot.43Gok soandae tongan moo roo nyosat moo,kapiik maeh,nih lobeh baek moo masok nganu wah pomidop ngan tongan tokopiik daripada geh modiimp kodukah tongan moo tobotaant nganu wah noraka,koni wah opi dik kae nyak pajoomp;44Wah aroongk nyen iriik,e kae kan kobeek,gok opi,e kae kan pojaamp.45Mak jika koja moo nyosat moo,kapiik maeh,niih lobeh baek moo masok koni wah pomidop ngan timpaang,daripada gek utuh kodukah koja moo tonompooh nya nganu waah noraka.46Wah nyen iriik,e kae kan kobiis,ngan opi,e kae kan pojaamp.47Gok maak motiih moo nyosat moo,cungkel maeh,nih lobeh baek moo masok koni wah Korajaan ompiik Ponompa ngan bomotiih kiteek daripada gok bomotih dukah tampooh nya koni noraka,48wa keeh balo iriik- iriik bangkae kae kobiis ngan opi,e kae pojaamp.49Nih sotiap ntoyaant akan nih ngaroomp ngan opi.50Garoomp memang baek,totapi maak garoomp jodi kidoh aso,e,ngan oneh gek moo ngaso arook?Sobonaar moo solalu mpoo garoomp wah moo,e ngan solalu midop bodamaae ngan nyaa ngan dik laingk.

Chapter 101Siik nyen Yesus borongkat koni daerah Yudea gok daerah dipaah piingk Yordan wah niie, pun jeh obeengk nya moniik ngruunt Dop,e;wook dik jeh biasa,e Dop,e ngajoor balo,e.2Maka moniklah nya nyptoyaant Farisi, roo nyak ncuba Yesus ballo,e botanyaak nganu,e:"Apakah nya boniih,e taook nyaarook osaao,e?"3 Totapi samoot,Dop,e nganu ballo,e:"Oneh porintah Musa koni moo?4Samoot ballo,e;"Musa munyook izin nyaak nyarook,e ngan samel mongki surat sarook,"5Lalu boba Yesus koni ballo,e:" Justru kooowaangk moo haeek maka Musa nulis porintah nyen nyak moo.6Sebab libo pontojih dunia,Ponompa mongkii nya ndarri gok ndayoonkg,7Niih nyen nya ndarri konooh ntiggal mangk gok nook,e gok borompuuk ngan osaao,e,8Sohinga koduka,e nyen jodi teek woongk.Nih haeek ballo,e kae gek dukah molaingkan kiteek.9Niih nyen,oneh dik jeh nih Ponompa ngrompuuk,kae buleh tonyarook monsia."10Kotika balo,e jeh wah romiingk,e,murid- murid, nyen bopiseek pula hal koni Yesus pongodi hal nyen.11Lalu kaant Dop,e koni balo,e:"Pokok oseh dik nyarook osaao,e mosik nyen borogaap ngan ndayoongk kiint,Domp midop wah pongompaangk toradap osaao,e12Maak jika siik osaao nyarook boniih,e gok borogap ngan ndarri kiint,domp bobuat zinah geh,"13Lalu balo ntoyaant meet balo onak cade aluus koni Yesus,sopayo Dop,e migoongk balo,e;akan totapi murid- murid,e ndooruuh balo nya nyen.14Libo Yesus leek hal nyen,Dop,e ndoruuh samel nyona nganu balo,e:"Nadu maeeh balo onak cade nyen monik nganu Koo,Yook ngampoongk- ngampokng balo,e,sebab nya wook nyen haeek diik mpoo korajaan Ponompa.15Koo bosona nganu moo:Sosunguh,e maak oseh kae nyamuut Korajaan Ponompa wook banso cade aluus,domp kae kan masok nganu saiih,e."16Mosiik nyen Dop,e mangkoop onak cade nyen gok samel nglotaak tongan,e somuu ballo,e Dip,e mberkati dieent,e.17Libo saat Yesus borongkat nyak nduduuk ponyaloont,Dop,e,moniklah nya ngkoduuh sisaak bodopat ngan Dop,e samel botabeek wah jowi,e domp,e bosona:"Guru dik baek,oneh dik arus ko kadie nyak nopat midoop dik kokal?"18Sonamot Yesus:" Ngoneh moo nyona koo baek?Kae nya kiint dik baek solaingk sik pado Ponompa maeh.19Moo sajo ntaook sogala porintah Ponompa:Yook ngkomiis,yook bozinah,yook nongkuu,yook nyobut toruunt boba mborool,yook ngurangi hak nyaa,botabeek lah mangk ngan nook moo!"20Sobaneh boba nya nyen nganu,e:"Guru,sidiik nyen jeh nih koo ngkodie jaak siik libo cade koo," 21Totapi Yesus ngronong domp,e pajooh masee leek,e,lalu bosona koni,e:"Sajo tek geek kokuraangan moo:Morii maeeh,juaal sidiik oneh dik nih moo nginyaak gok punyook asel nyen koni nya dik bagoont,maka moo akan nopat ritta wah sobayoont,mosiik nyen moniik maeh kotoo gok najeeh maeeh koo."22Ngopiingk ponyonaa nyen domp,e jodi kecewa,lalu obuu ngan maa susah,sobab obengk ritaa,e.23Lalu Yesus ngronong murid- murid,e wah kolilingk dop,e gok bosona nganu ballo,e:"Alangkah togooh nya dik bodueet masok nganu saiih korajaan ompiik Ponompa."24Balo murid,e monaee maeeh ngopiingk boba dop,e nyen.Tetapi Yesus nyamoong gek:"Balo onak koo,alangkah togooh,e masok koni korajaan ompiik Ponompa.25Lobeh mudah tek sogola unta nlalu rubaangk jariimp daripado ntoyaant dik kaya masok koni saiih korajaan ompiik Ponompa,"26Ballo,e somakin bokaar gok bosona dik tek koni dik kiint:"Maak wook nyen,oseh aeek dik dopat tonyolamat?"27Yesus ngronong balo,e gok bosona:bagi monsia toruunt nyen kae mungkin,totapi kae wook nyen bagi Ponompa.Sobab sogala toruunt sajoo mungkin bagi Ponompa."28Bopiseek geeh Petrus koni Yesus:"Mee to jeh ntiggal sidiik toruunt nyaak ngajeeh moo!"29Samoot Yesus:"Koo bokata koni mo,sosunguh,esotiap nya dik nih koo gok nih Injil ntiggal gok romiingk,e,balo posiik ndarii atau posiik ndayoongk,nook,e atau mangk,e,balo onak,e atau miih,e,30nya nyen ntooh libo masa pajii geh akan nopaat kembali soratus kali lipat;romiingk,posik dik darii,posik dik dayoongk,nook,onak ngan miih,ntooh pun borota gok bobagae kojoraa,gok libo zaman dik acoomp roo moniik domp,akan ngrima pongkidop dik kokal.31Tetapi obeengk nya dik tiaant saeeek akan jodi dik pongkosiik gok dik pongkosiik akan jodi tiaant."32Yesus gok murid- murid,e libo wah ponyaloont nganu Yerusalem gok Yesus dik bojaloont wah jowii.Murid- murid,e morasa cemas ngan nya dik ngajeeh Dop,e wah rutuuk morasa golaak.Sokali gek Yesus mpau kodukah bolas murid,e gok Dop,e mulae nojih nyona koni balo,e oneh dik arus tojadi nganu Dop,e,33Boba,e:"Ntooh dop morii koni Yerusalem gok Onak Monsia akan nih nyiraah koni imam- imam kopalok gok ahli- ahli Taurat,gok balo,e roo nyotuuk dop,e ukuman kobeek.Gok balo,e roo munyook Dop,e koni banso- banso dik ngonaal Ponompa,34gok dop,e roo tongolook nya,nih ngrucooh,nih lasaah gok nih komeek,mosiik nyen kotoruuh onu Dop,e akan mongkaat."35Lalu Yakobus ngan Yohanes,Onak cade Zebedeus,nyomaak Yesus ngan bosona nganu,e;"Guru,mee ngaroop sopaya moo sokiraak,e ngabuul pominta mee!"36Samoot Dop,e nganu balo,e:"Oneh dik mo koowaangk Koo kadie nyak moo?"37Lalu samoot balo,e:"Tombinaan maeeh mee dudook wah saiih komuliaan Moo paji,dik kiint gek wah sopiaak tauuh Moo ngan dik kiint gek wah sopiaak kameet Moo."38Tetapi boba Yesus nganu balo,e:"Moo kae taok oneh dik nih mo minta.Dopatkah moo nyinoop cawoont dik arus Koo sinoop gok nih baptis ngan baptisan dik arus Ko torima?"39Samoot balo,e:"Mee dopat,"Yesus bosona koni balo,e:"Memang,moo akan nyinoop cawoont dik arus Koo sinoop gok baptisan ngan Baptisa dik nih Koo ngrimaa.40Totapi hal dudok wah sopiaak tauuh atau sopiaak kameet Koo,Koo kae bohak munyook,e.Nyen roo tomunyook koni nya ntoyaant bagi oseh nyen jeh nih nyodiia."41Ngopiingk nyen kosimoongk murid dik kiint jodi ndoruuh koni Yakobus ngan Yohanes.42Tetapi Yesus nosuu balo,e lalu bosona:"Moo taook,bahwa balo,e dik tosobut pomorintah banso- banso ngrintaah rayoot,e ngan tongaan bosi,gok balo pongatooh,e njaloont kuasa,e ngan koraas koni sidiik balo.43Yook maeeh wook nyen sik antara moo.Maak oseh owaangk jodi daiik wah ropoot moo,aruslah jodi polayaan moo,44gok maak oseeh owaangk jodi dik tokomuka wah ropoot moo,aruslah domp,e jodi kuli nyaak sidiik nya.45Niih Onak Monsia geeh moniik kae nyak tolayan,molainkan nyak nglayaan gok nyak munyook pongasoongk Dop,e jodi tobuusan bagi obengk nya."46Lalu moniklah Yesus ngan murid- murid,e wah Yerikho.Gok kotika Yesus koluar siik Yerikho,borota ngan gok murid- murid,e gok nya obeengk dik bojireeh- jireeh,odoh nya tek konaan pengemis dik bokaap,borodaant Bartimeus,onak Timeus,dudok wah bubeeh joraant.47Libo nih ngopiingk,bahwa nyen haeek Yesus nya Nazaret,mulaelah domp,mpaau:"Yesus,Onak Daud,tongaseelah koo!"48Obengk nya ngosaar,e sopayo domp monae.Namun somakin boroomaant domp mpaau:"Onak Daud,tongasehlah koo!"49Lalu Yesus ngodoongk gok bosona:"Tasuulah domp,e!" balo,e mpau nya bokap nyen gok bosona nganu,e:"Kuatkan maeh oti owaangk moo,tokiit maeh,Dop,e nosuu moo,"50Lalu Dop,e nguleeh jubah,e,dop,e sogira tokiit gok ngosiik bodopat ngan Yesus.51Piseek Yesus koni,e:"Oneh dik nyak koowangk moo sopaya koo ngkodie nganu moo?"samoot nya bokap nyen:"Rabuni,sopaya koo dopat ngronongk!"52Lalu boba Yesus nganu,e:"Morii maeh,iman moo jeh nyolamat moo!" Libo saat nyen geeh domp,e ngronoonglah domp,e,mosiik nyen domp,e ngajeeh Yesus solama pojalanan Dop,e.

Chapter 111Libo Yesus ngan murid- murid,e jeh nyomaak Yerusalem,nyomaak Betfage gok Betania dik tolotaak wah Doriik Zaitun,Yesus ngasoo dukaah konaan murid,e 2ngaan pisiingk:"Tomanu maeh koni ompiik dik wah jowii moo nyuh.libo saat moo masook ko nyeen,moo akan sogira nopat tek sogola keledai monguunt totiseet,dik goont suaah nya nginyaak,e.tolopoos maeeh keledai nyen gok dibeet maeh kooto.3Maak odooh nya miseek koni moo:Ngoneeh moo ngkodi nyen,samoot maeh: Ponompa roo moroolu,e.Domp akan sogira ngkorii,e koni kooto."4Ballo,e pun obu,siik nopaat keledai monguunt botiseet wah jowii koree wah luaar,wah bubeeh joraant,lalu tolopoos,e.5Gok kobeengk nya,e dik odoh wah nyen bosona nganu balo,e:"Oneh maksud,e moo nlopaas keledai nyen?"6Lalu balo,e nyamoot wook dik jeh nih Yesus nyona,e.maka balo,e nyen ngadu maeh balo,e.7Mosik nyen balo,e meet keledai nyen nganu Yesus,gok mongki ngalasa,e nyaak adooh pakae balo,e,mosiik nyen Yesus simaak koni somu,e.8Obeengk nya diik nimpaar adooh kopaa wah joraant,odoh geh diik ngariis rangaao-rangaao ijao nih balo,e miah siik miih.9Balo nya dik bojaloont wah jowii gok balo,e dik ngajooh siik rutuuk bopangkoos:"Hosana,!Diberkatilah Dop,e dik moniik waah odaant Ponompa,10diberkatilah Korajaan dik moniik,Korajaan maang dop Daud,hosana wah arongk dik maha domiik!"11Jeh pongkoniik,e wah Yerusalem Dop,e masok koni Bait Ponompa.Wah nyen Dop,e ninjaao sidiik nya,totapi nih onuu jeeh roo ngoriimp Dop,e koluar nganu Betania bosamooh ngan kodukah bolas murid,e.12Majii babuut,e onu,e mosiik Yesus gok kodukah bolas murid,e ntigaal Betania,Yesus nginaamp sobirook.13Gook siik ojaau Dop,e leek kayo nunook dik jeh bodauun.Dop,e nyomaak,e nyak ngronoong oseh ntaook laak odoh Dop,e nopaat oneh toruunt wah kayo nyen.totapi libo Dop,e moniik kiik nyen,Dop,e kae nopat oneh- oneh solaiingk dauun modaas.sebab siik kae musiim buah aroo.14Maka boba dop,e koni kayo koyuuh nyen:"Yook geek tek konaan nya pun duook buah moo sampae paji,e!"Gok murid-murid,e pun odoh ngopiingk,e15Lalu moniiklah Yesus ngan murid- murid,e wah Yerusalem.mosik Yesus masok nganu Romingk Ponompa,mulaelah Dop,e ngosaar balo nya dik bojual takeer wah kolasaar Romingk Ponompa.mija- mija ponukar dueet gok bangku- bangku nya ndagoongk merpati tomaleek,dop,e.16Dop,e kae mbuleeh nya meet barangk- barangk nlalu layoont kokasaar Romingk Ponompa.17Lalu Dop,e ngajoor ballo,e,ponyona,e;"Kae kah odoh totukis:Romingk-Koo nyaak sobut romingk doa bagi nya sogalo banso?Totapi moo to jeh mongki,e sorrii ponyamun!"18Imam- imam kopalok gok Ahli-ahli Taurat ngopingk agoh hal nyen,gok ballo,e borusaha roo mbinasakan Dop,e,nih ballo,e golaak koni,e jeh ngronoong nya obeengk bonaar yaken pongajoor-Dop,e.19Jeh nyomaak ngoriimp balo,e koluar gek sik kota.20Majii ponuruu tungkah Yesus gok murid- murid,e lallu,balo,e leek kayo nunook haeek jeh koriingk sampae nganu waat waat,e.21Maka toringanlah Petrus oneh toruunt dik roo tojadi,lalu Dop,e bosona nganu Yesus:Rabi,tileek maeh,kayoo nunook dik moo sumpah nyen jeh koriingk."22Yesus nyamoot balo,e:"Pocayook maeeh koni Ponompa!23Koo bosona nganu moo:Sosunguh,e barookng oseh bojantoh koni doriik to:Tokoosoot lah gok polaantiingk lah koni saiih laoot!Asal kae binaang owaangk,totapi pocayook,bahwa oneh dik tosona,e nyen akan tojadi,maka hal nyen akan tojadi bagi,e.24Karna nyen Koo bosona koni moo:oneh lah dik moo minta gok doa,pocayook maeh bahwa moo jeeh ngrima,e,maka hal nyen akan tomunyook,e koni moo.25Maak sajoo moo tokiit nyak bodoa,ampunilah tiaant sokiraa,e odoh baboont toruunt waah owaakng moo toradap nya,sopaya Maang moo dik wah sobayoont ngaampuunt kosalah- kosalahan moo,"26Tetapi maak moo kae ngampuuni,maka Maangk moo dik wah sobayoont geeh kae kan ngaampuunt kosalah- kosalahan moo.27Lalu Yesus gok murid- murid,e moniik geh wah Yerusalem.Liboo Yesus bojaloont wah layoont kolasar Romingk Ponompa,moniklah nganu,e imam- imam kopalook,ahli- ahli Taurat ngan balo pomuntuuh,28Bopiseek nganu Dop,e:"ngan kuasa diik keh Moo ngkodie hal- hal nyen? Ngan oseeh dik munyook kuasa nyen koni moo,sohinga moo ngkodie hal- hal nyen?"29Samoot Yesus koni balo,e:Koo roo nyonaa teek potanyaan koni moo.Punyok maeh koo samoot,e, maka baruuk koo nyonae koni moo ngan kuasa dik keeh Koo ngkodie hal- hal nyen.30Baptisan Yohanes nyen,sik sobayoont atau siik monsia?Punyok maeh Koo samoot,e!"31Ballo,e gek ngrudookng,e wah ropot dieent,e,sameel nyona,e:"Maak dop sanoo:Siik sobayoont,Dop,e kan nyona,e:Maak wook nyen, ngoneh moo kae pocayook koni,e?32Tetapi, masaak dop nyona,e:Siik Monsia!" Sobab balo,e gollaak nganu nya obeengk,nih sidiik nya ngangap bahwa Yohanes bonar- bonar nya nabi.33Lalu ballo,e nyamoot Yesus:"Mee kataaok."Maak wook nyen,Koo geeh kae nyonaa,e koni moo ngan kuasa diik keeh kah Koo ngkodie hal- hal nyen,"

Chapter 121Lalu Yesus mulae bojantoh koni balo,e nginyak porumpamo:"Odoh haeek nya tek konaan mukaak kuboont angur samel nicip piga sokayuk,e.Dop,e nguceeh rubaangk aroongk ngapeet angur samel ntokiit tiangk jago.Mosik nyen dop,e nyewa kuboont nyen koni balo ponggarap lalu borongkat koni ompiik kiint.2Libo jeh monik onu,e tikiint,e,Dop,e ngaso tek konaan kuli,e koni ponggarap- ponggarap nyuh nyak ngrima sobagi sik aseel kuboont nyen sik gok balo,e.3Totapi ballo,e ndokop posuruh nyen samel nih ngrumook,lalu ngaso,e obu meet tongan puaangk.4Mosik nyen dop,e ngaso gek tek konaan posuruuh kiint koni ballo,e.Ontoyaant to pun balo,e lasaah sampae bodoya baak,e,sajo mosiik nih ngkongiin.5Lalu dop,e ngaso tek konaan kuli,e dik kiint gek,gok nya nyen pun nih ngkomiis,gok obengk gek dik kiint,odoh dik nih ngocooh gok odoh dik nih balo,e ngkomeek.6Ntooh montook tek konaan onak dop,e dik kobaeek.Akher,e Dop,e ngaso domp,e koni balo,e,boba,e;Onak koo laak balo,e golak.7Totapi balo ponggarap nyen bosona dik tek koni dik kiint:Dop,e to sajo wali wariis,booh dop ngkomiis domp,e.maka warisan nyen jodi nyak dop.8Balo,e ndokop dop,e gok nih komiis,lalu nih nompooh koluar kuboont angur nyen.9 Ntooh oneh dik roo tongkodi nya dik mpo kuboont angur nyen?Dop,e akan monik gok ngkoyaap balo ponggarap- ponggarap nyen.lalu ncayook kuboont angur nyen koni nya ntoyaant laingk.10Kae kah suaah moo maca nas to:Botuh dik nih motaant nih balo tukangk- tukangk romiingk jeh jodi botuh ponjuruu:11Hal to tojadi sik pihak Ponompa,pongodi toruunt dik ajaib wah motih dop,"12Lalu balo,e borusaha nyak nokop Yesus,nih balo,e ntaook,bahwa balo,e lah dik nih dop, maksud ngan porumpamo nyen.Totapi ballo,e golaak nih nya obeengk,jodi balo,e obu samel ngadu,e dop,e.13Mosik nyent nih ngaso banso kudu konaan nya Farisi ngan Herodias koni Yesus nyak roo njoraat Dop,e nginyak bobagae potanyaan.14Nya nya nyent monik gok boboba nganu,e,"Guru,me taok moo sajoo ntoyaant dik bujoor,gok moo kae golaak koni oseh pun nya,e,sobab moo kae moncarik muka,molainkan ngan bujor ngajor joraant Ponompa nginyak sogala kojujuran.Apakah to ngaso taok mayar pajak koni Kaisar atau kataook?Aruskah me mayar atau kae?15Tetapi Yesus jeh taok nkaant komunafikan ballo,e,lalu boboba nganu balo,e:"Ngoneh moo roo ncuba Koo?Dibeet maeh koto tek buah dinar sopayo koo taok leek,e!"16Lalu balo,e meet,e,maka Dop,e botanyaak koni balo,e:"Gamaar gok tulisan oseh kah to?"Samoot balo,e:"Gamar ngan tulisan Kaisar,"17Lalu boba Yesus koni balo,e:"Punyok maeh manu Kaisar oneh dik wajib moo tunyok koni Kaisar gok koni Ponompa oneh dik wajib moo tunyok koni Ponompa!" balo,e sangat nyarooh ngopiingk Dop,e.18Moniklah koni Yesus banso kudu konaan nya Saduki,dik sopondapat,bahwa kae odoh kobangkitan.ballo,e botanyak nganu,e:19"Guru,Musa nulis porintah to nyak dop:Jika ntoyaant,dik odoh posiik,e nya ndarii,kobeek ngan ntiggal osaao,e totapi kae ntiggal onak,posiik,e arus boromiingk ngan osaao,e nyen nyak mbangkitkan koturuunan bagi posiik nyen.20Odohlah iju nya boposiik.dik pontojih boromiingk gok tek konaan ndayoongk tapi kobeek sajo kae nontook koturuunan.21Lalu dik kodukah,e nyen boromingk ngan domp,e sik kobis sajo kae nontook koturuunan.Domikian geh ngan dik kotoruuh,e.22Gok wook nyen sotorus,e,koiju,e kae odoh nontok koturuunan.Gok pajooh,sosudah balo,e sidiik,nya ndayoongk nyen pun kobiis.23Libo onu kobangkitan,bilamana balo,e bangkit,osehkah dik jodi boniih ndayoongk nyen? sobab koiju nyen jeh suah boromiingk gok domp,e,"24Samoot Yesus koni balo,e:"Moo sesat,justru nih moo kae ngriti Kitab Suci maupun Kuasa Ponompa.25Sebab maak apabila nya bangkit sik tuda nya kobiis,nya kae boromiingk gok kae nih nganteen molainkan midop wook malaekat wah sobayoont.26Nyen geh geh pongodi hal bangkit,e nya kobeek,kae kah moo baca wah Kitab Musa,wah corita pongodi yoop borooja,kameh iint angkoong firman Ponompa koni,e:Koo lah Ponompa Abraham,ponompa Ishak,ngan Ponompa Yakub?27Domp,e kae lah Ponompa nya kobeek,molainkan Ponompa dik midop,moo sajo bonar sesat!28Lalu tek konaan Ahli Taurat,dik ngopingk Yesus ngan nya obih Saduki bopisek samoot gok jeh taook,bahwa Yesus munyook samoot dik tupaat koni nya nyeent,monik nganu,e gok bosona:"Hukuump oneh haeek dik paling utama?29Sonamoot Yesus:"Hukump dik torutama haeek;Kapingk bah,hae nya Israel,Tuhan Ponompa dop,Tuhan nyen esa.30Tongasehlah Tuhan,Ponompa moo,ngan sogonap jiwa moo gok ngan sogonap akol budi moo gok ngan sogonap kokuatan moo.31Gok hukuump dik kodukah haeek:Tongasehlah sosamoh moo monsia samooh wok moo soniriik.Kidoh ukump dik kiint dik lobeh utama sik pada kodukah ukuump to,"32Lalu kaant Ahlu Taurat nyen koni Yesus:"Tupat sokalu,Guru,bonar kaant moo nyen,bahwa dop,e esa,gok bahwa kae odoh dik laingk kocuali Dop,e.33Memang ngaseeh Dop,e ngan sogonap otii gok ngan sogonap pengertian gok ngan sogonap kokuatan,ngan geeh ngaseeh sosamoh monsia wook dop soniriik sajo oju lobeh utama sik pada sidik korban pungkaak gok korban pomoleh,"34Yesus ngronoong,kameh bijaksana nya samoot nya nyen,gok domp,e boboba koni,e:"Moo kae oju sik korajaan Ponompa!"Ngan tek konaan pun kae borani gek bopisek toruunt koni Yesus.35Libo pontojih tungkah Yesus ngajoor wah Bait Ponompa,Dop,e bokata:"Kameh ahli- ahli Taurat dopat nyonae,,bahwa Mesias sajo onak Daud?36Daud soniriik nih pimpinan Minu Ayu bosona:Tuhaan jeh bofirman koni Tuan koo:dudoklah wah sopiak tauh koo,sampae balo munsu moo tongona koo wah sigaant koja moo.37Daud soniriik nyobut Dop,e tuan domp,kameh wook dop,e onak,e pula?"Nya obeengk dik daiik jomilah,e ngopiingk Dop,e ngan sajo koowaangk,e.38Wah pongajoor,e Yesus bosona:"Hati- hati maeh toradap ahli- ahli Taurat dik konaak bojaloont- jaloont nginyaak jubah domiik gok samel owaangk,e ngrima ponghormatan wah pasar,39Dik konaak dudok wah paling jowii wah romingk somayaangk ngan dik wah aroongk terhormat sotiap odoh pongodi.40dik ningook romiingk balo janda- janda,tungkah balo,e mborool motiih nya ngan doa dik domiik- domiik.balo,e too pasti akan ngrimaa ukuman dik lobeh borat."41Libo kala Yesus dudok ngadop poti pesembahan samel ngratii kameh nya obengk murook dueet koni wah poti nyen.obengk nya kaya munyook jomilah dik daiik.42Lalu moniiklah janda tek konaan dik maa bagoont domp,e pun masok dukah peser,yaitu tek ko dueet.43Lalu tomangell dop,e balo murid,e samel bosona koni,e:"Koo bosona nganu moo,sosunguh,e janda bagoont to munyok lobeh obeengk sik pada sidik nya dik murook dueet koni saiih wah poti pesembahan.44Nih balo sidiik munyook siik kolobeeh dop,e,totapi janda to munyook siik pado kokuraangk dop,e,sidiik dik odoh wah domp,e,yaitu soluruh nafkah dop,e."

Chapter 131Libo Yesus koluar sik Bait Ponompa,tek konaan murid,e bosona nganu,e:"Guru,tileek bah sajo maa togaap gok botuh- botuh nyen ngan sajo megaah gok balo gedung- gedung nyen!"2Lalu Yesus bosona koni,e:"Moo tileek gadung- gedung dik hebat to?kidoh tek biterr pun botuh dik nih mbiaar tolotak wah somu botuh dik kiint,sidiik akan roo nongrurooh nya."3Libo Yesus dudok wah somu Doriik Zaitun,bokadoop,e ngan romiing Ponompa,Petrus,Yakobus,Yohanes gok Andreas bopisek soniriik nganu Dop,e;4"Sanoo maeh koni mee,bilamana toruunt nyen tojadi,gok oneh kah tanoo,e,maak sidik nyen akan moniik koni kosudaah,e,"5Maka botojihlah Yesus nyonaa nganu balo,e;"Waspada maeeh sopaya yook odoh nya dik roo nyosaat moo! 6Akan moniik nya obeengk nginyaak odaant Koo gok boboba:Koo lah Dop,e,gok balo,e roo nyosaat nya obengk.7Maak apabila moo ngopiingk gaooh poraangk atau agooh- agoh nya porangk,yoklah moo golisah.somontara nyen arus tojadi,totapi nyen goont pongkosiik,e.8Sebab banso roo borongkat nglawoont banso gok korajaan bolawoont korajaan.odoh tojadi gempa bumi wah bobagae aroongk,gok tojadi bagoont sobirook,Sidik nyen barulah pontojiih kojoraa bodopat jaman bauuh.9Totapi moo to,hati- hati maeeh!Moo akan nih nyiraah koni majelis rogama gok moo oduk pangkoongk wah romingk somayaangk ngan moo geh nih ngadop koni pomuka balo ponguasa gok rajo- rajo nih Koo,sobagae kosaksian nyak balo,e.10Totapi Injil arus tosobaar tiaant koni sokayuk banso.11Maak jika moo nih ngiriingk gok nih nyiraah,yook maeh moo wateer akan oneh dik arus moo sanoo,totapi sanoo maeh oneh dik nih ngarunia koni moo libo saat nyen,e,sebab kae moo dik bojantoh- jantoh,molainkan Minu Suci.12Tek konaan juruu akan munyook posiik,e nyak tongkomis,domikian geh nya muntuh toradap onak dop,e.Gok onak cade akan mborontak toradap nya muntuh,e gok ngancoomp ngkomis balo,e.13Moo akan tobonciik nya obeengk nih korina odaant Koo.tetapi nya dik botahaant sampae libo pongkosiik,e domp,e solamat.14"Apabila moo leek Pombinasaan kobieek tokiit wah aroongk dik sopatut,e- gok nya pomaca hendaklah ngratii,e- maka balo nya dik wah Yudea arus geh ngkobuu dop,e koni dampoh doriik.15Ntoyaant dik tungkah wah pongabuunt wah somu romingk yooklah domp,e tomonaah gok masok nyaak roo miaah toruunt sik waah romiingk,e,16Wook nya dik tingkah wah miih yook maeh domp,e morii nyak roo miaah adoh,e.17Colakalah nook ntoyaant dik tungkah bitii atau dik ntisuuk cade libo masa nyent.18Bodoa maeh,sopaya sidik nyent yook tojadi libo musim colap.19Nih libo masa nyen odoh tojadi ponyiksaan wook dik goont suah tojadi sejak pontojih dunia,dik tongkodooh Ponompa,sampae ntooh ngan dik kae akan tojadi.20Gok sokirae ponompa kae ngkicop onu,e,maka sik sogala dik midop kae akan odoh dik solamat,akan totapi nih korina balo nya pilihan dik jeh nih dop,e mileeh,Ponompa ngicoop onu,e.21Libo masa nyen maak nya bosona koni moo:Tileek,Mesiaas odoh wah too,atau:Tileek,Mesias odoh wah nyuuh,yok moo ncayook.22Nih Mesias- mesias palsu gok nabi- nabi palsu akan timool gok balo,e ngkodie mujizat ngan maksud,maak sokira,e,nyosaat nya ntoyaant pilihan.23Hati- hati maeh moo!Koo jeh lobeh tiaant nyona sidik to nganu moo,"24"Tetapi libo masa nyent,mosik siksaan to,motihonu akan jodi pitii ngan buraant kae tampook.25Gok bintangk- bintangk akan borubuus sik ronyeent gok kuasa- kuasa ronyeent akan toguncaangk.26Libo masa nyen nya akan leek Onak Monsia monik wah romaangk- romangk ngan sogala kokuasaan gok komuliaan Dop,e.27Gok masa nyen pun Dop,e akan ngasoo koluar ballo malaekat,e gok roo ngrugook nya ntoyaant pilihan,e sik koempat ponjuru bumi,siik tojook bumi sampae koni tojook ronyeent.28Tareek maeh polajoor sik porumpamo toruunt koyuh nunook.Apabila rangaao- rangaao,e lomuut gok mulae bosuaat,moo taook,bahwa musim komarao jeh moniik.29Wook nyen geeh,maak moo leek hal- hal nyen tojadi,kinaamp maeh onu,e jeh somaak,jeh wah maao koree.30Koo bosona nganu moo:Sobonaar,e angkatan nyen kae kan bolalu,sobolum toruunt nyen tojadi.31Ronyeent gok bumi roo bolayeer,totapi boba-Koo sajo kae kan bolalu.32Totapi ngitoongk onu atau saat nyen kae tek konaan pun dik taook,malaekat- malaekat wah sobayoont pun kaae,Ngan Onak pun kaae,cuma Mangk maeeh,"33"Hati- hati maeh gok bojago- jago lah! Sebab moo kae taok kameh onu libo monik.34Gok hal,e samoh wook ntoyaant dik borongkaat,dik ntiggal romiingk,e gok nyerahkan tangongk jawab koni balo hamba,e,masing- masingk ngan tugas dop,e samel ngrintaah ponunguk kore sopayo bojago- jago.35Niih nyen bojago- jago maeh,sebab moo kae taok wok keh pun tuan rumah nyen morii,roo ngadop ngoriimp,atau tuda ngorimp, atau majii sunsoongk.36sopaya maak dop,e mpidat monik yok moo oduk todopat libo biis.37Oneh dik Koo nyona koni moo,sano maeh koni sidik nya:bojago- jago maeh!"

Chapter 141Onu Raya Paskah gok Onu Raya Kue Kae boragi roo tonojiih nya dukah onu gek.Imam- imam kopalok gok ahli- ahli Taurat mogao joraant nyak nokop gok ngkomis Yesus nginyak tipu muslihat,2sebab ballo,e bojantoh:"Yook libo onu Raya,sopayo kae timool pondoruuh nya wah tuda rayoot.3Libo Yesus borada wah Betania,wa romingk Simon dik kusta,ngok tungkah dudok duook,maka moniklah tek konaan ndayongk meet toruunt buli- buli midaangk borobiih minyaak naraswatu murni dik sajo mahal roga,e.Mosik nih morooh rasoongk buli- buli nyen,nih nopus minyak nyen nganu somu baak Yesus.4Odoh nya dik jodi ndoruuh ngan boboba dik kiint koni dik laiingk,:"Nyak oneh gooh mboros minyak naraswastu to?5Sebab minyak nyent taok tonyual toruh ratus dinar lobeh gok duet nyen taok nyak munyok nya- nya mosikent,"Lalu nya nyen ndoruuh ndayoongk nyent.6Tetapi Yesus bosona:"Nadu maeh domp,e.Ngoneh moo nyusah domp,e? Domp,e jeh ngkodi tiruunt pongodi dik baek koni koo.7Nih nya ntoyaant bagoont solarat odoh ngan moo,gok moo taok nulongk ballo,e.bilamana moo owangk maeh,tetapi koo kae kan solalu bosamoh- samoh gok moo.8Domp,e jeh ngkodi oneh dik dopat dop,e ngkodi,e.Woongk koo jeh nih minyak dop,e nyak posiapan nyak ponguburan koo.9Koo bosona nganu moo:Sosunguhnya wa keh maeh injil nih nyona wah sokayuk dunia,oneh dik nih ngkodi to akan tosobut geh nyak ngingaant domp,e."10Lalu obulah Yudas Iskariot,salah satu nya sik kodukah bolas onak murid nyent,koni imam- imam kopalok ngan maksud nyak roo nyeraahkan Yesus koni ballo,e.11Ballo,e sajo baek owaangk libo ngopiingk,e gok ballo,e jeh bojanyi munyok duet nganu,e.Mosik nyen domp,e mogao kosempatan dik baek nyak nyerahkan Yesus.12Libo onu pontojih libo Onu Raya Kue Kae boragi,tungkah libo nya moleh Domba Paskah,murid- murid Yesus bosona nganu Dop,e:"Koni arongk keeh dik koowangk moo,mee nganu,e nyak nyiapkan pojamuan Paskah nyak Moo?"13Lalu Dop,e ngaso dukah murid,e samel bopisingk:"Nanulah koni kota,wa ihh moo akan bodopat gok nya dik meet kendi borobih piingk,Najoh maeh domp,e.14Ngan sano nganu nya dik mpo romingk dik nih domp masok,Pisingk Guru;Wah keh ruangan dik nih nyodia bagi Koo nyak duok Paskah bosamoh- samoh ngan balo mrid koo?15Lalu ntoyaant nyen nijuk koni moo tek ruangan wah somu dik daiik,dik lengkap ngan tosodia.Wah ni,e lah moo aruus menyiapkan Pojamuan Paskah nya dop!"16Maka borongkatlah kodukah murid nyen jeh monik wah kota,nih ndopat ballo,e sidik nya wook dik nih Yesus nyona nganu dieent,e.lalu ballo,e nyiapkan Paskah.17Libo onu jeh ngoriimp,moniklah Yesus borota ngan kodukah bolas murid nyen.18Libo tungkah balo dudok wa nyen tungkah duokYesus bohantoh:"Koo bosona koni moo,sosunguh,e tek konaan wah antara moo roo nyerahkan Koo,yaitu Domp,e dik duok gok Koo,?19Maka sedih owangk ballo,e gok tek konaan koni kiint bopisek koni Dop,e:"Kae koo,ya Tuhan?"20Dop,e nyamoot:"Nya to ialah tek konaan sik moo dik dukah bolas to,Domp,e dik ncilipkan kue koni tek pingaan ngan Koo.21Onak monsia memang akan obu sosuae ngan dik odoh totulis pongodi Dop,e,akan totapi colakalah nya nih Domp,e Onak Monsia nyent nih munyok.odoh geh lobeh baek bagi nya ntent sokitar,e Dop,e kae nih kodooh,"22Gok libo Yesus ngan murid- murid Dop,e tungkah duook,Yesus miaah kue,ngucap syukur borikat,nih ngrocak- rocak lalu nih munyok nganu balo,e samel bosona;"Tiaahlah,too lah woong koo,"23Mosik nyen Dop,e miaah Cawoont,ngucap syukur lalu nih munyook koni ballo,e,gok balo,e sidik nyinop sik cawoont nyen.24Gok Dop,e bosona koni balo,e:"To lah doya koo,doya pijanyi,dik nih nyoyaangk nyak nya obeengk.25Koo bosona koni moo;Sosunguh koo kae kan nyinop agek aseel puunt anggur sampae pado onu Koo nyinop,e,yaitu dik bauh,wah saih korajaan Ponompa,"26Mosik dieent,e bonyanyi lagu pujian,morii lah balo, koni Bukit Zaitun.27Lalu Yesus bosona nganu balo,e:"Moo sidik akan toguncaangk iman moo.nih odoh totulis:Koo akan mongkoongk pongiring gok domba- domba nyen naso ko boponcae.28Akan nih nyen Koo mobgkat,Koo akan tiaant sik moo koni Galilea,"29Kaant Petrus nganu,e:"Biarpun balo nya sidik toguncaangk iman,e,koo kae."30Lalu sano Yesus koni,e:"Koo bosona nganu moo,sobonar,e libo onu to,ngoriimp to geeh,libo goont siap ngkokuuk dukah kali,moo jeh nyangkool Koo toruuh kali.31Tetapi ngan lobeh bosunguh- sunguh Petrus boboba:"Sokalipun koo arus kobek bosamoh- samoh gok Moo,koo kae kan nyangkool Moo,"Sidik dik kiint pun boboba wok nyen geh.32Lalu moniklah Yesus ngan balo murid,e koni aroongk dik borodaant Getsemani..Boba Yesus koni balo murid,e:"Dudok maeh wa to,somontara Koo bodoa,"34Lalu dop,e nyona nganu balo,e:"Owangk Koo sajo sedih,nyaam roo kobek nyam,e.Montoklah wa to gok bojago- jagolah,"35Dop,e maju koot,ngrobah dop,e nganu poya samel bodoa sopaya sokiraa,e,libo nyen bolalu sik dop,e.36Kaant dop,e:"O Abae,O Mangk,kae odoh dik mustahil bagi- Moo,tiaah maeh cawoont to sik Koo,totapi yook lah oneh dik nih koowangk koo,molaingkan oneh dik koowaangk Moo."37Mosik nyen dop,e monik geek,ngan ndopat kotoruh,e tungkah biis,Gok dop,e bosona nganu Petrus:"Simon,tungkah biis aek moo?Kae kah moo sangiip bojago- jago kitek jam?38Bojago- jagolah ngan bodoalah,sopayo moo kae jotuuk nganu saih poncobaan ;Minu sajo ngajooh,totapi iseeh lomah,"39Lalu Dop,e obu gek samel ngucap doa dik nyen sonu,e.40Gok libo Dop,e morii,dop,e sik ndopat ballo,e tungkah biis,nih motiih balo,e sajo borat gok balo,e kae bisa nyamoot oneh dik arus balo,e punyok nganu,e.41Mosik nyen Dop,e moniik gek nyak kotoruh kali,e samel bosona koni balo,e;"Biis maeh ntooh gok istirahat maeh,Boyaah nyam,Libo,e pun jeh monik,,Tileek,Onak Monsia nih nyiraah koni tongan nya ntoyaant dik bodosa.42Mongkatlah,booh dop obu,Domp,e dik nyirah Koo jeh somaak."43Libo Yesus gek bojantoh,timool lah Yudas,salah satu sik kodukah bolas murid nyen,gok bosamoh- samoh domp,e tek rombongan nya meet podang gok polinongk,pongaso gok imam- imam kopalok,Ahli- ahli Taurat ngan ballo nya pomuntuh.44Nya dik nyirahkan Dop,e jeh nyona,e tano to koni balo,e;"Nya dik nih koo nodook,nyenlah haeek,dakoop maeh Dop,e,dibeet maeh Dop,e ngan idop- idop,e.45Gok libo Dop,e monik wah nie,Dop sogira maju ndopat Yesus samel bosona:"Rabi,mosik nyen nodook Dop,e.46Maka balo,e migoongk Yesus samel nokoop Dop,e.47Salah satu nya sik balo,e dik odoh wah nyen noreek podang,e,lalu ngiyaao,e koni hamba Imam daiik sohinga potiik kopiingk,e.48Kaant Yesus nganu,e:"Sangka moo Koo to ponyamun kah,maka moo monik lengkap meet podaangk ngan polinongk nyak roo nokop Koo?49Padahal tiap- tiap onu Koo odoh wah ropot dieent ngajoor wah romingk Ponompa,gok moo kae nokop Koo,tetapi arus tonggonap dik totulis wah saiih kitab suci.50Lalu sidik balo murid,e nyen ntiggal Dop,e maeh samel ngkobuu dieent,e.51Odoh nya monguunt,dik libo nyen somuuk nginyaak solamoor adoh mopaau nyak nitoop woongk,e,ngajooh Dop,eBallo,e roo nokoop domp,e.52tetapi domp,e nlopoos adoh,e gok obuu ngkoduuh samel kolanyaao.53Mosik nyen Yesus nih balo meet ngadop Omam Daiik.lalu sidik imam kopalok,balo nya pomuntuh ngan Ahli- ahli Taurat borugook wah nyen.54Gok Petrus ngajooh Dop,e sik ojaau,sampae wah saiih layoont Imam Daiik,gok wah iih dop,e dudok wah tuda pongawal- pongawal samel bosinuuh nyomaak opi.55Imam- imam kopalok,malah soluruh Mahkamah Rogama mogao kosaksian toradap Yesus sopaya Dop,e dopat tongukump kobiis,totapi balo,e kae ndopat,e.56Obeng nya geeh dik nyobut kosaksian palsu toradap Dop,e.tetapi kosaksian- kosaksian nyen kae sosuae dik kiint ngan dik laingk.57Lalu banso kudu konaan saksi nglawoont Dop,e ngan tuduhan palsu nyen.58"Mee jeh ngopiingk ntoyaant to bojantoh:Koo akan ngruroohkan Bait suci pongki tongan monsia to ngan wah toruuh onu akan kotangkii dik kiint,dik kae pongki tongan monsia."59Wah hal nyen pun kosaksian balo,e kae sosuae dik teek ngan dik kiint.60Maka Imam Daik mongkat tokiit wah ropot tuda sidang samel botanyaak koni Yesus," Kae kah moo munyook samoot atas tuduhan- tuduhan gok saksi to tohadap Moo?"61Tetapi Dop,e totap monae gok kae nyamoot oneh- oneh.Imam daiik bopisek gek koni Dop,e sokali gek,kaant,e;"Apakah Moo Mesias,Onak sik Dik Topuji?"62Samoot Yesus;" Koo lah haeek,gok moo akan ngronong Onak Monsia dudok wah sopiaak tauuh Dik Mahakuasa ngan monik wah tuda- tuda romaangk- romaangk wah ronyeent."63Maka imam daiik ngriaas adoh,e samel boboba:"Nyak oneh dop porolu saksi gek?64Moo jeh ngopingk hujat Dop,e tohadap Ponompa.Kameh ponapat moo?"lalu ngan boba dik bulat ballo,e mutuus sidang,bahwa Dop,e arus tongukuump kobek.65Lalu botojihlah banso kudu konaan nya ngrucooh Dop,e samel nitoop jowi,e gok ngocooh dop,e samel bosona nganu,e;"O nabi,aboo tonobaak!" Malah balo pongawal pun mongkoongk Dop,e.66Libo saat nyen Petrus gek odoh wah sigaant,waah layoont.Lalu moniiklah tek konaan hamba ndayoongk Imam daiik.67Gok libo nyent ndayoongk nyen ngronong Petrus tungkah tobongaamp,domp,e leek jowi,e samel bosona;Moo geeh dik gaah ngajooh bosamoh- samoh ngan Yesus,Nya Nazaret nyen."68Totapi Dop,e nyangkool,e gok bosona:"Koo kaee taook ngan kae toritii oneh toruunt nih moo maksud,"lalu dop,e koni kolasar jowi,e ( ngkokuuk lah siaap)69Libo hamba nya ndayoongk nyen ngronong Petrus geek,bojantohlah domp,e nganu balo ntoyaant dik odoh wah nyen."Ntoyaant nyen salah satu sik balo,e."70Totapi Petrus totap nyangkool,kae otaae mosik nyen balo nya dik odoh wah nyen bojantoh geh koni Petrus:"Moo too pasti nya ntoyaant sik ballo,e,apalagi moo nya obih Galilea!"71Maka mulailah Petrus ntulah samel bosumpah:"Koo kae kinaal nya dik nyak moo sanoo to!"72Gok libo saat nyen siaap pun ngkokuuk kodukah kali,e.maka toringaant lah Petrus,bahwa Yesus jeh nyonaa nganu domp,e:"Libo goont siaap ngkokuuk dukah kali,moo jeh nyangkool Koo toruuh kali,"lalu nongiis modaas dop tosokeek- sokeek.

Chapter 151Maji sunsoongk Imam- imam kopalok bosamoh balo nya muntuh ngan ahli- ahli Taurat gok soluruh Mahkamah Rogama jeh bulat pokat,e.Balo,e ngontangk Yesus lalu dibeet,e dop,e samel nih munyok koni Pilatus.2Pilatus nganu Dop,e;"Moo kah rajo ntoyaant Yahudi?"samoot Yesus:"Moo soniriik nyona,e."3Lalu Imam- imam kopalok ngajukan obengk tuduhan tohadap Dop,e.4Pilatus bopisek pulak koni,e,kaant,e:"Kae kah moo munyok samoot?Tileek bah botapa obengk,e tuduhan balo,e tohadap moo!" 5Totapi Yesus samoh sokali ngaak nyamoot gek,sohinga Pilatus morasa rusiingk.6Jeh jodi kobiasaan nyak nglopoos tek konaan ponosaat libo onu raya nyen monuruut pominypta nya obeengk.7Libo pado onu nyen odoh geh tek konaan dik borodaant Barabas tungkah nih monjara bosamoh kudu ntoyaant pimborontak dik kiint,.Balo,e jeh ngkodi pongobeek libo pomborontakan.8Maka moniklah nya obengk ngan minta sopayo ntooh kobisaan nyen naso najeh geh.9Pilatus nyamot balo,e gok bopisek:"Apakah moo ngowaangk supaya koo mbebaskan rajo nya Yahudi to?" 10Domp memang jeh ntaook,bahwa imam- imam kopalok nyirah Yesus nih kodingki.11tetapi imam-imam kopalok ngasut nya obengk nyak minta sopaya Barabaslah dik tombebas nyak balo,e.12Pilatus sokali gek njawob ngan bopisek koni balo,e:"Maak wok nyen,oneh dik arus kopobuat ngan nya dik nih moo nyobut rajo Yahudi to?"13Maka balo,e mangkos gek,samoot,e:"Saleb maeh dop,e!"14Lalu Pilatus bosona nganu balo,e:"Totapi kobieek oneh dik jeh nih dop,e ngkodi?"namun ballo,e makin boromaant mangkos:"Sonaleb maeh Dop,e!"15Gok nih korina Pilatus owangk mpuas oti nya obengk nyen,Domp mbebas Barabas nyak balo,e.Tetapi Yesus nih nyirah lalu nihlasah nyak tonyaleb.16Mosik nyen sodadu- sodadu meet Yesus koni saiih istana,yaitu gedung pongadilan,ngan nosu soluruh pasukan bokumpul.17Balo,e ngrosok jubah ungu koni Dop,e,njomet solampok mahkota boroja samel nya tona wah tunuh baak,e.18Mosik nyen balo,e munyok hormat nganu,e sano,e:"Salam hae rajo nya Yahudi!"19Ballo,e nlasah baak dop,e nginyak munte,samel nih ngrucoh gok bolutut nyomah dop,e.20Jeh mosik ngolok ntayoomp Dop,e ballo,e nguleh jubah ungu nyen sik dop,e samel ngrosook adoh nganu,e.21Libo saat nyen lalu tek konaan nya dik borodaant Simon,nya Kirene,Mangk Aleksander gok Rufus,dik bauh monik sik koluar kota,gok nya nyen ballo,e paksa nyak nyingkongk saleb Yesus.22Ballo,e met Yesus koni aroongk dik borodant Golgota,dik boriti:Arongk Koruntok.23Lalu ballo,e munyok anggur bocampur sonayook nganu,e,tapi Dop,e botulak.24Mosik nyen ballo,e nyaleb Dop,e,lalu balo,e magi adoh,e,ngan cimot undi wa Dop,e nyak nontukan bagian- masingk- masingk.25Onu jam somilaant libo Dop,e nih nyaleb.26Gok alasan ngoneh Dop,e nih ngukuump tosabut wah tulisan dik topasangk wah nyen:"Rajo nya Yahudi."27Bosamoh gok Dop,e nih tosaleb geh dukah konaant ponyamun,tek wah sopiak tauh,tek wah sopiak moyet Dop,e.28Domikian gonap haeek nas Alkitab dik boriint:"Dop,e akan toritongk wah ropot nya- nya dik tulah,"29Balo nya ntoyaant dik lalu wa nyen nghujat Dop,e,ngan samel bogilek baak dieent bosona:"Hae moo dik nrurooh Bait Suci ngan roo tombangun morii solama toruh onu,e,30tomonah bah sik somu saleb nyen gok tonyolamat moo!"31Mosik nyen imam- imam kopalok bosamoh- samoh gok ahli Taurat mengolok- olok Dop,e wah antara balo,e soniriik gok balo,e boboba:"Nya kiint Dop,e solamatkan,tapi diri dop,e sonirik kae dopat Dop,e solamatkan!32Baeklah Mesias,Rajo Israel nyen,tomonah sik saleb nyen,sopayo dop leek gok pocayok."Bahkan kodukah nya dik nyaleb bosamoh- samoh gok Dop,e ncela Dop,e geh.33Libo pas jam dukah bolas,pitii nglilingk sokayuk daerah nyent gok bolansong sampai jam tiga,34Gok tungkah jam tiga mangkoslah Yesus ngan boba nyaringk:"Eloi,Eloi,lama Sabakhtani?"dik boarti:Ponompa koo,Ponompa koo,ngoneh moo ntiggal koo?35Ngopingk nyen:banso kudu konaan dik gek tokit wah nyen bosona;"Tileek,Dop,e bojantoh nosu Elia,"36Maka moniklah tek konaan nya meet bunga karang,nih nciliip nganu anggur mosiim mosik nyen nih nicip nyak kayo munte samel munyok nganu Yesus nyinop samel bojantoh:," Baeklah dop nunguuk samel ngronong apakah Elia monik nyak roo ntonah Dop,e."37Mosik nyen bobobalah Yesus nyak boba nyariingk,gok munyook nyawa,e.38Libo nyen tabeer Bait suci topiaak dukah sik nganu sigaant.39Libo kopalok pasukan dik tokiit bokadop gok Dop,e ngronong kobis,e wok nyen,Bojantoh lah domp,e:"sajjo maant"nya too haeek Onak Ponompa!"40Odoh geh kudu konaan ndayoong dik ngronong sik ojau,sokitar Maria Magdalena,Maria nook Yakobus monguunt ngan Yoses,gok Salome.41Ballo,e sidiik jeh ngajooh Yesus gok nglayan-Dop,e wah Galilea.Gok odoh geh wah nyen obengk ndayongk kiint dik jeh monik nganu Yerusalem borota- rota ngan Yesus.42Somontara nyen onu mulae ngoriimp,gok onu nyen haeek onu posiapan,yaitu onu nyomaak Mingu.43Nih nyent Yusuf,Nya Arimatea,ntoyaant anggota Majelis daiik dik topanaangk,dik geh roo nunguk- nunguuk Korajaan Ompik Ponompa,mboteek dop,e ngadop Pilatus samel minta mayaat Yesus.44Pilatus pun heran ngopingk bahwa Yesus jeh kobeek.Maka domp,e nosu kopalok pasukan gok miseek nganu,e apakah Yesus jeh kobeek.45Mosik nih ngopijngk ponyona kopalok pasukan,Domp,e mbinaan munyook mayat Yesus nyen koni Yusuf.46Yusuf pun miriih kain pocak puteh,mosik nyen domp,e ntonaah Yesus sik saleb gok ngopa,e nyak kaiin pocak puteh nyen.Lalu mbariingk Dop,e wah saih kubur dik nih nguceeh wah saiih doriik botuh.mosik nyen nonggulingk,e botuh daiik koni kubur nyen.47Maria Magdalena gok Maria nook Yoses ngronong wah keh Yesus nih mbarae.

Chapter 161Setelah mosik onu mingu,Maria Magdalena gok Maria nook Yakobus,sorota Salome mirih rempah- rempah nyak dibet nganu kubur samel modak minyak nganu Yesus.2Sajo maji- maji sunsongk pontojih onu mingu nyen,tungkah motionu timu,ballo,e koni kubur.3Balo,e bopisek nya tek ngan koni dik kiint:"Oseh dik naso dop ngguling botuh nyak dop sik kore kubur?"4Tetapi libo ballo,e ngronong sik somaak,tileeklah,botuh dik sajo daiik nyen jeh togulingk.5Lalu balo,e masok koni wah saih kubur gok balo,e ngronong ntoyaant monguunt dik nginyak jubah mopau dudok wah sopiak tauh.balo,e pun sajo mpojeet.6Tetapi nya monguunt nyen bosona nganu balo,e;"Yok golaak! Moo mogao Yesus sik Nazaret,dik nih nyaleb nyen,Dop,e jeh bangkit.Dop,e kae wa to gek.Tileek!To lah arongk ballo,e nbaringk Dop,e.7Tetapi ntoh mori maeh,sano lah nganu murid- murid,e ngan Petrus:Dop,e jeh tiaant sik moo wah Galilea;Wa ihh moo akan ngronong Dop,e,wok dik nih nyonaa koni moo,"8Mosik nyen ballo,e koluar ngkoduh ntiggal kubur nyen,sebab gontar ngan dahsyat numpa baloo,e.Ballo,e kae boboba oneh- oneh koni oseh nya pun geeh nih toruna golaak.sajo sotogal balo,e nyona,e sidik pisingk to koni Petrus ngan dingaan dop,e.Mosik nyen Yesus soniriik gok porantara murid- murid,e nyonakan borita sik Timur koni Barat borita dik sajo suci gok kae tobinasakan kosolamatan dik kokal nyen.9Jeh mosik Yesus bangkit jak sik maji onu pontojih mingu nyen,Dop,e nojih ngronong dop,e nganu Maria Magdalena.Nih sik domp,e Yesus suah ngosaar iju sitaan.10Mosik nyen ndayoongk nyen morii nyona,e nganu ballo,e dik solalu ngiringk Yesus,gok dik wah onu nyen tungkah jora ngan botongiis.11Totapi libo balo ngopingk,bahwa Yesus midop gok jeh totileek nih nya,balo,e kae pocayok.12Mosik nyen Dop,e ngampoor dop,e wah toruunt dik kiint koni dukah ntoyaan ngan balo,eì,libo dieent dukah bojaloont koni luar kota.13Lalu morii maeh ballo,e samel nyonae koni dingan- dingan dik kiint,totapi koni ballo,e pun balo dingan nyen kae pocayok.14Akherr,e Dop,e ngampor dop,e koni kosobolas nyen libo balo,e tungkah duok,ngan dop,e ncela nih kae pocayok gok kotingeengk owangk balo,e, nih korina balo,e kae pocayok koni ntoyaant dik jeh ngronong Dop,e pongkosik kobangkitan- Dop,e.15Mosik nyen Dop,e bosona nganu balo,e:"Borongkat maeh koni soluruh dunia,sano maeeh Injil koni sogala makhluk.16Oseh dik pocayok gok nih baptis oduk tonyolamat,totapi oseh dik kae pocayok akan oduk ukuump.17Tano- tano to akan ngrota nya ntoyan dik pocayok:balo,e akan ngkobu muunt sitan domi odaant- Koo,balo,e akan ngomong wah boba- boba dik bauh nyak balo,e,18Balo,e akan migoongk nyipiih,gok sokalipun balo,e nyinop racun kobis,balo,e kae akan nopat colaka; balo,e akan nglotak tongan,e wah somu nya monaamp,ngan nya nyen akan baeek."19Mosik Tuhan Yesus ngomong wok nyen nganu balo,e, torongkatlah Dop,e nganu sobayoont,lalu dudok wah sopiak tauh Ponompa.20Balo,e pun mori nyona agooh Injil koni sogala ponjuru,gok Ponompa ngajoh bokorija gok nogap firman nyen ngan tano- tano dik borota,e.

Luke

Chapter 11TEOFILIUS dik mulia,Obekng nya jeh usaha bosusun toruunt nyak nyona agooh pongodi jantooh boba diik jeh tojadi wah antara dop, 2wook dik jeh nih nyona nganu dop,jaak siik ramiis odooh saksi mata gook polayaan Firman.3Niih nyen,mosiik koo nyolidiik kojadi nyen jak siik tojiih,koo miaah koputusan nyak mbuku nyen jodi toratoor nyak mo,4Sopaya mo taook ritii,e,bahwa sidiik toruutn diik ngajoor nganu mo.5Libo zaman Herodes,rajo Yudea,odooh tek naan imam diik borodaatn Zakharia nya siik Abia.Osao,e pun borasal siik koturuun Harun,odaatn,e Elisabet. 6Sidiik nya dukah nyen baeek wah jowie Ponompa gook midoop monuruut sidiik atoor porintah ngan potapoo Ponompa diik kidooh cacat.7Tapi dieetn,kidooh dopat onak,Sbab Elisabet manool gook kodukah nyen jeh muntuuh umuur,e.8Libo pado onu,e,jeh moniik onu gileer balo,e,Zakharia ngkodie tugas koimanan,e wah jowie Ponompa.9Libo jeeh nih ngundi,oneh ubah lazim,e,nyak nontu imam diik botugas,domlah nih nijuuk nyak masok nganu Bait Suci samel nicool ukupan wah nyen.10Somontara nyen sidiik umat borugook wah sopaa samel somayakng.Nih libo nyen sajo onu nyak nicool sonayook.11Maka libo nyen tileek lah Zakharia tek konaan malaekat Ponompa tokiit nyomaak tauuh mezbah ponicool sonayook.12Ngronokng hal nyen Domp tokojoot mpojet jodi golaak,e.13Tapi malaekat nyen ngomokng koni domp,e:"Yook golaak,o Zakharia,niih doa moo jeh nih ngabul gook Elisabet,osaoo mo,pasti ngkodooh onak cade ndarii nyak mo gook aruslah mo mongki odaatn domp Yohanes.14Mo pasti sinakng gook baek owakng mo,bahkan nya obekng roo sinakng libo jeeh pongkodooh nyen.15Sbab domp pasti daiik wah jowie Ponompa gook domp sajo kae nyinop anguur ngan ponyinoop diik koras gook domp pun borisiik ngan Minu Ayu jaak siik saiih toniik nook,e.16domp pasti mongki obeekng ntoyaatn Israel bobaleek koni Ponompa,Tuhan dieetn,e.17gook domp pun bojalootn ojau tiaatn sik pPonompa ngan Minu gook kuasa Elia nyak mongki owakng balo nya muntuuh bobaleek nganu onak cade,e ngan balo nya tulah rangkooh koni pomikeer nya baeek nih wook nyen nyopat nyak Ponompa toruutn diik layak nyak Dop,e.18Lalu samoot Zakharia nganu malaekat nyen:"Kameeh wook koo taook,hal nyen tojadi? Niih koo jeh muntuuh gook osaoo koo pun jeeh umur muntuuh," 19Samoot malaekat nyen nganu,e:"Koo too,e Gabriel diik nglayan Ponompa gook koo pun nih ngutus nyak boromokng ngan mo nyaak nyona agooh dik baek to koni mo.20Sobonar,e mo roo jodi bisuuk gook kataook ngomokng sampae koni onu,e,wah keh sidiik nyen jeh tojadi,nih mo kae pocayook boba koo diik sajo maatn kobonar,e nyen odooh onu,e.21Libo nyen ntoyaatn obekng botunguk-tunguk ngan Zakharia,Balo,e jodi nyarooh,ngoneeh domp otae wah saiih Bait Suci.22Libo domp somopaa,domp pun kataook bojantooh boba libo nyen,e balo,e ngritii,bahwa domp odooh leek toruutn wah poronokng,e wah saiih Bait Suci.Domp pun nyona isyarat koni dieetn,niih domp magootn bisuuk.23Jeeh mosiik onu jangkook tugas jabatan,e,domp morii ko romiikng.24Jeh kotaae mosiik nyen Elisabet,osaoo,e,bitii jeh solama rimiih buraatn domp kidooh ngampoor bako,e sanoe: 25"To haeek toruutn pongodie Ponompa nyak koo,ntooh domp pun lookng ngapuus ieek koo wah jowi nya.26Wah buraatn ko niim Ponompa ngaso malaekat Gabriel obu koni kota wah Galilea borodaatn Nazaret, 27koni tek naan porawan dik botunang ngan nya borodaatn Yusuf siik lawookng Daud;odaatn porawan nyen Maria.28Libo malaekat nyen masok ko romiikng Maria,domp nyona:"Salam,nyak mo diik borosiki, Ponompa ngrota mo."29Maria mpojeet ngopikng boba nyen,Lalu bopiseek wah saiih owakng,e,oneh ritii salam to.30Sano malaekat nyen nganu,e:"Yook golaak,o Maria,sbab moo dopat kaseh rosikii wah jowie Ponompa.31Sobonar,e moo roo bitii gook roo ngkodooh ntoyaatn onak cade ndarii aruslah moo mongki odatn Domp Yesus.32Dop,e jodi daiik domiik nyak sobut nya Onak Ponompa Diik Sajo Domiik.Gook Ponompa Rayoo roo munyook nganu,e takhta Daud,abae boraak,e.33Dop,e pun jodi rajo nyak kaum koturuutn Yakub sampae konooh,e ngan Korajaan,e kidoh pongkosiik,e.34Sano Maria koni malaekat nyen:"Kameh wook nyen taook tojadii,sajo koo gootn boboniih?" 35Samoot malaekat nyen nganu,e:"Minu Ayu tomonaah wah moo gook kuasa Ponompa Rayoo Diik sajo Daiik nglinookng moo;niih nyen onak diik nyak moo roo tongronaak nyen sobut nya Kudus,Onak Ponompa.36Gook sobonar,e,Elisabet, posiik moo nyen,domp pun libo bitii ntoyaatn onak cade ndarii libo umur,e muntuh ngan too geeh buraatn koniim,e nyak domp,dik sobutnya manool nyen.37Sbab bagi Ponompa kidooh dik odooh mustahil," 38Sano Maria:"Sobonar,e koo too hamba Ponompa;Jodi maeh koni koo monuruut ponyona boba moo nyen,"Lalu malaekat nyen ntiggal domp.39Jeh banso kudu onu mosiik nyen borangkat lah Maria lansokng bojalootn koni ibaar doriik nyak nuju koni kota wah Yehuda.40Wah nyen domp masok nganu romiikng Zakharia samel nyona salam nganu Elisabet.41Gook libo Elisabet ngopiikng salam Maria, bogoraak lah onak cade wah saiih toniik,e,gook Elisabet pun borobiih ngan Minu Ayu,42Lalu nyona ngan boba nyariikng;"Diberkatilah moo wah sidiik nya ndayookng gook toborikat lah buah kobitii mo. 43Oseeh bah koo to sampae kaapm Ponompa koo moniik njongook koo? 44Sbab sobonar,e,libo salam moo moniik nganu kopikng koo,onak diik wah saiih toniik koo nlumpaat baeek owaakng. 45Domp pun ma senakng,e,diik niih ncayook,sbab oneh diik nyona koni,e siik Ponompa,pasti tolaksana."46Lalu sano Maria:"Jiwa koo mijiih Ponompa, 47gook owakng koo sinaakng niih Ponompa,jurusolamat koo,48Sbab domp jeeh ngronokng koronaah hamba,e.Sobonar,e,jaak siik ntooh sogala koturuutn nyobuut koo maa bagia, 49Niih diik Ma kuasa jeeh ngkodie pongodi-pongodie koni nyarooh koo dik sajo odaatn,e Baeek.50Gook asookng,e bokoturuutn ngan nya diik golaak ngan Dop,e. 51Dop,e ngampoor kuasa,e ngan gok pongodie tongan,e diik moncae poraee balo ntoyaatn diik rongkaso owakng,e;52Domp pun ntonaah nya dik bokuasa siik takhta,e sameel ngaso daiik domiiik nya diik ronaah; 53Dop,e munyook lobeh toruutn dik baek nyaak nya dik sobiroook, gook ngasoo nya dik kaya obu ngan tongaan puaakng;54Dop,e mantuuk nya Israel,hamba,e,niih Domp ngingaatn kobaek nya. 55wook dik nih janyi koni neek boraak dop,koni Abraham ngan koturuutn,e nyaak paji konooh,e."56Nyak Maria monaae kira-kira toruuh buraatn kotaae ngan Elisabet,lalu morii koni romiikng,e.57Mosiik nyen jeh gonap buraatn nyak Elisabet roo boranook gook domp pun ngkodooh onak cade ndarii. 58Libo balo lawookng bubeeh ngan gook balo posiik ngopiikng,bahwa Ponompa nijuuk rosiiki,e diik maa daiik koni,e,ngajooh bosinakng owakng samooh gook domp.59Maka moniik lah dieetn libo onu ko maae nyaak roo nyunaat onak cade nyen gook mongki odaatn dop,e Zakharia nyunoot odaatn makng,e. 60Tetapi nook nyonae,;" Yook,dop,e aruus nyak odaatn Yohanes."61Sano balo,e nganu,e: "Kidooh juruu posiik mo diik borodaatn wook nyen."62Lalu baloe munyook isyarat koni makng,e nyaak miseek odaatn oneeh diik nyaak tomunyook koni onak,e nyen. 63Domp minta bukuuk tulis: "Odaatn,e sajo Yohanes,"gook sidiik balo,e hiraatn.64Gook libo nyen tolopas lah jiraa,e gook tobukaak tukook,e,lalu domp ngomokng samel mujii Ponompa.65Maka baloe pun jotiikng golaak diik monaae somaak,e,gook sogala pongodie nyen jodi buah boba wah soluruh dampooh ompiik Yudea.66Gook sidiik nya,diik ngopiikng,e,bopikeer samel nyona:"Jodi oneeh bah onak cade to pajii?"Sbab tongaan Ponompa ngajooh domp.67Zakaharia dik maakng,e borobiih bunuuk ngan Minu Ayu,bosonaa,sano,e: 68"Topuji lah Ponompa,Ponompa Israel,niih Dop,e ngangkooh umat,e samel meet kobebasan balo,e.69Dop,e ngaso tiimuu sopiaak tanook kosolamatan nyak doop dik umat,e koturuutn Daud hamba,e. 70Wook dik jeh nih domp nyona jaak siik jaman purbakala saeek mula,e nih balo nabi-nabi,e dik kobaeek.71Nyak nlopaas doop siik balo tongan munsu-munsu doop diik roo ngrareeh doop..72Nyak ngampoor pongodie,e koni neek boraak doop samel ngingaatn pojanjian diik Ayu.73Koo nyen sumpah diik niih Domp nyona koni Abraham,Abaae boraak doop,bahwa Domp ngarunia doop.74Sopaya doop, lopaas siik tongaan munsu supaya taook doop somayaakng kidooh owaakng golaak.75Nyak kobaaek ngan kobonaar,e wah jowi Domp sumuuur midop doop.76Ngan moo, o balo onak cade koo,nyaak sobutnya onak Ponompa diik sajo Rassi;Niih moo bojalootn lobeeh tiaatn siik Ponompa nyak nojiih mongki joraatn nyak doop.77Nyaak munyook koni umaat,e pengertian ngan kosolamatan diik bodasarkan ngan pongampunan dosa-dosa balo,e.78Niih rahmat ngan kaseh korunia siik Ponompa doop,wook oneh geek domp ngrintu doop,Silaao majii diik siik arookng diik domiik.79Nyak nampook nya diik monaae wah arookng pitii ngan wah riibu kobiis nyaak ngansooh koja doop koni nganu joraatn damae sojahtra.80Odoohpun cade nyen midoop daiik domiik gook somakiin botoduuk kuat minu,e.Gook domp pun monae wah padang guruun sampae nganu onu Dop,e aruus ngampoor bakoo koni Israel.

Chapter 21Libo masa nyen Kaisar Agustus ngoluaar odooh porintah,ngasoo daftar sokayuuk ntoyaatn waah soluruuh dunia.2To haeek pondaftar diik pontojiih niih ngkodie jaak siik libo Kirene jodi Wali negeri wah Siria.3Maka moniik sidiik nya ndaftar todoop,masing-masing nganu kota,e.4Wook nyen geeh Yusuf moniik siik kota Nazaret wah Galilea koni Yudea,roo nganu kota Daud diik boroodaatn Betlehem, - niih domp borasool siik lawookng romiikng gook koturuutn Daud, 5sopaya tondaftar bosamooh ngan Maria,tunangan,e,diik roopoot biiti.6Libo balo,e wah nyen jeeh roo moniik onu,e nyak Maria roo boranook, 7Domp pun ngkodooh onak cade ndari,onak dik ponojiih,lalu tomungkus,e ngan lampikng adooh samel tonggalae wah bubeeh,e,niih sigiik kidooh arookng geek nyaak balo,e gook arookng nyaak ngrimiitn.8Wah daerah nyen odooh balo pongkidop pomuruutn diik monae wah kolooh dangao ngjaggo pomuruutn dieetn libo onu ngoriipm.9Tiba-tiba tokiit teek konaan malaekat Ponompa,diik nyomaak balo,e gook komuliaan Ponompa bosilaao ngolilikng balo,e sohinga golaak,10Sano malaekat Ponomoa nyen nganu balo,e;"Yook goolaak,Diik sobonaar,e koo nyona nganu moo agooh baaeek diik daiik nyaak sokayuuk banso.11Onu to jeeh toroonaak nyak dieetn,Jurusolamat,nyen nya Kristus Ponompa,odoh wah kota Daud.12Gook too haeek tanoo nyak mo;Dieetn arus nopat cade teek naan diik niih moloot nyaak lampikng wah dulaakng.13Libo nyen geeh osuuk tileek nya dik bosamooh-samooh ngan malaekat nyen balo jireeh tontara sobayootn sameel mpau mijiih Ponompa,sano,e;" 14"Komuliaan nyak Ponompa diik sajjo daiik sorota damae sojahtra wah bumi wah ropoot ntoyaatn diik ngowaakng nganu,e."15Mosiik nyen balo malaekat ntiggal dieetn samel morrii koni sobayootn,balo gembala nyen bosona nganu dik tek kah tingaah,:"Booh yah koni Betlehem nyak ngronokng oneh dik tojadi wah nyuuh,wook diik jeh sano Ponompa koni dop." 16Lalu dieetn pun copat-copat borongkat gook bodopat Maria ngan Yusuf gook cade nyen,diik libo tongggalae wah dulakng.17Libo dieetn ,e ngronokng,e ,balo,e nyona oneh diik jeh nih nyona nganu dieetn ngan pongodi onak cade nyen. 18Gook sidiik balo,e nyarooh ngopiikng,e hal diik oneh nih balo,e nyona ngan hal dik sano gembala nyen koni dieetn.19Tetapi Maria ngona sidiik pokara nyen wah saiih owaakng,e sameel mikeer,e.20Maka morii lah gembala-gembala nyen samel nyanyi mijiih Ponompa niih sogala toruutn dik kapikng dieetn gok tileek balo,e jeh niih nyona koni balo,e.21Ngan libo roo jeh gonap mae onu gook Domp pun arus sonunaatn,Domp nih mongki odaatn Yesus,nyen tih odaatn disano malarkat libo gootn,e Domp wah kobiitii nook,e.22Ngan jeh gonap onu pentahiran,monurut ukuupm Taurat Musa,dieetn meet Domp nganu Yerusalem nyak roo munyook Domp koni Ponompa,23Wook dik bise totulis wah ukuupm Ponompa:"Sidiik onak cade ndarii pontojiih aruus tonguduus nya nyaak Ponompa,"24Gook nyak munyook solla monurut oneh diik jeeh niih nyona wah ukupm Ponompa,nyen haeek sopasookng monook tokukor gok dukah sogola monook merpati.25Odooh nyen wah Yerusalem ntoyaatn diik boroodaatn Simeon.Domp nya dik bonar baek ngan saleh diik roo nunguuk pongibuur nyak nya Israel.Minu Ayu odoh ngan Domp,26Ngan wah Domp jeh nyato Minu Ayu,dik kae bisa kobeek libo gootn domp leek Mesias,nyen nya dik urapi Ponompa.27Domp moniik koni Romiikng Ponompa karrooh Minu Ayu,libo Yesus,Onak nyen,dibeet masok nya muntuuh nyak ngkodie nganu,e oneh dik tontunya nyak ulupm Taurat,28domp nyamuut Cade nyen samel nontaakng,e muji mijihh Ponompa,sano,e;29"Ntooh Ponompa,nadu maeeh koo too morii ngan damae sojahtra,sosuae ngan boba,Moo.30Sbab jeh motiih koo ngronokng kosolamatan moniik siik Moo.31Oneeh diik jeh nih moo nyodia waah sidiik jowi banso. 32Tampook diik jodi ponyataan nyak banso-banso kiitn jodi komuliaan nyak soluruh umat moo,Israel."33Gook maakng nook,e Domp sajo heraan niih oneh diik sano,e nganu,e pongodie Cadee,e.34Mosiik nyen Simeon mberkati Dieetn samel nyona nganu Maria,nook Cade nyen,;"Sobonaar,e Onak Cade to ditontunya nyak njotuuk atau ngongkat obeekng nya wah Israel gook nyak jodi tanoo nyak mongki podoruuh nya.35gook konooh podakng noluus jiwa moo soniiriik - sopaya jodi nyato pomikeer otii ntoyaatn obeekng."36Wah nyen pun odooh Hana,tek naan nabi ndayookng,onak Fanuel siik suku Asyer.Domp sajo jeeh muntuuh umur,e.Mosiik boromiikng domp midop iju sowaa kotaae ngan boniih,e,37gook ntooh domp jeh janda boruumuur maae puruu empat sowa.Domp kae suash ntiggal Romiikng Ponompa gook nyowa ngoriipm samel bopuasa gook bodooa,38Gook libo nyen geeh domp moniik ko yeetn samel ngucap syukur koni Ponompa gook boromookng gook Onak cade nyen koni,e sidiik nya diik nunguuk kolopasan nyak Yerusalem.39Jeh libo pongkosiik sidiik diik arus nyak kadie monuruut ukupm Taurat,Dieetn morrii koni pomonaae,kota nyen Nazaret,wah Galilea.40Onak cade nyen somakiin daiik bujaakng jodi kuat,odooh hikmat,gok kaseh korunia Ponompa odoh wah Domp.41Tiap-tiap sowa nya muntuuh Yesus koni Yerusalem libo sotiap onu raya Paskah.42Tungkah Yesus boumuur dukah bolas sowa,balo,e pun koni Yerusalem wook diik jeh-jeh libo onu raya nyen.43Pongkosiik onu-onu raya nyen,libo dieetn bojalootn morri,Montooklah Yesus wah Yerusalem kidooh nya muntuuh ntaaokk,e.44Balo mikeer bahwa laak odooh Domp wah bubeeh dieetn,ponyalootn dieetn jeh kaah onu kojuu,e,lalu dieetn bopogaao ngan Domp nganu dingaan,e gook balo oyookng kinal balo,e.45Niih balo,e kidooh nopat Domp,balo,e pun morri nganu Yerusalem samel mogaao Domp solarat.46Jeh toruuh onu baruu dieetn dopat Domp odooh monae wah saiih Baiit Ponompa,Dop,e libo dudook ngan balo Alim ulama samel ngopiikng balo,e ngan samel ngaju potanyaan koni balo,e.47Gook sidiik nya diik ngopiikng Domp sajoo maa heraan,e niih kopanaae Domp gook sogala samoot diik nih nyona.48Gook libo tungkah nya muntuuh,e leek Dop,e,balo,e ncungaao,sanoo nook,e nganu,e:"Bang,ngoneh mo mongki me wook to?Maakng Mo gook Koo sajo cemas mogaao Moo,"49Samoot,e nganu balo,e: "Ngoneh mo mogaao koo? Kae taook kh mo,bahwa koo arus borada monae wah romiikng Maakng Koo?"50Tetapi dieetn kae toritii,e ngan oneh diik sano,e nganu dieetn.51Mosiik nyen Domp morii borota dieetn nganu Nazaret; gook Domp pun magootn midop oduk tonguruus balo,e.Gook nook,e ngona sidiik pokara nyen waah saiih owaakng,e.52Gook Yesus pun makiitn daiik domiik gook botoduuk khikmad,e diik daiik,somakin niih Ponompa gook monsia.

Chapter 31Wah sowa korimiih bolas siik pomorintahan Kaisar Tiberius,libo Pontius Pilatus jodi wali negri Yudea,gook Herodes rajo wilayah Galilea,Filipus posiik,e,rajo wilayah Iturea ngan Trakhonis,gook Lisanias rajo wilayah Abilene.2Libo masa nyen Hanas ngan Kayafas jodi imam Daiik,moniiklah boba Ponompa koni Yohanes,onak Zakaria wah padang gurun.3Maka moniiklah Yohanes nganu daerah Yordan samel nyona:"Botobat maeh gook punyook bakoo mo nyak tombaptis gook Ponompa pun ngampuun dosa moo.4Wook dik jeh odooh totulis wah kitab-kitab nubuat Yesaya: Odooh boba-boba diik mangkoos wah padang guruun,Soniap ngan jorastn nyak Ponompa,Tomujoor ngan joraatn nyak Dop,e.5Sotiap orookng tonimuutn,e,gook sotiap doriik ngan tataae naso,e raato,dik bokilook naso,e tomujoor,diik borubakng-rubaakng naso toraato. 6Sidiik ntoyaatn pasti ngronokng kosolamatan jaak siik Ponompa,"7Mosiik nyen obeekng balo nya moniik naso minta tombaptis,sano,e:"O..o mo diik koturuutn nyipiih puaakng! Oseh kah diik nyona koni moo sopaya ngkorii todoop siik pondoruuh nya diik pasti moniik?8Jodi tongasel lah buah-buah sosuae ngan potobatan.Gook yook gooh roo bopiker wah owaakng mo:Abraham nyen nya muntiuh Maakng me! Niih koo nyona nganu mo:"Ponompa taook mongki onak nyak Abrahaam siik gook botuh-botuh to!9Kapook jeh odooh tosodia bagi kayoo koyuuh diik kidooh ngasel buah-buah diik baeek,nyak tibookng nfan nyak batootn nganu saiih opii,"10Obeekng nya bopiseek nganu,e;"Maak wook nyen,obeh diik taook nyak me kadie?"11Samoot,e:"Maak oseeh odooh mpo bojuh dukaah lamoor,domp arus munyook koni nya diik kidooh,gook maak oseeh odooh mpo pomakootn,domp pun wook nyen ngkodie,12Odooh geeh moniik pomungut-pomungut cukae roo nyak tombaptis gook balo,e bopiseek koni,e;"Guru, oneh kah diik taook nyak me kadie? 13Samoot,e;"Yook nagiih obeekng lobeh siik diik jeh nih nontu nyak mo,"14Gook balo Prajurit bopiseek nganu,e;"Gook, mee,oneh diik arus me kadie?Samoot Yohanes nganu dieetn," Yook ngrobuut gook yook meras nya,adu,e cukup maeh nyak moo ngaan gajeh mo.15Tetapi nyen sajo obeekng ntoyaan tungkaah botuunguuk samel boaroop,gook sidiik nya bopiseek-piseek wah saiih oti maeh,hal Yohanes,balo,e ngira,e laak Mesias,16Yohanes nyamoot ngan bosona koni nya obeekng nyen:" Koo baah mbaptis moo ngan piikng,tetapi Dop,e diik lobeh bokuasa siik koo roo moniik saaak roo mukaak toriih sopatu,e pun koo kae layak,Dop,e mbaptis moo ngan Minu Ayu gook ngan Opi.17Copaat nyak ngampee odoh wah tongan Domp nyak roo ngriseeh arookng ponggereek gook nyak ngruggok gandum koni saiih jurookng,e,tetapi dobu riguuh nyeen roo ticool,e koni waah opi diik nyaak pajoopm.18Nginyaak obeekng banso nasehat nyak Yohanes nyona agooh Injil koni nya obeekng.19Niih nyen mosiik Domp ngabootn rajo wilayah Herodes niih pongodi Herodias,osaao posiik,e,gook niih sidiik kobieek,e kiitn diik niih ngkodie.20Rajo nyen noduuk kobieek,e sameel nyak roo murook Yohanes koni saiih ponjara.21Libo soluruh nya obeekng nyen niih mbaptis gook libo Yesus geeh nih mbaptis gook tungkaah bodoa,ronyyen tokoobaao,22Libo nyen,e tomonaah Minu Ayu wook ujuud monook Merpati nganu somuu,e gook odooh boba siik ronyeetn;"Moo to,Onak-Koo diik nih Koo Ngaseh,koni Moo maeh Koo bo,owakng.23Libo Yesus nojih pongodie,Domp borumuur kira-kira toruuh puuruu sowa gook monuruut pikeer nya,Domp nyen onak Yusuf,onak Eli, 24Onak Matat, onak Lewi,onakMalkhi,onak Yanai,onak Yusuf,25Onak Matica,onak Amos,onak Nahum, onak Hesli, onak Nagai, 26Onak Maat, onak Matica, onak Simei, onak Yosekh,onak Joda,27onak Yohanan, onak Resa, onak Zerubabel, onak Sealtiel,onak Neri, 28onak Malkhi, onak Adi, onak Kosam, onak Elmadam,onak Er, 29onak Josua, onak Eliezer, onak Yorim, onak matat,onak Lewi,30onak Simeon, onak Yehuda, onak Yusuf, onak Yonam, onak Elyakim, 31onak Melea, onak Mina, onak Matata, onak Natan, onak Daud, 32onak Isai, onak Obed, onak Boas, onak Salmon, onak Nahason,33onak Aminadab, onak Admin, onak Arni, onak Hezron, onak Peres, onak Yehuda, 34onak Yakub, onak Ishak, onak Abraham, onak Terah, onak Nahor, 35onak Serug, onak Rehu, onak Leg, onak Eber, onak Salmon,36onak Kenan, onak Arpakhsad, onak Sem,onak Nuh, onak Lamekh. 37onak Metheuselah, onak Henokh, onak Yared, onak Mahalaleel, onak Kenan, 38onak Enos, onak Set, onak Adam, onak Ponompa.

Chapter 41Yesus,diik libo punuuk ngan Minu Ayu, morii siik sungi Yordan,lalu niih Minu Ayu meet koni padang gurun. 2Wah yeetn Domp montook empat puuruu onu kotaae nya toncuba Iblis.Solama wah nyen Domp kae duook oneeh-oneh jeh mosiik onu,e Domp nyen sobirook.3Lalu Iblis nyen nyona koni Domp,;" Maak moo sajo onak Ponompa,nasoo ngan,e botuuh nyen jodi kue." 4Samoot Yesus koni,e:"Odoh totulis,Monsia midop lae siik kue maeeh."5Mosiik nyen domp meet Yesus koni arookng diik sajo domiik gook maak pronookng sokojap motiih mpilaap nganu,e sidiik lobooh poya toonaa.6Sano Iblis nganu,e;"Sidiik kuasa to ngan kolobeeh,e roo tunyook koo koni moo,sbab sidiik nyen jeh niih munyook koni koo gook nyen koo munyook nganu oseeh nya diik owaakng koo.7Jodi maak Moo nyomaah koo,sidiik nyen pasti nyak moo."8Yesus pun nyona koni,e:" Odooh totulis,Moo arus nyomaah Ponompa,Ponompa moo,gook sajoo nganu Domp maeeh moo bobakti!"9Mosiik nyen domp meet Yesus koni Yerusalem gook ngonaa,e Dop,e waah bubookng Romilng Ponompa,samel nyona nganu,e;" Maak moo Onak Ponompa,jatuuk maeh bakoo Moo siik too ko sigaatn,10Sbab odoh totulis: ngenai Mo,Domp pasti ngrintah balo malaekat,e nyak nglinookng Moo,11gook balo,e pasti nyamuut Moo wah somu tongan,e,sopaya koja Moo yook ngodook botuuh."12Yesus nyamoot,e,sano,e:"Odooh boba:Yook moo ncuba Tuhan,Ponompa moo!" 13Jeh mosiik Iblis ngkosiik siidik ponggoda nyen,domp ngunoor siik Dop,e sameel nunguuk onu diik pas.14Ngaan kuasa Minu morii lah Yesus koni Galilea.Gook tosobaar agooh borita hal Dop,e wah soluruuh daerah nyen. 15Somontara nyen Dop,e ngajoor jookng wah saiih romiikng somayaakng wah nyen gook sidiik nya mijiih Dop,e.16Dop,e moniik koni Nazaret arookng Dop,e daiik domiik,gook monuruut kobiasa nya libo onu Koiju Dop,e masok koni saiih romiikng somayaakng,samel tokiit roo maca siik Alkitab.17Nganu Dop,e niih munyook kitabnabi Yesaya gook sotelah nih mukaak,Dop,e nopaat odooh Nas, diik wah keh totulis:"18"Minu Ponompa odooh ngan Koo,Nih sbab Domp jeh misiikng Koo,nyaak nyona agooh baeek koni nya-nya bagootn; Gook Domp jeh ngutus Koo.19nyak nyona agooh pombebasan nyak balo nya wah tahanan,pongronookng nyak nya diik bokaap,nyaak mbebas nya diik totindas,nyak nyona agooh sowa rosiiki Ponompa jeh odoh moniik,"20Mosiik nyen Dop,e nitoop kitab nyen,punyook geek nganu potugas lalu dudook;gook sidiik motiih nya wah saiih nyen totuju nganu Dop,e.21Dop,e pun mulae nojiih ngajoor,sano,e:"Libo onu genap lah nas to,sowaktu moo ngopiikng,e.22Gook sidiik nya wah yeetn nyona boba,e bonar,gook balo,e heraatn ngopiikng boba jantooh diik jeh nih Domp nyona,sanoo balo,e;"Kae kah Domp, to onak Yusuf?"23Domp,e pun nyona koni balo,e:"Tontu moo nyona popatah too koni Koo:o..o Tabib,tampool maeeh moo soniriik.Tangki ngodi wah to,wah arookng asool Moo,Sidiik diik jeh kapiikng mee diik jeeh tojadi wah Kapernaum!"24 Gook balo boba,e;"Koo nyona nganu moo,Sobonar,e kidooh diik odooh nabi niih ngrogga wah poya asoool,e,.25Gook,Koo pun nyona koni moo,gook boba Koo to sajo bonar,Libo zaman Elia obekng todopat balo janda wah Israel tungkaah ronyeetn totitoop solama toruuh sowa gook niim buraatn gook libo bahaya sampoor sobirook diik gebat oduuk wah soluruh negeri.26Tetapi Elia niih ngutuus kae nganu salah satu nya siik balo,e, molainkan nganu tek naan ndayookng janda wah Sarfat,nyuh poya Sidon.27Gook libo Zaman nahi Elisa obeekng nya kusta wah Israel gook kidoh diik odoh nya dik taook ngkurii,e solaingk siik pado Naaman,nya Siria nyen,"28Ngopiikng hal nyen sajo maa ndoruuh balo,e sidiik nya wah saooh romiikng somayaakng nyen.29Balo,e mongkaat,lalu ngarasl Yesus somopa ko luar kota sameel meet Dop,e koni paroos doriik,arookng kota nyen odooh,sameel nyak roo baloe nompooh Dop,e siik ponamiikng nyen.30Tapi Domp pun bojalootn maeh lalu siik tuda-tuda balo,samel obu.31Mosiik nyen Yesus koni Kapernaum,kota diik wah Galilea,samel ngajoor wah nyen libo onu-onu Sabat.32Dieetn pun topangooh ngopikgn pongajoor,e, sbab boba,e bunuuk bokuasa.33Wah saih romikng somayaakng nyen odoh ntoyaatn korasukan muutn gook domp pun mangkoos nyak boba diik koras,34" Hae Moo,Yesus nya Nazaret,oneh urusan Moo ngan me?Pongkoniik Moo somuuk nyaak mbinasa me? Koo taook koo oseh moo: Diik baeek siik Ponompa,"35Tetapi Yesus ngabootn domp, sano,e;" Monaaaas ntoyastn nyen koni tuda ropoot nya obeekng,Lalu somopa siik nii,e gook samoh sokali kae ngoneh ngoseeh.36Gook sidiik nya nyarooh,lalu bosona, dik teek nganu kah tingaah,sano,e:"Sajoo siik hebat boba nya to!"Sbab ngan wibawa daiik ngan kuasa Dop,e munyook porintah koni balo minu diik kobieek nyen,sohinga balo,e somopa,"37Gook nih nyen tosobaar agooh Dop,e wah keh-keh wah daerah nyen.38Jeh mosiik nyen Dop,e mori ntiggal romiikng somayaakng nyen koni romiikng Simon.Odoh geeh wah nie datoo Simon jeh monaapm otaae,bopinta nganu Yesus ngaso ngkurie domp.39Maka Dop,e tokiit somaak bubeeh ndayookng nyen,lalu ngkobuu mongooh nyen gook jam nyen konaapm pun obu somoopa.Ndayookng nyen pun mongkaat lalu nglayan Yesus gook diik kiitn,e.40 Jeh tulaak motiih onu tongiliip,sidiik meet nganu,e balo ntoyaatn diik monaapm,diik jorra oneeh macoopm konaapm,Dop,e nglotaak tongan,e wah somu balo,e masing-masing samel nompaal balo,e.41Siik kobeekng nyen nya somoopa balo muutn samel obu mangkoos:" Moo to sajo Onak Ponompa,"Mosiik Dop,e nyaak koboteek ngabootn balo,e nyonaa yook gooh maak dieetn ngomokng,niih balo,e jeh taookbahwa Dop,e nyen Mesias.42Tungkaah tudaa onu,Yesus borongkat jalootn nganu arookng diik sajo sunyiik,Gook balo ntoyaatn bogogaao ngan Dop,e,lalu nopat,e sameel roo nahan Dop,e sopaya yook obu ntiggal dieetn,e.43Domp bosona nganu balo,e:"Gook kota diik kiitn pun Koo arus nyona agooh Injil Korajaan Ponompa sbab nih nyen Koo nih ngutus,"44Gook nyen Dop,e nyona boba Injil wah saiih romiikng somayaakng wah Yudea.

Chapter 51Libo onu kiitn Yesus tokiit wah pantae donu Genesaret,libo nyen tungkaah obekng nya ngruutn Dop,e sameel ngopiikng agoh boba Ponompa.2Dop,e ngronokng odooh dukaah oruut wah pantae.Balo Nelayaan diik kiitn jeh tomonaah siik nie libo ngumeek jalo,e.3Domp simaak nganu salah satu oruut nyen,diik nyen oruut Simon,gook samel ngoraah nyona meet oruut,e ojaau ciik siik pantae.Samel Domp dudook ngajoor balo nya siik somuu oruut.4Jeh mosiik ngomookng,Domp bosona koni Simon:"Nayooh ngan orut mo koni arookng diik toriipm gook tampooh ngan jalo mo nyak nokoop baook,"5Simon nyamoot:" Guru,jeh kah ngoriipm nangkool me korija koras gokk kidooh dopat oneh-oneh,tapi niih Moo ngaso,koo pun nlabooh jalo.6Gook jeh mosiik balo,e ngkodie,balo,e sajoo obeekng nokoop baook,sohinga jalo,e dieetn mulae toriaas,7Dietn pun munyok isyarat nganu dingaan diik wah oruut kiitn,sopaya moniik nulookng .Gook balo,e pun moniik,sameel bosamooh -samooh ngkobiih ngisi oruut dukaah buah nyen hampeer roo tongiliip.8Libo Simon Petrus leek hal nyen domp pun tosungkoor kojowii Yesus samel nyona:"Tuhan,obuu moo siik koo,niih koo too nya bodosa,"9Sbab domp ngan sidiik nya diik bosamooh-samooh goom domp jotiikng leek kobeekng baook diik nih balo,e mbuleeh;10wook nyen geh Yakobus ngan Yohanes,onak cade Zebedeus diik jodi dingan Simon.Sano Yesus koni Simon:"Yook golaak,mulae jaak siiik ntooh mo jodi ponyalo monsia,"11Jeeh pongkosiik balo,e ngrujaakng orut kodoiih,balo,e pun ntiggal sidiik toruutn,lalu ngajooh Dop,e.12Odoh onu,e libo Yesus monae wah saiih kota.Gook wah nyen odoh nya diik monaapm kusta.Libo domp leek Yesus,tosungkoor domp minta mohon,:"Tuan,maak Tuan lookng,Tuan dopat nompaal koo,"13Lalu Yesus nyurookng tongan,e,migookng nya nyen,samel bosona;"Lookng Koo,jodilah mo tahir," sajo nyen geeh ntoyaatn nyen moyaapm konaapm kusta,e.14Yesus misiikng ngabootn nya nyen nyona,e koni oseeh pun nya sano,e;"Jeh morii maeh mo nampoor ngan bakoo mo nganu imam gook tunyook ngan posembahan wook diik jeh sano Musa,nyak bukti bagi balo,e."15Tetapi agooh hal Yesus somakin tosiar ojuu gook monikk geeh balo nya obeekng boorumpooh-rumpooh nganu,e nyak ngopiikng Domp gook nyak tonompal siik konaapm dieetn.16Kala nyen Dopm oajau ngunoor nodoop koni arookng diik sunyiik nyak bodoa.17Libo onu kiitn tungkaah Yesus ngajoor,odooh nya kuduu naan nya Farisi ngan nya ahli Taurat dudook ngopiikng,e.Balo,e moniik siik ponjuru sotiap desa wah Galilea ngan Yudea gook siik Yerusalem.Kuasa Ponompa ngrotaa Dop,e,sohinga Domp taook ngkurii nya monaapm.18Moniiklah lah banso kudu naan nyingkookng nya monaapm lumpuh wah somuu pomiis,e,balo,e borusaha meet domp masok gook nyak nglotaak wah jowi Yesus.19Niih balo,e kae dopat meet masook borubung obeekng ntoyaatn wah nyen sokoot,baloe simaak koni bubookng lalu nguraak bubookng,e nyak ntonah ntoyatn nyen,ngan gook pomiis,e nganu tuda-tuda paas wah jowi Yesus.20Tungkah Yesus leek iman balo,e, ngomong Domp:"Hae, dorumaak,dosamo jeh nih ngampuutn," 21Tetapi balo nya ahli Taurat ngan balo ntoyaatn Farisi bopahaapm saiih oti,e:" Oseeh bah ntoyaatn to diik ngidooh Ponompa?Oseh diik taook ngampuutn dosa solaikng siik pado Ponompa soniriik?"22Justru nyen Yesus ntaook pomikeer dieetn,lalu ngomong koni balo,e:" Oneh diik niih mo mikeer wah saiih owaakng moo?23Wook keh kah diik mudah,nyobuut; Dosa moo jeh nih ngampuutn,atau nyona,Mongkaat,ngaan jalootn maeeh? 24To nyak mo ntaook,bahwa wah dunia to onak monsia lobeh bokuasa ngampuutn dosa"Nyona maeeh nganu nya lumpuh nyen-Koni moo ko nyona,e,- mongkat maeh,dibeet pomiis moo gook morii maeh koroomiikng moo!"25Ngan libo nyeen,e geeh domp mongkaat,wah jowi balo,e,sameel meet pomiis,e ngan morrii koromiikng,e samel muji Ponompa. 26Sidiik nya nyen jotiikng,samel muji Ponompa,ngan balo,e sajoo poncaauutn,sanoo,e:"Onu to mee jeeh ngronookng kosaksian hal-hal diik sajo maa nyarooh,"27Mosiik nyen,libo Yesus somoopa siik nyen,Dop,e leek ntoyaatn pomungut cukae,dik borodaatn Lewi,tungkah dudook wah romikng cukae.Sano Yesus nganu,e:" Ngajooh maeeh Koo!. 28Maka jaam nyen Lewi tokiit niih ntiggal sidiik toruutn,e,nyak ngajooh Dop,e.29Niih nyen Lewi ngkodi toruutn pojamuan daiik nyak Dop,e waah romiikng,e ngan kobekng balo ntoyaatn pomungut cukae gook balo nya kiitn ngajooh duook bosamooh-samooh ngan Dop,e.30Balo nya Farisi gook ahli-ahli Taurat bosunguutn apuut koni murid-murid Yesus,sanoe;"Ngoneeh bah moo duook gook nyinoop bosamoh-samooh ngan pomungut cukae gook balo ntoyaatn bodosa?"31Samoot Yesus koni dieetn;"Kaae tak nya sehat ngrulu dukuutn,tapi nya monaapm; 32Koo moniik kae nyaak mpaau nya bonar,tapi ntoyaatn bodosa,sopaya baloe botobat."33Balo nya Farisi nyen ngomookng geh nganu Yesus;"Balo murid Yohanes malaar puasa ngan somayaakng,wook nyen geh balo murid nya Farisi,tetapi balo murid Moo duook ngan nyinoop."34Samoot Yesus nganu balo,e,;"Taook aeek dingaatn balo nya ndarri nasoo bopuasa,sedang dingaatn,e nyen odooh samooh ngan balo,e?35Tapi odooh onu,e pongkoniik,e,ponganten nyen tiaah nya siik balo,e,libo nyen lah balo,e bopuasa."36Dop,e nyona ciik toruutn umpamoo koni balo,e;"Kidooh lookng nttoyaatn ngriaas adooh siik adooh diik bauuh nyaak roo namool adooh diik jeh dokoot.Maak wook nyen,diik bauuh nyen pun kijaat gook diik dokoot nyen tongriaas nya siik diik bauuh nyen.37Wook nyen geh nya kidooh roo ngisii anguur diik bauuh nganu payootn diik muntuuh,maak wook nyen,anguur diik bauuh nyen morooh payootn muntuh nyen borancaae sidiik angur nyen lalu tobotaatn.38Niih nyen anggur diik bauuh tonaanya wah kantokng bauuh geeh.39Niih nyen,kidoh nya pun owaakng nyinoop anggur muntuuh owaakng nyinop anggur diik bauuh,sbab domp nyonae: Anggur diik muntuuh to lobeh baek."

Chapter 61Libo pas onu pantookng,libo Yesus bojalootn wah miih ganuupm,balo murid,e ngrutiik biteer ganupm samel naiik,e,sameel balo,e muruus,e nyak tongaan,e.2Tetapi banso kudu naan nya Farisi nyona:"Ngoneeh Moo ngkodie toruutn diik kae nombuleeh nya libo onu pantookng?"3Lalu Yesus nyamoot dieetn;"Kae kah mo baca oneeh diik niih Daud nyona, libo domp ngan balo,e diik ngajooh,e sobirook, 4kameeh domp masook nganu saiih Romiikng Ponompa sameel miaah kue saji,lalu duook,e gook munyook koni balo diik ngajooh,e,padahal kue nyen kae buleeh nyak naiik kocuali nyaak balo imam-imam?"5Sano Yesus geek koni balo,e;" Onak Monsia nyen sajo Tuhan nyak onu Pantookng."6Libo onu pantookng kiitn,Yesus masok nganu saiih romikng somayaakng samel ngajoor.Wah nyen odooh nya diik ngobiis tongan tauuh,e.7Ahli-ahli Taurat ngan nya balo Farisi ngraati Yesus,oseh ntaook Domp ngkurii nya libo onu Pantookng, sopaya dieetn taook nopat akool nyak nyalaah Domp.8Tetapi Dop,e ntaook owaakng pikeer balo,e.lalu Domp ngomokng nganu nya diik ngobiis tongan tauuh nyen," Mongkaat maerh gook tokiit maeh wah tuda balo,e nyen!" Nya nyen pun mongkaat samel tokiit.9Yesus pun nyona koni dieetn;" Koo nyona nganu moo,Oneh toruutn diik taook kadiie nya libo onu Pantookng,ngkodie baeek atau ngkodie kobieek,nyolamat idoop nya atao mbinaasa,e?" 10Jeh mosiik nyen Domp ngratiie sokitar sidiik balo,e,lalu bosona nganu nya diik monapm nyen, " Surookng tongan moo!"Nya nyen pun nyunoot boba,e gook domp baeek tongan,e.11Niih nyen sajoo ngasoo ndoruuh owaakng balo,e samel boruggook,oneeh kah diik roo nyak kadie nfanu Yesus.12Libo masa nyen Yesus borongkat koni dampooh doriik nyak bodoa gook bongoriipm-ngoripm Domp bodoa nganu Ponompa.13Libo maji jeeh roo nyowaa,Domp nosuu balo murid,e nganu,e,lalu mileeh siik antara balo,e nten nyal sobuut Dop,e rasul.14Simon diik geh niih munyook odaatn Petrus, ngan Andreas posiik Simon,Yakobus gook Yohanes,Filipus ngan Bartolomeus,15Matius ngan Tomas,Yakobus onak Alfeus,gook Simon diik sanoo nya nya Zelot,16Yudas onak Yakobus ngan Yudas Iskariot diik pajooh jodi pongkianat.17Mosiik nyen Domp tomonaah ngan balo,e sameel boroongkah waah arookng diik ratoo:waah nyen jeh boruggok obeekng ntoyastn ngan balo murid,e gook oberkng geh nya kiitn diik moniik siik daerah Yudea gook siik Yerusalem siik idaar pantae Tirus ngan Sidon.18Balo,e moniik nyak roo ngopiikng Domp gook minta tonompal siik bobagae konaapm balo,e,gook balo,e diik nih minu-minu bieek ngrasook nopat baeek.19Gook sidiik nya obeekng nyen borusaha nokoop Domp,tapi nginaapm odoh kuasa diik somopa siik Domp gook soluruh ntoyaatn baeek.20Yesus pun ngrati balo,murid,e sanoo,e,:"Berbahagialah hae moo diik miskeen,niih moo lah diik mpo korajaan Ponompa.21Bahagia maeeh moo ntooh diik libo sobirook,niih moo nasoo nya puas.Bahagia maeh,moo diik ntooh nongiis,niih nasoo nya notaao.22Baeek lah moo,maak niih monsia ntoyaatn rareeh mo,gook diik ngojaau moo,diik ngkongiin moo sorota nulaak odaatn moo wook nya diik maa kobiiek,23Baeek owaakng mo libo nyen ngan sinaakng owakng,sbab sosunguh,e upah mo odooh wah sobayootn;niih wook nyen geeh cara neek boraak balo,e ngangkooh balo nabi.24Tetapi colaka tak mo,o moo nya diik kaya,niih oneeh pongayaa moo taook ngibuur owaakng moo.25Colaka tak mo,diik ntooh busooh,konooh mo naso nya sobirook,Colaka geeh moo,diik ntooh notaao,konooh mo pasti susaah owakng samel nongiis.26Colaka tak moo,maak sidiik nya muji moo;maak niih wook nyen geeh neek boraak balo,e diik jeeh ngangkooh balo nabi-nabi palsu.27Tetapi nganu moo,diik ngopiikng boba Koo,To Koo nyona,e:"Tongaseh ngan munsu mo,bobuat baeek maeh koni nya diik kobieek ngan moo,28mintalah borikat siik nya diik ngutook moo; bodoa maeh nyak nya diik ngjoraa moo.29Maak oseh nya,e diik ngocooh pompii mo diik teek,punyook geh nganu,e pompi mo diik kiitn,gook oseh nya,e diik miaah jubaah mo,nadu maeeh geh domp miah adooh mo.30Punyook ngan koni nya diik minta toruutn koni mo,gook yook gooh roo minta karii gek pomunyook mo.31Gook wook keeh nya ngkodie diik samooh pongkodie nganu mo,tangki wook nyen geh koni balo,e.32Maak sajo mo ngaseh nya diik ngaseh moo,oneh jasa mo? Niih balo nya diik bodosa pun samoh ngaseh geh balo ntoyaatn diik ngaseh dieetn.33Sbab maak mo bobuat baek nganu nya diik bobuat baek koni mo,oneh geh jasa mo?Balo ntoyaatn mongki dosa pun bobuat wook nyen.34Maak mo minyaam toruutn koni nya,Nih mo roo ngaroop pongkorii,e siik domp,oneh geh jasa mo?Balo nya bodosa pun minyaam nganu nya diik bodosa,sopaya diietn taook ngrima pongkoriie obekng.35Tetai mo,arus tongaseh lah munnsu mo,gook bobuat baeek koni dieetn,gook poninyaapm ngan toruutn nganu balo,e yook ngrima bolas,e, maka upah mo daiik wah Sobayootn gook mo pun jodi onak cade Ponompa diik sajo maa baeek,Sbab Domp baek nganu balo ntoyaatn diik kae taook botorima kasih gook toradap balo nya kobieek.36Arus,e mo murah owaakng,samooh wook Maakng mo diik sajo murah otii.37"Yook gooh mo ngadel,maka mo pun kae oduuk tongadel gook yook gooh moo ngukuupm,maka moo pun kae tongukuupm,ampuni maeh maka moo pun tongampuutn nya.38Punyook maeh maka moo pasti tomunyook nya,wook takoor diik baeek niih nya modaat,diik niih nguncaakng gook diik soyaakng somoopa pasti tapuus nya koni saiih komaala mo,Sbab ukuur takoor diik nih mo nginyaak nyak ngukuur,pasti tongukuur nya koni mo,39Yesus nyona pula toruutn ompama wook to nganu balo,e: "Taook kah nya bokaap ngiriikng bokaap? Kae kaah nya kodukaah nyen pasti jotuuk koni saiih rubaakng?40Wook muriid kidooh lobeeh siik guruu,e,tetapi maak oseeh nya diik tamaatn bolajor,e pasti samooh ngan guruu,e.41Ngoneeh moo ngratii solumar wah saiih motiih posiik mo,sedangkan balok wah motiih mo soniriik kidooh mo ntaook? 42Wook keh moo taok dopat geek ngomokng ngan juruu mo,balo dietn,adu maeh Koo ngluar solumaar diik odoh wah motiih mo,pada hal balok wah motiih mo kae tileek mo?Hae nya dik munafik,toluar gootn balok wah motiih mo,maka moo ngronokng jelas nyak ngluar solumaar nyen siik motiih posiik mo,"43Niih kidoh dik odoh kayoo dik baek dik ngasel buah dik kae baek,ngan nyen geeh kae odoh kayo dik kae baek dik ngasel buah dik baek.44Sbab sotiap kayuh nih ngonal siik buah,e.Nih oneh maak siik rampo rojaa nya kataook ngrutiik buah aroo nyen ngan roja-roja ngoneh kae miah buah angur.45Nya dibaek ngluaar barang dik baek siik saiih owaakng diik baeek gook nya kobieek ngoluar barang siik saiih otii,e diik kobieek.niih jantooh tukook,e,kaleeh nijiikng siik owaakng,e.46"Ngoneeh moo minta miseek koni Koo; Tuhan,Tuhan, padahal mo kidoh ngkodie toruutn diik nih Koo nyonaa? 47Sotiap ntoyaatn moniik koni Koo ngopiikng boba Koo sameel ngkodie,Koo nyona nganu mo oseh nya,e diik sajo koni mo ngan oseeh domp nyak sonamooh-48domp samooh wook nya diik mongki romiikng:Nya nyen nguceeh toriipm-toriipm nyak niciip dasar,e wah tunuuh botuh,Libo pas moniik piikng ngkujooh ngan lakiip oduuk romiikng nyen,romikng nyen pun kae ngoneh ngoseh,nih romikng nyen togap pongki,e.49To haeek oseh diik ngopikng boba Koo,tetapi kae ngkodie,domp samooh wook nya dik mongki romiikng wah tunuuh poya kae bodasar,Libo oduuk lakiip,romikng nyen lansokng rurooh pansooh.

Chapter 71Mosiik Yesus ngomookng ngan ntoyaatn obekng nyen,Domp masok juruus nganu Kapernaum.2Wah nyen odoh tek nasn powira odoh tek naan kuli,e,diik sajo nih domp ngrogga.Kuuli nyen tungkaah monaapm kae nyak tampol roo hamper kobiis.3Libo powira nyen ngopikng agooh Yesus.domp ngasoo kudu naan nya dik muntuh Yahudi koni,e nyak roo minta,sopaya Dop,e moniik nyak nompal kuli,e.4Balo,e moniik nganu Yesus ngan diik sajo booaroop minta tulookng,e,sano,e:" Domp layak Moo nulookng,e," 5Sbab domp ngaseh banso doop gook domp lah diik sidiik nangookng pombangun romiikng somayaakng me."6Lalu Yesus pun borongkat samoh-samoh ngan balo,e.Libo kae ojaau geek siik romiikng powira nyen ngasoo balo sahabat,e nyak nyona,e:"Tuan,kae joreh bo susah payah sbab koo kae layak ngrima Tuan waah romiikng koo;7sbab nyen koo pun ngangaap koo todoop kae layak nyak moniik nganu Mo.Tetapi sanoo maeeh tek potaa boba maka kuli koo nyen pasti baeek.8Sbab koo soniriik nya bawahan ,gook wah sigaatn koo odoh prajurit.Maak koo bosona nganu prajurit nyen: Obuu! maka domp obuu,ataupun koni kuli koo: Tongrija to! maka domp ngrija,e.9Mosiik Yesus ngopiikng ponyona nyen,Domp iraatn ngan nya nyen,gook samel duduus koni nya obeekng nyen diik ngajooh Domp,Dop,e nyona;" Koo nyona koni mo,iman diik kaiik to kae suaah Koo nopat,e.sokalipun wah antara ntoyaatn Israel!" 10Gook jeh mosiik nyen balo nya diik niih ngasoo nyen morii koromiikng,domp ndopat kuli nyen jeh sehat wook mook,11Mosiik nyen Yesus borongkat nganu kota diik borodaatn Nain.balo murid,e pun ngajooh bosamoh-samooh ngan Domp,gook nyen sajo obeekng ntoyaatn ngroota,e bojireeh-jireeh.12Jeeh Domp nyomaak kore gerbang kota,odoh nya kobeek niih meet somopa,onak cade darii,onak tungal siik nook nya diik janda,gook nyen obekng nya wah kota nyen sorota ngan janda nyen.13Jeh libo Tuhan ngronokng janda nyen,togoraak owakng,e niih sajo masee leek,e,Domp pun nyona koni,e:"Yook nongiis!"14Samel Domp nyomaak ponyintaakng nyen Domp migookng,e gook balo diik nyintaakng pun togaak,Domp nyona,e:"Hae onak cade,Koo nyona nganu mo,mongkat maeeh!"15Maka cade nyen pun mongkat mulae bojantoh,Yesus pun munyook koni nook,e.16Sidiik ntoyaatn wah nyen sajo poncauutn ngan balo,e pun muji Ponompa,samel nyona,e:" Teek konaan nabi daiik jeh odooh wah ropot doop," gook" Ponompa jeeh ngjongook umat,e," 17Niih nyen tosiaar agooh Yesus waah sokayyuk Yudea ngan daerah sokitar,e.18Libo Yohanes nopat agooh pongodie,ngan sidiik poristiwa nyen siik balo murid,e.19domp ngasoo siik dukaah naan nyen minta ngasoo nyona koni Ponompa:" Moo kah diik moniik nyen atau arus kah me nunguuk tek naan diik kiitn?20 Libo kodukah nya nyen moniik koni Yesus,balo nyona:" Yohanes Pombaptis ngasoo me bopiseek koni Moo, Moo kah diik pasti moniik nyen,aruskah mee nunguuk nya kiitn?21Libo masa nyen Yesus sajo obeekng ngkurie nompal nya diik monaapm ngan kojoraa nya gook siik balo minu kobieek,gooj Domp pun obekng munyook pongibuur nganu nya diik bokaab.22Gook Yesus nyamoot balo,e:"Borongkat maeh,sanoo koni Yohanes oneh diik jih mo leek ngan niih mo ngopiikng:Ontoyaatn bokan ngronokng,nya lumpuh bohalootn,nya bangool ngopiikng,nya kobeek niih ngongkat,gook nganu nya bagootn nih munyook agooh baeek.23Gook nih nyen baek maeh poraso mo diik kidooh jodi kecewa gook nulaak Koo.24Mosiik nyen pongasoo Yohanes obu,tajiih gek Yesus boroomokng koni ntoyaatn obeekng nyen hal Yohanes;"Nyaak oneh kah mo nganu koni padang gurun? Ngronokng muntee diik sipooh buaak koto kooih?25Atau nyaak oneh kah moo obu?Leek ntoyaatn diik bopakae lomuut?Ntoyaatn diik bopakae bagoos ngan midoop mewah,somonae wah istana rajo.26Jodi nyak bah moo koiih?Leek nabi daiik,ngan to Koo nyona koni mo,bahkan lobeeh siik pada nabi.27Niih hal pongodie, Domp,odoh totulis:"Tileek baah,Koo ngasoo utusan Koo tiaatn siik Mo,Domp roo mongki tiaatn joraatn nyak Mo wah jowi Domp.28Koo nyona nganu mo,Wah antara balo,e diik tongkodooh nya ndayookng kidooh diik lobeeh daiik siik pada Yohanes,namun maak diik ciik,e wah ompiik Ponompa lobeh obeekng siik niie,.29Soluruh ntoyaatn obekng ngopiikng boba jantooh,e,tomasok balo pomungut cukae,bahwa domp ngangku kobonar Ponompa,niih nyen balo,e ngaso Yohanes minta tombaptis.30Niih nyen bali ntoyaatn Farisi ngan nya ahli Taurat nolak owaakng Ponompa toradap dieetn soniriik,niih nyen balo,e kae giie tombaptis Yohanes.31Sano Yesus;"Nyaak oneeh Koo roo nyona ompama nyaak nya to,e taah balo,e nyen sorupa?32Balo,e nyen soumpama balo cade diik dudook wah pasar gook samel nyona:Me nyipooh torompet nyak mo,ngoneeh mo kae narrii,me nyanyi lagu boduka,ngoneeh mo kae nongiis,33Niih nyen Yohanes Pombaptis moniik,Domp kae duook kue ngan kidooh nyinoop anggur,moo pun nyona,e,domp nyen korasukan muutn.34Mosiik nyen Onak Monsia moniik,Domp duook nfan nyinoop,moo pun nyona:" Tileek maeeh,Domp nya diik rangkook ngan nya ponyinooo,sahabat pomungut cukae gook nya bodosa.35Nih oneh Naiimaatn nyen bonaar koni sidiik nya diik ngrima,e,"36Teek naan nta Farusi ngundang Yesus ngasoo moniik duook korimiikng,e.Yesus moniik koni romiikng nya Farisi nyen,sameel dudook duook.37Waah kota nyen tokenal ngan odooh nya ndayookng wook nya bodosa.Libo ndayookng nyen ngopiikng agooh,bahwa Yesus tungkaah duook waah romikng nya Farisi nyen,Moniik Domp sameel meet botol minyak wangi wah botol pualam.38Sameel ningiis domp tokiit nganu rutuuk Yesus nyomaak koja,e,domp ndisaah koja,e ngan juuk tongiis,e mosiik nyen domp ngilaap nyak buruuh baak,mosiik nyen domp nodook koja Yesus gook modaak minyak wangi nyen nganu,e.39Tungkahh nya Farisi nyen diik ngundang Yesus leek hal nyen,domp bosona saiih owakng,e:" Maak Domp to nabi,domp pasti taook,oseh ngan nya oneh kan ndayokng dimigookng Domp nyen,tontu Domp taook pasti ndayookng nyen nya diik bodosa."40Lalu Yesus pun nyona koni,e:"Simon,odooh diik roo nyak Koo sanoo koni mo,"Samot Simon,sanoo maeh guru,"41Odooh dukash naan nya borutang dueet koni nya diik munyook duet.Diik tek naan borutakng rimiih ratus dinar,diik kiitn rimiih puruu.42Nihh sajo dieetn kaleeh mayaar,e,maka domp napuus maeeh utaakng nya nyen.Oseeh kah siik antara dieetn diik sajo tiian ngaseeh domp?"43Samot Simon:"Koo ngiraae domp diik maa obeekng utaakng nih ngapus," Sano Yesus nganu,e:"Siik omaatn sano moo nyen,"44Gook samel ngronokng nganu ndayookng nyen,Domp nyona Simon;"Tileek moo ndayookng to?Koo masook waah romiikng mo,tapi moo kidoh munyook Piikng nyak Koo ngumeek kojaKoo,Tetapi nya to ngusuut kojaKoo nyaak juuk motiih gook ngilaap nyaak buruuh baak,e.45Moo kidooh nodook Koo,tapi jaak siik Koo masook domp kae togaak-togaak nodook Koja Koo,46Moo kidooh munyook minyaak nyak buruuh baak Koo,Tetapi domp minyaakng soluruuh koja Koo nyak minyaak wangi.47Niih to Koo nyona nganu mo,Dosa,e diik obeekng nyen jeh toampuutn,Sbab domp obekng mongki kaseh."48Mosiik nyen Dop,e nyona ndayookng nyen;"Dosa mo jeh niih ngampuutn,"49Gook balo,e diik dudook duook bosamooh ngan Domp,bopiker wah saiih oti,e;" Oseeh nya to,"Sohinga Domp taook ngampuutn dosa?"50Tetapi Yesus bopisiikng nganu nya ndayookng nyen;"ImanMo jeh nyolamat mo,obu maeeh pasti solamat,!

