¹Mayoh urang te ka nyuson berita tentang mayoh hal te udah tejadi tengah kitai. ²Baka te dipadah ngusong kitai uleh hidak, te ari awal nyadi saksi mata ngau pelayan Firman. ³Karna nyak, pengudah aku nyelidek kejadian nyak ari awal asal nyak, aku ngamik keputusan untok nuleh dibuku untok kitak, ⁴hupaya kitak ketaw bada te benar kaba utai te diajarkan ngusong nuan.⁵Alai jaman Herodes, raja dari Yudea bisik sikok imam te benama Zakharia dari kelumpok Abia. Bininya uga asal keturunan Harun te benama Elisabet. ⁶HIdak dua nyak urang benar di mua Betara dan idop nurot semua perintah Betara nadai bisik penyalah. ⁷Tapi hidak nadai empu anak, sebab Elisabet manol dan udah tuai.⁸Waktu nyak alai tiba giliran kelumpoknya, Zakharia ngemulah tugas keimaman di mua Betara. ⁹Alai di undi, baka biasanya ka nentu imam te betugas, dialah te ditunyok untok tamak ke dalam rumah Suci dan nunu kemenyan diak. ¹⁰Alai nyak semua umat bekumpol diluar dan semayang. Waktu nyak adalah waktu nunu kemenyan.¹¹Lalu Malaikat Betara datai bediri sebelah kanan mesbah nunu kemenyan dan dipedak uleh Zakharia. ¹²Medak hal nyak tekenyitlah Zakharia lalu ia entekik. ¹³Tapi malaikat nyak madah ngaunya, "Anang entekik Zakharia, sebab doa nuan udah dikabulkan dan Elisabet bini nuan akan beranak anak laki-laki dan nuan arus merik anak nyak benama Yohanes.¹⁴Nuan ngau mayuh urang akan sukacita dan gaga atas kelahiran anak nuan. ¹⁵Sebab anak nyak akan nyadi urang besai di mua Betara dan ia nadai akan ngirop anggur atau ngirop arak, iya akan penoh uleh Roh Kudoih mulai alai iya agik dalam kanong umaknya.¹⁶Iya tau mulah mayoh urang Israel bebalek ngusong Betara hidak, ¹⁷dan ia akan bejalai dulau ari Betara dalam Roh dan kuasa Elia untok mulah ati apai-apai bebalek ngusong anak-anaknya dan ati urang-urang te nadai taat akan bejalai dengau urang-urang te benar dan dengan piak tau nyiapkan suatu umat bagi Betara."¹⁸Jakuk Zakharia ngau malaikat nyak, "Kati baka aku ketaw, bahwa hal tok ka tejadi? sebab aku ngau biniku udah tuai." ¹⁹Jawab malaikat nyak ngaunya,"Akulah Gabriel te melayani Betara dan aku udah diutoih untok merik kabar baek tok ngusong nuan" ²⁰Pedaklah nuan akan nyadi bisuk dan nadai tau bejakuk sampai ari dini semua tok tejadi, karna nuan nadai pecaya jakukku te akan tejadi kebenarannya pada waktunya."²¹Sementara nyak urang mayoh nunguk Zakharia. Hidak iran medaknya lama amat di Rumah Suci. ²²Alai ia keluar, ia nadai tau bejakuk ngau hidak. Dan ngertilah hidak, bahwa Zakharia bisik medak utai di Rumah Suci. Lalu ia merik tanda ngau hidak nti nya nadai bisuk. ²³Alai tugas pelayanannya udah selesai, ia pulai ke rumah.²⁴Ndai lama udah nyak, Elisabet bini Zakharia mulai nganong dan selama 5 bulan iya belamon kedirek dalam rumah, yakuk iya, ²⁵"Toklah nama te di pulah Betara ngau aku, dan pito Betara ka ngapoih aibku dimua urang."²⁶Alai bulan ke enam Betara ngasoh malaikat Gabriel untok datai ke kota di Galilea benama Nasaret, ²⁷ngusong sikok dara te udah betunang ngau Yusuf dari keluarga Daud te benama Maria. ²⁸Alai malaikat nyak tamak ke rumah Maria, ia madah, "Salam, bagi Maria te dikaruniai, Betara besama ngau dik." ²⁹Maria tekenyit ninga jakukk nyak, lalu iya betanya dalam atinya, nama arti salam nyak.³⁰Jakuk malaikat ngau Maria, "Anang entekik Maria, sebab dik buleh kasih karunia dari Betara. ³¹Pedaklah dik akan nganong dan beranak anak laki-laki dan beriklah anak nyak benama Yesus. ³²Iya akan nyadi urang besai dan akan dikumai Anak Betara Te Mahatinggik. Betara akan mengeruniakan ngauNya tahta Daud, inik muyongNya. ³³Iya akan nyadi raja dari bala keturunan Yakub sampai selama-lamanya dan KerajaanNya nadai akan ameh."³⁴Jakuk Maria ngau malaikat nya, "Kati baka hal tok tau tejadi, karna aku empai belaki?" ³⁵Jawab malaikat nya, "Roh Kudoih akan turon dataw dik dan kuasa Betara Te Mahatinggik akan ngelindung dik, sebab nyak anak te ka dik lahirkan nyak akan dipadah Kudoih, anak Betara.³⁶Pedaklah, Elisabet menyadik nuan te udah tuai dan te udah padah mandol, iya uga udah nganong anak laki-laki dan pito bulan ke enam. ³⁷Sebab bagi Betara nadai bisik te nadai munken." ³⁸Jakuk Maria, "Sebenarnya aku tok adalah Hamba Betara, Biarlah tok tejadi ngau aku nurot nama te nuan padah." Lalu malaikat nyak pegi.³⁹Beberapa ari pengudah nyak angkatlah Maria bejalai ke pegunungan nuju ke kota si Yehuda. ⁴⁰Diak ia tamak ke langkau Zakharia dan merik salam ngau Elisabet. ⁴¹Alai Elisabet ninga salam Maria, anak dalam kanong Elisabet lansong begerak dan Elisabetpun penoh ngau Roh Kudoih.⁴²Lalu Elisabet lasong bejakuk ngau auh nguman, "Diberkatilah Maria di antara semua rinok dan diberkatilah rahim dik. ⁴³Sapa aku tok sampai umak Betaraku datai ngusong aku? ⁴⁴Alai aku ninga salam dik, anak dalam kanongku lansong begerak senang. ⁴⁵Dan gagalah ia te udah pecaya nama te dipadah ngaunya dari Betara akan tejadi.⁴⁶Lalu jakuk Maria, "Jiwaku memuliakan Betara, ⁴⁷dan atiku gaga karna Betara Juruselamatku.⁴⁸Sebab Ia udah merhatikan kerendahan hambaNya. Mulai pito segala keturunan akan mengumaiku yang diberkati, ⁴⁹karna Te Mahakuasa usah mulah te besai ngau aku dan namaNya adalah Kudoih.⁵⁰Dan rahmatNya turon temuron dataw urang te entekik akan Dia. ⁵¹Betara pedak ke kuasaNya dengaw nama tedepulah tanganNya dan mencerai beraikan urang-urang te karaih ati⁵²Betara nuron ke urang-urang te bekuasa ari tahtanya dan ningik ke urang-urang te rendah. ⁵³Betara merik hegala te baek ngau urang te lapar, dan ngasoh urang te kaya pegi ngau tangan puang.⁵⁴Betara nulong Israel, hambaNya karna Ia ngingat rahmatNya, ⁵⁵baka te dijanjikanNya ngau inik muyang kitai Abraham dan keturunannya untok selama-lamanya.⁵⁶Dan Maria diaw dapik Elisabet kira-kira tiga bulan lamanya baru iya pulai ke rumahnya. ⁵⁷Lalu udah waktunya Elisabet beranak dan iapun beranak anak laki=laki. ⁵⁸Alai kaba tetangga ngau kaban menyadik ninga, bahwa Betara udah merik rahmatNya te besai amat ngau Elisabet, maka hidakpun tambai gaga.⁵⁹Lalu datailah hidak alai ari ke lapan untok nyunat anak Elisabet dan hidak ka merik nama dia Zakharia baka nama apainya. ⁶⁰Jakuk Elisabet, "Anang, ia tok arus diberi nama Yohanes." ⁶¹Jakuk hidak ngaunya, "Nadai bisik diantara kaban menyadik nuan te nama baka nyak."⁶²Lalu hidak merik kode ngau apainya untok betanya sapa nama anaknua te ka diberik. ⁶³Ia minta batu tuleh, lalu nuleh kata-kata tok, "Nama anaknya Yohanes. " Dan hidak semua iran.⁶⁴Tiba-tiba waktu nyak mulot Zakharia tebuka dan lilahnya tau begerak dan dia mulai tau bejakuk agik dan memuji Betara. ⁶⁵Lalu entekiklah semua urang te dampeng diak dan semua kejadian nyak nyadi berita di seluruh pegunugan Yudea. ⁶⁶Dan semua urang te ninga nyak, bepiker dan bejakuk, "Anak tok pagi nyadi nama ilak?"Sebab tangan Betara bereta dia.⁶⁷Zakharia, apainya penoh ngau Roh Kudoih, lalu bernubuat, jakuknya, ⁶⁸"Terpujilah Tuhan, Betara Israel, sebab Iya melawan umatNya dan ngemaik penebusan bagi umatNYa.⁶⁹Dia menumbuhkan tanduk keselamatan bagi kitai didalam keturanan Daud, hambaNya, ⁷⁰baka te udah difrimankanNya alai keliak ari mulot nabi-nabiNya te kudoih, ⁷¹untok ngelepaih kitai dari musoh-musoh kitai dan dari tangan semua urang te menci kitai.⁷²Untok nunjok ke rahmatNya pada inik muyang kitai dan ngingat ke janjiNya te kudoih ⁷³yaitu sumpah te diucapNya ngau abraham, apai leluhur kitai, bahwa Iya mengaruniai kitai, ⁷⁴supaya kitai lepaih dari tangan musoh, tau semayang untokNya tanpa entekik, ⁷⁵dalam kekudusan ngau kebenaran dihadapanNya seumor idop kitai.⁷⁶Dan kitak, anakku, akan diksebot nabi Betara Te Mahatinggik, karna kitak akan bejalai dulau dari Betara untok nyiap ke jalai bagiNya, ⁷⁷Untok merik pengertian bagi umatNya akan keselamatan te bedasarkan pengampunan dosa-dosa hidak,.⁷⁸Uleh rahmat dan belaih kaseh Betara kitai, te karnanya Ia baka surya pagi, akan datai dari dapik te tinggik ⁷⁹untok menyinari hidak te diaw dapik te petang dan dalam maut untokmengarahkan kaki kitai ke jalai damai sejahtera.⁸⁰Lalu anak nyak betambah besai dan makin kuat rohnya. Ia diaw diaw dipadang guron sampai pada ari ia arus tampel di mua urang Isreal.

¹Alai waktu nyak Kaisar Agustus merik perintah, nyuroh mendaftarkan semua urang diseluruh dunia. ²Toklah pendaftaran te petama kalik adai alai Kirenius nyadi wali negeri di Siria. ³Maka pegilah semua urang mendaftarkan dirik di kutanya maseng-maseng.⁴Piak uga Yusuf pegi dari kota Nazaret di Galilea ke Yudea, ke kota Daud te benama Betlehem, karna ia asal dari keturunan Daud ⁵supaya didaftarkan bereta ngau tunangannya Maria te agik nganong.⁶Alai hidak datai kiak udah bulannya Maria beranak, ⁷dan ia beranak ke anak petama laki-laki, dan disapiknya ngau kaen lampen lalu digaliknya di palungan, karna nadai bisik dapik hidak bemalam.⁸Dampeng diak bisik bala gembala-gembala yang diaw dipadang nyaga kaba ternak hidak dan bemalam diak. ⁹Tiba-tiba bedirilah sikok urangmalaikat Betara dampeng hidak dan kemuliaan Betara besinar disekitar hidak dan hidak entekik amat.¹⁰Lalu malaikat nyak bejakuk ngau hidak, "Anang entekik, sebenarnya aku ka madah kitak berita sukacita besai untok seluruh bangsa. ¹¹Hari tok udah lahir bagi kitak Juruselamat yaitu Kristus, Tuhan di kota Daud. ¹²Dan toklah tandanya bagi nuan, kitak akan betemu ngau sikok urang bayi te dibungkus ngau kaen lampen dan digalik didalam palungan."¹³Tiba-tiba nampak bereta malaikat nyak bala tentara dari sorga te memuji Betara, jakuknya, ¹⁴"Kemuliaan bagi Betara dapik te mahatinggik dan damai sejahtera dibumi di tengah mensia te bekenan bagi Betara."¹⁵Pengudah malaikat nyak bekaleh niki ke surga, gembala nyak beranau sikok ngau te laen, "Aboh kitai ke Betlehem untok medak nama yg tejadi din, baka te dipadah Batara ngau kitai." ¹⁶Lalu hidak higat angkat bejalai ngusong Maria ngau Yusuf dan bayi nyak, te agik galik di dalam palungan.¹⁷Alai hidak medak bayi nyak, hidak merik kabar tentang nama te udah dipadah ngau hidak tentang anak bayi nyak. ¹⁸Dan semua urang te ninga iran tentang nama te dipadah gembala nyak ngau hidak. ¹⁹Tapi Maria nyimpaw segala yang tejadi dalam atinya dan bepiker. ²⁰Pulai dari nyak bala gembala sambil benyanyi memuji dan memuliakan Betara karna kabar te hidak ninga dan hidak pedak semuanya hama ngau nama te udah dipadah ke hidak.²¹Alai genap lapan ari, Iya arus disunat, Ia diberi nama Yesus yaitu nama te dipadah malaikat alai agik dalam kanong Maria.²²Alai genap waktu penyucian, nurot hukom Taurat Musa, hidak ngemaik Yesus ke Yerusalem untok diserahkan pada Betara, ²³baka bisik tetuleh dalam hukom Betara, "Semua anak laki-laki petama arus dikudoihkan bagi Betara". ²⁴dan untok mempesemahkan korban nurot nama tedifirmankan dalam hukom Betara, yaitu sepasang burong tekukor atau dua ikok anak burong merpati..²⁵Bisik sikok urang di Yerusalem te benama Simeon. Ia urang te benar dan saleh. Ia agik nungguk sikok pengibor bagi Israel dan Roh kudoih ada datawnya. ²⁶Ngau iya udah dinyatakan uleh Roh Kudoih, bahwa ia nadai akanmati nti ia empai medak Kristus Tuhan.²⁷Ia datai ke rumah BEtara uleh Roh Kudoih. Alai Yesus dibae tamak uleh urang tuaiNya untok mulah ngauNya nama te ditentukan hukom Taurat, ²⁸lalu Simeon nyambot Yesus dan samel memuji Betara jakuknya, ²⁹"Betara, pito ayukeh hambaMu tok pegi dalam damai sejahtera baka te di firmanMu.³⁰sebab mataku udah medak keselamatan dariMu, ³¹te udah Nuan sediakan di mua segala bangsa ³²yaitu terang te nyadi nyata bagi bangsa-bangsa laen dan nyadi kemuliaan bagi umatMu, Israel."³³Yusuf dan Maria iran mat ninga nama tedipadah urang tentang Yesus. ³⁴Lalu Simeon memberkati hidak dan bejakuk ngau Maria umak Yesus, "Sebenarnya Anak tok udah ditentukan untok menjatuhkan atau bangkitkan mayoh urang di Israel untok nyadi suatu tanda te nimbulkan bebekeh ³⁵dan mandaw tau nembus jiwamu kedirik, hupaya nyadi amat dalam pemiker ati mayoh urang."³⁶Diak bisik uga rinok nabi Hana, anak Fanuel dari suku Asyer. Ia udah tuai amat. Iya idop ngau lakinya selama tujoh taon, ³⁷dan pito ia janda dan berumor lapan puloh empat taon. Ia nadai kala nudi ke rumah Betara, siang malam ia semayang, puasa dan bedoa. ³⁸Alai waktu nyak ia datai kiak dan ngucap puji sukor ngau Betara dan beranau tentang Anak nyak pada semua urang te nungguk penyelamtan bagi Yerusalem.³⁹Pengudah ameh semua te arus dipulah nurot hukom Taurat, pulailah hidak kerumahnya di kota Nazaret di Galilea. ⁴⁰Anak nyak betambah besai dan nyadi kuat, penoh hikmat dan kasih karunia Betara bisik dapikNya.⁴¹pada ari raya Paskah. Tiap taon urang tuai Yesus pegi ke Yerusalem pada ari raya Paskah. ⁴²Alai Yesus udah berumor dua belaih taon pegilah hidak ke Yerusalem baka biasa ari raya. ⁴³Pengameh ari raya nyak, hidakpun pulai dan Yesus dudi di Yerusalem tapi urang tauiNya ndai ketaw bada, ⁴⁴hidak miker bahwa Yesus bisik ditengah urang-urang te bereta ngau hidak. Pengudah seari hidak bejalai, hidak baru ngega Yesus ditengah bala kaban dan menyadik te hidak kenal diak.⁴⁵Karna hidak nadai nemu Yesus, hidak bekaleh agik ke Yerusalem sambel ngega dini Yesus. ⁴⁶Pengudah tiga ari hidak baru nemu Yesus dalam Rumah Betara, Ia agik sedang dudok ditengah alim ulama, samel ninga hidak dan betanya jawab ngau hidak. ⁴⁷Dan urang iran mat ninga kepintar Yesus merik kaba jawabanNya.⁴⁸Alai urangtuaiNya medak Yesus, iranlah hidak, lalu jakuk inaiNya ngau Yesus, "Nak, Napa Nuan mulah piak ngau kami? Apai Nuan dan Aku kuater mat ngega Nuan." ⁴⁹Jawab Yesus, " Nama kitak ngega Aku? Apa kitak nadai ketaw, bahwa Aku arus diaw didalam Rumah ApaiKu?" ⁵⁰Tapi hidak nadai paham nama te dijakuk Yesus ngau hidak.⁵¹Lalu pulailah Iya bereta hidak ke Nazaret, dan Yesus tetap idop dalam asuhan urangtuaiNya. InaiNya nyimpaw semua kejadian nyak di dalam atinya. ⁵²Yesus makin betamah besai dan betamah hikmatNya dan besaiNya dan maken dikasihi uleh Betara dan mensia.

¹Dalam taon kelima belaih dari pemerintahan Kaisar Tiberius, yang nyadi wali negri Yudea Pontius Pilatus dan raja dari Galilea adalah Herodes menyadik raja dari Iturea dan Trakhonitis, Lisanias eaja dari Abilene. ²Alai waktu Hanas ngau Kayafas nyadi imam besai, datailah firman Betara ngusong Yohanes anaknya Zakharia di padang guron.³Yohanes bejalai di seluruh daerah sungai Yordan dan madah, "Bertobatlah dan beriklah dirik nuan dibaptis dan Betara akan ngampuni dosa nuan."⁴Baka bisik dituleh dalam kitab nabi Yesaya; Bisik bunyi auh dipadang guron, persiapkanlah jalai bagi Betara, luruskanlah jalai bagiNya.⁵Tiap tanah ditimon dan tiap gunong ngau buket nyadi rata, jalai te bingkok akan dibujor, dan gundukan jalai akan diratakan ⁶dan semua urang akan medak keselamatan te ari Betara.⁷Lalu iya madah ngau urang mayoh te datai ngusongnya untok dibaptis, jakuknya, "Nuan keturunan iba bebisa! Sapa te madah ngau nuan supaya lari dari murka te ka datai?⁸Jadi hasilkan buah-buah te sesuai pertobatan. Ananglah bepiker dalam ati nuan; Abraham nyak Apai kami! karna aku bejakuk ngau nuan, Betara tau mulah anak-anak bagi Abraham dari batu-batu tok!.⁹Kampak udah adai dapik akar kayu dan tiap kayu te nadai bisik buah te baek akan ditebang dan buai kedalam api."¹⁰Urang mayoh betanya ngaunya, "Nti piak, nama te tau kami pulah?" ¹¹Jawabnya, "Barangsapa empu dua utik kelamik, lebeh baek bebagi ke urang te endai bisik , dan barangsapa empu temakai, sebaeknya ia uga tau bebagi te endai bisik."¹²Adai datai uga bala pemungut cukai unto dibaptis dan hidak betanya ngaunya, "Guru, nama te arus kami pulah?" ¹³Jawabnya, "Anang nageh lebeh mayoh dari te udah ditentukan bagi nuan."¹⁴Bala prajurit betanya uga ngaunya, "Nama te arus kami pulah?" Jawab Yohanes ngau hidak, "Anang ngerampas dan anang maksa, cukupkan dirik nuan dengan gaji te nuan buleh."¹⁵Mayoh urang nungguk dan ngarap dan hidak betanya dalam ati mengenai Yohanes apa dia nyak adalah Mesias. ¹⁶Yohanes beranau ngau hidak semua, "Aku membaptis kitak ngai aik, tapi Iya te lebeh bekuasa dari aku akan datai dan muka tali sandalNyapun aku nadai layak. Iya akan membaptis kitak ngau Roh Kudoih dan dengau api.¹⁷Alat ngua nampik udah ditanganNya untok mersih ke tempat pengirikanNya dan untok ngumpol ke gandumNya ke dalam lumbongNya, tapi debu jerami nyak akan ditunuNya dalam api te nadai tau padam."¹⁸Dengan mayoh petuah Yohanes merik kabar Injil ngau urang mayoh. ¹⁹Tapi pengudah ia negor raja Herodes karna nikah ngau bini menyadiknya Herodias dan kaba semua kejahatan te dipulah Herodes. ²⁰Udah nyak raja Herodes mulah kejahatan agik dengan ngurong Yohanes di penjara.²¹Alai semua urang nyak udah dibaptis Yohanes dan Yesus uga dibaptisnya. Alai Yesus agik bedoa tebukalah langit. Roh Kudoih turon dalam rupa burong merpati di atawNya. Dan tedingalah auh dari langit, ²²"Nuanlah AnakKu te Kukasihi, ngau Nuanlah Aku bekenan."²³Alai Yesus mulai pelayananNya, Ia agik berumor kira-kira tiga puloh taon dan nurot jakuk urang, Ia nyak anak Yusuf, putra Eli, ²⁴anak Matat, anak Lewi, anak Malkhi, anak Yanai, anak Yusuf.²⁵anak Matica, anak Amos, anak Nahum, anak Hesli, anak Nagai, ²⁶anak Maat, anak Matica, anak Simei, anak Yosekh, anak Yoda.²⁷Anak Yohanan, anak Resa, anak Zerubabel, anak Sealtiel, anak Neri, ²⁸anak Malkhi, anak Adi, anak Kosam, anak Elmadam, anak Er, ²⁹anak Yesua, anak Eliezer, anak Yorim, anak Matat, anak Lewi,³⁰lewi anak Simeon, anak Yehuda, anak Yusuf, anak Yonam, anak Elyakim, ³¹anak Melea, anak MIna, anak Matata, anak Natan, anak Daud, ³²anak Isai, anak Obed, anak Boas, anak Salmon, anak Nahason.³³anak Aminadab, anak Admin, anak Arni, anak Hezron, anak Peres, anak Yehuda, ³⁴anak Yakub, anak Ishak, anak Abraham, anak Terah, anak Nahor, ³⁵anak Serug, anak Rehu, anak Peleg, anak Eber, anak Salmon.³⁶Anak Kenan, anak Arpakhsad, anak Sem, anak Nuh, anak Lamekh, ³⁷Metusalah, anak Henokh, anak Yared, anak Mahalaleel, anak Kenan, ³⁸anak Enos, anak Set, anak adam, anak Betara.

¹Yesus te penoh Roh Kudoih, pengudah dari sungai Yordan, lalu dibaek uleh Roh Kudoih ke padang gurun. ²Diak Iya bemalam empat puloh ari lamanya dan dicubai iblis. Selama diak Yesus ndai makai nama-nama dan pengudah nyak Iya lapar.³Lalu bejakuklah iblis ngauNya, "Nti Nuan Anak Betara, coba dasoh batu tok nyadi roti!". ⁴Jakuk Yesus, "Bisik da dituleh; Mensia idop bukai dari roti saja."⁵Pengudah nyak iblis ngemaik Yesus ke dapik te tinggik dan ngasoh Yesus medak semua kerajaan dunia. ⁶Jakuk iblis ngau Yesus, "Hegala kuasa bereta kemuliaannya ka kuberik ngau Nuan, sebab semuanya udah diserahkan ngau aku dan aku tau merik ke sapa te aku ka. ⁷Jadi nti Nuan ka nyembah aku, semua nyak tau nyadi empu Nuan."⁸Yesus ngejawab jakuk iblis, "Bisik tetuleh; NUan arus nyembah Tuhan Betaramu dan hanya ke Dia saja nuan bebakti."⁹Udah nyak iblis ngemaik Yesus ke Yerusalem dan ke niki kataw rumah Betara te paleng tinggik, iblis bejakuk ngau Yesus, "Nti Nuan Anak Betara, terjon Nuan ke baroh dari dataw tok. ¹⁰Sebab bisik detuleh; tentang Nuan, Ia akan ngasoh malaikat-malaikatNya untok datai ngelinong Nuan, ¹¹dan hidak akan nantang Nuan dataw tangannya supaya kaki NUan anang terantok batu."¹²Jakuk Yesus ngau iblis, :Bisik firman; Anang nuan mencobai Tuhan , Betaramu!" ¹³Pengudah iblis udah mencobai Yesus, ia pegi dan nudi ke Yesus sampai bisik waktu te tepat.¹⁴Dalam kuasa Roh, Yesus bekaleh ke Galilea. Dan berita tentang Yesus tersebar keseluruh daerah diak. ¹⁵Lalu Yesus ngajar di rumah-rumah ibadah disekitar diak dan semua urang muji Yesus.¹⁶Ia datai ke Nazaret dapik ia dibesarkan, baka kebiasaanNya alai ari Sabat Yesus tamak ke rumah ibadah, lalu bediri untok maca Alkitab. ¹⁷NgusongNya kitab nabi Yesaya diberik dan pengudah dibuka, Ia medak ayat te bisik dituleh.¹⁸"Roh Tuhan bisik di aku, uleh karna Betara udah mengurapi Aku, untok nyampai ke kabar baek ngau urang-urang misken, dan Betara udah ngutoih Aku ¹⁹untok ngabar ke pembebasan ngau urang-urang tawanan dan urang buta tau medak, untok membebaskan urang-urang yang te tindas, untok ngabar ke taon rahmat Tuhan udah datai."²⁰Udah nyak Yesus nutop kitab nyak, lalu diberik ke petugas diak, lalu Yesus dudok dan mata semua urang dirumah ibadah diak medak Yesus. ²¹Lalu Yesus mulai ngajar hidak, jakukNya, "Pada ari tok genaplah ayat tok, alai udah kitak ninganya." ²²Semua urang diak setuju nama te diajarkan Yesus dan hidak iran dengan jakuk-jakuk te baek yang diucapNya, lalu hidak beranau, "Bukaikah Yesus tok anak Yusuf?".²³Yesus beranau ngau hidak, "Pasti kitak madah pepatah tok ngau Aku; Tabib, semohkanlah dirik Nuan kedirik. Pulahlah dito uga, dapik asal Nuan tok, segala te kami dinga te udah tejadi di Kapernaum!" ²⁴Jawab Yesus, "Aku madah kitak, sesungguhnya nadai bisik nabi te dihargai dapik asalnya.²⁵Dan Aku madah te benar ngau kitak; pada jaman Elia mayoh rinok janda di Israel alai langit tetutop selama tiga taon dan enam bulan dan alai bencana lapar yang nimpa seluruh negeri. ²⁶Tapi Elia diutoih bukai untok sikok urang dari hidak, tapi untok sikok rinok janda di Sarfat di tanah Sidon. ²⁷Alai jaman nabi Elisa mayoh urang pedeh kusta di Israel dan nadai bisik sikokpun dari hidak te lahirkan, selaen dari Naaman, urang Siria nyak."²⁸Ninga nyak ringat amat semua urang te dirumah ibadah nyak. ²⁹Hidak bediri lalu ngemaik Yesus keluar bejalai ke tebing gunong, dapik kuta nyak dibangun, hidak beniat ka muai Yesus dari tebing nyak. ³⁰Tapi Yesus bejalai ngelalu hidak dan Iya bejalai ke tempat laen.³¹Udah nyak Yesus bejalai ke Kapernaum, sutik kuta di Galilea, ³²lalu ngajar diak alai ari Sabat. Hidak iran ninga ajaranNya, sebab beranauNya penoh kuasa.³³Didalam rumah ibadah nyak bisik sikok te kerasukan sitan dan ia auh nguman amat, ³⁴"Nuan Yesus urang Nazaret, nama urusan Nuan ngau kami? Nuan datai ka munoh kami? Aku ketaw sapa Nuan; Yang Kudoih dari Betara."³⁵Yesus lansong mentaknya dan jakuk Yesus, "Jenoh, keluarlah darinya!" dan Sitan nyak pun ngempaih ke urang nyak ke tengah urang mayoh, lalu keluarlah sitan dari laki-laki nyak dan sama sekali nadai dipedehnya. ³⁶Semua urang te medak iran lalu bejakuk sikok ngau te laen, "Hibat mat beranau nyak! JakukNya tegaih dan penoh kuasa dan Iya merik perintah ngau roh-roh jahat sampai keluar." ³⁷Dan tesebarlah berita tentang Dia ke seluruh daerah diak.³⁸Lalu Yesus nudi ke rumah ibadah nyak dan bejalai ke rumah Simon. Inai mentua Simon pas agik nguman taben dan hidak minta ngau Yesus untok nulongnya. ³⁹Yesus bediri disisi rinok nyak lalu menghardik taben nyak, dan penyakit nyak pun nyaw. Dan rinok nyak pun uwais dari galiknya dan mulai melayani hidak.⁴⁰Alai mata ari ka tebenam, mayoh urang ngemaik urang te bemacam-macam pedehnya datai ngusongNya. Yesus ngeletak ke tanganNya dataw masing-masing hidak dan hidakpun semoh. ⁴¹Mayoh dari hidak sitan-sitan keluar dan teriak, "Nuan nyak Anak Betara." Lalu Yesus dengan auh nyareng ngasoh hidak anang bejakuk, dan hidak ketaw bahwa Yesus adalah Mesias.⁴²Alai ari siang, Yesus pegi dan bejalai ke sutik tempat te sepi. Mayoh urang ngegaNya dan hidak nemuNya. hidak berusaha ngeretakNya anang nudi ke hidak. ⁴³Tapi Yesus beranau ngau hidak, "Aku uga ka memberitakan Kabar Baek Kerajaan Betara ke kuta-kuta te laen sebab untok toklah Aku diutoih." ⁴⁴Lalu Yesus memberitakan Kabar Baek dalam rumah-rumah iabdah di Yudea.

¹Alai Yesus agik bediri dipantai danau Genesaret, mayoh urang ngerumonNya ka ninga firman Betara. ²Lalu Yesus medak dua perau di tepi pantai. Bala nelayannya udah turon dari perau dan agik merseh ke jalanya. ³Yesus niki ke dalam perau Simon, dan ngasoh Simon ngemaik perau agak ke tengah danau. Lalu Yesus dudok samel Ia ngajar urang mayoh diak.⁴Alai udah ngajar, Yesus madah simon, bekayohlah dapik aik te dalam dan tebarkan jala nuan untok nangkap ikan." ⁵Jakuk Simon, "Guru, udah semalam kami nadai buleh nama-nama, tapi karna Yesus te ngasoh, maka aku nebar ke jala tok." ⁶Pengudah hidak mulah te diperintah Yesus, lalu hidak mayoh buleh ikan besai-besai sampai jala hidak nyau ka bilak. ⁷Dan hidak merik kode ke kabannya te diperau laen untok datai nulongnya. Hidak pun datai, lalu besama-sama hidak ngisi perau nyak ngau ikan hampai perau hidak ka karam.⁸Alai Simon Petrus medak hal nyak, ia pun tesunkor dikaki Yesus dan bejakuk, "Tuhan, Pegilah dari aku, karna aku tok urang bedosa." ⁹Semua urang te bereta Simon diak iran karna medak mayoh amat buleh ikan. ¹⁰Piak uga Yakobus dan Yohanes, anak-anak Zebedeus te nyadi kaban Simon. Jakuk Yesus ngau Simon, "Anang entekik, mulai pito nuan akan nyala mensia." ¹¹Pengudah hidak narek perau kedarat, hidakpun nudi kaba utai lalu tambai Yesus.¹²Alai Yesus datai disutik kota, bisik diak sikok urang pedeh kusta. Lalu medak Yesus, maka ia lansong tesungkor dan muhon, "Tuan, nti Tuan ka, Tuan tau nyembohkan aku." ¹³Lalu Yesus ngulor ke tanganNya, megai urang nyak dan bejakuk, "Aku ka, Jadilah nuan semoh," Kaba pemedeh kustanya urang nyakpun nyaw dalam sekejap.¹⁴Yesus ngelarang urang nyak madah ngau sapapun, jakuk Yesus, "Pegilah, pedakkanlah dirik nuan ngusong imam dan pesembahkan korban untok kesemohanmu, pesemahanmu baka te diperintahkan Musa, sebagai bukti bagi hidak."¹⁵Kabar tentang Yesus makin tesebar luas dan datailah mayoh urang ngusongNya ka ninga pengajaranNya dan ka disemohkan dari pemedeh hidak. ¹⁶Tapi Yesus pegi dapik te sunyi untok bedoa.¹⁷Alai Yesus ngajar, mayoh urang datai ka ningaNya, bisik beberapa urang dari Farisi dan ahli Taurat tambai ninga. Urang te mayoh datai nyak dari kampong Galilea, Yudea dan dari Yerusalem. Kuasa Betara besama Yesus untok tau nyemboh ke urang pedeh.¹⁸Datailah beberapa urang ngemak sikok urang tungkot dataw tempat tinok, hidak berusaha ngemaiknya tamak ke depan mua Yesus. ¹⁹Karna telalu mayoh urang, hidak susah mat ka tamak, lalu hidak nikik dataw atap rumah dan mukak atap nyak, dan sidak nuron tungkot nyak ngau tali bereta tempat tinoknya ke tengah-tengah urang mayoh dan percis depan mua Yesus.²⁰Alai Yesus medak imam hidak, Yesus bejakuk, "Kaban, dosa nuan udah diampuni." ²¹Tapi ahli Taurat dan urang Farisi bepiker dalam atinya, "Sapa urang te ngina Betara tok? Sapa te tau ngampuni dosa selaen dari Betara kediri?"²²Yesus ketaw bada nama te hdak piker, lalu Yesus bejakuk, "Nama te kitak pikerkandalam ati? ²³Ni te lebeh mudah, madah; Dosa nuan udah diampuni atau madah; Bedirilah dan bejalailah? ²⁴Tapi hupaya nuan ketaw, bahwa di dunia tok Anak Mensia bekuasa mengampuni dosa" Lalu Yesus beranau ngau te tungkot nyak, "Aku padah ngau nuan, "Uwaislah, angkat tempat tinok nuan dan pulailah kerumah nuan!".²⁵Dan bedirilah tungkot nyak dan lansong ngantong tempat tinoknya dan pulai ke rumahnya samel memuliakan Betara. ²⁶Semua urang te medak nyadi iran lalu memuliakan Betara dan hidak entekik amat, jakuknya, "Ari tok kami udah medak hal-hal te iran mat."²⁷Pengudah nyak, Yesus bejalai ke luar, Iya medak sikok urang petugaih cukai, te benama Lewi agik dudok dirumah cukai. Yesus bejakuk ngaunya, "Tamai Aku!" ²⁸Lalu Lewi bediri dan nudi kaba utai diak dan tambaiNya.²⁹Lewi mulah gawai besai dirumahnya untok nyambot Yesus ngau bala pemungut cukai dan urang-urang diak dan besama-sama makai ngau Yesus. ³⁰Lalu urang-urang Farisi dan ahli Taurat merutap merungap ngau murid-murid Yesus, jakuknya, "Nama kitak makai ngirop bereta ngau pemungut cukai dan ngau urang bedosa?" ³¹Dinga nyak Yesus bejakuk ngau hidak, "Bukai urang sihat te perlu tabib, tapi urang pedeh, ³²Aku datai bukai untok ngumai urang benar tapi urang te bedosa supaya hidak betobat."³³Urang Farisi nyak madah Yesus, "Murid-murid Yohanes piset bepuasa dan semayang, piak uga murid-murid urang Farisi, tapi murid-murid Nuan makai ngirop." ³⁴Jakuk Yesus, "Taukkah penganten laki diasoh bepuasa, tapi penganten nyak agik besama hidak? ³⁵Tapi alai datai waktunya, penganten nyak diamik dari hidak, pada waktu nyaklah hidak akan bepuasa."³⁶Yesus madah perumpamaan ngau hidak, "Nadai sikokpun ngebilak jepet kaen dari kelamik te baru untok di ngau namal baju te lama. Karna kaen dari kelamik te baru nyak nadai cucok atau sama dengan kelamik te udah lama.³⁷Piak uga nadai sikokpun ngisi anggur baru ke dalam badah kulet te tuai, karna anggur te baru nyak tau ngebilak badah kulet nyak dan anggur nyak ameh kebuai dan badah nyak tau ancor. ³⁸Tapi anggur te baru arus disimpaw dalam badah te baru uga. ³⁹Dan nadai sikokpun te udah ngirop anggur tuai ka ngirop anggur te baru, sebab ia bejakuk, "Anggur te tuai nyak te baek."

