¹Ete Paulus, yaq jadiq rasul beaw kerna senarikng ateu lalo senarikng, melaitnkan lalo Kristus Yesus dan Allah Bapa yaq pekuwat Uhaq ete antara ulutn mate. ²Pun, ete sekorekng kabetn erai iman yaq beroh aap, kalaq jemaat-jemaat mo Galatia.³Anugerah ampetn damai sejahtera bagiq ka ete Allah Bapa takaq dan Tuhen Yesus Kristus, ⁴yaq epuq nyeq diriq-Uhaq bagiq dosa-dosa takaq kalaq nyelamet takaq ete zaman yaq daat sekareng ohoq sesuei ampetn pengakatn Allah dan Bapa takaq. ⁵Bagiq Uhaq lah kemuliaan kalaq selama-lama yaq. Amin.Hanya Naan Erai Injil⁶Aap heren, betapa goleq yaq ka molak Uhaq, yaq nogeq ka lalo anugerah Kristus, dan bebalik la injil yaq bali. ⁷Padaher, aweq naan injil yaq bali. Namun, naan beberapa senarikng yaq epuq mengaceukan ka dan kakatn muterbalik Injil Kristus.⁸Bahkan, kaleu kaiq ateuerai malaikat ete surga pesempeq la ka injil yaq bertentangan ampetn oon yaq epuq penesempeq kaiq la ka, terkutuklah uhaq!⁹Kiaq yaq epuq tenokai kaiq semale iro dan sekareng tenokai aap oliq, amen naan  senarikng yaq pesempeq berita injil la ka yaq bertentangan ampetn oon yaq epuq tenerima ka, bierlah uhaq terkutuk.¹⁰Meqkah sekareng aap sedeng elo persetujuan senarikng ateu persetujuan Allah? Ateu, meq aap maseh nyoba peseneng senarikng? Sekira yaq aap maseh nyoba peseneng senarikng, aap abaqlah pelayan Kristus.Pembelaan Paulus Mo Kerasulan  Uhaq¹¹Kabetn-luhetn, aap kakatn ka tauq bahwa Injil yaq epuq penesempeq aap abaqlah Injil buatan senarikng. ¹²Aap beaw terima yaq  ete senarikng, ateu belajer yaq ete senarikng, tetapiq aap terima yaq lalo penyataan ete Kristus Yesus.¹³Sebeb, ka epuq dingaq  tentang cara bolupm aap yaq nahaq ete agama Yahudi, aap menganiaya jemaat Allah ampetn kejam dan berusaha menghancurkanyaq. ¹⁴Aap sangat maju sua hal agama Yahudi, oroq lebeh maju dibanding ampetn ulutn-ulutn sebayaq mo antara bangsa aap. Aap sangat rajin sua memelihara adat istiadat  datuq-niniq aap.¹⁵Namun, beraq Allah, yaq epuq memisahkan aap sejak sua kandungan tinen aap dan epuq nogeq aap lalo anugerah-Uhaq, berkenan ¹⁶menyatakan Anak-Uhaq sua aap nadeq aap ngahan pesempeq berita tentang Uhaq mo antara ulutn-ulutn yaq abaq ete Yahudi, aap beaw gagaq sake nasehat la erai kongaq pun. ¹⁷Aap pun beaw engko la kota Yerusalem kalaq beruku ampetn ulutn yaq epuq jadiq rasul semale aap, melaitnkan aap segera manan la wilayah Arab dan mulik oliq la kota Damsyik.¹⁸Toluq tautn lipes iro, aap engko la kota Yerusalem kalaq kenalan ampetn Kefas dan nongko beroh uhaq sekolatn limaq beles olo. ¹⁹Akan tetapiq, aap beaw beruku eraipun ete rasul-rasul bali, kecuali Yakobus, eraibutukng Tuhen. ²⁰Aap peyakin ka mo telamaq Allah bahwa oon yaq tenulis aap la ka ohoq beaw etaq.²¹Lipes iro, aap engko la wilayah Siria ampetn Kilikia. ²²Aap male tenoan secara pribadi oleh jemaat-jemaat sua Kristus yaq naan mo wilayah Yudea. ²³Ulutn hanya sering dingaq, “Uhaq, yaq bayuh menganiaya takaq, sekareng pesempeq berita iman yaq bayuh uhaq pernah nyoba hancurkan.” ²⁴Ulutn memuliakan Allah kerna aap.

¹Opat beles tautn lipes iro, aap uli oliq la kota Yerusalem ampetn Barnabas dan oit Titus beroh aap. ²Aap manan kerna erai penyataan dan kalaq menjelaskan la ulutn tentang Injil yaq penesempeq aap mo antara ulutn-ulutn abaq ete Yahudi. Namun, aap pesempeq yaq sua pertemuan pribadi, yaq iro hanya la ulutn yaq  bepengaruh antai memastikan bahwa oon yaq derejaq aap ampetn yaq epuq kenerejaq aap beaw sia-sia.³Bahkan, Titus, yaq beroh aap, beaw harus senunet waleupun uhaq adalah ulutn Yunani. ⁴Hal ohoq terjadiq kerna naan kabetn-luhetn palsu yaq komei-komei sua beroh nyusup kalaq ngemata-matai kebebasan yaq duputn takaq sua  Yesus Kristus nadeq takaq doit uli la perbudakan. ⁵Akan tetapiq, kaiq beaw moyu tunduk la ulutn erai saat pun nadeq kebenaran Injil tetep nongko sua ka.⁶Namun, ete ulutn-ulutn yaq bepengaruh iro, yaq kedudukanyaq beawlah penting bagiq aap kerna Allah beaw membeda-bedakan, ulutn beaw nameh oon-oon bagiq aap. ⁷Sebaliqyaq, ulutn kitaq bahwa la aap epuq dipercayakan Injil kalaq ulutn-ulutn yaq beaw senunet, sama kiaq Petrus yaq dipercayakan Injil kalaq ulutn-ulutn yaq senunet. ⁸Sebeb, Uhaq yaq epuq bekerjaq lalo Petrus kalaq jadiq rasul bagiq ulutn-ulutn senunet, Uhaq lei yaq bekerjaq lalo aap kalaq jadiq rasul bagiq ulutn-ulutn abaq ete Yahudi.⁹Setelah Yakobus, Petrus, ampetn Yohanes, yaq dipandang sebagei soko guru bagiq jemaat menyadari anugerah yaq denyeq la aap, ulutn nyeq anugerah persekutuan la Barnabas ampetn la aap nadeq kaiq engko la ulutn-ulutn abaq ete Yahudi, sedengkan ulutn engko ulutn-ulutn yaq senunet. ¹⁰Ulutn hanya sake kaiq kalaq inget la ulutn-ulutn miskin, erai hal yaq aap sendiriq sangat besemangat kalaq melakukan yaq.Paulus Petunuq Kesalatn Petrus¹¹Akan tetapiq, beraq Kefas empet la kota Antiokhia, aap terang-terangan menentang uhaq kerna jelas gerenih uhaq salaq. ¹²Kerna semale ulutn-ulutn tertentu ete kalangan Yakobus empet, Kefas epuq biasa man beroh ulutn-ulutn abaq ete Yahudi. Namun, beraq ulutn empet, uhaq mulai undur dan memisahkan diriq kerna takut la kelompok ulutn yaq senunet.¹³Ulutn-ulutn Yahudi yaq bali sengkenyang betindak munafik beroh uhaq, bahkan Barnabas pun terseret oleh kemunafikan ulutn. ¹⁴Beraq aap kitaq bahwa ulutn betindak beaw sejalen ampetn kebenaran Injil, makaq aap biongau la Kefas mo telamaq ulutn deoq, “Kaleu ka ulutn Yahudi bolupm kiaq ulutn abaq ete Yahudi, kelemeq mungkin ka memaksa ulutn abaq ere Yahudi kalaq bolupm kiaq ulutn Yahudi?”¹⁵Takaq adalah ulutn-ulutn yaq genelahir sebagei bangsa Yahudi dan abaq ete ulutn-ulutn bedosa ete bangsa abaq ete Yahudi. ¹⁶Namun, takaq tauq bahwa aweq erai kongaq pun dibenarkan kerna melakukan Ukupm Taurat, melaitnkan lalo iman sua Yesus Kristus. Bahkan, takaq pun epuq persaya la Yesus Kristus nadeq takaq dibenarkan oleh iman sua Kristus, beaw kerna melakukan Ukupm Taurat. Sebeb, beaw erai kongaq pun dibenarkan kerna melakukan Ukupm Taurat!¹⁷Akan tetapiq, sementara takaq berusaha kalaq dibenarkan sua Kristus, takaq ruku diriq takaq pun pendosa, meq kah bereti Kristus adalah pelayan dosa? Tentu lah beaw! ¹⁸Amen aap ngebangun oliq oon yaq epuq penetempokng aap, aap membuktikan bahwa aap adalah sebagei erai pelanggar ukupm. ¹⁹Sebeb, lalo Ukupm Taurat, aap epuq mate bagiq Ukupm Taurat nadeq aap ngahan bolupm bagiq Allah.²⁰Aap epuq senalib beroh Kristus. Abaq eso aap yaq bolupm, melaitnkan Kristus yaq bolupm sua aap. Bolupm yaq sekareng ohoq aap jalani sua unuk aap adalah bolupm oleh iman sua Anak Allah, yaq mengasihi aap dan epuq nyeq diriq-Uhaq kalaq aap. ²¹Aap beaw ngebatal anugerah Allah kerna amen kebenaran empet lalo Ukupm Taurat, sia-sialah katetn Kristus!

¹Hai ka, ulutn-ulutn Galatia yaq polo! Enceq yaq epuq memesona ka? Beawkah mo telamaq mataq ka Yesus Kristus ditatn senalib mo telamaq umum? ²Erai hal yaq kakatn penenik  aap la ka, meqkah ka terima Roh kerna sengkenyang Ukupm Taurat, ateukah kerna nyempaning ampetn iman? ³Keliro polo yaq kah ka? Ka epuq ngemulai ampetn Roh, meqkah ka sekareng kakatn mengakhiri yaq ampetn kedagingan?⁴Sia-siakah ka menderita penderitan yaq amat deoq iro -- jika memeng iro kesia-siaan? ⁵Jadiq, meqkah Uhaq mengaruniakan Roh la ka dan ngerjaq mujizat mo antara ka kerna ka sengkenyang Ukupm Taurat, ateu kerna ka nyempaning ampetn iman?⁶Sama kiaq Abraham yaq persaya la Allah sehingga hal iro diperhitungkan la uhaq sebagei kebenaran. ⁷Kerna iro, ketahuilah bahwa ulutn-ulutn yaq naan imanlah yaq tenokai anak-anak Abraham. ⁸Kitab Suci, yaq sejak awel epuq tauq bahwa Allah antekng membenarkan ulutn-ulutn abaq ete  Yahudi kerna iman, epuq lebeh onaq pesempeq berita Injil la Abraham ampetn nokai, “Sekorekng bangsa akan diberkati lalo ko.” ⁹Jadiq, ulutn yaq naan iman akan denyeq berkat beroh ampetn Abraham, senarikng yaq persaya iro.¹⁰Sekorekng senarikng yaq bergantung la pekerjaan Ukupm Taurat naan mo itai kutuk, sebeb naan tenulis: “Terkutuklah setiep senarikng yaq beaw  tunduk la sekorekng esaq yaq tenulis sua kitab Ukupm Taurat dan sengkenyang yaq.” ¹¹Jadiq, jelaslah sekareng bahwa aweq  erai senarikng pun yaq dibenarkan mo telamaq Allah oleh Ukupm Taurat, sebeb “Senarikng benar akan bolupm oleh iman”. ¹²Akan tetapiq, Ukupm Taurat beaw penendaser mo iman. Sebaliq yaq, “Senarikng  yaq sengkenyang Ukupm Taurat akan bolupm kerna yaq”.¹³Kristus nebus takaq ete kutuk Ukulm Taurat ampetn cara jadiq kutuk bagiq takaq, sebeb naan tenulis, “Terkutuklah senarikng yaq genontekng  mo kayuq salib!” ¹⁴Ampetn naan sua Yesus Kristus, berkat Abraham ngahan empeq la ulutn-ulutn abaq ete Yahudi sehingga ampetn iman takaq ngahan terima Roh yaq epuq  penejanyi iro.Janyi Allah Ampetn Ukupm Taurat¹⁵Kabetn-luhetn, aap akan nyeq contoh ete bolupm olo-olo: Kaleu janyi epuq genesah, waleupun hanya kontrak antar senarikng, aweq naan senarikng  yaq ngahan ngebatal ateu nameh oon pun sua janyi iro. ¹⁶Sekareng, tentang janyi yaq penesempeq Allah la Abraham dan la keturunan uhaq. Allah beaw nokai, “… la keturunan-keturunan uhaq,” yaq petunuq la deoq keturunan. “… dan la keturunan ko,” naan reti petunuq la erai senarikng, yaq iro Kristus.¹⁷Maksud aap, Ukupm Taurat yaq timur 430 tautn lipes yaq beaw ngahan ngebatal janyi yaq epuq genesah oleh Allah. Jadiq, janyi iro beaw kawa penengkaweq. ¹⁸Apabila warisan kenedaser la Ukupm Taurat, makaq warisan iro beaw eso kenedaser pede janyi. Akan tetapiq, Allah menganugerahkan yaq  la Abraham lalo erai janyi.¹⁹Jadiq, oon siotn naan Ukupm Taurat? Ukupm Taurat denyeq kerna pelanggaran-pelanggaran, sampei keturunan iro empet sebagaimana maksud janyi iro benuet. Ukupm Taurat penengkanan lalo abetn malaikat opekng perantara. ²⁰Namun, perantara beaw kalaq mewakili erai senarikng, padaher Allah adalah erai.Tujuan Ukupm Taurat²¹Kaleu keliro, meqkah Ukupm Taurat berlawanan ampetn janyi Allah? Tentu saja beaw!Sebeb, amen Ukupm Taurat denyeq kalaq ngahan nyeq bolupm, kebenaran pasti beraser ete Ukupm Taurat. ²²Akan tetapiq, Kitab Suci epuq mencaraq sekoreng esaq dan sekorekng senarikng mo itai dosa nadeq janyi oleh iman sua Kristus Yesus kawa denyeq la ulutn yaq persaya.²³Semale iman empet, takaq tenawaan mo itai Ukupm Taurat, tenahen sebagei tawanan sampei iman yaq antekng empet dinyatakan. ²⁴Ampetn keliro, Ukupm Taurat adalah pengawas bagiq takaq sampei Kristus empet nadeq takaq  ngahan dibenarkan opekng iman. ²⁵Sekareng, iman iro epuq empet. Takaq beaw eso membutuhkan Ukupm Taurat sebagei pengawas takaq. ²⁶Sua Yesus Kristus, sekorekng ka adalah anak-anak Allah lalo iman.²⁷Sekorekng ka yaq epuq kenebabtis sua Kristus epuq opekng Kristus. ²⁸Aweq eso ulutn Yahudi ateu ulutn Yunani, ripetn atau ulutn merdeka, sookng ateu bawe kerna sekorekng ka erai sua  Yesus Kristus. ²⁹Amen ka adalah uputn Kristus, ka adalah keturunan-keturunan Abraham dan ahli-ahli waris sesuei ampetn janyi.