Chapter 81Kae otaae mosiik nyen Yesus bojalootn nglilikng kota-kota gook siik desa koni desa nyona agooh Injil Korajaan Ponompa.Kodukah bolas murid,e borota samooh ngan Dop,e.2ngan nya kudu naan ndayookng diik jeh niih ngkurie siik gook minu-minu kobieek ngan ponyakit,nya nyen Maria diik sobutnya Magdalena,diik jeh niih mbebas siik iju minu kobieek.3Yohana osaao Khuza bendahara Herodes,Susana gook obeekng ndayookng kiitn.Ndayookng nyen ngolayan balo jireeh nya nyen ngan komoosiik owaakng,e balo,e.4Libo nya bojireh-jireeh moniik,nyen nya siik gook kota koni kota ngrompuuk domp ngan Yesus,nyen Dop,e nyona ngan ompamo nganu balo,e;5"Odooh ntoyaatn noboor binii,e.Libo domp nabuur,sobagi binii jotuuk kobubeh joraatn,lalu dimpeet nya gook balo monook mungkoot sampae mosiik.6Sobagian gek jotuk kopoya bobotuuh,botuh,jeh ponimuu,e domp jodi koriikng niih kidoh oduuk piikng.7Sobagi geek jotuuk koni rampo rooja,gook rampo nyen timuu bosamoh-samooh mosiik ngonyaakng sampae kobeek.8Gook sobagian jotuuk kopoya diik baeek,jeh ponimuu,e bagaae odooh diikbobuah soratus kali lipat."Jeh nyona wook nyen Yesus miseek;Oseeh odooh bokopiikng arus,e domp ngopiikng!"9Balo murid,e bopiseek nganu,e:"oneh maksud porumpamo nyen.10Sonamoot Dop,e;"Nganu mo jeh nih munyook kolobeh nyak ntaook roosia Ompuuk Ponompa,tetapi koni balo nya kiitn niih nyona wook hal porumpamaan,sokalipun ngronookng,baloe kidooh leek,gook sokalipun ngopiikng balo,e kae ngritii.11Too haeek riiti umpama nyen:Biini nyen boba Ponompa,12Diik jotuuk wah bubeh joraatn nya diik jeeh ngopiikng,e, jeeh mosiik nyen moniik Iblis lalu miaah boba nyen siik saiih owaakng balo,e,sopaya balo,e yook pocayook ngan kae tosolamaatn.13 Diik jotuuk koni poya bobotuh-botuuh nyen nya,diik jeh mosiik ngopiikng boba nyen,ngrima ngan sinakng owakng,tapi balo,e nyen kae boowaat,dieetn pocayook sotogaal maaeh gook libo poncuba dieetn nlaliis.14Diik jotuuk nganu rampo roja nyen nya diik ngopiikng boba to,e,jeeh libo kodaaiik diietn,mosiik nyen tojijook niih gook wateer ngan pongaya gook konikmatan midop,sohinga dieetn kidooh ngasel buah diik mosaak.15Diik jotuuk koni poya baeek nyen ntoyaatn,diik mosiik domp ngopiikng boba nyen,tongonaa,e wah saiih owaakng diik baeek nyaak mansoot buah ngan kokutiikng,e."16Kidooh nya nguntookng polita mosiik nyen titoop nyak payootn atao tongonaa,e waah sigaatn pomiis,tetapi domp ngonaa,e waah soomu koja antookng,sopaya sidiik nya diik masook saiih romiikng nyen oduuk tampook,e.17Sbab kidooh toruutn tosukaatn diik kae nyak sanoo,gook kidooh toruutn diik roosia diik kae noontaook gook tongumuum nya.18niih nyen,tongratii,e maeh cara mo ngopiikng,Niih oneh maak nya diik odooh,konii,e pasti tunyook,maak oseeh diik kae odooh,siik nii,e pasti oduk tiaah,gook oneh diik nih ngangap odooh wah dop,e.19Nook ngan balo posiik Yesus moniik nganu,e,tetapi dieetn kae moniik ndopat Domp sakiing niih ntoyaatn obeekng.20Odoh nya nyona nganu,e;" Nook Moo ngan balo Posiik Moo odoh wah sopa gook owaakng bodopat ngan Moo," 21Tetapi Yesus nyamoot dieetn;"Nook Koo ngan balo posiik Koo nyen dieetn,diik ngopiikng boba Ponompa sameel ngkodie."22Liboo odoh onu kiitn Yesus simaak nganu oruut bosamoh-samooh ngan balo murid,e,gook Dop,e bosona koni balo,e;" Booh yaah manuu dipaah donuu."balo,e pun borinseet.23Libo balo,e tungkaah bolayaar,Yesus biis.Sajoo mpojeet pongkoniik buaak sinooh nganu donu,sohinga oruut nyen masook piikng ngan nyen dieetn libo jotiikng.24Maka moniik balo murid,e nganu Yesus,"Guru,Guru! doop bonasa!"Dop,e mongkaat,sameel ndoruuh sinooh nyen gook piikng dik golumaakng nyen.gook piikng ngan sinooh nyen pun monaae sohinga donuu nyen pun tonang.25Sano Yesus koni dieetn;"Wah keeh baah kopocayook mo?"Dieetn pun golaak ngan nyarooh,lalu bosona dik tek koni kiitn," Oseh bah nya too,e,Sohinga Dop,e munyok porintah koni buaak ngan piikng gook dieetn pun patooh nganu,E?"26Mosiik nyen singaah lah Yesus ngan balo murid,e wah poya nya Gerasa diik tolotak sopiaak ngan Galilea.27Jeh Yesus simaak ko doiih,odooh nya tek naan ndari moniik siik kota nopaat Dop,e; ntoyaatn nyen oduuk norasook ballo muutn jeeh otaae kae suaah nyak adooh gook kae monaae wah saiih romiikng,tapi wah saiih pongareetn.28Libo domp leek Yesus ,domp mangkoos samel tosungkoor wah jowie gook miseek nyak boba mangkoos"Oneeh urusan Mo ngan koo,hae Yesus onak Ponompa diik mahatingii?Koo mohon koni Moo,sopaya Moo yook nyiksa koo," 29Domp ngomokng wook nyen niih Yesus jeh ngrintaah balo minu kobieek somoppa siik ntoyatn nyen.Jeeh malaar minu-minu nyen ngompiik raiik domp,maka nyak njaggo,e,niih rantae ngan nih masookng,nyen puun niih motiik sidiik poniseet gook domp pun tooaraal dibeet muutn koni arookng diik sunyiik.30Yesus pun miseek domp,e,"Oseeh bah moo? samoot,e: Legion," nih domp norasook obeekng muutn.31Libo nyen balo muutn mohon koni Yesus,sopaya Dop,e yook ngrintaah dieetn masok nganu orookng kobiis.32Odoh geh wah nyen ruggok balo janek tungkah moggaao mpaant wah koja doriik,lalu balo muutn nyen minta nganu Yesus,sopaya dieetn minta masok koni balo janek nyen.Yesus pun ngabul pominta balo,e.33Lalu somopa lah balo muutn nyen siik ntoyaatn nyen,lansokng masook nganu balo janeek nyen.Gook balo jireeh janek nyen ngrojook sik parookng koni waah donu mosiik kobiis.34Mosiik nyen ponunguk balo janek nyen leek oneh toruutn diik tojadi,balo,e ngkoduuh samel nyona agooh nyen koni kota ngan gook ompiik-ompiik sokitar,e.35Nya nyen pun somoopa nyak leek hal oneh diik tojadi.Balo,e monik ngadop Yesus,gook balo,e nopaat nya diik niih balo muutn ntiggal nyen dudok wah koja Yesus;domp jeh nyak adooh gook jeeh waras,e.Maka dieetn golaaak.36Balo ntoyaatn diik ngronokng soniriik pongodi hal nyen nyona koni balo,e,wook keeh uraakng nya niihrasook sitan nyen jeh tosolamat.37Lalu soluruh ponduduk daerah Gerasa bopinta koni Yesus,sopaya ngasoo Dop,e ntiggal balo,e,niih sajo diietn sakiikng golaak.Maka Dop,e simaak koni oruut,samel bolayaar geek.38Gook nya diik nih muutn setan nyen ntiggal minta sopaya domp taook ngajooh Dop,e,tetapi Yesus ngasoo domp morii,e sanoo,e;39"Moorii maeeh kooromiikng mo gook sano ngan sidiik toruutn diik kadii Ponompa nganu mo,"Ntoyaatn nyen pun morii ngolilikng soluruh kota nyona agooh oneh toruutn diik jeeh kaadie Yesus nganu domp.40Tungkah Yesus jeh moniik morri obekng ntoyaatn nyamuut pongkoniik Domp.41Maka moniik nya borodaatn Yairus,Domp nya kopalok romiikng somaayakng.Samel tosungkoor wah jowi kojaa Yesus domp mohon nhanu,e,sopaya Yesus simaak koromiikng,e,42Niih onak cade dayookng,e diik teek nyen,e,jeh borumuur dukah bolas sowa,hampeer roo kobeek.Waah pojalootn nganu,e Yesus tondesak nya obeekng.43Odooh geh teek naan nya dayookng diik jeh dukah bolas sowa nijiikng konaapm pondarahan gook diik kidooh nya diik taaokk ngkuriie.44Domp maju nyomaak Yesus siik rutuuk sameel migookng rumaae jubaah,e gook libo nyeen domp pun baeek siik pondarahan.45Lalu sano Yesus:" Oseeh diik migookng jubaah Koo?" Gook nih nyen kidoh dik odoh nya ngakuu,Sanoo Petrus,"Guru,obeekng ntoyaatn diik ngruutn ngan ndesak Moo,"46Tetapi Yesus nyona,e;"Odooh ntoyaatn migookng Koo,sbab Koo odoh nginaspm kuasa dik somopa siik Koo,"47Libo nya ndayookng nyen leek pongodie domp jeeh taook nyadomp moniik sallo nggigit,tosungkoor wah jowi,e samel nyona koni nya obeekng oneeh sobab domp migookng Dop,e,sajo libo nyen pun domp baeek siik konaapm.48Maka sano Yesus nganu,e:"Hai,onak Koo,iman mo jeh nyolamat mo,morii maeh ngan jeh solamat!"49Libo Yesus geek ngomookng moniik lah posiik siik lawookng romikng kopalok romikng somayaakng nyen samel nyona:"Onaak mo jeh kobeek,yook maeh geek mo nyusah-nyusah Guru!"50 Yesus pun odooh ngopiikng,e samel nyona koni Yairus:" Yook golaakk,pocayook maeh,gook onak mo pasti solamat!"51Jeh monik wah romikng Yairus, Yesus ngabootn nya yook ngasoo oseh pun ngajooh masok gook Domp,kocuali Petrus,Yahanes ngan Yakobus gook maakng cade nyen ngan nook,e,52Sidiik ntoyaatn nongiis samel ngkaaukng cade nyen.Nih nyen geh Yesus nyona:"Yook nongiis;domp kae kobeek,somuuk biis,"53Balo,e notaao Dop,e,niih oneh balo,e jeh taook ngkaatn cade nyen kobeek.54Mosiik nyen Yesus migookng tongan cade nyen samel nyona:"Hae,onak Koo ,mongkaat!"55Libo nyen morrii lah minu cade nyen samel mongkat nyak tokiit.Lalu Yesus ngasoo balo,e munyook cade nyen naso duook.56Gook nyen geeh nya muntuuh cade nyen mpojeet,tetapi Yesus ngabootn balo,e nyona agooh koni oseh pun nya,e hal diik tojadi.

Chapter 91Niih nyen Yesus pun mpaau balo muriid,e,samel munyook tonaga kusus koni baloe nyaak ngosaar muutn ngan nyak ngkurii balo konaapm.2Gook Domp pun ngutus baloe nyak nyiaar agooh Korajaan Ponompa ngan nyak ngkurie balo ntoyaatn.3Sanoe nganu baloe:" Yook meet oneh pun toruutn wah pojalanan,yook meet songkuut,atau bokal,kue atau dueet,saak kooh dukah lamoor bojuuh.4Maak moo jeeh niih ngrima wah romiikng nya,monae maeeh wah niie,sampae nyak moo obu borongkat siik nyen.5Maak odooh nya kae ngrima moo,somoopa maeh siik kota nyen sameel mo ngibaao dobu koja moo nyak sobagae poringatan nyak dieetn."6Mosiik nyen dieetn pun morii nglilikng sidiik desa samel nyona nyiaar agooh Injil gook ngkuriie nya mobaapm wah sidiik arookng.7Herodes,rajo wilayah ngopiikng sidiik toruutn tojadi nyen domp pun nginaapm kae baek nyame,sbab odooh nya diik nyonae,bahwa Yohanes jeh mobgkaat siik ropoot nya kobiis.8Odooh geh diik nyonae,bahwa Elia jeh timool geek,gook odooh pula diik nyonae,bahwa teek naan siik bali nabi tiaatn jeh mongkaat.9Tetapi Herodes nyonae:" Yohanes jeh niih Koo ngopiik baak,e.Oseeh geek nya to,e,diik agooh ngkodie hal wook nyen?" Domp pun borusaha sopaya taook bodopaat ngan Yesus.10Jeh pongkoriie balo rasul nyen boroomokng koni Yesus oneh diik jeh niih balo ngkodie.Mosiik Yesus meet balo,e sameel ngunoor siik kota diik borodaatn Betsaida,sohinga somuuk dieetn maeeh diik bosamooh Dop,e.11Niih nyen balo nya obeekng ntaook,nyaak ngajooh Dop,e,Domp ngrima baloe samel boromokng ngomokng koni baloe hal Korajaan Ponompa gook nyak ngkurie balo ntoyaatn diik ngruluu tongkuriie.12Jeeh olaakng onu roo ngoriipm moniik balo kodukah bolas rasul nyen samel nyona:" Nasoo ngan,e balo ntoyaatn obekng nyen morri,sopaya baloe taook nganu valo ompiik-ompiik nyak mogaao pomakootn gook nyak ngrimiitn,niih wah to doop pun monae wah arookng diik sunyiik.13Tapi Domp bosona nganu balo,e:" Moo arus ngaso baloe duook!" Samoot baloe;"Diik odooh wah mee kidooh lobeeh siik rimiih biteer kue ngan dukahsogola baook,kocuali maak mee naso morii miriih pomakootn nyak sidiik nya wah to,"14Niih wah nyen odooh sokitar rimiih ribu balo nya ndarri.samel nyona nganu murid,e;" Nasoo baloe dudook borugook-ruggook,kira-kira rimih puruh tek ko ruggok."15Balo murid ngkodie gook ngasoo sidiik nya obeekng nyen dudook.16Libo nyen Domp miaah rimiih biter kue, gook dukaah sogola baook nyen,Domp ngampoor koronyeetn ngucap borikat,samel ngrocaak kue nyen gook munyook nganu murid,e sopaya nasoo tomaggi koni nya obeekng.17Nyen balo sidiik ntoyaatn duook sampae busooh.Jeeh mosiik nyen niih ngruggok tisa kue diik botisa pas dukah bolas bakool.18Pas libo onu kiitn Yesus bodoa todoop,moniik balo murid,e nganu,e.Samel miseek Domp koni baloe:"Sanoo ntiyaatn obeekng, Oseh kah Koo to,e?" 19 Samot baloe;"Yohanes Pombaptis,odooh geh diik nyonae:Elia,odooh pula diik nyonae,bahwa teek naan balo nabi tiaatn mongkaat,"20Yesus bopiseek nganu baloe:" Monuruut moo,Oseh Koo too?" Samoot Petrus:"Mesias siik Ponompa."21Kala nyen Yesus pun ndoruuh baloe nyona,sopaya dieetn yook nyonaa hal to nganu oseeh pun nya. 22Yesus pun nyona:"Onak Monsia arus nangookng obeekng kojoraa gook niih nya muntuuh nulaak,imam-imam kopalok ngan balo ahli Taurat,mosiik nyen niih ngkomiis gook niih ngongkaat libo onu kotoruuh."23Sanoo Domp koni sidiik nya;"Sotiap ntoyaatn diik lookng roo ngajooh Koo,domp arus nyangkool owaakng,e,nyingkookng saleb Domp sotiap onu ngajooh Koo.24Niih maak oseeh lookng nyolamat nyawa,e,Domp moyaaapm nyawa,e,Tetapi oseeh nya diik moyaapm nyawa,e demi Koo,domp pasti nyolamat nya.25Oneh gunae ntoyaatn dopat sokayuuk dunia,tetapi domp mbinasa ngan ngrugii domp soniriik?26Sbab oseh nya diik mongiitn niih Koo ngan niih ponyona boba Koo,Onak Monsia nyen pun arus mongiitn niih nya nyen.maak paji konooh domp moniik ngan kolobeeh Domp ngan kolobeeh Maakng,e gook balo malaekat dii baeek.27Koo bosona nganu Moo; Sobonaar,e wah antara doop odooh diik wah to odooh diik kae kobiis sobolum ngronookng Korajaan Ponompa.28Kira-kira mae onu mosiik sidiik pongajoor nyen,Yesus meet Petrus,Yohanes nhan Yakobus,nyaak simaak nganu somuu doriik nyaak bodoa.29Tungkaah Domp bodoa,bako jowie borubah mudel ngan adooh,e mopaau bosilao-silaao.30Gook oduuk tileek dulaah naan nya boromookng ngan Yesus,nya nyen Musa ngan Elia.31Kodukaah naan nyen ngampoor bakoo ngan koloobeh gook boromookng hal arookng nyak tomanu sosuae diik niih Domp gonap libo waah Yerusalem.32Somontara nyen Petrus ngan balo dingaatn,e jeeh jomaan biis gook libo dieetn mongkaat baloe ngronookng Yesus ngan koloobeeh Domp: gook dukaah naan ntoyaatn diik nyomaak,e.33Libo dukaah naan nya nyen roo ntiggal Yesus,Petrus bosona nganu Domp sano,e:" Guru,maa baeek nyame mee monaae wah to.Nadu maeeh me mongki ntooh toruuh dangao,tek nyak Moo,tek nyak Musa,gook tek geek nyak Elia,"nih nyen pun Petrus kataook ngritiie diik niih domp nyona.34Somontara domp nyona wook nyen,moniik romaakng nglinookng wah somuu dieetn,e.Gook tungkaah baloe masok saiih wah romaakng nyen baloe pun jotiikng.35Odooh tokapiikng boba siik saiih romaakng nyen,diik nyona:" Too lah Cade Koo diik Koopileh,,kapikng ngan Domp."36Libo angkookng nyen kapiikng,tileek geeh Yesus monae todoop,Gook balo murid,e nyen ngrosiia,gook libo masa nyen kidooh baloe corita koni oseeh pun nya diik jeeh niih baloe ngronookng nyen.37Jeh majii onu,e diik babuut,e tungkaah baloe tomonaah siik doriik nyen,moniik balo ntoyaatn bojireeh-jireeh bodopat gook Yesus.38Tek naan siik nya nyen mpaau nganu,e:"Guru,Koo ngaso Moo ngjongook onak koo,sbab domp tek nyen cade koo.39Odooh onue domp sonoraakng minu,mosiik nyen mpidaat mangkoos gook balo minu kobieek nyen nguncaakng domp sohinga tukook,e boroyaakng.Minu nyen solaraat nyiksa domp gook sajoo amper-amper domp ngaak obu.40Koo jeh suaah minta nganu murid Moo sopaya baloe ngosaar minu nyen,tapi baloe kae dopat.41Maka Yesus nyona:"Hae moo angkatan diik kae pocayook gook diik sosat,Kudu kotaae geek Koo arus monaae ngan moo gook bosabar ngan moo? Dibeet onak mo nyen kooto!"42Libo onak cade nyen nyomaak Yesus, minu nyen ngompaas domp koni pooya samel nguncaakng domp.Tetapi Yesus ngabootn minu kobieek nyen sakiikng ndoruuh ngan nompal cade nyen,lalu tongkoriie nganu maakng,e.43Niih nyen sidiik ntoyaatn wah niie jotiikng niih kolobeeh Ponompa.44Kapiikng gook caamkan sidiik boba ponyona Koo to;" Onak Monsia roo tunyook nya nganu saiih tongan Monsia." 45Baloe kae ngritii oneh diik niih nyona nyen,niih tosukaatn ritiue nyak dieetn,sohinga baloe kae mahaapm.Baloe pun kidoh diik borani miseek oneh ritiie boba nyen koni,e.46Odooh geeh owaakng bodoruuh wah ropoot dieetn murid-murid Yesus hal oseh kooh diik daiik bakoo siik baloe.47Tetapi Yesus ntaook pikeer owaakng baloe.Niih nyen Domp miaah teek naan cade ciik niih ngona waah bubeeh Dop,e.48sanooe nganu baloe:" Oseeh nya diik nyamuut onak cade too wah odaatn Koo,domp nyamuut Koo; Maak oseeh diik nyamut Koo ,domp nyamut Dop,e,diik ngutus Koo.Niih oneeh diik pongiciik wah antara moo,domp diik maa daiik,"49Sanoo Yohanes,"Guru, mee ngronookng teek naan nya ngosaar sitaatn nyaak odaatn Moo,mosiik nyen mee ngrarrooh nya nyen,niih domp kae hootn doop," 50Sanoo Yesus nganu,e:"Yook moo ngrarrooh,e,sbab oseh nya kae nglawootn moo,domp odooh wah pihak moo,"51Jeeh roo somaak onu gonaap nyak Yesus roo simaak koosobayootn,Domp nujuu poronoookng,e nyak nganu Yerusalem,52Domp pun ngiriipm bansoo kudu naan utusan nyak lobeeh tiaatn siik Domp,e.Baloe pun obu,lalu masok koni ompiik nya Samaria nyak roo nyiaapkan toruutn nyak Domp.53Niih ngoneeh nya Samaria nyen ngaak ngrima Domp,Niih ponyalootn Domp nganu Yerusalem.54Libo dukaah naan murid,e: nyen tiih Yakobus ngan Yohanes,leek hal nyen,baloe ngomookng:"Tuhan,maak lookng Moo,Sopaya mee ngasoo opii tomonaah siik ronyeetn nyak mbinasa baloe.55Niih nyen geeh Doomp bobaleek sameel ngaboitn dieetn.56Lalu dieetn obu nganu desa gook diik kiitn,e.57Tungkah Yesus gook balo murid,e nduduuk ponyalootn,balo,e;Ngomooknglah teek naan nya wah joraatn koni Yesus;"Koo ngajooh Moo,Kokeeh pun Moo borongkaat,"58Yesus pu n nyonaa nganu,e;"Serigala odooh pongareetn,e gook monook odooh sorii,e,totapi Onak Monsia kidooh arookng nyak bolotaak nganu,e,"59Domp nyona nganu dik teek koni diik kiitn,"Najooh maeeh Koo," Tapi nya kiitn nyen nyona,"Izinkan gootn Koo tiaatn roo borongkaat ngubuur maakng koo,"60Niih Yesus nyona nganu,e;"Naduu maeh,nya kobeek ngubuur nya kobeek,tapi moo,borongkat maeeh ngan sanoo maeeh agooh Korajaan Ponompa wah keh pomonae moo,"61Gook diik kiitn pun nyona:"Koo roo ngajooh Moo Ponompa,tapi izinkan gootn,e koo ngomookng ngan ntuuh torookng koo,"62Tapi Yesus pun nyona;"Sotiap ntoyaatn diik siap mbajaak maak ngronookng koorutuuk,kaee layaak nyak Lawookng Ponompa,"

Chapter 101Mosiik nyen dari pada nyuuh Tuhan nijuuk iju puruu muriid diik kiitn,lali tongutuus balo,e nyen dukah-dukah tiaatn siik Domp nganu kota ngan arookng diik roo nyak tomanu,e.2Sanoe nganu balo,e;"Toruutn sajoo obeekng,tapi diik ngrijaa,e ciiik,e.Niih nyen minta nganu nya mpoo pongodie sopaya domp ngasoo nya diik pokorija-pokorija nyak toruutn nyen.3Boroongkaat maeeh,Sobonaar,e Koo ngutuus moo wook onak domba koni tuda-tuda kuyuuk.4Yook maeeh meet bokal botool atau bokal kiitn atau siluup,gook yook maeeh munyook ponyona koni oseeh pun nya liboo waah ponyalootn.5Maak moo jeh masook wah romiikng,sanoo maeeh tiaatn,Damae sojahtra nya nya wah romiikng to.6Maak odooh nya wah nyen diik cucook nopat ponyona Damae sojahtra nyen maka ppnyona moo nyen montook wah ngan dieetn,Tetapi maak kidooh,ponyonaa moo nyen morii nganu moo geek.7Monaae maeeh wah romiikng nyen,duook ngan nyinoop maeeh nyak oneeh diik niih munyook nganu moo,sbab nya diik korija nyen matuut ngrima upaah,e.yook gooh bopinaah-pinaah romiikng.8Gook maak moo masok nganu saiih kota kiitn diik odooh wah nyen moo niih ngrima,naiik maeeh oneeh toruutn diik niih munyook nganu moo.9Sameel moo ngkuriie nya diik monaapm wah romiikng nyen sanoo maeeh koni balo,e: Korajaan Ponompa jeeh nyomaak moo,"10Niih oneh geeh maak moo nganu kota nyen,tapi moo kae nya ngrimaa,e wah nyen, nanuu maeeh joraatn rayyo nyen sameel moo nyona,e:11 mgaan doobu kota mo diik likaat ngan moo,katuuk ngane wah jowii mo,niih oneeh moo,Korajaan Tuhan jeeh nyomaak.12Koo jeeh nyona nganu moo korajaan Sodoom pasti nyangootnn siik kota nyen.13Colaka rayoo moo, Khoraazhim! colaka geh mo Betsaida! nih oneeh waah Tirus ngan Sidon odooh mujizat-mujizat diik jeh niih nya ngkodiie ngan moo.jeehnotaae baloe botobat gook bokabung.14Niih oneeh libo onu nya ngadeel,Ponangookng mo ngan Tirus gook Sidon ojau nyangootn siik boban moo.15Gook mo Kapernaum,oneeh kah moo nyen nasoo nya simaak kooronyeetn? Kaae,moo acooopm roo tongonaah nya koni dunia ntoyaatn kobeek.16Maak oseeh nya ngopiikng mo,domp ngopikng Koo:oseeh nya kae nginyaak Koo,domp ngaak nyak Koo,maak oserh nyak nulaak Koo,domp nulaak Nya diik ngutuus Koo,"17Jeeh mosiik nyen pongkoriie diik iju puruu balo murid nyen sinaakng ngan sanooe;" Ponompa,Siidiik gook baloo muutn setan Tunook nganu mee nyaak odaatn Moo,"18Sanoo Yesus nganu baloe;" Koo leek Iblis jotuuk wook pattee siik ronyeetnn.19Sobonaar,e Koo munyook kuasa nganu moo nyak mpeet nyipiih ngan kaloo gook nyen ponguaat moo nahan munsuu,sohinga kae odooh nya diik mbahaya moo.20Niih nyen moo yook sinaakng owaakng niih gook bali minu nyen talook koni moo,tapi baerk nyaame, moo sbab jeeh toriisi waah Sobayootn,"21Libo masa nyen baek nyaam,e Yesus ngan minu-minu baeek sanooe:" Koo bosyukur koni moo,Ntuuh torookng ronyeetn ngan bumi,niih too Moo nyukaatn nya diik bijak ngan nya panaae,sbab mo jeh nyona koni diik ciik.Oo,o Maakng, too,e nya diik owaakng ngan Moo,"22Niih sidiik jeeh niih munyook koni Koo siik Maakng Koo,gook nyen oseeh nyaa diik ntaaook oseeh Onaak solaiin Maakng,gook oseeh ntaook oseeh Maakng solaiinkng Onak ngan ntoyaatn diik moniik nganu,e baruuk Cadee nyen nyonaa hal hyen."23Jeeh mosiik nyen Yesus ngrattie valo muriid,e botimaal sanooe:"Baaek nyaapm motiih diik ngrattie oneeh diik nih mo ngratii.24Niih nyen Koo nyona Moo:" Obeekng nya nabi ngan rajo ngratii diik niih ngratiie,tapi kaee ngronookng,e,gook ngopiikng oneeh diik kapiikng moo,tapi kae ngopiikng,"25Libo onu kiitn odooh teek naan ahli Taurat roo ncubaa Yesus,sanooe;"Guru,oneeh nyek koo kadie biaar odooh dopat midoop diik kokal?"26Samoot Yesus nganue;"Oneeh diik totulis wah saiih hukum Taurat? oneh diik niih moo maca waah nie?"27Samoot nya nyen:"Kasiihi Tuhan,Ponompa moo,nyak sogonap otii mo gook sogonaap jiwa moo gook sogonap kokuatan mo ngan sogonap akol budi mo,gook kasihi maeh samooh doop monsia sorupa wook moo sonoriik."28Sanoo Yesus koni,:" Saajoo maatn samoot moo;Kadii ngan wook nyen,maka moo taook midoop."29Tetapi nyak ngasoo bobae omaatn ntoyaatn nyen miseek nganu Yesus:"Gook oseeh kah samooh koo ngan monsia?"30Samoot Yesus:" Odooh tek naan ntoyaatn tomonaah siik Yerusalem koni Yerikho; domp jotuuk koni tongan ponyamun-ponyamun kaae diik sajo ngrampook domp sampae mosiik tapi niih mongkookng geeh,jeh mosiik nyen domp obu ntiggal,e sotongah mati.31Odooh nya tek naan imam bojalootn siik joraatn nyen,domp ngratii nyan nyen,domp pun nangkiis siik dipaah joraatn.32Wook nyen geeh nya Lewi moniik koni arookng nyen; Libo pas domp ngratiie nya nyen domp nangkiis siik dipaah joraatn geeh,33Mosiik nyen moniik nya Samaria,diik tungkaah bojalootn,siik arookng nyen; paas ngraatie nya nyen,maasee owaakng,e leek niih komaase domp.34Domp nganu nya nyen tiih tomoloot,e akool diik towaatn,mosiik nyen niih domp ngriseeh nyak minyaak ngan anggur.Moo siik nyen domp nsinaak nya nyen koni somuu keledaai diik meet domp,sameel domp meet koni arookng pongroomiitn sameel ngrawat,e.35Jeeh onu babuut,e domp munyook dukaah dinar nyak mayaar ponginapan nyen,sanooe; Torawaat maeeh nya tooe gook tolanyoo ngan nyak koporolu domp maak lobeh siik nyen taook koo nyilee,e,libo koo moniik.36Oseeh siik antara toruuh konaan nya nyen,monurut ponapat mo,diik sosamooh monsia siik ngan ntoyaatn diik jotuuk koni tongan ponyamun nyen?"37Samoot nya nyen:" Nya diik munyook owaakng komaase,e nganu,e," Sanoo Yesus koni,e,"Obuu maeh,gook kadiie ngan diik wook ponyona moo,"38Tungkah Yesus ngan murid,e wah ropoot joraatn,moniik geeh balo,e wah tudaa ompuuk.Odooh tek konaan ndayookng diik borodaatn Marta ngrima Dop,e wah romiikng,e.39Ndayookng nyen odooh posiik diik borodaatn Maria.Maria dudook nyonaak kojaa Ponompa sameel duduus ngopiikng bobaa,e.40Sedangkan Marta sibuk nglayaaatn.domp nyomaak Yesus sameel miseek:" Tuhan ,kae poduli Moo kah,bahwa juruu koo ngaso nglayaan doop todoop? Nasoo ngan domp mantuu koo,"41Tapi Ponompa nyamoot domp;"Marta,Moo kawaterr gook nyusaah mo soniriik ngan obeekng pongodie.42tapi teek maeeh diik sajo porolu: Maria jeeh mileeh hal diik sajoo baeek,diik kaae pasti odukk tiaah nya.

Chapter 111Odooh onuue Yesus bodoa waah salah satu arookng.Libo Domp toggaak bodoa,ngomookng teek konaan nya siik balo murid,e nganu,e;"Ponompa najoor ngan mee cara bodoa,samooh wook diik jeeh najoor Yohanes nganu baloo murid,e."2Samoot Yesus nganu baloo,e;" Maak moo roo bodoa,sanoo maeh wook too : Nya diik muntuuh,tongudus ngan odaatn Mo; moniik lah korajaan Moo.3Tunyook ngann koni mee tiap onu ponduook mee diik bolobeeh.4gook tongampuutn ngan,e dosa mee,sbab mee puun ngampuutn sotiap nya diik salah nganu mee,gook yook goog ngoraah mee nganu waah ponggoda,"5Lalu sanoo,e nganu ntoyaatn nyen:" Maak odooh ntoyaatn siik antara moo boroongjat tuda ngiriipm koni romiikng dingaatn,e samell domp miseek:Dingaatn koo tominyaapm ngan toruuh biteer kue nganu koo.6Niih odooh tek naan sahabat koo libo waah jorastn roo singaah kooromiikng koo gook koo pun kidooh toruutn nyak tunyook nganu,e.7kae mungkin nya diik mpoo romiikng nyen nyamoot: Yook ngraaruu koo, koree jeh niih koo nitoop sidiik onaak ngan koo jeh biis;kae lugii koo mongkaat nyaak roo munyook toruutn nganu mo,8Koo nyona koni moo:Sokalipun domp kae lugiie mongkaat nyaak roo munyook toruutn nganu dingaan,e,namun niih pongodie jeh kae baeek diik nunguuk nyen pun kidooh ongiitn,e,ujokng,e domp mongkat sameel munyook oneh poroluu dingan,e nyen.9Niih nyen Koo nyona koni mo,:Minta maeh maka tunyook nya nganu moo,gaggao maeh maka mo pasti ndopat,notook maeh,maka koree bukaak nya nyak moo.10Maak sotiap ntoyaatn minta,ngrima ngan sotiap nya diik ngotook,nyak domp pasti tomukaak nya.11Nya Muntuuh diik keeh antara mo,maak onaak,e minta baook koni,e,roo tunyook nya nyipuuh nyak nyilee baook koni onaak,e?12Atau,maak domp minta turuu,roo tunyook koni,e kaaloo?13Jodii maak moo kobieek taook munyook pomunyook diik baeek koni balo cade mo.apalagi Ponompa moo diik waah sobayootn!Dop,e pasti munyook Minu Ayu koni baloe diik bopinta koni,e,"14Libo onu kiitn Yesus ngosaar siik tek konaan nya sitan diik ngaso bisuuk.Tungkah muutn nyen somopa,nya bisuuk nyen taook ngomookng boba.maka sidiik nya obeekng nyarrooh.15Tetapi odooh siik antara dieetn ngomokng:" Dop,e ngosaar muutn ngan kuasa Beelzebul,inuuk muutn."16Odooh geeh ntoyaatn diik roo minta tanoo toruutn siik sobayootn nganu,e,nyak roo ncuba Domp.17Tetapi Yesus jeh taook ngkaatn pikeer baloe sanoe koni,e;"Sotiap ompuuk diik toponcaae-poncaae pasti bonasa,gook sotiap romikng lawookng diik pocah bolah,pastti runtooh.18Maak Iblis nyen pun bobagi-bagi samel roo nyak nglawootn domp soniriik,kameeh wook ompuuk,e taook botahaan? Sbab mo nyona,e, bahwa ngosaar muutn nyak kuasa Beelzebul.19Jodi maak koo ngosaar muutn ngan kuasa Beelzebul, ngan kuasa oneh geek balo diik ngajooh moo ngosaar,e?Sbab niih nyen haeek balo,e diik jodi hakim moo.20Tetapi maak Koo ngosaar muutn nyak kuasa Ponompa,maka sobonar,e Korajaan Ponompa jeeh moniik koni moo.21Oseeh ntoyaatn diik kuat gook bosonjata njaggo romiikng,e todoop,maka aman romiikng,e nyen.22Tetapi maak ntoyaatn diik lobeeh kuat nyoraakng romiikng,e nyak ngalooh domp,maka nya nyen ngrampoos sidiik toruutn,ngan pelengkapan sonjata domp mosiik nyen tomagi-magi,e.23Oseeh nya kae bosamooh ngan Koo,domp nlawootn Koo gook oseeh kae bokumpul ngan Koo,domp moncae porae,"24Apabila minu kobieek somopa siik monsia,domp pun ntiaso koni arookng diik lawaas nyak mogaao ponyingaah,niih kidooh dopat domp,Sano,e: Aah Koo morii maeh nganu arookng diik tiaatn niih koo ntiggal ramiis,e.25Domp pun obu koni,e jeh leek nopat arokng,e boriseeh tosapu gook rapi toratoor.26Mosiik nyen domp somoopa samel ngoraah ijuu minu kiutn diik sajoo kobieek siik domp,dieetn masook nyak monaae wah nie.Niih nyen akheer koadaan nya nyen lobeeh bieek siik libo koadaan tojiih.27Tungkaah Yesus nojiih ngomookng,bosonaa tek nasn ndayookng siik tudaa nya oberkng nyen nyonaa nganu,e:"Saajoo baaek seeek nyaam nya muntuuh diik ngkodooh Moo gook tisuuk diik ntisuuk Moo,"28Tetapi Dop,e nyona,e:"Diik saajoo baeek kinaapm nyen lah baloe diik lookng ngopiikng boba Ponompa diik ngriintuu domp."29Tungkaah libo obeekng nya nggruutn Domp,sanoo Yesus;"Oyookng too sajo oyookng nya diik kobieek.Balo,e roo owaakng tanoo toruutn,tetapi koni balo,e kidoh nya munyook taanoo solaikng tanoo siik nabi Yunus.30Sbab wook Yunus jeh jodi Tanoo nyak balo ntoyaatn Niniwe,wook nyen geeh Onak Monsia roo jodii tano nyak oyookng to.31Libo onu pongkosiik konooh,ratu siik Solatan nyen mongkat ngajooh ngan nya siik oyookng toe sameel domp ngukuupm ntoyaatn nyen.Sbab ratu nyen moniik siik tojook bumi nyak ngopiikng boba Salomo diik sobonaar,e diik odooh waah to lobeeh siik nyaa Salomo!32Libo onu pongkosiik,e,balo ntoyaatn Niniwe pasti mongkaat borota-rota ngan balo,e to sameel dieetn ngukuupm,e.Sbab balo ntoyaatn Niniwe nyen botobat libo dieetn ngopiikng ponyona agooh siik Yunus,diik sobonar,e nya diik wah too lobeeh siik Yunus.33Kidooh ntoyaatn nguntookng polita mosiik nyen tongonae wah ribuu romiikng atau sigaatn rantaakng,molainkan wah somuu koja ponudook,sopaya sidiik nya masook,taook ngronookng ontaah,e.34Motiih moo nyen sajo polita wookng mo.Maak motiih mo baek,tampook sidiik wookng mo,tapi mask motiih mo bieek,pitii sidiik wookng mo.35Niih nyen noongratiie ngane tampook diik odooh wah mo yook jodi piitii pomidop.36Maak sokayuuk wookng mo boriseeh gook kidooh arookng ciik diik piitii,maka soluruuh,e jodii tampook,sorupa wook polita diik nampook moo nyaak ontaah,e,"37Libo Yesus jeh mosiik ngajoor,tek konaan nya Farisi ngundang Domp duook nganu romiikng,e.Domp pun masok romiikng nyen,samel duook.38Ntoyaatn Farisi nyen ngratii hal nyen domp jodi heraan,niih Yesus kae ngumeek tongan,e libo gootn duook.39Tapi Tuhan nyona domp:"Moo balo nya Farisi,moo ngriiseeh arookng diik sopa siik cawootn ngan pingaatn,tapi wah saiih biniik niih kobiek ngan kodingki.40O..o balo diik mamaao,kae kah Domp diik ngkodie wah sopa,Dop,e geh diik ngajooh koo saiih?41Niih nyen,tunyook obiih nyen nyaak sodekah gook niih nyen sidiik pasti jodii boriseeh nyak mo.42Nyen geeh colaka konooh moo nya Farisi,sbab moo mayaar soparooh ponguleeh moo siik solasih,inggu ngan daun ponaae kiitn,e,tapi moo ngabae koadelan gok kaseh Ponompa. Diik teek niih ngkodiie gook diik kiitn yook nontook,e,43Colaka moo ntoyaatn Farisi,niih moo konaak moggao ponudook wah jowii libo wah romiikng somayaakng gook sajoo owaakng,e ngrima hormat wah pasar.44Colaka geh mo ntoyaatn Farisi,niih moo sorupa wook pongareetn diik kae nyak taanoo: baloo ntoyaatn bojalootn wah tunuuh,e kataao ngkaat,e,"45Tek konaan nya siik ahli Taurat nyen nyamoot ngan bopiseek nganu,e;"Guru,niih Moo ngomookng wook to,borati Moo nginaa me geeh."46Tetapi Yesus nyamoot,e:"Colaka geh moo,o balo nya ahli Taurat,niih moo saloo gooh mongkii bebab-beban borat kae nyak jingkoongk koni nya.tapi mo soniriik kidooh nginaapm asoo,e nya buah tongan mo.47Colaka geh mo,niih mo mbangun mongki pongareetn balo nabi,tetapi neek boraak moo jeh ngkomiis balo,e.48Niih wook nyen mo ngaku,bahwa mo nyak ntaook kobonar pongodie koturuutn mo,niih baloe nyen mulaa,e jeh ngkomiis balo nabi nyen look moo mongki pongareetn,e.49Niih nyen kolobeeh Ponompa nyona:" Koo roo ngutus koni balo,e balo nabi gook balo rasul ngan soparooh nya siik nabi-nabi ngan rasul-rasul nyen roo kabiis balo,e gook tonjorra balo,e.50Sopaya siik oyookng mo diik to oduk tuntuut doya sidiik nabi diik jeh soyaakng libo dunia nih ngkodooh.51tojih jaak siik doya Habel sampae nganu doya Zakharia diik jeh niih ngkomis wah somu mezbah apet romiikng Ponompa.Bahkan to Koo nyona koni mo,Sidiik too pasti oduuk tuntuut siik oyookng ntoyaatn diik to.52Colaka geh moo, nya balo ahli Taurat,niih moo ngkosiik miaah limu pongotahuan; mo soniriik kae masook saiih,e gook nya roo masook nganu,e moo borusaha ngaraal-ngaral."53Jeeh mosiik nyen Yesus borongkat siik arookng nyen, balo ahli Taurat ngan balo ntoyaatn Farisi tros monoros ngintaae sameel nyokaakng mogaao ponyalaah,e.54Niih nyen balo,e borusaha ngayeel Domp,sopaya dieetn dopat nokoop Domp bodasar ngan toruutn diik niih Dop,e nyona.

Chapter 121Somontara nyen boribu-ribu ntoyaatn obeekng jeh boruggok,sohinga dieetn bosokot-sokoot.Yesus pun nojiih boba ngajoor,ponojiih-nojiih nganu balo murid,e sanoe:"Waspada maeh ngan ragi,koo nyen komunafikan balo hya Farisi,2Kidoh diik odooh toruutn pun diik totitoop diik kae roo bukaak nya ngan kidoh toruutn pun oneh diik tosukaatn diik kaee nontaook nya.3Niih oneeh disobuut moo saiih piitii pastii kapiikng sidiik nya wah poya ontaah.Gook oneeh toruutn diik sanoo moo wah kopiikng libo wah saiih kamar pasti sanoo nya siik somuu bubookng romiikng.4Koo to bosona koni mo,dingan Koo.kidooh nyak golaak ngkaatn nya diik ngkomiis wookng gook mosiik nyen kataook geek ngoneeh ngoseeh.5Koo roo nijuuk nyen koni mo oseeh ntoyaatn diik moo tonggolaak.Doop golaak.diik mosiik ngkomiis,odooh kuasa nyaak nompooh ntoyaatn koni saiih noraka.Sobonaar,e Koo nyona nganu moo,yook kae gollaak ngan Domp!6Kae kah monook piieet dik jual nya rimiih sogola dulah dueet?Sunguh pun wook nyen kidooh diik niih Ponompa nomoot tek sogola pun.7Bahkan buruuh baak wah dangkeeh mo tobilaakng sidiik.Niih nyen nya yook gollaak.Niih oneeh moo sajo borooga siik gook monook piieet nyen.8Koo nyona nganu moo,sotiap ntoyaatn dik ngangkuu Koo wah jowi monsia.Onak Monsia pun wook nyen geeh ngangku domp wah jowi gook balo malaekat Ponompa.9Tetapi maak oseh diik nyangkol Koo wah jowi monsia.Domp pasti kae kinaal nya wah jowie gook balo malaekat Ponompa.10Sotiap ntoyaatn diik nyonaa toruutn diik nyak roo nlawootn Onak Monsia.domp pasti tongampuutn.11Pabila balo nya ngadoop mo nganu balo majlis-majlis atau nganu balo pomorintah ngan ponguasa-ponguasa,yook gooh wateer kameeh ngan oneh diik arus moo sanoo nyaak mbela mo.12Sbab libo nyen Minu Ayu pasti ngajoor moo oneeh diik nyak aruus mo sanoo,"13Tek naan siik nya oberkng nyen bopiseek koni Yesus:"Guru,sanoo ngan nganu posiik koo sopaya doomp manooh warisan ngan koo,"14Tetapi Yesus balek miseek domp,sanoe;" O,dorumaak oseeh diik ngongkaat Koo nyak jodi hakim atao pongatara koni mo?"15Sanoo geek koni balo,e;" Bojaggo-jago maeh ngan waspada maeh ngan sidiik kotamaak,niih oneeh ntoyaatn nyen bolimpaah-limpah riita,e,pongkidoop,e nyen kaee lah bogantookng siik pongayaa ritaa nyen,"16Mosiik nyen Dop,e nyona koni balo,e toruutn, porumpama,sanoo,e;" Odooh tek naan nya kaya,poyaa,e bolimpah ruash asell,e.17Domp bosona wah saiih owaakng,e,Oneeh geek nyaak koo roo kadiie,sbab ntooh koo kidooh arookng geek nyaak ngonaa,e wa keeh koo taook ngona hasel poyaa koo.18Lalu sanoo,e: too maeh roo kadie koo,jurookng koo turaak,mosiik nyen koo mongki diik lobeeh daiik geek koo pun ngonaa sidiik toruutn nganu saiih sogala gandum ngan barookng koo.19Mosiik nyen Koo nyona mpoo koo,wookng koo,odoh sidiik toruutn nyak moo botimmuutn nyak bosowa-sowa kotaae,monaae maeeh,duook,nyinoop,samel bosinakng owakng.20Tetapi boba Ponompa kiitn nyona,e koni,e:" Moo nya diik malaakng,libo ngiriipm too geeh pongasookng moo tiaah koo siik moo,nyaak oseeh nyen pajiie? 21Wook nyen ponyidiie maak nya ngruggok ritaa nyak domp todoop,pabila domp kae kaya wah jowie Ponompa,"22Yesus nyona nganu balo murid,e:" Niih nyen Koo nyona to koni mo,yook kuatwr ngan pongkidop mo,ngan oneeh diik nyak duook,gook niih nyen kae joreeh kuater nganu wookng mo,oneeh diik roo nyak mo tinyaak.23Sbab midoop too lobeh penting siik toruutn naiik,ngan wookng nyen lobeh penting siik gook adooh.24Nooraatie maeeh monook gogoo diik kidoh bomiih ngan kidooh ngotiipm,kidooh gudaang atao ngan balo jurookng,e,namun domp niih Ponompa ngasoo duuook.Ojaao lobeeh moo siik gook balo monook nyen!25Oseeh diik siik antara moo niih toruuna kuater midoop,taook noduuk somiteer joraatn pongkidoop,e? 26Jodi,maak moo kae sangiip mongkii toruutn diik paliikng ciik,e,ngoneeh moo kuater konii hal-hal diik kiitn.27Nongratiue maeh bunga bakoong diik kae mintal ngan kidooh bopuruuh,namun Koo nyona koni mo:"Salomo nginyyaak adooh pakae rajoo,e pun kidooh ngalooh kobagaae salah satu bunga nyen.28Jodi,maak iduuh wah miih,diik kah onu to odoh mosiik nyen batootn nya koni wah opi wook nyen Ponompa mongki bodaak,tolobeeh geek moo nya diik kurang pocayook!29Jodii kae joreeh mongki soaal oneeh toruutn diik roo naiik moo atau oneeh diik nyak mo sinoop gook nyen kae joreeh comas owaakng.30Sidiik toruutn nyen diik ggagai nya siidik banso wah dunia diik kidoh ngonal Ponompa.Niih nyen bah,Maakng ntuuh moo wah sobayootn taook ngkaatn oneh diik nyak moo toroolu.31Niih nyen kaggao maeh Korajaan Ponompa,maka sudiik nyen niih noduuk koni moo.32Yook gooh golaak moo balo dingaatn diik pongiciikng! niih oneeh nya muntuuh waah sobayootn jeeh ngowaakng munyook ompuuk nyen.33Juaal sidiik toruutn mo,tunyook ngan sedekah! Tangkii ngan moo onak payootn diik kataao jodi muntuuh,toruutn wook riita wah sobayootn diik kaee mosiik,diik kataaook poncurii nyomaak gook kaae naiik koriipuut.34Niih wah keeh riitaa moo odooh,wahh niie geeh otii mo monaae.35Harus,e kopookng moo botiseet ngan polita mo pagootn midoop.36Gook niih nyen moo sorupa wook balo ntoyaatn diik nunguuk tuan,e morii siik ponganteen,sopaya maak domp moniik nyak ngotook korre,lansookng niih mukaak nyak domp.37Baek owaakng ballo kuli,e diik pas nopaat tuan,e morii siik ponganteen domp bojago-jago libo domp moniik.Koo nyona koni moo: Sobonaar,e Domp pasti niseet kopookng,e sameel ngasoo ntitaatn dudook duook ngan Domp pun ngolayan balo,e.38Maak oseeh ntaook domp moniik libo tuda ngoriipm atau ponuruu ojuu nyak nopat baloe bolaku wook nyen,maka baeek nyam,e balo,e.39Nyak mo ntaook too: Maak nyak mpo romiikng taook jam kudu poncuri roo moniik,domp kae lugii ngasoo romiikng,e oduuk bungkaar.40Niih nyen mo pun solalu siap sodia,maak Onak Monsia moniik libo saat diik kidooh moo ntaook."41Sano Petrus:"Tuhan,mee koh diik nyak moo maksud ngan porumpamo nyen atau geeh sidiik nya?"42Samot Tuhan:" Oseeh pongurus romiikng diik sotia ngan bijaksana diik roo tongkat tuan,e nyak jodi kopalok nyak sidiik kuli,e nyaak junyook ponduook koni baloe libo jeh onu,e?43Baeek owakng,e kuli nyen,diik niih tuan,e nopat pas domp ngkodie tugas,e nyen,libo tuan,e nyen moniik.44Koo nyona koni mo: Sobonarr,e tuan nyen roo ngongkat domp nyak jodi pongawas soluruh toruutn domp.45Maak kuli,e kobieek ngan samel odooh owakng otie:" Tuan koo kidoh monik-moniik,lalu jeeh domp mongkookng kuli diik darri ngan kuli nya ndayookng,samel duook nyinoop ngan obook.46Maka jeeh monik tuan kuli nyen libo onu kidooh nyangkaa,e,gook libo nyen kae domp ntaook,sameel ngkomiis domp jodi sonasip ngan nya diik kae setia.47Odooh geeh kulii,e diik taaook ngkaatn owaakng tuaan,e,tetapi maak diik kaae ngkodie posiapan atau sajoo kaae ngkodie oneh diik owaakng tuaan,e,domp pasti obeekng ngrima pomongkookng.48Tetapi barongoseh nya diik maak kataaok ngkaatn owaakng tuan,e nyaak roo ngkodie oneeh toruutn diik nyak ngkoniik pongocooh,e.Sotiap ntoyaatn diik koni,e nih munyook,siik domp psti obekng tuntuut nya,ngan siik nie pun obeekng nyak tonuntuut.49Koo moniik nyak roo nompooh opii nganu bumi gook sajjo maa owaakng Koo ngaroop opii nyen jeeh bojilaao! 50Koo arus ngrima ponaneek nya,ngan kameeh wook susah owaakng koo to,e, libo gootn hal nyen tojadi!51Moo ngiraa Koo moniik roo nyaak meet damae koni bumi? kae,..molainkan diik kaee sopahaapm.52Niih oneeh jaak siik ntooh odooh rimiih konaan ntoyaatn diik kae cucook owaakng wah tek koromiikng,toruuh nlawootn dukaah,dukaah nlawootn toruuh.53Baloe moniik dalikng kae cucook owaakng,nya muntuuh,e bolawootn ngan cade ndarrii,e,cade ndarii,e bolawootn ngan nya muntuuh,e,nook bolawootn ngan onak dayookng,e,onak dayookng nyen lawootn nook,e.datoo,e lawootn onaak ibaatn,onak ibaatn dayookng lawootn datoo,e dayookng.54Mosiik nyen Yesus nyona nfanu nya obeekng geek:"Maak odooh moo ngroatiie romaakng simaak konii idaar barat,lansokng sano moo,ujaatn odoh moniik,gook hal nyen pun tojadi.55Mosiik nyen moo ngratiee buaak selatan mansookng,sanoo moo: Onu soroonuuh lotiip,hal nyen pun tojadi.56Hae ntoyaatn munafik,bakoo bumi ngan ronyeetn taook moo ngkaatn,e,ngoneeh nya kataaok mo nilae zaman?57Gook ngoneeh geeh moo kae mongki koptusan soniriik oneeh dik bonaar monutuut mo?58Sbab,maak Koo ngan lawootn mo ngadoop koni pomorintah,borusaha maeh mo ngomongk baeek ngan doop,e wah ropoot joraatn,sopaya moo yook nasoo oduk sereet koni hakim ngan hakim nyeret mo nganu pombantu,e mosiik nyen nompooh moo nganu ponjaraa.59Koo nyona too nganu mo:"Moo pasti kae somopa siik nyen,pabila gootn mosiik mo maayar mosiik utaakng mo.

Chapter 131Libo masa nyen odoh nya moniik nganu Yesus kudu naan nya meet agooh pongodie balo nya waah Galilea,diik doyaa,e niih Pilatus nyampuur ngan doya korban kiitn diik niih balo,e munyook.2Samoot Yesus nganu,e:"Sangkaak mo balo ntoyaatn Galilea nyen lobeh daiik kooh dosa,e siik gook dosa balo nya Galilea diik kiitn,diik niih baloe nginaapm nasib nyen?3Kae? Koo nyona koni mo.Tetapi maak moo kae botobat,moo sidiik pasti jorraa bonasa ngan cara wook nyen.4Atau mo ngiraa balo ntoyaatn diik mae bolas nyen kobiis oduuk jantook monara somaak Siloam,lobeh daiik kosalah siik nya diik kiitn ngan diik monaae waah Yerusalem? 5Kaae? Sano Koo nganu mo.Tetapi maak mo kae botobat,moo pasti joraa bonasa wook cara nya nyen tiih."6Libo nyen Yesus nyona porumpamo too:" Odooh ntoyaatn mpoo kayo nunook diik tiimu waah kubootn anggur,e,domp pun moniik nganu kayo nyen roo moggao buaah,e wah kayo nyen,tapi kidooh dopaat,e.7Lalu domp nyona koni ponguruus kubootn anggur nyen:Jeh toruuh sowa Koo ngoggao moniik buah koyuuh nyen tapi kidooh koo nopat,e.Tibookng ngane koyuuh nyen! ngoneeh ngkidoop koyuuh nyen wah poya to sajoo pocuma maeeh!8Sonamoot nya nyen: Tuan,nadu ngan gootn domp midoop tek sowa geek,atooh koo nyangkul poyaa bubeeh,e sameel koo munyook pupuk nganu,e.9Oseeh ntaook sowa pajii domp bobuah; maak ngaak,e wook,tibookng ngan kayo nyen!"10Liboo onuu diik kiitn Yesus tungkaah ngajoor wah saiih romiikng somayaakng libo onu pantookng.11Waah nyen odooh teek naan ndayookng jeeh mae bolas sowa niih muutn ngrasook sampae doomp bungkook kopookng,e,sohinga kataaok domp tokiit bujoor.12Tungkaah Yesus ngratie nya ndayookng nyen,Domp nosuu,e samel nyona nganu,e; O nya muntuuh,konaapm mo jeh baeek."13Mosiik nyen Domp nglongaar tongan,e koni somu ndayookng nyen,sajo ngan libo nyen ndayookng nyen,sameel muji miiih Ponompa.14Tetapi kopalok romiikng somayaakng nyen ndoruuh Yesus ngkaaek nya libo onu Pantookng.lalu domp nyona nganu nya obeekng;"Odooh nim onu nyak koriija.Niih nyen moniik maeeh libo salah satu onu nyen nyak ngkuriie nya yook ngan libo onu Pantookng.15Tetapi Tuhan nyamoot domp,"Hae ntoyaatn munafik! Kae kah sotiap nya nglopoos komiikng ngan lembu,e atau keledai domp libo onu Sabat siik gook ponaggo,e nyaak meet nganu badaah ponyinoop,e?16Kae kah ndayookng to,diik jeeh mae bolas sowa oduk tiseet konaapm muutn,aruus,e tolopoos poniseet nyen,niih domp gaak koturuutn Abraham?17Gook libo Dop,e nyonaa wook nyen,sidiik lawootn,e mongiitn sameel sidiik ntoyaatn baeek owaakng,e niih jeeh ngratiie pongodie diik baaek,diik niih Domp ngkodie.18Maka sanoo Yesus;"Wook ompamo oneh kooh Korajaan Ponompa gook nyaak oneeh kiraae Koo roo ngumpama,e? 19Dop,e wook ruaakng sawii,diik niih miaah ngan niih nya nyoboor wah kubootn Domp;ruaakng nyen timuu ngan njodii kayoo gook baloo monook diik waah somuu bopongki sorri waah gook daatn-daatn,e."20Domp pun nyonaa geek:"Nyaak oneeh kiraae Koo ngumpama Ompuuk Ponompa nyen? 21Domp soumpama ragi diik tek naan ndayookng miaah sameel niih ngadook kosaiih topookng terigu toruuh leekng jangkook toraduuk,"22Jeh mosiik nyen Yesus bojalootn koliilikng siik kota nganu kota gook opiik nganu ompiik nyaak ngajoor ngan ngduduus ponyalootn,e koni Yerusalem.23Gook nyen odooh pula ntoyaatn bopiseek bganu,e:"Ponompa,sajoo ciik kooh ntoyaatn diik niih nyolamaat? 24Samoot Yesus koni balo ntoyaatn waah nyen:"Bouasaha maeeh masook laluu siik koree diik sokoot nyen!Sbab Koo nyona nganu moo:Obeekng ntoyaatn roo borusaha nyak ngajooh,tapi sajoo kae dopast,e.25Maak nya diik mpo romiikng jeh mongkaat sameel jeh nitoop koree,mo pasti tokiit wah sopaa samel ngotok-ngotok koree samel nyona:" Tuan,bukaak koree nyak me! Gook domp pasti nyamoot samel hyona mo: Kataook koo ngkaatn pingkoniik mo siik keeh.26Mosiik nyen sano mo: Mee jeeh suaah duook nyinoop ngan Moo gook Moo geeh ngajoor jookng sokayuuk joraatn waah kota me.27Tetapi Domp pasti nyona mo:"Koo kataook ngkaatn pongkoniik moo siik keeh moniik.obu koiih siik jowii Koo,sidiik dorumaak diik ngkodie kobieek!28Waah iih pasti todopat toniikng nya ngan riaak jipiitn,maak moo roo ngronookng Abraham ngan Ishak ngan Yakub gook sidiik nabi wah saiih Ompiik Ponompa,tapi mo soniriik niih nya nompooh kosopa.29Sidiik nya moniik siik Timur ngan Barat gook siik Utara ngan Selatan gook balo,e dudook duook waah saiih Ompiik Ponompa.30Sobonaar,e diik gooh odooh nya diik pongkosiik diik sajoo jodi nya paliikng tiaatn gook nya diik tiaatn oduuk jodi nya diik siniih,"31Libo masa nyen moniik nya Farisi samel ngomokng koni Yesus:"Obuu moo,tiggal ngan arookng to,niih Herodes pasti roo ngkomiis Moo."32Samoot Yesus koni,e:" Obuu maeh mo,sanoo nganu Serigala nyen: Koo ngosaar muutn ngan ngkuriie ntoyaatn,jaak siik onu too sampae babuut,e,jeh onu kotoruuh Koo jeh mosiik,e.33Tapi Koo onu to ngan onu ngkoiih,e Koo arus bojalootn geek,Sebab kaae taak tek konaan nabi kabiis nya maak kae waah Yerusalem.34Yerusalem, Yerusalem moo nyen ngkomiis balo nabi sameel nih nikaapm ngan botuuh balo nya niih ngutus koni mo! Sajoo malaar,e Koo poroyu ngruggok balo onak cade mo,sorupa ngan nook siaap diik ngruggok balo onak,e wah sigaatn iraat,e,tapi mo kae lugi mo.35Sobonaar,e romiikng mo too tontoggal maeh nasoo sunyiik.Ngoneeh Koo nyona nganu mo: Moo pasti kidooh ngronookng Koo geek jangkook onuu moo nyona,e:Odooh borikat Domp diik moniik nyak odaatn Ponompa!"

Chapter 141Libo onu Sabat Yesus moniik geek koni romiikng salah satu pomimpin nya siik balo Farisi nyak duook wa nie,Sidiik ntoyaatn diik ngajooh ngratiie Domp ngan kobonare.2Tiba-tiba moniik tek konaan nya diik monaapm puaak toniik labuk tokiit wah jowi,e.3Yesus pun nyona nganu balo ahli-ahli Taurat ngan nya Farisi nyen,sano,e:"Taook nasoo kooh ngkuriie ntoyaatn libo onu Sabat atau kaae?4Sidiik balo,e nyen motiikng.Yesus pun migookng tongan nya monaapm nyen mosiik nyen nongkuriie gook nasoo,e obu.5Mosiik nyen sanoo Domp koni balo,e:"Oseeh siik antara moo to diik kae lokas noreek somoopa onak cade,e atau lembu,e maak mpurook koni saiih sumur,biaar nyen onu Sabat?"6Kidooh balo,e diik gompaakng nyokaakng,e.7Niih Yesus ngratiie,bahwa tamu-tamu borusaha moggao ponudook diik wah arookng-arokng diik bagaae,Domp nyona porumpama to koni dieetn:8"Maak odooh ntoyaatn ngundang mo koni pesta nganteetn,yook maeeh dudook wah arookng diik bagaae,sebab laak odoh nya nyen ngundang nya diik lobeeh toromat siik moo.9sopaya ntoyaatn nyen,diik ngundang moo ngan domp,e, kae moniik samel nyona moo: Tunyook arookng nyen nganu ntoyatn to.Mosiik nyen sajoo roo mongiitn mo arus mongkat obuu siik ponudook moo koni arookng diik ronaah.10Tetapi,maak moo niih ngundang,nanuu maeh mo dudook koni arookng diik ronaah.Laak ngromaa,e odooh obiih romiikng moniik nyona moo: Kawootn,daai dudook koni jowiie.gook niih wook nyen moo pasti ngrima basoo baeek wah jowiie sidiik tamu diik kiitn.11Sbab oseeh nya ngrongkaao domp,dop,e,soniriik naso nya ronaah gook oseeh nya diik ngronaah doop,e,domp nasoo nyak nya tonabeek.12Yesus pun nyona nganu ntoyaatn diik ngundang Domp:"Maak moo ngoraah ngasoo duook nyowa samooh atau ngoriipm,aduu maeeh moo kae reeh ngundang balo kawootn moo atau posiik juruu mo atau kaum lawookng romiikng mo ngan baloo totangaak mo diik kaya,niih oneh konooh moo pasti oduuk baloos dieent,e.13Tetapi maak mo ngkodie pongodie,undang maeeh balo ntoyaatn mosikeetn,ntoyaatn diik cacat,balo nya diik lumpoh, gook balo ntoyaatn diik bokaap.14Niih moo pun nginaapm sinaakng,niih balo dieent kidooh oneh oseeh nyak roo molaas budi baso moo.Pajii konooh moo nopat bolas,e libo onu pomongkaat gook balo ntoyaatn diik baeek."15Ngopiikng hal nyen bopiseek nya tek naan siik ropoot ntoyaatn nyen koni Yesus:" Sajoo baeek oti owakng,e ntoyaatn diik nih mpokaatn waah Korajaan Ponompa."16Tetapi Yesus nyona nyen koni,e:"Odooh tek naan nya ngkodiue pongodiie daiik gook domp ngunagang nya obeekng.17Jeeh roo nyomaak onu,e botojiih,domp ngaso onak buah,e nyona pisiikng koni balo diik oduk sanoo: Booh doop,sbab sidiik toruutn jeeh odooh.18Niih ngoneeh sidiik balo,e nyen nyona adu,e maeeh kae sompat koo.Diik tojiih nyona koni,e:Koo jeeh miriih miih gook koo ngan obiih romiikng arus ngaboo,e,koo kae sompat.19Diik kiitn nyona,koo jeh odoh miriih rimiih sogola lembu nyak tongaweetn,koo roo ngkodiee; Aduu maeh,kae sompat koo.20Diik kiitn geek nyona, Koo baooh mosiik nganteen,niih nyeen sajoo kae taook moniik.21Maka jeh pongkoriie onak buah tuan diik ngasoo nyen morii nganu,e nyona ritiie.Sajoo ndoruuh pahaapm nya mpo romiikng nyen samel nyona onak buah nyen:Nanuu maeh mo koni kota sameel moo ngoraah kotoo balo,e ntoyaatn mosikeetn nyen ngan balo nya diik cacat gook balo nya diik bokaap gook balo nya diik lumpooh.22Mosiik nyen nya nyen nglapor koni mpo romiikng nyen,oneh diik sanoo pisikng mo nyen jeh niih koo ngkodie,tapi domp geek odooh wah yeetn.23Mosiik nyen sanoo tuan nyen koni onak buah,e,Nanu maeh gook singkaap joraatn sameel maksa balo ntoyaatn,diik odoh wah nie,karooh simaak,kae ngoneeh romiikng koo nasoo bunuuk.24Niih oneh too koo nyona moo:" Kidooh diik odooh ntoyaatn nyen diik jeeh nih koo nyona nyen nocaap pomakootn Koo,"25Odooh onuu kiitn obeekng balo ntoyaatn bojireeh-jireeh ngajooh Yesus bojalootn ngan Domp,samel ngratie,e Domp ngomokng nganu balo,e:26"Maak odooh tek naan nya moniik koni Koo maak domp kaae ngdoruuh nya muntuuh,e,osaao,e,balo cade,e,balo posiik diik darii ngan diik ndayookng,bahkan pongasookng domp todoop,domp kataook jodi murid Koo.27Maak oseeh nya kidooh ngajooh mikuul saleb domp nyak roo ngajooh Koo,domp pun kae dopat jodi murid Koo.28Niih oseeh kooh nya siik moo diik owaakng lokng mongki ntokiit teek biteer monara kidooh domp tiaatn dudook boruggok ngitookng ongkoos,e,maak diik boyaah dueet domp nyen nyak ngkosiik korija,e nyen?29Jeeh suaah domp niciip mongki dasaar,e tapi kae niih ngkosiik korija,e, mongiitn,e ngitookng laak konooh mosiik nomookng nya,diik ngratie domp.30samel nya nyona,e: Ntoyatn nyen nojiih mongki,e,tapi domp kaleeh ngkosiik ngrijaae.31Atau,rajo diik keeh maak roo obu boporakng nglawootn rajo diik kiitn kae dudook bopahaapm tiaatn nyak botimaakng,onehkooh ngan simokng ribu pasukan dopm sangiip ngadoop lawootn,e diik moniik ngadoop meet dukah puruuh ribu ntoyaatn? 32Maak kae,domp ngaso ngciriipm utusan libo munsu nyen gek ojaau nyak miseek oneeh syarat-syarat minta bodamae.33Wook nyen ntoyaatn siik antara mo nyen,diik kae ngacool doomp ngan toruutn domp,kae dopat ngajoh Koo.34Garoopm sajo baek,tapi maak libo domp jodi modaas,nyaak oneeh nyaa ngasoo domp aroook?35Kidoh gunaa,e geek baek nyak miih atau nyaak mupuk,batoont nya maeeh.Oseeh odooh kopiikng nyak ngopikng,aruus,e domp ngopiikng!"

Chapter 151Ballo ntoyaatn pomungut cukae ngan ntoyaatn bodosa wook moook moniik koni Yesus sameel ngopiikng boba Dop,e.2Maka ndoruuh bosunguutn balo ntoyastn Farisi ngan balo ahli Taurat,balo nyonae:" Dop,e ngrima balo ntoyaatn bodosa gook ngoraah duook samooh-samooh ngan balo,e."3Yesus nyona porumpama too nganu balo,e:4"Oseeh nyaa,e siik moo too diik odooh soratus sogola domba,maak moyaapm tek sogola siik niie,kaae nontook diik pirii puru pirii sogola nyen wah padang gurun domp bogogao ngan diik tek sogola nyen moyaapm jangkook buleeh?5 Maak domp jeh nopat,e,domp pasti baek owaakng,e samel domp nyingkookng,e morii.6Gook maak jeh pongkoniik wah romiikng dopm mpau balo dingaatn,e ngan gook totangak samel domp nyona,e:Booh sidiik doop pongaa ngan Koo,niih koo jeh nopaat domba diik jeeh otaae moyaapm.7Koo nyona mo wook too:"Wook nyen geeh odooh agooh baeek wah Sobayootn niih tek naan nya bodosa diik botobat,lobeh siik nyen kobaaek niih diik piri puruu pirii ntoyaatn diik bonaar kae ngrolu potobatan,"8Atau ndayookng diik keeh diik odooh simookng ropiaah,maak moyaapm teek ropiah siik niie,kidooh ngkidoop polita sameel nyapu romiikng,e domp moggao bolubaah jangkook dopat domp?9Gook nih nyen maak jeeh domp nopat,e,domp mpau nyonaa nya baloo samel nyonae: Booh doop sinaangk ngan koo,niih sotali toruutn koo diik moyaapm jeeh buleeh koo.10Nyen Koo nyona mo: Wook nyen geh odooh tojadi sinakng owaakng ngan balo malaekat Ponompa niih tek konaan nya bodosa diik botobat.11Yesus nyonaa sokali geek:"Odooh ntoyaatn mpoo onak cade darii dukaah naan.12Sano diik bunsu koni maskng,e,: Pak,punyook koni koo bagii rittaa diik jodi hak koo.Mosiik nyen nya muntuuh maggi ritta,e nyen nganu dieent dukaah.13Jeeh bansoo kudu onu mosiik nyen onak cade dik bunsu nyen nyuaal sidiik bagian domp nyaak obu koni ompuuk diik ojaau.14Libo nyen domp ngkosiik ngrudaas rita bonaa,e samel midoop bofoya-poya.15Mosiik nyen jeh kidooh geek domp miseek nganu nya bos wah ompuuk nyen.Ontoyaatn nyen ngasoo domp koni miih ngasoo nunguuk janeek,e.16Nginaapm toniik sobirook odooh owaakng ngajooh duook mpaatn janeek nyen,tapi kidooh lookng nya nyen munyook nganu,e.17Mosiik nyen domp nyadaar,e pongodie,e,sano,e: Boyaah kobeekng nya ntoyaatn pongupaah maakng koo,diik duuok bolimpah-limpah,ngoneeh koo wah too sobirook.18Koo baeek mongkaat morii maeh nganu maakng koo samel nyona:Paak,koo jeh bodosa toradap sobayootn ngan Ponompa,19koo kae matuut geek sanoo onaak moo,ngasoo maeeh koo wook nya diik ngrima upah moo.20Maak wook nyen mongkaat domp,e nyak ngajooh nganu maakng,e.Jaak siik geek ojaau,nya muntuuh nyen jeeh ngronookng domp,pajooh masee leek domp.Maakng,e ngkoduuh nganu domp samel mangkoop nodook domp.21Sanoo onaak nyen nganu,e: Paak,koo jeh bodosa toradap sobayootn gook toradap Ponompa,koo kae matuut geek nyak sanoo onaak kaapm.22Tapi maakng,e nyen nyona koni balo kuli,e: Lokas dibert kotoo adooh diik mas baeek,nasook ngan nganu,e sameel ngasook tinciikng wah buah tongan,e gook sopatu wah koja,e.23Gook nyen tiaah ngan,e onak lembu diik gomookng nyen baleeh sameel sidiik doop duook bosamooh ngan bosyukur.24Niih onak cade koo to jerh otaae moyaapm jodii taook morii,domp diik kobiis midoop geek.Baloe botojiih borudaap bosamooh.25Onak diik muntuuh monaae korija waah miih gook jeeh pongkorii,e nyomaak romiikng,siik nie domp ngopiikng angkookng soroliikng gook nya bonyanyi samel kondaatn.26Domp mpau tek naan kuli,e sameel miseek nganu,e oneeh ritii sidiik too.27Samoot onak buah nyen:Odek mo jeh odooh morii gook paak mo jeh moleeh lembu diik gomookng,niih doomp leel ndopat morii ngan kosehaat,e.28Sajoo ndoruuh geeh onaak ,e diik muntuuh nyen gook domp ngaak masook.Mosiik nyen maakng,e somopa ngomookng ngan domp,e.29Domp pun nyamoot maakng,e,sano,e: Jeeh bosowa-sowa bah koo nglayan kaapm kae suaah koo nyam,e kae ngajooh porintah kaapm,ngoneeh koni koo kae suaah kaspm munyook tek sogola komiikng nyaak koo bosinaakng owaakng ngan balo dingaan koo.30Too bauuh jiih onak kaapm diik ngkosiik ritta pongaya kapm ngan gook balo polacur,nih nyen kaapm moleeh onal lembu gomookng nyaak domp,e.31Sanoo maakng,e koni,e: Moo solaraat ngajoh koo diik koo mpo,e too sajoo mo mpoo,e.32Doop matuut bosyukur gook bosinakng owakng niih odek mo diik kobiis jodi midoop morii,domp jeh moyaapm dopat morii."

Chapter 161Yesus geeh nyona nganu balo murid Domp,e:"Odooh ntoyaatn diik kaya odoh bendahara,e.Koni,e niih nyona tuduhan,bahwa bendahara nyen mboroos dueet domp.2Mosiik nyen domp nosu bendahara nyen samel nyona nganu,e; Oneh diik oduk kapiikng koo hal mo? Tunyook potangungjawab mo ngan urusan mo,sbab jeeh kae buleeh geek korija jodi bendahara.3Sanoo bendahara nyen wah saiih owaakng,e: Oneh diik arus nyak koo tongrija?Tuan koo nogaak koo siik jabatan jodi bendahara.Nyangkul kaleeh koo,ngemis mongiitn koo.4Koo arus taook oneh nyak koo kadie,sopaya maak koo niih nogaak siik jabatan koo jodi bendahara,odooh nya diik lookng nampung koo wah romiikng,e.5Mosiik nyen domp nosuu nya diik borutakng nganu tuan,e caro ngruteek.Sano,e koni diik pontojih:Ngkuduu utang mo ngan tuan koo? 6Samoot nya nyen: Soratus payootn minyaak.Sano,e koni nya nyen: To haeek surat utang mo,dudook gootn samel mongki surat utang kiitn ntooh: Rimiih puruu payootn.7Mosiik nyen domp nyona dik kodukaah,e:Diik mo kudu,e utang mo? Samoot nya nyen: Soratus pikul gandum.Sano,e nganu nya nyen: To haeek utang mo,tangki maeh surat utang kiitn: Maae puru pikul.8Lalu tuan nyen mijiih bendahara diik kobiloot nyen,niih domp jeh botindak ngan cerdik.Sbab onak cade to lobeh cerdik ngakol samooh domp dari pada nya onak cade diik baeek.9Too koo nyona koni mo: Tisert maeeh pongodiie mo ngan Mamon diik kae bujoor,sopaya Mamon nyen geek kae dopat nulookng geek,moo oduk nyaak nya wah kemah abadi."10 "Oseeh nya diik setia wah pongodie diik ciik,doomp pun setia ngan hal pongodiie diik daiik.Gook oseeh nya diik kae bonar wah pongodiie diik ciik,domp pun kae bonar ngan pongodie hal daiik.11Jodi,maak moo kae setia wah hal Mamon diik kae bujoor,oseeh nya diik ncayook koni mo ritaa diik sobonaar,e?12Nyen maak mo kae setia ngan ritta nya kiitn,oseeh nya,e diik munyook ritaa mo todoop nganu mo?13Tek konaan ntoyaatn kae bisa ngabdi nganu dukah tuan.Niih maak wook nyen domp pasti ngrareeh diik teek naan nyaak ngaseeh diik kiitn,atau domp setia nganu tek naan tapi kae ngopiikng diik kiitn.Moo kataaok ngabdi nganu Ponompa ngan koni Mamon,"14Sidiik nyen kapingk balo nya Farisi,balo hamba duet nyen,niih nyen sidiik balo,e ngidooh Domp.15Lalu Yesus nyona koni balo,e:" Moo mbagaae todoop mo maeh wah jowi nya,tapi Ponompa taook sidiik otii moo.Sbab niih oneeh diik niih moo ngraggoh ngan monsia,rareeh Ponompa ngronookng,e.16Hukum Taurat nfan gook kitab nabi bolaku jangkook jaman Yohanes;Ngan jaak libo nyen Korajaan Ponompa niih munyok aggooh gook sidiik ntoyaatn borobuut roo ngajooh.17Lobeh mudah ronyeetn ngan bumi moyaapm daripada tek biteer siik ukupm Taurat kae opus.18Sotiap ntoyaatn maak nyarook osaao,e,mosiik nyen botiaah geek ngan ndayookng kiitn,dopm bobuat zinah; maak oseeh nya miaah ndayookng diik sonarook boniih,e,,domp pun bobuat zinah."19Odooh tek naan ntoyaatn diik kaya saloo nyak adooh jubah ungu ngan adooh diik lomuut,tiap onu doopm nginaapm kobaaek nyam midoop ngan sidiik toruutn odooh.20Gook too odooh tek naan pengemis borodaatn Lazarus,wookng,e bunuuk niih oreet modaapm,nggalae nyomaak maa koree nya diik kaya nyen.21Dopm maa owaakng,e ngkobiih toniik ngan tisaa tubiik diik jotuuk siik mija nya nyen,Maalah baloo kuyuuk,e diik moniik nyilaat oreet domp.22Mosiik nyen kobiis lah nya mosikeetn nyen,lalu dibeet balo malaekat nganu pangkoo Abraham.23Mosiik nyen nya kaya nyen kobeek geh,lalu nih maseer,Gook somontara doopm joraa nijiikng konaapm wah saiih pongareetn domp ngadop kosomuu,gook siik ojaau dopm ngratii Abraham ngan Lazarus dudook wah pangkoo,e.24Dopm pun mpau, sanoo,e: Maakng Abraham,nasoo ngan Lazarus nciilip tongan,e koni piikng nyak ncolaap jiraa koo,sbab kaleeh koo nginaapm konapm to wah saiih opii.25Tetapi Abraham nyona ritii,e;Bang,tingaatn maeh,bahwa moo jeh ngrima sidiik toruutn baeek liboo pongkidoop mo,sedangkan Lazarus sidiik diik bieek.Ntoohdopm dopat kobaaek nyam,e gook moo nginaapm kojoraa,e.26Solaikng siik nyen wah antara mee ngan moo odooh odooh tolintang orookng diik kae nyak nongrutaas,sopaya nya diik lookng nganu ngan koni moo siik too atau nya siik nyuuh roo nganu koni mee kae taook mutaas.27Sanoo nya nyen: Maak wook nyen,koo minta koni moo makng,sopaya moo ngaso dopm nganu romiikng pak koo,28Sbab geek odooh rimiih naan posiik koo,sopaya dopm ngingaatn balo,e biar bonar-bonar,saak balo,e yook ngajooh koni arookng diik joraa to.29Tapi sano Abraham: Odooh kosaksian Musa ngan balo nabi; Baeek maak dieetn ngopiikng nyen.30Samoot nya nyen:Kaae,Makng Abraham,tetapi maak odooh tek konaan nya moniik nganu,e siik oseh ntoyaatn diik kobiis koni,e dieetn pasti botobat.31Sanoo Abraham koni,e:Maak dieetn kae ngopiikng boba Musa ngan balo nabi,balo,e pun kae mungkin lookng,e yakin,sokalipun niih nya diik mongkat siik ropoot ntoyaatn kobiis.

Chapter 171Yesus nyona nganu balo murid,e:" Kae mungkin kae odooh penyesatan,nihh nyen colaka gooh nya diik ngkodie,e.2Sajoo lobeh baeek maak tek buter botuuh solaatn tiseet nganu rasookng,e,mosiik nyen tampooh koni saiih laoot,daripada nyesat nya salah satu siik baloo ntoyaatn diik lomah to.3Tonyaggo maeeh mo! Maak posiik mo mongki dosa,nabootn ngan dopm,maak dopm nyosaal,nampuunt ngan dopm.4Bahkan maak dopm ngkodi tosaat sampae iju kali kah onu gook iju kali geeh dopm nganu moo sameel nyona:Koo sajoo nyosal,mo arus ngampuutn dopm."5Sanoo valo rasul-rasul nyen koni Ponompa:"Taduuk ngan,e iman mee!"6Samoot Ponompa:"Maak sokira,e moo odooh iman kaiik ruakng sawi maeeh,moo dopat nyona nganu kayoo ara to; Toruaat mo gook toticiip nganu saiih laot,dopm tunook koni mo."7"Oseh siik moo diik odooh kuli mbajak atau ngrintu pomuruutn nyak dopm,pasti nyona nganu kuli,e,jeh mosiik morii siik miih,e: Booh doop duook! 8Kae kah domp nyona koni kuli,e nyen: tonyodia pomakootn nyak koo,Tiseet kopookng mo sameel tokayan ngan,e,jangkook mosiik koo duook ngan nyinoop.9Odooh kooh dopm caak botorima kasih nganu kuli,e nyen,niih kuli,e jeeh ngkodie tugas diik jeh nih munyook nganu,e?10Wook nyen geeh mo.Maak moo jeh ngkodie sidiik toruutn diik niih munyook koni mo,Aruus,e mo nyona: Mee to balo kuli diik kae boguna,mee somuuk ngkodie oneh diik mee arus kadie."11Liboo ponyalootn Dopm nganu Yerusalem,Yesus ngrutaas pobatas Samaria ngan Galilea.12Tungkaah Dopm roo bauh masok koni desa,Moniik lah simookng nasn ntoyaatn kusta bodopat ngan Dopm.Balo,e montook ojaau tokiit siiniih.13samel mangkoos:" Yesus, Guru,tomasee ngan mee!"14Yesus pun ngratiie dieetn samel nyona:" Morii maeh,nampoor bakoo mo nganu imam-imam,"Sameel borota balo,e pun jodii baeek wah ropoot jorastn.15Tek nasn siik dieetn,mosiik ngronookng dopm jeh baeek,bobale samel nyonaa mijiih Ponompa sameel ncaai,16Lalu tosungkoor wah jowii koja Yesus samel bosyukur nganu,e, Nya nyen tiih ntoyaatn nya Samaria.17 Yesus nyonaa,e:"Kaae kooh kosimookng ntoyaat jiis jeh baeek? Wa keeh diik pirii naan nyen?18Kidooh kaah siik dieetn nyen diik bobaleek nyaak roo botorima kasiih nganu Ponompa solaikng siik ntoyaatn diik nyarooh to?19Mosiik nyen sanoo,e koni nya nyen:" Tokiit maeh mosiik to morii,iman mo jeh nyolamat mo."20Ngaan niih potanyaan balo ntoyaatn Farisi,maak diik odooh Korajaan Ponompa moniik,Yesus nyamoot,e:"Korajaan Ponompa moniik kidooh tanoo-tanoo lahiriah,21Ngan nih nyen kataook nya nyona,e:" Nongratiie maeh,dopm odoh wah to atau dopm odooh wah nyuuh! Sbab niih oneh sobonaar,e Korajaan Ponompa odooh wah ropoot dieetn."22Dopm pun nyona nganu balo murid,e:"Pasti moniik onu,e owaakng mo ngronookng teek naan nya siik pado onu-onu onak Monsia nyen gook mo todop kidooh ngratie.23Gook niih nyen ntoyaatn nyona mo:" Tileek,dopm odoh wah to,Tileek,dopm odoh nyuuh,Nyaak oneh moo koni,e,yook ngajooh,e.24Sbab niih sorupa wook pate cilat siik tojook ronyeetn diik kiitn nganu tokook ronyeetn too,wook nyen lah konooh hal,e Onak Monsia libo onu pongkoniik,e.25Tetapi Dop,e arus nangookng obeekng kojoraaa saeek gook niih oyookng to nulaak.26Samooh diik tojadi waah libo zaman Nuh,wook nyen geeh konooh tikiitn onu nyowa Onak Monsia.27baloe duook ngan nyinoop,balo,e botiaah gook oduuk botiaah,jangkook koni onu Nuh ngajooh nganu saiih romiikng,e,mosiik nyen moniik piikng daiikk ngkomiis sidiik balo,e.28Wook nyen geeh wook diik tojadi libo zaman Lot,balo,e duook nyinoop,baloe miriih ngan nyuaal,baloe bopuruuh gook bopongkii.29Tetapi libo sowaa Lot obuu somopa siik Sodom tomonaah ujaatn opi ngan ujaatn baroo opi siik ronyeetn nyaak ngkosiik sidiik dieetn.30Wook nyen geeh paji konooh ,wah keeh Onak Monsia nyonaa Dopm,e.31Barongoseh libo onu nyetn libo monaae wah somu romiikng ngan baloo toruutn,e odooh wah saiih romiikng,yook maeeh moo roo tomonaah miaah,gook niih wook nyen geh ntoyaatn diik libo monae wah miih,yook gooh dopm morii.32Tingaatn maeh osaao Lot!33Maak oseeh nya ngrintuu pongasookng,e,dopm pasti moyaapm pongasookng,e,gook oseeh nya moyaapm pongasokng,e,dopm pasti nyolamat,e.34Too Koo nyonaa nganu mo:Libo ngoriipm nyen odooh dukaah naaan wah somuu arookng pomiis,e,diik tek naan niih meet gook diik kiitn oduuk tantook.35Odooh dukaah naan ndayookng samooh boroota moyaapm,diik tek naan niih meet morii ngan dik teek montook,36Maak odooh dukah naan nya wah miih,dik tek niih meet diik tek montook,37Sanoo balo,e koni Yesus: Wah keeh,Ponompa?"sanoo,e koni balo,e: Wah keeh odooh bangkaae,wah niie boruggok monook ngruuutn,e,"

Chapter 181Yesus porumpama wook to koni dieetn nyak ngrogaas boba,e, Bahwa balo,e aruus solarat bodoa yook lojuuk-lojuuk.2 Sanoo,e:" Wah saiih kota odooh tek konaan hakim diik sajoo kae golaak ngkaatn Ponompa ngan sajo kae ngrogga oseh pun.3Waah kota nyen odooh tek konaan janda diik solaaraat moniik nganu hakim nyen sameel bopisiikng: Tombela ngan hak koo ngan lawootn koo.4Boyaah kotaae onu,e hakim nyen nuulaak.Tapi samel dopm bosona saiih owaakng,e: Biaar nyen koo kaee gollak ngan Ponompa gook kae suaah ngrogga nya.5Nih nyen janda nyen solaraat nyusaah koo,naduu maeeh koo mbonaar dopm,sopaya dopm kae solarat moniik pajooh laak nyoraakng koo.6Sanoo Tuhan:" Caam maee oneeh disanoo hakim dik kobieek nyen! 7Kaae kah Ponompa pasti mbonaar ntoyaatn dik nyowa ngoriipm bopinta nganu,e?Gook odooh kah dopm nguloor onu nyaak dopm mantuuk dieetn? 8Too Koo nyona mo: Dopm pasti lokas mbonaar nya.Niih oneh Onak Monsia nyen moniik,odooh kooh Dop,e nopat iman waah bumi?"9Gook koni nya dii ngangap dopm bonarr ngan sajoo ngronookng ronaah sidiik nya kiitn,Yesus nyona porumpamo too koni,e: 10" Odooh tek konaan nya nganuu Romiikng Ponompa nyak bodoa,dik tek naan nya farisi gook diik kiitn,e pomungut cukae,11Nya Farisi nyen tokiit bodoa wah saiih owakng,e wook to: Ya,Tuhan,koo ngucap syukur koni Moo,niih koo kae samooh wook diik laiikng,kae porampok,kae ntoyaatn buntuuk,kae pozinah,gook kae geeh wook nya pomungut cukae,12Koo bopuasa dukah kali somingu,koo munyook persimookng siik ponopaat koo.13Tetapi nya pomungut cukae nyen tokiit ojaao-ojau,bahkan dopm kae borani ngadoop nganu ronyeetn,molainkan dopm samel mongkokng bakoo dopm nyonaa:O Ponompa,tongaseh lah koo to nya bodosa.14Koo nyona koni moo: Ntoyaatn to morrii koni romiikng jodii nya diik nih mbonaar Ponompa gook diik kiitn nyen kae.dopm nasoo koo ronaah siik nya gook oseeh nyaae ngronaah dopm pasti koo somu jodie,"15Niih nyen moniik balo ntoyaatn meet balo onaak,e diik aluus koni Yesus,sopaya Dop,e migookng dieetn.Ngratie pongodie nyen balo murid,e ngdoruuh balo,e nyen.16Tapi Yesus nosuu dieetn sanoo,e:" Aduu maeeh balo cade aluus moniik nganu Koo,niih nyen yook gooh mo ngaraal dieetn,sbab balo nya diik wook nyen lah diik mpoo Korajaan Ponompa.17Koo nyona to koni mo,Sobonaar,e oseh nya kae nyamuut Korajaan Ponompa wook cade ciik to dopm kae dopat ngajooh ko saiih,e,"18Odooh tek konaan pomimpi miseek Yesus,sano,e:" Guru diik baeek,oneh diik arus koo kadie nyaak nopat midoop diik kokal?"19Samoot Yesus:" Ngoneeh moo nyona Koo baeek?Kidooh ntoyaatn diik baeek solaikng nya siiik Ponompa maeh.20Mo tontu taook sidiik porintah Ponompa, Yook bozinah,yook bokobeek,yook nongkuu,yook nyonaa toruutn kaee bonar,tabeek patooh moo ngan makng gook nook mo."21Sanoo nya nyen koni,e:"Sidiik nyen jeh niih koo nyunoot jaak siik sowaa monguutn koo.22Ngopiikng nyen Yesus nyona,e:" Maserh geeh odooh teek geek diik gootn nih mo ngkodie,juaal ngan sidiik ritta bona mo mosiik nyen tomagi-maggi nganu nya diik bagootn,maka moo pasti dopat ritaa waah sobayootn,mosiik nyen moniik kotoo samel ngajooh Koo,"23Libo nya nyen ngopiikng boba nyen,dopm jodii susaah pahapm,e niih dopm nya diik palikng kaya.24Mosiik nyen Yesus ngratiee dopm samel nyonaa:" Sajoo siik togooh ntoyaatn diik boduet masok kosaiih Korajaan Ponompa.25Sbab lobeh mudah tek sogola unta masok siik rubakng jariipm daripada nya kaya masok nganu saiih Korajaan Ponompa.26Gook sidiik wah yeetn ngopiikng hal nyen sanoo,e:" Maak wook nyen oseeh diik sajoo pasti nyaak tonyolamaatn?"27 Sano Yesus:" Oneh diik kae mungkin nyaak monsia,mungkiin nyaak Ponompa,"28Petrus nyona:" Mee too jeeh ntiggal sidiik toruutn me diik odooh nyaak ngajooh Moo,"29 Sanoo Yesus nganu dieetn,:" Koo nyona koni mo,sobonaar,e sotiap ntoyaatn diik niih Korajaan Ponompa dopm ntiggal romiikng,e,osaao,e atau posiik,e nya muntuuh, atau onak cade,e.30Pasti ngrima morii konooh libo masa to geeh,gook libo wah zaman diik kojowiie dopm pasti moniik ngrima pongkidoop dik kokal."31Yesus nosuu kodukaah bolas murid,e,sameel nyona nganu balo,e:" Too doop borongkat koni Yerusalem gook sidiik toruutn diik niih balo nabi nulis hal Onak Monsia pasti tonggonap.32Sbab Dopm roo tunyook nya nganu banso-banso diik kidooh ngonal Ponompa,niih nglook,niih ngina,niih ngrucooh,33gook balo,e nglasah samel ngkomiis Dop,e,gook libo onuu kotoruuh Dopm niih ngongkaat.34Niih oneh balo,e samoh sokali kae ngritii sidiik nyen; ritii boba jantooh nyen tosukaatn nyaak dieetn,e gook dieetn kae taook ngkaatn oneh toruutn diik niih nyonaa.35Tungkaah Yesus jeeh moniik nyomaak Yerikho,odooh tek konaan nya bokap diik dudook wah bubeeh joraatn samel ngemis.36Libo ntoyaatn nyen ngopikng nya obeekng lalu,dopm miseek:" Ngoneeh nyen?"37Sanoo nya nganu,e:" Yesus, nya Nazaret lalu,"38Lalu dopm mpaau;" Yesus,onak Daud,kae masee moo leek koo!"39Maka baloe,diik bojalootn wah jowiie,ngabootn dopm ngaso dopm motiikng.Namun lobeeh nyariikng dopm mpaau;"Onak Daud,tomasee Moo koo!"40Mosiik nyen Yesus ponae nyak ngasoo meet ntoyaatn nyen koni Dop,e,Jeeh libo roo nyomaak Dop,e,Yesus bopiseek nganu,e:41"Oneeh diik moo owaakng sopaya Koo ngkodie nyak mo?" Samoot ntoyatn nyen:" Tuhan,ngasoo koo taook ngronookng!"42Sanoo Yesus koni,e:" Ngronookng maeh mo,iman mo jeeh nyolamat moo,"43Ngan libo nyen,e ntoyaatn nyen ncilaar,lalu nyunoot Dop,e samel mijiih Ponompa.Sidiik rayoot ngratiie hal nyen nyak mijih koni Ponompa.

Chapter 191Yesus masok koni kota Yerikho samel bojalootn trus nguncaao kota nyen.2Wah nyuh odooh tek naan ntoyaatn borodaatn Zakheus,kopalok pomungut cukae gook ntoyaatn diik palikng kaya.3Dop,e borusaha nyak roo ngratiie nya wook keeh nya Yesus nyen,Tetapi dopm kae dopat niih ntoyaatn saloo obekng,niih bakoo dopm panaak.4Dopm pun ngkoduuh nglaookng nya obeekng,lalu simaak nyokiih koyuh aro nyak ngratie Yesus,diik roo lalu siik nyen.5Tulaak Yesus moniik koni arookng nyen,Dop,e ngratie ko somuu,samel nyona:" Zakheus,lokaas tomonaah,niih onu too Koo arus numpaakng koni romiikng mo."6Zakheus pun lansokng tomonah gook ngrima Yesus ngan kobaaeek owaakng,e.7Tetapi sidikk diik ngratie hal nyen bosunguutn apuut,sano,e;" Dop,e numpaakng waah romiikng nya diik bodosa,"8Zakheus tokiit gook bosona koni Ponompa: Tuhan,sotongah siik rittaa toruutn koo pastu punyook koo koni nya bagootn gok sokirae odooh toruutn niih koo meras siik ntoyastn pasti koo karii empat kali lipat,"9Sanoo Yesus nganu,e:" Onu too jeh odooh tojadi kosolamatan koni romiikng to.niih nya to pun onak Abraham.10Sbab Onak Monsia moniik moggao nyak nyolamaat diik moyaapm,"11Nyak balo nya diik ngopiikng,e wah nyen,Yesus nyamookng boba,e ngan toruutn umpamo,niih Dopm jeh roo nyomaak Yerusalem gook diertn ngirae,bahwa Korajaan Ponompa pasti jeh roo tileek.12Maka Sanoo Dopm:"Odooh tek konaan nya pojabaat borongkat nganu ompiik bonua diik ojaau nyaak tongongkat nya jodi rajo wah nyen jeh mosiik nyaak morii.13Dopm nosuu simookng nya diik jodi kuli,e samel munyok simookng mina nganu,e,sanoo,e:Tinyaak ngan toruutn to nyak bodagookng jangkook pongkoniik koo morii.14Niih oneh nyen balo ntoyaatn diik tek banso,e ngan dopm rareeh ngan dopm,lali ngciriim utusan bauuh nyusool dopm nyona pisiikng,e: Mee kae lugii me nya to nasoo jodi rajo wah arookng me.15Gook nih tojadi,jeh pongkorii dopm siik nyuh,mosiik dopm niih ngongkaat jodi rajo,dopm ngasoo nosuu balo kuli,e diik jeh nih munyook dueet tiih,nyaak roo ntaook kudu asell daggookng baloe masing-masing.16Nya diik tojiih moniik samel nyonaa:" Tuan,mina diik kiteek too,e jeeh ngasel simookng mina.17Sanoo,e koji nya nyen:" Baeek seek pongodie mo nyen,o kuli koo diik baek:mo jeh setia ngan pongodi diik ciik,niih too torima ngan kokuasaan wah sidiik nya simookng kota.18Moniik lah diik kodukaah samel nyona: Tuan,mina mo jeh ngasel rimiih mina,"19Sanoo,e koni nya nyen,nyaak mo,kuasai maeeh rimiih kota.20Mosiik nyen kuli kotoruuh moniik samel nyona:" Tuan,to haeek mi a tuan,koo jeh ngonaa,e wah saiih sapu tangan.21Sajoo niih koo golaak ngkant tuan nih oneh tuan monsia nya diik koras:tuan miah oneeh diik kae suaah tuan ngkodie,gook mo ngotiipm oneeh diik kae suaah tuan turuuh,"22Sanoo,e nganu nya nyen: Too mo kuli diik konieek,koo ngadeel mo sosuae ngan ponyona mo soniriik,Moo jeh taook ngkaatn koo to nya diik koras,diik miaah toruutn diik kae suaah koo ngkodie ngan muruuh,e.23Maak wook nyen: Ngoneeh dueet koo kae niih mo munyook koni nya diik nyalootn dueet? Maka jeh pongkoniik koo,koo dopat miaah ngan gook bunga,e.24Mosiik nyen sanoo,e nganu balo ntoyaatn diik tokiit wah nyen, Tiaah ngan dueet diik teek nyen siik niie nyaak punyook koni nya diik mpoo simookng mina nyen.25Sanoo dieetn koni,e: Tuan,dopm jeh odooh simookng mina nyen.26Samoot,e:To Koo nyona nganu mo,Sotiap ntoyaatn diik mpoo,e,koni,e niih munyook,tetapi oseeh diik kae mpoo,e,siik doopm nyen tiaah nya.ngan oneh diik odoh wah dopm,e.27Niih oneeh sidiik diik ngrareeh ko too,diik kae owaakng koo jodi rajo,e,dibeet kotoo balo,e mosiik nyen kabiis ngane dieetn nyen wah jowi motiih koo.28Jeh mosiik nyona toruutn nyen Yesus tiaatn siik balo,e nyaak nguncaao ponyalootn,e koni Yerusalem,29Libo baloe jeh nyomak Betfage ngan Betania,dibosoomak ngan doriik diborodaatn Tataae Zaitun,Yesus ngansoo dukaah naan murid,e 30ngan pisiikng:" Daai maeh dieetn koni ompiik wah jowi mo nyen,Libo tungkah mo masok ko yeetn,mo pasti odooh nopat tek sogola Keledai monguutn totiseet,diik gootn suaah nya numpakng,e.Lapoos ngan,e keledai nyen ngan dibeet koto.31Maak odooh nya miseek mo:Ngoneh mo nlopaas,e?Samoot wook to:"Tuhan ngrolu,e?32Mosiik nyen borongkat lah dieetn niih ngasoo nyen,gook dieetn dopat sidiik toruutn wook diik jeh niih Yesus nyona.33Tungkah dieetn nlopoos keledai nyen,ngomooknglah nya diik mpo keledai nyen:"Ngoneh mo nglopaas keledai nyen?"34Sanno dieetn:"Tuhan ngroluu,e,"35Baloe meet keledai nyen nganu Yesus,mosiik nyen tongalase ngan adooh dieetn samel nulookng Yesus simaak ko somu.36Somontara nyen Yesus numpakng keledai nyen baloe dieetn niimpaaar adooh,e jookng joraatn.37Libo Dopm nyomaak Yerusalem,wah ropoot joraatn tomonaah siik Dampooh Zaitun,mulaelah siddik urid diik ngiriikng Dop,e,ngan kosinaakng,e samel muji Ponompa nyaak boba nyariikng niih gook sogala mujizat diik niih baloe ngratie.38sanoo dieetn:"Sajoo oduuk borikat,e Dop,e diik moniik sobagae Rajo waah odaaant Ponompa,damae sojahtra wah sobayootn ngan komuliaan wah arooknh diik maasoomuu!"39Banso laak kudu naan nya farisi diik odooh ngajooh ngan nya obekng nyen samel bosona koni Yesus:" Guru,Nabootn ngan,e murid-murid mo nyen."40Samoot,e:"Koo nyona mo:Maak baloe to monae,maka botuuh too pasti mangkoos."41Gook libo Yesus jeh nyomaak gook ngronookng kota nyen,Dop,e nongis,e,42sanoo,e:"O baloo,sajo baeek maak onu too geeh mo ngritii oneh diik porolu nyak damae sojahtramo! Tetapi ntooh hal nyen tosukaatn nyaak motiih mo.43Sbab pasti moniik onuu,e,bahwa munsu mo pasti nglilikng mo ngan kubu,e,mosiik nyen ngopookng mo ngan nyokoot mo siik sogala jurusan.44gook nyen baloe mbonasakan mo sorota ngan gook ponduduk mo gook ngan pigga mo kae kan mbiaar tek biter botuh pun balo,e koni kiitn,niih mo kidooh ntaaok onu,e,bilamana Ponompa ngaboos mo."45Mosiik nyen Yesus masok nganu Romiikng Ponompa nyaak mulaelah Dopm nguseer sidiik opdaggokng wah yeetn.46sanoo,e koni balo,e:"Romiikng Koo nyak romiikng doa.Ngoneh mo njodie sorii ponyamun."47Tiap-tiap onu Dop,e ngajoor waah saiih Romiikng Ponompa nyen.Imam-imam kopalok ngan ahli-ahli Taurat sorota balo ntoyaatn tokomuka siik banso Israel borusaha nyak roo mbinasakan Yesus.48Tapi balo,e kae dopat,kameeh aruus roo ngkodiie,sbab soluruh rayoot topikeer koni,e gook owaakng ngopiikng Dop,e.

Chapter 201Odooh onu,e libo Yesus ngajoor ntoyaatn obekng wah saiih Romiikng Ponompa nyak nyona agooh Injil,moniik geeh imam-imam kopalok ngan nya ahli Taurat ngan gook balo pomuntuh koni,e.2gook balo,e nyona koni Yesus:"Sanoo ngane koni mee nyaak kuasa oneh Moo ngkodiie hal-hal to,gook oseh nya,e diik munyook kuasa nyen koni Mo!"3Samoot Yesus nganu balo,e:"Koo pun miseek torrutn nyak piseek koni moo,Sanoo ngan,e koni Koo: 4Baptisan Yohanes nyen,monik siik sobayootn atau siik monsia?"5Dieetn,e boruggok nimaakng wah antara dietn,nyaak nyona,e:"Maak doop nyona,e:Siik Sobayootn,Dopm pasti nyona :Ngoneeh mo kae pocayook nganu,e? 6Tetapi maak doop nyona,e: Siik monsia,soluruh rayoot pasti nikaapm doop ngan botuuh,sbab baloe yakin,bahwa Yohanes sobonarre ntoyaatn nabi,"7Baloe pun nyamoot,bahwa diettn pun kataaok ngkaatn siik keeh baptisan nyen.8Maka sanoo Yesus koni dieetn:"Maak wook nyen,Koo gaak ngak Koo nyonaa,e nganu mo siik keeh ngan kuasa oneh kooh Koo ngkodie hal-hal nyen."9Mosiik nyen Yesus nyona porumpamaan to ntoyaatn obekng:"Teek naan nya mukaak kubootn anggur;mosiik nyen niih dopm nyewa koni balo ponggarap tulaak borangkat koni luar negri kiitn nyaak sowa diik gaak otaae.10Gook jeh roo nyomaak sowa,e,dopm ngasoo tek naan kuli,e koni balo ponggarap nyen,sopaya baloe nyiraah sobagi siik hasel kubootn anggur nyen koni,e.Niih ngoneh balo ponggarap nyen nglasah kuli,e nyen sameel ngasoo,e morii ngan tongaatn puaakng.11Jeh mosiik nyen dopm ngasoo tek naan kuli diik kiitn,tetapi diik nyen gaak niih nglasah gook niih ngkongiin balo,e,mosiik nyen nasoo morri ngan tongan puaakng geh.12Mossik nyen geek dopm ngaso kuli diik kotoruuh,e,tetapi nya nyen pun niih baloe nikaapm,mossik nyen niih nompooh kosopa kubootn anggur nyen.13Maka sanoo tuan kubootn anggur nyen: Oneh nyak arus koo kadiie? Koo pasti ngasoo onak koo diik tokaseh;pongkoniik dopm balo,e golaak.14Tetapi libo ponggarap-ponggarap nyen ngronookng onak,e nyen,moniik.Balo,e boruggok,sano,e:Dopm to nya wali waris,booh doop ngkomiis dopm,sopaya warisan nyen jodi doop mpo,e.15Mossik nyen baloe nompooh dopm kosopaa kubootn anggur nyen samel ngkomiis,e.Ntooh oneh diik pasti nyaak tuan kubootn anggur nyen kadie ngan balo,e?16Dopm pasti moniik gook mbinasa balo ponggarap nyen,gook ncayook kubootn anggur nyen koni nya kiitn."Ngopiikng hal nyen dieetn nyonaa: Sokali-kali yook!"17Tetapi Yesus ngratiie balo,e samel nyona:"Maak wook nyen oneh ritii nas nyen;Batuh diik oduuk batootn tukaakng-tukakng bangunan jeh jodi botuuh ponjuru?18Oseeh nya diik jotuuk koni botuh nyen,dopm pasti ancoor,gook oseeh nya,e oduk timpak botuh nyen,dopm pasti romookng."19Mosiik nyen ahli-ahli Taurat ngan imam-imam kopalok borusaha nokop Dop,e libo masa nyen,e,sbab dieetn taook ngkaat,e,bahwa dieetn lah diik niih Dopm maksud ngan porumpama nyen,tetapi baloe golaak ngkatn nya obeekng.20Ahli-ahli Taurat gook imam-imam kopalok ngrati Yesus.Baloe ngaso nganu,e bomotiih diik bolaku wook ntoyatn dik jujor,sopaya dieetn taaok njerat Dop,e nyak toruutn pomiseek gook nyiraah Dop,e koni wewenang ngan nya kuasa wali negri.21Balo ntoyatan nyen ngajukan potanyaan to koni,e:"Guru,taook me,bahwa sidiik ponyonaa ngan pongajoor Moo bonar gook Mo kidoh moggao jowi,molainkan sajo jujor ngajoor joraatn Ponompa.22Onehkooh taook me mayarr pajak koni Kaisar atau kataook?"23Tetapi Yesus jeh ntaook pahapm dieetn diik licik nyen,lalu Dopm nyona dieetn :24"Tijuuk leek koni Koo motiih duet;Gamaarr ngan tulisan oseh wook odoh wah nie?" Samoot balo,e:"Gamaarr gook tulisan Kaisar."25Mosiik nyen sanoo Yesus koni,e:"Maak wook nyen tunyook maeh koni Kaisar oneh dik wajib mo tunyook nganu Kaisar gook nganu Ponompa oneh diik wajib tunyook mo koni Ponompa!"26Gook niih nyen dieetn pun kataaok mahaapm roo njerat Dopm nyak boba,e libo ntoyaatn obekng.Balo,e heratn niih ponyamoot nyen niih nyen balo,e motiikng.27Maka moniik geh koni Yesus banso kudu naan nya Saduki,diik kidooh ntaook odooh toruutn dik sanoo nya Pomongkaat.Dieetn miseek koni,e:28"Guru,Musa odoh nulis porintah nyen nyak me:Maak odooh ntoyaatn diik odooh posiik,e ndarii,kobiis libo osaao,e gek odooh,tapi dopm kidooh nontook onak,mosiik nyen posiik,e botiaah ngan osaao,e nyen nyak mongki koturuutn nyak posiik nyen tiih.29Nya nyen odooh iju boposiik,Diik pontojih botiah gook nya ndayookng lalu kobeek siik kidooh nontook onak.30Mosiik nyen ndayookng nyen niih diik kodukah botiah,31ngan niih kotoruuh nyen gook siik wook nyen geeh bojurut-jurut nih dik koiju,e dietn boposiik,baloe sidiik kobiis siik kidooh nontook onak.32Pajooh ndayookng nyen pun kobiis.33Kameh ntooh ngan ndayookng nyen,oseh kooh wah ropoot balo ntoyatn nyen diik jodi boniih,e libo onu pomongkaat,e?Sbab diik koiju,e nyen jeh borosaao ngan dopm."34Samoot Yesus koni nya nyen:"Balo ntoyatn dunia to botiah gook oduuk tiah.35Sbab baloe dianggap layak nyak dopat bagian wah dunia diik kiitn nyen gook wah pongongkat,e siik ropoot nya kobiis,kae botiah ngan oduk tiaah.36Niih dieetn kataook kobiis geek;baloe sorupa wook malaekat-malaekat gook baloe nyen onak cade Ponompa,nih baloe nyen jeh nih ngongkat.37Hal mongkat ntoyatn dik jeh kobiis, Musa jeh nyona wah saiih nas hal oneh rampo rojaa,wah keh Tuhan jeh sanoo nya Ponompa Abraham,Ponompa Ishak,gook Ponompa Yakub.38Dop,e kae Ponompa nya kobeek,molainkan Ponompa ntoyatn midoop,sbab wah jowiie Dopm sidiik nya midoop,"39Ngopiikng nyen nya ahli Taurat nyonaa:"Guru,samoot Mo nyen sajoo oduuk,"40Niih nyen kidoh diik gompakng,e geek bopiseek oneh-oneh koni Yesus.41Tetapi Yesus nyona nganu dieetn;"Kameeh nya taook nyonaa Mesias nyen Onak daud?42Sbab Daud sonirik odoh nyona wah kitab Mazmur;Ponompa jeh mboba,e koni Tuan ko:dudook maeh wah sopiak tauuh Koo,43Jangkoo Koomongki mun su-munsu mo jodi poimpet koja Mo.44Jodi Daud nyobut Dop,e Tuan,e,kameeh wook dopm onak geeh?45Libo sidik nya obekng ngopikng,Yesus nyona koni balo murid-murid: 46"Wsapada maeh ngan balo nya ahli-ahli Taurat dik konaak bojalootn nginyaak jubah domiik gook owaakng ngrima romat wah pasarr,diik konaak dudok wah arookng jowii wah romiikng somayaakng gook wah arookng toromat libo bokadoop.47diik ningook romiikng balo janda gook diik ngolabui motiih nya nyaak doa diik domiik-domiik.Baloe nyen pasti roo ngrima hukuman dik sajo borat."

Chapter 211Tungkah Yesus ngongkat jowie,Dop,e ngratie balo ntoyaatn kaya murook doroma dieetn koni saih poti doroma.2Dop,e pun ngronookng tek naan janda murook dukah kipeekng koni saiih poti nyen.3Lalu Sanoo Dop,e,Sobonar,e janda bagootn to munyok lobeh obekng siik pada sidiik nya nyuh.4Niih oneh balo,e munyok doroma siik kolobeeh,e,tetapi janda to munyok siik kokurakng,e,bahkan dopm munyook soluruh ponopaat,e,"5Libo banso kudu naan ntoyaatn ngomookng hal Romiikng Ponompa gook liboo kopongaatn ngratii romiikng nyen niih ngiaas ngan botuuh diik bagos-bagos gook ngan bobagae barookng doroma,Yesus nyona:6"Oneh diik nongratie wah nyen- Pasti moniik onuu,e wah keeh mo kidooh tileek botuuh diik niih ngkodiipm tolotak wah somu botuuh kiitn; sidiik nyen tongrurooh nya."7Baloo murid-murid Yesus bopiseek nganu,e sanoo,e:"Guru,Naan,e toruutn tojadi? Gook wook keh tanoo,e,maak nyen tojadi?"8Samoot,e:" Waspada maeh,sopaya moo yook oduk sesat.Sbab obekng nya roo moniik nyaak odaatn Koo samel nyona: Koo to haeek nya,e,jeeh Saat onuu jeeh nyomaak.Yook gooh mo ngajooh balo,e.9Gook moo maak odoh ngopiikng nya porakng gook pomborontak,yook moo mpojeet.Sbab nyen arus tiaatn tojadi,tetapi hyen kae borati pongkosiik pasti lansokng monik.10Dopm nyona nganu dieetn:"Banso pasti mongkat nlawootn banso,gook korajaan nlawootn korajaan.11Odoh gempa bumi diik sajo boromaatn gook waah tiap arookng pasti odooh konaapm sampoor ngan sobirook,jeh pasti tojadi hal-hal diik ngojoot ngan tanoo-tano diik boromaatn siik ronyeetn.12Tetapi liboo gootn nyen,e mo oduk dakoop tonjoraa nya; mo pasti tomunyook nya koni romiikng-romiikng somayakng gook saiih ponjara,gook mo pasti tongadoop nya koni balo rajo ngan ponguasa-ponguasa niih nginyaak odaatn Koo.13 Hal nyen tojadi nyaak moo jodi kosempatan nyak bosonaa.14Niih nyen tigookng maeh waah saiih otii mo,sopaya mo yook mikeer tiaatn nyak roo mbela mo.15Sbab Koo soniriik nodiikng nganu mo boba jantoh diik bagos,sohinga mo kae dopat oduk tonontaakng atau tombantah balo lawootn mo.16Gook mo pun nih nya muntuuh mo nyiraah,balo posiik mo,balo juruu pupuu mo, ngan balo dingaan mo gook banso kudu naan siik oyookng mo kabiis nya.17gook sidiik mo nyen rareeh nya leek mo niih nyaak odaatn Koo.18Tetapi kae solamoor pun buruuh baak mo gaggorr.19Maak moo pagootn botahatn,moo dopat pomidoop mo.20Maak moo ngratiie Yerusalem oduuk kapookng ntiyaatn,nyaak mo ntaook,bahwa poruntooh nyen jeeh nyomaak.21Libo masa nyen balo ntoyaatn diik monae wah Yudea arus obu ngkoduuh nganu doriik,ngan nya diik monae wah kota arus ngungsi,gook balo ntoyaatn diik jeh monae wah ompiik yook masok nganu kota.22sbab libo onu nyen pomolaas nyaak nya wah keeh gonap sidik diik jeh totulis.23Colaka gooh balo dayookng diik tingkaah bitii atau diik ntisuuk onak,e libo masa nyen!Sbab pasti moniik ponyona diik sajoo boroomaatn nyak sokayuuk negri atau pondoruuh nyaak nya to,e.24gook sidiik balo,e kobiis niih motiih podakng gook dibeet nya nyak jodii tawootn koni sogala banso,ngan Yerusalem nyen oduuk dimpeet-lunyaak nya balo banso diik kidooh nginal Ponompa,jangkook gonap lah zaman banso nyen,"25Gook odooh tanoo-tano motihonu ngan buraatn gook bintaakng,gook wah bumi ngan banso juruu pasti poncauutn,sontook ngadoop angkookng ngan gaooh laoot.26Ntoyaatn pasti kobiis jotiikng niih oneeh toruutn diih jeeh numpaak bumi to,sbab kuasa-kuasa ronyeetn pasti boguncaakng.27Libo masa nyen nya ngronookng Onak Monsia moniik wah saiih romaakng nginyaak kuasa ngan kolobeeh Dopm.28Maak toruutn jeh nojiih tojadi,tokiit ngan tongkaat jowii mo,sbab ponyilamatan mo jeeh nyomaak,"29Mosiik nyen Yesus nyona porumpama to koni balo,e:" Nongratiie maeh kayuh aroo atau koyuuh oneeh maeeh.30Maak moo jeeh odooh ngratiie kayoo koyuuh nyen botusook,moo jeh taook ngkaatn bahwa onuu komaraao jeeh nyomaak.31Wook nyen geh mo,maak ngratiue toruutn nyen tojadi,nyaak moo ntaook,bahwa Korajaan Ponompa jeeh somaak.32Koo nyona nganu mo:" Sobonaar,e oyookng diik to kae bolalu maeh,libo sebelum nyen tojadi.33Ronyeetn ngan bumi taook laluu,tetapi ponyonaa Koo pasti kaae bolalu.34Jaggo bakoo mo yook saloo gooh saroot ngan bogawae sameel obook ngan gook kopontingan-kopontingan dunia nyaak sopaya onu Ponompa yook diik sajo mpidaat moniik nganu mo wook joraat.35Sbab Dopm pasti ngkoduuk sidiik pongobiih bumi to.36Bojago-jago maeh mo samel bodoa,sopaya taook nopat kokuaat nyaak lopoos siik sidiik toruutn diik tojadi nyen,nyaak moo tahaatn tokiit wahh jowii Onak Monsia.37Libo tudaa onu Yesus ngajoor wah Romiikng Ponompa gook onu ngoriipm Dop,e somopa samel ngrimiitn wah doriik diik borodaatn Dampooh Zaitun.38Libo majii sunsookng obeekng balo ntoyaatn moniik koni waah Romiikng Ponompa nyaak roo ngopiikng Dop,e.