¹Alai ari Sabat, Yesus bejalai di uma gandum, murid-muridNya metek biji gandum lalu dikusok-kusok ngau tangannya dan memakan gandumnya. ²Tapi beberapa urang Farisi bejakuk, "Nama kitak mulah hal te nadai tauk dipulah alai ari Sabat?"³Lalu Yesus beranau ngau hidak, "Nadaikah nunan baca nama te pulah uleh Daud, alai ia dan hidak te tamainya lapar, ⁴katibaka ia tamak ke dalam Rumah Betara dan ngamik roti sajian, lalu memakainya dan diberik ke anak buahnya, padahal roti nyak nadai dimakai kecuali uleh imam-imam?" ⁵Jakuk Yesus agik ngau hidak, "Anak Mensia adalah Betara atas ari Sabat."⁶Alai ari Sabat te laen, Yesus tamak ke rumah ibadah, lalu ngajar. Diak bisik urang te tangan kanannya lumpoh. ⁷Ahli Taurat dan urang Farisi ngintai Yesus, ka medak apa Yesus nyemoh ke urang nyak alai ari Sabat, hupaya hidak bisik alasan untok nyalah ke Yesus. ⁸Tapi Yesus ketaw nama te dipiker hidak, lalu Yesus berjakuk ngau urang te tangan kanannya lumpoh, "Uwaislah dan bedirilah ditengah!" Lalu uwaislah urang nyak dan bediri,⁹Lalu Yesus bejakuk ngau hidak, "Aku betanya ngau kitak, ni yangtauk dipulah pada ari Sabat, bebuat te baek atau bebuat te jahat, nyelamat ke nyawa urang atau melenyapkannya?" ¹⁰Pengudah nyak Yesus medak ke semua urang diak lalu bejakuk ngau urang te pedeh nyak, "Ulor ke tangan nuan!" urangnyak nurot dan sembohlah tangannya. ¹¹Lalu ringatlah hidak dan bepekat, nama te akan hidak pulah ngau Yesus.¹²Udah nyak Yesus bejalai ke bukit untok bedoa dan sepanjai malam nyak Ia bedoa ngau Betara. ¹³Alai ari udah siang , Yesus ngumai murid-muridNya, lalu Yesus mileh dua belaih urang dari hidak, dan disebotNya rasul."¹⁴Nama-nama rasul nyak yaitu Simon te di berikNya nama Petrus, Andreas menyadik Simon, Yakobus, Yohanes, Filiipus, Bartolomeus, ¹⁵Matius, Tomas, Yakobus anak Alfeus dan Simon te sekumai urang Zelot, ¹⁶Yudas anak Yakobus dan Yudas Iskariot te nyadi penghianat.¹⁷Lalu Yesus turun dari bukit bereta ngau hidak dan belepa dapik tanah te rata. hidak bala murid dan urang-urang bekumpol diak, dan mayoh urang datai kiak dari seluruh Yudea, Yerusalem, dari daearah pantai Tirus dan Sidon. ¹⁸Hidak datai ka ninga peranau Yesus dan ka disembohkan dari pemedeh hidak, dan uga hidak te kerasukan roh-roh jahat mintak disembohkan. ¹⁹Mayoh hidak ka nyamah Yesus, karna bisik kuasa te keluar dari padaNya dan semua urang nyak disembohkan Yesus.²⁰Lalu Yesus medak ke murid-muridNya dan beranau, "Gagalah kitak te misken, karna kitaklah te empu kerajaan Betara. ²¹Gagalah kitak pito te lapar, karna kitak akan dipuaskan. Gagalah kitak pito te nyabak, karna kitak akan ketawa.²²Gagalah kitak, nti karna Anak Mensia urang menci kitak, nadai peduli ke kitak, ngina nuan dan bejakuk ke nuan te jait. ²³Gagalah dan bahagialah, sebab Upah nuan besai disurga, karna inik muyang hidak uga mulah bala nabi ngau cara te sama.²⁴Tapi celakalah nuan te urang kaya, karna dalam harta benda nuan buleh pengibur. ²⁵Celakalah nuan pito te kenyang, karna udah nyak nuan akan lapar. Celakalah nuan yang pito ketawa, karna udah nyak nnuan akan sedeh dan nyabak.²⁶Celakalah nuan, karna semua urang muji nuan, karna inik muyang hidak mulah bala nabi palsu dengan cara te sama.²⁷"Tapi ke nuan te ninga Aku, Aku madah, "Kasihilah musuhmu, pulahlah te baek ngau urangte udah menci nuan, ²⁸mintalah berkat bagi urang te ngutok nuan, bedoalah bagi urang te nyumpah nyerapah nuan.²⁹Barang sapa nampar pipi nuan te sutik, berik uga pipi nuan te laen, dan barangsapa te ngamik kelamik nuan, biarkan uga diamik kelamik nuan. ³⁰Beriklah ngau tiap urang te mintak ngau nuan, dan ananglah dimintak agik pada urang te udah ngamik nama te empu nuan.³¹Baka kati baka nuan ka dipulah urang ngau nuan, nuan arus mulah te sama uga ngau hidak. ³²Nti nuan mengasihi nuan, nama jasa nuan? Urang-urang bedosapun mengasihi uga urang-urang te mengasihi hidak. ³³Sebab nti nuan mulah te baek ngau urang te baek ngau nuan, nama jasa nuan? Urang-urang bedosapun tau mulah baka nyak. ³⁴Dan nti nuan merik pinyaw utai ke urang, , Apa karna nuan ngarap nerima utai darinya, nama jasa nuan? Urang-urang bedosapun tau merik pinyaw ngau urang-urang bedosa, supaya hidak nerima te sama mayoh.³⁵Tapi nuan, kasihilah musoh nuan dan mulahlah tebaek ngau hidak dan merik pinyaw tapi nadai ngarap balasan, maka upah nuan besai dan nuan nyadi anak-anak Betara Te Mahatinggik, sebab Yesusbaek ke urang-urang te nadai ketaw beterima kaseh dan urang-urang jahat. ³⁶Bemurah hati hama baka Apai nuan te murah ati.³⁷Anang nuan ngakimi, dan nuan pun nadai dihakimi. Anang nuan ngukom dan nuan pun nadai di hukom, ampunilah dan nuan akan diampuni.³⁸Beriklah maka nuan akan diberik, takaran te baek, te di padat, te di guyang dan tumpah keluarakan dicurah ke dalam ribaanmu. Sebab ukuran te nuan ngau untok ngukor, ka di ngau untok ngukor nuan."³⁹Yesus madah perumpamaan ngau hidak, "Tau kah urang butak ngimai urang butak? Bukaikah keduanya tau laboh kedalam lubang? ⁴⁰Sikok urang murid nadai belebeh dari gurunya, tapi barangsapa te udah tamat pelajarannya tau sama ngau gurunya.⁴¹Napa nuan tau medak amoh jepet di dalam mata menyadik nuan, tapi balok kayu dimatamu kedirik nadai nuan ketaw? ⁴²Katibaka nuan tau bejakuk ngau menyadik nuan; Menyadik, ayu keh aku ngeluar le amoh jepet di dalam matamu, padahal balok kayu te didalam matamu nadai nuan pedak? Nuan urang munafik, keluarkan dulau balok kayu dari matamu, maka nuan akan medak jelaih untok ngeluarkan amoh jepet nyak dari mata menyadik nuan."⁴³"Karna nadai bisik puhon te baek tau menghasilkan buah te baek, dan uga nadai bisik puhon te nadai baek te menghasilkan buah te baek. ⁴⁴Sebab tiap puhon dikenal dari buahnya. Sebab urang nadai metik buah ara dari durik berampuk, hidak uga nadai metik buah anggur dari puhon te bedurik.⁴⁵Urang te baek ngeluarkan amoh te baek dari hatinya te baek dan urang te jahat ngeluarkan amoh te jahat dari ati te jahat. Karna dari meluap atinyalah maka mulutnya bejakuk.⁴⁶"Nama nuan ngumai Aku; Betara, Betara, padahal nuan nadai mulah nama te Aku padah? ⁴⁷Tiap urang te datai ngusong Aku dan ninga jakukKu dan ka ngerja, Aku ka madah ngau nuan dengan sapa ia tau disamakan, ⁴⁸ia sama dengan sikok urang te mulah langkau, urang nyak ngali tanah dalam-dalam untok mulah dasar langkau nyak pada batu-batu te kuat. Alai aik pasang datai dan langkau ampoh aik, langkau nyak nadai tau ruboh, karna langkau nyak kuat.⁴⁹Barangsapa ninga jekukku ninga jakukKU, tapi nadai dikerja, ia sama ndai ngau dasar Alai aik pasang dan ngampoh ke langkau nyak akan lansung ruboh ancor lebor.

¹Pengudah Yesus bejakuk di dapan mayoh urang, tamaklah Yesus ke Kapernaum.²Diak bisik sikok perwira te empu sikok anak buah, te diandalkannya. Anak buahnya pedeh amper nyau ka mati. ³alai perwira nyak ninga tentang Yesus, ia ngasoh beberapa urang tuai-tuai Yahudi ngusong Yesus untok mintak supaya Yesus datai nyemboh ke anak buahnya. ⁴Hidak pegi ngusong Yesus dan hidak memuhon amat ngau Yesus, Jakuknya, "Iya pantaih Nuan tulong. ⁵sebab ia mengasihi bangsa kitai dan dialah te udah nulong mulah rumah ibadah kami."⁶Lalu Yesus pegi bereta hidak. Alai hidak udah nadai jauh dari rumah perwira, lalu perwira ngasoh kaban-kabannya untok merik pesan ngau Yesus, dan padah ke Nya, "Tuan, ananglah susah-susah, sebab aku nadai pantaih nerima Tuan di dalam langkauku, ⁷sebab nyak aku uga nganggap dirikku nadai pantaih untok datai ngusong Yesus. Tapi padahkan jak sutik kata, maka anak buahku nyak akan semoh. ⁸sebab aku kedirik urang baroh, dan dibarohku bisik uga prajurit. nti aku beranau ngau salah sikok prajurit nyak, Pegi!, maka ia pegi, dan ngau sikok agik, Datai!, maka ia datai, atau ngau anak buahku, pulah tok!, maka ia mulah."⁹Pengudah Yesus ninga jakuk nyak, Ia iran ngau nya, dan samel medak urang mayoh te tamaiNya, Ia bejakuk, "Aku bejakuk ngau kitak, iman te besai tok nadai kala Aku temu, sekalipun ditengah urang Israel!" ¹⁰Dan pengudah urang-urang te diasoh nyak pulai kerumah, hidak medak anak buah perwira nyak udah semoh.¹¹Udah nyak Yesus bejalai ke kota te benama Naim. Murid-muridNya tamaiNya dan mayoh urang uga te tamaiNya. ¹²Udah Iya dampeng pintu gerbang kota, bisik urang mati di baek keluar, anak laki-laki tunggal, inai nya udah janda dan mayoh urang te bereta ngau janda nyak. ¹³Alai Yesus medak janda nyak, atiNya tegerak dan kaseh medaknya,, lalu Yesus bejakuk ngau janda nya, "Anang nyabak!" ¹⁴Yesus datai dan nyamah mayat te dibaek hidak, jakukNya, "Anak bujang, Aku beranau ngau nuan, bangkitlah!" ¹⁵maka uwaislah bujang nyak dan dudok lalu mulai beranau dan Yesus nyerah bujang nyak ngau inainya.¹⁶Semua urang nyak entekik dan hidak memuliakan Betara, "Seurang nabi besai udah datai ditengah-tengah kitai," dan "Betara udah melawat uamtNya." ¹⁷Maka tesebarlah berita tentang Yesus di seluruh Yudea dan disekitarnya.¹⁸Alai Yohanes buleh kabar tentang kejadian nyak dari murid-muridnya, ¹⁹ia ngumai dua urang dan nyuroh hidak betanya ngau Yesus, "Nuankah te ka datai nyak atau kami arus nunggu urang te laen?" ²⁰Alai kedua urang nyak betemu Yesus, hidak madah, "Yohanes pembaptis ngasoh kami betanya ngau Nuan, :Nuankah te datai nyak atau kami arus nungguk urang te laen?"²¹Waktu nyak Yesus agik nyemboh ke mayoh urang pedeh dan nyemboh dari roh-roh jahat dan Yesus uga merik karunia penglihatan pada mayoh urang buta. ²²Lalu Yesus nyawab hidak, "Pegilah, dan padah ngau Yohanes nama te nuan pedak dan nuan dinga; Urang buta medak, urang tungkot bejalai, urang kusta nyadi tahir, urang tulik ninga, urang mati idop agik, urang misken diberik kabar baek. ²³Gagalah urang te nadai nyadi kecewa dan nulak Aku."²⁴Pengudah suruhan Yohanes nyak pulai, mulailah Yesus beranau ngau mayoh urang tentang Yohanes, "Untok nama nuan bejalai ke padang guron? Apa ka medak buloh ditiup angin kilik kulu? ²⁵Atau untok nama nuan pegi? Apa untok medak kelamik alus? Urang te bekelamik indah dan te idop mewah, dapiknya di istana raja. ²⁶Jadi untok nama nuan pegi? medak nabi? Benar, dan Aku bejakuk ngau nuan, bahkan lebeh dari nabi.²⁷Tentang dia bisik dituleh, "Pedaklah, Aku nyuruh utusanKu dulau dari Nuan, ia akan nyiap jalaiMu di hadapanMu. ²⁸Aku bejakuk ngau nuan, "Di tengah hidak te dilahirkan uleh rinok nadai bisik sikokpun te lebeh besai dari pada Yohanes, tapi te jepet dalam Kerajaan Betara lebeh besai dari padanya."²⁹Urang mayoh ninga jakukNya, kaba bala pemungut cukai ngakuk kebenaran Betara, karna hidak udah merik dirik dibaptis uleh Yohanes. ³⁰Tapi urang-urang Farisi dan ahli Taurat nulak maksud Betara ngau dirik hidak, karna hidak nadai ka dibaptis uleh Yohanes.³¹Jakuk Yesus, "Dengau nama ka Aku umpamakan urang-urang dari angkatan tok dan ngau nama hidak tok sama? ³²Hidak tok diumpamakan anak-anak te dudok dipasar dan te saleng bebekeh; Kami nitup seruleng bagi nuan, tapi nuan nadai bejuget, kami nyanyi kidung duka tapi nuan nadai nyambak.³³Yohanes Pembatis datai, ia nadai makai roti dan nadai ngirop anggur, dan nuan beranau, "Ia kerasukan sitan. ³⁴Udah nyak Anak Mensia datai, Ia makai dan ngirop, dan nuan beranau,, "Pedaklah, Ia urang rangkak dan pengirop, kaban pemungut cukai dan urang bedosa. ³⁵Tapi hikmat dibenarkan uleh semua urang te nerimanya."³⁶Sikok urang Farisi ngundang Yesus untok datai kerumahnya makai. Yesus datai ke rumah urang Farisi nyak lalu dudok makai. ³⁷Bisik dikota nyak sikok rinok tekenal urang pendosa. Alai rinok nyak ninga Yesus agik tengan makai dirumah urang Farisi nyak, datailah ia kiak ngemaik sutik botol minyak wangi. ³⁸Sambel nyabak ia bediri di belakang Yesus dampeng kakiNya, lalu membasah kaki Yesus ngau aik matanya dan ngelapnya ngau bouknya, udah nyak ia nyium kaki Yesus dan merik minyak ngau minyak wangi nyak.³⁹Alai urang Farisi te ngundang Yesus medak hal nyak, ia bejakuk dalam atinya, "Nti Ia nyak nabi, pasti Ia ketaw, sapa dan rinok baka ni te nyamahNya, karna rinok nya urang pendosa." ⁴⁰Lalu Yesus bejakuk ngaunya, "Simon, bisik te ka Ku padah ngau nuan, " Jawab Simon, "Padahlah guru".⁴¹Jakuk Yesus, "Bisik dua urang te berutang ngau pemerik pinyaw, te sikok berutang lima ratoih dinar, te laen lima puloh. ⁴²Karna hidak nadai sanggop mayar, maka ia ngapoih utang hidak dua nyak. Sapa di antara hidak te lebeh mengasihi dia?" ⁴³Jawab Simon, "Aku kira dia te paleng mayoh diapoih utangnya." Jakuk Yesus ngaunya, "Amat pendapat nuan nyak."⁴⁴Yesus bepaleng medak rinok nyak dan bejakuk ngau Simon, "Nuan pedak rinok nyak? Aku tamak kerumah nuan, tapi nuan nadai merik Aku aik untok masu kakiKu, tapi rinok nyak masah kakiKu ngau aik mata dan ngelap ngau boknya. ⁴⁵Nuan nadai nyium Aku, tapi sejak Aku tamak rinok nyak nyium kakiKu ngabot.⁴⁶Nuan nadai merik minyak dikepalaKu, tapi rinok nyak meminyaki kakiKu ngau minyak wangi. ⁴⁷Sebab nyaklah aku bejakuk ngau nuan, Dosa nya te mayoh nyak udah diampuni, sebab rinok nyak udah mayoh mulah kasih. Tapi urang te jepet diampuni, jepet uga ia mulah kasih."⁴⁸Lalu Yesus beranau ngau rinok nyak, "Dosa dik udah diampuni." ⁴⁹Dan hidak te dudok makai bereta Yesus, bepiker dalam atinya, "Sapa Ia tok, sampai Ia tau mengampuni dosa?" ⁵⁰Yesus beranau ngau rinok nyak, "Iman dik udah nyelamatkan dik, pegilah dengan damai!"

¹Nadai lama pengudah nyak Yesus bejalai bekelileng dari kota-ke tkota dan dari kampong ke kampong untok mengabarkan Injil Kerajaan Betara. Kedua belaih muridNya bereta ngauNya, ²dan uga beberapa iko rinok te udah disemohkan dari roh-roh jahat atau bemacam pemedeh. Bisik Maria te dikumai Magdalena, te di bebaskan dari tujoh roh jahat. ³Yohana bini Khuza te bendahara Herodes, Susana dan mayoh agik rinok te laen. Rinok-rinok nyak melayani kebutuhan bagi hidak dari kaba harta te empu hidak kedirik.⁴Alai mayoh urang datai dari bebagai kota untok ngusong Yesus, maka Yesus beranau ngau hidak ngau perumpamaan, ⁵"Sikok urang pegi untok menyemai beneh. Alai ia menyemai, sebagian beneh laboh di tepi jalai, lalu di injak urang dan ameh dimakai burong. ⁶Sebagian laboh ditanah batu-batu dan pengudah tumuh ia nyadi kereng karna nadai buleh aik.⁷Sebagian agik laboh ditengah rampuk beduri, dan beneh nyak tumuh sama-sama ngau rampuk nyak lalu kedesak sampai mati. ⁸Dan sebgian laboh ditanah te baek, ia tumuh dan bebuah seratus kali lipat," Pengudah madah perumpamaan nyak Yesus madah, "Sapa te empu peneng untok ninga hendaklah ia ninga!"⁹Murid-muridNya betanya ngau Yesus, nama maksud perumpamaan nyak. ¹⁰Yesus madah, "Nuan diberik karunia untok ketaw bada rahasia Betara, tapi ngau urang laen hal tok diberitakan dalam perumpamaan, hupaya sekalikpun hidak medak, hidak nadai amat-amat medak, hidak ninga tapi hidak nadai paham.¹¹Toklah arti dari perumpamaan nyak, "Beneh artinya firman Betara. ¹²te laboh di tepi jalai nyak artinya urang te udah ninga, lalu datailah iblis ngamik firman nyak dari dalam ati hidak, hupaya hidak anang pecaya dan nadai diselamatkan. ¹³Te laboh ditanah bebatu-batu nyak artinya urang , te undah ninga firman, nerima dengan gaga tapi hidak nyak nadai berakar, hidak pecaya sekejap, alai bisik datai cobaan hidak murtad.¹⁴Te laboh dapik rampuk beduri artinya urang te udah ninga firman tapi dalam pertumbuhan udah nyak hidak tedesak rasa kuater dengan kekayaan, rasa nyamai, sampai hidak nadai tau bebuah baek. ¹⁵Te laboh ditanah te baek artinya urang te udah ninga firman, menyimpaw dalam ati yang baek dan menghaselkan buah dalam ketekunan."¹⁶"Nadai bisik urang te nyala ke pelita lalu nutop ngau tempayan atau diletak di baroh tempat tinok, tapi ia ngeletakkannya dataw meja hupaya semua urang te tamak kedalam rumah tau medak cahayanya." ¹⁷Nadai bisik yang di lamon nadai dipadah, dan nadai bisik te dirahasiakan te nadai akan diketaw dan nyadi tampak. ¹⁸Karna nyak, perhatikan cara nuan ninga. Karna sapa te empu, ngau nya diberik, tapi sapa te nadai empu, maka darinya akan diamik nama te dia piker.¹⁹Inai ngau kaban menyadikNya datai ngusong Yesus, tapi hidak susah ka ketemu Yesus dari dampeng karna mayoh amat urang. ²⁰Lalu bisik urang madah ngau Yesus, "Inai Nuan ka betemu ngau Nuan Yesus," ²¹Tapi jakuk Yesus, "InaiKu dan kaban menyadikKu adalah urang te ninga firman Betara dan metaatinya."²²Suatu ari Yesus dan murid-muridNya niki perau, jakuk Yesus, "Aboh kitai belayar keserang danau." Lalu hidak angkat. ²³Alai hidak agik belayar, Yesus tetinok. Tiba-tiba datai angin toufan di danau, sampai perau hidak tamak aik dan hidak dalam bahaya.²⁴Lalu murid-murid nyak datai nguwais ke Yesus te agik tinok, jakuknya, "Guru, guru, kitai amper nyau!" Yesus pun uwais lalu membentak angin dan umbok nyak. Ndai lama angin dan umbaknya pun tenang. ²⁵Jakuk Yesus ngauhidak, "Dini kepercayaan kitak?" Maka entekiklah hidak dan iran, lalu hidak beranau sikok ngau te laen, "Sapa urang tok, sampai Iya tau merik perintah ngau angin dan umbak tau taat ngauNya?"²⁶Lalu mendaratlah hidak Yesus di tanah urang Gerasa te disebrang Galilea. ²⁷Pengudah Yesus niki kedarat, datailah sikok laki-laki dari kota nyak ngusong Yesus, urang nyak kerasukan sitan-sitan dan udah lama ia nadai ngau kelamik dan nadai diaw dalam rumah tapi diaw dikubor.²⁸Alai ia medak Yesus, ia teriak lalu tesungkor dimua Yesus dan bejakuk ngau auh kerais, "Nama urusan nuan ngau aku, oi Yesus Anak Betara Te Maha Tinggik? Aku muhon ngau Nuan, hupaya Nuan anang nyiksa aku." ²⁹Ia bejakuk piak sebab Yesus perintahkan roh jahat nyak keluar dari tuboh urang nyak. Roh nyak piset amat nyiret-nyiretnya, maka untok nyaganya, ia dirantai dan dipasong, tapi ia mutoih tali te ngau ngikatnya ia dikuasi uleh sitan nyak ke dapik te sepi.³⁰Yesus bejakuk ngau nya, "Sapa nama nuan?" jawabnya, "Legion." mayoh amat roh-roh jahat dalamnya. ³¹Lalu sitan-sitan nyak muhon ngau Yesus hupaya Yesus anang merintah hidak tamak kedalam jurang maut.³²Bisik din sejumlah besai janik te agik ngega makai di dataw gunung, lalu sitan-sitan nyak minta ngusong Yesus, hupaya ia diijinkan untok tamak kedalam janik nyak, lalu Yesus ngabul nama yang diminta hidak. ³³Lalu keluarlah sitan-sitan nyak dari urang nyak dan tamak ke janik nyak. Dan sejumlah janik nyakpun terjun dari tepi jurang ke dalam danau lalu mati lemaih.³⁴PEngudah penjaga janik nyak medak nama te udah tejadi, hidak beguai pulai lalu cerita hal nyak ke seluruh daerah diak. ³⁵Keluarlah urang-urang untok medak nama te udah tejadi. Hidak datai ngusong Yesus dan hidak betemu urang te udah kerasukan sitan nyak agik dudok di kaki Yesus, ia udah ngau kelamik dan udah nadai mamau agik. Maka entekiklah hidak.³⁶Urang-urang te udah medak kedirik hal nyak madah ngusong hidak, katibaka urang tetamak sitan nyak tau diselamatkan. ³⁷Lalu seluruh urang daerah Gerasa mintak ngau Yesus untok nudi ke hidak, sebab hidak entekik amat. Maka nikilah Yesus kedalam perau lalu belayar agik.³⁸Urang te udah di dudi sitan-sitan nyak mintak hupaya ia diijinkan tamai bereta Yesus. Tapi Yesus nyurohnya pefi dan bejakuk, ³⁹"Pulailah kerumah nuan dan ceritakan semua yang udah dipulah uleh Betara atas nuan." Urang nyak pun pegi bekelileng keseluruh kota dan madah segala nama te udah dipulah Yesus atas diriknya.⁴⁰Alai Yesus bekaleh, urang mayoh nyambotNya sebab hidak semua nunggu penatai Yesus. ⁴¹Datai sikok urang te benama Yairus kepala rumah ibadat. Ia lansong tesungkor didepan kaki Yesus, ia muhon supaya yesus datai kerumahnya. ⁴²Karna anaknya rinok sikok-sikoknya berumor kira-kira dua belaih taon, hamper ka mati. Dalam penyalai Yesus kiak, mayoh urang bedesak-desak.⁴³Anak rinok nyak ngalami pendarahan dan nadai tauk disemohkan sama sapapun. ⁴⁴Ia maju dapik Yesus dari belakang dan nyamah ujung jubah Yesus, dan dalam sekejap nyak ia lansong semoh.⁴⁵Jakuk Yesus, "Sapa te nyamah Aku?" Nadai bisik te ngakuk, beranaulah Petrus, "Guru, mayoh urang te ngerumuni Nuan dan besesak-sesak." ⁴⁶Yesus madah, "Bisik sikok te nyamah Aku, sebab Aku ngerasa bisik kuasa keluar dari dirikKu."⁴⁷Alai rinok nyak medak, bahwa tedipulahnya diketaw, ia datai dengan gemetar dan tesungkor di mua Yesus dan cerita kemayoh urang nama sebab ia nyamah Yesus dan saat nyak lah ia semoh. ⁴⁸Jakuk Yesus ngau nya, "AnakKu, imanmu udah nyelamatkan dik, pegilah dengan damai!"⁴⁹Alai Yesus agik beranau, datailah sikok dari keluarga kapala rumah ibadah nyak dan bejakuk, "Anakmu nyau mati, anang agik nuan nyusah ke Guru!" ⁵⁰Tapi Yesus ninga nyak dan beranau ngau Yairus, "Anang entekik, pecayalah anak nuan akan selamat."⁵¹Alai Yairus tiba dirumah, Yesus nagang hidak untok nadai sikokpun tamai tamak ngauNya, kecuali Petrus, Yohanes, Yakobus dan apai inai anak nyak. ⁵²Semua urang diak nyabak miker ke anak nyak. Yesus bejakuk, "Anang nyabak, ia nadai mati tapi tinok." ⁵³HIdak ngetawa kejakuk Yesus, karna hidak ketaw bahwa anak nyak udah mati. ⁵⁴Lalu Yesus megai tangan anak nyak dan bejakuk, "Nak, Uwaislah!" ⁵⁵Maka bekalehlah roh anak nyak dan dalam sekejap anak nyak angkat dan bediri. Lalu Yesus ngasoh hidak merik anak nyak makai. ⁵⁶Lalu iranlah urang tuai anak nyak, tapi Yesus nagang hidak madah ngau sapapun, nama te udah tejadi.

¹Yesus ngumai kedua belaih muridNya, lalu merik ke hidak tenaga dan kuasa untok menguasai sitan-sitan dan untok nyemboh te pedeh. ²Yesus ngutoih hidak uga untuk memberitakan Kerajaan Betara dan untok nyemboh ke urang.³Jakuk Yesus ngau hidak, "Anang ngemaik kaba utai dalam penjalai, anang ngemaik tungkat, bekal, roti, duet, atau dua utik kelamik. ⁴BIla kitak udah diterima dirumah, diawlah diak sampai kitak angkat dari diak.⁵Nti bisik urang te nadai ka nerima kitak, keluarlah dari kota hidak dan kebaskanlah debu dari kakimu sebagai peringatan tehadap hidak. ⁶Lalu pegilah hidak dari kampong ke kampong samel mengabarkan Injil dan nyemoh ke urang te pedeh.⁷Raja Herodes wilayah diak, udah ninga semua berita, lalu ia ngerasa was-was, sebab bisik urang te madah bahwa Yohanes udah bangkit dari tengah urang mati. ⁸Bisik agik te madah, bahwa Elia udah muncol agik dan bisik uga te madah bahwa sikok dari nabi-nabi penulau udah bangkit. ⁹Tapi Herodes bejakuk, "Yohanes udah ku semeleh kepalanya. Sapa urang nyak, te kabarnya mulah hal-hal piak?" Lalu ia usaha mat ka betemu ngau Yesus.¹⁰Alai bala murid nyak datai, hidak cerita semuanya ngau Yesus nama te udah hidak pulah. Udah nyak Yesus ngemaik hidak, Yesus ka nyepi kedirik di kota Betsaida. ¹¹Alai mayoh urang ninga hal nyak lalu tamai Dia dan Yesus nerima hidak dan bejakuk ngauh hidak tentang Kerajaan Betara dan Yesus nyemboh ke urang-urang te perlu disembohkan.¹²Alai petang ari datailah kedua belaih muridNya ke Yesus dan beranau, "Asohlah urang mayoh nyak pegi ke kampong-kampong dampeng diak untok ngau hidak bemalam dan makai, karna kitai adai dapik te sepi." ¹³Tapi Yesus bejakuk ngau hidak, "Nuan arus merik hidak makai!" hidak menjawab, "Te bisik dapik kami nadai lebeh dari lima roti dan dua ikan, kecuali nti kami pegi meli temakai untok semua urang mayoh tok." ¹⁴Diak adai kira-kira lima ribu urang laki-laki. Lalu Yesus beranau ngaumurid-muridNya; "Asoh hidak dudok kelumpok-kelumpok, kira-kira lima puloh urang sekelumpok.¹⁵Murid-murid nurot nama te dipadah Yesus dan nyuroh semua urang mayoh nyak dudok. ¹⁶Pengudah Yesus ngamik lima roti ngau dua ikan nyak, Yesus ngedah ke langit, mengucap berkat, lalu magi-magi ke roti nyak dan diberik ke murid-muridNya untok dibagi-bagi ke mayoh urang nyak, ¹⁷Dan hidak semua makai sampai kenyang. Sisa roti tekumpul bisik dua belaih bakul.¹⁸Alai Yesus agik bedoa kedirik, datailah murid-muridNya ngusongNya, Lalu Yesus betanya ngauhidak, "Jakuk urang mayoh, sapakah Aku tok?" ¹⁹Jawab hidak, "Yohanes Pembaptis, bisik uga te madah; Elia, bisik uga te madah, salah sikok dari nabi-nabi penulau udah bangkit."²⁰Jakuk Yesus ngau hidak, "Nurut kitak, sapa Aku tok?" Jawab Petrus, "Mesias dari Betara." ²¹Lalu Yesus ngeretak hidak ngau auh nguman, hupaya hidak anang madah hal nyak ngau sapapun. ²²Yesus madah bahwa Anak Mensia arus menderita mayoh hal dan ditulak hidak te tuai, imam-imam kepala dan ahli-ahli Taurat, dan Yesus ka dibunoh, alai ari ketiga akan dibangkitkan agik.²³Jakuk Yesus ngau hidak semua, "Tiap urang te ka tamai Aku, ia arus nyangkal diriknya, ngemak salibnya tiap ari dan tamai Aku. ²⁴Karna barangsapa te ka nyelamatkan nyawanya, ia akan nyau nyawanya, tapi barangsapa nyau nyawanya karna Aku, ia akan diselamatkan. ²⁵Nama guna urang buleh dunia, tapi ia binasa atau ngerugi diriknya kedirik.²⁶Sebab sapa te malu karna Aku dan karna jakukKu, Anak Mensia uga akan malu karna urang nyak, bila ilak Ia datai dalam KemuliaanNya dan dalam kemuliaan Apai dan malaikat-malaikat kudoih. ²⁷Aku beranau ngau kitak, " Sesungguhnya ditengah urang te adai ditok bisik te nadai mati sebelum hidak medak Kerajaan Betara."²⁸Kira-kira pengudah Yesus merik pengajaran nyak, Yesus ngemaik Petrus, Yohanes dan Yakobus niki kataw gunong untok bedoa. ²⁹Alai Yesus agik tengan bedoa, mua Yesus berubah dan kelamikNya nyadi burak bekilau-kilau.³⁰Tiba-tiba muncul dua urang beranau ngau Yesus yaitu Musa dan Elia. ³¹Hidak dua dalam kemuliaan dan beranau tentang tujuan akhir Yesus te ka digenapiNya di Yerusalem.³²Sementara nyak Petrus ngau kaban-kabannya udah tetinok dan alai hidak uwais hidak medak Yesus dalam kemuliaanNya dan bisik dua urang te bediri dampengNya diak. ³³Alai kedua urang ka nudi ke Yesus, Petrus bejakuk ngau Yesus, "Guru, gaga amat kami adai dapik ditok. Kami akan mendirikan tiga kemah, sutik untok Nuan, sutik untok Musa dan sutik untok Elia." Tapi Petrus nadai ketaw nama te udah dijakuknya.³⁴Alai Petrus agik bejakuk piak, datailah awan nudong hidak dan hidak adai didalam awan nyak, entekiklah hidak. ³⁵Lalu tedingalah auh dari dalam awan nyak, te madah, "Toklah AnakKu te Kupileh, dingalah nama te dipadahNya." ³⁶Tapi alai dipedak hanya Yesus kedirek diak. Dan murid-murid nyak jenoh dan nadai madah sapapun nama te udah hidak dinga dan hidak pedak.³⁷Lam pagi alai hidak turon dari gunong nyak, mayoh amat urang datai ngusong Yesus. ³⁸Ditengah mayoh urangnyak bisik sikok te beranau, "Guru, aku muhon ngau Nuan untok medak sikok-sikoknya anakku. ³⁹Kadang tiba-tiba ia kerasukan, lalu menciak dan mulotnya keluar busa. Roh nyak terus nyiksa anakku dan ndai ka ngelekak kenya. ⁴⁰Dan aku udah mintak ngau murid-murid Nuan supaya hidak nguser roh nyak, tapi ndai dapat."⁴¹Jakuk Yesus, " Nuan angkatan te nadai pecaya dan sesat, berapa lama agik Aku arus diaw ditengah kitak dan arus sabar ngau kitak? Bae anakmu nyak kitok!" ⁴²Alai anak nyak dampeng Yesus, sitan nyak ngelaboh ke anak nyak ke tanah dan diguncang-guncangnya. Lalu Yesus negor sitan nyak ngau auh keras dan anak nyak semboh lalu dianyong ngusong apainya.⁴³Semua urang diak iran mat medak kuasa Betara. Alai hidak agik iran karna nama te udah dipulahNya nyak, Yesus berananu ngaumurid-muridNya, ⁴⁴"Dingalah dan pahamlah segala jakukKu tok; Anak Mensia akan diserahkan ke dalam tangan mensia." ⁴⁵Hidak nadai paham jakuk nyak, sebab artinya tesembunyi bagi hidak, sehinhha hidak nadai tau paham. Dan hidak nadai berani nanya arti jakuk nyak ngau Yesus.⁴⁶Lalu mulailah hidak belayak ditengah murid-murid tentang sapa te paleng besai ditengah hidak. ⁴⁷Yesus ketau nama te hidak piker. Karna nyak Yesus ngamik anak jepet dan nudok ke dampengNya ⁴⁸dan bejakuk ngau hidak, "Sapa te nyambot anak tok dalam namaKu, ia nyambot Aku, dan sapa nyambot Aku ia nyambot Dia te ngutoih Aku, karna yang tejepet ditengah kitak dialah yang te besai."⁴⁹Yohanes bejakuk, "Guru, kami medak bisik sikok urang nguser sitan dalam nama Yesus, lalu kami retak urang nyak." ⁵⁰Jakuk Yesus ngaunya, "Anang nuan retak, sebab barangsapa nadai ngelawan nuan, ia bisik dipihak kitak."⁵¹Alai amper genap waktunya Yesus diangkat ke sorga, Yesus mutoih untok bejalai ke Yerusalem ⁵²lalu Yesus ngirem beberapa urang utusan untok dulau bejalai. HIdak nyak pegi lalu tamak ke kampong urang Samaria untok nyiap kaba utai bagi Yesus. ⁵³Tapi urang-urang Samaria nyak nadai ka nerima Yesus, karna penyalaiNya nuju Yerusalem.⁵⁴Alai muridNya Yakobus dan Yohanes medak hal nyak, lalu hidak beranau ngau Yesus, "Betara, nama te Nuan deka, supaya kami ngasoh api turon dari langit untok binasakan hidak." ⁵⁵Lalu Yesus negor hidak ⁵⁶dan hidakpun bejalai ke kampong te laen.⁵⁷Alai Yesus ngau murid-muridNya tengan bejalai, bejakuklah salah sikok ngau Yesus, "Aku ka tamai Nuan, kinipun Nuan bejalai." ⁵⁸Jawab Yesus ngaunya, "Serigala empu lubang dan burong empu sarang, tapi Anak Mensia nadai empu tempat untok ngerebah kepalaNya."⁵⁹Yesus berjakuk ngau te laen, "Tambailah Aku!" Tapi urang nyak madah, "Ijinkan aku ngubor apaiku dulau." ⁶⁰Jawab Yesus ngaunya, "Ayu keh urangmati ngubor urang mati, tapi nuan, pegilah kemana-mana untok beritakan Kerajaan Betara.⁶¹Dan sikok urang agik bejakuk, "Aku ka tamai Nuan Betara, tapi ijinkan aku madah keluargaku dulau." ⁶²Jawab Yesus ngaunya, " Tiap urang te siap untok membajak tapi medak ke belakang nadai pataih untok Kerajaan Betara."

¹Pengudah nyak Yesus menunjuk tujoh puloh muridNya te laen, lalu ngutoih hidak bedua-bedua untok dulau bejalai ke tiap kota te ka Yesus kunjung. ²JakukNya ngau hidak, "Te dituai memang mayoh, tapi pekerjanya siket. Karna nyak mintaklah ngau Tuan te empu penuai, supaya Ia ngirem pekerja-pekerja untok menuai,³Pegilah sebenarnya Aku ngutoih nuan baka anak domba ke tengah-tengah serigala. ⁴Ananglah ngemaik kaba kantong duet, bekal, sandal dan ananglah merik salam ngau sapapun selama dalam pejalai.⁵Nti kitak tamak ke suatu rumah, padahlah lebeh dulau: Damai sejahtera bagi rumah tok. ⁶Dan nti diak bisik urang te pantas nerima damai sejahtera, maka salam nuan nyak akan diaw dalamnya. Tapi nti nadai, salam nuan nyak bekaleh ke nuan. ⁷Diawlah dalam rumah nyak, makai dan ngiroplah nama te diberik urang ngau nuan, sebab sikok pekerja patut nerima upahnya. ananglah bepinah-pinah rumah.⁸Nti nuan tamak ke dalam kota dan nuan diterima diak, makailah nama te dihidangkan ngau nuan, ⁹dan sembohkan urang-urang te pedeh diak dan padah ngau hidak, "Kerajaan Betara udah dampeng ngau nuan.¹⁰Tapi nti nuan tamak ke sutik kota dan nuan nadai diterima diak, pegilah ke jalai-jalai raya kota nyak dan beserulah. ¹¹Kaba debu dikotamu te melekat dikaki kami, kami kebaskan dimua mu; tapi ketawlah; Kerajaan Betara udah dampeng. ¹²Aku bejakuk ngaun nuan; alai ari nyak Sodom akan lebeh ringan daripada kota tok.¹³Celaka nuan Khorazim! Celaka nuan Betsaida! Karna di Tirus dan di Sidon bisik tejadi mujizat-mujizat ditengah kitak, udah lama hidak betobat dan bekabung. ¹⁴Tapi alai waktu penghakiman, Tirus ngau Sidon akan lebeh lempong daripada nuan. ¹⁵Dan bila nuan ke Kapernau apa nuan tau niki sampai kelangit? Nadai, nuan akan dituronkan kedunia urang mati.¹⁶Barangsapa ninga ke nuan, ia ninga Aku, dan barangsapa nulak nuan, ia nulak Aku, dan barangsapa nulak Aku, ia nulak Dia te nguroih Aku.¹⁷Penguda nyak ketujoh puloh murid nyak pulai dengan gaga dan bejakuk, "Tuhan, sitan-sitan uga tundok ngau kami di dalam NamaMu." ¹⁸Lalu Yesus beranau ngau hidak, "Aku medak iblis laboh baka kilat dari langit. ¹⁹Sesungguhnya, Aku udah merik kuasa ngau nuan untok nijak ibak ngau kala dan kuasa untok tan nahan musoh, hingga nadai bisik te tau celaka ke nuan. ²⁰Dengan piak, ananglah gaga karna roh-roh nyak tundok ngau nuan, tapi gagalah karna namamu bisik dicatat di surga."²¹Alai waktu nyak uga gagalah Yesus dalam Roh Kudoih dan bejakuk, "Aku besukor ngau Nuan Apai, Tuhan langit dan bumi karna semua nyak Nuan simpau untok urang bijak dan urang panai, tapi Nuan nyatakan ngau urang jepet. Ya Apai, nyaklah te bekenan ngau Nuan.²²Semua udah diserah ngusongKu uleh ApaiKu dan nadai bisik sikokpun te ketaw sapa Anak selaen Apai, dan nadai sikokpun ngelala sapa nyak Apai selaen AnakNya dan Hanya kepada AnakNyalah te bekenan menyatakan hal nyak."²³Pengudah nyak Yesus medak ke murid-muridNya kedirik dan bejakuk, "Bahagialah mate te medak nama te nuan pedak. ²⁴Aku madah ngau kitak; mayoh nabi dan raja ka medak nama te nuan pedak, tapi nadai medak, dan ka ninga nama te nuan dinga tapi nadai ninga."²⁵Bisik sikok urang ahli Taurat bediri ka nguji Yesus, jakuknya, "Guru, nama te arus ku pulah untok buleh idop te kekal?" ²⁶Jakuk Yesus, "Nama te udah dituleh dalam hukom Taurat? Nama te udah nuan baca din?" ²⁷Jawab urang nyak, "Kasihilah Tuhan, Betaramu, dengan segenap hatimu dan segenap jiwamu, segenap kekuatanmu, segenap akal budimu, dan kasihilah sesamamu mensia baka dirikmu kedirik." ²⁸Jawab Yesus, "Jakuk nuan nyak amat, pulahlah piak, maka nuan akan idop."²⁹Tapi untok mulah diriknya benar, urang nyak bejakuk ngau Yesus, "Dan sapa sesamaku mensia?" ³⁰Yesus madah, "Urang te turon dari Yerusalem ke Yerikho, ia laboh ke tangan bala perampok, te ngamik ameh kaba utainya, ia di paluk hampai nyau ka mati, udah nyak lalu ia di dudi piak .³¹Pas bisik sikok urang imam ngelalu jalai nyak, ia medak urang nyak tapi ia medak puang disebrang jalai. ³²Piak uga bisik sikok urang Lewi datai kiak, alai ia medak urang nyak, ia pun cuma ngelalu jak dari sebrang jalai.³³Lalu datai sikok urang Samaria, te agik dalam penjalai, ngelalu riak dan ia medak urang nyak, timbul rasa kaseh ia medaknya. ³⁴Ia lalu ngelap lukanya ngau minyak dan anggur lalu dibalot. Udah nyak ia ngatong urang nyak niki kataw keledai empuk iya lalu ngemaiknya ke dapik penginapan dan ngerawatnya. ³⁵Lam paginya ia merik duet dua dinar ngusong te empu penginapan nyak dan bejakuk, "Rawat dia ya dan nti nuan keluar duet lebeh dari nyak, ilak aku nganti alai aku bekaleh kitok."³⁶Nurot pendapat kitak, sapa di antara hidak tiga adalah sesama mensia dari urang te laboh ke tangan perampok nyak?" ³⁷Jawab urang nyak, "Urang te udah empu belaih kaseh ngaunya." Jakuk Yesus ngau nya, "Pegilah dan pulahlah baka nyak!"³⁸Alai Yesus dan murid-muridNya datai di sutik kampung dan bisik sikok rinok benama Marta nerima penatai Yesus.dirumahnya. ³⁹Rinok nyak empu sikok menyadik te benama Maria. Maria dudok dampeng kaki Yesus dan terus ninga jakukNya.⁴⁰Sedangkan Marta sibok amat melayani. Ia ngusong Yesus dan bejakuk, "Tuhan, nadaikah Nuan peduli, bahwa menyadikku ngayu ke aku melayani kedirik? Asohlah dia nulong aku." ⁴¹Tapi Yesus madahnya, "Marta, Marta, dik kuater amat dan nyusah kedirik ngau mayoh masalah, ⁴²tapi hanya sutik te perlu; Maria udah mileh bagian yang tebaek, te nadai akan diamik dari dirinya."