¹Yaq aap maksud, selama ahli waris iro maseh tiaq, uhaq aweq beda yaq emeq pelayan waleupun uhaq adalah uputn esaq lingan. ²Uhaq naan mo itai kuasa pengawas ampetn pengurus belai sonoq sampei watu yaq epuq ditetapkan oleh tamen yaq.³Keliro lei takaq, beraq maseh tiaq, takaq diperbudak oleh roh-roh dunia ohoq. ⁴Akan tetapiq, beraq empeq olo penggenapan, Allah ngutus Anak-Uhaq, yaq lahir ete erai bawe  dan lahir mo itai Ukupm Taurat, ⁵Kalaq nebus ulutn yaq naan mo itai Ukupm Taurat nadeq takaq ngahan terima pengangkatan sebagei anak-anak-Uhaq.⁶Kerna ka adalah anak-anak-Uhaq, Allah epuq ngutus Roh Anak-Uhaq la sua asekng takaq, yaq nogeeq, “Abba, Bapa.” ⁷Jadiq, ka beaw eso pelayan, tetapiq anak. Amen ka adalah anak, Allah pejadiq ka ahli waris lalo Kristus.Boteq Diperbudak Oliq Oleh Roh-Roh Dunia⁸Bayuh, beraq ka beaw kener Allah, ka adalah pelayan ete hal-hal yaq pede daser yaq abaq ete Allah. ⁹Namun, sekareng, lipes ka kener Allah atau lebeh tepat yaq genener oleh Allah, kelemeq mungkin ka mulik oliq la roh-roh dunia yaq lemah dan aweq gunaq? meqkah ka kakatn diperbudak oliq?¹⁰Ka menjalankan perayaan atas olo-olo, bulatn-bulatn, musim-musim, dan tautn-tautn! ¹¹Aap takut boteq-sampei jereh payah aap yaq epuq lalo kalaq ka jadiq sia-sia.¹²Aap mohon  la ka Kabetn-luhetn, jadiqlah kiaq aap kerna aap pun epuq jadiq kiaq ka. Ka aweq salatn la aap. ¹³Ka tauq, pede awal yaq aap pesempeq berita Injil la ka kerna meraraq unuk yaq aap alami. ¹⁴Waleupun kondisi unuk aap merupakan ujian bagiq ka, ka beaw menghina ateu nulek aap. Sebaliq yaq, ka nyamut aap seolah-olah aap ohoq malaikat Allah, kiaq seakan-akan aap ohoq Yesus Kristus iro sendiriq!¹⁵Kelemeq ampetn berkat yaq ka rasakan iro sekareng? Sebeb, aap bayuh kawa bersaksi tentang ka, kaleu mungkin, nyungkil mataq ka dan nyeq yaq la aap pun ka rela. ¹⁶Meq kah sekareng aap jadiq musuh ka kerna petunuq kebenaran la ka?¹⁷Ulutn-ulutn iro berusaha tutei ka, tetapiq beaw ampetn maksud yaq bueq. Ulutn kakatn pekoroq ka beroh harapan ka kalaq perasuq ulutn. ¹⁸Memeng bueq amen selalu bersemangat enaq hal-hal yaq bertujuan bueq, dan beaw hanya beraq aap beroh ka.¹⁹Anak-anak aap, demi ka, aap rela eso sinai nangukng meraraq melolos sampei Kristus dinyatakan sua ka. ²⁰Aap berharep, aap ngahan beroh ka sekareng dan ngubah nada ongau aap kerna aap orekng aker nelamaq ka.Hagar Ampetn Sara Sebagei Contoh²¹Nokailah la aap, hai ka yaq kakatn bolupm mo itai Ukupm Taurat, meqkah ka beaw dingaq Ukupm Taurat? ²²Kerna naan tenulis, Abraham uputn duaq anak sookng; erai lahir ete bawe ripetn, dan yaq erai oliq ete bawe merdeka. ²³Akan tetapiq, anak ete bawe ripetn  iro genelahir menurut daging, sedengkan anak yaq ete bawe merdeka genelahir lalo janyi.²⁴Perhatikanlah kesah ohoq sebagei lambang kerna bawe duaq  ohoq melambangkan duaq janyi. Erai adalah janyi ete Saikng Sinai dan melahirkan anak-anak ripetn. Uhaq ohoq adalah Hagar. ²⁵Sekareng, Hagar melambangkan Saikng Sinai mo tana Arab, sama kiaq Yerusalem saat ohoq kerna uhaq bolupm sua perbudakan beroh anak-anak yaq.²⁶Akan tetapiq, Yerusalem yaq naan lemo adalah bawe yaq merdeka, dan uhaq adalah tinen takaq. ²⁷Kerna naan tenulis, “Bersukacitalah, hai bawe yaq mandul, yaq beaw melahirkan. Berseru dan bersoraklah, hai ko yaq beaw ngerasa meraraq melolos. Sebeb, lebeh deoq anak ete bawe yaq nongko edotn etepadaq bawe ya naan banen.”²⁸Kabetn-luhetn, ka adalah anak-anak janyi kiaq Ishak. ²⁹Bayaq saat iro, anak yaq lahir menurut daging menganiaya anak yaq lahir menurut Roh, kiaq  yaq terjadiq sekareng ohoq.³⁰Akan tetapiq, oon yaq tenokai Kitab Suci? “Usirlah bawe ripetn iro beroh anak yaq kerna anak bawe ripetn iro beaw antekng  jadiq ahli waris beroh ampetn anak bawe merdeka.” ³¹Kerna iro, Kabetn-luhetn, takaq abaqlah anak-anak ete bawe ripetn, tetapiq ete bawe merdeka.

¹Demi kemerdekaan, Kristus epuq membebaskan takaq. Kerna iro, jakatlah teguh dan boteq eso moyu dibebani ampetn kuk perbudakan. ²Nyempaninglah! Aap, Paulus, nokai la ka bahwa jika ka terima sunet, Kristus aweq naan gunaq yaq  bagiq ka.³Eso sinai, aap nokai la setiep senarikng yaq terima sunet bahwa uhaq wajib menaati seluruh Ukupm Taurat. ⁴Jika ka berusaha kalaq dibenarkan ampetn sengkenyang  Ukupm Taurat, bolupm ka epuq benisah ete Kristus dan ka epuq  wewet ete anugerah.⁵Lalo Roh, ampetn iman, takaq entiq pengharapan akan kebenaran. ⁶Sebeb, sua Yesus Kristus, senunet ateu  beaw senunet aweq retiyaq. Hanya iman yaq bekerjaq lalo kasih yaq naan retiyaq. ⁷Ka epuq tekoruuq ampetn bueq. Enceq yaq menghalangi ka ete menaati kebenaran? ⁸Ajakan iro beaw empet ete Uhaq yaq epuq nogeeq ka.⁹“Semperening buraq epuq enaq sekorekng adonan mengembang.” ¹⁰Aap naan keyakinan terhadep ka sua Tuhan bahwa ka beaw antekng  terima pemikiran yaq bali. Akan tetapiq, enceq pun yaq mengaceukan ka akan nangukng ukupman yaq.¹¹Jadiq Kabetn-luhetn, jika aap maseh pesempeq berita sunet, kelemeq aap maseh dianiaya? Jika keliro, batu sandungan terhadep salib epuq disingkirkan. ¹²Aap berharep ulutn yaq menghasut ka iro akan ngebiri diriq yaq sendiri.¹³Kabetn-luhetn, ka epuq tenogeeq kalaq jadiq merdeka. Akan tetapiq, boteq pegunaq kemerdekaan ka iro sebagei kesempatan kalaq bolupm secara kedagingan, melaitnkan layanilah erai terhadep yaq bali ampetn kasih. ¹⁴Sebeb, seluruh Ukupm Taurat epuq kenegenap sua erai firman ohoq, “Kasihilah sesama ka senarikng kiaq diriq ka sendiri.” ¹⁵Jika ka saling ngikit dan noletn, berhati-hatilah nadeq ka boteq saling membinasakan.Pengakatn Roh Berlawanan Ampetn Nafsu Kedagingan¹⁶Jadiq, aap nokai, bolupmlah sua Roh, makaq ka beaw antekng enaq hal-hal yaq dakatn oleh nafsu kedagingan. ¹⁷Pengakatn nafsu kedagingan bekelawetn ampetn pengakatn Roh, dan pengakatn Roh bekelawetn ampetn pengakatn nafsu kedagingan, kerna keduaq yaq saling bekelawetn, nadeq ka beaw enaq hal-hal yaq dakatn ka. ¹⁸Akan tetapiq, jika ka benimpin oleh Roh, ka beaw naan mo itai Ukupm Taurat.¹⁹Pekerjaan ete nafsu kedagingan epuq jelas, yaq iro dosa seksual, kecemaran, hawa nafsu, ²⁰penyembahan berhala, kuasa denepm, kebencian, perbantahan, asekng iri, suker yaq beaw terkendali, kepentingan diriq sendiri, perselisihan, perpecahan, ²¹kuwoyuq, mauk-mauk, pesta pora, dan sejenis yaq. Aap pekinget ka sekareng, kiaq yaq epuq penengkinget aap onen iro, enceq yaq enaq hal-hal iro beaw antekng ngewaris Kerajaan Allah.²²Akan tetapiq, bua Roh adalah kasih, sukacita, damai sejahtera, kesabaran, keramahan, kebueq, kesetiaan, ²³kelemahlembutan, ampetn penguasaan diriq. Aweq naan ukupm yaq menentang hal-hal ohoq. ²⁴Ulutn yaq jadiq retaq Yesus Kristus epuq nyalibkan nafsu kedagingan serta sekorekng nafsu dan pengakatn yaq.²⁵Jika takaq bolupm oleh Roh, bueqlah takaq manan sesuei ampetn Roh. ²⁶Boteqlah takaq jadiq mago, saling menghasut, ateu saling asekng iri.

¹Hai Kabetn-luhetn, jika naan ulutn yaq kedapatan enaq suatu pelanggaran, ka yaq rohani harus peloli senarikng kiaq iro ampetn roh kelembutan. Berjaga-jagalah nadeq ka sendiriq boteq nyang tergoda. ²Saling bekekawatlah sua nangukng beban nadeq ka sengkenyang ukupm Kristus.³Jika naan ulutn yaq nganggep diriq yaq  penting, padaher beaw masem iro, uhaq nipu diriq uhaq sendiriq. ⁴Ayoq lah setiep senarikng nguji amuh uhaq sendiriq. Lipes iro, uhaq kawa bangga neaw keadaan uhaq sendiriq dan beaw kerna ngebanding yaq ampetn ulutn bali. ⁵Sebeb, setiep senarikng harus nangukng beban yaq edotn.Teteplah Enaq Hal Yaq Bueq⁶Enceq yaq ngeliatn pengajeran ete firman Allah haruslah uhaq ngebagiq sekorekng hal yaq bueq iro ampetn  senarikng yaq mengajer yaq. ⁷Boteq ketipu. Allah beaw kawa genemain kerna senarikng akan mungut oon yaq genulaq uhaq. ⁸Senarikng yaq ngulaq ete nafsu kedagingan akan mungut kebinasaan ete kedagingan yaq. Akan tetapiq, senarikng yaq ngulaq ete Roh akan mungut bolupm yaq kekal ete Roh.⁹Boteq takaq jadiq lelah enaq laku bueq. Jika musim yaq empet, takaq akan mungut aser takaq beaw jadiq lemah. ¹⁰Kerna iro, jika takaq naan kesempatan, ayoqlah takaq enaq kebueq la sekorekng senarikng, khusus yaq la kabetn erai iman.Paulus Pekorekng Suret Uhaq¹¹Neawlah betapa solai yaq huruf-huruf yaq tenulis aap kalaq ka  ampetn kami aap edotn. ¹²Ulutn yaq kakatn memamerkan kebueq ete hal-hal yaq lahiriah akan maksa ka kalaq senunet. Ulutn enaq hal iro nadeq beaw dianiaya demi salib Kristus. ¹³Ulutn yaq senunet pun beaw sengkenyang Ukupm Taurat, tetapiq ulutn kakatn ka senunet nadeq ulutn ngahan memegahkan diriq ates sunet ka.¹⁴Semoga aap beaw pernah memegahkan diriq kecuali sua salib Tuhen takaq, Yesus Kristus. Lalo salib-Uhaq, dunia epuq senalib kalaq aap, dan aap kalaq dunia. ¹⁵Senunet ateu beaw senunet  oonlah Reti yaq. Yaq penting adalah jadiq ciptaan bayuq. ¹⁶Bagiq sekorekng senarikng yaq pekanan aturan ohoq, bierlah damai sejahtera ampetn rahmat ili ates ulutn ampetn ates Israel retaq Allah.¹⁷Ahir yaq, boteq naan senarikng yaq mempersulit aap kerna aap oit tanaaq-tanaaq Yesus sua unuk aap. ¹⁸Kabetn-luhetn, kira yaq anugerah Tuhan Yesus Kristus naan mo beroh ampetn roh ka. Amin.

¹Ete Paulus, rasul Yesus Kristus oleh pengakatn Allah.  La ulutn-ulutn kudus  mo Efesus, ulutn-ulutn beriman sua Yesus Kristus. ²Anugerah ampetn damai sejahtera bagiq ka ete Allah, Bapa takaq, dan Tuhan Yesus Kristus.Berkat-Berkat Rohani Sua Kristus³Terpujilah Allah ampetn Bapa ete Tuhan takaq Kristus Yesus, yaq epuq memberkati takaq sua Kristus ampetn setiep berkat rohani mo antai surgawi. ⁴Sebeb, Uhaq meli takaq sua Kristus semale permulaan dunia nadeq takaq jadiq kudus dan beaw bercela mo telamaq-Uhaq. Sua kasih,⁵v 5 Uhaq petetap takaq ete semula kalaq benengkat jadiq anak-anak-Uhaq lalo Kristus Yesus sesuei ampetn pengeheu akatn-Uhaq. ⁶Uhaq enaq iro bagiq kepujian kemuliaan anugerah-Uhaq, yaq epuq dikaruniakan-Uhaq ampetn cuma-cuma la takaq sua Anak-Uhaq yaq terkasih.⁷Sua Uhaq, takaq ngahan penebusan lalo daya-Uhaq, yaq iro pengampunan atas pelanggaran-pelanggaran takaq sesuei ampetn kekayaan anugerah-Uhaq, ⁸yaq Allah limpahkan la takaq sua sekorekng hikmat dan pengertian.⁹Uhaq nyeq tauq la takaq rahasia pengakatn-Uhaq sesuei ampetn maksud bueq yaq Uhaq rencanakan sua Kristus, ¹⁰yaq akan penengkanan beraq watu empeq kepenuhanyaq  kalaq mempersatukan sekorekng esaq sua Kristus, yaq naan mo surga dan yaq naan mo bumi.¹¹Sua Kristus, takaq pun epuq jadiq bagian ete warisan yaq epuq  ditetapkan-Uhaq ete tematn sesuei ampetn rencana-Uhaq, yaq mengerjakan sekorekng esaq sua keputusan pengakatn-Uhaq ¹²nadeq takaq yaq pertama-tama ngonaq pengharapan pede Kristus akan jadiq puji-pujian bagiq kemuliaan-Uhaq.¹³Sua Uhaq, ka lei, lipes dingaq firman kebenaran, yaq iro Injil keselamatanka, dan persaya la-Uhaq, genemeterai ampetn Roh Kudus yaq penejanyi. ¹⁴Roh Kudus adalah jaminan ates warisan takaq, sampei penebusan terjadiq atas ulutn yaq jadiq milik uputn Allah sendiri -- bagiq pujian kemuliaan-Uhaq.Doa Paulus¹⁵Oleh sebeb iro, sejak aap dingaq tentang iman sua Tuhan Yesus ampetn kasihka la sekorekng ulutn kudus, ¹⁶aap beaw henti-hentiyaq mengucap syukur kalaq  ka bayaq Aap nginget ka sua doa-doa aap.¹⁷Aap bedoa nadeq Allah ere Tuhen takaq, Kristus Yesus, Bapa ete kemuliaan, nyeq ka roh hikmat dan penyataan sua pengetahuan akan Uhaq. ¹⁸Aap bedoa nadeq mataq asekng ka penenterekng sehingga ka ngahan ngerti pengharapan yaq terkandung sua panggilan-Uhaq, kekayaan yaq terkandung sua warisan-Uhaq yaq mulia bagiq ulutn-ulutn kudus,¹⁹dan kekuatan solai yaq beaw terukur bagiq takaq yaq persaya, sebagaimana penentunuq sua kemaha solai kekuatan-Uhaq. ²⁰Kemaha solai kekuatan-Uhaq ohoq Uhaq petunuq beraq  Uhaq membangkitkan Kristus ete antara ulutn mate dan petuet Uhaq mo bila sanan-Yaq mo antai surgawi, ²¹yaq oroq lebeh mo ete sekorekng aturan, kekuasaan, kekuatan, pemerentahan, dan lebeh mo ete sekorekng nai yaq pernah naan, beaw hanya pede masa sekareng ohoq, tetapiq lei pede masa yaq antekng empet.²²Uhaq menaklukkan sekorekng esaq mo itai kenekng-Uhaq dan nyeq diriq-Uhaq jadiq Kepala motn sekorekng esaq bagiq jemaat, ²³yaq adalah unuk-Uhaq, mo meq kepenuhan-Uhaq ngempunikng sekorekng yaq dan segala yaq.