Chapter 221Onu namaae kue kae boragi,niih nyobut Paskah,jeh somaak.2Imam-imam kopalok ngan ahli-ahli Taurat mogaao joraatn,kameeh akool nyaak ngkomeek Yesus,sbab dieetn gollaak ngkatn nya obeekng.3Maka masok lah iblis muutn nganu saiih Yudas,dik borodaatn Iskariot,tek naan nya siik kodukah bolas murid,e nyen.4Libo nyen obuu lah Yudas,koni imam-imam kopalok ngan kopalok pongawal Romiikng Ponompa nyaak boromookng ngan balo,e,kameh cara dopm taook nyiraah Yesus koni balo,e.5Dieetn sajoo baeek owaakng sameel bopokat nyak munyook dueet rogaa,e nganu,e.6Dopm nyangiip,nojiih jaak siik nyen dopm mogaao onu diik baeek nyak nyeraah Yesus koni balo,e tanpa nyaa kiitn ntaook.7Maka moniiklah onu namae Kue kae boraggi,wah keej ntoyaatn arus ngkomiis domba Paskah.8Yesus ngasoo Petrus ngan Yohanes,sanoo,e:"Obuu maeeh dieetn,soniaap ngan Pongidaakng Paskah,nyak sidiik doop duook borota,"9Sanoo dieetn koni,e:"Wah keeh Moo ngasoo me mongki arookng,e?"10Samoot,e:"Maak moo masok nganu saih kota,mo pasti bodopat ngan tek naan ntoyaatn diik meet payootk borobiih piikng.Ngajooh ngan,e dopm koni saiih romiikng diik niih dopm masok.11Sameel mo nyona nya mpo romiikng nyen: Guru miseek mo: Wah keeh arookng nyak Koo borota-rota ngan balo murid Koo nyak duook Paskah?12Mosiik nyen ntoyaatn nyen nijuuk aloor koni mo odooh tek somonae wah somuu diik daiik luaah gook jeh lengkap,wah nyen lah mo nyiap,e,"13Balo,e pun borongkat gook dieetn pun bodopat ntoyaatn diik wook diik jeh sanoo Yesus nganu dieetn jiih.Balo,e pun nyiap arokng nyak Paskah.14Jeeh somaak onu,e,Yesus dudook duook bosamooh-samooh ngan balo rasul,e.15Sanoo,e koni balo,e:"Koo sajoo maa poroyu duook Paskah bosamooh ngan mo,libo gootn Koo joraa,16Too Koo nyona nganu mo: Koo kae dopat duook geek jangkook moniik ponggonap nyaak Korajaan Ponompa."17Mosiik Dop,e miah cawootn ngucaap syukur samel nyonaa:" Tiaah maeeh to sameel tomaggi ngane wah antara mo.18Sbab Koo nyonaa mo:" Mulae jaak siik ntooh Koo kae dopat geek nyinoop kayoo anggur sampae Korajaan Ponompa jeh moniik."19Mosiik nyen Dop,e miaah kue,ngucap syukur,mocaah morooh sameel nyaak munyook koni balo,e sanoo,e:"To lah bakoo Koo diik niih nyeraah nyaak mo; Kadie ngan,e to nyak jodi poringatan nganu Koo."20Mosiik nyen niih mongki cawootn jeh mosiik duook,dop,e nyonaa:"Cawootn to nyak pojanjian baooh niih doyaa Koo,diik niih nyoyaakng nyak mo.21Tetapi,tileek,tongaan nya diik munyook Koo,odooh bosamooh ngan Koo wah mija to.22Sbab Onak Monsia sajoo pasti obu wook diik jeeh niih nontu,nih oneh,colaka gooh nya diik nih dopm,Dop,e nih nyerah.23Mosiik nyen mulae lah,nyona,e,oseh siik antara nya diik roo wook nyen ngodie.24Tojadi geeh podoruuh wah ropot-ropot balo murid Yesus,oseeh kooh diik taook nyak tongangap daiik siik dieetn.25Yesus nyona koni balo,e:Rajo-rajo banso ngrintah rayoot dieetn ngan balo ntoyaatn diik nyalootn kuasa nyak balo,e sobut balo nya polinookng-polinokng.26Tetapi mo kae taak wook nyen,molainkan diik daiik siik antara mo diik jodi nya cade monguutn wook polayan.27Sbab oseeh diik lobeeh daiik:" diik dudook duook,atau diik ngelayaan?Kae kooh nya diik dudok duok?Tetapi Koo odooh ngan mo wah tuda sobagae polayan.28Sajoo mo,lah diik magootn montook ngan Koo wah sogala poncubaan diik Koo kinaapm.29Ngan to Koo nontu hak-hak Korajaan nyak mo,samooh wookng Makng Koo nontu,e nyak Koo.30Bahwa moo pasti duook ngan nyinop somija gook Koo wah saiih korajaan Koo gook mo pasti dudook wah somuu takhta nyak ngakim kodukah bolas suku Israel.31Simon,simon,tileek,muutn jeeh ngoraah mo nyak ngampe mo jodi wook gandum.32Tetapi Koo jeh bodoa nyak mo,sopaya iman mo yook gugoor,gook mo,maak moo jeh insaf,sanoo geeh balo juruu posiik mo.33Samoot Petrus:"Tuhan, koo sangiip masok ponjara gook kobiis bosamoh-samoh ngan mo!"34Yesus nyamoot,e:" Koo nyona koni mo,onu to siap kidoh ngkokuuk,libo gootn,e moo toruuh kali nyangkool Koo,bahwa mo nginal Koo."35Mosiik nyen Dopm nyona koni balo,e:" Tulaak Koo ngutus mo kidooh meet payootn piikng,bokal ngan silup,odoh kooh mo kidooh oneh-oneh?"36Samoot balo,e:"Teek pun kidoh,"Sanoo,e nganu balo,e:" Tapi libo ntooh,oseh nya meet payootn piikng,arus,e dopm meeet,e,wook nyen geeh diik odoh bokal:gook oseeh nya diik kidooh arus,e dopm nyual jubaah nyak miriih podaakng.37Sbab Koo nyona nganu mo,bahwa nas Kitab Suci to arus tonggonap koni Koo:Dop,e pasti toritookng wah antara balo pomborontak.Niih oneh diik totulus pongodie Koo jeh niih gonap.38Sanoo dieetn:" Tuhan,too odooh dukah podakng." Samoot,e:" Jeeh boyaah.39Mosiik nyen obuu lah Yesus somoopa kota wook diik biasa Dop,e nganu Dampooh Zaitun.Balo murid,e geeh ngajooh Dop,e.40Jeh pongkoniik wah arookng nyen Dop,e nyona koni balo,e:" Bodoa gootn sopaya mo kae jotuuk nganu poncuba."41Mosiik nyen Dop,e ngkobuu todoop,e siik balo,e kira-kira tek ponikaapm botuuh kojaau,e,lalu bolutut samel bodoa,sanoo,e;42O maakng,Koo,maak Mo lookng,tiaah maeh cawootn to siik Koo; terapi kae Koowaakng Koo,molainkan Koowaakng Mo diik tojadi,"43Libo nyen odooh malaekat siik ronyeetn ngampoor dopm nganu,e nyaak munyook kokuatan nganu Dopm.44Dop,e sajoo jotiikng makin nyen makin bonar-bonar bodoa.Bisook pansoot jodii biter-biter doya diiik nucoot ko poya.45Mosiik nyen Dop,e mongkaat siik ponudook,e nyakk bobaleek koni balo murid,e,tetapi Dop,e nopat balo,e tungkaah lilook biis niih koloopa,e.46Sanoo,e nganu balo,e:"Ngoneeh moo biis?Mongkaat nyaak bodoa sopaya moo kae jotuuk koni poncuba.47Libo Yesus tungkah bojantooh moniik tek naan ntoyaatn diik borodaatn Yudas,nya nyen siik oyookng onak murid,e.bojalotn kojowie dieetn.Yudas nyomaak Yesus nyaak roo nodook Dop,e.48Sanoo Yesus koni,e:" Ngoneeh Yudas,mo munyook Onak Monsia joreeh nodook,e?"49Balo dieetn,diik bosamoh-samoh ngan Yesus,ngratiee oneh toruutn diik tojadi,balo,e nyonaa:"Tuhan,joreeh kooh,me nyoraakng balo,e nyaak podakng?"50Odooh ten konaan siik dieetn nyoraakng kuli Imam kopalok sohinga kopiikng,e tauuh potiik.51Sanoo Yesus:"Jeeh yook wook nyen,mosiik nyen Dop,e migookng kopiikng ntoyaatn nyen lansookng baeek.52Sanoo Yesus koni Imam-imam kopalok gook kopalok pongawal Romiikng Ponompa gook balo pomuntuuh diik odooh moniik nyaak nokoop Yesus,sanoo,e:"Moo ngiraa Koo to ponyamun kooh,pongkoniik mo lengkap meet podakng gook polinokng?53Padahal tiap-tiap onu Koo odooh wah tuda-tuda mo wah saiih Romiikng Ponompa kidooh moo nokoop Koo.Tetapi to lah onu moo,gook too,e kokuasan diik bokaap nyen.54Yesus pun niih nokop nyaak meet,e siik nyen.Dop,e niih ngiriikng koni romiikng Imam daiik.Gook Petrus ngajooh siik ojaau.55Wah tuda layootn romiikng nyen ntoyaatn mongki opi sidiik balo,e boruggok nyomaak opi.Petrus gaak ngajooh dudook wah ropoot dieetn.56Odooh ten naan nya ndayokng ngratie dopm dudook nyomaak opi;dopm ngratie,nyaak nyonaa:" Ntiyaatn to geeh diik odoh ngajooh samoh ngan Dop,e."57Tetapi Petrus nyangkool,sanoo,e:" Kidooh,koo kae ngonal Dop,e!"58Kae otae mosiik nyen odooh diik kiitn ngratie dopm samel nyona:" Moo gaak ntoyaatn siik balo,e!" Tetapi Petrus nyona:" Kae,koo kae ngajooh!"59Jeh sojaam boyaah kotaae, tek naan kiitn nyona sajo tegas:" Sajo omaatn nya to diik bosamoh-samoh gook Dop,e,sbab dopm to nya Galilea,"60Tetapi Petrus nyona geek:" Kidooh,kataook koo ngkaat,e tiruutn diik sanoo mo nyen,"Libo nyen geeh,tungkah dopm bosoonaa,ngkokuuk lah siap.61Lalu Tuhan ngratie Petrus,maka tingaatn Petrus oneh toruutn diik sanoo Yesus nganu dopm:" Libo gootn siap ngkokuuk onu to,mo jeh toruuh kali nyangkool Koo."62Mosiik nyen dopm obu somoopa samel nongiis sakiikng susaah pahapm,e.63Gook balo ontoyaatn diik nahan Yesus,ngolook Dop,e samel niih mongkookng.64Dieetn nitoop jowie samel miseek:" Aboo sanoo oseeh ntoyaatn diik mongkookng Moo?"65Obeekng pongkongiitn diik nyonaa koni Dop,e.66Jeeh mosiik nuraakng onu boruggok,lah sidaang balo nya pomuntuuh banso Yahudi ngan imam-imam kopalok gook ahli-ahli Taurat,mosiik nyen dieetn ngadoop Dop,e nganu Makhamah Rogama dieetn,67Sanoo,e:" Maak Moo Mesias,sano koni me,Samoot Yesus:" Sokalipun Koo nyona koni mo,tapi pagootn kae cayook.68gook Koo sokali booisek koni mo,kidooh mo lookng nyamoot.69Jaak siik ntooh Onak Monsia jeeh dudook wah sopiaak tauuh Ponompa diik Mahakuasa."70Sanoo sidiik balo,e:" Maak wook nyen,Moo to Onak Ponompa?" Samoot Yesus:" Moo soniriik diik nyonaae,bahwa Koo lah Onak Ponompa,"71Mosiik nyen sanoo balo,e:"Nyaak doop oneh geeh ngroluu ponyona nya gek?" Doop jeh ngopiikng bahwa siik tukook Dopm todoop nyonaae."

Chapter 231Mosiik nyen mongkaat sidiik nya sidang hyen samel meet Yesus ngadoop Pilatus;2Wah nyen balo,e nojiih nuduuh Dop,e,sanoo,e:" Jeeh todoopat niih me,bahwa nya to ngaso nyosat banso me,gook ndoruuh nya mayaar pajak koni Kaisar, gook hal pongodie Dop,e jeh nyonaa,e,bahwa Dop,e sajoo Kristus,diik nyen haeek Rajo,"3Pilatus miseek nganu Dop,e:" Mo kooh rajo nya Yahudi?" Samoot Yesus:" Mo soniriik jeh nyonaae,"4Sanoo Pilatus koni Imam-imam kopalok ngan soluruh nya obekng:"Koo kidooh dopat ponyalah oneh pun siik ntoyaatn to."5Tetapi sidiik balo ntoyaatn somakin kuat ndesak,sanoo,e:" Dop,e jeh ngasut rayoot nyaak pongajoor Dopm wah soluruh Yudea,Dop,e nojiih siik Galilea nyaak sampae moniik kotoo."6Libo Pilatus ngopiikng hal nyen,dopm nyona miseek,sajoo omaatn nya to ntoyaatn Galilea.7Jeh libo dopm ntaook,bahwa Yesus ntoyatn siik daerah Herodes dopm ngaso ngiriimp Yesus ngadoop Herodes.diik libo nyen odooh wah Yerusalem.8Tungkah Herodes ngratiie Yesus,dopm sajo baeek owaakng,sbab jeeh otaae owaakng dopm roo ngronokng,e,niih dopm malaar ngopiikng pongodie Yesus,lagipula dopm owaakng,e kameeh Yesus mongki tanoo toruutn.9Dopm obeekng ngaju pomiseek koni Yesus,Tetapi Yesus kidooh nyamoot boba,e.10Somontara nyen imam-imam kopalok ngan balo ahli Taurat maju ko jowii samel nyona tuduhan-tuduhan nganu Dop,e.11Nyen ponojiih Herodes ngan pasukan,e ngjoraa gook ngolook-ngolok Dop,e, dopm ngrosook jubaah pakaae dopm nganu Dop,e mosiik nyen dopm ngiriipm Dop,e koni Pilatus.12Pado onu nyen geeh balo dukaah naan nyen bokoyookng,niih jeh otaae balo,e bomunsu.13Mosiik nyen Pilatus ngruggok imam-imam kopalok ngan pomimpi-pomimpin rayoot.14sameel nyona pisiikng nganu balo,e:"Mo jeeh meet ntoyaatn to koni koo nya diik nyosaat rayoot.Mo soniriik jeeh ngratiie koo jeh ngrossa,e siik gook ponyala-ponyalah diik niih mo nuduuh nganu,e kidooh koo dopat siik Dop,e.15Samooh geeh Herodes pun kidooh,niih dopm ngiriim baleek Dop,e nganu me,Sobonaar,e kidooh toruutn oneh pun diik niih Dop,e ngkodiie diik sotimpal ngan hukuman kobiis.16Jodi to koo pasti ndoruuh Dop,e,nyaak nlopoos morii,"17Niih nyen dopm wajib nglopaas tek naan ntoyaatn libo onu namaae nyen.18Baloo nya obeekng borota mangkoos:"Kabiis ngan,e Dopm,lopaas ngan Barabas nyak me!"19 Barabas nyen niih murook koni ponjara niih ngkodiie pomborontakan ngan gook ngkomiis ntoyaatn diik tojadi wah kota.20Sokali geek Pilatus ngomookng sameel mangkoos koni dieetn,niih owaakng dopm roo nglopaas Yesus.21Ntoyaatn obeekng mangkoos molaas,sanoo,e:"Dop,e sonaleb, Dop,e sonaleb!" 22Sanoo Pilatus kotoruuh kali,e nganu nya obeekng:"Kobiiek oneeh sobonar,e diik nya to ngkodie? Kidooh tileek salaah oneh pun diik odooh wah Dop,e niih koo nopat,sohinga sotimpal ngan hukuman kobiis.Jodi koo ngajoorr Dop,e mosiik tolopaas morii,"23Niih nyen dieetn mangkoos samel nuntuut sopaya Dop,e taook sonaleb,pajooh balo,e monaakng niih pangkoos,e dieetn.24Pajooh Pilatus mutuus boba,sopaya tuntutan balo,e niih ngabul.25Gook niih nyen dopm nglopaas nya diik wah saiih ponjara niih ngkodiie pomborontakan gook ngkomiis nya,sosuae ngan tuntutan balo,e,mosiik nyen Yesus niih dopm nyerah koni balo,e nyaak oneeh kaatn balo,e ngkodiie.26Libo balo,e meet Yesus,baloo dieetn nahan tek konaan nya borodaatn Simon siik Kirene,diik bauh moniik siik luar kota,dieetn ngongkaah saleb nyen wah omii,e ngaso dopm mikul samel ngajooh Yesus.27Boyaah kobeekng ntoyaatn ngajooh dop,e: Siik baloo,e nyen obeekng nya ndayookng diik nongiis Dop,e sameel noniikng Dop,e.38Yesus ngratiie koni dieetn samel nyonaa:" Hae balo ndayookng Yerusalem,yook maeeh mo nongiis Koo,molainkan tonongis maeh diri mo todoop ngan gook balo onak cade mo!29Niih tileek,ntooh jeeh moniik onuu,e ntoyaatn nyonaae:Baeek gooh owakng mo ndayookng diik manool diik poranook,e kae suah ngkodooh,ngan tisuuk kae suah ntisuuk.30Niih nyen nya nojiih nyonaa koni balo dampooh doriik;Rurrooh maeeh ngrumuu me!Gook nganu dampooh tataae:Tonimuutn ngan me!31Niih oneeh maak nya pongodiie wook nyen ngan koyuuh midoop,oneeh lah wook ponyodii koni koyuuh rangkaae?"32Gook nyen odooh nya dukaah naan kiitn,bosamooh ,nya nyen ponjahat diik niih ngukuupm kobiis boroota ngan Dop,e.33Paas libo jeh moniik baloo,e waah arookng diik borodaatn Koruntook,baloe nyaleb Yesus wah nyen ngan kodukah ponjahat nyen geh,dik tek naan sopiak tauuh gook diik kiitn sopiaak moyeet Dop,e.34Yesus bosona:"O Ponompa,nampuutn ngan dieetn,niih baloe nyen kae toritii,e oneh diik nih dopm ngkodie."gook nyen balo,e mongkii undi nyak miaah bojuuh jubaah Dop,e.35Obeekng ntoyaatn tokiit wah nyen sameel ngratiie oneh diik tojadi,Balo pomimpitn ngkongiitn Dop,e sanoo,e:Nya kiitn Dop,e solamat,naduu ngan ntooh Dop,e nyolamaat bakoo Dop,e todoop,maak Dop,e Mesias,ntoyaatn diik niih Ponompa mileeh."36Gook nyen pun balo prajurit ngolook Dop,e;balo,e munyook anggur mosiimp cuka nganu,e.37samel nyonaa:"Maak Mo diik sajo rajo nya Yahudi,tonyolamaat mo todoop!"38Odooh geeh tulis waah somuu dangkeeh,"To haeek rajo nya Yahudi."39Tek konaan ponjahat diik niih ngantookng nyen ngomookng Dop,e sanoo,e:"Kaee kooh Mo nyen Kristus? Solamat kan bakoo Mo gook me geeh!"40Ngoneh diik tek naan ngabootn dopm:"Kaee golaak mo kooh,gook kidooh koni Ponompa,sajoo mo ngrima ukupman diik samooh?41Doop matuut oduk ukuupm,niih doop ngrima bolas dik sotimpal ngan pongodie doop,tapi nya too,e kidooh mongki salah oneh."42Mosiik nyen dopm nyonaa:"Yesus, tingaatn moo nganu koo,sajoo mo jeeh moniik jodi wook Rajo."43Sanoo Yesus konii,e:" Koo nyona mo,sobonaar,e onu to geeh mo gook Koo odooh bosamoh-samoh gook Koo wah saiih Firdaus.44Libo nyen onuu jeeh sokitarr kira-kira jam dukah bolas,lalu pitii poya tonaa nglilikng sokayuuk daerah nyen jangkook olaakng onu.45sbab motiihonu kidooh tileek,Gook tabeer Romiikng Somayaakng topiaak dukaah.46Mosiik nyen Yesus mangkoos nyariikng bobaae,:"O nya muntuuh Ponompa,koni saiih tongan Mo,Koo nyerah pongasookng Koo."Jeh mosiik nyonaa wook nyen Dop,e motiikng pongasookng,e.47Liboo kopalok pasukan ngronokng hal nyen tojadi,dopm bosadu nganu Ponompa,sanoo,e:" Sajoo maatn,ntoyaatn to nya bonaar!"48Gook soluruuh ntoyaatn diik odooh boruggok waah nyen sameel botunguuk ngratiie nyen,ngronookng oneh toruutn diik tojadi,sidiik ballo,e nyen morii samel mongkookng bakoo todoop.49Sidiik ntoyaatn diik ngonal Yesus siik somaak,tomasook balo nya ndayookng diik ngajooh nyunoot Dop,e siik Galilea,tokiit siik ojaau sameel ngrtaiie sidiik nyen.50Odooh tek naan ntoyaatn borodaatn Yusuf.Dopm onak buah Pongurus Majelis,gook ntoyaatn nyen nya baeek gook jujjor,51Dopm kae sotuju ngan koputusan ngan pongodie ballo Majelis nyen.dopm borasal siik Arimatea,Oyookng kota Yahudi diik jeh otaae roo botuunguuk Koraajan Ponompa.52Dopm borongkat ngadoop Pilatus nyaak roo minta mayat Yesus.53Jeeh mosiik nyen Dopm ntonnah mayat nyen,dopm mungkuus,e ngan adooh mopaau diik aluus,mosiik nyen niih nggalae wah kubuur diik jeeh niih nguceeh wah saiih gua botuuh,wah keeh kubuur nyen gootn suaah nya nginyaak,e.54Onuu nyen pas posiapan nyak onu pantookng jeeh botojiih.55Ballo oyookng ndayookng diik moniik borota-rotaa gook Yesus siik Galilea,ngajooh sorota sameel ballo,e ngronookng kubur nyen gook wook keeh mayat nyen niih nggalae.56Jeeh libo pongkoriie,balo dieetn ngoggao rompoo-rompoo gok minyaakng mur.

Chapter 241Paas majii sunsookng libo pontojiih onu mingu nyen balo,e roo manuu kubur meet rompoo-rompoo diik jeeh niih diieetn nyodia.2Balooe nopat botuuh ponitoop jeh boguliikng siik kubuur nyen.3gook mosiik baloe masok koni saiih balo,e kidooh nopat mayat Yesus.4Tungkaah baloe tokiit tobongaapm niih hal nyen,mpojeet odooh dukaah naan ntoyaatn tokiit nyomaak baloe nginyaak adooh mopaau kilaau.5Nyen komaatn baloe jotiikng samel baak mintook,nya dukaah naan nyen nyonaa koni balo,e:"Ngoneeh mo moggao Dop,e diik midoop,siik ropoot nya kobeek?6Dop,e kidooh wah to,Dop,e jeh mongkat.Tingaatn mo oneeh diik niih nyonaa koni mo,libo Dopm geeh waah Galilea,7konyeen bahwa Onak Monsia niih nyiraah nganu tongaan balo ntoyaatn bodosa nyaak tonyaleb,nyaak mongkaat liboo onu kotoruuh."8Jaak siik nyen baloe toringaatn niih boba diik sanoo Yesus nyen.9Jeh pongkoriie balo,e siik kubuur,dieetn corita nyonaa sidiik nyen koni kosobolas murid,e gook nganu sidiik nya kiitn.10Balo ndayookng nyen tiih,Maria siik Magdala,ngan Yohana,gook Maria nook Yakobus.Gook balo ndayookng kiitn geeh diik bosamoh-samooh gook balo,e nyona agooh koni balo rasul.11Tetapi nyak baloe nyen sidiik bobaa agooh nyen ponyonaa mborool,gook baloe kae pocayook koni balo ndayookng nyen.12Sunguh pun wook nyen Petrus mongkat,samel ngkoduuh lajuu koni kubur nyen.Tungkah dopm ngjongook ko saiih,dopm nopat adooh mopaau maerh.Mosiik nyen dopm obuu samel bosona saiih owaakng,e oneh kira,e diik tojadi.13Libo onuu nyen geeh odooh dukaah naan nya siik murid-murid Yesus nganu ompiik diik borodaatn Emaus,diik kojaau kira-kira ijuu biraah jameeh siik Yerusalem.14gook sidiik balo,e boromookng-romookng oneh hal diik tojadi.15Tungkaah baloe boromookng gook botukar pikeer,moniik lah Yesus todopp nyomaak baloe,lalu samel bojalootn samooh-samooh ngan dieetn,e.16Niih ngoneeh odooh toruutn diik nitop motiih baloe,sohinga baloe kae nginal Dop,e.17Yesus bosona koni dieetn,:"Oneh diik nomookng dieetn libo dieetn bojalootn?"Maka monaae dieetn sotoggal ngan jowii nyarooh losuu.18Tek konaan siik balo,e,boroodaatn,e Kleopas nyamoot:"Odooh kooh mo diik tek naan ntoyaatn diik nyarooh waah Yerusalem diik kataook ngkaatn hal pongodiie diik odooh wah nyuh bauh-bauh too,e.19Sanoo,e nganu balo,e:"Oneeh kooh nyen?"samoot balo,e:"Oneh diik tojadi ngan Yesus ntoyaatn siik Nazaret.Dop,e nya nabi,diik bokuasa wah gook pongodie ngan bobaa,e wah jowi Ponompa gook waah jowii soluruuh banso me.20Ngoneeh kooh balo imam kopalok gook balo pomimpitn me jeeh munyook nyerah Dop,e nyak tongukuupm kobiis sameel niih nyaleb.21.Padahal sajoo mee ramiis tiiaatn booaroop,bahwa Dop,e nya diik moniik nyaak mbebas me banso Israel.Ngoneeh somontara to jeh lalu toruuh onuu,jaak siik nyen tojadi.22Tetapi balo ndayookng odooh siik oyookng me ngasoo me mpojeet:" Majii sunsookng baloe jeh nganu kubuur nyen.23tapi kidooh nopat mayat Dop,e, Mosiik nyen moniik dieetn nyonaa agooh,bahwa niih balo,e jeeh ngratie balo malaekat-malaekat,diik nyonaa wook to,bahwa Dop,e midoop.24Niih nyen odooh kuduu konasn siik ntoyaatn me koni kubur nyen,kidooh nopat Dop,e,sajoo omaatn toruutn diik sanoo ndayookng nyen.25Mosiik nyen Dop,e bosona koni balo,e:"Moo ntoyaatn diik malaakng,siik lamoot oti owaakng mo,sohinga mo kae cayook sogala oneh diik jeeh niih nabi nyonaa!26Kae kooh Mesias nyen arus jorra gook sidiik nyen nyaak masook koni waah kobaeek Dopm,e?"27Mosiik nyen Dop,e nyonaa koni balo,e,oneh diik totulis hal pongodie Dop,e waah soluruh Kitab Suci nojiih jaak siik Kitab nabi Musa gook sidiik kitab balo nabi.28Baloe jeh nyomaak ompiik diik nyak tamanuu,Mosiik nyen Dop,e mongkii hal wook diik gooh nyak nduduus ponyalootn dieetn.29Tapi dieetn sajo maa ndesak Dop,e sanoo,e:"Montook maeh ngan me,sbab onu jeeh roo ngoriipm sigiik montiih onu jeh pojaapm,Lalu Dop,e montook ngajooh monae bosamoh-samooh ngan balo,e.30Libo Dopm dudook duook ngan dieetn,Dopm miah kue nyobut borikat,mosiik nyen niih ngrocaak-rocaak nyaak manooh nganu dieetn.31Libo nyen sidiik motiih balo,e tobukaak nyaak balo pun nginal Dop,e,tapi Dopm moyaapm siik ropoot tuda balo,e.32Sanoo dik tek nganu diik kiitn:"Kaae kooh otii doop jiih bodobar libo Dopm jiih boromookng gook doop wah tuda joraatn sameel Dop,e nyona Kitab Suci koni doop?"33Mosiik nyen dieetn mongkat nyaak borongkat koni Yerusalem.Wah yeetn baloe bodopat ngan kosobolas murid nyen,Balo,e libo boruggok samooh ngan oyookng dingaatn balo,e.34Sanoo dieetn:"Soboonaar,e Tuhan jeh mongkat gook ngampoor Dopm nganu Simon,"35Mosiik nyen kodukah naan ntoyaatn nyen corita oneh diik tojadi gook oduuk kinaapm libo dieetn duook bosamooh-samooh gook Dopm,samel ngrocaak-rocaak kue.36Liboo balo,e sibuk boromookng-romookng oneh toruutn pongodie nyen,Yesus mpidaat moniik tokiit nyomaak dieetn sameel bosonaa koni,e:"Damae sojahtra nyak mo!"37Balo,e mpojeet sakiing jotiikng,baloe ngiraa bahwa dieetn ngratiie muutn.38Niih ngoneh Dopm nyona koni balo,e:"Ngoneeh mo mpojeet gook ngoneeh odooh owaakng raggu wah saiih oti mo?"39Ranookng maeh tongan Koo,gook kojja Koo,Koo todoop to; Kinaapm maeh Koo,niih muutn kidooh iseeh ngan turaakng,e wook diik niih mo ngratie,odooh wah Koo,"40Samel nyona wook nyen,Dop,e ngampoor tongan gook kojaa,Dopm nganu balo,e.41Gook libo dieetn goont pocayook,sakiikng baeek owaakng ngan geek nyarooh,Dop,miseek balo,e wah nyen:" Odooh kooh tiruutn nyak naiik wah mo?"42Dieetn pun munyook koni,e tek sogola baook niih nyinuuk,43Dop,e miaah sameel niih duook wah jowi motiih balo,e.44Dop,e bosona nganu baloe:"Too saeek toruutn diik niih Koo nyona koni mo libo Koo geek bosamoh-samooh gook mo,koo nyen bahwa arus niih gonap sidiik diik totulis pongodie Koo wah saiih Kitab Taurat Musa ngan kitab balo nabi gook kitab Mazmur."45Mosiik nyen Dop,e nyona pomikeer koni balo,e,sohunga baloe ngritii Kitab Suci.46Sanoo nganu balo,e:"Odooh totulis wook to,Mesias siik arus jorra gook monaapm nyaak mongkat siik ropoot ntoyaatn diik kobiis libo ko toruuh onu,e.47Gook niih nyen,wah odaatn,e diik niih nyobaar potobatan ngan pongampuutn dosa arus niih ngkoniik koni sidiik banso,tojiih siik Yerusalem.48Moo to sajo saksi sidiik to,49Gook niih nyen Koo roo ngciriipm koni mo oneh toruutn diik niih Maakng Koo njanyi.Tetapi mo arus montok wah saih kota to jangkook mo jeeh niih ngasoo lobeeh ngan gook kokuasaan siik arookng diik domiik.50Mosiik nyen Yesus ngoraah ballo,e koni sopa kota jangkook jeh nyomaak Betania.Waah yeetn Dop,e ngongkat tongan,e samel mberkati sidiik balo,e.51Gook tungkah Dop,e mberkati balo,e bolubaah Dop,e tosinaak nganu Sobayootn.52Ballo,e bosujud nyomaah nganu,Dop,e,Mosiik nyen baloe morrii koni Yerusalem ngan kobaeek owaakng dieetn.53Ballo,e solaraat odooh wah saiih Romiikng Ponompa samel mijiih nyobuut Ponompa.

John

Chapter 1

¹Saeek mulaa,e odooh bobooba,bobaa nyen bosamooh-samooh ngan Ponompa,gook bobaa nyeen sajoo Ponompa.²Doomp,e pontojiih bosamooh ngan Ponompa.³Sidiik toruunt niih Doomp ngkodi ngaant gook Ponompa,ngan niih nyen kidooh toruunt diik odooh maak kidooh Doomp.⁴Waah Doomp odooh pomidoop,ngan pongkidoop nyen monsiia tampook.⁵Tampook nyen naampook nyaa waah poya pitii,kidooh toruunt pitii pun dopaat nyoomaak.⁶Moniik lah ntoyaant diik boroodaant Yohanes diik niih Ponompa nijuuk.⁷Doomp,e moniik jodi saksi nyaak munyook toruunt sanoo nyaa oneh riiti Tampook nyen,sopayo balo ntoyaant jodi cayook.⁸Doomp nyen kae diik sanoo nya,niih nyen Doomp,e nyonaa toruunt diik tampook nyen.⁹Agooh dik sobonaare,nyen nyonaa sidiik nyaa diik moniik konii waah donia.¹⁰Domp,e odooh waah saiih donia tapi donia niih Domp mongkii,ngoneeh donia taoo kae nginaale.¹¹Dop,e moniik nganu ntoyaant diik mpoo,e,tapi ballo ntoyaant nyen kae lugii ngrimaa Dop,e.¹²Tetapi sidiik nya diik ngrimaa Dop,e niih munyook kuasa sopaya jodi ballo ucook Ponompa,nyen nya diik sajoo pocayook waah odaant Dompp,e.¹³Ballo ntoyaant diik poronaak kaae siik doyaa dagiingk,kae geeh niih sajjo pongodi koowaangk dop ndarii,molaiingkan sajo siik Ponompa.¹⁴Bobaa nyen jeh jodi monsiia,sameel monaae ngaant Dop,dop to jeh ngronoong kolobeeh Domp,e,tiruunt diik nih munyook nganue nyak jodi Onak dik tungaal Ponompa,sajo nih ngaseh bolobeh ngant gook kobonaare.¹⁵Yohanes nyonaa bobaa pongodii Domp,e sanoo,e:"To haaek Domp,e,diik sanoo koo libo bojantoh:Mosiik koo odooh Domp dik roo moniik dik sajoo tiaant siik koo,niih oneh Dop tiaant odooh siik ko.¹⁶Niih siik kolobeeh Domp,e dop jeh nopat kaseh pongkidop samel mogaao rosiki.¹⁷Niih oneh ukuump Taurat nih Musa munyook,nih sajo pongkasee rosiki ngan kobonaare maeeh nyaa Yesus Kristus moniik.¹⁸Kidooh tek naan pun ntoyaant diik ngronongk Ponompa:Totapi Onaak Tungaal Ponompa diik odooh wah pangko Maangk,e,nyen diik nyona,e.¹⁹Niih nyen lah odooh boba Yohanes nyonaa libo nya Yahudi siik Yerusalem ngasoo ballo kuduu naant imam ngan nya Lewi konii,e nyak nyonaa,"Oseeh baah moo sobonaare?"²⁰Dop,e ngangku sameel kidooh colii,sanoo,e :"Koo to kae Mesias."²¹Mosiik nyen nya bopiseek konii,e:"maak nyen oseh moo? Elia?"samot dop,e :"kaae!"Mo kah Nabi diik moniik?"samot dop pun Kae!"²²Mosiik nyen sano ballo nganue:"Oseeh bah Moo?Sbab me arus nyonaa agooh koni nyaa diik nijuuk me.Oneeh kah pongodi diik sano mo?²³Samoot,e:" Koo to angkoongk ntoyaant dik mangkos-mangkoos wah ampoor poya:Tomujoor ngant joraant Ponompa! wook diik jeeh sanoo nabi Yesaya."²⁴Gook siik ropoot ntoyaant diik nih nijuk nyen odooh nya banso Farisi.²⁵Ballo,e bosonaa nganu,e:"Ngoneeh mo naneek nya,maak mo kae Mesias,kae Elia,ngan gook kae nabi diik roo moniik?"26Yohanes nyamoot ballo,e, sanoo,e:"Koo naneek ngant piingk,nih ngoneeh wah tuda odooh Dop,e tokiit mo kae kinal,²⁷Nyen Dop,e,diik moniik mosiik koo.Mukaak toriih sopatu,e pun koo kae sangiip."²⁸Hal nyen tojadi wah Betania diih wah dipaah sungi Yordan,wah keh Yohanes naneek nya.²⁹Liboo kiint koo onu,e Yohanes ngratiie Yesus moniik nganu,e samel nyonaa:"Tileek Onaak Domba Ponompa,diik ngapus dosa donia.³⁰Dop,e diik sanoo koo: Mosiik nyen siik koo odooh nya moniik, diik jeh tiaant siik koo,sbab Dop,e jeh odooh tiaant libo goont koo.³¹Koo pun soniriik pontojiih kae nginal Domp,e.nih nyen lah koo moniik nanek ngan piingk,sopaya Domp tilek nya Israel."³²Nyen pun Yohanes nyona boba:" Koo jeh ngratiie Minu tomonah siik ronyeent wook monook,Dop,e pun monae wah somuu,e.³³Koo pun kae nginal,e,tapi Domp,e,diik nijuk koo ngaso naneek nyak piingk,jeh bosonaa koni koo: Maak moo ngratie Minu nyen tomonah koni ntoyaant,Dop,e diik naneek ngant Minu Ayu.³⁴Koo pun jeh ngrati,e sameel nyona: Dop,e to sajo Onak Ponompa."³⁵Libo kiint koonu,e Yohanes tokiit wah nyen ngan dukaah naant opiik dop,e.³⁶ Libo nyen tungkaah lalu ngratiie Yesus samel nyonaa:" Tileek moo Onaak Domba Ponompa!"³⁷ Kodukaah naant opik dop,e ngopiingk oneeh toruunt niih nyonaa,lalu ballo dieent ngajooh Yesus. ³⁸Tapi Yesus ngratie korutuuk,Domp,e ngratii, ngoneeh nya ngajooh Dop,e,lalu miseek ballo,e:" Oneeh diik kagaao moo?" Sano ballo,e konii,e:" Rabi ,wah keeh baah pomonaae Moo!"³⁹Sanoo Dop,e koni,e:"Booh maaeh,sameel mo ngratiie:"Ballo moniik sameel ngratie pomonae Dop,onu nyen pun ballo songodi,onu pun libo jeh kira jam empat.⁴⁰ Odooh nya tek naant siik opiik dieent ngopiingk boba Yohanes lalu nyunoot Yesus nya,e Andreas, posiik Simon Petrus.⁴¹Andreas pontojih nopat Simon,posiik,e nyonaa koni,e: "Mee jeeh nopat Mesias." ⁴²Dop,e meet koni Yesus.samel Yesus ngratie nyona: "Moo to Simon onak Yohanes,Moo acoomp tangki odaant Kefas."⁴³Jeh majiie onu,e Yesus roo mongkat nganu Galilea,Dop,e bodopat ngan Filipus,samel nyonaa nganu,e:" Booh ngajooh Koo."⁴⁴ Filipus nyen nya siik Betsaida,kota Andreas ngan Petrus.⁴⁵ Filipus bodopat ngan Natanael samel nyonaa nganu,e:" Me jeh bodopat ngan,Domp,e,diik sano Musa wah saiih kitab Taurat gook ballo nabi nyen Yesus,onak Yusuf siik Nazaret?"⁴⁶Natanael bosona nganu,e," Kameeh toruunt diik baeek moniik siik Nazaret?"⁴⁷Sanoo Filipus nganu,e," Booh noratie, maeh!"Yesus leek Natanael moniik manu Dop,e bosonaa hal Dop,e:" Tileek,to nya Israel sojati,wah saiih kidooh mborool!" ⁴⁸Sanoo Natanael koni,e:" Kameeh bah mo nginaal koo?"sonamoot Yesus:" Libo goont Filipus nosu moo,Koo bah jeeh ngratiee mo siik kayoo aroo."⁴⁹Natanael pun nyonaa,:" Rabbi,Moo Onak Ponompa,Moo Rajo koturuunt nyaa Israel!"⁵⁰Yesus nyona Dop,e:"Too Koo nyonaa moo:Koo ngratiee moo wah sigaant aroo,nyen ngaso cayook? Moo konooh ngratie toruunt diik daiik siik too,e."⁵¹Yesus pun nyonaa koni,e:"Too Koo nyona,e sobonaar,e moo ngrati,e ronyeebt tobukaak gook ballo malaekat Ponompa tomonah simaak koni Onak Monsia.

Chapter 2

¹Liboo onu kotoruuh odoh nya nganteent wah Kana diik wah Galilea,nook Yesus pun odooh bgajooh. ²Yesus ngant ballo opiik,e niih nyonaa nganu nya nganteent nyen.³Tungkah ballo libo kurangk anggur,nook Yesus nyonaae,:" Ballo mosiik Anggur,"⁴Yesus nyonaae nganu,e,:"Roo ngoneeh moo siik Koo maak? Pongodi Koo goont boyaah."⁵Tapi nook Yesus bosonaa nganu ballo pongasook:"Oneeh diik nyonaa nganu mo,kadiie maeeh nyen!"⁶Wah nyen niim buah payoont niih ngonaa nyaak pongumeek nuruut adoot nya Yahudi,borobiih dukaah toruuh pongayongk.⁷Yesus nyonaa nganu ballo pongasook,Tongkobiih payoont nyen ngaant piingk."dieent pun soganooh ngisiik bunuuk.⁸Mosiik nyen Yesus pun nyonaa:"too sanoook dibeet nganu baak nganteent,"Ballo pun nyunoot.⁹Mosiik baak nganteent nocaap piingk,diik jeeh borubah jodi anggur nyen,domp pun kataook pongkoniik,tapi ballo pongasook,diik ngisii piingk nyen,ntaook,samel nosuu ponganteent ndarii, ¹⁰bosonaa nganu,e:" Sidiik ntoyaant ngampoor anggur diik baeek tiaant,jeh mosiik puas nyaa nyinoop baru diik kae baeek;too moo mallah ngonaa anggur diik baeek ntooh,"¹¹Toruunt nyen niih Yesus mongki wah Kana poya Galilea,nyak tanoo pontojih Domp,e mongki tanoo,ngaant niih nyen Dop,e nojiih korija sohingga opiik Dop,e pocayook.¹²Jeh mosiik nyen Yesus nganu Kapernaun,bosamooh-samoh ngant nook,Dop,e,juruu,e,gook ballo opiik,e,sameel dorumaak notaap bansoo kudu onuu.¹³Libo onu raya Paskah nya Yahudi nyomaak onu,e, Yesus borongkat konii Yerusalem.¹⁴Wah saiih romiingk somayaangk Dop,e nopaat nya bojual lembu,komiingk domba ngan monook,samel bitukaar duet borugook waah nyen.¹⁵Dop,e mongki pongomaat nyaak toriih lalu ngosaar ballo ntoyaant ngaant gook komiingk domba ngan lembu dieent;dueet tukaar pun niih Dop,e nyoboor koni poyaa sameel moleek mija.¹⁶Koni ballo pojuaal Dop,e nyonaa:"Kasiik miaah sidiik too,yook moo mongkii romiingk Maangk,Koo jodii aroongk bojual.¹⁷Niih nyent tingaant ballo opiik Dop,e,odoh totulis:"Owaangk nyaak romiingk- Mo roo mungkaaak Koo,"¹⁸Ballo ntoyaant Yahudi pun nontaangk Yesus,sanoo,e:"Tanoo oneeh diik taook mo ngampoor nganu mee,ngasoo mo bohaak mongkii too?" ¹⁹Yesus nyamoot ballo:"Turaak romiingk Ponompa to,daloomp toruuh onu Koo mongkii geek."²⁰Lalu sanoo nya Yahudi nganu,e: " Empat puruu niim sowa ntoyaant ntokiit Romiingk Ponompa to,Moo roo sanguup mongkii,e daloomp toruuh onu,e?"²¹Tapi Dop,e maksud,e wook Romiingk Ponompa to Bakko sogoola Dop,e soniriik.²²Mosiik nyen,Dop,e mongkat siik ropoot nyaa kobis,baruu nyaa ntaook bahwa hal nyen ballo murid,e pun pocayook ngaant Kitab suci gook jantooh boba diik sano Yesus.²³Libo somontara Dop,e wah Yerusalem solama onuu raya Paskah,obeengk ntoyaant diik pocayook nganu,e,niih ballo,e tileek pongodii,e ngant tanoo- tanoo diik niih mongkii.²⁴Yesus soniriik jeeh ncayook Domp,e nganu ballo,e. ²⁵Niih diik kidooh nyaa diik ntaook ponyonaa nganu,e pongodie monsia,sbab Dop,e tanoo wah saiih otii monsia.

Chapter 3

¹Odooh nya Farisi,diik borodaant Nikodemus,nya pomimpiint rogama Yahudi.²Domp moniik liboo ngoriimp nganu Yesus:" Rabbi,mee taook ngkaant bahwa Moo diik moniik jodi guru diik niih Ponompa nijuuk;sbab kidooh ntoyaant diik taook ngkodie pongodi tanoo wook diik niih Mo ongkodi,e,maak Ponompa kidooh ngratie,"³Yesus nyamoot sanoo,e:"Koo nyonaa koni moo,sobonaar,e maak ntoyaant niih ngkodooh bauuh,domp,e kae taook ngratiee Sobayont Ponompa."⁴Sanoo Nikodemus koni,e: "Kameeh wook ntoyaant niih ngkodooh tapi dop,e jeh muntuuh?taook kah dop,e masuk toniik nook,e nyaak ngkodooh geek.?"⁵Yesus nyamoot:"Koo nyonaa moo,maak odooh ntoyaant niih ngkodooh siik piingk ngan minuu,Dop,e nyen kataook masok koni Ompiik Ponompa.⁶Oneh pongkodooh siik dagingk,totap dagingk,pongkodooh siik Minuu,magoont Minuu.⁷Yook gooh moo nyarooh Koo nyonaa moo,Moo aruus ngkodooh baooh.⁸Buaak nyinooh owaangk dop,e maeeh,moo pun ngopiingk gaooh maeeh,tapi moo kae toritii siik keeh obuu pongkoniik.Wook nyen hal nyen ntoyaant diik mansoot siik Minuu."⁹Nikodemus nyamoot,sanoo,e:" Kameeh gooh hal nyen tojadi?" ¹⁰Samoot Yesus:"Moo too nyaa pongajoor Israel,niih nyen moo kae ngritii toruunt too?¹¹Koo nyona koni moo,Sobonaar,e mee bojantooh oneeh diik niih mee ntaook ngant niih ngratie,tapi moo kae ngrima ponyonaa mee.¹²Moo kae pocayook,Liboo Koo bojantoh hal hal duniawi,kameh moo pocayook ,maak Koo bojantooh hal hal sobayoont? ¹³Kidooh ntoyaant pun diik taook simaak koni Sobayoont,solaingk dari nyaa siik Dop,e diik jeeh tomonaah Sobayoont,nyen haeek Onaak Monsia.¹⁴Samooh geeh wook Musa ngasoo nyipiih daiik wah poyaa lapaangk,wook nyen geeh Onaak Monsia arus niih nyomuu.¹⁵Sopaya stiap nyaa diik pocayook nganu,e nopaat midoop diik baeek.¹⁶Niih sajoo maa daiik pongaseh Ponompa ngant dunia too,sohingga Domp,e ngkodooh Onak diik tungaal,sopaya stiap ntoyaant diik cayook koni,e kaee kobiis,molaiingk buleeh pomidop baeek.¹⁷Niih oneeh Ponompa nijuuk Onak,e koni saiih dunia kae nyaak ncaroo dunia,tapi nyolamaant niih Domp,e.¹⁸Oseeh diik cayook nganu,e kae oduuk ukuump;oseh diik kaee cayook,dop,e monae ngaant odaant Onaak Tungaal Ponompa.¹⁹Too haeek odaant ukuump nyen,Tampook jeh moniik nganu dunia,tapi ballo monsia owaangk pitii,daripado tampook,niih pongodii ballo kobiieek.²⁰ Oseeh nyaa bobuat kobieek,ngareeh tampook ngant dop,e kae nganu ontaah nyen,sopayo sidiik pongodii bieek dop,e nyen kaee tileek;²¹Tapi oseh nya ngkodi,e bonaar,Domp moniik koni ontaah,sopaya jodi nyatoo,bahwa pongodi dop,e libo ngant Pono,mpa."²²Jeh mosiik nyen Yesus ngan ballo opiik,e nganu poyaa Yudea,Dop,e pun monaae wah nyen,bosamooh samel naneek nya.²³Nyen pun sorota Yohanes naneek nya waah Ainon,nyomaak Salim,niih waah nyen obeengk piingk,ballo ntoyaant pun moniik nyaak tomaneek,²⁴sbab libo nyen Yohanes goont masook koni waah ponjaraa.²⁵Niih nyeen timool soliseeh antaraa opiik Yohanes ngant teek naan nya Yahudi hal pongriseeh.²⁶Lalu dieent moniik nganu Yohanes bosona koni,e:" Rabbi,ntoyaant diik bosamooh ngant moo wahh sungii Yordan,diik niih hal pongodii,e Dop,e jeh munyook bobaa,Dop,e naneek nya,gook sidiik ntoyaant ngajooh Domp,e."²⁷Samoot Yohanes:"Kidooh ntoyaant pun diik taook miaah toruunt nyaak domp,e,maak kaee niih munyook nganu,e siik Sobayoont.²⁸ Moo todoop taook munyook bobaa,bahwa sanoo moo:"Koo kaae Mesias,tapi koo niih nijuuk ngasoo tiaant.v 29 Diik mpoo ponganteent dayoongk,ialah nyaa ndarii,tapi koyoongk ponganten ndarii,diik tokiit nyomaakdop,e ngopingk,e,sajoo maa baeek owaangk,ngopingk bobaa ponganteent ndarii nyen.Nyenlah kobaeekko,ntooh puun bunuuk kobaeek.³⁰Dop,e arus daiik,tapi koo malaah aruus kicoop.³¹Oseeh diik moniik siik somuu,nyeen laah ponyomuu nya,oseh diik moniik siik bumi,tomasook ngant bumi samel bojantoh boba ngant bumi.Oseh dik moniik siik Sobayoont sajoo nyen ponyomuu nya.³²Dop,e bosona oneh diik ranoongk,e gook niih ngopiingk,kidooh ntoyaant pun diik ngopingk ngrimaa ponyonaa,e nyen.³³Oseh ngrima boba nyen Dop,e ngangku,bahwa Ponompa gooh.³⁴Sbab oseh nya niih Ponompa nijuuk,Domp,e lah diik nyonaa boba Ponompa,niih Ponompa munyook romaant Minuu,e diik kae tobataas.³⁵Maangk ngkaseeh Onaak,e diik jeeh munyook sidiik toruunt nganu,e.³⁶Oseh maak cayook ngant Onaak,e,dop,e nopat midoop baeek,tapi oseeh nyaa kae taat koni Onaak,domp,e kaee ngronoongk pomidoop,malaah pondoruuh Ponompa diik magoont nyomuu,e.

Chapter 4

¹Libo tungkah Ponompa ntaook,bahwa odooh nya Farisi jeeh ngopiingk,niih Dop,e mbuleeh obeengk sameel naneek ntoyaant lobeeh obeengk siik Yohanes.²padahal Yesus todoop kae ngkodii,e,molaiingk ballo opiik,e.³Dop,e pun ntiggal Yudea samel bobaleek geek koni Galilea.⁴Dop,e arus nlaluu idaar Samaria.⁵Maka moniik geeh Domp,e koni aroongk kota wah Samaria,diik borodaant Sikhar nyomaak poya niih Yakub munyook ramiis konii onaak,e Yusuf.⁶Waah nyen odooh sumur Yakub,Yesus sajoo maa lopa niih bojaloont,niih nyen Domp,e dudook bubeeh sumur nyen.Onuu tungkaah nuraangk kanuu.⁷Moniiklah ndayoongk nya Samaria roo nimaa piingk.sanoo Yesus nganu,e;" Punyooklah Koo piingk."⁸Libo nyeen ballo opiik,e koni kota miriih kunaiiik.⁹Sanoo ndayoongk Samaria nyen koni,e:" Masaak Moo, nyaa Yahudi,minta nyinoop koni koo,diik nya Samaria?"¹⁰Samoot Yesus koni,e:" Maak odooh moo ntaook pomunyook Ponompa gook oseeh wook bojantooh ngant moo:Koo minta nyinoop! poncaa moo minta koni,e,niih sajoo moo nopaat piingk diik midoop."¹¹Sanoo ndayongk nyen koni,e:"Ponompa moo kidooh ponimmaa gook sumuur too maa toriimp; siik keeh pulaa moo nopaat piingk pongkidoop nyen?¹²Odooh kah daiiik Moo siik mangk mee Yakub,diik jeh munyook sumur to koni mee nyak mee sinoop,Domp,e sorota ngant ballo onak,e ngant pomuruuunt,e?"¹³ Yesus nyonaa koni,e:"Oseeh nya nyinoop piingk too,domp,e pasti auus geek,¹⁴Tapi baroongk oseh nya diik nyinoop piingk pomunyook Koo domp kae auus sampai pajiii,e.Sobalik,e piingk diik tunyook Koo malah jodii motiih piingk nyak owaangk domp,e,diik solaraat mancoor jangkook pajii,e.¹⁵Samoot nya ndayoongk,nyen koni Yesus:"Nompaa,panooh piingk nyen ngaant koo,aduu kaee auus koo ngaant kaae joreeeh koo moniiik miaah piingk too geek."¹⁶ Yesus nyamoot dop,e:"Koooih moo,tasuu boniih moo kotoo."¹⁷Samoot ndayoongk nyen:"Koo kidooh boniih koo,"Sanoo Yesus nganu,e:" Omaant moo,bahwa moo kidooh boniih.¹⁸Sbab ntooh moo odooh rimiih boniih,diik ngaant moo to,kaae boniih moo,Waah jantooh moo sajoo omaaant."¹⁹Sanoo ndayoongk nyen:" Ponompa,siik omaaant nyaak koo,Moo nyeen nyaa Muntuuh.²⁰Nek moyaangk mee nyomaah waah somuu doriik to,ngoneeh Moo nyonaa bahwa wah Yerusalem nyaak aroongk nyomaah.²¹Sanoo Yesus koni,e:"Pocayook maeeh nganuu Koo,o..oo nyadayoongk,jeeh roo moniik sowaa,e,bahwa moo aruus nyomaah Maangk,e kae waah doriik to ngaant gook Yerusalem.²²Moo nyomaah nganu toruunt diik kae konaal,sbab konooh pomidoop moniik siik bansoo nya Yahudi.²³Tetapi masa too jeeh roo moniik gook moniik ntooh,bahwa ballo nyaa ponyomaah diik bonaar pasti nyomaah Mangk,e ngaant Minu gook kobonaar,e.nih nyen Mangk,e diik koowangk,e.²⁴Ponompaa nyen Minuu gook oseeh nya nyomaah Domp,e,aruus nyomaah Dop,e sosuae ngant Minuu kobonaran.²⁵Samoot nya ndayoongk nyen nganu,e:"Taook Koo bahwa Mesias roo moniik,diik sanoonya Kristus:maak Dop,e moniik,Domp,e roo moniik nyonaa agooh sidiik toruunt konii mee."²⁶Sano Yesus nganu,e:"Koo too,e Dop,e,diik tungkaah bojantooh ngant moo,"²⁷Libo masa nyen moniik ballo opiik,e nyarooh pahaamp,e,bahwa Dop,e bojantooh ngant nyaa ndayoong.Tetapi kidooh diik goompangk,e boriint:"Oneeh diik koowaangk Moo? atau oneeh diik jantooh Moo ngaant domp,e?"²⁸Mosiik nyeen ndayoongk nyen obuu nontook payoont wah nyen sameel nganuu kota gook bojantooh ngaant ntoyaant wah nii,e.²⁹" Booh ranoongk! Wa iih odooh ntoyaant diik nyonaa koni koo sidiik toruunt diik jeeh niih ngkodii,e,ntaah nyeen Dop,e Kristus nyen ?" ³⁰Maka sidiik ballo,e somoopa siik kota lallu moniik nganuu Yesus.³¹Somontara nyen ballo opiik,e ngoraah Dop,e duook,:" Rabbi duook baah,"³²Niih nyen Dop,e bojantooh bobaa ngant dieent,e:" Wahh Koo odooh toruunt naiik diik kaae konaal moo,"³³Maka nyarooh ballo opiik,e nyen koni diik kiint,:"Odooh gooh nyaa meet toruunt nganuu,e nyak Dop,e naiik?"³⁴Sanoo Yesus nganu dieent:" Pomakoont Koo nyeen tiih koowaangk Domp,e diik nijuuk Koo nyaak ngkodiie pongodii Dop,e.³⁵Kaae kah moo diik nyonaa,e:" Empat puruu buraant geek nyaak ngotiimp? Tapi Koo nyonaa koni moo,Tileeklah hamparan miih diiik jeeh ngkuniing rooboyaah nyaak tiaah.³⁶Ntooh maeeh ballo pongotiimp ngrimaa upaah sameel ngruggook buah nyaak todiingk midoop pajii,e,mosiik nyen samooh nginaamp,e.³⁷Sbab wah hal too omaant sanoo nya: Diik teek nyoboor diik kiint ngkodiie,e.³⁸Koo nijuuk ngasoo moo nyaak ngkodiue oneeh diik kae niih ngrijaa,:"Baloo nyaa kiint borusaha korija malah moo moniik miaah hasil ballo,e.³⁹Nyeh geeh obeengk nya Samaria siik kota diik jeeh jodi pocayook niih ngopiingk bobaa ndayongk nyen diik nyonaa:" Dop,e nyonaa koni ko sidiik toruunt jeeh niih ngkodiie."⁴⁰Libo nya Samaria nyen moniik nganu Yesus,ballo,e minta nyonaa,ngaso monaae gook dieent,e:Domp,e monaae dukah nuu.⁴¹Gook niih nyen makiint obenggk ntoyaant pocayook niih ngaant ponyonaa,e.⁴²Gook niih nyeen ballo,e bosonaa koni ndayoongk nyen:" Mee pocayook,tapi kae geeh niih pongodii,e oneeh niih mo nyonaa,sbab mee soniriik niih Domp,e mee taook ngopiingk bahwa siik omaant Jurusolamat dunia.⁴³Jaak siih jeeh ko dukaah onuu,e Yesus borongkat geek siik nyen koni Galilea.⁴⁴sbab Yesus soniriik nyonaa,e bahwa kidooh nyaa ngrogga Dop,e waah aroongk,e todoop.⁴⁵Jeh pongkoniik Dop,e wah Galilea obeengk ntoyaant nyamuut Dop,e,niih ngratie toruunt niih ngrijaa wah Yerusalem.niih ballo,e odooh ngajooh ngronongk,e⁴⁶Maka nyen Yesus morii nganu Kana waah Galilea,wah keeh suaah Dop ngubah piingk jodi anggur,wah nyen Kapernaun odooh cadee monaaamp,onaaknya pogawae istana.⁴⁷Libo Dop,e ngopiingk,e,bahwa Yesus jeh odooh moniik nganu Yudea siik Galilea,domp,pun minta koni,e sopaya ngasoo Yesus ngkurii onaak,e.⁴⁸Sanoo Yesus nganuu,e:" Maak kidooh leek tanoo gook mujizat moo kaae pocayook."⁴⁹Pogawae istana nyen minta bosonaa:" Tuhan,moniik lah mo,libo onaak koo goont kobiis."⁵⁰Sanoo Yesus nganu,e:"Morii maeeh onaak moo midoop:"nya nyen pun morii,pocayook niih kaan bobaa Yesus,⁵¹Tungkaah libo wah ropoot joraant,ballo posiik juruu,e nyonaa domp,bahwa onaak cadee,midoop.⁵²Dop,e miseek ntoyaant waah nyen bansoo jaamp kuduu onaak koo baeek,samoot ballo,e:"Tudaa onuu,rinuus jamp satu mongooh,e moyaamp."⁵³Maka liboo nyen,e tingaant nya muntuuh tiih,bahwa Yesus odooh nyonaa:" Onaak mo Midoop."domp,e pun cayook,ngaant sidiik kaah koromiingk,e.⁵⁴Nyent lah tanoo diik kodukaah niih Yesus mongki,liboo siik Yudea koni Galilea.

Chapter 5

⁴¹⁷moot ndayoongk nyen:"Koo kidooh boniih koo,"Sanoo Yesus nganu,e:" Omaant moo,bahwa moo kidooh boniih.¹⁸Sbab ntooh moo odooh rimiih boniih,diik ngaant moo to,kaae boniih moo,Waah jantooh moo sajoo omaaant."⁵Waah nyent odooh teek naan ntoyaan monaamp,solama toruuh puruu mae siwa kotaa,i.⁶Libo Yesus ngratiie,nya nyen nggalaae niih Dop,e jeh taook,bahwa domp nijiingk konaamp,e otaai,sanoo Dop,e nganu,e:" Loongk,kah moo baeek?"⁷Samoot ntoyaant monaamp nyen:" Tuhan,kidooh nya diik ngongkaat koo koni kolaamp nyen maak liboo piingk boriaak,gook baooh koo roo tomonaah nganu,e nyaa tiaant siik koo.⁸Sanoo Yesus koni,e:"Mongkat maeeh,tongkaat pomiis moo sameel jaloont."⁹Libo nyen lah siik baeek seeek ntoyaant nyen,sameel ngongkat tilaamp bojalaant morii.¹⁰Niih nyeen ballo ntoyaant Yahudi nyonaa nganuu diik bauuh baeek nyen:"Onu too onu Pantoongk kaee buleeh moo mikul tilamp moo.¹¹ Niih nyeen domp nyamoot nyaa:"Nya diik jeeh nompaal koo nyen ngasoo nyonaa koo: Tongkat maeeh tilamp moo dibeet jaloont."¹²Ballo miseek domp,e:" Oseeh ntoyaant nyen diik nyona moo,Tobgkaat jaloont dibeet tilaamp moo?" ¹³Tetapi nya diik baooh baeek nyen pun kae kinaal nganu,e,sbab Yesus jeh obuu moyaamp siik nii,e.¹⁴Jeeh mosiik nyen Yesus bodopaat gook domp wah Romiingk Ponompa sameel miseek nyonaa:"Moo too jeeh baeek,yook geek mongkii dosa,supaya nganuu moo kaee moniik hal bieek geek.¹⁵Nya nyen somoopa lalu bosonaa nganuu ballo nyaa Yahudi,bahwa Yesus nyen diik ngkurii domp,e.¹⁶Gook niih nyeen ntoyaant Yahudi usaha roo njorraa Yesus,niih Dop,e ngkodii hal nyen onuu pantoongk.¹⁷Tetapi Dop,e nyonaa konii,e:"Maangk wah somuu korija sampae ntooh,niihnnyen Koo pun korija geeh.¹⁸Niih nyeent ballo ntoyaant Yahudi gireet owaangk roo komiis Dop,e niih ngidooh onuu Pantoongk,niih nyeen geeh nyonaa Ponompa diik Maangk Dop,e soniriik,wook nyen Dop,e nyamooh Ponompa.¹⁹Sanoo Yesus nyamoot ballo,e:"Koo nyonaa koni moo,sobonaar,e Onaak kae dopat ngrijaa toruunt nyaak todoop,e,maak kae Dop,e ngratiie Maangk,e ngkodiie;diik kadii,e Maangk,e,nyen geeh kadii cade,²⁰Sbab Maangk,e ngaseeh Onaak,e, samel nijuuk konii,e sidiik toruunt diiik niih ngkodii,e nganuu,e korijaa pongodii,e daiik nyen,moo jodii nyarooh.²¹Sbab sorupa wook Maangk,e ngongkaat nyaa kobiis,ngasoo,e midoop,wook nyen geeh Onaak,e ngkidoop oseeh nya diik owaangk,e.²²Maangk,e kae nyalah oseeh pun nya,molaiinkan munyook ponyaalh nyen sokayuuk koni Onak,e,²³Supaya sidiik nyaa nabeek Onak,e samooh wook ballo,e nabeek Maangk,e,oseh kae nabeek Onak,e,domp kae nabeek Mangk,e diik nijuuk Dop,e.²⁴Koo nyonaa koni moo:"Sobonaar,e oseeh nya ngopiingk bobaa- Koo diik cayook koni Domp,e diik nijuuk Koo,Domp odooh pongkidoop rasii kaee ngajeh oduuk ukuump,sbab domp jeeh pinaah siik joraa nganuu pongkidoop.²⁵Koo nyonaa moo:Sobonaar,e onuu,e jeeh moniik,roo nyomaak,bahwa ballo ntoyaant kobeek ngopiingk boba Onaak Ponompa gook dieent pun jodi midoop.²⁶Sbab samooh wook Mangk odooh pongkidoop waah dop,e todoop,wook nyeen Domp,e munyook,Onaak,e wah saiih Domp,soniriik.²⁷Niih nyen Domp munyook kuasa nyaak nyalaah nya,niih Dop,e Onak Monsia.²⁸Yook moo nyarooh hal nyeen,sbab odooh onuu,e,bahwa sidiik ntoyaant wah saiih kubuur ngopiingk bobaa Dop,e.²⁹ngan nihh nyen nya jeeh pongodii baek somoopa sameel midoop kae kobiis,tetapi ntoyaant bieek pongodi mongkat niih ngukuump.³⁰Koo kae dopat ngoneh ngoseeh nyak Koo todoop;Koo nyalaah nya sosuae ngan diik kapiingk Koo,jodi ponyalah Koo adell,nuruut owaangk Koo todoop,diik nijuuk Koo owangk Dop,e.³¹Mak Koo nyonaa diik sanoo Koo maeeh,maka ponyonaa nyen kae bonaar; ³² odooh diik nyobuut pongodii agooh Koo,taook koo ngkaant,bahwa,ponyonaa nyen niih munyook hal Koo diik bonaar.³³Moo jeeh munyook ppnojiih nganuu Yohanes niih nyeen domp,e bosonaa toruuunt diik bonaar.³⁴Tetapi Koo kae poroluu pongodii siik monsia,tapi,Koo nyonaa hal too,sopaya moo solamaant.³⁵Dop,e nyeen polita diik midoop gook nampook,niih nyen moo somuuk nginyaak ontaah nyen sotogaal.³⁶Tetapi Koo nodiingk toruunt diik lobeeh baeek daripada ponyonaa Yohanes,nyen tiih sidiik pongodii korijaa Maangk Koo niih munyook koni Koo,Pongodii nyen niih Koo ngkodii ntooh,nyen tiih diik munyook nyonaa koni Koo,bahwa Maangk,e diik nijuuk Koo.³⁷Nyaa muntuuh diik nijuuk Koo,Domp nyen diik nyonaa pongodii Koo,ngopiing bobaa,e ngant mpoo,e kaae suaah ngratii,e,³⁸Niih nyen bobaa,e kidooh likaat nganuu moo,niih dieent kidooh diik cayook.³⁹Moo nyolidiik Kitab-kitab suci,mungkiin laak niih nyen mo nyangka buleeh pomidoop baeek,tetapi biar pun Kitab- kitab suci nyen nyonaa bobaa hall pongodii Koo.⁴⁰Tapi kae lugii moniik koni Koo,nyaak ndopat pomidoop nyeen.⁴¹Koo kae ngruuluu,ponabeek siik monsia,⁴²Tetapi too niih pongodi moo,waah saiih owaangk otii moo,kidooh owaangk ngasee ngaant Ponompa.⁴³Koo moniik waah saiih odaant nyaa muntuuh Maangk,Koo ngaant sogoola moo kae ngrima Koo; maak nya moniik ngatas domp todoop moo ranoongk.⁴⁴Kameeh wook moo roo cayook,moo soniiriik minta tonabeek siik dingaant kiint diik mogaao ponabeek siik Ponompa diik bokuasa.⁴⁵Yook dieent roo ngirraa Koo bosamoot waah jowii Mangk,koo,;diik nyutaak moo,nyen Musa,Musa diik nganuu,e moo boo,aroop.⁴⁶Sbab moo maak cayook nganu Musa,moo cayook geeh koni Koo,niih domp,e nuliis haal Koo.⁴⁷Tetapi mak moo kae ncayook oneeh diik niih nuliis,kameeh wook moo ncayook toeuunt diik sanoo Koo.

Chapter 6

¹Mosiik nyeen Yesus borongkat koni dipaah donuu Galilea,nyen tiih Tiberias.²Ntoyaant obeengk ngajooh Dop,e borajooh-rajooh,ballo,e ngratie hal nyarooh ngkuriie, nganuu ballo ntoyaant diik monaamp.³Niih nyeent Yesus simaak koni doriik ngaant ballo opiik,e.⁴Paskah,onu rayaa nya Yahudi,jeeh nyomaak.⁵Liboo Yesus ngratiie sokayuuk,sajoo obeengk ntoyaant borajooh botunguuk,Dop,e nyona koni Filipus:"Waah keeh Doop miaah kue,supaya ntoyaant to taook duook?"⁶Hal nyen niih nyonaa nyaak ngujii Domp,soniriik jeeh taaook oneh nyaak kadiie.⁷Samoot Filipus nganu,e;"Kue rogaa dukah ratus dinaar kae boyaah nyaak mpokaant ntoyaant kobeengk to,biaar ballo dopat ruu ciiik,⁸Teek naan siik opiik,e nyen,Andreas,posiik Simon Petrus nyonaae:⁹" Waah too odooh cadee diik meet kuue rimiih sirooop,gook dukaah sogolaa baook,tapi oneeh ritiii,e nyaak ntoyaant kobeengk too.?"¹⁰Yesus nyona:" Nasoo ballo ntoyaant dudook," Niih waah nyen obeengk iduuh nyaak dudook,ntoyaant sokitaar rimiih ribu naan nyaa,e.¹¹Yesus miaah kue nyen bodooa,sameel munyook magii, nganu ntoyaant,diik dudook wah nyen.wook nyent geeh ngan baook nyen.¹²Jeeh mosiik nyaa duook borudaap,Dop,e nyona nya,:" Tongruggok sidiik tissa ngan lobeeh kae niih nyaa duook yook motaant,e,"¹³Ballo sidiik ngruggok ngumpul tisaa nyen dukah bolas bakool daiik,siik rimiih biteer kue jiih,jeeh mosiik ntoyaant duook,e.¹⁴Tungkaah ntoyaant ngrati,e pongodi nyarooh diik niih ngkodii,e nyen,sanoo ballo,e:" Siik omaant nyaa too bonar-bonar Nabi diik moniik konooh.¹⁵Niih Yesus ntaook owaangk fahamp nya roo ngoraah ngasoo Dop,e jodi Rajoo,Dop borinseet obuu todoop.¹⁶Jeeh onuu roo nyomaak ngoriimp,ballo opiik,e Yesus obu koni donuu,lalu nsinaak oruut¹⁷ sameel mutaas koni Kapernaum,onu jeeh maa pitii kidooh Yesus nopaa,t dieent.¹⁸liboo nyeen piingk laot golumaangk niih buaaak.¹⁹Jeeh mosiik dieent bokayooh dukaah toeuuh mil kojau,e,ballo ngratii Yesus siik ojauu,bojaloont waah tunuuh piingk,nyomaak dieent.dieent puun jotiingk.²⁰"Tetapi Dop,e nyonaa,yook golaak too baah Koo!"²¹Ballo,e nsinaak koni oruut,wahh nyeen pun yook kotii moniik poyaa niih nganu.²²Liboo majii babuut,e ntoyaant obeengk,diik geek montook,wah dipaah ngratiie nyen odoh kidooh oruut kiint,solaiingk diik meet bahwa Yesus kae ngajooh simaak ngaant ballo opiik,e boroongkat.²³Libo nyen pun obeengk oruut moniik siik Tiberias nyomaak nyaa duook kue,jeh mosiik Ponompa bodooa,²⁴Libo nyaa obeengk ngratiie,bahwa Yesus kidooh wah nyen gook opiik,e,sidiik diieent,e borongkat ngoggaoo Yesus koni Kapernaum. ²⁵Libbo ntoyaant obengk nopaat Yesus wah dipaah laot nyen,balloe nyonaa:" Rabbi,wook keeh Moo moniik kotoo?"²⁶Yesus nyamoot dieent,:"Koo nyona moo,dieent mogaao Koo,kae niih jeeh suah ngratie tanoo-tanoo,niih sajoo moo duook kue jangkook dieent busooh.²⁷Korija maeeh yook somuuk niih kunaiik diik ngasoo dop joraa,molainkan ponduook diik ngaso dop midoop botahan sampai konooh,diik punyook Onak Monsia koni moo;sbab Dop,e nyen diik niih Mangk Ponompa ngasoo ngan materai Dop,e.²⁸Sanoo dieent nganu,e:"Oneeh diik taook nyak me kadie,sopaya me taook ngkodi pongodie korija diowaangk Ponompa?"²⁹Yesus nyamoot:"Too pongodi diik owangk Ponompa,sopaya nyen tih mo pocayook nganu Dop,e dik jeeh niih Ponompa Nijuuk."³⁰Niih nyen ballo,e nyonaa:"Tanoo oneh diik niih Moo ngkodie,sopaya mo nopaat ngronongk,gook pocayook koni Mo? Korija oneh diik niih mo ngkodiie?³¹Neek moyaangk me jeh naiik manna wah poya ngroseek,wook odooh totulis: Ballo,e niih munyook kunaiik kue siik poya sobayoont,"³²Sanno Yesus koni ballo,e:" Koo nyonaa koni mo,sobonar,e kaae Musa diik munyook moo kue siik sobayoont,molainkan Mangk Koo diik munyook moo kue diik bonaar siik sobayoont.³³Niih kue siik Ponompa nyeen kue diik tomonaah siik sobayoont diik munyook midoop koni dunia."³⁴Sanno ballo,e koni,e:"Ponompa,tunyook lah koni me kue nyen solaraat."³⁵Yesus nyonaa,e:"Koo,lah kue pomidop,oseh diik moniik nyak odaant Koo,domp,e kae kan sobirook,gook oseh dipocayook nganu Koo kae suaah auus.³⁶Tetapi Koo jeeh nyonaa koni moo,sobonaar,e mo jeh ngratiie Koo,tapi dorumaak kae cayook.³⁷Sidiik tiruunt niih Mangk munyook nganu Koo,diik moniik koni Koo,ngan oseeh nya diik moniik nganu Koo,kae Koo nompooh.³⁸Sbab Koo tomonaah siik Sobayoont kae nya owangk Koo maeeh,tetapi nya ngkodiie pongodie diik sanoo Dop,e diik ngasoo Koo.³⁹Niih nyen koowaangk,e Dop,e diik jeeh ngasoo Koo,kunyeen sopaya diik sidiik toruunt niiih munyook koni Koo kae moyaamp,tetapi supaya tongkat Koo pongkosiik sowaa.⁴⁰Sbab nyen owaangk Mangk,Koo,sopaya sidiik ntoyaant,diik ngronoongk Onak diik pocayook koni,edopat midoop,sameel konooh Koo ngongkat ballo,e pongkosiik sowa.⁴¹Niih nyeen bosunguutn-sungutn ntoyaant Yahudi hal Dop,e,niih Dop,e nyonaa:" Koo lah kue pomidoop diik jeeh tomonaah siik Sobayootn,"⁴²Ballo,e nyonaa:" Kae kah Dop,e to Yesus onak Yusuf,dik nook mangk,e kinal dop?kameh taook Dop,e nyonaa: Koo jeh tomonaah siik Sobayootn?"⁴³Yesus nyamoot ballo,e:" Kae joreeh dieetn bosunguutn.⁴⁴Kidooh ntoyaant oseh pun taook moniik koni Koo,maak kae tareek Maangk diik ngasoo Koo,nyak sameel Koo ngongkat pongkosiik sowaa.⁴⁵Odoh totulis wah saih kitab nabi-nabi: Sidiik ntoyaant niih oduuk ajoor Ponompa,sidiik sotiap ntoyaatn ngopiingk gook ngrimaa ajoor siik Maangk,e gook moniik nganu Koo,⁴⁶Hal nyen kae borati,jeeh odooh diik ngronoongk Maangk,e Somuuk Dop,e diik moniik siik Ponompa,Dop,e diik ngratiee Mangk,e.⁴⁷Koo nyonaa moo:" Sobonaar,e oseeh nya pocayook,domp mampu midoop baeek.⁴⁸Koo lah kue pomidoop.⁴⁹Ballo koturuunt mo jeh duook manna wah tunuuh poyaa,sidiik dieetn jeeh kobiis.⁵⁰To haeek kue tomonaah siik Sobayootn:Oseeh diik naiik siik Dop,e ,siik kae taook kobiis.⁵¹Koo lah kue diik tomonaah siik Sobayootn,maak nya duook siik kue too,dop,e midoop kidooh jangkook,e,diik kue diik niih Koo munyook nyen iseeh woongk Koo todoop,diik niih munyook nyaak duniaa midoop.⁵²Ballo nya Yahudi bodoruuh samooh dieetn,e nyonaa:"Kameeh baah Dop,e taook munyook iseeh woongk,e nganu doop nyak naiik,"⁵³Niih nyen Yesus nyonaa,e:" Koo nyonaa dieetn,maak kae naiik iseeh Onak Monsia gook nyinoop doyaa,e,moo kidooh midoop wah saiih moo.⁵⁴Oseeh nyaa diik duook iseeh gooj gook doyaa Koo,domp dopat midoop diik otae gook Koo roo ngongkatnya libo pongkosiik sowaa.⁵⁵Nih iseeh Koo bonar kunaiik ngan doyaa Koo bonar-bonar toruutn sinoop.⁵⁶Oseeh nya naiik iseeh ngan nyinoop doyaa Koo,domp pasti monaae wah saiih Koo,gook Koo saiih domp,e.⁵⁷Samooh wook Maangk diik midoop ngasoo Koo,gook Koo midoop niih Ponompa,wook nyen geeh mo diik naiik Koo midoop niih Koo.⁵⁸To kue tomonah sik Sobayootn,kae wook kue diik naiik neek moyaangk mo diik jeeh kobiis,oseh diik naiik midoop sampae konooh.⁵⁹Sidiik to sanoo Yesus wah Kapernaum liboo Dop,ngajoor wah romiingk Ponompa.⁶⁰Jeh mosiik ngopiinkg jantooh nyen obengk muriid Yesus diik nyonaa:" Ponyonaa to koraas,oseeh diik sangiip ngopiingk,e?"⁶¹Yesus diik ntaook otii owaang ballo,e nyonaa nganu ballo,e:" Odooh haeek bobaa to diik nguncaankg iman mo?⁶²Kameeh wook,maak moo ngronongk Onak Monsia simaak nganu aroongk Dop,e liboo wah pomonaae? ⁶³Minuu nyen diik munyook midoop,iseeh nyen sajoo kidoh guna,e Ponyonaa dik niih Koo nyona nyen Minuu ngan pomidoop.⁶⁴Tetapi odooh nyaa siik mo kae pocayook." Sebab Yesus jeh taook siik tojiih,oseh kae cayook ngan oseeh diik munyook Dop,e.⁶⁵Lalu Dop,e nyonaa:" Sbab nyen Koo nyona nganu moo:Kidooh ntoyaant pun moniik koni Koo,maak kaae Mangk,e munyook toruunt nganu,e.⁶⁶Mulae siik nyen obeengk ballo murid Yesus nogaak ropoot joraant ngajooh Dop,e.⁶⁷Maka Yesus nyona nganu murid,e:" Ngoneeh moo kidooh owaangk ngajooh?"⁶⁸Simon Petrus nyamoot:"Ponompa,koni oseeh mee ngajooh?Ponyonaa mo nyen nyen bobaa ngkidoop diik otaai.⁶⁹mee pun jeh taook ngan cayook bahwa Moo diik Suci siik Ponompa.⁷⁰Yesus nyamoot ballo,e:" Kaee kah Koo soniriik mileeh mo diik dukah bolas to? tapi odoh tek naan opiik mo jodi Muunt,"⁷¹Dik sanoo,e nyen Yudas,onak Simon Iskariot;sbab domp nyen diik nyerah Yesus,domp nyen nya siik diik dukah bolas nyen.

Chapter 7

¹Mosiik nyen Yesus bojalaant kolilinkg Galilea,sbab Dop,e kae lugii monae wah Yudea,niih wah nyen nyaa banso Yahudi maa owangk ngkomiis,e.²Libo nyen jeeh roo nyomaak onuu raya Dangao Dauun.³Maka sanoo ballo posiik Yesus nganu,e:"Borangkat maeh siik to nganu Yudea,sopaya ballo murid moo ngratiie pongodii niih Moo ngkodie.⁴Sbab kidoh ntoyaant dik bobuat oneh pun wah aroongk bosukaant,maak Dop,e oduk nyaak wah jowii nya.Maak Moo ngkodie toruunt nyen nampoor nganu nyaa koni dunia."⁵Sbab ballo posiik pun kidoh diik cayook nganuu,e.⁶Maka Yesus nyamoot dieent,e:"Onuu Koo goont moniik,tetapi nyak mo odooh solaraat.⁷Dunia kidoh ngrareeh moo,tapu domp ngrareh Koo,sbab Koo bosonaa hal nyaa,niih pongodi diik kobieek.⁸Nganu maeh nya pongaa nyen.Koo goont konii,e,niih onuu Koo goont ngaree,e.⁹Wook nyen lah toruunt niih nyonaa koni nyaa,sameel Dop,e monaae wah Galilea.¹⁰Ngoneeh kah mosiik ballo posiik Yesus borangkat koni pongaa nyen,Dop,e pun ngajooh nganuu,e sameel motiinkg kidooh nya ntaook.¹¹Ballo ntoyaant Yahudi mogaao Dop,e sanoo,e:"Dop,e waa keeh?"¹²Niih nyen obeengk ngopiingk bobba nya toruunt ntoyaant obeengk nyonaa Dop,e,odooh dik nyonaa:" Dop,e nya baek." odoh geh diik nyonaa:"kidooh,Dop,e nyosaat rayoot."¹³Tapi kidoh ntoyaant diik gompaangk nyonaa,niih golaak nya ngkaant ntoyaant Yahudi.¹⁴Libo pongaa tungkaah bolabooh,Yesus masook nganu Romiingk Ponompa lansongk ngajoor wah nii,e.¹⁵Ballo nya Yahudi nyarooh ngratie:" Kameh wook ntoyant to odooh ponaau wook nyen kidooh bolajoor!"¹⁶Yesus nyamoot ballo,e:" Ajoorr Koo kae moniik siik Koo maeeh,tapu siik Dop,e diik nijuuk Koo.¹⁷Oseh nya diik loongk ngkodiie owaangk,e,domp kaan ntaook siik keeh ajoor Koo moniik siik Ponompa,entah Koo nyonaa todoop.¹⁸Oseeh nya diik bosonaa-sonaa nodoop,domp mogaao pongratiie nyaak nodoop,oseeh nya diik mogaao pongratie bagi nya diik Nijuuk,domp bonaar gook kidooh kobonaaran nganu,e.¹⁹Kae kah Musa diik jeh munyook hukum Taurat kini mo? Namun kidooh nya diik ngkodii,e hukum Taurat nyen.Ngoneeh mo look borusaha ngkomiis Koo.²⁰Ntoyaant obeengk nyamoot:"Moo jodii muunt kah,oseh nya diik usaha ngkomiis Moo?"²¹Yesus nyamoot ballo,e:"Sajjo kiteek pongodii,e niih Koo ngkodiie,sidiik moo jeeh nyarooh.²²Jodi: Musa nyona ngasoo mo bosunant - Sobinar,e sunant nyen kae moniik siik Musa,tapi siik nek ucook uyoot dop- niih too mo nyunaant nya libo onu Pantoongk!²³Maak nya ngrimaa sunant onu Pantoongk,sopaya kae oduuk ngoteek hukum Musa,ngoneeh mo ndoruuh koni Koo,niih Koo nompaal sokayuuk wooongk nya Monsia libo onu Pantongk.²⁴Yook ngaboont nya monuruut oneh dik tileek,tapi nuruus ngan adeel."²⁵Odooh nya Yerusalem nyonaa:"Kaae kooh Dop,e to diik kabiis dieent?²⁶Nongratiie maeeh,Dop,e bojantooh wook nyen gook dieent kidooh nyonaa oneeh nganu,e, Mungkin kah Pomimpin dop bonar-bonar jeh taook,bahwa Dop,e to Kristus?²⁷Tapi nya to taook dop ngkaant siik keeh asol,e,tapi kameh Kristus moniik,kidooh ntoyaant ntaook,e.²⁸Liboo Yesus ngajoor wah Romiingk Ponompa nyonaa,e:"Memang Koo kinal mo gook taook moo siik keeh pongkoniik Koo,Koo moniik kae owaangk todoop tapi niih Dop,e nijuuk nya diik bonaar diik kae konal mo.²⁹Koo nginaal Dop,e,niih pongkoniik Koo siik Dop,e diik nijuuk Koo,"³⁰Ballo nya usaha roo nokoop Dop,e,tapi kidoh pun nya taook nyomaak Dop,e niih goont moniik onuu,e.³¹Tapi siik antara obengk nya nyen,obengk diik cayook nyonaa koni,e:"Maak Kristus moniik,taah loongk kaae ngkodie mujizat diik niih wook kadiie Dop,e to?³²Ballo nya Farisi ngopiingk nyaa obeekng bopiseek hal Dop,e nyen,gook ballo Imam-imam kopalok ngan nyaa Farisi ngasoo ballo ponyaggo Romingk Ponompa nokoop Dop,e.³³Maka Yesus nyonaa dient,e:" Montook ciik onuu,e Koo odooh gook moo jeh mosiik nyen Koo obu ngajooh Domp,e diik nijuuk Koo.³⁴Moo pasti moggao Koo,tapi kidooh nopat,niih moo kae taook moniik nganu Koo wah keeh pomonaae Koo."³⁵Ballo nya Yahudi nyen nyonaa,dik teek koni diik kiint:"Kokeeh haeek Dop,e obuu,sohinga dop kidoh bodopat ngan,e?odoh kooh kiraa,e nyaak roo obuu koni ngrantaao,nganu nya Yunani,nyaak roo ngajoor ntoyaant Yunani.³⁶Oneh maksud boba niih Dop,e nyobuut to:"Moo pasti moggao Koo,tapi kidoh dopat moo nopat Koo,Moo kae moniik koni aroongk somonaae Koo monaae?³⁷Jeh libo onuu pongkosiik,onu tojook pongaa nyen,Yesus tokiit ngomoong:"Oseeh diik haus,baeek moniik nganuu Koo sameel nyinoop!³⁸Oseh diik cayook koni Koo wook diik sobut nya Kitab Suci siik saiih owangk otii,e odooh ngaleer piingk pomidoop.³⁹Diik niih maksud nyen tiih Minuu diik niih ngrimaa koni nya diik cayook; sbab Minuu nyen goont moniik,niih Yesus goont oduuk sobuut.⁴⁰Odoh siik nya obeengk nyen,diik ngopiingk bobaa,e nyen nyoonaa:"Dop,e to sajoo siik nabi diik roo moniik."⁴¹Diik kiint nyonaae:" Dop,e to Mesias."tapi dik kiint nyona,kaae, Mesias kidooh moniik siik Galilea.⁴²Niih Kitab Suci nyobut,bahwa Mesias borasool siik koturuunt Daud gook siik ompiik Betlehem aroongk pomonae Daud saeek,e.⁴³Maka niih nyen timool hal bieek waah antara ntiyaant niih Dop,e.⁴⁴Odooh geeh siik nya nyen roo nokoop Yesus,tapu diik boranii nyomaaak.⁴⁵Maka ballo ponyaggo ngan kopalook imam-imam Farisi,diik nyonaa koni ballo,e:" Ngoneeh kaae dibeet mo Dop,e?"⁴⁶Samoot ponyaggo nyen nganu ballo,e:"⁴⁷Samot ballo nya Farisi nyen koni dieent,e:"Odooh geeh kah mo oduut nyosaat?⁴⁸Odohkah nya siik dieent nyen pomompiin-pomimpiin diik cayook nganu,e,atau teekunaan nya Farisi nyen?⁴⁹Tetapi ballo nya to diik kae nginal hukum Taurat,tokutuuk lah dieent,!"⁵⁰Nikodemus,teekunaan siik dieent ramiis,eodooh ngajeeh nganu,e nyonaa koni ballo,e:⁵¹"Oneh kah hukum Taurat dop ngukuump ntoyaant,libo goont niih ngopiinkg gook sebelum ntaook pongodiie niih ngkodie?"⁵²Samoot ballo,e:" Oneh kah mo to nya Galilea? Selidik maeh Kitab Suci ngan Mo pasti ntaook bahwa kidooh nabi diik roo moniik siik Galilea."⁵³Mosiik nyen ballo,e morii,ko romiingk masing-masing.

Chapter 8

¹Tetapi Yesus obu nganu dampooh Zaitun.²Majii sunsongk Dop,e jeh odooh geek waah Romiingk Ponompa ngan soluruh nya moniik nganu,e.Dop,e dudook sameel ngajooor dieent.³Maka nyen gook ballo wali Taurat ngan nya Farisi meet nya ndayoongk nganu,e diik todopat bobuat zinah.⁴Ballo,e ngongkaah ndayoongk nyen wah tudaa nya lalu miseek Yesus:"Rabbi, ndayoongk to todokoop tungkaah domp bokodiie. ⁵Musa wah hukum Taurat ngrintaah mee ngasoo nompooh ndayoongk diik wook too,Oneh pondapat Mo ngan hal to?" ⁶Ballo,e nyona too nyaak roo nguji cuba Dop,e,sopaya taook dopat ponyalaah Domp,e.Yesus mintook lalu nulis kopoyaa nginyaak buah tongaan,e.⁷Liboo nyen ballo,e kidoh rontii miseek Dop,e,lalu mongkaat tokiit nyonaa koni dieent:" Maak oseeh siik antara mo kae bodosa,nyen tiaant nompooh koni ndayoongk nyen." ⁸Mosiik nyen Yesus mintook nulis geek wah poyaa.⁹Jeh mosiik ngopiingk bobaa nyen,obuu dient ruutek naan,mulae siik nya muntuuh,akher Yesus todoop ngan ndayoongk nyen. ¹⁰10Lalu Yesus tokiit mongkat samel nyonaa koni,e:" nya dayoongk,kokeeh ballo,e tiih?kidooh kah diik nikaamp mo?" ¹¹Samoot,e; Kidoh Tuhan,"sano Yesus:"Koo pun kae ngukuump moo,jeeh morii maeh,yook geek mongki dosa jaak siik ntooh."¹²Yesus pun bosonaa geeh koni nya obeenkg:"Koo tampook dunia; Oseh nya ngajooh Koo domp kae oduuk bojaloont pitii,molainkan dopat midoop tampook."¹³Sanoo ballo nya Farisi:"Moo bosonaa hal pongodi Moo,ponyonaa mo kae bonaar."¹⁴Yesus nyamoot dieent,e:"Biaarpun Koo nyonaa pongodi Koo maeeh,ku too bonar,sbab Koo taook,siik keeh pongkoniik Koo,kokeeh Koo obu.Tapi mo kidoh ntaook,siik keeh Koo moniik ngan kokeh Koo obuu.¹⁵Mo nyileeh nyak owaangk monsia,Koo kidooh nyalaah oseh pun nya.¹⁶Maak Koo nyalaah,maka ponyalah Koo omaant,niih Koo kae nodoop,tapi Koo bosamoh gook nya diik nijuuk Koo.¹⁷Oduuk,waah kitab Taurat mo odooh nulis,bahwa ponyonaa nya dukaah naan sajoo sah;¹⁸Koo nyonaa hal Koo soniriik,ngan gook Mangk,e,diik ngasoo Koo bosonaa hal pongodiie Koo.¹⁹Niih nyen ballo,e nyonaa:"Waah keeh haeek Mangk Koo?" Samot Yesus:" Baek Koo,ngan Mangk-Koo kae kinal mo.sokiraae mo kinal Koo,mo nginaal Mangk Koo geeh."²⁰Boba-jantooh nyen sanoo Yesus nyomaak bendahara,liboo Dop,e ngajoor wah Romiingk Ponompa.Kidoh diik gompaangk nokoop Dop,e,niih onu,e goont moniik.²¹Maka Yesus pun nyonaa koni nya obengk:"Koo roo obuu gook moo too mogaao Koo tapi mo kobiis niih dosa mo.Koni aroongk Koo,kae mungkin taook mo moniik."²²Sanoo nya ballo Yahudi nyen:"Atau Dop,e roo komeek Domp,e,gook niih nyen sanoo nya: Koni aroongk Koo obuu,kae patut mo moniik?"²³Dop,e pun nyonaa koni ballo,e:"Moo borasal siik sigaant,Koo siik somuu;mo siik donia to,Koo kae siik too.²⁴Niih nyen tiih Koo nyonaa moo,bahwa moo pasti kobeek niih dosamo;sbab maak mo kae cayook,bahwa Koo to haeek,mo pasti kobek niih dosamo."²⁵Niih nyen sanoo dieent konii,e;"Oseeh bah Moo?"Samoot Yesus:"Oneeh geek guna,e Koo bojantooh ngan mo?²⁶Obengk toruunt nyak Koo sanoo gook nyaak sonalah hal mo,tapi Domp,e diik ngasoo Koo,nyen bonaar,gook oneh diik kapiingk Koo siik nii,e nyen diik sannoo nganu dunia,"²⁷7Ballo,e ka ngritii,e,bahwa Dop,e bojantoh koni,e hal nya Muntuuh.²⁸Yesus pun nyonaa:"Apabila mo nyomuu Onak Monsia,baruu mo ntaook,bahwa ku nyeen Koo,bahwa Koo kidooh oneh-oneh siik Koo wook diik sanoo nya Muntuh koni Koo.²⁹Gook Domp diik jeh ngasoo Koo,kidoh mbiaar Koo todoop,niih sonantiasa bobuat oneh diik koowaangk,e.³⁰Jeh mosiik Yesus nyonaa nyen,baruu nyak ntoyaant obeengk pocayook nganu,e."³¹Nyen sanoo,e koni ballo nya Yahudi diik pocayook nganu,e:"Maak moo magoont ngajooh kusanoo,Koo,mo sajoo omaant murid Ko.³²gook niih nyen nyak mo taook kobonaarr nyen diik nyonaangk mo?"³³Ballo,e nyamoot,:" Mee to koturuunt Abraham gook kae suaah mee jodi ngajooh oseeh pun.Kameeh Moo taook nyonaa: Moo roo mordeka?"³⁴Yesus nyonaa dieent,e:"Too Koo nyonaa koni moo,sotiap ntoyaant diik mongki dosa domp nyen uluunt dosa.³⁵Gook nya kae suaah magoont monaae wah romiingk,tetapi onaak magoont monae wah saiih romiingk.³⁶Jodi maak onak nyen ngasoo mo nyaman,moo pun bonar sajoo merdeka?"³⁷Taook Koo nkaant moo koturuunt Abraham,tapi dieent roo bousaha ngkomiis Koo niih ponyonaa Koo kidooh aroongk nyak moo ngonaa,e.³⁸Oneeh diik ranoongk Koo koni Mangk,nyen lah diik sanoo Koo,wook nyen geek mo ngkodie,oneh hal diik kapiingk mo siik nya Muntuh.³⁹Ballo,e nyamoot,e:"Maangk mee sajo Abraham."Yesus nyonaa dieent:"Wook nyen sokiraae mo onak Abraham,tontu lah mo ngrijaa pongodii diik niih Abraham nyonaa.⁴⁰Oneeh diik kadii,e moo,nyen roo borusaha ngkomiis Koo,Koo todoop nyonaa kobonaar nganu moo,kobonaar siik Ponompa;pongodi nyen Abraham kae ngkodie.⁴¹Moo ngrija korija Mangk mo todoop ."Ballo,e nyamot:"Mee kae ngkodoh ompaangk,Mangk me teek,nyen tiih Ponompa."⁴²Yesus nyona nganu ballo,e:"Maak Ponompa nyen Mangk moo,dieent ngaseeh Koo,sbab Koo moniik somopa siik Ponompa,niih nyen Koo pun moniik kae owaangk Koo todoop,tapi Dop,e diik nijuuk Koo.⁴³Oneh sobab dieent kae ngritii boba Koo? Sbab moo kae taook nokoop ponyonaa Koo.⁴⁴Sitaant nyen diik jodii Mangk dieent gook niih owangk ngkodie owangk mangk mo.Domp,e nyen pongkomis monsia jaak siik saeek kae midoop nyaak kobonaar.Pabila boba,e culas,domp bosonaa owaangk domp maeeh,niih jaak siik nya muntuuh nyonaa ponculas.⁴⁵Ngoneeh Koo nyona kobonaar,e nganu moo,dieent kaae pocayook nganu Koo.⁴⁶Oseh siik diient taook mbukti Koo mongki dosa? pabila Koo nyonaa kobonaar nganu moo,ngoneeh moo kae cayook koni Koo?⁴⁷Oseeh nya diik borasool siik Ponompa,domp ngopiingk boba Ponompa,niih nyen moo kae ngopiingk,e niih moo kae moniik siik Ponompa."⁴⁸Ballo nyaa Yahudi nyamoot Yesus:" Kaae kaah omaant moo maak sanoo mee sajoo Moo too nya Samaria diik kerasukan muunt?⁴⁹Yesus nyamoot:"Koo kae kerasukan muunt,tapi Koo botabeek nganu nya Muntuuh Koo tapi moo kae nabeek Koo.⁵⁰Tapi Koo ntooh kae mogao tabeek mo;odoh tek naan nya mogaao,e Dop,e geeh diik mbelaa.⁵¹Too sanoo Koo nganu mo: Sobonaar,e oseeh diik nyunoot bobaa Koo,domp,e kae akan kobiis jangkook sumuur midoop.⁵²Sanoo ballo nya Yahudi koni,e:"Ntooh jeeh taook mee,bahwa mo kerasukan muunt,Sbab Abraham jeh kobiis,e wook nyen gook ballo nabi,tapi Moo nyonaa:Oseeh ngajooh bobaa Koo,domp kae kobiis sampai konooh.⁵³Odooh kooh lobeh daiik Moo siik Abraham,diik jeeh kobiis,e,Nabi-nabi pun kobius,ngaant oseeh Moo nyamooh bakoo Moo?⁵⁴Yesus nyaoomt,e:"Maak Koo ngkodii,e toruunt todoop,maka pongodii,e Koo, nyen ciik kidooh faedah,e,Mangk Koonyen diik mijiih Koo,haal oseeh niih nyonaa,Dop,e nyen Ponompa Dop,⁵⁵Padahal Moo kae nginaal Domp,e,tapi Koo nginal Dop,e,maak Koo nyonaa,e:" Koo kidooh kinal nganu,e,maka Koo nculas,samooh wook moo,⁵⁶Nya Muntuh moo Abraham baeek owaangk,e,domp ngratie nganu onuu Koo,⁵⁷Niih nyen nya Yahudi nyonaa nganu,e:" Umuur Mo goont moniik rimiih puruu sowaa,gook niih nyen Moo jeeh ngronoogk Abraham.⁵⁸Yesus nyonaa koni baloo,e:" Koo nyonaa koni moo,Sobonaar,e liboo goont Abraham jodi,Koo jeeh odooh,"⁵⁹Ballo,e pun miaah botuuh nikaamp Dop,e; tapi Yesus taook moyaamp sameel ntiggal romiingk Ponompa.

Chapter 9

¹Libo onuu Yesus tungkah lalu,odooh ngratie teeknaan nya bokaap jaak siik odooh.²Ballo murid,e miseek Yesus sanoo,e:"Rabbi,oseh bah diik mongkii dosa,nya nyen todoop kah atao nya muntuuh,e? sohinga domp odooh bokaap?³Yesus nyamoot,e:" Kae domp,nya muntuuh pun kae,tapi niih pongodiie korijaa ponompa lah diik nya taook waah domp,e.⁴Doop arus ngkodiie pongodie korija Domp diik nijuuk Koo,liboo onuu geek nudaa,ngoriimp roo moniik, wah keeh ntoyaant kae taaok korija.⁵Solamaa Koo wah saiih dunia,Koo lah diik nampook duniaa.⁶Jeeh mosiik nyonaa sidiik nyen, Doop ngrucooh poyaa,sameel ngulaae royaangk,e koni poyaa,mosiik nyen Doop,e modaak poyaa nganu nya diik bokaap jiis,e.⁷sameel Doop,e nyonaa:" Morii geek,tumeek ngane bakko moo wah kolaapm Siloam."Siloam ritii,e: Diik niih nijuuk,nya nyen pun nganu,e,nyaak ngumeek bakoo,e mosiik nyeen baleek nginaamp motiih jeeh tobukaak.⁸Tetapi ballo,nyaa bubeeh,ngan nyaa,diik ramiis,e nginaal,e jodii pengemis,sanno,e:" Kaae kah domp ramii,s,e diik bujoor ngemiis?"⁹Odooh diik nyonaa,e:"Omaant,domp nyen,odooh geeh diik nyonaa,e,:"Kaae,tapi odooh diik soruupa wook domp,e."nya nyen nyonaa,e:" Maant nyen koo,"¹⁰Sanoo ballo,e koni,e:" Kameeh motiih moo taook baeek,?"¹¹Samoot,e:"Nya diik sanoo,nya Yesus ngulaae poyaa,modaak koni motiih koo sameel nyonaa,tumeek nganu kolapm Siloam ngusuut bakoo mo.Domp pun obuu,koo ngumeek bakoo koo,nyaak ncilaar.¹²Dieent miseek domp,e:" Waah keeh nya nyeb?"Samoot,e:" Koo kidooh ntaook."¹³Mosiik nyen ballo,e ngoraah nya diik bokaap jiis nganuu ballo nya Farisi¹⁴Niih ngoneeh liboo onuu Yesus ngulaae poya modaak motiih ntoyaant bokaap nyen libo onuu Pantoonkg,¹⁵Niih nyen nya Farisi pun miseek domp,e,kameeh motiih mo taook ncilaar,Samoot,e:"Doop,e ngulaae modaak poyaa koni motiih koo,mosiik nyen tumeek koo,lalu taook ncilaar."¹⁶Sannoo nya Farisi sobagi,"Ntoyaant to kae moniik siik Ponompa,sbab Doop,e kidooh nginaal onuu Pantoongk."sobagi nyonaa,e:"Kameeh wook mujizat nyen tiih?" Nyen komaant dieent botontaangk owaangk.¹⁷Mosiik nyen ballo,e pun nyonaa nya bokaap jiis,e:"Wook moo,oneeh diik taook moo nyonaa,e,niih Doop,e diik ngasoo mo ncilaarr,?" Samoot,e;" Doop,e nyen ntoyaant Nabi."¹⁸Tapi ballo nya Yahudi kae cayook,e,bahwa domp jiis bokaap,taook ncilaarr sampae nyaa muntuuh moniik.¹⁹nyaak bopiseek nganu dieent:"Onaak mo kah to,diik sanoo moo odooh bokaap?Maak wook nyeen kameeh domp taook ncilaar,e?"²⁰Nya muntuh nyen nyamoot:"Diik taook mee,bahwa domp too bokaap onaak mee,siik bokaap tojiih odooh.²¹tapi kameeh ntooh taook ncilaarr,kataook mee nkaant,e,oseeh diik modaak ngasoo ncilaar,piseek nganu domp todoop,jeh bujaangk taook nyonaa toruunt.²²Nya muntuuh ngomoong wook nyen niih toruuna gollaak ngan nya Yahudi,sbab ballo,e jeh bopokaat,oseeh diik ngangkuu,e wook Mesias, pasti kasoor nya.²³Nyen sbab,e nya muntuuh nyen nyona domp jeh bujaangk,e,piseek todoop nganuu,e."²⁴Ballo,e pun miseek sokali geek nya diik bokaap nyen tiih sanno,e:"Sannoo ngan,e kobonaar wah jowii Ponompa: Taook mee ngkaant nya nyen ntoyaant diik bodosa."²⁵Samoot,e:"Oneeh kah nya nyen nya bodosa,kidooh koo ntaook,teek hal diik taook koo,jiis koo bokaap,ntooh taook ncilaarr."²⁶Sanoo ballo,e koni,e:"Oneeh diik niih Dop,e ngkodiie nganu moo?Kameeh nyaam,e Domp,e ngkurii motiih mo?"²⁷Samoot,e:" Jeeh niih koo nyonaa nganu moo jiis,e moo kae ngopiingk,ngoneeh moo roo ngopiingk geek? Laak owangk moo roo jodi murid,e geeh?"²⁸Samel ngotee,ballo,e nyonaa konii,e:" Moo murid nya nyen,tapi ballo mee murid Musa.²⁹Mee jeh ntaook bahwa Ponompa jeeh nyonaa bobaa koni Musa,tapi hal pongodii Doop,e mee kidooh ntaook pongkoniik,e."³⁰Nya nyen nyamoot ballo,e:" Aneeh geeh moo kataaok pongkoniik siik keeh,bauuh jiis,e Doop,e ngasoo motiih koo ncilaarr.³¹Dop taook, bahwa Ponompa kidooh ngopiingk ntoyaant diik bodosa,molaingkan nya diik aleem gook diik ngkodii,e koowaangk Doop,e.³²Jaak siik ramiis sampae ntooh,e kidooh ngopiingk,e,odooh ntoyaant diik taook modaak ngkurii motiih ntoyaant bokaap siik odooh.³³Maak nya nyen kaae moniik siik Ponompa,Domp kataook bobuat oneeh.³⁴Samoot ballo,e:" Moo too niih ngkodooh sajoo jaak siik bodosa,taoo moo roo ngajoor mee?" ballo,e ngosaar domp somopaa.³⁵Yesus ngopiingk bahwa dimp niih ngosaar somoopaa,Mosiik nyen Yesus bodopat ngan domp,e sanoo,e:"Pocayook moo kah nganu Onaak Monsia?"³⁶Samoot,e:" Oseeh Doop,e nyen Ponompa? sopayo koo taook cayook nganu,e."³⁷Yesus nyonaa koni,e:"Moo kae sajoo ngratiie Doop,e:tapi Doop,e diik bojantoh gook mo,nyen haeek!"³⁸Domp nyona:"Koo pocayook,Tuhan!" lalu nyomaah Doop,e.³⁹Sanno Yesus:" Koo moniik koni waah duniaa nyak mbella nya,oseeh nya diik ngratiie,taook ngronoongk,gook niih nyen oseeh diik ncilaar jodii bokaap."⁴⁰Bobba jantooh nyenn odooh nya Farisii ngopiingk,e diik nyomaak nyyen sanno,e:"Oneeh kah toruunt nyen mee jodii bokaap geeh?"⁴¹Samoot Yesus:"Sokiraa,e moo bokaap,moo kae bodosa,tapi niih mo nyonaa: Mee ncilaar,niih nyen magoont dosamo."

Chapter 10

¹Ponyonaa Koo koni mo:"Sobonaar,e oseeh nya diik masook koni ponaggo domba kaae siik koree,malaah siimaak pigga,domp nyen nya ponongkuu gook porampok;²tetapi oseeh masook siik maa koree,domp,e nyen mpoo domba.³Nyaak domp diik nunguuk mukaak koree,ballo domba odooh ngopiingk,e bobba,e nosuu ballo domba,e moburuut odaant sameel somoopa.⁴Jeeh mosiik donba niih ngoraah somoopa,domp bojaloont wah jowii ngiriingk ballo domba nyen nyunoot,niih ngopiingk bobba,e.⁵Ngoneeh maak nya luaar pasti kae nyunoot,malaah ballo,e obuu siik niie,niih bobaa nya nyarooh kae kinaal ballo,e.⁶Nyen toruunt diik sanoo Yesus nyak bangoont koni ballo,e,tapi malah ballo,e kae ngritii oneeh diik sanno,e nganu dieent,e.⁷Sanno Yesus sokali geek nganuu,e:"Koo nyonna koni moo,Sobonaar,e Koo too korre ballo domba domba nyen.⁸Sidiik ntoyaant diik moniik,mosiik Koo,diik poncuri ngan porampok,gook niih nyen ballo domba kae ngopiingk ballo,e.⁹Koo too korre;Oseeh nya masook siik Koo,domp solamaat gook niih nyen masook somoopa domp dopat poyaa lapaankg.¹⁰Poncuri moniik somuuk moniik ngkomis,ngrampook;Koo moniik,sopaya nya taook midoop,odooh nopaat toruunt diik odooh.¹¹Koo to gembala baeek.Gembala baeek munyook pongasoongk,e nyak ballo,domba,e.¹²Sedangkan maak kulii nya,atau kae diik mpoo,e,liboo domp moniik,ntiggal domba,e sameel obuu,sohinga serigala nyen nangkoop moncaae ballo,domba-domba nyen.¹³Domp obuu niih bokulii,samel ngratiie ballo domba.¹⁴Koo to,e gembala diik baek,Koo nginaal domba Koo,gook domba koo nginal Koo.¹⁵Samooh wook Ponompa ngonaal Koo,gook Koo pun nginal Ponompa,Koo pun munyook pongasoongk nyak domba Koo.¹⁶Odooh geeh domba diik kiint gook Koo,lain siik ponaggo diik too; ballo domba nyen Koo arus ngiriingk,e gook dieent pun taook nginal boba Koo,jodii dieent boruggok ngan domba diik kiint.¹⁷Nya muntuh Ponompa ngaseeh Koo,niih nyen Koo munyook pongkidoop Koo nyak ngrimaa moniik.¹⁸Kidooh oseh pun nya diik taook miaah,e,siik Koo,tapi Koo munyook nuruut owaangk Koo nodoop,Koo bokuasa miaah gook munyook geek,Too lah pongodii,e niih Mangk,Koo munyook.¹⁹Niih nyen odooh owaangk diik botontangk wah aroongk nya Yahudi ngopingk bobaa nyen.Obeengk siik ballo,e nyonaa,e:²⁰"Doop,e kerasukan muunt gook gila:Ngoneeh moo ngopiingk Doop,e?"²¹Diik kiint nyonaa,e:"Nyen kaae bobba nya diik kerasukan muunt; taook kah muunt ngasoo motiih bokaap ncilaarr?"²²Kaae taai onuu,e moniik koni onuu raya Pentahbisan Romiingk Ponompa waah Yerusalem liboo sowaa colaap.²³Yesus pun bojaloont jalont wah saiih gorija Ponompa ,wah tunuuh pomonaae Salomo.²⁴Niih nyen ballo nya Yahudi nopoot Doop,e samel nyonaa:"Kuduu sowaa geek Moo ngaso mee midoop waah bimaangk too? Maak Moo Mesias sanoo nganu mee ntooh."²⁵Yesus nyamoot ballo,e:" Jehh niih Koo nyonaa,e koni moo,tapi dieent kae cayook,pongodii,e korija niih Koo ngkodiie ngan nya Muntuh Koo,nyen lah diik munyook nyonaa hal pongodii Koo.²⁶Tapi diient kae cayook,niih oneeh dieent kaae ballo domba domba Koo.²⁷Ballo domba Koo nginaal Koo,ngopiingk bobaa Koo,dieent pun kinal Koo,sameel ngajooh Koo.²⁸Gook niih nyen Koo pun munyook pongkidoop diik otaai koni ballo,e gook niih nyen ballo,e midoop solamaa,e kidooh oseeh pun nya ngrobuut siik tongaan Koo.²⁹Nya Muntuuh Koo,munyook ballo,e nganu Koo.lobeh daiik siik oseh pun nyaa,e,kidooh diik taook nya miaah siik tongan nya Muntuuh Koo,³⁰ Koo ngant Mangk Koo nyatuu,"³¹Sokali nyen geek ballo Yahudi nompooh Doop,e nyaak botuuh.³²Yesus nyonaa koni ballo,e:"Obeengk pongodii,e korijaa diik moniik baeek siik Mangk Koo diik ngasoo dieent ngaratie,jodi hal diik keeh ngasoo dieent owaangk nikaamp botuuh koni Koo.³³Nya Yahudi nyamoot:" Kaae niih teek kobooba Moo nyen,ngasoo me nikaapm botuh,niih sajoo Moo nyen geeh ngidooh Ponompa,gook niih Moo,sokalipun somuuk Onak Monsia nyamooh ngan Ponompa."³⁴Sanoo Yesus koni ballo,e:"Kidooh kah totulis wah kitab Taurat moo;Koo jeh bosonaa,Moo nyen Ponompa? ³⁵Maak ballo,e,koni oseh bobaa nyen nih nyonaa,sanoo nya Ponompa-sedangkan Kitab Suci kataook nubaah.³⁶Geek manseeh moo nyonaa Doop,e diik baeek,niih Mangk,e gook dik niih nijuuk koni dunia:Moo ngidooh Ponompa!Koo nyonaa moo,Koo lah Onak Ponompa?³⁷Maak Koo kae ngkodie pongodie nya Muntuh Koo,yook aroop pocayook nganu Koo,³⁸tetapi maak jeh Koo ngkodie,dieent kae cayook koni Koo,pocayook maeeh pongodiie korija nyen,sopaya mo taook gook ngritii,bahwa nya Muntuh odoh wah Koo,ngan Koo wah nya Muntuh.³⁹Sokali nyen ballo,e roo nokoop Doop,e,tapi Dop,e kae oduuk tongan nya.⁴⁰Mosiik nyen Yesus koni dipaah sungii Yordan,nganu aroongk Yohanes naneek nya ramiis,e,Doop,e monaae wah niie.⁴¹Gook ballo ntoyaant obeengk moniik nganu,e sanoo,e:"Yohanes kidooh mongki tanoo oneeh pun,tapi sidiik toruunt diik suaah Yohanes nyonaa,e hal nya too sajoo omaant,e,"⁴²Obeengk nya wah nyen cayook nganu Doop,e.

Chapter 11

¹Odooh ntoyaant diik monaamp,Lazarus nya,e.Domp monaae wah Betania,ompuuk Maria gook Marta odek,e.² Maria nyen nya diik suah modaak minyaak kojaa Ponompa nginyaak minyak mur samel niih ngkusook nyaak buruuh baaak.³Lazarus diik monaamp nyen sajoo posiik,e.Dukaah naan ndayoongk nyen nyonaa agooh koni Yesus:"Tuhan, domp diik nih Moo ngaseh, monaamp."⁴Libo Yesus ngopiingk agooh nyen Dop,e nyonaa:" Ponyakit nyen goont ngkoniik nyak kobiis,tapi kan nyonaa kobujoor Ponompa,sbab niih konaamp nyen Onak Ponompa niih nyobuut.⁵Yesus sajjo maa ngaseeh Marta gook muuk,e ngan Lazarus.⁶Niih Dop,e ngopiingk bahwa Lazarus monaamp,Dop,e montook dukaah onuu waah aroongk,wah keeh Dop,e ponaae.⁷Mosiik nyen Dop,e nyonaa ballo murid,e:"Booh doop morii geek koni Yudea,"⁸Ballo murid nyen nyonaa:"Rabbi,bauuh bauh ntooh ballo ntoyaant Yahudi bousaha nikaamp Moo,maseh geek loongk Moo nganuume?"⁹Samoot Yesus:"Kaae kah odooh dukah bolas jam kah onu,? oseh diik bojallon liboo tudaa onuu,kojaa,e kae nyongkaak,niih domp ngronoong dunia nyowaa."¹⁰Tetapi maak nya bojallont onu ngoriimp,kojaa,e nyongkaak,niih wah domp pitii kidooh tileek."¹¹Wook nyen ponyonaa,e,mosiik nyen Doop,e nyonaa ballo,e;"Lazarus,juruu dop,jeh biis,tapi Koo arus nganuu,e ngoraak domp siik pomiis,e."¹²Niih nyen ballo,nyonaa koni,e:" Tuhan,domp maak biis,domp pasti baeek,¹³Tetapi diik sanno Yesus domp biis nyen maak nongritii,nya diik kobiis,ballo,e nyangka biis nyen ritii biasa.¹⁴Niih nyen Yesus nyona dik gooh:"Lazarus jeh kobiis;¹⁵tetapi baeek Koo kae moniik liboo nyen,sbab wook nyen lobeeh baeek nyak moo,sopaya mo taook dopat pocayook,booh yaah nganuu,e ntooh."¹⁶Lalu Tomas diik sanoo,nya Didimus nyonaa,e nganu,e: koni ballo murid kiint,:"Booh doop sidiik kobiis ngajooh domp,e samooh boroota,"¹⁷Jeh pongkoniik Yesus,niih ndopat Lazarus jeeh empat onu monaae saiih kubuur.¹⁸Betania bosomaak ngan Yerusalem sokitaar dukah mil kojaau,e.¹⁹Wah nyen jeh obeengk ballo nya Yahudi moniik nganu Marta gook Maria ngibuur owaangk dieent niih juruu,e jeh kobiis,e.²⁰Libo Marta odooh ngopiingk Yesus moniik,domp nganu,e,tapi Maria monae wah romiingk.²¹Kaant Marta nyona koni Yesus:"Tuhaan, sokiraa,e Moo odooh wah too,posiik koo nyen kae kobiis.²²Tapi ntohh nyak koo taook,bahwa Ponompa odooh munyook Moo,sidiik toruunt diik niih Moo minta nganuu,e.²³Sanoo Yesus koni Marta:" Posiik moo nyen pasti mongkaat."²⁴Marta nyamoot Doop,e:" Taook koo domp mongkat sorota gook ballo nya jeeh pajii konooh."²⁵Samoot Yesus:" Koo too nya mongkaat ngan diik midoop; oseh nya diik cayook nganu Koo,domp midoop,walau jeeh kobiis.²⁶ngan sotiap ntoyaant dik midop,pocayook koni Koo,kae kobiis solama,e,Pocayook moo kah hal to?"²⁷Marta nyamoot:"Omaant,Ponompa,cayook koo,bahwa Moo too Mesias,Onak Ponompa,Dop,e moniik koni saiih dunia,"²⁸Jeh mosiik nyonaa nyen,domp mpaau posiik Maria sameel bopiseek nganu,e;"Odooh Guru wah nyuuh,Dop,e nosuu moo."²⁹Ngopiingk hal nyen Maria copat nganu,e bodopat Yesus.³⁰Ngoneeh kaah Yesus goont moniik koni ompiik nyen.Doop,e ageek monaae wah aroongk Marta dopat Dop,e.³¹ Tungkah libo ballo nya Yahudi diik bosamooh Maria nyakk ngibuur owaangk,ngronong bahwa Maria obu somopaa,sunoot ballo,e,kiraa ballo,e domp koni kubuur nongiis.³²Pongkoniik Maria koni Yesus ponaae,jeh tileek,tosungkoor domp wah bubeeh kojaa Dop,e samel nyonaa:"Tuhan,sokiraa,e odooh Moo wah nyuh,posiik koo nyen kae kobeek."³³Libo Yesus leek Maria nongiis gook ballo nya Yahudi diik moniik ngan domp,e,lulooh otii,e.Doop,e sajjo toharru sanoo,e:³⁴Waah keeh aroongk dieent nggalae domp?"Tuhan,booh maeeh,ranoong maeeh!"³⁵Yesus pun nongiis.³⁶Sanoo ballo nya Yahudi:"Tileek maeeh,sajoo lobeeh kaseeh Doop,e!"³⁷Tapi odooh kuduu naan ntoyaant nyonaa:" Doop,e diik ngasoo motiih ncilaar,kae taook kah Doop,e pongodii,e,sohingaa nya too kobiis?"³⁸Niih nyen geeh lulooh otii Yesus,Dop,e pun nganu kubuur nyen.Kubur nyen ponae nyomaak gua diik niih nitoop nyak botuuh.³⁹Yesus nyona:"Tongkat botuuh nyen!" Marta,posiik nya diik kobeek nyen nyonaa konii,e:" Tuhan, Lazarus jeeh modaamp,e,jeeh mpat onuu,e doop,e kobeeek.⁴⁰Yesus nyona,e:"Kae kooh jeeh niih Koo nyonaa,maak moo cayook,dieent pasti ngratiie kokuasa Ponompa?"⁴¹Ballo,e pun ngongkat botuuh nyen.Lalu Yesus ngronoongk kosomuu sanoo,e:"Maangk,too nyonaa minta koni Moo,niih Moo jeeh ngopiingk Koo.⁴²Taook Koo,bahwa Moo diik ngopiingk Koo,niih ngoneeh ballo ntoyaant obeengk nyomaaak Koo,Koo nyonaa,e,supaya ballo,e pocayook,sajoo niih Moo nijuuk Koo,"⁴³Jeeh mosiik ngomoong wook nyen,Doop,e mangkoos nyariingk: " Lazarus,booh somoopaa!"⁴⁴Nya diik jeeh kobeek nyen moniik somoopa,kojaa gook tongaan,e geek botuseet adooh pocaak puteeh,gook jowii pun geek toboloot adooh.Yesus nyonaa koni ballo,e:"Tuleeh ngan,e adooh nyen,naduu maeh domp bojaloont,"⁴⁵Ballo nya Yahudi obeng diik pocayook libo moniik ngaboos Maria niih sajoo dieent ngronoongk oneeh diik nih Yesus ngkodiie.⁴⁶Tapi odooh geeh diik obuu nyonna koni nya Farisi sameel nyonaa nganu ballo,e oneeh diik nih Yesus ngkodiie.⁴⁷Mosiik nyen imam-imam kopalok gook ballo nya Farisi nosu Mahkamah Agama nyak boruggok samel nyen ballo,e nyonaa:"Oneeh nyak dop arus kadiie?Sbab ntoyaant nyen obeengk mongki toruunt nyarooh.⁴⁸Maak dop ngaduu domp,e,maka sidiik ntoyaant akan cayook nganu,e gook niih nyen konooh nya Roma moniik miaah arongk suci dop ngan juru bansoo dop.⁴⁹Wah nyen odooh tek naan imam opiik ballo,e nya nyen Kayafas,Imam daiik liboo nyen nyonaa koni ballo,e:"Moo oneh diik taook,⁵⁰ngan nih nyen kae insaf,niih nyen boguna nyak moo,maak teknaan nya kobiis nyak banso dop,daripada sokayuuk bansoo dop to bonasa.⁵¹Hal too nih nyonaa kae siik dop todop,tetapi wook Imam Daiik liboo sowa nyen botojiih,bahwa Yesus odoh moniik kobeek nyakk banso nyen.⁵²gook kaae nyak banso nyen maeeh,tapi nyak ngruggok gook nyatu ballo onak cade Ponompa diik poncae porae.⁵³Nojiih onuu nyen sidiik ballo,e bopokat ngkomeek Yesus.⁵⁴Niih nyen Yesus kae geek mampoor wah jowi umum wah tudaa nya Yahudi,Doop,e borongkat koni tek aroongk nyomaak padang guruun,wah tuda kota dik boodaant Efraim,wah nyen Domp monaae ngan ballo murid,e.⁵⁵Liboo onuu nyen onu raya Paskah nya Yahudi jeeh roo nyomaak,gook nih nyen obengk nya siik daerah koni Yerusalem samel boniiant libo goont Paskah.⁵⁶Ballo,e mogaao Yesus gook sameel tokiit wah saiih Romingk Ponompa,dient bopisek samoh nganu diik kiint:" Kameh ponapat moo? Moniik kah Domp,e nganu pongaa?"⁵⁷Liboo nyen imam-imam kopalook gook ballo nya Farisi jeh munyook porintah supaya sidiik ntoyaant diik ntaook pomonaae Doop,e nyonaa,e biar taook ballo,e nokoop,Doop,e.