¹Pada suatu kali Yesus tengan bedoa di salah sutik tempat. Alai Ia berenti bedoa, beranaulah sikok urang dari murid-muridNya, "Tuhan, ajar ke kami bedoa, sama baka te diajarkan Yohanes ngusong murid-muridnya."²Jakuk Yesus ngau hidak, "BIla nuan bedoa, padahlah, "Bapa, dikusoihkanlah namaMu, datailah KerajaanMu.³Beriklah kami tiap ari makanan kami te secukupnya ⁴dan ampunilah kami akan dosa kami, sebab kami pun ngampuni tiap urang te besalah ngau kami; dan ananglah ngemaik kami dalam pencobaan."⁵ Jakuk Yesus ngau hidak, "Nti bisik sikok ditengah nuan pas tengah malam datai kerumah kabannya dan beranau; Kaban, aku ka minyaw tiga utik roti, ⁶sebab bisik sikok kabanku agik dijalai ka singah kerumahku tapi aku ndai sik nama-nama untok ku hidangkan ngaunya. ⁷Masakan ia te dalam rumah nyak bejakuk; Anang ngacau aku, pintu udah ditutop dan aku bereta anakku udah tinok; aku nadai tau uwais dan merik ke ngusong kaban. ⁸Yesus beranau, "Sekalipun ia nadai ka uwais dan merik ngaunya karna urang nyak adalah kabanya, tapi karna sifatnya te nadai malu nyak, ia akan uwais uga dan merik nama te diperlunya.⁹Uleh karna nyak Aku beranau ngau kitak; Mintaklah, maka akan diberik ngau nuan; ngegalah maka nuan tau buleh; ketoklah maka pintu akan dibuka bagi nuan. ¹⁰Karna tiap urang te mintak, nerima dan tiap urang te ngega, buleh dan tiap urang te ngetok, baginya pintu dibuka.¹¹Apai ni diantara kitak, nti anaknya mintak ikan diberik ibak sebagai ganti ikan? ¹²Atau nti ia mintak teluk lalu diberik ngaunya kala? ¹³Nti jika nuan jahat ketaw merik te baek ngau anak-anak nuan, apa lagi Apai nuan di sorga! Ia akan merik Roh Kudoih ngau hidak te mintak padaNya.¹⁴Yesus nguser sitan dari sikok urang bisu. Alai sitan nyak keluar, urang bisu nya lansong tau bejakuk. Maka iranlah urang ¹⁵mayoh.Tapi bisik ditengah hidak beranau; "Ia nguser sitan ngau kuasa Beelzebul, penghulu sitan."¹⁶Bisik uga te minta tanda dari sorga ngauNya, untok ngujiNya. Tapi Yesus ketaubada pemiker hidak lalu bejakuk, ¹⁷"Tiap kerajaan te pecah belah pasti binasa, dan tiap tumah tengga te pecah belah pasti ancor.¹⁸Nti sitan nyak saling ngelawan sesama diriknya kedirik, katibaka kerajaannya tau bertahan? Sebab nuan madah, bahwa Aku nguser sitan ngau kuasa Beelzebul. ¹⁹Jadi nti Aku nguser sitan ngau kuasa Beelzebul dan ngau kuasa nama pengikut-pengikut nuan ngusernya? Uleh karna nyaklah hidak akan nyadi hakimmu. ²⁰Tapi nti Aku nguser sitan ngau kuasa Betara, maka sesungguhnya Kerajaan Betara udah datai dapik nuan.²¹BIla urang te kuat dan ngau senjata lengkap untok nyaga rumahnya kedirik, maka amanlah segala empuknya. ²²Tapi nti urang lebeh kuat darinya nyerang dan ngalah kenya, maka urang nyak akan ngerampas kaba senjata, te diandalkannya dan akan bebagi kaba utai te dirampasnya. ²³Sapa nadai besamaKu, ia ngelawan Aku dan sapa nadai ngumpol besama Aku, ia mencerai beraikan.²⁴"Alai roh jahat nyak keluar dari mensia, ia pun nuas kiak kiak ngega dapik ia tau diaw dan karna ia nadai buleh, ia bejakuk, "Aku ka bekaleh rumahku te udah ku dudi. ²⁵Maka pegilah ia dan dipedak rumahnya udah berseh dan rapi. ²⁶Lalu ia keluar dan ngemaik tujoh roh laen te lebeh jahat darinya dan hidak tamak agik dan diaw diak. Lalu keadaan urang nyak lebeh burok dari keadaan awal.²⁷Alai Yesus agik beranau, tiba-tiba bisik sikok rinok bejakuk ngau Yesus, "Bahagialah inai te udah nganong ke Nuan dan nyusu ke Nuan." ²⁸Jakuk Yesus, "Te bahagia adalah hidak te ninga firman Betara dan meliharanya."²⁹Alai mayoh urang ngelilengNya, bejakuklah Yesus, "Angkatan tok adalah angkatan te jahat. Hidak ka suatu tanda, tapi ke hidak nadai diberik tanda selaen tanda nabi Yunus. ³⁰Sebab baka Yunus nyadi tanda untok urang-urang Niniwe, piak uga Anak Mensia akan nyadi tanda untok angkatan tok.³¹Alai waktu pengakiman, ratu dari Selatan nyak akan bangkit bereta urang dari angkatan tok dan ia akan ngukom hidak. Sebab ratu tok datai dari ujong bumi untok ninga hikmat Salomo, dan sebenarnya yang tejadi ditok lebeh dari Salomo. .³²Alai waktu pengakiman, urang-urang Niniwe akan bangkit bereta angkatan tok dan hidak akan ngukomnya. Sebab urang-urang Niniwe nyak betobat alai hidak ninga pengajaran Yunus dan sesungguhnya yang tejadi ditok lebeh dari Yunus.³³"Nadai sikokpun te nyala kepelita lalu ngeletak ke dibaroh rumah atau dibaroh atap, melaenkan dataw meja, supaya semua urang te tamak, tau medak cahayanya. ³⁴Matamu adalah pelita tubohmu. Nti mata nuan baek, teranglah seluroh tubohmu, tapi nti mata nuan jahat maka gelaplah tubohmu. ³⁵Karna nyak perhatikan supaya terang te adai dinuan anang nyadi gelap. ³⁶Nti seluruh tuboh nuan terang dan nadai bisik bagian te gelap, maka seluruhnya tau teran, hama baka bila pelita menerangi nuan ngau cahayanya."³⁷Alai Yesus ameh ngajar, sikok urang Farisi ngumai Yesus untok makai kerumahnya. Lalu tamaklah Yesus kerumah nyak, dan makai. ³⁸Urang Farisi nyak medak hal nyak dan ia iran, karna Yesus nadai masu tanganNya alai ka makai.³⁹Yesus beranau ngaunya, "Nuan urang-urang Farisi, nuan membersihkan bagian luar dari cawan dan pingai, tapi bagian dalam nuan penoh hasil rampasan dan kejahatan. ⁴⁰Oi,,urang-urang banga, bukaikah Dia te nyadikan bagian luar, Dia uga te nyadikan bagian dalam? ⁴¹Tapi beriklah isinya sebagai sedekah dan semuanya tau nyadi berseh bagimu.⁴²Tapi celakalah nuan urang-urang Farisi, sebab nuan mayar sepersepuloh dari selasih, inggu dan kaba ulam, tapi nuan ngayu keadilan dan kasih Betara. Te sutik dipulah tapi te laen anang diayu.⁴³Celakalah nuan urang-urang Farisi, sebab nuan suka dudok dapik paleng depan dirumah ibadah dan suka ngarap hormat dipasar. ⁴⁴Celakalah nuan, sebab nuan sama baka kubor te nadai mengaw tanda, urang-urang te bejalai datawnya nadai ketawbada.⁴⁵Sikok urang dari ahli-ahli Taurat nyak menjawab Yesus, "Guru, nti bejakuk piak, Nuan ngina kami uga." ⁴⁶Jawab Yesus, "Celakalah nuan uga, urang-urang ahli Taurat, sebab nuan ngeletak beban-beban te nadai dimak ke urang laen, tapi nuan kedirik nadai nyentuh beban nyak ngau sutik jaripun.⁴⁷Celakalah nuan sebab nuan mulah kubor nabi-nabi tapi inik muyangmu udah munoh hidak. ⁴⁸Dengan piak nuan ngaku bahwa nuan membenarkan nama te dipulah inik muyangmu, hidak udah munoh nabi-nabi nyak dan nuan mulah kubornya.⁴⁹Sebab nyak hikmat Betara bejakuk, "Aku ka ngutoih ngusong hidak nabi-nabi, rasul-rasul, setengah dari nabi-nabi dan rasul-rasul nyak akakan hiidak bunoh dan hidak siksa, ⁵⁰supaya dari angkatan tok dituntot darah semua nabi te udah tetumpah sejak dunia dijadikan, ⁵¹mulai dari darah Habel sampai darah Zakharia te udah dibunoh ditangah Mezbah dan Rumah Betara. Bahkan, Aku madah nuan, "Semua nyak akan dituntot dari angkatan tok.⁵²Celakalah nuan ahli-ahli Taurat, sebab nuan udah ngamik kunci pengetahuan, nuan kedirik nadai tamak kedalam dan urang te berusaha ka tamak nuan alang."⁵³Pengudah Yesus angkat dari nyak, ahli-ahli taurat dan urang-urang Farisi terus ngintaiNya dan betanya bemacam-macam. ⁵⁴Untok nyak hidak berusaha mancingNya supaya hidak tau nangkapNya.

¹Beribu-ribu urang datai ka betemu ngau Yesus dan sesak-sesak. Yesus mulai ngajar, petama-tama ngau murid-muridNya, jakukNya, "Ati-ati ngau ragi ragi urang Farisi yaitu kemunafikan.²Nadai bisik yang ditutop nadai dibuka dan nadai bisik te dilamon te nadai di ketaw. ³Karna nyak nama te nuan padah dalam gelap tau tedinga dalam terang, dan nama te nuan bisik kepeneng dikamar akan diberitakan dari dataw atap rumah.⁴Aku madah ngau kitak kaban-kabanKu, ananglah kitak entekik ngau hidak te tau munoh tuboh dan pengudah nyak nadai tau mulah nama-nama agik. ⁵Aku ka nunjok ke kitak sapa te arus kitak entekik. Entekiklah ke Dia te udah munoh, empu kuasa untok muai urang ke dalam neraka. Aku madah ke kitak, entekiklah ngau Dia.⁶Bukaikah burong pipet dijual lima ikok dua duet? Biarpun piak nadai sikokpun tau dilupakan Betara, ⁷dan bouk dipala nuanpun tau di itung semua. Karna nyak anang enetkik, karna nuan lebeh beharga dari burong pipet te mayoh.⁸Aku madah ngau nuan, "Tiap urang te ngaku Aku di mua mensia, Anak Mensia uga akan ngaku dia di mua malaikat-malaikat Betara. ⁹Tapi barangsapa te nyangkal Aku di mua mensia, ia akan disangkal dimua malaikat-malaikat Betara. ¹⁰Tiap urang te madah ngelawan Anak Mensia, ia akan diampuni, tapi barangsapa ngina Roh Kudoih, ia nadai akan diampuni.¹¹Bila bisik urang ngemaik nuan arus ngadap majelis-majelis, pemerintah, dan penguasa, ananglah nuan kuatir katibaka dan nama te arus nuan padah untok ngebela dirik. ¹²Sebab alai saat nyak uga Roh Kudoih akan ngajar nuan nama te arus nuan padah."¹³Bisik sikok urang dari tengah orang mayoh nyak beranau ngau Yesus, "Guru, padah ke ngusong menyadikku supaya ia ka magi warisan ngau aku." ¹⁴Jawab Yesus ngusongnya, "Kaban, sapa te udah ngangkat Aku nyadi hakim atau perantara atas nuan?' ¹⁵jakukNya agik ngau hidak, "Bejaga-jagalah dan ati-ati dengan urang te rangkak, sebab biarpun idopnya belimpah harta, tapi idopnya nadailah tau ngandal ke harta nyak."¹⁶Udah nyak Yesus madah dengan bahasa perumpamaan, jakukNya; Bisik urang kaya, tanahnya mayoh hasilnya. ¹⁷Lalu ia betanya dalam ati, nama te arus ku pulah untok tau nyimpaw hasil tanahku tok, sementara udah ndai bisik tempat agik. ¹⁸Lalu jakuknya agik; Tok te ka aku pulah, aku ka mulah gudang te lebeh besai agik untok tau nyimpaw kaba gandum dan kaba utaiku. ¹⁹Udah nyak aku ka madah dalam atiku; Jiwaku bisik didalam hartaku yang disimpaw betaon-taon lamanya; jenohlah, makailah, ngiroplah dan besenang-senanglah!²⁰Tapi firman Betara madah ngaunya, "Nuan urang banga, pada malam tok uga jiwa nuan tau diamik dari nuan dan nama te udah nuan sediakan untok sapa nyak nanti? ²¹Piak uga dengan urang te ngumpol ke harta bagi diriknya kedirik, nti ia nadai kaya di hadapan Betara."²²Yesus beranau ngau murid-muridNya; "Karna nyak aku madah nuan, "Ananglah kuatir akan idop nuan, nama te ka dimakai, dan ananglah kuatir akan tuboh nuan, akan nama te ka nuan pengau. ²³Sebab idop tok lebeh penteng dari pada makanan dan tuboh nyak lebeh penting dari pada kelamik.²⁴Pedaklah burong-burong gagak te nadai menabur dan nadai menuai dan nadai empu gudang, tapi tetap diberik makai uleh Betara. Nuan jauh lebeh dari burong-burong nyak. ²⁵Sapa ditengah nuan yang karna kuaternya tau nambah sehasta masa idopnya? ²⁶Jadi nti nuan nadai mampu mulah barang te paleng jepet, napa nuan kuatir akan hal-hal laen?²⁷Pedaklah bunga bakung, te nadai memintal dan nadai menenun, tapi Aku bejakuk ngau nuan, "Salomo te kaya rayapun nadai ngau kelamik seindah bunga bakung nyak. ²⁸Jadi, nti rumpot di uma, yang ari tok bisik dan pagi dibuai ke dalam api, sungguh Betara akan merik lebeh dari nama te nuan arap, hai urang te kurang pecaya!²⁹Jadi ananglah nuan telalu dimasalahkan nama te ka nuan makai atau nama te ka nuan irop, ananglah ati nuan kuatir. ³⁰Semua tok digega bangsa-bangsa didunia te nadai ngelala Betara. akan tapi Apai nuan ketaw, bhawa nuan perlu semua nyak.³¹Gegalah dulau Kerajaan Nya, maka semua nyak akan diberik ngau ngusong nuan. ³²Ananglah entekik, hai nuan kawanan jepet! Karna Apai nuan udah bekenan merik nuan Kerajaan nyak.³³Juallah kaba utai empu nuan dan beriklah sedekah! Pulahlah bagi nuan pundi-pundi te nadai tau nyadi tuai, suatu harta disurga te nadai tau ameh, te nadai tau diamik pencuri dan te nadai tau rusak dimakai rayap. ³⁴Karna dini harta adai, diak uag ati nuan adai."³⁵"Lebeh baek pinggang nuan tetap berikat dan pelita nuan teap nyala. ³⁶Lebeh baek nuan sama baka urang-urang te agik nungguk tuannya pulai dari gawai nikah, supaya nti ia datai dan ngetok pintu, higat dibuka pintu baginya.³⁷Gagalah hamba-hamba alai agik tengan bejaga-jaga tuannya tiba-tiba datai. Aku bejakuk ngau kitak, "Sesungguhnya ia akan ngikat pinggangnya dan menyilakan hidak dudok makai dan ia akan datai ngelayani hidak. ³⁸Bila ia datai ditengah malam atau alai tengah ari lalu medak hidak selalu siap, maka diberkatilah bala hamba nyak.³⁹Tapi ketawlah tok, "Nti tuan rumah ketaw jam berapa pencuri ka datai, ia nadai akan ngayu ke rumahnya dibungkar. ⁴⁰Lebeh baek nuan selalu siap sedia, karna Anak Mensia datai alai saat te nadai nuan ketaw.⁴¹Jakuk Petrus, "Tuhan, kamikah te Nuan maskud dari perumpamaan nya atau unto semua urang?" ⁴²Jawab Yesus, "Jadi sapakah te nguros rumah yang setia dan bijaksana te ka diangkat uleh tuannya nyadi kepala atas semua hambanya untok merik makai ngusong hidak pada waktunya? ⁴³Diberkatilah hamba, te selalu siap bejaga alai tuannya datai. ⁴⁴Aku bejakuk ngau nuan, " Jadi ttuannya nyak akan ngangkat dia nyadi pengawas segala empunya.⁴⁵Tapi, nti hamba nyak jahat dan beranau dalam ati; Tuanku ndai datai-datai,, lalu ia mulai maluk hambanya te laki dan te rinok dan makai ngirop dan mabok uga, ⁴⁶maka tuan hamba nyak datai pada ari te nadai disangka-sangka dan alai saat te nadai ketaw bada lalu tuannya akan ngukomnya dan mulah dia senasib dengau urang-urang te nadai setia.⁴⁷Hambanya ketaw nama kenekak tuannya, tapi te nadai siap sedia atau nadai mulah nama te kenekak tuannya, ia akan nerima mayoh pukulan. ⁴⁸Tapi barangsapa nadai ketaw kenekak tuannya dan mulah nama te arus mendataikan pukulan, ia akan nerima jepet pukulan. Tiap urang te, dan mayoh diberik, maka mayoh uga ia dituntut dan sapa te mayoh diberik kepecayaan, maka mayoh uga ia dituntut."⁴⁹"Aku datai untok muai api ke bumi dan apa Aku ngarap nyak, api nyak udah menyala! ⁵⁰Aku arus nerima baptisan dan hatiKu susah, sebelom hal tok belansong!.⁵¹Nuan nyangka bahwa Aku datai untok ngemaik damai dibumi? Bukai, jakukKu ngau nuan, bukai damai tapi perpecahan. ⁵²Karna mulai pito akan bisik pepecahan antara lima urang didalam sutik rumah, tiga ngelawan dua dan dua ngelawan tiga. ⁵³Hidak akan saling bebekeh, apai ngelawan anaknya te laki dan te laki ngelawan apainya, inai ngelawan anaknya te rinok, anaknya te rinok ngelawan inainya, inai mentua ngelawan menantunya rinok dan menantunya rinok ngelawan inai mentuanya.⁵⁴Yesus beranau uga ngau urang mayoh, "Bila nuan medak awan niki disebelah barat, higat nuan madah, "Akan datai hujan dan hal nyak memang tejadi. ⁵⁵Dan bila nuan medak angin selatan betiup, nuan madah, "Ari ka panas terek dan hal nyak memang tejadi. ⁵⁶Hai urang munafik, Mua bumi dan langit nuan ketaw nilainya, ngapa nuan nadai tau nilai jaman tok?⁵⁷Nama nuan nadai memutoskan kedirik nama te benar? ⁵⁸Sebab nti nuan dan lawanmu pegi ngadap pemerintah, usahakanlah damai ngau dia selama ditengah jalai, supaya anang nuan disiret ngusong hakim dan hakim nyerah ke nuan ngau anak buahnya dan anak buahnya nyak muai ke nuan dalam penjara. ⁵⁹Aku madah ngau nuan, "Nuan nadai tau keluar dari din, sampai nuan mayar utang nuan sampai lunas."

¹Alai waktu nyak datailah ngusong Yesus beberapa ikok urang ngemaik kabar tentang urang-urang Gelilea, te darahnya dicampor Pilatus ngau darah korban te hidak pesemahkan. ²Yesus madah hidak, "Kitak nyangka urang-urang Galilea nyak lebeh besai dosanya dari dosa semua urang Galilea te laen, karna hidak ngalami nasib nyak? ³Nadai! Aku madah kitak. Tapi nti nuan nadai betobat nuan semua akan binasa nti cara baka nyak.⁴Atau nuan nyangka kedelapan belaih urang nyak te mati ditimpa menara dampeng Siloam lebeh besai penyalahnya dari penyalah semua urang ;aen te daiw di Yerusalem? ⁵Nadai! Aku madah kitak. Tapi nti nuan nadai betobat, nuan semua akan binasa nti cara baka nyak.⁶Lalu Yesus madah perumpamaan, "Sikok urang empu pukok ara te tumboh di kebon anggornya dan ia datai untok ngega buahnya tapi ia nadai nemu. ⁷Lalu ia madah ngau te nguros kebon anggur nyak, "Udah tiga taon aku datai ngega buah ara di pukok tok dan aku nadai kala nemu. Tebang jak puhon ara tok! untok nama ia idop ditanah tok dengan pecuma!⁸Jawab tukang kebonnya; Tuan, ayu keh taon tok tetap tumbuh, akan akan nyangkol tanah ditepi pukoknya dan diberik pupok, ⁹sapa ketaw taon depan pukok ara tok tau bebuah, tapi nti nadai, baru ditebang."¹⁰Pada ari Sabat alai Yesus agik tengan ngajar dirumah ibadah, ¹¹bisik diak sikok urang rinok te udah belasan taon kena rasuk roh sampai ia pedeh dan bungkok punggongnya dan ia nadai tau bediri tegak agik.¹²Alai Yesus medak rinok nyak, Ia ngumainya dan bejakuk, "Ibo, penyaket dik udah semboh." ¹³Lalu Yesus ngeletak ke tanganNya dataw rinok nyak, dalam sekejap rinok nyak rau bediri dan ia memuliakan Betara. ¹⁴Tapi kepala rumah ibadah ringat karna Yesus nyemboh ke urang pada ari Sabat, lalu ia bejakuk ngau urang mayoh, "Bisik enam ari untok kerja, Karna nyak datailah pada salah salah sutik nyak untok disembohkan, ananglah pada ari Sabat."¹⁵Yesus menjawab kepala rumah ibadah nyak, ""Hai urang-urang munafik, bukaikah tiap urang diantara nuan ngelepaih sapinya dari kanangnya dan ngemaiknya pegi untok ngirop aik alai ari Sabat?" ¹⁶Bukaikah rinok tok te udah delapan belaih taon ditamet uleh iblis dan tali ngau nametnya arus dilepaih karna ia anak keturunan Abraham?"¹⁷Alai waktu Yesus bejakuk piak, semua te ngelawanNya jadi malu dan semua urang mayoh gaga karna segala hal mulia te udah dipulahNYa.¹⁸Jakuk Yesus, "Seumpama hal nama Kerajaan Betara dan Aku ka diumpamakan kat i? ¹⁹Ia seumpama biji ensabi, te diamik dan ditabur ke urang dikebonnya, biji nyak tumboh nyadi puhon dan burong-burong diudara besarang dicabangnya."²⁰Yesus bejakuk agik, "Dengan nama Aku mengumpamakan Kerajaan Betara? ²¹Ia seumpama baka ragi te diamik sikok rinok dan dicampor ngau tiga takar tepong sampai kemai."²²Udah nyak Yesus bejalai kelileng dari kota ke kota dan dari kampong ke kampong te laen sambel Ia ngajar, hidak sambel bejalai terus ke Yerusalem. ²³Bisik sikok te beranau ngau Yesus, "Tuhan, siket jakkah urang te diselamatkan?" ²⁴Jawab Yesus ngau hidak diak, "Bejuanglah untok tamak ngelalu pintu te sesak nyak! Sebab Aku madah kitak; Mayoh urang te ka amat untok tamak, tapi nadai tau tamak."²⁵Bila tuan rumah udah angkat dan nutup pintu, nuan akan bediri diluar dan ngetok-ngetok pintu samel ngumai, "Tuan, buka ke kami pintu! ²⁶Tuannya menjawab nuan, "Aku nadai ngelala kitak dan dari ni asal kitak. Lalu nuan bejakuk, "Kami udah makai ngirop di depanMu dan Nuan udah ngajar kami dijalai dikota kami. ²⁷Jawab Ia agik, "Aku nadai ketaw dari ni penatai kitak, Pegilah dari depanKu, kitak pemulah kejahatan.²⁸Dinlah bisik te nyabak dan ngertak gigi alai kitak medak Abraham, Isak, Yakub dan semua nabi-nabi di dalam Kerajaan Betara, dan kitak akan dibuai keluar. ²⁹Urang te datai dari Timur, Barat, Utara, dan Selatan akan dudok makai dalam Kerajaan Betara. ³⁰Sebenarnya urang yang terakhir akan nyadi urang yang penulau dan urang yang penulau akan nyadi yang terakhir."³¹Alai waktu nyak datailah beberapa urang Farisi dan beranau ngau Yesus, "Pegilah, dudi kedapik tok, karna Herodes ka munoh Nuan." ³²Jakuk Yesus ngau hidak, "Pegilah dan padah ngusong serigala nyak; Aku nguser sitan dan nyemoh ke urang alai ari tok dan pagi, dan alai ari ketiga Aku selesai. ³³Ari tok, pagi dan lusa Aku arus nerus kepenyalaiKu, sebab nadai tepat munoh sikok urang nabi nadai di Yerusalem.³⁴Yerusalem, Yerusalem, nuan te munoh bala nabi-nabi dan hidak te diutoih ngusong kitak tapi kitak lempar ngau batu sampai mati! Bekali-kali Aku ka ngumpol ke kitak baka inok manok te ngumpol ke anak-anaknya untok dilindungi dibaroh sayapnya, tapi kitak nadai ka. ³⁵Sebenarnya rumah nuan tok akan didudi dan nyadi sunyi. Tapi Aku madah kitak; Nuan nadai akan medak Aku agik sampai kitak bejakuk, "Diberkatilah Dia te datai dalam nama Betara."

¹Alai ari Sabat Yesus datai kerumah salah sikok pemimpen dari urang-urang Farisi untok makai diak. Semua te adai diak medak Yesus dengan serius. ²Tiba-tiba datailah sikok urang pedeh busong aik bediri dimuaNya. ³Lalu Yesus beranau ngau ahli-ahli Taurat dan ngau urang Farisi, "Apa tau nadai nyemboh ke urang alai ari Sabat atau nadai?"⁴Hidak jenoh semua. Lalu Yesus megai tangan urang pedeh nyak dan nyemboh ke nya lalu di asohNya pegi. ⁵Jakuk Yesus ngau hidak, "Sapa ditengah kitak yang nadai higat narek keluar anaknya atau sapinya alai teperusok kedalam lubang sumor, alai ari Sabat?" ⁶Hidak nadai tau ngebantahNya.⁷Alai Yesus medak temuai-temuai ka berusaha dudok dapik tehormat, Yesus madah dengan perumpamaan ngau hidak, ⁸"Bila urang ngundang nuan gawai nikah, ananglah dudok dapik tehormat, sebab munken urang nyak udah ngundang urang te lebeh tehormat dari pada nuan. ⁹Anang sampai urang te ngundang nuan madah ke nuan,"Beriklah tempat tok ke urang nyak". Lalu nuan nyadi malu kedirik karna arus pegi dudok dibelakang.¹⁰Tapi bila nuan diundang, pegilah dudok dapik te paleng belakang, munken tuan rumah akan datai madah ngusong nuan, "Kaban, silakan dudok didepan. Dengan piak nuan nerima hormat di depan mata semua temuai te laen. ¹¹Sebab barangsapa ninggik kedirik, ia akan direndahkan dan barangsapa merendahkan dirik, ia akan ditinggikkan.¹²Yesus beranau ugak ngau urang te ngundangNya, "Bila nuan ngundang makai siang atau makai malam, ananglah nuan ngundang kaban nuan, menyadik nuan, kaban menyadik nuan atau tetangga nuan te kaya, karna hidak akan ngudang balek agi ke nuan hingga nuan akan ngebalas agik.¹³Tapi bila nuan merayakan acara, undanglah urang-urang misken, urang-urang cacat, urang lumpoh, dan urang buta. ¹⁴Nuan akan bahagia, karna hidak nadai bisik nama-nama untok ngebalas ngusong nuan. Dan nuan akan buleh balasnya alai ari kebangkitan urang-urang benar."¹⁵Ninga nyak beranaulah sikok urang dari temuai-temuai nyak ngusong Yesus, "Bahagialah urang te akan dijamu dalam Kerajaan Betara." ¹⁶Yesus beranau ngau nya, "Bisik urang mulah acara besai dan ia ngundang urang mayoh. ¹⁷Alai hidangan makai udah siap, ia ngasoh anak buahnya untok madah ngau bala undangan; "Abohlah, karna pito semua udah siap.¹⁸Tapi hidak minta maap. te petama madah, "Aku udah meli uma dan aku arus pegi ka medak, aku minta maap. ¹⁹Te lain madah, "Aku uga baru meli lima pasang sapi dan aku arus pegi untok nyubanya, aku minta maap. ²⁰Te laen uga madah, "Aku baru nikah dan karna nyak aku ndai tau datai.²¹Maka bekaleh anak buah nyak dan madah kesemua nyak ngusong tuannya. Lalu ringatlah tuan rumah nyak dan madah ngau anak buahnya, "Pegilah higat ke jalai-jalai, tepi-tepi kota dan bae lah kitok urang-urang miskin, urang cacat, urang buta ngau urang lumpoh. ²²Udah nyak anak buah ngelapor ngusong tuannya, "Tuan ,nama te tuan perintahkan udah dijalaikan, tapi agik bisik tempat."²³Jakuk tuan nyak ngau anak buahnya; Pegilah kesemua jalai, lintasan dan paksa urang-urang te bisik diak untok tamak kerumahku sampai penoh. ²⁴Aku bejakuk ngau nuan, "Nadai bisik sikokpun dari urang-urang te udah diundang nyak ka nikmati jamuanKu."²⁵Waktu nyak mayoh urang datai niteh ke Yesus dalam penjalaiNya. Yesus medak hidak dan bejakuk, " ²⁶Bila adai urang datai ngusongKu dan ia nadai menci apainya, inainya, bininya, anak-anaknya, menyadik laki atau rinok, bahkan nyawanya kedirik, ia nadai tau nyadi muridKu. ²⁷Barangsapa nadai ngemak salibnya dan tamai Aku, ia nadai tau nyadi muridKu.²⁸Sebab sapa ditengah nuan nti ka mangun menara nadai dudok dulau untok ngitong biayanya, cukup atau ndai duet untok mangun pekerjaan nyak? ²⁹Supaya nti ia udah mulah dasarnya dan nadai dapat nyelesaikannya, anang-anang nti bisik medak nyak lalu ngayah ke dia, ³⁰dan madah, "Urang nyak ka mangun menara tapi nadai sanggup nyelesaikannya.³¹Atau, raja ni te ka pegi beperang ngelawan raja laen nadai dudok dulau untok bepiker dulau. Apa dengan sepuloh ribu urang ia sanggop ngelawan musoh dua puloh ribu urang? ³²Nti danai, maka ia ngirem anak buahnya ngusong musoh te agik jauh, lalu minta nama syarat untok bedamai. ³³Piak uga tiap urang ditengah nuan, te nadai ka ngelepaih kaba utai empunnya, nadai tau nyadi muridKu.³⁴Garam memang baek, tapi nti garam nyadi tawar ngau nama ia diasinkan? ³⁵Nadai bisik guna agik baek untok uma maupun untok pupok dan dibuai urang piak. Sapa empu peneng untok ninga, sebaeknya ia ninga!"

¹Bala pemungut cukai dan urang-urang bedosa datai ngusong Yesus ka ninga pengajaranNya. ²Lalu urang-urang Farisi dan ahli-ahli Taurat nadai senang, jakuk hidak, "Ia nerima urang-urang bedosa dan makai besama ngau hidak."³Yesus madah perumpamaan nyak ngau hidak, ⁴"Sapa ditengah nuan te empu seratus ikok domba dan bila ia sikok domba nyau maka ia nadai nudi ke semilan puloh semilan ikok dipadang gurun dan ia pegi ngega domba te sesat nyak sampai ketemu. ⁵Nti udah ditemu, ia ngemak domba ataw bahunya dengan gaga.⁶Sampai diirumah ia ngumai kaban-kabannya dan tetangga dan beranau ngau hidak, "Besukacitalah besama-sama ngau aku, sebab dombaku te nyau nyak udah kutemu. ⁷Aku bejakuk ngau nuan, "Piak uga akan adai sukacita di surga karna sikok urang bedosa betobat, lebeh dari pada sukacita semilan puloh semilan urang benar te nadai perlu betobat."⁸"Atau rinok ni kah te empu sepuloh dirham, lalu ia nyau sutik, iya sampai nadai ngidop ke pelita dan nadai nyapu rumah tapi ngega sampai ia nemu. ⁹Nti ia udah nemu, ia ngumai bala kaban dan tetangganya dan bejakuk; Besuka citalah sesama ngau aku, sebab dirhamku te nyau nyak udah ketemu. ¹⁰Aku beranau ngau nuan. "Piak uga akan adai sukacita pada malaikat-malaikat Betara karna sikok urang bedosa betobat."¹¹Yesus bejakuk agik, "Bisik sikok empu dua anak laki-laki. ¹²Jakuk te bungsu ngau apainya, "Apai, beriklah bagianku harta empu kitai te nyadi hakku. Lalu apainya magi harta benda ngau hidak dua.¹³Beberapa ari udah nyak, anak bungsu nyak nyual semua bagiannya nyak lalu pegi ke negeri te jauh. Din ia ngameh ke harta empunya dan idop senang-senang. ¹⁴Alai hartanya nyau udah ameh semua, datailah bencana kelaparan di negri nyak dan iapun mulai merinsak.¹⁵Lalu ia pegi bekerja pada salah sikok urang adai dinegeri nyak. Tuan nyak ngasoh ia ke uma untok nyaga janiknya. ¹⁶Alai ia ka makai ngau unpan janik nyak, tapi nadai sikokpun te ka meriknya.¹⁷Dan ia sadar dengan pengidopnya, dan jakuknya'; Mayoh urang pekerja apaiku dan temakaipun belimpah, tapi aku ditok mati kelapar. ¹⁸Aku arus pulai ngusong apaiku dan berandau ngaunya; Apai, aku udah bedosa tehadap sorga dan ngau apai, ¹⁹aku nadai pantaih agik dikumai anak apai, jadikan aku sebagai urang upahan apai.²⁰Lalu pegilah ia ngusong apainya. Alai ia agik jauh, apainya medak ia lalu atinya tesentoh uleh kaseh medaknya. Apainya nyak beguwai ngusongnya lalu diapohnya dan disiom. ²¹Jakuk anak nyak ngau apainya; Apai, aku udah bedosa tehadap sorga dan tehadap apai, aku nadai pantaih agik dikumai anak apai.²²Tapi apainya bejakuk ngau anak buahnya; HIgat bae kitok jubah te baek, pengau ke ngusongnya dan pengau ke cicen dijarinya dan sepatu dikakinya. ²³Amiklah anak sapi te gemuk dan disemeleh untok kitai makai dan ucapan sukor. ²⁴Sebab anakku te udah mati nyai idop agik, ia te udah ayap ditemu agik. Maka mulailah hidak besukacita.²⁵Tapi anaknya te tuai diuma dan alai ia pulai nadai jauh dirumah, ia ninga auh seruleng, nyanyi dan tarian. ²⁶Lalu ia ngumai salah sikok anak buah dan betanya ngaunya nama arti semua nyak. ²⁷Jakuk anak buah nyak: Adik nuan udah pulai dan apai nuan udah nyemeleh anak sapi gamok, Hebab ia udah pulai denan sehat."²⁸Maka ringatlah anak te tuai nyak dan ia nadai ka tamak. Lalu apainya keluar dan beranau ngaunya. ²⁹Tapi ia menjawab apainya; Udah betaon taon aku kerja keraih untok apai dan empai kalak aku ngelanggar perintah apai, tapi ngau aku empai kala apai merik sikok anak kambing untok aku besenang-senang ngau bala kabanku. ³⁰Tapi baru jak datai anak apai te udah ngameh kaba harta apai ngau besenang-senang ngau pelacor, apai malah nyemeleh anak sapi gemuk nyak untok dia.³¹Jakuk apainya; Anakku, nuan selalu besama ngau aku, dan kaba empuku adalah empu nuan uga. ³²Kitai patot besukor dan besukacita karna adik nuan te udah mati jadi idop agik, ia udah ayap dan ditemu agik."

¹Yesus beranau ngau bala muridNya, "Bisik sikok urang kaya te empu sikok bendahara. Bendahara nyak dituduh udah ngamor ke duet tuannya. ²Lalu ia ngumai bendahara nyak dan bejakuk, "Nama te udah ku dinga tentang nuan? Cuba beri laporan petanggungjawaban atas urusan nuan, sebab nuan nadai tau agik bekarja jadi bendahara.³Jakuk bendahara nyak dalam atinya; Nama te arus kupulah? Tuanku mecat aku dari jabatanku sebagai bendahara. Nyangkol aku nadai tau, ngemis aku malu. ⁴Aku ketaw nama te ka aku pulah, bila aku dipecat dari jabatan ku bendaharan, adai urang te ka nampong aku di rumahnya.⁵Lalu ia ngumai sikok demi sikok te berutang ngau tuannya. Jakuknya ngau tepetama; Berapa utang nuan ngau tuanku? ⁶Jawab urang nyak; Seratus tempayan minyak. Jakuk bendahara nyak; tok surat utang nuan, dudoklah dan pulah surat utang laen pito dan tuleh lima puloh tempayan. ⁷Udah nyak bendahara bejakuk ngau urang kedua; Berapa utang nuan? Jawab urang nya; Seratus pikul gandum. Jakuk bendahara nyak agik; Tok surat utang nuan, tulehlah surat utang laen; Delapan puloh pikul.⁸Lalu tuan nyak muji bendahara te nadai jujur nyak, karna ia udah mulah te cerdik. Sebab anak-anak dunia tok lebeh cerdik dengan sesamanya daripada anak-anak terang. ⁹Aku bejakuk ngau nuan; Ikatlah pesahabatan dengan gunakan Mamon te nadai jujur supaya nti Mamon nyak nadai tau nulong agik, nuan diterima didalam kemah abadi."¹⁰"Barangsapa setia dalam hal te jepet, ia setia uga dalam hal te besai. Barangsapa nadai benar dalam hal te jepet, ia nadai benar uga dalam hal te besai. ¹¹Jadi nti nuan nadai setia dalam hal Mamon te nadai jujur, sapa te akan mempecayakan hartanya ngau nuan te sesungguhnya? ¹²Bila nuan nadai setia dalam harta urang laen, sapa te akan serah ke harta nuan kedirik ngau nuan?¹³Sikok hamba nadai tau mengabdi ngau dua tuan. Karna nti piak ia akan menci te sikok dan mengasihi te laen, atau ia akan setia ngau te sikok dan nadai peduli te laen. Nuan nadai tau mengabdi ngau Betara dan ngau Mamon."¹⁴Semua nyak didinga uleh urang-urang Farisi, pecinta duet, dan hidak ngayah ke Dia. ¹⁵Ia bejakuk ngau hidak, 'Nuan ngerasa dirik paleng benar, tapi Betara ketaw bada ati nuan. Sebab nama te kagumi mensia dibenci uleh Betara.¹⁶Hukom Taurat dan Kitab para nabi belaku sampai pada jaman Yohanes, sejak waktu nyak Kerajaan Betara diberitakan dan semua urang berusaha berebot ka tamak. ¹⁷Lebeh mudah langit dan bumi nyau daripada sutik titek dari hukom Taurat batal.¹⁸Tiap urang te sarak ngau bininya, lalu nikah ngau rinok laen, ia bejinah; dan barangsapa nikah ngau rinok te udah disarak lakinya, ia bejinah."¹⁹"Bisik sikok urang kaya te keran ngau kelamik jubah ungu dan kaen alois dan tiap ari ia senang dengan hartanya. ²⁰Lalu bisik sikok urang pengemis benama Lazarus, tubohnya mayoh kureng, galik dampeng pintu rumah urang kaya nyak, ²¹karna ia lapar ia makai sisa makai urang kaya nyak te lapoh dari meja tapi ukoi-ukoi nyak datai dan nyliat kureng lukanya.²²Udah nyak matilah urang misken nyak, lalu dibae uleh malaikat-malaikat ke pangku Abraham. ²³Urang kaya nyak mati uga, lalu dikubor, dan tamak kedalam neraka, dia disiksa, dia medak kataw dan dari jauh ia medak Abraham dan Lazarus dudok dipangkuknya.²⁴Urang kaya nyak bejakuk, "Apai Abraham, kasehlah ngau aku. Asoh Lazarus untok nyelop ujong jarinya kedalam aik dan masah ke lilahku, sebab aku pedeh amat dalam nyala api tok.²⁵Abraham bejakuk, "Anak, ingatlah, nuan udah nerima hal-hal te baek alai agik nuan idop, sedangkan Lazarus nerima hal-hal te jait. Pito ia udah senang dan nuan menderita mat. ²⁶Disampeng semua nyak, jurang te dalam udah adai, barangsapa te ka nyeberang dari tok ngusong nuan nadai dapat, dan nadai bisik sikokpun te tau datai nyeberang dari din ngusong kami."²⁷Jakuk urang nyak; Nti piak, aku mintak ngau nuan, Apai supaya nuan ngasoh dia ke rumah apaiku, ²⁸sebab agik adai lima urang menyadikku, supaya ia ngingat ke hidak dengan amat-amat, hupaya hidak anang tamak ke dapik penderitaan tok.²⁹Jakuk Abraham, "Adai dihidak kesaksian Musa dan para nabi, hidak tau ninga kesaksian nyak. ³⁰Jakuk urang kaya nyak, "Anang, Apai Abraham, nti bisi urang te datai dari tengah urang mati ngusong hidak, hupaya hidak betobat. ³¹Jakuk Abraham agik, "Bti hidak nadai ka ninga kesaksian Musa dan para nabi, hidak nadai uga ka diyakinkan uleh sikok urang te bangkit dari antara urang mati."

¹Yesus beranau madah ngau murid-muridNya, "Nadai munken nadai bisik te mulah sesat, celakalah urang te mulah nyak. ²Lebeh baek baginya rekong ditamet batu lalu dibuai ke dalam laut daripada nyesat ke salah sikok dari urang-urang te lemah tok.³Jagalah dirik nuan! Nti menyadik nuan mulah dosa, padahlah dia, dan nti ia nyesal, ampunilah dia. ⁴Walaupun ia mulah dosa ngau nuan tujoh kali sehari dan tujoh kali ia datai ngusong nuan dan bejakuk, "Aku nyesal, nuan arus ngampuni dia."⁵Lalu jaku bala rasul nyak ngau Yesus, "Tambahkanlah iman kami!" ⁶Jakuk Yesus, "Nti kiranya nuan empu iman sebesai biji sesawi, nuan tau madah ngau pukok ara,; Tebantunlah nuan dan tetanamlah dilaut dan ia tau taat ngau nuan."⁷"Sapa ditengah nuan te empu sikok anak buah te membajak tanah atau te ngintu ternak baginya, dan madah ngau anak buah nyak; Aboh kitok makai! ⁸Seharusnya sebaleknya ia madah ke anak buahnya; siap ke temakaiku. Ikat pinggang nuan dan layani aku sampai aku selesai makai ngirop. Pengudah nyak baru nuan tau makai ngirop.⁹Adaikah ia terimakaseh ngau anak buah nyak, karna anak buah nyak udah mulah nama te diasohnya? ¹⁰Piak uga nuan. Bila nuan udah mulah kaba utai te di asoh ngau nuan, sebaeknya nuan bejakuk; Kami tok anak buah te nadai beguna, kami hanya mulah nama te arus kami pulah."¹¹Ditengah penyalai ke Yerusalem Yesus ngelalu pebatasan Samaria dan Galilea. ¹²Alai Yesus tamak ke sutik desa, datailah sepuloh urang kusta ngusong Yesus. ¹³Hidak bediri agak jaoh dan bejakuk, "Yesus, Guru, kasihilah kami!"¹⁴Lalu Yesus medak hidak dan bejakuk, "Pegilah, pedakkanlah dirik nuan ngau imam-imam." Alai hidak ditengah jalai hidak nyadi semboh. ¹⁵Sikok dari hidak, alai medak bahwa ia udah semboh, ia bekaleh agik samel memuliakan Betara ngau auh nyaring, ¹⁶dan ia lansong tesungkor dikaki Yesus dan nucap sukor ngauNya. Urang nyak dari Samaria.¹⁷Lalu Yesus bejakuk, "Tadi bukainya kesepuloh urang udah semboh semua? Dini te semilan urang agik? ¹⁸Nadai bisikkah diantara kitak te bekaleh untok memuliakan Betara selaen dari urang asing tok? ¹⁹Yesus madah ke urang nyak, "Bedirilah dan pegilah, imanmu udah nyelamatkan nuan."²⁰Udah nyak urang-urang Yahudi betanya maya Kerajaan Betara akan datai, Jakuk Yesus ngau hidak, "Kerajaan Betara datai nadai sik tanda-tanda lahiriah, ²¹dan urang nadai tau madah,; Pedak, ia adai ditok atai ia adai din! Sebab sebenarnya Kerajaan Betara adai diantara kitak."²²Yesus madah ngau murid-muridNya, " Akan datai waktunya nuan ka medak sutik dari ari-ari Anak Mensia nyak dan nuan nadai akan medaknya. ²³Dan urang akan beranau nga nuan; Pedak, ia adai din, pedak, ia bisik ditok! Anang nuan pegi kiak, anang nuan tamai. ²⁴Sebab hama baka pancar kilat dari ujong langit te sutik ke ujong langit te laen, piak uga alai ari penataiNya.²⁵Tapi ia arus naggong mayoh penderitaan dulau dan ditulak uleh angkatan tok. ²⁶Hama baka te udah tejadi alai jaman Nuh, piak uga halnya nanti alai ari-ari Anak Mensia; ²⁷hidak makai ngirop, hidak kawen dan dikawinkan, hampai alai ari Nuh tamak kedalam bahtera, lalu datailah aik bah dan munoh hidak semua.²⁸Piak uga baka te udah tejadi alai jaman Lot; Hidak makai ngirop, hidak meli dan nyual, hidak betanam dan mangun. ²⁹Alai ari Lot pegi keluar dari Sodom turonlah ujan api dan ujan belerang dari langit dan munoh hidak semua.³⁰Piak uga halnya suatu saat dini Anak Mensia menyatakan dirikNya. ³¹Barangsapa pada ari nyak agik tengan dataw atap rumah dan kaba utainya bisik didalam rumah, ananglah ia turon untok ngamiknya dan piak uga urang te agik tengan di uma ananglah ia pulai dulau.³²Ngenang ke bini Lot! ³³Barangsapa ka mat meliara naywanya, maka ia akan nyau nyawanya, dan barangsapa nyau nyawanya, maka ia akan nyelamatkannya.³⁴Aku beranau ngau kitak, "Alai malam nyak adai dua urang di ataw sutik tempat tinok, te sikok akan dibae dan te laen akan didudi. ³⁵Adai dua urang rinok besama-sama ayap, te sikok ka dibae dan te laen akan didudi." ³⁶(Nti bisik dua urang diuma, te sikok dibae dan tesiko didudi). ³⁷Jakuk hidak ngau Yesus, 'Dini, Betara?" JakukNya ngau hidak, "Dini bisik bangkai, diak mayoh kumpol burong nasar."

¹Tuhan Yesus madah ngau hidak dengan tegaih perumpamaan, bahwa hidak arus selalu bedoa dan anang lejuk. ²Jakuk Yesus, "Di sebuah kota bisik sikosk hakim te nadai entekik ngau Betara dan nadai hormat sikok ngau te laen.³Bisik sikok urang janda di kota datai ngusong hakim nyak dan bejakuk, "Belalah hakku dari lawanku. ⁴Cukop lama hakimnya ngayu ke tututan janda nyak. Tapi dalam ati hakim nyak; Walaupon aku nadai entekik Betara dan nadai hormat ngau sapapun, ⁵tapi janda tok udah nyusah ke aku, baeklah aku nulongnya supaya ia anang datai ngabot dan nyulitke aku."⁶Jakuk Yesus, "Camkanlah nama te dipadah hakim te nadai adil nyak!. ⁷Bukaikah Betara membenarkan urang-urang tedepilehNya te siang dan te malam beseru ngauNya? Dan apa Ia ngulor-ngulor waktu alai ka nulong hidak? ⁸Aku madah ngau kitak, "Ia akan higat membenarkan hidak. Tapi nti Anak Mensia nyak datai bisikkah Ia nemu iman dibumi?"⁹Untok beberapa urang te nganggap diriknya benar dan manang semua urang rendah, Yesus merik perumpamaan tok; ¹⁰Adai dua urang pegi ke Rumah Betara untok semayang, te sikok urang Farisi dan te sikok pemungut cukai.¹¹Urang Farisi nyak bediri dan bedoa dalam atinya; Ya Betara, aku ngucap sukor ngau Betara, karna aku nadai sama baka semua urang len, bukai perampok, bukai lalim, bukai pelacor, bukai uga pemungut cukai, ¹²aku bepuasa dua kali seminggu, aku merik sepersepuloh dari hasilku.¹³Tapi pemungut cukai nyak bediri jaoh-jaoh, bahkan ia nadai berani ngadah kelangit, melainkan ia maluk diriknya dan bejakuk, "Ya Betara, kasihilah aku urang bedosa tok. ¹⁴Aku madah ngau kitak, "Urang tok pulai kerumah nya sebagai urang yang dibenarkan Betara dan urang laen nyak nadai, Sebab barangsapa ninggik kediriknya, ia akan direndahkan dan barangsapa merendahkan diriknya, ia akan ditinggikkan."¹⁵urang-urang datai ngemaik anak-anaknya ngusong Yesus, supaya diberkati uleh yesus. Medak nyak murid-muridNya ngelayak urang-urang nyak. ¹⁶Lalu Yesus ngumai hidak dan madah, "Ayukeh anak-anak nyak datai ngusongKu, dan anang kitak ngalangi hidak, sebab urang-urang te baka toklah te empu Kerajaan Betara. ¹⁷Aku madah kitak, "Sesungguhnya barangsapa nadai nyambut Kerajaan Betara baka anak jepet tok, ia nadai akan tamak kedalamnya."¹⁸Adai sikokk pemimpen betanya ngau Yesus, jakuknya, "Guru te baek, nama te arus aku pulah untok buleh idop te kekal?" ¹⁹Jawab Yesus, "Napa nuan madah aku baek? Nadai sikokpun te baek selaen Betara saja. ²⁰Nuan pasti ketaw segala perintah BEtara; Anang bejinah, anang munoh, anang nyuri, anak ngucap saksi dusta, hormati apai inai nuan." ²¹Jakuk urang nyak, "Semua nyak udah kuturot alai aku agik bujang."²²NInga nyak Yesus bejakuk ngaunya, "agik bisik sutik te arus aku padah ngau nuan, "Juallah kaba utai te nuan empu dan bagi-bagikan ke urang misken, maka nuan tau buleh tau buleh harta disurga, udah nyak datailah kitok dantamailah Aku." ²³Alai urang nyak ninga jakuk nyak, ia nyadi sedeh amat, sebab ia urang kaya.²⁴Lalu Yesus medaknya dan beranau, "Alangkah susah urang kaya tamak kedalam Kerajaan Betara. ²⁵Sebab lebeh mudah sikok unta tamak ngelalu lobang jarum daripada sikok urang kaya tamak ke dalam Kerajaan Betara."²⁶Alai hidak ninga nyak lalu bejakuk, "Nti piak, sapa te tau diselamatkan?" ²⁷Jakuk Yesus, "Nama te nadai munken bagi mensia, tapi munken bagi Betara."²⁸Jakuk Petrus, "Kami tok udah nudi kaba utai empu kami dan tamai Yesus." ²⁹Jakuk Yesus ngau hidak, "Aku madah kitak, sesungguhnya tiap urang te karna Kerajaan Betara nudi kerumahnya, ³⁰maka ia akan nerima agik belipat ganda pada masa tok uga dan pada jaman te akan datai ia akan nerima idop te kekal."³¹Yesus ngumai kedua belaih muridNya lalu beranau ngau hidak, "Pito kitai bejalai ke Yeruslaem dan kaba te udah dituleh uleh para nabi tentang Anak Mensia akan digenapi. ³²Sebab Ia ka diserahkan pada bangsa-bangsa te nadai ngelala Betara, diberik malu, dihina dan diludah, ³³dan hidak mencambuknya dan munohNya, lalu alai ari ketiga Ia akan bangkit."³⁴HIdak sama sekali nadai paham semua nyak, nama arti jakuk nyak hidak nadai ketau bada nama maksudnya.³⁵Waktu Yesus nyau ka sampai di Yerikho, adai sikok urang buta te dudok ditepi jalai dan ngemis. ³⁶Alai ia ninga akan mayoh urang ngelalu riak, ia betanya, "Bisik nama?" ³⁷Jakuk urang diak, "Yesus urang Nazaret ka ngelalu ritok."³⁸Lalu ia beranau, "Yesus, Anak Daud, kasihilah aku!" ³⁹Lalu hidak te bejalai didepan madah iya supaya jenoh. Lalu makin nguman auhnya ngumai, "Anak Daud, Kasihilah aku!"⁴⁰Lalu Yesus berenti dan ngasoh ngemaik urang nyak ngusongNya dan alai ia adai dampengNya, Yesus betanya ngaunya, ⁴¹"Nama tedekak nuan supaya Aku tau mulah untok nuan?" Jawab urang nyak "Betara, aku ka medak!"⁴²Yesus bejakuk ngaunya, "Nuan pedaklah, imanmu udah nyelamatkan nuan!" ⁴³Dalam sekejap ia tau medak, lalu tamai Yesus ssmel memuliakan Betara. Seluruh rakyat medak hal nyak dan memuliakan Betara.

¹Yesus tamak kedalam kota Yerikho dan terus bejalai ngelalu riak. ²Diak bisik sikok benama Zakheus, kepala pemungut cukai dan ia urang kaya diak..³Zakheus ka amat medak urang te benama Yesus nyak, tapi ia nadai buleh medak karna kelinong mayoh urang, Zakheus tubohnya panak. ⁴Lalu ia beguai penulau urang dan niki pukok ara biar tau medak Yesus te ngelalu diak.⁵Alai Yesus sampai dapik nyak, Yesus medak kataw dan bejakuk, "Zakheus, higat nuan turon, sebab ari tok aku ka numpang dirumah nuan." ⁶Lalu Zakheus turon dan nerima Yesus dengan gaga. ⁷Semua urang te medak hal nyak mulai nadai senang, jakuk hidak, "Ia numpang dirumah urang bedosa."⁸Zakheus bediri dan beranau ngau Yesus, "Tuhan, setengah dari empuku ka kuberik ngusong urang misken dan nti bisik kaba utai te kuperas dari urang akan kupulai empat kali lipat." ⁹Jakuk Yesus, "Ari tok udah tejadi keselamatan pada rumah tok, karna urang tokpun anak Abraham. ¹⁰Sebab Anak Mensia datai untok ngega dan nyelamatkan te nyaw."¹¹Bagi hidak te agik ningaNya diak, Yesus bejakuk agik dengan perumpamaan, sebab Yesus udah dampeng Yerusalem dan hidak nyangka, bahwa Kerajaan Betara akan cepat kepedak. ¹²Jakuk Yesus, "Bisik sikok bangsawan nuas ke negeri te jauh untok dinobatkan nyadi raja diak dan pengudah nyak baru ia pulai agik.¹³Bangsawan nyak ngumai sepuloh urang anak buahnya dan merik sepuloh mina ngau hidak, jakuknya; Pengaulah tok untok bedagang sampai aku pulai kitok. ¹⁴Tapi urang-urangn sebangsanya menci dia, lalu ngirem utusan niteh ke dia untok madah; Kami nadai ka urang tok nyadi raja kami. ¹⁵Dan tejadilah, alai ia pulai, pengudah ia dinobatkan nyadi raja, ia ngasoh ngumai anak buahnya yg udah ia berik duet nyak, untok medak berapa hasil dagang hidak sikok-sikok.¹⁶Urang te petama datai madah; Tuan, mina tuan te sutik nyak udah mengaselkan sepuloh dina. ¹⁷jakuknya ngau urang nyak; Baek mat kerja nuan nyak, hamba te baek nuan udah setia dalam hal jepet karna nyak terimalah kekuasaan atas sepuloh kota. Jakuknya¹⁸Datailah te kedua dan madah; Tuan, mina tuan udah ngesel ke lima mina. ¹⁹jakuknya ngau urang nyak; Nuan kuasai lima kota.²⁰Hamba te ketiga datai dan madah; Tuan, toklah mina tuan, aku udah nyimpaw dalam sapu tangan. ²¹Sebab aku entekik ngau tuan, karna tuan mensia te keras; tuan ngamik nama te nadai kala tuan taroh dan tuan menuai nama te nadai tuan semai.²²Jakuk raja ngau urangnyak; Hambaku te jahat, aku arus ngukom nuan nurot jakuk nuan kedirik. Nunan udah ketaw bahwa aku urang te keras, te ngamik nama te nadai kala aku taruh dan menuai nama te nadai aku semai. ²³Nti piak, napa duetku nyak nadai nuan berik ngau urang te tau nyalai ke duet nyak? Jadi alai aku pulai kitok aku tau ngamiknya bereta ngau bunganya.²⁴Lalu jakuknya ngau urang-urang te bediri diak; Amiklah mina te sutik nyak darinya dan berik ke urang te empu sepuloh mina nyak. ²⁵Jakuk hidak ngaunya; Tuan, ia udah empu sepuloh mina.²⁶Jawabnya; Aku madah ngau kitak, Setiap urang te empu, ngaunya diberik, tapi sapa te nadai empu, darinya akan diamik nama te adai dapiknya. ²⁷Tapi semua masalahku nyak, te nadai senang ngau aku nyadi rajanya, bae hidak kitok dan bunohlah hidak didepan mataku."²⁸Pengudah madah baka nyak Yesus bejalai dulau dari hidak ke Yerusalem.²⁹Alai Yesus udah dampengvBetfage dan Batania, te di gunung te benama Bukit Zaitun, Yesus ngasoh dua urang muridNya ³⁰dan bepesan, "Pegilah ke kampong di depan nyin, nuan ketemu ngau sikok keledai mudai agik ditamet, te empai kala ditunggangi. Dilepas dan bae ngusongku. ³¹Nti bisik te betanyak ngau nuan, "Napa nuan ngelepaih keledai nyak? padah, "Tuhan perlu keledai tok."³²Hidak te diasoh Yesus nyakpun lansung pegi dan hidakpun medak nama te udah dipadah uleh Yesus. ³³Alai hidak agik ngelepaih keledai nyak, te empu keledainya bejakuk, "Napa kitak ngelepaih keledai nyak?" ³⁴Jakuk hidak, "Betara perlu keledai tok." ³⁵Hidakpun lalu ngemaik keledai nyak ngusong Yesus, dataw belakang keledai dialas hidak ngau kelamiknya lalu nulong Yesus niki kataw keledai. ³⁶Alai Yesus agik jalai nungang keledai nyak, hidak ngelampar kelamiknya dijalai.³⁷Alai Yesus udah dampeng Yerusalem dan dijalai menuron dari bukit Zaitun, Murid Yesus gaga amat sambil memuji Betara ngau auh nyaring karna mayoh mujijat te udah hidak pedak. ³⁸Jakuk hidak, "Diberkatilah Yesus te datai sebagai Raja dalam nama Betara, damai sejahtera disurga dan kemuliaan dapik te mahatinggik."³⁹Beberapa urang Farisi te adai ditengah urang mayoh nyak bejakuk ngau Yesus, "Guru, tegor murid-murid Nuan nyak." ⁴⁰jawab Yesus, "Aku madah ngau nuan; Nti hidak jenoh, maka batu tok te menciak."⁴¹Alai Yesus udah dampeng dan medak kota nyak, nyabaklah Yesus. ⁴²JakukNya, "Alangkah baek amat hari tok nti kitak tau ngerti bahwa damai sejahtera perlu bagi kitak! Tapi pitok hal nyak nadai kepedak uleh mata nuan.⁴³Sebab akan datai arinya, bahwa musoh akan mulah penghalang di sekelileng nuan dan ngepong nuan lalu ngimpet nuan dari segala arah. ⁴⁴Hidak ka munoh nuan bereta ngau warga nuan dan tembok nuan pun nadai hidak ayu bisik sutik batupun te dudi dataw batu te laen, karna nuan nadai ketaw bada bila Betara nyelamatkan Nuan."⁴⁵Lalu Yesus tamak ke Rumah Betara dan mulailah Yesus nguser bala pedagang diak. ⁴⁶Jakuknya ngau hidak, "Bisik dituleh; RumahKu adalah rumah doa. Tapi kitak nyadi kesarang penyamun."⁴⁷Tiap-tiap ari Yesus ngajar di dalam Rumah Betara. Imam-imam kepala dan ahli-ahli Taurat bereta urang-urang tetuai dari bangsa Israel berusaha ka munoh Yesus, ⁴⁸tapi hidak nadai ketaw kati baka caranya, sebab seluroh rakyat senang ninga pengajaran Yesus.

¹Alai Yesus agik tengan ngajar urang mayoh di Rumah Betara dan ngabar ke injik, datailah imam-imam kepala ngau ahli-ahli Taurat bereta tuai-tuai kiak ²dan hidak bejakuk ngau Yesus, "Padah ngau kami, ngau kuasa ni Nuan pulah hal-hal nyak, dan sapa te merik kuasa nyak ngau Nuan!"³Jakuk Yesus ngau hidak, "Aku uga ka betanya ngau kitak. Padah ngau Aku; ⁴Baptisan Yohanes nyak dari sorga atau dari mensia?"⁵Hidak bepekat ditengah hidak, dan beranau, "Nti kitai padah; Dari sorga, ia akan bejakuk; ngapa nuan ndai pecaya ngaunya? ⁶Tapi nti kitai madah; Dari mensia, seluroh rakyat muai ke kitai batu, sebab hidak yakin Yohanes adalah seurang nabi."⁷Lalu hidak menjawab bahwa hidak nadai ketaw darini baptisan nyak. ⁸Jakuk Yesus ngau hidak, "Nti piak, Aku uga nadai madah ngau kitak, kuasa ni Aku mulah hal-hal tok."⁹Lalu Yesus madah ngau perumpamaan ke urang mayoh nyak, "Bisik sikok urang mulah kebon anggur, lalu ia nyewa kebonnya ke penggarap-penggarap dan ia angkat ke negeri laen untok waktu te lama. ¹⁰Alai ka musim panen, ia ngasoh anak buahnya datai ke penggarap-penggarap nyak untok minta sebagian dari asil kebon nyak. Tapi penggarap-pengarap nyak lansong maluk anak buah nyak dan ngasohnya pulai dengan tangan puang.¹¹Pengudah nyak ia ngasoh anak buah te laen, tapi anak buahnya nyak dipaluk uga dan dipulah malu uleh hidak, dan diasoh pulai ngau tangan puang. ¹²Udah nyak ia ngasoh anak buahnya ketiga, tapi anak buahnya uga dipaluk uga uleh hidak, lalu di buai ke luar kebon nyak.¹³Lalu jakuk tuan anggur nyak, "Nama te arus kupulah? Aku ka ngasoh anakku te kusayang, pasti hidak nadai berani. ¹⁴Tapi alai penggarap-penggarap nyak medak anak tuan anggur nyak, hidak bepekat, jakuknya; Ia nyak ahli waris, aboh kitai bunohnya, supaya warisan tok empu kitai.¹⁵Lalu hidak ngemuainya keluar kebon anggur nyak dan munohnya. Pito nama te ka dipulah uleh tuan te empu kebon anggur nyak ngau hidak? ¹⁶Ia arus datai dan mengancorkan penggarap-penggarap nyak, karna ia mempecayakan kebon anggur nyak ngau urang laen." ninga nyak jakuk hidak, " Sekali-kali anang!"¹⁷Yesus medak ke hidak, "Nti piak nama arti nats tok? 'Batu te dibuai uleh tukang-tukang bangunan udah nyadi batu penjuru? ¹⁸Barangsapa laboh datau batu nyak, ia tau ancor, dan barangsapa ditimpak batu nyak, ia nyadi ancor."¹⁹Lalu ahli-ahli Taurat dan imam-imam kepala berusaha ka nangkap Yesus saat nyak uga, sebab hidak ketaw bahwa hidaklah te dimaksud Yesus ngau perumpamaan nyak, tapi hidak entekik ngau urang mayoh diak. ²⁰Ahli-ahli Taurat dan imam-imam kepala ngintai Yesus. Hidak ngirem mata-mata te pura-pura nyadi urang jujor untok ngega penyalah Yesus dan ngakalNya ngau pertanyaan dan nyerahkanNya pada urang kuasa te wali negeri.²¹Urang-urang betanya ngau Yesus, "Guru, kami ketaw bahwa segala jakuk dan pengajaran Nuan benar dan Nuan nadai ngega mua, tapi dengan jujor ngajar jalai Betara. ²²Apa kami tau mayar pajak ngai kaisar atau nadai?"²³Yesus ketaw maksud hidak te licik nyak, lalu bejakuk ngau hidak, ²⁴"Pedak ke ngau Aku suatu dinar, "gamar ngau tulisan Kaisar."²⁵Jakuk Yesus ngau hidak, "Nti piak beriklah pada Kaisar nama te wajib nuan berik ngau Kaisar dan pada Betara nama te wajib nuan berik ngau Betara!" ²⁶Hidak nadai dapat ngega penyalah Yesus dalam pengajaranNya dimua mayoh urang. Hidak iran ninga jawabanNya nyak dan hidak jenoh.²⁷Beberapa ikok urang Saduki datai ngusong Yesus, te nadai pecaya adai kebangkitan. Hidak betanya ngusongNya, ²⁸"Guru, Musa nuleh perintah tok untok kitai; Nti sikok urang te empu menyadik laki-laki mati dan bini ngau anaknya agik adai, jadi menyadiknya arus kawin ngau bininya nyak dan nambah keturunan bagi menyadiknya nyak.²⁹Adai tujoh menyadik. te petama kawin ngau rinok nyak lalu mati dan nadai bisik anak. ³⁰Lalu rinok nyak dikawini uleh laki te kedua ³¹dan uleh ketiga dan beturot-turot sampai meynadik ketujoh, hidak semua nyak mati dan nadai bisik anak. ³²Lalu akhirnya rinok nyak mati uga. ³³Kati baka pito ngau rinok nyak, sapa di antara ketujoh laki nyak te nyadi lakinya alai ari kebangkitan? Sebab ketujoh menyadik nyak bebini ke rinok hikok nyak.³⁴Jakuk Yesus ngau hidak, "Urang-urang dunia tok kawin dan dikawinkan, ³⁵tapi hidak te pantaih buleh bagian dalam dunia te laen nyak dan dalam kebangkitan dari antara urang mati, nadai kawin atau nadai dikawinkan. ³⁶Sebab hidak nadai tau mati agik; hidak sama baka malaikat-malaikat dan hidak nyak anak-anak Betara, karna hidak udah dibangkitkan.³⁷Tentang bangkitnya urang-urang mati, Musa udah madah dalam nats tentang rampuk bedurik, Betara dikumai Betara Abraham, Betara Ishak dan Betara Yekub. ³⁸Ia bukai Betara urang mati, tapi BEtara urang idop, sebab di hadapan Dia semua urang idop."³⁹Ninga nyak bala ahli Taurat bejakuk, "Guru, jakuk Nuan nyak benar amat." ⁴⁰Lalu hidak nadai berani agik nanya nama-nama ngau Yesus.⁴¹Yesus beranau ngau hidak, "Katibaka urang tau madah bahwa Mesias adalah anak Daud? ⁴²Sebab Daud kedirek madah dalam kitab Mazmur; Betara udah befirman pada Tuanku, dudoklah disampeng kananKu, ⁴³Sampai Ku pulah musoh-musoh Nuan nyadi tumpuan kakiMu. ⁴⁴Jadi Daud ngumai Dia Tuannya, katibaka munken Ia anaknya?"⁴⁵Alai semua urang mayoh ninga, Yesus beranau ngau murid-muridNya, ⁴⁶"Ati-ati kitak ngau ahli-ahli Taurat te keran bejalai ngau kelamik jubah panjai dan keran nerima hormat dipasar, te keran dudok paleng depan di rumah ibadat dan dapik tehormat dalam undangan., ⁴⁷te ngamik rumah janda-janda dan te ngemula urang dengan doa te panjai-panjai. Hidak nyak pasti nerima hukoman te lebeh berat.

¹Yesus ngangkat muaNya dan medak urang-urang kaya namak kepesemahan hidak kedalam peti pesemahan. ²Lalu Yeus medak bisik sikok janda misken nemak ke dua peser kedalam peti nyak. ³Jakuk Yesus, "Aku madah ke kitak; sebenarnya janda te misken nyak merik lebeh mayoh dari pada semua urang nyak. ⁴Sebab hidak semua merik pesemahannya dari kelimpagannya, tapi janda nyak merik dari nadai nadai bisik kaba utai, bahkan ia merik semua te iya empu."⁵Bisik beberapa urang beranau tentang Rumah Betara dan kagum mat medak bangunan nyak yang dihias ngau batu te indah-indah dan ngau kaba macam pesemahan, Bejakuklah Yesus, ⁶"Nama te nuan pedak diak, bisik datai arinya dini nadai bisik sutik batupun diayu teletak datau batu te laen, semuanya akan diruboh.⁷Murid-murid betanya ngau Yesus, jakuknya, "Guru, maya nyak tejadi? dan nama tandanya, nti nyak akan tejadi? ⁸Jawab Yesus, "Ati-ati, supaya nuan anang disesatkan. Sebab mayoh urang te datai mengau namaKu dan bejakuk; Akulah Dia, Saatnya udah dampeng. Ananglah nuan tamai hidak. ⁹Bila nuan ninga tentang perang ngau pemberontakan, ananglah nuan tekenyit. Sebab semua nyak arus tejadi dulau, tapi nyak nadai bearti pengameh nyak akan higat datai."¹⁰JakukNya ngau hidak, "Bangsa ngelawan bangsa dan kerajaan ngelawan kerajaan, ¹¹bisik tejadi gempa bumi te luar biasa di mayoh tempat, bagai macam kaba pemedeh sampar dan kelapar, tejadi uga hal-hal te mulah tekenyit dan tanda-tanda luar biasa dari langit.¹²Tapi alai empai nyak tejadi, nuan akan ditangkap dan disiksa, nuan diserahkan ke dalam rumah ibadat dan penjara, nuan akan ngadap raja-raja dan penguasa uleh karna namaKu. ¹³Hal nyak nyadi kesempatan bagi nuan untok besaksi.¹⁴Uleh karna nyak tegoh ke ati nuan, supaya nuan anang miker mela dirik. ¹⁵Sebab Aku kedirik merik nuan jakuk-jakuk te hikmat, sampai nuan nadai tau ditentang uleh lawan nuan.¹⁶Nuan ka diserah untok dibunoh uleh urang tuai nuan, kaban menyadik nuan, bala keluarga nuan, kaban-kaban nuan, dan beberapa urang diantara nuan. ¹⁷Nuan akan dibenci semua urang uleh karna namaKu. ¹⁸Tapi sutikpun bouk dikepala nuan nadai nyau. ¹⁹Nti nuan tau betahan, nuan tau buleh idop nuan."²⁰"Bila nuan medak Yerusalem dikepong uleh tentara-tentara, ketaulah bahwa kehancuran udah dampeng. ²¹Alai waktu nyak urang=urang diYudea arus beguwai ke gunung dan urang-urang te adai dalam kota arus ngungsi, dan urang-urang te adai di kampong anang tamak agik kedalam kota, ²²sebab nyaklah waktu pembalasan dini akan genap semua te bisik dituleh.²³Celakalah inai-inai te tengan nganong atau te agik nyusu anak alai waktu nyak! Sebab akan datai bencana besai atas seluruh negeri dan murka atas bangsa tok. ²⁴HIdak semua mati uleh mata mandau dan dibae sebagai tawanan ke segala bangsa, dan Yerusalem akan ditijak-tijak uleh bangsa-bangsa te nadai ngelala Betara sampai genaplah jaman bangsa-bangsa tok."²⁵Bisik tanda-tanda di matahari, bulan, bintang-bintang dan dibumi kaba bangsa entekik dan bingung kati baka ngadap kaba deru laut dan gelumang. ²⁶Urang tau mati entekik karna risau medak nama te nimpak bumi tok, sebab kuasa-kuasa langit akan beguncang.²⁷Alai waktu nyak urang medak Anak Mensia datai dapik awan dengan hegala kekuasaan dan kemuliaanNya. ²⁸Bila semua nyak mulai tejadi, bangkitlah dan angkatlah mua nuan, sebab penyelamatan nuan udah dampeng.²⁹Yesus madah perumpamaan tok ngau hidak, "Pedak pukok ara atau pukok apa jak. ³⁰Bila nuan medak pukok-pukok nyak udah betunas, nuan ketaw kedirik bahwa musim panais udah dampeng. ³¹Piak uga nti nuan medak hal-hal nyak tejadi, ketawlah bahwa Kerajaan Betara udah dampeng.³²Aku madah kitak, "Bila semuanya empai tejadi maka angkatan tok nadai akan belalu. ³³Langit dan bumi akan belalu, tapi ajaranKu nadai akan belalu.³⁴"Bejagalah supaya hati nuan anang miker begawai, mabok dan miker ke duniawi, supaya ari Betara anang tiba-tiba laboh dataw nuan baka perangkap. ³⁵Sebab ia akan nimpak semua mensia dibumi tok.³⁶Bejaga-jaga selalu samel bedoa, supaya nuan kuat untok dari semua te ka akan tejadi nyak, dan supaya nuan tan bediri ngadap Anak Mensia.³⁷Alai tengah ari Yesus ngajar di Rumah Betara dan alai malam ari Yesus pulai dan bemalam digunung te benama bukit Zaitun. ³⁸Lam-lam udah mayoh urang datai ngusong Yesus di Rumah Betara untok ninga pengajaranNya.

¹Ari raya roti nadai beragi, te disebot Paskah udah dampeng. ²Imam-imam kepala dan ahli-ahli Taurat ngega jalai, katibaka hidak tau munoh Yesus, sebab hidak entekik ngau urang mayoh,³Sitan tamak kedalam dirik Yudas te dikumai Iskariot, sikok urang dari dua belaih murid Yesus. ⁴Yudas pegi ngusong imam-imam kepala dan kepala pegawai Rumah Betara dan bepekat ngau hidak, katibaka ia tau nyerah ke Yesus ngau hidak.⁵Hidak gaga amat dan bepekat untok merik duet ngau Yudas. ⁶Yudas setuju dan ia mulai ngega cara dan waktu te baek untok nyerah ke Yesus ngau hidak tanpa urang mayoh ketau.⁷Tibalah ari roti nadai beragi, dimana urang arus nyemeleh domba Paskah. ⁸Lalu Yesus ngasoh Petrus dan Yohanes, JakukNya, "Pegilah, siapkan pejamuan Paskah bagi kitai supaya kitai makai." ⁹Jakuk hidak ngau Yesus, "Dini Nuan ka kami siapkan?"¹⁰Jakuk Yesus, "Bila nuan tamak kedalam kota, nuan betemu ngau sikok urang te ngemaik tempayan isik aik. Titeh ke iya sampai kerumahnya dan tamak, ¹¹lalu padah ngau tuan rumah nyak; Guru betanya ngau nuan, "Dini raungan dapik Aku bereta murid-muridKu tau makai ari Paskah?¹²Lalu urang nyak akan nunjok ngau nuan sutik ruangan dataw te besai te udah lengkap, diaklah nuan arus nyiapkannya." ¹³Angkatlah hidak dan hidak nemu semua baka tedi padah Yesus ngau hidak. Dan hidak menyiapkan pejamuan Paskah.¹⁴Alai tiba waktunya, Yesus dudok makai bereta ngau rasul-rasulNya. ¹⁵JakukNya ngau hidak; "Aku rindu mat makai Paskah tok bereta ngau kitak,.Mumpong Aku empai menderita. ¹⁶Aku madah ngau kitak, "Aku nadai tau makai yaj agik sampai Aku Kerajaan Betara tegenapi."¹⁷Udah nyak Yesus ngamik cawan, lalu ngucap syukor dan bejakuk, "Amiklah tok dan bagilah diantara kitak. ¹⁸Sebab Aku madah ngau kitak, "mulai pito Aku nadai ngirop hasel pukok anggur agik sampai Kerajaan BEtara datai."¹⁹Lalu Yesus ngamik roti dan ngucap sukor, lalu meecah ke roti nya dan diberik ngau hidak, jakukNya, "Toklah tubohKu te diserahkan bagi kitak, pulahlah tok nyadi peringatan akan Aku." ²⁰Piak uga dipulahNya ngau cawan pengudah makai, jakukNya, "Cawan tok adalah pejanjian baru uleh darahKu te ditumpahkan bagi kitak."²¹Pedak tangan urang te nyerah ke Aku tok, adai besama ngau Aku dimeja tok. ²²Sebab Anak Mensia arus pegi baka te udah ditetapkan, tapi celakalah urang te ulehnya Ia diserahkan!" ²³Lalu mulailah hidak beranau masalah nyak, sapa diantara hidak te mulah baka piak.²⁴Mulailah hidak belayak diantara bala muridNya, sapa te tau dianggap tebesai diantara hidak. ²⁵Yesus beranau ngau hidak, "Raja-raja bangsa ngasoh rakyat hidak dan urang-urang te bekuasa atas hidak disebot pelinong.²⁶Tapi nuan nadailah piak, te besai diantara nuan arus nyadi te paling mudai dan peminpen sebagai pelayan. ²⁷Sebab sapa te lebeh besai, yang dudok makai dan yang melayani? Bukaikah dia yang dudok makai? Tapi Aku adai ditengah kitak sebagai pelayan.²⁸Kitaklah yang tetap dudi besama ngau Aku dalam segala cobaan te Aku alami. ²⁹Aku te nentu hak-hak Kerajaan bagi kitak, sama baka ApaiKu nentukannya bagiKu, ³⁰bahwa kitak akan makai dan ngirop semeja besama Aku dalam KerajaanKu dan kitak dudok dataw tahta untok ngakimi kedua belaih suku Israel.³¹Simon, Simon, pedak sitan ka amat untok nampik nuan baka nampik gandum, ³²tapi Aku udah bedoa untok nuan supaya iman nuan anang gugor. Dan nti nuan udah tobat, kuatkan iman kaban menyadik nunan."³³Jakuk Petrus, "Betara, aku besedia tamak penjara dan mati bereta Betara!" ³⁴Jakuk Yesus, "Aku madah ngau nuan, ari tok manok nadai bekukok, nti nuan empai tiga kali nyangkal Aku, bahwa nuan ngelala Aku."³⁵Yesus bejakuk ngau hidak semua, "Alai Aku ngutoih kitak tapi nadai ngemaik duet, bekal dan sepatu, adaikah kitak bisik kekurangan nama-nama?" ³⁶Jawab hidak, "Nadai bisik te kurang." Jakuk Yesus ngau hidak, "Tapi pito, sapa te empu duet sebaeknya di bae, piak uga te empu bekal dan sapa te nadai empu lebeh baek jubahnya dijual untok meli mandau.³⁷Aku madah ngau kitak, bahwa nats Kitab Suci tok arus digenapi ulehKu; Ia dianggap salah sikok penjahat. Semua te dituleh tentang Aku agik tengan digenapi." ³⁸Jakuk hidak, "Betara, tok bisik dua mandau. " Jakuk Yesus, "Udah cukop".³⁹Udah nyak Yesus bejalai agik ke luar kota baka biasanya ke bukit Zaitun. Murid-muridNya tamai uga. ⁴⁰Pengudah sampai ditempat nyak Yesus beranau ngau hidak, "Bedoalah hupaya kitak anang laboh ke dalam pencobaan."⁴¹Udah nyak Yesus ngejauh kedirik dari hidak kira-kira sejauh ngelempar batu jaraknya, lalu Yesus belutot dan bedoa, JakukNya, ⁴²"Ya, ApaiKu, nti NUan ka, amiklah cawan tok dari Aku, bukailah kenekakKu tapi kenekak Nuanlah yang tejadi."⁴³Sikok urang malaikat datai dari langit dan menampakkan dirik ngau Yesus untok menguatkanNya. ⁴⁴Yesus ngerasa entekik dan makin sungguh-sungguh bedoa. PelohNya baka titek-titek darah te netes ke tanah⁴⁵Udah selesai bedoa, Yesus bekaleh dapik murid-muridNya, tapi Yesus medak hidak agik tengan tinok karna leteh. ⁴⁶Jakuk Yesus ngau hidak, "Nama kitak tinok? Uwais dan bedoalah, hupaya kitak anang laboh kedalam pencubaan."⁴⁷Alai Yesus agik tengan bejakuk datailah urangmayoh , dan bisik Yudas salah sikok murid dari dua belaih tengan bejalai paling depan bereta urang mayoh nyak. Yudas datai ngusong Yesus dan nyiumNya. ⁴⁸Jakuk Yesus ngaunya, "Nuan Yudas, nuan nyerah ke Anak Mensia ngau sium?"⁴⁹HIdak te bereta ngau Yesus medak nama te ka tejadi, beranaulah hidak, "Betara, kami searusnya nyerang hidak ngau mandau?" ⁵⁰Tapi salah sikok dari hidak nyerang hamba imam besai sampai putoih peneng kanannya. ⁵¹Jakuk Yesus, "Udah cukup." lalu Yesus nyemboh peneng urang nyak dan semboh.⁵²Jakuk Yesus ngau imam-imam kepala dan kepala pegawai Rumah Betara bereta tuai-tuai te datai untok nangkap Yesus. Jakuk Yesus, "Nuan kira aku tok perampok, maka nuan datai nangkap ngau mandau dan pentung? ⁵³Padahal tiap ari Aku adai ditengah nuan didalam Rumah Betara, dan nuan nadai nangkap Aku. Tapi toklah waktunya bagi nuan, dan toklah kuasa gelap nyak."⁵⁴Yesus ditangkap lalu dibae hidak ke rumah imam besai. Petrus niteh dari jaoh. ⁵⁵Ditengah halaman rumah nyak urang ngidop api dan hidak dudok ngelilengnya. Petrus uga tamai dudok ditengah hidak.⁵⁶Sikok rinok medak Petrus tamai dudok dapik api diak, lalu diselideknya dan bejakuk, "Urang tok te besama-sama ngau Yesus." ⁵⁷Tapi Petrus nyangkal, jakuknya, "Bukai,aku nadai ngelala Dai!". ⁵⁸Ndai berapa lamak bisik sikok urang laen medak Petrus lalu bejakuk, "Nuan uga sikok dari hidak!" Jakuk Petrus, "Bukai aku urangnya."⁵⁹Kira-kira sejam udah nyak sikok laen agik madah, "Benar, urang tok uga besama-sama ngau Yesus, sebab ia uga urang Galilea." ⁶⁰Jakuk Petrus, "Bukai, aku nadai ketau nama te nuan padah." Tiba-tiba waktu nyak uga manok bekukok.⁶¹Lalu Yesus mandang Petrus. Petrus baru ingat nama te dijakuk Yesus ngaunya, "Alai manok empai bekukok nuan udah tiga kali nyangkal Aku." ⁶²Lalu Petrus bejalai keluar dan nyabak sedeh amat.⁶³Urang-urang te nahan Yesus, ngayah ke Nya dan Yesus dipaluk hidak. ⁶⁴Mua Yesus ditutop dan hidak betanya, "Cuba padah sapa te maluk nuan?" ⁶⁵Dan mayoh agik hinaan hidak ngau Yesus.⁶⁶Pengudah tengah ari bala tuai-tuai bangsa Yahudi, imam-imam kepala ngau ahli-ahli Taurat bekumpol untok ngemaik ngadap Mahkamah Agama hidak, ⁶⁷jakuknya, "Jika Nuan nyak Mesias, padahlah ngau kami." Jakuk Yesus, "Sekalipon Aku madah ngau kitak, namun kitak nadai akan pecaya, ⁶⁸sekalipun Aku betanya ngau kitak, namun kitak nadai akan jawab.⁶⁹Mulai pito Anak Mensia udah dudok disebelah kanan Betara Te Mahakuasa." ⁷⁰Jakuk hidak semua, "Nti piak, Nuan tok Anak Betara?" Jakuk Yesus, "Kitak kedirik te madah bahwa Aku tok Anak Betara." ⁷¹Lalu jakuk hidak, "Untok nama kitai perlu kesaksian agik? Kitai tok udah ninga dari mulotNya kedirik."

¹Udah nyak hidak semua bediri lalu ngemaik Yesus ngadap Pilatus. ²Diak hidak mulai nudoh Yesus, jakuknya, "Kami udah nemu Urang tok tengan nyesatkan bangsa kami, ngeretak mayar pajak ngau Kaisar, Ia uga madah dirikNya bahwa Ia adalah Kristus yaitu Raja."³Pilatus betanya ngauNya, "Nuankah raja urang Yahudi?" Jawab Yesus, "Nuan kedirek te madah." ⁴Jakuk Pilatus ngau imam-imam kepala dan semua urang mayoh nyak, "Aku nadai nemu penyalah urang tok." ⁵Tapi hidak maken nguman maksa, Jakuknya, "Ia ngasot rakyat ngau ajaranNya diseluruh Yudea, dimulai dari Galilea udah sampai kitok.⁶Alai Pilatus ninga nyak ia betan. ya, apa urang nyak dari Galilea. ⁷Alai ia ketau, bahwa Yesus urang dari wilayah Herodes, maka Pilatus ngirem Yesus ngadap Herodes, te alai waktu nyak adai uga di Yerusalem.⁸Alai Herodes medak Yesus, ia gaga amat. Sebab udah lama ia ka medakNya, karna ia keran ninga tentang Yesus, ia uga ngarap ka medak katibaka Yesus mulah keajaiban. ⁹Herodes mayoh betanya ngau Yesus, tapi Yesus nadai merik jawaban nama-nama. ¹⁰Udah nyak imam-imam kepala dan ahli-ahli Taurat maju ke depan dan merik tuduhan te berat ngau Yesus.¹¹Lalu mulailah Herodes ngau pasukanya ngayah ke Yesus, ia mengau ke kelamik te indah pada Yesus lalu ngiremNya agik ke Pilatus. ¹²Ari nyak uga bekabanlah Herodes ngau Pilatus; waktu nyak hidak dua sempat bemusoh.¹³Pilatus ngumpol ke imam-imam kepala, pemimpen, rakyat dan beranau ngau hidak, "Kitak udah ngemaik urang tok ngau aku sebagai urang te udah nyesatkan rakyat. ¹⁴Kitak pedak kedirik bahwa aku udah meriksaNya dan dari penyalah-penyalah te ditudoh ngusongNya nadai bisik te ku temu.¹⁵Dan Herodespun piak uga, ia ngiremNya bekaleh kitok ngau kami. Sebenarnya nadai bisik sutikpun te dipulahNya arus dihukom sampai mati. ¹⁶Jadi aku akan merik peringatan ngauNya lalu ngelepaih keNya ¹⁷(Sebab Pilatus wajib membebaskan urang pada ari raya nyak.)¹⁸Tapi hidak beteriak besama-sama, "Bunoh Ia, lepaskan Barabas bagi kami!" ¹⁹Barabas nyak dipenjara karna mulah kacau te udah tejadi di dalam kota dan karna munoh.²⁰Pilatus bejakuk ngau auh keras ke hidak karna ia ka ngelepaih ke Yesus. ²¹Tapi hidak malasnya ngau auh keras, jakuk hidak, "Salibkan Dia! Salibkan Dia!." ²²Jakuk Pilatus untok ketiga kalinya ngau hidak, 'Kejahatan nama te sebenarnya udah dipulah Urang tok? Nadai bisik penyalah sutikpun te ditemu te nyadi alasan untok hukuman mati. Jadi aku akan merik peringatan keras ngauNya lalu ngelapih keNya."²³Hidak beteriak nuntot supaya Yesus disalib dan pada akhirnya hidak menang dengan teriakan hidak. ²⁴Pilatus mutoih supaya tuntutan hidak diteima. ²⁵Pilatus ngelepaih ke Barabas te udah mulah kekacauan dan munoh dan diserahkan ngusong hidak, Tapi Yesus diserah Pilatus ke hidak untok dipulah kenekak hidak.²⁶Alai hidak ngemaik Yesus, hidak nahan sikok urang te benama Simon dari Kirene te baru datai dari luar kota, lalu hidak ngangkat salib katau bawnya untok di bae sambel bereta Yesus.²⁷Sebagian besai urang te niteh ke Yesus nyak bala rinok te nyabak dan sedeh medakNya. ²⁸Lalu Yesus medak kedapik hidak dan beranau, "Putri-putri Yerusalem, ananglah kitak nyabak ke Aku, tapi nyabaklah untok dirik nuan kedirik dan ke anak-abak nuan!²⁹Pedaklah, akan datai waktunya urang bejakuk, "Bahagialah rinok te manol dan te rahimnya nadai kala beranak dan te susunya nadai kala , "nyusu. ³⁰Urang mulai bejakuk ngau gunong-gunong, "Runtuhnya nimpa kami! Dan bukit-bukit; Timonlah kami! ³¹Sebab nti urang mulah te piak dengan kayu idop, nama yang tejadi ngau kayu kereng.³²Adai uga ditunton dua urang penjahat untok di hukom mati bereta ngau Yesus.³³Alai hidak udah sampai dibuket tengkorak, hidak nyalib ke Yesus diak dan uga dua urang penjahat nyak, te sikok sepiak kananNya dan te sikok agik disepiak kibakNya. ³⁴Yesus bejakuk, "Ya Apai, ampunilah hidak, sebab hidak nadai ketaw nama te hidak pulah." Bala prajurit diak muai undi untok betaroh magi kelamikNya.³⁵Urang mayoh bediri diak dan medak semuanya. Pemimpen-pemimpen ngayah keNya, jakuk hidak, "Urang laen Ia selamatkan, ayu keh pito Ia nyelamat ke dirikNya kedirik, Nti Ia adalah Mesias urang te dipileh Betara."³⁶Prajurit-prajurit ngayah ke Yesus, hidak merik ke anggur asam ngauNya ³⁷dan bejakuk, "Nti Nuan raja urang Yahudi, selamatkan dirik Nuan!" ³⁸Bisik uga dituleh datau kepalaNya, "Toklah raja urang Yahudi."³⁹Sikok dari penjahat te disalib nyak ngina Yesus uga, jakuknya, "Bukailah Nuan Kristus? Selamatkan dirik Nuan dan kami!" ⁴⁰Tapi te sikok negor dia jakuknya, "Nadaikah nuan entekik ngau Betara, sedangkan nuan nerimak hukuman te sama? ⁴¹Kitai memang pantaih dihukom, karna kita nerima sesuai nama te udah kitai pulah, tapi Urang tok nadai mulah nama-nama te salah."⁴²Lalu ia bejakuk, "Yesus, ingat bah ngau aku, bila Nuan datai sebagai Raja." ⁴³Jakuk Yesus ngaunya, "Aku madah ngaun nuan, hari tok uga nuan adai besama-sama ngau Aku didalam Firdaus."⁴⁴Waktu ari nyak kira-kira jam dua belaih, seluruh daerah diak tiba-tiba gelap sampai jam tiga, mata ari nadai besinar. ⁴⁵Dan tabir Bait Suci tebelah dua.⁴⁶Lalu Yesus ngangaw ngau auh nyareng, "Ya Apai, ketanganMu Kuserahkan nyawaKu." ⁴⁷Kepala pasukan medak nama yang tejadi, ia memuliakan Betara, jakuknya, "Amat, urang tok urang benar!"⁴⁸Pengudah seluruh urang mayoh datai untok medak nama yang te jadi diak, lalu pulailah hidak sambel maluk dirik. ⁴⁹Semua urang te ngelala Yesus dari dampeng, temasok rinok-rinok te tamai kiak dari Galilea, bediri agak jaoh dan medak semuanya.⁵⁰Adai sikok te benama Yusuf. Ia urang Majelis Besai, urang te baek dan benar. ⁵¹Ia nadai setuju ngau keputusan dan nama te dipulah Majelis nyak. Ia dari Arimatea bagian dari kota Yahudi dan ia agik tengan nungguk Kerajaan Betara.⁵²Ia pegi ngadap Pilatus dan mintak mayat Yesus. ⁵³Alai ia udah nuron ke mayat Yesus, dibungkosnya ngau kaen lenan, lalu digalik iya dalam kubor batu te empai kala dipenggau.⁵⁴Ari nyak ari pesiapan untok ari Sabat te amper mulai. ⁵⁵Bala rinok te datai bereta Yesus dari Galilea, tamai uga dan hidak medak kubornya dan katibaka mayat Yesus digalik dikubor nyak. ⁵⁶Pengudah pulai hidak nyiapkan kaba rempah-rempah dan minyak mur. Alai ari Sabat, hidak belepa dulau nurot hukom Taurat.

¹Lam-lam amat alai ari petama minggu nyak hidak pegi ke kubor ngemaik rempah-rempah te udah hidak siapkan. ²Lalu hidak medak batu udah teguleng dari kubor nyak, ³lalu hidak tamak kekubor tapi nadai medak mayat Tuhan Yesus.⁴Hidak bediri dan bingung, tiba-tiba datai dua urang bediri ngau kelamik te bekilau-kilau dampeng hidak. ⁵Hidak entekik amat dan nundokkan kepala, kedua urang nyak madah ngau hidak, "Ngapa kitak ngega Dia te idop, diantara urang mati?⁶Ia nadai ditok, Ia udah bangkit. Ingat nama te udah dipadahNya ngau kitak, alai Ia agik di Galilea, ⁷yaitu bahwa Anak Mensia arus diserah kt tangan urang bedosa dan disalibkan, lalu bangkit pada ari ketiga."⁸Maka ingatlah hidak jakuk Yesus nyak. ⁹Hidak lalu pulai dari kubor dan lansong bekisah ngusong kesebelaih murid dan pada kaban semua te lain. ¹⁰Rinok-rinok nyak adalah Maria dari Magdala, Yohana, Maria inai Yakobus dan rinok lain te besama-sama hidak madah ke ngau rasul-rasul.¹¹Tapi bagi hidak nama te udah dikisah baka te jakuk puang dan hidak nadai pecaya ngau rinok-rinok nyak. ¹²Biarpun piak Petrus lansung angkat lalu higat-higat pegi ke kubor nyak. Alai ia medak kedalam, ia medak cuma medak kaen kafan. Lalu ia pulai dan ia betanya dalam atinya nama te kira-kira te udah tejadi.¹³Arinya uga dua urang dari murid-murid Yesus bejalai kekampong te benama Emaus, penyaoh kira-kira tujoh mil Yerusalem. ¹⁴HIdak beranau tentang nama te udah tejadi.¹⁵Alai hidak agik tengan beranau dan betukar pemiker, datailah Yesus ngusong hidak, lalu bejalai besama-sama ngau hidak. ¹⁶Tapi bisik utai te ngalang mata hidak, hampai hidak nadai tau ngelala Yesus.¹⁷Jakuk Yesus ngusong hidak, "Alai Aku agik tengan bejalai, nama te kitak peranau?" Lalu hidak berenti bejalai dan mua hidak sedeh. ¹⁸Sikok ari hidak te benama Kleopas madah, "Apa Nuan sikok-sikoknya urang di Yerusalem nti nadai ketau nama te udah tejadi diak kemarik.?"¹⁹Jakuk Yesus ngau hidak, "Hal nama nyak?" Jakuk hidak, "Nama te udah tejadi dengan Yesus urang Nazaret, Dia nyak nabi te bekuasa dalam tedipulahNya dan pengajaranNya di hadapan Betara dan didepan seluruh bangsa kami. ²⁰Tapi imam-imam kepala ngau imam-imam kami udah nyerahkan Yesus untok dihukom mati dan hidak udah nyalib keNya.²¹Padahal kami dulau ngarap ke Dia datai untok membebaskan bangsa Israel. Pito udah liwat tiga ari, sejak semua nyak tejadi.²²Beberapa rinok dari kaban kami udah ngejot ke kami, lam-lam butak hidak udah pegi ke kubor. ²³Hidak nadai nemu mayat Yesus. Hidak pulai lansong bekisah tentang malaikat-malaikat nyak datai betemu ngau hidak dan madah bahwa Yesus idop. ²⁴Beberapa kaban kami lalu pegi ke kubor nyak untok memastikan, memang amat te dipadah rinok-rinok nyak, tapi Yesus nadai hidak pedak."²⁵Yesus bejakuk ngau hidak, "Kitak urang banga, belubah amat ati kitak, sampai kitak nadai pecaya segala utai te udah dipadah bala nabi! ²⁶Bukaikah Mesias arus menderita semua nyak untok tamak ke dalam kemuliaanNya?" ²⁷Yesus menjelaskan ngau hidak nama te ddituleh tentang Dia dalam seluruh Kitab Suci, mulai dari kitab-kitab Musa dan segala kitab nabi-nabi.²⁸Pejalai hidak udah dampeng kampung te hidak tuju, lalu Yesus mulah baka ka teros bejalai agik. ²⁹Lalu hidak maksaNya dan bejakuk, "Dudi dulau besama ngau kami dito, sebab ari nyau ka malam dan matahari nyau ka tebenam." Dan tamaklah Yesus untok diaw besama-sama ngau hidak.³⁰Alai Yesus dudok makai ngau hidak, Yesus ngamik roti, memberkatinya dan memecahkanya lalu diberik ngau hidak. ³¹Tiba-tiba kebukalah mata hidak dan baru hidak ngelala Yesus, tapi Ia nyau dari tengah-tengah hidak. ³²Jakuk hidak sikok ngau te laen, "Bukaikah hati kitai menyala-nyala alai Ia beranau ngau kitai di jalai dan waktu Ia nerangkan Kitab Suci ngau kitai?"³³Lalu hidak lansong angkat bekaleh ke Yerusalem. Diak hidak betemu ngau sebelas murid nyak. HIdak agik tengan bekumpol besama ngau kaban-kaban hidak. ³⁴Jakuk hidak nyak, "Sebenarnya Betara udah bangkit dan udah medak kedirikNya ngau Simon." ³⁵Lalu kedua urang nyak pun bekisah nama te udah tejadi ditengah jalai dan katibaka hidak ngelala Dia alai waktu Yesus memecahkan roti.³⁶Pas hidak agik tengan beranau tentang hal-hal nyak, Yesus tiba-tiba bediri ditengah hidak dan bejakuk ngau hidak, "Damai sejahtera bagi kitak!" ³⁷Hidak tekenyit dan entekik, hidak nyangka udah medak antu.³⁸Yesus bekakuk ngau hidak, " Nama kitak tekenyit dan nama sebab bisik bimbang dalam ati kitak? ³⁹Pedaklah tanganKu dan kakuKu; Pegailah dan pedaklah, antu nadai bisik daging dan tulangnya, baka te kitak pedak adai di Aku." ⁴⁰Sambel bejakuk piak, Yesus pedak ke tanganNya ngau kakiNya ke hidak.⁴¹Alai hidak agik empai pecaya karna gaga dan agik iran, bejakuklah Yesus ngau hidak, "Adaikah kitak makanan ditok?" ⁴²Lalu hidak merik ngau Yesus sekerat ikan gureng. ⁴³Yesus ngamik ikan nyak lalu dimakai dimua hidak.⁴⁴Yesus bejakuk ngau hidak, "Toklah jakukKu te udah kupadah ngau kitak alai Aku agik besama-sama ngau kitak, semua arus digenapi te bisik dituleh tentang Aku dalam kitab Taurat Musa dan kitab-nabi-nabi dan kitab Mazmur."⁴⁵Yesus muka pemiker hidak sampai hidak ngerti Kitab Suci. ⁴⁶Jakuk Yesus, "Bisik dituleh piak;Mesias arus menderita dan alai ari kektiga bangkit dari antara urang mati, ⁴⁷dan dalam namaNya kabar tentang petobatan dan pengampunan dosa arus dipadah ngusong segala bangsa, mulai dari Yerusalem.⁴⁸Kitak adalah saksi dari semua tok. ⁴⁹Aku ka ngirem nuan nama te dijanjikan ApaiKu. Tapi kitak arus diaw dalam kota tok sampai kitak dilengkapi kekuasaan dari dapik tinggik."⁵⁰Yesus ngemaik hidak ke luar kota sampai dampeng Betania. Diak Yesus ngangkat tanganNya dan memberkati hidak. ⁵¹Alai Yesus agik tengan memberkati hidak, Yesus terangkat ke sorga dan tepisah.⁵²HIdak sujud nyembah Yesus, lalu hidak pulai ke Yerusalem dengan penoh sukacita. ⁵³Hidak selalu berada di Rumah Betara dan memuliakan Betara.

¹Teofilus, alam bukuk awal dah dipadah hemua nama ti di ajar Yesus, ²hampai Iya niki ke surga. tok terjadi alai Iya udah merik perintah awak Roh Kudus ngau isak Rasul ti udah Iya pileh.³udah mendrita, Iya nunjuk ke bukti pengidop dirikNya dan menyakinkan urang-urang. Selama empat puloh ari Iya menampakkan dirik ngau hidak, Iya bejakuk madah kerajaan Batara.⁴waktu Iya bekumpol ngau hidak, Iya nyuroh hidak anang nudi Yerusalem, tapi nunggu janji dari BApa dan tentang hal nyak, Iya bejakuk "Nuan udah ninga dariKu ⁵bahwa Yohanes memang baptis ngau aik, tapi nuan ka dibaptis ngau Roh Kudus dalam beberapa ari agik.⁶Alai hidak ngumpol sama-sama, hidak betanya ngau Nya, "Tuhan, tok kah waktunya Nuan ka memulihkan kerajaan Israel?" ⁷Iya madah ke hidak, "Nuan nadai perlu tau badak maya waktunya ditetapkan Betara ngau kuasaNya kedirik. ⁸Tapi naun ila menerima kuasa, saat Roh Kudus turon ataw nuan dab nuan ilak taw nyadi saksi baek di Yerusalem dan hemua Yudea dan Samaria dan hampai ke ujung bumi.⁹Tuhan Yesus udah madah hemua hal-hal tok, alai hidak sedang medak kataw, Iya udah niki kataw dan bisik awan nutop Nya dari mata hidak. ¹⁰Alai hidak agik medak kataw, tiba-tiba bisik dua urang bediri dampeng hidak ngau kelambik warna burak. ¹¹hidak dua nyak bejakuk, "Nuan urang-urang Galilea, nama nuan bediri diak medak ke surga? Yesus ti udah niki ke surga akan bekaleh agik ngau cara ti sama, baka ti nuan barusan pedak Iya niki ke surga.¹²Lalu hidak bekaleh ke Yerusalem dari Bukit Zaitun yang dampeng ke Yerusalem, selama satu ari sabat. ¹³pas hidak tiba dirumah, hidak lansong niki kataw, tempat hidak diaw. Hidak nyak Petrus, Yohanes, Yakobus putra Alfeus, Simon orang Zelot, dan Yudas putra Yakobus. ¹⁴Hidak hemua bekumpol bertekun dalam doa. para rinok tambai uga baka Maria ibu Yesus ngau keba menyadik Yesus.¹⁵Pada ari nyak Petrus berdiri di tengah urang mayoh kira-kira seratuh dua puloh urang dan bejakuk, ¹⁶"keba kaban belayan bisik hal penteng agar firman Tuhan arus digenapi, jadi Roh Kudoih udah bejakuk awak mulot Daud mengenai Yudas Iskariot, ti dah ngemaik hidak nangkap Yesus¹⁷Karna Iya dulau salah sikok ari kitai tok dan udah nerima guna dari pelayanan tok. ¹⁸(Pito urang nyak meli sebidang tanah dari hasil yang nya buleh dari ati jaitnya. Diaklah iya laboh ngau kpalanya dulau kebaroh, udahnya tubohnya tebelah, berta hemua keba isik perotnya teburai keluar.¹⁹Hemua ti idop di Yerusalem udah ninga masalah tok, uleh nyak lah hidak nyebot uma nyak dalam jakuk hidak "Hakal=Dama," yaitu, "Tanah Darah.")²⁰Karna bisik dituleh alam Kitab Mazmur, "Ayu keh uma nya ndai teruroih, anang nyuroh sapapun diaw diak; dan ayu jak urang laen ti ngamik jabatannya alam kepemimpinan.²¹Uleh nyak lah, jadi keharusan, salah sikok ari hidk ti dah gabong ngau kitai tetap teros alai Tuhan Yesus diaw apik kitai. ²²Mulai ari baptisan Yohanes sampai ari tok Yesus diangkat ari antara kitai, aruslah kitai nyadi saksi behama hama ngaw kitai ngingat hari kebangkitanNya. ²³Hidak nyuroh dua urang, Yusuf ti di padah Barsabas atau namanya uga Yustus dan ngau Matias.²⁴Hidak bedo,a dan bejakuk, Nuan Tuhan ti taw bada ati hemua urang, ni di antara dua urang nyak ti ka Nuan pileh, ²⁵untok nganti posisi alam pelayanan tok ngau kerasulan ti ni Yudas Iskariot udah melanggarnya tok pegi dapik ti dah nyadi mpuknya. ²⁶Hidak muai undi untok hidak dua nyak; undi nyak laboh dapik Matias lalu iya pun dah terhitung di antara kesebelah rasul.

¹Datai ari Pentakosta, semua urang bekumpol. ²Dah nyak tiba-tiba bisik auh ribut datai ari Surga, auh nyak menuh peniau sidak. ³pas nyak lah dipedak sidak timul lidah-lidah baka nyala api te nepan diatau sidak. nyak me te ngasuh sidak hemua dipenuhi roh kudus ⁴ sidak pun bekisah dalau jakuk kedirik kedirik, karna roh nyak me te ngasuh sidak tauk bekisah.⁵Awak nyak pun mayoh urang Yahudi ngau urang baiek ari smua bangsa.⁶Pas auh nyak di dinga, mayoh urang datai karna sidak bingung medak kaba mensia te tauk bejakuk bahasa sidak. ⁷Sidak iran ngau kagum, lalu bejakuk, " amat kah nyak, bukai kah sidak te bekisah nyak urang Galilea?⁸Nama guna kitai ninga sidak bejakuk dalam bahasa kitai kedirik? ⁹Urang Partia ngau Media ngau Elam, ngau sidak ti diau di Mesapotamia , di Yudea ngau Kapadokia, di Pontus ngau Asia, ¹⁰di Frigia ngau Pamfilia, di Mesir ngau setengah daerah Libia damping Kirene, ngau para pedatai ari Roma,¹¹ Urang-urang Yahudi ngau bangsa lain te begama Yahudi, urang Kreta ngau urang Arab, Kita ninga sidak bejakuk dalam jakuk-jakuk kitai tentang kemuliaan kereja Petara.¹²Sidak smua kagum ngau iran; sidak bejakuk sikuk ngau lain, " nama maksud smua tuk?" ¹³Tapi bisik gak urang bukai ti ngoluk ngau bejakuk, " sidak tuk mabuk anggur. "¹⁴Petrus bediri tamai kesebelas Rasul, lalu bejakuk ngau sidak, " oi urang-urang Yudea ngau semua ti diau di Yerusalem, awak ke nuan tau badak; dinga jakuk aku "¹⁵sidak nyak bukai mabuk anggur, karna pituk baru jam sembilan.¹⁶Tapi nyak nama te difirmankan nabi Yoel; ¹⁷nyak kak tejadi di ari-ari penudi,' Petara bejakuk, ' Aku kak meri Roh Kudus ngusung kitak smua. Nemiak laki-laki ngau nemiak inuk akan bernubuat, bala bujang dara akan medak pemedak-pemedak dah nyak bala urang tuai akan bulih mimpi.¹⁸pas ari-ari te sama nyak pun aku kak meri Roh ku ngau bala hamba ku, ayu ke sidak tauk bernubuat.¹⁹Aku kak medak ke keajaiban diatau langit ngau tanda-tanda di baruh bumi, darah, api ngau krumun asap.²⁰Mata panas ka' malik nyadi petang dah nyak bulan kak malik nyadi darah, pekara nyak kak tejadi sempai datai ari Petara. ²¹sapa pun te ngumai nama Petara ka' diselamatkan.²²Oi urang-urang Israel, ninga jakuk tuk : Yesus ari Nazaret nyak bah urang te udah di tunjuk Petara ke kitak smua melalui pekara-pekara besai ngau mujizat-mujizat ngau tanda-tanda te dipulah Petara melalui iya di tengah-tengah kitai semua, baka te ketau kitai .²³ Sesuai sepakat te ditentukan Petara sempai tuk, Ia udah diberi ke kitai dah nyak kitai merik ke Ia ke bala pelanggar hukum untuk disalibkan ngau di bunuh, ²⁴Ia dibangkitkan oleh Petara ari alam maut karna mustahil bagi ia dikuasai oleh kematian.²⁵Daud bekisah ke Nya, Aku medak Petara baka te di mua ku, ia di sepiak kanan ku nyak me te ngasuh aku kuat. ²⁶nyak me te ngasuh ati ku rindang, aku pun memuji-muji, aku tuk idup dalam percayak ngau gaga²⁷Aku ketau Nuan ndai kak ngayu ke aku celaka, Nuan pun ndai kak ngayu ke Roh Kudus Nuan ancur lebur. ²⁸Nuan nunjuk ke aku jalai kehidupan; Nuan mulah aku penuh ngau gaga²⁹Bala kaban, aku kak bejakuk ma'mat ngusung kitak tentang Daud Apai bangsa kitai: Ia nyau mati dan nyau dikuburkan, kubur ia sampai pituk agik bisik . ³⁰Ia nabi te di ketau' ke Petara te udah bejanji ngau bersumpah ke ia, nyak Ia kak ngangkat sikuk tutus di tahtanya. ³¹Waktu nyak Ia udah medak ngau madah kebangkitan Kristus, Ia pun ndai didudi di benua urang mati , tubuhNya pun ndai rusak.³²Yesus tuk te udah dibangkitan uleh Petara, nyak ngasuh kitak semua tuk te nyadi bala saksi. ³³ nyak me te ngasuh Bapa nyimpan Yesus di sisi kanan ya ayu ke namai nya mimpin. Ia te udah meri' roh kudus ngau kitai, nyak me te dah kitai pedak ngau kitai dinga sampai ke sari tuk.³⁴Daud ndai terangkat ke Surga nyak ngasuh ya bejakuk madah ke Petara tuk bejakuk ngau Mesias, "duduk me dituk sepiak kanan Ku, ³⁵ilak kau medak musuh kau kalah." ³⁶uleh utai tuk lah mayuh urang Israel ketauk ke ngau pasti kalau Petara dah mulah Ia nyadi Tuhan ngau Yesus Kristus te udah kitak salib ke."³⁷sidak nyesal seudah ninga jakuk nyak lalu sidak betanya " nema te karah kami pulah?". ³⁸sahut Petrus "betobat me kitak udah nyak dipemanik ke ayuke Petara ngampun keba dosa te dah kitak pulah, baru' me kitak nerimak' roh kudus. ³⁹Petara udah bejanji ngau kitak, ngau bala anak kitak, ngau bala urang te pecaya' ke Yesus.⁴⁰Petrus dah mayuh bejakuk ngau sidak, ya madah "minta tolong ngau Petara ayuke kitak selamat ari tutus te ndai baik tuk." ⁴¹udah nyak bala sidak nerimak dipadah ke Petrus lalu dibaptis, kira-kira tiga ribu jiwa te namai sari nyak. ⁴²bala sidak tekun ngerja ke te udah dipadah Petrus dalam hal bekumpul, bedoa besama.⁴³Mayuh bala urang te ntekik, tapi mayuh mujizat te timul mansak bala rasul. ⁴⁴Semua urang ti udah nyadi pecayak bekumpul besama-sama ngau segala milik sidak nyadi kempu bersama. ⁴⁵udah nyak sidak nyual semua utai empu sidak ngau membagi ke semua urang sesuai keperlu masing-masing.⁴⁶Tiap ari sidak bekumpul besama diau di bait Petara, sidak mecah-mecah ke ruti ari rumah ke rumah, dah nyak sidak saling bebagi pemakai ngau sukacita serta kerendahan hati, ⁴⁷sidak muji petara ngau dikekak semua urang. Dah nyak tiap Petara nambah ke ngau sidak urang-urang ti udah diselamat ke

¹Lalu pada jam kesembilan Petrus ngau Yohanes niki ke Bait Betara untok sembayang. ²Diak bisik sikok laki-laki te lumpoh alai lahir, hampai tiap ari iya di tanggong lalu digalik ke dapik pintu Bait Betara ti di padah Gerbang Indah, agar iya tauk minta di kaseh ari urang-urang ti tamak ke Bait Betara. ³Alai iya medak Petrus ngau Yohanes tamak ke BAit Betara iya lansong mint-minta dikaseh.⁴Petrus mendak urang nyak besama ngau Yohanes, lalu iya bejakuk, "Pedaklah ke kami tok." ⁵urang lumpoh nyak lansong medak ke hidak, ngarap bisik ti kak diberik ngau iya. ⁶Tapi Petrus bejakuk, "Perak ngau emas aku ndai sik empu tapi nama ti aku bisik aku berik ke nuan. Alam nama Yesus Kristus dari Nasaret, bejalai lah."⁷Petrus lalu megai tangan kanan urang nyak, ngau nulong bediri. Urang nyak pun kejong kuat kakinya. ⁸iya lansong bejalai kilik kulu, melanjong-lanjong ngau sambil muji Petara, iyapun tamai niteh hidak alam Bait Petara.⁹Hemua urang te medak iya bejalai dan memuji- muji Betara. ¹⁰Hidak medak laki-laki nyak lah ti tade minta-mintak di depan Gerbang Indah Bait Betara; hidak hiran mat medak nama ti udah tejadi ngau iya.¹¹Sementara iya agik mbuntot Petrus ngau Yohanes, hemua urang ti belari ngusong hidak dapik ti de sebot Serambi Salomo, hiran mat. ¹²Alai Petrus medak hal nyak, ia madah urang nyak. " Kitak urang Israel, nama te kitak hiran? nama kitak medak kami, baka kami tok te mulah iya bejalai ngau kuasa atau kesalehan kami kedirik?¹³Betara Abraham, Isak, dan Yakub, Betara inik muyang kitai, udah memuliakan Yesus hambaNya. Dia nyak lah te udah kitak tulak dan serahkan ngadap Pilatus, alai Iya dah mutoih untok membebaskan Dia. ¹⁴Nuan nulak te Kudus dan te benar dan minta gantinya sikok urang pembunoh untok di bebaskan bagi nuan.¹⁵Nuan udah mbunoh Pencipta kehidupan, ti dah dibangkitkan uleh Batara dari kematian dan kami tok lah saksinya. ¹⁶Pito, ngau iman alam namaNya-urang tok te nuan pedak dan kenal-nama te sama mulah nya kuat. Iman te lewat Yesus di berik ngaunya keba kesembohan sebagai bukti to kitak hemua.¹⁷Pito, kaban menyadik, aku tauk bada nuan dah mulah nyak tanpa ku ketaw badak, baka te dah dipulah para pemimpinmu. ¹⁸Tapi hal-hal nyak te dah Betara padah ngau mulot para nabi, bahwa Kristus te udah di utusNya aroih menderita dan Iya pito dah menggenapinya.¹⁹Uleh karna nyak, betubatlah dan bekalehlah, agar dusa-dusa nuan dihaposkan, supaya bisik datai masa kelegaan dari hadirat Betara; ²⁰dan Iya tauw ngutus Kristus te uddah ditetapkan bagimu, Yesus.²¹Iya te arus diterima di surga hampai waktu pemulihan segala sesuatu, ngau hal tok Betara dah madah dulaw ari mulot nabiNYa te kudos. ²²Musa da madah, 'Tuhan Betara ka membangkik sikok nabi bakaku dari bala kaban menyadik nuan. Nuan ninga hemua te de padah nya ngau nuan. ²³bisik terjadi bahwa setiap urang te ngai ninga nabi tok akan dibinasakan dari antara urang-urang nyak.²⁴Hemua nabi sejak Samuel dan para nabi te dah datai udah iya, hidak dah menubuatkan dan madah jaman tok kati baka. ²⁵Nuan tok anak-anak dari para nabi dan dari janji te udah Betara pulah sama inik muyang nuan, waktu Iya bejakuk uga pada Abraham, 'dari benih nuan, hemua keluarga di dunia akan diberkati. ²⁶udah nyak Batara membangkitkan HambaNya, Iya ngutoihNYa ngau nuan untok petama kali, supaya memberkati nuan ngau cara mulah nuan bekaleh ari te jait.

¹Bisik sikok te nama Ananias, ngau bininya Safira, nyual sebidang tanahnya. ²Dan iya ngelamon setengah duit dari hasel nyual tanah nyak ( bininya tau badak uga), lalu iya ngemaik setengah agik dan ditaroh iya di kaki rasul-rasul³Petrus bejakuk, "Ananias, nama iblis tauk nguasai ati nuan hampai bebulak pada Roh Kudus, nuan nyimpaw setengah dari nyual tanah tok? ⁴selagi nyak mpai dijual, nyak tetap mpu nuan? dan udah di jual, bukaikah nyak agik tetap kuasa nuan? kati baka nuan bepiker hal baka tok alam ati nuan? Nuan nadai ngemulak manusia tapi negmulak Betara." ⁵Alai iya ninga jakuk nyak, maka lansong tuboh Ananias laboh dan mati. Lalu urang mayohpun nyadi entekik ninga nyak. ⁶Datai lah urang-urang bujang ngebungkoih Ananias dan ngemaiknya ka di kubor.⁷Kira-kira tiga jam dah nyak, bini Ananias datai, ndai taw badak nama te udah tejadi. ⁸Petrus madah ngau nya, "padah ngaw aku, apakah dik dah nyual tanah yang harganya sama baka tok," BIni Ananias bejaku, ''' auk harganya sama baka nyak".⁹Lalu Petrus madah iya, "nama dik bedua laki dik sepakat untok nguji Roh Tuhan? Pedaklah, kaki hidak te dah ngubor laki nuan da bisik dipintu, dan hidak ka ngatong nuan keluar," ¹⁰Rinok nyakpun lansong tegalik dan mati, urang bujang lansong tamak ke dalam lalu ngatong rinok nyak ngemaik untok dikubor dapik lakinya. ¹¹Maka hemua jemaat diak entekik mat alai ninga masalah tok.¹²Mayoh tanda dan mujizat te dah tejadi di antara urang-urang melalui tangan-tangan para rasul. Hidak hemua besama di serambi Salomo.¹³Tapi nadai bisik sikokpun te berani begabung ngau hidak; namun hidak sanagt dihormati uleh mayoh urang.¹⁴Maka makin ari makin betambah mayoh urang pecaya nagu Tuhan, baek laki-laki maupun rinok, ¹⁵bahkan hidak ngemaik urang pedeh ke jalai lalu galik ke hidak di tempat-tempat dipan, agar pas Petrus lalu riak, bayangannya tau kena sebagian dari urang te pedeh tok. ¹⁶Din uga datai besama sejumlah besai urang ari kuta-kuta dampeng Yerusalem, ngemaik urang pedeh uga dan te dah di masuk roh-roh jait, dan hidak hemua disembuhkan.¹⁷Tetapi Iman besaipun datai besama hidak yang tambai ngaunya (yaitu sekte Saduki); dan hidak hemua penoh iri ati ¹⁸lalu hidak nangkap para rasul dan mamasokkan hidak ke alam penjara umum.¹⁹Alai malam ari tiba-tiba sikok malaikat Tuhan mbuka pintu penjara dan ngemaik hidak keluar, jakuk nya, ²⁰"pegilah, bedirilah di bait Betara dan padah ke hemua urang tetang firman HIdup tok." ²¹lalu hidakpun lansong pegi tamak ke dalam bait Betara pada lam ari dan mengajar. Ndai lama iman besai nyakpun datai besama anak buahnya, lalu ngumai anggota Dewan Agama, berta hemua tuai-tuai Israel, dan nyuroh anak buahnya ke penjara tok ngamik para rasul teh dah iya penjara.²²Tapi anak buah imam besai nyak datai ke penjara nadai nemu urang te da dipenjara, lalu hidak bekaleh dan ngelapor. ²³"kami medak penjara nyak agik tekunci dan pengawal agik bisik bejaga diak, pas kami muka pintu, kami nadai nemu sikokpun bisik diak".²⁴Alai kepala Bait Allah dan Imam-imam kepala ninga hal nyak, hidakpun bingong kedirik, ngapa para rasul tauw baka tok. ²⁵Ndai lama datailah sikok dan bejakuk ngau hidak, " Urang-urang te dah kitak penjarakan pitok agik bediri di Bait Batara dan agik ngajar mayoh urang."²⁶Lalu kepala Bait Betara pun lansong beguai besama anak buahnya ka ngemaik para rasul nyak bekaleh gik kepenjara. tapi ndai ngau kekersan, karna hidak entekik urang diak ngelempar hidak ngau keba batu. ²⁷Udah hidak ngemaik para rasul ngadap anggota dewan., imam besai nanya para rasul, ²⁸jakuknya,"Kami ngelarang mat nuan ngajar dalam NAma ini, Tapi nuan dah memenuhi Yerusalem ngau keba pengajaran nuan dan menanggungkan darah urang tok ke ataw kami.'²⁹Petrus ngau Yohanes madah, "kitak aruhnya lebeh taat ngau Betara daripada ngau mensia. ³⁰Betara inik muyong kami tok udah membangkitkan Yesus, te udah kitak bunoh, ngantongNya di kayu salib. ³¹Betara udah meninggikan Dia disebelah kananNya dan menjadikanNya Pemimpin dan Juruselamat, tok merik tubat pada urang Israel, dan ngamponi semua dusa-dusa. ³²Kami saksi dari hemua tok, piak uga ngau ROh Kudus, te Betara udah berik ngau sapa jak yang taat pada Dia."³³ALai anggota dewan ninga tok, hidak ringat mat dan ka munoh para rasul. ³⁴Tapi sikok urang Farisi bernama Gamaliel, salah sikok pengajar Taurat te dihormati hemua urang, lansung bediri dan nyuroh para rasul di bai keluar semenatara dulaw.³⁵Lalu ia bejakuk ngau hidak, "urang-urang Israel, pedaklah ngau amat-amat nama te ka urang-urang tok pulah. ³⁶karna waktu nyak, si Teudas bangkit ngaku diriknya istimewa dan besama sekitar empat ratuih urang, begabung ngau nya. Ia terbunoh dan hemua te udah tambainya tecerai berai dan ndai buleh nama-nama. ³⁷Udah nyak, Yudas dari Galilea datai paih ari sensu pendudok dan ngemaik urang-urang besama ngaunya. Ia uga punaih dan hemua ti tamai nya tercerai berai uga.³⁸Pito aku ka madah nuan, anang dampeng-dempeng ngau urang nyak dan ayu keh hidak kedirik, soalnya bila rencana tok atau pulah tok dari mensia, maka nyak akan terbuai. ³⁹Tapi bila nyak dari Betara, kitak mampu ngalah ke sidak; bahkan Nuan nyadar bahwa nuan sedang ngelawan Betara."lalu hidakpun pecaya.⁴⁰Hidakpun ngumai para rasul dan maluk hidak lalu nyuroh hidak anang bejakuk alam nama Yesus, lalu mengayukan hidak pegi. ⁴¹Udah nyak para rasul menunikan para Dewa Agama dengan gaga karena hidak dipadah wajar menderita hinaan karna Nama Yesus. ⁴²Udah kejadian nyak, tiap ari di dalam biat Betara dan dari rumah ke rumah hidak teroih ngajar memberitakan Yesus sebagai Kristus.

¹Tapi Saulus teros ngancam ngabot ka munoh murid-murid Tuhan, ia bejalai dapik Imam Besai ²dan mintak surat dari sinagoge-sinagoge di Damsik, bila iya tau nemu sapa te tambai di Jalai nyak, baek laki-laki atau rinok, iya tau ngikat dan ngemaik sidak ke Yerusalem.³Alai ia agik dijalai, ndai jauh agik dari Damsyik, tiba-tiba bisik cahaya mancar dari langit dan iapun tegalik ke tanah ⁴dan ninga suara bisik te bejakuk ngau iya, "Saulus, Saulus, nama nuan nyiksa Aku?'⁵Lalu jawab Saulus, "Sapa bah Nuan, Tuhan?' Tuhan bejakuk, "Aku bah Yesus te nuan siksa nyak; ⁶uwais lah, kitak tamak ke alam kuta, ilak din kitak dipadah nama tik tauw nuan pulah." ⁷Lalu urang-urang te bejalai ngau Saulus bediri tediam, ninda ke suara nyak, tapi nadai sik medak utai.⁸Saulus uwaih dan bediri, alai ia muka matanya, ia mnadai tau medak nama-nama; maka hidak ngireng tangannya dan ngemaik nya ke Damsyik. ⁹Helama tiga ari iya ndai tau medak, dan ia nadai makai minom.¹⁰Semenatara nyak, bisik sikok murid di Damsyik te benama Ananias; Tuhan bejakuk ngaunya dalam sebuah penglihatan, "Ananias," dan Ananias menjawab, " Pedaklah, aku ditok, Tuhan," ¹¹lalu Tuhan bejakuk ngau nya, "Bangkit, dan pegilah ke jalai te bernama Jalai Luroih, dan di rumah Yudas nuan betanyalah ngau sikok urang daru Tarsus benama Saulus; karna ia hedang bedoa. ¹²Saulus udah medak dalam penglihatannya bisk sikok urang benama Ananias tamak kedalam dan ngangkat tangannya kepadanya, agar ia tau medak agik.¹³Tatapi Ananias njawab, "Tuhan, aku udah ninga mayoh hal tentang urang tok, berapa mayoh agik kejahatan te udah iya pulah ke urang-urang kudus di Yerusalem. ¹⁴Ia buleh kekuasaan dari imam kepala untok nangkap hemua urang ditok te ngumai nama Nuan. ¹⁵Tapi Tuhan bejakuk ngaunya, "pegilah, ia adalah alat pilihanku, untok ngemaik namaku di hadapan urang-urang te bukai Yahudi, raja-raja, dan turunan Israel; ¹⁶Karna Aku ka nunjukkan ke dia betapa besai ia arus menderita demi namaku.¹⁷Ananiaspon berangkat, dan tamak ke dalam rumah nyakl. Lalu ia ngulorkan tangannya ke Saulus, dan bejakuk, "SAudara Saulus, Tuhan Yesus, te muncol di depan nuan ti jalai te nuan lalu, udah nyuroh aku agar nuan tau medak agik dan penuhi dengan Roh Kudus." ¹⁸Saat nyak uga bisik sesuatu baka selaput laboh dari mata Saulus, dan tau medaklah ia; ia bediri dan dibaptis; ¹⁹dan ia makai dan kuat agik. Ia diaw ngau murid-murid di Damsyik untok beberpa ari.²⁰HIgat udah nyak ia memberitakan Yesus di sinagoge-sinagoge, ngau madah bahwa Yesus adalah Putra Allah. ²¹Hemua urang te ninga nyadi hiran dan bejakuk, "Bukaikah urang tok te ngancor ke hidak te di Yerusalem te ngumai namaNya? Dan ia udah datai kito untok nangkap dan ngemaik hidak ke imam-imam kepala." ²²Tapi Saulus nyadi lebih bekuasa agik, dan ia udah menyebabkan kesusahan di tengah urang-urang Yahudi te diaw di Damsyik ngelalu pembuktian bahwa Yesus adalah Kristus.²³Udah beberapa ari, urang-urang Yahudi sepakak untok munohnya. ²⁴Namun rencana hidak udah diketaw Saulus. Hidak ngawaih gerbang siang dan malam untok munohnya. ²⁵Alai malam ari, hidak murid ngemaik nya dan nuron ke ia ngelalu dindeng, dalam hebuah keranjang.²⁶Alai ia datai ke Yerusalem, Saulus nyuba gabong ngau para murid, namun hidak hemua entekik ngaunya, nadai pecaya ia nyak murid. ²⁷Tapi Barnabas nngusongnya dan ngemaiknya ke para rasul. Dan ia bejakuk ke hidak katibaka Saulus tau medak Tuhan di jalai nyak dan Tuhan dah bejakuk ngaunya, dan katibaka di Damsyik Saulus ngajar dengan berani dalam nama Yesus.²⁸Ia betemu ngau hidak alai hidak tama'k dan keluar Yerusalem. Ia ngajar dengan berani dalam nama Tuhan Yesus ²⁹dan bebekeh ngau urang-urang Yahudi te ngau bahasa Yunani; tapi hidak tetap berusaha ka munohnya. ³⁰Alai hidak kaban ketaw bada tentang hal nyak, hidak ngemaiknya ke Kaisarea lalu ngemaiknya agik ke Tarsus.³¹Udah nyak, hemua gereja di Yudea, Galilea dan Samaria jadi damai dan bertumbuh; herta idop entekik ngau Tuhan di dalam penghiburan Roh Kudus. Gereja nyak pun maju dan maken besai. ³²Alai waktu nyak, alai Petrus bejalai ke hemua wilayah, ia datai uga ke urang-urang pecaya yang diaw di kuta Lida.³³Din ia buleh sikok laki-laki benama Eneas te gali'k awak peninoknya helama delapan taon karna lumpoh. ³⁴Petrus bejakuk ngau nya, "Eneas, Yesus Kristus nyembuh ke nuan. Uwaislah dan diapeh tempat tinok nuan." Saat nyak uga uwaihlah urang nya. ³⁵Maka hemua urang te dudi di Lida dan di Saron medak laki-laki nya dan hidak datai ke Tuhan.³⁶Alai nyak di Yope bisik sikok urang murid benama Tabita, te diterjemahkan hebagai, "Dorkas." Rinok nya mayoh muleh te baek, dan penoh kaseh sayang te ia buat untok urang misken. ³⁷Alai waktu nya ia pedeh lalu mati; alai hidak dah memendikannya, hidak ngalik ke nyak di kamar ataw.³⁸Karna Lida dampeng ngau Yope, dan murid-murid udah ninga Petrus bisik din, hidak ngutoih dua urang laki-laki kawknya dan memuhon, " Datailah ke dapik kami pito." ³⁹Lalu Petrus angkat dan bejalai ngau hidak. Alai ia udah datai, hidak ngemaiknya ke kamar ataw. Dan hemua janda bediri nyabak di hampengnya, hambel nunjok ke Petrus hemua kelambik te udah dipulah Dorkas alai ia agik behama ngau hidak.⁴⁰Petrus nyroh hidak hemua keluar kamar lalu ia belutot dan bedoa; udah nyak ia medak ke mayat nyak dan bejakuk, "Tabita, Uwaislah.' Lalu Tabita muka matanya dan saat ia medak Petrus, ia dudok. ⁴¹Petrus megai tangannya dan nulong ngangkatnya bediri, udah nyak Petrus ngumai urang-urang pecaya dan para janda, lalu ia nunjok ke hidak bahwa rinok nyak udah idop. ⁴²Kejadian tok tesebar ke seluruh Yope dan mayoh hidak nyadi pecaya ngau Tuhan. ⁴³Petrus diaw helama beberapa ari di Yope ngau sikok urang laki-laki te benama Simon, seorang penyamak kulit.

¹Pito di gereja Antiokia, bisik beberapa nabi dan guru. Hidak adalah Barnabas, Simon (te dikumai Niger), Lusius dari Kirene, Manaen (menyadik sepermainan Herodes sang raja wilayah), dan Saulus. ²Sementara hidak agik ibadah ngusung Betara dan bepuasa, Roh Kudus bejakuk, "Khususkan bagiKu Barnabas dan Saulus, untok mulah pekerjaan te untok nyak Aku udah ngumai hidak." ³Pengudah hidak selesai puasa, bedoa, dan naroh tangan datau hidak, lalu mengutus pegi.⁴Udah nyak Barnabas dan Saulus mentaati Roh Kudoih dan bejalai ke Selukia; dari din hidak belayar ke pulau Siprus. ⁵Alai hidak di kota Salamis, hidak mengabarkan Firman Betara di cinagoge-cinagoge Yahudi. HIdak ditulong uleh Yahones Markus.⁶Waktu hidak bejalai ke semua pulau sampai Patos, hidak betemu sikok tukang sihir, nabi palsu Yahudi, te namanya Bar Yesus. ⁷Tukang sihir nyak bekaban ngau gubernur, Sergius Paulus, urang tepelajar. Laki nyak ngumai Barnabas dan Paulus, karna ia ka ninga Firman Betara. ⁸Tapi Elimas, "tukang sihir" (demikian namanya ditejemahkan) menentang hidak, ia nyuba mengalihkan gubernur dari imannya.⁹Tapi Saulus, yang dikumai Paulus, penuh dengan Roh Kudus, natap tajam ngau iya, ¹⁰dan bejakuk, "Nuan, putra si jahat, nuan penuh ngau tipu dan kelicikan. Nuan nyak musuh dari semua kebenaran. Nuan nadai kala berenti memutar balek jalai luroih dari Betara, bukai?¹¹Pedaklah, tangan Betara ka ngukom nuan, dan nuan tau buta. Nuan nadai akan tau medak matahari untok beberapa waktu," lalu mata Elimas pun bekabut dan petang te depedak; ia mulai bekelileng mintak urang nuntunnya. ¹²Alai gubernur medak nama te tejadi, ia pecaya karna ia iran uleh pengajaran tentang Betara.¹³Pito Paulus dan kawan-kawannya belayar dari Pafos dan sampai ke Perga di daerah Pamfilia. Tapi Yohanes nudi ke hidak dan bekaleh ke Yerusalem. ¹⁴Paulus dan kawan-kaannya bejalai dari Perga dan samppai di Antiokia daerah Pisidia. Din hidak bejalai ke sinagoge alai ari Sabda; dan dudok diak. ¹⁵Alai udah maca Taurat dan kitab para nabi, para pemimpin dari sinagoge betanya, "Kaban belayan, nti kitak empu pesan te membangun untok urang-urang, sampaikanlah,"¹⁶udah nyak Paulus bediri dan merik tanda ngau tangannya; ia madah, "Urang-urang Istrael dan kitak te hormat ngau Betara, dingakanlah ¹⁷Betara dan urang-urang Israel udah mileh inik muyang kitai dan mulah bangsa kitai lebeh mayoh alai hidak diaw di tanah Mesir, dan ngau tanganNya te kuat, Ia mimpen hidak keluar. ¹⁸Sekitar empat puloh taon Ia nyuruh hidak diaw di padang gurun. (Beberapa salinan kuno dibaca. "Sekitar empat puloh taon Ia ngidop hidak di padang gurun,")¹⁹Alai udah Ia ngancor ke tujoh suku-suku bangsa dari Kanaan, Ia merik ke hidak tanah sebagai warisan. ²⁰Seluruh kejadian tok tejadi empat ratus lima puloh taon. Pengudah semua hal tok, Betara merik hidak para hakim sampai pada Samuel sang nabi.²¹Lalu rakyat minta sikok raja, dan Betara merik hidak Saul bin Kish, sikok urang dari suku Benyamin, untok nyadi raja selama empat puloh taon. ²²Udahnya Betara nyingker ke iya dari jabatan raja, Ia lalu ngangkat Daut jadi raja hidak. Tentang Daud Betara bejakuk, "Aku udah menemukan Daut putra Isai, untok nyadi sikok laki-laki te ngerti isi atiku, te nurot kenekakku,"²³Dari keturunan-keturunan laki-laki tok, Betara merik Israel sikok Juruselamat, Yesus, baka te udah dijanjikanNya. ²⁴Tok mulai tejadi alai empai Yesus datai. Yohanes petama-tama mengumumkan pembatisan petobatan ke semua urang Israel. ²⁵Alai Yohanes agik nyelesaikan pekerjaannya, ia bejakuk "Kitak piker aku tok sapa? Aku bukailah juruselamat nyak, tapi dinga lah, sikok urang ka datai pengudah aku, te tali kasutnya pun nadai layak untuk kubukakan,"²⁶Kaban menyadik, anak-anak dari keturunan Abraham, dan kitak semua te nyembah Betara, ke kitaklah pesan tentang keselamatan tok disampaikan. ²⁷Karna hidak te diaw di Yerusalem, dan para penguasa hidak, nadai ngaku Dia, hidak menggenapi nubuatan dari para nabi te dibacakan tiap ari Sabat ngau menyalibkanNya.²⁸Biarpon hidak nadai nemu penyebab untok munohNya, hidak minta Pilatus te munohNya. ²⁹Saat hidak udah menggenapi segala te udah tetuleh tentang Dia, hidak nuronkanNya dari ataw kayu salib dan galikkanNya di kubor.³⁰Tapi Betara membangkitkanNya dari tengah urang-urang mati. ³¹Ia kepedak sekian ari lamanya uleh hidak te udah beretaNya dari Galilea ke Yerusalem. Urang-urang toklah te pito jadi saksi-saksiNya untok semua urang.³²Sehingga saat tok kami ngemaik berita baek tentang janji-janji te dipulah uleh inik muyang kitai. ³³Betara udah nepati janji-janji tok ngau kitai, anak-anak hidak, karena alasan nyaklah Ia membangkitkan Yesus kembali. Tok uga te dituleh dalam Mazmur kedua: 'Nuan adalah PutraKu, ari tok Aku udah jadi apai nuan,' ³⁴Juga tentang kenyataan bahwa Ia udah membengkitkanNya dari tengah urang mati hingga tubohNya nadai tau binasa, ia udah bejakuk: 'Aku merik ke berkat Daud te kudoih dan pasti'³⁵Tok nama ia uga madah di Mazmur te laen, 'Nuan nadai akan mengijinkan Yang kudoih ngalami kebinasaan,' ³⁶Karna pengudah Daud melayani kenekak Betara pada jamannya, ia mati, di kuborkan bereta inik muyangnya, ngalami kebinasaan, ³⁷tapi Ia te dibangkitkan Betara nadai ngalami kebinasaan.³⁸Jadi biarlah diketaw uleh nuan, kaban menyadik, bahwa ngelalu urang tok diberitakan pengampunan atas dusa-dusa. ³⁹Ulehnya, tiap urang te pecaya dibenarkan dari segala hal yang mana nadai tau dibenarkan uleh Hukom Musa.⁴⁰Jadi ati-atilah akan hal te dipadah para nabi supaya ndai tejadi ngau nuan: ⁴¹'Pedak, nuan pengolok, tekenyitlah dan nyaw: karna Aku agik mulah karyaKu di ari-ari nuan. Suatu karya te nuan nadai kala pecaya, bahkan sekalipon sikok urang menyampaikannya ngau nuan."⁴²Saat Paulus ngau Barnabas pergi, urang-urang muhon supaya hidak tau bejakuk hal-hal te sama pada ari Sabat nanti. ⁴³Alai pertempuan di sinagoge nyak selesai, mayoh urang Yahudi dan penganut agama Yahudi niteh ke Paulus dan Barnabas, te udah bejakuk ngau hidak dan nyemangat ke hidak untok teros idop dalam kasih karunia Betara.⁴⁴Pada Sabat berikutnya, hampir setengah penduduk kota bekumpol besama untuk ninga Firman Betara. ⁴⁵Alai urang-urang Yahudi medak urang mayoh bekerumon, hidak penoh iri ati dan bejakuk ngelawan ngau nama ti de padah Paulus dan hinanya.⁴⁶Tapi Paulus dan Barnabas bejakuk ngau berani dan madah, "Penting mat Firman Betara disampaikan ngau nuan dulau. Medak nuan nulaknya dan nganggap nuan ndai patut untok nerima idop kekal, pedaklah, kami ka bepaleng ke urang-urang Yahudi. ⁴⁷Karna Tuhan udah perintahkan kami, madah, 'Aku telah menempatkan nuan sebagai terang atas urang-urang bukai Yahudi, yaitu supaya nuan mangabarkan keselamatan sampai ke ujung bumi."⁴⁸Saat urang-urang bukai Yahudi ninga hal tok, hidak gaga dan muji firman Betara. mayoh te udah ditentukan untok idop kekal jadi pecaya. ⁴⁹Firman Betara disebarkan di seluruh daerah nyak.⁵⁰Tapi urang-urang Yahudi ngasot kaum beriman dan para rinok penteng, bereta para pemimpen kota. Hal tok mulah dakwaan atas Paulus dan Barnabas dan ngusirnya sampai bataih kota. ⁵¹Tapi Paulus ngau Barnabas ngebaskan debu dari kaki hidak. Udah nyak hidak bejalai ke kota Ikonium. ⁵²Dan para murid dipenuhi uleh sukacita dan kekuatan Roh Kudoih.

¹Tejadi di Ikonium bahwa Paulus dan Barnabas tamak ke sinagoge Yahudi besama-sama dan beranau sampai mayoh urang bekumpol baik urang Yahudi maupon Yunani jadi pecaya. ²Tapi Yahudi te nadai taat ganggu pikiran-pikiran bangsa-bangsa bukai Yahudi dan mulah hidak benci amat ke kaban balayan nyak.³Dudilah hidak din cukup lamak, bejakuk dengan berani tentang berita anugerahNya. Ia mulah hal tok ngelalu tanda-tanda dan mujizat-mujizat te tejadi ngelalu tangan-tangan Paulus dan Barnabas. ⁴Tapi ampir semua pendudok kota tebagi: sebagian urang setuju ngau urang-urang Yahudi dan sebagian lagi ngau para rasul.⁵Urang-urang bukai Yahudi dan urang Yunani udah berusaha untok menyakinkan pemimpin-pemimpin hidak untok menjebak dan nikau Paulus dan Barnabas, ⁶hidak sadar dan belari ke kota Likaonia, yaitu Listra dan Derbe, dan daerah dampeng diak, ⁷dan hidak terus menberitakan injil din.⁸Di Listra bisik sikok laki-laki dudok, kakinya ndai kuat, cacat alai dalam kanong inainya, empai kala bejalai. ⁹Urang tok ninga Paulus agik sedang beranau. Paulus natap matanya dan medak bahwa ia bisik iman untuk semoh. ¹⁰Maka ia padah dengan lantang. "Bedirilah ngau kaki-kakimu." Dan urang nyak melanyong dan bejalai kiak kito¹¹Alai urang mayoh nyak medak nama te dipulah Paulus, hidak munyi ke suara dalam bahasa Likaonia, "Dewa-dewa udah turon ngusong kitai dalam bentuk urang-urang." ¹²Hidak nyebut Barnabas"Zeus," dan Paulus "Hermes," karna Paulus adalah juru jakuk utama. ¹³Imam dewa Zeus, te kuilnya bisik di luar kota, ngemaik lembu-lembu jantan dan karangan bunga ke pintu gerbang; ia dan urang mayoh ka pesembahkan korban.¹⁴Tapi, alai para rasul, Barnabas dan Paulus, ninga hal tok, hidak ngebilak kelamik hidak dan higat-higat medak kerumunan nyak, ¹⁵dan bejakuk, "Hai kitak semua, nama kitak mulah hal-hal tok? Kami uga mensia te empu perasaan sama baka nuan. Kammi ngemaik berita baek, jadi kitak harus bekaleh dari hal-hal te sia-sia tok ngusong Betara te idup, te udah nyadi ke langit, bumi, laot, dan segala isi di dalamnya. ¹⁶Alai jaman dulau, Ia ijinkan seluruh bngsa-bangsa idup nurot cara-cara hidak kedirik.¹⁷Namun baka nyak, Ia nadai ngayu diriknya kedirik tanpa saksi, dalam hal tok Ia mulah te baek dan mencurahkan ujan dari surga dan musim-musim penoh buah, menuh ke ati nuan ngau pemakai dan senang," ¹⁸bahkan ngau jakuk-jakuk nyak, Paulus dan Barnabas nadai mampu nahan urang mayoh merik korban ngusong hidak.¹⁹Tapi beberapa urang Yahudi dari Antiokhia dan Ikonium datai dan menyakinkan urang mayoh. Hidak muai batu ke Paulus dan ngemaiknya keluar kota, sambil bepiker bahwa ia udah mati. ²⁰para muridpun lansung bediri ngelilengnya, ia bediri dan tamak ke kota. lam paginya, ia bejalai ke Derbe bereta ngau Barnabas.²¹Pengudah hidak mengabarkan berita injil di kota nyak, dan mulah mayoh murid, hidak bekaleh ke Listra, Ikonium, dan Antiokhia. ²²HIdak terus nguat ke jiwa-jiwa para murid dan nukong hidak untuk kuat dalam iman, bejakuk, "Kitai ahrus tamak ke dalam kerajaan Betara ngelalu mayoh penderitaan."²³Alai hidak udah nunjuk pemimpin-peminpin hidak di tiap gereja, dan udah bedoa dan bepuasa, hidak mempecayakan hidak ngusong BEtara, te dalamNya hidak udah pecaya. ²⁴Pengudah nyak hidak bejalai ngelalu Pisidia dan datai ke Pamfilia. ²⁵Alai hidak udah merik firman di Perga, hidak turon ke Atalia. ²⁶Dari din hidak belayar ke Antiokhia, dapik hidak udah beserah ngusong anugerah Betara untok pekerjaan te udah hidak selesaikan.²⁷Alai hidak datai di Antiokhia dan kumpolkan gereja besama-sama, hidak madah ke semua hal nama te udah dipulah uleh Betara, dan kati baka Ia udah muka pintu iman untok bangsa-bangsa bukai Yahudi. ²⁸Hidak ngau para murid nyak diau diak cukup lama.

¹Beberapa laki-laki te datai dari Yudea dan ngajar kaban belayan diak, bejakuk "Nti nuan nadai disunat sama dengan adat istiadat Musa, nuan nadai tau diselamatkan." ²Akhirnya Paulus dan Barnabas menghadapi perlawanan dan bebekeh ngau hidak, kaban menyadik diak memutuskan agar Paulus, Barnabas, dan beberapa urang lain untuk datai ngusong para rasul dan penatua di YErusalem untok nanya ke tentang hal tok.³Hidak te diutus uleh jemaat nyakpun pegi ngelalu Fenisia dan Samaria dan medak petobatan urang-urang dari bangsa-bangsa bukai Yahudi. Hal tok amat mulah gaga semua urang diak. ⁴Alai hidak di Yerusalem, hidak disambut uleh jemaat dan para rasul dan penatua, dan hidak madah ke semua hal nama te udah Betara pulah.⁵Tapi beberapa urang te pecaya, te berasal dari Farisi, bediri dan bejakuk, "Tok penteng untuk nyunat hidak dan merintahkan hidak agar patoh ngau Hukom Musa." ⁶Karna nyak para rasul dan penatua bekumpol untok beranau hal tok.⁷Pengudah ngelalu mayoh debat, Petrus bediri dan bejakuk ngusong hidak, "Kaban menyadik, nuan ketau bada bahwa beberapa waktu te lalu Betara udah mileh diantara kitak, agar ngau perantara mulotku urang-urang bukai Yahudi ninga jakuk injil, dan pecaya. ⁸Betara, te ngenal ati mensia, udah besaksi ke hidak, mencurahkan Roh Kudus, sama baka te udah ia pulah ke kitai; ⁹dan Ia nadai membedakan kitai ngau hidak, menyucikan ati hidak uleh iman.¹⁰Jadi pito nama nuan mencobai Betara, dengan naroh kuk datau tengkuk para murid-murid te nadai tau dipikul baek uleh inik muyang kitai maupun uleh kitai kedirik? ¹¹Tapi kitai pecaya bahwa kitai ka diselamatkan uleh kasih Tuhan Yesus, sama baka hidak."¹²Urang mayoh diam alai ninga Barnabas ngau Paulus te madah tanda-tanda ajaib dan mujizat-mujizat te Betara udah pulah di antara bangsa-bangsa bukai Yahudi ngelalu hidak.¹³Pengudah hidak berenti bejakuk, Yakobus nyawab, "Kaban menyadik, dingakan aku. ¹⁴Simon udah cerita kati baka Betara sejak awal udah nunjukkan anugerah dalam nulong bangsa-bangsa bukai Yahudi hupaya mengangkat dari hidak umat bagi namaNya.¹⁵Beranau para nabi cucok ngau hal tok, baka udah dituleh, ¹⁶pengudah hal-hal tok Aku ka bekaleh agik, dan Aku ka mendeirikan agik kemah Daud te udah ruboh; Aku ka mangun dan nyemaik te runtoh nyak agik, ¹⁷supaya urang-urang tesisa tau ngega Betara, temasuk bangsa-bangsa bbukai Yahudi te ngumai namaKu,' ¹⁸Toklah te dipadah Betara, te udah mulah hal-hal tok te udah di ketau sejak dari jaman keliak. (beberapa versi kuno dibaca, "Toklah te dipadah uleh Betara, alai sejak jaman kuno udah di kenal segala te dipulahNya.}"¹⁹Karna tok, nurut pendapatku, kitai nadai perlu ngacau bangsa-bangsa bukai Yahudi te bebalek ngusong Betara; ²⁰tapi te ka kitai padah ngusong hidak bahwa hidak harus menjauhkan diri dari pencemaran behala-behala, dari pecabulan, dan dari daging binatang te mati kecekak, dan dari darah. ²¹Karna Hukom Musa udah disebar di tiap kota sejak jaman keliak dan ia baca di sinogoge-sinagoge tiap ari Sabat."²²Lalu pedaknya baek bagi para rasul dan penatua, bereta ngau seluruh jemaat, untok mileh Yudas te dikumai Barnabas, dan Silas yangadalah pemimpin-peminpin Gereja, untok diutus ke Antiokhia bereta Paulus ngau Barnabas. ²³Hidak nuleh hal tok, "Salam dari para rasul, para penatua, pada kaban menyadik dari bangsa bukai Yahudi di Antiokhia, Siria, dan Kilikia.²⁴Kitai udah ninga bahwa beberapa urang tetentu nadai diberik hukom tesebut, menudi ke kami dan nyusah ke nunan ngau pengajaran te mulah ati nuan gelisah. ²⁵Tok baek bagi kitai agar sepakat untok mileh urang-urang dan ngutus hidak ngusong nuan bereta ngau Barnabas dan PAulus yang kitai kasihi, ²⁶urang-urang te udah ngorban ke nyawanya bagi nama Betara kitai, Yesus Kristus.²⁷Karna tok kami udah ngutus Yudas dan Silas, te ka ngabar ke hal-hal te sama. ²⁸Karna hal tok kepedak baek bagi Roh Kuduih dan bagi kami, supaya anang nyusah ke nuan ngau hal-hal te nadai perlu; ²⁹melainkan supaya nuan menjauhkan dirik dari penyembah behala, darah, binatang-binatang te mati kecekak, dan uga dari dusa pencabulan. Nti nuan jauhkan dirik dari hal-hal tok, tok baek mat bagi nuan. Selamat bepisah."³⁰Alai hidak pamit, hidak angkat ke Antiokhis; dan pengudah hidak ngumpol urang mayoh, hidak nyerah ke surat nyak. ³¹Alai hidak udah maca surat nyak, hidak gaga mat dan tehibur. ³²Udah nyak Yudas dan Silas, dan uga para nabii, mendorong kaban menyadik dengan mayoh beranau dan menguatkan hidak.³³Pengudah hidak ngamehkan beberapa waktu, hidak diutus dalam damai dari kaban menyadik kepada hidak te udah mengutus hidak. ³⁴(Tapi SIlas memutuskan untok dudi diak). ³⁵Tapi Paulus dan Barnabas dudi di Antiokhia besama ngau te laennya dan hidak mengajarkan firman Betara.³⁶beberapa ari udah nyak Paulus bejakuk ngau Barnabas, "Aboh kitai pulai dan ngusong kaban menyadik kitai di tiap kota dapik kiai udah memberitakan firman Betara, untok medak keadaan hidak. ³⁷Barnabas uga ka dibae besama ngau hidak Yohanes te dikumai Markus. ³⁸Tapi Paulus bepiker ndai sik guna ngemaik Markus, te kala nudi ke hidak di Pamfilia dan ndai agik tambai berta ngau hidak di dalam pelayanan.³⁹Lalu muncullah beda pendapat yang tajam di antara keduanya, lalu akhirnya keduanya paksa bepisah; Barnabas ngemaik Markus tambai ngau iya dan belayar ke Siprus. ⁴⁰Tapi Paulus mileh Silas lalu hidak pegi, setelah diantar uleh kaban menyadik dan menyerahkan hidak ke dalam anugerah Betara. ⁴¹Udah nyak ia bejalai ngelalu Siria dan Kilikia, untok menguatkan jemaat-jemaat din.

¹Paulus datai uga ke Derbe dan Listra, alai agik bisik sikok murid benama Timotius, putra rinok Yahudi te pecaya; apai iya urang Yunani. ²Timotius tok dikenal baek uleh bala kaban menyadik iya dari Listra dan Ikonium, ³Paulus ka ia tamai dalam penyalainya; sehingga ia nyuruhnya dan menyunatkannya karna semua urang-urang Yahudi di wilayah nyak, ketau bahwa apai iya urang Yunani.⁴Hidak bejalai kelileng dari kuta-ke kuta, hidak madah ke jemaat-jemaat din tentang perintah te harus hidak taati, perintah te udah dituleh uleh rasul-rasul dan para penatua di Yerusalem. ⁵Hingga jemaat nyak diteguhkan imannya dan maken betambah mayoh jumlah urang pecaya tiap arinya.⁶Paulus dan pengikutnya ngelalu daerah Frigia dan Galattia, karna Roh Kudoih ngelarang hidak untuk ngabar ke firman di propinsi-propinsi di wilayah Asia. ⁷Alai hidak udah dampeng daerah Misia, hidak berusaha tamak ke daerah Bitinia, tapi Roh Kudoih ngeretak hidak. ⁸pengudah negelalu Misia, hidak bejalai ke kota Troas.⁹Kepedaklah uleh Paulus baka utai di malam ari, sikok laki-laki dari Makedonia te agik bediri din, ngumainya dan madah, "Datai boh ke Makedonia dan tulonglah kami," ¹⁰Alai Paulus medak nama ti depedak nyak, higat kami bejalai ke Makedonia, sadar bahwa Betara udah ngumai kami untok mengabarkan injil ngusong hidak.¹¹Udah nyak dari Troas, kami belayar nuju Samotrake, dan ari berikutnya kami datai di Neapolis; ¹²dari diak kami berangkat agik ke Filipi, kota dari Makedonia, kota utama dan bekas jajahan Roma, dan din kami nugau beberapa ari. ¹³Alai ari Sabat kami keluar dari gerbang kota ditepi sungai, te kami kira bisi tempat untok kami bedoa. Kami dudok din dan beranau ngau para rinok te datai bekumpol.¹⁴Sikok rinok benama Lidia, sikok nyual kain ungu dari kuta Tiatira, te nyembah Betara, ninga ke kami. Betara muka atinya untuk mempehatikan hal-hal te dipadah oleh Paulus. ¹⁵Alai ia dan seisi rumahnya dibaptis, ia ngemaik kami dan bejakuk "Nti kitak yakin bahwa aku beriman ngusong Betara, datailah kerumahku dan diawlah din," Dan ia terus menerus ngapoh kami.¹⁶Waktu nyak, alai kami agik bejalai ke tempat doa, sikok rinok mudai te empu roh jayaw betemu ngau kami. Dengau ramalan-ramalannya nyak tuai-tuai mayoh buleh untong. ¹⁷Rinok nyak niteh ke Paulus dan kami lalu menciak, jakuknya, "Urang-urang tok adalah hamba-hamba Betara te Maha Tinggi. Hidak mengabarkan ke nuan jalai keselamatan." ¹⁸Ia mulah hal tok selama behari-ari. Tapi Paulus, ngerasa ndai tenang karna dia, bekaleh dan bejakuk ngusong roh nyak, "Aku perintahkan nuan di dalam nama Yesus Kristus keluar dari dalam tubuhnya," Dan roh nyakpun keluar saat itu uga.¹⁹Alai tuai-tuai dari rinok nyak medak bahwa nadai bisik harapan agik bagi hidak untok buleh untung, hidak nangkap Paulus dan Silas lalu ngiret hidak dua ke pasar ke mua para penguasa. ²⁰Alai udah datai di mua para penguasa, hidak bejakuk, " Urang-urang tok adalah urang Yahudi dan hidak udah mulah mayoh masalah di kota kami. ²¹Hidak ngajar ke hal-hal tentang adat istiadat yang nadai sama ngau hukom te kami pecaya sebagai urang Roma.²²Udah nyak kerumunan urang-urang tambai ngelawan Paulus dan Silas; para penguasa nyak ngebila kelamik ari tuboh hidak dan nyuroh hidak untok dipaluk ngau tungkat kayu. ²³Udah nyak hidak dipaluk bekali-kali, hidak ditamak ke dalam penjara dan nyuroh penjaga penjara untok amat-amat nyaga hidak. ²⁴pengudah penjaga penjara buleh perintah nyak, ia nemak ke hidak ke dapik te dalam dari penjara dan masong kaki hidak nguman-nguman.²⁵Kira-kira tengah malam Paulus dan Silas sedang bedoa dan agik menaikkan puji-pujian ngusong Betara, dan para penghuni penjara lainnya tamai ninga auh hidak dua. ²⁶Tiba-tiba tejadi gempa bumi yang dahsyat, hingga mulah dasar bangunan penjara nyak begetar, saat nyak uga seluruh pintu tebuka, dan rantai te ngikat para penghuni penjara nyak lepas²⁷Penjaga penjara nyak uwais tinok dan medak pintu-pintu penjara udah tebuka; ia ngeluarkan mandaunya dan ampir munoh diri, karna ia piker bahwa para tahanan nyak udah lari. ²⁸Tapi Paulus menciak ngau suara nguman, jakuknya,"Anang pedeh dirik nuan, karna kami semua agik bisik dito."²⁹Penjaga penjara nyak merintah untok ngamik lampu dan beguai tamak agik dalam penjara nyak, gemetar entekik dan laboh di mua Paulus dan Silas, ³⁰dan ngemaik hidak keluar dan bejakuk, "Tuan-tuan, nama te harus aku pulah biar aku selamat?" ³¹Hidak dua bejakuk, "Pecayalah ngusong Tuhan Yesus, dan nuan akan diselamatkan, nuan dan seisi rumahmu."³²Hidak menceritakan firman Betara ngusongnya, besama ngau urang-urang di dalam rumahnya. ³³Udah nyak penjaga penjara nyak ngemaik hidak pada jam te sama di malam nyak, bersih keluka-luka hidak, dan ia ngau seisi rumahnya pon dibaptis segra. ³⁴Ia ngemaik Paulus dan Silas niki katau rumahnya dan nyiapkan pekamai hidak. Penjaga penjara dan seisi rumahnya nyak amat gaga, karna hidak udah pecaya ngusong Betara³⁵Alai ari udah terang, para penguasa merintah para penjaga jakuknya, "Ayu ke urang-urang nyak pegi," ³⁶Penjaga penjara nyak madah ngusong Paulus perintah te baru jak dikeluarkan, jakuknya, "Para penguasa udah meintah ke aku untok ngelepaih ke kitak: uleh karna nyak, keluarlah dan pegilah ngau damai."³⁷Tapi Paulus bejakuk ngusong hidak, "HIdak udah maluk kami di mua mayoh urang, urang-urang Roma tanpa di adili- dan hidak udah namak ke kami ke dalam penjara; dan pito hidak ngeluar ke kami secara diam-diam? Nadai tau piak; ayu keh hidak datai kedirik dan ngeluarkan kami." ³⁸Para penjaga ngedu hal tok ke para penguasa; para penguasa nyak pun entekik alai ninga bahwa Paulus ngau Silas adalah urang-urang Roma. ³⁹Para penguasa nyak pun datai dan muhon ngau hidak; dan alai hidak ngeluarkan Paulus dan Silas dari dalam penjara, hidak minta Paulus dan Silas untok nudi kota tok."⁴⁰Lalu Paulus dan Silas keluar dari penjara nyak dan pulai ke rumah Lidia. Alai hidak medak kaban menyadik nyak, hidak mengibor dan udah nyak angkat dari kuta nyak.

¹Alai hidak ngelalu kuta Amfipolis dan Apolonia, hidak datai ke kota Tesalonika, dapik adai sinagoge Yahudi. ²Baka biasa, Paulus datai ngusong hidak, dan helama tiga ari Sabat menjelaskan ngau hidak dari Kitab Suci³Ia muka Kitab Suci dan menjelaskan bahwa perlu mat Kristus untok menderita dan bangkit agik dari kematian. Ia madah, "Yesus tok te aku beritakan ngusong nuan adalah Kristus. ⁴Beberapa urang Yahudi udah diyakinkan dan begabong ngau Paulus dan Silas, temasok bala urang Yahudi te saleh, beberapa rinok tekenal dan sebagian besai urang mayoh.⁵Tapi bala urang Yahudi te nadai pecaya, nuni ke nya ngau rasa iri, ngemaik beberapa urang jahat dari pasar, ngumpol ke hidak, dan ngacau di kota. nyerang rumah Yason, hidak ka ngemaik Paulus dan Silas ke urang mayoh. ⁶Tapi alai hidak nadai nemu Paulus ngau Silas, hidak nyiret Yason dan beberapa kaban te lainnya ke mua pejabat kota, bejakuk, "Urang-urang tok te udah menjungkibalekkan dunia uga datai kitok. ⁷Urang-urang tok te datai ke Yason betindak ngelawan ketetapan-ketetapan Kaisar, hidak bejakuk bahwa bisik raja te laen=Yesus."⁸Kerumon urang mayoh dan pejabat-pejabat kota gelisah alai hidak ninga hal nyak. ⁹Tapi pengudah pejabat-pejabat buleh jaminan keuangan dari Yason dan te laennya, lalu pejabat-pejabat ngayu hidak pegi.¹⁰Malam nyak bala kaban nyak ngirem Paulus ngau Silas ke Berea. Alai hidak udah datai din, hidak tamak ke sinagoge Yahudi. ¹¹Urang-urang dito lebeh baek atinya daripada hidak di Tesalonika, karna hidak nerima firman penoh keterbukaan, nyelidek Kitab Suci tiap ari untok medak nama te udah tejadi. ¹²uleh karna nyak mayoh dari hidak pecaya, temasok beberapa rinok dan mayoh laki-laki Yunani te bepengaruh.¹³Tapi alai urang-urang Yahudi Tesalonika ninga bahwa Paulus uga merik kabar firman Betara di Berea, hidak lansong pegi kin ngasot urang mayoh biar bingung. ¹⁴Udah nyak higat kaban menyadik nyak ngirem Paulus ke laut, tapi Silas ngau Timotius dudi din. ¹⁵Hidak te nunton Paulus ngemaiknya jauh sampai ke kota Athena. Udah nyak hidak nudi Paulus din, hidak buleh perintah ngusong Silas dan Timotius datai ngusongnya higat.¹⁶Alai Paulus agik nunggu hidak di Athena, rohnya kacau mat dalam atinya karna ia medak kota nyak mayoh behala. ¹⁷Jadi ia beranau ngau urang-urang Yahudi di sinagoge dan urang-urang te ibadah ngusong Betara dan uga ngau hidak ti de temu di pasar tiap ari.¹⁸Tapi beberapa filsuf Epikuros dan Stoa ngusong nya. Beberapa urang bejakuk, "Nama te dekak dipadah si pemulak nyak?" Urang-urang laennya bejakuk, "Ia baka salah sikok te ngumai urang untok tamai dewa-dewa asing," karna ia merik kabar tentang Yesus dan kebangkitan.¹⁹HIdak ngamik Paulus dan ngemaiknya ke Areopagus, bejakuk, "Tau kah kami ketau ajaran baru te nuan beranau tok? ²⁰Karna nuan ngemaik hal-hal asing di peneng kami. Karna nyak, kami ka ketau nama arti hal tok." ²¹(Pito hemua urang Athena dan urang-urang asing te idop din nadai empu waktu selaen madah atau ninga tentang suatu te baru.)²²Maka Paulus bediri di tengah Areopagus dan bejakuk, "Nuan urang-urang Athena, aku medak bahwa nuan amat beragama dalam hemua hal. ²³Karna alai aku ngelalu dan medak kaba penyembahan nuan, aku buleh sutik mezbah te diuleh, "Kepada Betara te nadai dikenal," Apa karna nyak nuan semayang baka te banga, toklah te kuberitakan ngusong nuan.²⁴Betara te menciptakan dunia dan segala isiknya, karna Ia nyak Tuhan langit dan bumi, nadai diau di bait buatan tangan. ²⁵Bukaikah Ia nadai dilayani uleh tangan mensia, seulah-ulah Ia perlu sesuatu, karna Ia kedirik merik pengidop dan penyuan serta hegala sesuatu urang-urang²⁶Dari sikok urang Ia menjadikan tiap suku bangsa idop di muka bumi, udah nentukan musem-musem dan bataih-bataih wilayah hidak, ²⁷uleh karna nyak hidak arus ngega Betara, nti mungken hidak tau mencapai dan nemu Dia. Sebenarnya Ia nadai jaoh ari kitai.²⁸Karna di dalam Dia kitai idop dan begerak dan bisik, hama baka sikok penyair nuan udah bejakuk, "Karna kitai uga adalah keturunanNya." ²⁹Uleh karna kitai adalah keturunan Betara, kitai harusnya nadai bepiker bahwa keilahian nyak baka emas, atau perak, atau batu-te diuker ngau seni dan pikiran mensia.³⁰Uleh karna nyak Betara ngayu ke masa banga nyak, tapi Ia merintah ke hemua urang untok betobat. ³¹Karna nyaklah Ia udah netapkan suatu hari alai Ia ka menghakimi dunia dengau kebenaran uleh urang te dipilehnya. Betara udah merik bukti tentang urang nyak ngusong tiap urang ngau membangkitkan Dia dari kematian.³²Alai urang-urang Athena ninga tentang kebangkitan urang, beberapa urang ngeremeh Paulus; tapi te lainnya bejakuk, "Kami ka ninga nuan agik tentang hal nyak. ³³Pengudah nyak, Paulus nudi ke hidak. ³⁴Tapi beberapa urang begabong ngau iya dan pecaya, temasok Dionisius majelis Areopagus, sikok rinok benama Damaris, dan urang-urang laen te bereta hidak.

¹Pengudah nyak, Paulus nudi ke Athena dan bejalai ke Korintus. ²Din ia betemu sikok urang Yahudi benama Akwila, urang Pontus; te baru datai dari Italia bereta bininya Priskila karna Klaudius udah merintah hemua urang Yahudi untok nudi ke Roma; dan Paulus ngusong hidak; ³Paulus diaw dan bekerja sama ngau hidak karna hidak empu usaha te sama. Hidak nyak pemulah tenda.⁴Jadi Paulus beranau di sinagoge tiap ari Sabat. Ia menyakinkan urang Yahudi dan urangYunani. ⁵Tapi alai Silas dan Timotius datai dari Makedonia, Paulus dikuatkan uleh Roh Kudoih untok besaksi ngusong hidak Yahudi bahwa Yesus adalah Kristus. ⁶Alai urang Yahudi nulak dan hina dia, Paulus ngibas ke kalamiknya dan bejakuk ngusong hidak, "Ayu ke darahmu tetumpah datau kepala nuan; aku nadai besalah. Mulai pito aku ka bejalai ngusong urang-urang te bukai Yahudi.⁷Udah nyak ia nudi ke dapik nyak dan bejalai ke rumah Titus Yustus, sikok urang te nyembah Betara. Rumahnya disebelah sinagoge. ⁸Krispus, pemimpin sinagoge, dan hemua keluarganya udah pecaya ngau Betara. Mayoh urang Korintus te ninga Paulus nyadi pecaya dan dibaptis.⁹Tuhan bejakuk ngusong Paulus alai tengah malam ngelalu sebuah penglihatan, "Anang entekik, tapi beranau dan anang diam, ¹⁰Karna Aku bereta nuan, dan nadai bisik sikokpon te tau membahayakan nuan karna Aku empu mayoh urang di kota tok." ¹¹Paulus diau din selama satu taon dan enam bulan, ngajar ke Firman Tuhan di tengah hidak.¹²Tapi alai Gallo nyadi gubernur Akhaya, urang-urang Yahudi bangkit ngelawan Paulus dan ngemaik iya ke kursi pengadilan; ¹³hidak bejakuk, 'Urang tok ngemaik urang-urang semayang ngusong Betara te bertentangan ngau hukom."¹⁴Alai Paulus ka beranau, Galio madah ke urang Yahudi, "Nuan urang Yahudi,nti hal tok karna penyalah atau kejahatan, tau jadi alasan berurusan ngau kitak. ¹⁵Tapi karna petenyaan-petanyaan tentang perkataan dan nama-nama dan hukom empu kitak, selesaikan keidirk. Aku nadai ka mengadili hal tok."¹⁶Galio nyuroh hidak nudi ke pangadilan. ¹⁷Udah nyak hidak hemua menyergap Sostenes, kepala sinagoge, dan maluk iya di depan pengadilan. Tapi Galio nadai hiboh nama te hidak pulah.¹⁸Paulus, pengudah diau beberapa ari agik, nudi ke kaban menyadik dan belayar ke Siria bereta ngau Priskila dan Akwila. Alai ka nudi ke pelabuhan, Kengkrea, ia nyukor kepalanya karna ia udah bernazar. ¹⁹Alai hidak sampai di Efesus, Paulus nudi ke Prikila dan Akwila din, tapi ia kedirik bejalai ke sinagoge dan bebekeh ngau urang Yahudi.²⁰Alai hidak minta Paulus untok dudi lebeh lama, ia ndai ka. ²¹Tapi alai iya berpamitan ngusong hidak, ia madah, "Aku nanti bekaleh agik ngusong nuan nati Tuhan ka," Ia pun lalu belayar dari Efesus.²²Alai Paulus belaboh di Kaisarea, ia pegi dan ketemu jemaat Yerusalem dan turon ke Antiokhia. ²³pengudah beberapa ari diak, Paulus berangkat dan bejalai ngelalu wilayah Galitea dan Firgia untok merik semangat murid-muridnya.²⁴Saat nyak sikok urang Yahudi benama Apolos, lahir di Aleksandria, datai ke Efesus. Ia tau mat bejakuk dan nguasai kitab suci. ²⁵Apolos udah belateh dalam ngajar tentang Tuhan. Dengan semangat, ia beranau dan ngajar dengan tepat hal-hal ngenai Yesus, tapi ia hanya ketau baptisan Yohanes. ²⁶Apolos mulai bejakuk dengan berani di sinagoge. Tapi alai Priskila dan akwila ninga iya, hidak bekawan ngau iya dan menjelaskan ngusongnya jalai Betara dengan lebih tepat.²⁷Alai ia ka nyeberang ke Akhaya, kaban menyadik nukong iya dan nuleih ngusong murid-murid di Akhaya untok nyambut iya. Alai ia sampai, ia mantu hidak mat te pecaya uleh anugerah. ²⁸Apolios menyatakan di mua urang Yahudi, te ditujukan dalam kitab suci bahwa Yesus nyak Kristus.

¹Alai Apolos agik di Korintus, Paulus ngelalu beberapa daerah dan datai di Efesus lalu ia betemu ngau beberapa urang murid din. ²Paulus betanya ngusong hidak, "APakah kitak udah nerima Roh Kudoih alai saat kitak pecaya?" Hidak pon jawab, "Nadai, kami empai kala ninga tentang Roh Kudoih."³Pauluspon betanya, "Lalu, ngau namalah nuan udah di baptis?" Hidak jawab, "Kami udah dibaptis ngau baptisan Yohanes Pembaptis." ⁴Jakuk Paulus, "Yohanes membaptis ngau baptisan pertobatan. Ia ngemaik urang mayoh agar hidak pecaya ngau seseorang te ka datai penyundah dia, yaitu Yesus."⁵Waktu urang mayoh nyak ninga hal tok, hidak pon nyerah kedirik hidak untok dibaptis di dalam nama Tuhan Yesus. ⁶Udah nyak alai saat Paulus naroh tangannya datau pala, Roh Kudoih turun datau hidak dan hidak bejakuk dalam bahasa-bahasa laen, dan bernubuat. ⁷Jumlah hidak bisik sekitar dua belaih urang laki-laki.⁸Paulus bejalai ke sinagoge dan beranau ngau berani selama tiga bulan, mengajar dan yakinkan hidak tentang kerajaan Betara. ⁹namun bisik beberapa urangYahudi te keras ati dan nadai ka nurot pengajaranny a-hlahhadamialumnop kadih ,l te jait tentang Kristus di mua urang mayoh. Uleh karna nyak Paulus nudi menjaohkan urang-urang pecaya dari antara hidak, mengajar hidak tiap ari di ruang perkuliahan Tiranus. ¹⁰Tok belansong selama dua taon, hingga mayoh urang te diaw di Asia ninga firman Tuhan, baek urang Yahudi maupun urang Yunani.¹¹Betara mulah m ayoh perbuatan te luar biasa ngelalu tangan Paulus. ¹²Bahkan urang te pedeh disembuhkan, roh jahat keluar dari hidak, alai mengau saputangan dan kain empu Paulus.¹³Tapi diantara hidak bisik beberapa urang Yahudi, pengusir setan te mengau nama Yesus untok kepentingan kedirik waktu bejalai ngelalu daerah nyak. Lalu hidak beranau ngusong urang-urang te kerasukan roh jahat, "Demi Yesus te diberitakan uleh Paulus, aku perintahkan nuan untok keluar." ¹⁴Imam kepala Yahudi, te benama Skefa, empu tujoh putra te mulah hal nyak.¹⁵Lalu Roh jahat nyak njawab hidak, "Yesus aku kenal, piak uga ngau Paulus; tapi sapa nuan?" ¹⁶Roh jahat te bisik dalam urang nyak ngelumpat dapik hidak, maluk dan muai hidak sampai hidakpon beguai dari rumah nyak dalam keadaan telanjang dan luka. ¹⁷Kejadian nyak tesebar di antara urang-urang Yahudi dan Yunani te diaw di Efesus. Hidak jadi entekik amat, hingga nama Tuhan Yesuspun dimuliakan.¹⁸JUga mayoh urang pecaya datai dan ngaku hal-hal jahat te udah hidak pulah. ¹⁹Mayoh urang te kala mulah sihir datai ngemaik kitab-kitab hidak dan nunu nya di mua semua urang. Kitab-kitab nyak ditaksir benilai lima ribu keping perak. ²⁰Firman Tuhan pon nyebar luas dengan penoh kuasa.²¹Pengudah Paulus selesai pelayanannya di Efesus, dengau tuntunan ROh Kudoih ia mutoih untok ngelalu Mekadonia dan Akhaya dalam pejalainya ke Yerusalem; jakuknya, "pengudah aku kin, aku uga harus ke Roma," ²²Lalu Paulus mengutus dua muridnya ke Mekadonia, yakni Timotius ngau Erastus, te udah mayoh nulong dia. Namun ia kedirik dudi di Asia untok sementara waktu.²³Nadai lama pengudah nyak, muncul sutik masalah te menggemparkan urang mayoh di Efesus. ²⁴Sikok tukang perak benama Demetrius, pemahat patong perak dewi Artemis, te udah nulong hidak pengrajin buleh pekerjaan, ²⁵ia ngumpol ke hemua pengrajin nyak dan bejakuk ngusong hidak, "Kaban menyadik, kitak hemua ketau bahwa pekerjaan tok ngemaik mayoh untong buat kitai.²⁶Pito kitak udah medak dan ninga nadai hanya di Efesus, tapi uga di seluruh Asia, bahwa Paulus udah mempengaruhi dan nyesat ke mayoh urang. Ia madah bahwa ndai bisik ilah-ilah dibentuk ngau tangan mensia. ²⁷Dan bukai hanya kitai jak te ka nyau pekerjaan, tapi uga kuil mewah dewi Artemis ka dianggap nadai beguna. Akibatnya kebesarannya ka malik di seluruh Asia dan di seluruh dunia te memujanya.²⁸Alai hidak ninga hal nyak, hidakpon ringat mat dan menciak-menciak, "Besailah Artemis dewi urang Efesus." ²⁹Seluruh kota jadi kacau, dan semua urang beguai tamak ke alam gedong kesenian. Lalu hidak nagkap bala kaban Paulus, Gayus dan Aristarkhus, te datai dari Makedonia.³⁰Paulus bekamsud untok tamak ke dalam gedong nyak, namun murid-muridnya ngeretak dia. ³¹Juga, beberapa petinggi di provinsi Asia te kawan Paulus ngirem pesan ngusongnya te mintak dia anang tamak ke dalam gedong kesenian nyak. ³²Beberapa urang menciak dan mulah urang-urang dapik nyak bingung. Mayoh diantara hidak nadai ketau untok nama hidak bekumpol dapik nyak.³³Urang-urang Yahudi ngemaik Aleksander ke mua urang mayoh nyak, Aleksander merik isarat ngau tangannya untok jelaskan ngusong urang mayoh. ³⁴Namun, alai urang mayoh nyak sadar bahwa ia adalah urang Yahudi, hidak lalu menciak nguman selama kurang lebeh dua jam, "Besailah Artemis dewi urang Efesus."³⁵Saat panitera kota udah nenang ke urang mayoh nyak, ia bejakuk, "Kitak urang-urang Efesus, bisikkah urang-urang dito te nadai ketau bahwa kota Efesus adalah penjaga kuil dewi Atemis dan uga gamar dari kaba utai te turon ari langit? ³⁶Hemua urang ketau hal tok, dan nadai bisik sutikpun te tau madah bahwa hal tok nadai benar. Kitak semua arus jenoh. Anang mulah hal-hal te budu. ³⁷Sebab nyak kitak nadai seharusnya ngemaik kedua urang tok kitok, hidak nadai merampok kuil atau menghujat dewi kitai.³⁸Adapun, nti Dermatrius ngau bala pekerjanya ngerasa bahwa hidak empuk masalah dengau urang-urang nyak, bisik baeknya nti hidak ngemaik masalah tok ngusong gubernur. Ayu ke hidak saling menyalahkan sikok ngau te laen. ³⁹Tapi nti hidak empu beberapa hal te ka ditanyakan, pekara nyak harus dibai ke pertemuan biasanya. ⁴⁰Karna sesungguhnya, kitai semua agik dalam bahaya atas tuduhan masalah kekacauan nyak, dan kitak nadai tsu menjelaskannya." ⁴¹Pengudah menjelaskan hal nyak, ia mubar [ertemuan nyak.

¹Udah ndai agik ribut, Paulus ngirem bala murid dan yakin ke hidak untok tetap pecaya pada Tuhan Yesus. Lalu ia mengucapkan selamat tinggal ngusong hidak dan bejalai agik ke Makedonia, ²Alai ia udah pegi ngelalu daerah-daerah nyak dan udah menyakinkan urang-urang pecaya untok tetap pecaya ngau Tuhan Yesus, ia bejalai keYunani. ³Udah nyak ia ngameih ke waktu tiga bulan din, kelumpok urang-urang Yahudi dibentuk untok ngelawan saat ia ka belayar nuju Siria, jadi ia mutuih untok bekaleh ngelalu Makedonia.⁴ia ditemani sampai ke Asia uleh Sopater putra Pirus dari Berea; Aristarkus ngau Sekundus, urang-urang tau dipecaya dari Tesalonika; Gayus dari Derbe; Timotius; dan Tikhikus dan Trephimus dari Asia. ⁵Tapi hidak udah jalai sebelom kami dan sedang agik nunggu kami di Troas. ⁶Kami belayar dari Filipi pengudah hari raya Roti Tidak Beragi dan dalam waktu lima ari kami sampai di Troas. Din kami diaw selama tujoh ari.⁷Ari petama, alai kami bekumpol besama untok mecahkan roti, Paulus bejakuk ngusong urang-urang pecaya, Ia berencana ka pegi lam ari, jadi ia tetap beranau sampai tengah malam. ⁸Bisik mayoh lampu di ruang datau dapik kami bekumpol besama.⁹Sikok urang laki bujang benama Eutikhus te dudok di jendela agik tinok. Alai Paulus beranau, bujang te agik tinoknya laboh dari lantai tiga dan dipedak udah nyau mati. ¹⁰Lalu Paulus turon, meregangkan tubohnya dan mekap bujang nyak. Lalu ia bejakuk, "Anang besedih agik, sebab ia idop."¹¹Lalu ia tiki agik dan memecah-mecahkan roti dan memakainya. pengudah bejakuk ngau hidak sampai suboh, ia pun pegi. ¹²Hidak ngemaik bujang mudai nyak idop-idop dan hidak ngerasa jauh lebeh tenang.¹³Kami kedirik pegi tanpa Paulus ngau kapal dan belayar nuju Asos, dapik kami berencana ka ngamik Paul. Tok adalah nama te ia deka pulah karna ia merencanakan untok pegi ngelalu darat. ¹⁴Alai ia betemu kami Assos, kami ngemaiknya ke kapal dan pegi ke Metilene.¹⁵Lalu kami belayar dari din dan sampai lam pagi di seberang Pulau Khios. Dan udah ari nyak kami sampai di pulau Samos dan udah ari nyak agik kami bejalai ke kota Miletus. ¹⁶Sebab Paulus udah mutoih untok belayar ngelalu Efesus, supaya ia nadai mayoh ngamehkan waktu di Asia; ia higat-higat bejalai ke Yerusalem untok ari Pentakosta, nti hemua tok memungkinkan untok ia pulah.¹⁷Dari Miletus ia ngirem urang-urang ke Efesus dn ngumai bala penatua jemaat. ¹⁸Alai hidak udah datai dapiknya, ia bejakuk ngusong hidak, "Nuan kedirik ketau, sejak ari petama aku nginjak kaki di Asia, kati baka aku selalu ngameihkan waktuku besama ngau nuan. ¹⁹Aku tetap melayani Tuhan ngau segala kerendahan ati dan ngau aik mata dan dalam penderitaante udah tejadi ngau aku karna kelumpok urang-urang Yahudi. ²⁰Nuan ketau kat baka aku nadai kala jenoh untok menyampaikan ke nuan nama te beguna dan kati baka aku ngajar ke nuan di depan mayoh urang dan uga bejalai dari rumah ke rumah. ²¹Nuan ketau bahwa aku tetap ngingatkan urang-urang Yahudi dan Yunani tentang bertobat ngusong Tuhan dan beriman dalam Tuhan Yesus kitai.²²Dan pitok, pedaklah, aku pegi di dorong uleh Roh Kudoih ke Yerusalem, nadai ketau hal-hal te ka terjadi ngau aku din, ²³kecuali Roh Kudoih memimpinku di tiap kota dan madah bahwa belenggu dan penderitaan nunggu aku. ²⁴Tapi aku nadai nganggap idopku beharga untok dirikku kedirik, hupaya aku tau nyelesaikan petandingan dan tugas te aku terima dari Tuhan Yesus, untok merik saksi tentang ajaran dan rohmat dari Tuhan.²⁵Pito pedaklah, aku ketau bahwa kitak semua, di antara urang-urang te aku beritakan tenang kerajaan Betara, nadai akan medak wajahku agik. ²⁶Karna nyak aku besaksi ngusong nuan ari tok, bahwa aku nadai besalah atas darah sapapon. ²⁷Karna aku nadai ka berenti menyatakan ngusong nuan keseluruhan kenekak Betara.²⁸Uleh karna nyak beati-atilah terhadap dirik nuan kedirik dan domba-domba te udah Roh Kudoih pecayakan ngusong nuan. Beati-atilah tehada[ gembala gereja te udah Kristus selamatkan dari dusanya ngau darahNya. (Daripada "ngau darahNya kedirik," beberapa salinan kuno dibaca, "ngau darah PutraNya kedirik,")* ²⁹Aku ketau bahwa pengudah kepergianku, serigala-serigala jahat akan datai di tengah nuan dan nadai akan bisik belaih kaseh ngau domba-dombamu. ³⁰Aku ketau bahwa beberapa urang ditengah nuan arus datai dan mendisttoral kebenaran untok menjauhkan murid-murid dari hidak.³¹Jadi bejaga-jagalah. Ingatlah bahwa selama tiga taon aku nadai henti-hentinya ngajar nuan ngai aik mata siang dan malam. ³²Dan pito aku mempecayakan nuan ngusong Tuhan dan kaba jakukNya te penoh rahmat, te mampu untok nguatkan iman nuan dan untok merik nuan warisanNya di tengah semua urang te merik diriknya ngusong Betara.³³Aku nadai ngingen ke pirak, emas atau kelamik. ³⁴Nuan kedirik ketau bahwa tangan tok melayani kebutuhanku dan kebutuhan urang-urang te bisik beretaku. ³⁵Dalam hegala hal aku merik nuan cuntoh kati baka nuan arus nulong te lemah dengan bekerja, dan kati baka nuan arus ngingat kata-kata Tuhan Yesus, kata-kata te ia kedirik padah; "Adalah lebeh di berkati urang te merik daripada te nerima."³⁶Pengudah ia bejakuk, ia belutot dan bedoa ngau hidak semua. ³⁷Hidak semua nyabak dan besandar di liher Paulus dan ngapoh iya. ³⁸Hidak sedeh karena nama te udah ia padah bahwa hidak nadai akan kala medak Paulus agik. Lalu hidak ngantar ia ke kapal.

¹Ketika kami bepisah dari hidak dan siap untok belayar agik, kami lansong nuju kota Kos dan pengudah ari nyak kami nuju kota Rodos lalu bejalai agik ke kota Patara. ²Alai kami buleh kapal untok nyeberang ke Fenesia kami niki dan siap belayar.³Alai kami tau medak pulau Siprus, kami ngelalu pulau nyak disebelah kiba dan terus belayar nuju Sirta udah nyak belabuh di kota Tirus, hebab kapal ka mungkar muat. ⁴Pengudah kami betemu murid-murid, kami tinok diak tujuh ari. Murid-murid nyak madah ke Paulus dalam Roh Kudoih bahwa Paulus anang nginjak kakinya di Yerusalem.⁵Alai kami udah ngamehkan waktu ari-ari kami, kami ngelanjutkan agik penjalai kami. HIdak semua bereta bini ngau anak-anaknya nganyong kami keluar kota. Lalu kami belutut di tepian pantai, kami bedoa dan ngucap salam perpisahan sikok ngau te lain. ⁶Kami niki ke kapal sementara hidak bekaleh pulai ke rumah.⁷Alai kami menyelesaikan pelayaran kami dari Tirus, tibalah kami di Ptolemais. Kami nyambot bala kaban menyadik din dan kami nginap sehari din. ⁸Di ari udah nyak kami nudi ke hidak dan bejalai ke Kaisarea. Kami tamak ke rumah Filipus, pengabar Injil nyak, te salah sikok dari tujoh urang terpileh nyak dan kami bemalam dapiknya. ⁹Laki nyak empu empat anak rinok te bernubuat.¹⁰Sementara kami bemalam beberapa ari diak, datailah dari Yudea sikok urang nabi te biasa bernubuat benama Agabus. ¹¹Ia datai ngusong kami dan ngamik ikat pinggang empu Paulus. Dengau ikat pinggang nyak ia namet kaki dan tangannya kedirik dan bejakuk, "Baka toklah kata Roh Kudoih, piak ugalah urang-urang Yahudi di Yerusalem ka namet te empu ikat pinggang tok, dan hidak ka nyerahkan dia ngusong bangsa-bangsa bukai Yahudi.¹²Alai kami ninga hal nyak, baek kami dan uga urang-urang te bisik diak muhhon ngusong Paulus agar nadai ke Yerusalem. ¹³Udah nyak Paulus madah hidak, "Nama yang nuan pulah, meratap dan ngancor ke ati aku? Hebab aku siap, nadai jak untok di tamet, tapi uga mati di Yerusalem untok Yesus Tuhan. ¹⁴Karna Paulus nadai tau dibujuk maka hidak berenti berusaha dan bejakuk, "Kiranya kenekak Tuhan jadi."¹⁵Pengudah ari-ari nyak, kami ngemaih barang-barang kami dan nuju ke Yerusalem. ¹⁶Bisik uga te bejalai bereta kami yaitu murid-murid dari Kaisarea. Hidak ngemaik sikok te benama Mnason, urang dari Siprus, murid mula-mula, te rumahnya ka kami singah.¹⁷Alai kami baru sampai di yerusalem, kaban menyadik menyambut kami dengan gaga. ¹⁸Ari udah nyak Paulus bejalai besama ngai kami untok betemu Yakobus dan tuai-tuai Yahudi bisik din. ¹⁹Alai ia udah nyapa hidak, ia menyampaikan sutik demi sutik hal-hal te Betara udah pulah di tengah bangsa-bangsa bukai Yahudi ngelalu pelayanannya.²⁰Alai hidak ninga hal nyak, hidak muji Betara dan hidak bejakuk ngaunya, "Pedaklah menyadik, beberapa ribu urang te udah jadi pecaya di tengah urang-urang Yahudi. Hidak hemua menetapkan untok mempetahankan hukom Taurot. ²¹Hidak udah becerita tentang nuan, bahwa nuan ngajar hemua urang Yahudi te idop di antara urang-urang Yahudi untok nudi ke musa dan nadai nyunat anak-anak hidak dan anang tambai tradisi-tradisi lama.²²Nama te arus kami pulah? Hidak hemua udah ninga tentang penatai nuan. ²³Jadi nama te ka kami padah ke nuan pito, kami empu empat urang te udah besumpah. ²⁴Bae lah urang-urang tok dan tahirkan dirik nuan besama hidak, dan bayarlah keperluan hidak, hupaya hidak tau mencukor bouk hidak. Hupaya semua urang ketau bada bahwa nama te dipadah ke hidak tentang nuan nadai amat. HIdak ka belajar bahwa nuan uga tamai hukom Taurat.²⁵Tapi tentang bangsa-bangsa bukai Yahudi te udah pecaya, kami udah nuleh surat dan merik petunjuk bahwa hidak arus menjauhkan dirik dari hal-hal te udah dipesembahkan pada behala, dari darah, dari binatang te mati dicekak, dan dari pecabulan. ²⁶Lalu Paulus ngemaik urang-urang nyak, dan ari pengudah nyak, mentahirkan dirik bereta ngau hidak, pegi ke dalam bait Betara.mengumumkan waktu akhir pentahiran, udah nyak pesembahan diberik ke tiap hidak.²⁷Alai ka udah masa tujoh ari, beberapa urang Yahudi dari Asia medak Paulus di Bait Betara, lalu hidak ngasot urang-urang untok nangkapnya. ²⁸HIdak menciak, "Urang-urang israel, tulonglah kami. tok urangnya te ngajar semua urang dimana-mana untok nentang umat, nenatang hukom Taurat ngau nentang dapik tok. Agi pula, ia ngemaik beberapa urang Yunani ke dalam bait Betara dan menajiskan dapik suci tok. ²⁹Hebab hidak udah medak Trofimus dari Efesus bereta dia di kuta dan hidak bepiker Paulus udah ngemaiknya ke dalam bait Betara.³⁰Penduduk kuta nyak jadi ramai dan urang-urang beguai untok nangkap Paulus. Hidak nyiretnya keluar dari bait Betara lalu nutup pintu dengan higat. ³¹Udah nyak hidak berusaha untok munohnya, tedingalah berita uleh kepala pasukan pengawal kuta nyak bahwa seisi kuta Yerusalem udah ramai.³²Higat ia ngemaik beberapa prajurit dan perwira untok bubarkan kerumunan. Alai kerumunan urang nyak medak kepala pasukan bereta prajurit-prajurit, lalui hidak berenti maluk Paulus. ³³Kepala pasukan nyak mendekati dan nahan Pualus, dan merintahkan agar dia dipasong ngau rantai. Ia betanya sapa urang tok dan nama penyalahnya sampai ia dipulah baka tok.³⁴Beberapa dari kerumunan urang nyak teriak sutik hal dan te lain teriak hal te lain agik. Karna kepala pasukan nadai ngerti nama-nama karna semua te kacau tok, ia perintahkan supaya Paulus dibae ke dalam markas. ³⁵Alai Paulus dampeng anak tangga, ia di katong uleh prajurit-prajurit karna kekacauan kerumunan urang. ³⁶Hebab kerumunan urang te niteh dari belakang teriak nguman, "Enyaukanlah dia."³⁷Alai Paulus ka dibae ke mamrkas, ia madah ngusong kepala pasukan, "Taukah aku bejakuk sesuatu ngau nuan?" Kepala pasukan jawab, "Apakah nuan tau beranau bahasa Ynani? ³⁸Bukaikah nuan urang Mesir, te dulau nyak mimpen pemberontakan dan mimpen empat ribu 'Pemunoh" dipadang gurun?"³⁹Kata Paulus, "Aku urang Yahudi dari kota Tarsus di Sisilia. Aku tok warga dari sebuah kota penteng. Aku minta nuan, ijinkan aku beranau ngusong urang-urang tok. ⁴⁰Maka kepala pasukan merik ijin Paulus beranau, lalu Paulus bediri datau tangga dan ngangkat tangannya ke urang mayoh nyak. Alai hemua urang diam, ia beranau ngau bahasa Ibrani. Ia madah,

¹"Oii Kaban nenyadik dan apai-apai, ningalah pembelaanku te ka ku sampaikan pito ngusong kitak." ²Alai urang mayoh ninga Paulus bejakuk ngusong hidalk dalam bahasa Ibrani, hidak tediam. Jakuknya,³"Aku urang Yahudi te lahir di Tarsus, Kilikia, namun besekolah di kota tok, dalam didikan Gamaliel. Aku dididik dengan disiplin mat sesuai hukom inik muyang kitai hingga aku jadi urang te giat bekerja untok Tuhan, sama baka te kitak semua pulah pito. ⁴Aku udah nyiksa pengikut-pengikut Jalai Tuhan sampai mati. Laki-laki dan rinok ku tangkap dan ku tamak ke dalam penjara. ⁵Uga imam-imam besai dan bala Majelis Tuai-tuai merik penjelasan bahwa aku nerima surat-surat dari hidak te ditujukan ngusong kaban menyadik di Damsyik, te ka ku bae alai dalam penyalai kin. Akin udah ngemaik pulai pengikut-pengikut jalai Tuhan bekaleh ke Yerusalem untok di hukom.⁶Udah tejadi bahwa alai aku di tengah jalai dan dampeng Damsyik, pada tengah ari tiba-tiba bisik cahaya terang amat dari surga besinar ngelileng aku. ⁷Udah nyak aku tegalik ke tanah dan ninga auh beranau ngau aku. Saulus, Saulus, ngapa nuan nyiksa aku?" ⁸Jawabku, Sapa bah nuan, Tuhan?' Ia madah aku, 'Akulah Yesus, urang Nasaret, te nuan siksa.⁹Hidak te bereta ngau aku uga medak cahaya nyak, tapi hidak nadai ngerti auh te bejakuk ngau aku. ¹⁰Aku bejakuk, 'Nama te arus tau aku pulah, Tuhan?' jawabNya ngau aku, 'Uwaislah dan pegi ke Damsyik; din akan Kupadah semuanya te arus nuan pulah.' ¹¹Dan karna cahaya terang nyak, aku nadai tau medak, dan arus ditunton uleh urang-urang te bereta ngau aku untk bejalai ke Damsyik.¹²Din aku ketemu ngau sikok urang benama Ananias, sikok orang saleh te taat hukom dan tekenal baek di antara hemua urang Yahudi te diaw diak. ¹³Ia datai bediri di sampeng aku, dan bejakuk, Saulus, menyadikku, medaklah nuan.' Sekejap nyak uga aku tau medaknya.¹⁴Udah nyak ia madah, 'Betara inik muyang kitai udah mileh nuan untok ketau badak kenekakNya, medak kebenaranNya, dan ninga suaraNya. ¹⁵Nuan ka nyadi saksiNya bagi hemua urang tenang nama te udah nuan pedak dan dinga. ¹⁶Dan pito, nama agik te nuan tungguk? Bangunlah, serahkan diri nuan dibaptis dan dosa-dosa nuan diampuni dalam namaNya.'¹⁷alai udah aku bekaleh ke Yerusalem, dan alai agik bedoa di dalam Bait Betara, Tuhan merik wahyu ngau ¹⁸aku. Aku medakNya dan beranau ngau aku, 'Cepat dan dudi ke Yerusalem dengan higat hidak nadai ka nerima pengajaran nuan tentangKu,'¹⁹Aku madah, 'Tuhan, hidak kedirik ketau bahwa aku penjarakan dan mencambuk urang-urang te pecaya ngau nuan di tiap sinagoge. ²⁰Waktu darah Stefanus saksiMu nyak ditumpahkan, aku uga bediri dampengnya dan setuju, dan aku nunggu kelamik urang-urang te munoh Stefanus.' ²¹Tapi Dia beranau ngau aku, 'pegilah, karna Aku ka ngirem nuan jauh sekali kepada bangsa-bangsa bukai Yahudi.²²Urang-urang ngijen Paulus beranau sampai selesai. Tapi udah nyak hidak teriak dan bejakuk, "Pegilah bereta kabanmu dari mua bumi: karna nadai berhak bagi nuan untok idop." ²³Alai hidak teriak, muai kelamik hidak, dan malong debu ke udara, ²⁴kepala pasukan merik perintah agar Paulus dibae ke markas. Ia nyuroh agar Paulus dicambuk dan diinterogasi, hupaya ia kediri ketau nama urang-urang teriak nentangnya baka nyak.²⁵Alai hidak udah masong Paulus ngau tali kulet hewan. Paulus bejakuk ngau perwira te agik bediri dampengnya, "Apakah tau kitak mencambuk sikok urang Roma te nadai diadili?" ²⁶Alai perwira nyak ninganya, pegilah ia ngusong kepala pasukan dan bejakuk, "Nama te ka nuan pulah? Laki nyak urang Roma."²⁷Kepala pasukan datai dan beranau ngusong Paulus, "Padah ke aku, apa nuan penduduk Roma?' Paulus jawab, "Auk." ²⁸padahnya agik, "Hanya ngau duet te mayoh, aku tau empu kewarganegaraan." Tapi Paulus bejakuk, "Aku memang telahir sebagai urang Roma." ²⁹Udah nyak urang-urang te ka interogasi Paulus cepat nudi ke nya. Kepala pasukan pun ngerasa entekik alai ia ketau bahwa Paulus warga Roma, karna ia udah masongnya.³⁰beberapa ari udah nyak, kepala pasukan ka untok medak kebenaran tentang te dituduh urang-urang Yahudi ngusong Paulus. Jadi ia ngelepaih tali pengikat Paulus dan merintah imam-imam kepala dan semua dewan bekumpol. Udah nyak ia ngemaik Paulus turon ke tengah urang mayoh

¹Paulus bejakuk ngau kaba sidak Mahkama Agama " belayan, aku idup pecaya penuh ngau Batara hampai ari tuk". ²Iman Besai Ananias nyuroh sidak bediri dampengnya tuk tampar mulutnya. ³udah nyak Paulus bejakut ngau nya, "Betara ti nampar nuan la, nuan munafik.⁴Sidak ti bediri ngau Ananias madah, "Tok kah cara kitak ngina Iman Besai Allah?" ⁵Jakut Paulus, "Aku tuk ndai tau badak nti ia Imam Besai," karna bisik tetuleh, Nuan ndai tauk madah jaik ngau penguasa bangsa dik".⁶Alai Paulus medak setengah ari sidak Mahkamah Agama nyak bisik urang ari Saduki ngau urang Parisi, lalu Paulus jakut ngau aroh nyaring, "Kaban belayan, aku tuk urang Parisi. uleh karna nyak aku yakin amat ngarap bisik pengidup urang mati, hampai aku di sidang. ⁷Alai ia madah hal nyak, lalu sidak urang Saduki ngau Parisi mulai bebekeh, lalu tepecah dua la hidak. ⁸sidak Saduki madah, ndai sik kebangkitan, nadai sik malaikat ngau kaba roh-roh, tapi sidak Parisi pecaya semua nyak.⁹Lalu sidak mulai belayak dan sidak kaba ahli kitab mashab Parisi bejakut, " kami tok nadai nemu nama penyalah Paulus. Kati baka nti roh ngau malaikat ti bejakut ngau ia?" ¹⁰Alai sidak agik nguman bebekeh, panglima ntekik ngai ke Paulus di palasah sidak, lalu ia nyuroh anak buahnya turon ke baroh lalu ngemaik paksa Paulus ke awa' ti aman ari sidak bala kaban Makamah Agung.¹¹Malam te suti Batara bediri dampengnya bejakuk, "Anang nteki' , sebab nuan dah becerita masalah tentang Aku di Yerusalem, maka nuan uga haros becerita gak di Roma.¹²Lam ari, beberapa urang Yahudi mulah sumpah ngau ngutuk diri', madah ke diri' ndai kak makai minom hampai sidak tau munoh Paulus. ¹³bisik sidak empat puloh urang ti mulah rencana nyak.¹⁴Sidak pegi ke tetua imam ngau ke urang tuai-tuai, madah, "kami dah ngutuk diri ndai makai minom hampai kami tauk munoh Paulus. ¹⁵uleh karna nyak, suroh Mahkamah Agama madah ke ngau panglima ngemaik Paulus kito untuk tau badak pekara amat-amat. tengankan kami pitok agik nyiapkan ngau munohnya, sempai ia datai kitok.¹⁶Anak inuk ari kaban Paulus ninga hidak bulak alai ngantik, nyak te ngasuh ia lari belamun alai ia madah Paulus. ¹⁷Paulus ngumai hikuk apik hidak," Baik anak tuk ngau bala pasukan, bisik te ka' di pdah ia ngau nuan.¹⁸Nyak ngasuh Perwira ngemaik ia ke kepala pasukan ngau bejakuk,"Paulus, petugas nyak ngumai aku ngau ia." ¹⁹Kepala pasukan ngemaik ia ngau betanyak," nama te ka' nuan padah ngau aku²⁰Nemiak nyak bejakuk,"Bala urang Yahudi dah ngasoh nuan ngemaik Paulus ke Mahkamah , baka te ka' nanya perkara nyak lebih amat - amat. ²¹Tapi anang nyerah ngau hidak, bisik empat puluh urang te ngalang ia diak. hidak minta kutuk nama te btejadi ngau bala dirik hidak, ngau nai makan minum hampai hidak munoh Paulus²²Kepala Pasukan ngasuh nemiak nyak angkat, udah ia madah nemiak nyak," Anang madah ngau hapapun te nuan dah bejakuk miak ngau aku. ²³Ia ngumai dua urang ari Perwiranya dan bejakuk," Gegak dua ratus prajurit alai kitai angkat ke Kaisarea, ngau tujuh puluh pasukan te ngau kuda, dua ratus te ngau tombak. Kitak angkat ilak njam sembilan. ²⁴Ia ngasuh hidak nyedia ke jelu te tauk di tikik Paulus, Ngau ngemaik ia ke Gubernur Feliks hampai datai.²⁵Ia nulis surat baka tuk. ²⁶Halam ari Kaludius Lisias ngau te di Mulia Gubernur Feliks. ²⁷Urang laki tuk di tahan urang Yahudi ia nyak ka' di bunuh hidak, pas aku ngau prajurit betemu ngau hidak ka' bebas ke ia, udah aku padah ia nyak urang Romawi.²⁸Aku ka' ketau ngapa hidak nuduh ia, nyak te ngasuh aku ngemai ia ke Mahkamah. ²⁹Aku ketau ia di tuduh hidak ngau hukum hidak, nyak ndai sik dakwaan te patut ngau munuh ia. ³⁰Nyak udah di ketau ngau aku ka' bisik hidak ngelawan urang nyak, nyak te ngasuh aku laju ngirim ke nuan, ngau aku ngasuh bala te udah nuduh ia, ngau mukti ke nama te udah hidak tuduh ngau ia.³¹Nyak te ngasuh Prajurit, hidak ngamik Paulus ka' nganjung ia ngau Antipatris alai malam ari. ³²Alai ari berikutnya, mayoh prajurit nuni keba pasukan bekuda ka pegi besama Paulus dan hidak kedirik bekaleh ke benteng pertahanan. ³³waktu pasukan bekuda tiba di kuta Kaisarea, lalu merik surat nyak ngau Gubernur. hidak uga ngenal Paulus ngau Gubernur³⁴Udah Gubernur maca surat nyak, hidak nanya Paulus asal dari ni,. hidak ninga asal dari Kilikia, ³⁵lalu ia bejakuk: "Aku ka' medak masalah nuan, bila bala hakim da datai ditok," udah nyak ia nyuroh Paulus di tahan di istana Herodes.

¹Pengudah lima ari, imam besai Ananias, beberapa tuai-tuai Yahudi, dan sikok urang pengacara benama Tertulus pegi kin. Hidak ngadap wali negeri untok ngadu tentang Paulus. ²Alai Paulus bediri di mua wali negri nyak, Tertulus mulai nyampaikan dakwaannya dan jakuknya ke wali negeri, "Karna jasa nuan kami ngerasa sejahtera, dan perencanaan nuan ngemaik perbaikan te baek bagi negeri kitai; ³jadi dengan penoh terima kaseh kami nyambot semua kaba utai te nuan pulah, amat baek Feliks.⁴Biar aku ndai telalu lama nyusah ke nuan. Aku minta untok ka ninga ke aku sekejap. ⁵Karna kami udah nemu bahwa urang tok udah jadi penyaket nukar dan udah mulah urang-urang Yahudi di seluruh dunia ngelawan. Ia jadi pemimpen sekte Nasrani. ⁶Ia uga berusaha menajiskan BAit Betara; karna nyak kami nahannya. (Beberapa salinan kuno menambahkan 24:6, "Dan kami ka menghakimi dia nurot Taurat kami.")⁷⁸Alai nuan nanya masalah tok ngusong Paulus, nuan uga akan ngerti nama te kami tudohkan tentang iya." ⁹Urang-urang Yahudi uga sama-sama nyalah ke Paulus, dan madah bahwa semua nyak benar adanya.¹⁰Tapi alai wali negari merik tanda agar Paulus beranau, Paulus jawab, "Aku ngerti bahwa selama betaon-taon, nuan udah nyadi hakim atas bangsa tok, hingga aku uga amat gaga ngejelas ke dirik ku ngusong nuan. ¹¹Nuan tau pastikan bahwa empai dua belaih ari sejak aku pegi semayang di Yerusalem, ¹²dan alai hidak nemu ke aku di Bait Betara, aku nadai bebekeh ngau sapapon, dan aku nadai ngasot mayoh urang, baek di sinagoge maopon di dalam kuta. ¹³Hidak ndai nemu bukti ke nuan tentang tuduhan te hidak pulah ngusong aku pito.¹⁴Tapi aku ngaku hal tok ke nuan bahwa nurot hidak te nyebut kami sekte, aku pon sama karna aku melayani Betara dari inik muyang kami. Aku taati semua te bisik dalam hukom Taurat dan kitab nabi-nabi. ¹⁵Aku empu keyakinan te sama dalam Tuhan, baka hidak te nungguk kebangkitan urang-urang te udah mati, baek urang-urang benar maupon urang te nadai benar. ¹⁶dan dala hal tok, aku berusaha nyaga agar dalam segala hal, jakuk atiku ndai cacat di mua Betara dan mensia.¹⁷Pito alai udah betaon-taon, aku datai untok nulong bangsaku dan merik sumbangan duet. ¹⁸Alai aku melakukannya, beberapa dari urang-urang Yahudi dari Asia medak aku agik mulah upcara penyucian di Bait Betara, tanpa mayoh urang diak dan ndai sik ribot. ¹⁹Urang-urang tok arusnya bisik ditok di mua nuan dan ngejelaskan tuduhan hidak ke aku, nto amat bisik.²⁰Atau nti nadai, ayu ke urang-urang tok madah nama penyalah te hidak temu dalam dirik aku alai aku bediri di mua Mahkamah Yahudi, ²¹atau apa kata-kata tok te aku padah ngau suara te nyaring alai aku bediri di antara hidak," Hal kebangkitan urang mati toklah te nyadi sebab aku dihakimi uleh nuan."²²Lalu, Feliks te udah ketau jalai Tuhan, nunda persidangan nyak. Ia bejakuk, "Bila Lisias, kepala pasukan udah datai dari Yerusalem barulah aku mutoih pekara tok. ²³Lalu ia nyuroh pewira untok ngawal Paulus, tapi diberik waktu lunggar agar ndai sik urang te ngeretak bala kaban Paulus te datai mdaknya.²⁴Beberapa ari pengudah, Feliks bekaleh ngau Drusila istrinya, te urang Yahudi, lalu ia nyuroh ngumai Paulus untok ninga cerita tentang imam pecaya dalam Yesus Kristus. ²⁵Tapi alai Paulus beranau tentang kebenaran, penguasaan diri, dan penghakiman te ka datai, Feliks nyadi entekik, dan bejakuk, "Pito, pegilah nuan, tapi bila aku sempat, aku akan ngumai nuan."²⁶Pada waktu nyak, ia ngarap bahwa Paulus ka merik duet ngaunya, sehingga ia piset ngumai Paulus untok beranau ngaunya. ²⁷Namun dua taon udah nyak, Perkius Festus menggantikan Feliks namun Feliks ka agar urang Yahudi tetap senang ngaunya, hingga ia tetap nahan Paulus dalam penjara.

¹Pito, Festus tamak ke wilayah nyak, dan pengudah tiga ari, ia angkat dari Kaisarea niki ke Yerusalem. ²Imam Kepala dan pemuka-pemuka Yahudi ngemaik tuduhan ngelawan Paulus ke Festus, dan hidak dengan kuat madah nyak ngusong Festus. ³Dan hidak udah minta ke Festus untok kepihak hidak tentang Paulus-agar ia tau ngumai Paulus ke Yerusalem hupaya ngau piak hidak tau munoh Paulus dalam perjalanan.⁴Tapi Festus jawab bahwa Paulus agik ditahan di Kaisarea, dan bahwa ia kedirik ka secepatnya bekaleh kin. ⁵Karna nyak, sapa te buleh," jakuknya, "Arus tamai kin bereta kami." Nti bisik hal te salah ngau urang nyak, kitak arus nuduh iya."⁶Pengudah ia diaw selama delapan atau sepuloh ari agik, ia angkat nuju ke Kaiserea. pengudah ari nyak, ia dudok di kursi penghakiman dan merintah supaya Paulus dibae ngusongnya. ⁷Alai Paulus udah datai, urang-urang Yahudi dari Yerusalem udah bediri dampengnya, dan hidak ngemaik mayoh tuduhan berat te nadai tau hidak buktikan. ⁸Paulus membela dirinya dan bejakuk, "aku nadai mulah penyalah ngelawan BAit Betara, atau ngelawan Kaisar."⁹Namun, Festus ka buleh keuntungan dari urang-uang Yahudi, hingga ia jawab Paulus dan bejakuk, "Apa nuan ka pegi niki ke Yerusalem dan dihakimi ulehku tentang hal-hal tok din?" ¹⁰Paulus jawab, "Aku bediri dimua kursi penghakiman Kaisar dapik aku arus diadili. aku nadai besalah ngau urang-urang Yahudi dalam hal namapon, baka te nuan uga ketau dengan jelaih.¹¹namun, nti aku udah mulah penyalah dan nti aku mulah sesuatu te tau membuatku pantaih mati, aku nadai nulak untok mati. Tapi nti ditudoh ndai sik bukti, nadai sikokpon tau untok nyerah ke aku nguspong hidak. ¹²Aku ngumai Kaisar." Pengudah Festus beranau ngau anggota Mahkamah, ia madah, "Nuan ngumai Kaisar, nuan akan ngadap Kaisar!'¹³Pengudah beberapa ari, Raja Agripa dan Bernike datai di Kaisarea untok medak kerja dari Festus. ¹⁴pengudah beberapa ari ia din, Festus nyampaikan masalah Paulus ngusong raja; ia madah, "Bisik sikok udah di dudi dito uleh Feliks sebagai tahanan. ¹⁵Alai aku agik di Yerusalem, imam kepala dan tuai-taui urang Yahudi menyampaikan tuduhan urang tok ngau aku, dan hidak minta agar iya dihukom. ¹⁶Terhadap hal tok aku jawab bahwa bukailah kebiasaan Romawi untok ngelaih seseorang karna kebaikan; sebaleknya urang te ditudoh nyak seharusnya diberik kesempatan untok ngadap bala penuduhnya dan bisik pembelaan atas tuduhan ngusongnya.¹⁷Hebab nyak, alai hidak bereta datai kitok, aku nadai nunggu, aku dudok di kursi penghakiman dan merintah agar urang nyak dibae ngusong aku. ¹⁸Alai bala penudoh bediri dan nudohnya, aku bepiker ndai sik sutikpun tuduhan te tau memberatkan dia. ¹⁹Sebaleknya, hidak malah bebekeh ngau nya tentang agama hidak dan tentang Yesus, te udah mati, te Paulus pecaya bahwa ia udah idop agik. ²⁰Aku bingung kati baka nyelidek kasus tok, dan aku betanya ngusongnya apakah ia ka pegi ke Yerussalem untok diadili din tentang kasus tok.²¹Tapi alai Paulus dikumai untok ditahan uleh bala penjaga hebagai keputusan Kaisar, aku merintah dia untok tetap ditahan sampai aku ngiremnya ngau Kaisar." ²²Agripa udah madah ngusong Festus, "Aku uga ka ninga urang tok." "Pagi," jakuk Festus," Nuan akan ninga ke iya."²³Pagi arinya, Agripa dan Bernike datai dengau mayoh sambutan; hidak tamak ke halaman bereta ngau bala perwira militer dan behama ngau urang-urang yang terhormat di kota nyak. Alai Festus nyampai ke printah, Paulus dibae ngusong hidak. ²⁴Festus bejakuk, "Raja Agripa, dan kitak semua te besama ngau kami, pedaklah laki tok; urang-urang Yahudi betanya ngau aku di Yerusalem dan uga dito, dan udah teriak ngusong aku agar ia harus diakhiri idopnya.²⁵Aku udah pelajari bahwa ia nadai mulah apapon te beharga kematian; tapi karna ia ngumai Kaisar, aku mutoih untok ngirem dia. ²⁶Namun aku nadai empu kepastian untok dituleh ngau Kaisar. Atas alasan tok, aku udah ngemaiknya ngusong kitak, terutama ngusong nuan Raja Agripa, hingga aku tau buleh sesuatu lebeh untok dituleh tentang hal tok. ²⁷Karna hal tok nampaknya ndai sik alasan bagiku untok ngirem sikok tawanan dan tanpa tuduhan padanya."

¹Lalu raja Agripa bejakuk ngusong Paulus, "Nuan diberik kesempatan untok membela dirik." Lalu Paulus merik kode ngau ngangkat tangannya dan merik pembelaan. ²Aku ngerasa gaga, Raja Agripa, untok mulah pekaraku sebelum ari tok nuan ngelawan seluruh tuduhan dari kaum Yahudi. ³Terutama, karna nuan ahli tehadap semua hukom urang Yahudi. Jadi aku muhon nuan besabar ninga ke aku.⁴Sungguh, hemua urang Yahudi ketau kati baka aku idop alai aku mudai di kampongku dan di Yerusalem. ⁵Hidak ngelala aku dari awal dan ketau aku urang Farisi, te tegas amat dalam keagamaan⁶Pito aku bediri dito untok diadili karna aku nungguk penggenapan janji Batara, apai kitai. ⁷Uleh karna tok janji te ditungguk uleh kedua belaih suku alai hidak dengan tulos nyembah Batara siang dan malam. Hal tok untok pengharapan uleh Raja Agripa, urang-urang Yahudi te nudoh aku. ⁸Nama kitak piker ndai mungken bahwa Betara bangkit dari kematian?⁹Pada suatu saat aku bejakuk ngau diriku kedirik bahwa aku arus mulah hegala hal untok ngelawan Yesus urang Nasaret. ¹⁰Aku mulah nyak waktu di Yerusalem. Aku penjarakan urang-urang pecaya dengan kekuasaan te diberik uleh kepala imam, bahkan aku setuju nti hidak dibunoh. ¹¹Aku nyiksa hidak di dalam rumah-rumah ibadat bekali-kali dan aku nyuba untk maksa nyangkal iman hidak. Mati-matian aku ringat ke hidak, dan nyiksa hidak, bahkan sampai ke kuta-kuta asing.¹²Sementara aku mulah tok, aku bejalai ke Damsyik ngau otoritas dan perintah penoh dari imam-imam Kepala; ¹³alai agik bejajai kin, pas tengah ari, Raja, aku medak cahaya dari surga te lebeh terang dari matahari dan sinar nyak menerangi kami bedua dan uga hidak te bereta ngau kami. ¹⁴Alai kami semua rebah ketanah, aku ninga auh te madah ngusong aku dalam jakuk Ibrani, 'Saulus,Saulus, nama nuan nyiksa Aku? sesungguhnya susah bagi nuan untok berenti ke nya.'¹⁵Lalu aku bejakuk, "Sapa bah nuan, Tuhan?" Tuhan jawab, 'Akulah Yesus te nuan siksa. ¹⁶Pito uwais dan bedirilah ngau kaki nuan; karna untok tujuan tok Aku nempak kedirik ngusong nuan, untok nunjok ke nuan menjadi seorang pelayanan dan seorang saksi tentang hal-hal te nuan ketau tenang Aku pito dan hal-hal te ka Aku tunjokkan ngusong nuan ila; ¹⁷dan Aku ka nyelamatkan nuan dari urang-urang dan dari urangte bukai Yahudi saat Aku ngutoih nuan, ¹⁸untok muka mata hidak dan untok ngubah hidak dari te gelap ngusong terang dan dari kuasa setan pada Betara, supaya hidak tau nerima dari Betara pengampunan atas dusa-dusa dan warisan te Aku berik ngusong hidak te dikudoih uleh iman di dalamKu.'¹⁹Uleh penyebab nyak, Raja Agripa, Aku nadai akan nyangkal tedepedak sorgawi, ²⁰Tapi, petama-tama aku mengabarkan ngusong urang Damsyik udah nyak ngusong urang Yerusalem, dan semua tanah Yudea, dan uga urang-urang bukai Yahudi, aku madah ke hidak harus betobat dan bekaleh ngusong Betara serta menyatakan petubatan. ²¹Karna nyaklah urang-urang Yahudi nangkap aku di Bait Betara dan nyuba ka munoh aku.²²Betara udah nulong aku sampai pito, jadi aku bediri dan besaksi ke urang mayoh dan te aku saksikan adalah tentang suatu te lebeh dari nama te udah di padah dari bala nabi dan Musa. ²³Bahwa Kristus arus sengsara, dan bangkit dari tengah urang mati dan untok mengabarkan terang ngusong urang Yahudi dan bukai urang Yahudi.²⁴Sementara Paulus mempetahankan pendapatnya, Festus bejakuk ngau suara nguman, "Paulus, nuan gila." ²⁵Tapi Paulus madah aku nadai gila, aku bejakuk nurot te benar dan ngau pemiker te sehat. ²⁶Karna raja ketau tentang hal toj; dan uga, aku bebas bejakuk ngau nya, menyakinkan, bahwa nadai sik te delamon darinya; karna masalah tok bukai hal te dilamon.²⁷Apakah nuan pecaya ngau bala nabi, Raja Agripa? Aku ketau bahwa nuan pecaya." ²⁸Agripa bejakuk nau Paulus, "Apakah nuan ngumok aku dan mulah aku Kristen?" ²⁹Paulus madah, aku bedoa ngau Tuhan kiranya higat atau lama bukai aja nuan, tapi uga semua urang akan ninga, baka aku, bahkan tanpa tebelenggu."³⁰Lalu raja Agripa bediri, dan gubernur berta wali negeri uga Bernika dan semua te dudok besama ngau hidak; ³¹alai hidak nudi dapik nyak, hidak beranau sikok ngau te laen dan bejakuk, "Urang tok nadai mulah sesuatu te layak nerima hukoman mati," ³²Raja Agripa bejakuk ngau Festus, "Urang tok sebenarnya udah tau dibebaskan nti ia nadai niki banding ke Kaisar."

¹Alai diputoihkan bahwa kami arus belayar ke Italia, hidak nyerah ke Paulus dan berapa urang tahanan ngusong sikok kepala pasukan Romawi benama Yulius, dari pasukan kekaisaran Agustus. ²Kami numpang kapal dari Adramitium, te ka belayar ke psisir Asia. Udah nyak kami ke laot. Aristarkhus dari tesalonika di Makedonia ngawan kami.³Lam pagi kami belabuh di kuta Sidon, diak Yulius baek mat ngau Paulus dan ngijen ke Paulus ngusong bala kabannya untok nerima perhatian dari hidak. ⁴Dari nyak, kami bekaleh ke laut dan belayar niti pulau Siprus te aman dari angin ribot, karna angin udah nyerang kami. ⁵Alai kami agik belayar mengarungi laut dampeng Kilikia dan Pamfilia, Sampailah kami ke MIra, sutik kuta di benua Likia. ⁶Din, kepala pasukan Romawi nemu sutik kapal dari Aleksandra te ka belayar nuju Italia. Ia nyuroh kami tambai kapal nyak.⁷Alai kami udah belayar beberapa ari dengan susah payah, akhirnya kami sampai dampeng Knidus. Angin ribut mulah kami nadai tau melanjutkan, hingga kami bejalai ngelalu pesisir Kreta, diseberang Salmone. ⁸Kami susah mat bejalai sampai tiba di Pelabuhan Indah dampeng kota Lasea.⁹Kami udah ngemeh mayoh waktu, bahkan alai puasa Yahudipun udah belalu, dan pito jadi bahaya nti belayar. Udah nyak Paulus ngingat ke hidak, ¹⁰dan bejakuk, "Kaban menyadik, aku ngerasa bahwa penyalai kitai tok penoh bahaya dan mayoh rugi, bukai hanya muatan dan kapal, tapi uga nyawa kitai." ¹¹Tapi kepala pasukan Romawi lebih ninga ke Nakhoda dan empu kapal daripada beranau Paulus.¹²Karna nadai mudah untok ngameh ke musem celap dipelabuhan nyak, mayoh pelaut menyarankan untok belayar terus dari nyak ngau segala upaya untok sampai ke kuta Deniks, dan ngameh kemusem celap din. Feniks adalah kuta pelabuhan di Kreta, ngadap ke timor laut dan bagian tenggara. ¹³Alai angin selatan mulai behembus sepoi-sepoi, bala pelaut bepiker bahwa hidak udah tau mulai belayar. Maka hidakpun ngangkat jangkar dan belayar sepanjai Kreta, dampeng ngau tepian.¹⁴Namun pengudah beberapa saat, angin nguman te disebut Angin timur Laut, ngantam kami dari seberang pulau. ¹⁵Alai kapal teperangkap dan nadai tau ngelawan angin, kami nyerah dan dikendalikan ulehnya. ¹⁶Kami belayar dapik te aman pada sutik pulau jepet benama Kauda; dan ngau susah payah kami ngamankan sekoci.¹⁷Alai hidak udah niki ke sekoci, hidak ngau tali untok nambet lambung kapal. Hidak entekik kami melarikan dirik nyusuri tumpokan pasir Sirtis, maka hidak ngelepaih jangkar dan ngayu ke kapal terapung. ¹⁸Kami di dera bekali-kali uleh badai, sampai lam pagi bala pelaut muai muatan keluar dari kapal.¹⁹Alai ari ketiga bala pelaut muai kaba alat kapal hidak kedirik. ²⁰Alai matahari ngau bintang nadai kepedak selama beberapa ari, dan badai besai agik ngantam kami, hemua harapan kami untok diselamatkanpun nyau.²¹Alai hidak udah lama nadai bisik tepemakai, Paulus bediri di mua bala pelaut dan bejakuk, "Kaban menyadik, seharusnya kitak ninga ke aku, dan nadai belayar dari Kreta, nti ndai kitai ndai nemu susah dan rugi baka tok. ²²Dan pituk aku nulong nuan untok berani, karna nadai bisik dari kitak te ka nyau nyawa kecuali nyau kapal tok.²³Hebab semalam malaikat dari BEtara te aku pecaya, te aku sembah-bediri dampeng aku ²⁴dan bejakuk, "Anang entekik Paulus. Nuan arus ngadap Kaisar, dan pedaklah, Betara dalam hegala kebaikanNya udah berik ke nuan keselamatan semua urang te belayar bereta nuan. ²⁵Uleh nyak kaban menyadikku, kuatkan ati nuan, hebab aku pecaya Betara, bahwa ka tejadi persis baka te dipadah ngau aku. ²⁶Tapi kitai arus mendamparkan kapal kitai ke suatu pulau.²⁷Saat malam keempat belaih udah lalu, dan kami agik ngapong di laut Adriatik, kira-kira waktu tengah malam bala pelaut bepiker bahwa hidak udah dampeng daratan. ²⁸Hidak ngukur penalam aik dan nemu dua puloh depa dalamnya laut; pengudah beberapa waktu, hidak ngamik alat ngukur dalam aik agik dan ngukor lima belaih depa dalamnya. ²⁹Hidak entekik mungken tau ngeruduk batu karang, maka hidak turonkan empat jangkar dari buritan kapal dan bedoa agar pagi lam higat datai.³⁰Bala Palaut ngega cara untok nudi ke kapal dan sekoci udah diturun ke laut, pura-pura ka muai jangkar dari haluan kapal. ³¹Tapi Paulus bejakuk ngusong kepala pasukan Romawi dan prajuritnya, "Kitak nadai tau selamat, kecuali kalau urang-urang tok dudi di kapal." ³²Lalu bala prajurit mutong tali sekoci dan ngayu ke sekoci ngapung.³³Pas ka siang, Paulus maksa hidak untok makai. Ia madah, "Ari tok adalah ari keempat belaih kitak nunggu ndai sik makai nama-nama. ³⁴Jadi aku minta kitak makai, karna tok demi keselamatanmu; nadai sehelaipun rambut datau pala nuan nyau." ³⁵Alai ia ameh bejakuk nyak, ia ngamik roti dan ngucap syukur ngusong Betara di mua semua urang. Lalu ia memecahkan roti dan muali makai.³⁶Udah nyak hidak dikuatkan dan mulai makai. ³⁷Kami semua bisik 276 urang di kapal. ³⁸Alai semua udah makai, hidak meringankan kapal dan muai kaba gandum ke laut³⁹Alai siang ari, hidak nadai menyadari daratan, tapi hidak medak sebuah teluk ngau pantai, dan hidak berunding apakah tau nyandar kapal diak. ⁴⁰Jadi hidak mutong jangkar dan nudi ke nya di laut. Alai saat te sama hidak ngelaih ke tali kemudi dan ngangkat ke layar untok ditiup angin; dan ngau piak hidak tau nuju ke pantai. ⁴¹Tapi hidak sampai dapik betemunya dua arus, dan kapal mulai karam ke dasar laut. Haluan kapal tejebak din dan nadai tau begerak, dna buritan kapal mulai pecah karna di empas umbak.⁴²Bala prajurit udah berencana ka munoh bala tahanan hingga nadai sik sikokpun dari hidak te tau berenang dan melarikan dirik. ⁴³Tapi kepala pasukan Romawi ka nyelamatkan Paulus, lalu ia batalkan rencana hidak; ia merintah ke hidak te tau berenang, untok terjun ke laut dulau dan berenang ke daratan. ⁴⁴Udah nyak sisanya mengikuti, beberapa mengau papan, keda ngau kaba utai dari kapal. Dengan piak, selamatlah kami semua sampai di daratan.

¹Alai kami datai, kami ketau badak nama benua nyak Malta. ²hidak dikampong Malta gaga nyambut kamu datai, keadaan celap karna ujan ngambot , jadi hidak ngidop api.³Alai Paulus ngumpol keba kayu api ka dipanok, bisik sikuk ibak bebisa keluar ari sarang, karena ngerasa panaih dan matok jariNya. ⁴pas hidak kampong diak medak ibak nyak ngantong di jarinya, hidak bepadah hikok ke hikok lain, "urangnya pasti tukang munoh yang lari dari laut, keba Dewi Keadilan ngai nyuruh Iya idup⁵Tapi ndai lama Paulus lansong ngebaih ibak ti di jari Nya ke dalam api dan jarinya ndai sik nama-nama. ⁶Hidak Hemua diak nunggu maya Paulus kena demam dan lansung mati. udah lama hidak nunggu tapi Paulus baek-baek jak, hidak berubah pemiker lalu hidak bejakuk Paulusnya adalah Dewa.⁷Bisik suti tempat dampeng tanah empu pemimpen benua Malta, nama retuai nyak Publius. Selama tiga ari kami dilayan dengan baek. ⁸Apai Publius pedeh kena demam ngau disentri. Paulus datai medak iya kiak, bedoa sambel megai pala apai Publius, lalu iyapun sembuh. ⁹mayoh urang dipulau Malta ti pedeh ngusong Paulus minta didoakan dan semboh. ¹⁰Urang-urang nyak merik kami keba utai mayoh mat. alai kami nyau ka belayar, hidak merik nama ti kami perlu.¹¹udah tiga bulan tok kami belayar dan ngameh ke waktu musem celap di pulau Malta, kapal Alexandria belambang "Dewa kembar". ¹²Udah nyak kami singgah di kuta Sirakusa, kami diaw diak selama tiga ari.¹³Dari kuta Sirakusa kami layar agik ke kuta Regium. Udah nyak kami angkat agik ke kuta Putioli selama dua ari,. ¹⁴Di kota Putioli tok lah kami ketemu ngau bala kaban seiman dan kami di baiek diaw di rumah sidak selama tujoh ari. Dari tok kami berangkat agik ke Roma. ¹⁵Keba bala kaban ti ninga kami datai lansong ngusong kami sampai ke Forum Apius dan Tres Taberne. Alai Paulus ketemu sidak bala kaban, Paulus besyukur mat ngau Tuhan dan buleh semangat agik.¹⁶Alai kami tama'k ke Roma, Paulus diijinkan diaw kedirik besama prajurit ti nyaga iya. ¹⁷Lalu udah tiga ari, Paulus lalu ngumai sidak bekumpol dari tetuai tetuai sidak urang Yahudi. Alai sidak dah bekumpol, Paulus bejakuk, "keba bala meyadik, aku tok nadai bisik penyalah ngau urang atau ngau keba adat istiadat inik muyang kitai, aku di hukom dari Yerusalem hampai ke tangan Romawi. ¹⁸Udah hidak ngega penyalahku tapi nadai sik ketemu, hidak ka membebaskan aku dari hukoman mati.¹⁹Tapi alai hidak urang Yahudi bejakuk yang betentangan ngau keinginan hidak, aku dipaksa niki banding ngau Kaisar, biarpon aku nadai ngadu ke bangsaku. ²⁰Alai Niki banding ku tok, aku minta ketemu ngau kitak dan bejakuk ngau kitak. uleh kepecayaan urang Israel-lah ti nyebab akku tok di tahan.²¹Lalu hidak bejakuk ngau Iya, "kami tok nadai sik nerima surat dari Yudea tantang Nuan, ngau keba menyadik nuan yang datai dan melaporkan keba hal-hal ti jait tentang nuan. ²²Tapi kami ka ninga dari nuan, nama pendapat nuan tenang perkumpolan tok, kami tauw badak karena dari jakut urang-urang.²³Udah sidak nentukan satu hari untukNya, lalu makin mayoh lah urang-urang datai ke tempatnya. Iya ka bejakuk nama ti pemasalahannya ngau sidak, dan ka bersaksi tantang Kerajaan Betara. Paulus cuba menyakinkan sidak tentang Yesus, mengaw hukum Musa maupun dari sidak para Nabi, dari lam hampai petang. ²⁴Beberapa ikok tau diyakinkan, tapi yang lain tetap nadai pecaya.²⁵Akhirnya hidak ti nadai pecaya lalu pegi, "Roh Kudus bejakuk melalui Nabi Yesaya kepada keba inik muyang. ²⁶JakukNya "Kin lah ngau urang-urang nyak dan padah ke sidak, "Ngau kuping nuan ninga tapi nadai paham; ngau mata nuan medak tapi nuan nadai paham uga".²⁷keba hati bangsa tok udah nyadi bebal dan kuping hidak udah susah ka ninga, keba mata hidak dah ketutop. Nyak lah maka hidak nadai tauw medak ngau mata, dan ninga ngau kupingnya dan bepiker ngau ati hidak dan bebalek agik,. Aku ka memulihkan hidak."²⁸Maka, Nuan arus ngerti bahwa Selamat dari Betara udah dikirem ngau urang-urang ti bukai Yahudi, dan hidak akan ninga.' ²⁹(kIS.28;29- Beberapa salinan kuno bisik ayat 29; "alai Iya madah hal tok, urang-urang Yahudi itu udah pegi. Hidak mengalami suatu pekara besai ditengah sidak.")³⁰Paulus diaw selama dua taon dirumah ti Iya sewa, Iya menyambut hemua urang ti datai ke rumahnya. ³¹Iya mengabarkan tentang kerajaan Betara dan ngajar hidak tentang TUhan Yesus Kristus dengan berani. Nadai sik sikokpun ti berani nyuruhnya beranti.

¹Salam dari Paulus, Silvanus, dan Timotius ngusong jemaat di Tesalonika dalam nama Batara, apai kita dan Tuhan Yesus Kristus. ²Anugerah ngau damai sejahtera bagi kitak dari Betara, Apai kita dan Tuhan Yesus Kristus.³Kitai semua udah sepatutnya arus besukur ngau Betara, Sebab, iman ngau kasih kitak bala sesama kaban makin betumbuh dan makin besai. Karna nyaklah kami bejakuk kisah nuan dengan gaga depan jemaat Betara, ⁴uleh karna iman ngau penyabar nuan di tengah hidak te melasah dan te menyensarakan nuan dan nuan alami. Tentang Pengakiman Betara. ⁵Tok adalah bukti pengakiman te adel dari Betara, Dan nuan udah pantas bagi Kerajaan Betara karna nuan udah idup merinsak⁶agik pula, adel bagi Betara untok ngebalas hidak te nyiksa nuan sampai hidup merinsak, ⁷tapi Betara merik kelegaan ngau nuan yg di tindas, ngau kami uga, saat Betara Yesus dinyatakan ari Surga bereta para malaikat-Nya te luar biasa ⁸dalam api te tubah nyala untok ngebalas hidak te nadai ngelala Betara dan nadai taat ke Injil Yesus Betara kitai.⁹Hidak akan ngalami hukuman kebinasaan te abadi, jaoh dari hadirat Betara dan dari kemuliaan kekuasaanNya. ¹⁰Alai Ia datai untuk dimuliakan diantara urang-urang kudoih-Nya dan untuk dikagumi di antara urang te udah pecayak, hebab kesaksian kami ke nuan dipecayak.¹¹uleh karna nyak, kami keran bedoa untuk nuan, kiranya Betara kitai nganggap kitai pantaih akan panggilanmu dan setiap kenekak dicukopkan untuk mulah tebaek dan pekerjaan iman ngau kuasa-Nya, ¹²hupaya nama Betara Yesus kitai dimuliakan di dalam nuan dan nuan di dalam Dia, baka ngau anugerah Betara kitai dan Betara Yesus Kristus.

¹Hemaya tuk, penatai Batara kitai, Yesus Kristus, dan alai kitai disatukan uleh Nya, kami minta nuan kebala kaban. ²supaya nuan anang higat mat nuan bingung alam bepiker atau gelisah pas ninga bahwa ari Betara dah datai, baek dari roh, atau pesan atau surat tehebaka ari kami.³Anang ayu ke sikokpun te nyesat ke nuan dengau cara apa pun. Sebab, ari nyak danai datai ntik nadai sik kemurtadan dan manusia ti jahat di nyatakan, yaitu si anak kebinasaan, ⁴ti ngelawan dan ningik ke diriknya tehadap hemua ti di sebut Betara atau ti di semah urang, dan iya ka ngambik tempat dudok di bait Betara dan madah ke diriknya sebagai Betara.⁵Ndai ingat kah nuan alai waktu nyak aku agik tambai nuan, aku madah ke hal tuk ngusung nuan? ⁶ntuk, nuan tauk badak nama ti nahannya sehinga baru pada saatnya nantik, ia ka di nyatakan. ⁷Hebab, misteri kedurhakaan agik tubah bekerja, cuma dia te pitok agik menahannya dan akan tetap menahannya hampai iya dibuai.⁸Dah nyak, menusia jait ati nyak ka di nyatakan. Namun, Betara akan munuhnya ngau napas mulutnya dan ngenyau ke nya dengan penatainya. ⁹Penatai si mensia jaik ati nyak akan hebaka ngau kerja iblis, bereta ngau kaba macam kuasa, tanda-tanda ajaib, dan mukjizat-mukjizat palsu, ¹⁰dan ngau hemua muslihat jahat bagi hidak te akan binasa karna sidak nyak ndai ka mengasihi kebenaran sampai diselamatkan.¹¹Nyak ti ngasoh, Betara ngirem kesesatan te hebat atas sidak, ayu ke hidak pecayak te bebulak, ¹²hampai sidak semua tauk dihakimi, yaitu hidak te ndai pecayak pada kebenaran dan gaga ke te jait ati. Nuan di pileh untuk diselamatkan.¹³Bala kaban ti di kasihi Betara, kami arus selalu besukur ngusong Betara untok nuan. Hebab, Betara udah mileh nuan ari awal untuk di selamatkan ngelalu pengudusan uleh Roh dan iman alam kebenaran. ¹⁴Untok nyaklah Betara ngumbai nuan ngelalu injil ti kami padah supaya nuan buleh kemuliaan Betara kitai, Yesus Kristus. ¹⁵Jadi, bala kaban, bedirilah nguman dan pegai ajaran-ajaran te udah kami ajar ngusong nuan, baik ngelalu kata-kata maupun surat ari kami.¹⁶Ntuk, kiranya Betara kitai, Yesus Kristus kedirik dan Betara Apai kitai, te udah mengasihi kitai dan merik kitai pengiburan kekal dan pengarapan ti indah ngelalu anugerah, ¹⁷Ngibur dan nguat ke hati nuan alam tiap pekerjaan dan bejakuk ti baik.

¹Akhirnya, kebala kaban, bedoalah untuk kami, ayu ke firman Betara tauk tesebar dengan laju dan dimuliakan, baka te yang tejadi di antara nuan, ²dan ayu ke kami dilepaskan ari urang-urang te kejam dan jait ati karna ndai hemua urang mpu iman. ³Namun, Betara nyak setia. Ia akan menguatkan dan ngelindong nuan dari te jait ati.⁴Kami mpu keyakinan alam Betara tentang nuan bahwa nuan agik mulah dan akan terus ,mulah nama te kami perintahkan. ⁵Kiranya Betara mengearahkan ati nuan pada kasih Betara dan pada ketabahan Kristus. Kewajiban untok bekerja.⁶Kebala kaban, ntuk kami perintahkan ke nuan, alam nama Betara kitai, Yesus Kristus, ayu ke nuan menjauhkan dirik ari kaban nuan te idup lemau dan ndai hama ngau ajaran te nuan terima aari kami. ⁷Nuan kedirik tauk badak kati baka nuan arus nundak kami karna kami ndai lemau alai tambai nuan. ⁸Kami juga ndai makai makanan urang lain tanpa membayarnya. Sebaleknya kami berusaha kerja keras siang dan malam ayu ke kami ndai nyadi beban bagi sapapun dapik nuan. ⁹Bukai karena kami ndai bisik hak untok nyak, melainkan ngau merik kami kedirik sebagai contoh bagi nuan dan untuk nuan tundak.¹⁰Alai kami agik tambai nuanpun, kami merik perintah tuk:"Nti urang ndai kak kerja anang lah ia makai. ¹¹"Sebab , kami ninga, bisik beberapa diantara nuan te idup lemau, ndai kak kerja tapi sibuk ngau hal ndai beguna. ¹²Urang baka nyak meh kami perintahkan dan kami berik nasehati alam nama Betara Yesus Kristus untuk kerja dengan tenang dan makai rotinya kedirik.¹³Sedangkan ke nuan, kebala kaban ku, anang leteh mulah te baek. ¹⁴Nti bisik urang te ndai nurot nama te kami padah alam surat tuk, berik tanda urang nyak dan anang bekawan ngau nya, ayu ke ia malu. ¹⁵Namun, anang mulah iya baka musuh,tapi tegurlah sebagai seorang kaban. jakuk terakhir.¹⁶Betara damai sejahtera kiranya merik nuan kedamaian tiap waktu dan alam hegala keadaan. Betara menyertai nuan sekalian. ¹⁷Aku, Paulus nules salam tuk ngau jari aku kedirik sebagai tanda tuk surat asli dari ku. Pituk meh aku nulis ke nyak. ¹⁸Anugerah ari batara kitai Yesus Kristus, menyertai nuan sekalian

¹Ari Paulus, urang te dukom karna Kristus Yesus ngau ari Timotius menyadik kitak, ngusung Filemon ti disayau ke, kawan hekerja kami. ²ngau ngusung Apfia menyadik induk kitai, ngau ngusung Arkhipus, kawan hutik angkatan kitai ngau ngusung jemaat ti di rumah nuan. ³Kasih kur’nia ngau damai sejahtera ari Petara, Apai kitai ngau ari Petara Yesus Kristus tambai kitai ngabut.⁴Aku ngucap syukur ngabut ngusung Petaraku, tiap kalik aku ngingat nuan alam du'aku, ⁵karena aku ninga sual kasih nuan ngusung hemua urang ti tuci ngau sual iman nuan ngusung Petara Yesus ; ⁶Aku bedu'a, awak ke kelompuk nuan alam nuantambai ugak ngerja ke nama ti baik ntara kitai ngau Kristus. ⁷Ari kasih nuan udah bisik ti ku ulieh sukacita besai ngau kekuatan, hebab ati bala urang kudus udah nuan ibur menyadikku.⁸Karena nyak, hekalik pun alam Kristus aku bisik kebebasan penuh untuk m’rintah ke nuan nama ti arus nuan laku ke, ⁹tapi ngingat kasih nuan nyak, lebih baik aku mintak ari nuan. Tuk aku Paulus, ti udah tuai ti di penjara ke karena Kristus Yesus,¹¹ngaju ke nama ti nyadi penekak ku ngusung nuan sual anak ku ti aku ulieh pas aku alam penjara, nyak Onesimus. ¹⁰dulau memang nya ndai beguna baik bagi nuan ataupun bagi aku. ¹²Onesimus ku asuh pulai ngusung nuan, nya nyak anak ku-. ¹³Hengamat aku kak ngetan ke nya dituk awak ke nganti ke nuan ngurus aku helamak aku di penjara ke karna kabar baik.¹⁴Tapi aku ngai ngai ngelaku ke hal nyak lau ndai sik persetujuan ari nuan. Aku ngai medak nuan ngelaku ke ti baik sa bayah tepaksa tapi ngau ati ti rela. ¹⁵Bulieh jadi nya tepisah hementara waktu, awak ke nuan nerimak nya pulai agik ngusung nuan. ¹⁶Awak ke ia ndai agik nyadi pesuruh, tapi nganggap ia baka menyadik ti di sayau. Ia ti di sayau terutama bagi aku, bahkan lebih agik bagi nuan, baik ia nyadi mensia maupun alam Petara.¹⁷Jadi apabila nuan ngangap aku kawan hekerja nuan, terimak meh nya baka nuan nerimak aku ugak. ¹⁸Kalau ia bisik halah ngusung nuan atau ke nya bisik utang, ayu ke aku ti nanggung. ¹⁹Tuk aku, Paulus ti nulieh ngau jari aku ngati kedirik : aku ti ka’ mayar nuan agik. Aku ndai sik maksud nyinggung nuan karna nuan berutang idup ngusung ku. ²⁰Tapi baiklah, menyadik ku, berik aku waktu ngau rindang alam Petara ; puas ke ati ku alam Kristus.²¹Aku nulieh tuk ngusung nuan. Nuan arus yakin ngau nama ti nuan pecayak. Nggau nama ti arus nuan pikir ke, nuan arus tauk ngelaku ke ti lebih ari nama ti aku pintak. ²²Pik waktu ti hama ugak, siap ke meh kamar tamu ngau aku, karna aku be’arap mat ari du'a nuan ndai lamak gik aku nemui ngusung nuan.²³Efapras, kawan ti hama ugak tamai aku alam penjara karna Yesus Kristus, salam ngusung nuan. ²⁴Baka nyak ugak Markus, Aristarkhus, Demas, Lukas, kawan-kawan hekerja ku. ²⁵Hemoga kasih kurnia ari Petara Yesus Kristus kitai, tambai roh nuan. Amin.