¹Bayuh, ka mate sua pelanggaran-pelanggaran dan dosa-dosaka, ²yaq mana pede watu iro ka manan nyang lalaq dunia, nyang penguasa kerajaan udara, roh yaq sekareng kerjaq mo antara tiaq-tiaq yaq beaw taat. ³Mo antara ulutn, sekorekng takaq bayuh pun bolupm suaq nafsu kedagingan takaq, memuaskan pengakatn unuk dan pikiran takaq. Takaq pada daseryaq adalah tiaq-tiaq durhaka, sama kiaq senarikng yaq bali.⁴Akan tetapiq, Allah, yaq kaya ampetn belas kasih dan kerna kasih-Uhaq yaq solai  iro Uhaq mengasihi takaq, ⁵bahkan beraq takaq mate sua pelanggaran-pelanggaran takaq, Uhaq pebolupm takaq bersama beroh Kristus -- oleh anugerah ka epuq senelamat --, ⁶dan Uhaq membangkitkan takaq beroh Uhaq dan petuet takaq beroh ampetn Uhaq mo antai surgawi sua Yesus Kristus, ⁷nadeq pede masa yaq antekng empet, Uhaq kawa petenteq kekayaan anugerah-Uhaq yaq beaw terukur sua kebueq-Uhaq la takaq sua Yesus Kristus.⁸Sebeb, oleh anugerah ka senelamat lalo iman dan ohoq beaw ete diriq ka sendiriq, tetapiq karunia Allah, ⁹abaq hasil usaha ka, nadeq aweq erai kongaqpun yaq menyombongkan diriq. ¹⁰Takaq ohoq buatan Allah, penencipta sua Yesus Kristus kalaq enaq pekerjaan bueq yaq dipersiapkan Allah semaleyaq nadeq takaq kawa bolupm sua dalepm yaq.Dipersatukan Sua Kristus¹¹Kerna iro, ingetlah amen  ka bayuh lahir sebagei ulutn kafir, yaq tenokai“ulutn beaw senunet”, oleh ulutn yaq nokai diriq sebagei “ulutn senunet”, yaq iro sunet yaq denaq pede unuk oleh kami senarikng. ¹²Ingetlah saat iro ka bolupm tanpa Kristus, tepisah ete kewargaan Israel dan ulutn-ulutn asing bagiq ikatan perjanjian yaq penenjanyi, aweq naan pengharapan dan tanpa Allah sua dunia ohoq.¹³Namun, sekareng, sua Yesus Kristus, ka yaq bayuh sangat oroq epuq doit jadiq diniq oleh daya Kristus. ¹⁴Sebeb, Uhaq sendiriq adalah damai sejahtera takaq yaq epuq enaq keduaq belah pihak jadiq erai dan yaq epuq menghancurkan tembok permusuhan yaq memisahkan, ¹⁵ampetn ngapus permusuhan sua  unuk-Uhaq, yaq iro Ukupm Taurat yaq berisiq perentah-perentah dan ketetapan-ketetapan sehingga sua dalepm diriq-Yaq Uhaq enaq keduaq yaq jadi erai senarikng bayuq, sehingga terjadiq perdamaian, ¹⁶dan mendamaikan keduaq yaq beroh Allah sua erai unuk lalo salib, sehingga pekaweq permusuhan.¹⁷Uhaq empet dan pesempeq damai sejahtera la ka yaq oroq dan damai sejahtera la ulutn yaq diniq. ¹⁸Sebeb, lalo Uhaq, takaq duaq uputn lalaq sua la Bapa sua erai Roh.¹⁹Jadiq, ka abaq eso ulutn-ulutn asing dan pendatang, tetapiq sesama warga beroh ulutn-ulutn kudus dan anggota-anggota keluarga Allah, ²⁰yaq benangun mo punan daser para rasul dan para nabi, beroh Yesus Kristus sendiriq sebagei Batuq Penjuru yaq. ²¹Sua Kristus, sekorekng bangunan sedeng dipersatukan bersama dan tumu jadiq Bait Suci sua Tuhen. ²²Sua Uhaq, ka pun sedeng benangun bersama jadiq antai nongko Allah sua Roh.

¹Nengkalaq alasan ohoqlah, aap, Paulus, penencaraq kerna Yesus Kristus demi ka, ulutn-ulutn kafir. ²Ka pasti epuq dingaq tentang tugas penatalayanan anugerah Allah yaq denyen la aap kalaq ka,³bahwa ampetn penyataan, rahasia iro penentauq la aap kiaq yaq tematn epuq tenulis aap secara singkat. ⁴Bayaq membaca ohoq, ka ngahan memahami pengertian aap mengenai rahasia Kristus, ⁵yaq beaw penentauq la ulutn-ulutn ete generasi laitn, tetapiq yaq sekareng dinyatakan la para rasul dan para nabi-Uhaq yaq kudus oleh Roh Kudus.⁶Rahasia ohoq adalah bahwa lalo Injil ulutn-ulutn kafir jadiq sesama ahli waris, sesama anggota ete erai unuk, dan sama-sama alaq bagian ete janyi sua Yesus Kristus. ⁷Aap jadiq pelayan Injil sesuai ampetn karunia ete anugerah Allah, yaq denyen la aap menurut pekerjaan kuasa-Uhaq.⁸La aap, yaq paling hina  mo antara sekorekng ulutn kudus, anugerah ohoq denyen kalaq pesempeq la ulutn-ulutn kafir kekayaan Kristus yaq beaw terselami, ⁹dan oit terekng la setiep senarikng tentang rahasia yaq terpendam selama berabad-abad sua Allah, yaq menciptakan sekorekng esaq.¹⁰Ampetn keliro, lalo jemaat, berbagai hikmat Allah sekareng penentauq la para pemerentah dan penguasa mo antai surgawi. ¹¹Ohoq sesuei ampetn rencana kekal yaq peneditatn sua Yesus Kristus, Tuhen takaq,Ohoq sesuei ampetn rencana kekal yaq peneditatn sua Yesus Kristus, Tuhen takaq, ¹²yaq sua Uhaq, takaq ngahan kejaniq dan lalaq sua  la Allah ampetn yakin kerna kesetiaan Kristus. ¹³Kerna iro, aap sake la ka nadeq boteq putus asa neaw penderitaan yaq aap alami demi ka. Penderitaan iro adalah kemuliaan aap.Doa Paulus Kalaq Jemaat Efesus¹⁴Nengkalq alasan ohoqlah, aap berlutut mo telamaq Bapa. ¹⁵Ete Uhaqlah, setiep keluarga mo surga dan mo bumi terima naiyaq. ¹⁶Aap bedoa nadeq sesuei ampetn kekayaan kemuliaan-Uhaq, Uhaq berkenan mengaruniakan la ka kekuatan mo sua batin ka, ampetn kuasa lalo Roh-Uhaq,¹⁷nadeq Kristus berkenan nongko sua dalepm asekng ka lalo iman nadeq ka berakar dan berdasar sua kasih, ¹⁸dan nadeq ka bersama sekorekng ulutn kudus ngahan memahami betapa leber, dan mooq, dan mo, dan takei yaq kasih Kristus. ¹⁹Ampetn keliro, ka ngahan mengenal kasih Kristus yaq melampaui pengetahuan nadeq ka penunikng ampetn seluruh kepenuhan Allah.²⁰Bagiq Uhaq, yaq sangup melakukan oroq lebeh melimpah etepadaq sekorekng yaq takaq sake atau pikirkan, sesuei ampetn kuasa yaq bekerjaq mo sua takaq. ²¹Bagiq Uhaqlah kemuliaan sua jemaat dan sua Yesus Kristus bagiq seluruh generasi sampei selama-lama yaq. Amin.

¹Oleh kerna iro, aap, ulutn yaq penencaraq kerna Tuhen, mendorong ka adeq bolupm sepadan ampetn panggilan yaq epuq ka terima. ²Ampetn sekorekng kerendahan asekng dan kelembutan, ampetn kesabaran, saling nangukng beban sua kasih, ³berusahalah sekuet tenaga kalaq memelihara kesatuan Roh sua ikatan damai sejahtera.⁴Hanya naan erai unuk dan erai Roh, sama halyaq beraq ka tenogeq la erai harapan ete panggilanka, ⁵erai Tuhan, erai iman, dan erai baptisan, ⁶erai Allah dan Bapa ete sekorekng, yaq mootn sekorekngyaq, lalo sekorekng yaq, dan sua sekorekng yaq.⁷Akan tetapiq, la takaq masing-masing denyen anugerah sesuei ampetn ukuran karunia Kristus. ⁸Iro lah sebebyaq, tenokai, “Bayaq Uhaq engket la antai mo, Uhaq nangkep ulutn-ulutn yaq ditawan, dan nyeq karunia la senarikng.”⁹Beraq tenokai, “Uhaq engket,” bukankah iro berarti Uhaq pun epuq ili la bagian iwaq bumi? ¹⁰Uhaq, yaq ili, Uhaq lei yaq engket lebeh mo ete sekorekng langit nadeq Uhaq ngempunikng segala sesuatu.¹¹Uhaqlah yaq nyeq, bueq rasul-rasul, nabi-nabi, pemberita-pemberita Injil, gembala-gembala, maupun pengajer-pengajer, ¹²kalaq memperlengkapi ulutn-ulutn kudus sua pekerjaan pelayanan bagiq pembangunan unuk Kristus, ¹³sampei sekorekng takaq empeq la kesatuan iman dan pengetahuan akan Anak Allah, yaq iro senarikng  dewasa, menurut ukuran tingkat pertumbuhan yaq sesuai ampetn kepenuhan Kristus.¹⁴Ampetn keliro, takaq abaq eso tiaq-tiaq yaq diombang-ambingkan oleh umeq dan doit lodiq lonaq oleh berbagei rupa pengajeran, oleh tipu daya senarikng, oleh kecerdikan ete penipuan yaq licik. ¹⁵Sebalikyaq, nokai kebenaran sua kasih, takaq akan bertumbuh sua sekorekng esaq la Uhaq, yaq adalah Kepala, yaq iro Kristus. ¹⁶Ete-Uhaq sekorekng unuk tersusun dan diket bersama-sama jadiq erai lalo topangan setiep sendi. Jika masing-masing melakukan bagianyaq, unuk akan tumu sehingga membangun diriyaq sendiriq sua kasih.Cara Bolupm Yaq Benar Sua Kristus¹⁷Kerna iro, aap nokai dan tegaskan sua Tuhen, boteq eso ka bolupm kiaq ulutn-ulutn yaq beaw persaya, yaq bolupm ampetn  pikiran yaq sia-sia. ¹⁸Pengertian ulutn jadiq denepm dan terpisah ete bolupm Allah kerna kebodohan yaq naan sua diriq ulutn yaq senebeb oleh kekerasan asekng. ¹⁹Perasaan ulutn epuq jadiq tumpul dan ulutn nyerah diriq la hawa nafsu kalaq enaq segala masem kecemaran ampetn keserakahan.²⁰Akan tetapiq, beaw ampetn cara iro ka belajer tentang Kristus. ²¹Seumpama ka memeng epuq dingaq tentang Uhaq dan genajer sua Uhaq, sebagaimana kebenaran yaq naan sua Yesus, ²²beetlah senarikng nahaq ka yaq ka ngahan ete cara Bolupm ka yaq nahaq, yaq sedeng generusek oleh hawa nafsu yaq menipu.²³Perbayuqlah roh pikiran ka. ²⁴Opeknglah senarikng yaq bayuq, yaq benuet sua umekng Allah sua keadilan dan kekudusan yaq sejati.²⁵Oleh kerna iro, ampetn obet kepalsuan, ayoqlah setiep ka biongau tentang kebenaran la sesama ka kerna takaq sama-sama anggota ete erai unuk. ²⁶Amen suker boteq enaq dosa. Boteq ngebier matetn olo lotekng dan asekng ko maseh suker. ²⁷Boteq nyeq kesempatan la setan.²⁸Senarikng yaq epuq dako, boteq eso dako. Lebeh bueq kaleu uhaq kerjaq waleq dan enaq amuh yaq bueq ampetn kami uhaq sendiriq sehingga uhaq uputn esaq kalaq benagiq la ulutn yaq membutuhkan. ²⁹Boteq ngebier ongau kotor losek ete molot ko, tetapiq hanya ongau bueq yaq membangun ulutn yaq membutuhkan sehingga ongauko iro nyeq berkat bagiq ulutn yaq nyempaning. ³⁰Boteq mendukakan Roh Kudus Allah, sebeb oleh kerna Uhaq ka genematerai kalaq olo penebusan.³¹Beetlah segala masem kepaitan, kegeraman, suker, pertikaian, dan ongau fitnah, pun sekorekng kedaat, pekorooqlah iro ete ko. ³²Bersikaplah ramah erai ampetn yaq bali, ngempuutnlah asekng yaq lembut, dan saling mengampuni, sebagaimana Allah sua Kristus pun mengampuni ka.