Chapter 12

¹Niim onu libo goont Paskah Yesus moniik nganu Betania,arongk somonae Lazarus diik Yesus ngongkaat siik ropoot nya kobeek.²Wah nyen odooh pojamuu nyak Domp,e gook Marta nglayaan,tungkah ngajooh duook ngan Yesus wah nyen tiih Lazarus.³Maria pun miaah ngropoot minyak narwastu murni diik mahal rogga,e,lalu minyak modaak kojja Yesus samel ngilaap nyak buruh baak;nyoraap buuh minyak nyen sokayuuk saiih romiingk nyen.⁴Ngoneeh kah Yudas Iskariot,teknaan siik murid Yesus diik sajoo boowangk nyiraah Domp,e,sanoo,e; ⁵Ngoneh minyak narwastu nyen kae jual toruuh ratus dinar gook dueet nyen nyak tomunyook koni nya diik bagoont?"⁶Hal nyen niih nyonaa kae niih dop,e ngratiie nasib nya bagoont,sajoo niih owangk,e roo nongkuu:domp malaar miaah duet nih ngona saiih kas diik tigoongk domp,e⁷Yesus pun nyonaa:"Aduu maeh domp ngkodiie hal nyen kinaamp nyaame onu pongubuur Koo,⁸Niih ballo nya bagoont bujoor odooh ngan moo,tetapi Koo kae suaah odooh wah owaangk moo."⁹Poduooh ngaah nya Yahudi odooh ngopiingk,bahwa Yesus odooh wah nyuuh dieent pun moniik kaae niih sajo Yesus,sameel ngratiie Lazarus,diik niih Domp,e ngongkat siik ropoot nya kobiis.¹⁰Mosiik nyen ballo imam kopalook bopokaat nyakk roo ngkomeek Lazarus geeh,¹¹niih sajo dop,e nya Yahudi obeengk ntiggal dieent,e gook pocayook koni Yesus.¹²Jeh majii babuut,e liboo nya obeengk moniik nganu pongaa ngopiingk,bahwa Yesus tungkaah wah joraant nganuu Yerusalem.¹³Ballo,e miah daun palem,samel nganu,e ngopiik Domp,e samel nyonaa:"Hosana,oduuk borikaat Domp,e diik moniik wah odaant Ponompa,Rajoo Israel!"¹⁴Yesus ndopat teek sogola keledai monguunt lalu Doop,e simaak kosomuu,e,wook odooh totulis:¹⁵Yook golaak ballo,ndayoongk Sion,tileek maeeh,Rajoo moo moniik,dudook wah onaak keledai."¹⁶Tojiih ballo murid Yesus kae ngritii,e hal nyen,tetapi jeh mosiik Yesus niih nya nyamuut,dieent jodii tingaant,jeh odooh nas nyen pongodii Doop,e,bahwa gook dieent pun ngkodiie nyak Doop,e.¹⁷Nya diik obeengk samooh ngan Doop,e liboo Doop,e mpaau Lazarus somoopa siik kubuur sameel ngongkaat siik tudaa nya kobeek,munyook bobba nganuu Doop,e.¹⁸Sbab niih obeengk nyen jeh obuu nganuu Doop,e,nih ballo,e ngopiingk,Dop,e mongkii pongodiie nyen.¹⁹Niih nyen sanoo nya Farisi koni dik kiint;"Moo leek todoop,niih moo samoh sokali kidoh aseel,sokayuk dunia nyunoot Doop,e.²⁰Wah tuda nya diborongkat nyak roo bodoa libo onuu raya nyen,odoh kudunaan nya Yahudi.²¹Ballo nya nyen obu nganu Filipus,diik borasool siik Betsaida wah Galilea,lali miseek konii,e:"Tuan, mee roo bodopat ngan Yesus."²²Filipus obu nyonaa koni Andreas; Andreas gook Filipus nyonaa boba koni Yesus.²³Yesus nyamoot dieent sanno,e:"Jeeh sontaa,e Onak Monsia nyak nongratiie.²⁴Koo nyonaa moo:"Sobonaar,e maak ruangk ganduum kae jotuuk kopoya,kobiis,domp magoont teek biteer:tapi maak domp kobiis,domp psati ngaseel buah obeengk.²⁵Oseeh diik nyayaangk pomidoop,domp pasti moyaamp pomidoop,e,tapi oseeh nya kae nginaamp pongkidoop,e wah dunia too,pasti domp ngrawat nyaak midoop diik tojook,²⁶Oseh nya diik layaan Koo domp ngajooh Koo wah keeh pomonaae Koo,odoh polayaan Koo,oseh diik layaan Koo ,domp,e oduuk tileek Ponompa.²⁷Too bakoo Koo toharuu,oneh diik nyak Koo sanoo?Nya Muntuuh,ranoongk Koo liboo too,e,? Kae,niih nyen Koo roo moniik liboo saat ntooh.²⁸Nya Muntuuh,muliakan Odant Moo,"niih nyen odooh gaooh siik Sobayoont,Koo muliakan Odant,e gook Koo pun muliakan Dop,e."²⁹Ballo nya obeengk tokiit wah nyen ngopiingk:"Bahwa nyen angkoongk Patee,odoh diik nyonaa:Teekonaan malaikat jeeh bojantooh ngan Doop,e."³⁰Yesus nyamoot,e:"Angkoong nyen jeh oduuk kapiingk kae nih Koo,sajoo niih moo.³¹Ntooh tungkah bojalont ponyileeh wah somuu dunia;ntooh ponguasa dunia too pasti tampooh nyaa koosopaa;³²gook nyen Koo,pabila montook wah bumi,Koo musto mogaao noreek nyaa diik moniik nganuu Koo.³³Too niih Doop,e nyonaa nyak mongkii kameeh caraa Dop,e roo kobiis.³⁴Mee jeh odooh ngopiingk wah hukum Taurat,bahwa Mesias pagoont midoop sampai pajii,e,kameeh wook moo nyonaa bahwa Onak Monsia nasoo domiik? Oseeh baah Onak Monsia nyen?"³⁵Yesus nyonaa ballo,e:"Too somuuk ciik geek ontaah ngan moo,solama odoh tampook nyen gook moo,sopaya yook nyaa kobiiek nyomaak moo;oseh nya bojaloont pitii,domp nyen kidooh arahh obu.³⁶Pocayook maeh koni ontaah nyen solama ontaah nyen gook moo,sopaya dieent taok jodi ballo cade boontaah," Jeh mosiik nyona nyen,Yesus obu bosukaant siik ballo,e.³⁷Gook niih nyen kameh Yesus ngkodiie, pongodiie korija tanoon wah jowi dieent,tapi ballo,e kae cayook nganu,e.³⁸Niih nyen genap lah bobaa diik nabi Yesaya nyonaa:"Tuhan, oseeh baah diik pocayook ponyoonaa mee? niih nyen kokeeh kiraa,e kuasa tongan Ponompa niih munyook?"³⁹Niih nyen ballo,e kidooh taook pocayook,niih Yesaya odooh suah nyonaa,e:⁴⁰"Doop,e ngasoo motiih nya bokaap,gook ngasoo owaangk nya tingeengk,supaya yook ngronongk nyak motiih,gook bopahaamp ngan owaangk,lalu bobaleek,nih nyen Koo ngkurii nya."⁴¹Hal too niih Yesaya nyonaa,niih Domp jeh ngratiie romaan,e sameel bojantoh boba pongodie Doop,e.⁴²Namun nyen obengk geeh ballo pomimpin cayook koni,e,tapi niih ballo ntoyaant Farisi ballo kae ngangkuu,e,biar nya kae oduuk rareeh.⁴³Niih oneeh dieent maa owangk kobaaek monsia daripada kobaaeek Ponompa.⁴⁴Nyen geeh Yesus bopisiingk:" Oseh nya diik pocayook koni Koo,domp kae cayook nganu Koo,tapi nganu Dop,e,diik jeh nijuuk Koo.⁴⁵gook oseh nyaa,e diik ngratiie Koo,domp,e ngronongk Dop,e diik nijuuk Koo.⁴⁶Koo moniik koni dunia nyak mongkii ontaah,sopaya sidiik ntoyaant diik midoop pocayook wah dunia kae oduuk pitii,⁴⁷Maak odooh nya ngopiingk ponyonaa Koo,tapi kae niih ngkodiie,Koo kae jodi hakim,e,niih Koo moniik kae nyak ngakiim dunia tapi nyak nyolamat,e⁴⁸Oseeh nya diik nulaak Koo,kidooh ngopiingk bobaa Koo,domp jeh odooh hakim,e,nyen tiih ponyonaa Tuhan niih Koo nyonaa,nyen diik jodi hakim domp tojook sowaa.⁴⁹Sbab Koo kae bojantooh boba Koo maeeh,tapi nya Muntuuh diik ngasoo Koo,Dop,e lah dik ngrintaah Koo nyonaa oneeh dik nyak Koo sanoo.⁵⁰Koo jeh taook ngkaant bahwa ponyonaa,e nyen midoop ngan rassii,jodi oneh diik nih Koo nyonaa,sanoo Koo wook keeh diik niih nya Muntuh nyonaa koni Koo,"

Chapter 13

¹Tulaak liboo onuu nyen onu raya Paskah nojiih,Yesus jeh taook nginaamp onuu,e jeh moniik nyak bopinaah siik dunia to nganu nya Muntuuh,e.Samooh wook Doop,e diik maa kaseh ngan ballo murid,e wook nyen geeh Doop,e ngaseeh ballo,e jaak siik kidooh pongkosiik,e.²Dieent pun duook bosamooh,gook Iblis jeh odooh miseek owaangk koni Yudas Iskariot,onak Simon nyaak tongjoraa.³Yesus jeh taook,bahwa nya Muntuh jeh munyook sidiik,ngan sajoo Doop,e moniik siik Ponompa gook morii geek koni Ponompa.⁴Lalu Yesus mongkaat nguleeh jubaah Dop,e, samel miah teek lamoor adooh lomuut nyaak Dop,e niseet kopoongk,e.⁵Mosiik nyen Doop,e nyoreent piingk koni basi nyak nojiih ngumeek kojaa ballo murid,e mosiik nyen nih ngilaap nyak adoh diik wah kopoongk,e.⁶Nyen tih moniik Doop,e nganu Simon Petrus,Petrus nyona koni,e:"Tuhan, Moo roo ngumeek kojaa koo?"⁷Samoot Yesus koni,e:" Oneh diik nyak Koo kadie,moo ntooh kidooh ntaaook,tapi konooh moo ngritii,"⁸Sanoo Petrus koni,e:"Moo kae ngumeek kojaa koo nyaak layeer."Yesus nyamoot:"Maak Koo kae ngumeek moo kidoh dopat bagian ngaant Koo.⁹Simon Petrus nyonaa:"Tuhaan,yook kojaa koo maeh,sokayuk bakoo gook tongan koo gook baak koo,"¹⁰Sanoo Yesus koni,e:" Oseeh ntoyaant jeh maneek,domp kae reeh nilaap geek,ngumeek kojaa,e niih jeeh baeek soluruh.Nyen moo pun jeh boriseeh,"¹¹Niih oneh Yesus jeeh taook, ngkaant nya diik nyirah Doop,e,niih nyen Dop,e nyona:" Kaae sidiik moo boriseeh,"¹²Jeh mosiik Doop,e ngumeek kojaa ballo,e,Domp,e nginyak adooh baleek dudook koni aroongk Dop,e sameel Doop,e nyonaa ballo,e:"Taook moo kah ritii,oneh diik niih Koo ngkodiie nganu moo?¹³Moo nyona Koo Guru,gook Ponompa,bobaa moo oduuk,sbab Koo lah Guru gook Ponompa.¹⁴Jodi maak Koo ngumeek kojaa moo,Koo diik sajoo Guru gook Ponompa moo,niih nyen dieent wajib ngumeek kojaa.¹⁵Niih nyen Koo jeh munyook teladan koni moo,sopaya dieent taook ngkodiie oneeh diik suah Koo ngkodiie.¹⁶Koo nyonaa moo:" Sobonaar,e nya bokulii kidooh kolobeeh siik nya diik ngasoo,atau wook nya niih ngutus lobeh siik diik ngasoo,e.¹⁷Maak jeeh taook moo sidiik too,maa baeek owangk moo,maak niih ngkodiie.¹⁸Kae Koo nyonaa hal moo Koo boba.Koo jeh taook,oseh nyak Koo pileeh.tapi nas to arus gonap.Ntoyaant diik duook kue Koo,jeh ngongkaat kojaa ngan Koo.¹⁹Too Koo nyonaa koni moo,ntooh liboo goont tojadi hal,sopaya maak hal tojadi,moo pocayook bahwa Koo haeek Domp,e.²⁰Koo nyonaa moo:"Sobonar,e oseeh diik nginyak nya baeek,Domp ngrima Koo,gook oseh nya diik ngrimaa Koo,boriti Domp,e ngrimaa nya diik ngasoo Koo,"²¹Mosiik Yesus nyonaa wook nyen,sajoo toharui owangk,e,sameel bosonaa:" Koo nyonaa koni moo,sobonaar,e too odoh ntoyaant diik nyiraah Koo ,"²²Ballo murid nyen bokoroonongk koni diik kiint,dient ragu oseh diik niih Dop,e maksud!"²³Teeknaan murid Yesus,murid nyen diik nih Yesus ngaseeh,nyaanaar bosomaak Dop,e,waah bubeeh tauuh Domp.²⁴Koni murid nyen Simon Petrus nyona isyarat nyak nyonaa,e:" Piseek ngane oseeh diik niih Dop,e maksud!"²⁵Murid dik dudook somaak Yesus nyen bosonaa nganui,e:"Tuhan, oseeh nya nyen?"²⁶Yesus nyamoot:" Doomp nyen,diik konii,e Koo munyook kue,mosiik Koo nciluup," mosiik nyonaa wook nyen Domp miah kue nih ncilup nyak munyook koni Yudas,onak Simon Iskariot.²⁷Jeh mosiik Yudas ngrima kue nyen,domp kerasukan Iblis.Yesus pun nyonaa koni,e:" Oneh toruunt diik roo kadiie moo,lokaas ngkodiie."²⁸Ngoneeh nyaa kidooh nya wah niie diik dudook duook wah nyen ntaook, oneh maksud Yesus nyonaa hal nyen koni Yudas.²⁹Niih Yudas diik migoongk kas odoh ngiraa,laak Yesus ngasoo miriih oneeh toruunt poroluu nyak raya nyen,ntaah roo munyook oneeh koni nya diik bagoont.³⁰Yudas ngrima kue nyen,lalu obuu,libo nyen jeeh ponuruu ngoriimp.³¹Mosiik Yudas obuu,Yesus nyonaa:"Ntooh Onak Monsia niih mijiih gook Ponompa niih mijiih wah Doop,e.³²Maak Ponompa niih mijiih wah Doop,e,Ponompa mijiih Domp,e ngan odaant,e gook sameel mijiih Dop,e libo lokas.³³Too ballo dieent onak cade Koo,sotogaal taak Koo ngan moo,wook diik sanoo Koo koni nya Yahudi:Koni arongk Koo obuu moo kidooh taook moniik,wook too geeh Koo nyonaa nganu moo.³⁴Koo odooh nyonaa porintah baooh koni moo,nyen sopaya dieent yook bodoruuh;samooh wook Koo jeh ngaseeh moo,wook nyen moo ngaseeh nyaa.³⁵Niih maak wook nyen sidiik nya ntaook bahwa moo ballo murid Koo,maak sajoo bokaseh."³⁶Simon Petrus miseek koni Yesus:"Tuhan, koni kokeeh Moo obuu?" Yesus nyamoot:" Nganu aroongk Koo obuu,ntooh kataook moo ngajooh,tunguuk paji konooh."³⁷Sanoo Petrus koni,e:"Tuhan,ngoneh koo kataook ngajooh Moo ntoh? Koo roo munyook pongasoongk koo ngan Moo,"³⁸ Yesus nyamoot,e:" Asongk moo roo tunyook moo nyak Koo? too Koo nyona moo,goont siap ngkokuuk,moo jeh nyangkool Koo toruh kali."

Chapter 14

¹Yook gooh gelisah owaangk moo,pocayook maeh nganu Ponompa,cayook maeh koni Koo.²Wah romiingk nya Muntuuh Koo obengk nyak monaae.kae wook nyen,tobtu Koo nyonaa,e koni moo.Sbab Koo nganu koiih nyak mongki aroongk moo.³Gook mak jeeh Koo koiih tiaant mongki aroongk,Koo pasti moniik geek ngoraah moo koni aroongk Koo,sopaya odooh Koo,diient pun odooh.⁴Gook nyen,kokeeh Koo obuu,moo ntaook joraant nganuu,e,⁵"Tomas nyonaa konii,e:" Tuhan,me kae toriti me kokeh Moo obuu:jodi kameeh mee taook jaloont koni,e?"⁶Sanoo Yesus koni,e:" Koo too joraant kobonaar gook midoop,Kidoh diik taook nya pun moniik nganu nya Muntuuh,maak kae lalu Koo.⁷Sokiraae mo kinal Koo,boratii moo nginal nya Muntuh diik ngasoo Koo,ntooh moo taook nginal gook ngronong Domp,e,"⁸Sanoo Filipus nganu,e:"Tuhan,Nampoor ngan Nya muntuh nyen koni mee,nyen jeeh boyaah nyak mee."⁹Yesus nganuu,e:"Jeeh boyaah kotaae Koo ngajooh samooh ngan moo,Filipus,ngoneh moo kae konal Koo? Oseeh nya jeh ngratie Koo,doop,e jeh ngronongk nya Muntuh,kameh taook moo nyonaa; Nampoor ngane nya Muntuh nyen komi mee.¹⁰Kae cayook kah moo,niih Koo odoh gook nya Muntuh, ngan nya Muntuh saiih Koo?Oneeh diik sanoo Koo koni moo,kae Koo nyonaa siik Koo todoop,Domp, nyen diik ngkodiie korijaa Dop,e.¹¹Pocayook maeh koni Koo,too Koo wah nya Muntuh gook nya Muntuh ngan Koo;atau sotidaak,e pocayook niih ballo ppngodiie korijaa nyen.¹²Koo nyonaa koni moo:Sobonaar,e oseh diik cayook koni Koo,domp ngkodiie pongodi korija nyen dik nih Koo ngkodiie,bahkan balo korija diik lobeh daiik jaak siik nyen.Niih Koo obu koni nya Muntuh;¹³Gook oneeh diik pintamu nyaak odaant Koo,kadiie Koo,supaya Maangk nyen oduuk pijiih saiih Onaak,e.¹⁴Maak moo minta toruunt koni Koo nyak odaant Koo,pasti Koo ongkodiie."¹⁵Maak moo ngaseeh Koo,moo sajoo nyunoot porintaah Koo. ¹⁶Koo kan minta nganu Nya Muntuh gook Doop,e pasti munyook koni moo ntoyaant ponuloongk diik kiint,sopaya Doop,e bosamooh sampae konooh.¹⁷Nyen haeek Minuu kobonaar,Dunia kae dopat ngrima Domp,e,niih dunia kidoh ngratii,e Domp,e,niih oneeh Doop motiingk ngajooh moo.¹⁸Koo kaae ntiggal moo wook yatim piatu,Koo moniik geek koni moo.¹⁹Kaae otaae geek gook duniia kidooh ngratiie Koo,tapi mo ngronongk Koo,sbab Koo midoop nih moo pun jodii midoop.²⁰Libo onuu nyen lah moo taook,bahwa Koo wah saiih nya Muntuh gook moo saiih Koo ngan wah saiih moo.²¹Oseh nya migoongk porintah Koo samel ngkodiie,domp,e nyen diik ngaseh Koo,gook oseeh nya ngaseh Koo,doop,e tongaseh nih nya Muntuuh,samel ngampoor Koo konii,e."²²Yudas,kaae diik Iskariot,nyona koni,e:"Tuhan, ngoneeh nuuk maa owaangk moo nyonaa pongodii nganu mee,ngoneeh kae koni dunia?"²³Yesus nyamoot:"Maak nya ngaseeh Koo,doop,e nyunoot ponyonaa Koo gook nya Muntuuh diik ngaseeh doomp,e ngan mee diik moniik koni,e gook motiingk bosamooh ngan doop,e.²⁴Oseh diik kae ngaseeh Koo,doop,e kae ngajooh bobaa Koo,gook bobaa diik nih moo ngopiingk nyen kae siik Koo,sajoo siik nya Muntuuh diik ngasoo Koo;²⁵Sidiik nyen niih Koo nyonaa koni moo,solagi Koo nyonaa nganu Moo;²⁶sajo Ngripuu,Minu Ayu nyen,diik niih nya Muntuh munyook koni saih Koo,Domp,e nyen diik ngajoor sidiik hal koni moo,samel ngingaant moo sidiik toruunt diik jeeh niih Koo nyaonaa koni moo.²⁷Damae baeek niih Koo nontook nyak moo,Damae baeek Koo nih munyook koni moo,diik niih dunia munyook: Yook gooh bimaangk owaank moo.²⁸Jeeh mo ngopiingk,bahwa Koo jeh nyonaa moo:Koo obuu,tapi Koo moniik geek koni moo,sokiraa,e moo ngaseh Koo,tontu moo baeek owaangk niih Koo obu koninya Muntuh Koo,niih nya Muntuuh Daiik siik Koo.²⁹Gook niih nyen Koo nyonaa koni moo liboo hal nyen goont tojadii,sopaya moo cayook,maak hal nyen tojadi.³⁰Kae obeengk geek bojantoh bobaa ngan moo,niih ponguasa dunia moniik ngan moo ciik kidooh kuasa nyaak Koo.³¹Adu,e nyak dunia ntaook,e,Koo ngaseh nya Muntuh,niih Koo ngkodii,e toruunt diik niih ngrintaah koni Koo,mongkaat maeh,booh doop obuu siik too."

Chapter 15

¹"Koo kayoo anggur diik gooh,e ngan nya Muntuh Koo nyen ngrintuu,e.²Tiap daant rangaao wah Koo kaae bobuah niih ngopiik gook sotiap rangaao dik bobuah niih Domp ngrawat, sopaya doop,e lobeh bobuah obeengk.³Moo sajoo jeeh maa boriseeh niih bobaa diik niih Koo nyonaa koni moo.⁴Monaae wah saiih Koo gook Koo wah saiih moo.Samooh wook rangaao diik kae bobuah siik dop todoop,mak sajoo doop,e kae montook wah kayoo anggur,wook nyen geek moo kae bobuah, maak moo kae montook ngan Koo⁵Koo lah kayoo anggur ngan moo nyen ballo rangaao,e.Oseeh nya monaae wah Koo gook Koo ngan domp,dop,e bobuah obeengk,maak wah sopaa kidooh moo taook ngkodii,e.⁶ Oseeh nya kae monaae wah Koo,domp tobotaant kosoopa,wook ranggao koriingk niih nompooh koni opii.⁷Maak moo monaae ngan Koo gook bobaa Koo monaae ngan moo,minta maeh oneh pun toruunt owangk moo,moo puun nopaat.⁸Waah hal too nya Muntuuh,Koo niih mijiih,nyen maak moo owaangk gook moo pasti ngrimaa,e.⁹"Wook nya Muntuuh ngkaseeh Koo,wook nyen geeh Koo ngkaseeh moo,monaae maeeh waah pongaseeh Koo nyen.¹⁰Maak moo nyunoot porintah Koo,moo monaae wahnpongaseeh Koo,wook Koo nyunoot porintah nya Muntuuh Koo samel monaae tongaseeh Doop,e.¹¹Sidiik nyen niih Koo nyonaa koni moo,sopaya owaangk baeek Koo odooh ngan moo biar owaangk biniik.¹²Too porintah Koo,nyen sopaya moo samooh ngaseeh nya,wook Koo jeh ngaseehmoo,¹³Kidooh pongaseeh nya diik lobeeh daiik siik pongaseh owaangk diikmunyook pongasooongk nyak ballo dingaan,e.¹⁴Moo sajoo sahabat Koo,maak moo ngkodiie toruunt oneeh niih Koo nyonaa nganu moo.¹⁵Koo nyonaa moo geek cadee,niih cadee kidooh ntaook,oneeh diik niih nya ngkodiie,tetapi Koo nyonaa moo sahabat,niih jeh nyona koni moo sidiik toruunt diik niih ngopingk siik Maangk,Koo.¹⁶Kaae moo mileeh Koo,tapi Koo diik mileeh moo.Gook niih Koo jeh mbonaar moo,sopaya moo obuu nyaak ngasel buah gook buah moo monaae,oneh toruunt niih moo minta koni nya Muntuh nyaak odaant Koo,niih munyook nganu moo.¹⁷Too haaek ponyonaa Koo koni moo: Tongaseeh ngan nya diik kiint,"¹⁸Maak duniaa ngrareeh moo,tingaant maeeh niih domp,e tiaant ngrareeh Koo siik moo.¹⁹Sokiraae moo siik dunia,tontu nyen dunia ngaseh moo wook mpoo,e.Tetapi nih moo kaae siik dunia,sajoo niih Koo diik mileeh moo siik dunia,niih nyen dunia ngrareeh moo.²⁰Tingaant oneh diik jeh niih Koo nyonaa koni moo;nya cadee kae domiik siik nya muntuh,Maak ballo,e jeeh njorra Koo,maak ballo,e nyunoot ponyonaa Koo,dieent geeh nyunoot ponyonaamoo.²¹Tetapi nyen dieent ngkodiie ngan moo niih odaant Koo,niih ballo kae ngonaal Dop,e diik ngaso Koo.²²Sokiraa,e kidooh Koo moniik nyonaa koni ballo,e,dieent tontu kae bodosa.Tetapi ntooh ballo,e kidoh odoh tangkis nyak dosa dieent,e!²³Oseh nya ngrareh Koo,dop,e ngrareh Mangk,Koo.²⁴Sokiraae Koo maak kae ngkodie pongodi wah ropoot ballo,etontu dieent nyen kae bodosaa,tapi ngoneehî.²⁵Too haaekh ponyonaa Koo koni moo: Tongaseeh ngan nya diik kiint,"²⁶Maak Pongripuu diik niih Koo ngasoo siik Mangk,Koo moniik,tu nyeen Minuu kobonaar diik somopaa siik nya Muntuuh.Dop,e pasti bosona pongodi Koo.²⁷Ngoneeh moo geeh nya bosona,niih moo siik tojiih bosamooh samooh ngan Koo,"

Chapter 16

¹"Sidik to Koo nyona sopaya dient yook kecewa gook nulaak Koo.²Moo niih ngucil,bahkan roo moniik onuu,e bahwa tiap ntoyaant diik ngkomiis moo pasti ngiraa domp bobuat baeek nyak Ponompa.³Ballo,e pasti wook nyen pongodii,e,niih ballo,e kidoh nginal baek kooh Koo gook nyak Muntuh.⁴Tapi sidiik too sanoo Koo koni mo,oseh ntaook moniik liboo,e moo tingaant,bahwa Koo jeeh nyonaa nganu moo,"⁵tetapi Koo ntooh jeh nganu Domp,e diik ngaso Koo,niih kidooh oseh nyaa,e pun siik antara moo diik bopiseek koni Koo; Kokeeh pongkobuu Moo? ⁶Tapi Koo nyonaa hal too nganu moo,niih nyeen otwaangk moo baeek.⁷Niih nyen omaant Koo nyonaa koni moo,odooh diik lobeh boguna nyak moo,mak Koo obuu.Sbab mak Koo obuu,Pongripuu nyen kidooh moniik nganu moo,tetapi Koo obuu,Koo roo ngasoo Doop,e koni moo.⁸Maak moniik Doop,e,Domp nyileeh duniia siik dosa,kobonaar ngan pongakiman.⁹niih dosa,niih ngoneeh ballo,e kidooh diik pocayook nganu Koo; ¹⁰roo kobonaran,niih sajoo Koo nganu nya Muntuuh gook kidooh ngratiie Koo geek.¹¹bajook ponyileeh moo,niih gook ponguasa dunia too jeeh niih ngukuump.¹²Maseh obeng hal nyaak Koo sanoo koni moo,tapi ntooh moo goont dopat nginaamp,e.¹³Tapi maak jeeh moniik,nyen tiih Minuu Kobonaaran,Domp pasti mimpin moo kosaiih kobonaran; niih Domp,kae bosona sona nyak dop todoop,tetapi sidik toruunt niih ngopingk nyen sanoo,e ngan roo pisiingk nganu moo hal diik roo moniik.¹⁴Dop,e pasti muji Koo,niih Doop,e roo nyonaa koni moo oneeh diik nih ngrimaa siik Koo.¹⁵Sidiik toruunt diik nya Muntuuh mpoo,e nyen pun Koo mpoo,e,niih nyen Koo nyonaa,e:Doop,e kan nyiaar koni moo,oneeh niih domp nopaat siik Koo,"¹⁶"Somuuk kaae otaai geek onuu,e moo ngronoongk Koo,gook oneeh kotaai nyen moo ngronoongk Koo,"¹⁷Ngopiingk hal nyen ballo, murid,e bosona samooh koni diik kiint:"Oneeh baah ritii Domp nyona nyen nganu dop;oneh kotaae geek Koo ngan moo gook oneh kataai geek moo ngronoong Koo? gook: niih nyen Koo koni nya Muntuuh?"¹⁸Maka ballo,e nyonaa:"Oneh baah ritii,e Domp nyona; Montook kudu onuu,e geek Koo ngan moo? oneh maksud,nyen."¹⁹Yesus taook,niih ballo,e roo miseek nyen nganu,e,Domp pun nyona nyen koni dieent,:"Odooh kah moo ngomong nganu diik kiint diik niih Koo nyonaa tiih,nyen;Oneh kotaae geek gook moo kidooh ngronoongk Koo niih nyen oneh kotaai moo ngratii Koo?²⁰Koo nyonaa moo:"Sobonaar,e moo nongiis tosikook,tapi dunia baeek owaangk,e;moo sinaang tapi niih nye siaangk moo borubah lakoo.²¹Nya ndayoong monaamp liboo boranaak,jeh mosiik domp boronaak kidooh geek nginaamp konaamp,niih kobaaek owaangk,e leek monsia odooh wah dunia.²²Wook nyen geeh mo oduuk joraa,tapi Koo pasti Ngronongk moo ngan owangk moo ngasoo baeek gook niih nyen kidooh nya diik taook miaah kosinaangk moo nyen siik mo.²³Gook libo nyen moo kae miseek hal nyen nganu Koo, Koo nyona moo;Sidiik toruunt niih moo minta siik nya Muntuuh,pasti tunyook Domp,e koni mo nyak odant Koo.²⁴Sampae ntooh moo kidooh minta toruunt nyak odaant Koo,pinta maeh sopaya dopat kosinaangk,nyak odaant Koo.²⁵Sidiik toruunt niih Koo nyonaa ngaan bangoont.Odooh onuu,e liboo Koo kae geek bojantoh boba ngan moo nyak bangoont,tetapi solaraat tampook nyonaa nya Muntuh koni moo.²⁶Liboo onuu nyen moo bodoa ngan odaant Koo.Kidooh Koo nyonaa koni moo,sajoo Koo ngasoo moo koni nya Muntuuh,²⁷Niih nyen Maangk,Koo todoop ngaseeh moo,niih mo ngkaseeh Koo ngan cayook,sajoo Koo moniik siik Ponompa.²⁸Koo moniik ngan nya Muntuuh gook Koo moniik koni dunia;Koo ntiggal dunia geeh nyaak nganu nya Muntuuh."²⁹Sanoo ballo murid,e:"Tileek, ntooh Moo trus tiraang bojantoh bobaa gook Moo kae nyak bangoont.³⁰Ntooh jeeh taook mee,sajoo moo ntaook sidiik toruunt gook kae poroluu nya miseek nganu moo.niih nyeen mee pocayook,bahwa moo moniik siik Ponompa,"³¹Yesus nyonaa koni baloo,e;"Pocayook moo kah ntooh,e,"³²Tileek, liboo,e moniik,bahkan moniik,sajoo moo niih ngancae poraae nruteek kiteek,wah aroongk nodoop ngan moo ntiggal Koo nodoop.tapi Koo kae todoop,niih nya Muntuuh sorota Koo.³³Sidiik nyen niih Koo nyonaa koni moo,sopaya moo dopat damae sojahtra ngan Koo.Wah saih dunia moo nijiingk jorra,tapi kuatkan owaangk moo,Koo jeh ngalooh dunia."

Chapter 17

¹Wook nyen niih Yesus nyonaa,mosiik nyen Domp ngaook kosomuu sanoo,e:"nya Muntuuh,jeeh moniik liboo,e,ranoong ngan onak Moo,sopaya Onak Moo ngronoongk Moo.²Samooh wook Moo jeeh munyook kuasa nyak Domp,e sidiik toruunt diik midoop,wook nyen geeh Doomp munyook pomidoop diik kidooh jangkook nganu sidiik nya niih Moo munyook."³To haeek pomidoop diik baeek,kunyen maak ballo,e nginal Moo,sajoo kiteek Ponompa diik odooh,gook nginaal Yesus Kristus diik niih moo ngutus.⁴Koo jeh nyunoot Moo wah bumi ngan joraant diik ngkosiik pongodii,e niih Moo munyook koni Koo nyak kadii,e.⁵Niih nyen,oo nya Muntuuh,rampuk ngan Koo gook nya Muntuuh jeh odooh libo dunia odooh.⁶Koo too jeh mongkii odaant Moo nganuu sidiik nya,diik niih moo munyook koni Koo wah dunia,Ballo,e nyen Moo mpoo,e,ngan dieent,e ngajooh kusanoo Moo.⁷ballo ntooh taook,bahwa siidik toruunt niih Moo Munyook nyen sidiik moniik siik Moo.⁸Sbab sidiik toruunt pisiingk bobaa Mo jeh niih Koo nyonaa nganu dieent,e,sameel ngrimaa,e.Ballo,e sajoo maa taook,bahwa Koo monik siik Moo,nih nyen nya pocayook,sajoo moo diik ngasoo Koo.⁹Koo bodoa nya ballo,e,kae bodoa nyak dunia,tapi nyak ballo,e,tetapi nyak ballo,e Moo jeh niih Moo munyook konii Koo,niih ballo,e nyen Koo mpoo,e.¹⁰gook toruunt Koo mpoe nyen Moo geh mpo,e nih nyen Koo oduk sanoo ngan odaant,e.¹¹Niih Koo kidoh wah dunia geek,tapi ballo geek maseh wah dunia,niih nyen Koo moniik nganu moo.O o nya Muntuh diik baeek,ranoongk ngaane ballo too,nyak Odaant Moo wook nih munyook koni Koo,sopaya ballo nyen samooh wook doop.¹²Kotaae too Koo ngan ballo,e Koo ngrintuu dieent nyak odaant Moo,nyen odaant Moo diik niih munyook koni Koo;Koo miaraa ballo,e gook niih nyen kidooh oseh nya diik bonasa solain nya diik niih nontu nya bonasa,sopaya gonap diik totulis wah Kitab Suci.¹³Tapi ntooh,Koo nyona moniik koni moo samel sidiik nyona owangk baeek ngan ballo,e.¹⁴Koo jeeh munyok nyonaa bobaa koni ballo,e ngan nih nyen dunia ngrareeh ballo,e,sorupaa wook Koo,kae siik dunia.¹⁵Koo kidooh minta,sopaya Moo miaah ballo,e siik dunia,tapi sopaya ngasoo ngratiie siik nya diik kobieek.¹⁶Ballo,e nyen kae siik dunia,samooh ngan Koo kae siik dunia.¹⁷Ranoongk ngan ballo,e ngan kobonaaran,Bobaa moo nyen dik kobonaar,e.¹⁸Samooh wook Moo nijuuk Koo koni dunia,wook nyen geeh Koo jeh ngasoo ballo,e kosaiih dunia.¹⁹Koo todoop mujoor Koo maeeh nyak ballo,e,sopaya ballo pun oduuk kobonaar baek.²⁰Gook nih nyen Koo bodoa kaee nyak nya to maeeh.tapi nyak gook nya dik pocayook koni Koo niih ponyonaa agooh ballo,e:²¹Sopaya ballo,e sidiik nyatuu,samooh wook Moo,²²Gook niih nyen Koo jeh munyook kobaaek nyak ballo,e dopat midoop,sopaya ballo,e samooh jodi teek,wook doop geeh teek naan.²³Koo ngan Moo gook Moo ngan Koo sopaya dieent jodi sompurna jodi borompuuk,biar dunia ntaook,bahwa Koo ngan Moo nyatu,ngaseh ballo,e samooh wook Moo ngaseeh Koo.²⁴Nya Muntuuh,Koo roo ngkodiee,sopaya wah keehKoo monaae,ballo,e pun wook nyen nhajooh samooh ngan Koo,ballo,e nyen jeh niih Moo munyook koni Koo,sopaya dieent ngratiie kolobeeh Ponompa diik punyook Moo,gook niih nyen ballo,e ntaook Moo ngaseeh Koo liboo dunia goont niih mongkii.²⁵Nya Muntuuh diik adel,sajjo,e dunia kae ngonal moo,gook niih ballo,e ntaook,bahwa Mpo nyen diik ngutus Koo.²⁶Gook niih nyen Koo nyonaa odaant Moo koni ballo,e ngan Koo roo nyonaa,e sopaya owaangk masee tunyook Moo koni Koo tyen odooh ngan ballo,e gook samooh wah saiih ballo,e.

Chapter 18

¹Jeeh mosiik nyen Yesus nyonaa sidiik,Doop,e somoopa ngan ballo,e murid,e gook ballo,e jaloont nganu dipaah sungii Kidron.gook wah nyen odooh rugook taman ballo,e masook ngan ballo,e.²Yudas diik jeh njoraa Yesus jeeh ntaook aroongk nyen,niih ballo,e solaraat boruggok wah niie.³Maka moniik Yudas ngan ballo,e koni taman meet romboongk prajurit ngan ballo,ponunguuk Romiingk Ponompa,niih balllo,e Imam ngaso.⁴Niih nyen Yesus,diik taook sidiik toruunt oduuk koni Doop,e,maju kojowiisamel nyonaa:"Oseeh kooh diik kagaao moo?"⁵Ballo,e nyamoot: "Yesus obiih Nazaret,"Sanoo Doop,e koni nya:" Koo too nyaa,e," Yudas diik nculaas Domp,e odoh tokiit ngajooh ballo,e.⁶Liboo Domp tungkah nyonaa nganu dieent:"Koo too nya,e," ballo,e sidiik ngunoor jotuuk koni poyaa.⁷Maka Domp boopiseek geeh: " Oseeh diik kagaao moo?"sanoo nya:"Yesus siik Nazaret,"⁸Yesus nyamoot:" Jiih Koo nyonaa,e nganu moo,Koo too,e nya,e.Maak Koo diik kagaao moo,naduu ngane ballo,e obuu,"⁹Wook nyen diik sanoo,e sopaya gonaap bobaa ponyonaa Doop,e:" Siik ballo,nya diik niih moo nyiraah nganu Koo,kidoh diik taook nya ngaso bonasa,"¹⁰Nyen geeh Simon Petrus meet podaangk,niih ngiaao koni Imam Daiik oduuk kopiingk,e tauuh sampai posaap,odaant nya nyen Malkhus.¹¹Yesus nyonaa nganu,e:" Tonaa podaangk moo nyen;Kidooh kah ponyonaa sajoo Koo nyinoop cawaan niih nya Muntuuh munyook koni Koo?"¹²Niih nyen ballo,e pasukan tontara ngan gook powiraa ngan ballo ponyaggo diik nih nya Yahudi ngaso nokoop Yesus nyak niseet Domp,e.¹³Tojiih ballo meet ngadoop Hanas.Niih Hanas nyen datoo Kayafas,liboo siwaa nyen jodii Imam Daiik;¹⁴sajoo Kayafas gooh diik ngaso baklo nya Yahudi:" Odooh kah lobeh boguna teknaan nya kobiis nyak soluruh banso.,"¹⁵Simon Petrus ngan murid diik kiint ngajooh Yesus,Murid nyen konaal,e nganu Imam Daiik doomp pun ngajooh masook borotaa ngan Yesus koni kolasaar istana Imam Daiik,¹⁶tetapi Petrus montook wah sopaa nyomaal korre.Maka murid diik jiih,diik kinaal,e nganu Imam Daiik baleek kosoopa, bojantooh ngan ballo nya ndayoongk diik monaae wah koree samel ngoraah Petrus masook.¹⁷Maka sanoo nya ndayoongk nyen diik nunguuk koree koni Petrus;"Kaae,kooh moo nyen geeh murid ntoyaant nyuh?"Petrus nyamoot:Kidooh!"¹⁸Somontara nyen ballo ntoyaant ngan ballo ponjaga Romingk Ponompa jeh odooh mongki arangk opii,niih wah nyen sajoo colap hawa libo nyen,ballo tokiit nyinuuh somaak opi.Petrus geeh odooh ngajooh nyinuuh wah nyen.¹⁹Niih nyen botojiih lah Imam Daiik miseek ponosaat Yesus ngan ballo murid,e gook pongodii,e hal niih ngajoor.²⁰Yesus nyamoot nganu,e:"Koo nyonaa toruunt koni dunia kidoh tek dukaah,Koo ngajoor koni roming-romingk ngan Romingk Ponompa,aroongk sidiik nya Yahudi boruggok,kidoh Koo bosukaant,²¹Ngoneeh moo miseek Koo?Piseek nya kiint jeh ngopiingk oneh diik sanoo Koo,sidiik ntoyaant taook oneh toruunt sanoo Koo,"²²Liboo Domp,e nyona hal nyen,teknaan ponjaga tokiit wah nyen,ngocooh jowii Domp,e samel nyonaa:" Wook nyen kooh moo nyamoot Imam Daiik?"²³ Yesus nyona nganu,e:"Maak bobaa Koo nyen salah,sanoo ponosaat,e,tapi maak bobaa Koo nyen omaant,ngoneeh moo ngocooh Koo?"²⁴ Hanas pun ngontiik Yesus koni Kayafas Imam Daiik geek botiset.²⁵Simon Petrus geek odooh tokiit wah nyen.Sanoo nya wah sopaa nyen koni,e:" Kaae kooh moo too,e teeknaan nya siik murid,e?"²⁶Doomp,e pun nyangkool,sanoo,e:" Kidooh,Sanoo nya teknaan oyoongk Imam Daiik nyen,posiik siik Imam Daiik diik potiik kopiingk,e niih Petrus:"Odooh nyaam,e moo wah taman nyen tileek koo samooh gook Doop,e?"²⁷Petrus pun nyangkool geek gook liboo nyen ngkokuuk siaap.²⁸Mosiik nyen ballo,e meet Yesus siik Kayafas nganu gedung pengadilan.Libo nyen geek majii onuu,Baloo,e pun kae ngajooh nganu gedung pengadilan nyen,sopaya yook ncomeek bakko,e,niih ballo,e duook Paskah.²⁹Niih nyen Pilatus somopaa nopaat ballo,e nyonaa,e:"Oneeh ponuduh dieent nganu nya too?"³⁰Ballo,e nyamoot,Maak Domp kae nya ponjahat,kidoo mee munyook Doop,koni moo!"³¹Sanno Pilatus koni,e:"Tiaah ngane Doop,e gook tongadeel ngan,e monurut hukum Tauratmo,"Sanoo ballo nya Yahudi nyen:"mee kae buleeh ngkomiis ntoyaant,"³²Niih nyen owaangk,e sopaya gonap bobaa sanoo Yesus,diik Doop,e nyonaa nyak nyonaa kameeh carraa,e Doop,e kobeek.³³Mosiik nyen baleek geek Pilatus koninwah gedung pengadilan,sameel nosuu Yesus nyaak,e miseek Doop,e:" Moo too,e kaah rajoo nya Yahudi?"³⁴Yesus nyamoot,e:"Oneeh toruunt diik niih moo nyonaa nyen moniik siik otii owaangk todoop,atau geek odooh kah nya kiint diik nyonaa,e nganu moo.³⁵Sanoo Pilatus:"Odoh kak koo too nya Yahudi? Banso Moo ngan ballo imam kopalook diik jeh munyook Moo koni Koo;oneh geek diik kadii,e Moo.³⁶Yesus nyonaa,e:"Asool Koo kaae siik dunia too;maak asool Koo siik dunia too,jeh pasti ballo ntoyaant Koo bolawoont,sopaya Koo yook ballo,e munyook koni nya Yahudi,niih sajo asool Koo kae siik too,"³⁷Pilatus pun nyonaa:" Jodii Moo too rajjo"Yesus nyamoot:"Moo diik nyobuut,e,sajjo Koo too,e rajjo,Nyak nyen Koo niih ngkodooh ngan moniik koni saiih dunia too,sopaya Koo taook nyonaa jantooh diik bonaar,oseh nya diik bonaar odooh ngopiingk Koo,"³⁸Pilatus nyonaa koni,e:"Oneh toruunt diik bonaar nyen?"jeh mosiik nyen Pilatus somopa bodopat ngan nya Yahudi samel nyonaa ballo,e:"Kidooh koo nopat ponyalah nya too,e,"³⁹Tetapi wah moo odooh kobaaso libo Paskah koo mbebas ntoyaant nyak moo,loongk dieent kah sopaya rajjo nya Yahudi tolopas koo?"⁴⁰Nya mangkoos:"Yook Doop,e,nya kiint Barabas!"Barabas nyen sajo nya ponyamun.

Chapter 19

¹Mosiik nyen Pilatus miaah Yesus samel ngasoo nya molasah Doop,e.²Ballo prajurit mongkii Mahkota rojaa nyak tonaa kotunuuh dangkeeh Doop,e,Ballo,e geeh ngrosook Yesus jubaah ungu,³gook sameel maju kojowii ballo,e nyonaa:"Salam o rajo nya Yahudi!"mosiik nyen ballo,e ngocooh jowii,e.⁴Pilatus somopaa geek samel nyonaa nganu ballo,e:"Tileek too koo ngoraah Doop,e kosopaa koni moo,sopaya taook moo,bahwa koo kidooh ntaook ponyalah oneh pun nganu,e.⁵Yesus kosopaa bomahkota rojaa gook bojubaah ungu.Maka sanoo Pilatus koni,e:"Tileek maeh Monsia nyen!"⁶ Liboo ballo imam kopalook ballo ponjaga ngratie Doop,e nyonaa,e:"Salib ngan Dop,e,salib ngan Dop,e!"Pilatus nyona ballo,e:" Tiaah Doop,e nyen,sonalib ngan Dop,e.koo kidoh nopat ponyalah nya too."⁷Sanoo ballo nya Yahudi koni,e:"Mee odooh hukum,gook monurut atoor ukump nyen Doop,e harus kobiis,niih Doop,e ngangku Onak Ponompa.⁸Pilatus pun golaak mosiik ngopiingk ponyonaa nya nyen.⁹Mosiik nyen Domp masok gedung pengadilan nyak nyonaa Yesus:"Siik keeh asool Moo?"Tapi Yesus kaae nyamoot,¹⁰Sanoo Pilatus nganu,e:"Kae lugii Moo kah ngomongk gook koo?Kae taook moo, bahwa koo odoh kuasa nyak lopoos moo atau nyalib Moo?"¹¹Samoot Yesus:" Moo kidoh kuasa nyak ngoneh ngoseh Koo,maak kuasa nyen kae moniik siik somuu,niih nyen:Dop,e diik munyok Koo mongkal kaiik dosa,e,"¹²Jaak siik nyen Pilatus usaha roo nyolamat Doop,e,ballo nya Yahudi mangkos nyona:"Maak moo nlopas Doop,e boritii moo kae oyongk Kaisar.Sotiap nya diik nginaamp Dop,e rajoo,domp nlawon Kaisar.¹³Libo Pilatus ngopiingk nyen,Domp ngoraah Yesus kosopaa,samel dudok wah bangku pengadilan,wah keeh aroongk nyen boodaant Litostrotos,boba Ibrani Gabata.¹⁴Onu nyen pas Paskah,sokitaar jam dukah bolas.Pilatus nyonaa ballo nya Yahudi nyen:"Too,e haaek rajo moo!"¹⁵Ballo,e mangkoos:"Kabiis ngan,e!sonalib ngan,e Doop,e! Pilatus nyamoot ballo,e:"Harus kooh koo njoraa rajomoo?"Ballo imam kopalok nyamoot:" Mee kidoh rajoo solaink siik Kaisar!"¹⁶Jeeh mosiik nyen Pilatus munyook Yesus koni ballo,e nyak sonalib.¹⁷Mosiik nyen Doop,e mikul salib kosopaa nganu aroongk poyaa koruntook,wah boba Ibrani, Golgota.¹⁸Wah nyen odoh niih nyalib gook Doop,e dukah naan ntoyaant kiint,wah bubeeh,Yesus wah tudaa nya.¹⁹Pilatus ngasoo ballo masang tulisan wah somuu salib nyen botulis: Yesus nya Nazaret,Rajo nya Yahudi,"²⁰Obeengk ballo nya Yahudi maca tulis nyen,sbab wah keeh Yesus niih nyalib,nyomaak kota gook boba nyen botulis boba Ibrani,boba Latin,boba Yunani.²¹Sanoo ballo imam kopalok nya Yahudi nganu Pilatus:" Yook moo nulis: Rajo nya Yahudi,²²Samoot Pilatus,:"Oneh niih koonulis,totap kotulis."²³Jeh mosiik ballo prajurit nyen nyalib Yesus,dieent miaah jubaah Doop,e sameel niih magii empat bagii nya prajurit oseeh diik taook miaah.Niih jubaah nyen kae bojoyeet,siik somuuk koni sigaant somuuk teek pojoyeet.²⁴Niih nyen diik kiint nyonaa,e:" Yook maeeh doop bobagii daripada tokopiik,lobeeh baeek dop ngundi jubaah to,oseh diik nginyaak,niih nyen odoh gonaap wah Kitab suci:" Ballo dieent bobagi ngundi adooh jubah Koo," torunt nyen niih balo prajurit ngkodie.²⁵Wah nyomaak salib Yesus nyen tokiit nook,,engan posiik nook Maria,osaoo Klopas gook Maria Magdalena.²⁶Tungkah Yesus ngronoongk nook ngan muriid diik ngaseeh Doop,e,sanoo,e;" Maak,too Onaak moo!"²⁷Mosiik nyen koni balo murid,e:"Too lah nookmoo!"niih libo nyen lah ballo murid ngrimaa domp,e wah saiih romiingk,e.²⁸Jeh mosiik nyen,niih jeh taook ngkaant toruunt jeh mosiik ,Doop,e nyonaa,sopaya gonap wah saih Kitab Suci," Koo haus!"²⁹Wah nyen odooh toruunt bokaas cuka mosiimp,ballo nciliip bunga karang nganu saiih anggur mosiimp nyen,nyak botang hisap,lalu muruus nganu tukook Yesus.³⁰Jeh mosiik nyinoop anggur mosiimp nyen Yesus,nyonaa:"Sidiik too jeeh mosiik,"Yesus nyotuuk baak,lalu kobeek,³¹Onu nyen sobonaar onuu Sabat nyak gook ballo mayat kidoh montok wah koyuh salib,moniik nya Yahudi ngadop Pilatus minta sopaya ballo kojaa ntoyaant ponotaa ngan mayat nyen tontonaah.³²Maka moniik ballo prajurit nyen motaa koja nya ditojiih gook diik kodukaah nyomaak Yesus nih nyalib.³³tetapi libo moniik koni jiwii Yesus jeh leek mayat kobiis maka kae niih motaa kojaa,e.³⁴Tetapi odooh teeknaan prajurit nyen nikaam lambung Yesus nyak tombak,sohinga ngaler piingk ngan doyaa.³⁵Gook nih nyen diik ngratii,e samel munyook ponyonaa to gook kobonaar ponyona,sopaya moo pun cayook.³⁶Niih nyen hal tojadi,sopaya gonap sanoo nya wah Kitab Suci:"Kidooh ballo turaangk diik niih motaa,"³⁷Niih nyen geeh nas diik nyonaa:" Ballo,e ngronoongk nganu Doop,e diik niih nikaam,"³⁸Jeh mosiik nyen Yusuf nya siik Arimatea domp nyen murid Yesus,saroo bosukaant niih golaak nkaant ballo nya Yahudi,minta koni Pilatus sopaya domp ngurus mayat Yesus.Pilatus pun munyook porintah moniik ngasoo nyak ntonaah mayat nyen.³⁹Nikodemus odooh geeh ngajooh,Domp,e diik pontojih nganu,e libo onu ngoriimp koni Yesus.Domp meet minyak campuran mur ngan minyak gaharu sokitar rimiih puruu kati pomoraat,e.⁴⁰Ballo,e miaah mayat Yesus,niih moloot nyak adooh kafan gook adooh lenan ngan rempah bunga nuruut adot nya Yahudi maak ngubuur mayat.⁴¹Nyomaak nyen Yesus niih nyalib odooh taman gook taman nyen odooh pongareen bauuh diik goont suaah nya maseer ntoyaant waah ni,e.⁴²Nih onu nyen posiapan nya Yahudi,pongareent kae ojuu,maka ballo,e nlotaak mayat Yesus wah nyen.

Chapter 20

¹Liboo onu pontojiih minggu nyen,libo majji gek ponuruu pitii,Maria Magdalena nganu kubuur nyen,domp pun ngronongk botuuh jeh lopas nih miaah siik kubuur.²Domp ngkoduuh koni Simon Petrus ngan ballo murid diik kiint niih Yesus ngaseeh,nyak nyonaa,e:" Tuhan doop niih nya miaah siik saiih kubuur,e mee pun kataook ngkaan wah keeh pongona,e.³Petrus ngan ballo murid diik kiint borongkat koni kubuur.⁴Nya dukaahnaan nyen ngkoduuh,tetapi murid kiint ngkoduuh laju siik Petrus sohinga domp tiaant koni kubuur.⁵Domp jongook kosaiih,nyak leek adooh kafan jotuuk kopoyaa,nih nyen ntoyaant kidooh.⁶Simon Petrus moniik geeh nyusul domp masook koni saiih kubuur nyen,samel ngratii adooh mopaau wah poyaa.⁷Ngoneeh kooh adooh poniseet baak Yesus kidooh wah nyen,agak kobubeeh somonaae nyen pun jeeh boguloongk.⁸Murid diik kiint monik masook,diik tiaant moniik koni kubuur nyen nyaak ngratii,e ngan pocayook.⁹Sbab nyen sidiik ballo,e goont ngritii obih Kitab Suci diik nyonaa,e,bahwa Dop,e arus mongkaat siik ropoot nya kobiis.¹⁰Lalu balo dukahnaan nyen pun morii.¹¹Ngoneeh kooh Maria tokiit nyomaak kubuur nyen sameel nongiis.Domp nongiis njongook saiih kubuur nyen kidooh.¹²Niih nyen odooh tileek,e dukaahnaan Malaikat boadooh mopaau,diik teknaan dudook bubeeh baak Yesus ngan diik teek bubeeh kojaa Yesus niih nggalaae.¹³Sanoo Malaikat nyen:" Ngoneeh moo nongiis?"Samoot Maria nganu,e:" Ponompa mee niih nya miaah niih nyen mee kidooh ntaook.¹⁴Jeeh mosiik ngomoong wook nyen domp ngridiink korutuuk gook Yesus odooh tokiit wah nyen,ngoneh kah domp kidooh ntaook,bahwa nyen Yesus gooh.¹⁵Yesus nyonaa nganu,e:" Maak,ngoneh moo nongiis?Oseeh diik pagaao moo?"Maria ngiraa nya nyen ponunguuk taman,lalu piseek,:"Odooh kah moo miaah Doop,e,sano koni koo,wah keh moo ngonaa,e,¹⁶Sanoo Yesus koni,e:" Maria!" Maria bobalek samel ngomongk koni Doop,e wah bahasa Ibrani:"Rabuni!"ritii,e Guru.¹⁷Yesus nyonaa nganu,e:"Yook kodaak migoongk Koo,sbab Koo goont ngadoop koni nya Muntuuh,tapi sanoo nganu ballo posiik juru Koo sanu koni,e,bahwa ntooh Koo roo nganu nya Muntuuh Koo ngan Mangk moo,koni Ponompa Koo ngan Ponompa moo.¹⁸Maria Magdalena morii nganu nyonaa ballo murid,e bahwa Domp,jeh bodopat ngan Ponompa, gook nyonaa hal hal nyen koni,e.¹⁹Liboo onuu jeeh ngoriimp ponojiih minggu nyen ballo,e boruggok wah romiingk, aroongk diik niih ngunci koree,toruna golaak ngan nya Yahudi.Libo nyen Yesus moniik tokiit wah tudaa ballo,e samel nyonaa:"Agooh baeek nyak moo!"²⁰Jeh mosiik nyona wook nyen,Doop,e ngratiie tongaan ngan lambung Dop,e nganu ballo,e nyen jotiingk omaant niih ballo,e jeh ngratie Ponompa.²¹Yesus nyona sokali geek,:"Agooh baeek nyak moo! Samooh wook nya Muntuuh diik ngutus Koo,wook nyen geeh Koo ngasoo moo."²²Jeh mosiik ngomongk wook nyen,Doop,e nyipooh ballo,e samel nyonaa:" Toriima ngan,e Minu Ayu.²³Maak moo ngampuun dosa nya,dosa,e nih ngampuunt,maak moo nyona ngaso dosa nya magoont odoh,dosa,e totap odoh.²⁴Ngoneeh kah Tomas,kodukah bolas naan murid nyen,diik sanoo nya Didimus,kidooh bosamooh ngan ballo,e libo Yesus moniik wah nyen.²⁵Sanoo ballo murid kiint nganu,e:" Mee jeeh ngratii,e Ponompa!"Tetapi Tomas nyona dieent,e:" Maak goont odooh koo leek bokas paku wah tongan,e samel koo ngamook bokas rubangk nyak tongan koo koni saiih lambung,e,samooh sokali goont cayook koo,"²⁶Maae onu mosiik nyen ballo murid Yesus bopokae monaae wah saiih romiingk nyen ngan Tomas bosamoh ngan ballo,e.somontara koree tokunci,Yesus moniik nyomaak tokiit wah tudaa ballo,e sanoo,e:" Agooh baeek nyak moo,"²⁷Mosiik Doop,e nyona Tomas:"Tonaa buah tongan mo wah to,ranoong lambung Koo,samel ticook ngan,e,yook mo kae cayook,molainkan pocayook maee:"²⁸Tomas nyamoot Doop,e:"O Tuhan koo, ngan Ponompakoo!" ²⁹Sano Yesus koni,e:"Niih moo jeh ngronongk Koo,maka moo pocayook,Bahagia lah nya diik kidooh ngronong,tapi pocayook."³⁰Maseh geek obeengk tanoo kiint diik niih Yesus mongki wah jowii motiih ballo murid,e,diik kae tocatat wah Kitab too,³¹tetapi sidiik toruunt jeh tocantum wah too tocatat,sopaya dop pocayook bahwa Yesus nyen Mesias,Onak Ponompa,sopaya niih odooh iman moo nopaat midoop diik baaek.

Chapter 21

¹Jeh mosiik nyen Yesus ngampoor bakoo,e nganu balllo murid,e wah donuu Tiberias samel ngampoor bakko,e wook too.²Wah pantae nyen borugook Simon Petrus,Tomas diik sanoo nya Didimus,Natanael siik Kana diik wah Galilea,balo onak Zabedeus,ngan dukahnaan murid,e.³Sano Simon Petrus nganu ballo,e:"Koo noruunt mogaoo baook,balo,e nyona koni,e:"Mee pun ngajoh moo." Ballo,e borangkat nyak oruut,tapi ngoriimp nyen kidooh nopat oneh-oneh.⁴Libo jeh nyomaak majii,Yesus tokiit wah pantae,balo murid kidooh ntaook nyen Yesus.⁵Sanno Yesus koni,e;"O ballo cade,kidooh gooh kooh laok moo?"ballo,e nyamoot:" Kidooh neh."⁶Yesus nyona koni ballo,e:"Labooh maeh jaloo mo bubeh tauuh oruut,maka odooh dopat moo,dieent pun nlabooh jaloo nyen gook nyen nyak ballo puas noreek torunaa obengk dopat.⁷Maka murid diik pongaseh Yesus nyen nyonaa Petrus:" Nyen Ponompa doop," libo Petrus ngopiingk bahwa nyen Ponompa,domp pun ngrosook adooh,niih domp kae boadooh,samel ngrojook koni donuu.⁸Ballo murid kiint moniik nyak oruut niih ballo kae ojau siik dooih,somuuk kojaau dukah ratus miter maeh,ballo labooh jallo diik bunuuk niih baook.⁹Libo moniik komo doiih,ballo,e leek arongk opi wah somuu,e odooh baook ngan kue.¹⁰Yesus nyonaa koni,e:"Dibeet ngane banso kuduu sogola baook,diik bauuh niih dieent mbuleeh nyen,"¹¹Simon Petrus simaak oruut sameel nyimpoor jallo nyen kodoiih,bunuuk niih baook diik daiik,soratus rimih poruu toruuh sogola kobeengk,e biar pun kobeengk nyen jallo nyen kidooh kijaat.¹²Yesus ngoraah ballo,e:" Kotoo baah Doop duook,"Kidooh nyak siik murid nyen diik gompangk bopiseek nganuu,e:"Oseeh baah Moo?" niih ballo,e jeh taook,bahwa Doop,e nyen Ponompa.¹³Yesus maju kojowii,miah kue sameel munyook nganu ballo,e,mosiik nyen baook tiih.¹⁴Nyen kotoruuh kali Yesus ngampoor Bakoo,e koni ballo murid,e mosiik Domp mongkat siik ropot nya kobiis.¹⁵Jeh mosiik duook Yesus nyona Simon Petrus;"Simon,onak Yohanes,odooh kah moo ngaseh Koo lobeh siik pada nya too?"Petrus nyamoot:"Siik omaant Ponompa,Moo ntaook,bahwa koo ngaseh Moo,"Sanoo Yesus:" Nongratie ballo dombaKoo,"¹⁶Sano Yesus nganu Simon kodukah kali,e;"Simon,onak Yohanes,maant kooh moo ngaseh Koo?"Petrus nyamoot:"Maant Ponompa,taook Moo,niih koo ngaseh Moo,Yesus nyonaa geek:"Nongratii,e ngane ballo dombaKoo,"¹⁷Yesus nyona kotoruuh kali,e:"Simon,onak Yohanes,maant kah moo ngaseh Koo?" niih nyen owangk,e Petrus colaap,niih Yesus nyonaa nyak kotoruh kali,eTuhan sidiik toruunt Moo jeeh ntaook,diik sobonaar,e koo ngaseh Moo."Sanoo Yesus koni,e:"Ranoongk ngan,e ballo dombaKoo¹⁸Koo nyonaa nganu moo: Sobonar,e libo geek monguunt owaangk moo maeh niseet kopongk samel jaloont koni diik owaangk moo jeeh muntuuh moo ngantae tongan koni nya samel nya ngoraah moo nganu aroongk diik kae owaangk moo.¹⁹Wah hal to niih Yesus nyonaa nyak leeek kameeh owaangk Petrus roo kobiis samel leek Ponompa.Jeh mosiik nyona nyen Dop,e nyona Petrus:"Moo Ngajooh Koo."²⁰Tungkah Petrus baleek,domp ngronongk bahwa murid diik niih Yesus ngaseh tungkah ngajooh dieent,nya nyen tih murid libo duook bosomaak Yesus diik nyonaa:" Tuhan,oseh bah nya diik nyiraah Moo?"²¹Libo Petrus ngratie murid diik nyen,domp nyona Yesus:" Tuhan kameeh wooj diik tojadi ngan nya to,e?"²²Yesus nyamoot,e:"Maak owaangk Koo,naduu montook midoop jangkook pongkoniik Koo,nyen kae urusan moo.tetapi moo: ngajooh maeeh Koo,"²³Niih nyen tosiaar agooh nganu ballo juru posiik,bahwa murid diik nyen kae kobiis,e.Tetapi Yesus kae nyonaa,e nganu Petrus,bahwa murid diik nyen kae kobis,Owaangk Koo,naduu maeh montook midop sampae nunguuk Pongkonik Koo,nyen kae urusan moo,"²⁴Domp,e nyen murid opiik Yesus diik munyook nyona bobaa sidiik too sameel nulis nyen nyak doop taook,bahwa ponyona nyen bonar.²⁵Geek subaak pongodii niih Yesus ngkodii,e,tapi maak pongodii nyen nih nulis nruteek,soluruh dunia too kae dopat ngisii sidiik Kitab.

Acts

Chapter 1

¹Teofilus, wah buku pontojihi dik nih ko nulis nih jelas sidik dik nih ngkodi ngan nih ni ajor yesus. ² sampae onu dope torongkat simak. to jodi mosik nyen dope nyilo porintah nglalu minu dik boriseh nganu rasul-rasul dik nih mileh. ³ mosik nopat kojora,dope ngampor dope dik midop nganu baloe ngan obeng bukti dik nyak cayok solamak pat puru onu dope ngampor doomp nganu baloe, dope gehe bojantoh tontang korajaan ponompa.⁴libo dope borudong ngan baloe, dope morintah baloe ngado kay tiggal yerusalem ,tapi nungguk janyi mange, ngan tontang nyen , dope jeh nyona,'' mo jeh n goping sik ko. ⁵ bahwa yohanes sik maant baptis nyak piink, tapi mo rah ni baptis gan minu boreseh kudu gek.''⁷⁶libo baloe borudong bosamah-samah , baloe misek nganue'' tuhant, to' koh onu mo ngkagaik korajaan israel? 7dope nyona nganu baloe '' mo kae porlu taok ngkate libo ngan tikin't dikni notap ponompa ngan kuasa domp maeh. ⁸tapi mo kan nginyak kuasa,libo minu boreseh tomonah somu mo ngan mo kan jodi saksi ko baek wah yerusalem gok sidik'i yudea ngan samaria,ngan sampae tojok poya.''⁹libo tuhant yesus jeh nyona hal-hal To , libo baloe le'ek kosomu dope jeh torongkat, ngan romang menitop sik motih baloe. ¹⁰ somontara balo le'ek kosurga libo do'om torongkat. Gojot, dukah kunan jeh tokit nyomak wah adoh warna mopau . ¹¹ baloe bojantoh '' mo ntoyant-toyant galelea, ngoneh mo tokit wah to le'ek kosurga ? yesus dik torongngkat nganu surga rah mori ngan cara dik samah sobagai okeh mo le'ek simak nganu surga.''¹² mosik nyen balo mori nganu yerusalem sik dorik zaitun. dik nyomak nganu yerusalem, sik dorik, nyen onu sabat kojauwe. ¹³libo rah monik, baloe simak nganu wah somu, arong baloe monae balo odoh petrus, yohanes, yakobus, andreas, filipus, tomas, bartolomus,matius, yakobus onak sik alfeus, simon nya zerot, ngan yudas onak yakobus. ¹⁴ balo nya bokumpol nyodi tek sobagai wok keh balo dik tumu wah do,a dik tomasok odoh balo ndayongk, maria nok yesus, ngan posik-posik yesus.¹⁵ libo onu nyent tokit petrus wah tuda-tuda posik,i kira soratus dukah puru kunan, samel bojantoh. ¹⁶ posik-posik, odoh pontengk, nulis firman harus gonap, bahwa minu boriseh jeh bojantoh nglalu tuko,ok daut ngingant yudas iskariot, dik jeh ngontik balo nokop yesus.¹⁷karna dope ramih odoh tek sik ntara dok ngan jeh rima bagi guna porintu to. ¹⁸ (ntoho nya mirih bidang poya ngan hasel dik dope nopat sik cara dik kay baek ngan wah nyent dope jotuk ngan bak dik tiai , ngan wongk topiak ngan sidik obih tonik,i bolubor koluar. ¹⁹sidik dik midop wah yerusalem jeh ngoping tontang hal to, sobap nyentlah balo nyobut mih nyent wah boba balo ,,hakal-dama,, nyent,, poya doya,,)²⁰ karna odoh tulis wah kitab mazmur , aduye mih nyent kay torintu ngan yok ngadu tek kunan montok wah nyent,, gok , nadu nya laingk niah somonay ngant pomipint.²¹ karna nyentlah , torunt harus , bahwa lak kae tek sik baloe dik jeh bokumpol ngant dok sampae paji libo tuhant yesus odoh wah tuda dok ²² tojih sik baptis yohanes sampae onu to do,om ni ngongkat sik tuda dok , harusnyodi saksi bosamah-samah ngant dok ngkouk kobangkike. ²³ balo ngaju dukah kunan, yusuf dik ni nyona barsabas, dikgehe borodant yustus, ngant matias.²⁴ balo bodo,a gok bojantoh, mo tuhant dik taok owangk sidiknya, sana dik keh sik ntara dukah to dik mo mileh. ²⁵nyak nganti arongk saihpolayan to ngan rasul dik keh yudas iskariot jeh kae tingant nyak ngnu arong dik jeh nyodi m,po do,om. ²⁶ balo motant undi tohadap kodukaha ,undi nyentjotuk nganu matias nyak,a dope jeh toritong wah ntara kosobolas rasul.

Chapter 2

¹1. Pado Onu Pentakosta balo Rasul borugook ² Tiba-tiba sik soruga suara suara dek iint buak jodi nyipoh fompok orongk dieent dudok.³Wah yen timol wah dient jira-jira opi dek bagai ngan ponae wah somu dient.⁴ Lalu dient bunuk nih minu suci,lalu dient mulai yaant nyak bobo-boba dek kiint,wook keh minu nyonaj koni dient.⁵ Lalu wah nyen todopat nya Yahudi dik midop wah Yerusalem,nya-nya baek sik sotiap bangso dek odoh wah ribu ronyeent. ⁶ Libo angkong nyen nih ngopingk,nya obengk monik bosamohz-samoh ngan monjadi ringu nih sidik nya nya jeh ngo pingk dient bojantoh nyak boba dient. ⁷ Balonya irant ngan salut lalu dient nyona,"Maant koh kae dient deik yaant nya Gagelia.⁸ Nguneh dop ngopingk dieent bojantoh nyak boba pongkodoh doop masingk-masingk? ⁹ Nya Pateria Gook Media ngan Elam ngan dieent dik ponae wah Masapotamia,wah Yudea nagan Pampilia wah pontus ngan Asia. ¹⁰Wah Frigia ngan Pamfilia,wah Mesir ngan sobagiaant wah kodak Libia somak Kirene,ngan balo pongkonik sik Roma. ¹¹Nya-nya Yahudi ngan banso dek kin dek nginyak agama Yahudi nya kereta gok nya Arab,dop ngoping dieent bojantoh nyak boba-boba toront dek mulia korija Ponompa."¹²Dent sidik irant ngan bongoong ngan dient bojantoh tek ngan laink,oneh maksud sidik unto?"¹³ Totapi nya-nya dek kint ngolok ngan nya,"Dient obok ngan ongor bauh,"¹⁴Lalu Petrus tokit bosamoh kosobolas rasulngongkat bobo doomp ngan bojantoh koni dieent ."Oii nya-nya Yudea ngan sidik mo dek ponae wah Yerusalem,adui maeeh mo taook;tileek lah boba-boba ko.¹⁵Nih nya-nya unto kae obok wook pomiker mo,nih unto bauhlah jaamp kotoruh sik onu to.¹⁶Totapi intolah oneh dik nih mamarkan sik nabi Yoel :¹⁷Nyen akan monjadi wah ono-onu pongkosik;Ponompa bojantoh ,Ko akan nguwah minu ko koni sidik nya.Onak-onak dari-dari ngan onak-onak ndayongk mo akan bojantoh,balo pomongunt mo akan lek pontilek-pontilek,ngan balo muntuh-muntun mo akan pimi.¹⁸ Gok balo kuliko ngan balo kuli ndayongk ko libo onu-onu nyen ko akan lulok minu ko ngan dient akan bojantoh.¹⁹ Ko akan menijukan konyaroh wah somu ronyent ngan tano-tano wah singant bumi,doya,opi ngan rugok asop.²⁰Motih onu akan borubah monjadi piti ngan burant borubah monjodi doya,libo goont monik onu ponompa dek daik ngan hebat nyen. ²¹Saat nyen odeh pun dek nosu odant Ponompa akan di selamatkan;²²Oii nya-nya Israel,boba-boba to,Yesus sik Nazaret,Nya dek jeh tontukan Ponompa nyak mo ronca pogodi-pongodi daiik,mujizat-mujizat,ngan tano-tano dek Ponompa mongki ronca Doomp wah tuda-tuda mo,sobagaimana mo maeeh jeh ntaook.²³Nya to nyilo bojujak sik rencana dek jeh tontukan Ponompa lalu Ponompa taook libo goont,ngan mo,nih tongan mo balo polangar ukuump,jeh komeek Doomp ngan memaku Doomp wah koyuh saleb.²⁴ Totapi Ponompa mengongkat Doomp,meloposkan Doomp sik pondorita pongkomeek.²⁵ Karena Daud jeh bojantoh tentang Doomp,Ko leek Ponompa solalu wah jowi ko,karena Doomp ponae wah kodak tauh ko sebab nyen ko kae togoyahkan.²⁶Oleh nih nyenlah oti ko bosuka cita ngan memuji-muji ngan dagingk ko akan midop wah saih koyakent ko.²⁷Karena Mo kae akant ditigal jiwa ko koni hades,ngan geh mo kae mombiarkan minu boriseh Mo lek korusakan.²⁸ Mo morati koni jorant pongkidop;Mo mongki ko punuuk ngan suka cita ngan jowi Mo.²⁹Balo dieent-balo dieent,ko dopat bojantoh koni mo nyak yakint tontangk Daud Mang banso Dop sampai onu to.³⁰Sebab nyen doomp adalah nabi ngan jeh taook bahwa Ponompa jeh bojanji ngan bosumpah koni Doomp wah tahta Doomp.³¹Doomp jeh lek sebelumnya tontangk hal unto ngan jeh nyona tontangk kobangkitan Doomp Kristus.'Doomp pun kae tigal koni hades,ngan dagingk Doomp kae geh nopat korusakan.'³²Yesus to dek jeh dibangkitkan Ponompa,tontang hal to dop somua adalah saksi-saksi.³³ Sobab nyen setelah ditongkat koni kodaak tauh Ponompa ngan jeh nginyak Minu Boriseh dek jeh dijanji sik Mang jeh menjurah Doomp.³⁴Daud kae simak koni soruga,totapi doomp bojantoh,Ponompa Bokata koni Tuant ko,"Dudok lah wah kodak Tauh Ko, ³⁵Nih Ko mongki lawoont-lawoont mo pusat ponaumpu koja mo." ³⁶Nih nyen lah,adui maeh sidik umat Israel ntaook ngan pasti bahwa Ponompa jeh mongki Doomp sobagai Ponompa ngan Kristus Minu Boriseh.³⁷Libo dient ngopingk unto korook lah oti dient,lalu bopisek koni Petrus ngan balo rasul dek kiint,"Gok balo-balo ,oneh dek harus metangki?'³⁸ Ngan Petrus njawob koni dient,"Botobatlah nagan jilo lah diriik mo masingk-masingk ditaneek,Wah saih Odant Yesus Kristus nyak ngampuunt dosa-dosa mo,loongk mo akan norima KArunia Minu Boriseh.³⁹Nyak mo lah janji nyen ngan onok-onak mo ngan sidik dek ojau,nyenlah sekobengk nya dek akan ditadu oleh Ponompa Dop.'⁴⁰Ngan obengk boba dek kiint doomp moyaksikan ngan mondosak dieent'.Doomp nyona,"Solamatkanlah firimo sonirik sik tikiint dek jahat unto."⁴¹ Lalu dieent monorima Boba doomp ngan ninanek lalu onu yeent jomilah dieent botoduk kira-kira toruh ribu jiwa.⁴² Dieent patoh solalu ngan pongajor balo Rasul ngan borugok,morocak-rocak roti wah saih doa.⁴³Owangk golak ponae wah sotiapnya,ngan toruunt nyaroh ngan obengk konyaroh ngan tano-tano tojadi ronca balo radul. ⁴⁴Ngan sidik nya dek jeh monjadi pocayook borugok bosamoh-samoh ngan sidik toruunt umpo dieent monkadi umpo bosamoh, ⁴⁵Ngan dieent monjual sidik toruunt umpo dieent ngan rita umpo dieent lalu mombagi-bagi koni sosamoh dieent,sosuai ngan kopororu madingk@masingk.⁴⁶Sidik onu dieent sohati borugook bosamoh-samoh wah saih roming Ponompa ngan dieent miak-miak roti wah saih roming-roming ngan dieent saling bobadi toruunt nyak naiik ngan baek owangk ngan koronah oti;⁴⁷ Dieent momuji Ponompa ngan dikonaak oleh sidik nya,lalu sotiap onu Ponompa menoduk koni dieent nya-nya dek jeh disolamatkan.

Chapter 3

¹Libo jamb nyenr petrus ngan yohanes simak koni baik ponopa nyen jamb somayak. ²Libo yen odoh nya endari dih mangkongk sijak raher odoh nya nih nya ladot , nih nya engalae wah sopa m owa kore baik ponompa ³Libo yen petrus lekh ngan yohanes masok baik ponompa dopm minta sedekah.⁴Petrus samel ronongk nya nyen yomak ngan bojantoh nile me." ⁵ Libo nya mangkog nyen lehk di.yent samel minta nyilo koni nyent ⁶Tapi petrus nyona, "Perak ngan omas ko kidoh oneh dikh ko umpo ko jilo pinyok lah. Ngan Yesus Kristus sih Nazaret, bojalot."⁷Petrus ngongkat tongan nulongk dopm copat tokitlibo nyen koja ngan turak-turak rowas koja togap ⁸Samel lumpat nya mangkongk nyen tokit gok bojalot bosamoh ngan petrus gok yohanes masok koni baik ponompa⁹Sidikg balo nya lek dopm bojalot ngan muji- muji ponompa ¹⁰Balo nya lehk dopm nyenlah endari dih tis minta - minta wah gerobang baik penompa balo nya nyaroh ngan irat¹¹ Somentara dopm nganjioh petus ngan yohanes sidih nya engkadoh engkoduh leel wah arok korasar selomo ngan nyanroh ¹² Libo petrus hal nyen dopm enjawop balo nya- nya dinyent nya istrael ngoneh diyent nyanroh ,ngoneh diyent leek me seolah-seolah me lah ngado dopm bojalot ngan kuasa ngan kesalehan dopm ma,eh¹³Ponompa Abraham ,Isak ngan Yakop ponom nek monyang dih mulia yesus kuli dopmlah nyen lah dih nih nyerah koni platus libo nyen mutus nyak embas dopm ¹⁴ Diyen nulak nya kudus ngan bonar ngan minta sebagai sile nya engkobek nihe embebas nyak mo¹⁵ Mo jeeh engkomek monki pomidop dih jeeh bangkit nih ponompa pongkobek mek lah dih saksi ¹⁶Mulae ngan iman ting saih owak nodat nya ngan mo tilek ngan ngonal odat sama mongki kuat iman ngan yesus nyilo koni nya kesembuhan sebagai buti nyak mo sidiih¹⁷ Untoh balo digan ko taok bahawa mo jeeh engkodi ngan kae taok sepperti dih nih engkodi balo pomimpin mo ¹⁸ Tapi hal dih keh ponompa nyona libo lalu tukoh balo nabi bahawa kristus harrus jora dop toe jih nih enggonap¹⁹ Karena nyen botobat ngan balek ngado dosa- dosa nih ngapus supaya mungkin monik masalega pongkonik ponompa ²⁰Ngan supya dopm dopat ngutus yesus jeh totap bagimo yesus²¹ Dop dih harus rima suruga hinga wak tu jeh baek tentang hal ponopa dih jeeh nih nyona lalu tuko balo nabi dih kudus ²² Musa jeeh nyona ponompa bangkit ngan kiteh nabi wok ko sih antara saudra-saudara mo ²³ Akan terjadi bahawa tiap manusia dih kae ngopikg nabi nyen dopm binasa pinih antara nya-nya nyen²⁴ Ngan sidih nabi seja samuel ngok balo nabi dih monik setelah dopm karena diyent rita jaman untooh ²⁵Diyent onak- onak balo nabi sih janyi ngan ponompa mongki ngan nek monyang dinyent kaneh kaat Abraham sih binihmo siih keluarga tingk dunia nih borkat ²⁶Libo ponompa bangkit kuli pontojih gutus koni mo nompal mo ngan cara monki mo balek koni dih baek

Chapter 4

¹Libopetrus ngan yohanes bojantoh jantoh koni nya obek ,bala imam ngan pomimpit bait ponompa sorota nya nya soduki moni koni diet. ² Diyet sangat toggangu le petrus ngan yohanes ngajar nya nya obek tentang yesus ngan obek agah kobankitan yesus di le nya nkome . ³Diet nokop lalu mponya diet dukah koni ponjara . sohinga maji onu karena onu nyin jeh ngorup. ⁴ Detapi obek di antara nya nya dile ngoping borita nyin lalu pocaya, ngan kira kira remuh rebu konan.⁵Libo onu ngorup bala pomimpit diyet, ngan nya muntuh muntuh ngan bala ahli torat, bokumpul bosama wa yerusalem. ⁶ Imam didai hanas, kayapas ngan yohanes, ngan aleksander, ngan sidi koturunan si imam dai, odoh wangoin. ⁷ Libo saat bala diet, mengadap petrus ngan yohanes, wa tongah tongah diet , diet mise, '' ngan kuasa onih atao wa alap odat osih, mu nkodi pongodi to ? .⁸Komudian petrus, di punu ngan roh di boreseh, bojantoh koni diet ''. mo pomimpit rayat ngan bala nya muntuh - muntuh,.⁹ Ma gomi pada onu to le mise, tentang sebuah pongodi dibae koni nya, di tongah monap, nya cara onihkah nya to lalu bae ¹⁰ Biarlah to di lentao, lemu sidi lesidi rakyat israel, bahwa diwalam yesus kristus si nasaret, dilemu nyalep ngan jeh bangkit, ponompa diantara nyadi kobe, le yesuslah nya to tokut alap keadan disehat, diwa ngadap mu.¹¹Yesus kristus adalah botuh penjuru dilemu motat ,namunjeh monjadi botuh ponjuru. ¹²Kidoh dideh kesolamatan dikit wa osihpun kidoh. karena kidoh dideh odat dikit wa rungan ronyin , dijele nyilo diwa antara ntoyat, dile yesus dop dindopat solamat.,,¹³Libo diet jeh le koberanian , petrus ngan yohanes, monyadari bahwa diet adalah nya biasa, ngan kidoh ponddikah maka diet sangat herat, ngan somakin monyadarin, bahwa petrus ngan yohanes jeh otai bosamah ngan yesus. ¹⁴Karena diet jeh le nya dile nyembuh, nyin tokut bosamah ngan petrus ngan yohanes, maka diet kae dopat boboba onih pun tentang hal to.¹⁵ Totapi jeh dieyet memerintahah bala rasul nyantigal persidangan, dieyeth bojantoh di antara diyeth todop. ¹⁶ Diyeth ngomong,, onihkah diharus nya dop kadi terhadap nya nya to? karena tobukti bahwa suatu mujizat dih luar biasa jeh tojadi nlalu diyet, di jeh le ntao sidi nya ponae wah yerusalem . dop kae bisa agih menyangkala. ¹⁷Tetapi gat kae meluas di wa antara rayat, mboh lah dop mongingat diyet gaat kae njantoh koni osih pun wa alap odaat to. ¹⁸ Lalu diyeth nosu petrus ngan yohanes masok ngan memerintah dieyet gaat kae nyona sama sekali ngan yo ngajar wa alam odat yesus.¹⁹ Tetapi petrus ngan yohanes njawab ngan boboba koni diyet, wangokih dih bonar wa joi ponompa, taat koni mukah atao taat koni ponompa , putuskan sendiri.²⁰ Karena me kai nya kae bojantoh-jantoh tentang oneh dik me jeh le ngan jeh ni ngopik'n.²¹Jeh suah le ngingan petrus ngan yohanes, lalu dieyet lembiar obu. bala diyet kae dopat mogao alasan nya ngukum diyet, sidih nya sedang memujuh ponompa leonih nya bisa ter jadi. ²² Nya dijeh mengalami mujizat si kesembuhan to jeh berusia lobeh sih mpat puluh soa.²³Jeh suahah diyet le mbebaskan, petrus ngan yohanes mori koni bala kawat kawatah ngan nyona sidi torut dijeh nyona le bala imam kepala ngan muntuhmuntuh dijeh koni diet .²⁴Ketika diyet ngopik hal to diyet nosu lobeh nyaring koni ponompa, ngan boboba, tuhat mu di mongki ronyin ngan poya nan laot,ngan sidi torut di odoh wa alapah²⁵Mu di nglalui minu suci mu ngan nglali tuko ni moy ang mi daut kuli tuhat dimponakah ngonih nya nya dikae yahudi ndoruh ngan nya nya dimiker hal hal dikidoh reti? .²⁶ Raja-raja dunia jeh niyapkan diri dom ngan bala ponguasa bokumpul molawat tuhat ngan ngolawat yesus dile ngurap.²⁷Bahkan bae herodes ngan Pontius pilatus dosama ngan nya nya dikae yahudi ngan nya nya ISrael jeh bokumpul bosama diwah kota nyin dinglawat kuli MU yesus di boroseh dile mu urapi. ²⁸Nya molaksanakan sogala sesuatu dijeh lemu nontukan sih pontojihh ngan owakmu.²⁹Ntoh, tuhat ngonung ancap ancap diyet ngan jilolah koberanian koni kuli kuli mu nya monak boba tuhat.³⁰Gat somantara Mu dinjulor tongan Mu nya menyembuhkan, tanda tanda mujizat mujizatMu buleh jodi nglalui nama Yesus kuliMu di boroseh³¹Sotelah diyet mosi bodoa aso diyet borogo bosama nyuh boguncak, ngan diyet sidi punu ngan minu diboroseh ngan diyet monak boba Ponompa ngan borani.³²Kobek dai si diyet di pocaya boso oti ngan kite minu. ngan kae nya pun si diyet bojantoh bahwa onih pun go torut mpo diyet adalah mpo dom maih totapi sidi torut adalah mpo diyet bosama.³³Ngan kuasa didai bala rasul ngragah kosakian diyet tentang kobantitan tuhat yesus lalu hadiah didai tomonah koni somu diyet sidi.³⁴Kidoh nya diantara diyent kekurangan, karena sidi dimpo poya ngan roming dient jual ngan diet met hasil penjualan to.³⁵Ngan nugo wa sigat koka bala Rasul lalu diet nyilo-nyilo koni sotiap nya pocaya sosuai ngan keperluan mading masing.³⁶ Yusuf nya Lewi, nya di boasal si ompu Siprus, di le Rasul-rasul nyobut Barnabas reti adalah ona penghibur. ³⁷ Ngan jual gomuh lalu menduit ngan ngona wa sigat koja rasul-rasul.

Chapter 5

¹Odoh nya kint borodant Ananias, bosama osao,e Safira, nyual sobidangk kubont. ². domp pun odoh geh ngona cink sik duet asel ponjual ( Osao pun odoh ntao) lalu domp met cink asel ngan ngonae wah ribu koja balo rasul-rasul.³3.Tapi petrus ngomong.Ananias, ngoneh munt nguasa owang oti sampae mborol nganu minu ayu ngan nahan sobagian cik ponjual poya to?⁴4.solagek nyent gont tojual,kae kah nyent totap mo mpo? mak setelah tojual kae kah nyent totap wah ponguasaan mo? kameh mo bopiker hal wok nyent to sik saih oti mo? mo pun kae mborol monsia,tapi mborol ponompa,⁵5.libo ngopingk boba jih,tumangklah Ananias lansong kobek.Maka jotingk maeh sidik ontoyant dik ngopingk,e⁶. 6. lalu monik balo-balo mongunt mbungkus domp,ngant dient,e met somopa lalu ngubur,e.⁷7.sokitar toruh jam mosik nyent,osao,e monik,kae sopongatao oneh dik tojadi.⁸8petrus ngomong koni,e.Sano lah koni ko, ngoneh mo nyual poya nyent nyak balo.⁹9.Lalu Petrus ngomong ngan domp,"Ngoneh dient dukah bopokat nyak nguji Minu ayu Ponompa? Tileklah,koja sik balo nya nyuh dik ngubur bonih mo odoh..h wak kore,gok balo dient,,e ro ngongkat mo koluar.rr.¹⁰10Ndayongk nyent lansongk nggaringkk,..motik torih pongasongkk domp.gok baloo,cade mongunt met ndayongk nyent koluar lansongk nih ngubur bosomak bonih domp.11¹¹ mangka jodi agoh golak geh nyak sidik ntoyant,n,gok sidik nya dingopingk agohh to.¹²12Obengk tano gok romant dik timol wah tuda balo nya sik tongan-tongan balo rasul.Balo sidik borota wah omak kolasar Salomo¹³.13 Tapi kidoh nya tek pun borani ng rompuk balo nyent;nih nyent balo sik nong gollak nya.¹⁴Nih nyent,n makint botoduklah gok balo nya dik cayo koni Ponompa,baek ndari ngan ndayonkg. ¹⁵bahkan balo met nya monamp koni jorant samel mbaringkg nya wah pomiis gok pangonggk,mak Petrus lalu dopa ¹⁶Toduk sadongk balo waih geh monik sokiant kobengkg nya kae torito ge kobengkg sik kota- kota sokitar Yerusalem met nya monamp ngan nya gila minta nongkuri.¹⁷Tapi balo rajo daik monik,borota balo ngajeh domp(aliran saduki );gok balo nyent monamp owangkg ¹⁸Samel nokop balo rasul,nyak balo masok koni ponjara umum.¹⁹Libo ngorimp onu piti odoh torunt ncitar nlopos balo sik pongurongk,samel boboba, ²⁰Obulah,Tokit wah romingk Ponompa ngan sano manu nya tentang Ponompa midop nyent. ²¹Mak libo ngopingkg hal to,balo masok manu gorija maji onu,samel borudongk. Tapi pomompin daik monik,geh balo dik borota ngant domp,,mosik nyent nosu balo pomimpin rogama ngan gok nya muntuh-muntuh Israel,nyak lek ponguronggk met rasul,²²Tapi balo pongurus dik obu kidoh lek balo wah ponguronggk,sohinga balo balek nyona,e. ²³"Me lek ponguronggk nyent totitop rapot se,ek,gok balo pongawal njago wah kore,mak libo me mukak kore kidoh wook nya wah saih.²⁴Libo nyent baak pongurus gorija gok pomimpint ngopinggk hal nyent,mpojet,laak oneh maeh malo manu Rasul. ²⁵Lalu tek konaant monik,nyona balo nya,Ontoyant,n-ntoyant dik nimo ngurongk odoh tokit wah gorija samel ngajor nya obenggk,e.²⁶Maka baak pongurus gorija obu borota balo oyongkg domp samel met balo rasul mori,kae ngant ko kuat,golak ngitonggk, lak nya ndoruh samel nyoboor botuh. ²⁷Libo met balo rasul,balo ngadop rasul koni pomimpin rajo,pongurus daik misek balo rasul, ²⁸Kaantte, me ndoruh mo ngajor miah odant to,tapi mo,ngarami nya Yerusalem nyak pongaroh mo,gok nanggonggk doya nya to manu me.²⁹Tapi Petrus ngan Yohanes nyamot,"Dop arus lobeh patoh manu Ponompa dari pada Monsia. ³⁰Ponompa koturunt me saek mula,e manggkik Yesus,dik jeh dientn komek,cara nih ngantonggk wah koyuh saleb. ³¹Ponompa munyok kol obehDomp,pe wah bubek tauh ngan njodi Pomimpint,n ngan juru midop,nyak munyok ponobat manu nya Israel ngant pongampun Dosa-dosa. ³²Me lah saksi sik sidik to, Demikian geh ngan Minu Ayu, dik nih Ponompa munyok koni oseh dik matoh Dompe.³³Libo balo dewan ngopinggk nyentn,balo sajo ndoruh mak taok owangk,komek,balo rasul. ³⁴Tapi nya Farisi borodant,n Gamaliel,dik gah ngajor borent,n,dik nya nonggolak sidik nya,Domp mongkat tokit samel nrintah balo rasul nyak dibet somopa sotogal gont,³⁵Mosik nyent,n domp ngimonggk,manu nya,"ntoyant,n-toyant,n Israel tileklah sorius oneh dik nih kodi manu ntoyant,n -ntoyant,n to. ³⁶Karna kudu onudik lalu,Teudas simak ngangku domp,pe bagos,ngan borota sokitar Empat ratus ntoyantn borompuk ngan domp,e.domp,e kobek,ngan sidik nya dik ngajoh pun toponcae rarae gok kae nopat oneh-oneh. ³⁷Mosik nya nyuh,Yudas sik Galilea timol pado onu sensus rayot ngan met jumlah ntoyant,n borompuk.domp pun geh kobis,gok sidik nya ngajeh boponcae.³⁸To ko nyona koni mo,nongkojulah sik ntoyant,n-ntoyant,n to,nadu maeh balo todop,mak bila roncana to atao korija to sik monsia,maka nyent,n batontn, nya. ³⁹ Tapi apabila mak sik Ponompa,mo kae kan mampu ngaloh nya,bahkan mo nginamp mo nyadar mo kira lawont,Ponompa."maka dient,e yaken,t⁴⁰Lalu balo nosu rasul masok,samel mongkongk,g balo nyak agant,kae Ngomong nginyak odant,Yesus,lalu ngaso balo obu. ⁴¹Mosik nyent,n balo rasul ntigal oyongk Pongurus Agama samel notao biar balo jora nginamp konamp hinaan wah odant to. ⁴²Mosik malo tih tiap onu wah saih romingk Ponompa samel sik romingkg koni romingkg balo bolanjut ngajor odant nama Yesus jodi Kristus.

Chapter 6

¹Libonyen jomilah murik mangkint obengk botoduk keluhan nya Yahudi dik boboba Yunani mulai timol nontang nyasik Ibrani , nih gok janda- janda sikdiete nihnya ngremeh maehe libo magi kunaik tiap onu.²Kedukah bolas Mangil murik dik obengk ngan nyona "Kaelah pas bagi me nyak ngome Firman PONOMPA nya ngduli mija. ³Dient harus mileh, ijukonan ngdari sik balo dient, ditaok nyaktijuk nyak nagan urusan toe. ⁴ Mengnaime, me akan selalu tekun berdoa ngan dalam nglayan Firman.5.Boba-boba rasul nyen longk nya nginyak, jadi diyent mileh Stefanus, nya dik penuh iman ngan Roh Kudus, ngan Filipus, Prokhorus, Nikanor, Timon, Parmenas, ngan Nikolaus, seorang penganut agama Yahudi saik Antiokia. 6. Urangk-urangk pocayok met nyanyentise koni para rasul dik mendoakan ngan menumpangkan tongan koni tunuh diente.⁷.Nih nyen nyaak Firman Ponompa mangkint tosobar, ngan jumlah murik mangkin botoduk wah Jerusalem dengan copat, ngan balo lmam nyirah diri ngan pocayok.8.Maka Stefanus, dik penuh anugrah ngan kuasa, tungkah ngkodi mujizat- mujizat daik ngan tano-tano wahloboh nya obengk. 9.Tapi timollah beberapa urangk Yahudi dik jemaat sinagoge dik sanoe roming sinagoge libertini,sik kaum Kirene ngan Aleksanderia,ngan tingah sik Sisilia ngan Asia. Urangk-urangk nyen berdebat ngan Stefanus.¹⁰Tapi dient kaemampue nglawont ngan Roh dik yant melalui Stefanus. ¹¹Maka diam-diam ngasut goknya ngado nyona, mejeh ngopingk Stefanus boba- boba hujatan terhadap Musa ngan terhadap Ponompa.¹²Lalu diyete ngasut nya muntuh-muntuh ngan gok ahli Taurat, lalu diyent koni Stefanus,nokope,lalumete koni Dewan Agama. ¹³Diyente nyona kesaksian palsu,ngan yant, nyato kae togak-togak ngucap penghinaan terhadap arongk dik Kudus ngan Taurat. ¹⁴Nihme jeh ngoplngk domp nyona bahwa Yesus sik Nasaret rongancor arongk nyen ngan ngubah adat- istiadat dikjeh diteruskan Musa koni dop. ¹⁵Setiap nya dik dudok wah Dewan Agama nuju motih koni Stefanus lalu bagoe wok bago Malaekat.

Chapter 7

¹ lulu imam daik bojantoh oneh sidih nyen bonar² Stefanus enjwop balo posih ngan mang kapingk ko ,Allah dih mulia jeh ngampor bako koni paak dop Abraham libo dopm monae tingk Mesopotonia got dopm monae tingk Haran³ Dopm boboba,Tigal maeh poya ngan keluargamo ngan obu koni poya dih ko tijukk koni mo⁴selanjut dopm ingtigal poya nya Kaldea ngan monae tingk Haran sih yuh mosi pa,ak kobek Ponompa met dopm koni poya nyen arogg mo monae untohh⁵dopm kae nyilo poya nyen sebagae rita koni kae, bahkan kae boyah kaihh empura koja tapi dopm bojaji sekalipun Abraham gott odoh onak dopm taok nyilo poya sebagae umpoe ngan yak kuturut mosih dopm⁶Ponompa jeeh ngomong koni diyett wokto kuturutt pasti midop sementara onu tingk poya nya ngan penduduk tingk yuh akan mett diyent jora nih rintah ngado diyent parah empat ratus sowa kotaii ⁷ko akan ngukupp bangsa dikh rindtah dyent katt ponompa mosih nyen diyent semopa ngan nyomah Oko tingk arokk to⁸ lalu Ponompa yilu Abraham suatu janyii sunan , supayo Abraham jodi pak sih Isak ngan nyunan padoh onu kumaee, Ishak jodi pak sih Yakup . Yakup nyen pakk dihk koduka ptiak⁹arena balo patriak jeh nih ngusa nih dengki iri koni Yusup diyent enjual dopm koni Mesir tapi ponompa enjago dopm ¹⁰nih lopas dopm sih sidih semua penindas Ponompa menganugerah Yusup kaseh kurnia ngan hikmat konifiraun rajo mesir gok obiih roming¹¹maka jodi suatu sebirok dih nimpa seluruh Mesir ngan Kanaan ngan jora daik hinga pak-pak dop kae dopat duwok ¹² Libo Yakup ngopingk odoh ganup tingk Mesir,dopmngado nek moyang dop dih pontojiih ¹³ Pado onu kodukaYusup ngampor bako koni posik-posik ngan keluar Yusup taok Firaun engkatt.¹⁴ Yusup ngutus posih- posih morii nyona koni Yakup paak ngado manu koni Mesir bosamoh ngan iju puru rimih sidih dorumak ¹⁵lalu Yakup manu mesir dop kobeh ngan nek moyang dop ¹⁶Mayat diyent nih mett koni sikhem nih ngobak saiih tiik kubur nih Abraham mirih jumlah uang perak sih onak-onak Hemor tingk sikhem¹⁷Padoh unu nyen janyi jeeh somak janyi Ponompa nih monki ngan Abraham ngan entonyat semakin botoduh obeek tingk mesir ¹⁸ Sampae mongkat nya rajo dik bikitt koni Mesir seorang rajo kae taok tikg tentang yusup ¹⁹ Rajo nyen empo bangsa dop ngan ngado nek moyang dop burok diyent maksa nek moyang ngan cade jora bahaya kae solamat²⁰Pada sa,at nyen Musa laher dopm bagai bagos tingk jowi Ponompa ngandopm nih milihara torok buratt kotai roming paak²¹Pada saat nyen dopm nih motat putri Feraunngangkot ngan engka,ik dopm sepeti onak endari dopm²² Musa nih endidik sidih ilmu ngan balo nya mesir dopm paling panae bojantuh ngan korija ²³ Libo umorksekitar empat puro sowa muncul owak ngan sahi oti ro manu balo pba posik ngan onak cade istrael ²⁴ Libo lek nya istrael pongodi kae bonar Musa nulok ngan molas mumoh nya Mesir nyen ²⁵Dopm bopiker bahawa posih teriti bahawa Ponompa lalu tongan libo nyelamat diyent tapi diyent kae teriti²⁶ Libo onu babut dopm manu nya Istrael libo diyent bodoruh dop bu.usaha diyent bodamae diyent samoh nya laik kat dingan-dingan mo ngan posih ngoneh ngika dingan ²⁷ Tapi nya dih mongki bosalah ngan dingan nulak ngam boboba oseh kah dih ngongkat mo jodi pomimpint,hakim ngan mo ²⁸Pasti mo ngobek me woknyen mo ngobek nya mesir minus²⁹lalu Musa obu mosih dopm ngopink jodi nya asing tingk poya Midian tingyuh dopm jodi pak ngan dukah onak³⁰ Libo empat puru sowa dih jeh lalu nya malaekat ngampor tikk padok gurun dori sinai wok jilao opi wah rawo³¹Libo Musa lek opinyen, domp ngpongoh koni torunt tileek nyent ngan libo domp nyomak roleek,moniklah suara Ponompa, nyonae. ³²Kolah Ponompa nek moyangmo,Ponompa Abraham,Ishak,ngan Yakup, lalu Musa nggigit ngan golaak leek.³³Lalu Ponompa nyona koni domb, Tuleh alas kojamo, sebab arongkmo adalah arongk dik Suci. ³⁴Kojeh lek kujora umatko dikwah Mesir, Kojeh ngopingk rintihan dient,nganKo monik nyak nulongk dient, to kotolah, Kongadomo koni Mesir.³⁵Musa toe dikceh diente ngrimae,libo dirnt nyona, oseh dikngado pomimpint ngan hakim ?- domp adalah satu-satu dik nado Ponompa sebagae pomimpin ngan penyelamat,Ponompa ngado domp nginyak tongan malaekat dik mampor koni Musa wahyop ongkah-didah. ³⁶Musa jeh mimpint dient koluar sik Mesir, mosik ngkodi mujizat-mujizat ngan tano-tano wah Mesir ngan wah Laut Merah,ngan wah padang gurun selama ngpat purusowa. ³⁷Musa nyenlah diknyona koni nya Israel, Ponompa akan membangkitkan seorang nabi nyadient sik antara balo dingan,seorang nabi wokKo.³⁸Tolah nyadik libowah jemaat wah padang gurun ngan malaekat diknyonae konie wah puncak Gunung Sinai tolah nyadik ngan nek-moyang dop, tolahnya jeh ngrima Firman pongkidop diknyak pinyok koni dop. ³⁹Tolahnya dikngak nek-moyang dop ngopingk, diente nguser domp obusik diente,ngan wasaih owangk diente jeh morie koni Mesir. ⁴⁰Libo nyen diyente nyona Harun,tangkilah kilah-kilah diakan mimpint dop.bayo nih Musa,dikjehmimpint dop koluar sik poya Mesir dop katao ngkate oneh dik terjadi ngane.⁴¹Lalu diyete mongki sebuah patung onak lembu libonyen ngan minyok kurban persembahan koni berhala, ngan baek owangke nih toruntdik tangki diente. ⁴²Tapi Ponompa pinahsik dieyent ngan ngadu diyent beribadah koni bintang-bintang wahronyet, indik tertulis wah kitab para nabi, Hai banso Israel, onehkoh diyent dikjeh mempersembahkan koniko hewan sembelihan ngan korban-korban dikkint selama empatpuru sowa wah padang gurun ?⁴³Diyent jeh ngrima arong ibadah Molok ngan bintang dewa Refan,ngan gamar-gamar diknih diyent mongki nyak nyembah diyente, ngan Koromet dient ojau koni Babel.⁴⁴Para nek-moyang me jeh memiliki tabernakel kesaksian wah padang gurun , sebagaimana Ponompa jehperintakan libo domp bojantoh koni Musa, bahwa domp harus mongki halnyen sebagai patron dikjeh domp leek. ⁴⁵Tolah kemah dikjeh dimet nek-moyang dop,koni poyato sorota ngan Yosua. To terjadi libo me masok nyak menaklukkan banso-banso dik diusir oleh Ponompa wahjowi para nek-moyang dop. Wok nyenlah dik terjadi sampae masa Daud. ⁴⁶Dik nopat kaseh karunia motih Ponompa,domp dimintak nyak nopat tek arong somonae nyak Ponompa Yakub.⁴⁷Tapi Salomo jeh mongki roming nyak Ponompa. ⁴⁸Man woknyen, Yang Maha Kuasa kae ponae wah saih roming-roming dik nih mongki nyak tongan monsia, int dik sano nabi. ⁴⁹Ronyet adalah mahkotako,ngan poya adalah poempet kojako Roming wokkeh diktaok mo ngtokite nyakKo ? kant Tuhant, atau wakehkoh arongko nogaklopa? ⁵⁰Kaekoh tonganKo dik mongki sidik towe ?⁵¹Mo adalah banso dik koras kepala ngan dik kae bosunat saih owang ngan kopingk, mo selalu nolak Roh Kudus, mo bersikap wok dik kadi nek-moyang mo. ⁵²Nabi dik keh dikkae dianiaya nek-moyang dient? Diiyete komek para nabi dik monik tiant sik pongkonik dik Maha Benar, ngan dient ngtoho jeh jodi penghianat ngan komeek gehe. ⁵³ Diyentlah nyadikjeh ngrima Taurat dikjeh ditotapkan nih para malaekat namun dient kae miarae.⁵⁴Lalu libo para anggota-anggota Dewan ngopingk hal-hal nyen, diyete nginam owang diyete monyap pahap, ngan diyete ngkirent jipite koni Stefanus. ⁵⁶api domp, nih dipenuhi Roh Kudus, domp lek koni soruga ngan sepenuh owangk ngan nyaksikan kemuliaan Ponompa, ngan domp lek Yesus tungkah tokit kodak tauh Ponompa. ⁵⁵Lalu Stefanus yaat, Tilek, ko lek soruga tobukak, ngan Putra Manusia tungkah tokit kodak tauh Ponompa.⁵⁷Namun para anggota Dewan mangkos ngan suara koras, ngan nitop gok kopingk diyete,ngan ngkoduh koni domp. ⁵⁸Lalu diyete motant domp koni luar kota ngan nikamp nyak botuh.ngan para saksi nobak pakaian luar diyete wah koja wah seorang pomuda borodat Saulus.⁵⁹Libo diyete tungkah nikamp Stefanus nyak botuh, domp jirus berseru koni Tuhant ngan yant, Tuhan Yesus,torimalah rohko, ⁶⁰Domp muntok bolutut ngan ngpaungan suara nyaringk, Tuhan, yoklah tanggungkan dosa nyene koni diyete. Mosik dompnyonae, domp jotuk kobek.

Chapter 8

¹Saulus jeh sotuju ngan pokomeek.Jak sik onu nyenlah mulai ponjora daik koni soruruh jemaat wah Yerusalem;maka tosobarlah nya-nya pocayook koni soruruh kodak Yudea ngan Samaria,kocuali balo rasul. ²Nya-nya boriman ngubur Setefanus ngan nyioonk sek. ³Totapi Saulus menghancorkan jemaat,doomp morusak roming koni roming ngan norek kosopa ndari-dari ngan ndayoonk,lalu murook dient koni saih ponjara.⁴Totapi nya-nya pocayook ngan jeh tosobar manu popojantoh boba.⁵Ngan Filipus manu koni souatu kota wah Samaria ngan ngisah Kristis koni dieent koni dieent.⁶ Libo sojumlah nya ngopingk ngan lek tano-tano dek nih Filipus mongki,dien ngona pontilek tohadap oneh dek nih doomp nyona.⁷ Oleh sik obengk nya dek ngerima bobanya,koluar minu-minu jahat samel mangkos ;ngan obengk nya mangkok ngan timpangk nih baekan.⁸ Monjadi odoh obengk baek owangk wah saih kotanyen.⁹ Totapi wah kota nyen odoh nya dek borodant Simon,doomp jeh otaii ngkodi siher,biasae doomp mongki nya-nya Samaria hiraant,ngan ngakuk bahwa doomp adalah nya dek penting. ¹⁰ Sidik nya Samaria sik dek cik sampai dek daiik ngona ponilek koni doomp,lalu dieent bokata,"Nya unto odohlah Kuasa Ponompa dek ninyona daiik. ¹¹Diett ngopingk doomp, korena doomp jeh mongkil konyaro dieent wa onu dek otai ngan siher-sihere doomp.¹² Totapi libo dieent pocayook oneh dek jeh nih nyona Filipus tontangk Injil mongonai Korajaan Ponompa ngan tontangk odant Yesus Kristus,dieent di tanek,baek dari-dari maook pun ndayongk.¹³Lalu Simon maeh gek monjadi pocayook;setolah doomp nih tanek doomp bosamoh-samoh ngan Filipus,lalu libo nyen doomp leek tano-tano ngan pongkodi daiik dek torjadi,doomp ma pijiih.¹⁴Libo balo rasul wah Yerusalem ngoping bahwa nya Samaria jeh norima boba Ponompa,dieent ngirimp Petrus ngan Yohanes koni dieent.¹⁵ Jeh monok koni dient Petrus ngan Yohanes bodoa nyak dieent,loongk dieent dopat monorima Minu Boriseh.¹⁶Karena sampai onu to, Minu Boriseh goont tomonah wah somu teek konan pun siik dieent;karena dieent hanya nih nonek wah saih odant Ponompa Yesus.¹⁷Lali Petrus ngan Yohanes ngona tongàn wah tunuh dieent nagan dieent norima Minu Suci.¹⁸Libo Simon lek bahwa Minu Boriseh nih nyilo lalu ponumpangk tongan balo rasul,doomp nawor duwet koni Petrus ngan Yohanes.¹⁹Doomp nyona,"Jilolah kuasa unto geh,supaya oseh pun deek ko lotak tangan wah somu doomp loongk monorima Minu ponompa.²⁰Totapi Petrus nyona koni doomp,"Biarlah Duwet piraak bonasa bosamoh mo,karena mo jeh bopiker miriih karunia Ponompa nyak dewet.²¹Kidoh bagi mo atao hak mo wah masalah unto,karena oti mo kae bonar wah jawi Ponompa.²²Sebab nyen botobatlah siik kobieek mo,ngan bodolah koni Ponompa,supaya Doomp nampuunt niat oti mo nyen.²³Karena ko lek bahwa mo adoh wah saih racuunt kopoyeet ngan saih poniset dosa."²⁴Simon mojawab ngan bokata,"Berdoalah koni Ponompa nyak ko,loongk kae odoh sik hal-hal deek jeh mo nyona nyen tojadi koni ko."²⁵Libo Petrus ngan Yohanes jeh bosaksi ngan moborits boba Ponompa,dieent kombali koni Yerusalem;wah sopanyaank pojaloont,dieent nyona borita Injil wah obengk desa-desa sik nya Samaria.²⁶Mosik nyen tekkonan malekat Ponompa bojantoh koni Filipus kan doomp,"Mongkatlah ngan borongkatlàh koni arah solatan joraant dek manu siik Yerusalem koni Gaza"(joraant to odoh wah lapang kaso.)²⁷Lalu doomp mongkat ngan borongkat.Tileeklah,wah oiih odoh nya ndari Etiopia, nya kasim siik pondaiik wah bawah kekuasaan Kandake,ratu nya Etiopia.Dommp botanggongk jawab sidik toruunt kokaya doomp.Doomp monik koni Yerusalem nyak boribadah.²⁸Doomp tungkah wah pojaloont mori wah punudook wah saih koritanya,ngan tungkah mombaca kitab nabi Yesaya,lalu doomp nyona "Onehkah mo momahaam oneh dek tungkah mo baca?"²⁹Maka Minu bojantoh koni Filipus,"Koihlah ngan somaaklah koreta nyen."³⁰ Maka Filipus sogira manu koni doomp,ngan ngopingk doomp tungkah mombaca kitab nabi Yesaya,lalu doomp boboba "Ngunehkah mo momahai oneh dek tungkah mo baca?"³¹Nya Etiopia nyen boboba,"Kameh ko dopat ritii,mak kidoh nya dek memmbimbingk ko?"Doomp minta Filipus nyak simaak koni saih korita dudok bosamoh doomp.³² Ayat kitab boriseh dek tungkah di baca nya Etiopia nyen odohlah unto,"Wook tek segola onak domba dek dinuntuun koni oroongk pombantae;ngan wook onak domba dek monae kae boguyap wah jowi ponguntingk buruh doomp,Doomp kae mukaak tukook Doomp.³³Wah saih kohina Doomp koadel Doomp nih rampos;Oseh kah dek akan monceritakan asol-usul Doomp? Sobab nyawa doomp nih miah sik bumi."³⁴ Lalu nya Kasim nyen bopisek koni Filipus, kaant,Ko bopisek koni mo,tontangk osehkah nabi nyen debojantoh? Tontangk dirik doomp sonirikkah atau tontangk nya laink?³⁵ Maka Filipus mulai bobicara;doomp mulae sik kutipan boba sik tulisant wah saih kitab nabi Yesaya nyak memboritakan tontangk Yesus koni doomp.³⁶Pado saat dieent bojalont,moniklah dieent wah aroongk dek bopi'ingk,lalu Nya Kasim nyen bokata,"Tileek,odoh pi'ingk wah to;onehkah dek ngaboont ko nyak di tanek?"³⁷Filipus bokata,Jika mo pocayook ngan sogonap otimo,mo taook di tanek."Nya Etiopia nyen monjawab,"Ko pocayook bahwa Yesus Kristus odohlah Putra Ponompa."³⁸Maka nya Etiopia nyen momorintahkan koritanya nyak singah.Lalu dieent tomonahkoni saih pi'ingk,baek Filipus ngan Nya Kasim,lalu Filipus nenek doomp.³⁹Sotolah dieent somopa sik pi'ingk;Minu Ponompa meet Filipus obu,nya Kasim nyen kae leek gek,ngan doomp molanjutkan ponyaloont ngan baek owaa'k.⁴⁰Totapi Filipus timol wah Asdod ngan Doomp ronca wilayah nyen,doomp meborita Injil koni soruruh kota-kota sampai doomp monik koni Kaisarea.

Chapter 9

¹Tetapi Saulus,libo masa garangk owangk,g ro ngancomp samel ro komek,onak- onak Ponompa,Domp pun obu manu pomimpin daik. ²Ngant ro minta koritas kuasa sik urangk,g -urangk,g wah Damsik sopayo bila domp mak nopat oseh,pun dik jodi nyinot jorant nyuh,baek ndari- ndayongk,domp tao niset ngan met balo koni Yerusale,m.³Libo domp ngkodi ponyalont,n, hal nyent monyadi libo domp nyomak Damsik,ngojot-ngojot ontah mancar sik somu nyomak ngililingk. ⁴ngan domp,pun tojotuk koni poya samel ngopingk,g angkongk,g ngomong koni domp,e.Saulus,.Saulus ngoneh njora ko?"⁵Lalu Saulus nyamot,oseh koh mo Ponompa,"? Ponompa ngomong," ko lah Yesus dik nih mo njora tih, ⁶ Tetapi mongkatlah,masoklah koni wah kota gok waih akan tosobut koni mo oneh dik arus mo kadi," ⁷Lalu ntoyant,n - ntoyant,n libo ngkodi ponyalont,ngan Saulus tokit maeh.⁸Saulus mongkat tokit ,dan libo domp ro mukaak,motih domp,pun kae dopat nronongk,onehpun; maka dientpun ngiring ngan met,te koni Damsik. ⁹ Solama toruh onu kotai,i domp pun katao ngoronongk,ngan duok,nyinop pun kae.¹⁰10.Sementara nyent,odoh tek konaant cade wah Damsik borodant Ananias; gok Ponompa ngomong koni domp, wah poronongk,g, " Ananias." domp ngomongk," tileklah ko wah to Ponompa, ¹¹". Ponompa ngomongk koni domp,"mongkat ngan obulah manu jorant,dik borodant Jorant bujor,odoh sik wah romingk yudas bopiseklah tek konaant sik Tarsus borodant Saulus;tungkah bodoa. ¹²Domp lek wah poronongk,g ontoyant,n borodant Ananias masok ngongkat tongan,e koni domp,agant dopat nronongk,g.¹³Ananias nyamot, Ponompa," ko ngopingk,g,obengk,g hal ntoyant,n to.Sebab obengk,n pongodi kae baek nya ngan nya wah Yerusalem. ¹⁴Domp,e nopat kuasa sik kopalo,k pomimpin nyak sidik dik met odant,n mo. ¹⁵ Tapi Ponompa bojantoh ngan domp,e, obulah,domp,e alat pileh ko,nyak met odant,n ko koni jowi nya dik kae Yahudi,rajo-rajo gok koturunt Israel. ¹⁶Mak ko ro nijuk, koni,e.sajo daik jora demi ko."¹⁷ Mak Ananias borongkat, gok masok koni wah roming,k to. Lalu domp nyulor tongan,t koni,e,samel ngomong,k,"Posik Saulus,Ponompa Yesus,dik timol wah jowi jorant,n dik nih mo lalu,jeh nijuk ko agar,mo dopat lek ulang dik odoh minu ayu¹⁸ Libo nyent,geh odoh torunt,n wok ari jotuk,k sik motih Saulus,baek,ngan,t sehat lah domp tokit samel tomanek;¹⁹Libo domp duok,rogas nyam.Domp montok gok cade-cade dik sik Damsik sampae kudu onu.²⁰ . Sogera mosik nyent,n domp nyobar borita Yesus koni ompuk-ompuk samel nyona bahawa domp,e, onak Ponompa. ²¹ Sidik nya dik ngopingk,g jodi ripu,samel bojantoh," Kae kah ntoyant,n to dik ngancor nya wah Yerusalem libo nosu odant,n? ngan domp jeh monik koto nyak nokop ngan met baloo,koni pomompint,daik." ²²Tapi Saulus jodi lobeh bokuasa gek,ngan jeh mongki kojora wah tuda nya Yahudi dik montok wah Damsik nlalu bukti Yesus haek,Kristus.²³ Sapot kudu onu msik nyent,n, nya Yahudi boroncana nyak ro komek domp.²⁴Tapi roncana baloo,jeh tao Saulus.Balo ngawas jowi layont, nyowa ngan ngorimp, nyak ro komek domp,e. ²⁵ Namun jaloh cade met, domp pado ngorimp onu ntonah,domp nlalu piga,wah saih jarae.²⁶ Ketika monik wah Yerusalem, Saulus ro ngajeh borompuk ngan balo cade, namun balo sidik golakk,e, kae pocaya bahwa domp, geh onak cade. ²⁷ Tapi Barnabas nyomak domp,e ngan koni balo rasul. Ngan domp,bojantoh nganu balo kameh Saulus lek Ponompa wah jorant,n nyuh dik samel Ponompa bojantoh gokk,domp,e, Kameh wah Damsik Saulus ngajor ngan koborani wah odant Yesus.²⁸ Domp bodopat ngan balo libo balo masok ngan koluar Yerusalem.Domp,e ngajorr,ngan koboranian wah odant,n Yesus Ponompa. ²⁹ Gok bocokangk, ngan nya Yahudi dik boboba Yunani; tapi balo totap owangk,ro komek domp,e. ³⁰Libo balo posik ntao hal to,balo met e koni Kaisarea lalu dibet koni Tarsus³¹ Dengan domikian, Gorija wah sidik Yudea,Galilea ngan Samaria monae wah poraso baek gok timol rami; sorota midop saji golak nkannt,Ponompa wah Pongibur Minu Ayu.Mosik nyennt, Gorija somakin daiik. ³² Pado masa ramih, libo Petrus bojalant koni sidik ponjuru,Domp geh monik koni nya- nya dik pocayok ngan montok wah kota Lida.³³ Wah saih nyuh nopat tek konaant ndari borodannt Eneas dik nggaringgk wah pombiiss,e solama mae sowa nih mangkonggk. ³⁴ Petrus bojantoh ngan dommp; Eneas, Yesus Kristus Nompal mo.Mongkatlah lansonggk norapi alor Pomiis mo. ³⁵Maka sidik nya montokk wah Lida ngan Saron nrononggk ndari nyuhh,ngan balo monik koni Ponompa.³⁶. Libo nyent wah Yope odoh tek Konaant cade borodann Tabita,dik nih tojomah jodi " Dorkas, " Ndayongk to obengk bobuat baek,ngan bunukk mase dik nih ngkodi nyak nya jora .³⁷ Libo onu nyuh dommp jotukk monammp lansongk kobek; Masa nyennt balo nanekk,e, balo nggalae dommp wah ruanggk somu.³⁸ Sebab Lida somak ngan Yope gok cade jeh geh ngopingk bahawa Petrus odoh waihh,Balo ngirimt dukah konaant ndari koni dommp samel minta,Moniklah koni me copat," ³⁹Mosik nyennt Petrus tokit samel obu ngantgok balo. ketika dommp monik,balo met manu ruanggk somu. ngan sidik janda nongis wah bubeh dommp samel ngamporr bojuh ngan adoh dik nih Dorkas mongki kala midop gok diennt,e⁴⁰ Petrus ngaso balo sidik koluar ruangan lalu bolutut gok bodoa; Mosik nyennt dommp lek bangkae to samel bojantoh " Tabita, Mongkatlah," Libo Tabita muka motihh,e gok libo lek Petrus,dommp dudokk. Petrus migonggk tongan ⁴¹nulonggk dommp tokit,lalu dommp nosu ntoyannt- ntoyannt dik pocayo gok balo Janda,lalu dommp nijukk koni balo bahwa ndayonggk nyennt jeh midop. ⁴² Gisah to tosobar koni sidik Yope gok obenggk nya jodi pocayo koni Ponompa. ⁴³Petrus montok solama kudu onu wah Yope ngan ndari borodant Simon tukanggk sol kuret.

Chapter 10

¹Odoh tek kunan wah kota kaisrea, odante kornelius, tek kunan perwira sik pasukan Italia. ²Dope nya dik taat, dik nyomah ponompa gok ngan obih roming nyene; dope nyilo woknyent kobeke duet nganu balo dik nginyak'a gok solalu bodo'a nganu ponompa.³ Sokitar jam ko somilant libo onu nyent, dope gok jelas jeh lek wah tek ponilek wok malaikat ponompa monik nganue. malaikat nyent bojantoh ,''kornelius!'' ⁴ Kornelius ronong nganu malaikat nyene ngan golak sek gok bojantoh, '' odoh oneh to, tuan?'' kant malaikat nyent nganue, '' Do`a gok posembahan mo nganu nya miskent jeh simak sobagae tugu posembahan wah hadirat Ponompa ⁵ Ntoho nutus kudu kunan nya nganu kota yope nyak met nya borodant simon dik nya nyona petrus. ⁶ Dope montok ngan nya penyamak kuret borodant simon dik rominge wah pantae laot.⁷ Libo malaekat dik bojantoh nganue jeh obu, Kornelius nosu dukah kunan sik para porintu, nga tek prajurit dik geh nyomah ponompa sik ntara para prajurit dik rintu dope. ⁸ Kornolius jeh ncerta nganu balo sidik dik jeh tojodi ngan ngirim balo nganu Y ope.⁹ Libo onu kinte kira-kira libo rominu onu, libo balo wa joran ngan balo nyomak kota nyen, petrus simak nganu bubon'k roming nyak boDo`a ¹⁰ Dope mosiknyen nyodi sobirok gok owan`k duok torunt, tapi libonyen balo- balo roh ngagi duok ngori`m, dope nopat toru`nt tilek`e, ¹¹ Gok dope jehe iek ronyet tobukak gok sobuah badah diknitonah, wok adoh dik daik tomonah ko poya, nihtonah ngan pat cikuh`e. ¹²Wah sai`h badah nyen odoh wok mcam dangk bokoja mpat ngan sidik dik melata wah poya, gok monok-monok wah antongk awa`nt.¹³ Mosik nyen, odoh suara bojantoh nganue; ''mongkat lah, petrus, balehlah gok naiiklah.'' ¹⁴ Tapi petrus bojantoh, ''kae woknyen , Tuhan; karna ko kae suah naik sidik torun` nt dik comar gok comek.'' ¹⁵ Tapi suara nyen bojantoh gek kodukah kali nganue; ''Oneh dik nih reseh ponompa, yok nyona comek,'' ¹⁶ Hal tojodi toru`uh kali ; Mosiknyen badah nyen lansong niniah gek lansong nganu ronyent.¹⁷ Somontara petrus gek sangat bingong oneh ponilek ngan dik tilek`e tilek , nya dik ningutus oleh kornelius jehtokit wah jowi kore nyene, mosik nyen balo jeh bopisek oneh joran nganu roming nyene. ¹⁸ Balo nosu gok misek onehkoh simon, dik ninyona petrus, montok wahnyen.¹⁹ Libo nyene petrus gek miker torun tilek`e nyene, Minu boreseh bojantohnganue, ''Tile`ek, toruh toyant libo ngogaow mo. {kudu ponyaling kuno mulis, ''dukah ndari gek ngkongaow mo, '' lak. '' Kudu ndari dik ngkongaomo.''} ²⁰ Mongkat ngan tomonahlah gok obulah ngan baloe. Yok ragu nyak obu ngan baloe, Ko lah dik ngadobaloe.'' ²¹ Nyak`a petrus tomonah nganu baloe gok bojantoh,''Ko`lah nya dik mo kongao. ngoneh mo moni`ik?''²² Baloe bojantoh , '' tekkunan perwira borodan kornelius, tek kunan dik bonar gok tek kunan dik nyomah ponompa, gok ngan dik konal baek wah sidik bangsa Yahudi, dik ngagoho nyena malaikat ponompa dik boriseh mintamo nyak monik nganu rominge, nyak dope dopat ngoping borita sik .''mo.'' ²³ Nyodi petrus nosu baloe nyak masok gok monto`ok ngan dope. babut maji, dope mongkat ngan lansong obu ngan baloe , ngan kudu posik sik yope ngajoh do`om.²⁴ Libo onu kin,te baloe obu nganu kaisera. kornelius gek nunguk balo; dope rugok juru-juru ngan kawotn-kawotn te.²⁵ nyene tojodi libo petrus masok, kornelius nopat dope gok tunok wah koja,e nyak nyomah dope ²⁶ totapi petrus ngongkate, samel bojantoh, "Tokitlah! Ko gehe nya ntoyan."²⁷ Somontra petrus gek bojantoh nganue, dope masok ngan nopat obekn nya borudonkbosamoh. ²⁸ Dope bojantoh nganu balo," mo maeh taok nkate kae binan yak nya Yahudi yak nyomak gok nganu nya sik bangsa laikn. Tapi ponompa jeh nujuk ko nyak ko yok nyobut nya ntoyan coma'r ngan najis." ²⁹ Karna nyen lah ko moni'k kidoh mbantah, libo ko ningado. nyodi, ko misek nganumo ngoneh mo ngado ko."³⁰ Kornelius bojantoh," pat onu dik lalu libo jam dik samah, ko gek bodoa libo rominu onu, ngan lek nya ndari tokit nyomak jowi ko nginyak adoh dik boontah. ³¹ Dope nyona," kornelius, doamo jeh ni ponompa ngopikn , ngan ponyilomo nganu nya misketn jeh ngigatn ponompa tontang mo. ³² Jeh gado tekkunan nganu yope, ngan tibet nganu mo tek kunan ndari boorodatn simon, dik nyanyona petrus. Dope montok wah romikn nya penyamak kureet borodatn simon,wah pantae laot.'' {jehkudu ponyaling mulasek nnoduk : Libo dope moniik, dope rah bojantoh nganumo} ³³ jodi lansong kongado nya nganumo ngan sonang oti mojeh monik. Ntoho, me sidiik jeh odoh wah to wah jowi ponompa, nyak ngoping oneh dik ngado nyak tuhatn nyak sonyantoh ."{kudu naskah mulae nulise, "dikningado nyak ponompa nyak nyantoho,'' padosik,''diknado nyak tuhan nyk sonyantoh}''*³⁴ mosiknyen petrus mukak tukook gok bojantoh, ''Sojujur, ko riti bahwa ponompa kae mihak nganu oseh-oseh. ³⁵ bahkan, wah sotiap bangsa nya dik boribadah gok dik ngkodi dik bonaar nih dope rima³⁶ mo taok borita bahwa dope nih ngado nganu umat israel, libonyen dope nyona kabaar baek tontang damai sojahtra lalu Yesus kristus, nyenlah tuhan somu sogalaye- ³⁷ mo maeh taok bahwa kojadi nyen jodi, wah soluruh Yudea, nihmulae sik galilea, mosik pombaptisan Yohanes ninyona; ³⁸ poristiwa bokoyet ngan Yesus nya nazaret, sobagae wokeh ponompa jeh mengurapi Dope ngan minu boreseh gok kuasa. dope obu nyak bobuat baek ngan ngkaek sidik dik ni ibilis nindas, karena ponompa bosamoh ngan dope.³⁹ me odohlah saksi sik sogala hal dik jeh ningkodi baek wah negeri nya Yahudi ngan wah Yerusalem. balo ngkomek dope ngantok wak koyuh salep, ⁴⁰ totapi ponompa jeh membankitnya pada onu kotoruhngan nyodi dikkenal, ⁴¹ kae nganu sidik nya tapi ngnu saksi dik jeh topileh mosik nyen oleh ponompa-oleh me, dik duok ngan nyinop ngan dope mosikdop bangkit sik ntara nya kobek.⁴² dope jeh morintah dop nyak nyona nganu obekn nya gok saksi bahwa tolah nya dik jeh nimileh ponompa nyak nyodi hakim sik dik midop gok dik kobek. ⁴³ nyen odoh bagi doom nabi bosaksi, nyak sotiap nya pocayok wah saih dope harus nginyak pongapun dosa lalu odatn dope."⁴⁴ somontara petrus gek bojantoh tontank hal nye, minu boreseh tomonah nganu somu sidik nya dikngoping boritaye. ⁴⁵ Toyatn-toyatn dik tomasok kolompok nya cayok dik bosunatn- sidiknya dik monik bokoyoknngan petrus - nyodi takjub, karna karunia minu boreseh nilulok ngan ngan usomu toyatn-toyatn dikae Yahudi.⁴⁶ karna balo ngopikn toyatn-toyatn dikkae Yahudi nyen bojantoh wah saih boba-boba laikn ngan memuji-muji ponompa. lalu petrus nyamote, ⁴⁷ Taok kah toyan kaenyomak pikn sik toyatn-toyatn to ngado balo kae sobaptis, toyatn-toyatn to dik jeh morima minu boreseh samah wok dop?'' ⁴⁸ lalu doom morintah balo nihbaptis wah saih odatn Yesus Kirtus. lalu balo mominta ngada montook ngan balo samapai kudu onuto.

Chapter 11

¹ Balo Rasul ngan balo-balo dek ponae wah Yudea ngopingk bahwa nya-nya kae Yahudi gak norima boba Ponompa. ²Ketika Petrus monik wah Yerusalem,nya-nya dek bergabung wah kelompok nya bosunat mongacop doomp, ³Dient nyona,"Mo bogaul ngan nya-nya dek kae bosunaantngan duwook ngan dieent!"⁴Petrus mencobak nyak monjelas masalah torsobut socara rinci koni dieent;doomp bokata,⁵Ko libo bodoa wah kota Yope,ngan ko odoh pontilek tontangk badah dek tomonah,wook holaiant popah dik tomonah siik soruga wah koempat ponjuru.Tajao nyen ngap padoko.⁶Ko lek koni tajao nyen ngan merenungkan.Ko lek da'angk bokoja empat wah bumi,da,angk liar,da'angk mowang,ngan monook-monook wah somu.⁷Lalu ko ngopingk buah boba ya'ant koni ko,"Nyomanlah Petrus;baleh ngan duwooklah!"⁸ Ko nyamoot,"Kae PONOMPA;karena kae tek punt dek kae tuci ngan najis suah masok koni saih tukookko.⁹Totapi suara tosobut njawoob gek sik soruga,"Oneh dek Ponompa nyona boriseh,yook nyonae najis."¹⁰Hal unto tojadi toruh kali,ngan komudian sogala toruunt nih met kombali koni suruga.¹¹Tileeklah,pado onu unto tokit toruh nya ndari wah jowi roming oro'ongk me ponae;dieent jeh dikirimp sik kaiserea koniko.¹²Minu Boriseh rintah koni ko nyak manu ngan dieent ,ngan met ko sobaeeknya kae mongki perbedaan mengenai deent.Ko nim suara nyen koni saih roming nya.¹³Doomp bojantoh koni me bahwa doomp jeh lek malekat tokit wah saih roming doomp ngan bokata,"Kirimplah nya-nya ke Yope ngan met balek Simon dek nihnyona Petrus.¹⁴Doomp akan bobicara tek kabar koni mo lo'ongk mo akan disolamatkan-mo nagan soisik romingmo."¹⁵Libo ko mulae bojantoh koni dieent,Minu Boriseh tomonah wah tunuh dieent,samoh wook libo Minu Boriseh tomonah wah tunuh me pado pontojih. ¹⁶Ko ngingat boba PONOMPA,kameh doomp nyona,"Yohanes memang nih manek ngan air:totapi mo akan di tanek yak Minu Boriseh."¹⁷Komudiant mak Ponompa nyilo karunia koni dieent sama wook libo Doomp nyilo koni dop libo dop pocayook koni PONOMPA Yesus Kristus,osehlah ko,sohingga ko bisa melawo'ont Ponompa?"¹⁸Kotika Dieent ngopingk hal unto,dieent kae nyilo tanggapan oneh pun,totapi dieent momuji Ponompa ngan nyona,"Mosik nyen Ponompa geh nyilo pertobatan nyak pokidop nya-nya kae Yahudi."¹⁹Nya-nya dek jeh bogai ri korena penganiaya dek di mulai ngan pokomek Stefanus, topapar seojau Fenisia,Siprus ngan Antiolkia,totapi dieent hanya mongabarkan injil tontangk Yesus koni nya-nya Yahudi. ²⁰Totapi boborapa dieent,Nya Siprus ngan nya Kirene,monik koni Antiokia ngan geh bojantoh koni nya Yunani,nyilo koni dieent kabar baeek tontangk PONOMPA Yesus. ²¹Kemudian tongan PONOMPA menyerota mereka;sekombe'enk daik nya monjadi pocayook ngan bobalek koni PONOMPA.²²Oh tontaa'angk dieent dikapiink sampae koni jemaat wah Yerusalem,ngan dieent ngutus Barnabas Antiokhia. ²³Libo doomp monik ngan leek karunia Ponompa,doomp sajo sonang;ngan doomp meruja'angk deent sidi'ik nyak totap ponae bosamoh PONOMPA ngan sogonap oti dieent. ²⁴Korena doomp nya ndari dek baek ngan dipunuk ngan Minu Boriseh ngan iman,ngan obengk nya deknuduk wah PONOMPA.²⁵Barnabas komudian manu koni Tarsus nyak mopongao Saulus.²⁶ Libo Barnabas nopat doomp,doomp met Saulus koni Antiokhia.Pado sopanjank sowa dieent borugook bosamoh ngan jemaat nyen ngan ngajor obengk nya.Balo murid dekninyona Kristus potama kali wah Antiokhia.²⁷Pada onu-onu nyent,boborapa balo nabi tomonah sik Yerusalem ke Antiokhia.²⁸Salah satu sik dieent,Agabus odaant,tokit ngan ditijuk oleh Minu Boriseh bahwa sobirook daik akan tojadi wah soluruh dunia.Hal to tojadi pada tikint Klaudius.²⁹ Jodi, balo murid,tek per tek monurut komampuan dieent,momutuskan nyak ngirimp bantuan koni koluarga-koluarga wah Yudea.³⁰ Dieent dek mengkodi untu;dieent ngiriimp duwet koni balo nyamuntuh ronca tongan Barnabas ngan Saulus.

Chapter 12

¹ Sokitar masa nyennt rajo Herodes nokop nya sik kolompok jemaat sampae taok njora balo,e.² Libo dommp komek Yakobus posik Yohanes ngan bai podanggk.³ Jak sik dommp lek bahawa hal to sokira nyinanggk rayot nya Yahudi,dommp geh nrintah nya nyakk nokop Petrus.Hal to jotuk onu raya kue kae boragi.⁴Mosik nokop Petrus, dommp nguronggk,e;samel nrintah empat regu sodadu nyak njago dommp; ia boroncana nyak ro nadel wah jowi rayot mosik Paskah?⁵Jodi Petrus nih Nahan wah saih Ponjara, tapi nya ntoyant-ntoyannt pocaya tros monoros bodoa koni Ponompa nyak dommp. ⁶Tek onu libo nyak Herodes rongoluar nya nyakk nadel,Ngorimmp nyennt Petrus biis antara dukah sodadu dik nih niset ngan rantae; sementara balo pongawal wah kore njago ponjara.⁷Tilekbah, timol tiba-tiba malekat Ponompa koni dommp, ngan tampok mancar sik wah ponjara nyuh. lalu ia nipap Petrus gok nggorak samel bojantoh," Lokas Mongkat." masa nyentn,tolopas rantae sik tongan Petrus. ⁸Malekat to bosona nganu dommp, " Bobojuhlah ngan kaduk silup mo." Petrus matoh, Malekat bojantoh ngan dommp," Kaduklah Jubah luar mo ngan najehlah ko."⁹ Maka Petrus ngajeh Malekat to samel koluar. Ia kae pahamp bahawa oneh dik ngkodi Malekat to bonar-bonar haekk,Dommp ngira lak ro nginammp Pongronongk. ¹⁰Mosik balo nlalu pongawal dik pontojih ngan kodukah, balo monik wah kore jowi bosi dik ngarah koni kota, Kore to tobukak todop.lalu balo koluar samel manu jorantn,gok malekat nyentn ntiggal dommp.¹¹. Libo Petrus sadar, dommp boboba," to ko bonar- bonar ngriti bahawa Ponompa tlah ngirimmp Malekat dommp samel nlopos ko sik tongan Herodes,ngan sik sidik nya dik ngarop ontoyant- ntoyant Yahudi.¹². Mosik dommp nyadar hal to,domp monik koni romingk Maria nok Yohanes dik geh nya nyobut Markus,obengk nya pocayo jeh bokumpul waih samel bodoa.¹³Libo dommp ngetuk kore jowi, tek konaant nya ndayonggk borodant Rode monik nyak mykakk kore. ¹⁴Libo dommp ngonal suara Petrus , sajo ma baek owanggk,e dommp kae mukak kore," bahkan ngkoduh masok koni wah ," mosik nyennt nyona bahawa Petrus tungkah tokit wah jowi kore. ¹⁵Karena balo sidik boboba koni ndayongk nyent, " Mo gila." Tapi dommp bokoras bahawa oneh dik nyona nyennt bonar.Balo bosona," to Malekatnya,"¹⁶Tapi Petrus totap ngotok kore, libo balo mukak kore,balo ngronongk sajo mpojet. ¹⁷Petrus munyok isyarat nganu balo gok ngan tongan e, agar monae dan dommp nyona balo kameh Ponompa tlah ngoluar,e sik wah ponguronggk. dia boboba," Laporlah sidik hal to koni Yakobus gok posik- posik dik laingk." Lalu dommp ntigal aronggk nyennt samel obu manu kinnt.¹⁸Onu jeh maji,Sodadu gempar ngan oneh dik tojadi ngant Petrus. ¹⁹ Mosik Herodes mogao,e pun kae dopat ngronongk, dommp nyolidiki ponyago samel ngrintah sopayo balo tongukum kobek.Lalu dommp obu sik Yudea manu Kaisarea lansongk notap wah ih.²⁰Lalu Herodes jodi ndoruh se,ek koni ponudik ompik Tirus gok Sidon. Balo borota- rota ngadop dommp.Balo Ngripu Blastus, Posuruh rajo nyak nulongk diennt,e.Mosik nyennt balo minta bodamae, karena Nogara diennt,e nopat mpant sik nogara rajo dik to. ²¹Pado onu to dik tonontu Herodes nginyak Bojuh Dinas lansongk dudok wah somu lotenggk," dommp bopodato wah jowi balo.²². Lalu rayot Mangkos, " To kant angkonggk muunt,n, kae anggkonggk monsia!"²³ Libo nyennt,n Malekat Ponompa ngkomis,e, karna dommp kae goh nabek Ponompa; Mosik nyennt dommp naik tacinggk lansonggk kobek.²⁴Boba Ponompa botoduk ngan bolipat lobeh. ²⁵Jodi libo Barnabas gok Saulus ngkosi wujud balo,balo mori manu Yerusalem, balo met geh Yohanes,dik nih nya nyobut Markus.

Chapter 13

¹ ntohoho wah goreja Antiokia, todopat kudu nabi ngan guru. Balo odoh Barnabas, Simon (dik ninosu Niger),Lusius sik kirene, Manaen ( posik sopongajol Herodes sang raja daerahnyan ), ngan saulus. ² somontara balo gek somayang nganu tuhan gok puasa, minu boreseh jantohngane,'' nagingane nyak ko Barnabas ngan Saulus, nyak kodi korejea diknyak nyen Ko jeh nosu balo.'' ³ mosik nyen balo mosik puasa, bodo'a, ngan numpakn tongan somu balo, balo ngado baloe obu.⁴ mosik nyen Barnabas ngan Saulus patoh nganu minu boreseh ngan ngkonik nganu selukia; sik nyuh balo bolajar nganu pulaoSiprus. ⁵ libo balo wah kota salamis, balo ngbar Firman Tuhan wah sinagoge-sinagoge Yahudi.balo dik tulokn Yohanes Markus.⁶ libo balo nganu soluruh pulaw sampae Pafos, baloe bodopat toyatn tukakn sdukutn, nabi lakoor Yahudi, dik odadante Baryesus. ⁷ tukakn dukutn to bokawatn ngan sang Gubernur, Sergius Paulus, toyatn dik topolajar. Ndari to nosu barnabas ngan Paulus, karna dope lokn ngopikn Firman Tuhan. ⁸totapi Elimas, ''tukakndukutn''(woknyen odatn di terjemahkan) nontang balo; dope labuse minah sang gubernur sik imane .⁹ totapi Saulus , dik gehe nyobut Paulus, nihpunuk ngan minu boreseh, roja motihi nganu doom , ¹⁰ ngan bojantoh ,'' Mo, onaknya dik kobiek, mo punuk ngan borool gok licik . mo lah musuh sik sogala kobonar. mo kae suah togak momutar balek joratn bujoor sik Tuhan, kae?¹¹Tileklah, tongan Tuhanrah ngukupm mo, ngan mo pasti bokap. mo kae pasti nopat ronong motih onu nyak kudu waktu.'' Lokas tojodi koni motih Elimas kabur ngan piti; dope mulae koliling gok minta nya ngada ngiring doom. ¹² mosiknyen gubernur lek oneh dik tojodi , doom cayok , karna dom pijih koni pengajaran tontang Tuhan.¹³ Ntoho Paulus ngan kawotn-kawotne bolayar sik Paspos gok sampae koni Perga wah arokn Pamfilia. Tapi Yohanes ntigal baloe gok lansokng koni Yerusalem. ¹⁴ Paulus ngan kawotn -kawotn menompoh pojalotn sik Perga ngan monik wah Antiokia idaar Pisidia. Wah nyuh balo obu nganu sinagoge libo onu Sabat gok dudok wah nyetn. ¹⁵ Mosik nyetn maca Taurat gok kitab balo nabi, balo pomimpitn sik Sinagoge nyene misek, '' Posik-posik, Lak dietn odoh pisikn nyak bangun nyak balo-balo , sanomanue,''¹⁶osiknyetn Paulus tokit ngatn nyilo isyarat ngatn tongatne; dope bojantoh, ''ntoyatn-toyatn Israel gok dietn dik tunok ngnu Ponompa, kapinknlah. ¹⁷ Ponompa sik ntoyatn-toyatn Israel jeh mileh neek moyang dop ngtn dikmongki bangsa dop lebih obeng libo balo montook wah poya Mesir, gok ngan tonganya dik kuat, doom pomimpitn balo koluar. ¹⁸ sokitar mpat puuru sowa dope ngona baloe wah padang gurun.{kudu ponyalikn kuno nimaca,,'' Sokitar mpat puuru sowa dope ngkidop baloe wah padang gurun,''}*¹⁹ Mosiknyetn dope mongancoor iju suku-suku bangsa sik Kanaan, dope nyilonganu bangsa dop poya sobagae Warisan. ²⁰ Sidik kojadian to tojodi lobeh sik mpat ratus rimih puuru sowa. Mosiknyen sidik halto , ponompa nyilo baloe para hakim sampae nganu Samuel sang nabi.²¹ Mosiknyen rayot minta tek rajo , Ponompa nyilonganu baloe Saul bin Kish , tek kunan sik suku Benyami, nyak nyodi raja solama mpat puuru sowa. ²² mosiknyetn Tuhan muae sik jabate raja, dope ngongkat Daud nyodi raja baloe. tontang Daud Tuhan bojantoh, ' Ko jeh nopat Daud onak Isai, nyak nyodi ntoyatn ndari-dari dik ngriti obih oti ko, dik monurut koowaangKko.'²³ Sik koturutn-koturutn ndari-dari to, Ponompa nyilo Israel nya dik Nyolamat, Yesus, wook jeh deek dik nih janyi Doom .²⁴ To mulae tojodi libo nyen, libo gotn Yesus moik, Yohanes potama-tama ngumumme pembaptis botobat nganu sidik nya Israel. ²⁵ Libo Yohanes gek ngkosik korejae , doom bojantoh, Dietn piker ko oseh? Ko kaelah Jeruslamatnya nyetne Tapi kapingk, tek kunan rah monik mosik ko, dik torih cokidot pun kae matut nyak ko bukaaK ,'²⁶Posik-posik, Onak-onak sik koturun Abraham, ngan mo gok dik nyomah Ponompa, nganudoklah pisingk tontangk kosolamatan to ninyona. ²⁷ korena baloe dik montook wah Yerusalem, ngan balo ponguasa baloe, kae ngakuuk Doom, baloe monggenapi nubuatan sik para nabidik ni maca tiap onu sabat ngan monyalebkan Doom.²⁸ Walaupun baloe kae nopat ponyobab nyak'a ngkomeex e , balo mnta Pilatus nyak ngkomek'e. ²⁹ libo balo jeh menggenapi sogala dik totulis tontang Dope, balo ntonaha sik koyuh saleb ngan ngalae wah kubur.³⁰ T0tapi Ponompa ngngkat sik ntraa ntoyatn - toyatn kobek. ³¹ Tilek sokian onu kotai sik baloe diik jeh monyertai sik Galelia nganu Yerusalem . Ntoyatn-toyan toOlah diik ntoh nyodi saksi-saksi yak sidiik nya.³²Nyak libo to me met ogoh baek tontangK janyi-janyi dik nimongki nek boraak dop mula; ³³Ponompa jeh mongigant janyi-janyi nyen nganu dok, onak-onak baloe korena alasan nyene Doom ngongkat Yesus gek, To gehe dik Totulis wah Mazmur kodukah: 'Molah Onak Ko, onu to Kjeh nyodi Mang Mo.' ³⁴ Ngan tontangK konyataan met Doom jeh mongkat sik ntara ntoyatn kobek nyak'a wookn kae kan bonasa, dope jeh bojantoh wok nyen: 'Ko kan nyilo borokat Daud dik boreseh gok pasti.'³⁵.Nyen ngoneh dopm geeh katt nyen Mazmur dih laiik mo kae kan ngijitn dih kudus ngalap jora .³⁶ Karena mosih Daut layan awak Ponompa pdo jamannyen ,dopm kobeek nih ngubur samuh nek moyang nyen nginam kojora .³⁷.Tapi dopm dik bangkit Ponompa kae ngalamp kojora³⁸Jadi biyar maeh taok nihmo,balo posih bahawa lalu nya nyen nih ngabarrngamput gok segalo dosa- dosa .³⁹Nih nya tiap manu sia dih pocayok dibonar sih segalo pongodi dik keeh kae dopat dik bonarngan ukop Musa40.Jodi ati-ati ngan hal dik sano para nabi longkae oduk koni mo; 41' Tilek, diyent para ponconao, mpojet ngan moyamp; Nih Ko tungkah ngkodi korija Ko wah onu-onumo, suatu korija dik mo kae suah ngcayook, sekalipun odoh nya nyonae koni mo."⁴² libo Pauius nga Barnabas obu , ntoyatn-toyatn mohon ngada baloe njantoh hal-hal dik sama libo Sabat mosik nyen. ⁴³ libo bodopat wah sinagoge nyen jeh mosik , obengK ntoyatn Yahudi nga n ponganut agama Yahudi nyinot Paulus ngn Barnabas , diik bojantoh nganu baloe gok mondong baloe yak lanjut midop wah kaseh karunia Tuhan.⁴⁴libo Sabat mosik nyen , hamper sobagian daiik ponungguk kota borugok bosamoh nyak ngopingk Firman Tuhan. ⁴⁵ libo ntoyatn-toyatn Yahudi lek rudongk tonyat nyene, baloe nimpunuk owangk iri hati ngan bojantoh nlawatn nyak oneh diik sano Paulus gok menghinanya.⁴⁶ Totapi Paulus gan Barnabas bojantoh ngan borani ngan jantoh , ''Sangat pontengk bahwa Firman Tuhan harus sano ngnu molobeh tiai. Ranong bahwa mo nulak ngan menganggap mo sidiik kae gonmoreti nyak morima midop kekal , Tileklah, me kan pinah nganu ntoyatn-toyatn diik kae Yahudi. ⁴⁷korena wok nyen Tuhan jeh morintah me, nyantoho,' Ko jeh ngona mo sobagae tampok somu ntoyatn-toyatn kae Yahudi, nyak nyen ngado mo ngabar kosalamat smpaeko tojok poya48.Libo nya dik kae Yahudi ngopingk hal to, diyete baek owangk ngan mijih firman Tuhant. Sebanyak dik jeh nihnotap nyak midop kokal jodi pocayok. 49.Firman Tuhant nihnyobar wah soluruh daerah nyene.50.Tapi urangk-urangk Yahudi ngasut kaum boiman ngan balo ngdayongk ponting, ngan para pomlmpint kota. Hal to mongki dakwaan koni Paulus ngan Barnabas ngan ngosare hingga batas kota. 51.Tapi Paulus ngan Barnabas nopao-nopao dobu sik koja diyete. 52.Ngan para murik dipenuhi nih sukacita ngan kekuatan Roh Kudus.

Chapter 14

¹Tojadilah wa Ikonium bahwa paulus ngan Barnabas masok Sinagoge Yahudi bosama bosama ngan bojantoh raanyin rupa sohingga kumpulan dai nya obek bae Yahudi ngan Yunani monjadi pocaya.²Tetapi Yahudi di kae taat monggangu piker piker nya nya dikaeYahudi ngan mongki diyet sangat ndoruh nya nya nyuh.³Montolah diyet wa ngoin alaap onu disingkat otai bojantoh ngan borani tentang borita pomberi Nya .Yesus nkodi hal to nglalu menyatakan tana tana ngan mujizat mujizat diterjadi nlalu tongan tongan Paulus ngan Barnabas.⁴ Totapi mayoritas ponduduk kota tobagi sobagian nya setuju ngan nya nya Yahudi ngan sebagian agi ngan para rasul.⁵Pada saat bae nya nya kae Yahudi ngan nya Yahudi berusaha nyah menyakin kan pomimpit diet nyah menjebak ngan ranikap Paulus ngan Barnabas.⁶Diet menyadarinya ngan ragkobu dom koni kota Likaonia, yaituListra ngan Derbe ngan daerah sokitara,⁷ Ngan diyet torus ngragahh injil diwangoih.⁸Wah Listra nya dari dari di dudo, darinya kidoh kokuata, coloya sija alaph toni ma gooth suah bojalat.⁹Nya to ngopik Paulus sedak bojantoh.Paulus ngronung mutuhdomh ngan ngronung bahwa domh odoh iman nya bae sikonap.¹⁰Maka dom nyona ngan lancar'' tokit lah ngan koja koja mu'' ngan nya to mglumpat sorota bojalat koto koih.¹¹Ketika nya obek nyu ngonung onih torutb dijeh lakukan Paulus, diyet nyaring boba wah boba Likaonia ,, dewa dewa jeh tomonah koni dop wah pongki nya nya.,,¹²Diyet nyona Barnabas,, Zeus,, ngan Paulus ,,Hermes karnaPaulus adalah tukang boboba dipontojih¹³Imam dewaZeus dih kuil nya toronkah diluar kota, met lembu lembu dari ngan karang bunga koni kore gerbang dom ngan nya obek lok persembahan korban.¹⁴ Tetapi ketika bala rasul Barnabas gan Paulus, ngoping hal nyuh diyet nkinyat adohoh diyet ngan copat copat obu koni porogo nyu ngan nosu.¹⁵Ngan yat, oi diyet ngonih diyet kamu nkodi hal hal to? mi gah adalah ntoyat di berperanan sama ngan mu. mi met berita bae, bahwa diyet harus bobale si hal hal di kidoh reti retito koni ponompa dimidop dijeh mongki runyit,poya ngan laot ngan sidi obih di wawahah.¹⁶ Pada zaman saees Dom ijini seoluruhnya nya midop menurut cara cara diyet maih.¹⁷ Namun wok nyen, Domp kae mbiar dommp todomp kae bosaksi, wah hal nyent dommp nkodi dik baek ngant nopus ujannt sik soruga ngan tikinnt-tikinnt binik buah, mbunuk owanggk mo gok ponduok ngant kosinangk.¹⁸Bahkan ngan boba boba dik haekk, Paulus ngan Barnabas kae sanggip nijinggk nya obenggk munyook korban koni nya.¹⁹Tetapi beberapa Ntoyant Yahudi sik Antiokhia ngan Ikonium monik ngant moyakent nya obenggk. Ballo nikamp Paulus ngan botuh samel ngompik koluar kota, samel bopiker bahwa domp jeh kobekk.²⁰Namun seketika ballo murid libo tokit ngilinggk domp, Dommp tokit ngan masok kota. keesokan Mosik babut,e domp obu koni Derbe borota ngant Barnabas.²¹Setelah diyet jeh ngabar Injil wa kota nyuh ngan monki obek murid diyet mori koniListra ,Ikonium, Antiokia.²²Diyet torus menguatkan minu minu bala murid ngan mendorong diyet nya h terus wahiman, diyet dop harus masokkoni wah kerajan ponompa nlalu obek penderitaan.²³ Libo diyet jeh niju nya diyet pomimpin pomimpin diwa sotiap gereja ngan jeh bodoa ngan bopuasa, diyet pocaya diyet koni Tuhat, di wah dom diyet jeh pocaya.²⁴ Lalu diyent obu nlalu Pisidia ngan moni koni Pamfilia.²⁵Ketika diyent jeh nyona boba wah Perga, ballo tomonah koni Atalia.²⁶Si nyuh diyent bolayar koni Antiokhia, aronggk diyent jeh berserah koni anugerah ponompa nya dient nya korija dii nih balo jeh nih kossikk.²⁷Libo Ballo monik wah Antiokhia ngant ngumpulkan Gorija Bosamoh- samoh ballo nlapor sidik sosuatu dik nih Ponompa jeh nkodi ngant Dient,Solanjutnya kameh dommp tao mukakk kore Iman nyak Banso-banso dik kae Yahudi.²⁸ Diyent totap bosamoh- samoh ngan bala murid nyuh nya k Sowa di otai.

Chapter 15

¹ Beberapa ngdari dik monik sik Yuddea ngan ngajor nya wayent, nyonae, Kalao kae disunat sosuai ngan adat- istiadat Musa, dient kae dopat disolamatkan." ²Akhir nya Paulus ngan Barnabas libo ngadop pertentangan ngan bocokangk ngan diyete baloe wayent mutuse agar Paulus,Barnabas,ngan beberapa nya dikkint nyak jalont koni para rasul ngan pomuntuh wah Yerusalem nyak misek tentang hal toe.³Dient dik diutus nih jemaat nyenpun jalont ngronca Fenisia ngan Samaria ngan menyaksikan pertobatan nya dik kae banso Yahudi. Hal nyen ngado nya wayete baek owangk. ⁴Libo dient monik wah Yerusalem, dient disambut oleh jemaat ngan para rasul ngan pomuntuh ngan diyete ngisahkan sidik hal dik nih Ponompa ngkodi.⁵Tapi obeng nya dik pocayok , dik berasal sik golongan Farisi, tokit ngan yant," To ponting nyak nyunat diyent ngan ngrintah longk patoh ngan Hukum Musa." ⁶Nihnyen para rasul ngan pomuntuh bogumpol nyak ngomong hal nyen.⁷Mosik ngroca obengk cokangk, Petrus tokit ngan yant koni diyent, " Balo dingan, dienttaok ngkate bahwa beberapa waktu dik lalu Ponompa jeh mileh diantara dient longk dengan perantaraan tukokko nyadik kin dik kae Yahudi ngopingk boba Injil, ngan pocayok. ⁸Ponompa, dik ngonal owangk monsia, jeh bersaksi koni diyente, mencurahkan Roh Kudus, wok dikjeh Domp lakukan koni dop; ⁹Ngan Domp kae membedakan antara dop ngan diyent, ngriseh owangk diyent nih iman.¹⁰Jadi ngtoho nguneh dient nguji Ponompa, ngan nobak jarae dik daik koni rutuk balo murik-murik dikkae mampue miik jaksik nek moyang dop maupun dop sonirik ? ¹¹Tapi dop pocayok bahwa dop acomp diselamatkan nih mase TUHAN Yesus, samoh wok diyente."¹²Nya obengk ponae sementara diyente ngrintingk Barnabas ngan Paulus dik nglaporkan tano- tano nyaroh ngan mujizat-mujizat dik Ponompa jeh ngkodie wah anra bangsa-bangsa dik kae Yahudi melalui diyente.¹³Mosik diyente togak bojantoh, Yakobus ngjawob, " Balo, kapingk ko. ¹⁴Simon jeh ngritae kameh Ponompa jaksik tojihi jeh menunjukan anugrah wah nolongk banso dik kae Yahudi longk ngongkat sik diyente suatu umat nyak odateDomp.¹⁵Boba-boba para nabi cucok ngan hal to, wok jeh tertulis. ¹⁶Mosik hal-hal nyen Ko akan mori, ngan Ko akan ndiri gek kemah Daud dik jeh roboh; Ko akan ngbangun ngan ngbaek gek. ¹⁷Longk nya dik modimp akan pongao Tuhant, termasok banso-banso dik kae Yahudi dik nosu odant Ko.' ¹⁸Tolah dik sano Tuhant, dik jeh ngkodi hal- hal nyen dik jeh taok ngkate jak sik saek mula. ( Beberapa versi kuno dibaca. " Tolah dik sano Tuhant, jaksik zaman kuno jeh dikenal torunf dik kadi Domp.) *¹⁹Nih nyen nurut pendapatko, dop kae porulu ngraru banso dikkae Yahudi dik bobalek koni Tuhant; ²⁰tetapi dik akan dop sano koni diyete bahwa diyete harus ngkojau dop sik pencemaran berhala-berhala, sik percabulan, ngan sik dagingk daangk dik kobek nih ngical, ngan sik doya. ²¹Nih ukump Musa jeh ngragoh wah tiap kota jaksik zaman saeksek ngan domp nihmaca wah sinagoge-sinagoge tiap onu Sabat.'²²Lalu upae bagaig bagi para rasul ngan pomuntuh, bosamoh ngan soluruh jemaat, nyak mileh Yudas dik disebut Barsabas, ngan Silas, dik adalah pemimpin-pemimpin Gorija, nyak nutus koni Antiokhia bosamoh Paulus ngan Barnabas. ²³Diyete nuliskan hal nyen, "Salam sik para rasul, para pomuntuh, koni baloe sik banso dikae Yahudi wah Antiokhia, Siria, ngan Kilikia.²⁴Dop jeh ngopingk bahwa beberapa nya tertentu kae nih minyok ukump nyene, ntigal me ngan nyusahkan diyent ngan pengajor dik menggelisahkan owangk diyent. ²⁵Sehingga to baek bagi dop longk sepakat nyak mileh urangk-urangk ngan ngutus diyent konimo bosamoh ngan Barnabas ngan Paulus dik dop kasihi, ²⁶Dik adalah urangk-urangk dik jeh mempertaruhkan nyawae nyak nama Tuhant dop,Yesus Kristus.²⁷Nihnyen mejeh ngutus Yudas ngan Silas, dik acomp nyona hal-hal dik sorupae. ²⁸Nih hal to nyak tilek bagai nyak Roh Kudus baekpun nyak me, longk yok membebani diyent ngan hal-hal dik kae porulu ; ²⁹melainkan longk diyent menjauhkan dop sik penyembah berhala, darah, bintangk-bintangk dik kobek tokical, ngan sik dosa percabulan. Jika mo ngkojaudop sik hal-hal nyen, nyen acomp palikng bagaik nyak diyent. Selamat berpisah."³⁰Libo diyent bosona, diyent borongkat koni Antiokhia; ngan mosik diyent ngumpol nya obengk, diyent nyirah surat nyene. ³¹Libo diyente mosik macaye, diyente baek owangk ngan ripu. ³²Mosik nyenYudas ngan Silas,ngan para nabi, ngransongk dingan-dingan ngan obengk boba ngan nogapkan diyente³³Mosik diyent ngkosik sebagian waktue, diyent diutus ngan damai sik dingan-dingan koni diyent dik jeh ngutus diyent. ³⁴( salinan kuno terbaik menghilangkan ayat 34(lihat Kis. 15:40):Tetapi wok bagai nyak Silas nyak pagont wah nie.) ³⁵Tapi Paulus ngan Barnabas montok wah Antiokhia bosamoh ngan dik kint, ngan diyent ngajorkan ngan minyok firman TUHAN.³⁶Beberapa onu mosiknyen Paulus nyona koni Barnabas, " Bohlah dop mori ngtoho ngan manu dingan-dingan dop wah sotiap kota arongk dop lopa nyobar firman Tuhant, nyak lek pongodi diyente. ³⁷ Barnabas gak ma owangk ngajoh bosamoh ngan Yohanes dik gak sanoe Markus. ³⁸Tapi Paulus bopiker kidoh mafaate ngorah Markus, dik suwah ngtigal diyete wah Pamfilia ngan kaegek ngajoh samoh ngan diyete wah pelayanan.³⁹Lalu timollah soliseh pahamp dik daik antara diyent dukaha, hingga pajoha diyent dukaha harus poncae; Barnabas ngorah Markus ngajoh ngan domp ngan bolayer koni Siprus. ⁴⁰Tapi Paulus mileh Silas lalu diyete jalont, mosik tantik nih dingan-dingane ngan nyirahkan diyete koni anugrah TUHANT. ⁴¹Mosiknyen domp borongkat ngronca Siria ngan Kilikia, nyak nogap jemaat-jemaat wah nie.

Chapter 16

¹ Paulus monik geh koni Derbe ngan Listria;wah nyen odoh tek murik dek borodaant Timotius,dari nya dayoongk Yahudi dek pocayook;Mangk odolah nya Yunani.²Timotis unto dikonal baek oleh posik-posik doomp wah Listria nagan Ikonium.³Paulus ingin longk doomp ngajeh wah pojalon doomp;loongk doomp ngorah ngan nyunant doomp korena sidik nya-nya Yahudi wah wilayah nyen ,ntaook bahwa mang adalah nya Yunani.⁴Wah pojalont deent kolilingk kota,dieent nyona koni jemaat-jemaat wah oyeent mongonai porintahdek harus dieent patohi,porintah dek jeh nih nulis oleh rasul-rasul ngan bolo pomuntuh Yerusalem.⁵ Sohingga jomaat nyen ditogohkan iman dieent ngan somakin botoduk obengk jumlah nya pocayook sotiap onu.⁶Paulus ngan pengikut ronca derah Frigia ngan Galatia,korena Minu Boriseh ngaboont dieent nyak momorita kan firman wah profinsi-propinsi wah wilayah Asia.⁷ Libo dieent jeh somak daerah Misia,dieent borupaya masok daerah Bitinia,totapi Minu Yesus raroh mereka .⁸Sohingga sotelah lalu Misia,dieent manu koni Kota Troas.⁹ Tileek lah oleh Paulus souatu pontilek wah ngorim'p onu;nya dari-ndari sik Makedonia dek tungkah tokit wah nyen,nosu doomp ngan boboba ,"Moniklah koni Mekadonia,ngan tuloongk lah me."¹⁰ Libo Paulus leek pontileknyen,lansongk me copat manu koni Mekadonia,monyadar bahwaPonompa jeh nosu me nyak momboritakan injil koni dieent.¹¹ Komudian me botulak sik Troas,bolayar nuju Samotrake,ngan onu borikut me monik wah Neapolis;¹²Sik nyen me borangkat koni Filipi,dek odohlah sobuah kota sik Makedonia,kota potojih dek morupakan jajahan Roma,ngan wah nyen me tinggal solama boborapa onu.¹³Pado onu Sabat me koluar sik gorubank kota tobingk sungi,dek me ngira akan odoh soatu orongk nyak bodoa.Me dudok wah nyen ngan bojantoh koni balo ndayoonk dek monik boruggok.¹⁴Nya dayongk borodaant Lidia,nya ponyual kain'k ungu sik kota Tiatira,dek moyomah Ponompa,ngopingk me .Ponompa muka oti doomp nyak lek toru'unt-toru'unt dek nih Paulus nyampae.¹⁵ Libo doomp ngan pongkobih roming doomp dek ponae wah ye'ent,Ngan doomp torus monorus mbujok me.¹⁶ Libo onu nyen ,me libo nuju ko aroonk bodoa,odoh ndayo,ogk mongu,nt dek odoh roh tenung ndopat me.Ngan pongira-pongira doomp nyen tuant-tuant doomp nopat obengk kountongk.¹⁷Ndayonk nyen nyinot Paulus ngan me komudian maangkos,boba doomp,"Nya-nya unto odolah kuli-kuli Ponompa dek Palingk Somu.Dieent nyona koni mo joraant kosolamatan."¹⁸Doomp kodi hal nyen solama boonu-onu.Tapi Paulus,morasa toggaguk nih doomp,bobalek mangkos nagan nyona koni roh nyen,"Ko porintahkan mo wah saih odant Yesus Kristus koluar sik saih umpo doomp".Lalu roh nyen pun koluar libo nyen geh.¹⁹Libo tuant-tuant sik ndayoonk nyen lek bahwa kidoh gek harapan gek nyak dieent yak nopat ponopat,dieent nokop Paulus ngan Silas sorota noreek dieent koni saih pasar wah jowi balo poguasa.²⁰Libo dieent jeh monik wh jowi balo poguasa ,dieent bokata,"Nya-nya to adalah nya Yahudi ngan dieent jeh mongki obengk masalah wah kota me.²¹Dieent mongajoor ha-hal mongonai adot- mogadot dek kae sosuai ngan ukump dek me pocayook sobagai nya Roma.²²Mosik nyen korumun nya-nya geh ngajeh lawo'ont Paulus ngan Silas;balo ponguasa nyen riyas adoh sik woonk dieent ngan momrintakan dieent nyak dipangkongk songkut koyuh.²³Mosik dient bokali-kali nih mongkongk ,dieent nih masok koni saih ponjara nagan morintahkan ponjago ponjara nyak bonar-bonar njago dieent.²⁴Mosik pojago ponjara nopat porintah nyen,doomp memasokan dieent koni bagiaant palingk saih sik ponjara ngan masoongk koja dieent oma'ant-oma'ant.²⁵Sokitar tuda ngorim'p Paulus ngan Silas tungkah bodoa ngan simaak lagu-lagu koni Ponompa,ngan balo pomonae ponjara dek kin pun ngajeh ngopingk dieent.²⁶Tiba-tiba tojadi soatu gompa bumi dek dasyat,sohingga mongki dasar bangunan ponjara nyen gigit;libo nyen geh soluruh kore ponjara tolopas,ngan rantae dek niset balo pomonae ponjara nyen pocol.²⁷Ponjago ponjara nyen nyoman sik bis ngan lek kore-kore ponjara nyen tobukak;dieent noret podangk ngan hamper rokosik pongikop dieent sondirik,korena deent bopiker balo tahanan nyen jeh ngkobu doomp.²⁸ Totapi Paulus mangkos koni dieent ngan boba dek nyaringk,kant doomp,"Yook nyakit dop soniriik,korena me solalu odoh wah oto.²⁹Ponjago ponjara nyen momorintahkan nyak miah lampu ngan obu masok kombali koni saih penjara nyen,gigit gigoh ngan jotuk wah jowi Paulus ngan Silas,³⁰ ngan met dieent koluar ngan yaant,"Tuant-tuant,oneh kah dek harus ko tangki loongk ko selamat?"³¹Dieent bokata,"Pocayooklah koni Ponompa Yesus,ngan mo akan disolamatkan,mo ngan soisik roming mo.³²Dient bocorita boba Ponompa koni dieent,bosomoh ngan nya-nya wah saih roming doomp.³³Mosiknyen ponjago ponjara itu met dient koni jam dek sama wah ngorim'p nyen,riseh towant-towant dieent,ngan dient sorota soisik roming dieent punk ditanek sogira.³⁴Doomp met Paulus ngan Silas simak koni somu roming doomp ngan mogidangk toru'unt nyak naik wah jowi dieent.Ponjago ponjara ngan sidik obih roming doomp nyen sangat bosuka cita,korena dieent jeh pocayook koni Ponompa.³⁵Libo onu jeh monjodi tirangk,balo poguasa momorintah koni balo ponjago kaant doomp,"Adui maeh nya-nya nyen borongkat.³⁶Ponjago ponjara nyen nyonae koni Paulus porintah dek bauh maeh di koluarkan,kaant ,"Balo poguasa jeh momorintahkan koni balo poguasa jeh momorintahkan ko nyak membebaskant dieent:Oleh korena nyent,koluarlah ngan koihlah ngan damai."³⁷ Totapi Paulus bokata koni dieent,"Dieent jeh mongkongk me wah jowi umum,nya-nya Roma tapa diadili ngan dieent jeh menjobloskan me koni ponjara;ngan unto dieent mengoluarkan me socara motingk-motingk?Kae taook wook nyen;aduilah dieent monik sondirik ngan ngoluar kan me.³⁸Balo ponjagomolaporkan hal unto koni balo ponguasa;balo penguasa nyen pun kotakutan libo ngopingk bahwa Paulus ngan Silas odohlah nya-nya Roma.³⁹Balo Ponguasa nyen pun monik ngan mohon koni dieent ; ngan libo dient ngoluar Paulus ngan silas sik saih ponjar,dieent mintak Paulus ngan Silas nyak tinggal kota nyen."⁴⁰Lalu Paulus ngan Silas koluar sik Ponjara nyen ngan manu ko roming Lidia.Libo dieent lek balo-balo nyen,dieent monghibur dieent ngan komudian borongkat sik kota nyen.

Chapter 17

¹Libo diyen lalu kota Amfipolis ngan Apolonia diyent moni koni kota Tesalonika ponae odoh sinagoge Yahudi²seperti mook,Paulus moni koni diyent toruh onu sabat njelas koni diyent kitab suci³Dopm mukak kitab suci ngan njelas bahawa porlu bagi kristus nyak jora ngan bangkit mori sih kobek dopm nyona Yesus nyen dik ko rita koni diyent Kristus nyent ⁴Kudu nya Yahudi jeh yaket,n bosamoh ngan Paulus ngan Silas termasuk nya-nya Yahudi dih saleh,endayook terkenal sebagian nya obek⁵Tapi balo nya Yahudi dih kae ncayok tigal ngan owak donapm met nya kobiyek sih pasar borugok diyent ngan mongki kalut tik kota yorak roming Yason diyent owak mett Paulus ngan Silas koni nya obekg⁶Tapi libo diyent kae ndopat yent .diyent nulak Yason ngan kudu posik ngan dih bikit nih ngadop koni pojabat kota .nosu balo nya to dih jeh yungkel malek dunia ngan mnih koto ⁷Balo nya nyent monih koni Yason nindak lawott porator-porator Kaisar .diyent nyona bahawa odoh raja dik bikint - Yesus⁸borogok nya obek koni pomimpint- pomimpint kota susah libo diyent ngopink pogodi nyen⁹tapi mosih balo pomimpin nopat upah duwet sih Yason ngan ayn bikint .lalu balo pomimpint nih biyar mori¹⁰ngorip nyen saudara-saudara nyen ngirimp Paulus ngan Silas koni berea libo diyent monih koni nyuh diyent masuk sinagoga Yahudi¹¹balo nya nyent lobeh baek oti sih nya Tesalonika karena diyent rima fiman ngan tobuka lek kitab Suci tiap onu nyak lekk oneh dih terjadi¹²Oleh karena obek sih diyent jih pocayok .tomasok kudu nya endanyok ngan obek nya ndari Yunani deh penggarok¹³Tapi libo balo nya Yahudi Tesalonika ngopingk Paulus ngagoh ferman Ponomp tingk Berea diyent koni ko,ih ngasut ngan engadoh nya obeek nyen¹⁴Mosih lokas balo posih nyen ngirimp Paulus obu koni laot tobik Silas nganTimotius monae nyuh¹⁵Diyent dih ngirik mett koni ojau sampoe koniAthena mosih nyen diyent entigal Paulus tik nyuh diyent nopat perintah sih dopm agar Silas ngan Timotius koni copat mongki n.¹⁶ Libo onu Paulus nunguk diyent tiikAthena .roh dopm bokocamuk saih bako karena dopm leek kota nyen punuh ngan bahala¹⁷Jadi ngudok bosamoh ngan balo nya Yahudi tingk sinagoge ngan balo nya dik bikintn dih somayak koni ponompa gok ngan diyent dik dopat tingk pasar tiyap onu¹⁸Tapi kudu Filsuf Epkuros ngan Siba manu dopm kudu nya nyona ngoneh kah dikh owak nih nyona sih pomboror nyen sano koni nya bikint dopm woknyen judi salah kiteh nih manggel nya.nyak ngajoh dewa-dewa nyaroh karena dopm ngrita tentang Yesus ngan kebangkitan.¹⁹Diyent minyah Paulus ngan mett ki Areopagus nyona taok me ajaran baru dih mon ngomong nyent.²⁰karena diyent met hal-hal nyaroh koni kopiik me .karena nyen me igin taok oneh rita hal nyen.²¹Ungtoh sidih nya Athena ngan balo nya nyaroh dih midop tingknyuh kae umpo waktu bikint nyona ngan ngopingk tentang torut dih baoh.²²Nyak Paulus tokit tingk tonggah Areopakus ngan bojantoh , Diyent blo nya sihAthena ,ko lek bahawa mo owak bo agama sih segalo pongodi.²³Libo waktu ,lalu ngan rati obyek-obyek mo .ko nopat mezbah ngan tulisan Koni Ponompa dih kae konal .oneh karena nyen mo somayak ngan malokk nyenlah dih ngan ko nyona koni mo.²⁴Pnompa dih mongki dunia ngan segalo obiih karena dopm nyenlah Ponompa royen ngan dunia kae monae dih baek pongki tongan.²⁵Kaelah dopm kae layan bayok togan entoyatt pura-pura dopm ngiyak sesuatu karena dopm maeeh nyilo pokidop ngan pongasok sorota sesuatu koni balo nya.²⁶Slh kiteh munsia dopm jodi tiap suku bangso midop tingk jowi duniua ,jeh nontu tikint-tikint ngan bat- bat wilayah diyent.²⁷Nih karena nyen dlyent arus engkogao Pnunpa bila omant diyent dopat ncapae ngan nopat dopm suguh dopm kae ojau sih ngan dop.²⁸Bayonih tingk saih dopm dop midop ngan bogorak ngan odoh samoh wok nya ponyiir mo njeh boboba , karena dop gak kuturut.²⁹ Nih karena nyendop adalah koturut Ponompa dop arus kae bopiker bahawa laher nyen wok omas ngan perak ngan botuh dih nih nguker ngangok mnusia.³⁰Nih kare nyen Ponompa nremehe masa bodo nyen nih dopm rintah sidih nya dih oseh punkae botobat.³¹Nih nyen dopm jeh notap onu libo dopm akan ngukop dunia ngan kobonar ngan nya dih jeh nih mileh.Ponompa jehnyilo bukti pogodi ntoya'ant yeen koni tiap ntoya'ant gan bangkit Dopm sih kobek.³² Libo balo nya Athena ngopik tonta'ank bangkit ngankobeh, kudu nya ngolok Paulus dih nyen kiint boba , me akan ngopiik mo balek koni hal nyen.³³Libo nyen Paulus entigal diyeent.³⁴Tapi kudu nya borugok ngan dopm ngan pocayok tomasok Dlomisus majelis Areopaagus,nya endayoonk odat Damaris ngan balo nya bikit bosamoh ngan diyentn.

Chapter 18

¹ Mosik to, Paulus ntiggal Atena ngant,obu koni Korintus. ²Waih dommp bodopat tek konaant nya Yahudi borodant,n Akwila, nya Pontus; dik baoh monik sik Italia boropik ngant,n osao,e Priskila sebab Klaudius jeh ngrintah sidik nya Yahudi nyakk ntiggal Roma; gok Paulus njongokk ballo,e. ³Paulus montok samel korija sama ngannt, ballo sebab ballo nyent,n mpo usaha dik sama.Ballo,e pomongki Danggao.⁴ Jodi Paulus bojantoh wah sinagoga sotiap onu Mingu.Dommp ngyakent,n nya Yahudi gok nya Yunani. ⁵ Tapi libo Silas ngan Timotius monik sik Makedonia,Paulus nih ngkoras ngannt minu ayu nyak bosaksi koni nya Yahudi bahwa Yesus aek Kristus ⁶Libo nya Yahudi nulak gok ngina dommp,e, Paulus ngibao adoh,h samel nyona nganu ballo," Adu maeh doya mo soyangkk wah tunuh baakk mo; ko kae tosat. Jak sih ntohh,ko kan obu koni nya dik kae Yahudi.⁷. Mosik dommp ntiggal aronggk nyent lansongk obu ko Romingk Titius Yustus,nya dik matohh Ponompa. Rominggk odohh wah dipah Podagi.⁸. Krispus, Pomimpint podagi, ngan sidik lawonggk,e jeh pocayo ngan Ponompa. Obenggk nya Korintus dik ngopinggk Paulus jodi cayo lansonggk nomanekk.⁹Ponompa bojantoh ngant Paulus pado onu ngorimmp nlalu porononggk," Yok gollak, tapi ngomonggk yok monae.¹⁰ Karna Ko borita ngannt mo,kae odoh nyapunt dik ro cuba malo mo karna Ko mpo obenggk nya wah kota to. ¹¹Paulus montok wah ihh solama tek sowa nim burannt, Ngajorr Boba Ponompa wah tuda Ballo.¹². Tapi libo galio jodi Gubernur Akhaya, nya nya Yahudi Mongkat nlawonnt Paulus samel met Dommp,e manu banggku Pocaro; ¹³ Ballo ngomonggk," Ntoyannt, to met nya -nya Somayanggk Manu Ponompa dik kae matoh ukum."¹⁴. Libo Paulus ro ngomonggk, Galio ngomonggk manu nya Yahudi," Mo nya Yahudi,mak hal to karna kosalah gok kobiek, tao jodi akol nyakk bourus ngannt diennt,¹⁵. Tapi karna pomisek- pomisek hal boba gok odannt- odannt ngan ukumm diennt, Kasik todop. Ko kae owanggk ngadel hal wokk to.¹⁶. Galio ngaso ballo ntiggal Pocaro. ¹⁷Mosik sidik ballo makonggk Sostenes, Kopalok Podagi,samel mongkonggk dommp wah jowi Pocaro.Tapi Galio kae poduli oneh dik nih ballo ngkodi.18. Paulus, Libo montokk baso kudu onu gek, ntiggal Posik-posik bolayar koni Siria borota gok Priskila ngant Akwila. libo ntiggal pelabuhan, Kengkrea, Dommp ngukorr baakk karna dommp jeh Botanoo. ¹⁹Libo ballo monik wah Efesus, Paulus Ntiggal Priskila ngan Akwila wah nyuh, Tapi dommp todop obu koni Podagi samel bosoal - samot ngan nya Yahudi.²⁰. Libo Ballo minta Paulus nyak Montok lobeh Otaei,Dommp,e Nulak.²¹ Tapi Libo Dommp Botabek koni Ballo, Dommp mboba," Ko ro Balek gek konimo,mak Ponompa Longgk," Dommp mosik nyennt bolayar sik Efesus.²². Libo Paulus bolaboh wah Kaisarea, dommp obu samel nopat jomaat Yerusalem mosik nyennt tomonah koni Antiokhia. ²³Mosik ngkosik baso kudu onu wah aihh,Paulus borongkat ngant obu nlalu birahh Galatia gok Frigia nyak ngkaik owangk cade- cade.²⁴. Masa nyennt nya Yahudi borodant Apolos, Pongkodoh Aleksandria,datang Ke Efesus. Dommp Kental boboba ngan nguasa Alkitab.. ²⁵Apolos jeh tolatih wah pongajor hal Ponompa. Ngan binik owanggk, dommp bojantoh gok ngajor hal ngan baek hal- hal baek Yesus, Tapi domp hanya ntao Ponanaek Yohanes. ²⁶. Apolos nojih boboba botekk wah Podagi.27. Libo dommp ro mutas koni Akhaya , Posik- Posik Ndukungk dommp samel nulis koni Cade- cade wah Akhaya nyak nyamut domp. Libo doommp monik,Domp rajingk nulonggk nya dik Pocayo Anugrah.²⁸ Apolos nyona,e wah jowi nya Yahudi, Dik nih nijukk wah saihh Alkitab bahawa Yesus Haek,k Kristus.

Chapter 19

¹ Libo Apolos maseh wah Korintus, Paulus nlalu kudu birah ngant monik wah Efesus lalu dommp bodopat ngant boborapa konaant murid waiih. ²Paulus bopisek nganu ballo," Apakah mo jeh nrima Minu Ayui libo diennt pocayo.? " Ballo pun nyamot, "Kae, me gonnt suah ngopinggk wok Minu Ayu.³Paulus geh Bopisek,lalu ngant onehlah mo naso tomanek?" Ballo nyamot," Me jeh nih nanek ngannt Pomanek Yohanes Pomanek."⁴Paulus ngomonggk," Yohanes manek me ngannt manek tobat. Dommp ngorah nya bokah agar ballo arus Pocayo koni nya dik ro Monik mosik dommp,e,yaitu Yesus."⁵. Waktu nya obenggk nyuh ngopingk hal to, Ballo pun bosirah owanggk ballo nyak tomanek wah Odannt Yesus Ponompa.⁶Mosik pado libo Paulus ngona tongannt,e, Minu ayu tomonah koni diennt,e ngan diennt,,e ngomonggk wah boba- boba bikint,ngan bonubuat.⁷ Jomilah Ballo odoh sokitar dukah bolas nya ndari.⁸. Paulus borongkat manu Podagi samel bojantoh ngant,kobotekk,e solama toruh burannt, munyok cara ngan n yakennt ballo hal Kerajaan Ponompa.⁹ Namun odoh kudu konaant nya Yahudi dikkoras owanggk ngan kae longkk,e patoh koni pongajor dommp, Diennt,e, pun mulai nyona hal- hal biek Kristus wah jowi nya bokah.Nih nyeennt Paulus ntiggal ballo ngan ngkoju nya- nya pocayo sik antara diennt,ngajor ngan ballo,e, tiap onu wah Perkuliahaan Tiranus. ¹⁰To bolansongk solama dukah Sowa, Sohingga obenggk nya montok wah asia ngopinggk boba Ponompa,Baek nya Yahudi maupun Nya Yunani.¹¹, Ponompa mongki obenggk Pongodi dik luar biasa baek nlalu tongan Paulus, ¹²Bahkan nya dik monammp nih Nompal, Minu kae baek koluar sik ballo diennt,Ketika nginyak Sapu tangan ngan kain Paulus.¹³. Tapi wah tuda diennt odoh kudu konaannt nya Yahudi, Ngosar muunnt,dik nginyakk odannt Yesus nyak kepentingan Todop dik ngkodi ponyalonnt nlalu daerah haeekk. Lalu dieent, ngomongk koni nya-nya dik tomasok Minu-minu biek," Demi Yesus dik nyobar nih Paulus, Ko ngrintah mo nyak koluar,"¹⁴ Imam baak Yahudi, dik borodannt Skefa, mpo iju onak dik ngkodi to.¹⁵. Lalu minu biekk nyennt, nyamot Ballo," Yesus ko kinal, pa kolagi Paulus; Tapi osehkah mo?" ¹⁶Minu biek dik odoh wah nya nyuh nlumpat koni arah diennt, Mongkonggk ngan nompoh, nya pun ngkobu dommp sik rominggk nyuhh libo kolanyaoo ngan towannt.¹⁷. Pristiwa to tosobar sik tuda nya-- nya Yahudi ngan Yunani di onae wah Efesus.Ballo lalu jodi poncaunnt, Sohingga odnnt Yesus Ponompa pun nih nyomahh.¹⁸. Obenggk geh nya pocayo monik ngan nganggku hal-hal dik biek dik ballo kadi.¹⁹Obenggk nya dik tao ngkodi pomanggk monik met Kitab kitab ballo ngant nih nicol wah jowi nya sidik nya.Kitab-kitab to nih tonakser bonilae Rimih ribu kipenggk Perak. ²⁰Boba Ponompa pun tosiar luas ngan bunukk kobaek owangk.²¹. Mosik Paulus ngkosik Pongodi domp wah Efesus, ngan ponulonggk Minu Ayu dommp mutus nyak nlalu Makedonia ngan Akhaya wah Ponyalonnt koni Yerusalem; katanya, Mosik ko koni koih ko arus geh ngabos Roma;²². Lalu Petrus ncirimmt dukah murid,e koni Makedonia,yakni Timotius ngan Erastus, dik jeh obenggk nulonggk dommp.Namu dommp sonirikk montok wah Asia nyakk sementara onu²³. Kae tai mosik nyennt, timol sobuah hal dik ngamohh nya bokah wah Efrsus. ²⁴. Tek konaant tukanggk mongki perakk borodannt Dametrius, Pomahat Patung Perak Dewi Artemis, dik jeh mmantukk ballo pomong ki nopat Korija. ²⁵Dommp ngumpul,e sidik tukanggk nyuh ngan boboba koni ballo," Sodara- sodara diennt sidik tao bahawa korija to bokah met kountonggk nyak dop.²⁶. Ntoh diennt tungkah nyaksi nhan ngopinggk bahawa Paulus jeh ngajor pongaroh nya ngan nyesat nya bokah.Domp nyona bahawa kidoh Ilah-ilah tobontuk ngan tongan monsia. ²⁷. Ngan kae hanya doop maeh dik ara moyammp korija,²⁸. Sowaktu-waktu Diennt ngopinggk hal dik haek,e, Diennt geh morasa Ndoruh samel Mangkos-mangkos," Daiklah Artemis Dewi Nya Efesus."²⁹. Soluruh jodi Kacao, ngan sidik nya obu nyorobu masok koni alamp Gedung Bonua. Lalu ballo okop dingan- dingant Paulus,Gayus ngannt Aristarkus,dik monik sik Makedonia.³⁰. Paulus bomaksud baek nyak ara masok koni saih Gedungk nyennt,Namun Onak Murid- Murid Ndoruh dommp,e. ³¹. Gok, boborapa Pongurus daik wah Provinsi Asia dik merupakan dingann asik Paulus ncirimp boba koni dommp,e nyak rominta dommp yok masok koni Gedung Kesenian nyennt. ³².Kira kudu konaant mangkos nyak ngaleh nya wah alor nyennt Bingongk. Bokah diantara ballo bahkan kae ntao nyak oneh ballo ngumpul wah aronggk nyennt.³³. Ballo nya Yahudi met Aleksander koni ngadop nya bokah nyuh. Aleksander munyok Isarat nnyak Tongan,e nyak njelas koni ntoyant bokah.³⁴. Namun libo ntoyannt bokah nyennt sadar bahwa dommp adalah nya Yahudi, Diennt,e lalu Mangkos somakin nyaringgk solama kurangk obeh dukah jam," Daiklah Artemis Dewi nya Efesus.³⁵. Libo Pongurus Adat Kota menenangkan nya bokumpul tih ,dommp boboba, " Diennt ntoyant- ntoyannt Efesus,Odohkah nya- nya wah to dik kae ntao bahwa kota Efesus nyenn lah ponyago podagi Dewi Artemis gok haek geh gamar asik torunnt dik tomonah sik Ronyent, ³⁶.Sidik nya ntao hal to, ngan kae odoh tek konaant pun dik bisa ntao hal to kae bonar. Diennt sidik arus monae.Yok ngkodi hal- hal dik Malanggk.³⁷. Sebab nyennt diennt kae soharus met kodukah nya to koni koto, Ballo kae ngrampok Dangao rancok ataopun ngina Dewi dop.³⁸. Odoh geh, jika Demetrius ngann ballo tukangk domp,e nginsmmp bahwa dieent odoh masalah ngan nya - nya to,Odoh baek,eballo met pokara to koni Gubernur. Adu maeh ballo salingk nyalah tek gan dik bikinnt,³⁹. Tapi mak ballo nginyak kudu hal dik owangkk ro pisek,Pokara haeek arus dibett nganu boraimp biasa,e.⁴⁰. Karna Koowanggk,Dop sidik dik odoh monae wah bahaya atas ponuduh ya ngannt kokacao to.ngaan dop kae akan tao njelas hal to.⁴¹. Mosik njelas hal to,Dommp,e mbubar poraimmp nyennt.

Chapter 20

¹Libo mukao mosi, Paulus mcerip bala murid menyakin bala nyah totap pocaya koni Tuhaat Yesus. Lalu nyobut solamat monto koni diyet ngan obu koni Makedonia.² Libo dom jeh obu nlalu daerah daerah tosobut ngan jeh menyakin nya nya pocaya nyah totap pocaya koni Tuhaat Yesus, dom obu koni Yunani.³ Jeh dom mposi toruh burat wa ngoih kolompok nya nya Yahudi tobentuk nyah nglawat onu dom jeh bolayar nuju Siria, jodi dom mutus nya mori nglalu Makedonia.⁴Dom lengopi sampai koni Asia le Sopater ona Pirus si Berea Aristarkus ngan Sekundus, nya nya pocaya si Tesalonika,, Gayus si Derbe Timotius ngan Tikhikus ngan Trophmus dari Asia.⁵ Tetapi diyet jeh bojalat libogoot diyet ngan sedang nunggu mi wa Troas.⁶Mi bolayar si Filipi jesuwh onu raya roti kae boragi ngan wah saat lima onu moni wa Troas wa ngoi mi monto selama iju onu.⁷Pada onu pontojih libo diyet borugo bosama nya ngroca ngroca kue,Paulus bojantoh koni nya nya pocaya . Dom berencana nya maji babut onu jadi dom totap bojantoh sampai tuda ngorup. ⁸ Odoh obek lampu wa aso somu tempat mi bokumpul bosama.⁹ Nya dari mongut odat Eutikhus di dudo wa jendela ropot biis lilo. Libo Paulus bojantoh, dari mongut di masih biis to, jotu si lantai toruh ngan dopat jeh kobe. ¹⁰ Totapi Paulus tomonah , migok sogola le ngaol dom.Lalu dom yaat,, yo susah agi, sebab dom midop.,,¹¹Lalu dom simha agi ngan ngoca noca kue ngan duwo. Jeh suah bojantoh ngan diyet sampae ponuru dom obu¹²Diyet met mori ngndari muda nyuh midop midop ngan morasa ojau lobeh tenang.¹³Gomi todop bojalat kidoh Paulus ngan kapalngan bolayar nuju Asos, aso diyet borencana nya njemput Paul. To adalah onih di dom owak nkodi karena dom merencana nya bojalat nglalu doih.¹⁴Libo dom bodopat diyeet wa Assos, diyet met koni kapal jalat koni Metilene.¹⁵Lalu diyet bolayar sih nyuh ngan moni babut onu wa soborak Pulao Khios. Gan onu borikut diyet moni si pulao Aamos ngan onu berikut agi diyet bojalat koni kota Miletus.¹⁶Sebab Paulus jeh memutus nya bolayar nglalui Efesus, supaya dom kae ngkosi obek onu wa Asia, dom toburu toburu jalat koni Yerusalem ngnya onu Pentakosta, jika sidih nyuh nya dom nglaku.¹⁷Si Miletus domgirim nya nya koni Efesus ngan nosu bala penatua Jemaat.¹⁸Libo diyet jeh moni koni dom yatat koni diyet ,, Mu sendiri tao sija onu pontojiah dom mpet koja wah Asia, rakih dom solalu nkosi onu bosama ngan diyet.¹⁹Dom totap molayai Tuhaat ngan sogala korenah oti ngan dengan iju motuh ngan wah kojora di jeh tojadi koni kosendiri korena kompolotan nya nya Yahudi.²⁰ Mu tao raki ko kae suah ponae nya nyampae koni diet onih pun di boguna ngan raakih ko ngajar kamu wa joi obek nya ngan juga bojalat koni roming koni roming.²¹Mu tao bahwa ko totap ngiangat nya nya Yahudi ngan Yunani tentang botobat koni Thaat ngan boiman wah Tuhaat Yesus dop.²²Ngan ntoh, ranong, ko bojalat le nudu oleh Minu Boreseh koniYerusalem, kae ntao hal hal onih di akat tojadi koni ko wa ngoih,²³Kocuali Minu Borosseh dimimpit ko diwa sotiap kota ngan yaat bahwa belenggu ngan menderitaan belenggu ko.²⁴Totapi ko kae menggangap hidop ko boroga nya diriko sendiri supaya ko dopat ngkosi potandingan ngan tugas di ko terima sih Tuhaat Yesus, nya nyilo kesaksian tentang ajaran ngan rahmat si Tuhaat.²⁵ Ntoh ranu ko tao bahwa diyet sidi di antara nya nya di ko ngreta tentang korajan ponompa kae akan uronung wajahko agi.²⁶ Karena to ko bosaksi koni mu onu to bahwa ko kae boasal somu doya osihpun.²⁷ Korena ko kae akan toga mrnyatakan koni mo keseluruhan kohendak Tuhaan.²⁸Le korena nyau bohati hatilah tohadap diri dom sendiri ngan domba domba di jeh minu boresh pocaya koni mu. Bohati hati tohadap gembala gereja di jeh Kristus solamatkan si dosa nya ngan doya Nya. daripada dgan doyaNya sendiri kudu kudu salik kuno le maca, ngan doya Putra Nya sendiri.²⁹Ko tao bahwa jehsuah ponyalat ko serigala serigals kobiyek akan moni wa ntaraa mu ngan kae akat ngona bolas mase koni domba domba mu.³⁰Ko tao bahwa bahkan kudu nya wa antara diyet harus moni ngan menditorsi kobonar nya nkojau murid mu rid sih diyet³¹Jadi bojaga bojagalah tingatlah bahwa solama toruh sowa ko kae ronti ronti nya ngajara kat diyet ngan ijuh mutuh nyoa ngan morup.³²Ngan ntoh ko mompocaya mu koni Tuhaat ngan koni boba boba dom di punu rahmat ngan mampu nyaah nogap kan lmanmu ngan nyaah nyilokan mu warisan Doop dih antara sidih nya dih nyilo kat diri nya konih Ponompa.³³Ko kae owaak kan perak, omas atao adooh.³⁴mo maihh tao bahwa tongan to molayani koporuanko ngan koporuan nya nya dih odoh bosama ko.³⁵Dalaap sogala hal ko nyilo kan mo contoh rawakih mo harus nulok di lomah ngan koreja, dan rawakih mo mengingat boba boba Tuhaat Yesus, boba boba dih Doop todoph mbobangah. adalah lobeh lemberkati nya dih nyilo sihpada menerima,36. Jeh suwah Doom bojantoh,doom bolutut ngan bodoa dengan diyet sidih.37. Diyet sidih nongis ngan bosonaraa wak rasakng Paulus ngan nodo doop.38. Diyet sedih korena oneh dih jeh dom nyona, bahwa diyet kae akat suaah ngonong Paulus agiih lalu diyet ngontih dom koni kapal.

Chapter 21

¹M0sih bopisah dih borat nyen botulaklah me ngan lansook bolayar nuju Kos.maji babut me monik koni Rodos ngan mosih nyen me koni Parara ² tingk Patara me nopat kapal, dih ro nyoborak koni Fentisia me simah kapo] nyen lalu botulak³Lalu tilek Siprus dih selah moyet,tapii me lalu ngan manu koniSiria mosih nyen monihlah me tingkTirus ,sebab obi,ih kapol arua bungkar tingk kota nyen ⁴tingk nyen me manu murit-murit ngan monae tingk nyen iju onu kotai nih piseh roh murit-murit nyen ngajor Paulus supaya dopm yok obu koni Yerusalem⁵Tapi mosih lalu waktu,me borongkkat lanjut bojalott me. murit-murit sidiih ngan osao ngan onak-onak diyent ngontiih me sampoe koni somopa kota ;ngan tingk tobiik pantae me,nyomah ngan bodoa ⁶mosiih nyent me minta me simah koni kapol,ngan diyent mori koni roming.⁷Sih Tirus me monih tingk Ptolemais ngan tingk nyen mosih bolayarme,me nyilo salamp koni balo posih ngan monae kiteh onu tingk antara diyent .⁸libo onu babut me borongkkat sih nyent ngan monih tingk Kaisarea,me masuk koni roming Filipus ,rita injil nyent,eknyent kiteh sih iju kontoyat dih nih mileh tingk Yerusalem ,ngan me monae tingk roming dopm. ⁹Filipus po empat onak endayongk dih nopat kurnia nyak bopong pongki.¹⁰Mosih nyent kudu onu me monae tingk nyent ,monihlah sih Yudea nya nabi odatt Agabus, Dopm monih koni me, lalu¹¹ minyah poniset kopook Paulus.samel niset koja ngan tongan maeh dopm bojantoh;woktolah katt Roh kudus; woktolah nya dih empo poniset kopook nyen oduh tiset balo nya Yahudi tingk Yerusalem ngan nih nyirah koni wah tongan banso-banso nya bikit.¹²Ngopiik nyen me bosamoh-samoh ngan murit-murit dih oduh nyent ,supyo nyona Paulus yok koniYerusalem . ¹³Tapi Paulus enjawop ; ngoneh diyent nogis gok ngan jalott wok nyent longk nagncor oti ko! sobab ko nyent lera kae maeeh oduh tiset, tapi ngan kobehktingk Yerusalem nih odatt ponompa Yesus .¹⁴ Nih dopm kaelugi nyak ajor me,me nyerah ngan nyona ; jodilah owakg ponompa!;¹⁵Jeh kudu onu kotai monae tingk kaisarea,bosimpor me lalu borongkat koni Yerusalem ¹⁶ Bosamoh-samoh ngan me ngajooh geeh kudu murit sih Kaisarea . dinyent met me koni roming nya dihk borodat Mnason,Dopm sih Siprus ngan jeh otai jodi murit, mengan numpaak ruming eh¹⁷Libo me monih koni Yerusalem sidih posih nyamut me ngan baek owaag, ¹⁸pado onu babut borokatlah Paulus bosamoh-samoh ngan manu Yakobus ; sidih pomuntuh jeh hader tingk nyen. ¹⁹ Paulus nyilo salam koni diyentn lalu cerita ngan omant oneh dih nih ponompa engkodi tingk antara bangsa-bangsa bikitt dih nih nganteeh²⁰Gopikn nyen diyentt memuliakan ponompa ,lalu diyentt bosona koni Paulus ; posih tilek lekg boribu-ribu nya Yahudi jeh jodi pocayok ngan diyentt sidiih rajiik miara ukup taurat . ²¹Tapi diyentt ngopiih pogodi mo bahawa mo ngojorg sidiih nya yahudi diih monae tingk antara bangsa-bangsa nya bikint nyak lopas ukup Musa .sobab mo nyona, supayo diyentt yok yonan onak-onak ngan yok midop nurut adat istiadatdop.²²Jadi kaneeh untooh? tontu diyentt pasti ngopiik .bahawa diyentt jeeh monihkoni koto .²³ sobabyentt,kadilah oneh diih me sano nyentt; tiik antara me odoh empat entoyatt diih bernazar.²⁴Tibetlah diyentt bosmoh-samohngan diyentt gok tan-goknlah biaya diyentt,hingga diyenttdopat ngukor borubak maka sidih nya nyent ta,ok,bahawa segalo kabar diih diyentt ngopiik pongodi mo sama sekali kae bonar, selaiig nyen mo totap miara ukupm taurat²⁵Tapi pongodi bangsa-bangsa bikiit, dih jeh jodi pocayok, jeeh me tulis nih me mutus , eh maka nyen diyentt harus ojau sih ne kunaiik dih nih nyimbah koni bahala, sih doya ngan sih dagingk daak dih kobeh nih ngical ngan gok bosowatt; .²⁶Libo onu ,onu bikiit Paulus met balo nya nyen bosamoh ngan dopm, gok dopm mentahirkan bako bosamoh-samoh ngan diyentt,ngan masok koni bait ponompa nak nyona, misal kaneh pentahiran musih gok nyembah ngan dih nih nyombah nyak diyentt sidiih.²⁷Libo masa iju onu nyentt jeeh hamper, balo nya Yahudi dih moniik sih , Asia,leek Paulus tingk saiih bait ponompa, lalu diyentt ngasut rayot ngan nokop dopm, ²⁸samel mangkos ;oe balo nya istrael,tulook! nyen haek nya diih nyen mata-mata ngajor sidiih nya nyak nontaak bangsa dop diih monang ukuup taurat ngan tepay nyen?ngan untooh dopm mett balo nya Yunani booh koni saih bait ponompangan menajiskan ponae berisiih nyen; ²⁹Sebab diyentt jeeh leek Trofinus siihEfesus libo goot, bosamoh-samoh ngan Paulus tingk kota, ngan diyentt nyangka, bahawa Paulus jeeh mett dopm koni saiih bait ponompa,³⁰Maka gompark seluruh kota,ngan rayott moniih bokumpol,lalu nokop Paulus ngan nyeret somopa siih Bait Ponompa ngan tika nyen geeh sidiih kore gerbang Bait Ponompa nyen niih nitop, ³¹Sementara diyentt rorencana ro enkomeek Paulus moniihlah kabar koni kopalu pasukkan, bahawa sidiih Yerusalem gempar.³²Kopalok pasukan nyen lokas bogorak ngan prajurit-prajurit gok perwira-perwira ngan maju endopat nya obeek nyen.libo diyentt leek dopm ngan prajurit-prajurit nyen,togak diyentt losoh Paulus, ³³kopalok pasukan nyen nyomaak Paulus,dakop ngannodo tiset dopm ngan dukah rantae, lalu botanyak osehkah dopm gok oneh nlh dopm engkodi.³⁴ tapi sih antara nya obeek nyent odoh geeh dih pau koninya nyen, odooh geeh dih empau nyen.ngan nih ulaah nyen dopm kae dopat entaok onehkah dih sobonar terjadi,sebab nyen dopm ngado met Paulus koni markas. ³⁵Libo sampae,e koni oyaat Paulus terpaksa nih dukukn prajurit-prajurit dih boluma-luma nih nya obeek, ³⁶ dih bojujot-jujot ngajoh dopm,samel mpau: nonjora ,kayop ngan dop! ;³⁷Libo Paulus owaak ro tibett masok koni markas,dopm nyona konl kopalook pasukan nyen,taokkah ko nyona koyuh manu mo?, ih taokkah nyak boba obih Yunani? ³⁸ jadi mo kan obih nya mesir nyen, dih bauh-bauh to nimol merontaak ngan obu empat ribu kunan pengacao met senjata tingk padaak gurun ?,³⁹Paulus enjawop; ko nya Yahudi , sih Tarsus, warga siih kota dih terkenal tingk Kilikia ; ko minta supayo ko bisa ngomong koni nya obeek nyen .⁴⁰ jeeh Paulus binan nih kopalok pasukan,koni dopm tokit tingk oyaat ngan nyilo sarat gok tongan koni rayot nyen ; libo pongodi jeeh tenang,mulaelah dopm ngomong koni diyentt ngan bahasa Ibrani,kat.

Chapter 22

¹ '' Hai posi-posik gok bapa-bapa, kapingk lah , oneh dik hendak ko nyona nganu mo sobagai pombela dop.'' ²Libo ntoytn obengk nyen ngopingk doom bojantoh wah bahasa Ibrani, makint tonanglah baloe . dope bojantoh:³ Ko lah nya Yahudi , odoh wah Tarsus wah poya Kilikia, tapi daik wah kota toe; ningajoor ngan toliti wah pomimpint Gamaliel saih ukum nek moyang dop , sehinga ko nyodi ntoyatn dik giat koreja bagi Ponompa samawok mosidik'i libo onu nyene. ⁴ Gok ko jeh njora ponyinot-ponyinot joratn Tuhan sampae dietn kobek; ndari-ndari gok ndayong ko nokook gok ko ninyilo koni saih ponjara. ⁵ Tontang hal nyene baek Imam daiik koh Majelis Muntuh-muntuh dopat nyilo kosaksian. siik baloe ko jeh met surat-surat nyak posiik -posiik wah Damsyik gok ko jeh nganu koih nyak nokop ponganut-ponganut joratn Tuhan, diik todopat gehe wah nyen gok met baloe nganu Yerusalem nyak songukuum.⁶ Totapi wah pojalotn nganu koih, libo ko jeh nyomak Damsyik , nyenlah libo tuda onu , ngojot mancar cahaya diik nyilao sik ronyetn lilingk ko. ⁷ Maka tumaknlah ko nganu poya gok ko ngopikn torutn dik bojantoh nganuko: Saulus, Saulus,ngoneh mo ngkika ko? ⁸ Samot ko: Oseh Mo , Tuhant? kant dope : Kolah Yesus , ntoyatn Nazaret, dik monkika ne.⁹ Ngan baloe diik menyertai ko, matn lek cahaya nyene, tapi suara Doom, diik bojantoh nganu ko, kae baloe ngopikn . ¹⁰ Maka katn ko: Tuhan, onehkoh dik harus kongodi? katn Tuhan nganu ko: Mongkatlah gok koihlah nganu Damsyik. Wah nyuh kan ninyona nganu mo sogala torutn diik nigada nganu mo. ¹¹ Gok oneh ko kae dopat leek dik oduk cahaya diik nyilao motih nyene, nyak kawotn-kawotn seponyalotn ko migitn tongan ko gok limae ko nganu Damsyik.¹² Wah nyen odoh ntoyatn borodatn Ananias, ntoyatn saleh diik monurut ukuum Taurat gok tokenal baek wah ntara sidiik ntoyatn Yahudi diik odoh wah nyen..¹³ Doom moniik tokit nyomak ko gok bojantoh: Saulus, posiikko , bukaklah motih mo gok tileeklah! gok libo nyene gok koleek gek ngan nrati doom.¹⁴ lalu kate: Ponompa nok moyang dok jeh notap mo nyak ntaook kohendak nya , nyak leek diik bonar gok nyak ngopikng suara diik koluar siik tukook ¹⁵ sobab mo harus nyodi saksinya tohadap sidiik ntoyatn tontakn oneh diik koleek gok diik mongopikng . ¹⁶Gok ntoho, ngoneh mo geek ragu-ragu ? mongkatlah, tokitlah mo nihbaptis gok dosa-dosamo nireseh samel boseru nganu odatn Tuhan!¹⁷ mosiiknyen ko mori wah Yerusalem gok libo ko tungkah bodoa wah saih Bait Ponompa , miuko nihrumu oleh kuasa ilahi. ¹⁸ Ko leek Doom, diik bojantoh nganu ko: lokaslah, copatlah tigalkan Yerusalem,sobab baloe kae nirima kesaksian mo tontakn Ko.¹⁹ Samot ko : Tuha , baloe taok , bahwa kolah diik obu siik rooming ibadat diik to gok rooming ibadat diik kitn gok masok baloe diik pocayok nganu Mo nganu wah ponjaro gok nyosal baloe. ²⁰ Gok libo darah Stepanus, saksi Mo nyene, nilulok, ko odoh wah yetn gok sotuju pongodi nyetne gok ko njago adoh balo dik ngkmek,e . ²¹Totapi katn Tuhan nganu ko: Koihah, sobab Ko megutus mo oju siik to nganu bangsa-bangsa laing,''²² Rayot ngopingk Paulus sampae nganu pojantohnyen ; totpi mosiik nyen , alo mulae mangkos , kate:'' Kayop ngane ntoyatn to siik poya to! Dope kae nyak opiik midop!'' ²³Baloe juruus mangkos samel nompoh juah baloe gok nompoh dobu ngnu somu . ²⁴ Koren nyene kopalok pasukan nyilo porintah nyak met Paulus ganumarkas gok ngado risae gok menyesah doom , ngado dopat sontaok oneh ponyobab ntoyatn obengk ne mangkos-mangkos woknyen nganu doom.²⁵Totapi libo Paulus ditelentangkan nyak disesahkan, bojantohlah doom nganu perwira diik botugas :'' Taokkah mo menyesah ntoyatn warga nogara Rum,oneh gek kae ningadel?'' ²⁶ Gopingk omong nyen perwira nyene lapor nganu kopalok pasukan, kate:'' Oneh diik roh mo ngkodi? Ntoyatn nyen warga negara Rum.''²⁷ Nyak moniiklah kopalok pasukan nyen ngnu Paulus gok bojantoh : ''sanolah, bonarkah mo warga negara Rum ?'' samot Paulus :'' Bonar.'' ²⁸ Lalu kant kopalok pasukan nyene:''kewarganegara nyene komirih ngan roogadiik mahal.'' smot Paulus : '' Totapi ko odoh hak nyene korena arongko odoh.'' ²⁹ Nyk balo diik harus menyesah dope, lasongk munor; gok kopalok pasukan nyene gehe golak, mosik nyene taok, bahwa Paulus, diik doom ngado ngiset nyen , nyenlah ntoyatn Rum.³⁰Namun kopalok pasukan nyen owangke ntaok ngan toliti oneh diik tuduh ntoyatn-toyatn Yahudi nganu Paulus. korena nyen libo onu babute doom ngado niah Paulus sik ponjaro gok morintahkan , ngado imam-imam kopalok gok soluruh Mahkamah Agama borugok . Laludoom met Paulus siik markas ngan ronongk nganu baloe.

Chapter 23

¹Samel ngronong anggota- anggota Mahkamah Agama. Paulus yant : " Hai dingan- dinganko, sampae pado onuto ko totap midop ngan pahapm baek dik boriseh wah jowi Ponompa." ²Tapi Imam Besar Ananias ngado goknya dik tokit nyomak Paulus nampar tukok Paulus. ³Molas nyen Paulus yantngane:"Ponompa akan nampar mo,hai tembok dik nih nyapu mopau-mopau! Mo dudok wahto nyak menghakimi ko monurut hukum Taurat, namun mo nglangar hukum Taurat nih porintahmo nyak nampar ko."⁴Ngan goknya dik odoh wahnie yant: " Mo ngolok Imam Besar Ponompa?" ⁵ Samot Paulus: "Hai dingan-dingan, ko katao koh, bahwa domp adalah Imam Besar. Memang odoh tertulis: Yoklah mo yant biyek tontangk seurangk pomimpint kaummo!"⁶Ngan nih nyen domp taok, bahwa tingaah sik diente nyen termasok golongan nya Saduki ngan tingaah tormasok nya golongan nya Farisi, domp berseru wah Mahkamah Agama nyene, kate : " Hai dingan-dinganko, ko adalah urangk Farisi, koturunt urangk Farisi ; ko dihadapkan koni mahkamah to, nih ko mengharap akan kebangkitan nya kobek." ⁷Libo domp nyona intnyen, timollah perpecahan antara nya Farisi ngan nya Saduki ngan poncae nya obengk nyene. ⁸ Sebab nya Saduki nyonae, bahwa kidoh kebangkitan ngan kidoh malaikat atao roh, tapi nya Farisi ngcayok dukah-dukaah⁹Maka torjadilah keributan daik. Beberapa ahli Taurat sik golongan Farisi tampil koni jowi ngan mbantah koras, kaate : " Me samoh sokalik kae nopat torunt dik tosat wah nyatoe ! Oseh ntaok odoh roh atao malaikat dik jeh bojantoh konie." ¹⁰Maka torjadilah perpecahan daik, sehinga kopalok pasukan golaak, lak diyete ngrias-ngrias Paulus. Nih nyen domp ngrintah pasukan nyak tomonah koni sigant ngan miah Paulus sik tuda diyete ngan mete koni markas.¹¹Pado ngorimp mosik nyen Tuhant monik tokit wah bibehe ngan yant konie "Kuatkanlah owangkmo, sebab wokkeh mo borani jeh borsaksi tontangk Ko wah Yerusalem, int nyengehlah mo manu borsaksi wah Roma."¹²Ngan borota jeh nyowa onu gok nya Yahudi mongki komlotan ngan bosumpah ngan ngutuk diyete, bahwa diyete kaeye duwok atao minum, sebelum diyete komek Paulus. ¹³Jumilah diyete dik mongki komlotan nyen lobeh sik ngpat puru kunaan.¹⁴Diyete koni imam-imam kepalak ngan pomuntuh- pomuntuh banso Yahudi ngan yant : " Me jeh bosumpah ngan ngutuk me, bahwa me kae meh duwok atao minum, sebelum me komek Paulus. ¹⁵Nih nyen nyaak mo bosamoh ngan Mahkamah Agama ngado kepalok pasukan, supayo domp met Paulus gek koni mo, seolah-olah mo ro ngrosa perkarae lobeh teliti, ngan somontara to me jeh siap sodia nyak ngobek domp sebolum domp monik koni mo."¹⁶Akan tetapi ponanok Paulus, onak posiik dik dayongk, ngopingk pongimpak nyene. Domp monik koni markas ngan diizinkan masok, domp nyonae koni Paulus. ¹⁷Lalu Paulus salah seorang perwira ngan nyona konie: " Dimetlah cade nyen koni kepalok pasukan, nih odoh torunt dik porulu nyonae konie."¹⁸Perwira nyen mete koni kepalak pasukan ngan yant: "Paulus nya tahanan nyen, mangel ko ngan minta, supaya ko met cade mongut to koni mo, sebab odoh dik porulu domp nyonae koni mo." ¹⁹Maka kopalok pasukan nyen tingint tongan cade mongut nyene, lalu mete koni bibeh ngan misek: "Onehkoh dik porulu mo nyonae koni ko ? "²⁰Samote: " Gok nya Yahudi jeh bopokat nyak minta koni mo, supaya babut mo menghadapkan Paulus gek koni Mahkamah Agama, seolah-olah Mahkamah nyen ro nopat keterangan dik lebih toliti sik domp. ²¹Akan tetapi yoklah mo ngopink diyete, sebab lobeh sik ngpat puru kunan sik diyete jeh siap nyak ngimpak domp. Diyente jeh bosumpah ngan ngutuk diyent, bahwa diyent kaeye duwok atao minum, sebelum diyent komek domp; ngtooh diyente jeh siap sodia ngan hanya nunguk keputusan mo. "²²Lalu kopalok pasukan ngado cade mongunt nyen mori ngan ngrintah konie: "Yok nyonae koni osehpun, bahwa mo jeh nyona hal nyen koni ko." ²³Mosiknyen kopalok pasukan mangel dukah perwira ngan yant: Siapkan dukah ratus nyak borongkat koni Kaisaera ngan iju puru konan bokuda ngan dukah ratus konan bosonato lembing, kira-kira pado jamp somilant ngorimp toe. ²⁴Nader gehe gok keledae tunggang nyak Paulus ngan dimetlah domp dengan solamat koni wali negiri Feliks."²⁵Ngan domp nulis surat, dik isiik int to: ²⁶Salam sik Klaudius Lisias koni wali negeri Feliks dik mulia. ²⁷Nyato nih nya Yahudi nokop ngan libo diyent rokomeek, ko monik ngan pasukan ngabote ngan nglopose, nih ko ngopingk, bahwa domp adalah warga nogara Roma.²⁸Nyak ngtaok oneh alasane diyent ngdakwa domp, ko mete koni Mahkamah Agama diyent. ²⁹Ternyatalah bagiko, bahwa domp didakwa nih soal-soal hukum Taurat diyente, tapi kidoh tuduhan, atas nama domp dik patut dihukum mati atau penjara. ³⁰Koni ko jeh nih nyonae, bahwa odoh komplotan boroncana ro komek domp. Bayonih nyen ko lokas ngado met domp koni mo, koni para pendakwa jeh nih ko nyonae, bahwa diyent harus mengajukan perkaranyen koni mo."³¹Lalu prajurit-prajurit nyen miyah Paulus sosuai ngan dik nih ngrintah koni diyent ngan mete libo ngorimp koni Antipartis. ³²Pada keesokan harinya diyent ngadu gok nya bokuda ngan Paulus dudus bojalont, ngan diyente sonorik mori koni markas. ³³Jeh monik koni Kaisarea gok nya bokuda nyene minyok surat nyen koni wali negeri ngan nyirah Paulus konie.³⁴Ngan mosik maca surat nyene, wali negeri nyene misek Paulus sik propinsi keh asole. Ngan libo domp ngopingk, bahwa Paulus sik Kilikia, ³⁵Domp yant: " Ko ro ngrosa perkaramo, bila balo pendakwamo gak jehmonik koto. " Lalu domp ngado nahan Paulus wah istana Herodes.

Chapter 24

¹. Remuh onu mosih to Imam Agung Ananias ngan pomimpit pomimpit Yahudi jalatn koni Kaisarea bosama nya pengacara dih odatng Tertulus. Diyet ngadap Gubernur Peliks ngan nyona pengaduan diyet toradap Paulus.². Jeh Tertulus leh nosu koni jowi, dom nuduh Paulus sobanai borikut, ,, tuaat Gubernur Di Mulia! Diwa sigat pomimpit Tuaat nogeri me tentram ngan somu kebijaksanaan Tuaat pun jeh obek kobae dih lelaksana kan nyak bangsa me..³ Sidih nyuh me sambut solalu ngan torima kaseh ngan pongharapan dih sodomau domauu dih wahngokihpun juga.⁴. Totapi supaya yo motatta obek onu Tuaat ko mohon sudilah Tuaat ngopik pengaduan me dih panakng to.⁵. Me nopat nya to pongacao dih berbahya. Wa ngokih ngokih doop nimol kerusuhan dih antara nyaa nyaa yahudi ngan doop monjadi pomimpit gerakan nyaa nyaa Nasaret..⁶ Doop malah suwah mencoba mongki najis Roming Ponompa, totapi me nokop doom . Me bomaksut mengadili doop monurut hukum agama me maehh.⁷. Totapi komandan Lisias ngorobut doop sih me. ⁸ngan ngerntah supaya baloo pongadu monghadap Tuaat kalao Tuaat ngrosa nyaa to Tuaat maihh akan ngopik sih doop kobonarng sih sidih dih mee ngadu kan to terhadap doop..⁹ Nyaa nyaa Yahudi dih waah oyeet gaa ngajah nuduh Paulus ngan mbonarra sidih boba le Tertulus.¹⁰. Lalu gubenur nyuh nyilo sarat koni Paulus bahwa doop buleh ngomong .Maka Paulus yaat ,, Ko tao Tuaat jeeh jodi hakim nogeri to botahun tahun otaiye. Nyuh sebabah ko ngrasa senang mengaju kan pombelaan ko to waah hadapan Tuaat..¹¹ Tuaat dopat nyolidiki sendiri bahwa kae lobeh sih dukah bolas onu diih lalu ko bojalat koni Yerusalem nyaah somayak.¹². Ngan kae suaah nyaa nyaa Yahudi nyuh nopat ko bodoruh ngan nyaa pun atao mongumpul nyaa nyah mongki huru hara bae wa Roming Ponompa ngan waah roming roming ibadat atao wa ngokih maih wa waah kota..¹³ Diyet pun kae dopat mbuktikan tuduhan tuduhan dih le diyeeth ngajukan konih Tuaat terhadap ko.¹⁴. Memang ko harus ngangko koni Tuaat bahwa ko nyomah Ponompa nih moyang mee monurut ajaran Yesus diih baloo anggap salah .Totapi ko maseh pocaya akant sidih dih tertulis diwaah Buku Musa ngan Buku Nabi nabi.¹⁵ . Sama soperti diyeet ko gaah mpoharapan koni Ponompa bahwa sidih nyaa akaat midoop kembali jeeh suwah kobe nyaa nyaa bae, ngan nyaa nyaa jahat!.¹⁶ Nyuh sebabnya ko solalu bousaha sobae baenya sopaya oti nurani ko boroseh torhadap Ponompa diih boroseh terhadap minsiya.¹⁷. Jeh kudu sowa kidoh odoh wah Yerusalem ko mori koni koih nyaah met bantuan duit koni bangsa ko ngan nyaah mempersembahan kurban koni Ponompa.¹⁸. pada onu ko sedang ngkodi nyuh, diyeet nopat ko waah Roming Tuhaat ,jehsuah ko mosi ngan upacara pomboroseh doop .Kidoh odoh nyaa obeek bosama ko, ngan kidoh odoh juga koributan waa ayet pada onnu nyuh..¹⁹ Hanya odoh kudu kudu nyaa Yahudi waa oyeet sih propinsi Asia. Diyeet lah diih soharus odoh waa ngoto nyaah mengaju kan pongaduan diyeet koni Tuaat, maah diyeet odoh sesuatu pongaduan terhadap ko.²⁰. Atao biarng lah nyaa nyaa to doop maiih nyona koni joi kejahata onih diih le diyeet nopat waah ko ketika ko menghadap konih Mahkamah Agama.²¹. Diyeet nopat hanya kalimat . diih kite tomaih diih ko nybut waa joii diyeet nganto kalimat. Ko lengurol onuu to oleh sebab ko pocaya bahwan nyaa nyaa kobe akan midop morii.²². Lalu Feliks diih suaah ntaooh obek tentang ajaran Yesus nkosiih sidang pokara nyuuh,, ko akan momutus kan pokara to kaat doop,,, maak komandan Lisias jeeh monih.,,²³. Lalu doop memorintah perwira diih botanggung jawab somu Paulus , nyuuh supaya totap menahan Paulus, totapi ngan nyilo ciikh kebebasan koni doop ngan mengijinkan kawat kawatah nyillo koni doop onih dih keperlu an doop.²⁴. Jehkudu onu mosih Feliks moni,dihle osao ngopih dihodat Drusila . , doop nyaa Yahudi. Lalu Feliks ngado nyaa miyah Paulus, mosih Feliks ngopik kat Paulus bojantoh tentang pocaya konih Kristus Yesus.²⁵. Totapi libo Paulus meneruskan pojantoh doop tentang kobujorrng ngan tahat nafsu ngan tentang hukupan pada Onu Kiamat, Feliks monjadi golaah lalu yaatah , ,,Mo buleh obu ntooh. Ko akan nosu moo agih maa odoh kosompatan.,,²⁶. Somontara nyuuh Feliks boaharap akaat nopat duiit siih Paulus. nyuuhlah sebabah doopah bokali kali ngaso nyaa miyaah Paulus nyaah bojantoh ngan doop.²⁷. Jeeh dukah sowa Perkius Festus menganti Feliks sobagai gubenur.Gan korena Feliks mau miyah oti nyaa nyaa Yahudi,doop meembiyaar kan Paulus wah dalaap ponjara.

Chapter 25

¹. Toruh onu sesudah Festus monik sik Daerah nyuh,Dommp obu sik Kaisarea koni Yerusalem.². Waih Imam- Imam Kopalok ngan Pomimpin- Pomimpin Yahudi Ngusol Koni dommp Ballo ngadu dinngant tohadap Paulus. Ballo bujor solalu ngripu Festus. ³. Sopayo wah Kobaek otie koni ballo,Dommp gulonggk ngaso nya met Paulus koni Yerusalem; Sebab ballo jeh bopokat nyak ara komek dommp wah tuda Jorannt.⁴. Teatap Festus njawob, Paulus tungkah nih nawon wah Kaisarea; ngan ko soniri pun kae otaei gek ata mori koih,⁵. jodi, adu maeh gok ballo nya dik tokomuka wah antara dieent borota ngan ko koni Kaisatea ngant ncaro dommp wah nyuh, mak memang dommp odoh nglaku hal kosalah.⁶. Somasa montok wah Yerusalem kira- kira mae konaannt atao simonggk onu gek,Festus monik Koni Kaisarea, Babut,e dommp ngkodi Sidang Pengadilan ngan ngrintah nya sopaya Paulus dibet Ngadop.⁷Ketika Paulus monik, Ntoyannt- ntoyannt Yahudi dik jeh1 monik sik Yerusalem tokot wah sokitar nya, ngan nojih ngaju tuduhan- tuduhan dik borat kanu dommp,e.Totapi ballo kae dopat munyok bukti tuduhan nyennt.⁸.Dalommpa Pombelaan dommp, Paulus ngomong " Ko kae nglaku oneh dik kae salah tohadap porintah- porintah Ponompa dik nih Musa nyona oneh geek nganu romi ggk Ponompa ataupun Kaisar Roma.⁹. Kameh cara Festus miah mikat owangk nya Yahudi, maka dommp bopisek koni Paulus , " Gulongk kah mo manu Yerusalem nyak to ngadel wa,ih wah jowi ko tontang hal tuduhan nyennt.¹⁰. Paulus nyamot boba, " Oko nto tokit wah jowi Mahkamah Rajo Roma: ngan wah alorr nyennt lah ko arus no ngadel, Okammp soniri tao bahwa ko kae bosalah tohadap nya Yahudi.¹¹ . Mak ko jeh suah nglangarr ukummp ngan ngkodi torunt dik patut nyak nukum nginyak ukum Kobek, Ko rela Kobek, Totapi mak tuduhan - tuduhan nyent kae bonar, kae nya punt tao nyerahkan ko koni ballo.Ko minta nongadel wah pongadilan Rajo.¹² . Mosik bopokat ngan gok bala ponasehat- ponasehat dommp,Festus bosona ," Omo minta tongadel wah pongadelan Rajo, jodi mo arus obu ngadop Rajo Kaisar."¹³. Selangk Kudu onu mosik nyent,Rajo Agripa ngan Bernike monik koni Kaisarea nyak ngucap solamant Koni Festis, ¹⁴. Mosik ballo borada kira kudu onu wah yennt,Festus nyona pokara Paulus koni Rajo Agripa ,Festus bokata, " Odoh wah to tek konaant tahanan dik nih nontok Feliks.¹⁵. Libo ko odoh wah Yerusalem , Imam- imam bak ngant pomimpint-pomimpint Yahudi ngaju ponyungunt nya tohadap nya nyuh ngan minta sopayo ko njotuk ukump ngau,e.¹⁶. Tetapi ko nyamot bahwa nya roma kae biasa munyok wok nyennt maeh nya totuduh nyak tongukump ,jika totuduh nyent gont boradop ngan gok pomotik-pomotik ukump,ngant munyok kesempatan nyak nangkis diri.¹⁷ Jodi, libo ballo monik koni koto, Ko kae botungu otaei- otaei. Babut,e ko lansongk ngkodi Rapat pongadelan ngan ngrintah nya sopaya nya nyuh oduk dibet ngadop. ¹⁸ Libo para pondakwa,e tokit ngaju usolan diennt,e ,ballo,e kae ngaju torunt kae bonar pun wok dik nih ko sokira,e nyak nya naju. ¹⁹ Ballo cuma bobeda ponopat ngant,dommp mengenai Agama ballo sonirik ngan ngenai seorang di borodant, Yesus dan nya nyeent jeh kobek,,tetapi Paulus boboba bahwa nya to gek midop. ²⁰ Maka ko bingung ngenai kameh ko tao nopat berita- berita ngenai pokara nyuh.21Tetapi Paulus minta simaak pokara,domp minta,sopaya domp montook wah saiih ponjara sampae pokara domp niih Kaisar mutus.Niih nyen Koo ngaso nahan domp sampae koo taook nciriipm domp koni Kaisar.22Sano Agripa koni Festus:"Koo owakng ngopiikng siik domp soniriik,"samoot Festus:"Babuut mo taook ngopiikng domp.23Jeh mosiik babuut,e moniiklah Festus ngan Bernike gook sogala saran jeh mosiik nyen baloe masok nganu arookng pongadilan bosamoh-samoh nya diik tokomuka siik kota nyen,Festus munyook porintah,sopaya Paulus dibert ngadoop.24Festus nyona,e;"Oe rajo Agripa sorota gook sidiik nya diik odooh wah to borota ngan me.Tileek maeh nya to,diik nih nuduuh sidiik nya Yahudi ,baek diik wah Yerusalem,maupun diik wah to,baloe jeh moniik koni koo samel mangkoos dieetn nyonae,bahwa domp kae buleh naso midop otae.25Tapi tonyata koni koo,bahwa domp kidoh mongki oneh pun diik sotimpal nyak roo ukupm kobiis gook nih domp simak banding nganu Kaisar,koo mutusskan nyak ngiriim domp ngadop Kaisar.26Tetapi kidooh oneh pun diik nyak koo rootulis koni Kaisar pongodi domp.Nyen lah sbab koo ngadoop domp wah to nganu sidiik dop,torutama koni mo,rajo Agripa,sopaya jeh mosiik ngrosa,koo taook nulis toruutn.27Sbab hemat koo kae lah wajar nyak ngiriipm nya tahanan maak kidooh nyona tuduhan-tuduhan diik nih ngaju toradap domp.

Chapter 26

¹Sano Agripa koni Paulus:"Mo nih munyook kosompatan nyak mbela todop."Paulus munyok isyarat ngan tongane,lalu munyok pembelaan wook to: ²"O,e rajo Agripa,koo morasa baek nyam,e,pado onu to koo nih munyok potangung jawaban wah jowie mo toradap sidiik tuduhan diik tongaju nya Yahudi toradap koo.³torutama nih moo bonar-bonar taook adot istiadat gook posoalan nya Yahudi.sbab nyen koo minta koni mo,sopaya mo ngopikng koo bolubaah.⁴Sidiik nya Yahudi ntaook jorastn midop koo jaak siik koo cade,sbab siik tojiih koo midop wah rompokng nya Yerusalem.⁵Jeh otae baloe nginal koo ngan sokirae lokng baloe,dieetn dopat nyona kosaksian,bahwa koo jeh midop wook nya Farisi nuruut mazhab diik maa koras wah agama dop.⁶Wook toe koo arus ngadop pongadilan nih sbab koo ngaroop ponyona janyi,diik nih Ponompa munyook nganu nek ucook uyot dop.⁷Gook diik nyak tinguuk ngan kodukah piaak suku dop,somontara dieent nyowa ngoriipm ngkodie somayaakng,e sajo patooh.Gook nih pongaroop nyenlah,rajo Gripa,koo to nuduh nya Yahudi.⁸Ngoneh mo ngangap mustahil,bahwa Ponompa ngongkat nya kobiis?⁹Kamehpun geeh,koo soniriik suaah nyangka,bahwa koo arus koras botindak nontakng odaatn Yesus siik Nazaret.¹⁰Hal nyen pun nih koo ngkodie wah Yerusalem,Koo kae sajo jeh masok obekng nya baeek nganu ponjara,mosiik koo ngrima kuasa siik imam-imam kopalook,tetapi koo pun sotuju,maak baloe tongukupm kobiis.¹¹Wah saiih romiikng somayaakng koo malaar nyiksa baloe samel maksa,e nyak roo nyangkal iman,e samel ndoruuh diik kaleh nijiikng,e koo ngosiik baloe,bahkan sampae koni kota-kota asing.¹²"Wook koadaan diik wok nyen,libo koo odoh kuasa daiik gook tugas siik imam-imam kopalook tungkah wah joraatn libo wah Damsyik.¹³Mpojeet,rajo Agripa,libo nuraakng onu doraakng koo leek wah ropoot joraatn silaao diik tampook siik pada motiih onu,tomonaah siik ronyeetn sokayuuk koo gook dingaan koo tiikng ponyalootn.¹⁴Sidiik me nggalae wah poya sameel ngopikng iiitn boba diik nyona koni koo wah boba Ibrani:"Saulus,Saulus,ngoneh mo njoraa Koo?togooh nyak mo nyipaak nganu rompokng tuda.¹⁵Tetapu koo nyamoot;Oseh bah mo,Ponompa? samoot Ponompa:Koo lah Yesus diik nih mo njora nyen.¹⁶Tapi ntooh,e,mongkat tokiit.Koo ngampooe bakoo nganu mo nyak ngaso mo jodi polayan gook saksi sidiik toruutn diik jeh nih mo leek siik Koo gook oneh pongodie nih Koo ngampoor koni mo.¹⁷Koo roo ngkobu mo siik banso to gook siik banso-banso kiitn.Gook koo roo ngutus mo koni baloe,¹⁸nyak mukaak motiih baloe siik arookng pitii nih gook kuasa balo Iblis nganu Ponompa sopaya dieetn nih iman,e koni koo nopat pongampuutn dosa samel nopat bagian oneh diik tonontu nya diik baeek.¹⁹Sbab nyen,tak rajo Agripa,nganu poronokng diik siik wah sobayootn nyen kae suah koo kae patooh.²⁰Tapi jak siik tojiih nyona koni balo nya Yahudi wah Damsyik,wah Yerusalem gook soluruh poya Yudea,gook koni banso-banso kiitn,bahwa dieetn arus botobat bobalek nganu Ponompa samel ngkodie korija diik sosuae ngan potobata nyen.²¹Niih nyen nya Yahudi nokoop koo wah Romikng Ponompa,samel roo ncuba ngkomiis koo.²²Niih borikat ponulokng Ponompa Koo dopat midop sampae ntohh,e nyak munyok kosaksian koni balo nya diik ciik ngan diik daiik.Gook oneh diik ponyona koo nyen kae kiitn siik pada diik libo gootn,e jeh nih balo nabi-nabi nyona ngan gook Musa,²³ko nyen,bahwa Mesias arus midop jora maak bahwa Dop,e sajo diik pontojiih roo mongkat siik ropoot nya kobeek,bahwa nih domp diik nyona agooh baeek koni banso to gook koni banso-banso kiitn.²⁴Libo nyen Paulus nyona sidiik to nyak mempertanggungjawabkan korijae,Nyamootlah Festus nyak boba koras:"Mo gila,Paulus!Ilmu mo diik obekng nyen ngaso mo gila,"²⁵Tapi Paulus nyamoot:"Koo kae gila,Festus dik mulia! Koo nyona kobonare ngan pomikeer diik sehat! ²⁶Rajo pun taok ngkaatn pokara to,niih nyen koo borani ngomong trus trang nganue.Koo yakin,bahwa kidoh dik odoh toruutn pun sik sidiik to diik gootn nih ngopikng,nih pokara to kae tojadi wah arookng diik sokoot.²⁷Pocayook kah mo rajo Agripa,koni balo nabi? Koo taook,bahwa mo pocayook nganu baloe,"²⁸Samoot Agripa:"Hamper-hamper geeh mo yakinkan koo roo jodi nya Kristen!" ²⁹Samot Paulus:"Koo lookng bodoa koni Ponompa,sopaya lokas atau lama kolama kae hanya mo maeh,tetapi sidiik nya diik odoh wah to gook diik ngopiikng ponyona koo jodi samoh wook koo,kocuali nya diik babal to,"³⁰Mosiik nyen mongkatlah rajo ngan wali negeri gook Bernike gook sorota sidiik ntoyaatn diik odoh wah nyen borota baloe.³¹Tungkah baloe somopa,dieetn bopiseek diik kaah nganu diik kah:"Ntoyaatn to kidooh ongkodie pongodie diik sotimpal ngan ukupm kobiis sorota ukupm ponjara."³²Sano Agripa koni Festys;" Nya to sobonare jeh taook bebas sokira,e domp kae minta simaak banding nganu Kaisar.

Chapter 27

¹Mosiik jeh tomutus nya,bahwa me roo borongkat koni Italia,maka Paulus gook banso kudu naan tahanan nih munyook nganu perwira diik borodaatn Yulius nya siik pasukan Kaisar.²Me simaak koni kapool jak siik Adramitium diik roo borongkat nganu pelabuhan-pelabuhan wah sokayuk pantae Asia,me pun borongkat,tek naan nya Makedonia siik Tesalonika,sorota me.³Libo mosiik babuut,e me singaah wah Sidon.Yulius ngopiik Paulus ngan mosiik owakng,e samel ngaso,e nganu balo sahabat,e,sopaya dieetn nyukup koporolu,e.⁴Niih toruna buaak sinooh ngaso me jalootn siik nyen ngajooh tobiikng pantae Siprus.⁵Jeh mosiik mutaarr laot wah jowie Kilikia gook Pafilia,moniiklah dieetn wah Mira,wah arokng Likia.⁶Wah nyen perwira me nopat kapool siik Aleksandria diik roo borongkat koni Italia.Domp minaah me nganu kapool nyen.⁷Solama kudu onu bolayaar,me pun hamper-hamper kae maju sajo susah payah me ngkoniik Knidus.Niih buaak sajo ngaak monae,me bojalootn ngajoh pantae Kreta nlalu tonyookng Salmone.⁸Mosiik me jeh ponogooh-nogooh nlalu tonyookng nyen,moniik geh me wah pelabuhan diik Baeek,nyomak kota Lasea.⁹Libo nyen jeh obekng waktu me moyaapm.Libo puasa jeh lalu,e gook sajo bahaya nyak nglanjut ponyalootn.Sbab nyen Paulus ngingaatn baloe,sanoe;¹⁰"Balo dorumaak,tileek koo,ponyalootn dop roo ngkoniik toruutn dik togoh-togooh ngan korugian maa daiik,kae geh nyak obiih gook kapol,tapi geh nyak pongasookng dop.¹¹Tetapi perwira nyen lobeh pocayook nganu jurumudi ngan nahkoda daripado Paulus.¹²Niih oneh pelbuhan nyen siik kae baeek nyak monae palagi libo onu colap,maka siik baloe mileeh sotuju bojalootn tros nyaak roo ngkoniik kota Feniks lalu monae wah nyen sampae swa colap mosiik.kota Feniks nyen pelabuhan diik wah pulao Kreta,diik ngadop nganu arah barat daya gook koni arah barat laoot.¹³Libo onu nyen sinooh buaak nyipooh siik solatan.Dieetn nyangka,bahwa owakng dieetn jeh pasti tocapae.dieetn nguraak saoh,lalu bojalootn nyomaak seeek nglalu pantae Kreta.¹⁴Kae otae mosiik nyen,tomonah lah siik nyen buaaak sinooh,diik sobut nya,Buaaak,"Timur Laoot," ¹⁵Kapool nyen niih ngantam sohinga kae mampu,e oduuk buaak mutaar,.Nih nyen me nyerah maeh samel leek kapool riooh koto riooh koih,¹⁶Mosiik nyen me boranyootn sampae moniik koni pulao diik ciik borodaatn Kauda,jeh wah nyen me ngan ponogooh-nogooh me taook nguleeh sekoci kapool nyen.¹⁷Jeh sekoci nih nsinaak ko somu kapool,dieetn masakng alat-alat nya nulokng samel niseet kapool nyen ngan toriih.Sameel ntonaah layar ngadu kapol nyen mapool todop.¹⁸Niih me sajo anool tongompaas buaak koto koiih,maka jeh mosiik babuut,e baloe bobungkar ngan obiih kapol nyen nganu laoot,¹⁹Jeh onu kotoruuh,e baloe motaatn balo alat obiih kapol ngan tongan dieetn.²⁰Jeeh banso kudu onu kotaae baek motih onu maupun bintakng-bintakng kidoh tileek,buaak sinooh diik bieek solaraat oduk me.akher kidoh pahapm geek me kameh ngaso ngkobu diri me soniriik.²¹Niih oneh dieetn boyaah kotaae kae duook,Tokiitlah Paulus wah tuda dieetn samel nyona;"Baloo dorumaak,maak sokirae nasehat koo jiih niih nyunoot,sopaya dop yook bolayar siik Kreta,dop pasti baek nyame siik ponogooh to ngan korugian to.²²Tetapu ntohh,wah saiih kosuliit to,koo nasehat mo,sopaya mo magootn togooh owakng,niih oneh kidoh tak siik dop to,e diik bonasa,kocuali kapool to.²³Nih ngoriipm seeh odooh tek naan malaekat Ponompa,nyen siik Ponompa diik niih koo nyomaah nyaak Domp,e,diik tokiit wah moyeet koo.²⁴Domp nyona,e,:"Yook golaak,.Paulus!Mo arus ngadop koni Kaisar;Diik sobonare niih pongaso Ponompa,maka sidik wah saiih kapool to diik sorota ngan mo pasti solamat niih mo.²⁵Sbab nyen,bosabar maeh owakng mo,balo dorumak!Sajo koo pocayook koni Ponompa,bahwa sidiik to diik tojadi samoh wook diik nih nyona koji koo.²⁶Tapi to dop somuuk ngaso kapool nyangkoot wah pulao maeh.²⁷Ngoriiipm koempat bolas me pun geek maseh toombang ambing wah laoot Adria.Sokitar jeh tuda ngoriimp balo onak buah kapol nginaapm poraso dieetn jeh somaak doiih.²⁸Dieetn pun nyuloor botuh solaatn,tonyata kotoriipm piikng wah nyen dukah puruh dopih.Mosiik maju geek ciik wah nyen pun lobeh toriipm,sokitar rimiih puruh dopiih.²⁹Toruna jeh roo golaak,ngira me pasti nyangkoot wah salah satu botuh karang,balo,e motaatn saooh koni buntoot kapol,dieetn pun boarop onu lokas nyowa.³⁰Niih nyeen balo onak buah kapool borusaha nyaak roo ngkobu domp siik kapool,dieetn ntonah sekoci,samel dieetn ntonaah saooh ko jowiie.³¹Niih nyen pun Paulus nyona koni perwira ngan balo prajurit: "Maak baloe kae monae wah kapol,kae mungkin dieetn nyen solamat."³²Mosiik nyen prajurit ngopiik toriih sekoci samel niih ngadu boranyootn.³³Tungkaah ngoriipm nyomaak nyowa,Paulus ngoraah sidiik nya samooh duook,sano,e:"Jeh empat blas onu dop kotae somuuk nya botunguuk maeeh,nijiikng sobirook gook kidoh ku nyak naiiek.³⁴Nih nyen koo nasehati mo,sopaya ngaso mo tiaatn duook.Hal nyen porolu nya keselamatan mo.Kidoh bah nya siik mo roo moyaapm solamoor pun buruuh baak,e.³⁵Jeh mosiik nyona wook nyen,domp miah kue,nyona borikat nganu Ponompa wah jowi baloe,tongariis,samel dieetn duook.³⁶Mosiik nyen dieetn pun rogaah turakng waat ngan owakng dieetn samel naiiek.³⁷Kobeekng me ngan ntoyaatn wah kapol nyen dukah ratus iju puruu nim jiwa nya.³⁸Mosiik duook busooh,dieetn motaatn ganduum wah saiih kapool nyen sopaya nyangoon ciik.³⁹Jeh onu roo nyomaak nyowaa,dieetn ngronokng tolook woook pantae rato,e.Walaupun balo,e kae ngonal tobiikng nyen,dieetn pun mutuskan nyaak roo nyomaak kapool nyen koni,e. ⁴⁰Dieetn nlopoos toriih-toriih saooh,samel ncilip saoh-saoh nyen koni saiih laoot,Somontara nyen baloe nguloor toriih komudi,masang layar lajuur,sopaya buaak nyipooh kapol nyen ko pantae. ⁴¹Tetapi baloe tolangaar gariis koroseek,kapool nyen pun tolangoorr.Buntoot kapool topancaakng kae dopat bogoraak gook saiih kapol ancoor oduuk torajaakng golumaakng.⁴²Libo nyen balo prajurit bomaksud roo ngkomiis ballo tawanan.sopaya kidooh ntoyaatn ngaan teek naan puun diik kodonaakng. ⁴³Tetapi perwira nyen owakng roo nyolamat Paulus,Niih oneh domp mbatal owakng dieetn,samel ngrintah,sopaya ntoyaatn diik taook kodonakng lobeh tiaatn ngrojook ko laoot nyak simaak ko doiih. ⁴⁴gook sopaya nya dik kitn nyusul nyaak ngguna popaan atao rocaak porooh kapol.Wook nyen lah dieetn sidiik solamat simaak ko doiih.