¹Sebeb iro, jadiqlah peniru-peniru Allah sebagaimana tiaq-tiaq yaq terkasih. ²Bolupmlah sua kasih, sama kiaq Kristus mengasihi takaq dan nyeq diriq-Uhaq kalaq takaq sebagei persembahan dan kurban yaq harum bagiq Allah.³Akan tetapiq, boteq naan percabulan ateu segala masem kecemaran ateu keserakahan, bahkan tenokai pun boteq kerna hal iro beaw layak naan mo antara ulutn-ulutn kudus. ⁴Boteq naan ongau kotor, ongau polo, ateu lelucon-lelucon kasar -- yaq beaw pantas -- sebaliqyaq, nokailah syukur.⁵Sebeb, ka tauq ampetn pasti bahwa ulutn cabul, ulutn beaw suci, ateu ulutn serakah yaq menyembah berhala beaw antekng ngahan warisan sua Kerajaan Kristus dan Allah. ⁶Boteq naan ulutn yaq nipu ka ampetn kata-kata kosong kerna hal-hal irolah yaq pekempet murka Allah atas tiaq-tiaq durhaka. ⁷Jadiq, boteq bergaul ampetn ulutn.⁸Bayuh ka adalah kegelapan, tetapiq sekareng ka adalah terekng sua Tuhen. Bolupmlah sebagei tiaq-tiaq terekng ⁹kerna bua ete terekng adalah sekorekng kebueq, keadilan, dan kebenaran, ¹⁰dan nyoba elo tauq oon yaq peseneng Tuhen. ¹¹Boteq nyang alaq bagian sua amuh kegelapan yaq beaw menghasilkan bua, sebaliqyaq pelaweilah amuh-amuh iro. ¹²Sebeb, nokai hal-hal yaq ulutn enaq secara komei-komei pun pekangen jerenih.¹³Akan tetapiq, sekorekng yaq penelawei oleh terekng jadiq ditatn ¹⁴kerna sekorekng yaq jadiq nyata adalah terekng. Iro sebebyaq, tenokai, “Ruko, hai ka si tukeng turi! Uwatlah ete antara ulutn mate, dan Kristus akan bersinar atas ka.”¹⁵Jadiq, perhatikan ampetn saksama kelemeq ka bolupm, boteq kiaq ulutn bebal, jadiqlah bijak. ¹⁶Pergunakanlah watu yaq naan ampetn sebueq-bueqyaq kerna olo-olo ohoq adalah daat. ¹⁷Kerna iro, boteqlah jadiq polo, tetapiq ngertilah oon iro pengakatn Tuhen.¹⁸Boteq mauk oleh anggur kerna hal iro beaw pantas, sebaliqyaq puniknglah ampetn Roh. ¹⁹Biongulah erai ampetn yaq bali sua mazmur, kidung pujian, dan nyanyian rohani, menyanyilah dan buetlah laguq pujian la Tuhen ampetn segenap asekngka. ²⁰Nokailah syukur senantiasa atas sekorekng esaq la Allah Bapa sua nai Tuhen takaq, Kristus Yesus.Nasihat Kalaq Banaq dan Sawaq ²¹Tunduklah erai kongak la yaq bali sua takut akan Kristus.²²Sawaq-sawaq, tunduklah la banen ka, kiaq la Tuhen. ²³Sebeb, banen adalah kepala ete sawaq, kiaq Kristus adalah kepala ete jemaat, yaq iro unuk-Uhaq, dan Uhaq sendiriqlah Juru Selamatyaq. ²⁴Akan tetapiq, sebagaimana jemaat tunduk la Kristus, keliro lei sawaq harus tunduk la banen sua sekorekng hal.²⁵Banen-banen, kasihilah sawaq ka kiaq Kristus mengasihi jemaat dan nyeq diriq-Uhaq bagiq jemaat, ²⁶kalaq menguduskan ulutn ampetn membersihkanyaq lalo pembasuhan danum ampetn firman. ²⁷Ampetn keliro, Kristus ngahan mempersembahkan jemaat la diriq-Uhaq sua kemuliaan, aweq noda, ateu aweq kerut, ateu semasemyaq sehingga jemaat jadiq kudus dan beaw bercela.²⁸Keliro lei, banen-banen harus mengasihi sawaqyaq kiaq unukyaq sendiri. Uhaq yaq mengasihi sawaqyaq, mengasihi diriqyaq sendiri. ²⁹Sebeb, aweq naan ulutn yaq pernah benci unukyaq sendiri, tetapiq uhaq melihara dan merawatyaq. Keliro lei yaq Kristus lakukan bagiq jemaat ³⁰kerna takaq adalah anggota-anggota unuk-Uhaq.³¹Irolah sebebyaq, erai kongaq sookng akan molak tamen dan tinenyaq dan bersatu ampetn sawaqyaq sehingga keduaqyaq jadiq erai unuk. ³²Rahasia ohoq solai, dan aap nokai ohoq sua hubungan antara Kristus dan jemaat. ³³Namun, bierlah masing-masing ka mengasihi sawaq ka kiaq diriqka sendiriq dan sawaq harus menghormati banenyaq.

¹Tiaq-tiaq, taatilah ulutn tuhaq ka  sua  Tuhen kerna ohoq adalah hal yaq benar. ²“Hormatilah tamen dan tinen ka,” ohoq adalah perentah pertama yaq disertai ampetn janyi ³“nadeq bolupm bueq dan ka akan umur mooq mo bumi”.⁴Bapak-bapak, boteqlah memicu tiaq-tiaq ka kalaq jadiq suker, tetapiq pesolailah ulutn sua disiplin dan nasehat Tuhen.Nasihat Kalaq Pelayan dan Tuen⁵Batakng ulutn-batakng ulutn, taatilah tuen ka yaq naan mo dunia ohoq ampetn hormat dan gentar, dan ampetn ketulusan asekng kiaq kalaq Kristus. ⁶Boteq kiaq ulutn-ulutn yaq ngerjaqkan amuh hanya kalaq ditatn ulutn  -- kalaq peseneng senarikng, tetapiq sebagei pelayan-pelayan Kristus yaq enaq pengakatn Allah ete asekng. ⁷Melayani ampetn segenep asekng kiaq kalaq Tuhen dan abaq kalaq senarikng. ⁸Sebeb, ka tauq, entah uhaq ripetn ataupun ulutn merdeka, amen uhaq enaqesaq yaq bueq, Tuhen akan nyeq upah la uhaq.⁹Tuen-tuen, enaqlah keliro lei la pelayan-pelayan ka. Kaduuqlah ngancam kerna tauqlah bueq Tuen ka ateu Tuen ulutn sama-sama naan mo surga, dan Uhaq beaw  meli kasih.Opeknglah Sekorekng Senjata Allah¹⁰Ahiryaq, jadiqlah kuet sua Tuhen dan  sua kuet kuasa-Uhaq. ¹¹Pakeilah sekorekng perlengkapan senjata Allah nadeq ka ngahan jakaat ngelawetn tipu daya Belih.¹²Sebeb, perjuangan takaq beaw ngelawetn unuk dan dara, tetapiq ngelawetn pemerentah-pemerentah, penguasa-penguasa, kekuetan-kekuetan dunia yaq denepm ohoq, dan ngelawetn roh ete si daat yaq naan mo langit. ¹³Kerna iro, opeknglah sekorekng perlengkapan senjata Allah nadeq ka ngahan tetep betahetn bayaq olo yaq daat iro empet, dan lipes sekorekng yaq solukng ka tetep jakaat.¹⁴Jadiq, jakaatlah teguh, ampetn ngencangkan iket toikng kebenaran mo keliling toikng ka dan pakeilah sape zirah keadilan, ¹⁵dan pasenglah alas kenekng ka ampetn kesiapan pesempeq Injil damai sejahtera. ¹⁶Sua sekorekng esaq, peknglah perisai iman antai ka ngahan marepm sekorekng panah api ete si daat.¹⁷Alaqlah ketopong keselamatan serta pedekng Roh, yaq iro firman Allah, ¹⁸samer bedoa setiep watu sua Roh ampetn sekorekng doa ampetn permohonan. Sua doa ka iro, berjaga-jagalah ampetn sekorekng ketekunan samer pekengket sekorekng permohonan bagiq sekorekng ulutn kudus.¹⁹Bedoalah lei kalaq aap nadeq beraq aap muke molot aap, dikaruniakan ongau la aap nadeq aap ampetn janiq pesempeq rahasia Injil. ²⁰Kerna Injil irolah, aap jadiq utusan yaq terbelenggu. Doakanlah aga aap ngahan pesempeq yaq ampetn janiq sebagaimana seharusnya aap biongau.Salam Terahir²¹Tikhikus, kabetn erai iman aap yaq terkasih dan pelayan yaq setia sua Tuhen, akan petauq sekorekng esaq la ka nadeq ka pun tauq kiaqmeq keadaan aap dan oon yaq denen aap. ²²Aap memeng ngutus uhaq la ka kalaq tujuan ohoq, yaq iro nadeq ka tauq kaber kaiq dan nadeq uhaq ngahan menghibur asekng ka.²³Damai sejahtera bagiq kabetn-kabetn erai iman, dan kasih ampetn iman ete Allah Bapa dan Tuhen Yesus Kristus. ²⁴Anugerah menyertai sekorekng ulutn yaq mengasihi Tuhen takaq, Kristus Yesus, ampetn kasih yaq beaw antekng binasa.

¹Ete Paulus ampetn Timotius, hamba Yesus Kristus, la sekorekng ulutn kudus sua Kristus Yesus yaq naan mo Filipi dan la abetn penilik jemaat serta majelis jemaat: ²Anugerah ampetn damai sejahtera ete Allah, Bapa takaq, dan Tuhan Yesus Kristus menyertai ka!Ucapan Syukur Ampetn Doa Paulus Kalaq Jemaat Mo Kota Filipi³Aap bersyukur la Allah aap setiep kaliq aap nginget ka. ⁴Sua doa aap kalaq sekorekng  ka, aap selalu bedoa ampetn sukacita ⁵kerna kerjaq sama yaq denyeq ka sua pemberitaan Injil sejak olo pertama sampei sekareng. ⁶Aap sungguh yakin bahwa Uhaq yaq epuq ngemulai pekerjaan bueq mo antara ka, Uhaq lei yaq akan menyempurnakanyaq sampei olo Yesus Kristus.⁷Epuq sepantasyaq aap merasa kiaq ohoq terhadep ka kerna sekorekng ka naan sua asekng aap. Bueq bayaq aap mo pencaraq maupun bayaq aap nyeq pembelaan dan peneguhan akan Injil, ka epuq jadiq mitra ampetn aap sua anugerah Allah. ⁸Allah adalah saksi aap, betapa aap sorop la sekorekng ka sua kasih Yesus Kristus.⁹Ohoq lah doa aap: Kirayaq kasih ka semakin mentameh-tameh, ampetn pengetautn dan segala hikmat; ¹⁰sehingga ka ngahan meli oon yaq terbueq; nadeq diriqka tulus ampetn aweq saset pede olo Kristus; ¹¹dan pumikng amapetn bua-bua kebenaran yaq empet lalo Kristus Yesus kalaq kemuliaan ampetn pujian bagiq Allah.Penderitaan Paulus Ngemaju Pemberitaan Injil¹²Kabetn-luhetn, aap kakatn ka tauq amen oon yaq epuq terjadiq pede aap justru epuq oit kemajuan bagiq Injil, ¹³sehingga sekorekng pengawal istana ampetn sekorekng ulutn bali tauq amen aap penensua la pencaraq bagiq Kristus. ¹⁴Sebagian solai kabetn erai iman yaq semakin yakin la Tuhen kerna aap sua pencaraq ohoq, jadiq lebeh janiq pesempeq berita firman Allah aweq rasa takut.¹⁵Memeng, naan ulutn-ulutn yaq pesempeq berita Kristus kerna iri ampetn persaingan, tetapiq naan lei yaq kerna maksud bueq. ¹⁶Ulutn yaq bermaksud bueq pesempeq yaq kerna kasih sebeb ulutn tauq bahwa aap dencoi mo ohoq bagiq pembelaan Injil. ¹⁷Sedengkan yaq bermaksud beaw bueq, ulutn pesempeq yaq kerna ambisi egois, beaw tulus dan bepikir ulutn ngahan nameh kesulitan kalaq aap selama aap mo sua pencaraq.¹⁸Lalo oon hasilyaq? Yaq penting adalah ampetn cara oon pun, bueq ampetn maksud pura-pura maupun maksud bujur, Kristus benerita, dan kalaq iro aap bersukacita. Yaq, dan aap akan terus bersukacita, ¹⁹sebeb aap tauq amen lalo doa-doa ka dan pertolongan Roh Kristus Yesus, oon yaq epuq terjadiq pede aap  justru akan jadiq keselamatan aap.²⁰Harapan yaq aap yakini adalah aap sama sekali beaw denaq mangen. Sebaliqyaq, aap naan rasa janiq yaq punikng nadeq Kristus, sebagaimana sekareng dan selalu, dimuliakan sua unuk aap, bueq sua keadaan bolupm ateu mate. ²¹Kerna bagiq aap, bolupm adalah Kristus dan mate adalah keuntungan.²²Akan tetapiq, jika aap harus bolupm sua unuk ohoq, berarti aap akan bekerjaq menghasilkan bua. Lalo, yaqmeq yaq harus beneli aap, aap beaw tauq. ²³Aap terjepit mo antara duaq pilihan iro. Pengakatn aap adalah molak bolupm ohoq dan beroh Kristus, kerna iro oroq lebeh bueq. ²⁴Akan tetapiq, kalaq ka, akan lebeh begunaq amen aap tetep bolupm sua unuk ohoq.²⁵Ampetn keyakinan ohoq, aap tauq aap akan nongko beroh sekorekng ka demi kemajuan dan sukacita ka sua iman. ²⁶Kaleu aap mulik oliq la ka, makaq kebanggaan ka akan mentameh sua Yesus Kristus kerna aap.Sempeket Ampetn Tetap Berjuang ²⁷Namun keliro bolupmlah ampetn cara yaq layak bagiq Injil Kristus nadeq kaleu aap empet dan beruku ampetn ka, ateu kaleu beaw empet, aap kawa dingaq bahwa ka tetep teguh jakat sua erai roh, ampetn erai pikiran, sempeket berjuang bersama-sama bagiq iman ete Injil.²⁸Boteq ngebier ka penentakut oleh lawetn-lawetn ka, kerna iro adalah tanaaq jelas kehancuran bagi ulutn, tetapiq keselamatan bagiq ka, dan tanaaq iro pun ete Tuhen. ²⁹Sebeb demi Kristus ka epuq denyeq karunia beaw hanya kalaq persaya la-Uhaq, tetapiq lei kalaq menderita bagiq Uhaq. ³⁰Irolah sebebyaq ka menghadapi pergumulan-pergumulan yaq sama kiaq  yaq ditatn ka pede aap,  dan yaq sekareng kenedingaq ka tentang aap