Chapter 28

¹ Mosiknyen me monik ngan solamat bahwa doih nyene pulau malta. ² Ponduduk pulao nyen ramah se'engan me. Baloe ngidop opi daiik gok meet me sidiik'i nganu koyent karna jeh mulae ujatn gok hawa'e colap.³ Libo Paulus munkot bokas rangao-ranao gok nlotak'e wah somu opi , koluaar teksogola nyipih beludak oduk lotip opi nyene , lalu mitat tongane. ⁴ Libo ntoyatn-toyatn nyen leek nyipih nyen terpaut nganu tongan Paulus, baloe bojantoh teeknan nganu diikitn: ''Ntoyatn to jeh pasti ntoyatn pongkomek , sobab, meskipun doom jeh luput siik laot, doom kae ngadu midop nih Dewi koadel.''⁵ Totapi Paulus mengibaskan nyipih nyen nganu saih opi, gok doom samoh sokali kae jora sosuatu. ⁶ Namun baloe nyangka, bahwa doom kan bongkaak atau kan kobektumankg mosiik nyen gehe . Totapi mosiik nyen kotai monunguk-nunguk, baloe leek , bahw kidoh oneh-onehe diik tojodi nganu doom, maka sobalike baloe bopondopat, bahwa doom nya dewa.⁷ Kae oju siik aronkg nyen odoh poya mpoe gubernur pulao nyen. Gubernur nyen odante Publius. doom menyambut me gok menjamu me ngan ramah kotaie toruuh onu. ⁸ Libo nyen ayah Publius ngalae mongoh gok disentri. Paulus masok ngnu kamar ; doom bodoa serta monumpangkkan tongane kosomue gok menyembuh kan doom. ⁹ Mosik nyen poristiwa nyen monik gehe ntoyatn-toyatn monaam diikiin siik pulao nyen gok baloe di sembuhkan gehe.¹⁰ Baloe sangat hormat me gok libo me botulak, baloe nluar ala toruutn diik yak me tinyak.¹¹ Toruuh buratn kemudian me borangkat siik nyen simak tekbuah kapol siik Aleksandria diik solamoh musim colap bolaboh wah pulao nyen. Kapol nyen nginyak lambag Dioskuri . ¹² Me singah wah Sirakusa gok monae wah nyen toruuh onu kotaie.¹³ Siik nyen me menyusur pantae, lalu sampae nganu Regium. Teek onu mosiiknyen monik buak solatont gok libo onu kodukah moniiklah me wah Putioli.¹⁴ Wah nyen me bodopat ngan anggota-anggota Jemaat, gok atas undangan baloe me iju onu bosamoh-samoh baloe.Mosiiknyen me borongkat manu Roma.¹⁵ Posiik -posiik diik wah nyuh jeh ngopink hal ihwal me gok baloe monik nopat me sampae nganu Forum Apius gok Tres Taberne.Libo Paulus leek baloe, doom ngucap syukur manu Ponompa lalu kuatlah hatie.¹⁶Setelah me monik koni Roma, Paulus binan nyah ponae wah roming domp bosamoh-samoh tek kunan prajurit dik ngawale. ¹⁷Toruh onu mosiknyen Paulus mangel gok nya terkemuka banso Yahudi ngan mosik diyent bogumpol Paulus yant : "Saudara-saudara, mandik ko kae ngkodi ponosat koni banso dop atau koni adat istiadat nek moyang dop, namun ko nih nokop wah Yerusalem ngan nih nyirah koni nya Roma. ¹⁸Mosik ko nih ngrosa, diyent ro nglopos ko, nih kidoh nopat ponyalah ko dik sotimpal ngan hukuman mati.¹⁹Akan tetapi gok nya Yahudi nontangk ngan nih nyen terpaksalah ko naik banding koni Kaisar, tapi kae ngan maksud nyak nglapor banso ko. ²⁰Nyenlah sebabpe ko minta, sumpayo ko lek diyent ngan bojantoh ngan diyent, bayonih harapan Israellah ko totiset belenggu toe."²¹ Akan tetapi diyent yant ngane: " Me kidoh ngrima surat-surat sik Yudea tentang mo ngan kidoh tekpun sik dingan-dingan dop monik ngragoh pomiyengk mo. ²²Tetapi me ma rongopingk sik mo, kameh pikermo, nih tontangk mazab toe me taok, bahwa wakehpun domp nopat perlawanan."²³Lalu diyent nontu suatu onu nyak Paulus. Pado onu dik nih nontu moniklah diyent bobalo koni arongk ponyingaha. Domp nirake ngan minyok kesaksian koni diyent tentang Kerajaan Ponompa; ngan bodasarkan hukum Musa ngan kitab para nabi domp borusaha meyakinkan diyent tentang Yesus.Hal nyen berlangsung jaksik maji sampae sore. ²⁴Odoh dik dopat diyakinkan nih bobaye, odoh dik totap kae pocayok.²⁵Maka bubarlah pertemuan nyen ngan kidoh ponyarok antara diyente. Tetapi Paulus maseh nyona boba dik tek toe: " Totaplah firman dik sano Roh Kudus koni nek moyang dop dengan perantaraan nabi Yesaya: ²⁶ Nanulah koni bangsa nyene, ngan sanolah: Mo rongopingk ngan ngopingk, namun kae ngriti. mo rolek ngan lek, namun kae nanggap.²⁷Sebab owangk bangsa towe jeh menebal, ngan kopingke borat ngopingk, ngan motihi bojoret totitop; longk kae diyent lek nyak motihi ngan ngopingk nginyak kopingke ngan ngriti nginyak owake, lalu berbalik sehingga Ko nompal diyete.²⁸Sebab nyen diyent harus taok, bahwa keselamatan dik sik Ponompa towe nih nyona koni bangsa-bangsa kiint ngan diyete akan ngopingke." ²⁹Ngan mosik Paulus nyona intnyen, jalontlah gok nya Yahudi nyen ngan obengk perbedaan pahamp antara diyete.³⁰Ngan Paulus ponae dukah sowa punuk wah roming dik soniwa domp nyene; domp ngrima somua nya dik monik koniye. ³¹Ngan toros tirangk ngan kidoh rintangan oneh-oneh domp memberitakan Kerajaan Ponompa ngan ngajor tentang Tuhant Yesus Kristus.

Romans

Chapter 1

¹Siik Paulus,onak buah Kristus Yesus,diik nih nosu jodi rasul gook nih ngudus nyak nyobaar nyona Injik Ponompa.²Injil nyen jeh nih janyi libo gootn ngan porantara nabi-nabi,e wah kitab-kitab suci.³Pongodie cade,e,diik nuruut wookng diik ngronaak siik koturuunt Daud.⁴Maak monuruut Minu sojati,e nih nyona nlalu pomongkaat,e siik ropoot nya kobiis,bahwa Domp sajo Onak Ponompa diik bokuasa,Yesus Kristus Ponompa dop.⁵Nlalu domp,e me ngrima kuasa komase ngan jabatan rasul nyak ngiriikng sokayuk banso,sopaya balo pocayook taat patoh nganu,e odaant,e.⁶Mo geeh tomasok wah ropot dieent,e,mo diik jeh nih mpauu jodi mpo Kristus.⁷Koni mo sidiik ntoyaant diik montook wah Roma,dik tongkase Ponompa,dik nih nosu gook nyak jodi balo ntoyaant kudus;Kaseh korunia sorota ngan mo gook damae sojahtra siik Ponompa,makng dop sorota gook Ponompa Yesus Kristus.⁸Pontojih koo ngucap syukur koni Ponompa koo niih Yesus Kristus ngan sidiik mo,sbab jeh tosobaar agoh pongodie iman mo wah sokayuk dunia.⁹Niih Ponompa,diik kolayani ngan sogonap oti koo wah ponyona Injil Onak,e,nyen saksikoo,bahwa ngan doa koo,koo salo tingatn mo.¹⁰Koo bodoa,kirae ngan koowakng Ponompa koo akher nopat kosempatan nyak njongok mo.¹¹Sbab koo owakng leek mo nyak nyona munyok korunia rohani koni mo guna nguat mo.¹²Ku haeek,sopaya koo odoh wah ropot mo samel ngajoh toribur nih iman dop sidiik,baek nih iman mo maupun iman koo.¹³Balo dorumaak,lookng koo sopaya nyak mo ntaook,bahwa koo jeh malaar boniaatn nyak roo monik koni mo - tetapi sampae ntooh koo solalu toaral - gaatn wah tuda mo koo ndopat buah,samoh wook diik wah tuda banso ntoyaant Yahudi dik kiitn.¹⁴Koo borutakng baek koni nya Yunani,maupun koni nya dik kae Yunani,baek koni nya topolajar,baek kooh koni nya dik kae topolajar.¹⁵Nyen sobab owakng koo nyak nyobar Injil koni mo dik monae wah Roma.¹⁶Sbab koo odoh koyakinan diik tigiip wah Injil,nih oneh Injil sajo kokuatan Ponompa dik nyolamatn sidik nya diik pocayook,potama-tama nya Yahudi,ngan gook nya Yunani.¹⁷Nih oneh wah saiih nyato kobonaran Ponompa,dik botulaak siik iman gook mimpin koni iman wook odok titulis;"Nya baek pasti midop nih iman,"¹⁸Sbab pondoruh Ponompa nyato gooh siik sobayootn sorota ngan apet baek bieengk monsia,diik ngkomis kobonaran ngan kobilote.¹⁹Niih oneh diik dopat dieent ntaook pongodie Ponompa nyato nyak dieent,esbab Ponompa jeh bosona nfanu balo,e.²⁰Sbab oneh diik kae tileek siik nie,yaitu kokuatan,e dik kokal ngan koPonompae,dopat tileek koni pikeer ngan korija,e jaak siik dunia nih ngkodooh,sohinga dieent kataook bodalih.²¹sbab sokalipun balo,e ngonal Ponompa,balo,e kae ngangku Domp wook Ponompa palagi cak ngucap syukur nganu,e.Sobalik pomikeer dieent jodi sia-sia ngan owakng diennt diik malakng jodi pitii.²²Dieent bobuat baek soolah-olah diennt,e wook nih mijiih,tapi balo,e jodi mamao.²³Dieent nyile kobaeek Ponompa diik kae ngampo nginyak piker dient diik sorupa ngan monsia dik ngampo,balo monok,balo daakng dik bokoja empat atau balo daakng diik nggiriik.²⁴Sbab nyen Ponompa munyok dieent koni koowakng toniik dieent diik comeek,sohinga baloe salikng ncomeek wookng dieent.²⁵Nih oneh dieent nyile kobonar Ponompa ngan comaar diik nyato bopijih gook nyomah daakng samel ngkoyap pomongki,e diik arus tomuji sampae paji konooh.Amin.²⁶Nih nyen Ponompa munyok dieent nganu hawa nafsu dik nya mongiint,niih balo osao dieent bosile boromikng lawokng dik matuut ngan dik kae matuut.²⁷Wook nyen balo ndari boniih ntiggal boromikng lawokng dik matuut ngan osao dieent nginaapm waah asookng dieent dik tek koni kah tingah,sohinga dieent ngompaakng,nya ndari gook nya ndari,nih nyen dieent ngrima wah saih owakng dient bolas dik sotimpal ngan kosesat dieent.²⁸Ngant nih dieent kidoh nginapm kae porolu ngangku Ponompa,maka Ponompa munyok dieent,e koni pomiker-pomiker dik kae baek,sohinga dieent ngkodie oneh dik kae pantas.²⁹bunuuk nih wook samor-samoor ponculas,kobieek,tamaak,ngan monapm owakng,iri gook dingki,pongkomis,bosoliseh,tipu daya ngant nglakoor.³⁰Sajo dieent bosukaatn,pomfitnah,ngrareeh Ponompa,kurang ajar,congkaak,rongkao,lihae wah kobieek,kae patoh koni nya muntuuh.³¹kae borakool,kae sotia,kidoh mase,ngan kidoh ngonal masee.³²Nih oneh dieent ntaook tuntutan-tuntutan ukupm Ponompa,ko nyen bahwa sotiap ntoyaatn diik ngkodie hal-hal wook nyent,matuyt nukupm kobiis,dieent nyent kae ngkodie nodoop,tetapi dieent gaak sotuju ngan baloe dik ngkodie.

Chapter 2

¹Nih nyent,oo monsia,oseh pun dieent,mo soniriik kae bebas siik masalah,Sbab libo menghakimi nya kiitn,mo menghakimi mo soniriik,nih mo dik menghakimi nya kiitn,ngkodie hal-hal dik tosaat.²Tapi dop taok,bahwa ukupm Ponompa bolansokng socara bujor koni nya dik bobuat wook nyent.³Ngant mo,o..o monsia,mo diik menghakimi dieent dik bobuat wook nyent,sajo mo diik ngkodie geeh,odoh kah mo sangka,bahwa mo roo lopos siik ukupm Ponompa?⁴Lookng aek mo ngangap kobaek pongaya,e,kosabara,e gok kolapakng owakng,e? Kidohkah mo ntaook,bahwa maksud kobaek Ponompa nyent nyak ngiriikng mo nganu potobatan?⁵Tetapi nih kotigiik owakng mo dik kae ngriti botobat,mo ngriggok pondoruuh nganu mo soniriik libo jeh onue wa keh ndoruh ngan ukupm Ponompa dik adel oduk tinyaak.⁶Domp kan molas sotiap ntoyaatn monurut pongodie.⁷Ko haeeh midop kokal koni dieent dik ngan kopatoh bobuat baek,mogao kobonaran,kohormatan ngan kae oduk bonasa.⁸tapi pondoruuh gook rareeh nganu dieent dik mogao kopontingan todop,dik kae patoh koni kobonaran,molainkan patoh nganu koponculas.⁹Kojoraa ngan konapm roo oduk sidik ntoyaatn midop dik bobuat kobieek,potama-tama nya Yahudi gok nya Yunani.¹⁰totapi kobaek ngan kohormatan gok damae sojahtra oduk dopat nya dik bobuat baek,potama-tama nya Yahudi gok nya Yunani¹¹Niih Ponompa kidoh mileh buruuh.¹²Nih sidik ntoyaatn dik bodosa kidoh ukupm Taurat roo bonasa maak kidoh ukupm Taurat:gook sidik nya dik bodosa wah saih ukupm Taurat roo tongadel nya nyak ukupm Taurat.¹³Nih oneh nya kae dik ngopikng ukupm Taurat dik bonar wah jowi Ponompa,tetapi nya dik ngkodie ukupm Taurat nyen dik kan tombonar nya.¹⁴Pabila banso-banso dik kiitn,kidoh ngona ukupm Taurat dorongan domp soniriik ngkodie oneh dik nih tuntut wah ukupm Taurat,maka,kamehpun dieent ngona ukupm Taurat,dieent jodi ukupm Taurat nyak dient soniriik.¹⁵Sbab nih nyent dieent ngampoor,bahwa iseeh ukupm Taurat odoh totulis wah saih owakng dieent ngant boba oti,e dieent ngajoh bosaksi gook pomiker dieent saling botuduh ngan bobela.¹⁶Hal nyent kant tileek onue,bilamana Ponompa sosuae ngan Injil dik nih nyona,kan menghakimi sidiik toruutn dik tosukaatn wah saih monsia, nih Kristus Yesus.¹⁷Tapi,maak mo nyona mo nya Yahudi,samel bosanaar koni ukupm Taurat,bolobeeh ngatn Ponompa,¹⁸gook ntaook koowakng,e,ngant nih nyen nih ngajoor wah ukupm Taurat,dopat ntaok keh dik baek ngan keh dik kae.¹⁹ngant yakin,bahwa mo nyent pongiriikng nya bokap gook tampook nyak baloe libo wah poya pitii.²⁰pondidik dik malakng,ngant pongajoor nya diik gootn dewasa,korina wah saiih ukupm Taurat mo nginyak sojayuk kopanae ngant kobonarr.²¹Jodi, kameh mo diik ngajoor nya kiitn,kae kah mo ngajor mo soniriik? Mo diik ngajor:"Yook nongku,ngoneh mo sonirik nongku?²²Mo diik nyona:"Yook ngompakng?mo soniriik borompakng?Mo diik gode nganu hal bosalah?mo soniriik ngrampok romiikng podagi?²³Mo diik bolobeh ngant ukupm Taurat,ngoneh mo soniriik ngina Ponompa samel nlaliis ukump taurat nyen? ²⁴Wook odoh totulis:"Sbab nih nyen lah mo odaatn Ponompa nih ngkongiitn wah ropoot nya banso kiitn."²⁵Sunatn memang odoh gunae,maak sajo mo matooh ukupm Taurat nyen,tapi maak mo nlalis ukupm Taurat,maka sunatn mo kidoh gunae gek.²⁶Jodi maak nya kae bosunatn ngrati tuntutan ukupm Taurat,kae haeek domp nih ngangap samoh ngant nya diik jeh bosunatn?²⁷Maak wook nyen,maka nya kae bosunatn,tapi domp diik ngkodie ukupm Taurat,roo nyidakng mo diik nginyaak ukupm totulis ngan sunatn,tetapi diik nlalis ulupm Taurat!²⁸Nih oneh nyak sobut nya Yahudi kaelah nya pongkodooh Yahudi,gook diik sobut sunatn,kae tak sunatn,diik ngkodie gooh.²⁹Tetapi nya Yahudi sojati nya haeek domp diik kae malook koYahudi,e ngat sunatn nyen sunatn wah saiih owakng,socara rohani,kae socara uruuf.maka pomijiih nyak domp monik kae siik monsia molainkan siik Ponompa.

Chapter 3

¹Maak wook nyen oneh kolobeh ntoyant Yahudi ngant oneh gunae sunatn? ² Obekng seek,wah sidiik toruutn hal.Pontojih-nojih:" nih koni dieent lah nih ncayook boba Ponompa.³Jodi kameh,maak wah ropoot dieent odoh diik kae setia,dopat aeek kosotiaan nyen mbata,l kosotiaan Ponompa? ⁴Tapi kidoh,Sobalik,e: Ponompa sajo maatn,gook sidiik monsia pomborool,wook odoh totulis:" Sopaya mo tonyata maatn wah sidiik hal boba-mo,maak monang,sajo mo tongadel,"⁵Tapi maak kae bonar dop ngampoor kobonar Ponompa,oneh diik roo nyak dop nomboba? kidoh adelkah Ponompa - koo bosona wook monsia - maak domp nyona pondoruuh,e?⁶Sokali-kali kae! andaekata wook nyen,kameeh kah Ponompa taook ngadel dunia?⁷Nih oneh maak kobonar Ponompa nih polalis koo somakin lobeh nyak kobaeek,e,ngoneh nya koo maseh tongadel nya gek wook ntouaant bodosa?⁸Kae haeek maatn pongkongiitn nya diik nyonae,bahwa domp nyobut:"Booh dop ngkodie diik bieek,sopaya diik baek timool siik nie," Ntoyaatn wook nyen jeh sokayak,e dopat ukupman.⁹Kameh jodie? Odohkah dop dopat kolobeh siik nya kiitn?Samoh sokali kidoh,Sbab nya wah somu jeh nih dop nuduh baek nyak nya Yahudi,maupun nya Yunani,bahwa sidik baloe odoh wah sigaatn kuasa dosa.¹⁰wook jeh totulis: "Kidoh dik bonar,tek konaanpun kidoh.¹¹Ngant tek naan pun kidoh diik borakal budi,kidoh oseh pun nya diik roo mogao Ponompa.¹²Nya sidik nyingkap,dieent sidik kae boguna,kidoh diik odoh nya diik pongodie antus,teek naan pun kidoh.¹³Rubakng rasokng dieent wook pongaretn diik borubakng,jirra baloe panae ngripu,solomeer dient punuuk bisa.¹⁴Tukook dieent bunuk ngant sumpah ranoh,¹⁵Koja dieent laju nyak nyoyakng doya.¹⁶Koruntooh gook kobinasa dieent nontook wah joraatn dieent,e.¹⁷maak joraatn damae kidoh konal baloe:¹⁸Owaakng golaak ngant Ponompa kidoh wah dieent nyen."¹⁹Tapi dop taok,bahwa sidik toruutn hal diik tocantum wah Kitab Taurat niih nuju koni baloe diik midop wah ukupm Taurat,sopaya toporeet sidiik tukook ngant sokayuk dunia jotuuk kosigaatn ukupm Ponompa.²⁰Sbab ntoyaant tek naan pun nih bonar wah jowi Ponompa niih roo ngkodie ukupm Taurat,niih justru nih ukupm Taurat nya ngonal dosa.²¹Tapi ntooh,maak kidoh ukupm Taurat kobonar Ponompa jeh nih nyobut,wook diik jeh nih ngampoor wah Kitab Taurat gook Kitab-kitab balo nabi.²²Ku nyen kobonar Ponompa nih iman wah Yesus Kristus nyak dop sidik diik pocayook.nih kae odoh pobeda.²³Niih sidiik nya jeh mongki dosa ngan jeh sajo ngkoyaap ponyona Ponompa.²⁴gook nih pongase ponopat nih nya bonaar ngan cuma-cuma nih korina ponobus wah Kristus Yesus.²⁵Kristus Yesus jeh nih Ponompa nontu nyak jodi joraatn damae nih iman,wah doya,e.Hal to nih mongki nyak nyona koadelan,e,nih Domp jeh ngadu dosa-dosa diik tojadi tiaatn libo masa kosabar,e.²⁶Maksud,e jeh nyak nyona koadelan,e libo masa ntoh,sopaya nyata,bahwa Dop maatn gook samel mbonar geeh nya diik pocayook koni Yesus.²⁷Maak wook nyen,oneh haeek dasar nyak bopagoh? kae tak odoh!oneh dasar,e? Bodasar pongodie? kae, molainkan bodasar iman! ²⁸Nih me yakin,bahwa monsia tombonar nih iman,kae nih Domp ngkodie ukupm Taurat.²⁹Atau odohkah Ponompa sajo nyak Ponompa nya Yahudi? Kae kah Domp nyen Ponompa ntoyaatn nya kiitn? iik,maatn,Domp sajo Ponompa balo banso kiitn!³⁰Ritiie,maak odoh teek Pononpa,diik roo nyona baeek balo nya bosunatn nih iman,maupun balo nya kae bosunatn geeh niih iman.³¹Maak wook nyent,odohkah me mbatal ukupm Taurat nih iman,samoh sokalik kidoh! Sobalik,e mee nogooh,e.

Chapter 4

¹Jodi oneh kah dop roo nyona Abraham,maakng koturuutn dop? ²Sbab maak Abraham tombonar nih pongodie,maka domp nopat dasar nyak bopagoh,tetapi kae wah jowie Ponompa.³Nih oneh jeh sano nas Kitab Suci?Mosiik nyen pocayooklah Abraham nganu Ponompa?nih nyen Ponompa borikeetn konie nyak diik sobonare,"⁴Maak odoh nya korija,upah,e kae nih ngrikeetn nyak hadiah,tetapi wook hak,e.⁵Tetapi maak odoh nya kae korija,Tetapi pocayook koni Domp diik mbonaar nya tulah,imane nih ngrikeetn jodi omaatn.⁶Wook nyen geh Daud nyona bosinakng maeh ntoyaatn diik tombonar Ponompa kae nih dasar pongodie.⁷"Bosinakng maeh nya diik nih ngampuutn polangar-polangaar,e,gook nya diik nih nyukaatn dosa,e; ⁸bosinaknglah monsia diik kosalah,e kae toong ngrikeetn Ponompa nganu,e,"⁹Odohkah ponyona sinakng nyen somuk bolaku nyak nya bosunatn maeh atao geeh nyak nya kae bosunatn?Sbab jeh nih me nyonae,bahwa nganu Abraham iman nih ngrikeetn wook sobonaar,e.¹⁰Waak model keh kah hal nyen nih ngrikeetn? Libo gootn atau jeh domp nih nyunatn? Kae mosiik bosunatn,tapi libo goont,e.¹¹Ngan tano sunat Abraham nyen nih ngrima wook materai kobonare bodasarkan iman diik nih domp nijuuk,libo gootn dop,e bosunatn,sopaya kobonare nyen nih ngrikeetn koni dieent,¹²gook nih nyen jodi makng nya bosunatn,ku nyen kae dieent somuuk bosunatn,tetapi nih dieent ngajoh diidiik Abraham,makng koturuutn dop,libo masa domp gootn bosunatn.¹³Sbab kae nih ukupm Taurat jeh nih munyook koni Abraham ngan koturuunt,e,Bahwa domp roo nginyak dunia,tetapi nih kobonar gook bodasar iman.¹⁴Nih oneh maak baloe ngaroop siik ukupm Taurat,ngrima bagi siik janyi Ponompa,maka kidoh lah ritiie iman gook janyi nyen pun kae puus.¹⁵Nih ukupm Taurat ngongkaat doruuh,tetapi wa keh kidoh ukupm Taurat,wa nyen pun kidoh diik odoh ponyalah.¹⁶Nih nyen kobonare bodasar iman sopaya songrupa kaseh korunia,sohinga boba nyen bolaku nyak sidiik koturuutn Abraham,kae cuma nyak baloe diik midop siik ukupm Taurat,tetapi geh nya diik midop siik iman Abraham,nih ngoneh Abraham nyen sajo makng dop sidiik.¹⁷wook odoh totulis:" Mo jeh nih Koo nontu jodi makng nyak sidiik banso" wah jowi Ponompa diik koni,e domp pocayook,nya nyen Ponompa diik ngkidop nya kobiis gook nyaa diik mongki ngan firmane oneh diik kidoh jodi odooh.¹⁸Biar sokalipun kidoh dasar nyak boaroop,namun Abraham boarap geh ngan pocayook,bahwa nginapm domp jodi makng nya obekng banso.monurut diik jeh nih nyona: " Wook nyen lah paji konooh mo obekng koturuutn mo,"¹⁹Iman,e kae jodi lomah,walaupun domp ntaook,wookng,e sajo maa lomah,niih pongaroh umur muntuuh kira-kira soratus sowa,gook mahapm poronak Sara jeh totitop.²⁰Tetapi nih toradap janyi Ponompa domp kae ragu nih kae pocayook,,malah domp nih nogap wah imane gook domp pun mpau Ponompa.²¹Samel arop yaken,bahwa Ponompa bokuasa nyak ngkodie oneh diik jeh nih janyi.²²Niih nyen hal to nih ngrikeetn nganu,e nyak kobonar,e.²³Jantoh boba to,ku nyen," hal to nih ngrikeen konie," kae nih nulis nyak Abraham maeh,²⁴tetapi nih nulis geh nyak dop;sbab koni dop pun Ponompa ngrikeen,e,nih dop pocayook koni,e.diik jeh ngongkat Yesus,Ponompa dop siik ropoot nya kobiis.²⁵nyent Yesus,diik jeh nih munyook korina pongodie dop gook nih ngongkat niih kobonar dop.

Chapter 5

¹Niih nyen,dop diik niih mbonar gook nih iman,dop midop wah damae sojahtra ngant Ponompa niih Tuhan dop,Yesus Kristus.²Niih Domp,e dop ntaok joraatn masok,nih iman dop koni kaseh korunia to.Wah saiih kaseh korunia to dop tokiit gook dop botaggoh wah pongaroop nyak ngrima kobaeek Ponompa.³Kae nih nyen maeeh,Dop malah boraggoh geh wah kojoraa dop,nih dop taok,bahwa kojora dop nyen odoh pomolase.⁴ngant pomolase nimool tahan uji gook tahan uji nimol pongaroop.⁵Gook pongaroop dop nyen kae ngecewakan,nih pongaseh Ponompa jeh niih munyook nganu saiih owakng dop ngant Minu Ayu diik jeh niih ntonaah koni dop.⁶Niih oneh libo nyen dop geek lomah,Kristus jeh kobiis nyak dop balo ntoyaatn tulah rangkooh libo niih Ponompa nontu.⁷Sbab kae mudah ntoyaatn lokng kobek nyak nya bonar,tetapi mungkin geh nyak nya baek odoh ntoyaatn diik borani kobiis.⁸Niih oneh Ponompa nyona pomase,e koni dop,niih korina Kristus jeh kobiis nyak dop,tungkaah dop geek bodosa.⁹Lobeh-lobeh niih ntooh dop niih mbonaar korina Doya,e,dop pasti ojau baeek siik pondoruuh Ponompa.¹⁰Sbab maak dop,libo geek bomasalah,niih damae ngan Ponompa niih pongkomek onak,e,lobeh-lobeh dop, diik ntooh jeh nih damae,pasti jeh solamat nyak idop,e.¹¹gook kae somuuk nyen maeh!Dop malah boraggoh ngan Ponompa niih Yesus Kristus Tuhan yah,sbab niih Dop,e yah jeh ndopat podamae nyen.¹²Niih nyen,samoh wook dosa diik jeh masok ko saiih dunia niih teek konaan nya,gook niih dosa nyen geeh maut,wook nyen geh maut jeh bosontae koni sidiik ntoyaatn,niih ntoyaatn sidiik jeh mongki dosa.¹³Sobab libo gootn odoh ukupm Taurat,jeeh odoh dosa wah dunia.Tetapi dosa nyen kae niih ngrikeetn maak kae odoh ukupm Taurat.¹⁴Sunguhpun wook nyen maut jeh bokuasa siik zaman Adam sampae nganu zaman Musa ngan dieent,diik kae mongki dosa wook cara diik sorupa wook diik jeh pongki Adam,diik nyato gooh gamar Domp diik roo moniik.¹⁵Tetapi rosiki Ponompa kae tak soripa wook ngan pongkodie Adam.sbab,maak nih pongodie teek naan nya sidiik ntoyaatn jeh jotuuk ko saiih kuasa maut,ojau lobeh daiik geek pomase kuasa Ponompa gook pongodie,diik nih Domp limpah nganu sidiik nya niih teek naan ntoyaatn,nya nyen Yesus Kristus.¹⁶Gook kaseh korunia kae borimakng ngan dosa nya teek naan,e.sbab penghakiman nyak teek pongodie nyen jeh mongki pongukupm,tetapi pomunyok korunia nganu obekng pongodie nyen mongki kobonare.¹⁷niih oneh,maak nih dosa teek naan nya,maut jeh bokuasa niih tek naan nya nyen,maka lobeh maatn geek baloe,diik jeh ngrima kolobeh kaseh korunia ngan rosiki kobonare,jodi midop ngan bokuasa nih teek naan nya nyen,Yesus Kristus.¹⁸Nyen sobab,e,sorupa wook tek naan nya ngkodie sidiik nya diik nopat ukupm,wook nyen pula geh nih tek naan pongodie kobonare sidiik nya dopat kobonar nyak midop.¹⁹Jodi samoh wook kae kopatoh tek naan nya sidik ntoyaatn jeh jodi nya bodosa,wook nyen geh nih kopatooh tek naan sidiik ntoyaatn jodi nya baek.²⁰Tetapi ukupm Taurat niih noduuk,sopaya sangkol ngodie jodi somakin obekng;gook wa keh dosa botoduuk obekng,wa iih kaseh korunia jodi bolobeh limpah.²¹sopaya,sorupa wook dosa bokuasa wah alam maut,wook nyen kaseh korunia roo nguasa kobonaran nyak midop kokal,nih Ponompa yah Yesus Kristus.

Chapter 6

¹Maak wook nyen,oneh diik nyak dop sano?Taook koh yah bogiat wah saih dosa,sopaya makin botoduk kaseh korunia nyen? ²Sokali-kali kae!Kae kah dop jeh kobiis wah dosa,kameh koh dop dopat midop ko saiih? ³Atau mo laak kataook,bahwa sidiik dop diik jeh nih mbaptis wah Kristus,jeh niih mbaptis wah pongobeek,e.⁴Niih wook nyen dop jeh niih ngubuur bosamoh-samoh gook Domp niih baptisan wah pongobeek,e,sopaya sorupa wook Kristus jeh nih ngongkat siik ropoot ntoyaatn kobiis niih komuliaan Makng,wook nyen geh yah jodi midop wah midop diik bauh.⁵Sbab dop jeh jodi teek ngan oneh diik samoh ngan pongkomiis,e,yah jodi teek ngan oneh diik sorupa ngan pomongkat,E.⁶Niih dop taok,bahwa monsia tiaatn yah jeh nyunot niih nyaleb,sopaya dosa wookng dop moyapm kuasa,e,sopaya yook dop malook owakng geek koni dosa.⁷Sbab oseh nya diik jeh kobeek,domp jeh bebas siik dosa.⁸Jodi maak dop jeh kobiis ngan Kristus,dop pocayook,bahwa dop dopat midop geeh gook Dop,e.⁹Korina dop taok,bahwa kristus,mosiik Dop,e jeh mongkat siik ropoot nya kobeek,kae kobiis geek:maut kae mampu gek bokuasa wah Domp.¹⁰Sbab pongkomis,e sajo pongkomeek torada dosa,sokali ngan nyak sampae konooh,gook pomidop,e sajo nyen pongkidop nyak Ponompa.¹¹Wook nyen geh moo sobonare ngronong,e:bahwa mo jeh kobiis bagi dosa,tapi mo midop geek nyak Ponompa wah Kristus Yesus.¹²Niih nyen yook lah dosa bokuasa geek wah saiih wookng mo diik ngampo,sopaya mo yook nyunoot owakng,e.¹³Gook nih nyen sajo yook gooh munyook jiwa wookng mo nganu dosa nyak tonginyak jodi boba kobieek,tapi serah maeeh mo nganu Ponompa,wook balo nya,diik kobiis tiaatn,tetapi diik ntooh midop.Gook nih nyen serah sidiik sokayuk wookng mo nyak jodi alat-alat kobonaran.¹⁴Sbab mo kae kan tonguasa geek nih dosa,nih mo kae monaae wah sigaatn ukupm Taurat,tetapi wah saiih kasih korunia.¹⁵Jodi kameh,oneh kah dop mongki dosa,karna dop kae monae wah sigaatn ukupm Taurat,tetapi wah saiih kasih korunia? Sokali-kali yook!¹⁶Oneh kah sajo mo kataook,maak pabila mo munyook mo todop koni tek nasn nya nyak tonguli nya nyen,diik nyak arus mo ponatoh,baek wah dosa diik met mo koni pongobeek,maupun wah kopatooh diik mimpin mo koni kobonaran.¹⁷Tetapi syukur maeh nganu Ponompa!Saeek seh mo sajo uluutn dosa,tetapi ntooh mo ngan sogonap owakng jeh matooh pongajoor diik jeh niih nduduuk koni mo.¹⁸Mo jeh niih merdeka siik dosa gook jodi uluutn kobonaran.19Koo nyona hal to socara monsia nih kolomah mo.Sebab samoh wook mo jeh munyok jiwa raga wokng mo jodi uluutn poncomeek ngan kotulah rangkooh diik meet mo koni ponulaah,wook nyen geh hal mo ntoh arus nyerah sidiik jiwa raga wokng mo nyak jodi uluutn kobonar diik meet mo nganu pongudusan.20Sbab libo masa mo jodi uluutn dosa,mo bebas siik kobonaran.21Buah oneh wook diik nih mo ngrutiik siik nie?Sidiik toruutn nyen ngaso mo maa mongiitn ntooh,niih kosudah sidiik nyen sajo pongkomiis.22Tetapi ntooh,jaak siik mo niih merdeka siik dosa ngan jeh sotelah mo jodi uluutn Ponompa,mo dopat buah diik taook meet mo koni pongudusan gook sobagae kosudaah nyen midop diik kokal.23Sbab upah dosa nyent maut,tetapi korunia Pojompa nyen diik midop kokal wah Kristus Yesus,Tuhan yah.

Chapter 71Oneh kah mo kae taook,dieent dorumak,sbab koo ntoh bojantoh koni dieent diik ntaok ukupm - bahwa ukupm bokuasa wah sidiik ntoyaant solama nya nyen midip?2Niih oneh wook osao torikat ukupm koni boniih,e solama boniih nyen maseh midop.Akan tetapi pabila boniih dope nyen kobeek,bebas lah domp siik ukupm diik niseet domp nganu boniih dop,e nyen.3Jodi solama boniih maseh midop domp tongangap nya borompaakng,maak domp jodi osao nya ndari kiitn,kocuali maak boniih jeh kobiis,domp bebas siik ukupm,sohinga kae lah domp ngompakng,maak domp jodi osao nya ndari kiitn.4Niih nyen,dieent dorumaak,mo pun kobiis nyak ukupm Taurat nih wookng Kristus,sopayo mo jodi mpo nya kiitn,nyen Domp mpo,e,diik jeh nih ngongkat siik ropoot nya kobeek,sopaya dop bobuah nyak Ponompa.5Sbab libo yah geek midop wah saiih iseeh,hawa nafsu dosa,diik niih ransookng ngan ukupm Taurat,korija wah sobiraah wookng dop,ngadu dop bobuah kobieek.6Tetapi ntooh dop jeh nih nya mbebas siik ukupm Taurat,sbab dop jeh kobiis nya domp,diik ngakookng yah,sohinga dop ntooh nglayan nyam wah koadaan nyunoot Minu,gook kae wah koadaan tiaatn diik nyunoot uruuf ukupm Taurat.7Maak wook nyen,oneh koh diik nyak dop sano? Onehkah ukupm Taurat nyen dosa? sokali-kali kae!malah sobalik,e justru niih ukupm Taurat koo jeh ngonal dosa.Nih nyen koo geh kae mau tau koowakng,maak ukupm Taurat kidoh nyonae:" Yook ngowakng,e!" 8Tapi wah porintah nyen dosa nopat kosempatan nyak ngongkat nodop wah model samoor-samoor owakng; sebab maak kidoh ukupm Taurat dosa kobiis.9Saeek seeh dop midop kidoh ukupm Taurat.Akan nih oneh libo jeh pongkoniik porintah nyen,dosa mulae midop.10sobalik,e koo kobeek.Gook porintah diik soarus,e ngoraah meet nganu midop,tapi justru bagi koo ngoraah koni diik ngkomiis.11Sbab saiih porintah nyen,dosa nopat kosempatan nyak roo nipu koo ngan niih porintah nyen domp ngkomeek koo.12Jodi ukupm Taurat baeek,gook porintah nyen nyen pun baeek,omaatn ngan bujoor.13Maak wook nyen,odoh kah diik baeek nyen jodi pongkomeek bagi koo?Sokali-kali kae!Tapi supaya nyato,bahwa domp nyen sajo dosa,maka dosa ngguna diik baeek nyak ngkoniik kobiis nyak koo,sopaya nih porintah nyen dosa lobeh nyato geek koadaan,e wook dosa.14Niih dop taook,bahwa ukupm Taurat nyen rohani,tetapi koo bosifat saiih iseeh,togadae wah kuasa dosa.15Niih nyen oneh nyak koo kadie,kae toritii koo,Niih kae oneh diik nih koo owakng koo diik nih koo ngkodie,tetapi oneh diik rareeh koo,nyen lah diik niih koo ngkodie.16Jodi maak koo ngkodie oneh diik kae koo ngkodie,koo sotujui,bahwa ukupm Taurat nyen baeek.17Maak wook nyen kidooh koo geek diik roo ngkodie,tapi dosa diik odoh wah saiih koo.18Niih koo jeh taook,bahwa wah saiih koo,nyen nya wook saiih monsia,kidooh diik odoh toruutn diik baeek,niih owakng odoh wah saiih koo,tapi kae ngkodie oneh diik baeek.19Sbab nih oneh diik niih koo ngowaakng,nyen diik baeek,dik nih koo ngkodie,molainkan oneh diik kae nih owakng,diik kobieek,diik kadie koo.20Jodi maak koo momgki diik kae nyak koo kadie,maka kidoh gek koo ngkodie,maka kae koo gek mongkie,tapi nih dosa diik monae wah saiih koo.21Wook nyen lah koo dopat ukupm to:maak koo owakng mongki pongodie dik baek,diik kobieek nyen odoh wah koo.22Nih oneh koo konaak koo seeek nganu ukupm Ponompa.23nih wah saiih pojakos wookng koo ko leek ukupm dik kiint diik bolawootn ngan akol piker koo diik mongki koo jodi uluutn dosa diik odoh wah saiih pokakos wokng koo.24Koo,monsia colako! oseh kooh diik nglopoos koo siik wookng kobiis to?25Syukur maeh nganu Ponompa!nih Yesus Kristus Ponompa dop.

Chapter 81Wook nyen lah ntooh keeh odooh pongukupm nyak dieetn diik odoh wah saiih Kristus Yesus.2Minu,diik munyook pongkidop diik nyinaakng mo wah Kristus siik ukupm dosa gook ukupm Kobeek.3Sbab oneh diik kae musti jodi nya kadie ukupm Taurat nih sallo kidoh akool,jeh nih Ponompa ngkodie,Wook joraatn munyook onak Cade,e soniriik wook iseeh,sorupa wook iseh dik nih dosa nguasai nih pajoooh dosa,domp jeh motiik ukupm dosa wah dosa libo ngkodooh.4Sopaya tuntutan ukupm Taurat gonap wah pongkidop yah,diik kae nyunoot owakng mauu dop maeh,tapi ngant Minu.5Sbab baloe midop monurut owangk pahapm,bopiker hal-hal oneh kaatn owakng;baloe dik midop turut bominu,bopiker hal-hal diik odoh minu.6Niih koowakng iseeh nyen sajo kobiis,maak owakng Minu sajo pongkidop diik damae sojahtra.7Sbab koowakng iseeh dop sajo botentangan gook Ponompa,nih domp kae patoh nganu ukupm Ponompa;hal nyen emangk kae mungkin bagi dop,e.8Dieent diik midop nginyak owakng domp,kae matut cucok ngant Ponompa.9Niih mo kae midop ngant owakng,molainkan saiih Minu,maak sajo Minu Ponompa montok wah mo.Tetapi maak nya kidoh mpo Minu Kristus,domp nyen ngajoh mpo Kristus.10Tetapi maak Kristus odoh wah saiih mo,maka wookng sajo kobiis nih dosa,tetapi minu haeek pongkidop niih sajo kobonaran.11Maak sajo Minu Domp,diik jeh ngongkat Yesus siik ropoot nya kobeek,monae wah saiih mo,maka Domp,diik jeh ngongkat Yesus Kristus siik ropoot nya kobeek,roo ngkidop wokng mo diik ngampo nyen ngan minu,e,diik montok ngan mo.12Jodi balo dorumak,dop to sajo nya borutakng,tetapi kae ngan owakng,sooayo midop monuruut owakng.13Sbab,maak mo monuruut saiih owakng,mo kan kobiis;tapi sajo maak nih Minu mo ngkomiis pongodi angkoh wokng mo,mo pasti midop.14Sidik ntoyaatn,diik tomimpitn Minu Ayu Ponompa,domp nyen onak Ponompa.15Sbab kae geek ngrima Minu uluutn diik ngaso mo golaak.tetapi mo dopat Minu diik ngaso mo jodi onak Ponompa.Niih Minu nyen yah mpaau:" Maakng dop!"16Minu nyen bosaksi sorota gook iman dop,bahwa dop to onak cade Ponompa.17Maak dop to sajo onak,e,maka dop to geeh wali waris,maksud,e balo ntoyaatn dik bohak ngrima nopat janyi Ponompa,diik roo ngrima sorota ngan Kristus,Ku nyen maak dop samoh-samoh joraa ngan Dop,e,sopaya dop ngajoh dopat sinakng gook Dop,e.18Sbab koo yakin,bahwa kojoraa zaman ntooh to kae dopat tombanikng ngan kobaeek nyame diik diik roo sano koni dop.19Niih sajo maa poroyuu sidiik toruutn pongkidop botunguuk masa libo balo onak Ponompa tosonaa.20Nih oneh soluruh toruutn jeh nih nunook koni kidoh ritiie,kae nih koowakng todop,tetapi nih koowakng Domp,e,diik jeh nunook,e.21Wah ponunguuk,e,nih toruutn nyen pun soniriik jeh nih merdeka jak siik ponguluutn kobinasa gook masok koni saiih komerdekaan kobaeek balo onak Ponompa.22Nih dop jeh taook,sampae ntooh sidik toruutn samoh-samoh bosunguutn gook samoh-samoh nginaapm monaapm mampootn.23Kae somuuk baloe maeeh,tetapi dop diik jeh ngrima korunia Minu dik bunsu,dop pun bosunguutn wah saiih owakng dop botunguuk oduk tongkat jodi onak,nyen haeek wookng dop diik bebas. 24 Sbab dop nih nyolamatn wah pengharapan.Tetapi pengharapan diik nih leek,kae pengharapan geek;sobagaemana nya maseh nunguuk oneh diik nih ngronokng? 25Tetapi maak dop ngarop oneh diik nih dop leek,tunguuk maeeh dop nyak kotumuu dop.26Wook nyen geh Minu nulokng dop wah kolomahan dop: nih dop kae taook,kameeh sobonare bodoa;tapi Minu soniriik bodoa nyak dop nganu Ponompa ngan ponyunguutn-ponyunguutn diik kae nih nyona.27Gook Ponompa diik nyolidiik owakng oti,ntaook owakng Minu nyen,bahwa Dop,e,sosuae ngan koowakng Ponompa,bodoa nyak balo ntoyaatn baeek.28Dop ntooh taook,bahwa Ponompa ngajooh korija wah sidiik toruutn hal nyak ngkoniik kobaikan nyak dieetn dik ngaseh Domp,nyak baloe diik oduk tasu sosuae gook roncana Ponompa.29Sbab sidiik nya diik nih domp mileeh siik tojiih,baloe nyen nih nontu siik tojiih nyak jodi sorupa gook gamar Onak,e,sopaya domp,onak nyen,jodi diik bunsue nyaak sidiik balo ntoyaatn. 30Gook baloe diik jeh nih nontu jak siik tojiih,dietn nyen pun oduk tompaau.gook baloe diik niih mpaau,dieent nyen pun nih mbonar,gook baloe diik nih mbonar,baloe nyen pun oduk kobeek,e.31Sbab nyen oneh diik roo dop sano soluruh pongodie nyen? Maak Ponompa wah pihak dop,oseh diik roo nlawootn dop? 32Dop,e,diik kae masee Onak,e soniriik,tetapi munyook domp bagi dop sidiik,Kameeh wook Domp kae ngaseh sidiik toruutn koni dop diik bosamooh ngan Dop,e?33Oseh nya diik roo nggugat balo ntoyaatn pilihan Ponompa? Ponompa,diik mbonar dieetn? Oseeh diik roo ngukupm baloe? 34Kristus Yesus,diik jeh kobiise? Bahkan lobeh geek;diik jeh mongkat,diik jeh dudok wah sopiaak tauh Ponompa,diik malah jodi Pombela bagi dop?35Oseeh nya diik roo mopaar dop siik pongaseh Kristus? Ponindasan atau kosokoot atau ponjoraa,ataubagootn sobirook,kolanyaao,atau maloo ngan baai?36Wook odoh botulis; "Niih sajo Mo me odoh wah saiih maloo koruma sotiap onu,me jeh ngngaap wook domba-domba oduk baleeh."37Tetapi sidiik nyen ngaso dop lobeh siik gook balo nya dik monang,nih Domp diik jeh ngaseh dop.38Sbab koo yakin,bahwa baek koh kobiis,maupun midop,baek malaekat-malaekat,maupun pomorintah-pomorintah, baek dik odoh ntooh,pa lagi diik moniik konooh, 39baek kuasa-kuasa,diik wah somu,maupun diik wah sigaatn,maupun toruutn kiitn,kae kan taook misahkan dop siik kaseh Ponompa,dik odoh wah saiih Kristus Yesus,Tuhan dop.

Chapter 91Koo nyona kobonaran wah Kristus,koo kae bodusta,Boba saiih owakng koo ngajoh bosaksi ngan Minu Ayu.2 bahwa koo solarat baeek owakng gook solarat owakng nyolap.3Bahwa,lookng koo oduk tulah gook bopisah siik Kristus demi balo posiik koo.balo kaum sobanso koo socara jasmani.4Sbab dieent nyen nya Israel,baloe jeh nih ngongkat jodi onak.gook baloe jeh ngrima kobaeek,ngan pojanjian-pojanjian,gook ukupm Taurat,gook Somayakng,gook janyi boba.5Baloe nyen koturuutn ndiaakng Maakng mulae,diik ntonah Mesias libo koadaan,e wook monsia.diik odoh wah sidiik toruutn.Dop,e nyen Ponompa diik arus tomijiih sampae paji konooh.Amin!6Nih oneh boba Ponompa kae tontu gagal,sbab kae sidik nya borasal siik Israel ntoyaatn Israel. 7nyen geeh kae toritookng sidiik koturuutn Abraham nyen onak Abraham.tetapi: "diik borasal siik Ishak diik nyak sano nya koturuutn mo,"8Ritiie,kae balo onak monurut owakng dop nyen sidiik balo onak Ponompa,tetapi balo onak pojanyi diik sobut nya koturuutn diik bonar.9Sbab boba nyen borobiih janyi: "Libo onu wook to lah Koo roo moniik gook Sara roo ndopat onak ndarii,"10Tetapi kae nyen maeeh.Lobeh nyarooh geek Ribka diik bitii siik teek naane,yaitu siik Ishak,Makng koturuutn dop. 11Sbab libo balo cade nyen gootn nih ngkodooh ngaan libo gootn ngkodie dik baek atao diik kobieek, - sopaya roncana Ponompa hal pomileh Dop,e jeh nih nyonae,kae bodasar pongodie,tetapi bodasar owakng.12Nih nyona koni Ribka: "Onak diik muntuuh jodi jodi contoh diik monguutn," 13" Koo ngaseh Yakub,tetapi ngkieek Esau,"14Maak wook nyen,oneh diik nyak dop sanoo? onehkah Ponompa kae adel? Mustahil! 15Sbab Domp boboba nganu Musa: "Koo roo ngona pomasee koo koni oseh diik lookng ngona pongkaseeh Koo pun lomaah owakng oti nganu sidiik nya koo lookng lomah owakng,"16Jodi hal nyen kae togantokng owakng nya atao usaha nya,tetapi koni komurah owakng Ponompa.17Sbab Kitab Suci bosona koni Firaun: " nyen sbab,e koo ngongkat mo,sopaya koo dopat leek kuasa Koo wah saiih mo,sopaya gook odaatn Koo tokinal wah sokayuk bumi,"18 Jodi Dop,e ngona pomasee koni oseh nya diik owakng,e gook domp nogooh oti oseh diik koowakng,e.

¹⁹Ntooh mo roo bosona nganu koo: "Maak wook nyen,oneh geek diik maseh sonalah domp? sbab oseh diik nontakng koowakng,e?" ²⁰Oseh bah mo monsia,maka mo mbantah Ponompa? Taook kah diik mongki nyona nganu nya diik mongki,e : "Ngoneh mo mongki koo wook nyen?" ²¹Oneh kah tukakng sampao kidoh hak wah poya likaat,e,nyaak mongki siik tungkool diik samoh teek babootn nyak tonginyak demi tujuan diik baeek gook toruutn nyen kiitn nih nginyaak demi tujuan diik modas?²²Jodi, maak nyek nyona pondoruuh,e gook nyona kuasa,e,Ponompa ngona kosabaar diik daiik toradap toruutn pondoruuh,e diik jeh nih nyiap nyak kobinasaan.²³justru nyak nyona pongaya kobaeek,e wah toruutn diik pongaseeh,e diik jeh niih Domp nyiap nyak komuliaan,e.²⁴Nyen dop,diik jeh niih mpau kae somuuk siik ropoot nya Yahudi.tetapi geeh siik sidiik banso-banso kiitn,²⁵Wook diik jeh niih Domp nyona wah saiih Kitab nabi Hosea:"Diik kae umat Koo nyaak Koo sobut:umatKoo gook diik tokaseh:tongaseh,"²⁶Gook diik wah arookng,wah keh roo sanoo koo koni baloe:"Mo to kae gooh umatKoo," Wa iih pun nih nyona koni baloe:" Onak cade Ponompa diik midop,"²⁷Yesaya pun mangkos pongodie Israel:"Sokalipun kobeekng onak Israel wook koroseek wah laoot,namun somuuk tisae maeh nih nyolamat.²⁸Sbab oneh diik jeh niih Domp nyona,niih Ponompa ngkodie wah somuu bumi,sompurna ngan segera," ²⁹Wook diik jeh niih Yesaya nyona libo gootn,e;"Soandae Ponompa rayoo kae nontook libo dop koturuutn,dop jeh jodi Sodom gook samoh wook Gomora,"³⁰Maak wook nyen,oneh diik nyak dop sano? To:bahwa banso-banso kiitn diik kidoh ngsiik kobonar,jeh dopat kobonar,nih kobonar ngan iman,³¹Tetapi:bahwa Israel,sunguhpun ngosiik ukupm diik ngkoniik kobonar,kae geh moniik koni ukupm nyen.³²Ngoneh kae?Niih Israel ngosiik,e kae nih iman,tetapi nih pongodie.baloe nyongkaak botuh ponyongkaak, ³³wook odoh totulis,"Sobonare,Koo ngonae wah Sion tek biteer botuuh gook botuh nyen botuh songkaak, nyak nya oseh diik pocayook koni,e,kae pasti niih ngkongiitn.

Chapter 10

¹Balo dorumaak,maa owakng koo gook doa koo nganu Tuhan kiitn,sopaya dieetn tonyolamat. ²Sbab koo taook munyook ponyona hal baloe,bahwa dieetn sunguh-sunguh giat nyak Ponompa,tetapi kidoh riitiie dik maatn.³Niih nyen,baloe kae ngonal Ponompa gook niih dieent borusaha nyak ntokiit kobonar dieent todop,maka baloe kae tunook koni kobonar Ponompa.⁴Sbab Kristus nyen ponggonap ukupm Taurat,sohinga kobonaran todopat wah tiap-tiap nya diik pocayook.⁵Niih Musa nulis hal kobonar nihh ukupm Taurat, "Ntoyaatn diik ngkodie,midop niih,"⁶Tetapi niih kobonar iman nyona wook nyen:"Yook nyonae wah saiih owakng mo:Oseh haeek diik simaak nganu sobayootn?"Mosiik nyen nyak meet Yesus tomonah, ⁷atao:"Oseh lookng diik tomonah nganu orookng kobeek?" nyak meet Kristus simaak siik ropoot nya kobeek.⁸Tetapi,oneh sanoe?Too:"Boba nyen nyomaak nganu mo,toruutn nyen wah saiih tukook mo ngan saiih owakng mo,"nyen haeek boba iman,diik niih me nyona.⁹Sbab maak mo ngangku nyak tukook mo,bahwa Yesus nyen Tuhan,gook pocayook wah saiih owakng mo,bahwa Ponompa jeh ngongkat Dop,e siik nya kobiis,maka moo oduuk solamat.¹⁰Niih ngan owakng diik pocayook ngan niih mbonar,nyak tukook nya ngangku pun nih nyolamat.¹¹Kitab Suci nyonae:"Maak oseh diik pocayook koni Dop,e,Kidoh oduuk ongiitn,"¹²Niih kidooh pobeda,e antara nya Yahudi gook nya Yunani.nih,oneh Ponompa diik teek nyen Ponompa nyak sidiik nya,kaya nyak sidiik nya diik bopiseek koni,e.¹³Oseh nya diik bopiseek koni,e odaatn, e Ponompa pasti tonyolamat.¹⁴Tapi kameh wook balo,e kae mpaau koni,e,maak dieent kae pocayook nganu Domp,e? kameh baloe roo pocayook koni domp,maak diient kae ngopikkng hal Domp,e,kameh baloe roo ngopikng hal Domp,maak kidooh nya nyonae.¹⁵Gook kameh geh baloe nyonae,maak dieent kae nih ngutus?wook odoh totulis;"Sajo maa baeek baloe diik meet agooh bagaae.¹⁶Tapi kae sidik nya diik ngrima agooh baek nyen,Yesaya soniriik nyonae;"Tuhan,oseh bah diik pocayook ponyona me to?" ¹⁷Jodi,Iman timool siik pongopikng gook pongopikng nih boba Kristus,¹⁸Tetapi koo bopiseek:Odooh kah dieent kae ngopikng,e? sajo,e dient ngopikng,angkoong baloe sampae koni tojook dunia,boba baloe sampae nganu tojook bumi,¹⁹Tetapi koo bopiseek:Odoh kah nya Israel nangap,e? Pontojih Musa bosona;"Koo ngaso mo muruu toradap nya balo diik kae umat samel ngongkat pondoruuh mo toradop banso kiitn.²⁰Sakiikng boteek Yesaya nyonae:Koo kae owakng koo oduk dopat,baloe diik kae mogao koo, Koo ngampoor bako nganu nya dik kae miseek koo." ²¹Tetapi hal Israel domp nyona:"Boo onu onu koo nyuloor tongan koo koni banso kiitn diik kae patooh gook diik nyokaakng."

Chapter 11

¹Maka koo bopiseek:Odooh kah Ponompa angoore jeh nulaak umat,e? sokali-kali gooh kae!Niih koo soniriik nya Israel siik koturuutn Abraham,siiik suku Benyamin. ² Ponompa kae suaah nulaak ymat diik jeh pilihan Domp,Atau geeh mo kae taook,oneh toruutn dik sano Kitab Suci pongodi Elia,libo domp nyunguutn Israe koni Ponompa. ³Tuhan,nabi-nabi-mo jeh baloe ngkomiis,gook mejaMo jeh niih nya ngrurooh,somuuk koo nodop dik midop gook baloe roo maa owakng ncimoot pongasookng koo.⁴Tetapi kameh kooh boba Ponompa koni,e?"Koo maseh ntiggal iju ribu ntoyaatn nyak koo,diik kae suaah sujud nyomaah Baal," ⁵Wook nyen geh onu nyen odooh montook toruutn botisaa,nuruut pilihan kaseh korunia.⁶Tetapi maak hal nyen tojadi nih kaseh korunia,maka kidoh geek nih pongodie,sbab nih kae wook nyen,maka nyen kidoh gek kaseh korunia.⁷Jodi kameh? Israel kidoh nopat oneh toruutn diik kasiik,e,tapi nya diik topileh jeh taook nopat,e.Gook ntoyaatn dik kiitn jeh tigiip owakng,e.⁸Wook odoh totulis:"Ponompa ngaso baloe lilook biis,munyook motiih nyak ngaso kae ngronokng,ngan kopiikng nyak kae ngopiikng,sampae onu ntooh.9Daud pun boboba,"Adu maeeh pojamu baloe nyak jodi jorat gook porangkap,penyesatan ngan pomolas nyak dieent.10Gook oneh pun motiih baloe jodi piitii poronong,sohinga dieent kae ngronokng,gook tangki maeh omii baloe bojuoot mbungkook.11Maka koo bopiseek:Odoohkah dieent tosongkaak ngan jotuuk?Sokali-kali kidooh!Tetapi nih ponosaat dieent,kosolamatan jeh sampae koni banso-banso kiint,sopaya ngaso baloe muuruu.12Sbab maak ponosat baloe boritii pongaya nyak dunia,gook kokuaasaan baloe pongaya nyak banso-banso kiitn,tolobeh-lobeh nyak kesempurnaan dieetn.13Koo bosona nganu mo,balo banso diik kae Yahudi,Justru niih koo sajoe diik rasul nyak balo banso diik kae nya Yahudi,koo angap nyen kemuliaan polayanan koo.14koonyen maak koo dopat ngongkat muruu wah saiih owakng kaum tek banso monurut owakng ngan dopat nyolamat kudu naan nya siik baloe.15Sbab ponulak baloe boritii podamae nyak dunia,Taook aeek podamae nyak dieetn odooh riiti kiitn siik pada midoop siik ropoot nya kobiis.16Maak kue bunsu diik Ayu,maka soluruh adonan pun Ayu,maak waat,e ayu maka ballo daatn pun ayu.17Nih nyen pabila rangaao daatn,e jeeh niih ngrokook maak mo jodi ponimuu ngaleet jeh niih nyangkook wah ropoot nya diik ngajooh dopat bagian wah waat kayoo zaitun diik maa bopuroot,18Yook maeh moo boragooh toradap balo daatn,e nyen!Maak mo boraggoh,tingaatn,bahwa kae diik nungkakng waat nyen,molainkan waat nyen diik nungkakng mo.19Mungkin mo nyonae:Odooh bakooh diik nih ngrokook,sopaya koo tonyangkook nya wah tuda,e nyak jodi motiih.20Baek maeh!Baloe nih ngrokook niih kidoh pocayook baloe,gook mo pun borocaak nih iman,Yook lah mo rongkaao,tapi nonggolaak maeh!21Sbab maak Ponompa kidoh owakng,e nyayang balo daatn asli,Domp pun kae masee nganu mo.22Niih nyen tongratii maeh kobaeek Ponompa ngan gook kotigiik Dop,e,kotigiik nyen nyak ntoyaant dik jeh jotuuk, tetapi nyak mo kobaeek Dop,e,koo nyen,maak mo magootn wah pomahaapm Dop,e;maak kae,mo pun roo kapiik nya geeh.23Niih oneh baloe pun tonyangkook nya ulakng,maak baloe kae magootn wah kidohpocayook baloe,Sbab Ponompa maa bokuasa nyak roo nyangkook ulakng.24Sbab maak mo nih ngopiik siik daatn cangkook siik kayo zaitu diik manookng,maak botentangan ngan koadaan mo nyen,mo jeh nih nyangkook koni kayo zaitun diik gooh,tolobeh nyak baloe nyen,dik monuruut asol baloe nih nyangkook wah kayo zaitun dieetn todoop.25Sbab balo dorumaak,sopaya mo yook angap mo maa panae,koo lokng sopaya mo ntaook rosiia to: Sobagian nya Israel jeh jodi togap sampae jomilah diik bunuuk siik balo banso kiitn diik jeh masok.26Niih joraatn wook nyen Sidiik Israel niih nyolamat,wook odooh totulis;" Siik Sion roo moniik Ponobus,Dop,e roo nyingker sidiik kobieek jaak siik Yakub.27Gook to lah koowakng koo ngan baloe,pabila Koo ngapus dosa dieetn."28Pongodi Injil dieetn nyen sajo seteru ngan Ponompa nih kaatn mo,tetapi ngenae pileh baloe nyen saeek Ponompa nyaak gook neek moyaakng.29Sbab Ponompa kidoh kosal mase,e pomunyook ngan owaakng,e.30Sbab samooh sorupa wook moo saeek seh kae patooh koni Ponompa,tapi ntoh dopat komuraah siik kae kopatooh balo,e.31Wook nyen geh dieetn kae patooh,sopaya niih komurah nyen moo nopat,baloepun dopat komudaah geh.32Sbab Ponompa ngurookng sidik nya nganu kidoh kopatooh nya,sopaya Dop,e dopat nyona komuraah diik siik sidiik balo.33 o,sajo maa gooh pongaya,naimatn ngan limuu Ponompa! Sajo kae tosolidik koputusan-koputusan,e saak roo tosolaapm dop joraatn,e! 34Sbab oseh kah dik ntaook pikeer Ponompa? Atao oseh dik jeh suaah jodi ponasehat,e!35Atao oseh nya dik jeh suaah munyook pomunyook nganu,e,sohinga domp arus roo nyilee Dop,e? 36Niih sidik toruutn moniik siik Dop,e:Nyaak Domp lah pomijiih nya sampae konooh,e!

Chapter 121Nih nyen,balo dorumaak,demi kobaek Ponompa koo nasehat moo,sopaya moo munyook wookng moo nyaak pomunyook diik midop,diik baeek,diik boowakng koni Ponompa:Nyen kotaat mo diik sojati.2Yook sorupa ngan wook dunia too,tapi borubah lah ngan akol budi moo,sohinga moo taook mbeda oneh koowakng Ponompa:oneh dik baeek,dik koowakng koni Ponompa gook dik sompurna.3Bodasar kaseh korunia diik nih munyook koni koo, koo nyona nganu sotiap sidiik nya wah antara mo:Yook lah moo mikeer hal-hal dik lobeh daiik siik pado dik matuut mo pikeer,tapi arus,e mo miker sorupa wook nyen,sohinga mo nguasai bakoo nuruut ukuur iman,diik nih Ponompa munyook koni mo masing-masikng.4Sbab samooh wook bakoo dop kiteek diik obeekng mpoo anggota,tapi kae sidiik anggota nyen odooh tugas,e dik samooh, 5Wook nyen geh dop,walau obeekng,sajo tek bakoo ngan Kristus;tapi masing-masing dop to anggota dik tek konaan gook dik kiitn.6Wook nyen dop odooh korunia dik bobeda-beda monurut kaseh korunia dik nih munyok koni dop:Maak korunia nyen nyak roo bonubuat baek dop ngkodie,e sosuae ngan iman dop.7Maak korunia nyak nglayan,baek dop nglayaan,maak korunia nyak ngajoor,baek dop ngajoor; 8Maak korunia nyak nasehati,baek dop menasehati,Oseeh diik bobagi-bagi toruutn,sajo,e domp ngkodie ngan oti diik tulus;Oseeh dik munyok pimpinan,arus,e domp ngkodie ngan patooh;oseeh dik ngampoor komuraah,arus,e domp ngkodie ngan owakng sinakng.9Arus,e kasih nyen yook pura-pura!Tongkoju dik bieek kadie diik baeek. 10Arus,e moo ngaseh sosamooh posiik mo,arus saling tiaatn munyook hormat.11Yook gooh korajikng mo jodi tonoor,Nadu maeeh minu moo boguraak gook tolayan maeh Ponompa. 12Bosinakng maeh wah ponunguuk,sabaar maeh libo sesak,gook bogiat maeh wah doa! 13Panooh ngan nya wah kokurakng ntoyaatn baeek,gook borusaha maeh mo munyook numpaakng.14Berkati oseeh nya diik njorraa moo,berkati ngan,e yook ntulaah,e! 15Bosinakng ngan nya diik notaao,gook nongiis maeh ngan nya diik nongiis! 16Arus,e mo owakng teek ngan nya tek pomikeer libo midop bosamooh;Yook gooh mo bopiker pongodie-pongodi diik saloo,tapi narah maeh bakoo mo koni pongodi dik sederhana,Yook gooh ngangap moo panaaee.17Yook gooh molas kobiek nya ngan kobieek:Kadi,e maeh dik baeek nyaak sidiik balo.18Sodopat-dopat,e,maak hal nyen bogantokng nganu moo,midop bodamae ngan sidiik nya!19Sidiik dop dik tokaseh,Yook gooh soniriik mo nuntuut pomolaas,tapi tunyook ngan arookng kolasaar jowi Ponompa,Sbab bise totulis;"Pomolaas nyen sajo hak-koo, Koo haeek diik taook nuntuut pomolaas,boba Ponompa,20Tetapi,maak diik ndoruuh mo sobirook,punyook ngan domp duook,maak domp auus,punyook geeh domp nyinoop! Ngan wook nyen moo numpook baroo opi wah tunuuh baak,e.21Yook gooh mo alooh niih kobieek,tapi nalooh ngan kobieek nya ngan kobeek!

Chapter 131Sidiik ntoyaatn tunook koni pomorintah wah somuu,sbab kidoh pomorintah,dik kae moniik siik Ponompa;gok pomorintah-pomorintah dik odooh,jeh nih Ponompa nontu,e. 2Niih nyen oseeh barookng nlawootn pomorintah,domp soniriik nlawootn kototap Ponompa gook oseeh diik ngkodie,roo ngkoniik ukupm nyak domp,3Maak ntoyaatn roo bobuat baeek,domp kae joreeh golaak ngan pomorintah,cuma maak domp roo bobuat bieek,Lookng moo kah midoop kae golaak totadap pomorintah?Pobuat maeeh oneh dik baeek gook mo pun pasti nopat pujian siik nii,e.4Niih pomorintah sajoo hamba Ponompa nyak kobaeek mo.Tetapi mak mo bobuat bieek,golask mo ngkaatn domp,karna kae pocuma pomorintah nyanookng podaakng.Pomorintah nyen hamba Ponompa roo nyak molas pondoruuh Ponompa nya balo diik kobieek.5Niih nyen dop matuut nalook bakoo,kae somuuk nih Ponompa ndoruuh cuma owakng boba oti dop.6Nyen geeh sbab mo mayaar pajak,Niih balo,e diik nguruus hal dik nyen sajo dieetn polayan-polayan Ponompa.7Bayar ngan koni sidiik nya oneh diik arus bayar moo:pajak koni nya dik bohak ngrima pajak,cukae koni nya dik bohak ngrima cukae;owakng golaak koni nya diik ngrima owakng golaak,gook hormat koni nya dik bohak ngrima hormat.8Yook gooh mo borutaakng oneh toruutn koni oseh pun nya,tapi arus,e mo saling ngaseh.Sbab oseh nya dik ngaseh samooh monsia,domp jeh momonuhi ukupm Taurat.9Nih odooh boba;"Yook bozinah,yok ngkomiis,yook nongkuu,yook ngowaakng,gook boba dik kiitn oneh pun nyen,jeh tosimpol sidiik wah boba to,ko nyen;"Tongaseh lah sosamooh mo monsia wook mo soniriik!10Kaseh kae mongki bieek ngan sosamooh monsia,niih kaseh nyen nyak nggonap u,upm Taurat.11Hal to arus mo kadie,nih mo ntaook koadaan sowa ntooh,bahwa nyen onu jeh moniik nyak mo mongkat siik pomiis mo,sbab nih ntooh kosolamatan jeh roo lobeh somaak nyaak doop dari onu libo dop kae pocayook.12Onu jeeh roo ngoriipm,jeh roo nyowaa,e,nih nyen booh doop ngolopoos kobieek-kobieek nyabook samel dop nginyak sonjata dik taook tampoook.13Booh doop midop,diik sopan,wook onu diik jeh tuda nu,e,yook libo bopongaa ngan libo obook,yook libo tungkaah ngompaakng ngan owakng nafsu,yook libo soliseeh gook iri dingkii.14Tetapi tinyaak maeeh Ponompa dop Yesus Kristus diik nyaak jodi tampook gook baai niih nyen yook gooh ngrawat wookng moo somuuk nyaak mpuaas owakng moo.

Chapter 141Tprima maeh nya diik lomaah iman,e kidooh mahaapm samoot booba,e,2Diik kiitn yakiin,bahwa domp taook ngudaap sidiik toruutn nyaak udaap,tetapi nya diik lomah iman,e somuuk duuok balo ampooh baah.3Oseeh nya diik taook duook,yook nghina nya kitaao mahaapm duook,gook oseh pun nya diik kae duook,yook gooh sokali-kali ngabootn nya diik duook,niih Ponompa jeeh ngrima ntoyaatn nyen. 4Oseh pun mo,sohinga mo poncaa ngabootn nya kiitn? Entah domp tokiit,entah domp jotuuk,nyen jeh urusan nya diik mpo,e,.Tetapi domp totap tokiit,,niih oneh Ponompa jeh bokuasa njaggo domp naso tokiit.5Diik teek naan nya ngangap onu nyen lobeh penting daripada onu diik kiitn,,tetapi nya kiitn nginaapm onu samooh sidiik.Maka nyen sotiap nya dik cayook wah saiih owakng,e todop.6Oseh nya diik bopigookng ngan onu diik nih nontu,domp ngkodie nyak Ponompa,sbab domp ngucap syukur solalu nganu Ponompa.Gook oseh nya dik kae duook,domp pun ngkodie nyak Ponompa,samel domp pun ngucap syukur koni Ponompa.7Sbab kidoh oneh pun wah ropoot doop diik midoop nyak domp maeeh,gook nih nyen kidooh ntoyaatn pun diik kobiis nyak domp soniriik.8Sbab maak dop midoop,dop midop nyak Ponompa,maak dop kobiis,dop kobiis nyak Ponompa,Jodi baek midop atao kobiis,dop to milik Ponompa.9Sbab niih nyen Kristus jeh kobeek gook balek midop,sopaya domp jodi Ponompa,baeek nyak nya-nya kobiis,maupun ngan nya-nya midoop.10Tetapi mo,ngoneeh moo roo ngabootn posiik moo?Atau ngoneeh moo nghina posiik moo? Sbab sidiik doop arus ngadop tahkta pongadel Ponompa.11Niih odooh totulis: "Niih Koo midoop,wook nyenlah boba Ponompa,sidiik ntoyaatn diik nungkaakng baak tuuot wah jowi Koo,ngan sidiik nya diik momuliakan Ponompa."12Wook nyen geeh sotiap sidiik nya diik wah ropoot dop pasti munyook potanggung jawaban hal domp todop nyak koni Ponompa.13Niih nyen yook lah dop salikng ngabootn kah tingaah! Tetapi lobeh baek moo nginyaak pandangan to; Yook dop mongki posiik dop jotuuk atau tosongkaak!14Koo taook ngan akeetn waah Ponompa Yesus,bahwa kidoh oneh pun toruutn diik comeek siik domp soniriik,Somuuk nyak nya diik ngangap,bahwa toruutn sajo comeek,nyak nya nyen lah toruutn nyen comeek.15Sbab maak moo mongki konaapm owaakng posiik mo nih toruutn diik nya moo naiik,maka kae midoop monurut tuntutan kasih,Yook gooh moo mbinasa posiik moo ngan ku naiik mo,niih Kristus jeh kobiis nyak doop.16Oneh diik baeek,diik nih moo nginyaak,yook ngaso moo oduk fitnah.17Sbab Korajaan Ponompa kaelah soal nyal udap nyak sinoop,tetapi soal kobonaran,damae sojahtra ngan sukacita gook Minu Ayu.18Niih maak oseeh nglayaan Kristus ngan cara to,domp odoh owaakng ngan Ponompa gook nyak monsia tonggolak.19Niih nyen booh dop ngosiik oneh diik nyak ngkoniik damae sojahtra gook diik boguna nyak salikng mbangun.20Yook gooh mo ngrusaak pongodi Ponompa niih toruutn naiik!sidiik toruutn nyen sajo boriseeh,tetapi colaka lah nya,maak niih ku naiik nya kiitn nyongkaak! 21Baeek lah moo yook ngudap dagikng atau nyinoop anguur,atau toruutn diik nyaak jodi botuuh songkaak nyaak juruu moo.22Bopigookng maeh nganu koyakinan diik nih mo nginyaak nyen,nyak moo soniriik waah jowi Ponompa.Baeek owaakng,dop diik kae ngukuupm domp soniriik ngan oneeh diik niih ngangap baeek nyak domp kadie.23Tetapi maak oseh bimaakng,maak domp duook,domp oduuk ukupm,niih domp kae ngkodie bodasar iman,Gook sidiik toruutn kae bodasar iman,sajoo dosa.

Chapter 151Doop dik kuat wajib nangookng kolomah nya diik kae kuat ngan yook dop mogaao kosinaakng dop soniriik.2Sotiap nya wah ropoot dop arus mogaao kosinakng sosamooh dop demi kobaeek nyaak mbanguun,e.3Nih Kristus soniriik kidooh mogaao kosinakng Domp soniriik,wook odooh totulis;" Boba-boba sineer dieetn,diik nyineer Moo,jeh nginaal Koo," 4Sbab sidiik toruutn dik jeh nih nulis tiaatn,jeh nig nulis nyak polajoor dop,sopaya dop tigiip nganu ponunguuk ngan ketekunan gook pongibuur boba siiik Kitab Suci.5Semoga Ponompa diik sumber sidiik ketekunan ngan pongibuur,munyook korunia korukunan koni moo,sosuae ngan koowakng Kristus Yesus.6Sohinga gook kitek owakng gook tek boba moo muliakan Ponompa gook Abae boraak dop,Yesus Kristus.7Sbab nih nyen torima tek naan nya kiitn,sorupa ngan Kristus diik jeh ngrima dop,nyak komuliaan Ponompa.8Diik nih Koo maksud nyen,bahwa nih nyen kobonar Ponompa Kristus jeh jodi polayan balo ntoyaatn bosunaatn nyak noggap janyi dik jeh nih munyook nganu nek boraak dop.9gook nyak munyook bukti banso-banso,sopaya dieetn muliakan Ponompa niih rosiiki,e,wook odooh totulis;" Sbab nyen koo roo muliakan Moo wah ropoot banso-banso samel nyanyi mazmur nyaak Moo,"10Gook mosiik nyen;"Bosinaakng maeh mo balo banso,diik ngan umat,e," 11Nyen geek:"Topujilah Ponompa,o moo sidiik balo banso,adu maeeh sidiik suku banso momuji Dop,e,"

¹²Gook mosiik nyen sanoo Yesaya:"Tojook siik puutn Isai roo timuu,domp pun mongkat nyak ngrintaah banso-banso,gook koni domp lah banso-banso ngonaak pongaroop,"13Somoga Ponompa sumber pongharapan ngkunuuk moo ngan gook kobaeek damae sojahtra wah iman moo,sopaya nih kokuatan Minu Ayu moo bolimpah ruaah wah pomonae mo.14Balo dorumaak posiik Koo, ko soniriik sajo yakiitn hal moo,bahwa nih moo geeh jeh odooh kolobeeh ngan gook sidiik pongotahuan gook sangiip nyaak salikng nasehati.15Namun,niih kasih korunia diik jeh nih Ponompa munyook koni Koo,koo koto koiih,niih kooboteek jeeh nuliis koni mo nyaak ngingaatn moo.16Kuu nyen nih koo taook jodi polayaan Kristus Yesus nyak balo banso-banso diik kae Yahuditaook ngrima Ponompa nyak pomunyook dop diik ngowaakng nganu,e,diik jeh niih ngriseeh ngan Minu Ayu.17Jodi waah Kristus Koo taook bopagooh pongodie polayanan koo nyak Ponompa. 18Sbab niih Koo kae borani ngomokng boba hal toruutn diik kiitn,kocuali hal oneh diik jeh kadie Kristus nganu koo,nyen nyak mimpin banso-banso somopaa nganu kopatooh,ngan buah boba gook porangooh.19Niih kuasa ngan tanoo-tano gook mujizat-mujizat gok kuasa Minu.Wook nyen lah wah ponyalootn kolilikng siik Yerusalem sampae nganu Ilirikum Koo jeeh nyona agooh soponuh Injil Kristus.20Wah saiih ponyona agooh injil nyen,koo nyona ngangap nyak kohormatan koo,niih koo kidooh ngkodie wah arookmg-arookng,wa keh odaatn Kristus jeh konal nya,Sopaya koo kae asol mbangun wah somu dasar,dik jeh nih nya kiitn ngonaa.21Sosuae wook jeh odoh totulis;"Dieetn diik gootn suaah nopat agooh ponyona hal Dop,e,pasti leek Domp,gook nya diik ngopiikng Dop,e, pasti ngritii,e.22Nyen lah sbab koo saloo tooarraal nyak njongook mo.23Tetapi ntooh,niih koo kidooh geek korija koo wah arookng to gook koo pun jeh banso kudu sowa nyaam kotaae owakng roo njongook moo.24Koo haraap libo ponyalootn koo koni Spanyol koo taook singaah nganu arookng mo,sohinga moo dopat ngontiik koo nganu koiih,libo nyen koo,taook ngajooh nocaap roo bodopat ngan mo.25Tetapi ntooh koo borongkat nganu Yerusalem ngontiik ponulookng nyak balo nya diik baeek.26Niih Makedonia ngan Akhaya jeh miaah koputusan nyak nyumbakng toruutn nganu balo nya miskeetn diik wah ropooot ntoyaatn diik baeek wah Yerusalem.27Koputusan nyen jeh nih balo,e miaah,tetapi nyen sajo kowajiban dieetn,sbab,maak banso-banso kiitn dopata bagian ngan riitaa rohani nya Yahudi,mska wajib geeh balo,e banso kiitn nglayan nya Yahudi nginyak rittaa duniawi dieetn.28Maak koo jeh ngkodie korija koo nyen gook jeh munyook asel usaha banso-banso kiitn nyen koni balo,e, koo pasti borongkat koni Spanyol lalu siik kota moo.29Niih koo taook,maak koo moniik ngjongook mo,koo pasti ngkodie sajo ngan borikat Kristus.³⁰Tetapi demi Kristus,Tuhan dop,gook demi Minu kaseh,koo nasehatkan mo,balo posiik moo,nyak borompuuk bosamooh-samooh ngan koo waah doa koni Ponompa nyak koo. ³¹koo toppliara siik gook balo ntoyaatn diik kae patooh wah Yudea,sopaya polayanan koo nyak Yerusalem niih nyamuut ngan baeek niih balo nya diik baeek wah nyuuh. ³²koo diik moniik baeek nganu moo niih koowaakng Ponompa,nopat buaak colap nyak bosamooh ngan moo.³³Ponompa sajo damae sojahtra, boroota sidiik moo! Amin.

Chapter 161Koo minta poratii mo toradap Febe,posiik dop dik molayani jemaat wah Kengkrea.2Sopaya moo nyamuut domp wah odaatn Ponompa,sobagaemana soharus,e nyak gook balo nya diik baeek gook tunyook geeh koni,e bantuan maak domp moroluu,Sbab domp sonoriik jeh obeekng munyook bantuan koni nya,ngan koni koo.3Sanoo salam koo koni Priskilia ngan Akwila,balo dingaan koo diik teek korija wah Kristus Yesus.4Balo,e jeh botarooh pongasookng nyak midop koo,Nganu balo,e kae cuma koo maeeh diik botorima kasih,gook sidiik nya diik kae jemaat Yahudi.Salam geeh nganu jemaat diik wah romiikng balo,e.Salam nyak Epenetus posiik koo diik maa baeek,diik sajo buah pontojiih siik daerah nya Asia nyak Kristus.6Salam nganu Maria,dik korija koras nyaak moo.7Salam koni Andronikus ngan Junias,posiik koo kah koompiik,diik jeh suah oduuk ponjara borota ngan koo,nya diik topandang wah antara balo nya rasul diik jeh jodi Kristen liboo gootn koo.8Salam koni Ampliatus,diik koo kaseh waah Kristus.9Salam koni Urbanus,dingaan tek korija ngan koo wah Kristus,Salam nganu Stakhis diik ko kaseh.10Salam nganu Apeles,diik jeh tahan uji wah Kristus,Salam nganu balo,e,gook diik tomasook wah romiikng Aristobulus.11Salam koni Herodion,dingan koo kah ko banso.Salam koni balo,e dik tomasok wah saih romiikng Narkisus,diik odoh wah Ponompa.12Salam koni Trifena ngan Trifosa,dik korija banting turaakng wah polayanan Ponompa,Salam koni Persis,diik koo kaseh,dik korija banting tulang wah polayanan Ponompa.13Salam koni Rufus,nya pilihan Ponompa,gook Salam nganu nook,e,diik bagikoo sajoo nook koo geeh.14Salam koni Asinkritus,Flegon,Hermes,Patrobas,Hermas,ngan balo posiik juruu diik samooh gook balo,e.15Salam koni Philogus,ngan Yulia,Nereus ngan posiik ndayookng,e,ngan Olimpas,gook nganu sidiik nya diik baeek diik borota samooh ngan dieetn.16Bosalam-salamlah mo ngan todook baeek,Salam koni moo siik sidiik jemaat Kristus.17Tetapi ntooh koo nasehat moo,balo dorumaak,sopaya mo waspada toradap balo,e,diik betentangan ngan pongajoor diik niih moo ngrima,mongki pocah bolah gook goda,Niih nyen tongkojaau ngan balo,e! 18Sbab nya-nya diik wook nyen kae nglayan Kristus,Ponompa dop,tetapi mikerr toniik domp maeh,Gook ngan jantoh boba dieetn diik maa baeek gook bahasa diik ngripuu balo,e roo nipu balo ntoyaatn diik owakng tulus.19Agooh hal kopatooh mo jeh oduuk kapiikng sidiik nya.Nih nyen koo sinakng ngan moo.Tetapi koo ingin sopaya mo bijaksana toradap oneh diik baeek,gook boriseeh toradap oneh diik kobieek. 20Niih Ponompa,puutn damae sojahtra,sogira ngkomiis Iblis,wah sigaatn kojamoo.Kasih korunia Yesus,Ponompa dop,sorota mo!21Salam nganu moo siik Timotius,dingankoo tek korija,gook siik Lukius,Yason, ngan Sosipater dingaan tek bansokoo. 22Salam siik Ponompa nganu moo siik Tertius,nyen koo,diik nulis surat to.23Salam nganu moo siik Gayus,dik munyook arookng koni koo,gook nyak sokayuuk jemaat.Salam koni moo siik Erastus,bendahara negri,ngan siik Keartus,juruu dop.24Kasih korunia Yesus Kristus,Tuhan dop,sorota sidiik moo,Amin!25Nyaak Domp,diik bokuasa nguatkan mo,monurut Injil diik koomongki gook ponyona agooh hal Yesus Kristus,sosuae ngan ponyataan rossia,diik ngaso motiikng boabad-abad kotaae,e.26tetapi jeh ntooh jeh nih nyatakan nyaak monuruut porintah Ponompa diik abadi,jeh niih nyona siik Kitab-kitab balo nabi koni sidiik banso nyak mbimbing balo,e nganu kotaat iman,e.27Nyaak Domp,teek nyen Ponompa diik sajo khikmat borisiik,ngan Yesus Kristus,sogala komuliaan sampae paji konooh,e !Amin.

1 Corinthians

Chapter 1

¹.Siik Paulus,diik nih kohendak Ponompa totosuu jodi rasul Kristus Yesus,gok siik Sostenes posiik dop.²Koni jemaat Ponompa wah Korintus,ballo nyent diik niih ngudus wah Kristus Yesus gok oduk tasuu njodii nya diik ntoyaant tucii,ngant sidik nyaa waah sidiik aroonngk,diik mangkoos koni odannt Ponompa dop Yesus Kristus,yaitu ponompa dieennt,e gok Ponompa dop.³Korunia kaseeh gok damae sojahtra siik Abae Ponompa dop,gok siik Ponompa Yesus Kristus dop.⁴Ko sonantiasa ngucap syukur koni Ponompako,niih mo atas kaseh karunia Ponompa diik jeh niih anugrahkan dommp,e koni mo waah saiih Kristus Yesus.⁵sbab waah saiih Dommp,e mo jeeh jodi kaya wah sidik torunnt hal:waah sogala macamp pengetahuan.⁶sosuae ngant ponyona nyobuut pongodi Kristus,diik jeh niih neguuh waah ropoot mo.⁷.Wook nyent geeh mo pun siik kaee kurangg wah sidik karunia gok sementaraa mo botunguuk ponyataaan Ponompa dop Kristus yesus.⁸Dommp akan munyook keteguhan owangk mo sampae koni kosudaah,e,sohinga mo kae bocacaat libo onu Ponompa dop Kristus Yesus.⁹Ponompa diik noosuu mo koni persekutuaan ngannt gook Onaak,e Yesus Kristus,Ponompa dop sajoo setia.¹⁰.Niih ko nasehaat mo,ballo dorumaak,demi Ponompa dop Yesus Kristus, supaya mo seia sokata,gook kae odooh podoruuuh wah antara mo,tetapi sobaalek,e supaya mo likaat bosatu ngant teek pomikeerr.¹¹Sbab nyent possiik , ko jeh oduuk sanoo niih nyaa ntoyaant siik lawoongk Kloe pongodi mo,bahwa odooh posoliseeh waah antara mo.¹².Nyaak ko maksud to ialah,bahwa mo masingk- masingk bobobaa,Ko siik golongan Paulus,Atau Ko siik golongan Apolos, Atau ko siik golongan Kefas,Atau ko siik golongan Kristus.¹³Odoohkah Kristus nyaak tomagii- magii? Odoohkah Paulus tosaleeb niih pongodi mo? Atau odoohkah mo tombabtis waah odaant Paulus?¹⁴.Ko ngucaap syukurr bahwa kidooh nyaa teek konaan pun waah antaraa mo diik ko baptis solaingk Krispus gook Gayus.¹⁵Sohinga kidooh ntoyaant diik dopat nyonaa,e bahwa moo niih baptis waah odannt Ko.¹⁶Wook nyent lawoonggk Stefanus ko diik nbaptis,e.Kocuali dieent,e ko kae taook,entaah gek odooh kah nyaa diik ko nbaptis,e.¹⁷.Niih Kristus nguruus ko kaee nyaak nbaptis, tapi gunaa nyobaar nyiaar injil; gok nyent pun kae ngant bonaar ponyonaa,e.sopayo saleeb Kristus yook jodi sia- sia.¹⁸Sbab ponyona agooh saleeb memang sajoo komalanggk bagi nyaa diik roo bonasa, tetapi bagi dop diik tosolamannt ponyonaa,e nyeent toruunt kokuaat Ponompa.¹⁹Niih odooh totulis: " Ko akan nkomiis konaimannt nyaa diik bonaimannt gook koarifan nyaa diik bijaak akan kolenyap."²⁰.Waa keeh bah ntoyant- ntoyant diik bonaimant? Waa keeh baah ahli Taurat? Waa keeh bah ballo polaliis wah dunia too? Kaee kah Ponompa jeh mongkii naimant dunia too jodi komalanggk?²¹Sajoo niih dunia,waah na,imannt Ponompa, kaee kinall Ponompa niih na,imannt,e maka ponompa longgk nyolamannt ballo,e diik pocayook niih komalanggk ponyonaa Injil.²².Ntoyant nyaa Yahudi roo nginyaak tanoo, gook nyaa ntoyant Yunani mogaoo na,imannt.²³tetapi me munyook kabaar Kristus diik niih nyaleeb nyaak nyaa ntoyant Yahudi waah toruunt botuuh ponyongkaakk, gook nyaak nyaa ntoyant kaee Yahudi toruunt komalanggk.²⁴tetapi nyaak ballo,e diik topangeell,baeek nyaa Yahudi,maupun nyaa diik kaee Yahudi, Kristus sajoo kokuatan Ponompa gok na,imant Ponompa.²⁵Sajoo diik malanggk siik Ponompa lobeeh daiik na,imant,e dari pado monsia gook diik lomaah siik Ponompa lobeeh kuaat siik monsia²⁶.Tingaant maeeh,ballo dorumaak,kameeh koadaan mo,liboo mo totosuu: monuruut ukurr monsiaa kaee obeenggk nyaa diik bijak, kidooh kobeengk nya diik bopongarooh,kaee obengk nyaa diik topananggk.²⁷Tetapi oneeh diik malanggk bagi dunia,topileeh Ponompa nyaak ngkongiint nyaa ntoyant diik bona,imant,gook oneh diik lomah bagi dunia,,topileeh Ponompa nyaak ngkonginnt nyaa diik kuaat.²⁸.Gook oneeh diik kae topanangk gok diik hina bagi dunia,topileeh Ponompa,bahkan oneh diik kae boritii,topileeh Ponompa nyaak ngkoyaap oneh diik boritii.²⁹supaya yook odooh ntoyannt monsia pun diik bopagooh todoop waah jowii Ponompa.³⁰.Sajoo niih Domp,e, mo boraada waah Kristus Yesus,diik niih Ponompa jeh jodi na,imant bagi dop.domp mbonaarr ngant ngudus gok nobuus doop.³¹Niih nyent odooh totulis: " Barongk oseeh diik bopagooh, hendaklah domp,e bopagooh waah saiih Ponompa.

Chapter 2

¹.DEMIKIAN GEEH,liboo ko moniik koni mo,ballo dorumaak,ko kae moniik,ngant boba jantooh diik ripuu,atao ngant na,imannt nyaak nyonaa pongodii Ponompa koni mo.²Niih ko jeeh memutuskan kae nyaak ntaook oneh- oneeh wah antara mo solaingk Yesus Kristus, yaitu Doomp diik tosaleeb.³Ko jeh moniik geeh koni mo dalomp kolomahan gok sajoo ngant kogolaak gok nggigiit.⁴Baek pojantooh ko maupun ponyonaa ko kaee kosanoo ngant boba jantooh na,imant diik moyakenntkan,tapi dengan koyakinan akan kokuatan Minuu.⁵Supaya Iman mo yook bogantongk koni na,imant monsia,totapi waah kokuatan Ponompa.⁶Sunguhpun wook nyent me nyobaar nyiarr na,imant wah rompongk dieent diik jeh matang,yaitu na,imant diik kae siik dunia too,ngant diik kae siik ponguasa,-ponguasa dunia too.yaituponguasa-ponguasa diik roo nyaak kayoop.⁷totapi diik niih me nyonaa sajoo na,imant Ponompa diik bosukaant ngant rossiia,liboo dunia goont niih mongkii,jeeh nih nyodia bagi komuliaan doop.⁸.Kaee odooh siik ponguasa dunia too diik ngonal,e,sbab maak sokiraa,e ngonal,e, ballo,e bah kae nyaleb Ponompa diik moliaa.⁹Niih odoh totulis," Oneeh dik kae suaah tileek motiih,gok kae suaah kapingk nih kopinggk,gok dik kae suah timool wah saiih otii monsia :sidiik jeh tosodia niih Ponompa nyaak dop ballo dik ngaseeh Domp,e."¹⁰.Niih koni dop Ponompa jeh bosoonaa odooh Minu, sebab Minu nyolidiik sidiik toruunt,bahkan hal- hal dik bosuukannt wah saiih bakoo Ponompa.¹¹Oseeh kiraae wah antara dop monsia dik taook,oneh dik todopat wah saiih otii monsia solaing Minu monsia soniriik dik odooh wah saiih domp,e?wook nyent geeh kidoh diodooh ntaook,oneh dik todopat wah owanggk Ponompa solainggk Minu Ponompa.¹².Doop kae norima minu dunia,totapi minu dik borasool sik Ponompa,supayo dop taook, oneeh diik jeh dikaruniakan Ponompa koni dop.¹³Ngaant niih me nafseer hal- hal rohani koni dieent dik odooh Minu,me bojantooh oneh pongodii karunia Ponompa ngant gok bobaa dik kae nih ngajoorr koni me nih na,imant monsiaa,totapi nih Minu.¹⁴.Sajoo monsia duniawi maeh kae ngrima oneh dik borasool sik Minu Ponompa,nih hal nyent bagi dieent,e singkak laak komalanggk: ngant domp,e kae pahamp,e,sebab hal nyent hanya dapat tonilae duniawi maeeh.¹⁵Sajoo monsia rohani taook nilae sidiik torunnt,tapi domp,e soniriik kataook tonilae nih nyaa laingk.¹⁶Sebab," Osehkaah dik ntaook pikeer Ponompa,sohinga domp taook munyook nasehat domp,e ?" tapi me odooh pomikeer Kristus.

Chapter 3

¹Gok ko,dorumak boposiik,libo onu nyent kae dopat ngomong ngant mo wok gok monsia rohani,tetapi cuma ngant monsia duniawi,dik gont dowasa wah Kristus.²Sisilah dik punyokk ko koni mo,,kaelah pomakon ngriyangk,nih mo gon dopat norima,e.Ngant ntooh pun mo gont dopat norima,e.³Nih mo gek maseh monsia duniawi,sebab,mak wah antara mo odooh iri otii ngan posoliseh kaelah hal nyent todopat,bahwa mo monsia duniawi gok bahwa mo midoop socara manusiawi? ⁴mak jika ntoyant boboba:" Ko nya sik golongan Paulus," dik laing bokata geh:" Ko nya sik golongan Apolos," kaekah hal nyenmongki tanoo,bahwa mo monsia duniawi dik kae borohani?⁵ Jodi,apakah Apolos?Apakah Paulus?Polayan- polayan Ponompa dik niih,e mo jodi pocayook,masing- masingk monurut joraant di Ponompa punyook nganu,e.⁶Ko bopuruuh, Apolos nopuus,tetapi Ponompa dik munyok pongkidoop.⁷Niih nyent dik pontengk kaelah dik bopuruuh atao botopuus,molaingk Ponompa dik munyook pongkidoop.⁸Baek dik bopuruuh maupun dik botopuus torunt haeek samoh:ngant masing- masingk ngrima upah domp sosuae ngant pongodi korijaa soniriik.⁹Nih me sajoo bokawant tek korija Ponompa: mo adalah miih Ponompa,bangunan Ponompa.¹⁰Sosuae gok korunia kaseh Ponompa,dik nih ngongkaah koni ko,Ko sobagae nya dik ahli bangunan dik baeek jeh ngonaa dasarr,gok nya laingk bopongki troos wah somuu,e,Tetapi tiap- tiap nya aruus ngronongk,e kameh domp,e mbangun wah somuu,e.¹¹Niih kidooh dik odooh ntoyant pun dik dopat nglotak dasarr laingk sik pada dasarr dik jeh nih lotaak,yaitu Yesus Kristus.¹²Entahkah nya bopongki wah somu dasarr to nginyaak omas,perak,botuuh pomata,koyuuh,iduuh koringgk atau rigu podi.¹³Sokali paji korijaa masingk- masingk nya ntoyant tileek.Nih onu Ponompa dik nyona,e.sebab domp akan tileek nginyaak opii ngant kameeeh korija masingk- masingk ntoyant tongujii nginyaak opii nyent.¹⁴Soandae korijaa dik nih ntoyaant monggkii tahan uji,domp akan dopat upah¹⁵Maak korija domp,e punggkaak, domp akan jorraa rugii,totapi domp soniriik akan tonyolamannt,tapi wook siik saiih opii.¹⁶Kaee taook kah mo,torunt too mo sajoo romingk Ponompa gok bahwa Minu Ponompa monaee wah saiih mo?¹⁷Maak odoh nya roo mbinasa romingk Ponompaa,maka Ponompa akan mbinasa domp,e.sebab romingk Ponompa torunt nyent hal kudus gok romingk Ponompa nyent moo.¹⁸Yooklah odooh nya dik roo nipuu domp soniriik.jika odoh wah antara mo dik nyangka todommp bona,imant monurut dunia too,aduu maeeh domp jodi malanggk supaya domp bona,imant.¹⁹Nih na,imant dunia too sajoo komalangk bagi Ponompaa. sebab odoh totulis: "Domp dik nokoop nya bona,imant wah kopanaee,e."²⁰Gok wah arongk laingk:" Ponompaa bah ntaook roncana- roncana nya bona,imant;sobonaarr,e sidiik nyent sia- sia maeeh."²¹Niih nyent yooklah odooh nya dik bopagooh domp,e koni monsiaa,sebab sidik toruuntn sajoo mo mpoo,e.²²baek Paulus,Apolos,maupun Kefas,baek dunia midoop ngant kobeek,baek libo ntooh,e maupun sowaa jowii moniik,sidiik mo mpoo,e.²³Sajoo mo Kristus mpoo,e gok Kristus nyent Ponompa mpoo,e.

Chapter 4

¹Mosiik nyennt, hendaklah nya ngronongg me: sobagae onak buah Kristus,konii,e nih munyook pocayook rosiia Ponompa.²Dik aherr nih nuntuut polayan- polayan dik wok nyent,bahwa diennt dopat toncayook.³Bagi koo ciik seek ritii,e,ntaah ko tongadell nih mo atau nih toeunnt pongadel monsiaa,padahal ko soniriik kae kongadeell,e.⁴Sebab ko kae sadarr oneh toruunt,tetapi kae nih nyent lah ko tombonarrnya,Domp,e dik ngadell ko,ialah Tuhannt.⁵Karena too,yooklah ngadell liboo gont onu,e,yaitu libo gonnt Tuhannt moniik,Domp akan nampook,oneh torunt dik tosukaannt wah poyaa pitii,domp akan munyook nyonaa oneh torunt dik toroncanaa wah saiih otii,maka tiap- tiap nya akan norima pujian sik Ponompaa.⁶Ballo dorumaak,bobaa to ko kaduuk konii ko soniriik gok koni Apolos,nih mo,supaya sik teladan me mo bolajorr oneh ritii ungkapan: " Yook nlampao dik odooh totuliis", supya yook odoh siik antaraa mo di ngrongkaoo domp,e ngant joraant ngutama dik teek sik pado dik laingk.⁷Sebab osehkah dik nganggap mo bogituu pontengk.?Gok onehlah torunt mo dik odooh,dik kae mo torima? gok jika mo maak norimaa,e,ngoneeh mo bopagooh todoop,seolah- olah mo kae norima,e?⁸Moo jeh busooh,mo jeh kayaa,tanpa mee,mo jeh jodi rajoo,Sajoo,alangkah baek nyamp maak bonarr wok nyent,bahwa mo jeh jodi rajoo,sohinga mee pun ngajeeh jodi rajoo ngant moo.⁹Sebab, monurut ponapat ko,Ponompa munyook koni mee,para rasuul,arongk dik paling ronaah,samoh wok nya dik jeh oduk ukummp kobeek,sebab me jeh jodi ponontoont nyaak dunia,bagi malekat- malekat gok bagi monsia.¹⁰Me malanggk nih pongodi Kristus,tapi mo baeek waah Kristus,Me lomah,tapi mo kuat.Mo mulia,tetapi me jorraa.¹¹Sampae me liboo tungkah sobirook,auus,kolanyaoo,nih mongkong gok midop mpapuu.¹²Me ngkodii korija tongan boraat,Mak me nih nya ngaboont,me kae ndoruuh,maak me tonjoraa me totap sabarr.¹³mak me tofitnah,me totap nyamoot ngant baeek; me jeh njodi samooh gok wok ampooh dunia,samoh wook tikeek sik sidik toruunt,sampae pado onu ntoo.¹⁴Hal to kotulis kae nyaak ngkongiint mo,tapi nyak nyonaa mo oneh ubah onak- cadeko dik komasee.¹⁵Niih sokalipun mo odoh boribu- ribu pongajoor wah Kristus,mo kae obenggk mang,nih ko lah dik wah Kristus Yesus jeh monjadi mang mo nih Injil dik nih konyonaa koni moo.¹⁶Sbab nyent ko nasehat mo; sunootlah toladan ko!¹⁷Justru nih nyent ko ngciriim Timotius koni mo,domp nyent onak ko dik tokaseh gok ngant sotia wah ajorr Ponompa.domp akan ngingant mo akan pomidop dik kosunoot wah Kristus Yesus,wok dik nih ngajoor wah sidik jemaat wakeh- wakeh.¹⁸Tapi odoh kudu konaan ntoyant jodi rongkao,nih dieent, nyangka,bahwa ko kae akan moniik koni moo.¹⁹Ko akan sogiraa moniik koni mo,maak Ponompa kae ndoruuh,maka ko akan taook,kae nih ponyona- ponyonaa nyaa dik rongkaoo nyent,tapi nih kokuatan ballo,e.²⁰Sebab ompiik Ponompa kae todirii siik tukook bobaa,tapi siik kuasa.²¹Onehlah nyak mo koowangg,? haruskah ko monik koni moo met ongkaah atao gok pongaseeh gok ngan otii dik lomah lomuut.

Chapter 5

¹MEMANG nyaa ngopinggk,bahwa odoh pocabuul wah antara mo,gok pocabuul dik bogitu rupa,wook dik kae todopat ciik pun wah antara banso- bansoo dik ngonall Ponompa,yakni bahwa odooh nya midoop gok osaoo mangg,e.²Sokalipun wok nyen mo rongkaoo,kaekah lobeh patut mo bodukaacita ngant ngkojauu nyaa dik ngkodii hal nyent wah ropoot mo.³Niih ko,sokalipun socara woongko kae moniik, tetapi socara borupa minuu ko moniik,Ko- samoh wok ko odooh - dik nyotuuk ukuump nyaak domp,e, dik jeh ngkodiie hal somacam nyuuh,⁴Bilama dop bokumpul borupa minu ayu,mo bosamoh gok ko,ngan kuasa Yesus,Ponompa dop,⁵Ntoyant to arus kosiraah koni odaant Ponompa Yesus koni sitaan,sohinga wongk bonasa,supaya Minu,e tosolamant libo onu Ponompa.⁶Pongayaamoo kae baeek,kae taook kah mo,bahwa ciik maeh ragii ngkosiim sidik rompangk.⁷Batoont maeh ragi dik tiaant nyen,supaya mo jodi pongkii bauuh,sbab moo memang kae boragii,nih onak domba Paskah dop jeh nih nya moleeh,yaitu Kristus.⁸Nih nyent booh dop bogawae,kae ngant ragi tiaant,kaepula ngant ragii koburook gok kojahaat nya,tetapi ngant kuee dik kae boragii,yaitu komurniaan ngant gok kobonaarr.⁹Wah surat ko jeh nih konulis koni moo,supaya mo yook bogauul gok nyaa dik cabuul,¹⁰Dik nih ko maksud kaelah gok sidiik nya dik cabuul pada umum,e siik dunia too atau ngant sidiik nya dik ruceet gok ponipuu atao ngant sidiik ponyomah rancook, maak wok nyent mo aruus ntiggal dunia too.¹¹Tetapi dik nih konulis koni ialah,supaya mo yok bogauul ngant nyaa,biarr sokalipun domp nyobut domp,e posiik mo,nya haeek cabuul,ruceet,ponyomaah bohala,pofitnah,tukang obook ngant ponipu;ngant nya dik wok nyent yoklah mo sokali- kali duook ngrotaaee,¹²Nginyaak wewenang dik kameh ko ngakim,ballo,dik borada sik luarr jemaat? Kaekah mo somuuk ngakiimp ballo,e dik odooh wah jemaat? ¹³Ballo dik borada luar sik jemaat tongadeel Ponompa,Kabuulah nya dik ngkodie kobieek siik antara mo.

Chapter 6

¹OnehOdohkah nya ntoyant sik antara mo,maak libo mo bosoliseh gok nya kiint,boranii mogaoo koadilan nyak nya dik kae bonarr,ngant kae koni nya dik kudus,?²Atau mo kae taook, bahwa nya ntoyant dik kudus roo ngakimm dunia? maak soandae pongkimm dunia monaee wah tongan mo,kaekah mo sangiip nyak nguruus pokara pokara dik kae boriitii? ³Kae taook kah mo,dop akan roo ngakiimp mallaekat- malaekat? jodi oneh geek pokara- pokara biasa wah pomidop dop soari- arii.⁴Biarrpun wok nyeent,jika mo nguruus pokara- pokara biasa,mo munyook nyirahh urusan nyent koni dieent dik kae borati wah jemaat? ⁵Hal to kosanoo nyaak ngkongint mo.kae odooh kah nya sik antara mo dik bonai,mant,dik dopat ngurus pokara- pokara sik ballo dorumaak? ⁶Odoohkah dieent dik teek ngogaoo koadilan tohadap posiik dik kiiint,gok justruu koni nya ntoyant dik kae pocayook?⁷Andaekan maeeh pokara nyent wah antara moo,dik laing tohadap dik kiint jeh borupa kokalahan nyak mo.Ngoneeh mo lobeh konaak mo nijingg toruunt kae adeel? Ngoneh mo kae lobeeh konaak tongrugii?⁸Tetapi mo soniriik ngkodie torunt kae adeel gok moo soniriik ngkoniik korugii,gok hal nyent mo kadie mo koni ballo posiik mo.⁹Kaee taook kah mo,bahwa nyaa ntoyant dik kae adeel gok diik kae akan nopat bagian waah romiingk Ponompa?Yooklah sosaat ! Nya cabuul,Ponyomaah bohalaa,,Nyaa bozinah,bancii,nyaa ngompangk,¹⁰Ponongkuu nya ruceet,tukang obook,tukangk nfitnah,ngant ponipu kae akan nopat bagian ompiik Ponompa.¹¹Gok bansoo kuduu konaant nya sik antara mo wook nyent saeek.Tapi mo jeeh munyook mo nyak tongumeek,mo jeh tongudus, mo jeh nombonaar wah odaant Yesus Kristus gok ngant wah Minu Ponompa Dop.¹²Sidik toruunt halal bagiko,tapi sidiik kae boguna.Sidiik toruunt halal bagiko,niih ko kae biarr ko todoop oduuk pohamba nih oneeh pun toruunt.¹³Pomakoont dop nyak toniik,gok toniik nyak pomakoont: tapi kodukah- dukah tombinasa Ponompa,Niih woongk kae tak ajool,molaingk nyak Ponompa,gok Ponompa nyaak woongk.¹⁴Ponompa,dik mbangkiit Tihaant,gok mbangkit dop gok niih kuasa,e.¹⁵Kae taook kah mo,bahwa woongk mo nyent anggota Kristus? nyaak nyiraah koni poncabulan?sokali-kali kaee!¹⁶Atau kae taook kah mo,barong oseeh dik botiangk domp,e koni ndayoong cabul,jodi teek badoont gok domp,e? niih wook nyent boba nas:" Kodukaah,e akan jodi teek dagingk." ¹⁷Tetapi oseeh nyaa diborikat koni Ponompa,jodi minu borompuuk teek.¹⁸Tongkojuulah mo sik bobuat cabul,! sotiap dosa laingk dik nih monsia ngkodie tojadi sik luar domp,e.Tetapi nyaa dik ngkodie cabul bodosa tohadap domp,e soniriik.¹⁹Atau kae taook kah mo,bahwa woongk mo nyent romiingk minu dik suci dik monaee wah woongk mo.Minu suci dik nih mo nopat sik Ponompa,- nih bahwa moo kae milik moo soniriik? ²⁰Niih mo jeeh nih miriih gok rogaa,e jeh lunas nih mayarr: Niih nyent tomulialah Ponompa nginyaak woongk moo.

Chapter 71GOOK ntooh ngitongk pongodi hal- hal dik niih moo nulis koni ko,Odooh baeek nyaa ndarrii mak domp kae borosao,2tetapi nih tingannt bahaya ngompangk,odooh baek sotiap nya ndarii odoh osaoo,e soniriik,gok sotiap ndayoongk odoh boniih,e todoop.3Hendaklah boniih mbunuuk kowajiban domp,e tohadap osaoo,e, wook nyent geh osaoo tohadap boniih domp,e. 4Osaoo kae bokuasa wah wongk dop todomp,tapi boniih,e,domikian geh ndarii kae bokuasa wah wongk dop todop,totapi osaoo,e.5Yooklah mo salingk ojauu,kecuali ngant pokat bosamooh nyaak somontara waktu,supaya mo odoh kesempatan nyak bodoa,mosiik nyent baruu mo morii midoop bosamoh- samooh,supaya sitannt muunt kae ngaruu mo,nih mo kae tahan botileek.6Hal too kosona koni moo sobagae komudahan,kae sobagae porintah.7 Namun wook nyent alangkah baeek,e.mak nya sook koo;niih sidik nya nrima siik Ponompa karunia,e diik khas,dik teek karunia nyent,dik kiint karunia to.8Tetapi koni nya ntoyant dik kae borosao gok koni janda- janda ko anjurkan,baeklah domp montook wook koadaan koo.9Tetapi maak diennt dopat nguasai dirii,baeeklah dieent borromingk,Sebab lobeh baek borosaoo daripada langkuus nih owangk nafsu.10Koni nyaa ntoyant dik jeh borosao ko - kae, kaee ko, tetapi Ponompa - ngrintaah, supaya teek konaant osaoo kaee buleeh nyarook boniih,e." 11Gook maak domp bosarook,domp totap midop tanpa boniih,e, atau bodamae ngant boniih,e.Gok ballo nyaa ndarri kae buleh nyarook osaoo,e.12Koni nyaa ntoyant laingk ko, kae Ponompa, Nyonaa: maak odoh tek konaant balo dorumak boroming ngosaoo nya dik kae boiman gok nya ndayoong nyent loongk midop bosamoh- samooh ngant domp,e, yooklah dorumaak nyent nyarook domp,e.13Mak kalao odooh nya ndayoong boboniih nyaa dik kae boiman ngant ndarrii nyent longk midoop bosamoh- samooh gok domp,e, yooklah domp nyarook nyaa ndarrii nyent.14Karena ndarii dik kae boiman nyent tongudus nih osaoo,e gok osao dik kae boiman tongudus niih boniih,e, Andaekata kae wok nyent,niscaya onak cademo nihh onak cade ompangk,tetapi ntooh ballo onak cadee dik kudus.15Tetapi mak nyaa dik kae boiman nyent roo bosarook,aduu maeh domp bosarook,wah hal dik wook nyen dient gok dient kae torikat. Tetapi Ponompa nosuu dient nyak midoop waah damae sojahtra.16Sbab kameehkah mo ntaook,oee osaoo,apakah moo kae nyolamant boniih moo? atau kamehkah mo ntaook, oee boniih,apakah mo kae nyolamant osaoo moo.17Mosiik nyent,hendaklah tiap- tiap nyaa totap midoop wok dik jeh nih tonontu Ponompa nyak domp,e ngant wah koadaan wok liboo domp oduuk tasuu Ponompa.to lah kototapan dik punyook koo koni sidiik jemaat.18Mak nyaa oduk tasuu liboo koadaan bosunant,yoklah domp ngidooh tanoo- tanoo sunant nyent. gok mak nyaa oduk tasu wah koadaan kae bosunant,yooklah domp loongk bosunant.19Sbab bosunant ngant kae bosunant kae penting.dik pontengk sajoo ntaat ukump- ukump Ponompa.20Sajoo baeek tiap- tiap nyaa montook wah koadaan,wook liboo domp oduk tasuu Ponompa.21Odoohkah moo hamba liboo moo oduk tasuu? nyent kae ngoneeh,Tetapi mak moo nopat kesempatan nyak tombebas,tonggunalah kesempatan nyent.22Sbab ntoyan hamba liboo oduk tasuu niih Ponompa liboo pelayanan domp,e.nyaa haeek nya bebas mpoo Ponompa.demikian geeh nya bebas dik tomangel Kristus nya heek hamba,e.23Mo jeh nih miriih gok rogaa,e jeh lunas nih mayarr,Karena nyent yoklah mo jodi kulii monsia.24Ballo dorumaak,hendaklah tiap-tiap nya ,ontook wah jowii Ponompa wah koadaaan wok domp liboo oduuk tasuu.25Ntooh pongodii ballo ndayoong bujangk,nyak diemt ko nopat porintah siik Ponompa,tetapi ko munyook ponapat koo sobagae nyaa dik dopat toncayook nih borikaat dik nih ngrimaa siik Ponompa.26Koo boponapat,bahwa,ngingaant onuu daruraat ntooh,odooh baeek bagi monsiaa nyaak wah saiih koadaan,e.27Odoohkah moo torrikat konii nya ndayoongk? Yook maeeh moo ngusaha roo bosarrok! Odoohkah moo kae torrikat koni nyaa ndayongk? Yoklah mo roo ngogaoo tek geek! 28Tetapi, mak mo boroosaoo, mo kae bodosa.gok mak nya ndayong boromingk,domp pun kae bobuat dosa,Tetapi nya wok nyent akan oduuk kesusahan wongk gok ko longk ngkojuu moo siik kosusahan nyent.29Ballo dorumaak,to lah dik komaksud yaitu; waktu jeh singkat nih nyen waah waktu dik gek odooh tisaa too nyaa ntoyant dik boroosaoo arus bolaku wook soolah- olaah dieent kaee ngosaoo;30Gok nya dik nongiis,soolah- olaah kae nongiis; dik nya ntoyant dik baeek owangk soolah- olaah kae baek owangk,e; gok nya ntoyant dik miriih domp soolah- olaah kae mpoo oneh nih dieent miriih,31Panaak nya ntoyant dik nginyaak barang duniawi soolah- olaah sokaliik kae ngguna,e,Sbab dunia dik wook nih dop ngonaal ntooh akan bolakuu.32Koo owangk,supaya mo midop kae kuateerr,Nyaa dik kae boroosaoo bopusat pomikeerr koni pokaroo Ponompa, Kameeh Ponompa boponcaa koni,e.33Nya dik boroosaoo fokus bopikeer koni kini pokaraa duniawi,kameeh domp dopat nyinaang pomidop osaoo,e.34gok nih wok nyent poratian,e tobagi- bagii.Ndaayongk dik kae boboniih gok onak cade ndaayongk fokus pomikeerr dieent koni pokaraa Ponompa,supayao wongk gok jiwa dient suci,Tetapi ndaayongk dik boboniih bopikerr mikeerr koni pokarra duniawi,kameeh domp ro dopat nyinang boniih,e.35Sidiik to kosanoo nyaak kepentingan ko soniriik, kaee nyak roo ngaraal ngaraal moo waah kebebasaan mo, tetapi sobaleek,e supaya mo ngkodiie oneh dik bonarr gok baeek,gok nglayant Ponompa kidooh ngacaoo.36Tetapi mak nyaa nyangka,bahwa domp kae bolaku wajarr tohadap ndaayong,mak ndaayongk nyent jeh boruumuur muntuuh,gok domp bonar- bonar nginamp,bahwa domp arus borooming,baeeklah domp ngosaoo,mak domp odooh owangk,Hal nyent kae dosa.37Tetapi mak odooh nyaa,dik kae topaksa nyak bobuaat wok nyent,bonar- bonar yakent wah otii,e ngant bonar- bonarr nguasai koowqngk,e jeh miiaah keputusan nya kae boromingk ngant ndaayongk,e,domp bobuaat baeek.38Jodii nya boroosaoo ngant ndaayongk,e bobuaat baeek,gok nya dik kae ngosao ngant ndaayongk,e, bobuat baeek.39Osaoo torrikat solama boniih,e midoop. Mak biniih jeeh kobeek,domp bebas boboniih ngant nya oseeh pun dik koowanggk domp,e, asal nya nyent nya dopat nyak toncayook.40Tetapi jonuruut ponapat ko, domp,e lobeh bobahagia,mak domp totap wok koadaaan domp somula,Gok ko boponapat,bahwa ko gok mpoo Minuu Ponompa.

Chapter 81PONGODI Iseeh pomunyook bohala dop taok; "dop sidik mpo pongotahuan," Pongotahuan dik nyent mongkii dop jodi rongkaoo,tetapi kaseeh mbangun.2Mak odoh nya nyangka,bahwa dop odoh torunnt " pongotahuan ",maka domp goont geh ncapae pongotahuan sobagaemana dik toncapae.3Tetapi nya dik ngkaseh Ponompa,domp nih Ponompa ngonall.4Pongodi hal duook iseeh persembahan bohala dop taook:"kae odooh bohala wah dunia gok kae odoh Ponompa kiint sik padoo Ponompa dik Esa,"5Sebab sobonarrpun odoh oneh dik tosabut "Ponompa ", baek wah sobayoont,maupun wah bumii - gok momang bonarr odoh obengk " Ponompa" gok obengk " tuhaant" dik wok nyent.6namun bagi dop odooh teek Ponompa maeeh,yaitu maangk,dik sik domp,e borasal sidiik toruunt gok nyak Domp,e dop midop,gok teek Ponompa maeeh,yaitu Yesus Kristus,dik nih domp,e sidik toruunt jeh tonjodi gok nih domp dop midoop.Tetapi kae sidik nya ntoyant dik dopat pongotahuan nyent.Odoh urangk dik nih maseh solaraat torrikat koni bohala-bohala,duook iseeh nyent sobagae iseeh persembahan bohala.Gok niih korina otii nurani ballo lomaah, otii nurani dieent,e nyuuh tocomarr niih,e.8" Pomakoont kae meet dop lobeh somaak koni Ponompa. Dop kae rugii oneh- oneh,mak dop duook gok dop kae untoongk oneh- oneh,mak dop duook."9Tetapi tonjagoolah,supayo kobebasan mo too yook jodi botuuh songkaak nyak nyaa dik lomah.10Niih apabila nya ngronongk moo dik odoh " pongotahuan",tungkah dudok duook wah saiih romiingk bohala,kae kah nyaa dik lomah otii nurani,e nyuuh tongasoo anool nyak duook iseeh persembahan bohalla?11Nginyaak joraant wok nyen nyaa dik lomah,yaitu posiik mo,dik nyaak domp,e, Kristus tlah kobeek,jodi bonasa niih "pongotahuan" moo.12Maak moo socarra wook nyent bodosa tohadap juruu posiik mo gok mongkii konamp otii nurani ballo,e dik lomah,mo pada hakekat,e bodosa tohadap Kristus.13Karena nyent apabila ponduook jodi botuuh songkaak bagi posiik koo, koo nyak solama- lama,e kae lugi ko duook iseeh gek,supayo ko yook jodi botuuh songkaak bagi posiik ko.

Chapter 91KAE kah ko rasul?kae kah ko urangk bebas?kae kah ko jeh suaah leek Yesus.Ponompa dop?kae kah mo sajoo buah aseel korija ko waah Ponompa?2Sokalipun bagi nyaa laingk ko kae rasuul,tetapi bagi mo ko sajoo rasul.Sobab midop mo wah Ponompa sajoo materae siik korasulan koo.3Too lah pombelaan ko tohadap nyaa dik ngritiik koo.4Kae kah mee mpoo odoh haak nyak duook gok nyinoop?5Kae kah me mpo hak nyak meet tek konaant osaoo nya Kristen,wah ponyalant me,wok dik jeh tongkodii rasul- rasul laingk gok ballo dorumaak Tuhant ngant Kefas?6Atao cuma koo gok Barnabas maeh kah dik kae mpoo hak nyak tombebas sik korija pongodi tongant.?7Oseehkah dik suaah ngajeeh libo boporangk nginyaak ongkos soniriik?osehkah dik bopuruuh kuboont anggur gok kae duook buah,e?atao oseh kah pongintuu dombaa gok kae nyinoop susu domba nyent?8Oneh dik sanoo ko to kaelah cuma pomikeer monsia maeeh,Kaee kah ukump Taurat geh bosonaa sonaa wok nyent.9Sebab wah saiih ukump Musa odoh totulis; Yoklah mo niseet tukook lembu libo tungkah mangkos!" Lembu koh dik nih Ponompa ngrintu?10Atao dop kah dik nih domp maksud? oeek, nyak dop lah hal to nih nulis,yaitu pombajak arus mbajak wah pengharapan gok pongirik arus ngiriik wah pengharapan nya nopat bagian ciik.11Jodi,mak me jeh nyoboor binii rohani koni moo,bolobeh lobehkah,mak me ngotiimp hasel duniawi siik wah mo.12Mak nya laingk mpoo hak nyak ngaroop hal nyent sik pado mo,kae kah moo odooh lobeh hak dik lobeh daiik? Tetapi mo kae ngguna hak nyent. Sobalaek,me nangongk sidik toruunt,supaya yok me ngkodi araal nyak nya nyobarr Injil Kristus.13Kae taook kah mo,bahawa dieent dik nglayant wah aronggk dik suci ndopat pongkidop sik arongk dik suci nyent gok bahwa dieent dik nglayant mezbah,ndopat bagian sik mezbah nyent.14Wok nyent pula Ponompa jeh nijuuk,bahwa ballo dik nyobaar Injil,aruus midoop sik ponyona Injil nyent.15Tetapi koo kae suaah ngguna tek pota pun sik hak hak to,Koo kae nulis sidik soluruh to,supaya koo pun diperlakukan wok nyent geeh,Sebab koo baek kobeek dari pado......!Sunguh,pongayako kae dopat tongkoyap oseh nya pun.16Niih maak koo nyobaar Injil,koo kae dopat alasan nyak magooh dop.Sebab nyent haeek koarusan bagi koo.Colakalah koo,mak koo kae nyobarr Injil.17Maak andae kata koo ngkodi,e monuruut koowangk koo soniriik,memang koo boohak ngrima upah.Tetapi nih ko ngkodi kaee nuruut koowangk soniriik tugas nyobar nyent adalah tugas pongkodie dik nih munyook koni koo.18Maak wok nyent oneh kah upah ko?Upahko ialah to; bahwa ko taook mberita injil tanpa upah,gok bahwa koo kar ngguna hakkoo sobagae ponyiarr Injil.19Sunguhpun koo bebas tohadap sidik nyaa,ko njodi koo soniriik hamba sik sidik nya,supaya ko taook dopat monangk baeek obengk nya.20Wook nyent bagi nya Yahudi,koo njodi wok nya Yahudi,supaya ko monangk nya ntoyant Yahudi.Bagi nya ntoyant dik midop wah sigant ukump Taurat ko jodi wok nya dik midop wah sigant ukump Taurat,sokalipun ko soniriik kae midop wah sigaant ukump Taurat,supaya ko dopat monangk ballo dik midop wah sigaant ukump Taurat.21Nyaak nya ntoyant dik kae midop dibawah ukump Taurat koo jodi wok nya dik kae midop wah atoor ukump Taurat,sokalipun koo kae midop wah luarr ukump Ponompa,korina koo midop dik wah ukump Kristus,supayao ko taook dopat monangkan dieent dik kae midop wah ukump Taurat.22Bagi nya ntoyant dik lomah ko jodi wok nya dik lomah,supaya koo dopat nyolamaant dieent dik lomah.nyak sidik nya ko jeh jodi sogala- galanya,supaya koo sodopat mungkin monangkan banso kudu konaant nya sik ballo,e.23Sidiik toruunt to nih ko ngkodi monuruut Injil,supaya koo dopat bagian waah saiih.24Kae taook kah moo,bahwa wah saiih lapangan pertandingan sidik peserta ngajeeh ngkoduuh,tetapi cuma teek dik nopat hadiah? niih nyent ngkoduuhlah jangkook dik leeh sohinga mo odoh dopat.25Tiap tiap nya dik ngajoh miaah bagian waah kegiatan,menguasai domp,e wah sidik aroongk.dieent bobuat wok nyent nyak nopat suatu mahkota dik kidoh ritii,totapi dop nyaak nopat suatu mahkota dik kokal.26Niih nyen koo kaee ngkoduuh tanpa tujuan gook ko kae pongocooh dik sombarangk ngocooh.27Tetapi koo nlatiih wongk koo gok nguasaii soluruuh badoont,e,supaya mosiik nyobaar Injil koni nyaa kiint,yoklah ko soniriik oduk tulaak.

Chapter 101Koo loongk,supaya mo ntaook,ballo dorumak,bahwa neek moyangk dop sidik monaee wah polinoongk romangk gook mak ballo sidik jeh ngrutaas laoot.2Nyak jodi onak buah Musa ballo sidik jeh tombaptis wah saiih romangk gok piingk laoot.3Ballo dorumaak sidiik duook toruunt soroba rohani.4Gok sidik dieent nyinop nyaak ponyinop dik baeek samooh,sbab dieent nyinop siik botuuh karang rohani dik nyunoot dieent gok botuh karanngk nyeent haeek Kristus.5Tetapi mosik nyent Ponompa kae owangk koni bagian dik palingk daiik sik ballo,nih dieent jeh nih komeek wah ampoor koroseek.6Sidiik to jeh tojadi nyaak contoh,bagi dop dik ngingaant dieent,t sopaya yok dop owangk hal- hal dik kobieek wook dik jeh ballo ngkodie,e.7Gok sopaya yook dop jodi ponyomaah bohala,samooh wok kuduu konaant nyaa siik dieent,e,sorupa wok totulis:" maka dudooklah bansoo nyeent nyaak duook gok nyinop; mosiik nyent ballo mongkat ngant maa baeek owangk." 8Yooklah dop ngkodie ngompangk,wook diik jeh tokodie nih kuduu konaant sik ballo,e,sohinga liboo teek onu pajii jeh kobiis dukah puruu toruuh ribuu ntoyaaant.9Gook yooklah dop roo ncoba Ponompa,wok dik jeh nih nya ngkodie sik kudu konaant nyaa.sohinga ballo kobeek pitaat nyipiih.10Sajoo yoklah bosunguut-sunguunt wok dik tokodie nih kuduu konaant sik ballo,e.sohinga ballo,e tombinasa nih malekat pongkomeek.11Sidik to jeh oduuk ballo,e nyaak contoh gok totulis nyaak jodi poringatan bagi dop dik midoop libo onuu,wakeeh sowaa pongkosiik jeh moniik.12Niih nyent oseeh dik nyangkaa,bahwa domp,e togap tokiit,waspada maeeh sopaya yook jotuuk! 13Pongacao dik niih moo nginaamp sajoo haeek pongacao biasa,dik nlobeeh kokuatan monsia,sebab Ponompa setia gok niih nyent domp,e kae akan mbiaar moo toncuba nlobeeh kokuatan moo.Liboo onuu mo toncubaa domp,e akan munyook koni moo joraant koluaar,sohinga mo dopat nangongk,e.14Niih nyeent,gok ballo dorumaak dik tokaseeh,tongkojuulah nyomaah bohalaa.15Koo bosonaa koni mo sobagae nya ntoyant dik bijaksana,ponahaamp maeeh oneh diik nih ko nyonaa!16Kaeekah cawoont tanoo bosyukuur,waah somuu saiih dop nyonaa syukur,diik haeek kahkoromingk doyaa Kristus? Kaeekah kuee dik nih dop ngrocaak- rocaak sajoo kahkoromingk ngaant woongk Kristus.17Nih kuee teek,e,maka doop,sokalipun obeengk,toruunt haeek tek badoont,nih dop sidik nopaat bagian waah saiih kuee dik teek nyeent.18Tileek maeeh banso nya Israel;kaee kah dieent diik duook oneh dik munyook nyak nopaat bagian wah polayanan mezbah.19Oneh kah toruunt diik nih ko maksud ngaant bobaa ko nyent?Bahwa pomunyook bohalla sajoo toruunt?atao bahwa bohalla nyent toruunt?20Kae !Oneh dik nyaak komaksud too haeek, bahwa sumbangan dieent too sumbangan koni gok minu- minu kobieek, kae koni Ponompa.Gook ko kae lugii,bahwa mo bosokutu ngant minu- minu dik bieek.21Mo kae dopat nyinoop nyaak cawoont Ponompa gok siik dari cawoont minu- minu kobieek.Mo pun kae dopat bagian wah pesta Ponompa ngant pesta minu- minu kobieek.22Atao loongk kah dop mongki comuruu Ponompa?Apakah dop lobeeh kuat siik pado Domp,e.?23Sidiik toruunt naso taook," Bonarr, totapi kae sogala toruunt boguna,"" Sidiik toruunt naso taook," Bonarr totapi kae sidik mbanguun.24Yooklah moo pun mogaoo keuntungan moo maeeh,tetapi hendaklah tiap- tiap nyaa mogaoo keuntungan nyaa laingk.25Moo taook sidiik duook toruunt dik odooh wah pasarr dagingk, tanpa kaee ngroosaa otii owanggk dik roo kaee.26Korina;," bumi ngant gok obiih wah saiih,e sidiik Ponompa mpoo,e." 27Maak mo oduuk undangk duook siik nyaa dik kae toncayook,gok undangan nyent mo torima,Naiik maeeh oneh toruunt dik nih munyook koni mo,tanpa moo ngrosaa keberatan otii owangk.28Tetapi maak odooh nyaa tek konaant bojantooh koni moo; " Too posomaah bohala !" yooklah mo naiik,e, niih korina nyeent domp,e dik nyonaa hal to koni moo ngant nih kae baeek owangk,e otii toniik,e.29Diik nih komaksud kae baeek owang otii toniik,e kaee lah kae baeek owangk otii owangk mo soniriik,totapi koowangk nyaa laingk nyent.Mungkin odooh nya nyonaa: " Ngoneeh koowangk ko aruus tonontu niih koowangk otii owangk nya laingk?30Maak ko ngucap syukur niih oneh dik nih koo nginaamp,ngoneh nya ngomong kobieek pongodi koo korina konaiik,dik wah domp,e koo ngucap syukur.31Koo nyamoot: Libo moo duook atao libo moo nyinoop,atao libo mo ngkodiie toruunt dik laingk,kadii maeeh nyent nyaak kemuliaan Ponompa.32Yook gooh mo mongki kobieek wah saiih otii nyaa,baek nya Yahudi atao nyaa ntoyaant Yunani,apalagik jemaat Ponompa.33Samooh wok ko geh borusaha nyinangk baek otii sidik nya wah sogala hal,kae nyaak kepentingan koo,totapi nya obeengk,sopayo dieent,e dopat solamat.

Chapter 111JODILAH Pongajeeh ko,samooh wok jodi pongajeeh Kristus. Lagaak baak ndayoongk 2Koo arus muji moo,sbab wah sidiik hal moo ngingant ko ngant togooh bopigoongk koni ajoor dik kosonaa koni moo.3Tetapi koo loongk,sopayo moo ntaook hal too,yaitu kopalook siik pado nyaa ndarii sajoo Kristus,kopalook sik ndayoongk sajoo ndarii gok kopalook sik Kristus sajoo haeek Ponompa.4Tiap-tiap nya ndarii dik bodoa atao bonubuat ngant baak botudoongk,nghinaa baak,e.5Totapi tiap-tiap nyaa ndayoongk dik bodoa ngant bonubuat nginyaak baak kae botudongk,nghinaa baak,e,sbab domp,e samooh ngant ndayoongk dik ngukoor buruuh baak,e.6Sbab mak ndayoongk kae lugi nitoop baak,e,maka aruuslah domp,e ngopiik buruuh baak,e.Tetapi maak bagi ndayoongk sajoo penghinaan,mak buruuh baak,e nih nguntingk atao nih nyukur,maka aruuslah domp,e nudoongk baak,e.7Sbab nya ndarii kae porlu nudongk baak,e; Domp,e mongki tano gamarr komuliaan Ponompa,Totapi ndayongk mongki tanoo komuliaan nya ndarii.8Sobab nya ndarii kae borasool siik ndayoongk,totapi ndayoongk borasal siik ndarii.9Gook ndarii kae niih ngkodooh korina ndayoongk,totapi ndayoongk nih ngkodooh niih nyaa ndarii.10Niih nyeent; Ndayoongk aruss nginyak tanoo wibawa waah baak,e niih gok ballo malekat.11Niih wok nyent wah Ponompa kae odooh ndayoongk tanpa nya ndarii gok ndarii kae odooh tanpa nya ndayoongk.12Sobab nyaa ndayoongk borasal siik nya ndarii,demikian geeh ndarii tongkodooh sik ndayoongk: Gook sidik toruunt borasal siik Ponompa.13Tonimangk maeeh soniriik: Patutkah ndayoongk bodoa koni Ponompa kae botudoongk baak?14Kae kah alam soniriik mongki tanoo koni moo; Bahawa sajoo ponghinaan bagi ndarii,maak domp,e boburuh baak domiik,!15Totapi kehormatan nyaak ndayoongk buruuh baak domiik,maak domp,e boburuuh baak domiik?sbab buruuh baak domiik nih munyook koni ndayoongk nyaak jodi ponudoongk.16Tetapi mak odooh nya diik mbantah,mee maupun jemaat- jemaat Ponompa kidooh mpoo basoo wok nyeent.17Waah poratoor too koo kae dopat mujii moo, niih nya ndayoongk podopatmoo kae nyaak ngkonik kobaeek,totapi nyak ngkoniik kobieek maeeh.18Wah pontojiih koo ngopingk,bahwa apabila mo bokumpul ngant jemaat,odooh ringaangk cik sik antara moo,gok hal too sodikit obeengk ko pocayook.19Niih wah ropoot mo odooh koringaangk cik,sopayo pajii nyatoo oseehkah sik antara moo dik tahaant uji.20Maak apabila mo bokumpul,moo kaee lah bokumpul sojati nyak duook ponjamu Ponompa.21Sbab ponjamu nyeent tiap- tiap ntoyaant tiaant naiik pomakoont soniriik,sohinga dik teek konaan sobirook ngant dik laiingk obook.22Apabila mo kidooh romiingk soniriik nyak duook nyinoop? atao loongk kah mo nghinaa jemaat Ponompa gok mongkii kongiint nya ntoyaant dik kidooh oneeh- oneh? Oneehkah toruunt diik sanoo ko koni mo?Muuji moo? Waah hal to koo kae muji.23Sebab oneh dik jeeh koluruuskan koni moo,jeh nih ko ngrimaa sik Ponompa.toruunt haeek Tuhaant Yesus,Padoo ngoriimp domp,e nih bosiraah,miaah kuee,24Gok mosiik nyent domp,e ngucap syukur waah,e; Domp,e mocaah munyook ngant bobaa;" Too lah woongk koo,dik nih nyiraah nyak moo,kadiilah too jodii poringatan Koo" .25Demikian geeh domp,e miaah cawoont,mosiik duook,sameel bosonaa: " Cawoont too haeek pojanyii baooh, dik niih materai nih doyaako;Kadiilah too,sotiap saat mo nyinoop,e mongki tanoo poringatan koo!" 26Nih sotiap liboo mo duook kuee to,ngant nyinoop cawoont too,Moo mongki nyiaar pongobeek Ponompa sampae domp,e moniik.

²⁷Jodii baroong oseeh dik kae layaak duook kue atao nyinoop cawoont Ponompa,domp,e bodosa tohadap woongk ngant doyaa Ponompa.²⁸Niih nyeent tiap- tiap nya ngujii diriik domp,e soniriik,atao mosik jeh nyent domp,e duook kuee,gok nyinoop sik cawoont nyent.²⁹Niih barongk oseeh duook gok nyinoop,tanpa ngangku woongk Ponompa,domp,e akan ngkoniik ukuump bagi domp,e.³⁰Niih nyent obengk sik antara mo dik lomah gok monaamp,gok ciik diik kobeek.³¹Maak doop nguji diriik dop soniriik,ukuman kae jotuuk nimpak dop.³²Totapi mak dop ngrima ukuman sik Ponompa,dop todidiik,sopayo dop kae akan toukuump bosamoh- samooh gok domp,e.³³Niih too; Ballo dorumaak,mak bokumpul nyaak duook,tunguuklah mo dik teek ngant dik lainggk.³⁴Maak odooh nyaa dik sobirook,baeeklah domp,e duook tiaant wah romiingk,e,supayo yook moo bokumpul nyak tongukuump.Hal- hal dik kiint akan ko atoor,maak koo moniik.

Chapter 12

¹Ntooh mo korunia- koruniaa Minuu,ko siap,ballo dorumaak,sopayo moo nyaak ntaook kobonaran,e.²Moo taook ,bahawa liboo onuu mo gek maseeh goont nginaal Ponompa,Tanpa mo bopikeer totoreek bohala- bohala dik bisuuk.³Korina too koo ngyakeent moo,bahwa kae odooh nyaa pun dik boboba- boba nih minuu Ponompa.taook boboba "tokutuuk maeeh Yesus,"gok kidooh teek konaant pun ntoyaant dik dopat nganggku: "Yesus haeek Ponompa,"solaingk gok Minuu baeek.⁴Odooh wook pongkii pongkii korunia,sigiik teek Minuu.⁵Gok odooh ppngkii- pongkii polayanan,totapi teek Ponompa.⁶Gok odooh bobagae- bagae pongodii nyarooh,tetapi Ponompa haeek teek,dik ngkodiie sidik wah sidiik nyaa.⁷Totapi tiap- tiap nya dik bokaruniaa ponyataan Minuu nyaak sidiik ballo.⁸Sbab koni nya tek konaant Minuu dik samooh munyook boboba jantooh hikmat,gok koni dik laingk Minuu nyak munyook korunia nya boboba ngant ponglamant.⁹Koni dik tek konaant Minu dik samoh munyok iman,gok koni nya dik laingk domp,e munyok karunia nyak botompal¹⁰Koni dik tek konaant Minu munyok kuasa nyak ngkodi mujizat,gok koni dik laingk domp,e munyok karunia nyak bonubuat,gok koni dik laingk gek domp,e munyok karunia nyak mbeda bomacam- macam minu.koni dik kiint Domp,e munyok karunia nyak bojantoh nginyak bobaa Minu,ngant koni dik laingk gek domp,e munyok karunia nyak nafserr boba minu nyent.¹¹Tetapi sidik to nih torija nih minu dik teek gok dik sorupa,dik munyok karunia koni tiap- tiap nyaa socara khusus,wok dik koowangk,e.¹²Niih samooh wok mpoo nyent teek gok anggota- anggota obeengk ngant sidik anggota nyuuh,sokalipun obeengk,sik wok teek mpoo,wok nyent pulak Kristus,¹³Sbab waah minu teek sidik dop,baek nya Yahudi,maupun nya Yunani,baek kulii,maupun nya dik jeh merdeka,jeh nih baptis jodi tek badont gok dop sidik nih munyok ponyinop sik tek minu.¹⁴Korina badoont geeh kae todiri sik tek anggota,totapi atas nya obengk anggota.¹⁵Andaekata koja boboba;" Nih koo kae tongant,ko kae tomasok mpoo," jodi bonarr kah domp,e kae tomasok mpoo?¹⁶Ngant andaekata kopiingk boboba;" Niih ko kae motiih,ko kae tomasok mpoo" ,jodi bonarr kah domp,e kae tomasok mpoo?¹⁷Andaekata mpoo soluruuh sajoo motiih,wah keeh pongopingk? Andaekata sidiik sajoo kopingk,wah keh ponodook?¹⁸Tetapi Ponompa jeh munyok koni Anggota, masingk- masingk socara khusus,toruunt badaah wah mpoo,wok dik jeh niih domp,e nontuu.¹⁹Andaekata sidiik sajoo teek Anggota,waah keh mpoo,e?²⁰Memang odoh obengk anggota,totapi cuma teek mpoo.²¹Jodi motiih kae dopat bojantoh koni tongan: " Ko kae nginyaak moo."gok baak kae dopat bojantoh koni koja: "Koo kae mbutuh moo,"²²Malahan justru nyent anggota- anggota woongk dik tileek paling lomah,dik palingk oduk nyaak.²³Gok koni anggota- anggota woongk dik monurut poronoongk dop kae romaat,dop munyok poromatan khusus,ngant tohadap anggota- anggota dop dik kae baek,dop punyok poratian khusus.²⁴Hal to kae tombutuh nih anggota- anggota dop dik baeek.Ponompa jeh nyusuunt woongk dop bogitu rupa,sohinga koni anggota- anggota dik kae molia nih munyook poratian khusus.²⁵Sopayo yok tojadi wah saiih woongk rongangk,totapi supayo sidik anggota- anggota dik bobida nyent salingk munyok poratian.²⁶Nih nyent jika tek anggota wongk monaamp,sidik anggota ngajeeh monaamp,jika teek anggota nih romaat,sidik anggota ngajeh baek kinaamp.²⁷Mo sidiik haeek woongk Kristus gok moo masingk- masingk haeek anggota,e.²⁸Nih Ponompa jeh notaap banso kudu konaant wah jemaat:potama sobagae rasul,kodukaah sobagae Nabi,kotoruuh jodi pongajoor.mosik nyent dieent dik nopat karunia nyak ngkodie mujizat,nyaak nompal,nyak nglayant,nyak mimpint,gok nyak bojantoh wah saiih boba minu.²⁹Odohkah dieent sidik rasul,atau nabi,atau pongajoor?Odoohkah ballo sidik nopat karunia nyak ngkodie mujizat,³⁰atau nyak ngkurii,atao nyak bojantoh boba wah saiih boba minu,atao nyak nafserr bahasa minu?³¹Jodi borusahalah nyak nopat karunia- karunia dik palingk utama,gok ko nijuuk koni mo joraant dik palingk utama gek.

Chapter 13

¹Sokalipun ko dopata boboba jantoh sidik bahasa monsia gok bahasa malaekat,totapi jika koo kae odooh kaseh,ko samooh wok ogoongk dik nih mongkoongk ngant tawaak dik nyariingk.²Sokalipun ko odooh karunia nyak bonubuaat gok ntaook sogala rosiaa ngant odoh soluruh pengetahuan,;gok sokalipun ko odooh iman dik sompurna nyak minaah doriik,totapi jika koo kae odoh kaseh,koo samoh sokali kae boguna.³Gok sokalipun koo bobagi- bagi sidik sogala toruunt dik odoh wah koo,bahkan munyok nyirah woongk nyak ticool,totapi jika koo kae odoh kaseh,ciik pun kidoh faedah nyak koo.⁴Kaseh to sabarr; kaseh to murah otii; domp,e kae comuruu.Domp,e kae magooh diriik soniriik gok kae rongkaoo.⁵ Domp,e kae ngkodie toruunt dik kae sopan,gok domp,e kae mogaoo pongasel domp,e soniriik,Domp,e kae pondoruuh,gok kae ngonaa kosalaah nya laingk.⁶Domp,e kae sinangk nih toruunt kae adel,totapi nih kobonarr.⁷Domp,e nitoop sidik toruunt,pocayook sidik toruunt,ngaroop sidik toruunt,sabar nangongk sidik toruunt.⁸Kaseeh kae bopongkosik;nubuat akan roo mosiik;boba Minu akan roo togak;kopintar akan moyaamp.⁹Sbab kopintarr dop kae lengkap gok nubuat dop kae sompurna.¹⁰Totapi jika dik sompurna moniik,maka dik kae sompurna nyen akan moyaamp.¹¹Liboo koo onak cade,ko bojantoh boba wok onak cade,ko morasa wok onak cade,ko bopikeer wok onak cade.Ntooh mosiik ko jodi bujang,ko ntiggal sifat pongodi onak cade nyent.¹²Nih ntoh dop botilek nginyak coroming suatu gamarr dik samoor- samoorr,totapi paji dop akan ngronongk jowii samoh jowi.Ntooh ko hanya nginall ngant kae sompurna,totapi paji ko akan nginal lobeh sompurna,wok ko soniriik nih ngonaal.¹³Pongkosiiklah jeh montok kotoruuh hal to.yaitu iman,pongaroop gok kaseh,gok dik palingk daiik wah ropoot,e haeek kaseh.

Chapter 14

¹Kasiiklah kaseh nyent gok usahakan moo mbuleeh karunia- karunia Minu,torutama karunia nyak bonubuat.²Oseh dik bojantoh boba nginyak boba minu,kae bojantoh sonaa koni monsia,totapi koni Ponompa.sbab kidoh dik odoh ntoyaant pun dik toritii boba,e; niih minu domp,e nyonaa hal- hal dik rosiia.³Totapi oseh dik bonubuat,domp,e bojantoh boba koni monsia,domp,e ngongkaat,nasehat gok ngibuurr.⁴Oseeh dik bojantoh boba ngant boba minu,domp,e mbaeek domp,e soniriik,totapi oseh dik bonubuat,domp,e mongki jemaat.⁵Owangk koo,supayo sidik moo bojantoh boba nginyak boba minu,totapi lobeh sik pada nyent,supayo moo bonubuat,sobab nya dik bonubuat lobeh boroga dari pada nya dik bojantoh boba nginyak boba minu,kocuali mak nya nyent geh nafserr boba,sohinga jemaat dopat tombangun. ⁶Jodi,ballo dorumak,mak koo monik koni moo,gok bosona nginyak boba minu,oneh guna,e nyent bagi moo,mak koo kae ngkoniik koni moo ponyataan Ponompa atao pongalaman atao nubuat atao pongajoorr?⁷Samooh hal nyent gok alat- akat dik kae bojiwa,tapi dik bo,iint,wok soroolingk ngant kecapi - kamehkah nya dopat ntaook lagu apakah dik nih ngkodi sorolingk atao kecapi,mak kodukaah,e kae ngluaar angkongk dik bobeda? ⁸ Atau,jika nafiri kae ngluaar iiint dik tirangk,osehkah dik nyiap ngkodi domp,e nyak boporangk? ⁹Domikian geh moo dik bojantoh boba ngant boba Minu;jika moo kae ngguna boba kata dik jelas,kameh geh nya taok dopat ngritii oneh dik nih moo nyonaa? boba jantoh moo sia- sia maeh nyonaa,e wah somuu!10Odooh obengk - entah kudu kobengk - macam boba wah dunia; sokalipun wok nyent kae odoh tek pun sik ropoot nyent odoh iint dik kae borati.11Tetapi jika koo ntaook ritii boba nyent; koo jodi nya asing bagi domp,e dik ngguna,e gok domp,e nya asingk bagi koo.12Demikian geh moo gok moo memang borusaha nyak roo dopat karunia- karunia Minu,totapi lobeeh siik pada nyent hendak maeeh moo borusaha ngguna,e nyak mbangun jemaat.13Karena nyent oseh diboboba jantoh nginyak boba minu,domp,e aruus bodoa,supayo koni domp,e nih munyok karunia nyak mongki tafserrnya.14Sbab mak koo bodoa nginyak boba Minu,maka Minuu koolah dik bodoa,totapi akal budi koo kae bodoa.15Jodi,oneh koh nyak koo tongrija,koo akan bodoa ngant minu koo,totapi koo juga bodoa gok ngant akal budi koo,koo roo nyanyii samel memuji nginyak boba Minu koo.tetapi ko nyanyi gok memuji nginyak akal budi koo.16Sbab,jika moo ngucap syukur nginyak minu mo todop,kameh wok nya dik biasa ngajeeh sobagae pongopiingk dopat nyonaa,e" Amin" atas ponyonaa syukur mo? Kaee kah domp,e kae taook oneh toruunt dik moo nyona?17Sbab sokalipun pongucap syukur moo lobeh baeek,totapi kae buleh nya laingk nyak mo bisa mbanguun,e.18Koo ngucap syukur koni Ponompa,bahwa niih koo bojantoh boba nginyak boba minu lobeh sik pado dieent.19Totapi wah libo bodopat gok jemaat kko lobeh sinangk nyobut rimiih boba dik dopat nyak ngritii nyak ngajoor nya kiiint geh,daripado boribu- ribu boba gok boba Minu.20Ballo dorumaak,yoklah samooh pomikeer mo wok onak cade,Jodilah onak cade wah pomieeknya,totapi nya caak muntuh wah pomikeer moo.21Wah saih ukump Taurat odoh totulis;" Nih nya dik kae odoh boba kiint gok nih boba tukook nya dik nyarooh Koo akan ngomongk koni banso to,namun domikian ballo kae akan ngopingk Koo,jantoh Ponompa.22Korina to karunia boba minu sajo haeek tanoo,kae nyak nya dik boiman,totapi nyak nya kae boiman,sodangk karunia nyak bonubuat haeeklah tanoo,kae nyak nya dik kae boiman,totapi nyak nya boiman.23Jodii,maak sidik jomaat bokumpul bosamooh- samoh gok tiap- tiap nya boboba- boba nyak boba minu,lalu masoklah nya laingk atao nya dik kae boiman,Kaee kah ballo nyonaa,e bahwa moo gilaa?24Totapi mak sidik nya bonubuat,lalu masok nya dik kae boiman atao nya baooh,domp,e akan yakeent nih nya somua gok tonyolidik nya somuaa;25 Sogalo roosia dik odooh wah saiih owangk,e akan jodi nyata,sohinga domp,a akan ngangkuu sujud bodoa nyomaah Ponompa sameel ngakuu," Sajjo bonarr,Ponompa odoh wah apet moo."26Jodi ntooh kameh,ballo dorumak? Bilamana moo borugook,sik bonar nya ngontiik toruunt; dik tek mazmur,dik laingk pongajor,atao bosonaa Ponompa,atau karunia Minu boba,atau karunia nyak lobeh nafseer boba minu,totapi sidik toruunt nyent nyak mbanguun.27Jika odoh boboba jantoh nyak boba minu,aduu dukaah atao nasoo obeengk toruh konaant,tek konaant tek,gok odoh arus nya kiint nyak nafser nyeent.28Mak kidoh nya dopat nafser,no laboo nya ballo monaee todoop wah libo bodopat jomaat gok nih hanya taook boba koni dop todop gok koni Ponompa.29Hal pongodi Nabi- nabi - baeeklah dukah,atao toruuh nya sik domp,e boboba ngant dik kiint atooh nyamoot oneh nyak dik dieent,e sanoo.30Totapi mak nya kiint dudok wah nyent dopat posonaa,maka dik tojiih tiih monaee goont,e.31Sobab sidiik moo bisaa taook bonubuat nyak nyent ngant nyent,sohinga mo sidiik dopat bolajoor gok bodopat kokuaat.32Korunia Nabi tunook kalook koni nabi- nabi.33Niih Ponompa kae lugi ngacaaoo,totapi damaee sojahtra.34Samooh wok sisik nya jomaat dik suci,ballo ndayoongk arus motiingk libo jemaat borugook.sbab dieent kae buleh ngomongk,ballo,e arus patoh tunook,wook nih nyonaa wah ukump Taurat.35Mak dieent ntaook toruunt,palingk dieent,e miseek boniih wah saih romingk,sbab kae bonar bagi ndayoongk boposeek liboo porugook jemaat.36Atao,laak odoh cikaoo Ponompa nojih sik moo? atau koni mo maeeh boba nyent jeh moniik.?37Mak dik tek nyonaa domp,e Nabi,atao nya laingk dopat karunia minu ayu,domp arus sadar,bahwa oneh dik sanoo koo koni moo sajo porintah Ponompa.38Totapi mak domp,e kae ngopiingk,e,yok maeeh moo nyarrooh domp,e.39Nih nyen,dop dorumak,tombonar maeh nyak nopat karunia nyak bonubuat gok yoklah ndoruuh nya boboba jantoh nya boba Minu.40Niih sidiik toruunt arus bolansongk ngant sopan gok toratoorr.

Chapter 151Wook ntooh,ballo dorumak,koo loongk ngingaant moo koni injill dik nih ko nyobarr koni moo gok dik mo torima,gok dik wah saiih mo tokiit togap.2Niih Injil to mo oduk solamat,asal mo bopigongk koni,e,wok dik nih ko nyonaa koni moo,- kocuali mak jeh sia- sia maeeh jodi pocayook.3Sbab dik pentingk jeh nih koo nyona koni moo,toruunt haeek oneh dik nih ko ngrima soniriik,ialah bahwa Kristus jeh kobeek nih gok dosa- dosa dop,sosuae gok ngant Kitab suci.4Bahwa domp,e jeh tokubur,ngant domp,e akan bangkit,pado onuu ko toruuh,sosuae geh ngant Kitab Suci;5Bahwa domp,e akan ngampoor domp,e koni Kefas gok mosik nyent koni ko dukah bolas onak buah,e.6Mosiik nyent Domp,e ngampor bakoo koni nya lobeh sik rimiih ratus dorumak sokaligus; kobeengk dieent ntoh gek odoh dik midop sampae ntooh,totapi kudu konaant sik opiik mo jeh kobeek.7Solanjut,e domp,e ngamporr bakoo koni Yakobus,mosik nyent koni ballo rasul.8Gok dik paling pongkosiik sik sidik domp,e,ngampor bakoo,e koni koo,samoh wok onak cade dik odooh libo goont onuu,e.9Korina koo nya paling hina sik sidik rasul,bahkan kae layak tonyobut rasul,sobab koo jeh njoraa jemaat Ponompa.10Tapi nih kaseh karunia Ponompa ko sajoo sobagae mana ko odoh ntooh,ngan kaseh karunia dik nih punyook molimpah koni koo kae sia- sia.sobalek,e koo tlah korija koras sik pado sidik dieent; totapi kae lah koo,molainkan kaseh karunia Ponompa dik ngrota koo.11Niih too,baek koo,maupun ballo,e,wok nyent lah me ngajoor gok wok nyen geh ko pocayook.12Jodi,bilaman mee nyonaa,e,bahwa Kristus torongkat sik antara nya dik kobeek,bagaemana mungkin odoh sik antara dieent nyona,e?bahwa kidoh odoh pomongkat sik nya kobek.13 Mak kidooh nya dik kobek mongkat,maka Kristus geh kae akan mongkat.14Tapi mak andaekata Kristus kae torongkat kobek,maka sia- sia maeh ponyona mee gok sia- sia maeeh mo pocayook.15Lobeh sik pado to mee tonyata bodusta koni Ponompa,nih hal Domp,e mee nyona,e,bahwa domp,e jeh ngongkat Kristus - padahal domp,e kae ngongkat,e,kalao andaekata maant,bahwa nya kobek kae mongkat.16Mak bonar nya kobek kae mongkat,maka Kristus geh kae oduk tomongkat.17Gok mak Kristus kae nih ngongkat,maka sia- sia maeeh mo pocayook ngan mo ntooh maseh midop wah saih dosa moo.18Wok nyentlah bonasa geh nya ntoyant dik kobeek wah Kristus.19Jikalao dop hanya wah pomidop to maa ngona pongaroop koni Kristus,maka dop haeek nya ntoyant dik palingk malangk sik gok sidik monsia.20Totapi dik bonar haeek; bahwa Kristus jeh nih ngongkat sik antara nya kobek,sobagae dik bunsu sik nya ntoyant dik jeh kobiis.21Nih samoh wok libo muunt moniik nih tek konaan monsia,wok nyent geh,pomongkat nya kobiis monik nih tek konaant monsia.22Nih samoh wok nya sidik kobek wah koromingk gok Adam,wok nyen pula sidik nya akan tongkidop balek wah koromingk ngant Kristus.23Tapi tiap- tiap nya ngajeeh urut: Kristus sobagae buah bunsu; mosik nyent ballo dik njodi mpoo,e libo jeh monik onu pongkonik,e.24Mosik nyent monik kosudah,yaitu bilaman domp,e nyirah Kerajaan koni mang Ponompa,mosik domp,e mbinasakan sokayuk pomerintah,ponguasa gok kokuatan.25Karena Domp,e pomimpin pomorintahan sobagae rajo sampae Ponompa ndudok sidik munsuu,e wah sigaan koja Domp,e.26Munsu dik pongkosik domp,e mbinasa,e,haeek lah kobiis.27Sobab sidik toruunt nih po nunook domp,e wah jampo koja,e,mak nyak sanoo,bahwa;" sidiik toruunt jeh taklok," maka tampoklah,bahwa domp,e soniriik tlah naklok sidik toruunt wah jampo koja Kristus to kae tomasok wah saiih,e.28Mak jika sidiik toruunt jeh nih naklok wah jampo koja Kristus,maka domp,e soniriiksobagae Onak dik naklok diri domp,e soniriik wah sigaant domp,dik jeh naklok sidik toruunt wah sigaant domp,e.sopayo Ponompa njodi sidik dik odoh.29Mak kae wok nyent,oneh faedah pongodi,e nya ntoyant dik jeh nih baptis nyak nya kobiis? mak nya kobek samoh sokali kae torongkat,ngoneeh ballo,e loongk tobaptis nyak nya ntoyant dik jeh kobis? 30Gok mee geh,ngoneh me sotiap saat meet me soniriik wah saiih bahaya?31Ballo darumak,tiap- tiap onu koo boradop ngant kobiis,demi kobanga ko koni moo wah Kristus Yesus,Ponompa dop,koo nyona,e, nih hal to bonar.32Mak cuma bodasar portimbangan- potimbangan monsia maeeh ko jeh bojuangk nlawoont daangk ganas wah Efesus, onehkah guna,e hal to nyak ko? jika nya kobek kae mongkat,maka," boh yaah duook nyinoop manook babuut dok kobiis"33Yok maeeh moo sosat; bogauul dik bieek ngrusak kobasoo baek.34Sadar maeh sobaek- baeek,e gok yok mongki dosa gek! Odoh sik antara moo dik kinal Ponompa.Hal to nyak sanoo,sopayo moo kae nyak mongiin.35Totapi odoh nya dik roo bopiseek;" Kameehkah nya kobek taok mongkat? gok ngant wongk onehballo,e roo moniik? 36Oe ontoyant malangk! oneh toruunt dik saboor moo,kae akan timuu ngant midop,mak domp,e kae kobek tiaant.37Gok dik moo nyoboor kae tak woongk koyuuh dik roo midoop,totap ruaangk dik kae bokureet,sompamoo ruangk ganuum atau ruangk kiint.38Niih Ponompa munyook koni,e botangk toruunt,wok dikk koowangk domp,e: Domp,e munyook koni tiap- tiap ruangk botangk todoop.39Iseeh kae sidiik samooh; Iseeh monsia kiint siik iseeh daangk,laingk sik pado iseeh monook,kiint sik gok iseeh baook.40Odooh wongk sobayoont gok odoh wongk duniawi,totapi komuliaan woongk sobayoont,laingk sik pado komuliaan duniawi.41Komuliaan motiih onu kiint sik komuliaan buraant,gok komuliaan buraant kiint sik komuliaan bintangk- bintangk,gok komuliaan bintangk dik tek bobeda ngant komuliaan bintangk dik kiint.42Wok nyent pula hal ngant pongongkat nya kobeek.nih naboor wah kobinasaan,torongkat wah arongk kae bonasa.43Nih noboor wah kohinaan,nih ngongkat wah komuliaan,nih noboor wah kolomah,nih ngongkat nginyak kokuatan.44Dik nih noboor haeek woongk alamiah,dik nih ngongkat haeek woongk rohaniah,Jika odoh wongk alamiah maka odoh geh wongk rohaniah.45Wook odoh totulis;" Monsia pontojiih,Adam jodi ntoyant dik midop", totapi Adam dik siniih jodi Minu dik ngkidoop.46Tapi dik mula- mula,e moniik kae lah rohaniah,totapi dik alamiah,mosik nyen baru moniik dik rohaniah.47Monsia pontojiih borasol sik dobu poyaa gok bosipat jasmani,monsia kodukaah borasol sik sobayoont.48Toruunt alamiah,samooh wok domp,e dik borasol sik dobuu poya gok toruunt sik sobayoont samoh ngan domp,e dik borasol sik sobayont.49Samooh wok dop dik jeh nginyaak pongodi dik alamiah,domikian dop geh roo nginyak pongodi dik sik sobayoont.50Ballo dorumak,too lah dik roo nyak ko sanoo koni moo,yaitu bahwa iseeh ngan doya kae dopat aroongk wah ompiik Ponompa,bahwa gok dik bonasa kae nopat aroongk oneh dik kae bonasa.51Sobonarr ko bosona koni mo rosiia toruunt; dop kae akan kobiis sidiik,totapi sidik dop roo tongubaah.52Libo sekejap motiih,pado onu angkoongk nafiri pongkosiik,e,nih angkoongk nafiri roo boriiint gok nya ntoyant kobek roo tongkatnya wah koadaan dik kae dopat bonasa gok dop sidik nih ngubah.53Nih dik dopat bonasa to naso arus nginyak dik kae dopat bonasa,gok dik kobiis to arus nginyak dik kae dopat kobiis.54Ngant mosik nyent dik taok bonasa to nginyak dik kae taok bonasa gok dik dopat kobek to nginyak dik kae taok kobek to,maka genaplah boba Ponompa dik nih nulis;" Maut jeh nih ningook wah saih komonang.55Oe maut wah keh komonangan mo?Oe maut,wah keh kah pomitaat mo?"56Pomitaat maut haeek sajoo dosa gok kuasa dosa haeek hukum Taurat.57Totapi syukur koni Ponompa,dik jeh munyook koni dop komonangan nih Yesus Kristus,Tuhan dop.58Nih nyent,ballo dorumak dik tokaseeh,tokitlah togap,yok ingaarr,gok giat maeh solarat wah korija Ponompa! sbab mo taok,bahwa wah posokutuan gok Ponompa jerih payah mo kae sia- sia.

Chapter 161Ngitoongk ngumpul duet nyak nya ntoyant baek,baeklah mo bobuat sosuae ngant potunjuk- potunjuk dik nih ko munyok koni jomaat- jemaat wah Galatia.2Libo onu pontojih sik tiap- tiap mingu baeklah masing- masingk mo - sosuae ngant oneh dik nih mo nopat - tona cik toruunt gok tona wah romiingk,sopayo yok pongumpul nyent bauh ngkodie,mak ko moniik.3Jeh mosik ko monik,ko akan ngutus nyaa ntoyant,dik nyak mo angap layak,ngant surat koni Yerusalem nyak ngkoniik pomunyook mo.4Maak tonyata pontengk,bahwa ko geh obuu,maka ballo,e akan ngajeh bosamoh- samoh ngant ko.5Koo akan monik koni moo,mosik koo ngucao Makedonia, sebab koo akan nguncaoo Makedonia.6Gok wah Korintus koo akan montook banso kudu onu kotaae ngant moo,atau mungkin koo akan montok solama musim colap,sohinga moo dopat nuloongk koo nyak nglajut ponyaloont koo..7Nih masa ntooh koo kae dopat loongk ngronongk moo cuma sopintas lalu maeeh,Koo arap dopat montok agak otaaei ngant moo,mak tongijin Ponompa.8Totapi ko roo montok wah Efesus sampae onu raya Pantekosta.9Sbab wah to obengk kosompatan nyak koo ngkodi korija dik daik gok pontengk,sokalipun odoh obengk ponontangk.10Maak Timotius monik koni moo,usakan supayo domp,e monae wah tuda mo yok miker golaak,sbab domp,e ngrijaa korija Ponompa samoh wok koo.11Jodi,yok lah odoh nya dik ngangap domp,e ronaah,Totapi tuloongk lah domp,e,sopayo domp,e nduduk ponyaloont domp,e ngant solamat,agar domp,e monik gek koni koo,sbab koo wah too nunguk pongkoniik,e bosamoh- samoh ngant balo posiik dik laingk.12Tentang posik Apolos: jeh boulangk- ulang koo ndesak,e nyak bosamoh- samoh gok ballo posik dik laingk koni moo,totapi domp,e samoh sokali ngak moniik ntooh,mak odoh kosompatan baek domp,e pasti monik.13Bojago- jagolah! tokitlah togap ngant iman! bosikaplah wok ndarii! gok totap kuat! 14 Tongkadie maeeh korija mo wah kaseh!15Odoh toruunt pominta gek koni moo,balo dorumak,Moo taok, bahwa Stefanus gok juruu romingk,e nya urangk ntoyant dik pontojih nojih botobat wah Akhaya,gok bahwa dieent,e jeh ngabdikan domp,e koni polayanan nya urangk baeek.16Korina nyent tomatooh maeeh nya urangk dik wok nyent gok sidik nya dik ngajeh korija gok bojerih payah.17Koo maa baeek owangk lek pongkonik Stefanus,Fortunatus,gok Akhaikus,korina dieent,e mbunuuk oneh dik gek ageek kurangk koni moo;18 Niih dieent,e ncolaap Minu koo ngant minu moo,Noroogalah nya ntoyant dik wok nyent.19Salaam koni moo sik jemaat- jemaat wah Asia ciik,Akwila,Priskila,gok jemaat wah romingk dieent nyonaa bolimpah- limpah salaam koni moo.20Salaam koni moo sik ballo dorumak sidiik,e.sano maeh salam tek konaant nyak dik laingk nginyak tadook baeek.21Nginyaak tongan koo soniriik koo nulis to; Salam sik Paulus.22Oseeh dik kae ngaseh Ponompa,tokutuuklah domp,e.Maranata!23Kaseh korunia Ponompa Yesus Kristus ngrotaa moo.24Kaseh koo ngrotaa moo sidiik,e wah Kristus Yesus.

2 Corinthians

Chapter 1

¹Siik Paulus,dik niih kohendak Ponompa jodi rasul Kristus Yesus,gok siik Timotius posiik dop,Nganu jemaat Ponompa wah Korintus ngan sidiik nya Tuci wah soluruh Akhaya.²Kaseh korunia ngan damae sojahtra siik Ponompa,Maangk dop,gok siik Tuhan Yesus Kristus ngroota moo.³Topujilah Ponompa,Maangk Tuhaan dop Yesus Kristus,Maangk dik bunuuk bolas kaseh ngan Ponompa sumber sogala pongibuuran.⁴dik nghibuur mee wah sogala kojoraa mee,sohinga mee sangiip ngibuur balo,e,dik borada wah bobagae macam- macam kojoraa ngan pongibuur dik mee torima soniriik siik Ponompa.⁵Sebab samooh wook mee ndopat bagian bolimpah-limpah wah kojora,e Kristus,wook nyen pula nih Kristus mee ngrima pongiburan bolimpah-limpah.⁶Jika mee jorra,hal nyen jodi pongibuuran gok kosolamatan moo:jika mee nih ngibuur,maka hal nyen sajo nyak ngripu moo,sohinga moo ndopat kokuatan nyak bosabar nijiing jorra songsara dik samooh wook dik mee tijiing geeh.⁷Gok pongaroop mee akan moo sajo teguh,nih mee taok,bahwa samooh wook moo ngajooh miaah bagian wah kojorra mee,moo geeh ngajoh miaah bagian wah penghiburan mee.⁸Nih mee loongk,balo dorumaak,sopya moo taok nginaamp kojoraa dik mee alami wah Asia Kecil,beban dik nih nangoong nyak mee sajo maa daiik ngan maa boraat.sohinga mee jeh potik owangk nyaam ngan pongkidop mee.⁹Bahkan mee nginaamp,soolah mee jeh nih njotuuk ukuman kobiis,Tetapi hal nyen tojadi,sopaya mee yook ngona kepercayaan wah dop soniriik,tetapi nyak nganu Ponompa dik ngongkat nya- nya dik kobiis.¹⁰Sik pongobek dik maa ngerii Dop,e jeh akan ngona pengharapan mee,bahwa Dop,e roo nyolamaat mee.¹¹Niih moo geeh ngajoh mantuuk ndoa mee,sopaya obengk nya ngucap syukur nih korunia dik mee dopat borikat obeengk nya doa ballo,e nyak mee.¹²Too haeek nih mee magooh,ku haeek boba owangk mee munyook kosaksian nganu mee.nih pomidop mee wah dunia to,khusus,e hubungan mee ngan moo,tonguasa nih kotulusan gok komurnian siik Ponompa kae nih hikmat duniawi,sajo nih kekuatan mase Ponompa.¹³Sebab mee nulis koni moo oneh dik dopat mo baca gok fahami.gok koo boaroop,mudah maeh moo bopahaamp.¹⁴Wook dik jeh nih moo mahaam sobagian siik mee,bahwa libo onu Ponompa Yesus moo roo bomegah nyak mee wook mee geh roo bomegah nyak moo.¹⁵Bodasar keyakinan to koo suaah ngrancang nyak nganu moo tiaant,sopaya moo dopat kaseh korunia nyak kodukah kali,e.¹⁶Mosiik nyen Koo roo nduduukmponyaloont Koo koni Makedonia,lalu siik Makedonia morii gek nganu moo,sopaya moo nuloongk koo wah pojaloont koo koni Yudea.¹⁷Jodi odoh haeek koo bosikap corobook libo roncanakan hal to?atau odoh kah koo mongki roncana nyen monurut koowangk ko soniriik,sohinga wah koo sorota dopat" Iik" ngan "Kae"?¹⁸Demi Ponompa dik setia,janyi mee koni moo kae lah sorota"iik"ngan "kae"¹⁹Nih Yesus Kristus,Onak Ponompa,dik jeh mee sano wah ropoot moo,nih koo gok nih Silwanus ngan Timotius,kae taak"iik" ngan "kae"totapi sobalek,e wah saiih Dop,e hanya odoh"iik"²⁰Nih Kristus haeek"iik"bagi sidik janyi Ponompa.Nyenlah sebab,e nih Dop,e dop nyonae" Amin"nyak muliakan Ponompa.²¹Nih Domp dik jeh meneguhkan owangk me bosamoh-samoh gok mo wah saiih Kristus,sajo haeek Ponompa dik jeh muntuh.²²Ngona materai tano mpo wah dop samel munyok Minu Ayu nganu saiih owaangk dop nyak jaminan sik sidiik nya dik jeh nyodia nyak dop.²³Tetapi Koo mpau Ponompa sobagae saksi koo-Domp ngonal koo-nih nyen koo kae monik koni Korintus nyak roo ngaseh mo.²⁴Kae nih me roo nyona oneh dik arus mo pocayook,nih mo soniriik togap wah iman mo,Sobalik,e,me galook ngajooh korija nya kobaek owangk mo.

Chapter 2

¹Koo jeh miah koputusan wah saiih oti koo,bahwa koo kae monij geek koni ngan kojoraa owaangk.²Nih oneh,maak koo ngjorraa paham owangk mo,oseh gek dik dopat ngaso koo baek owaangk solaink Domp dik bodukacita nih koo.³Gok justru nih nyen lah maksud surat koo,sopaya maak koo monik,yook koo bodukacita nih dieent,dik arus mongki koo jodi sinangk.Nih koo yakeen sidik pongodie mo,bahwa kobaek owangk mo nyen owangk koo.⁴Koo nulis to koni mo nginyak oti jora ngan sisak biniik juuk motiih tongis,sopaya nyak mo ntaook botapa daiik porasa koo nganu sidiik mo.⁵Nih ngoneh maak odoh nya ngaso susah,maka kae owaangk koo dik sonusah nya,molainkan oti mo sidiik nya.maak dik kurankg,e-sopaya koo yook ngaso lobeh-lobeh-owangk banso kudu naan ntoyaant.⁶Bagi nya wook nyen jeh lobeh pongaboont nya siik bagian moo.⁷Sohinga mo sobalik,e arus ngampuunt ngan ngibur nya,sopaya domp yook joraa nih kosusaah dik salo boraat.⁸Nih nyen koo nasehat mo,sopaya mo bonar-bonar ngaseh domp.⁹Sbab nih nyen,owangk koo nulis surat to koni mo,nyak nguji mo,oneh kah mo patooh sidiik toruunt.¹⁰Sbab maak oseh dik nih mo ngampuni,kosalah,e,koo ngampun mo geh,nih oneh mask koo mengampuni-hal nyen tangki koo nih moo wah jowi Kristus.¹¹sopaya iblis kae ndopat badie siik dop,nih dop taook owangk,e.¹²Tungkah pongkonik koo wah Troas nyak nyiar agoh boba Injil Kristus,dopat koo,sajo Ponompa jeh odoh mongki joraatn nyak nya korija wa iih.¹³Tetapi koo kidoh nginaamp tenang,nih koo kidoh dopat juruu posiik koo Titus,Nih nyen koo minta todop borongkat koni Makedonia.¹⁴Nih Syukur dop koni Ponompa,dik wah saiih Kristus selalu meet me wah joraatn dik monankg.Ngan pongopiik dop,Domp nyobar buuh wangi libo bokinal Domp wa keh wah keh.¹⁵Sbab Ponompa bagi me nyen lah buun dik somangii siik Kristus dik wah ropot ntoyaant dik nih nyolamaant ngan gok dieent dik roo binasa.¹⁶Nyak me pongkosiik nyen lah buuh pongkomiis dik ngkomis ngan bagi dik pontojih buuh pongkidop dik ya ngkidop.Tetapi oseh ntaook dik sangip dik roo ngkodie tugas dik wook nyen?¹⁷Sbab me kae samooh wook kobenkg nya kiint dik roo miah kountoonkg sik boba Ponompa.sobalek wah Kristus me ngomong sobagae mana mustie ngan maksud owaankg nganu porintah Ponompa ngan kojowie.

Chapter 3

¹Odoh haeek geeh me mijih diri me soniriik?Atau porolu kah me wook balo ntoyaant dik kiint ngampoor surat pomijih koni mo atau siik mo?²Mo haeek surat pomijiih me dik totulis wah saiih owankg me gok nih ngonal ngan dik taok ponaca sidik balo ntoyaant.³Nih jeh tonyata,bahwa mo nyen surat Kristus dik nih nulis balo polayan me,totulis kae nyak tinta,tetapi nginyak Minu sik Ponompa dik midop,kae wah botuh-botuh loh,molaingkan nyak loh-loh daginkg midop,ku nyen wah oti monsia.⁴Wook nyen geh kaiik koyakenan me nganu Ponompa ngan Kristus.⁵Ngan diri me sonirik me kae sangip nyak roo ngitonkg toruunt,soolah-olah korija me todop:Kae,kosangip me sajo korija Ponompa.⁶Nyen haeek mongki me sangip geh jodi polayan-polayan sik sidik toruunt pojanjian baoh,dik tomasok sik ukump dik totulis,totapi siik Minu,nih oneh ukupm dik totulis sajo ngkomiis,nih Minu dik ngkidop.⁷Polayanan dik mimpin koni pongkomiis nih nguker nyak uruf wah loh-loh botuh.Nih wook nyen geh kobaek Ponompa ngrotae rontaatn dik nih munyook.biar pun musaaf,silao jowi Musa sajo mongkilap,sohinga motih balo ntoyaant Israel kae mampu ngrononge.Maak polayanan nyen monik ngan kobaek dik wook nyen geh.⁸Sajo lobeh daiik gek kobaeek nya dik ngroota polayanan Minu!⁹Sbab,maak wook nyen polayanan me dik mimpitn koni pongukupm dik mulia,sajo maa baeek gek polayanan mimpin nganu kobonaran.¹⁰Sobonare oneh dik ramiis nih nganggap baek.maak tomanikng ngan kobaeek dik ngkodie sodik toruunt to,samoh sokali kidoh ritie.¹¹Nih oneh,maak dik musaaf nyen nih marook ngan kobaeek,botapa lobeh baeek maak dik kae musaaf nyen kae soroota ngan kobaek.¹²Nih me mpo pengharapan dik wook nyen, maka nya me borani botindak nginyaak koboranian,¹³Kae wook Musa,dik nyukaatn jowie,sopaya motih ntoyaant Israel kidoh leek silao dik moyaamp nyak somontara nyen.¹⁴Nih oneh pomiker baloe jodi modoot,sbab sampae onu to ponitop nyen gek maseh totap nitop dieent.maak baloe mbaca pojanjian tiaatn nyen tanpa kae nih nyikapi,nih hanya Kristus maeh dik taok ngkaant pongodie.¹⁵Bahkan sampae libo onu to,sotiap kali nya maca Kitab Musa,odoh ponitop dik nitop oti dieent.¹⁶Tetapi pabila oti ntoyaant bobalek koni Ponompa,maka ponitop nyen nih miaah siik domp.¹⁷Nih oneh Ponompa nyen Minu;wah keh odoh Minu Ponompa,wah nyen odoh kemerdekaan.¹⁸Gok dop pun sidik botilek nganu kobaeek Ponompa ngan jowie dik kae totitop.Gok nih kobaek nyen monik sik Ponompa dik sajo Minu,maka dop nubah jodi sorupa wook gamaare,wah saih kobaeek dik somakin daiik.

Chapter 4

¹ko baeek Ponompa me jeh ngrima polayanan to.nih nyen me kidoh dukah toruh owangk. ²Tetapi me nulak sidik pongodie dik tosukaatn ngan dik ngkongiin;Me kidoh bolaku licik pa lagi roo malsukan boba Ponompa.Sobalik me nyona kobonar,e ngan nih wook nyen me nyerahkan bako me nya jodi potimbangan sidik nya ntoyaant wah jowi Ponompa.³Maak Injil dik nih me nyona to maseh totitop geh, maka domp kae tobukaak nyak baloe,dik roo binasa. ⁴Nyen haeek balo ntoyaant dik kae pocayook, wah pomikeere jeh nih mbutaak nih gok ilah sowa to, sohinga dieent kidoh lek silao Injil oneh kobaeek Kristus, dik sajo nyata gamaar sik Ponompa.⁵Sbab kae diri me dik me nyona,e,tetapi Yesus Kristus sobagae Ponompa,gok diri me sonirik sobagae hamba Dop,e nih koowankg Yesus.⁶Nih oneh Ponompa jeh boboba:"Siik saih piti timol tampook!" Domp geh dik mongki tampook Domp,bosilao wah saih oti dop,sopaya dop dopat tampook sik ponaau hal kobaeek Ponompa dik tilerk wah jowi Kristus.⁷Tetapi rita to me dopat wah saiih payootn poya ngriaat,sopaya nyato,bahwa kokuatan dik bolimpah-ruaah nyen,borasal sik Ponompa,kidoh dik siik me.⁸Wah saih sidik hal me nih nindas,namun kae torapet,;me mosik akol,namun kae putus owangk.;⁹me odu jora,namun kae nih ntiggal todop,me nih ngompas,namun me kae binasa.¹⁰ Me sonantiasa met pongobeek Yesus wah saiih woonkg me,sopaya pongkidop Yesus geh jodi nyata wah saiih woonkg me.¹¹Me, korina Yesus, sopaya geh pongkidop Yesus jodi nyata wah saiih woonkg me dik gek fana to. ¹²wook nyen lah maut giat wah saiih owankg me ngan midop giat wah saiih mo.¹³Niih korina me odoh Minu iman dik sorupa,wook dik odoh totulis:"Koo pocayook,nih nyen koo ngomong, maka me pun pocayook nih sobab nyen me pun bojantoh boba. ¹⁴Me jeh taook bahwa Domp,dik jeh ngongkat Tuhan Yesus,roo ngongkat me bosamoh sorota ngan Yesus.Gok Domp roo meet ngadop me sorota ngan mo nganu dik wah somu. ¹⁵Sbab sidik to tojadi nih mo,sopaya kaseh korunia,dik somakin daiik bojomonkg ngan dik jeh somakin obengk nya jodi pocayook,ngasoo somakin molimpah ruaah pongucap syukur nyak kobaeek Ponompa.¹⁶Nyen me kidoh dik ndoruh owangk, biar monsia sojati me somakin susoot, namun monsia batiniah me jeh nih ngaso baek milangk onu. ¹⁷Sbab kojora midop masa ntooh, ngrijae to sajo kolobeh me dik kokal nlobeh sidik toruunt,oju lobeh daiik sik kojora me, ¹⁸Sbab nyen me kidoh ngronong dik kae tileek, molainkan dik kidoh tileek, Nih oneh dik tileek somuk somontara, maak dik kae oduk tileek sajo kokal.

Chapter 5

¹Mee jeh taook,bahwa maak dangao aroonkg dop wah bumi to nih mungkaar,Ponompa jeh nyodia aroonkg nyen wah Sobayoont nyak dop,aronkg dik sajo kokal,dik kataook mongkie nyak tonfan monsia.²Solama dip wah saiih dangao to,dop bosunguunt,nih dop maa owankg poroyu roo nginyaak pomonae sobayoont wah somu pomonae dop diik ntooh.³jeh wook nyen dop bo adooh ngan kidoh tilek kolanyao.⁴Solama maseh monae wah saiih dangao to,dop bosunguunt nih obenkg tokanan, nih dop loonkg nginyak adoh dik bauh nyen tanpa nguleeh dik tiaant,sopaya dik bieek nyen tingok nya dik midop. ⁵Tetapi Ponompa lah justru nyiapkan dop nyak hal nyen samel ngkodooh Minu, koni dop nyak jaminan sidik tiruunt dik jeh nyodia nyak dop.⁶Maka nih nyen oti me sonantiasa sabar,meskipun me sadar,bahwa solama me nginyak woonkg to,me maseh nginaamp oju sik Ponompa,⁷-sbab me midop to nih pocayook,kae nih leek,⁸tetapi owankg me tabah ngan solobeh baek me boralih sik woonkg to nyak samel ponae ngan Ponompa.⁹Nyen me borusaha, baek kah me ponae wah woonkg me to, atao me ponae wah sopa,e, sopaya me binaant monar nganu,e, ¹⁰sidik dop arus ngadop takhta pongadel Kristus, sopaya tiap ntoyaant dopat oneh dik patut nih ngrimae, sosuae ngan dik nih ngkodie libo wah pongkidope ntoh, baek atao kobieek.¹¹Me jeh taook golak ngkaant Ponompa,nih nyen me usaha ngyakin nya.Bagi Ponompa owangk me nyato nfan tampook jodi koo arap owangk me nyato wook nyen sobagae potimbangan mo.¹²Ngan to me kae joreh usaha mijih diri me soniriik sokali nganu mo,tetapi me munyok kosempatan koni mo nyak roo ngaya me,sopaya mo dopat ngadop balo ntoyaant dik magooh nih gok hal-hal lahiriah ngan dik kae batiniah.¹³Maak me kae nguasai diri me,pongodie to wah polayanan Ponompa,maak me dopat lopos owankg,hal dik nyen nyak kopontingan mo.¹⁴Sbab mase Kristus dik nguasa me,nih me jeh ngriti,bahwa mak tek naan kobiis nyak dukah naan nya,maka sidik baloe nyen jeh kobiis.¹⁵Ngan lagipula Kristus jeh kobis nyak sidik ntoyaant,sopaya balo dik midop kae gek midop nyak domp todop,tetapi nyak Domp,dik jeh kobek ngan jeh nih ngongkat nyak dieent.¹⁶Nih nyen me kae ngukur ntoyaant monurut ukur monsia.Ngan me jeh suah nilae Kristus monurut ukur monsia,ntooh me kae nilae Dop,e,wook nyen.¹⁷Jodi oseh dik odoh wah Kristus,domp nyen pongkodooh dik baoh:dik tiaant jeh lalue,sobonare dik baoh jeh monik.¹⁸Gok to sidik siik Ponompa,dik nginyak pongantara Kristus dik jeh ndamae dop ngan Domp,e,dik jeh nih ncayook nglayan podamaian nyen koni me.¹⁹Sbab Ponompa ndamae Domp,e nih Kristus dik kae ngitongk polanggaran baloe.Dop,e jeh ncayook agoh damae nyen koni me.²⁰Jodi me to haeek utusan-utusan Kristus,gonang-gonang Kristus nasehat mo ngan pongantara me;Wah odaant Kristus me minta koni mo:tunyoklah bako mo nyak nondamae gok Ponompa.²¹Domp dik kae ngonal dosa dik jeh nih ngkodie jodi dosa nih dop,sopaya wah Domp dop nih Ponompa mbonar.

Chapter 6

¹Wook dop samoh dingan pokorija,me nasehat mo,sopaya mo yook mongki kaseh jodi sia-sia korunia sik Ponompa,dik jeh nih mo ngrima.²To boba Ponompa:" Libo onu Koo owankg,Koo ngoping mo,mak libo onu Koo roo mbaeek mo,Koo nulonkg mo,"Sobonare,libo onu nyen onu dik naso nya,ngan sobonare,onu to sajo onu dik baek nyak nyen.³Wah saih hal oneh pun me kidoh munyok nih nya tosongkaak,sopaya polayanan me yook sampae nih cela.⁴hal to me kidoh ngampor,bahwa me to polayan Ponompa,saiih owangk me nahan sajo gok botangong jawab mak libo jora, baek koh sesak ngan togooh. ⁵libo midop jora, wah ponjara ngan kokacau nya, libo bousaha, bojago ngan bopuasa, ⁶sajo koowangk oti dop,nyak ntaook, kosabar, ngan komurah otie; Ngan Minu Ayu gok komase dik kae munafik. ⁷Wah ponyona agoh ngan kuasa Ponompa; mak nginyak balo bokal pongadel nyak nyoraankg ataupun nyak mbela.⁸Libo torongkat ngan libo tohina; libo nih nyunguunt ngan nih mijiih; libo nih cayoook jodi ponipu, tapi nih cayook, ⁹libo jodi nya tokenal tapi kae ngonal; Libo jodi nya nyaris kobis, tapi me sajo gek midop; wook nya nih ngocooh, tapi kae kobis. ¹⁰Wook nya dik sonankg, tapi solarat baek owang,wook nya bagoont, tapi ngaso nya kiint kaya, wook nya dik kidoh, tapi sokalipun me odoh toruunt.¹¹Ntoyaant Korintus!Me jeh nyona trus trang nganu mo,owankg me tobukaak nyak mo. ¹²Gok nyak mo odoh aroonkg dik daiik wah saiih otie me,tetapi nyak me somuuk odoh ciik dik odoh wah saiih otie mo. ¹³Maka ntooh,sopaya odoh timal balek - koo nyona wook to nganu balo cade -:Bukaak maeh owankg mo jangkook lobeh.¹⁴Yook lah mo wook nya dik kae soimaankg ngan balo ntoyaant dik kae cayook.Sbab posamaan apakah odoh wah ropoot dik bonar atau dik ntulah?Atau kameh kah wook tampook taok bobarook ngan poya piti?¹⁵Posamaan dik kameh dik todapat wah ropoot Kristus ngan Belial? Atau odoh bagian samooh nya pocayook ngan nya dik kae pocayok?¹⁶Wook keh wook antara Roming Ponompa ngan Podagi?Sajo dop toe Roming Ponompa dik midop bauh nginyak boba Ponompa toe;"Koo roo monae bosamoh ngan baloe gok midop wah ropoot dieent,Koo jodi Ponompa dieent,gok dieent jodi umat-Koo.¹⁷Nyen: Somopa maeh mo siik dieent,tomisah ngan mo siik baloe,boba Ponompa,yook gooh nokop dik comaar,maka Koo ngrima mo. ¹⁸roo jodi Maankg mo,sidik mo roo jodi balo cade koo nya dari ngan cade koo nya dayoonkg wook nyen boba Ponompa,dik ngkodooh dop."

Chapter 7

¹Balo Dorumak dik tokaseh,nih dop ntooh nginyak janyi boba nyen,boh lah dop ngriseh owangk dop siik poncomaar jasmani ngan rohani,nih wook nyen,nglengkap kobaeek dop nyak dop golak ngan Ponompa.²Lah arongk nyak me wah saiig owangk mo! Me kae suah mongki salah nganu oseh pun nya,kidoh ntoyaant dik nih me ngrugi,ngan kidoh nya pun dik nyak me mogao untonkg ³Koo nyona wook to,kidoh koo njotuk ukump nganu mo,nih jiis ko jeh nyonae,bahwa mo jeh ndopat aroong wah owangk me,sohinga me midop kobek. ⁴Koo sajo bosona nganu mo;tetapi koo geh mbangga mo.Jak sik jora me Koo salo toribuur ngan maa baek owankg dik bolimpah.⁵Bahkan libo me monik wah Makedonia,me kidoh nopat kotenangan nyak woongk me,Wa keh keh me nginaamp jora: sik sopa podoruuh ngan sik saih golak,⁶Tetapi Ponompa,dik ngibur owangk nya dik ronah oti,dik jeh ngibur me nyak pongkonik Titus.⁷Kae hanya nih pongkonik maeh,tetapi nih pongibur dik nih nginaamp wah tuda mo.koni me hal poroyu mo,posunguunt mo,kosunguh mo,nyak mbela koo,sohinga makin botoduk kobaek koo.⁸Jodi meskipun koo jeh nyusahkan owangk mo nginyak surat koo nyen,namun koo kidoh nosal,e.Memang suah koo nosale,nih koo leek,bahwa surat nyen nyusah owankg mo,biar pun nyak sotogal maeh.⁹Tapi ntooh koo kobaek,kae nih mo bodukacita,molainkan nih dukacita mo mongki mo botobat.Sbab kosusah mo nyen sajo nurut koowangk Ponompa,sohinga cik pun mo kae rugi nih me.¹⁰Sbab dukacita nurut Ponompa ngasel potobatan dik meet kosolamatan ngan kae dik nyak tonosal,tetapi dukacita siik dunia to ngasel pongkomiis.¹¹Nyen norati maeh justru dukacita dik nurut koowangk Ponompa nyen ngrija wah mo kosunguh dik daiik,bahkan mbela todop, konamp owangk, kamoh owangk, poroyu, pongodie, pongukump! Wah saiih nyen sidik mo jeh buktikan, bahwa mo kae bosalah wah pongodie nyen. ¹²nyen, maak koo jeh nulis surat koni mo, maka kae nih koowangk nya dik bobuat salah, atau nih ntoyaant dik joraa pongodi salah, molainkan korela mo jodi nyato toradap me nyak mo wah jowie Ponompa.¹³Nih nyen lah me jodi toribur. Ngan solaink pongiburan dik nih me nopat nyen, me lobeh gek ma baek owangk nih kobaeek Titus, sbab sidik mo jeh nyegar owang,e. ¹⁴Koo mbangga mo koni,e,ngan mo kidoh ngecewa koo. Niih me sonantiasa nyona oneh dik bonar nganu mo, wook nyen geh kobaeek me wah jowi Titus jeh sajo bonar nyato.¹⁵Gook pomasee botoduk daiik toradap mo,pabila Domp ngingaant kopatooh sidik mo,wook keh mo roo nyamuut pongkoniik,e mak golak ngan water.¹⁶Koo baek owangk,nih koo dopat munyok pocayook koni mo wah sogala hal.

Chapter 8

¹Dorumak, me roo nyona koni mo pongodie kaseh korunia dik nih munyok koni jemaat-jemaat wah Makedonia. ²Solagik nih ncuba sajo borat nyame wah sogala kojoraa, kobaek owangk balo,e ngrumpaap biarpun balo,e dik maa bagootn, tapi dieent kaya wah komurah owangk,e.³Bosaksi bahwa dieent jeh borani nurut komampuan dieent,e,bahkan lobeh siik komampuan balo,e. ⁴Nyaak korelaan todop dieent mimpin gok ndesak koni me,sopaya balo,e geh ndopat kaseh korunia nyak miah bagian wah polayanan nganu balo nya dik baeek. ⁵Dieent munyok lobeh obengk siik dik me narop,Dieent munyok bako dieent,potama-tama koni Ponompa,mosik nyen nih koowangk Ponompa geh nganu me.⁶Nyen me ndesak koni Titus,sopaya domp nganu mo nyak ngkosiik polayanan kaseh nyen sobagae mana wook keh domp jeh ntojiih. ⁷ntooh,samoh wook mo,kaya wah sidik toruunt,- wah iman,wah boba jantoh,wah pongalaman,wah kosunguh nyak nulongk,ngan wah mase mo toradap me - wook nyen geh moo kaya wah polayanan kaseh to.⁸nyona hal nyen kae nyak porintah, molainkan,nyak ngampoor usaha balo ntoyaant kiint nyak mantuk,koo loong nguji koiklasan owangk mase mo. ⁹Nih mo jeh nginal kaseh korunia Ponompa dop Yesus Kristus, bahwa domp,e diik nih mo jodi bagootn, sokalipun Dop kaya,sopaya mo jodi kaya nih kobagootn Domp.¹⁰To haeek ponapat hal nyen,diik laak bofaedah boguna nyak mo.Memang jeeh jak siik sowa dik tiaant mo nojih ngkodie ngan miah koputusan nyak ngkodie geh.¹¹Maka ntooh,kasiik geh lah pongkodie nyen!Arus,e pongkodie sopadan ngan korela owankg mo,gok kadie geh nyen nyak oneh dik odoh wah mo.¹²Sbab maak mo rela nyak munyook,maka pomunyok mo torima nya,maak pomunyook mo nyen bodasar oneh dik odoh wah mo,kae bodasar oneh dik kidoh wah mo.¹³Mo nih mbeban kae sopaya nya kiint nopat koringanan, tetapi sopaya odoh kosoimbangan. ¹⁴Maka aruslah jaak siik ntooh kolobeh mo nyak nyukup kokurangan dieent, sopaya kolobehan dieent mosiik nyen ncukup kokurangan mo,sopaya odoh kosoimbangan. ¹⁵odoh jeh totulis; "Ntoyaant dik ngrugook obenkg, kae bolobeh, ngan nya dik ngruggok ciik, kae bokurangk.¹⁶nganu Ponompa, dik jeh nih mo munyok korunia kosunguh dik wook nyen wah saiih oti Titus nyak nulongk mo. ¹⁷Memang Domp nyamuut ponyona me,tetapi wah kosunguhan dik daiik nyen domp ngan kobaeek obu koni mo.¹⁸Borota-rota ngan domp me ngciriim posiik dop,dik topuji wah sidiik jemaat nih pongodie libo ponyona agooh Injil.¹⁹Kae nyen maeeh!Domp geh jeh nih nijuk siik jemaat-jemaat nyak ngopiik me libo polayanan kaseh to,dik kadie me nyak kobaeek Ponompa ngan nyak bukti korelaan otie me.²⁰Nih nyen me roo nangkis hal nyen:bahwa odoh nya dik dopat ncela me libo hal polayanan kaseh diik nih me ngkodie ngan asel dik kaiik to.²¹Niih me mikeer dik baek,kae somuuk wah jowie Ponompa,tetapi geh nyak dik jowi monsia.²²Borota-rota ngan dieent me utus tek naan nya kiint,nya nyen juruu dop,dik jeh kudu kalie me uji dik tonyata solalu bousaha roo nulongk.Ntooh domp makin borusaha karna daiik kopocayook nya nganu mo.²³Titus nyen dingan koo dik korija samoh-samoh ngan koo nyak mo:balo juru me dik kiint nyen sajo utusan jemaat-jemaat ngan kitek kobaeek ngan Kristus.²⁴Nih nyen nampor ngan nganu dieent,e wah jowi jemaat-jemaat bukti pomase mo ngan bukti komegah koo nyak mo.

Chapter 9

¹Hal polayanan koni balo ntoyaant baek kae porolu gek koo nulis koni mo.²Koo jeh taook ngkaant kerelaan owangk mo wook keh model ngkaiik mo koni balo ntoyaant wah Makedonia.Sano koo:"Akhaya jeh siap sodia jak siik sowa dik saeek mula,e,."Gok pongodie mo jeh ngransongk obengk nya.³Koo ngutus balo ntoyaant nyen,sopaya komegah me wah hal to nyak mo yook gak jodi sia sia,totapi sopaya mo bonar-bonar siap sodia wook dik jeh koo nyona,e.⁴sopaya,maak balo ntoyaant Makedonia monik borota-rota ngan koo,yook dieent nopat mo goont sodia,sohinga me- nyak kae nyona mo - nginaamp mongiin wah koyakenan me.Nih nyen koo morasa ⁵porolu ndorong balo juru nyuh nyak borangkat tiaant siik koo.sopaya dieent lobeh tiaant ngrintu pominyook dik nih nyona libo goont,e,agar pajie odoh nyak bukti komurahan oti mo ngan kidoh wook pomunyook dik nih maksa.⁶Camkan maeh to: Nyaa dik noboor ciik,akan dopat ciik geh,gok maak nya noboor obenkg,akan dopat obenkg geh.⁷Aduu maeh masing-masing nya munyok monurut korelaan otie,yook ngan owang ndoruuh atau nih maksa.sbab Ponompa ngkasee nya dik munyook ngan sukarela.⁸Gook Ponompa sangiip ngkosiik sidik kaseh korunia nganu mo,sopaya mo solalu bokocukupan wah sogala hal toruunt gok malah bolobeh wah bobagae kobajikan.⁹Wook odoh totulis:"Domp bobagi-bagi,Domp munyok nganu nya bagoont,kobonaran Domp totap nya sampae paji,e."¹⁰Domp dik nyodia binii nyak ponabur,ngan kue nyak naiik,Domp geh dik nyodia binii nyak mo gook lipatgandakan sorota nimuu buah-buah kobonaran.¹¹Mo kan naso nya kaya wah sogala hal komurahan owangk,dik nimol poraso syukur koni Ponompa nih me.¹²Sbab polayanan kaseh diik borobiih pomunyook nyen kae somuuk nyukup koporluan-koporluan balo nya dik baek,tetapi nyen geh nyak kolobeh dop syukur nganu Ponompa.¹³Nih sbab mo jeh tahan uji wah polayanan to,dieent mijiih Ponompa nih kopatoh mo wah pongakuan Injil Kristus serta komurahan owangk mo libo manooh toruunt ngan dieent gok sidik nya.¹⁴Sedangkan saiih doa dieent,baloe geh nginaamp poroyu mo nih oneh,nih kaseh korunia salo nglimpah wah mo.¹⁵Syukur koni Ponompa nih kobaeek Dop,e dik kae nyak sanoo nyen!

Chapter 10

¹Koo,Paulus ntoyaant dik kae boteek maak boradop jowie ngan mo,tetapi botek toradap mo maak libo ojau demi Kristus dik lomah lomuut gok botabeek.²Koo minta koni mo:"Yook gooh mo maksa koo ngaso ngampor kobotek koo siik somaak,maak kinaamp nyam koras owangk toradap balo nya totontu maeh dik ngira,bahwa mo midop socara duniawi.³Memang me maseh midop wah dunia,tetapi mo kidoh pongkosiik socara duniawi,⁴Nih pongawoos me libo bojuangk kae pongawos duniawi,molainkan pongawoos diik jeh nih lengkap ngan kuasa Ponompa,diik sangiip nyak ngruntooh piga bentengk.⁵Me ngrokook sotiap siasat ntoyaant dik roo ngrurooh sotiap clob dik nih mongki nyak korongkao monsia nyak roo nontaangk pongonal Ponompa,me nawoont sogala pikeer ngan nunook koni Kristus.⁶Gook me geh siap sodia nyak ngukuump sotiap pontulah,maak kopatooh mo jeh roo jodi sompurna.⁷Ranoong maeh dik nyato wah jowie mo!Maak odooh ntoyaant bonar-bonar yaken,bahwa domp dik mpo Kristus,hendaklah domp bopiker wah saiih owangk,e, bahwa me geh mpo Kristus dik samooh wook domp.⁸Bahkan,maak koo bolobeh-lobeh libo bopagooh ngan kuasa,e,dik nih munyook Ponompa nganu me nyak mbangun ngan kae nyak roo runtoh mo,maka wah hal to koo kae roo nopat mongiint.⁹Tetapi koo kae lugii tileek nya soolah-olah koo ntaruu mo ngan surat-surat koo.¹⁰Sbab,sano nya,surat-surat,e memang tegas ngan koras,tapi maak bokadop jowie domp lomah gok boba jantooh domp kae bolaku.¹¹Tetapi hendaklah balo otoyaant dik bosona wook nyen nginsaf,kae kah me,maak bokadop jowie,samooh wook ponyona me wah suarat-surat me,maak kae bokadop jowie.¹²Me siik kae borani ngrompuuk dop nya ngan apalagi mbanding diri dop soniriik ngan nya dik tontu diik salo mijiih domp.Diennt,e ngukur nyak ukuran dieent soniriik tanpa mikeer nya kiint,sajo maa malaangk,e.¹³Sobalik,e me kae lugi me magooh dop nlobeh batas,molainkan wah saiih baat ngan baat wilayah korija dik jeh nih Ponompa munyok,¹⁴Sbab libo me nyobar Injil Kristus me jeh monik nganu mo,sohinga kae me lalu watas idarr korija me,soolah-olah me goont koni mo.¹⁵Me kidoh magooh nganu korija me dik nih ngkodie nih nya kiint wah idar korija dik nih matok nyak me,Tetapi me kae boaroop,maak pabila iman mo somakin bagaee,me pun ndopat poroga lobih daiik geek siik mo,maak tobaniingk ngan idarr korija dik nih matok nyak mo.¹⁶Me midop,geeh,sopaya me dopat nyobar Injil wah daerah-daerah dik lobeh ojau siik daerah mo gook kidoh magooh ngan asel-asel dik buleh nya kiint siik daerah korija diik nih matok nyak nya.¹⁷"Tetapi maak oseh bopagooh,siik arus mo nyen arus bopagooh nganu Ponompa,¹⁸Nih kidoh ntoyaant dik mijih dop,e dik tahan uji,,molainkan nya dik pijih .ponompa.

Chapter 11

¹Langkah baeek,maak mo bosabar toradap komalaankg koo dik ciik nyen,mo sajo sabar toradap ko! ²Niih koo muruu nganu mo ngan muruu koni Ponompa.Niih koo jeh nunang mo ngan nganu diik salah satu ndarii nyak ngoraah mo sobagae porawan boriseeh koni Kristus.³Koo pun golaak,libo pomikeer koo mo niih nyosat siik kisotia mo dik sojati baeek nganu Kristus,sorupa wook Hawa diik nih nggila nyipiih nginyak sidik koliciikan.⁴Niih mo maa sabaare,maak odoh tek naan nya moniik nyona Yesus dik laing siik pado dik nih me nyona,atau munyook koni mo Minu dik kiint dik jeh niih mo ngrima atau Injil dik kiint siik pada diik nih mo ngrima.⁵Tetapi maak ponapat koo ciik pun koo kidoh kurang siik gook balo rasul-rasul dik kidoh nlobeeh nyen.⁶Maak koo kurang pahamp libo hal bojantoh boba,kae tak wook nyen waah hal kopanaae;sbab me jeh nyonae nganu mo libo sokayuuk sowa ngan sidiik pongodi.⁷Oneh kah koo bobuat salah,maak koo ngronaah owangk koo roo nyak ngaso moo,nih korina koo nyona Injil Ponompa koni mo ngan cuma-cuma maeh.⁸Jemaat-jemaat dik kiint jeh nih koo rampoos gook samel nopat pongkidop siik dieent,e.sopaya koo taok nglayani mo.⁹Maak libo tungkah koo kokurangan wah ropot mo,koo soniriik kae nyusahkan mo,palagi nya kiint,nih oneh dik kidoh wah koo,niih ngaso lobeh nih gok bali dingaant koo siik Makedonia.Wah sidik hal koo ngjago koo soniriik,supaya kae nyak jodi pikerr moo,ngan nyen koo solaraat wook to.¹⁰Demi kobonaran Kristus wah saiih koo,to koo tegaskan,bahwa kokayaa koo nyen kidoh araal nih nya ngan ntoyaant wah kodaak ibaar Akhaya.¹¹Ngoneh kae?Apakah nih koo kidoh ngase mo?Ponompa odoh nyaook mo.¹²Tetapi oneh dik nih koo ngkodie,koo pun solalu ngkodie nyak ngcegah dieent dik salo miah kosompatan nyak bosona,bahwa dieent samoh ngan me wah hal dik taook kaya.¹³Sbab nya nyen balo rasul-rasul palsu,tonaga korija dik curang,diik nyamoor wook rasul-rasul Kristus.¹⁴Hal to kae joreeh nyak nyarooh,sbab Iblis geh gaak nyamoor wook malaekat tampook.¹⁵Jodi kae geh toruunt hal diik ganyel,maak polayan-polayan,e nyamoor wook polayan -polayan diiik baek.Kosudahan dieente bah sotimpal ngan pongodie.¹⁶Koo ulangk gek:Yook baah odoh nya dingangap koo malankg.Ngan moo wook nyen geeh ngangap koo,torima maeh koo wook ntoyaant malangk nyen,sopaya koo cak tao bopagooh ciik.¹⁷,Oneh diik nih koo nyona,koo nyonae kae nyaak wook nya diik bosona nuruut boba Ponompa.molainkan wook nya dik munaao ngan nyak munyok aroop,bahwa domp,e taook bomegah.¹⁸Niih obengk nya bomegah waah duniawi,koo roo nyunoot geeh.¹⁹Niih mo salo kobaeek toradap nya diik munaao,niih mo ma bijaksana:²⁰Nih mo sabar,libo nya roo nguli mo,maak nya nginsaap mo,maak nya roo nguasai mo,maak nya ngangku rongkao toradap mo,maak nya ngocooh mo,²¹Nih salo mongiint koo arus ngangku,e,bahwa wah hal nyen me salo lomah.Tetapi maak nya kiint boteek nyona magooh toruunt,e,maka koo pun,bosona ngan komalang koo,borani geeh!²²Nya nyen nya Ibrani?Koo pun nya Ibrani?Nya nyen nya Israel?Koo pun nya Israel.Nya nyen koturuunt Abraham? Koo pun koturuunt Abraham!²³Oneh kah dieent polayan Kristus? -Koo bosona wook nya gila - Koo lobeh geek!koo lobeh obengk jora bousaha: lobeh malaar wah saiih ponjara;Nih njora luar des;suah tak nginaamp kobiis.²⁴Koo nih balo nya Yahudi ngjora rimiih kali,sotiap kali empat puruu kurangk teek pongocoh.²⁵Toruuh kali nih nlasah,sokali nih nompooh ngan botuuh,toruh kali nginamp oruut karoomp,kah nu kah ngoriimp koo montok wah tuda laoot.²⁶Wah ponyaloont koo malaar nginaamp jora lakiip ngan jorra ponyamun,kojoraa nya siik pihak Yahudi,gook nya diik kae siik pihak Yahudi,jorra wah kota,joraa wah rompoong podaangk,joraa wah tuda laoot,jora odoh waah pihak-pihak dorumak dik palsu.²⁷Koo odoh obeng joraa samel korija boraat: malaar koo kidoh biis;koo sobirook ngan auus;malaar geh koo nginaamp puasa;libo colaap ngan kidoh adooh;²⁸Ngan,kae nyak sanoe gek diik kiint,e,pongodie koo boonu-onu,kunyen nyak ngrintuu sidiik jemaat-jemaat.²⁹Maak odoh ntoyaant nginaamp lomah,kae kah koo ngajoh nginaamp lomah? maak odooh diik nyongkaak,kae kah lulooh owangk koo niih pomahaamp?³⁰Maak koo arus bopagooh,maka koo arus bopagooh ngan wah kolomah ko.³¹Ponompa,nya nyen Maankg siik Yesus,Tuhan dop,diik topuji sampae pajie,taook,bahwa koo kae bodusta.³²Wah Damsyik wali negeri rajo Aretas,ngaso ngawal kota-kota Damsyik roo nya nokoop koo.³³Tetapi odoh wah saiih koranyaangk nih ntonaah siik tiraap somopa piga kota ngan nih wook nyen koo dopat lopoos siik tongan,e.

Chapter 12

¹Koo arus bopagooh,sokalipun memang hal nyen kidoh faedah nyak koo,siik wook nyen koo nyona poronoong-poronong ngan ponyataan ponyataan diik nih koo ngrima siik Ponompa.²Koo taook ngkaant nya Kristen;empat bolas sowa saeek seek, - entah wah saiih woongk,siik kataook koo,entah siik sopa woongk,siik kataook koo,Ponompa dik taook - ntoyaant nyen tiba- tiba nih ngongkat kosomu dik kotoruuh wah sobayoont.³Koo jeh taok pongidie nyen, - wakeh woobg tah nyen wah saiih wah sooa woong,siik kataook koo,Ponompa maeeh ntaook,⁴Domp mpojet nih ngongkat wah Firdaus,samel ngopingk boba diik nyonae,diik kae buleh nyak sano Monsia.⁵Wa hal nyen koo roo magooh,tetapi wah koo soniriik kae koo bopagooh,solaink nyak kolomah koo.⁶Sbab sokiraae koo roo bomegah geeh,koo pun kae nya bodo geek,niih koo nyona dik bonaar,tapi koo nahan todop koo,sopaya yook odoh nya dik ngitongk nyona nganu koo lobeh siik nih dieent ranoobgk wah koo atau kapingk balo,e siik koo.⁷Nih sooaya koo yook ngrongkao dop ngan ponyataan-ponyataan dik luar biasa nyen,maka koo nih munyook tek biter roja saiih woo gk koo,nyen nya nih Iblis nciriimp nyak ngraru koo,sopaya koo yook rongkao.⁸Pongodie hal nyen koo jeh tiruh kali,bosona nganu Ponompa,sopaya utusan Iblis nyen ngunoor siik jowi koo.⁹Tapi Tuhan nyamoot koo:" boyah maeh kaseh korunia Koo nyak mo,sbab justru wah nyen kolomah koo jodi sompurna."nih nyen,koo tolobeh rajing magooh ngan kolomahan koo,sopaya kuasa Kristus tomonah koni kok.¹⁰Nih koo senang baek owang koo wah kolomahan koo,wah ponyiksaan,wah koponogooh koo,libo kojoraa ngan togooh,libo ponganiyaan ngan kosisak nih Kristus maka koo kuat.¹¹Siik maant koo jodi bodo;tetapi mo diik maksa koo.sobonare koo arus mo pijih.Niih meskipun koo boroga ciik pun,namun wah jongk sidik hal koo kae aloh toradap balo rasul dik luar biasa nyen.¹²Sidiik toruunt nyak bukti,sajo koo nya ntoyaant rasul,jeh nih ngkodie wah ropot mo ngan sidik kosabaran nih tano-tano,mujizat-mujizat ngan kuasa-kuasa.¹³Sbab wah hal oneh mo nih ngrutuuk nih baniingk ngan jemaat-jemaat kiint,solaingk sik wah hal nyen,yaitu bahwa koo soniriik kae jodi suatu beban koni mo?maafkanlah kotidak adilan koo to.¹⁴Sosunguh ntooh jeh nyak kotoruh kalie koo siap nyak ngjongok mo,gook koo kae roo ngrupa toruunt aral bagi mo.Sbab kae rita mo nyak koo gagao,molainkan mo soniriik.Karena kae onak cade diik arus ngrugook rita nyak nya muntuuh,molainkan nya muntuuh lah nyak balo onak cade ,e.¹⁵Nih nyen koo owakng munyok toruunt koo,bahkan munyok koo nyak mo.jodi maak koo sajo ngaseeh mo,masakan koo somakin kae tongaseh?¹⁶Adu maeh,koo soniriik kae jodi araal nyak mo,tetapi - mo nyonae - ngan kolicikan koo jeh njerat mo ngan gook tipu daya.¹⁷Jodi suaah kah koo miah untokng siik mo nih tek naan nya siik ropot balo,e dik nih koo ngutus nganu mo?¹⁸Koo memang jeh minta Titus ngaso obu borota-rota ngan domp koo ngutus dorumaak dik kiint nyuh.Odoh kah Titus miaah untokng siik mo?Kae kah me bosamoh midop nuruut Minu diik samoh ngan kidoh kah me bolaku nurut cara dik samoh?¹⁹Jeh kasa otae nyam,e mo ngira,bahwa me roo mbela me todop wah jowie mo.Wah jowie Ponompa gook demi Kristus me bosona:sidik to,balo dorumak dik tokaseh,tojadi roo nyak mbangun iman mo.²⁰Sbab koo wateer,maak pabila koo monik nopat mo kae wook diik nih koo owakng ngan mo nopat koo kae wook diik koowakng mo.Koo water odoh posoliseh,iri ati,pondoruuh,kepentingan dop soniriik,fitnah,bopiseek,korongkao ngan korusuhan.²¹Koo waterr,bahwa pabila koo monik,Ponompa koo ngronaah koo wah jowi mo,ngan koo bodukacita toradap ntoyaant obekng wah libo ramiis mongki dosa ngan kidoh diik botobat siik poncomeek,pocabulan, gook kae botabeek dik nih dieetn ngkodie.

Chapter 13

¹To haeek diik nyak kotoruh kali,e koo moniik nganu mo;Baruuk ngan keterangan dukah atau toruuh saksi siik pokara diik sah.²Koni dieeetn,diik masa ramiis,e sidiik nya,jeh koo nyonae tolobeh tiaatn ngan koo diik roo nyonae sokali geek - ntooh libo koo ojau ngan mo pas libo wook pongkoniik koo kodukah kalie - bahwa koo kae kan nyayang dieent libo onu koo monik geek.³Karna mo tigiik odoh bukti,bahwa Kristus bojantoh boba ngan porantara koo,Dop,e kae kan lomah toradap mo,molainkan bokuasa wah tuda mo.⁴Biar sokalipun Domp nih nyalib niih korina kolomahan,namun Domp midop nih kuasa Ponompa.memang me sajo lomah wah Domp,tetapi me kan midop bosamoh-samoh gook Dop,e nyak moo niih kuasa Ponompa.⁵Uji maeh dop todop,onehkah mo togap ngan iman mo.Solidik mo sonirik!Onehkah mo kae yakin ngan mo,bahwa Kristus Yesus odoh wah saih mo?Niih maak kae wook nyen,mo kae tahan uji.⁶Tetapi koo boarop,bahwa mo taok,bahwa kae me dik kae tahan uji.⁷Me bodoa nganu Ponompa,sopaya mo yook mongki kobieek kae niih me tahan uji,molainkan sopaya mo to dopat bobuat oneh diik baek,sokalipun me soniriik nginapm kae tahan uji.⁸Korina me kae dopat bobuat oneh-oneh bolawootn kobonaran;diik taok me ngkodie nyenlah nyak kobonare.⁹Sajoo me maa baek owakng,maak me lomah ngan mo kuat.Gook nyenlah diik nih me ndoa,ku haeek sopaya mo jodi sompurna.¹⁰Nyenlah sebab,e sokali toe koo nulis koni mo libo koo siik oju ngan mo.sopaya maak koo odoh borada ngan mo,koo kae topaksa botindak koras nuruut kuasa diik niih munyok Ponompa nganu koo nyak mongki gook kae nyak ngruntooh.¹¹Jeh pongkosiik,e,balo dor umaak,bosukacita maeh,usahakan mo sopaya jidi sompurna.Torima sidik nasehat koo! teek owakng sopikeer mo,ngan midop maeh wah damae sojahtra;maka Ponompa,sumber komaseh gook damae sojahtra sorota ngan mo!¹²Tunyok lah salam teek naan koni diik kiitn nginyak ponodok dik kudus.Salam siik sidik nya diik kudus nganu mo.¹³Kaseh korunia Ponompa dop Yesus Kristus gook mo.¹⁴Ngan posokutuan Minu Ayu sorota ngan sokayuuk mo.

Hebrews

Chapter 1

¹Jeh pongkosiik sowa disaeeek Ponompa malaar ngan bobagae cara ngomoongk koni neek uyoot doop nyaak pongopiik balo nabi. ²Niih nyen zaman pongkosiik to Dop,e jeh ngomoongk koni doop nyak porantara Onaak,e,diik jeh Dop,e nontu nyaak nya diik bohak ngrima sidiik diik odooh,Niih Dop,e Ponompa jeeh mongki poya tonaa. ³Dop,e sajo ontaah kobagaae Ponompa gook gamaar wujud Ponompa gook diik ngonaa oneeh toruunt diik odooh ngan bobaa,e diik daiik kokuasa.Gook mosiik Dop,e jeeh ngkodiie poriseeh dosa,Dop,e dudook wah sopiaak tauuh Diik Maa daiik,wah aroongk diik ponyomuu nya.4Ojaau lobeeh nyomuu siik nya baloo malaekat,samooh wook odaant diik niih munyook nganu,e ojaau lobeeh bagoos siik diik odaant baloo,e.5Niih nyen koni oseeh kooh siik nya nyeen baloo malaekat nyen suaah Dop,e nyonaa,e:Onaak Koo Moo!Moo jeeh niih ngkodooh libo onu to?"gook nyen,Koo diik jodii Maangk,e gook Dop,e jodi Cade Koo?"6Jeeh liboo tulaak Dop,e meet Onak Cade diik pontojiih koni dunia,Dop,e nyonaa:"Sidiik malaekat Ponompa aruus nyomaah Dop,e."7Libo balo malaekat-malaekat Dop,e nyonaa:"Diik mongkii malaekat-malaekat,e jodi buaak gook polayan-polayan Dop,e jodi jilauu opi,"8Niih oneeh hal Cade Dop,e nyonaa:"Takhta- mu,o Ponompa,nih magootn ngan sotoruus gook jangkook paji,e,ngan songkut Korajaan Mo diik sajo songkut diik bonaar.9Mo nyinta koadelan ngan monciik kobieek;niih nyen Ponompa,Ponompa Moo jeh modaak minyaak ngan mongki tanoo kobaek owaangk,bolobeeh siik gook balo dingan Moo,"10Gook,libo ponojiih,o Ponompa,moo jeeh nglotaak dasar bumi,ngan ronyeent diik sajoo pongki tongaan Moo.11Sidiik nyen mosiik moyaamp,tapi Moo magoont odooh,gook sidiik jodii dokoot wook adooh.12Wook jubaah Moo nguloongk balo,e.wook poronaak nya nasoo tongubah,tapi Moo magoont samooh,gook sowa-sowaa Moo kidooh pongkosiik."13Gook koni oseeh kooh nya ropoot malaekat nyen suaah Dop,e nyona,e:"Dudook maeh sopiak tauh Koo,jangkook Koo mongkii munsu-munsu Moo nyaak jodi ponumpu kojaa Moo?"14Kae kooh balo,e sidiik jeh jodi minu-minu diik ngkodi,diik nih ngkoniik nyaak nglayaan balo,e diik arus nopat kosolamatan?

Chapter 21Niih nyen arus lobeeh toliti doop ngratii oneh diik nih dop ngopiingk,sopaya dop kae dibeet piingk boranyoont.2Niih nyen maak boba diik nih nyonaa nyaak pongopiik nya malaekat-malaekat magoont bolaku,gook sidiik ponyangkook ngan kae kopatooh pasti nopat bolas diik sotimpal.3kameeh kooh dop lopas,maak dop nyia-nyia kosolamatan diik kaiik nyen.diik ponojiih niih munyook nyona nih Ponompa ngan nih baloe dik jeh ngopiingk,e,koni dop ngan cara diik taook nyak toncayook,sedangkan,4Ponompa nogooh ponyonaa balo,e ngan tano-tanoo gook mujizat-mujizat gok nih bobagae macam pongodie kokuasaan gok nih Minu Ayu,diik nih Dop,e magi-magi monurut owangk,e.5Niih kae koni malaekat-malaekat jeh Dop,e nunook dunia diik moniik kojowi,dik sanoo dop to.6Odooh nyaa diik suaah munyook ponyona wah saiih nas,sano,e;"Oneh kah monsia,sohinga Mo tingaant,atau onak monsia,sohinga Moo ngkagaae nya?7Namun Moo jeh mongkii nyak sowa diik sotogal ciik lobeh ronaah siik gook malaekat-malaekat,diik jeh mongki mahkota nyak komuliaan gook hormat.8Sidiik toruunt jeh niih Moo naklook wah sigaant koja,e."nih oneh wah libo naklok sidiik toruunt nganu,e,kidooh toruunt pun diik nih Dop,e nontook.dik kae patooh koni,e.Tetapi ntooh goont tileek dop,bahwa sidiik toruunt jeh nih naklok nganu,e.9Tapi Dop,e,dik onu sowa diik copat nih mongki lobeh ronaah siik nya malaekat-malaekat,nya nyen Yesus,tileek dop,dik nih kojora midop,e kobiis,dik nih nopii nyak kolobeeh ngan hormat,sopaya nih kasih korunia Ponompa Dop,e nginaamp kobiis nyak sidiik ntoyaant.10Sebab nih sosuae ngan koadaan Ponompa,dik nyak Dop,e,gok nih Dop,e sidiik toruunt nih njodii,nyen tih Ponompa diik meet obeengk nyaa nganu komuliaan,nyak nyompurna Yesus,dik mimpin balo,e koni kosolamatan ngan kojoraa midop.11Niih Dop,e dik ngriseeh gook dieent diik tongriseeh nya,dieent sidiik borasal siik teek,nyen lah sobab,e Dop,e kae mongiint nyona dieent boposiik.12sanoo,e:"Koo opus nyona odaant Moo koni balo juruu posiik Koo,samel mijiih Moo wah tuda jowi jemaat,"13Mosiik nyen:"Koo ngasoo nya kopocayook nganu,e," gok nyen:" Sobonarr,e,to haeek Koo ngan balo cade diik jeh punyook Ponompa koni Koo."14Nih nyen onak cade nyen sajo onak cade siik doyaa gok iseeh,maka Dop,e pun jodi samooh ngan dieent samel nopat bagian waah koadaan dieent,sopaya nih pongobeek Dop,e ngkoyaap Dop,e,nyen tih Iblis muunt dik bokuasa somuu pongobiis.15gok sopaya nih ponyaloont to Dop,e mbebas balo,e diik sopantoor midop,e monae wah poya nya nih torunaa golaak kobiis.16Sebab sobonoaar,e,kae malaekat-malaekat diik nih Dop,e ngaseh,tetapi ballo koturuunt Abraham dik nih Dop,e ngaseh.17Nyen lah sebab,e,maka waj sidiik toruunt hal pongodi Dop,e arus sonamooh ngan gook balo juru posiik,e.sopaya Dop,e tau jodi Imam Daiik diik bise ngonaa bolas kaseh gook diik setia koni Ponompa nyaak ndamae dosa sokayuuk banso.18Sebab nih nyen Dop,e todoop jeh joraa niih poncuba,maka Dop,e taook nulongk balo,e diik nih ncoba.

Chapter 31Nih nyen gook balo dorumaak diik baek,diik nopat bagi wah ponosuu nya nganu sobayoont,ranoongk maeh koni Rasul ngan Imam Daiik dik nih doop nginyak,nyen nyae Yesus.2dik setia koni Dop,e diik jeh nontu,e sobagae mana Musa pun setia ngan nya soluruh romiingk,e.3Sbab Domp nih nya ngratie dik taook nopat kolobeh dik lobeh daiik daripada Musa,samoh wook nya ahli mongki romiingk lobeh nih nya ngrogga dari pada toruunt dik nih mongki.4Sbab sotiap romingk nih mongki nyaak nya dik ahli bopongki,tetapi ahli bopongki sidiik toruunt nyen nya Ponompa.5Musa sajoo magoont wah sogonap obih romiingk,e Ponompa jodi polayan nyak munyook ponyona oneh agooh diik roo nyak sanoo konooh.6tetapi kristus magoont wook onak diik jodi kopalok romiingk,e,gook romiingk,e nyen tih dop,maak dop moniik koni paji,e togap bopigoongk ngan kopocayook gook ponunguuk diik nih dop magooh.7Nih nyen,oneh diik sano Minu Ayu;"Libo onu to,nyen mo maak ngopiingk,e boba,e.8Yook gooh mo tigiik owaangk wook pondoruuh mo libo nya ncoba wah padang gurun.9wa keh balo koturuunt ucok uyot mo suaah roo ncuba Koo nyak joraant nguji Koo,sokalipun balo,e ngrati pongodi Koo,solama empat puruu sowa kotaae,e.10Nyen sobab Koo ndoruuh nganu baloo angkatan nyuh samel nyona:Solaraat balo,e sosat owaangk,sigiik dieent kae nginaal Koo.11Sohinga Koo bosumpah wah pondoruuh Koo:Dieent kidooh dopat ngajoh koni ponogaak Koo.12Waspada maeh,balo dorumaak,sopaya siik antara mo yook odooh nya diik dopat tek naan nya kobieek giok kidooh taook nyak toncayook nih ngoneeh domp murtad siik Ponomoa diik midoop.13Tetapi nasehat maeh dik tek nganu diik kiint sotiap onu,solama taook nyonaa," Onuu to"sopaya yook wah moo odooh nya diik kae togap owangk,e nih nginyaak tipu daya dosa.14Niih doop dopat bagian siik wah Kristus,asal dop togap bopigoongk,sampae paji konooh nganu koyakinan iman dop dik ponojiih.15Tetapi maak suaah nyonaa:"Libo onu to,maak moo ngopiingk boba,e,yook gooh tigiik owangk mo wook nya diik ndoruuh.16Oseehkoh nya diik nimool owaangk pondoruuh Ponompa,sokalipun domp ngopiingk boba,e? Kae koooh dieent diik somoopa siik Mesir niih kopomimpint Musa?17Gook oseeh kooh nya,e diik nih ndoruuh solama empat puruu sowa kotaae?Kae kooh nya diik mongki dosa gook diik bangkae borampooh wah padang gurun?18Gook nih nyen oseeh kooh nya diik jeh nih Dop,e ntulaah,bahwa dieent kae ngajooh koni aroongk ponogaak Dop,e? Kae kooh nya diik kae matooh.19Wook nyen dop ngratie,bahwa dieent kae dopat ngajooh niih torunaa kae cayook balo,e.

Chapter 41Niih nyen baek dop waspada,sopaya yook odooh ntoyaant siik ropot dop niih angap montook,sokalipun janyi roo ngajoh koni saiih ponoggak domp diik geek bolaku.2Niih koni doop niih nyona agooh baeek samooh wook ngan dieent,niih kae samooh boroota daiik samooh ngan iman gook dieent diik ngajooh ngopiingk.3Sbab dop dik boo,iman,pasti ngajooh koni ponoggak Dop,e wook diik nih nyonaa:"Sohinga Koo bosumpah nyak pondoruuh Koo,sokalipun pongodi,e korija,e jeeh mosiik libo dunia niih mongki.4Sbab nih nyen onu kooiju,e suaah niih nyona wah saiih pimii,ngan Ponompa togaak libo onunkooiju,e siik gook pongodie korija.5Gook wah saiih pimii dop maca:" Ballo,e kae dopat ngajooh koni aroongk Koo,"6Jodi jeh jelas,bahwa odooh masook kudu naan ntoyaant,nganu arongk nyen,sajoo dieent diik nganu,e lobeh tiaant niih nyona agooh ponyonaa nyen,kae masook niih toruna balo,e kae patoh.7Sbab nyen Dop,e pun nontu onu,nyen haeek" Onuu to",libo onu to,maak moo ngopingk boba Dop,e,yook gooh tigiik owaangk mo!"8Niih,andaekata Yosua meet balo,e masok nganu aroongk ponogaak,justru Ponompa kae nyonaa ngomongk mosiik nyen oneh hal pongodii diik kiint.9Jodi odoh niih ngonaa aroongk,onuu koiju,e,nyaak gook umat Ponompa.10Niih nyen oseh nya diik masok nganu aroongk ponogaak Dop,e,domp soniriik togaak ngan gook pongodie korija,e,samooh wook Ponompa togaak siik pongodie Dop,e.11Niih nyen baeek doop bousaha ngajooh masok koni ponogaak Dop,e,supaya doop kidooh diik odooh nyunoot nganu toruunt diik kae kopatooh diik nyen jiis.12Niih boba Ponompa midop gook kuat,lobeh ngrojaa siik podang bomotiih dukaah oneh pun jantooh nya,Dop,e nicook maa toriimp jangkook nyak moncae minu ngan bakoo dop,iseh waat dop ngan isiimp,Dop,e sangiip mbeda pomiker oti dop.13Gook niih nyen kidooh daangk oneh pun tosukaant siik Domp,e,baek toruunt diik kolanyaao gook bobukaak wah jowi Dop,e,diik nganu,e dop arus botanggung jawab.14Niih nyen doop ntooh odooh Imam Daiik,diik jeh nlintas ronyeent nya nyen Yesus,Onak Ponompa,niih nyen dop botigiip nganu ponginyaak iman dop.15Sbab dop jeh odooh mpoo imam Daiik,kae kooh Imam Daiik diik kidooh ngajooh kae dopat nginaamp kolomah-kolomah dop,sobalik,e samooh ngan dop,Domp,e niih ncuba,sajoo Dop,e kidoh mongki dosa.16Niih nyen booh dop ngosaa owaangk dop nyomaak takhta kaseh korunia,sopaya dop nopat kasih korunia nyaak ndopat ponuloongk doop konooh,e.

Chapter 51Justru sotiap Imam Daik,diik nih mileeh siik monsia,niih nontu nyaak monsia libo dieent ngan Ponompa,sopaya Dop,e munyook pomunyook gook buntoot niih dosa.2Dop,e taook gritii nya diik polaliis ngan nya kobieek,niih Domp todoop sajoo obeengk kolingaah.3diik ngasoo,e nyaak munyook sileeh ngan dosa,kae sojati nyak umat,tetapi nyak Dop,e soniriik.4Gook nih nyen kidooh ntoyaant pun miaah pongodiie nyen nyak domp todop,tapi niih nosuu nyak Ponompa,wook diik jeeh niih ngkodie nyaak Harun.5Wook nyen geh Kristus kae mijiih Domp soniriik nyakk roo njodi Imam Daiik,tapi niih mijiih niih nyaa diik bosonaa nganu,e:"Onak Koo,Moo! Moo jeeh iih Koo ngkodooh onu to,"6Wook diik niih nyonaa wah nas kint:" Moo sajoo Imam nyak paji konooh,e,sosuae atoor Melkisedek."7Libo domp midop wook Monsia,Domp jeh nyonaa doa ngan pominta nyaak ponongiis gook ponyunguunt nganu Dop,e,diik sangiip nyonaa nyolamat siik pongobiis,niih kobaaek Dop,e nyaak kapingk.8Gook niih nyen Dop,e Onaak,jodi taook matooh ngritii siik oneeh toruunt diik joraa.9Gook niih nyen Dop,e jeh dopat kolobeh,e,Dop,e jodi puunt kosolamatan diik kidoh pongkosiik nyaak sidiik ntoyaant diik patooh nganu,e.10Gook niih nyen Dop,e niih nosuu nyak jodi Imam Daiik,monurut porator Melkisedek.11Pongodi hal nyen obeengk nya arus mee sanoo,tetapi diik togooh nyak roo nyonaa,e,niih moo jeeh lamoot libo wah pongopiingk.12Sbab sokalipun moo,niih ngrati jaak siik tojook sowaa,jeh soaruus,e mo jodi pongajoor,moo geek manseeh nyak najoor hal azas-azas puunt siik ponyonaa Ponompa,gook nyen moo maseh ngrolu susu kae toruunt naiik nudaap.13Sbab oseeh nya diik ngrolu susu Domp kae maham oneh toruunt sanoo nya diik baek,sbab niih domp sajoo cade geek okaak.14Tetapi toruunt naiik nudap diik muntuh nyak nya diik muntuh,diik niih odooh poronoongk diik tolatih nyaak mbeda diik baek siik gook diik bieek.

Chapter 61Niih nyen booh dop ntiggal pongodi pontojiih siik pongajoor hal diik nyona Kristus gook diik boralih siik pongodii diik podat.Yook maeeh dop nglotaak geek dasar botobat nyaak pongodi-pongodi diik kidooh ritii,e,nyak bodasar pocayook koji Ponompa.2Nyen tiih hal bobagae pombaptis,ponumpaak tongan,pomongkaat ntoyaant kobiis ngan ukuman diik kidooh pongkosiik.3Gook nihh nyen diik nyak dop kadie,maak Ponompa ngasoo.4Sbab dieent diik suah niih nyabarr owangk,e,diik suah nginaamp rosiki sobayoont,gook diik suah nopat aroongk waah Minu Ayu,5Diik suaah ngopiingk boba baek siik Ponompa ngan korunia-korunia dunia diik moniik konooh.6Maak diik gek murtad,kae mudah tombagae gek wook nyen,jangkook dieent taook botobat,sbab dieent nyen diik nyaleb Onak Ponompa nyak dieent ngan nyak jowii nya obeengk.7Sbab poya diik ngisap piingk ujaant diik malaar nopuus somuu,e,gook nyak ngasel buah ponimu-ponimu dik boguna nyak dieent diik ngrijaa,e ngrima borikat Ponompa.8Tetapi maak poya nyen ngasel rojaa rampoo ngan iduuh rojaa,kae kooh dop,e boguna gook roo jeh nyomaak pontulaah diik pongkosiik nyak ticool.9Tetapi,mo balo posiik Koo diik kokaseh,biar pun mee nyona moo wook nyen hal dieent,mee yakin,nih moo mpoo toruunt diik lobeeh baek,diik borobiih kosolamatan.10Sbab sajoo maa adel,sohinga Dop,e nomoot nganu korija moo,ngan kasih mo diik niih mo ngampoor nganuu odaant,e nih polayan mo koni balo nya diik baeek,diik niih ngkodiee sampae ntooh.11Tetapi owangk me,sopaya mo masing-masing ngampoor kobonaar diik samooh nyaak njodii pongaroop mo toruunt diik pasti,sampae libo konooh,e.12Supaya mo yook jodii lamoot,tetapi jodi nya ponurut-ponurut dieent niih iman ngan kosabaar nyak nopat aroongk diik wah keeh tonjanyi Ponompa.13Sbab libo Ponompa munyook janyi boba koni Abraham.Dop,e bosumpah demi domp soniriik,niih kidooh diik odooh nya diik lobeeh nyomuu siik Domp,e.14sanoo,e:" Sobonaar,e Koo roo mborikat mo bolimpah lobeeh ngan nyaak ngasoo moo sajoo maa obeenk."15Abraham sajo maa sabaar,e botunguuk gook niih nyak nyen domp nopat oneeh diik niih nyona nganu,e.16Sbab monsia bosunpah nyak domp diik sajoo nyomuu,gook sumpah nyen jodi toruunt nyak noggap domp,e, diik nyaak roo ngkosiik sidiik samoot nya,17Niih nyen,nyak lobeeh ngyakeent balo,e diik bohak ngrima janyi nyen diik kopastian ponyonaa,Ponompa jeeh niseet janyi Dop,e ngan sumpah.18Sopaya niih dukaah konyataan nyen sajo kae borubah,pongodi hal nyen kae mungkin Ponompa mborool,dop diik moggao aroongk bolinoongk,nopat porasoo nyaak dop ntaook oneeh toruunt diik odooh waah jowii dop.19Poraasoo nyen sajo pongauuh diik kuat gook aman nyaak jiwa dop,diik jeeh niih nlabooh sampae nganu maangk tabeer,20waah keeh Yesus jerh tiaant masook jodi porintis nyak dop,libo Dop,e,monurut porator Melkisedek, jodi Imaam Daiik sampae paji konooh.

Chapter 71Sbab Melkisedek sajoo rajo nyaa Salem,gook Imam Ponompa diik sajo Maa nyomuu;domp nganu njuoongk Abraham libo Abraham morii siik ngalooh baloo rajo-rajo,nyaak mbaek domp,e.2Nganu domp pun Abraham munyok simongk porosen ponopat sidiik.Monurut odaant ritii Melkisedek diik sajoo rajo ponojiih nya diik baeek,gook rajo Salem,nyen tiih rajo damae sojahtra.3Dop,e kidooh mangk,e,kaae boonook,kidooh pureeh posiik,onuu,e kidooh pongkosik siik pomidop Dop,e kae mosiik,niih Domp niih Ponompa ngaso jodi Imam sampae paji konooh.4Camkan maeh sajoo maa daiik ntoyaant nyen,diik nganu,e Abraham,ntuuh boraak dop saeek mulae,diik munyook simoongk kolobeh siik sidiik ponguleeh diik sajoo maa baek.5Gook sidiik dieent nyen onak cade Lewi,diik ngrima jabatan imam,nopat tugas,nyak ukump Taurat,nyak mungkot simongk porosen siik nya umat Israel,gook siik balo juru posiik,e,sokalipun nye nyen sajo geek koturuunt Abraham.6Tetapi Melkisedek,diik kae koturuunt dieent,e,mungkot prosen nyen siik Abraham nyak mberkat domp,biaar domp nyen diik mpoo bobaa.7Sajoo memang kae dopat sangkal bahwa diik lobeeh ronaah niih nya diik sajoo nyomuu mberkat,8Gook wah too monsia-monsia maggo ngrima simongk porosen nyen ngan wah iih nya,diik hal Dop,e niih munyook ponyonaa,bahwa Dop,e midop.9Niih nyen taook nyonaa,bahwa ngan porantara Abraham niih mungkoot geeh simongk porosen siik Lewi,diik odooh hak ngrima nyen.10Sbab Domp manseeh monaae midop ngajooh abae boraak domp,e,libo Melkisedek njuoongk abae boraak nyen.11Niih nyen andaekata Imamat Lewi jeh ncapae kolobeeh,-sbab niih imamat nyen umat Israel jeh ngrima Taurat, - oneh kooh geek maseh ngrolu nya kiint nyaak nasoo jodi imam daiik monuruta atoor Melkisedek gook hal Domp,e diik niih Harun nyonaa nyak atoor domp? 12Sbab,maak imamat borubah,ngan soniriik geeh ukump Taurat nyen borubah.13Sbab Dop,e,diik nih maksud wah to,tomasok suku nya kiint,siik suku nya too kidooh diik suah ngolayan mezbah.14Sbab jeh niih nya ntaook bahwa Ponompa dop borasal siik suku Yehuda gook hal suku nyen Musa kae suaah nyonaa,e oneh toruunt pun pongodii balo imam.15Gook hal nyen ojaau lobeh nyato,maak tonootap tek nasn imam kiint monurut cara atorr Melkisedek.16Diik jodi Imam kae bodasar nyak porator-poratoor monsia,tetapi pongkidop diik kae taook bonasa.17Sbab hal Dop,e niih munyook ponyonaa:" Moo sajoo Imam nyak paji konooh,monurut atoor Melkisedek.18Memang odooh ukump toruunt niih ngluaar ramiis,e niih mbatal,maak ukump nyen kae nginyaak kokuatan gook niih nyen jodi kidoh gunaa,e.19Niih oneeh ukump Taurat samoh sokali kidooh meet kolobeeh,tetapi ntooh jeeh odooh timool aroop dop diik bauuh diik lobeh baeek,diik ngasoo dop nyomaak koni Ponompa.20Gook niih nyen samooh wook imam diik jodi kae niih nyumpah,sajoo dieent jodii imam diik kidoh sumpaah.21maak Dop,e niih nyumpah,domp todop nyobuut,e diik bosona nganu,e:" Ponompa jeh bosumpah niih nyen domp kae kosal: Moo diik sajo Imam sampae paki konooh,e.22wook nyen geh Yesus diik sajo jaminan siik pongodi toruunt diik lobeh anool.23Gook libo jomilah daiik dieent jeeh jodi imam,niih diient oduuk niih nyan ndoruuh maak pagoont njabat jodi Imam.24Tetapi,niih domp magoont sampae pajii,e,imamat domp kae dopat pinaah nganu nya kiint.25Niih nyen Dop,e sangiip nyolamat sidiik ntoyaant obengk,diik niih domp moniik koni Ponompa,Sbab domp midoop sonantiasa jodi porantara dieent,e.26Niih Imam diik Daiik wook nyen diik nyak dop nongrolu,nya diik saleh,kidoh ponyalah,kidoh noda,diik topisah siik nya diik bodosa gook lobeeh nyomuu siik tiingkat balo ntoyaant waah sobayoont.27Diik kidooh wook imam-imam kiint,diik sotiap onu arus munyok posembahan nyak dosa domp sonirik jeh mosiik nyen baruu nyak dosa umat,e,niih nyen niih ngkodie sokali nyak solama,e,libo Dop,e munyok bakoo Dop,e soniriik nyak jodi korban.28Sbab ukump Taurat jeh odoh nontu ntoyaant diik oduuk geh diik lomah owangk,e jodi Imam Daiik,tapi sumpah,diik niih nyonaa mosiik nyen libo ukuump Taurat,nontu Onak Ponompa,diik jodi sompurna sampae pajii,e.