¹Kerna iro, amen sua Kristus naan dorongan semangat, penghiburan kasih, persekutuan Roh, kasih sayang, ampetn belas kasih, ²sempurnakanlah sukacita aap ampetn erai asekng erai pikir, uputn kasih yaq sama, dipersatukan sua roh, dan uputn erai tujuan.³Boteq enaq oon pun ete ambisi yaq egois ateu kesombongan yaq sia-sia; tetapiq ampetn kerendahan asekng, anggeplah senarikng bali lebeh penting etepadaq diriq ka sendiri. ⁴Boteqlah masing-masing ka hanya memandang la kepentingan ka sendiri, tetapiq la kepentingan senarikng bali lei.⁵Bierlah pikiran ohoq naan mo antara ka, sebagaimana yaq naan mo Yesus Kristus, ⁶yaq waleupun uputn umekng Allah, Uhaq beaw nganggep kesetaraan ampetn Allah iro sebagei sesuatu yaq harus dipertahankan. ⁷Sebaliq yaq, Uhaq enaq diriq-Uhaq aweq naan oon-oon dan menghambakan diriq sebagei pelayan kalaq jadiq sama ampetn umekng senarikng. ⁸Sua keadaan-Uhaq sebagei senarikng, Uhaq merendahkan diriq-Uhaq ampetn taat sampei mate, bahkan mate mo punan kayuq salib.⁹Kalaq alasan ohoqlah, Allah sangat pekemo Uhaq dan menganugerahkan la-Uhaq nai mo punan sekorekng nai ¹⁰nadeq sua nai Yesus, setiep tekolokng bertelut -- bueq yaq naan mo langit, yaq naan mo bumi, maupun yaq naan mo itai bumi -- ¹¹dan setiep lola mengaku amen Kristus Yesus adalah Tuhen, bagiq kemuliaan Allah, Sang Bapa!Allah Bekerjaq Sua Takaq¹²Kerna iro, Kabetn-luhetn aap yaq terkasih, sebagaimana ka selalu taat -- beaw hanya beraq aku naan beroh ka, lebeh-lebeh sekareng beraq aap beaw beroh ka-- kerjaqkan keselamatan ka ampetn takut dan gentar. ¹³Sebeb, Allahlah yaq bekerjaq mo sua ka, bueq kalaq pengakatn maupun kalaq enaq oon yaq peseneng-Uhaq.¹⁴Enaqlah sekorekng yaq iro tanpa bebereq ateu tantekng ¹⁵nadeq ka aweq naan saset dan aweq naan salaaq, sebagei anak-anak Allah yaq beaw tercela mo tengah-tengah generasi yaq belengkot ampetn sesat ohoq, sehingga ka besinar mo antara ulutn sebagei terekng mo dunia. ¹⁶Geeqlah teguuh pede Firman kehidupan nadeq pede olo Kristus, aap uputn alasan kalaq bermegah bahwa aap beaw tekoruuq ampetn sia-sia dan bekerjaq keras ampetn sia-sia.¹⁷Sekalipun aap harus penentumpak kiaq cawan persembahan mo punan kurban dan pelayanan iman ka, aap eheu dan naan sukacita beroh sekorekng ka. ¹⁸Keliro lei ka, ampetn alasan yaq sama, eheu dan jadiq sukacitalah beroh ampetn aap.Paulus Ngutus Timotius Ampetn Epafroditus¹⁹Sua Tuhen Yesus, aap beharap ngahan segera ngutus Timotius la ka nadeq aap genehibur beraq dingaq kaber tentang ka. ²⁰Sebeb, aap aweq uputn senarikng bali kiaq uhaq, yaq ampetn tulus memedulikan kesejahteraan ka. ²¹Sebeb, yaq bali hanya sibuk memedulikan kepentingan yaq edotn, abaq ete kepentingan Kristus Yesus.²²Nadeq ka tauq, Timotius epuq membuktikan diriqyaq beragaaq, uhaq melayani beroh aap demi kemajuan pemberitaan Injil kiaq erai tiaq la tamen yaq. ²³Kerna iro, aap beharep ngahan segera ngutus uhaq lipes tauq oon yaq antekng terjadiq ampetn aap, ²⁴dan aap persaya lei la Tuhen bahwa aap sendiriq akan segera empet la ka.²⁵Akan tetapiq, aap bepikir perlu lei ngutus Epafroditus la ka. Uhaq adalah eraibutukng aap, ajutn sepelayanan aap, ajutn seperjuangan aap, dan uhaq lei senarikng yaq oit pesan la ka dan yaq melayani kebutuhan aap. ²⁶Sebeb, uhaq sangat sorop la sekorekng ka dan sangat susah asekng yaq kerna ka dingaq bahwa uhaq berotetn. ²⁷Memeng, bayuh uhaq berotetn payah sampei hampir mate, tetapiq Allah petenteq belas kasih la uhaq -- dan beaw hanya la uhaq, melaitnkan la aap lei -- nadeq dukacita aap beaw betumpuk-tumpuk.²⁸Kerna iro, aap jadiq semakin kakatn ngutus oliq uhaq la ka nadeq ka ngahan besukacita beraq kitaq uhaq oliq, dan mengkureknglah kekuawatiran aap. ²⁹Nyamutlah Epafroditus sua Tuhen ampetn punikng sukacita dan nyeqlah  hormat la senarikng-senarikng kiaq uhaq ³⁰kerna uhaq hampir mate demi pekerjaan Kristus; uhaq mempertaruhkan asekng uhaq kalaq pegantiq bantuan yaq beaw ngahan denyeq ka la aap

¹Ahiryaq, kabetn-luhetn aap, besukacitalah sua Tuhen. Aap beaw keberatan nulis oliq hal-hal yaq sama la ka kerna hal ohoq akan ngejaga ka. ²Waspadalah terhadep kokoq-kokoq, waspadalah terhadep abetn pengenaq kedaat, dan waspadalah terhadep ulutn yaq nyunat unuk, ³sebeb takaqlah ulutn-ulutn yaq naan sunat yaq sejati, yaq nyembah sua Roh Allah, memuliakan Yesus Kristus, dan yaq beaw ngonaaq persaya pede hal-hal yaq lahiriah⁴waleupun aap sebeneryaq naan alasan antai bermegah pede hal-hal yaq lahiriah. Jika naan ulutn bali yaq bepikir bahwa uhaq naan alasan antai bermegah pede hal-hal yaq lahiriah, terlebeh oliq aap: ⁵Aap senunet pede olo ke walo, bangsa Israel tulen, ete suku Benyamin, ulutn Ibrani yaq berbahasa Ibrani. Menurut Ukupm Taurat, aap adalah ulutn Farisi.⁶Sua hal semangat, aap adalah penganiaya jemaat, sua hal kebenaran mo itai Ukupm Taurat, aap aweq naan saset. ⁷Akan tetapiq, segala sesuatu yaq bayuh pekuntung aap, sekareng  aap anggap rugi kerna Kristus.⁸Sungguh, sekorekng sesuatu aap anggap rugi genebanding ampetn pengenalan akan Yesus Kristus, Tuhen aap, yaq oroq lebeh beregaq ete oon pun. Demi Kristus, aap epuq  aweq oon-oon -- kerna sekorekng iro sekareng aap anggap sampah! -- nadeq aap kawa ngahan Kristus. ⁹Aap deruku sua Kristus abaq ete sua kebenaran yaq beraser ete diriq aap sendiri yaq dahan aap ete Ukupm Taurat, tetapiq yaq empet lalo iman sua Kristus, yaq iro kebenaran ete Allah yaq berdaser pede iman. ¹⁰Kira yaq aap ngahan kener Uhaq ampetn kuasa kebangkitan-Uhaq, serta jadiq erai sua penderitaan-Uhaq nadeq jadiq kiaq Uhaq sua katetn-Uhaq ¹¹sehingga pede ahiryaq aap ngahan kebangkitan ete antara ulutn mate.Begeraq Maju La Panggilan Surgawi¹²Namun, beaw bereti aap epuq ngahan yaq ateu epuq sempurna, melaitnkan aap perasuq yaq nadeq aap nangkep yaq sebagaimana Kristus Yesus epuq nangkep aap. ¹³Kabetn-luhetn, aap beaw  nganggep amen aap epuq nangkep yaq. Akan tetapiq, erai hal yaq denaq aap: aap beaw nyanaq eso oon yaq mo odiq aap dan mengarahkan diriq la oon yaq mo telamaq aap. ¹⁴Aap terus maju la tujuan nadeq ngahan hadiah, yaq iro panggilan surgawi ete Allah sua Yesus Kristus.¹⁵Ayoqlah takaq yaq sempurna bepikir keliro. Jika ka beaw bepikir keliro, Allah akan petunuq yaq ampetn jelas la ka. ¹⁶Namun keliro, ayoqlah takaq terus bolupm sesuei ampetn kebenaran yaq epuq duputn takaq.¹⁷Kabetn-luhetn, Nyanglah teladan aap dan perhatikan ampetn saksama ulutn-ulutn yaq bolupm lei sesuei ampetn teladan ya ditatn ka ete kaiq. ¹⁸Sebeb, naan deoq senarikng yaq bolupm sebagei seteru salib Kristus. Tentang hal ohoq, aap epuq sering nyeritaq yaq la ka dan sekareng aap nyeritaq yaq oliq ampetn serentelu. ¹⁹Ahir bolupm ulutn adalah kebinasaan, kerna allah ulutn adalah butukng ulutn, dan pujian ulutn adalah hal-hal yaq pekangen. Pikiran ulutn  hanyalah pede hal-hal duniawi.²⁰Akan tetapiq, kewarganegaraan takaq adalah mo surga, momeq takaq ampetn punikng semangat entiqJuru Selamat, yaq iro Tuhan Yesus Kristus. ²¹Uhaq akan ngubah unuk kehinaan takaq jadi serupa ampetn unuk kemuliaan-Uhaq. Ampetn kuasa-Uhaq iro, Kristus mampu oit esaq lingan tunduk la-Uhaq.

¹Kerna iro, Kabetn-luhetn yaq aap kasihi dan rindukan, yaq jadiq sukacita dan kebanggaan aap, jakaatlah ampetn teguh sua Tuhan.Nasihat-Nasihat Terahir ²Aap sake jenih la Euodia dan la Sintikhe lei nadeq bolupm rukun sua Tuhan. ³Yaq, aap sake la ka, Ajutn-ajutn sejati aap, bantulah bawe-bawe ohoq kerna ulutn epuq bekerjaq waleq beroh aap demi pelayanan Injil, pun beroh Klemens ampetn rekan-rekan sekerjaq aap yaq bali, ulutn yaq naan nai-nai sua buku kehidupan.⁴Bersukacitalah selalu sua Tuhen. Eso sinai aap nokai, bersukacitalah! ⁵Bierlah kelembutan asekng ka tenoan sekorekng senarikng. Tuhen epuq diniq. ⁶Boteqlah kuatir tentang oon pun lei. Namun, sua esaq lingan nyatakan pengakatn ka la Allah sua doa ampetn permohonan ampetn ucapan syukur. ⁷Damai sejahtera Allah yaq melampaui segala pengertian akan memelihara asekng ampetn pikiran ka sua Yesus Kristus.⁸Ahiryaq, Kabetn-luhetn, sekorekng yaq benar, sekorekng yaq mulia, sekorekng yaq adil, sekorekng yaq suci, sekorekng yaq indah, sekorekng yaq terpuji, sekorekng yaq sempurna, sekorekng ya patut benuji, pikirkanlah sekorekng yaq iro. ⁹Oon yaq epuq ka pelajari, terima, dingaq, dan kitaq ete aap, enaqlah sekorekng yaq iro, makaq Allah sumber damai sejahtera akan menyertai ka.Paulus Berterima Kasih La Ulutn-Ulutn Persaya Mo Filipi¹⁰Aap sangat besukacita sua Tuhen kerna sekareng, ahiryaq ka nyeq oliq perhatian ka la aap. Memeng, semale iro ka nyeq perhatian la aap, tetapiq ka aweq naan kesempatan. ¹¹Aap nokai hal ohoq beaw kerna aap sedeng kekurangan, sebeb aap epuq  belajer pesukup diriq sua keadaan oon pun. ¹²Aap tauq oon iro kekurangan dan aap tauq oon iro kelimpahan. Sua sekorekng hal dan sua sekorekng perkara aweq naan esaq yaq merupakan rahasia bagiq aap; bueq sua hal botikng, maupun sua hal lauq, bueq sua hal kelimpahan maupun sua hal kekurangan. ¹³Sekorekng esaq ngahan tenangukng aap sua Uhaq yaq nyeq kekuatan la aap.¹⁴Namun, ka epuq enaq yaq bueq moyu sempagiq beban ampetn aap. ¹⁵Ka sendiriq tauq, jemaat Filipi, bahwa beraq awal pertama pelayanan Injil, lipes aap molak  wilayah Makedonia, aweq naan jemaat yaq moyu sempagiq beban ampetn aap sua hal terima ampetn sempagiq, kecuali ka. ¹⁶Bahkan, Beraq mo kota Tesalonika, ka ngirim bantuan kalaq kebutuhan aap lebeh ete sinai. ¹⁷Namun, abaq ete bantuan iro yaq delo aap, melaitnkan aap elo bua yaq akan nyolai keuntungan ka.¹⁸Aap epuq terima  bayaran sepenuh yaq, bahkan lebeh. Aap ngahan sekorekng yaq aap butuhkan kerna pengenyen yaq genirim kaq la aap lalo Epafroditus. Pengenyen ka iro jadiq persembahan yaq harum, korban yaq berkenan, dan peseneng Allah. ¹⁹Allah aap akan memenuhi sekorekng keperluan ka menurut kekayaan-Uhaq yaq mulia sua Yesus Kristus. ²⁰Kemuliaan bagiq Allah dan Bapa takaq kalaq sekolaq-kolaq yaq. Amin.²¹Pesempeqlah salam kaiq la setiep ulutn kudus sua Yesus Kristus. Salam kalaq ka ete kabetn-luhetn erai iman yaq naan beroh aap mo ohoq. ²²Sekorekng ulutn kudus ngirim salam kalaq ka, khususyaq ulutn ya bekerjaq melayani mo istana Kaisar. ²³Anugerah ete Tuhen Yesus Kristus menyertai roh ka. Amin.

¹Salam ete Paulus, Silwanus, dan Timotius, la jemaat mo Tesalonika sua Allah, Bapa takaq, dan Tuhan Yesus Kristus. ²Anugerah dan damai sejahtera bagiq ka ete Allah, Bapa takaq, dan Tuhan Yesus Kristus.³Kaiq harus selalu bersyukur la Allah kalaq ka, Kabetn-luhetn, dan memang sepatutyaqlah keliro. Sebeb, iman ka tumu ampetn melimpah dan kasih yaq duputn ka masing-masing terhadep sesama ka semakin solai. ⁴Oleh sebeb iro, kaiq sendiriq biongau ampetn bangga mengenai ka mo telamaq jemaat-jemaat Allah kerna kesabaran dan iman ka mo tengah sekorekng penganiayaan dan penderitaan yaq ka alami.Tentang Penghakiman Allah ⁵Ohoq adalah bukti penghakiman yaq adil ete Allah, bahwa ka genanggap layak bagiq Kerajaan Allah kerna ka pun epuq menderita.⁶Eso oliq, adil bagiq Allah kalaq males ampetn penindasan la ulutn yaq enaq ka menderita, ⁷tetapiq nyeq kelegaan la ka yaq tenindas, dan la kaiq, saat Tuhen Yesus dinyatakan ete surga beroh abetn malaikat-Uhaq yaq dahsyat, ⁸sua api yaq menyala, kalaq enaq pembalasan la ulutn yaq beaw kener Allah dan beaw taat la Injil Yesus, Tuhen takaq.⁹Ulutn akan mengalami ukupman kebinasaan yaq kekal, oroq ete hadirat Tuhen dan ete kemuliaan kekuasaan-Uhaq ¹⁰Beraq Uhaq empet kalaq dimuliakan mo antara Ulutn-ulutn kudus-Uhaq dan kalaq dikagumi mo antara sekorekng ulutn yaq epuq persaya -- sebeb ka persaya kesaksian kaiq la ka.¹¹Kerna iro, kaiq selalu bedoa kalaq ka, kira yaq Allah takaq menganggap ka layak akan panggilan ka dan memenuhi setiep pengakatn kalaq  berbuet bueq dan pekerjaan iman ampetn kuasa-Uhaq, ¹²nadeq nai Tuhen Yesus takaq dimuliakan mo sua ka, dan ka mo sua Uhaq, sesuei ampetn anugerah Allah takaq dan Tuhen Yesus Kristus.

¹Sekareng, mengenai pengempet Tuhen takaq, Yesus Kristus, dan saat takaq benerinuk bersama ampetn Uhaq, kaiq sake la ka, Abetn-luhetn, ²nadeq ka boteq golek bingung sua pikiran ka atau gelisah saat dingaq amen olo Tuhen epuq  empet, bueq ete roh atau pesan atau suret yaq seolah-olah ete kaiq.³Boteq ngebier erai kongaq pun menyesatkan ka ampetn cara oon pun. Sebeb, olo iro beaw akan empet semale kemurtadan empet dan si senarikng daat dinyatakan, yaq iro si tiaq kebinasaan, ⁴yaq ngelawetn dan pekemo diriqyaq terhadep sekorekng yaq tenokai allah ateu yaq senembah senarikng; dan uhaq akan alaq antai tuet mo Bait Allah dan menyatakan diriqyaq sebagei Allah.⁵Beaw ingetkah ka amen beraq aap maseh beroh ka, aap petauq hal ohoq la ka? ⁶Sekareng, ka tauq oon yaq nahen uhaq sehingga bayuq pede saatyaq atih, uhaq akan dinyatakan. ⁷Sebeb, misteri kedurhakaan epuq sedeng bekerjaq, hanya uhaq yaq sekareng nahenyaq akan tetep nahenyaq sampei uhaq disingkirkan.⁸Lipes iro, senarikng daat iro akan dinyatakan. Namun, Tuhen akan munu uhaq ampetn asekng ete molot-Uhaq dan pekaweq yaq  pekng pengempet-Uhaq. ⁹Pengempet si senarikng daat iro akan selaras ampetn amuh Belih, disertai ampetn sekorekng masem kuasa, tanaaq-tanaaq ajaib, dan mujizat-mujizat palsu; ¹⁰dan ampetn sekorekng muslihat daat bagiq ulutn yaq akan binasa kerna ulutn nulek kalaq mengasihi kebenaran sehingga senelamet.¹¹Oleh kerna iro, Allah ngirim kesesatan yaq hebat ates ulutn nadeq ulutn persaya ampetn etaq, ¹²sehingga sekorekng ulutn ngahan dihakimi, yaq iro ulutn yaq beaw persaya mo kebenaran dan seneng ampetn kejahatan.Ka Beneli Kalaq Senelamet¹³Kabetn-luhetn yaq tenerasi Tuhen, kaiq harus selalu bersyukur la Allah kalaq ka. Sebeb, Allah epuq meli ka sejak temaatn kalaq senelamet lalo pengudusan oleh Roh dan iman sua kebenaran. ¹⁴Kalaq irolah Allah nogeq ka lalo Injil yaq penesempeq kaiq nadeq ka ngahan kemuliaan Tuhen takaq, Yesus Kristus. ¹⁵Jadiq, Kabetn-luhetn, jakaatlah teguh dan geeqlah ajeran-ajeran yaq epuq genajer la ka, bueq lalo kata-kata maupun lalo suret kaiq.¹⁶Sekareng, kirayaq Tuhen takaq, Yesus Kristus, sendiriq dan Allah Bapa takaq, yaq epuq mengasihi takaq dan nyeq takaq penghiburan kekal dan pengharapan yaq indah lalo anugerah, ¹⁷ngehibur dan menguetkan asekng ka sua setiep amuh dan ongau yaq bueq.

¹Ahiryaq, Kabetn-luhetn, bedoalah kalaq kaiq, nadeq firman Tuhen ngahan tersebar ampetn golek dan dimuliakan, kiaq yaq terjadiq mo antara ka, ²dan nadeq kaiq genelepes ete senarikng-senarikng yaq kejam dan daat kerna beaw sekorekng senarikng uputn iman. ³Namun, Tuhen iro setia. Uhaq akan pekuet dan melindungi ka ete yaq daat.⁴Kaiq naan keyakinan sua Tuhen mengenai ka bahwa ka sedeng kinteu dan akan terus kinteu oon yaq penerentah kaiq. ⁵Kirayaq Tuhen mengarahkan asekng ka la kasih Allah dan la ketabahan Kristus.Kewajiban Kalaq Kerjaq⁶Kabetn-luhetn, sekareng kaiq merentah la ka, sua nai Tuhen takaq, Yesus Kristus, nadeq ka pekoroq diriq ete abetn saman yaq bolupm malas-malasan dan beaw sesuei ampetn ajeran yaq ka terima ete kaiq. ⁷Ka sendiriq tauq kelemeq ka harus meneladani kaiq kerna kaiq beaw malas-malasan beraq kaiq beroh ka. ⁸Kaiq pun beaw man okatn ulutn bali tanpa mayaryaq. Sebaliqyaq, kaiq berusaha dan bekerjaq keras jelo ampetn malepm nadeq kaiq beaw jadiq beban bagiq enceqpun mo antara ka. ⁹Beaw kerna kaiq aweq naan hak kalaq iro, melaitnkan kalaq nyeq diriq kaiq sendiriq sebagei contoh bagiq ka kalaq dinteu ka.¹⁰Beraq kaiq maseh beroh ka pun, kaiq nyeq perentah ohoq: “amen senarikng beaw moyu bekerjaq, boteqlah uhaq man.” ¹¹Sebeb, kaiq dingaq naan beberapa mo antara ka yaq bolupm malas-malasan, beaw moyu bekerjaq, tetapiq sibuk ampetn hal-hal yaq aweq gunaq. ¹²Ulutn kiaq iro kaiq merentah dan kaiq nyeq nasehat sua nai Tuhen Yesus Kristus kalaq bekerja ampetn tenang dan man rotiyaq sendiriq.¹³Sedengkan ka, Kabetn-saman, boteqlah lelah berbuet bueq. ¹⁴Jika naan ulutn yaq beaw menaati oon yaq tenokai kaiq sua suret ohoq, nanaaqlah senarikng iro dan boteq bergaul ampetn uhaq nadeq uhaq jadiq mangen. ¹⁵Namun, boteq perlakukan uhaq sebagei musuh, tetapiq negurlah sebagei kabetn.Ongau-Ongau Terahir¹⁶Tuhen damai sejahtera kirayaq nyeq ka kedamaian setiep watu dan sua sekorekng keadaan. Tuhen menyertai sekorekng ka. ¹⁷Aap, Paulus, nulis salam ohoq opekng kami aap sendiriq sebagei tanaaq keaslian suret aap. Kelirolah aap nulisyaq. ¹⁸Anugerah ete Tuhen takaq, Yesus Kristus, menyertai sekorekng ka.

¹Ete Paulus, hamba Allah dan rasul Kristus Yesus, yaq genutus demi iman ulutn-ulutn pilihan Allah dan pengetautn akan kebenaran yaq mimpin la kesalehan ²nadeq ulutn ngahan pengharapan bolupm kekal, yaq kenejanyi sejak semale permulaan zaman oleh Allah yaq beaw pernah peketaq. ³Pada watu-Uhaq, Uhaq epuqt menyatakan firman-Uhaq lalo pemberitaan yaq epuq dipercayakan la aap sesuei ampetn perentah Allah, Juru Selamat takaq.⁴v 4 La Titus, anak yaq sah sua iman takaq ramaq. Anugerah  ampetn damai sejahtera ete Allah, Bapa, dan Yesus Kristus, Juru Selamat takaq.Tugas-Tugas Titus Kalaq Meli Penatua Mo Kreta ⁵Kerna alasan ohoqlah aap molak ko mo Kreta, yaq iro nadeq ko ngahan nyolukng oon yaq maseh perlu genatur dan ngangkat penatua-penatua mo setiep kota, kiaq yaq aap pesankan la ko.⁶Uhaq haruslah ulutn yaq beaw bercela, banen ete erai sawaq, uputn anak-anak yaq persaya, dan beaw tenuduh kerna bolupm yaq beaw bermoral atau memberontak. ⁷Sebeb, erai kongak penilik jemaat haruslah ulutn yaq beaw bercelana sebagei penatalayan Allah, beaw sombong, beaw golek suker, abaq ete pemauk, beaw ehew bulo, dan beaw serakah sua elo keuntungan.⁸Sebalikyaq, ehew nyeq tumpangan, mencintai oon yaq bueq, bijaksana, adil, saleh, dan ngahan menguasai diriq. ⁹Uhaq geeq teguh ampetn ongau yaq ngahan dipercaya, sesuei  ampetn yaq epuq genajer, sehingga uhaq ngahan nyeq nasihat menurut pengajaran yaq sehat dan negur mali yaq membantahyaq.¹⁰Sebeb, naan deoq senarikng yaq memberontak, ehew ongau aweq reti, ampetn nipu, khususyaq ulutn yaq beraser ete kelompok senarikng yaq besunet. ¹¹Ulutn pantas tenutup molotyaq kerna ulutn menyusahkan seluruh keluarga pekng ngajer hal-hal yaq seharusyaq beaw genajer ulutn, yaq justru pekempet hal yaq pekangen.¹²Salah erai ete ulutn,  yaq iro  nabi nabi ulutn sendiri, nokai, “Daser ulutn-ulutn Kreta peretaq, kiaq binateng buas yaq daat, dan pelahap yaq malas.” ¹³Kesaksian ohoq bujur. Kerna iro, Mahut gerenih negur ulutn nadeq ulutn jadiq sehat sua iman.¹⁴Boteq perhatikan intotn-intotn ulutn Yahudi ampetn perentah ulutn-ulutn yaq nulek kebenaran.¹⁵Bagiq yaq murni, sekorekng adalah murni. Namun, bagiq ulutn yaq najis dan beaw persaya, aweq naan erai pun yaq murni kerna bueq pikiran maupun asekng nurani ulutn adalah najis. ¹⁶Ulutn ngaku kener Allah, tetapiq ampetn perbuatanysq ulutn menyangkal Allah. Ulutn iro menjijikkan, beaw taat, dan beaw sangup enaq oon pun yaq bueq.

¹Akan tetapiq, ko, ngajerlah hal-hal yaq sesuei ampetn pengajeran yaq sehat. ²Sookng yaq lebeh tuhaq harus ngahan menahan diriq, terhormat, menguasai diriq, serta sehat sua iman, sua kasih, dan sua ketekunan.³Pun, Bawe-bawe yaq lebeh tuhaq harus penunuq tingkah laku yaq saleh, beaw pemfitnah ateu hamba anggur, tetapiq harus ngajerkan oon yaq bueq. ⁴Ampetn keliro, ulutn nghan menasihati Bawe-bawe tiaq kakaq mencintai banen yaq, mengasihi anak-anakyaq, ⁵menguasai diri, saleh, mengurus urusan belai Soniq yaq, ramah, dan tunduk ampetn banen yaq, nadeq firman Allah beaw dilecehkan.⁶Keliro lei, nasihatilah ulutn-ulutn tiaq nadeq ngahan menguasai diriq. ⁷Sua sekorekng hal, pejadiq diriq ko teladan sua perbuatan-perbuatan bueq. Sua pengajeran, petunuqlah integritas, kehormatan, ⁸Ongau bujur yaq beaw tercela sehingga abetn penopa akan jadiq mangen kerna beaw nghaan nokai hal yaq daat tentang takaq.⁹Pelayen-pelayen harus tunduk la tuan-tuan ulutn sua sekorekng hal, usahakanlah kalaq pekeheu ulutn, dan nbeaw ngebantah. ¹⁰Boteq dako, tetapiq petunuqlah Amen ka ngahan dipercaya nadeq sua sekorekng hal ulutn memuliakan ajeran Allah, Juru Selamat takaq.¹¹Sebeb, anugerah Allah yaq oit keselamatan epuq nyata bagiq sekorekng senarikng, ¹²kalaq memampukan takaq nulek hal-hal yaq beaw saleh ateupun hawa nafsu duniawi sehingga takaq ngahan bolupm menguasai diriq, adil, dan saleh mo zamen sekareng ohoq, ¹³sementara takaq entiq pengharapan yaq punikng berkat, yaq iro pengempet ya punikng  kemuliaan ete Allah Yaq Mahasolai dan Juru Selamat takaq, Kristus Yesus.¹⁴Uhaq epuq nyeq diriq- Uhaq bagiq takaq kakaq nebus takaq ete sekorekng perbuatan daat dan kalaq menyucikan bagiq diriq-Uhaq, suatu umat pilihan-Uhaq yaq giat enaq perbuatan bueq.¹⁵Ngajerkanlah sekorekng ohoq. Nasihati dan tingka lah pekng sekorekng kewibawaan. Boteq naan ulutn yaq merendahkan ko.

¹Pekinget ulutn aga tunduk la pemerentah dan penguasa, taat dan siap enaq setiep perbuatan bueq, ²beaw memfitnah enceq pun, beaw betengker, ramah, serta bujur-bujur bersikap lemah lembut terhadep sekoreng senarikng.³Sebeb, takaq bayuh pun polo, beaw taat, tersesat, diperbudak ampetn berbagei nafsu dan pengeheu, bolupm sua kejahatan dan asekng iri, benenci dan saling bekebenci.⁴Akan tetapiq, beraq kemurahan dan kasih Allah, Juru Selamat takaq dinyatakan, ⁵Uhaq nyelamet takaq, beaw kerna perbuatan benar yaq takaq enaq, melainkan kerna belas kasih-Uhaq melalui pembasuhan kelahiran kojaq dan pembaruan Roh Kudus,⁶yaq Uhaq curahkan atas takaq ampetn melimpah lalo Kristus Yesus, Juru Selamat takaq. ⁷Jadiq, lipes dibenarkan oleh anugerah-Uhaq, takaq jadiq ahli waris sesuei ampetn pengharapan akan bolupm yaq kekal.⁸Ongau ohoq sungguh benar. Tentang hal ohoq aap mayu ka bujur-bujur yakin nadeq ulutn yaq epuq persaya la Allah ngahan tekun enaq perbuatan bueq. Hal-hal ohoq bueq dan bermanfaat bagiq sekorekng senarikng.⁹Akan tetapiq, hindarilah perdebatan-perdebatan, silsilah-silsilah, perselisihan, ampetn pertengkaran yaq polo tentang Ukupm Taurat kerna hal iro aweq naan gunen yaq dan sia-sia. ¹⁰Kalaq ulutn yaq menyebabkan perpecahan, peringatkan uhaq sinai ateu duaq kaliq, lipes iro lemaqlah ete uhaq. ¹¹Sebeb ko tauq senarikng kiaq iro epuq disesatkan ampetn punikng dosa, uhaq pekempet ukupman atas diriq uhaq sendiriq.Petunjuk Terahir Ampetn Salam¹²Setelah aap ngutus Artemas atau Tikhikus la ko, berusahalah kalaq empet la aap mo Nikopolis kerna aap epuq memutuskan kalaq Nongko mo aro selama musim jelep atih. ¹³Ampetn sekuet tenaga ko, bantulah Zenas, si ahli ukupm iro, dan Apolos yaq naan sua perjalanan nadeq ulutn beaw kekurangan suatu oon pun.¹⁴Haruslah ulutn-ulutn takaq belajer bertekun sua enaq pekerjaan yaq bueq nadeq ulutn ngahan memenuhi kebutuhan bolupm olo-olo dan beaw bolupm ampetn beaw naan  bua.¹⁵Sekorekng ulutn yaq naan beroh aap pesempeq  salam kalaq ko. Pesempeq  salam Aap la ulutn yaq mengasihi kaiq sua iman. Anugerah menyertai sekorekng ka.

Salam Klaq Filemon ¹Salam ete Paulus, ulutn yaq temencaraq tulatn Yesus Kristus, dan ete Timotius saman takaq erai iman, tenujuq la Filemon, saman kaiq erai pelayanan yaq kaiq kasihi, ²dan tenujuq la Apfia, saman takaq, ampetn tenuju lei la Arkhipus, ajutn seperjuangan takaq, dan tenujuq lei la jemaat yaq bersekutu mo belai ko. ³Anugerah dan damai sejahtera klaq ko ete Allah, Bapa takaq, dan ete Tuhan Yesus Kristus. Ucapan Syukur Karena Iman dan Kasih Filemon⁴Ap selalu bersyukur la Allah ketika tekumpiq ka sua doa-doa ap ⁵sebab af dingaq tentang iman dan kasih ka sua Tuhan Yesus dan nengkelaq sekorekng ulutn kudus. ⁶Ap berdoa supaya persekutuan iman ka menjadi begunaq klaq pengentautn klaq sekorekng esaq yaq bueq yaq nan pede takaq demi Kristus. ⁷Ap sangat ehau dan terhibur oleh kasih ka karena melalui ka, asekng ulutn – ulutn kudus disegarkan kojaqPenyake Paulus Mengenai Onesimus⁸Karena iro, meskipun ap nan keyakinan solai sua Kristus dan ngahan perentah ko ngerjaq esaq yak menjadi tugas ko, ⁹tapiq karena kasih, lebeh bueq kalau ap sake la ko. Ap, Paulus senarikng yaq puq tuhaq, dan bayaq ohoq menjadi ulutn yaq temencaraq tulatn Yesus Kristus¹⁰sake la ko klaq anak ap, Onesimus, yak ap ruku selama ap nan mo pencaraq, ¹¹yaq lerai beau begunaq klaq ko, tapiq bayaq ohoq sangat begunaq, bueq klaq ko maupun klaq ap. ¹²Ap ngirim uhaq, anak ap aro, oliq la ka, ¹³yaq sebener yaq kakatn ap sake tetep nongko beroh ap supaya uhaq ngahan pegantiq ka melayani ap selama ap temencaraq tulatn Injil.¹⁴Tapiq, amen aweq persetujuan ko, ap beau kereq enaq on pun supaya kebaikan iro ko enaq beau karena keharusan, tapiq karena asekng ko memeng ehau. ¹⁵Mungkin alasan Onesimus temengkoroq ete ko klaq sementara ohoq adalah supaya ko ngahan menerima uhaq oliq nengkelaq selama yaq, ¹⁶tapiq beau eso sebagai ripetn, tapiq lebeh ete iro, yaq iro sebagai saman yaq terkasih, beau hanya klaq ap, terlebeh lei nengkelaq ko, bueq sua daging maupun sua Tuhan.¹⁷Jadi, jika ko menganggap ap sebagai saman sua pekerjaan ko, terimalah Onesimus sebagaimana ko menerima ap. ¹⁸Jika uhaq tekatn nan salatn la ko atau tekatn nan utakng on pun la ko, tanggungkanlah aro la ap. ¹⁹Ap, Paulus, menulis ohoq pekng kami ap sendiri : ap akan melunasi yaq tanpa nokai on pun mengenai utakng ko la ap, yaq iro bolupm pakant ko sendiri. ²⁰Yak, saudaraku, biarlah sua Tuhan ap ngeliatn kebaikan ete ko. Segarkanlah asekng ap sua Kristus.²¹Karena keyakinan ap akan ketaatan ko, ap menulis surat ohoq la ko, sebab ap tauq ko akan ngerjaq lebeh ete yaq ap sake. ²²Sementara aro, tolong nyiep kamar klaq ap karena ap berharap lalo doa – doa ko, ap akan tengelewaq nengkuliq oliq la ko.Salam Terakhir²³Epafras, ajutn ap erai pencaraq sua Yesus Kristus, mengirim salam klaq ko, ²⁴keliaq lei Markus, Aristarkhus, Demas, ampetn Lukas, ajutn – ajutn sepelayanan ap. ²⁵Anugerah ete Tuhan takaq, Yesus Kristus, kira yaq menyertai roh ko.

¹Ete Simon Petrus, hamba dan rasul Kristus Yesus, la ulutn yaq epuq terima iman yaq sama ampetn yaq duputn kaiq lalo kebenaran Allah dan Juru Selamat takaq, Kristus Yesus. ²Kirayaq anugerah dan damai sejahtera melimpah bagiq ka sua pengenalan akan Allah dan Yesus, Tuhen takaq.Ulutn Yaq Tenogeq Dan Beneli Oleh Allah³Kuasa-Uhaq yaq ilahi epuq menganugerahkan la takaq sekorekng esaq yaq berkenaan ampetn bolupm dan kesalehan, lalo pengetautn akan Uhaq yaq epuq nogeq takaq nujuq kemuliaan dan kebueq-Uhaq. ⁴Laloyaq, Uhaq epuq menganugerahkan la takaq janyi-janyi-Uhaq yaq solai jerenih dan beregaq nadeq olehyaq ka nghaan nyang alaq bagian sua keilahian-Uhaq, dan terhindar ete kerusakan yaq terjadiq mo dunia, yaq senebeb oleh berbagei hawa nafsu yaq membinasakan.⁵Kalaq tujuan iro, berusahalah ampetn sungguh-sungguh kalaq nameh imanka ampetn kebajikan, kebajikan ampetn pengetautn, ⁶dan pengetautn ampetn penguasaan diriq, dan penguasaan diriq ampetn ketabahan, ketabahan ampetn kesalehan, ⁷kesalehan ampetn kasih persaudaraan, kasih persaudaraan ampetn kasih kalaq sekorekng senarikng.⁸Sebeb, jika sekorekng yaq ohoq naan sua diriqka dan terus mentameh-tameh, ka beaw mungkin jadiq sia-sia atau beaw berbua sua pengenalan akan Tuhen takaq, Kristus Yesus. ⁹Akan tetapiq, ulutn yaq beaw ngempuutn sekorekng yaq iro adalah ulutn yaq beaw ngahan kitaq ampetn jelas dan posa kerna uhaq pipet bahwa uhaq epuq benereseh ete dosa-dosa uhaq yaq lalo.¹⁰Oleh kerna iro, kabetn-luhetn aap, berusahalah lebeh giet oliq kalaq memastikan bahwa ka benar-benar tenogeq dan beneli; sebeb amen ka enaqyaq, ka beaw antekng pernah lotu. ¹¹Ampetn keliro, pintuq la sua kerajaan kekal Tuhen dan Juru Selamet takaq, Yesus Kristus, akan mempuke lebar bagiqka.¹²Irolah sebebyaq, aap bermaksud kalaq selalu pekinget ka akan sekorekng hal iro, sekalipun ka epuq tauq onaq dan epuq benangun ampetn kukuh sua kebenaran yaq sekareng duputn ka.¹³Selama aap maseh bolupm sua tenda duniawi ohoq, aap anggap perlu kalaq mendorong ka pekng cara pekinget ka,¹⁴sebeb aap tauq bahwa aap antekng segera molak tenda ohoq kiaq yaq epuq penentunuq la aap ampetn jelas oleh Tuhen takaq, Kristus Yesus.¹⁵Dan, aap akan berusaha ampetn sungguh-sungguh nadeq lipes pemolak aap, ka ngahan selalu ingat sekorekng yaq ohoq.Saksi Mataq Kemuliaan Kristus¹⁶Sebeb, kaiq beaw nyang mitos-mitos yaq genarang ampetn jaji beraq pekener la ka kuasa dan pengempet Tuhan takaq, Kristus Yesus, tetapiq kerna kaiq adalah saksi-saksi mataq akan kemuliaan-Uhaq. ¹⁷Sebeb, Uhaq terima hormat dan kemuliaan ete Allah Bapa beraq ongau Yaq Mahamulia empet la-Uhaq, “Ohoqlah Anak-Aap yaq Aap kasihi, la-Uhaqlah Aap berkenan.” ¹⁸Kaiqpun dingaq ongau iro empet ete surga beraq kaiq bersama-sama beroh-Uhaq mo punan saikng suci.¹⁹Kaiq pun semakin keneyakin oleh ongau nubuat, yaq sebueqyaq lei ka perhatikan ampetn cermat, kiaq memperhatikan pelita yaq delatn mo antai yaq denepm, sampei empet kuriw dan bintekng fajar terbit sua asekng ka. ²⁰Akan tetapiq, hal terutama yaq harus ka pahami adalah bahwa aweq naan nubuat sua Kitab Suci yaq beraser ete penafsiran erai senarikng, ²¹sebeb aweq naan erai pun nubuat yaq timur ete pengakatn senarikng, sebaliqyaq ete ulutn-ulutn biongau atas nai Allah berdaserkan pimpinan Roh Kudus.

¹Pede zamen ro, naan nabi-nabi palsu mo antara umat Allah, kiaq sekareng pun naan guru-guru palsu mo antara ka yaq ampetn mensilek-silek ngajer ajaren-ajaren yaq ngerusek, bahkan nyangkal Tuhen yaq epuq nebus ulutn sehingga pekempet kehancuran yaq golek atas diriq ulutn sendiriq. ²Dan, deoq senarikng akan nyang cara bolupm ulutn yaq beaw bemoral, dan kerna ulutnlah, jalan kebenaran akan genehujat. ³Ampetn serakah, ulutn akan alaq untung ete ka ampetn ongau-ongau yaq punikng tipuan. Ukupman bagiq ulutn ya epuq penensiap sejak ro beaw antekng tenunda-nunda, dan kehancuran ulutn beaw antekng tenunda.⁴Sebeb, amen Allah ngauq beaw nahen diriq beraq abetn malaikat bedosa, melatinkan nempalekng ulutn la sua neraka dan nyerah ulutn sua dalepm rantai kegelapan kalaq tenahen sampei penghakiman, ⁵dan amen Allah pun beaw menyayangkan dunia purba kecuali Nuh, erai pemberita kebenaran beroh turu kongaq senarikng yaq bali, tetapiq pekempet danum bah la punan dunia yaq beaw kener Allah, ⁶dan amen Allah ngukupm kota Sodom dan Gomora ampetn cara menghancurkan keduaq kota iro hingga jadiq abuq, dan pejadiq ulutn sebagi contoh tentang oon yaq antekng terjadiq la ulutn-ulutn daat yaq bolupm pede masa berikutyaq,⁷dan amen  Allah nyelamatkan Lot, ulutn benar iro, yaq menderita kerna cara bolupm yaq najis ete ulutn-ulutn yaq beaw kener ukupm, ⁸sebeb ulutn benar iro bolupm mo tengah-tengah ulutn setiep olo, dan jiwa mali yaq benar menderita kerna kitaq dan dingaq amuh-amuh daat yaq uhaq kitaq dan dingaq, ⁹Allah pasti tauq kelemeq ngelepas ulutn-ulutn benar ete pencobaan dan nahen ulutn-ulutn daat kalaq genukupm pede olo penghakiman,¹⁰khususyaq ulutn yaq memuaskan unukyaq sua pengakatn cemaryaq, dan yaq meremehkan pemerentah. Ampetn lancang  jerenih dan sombong, guru-guru palsu iro beaw takut menghina makhluk-makhluk yaq mulia, ¹¹padahal abetn malaikat, yaq meskipun oroq lebeh kuet dan lebeh berkuasa etepadaq ulutn, beaw nokai tuduhan yaq mengandung hujatan terhadep ulutn mo telamaq Tuhen.¹²Guru-guru palsu iro kiaq binateng yaq aweq aker, yaq genelahir kalaq tenangkep dan benunu. Ulutn menghujat oon yaq beaw ulutn ngerti sehingga akan dibinasakan sua kehancuran ulutn sendiriq; ¹³ulutn akan konaq nasib daat sebagei upah atas amuh ulutn yaq daat. Ulutn menganggap pesta-pora bayaq jelo sebagei kesenangan. Ulutn adalah noda dan cela, yaq mauk sua hawa nafsu ulutn beraq ka man bersama-sama beroh ulutn. ¹⁴Ulutn uputn mataq yaq punikng nafsu perzinahan dan yaq beaw berenti enaq dosa, ulutn menggoda abetn-senarikng yaq lemah jiwayaq, dan asekng ulutn epuq terlatih sua keserakahan. Ulutn adalah tiaq-tiaq yaq terkutuk!¹⁵Ulutn molak lalaq yaq lurus dan nyang lalaq yaq sesat, yaq iro lalaq Bileam bin Beor, yaq ehew terima upah kalaq amuh uhaq  yaq daat. ¹⁶Namun, uhaq ngahan teguran yaq waleq atas pelanggaran uhaq ete erai ikui keledai yaq bisuq, tetapiq yaq biongau ampetn ongau senarikng sehingga perenti amuh gilaq nabi iro.¹⁷Ulutn-ulutn ohoq kiaq matetn danum yaq meang dan kiaq kabut yaq senapu oleh badai. Kegelapan yaq paling pekat epuq senedia kalaq ulutn. ¹⁸Ampetn ongau yaq sombong, tetapiq kosong, ulutn menjerat abetn-senarikng yaq epuq lepes ete ulutn yaq bolupm sua kesesatan ampetn pengakatn-pengakatn unuk dan ampetn percabulan. ¹⁹Guru-guru palsu iro pejanyi kebebasan, pedaher ulutn sendiriq adalah hamba ete kebinasaan. Sebeb, oon pun yaq epuq menaklukkan erai senarikng, la uhaqlah senarikng iro diperhamba.²⁰Sebeb, amen ulutn epuq kenelepes ete pencemaran dunia yaq daat lalo pengenalan akan Tuhen dan Juru Selamat takaq, Yesus Kristus, tetapiq lipes iro mulik oliq la dunia yaq daat iro dan genuasa olehyaq, makaq ulutn akan jadiq lebeh daat etepadaqtemaatn yaq. ²¹Akan lebeh bueq amen ulutn beaw pernah kener lalaq kebenaran iro, etepadaq epuq keneryaq ulutn mulik ete ukupm suci yaq epuq denyeq la ulutn. ²²Ulutn adalah gambaran ete peribahasa yaq benar ohoq: “Kokoq mulik la uta yaq sendiriq” dan “Unek yaq epuq benereseh, mulik oliq besempuatn mo putek”.

¹Kabetn-luhetn yaq aap kasihi,ohoq adalah suret keduaq yaq tenulis aap la ka. Sua keduaq suret iro, aap berusaha membangkitkan pikiran ka  yaq murni ampetn cara pekinget ka, ²nadeq ka inget ongau-ongau yaq ro epuq tenokai oleh nabi-nabi kudus dan perentah-perentah Tuhen dan Juru Selamet lalo abetn rasul.³Pertama-tama, ketahuilah amen pede olo-olo terahir atih, abetn pengasaq akan empet kalaq nyang hawa nafsu ulutn yaq bedosa. ⁴Ulutn akan biongau, “Momeq janyi tentang pengempet-Uhaq? Kerna sejaq datuq niniq takaq mate, sekorekng yaq maseh tetep manan kiaq bayaq tematn penciptaan.”⁵Sebeb, ulutn sengaja pipet kenyataan bahwa oleh firman Allah, langit epuq naan sejaq ro, dan bumi penejadiq ete danum dan ampetn danum. ⁶Ampetn danum iro lei, dunia yaq naan saat iro dihancurkan dan diliputi ampetn danum bah. ⁷Namun, oleh firman yaq sama, langit ampetn bumi yaq naan sekareng ohoq senimpetn kalaq senuru ampetn api pede olo penghakiman dan kehancuran ulutn-ulutn daat.⁸Akan tetapiq, kabetn-luhetn yaq aap kasihi, boteq pipet kenyataan yaq erai ohoq bahwa bagiq Tuhen, erai olo kiaq seribuq tautn, dan seribuq tautn kiaq erai olo. ⁹Tuhen beaw pernah sebaneh-baneh memenuhi janyi-Uhaq kiaq yaq genanggepbeberapa senarikng sebagei keterlambatan. Sebaliqyaq, Uhaq sabar terhadep ka kerna Uhaq beaw kakatn erai senarikng pun binasa, tetapiq nadeq sekorekng senarikng ngahan empet la pertobatan.¹⁰Olo pengempet Tuhen akan empet kiaq pengedako, dan langit akan tawaq ampetn ongau yaq dahsyat. Benda-benda langit akan orekng soyaq dan meleleh oleh api yaq perekng jerenih, dan dunia beroh segala isiqyaq pun akan orekng soyaq.¹¹Jika sekorekng esaq akan genancur, ampetn cara ohoq, kelemeqkah seharusyaq ka bolupm? Beawkah ka harus bolupm suci dan mengabdi la Allah, ¹²samer entiq dan pegolek olo pengempet Allah? Pede olo iro, langit akan hancur oleh api, dan sekorekng benda langit meleleh kerna perekngyaq. ¹³Namun, sesuei ampetn janyi-Uhaq, takaq entiq langit dan bumi yaq bayuq, antai ulutn-ulutnbenar akan nongko.¹⁴Kabetn-luhetn yaq aap kasihi, kerna takaq entiq hal ohoq, makaq berusahalah ampetn giet nadeq ka deruku-Uhaq beaw bedosa, beaw benoda, dan bedamai ampetn Allah. ¹⁵Anggeplah kesabaran Tuhen sebagei kesempatan kalaq takaq terima keselamatan. Sama kiaq yaq Paulus, kabetn takaq yaq  kekasih, nulis la ka ampetn hikmat yaq dikaruniakan Allah la uhaq. ¹⁶Uhaq pun ngesah hal-hal ohoq sua sekorekng surat uhaq yaq bali. Memeng naan hal-hal yaq sulit genereti sehingga benuterbalikkan oleh ulutn-ulutn yaq polo dan yaq lemah imanyaq. Ulutn pun enaq yaq sama pede bagian-bagian bali ete Kitab Suci, yaq mengakibatkan kebinasaan atas diriq ulutn sendiriq.¹⁷Kabetn-luhetn yaq aap kasihi, kerna ka epuq tauq tentang hal ohoq, hati-hatilah nadeq ka beaw doit tersesat oleh kesalahan ete ulutn-ulutn yaq beaw kener ukupm. Boteqlah ka lotu ete iman ka yaq kuet. ¹⁸Namun, tumulah sua anugerah dan pengenalan akan Tuhen dan Juru Selamet takaq, Yesus Kristus. Bagiq Uhaqlah kemuliaan, sekareng dan sampei sekolaq-kolaqyaq! Amin.

¹Ete penatua, la Neeq yaq beneli ampetn la anak-anakyaq, yaq aap kasihi sua kebenaran, dan beaw aap maha, tetapi lei sekorekng senarikng yaq kener kebenaran, ²Kerna kebenaran yaq nongko sua takaq dan yaq akan beroh takaq selamayaq. ³Anugerah, belas kasih, ampetn damai sejahtera ete Allah Bapa dan ete Kristus Yesus, Sang Anak, menyertai takaq sua kebenaran dan kasih.Bolupmlah Sesuei Perentah Allah⁴Aap sangat besukacita kerna tauq bahwa beberapa anak ko bolupm sua kebenaran, sebagaimana perentah yaq epuq tenerima takaq ete Bapa. ⁵Sekareng, aap sake la ko, Neeq, beaw seolah-olah aap nulis erai perentah bayuq, melaitnkan perentah yaq epuq duputn takaq  sejak semula nadeq takaq saling mengasihi. ⁶Dan, ohoqlah kasih, bahwa takaq bolupm menurut perentah-perentah-Uhaq. Ohoqlah perentah iro, kiaq yaq epuq dingan ka sejak semula nadeq ka bolupm mo sua yaq.⁷Sebeb, deoq penyesat epuq timur la dunia, ulutn beaw ngakui Yesus sebagei Kristus yaq empet sua wujud senarikng. Ulutn adalah penyesat dan anti-Kristus. ⁸Berhati-hatilah nadeq ka beaw  sampei tawaq oon yaq epuq takaq usahakan, tetapi terima upah seutuhyaq.⁹Setiep senarikng yaq manan losek dan beaw nongko sua ajeran Kristus, uhaq aweq naan Allah. Akan tetapiq, enceqpun yaq nongko sua ajeran iro sua uhaq naan, bueq Bapa maupun Anak. ¹⁰Amen naan senarikng yaq empet la ka dan beaw oit ajeran ohoq, boteq terima la sua belai ka ateu nyeq salam oon pun. ¹¹Sebeb, enceq pun yaq nyamut uhaq, alaaq bagian sua pekerjaan daat senarikng iro.Salam Penutup¹²Deoq hal yaq kakatn tenulis aap  la ka, tetapiq aap beaw moyu enaq yaq opekng kertas beroh tentah. Namun, aap beharep ngahan empet la ka dan nyeritaq secara mentelamaq nadeqsukacita takaq jadiq punikng. ¹³Anak-anak ete eraibutukng ka yaq beneli pesempeqsalam la ka.

¹Ete penatua la Gayus terkasih, yaq aap kasihi sua kebenaran. ²Kabetn yaq aap kasihi, aap bedoa semoga ko bueq-bueq ngauq sua sekorekng hal, semoga unuk ko sehat, sama kiaq jiwa ko pun sehat. ³Sebeb, aap sangat besukacita beraq  kabetn-luhetn empet dan bersaksi tentang kebenaran ko, kelemeq saat ohoq ko bolupm sua kebenaran. ⁴Aap aweq naan sukacita yaq lebeh solai etepadaq dingaq bahwa anak-anak aap manan sua kebenaran.⁵Kabetn aap yaq kekasih, ko bertindak ampetn setia sua sekorekng usaha ko bagiq kabetn-luhetn, meskipun mali ulutn asing. ⁶Ulutn epuq bersaksi tentang kasih ko mo telamaq jemaat. Ko akan enaq yaq bueq apabila bantu ulutn ngelanjut anan ampetn cara yaq berkenan la Allah. ⁷Sebeb, ulutn epuq manan demi Nai iro, tanpa terima oon pun ete ulutn-ulutn yaq beaw persaya. ⁸Kerna iro, takaq harus bantu senarikng-senarikng kiaq ulutn nadeq takaq jadiq rekan pelayanan bagiq kebenaran.Diotrefrs Ampetn Demetrius⁹Aap epuq nulis suret la jemaat, tetapiq Diotrefes, yaq eheu menonjolkan diriq mo antara ulutn, beaw moyu terima kaiq. ¹⁰Kerna iro, kaleu aap empet, aap akan pekinget uhaq atas tindakan uhaq, yaq memfitnah kaiq ampetn ongua-ongau yaq daat! Beaw hanya iro, uhaq pun beaw moyu terima kabetn-luhetn yaq empet dan kelamen mali yaq moyu terima kabet-luhetn iro serta mengucilkan mali ete jemaat.¹¹Kabetn aap yaq aap kasihi, boteqlah niru yaq daat, melatinkan yaq bueq. Senarikng yaq bebuet bueq beraser ete Allah, tetapiq senarikng yaq bebuet daat, male beruku Allah. ¹²Sekorekng senarikng epuq bersaksi ya bueq tentang Demetrius, bahkan kebenaran bersaksi keliro. Kaiq pun bersaksi, dan ko tauq amen kesaksian kaiq benar.Salam Penutup¹³Naan deoq hal yaq kakatn tenulis aap la ka  ingin ka, tetapiq aap beaw moyu nulis yaq la ka ampetn pena beroh tentah. ¹⁴Aap beharep segera beruku dan takaq akan Seritaq secara mentelamaq. ¹⁵Damai sejahtera bagiq ko. Ajutn-ajutn mo ohoq ngirim salam kalaq ko. Pesempeq lei salam kaiq la setiep kabetn mo iro.

Salam Ete Yudas ¹Ete Yudas, pelayan Yesus Kristus dan eraibutukng Yakobus, la mali yaq beneli dan dikasihi Allah Bapa, serta yaq dipelihara bagiq Yesus Kristus. ²Kirayaq pengampunan, damai sejahtera, dan kasih melimpah ataska. Allah Akan Ngukupm Ulutn Yaq Berbuet Salaq³Kabetn-luhetn yaq terkasih, sementara aap berusaha waleq nulis la ka tentang keselamatan takaq ramaq, aap merasa perlu nulis la ka dan sake supaya ka bujur-bujur bejueng kalaq iman yaq penesempeq sukup sinai kalaq sekolaq yaq la ulutn-ulutn kudus. ⁴Sebeb, ulutn-ulutn tertentu epuq menyusup tanpa tenoan, yaq iro ulutn yaq sejak ro epuq ditentukan kalaq genukupm, ulutn-ulutn yaq beaw beriman yaq menyalahgunakan anugerah Allah takaq kalaq ongok memuaskan hawa nafsu dan menyangkal erai-eraiyaq Penguasa dan Tuhen takaq, Yesus Kristus.⁵Aap kakatn pekumpiqko, beleqko epuq tauq yaq iro sepenuhyaq, bahwa walau Tuhen epuq nyelamet Umat-Uhaq losek ete tana Mesir, tapiq kemudian Uhaq membinasakan ulutn yaq beaw persaya. ⁶Dan malaikat-malaikat yaq beaw kinteu pede batas-batas kekuasaan ulutn, melainkan molak ongoq nongkoyaq, epuq geniket Uhaq ampetn rantei abadi sua kegelapan yaq paling denepm kalaq penghakiman pada olo solai naq.⁷Kliro lei Sodom dan Gemora ampetn kota-kota mo sekitaryaq, yaq memuaskan diriq sua dosa seksual dan perasuq nafsu yaq beaw wajar, epuq nangukng ukupman api kekal kalaq contoh. ⁸Kiaq iro leilah ulutn-ulutn ohoq, mengandalkan tupiq-tupiq, mencemarkan unuk, nulek kekuasaan, dan menghina sekorekng yaq mulia.⁹Mikael ngauq, sang penghulu malaikat, bayaq tantekng ampetn Seten tentang bangkei Musa, beaw janiq nokai opekng ongau-ongau hujatan la uhaq, melainkan hanya nokai, " kirayaq Tuhen suker ampetn ko". ¹⁰Tapiq, para penyesat-penyesat ohoq menghujat esaq-esaq yaq ulutn beaw tauq, yaq hanya tenauq ulutn ete daser naluri, kiaq binateng yaq aweq aker. Oleh esaq-esaq ohoqlah mali akan dihancurkan. ¹¹Keruratlah mali! Mali epuq nyang lala yaq tenete Kain, dan perasuq ampetn serakah kesalahan yaq denen Bileam dan binasa konaq pembrerontakan Korah.¹²Mali ohoq kiaq noda sua perjamuan kasihka, yaq melahap makanan berohka aweq rasa takut, hanya peduli diriq mali edotn. Mali kiaq jautn yaq beaw oit osaq, yaq seniup dolek lodiq-lonaq. Mali kiaq puutn-puutn yang beaw naan bulet pede musim yaq, duaq kaliq mate, dan senaut ampetn wakat-wakat yaq. ¹³Mali kiaq gemak laut yaq waleq, yaq ngerempuriq odetn kedaat mali. Mali kiaq bintekng-bintekng yang mengembara, kalaq mali epuq senedia kegelapan yaq pekat kalaq sekolaqyaq.¹⁴Kliro lei tentang ulutn-ulutn ohoqlah Henokh, keturunan keturu ete Adam, menubuat. "Neawlah, Tuhen empet beroh beribuq-ribuq ulutn kudus-Uhaq, ¹⁵Kalaq pekanan penghakiman punan sekorekng senarikng; ngukupm sekorekng ulutn fasik siotn sekorekng perbuatran fasik yaq ulutn enaq ampetn cara yaq fasik, dan sekorekng ongau kaser yaq epuq tenokai ulutn-ulutn berdosa yaq fasik terhadap Allah. ¹⁶Ulutn iro adalah ulutn-ulutn yaq mayu ngeluh, elo-elo kesalahan, dan kinteu hawa nafsu mali edotn; Ulutn bermolot solai ampetn menjilat ulutn bali demi ngahan keuntungan. Peringatan dan Nasihat¹⁷Kabetn-luhetn yaq aap kasihi, ka harus inget oon yaq epuq tenokai rasul-rasul Tuhen Takaq, Yesus Kristus. ¹⁸Mali epuq nokai la ka, "Mo zamen ahir, antekng naan para pencemooh yaq hanya enyang nafsu ulutn fasik." ¹⁹Ulutn iro adalah senarikng-senarikng yaq menyebebkan perpecahan, enyang nafsu duniawi dan beaw naan Roh.²⁰Tapiq, ka, kabetn-luhetn yaq aap kasihi, bangunlah diriqka sendiri punan imanka yaq paling suci dan berdoalah sua Roh Kudus. ²¹Peliharalah diriqka sua kasih Allah samer entiq rahmat Tuhen takaq, Yesus Kristus, yaq menuntun la bolupm kekal.²²Milikilah kemurahan asekng bagiq mali yaq ragu-ragu, ²³Nyelametkanlah senarikng bali opekng ngerebut mali ete api. La yaq bali, pekitaqlah rasa terasi yaq disertai rasa takut, ampetn benci pakaiyetn mali yang genotor hawa nafsu duniawi. Puji-Pujian La Allah²⁴Bagiq Uhaq, yaq berkuasa menjagako beaw lotu ampetn menghadirkanko aweq saset mo telamah tahta kemuliaan-Uhaq ampetn sukacita solai. ²⁵Bagiq erai-eraiyaq Allah, Juru Selamet takaq, lalo Kristus Yesus, Tuhen takaq, kemuliaan, keagungan, kekuatan dan kuasa sekolaq masa : Ro, bayaq ohoq, sampei sekolaq-kolaqyaq. Amin.