Chapter 81Inti sidiik diik niih doop nyonaa nyen haeek; doop mpoo Imam Daiik diik sobonaar,e,diik dudook wah sopiak tauuh takhta Diik Maa kuasa wah Sobayoont.2Gook dinglayan pongodi wah aroongk diik baeek,nyen tih wah kemah diik gooh,diik niih Ponompa ntokiit kidooh niih monsia.3Sbab sotiap Imam Daiik niih nontu nyaak munyook pomunyook gook pomunyook nyen niih Yesus porolu odooh toruunt nyak tomunyook.4Sokiraa,e Dop,e wah bumi to,Dop,e samoh sokali kae taook jodi Imam,niih waah nyen jeh odooh nya diik munyook pomunyook monurut ukump Taurat.5Polayanan dieent sajoo gamaar ngan sadoongk siik oneeh diik jeeh odooh waah sobayoont,samooh wook diik sano Musa,libo tulaak domp ntokiit kemah," Tingaant maeeh,wook nyen bobaa,e,bahwa moo mongki sidiik to monurut model diik jeh niih munyook nganu moo libo waah somuu doriik nyen.6Tetapi ntooh Dop,e jeeh nopat toruunt polayanan diik ojaau lobeeh nyarooh,niih Dop,e jodi Porantara siik pojanjian diik lobeeh mulia,diik niih ndasaar ngan janyi boba diik lobeeh nyomuu.7Sbab,sokiraa,e ponyonaa diik pontojiih nyen kae bocacat,kidooh loongk nya moggao aroongk diik kodukaah.8Sbab Dop,e miseek dieent libo Dop,e nyonaa:"Sobonaar,e,odooh moniik onuu,e,wook nyen boba Ponompa," Koo roo ngkodiie pojanjian diik bauuh ngankaum Israel gook ngan kaum Yehuda.9Kaee wook pojanjian diik niih Koo ngkodiee ngan neek boraak koturuunt dieent,Libo masa nyen Koo odooh migoongk tongan dieent nyak roo ngoraahballo,e somopa siik poya Mesir.Sbab niih ballo,e kae setia nganu pojanjian Koo,gook Koo pun nulaak dieent,e,wook nyen sanoo Ponompa.10Maka too haeek pojanjian diik niih Koo ngkodie ngan kaum Israel jeeh mosiik nyen,wook nyen ponyona Ponompa," Koo roo ngonaa ukump Koo wah saiih akol piker diient,e samel nulis wah saiih owangk dieent,e,maka Koo jodi Ponompa dieent ngan dieent jodi umatKoo.11Gook niih nyen dieent kae ngajoor geek sosamooh dieent,eatau sosamooh posiik,e samel nyonaa;" Tongoonal Ponompa! Niih dieent, daiik ciik,pasti ngonaal Koo.12Sbaab Koo konooh ngona pomase Koo koni dieent toradap ponyalah dieent,e ngan kidooh mahaamp,e geek dosa-dosa ballo,e.13Niih nyen Dop,e nyonaa hal pongodi pojanjuan diik bauh,Dop,e nyonaa diik ponojih nyaak pojanjian diik jeh jodi muntuuh.Gook oneh diik jeeh jodi muntuuh ngan nlapook,jeeh roo nyomaak pongkieek geek.

Chapter 91Sajjo pojanjian diik pontojih gaak odooh porator-porator nyak somayaangk gook nyaak aroongk diik baek pongki tongan monsia.2Jeeh odooh mongki posiapan kemah,nyen tih bagian diik sajo jowi gook wah nyen odooh tileek koja polita ngan mija,gook kue saji.Bagian nyen sanoo nya aroongk baeek.3Waah maangk tirae diik kodukah,e odooh kemah geek diik sanoo nya aroongk diik maa boriseh.4Wah nyen odooh mezbah nyak nicool dapoo omas,ngan pinee pojanjian,diik sokayuuk nyen niih nyalut ngan omas,wah saiih tabut nyen odooh balo botol omas borobiih biteer,songkut Harun diik suuah bosuaat ngan balo botuh-botuh dik botulis pojanjian.5Gook waah somuu kodukah kolobeh komuliaan diik nitoop sidiik podamae.Tetapi hal nyen kae dopat dop nyonaa,e ntooh socara toporinci.6Wook nyen geeh cara aroongk diik vaek nyen niih ngatoor.Maka Imam-imam solarat masok koni saiih kemah diik sajoo jowii nyen nyaak ngkodiie pongodie dieent.7tetapi wah saiih kemah diik kodukaah somuuk Imam Daiik maeeh diik masok tek sowa sokali,gook nyen pun nginyaak doya pomunyook niih domp soniriik gook pomongki umat,e socara kidooh dieent ntaook.8Ngan niih to Minu Ayu nyona,e bahwa joraant nganu aroongk diik kudus nyen goont tobukaak,solama kemah diik pontojih nyen geek odooh.9Nyen somuuk nyak kiasan libo ntooh,sesuai ngan nyen pomunyook nyen niih munyook diik kidooh ntaook nyak nyompurna dieent diik goont bosiraah monurut owaangk otii,e.10Niih sidiik nyen,solaingk toruunt naiik nudap gook bobagae pongumeek,somuuk lah porator-porator pongkidoop ntoyaant,diik somuuk bolaku nyak nunguuk onu diik bauuh.11Niih nyen Kristus odooh moniik jodi Imam nya diik bokuasa nyaak hal-hal diik moniik baek.Dop jeh nlalu kemah diik lobeh daiik gook diik lobeh sompurna,diik kae niih tongan monsia mongki,ritii,e tomasook diik kae pongkodooh to.12Gook nyen Dop,e masok sokali,e nyak sumuur midoop koni aroongk diik boriseeh nyen,sameel meet doya ntocaak ndari ngan doya onak lembu,tetapi sameel met doya Domp todoop,niih nyen Dop,e dopat nyak lopoos sampae pajii,e.13Sbab maak doya Onak ndarii ngan doya onak lembu ndarii ngan poceek dobuu lembu monguunt nyaak ngumeek dieent diik comeek,mosiik nyen dieent midoop ngan kosinang,e.14Siik kidoh nlobeeh doya Kristus,diik niih Minu Ayu diik kidooh pongkosiik,e munyook bakoo Domp todoop koni Ponompa.nyakk mongki pomunyook diik kidoh cacat,e,pasti ngriseh balo otii owangk doop siik balo pongodiie dik kidoh ritii,e,sopaya doop taook pinaah nganu Ponompa diik ngkidoop.15Niih nyen Dop,e ntoyaant diik jodi porantara nyak pojanjian diik bauh,sopaya diient diik jeh niih nosuu taook ngrima boba diik niih balo,e ngkodiie libo pontojiih.16Sbab wah keh odooh pimii,wah niie niih nyonaa hal agooh pongkomiis siik pimii nyen.17Niih odooh pimii pisiingk nyen baruu sah,maak diik mongkii pisiingk nyen jeh kobiis,sbab Dop,e nyen jeh kidooh gunaa,e,solama nya diik mongki pisiingk nyen maak midoop.18Nyen tiih asell,e,niih nyen pojanjian pontojiih niih ngesah kae nyak doyaa.19Sbab jeeh mosiik nyen Musa nyonaa sidik ator ukuump porintah ukump Taurat nganu soluruh umat ,Dop,e miaah doya Onak Lembu,gook doya domba ndari ngan piingk,gook buruuh ntocaak ngan sompuuk,mosiik nyen mocerk kitab nyen ngan sidiik umat.20Samel nyonaa;"Too tiih doyaa pojanjian diik jiih Ponompa nontu nyaak mo,"21Gook nyen jagoo kemah ngan sidiik toruunt nyak somayaangk niih moceek wook keeh model ngan doyaa.22Gook ampeer sidiik toruunt niih ngriseeh ngan ukump Taurat nyak doya,kidooh doyaa diik soyaangk niih nyen kidooh pomasee.23Gook nih nyen oneeh toruunt maak niih ngkodooh siik sobayoont arus niih ngkodooh wook nyen,tetapi balo toruunt sobayoont todoop nih pomunyook diik lobeeh baeek gook siik libo nyen,w.24Sbab nyen Kristus kidooh ngajoh masook koni kemah diik pongki monsia diik somuuk nyak nlopoos boba,maeeh siik diik gooh,maak wah saiih sobayoont soniriik diik nyak ngadoop jowi Ponompa siik somuuk nyak doop.25Gook nyen Dop,e kae lugii,e masok borulangk kali,nyak munyook pomunyook domp,wook keh porangaae Imam Daiik nyen tiap sowaa nasok nganu wah aroongk diik baeek diik nyatoo kae nyak doyaa domp soniriik.26Sbab maak wook nyen Dop,e arus borulang-rulangk nijiingk joraa jaak siik libo dunia to niih ngkodooh.Tetapi ntooh Dop,e somuuk sokali,e nyonaa bahwa Domp, nyen ntiyaant nyak libo zaman pongkosiik roo ngkoyaap dosa nyak doyaa,e.27Gook niih nyen samoh ngan monsia jeh niih nontu nyak kobeek sokali maeeh,mosiik nyen nyak tongadell.28Wook nyen geeh Kristus sajoo sokali,e munyook pongkidoop,e nyak doop obeengk samel nangoongk dosa ntoyaant.Mosiik nyen Dop,e nyen sokali geek koo nyonaa,e kidooh domp nangoongk dosa nyak roo munyook kosolamatan diik niih doop nunguuk.

Chapter 101Wah saiih ukump Taurat somuuk odooh tileek sadoongk maeeh toruunt diik sanoonya kosolamatan nyen diik roo moniik,gook nyen kidooh ngoneh ngoseeh koni gook pongodie diik sotiap sowaa pomunyook nyen nih ngkodie,ukump Taurat kidooh nyompurna dieent diik moniik somuuk miaah bagian wah saiih maeeh.2Sbab maak hal nyen jodi,pasti ntoyaant kidoh gek munyook toruunt,niih oneeh diik jeeh ngkodie somayanggk nyen kae nyadaar geek odooh dosa,e mosiik niih ngriseeh sokali sampae paji.3Tetapi nyen nyak jodi poringatan dop nganu dosa.4Sbab kidoh diik odoh doyaa lembu ndarii atau doyaa domba ndarii taaok nobus dosa.5Kala nyen libo Dop,e nganu dunia odoh nyonaa:" korban ngan pomunyook nyen kae lugii mo ngratii,e,tetapi moo jeeh odooh ngkodooh bakoo woongk,koo.6Koni toruunt nyaak sinuuk atau toruunt nyak ngkoyaap dosa Moo kidooh lugii,e.7Mosiik nyen koo nyonaa:"Sajoo maaant,Koo moniik;wah saiih guloongk kitab odoh totulis hal Koo diik nyaak ngkodie owangk moo,Ponompa Koo.8Siik somuu domp nyonaa:"Toruunt niih munyook,toruunt niih nyinuuk, ngan toruunt nyak ngapus dosa siik kidooh owaangk mo geek gook nyen moo kae owangk moo,biar niih mee munyook monuruut atoor ukump Taurat.9Jeeh mosiik nyen;"Sobonaar,e Koo odooh moniik nyak ngkodiee toruunt owanggk moo," Diik ponojiih niih moo ngkoyaap,sopaya diik kodukaah timool.10Gook niih koowanngk,e nyen lah doop jeeh niih ngkaaek sokali nyak sampae pajii,e, nyakk pomunyook bakoo Yesus Kristus.11Mosiik nyen maak Imaam Daiik kamerh borulang kali nyona munyook pomunyook,e diik sorupa,diik samoh sokali kae dopat ngkoyaap dosa.12Tapi Dop,e,mosiik munyook toruunt sajo sokali,e niih hal dosa,Dop,e taook dudook nyak sampae konooh,e wah sopiaak tauuh Ponompa.13Ntooh domp nunguuk onu,e,wah keeh ballo munsu,e roo nyak jodi tumbal gook poimpeet kojaa,e.14Niih tek konaan nya baah Dop,e taok nyompurna dieent diik niih Dop,e ngkaeek.15Hal pongodie nyen,Minu Ayu pun odooh munyook ponyonaa koni doop.16Jeeh mosiik nyona boba:"Too haeek pojanjian diik nih Koo nyona libo onu nyen,"Dop,e bosonaa geh,Koo roo ngonaa ukump Koo wah saiih owaangk dieent,e samel nyaak roo nulis wah saiih pikeer dieent.17Koo pun jeh kidooh ngingaant dosa-dosa gook ponyalah dieent.18Jodi pabila nyak sidiik to odooh pongampunan,kae porolu geek pomunyook agooh niih dosa,19Jodi,balo dorumaak,niih doya Yesus doop ntooh piniik niih kosabaar nya sampae taook masok koni romiingk aroongk diik baeek.20niih Dop,e jeh mukaak joraant diik bauuh gook midoop nyak doop nlalu tabeer,nyen tiih Dop,e soniriik.21ntooh doop mpoo tek naan Imam Daiik wook kopalok Romiingk Ponompa.22Niih nyen booh doop ngadoop Ponompa ngan owaangk diik tulus ikhlas gook koyakinan iman diik togaap,niih koowangk oti dop jeeh niih ngriseeh siik owangk diik toriimp gook bakoo dop jeh niih ngumeek ngan piingk diik boriseh.23Booh lah dop bopigoongk togap koni pongangku hal diik nyak doop naroop,sbab Dop,diik njanyi boba setia,24Ngan nyen booh dop salingk ngratiie sopaya doop saling mantuuk waah saiih kasih ngan korija diik baek.25Yook lah dop ngkojaau dop siik gook porudoongk-porudongk somayangk doop,tetapi booh dop saling nasehat,samel bogiat ngkodiie nyak roo nyomaak onuu Ponompa diik jeeh nyomaak.26Sbab maak doop songaja mongki pongodie dosa,jeh mosiik nopat ponaau hal diik baeek,maka kidooh geek toruunt nyak ngkoyaap dosa nyen.27Tetapi diik nyen pongkomiis diik sajoo paraah libo pongadel ngan opi diik bojilaao diik roo mungkaak sidiik nya diik tacooh tulaah.28Maak odooh ntoyaant nulaak ukump Musa,Domp niih ngukump kobiis kidooh bolas mase nyak agooh dukaah atau toruuh nya saksii.29Betapa sajo boraat ukump diik arus niih njotuuk nyak domp,diik mpeet monyook Onak Ponompa,diik ngangap comeek doyaa pojanjian diik ngriseeh,gook ya diik nginaa Minu kaseh korunia?30Niih doop jeh nginal Dop,e diik nyonaa:"Diimolaas nyen hak Koo.Koo too nya,e diik taook nuntuut pomolaas," Gook nyen tiih:" Ponompa pasti ngadel balo umat,e.31Bieek seek,maak jotuuk koni tongaan Ponompa diik midoop.32Tingaant maeh libo sowa lalu.Jeh mosiik mo ngrima tampook,mo obeengk jorraa niih oneh moo botahaan wah aroongk diik boraat.33baek jaak siik libo mo oduk tonontont nya samel niih ngrucooh jorra,maupun libo miah bagian wah saiih kojoora ntoyaant diik niih ngkodiie sorupa.34Sajoo mo diik jeh ngajooh libo kojooraa,e ballo ntoyaant oduuk ukump ngan gook ritta bonnaa moo mosiik niih ngrampoos.niih nyen moo ntaook bahwa moo odooh mpoo rittaa diik bosifat ponaae.35Niih nyen yook gooh moo nlopaas kopocayook moo,niih daiik upah diik nunguuk.36Sbab nyen moo ngrolu kokutiingk nyak moo ndopat oneeh owaangk Ponompa,moo ndopat oneeh diik sanno nya nyen.37"Niih sajoo kae beengk,bahkan sajoo ciik,e,gook Dop,e diik moniik jeh odooh kidooh nangooh pongkoniik,e.38Tetapi ntoyaant Koo diik bonaar pasti moniik niih iman,maak pabila ngunoor diriik,maka Koo kae lugii ngrintuu,e.39Tetapi doop kae lah ballo toyaant diik ngunoor diriik gook bonasa,tetapi ballo ntoyaant diik pocayook gook diik nopat pongkidop kokal.

Chapter 111Iman diik sajoo dasar sidiik toruunt diik nyak doop naroop ngan bukti gook sidiik toruunt diik kae nih doop ngronongk.2Sbab niih ngan iman doop niih ngaso munyok ponyonaa nganu nek ucook uyoot dop.3Niih iman doop ngritii,bahwa poyaa tonaa too niih njodii monurut bobaa Ponompa,sohinga oneh diik niih doop ngrati siik oneeh toruunt diik kidooh tileek.4Niih iman Habel jeh munyook toruunt pinta Ponompa pomunyook domp diik lobeeh baeek daripada pomunyook Kain.Nyak joraant nyen domp buleeh ponyonaa nganu,e,bahwa domp omaant,diik Ponompa diik maa owaangk nganu pomunyook nyen gook niih iman doop manseeh ngomoong,mosiik nyen nyaak kobiis.5Niih iman Henokh mongkat,sopaya domp kidooh nginaamp diik kobiis,doomp kae oduuk dopat.Sbab libo goont niih nopat,boba Ponompa ngongkaat,domp buleh ponyonna nyen niih domp diik owangk Ponompa.6Tetapi maak kidooh iman pun kae mungkin ntoyaant owaangk,e nganu Ponompa.Sbaboseh nya diik moliik Ponompa.domp arus pocayook koni Ponompa,gook nih nyen Ponompa munyook upah nganu ntoyaant diik sajo bonar-bonar moggao Dop,e.7Niih iman-ngoneeh Nuh,ngan potunjuk Ponompa pongodii hal nyen diik sajoo goont tileek - ngan kopatooh,e domp nyiap kapool daiik nyak domp nyolamat balo lawongk romiingk,e,niih iman nyen domp ngukump dunia,gook niih nyen domp niih nontu ngrima kobonaran,sosuae ngan iman,e.8Niih iman Abraham patooh,libo domp oduk tasuu nasoo nya koni negri diik nyak domp ninyaak,jodii mpo posakoo,mosiik nyen domp borongkat kidooh ntaook kokeh atoongk nyak domp tomanuu.9Niih iman domp monaae wah poya diik niih janyi nyen soolah- olah wook wah poyaa nyaa nyarooh gook wah nyen pun odooh kemah Ishak ngan Yakub diik ngajooh mpoo wali wariis aroongk nyen.10Sbab nyen domp nunguuk kota-kota diik odooh dasar,e,diik niih roncana ngan nyak tombangun Ponompa.11Niih iman geeh Sara odooh nopat kokuatan nyaak mongkii koturuunt onak ucook,biar umuur,e jeh langkuus,niih domp nginaamp Dop,e diik munyook janyi setia nyen.12Nyen lah sbab,e,maka siik nyen tek naan nya malahan wook nyak kobiis tusook,etotileek koturuunt daiik,wook bintangk wah ronyeent,gook wook koroseek wah bubeeh pantae laot,diik kae tobilangk kobeengk,e.13Wah saiih iman to,dieent soolah-olah jeh kobiis wook ntoyaant diik kidooh nopat oneh toruunt diik nih nyona.tetapi nya diik siik ojaau diik ngronong samel nglamae tongan koni,e gook diik ngangku,e bahwa dieent nya pongkoniik wah bumi to.14Sbab nya dinyonaa wook nyen diik nyonaa,bahwa dieent maa poroyu mikeer poyaa tona.15Maak sokiraa,e wah to diient nyioont poya tonna,e asool,diik jeh niih tiggal,maka dieent cukup taook morii nganu,e geek.16Niih ngoneeh ntooh dieent poroyu mikeer koni tek aroongk poya tona nyen,diik sanoo nya poya Sobayoont.Sbab Onak Ponompa kae mongiint,e sanoonya Ponompa nyak balo,e,niih ngoneeh Dop,e jeh odooh nyiap kota nyak balo,e.17Niih Iman,e maka Abraham niih nggoda,munyok Ishak onak,e,diik ngrima janyi nyen,sangiip munyook onak diik tek nyen,e.18biaar koni domp niih nyonaa odooh munyook :" Koturuunan siik Ishak nyen diik sanoo nya koturuunt mo,"19Niih domp mikeer,bahwa Ponompa bokuasa ngongkat balo ntoyaant diik kobiis siik aroongk nya kobeek.siik nie ngkodiik domp muleh toruunt balek.20Niih Iman maka Ishak,samel ngratie koni ojuu,munyok borikat nganu Yakub ngan Esau.21Niih iman geh Yakub,libo onu domp ampeer kobiss,mberkat kodulah onak Yusuf,mosiik nyen balek nyomaah samel bosanaar nyak songkut,e.22Niih iman,e nyen Yusuf tulaak domp kobiis nyonaa aggoh pongodiie somoopa nya balo ontoyaant Israel samel munyook pisiingk hal turaangk rangkoo,e.23Niih iman nyen Musa,mosiik domp odooh,niih nya muntuuh,e nyukaant solama toruuh buraant,jeh tileek balo,e,bahwa domp mampu,bagoos gook niih nyen kidooh dieent golaak ngkaant ponyona rajo.24Niih Iman maka Musa ,jeh bujaangk,e,ngaak sobutnya onak ndayongk Firaun.25Niih domp biaar midop jora ngan gook umat Ponompa,daripada domp midop sinaangk ngan komewah dosa dunia.26Domp nginaamp sajo ponginaan gooh nyona Yesus nyak pongaya diik lobeh daiik daripada rittaa bonna Mesir,niih potook siik koni minta upaah.27Niih iman,e nyen domp ntiggal Mesir kidooh domp mikeer golaak ngkaant rajoo laak ndoruuh.domp pagoont botahan sorupa wook domp ngratiie oneh diik kae tileek.28Niih Iman maka domp ngkodie Paskah sameel moceek doyaa,sopaya kojoora onak diik muntuh kae oduuk dieent konooh.29Niih iman dieent jeh mutaas Laot Ntocaak sorupa wook nya mutaas wah poya doiih,sedangkan ballo nya Mesir tongiliip,libo dieent roo ntojiih.30Niih iman maka rurrooh geh pigga Yerikho,mosiik kota nyen niih nya nglilingk iju onu kotaae,e.31Niih iman maka Rahab,ndayongk polalis nyen,kidoh oduk bonasa samoh-samoh ngan ballo nya diik tulaah,niih domp nyen nyamuut balo pongintae nyen sajoo maa baeek.32Gook nih nyen oneeh gek diik aruus nyak koo sanoo?Sbab to koo kurang onuu koo,maak koo nyonaa Gideon,Barak,Simson,Yefta,Daud,gook Samuel ngan ballo nabi.33diik niih iman jeh nunook sidiik korajaan,ngamaal kobaeek.nopat oneeh diik niih janyi,nyonaa nitoop tukook singa.34mojaamp opi diik bojilaao,dieent jeh lopas siik jowi podangk,jeh buleh kokuat siik kolomaah,jeh nopat kokuat libo boporangk samel ngaloh balo munsu-munsu nya nyarooh.35Ballo nook ntoyaant jeh nopat geek ntoyaant,e diik jeh kobiis,sbab niih nya ngongkat.tetapi balo nya diik niih mbiar domp tosiksa toruna kae lugii,e ngrima kobebas,sopaya nyen dieent taook dopat pomongkat midop kokal.36Odooh geeh diik niih ngolook gook niih njoraa,bahkan niih ngrasoongk ngan niih monjaraa.37Dieent niih nompooh ngan roggaji,niih ngkomis nyak baai,dieent mpapuu modas,boadoh kuret domba ngan kureet komiingk,samel nginaamp kojorra,sisaak,ngan ponyiksa.38Dunia to kae layak nyak dieent,Balo,e mpapu wah padang gurun, ngan gook doriik,saiih gua ngan apet-apeet doriik.39Gook ballo,e nyen sidiik kidooh nopat oneeh toruunt niih janyi nyen,sokalipun dieent jeh munyook ballo,e toruunt ponyonaa diik baeek.40Sbab Ponompa jeh nyodia toruunt diik lobeh baeek toruunt nyaak doop.Maak kidooh dieent doop kae dopat moniik nganu toruunt diik sompurna.

Chapter 121Niih dop odooh obengk saksi,wook dingan diik nglilingk dop,Booh doop ntiggal beban utang dosa dop,samel bolomba ngan kopatooh wah polombaan diik niih wajib nyak doop.2Booh dop ngkodie ngan motiih totuju koni Yesus,diik mimpin dop koni iman gook diik meet iman dop nganu toruunt diik sompurna,samel ngiidooh nya ngina,kutingk mikul saleb nyilee sinangk diik maggi nganu doop.diik ntooh Dop dudok wah tauuh abae Ponompa.3Yook kae tingaan nganu Dop,e,diik patooh ngan kutiingk nangoongk pomidop dop ngan dosa sopaya kae mudah jotuuk minuu lomaah.4Waah pomidop moo nglawoont dosa, moo bah goont siap sampae nyoyaangk doyaa.5Niih nyen aduu maeh nasehat nya gook diik ngomoongk koni mo wook ballo cade:"O onak cade koo,yook ngangap enteng korija Ponompa,gook yook putus asa maak moo oduuk sanoo,e.6Niih oneh Ponompa ngajoor nya diik niih ngaseh,gook domp mangko cade nyen niih ngangku nyak onak.7Maak mo arus mikul kinaamp,Ponompa mongki samooh mo wook onak.Wah keeh odoh cade diik kae niih nya muntuuh,e ngajoor?8Tetapi,maak moo bebas siik toruunt nyen,diik arus niih njorra,maka moo kae lah onak baek,justru onak cade diik mudaah.9Mosiik nyen: siik maangk dop diik sobonar,e dop buleh toruunt,gook dient,e niih nya romaat;Maak niih nyen ngoneh dop kae patooh nganu ntuuh dop diik sogala minu,sopaya dop taook midok otaee?10Niih dieent ndidik dop libo wah sowa panaak sosuae ngan gook oneeh diik niih nginaamp baek,tetapi Dop,e diik ngajoor dop nyaak kobaek dop,sopaya dop dopat bagian diik lobeeh wah diik bagaae.11Memang sotiap toruunt libo niih munyook kidooh ngkoniik diik baeek,tapi diik bieek,tetapi mosiik nyen dieent dopat hasel diik baeek nyaak ballo,e tingaal ngrutiik oneh diik niih diient nlajoor.12Niih nyen nasoo ngriiaangk tongan diik lomah ngan baak tuoot diik lungaar.13Mosiik nyen tomuujoor joraant nyak kojaa mo,sohinga diik timpaangk kae koliuuk justru ngasoo baeek.14Borusaha maeh midop damae ngan sidiik ntoyaant gook kasiik ngan,e kobujoor,sbab nihh kobujoor, kidooh ntoyaant pun taook ngratiie Ponompa.15Jagoo ngan,e supaya yook odooh oseh nya pun ngkojuu domp siik kasih diik niih Ponompa munyook,biar kae odooh timuu waat diik poyeet diik nyak nimool pomieengk ngan ncomaar nya obeengk.16Yook gooh odooh ntoyaant diik midoop ngompaangk diik ngisee pongodii wook Esau,diik njuaal hak dop todoop somuuk nyak teek pingaant toruunt naiik.17Doop jeh taook,jeeh mosiik nyen,libo domp ngrima borikat niih nya nulaak,niih domp siik kidooh dopat ngkaeek ponyaalah domp,sokalipun domp bogogaao sameel nucoot juuk motiih.18Sbab niih mo kidoh moniik nganu doriik diik taook opi manuu,e diik bojilaao daiik,nganu poya pitii,poya nyabook gook buaak jodii.19koni bobaa pomantoongk nya goom diik ngopiingk boba diik taook diient ngajooh ngopiingk,e,mintaa,sopaya yook geek ngomoongk koni baloo,e,20sbab ballo dieent kidooh diik tahan ngopiingk porintah to:"Bahkan daangk sokalipun nyomaak doriik oduuk tikaamp nyak botuuh jangkook kobiis.21Sajoo maa bieek,e toruunt ranoongk nyen,sohinga Musa nyonaa;"Koo baah sajoo jotiingk torunaa nggigit waat koo.22Tetapi moo jeh tiaant monik koni dampooh Sion,nganu kota Ponompa diik midoop,Yerusalem Sobayoont gook koni baloo malaekat,boruggok ramii.23ngan koni jemaat ballo onaak cade,diik odaant,e diik tomasook wah sobayoont,ngan koni Ponompa,diik ngadel dieent,e,ngan nganuu sidiik minu-minu ntoyaant baeek diik jeh jodi sompurna.24ngan nganu Yesus,Pongantara pojanjian bauuh,gook nya nginyaak poceek doyaa,diik ngomoongk lobeh kuat siik gook doyaa Habel.25Jago ngane supaya mo yook maeh nulak Dop,e diik bobobaa.Sbab maak dieent diik nulaak Dop,e diik nyona boba agooh Ponompa wah bumi,kae moyaamp,saak doop,maak doop ojaau siik Dop,e diik ngomoongk wah sobayoont.26Libo nyen bobaa,e nguncaangk bumi,tapi ntooh Dop,e munyook janyi;"Sokali geek koo nguncaangk bumi maeh,sokalipun ronyeent oduuk.27Ponyona sokali maeh nyen:"Nontu koni bobaa nganu porubaah oneeh diik taook nuncaangk,niih domp jeeh niih njodii sopaya montook magoont oneeh toruunt diik kae niih nguncaangk.28Jodi,niih dop kidooh ngrima korajaan diik kae looh tonguncaangk,booh dop bosyukur sameel somayaangk koni Ponompa nyaak cara diik koowanggk,enyak potabeek basso dop.29Sbab Ponompa doop to opii diik ngasoo pungkaaak.

Chapter 131Tomoliara maeh kasih dop boposiik! 2Yook gooh nomoot mo munyook aroongk ngrimiint nganu nya.2Sbab niih ngkodie pongodie nyen banso kudu naan ntoysant kidooh nginaamp bahwa domp njamu balo malaekat.3Tinhaant nganu ntoyaant diik oduk ukump,niih mo soniriik geeh diik sajoo ntoyaant ukump.Gook niih nyen tingaant geh balo nya diik niih mongkii nyak oneeh kaant domp,niih mo soniriik gaak maseh midop wah dunia to.4Niih nyen soarus,e boyaah kosabar libo boromiingk niih nyeen yook gooh moo ncomeek aroongk pomiis,sbab ballo ntoyaant diik nlalis ngompangk pasti tonyidang Ponompa.5Sajoo yook mo jodi uluunt duet gook nyen tonyukup maeh moo nyak oneh diik ofooh wah mo,Niih Ponompa jeh odooh nyonaa;"Koo sokali-kali kidooh mbiaar mo gook Koo sokali-kali kae ntiggal mo."6Niih nyen sajjo yakiin maeh doop taok nyonaa:"Sajoo Ponompa diik nuloongk ko.Koo kae golaak kidooh toruunt.Oneeh toruunt diik taook monsia ngkodie nyak nganu Koo?7Tingaant ngan koni balo Pomimpin-pomimpin mo diik nyonaa agooh boba Ponompa nganu mo.Nongratii maeh pomidoop dieent samel mo nyunoot pongodie.8Yesus Kristus totap magoont sorupa,baek kooh rinuuh maupun onu to sampai pajii,e.9Sajoo yook gooh mo longk oduuk ponosat ntoyaant nyarooh.Sbab diik baek nyen,bahwa oti owangk mo niih nguat ngan kasih korunia gook kae nyak bobagae toruunt naik nudaap diik kidoh faedah,e koni dieent diik nyunoot atoor pongkii toruunt naiik nyen.10Doop odooh podaggi toruunt gook balo ntoyaant diik nglayan kemah sajo kae buleh duook siik oneeh toruunt diik niih diient nopat.11Niih mpoo woongk balo daangk diik doyaa,e niih nginyaak nyak ngumeek atoongk baeek niih gook balo Imam daiik nyak sileeh ngapus dosa,niih nyinuuk wah sopaa kemah.12Niih nyen lah sbab,e Yesus jehh midop jorra wah sopaa koree nyak ngbagae umat,e nyaak doyaa Dop,e soniriik.13Niih nyen booh doop obuu koni,e wah sopaa nya bokemah samel nangoongk ponginaa,nya.14Sbab doop wah too kidooh aroongk pomonae totap; dop moggao kota diik bauuh moniik maeh.15Niih nyen booh doop,niih Dop,e,sonantiasa munyook toruunt nyak bosyukur koni Ponompa,nyen toh ponyona boba diik nya diik mijiih odaant,e.16Gook niih nyen yook mo konomoot bopongodie baek samel munyook ponulongk,sbab toruunt pomunyok diik wook nyen taak diik owangk Ponompa,17Taaat ngan,e koni Pomimpin-pomimpin samel tunook patooh nganu dieent,sbab dieent jeh njaggo nyaak pongkidoop mo,wook balo nya diik arus botangungk jawab nyak domp,e.Nyaak joraant nyen dieent,e ngkodiie sameel sinaangk,kidoh mikeer posunguunt nya.niih hal nyen kidoh faedah nyak mo.18Bodoa trus nyak me,sbab mee yakiin,bahwa oti owaangk me diik sajo maa baeek,karna waah sidiik hal mee ngowaangk midoop diik baek.19Gook socara khusus Koo nasehat mo,sopaya mo longk ngkodie,saak koo lobeh lokaas niih ngkorii nyak moo.20Maka Ponompa damae sojahtra,diik niih doyaa pojanjian meet baleek siik ropoot ntoyaant kobiis gembal agung siik gook balo domba,nya nyen Yesus Kristus Ponompa doop.21Kiraa,e nyak nglengkap mo ngan sidiik hal diik baek nyak ngkodie koowangk,e samel ngrijaa toruunt wah saiih doop oneeh diik owaangk koni,e,niih Yesus Kristus.Nyaak Dop,e komuliaan jangkook pajii konooh! Amin.22Too Koo nasehat mo,ballo dorumaak,sopaya boba basoo nasehat to sonamuut moo ngan relaa owaangk,sokalipun surat koo panaak koni moo.23Nyaak mo ntaook,bahwa Timotius,posiik dop,jeeh borongkat.Solokas,e mosiik pongkoniik domp,e,koo ngjongook mo borotta samoh ngan domp.24Sannoo ngan Salam ko nganu pomimpin mo gook sidiik ntoyaant diik kobaeek.Torima ngan,e salam balo juruu posiik dop wah Italia.25Kasih korunia ngrotta sidiik moo.

Revelation

Chapter 11Dukah saksi Ponompa.1Mosik nih munyook koni koo tek botaang muntee,wok songkuut pongikiit modeel,e,gok boba- boba dik wok to;"Mongkaat maeeh gok nukuurlah Romiingk somayangk Ponompa gok mezbah gok dieent,dik bosomayaangk wah niie,2Totapi nocuali maeeh Kolasaar Romiingk suci dik wah sopiaak luaar,sajo yok gooh moo ngukuur,e,korina domp,e jeh nih munyook koni banso- banso kiint ngan ballo,e roo mpeet- lunyaak Kota Suci empat puruu dukah buraant kotaae."3Gok koo akan munyok tugas koni dukah saksi- koo,supayo ballo,e bonubuat samel botapo,soribu dukah ratus niim puruu onu kotaae.4Ballo,e haeek kodukah puunt koyuuh zaitun gok kodukah koja polita dik tokiit wah jowi Ponompa ponguasa poya tonaa.5Mak jikalao odoh nya dik loongk ngkieek dieent,e,koluarlah opi sik tukook ballo,e mungkaak sidik munsu dieent,e.gok mak odoh nya dik roo ngkieek ballo,e,maka nya to arus kobek wok to,e.6Ballo,e mpoo kuasa nitoop ronyeent,supayo yok tomonah ujaant solama ballo,e bonubuat; gok ballo,e mpoo kuasa sidik wah sogala piingk nyak ngubah,e jodi doya, gok nyak mongkongk bumi ngan sogala jenis macam malapotaka sotiap kali ballo ngowaang,e.7Gok apabila ballo,e jeh ngkosiik kosaksian ballo,e,maka bonatang dik timool sik oroongk kobek,roo nyoraangk ballo,e samel ngalooh sorota ngkomeek ballo,e.8Gok bangkae ballo,e roo tolotak wah joraant rayoo kota daiik,dik socara rohani nih nyobut Sodom gok Mesir,wa keh Ponompa ballo,e nih nyaleeb.9Gok nya ntoyaant sik sogalo banso gok suku gok boba,ngan kauum,ngronong bangkae ballo,e toruuh onu sotongah kotaae,gok nya nya nyent kae buleh ngaso bangkae ballo,e tongubuur.10Gok ballo,e dik monae wah somu bumi bosinaang gok bosukacita wah ballo,e nyen samel bopesta gok saling ngciriimp hadiah,nih kodukaah nabi to jeh merupakan kojoraa nyak sidik nya dik monae wah somu bumi.11Toruh onu sotongah mosik nyen masoklah Minu pomidop sik Ponompa koni saiih wah ballo,e,sohinga ballo, mongkat ngan sidik nya ngronong,e sajo jodi poncauunt.12Gok nya nya nyen ngopingk boba dik nyariing sik sobayoont bosona koni ballo,e;" Simaak maeh kotoo!"Lalu simaklah ballo ko ronyeent,bosolabong romaang,tosaksi gok ballo munsu- munsu dieent,e.13Libo saat nyen tojadi geeh gempa bumi dik dahsyat gok sepersepuluh nya bagian sik kota nyen tumaangk,gok iju ribu nya kobek nih gempa bumi nyen gok nya ntoyaant nyen timol golaak,lalu momuliakan Ponompa dik wah sobayoonn.14Colaka dik kodukaah jeh lallu: Tileek maeh, colaka dik kotoruuh sogira nyusul.15Mosiik nyen malaekat dik koiju nyipoh torompeet,e,gok tongopiingk maeeh boba- boba nyaring dik wah sobayoonnt,boba,e;"Pemerintahan wah dunia to pigoongk nih Ponompa dop ngan dop nih ngurapi,dop,e,gok Dop,e roo morintah sobagae rajo sampai paji,e.16Ngan kodukah puru empat nya muntuh- muntuh,dik dudok wah jowi Ponompa wah somu takhta ballo,e,tosungkoor samel nyomaah Ponompa.17samel boboba;"Mee ngucap syukur koni moo,ya Tuhan,Ponompa dik Mahakuasa,dik odooh,gok dik jeh odoh,nih moo jeh mangko kuasa- Moo dik daiik gok jeh nojih morintah wok rajo.18Gok sidik banso jeh ndoruuh,,tetapi pondoruuh- Moo jeh monik gok libo nyak nya nya kobek nyak tongadel gok nyak munyok upah koni kuli- kuli moo,nabi- nabi gok nya nya dik baek gok nganu nya dik golaak nih odaant moo,koni nya nya ciik gok nya daiik gok nyak mbinasakan barongoseh dik mbinasakan bumi."19Maka tobukaaklah Romiing somayaangk Ponompa dik wah sobayoont,gok totileek geh tabut pojanjian- dop,e dik wah romiing suci nyen gok tojadilah cilat gok guruuh ngan gempa bumi gok ujaant es lobat.

Chapter 21"TULIS MAEEH koni malekat jomaat wah Efesus: to lah boba siik domp,e,diik ntingonggk koiju bintangk nyent wah tongant tauuh,e gook bojalont wah roopoot koiju koja dian omas haeek.2 Ko taook sidiik korijamo: baek jerih payahmo gook korajingkmo ko taook,bahwa mo kaee dopat sabarr tohadap ntoyant-ntoyant kobieekk,bahwa mo jeeh ncuba diennt diik nyobut todoop rasuul,tapi diik sobonarr,e kaee wook haeek,bahwa mo tlah nopaat baallo,e pomborooll.3Ngant mo totap sabarr gook jorraa niih korina odannt ko: gook mo siik kae ngonal lopaa.4Namun domikiant ko ncola mo,korina mo jeh ntiggal kaseh kobeekmo diik tojiih,.5Niih nyent tingant maeeh ma toriimmp,e mo jeh jotuuk! Botobatlah gook kadii maeeh geek oneh diik tojiih mo ka,diie,maak kae wook nyent,ko akan moniik gook kaan miaah koja dianmo siik aronggk,e,jika mo kaee botobat.6Tetapi to odooh wah mo,yaitu mo monciik sogalo pongodi pongajeeh-pongajehNikolaus,diik geeh mobonciik.7Oseh bokopinggk,taooklah domp ngopinggk oneh disanoo minu nya koni jomaat-jomaat: Barongoseh monangk,domp kopunyook duook siik puunt botanggk pomidoop diik odooh wah Taman Firdaus Ponompa."8Gook tulismaeeh koni Malekat jo maat wah Smirna:To lah Boba siik tojiih ngant Diik Pongkosiik,Diik jeh kobeek gook midoop moorii: 9Ko taook kojorra mo ngant komiskenmo- namun mo kaya- gook pongkongint dient,diik nyobut domp nya yahudi, tapi dik sobonaar,e kae wook nyent,sobaleek dient jomaat Sitaannt.10Yook gollak tohadap oneh diik arus mo jorra! Sobonaar,e sitannt akan nompooh kudu konaant uranggk siik antara mo koni ponjarra sopayo mo toncuba ngant mo muleeh nopat kosusaah solamaak simonggk onu.Hendaklah mo sotia sampae kobeek,ngant ko akan munyook koni mo mahkota pomidoop.11Oseh bokopingk,hendaklah domp oneh diik sano minu koni jomaat- jomaat: Baronggk oseh monangk,domp kae akan jorra niih oneh- oneh pongobeek diik kodukaah.12Gook tulismaeeh koni malekat jomaat wah Pergamus: Too lah Boba Domp,e,diik nginyaak baaii ngrooja ngant bomotiih dukaah: 13Ko taook wakeh mo monaae,torunt haeek wah iis,arongkk tahta sitannt; gook mo bopigonggk koni odant ko,gook mo siik kae nyangkool owanggk mo koni ko,kae geeh libo jaman Antipas,saksiko,dik sotia koni ko,diik niih komeek wah jowii mo,wa keeh sitannt monae.14Tapi Ko odooh kuduu koboraatan tohadap mo: waah ropoot mo odooh bansoo kudu konaan nya di ngajeeh ajoorr Bileam,diik munyook nasihat koni Balak nyaak nyosaat nya Israel,sopayo ballo duook pomunyook bohalla ngant ngkodi ompanggkk.15Wook nyent geeh odoh wah mo ntoyant- ntoyant diik bopigonggk koni ajoor pongajooh Nikolaus.16Sebab to botobat maeeh! mak kae wok nyent,ko akan moniik koni mo gok ko akan moranggk ballo nginyaak baii diik odooh wah tukook Ko to.17Oseh bokopingk,hendaklah domp ngopingk oneh diik sano minu koni jomaat- jomaat: Barongk oseh monangk,koni Ko kann munyook siik keeh domp bosukannt; gook ko akan munyook koni,e botuuh mopau,diik wah somu,e botulis odant botuuh,dik kae nontaook oseh nya pun,solaingk nya dik nrimaa,e."18Gook tulismaeeh koni malekat jomaat wah tiatira: To lah Boba onak Ponompa,diik motiih wook jilao opi gok koja Domp wok tomago: 19Ko taok sidik korijamo: baek kasehmo gok owangk mo,baek polayan mo gok korajingk mo. Ko taok,bahwa korijamo diik pongkosiik lobeh obengk siik padoo dik pontojiih.20Tapi Ko ngkonginnt mo,niih mo mbiaarr ndayonggk Izabel nyobut todoop Nabiah,ngajoor ngant nyosat sidik ponanok- ponanok- Ko sopayo ngkodi ompanggk,gok duook pomunyok- pomunyok bohalla.21Ko jeh munyook domp waktu nyaak botobat,totapi domp kae lugi botobat siik zinaah,e.22Tileklah,! Ko kan nompooh domp koni tilaamp nya monammp gok nya ngkodi ompanggk gok domp akan Kotampooh koni wah pongodi daiik,maak ballo,e kae botobat sik pongodi- pongodi ndayonggk nyent.23 Gok Onak- onak,e Ko kan kabeek ngant sidik jomaat nyak ntaook,bahwa Ko lah dik nguji batin gok owanggk nya.bahwa Ko kan molas koni mo sotiap nya monurut pongodi,e.24Tetapi koni mo,nyato ntoyant laingk wah Tiatira,dik kae ngajeeh ajorr nyuh gok dik kae nyolidik oneh dik ballo,e sobut selok belok Sitant,koni mo Ko bosona:Ko kae lugi nangongk beban dik laingk koni mo.25Niih oneh dik odoh wah mo tigonggklah nyent sampae Ko moniik.26Gook barong osehmonang samel ngkodi,e korija Ko sampae kosudah,e,koni,e akan Kokaruniakan Kuasa atas sidik sogalo bonua.27Gook domp akan ngrintah ballo,e nginyaak songkut bosi;ballo,e akan noromongknya wook omaak tukangk sampao-samooh wook sidik dik Kotorima siik Mang ko-28gook koni,e kan Ko punyook bintangk timur.29Oseh bokopingk hendaklah domp,e ngopingk oneh dik sanonya Minu koni ballo jomaat- jomaat.

Chapter 31Gook tulis maeh koni malekat jomaat wah Sardis:To lah boba Domp,e,dik mpo koiju Minu Ponompa ngant koiju bintangk haeek,e;Ko taok sidik korija mo,,mo tosobut midoop,padahal mo kobeek.2Mongkat maeh,gok kuatkan oneh dik gek maseh montook dik jeh hamper kobeek,sobab kae tek oneh pun sik korija mo Kodopat sompurna baek wah jowi Ponompa Ko.3Niih nyent maka tingant,kameh mo jeh ngrima,ngant ngopingk,e;nyent sinoot maeh,gook botobat maeh!maak mo kae bojago-jago,Ko kan moniik wok poncuri gok mo kae taok pado onu oneh baah Ko mpodat monik koni mo.4Tapi wah Sardis odoh kudu konaant ntoyant,dik kae ncomar adooh,e;ballo ara bojalant ngant Ko nginyak adooh mopau,niih ballo,e matut nyaak nyent.5Barong oseh monangk,domp akan nginyaak adoh mopau dik wook nyent,Ko kae akan ngapus odant,e sik kitab pomidop,molaingk ko ngangku odant,e wah jowi mangk,Ko gook wah jowi ballo malekat,e. 6Oseh bokopingk, hendaklah domp ngopingk oneh dik nyak nya sano Minu nganu Jomaat- jomaat."7Gook tulis maeh nganu malekat jomaat wah Filadelpia,To lah boba sik nya dik ayu,dik bonarr,dik migongk kunci Daud;apabila domp mukaak,kae odoh nya dopat nitoop;apabila mak domp nitoop kae odoh nya dik dopat mukaak.8Ko taok sidik korija mo; tilek maeh,Ko jeh mukaak koree nyak mo,dik kae dopat totitoop nih nya sodikit pun.Ko taok bahwa kokuat mo kae soborapa,namun mo nyunot boba-Ko ngant mo kae nyangkool odant Ko.9.Tileeklah ballo ntoyannt sik jomaat Iblis sitannt,nyent diennt dik nyobut domp,e nya Yahudi,tapi dik sobonar,e kae wook nyent,somuuk mborool,Roo tunyokk ko koni mo,sobonarr,e Ko akan ngasoo diennt monik gok nyungkoor wah jowi kojamo ngant samel ngangkuu,bahwa Ko ngaseeh mo.10Niih mo nyinoot Firman Ko,nyak bogiaat nunguuk Ko,Maka Ko pun akan nglinonggk mo sik gok balo poncoba dik roo moniik koni soluruh dunia nya nggoda ballo,e dimonaee wah bumi.11Ko moniik lokass,tigonngk maeh oneh dik odoh wah mo,sopayo kae sobarongk urang roo miaah Mahkota mo.12.Barongoseh monang,domp nasoo ko jodi abae muntuuh wah saih Gorija Boreseh PonompaKo,gok domp kae kan koluarr geek sik nyuuh;gok wah domp akan ko tulis odannt PonompaKo,nama kota Ponompa Ko nyent haeek Yerusalem bauuh,dik tomonaahh sik sobayonnt sik Ponompa-Ko go odant Ko dik bauuh.13Oseh bokopinggk,sajoolah domp,engopiinggk oneh dik sanoo Minu koni jemaat-jemaat.14"Gook tulislah koni malekat jemaat wah Laodika:Tolah firman sik Amin,saksi dik sotia ngant bonarr,pontojiih sik pongkoodooh Ponompa:15Ko taook sidiik korija mo,Mo kae colap gok kae lotiip!Alangkah baeek,e maak mo colap atau lotiip!16Jodi nih mo angannt -anannt kuku gok kae colap kae geh lotiip,Ko akan roo nguaah mo siik tukook Ko.17.Karena mo bojantooh: Ko kaya, gok ko jeh ngaso kokayako ngant kae odoh morasa kuranggk oneh-oneh pun,gok nih mo kae taook,bahwa mo molarat,gok jorra,mosikent,bokaap gok kolanyaaoo.18Maka ko nasehat mo,sopayo mo miriih toruunt sik ko,omas dik jeh nih nyipooh nyak opi,agar mo jodi kaya,gok bojuh mopau,sopayo nasoko ninyaak,sopayo mo kae tileek kolanyaoo mo dik mongki kongiin; ngant ageek minyak nyak lucingk motihmo,sopayo mo taook ngrononggk.19.Baronggk oseh Kokaseh,domp,e kopiseek ngant ko ajoorr;sbab nyent torela owanggk mo,gok botobat maeeh.20Tileek ko tokiit wah mao korre samel ngotook;Jikalao odoh nya ngopingk boba ko gok mukaak koree,Ko akan masok gok bodopat ngant domp,e samel duook bosamooh gok domp,e,gok domp bosamoh- samoh gok Ko.21.Baronggk oseh monang,domp naso ko dudook bosamoh- samoh gok Ko wah somu mija- Ko,sobagae geh jeh monangk gok dudook bosamoh- samoh gok manggk- Ko wah somu mija,e.22Oseh bokopinggk,patutlah domp ngopingk oneh dik sabut Minu koni jomaat- jomaat.

Chapter 41.Mosiik sik pado nyuuh ko jeh ngronongg;sobonaarr, tek buah koree tobukaak wah sobayont gok boba dik ramiis dik jeh kapingk ko,bosona koni ko wook angkong torompeet,kant,e;Simaak maeeh koto gok Ko akan nijuuk koni mo oneh dik arus tojadi mosiik to.2Sogira Ko tonguasa niih Minu gok tileek maeeh,tek buah Mija tokiut wah sobayont,gok wah mija nyent dudook Ntoyannt.3Gook domp,e dik dudook wah mija nyuuh tilek bosadonggk gok bosilao wok pomata yaspis gok pomata sardis;gok romanggk ronyeent ngolingk mija nyent bojilaoo oneh ubah zamrud modell,e.4.Gok sokolilingk mija nyent odoh dukah purru empat mija,gok bangku- bangku nyent dudook dukah purru empat ballo nya muntuuh- muntuuh gok mahkota omas wah baak ballo,e.5Gok sik bangku mija nyent koluar cilat patee gok gurunggk diik bosinnooh,ngant iju obor midop wah jowi bangku nyent; nyent lah ko iju Minu Ponompa.6.Gook wah jowi mija nyent odoh wook laot kaca oneh ubah kristal;wah tuda- tuda mija nyent gok tolilinggknya odoh empat torunnt nyarrooh bomotiih,wah sopiaak jowi gook wah sopiaak rutuuk.7.Odohpun toruunt nyent dik pontojih samoh wok singaa,gok torunt dik kodukaah samoh wok onak lembu,gok torunt dik kotoruuh nginyak bako wok jowi sajo jowi monsia,ngant torunnt dik koempat,e samooh wok monook nasar dik liboo ngkabiir.8Gok koompat torunnt nyent masing- masingk boiraat niim, kolilinggk gok wah sopiaak waah bunuuk ngant motiih,gok kae togak- togaak ballo bopangkoos nyowa ngoriimp: Kudus,kudus,kuduslah Ponompa tarra.Diik bokuasa,dik jeh odooh,gok dik odoh,ngant acoomp moniik,"9.Gok sotiap kali makhluk- makhluk nyen munyok puji- pujian,gok hormat,gok ucapan syukur koni domp,e, dik dudok wah somu takhta nyen gok dik midop sampai pajii,e.10Maka tosungkoorlah kodukah puru empat nya dik muntuh nyen wah jowi dop,e dik dudok wah somu takhta nyen,gok dieent,te nyomah Dop,e dik midop sampae solama- lamanya.samel ballo,e nompoh mahkota,e wah jowi takhta nyen samel boboba; 11" Ya Tuhan gok Ponompa me,Moo layak norima puji- pujian,gok hormat,ngan kuasa; sobab moo jeh ngkodooh sidik toruunt; gok nih korina koowangk mo sidik to odoh gok nih ngkodooh.

Chapter 51Maka ngronong wah tongan tauuh dop,e dudok sik somu takhta nyen,tek gulungan kitab,dik nih nulis sopiak waah gok sopiaak luar,e,gok nih materae ngant iju materai.2Gok koo ngronong tek konaan malaekat dik gagah,dik mangkoos ngan boba nyariing,boba,e; " Osehkah dilayak mukaak gulungan kitab to gok materai- materai.?3Totapi kidoh nya tek konaan pun wah sobayoont atau dik wah bumi,,dik dopat mukaak gulungan kitab to atau dopat ngronong sopiaak saiih,4Maka nongis seek koo saking sedihh,nih kae bisa nya tek konaan pun dik nih nganggap layak mukaak gulungan kitab to maupun ngroonong sopiaak saiih,e.5Lalu bojantohlah nya sik nya dik muntuh nyen koni koo; " Yook lah moo nongiis! sobonaar,e, singa sik suku Yehuda sajoo tunas Daud,jeh monang,sohinga dop,e dopat mukaak gulungan kitab nyen gok mukaak koiju materai,e.6Sik nyen koo ngronong wah tuda- tuda takhta gok koempat toruunt nyen gok wah tuda- tuda nyen ballo nya muntuh tokiit tek sogola Onak Domba wok dik jeh nih moleeh,botanook iju gok bomotih iju; nyenlah koiju Minu Ponompa dik nih ntonaah koni sokayuuk bumi.7Lalu moniklah Onak Domba nyent ngant ngrima gulungan kitab nyen sik tongan dop,e dik dudook wah somu takhta nyuh.8Libo domp,e miaah gulungan kitab nyen,tosungkoorlah koempat daangk nyarooh gok kodukah puru empat nya muntuh- muntuh nyen wah jowi Onak Domba to,masing- masing migoong kecapi gok tek cawoon omas,bunuuk nih komenyan:to haeek doa nya ntoyaan dik baeek.9Gok ballo,e nyanyi teek ko lagu bauh kaant,e; "Moo layak norima gulungan kitab nyen gok mukaak materai- materai,e; niih moo jeh nih moleh niih doya moo,mo jeh miriih dieent nyak Ponompa sik gok tiap- tiap suku ngan boba gok kaum banso.10Gok moo jeh mongkii dieent,te tek koompik,gok njodi imam- imam bagi Ponompa dop,gok ballo,e roo morintah sobagae rajo wah bumi,"11Maka koo ngronong samel ngoping boba obeng malaekat ngliling takhta,makhluk nyaroh gok nya muntuh nyen; jomilah dieent,te bolosen- losen gok boribu- ribu losen, 12Boba,e nyak angkong nyariing;" Onak Domba dik nih moleeh to patut nyak ngrima kuasa,gok kokayaan,hikmat,ngan kokuatan,gok hormat,gok komuliaan sorota puji- pujian.13Koo ngopiing sidik makhluk dik wah sobayoont ngan dik wah bumi gok dik wah sigaant bumi ngant dik wah laot gok sidik dik odoh wah niie,bosona;" Bagi Dop,e dik dudok wah somu takhta ngan nyak Onak Domba,sajoo puji- pujian gok hormat ngan komuliaan gok kuasa sampae solama- lamanya!" 14Gok koempat makhluk nyen bosonaa;" Amin" gok nya muntuh nyen jotuuk tosungkoor samel bosomah.

Chapter 6Ko niim materai pontojih nih mukaak1Maka koo ngronong Onak Domba nyen mukaak dik pontojih sik koiju materai nyen,ngan koo ngopiing dik sik pontojih sik koempat makhluk nyen bojantoh nginyak boba wook angkoong riaamp;"Booh!" 2Koo pun ngronong; sobonar,e;odoh tek sogola kuda mopau gok nya dik numpaang,e migoong odoh mahkota,lalu domp,e maju jodi pomonang nyak ngrobut komonangan.3Wook libo Onak Domba nyen mukask materae dik kodukaah,koo ngopiingk makhluk dik kodukaah,e boboba;"Booh!" 4 Gok majulah tek sogola kuda laingk,sogola kuda ntocaangk podiim gok nya dik numpaangk,e nih munyook kuasa nya miaah damae sojahtra sik somu bumi,sohinga dieent,te salingk bokobek,nih wanii,e nih nodiingk sobila podaang dik daiik.5Gok wok libo Onak Domba nyen mukaak materai dik kotoruuh,e,koo ngopiing makhluk dik kotoruuh bosona;"Booh!" ngan koo leek,e: sobonaar,e,odoh tek sogola kuda nyabook gok nya dik numpaangk,e migoongk wook timaang wah tongan,e.6Gok koo geh ngopiing iint odoh boba wah tuda- tuda koempat makhluk nyen bojantoh;"sotangkae gandum sodinar,mak toruuh tangkae jelai sodinar,Totapi yooklah ngkikaa minyaank gok anggur nyen.7Libo Onak Domba nyen mukaak materai dik koempat,koo ngopiingk boba makhluk dik koempat bojantoh;"Booh!" 8 sajoo koo ngronong,e; sobonaar,e; odoh tek sogola kuda hijao kuning gok nya dik numpaangk,e borodaant maut gok rompoong ompik maut ngajooh dop,e.gok koni ballo,e nih munyok kuasa dik soporempat sik bumi nyak ngkomiis nginyak podaangk,gok bagoont sobirook ngant sampoor,gok daang bonatang dik ganas dik odoh wah bumi.9Wok libo Onak Domba nyen mukaak materai dik korimiih,e,koo ngronong dik wah sigaant mezbah jiwa- jiwa ntoyaant dik nih komiis nih korina firman Ponompa gok noh korina kosaksian dik ballo,e dopat. 10Ballo,e mangkoos nginyak boba dik nyariingk,boba,e;"kudu kotaei aek gek,iik ponguasa dik baeek ngan bonarr,Moo kae nyidaangk gok kae molaas doya mee koni dieent,te dik monae wah bumi?" 11Gok koni ballo,e masing- masingk nih munyok solamoor jubah mopau,gok koni dieent,te nih nodiingk,bahwa dieent,te arus ponae gok sotogal onu gek nyak sohing gonap jomilah dingaant- dingaant dieent,te,dik roo kabiis samoh wok ballo,e.12Maka ko ngronong,Libo Onak Domba nyen mukaak materai koniim,e,sobonaar,e tojadi gempa bumi dik maa dahsyat gok motiihonu jodi pitii wok oneh ubah sangool buruuh baak ngan buraant jodi ntocaangk sidik wok doya.13Gok tobintang wah ronyeent borubuus koni somu bumi wok oneh ubah koyuuh nunook dik njotuuk buah- buah dik muntuh,mak apabila dop,e sipooh buaak dik jodii.14Maka nyusootlah ronyeent wok gulongan kitab dik nih nguloongk gok bopinaah sidik doriik- doriik ngan pulao- pulao sik aroongk,e.15Gok balo rajo wah bumi gok balo pongawal sorota balo powira- powira,gok nya nya kaya sorota nya dik kuasa,gok sidik kuli sorota nya mordeka bosukaant koni saih wah gua- gua,gok apet- apet botuh karoong wah doriik.16Libo ballo,e bosona koni doriik- doriik gok koni botuh- botuh karangk nyen;" noruntooh maeh numpaak mee gok sonukaant maeh me sik dop,e,dik dudok wah somu takhta gok tohadap pondoruuh Onak Domba nyen," 17sebab jeh moniik onu pondoruuh daiik ballo,e,gok oseeh koh dik dopat botahaant?

Chapter 7Balo nya dik nih materai sik banso Israel1Mosik sik pado nyen ko leek empat malaekat tokiit wah empat ponjuru bumi gok ballo,e nahaant koempat buaak bumi,supayo yok oadoh buaak nyipooh sik poya,atau sik laot atau sik gok koyuh.2Koo geeh ngronong malaekat dik kiint moniik sik arongk motihonu timu,domp,e meet materai Ponompa dik midop,samel dop,e bosona nginyak boba nyariingk koni koempat malaekat dik nih munyok tugas nyak ngrusak bumi ngan laot.3Boba,e; " Yooklah ngrusak bumi gok laot atau koyuh- koyuh libo goont mee mongki materai hamba- hamba Ponompa mee koni dangkeeh ballo,e.4Ko jeh ngopingk kuduu ballo,e dik jeh bomaterai nyen; Soratus empat puruu empat ribu dik jeh nih materai sik sisik nya suku Israel.5Sik suku Yehuda dukah bolas ribu nih materai,sik suku Ruben dukah bolas ribu,sik suku Gad dukah bolas ribu.6Sik suku Asyer dukah bolas ribu,sik suku Naftali dukah bolas ribu,Sik suku Manasye dukah bolas ribu.7Dik suku Simeon dukah bolas ribu,dik suku Lewi dukah bolas ribu,sik suku Isakhar dukah bolas ribu.8Sik suku Zebulon dukah bolas ribu,Sik suku Yusuf dukah bolas ribu,sik suku Benyamin dukah bolas ribu.9Mosiik dari pado nyen koo ngronong;sobonarr,e,toruunt daiik borugok nya obengk dik kae dopat tobilang kobeeng,e,sik sogala banso,gok suku,ngan kaum gok bobba, tokiit wah jowi takhta gok wah jowi Onak Domba ,nginyak jubah mopau samel migoongk daun-daun palem wah tongan dieen,te.10Gok nih angkoong nyaring ballo,e mangkos;"Keselamatan nyak Ponompa me dik dudok wah somu takhta gok bagi Onak Domba!11Gok sidik malaekat tokiit ngoliling Takhta samel nya muntuuh gok empat daang nyaroh nyent;Dieent tosungkor wah jowi Takhta nyent samel nyomah Ponompa.12samel bosona;"Amin!puji-pujian gok komuliaan,ngant hikmat gok syukur,gok hormat,gok kokuasaan,gok kokuatan,nyak Ponompa dop sampai pajii,e! Amin!13Tek konaant sik nya muntuh- muntuh nyen bojantoh ngan koo; " Osehkah ballo,e dik nginyak jubah mopau nyen gok sik keeh haeek ballo,e monik?" 14Maka samoot koo koni,e;" Tuanku,tuant ntaook bah," Lalu domp,e bosona koni koo;" Ballo,e to haeek nya ntoyaant dik koluar sik kojoraa dik daiik; gok dieent,te jeh ngompok jubah dieent,gok mongki,e mopau wah saiih doya Onak Domba.15Niih nyen ballo,e tokiit wah jowi takhta Ponompa gok nglayani dop,e nyowa ngoriimp wah saih romiingk,e.gok dop,e dik dudok wah somu takhta nyen akan mintar kemah,domp,e koni somu dieent,te.16Ballo,e kae kan jorra sobirook gok auus gek,gok motionu atau soronuh lotip kae kan oduuk ballo,e gek.17Nih Onak domba dik wah tuda- tuda takhta nyen,roo ngompiik dieent,te gok ngiriingk ballo,e koni motih piingk pongkidop.gok Ponompa akan ngapus sidik tucot tongis sik motih ballo,e.

Chapter 8Materai dik koiju,e.1Gok libo Onak Domba nyen mukaak materai dik koiju,e,maka motingk koradiingk wah sobayoont,kira- kirra sotongah jaam kotaae.2Lalu koo leek koiju malaekat, dik tokiit wah jowi Ponompa,gok baak dieent,te nih munyok iju torompeet.3Maka moniklah tek konaan malaekat kiint,domp,e pun obu tokiit nyomak mezbah nginyak tiruunt podupaan omas.Gok koni,e nih munyok obengk komenyan nyak posembahan bosamoh- samoh gok sidik doa nya dik baek wah somu mezbah omas dik wah jowi takhta nyen.4Maka simaaklah asop komenyan bosamoh- samoh gok doa nya nya dik baek nyen sik tongan malaekat nyen kojowi Ponompa.5Lalu malaekat nyen miaah badah dupa nyen,samel botompoh koni bumi,maka ngropoklah angkoongk patee,borotta cilat,gok gempa bumi.Koempat torompeet dik pontojih.6Gok koiju malaekat dik migoongk koiju torompet nyen bosiap- siap nya nyipooh torompeet,te.7Lalu malaekat dik pontojih nyipoh torompet maka tojadi ujaan es,ngan opi,bocampur doya; gok sidik nyen nih nompoh koni bumi; maka pungkaaklah soportiga sik bumi gok sopertiga koyuh- koyuh,gok mosuu sidik iduh- iduh dik ijao.8Lalu malaekat dik kodukaah nyipoh torompet,e gok odoh toruunt wok doriik daiik,dik bojilao- jilao nih opi,totompoh koni saih laot,gok sopertiga sik laot nyen jodi doya,9Lalu kobiislah sopertiga sik sogala makhluk dik midop wah saiih laot gok binasa geh sepertiga sik sidik kapol.10Mosik nyen malaekat dik kotoruuh nyipoh torompet,e,jotuuklah sik somu tek biteer bintang daiik,bojilao- jilao wok oboor,gok dop,e numpaak sepertiga sik sungi- sungi ngan motih piingk.11Odaant bintaangk nyen ialah Apsintus,gok sepertiga sik sidik piingk jodi apsintus,gok obengk nya kobiis nih piingk nyen,sebab jeh jodi kolat poyeet.12Lalu malaekat dik koempat nyipoh torompeet,e,gok topincaar lah sepertiga sik motih onu gok sepertiga sik buraant ngant sepertiga sik bintaangk- bintaangk,sohinga sepertiga sik pado nyen jodi pitii ngan sepertiga sik nyowa onu kae tampok wok nyen geh ngoriimp onu.13Lalu koo ngronong; koo ngopiingk tek sogola monook nasar engkabiir wah somu ronyeent samel bosona nyak boba nyariingk;" Colaka,colaka,colakalah ballo,e dik monae wah somu bumi nih angkoong torompeet kotoruuh malaekat kiint,dik odoh maseh roo nyipoh torompeet,e.

Chapter 9Torompeet dik korimiih.1Lalu malaekat dik korimiih nyipoh torompeet,e,koo leek tek biteer bintangk dik jotuk sik ronyeent koni somu bumi,gok wah nie nih munyok onak kunci rubangk oroongk kobek.2Maka tomukaak kore rubangk orongk kobeek nyen,lalu simaklah asop sik rubangk nyen oneh ubah tanun bisaah,gok motihonu ngan ronyeent jodi pitii nih asop rubangk to.3Gok sik asop nyen koluar geh balo buntaak- buntaak koni somu bumi gok wah domp,e nih munyok kuasa samoh wok kuasa kaloo- kaloo dik wah bumi.4Gok koni dieent,te nih misiingk,supayo dieent yok ngrusak iduh- iduh wah bumi atao tanam tumuuh ataopun koyuh- koyuh,molainkan cuma monsia dik kae nginyak materai Ponompa wah dangkeeh,e.5Gok dieent,te nih ngaso kae nyak ngkomis monsia,molainkan hanya nya nyiksa ballo,e solama rimiih buraant kotae,gok siksaan nyen sorupa kojoraa kallo,mak apabila mitaat monsia.6Gok apabila libo masa nyen nya ntoyaant roo mogao kobeek,totapi dieent,te kae akan nopat,dieent roo ingin kobeek,tapi kobek ojau sik ballo,e.7Wok toruunt buntaak- buntaak nyen samoh wok kuda dik jeh nih nyiap nyak boporaangk,gok somu baak dieent,e odoh toruunt dik sorupa wok mahkota omas,ngan jowi ballo,e samoh wok jowi monsia.8Gok buruuh baak ballo,e samoh wok buruhbaak ndayongk gok jipiint ballo,samoh wok jipiint singa.9Gok usok ballo,e samoh wok bojuh zirah,angkongk iraat dieent,e oneh ubah wok kereta- kereta dik tareek obengk kuda,tungkah libo ngkoduuh wah aroongk nya boporaangk.10Gok kuiik ballo,e samoh wok kallo gok odoh racuunt,e,wok wah saih kuiik dieent,e nyen odoh todopat kuasa ballo,e nyak mongki konaamp monsia rimiih buraant kotaae,11Gok rajo dik ngrintah dieent,e ialah malaekat orongk kobek; odant wah boba Ibrani ialah Abadon gok wah boba Yunani ialah Apolion.12Colaka dik pontojih jeh laluu,too roo nyusul dukaah colaka geek.Torompeet dik koniim.13Lalu malaekat dik koniim nyipoh torompeet,e,gok koo ngopingk toruunt koluar sik koempat tanook mezbah omas dik wah jowi Ponompa.14samel bosona nganu malaekat dik koniim,e dik migoongk torompeet nyen;" Tolopas maeeh koempat malaekat dik totiset nyomak sungi daiik Efrat nyen,"15Maka toloposlah koempat malaekat nyen dik jeh nih nyiap bagi jam gok onu,buraant ngan sowa nyak ngkomek sepertiga sik umat monsia.16Gok jomilah tontara nyuh ialah dukah puruu loseen pasukan bokuda; koo ngopiingk jomilah dieent,e.17Maka mosik nyen koo leek wah poronoong to kuda- kuda gok nya ntoyaant dik numpangk,e; ballo,e nginyak bojuh zirah,ntocaangk opi gok biru kuning belerang warna,e; Baak kuda- kuda nyen samoh wok baak singa,gok sik saih tukook,e kokuar opi,gok asop ngan belerang.18Niih kotoruuh malopotaka to nih komiss sepertiga sik umat monsia,yaitu nih opi,gok asop,ngan belerang,dik koluaar sik tukook,e.19Sebab kuasa kuda- kuda nyen todopat wah saih tukook,e gok saiih kuiik,e.Nih kuiik,e samoh wok nyipiih; ballo,bobaak gok ngan baak ballo,e nyen dieent,e ngkoniik pongrusak.20Totapi monsia kiint,dik kae kobeek nih nih malopotaka nyen,kae geh botobat sik pongodie tongan dieent,e; ballo,e kae togak bosomaah minu- minu kobieek gok podago- podagi sik omas gok perak,sik tomaggo,botuuh gok koyuuh dik kae dopat ngronoongk atao ngopiingk atau bojaloont.21Gok dieent,e kae botobat sik pado roo ngkomiis,sihiir,ngompaangk ngan nongkuu.

Chapter 10Kitab tobukaak.1Gok koo leek nya malaekat laiingk,dik kuat tomonaah sik sobayoonn,bosolampook romaang,,gok pelangi odoh wah somu baak,e gok jowii,e samoh wok motihonu,ngan kojaa,e oneh ubah tiang opi.2Wah tongan,e dop,e migoongk tek buah gulungan kitab ciik dik tobukaak,Dop,e mpeet koja tauuh,e wah tunuuh laot gok koja moyeet,e wah somu bumi.3Samel domp,e mangkoos ngan boba nyariingk samoh wok singa dik bogaooh. gok mosik domp,e mangkos,koiju guruh dinoongk nyent ngopiingk angkoong,e.4Gok mosik koiju guruuh dinoongk nyen mosik ngomong,koo roo mongki tulis,e,totapi koo ngopiingk toruunt boba sik sobayoonn bojantoh;" Materai maeh oneh dik nih nyonaa sik koiju dinoobgk nyen ngan yooklah moo mongki tuliis,e.5Gok malaekat dik nih koo leek tokiit wah somu laot ngan wah somu bumi,ngongkaat tongan tauuh,e koni ronyeent!" 6Domp,bosumpah demi Dop,e dik midop sampai pajii,e,dik jeh mongki ronyeent gok sidik toruunt obiih,e,gok bumi ngan obiih,e,gok laoot ngan obiih,e,boba,e;" Kaee akan odoh ponundaan geek! 7totapi libo waktu torompeet booriiint sik malaekat koiju, ku haeek apabila domp,e nyipoh torompeet,e maka akan gonap sidik koputusan roosia Ponompa,wook dik jeh Dop,e nyonaa koni balo hamba,e,yaitu ballo nani."8Gok boba dik jeh koo ngopiing sik ronyeent nyen, bosona pulak koni koo,boba,e;"Obuulah,tiaah maeeh gulungan kitab dik tobukaak wah tongan malarkat,dik tokiit wah somu laoot gok wah somu bumi nyen." 9Lalu koo obu nganu malaekat nyen gok minta koni,e,supayo dop,e munyook gulungan kitab nyen koni koo,boba,e nganu koo;"Tiaah maeeh gok naiik ngan domp,e; Dop,e ngasoo toniik moo torasa poyeet,totapi wah saiih tukook moo dop,e akan torasa nsidaa nyam madu."10Mosiik nyen koo miaah kitab nyen sik tongan malaekat nyuh,samel naiik,e; wah saiih tukook koo dop,e torasa nsida nyam madu,totapi mosik koo duook,e,toniik koo jodi poyet kolat nyaam,e.11Maka domp,e bosona koni koo;" Moo aruus bonubuat geek koni obeengk banso gok kauump gok boba ngan rajo.

Chapter 12Ndayoongk gok naga1Maka tileeklah toruunt tanoo daiik wah ronyeent;Tek konaan ndayoongk bosolabong motihonu,ngan buraant wah sigaant koja,e gok mahkota sik dukah bolas bintaangk wah somu baak,e.2 Domp,e tungkah bitii gok wah posunguunt gok kojoraa,e roo ngkodooh dop,e mangkoos nijiing konaamp.3Maka tileeklah toruunt tano dik kiint wah ronyeent: tileek maeh,tek sogola nagoo ntocaangk sidiimp dik daiik,bobaak iju gok botanook simoongk,gok wah somu baak,e odoh iju mahkota.4Gok kuiik,e ngompiik sepertiga sik bintaangk- bintaangk wah ronyeent samel nompooh koni somu bumi.gok nagoo nyen tokiit wah jowi ndayoongk dik tungkah roo boranook nyen,nyak roo ningook onak,e,sogira mosik ndayoongk nyen ngkodooh,e.5Maka dop,e ngkodooh onak ndarii,dik akan ngiriing sidik banso nginyak gada bosi;Tiba- tiba maeeh onak nyen nih rampoos gook nih meet obuu koni Ponompa gok nganu takhta,e.6Ndayoongk nyen obu ngkoduh nganu padang gurun,wa keh jeh nih nyodia aroongk nyak domp,e nih Ponompa,supayo dop,e topolihara wa yeen solama soribu dukah ratus niim puruu onu kotaae,e.Nagoo nih ngalloh7Maka timool boporangk wah sobayoont,Mikhael gok malaekat- malaekat,e boporang nlawoont nagoo nyen,gok nagoo nyen nih nantuu nih malaekat- malaekat dop,e.8tetapi ballo,e kae dopat botahaant; ballo,e kae dopat gek aroongk wah sobayoont.9Gok naggo daiik nyen, si nyipiih muntuh,dik nyak sabut Iblis atao setan,dik nyosaat nya sokayuk dunia,nih nompooh koni sigaant; dop,e totompooh nganu bumi,bosamoh- samoh ngan malaekat- malaekat,e.Nyanyian komonangan10Gok koo ngopiingk angkoong dik nyariingk sik sobayoont bosona;" Ntooh jeh moniik kosolamatan gok kuasa gok pemerintahan Ponompa dop,ngan kokuasaan Dop,e dik nih ngurapi,korina jeh nih nompoh koni sigaant pondakwa balo posiik dop,dik ndakwa ngadel ballo,e nyowa gok ngoriimp wah jowi ponompa dop.11Gok ballo,e ngalooh domp,e nih doya Onak Domba,gok nih boba pokata kosaksian ballo,e.Niih ballo,e kae ngaseh nyawa ballo,e sampae koni wah kobek.12Niih nyen bosukacita maeeh,hai sobayoont gok hai moo sidiik dik monae wah saiih,e, colakalah mo,hai bumi gok laoot! nih Iblis jeh tomonah koni moo,wah rarreeh dik dahsyat,nih domp,e taok,bahwa onu,e jeh singkat."Nago ngosiik ndayoong nyen13Gok libo nago nyen sadar,bahwa domp,e nih nompooh wah somu bumi,dop,e ngosiik ndayoong dik ngkodooh Onak cade ndarri nyen.14Koni ndayoong nyen nih munyok dukah iraat sik monok nasar dik daiik,supayo dop,e taok ngkabiir koni aroong domp,e wah padang gurun,wa keh dop,e nih moliara ojau sik aroong nyipiih nyen solama tek masa ngan dukah masa gok sotongah masa.15Lalu nyipiih nyen nyumuur toruunt sik tukook,e piingk,kaiik sungi,nganu arah ndayoong nyen,supayo dop,e toranyoont piingk nyen.16Tetapi bumi monik nuloongk ndayoong nyen,Dop,e mukaak tukook,e,samel ningook sungi nyen dik nih nago nyumuur nyen sik tukook dop,e.17Maka nago nyen ndoruuh nganu ndayoongk nyen,lalu obu moraangk koturuunt dik kiint,dik monurut ukum- ukump Ponompa gok kosaksian Yesus.18Dop,e pun monae tokiit wah pantae laoot.

Chapter 13Daangk dik koluar sik saiih laoot1Lalu koo leek tek sogola daangk koluar sik saiih laoot,botanook simoongk gok bobaak iju; wah somu tanok- tanook todopat simoongk mahkota gok wah baak botulis odaant- odaant hujat. 2Bonatang dik ko leek nyen sorupa ngan gok macon tutul,gok kojaa,e wok koja boruangk gok tukook,e wok tukook singa.Gok nago nyen munyook koni,e kokuatan,e gok takhta,e gok kokuasaan dop,e dik daiik.3Maka tileeklah koni koo tek sik baak- baak wok oduk towaant dik nyak mbahaya midop,e,totapi towaant dik mbahayakan midop,e nyen baeek,Soluruh dunia heran,lalu ngajeeh daangk nyen.4Gok ballo,e nyomaah nago nyen,nih domp,e munyok kokuasaan koni bonatangk nyen samel bojantoh;" Osehkah dik samoh wok daangk nyen? gok osehkah dik dopat boporaangk nglawoont dop,e?"5Gok nganu daangk nyen nih munyok tukook,dik bunuuk korongkaoo gok dingki; koni moo nih munyok geeh kuasa nyak ngkodie empat puru dukah buraant kotaee,6Lalu dop,e mukaak tukook,e nyak ngkongiin Onak Ponompa,ngkongiin odaant,e gok kemah pomonae Dop,e ngan sidik ballo,e dik monae wah sobayoont,7Gok domp,e nih ngaso nyak boporaangk nglawoont nya- nya dik kudus gok nyak roo ngalooh ballo,e ;gok nganu,e nih munyok kuasa nyak sidik suku ngan umat ngan boba gok banso.8Gok sidik nya dik monae wa somu bumi nyomaah dop,e, yaitu sotiap nya dik odaant kae totulis si jak dunia nih njodi wah kitab pongkidop sik onak Domba,dik jeh nih moleeh.9Barongoseh bokopingk,sajo lah dop,e ngopingk! 10Barongoseh nih nontu nyak tonawoon,dop,e akan tonawoon; barongoseh nih nontu nyak kabeek nyak ba,i podangk,dop,e arus kabeek ngan podangk.dik pontengk wa too haeek kotabahan ngan iman- iman nya baek.Daangk dik koluar sik saiih bumi.11Gok koo leek tek sohola daangk kiint koluar sik saiih bumi gok botanok dukah samoh wok Onak Domba gok dop,e ngomong wok sogola singa.12Gok sidik kuasa daangk dik pontojih nyan nih njaloont wa jowi motiih,e.Dop,e nyobab sidik bumi ngan soluruh obieh,e bosomah daangk dik pontojih, dik towaant konamp parah jeh baek.13Gok dop,e ngkodie tano- tano dik dahsyat,bahkan domp,e ntonah opi sik ronyeent nganu bumi wa jowi motih sidik nya.14Dop,e nyosaat nya dik monaae wah bumi nginyak tano- tano,dik jeh nih munyok nganu,e nya dop,e ngkodie wah jowi motih daangk nyen,Gok dop,e ngaso ballo,e dik monae wah bumi,sopayo ballo mongki patung podaggi nyak sonomah daang dik towaant nih ba,i podang,namun dik totap midop.15Gok koni,e nih munyok kuasa nyak munyok nyawa nganu patung podaggi daangk nyen,sohinga patung daangk nyen taok ngomong geh,gok bopongodi wok ntoyaant,sohinga sidik nya,dik kae nyomaah patung podagi daangk nyen,kabiis nya.16Gok dop,e ,mongki hal,sohinga nganu sidik nya dik kaya atau miskeent,merdeka atao kuli,nih munyok tano wah tongan tauuh,e atau koni dangkeeh,e.17Nih kae oseh nya pun dik dopat miriih atao nyuaal solaingk sik nya dik nginyak tano nyen,yaitu nama daangk nyen atau bila wok keeh odaant,e.18Dik pentingk wah to ialah hikmat; barongkoseh dik bijaksana,baek bah dop,e milangk uruuf daangk nyen,nih uruuf nyen sajoo pomilangk ntoyaant monsia,gok bilanggk,e ialah niim ratus niim puruu niim.

Chapter 14Onak Domba gok ballo nya ninoot,e dik nih nobus.1Gok koo ngronong; Sobonar,e Onak Domba tokiit wah dampooh Sion gok bosamoh- samoh ngan domp,e soratus empat puruu ribu konaant nya gok wa dangkeeh ballo,e totulis odaant Dop,e gok odaant mangk Dop,e.2Gok koo ngopiingk angkoongk toruunt sik ronyeent oneh ubah doseh piingk kolamu gok wok oneh ubah angkoongk patee dik dahsyat.gok angkoongk dik kapiingk koo nyen wook suara pomain- pomain kecapi gok dik ngomaak kecapi.3Ballo,e nyanyi suatu nyanyian dik bauuh wah jowi takhta gok wa jowii koempat makhluk ngan nya muntuh- muntuh nyen,gok kae oseh pun dik dopat nglajoor nyanyian nyen solaingk sik pada soratus empat puruu ribu nya dik jeh totobus sik bumi nyen.4Ballo,e geeh nya- nya dik ncomaar dop,e ngan ndayoongk- ndayoongk,nih ballo,e gek murni samoh wok perawan. Ballo,e geeh nya- nya dik ngajoh Onak Domba nyen kokeh pun dop,e obu.Ballo,e nih nobus sik antara nya monsia sobagae korban- korban bunsu nyak Ponompa gok nyak Onak Domba nyen.5gok wah saiih tukook ballo,e todopat dusta; ballo,e kae bocela.Ponyona pongodi ngadeel.6Gok koo leek tek konaan malaekat dik kiint ngkabiir wah tuda- tuda ronyeent gok wah dop,e odoh Injil dik kokal nyak sonobar koni nya dik monae wah bumi gok nganu sidik banso,suku,gok boba ngan kaum.7Gok dop mangkos ngan boba dik nyariingk;"Golak maeh nganu Ponompa ngan nomuliakan dop,e,nih jeh roo monik onu penghakiman domp,e,gok sonomaah maeh dop,e dik jeh njodikan ronyeent ngan bumi ngan laot gok sidik motih piingk."8Gok tek konaan malaekat kiint,malaekat kodukah,nyusul dop,e samel bosona,;"jeh rurooh,jeh rurooh Babel kota dik daiik nyen.dik jeh ngkobook nya sogalo banso nginyak anggur hawa nafsu ompangk dop,e."9Gok tek konaan malaekat kiint,malaekat kotoruuh nyusol dop,e gok bopisingk nginyak angkoongk boba nyaringk;"Jikalau tek konaan nya nyomaah daangk ngan patung,e nyen,gok dopat norima tano wah dangkeeh, e atao wah tongan,e.10Maka dop,e roo nyinop sik anggur pondoruuh Ponompa,dik jeh nih nyodia kae bocampuur wah saiih ndoruuh- domp,e,gok dop,e roo tonyiksa ngan opi gok beleraang wah jowi motih malaekat- malaekat kudus ngan wah jowii motih Onak Domba.11Maka asop opi dik nyiksa ballo,nyen simaak somu sampae solama- lamanya,nyowa ngoriimp ballo,e kae ronti- ronti nih nyiksa,nya nyen di nyomaah daangk ngan patung podagi nyen,gok barongoseh dik jeh ngrima tano odaant dop,e.22 Dik penting wah too harek ketekunan nya- nya dik baek dik nuruut porintah ator Ponompa ngan iman nganu Yesus.13Gok koo ngopiingk angkoong sik sobayoont bopisingk:" Tulis maeh;" Sunguh" kaant minu." sopayo ballo,e taok monae sik jerih payah kolopaa ballo,e,niih sogala pongodi ballo,e ngrota ballo,e.14Gok koo leek; sobonaar,e odoh toruunt wok romaangk mopau,gok wah somu romaangk nyen dudok ntoyaant wok Onak Monsia ngan tek buah mahkota omas wah somu baak,e gok sobila sabit dik ngrojaa wah tongan,e.15maka koluarlah tek konaan malaekat kiint sik Romiingk suci: Samel dop,e bosona nginyak boba dik nyariingk nganu dop,e dik dudok wah somu romaangk nyen:" Niyaoo maeh sabit moo nyen samel tiaah maeh,nih jeh monik onu,e nyak ngotiimmp,e; sebab toruunt wah bumi jeh mosaak."16Gok dop,e,dik dudok wah somu romaangk nyen,ngiyaaoo sabot nyen nganu somu bumi,gok bumi pun ngotiimmp.17Gok tek konaan malaekat kiint koluar sik Bait suci dik odoh wah sobayoont; gok wah dop,e odoh sobila sabit ngrooja.18Gok tek konaan malaekat kiint monik sik mezbah: domp,e bokuasa wah opi samel dop,e mangkos nginyak boba nyariingk koni malaekat dik migoongk sabit ngrooja nyen sanoo,e;" Niyaao maeh sabit moo dik ngrooja nyen gok kapiik maeh buah- buah koyuuh anguur wah bumi,nih buah,e jeh mosaak."19lalu malaekat nyen ngiyaao sabit,e nganu somu bumi,gok dop,e ngopiik buah koyuh anguur wah bumi samel dop,e nompooh koni pongolah daiik,yaitu pondoruuh Ponompa.20Gok buah- buah anguur nyen nih ngolah wah luar kota gok sik pongolah nyen ngaleer doya,komiik,e sampae nganu pangkoongk kuda ngan kojaau,e dukah ratus miil.

Chapter 151Gok koo leek toruunt tanoo dik kiint wah ronyeent,daiik ngan ajaib,iju malaekat gok iju malopotaka pongkosiik,e,karena nih ngan nyen borakher geeh pondoruuh Ponompa.2Koo geeh leek toruunt oneh ubaah lautan kacoo bocampur opi,gok wah tamiingk lautan kacoo nyen tokiit nya- nya jeh ngalooh daangk nyen gok patung,e ngan jireeh odaant dop,e.wah ballo,e odoh kocapi Ponompa.3Ballo,e nyanyii nyanyian lagu Musa,kuli Ponompa,gok nyanyian Onak Domba,iiinnt,e;" Daiik ngan ajaib sidik korija- moo,ya Ponompa datoo,dik maha kuasa! adel ngan bonaar sogala joraant moo,oo rajo sidik banso! 4Osehkah dik kae golak,oo Ponompa,ngant dik kae momuliakan odaant- Moo? Sebab Moo maeeh dik tuci; nih sidik banso roo monik ngan sujud nyoomaah Moo,nih jeeh nyatoo kobonaran sogalo pongadeel- Moo"Iju malaekat ngan iju cawoont pondoruuh Ponompa.5Wok mosik nyen koo ngronong nya mukaak Bait suci - Dangao kesaksian - Wah Sobayoont.6Gok koiju malaekat ngan koiju malopotaka nyen,koluar sik Bait suci, boadooh lenan dik mopau boriseeh gok bokilao- kilao gok usook,e bolilit poniseet kopongk sik omas.7Teek sik koempat makhluk nyen munyok koni koiju malaekat nyen iju cawoont sik omas dik bunuuk borisiik pondoruuh Ponompa,yaitu Ponompa dik midop sampae paajiie,8Gok Romiingk Tuci nyen bunuuk nih asop komuliaan Ponompa gok nih kuasa Dop,e,gok tek konaan nya pun kae dopat masok Romiingk Tuci nyen.Libo goont mosiik koiju malopotaka sik koiju malaekat nyen.

Chapter 161Gok koo ngopiingk angkoong dik nyariingk sik wah saiih Romiingk Tuci bosona nganu koiju malaekat nyen:"Koiih maeeh gok sayoongk maeh koiju cawoonnt pondoruh Ponompa nyen nganu somu bumi."2Maka obuulah malaekat dik pontojih samel nyoyaangk cawoont nganu somu bumi;maka timool lah pronciis dik badii bieek gok dik bobahaya wah sidik nya dik nginyaak tano sik daangk nyen ngan dik nyomaah podagi patung,e.3Gok malaekat dik kodukaah nyoyaangk cawoont,e koni somu laot: maka piingk borubah jodi doyaa,wok doya nya kobiis,maka kobiislah sidik toruunt dik midop,dik bonyawa wah saiih laoot.4Gok malarkat kotoruuh nyoyaangk cawoont,e koni somu sungi- sungi ngan motih- motih piingk,gok sidiik jodi doya.5Gok koo ngopiingk malaekat dik bokuasa wah somu saiih piingk nyen boboba;" Adeel Moo, Moo dik odoh ngan dik jeh kidooh,e.Moo dik tuci,dik jeh nyotuuk ukuuman to.6 Nih ballo,e jeh nyoyaangk doya, nya- nya dik baeek ngan balo nabi,Moo geeh jeh munyok ballo,e nyinop doya,; hal nyen wajar nyak ballo,e!"7Koo geh ngopiingk mezbah nyen bosona;" Oo ponompa,Ponompa dik mahakuasa,bonar ngan adel sogala pongkosiik - Moo"8Gok malaekat koempat nyoyaangk cawoont,e nganu somu motihonu,gok koni dop,e nih munyok kuasa nyak mungkaak monsia ngan opi.9Gok monsia nih mungkaak nyak lotiip opi dik dahsyat,gok ballo,e ngrucooh odaant Ponompa dik bokuasa wah sidik malopotaka- malopotaka nyen ngan ballo,e kae botobat nyak komuliaan Dop,e.10Gok malaekat dik koriimiih nyoyaangk cawoont,e koni somu Takhta daangk nyen gok ompiik,e jodi pitii,gok dieent,e mitaat jirra dieent,e nih konaamp,e.11Gok ballo,e ngrucooh odaant Ponompa dik wah sobayoont,nih konaamp,e gok nih poronciis ballo,e,tetapi ballo,e kae botobat sik pongodie- pongodie ballo,e.12Gok malaekat dik ko niim,e nyoyaangk cawoont,e koni somu sungi dik daiik,sungi Efrat,lalu koriingklah piingk,e,sopayo siaplah joraant nyak rajo- rajo dik monik sik sopiak timur.13Koo leek siik tukook nago ngan siik tukook daangk gok sik tukook nabi palsu nyen koluar toruuh minu modaamp dik nyorupa katook.14Nyenlah minu- minu muunt setaan dik ngkodi pongodi- pongodi ajaib,gok ballo,e obu dopat rajo- rajo dik wah soluruh dunia,ngrugook ballo,e guna nyak boporaangk wah libo onu daiik,ko haek onu Ponompa Dik Mahakuasa.15"Tileeklah,Koo moniik wok poncuri,bobahagialah dop,e,dik bojago- jago gok ngratii adooh,e,sopayo dop,e yok bojaloont sampae kolanyaao gok yok sampae totileek ongiin,e."16 Lalu dop,e ngumpul ballo,e wah aroongl,dik boba Ibrani nih nyobut Harmagedon.17Gok malaekat dik koiju,e nyoyaangk cawoont,e koni angkasa.Gok sik wah romiingk Tuci tokapiingk boba dik nyariingk sik Takhta nyen.sanoo,e; " Jeh tolaksana." 18Maka topancar haeek pate kilat gok bogontaar guruh pate,tojadilah gempa bumi dik sajo dahsyat wok libo goont suah tojadi sejak monsia odoh wah saiih bumi.sajoo hebat seek gempa bumi nyen.19Lalu topiaak kota daiik nyen jodi toruh bagian ngan runtoh geeh kota- kota banso- banso dik kae ngonal Ponompa.maka toringaant ponompa roo Babel dik daiik nyen nyak munyok nganu,e cawoont dik bunuuk nih anggur sakiingk pondoruh dop,e.20Gok sidik pulao moyaamp riijop,kae dopat nyak kagaao gek doriik- doriik.21Gok ujan es daiik,koboraat soratus pon,jotuuk sik ronyeent numpaak monsia,gok monsia dik ngrucooh Ponompa nih gok malopotaka ujan es nyen.sobab malopotaka nyen sajo dahsyat.

Chapter 171.LALU, moniiklah tek konaan sik iju malaekat, dik meet koiju cawoont nyen samel nyona koo;"Booh ko to, koo roo ngamporr koni moo putusa nih polacur daiik,dik dudok wah aroongk dik obeengk piingk,e.2Ngant domp,e rajo-rajo wah bumi jeh bobuat cabul, gok ponunguk-ponunguk bumi jeh obook nih anggur doya ompangk.3Waah minu koo oduk dibeet koni padang guruun.Gok koo leek tek konaan ndayoong dudok wah somu daangk dik ntocaangk ungu,bunuuk totulis ngant odant-odant hujat,ngkongiin.Bonatangk nyen bo baak iju gok simong tanook.4Libo ndayoong nyeny nginyak adooh ungu gok kaiin kirmizi dik nih ngias ngan omas,permata,gok mutiara gok wah tongan,e odoh cawoont omas bunuuk nih gook sidik kobieek ngant kobieek ompaang.5Wah dangkeeh odoh botulis odaant,toruunt roosia;BABEL DAIIK,NOK SIK NYA NDAYOONG -NDAYOONGK POLACUR GOK KOBIEEK NYA BUMI,"6Libo koo ngronong ndayoong nyent obook nih doya nya ntoyaan kudus gok doya saksi-saksi Yesus.ngant sokotika nyent koo ngronong,e,koo jodi hiraant.7Lau sano malaekat nyent koni koo;"Ngoneh moo nyarooh? Koo akan nyona koni moo roosia ndayoongk nyent gok roosia bonatang dik nyingkoongk dop,e,daangk dik bobaak iju gok botanook simoong nyent.8.Odohpun daang dik nih moo ngronong nyen,jeh odoh,namun kidoh,domp,e akan timool sik oroongk kobeek,gok domp,e nyen nuju koni kobinasaan.Gok ballo,e dik monae wah bumi,yaitu dieent dik kae totulis wah saih kitab pongkidop libo dunia nih nya mongki,koo iraant,apabila ballo,e ngronong,bahwa daangk nyent jeh odoh,namun kidooh,gok roo timool geek.9Dik sajoo ponteng wah to ialah akool dik nganong hikmat;Koiju baak nyent haeek iju doriik,dik wah somu,e ndayoongk nyent dudook.10koiju haeek geh iju rajo; rimiih sik nie,jeh jotuuk,dik teek gok ngan dik kiint gon monik,mak jika dop,e monik,dop,e akan montok libo nyeent.11.gok daangk dik suah odooh wok dik ntooh kidoh odoh,dop,e soniriik haeek rajo ko maee nih namun wok nyent teek sik koiju nyent gok domp,e roo moniik koni kobinasaan dop,e.12Gok kosimoongk tanook dik jeh nih moo leek nyen sajo simoongk rajo,dik goont mulae morintah,totapi so jaam maeh gek kotaae ballo,e roo ngrima kuasa sobagae rajo,bosamoh-samoh gok daangk nyent.13Dieent soia sokata,kokuatan gok kokuasaan ballo,e dieent,e punyok koni daangk nyent.14Dieent roo boporaangk nglawoont onak Domba.Tetapi Onak Domba akan ngalohkan dieent,te,nih korina dop,e Tuan wah somu sogala tuan gok rajo wah somu sogalo rajo.Ballo,e bosamoh-samoh gook dop,e dik sajo monangk,yaitu ballo,e dik topileh ngant topangel dik gok sotia."Lalu dop,e bosona koni koo;Sidik piingk dik nih moo leek,wah keh ndayong polacur nyen dudook,sajoo banso-banso gok rayoot obengk gok kaum,gok bobba.16Gok tanook kosimoongk dik tileek mo nyent sorota daangk nyent akan mbonci polacur nyent gok ballo,e roo mongki domp,e sunyiik ngant kolanyaoo,gok ballo,e roo duook iseeh ngant nyinuuk koni opii.17Sobab Ponompa jeh mongki tampok owangk otii dieent nyak ngkodi koowangk domp,e ngant soiya sokata gok nyak munyok ballo pomorintah koni daang nyuuh,sampae boba Ponompa tonggonap.18.Gok ndayongk dik tileek mo nyent,sajo kota daiik haeek dik ngrintah rajo- rajo wah bumi.

Chapter 181Mosiik pado nyent ko ngronongk tek malaekat kiint tomonaah sik sobayoont,Domp,e odoh daiik kokuaat ngant bumi tampook nih komuliaan domp,e.2Gok domp,e pun mangkoos nyaringk,ponyona,e; " jeh tumaangk,Babel jeh tumangk,kota dik daiik nyuh,gok domp,e jeh jodi aroongk pomonae minu- minu kobieek gok arongk nya bosukaant sidik tikeek minu,gok aroongk bosukaant sidik monook dik bieek gok dik pondoruuh.3Nih sidiik nya banso jeh nyinop angoor sik hawa nafsu cabul gok rajo- rajo dik wah bumi jeh borompaangk ngant domp,e gok ballo nya bodagoongk jodi kaya nih kolobeeh hawa nafsu,e."4Lalu koo ngopingk angkoongk laingk sik sobayont bojantoh;" Obuu maeeh moo,oe ntoyant koo,obu maeh sik domp,e supayo moo,kae miaah ciik wah dosa- dosa,e,sopayo gok mo yok ngajeh oduuk gok malapetaka domp.5Sbab dosa- dosa domp,e jeh borugook domiik sampae ko ronyeent,gok Ponompa jeh ngingaant sidik kobieek,e.6Baloos maeeh koni,e,samooh wok domp,e molas geh,punyok maeh koni dukah kali lipat monurut korija,e tonyampur maeh dukah kali lipat dik wah cawoont ponyampuur.7Tunyok maeh koni,e kojoraa ngant susah,sonhkobengk komuliaan gok kokayaa domp,e dik jeh nih domp,e nginaamp,sbab domp,e ngomongk wah saiih owangk,e,ko botahta wok ratu,koo kae janda,gok ko soniriik kae suaah susah.8 Niih nyent gok sidik malopotaka roo moniik dalomp kah nuu,e,toruunt haeek sampoor,gok kosusah gok sobirook: gok domp,e roo sinuuk nya nyak opi,niih mang Ponompa,dik nghakimi domp,e sajjo kuat.9Gok rajo- rajo wah bumi; dik jeh mongki cabul gok midop wah kolobeeh ngant domp,e,roo nongis gok nggalae,apabila dieent ngronongk asop opi dik nyinuuk,e.10Ballo samel tokit ojau- ojauu nih golaak oduk kojoraa,e gok ballo ngomongk;" Colaka,colaka moo,oee kota dik daiik,Babel,oee kota dik kuaat,sbab solama sojaam maeeh mo nginamp jorraa,e.11Gok ballo nya bodagoongk wah bumi nongiis,gok bosusah nih domp,e, sbab kae odoh nya gek dik miriih barangk- barangk dieent,e.12Toruunt haeek barongk dagongk omas,gok perak,pomata gok mutiara,sik adoh lomuut gok adoh ungu,sik sutraa ngan adoh kirmizi,bobagae jenis barongk sik koyuuh,dik wangi buuh,e,bobagae jenis sik koyuuh dik mahal,sik tomagoo,bosi ngan pualam.13Kureet nsidaa,rompah bumuu,wangian,mur,gok komenyan,anggor,minyaank,topong alus,ngan ganuum,lembu,sapi,domba,kuda gok korita kuli,gok bahkan nyawa monsia.14Gok ballo rroo ngomongk;" jeh moyaamp buah- buah dik koowangk moo,gok sidik toruunt miwah,indah jeh sajo moyamp sik moo,ngant sajjo kae todopat geek.15Ballo dik bodagongk barang- barangk nyuh,dik jeh jodi kaya nih domp,e roo tokiit ojau- ojau nih golaak akan tosiksanya, samel nongis gok boratap.16Ballo,e bosona:"colaka,colaka, kota daiik dik bobojuh lenan alus,gok adoh ungu ngant adoh kirmizi gok tohias omas,gok pomata gok mutiara,sbab dalomp sojam maeh kokaya nya kobengk nyent moyamp bonasa.17Gok sotiap juaragan gok polayar gok onak- onak kapol gok sidik nya dik poncariik,e wah laot,tokiit ojau- ojau.18Samel mangkoos,libo ballo leek asop opi dik mungkaak,e,sanooe:" Kota dik keeh kah dik samoh wok kota daiik to?" 19Gok ballo,e nyoboor dobu korosek koni tunuuh baak dieent,e samel boboba: " colaka,colaka, kota daiik,dik nih sidik nya,dik mpo kapal wah laot,jeh jodi kaya nih barang dik mahal,sbab wah sojam maeeh domp,e jeh bonasa.20Bo ko baek owangk nih domp,e,oe sobayont,gok moo,oe nye ntoyant dik baeek,rasul- rasul jeh nyotuk ukump nyak domp,e nih moo.21Gok tek konaan malekat dik kuat,ngongkat sogola botuuh daik kaiik botuh sangkoomp,lalu njotuuk nompoh koni saih laot,sanoe: wok to lah Babel,kota daik nyuh,roo tampoh sik boroomaant koni sigaant, gok domp,e kae dopat kagao gek.22Gok angkongk- angkongk kecapi gok ponyani - ponyanyi,ngant ponyipoh- ponyipoh soroling sangkakala kae kan kapingk gek wah ompik mo,gok nya dik ahli wah toruunt kesenian kae kan todopat gek wah saiih moo.gok angkongk ingar mo kae akan kapingk gek wah saih moo.23Ngant silao lampu sajo kae botampok gek wah saih mo,gok iint pongantent nya ndari ndayongk kae kan kapingk gek wah saih moo,nih ballo porageh moo sajo nya ntoyant dik daiik wah bumi. nih limu siheer mo sidik banso tososat.24Gok wah saih,e todopat doya nabi- nabi gok nya ntoyant baek gok doya sidik nya,dik nih komeek wah bumi.

Chapter 191Mosiik nyen dari pada to koo ngopingk wok boba dik nyariingk sik rugook nya daik nya obeng wah sobayoont,bobae: Haleluya,! kosompatan gok komuliaan ngant kokuasaan wah Ponompa dop.2Nih bonar ngan adel sidik pocaroo,e,nih domp,e lah dik jeh ncaroo polacur daiik nyuh,dik ngrusak bumi ngant gok ompangk cabul,: Domp,lah dik jeh molas doya gok balo hamba,e koni polacur nyuh.3Gok nyak kodukah kali,e ballo boboba : Haleluya! nih korina asop simaak sampae solamanya," 4Gok kodukah puruu empat nya muntuh gok koempat daangk nyuh tosungkoor samel nyomaah Ponompa dik dudok wah tunuuh tahkta nyent,samel dieent nyona; " Amin,Haleluya."5Maka tokaping sidik angkongk toruunt sik somu Tahkta nyent tih,: " Pujilah Ponompa dop,hae moo sidik monsia,moo dik golaak ngkaant domp,e baek cik maupun daik.6Mosik nyent ko ngoping wok boba porugook nya daik gok nya obengk,iiint doseeh piingk bogaooh dik sajoo dahsyat see,ek,boba,e; Haleluya,nih korina Ponompa Tuhaant dop,dik maha kuasa,jeh jodi rajoo.7Booh dop bosukacita gok bosorak sorae nyak muliakan Ponompa! korina onu ponganteent onak domba jeh moniik,gok ponganteen domp,e jeh siap sodia.8Gok konii,e nih munyok korunia nyak nginyak adoh lenan aluus dik jeh bokilao- kilao dik mopau boriseeh,! ( lenan dik halus nyent haeek pobuatan- pobuatan nya dik bonarr sik nya ntoyaant baeek.)9Lalu domp,e bosonaa koni koo;" tulis maeeh,: bobahagia maeh nya dik nih ngundang nganu porami kawin onak domba," kaant domp,e sokali geek koni koo,;" pokataan to sajoo maaant,pokata boba sik Ponompa.10Maka tosungkoor koo wah jowi koja,e samel nyomaah fomp,etetapi domp,e bokata koni koo:" Yok lah bobuat wok nyent! Koo to hamba,samoh wok ngan moo gok ballo posik moo,dik mpoo kosaksian Yesus,Sembah maeh Ponompa,nih kosaksian Yesus haek sajo minu nobuat.11Lalu koo leek sobayoont tobukaa sobonaar,e,odoh tek sogola kuda mopau; gok domp,e dik nunggangi,e borodant; Dik sotia gok dik bonar," domp,ncarro gok boporangk ngan adel.12Gok motiih domp,e wok jilao opi gok wah somu baak,e odoh obengk mahkota ngant wah domp,e odoh toruunt botulis, odaant dik katao nya oseh pun,kocuali domp,e tokiit.13Gok domp,e nginyak jubah dik jeh nih nciliip wah doya dik boodaant" Firman Ponompa,"14Gok sidiik pasukan nya wah sobayoont ngajeh domp,e;ballo,e simak kuda mopau dik nginyak lenan alus dik mopau boriseeh.15Gok siik tukook domp,e koluar sobila baii ngroja dik roo mongkongk sokayuk banso.Gok domp,e roo meet ballo,e nyak baak bosi gok domp,e memeras anggur wah pongapet anggur,yaitu pondoruuh jowi Ponompa,Dik mahakuasa.16Gok wah jubah-domp,e ngant piih domp,e odoh botulis odaant,yaitu:"Raja sidik raja gok tuan wah sogala somu tuan,"17.Lalu koo ngronong tek konaan malarkat tokiit wah saiih motih onuu gok samel mangkos nyak boba nyaring koni sidik banso monook dik ngkabiir wah tuda ronyeent,boba,e;"Booh maeh koto gok borugok nyak ngajeh wah porami Ponompa,pojamuan dik paling daiik,18Sopayo moo duook sidik daging rajo gok iseeh sidik panglima gok iseh sidik pahlawan gok iseh sidik kuda,gok iseh sidik sokayuk ponsinak gok soluruh iseh nya,baek dik merdeka maupun kulii,baek dik ciik maupun dik daiik.19.Gok ko ngronong daangk nyuh gok rajo- rajo dik wah bumi ngant tontara- tontara dieent jeh bokumpul nyak ngkodie porang nglawoont Ponungang kuda nyen gok tontara,e. 20Maka todokoplah daangk nyen gok bosamoh- samoh gok domp,e nabi palsu,dik jeh ngkodie tano- tano wah jowi motiih,e,gok nih wok nyent domp,e mongki sosat ballo dik jeh ngrima tano- tano sik daang nyuh gok dik jeh nyomah patung,nge, Kodukah,e nih nompoh idop- idop koni jilao opii dik bojilao- jilao nih umpaar.21Gok sidik nya laingk nih komeek nginyak podang,dik koluar sik tukook ponungang kuda nyen;gok sidik monook busooh mpadae iseeh ballo,e.

Chapter 201Lalu koo leek tek konaan malaekat tomonah sik sobayoont bopigong onak kunci parongk kobek gok teek rantae daiik wah tongan,e. 2Domp,e nokop nago,nyipiih dik muntuuh nyent,yaitu Iblis gok sitan.Gok domp,e niseet jangkoo kobis soribu sowaa kotaae,3Lalu nompooh,e koni saih paroongk kobek,gok nitop parongk kobek nyent samel mongki materai wah somuu,e,sopayo domp,e yok gek nyosat banso- banso,libo goont mosik sowa dik soribu sowaa nyent;mosik nyent pado libo domp,e roo nlopoos nyaak paling cik kotae sowa,e.4Lalu ko ngronong takhta- takhta gok nya ntoyaant dudok wah somuu,e.koni dieent,te nih munyok kuasa nyak ngadeel,Koo ngronong geeh jiwa- jiwa ballo,e. dik jeh nih ngopiik baak,e nih kosaksia Yesus gok nih firman Ponompa; dik kae nyomah bonatangk nyent gok patung,nge gok dik kae geh ngrima tano,e wah dangkeeh gok tongan dieent,te.; gok dieent,te midop gek gok morintaah sobagae rajo bosamoh- samoh gok Kristus nya masa soribu sowa.5Totapi nya ntoyaant kobeek dik laingk kae mongkat sobelum mosik sowa dik soribu sowa to.To lah kobangkitan dik pontojih.6Bobahagialah gok kuduslah domp,edik nopat bagian wah kobangkitan pontojih to.Pongkomiiis dik kodukaah kae bokuasa geek wah somu ballo,e,totapi dieent,e akan jodi imam-imam Ponompa gok Kristus,gok ballo,e akan ngrintah sobagae rajo bosamoh- samoh gok domp,e soribu sowa kotaae,e.7Gok sotelah masa soribu sowa nyent mosik,Iblis akan tonlopoos sik ponjaraa,e.8Gok domp,e akan obuu mongki nyosaat banso- banso wah koompat ponjuru bumi,yaitu Gog gok magog,gok ngumpu ballo,e nyak boporaangk gok jumlah dieent,te samooh wok kobengk koroseek wah laot.9Maka simaaklah dieent,te koni sidik dataran bumi,lalu ngopongk rompoong kemah tontara- tontara kudus gok kota dik nih ngaseeh nyent,Totapi sik ronyeent tomonahlah opii nyak mungkaak dieent,te.10gok Iblis,dik nyosaatkan dieent,te, nih nompooh koni wah saiih rimuunt opi gok bolerang,yaitu aroongk bonatang gok nabi palsu nyent,gok dieent,te nih nyiksa nyowa ngoriimp sampae solama- lama,e.11Lalu ko ngronong takhta toruunt mopau dik daiik gok domp,e,dik dudook wah somuu,e.Sik jowii,e moyaamplah bumi ngant ronyeent gok kae todopat geek aroongk,e.12Gok ko ngronong nya ntoyaant kobeek,daiik gok ciik,tokiit wah jowi takhta nyent.lalu sidik kitab nih mukaak.gok tek buah kitab dik laingk nih mukaak geeh,yaitu kitab pongkidop,gok nya ntoyaant kobis nih ngadel monurut pobuatan dieent,te,bodasarkan oneh dik odoh totulis wah saiih kitab- kitab nyent.13Maka laot munyok nyerah nya ntoyaant kobeek dik odooh wah saiih,e, gok maut gok ompik maut munyook nyirah nya ntoyaant kobek dik odoh wah saiih, gok dieent,te nyak tongadel masingk- masingk monurut pongodie,e.14Lalu maut gok korajaan ompik maut nyent nih nompooh koni wah saiih laot opi,To lah pongkobek dik kodukaah: ampoor laot opi.15Gok sotiap nya dik kae todopat odaant,te totulis wah saiih kitab pomidoop nyent,domp,e to tompooh koni ampoor laot opi nyent.

Chapter 211.Lalu koo ngronongk ronyeent dik bauuh gok bumi dik bauuh,sebab ronyeent dik pontojih gok bumi dik pontojih jeh bolalu,gok laot pun jeh kidooh geek.2Gok koo ngronong kota dik baeek,Yerusalem dik bauuh,tomonah sik sobayoont,sik Ponompa,dik bohias wook ponganteent ndayoong dik bodandan nyak boniih,e.3Lalu ko ngopiingk angkoong dik nyariingk sik takhta nyent bojantooh;"Tileeklah kemah Ponompa odoh wah tuda- tuda monsia gok domp,e akan monaee bosamoh- samoh gok dieent,te.ballo,e akan jodi umat domp,e gok domp,e akan jodi Ponompa dieent,te.4Gok dop,e akan ngapus sidik piink motiih sik motiih dieent,te, gok maut pun kae akan odoh geek;kae kan odoh geek pomantoongk,atau nya nongiis,atau dukacita,sebab sogala toruunt dik otaae nyent jeh bolalu."5Dop,e dik dudook wah somuu takhta nyent bojantooh;"Tileeklah koo njodie sidik toruunt bauuh!" gok firman- dop,e:Tulis maeeh,nih sogalo pokataan to sajoo tepat gok bonarr," 6Firman- dop,e gek koni koo;" Sidik jeh tojadi.Koo haeek Alfa gok Omega.Dik awal gok dik pongkosiik.Nya dik alus akan kopunyok nyinop ngant cuma- cuma sik motiih piingk pongkidop.7Barongoseh monang,dop,e akan nopat sidik too,gok koo akan jodi Ponompa,e gok dop,e akan jodi onak- Koo.8Totapi nya ntoyaant ponakut,nya ntoyant dik kae pocayook,nya ntoyant keji,nya ntoyant pomunuuh,nya ntoyaant sundal,tukang- tukang siheer,ponyomah- ponyomah bohala gok sidik pondusta,dieent kan dopat bagian dieent,te wah saiih laot ampor opi gok bolerang; to lah pongkomeek dik kodukaah.9Maka moniik lah tek konaan sik ko iju malaekat dik migoongk ko iju cawoont,dik bunuuk ngant ko iju malopotaka pongkosik nyent,lalu dop,e bojantoh koni koo,kaant,te:" Booh lah ko to,koo akan nijuuk koni moo ponganteent ndayoongk,mempelai Onak Domba." 10Lalu ,wah saiih minu dop,e meet koo koni somuu sobiraah doriik dik daiik gok lobeh domiik gok dop,e nijuuk koni koo kota dik baeek nyent,Yerusalem,tomonah sik sobayoont,sik Ponompa.11Kota nyent bunuuk nih gok komuliaan Ponompa gok tampook.e samooh wok gok pomata dik maa baeek,e,wook pomata yaspis,jernih wok kristal.12Gok pigaa,daiik lobeh domiik gok koree gerbang,e dukah bolas buah; gok wah somuu koree- koree gerbang nyent odoh dukah bolas malaekat gok wah somuu,e totulis odaant ko dukah bolas suku Israel.13Wah sopiak timur todopat toruuh koree gerbang gok wah sopiak utara toruuh koree gerbang gok wah sopiak selatan toruuh koree gerbang gok wah sopiak barat toruuh koree gerbang.14Gok pigaa kota nyent odoh todopat dukah bolas botuuh dasar gok wah somuu,e totulis kodukah bolas odaant kodukah bolas rasul Onak Domba nyent.15Gok dop,e, dik bojantoh boba ngant koo,odooh toruunt songkuut sik omas nyak ngukur kota nyent serta koree- koree gerbang serta pigaa,e.16Kota nyent bentuk,e empat posegi,komiik,e samooh ngant kaiik,e.gok dop,e ngukur kota nyent nginyak songkuur nyent: dukah bolas ribu stadia;komiik gok kaiik samoh gok somuu samoh.17Lalu dop,e ngukur pigaa,e; soratus empat puruu empat hasta,monurut ukuur monsia,dik sajoo geeh ukuran malaekat.18Pigaa nyent topongki sik pomata yaspis,;gok kota nyent soniriik sik omas tulen,wook kaca murni.19Gok dasar- dasar pigaa kota nyent dihiasi nginyak sogala jenis pomata,Dasar dik potama botuh yaspis,dasar kodukah botuh nilam,dasar kotoruuh botuh mirah,dasar koompat botuh zamrud.20dasar ko rimiih botuh unam,dasar ko niim botuh sardis,dasar ko iju botuh ratna cempaka,dik ko mae botuh beril,dik kopirii botuh krisolit,dik kosimoong botuh krisopras,dik kosobolas botuh lazuardi,gok dik kodukah bolas botuh kecubung.21Gok kodukah bolas koree nyent sajoo haeek dukah bolas biteer mutiara:sotiap koree gerbang todiri sik teek mutiara gok joraant- joraant kota nyent sik omas murni wook kaca bening.22Koo pun kidoh ngronong roming suci wah saiih,; sebab Ponompa,Tuhaant Dik Mahakuasa,sajoo haeek Bait suci,e, domikian geeh Onak Domba nyent.23Gok kota nyent kae morolu gek motih onu ngan buraant nyak nampook,e,sebab komuliaan Ponompa jeh nampook gok onak domba nyent haeek lampu,e.24Gok banso- banso akan bojaloont wah saih tampook nyen gok rajo- rajo wah bumi meet kokayaan baloo,e koni,e.25gok kore- kore pigaa nyent kae akan totitoop libo nyowa onu,sebab ngoriimp kae kan odoh geek wah iih;26gok pongayaa ngant hormat banso- banso akan oduk dibeet nganuu,e.27Totapi kae kan masok koni saiih waah toruunt dik bieek,atao nya dik ngkodi kobieek atau nglakoor,totapi hanya dieent, dik odaant jeh odoh totulis wah kitab pomidop Onak Domba nyent.

Chapter 221Lalu dop,e nijuuk piingk pongkidop koni koo,dik boriseh,dik jernih wok kristal,gok ngaleer koluaar sik takhta Ponompa gok takhta Onak Domba Ponompa.2Wah ropoot tuda joraant nyent,dik wah dipah mutaas sungi nyent,odoh puunt koyuuh pongkidop dik bobuah dukah bolas kali,tiap- tiap buraant sokali; gok dauunt puunt koyuuh nyent nih nginyak nyak urii ballo banso ntoyant.3Maka kae kan odoh geek laknat,Takhta Ponompa gok Takhta Onak domba kan odoh wah saiih gok kuli- hamba,e akan matooh boibadat koni dop,e.4gok dieent,te akan ngronong jowii Dop,e,gok odaant odoh totulis wah dangkeeh.5Gok ngoriimp kae kan gek odoh wah nyuh,gok dieent kae porolu tampook lampu gok tampok motih onu,sebab Tuhan Ponompa akan nampook ballo,e,gok dieent akan ngrintah wok ubah rajo sampae solama,e.6Lalu dop,e bosona koni koo;" Pokata- pokata to topat gok bonarr,nih Tuhaant,Ponompa dik munyok minu koni ballo nabi,jeh ngutus malaekat nya nijuuk hamba- hamba,e oneh dik arus tongkodie." 7" Sobonaar,e Koo monik lokas,Bobahagia maeh nyak dik nuruut pokata an- pokataan nubuat wah kitab to!8Gok koo,Yohanes,koo lah dik jeh ngopingk gok ngronong,e, koo tosungkor wah jowi koja malaekat,dik jeh nijuuk sidik to,koni koo,nyak nyomaah dop,e.9Totapi dop,e bosona koni koo;" Yok bobuat dik wok nyent! Koo sajo hamba,samoh wok mo,ngant juruu posiik mo,balo nabi gok sidik dieent dik nuruut sogalo jantooh kitab to,tonyomaah maeeh dop,e.!"10Lalu dop,e bosona koni koo,;" Yook mongki materae pokataan- pokataan wah nubuat kitab to,sbab onu,e jeh somaak.11Barongoseh dik bobuat kobieek, aduu maeh dop,e jurus bobuat kobieek; barongoseh dik comar,adu maeh dop,e duduuk comar,gok oseh dik bonar,biar maeh dop,e jurus bobuat kobaeek; Barongoseh dik kudus adu maeh dop,e jurus ngriseeh todoop,e.!"12Sobonarr,e koo lokas monik,samel koo meet upahko nyak molaas koni sotiap nya moniruut pongodie,13Koo haeek Alfa gok Omega,dik pontojih gok dik tongpongkosiik,dik awal gok dik Pongkosik.14Bobahagialah nya dik ngumeek jubaah dop,e,ballo akan nopat hak wah kayo- kayo pongkidop gok masok nlalu kore- kore pigaa wah saih kota nyent.15Totapi kuyuuk- kuyuk gok tukang sihir,nya ntoyant sundal ,nya pongkomeek,ponyomah- ponyomah bohala gok sotiap nya dik ngowangk dusta gok dik ngkodie,e, montok wah luar.16" Koo Yesus,jeh ngutus jaloh malaekat- koo nyak munyok kesaksian pongodi sidik to koni moo,nyak jemaat- jemaat.Koo sajoo lantongk,yaitu koturuunt Daud,bintang timur dik gomilangk."17Minu gok ponganteen nya ndayoongk nyent bosona;" Bohlah!" gok barongoseh dik ngopingk,e hendaklah dop,e boboba;" Boh lah!" gok barongoseh dik aus,dop,e arus monik,gok barongoseh dik loongk,dop,e miaah piingk pomidop ngan cuma- cuma.!18Koo bosaksi koni sotiap nya dik ngopingk boba pokataan nubuat sik saih kitab to; Mak tek konaant noduuk toruunt koni boba pokataan to,maka Ponompa akan noduuk maopotaka- malopotaka dik totulis wah saih kitab to.19Gok mak nya roo ngurang toruunt sik jantoh boba sik kitab nubuat to, maka Ponompa roo miaah bagian dop,e sik kayo pomidop ngan kota dik kudus,wok dik totulis wah saih kitab to,!"20Domp,e dik munyook kesaksian sidik pongodi to,bojantoh:" Iik,Koo solokas moniik,!" Amin,moniik maeh,Yesus Ponompa.21Kaseh korunia Yesus Ponompa ngrotaa moo sokalian,! Amin.

Dayak Mayau: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation