1 Cayo pia Dio inaitjaca nja eenocoma njite jiipai tsakja. 2 Mamatsieta canaadalri pia catoan jliaji jiipai njite meetada tsakjan. Cadaocá dalri iitaca jliaji tjewaca-dalri. Njite canani piaca Dio Icaolrini ooni imaimaca iecoe naco. 3 Njite Dio icaite: ''Camarrai, pinaitjacawa,'' icaamitsa camarrai initaacawa. 4 Njite Dio icapa matsiadalrica jliaji camarrai. Niini jlienita camarai Cadaocádalri ioya. 5 Niini Lricadaa camarrai ipotanao ''jalrewerrico,'' njite jliaji cadaocádalri lricadaa lriipitanao ''deepi.'' Icatsa njaji lrinaitjalrica piyompinakjoite dainoma nacojle, pada jalredaokena. 6 Dio icaite: ''Niniotsa pada jienitacada njaji ooni imaimaca, jlienetacarro nja ooni naoyawaaca.'' 7 Dio inaitja jliaji lrioyawaaca jlieneta-carro nja ooni, niini lricadaa ooni lrioyawaaca iapjite njite lriicao tsakja. Cayotsa lrinaitjaca. 8 Dio icadaa lrioyawaca iipitanao ''eeno coma.'' Icapiatsa lrinaitjalrica piyompinakjoite dainoma nacojle, yamadaa jalredaokena. 9 Dio icaite: ''Pjiomi ooni eeno iapjite perri iwacaacawa pafe tsa, jiipai metádalri imotócarro.'' Njite cayotsa lrinaitjaacacao. 10 Dio icadaa metadari iipitanao ''jiipai,'' njite nja ooni iwacaacalrio Lricadaa lripitanao ''macapawan.'' Njite lricapa matsiacatsa njaji lrinaitjalri. 11 Dio icaite: ''Jiipai icadacaotsa malritsi jipolreperri imotoa jiipai ricó, malritsi ishocae iekje, jaico isjocape inaca ishi paapanaope, njite njaji jaico irsocape iinaca njite narsoatsa neeshi nainaca ricó, cayotsaotsa pjiomi njaji jaicotjedaa naoyawaca.'' Njite cayotsa lrinaitjaca. 12 Jiipai imotoeta pjiomi malritsi, malritsi irsocape iekje coshoca naoyawaca, Njite jaico irsocape iinaca njite neshi nerricoda nacoana coshocatsa naoyawaaca. Dio icapa matsiacatsa njaji lrinatjalri. 13 Icatsa Dio inaitjalri piyompinakjoite dainoma nacojle, madalrideena jalredaoca. 14 Dio icaite: ''Niniotsa nja camarrai eeno iecoa nacó jlienetá-carro jaalre werico deepi ioya njite matsia tsakjaotsa nakjenanaatá carro, panjii carro padaa jalredaoca nacó, njite pada oona naco tsakja. 15 Njaji camarai nacanaotsa eeno iecoa nakjoite jalredaoca nacojle.'' Njite cayotsa lricaite capisho. 16 Dio inaitja nja yamada camarrai macadalripe, jliaji camarrai macadalri pja lricaná carro jaalre werricó, njite jlaiji camarrai tsodalri pja lricaná-carro deepi ricó. Lrinaitja tsakja nja jiwirsida. 17 Dio icadaana eeno iecoa nacó nacaná-carro jiipai nacojle, 18 camarrai italricanaatácarro jaalre werricó njite deepi werricó tsakja, jlienetá-carro camarrai cadaoca dalri ioya. Njite Dio icapa matsia catsa njaji lrinaitjalri. 19 Icatsa njaji lrinaitjalri piyompinakjoite daica nomajle, Cuatro jalredaoca nacó. 20 Dio icaite: ''Ipakjantaacao ooni macapawan ricó jorre maaficalri caafiperri teecojle perri ioyawaaca sho, njite niini tsakjaotsa wipjiarro iarrajicapeo jiipai iicao eeno initjecoma ricó.'' 21 Dio inaitja nja maaficalri macanipe ooni macapawan ricope, lrinaitja nja maaficalri caafiperri teecojlepe naoyawaca ianjicapewa ooni ricó napakjantaacá-carro, njite pjiomi tsakja njaji iarrajicapewa yamapje perri ipje teecojlepe ioyawaca. Njite Dio icapa matsia catsa njaji lrinaitjaji. 22 Njite Dio icadaa iacoti matsiadalri nanaco, lriaco cayó: ''Matsiawatsa keenipeca jia imaimataacácarroa, ipakjantá-carroatsa jliaji ooni macapan. Namaimataaca tsakjaotsa nja wiipjiarro jalredaoca lricó.'' 23 Icatsa nja lrinaitjalica piyompinakjoite daica nomanajle, cincoena jalredaoca. 24 Dio icaite: ''Niiniotsa maaficalri caafi-perri jiipai naco, njite teecojle peotsa naoyawacana, vaaca tsakja, njaji itsoetaacacape iácawa jiipai naco, maaficalri macanepe jiipai nacope, teecojlepe naoyawaca.'' Njite cayotsa lricaite capisho. 25 Lrinaitja nja maaficalri macanepe jiipai ricope teecojle naoyawacana, nja vaaca teecojle tsacana nacapacana naoya, njite cayo tsakja pjiome nja itsoetaaca cape iácawa jiipai naco teecojlepe naoyawacana. Njite Dio icapa matsoa catsa nja lrinaitjaji. 26 Dios icaite: ''Wanaitjaotsa inaiki caidalritsa wacayosho, cawaopiakje-dalri cayoji wacayosho. jliá-carroatsa ianjíi nanaco njaji copje ooni macapawan ricope, nanaco njaji iarrajicape eeno initacoma ricó, nanaco nja vaaca, pjomi jiipai naco tsakja, njite nanaco pjiomi njaji maaficalri itsoetaaca cape iácawa jiipai naco. 27 Dio inaitja jliaji inaiki caidalritsa lricayosho. Lricayosho dalricatsa lrinaitjacan. Lrinaitja atsia njite iinarro tsakja. 28 Dio icaite iacoti matsiadalri nanaco, cai lriacoji: ''Matsiawatsa keenipeca jia, njite imaimataacaotsao. Ipakjantacaotsa jliaji jalredaoca, jia carroatsa ianjíi lrinaco. Ianjíi watsa nanaco nja copje macaáwan ricope, nanaco nja iarrajicape eeno initacoma ricó, njite nanaco pjiomi njaji caafiperri jiipai nacope.'' 29 Dio icaite: ''Icapa, nocadaa isho jipai imacaiteca rico nja malritsi ishocape iekje, jaico ishocape iinaca njite nainaca rico nashoca neeshi. Matsiawatsa isho inja carroatsa nainaca. 30 Nacoana nja maaficalri jiipai ricoperri, nacoana nja iarracape eeno initjecoma rico njite pjiomi njaji itsoetaacacape iawa jiipai naco, njite pjiomi njaji nonaitjaji caafiperri jishacape icaolreo, Nocadaa nasho pjiomi nja malritsi jipolreperri naijaodao.'' Njite cayotsa lricaite capisho. 31 Dio icapa pjiomi njaji lrinaitjanipe njite lricapa matsia catsa pjiomina. Icatsa njaji lrinaitjaji piyompinakjoite daicanomanajle, sei jalredaoca nacó.
1 Cayotsa Dio itata inaitjaca njaji eenocoma njite jliaji jiipai tsakja, njite pjiomi njaji caafiperri iofaalri lri ricoda. 2 Siete jalredaoca naco Dio iwayaketa Lridenjecalre Lrinaitja cádanaco pjiomi njaji Lrinaijalri, niini siete jalredaoca naco lriwafetawa pjiomi lridenjicalre ioya. 3 Dio icaite matsiá lrinaco jliaji siete jalredaoca njite jlienetani, ima jliadaa jalredaoca Lriwafeetao pjiomi Lridenjicalre ioya. 4 Cayopiatsa nainitacao njaji eenocoma njite jiipai tsakja, nanaitja caojli piana, wa-Minalri Dio inaitja caojli pia jiipai njite nja eenocoma tsakja. 5 Corri piatoa coca pataita paapanaca, corri tsakja malritsi itawiñawa jiipai naco ima corri piacatoa wa-Minalri Dio icada piatoa iiyao jiwacawa jipai nacojle, njite corrin tsakja pacapa piatoa atsia idejicaoda jliaji jiipai lriapaná-carro. 6 Mitsa jiipai nakjoite iitacati shodalri jirrawa njite lripotsietaca jliaji jiipai yecoa. 7 Dio ipatsica inaikio caalri sho jlitanda jiipai rikjoite, njite lripjiá jlitacolricó caolri caafishopani, njite icamipiena pada caafidalri keena jliaji atsia. 8 Jliaji wa-Minalri Dio inaitja apaapji paniapjida jeerri imotokemjete, Eden lrico, njite lricadaa niini jliaji atsia Lrinaitjanda. 9 Jliaji waMinalri Dio icadaa nataoñao jiipai rikjoite njaji jaico irsocape iinaca matsiaperri pacapaca irso njite juiwí perri painjaca. Pada nanakjoite icapiatsa jliaji jaico iemalrio pamoyoa paniapji ricó iacada nacaficao njaji inaiki, njite jliaji jaico icadaacada ianjiikjeti matsiadalri nacó njite maatsídalri naco tsakja. 10 Apapeco iini imoto Eden rikjoite lripotsietá-carro jliaji paniapji. Njite tsa lritsafacao coatro peco carro ooni. 11 Jliaji papeco ooni naapiyawalre lriipitana Pisón. Icatsa jliaji iamarralriwa pjiomi jiipai Havila ricó, nincawa owirro. 12 Matsia pedalrica nja owirro lrirricodadalri jiipaica. Niiní tsakja bendelio njite jiipada ónice dalri iipitana tsakja. 13 Jliaji yamapeco shopa ooni lriipitana Gihón. Jliaji ooni iamarrawa jiipai Cus dalri ricó iipitana. 14 Jliaji madalripeco shopa ooni lriipitana Tigris, lriamarrawa jeerri imoto kemjeteo Asiria irso. Jliaji ooni coatro peco shopa lriipitana Eufrates. 15 Wa-Minalri Dio jipa icadaa jliaji inaiki lrirricoda jliaji paniapji Eden ricoda lridenjé carro niini njite lriwapá-carron tsakja. 16 Jliaji wa-Minalri Dio icaite lrirso jliaji atsia: ''Nanakjoite pjiomi njaji jaicotjeda paniapji ricoda pitaitaotsa pinjacana maifarrocanaatsa. 17 Mitsa lrinaca nakjoite jliaji jaico icadaacada ianjíikjeti matsiadalri naco njite maatsídalri naco tsakja corri watsa pitaitá-carroca pinjaca, ima coancaojli cadaotsa pinjaca lrinana nakjoite, ajadalri nocaiteca mayamicaotsa´pjia.'' 18 Njite wa-Minalri Dio icaite: ''Corritsa matsialrica jliwaca catsa jliaji atsia. Nonaitjaotsa apama lricoawalreo lrikitsindata cádani.'' 19 Jiipai nakjoite wa-Minalri Dio inaitja nacoana nja maaficalri awacadalricope njite njaji iarracape caolri rico. Njite Dio ideena atsia ikjaolre, atsia lricadaa carro neepitanawa. Coca cadaa lricadaa neepitanawa nacoanaa nja maaficalri caafiperri, icatsa neepitanaca pikeetem. 20 Jliaji inaiki icadaa neepitanao pjiomi njaji maaficalri naapirrape njaji inaiki, neepitanao tsakja naj wipjiarro, njite pjiomi njaji maaficalri awacada lricope. Mitsa lrirso jliaji atsia corri pacapa pada lrikitsindao lricoawalrepe. 21 Niini wa-Minalri Dio icada talricai kjaidádalri jiwaca lrinaco jliaji atsia lrimaa carró. Lrimaa cadaana toa, Dio imjeco lri parremapji iicao, Jlitá-carro apjewi lriparremapji nakjoite, njite lridia tsenakja lriita lrimjeeco carrom. 22 Lrirso jliaji atsia iparremapjim wa-Minalri Dio jitandam lrioya, dio inaitja apama inarro njite lrideeno atsia ikjaolre. 23 Niini lricaiteca jliaji atsia: ''Panaya dekja, icatsa shoaji irsocada iapi noapi shopetsa, njite roipe noipe shopetsa. Roipitanaotsa 'atsiana,' ima Dio jitandacano atsia inakjoite.'' 24 Lrikjaote, jliaji atsia lrirsotsa lrimotoca jlinirri jlidoa iipana ioya, jliofaa carro padatsa lriino iapiya, pada carroenatsa nadada. 25 Matsayan piatsa yamadapena, jliaji atsia njite shoaji lriino tsakja, mitsa corrim capaimani cantjana.
1 Corri pia pacapa pada maaficalri wa-Minalri Dio inaitjaji aapi icayosho, ianjicada coanca jlitaca cocaca lrioma ishati sho. Lriaco inarro irso: ''¿Aja catja, Dio ifarro injaca nanakjoite nja paniati paniapji ricodá dalri?'' 2 Njite shoaji inarro iaco aapi irso: ''Wataitjeni wainjaca nainaca nakjoite nja paniati paniapji ricodá, 3 mitsa lrinaca nakjoite jliaji jaico iemalri paniapji ipamoyoaca lricó, Dio icaite. ''Corriotsa itaita injacani corri tsakja itaita inotacan, ima mayami caotsa jia.'' 4 Aapi iaco inarro irso: ''Corriotsa mayami carroca jia. 5 Ima Dio ianjíi coancaojli cadaotsa injani, itji imjecoacaotsao njite Dio icayosho caotsa jia, ianjíi watsa matsiadalri nacó njite maatsídalri nacó tsakja.'' 6 Njite sho inarro rocapa cádanaco jliaji jaico iinaca matsiacatsa painjacan, matsiadalri icapacanaa, njite jliaji jaico lrirso jliaji lricadaa shopa canjíikeca pja, shopa lriinaca nakjoite roinjá-carro. Njite roa tsakja roinirri ishó roinaidalri, njite icaamitsa lrinjacani. 7 Icaamitsa natji imjeecoacacao njite matsayanica nacapaacacawa. Icaamina naococa nashowao iguerapje naita shopa nadada. 8 Njite njemi wa-Minalri Dio íno iemajiwa paniapji ricó japeeta cádanaco, niini jliaji atsia njite lriino tsa nadawaacaca Lripjeya napecolrico nja jaicolrima paniapji ricope. 9 Wa-Minalri Dio iwana jliaji atsia, lriaco lrirso: ''¿Kjerrena pjia?'' 10 Njite atsia jiepani, lriaco: ''Njomica piemajicao paniapji ricó njite mtsayan capoa njoa nofió piiwana. Cayoshopa nodawaacawa.'' 11 Njite Dio iaco lrirso: ''¿Cocao icaite pirso matsayanca pjia? ¿Capja pinjaca lriinaca nakjoite jliaji jaico noifarronda pinjaca? 12 Njite atsia jiepani: ''Shoaji iinarro picadanda nokitsindawa, icatsa shoaji ialrica noshon niini noinjacani.'' 13 Wa-Minalri Dio iaco rosho shoaji inarro: ''¿Cocao jliaji pinaitjalri?'' Njite shoepacan shoaji inarro: ''Api icashataca njoa niini noinjacani.'' 14 Njite wa-Minalri Dio iaco aapi irso: ''Coada pinaitja cayo, padatsa pjia maatsídalrica napecolrico njaji maaficalri nataoñaji, njite napecolrico tsakja nja maaficalri awacada lricope. Piwawa sho watsa pianjiwa njite jiipaidope ricope, icatsaotsa nja pinjalrica caafi cádanaco pjia. 15 Nocadaotsa icoema waaca carro pjia njite sho inarro, caitsakja njaji pinakjoité perri ronakjoité perri iapiya. Inarro inakjoité dalri icayaonitacaotsa pjiwida naco njite pinakjoité dalri icayaonitacaotsa lri tawirswda nacó.'' 16 Njite Dio icaite rosho rsoaji inarro irso: ''Nocadaotsa icaiyati jorrédalri pirso cádanacoatsa pienipe; icaiyati ricoatsa pimotoeta nja pienipe. Pioma tjaotsa pianjiica piinirri nacó, mitsa jlia watsa ianjíi pinaco.'' 17 Adan irso Dio icaite: ''Pjimi capoa rosho sho piino, nite pinja capoa lriinaca nakjoite jliaji jaico nocaiterri pirso wadee pinjacani, maatsidalrica jliaji jiipai pikjaote; pidejiotsa idejikjeti jamiñádalri pitaitá-carroatsa pinjaca caidalritsa caafi cádanacotoa pjia. 18 Doowirri imotoatsa jiipai naco njite coocoña tsakja pishó, njite poinjacaptsa nja jaicotjeda awacada lricoe. 19 Tiñapecaotsa piecoa naco kjaida capoa pidenjica pitaitá-carro pinjaca peetje, caidalri catsaotsa pjia atee kjerreca pidia tsenakjao jiipai ricojle, ima jiipai nakjoité dalrica jliaji pidada. Jiipai inakjoite dalrica pjia, niini jiipai tsenakjaotsa pidiawa. 20 Jliaji atsia lriwana lriino roipitana naco Eva ima icapiatsa njadoaca njaji inaiki jalredaoca lricoperri. 21 WaMinalri Dio inaitja Adan irso njite lriino irso tsakja natsayaniwa. 22 Njite lriaco jliaji wa-Minalri Dio: ''Panaya jliaji atsia cayo caani wacayosho, lrianjíi matsia dalri naco njite maatsi dalri naco tsakja. Niini panaya, corriotsa wacadaa carroca lripiajletaca lricaapi, jlipá-carro lriinaca jliaji jaico corridalritsa icadaa mayamica pja lrinjácarro, njitentja corrinatsa coancaojlica mayamican.'' 23 Cairsopa, wa-Minalri Dio imotoetani lrioya jliaji paniapji Eden, lridenji carro, lriapaná-carro jliaji jiipai Dio inaitjalritsa njiten. 24 Majle Ikeena Dio imotoetaca jliaji atsia padaanajle lrioya jliaji paniapji, njite lricadaa anjele jeerri imoto keemajle paniapji Eden rico, njite paita matseeta tiyeeta njite lricabococawa kjerreshecatsan, lridanatá-carro jliaji inipo iacada lriikjaolre jliaji jaicó corridalritsa icadaa mayamica pja.
1 Njité dalri jliaji atsia lridakitaacawa lriino iapiya, njite keenipeno rsopá-carroena roenipe Caín. Ima rocaaite: ''Nomotoeta noenipe atsia Dio ikitsindatá capoa njoa.'' 2 Njite romotoeta roenipe iweerriti Abel. Njite Abel, iwapacaitaca oveja, mitsa Caín iapanacaitacan. 3 Njite apapia jalredaoca Caín idee ofrendao lridenjicalre iinaca nakjoite waMinalri irso. 4 Njite cadaana Abel. Llridee padapena maaficalri lriwapaji, nanakjoite njaji iinitacape jiicoca njite neethi njaji maaficalri lriinoji. Njite wa-Minalri lricoadatá matsia Abel njite njaji lridenji ofrenda sho, 5 mitsa Caín njite njaji lridenji ofrenda sho corri wa-Minalri icoadatá lripjeeya. Niini kerroaca Caín pekirritsa. Maatsi lricapacana. 6 Wa-Minalri iaco caín irso: ''¿Coada kerroa pjia? ¿Coada taniatsa picapacanaa? 7 Piajintsa pinaitja cadaa matsia nocoadatentja-na, mitsa pinaitja cadaa maatsi, kerroa-watsa pjia pekirritsa njite lricadaotsa pinaitjaca pimatsicanawa, mitsa pirsotsa pirsota pjiametacani.'' 8 Caaco Caín lriwerri Abel irso. Niini a cádanacotoana nadejicawa lrico, Caí jiníco yemawa lriinó-carro lriwerri Abel, njite lriinoni. 9 Njite caaco waMinalri Caín irso: ''¿Kjerrenaji piwerri Abel? Njite Caí shepani, lriaco: ''Criin noajíi. ¿Capja njoaca jliaji iwapacada nowerri? 10 Njite wa-Minalri iaco lrirso: ''¿Cocao jliaji pinaitjalri? Piwerri írrana iwanaca Njoa jiipai rikjoite. 11 Panaya jliaji, Nocadaaca maatsí-dalrica pjia jiipai ricó pima capoa lrimjecoca lrinoma lrirrá-carro piwerri írrana pjiá-capoa íinoni. 12 Piapana cádanacoatsa jiipai ricó corriotsa paniati itaoñácarroca pirso. Yaají cadatsa Ipitojiwa pjia jalredaoca lrico niini maapana caotsa pjia jalredaoca lrico. 13 Caín iaco wa-Minalri irso: ''Aima pja njaji imatsicanaati norsolritsa nodeeca nonacoa naoya njaji norsolrina. 14 Ajádalrica, Pipeecoca njoa lrioya jliaji jiipai jliadaa jecoapica jliaji, corriotsa notaitá-carroca nocapaca pjia niini nodawaaca-cawa pioya. Ipitoji-cadatsaotsa yajicawa njoa niini maapana caotsa njoa jalredaoca lrico, niini cocacaotsa ioketa njoa lriino caotsa njoa.'' 15 Wa-Minalri iaco: ''Cocacaotsa iino Caín, siete pia watsa nocadaaca jlirrapitaca lricoadao.'' Icatsa Dio icadaaca najíi-carro coanca Caín nacó, niini coca cadaotsa icapa Caín corriotsa lriinó-carrocani. 16 Ikena Caín iawa Dio icapacawa piani njite lriá lriofawa Nod jipaite ricó (cairsopaca jliaji yaacoti Nod, Yajícadatsawa macadatsa), jeerri imokemjete Edén irso. 17 Caín idakitaca lriino iapiya njite keenipeca lrirsono. Romotoeta roenipe iipitanao Enoc. Caín inaitja pacoa yacaalre njite lricadaa lriipitanao lrienipe iipitana shotsa, Enoc. 18 Enoc irso yeenipe, lriipitana Irad. Njite Irad yeenipeca Mehujael. Mejujael yeenipeca Metusael. Metusael yeenipeca Lamec. 19 Lamec jita yaamama lrinowa: apama ipitana Ada, njite apama ipitana Zila. 20 Jiico Ada ienipe, lriipitana Jabal. Icapiatsa njanirrica njaji yofacapewa pantiitape lricotsa njite ca-vacán perri. 21 Jabal iwerri, Jubal. Icapiatsa njanirrica njaji ikjematacape arpa njite ipjiacape flauta. 22 Njite rsoaji Zila, romotoeta roenipe Tubal Caín, yajícada inaitjaca pjiomitsa bronce sho njite tsípalra sho tsakja. Tubal Caín iwedoa, roipitana Naama. 23 Lamec iaco lriino irso: Ada Zila, jimi noaco, jimi coanca nocaiteca irso; shaa Lemec ininai. Oopi noino pada inaiki lriyoá capoa njoa, pada yempetitoa lriñáa capoa njoa. 24 Siete piape cada naomaca Caín icoada, setenta siete piape pedaotsa naomaca Lamec icoadawa.'' 25 Adán ipieta tsenakja idakitaca lriino yaapiya, niini romotoetaca padekja roenipe. Rocadaa roipitana Set, ima rocaiteca, ''Dio icadaaca tsenakja pada noenipewa Abel yarrontacao, ima Caín iinopoacani. 26 Set irso pada lrienipe, lricadaa lriipitanawa Enós. Jliawajli pia njaji inaki naa matsiadalri Dio irso njite nonomaca Dio iipitana.
1 Icatsa jliaji neepitana irrocawa njaji Adán inakjoiteperri. Jliadaa pia jalredaoca Dio inaitja caolri njaji inaiki, Lrinaitjana cayotsaji lricayosho. 2 Lrinaitja atsia njite iinarro tsakja. Lricadaa yacoti matsiaperri nanaco njite lriajicana inaikinai, lrinaitja cayamiina-na. 3 Adán irso piakena ciento trenta oonia, lrirso tsenakja pada lrienipe caidalritsa lricayosho, lricadaa lripitanao Set. 4 Njite Jiico cayami Set, Adán yofawa jalredaoca lrico ochociento oonia. Njite lrirso pja pia aima lrienipe atsianai njite inaitjepe. 5 Adán yofaa pia jalredaoca lrico noveciento trenta oonia padenirri, njite lria mayamini. 6 Set irso piakena ciento cinco oonia, jiico lrienipe Enos. 7 Jiico cayami Enos, Set yofawa jalredaoca lrico ochociento siete oonia, njite lrirso pja pia aima lrienipe atsianai njite inaitjepe. 8 Set yofawa noveciento doce oonia jalredaoca lrico, njite lria mayamini. 9 Enos yofa cayami noventa oonia jalredaoca lrico, lrirso lrienipe Cainán. 10 Lrirso lrienipe Cainán, Enos yofawa jalredaoca lrico ochociento kince oonia jalredaoca lrico. Njite lrirso pja pia aima lrienipe atsianai njite inaitjepe. 11 Lriofawa jalredaoca lrico noveciento cinco oonia, njite lria mayamini. 12 Cainan irsopiakena setenta oonia, lrirso lrienipe Mahalaleel. 13 Lrirso cayami lrienipe Mahalaleel, Cainan yofawa jalredaoca lrico ochociento coarenta oonia jalredaoca lrico. Njite lrirso pja pia aima lrienipe atsianai njite inaitjepe. 14 Cainann yofawa jalredaoca lrico noveciento die oonia padenirri, njite lriá mayamini. 15 Mahalaleel irso piakena sesenta cinco oonia, lrirso lrienipe jared. 16 Lrirso cayami lrienipe Jared, Mahalaleel yofawa jalredaoca lrico ochociento trenta oonia. Njite lrirso pja pia aima lrienipe atsianai njite inaitjepe. 17 Mahalaleel yofawa jalredaoca lrico ochociento noventa cinco oonia padenirri, njite lria mayamini. 18 Jared irso piakena ciento sesenta do oonia, lrirso lrienipe Enoc. 19 Lrirso cayami lrienipe enoc, Jared yofawa jalredaoca lrico ochociento oonia. Njite lrirso pja pia aima lrienipe atsianai njite inaitjepe. 20 Jared yofawa noveciento sesenta do oonia padenirri jalredaoca lrico, njite lria mayamini. 21 Enoc irso piakena sesenta cinco oonia jalredaoca lrico, lrirso lrienipe Matusalen. 22 Lrirso cayami lrienipe Matusalen, Enoc inaitja cayoji Dio ioma capirso treciento oonia. Njite lrirso pja pia aima lrienipe atsianai njite inaitjepe. 23 Enoc iofawa jalredaoca lrico treciento sesenta cinco ooni. 24 Enoc inaitja cayoji Dio ioma capirso, njite lriñaawa jalredaoca ioya, ima Dio ideecani caafita. 25 Matusalen irso cayami ciento ochenta siete oonia, lrirso lrienipe Lamec. 26 Lrirso cayami lrienipe Lamec, Matusalen iofawa jalredaoca lrico seteciento ochenta do oonia. Njite lrirso pja pia aima lrienipe atsianai njite inaitjepe. 27 Matusalen iofawa jalredaoca lrico noveciento sesenta nueve oonia, njite lria mayamini. 28 Lamec irso piakena ciento ochenta do oonia jalredaoca lrico, lrirso pada lrienipe. 29 Njite lricadaa lripitanao Noé, ima lricaiteca lrinaco cayoji: ''Icatsa jliaji icadaalriotsa wawafeetacawa wadejicalre ioya pjiomi njaji wanaitjalri wacaapi sho, njaji warsolritsa wanaitjaca wadeji cádanaco jiipai ricó jliaji wa-Minalri icaitenda inaco maatsi.'' 30 Lamec iofawa quiniento noventa cin oonia lrirso cayami lrienipe Noé. Njite lrirso pja pia aima lrienipe atsianai njite inaitjepe. 31 Lamec iofawa seteciento setenta siete oonia jalredaoca lrico padenirri, njite lriá mayamini. 32 Noé irso cayami quiniento oonia jalredaoca lrico, lrirso njaji lrienipe Sem, Cam njite Jafet.
1 Njite wiá nacojlena njaji inaiki namaimataacawa jalredaoca lrico njite aima jiicoca naitonaipe, 2 niini njaji Dio yeenipe nacapa matsiadarropeca njaji atsianai iitonaipe. Njite njetaca naninaiwa, coamperricatsa naoma nanakjoite. 3 Niini Lriaco jliaji wa-Minalri: ''Corriotsa Nocaolrini yofáa carroketsa nainai njaji inaikinai caidalriwetsa, ima iipeti catsana, niini ciento vente oonia catsaotsa naofacawa jalredcaoca lrico.'' 4 Inaiki macanipe pia njaji yofalriwa jalredaoca lrico jliawajli pia, njite cayo pia tsakja njaji njapodamperri. Namotoa njaji inaiki macanipe njeta cayami nanainaiwa atsianai iitonaipe njaji Dio yeenipe. Narso pia naapiya neenipe atsianai njite inaitjepe tsakja. Icapiatsa njaji inaiki kjaidaperri, njite caconaperricana oopi. 5 Njite wa-Minalri icapa aima-caketsa namatsicanaa njaji inaikinai jalredaoca lricoperri, njite icaamitsa nawaopiakje rico-ca nanaitjaca maatsi caidalritsa. 6 Njite wa-Minalri idia iwaopia coadaca lrinaitjaca njaji inaikinai jalredaoca lrico, njite caiwí lriaca Lricaolre ricó. 7 Niini lriaco jliaji wa-Minalri: ''Njoatjá-caotsa njaji inaikinai Nonaitjaji jalredaoca ioya, coshoca njaji inaiki, njaji maaficalri macanipe, njaji itsoetaacacapewa jiipai ricó, njite njaji yarrajicapewa eeno yeecoa naco, ima caiwica lriaca nonaco nonaitja capoana.'' 8 Mitsa Noé ioketa matsiá-carro wa-Minalri icapaca lrirso. 9 Cayo pia jliaji Noé. Pada atsia matsiadalri piaca Jliaji Noé, corrin piatsa coca lrimatsicanaa nainai njaji paana inaiki jliawajli pia. Noé inaitjatsa cayoji Dio yooma capirso. 10 Madalrida pia njaji Noé yeenipe: Sem, Cam njite Jafet. 11 1Aima-calretsa pia lrimatsicanaa jliaji jalredaoca Dio ipeyajle, njite aima inaiki maatsiperrim. 12 Dio icapa corriketsa matsia njaji jalredaoca lricoperri, corriketsa matsiaca nawaopiakje njaji inaiki jalredaoca lrico. 13 Dio icaite Noé irso: ''Nocapaca lricoá kena nocadaaca njenaana njaji inaikinai, ima maatsiperri minicatsa njaji jalredaoca lricoperri padeenirri. Ajádalri nowayaketa-caotsana jalredaoca iinaitsa. 14 Pianaitjaotsa pirsowao apafia lancha macafiani jaico cipre sho. Pinaitjaotsa lritawajlewa jliaji lancha njite piñjetaotsa maini sho lriwawa lrico njite lridajite tsakja. 15 Cayoatsa pianaitjacani: ciento trenta cinco jliwalripaca, ventido metro njite yamaita pja pacaapi lrinacojle lrimacaiteca, njite trece metro lriyenonca njite yamaita pjaa pacaapi lrinacojle. 16 Pinaitjaotsa lritapjewa jliaji lancha. Madalricomá-dalriotsa pinaitjaca jliaji lancha. pinaitjaotsa papeco ventana yamaita pacaapi lritapje yapjite njite papeco pantinoma lriparrema naco. 17 Pjimi norso, kjeyenatsa jalredaoca nocadaacarro jlietacao ooni sho jliaji jalredaoca, nowayakeetá-carro pjiomi njaji caafiperri caolri-sho eeno yapjite-perri. Mayamiotsa pjiomi njaji jalredaoca lricoperri. 18 Mitsa piapiya Nonaitjacaotsa pada yaacoti. Pjiewaotsa arca lrico, pjia njite njaji pienipe, piino njite njaji pirrinonaipe njeewa tsakjaotsa piinai. 19 Pjietaotsa lancha lrico yamadape pjiomi naoyawaaca njaji caafiperri, caafi-carrotsaotsa piinai, apana atsiana njite apana iinarrona. 20 Njaji wipjiarro yarracapewa nacoamitsa, njite njaji maaficalri macanipe nacoamitsa, njaji yaacapewa nawawasho jiipai rico nacoamitsa tsakja, yaamanapeotsa nacoamitsa njerraotsa piinai wadeotsa mayamicana. 21 Piniwaotsa pjiomi njaji paiñjáji, njiteotsa piwakeetana paferrico, piñjá-carroatsa njite naiñjá-carro tsakja njaji maaficalri.'' 22 Njite Noé inaitja pjiomi njaji Dio inaalri lrinaitjaca Cayotsaji Lrinaa capirso lrinaitjaca.
1 Wa-Minalri iaco Noé irso: Pjiewenawa lancha lrico njite njaji piipaneta tsakja, ima nocapaca mamatsicanaadalrica pjia Nopeyajle njaacoma ipecolrico njaji inaiki. 2 Nanakjoite njaji maaficalri matsiaperri piorrocoetaotsa piinaiwa sietena atsiana njite sietena iinarrona. Njite njaji maaficalri corriperritsa matsiaca, yaamanape tsaotsa piorrocoetaca, atsiana njite iinarrona. 3 Njaji wipjiarro iarrajicape eeno iekjoete naco, piorrocoetaotsa sieteapa atsiapa njite sieteapa inarroapa, manacó-carroatsa njaji nanakjoite-perri jalredaoca lrico. 4 Ima siete jalredaoca naco nocaotsa iiyao jiwacawa jiipai nacojle. Iiyaotsani coarenta jalredaoca njite coarenta deepi tsakja. Nowayaketaotsa jiipai lricoperri pjiomi njaji caafiperri nonaitjaji.'' 5 Noé inaitja pjiomi njaji Dio inaalri lrinaitjaca. 6 Noé irsopiakena seiciento oonia jlieta caojli pia jliaji jalredaoca. 7 Noé, njaji lrienipe, Noé iino, lrirrinonaipe njeewawa lancha lrico padenirri ima ooni sheteetaca-na. 8 Njaji maaficalri matsiaperri njite njaji maaficalri corriperri matsiacana, njaji wipjiarro, pjiomi njaji yaacapewa nawawa sho jiipai nacojle, 9 njerracawa yaamadapewa Noé iinai njeewá-carro lancha lrico, Cayotsa Dio inaa capirso pia Noé inaitjaca. 10 Niini siete jalredaoca shaapodam, ooni sheeteta kena jliaji jiipai. 11 Seiciento oonia nacó Noé shaawajli, yaamapi kerri naco pawalria iniitacarropi naco, diecisiete jalredaoca naco, jliadatsa jalredaoca-ca pjiomi njaji ooni macapeki jiipai ricope namjecoacawa, njite eeno imjecoacawa tsakjao. 12 Ikena iiyao iinita jiwacawa jiipai nacojle coarenta jalredaoca njite coarenta deepi. 13 Njite jliadatsa jalredaoca Noé njite njaji lrienipe, Noé iino, njaji lrirrinonaipe njeewawa lancha lrico. 14 Njewawa pacoacatsa nainai njaji maaficalri awacada lricope nacoamitsa, cayo tsakja njaji vaaca teecojle-perri naoyawaaca, caitsakja njaji maaficalri yajicapewa nawawa sho jiipai nacojle, coshoca naoyawaaca, cai tsakja njaji wipjiarro coshoca naoyawaacana, pjiomi njaji wipjiarro teecojleperri naoyawaaca. 15 Yamadape pjiomi njaji caafiperri caolri sho njerrawa Noé iinai lancaha lrico. 16 Njaji maaficalri jirralriwa apana atsiana njite apana iinarrona nacoanamtsa njaji maaficalri; Njerrawa cayotsa Dio inaa capirso. Ikena Dio iitaca jliaji pantinoma njeewa cayamiwa. 17 Coarenta jalredaoca shaapodam jlietawa jliaji jiipai ooni sho, lrimotawa jliaji ooni njite lritamo tsakjawa jliaji lancha jiipai ioya. 18 Ooni iita pjiomi jiipai, njite lancha itamowa ooni yeecoa naco. 19 Ooni itaoñawa pekirritsa jiipai naco niini pjiomi njaji jiipana yenomperri eeno yapjiteperri ooni iita pjiomina. 20 Ooni imotawa sei metro pja naicao njaji jiipana yenonperri. 21 Pjiomi njaji caafiperri yajicapepiawa jiipai nacojle mayamicana: wipjiarro, vaaca, maaficalri awacada lricoperri, njaji maaficadalridape aimaperri yajicapewa, njite pjiomi njaji inaikinai. 22 Pjiomi njaji caafiperri yofacapepiawa jiipai rico, njaji jirsaacapepia icaolrewa njetaco lrico, mayamina. 23 Niini pjiomi njaji caafiperri yajicapepiawa jiipai nacojle oopi nawayacawa, inaiki nakjoite njite njaji maaficalri macanipe, pjiomi njaji yajicapewa nawawasho tsakja, njaji yarrajicapewa tsakja. Padeenirri nawayacacawa. Icaamitsa Noé njite njaji lriinaiperri, icaamitsa njaji yomjerri. 24 Ciento cincoenta jalredaoca lrirrocawa jliaji ooni jiipai naco.
1 Dio icapa Noé irso njite njai maaficalri awacada lricope, nja vaaca lancha lricoperri Noé iinai. Niini Dio icadaa caolri ipjiaca jiipai naco, ikena ooni idiaca yorrocowa. 2 Naitacawa njaji ooni tjewacaperri jiipai lricope njite eeno iitacawa niini yami ketsa iiyacani. 3 Tacaatsa ooni imotacalre idiaca yorrocowa jiipai yooya, niini ciento cincoenta jalredaoca iwayacacawa, ooni imaimaca idiá yorrocowa. 4 Meeta lriicao jliaji lancha lrinaco jliaji jiipana Ararat-dalri iipitana sietepi keerri naco, diecisiete jalredaoca naco lrinacopitsa keerri-ca. 5 Meeta cayao pjatoa jliaji ooni diepi keerri nacojle. Lriinita carrodaa lrico jliaji keerri, nainiita namotocao nápolrico njaji jiipana lrima. 6 Niini papia nacojlena, coarenta jalredaoca shaapodam Noé imjeco cayami lancha iventanani. 7 Lrimotoeta pemajle lancha ioya apaapa waayolri. jliaji waayolri lriawa njite lridia piatowa atee kjerreca meeta matsia jliaji jiipai corrinatsa lridiawa. 8 Njite lripieta lrimotoetaca apaapa tsotsobo lriajíicarromtja meeta kena jliaji jiipai, 9 mitsa jliaji tsotsobo corrin lrioketa lriema cawantja, niini lridiacawa tsenakja lancha nacojle ima corricatoa meetaca jliaji jiipai. Noé ipiajleta lricaapi jlikjaolre jlietá-carro tsenakja lancha lriconi. 10 Lriwapa siete jalredaoca jiyapawa njite lrimotoeta tsenakja jliaji tsotsobo lancha ioya. 11 Lridia lriocawa lrikjaolre jliaji tsotsobo dainomajle. Njite lridee jlitaco naco papje olivo ipje walripjaitoa jlitaca. Ikena Noé yaajíi meetakena jliaji jiipai. 12 Lriwapa siete jalredaoca jiyapawa njite lrimotoeta tsenakja jliaji tsotsobo lancha ioya. Njite jliaji tsotsobo corrinatsa lridietsawa lriderse. 13 Niini seiciento uno oonia lrico, pawalria iniita carripi lrico, lriniita cadaa jliaji kerri, meeta piema matsia jliaji ooni jiipai ioya. lrimeeco lancha itapje lricapá-carro pemajle, njite lricapa meeta kena jliaji jiipai. 14 Njite yaamapi kerri naco pawalria irso, ventisiete jalredaoca nacó lrinacotsa kerri, meetena matsia jliaji jiipai. 15 Dio icaite Noé irso: 16 ''Pimotoenawa arca ioya, pjia, piino, pienipe njite njaji pirrinonaipe. 17 Pimotoita piinaiwa pjiomi njaji maaficalri tecojleperri naoyawaca, nja tsakja njaji wipjiarro, njaji maaficalri, pjiomi njaji yajicaperri nawawasho jiipai naco, aimacarroatsana, narso carroatsa neenipe namaimatá-carro tsenakjawa jiipai iitadao.'' 18 Niinina Noé imotowa lancha lrikjoite lrienipe iapiya, lriino njite njaji lrirrinonaipe. 19 Pjiomi njaji maaficalri caafiperri, pjiomi njaji yajicaperri nawawasho jiipai naco, wiipjiarro, pjiomi njaji yajicapewa jiipai naco, coanperrica naoyawaacana namotowa lancha ioya. 20 Noé inaitja apana altar Dio irso. Njite jlipa padapena maaficalri matsiaperri njite njaji yarracape matsiaperritsa lrimjaitá- carrona Dio irso lrinaco jliaji altar. 21 Wa-Minalri yemjia lriitan jliaji lrimjaitalri matsiadalri-catsani, niini lriaco lricaolre ricó: ''Corri-natsaotsa nomatsikeetácarroca jliaji jiipai naikjaote njaji inaiki, maatsidalri ikjaore cadaana jliaji nawaopiakje nayempetica nakjoite tsa. Corrim tsakjaotsa coancaojli-ca nowayakeetá-carroca njaji caafiperri cayoji nonaitja capirso. 22 Niini cádanacoatsa jiipai, corriotsa yaamí carroca naapana cawa napania, naniwacawana, niniotsa japerri, nini tsakjaotsa jamódalri, niiniotsa camoy, oniyaa, nini tsakjaotsa jaalrewerrico njite deepi tsakja.''
1 Njitena Dio icadaa yaacoti matsiaperri Noé naco njite nanaco njaji lrienipe, Lriaco narso: ''Inaitjaotsa yeenipe aima carroatsa shaa, njite ipakjantá-carroatsa jliaji jiipai tsenakja. 2 Nafio watsa nacapaca shaa njaji maaficalri caafiperri jalredaoca lricoperri, cayo tsakja njaji wipiarro, pjiomi njaji yajicaperri nawawasho jiipai naco, pjiomi njaji copje ooni lricoperri. Shaa watsa yají nanaco. 3 Pjiomi njaji cananí perri, njaji caafi perritsa, iñjaodati caotsa irsona. Cayoji nocadaa capirsoena yají-carro nanaco njaji jaico, cayo tsakja nocadaaca irso pjiomi njaji. 4 Mitsa corriotsa itaita iñjaca njaji maaficalri irsocapetoa nadada icafica, irranatica jliaji nadada icafica nadada lrico cádanacotoani. 5 Mitsa lrinaco jliaji irrana, jliaji caafi-dalri inaco-dalri, Nomjeniotsa lricoadawa. Maaficalri cadaa iino pada inaiki, noinoatsa lricoadawa, pada atsia iino cadaa pada inaiki, Nomjeniotsa lricoadawa. 6 Coandalricadaa iino pada inaiki lrima capoa lripeecoca lriirrana pjiomi, pada atsia ima tsakjaotsa lripeecoca lriirrana mayami carroni, ima Dio inaitjaca jliaji atsia Lricayosho carroni. 7 Njite shaa, inaitja yenipeo aima-carro shaa, ipocotá-carroatsa njite ipakjantá-carro jliaji jiipai.'' 8 Njite Dio icaite Noé irso njite narso njaji lrienipe cayoji: 9 ''Jimi matsia Norso. Nonaotjacaotsa pada yaacoti piinai njite nainai njaji pjiapodamperrina, 10 njite nainai njaji maaficalri piinaiperri, wipjiarro iinai, nainai nja vaaca, pjiomi nainai njaji maaficalri jalredaoca lricoperri, pjiomi njaji imotolriwa lancha lrikjoite, pjiomi njaji caafi perri jalredaoca lrico. 11 Nonaitja cayami irso njaji yaacoti, nonaitja yaacoti iinai cayoji, corrinatsaotsa coancaojlica nopieta nowayaketaca njaji caafiperri jalredaoca lricoperri ooni iwapoa sho.'' 12 Dio yaaco cayoji: ''Icatsa jlinaanaca jliaji yaacoti nonaitjalri ikjaote iapiya, njite naapiya njaji maaficalri inaiperri, naají-carro njaji walricomanai: 13 Nocadaaca nojewiate iyadaoca naco, icatsa jlinaanaca jliaji yaacoti nonaitjalri jalredaoca lricoperri iapiya. 14 Niini Nocadaa cádanacoatsa iyadaoca jipai iicao njite pacapaotsa jliaji jewia iyadaoca nacó, 15 niniotsa Nowadaotsa noacoami nonaitjalri iinai njite pjiomi njaji caafiperri. Corrinatsaotsa ooni imotá-carroca lriwayaketá-carro njaji jalredaoca lricoperri. 16 Jewia irroatsa iyadaoca naco, niniotsa Nocapani, njiteotsa Nowaadaotsa jliaji yaacoti pikeetem-dalri Nonaitjalri naapiya pjiomi njaji caafiperri jalredaoca lricoperri.'' 17 Njite Dio iaco Noé irso: ''Icatsa jlinaanaca jliaji yaacoti Nonaitjalri naapiya pjiomi njaji caafiperri jalredaoca lricoperri.'' 18 Njaji Noé yeenipe imotolriwa lancha lrikjoite: Sem, Cam njite Jafet. Cam yeenipeca Canaán. 19 Icatsa njaji madalridade Noé yenipe, njite nanakjoitetsa napakjanta njaji inaiki jalredaoca lrico. 20 Noé inita yapanaca, nini lrinaitjaca paapjio ovapji. 21 Noé irra jaico tjedaa yaana niini lridewanaca. Njite jliwa lriorsoawa matsayantsa lriipanapoco lrico. 22 Niini Cam, Canaán jinirri, lricapa matsayanca jlinirri niini lricaiteca narso njaji lripjenai pemajle perri yemawa. 23 Niini Sem lriwerri Jafet yaapiya njepa pamaca pajleti njite nacadaa nanapa pocoda nacó, naawa njanirri ikjaolre nadajite sho yamadape naitá-carro njanirri idaki matsayan-dalri, njite corrin nacapa njanirri ikjaolre, teecojletsa nacapa lrioya. Corrim nacapa matsayanca njanirri. 24 Caafi cádanacoena Noé lridewanakje ioya, lriaji jliaji lrirri werriti inaitjalri. 25 Niini lriaco: ''Maatsí-dalrica jliaji Canaán. Lrikitsiñape irsoperi, irsoperri caotsana.'' 26 Lricaite tsakja: ''Njite noa matsiadalri wa-Minalri irso, Sem iDiote irso, njite lrirsodalricaotsa jliaji Canaán. 27 Dio icadaotsa macaité-carro pja jlipaite jliaji Jafet naofá-carro matsiatsawa Sem iinai. Njite lrirsodalricaotsa jliaji Canaán." 28 Jlieta cayamiwa jliaji ialredaoca ooni sho, Noé yofawa treciento cincoenta oonia jalredaoca lrico. 29 Noveciento cincoenta oonia padenirri Noé yofacawa jalredaoca lrico, njite mayamini.
1 Icapiatsa njaji Noé yeenipe inakjoité-perrim, njaji Sem, Cam njite Jafet. Narso pia neenipe jlieta cayami pia jliaji jalredaoca. 2 Icapiatsa njaji Jafet yeenipe, Magog, Madai, Javán, Tubal, Mesec njite Tiras. 3 Njaji Gomer yeenipe, Askemaz, Rifat njite Togarmá. 4 Njaji Javán yeenipe, Elisa, Tarsis, Quitim njite Dodanim. 5 Nanakjoite njaji inaiki, njeena naoyawaaca ooni yaalrapi nakjoite njepaite nacojle, nacoamitsa narsoca naaco teecojlepe naoyawaaca, coanca naapaneta njite naofacawa lrico aimasho. 6 Njaji Cam yeenipe, Cus, Mizraim, Fut njite Canaán. 7 Njaji Cus yeenipe, Seba, Havila, Sabta, Raama njite Sabteca. Njaji Raama yeenipe, Seba njite Dedán. 8 Cus yeenipeca Nimrod, icapiatsa jliaji iinitacada kjaideteca jalredaoca lrico. 9 Yajicada pia iwinitaca Dio ipeyajle. Niini lricaiteca jliaji yaacoti: ''Corrim pacapa pada iwinitacada kjaidete Dio ipeyajle, cayoji Nimrod sho.'' 10 Njaji yacaalre caconaperri lritalricanaca lrico pia icatsa Babel, Erec, Acab njite Calme, jiipai Sinar lrico. 11 Sinar lrikjoite lriawa Asiria lricojle njite lrinaitja njaji yacaalre Nínive, Rehobot, Ir, Cala, 12 njite Rsén, jliaji yacaalre Nínive ioyawaaca Cala iapiya. Pacoa yacaalre macacoedalri. 13 Mizraim, icapiatsa njanirrica njaji ludimitanai, anamitanai, lehabitanai, naftuhimitanai, 14 patrusimitanai, casluhimitanai (namotolri njiteo njaji filisteonai) njite caftorimitanai. 15 Canaán yeenipeca Sidón, lrirri pjerriti, lrinacojledatsa Het, 16 njite njaji jebuseonai, amorreonai, gereseonai, 17 heveonai, araceonai, sineonai, 18 arvadeonai, zemareonai, njite njaji hamateonai. Njite naapaneta njaji cananeonai napocotawa naoyawaaca. 19 Icapiatsa njepaite jinaa yocacawa njaji cananeonai, Sidón nakjoite njite Gerar ikjaolre, teeco Gaza lricojle, Sodoma, Gomorra Adma njite Zeboim ikjaolre, teeco lriocawa Lasa lricojle. 20 Icatsa Cam yeenipenaica njaji, naapaneta, teecojlepe naaco naoyawaaca njepaite rico, nayacalre ricó tsakja. 21 Sem irso tsakja lrienipe, Jafet ipjerri. Icapia tsakja naferrimca njaji inaiki Heber lricoperri. 22 Njaji Sem yeenipe, Elam, Asur, Arfaxad, Lud njite Aram. 23 Njaji Aram yeenipe, Uz, Hul, Geter njite Mas. 24 Arfaxad yeenipeca Sela nite Sela yenipeca Heber. 25 Heber irsopia yamada lrienipe. Pelag jliaji aape, ima jliwajli pia njaji inaiki njeenaca naoyawacana. Njite lriwerri Joctán. 26 Njite Joctán yeenipeca Almodad, Selef, Hazar Mavet, Jera, 27 Adoram, Uzal, Dicla, 28 Obal, Abimael, Seba, 29 Ofir, Havila njite Jobab. Icapiatsa pjiomi njaji Joctán yeenipe. 30 Njepaite initawa Mesa nakjoite Sefar nacojle, jliaji awacada jeerri imotokema nakjoite. 31 Icapiatsa Sem yenipenaica, naapaneta naco, narso naaco nacoanam, coanca njepaite naco njite nayacalre naofacawa papocoa. 32 Icapiatsa njaji Noé yeenipe iipaneta inakjoitéperri, coanca naferrinaipe naco, nayacalre naco tsakja. Naoshete piena njenawa njaji inaiki aimadan njite napocotawa pjiomi jalredaoca lrico jlieta cayamiwa.
1 Jliawajli pia, pjiomi njaji inaiki jalredaoca lricoperri narsoca padatsa naaco, jliaminitsa yaacotica. 2 Naacayawa jeerri imotokema nacojle, naoketa pacoa jiipai pacoacaita cawa Sinar lrico njite icatsa naofacawa niini. 3 Naaco narsowaaca: ''Warsa wanaitja torrope-dape njite wamjaitaotsana matsia.'' Narso pia torropedape namjaitampe jiipada ioya, njite maini caalri tsitamperri ioya. 4 Naaco: ''Warsa wanaitja wayacalrewa njite aapana panti shoni yenondalri lripolrico yocaotsawa eenolricojle, wacadaa carroatsa caconaperrica weepitana warsowaotsa. Corri cadaotsa wanaitjani icaaminaotsa wapocotacawa pjiomi jalredaoca lrico. 5 Niini Dio iorroco icapa jliaji yacaalre nanaitjalri njite jliaji panti shoni yenondalri njaji Adán idakenai. 6 Niini wa-Minalri icaite cayoji: Papocotsa njaji inaiki aimadan njite padatsa jliaji naaco, njite opina nainita nadejica. Mikjapantsa jliaji naomalri nanaitjaca, corriotsa nataitá-carroca. 7 Warsa waorroco naikjaolre wamanalrietá-carro naoya naaco, niniotsa corriotsa najíi carroca njemica narsowaaca.'' 8 Niini Dio icadaa napocotacawa njaji inaiki pjiomi jalredaoca lrico njite yamicana nadejica jliaji yacaalre. 9 Njite nacadaa lriipitanawa Babel, ima Dio imanalrietaca naaco niini njite Dio icadaa napocotacawa njitetsa pjiomi jalredaoca lricojle. 10 Icatsa njaji Sem inakjoite perrica. Sem irso piakena cien oonia lrirsopia lrienipe Arfaxad, yamawalria jlieta cayamiwa jliaji jalredaoca. 11 Lrirso cayami lrienipe Arfaxad, Sem yofawa quiniento oonia jalredaoca lrico. Njite lrirso pja pia lrienipe atsianai njite inaitjepe tsakja. 12 Arfaxad irsopiakena trenta cinco oonia, lrirso lrienipe Sala. 13 Lrirso cayami lrienipe Sala, Arfaxad yofawa coatrociento tre oonia jalredaoca lrico. Njite lrirso pja pia lrienipe atsianai njite inaitjepe tsakja. 14 Sala irso piakena trenta oonia, lrirso lrienipe Heber. 15 Sala irso cayami lrienipe Heber, lriofawa coatrociento tre oonia jalredaoca lrico. Njite lrirso pja pia lrienipe atsianai njite inaitjepe tsakja. 16 Heber irso piakena trenta coatro oonia, lrirso lrienipe Peleg. 17 Heber irso cayami lrienipe Peleg lriofawa coatrociento trenta oonia jalredaoca lrico. Njite lrirso pja pia lrienipe atsianai njite inaitjepe tsakja. 18 Peleg irso piakena trenta oonia, lrirso lrienipe Reu. 19 Peleg irso cayami lrienipe reu, lriofawa dociento noeve oonia jalredaoca lrico. Njite lrirso pja pia lrienipe atsianai njite inaitjepe tsakja. 20 Reu irso piakena trentado oonia, lrirso pia lrienipe Serug. 21 Reu irso cayami lrienipe Serug, lriofawa dociento siete oonia jalredaoca lrico. Njite lrirso pja pia lrienipe atsianai njite inaitjepe tsakja. 22 Serug irso piakena trenta oonia, lrirsopia lrienipe Nacor. 23 Serug irso cayami lrienipe Naco, lriofawa dociento oonia jalredaoca lrico. Njite lrirso pja pia lrienipe atsianai njite inaitjepe tsakja. 24 Nacor irso piakena ventenoeve oonia, lrirso pia lrienipe Taré. 25 Nacor irso cayami lrienipe Taré, lriofawa ciento diecinoeve oonia jalredaoca lrico. Njite lrirso pja pia lrienipe atsianai njite inaitjepe tsakja. 26 Taré irso piakena setenta oonia, lriso lrienipe Abram, Nacor njite Haram. 27 Njaji Taré inakjoite perrim. taré yeenipeca Abram, Nacor njite Harán; njite Harán yeenipeca Lot. 28 Mayami Harán jlinirri Taré irsotsa, jlipaite ricó jiico-carromtsani, Ur lrico Caldeonai lricoda. 29 Abram njite Nacor njeta naninaiwa. Abram iino iipitana Sarai, njite Nacor iino ipitana Milca, apama Harán iito. Harán pia Milca njite Isaca jinirri. 30 Rsoaji Sarai, corri-darro piatsa itaita keenipecano. 31 Taré jipa idee lrirri Abram, lridakerri Lot, Harán irrim, njite lrirrino Sarai, Abram iino naacarro Ur lrikjoite Caldeonai jipaite, naocá-carroa Canaán jipaite lricojle. Mitsa Harán jipaite nacojletsa naocawa, icatsa naofacawa niini. 32 Taré yofawa jalredaoca lrico dociento cinco oonia, lria mayamini.
1 Njite Dio icaiteca Abram irso cayoji: ''Warsa pimotowa piyacalre rikjoite, pikitsiñape ioya, pjinirri iipaneta ioya, piá-carro lrinacojle jliaji jiipai nocañjatalriotsa pirso. 2 Ima Nocadacaotsa pacoa yacaalre macacoe njaji pinakjoite perri, Nonaitjaotsa matsia pirso, Nocadaotsa caconaadalrica jliaji piipitana, njite matsia caotsa njaji apana inakinai pinakjoite. 3 Nonaitjaotsa matsia lrirso jliaji inaitjalri pirso matsia, mitsa maatsiotsa nonaitjaca lrirso jliaji inaitjalri pirso maatsi. Matsia watsa pjiomi naapaneta njaji inaiki jalredaoca lricoperri, pikjaote. 4 Abram jiepa jliaji Dio icaiterri lrirso lrinaitjá-carro, nini lriawa njiteo lriwerri irri Lot iapiya. Abram irso pia setenta cinco oonia lrimoto caojli lriawa Harán jipaite ioya. 5 Abram jipa idee lriino Sarai, lripjerri irri Lot, pjiomi njaji lrirsompe lriwaketaji, njaji lrirsoperri Harán lrico. Namoto njiteo naa-carro Canaán lricojle njite naocawa jiipai Canaán lrico. 6 Abram jiyapawa Siquem jipaite lrico lriácarro nirse, jaico lrima Moré lricojle. Jliawajli pia njaji cananeonai naofawa lriricoda jliaji jiipai. 7 Wa-Minalri icañjataacawa Abram irso, njite lriaco lrirso: ''Pidakenai irso watsa nocadaotsa jliaji jiipai.'' Njite Abram iwakeeta jiipada niini apána altar Dio irso, ima ninica lricapacani. 8 Njité-dalri lriawa jiipana lrima cawa lricojle jeerri imotokema Betel irso, lriocacawa lricotoa lriofawa, jeerri jiewa kema jliaji Betel njite jeerri jiewacawa jliaji Hai, Abram iofawa pamoyoá narso. Abram iwaketa jiipada nirse lrinaitjá-carro altar Dio irso njite lriá matsiadalri wa-Minalri irso niini. 9 Njité-dalri lriawa lripeyajle Neguev ikjaolre. 10 Aima pia maawitacai jalredaoca lrico, Niini Abram iawa Egipto lricojle lriofá-carroto nirse ima pekirridalri piaca jliaji maawitacai jalredaoca lrico. 11 Njite tsomi cádanaco njeeá-carro Egipto lricojle, abram iaco lriino Sara irso: ''Noajindatsa iinarro matsiadarroca pjia. 12 Nacapaotsa pjia njaji egipcionai njite natatjaotsa: ''Capja piinoca rsoaji, niniotsa nainoca njoa pikjaote, mitsa corriotsa nainó carroca pjia. 13 Nini picaiteotsa nowedoaca pjia, matsiá-carroatsa njoa pima, niniotsa corriotsa nainó carroca njoa matsiá capoa pinaitjaca norso.'' 14 Niini Abram sheewa cádanacoenawa Egipto lrico, njaji egipcionai nacapa matsiadarroca rsoaji Sarai. 15 Njaji Faraó yeenipenaipe nacapano, njite nacaite matsia ronaco Faraón ipeyajle, njite nadeeno Faraón iipana lricojle. 16 Faraón icoadata ta matsia Abram Sarai ikjaote, lriá lrirso oveja, buey, borro atsiana njite iinarrona, camello njite lria tsakja lrirso lrirsoperri atsianai njite inaitjepe. 17 Njite wa-Minalri jirrapiteta Faraón njite njaji lriipaneta tsakja taacapa sho Sarai ikjaote, Abram iino. 18 Faraón iwana Abram lrikjaolrewa, njite lriaco lrirso: ''¿Coada pinaitja cayoji pinaitja capirso? ¿Coada corrin picaite norso piinoca rsoaji 19 ¿Coada picaite norso piwedoa catsano, pima carrotsa njotacano noinowano? Arroena rsoaji piino. Pjitano njite piawa ajaiteji.'' 20 Njite Faraón icaite narso njaji lrirsoperri, njitena njaa nameenaca Abram lriá-carro naoya, lriino njite pjiomi njaji lrirsompe.
1 Abram yaawa Egipto lrikjoite Neguev lricojle, jlia, lriino, pjiomi njaji lrirsompe. Njite Lot yaa tsakja nainai. 2 Njite Abram, canaanidalri cani maaficalri sho, palraata sho njite owirro sho tsakja. 3 lria pajawa Neguel lrikjoite Betel ikjaolre, lriofa carrom piatoa oopi, Betel yooya-waaca Hai iapiya. 4 Abram iawa lrikjaolre jliaji altar lrinaitjanda oopi. Icatsa lritatjaca Dio iinai niini. 5 Njite Lot, yaacadawa jlinirri ipjerri Abram iinai lrirso tsaja aima lriipirra oveja, vaaca njite lrirsoperri. 6 Aima capoa njaji narsompe yamadape, jliaji jiipai naocalri toa naofaa niini corrin lricoaca narso naofá-carro ninio yamadapenatjawa. 7 Njite njaji iwapacape abram iipirra njite njaji iwapacape Lota iyaape, nainoaca manawa. Njite njaji cananeonai, fereseonai icapiatsa naofacawa lri-ricoda jiipai-ca jliawajli. 8 Njite abram iaco Lot irso: ''Corrin nooma maatsica fáa waapiyawaca, corrin tsakja njaji iwapacape waapirra naapiwaca; ima fawaaca catsa jliaji. 9 Picapa coanca lriacawa jliaji jiipai pipeeyajle. Warsa feena waoyawaaca. Piá cadaawa inarroemajle, noá watsa pioya atsialriemajle, mitsa piá cadaawa atsialriemajle, noawatsa pioya inarroemajle.' 10 Ikena Lot jireeta icapa pjiomi lriwaida nacojle, njite lricapa jliaji Jordán inomapiana pacoaca cawa jiipai, lrirsoca aima ooni njite lriocawa Zor nacojle, cayo pacapacani wa-Minalri imatsietanda sho, egipt jipaitena sho. Cayo pia pacapacani lripjeya piatoa wa-Minalri ipeecoca Sodoma njite Gomorra tsakja. 11 Ikena Lot iacawa Jordán inomapiana nacojle pacoaca cawa jiipai pjiomi, jeerri inotokemjeteo. Cayotsa njeenacawa naoyawaaca njaji padpaneeta piatsa. 12 Abram yofawa Canaán jipaite ricó, njite Lot iofawa napecolrico njaji yacaalre pacoaca-cawa lrico jiipai. Lrinaitja lriipanao tsoomi Sodoma ioya. 13 Inaiki maatsí-perri cadana pjiomi njaji Sodoma-perri Dio ipeyajle. 14 Wa-Minalri iaco Abram irso Lot shena cayaminawa lrioya: ''Icatsa ajaiteji piemalritsa niini, jeerri imotokemajle, jliewa kemajle, atsialriema nacó, inarroema naco jeerri irso. 15 Pjiomi jliaji jiipai picapalri, nocadaa caotsa pirsoni njite narso njaji pjiapodamperri caidalriwetsa.'' 16 Njite Nocadaotsa aimaca njaji pidakeenai cayoji jiipai imaimaca sho, ima coca cadaa itaita iniweetaca jiipai imaimaca, nataita peda tsakja naniweetaca njaji pidakeenai. 17 Pjinico piemaji, picapá-carro coshoca jliwalripaca, njite coshoca lrimacaiteca, ima noacaotsa pirsoni.'' 18 Ikena Abram idee tsenakja njaji lripanapoco lriá-carroenakja lriofawa tsoomi jaico lrima cawa lricojle Mamre jipaite lrico, Hebrón lricoda. Icatsa lrinaitjaca apana altar niini Dio irso.
1 Njite papia nacojlena Amrafel shawajli, Sinar italricanaa; Arioc, Elasar italricanaa; Quedorlaomer, Elam italricanaa; njite Tidal, Goyin italricanaa, 2 njaji talricanaatinai nanaitja oowi Bera ikjoete, Sodoma italricanaa; Birsa, Gomorra italricanaa; Sinab, Adma italricanaa; Seneber, Zeboim italricanaa, njite Bela italricanaa ikjoete (najirri tsakja Zoar). 3 Njaji cinco talricanaatinai tjewacajle perri iipitana, nawacaacawa pacoacaita cawa lrico jiipai Sinar lrico, (najirri tsakja Manoa Piwadalri). 4 Nadeji pia doce walria Quedorlaomer irso, mitsa trece walria lricoena neemana lrikjoete. 5 Nini catorce walria nacoena, jliaji Quedolaomer njite njaji talricanaatinai lrinaiperri, náno naderse nainó-carro njaji refaianai Astarot Karmain lrico, zuzitanai Ham lrico, emitanai Save Quiriataim lrico, 6 njite njaji horeonai jiipana Seir ipamoyoaca lricoperri, njite lriocawa Parán lrico, tsomirri jalrapocolri ioya. 7 Njitedalri nadiawa njite naocawa En Mispat lricojle (najirri tsakja Cades). Naino pjiomi njaji inaiki naofacawa lrico njaji amalecitanai, njaji amorreonai yofacapepiawa Hazezon Tamar lrico. 8 Niini njaji Sodoma italricanaa, Gomorra italricanaa, Adma italricanaa, Zeboim italricanaa njite Bela italricanaa namatsietaacawa napia nanaitja-carro oowi 9 nanaitjá-carro oowi Quedorlaomer, Elam italricanaa ikjoete, Tidal, Goyin italricanaa ikjoete, Amrafel, Sinar italricanaa ikjoete; Arioc, Elasar italricanaa; coatro poco talricanaatinai cinco poco talricanaatinai ijoete. 10 Njit jliaji pacoacá-dalri Sidim lricoda, aima piaca lrirsoca talritadape pakjamperri mainiasho, nini napito cadanatja njaji talricanaatinai Sodoma njite Gomorra lricope, njeeco njewao niini. Njite njaji paana caafiperri toa napitowa awacada nacojle. 11 Niini njaji nacoema njepa pjiomi nanaanipem njaji Sodoma njite Gomorra lricoperri, nadee pjiomi naijaope naa carroena njiteo. 12 Naa carroena njiteo, njepa nadee Lot, Abram iperri irri, yofacadawa Sodoma lrico . Nadee tsakja pjiomi njaji lrirsope. 13 Mitsa pada ipito naoya niini lricaiteca Abram irso, hebreo tairri. Abram yofa piacawa jaico lrima lrico Mamre iyaada, amorreo-tairri, Escol njite Aner ikitsin; njite pjiomi njaji Abram inaiperricana. 14 Abram jimi cádanaco lricoema ideeca jliaji lrikitsinda, ikena lriinaica njaji lrinaikite pjiomi, treciento dieciocho atsianai yajicape inoacacawa oowi ricó, pjiomi jiicó-perri lriipana lrico. Njite lriaca njaapodam Dan nacojle. 15 Abram sheneta matsia papocope njaji lrinaikite naa-carro nainona deepi ricó, njite-dalri lripinetana Hoba naojle, inarroemajle Damasco irso. 16 Cayotsa Abram idietaca lrikitsinda Lot, lrinaani, lriyaarroaji, njaji inaitjepe njite pjiomi nja paana inaiki tsakja. 17 Abram idiawa lriino jliameta cayami Quedorlaomer njite njaji talricanaatinai lriinaiperri. Sodoma italricanaa iawa lrioketaacá-carro Abam iinai pacoacaita cawa lrico jiipai Save-dalri (najirri tsakja Pacoca-dalri Jiipai Talricanaati iyada). 18 Melquisedec, Salem italricanaa, idee peetje njite jaicotjedaa yaana. Dio yeenondalri pjaaca pjiomi ioya isacerdoten piaca jliaji Melquisedec. 19 Lricaite yacoti matsiaperri Abram irso, lriaco: ''Matsiadalrica pjia Abram lrikjaote jliaji Dio Yenondalri pjaa pjiomi ioya, Inaitjacada eeno njite jiipai tsakja. 20 Matsiadalrica Jliaji Dio Yenondalri pjaa pjiomi ioya, Jliaji icadaalri picaapi rico njaji picoemanai.'' Ikena Abram iaca diezmoa nanakjoite njaji jlitaji naoya pjiomi. 21 Lriaco jliaji Sodoma italricanaa Abram irso: ''Picadaa norso njaji inaiki njite njaji inaaniti pjipena pirsowao.'' 22 Mitsa Abram shepani: ''Nocaitjenina yaacoti ajádalrisho no-Minalri Dio irso, jliaji nenonrse-dalri pjaa pjiomi ioya, Jliaji Inaitjacada eeno njite jalredaoca tsakja, 23 nocaitecawa corricaotsa njoapa pkjaa tawalrekja, pakja tsapato ipapi, corri pada piyaarro nakjoite, watsentja picaiteca nonaco: ''Njoa jliaji icadaa cayaarroca Abram.'' 24 Corriotsa coca-cá njopalriotsa, icaamitsaotsa njaji iñjaodati naijalrina njaji noyempetite. Picadaa Aner, Escol, njite Mamre jipaca nayadawa.''
1 Njeyapa cayaminawa pjiomi Dio icaitenialre iocawa Abran ikjaolre jlitapon ricó capisho, lriaco cayoji: ''¡Mafiotsawa, Abram! Njoatsa jliaji pidanaita, icaamitsa njoa itaitacada iaca pirso pjiomi njaji canacaiperri pirso.'' 2 Abram shepani: ''No-Minalri, ¿Cocaotsa jliaji pialriotsa norso, ime meenipe catoa njoa, njite Elieze, Damasco lricoda watsa irso nocadaa pjiomi njaji norsolri?'' 3 Abram iaco pja Dio irso: ''Ima corricatoa pia noenipewa, picapa lrirso jliaji iwapacada noopana, icatsa jliaji nomacaodaca irso nonaani.'' 4 Jimi coanca wa-Minalri iaco Abram irso: ''Corriotsa jliá carroca jipacadacaotsa njaji pirsompe; jliwatsa jipana jliaji pienipi catsa inocada pidaki nakjoite.'' 5 Njite Lrideeni padanajle panti ioya, lriaco lrirso: ''Pjirreta piocapa eeno ikjaolre, piniweeta njaji jiwirsida, picapatja pitaita cadaa piniweetacana. Cayoatsa namaimaca njaji inaiki pinakjoit-eperri.'' 6 Abram sheepa jliaji Dio icaiterri lrirso, niini Dio icapa matsiadalrica jliaji Abram. 7 Wa-Minalri iaco Abram irso: ''Njoatsa jliaji jitalri pjia Ur caldeonai jipaite ioshete, noácarro pirso jliaji jiipai piyadawa.'' 8 Abram iaco wa-Minalri irso: ''No-Minalri, ¿Coajiotsa notaita noajica njoa catsa yofawa anjí? 9 Njite Dio iaco Abram irso: ''Pidee norso apana vaaca pamoyoene irsocada madalrida oonia, njite apana carnero irsocada madalrida ooni tsakja, apaapa tsootsobo njite apaapa lrienipe.'' 10 Lridee pjiomi njaji lriomalri, njite lriyoana yamawajlepena, njite lriorsoetana nacoemawaca naco, mitsa corrin lricadowa nja wipjiarro. 11 Nano mana njaji waayolri nanaco njaji maaficalri mayamperri, mitsa Abram ifieta mana naoya. 12 Dainoma nakjoite pjatoa, talricai matsinjaadalri jipaca Abram niini lrimaaca, mitsa lrimaa cádanaco cadaoca maatsinádalri jiwa lrinaco. 13 Niini Dio icaite Abram irso cayoji: ''Taniaperri caotsa njaji pinakjoite perri naofa cádanacoatsa paana jipaite lricotsa, ima njerrapiteeta caotsana ima narsoperri caotsana coatrociento oonia. 14 Njoa watsa jirrapiteeta njaji inaiki jirrapiteetalriotsana, njite naawatsa njiteo nayaaroaji pekirrídalri sho. 15 Mitsa pjia, corrinatsaotsa picapá carroca ima pimaodaca kenaotsa nainai njaji pjinirrinaipe yalrinawa pipjeya. Pekirri-mitsaotsa mayamica pjia. 16 Njaa watsa idiawa ajerreji njaji coatro coma nacoperri, ima corricatoa lriwayacawa njaji amorreonai imatsicanaa.'' 17 Njite deepi kena pjiomi, paapi palangana kerradalri, keetakane njite apana camarraita kerradalri jiyapawa nanaco njaji maaficalri lricadowaji. 18 Jliadaa pia Dio inaitjaca iacoti Abram iinai, lriaco lrirso cayoji: ''Nocadaca jliaji jiipai narso njaji pinakjoite perri panayaperri, lrinakjoite jliaji ooni Egipto dalri, teeco ooni macapeki Eufrate nacojle. 19 Njepaite njaji quenitanai, cenezeonai, cadmoneonai, 20 hititanai, fereseonai, refaianai, 21 amorreonai, cananeonai, gergeseonai njite jebuseonai.''
1 Njite Sarai, Abram iino, corrin keenipecano lrirso, mitsa rorsopiaca apama rorsodarro, Egipto tadoa, roipitana Agar. 2 Niini Sarai iaco Abram irso: ''Picapa coanca corrica wa-Minalri icadaa pjakena noenipeo. Panaya, warsaotsa piá pimaa roinai rsoaji norsodarro. Wadetsantja ronakjoiteca norsoatsa noenipe.'' Abram inaitja jliaji Sarai inaalri lrinaitjaca. 3 Narso cayami piena die walria naofacawa jiipai Canaán lrico Sarai, Abram iino, rocadaa lriinoano rsoaji rorsodarro Agar, Egipto tadoa. 4 Abram imaa Agar iapiya njite kjeyatsa keenipeno lrirso. Agar icapa cádanaco keenipecano Abram irso, maatsi rocapaca rominarro irso. 5 Lrikjaotena Sarai iaco Abram irso: ''Maatsica rocapaca norso pikjaote. Nocadaa norsodarro piinoano njite rocapa cádanaco keenipecano pirso, maatsi-nakja rocapaca norso. Dio watsa icaite waacanoa lrikjaote, pjiá njite njoá.'' 6 Mitsa Abram iaco Sarai irso: ''Picapakje, pjiaca yajíi pirsodarro nacó, niini pinaitja roapiya coancatsa pioma pinatjaca.'' Niinina maatsi Sarai idejica rorso niiní Agar ipiticawa rooya. 7 Njite jliaji wa-Minalri iageleni lrioketano tsomi lrioya jliaji ooni jalraamidalri jalrapocolri ricó, jliaji ooni jalraamidalri pjeyapalri paacadanacoa Shur lricojle. 8 Njite lriaco rorso: ''Agar, Sarai irsodarro, ¿Kjaite pino, njite kjrreotsa piawa?'' Niini roaco rsoepeacan: ''Nopitocawa rooya rsoaji nominarro Sarai.'' 9 Njite wa-Minalri iageleni iaco rorso: ''Pidiawa piminarro ikjaolre njite pjiepaotsano.'' 10 WaMinalri iageleni icaite pjaa rorso: ''Nomaimatacaotsa njaji pinakjoite-perri, corriotsa coca itaita iniweetaca coshoca namaimaca.'' 11 Wa-Minalri iageleni iaco tsakja rorso: ''Picapa kewedan kena pjia, atsia watsa pienipe, picadaotsa lriipitanao Imael, ima wa-Minalri jimica coanca pjirrapitaca. 12 Jliaji pienipe cayocaotsani apana maaficalri awacada lriconi sho. Nacoema caotsa pjiomi njaji atsianai njite pjiomi atsianai maatsiotsa nacapaca lrirso; teecoatsa lriofacawa naoya njaji lrikitsiñape. 13 Njite rocadaa lriipitanao jliaji WAMINALRI caacolri pia roapiya: ''Pjiá Dio icapacada njoá,'' ima rocaiteca: ''Caafi catoa njoá Lricapa cayami njoá jliaji wa-Minalri.'' 14 Caishopa nacadaaca lriipitanao jliaji ooni jalramiajai, Beer Lajai Roi; pacapacani Cade njite Beret ioyawaaca. 15 Jiicokena Abram yeenipe Agar irso njite Abram icadaa lriipitanao jliaji yempeti cayotsa Agar icaite capisho lrirso, Imael. 16 Abram irso piakena ochentasei oonia Agar jipa caojli pia Imael.
1 Abram irso piakena noventa nueve oonia lripekirrica nacó, wa-Minalri icatjinataacawa Abram irso njite lriaco lrirso: ''Icatsa Njoa Dio Itaitacaita pjiomidalri naco. Pinaitja matsia Nopeyajle, njite pjiepa tsakjaotsa Njoa. 2 Pinaitja cadaa cayó niiniotsa Nonaitja njaji nocaiterrina pirso wanaitja capisho yaacoti, pjia, Njoa. Nocadaotsa aima-carro njaji pinakjoite perri.'' 3 Abram jiwa yorsoawa jiipai nacojle tewacajle lriecoa jiipai naco njite caaco Dio lrirso cayoji: 4 Njaji Nonaitjalri, ima njoaca jliaji inaitjalri yaacoti piapiya. Njanirri caotsa pjia njaji inaiki aimadan. 5 Corrinatsaotsa Abram-ca pjia, mitsa Abraham nakjaotsa pjia, ima nocadaaca njanirrica pjia njaji inaiki aimadan. 6 Aima inaiki imotoatsa pinakjoite, Nocadaotsa nanaitjá-carro nayacalrewa njaji inaiki aimadan, talricanaatinai caotsa njaji pinakjoite-perri. 7 Nocadaotsa jliaji yacoti norsolri piapiya njite naapoiya njaji pjiapodamperri, caimitsa naapiya njaji walricomanai warso carroatsa jliaji yaacoti wainaidalri caidalriwenatsa, pi-Diote-carro Njoa njite naDiote tsakja njaji pjiapodamperri. 8 Nocadaotsa pirso njite narso njaji pjiapodamperri, jliaji jiipai piofalritsa niini mana, pjiomi jliaji Canaán jipaite, iyadao carroni caidalriwetsa, njite pi-Diote caotsa Njoa.'' 9 Njite Dio iaco Abrham irso: ''Njite pjia, pirsotsa pinaitja cayoji Noaco icaite capisho, cayo tsakja njaji pinakjoite-perri, caiminitsa pjiomi njaji walricomanai. 10 Icatsa Noacoca Nonaitjalri piapiya njite njaji pjiapodamperri, njaji pirsolritsa pinaitjaca: nacoamitsa shaa atsianai irsotsa iyoaca iatsiaca íya. 11 Pjiomi atsianai narsotsa nayoaca natsiaca íya, njite icatsaotsa lritjinaaca jiaji yaacoti warsolri wainaiwaaca. 12 Pjiomi njaji atsianai irsocapena ocho jalredaoca jiico cayamina irsotsa iyoakena lriatsiaca íya, cayomi tsaotsa pjiomi njaji pinakjoite perrimi. Cayo tskjaotsa njaji apanatsa inaiki pioya mitsa jiicoperri piipana lrico njite njaji irsoperri iwentaji palraata sho pada jiipai nakjoitedalri corripetsa pinakjoiteperrica. 13 JLiaji jiicolri piipana lrico, jliaji iwentaji palraata sho irsotsa iyoaca natsiaca íya. Niniotsa ideeca Noaco jinaana idaki nacó corridalriotsa coca itaita shaatjacani. 14 Coandalri catsa atsia corridalri iyoaca lriatsiaca íya lrirsotsa ipeecocani lrikitsiñape aimadan ioya. Ima lrinaitjaca maatsi lrirso jliaji noacoarromi.'' 15 Dio icaite tsenakja Abraham irso: ''Njite rsoaji piino Sarai, corrinatsaotsa Sarai-ca roipitanetsa. Sara watsa roipitana panaya. 16 Matsia watsa nonaitjaa rorso, nocadaotsa rorso pada roenipeo. Nonaitjaotsa matsia rorso, njite njadoa caotsano njaji inaiki aimadan. Talricanaatinai yacaalre irso watsa njaji imotolriotsa ronakjoite.'' 17 Njite Abraham, jliaji yorsoacadawa tjewacajle lrinoma jiipai naco, lricaa, njite lriaco lricaolre ricó: ''¿Lritaita toantja lrinaitjaca lrienipeo jliaji atsia pekirrinatsa irsocadena cien oonia? ¿Coajintja keenipeca Sara, rorso cadanena noventa oonia ropekirrica nacó?'' 18 Abraham iaco Dio irso: ''¡Ismael watsa jliaji yofalri Pipjeyajle.'' 19 Dio iaco lrirso: ''Corrina, Sara, rsoaji piino rsoawatsa yaa pirso pada pienipewa, njite pocadaotsa lriipitanawa Isaac. Nonaitja tsakjaotsa yaacoti lriapiya corridalriotsa iwayacawa nainai njaji jliapodamperri. 20 Njite Ismael nacó, njomintsa pirso lrinacó. Niini panaya Nonaitjaca matsia lrirso, keenipeotsani matsia, njite Nocadaotsa aima-carro tsakja njaji lrinakjoite-perri. Njanirri caotsa njaji doce njewidaapo njaji doce poco perri, niniotsa Nocadaa pacoa yacaalre macacoé dalri jinirricani. 21 Mitsa jliaji Noacoarron Isaac irsoatsa nocadan, jliaji yempeti Sara imotoetalriotsa pirso pawalria nacojle, cayo kena tsakjaotsa jalredaoca panaya sho.'' 22 Yami cádanacoena caacoca Dio Abraham iapiya, Dio iawa Abraham ioya. 23 Ikena Abraham jipa lrirri Ismael, pjiomi njaji jiicolri lriipana lrico, njaji lriwentaji lripalratan sho, pjiomi njaji Abraham iipana lricoperri lriyoá-carro natsiaca íya jliadaa jeecoapi, cayoji Dio inaa capisho lrinaitjaca. 24 Abraham irso piakena noventa nueve oonia lripekirrica nacó nayoa caojli pia lrioya lriatsiaca íyam. 25 Lrirri Ismael irso pia trece oonia nayoa caojli pia lriatsiaca íyam. 26 Padaa nacotsa Abraham njite lrirri Ismael nayoá naoya natsiaca íyami. 27 Pjiomi njaji atsianai Abraham iipana lricoperri nayoa naoya natsiaca íyami lriinai, njaji jiicoperri lriipana lrico, njaji lriwentaji palaraato sho pada jiipai nakjoite-perri.
1 Roble lrima kemjeteo Mamre iyaape wa-Minalri iawa Abraham iderse, lriofá cádanaco lripananoma nacó jámolri ioya. 2 Lrioma cádanaco lricapa yenorserse, lricapa madalrida atsianai inoca lrikjaolre naipo shotsa. Niini lricapa cádanaco ikjoetetsa, jliecoa naikjaolre lricoadatá-carrona njite lricoajawa naikjaolre. 3 Njite lriaco: ''No-Minalri, matsia cadaatsa picapaca norso, mjeyapatsa nooya njite atsantja pimaca jliaji pirsodalri. 4 Picadaa noacarro nooma ooni nocotsó-carro jiipa njite iwafeetá-carro jaico yapjite. 5 Picadaa nodeeca irso iirao oono ima meetacapa icaolre. Njite dekjena itaitena iaa pjaacawa, ima iocacawa pirsodalri ikjaolre.'' Niini njeepacan: ''Pinaitja cayoji picaite capisho.'' 6 Ikena Abraham sheco kjeyawa panti naapanaita lricojle Sara iderse, lriacororso: ''Pidee kjeya coarenta kilo harina matsiadalrina, njite pimatsietani pinaitjá-carro pan.'' 7 Njite Abraham shecoa naikjaolre njaji pirraiti corrarra lricope, jlipa apana vaaca émine toa, matsiane, njite lriani lrirsodalri irson lriyaná carroni kjeya. 8 Jlipa tsakja vaaca iinia potocoajai njite walriajai, njite jliaji vaaca nayananda, nadee carroena narso naijá-carro. Abraham yemawa nacodapi jaico yapjite naija cadaanatoa. 9 Njite naaco lrirso: ''Akjerreo rsoaji piino Sara?'' Njite lriaco: ''Atsanorra wapanaita lrico.'' 10 Njite lriaco Abraham irso: ''Pawalri nacojleotsa nono pikjaolre, niini pjimi piicao matsia. Rsoaji piino Sara rorsoatsa pada roenipe.'' Mitsa Sara jimitsa jliaji lricaiterri ima roemacawa pantinoma idana ima lridajitjete. 11 Pekipenaina njaji yamadade, Abraham njite Sara, corripienatsa canopaca Sara ima jliyapa piakena rooya keenipecawa njaji inaitjepe. 12 Niini Sara icaaca ronacowaacatsa, roaco rorsowaaca: ''Nowayacaaca cayaaminawa njite pekirrina tsakja jliaji noinirri ¿Keenipeotsa njoa? 13 Njite wa-Minalri iaco Abraham irso: ''¿Coada rocaa rso Sara, njite roaco: ¿Ajádalri norsocaotsa pada noenipe pekirro cayamina njoa?'' 14 Corrin pacapa pada corridalritsantja lrinaita Lrinaitjaca jliaji pi-Minalri. Nono tsenakjaotsa pawalria nacojle, cayotsa Nocadaa capisho njonaana pirso. Pawalria nacojle, cayokenaotsaji, Sara irsoatsa pada roenipe.'' 15 Njite Sara idawa roicao rocaite corrica rocaa. Mitsa rofiocawa niini rodawaca roicawa. Mitsa wa-Minalri iaco rorso: ''Ajádalri picaaca.'' 16 Njite njenico njaji atsianai naacarroenawa njite njerreta nacapa Sodoma ikjaolre. Abraham yaawa nainai lricaité-carro lricadaa carroena naawa. 17 Mitsa wa-Minalri iaco cayoji: Corrin notaita nodawaca Abraham ioya jliaji nonaitjalriotsa icaamina jliaji, 18 ima matsiadalrica Abraham, njite jliaca njanirrica njaji pacoa inaiki aimadan, kjaidaperri, njite matsiacaotsa njaji apaana inaikinai lrikjaote. 19 Noniwanani, lricanantá-carro njaji lrienipe, lriipaneta coancarro naofacawa jliapodami, wadee namaca-ca jliaji wa-Minalri inaalri nanaitjaca, nanaitjá-carro matsia, wa-Minalri itaitá carroatsa inaitjaca Abraham irso cayoji Lricaite capisho lriso.'' 20 Njite wa-Minalri iaco: ''Aima calretsa njaji nacaiterri Sodoma njite Gomorra ikjoete, njite matsinaa-perrica njaji namatsicanaa, 21 Noaca nirse nocapá-carro jliaji nacaiterri Norso nakjoete, ajádalri cadaa nanaitjaca. Corricadaa njitenaotsa noajíi.'' 22 Ikena naacawa njaji madalridade Abraham ioya, njite naawa Sodoma ikjaolre, Mitsa corrin Abraham shenacawa lrioya jliaji waMinalri. 23 Abraham itsoomita pjaani, niini lriaco lrirso: ''¿Piino tsakjaotsa njaji matsiaperri nainaitsa njaji maatsí-perri? 24 Niini cadantja cincoenta inaiki matsiaperri yacaalre. ¿Piinoatsa njaji inaiki, o corri catntja piinocana naikjaote njaji cincoenta inaiki matsiá-perri niiní-perri? 25 Cotsa matsialrica Pinaitja cada cayo, piino cantja njaji matsiaperritsa nainai njaji maatsiperri, matsiaperri icaoñaca cantja namatsianaa njaji maatsiperri, ¡Corritsa matsiatsa Pinaitjaca cayo! Jliaji Icaitecada naacona njaji jalredaoca lricoperri corriotsa lrinaitjá-carroca cayo.'' 26 Wa-Minalri iaco lrirso: ''Niini cadaa cincoenta inaiki matsiaperri Sodoma lrico, corriotsa Noinó-carroca naikjaote njaji matsiaperri.'' 27 Njite Abraham iaco tsenakja: ''¡Picapa pjaa, caacoca njoa no-Minalri iinai, njoa midalritsa, jiipai italre, palripokjoa! 28 ¿Coajintja corricadaa pacapa cincoenta matsiaperri niini? Piinoatsa njaji inaiki yacaalre lricoperri naikjaote njaji cincodee canacairri?'' Njite wa-Minalri iaco: ''Corriotsa noinó-carrona ima niinica coarenta cinco inaiki matsiaperri.'' 29 Caaco tsenakja Abraham wa-Minalri irso: ''¿Njite niini cada coarentatsa?'' Wa-Minalri iaco lrirso: ''Cirrin noinocana naikjaote njaji coarenytadee.'' 30 Njite lriaco: ''Pinaitja matsiacalri, merroa tsaotsa Pjia norso, ima caacoca tsenakja njoa pirso. Ima wadetsa trenta catsa njaji matsiaperri niini.'' Njite Jliepacani. ''Corrin noinocani naikjaote njaji trentadee matsiaperri ninperri.'' 31 Caaco tsenakja Abraham wa-Minalri irso, lriaco: ''¡Picapapja caacoca njoa no-Minalri irso!'' Wadeetsanta ninicatsa ventedee tsa.'' Njite Lriaco lrirso: ''Corrin noinocana naikjaote njaji ventedee niiperri. 32 Piketemina lrico lrirso: ''Pinaitja matsiacalri No-Minalri, merroa tsaotsa Pjia noinai, caacoca njoa Pirso pikeetem. Wadetsa die catsa njaji matsiaperri niini-rri.'' 33 Lritaita catsa caacoca jliaji wa-Minalri Abraham iapiya, lriawa lrioya njite Abraham idiawa lriipana lricojle.
1 Njaji yamadade ngelenai naoca njeewao Sodoma lrico dainomeenatsa Lot iofa cadana toa yacaalre ipananoma icodapi, niini Lot icapa cádanacona, jlinico lriemao lriá-carro lricoadatana, njite lricajawa jiipai nacojle nakjoete. 2 Lriaco: ''Inaitja matsiacalri norso, shaa nominanai, notatja iinai caiwi-ricotsa sheewá-carro irsodalri iipana lricojle,imaotsa niini, njite ocotsoatsa jiipaniini. Tjewenaotsa, icafiawa piyompinaco toa ipietá-carro yaacawa ipeyajle. Mitsa njeepani: ''Corrina, awatsa waa wemaa yacalreecoa lricotsa.'' 3 Mitsa corrin yaamica Lot naoya, niini naca lriinai lriipana lricojle. Lrinaitja injaodati naijao, lrimeerrita tsakja pan meewidalritsa, ikena naijaca. 4 Mitsa lripjeyatoa naorsoaca nemaa, njaji atsianai Sodoma lricope nayofieta Lot iipana, atsianai yempetipe toa njite pekipenai tskja, náno pjiomi njaji atsianai yacaalre lricoperri. 5 Nawana Lot, naaco lrirso: ''¿Kjerreo njaji atsianai iocalri jiewao pikjaolre oopica? Pimotoeta pemajle warsona, wadakitaacá-carro naapiya.'' 6 Niini Lot iawa pantinoma ikjaolre lriitá-carroni. 7 Njite lriaco: ''Notatja iinai caiwi-ricotsa wadee maatsi calretsa inaitjaca. 8 Norso yaamama inaitjepe mjeyapa capetoa atsia iinai, njaa watsa nomeenaca ikjaolre, inaitja naapiya coan catsa ioma inaitjaca. Mitsa corrin nooma cocacantja inaitja narso njaji atsianai, ima noopana lrico-cana.'' 9 Mitsa naaco Lot irso: ''¡Pjiena waoya! Inaikitsa pjia waoya, inocada pada jiipai nakjoite piofá carro wapecolrico, ¡njite panaya pjiá yoma yajica wanaco! Panaya maatsí pjatoa wanaitjaca pirso lrioya jliaji wanaitjalriotsa narso njaji yocalri pikjalre.'' Paa matsinaacana lrikjoete jliaji atsia, Lot ikjoete, wadeepe nadoitaca lripananoma. 10 Mitsa njaji atsianai napiajleta nacaapi pemajle ikjaolre njite nadietaca Lot naikjaolrewa panti lricojle njite naita pantinoma. 11 Njite njaji inocaperri Lot ikjaolre nainona patjipem sho njaji pemajle-perri panti ioya, pjiomi njaji yempetiapape njite piomi pekipenai tsakja, niini maapjicana naoma cawa tja jliaji pantinoma. 12 Njite njaji atsianai iaco Lot irso: ''¿Capja niini pjatoa pikitsiñape anjí?'' Pitsiñarrenai cadaa, pienipe, piitonaipe, o coandalricatsa pinakjoite-dalri lri-ricoda yacaalre-ca jliaji. Niini cadaa, pjita ajaiteji. 13 Ima icaaminaotsa wapeeco caotsa jliaji yacaalre-ca jliaji. Ima aimaca njaji inaiki icaitecape wa-Minalri irso nanaco njaji inaiki aperri yofawa lriricoda yacaare-ca jliaji nanaitjaca aima maatsirri, niini Lrimeenaca-ca faa wawayakeetá-carroni.'' 14 Lot yaa caaco naapiya njaji atsianai itatjacape naninaiwa njaji lriitonaipe, lriaco narso: ''Warsa imoto kjeyawa lrioya jliaji yaacalre, ima ikenaotsa wa-Minalri ipeeco caotsa jliaji yacaalre-ca jliaji.'' Mitsa njaji lritsimarrenaipe nawaada lridejita catsana. 15 Tsoomi cádanacoena jaalre-carroni, njaji atsianai nakjeyapitaca Lot, naaco lirso: ''Kjeyena pjia, warsa pjipa pidee rsoaji piino, njaji yaamamade piitonaipe piinaiperri wadee nañaacawa yacaalre iinaitsa.'' 16 Mitsam corrin Lot iawa jlida nacotsantja. Niini njaji atsianai njepa ricaapi nakjoite, lriini icaapi nakjoite njite njaji lriitonaipe icaapi nakjoite tsakja, ima kjenaaca Dio icapaca narso. Njepa nadeena padanajle lrioya jliaji yacaalre. 17 Namotoeta cayamina-ná, pada nanakjoite njaji atsianai iaco: ''¡Warsa jiecoa yomjé-carro shaa! Macaboco tsaotsa icapa shapodamrse, corrin tsakja ioca catoantja iofawa malritsicoa lrico. Shecoatsa mayacan jiipana ikjaolre, niniotsa corri watsa iwayacaacawa.'' 18 Lot iaco narso: ''¡Corrina nominanani, inaitja norso matsiacalri! 19 Matsia calretsa inaitja noapiya, njoa irsodalri, njite iyomjeta capoa njoa icanjata nocapa coanca kjenaaca icapaca njoa; mitsa, corrin notaita njoecocawa lrinacojle jliaji jiipana ima nofiocawa wadee catsantja jlipaca njoa jliaji maatsirri njite mayamica njoa. 20 Icapa jliate yacaalre, pacoa yacaalre tsocoetsa. Inaitja matsiacalri icadaa njoecó-carro nodawaaca lri-ricoda, ¿icapjentsa tsocoe catsa jliaji yacaalre?, njite icatsaotsa yomjeca njoa cayó. 21 Njite pada nanakjoite iaco lrirso: ''Matsiatsa, njominina pirso, niini corriotsa nowayakeetá-carroca jliaji yacaalre picaiterri inacó. 22 ¡Warsena piawa kjeeyá! Nirseotsa yoomje pjia. Corriotsa cocá-carroca nonaitja toa a kjerrekenaotsa piocawa nirse.'' Niini nacadaaca lriipitanao jliaji yacaalre Zoar 23 Njite jaalre piakena matsia, Lot ioca cadanenatsa Zoar lricojle. 24 Ikena JLIAJI WAMINALRI icadaa tiyee njite azofre jiwacawa iyao sho eenolrikjoite Sodoma njite Gomorra nacó. 25 Lriwayaketa matsiape njaji yacaalre, pjiomi malritsicoa, njite pjiomi njaji inaiki yacaalre lricoperri pia, pjiomi njaji jaico ninperri pia. 26 Mitsa rsoaji lot iino, ínolri pia jliapoda-mjite, rocaboco rocapa rsoapodamrsewa, niinitsa ropadamawa apana yokirrana. 27 Abraham icafiawa piyompinaco toa njite lriawa lricapá lriema carromi Wa-Minaliri ipeyajle. 28 Njite lricapa Sodoma njite Gomorra ikjaolre, njite pjiomi jliaji jiipai malritsicoa ikjaolre tsakja. Jlimi-kje matsia, lricapa iitacati imotocawa cayoji pamjaita apisho paocanda macaapji camoi ricó. 29 Cayopiatsa Dio iwayaketaca njaji yacaalre malritsicoa lricoperri Lot iofalri pia irricoda. Mitsa Wa-Minalri iwaada Abraham nacó niini lrimotoetaca Lot teeco lrioya jliaji yacaalre lriofalri pia niini lripjeya toa lriwayakeetacana. 30 Mitsa Lot iawa Zoar njiteo lriá carroenakja lriofawa awacada cawajle naapiya njaji yaamama lriitonaipe, ima lrifió pia catsawa lriofaacawa Zoar lricotsa. Niini lriaca lriofawa paapji jalraadalri ricó jiipana nacó, jlia njite njaji lriitonaipe. 31 Rsoaji pjerroti iaco rowedoa irso: ''Pekirri kena jliaji fanirri, njite corrin pacapa pada atsia akjerre cantjaji idakitacaoda waapiya cayoji nanaitja capisho pjiomi njaji inaiki. 32 Warsa wadewaneta jliaji fanirri wadakitá carroatsa lriapiya ridewana caapjite, niniotsa wataita wamaimataca fanirri inakjoite-perri.'' 33 Nini nacadaa njanirri idewanaca jliadaa deepi. Njite rsoaji ipjerroti roa rodakita rsonirri jliadaa; corrin lriaji jliaji ronaitjalri lrirso. 34 Tjewaijlena, rsoaji ipjerroti iaco rowedoa irso: ''Opica deepi noa pia nonaitja nodakisho fanirri iinai. warse tsenakja wacadaa lridewanaca jliadaa deepica jliaji, pjia carroatsa yaa jimao, niniotsa wataita wamaimataca fanirri inakjoite-perri.'' 35 Niini nadewanetaca njanirri jlia deepica, njite rsoaji iwedoati yaa inaitja tsakja rodaki sho rsonirri iinai. Corrin lriaji jliaji ronaitjalri lrirso. 36 Niini njaji yaamama lriitonaipe kewedancana njanirri irsotsa. 37 Rsoaji ipjerroti romotoeta roenipe pada atsiada, rocadaa lripitanao Moab. Icapiena naferrimca njaji moabitanai panaya jliaji. 38 Njite rsoaji iwedoati, romotoeta tsakja pada roenipe atsiada, rocadaa lripitanao Ben-ammi. Icapiena naferrimca njaji amonitanai panaya jliaji.
1 Ahraham iawa njiteo jiipai Neguev lricojle, njite lriofacawa Cades njite Shur ioyawaaca. Pada inocadatsa naikjaolre jliaji ialri iofaa Gerar lrico. 2 Abraham icaite lriino Sara nacó lriwedoa catsano. Niini jliaji talricanaati Gerar lricoda imeenaca njaji lrinaikite naacarro naomano lrirso. 3 Mitsa Dio íno Abimelec ikjaolre jlitapon ricó, njite lriaco lrirso: ''Picapakje, pada atsia mayamdalrim kena pjia, pjita capoa rsoaji iinarro roinirri ioya.'' 4 Mitsa Abimelec corri piatoa lrimaaca roapiya, niini lriaco: ''No-Minalri, ¿coadantja piino pacoa inaiki mikjapantsa? 5 Jliatsa icaite norso lriwedoa canó, njite rsoatsa icaite ropjerricani. Corrin nonaitja jliaji nocaolre maatsídalri iapiya, ima corricatsa coca noajíi.'' 6 Njite Dio icaite lrirso jlitapon ricó: ''Ajádalri, Noanjintsa corrica picaolre maatsídalri yaapiyaca pinaitjani, niini nodaanataca pjia wadee pinaitjaca maatsi Nokjoete. Niini corrin tsakja Nocadaa pinotacano. 7 Panaya pidieta lriino jliaji atsia, ima inoparrotacada-cani. Lritatjaotsa Noinai pinacó, njiteotsa nocadaa caaficatsa pjia. Corri cadaa pidieta lrirsono, pianjintsa mayami caotsa pjia njite pjiomi njaji pinaikite.'' 8 Abimelec icafiawa piyompinacotoa njite lriwana lrikjaolrewa pjiomi njaji lrirsoperri. Lricaite narso pjiomi coajica, niini nafiocawa pekirritsa njaji atsianai. 9 Njite Abimelec iwana lrikjaolrewa Abraham, lriaco lrirso: ''¿Coanshopao jliaji pinaitjalri? ¿Cocao jliaji nomatsicanaa pirso, caicarro pima camatsicanaaca njoa njite njaji nonaikite? Cayoji pinaitja capisho, cotsa matsiaca panaitjaca.'' 10 Lriaco pja Abraham irso: ''¿Coca ikjaote pinaitjaca cayó?'' 11 Abraham shepani: ''Ima nowaopia corriperri catsa ifiowa Dio iiwana njaji inaiki aerriji, niinintja nainoca njoa noino ikjaote. 12 Njite ajádalritsa nowedoacano, njonirri iito apama yaapiya njodoa ioya; njite njotaca noinoano. 13 Dio jita caojli pia njoa njonirri iipana lrikjoite, njite noajicawa pafe lrikjoite pafe nacojle, niini noaco rorso: akjerrecawajle caotsa waocawaji picaiteotsa pipjerrica njoa'' 14 Ikena Abimelec jipa idieta Abraham irso rsoaji lriino Sara, njite jlipa tsakja oveja, buey, njite atsianai, inaitjepe lrirsoperri njite lriacana Abraham irso. 15 Abimelec iaco Abraham irso: ''Picapa coanca njopaite yaacawa. Piomena picapa akjerre catsa pipeyoji piofá-carro niinio.'' 16 Njite Lriaco Sara irso: ''Piají-carrotsa, noenina pipjerri irso mil monedaitape palraata. Noaca pirso njaji, wadeotsa nawaadaca pinaitjaca maatsi njaji inaiki piinaiperri. nají watsa corrica coca pimatsicanaa.'' 17 Ikena Abraham itatjaca Dio iinai, njite Dio imatsietaca Abimelec, lriino, njite pjiomi njaji lrirsoperri narsocarro neenipe. 18 Ima Dio icadaa pia meenipé-carro pjiomi njaji inaitjepe Abimelec iipana lricope, Sara ima.
1 Wa-Minalri iwapaca rsoaji Sara, cayotsa Lricaite capiso ronacó, Wa-Minalri inaitja Sara iapiya cayoji Lricaite capisho rorso. 2 Keenipe Sara Abraham irso pekirro cayaminano, lri-ricodatsa jalredaoca-ca lricaite capisho pia narso. 3 Abraham icada lriipitanao jliaji lrienipe imotolri cayotsa Sara icaite capisho lrirso, Isaac. 4 Abraham iyoa lrirri iatsiaca íyam ocho jalredaoca jiicocamini, cayotsa Dio icaite capisho pia lrirso lrinaitjá-carro. 5 Abraham irso piakena cien oonia jiico caojli lrirri Isaac. 6 Sara icaite cayoji: ''Dio icadaa pia nocaa, pjiomiotsa njaji jimirriotsa nonacó necaa tsakjaotsa noinai.'' 7 Roaco pja: ''¡Cocantja icaite Abraham irso Sara iacaotsa nairrao njaji kirraitalrinai! Mitsa keenipeca njoa lrirso pekirro cayamina njoa. 8 Lritaoñawa jliaji yempeti njite corrinatsa lrirraca jlidoa inia, Niini Abraham inja naapiya njaji inaiki catiima capoani corriketsa Isaac irra lrinia. 9 Sara icaa lriicao jliaji Agar irri rocapa cádanaconi, jliaji Abraham irri Egipto tadoa iapiya. 10 Niini roaco Abraham irso: ''Pimeenaca roawa rsoaji idejiada warso roenipe yaapiya, ima corriotsa jlia carroca yaají nanaco njaji pirsolri lriinai jliaji nirri Isaac.'' 11 Jliaji rotatjalri lriinai cotsa matsiacalrica lrirso lrienipe ikjaote. 12 Mitsa Dio icaite Abraham irso: ''Mjetatsa picaolre lrinaco jliaji yempeti, corrin tsakja roikjaote rsoaji pirsodarro. Pinaitjaotsa rorso pjomi nanaco njaji rotatjalri piinai, ima pirri Isaac inakjoiteca náno njaji pinakjoiteperri nocaiterri pirso.'' 13 Nocadaa tsakjaotsa aimaca njaji pirsodarro yenipe inakjoiteperri, ima pienipe tsakjani.'' 14 Abraham icafiawa piyompinacotoa, jlipa pan, ooni lriarroda lricoda, njite lriacani Agar irso, lricadaa roteda nacóni. Lria rorso jliaji yempeti njite lrimeenaca naawa teecoa. Ikena roacawa jalrapocolri ricó Beerseba lricoda. 15 Lriwayaca cádanaco naoya jliaji ooni nadenda, romaca roenipe apapoco jaico toomopetsa yapjite. 16 Njite roa pjawa lripeyajle, wadeepe ciem metroca lritecoca lrioya, ima roaco cayoji: ''Corrin nooma nocapaca mayamica noenipe.'' Roofa cadanatoa lricoemjete, ikena roiyaca kjaida. 17 Dio jimitsa lrirso jliaji yempeti, njite jliaji Dio iageleni lriwana Agar eenolrikjoite, lriaco rorso: ¿Coancao pjia Agar? Mafiotsawa, ima Diomica lrirso jliaji yemepti pimacalri niini. 18 Pjinicoa, pia piwakje jliaji yempeti pimaiyaketá carroni; ima Nonaitja caotsa lrinakjoite pacoa yacaalre macacoe.'' 19 Njite romjeco nja rotji, niini rocapaca paapji ooni. Njite roaca ropakjanta roonitewa nirse, njiyte roaca roenipe irrao. 20 Dio piatsa lriinai jliaji yempeti, njite lritaoñawa. Lriofa lritaoñawa jalrapocolri rico niini iyawitacaita matsiadalri cani. 21 Lriofa piawa jalrapocolri Parán lricoda, njite jlidoa ioketa lriinoa Egipto lricoda. 22 Niini papia nacojlena caaco Abimelec njite lritsolrodaonai aimadan icapitamani Ficol, Abraham irso, naaco lrirso: ''Piinai catsa Dio pjiomi nanaco njaji pinaitjalri. 23 Niini panaya pinaitja norso pada iacoti ajádalri sho Dio-nacó, njite corriotsa picashataca njoa lrinaco jliaji yaacoti picaiterri norso panaya, corrin tsakja nainai njaji noenipe, corrin tsakja nainai njaji njoapodamperri. Nooma matsiaca pjia norso, lrirso jliaji jipai piofalri niini cayoji matsia capisho njoa piinai.'' 24 Njite Abraham iaco lrirso: ''Ajaca, nocaiteca pjia yaacoti ajádalri sho.'' 25 Mitsa Abraham icaite Abimelec irso paapji ooniapji ikjaote, Abimelec irsoperri jlitalri pia Abraham ioya. 26 Abimelec iaco lriso: ''Corrin noajíi coca-ca inaitja pirso cayó. Corrin tsakja picaite piaca norso lrinaco jliaji picaiterri norso icaamitoa. Cotsa njominca lrinaco, icaamitoa njomicani.'' 27 Abraham jipa oveja njite buey tsakja njite lriacana Abimelec irso, niini njaji yamada atsianai nanaitja pada yaacoti nainaiwaaca. 28 Abraham sheneta naoya njaji oveja papocoperri siete oveja inarrona. 29 Abimelec iaco Abraham irso: ''¿Coanshopao jliaji pjienitaca sietena cordero inarrona naoya njaji nakitsiñape?'' 30 Abraham iaco lrirso: ''Njaji sietena cordero inarrona pjipaotsa nopjeyana, nocaite shopa njaaca yaají, njoaca jica jliaji ooniapji cajliaji.'' 31 Lricadaa lriipitana niini Beerseba, nanaitja capoa yaacoti ajádalri sho njaji yamadade. 32 Nanaitja jliaji yaacoti Beerseba lrico, njite Abimelec lriapiya jliaji lritsolrodaonai aimadan icapitamani Ficol nadiawa filissteonai jipaite ricojle. 33 Abraham yaapana apana jaico tamarisco Beerseba lrico. Lria matsiadalri Dio mawayacacadalri irso niini. 34 Abraham iofawa njepaite ricó nja paana inaiki aima jalredaoca.
1 Njite njapodamina njaji Dio iwica Abraham. Dio iaco Abraham irso: ''¡Abraham! Abraham shepani: ''Alri njoaji.'' 2 Ikena Dio icaiteca lrirso: ''Pjipa pidee jliaji pienipe apadanalritsa, jliaji pirri Isaac pipeyonda, njite piawa jiipai Moriah lricojle. Piinoatsa nirseni pada ofrenda sho nanaco njaji jiipana ninperri, nocaiterriotsa pirso.'' 3 Niini piyompinacotoa Abraham imotoa, lripápi lriofá carrona borro naco, lridee pja yamada lrirsoperri njite lrirri isaac. Lriyaca tiyeena lrimjaitá-carro ofrenda, ikeena lriacawa Dio icaiterri lrirso akjerrecaji. 4 Njite madalridaa nacoena, Abraham jirreta icapa apafe teecoalri. 5 Abraham iaco narso njaji lrirsoperri yempetipe toa: ''Atoa iwapa faji borro icodapi, njoa njite jliaji yempeti waa-catoa. Waa catoatsa waa matsiadalri njiite wataita kenaotsa wadiawatsa ikjaolre.'' 6 Ikena Abraham jipaca njaji tiyeena namjaitashopa ofrenda njite lricadaana lrirri Isaac nacó lridee-carrona. Abraham jipa idee lricaapi rico tiyeeda njite malriye tsakja; ikena naacawa yamadape. 7 Isaac iaco jlinirri Abraham irso: ''Pai, njite jliepani: ''Alri njoaji nirri.'' njite Isaac iaco jlinirri Abraham irso: ''Picapa, anainaji tiyeeda njite tiyeena tsakja, ¿mitsa akjerreo jliaji cordero wamjaitaoda ofrenda sho?'' 8 Abraham sheepani: ''Nirri, Dio tsaotsa icadaa waoketaca jliaji cordero wamjaitaoda ofrenda sho.''Ikena naa pjaacawa yamadape.'' 9 Naoca cádanacoena Dio icaiterri Abraham irso, ikena jlirretaca apana altar niini, njite lricadaa nja tiyeena altar nacó. Ikena lripapica lrirri Isaac, njite lriorsoetani altar nacó, tiyeena nacó. 10 Abraham ipiajleta lricaapi njite jlirreta jliaji malriye lriinó-carro lrienipe isaac. 11 Jliada nacó wa-Minalri iageleni iwanacani eenolrikjoite, lriaco lrirso: ''¡Abraham, Abraham! njite Abraham sheepani: ''Alri njoaji.'' 12 Lriaco lrirso: ''Macadatsa picaapi pienipe nacó, manaitjatsa maatsi lrirso, ima panaya dekja noajíi pjiepaca ajádalri Dio, nocapa cádanaco corrica piifarro Lrioya pienipe apadanalritsa pirsoca.'' 13 Abraham jirreta icapa, njite lricapa apana carnero ipaacadawa lritsowa nakjoite jaicoki nacó jliapodjete. Abraham yaa jipani njite lrimjaitani ofrenda sho lrirri iarrontacao. 14 Njite Abraham icadaaca lriipitanao niini, ''WAMINALRI watsa yaa warso.'' Icatsa lriipitanaca atee panashete, ''Wa-Minalri iawacadate nacoatsa, waoketa.'' 15 Wa-Minalri iageleni iwana tsenakja Abraham yamapia shopena eenolrikjoite, 16 Lriaco lrirso: ''Cayo lricaiteca pirso jliaji Wa-Minalri: ''Nocaite yaacoti ajádalri sho norsowaacatsa, pinaitja capoa cayoji notatjá capisho piinai, njite corrin piifarroca nooya pienipe apadanalritsa, 17 Ajádalri nonaitja caotsa pirso matsia, Nocadaotsa pimaimataaca carroatsa pekiritsa, njite njaji pinakjoite-perri cayoatsana nacayosho njaji jiwirsida eenocoma nacoperri, njite caida manóa inomapí ricope sho, njite njaji pinakjoite-perri njaa watsa yaají nanaco njaji nacoema. 18 Nanakjoite njaji pinakjoite-perri matsia caotsa pjiomi njaji inaiki jalredaoca lricoperri, pjiepa capoa jliaji nocaiterri pirso.'' 19 Njite Abraham idiawa naikjaolre njaji lrirsoperri yempetipe toa, njite nadiacawa pacoacatsa Beerseba lricojle, njite lriofaacawa Beerseba lrico. 20 Jliapodamjitena njaji jiyapalrio, nacaite Abraham irso, Milca irsoca yeenipe lripjerri Nacor irso. 21 Icapiena njaji, ''Uz, icatsa pjerritica, Buz, iwerriti, njite Quenuel, Aram jinirrina, 22 njite Quesed, Hazo, Pildas, Jidlaf njite Betuel." 23 Betuel, icatsa Raquel jinirrica. Icapiatsa njaji ochodee Milca yenipeca Nacor irso, Abraham ipjerri. 24 Njite apama lrinarrote, roipitana Reúma, rorso tsakja roenipe Nacor irso, Teba, Gaham, Tahas njite Maaca.
1 Sara yofa pia ciento ventisiete walria jalredaoca lrico. icapiatsa lriwiaca caaficano. 2 Mayami Sara Quiriat Arba lrico, Hebrón lricoda, Canaán jipaite rico. Iinona Abraham njite lriiya Sara nacó. 3 Njite Abraham jinico rooya rsoaji lriino mayandarrom, lriá-carro caaco naapiya njaji Het yeenipenai, lriaco narso: 4 ''Inaikitsa njoa ioya inolri yofawa ipecolrico. Inaitja matsiacalri norso, icadaa norso pada jiipai noyadawa notaitá-carro nodawaca rsoaji noino mayamirri nooya.'' 5 Njite njepani njaji Het yeenipe Abraham irso: 6 ''Pjimi warso, pjia waminalri. Pada caconaadalrica pjia Dio irso wapecolrico. Pidawa rsoaji piino mayandarrom akjerrecawa catsa matsiapja picapaca wa-irrirriapjirre ricó. Corriotsa pada wanakjoite itaita iifarroca pioya irrirri, pitaitá-carro pidawaca rsoaji piino mayandarrom. 7 Abraham jinico yemawa njite lricoajawa naikjaolre njaji jiipai iminanai, njaji Het yeenipe. 8 Abraham iaco narso: ''Yomacadatsa nodawaca rsoaji piino mayandarrom, jimi norso, caaco shaa noikjaote Efrón yaapiya, Zohar irri. 9 Inaa lriwendeca norso jliaji jalradalri Macpela lricoda, ima lriyadacani, njite acaniji jlipaite iwayacacawa nacojle. Ineena lritatjaca noinai cosho catsa lricoada, icadaotsa lriwendeca norso aimawerrico noyada carroni nodawacawa lricoatsa njaji mayanperrimi.'' 10 Efrón yofaa cadana napecolrico njaji Het yeenipe, niini jliaji Efrón, hitita tairri iaco Abraham irso njemiwerrico pjiomi njaji Hete yeenipe, njite pjiomi njaji inolri yemawa yacaalre inomafe ricó: 11 ''Corrina nominalri, pjimi norso. Noawatsa pirso jliaji jiipai, njite jliaji jalradalri irrirri icodapidalri. Noaca pirsoni nacapa-werricotsa pjiomi njaji noofacawenai lri-ricoda jliaji yacaalre. Noá pirsoni pidawá-carro rsoaji piino mayandarrom.'' 12 Abraham jinico yemawa njite lricoajawa naikjaolre njaji jiipai iminanai. 13 Njite lriaco Efrón irso njemi-werrico pjiomi: Mitsa pjimica norso, pioma cadaa piwendecani, piwendena norso. Nocaoñaotsa pjia cosho catsa lricoada. Pjipena nopalraatani nopjeya, nodawa carroena rsoaji piino mayandarrom.'' 14 Njite Efrón iaco Abtaham irso cayoji: 15 ''Pawajle jiipai coateociento dalri palraata icoada, cotsa coca-ca warso. Pidawena rsoaji piino mayandarrom.'' 16 Abraham sheepatsa Efrón niii lriniweetaca lrirso lricoada jliaji lritatjalri lriinai njemí-werrico njaji Het yeenipe. Lria lrirso coatrociento monedaitape palraata, cayotsa nacadaa capisho palraata icoada njaji iwende caperri. 17 Niini jliaji jiipai Efrón iyaada pia, Macpela lricoda, tsoomirri Mamre ioya, icatsa jlipaitenaca, irrirri lri-ricoda-dalri, pjiomi njaji jaicolrima lriricoda-dalri, pjiomi njaji jiipai yoocacawa lrico, 18 Abraham iyaadacani, lriwentanda nacapawerrico njaji Het yeenipe, napeyajle pjiomi njaji inolri yacaalre inomafe lricojle. 19 Njitedalri dekjena, Abraham idawa lriinomi Sara jalraadalri ricó Macpela lricó, tsoomirri Mamre ioya, Hebrón lrico, Canaán jipaite ricó. 20 Niini jliaji jiipai njite jliaji jlrapeco Abraham iyadenakja, pada nadawacawa lrico mayanperrim lriwentanda naoya njaji Het yeenipe.
1 Pekirrinatsa Abraham, njite wa-Minalri inaitja aima matsiaperri Abraham irso pjiomi nacó. 2 Abraham iaco lrirso jliaji lrirsodalri, jliaji wiadalrina idenjica lriinai, jliaji yajiacada nanaco pjiomi njaji lrirsompe: ''Pjieta picaapi nonaapa pocoda yapjite. 3 Nooma picaiteca norso yaacoti ajádalri sho Wa-Minalri Dio ipeyajle, corricaotsa pjitá carroca nirrinowa nanakjoite njaji cananeonai, njaji noofanipe ipecolrico. 4 Piawatsa naikjaolre noyacalre lricojle, nokitsiñape ikjaolre, pidee carroatsa nirri Isaac iinowa njite.'' 5 Njite Abraham irsodalri iaco lrirso: ''¿Coajiotsa nonaitjaca corricadaa rooma ronoca noinai rsoaji iinarro lrinacojle jliaji jiipaica jliaji? ¿Capja nodee caotsa pirri Isaac lri-ricoda jliaji jiipai pinolri njite? 6 Abraham iaco lrirso: ''Picapaja matsia wadee pimaca lridiáca tsenakja nirse jliaji nirri. 7 Jliaji Wa-Minalri Dio eenolricojle-dalri, jliaji jitalri njoa njonirri iipana lrikjoite njite nokitsiñape jipaite rikjoite, jliaji icaitecada norso yaacoti ajádalri sho pekirrí-dalri cayoji: Pinakjoite- perri irsoatsa nocadaa jliaji jiipai, Jliawatsa imeenaca Lri angeleni lria-carro pipjeya, niniotsa pideeca apama inarro nirrinowa njite. 8 Mitsa corri cadaa rooma ronoca piinai rsoaji inarro, niniotsa corrinatsa pinaitjá carroca jliaji picaiterri norso yaacoti ajádalri sho pinaitjacaotsa. Icaamitsa corrin nooma pideeca noenipe nirse.'' 9 Niini jliaji lrirsodalri sheetaca lricaapi lrinapa pocoda yaapjite njite lricaite lrirso yaacoti ajádalri sho lrinaco jliaji lrinaalri lrinaitjaca. 10 Jliaji lrirsodalri jlipa diena camello, jlipa tsakja aima regalo lridewape lriinaiwa. Ikena lriacawa Aram Naharaim jipaite nacojle, Nacor iyacalre lricojle. 11 Lricadaa naorsoacawa njaji camello padanajle yacaalre ioya, ooniapji ikjaote. Ima dainomajlekena nanocawena njeta ooni njaji inaitjepe. 12 Njite lriaco: ''Pjia no-Minalri, notalricanaa Abraham iDiote, picadaa matsiaca lrimotoca norso panaya lrinaco jliaji nocaiterri nominalri Abraham irso nonaitjacaotsa. 13 Picapa noamacawa lri-ricoda jliaji ooniapji, njite naitonaipe njaji atsianai aperriji yofawaji, nánoca njeta ooni. 14 Picadaotsa nonaitjaca cayoji noají-carro. Nocaite cadaa aapama yempeti irso cayoji: ''Pinaitja matsiacalri pia noirrao lrinakjoite jliaji ooni pideeri pipalangana lrico, njiteotsa rsoepa njoa: ''pirrena, njite njoawatsa yaa nairrao njaji picameellon,'' icatsaotsa picadaa shopa noaji rsoaca rsoaji picadanda pirsodalri Isaac iinowa. Niniotsa noajíi Pjiaca ikitsindata njoa matsiacarro lrimotoca norso cayoji nocaiyte capisho nominalri Abraham irso.'' 15 Njite lripjeya toa yaamica caacocani, Rebeca jinicoa ropolricoita roonite palangana lrico ooniapji rikjoite. Rsoaji Rebeca Betuel iitocano, Milca irri, Nacor iinom, Abraham ipjerri. 16 Apama inarro yempetitoa njite matsiaparro, corridarro toa jiyapa pada atsia yaapiya. Roorrocoa ooniapji ricojle, ropakjanta ropalangana, njite rsonico njiteo. 17 Niini jliaji Abraham irsodalri lrikjeyapita lriá-carro rokjoete, lriaco rorso: ''Pinaitja matsiacalri, pia noirrawa jatjamitsa pionite nakjoite.'' 18 Njite roaco, ''Pirra, nominalri.'' njite rokjeyapita rorrocoetaca ropalangana roá-carro lriirrao. 19 Njite rotaita cayami roaca lrirrawa, roaco lrirso. ''Noá pjatoa nota ooni noá-carro tsakja nairrao njaji picamelloni, kjerrekenaotsa yaami nairraca.'' 20 Niini rikjeyapita roarro ooni palangana lrikjoite nairra carroda lrico, njite roapja rsota ooni njetacawa lrikjoite. Cayotsa rsotaca ooni nairrá-carro njaji camello. 21 Njite jliaji atsia maacotsa lricapacano lricapá-carro rsoacada rsoaji wa-Minalri icadaalrina matsiá-carro jliaji lrialri ikjaote. 22 Njite nairra catoa ooni njaji lricamelloperre, jliaji atsia jlita pada caapirroti njetaco nacope owirrope, irsocada sei gramo jlimiñaca, jlita tsakja lrinaapapi jliwacatsa owirro irsocada ciento die gramo jlimiñaca, 23 njite lritatja lrimiono: ''¿Cocao iito pjia? pinaitja matsiacalri picaite njomi, ¿Capja lricoa noá-carro nomaa pjinirri iipana lrico jlia deepica jliaji?'' 24 Njite roaco lrirso: Betuel iito njoa, Milca irri, Nacor irso.'' 25 Roaco pja lrirso: Ajatsa, warsoentsa aima naijaope njaji camello, lrikjoen tsakja pimá-carro wainai waapana lrico.'' 26 Niini lricoajawa lriá-carro matsiadalri Dio irso. 27 Lriaco: ''Matsiadalrica jliaji wa-Minalri, nominalri Abraham iDiote, ima corrica lrimaca Lriacoami lricaitecawa corricatsa lrimacá jliaji nominalri. Njite Lrikitsindata njoa nooacarro mayan naikjaolre njaji nominalri ikitsiñape.'' 28 Njite rsoaji yempeti rsoeco rocaite narso njaji rsodoa ikitsiñape lrinaco jliaji rocapalri. 29 Rebeca irso pia pada ropjerri, lriipitana Labán. Labán shecoa lrikjaolre jliaji atsia, yacaalre pemajle inipolrico, ooniapji icodapi. 30 Ima lricapa cádanaco jliaji caapirroti njite njaji nanaapapi lriwedoa jipajica, njite lrimi cádanaco coanca lriwedoa Rebeca icaiteca cayoji: ''icatsa njaji lricaiterrica norso jliaji atsia,'' lriawa lrikjaolre jliaji atsia njite lricapa lriemacawa camello icodapi, iooniapji icodapitsa. 31 Njite Labán iaco lrirso: ''Pjiewenawa, pjia matsiadalri Dio inaitjaca irso. ¿Coada piemawa padanajletsa? Nomatsietjenina jliaji panti pimaa carrodawa, njite nayarrowajleo tsakja njaji camello.'' 32 Ikeena jliewawa panti ricojle jliaji atsia, lriorrocoeta njaji camello ideecalre. Naa tsakja malritsi camello injao, naa tsakja ooni lricotso shopa jliipa njite njajipa njaji lriinaiperri. 33 Nacada lrinjao naijacarroita nacó mitsa lriaco narso: ''Corritsa nojácarroca akjerreca nocaite jimi jliaji norsolritsa nocaiteca jlimio.'' Niini Labán iaco lrirso: ''Picaitena.'' 34 Niini lriaco: ''Abraham irsodalrica njoa.'' 35 Jliaji Dio aima lrinaitjaca matsia nominalri irso niini canaanídalrica panayani. Dio icadaa lrirso aima maaficalri lriipirrao, palraata, owirro, lrirsoperri atsianai njite inaitjepe tsakja, camello njite aima borro tsakja. 36 Njite Sara, nominalri iino, keenipeca lrirso pada atsia pekirro cayaminano, njite nominalri icadaa lrienipe irso pjiomi njaji lriyarro. 37 Njite lrinaa nocaiteca lrirrso yaacoti ajádalri sho Wa-Minalri Dio ipeyajle lricaitecawa norso: corricaotsa pjitá carroca nirrinowa nanakjoite njaji cananeonai, njaji noofanipe ipecolrico. 38 Piawatsa naikjaolre noyacalre lricojle, nokitsiñape ikjaolre, pidee carroatsa nirri Isaac iinowa njite.'' 39 Noaco nominalri irso: Coajiotsa corricadaa rooma ronoca noinai rsoaji inarro. 40 Njite lriaco norso: ''Jliaji no-Minalri, Jliaji nonaitjalri irso cayoji lrioma capisho, Jliawatsa imeenaca Lriegeleni lrikitsindatá carroatsa pjia, pitaitá carroatsa pioketaca nirrinowa nanakjoitetsa njaji nokitsiñape, njonirri inakjoite perritsa. 41 Mitsa piacadawa naikjaolre njaji nokitsiñape njite corrin nacadaa pirso nafiepena nirrinowa. Niniotsa matsiaca pjia lrioya jlliaji yaacoti picaiterri norso yaacoti ajádalri sho pinaitjacaotsa.'' 42 Niini noocacawa opica ooniapji icodapi, njite noaco: ''Pjia noMinalri, notalricanaa Abraham iDiote, picadaa matsiaca lrimotoca norso jliaji nonolri ikjaote, 43 picapa noamacawa lri-ricoda jliaji ooniapji, picadaa romoto cádanacoa rsoaji yempetitoa, rsoaji inarro nocaiterriotsa irso cayoji: ''Pinaitja matsiacalri pia noirrao lrinakjoite jliaji ooni pideeri pipalangana lrico, 44 njiteotsa rsoepa njoa: ''pirrena, njite njoawatsa yaa nairrao njaji picameellon,'' icatsaotsa no-Minalri, Piniwanandaca nominalri irrinowa.'' 45 Njite lripjeya toa yaamica caaco njoa nocaolre ricó, icapa, Rebeca yorrocowa ropalangana yaapiya ooniapji ricó rsotá-carro ooni, niini noaco rrorso: Pinaitja matsiacalri, pia noirrao ooni.'' 46 Njite kjeyacalri rorrocoeta roonite ropolricoitanda, njite roaco norso: ''''Pirrena, njite noá tsakjaotsa nairrao njaji camello tsakja.'' 47 Notatja njomiono coca rsonirri, niini roaco norso Betuel-ca rsonirri, Nacor irri Milca yaapiya. Ikena norroetaca caapirroti rsotaco naco njite njaji ronaapapi. 48 Ikena noaca matsiadalri no-Minalri irso, lriDiote jliaji nominalri Abraham, lridee capoa njoa matsia nokeetá-carro nominalri ikitsinda iito lrirrinowa. 49 Niini panaya icaite njomi, itaita cadaa icañata nominalri icapa ipeyo catsani ajádalrisho ikitsinda sho o corrin. Mitsa noma noajica coajicca, notaitá carro nocapa akjerrecaotsa noawaji, noyekemajle o nopatolriemajle. 50 Njite Labán, Betuel tsakja naaco lrirso: ''Dio inakjoitedalrica lrino jliaji picaiterri; Corrin wataita wacaiteca ajaca o corrica. 51 Picapa, arrotsa rsoaji Rebeca. Pjipa pideeno piminalri irrinowa, cayoji Dio icaite capisho. 52 Abraham irsodalri jimi cádanaco cayoca lriaco, icaamitsa lriaca matsiadalri Dio irso. 53 Njite jlita njaji inaanitidape palraatape, owirrope, njite tsaaya tsakja lriá-carro Rebeca irso. Lria tsakja inaaniti macoadatsa ropjerri irso njite rsodoa irso tsakja. 54 Njite dekjena lrinja, lrirra tsakja, njite njaji lriinaiperri tsakja. Nemaatoa niini, njite tjewaijlena piyompinaco toa nacafiawa, njite lriaco: ''Picadena nodiawa nominalri iderse.'' 55 Mitsa Rebeca ipjerri njite rsodoa, naaco lrirso: ''Picadatoa roofaa wainai die jalredaoca toa. Njite dekjena rotaitena roacawa piinai.'' 56 Mitsa lriaco natrso: ''Macadatsa nofaa pjacatoa anjí, ima noMinalri icadaa lrimotoca norso mtsia jliaji nonolri ikjaote. Icadena nodiá carrowa nominalri iderse.'' 57 Njite naaco: ''Warsa wawana rsoaji yempeti, rsoawatsa icaite coajica.'' 58 Nawana Rebeca njite naaco rorso: ''¿Capja piacaotsa lriapiya jliaji atsia? Roaco narso: ''Aja, noaca lriinai.'' 59 Ikena nameena rsoaji lriweedoa Rebeca, njiyte rsoaji rorsodarro, naacarro lrinai jliaji Abraham irsodalri njite njaji lriinaiperri. 60 Nacadaa rorso yaacoti matsiaperri, naaco cayoji: ''Pjia waweedoa, njadoa caotsa pjia njaji aimadan inaikinai, njite njaji pinakjoite perri nainocaotsa pjiomi njaji maatsiperri icapaca irso. 61 Njite Rebeca iawa, njite rsoaji rorsodarro njerra naofawa camello nacó, njite naawa lriinai jliaji atsia. Njite jliaji Abraham irsodalri jipa idee Rebeca lriapowa lricojle. 62 Isaac iofáa cadanawa Neguev lricó, njite icami piatoa lridiaca lriocawa Beer Lajai Roi lrickjoite. 63 Isaac imoto lriemajiwa dainoma nacojle. Njite jlirreta lricapa aima camello ínoca. 64 Rebeca icapani, rocapa cádanacotsa Isaac, rsonico rowatsiawa camello nakjoite. 65 Roaco Abraham irsodalri irso: ''¿Kjaiterri jliaji atsia yemajerriwa inolri wakjoete?'' Njite lriaco lrirso: ''Icatsa nominalrica.'' Niini rsopa yamacati roitaaca shopawa. 66 Ikena jliaji narsodalri icaite Isaac jimi pjiomi coanca lrinaitjaca. 67 Ikena Isaac ideeca rsoaji Rebeca jlidoa Sara iipanaita lricojle. Cayotsa jlitaca lrinoa rsoaji Rebeca, lripeyo pekirritsa rsoaji Rebeca. Cayotsa Isaac jliyapetaca inonaacalri jlidoamcoidoa nacó.
1 Abraham jita apamenakja lrinowa; roipitana Cetura. 2 Njite jiico rorso njaji roenipe, Zimram, Jocsán, Medán, Madián, Isbac njite Súa. 3 Jocsaán yeenipeca Seba njite Dedán. Njite njaji Dudán inakjoite-perri icatsa njaji inaiki aimadan Asur perri, Letús njite Leum perri. 4 Njaji Madian yeenipe: Efa, Efer, Hanoc, Abida njite Elda. Icapiatsa pjiomica njaji Cetura inakjoite-perri. 5 Abraham icadaa pia lrirri Isaac irso pjiomi njaji lrirsopmpe pia. 6 Mitsa lria pia tsakja narso njaji lrienipe apaana nainaiperri njaji inaitjepe lrirsoperri, njite lrimeenaca naawa jeerri imotokemajle, teeco lrirri isaac ioya. 7 Cayopia Abraham iwiaca yofacawa jalredaoca lrico: ciento setenta cinco walria. 8 Mayami Abraham. Lriofa cayamiwa wiá jalredaoca lrico njite pékirritsani, lriá carroenawa naikjaolre njaji lrikitsiñape mayamirri lripjeya. 9 Isaac njite Imael, njaji yaame lrienipe, icatsa njaji idawalrini jalraapeco lrico Macpela ricó,Efrón jipaite ricó, Zohar irri jliaji hitita tairri, jliaji tsomirri Mamre ioya. 10 Jliaji jiipai Abraham iwenta piani naoya njaji Het ienipenai. Icatsa nadawaca Abraham niini, lriino Sara icodapitsa. 11 Mayami cayami Abraham, Dio inaitja matsia lrirri Isaac irso. Isaac iofá piawa tsoomi Beer Lajai Roi ioya. 12 Icatsa njaji Imael inakjoiteperrica, jliaji Abraham irri, agar iapiaya rsoaji Egipto tadoa, Sara irsodarro, Abraham iino. 13 Icatsa neepitanaca njaji Imael yeenipe, coan piacatsa jiicocana: Nebaiot, el primogénito de Ismael, Cedar, Adbeel, Mibsam, 14 Misma, Duma, Massa, 15 Hadar, Tema, Jetur, Nafis njite Cedema. 16 Icatsa neepitanaca njaji Imael yeenipe, njepaite lrico, naapana lrico; doce poco namaimaca njaji caaconaperri nakitsiñape irso. 17 Cayo pia lriwiaca Imael yofa piaca jalredaoca lrico: Ciento trenta siete walria. Mayami Imael, lria carroenakja naikjaolre njaji lrikitsiñape mayamirri lripjeya. 18 Icatsa njepaiteca naofalri irricoda, Havila njite Shur nacojle, tsoomi Egipto ioya, inipo lrico yacadawa Asiria ikjaolre. Corripiatsa matsiaca naofacawa, ima nainoacaji manacawa nakjoetewaaca. 19 Njite, icatsa njaji Isaac, Abraham irri inacoapanaperrica. Abraham yenipeca Isaac. 20 Isaac irsopiakena corenta walria lripekirrica nacó jlita caojli pia lriinoa Rebeca, Betuel iito, arameo tairri yofacada Padán Aram lrico, njite Labán iwedoa jliaji arameo tairri. 21 Isaac itatja Dio iinai lriino nacó, ima corrica rotaita keenipecano njite Dio sheepa jliaji lritatjalri Lriinai, Rebeca nacó, ikena keenipeca rsoaji lriino. 22 Njaji roenipe rowedan lricope toa, nainoacamanawa, niini roaco: ''¿Coada ayo njoaji?'' Njite roa rotatja Dio iinai coadaca cayono. 23 Njite Dio icaite rorso cayoji: Niinica yamacoa jiipai piwawa lrico, yamacoa inaiki jipaite shenacawa piwawa lrikjoite toa. Kjaida pjaacatoa jliaji pacoa apacoa ioya, njite jliaji ipjerriti, iwerriti irsodalri kenakjaotsani.'' 24 Caiwi cádanacoenano, nacapa niinica yamada njaji roenipe rowawa lrico. 25 Jliaji imotolri iinita, lkeeyoni njite iiraini pjiomi, irraidalri capisho lritsayani. Nacadaa lriipitanao Esaú. 26 Jliapodamtsa, lriwerri imotowa, njite jlipaca lriperri Esaú itawirseda nacó. Nacadaa lriipitanao Jacob. Isaac irsopiakena sesenta walria lripekirrica nacó keenipe caojlina rsoaji lriino. 27 Nataoñawa njaji yempetipe. Jliaji Esaú lriají lriyawitaca, yajicadawa awacada lrico; mitsa lriwerri Jacob pada atsia maconi tsa, panti lricodatsa yofawa. 28 Niini Isaac ipeyo pjaaca Esaú ima lrinjaca lriinai lriwini, mitsa Rebeca ipeyo pjaaca Jacob. 29 Jacob iyana matsia lrinjao. Esaú yoca-cadanawa awacaada lrikjoite, mjaidenatsa maawitacai sho. 30 Niini Esaú iaco Jacob irso: ''Pinaitja matsiacalri pia noijao jliaji piyanan irraidalri, ¡maapji ketsa njoa! Lrikjaote naajicani Edom. 31 Jacob iaco lrirso: ''Pivendee peda norso ipjerritiapani.'' 32 Esaú iaco lrirso. Corrinatsa notaitaca jliaji, mayamiketsa njoa. Mikjapantsa norso pjerritica njoa, picapa coajica mayamica njoa maawitacai sho.'' 33 Jacob iaco tsenakja: ''Picaite peda norso yaacoti ajádalri sho.'' Niini Esaú icaite lrirso yaacoti ajádalri sho, cayotsa Esaú iwendee pjerritiapani Jacob irso. 34 Jacob yaa Esaú injao pan njite lriyanan joiwí dalri comaanape. Esaú injá, lriirra tsakja, njite jlinico lriá-carro pjawa lripjeyajle. Esaú ipeeco lrioyawa jliaji ipjerritiapani.
1 Njite, maawitacaica njepaite ricó, lrioya tsakja jliaji initalri pia Abraham shawajli. Isaac iawa Abimelec ikjaolre, natalricanaa njaji filisteonai Gerar lricó. 2 jite WaMinalri icañjatacawa lrirso njite lriaco lrirso: ''Maatsawa Egipto lricojle; awatsa piawaji Nocaiterriotsa pirso kjerrecaotsa pia piofawaji. 3 Icatoatsa piofacawaji lriricoda jiipaica jliaji njite Njoá tsaotsa piinai njite nonaitjacaotsa pirso matsia anjí; ima noacaotsa pirso jliaji jiipai njite narso njaji pjiapodamperrimi, Nonaitjacaotsa cayoji nocaite capisho pia yaacoti ajádalri sho pjinirri Abrham irso. 4 Nocadaotsa aimaca njaji pidakenai cayoji jiwirsida eenocoma yecoa nacoperri, njite noacaotsa pidakenai irso jliaji jiipai. Naikjaote njaji pinakjoite perri matsia caotsa pjiomi njaji inaiki jalredaoca lricoperri. 5 Cayoatsa Nonaitjaca ima Abraham shepa noaco matsia njite lrinaitja pjiomi njaji nonaalri lrinaitjaca, njaji yaacoti Nocadaalri lrirso, njaji yacoti coancarro paofacawa matsia njite njaji yaacoti yajicape kjaidaperri.'' 6 Niini Isaac iofacawa Gerar lricó. 7 Njite njaji atsianai ninperri natatja cádanaconi lriino nacó, lricaite narso lriwedoa-cano; ima lrifioca lricaiteca narso lriino-cano, ima lriwaopia wadee cantja nainocani roikjaote ima matsiadarroca icapacana rsoaji Rebeca. 8 Njite wiá cayamina Isaac iofacawa niini, jliaji Abimelec, natalricanaa njaji filisteonai lricoajita lricapa ventana lrico. Lricapa Isaac itiimatetaca rsoaji lriino Rebeca. 9 Nini Abimelec iwanaca jlikjaolrewa Isaac, lriaco lrirso: ''Ajádalri piinoca rsoarra, cotsa piwedoa-cano. ¿Coada picaite warso piwedoa catsano? Njite Isaac shepani, lriaco: ''Ima nowaadaca wadecatsa pada ínoca njoa roikjaote jlitá-carro noyano.'' 10 Abimelec iaco lrirso: ''¿Coada pinaitja warso cayo? Pada nanakjoite njaji atsianai aperriji mjerrapitinatsantja lriaca lrimaa roapiya rsoaji piino, njitenantja pima maatsídalri jiwaca wanacó lrikjaote.'' 11 Niini Abimelec iaco narso pjiomi njaji lrinaikite cayoji: ''Coca cadaotsa inota jliaji atsia o rsoaji lriino, mayamicaotsani.'' 12 Isaac iapana lri-ricoda jiipai-ca njite lriniwaca lripania iinaca macaapji capisho lripaniapji jliwalria, ima Wa-Minalri inaitja matsia lrirso. 13 Njite canaanidalrica Isaac. Caiminitsa lritaoñaca lrinaani nacó niini lrirsoca lrinaani pekirridalri. 14 Lrirsopia aima oveja, vaaca, aima idejicape lrirso. Njite maatsi nacapaca lrirso njaji fiflisteonai. 15 Njaji ooni njecaniapji ricope, njecalri pia njaji jlinirri Abraham irsoperri lriofa caojli pia niini, njaji filisteonai naitacani jiipai shona. 16 Abimelec iaco Isaac: ''Warsenaotsa piawa teeco waoya, ima canaanidalri pjaaca pjia waoya.'' 17 Isaac iawa njiteo lriá-carroenakja lriofawa Pacoacaitacawa lrico jiipai Gerar lrico. 18 Isaac ipieta tsenakja jicaca njaji oniapji, jlinirri Abraham inaitjanda pia oopi. Njaji filisteonai naita piacana mayami cayami pia Abraham. Isaac icadaa neepitanao njatsa njaji jlinirri icadaji piatsa narso. 19 Njaji Isaac irsoperri njeca pacoacaitacawa lrico jiipai paapji oniapji, naoketa niini aima cawa ooni imotocawa. 20 Njaji iwapacape pirraiti Gerar lricoperri nacoitacawa naapiya njaji Isaac iyape, nacaite narso nayadaca jliaji ooni. Isaac icadaa njecaniapji niini Esek, nainoaca capoa lrikjaote lriapiya niini. 21 Njite napieta tsenakja njecaca paapji, caitsenakja nacoitacacawa lrikjaote, njite nacadaaca lriipitanao Sitna. 22 JLia njitewa njecá-carro papjio, njite corrinatsa nacoitacawa lrikjaote, niini lricadaaca lriipitanao Rehobot, caishopa lriipita, maminalri cawa, njite lriaco: ''WaMinalri icadaaca wayadawa, icatsaotsa matsiaca faa anjí lri-ricoda jiipaica jliaji.'' 23 Njite Isaac iawa njiteo Beerseba lricojle. 24 Jliadatsa deepica Dio icañjatacawa lrirso, njite lriaco lrirso: Icatsa pjinirri Abraham iDioteca njoa. Mafiotsawa, ima Njoacatsa piinai njite matsia caotsa nonaitjaca pirso, Nocadaotsa aimaca njaji pidakenai lrikjaote jliaji norsodalri abraham.'' 25 Isaac inaitja apana altar niini, njite icatsa lriaca matsiadalri Dio irso niini. Lrinaitja lripanaita niini njite njaji lrirsoperri njecaca paapji ooniapji. 26 Abimelec iawa Gerar lrikjoite lriapiya jliaji lrikitsindaji Ahuzat njite jliaji lritsolrodaonai icapitama Ficol Isaac ikjaolre. 27 Isaac iaco narso: ''¿Co ada íno noderse maatsi cadana icapaca norso njite shaatsa imenaca noá-carro teeco ioya?'' 28 Njite naaco lrirso: ''Ima wacapaca matsia Dio catsa piinai. Niini wacaite warsocatsa wanaitjaca pada yaacoti ajádalri sho wapiyawaca. Niini warsa wanaitja pada yaacoti warsowaaca panaya. 29 Corriotsa pinaitjá carroca maatsi warso, corrin tsakjaotsa waitjá carroca maatsi pirso, njite matsia calri ricotsa wameenaca pjia piá-carro teecoa matsiatsa. Ajádalri, Dio inaitjandaca irso matsia pjia.'' 30 Isaac inaitja aima injaodati naiñjá-carro, niini naiñja, nairra tsakja. 31 Nacafiawa piyompinacotoa njite nanaitja pada yaacoti ajádalri sho naapiyawaca. Isaac imeenaca nadiawa, njite corrin coca nanaitja Isaac irso. 32 Jliadatsa jeecoapi njaji Isaac irsoperri naocawa lriderse njite naaco lrirso naoketakena ooni njecaniapji ricó. 33 Isaac icada lriipitanawa jliaji njecaniapji Seba, caishopaca lriipitana, yaacoti ajádalri; njite Beerseba lriipitana jliaji yacaalre atee panashete. 34 Esaú irsopiakena coarenta walria lripekirrica nacó jlita lriinoa apama, Judit darro iipitana, Beeri iito, hitita tairri, apama pja, Basemat darro iipitana, Elón iito, hitita tairri. 35 Njaji inaitjepe nadee aima inonacalri Isaac njite Rebeca irso.
1 Pekirri kena Isaac njite corrinatsa lritaita lricapaca matsia, lriwana lrikjaolrewa lrirri pjerriti, Esaú, lriaco lrirso: ''Nirri.'' njite jliepani: ''Alri njoaji.'' 2 Isaac iaco lrirso: ''Pipacapa coanca pekirri kena njoa. Coancadanaco ketsaotsa mayami njoa. 3 Panaya pjipa njaji piwinitashopa, picaapawirre njite piyawitjiapo, piawa awacada lricojle piinó-carro noijao maaficalri. 4 Pinaitjaotsa noijao joiwidalri, jliaji nopeyonda noijaca, njiteotsa pidee norsoni noijá-carro njite noija cayamiotsa nocadaotsa pinaco matsiadalri mayamica ipjeya njoa.'' 5 Mitsa Rebeca jímitsa coanca Isaac icaite lrirri Esaú irso. Esaú yaawa awacada lricojlre lriinó-carro maaficalri lridé-carro panti ricojle. 6 Njite Rebeca iaco rirri Jacob irso: ''Picapakje. Njomi coanca pjinirri iaco pipjerri Esaú irso. cayo lricaitecani: 7 Pideotsa norso maaficalri iipe njite pinaitjaotsa noijao cayoji nopeyo capisho nojá-carroatsa njitenaotsa notaita nocaiteca matsia pinaco Dio ipeyajle lripjeyatoa mayamica njoa.'' 8 Panaya nirri, pjimi norso njiteotsa pinaitja cayoji nocaite capisho pjia. 9 Piá pioma pidee norso corrarra lrikjoite yaamana cabra yenipe; nonaitjá-carroatsa pjinirri injao cayoji lripeyo capisho lrinjaca. 10 Njite pideotsa pjinirri irso lrinjá-carro, lricadaa carroatsa pinaco matsiadalri mayamica ipjeyani.'' 11 Jacob iaco rorso: ''Jliaji nopjerri Esaú, atsia keyoni njite njoa corrin. 12 Coajiotsa papai inota cadaa njoa, niniotsa lriwada yacadacatsa icashatani. Niniotsa, lriawerricontja norso matsiadalri, maatsidalri nakjaotsa lricadaa nonaco.'' 13 Njite jlidoa iaco lrirso: ''Nirri, nonacoatsa jliwao coandalriada maatsidalri pikjaoté-dalri. Icaamitsa nooma pjiepaca jliaji nocaiterri pirso, piena pioma norsona.'' 14 Jacob yaa yoma njaji jlidoa itatjalri lriinai, njite ronaitja injaodati joiwí-dalri cayoji jlinirri ipeyo capisho. 15 Rebeca jipa njaji rirri ipjerriti Esaú itsayan matsiaperripja, roopana lricope lricadaa, rsoetaá-carro rirri iwerriti Jacob nacó. 16 Rorroeta njaji cabra yeenipe iyami lrinaapa naco njite lrinorsiapji nacó. 17 Njite roá lrirso jliaji injaodati joiwí-dalri ronaitjanda rirri Jacob irso. 18 Jacob iawa jlinirri iderse njite lritatjani: ''¿Pai? Njite jliepani: Alritsa njoaji; ¿Kjaiterrio pjia nirri?'' 19 Njite Jacob sheepani: ''Esaú njoa, pirri ipjerriti; nonaitjenina cayoji picaite capisho norso. Panaya pjinicoena piofawa pinjá-carro nonwinitanda pirso, picadaa carroena nonacó matsiadalri.'' 20 Isaac iaco lrirri irso: ''¿Coajio pinaitjaca kjeya carrocatsa pioketaca piwinio, nirri?'' Njite lriaco jliepacani: ''Ima jliatsa jliaji wa-Minalri Dio icadaa norsoni.'' 21 Isaac iaco Jacob irso: ''Pitsoomita njoa nonotá-carro pinaapa, noajícarro ajádalri Esaú-ca pjia.'' 22 Jacob itsoomita jlinirri Isaac, njite jlinirri inota lridada, njite lriaco: ''Jacob iaco shoca jliaji pjemirri, mitsa njaji lrinaapa, Esaú inaapacani.'' 23 Mitsa corrin Isaac ianjíi Jacob catsani ima keeyoca nja lrinaapa cayotsaji Esaú inaapa sho, niini Isaac icadaa matsiadalri lrinacó. 24 Njite lriaco lrirso: ''¿Ajádalri nirri Esaú-ca pjia?'' Njite jliepacani: ''Aja, Esaú njoa.'' 25 Isaac iaco lrirso: ''Pidee noijao piwini, notaitá-carroatsa nocadaaca pinaco matsiadalri.'' Jacob idee jlinirri inajo njite lriinjacani, Jacob idee lrirrao jaico tjeda yaana njite lrirracani. 26 Njite jlinirri Isaac iaco lrirso: ''Pitsomita njoa nirri njite pitsotso njoa.'' 27 Jacob itsomitani njite lritsotsoni, njite lriemjia lritsayani iitan ikena lricadaaca lrinaco matsiadalri. Isaac iaco cayoji: ''Piají coanca awacada iitan shoca lriitan jliaji nirri, jliaji awacada Dio icadanda inaco matsiadalri. 28 Dio icadaotsa iyao matsiadalri jiwacawa eeno lrikjoite pjipaite nacó, njite piniwacaotsa aima pipania iinaca, aima tsakja comaana njite jaoco tjedaa walriajao tsakja. 29 Pirsoperri caotsa njaji inaiki jalredaoca lricoperri njite njaji macacoe lricoperri nacoaja caotsa pipeyajle. Pjia watsa naminalri njaji piwenaipe, njite nacoajacaotsa pipeyajle njaji pjidoa yeenipe. Coca cadaotsa caaco maatsi pinaco maatsi caotsani; njite njaji caacoperri pinaco matsia, matsia caotsani.'' 30 Njite yaami cádanaco catsa Isaac icadaaca matsiadalri Jacob naco, njite Jacob imoto caacatsa njiteo, jlinirri Isaac ioya, jliaji yaacada iwinita, lripejerri Esaú idia yoocawa lriwini yaapiya. 31 Lrinaitja injaodati joiwidalri njite lrideeni jlinirri irsoni. Lriaco jlinirri irso: ''Pai, pjinicoena pinjá-carro maaficalri iipe pirri iwinitanda pirso, picadaa carroenaotsa matsiadalri lrinaco.'' 32 Jlinirri Isaac iaco lrirso: ''¿Cocao pjia?'' Njite Esaú iaco lrirso: ''Njoatsa, pirri ipjerriti Esaú.'' 33 Njite Isaac itetjewa, njite lriaco lrirso: ''¿Coca tsakjao jliaji iderri norso lriwini? Opina noijani pjiomi lripeyatoa pinoca noderse, nocadaa lrinaco matsiadalri. Ajádalri, matsiacaotsani.'' 34 Esaú jimi cádanaco coanca jlinirri icaiteca lrirso, icaamitsa lriyaca kjaida irroati sho, lriao jlinirri irso: ''Picada tsakja nonaco matsiadalri, paí.'' 35 Isaac shepani: ''Opina lrino noderse jliaji piwerri ishaati sho njite lrideeca pioya jliaji matsialri piyadaope pia.'' 36 Esaú iaco: ''¡Cotsa matsiaca lriipitanaca Jacob!'' Ima yamapia kena lricashataca njoa. Jlita nooya ipjerritiapani, njite panaya, opinakja jlita nooya jliaji matsiadalri noyadape pia tja.'' Lriaco pja jlinirri irso: ''¿Corrin picadaa pada matsiadalri jatjamitsa noyadawa?'' 37 Isaac iaco lrirso: ''Opina nocaiteni jliá-carroatsa piminalri, njite lrirsperricaotsa pjiomi njaji piwenai, njite nocadaa lrirso aima lrinjaope njite lrirraope walrijaipe tsakja. ¿cokenatsantja notaita noaca pirso, nirri?'' 38 Esaú iaco jlinirri irso: ''¿Corrinatsa pirso padetsa matsiadalri norso, paí?'' Picadaa tsakja nonaco matsiadalri, papai. Esaú iyaca kjemá niini. 39 Isaac iaco lrirso: ''Anji piofalri niini corriotsa pirso carroca jiipai matsiadalri, corriotsa iyá-carroca pipania iicao jiwacada eeno lrikjoite. 40 Piinocaotsa inaiki pjitá-carro naoya nanaani pitaitá-carro caafica pjia, njite pidejicaotsa piwerri irso. Mitsa piema cádanacoatsa lrikjoete, corrinatsaotsa jliá-carroca iají pinaco.'' 41 Maatsi pia Esaú icapaca lriwerri Jacob irso lrikjaote jliaji matsiadalri njanirri icadanda lrinaco. Esaú iaco lricaolre ricó: ''Kjeyetsa mayamica papai; niniotsa mayami kenaotsani, noinoatsa jliaji nowerri Jacob.'' 42 Niini nacaite Rebeca jimi coanca rirri pjerriti icaiteca. Niini ronaa nawanaca rorso rirri iwerriti Jacob, lriaco lrirso: ''Pjimi matsia, jliaji pipjerri Esaú lricatimataaca jliwacatsa ima lriwaopia lrinó-carro pjia. 43 Panaya nirri, warsa pipítoa nopjerri Lában ikjaolre, Harán lricojle, pjiepa jliaji nocaiterri pirso. 44 Pia toatsa piofa nirse, akjerre kenaotsa yaami kerroaca jliaji pipjerri, 45 a kjerre kenaotsa yaami kerroacani pikjoete, kjerre kenaotsa yami lriwaopiaca lrinaco jliaji pinaitjalri lrirso. Njitenaotsa nonaa naaca naoma pjia njite. Corrin nooma mayamica shaa papiatsa yamadape.'' 46 Rebeca iaco Isaac irso: ''Maatsí noajiacacawa naikjaote njaji Het itonaipe. Jacob jita cadaa lrinowa apama nanakjoite njaji Het itonaipe, caiperri nacayosho njaji inaitjepe faofalri icodapi. Cayo cadaa, maatsiwatsa nofacawa.''
1 Isaac iwana lrikjaolrewa Jacob, lriaco lrirso: ''Corriotsa pjitá carroca piinowa nanakjoite njaji inaitjepe Canaán lricope. 2 Warsaotsa piawa Padán Aram lricojle, Betuel iipana lricojle, pjidoa jinirri; pjitaotsa pinoa nirse, apama nanakjoite njaji Labán itonaipe, pjidoa ipjerri tsa. 3 Jliaji Dio Itaita kjeti iminalri inaitjaotsa pirso matsia, Lricadaotsa aimá-carro pienipe aimá carroatsa njaji pidakenai, pacoa yacaalre macacoe carroatsa shaa, inaiki aimadan. 4 Lricadaotsa pirso njaji matsiaperri Lricadaji Abraham irso, pirso, njite narso njaji walricoma pjiapodamperri, piyada carroatsa jliaji jiipai piofalri niini, Dio icadanda Abraham irso.'' 5 Ikena Isaac imeenaca Jacob iwa. Jacob iawa Padán Aram lricojle, Labán ierse, Butuel irri jliaji arameo tairri, Rebeca ipjerri, Jacob jidoa. 6 Njite Esaú icapa Isaac icadaaca matsiadalri Jacob irso, njite lrimeenacani Padán Aram lricojle, jlitácarro lrinoa njité-darro. Lricapa tsakja Isaac icadaca matsiadalri Jacob irso njite lricaite lrirso wadee jlitaca lrinowa njaji inaitjpe Canaán lricope. 7 Esaú icapa tsakja Jacob shepaca jliaji jlinirri njite jlidoa icaiterri lrirso, njite lriacawa Padán Aram lricojle. 8 Esaú icapa corrica jlinirri Isaac ipeyo icapaca njaji inaitjpe Canaán lricope. 9 Niini lriacawa Imael ikjaolre jlitá-carro apama lrinowa njite, rooya tsakja rsoaji lrino. Jlita lrinowa Mahalat, Abraham idakedoa, Imael iito, Nabaiot iwedoa. 10 Jacob iawa Beerseba lrikjoite Harán lricojle. 11 Lrioca pafe ricojle njite lrimaa ninitsa, ima deepi ketsa lricao. Jlita pada jiipada ninperri lricadá-carro jliwidarroani, ikena lriorsoa lrimaa niini. 12 Jlitaponca niini njite lricapa pada pjerra-carrona yemacawa jiipai nakjoite njite lriocawa eeno lricojle, njite njaji Dio iagelenai naorrocoa njite nadia tsenakja njerrawa lrinaco. 13 Njite wa-Minalri yemacawa lrinaco njite lriaco lrirso: ''Icatsa pi-Minalrica njoa, Abraham njite pjinirri Isaac iDiote. Jliaji jiipai piorsoalri niini, Nocadaaca pirsoni njite narso njaji pidakeenai. 14 Cayoatsa njaji pidakenai imaimaca jipai sho, pipocotacaotsawa teecowa jerri imotokemjeteo, jliewa nirse, lriparrema nacojle yamemape. Pinakjoite watsa matsiaca pjiomi njaji inaiki jalredaoca lricoperri. 15 Njoa tsaotsa piinai, nowapaotsa pjia akjerre catsaotsa piawaji. Nocadaa tsenakjaotsa pidiacawa lrinacojle jliaji jiipai ima corriaotsa nomacaca pjia. Nonaitjaotsa pjiomi njaji nocaiterri pirso.'' 16 Jacob icafia jlitaponialre ioya, njite lriaco: ''Ajádalri a catsa jliaji wa-Minalri njite corrin noají.'' 17 Jacob ifiowa niini lriaco: ''¡Cafainaca anjí! Dio iipanacani. Eeno ipananomacan.'' 18 Jacob icafiawa piyompinacoena njite jlipa jliaji jiipada lricadanda jliwida nacó. Lriwakeeta jiipada niini njite lriarro aceite lrinacó. 19 Njite lricadaaca lriipitanao niini Betel (Dio iipana), mitsa lriipitana jliaji yacaalre niini nainitanda nacadaaca, Camarrai. 20 Jacob inaitja pada yaacoti ajádalri sho niini, lriaco cayoji: ''Pjia cadatsa noinai njite piwapa cadaa njoa inipo-lrico, picada cadaa noijawa njite notsayaniwa njoetaaca carroa, 21 njite nodiaca noocawa njonirri ikjaolre matsiatsawa, niniotsa no Dioteca jliaji no-Minalri. 22 Niniotsa jliaji jiipada nocadalri anji matsiadalri cani. Njite nanakjite njaji pialriotsa norso nodietacaotsa Pirso die pja lrinacojle.''
1 Ikena Jacob iacawa njite lriocawa njepaite ricojle njaji inaiki yofacapewa jerri imotokema nacojle. 2 Njite lrioca cádanaco nirse, teeco panti ioya lricapa papji ooniapji, njite lricapa madalripoco oveja lricodapi jliaji ooni. icatsa njetaca ooni nairrao njaji oveja, njite macadalrica jliaji jiipada naitashopa lrinomafe jliaji ooniapji. 3 Nawacaaca cádanacoenawa pjiomi njaji oveja niini, njaji ivapacapena nadoita mana jliaji jiipada naacarroena nairrao njaji oveja, njite nataita cayami mana naaca nairrawa nadoita tsenakja jliaji jiipada lrinomafe naco jliaji ooniapji naitá carroni. 4 Jacob iaco narso: ''¿Nokitsiñape, kjaiteo inoji?'' Njite naaco lrirso: ''Harán lrikjoite wano.'' 5 Njite Jacob iaco tsenakja: ''¿Capja yajica jliaji Labán, Nacor irri?'' Njite njeepani: ''Ajatsa, wanjintsa kjaiterrica.'' 6 Njite lriaco: ''¿Capja matsiatsani?'' njjite njepacan: ''Aja, matsialritsa, njite, orroteji lriito Raquel inoca, rodeeca njaji oveja.'' 7 Njite Jacob iaco: ''Ajádalri, myacan kena jerri. Corritoa jlinaana pawaketacawa catoa njaji oveja. Yaantja naorrao ooni naa-carro tsenakja naija malritsi.'' 8 Njite naaco lrirso: ''Corrin wataita waaca nairrao ooni a kjerreca nawacaacawa pjiomi njaji oveja. A kenaotsa piiomiji, njaji atsianai nadota jliaji jiipada ooni imomafe ioya, niini dekjena waa nairrao ooni.'' 9 Caacope cadanatoa Jacob naapiya, Raquel iocawa naapiya njaji rsonirri iovejan poco, ima rsoaca iwapana lrirso. 10 Jacob icapa cádanaco Raquel, Labán iito, jlidoa Rebeca ipjerri, Jacob yaa idoita jliaji jiipada ooniapji inomafe ioya, njite lria nairrao ooni njaji oveja. 11 Jacob itsotsoca Raquel icacoda naco ikena lriiyaca kjaida. 12 Jacob icaite Raquel irso rsonirri ikitsindacani, lriwedoa Rebeca irri. Niini rsoeco rocaite rsonirri irso. 13 Labán jimi cádanaco Jacob nacó, lriwedoa irri, jliecoa lrikjaolre lricoadatá carroni, jlieyoani, lritsotsoni njite lrideeni lriipana lricojlen. Jacob icaite lrikjirri Labán irso pjiomi coajica. 14 Labán iaco lrirso: ''Ajádalri nonakjoité-dalrica pjia.''Jacob iofaa lriinai lriipana lrico apapi kerri. 15 Njite papia nacojlena, Labán iaco Jacob irso: ''Ajádalri nonakjoité-dalrica pjia, mitsa corrin matsialrica pidejica norso macoadatsa. ¿Coaji pioma nocaoñaca pjia?'' 16 Labán irsopia yaamama lritonaipe. Lea rsoaji pjerroti njite rowedoa Raquel. 17 Rsoaji Lea, matsiaperri piaca njaji rotji, mitsa Raquel, apama inarro matsiaparro njite matsiadarro icapacana. 18 Njite Jacob ipeyoca rsoaji Raquel, niini Jacob iaco lrikjirri Labán irso: ''Nodejiotsa pirso siete walria piito iwedoati Raquel ikjaote.'' 19 Njite Labán iaco lrirso: ''Matsia pjatoa noaca pirsono lrioya jliaji noacano pada atsia irsono. Pideji pedena norso.'' 20 Niini Jacob ideji lrikjirri Labán irso siete walria Raquel ikjaote; mitsa lriaji njaji siete walria padaa capishotsa jalredaoca, ima lripeyoca pekirritsa rsoaji Raquel. 21 Njite Jacob iaco lrikjirri Labán irso: ''Piena norso rsoaji noino Raquel ima opoikena notaita nodejica roikjaote nofá-carroenaotsa roinai.'' 22 Ikena Labán iwaketa pjiomi njaji inaiki ninperri njite lrinaitja aima injaodati lriñjá-carro naapiya. 23 Njite deepi ricoena, Labán idee rsoaji lriito Lea Jacob irso. Njite Jacob imaa roapiya jliadaa deepi. 24 Labán jipa yaa rsoaji lrirsodarro Zilpa idejicaoda Lea irso. 25 Njite piyompinacojlena, Jacob icapa, ¡Lea catsa rsoaji Labán yaa lrirso! Nini Jacob iaco lrirso: ''¿Coada pinaitja norso cayoji? Raquel ikjaoteo jliaji nodeji pirso, cotsa Lea ikjaoteca. ¿Coada picashata njoa?'' 26 Njite Labán shepani: ''Faa aperiji, cotsa warsoenca jliaji waacawa njaji waito iwedoati ipjerroti ipjeya toa. 27 Pitaitatoena jliaji paaja semana cainocaapani inacoapana roapiya rsoaji noito, njitenaotsa noa tsakjaotsa rsoaji iwedoati piinowa tsakja, mitsa pideji tsenakjaotsa norso siete walria rocoadawa.'' 28 Jacob iwayaketa jliaji paaja semana lrinaco jliaji cainocaapani inacoapana Lea iapiya. Njite dekjena Labán icadaa rsoaji lriito Raquel Jacob iinowa tsakja. 29 Labán icadaa rsoaji lrirsodarro Bilha idejicaoda Raquel irso. 30 Jacob imaa tsakja raquel iinai. Jacob ipeyo pja Raquel Lea ioya. Njite Jacob ideji tsenakja siete walria Labán irso Raquel ikjaote. 31 Njite Dio icapa corrica Jacob ipeyo cantja rsoaji Lea, niini Lricadaa keenipeca rsoaji Lea, mitsa raquel corrin rotaita keenipecano. 32 Keenipe Lea pada atsiada, rocadaa lriipitanao Robén (picapa, pada noenipe). Ima roaco cayoji: ''Ima wa-Minalri icapa coanca njorrapitaca; niniotsa pa panaya lripeyocaotsa njoa jliaji noinirri.'' 33 Ropieta tsenakja keenipecano pada atsiada. Roaco cayoji: ''Ima Dio jimica corrica napeyondaca njoa, caishopa Lricadaa tsenakja norso pada tsenakja noenipewa,'' rocadaa lriipitanao Simeón (njeminda irso). 34 Njite ropieta tsenakja keenipecano, pada atsiada tsenakja. Roaco cayoji: ''Panaya dekja corriotsa lrimacá-carroca njoa jliaji noinirri, ima norsoca madalrida lrienipe.'' Rocadaa lriipitanao Leví (mamacaaca-capeo). 35 Ropieta tsenakja keenipecano. Roaco cayoji: ''Panaya dekja noaca matsiadalri Dio irso.'' Niini rocadaaca lriipitanao Judá (iá cada matsiadalri). Icaamitsa yami kenipe catoano.
1 Njite Raquel yaají corrica rotraita keenipeano Jacob irso, niini matsica rocapaca ropjerro irso. Roaco Jacob irso: ''Corricada pinaitja noenipeo, mayamicaotsa njoa.'' 2 Njite kerroaca Jacob Raquel irso, lriaco rorso: ''¡Capja Dioca njoa! ¡Cotsa njoaca ifarro kenipeca pjia!'' 3 Njite roaco lrirso: ''Arrorra norsodarro, Bilha. Pimaa roinai, njite jliaji yempeti rorsolriotsa, noyada caotsani, nininaotsa norsoca noenipe ronakjoite.'' 4 Raquel icadaa rorsodarro Bilha, Jacob inowa. Njite Jacob imaaca roapiya. 5 Keenipe Bilha Jacob irso. 6 Niini Raque icaite: ''Dio ikitsindataca njoa. Ajádalri jlimica norso niini lriaca norso pada noenipeo.'' Niini rocadaaca lriipitanao Dan (jliá icaite). 7 Keenipe tsenakja Bilha Jacob irso, yamada shopena. 8 Njite Raquel icaite: ''Aima njorrapitaca notaitá-carro norsoca noenipe nopjerro Lea ikjoete njite matsiatsa lrimotoca norso.'' Njite Rocadaa lriipitanao Neftalí (nodejirri ikjaote). 9 Njite Lea icapa corriquetsa rotaita keenipecano, rsopa rorsodarro Zilpa, roá-carro Jacob inowano. 10 Njite Zilpa, Lea irsodarro keenipeno Jacob irso. 11 Niini Lea icaite: ''¡Matsiapjaaca njoa! niini rocadaaca lriipitanawa Gad (irsocada matsiadalri). 12 Zilpa ipieta tsenakja keenipecano Jacob irso, yamada shopena. 13 Lea icaite: ''¡Catiimaca njoa! Ima njaji naitonaipe najicaotsa njoa catiimadarro.'' Niini rocadaaca lriipitanao Aser (itiimati). 14 Rubén iawa naniwa cádanaco napania trigo njite lricapa paana jaicotjedaa awacada lrico. Jlipa lrideena jlidoa Lea irso. Njite Raquel iaco Lea irso: ''Pia norso piinaiwa nanakjoite njaji jaico tjedaa pirri ideji.'' 15 Njite Lea iaco rorso: ''Aimena pinaitjaca norso maatsirri ima pjitaca nooya noinirri. Njite panaya pioma tsakja nooya njaji jaico tjedaa nirri ideji norso.'' Njite raquel iaco rorso: ''Panaya deepi pedaotsa lrimaaca piinai piacada norso njaji jaicotjeda pirri ideji.'' 16 Jacob idia yoocawa awacada lrikjoite deepinatsa. Lea imoto lrikjoete rocoadatá-carron, njite roaco lrirso: ''Noinai watsa piomaa panaya deepi, ima nocaoñaca pjia nasho njaji jaicotjetaa nirri ideji.'' Niini Jacob imaaca Lea iinai jliadaa deepi. 17 Dio jími Lea irso, niini keenipecano Jacob irso cinco shopena roenipe. 18 Lea icaite cayoji: ''Dio iaca norso nocoadawa, ima nocadaaca rsoaji norsodarro noinirri irso.'' Niini rocadaaca lriipitanao Isacar (caishopaca lriipitana, ''niinica pada nocoadawa.'') 19 Lea ipieta tsenakja keenipecano, sei shopena roenipe Jacob irso. 20 Ima roaco cayoji: ''Dio icadaaca norso pada matsiadalri. Panayaotsa matsiaca noinirri icapaca norso ima noaca lrirso sei lrienipewa.'' Niini rocada lriipitanao Zabulón (matsiadalricani). 21 Njite dalri romotoeta apama inarroda, rocadaa roipitana Dina. 22 Njite Dio iwaada Raquel nacó niini jlimica rorso. Niini Lricadaaca kewedancano. 23 Niini jiicoca roenipe pada atsiada. roaco cayoji: ''Dio jitaca nooya ipaimanti.'' 24 Njite rocadaaca lriipitanao José (Lritaita pjaaca lriyataca), ima roaco: ''Dio icadaa pjaca norso pada pja noenipeo.'' 25 Raquel imotoeta cayamina José, Jacob iaco Labán irso: Pimenaca noawa teecowa, notaitácarro noacawa njopaite lricojle, noyacalre lricojle. 26 Pia norso njaji noninai njite njaji noenipe, njaji nodejirri pirso ikjaote, njite picadeena noacarroa, piajintsa coanca nodejica pirso.'' 27 Labán iaco lrirso: ''Matsia cadaatsa picapaca norso, piwapa toa, ima noajica nioajikje showaacatsa Dio inaitjaca norso matsia pikjaote.'' 28 Njite lriaco lrirso: ''Picaite njomi coshoapaca pioma nocaoñaca pjia, njiteotsa nocaoñaca pirso.'' 29 Jacob iaco lrirso: ''Piajintsa coanca nodejica pirso, njite coanca matsiaca njaji piwacan njoa capoa iwapa pirsona. 30 Tsopiatsa njaa piipirra jlipjeya pia nonoca piderse, njite panaya picapa coanca aimacana. Dio inaitja matsia pjiomi njaji nodejirri. Njite panaya nomena nowapaca njaji noopaneta tsakja.'' 31 Njite Labán iaco: ''¿Coshoapa pioma nocaoñaca pjia?'' Jacob shepani: ''Corriotsa coca pia norso. Picaoña cadaa njoa, icaamitsaotsa nodiaca tsenakja nowapaca njaji pipirra. 32 Picadaa noemaji nocapa njaji pipirra jliadaaca jliaji, njoenitá carroatsa njaji oveja cadapalre perri njite njaji irsocape coandalri catsa namatsikjee nanakjoite njaji cabra. Njite icatsaotsa njaji pialricaotsa nocoadawa. 33 Njitenaotsa piají matsiacatsa nodejica pirso o corrin pino cádanacoatsa picapa njaji nocoadawa. Picapa cadaotsa cadaotsa niinica apana cabra madapalrene tsa o niini cada oveja corridalritsa iitanica, picaiteotsa noñaite catsana.'' 34 Njite Labán iaco: ''Matsiatsa. Cayó pedaotsa picaite capisho.'' 35 Jliadaa pia Labán jienita njaji cabra atsiana cadapalrepe njite njaji cadanaperri, njite pjiomi njaji cabra inarrona cadapalrene perri, njaji irsocape jaalreperri nanaco, njite pjiomi njaji oveja iitanepe, njite Labán icadaana lrienipe irsona nawapá-carro. 36 Labán icaite Jacob irso nacapaacá-carro madalridaa shaapodam. Niini Jacob iwapa njaji Labán iipirra itemi. 37 Jacob jipa jaicoki walrinepe toa nayoaca jaico álamo ioya, almendro ioya njite derripa tsakja, lripitsia pakjaape njaji jaicoki pacapá-carro njaji jaico pacapácarro jaico jialreca lriipe ricó. Njite pacapaca cadanaperri capisho njaji jaico. 38 Njite lricadaa njaji jaico lripitsiaji napeyajle njaji pirraiti lriwapaji, ooni shecocarrokja lrico nairracawa ooni. Njite kewedanca njaji maaficalri nano cádanaco nairra ooni 39 Njaji pirraiti keenipena napeyajle njaji jaico, njite cadapre minitsa namotocawa neenipe njaji pirraiti, cadanaperri njite amojliaperri tsakja. 40 Jacob jienita njaji cordero, mitsa lricadaa nacapá-carro njaji pirrati cadanaperri, njite njaji oveja itanepe naikjaolre njaji Labán ipirra ikjaolre. Niini jlinitaca jliwacatsa lrirsowao njaji pirraiti, corrin lricadaa naacarro Labán iyape iinai. 41 Jacob icapa cádanaco njaji pirraiti kjaidanipe nanaitjaca neenipeo, Jacob icadaa njaji jaico nairracawa ooni, nacapacawa njaji pirraiti, nanaitjácarro neenipe nacapacawa njaji jaico. 42 Mitsa nja cádanaco inaitja yeenipe njaji maafialri mjaidanipetsa, corrin lricadaa napeyajle njaji jaico. Niini njaji maaficalri mjaidanipetsa, icatsa Labán iyapeca. Njite njaji kjaidaperri, icatsa Jacob iyapeca. 43 Njite kjeeya canaanica jliaji Jacob. Lrirso pia aima lriipirra, lrirsoperri atsianai njite inaitjepe, lrirso tsakja aima camello njite borro.
1 Jacob jimi coanca naacope njaji Labán yeenipe, ima naaco cayoji: ''Jacob jipa faniri ioya pjiomi njaji lriyape, fanirri iyaape nakjoite lrirso lrinaani pekirridalri.'' 2 Njite Jacob iapa teecojleca Labán icapacana lrikjoete. 3 Niini Dio iaco Jacob irso: ''Pidienawa pjinirri jipaite nacojle, pikitsiñape ikjaolre, njite njoa catsaotsa piinai.'' 4 Jacob icaite Raquel irso njite Lea tsakja naacarro lrikjoete lriwapacawa lricojle nja lripirra 5 njite lriaco narso: ''Nocapaca tania shoketsa lricapaca njoa jliaji jinirri, mitsa noinai catsa jliaji njonirri iDiote. 6 Icapjentsa coanca nodejica kjaida jinirri irso. 7 Lricashata njoa njite die walria lritecojletaca jliaji nocoadawa, mitsa corrin Dio icadaa lrimatsicaca njoa. 8 Lricaite cada pia norso: 'Pjiomi njaji maaficalri cadapalre perri piyapecaotsana pidejicalre icoadao, njite pjiomi njaji pirraiti yeenipe namotocawa cadapalrena. O lricaite cadaa: 'Piyapecaotsa njaji cadanaperri pidejiccalre icoada', njite cadanaca namotocawa pjiomi njaji maafialri. 9 Cayotsa Dio icadaaca norso njaji maaficalri pjinirri iipirra nakjoite. 10 Papia nacojle poima cádanaco njaji pirraiti inarrona, nocapa njotaponi ricó njaji chivo nakeenipetaca njaji oveja. Njaji chivo cadanaperri cana, irsocape idapalre tsoperri njite njaji paana irsocape macadalri idapalre. 11 Njite wa-Minalri iageleni iaco norso njotaponi ricó: ''Jacob'', njite njoepacani. ''Alri njoaji.'' 12 Njite lriaco norso:''Picapa njaji chivo ikenipetalri njaji oveja, cadanaperri, tsoperri idapalre njite macadalripe idapalre. Ima nocapaca coajica Labán inatjaca pjia. 13 Icatsa Dio Betel ricodaca Njoa, piarrolri inaco aceite sho, picaitecawa pinaitjaca pada pinaitjaoda norso. Panaya, pjinicoenawa piá-carro lrioya jliaji jiipai lrinacojle jliaji jiipai jiicocarrom pjia.'' 14 Njite raquel, Lea tsakja naaco lrirso: ''Corrinatsa coca wawapalri wayadawa fanirri iinai. 15 Corrin fanirri icapaca warso cayoji lriitonaipe sho, lricapaca warso inaiki capishotsa fa lrioya. Lriwendee fa njite jlita waoya pjiomi njaji wayaadape. 16 Niini pjiomi njaji Dio jitalri fanirri ioya panaya wayapecani weenipe yaapiya. Niini panaya coajicadaa Dio inaa pinaitjaca, pinaitjena. 17 Njite Jacob jireeta njaji lrienipe, lrininai camello nacó. 18 Lricada naawa lripeyajle njaji lri-vacan, pjiomi njaji lrirsoji, coshoca njaji vaaca lrwentaji Padán Aram lrico. Ikena lriacawa jlinirri Isaac iderse Canaán jipaite ricojle. 19 Labán yaa cadana toa iyoá lri-ovejan iiyo, Raquel iñaito rsonirri ioya njaji idolo lrirsompe lriipana lrico. 20 Njite Jacob icashata tsakja Labán, jliaji arameo corri capoa lricaite lrirso lriaca lrioya. 21 Niini lrideeca pjiomi njaji lrirsonipe njite lriyoeta kjeya jliaji Ooni, njite lriawa awacada nacocawa Galaad iyada. 22 Njite madalridaa shapodamina nacaite Labán jimi opica Jacob ipitowa. 23 Niini Labán iinai njaji lrikitsiñape lriá-carro Jacob shapodam. Siete jalredaoca naco lria lrioketan awacada cawa naco Galaad iyada. 24 Niini caacoca Dio Labán irso, arameo tairri jlitapon ricó deepi ricó, lriaco lrirso: ''Picapaotsa pioyawa wadee caacopeca pjia macadatsa Jacob irso.'' 25 Ikena Labán yaa ioketa Jacob. Njite jacob inaitja pia lriipana poco awacada cawa lrico. Njite Labán yaa tsakja imaa nirse tsakja naapiya njaji atsianai lrikitsiñape awacada cawa lrico Galaad jipaite nacó. 26 Labán iaco Jacob irso: ''¿Coanshopao jliaji pinaitjalri, picashata njoa njite pidee njaji noitonaipe padee capisho njaji pacoama oowi rikjoite?'' 27 ¿Coada pipitowa njite picashata njoa, corrin picaite njomi piaca nooya? Matsiantja nocadaaca piawa, wacanta caya canción pandero sho, njite arpa tsakja. 28 Pimaca corrin notsotsoca nacacoda naco njaji nodakenai njite njaji noitonaipe. Corrin matsiaca jliaji pinaitjalri. 29 Norsoca aima inaiki nonaitjá-carro irso maatsi, mitsa jliaji pjinirri iDiote caacoca norso opica deepi njite lriaco norso: ''Picapaotsa pioyawa wadee caacopeca pjia macadatsa Jacob irso.'' 30 Panaya piakenawa pjinirri iipana lricojle, mitsa ¿Coada piñaito njaji no-idolon?'' 31 Jacob iaco Labán irso: ''Nonaitja cayo nofio capoa wadee catsa noaji pidietaca nooya njaji piitonaipe jiidati ricó. 32 Coca cadaa jita pioya njaji pi-idolon corriotsa caaficarrocan wiá. Njite nacapá-werrico njaji wakitsiñape, pioma picapa cocaca njaji piyaarro pidietá-carrona.'' Ima corrica Jacob yají Raquel-ca rsoaji iñaito njaji idolo. 33 Labán shewa icapa Jacob ipana poco lrico, Lea iyada lrico njite nayada lrico njaji yaamama narsoperri, mitsa corrin lrioketana. Lrimoto Lea ipanapoco ioya njite jliewawa Raquel iyada lrico. 34 Raque pia rsoji iderri njaji idolo panti ricope, rsoetana paofacawa camello naco njite nofaa nanaco. Labán yají yomana ropanaita iwawa lricojle mitsa corrin lrioketa. 35 Roaco rsonirri irso. ''Corrin nooma kerroaca pjia nominalri, corrin noawa piderse ima canopaca njoa.'' Niini lriaji tja lriomana mitsa corrin lrioketana. 36 Njite kerroaca Jacob niini caacopeca kjaidani Labán irso: ''¿Coaji nokerroataca pjia, o cocao jliaji nomatsicanaa piso caicarro pinoca pioma njoa irroati ricó? 37 Piomjenina piomi noyarro lrico nite corrin pioketa njaji pi-idolote. Mitsa cocacadaa pioketa piyarro nakjoite, pidee ajerreji nacapá-carro njaji wakitsiñape, nacaité-carro coanca wanaco fa yamada. 38 Vente walria nodejica pirso. Njaji piovejan, pi-cabran corrin neenipe jiwaca naoya njite corrin noijá tsoo nanakjoite njaji pipirra. 39 Njaji yaawi ijáji corrin nodee piaca pirsona ima nocaite nocaoñaca pirsoni. Njaji maaficalri iñacapeo, njaji nañaitolri mana jaalre-werrico o deepiwerico pima nocaoñaca pirsona. 40 Nowapa njaji pipirra jaalre-werrico jamolriapi ricó, njite deepi-werrico japerriapji ricó, corrin nomaaca. 41 Vente walria nodejica pirso piipana lrico. Nodeji catorce walria piitonaipe ikjaote njite sei walria pipirra ikjaote. Die pia pitecojleta nooya picaoña cawa njoa. 42 Corricadantja noinaica jliaji Njonirri iDiote, Abraham iDiote, jliaji njonirri Isaac ifiolri iwana, corritsantja cocaca norsolri piinai. Dio icapa coajica pjirrapitetaca njoa idejikjeti sho, njite coajica nodejica kjaida njite picapa coajica Lricoitaca pjia opica deepi.'' 43 Njite Labán iaco Jacob irso: ''Njaji inaitjepe noitonaipecana, njaji yempetipe nodakenaicana, njite njaji maaficalri noyapecana. Noyape pjiomi njaji picapalri. Mitsa corrinatsa coca notaita nonaitjaca nadiá-carro noinai njaji noitonaipe njite njaji nodakenai. 44 Niini panaya warsa wanaitja pada yaacoti, pjia, njoa. Nají carroatsa pinaco njite nonacó.'' 45 Niini Jacob jipa yemeta pada jiipada jalripani. 46 Njite Jacob iaco narso njaji nakitsiñape: ''Iwaketa tsakja jiipada.'' Njite nawaketa jiipada yenon carrona. Ikena naijaca nacodapi njaji jiipada. 47 Labán icada lriipitanao Jegar Sahaduta (aima njaji icapacape. Labán yaaco lrico), mitsa Jacob icadaa lriipitanao Galed (aima njaji icapacape. Jacob yaaco lrico). 48 Labán icaite cayoji: ''Njaji jiipada, icatsa njaji icapalri pinaco njite nonaco panaya.'' Niini nocadaaca lriipitana Galed. 49 Mizpa tsakja najicani, ima Labán icaiteca cayoji: ''Dio watsa icapa waicao pjia njite njoa corri cádanaco wacapaacawa. 50 Dio watsa icapa piino cadaa njajinoitonaipe, o pjita cadaotsa apama pja piinowa naoya njaji noitonaipe. Dio watsayají pinaco njite nonaco.'' 51 Labán iaco tsenakja: Picapa jliaji jiipada apadanalritsa yemacawa njite njaji jiipada wawaketaji, nocadalri waikjaote, pjia njite njoa. 52 Jliaji jiipada apadanalritsa yemacawa njite njaji jiipada wawaketaji, icatsa njaji icapalri corricaotsa njoyapa pja naoya pikjaolre, corrin tsakjaotsa pjiyapa pja naoya noikjaolre waitja carrontja maatsi warsowaaca. 53 Jliawatsa jliaji Abraham IDiote, Nacor iDiote, Jlia watsa icaite waacona.'' Njite Jacob icaite yaacoti ajádalri sho jlinirri Isaac iDiote iipitana nacó. 54 Jacob iino maaficalri awacada naco njite lriwana njaji lrikitsiñape naijá-carro injaodati lrinaitanda narso. Naijaketsa njite nemaa lriricodatsa jliaji awacada. 55 Njite tjewaijena piyompinacotoa Labán icafiawa, lritsotso njaji lridakenai, lriitonaipe njite lricadaa nanaco yacoti matsiaperri. Ikena Labán lridiacawa lriipana lricojle.
1 Jacon yaa pjawa tsakja njite njaji Dio iagelen nacapacan. 2 Jacob icapa cádanacona, lriaco: ''Dio iofa carrojica anji,'' nini lricadaaca lriipitanao niiní Mahanaim (naofacawa yamafe). 3 Jacob imeenaca yaacoti lripjeyao lripjerri Esaú irso, Seir jipaite lricó, Edom iyadacawa lricó. 4 Njite lrina nacaiteca cayoji: ''Cayoatsa iaiteca lrirso jliaji nominalri Esaú: Cayoji lricaiteca jliaji poirsodalri Jacob: Noa piacatoa nofawa Labán iderse, njite icaamitoa nodiacawa. 5 Norso buey, borro, aima oveja, njite idenjicape norso inaitjepe njite atsianai. Nomeenaca pirso yacoti pirso pjia nominalri, picoadatá-carro njoa. 6 Njaji idecape yacoti Esaú irso, nadiá naocawa Jacob iderse, naaco lrirso: ''Waokjeni pipjerri Esaú iderse. Lrino pidaotsa lrioketaacá-carro piapiya njite lridee caotsa coatrociento atsianai lriinaiwa.'' 7 Njite Jacob ifiocawa pekirritsa njite corrin lriaji coanca. Niini jlienitaca yamapocoa njaji inaiki yaacapewa lriinai, caitsakja njaji oveja, vaaca, njite nja camello. 8 Lriaco cayoji: ''Esaú ioca cadaotsa papoco nacojle njite lriinona, cayo cádanaco njaotsa njaji papoco nataitaotsa napitocawa.'' 9 Njite Jacob iaco: ''Pjia noferrim Abraham iDiote njite jliaminitsa njonirri Isaac iDiote tsakja, Jliaji noMinalri icaitecada norso: pidiawa piyacalre lricojlé, pikitsiñape iderse njite nonaitjaotsa pirso matsia.'' 10 Cotsa cocaca njoa matsiá-carrontja Picapaca norso niini corrica pimaca njoa cayoji pcañjata capisho nocapa, njoa Pirsodalri. Ima icaamitsa norsolrica apaapo-tsa mawapeti njoyoeta caojli pia jliaji ooni Jordán njite panaya norsoca yamapoco njaji inaiki noinaiperri njite njaji nopirra. 11 Pinaitja matsiacalri, macadatsa nopjerri Esaú inoca njoa, ima nofioca lrikjoete, wadee catsa lrinoca lriino njoa njite njaji yempetipe njadoafie. 12 Mitsa picaite piaca norso: ''Matsia caotsa nonaitjca pirso. Nocadaotsa aimá-carro njaji pidakenai caida macapawan lricope sho, corri-perrinatsa coca itaita iniwetacana.'' 13 Jacob iofawa jlia deepica ninitsa. Njite lrimatsieta lriaope macoadatsa lripjerri Esaú irso nanakjoite njaji lrirsolri. 14 Jlipa dociento cabra, vente cabra atsiana, dociento oveja njite vente carnero, 15 trentana camello inarrona neenipe fie, coarenta vaaca, diena toro, Vente borro njite vente tsakja borro inarrona. 16 Lricadana lrirsoperri irso nawapá-carrona, nacoamitsa nawapaca papoco nanakjoite njaji maaficalri. Lriaco narso: ''Warsaotsa yaawa nopjeya njite teecopeotsa yaacawa ioyawaaca naapiya njaji pirraiti.'' 17 Lricaite matsia lrirsodalri iorso jliaji yaalri napeyajle, cayoji: ''Nopjerri Esaú ioca cádanacoatsa pinacojle njite lritatjaotsa jlimio pjia: ¿Cocao piminalri? ¿Kjereeotsa piawaji? ¿Coca iipirra njaji piderri pipeyajle?'' 18 Njite picaiteotsa lrirso: ''Pirsodalri Jacob iyapecana. Lriawada macoadatsa nominalri Esaú irso. Alriteji lrinoca fapodjete.'' 19 Caiminitsa Jacob icaite narso njaji yamapoco, madalripoco njite narso pjiomi ideecape njaji porraiti. Icaiteotsa cayoji: ''Jlia minitsa yacoti icaiteotsa Esaú irso icapa cádanacoatsani. 20 Icaite tsakjaotsa lrirso: ''Ena tsakjaotsa faapodami jliaji pirsodalri Jacob.'' Ima Jacob iwaopiaca cayoji: ''Nomerroata carroatsani nasho njaji noderri lrirso macoada shotsa nomeenacalri nopjeyawa. Niini lricapa cádanacoenaotsa njoa, lricoatadaotsa njoa.'' 21 Ikena lrimeenaca lripjeyao njaji lriaope lripjerri Esaú irso. Jacob yofatoa imá jliadaa deepi njapodam jliwacatsa. 22 Jacob icafiawa deepi rico njite jlipa njaji yaamama lrininai, yaamamape njaji narsoperri njite njaji ocede lrienipe. Lrimeenaca naawa pemajle tomoitacawa nacojle lrirso jliaji ooni Jaboc. 23 Icatsa cayoji Jacob icadaa naawa tomoitacawa lrico ooni njite pjiomi njaji lriyarroaji. 24 Jacob iofa padetsa niini niini pada atsia ino iwiaca lrikjoete tsomi cádanacoena jaalrecani. 25 Njite jliaji atsia lricapa cádanaco corrica lritaita jliamaca Jacob, niini lrinoca kjaida Jacob iiwalre naco njite lrimatsiketa Jacob iiwalre lrinoaca cádanaco lriapiya. 26 Jliaji atsia iaco Jacob irso: ''Ajena pjia, picadena noawa, ima icamikenaotsa jaalrecani.'' Mitsa Jacob iaco lrirso: ''Cotsa nocadaa-carroca piawa a kjereca picadaa nonaco matsiadalri.'' 27 Njite lriaco Jcob irso: ''¿Cocao pipitana?'' Njite Jacob shepani: ''Jacob noipitana.'' 28 Njite jliaji atsia iaco JAcob irso: ''Corrinatsaotsa Jacob-ca pipitana, Irael watsa pipitana panaya. Ima piwiacacawa Dio ikjoete njite atsianai ikjoete njite corrin maapjica pjia.'' 29 Njite Jacob itatja jimioni: ''¿Cocao pipitana.'' Njite jliaji atsia iaco lrirso: ''¿Coada pitatja pjimio noipitana nacó. Icaamitsa lricadaaca matsiadalri Jacob nacó. 30 Jacob icadaa lripitanao niini Peniel (Dio iecoa), ima lricaiteca cayoji: ''Ima nocapaca Dio yecoa njite lricapa tsakja noecoa, mitsa corrin lriino njoa. 31 Njite jaalre kena matsaia Jacob iicao jliyapa cadana toa Peniel lrico. Pokjo-pokjo Jacob iacawa ima caiwica lriaji lriiwalre. 32 Caishopa njaji Iraelnai panashete toa, corrin naijaca nayataaca cawa naawalre nacope njaji maaficalri, ima jliaji atsia inoacalriwa Jacob ikjoete imatsica pia Jacob ioyani.
1 Njite jacob jirreta icapa, njite lricapa Esaú inoca lrikjaolre coatrociento atsianai yaapiya. Jacob sheneta naji lrienipe, njaji lrininai njite njaji narsoperri. 2 Lricadaa njaji narsoperri neenipe yaapiya napeyajle, njite Learoenipe yaapiya njapodami, njite Raquel roenipe José yaapiya piketem. 3 Njite Jacob yaawa napjeya pjiomi. Jacob icoajawa jipai nacojle siete pia, caitsa lripjeri iocawa lriderse. 4 Esaú jiecoa lricoadatá-carroni, jlieyoani, njite lripatoita lrinacojlewani, njite lritsotsoni. Njite naiya ketsa yamadape. 5 Esaú jirreta icapa, njite lricapa njaji inaitjepe njite njaji yempetipe, lriaco Jacob irso: ''¿Coamperrio njaji inaiki pinairri?'' Njite Jacob iaco lrirso: ''Icatsa njaji noenipe Dio icadaji aimasho pirsodalri irso.'' 6 Ikena nanoca njaji inaitjepe narsoperri neenipe yaapiya naikjaolre, njite nacoajawa natatlácarro. 7 Njapodam Lea ino njite njaji roenipe naikjaolre, njite nacoajawa natatlácarro. Njite pikeetem Raquel ino roenipe yaapiya naikjaolre njite nacoajawa natatlá-carro. 8 Njite Esaú iaco: ''¿Coamishopao njaji papoco, papoco nocapalri yaalri pipjeya? Jacob sheepani: ''Matsia carrotsa picapaca norso, njoa pirsodari.'' 9 Njite Esaú iaco Jacob irso: ''Corritsa coca canacairri norso nowerri. Pjipa catsa pirsowaona.'' 10 Mitsa Jacob iaco lrirso: ''Corrina teete, matsia cadatsa picapaca norso, pjipena nopjeyana ima noaca pirsona, ima nocapaca pjia nocapa capisho Dio yeecoa, njite picoadata njoa matsia. 11 Pjipena nopjeya macoadashotsa njaji nodeji pirso, ima Dio iaca norso aimatsa nonaaniwa, njite norso capoa aima nooma noaca aima tsakja poirso nanakjoite.'' Corrin yaamica Jacob niini Esaú jipa lripjeyana. 12 Njite Esaú iaco lrirso: ''Warsena wawa. Njoa watsa yaawa pipeyajle.'' 13 Mitsa Jacob iaco lrirso: ''Corrina nominalri, ima tsope catoa njaji noenipe njite njaji vaaca njite oveja tsakja narsoca neenipe tsonipetoa irracape catoa. Ima wakjeyapita cadaa waaca naapiya padaa tsantja, mayamintja pjiomi njaji maaficalri. 14 Piena nopjeya nominalri. Njoa pirsodalri, tacaatsa noaca pjiapodam naacatsa njaji maaficalri yalri nopjeya, njite naa caatsakja njaji yempetipe, atee nocaotsa pikjaolre Seir lricojle.'' 15 Esaú iaco lrirso: ''Nocadaotsa piinai padapena atsianai noinaiperri.'' Mitsa Jacob iaco lrirso: ''¿Coada pinaitja calretsa matsia norso nominalri?'' Lrikjoenina pinaitjaca norso matsia. 16 Ikena jliadaa Esaú idiacawa Seir lricojle. 17 Jacob iawa Sucot lricojle. Lrinaitja lripanao niini njite panti nemaa-carrodao njaji lriipirra. Icatsa lriipitanaca niini, Sucot (paofacawa lrico). 18 Jacob ioca cádanacoa Padán Aram lrikjoite, corritsa coca maatsirri lrikjoete yacaalre Siquem lrico, jliaji yacaalre Canaán jipaite ricó. jliaji awacada tsoomi yacaalre ioya. 19 Niini lriwentaca jliaji pjepada jiipai narsocawa pia napanaita njaji Hamor yenipe, Siquem jinirri, lriwentani cien monedaita sho palraata. 20 Jlirreta apana altar niini njite lricadaa lripitanao El Elohe Irael, caishopacani ''Dio, icatsa Irael iDiotecan.''
1 Papia nacojle rsoaji Dina, Lea iito Jacob irso, roa roemaji naapiya njaji ronarrocawenai ninperri. 2 Njite Squem, Hamor irri heveo tairri, caconaite yenipe nindalri, lricapa cádanaco Dina jlipa lrideeno njite lridakitaca roapiya corri cadanatsa lriinocano. 3 Siquem ipeyoca Dina, Jacob iito. Lripeyocano lricaolre sho niini caacoca rorso matsiatsa. 4 Siquem icaite jlinirri Hamor irso cayoji: ''Pia piweñi noinowa rsoaji inarro yempeti toa.'' 5 Njite Jacob jimi coanca nanaitjaca maatsi lrito Dina irso, naa cadanatoa nawapa napirra malritsi coa nacojle njaji lrienipe atsianai, niini macotoa Jacob akjerreca naocawa njaji lrienipe. 6 Hamor, Siquem jinirri iá icapa Jacob iderse caacó-carro lriapiyani. 7 Nadia naocawa njaji Jacob yeenipe nadejicalre ioya malritsi coa lrikjoite njite nacaite njemi ronaco rsoaji nawedoa. Maatsi najiacacawa njaji atsianai. Kerroacana ima Siquem ipaimanietaca Irael lrinaitja capoa maatsi lridaki sho Jacob iito irso, ima cirri-catsa matsialrica jliaji lrinaitjalri rorso. 8 Hamor iaco narso: ''Jliaji nirri Siquem yomaca rsoaji piitoi. Pinaitja matsiacalri picada lriinoano. 9 Warsa wanaitja papoco carrotsa fa, niini pia warsonrsoaji pienipe njite jita ininaiwa njaji waitonaipe.'' 10 Yofaotsa wainai njite idejiwatsa imaodacatsa jliaji fepaite, yofaotsa niini njite iwende watsa pjiomi cocacatsa, njite itaita tsakjaotsa irsoca iyarrope wainai. 11 Siquem iaco Jacob irso njite narso njaji lrienipe: ''Noma matsiaca icapaca norso, niini coca cadatsa itatja noinai noá watsa irso.'' 12 Itatjena noinai cocacatsa macadalri, coandalri catsa yoma noinai, noá watsa irso coca catsa ioma, mitsa yaaca noinoa rsoaji yemepeti.'' 13 Njite naaco njepaca Squem njite Hamor njaji Jacob yeenipe, mitsa jliaji nacaiterri narso ishatitsa, Siquem inaitja capoa maatsi nawedoa irso. 14 Njite naaco njepacana: ''Corrin wataita wanaitjaca, wa cantja rsoaji wakitsidoa pada irso corri-dalritsa irso Dio jinaana lridaki nacó; ima maatsidalri jiwaca cantja wanaco wanaitja cada cayo. 15 Icaamitsantja waaca irsono inaitja cada cayoji: Iyoa cadaa iatsiaca íya cayoji wacayosho, njite pjiomi njaji atsianai. 16 Njite dekja wataita waaca waitonaipe ininaiwa, njite fetaca waninaiwa itonaipe, waofá iinai anji papoco carroenatsa fa pjiomi. 17 Mitsa corri cadaa sheepa fa iyoaca iatsiaca íya icaamitsa fepaca wadee rsoaji wawedoa waacarro roapiya ajaiteji. 18 Njite jliaji yacoti nacaiterri matsia Hamor njite Siquem jimica. 19 Jliaji atsia yempetitoa kjeyacalrim lrinaitjaca jliaji nanaalri nanaitjaca, ima lripeyoca rsoaji Jacob iito, njite Siquem, pada atsia nacapandaca naicaowa njaji jlinirri ikitsiñape. 20 Hamor njite lrirri Siquem naawa yacaalre ipananoma caacocarrona naapiya njaji inaiki nimperri, naaco narso: 21 ''Njaji atsianai imaodaca-capetsa wainai, niini warsaotsa icadaa naofá-carro wainai fepaite ricó, nataitá -carro nadejica niini njite nawende tsakja nadejicalre, ima jliaji fepaite macadalri cani, lricoatsa nadejicarroni. Fetaotsa naitonaipe waninaiwa njite wa tsakjaotsa narso waitonaipe. 22 Mitsa naofaotsa wainai njaji atsianai wayacalre ricó papoco carroetsa fa, nayoá cadaa natsiaca íya njaji atsianai, ima njá iyoacape kena natsiaca íyam. 23 Imaotsa pjiomi njaji na-vacan, na-yarro, piomi napirra wayape caotsana. Niini matsiatsa wanaitjaca cayoji nacaite capisho, naofá-carro wainai. 24 Pjiiomi njaji atsianai nayacalré ricope njeepa jliaji Hamor njite Siquem icaiterri narso. Niini pjiomi najaji atsianai nayoaca natsiaca íyam. 25 Njite madalridaa naco jecoapi, caiwi cádanaco toa naaji nadada naco njaji atsia nayoaji ioya natsiaca íyami, yamada nanakjite njaji Jacob yeenipe, Simeón njite Leví, Dina ipjenaipe, nacoana njepaca namatseetani njite naawa yacaalre ricojle, njite njaji atsianai nimperri corritsa coca nawapa yaacantja ínona, niini njaji Simeón njite Leví iapiya naino pjiomi naji atsianai yacaalre lricoperri. 26 Naino tsakja Hamor njite lrirri Siquem matseeta sho. Njite njepa nadee nawedoa Dina Siquem iipana lrikjoite, icaamitsa nadiacawa njiteo. 27 Njite nja paana Jacob yeenipe naa caikjaolre njaji mayamperrim minatsa njite nadee pjiomi nayarro nayacalrem rikjoite, ima njaji inaiki nanaitja maatsi nakitsidoa irso. 28 Nadee na-vacan, na-ovejani, na borroni narsompe yacaalre ricotsa njite njaji narsolri pia yacaalre iwaida nacojle 29 pjiomi nayarro. Njepa nadee naninai, neenipe tsopetoa tsakja. Nadee tsakja pjiomi njaji naapana lricoperri tsakja. 30 Niini Jacob iaco Simeón njite Leví irso: ''Oopi dekja yaa inaitja nomatsicanao pekirrídalri, imaotsa corrica naoma njoa njaji inaiki waofalri jipaite ricó, njaji cananeonai, njite ferezeonai. Cotsa coca-ca noopaneta imaimaca. Nadia cadaotsa njepacawa papocotsa njite nano naino njoa, icaamitsaotsa nowayacacao njite pjiomi noopaneta.'' 31 Mitsa Simeón njite Leví naaco njanirri irso: ''¿Capja matsia piacatsa Siquem inaitja rorso rsoaji waweedoa cwilredarrom capishotsano?''
1 Dio icaite Jacob irso: ''Pjinico piawa Betel lricojle, piofá-carro niini. Pjirretaotsa apana altar Dio irso, jliaji picapalri pia pipitoji caojli pia pipjerri Esaú ioya.'' 2 Niini Jacob icaite narso njaji lriipana lricope njite njaji lriinaiperri pjiomi: ''Ipeeco yooyawa pjiomi njaji idolonai irsompe, imatsietaacawa matsia jiwaacatsa imatsicana ioya, njite sheeta inacoa itsayan walriperri. 3 Warsa wawa ajaiteji Betel lrircojle. Nonaitjacaotsa apana altar Dio irso niini, jliaji ikitsindatalri njoa njorrapita caojli pia, njite noinai catsa akjerrejle catsa noawaji.'' 4 Niini naaca Jacob irso pjiomi njaji idolonai narsolri pia nanakjoite perri njaji apaana inaiki, njite njaji njentada njeeni nacope. Jacob jipa idawana jiipai ricó apana jaico macani ipocoda nacó tsoomi Siquem ioya. 5 Naacayawa, Dio icadaa ifiokjeti jiwacawa nanaco pjioi njaji inaiki yacaalre nawaipoco ricoperri, niini njaji inaiki corrin napineetaca njaji Jacob inaikite. 6 Jacob iocawa Camarrai lricojle, jliaminitsa Betel Canaán jipaite ricó, njite pjiomi njaji inaiki lrinaiperri tsakja. 7 Jlirreta jliaji altar nirse njite lricadaa lriipitanao niini ''Jliaji Betel'', ima niini piaca Dio icañjataacawa lrirso lriaji caojli pia lripitojiwa lripjerri Esaú ioya. 8 Mayami rsoaji iwapacada Rebeca yenipe, roipitana pia Dévora. Nadawano teeco pja Betel ioya, apana jaico macani icodapi njite nacadaa lripitanao niini Alón Bacut, caishopacani ''Jaico ninicawa inonacalri.'' 9 Jacob yaa cadanaco icapa Padán Aram lricojle, Dio icañjatacawa Jacob irso tsenakja njite lricadaa yaacoti matsiaperri lrinaco. 10 Dio icaite lrirso: ''Jacob-ca jliaji piipitana, mitsa panaya corrinatsaotsa Jacob-ca pjia. Irael watsa piipitana panaya.'' Njite Dio icadaaca lriipítanawa Irael. 11 Dio icaite pja lrirso: Icatsa Dio Kjaidanalrica njoa. Pinaitjaotsa aima pienipe, njite imaimatacawa. Pacoa yacaalre macacoe inotoatsa pinakjoite, njite aima tsakjaotsa yacaalre macacoepe imotoatsa pinakjoite, njite talricanaatinai tsakja. 12 Jliaji jiipai noalri Abraham njite Isaac irso, noá tsakjaotsa pirsoni, njite narso njaji pjiapodamperri tsakja.'' 13 Ikena Dio jirracawa lrioya caacolri pia niini lriapiya. 14 Jacob iwakeeta jiipada caacó carrom lrirso Dio niini. Lriarro lrinaco lrirranda njite aceite tsakja ofrenda sho. 15 Jacob icada lripitana niini, caacó carrom lrirso Dio, Betel. 16 Naawa Betel lrikjoite, njite tsoomi ketjatsana Efrata ioya, lrinitena caiwica roenipe rsoaji Raquel. Aima rsorrapitaca lrikjaote. 17 Njite matsina cádanaco caiwica rorso, rsoaji iwapacada kenipeno, roaco rorso: ''Mafiotsawa, ima pirsocaotsa pada tsenakja pienipe.'' 18 Njite tsomiketsa mayami carrono, rocadaa lriipitanao Benoni, mitsa jlinirri lricadaa lriipitanao Benjamín. 19 Mayami Raquel, njite nadawano inipolrico jacadawa Egrata lricojle, jlia minitsa Belén. 20 Jacob iwaqueeta jiipada Raquel icaonam naco. Icatsa jlinaanaca nadawa carrom Raquel atee panashete. 21 Irael yaapjawa njite lrinaitja lria lrinaitja lripanaitawa lripeyajle pja jliaji nanaitjanda yeenondalri njerracawa naco nawapá-carro naapirra. 22 Irael yofá-cádanacotoa lriricoda jiipaica, Ruben yaa imaa Bilha iinai, jlinirri irsodarro, njite Irael yaají jliaji Rubén inaitjalri. Jacob irsopiakena doce lrienipe. 23 Njaji Jacob yeenipe Lea inaiperri icapiatsa njaji, Rubén jliaji pjerriti, njite Leví, Judá, Isacar, njite Zebulón. 24 Njaji lrienipe Raquel inaiperri, icatsa njaji José njite Benjamín. 25 Njaji lrienipe Bilha irso, Raquel irsodarro, Dan njite Neftalí. 26 Njaji Zilpa, Lea irsodarro yeenipe Jacob irso, icapiatsa njaji, Gad njite Aser. Icapiatsa njaji Jacob yeenipeca pjiomi, njaji jiicolri Padán Aram lrico. 27 Jacob yaawa jlinirri Isaac iderse Mamre rse Quiriat Arba (Hebón) lricoda, Abraham njite Isaac iofá-carrom pia. 28 Isaac iofáa jalredaoca lrico ciento ochenta walria. 29 Mayami Isaac lriá-carro lriwacaacawa nainai njaji lriferrinaipemi. Pekirrinatsa mayamican. Njaji lrienipe Esaú njite Jacob njaji idawani.
1 Icatsa njaji Esaú inakjoiteperri, najirri tsakja Edom. 2 Esaú jita poa inoa njaji cananeo tadoanaipe. Icapiatsa njaji: Ada, Elón hitita tairri iito, Aholibama, Ana iito, Ismael iito, Zibeón idakedoa, heveo tairri, 3 njite Basamet, Ismael iito, Nebaiot iwedoa. 4 Esaú irrica Elifaz Ada irso, njite Basemat yeenipe lrirso Reuel. 5 Aholibama yeenipe lrirso Jeús, Jalaam njite Coré. Icatsa njaji Esaú yeenipenaica jicolri pia Canaán jipaite ricó. 6 Esaú jipa idee njaji lrininaipe, lrienipenaipe, lritonaipe, njite pjiomi njaji yofacape lriinai lriipana lrico, lri-vacan, lri-pirra, pjiomi njaji lrinaani lrirsompe lriwaketaji a cadanacotoa lriofawa Canaán jipaite ricó, lriá-carro teeco pada jipai nacojle lriwerri Jacob ioya. 7 Esaú inaitja cayo ima aimaca njaji naapirra naofá.acrro pafetsantja yamadapena. Ima jliaji jiipai naofalri piatoa irricoda corri lricoaca narso naikjaote njaji na-wacan imaimaca. 8 Niini jliaji Esaú, naajirri tsakja Edom, lriawa awacada cawa nacojle lriipitana Seir. 9 Icatsa njaji Esaú inakjoite-perrica, naferrim njaji edomitanai awacada cawa nacope iofawa Seir lrico. 10 Icatsa neepitanaca: Elifaz, Ada (Esú iino) irri Esaú irso; Reuel, Basemat (Esú iino). 11 Njite njaji Elifaz yeenipeca, Temán, Omar, Zefo, Gatam njite Quenaz. 12 Njite Timna, apama Elifaz, Esaú irri inaidarro, rorsoca pada roenipe lrirso, lriipitana Amalec. Icatsa njaji Ada idakenaica, rsoaji Esaú iino. 13 Njite icatsa njaji Reuel yenipenaica: Nahat, Zera, Sama njite Miza. Icatsa Basemat idakenaica, rsoaji Esaú iino. 14 Njaji Aholibama yenipenaica, rsoaji Esaú iino, Ana iito, Zibeón idakedoa: Esaú, Jeús, Jaalam njite Coré. 15 Icatsa njaji Esaú inakjoiteperri, lripaneta poco: Lrirri pjerriti, Elifaz inakjoiteperri:Temán, Omar, Zefo, Quenaz, 16 Coré, Gatam njite Amalec. Icatsa njaji Elifaz ipaneta poco inakjoiteperri Edom jipaite ricó. Icatsa Ada idakenaica. 17 Njaji Reuel poco, Esaú irri: Nahat, Zera, Sama njite Miza. Icatsa njaji Reuel poco inakjoiteperri Edom jipaite ricó. Icatsa njaji Basemat idakenaica, Esaú iino. 18 Njaji ahilobama poco, Esaú iino: Jeús, Jaalam njite Coré. Icatsa njaji Ahilobama poco inakjoiteperri, rsoaji Ana iito, Esaú iino. 19 Icatsa njaji Esaú yeenipe poco-ca. 20 Icatsa njaji Seir yeenipenaica, jliaji horeo tairri, njaji jiipai iminanai: Lotán, Sobal, Zibeón, Aná, 21 Disón, Ezer njite Disán. Icatsa njaji horeonai poco, njaji yofacapewa Seir lrico, Edom jipaite ricó. 22 Njaji Lotán yeenipe, Horari njite Hemán. Njite Lotán iwedoa roipitana Timna. 23 Icatsa njaji Sobal yenipeca: Alván, Manahat, Ebal, Sefo njite Onam. 24 Njite Sibeón yeenipe: Aja y Aná. Aná pia jliaji yoketalri ooni imotocawao jalrapocolri ricó, lriajikje pia lriwapa njaji jlinirri Zibeón iborron. 25 Icatsa njaji Aná yeenipe: Disón njite Aholibama, Aná iito. 26 Njaji Disón yeenipe: Hemdán, Esbán, Itrán Njite Querán. 27 Njaji Ezer yeenipe: Bilhán, Zaaván njite Acán. 28 Njaji Disán yeenipe: Uz njite Arán. 29 Icatsa njaji horeonai poco: Lotán, Sobal, Zibeón, njite Aná, 30 Disón, Ezer njite Disán: icatsa njaji horeonai poco, nadana neepitana kjaiterri poco nakjoitecaná Seir jipaite ricó. 31 Icapiatsa njaji talricanaatinai italricanaatalrica Edom jipaite ricó lripjeya toa narsoca natalricanaa njaji Iraelnai: 32 Bela, Beor irri; lritalricanaata pia Edom lricó, Dinaba pia lriyacalre iipitana. 33 Mayami Bela, njite Jobab , Zera irri, Borsa lricoda, italricanaata jliapodam. 34 Mayami Borsa, njite Husam, temanitanai jipaite lrikjoite dalri italricanaataca jliajpodam. 35 Mayami Husam, njite Hadad, Bedad irri, jliaji inolri njaji madianitanai Moab jipaite ricó, italricanaataca jliapodam. Avit pia lriyacalre iipitana. 36 Mayami Hadad, njite Semla, Masreca lricoda italricanaataca jliapodam. 37 Mayami Samla, njite Saúl, Rehobot njitédalri ooni icodapi lricoda italricanaataca jliajpodam. 38 Mayami Saúl, njite Baal Hanán , Acbor irri italricanaataca jliapodam. 39 Mayami Baal Hanán, Acbor irri, njite Hadar italricanaataca jliapodam. Pau pia lriyacalre iipitana. Mehetabel pia lriino ipitana, Madred iito, Mezaab idakedoa. 40 Icatsa neepitanaca njaji Esaú iipaneta poco jiwidaapo, coamperri poco inakjoite perri njite njepaite iipitana naofacawa lrico: Timna, Alva, Jetet, 41 Aholibama, Ela, Pinón, 42 Quenaz, Temán, Mibsar, 43 Magdiel njite Iram. Icatsa neepitanaca njaji Edom jiwidaapo, nayacalre iipitana kjerredalri jiipaica naofawaji. Icatsa Esaú-ca jliaji, edomitanai jinirri.
1 Jacob iofawa lri-ricodatsa jliaji jiipai jlinirri iofá carrom piatsawa, Canaán jipaite ricó. 2 Cayo pia Jacob iipaneta inacoapana. José, pada atsia yempetitoa irsocada diecisiete walria lripwkirrica nacó iwapacada jlinirri ípirra lripjerrinaipe ínai. Nainai piacani njaji lriperrinaipe, neenipe njaji jlinirri ininaipe Bilha njite Zilpa. José idia icaite matsia nanaco jlinirri irso. 3 Irael ipeyo pjaaca jliaji lrirri José naoya njaji lripjerrinaipe ina lrienipecani pekirri cayaminani. 4 Njite njaji lriperrinaipe nacapa njanirri ipeyo pjáca José naoya pjiomi, niini maatsi nacapaca lrirso njite corrin caaco matsia lrirsona. 5 José irso pada jlitapon niini lricaiteca njemio njaji lripjerrinaipe. Njitedalri maatsipja nacapaca lrirso. 6 Lriaco narso: Jlimi jliaji njotaponrri. 7 Njotapon, wapapica panacope njaji wapania fetaope ínaca, njite, njaji jliaji noyada lriema capisho mayacan, njite, jliaji iyape némawa noyada iwaipoco nacó njite nacoajacawa noyada ikjaolre.'' 8 Njaji lripjerrinaipe naaco lrirso: ''¿Capja piwaada pjia caotsa italricanátacaotsa wanaco? ¿Pjiá cantja yájí wanaco?'' Njite mátsi pja nacapaca lrirso jlitapon ikjaote njite nanaco njaji lricaiterri narso. 9 Lripieta tsenakja jlitaponca njite lricaite lriperrinaipe irso: ''Jimikje, norso tsenakja pada njotapon: Jliaji jeerri, njite kérri njite once jiwirsida nacoajacawa noikjaolre.'' 10 Lricaite tsakja jlinirri jimioni cayotsa lricaite capisho narso njaji lripjerrinaipe, njite jlinirri icoitani, lriacolrirso: ''¿Coajidalrio jliaji pjitaponrri? 'Rsoaji pjidoa, njoa njite njaji pipjerrinaipe ajádalriotsa wacoajacaotsa poikjaolre jalredaoca lrico-toa?'' 11 Njaji lriperrinaipe mátsi najiacacawa lrikjaote, mitsa jliaji jlinirri lriwaopia lrinaco lriaolre ricotsa. 12 Naawa njaji lripjerrinaipe Siquem lricojle nawapá-carro njanirri ípirra nirse. 13 Irael iaco José irso: ''¿Capja opica ná nawapa pirraiti Siquem lricojle njaji pipjerrinaipe? Warsaotsa piawa njapodam.'' Njite José iaco lrirso: ''Prontoena njoa noá-carro.'' 14 Lriaco lrirso: ''Warsa pia picapa matsia cadatsa njaji pipjerrinaipe njite njaji pirraiti, njiteotsa poidia picaite njomi coajicana.'' Cayotsa Jacob imeenaca José iawa teecoa lrioya jliaji pacoacacaita lrikjoite jiipai Hebrón lricoda Siquem lricojle. 15 Pada atsia icapa José, njite lricapa lriajicawa macadatsa awacada lrico. JLiaji atsia itatja jimio José: ''¿Cocao piaji pioma?'' 16 José iaco lrirso: ''noajica noona njaji nopjerrinaipe, pinaitja matsiacalri picaite njomi kjerreca ná naofa nawapa njaji pirraiti.'' 17 Njite lriaco jliaji atsia: ''Opi nawa ajaiteji, njite njomi nacaiteca naacawa Dotán lricojle.'' José iawa Dotán lricojle lripjerrinaipe shapodam, njite lrioketacana Dotán lricojle. 18 Nacapa José tekjoite toa, njite lripjeyatoa lriocacawa naikjaolre, nanaitja pada iwaopiakjeti nainó carroni. 19 Naaco narsowaaca njaji lripjerrinaipe: ''Icapa lrinoca waikjaolre jliaji kjetaponrri mana. 20 Niini oanaya, warsaotsa wainoni, njiteotsa wapecoatsa nerricoda njaji irrirriapji aperriji. Njite wacaiteotsa opica apana maaficalri kerroani awacada lricoda íñjani. Wacapa carroatsa coajicaotsa jlitapon nacó.'' 21 Rubén jími niini lriyomjetacani naoya. lriaco narso: ''Corrin nóma wainocani.'' 22 Niini Rubén iaco narso: ''Mainotsani. Ipeco-catsani nerricoda njaji irrirriapji jalrapocolri ricope, mitsa corrin ínocantjani icaapisho.'' Cayo lricaiteca lritaitá-carro jlitacani irrirriapji ioya lridieta carroni jlinirri iderse tsenakjan. 23 Niini José ioca cádanaco lripjerrinaipe iderse, ikena natojloetaca lrioya lritsayan matsiadalri. 24 Njepa napeconi irrirriapji ricó. Jliaji irrirriapji corrin lrirsoca ooni lri-ricoda. 25 Njitedalri naofaketsa naiñja. Njite njerreta nacapa, naomena nacapa papoco imaelitanai ínoca naokjaolre Galaad lrikjoite, nadee camello naco aima pomeniajaipe, tapé tsakja njite mirra, nadeecana Egipto lricojle. 26 Judá iaco narso njaji lrikitsiñape: ''Cotsa cocá-carroca warso waino cadaa jliaji wakitsinda, njite wadawaca lrirrana. 27 Warsa wawende narso njaji imaelitanai, corrin nóma wainocani, ima wawérricani, wanakjoitedalri.'' Njite njeepan njaji paana lrikitsiñape. 28 Njeyapawa njaji madianitanai yácae iwende. Njeta José napeecolri njiteni. Ikena nawendeca José narso njaji imaelitanai venteeta monedaita palraata icoa. Naji imaelitanai nadee José Egipto lricojle. 29 Rubén yá icapa irrirriapji ricojle, mitsa corrinatsa lricapa José niini, njite lritsafá lritsayani. 30 Lriá naikjaolre njaji lripjerrinaipe, njite liaco narso: ''¿Akjerreo jliaji yempeti? Njite ¿a kjerreotsa noawaji?'' 31 Naino apana cabra njite naiñjeta lrírranam José itsayanim nacó. 32 Njite nadee nacañjatani njanirri irso, naaco lrirso: ''Alri waoketaca jliaji. Picapatja matsia pirrí José itsayan cadaani o corrin.'' 33 Jacob icapa jliacatsan njite lriaco: ''Noenipe itsayanimcani. Maaficalri kerroani awacada lricoda iñjacani. Ajádalri paitapenaita lrinaitjaca jliaji noenipe.'' 34 Jacob itsafá lritsayan njite jlieta lrinacoa tsacowanam. Ocho jalredaoca lriiyaca José nacó. 35 Njaji lrienipe njite lritonaipe naatja nacatimatani mitsa corrin lrioma nacatimatacani. Lriaco narso: ''Mayami catsaotsa njoa lriapiya jliaji inonacalri noenipe nacó.'' Jacob íyacatsa José ikjaote. 36 Njaji madianitanai nawende José Egipto lricojle Potifar irso, pada tsolrodao caconaite idejicada Faraón irso, nacapitamacan njaji iwapacape jliaji talricanaati Faraón.
1 Njite papia nacojlene Judá shenawa naoya njaji lrikitsiñape njite lria lriofawa Hira iinai, Adulám lricoda yofawa. 2 Judá icapa nirse apama inarro ape cananeo tairri iito lriipitana Súa. Judá jita ínoa lriito njite lrimá roapiya. 3 Kewedan rsoaji ínarro njite kenipeno pada atsiada, nacadá lrípitanao Er. 4 Ropitea tsenakja kénipecano, pada atsiada, rocadaa lrípitanao Onán. 5 Ropieta tsenakja kénipecano, njite rocadá lripitanao Sela. Jíconi Quezib lricó. 6 Judá ioketa lrirri pjerriti Er ínoa. Roipitana Tamar. 7 Jliaji Judá irri pjerriti, Er, pada inaitjacada mátsi Dio ipeyajle. Niini Dio catsa ínoni. 8 Njite Judá iaco lrirri Onán irso: ''Pimá watsa pipjerri ínom iapiya. Pinaiytja jliaji pirsolritsa pinaitjaca ima pjerri piaca jliaji roinirrim, pinaitja pada yempeti pipjerri ípitana nacó.'' 9 Njite Onán yajíntsa corricaotsa lrienipe shoca jliaji lrienipe rorso. Niini lridakita cádanaco roapiya corrin lricadaa ronaco jliaji lrinaitjashopa roenipeo lripjerri irso. 10 Njite jliaji lrinaitjalri rorso, corritsa matsialrica Dio ipeyajle, niini Dio íno tsakjani. 11 Njite Judá iaco rirrinomi Tamar irso: ''Madoiyoam catsaotsa piofacawa pjinirri ípana lrico, a kjerreca nirri Sela itaoñawa pikjaolre.'' Ima lrifiocawa: ''Wade catsa mayamican nacayosho njaji lriperrinaipe.'' Tamar yá yofawa rsonirri ínai lripana lricojle. 12 Mitsa aima jalredaoc shapodamina, rsoaji Súa iito, Judá iino mayamino. Njite jliyapeta cayamina inonacalri, lriawa naikjaolre njaji iyoacape lri-ovejan íyo Timnat lrico, jlia njite lrikitsindaji Hira, jliaji adulamita tairri. 13 Njite nacaite Lrirrinomi Tamar irso: ''Piñjawerrimi yacawa naikjaolre njaji iyoacape lri-ovejan íyo Timnat lricojle.'' 14 Rsota rooyao jliaji tsaya madoiyoanaipe itsayan-waca, ropeco ronaco yamacati njite roñampacawa lrisho. Njite roa rofawa yacaalre Enaím ipananoma lrico, inipo icodapita yacadawa Timnat lricojle. Ima rocapaca Sela itaoña kenawa mitsa corrin naaca roinirriwani. 15 Judá icapa cádanacono, lriwaopia apama cawilreadorrom-cano roita capoa roecoa. 16 Lriawa inipólrico roikjaolre njite lriaco rorso: ''Pinaitja matsiacalri pino noderse, picadaa nomá piinai.'' corrin lriaji lrirrinom canó,njite roaco lrirso. ''Cocaotsa piá norso nomá capji piinai?'' 17 Njite lriaco rorso: ''Noawatsa pirso apana cabra yenipe nanakjoite njaji nópirra.'' Njite rsoepacani: ''Picadaotsa norso pada poinaconda a kjerreca pimenaca norso jliaji cabra yenipe.'' 18 Lriaco rorso: ''¿Coandalri pioma nocadaaca pirso?'' Njite roaco: ''Pipatjepi pjinaanada lriñadafie, njite pipjeco pjipanda picaapi ricó.'' Njite lriá rorsona, icamitsa lrimáca roinai njite keenipeca lrirsono. 19 Njite rsonico róa lrioya. Rsota rooyao jliaji yamacati roñampaca shopawa njite rsoeta tsenakja ronacoa jliaji tsaya madoiyoam carrodano. 20 Judá imeenaca jliaji cabra yenipe rorso, rodietá-carro lrirso njaji lrimacaji toa rorso lrinai jliaji lrikitsindaji adulamita, mitsa corrin lricapacano. 21 Njite jliaji adulamita itatja jlimiwa njaji atsianai ninperri: ''¿Kjerreo rofawa rsoaji ínarro cawilredarrom idejicada panti macade lrico idejirri pia Enaim lrico inipo cají?'' Njite naaco lrirso. ''Corrin pacapa apama ínarro anjí caidarro idejica picaite capisho.'' 22 Njite lridiawa Judá iderse njite lriaco lrirso: ''Corrin noketano. Njite njaji atsianai nimperri nacaite corrica pacapa apama ínarro caidarro idejica niiní.'' 23 Njite Judá iaco: Wacadaa pedena rorso njaji rsopalri nooya wadentja ropaimanietaca fá. Ima nomenakjenina tja jliaji cabra yenipe, mitsa corrin picapacano.'' 24 Njite madalripi keerri shapodam nacaite Judá irso opicacawilre rsoaji lri-rinomi njite keenipecano lrikjaote jliaji ronaitjalri. Niini Judá iná nadecano lriderse namjaitá-carrono nirse. 25 Nadeeno njite nacadano pemajletsa, nini romeenaca yacoti roñjawerrim irso: ''Coca iyarro cada njaji, icatsa jliaji ikenipetalrica njoa. Icapatja matsia coca iyadaca jliaji itjinada lriñada fie, njite jliaji ipjecoti.'' 26 Judá icapa lriyapecana njite lriaco. ''Ajádalri matsiadarro pjaca noyano, ima corrica nocada roinirriwa jliaji nirri Sela.'' Corrinatsa lripieta lrimaca roapiya. 27 Njite lrioca kena jlinana keenipe kenano, nacapa yamadaca njaji rowedanrri. 28 Niini kenipe cadanacoenano, pada imotoita lricaapi pemajle, niini rsoaji iwapacada kenipeno rsopa pakja tawalrekja irraikjai ropapí carro lrinaapa naco ima rocaiteca: ''Icatsa jliaji imotolrica iinitawa.'' 29 Mitsa lridia jlieta lricaapi, niini jliaji lriwerri shodalri imotoca lripjeya. Njite rsoaji iwapacada kenipeno, roaco: ''¡Coajio pinaitjaca pimotó carro piinita!'' Niini nacadaca lriipitanao Fares. 30 Njitena lrimotoa jliaji irsocada ipapi tawalrekja irraidalri lricápi nacó, nacada lripitanao Zara.
1 Naocawa José iapiya Egipto lricojle. Njite Potifar, pada caconaite idejicada Faraón irso, nacapitama njaji iwapacape pada egipcio tairri iwentaca José naoya njaji imaelitanai, njaji iderri nirseni. 2 Diotsa José ínai njite lricadaa matsiacani pjiomi nacó. Lriofá piacawa lriminalri ípana lrico. 3 Jliaji lriminalri lricapa Dio catsa lriinai njite matsiaca lrirso pjiomi nanaco njaji lridejirri. 4 Niini matsiaca lricapa José irso. Lrideji Potifar irso. Potifar icadaa José-carro yají lriipna lricope, njite pjiomi njaji lrirsompe jliá-carro yají nanaco. 5 Niini lricada cayami nakjoitetsa jliá-caro yají lripana nacó njite nanacó pjiomi njaji lrirsompe, Dio icadaa matsiaca njaji lrirsolri jliaji egipcio tairri José ikjaote. Dio icadaa matsiaca pjiomi njaji Potifar ípana lricope njite njaji lrirsolri awacada lrico tsakja. 6 Potifar icadaa José-carro yají pjiomi nanaco njaji lrirsolri. Corrin lriwaopia coajica lriipana lrico, icaamitsa lriwaopia lrinacowacatsa cocacaotsa lrinjá. Matsiadalri njite matsiapalrica icapacana napeyondaca nacapaca. 7 Njite apapia nacojle jalredaoca rsoaji lriminalri íno yopica rocapaca José irso. Roaco José irso: ''Pino pimá noinai.'' 8 Mitsa corrin José shepacawa roapiya, lriaco rorso: ''Jliaji nominalri corrin jlitaca lricaolre njoa capoa iwapa lriipana, njite lricadaa njoá-carro yají nanaco njaji lriipana lricope. 9 Corrin pada yají pja nonaco lri-ricoda jliaji panti. Cotsa coca jliaji lrifarrolri nooya, icamitsa pjia lriinó. Corrin notaita nonaitjaca jliaji imatsicanaati pekirridalri noDiote ikjoete. 10 Caidalrimatsa jalredaoca icoam cayoca roaco mana José irso, lrimá-carro roinai. 11 Papia nacojlena, lriawa lriminalri ípana lricojle lrinaitjá-carro lridejicalre. Njite corrin pacapa pada inaiki niini jliada naco panti ricó. 12 Rsopa lritsayani nacó njite roaco lrirso: ''Pimáca noinai.'' Icaamitsa lrimacaca lritsayani nínitsa rocapi rico, njite lrimoto jliecoa rooya pemajle. 13 Rocapa cádanaco jliecoca rooya pemajle njite lrimaca lritayanalre rocaapi ricotsa, njite lrimoto pemajle, 14 rowana njaji atsianai idejicape ropana lrico tsakja, roaco narso: ''Icapa coanca Potifar ideca waapana lricojle pada hebreo tairri lricaa carrotsa waicao. Lrino catja jlipaacawa noapiya mitsa njoematjaca lrikjaolre. 15 Jlimi cadanaco njoemataca lrikjaolre, atsa lrimacaca lritsayanalre nonaco njite lripitoa pemajle.'' 16 Atsa rocada José itsayanalre rocodapitsa a kjerreca lriminalri idia yocawa pinti ricojle. 17 Njite roaco lrirso cayoji: ''Jliaji hebreo tairri pidenda waapana lricojle, yomje jlipacawa noapiya. 18 Nini njoemata cádanaco lrikjaolre, atsa lrimaca lritsayanalre nonaco njite lripitoa pemajle.'' 19 Niini lriminalri jimi cádanaco lrino icaiteca lrirso: ''icatsa jliaji lrinaitjalrica norso jliaji pirsodalri,'' kerroani pekirritsa. 20 Ikena José iminalri jipa shetani presodapana lricojleni, njetacawa preso njaji Faraón irsoperri pikeetem. Icatsa presoca José niini. 21 Mitsa wa-Minalri catsa José iinai, lrinaitja lrirso pada yaacoti José iinai lricaitecawa corricaotsa lrimacacani. Dio icadaa matsiá-carro lricapaca lrirso jliaji iwapaca jliaji presodapana. 22 Jliaji iwapacada njaji presonai, lricadaa José-carro yají nanaco njaji presonai. Jlia yají nanaco pjiomi njaji nanaitjalri niini. 23 Jliaji iwapacada njaji presonai corrin jlitaca lricaolre José capoa iwapa niini, Ima Dio catsa lriinai.
1 Njite njapodamjitena njaji, jliaji iwicada talricanaati irraoda njite jliaji inaitjacada pan lrirso nakerroataca jliaji naminalri, Egipto italricanaa. 2 Keerroa faraón nakjoete njaji yamadade lrinaikite caaconaperri, jliaji iwicada lrirraoda jiwidaapo njjite lriinai jliaji inaitjacape pan jiwidaapo. 3 Lricadaa presona lriipana lrico jliaji tsolrodaonai icapitamani, lri-ricodatsa jliaji napresotalritsa José. 4 Jliaji tsolrodaonai icapitamani lricadaa José idejicaoda lrirso. Nacada presona aima jalredaoca. 5 Njaji yamadade atsianai njetaponca, jliaji iwicada talricanaati irraoda njite jliaji inaitjacada pan talricanaati Egipto lricoda irsoperri, nacoamitsa narsoca njetaponialre jliadaa minitsa deepica, njite nacoamitsa njaji njetaponialre narsoca coamishopaca. 6 Njite José iawa naikjaolre piyompinaco njite lricapana iinonaca yamadapena. 7 Njite lritatjá lrimio njaji caconaperri Faraón irsoperri lricadaji iwapacana lriminalri iipana lrico, lriaco narso: ''¡Coada inonaana nacapacana?'' 8 Njite njeepani, naaco: ''Wacoana fa yamadade fetaponca oopica deepi njite corrin coca icaite femi coamishopacan,'' Njite José iaco narso: ''Padatsa Dio iají coamishopaca njaji jitaponti. Icaite jimi norso coanca jitanca.'' 9 Jliaji inaitjacape pan jiwidaapo icaite José irso jlitapon. Lriaco lrirso: ''Njotapon ricó nocapa apana ova inana nocoemjete. 10 Jliaji lrinana lrirsoca nadalrikjaa lriki shoperri. Nataoña cádanacoa njaji lriki narso tsakja nainaca njite njaji lriinaca papocoperri ípecana. 11 Njite njopaca nocaapi ricó jliaji Faraón irracarroda lrirraoda. Njite njopa njaji ova nopitsiocá-carro Faraón irracarroda lrico, njite noacani Faraón icaapi riconi.'' 12 José icaite narso: ''Caishopaca jliaji pjitaponrro. Njaji madalrikja lriki madalridaa jalredaoca-can. 13 13Madalridaa jalredaoca nacoatsa Faraón imotoetaotsa pjia presodapana ioya, njite lricadaa tsenakjaotsa pidejicalrelrem ricotsa. Picadaa tsenakjaotsa Faraón icaapi ricó lriirraoda, cayotsaji pjia capisho piatsa iwapa lriirraoda. 14 Mitsa piwaada tsaotsa nonaco matsia cádanacoenaotsa pjia, kjena tsaotsa picapaca norso. Cácoatsa pjia nonaco Faraón irso pimotoetá-carro njoa presodapana ioya. 15 Ima nadeeca maatsicalri rico njoa hebreonai jipaite rikjoite. Njite corritsa cocaca nomatsicana narso anji nacadaa carrontja njoa presodapana lricó. 16 Njite jliaji inaitjacape pan jiwidaapo, jlimi cádanaco matsiaca lricaiteca lrikitsinda jiataponialre lrirso, lriaco José irso: ''Njoa tsakja irso pada njotaponiajle, njite, nocapaca nadalrida tseeto keetadaperri pan sho njowida nacó. 17 Lrinaco jliaji tseeto naicaodalri ninica aima pan naoyawaacaperri matsiaperri merricana Faraón irso, mitsa njaji wipjiarro yarrajicape naijacana tseto lrikjoite njowida nacope.'' 18 Njite José shepani, lriaco lrirso: ''Caishopaca jliaji pjitaponri. Njaji madalrida tseeto madalrida jalredaocaca. 19 Madalrida jalredaoca nacoatsa Faraón imotoetaotsa pjia presodapana ioya lripapí-carro pirroa apana jaico nakjoite. Njiite njaji waayolri naijacaotsa pidadam. 20 Njite madalrida jalredaoca sahapodam, Faraón iwaada jicocarromni. Lriwacaacawa lrinjá-carro naapiya njaji lrirsoperri. Lrimotoita njaji Iwapacape lrirraoda jiwidaapo, njite jliaji inaitjacape pan jiwidaapo tsakja nanó-carro nainai njaji paana lrirsoperri. 21 Jliaji iwapacada lrirraoda jiwidaapo, lricadaa tsenakja lridejí-carro lrirso lridejicalre ricó tsenakja njite lriaca tsenakja jliwa Faraón iirrao lricaapi ricó. 22 Mitsa lripapi lrirroa jaico njakjoite jliaji inaitjacape pan jiwidaapo, cayotsaji José icaite caoisho pia narso njetapon nacó. 23 Mitsa jliaji iwapacada Faraón irraope corrinatsa lriwaadaca José nacó, icaamitsa lrimaodaca-ca lrioya.
1 Njite yamawalria shaapodami Faraón irso jitapon. Lricapa lriemacawa Ooni Nilo icodapi. 2 Lricapa sietena vaaca jinicocawa Nilo lrikjoite, matsianepe, képepe njite naiñjaca malritsi ooni icajepi naco. 3 Njite njapodamtsa, pána sietena vaaca jinicoa Nilo lrikjoite, mátsinepe, mépenetsa. Njite naaca nemawa ooni icanjepi naco nacodapitsa njaji pána vaaca. 4 Njite njaji vaaca mátsinepetsa, mepeperrimi naijaca njaji vaaca matsianipe, képeperri. Icatsa Faraóin icafiacawa níni. 5 Lripieta lrimaaca njite lrirso tsenakja pada jlitapon yamapia shopena. Panayenakja, lricapa sietekja trigo imotocawa apana nakjoitetsa, capeda perri, matsiaperri. 6 Njite njapodamtsa siete trigo inana imotoa jiipai rikjoite, orraiperrimitsa, ewaperri ipje caolri jamodalri ipjiaji inocada jeerri imolri njiteo. 7 Njaji trigokja orraiperri iñja njaji sietekja trigokja matsiaperri, cainacá-perri. Faraón icafia tsenakja, njite lricapa jlitapon catsa jliaji lricapalri. 8 Njite piyompinacojlena jlita lricaolre pekirritsa. Njite lriménaca yacoti nanó-carro pjiomi njaji atsianai malrirrinai njite njaji cajikje-perri Egipto lricope. Faraón icaite njemi njaji jlitapon narso, mitsa corrin pacapa pada itaitacada pia icaite coamishopaca jliaji Faraón jitaponialre. 9 Ikena jliaji iwicape coajica Faraón irraope iapiyawanai iaco Faraón irso: ''Panaya nóma nocaiteca pirso pada nomatsicana corridalritsa nocaite pjimio. 10 Kerroa pia jliaji Faraón naapiya njaji idejicaperri lriso, njite lripeeco njoa naapana lricojle njaji capitamanai iwapacape njaji presonai, njoa njite jliaji inaitjacape pan iapiyawanai tsakja. 11 Warso pia fetapon lriapiya jliada minitsa deepica. Njaji fetaponrri narso piaca coamishopaca nacoanaa. 12 Niini pia wainai pada yempeti toa hebreo tairri, pada idejicada lrirso jliaji iwapacada njaji presonai. Wacaite jlimi fetapon, njite lricaite femi coamishopaca njhaji fetaponrri wacoana. 13 Njite cayotsa lrimotoca warso lricaite capisho warso. Faraón idieta njoa nodejicalre ricó, mitsa jliaji pada opi lripapi lrirroa lriwedalrico nakjoite.'' 14 Faraón meenaca ná naoma José. Kjeyacalrim namotoitani presodapana ioya. Jlirrita lritsinoma, jlietacawa matsia ikena lriacawa Faraón iderse. 15 Njite Faraón icaite José irso: ''Norsoca pada njotaponialre, mitsa corrin coca icaite norso coanshopaca. Mitsa njomica pinaco, pacaite cada pjimi pjetaponialre njite picaite parso coanshopaca.'' 16 José iaco shepaca jliaji Faraón: ''Cotsa njoaca yají, Dio dekjaotsa icaite Faraón irso matsia.'' 17 Ikena Faraón icaiteca José irso jlitapon: Njotapon ricó nocapa noemacawa Nilo inopami ricó. 18 Njite nocapa sietena vaaca jinicocawa Nilo lrikjoite, matsianepe, képepe njite naiñjaca malritsi ooni icajepi naco. 19 Njite njapodamtsa, pána sietena vaaca jinicoa Nilo lrikjoite. mátsinepe, mépenetsa. Corri toa coancaojli catoa nocapa pjiomi Egipto vaaca caiperri mátsinenetsa nacayosho. 20 Njaji vaaca mátsinepetsa mepeperriim naiñjeca njaji pána sietena vaaca matsianipe, kepeperri ínitalri jinicocawa. 21 Naiñja cayaminaná, corrin pacapa iñjacape sho kena, ima caicarrom mátsinepe catsana. Icatsa nocafiacawa nini. 22 Njotapon ricó nocapa, sietekja trigo imotocawa apana nakjoitetsa, capeda perri, matsiaperri. 23 Njite njapodamtsa siete trigo inana imotoa jiipai rikjoite, orraiperrimitsa, ewaperri ipje caolri jamodalri ipjiaji inocada jeerri imolri njiteo. 24 Njaji trigokja orraiperri iñja njaji sietekja trigokja matsiaperri, cainacáperri. Njite noicaite njemi njaji jlitapon narso njaji malrirrinai, mitsa corrin pacapa pada itaitacada icaite coamishopaca jliaji njotaponrri.'' 25 José iaco Faraón irso: ''Yamada njaji pjitaponrri mitsa pada catsa jliaji nanacoapana. Jliaji Dio ínitalrinaotsa inaitjaca, Lricatjinatani Faraón irso. 26 Njaji sietena vaaca matsianipe siete walria cana, njite njaji siete kja trigo matsiakjaipe siete walria tsakja. Padatsa jliaji naomalri nacaiteca. 27 Njaji sietena vaaca mépepem mátsinepetsa jinicolri njapodam siete walria-ca, njite njaji siete trigokja mtsikjaipetsa, caolri jamodalri inicada jeerri imotolri njite imjaitaji siete walria-ca maawitacai. 28 Icatsa njaji nocaterrica Faraón irso. Jliaji Dio initalrinaotsa inaitjaca, Lricadaa Faraón yajícarro. 29 Siete walria watsa nínicawa aima injaodati pjiomi Egipto jipaite ricó. 30 Njite jliapodam, siete walria watsa ninicawa mawitacai pekirri-dalri, njite corrin-natsaotsa coca iwaopia lrinaco jliaji aima caojli pia injaodati Egipto lrico, ima mawitacai imatsiketacaotsa jliaji jiipai padenirri. 31 Corriotsa nawada carroketsa aima caojli pia injaodati njepaite ricó lrikjaote jliaji maawitacai inolri watsa jliapodami, ima pekirrídalri caotsa jliaji maawitacai inolri. 32 Yamapia cadaa Faraón jitaponca jliaminitsa cayokena Dio inaitjaca, njite kjeyenatsa Dio inita kenaotsa inaitjaca. 33 Panaya Faraón irsotsa iomaca pada atsia cajikjedalri, yajicada iwaopiaca matsia lricadaa carroni iwapacaoda pjiomi Egipto lrico. 34 Cayoatsa Faraón inaitja caotsa: lricadaotsa iwapacape icapa pjiomi Egipto jipaite nacó. Picadaotsa njenitaca cinco walrepe njaji nakiníkerre, njite nainaca nakjoite jliaji pawajlepa icatsa njaji iwaketalrica imatsietá-carro. Cayoatsa nanaitjaca siete walria nacó aima cadanacoatsa injaodati. 35 Pinaotsa nawaketaca njaji injaodati panaya aima cadanacoatsa injaodati njite namatsietaotsa naofawa Faraón cawaotsa yají nanaco, nataitá carroatsa naaca narson njaji inaiki yacaalre ricó. Narso tsaotsa nawapacana matsia. 36 Njáotsa njaji injaodati namatsietaotsa naiñja carroatsa maawitacai cádanacoenaotsa pjiomi Egipto jipaite ricó siete walria. Icaamitsaotsa cayó corriotsa nají carroca kjaida jliaji maawitacai njepaite ricó. 37 Njaji yaacoti José icaiterri, matsia Faraón jimica njite pjiomi njaji lrirsoperri. 38 Faraón iaco narso njaji lrirsoperri: ''¿Capja wataita waoketaca pada pja lrioya jliaji, irsocada inaco Dio iajikje?'' 39 Niini Faraón iaco José irso: ''Dio icañjata capoa pirso coajishopaca njaji, njite corrin pacapa pada yajicada iwaopiaca matsia, cajikjédalri caidalriji picayosho. 40 Pjia watsa jají lrinaco jliaji talricanaati dapana pjiomi njite njaji nonaikite nanaitja caotsa cayoji picaite capishoatsa. Icaamitsaotsa corrica piají lrinaco jliaji notalricanaaca nacó.'' 41 Faraón iaco pja José irso: ''Nocadaaca pjia natalricanawa njaji Egipto lricope pjiomi.'' 42 Faraón jita lricápirro lritalricanaa itjinada lricadácarroni José icápi nacó. Jlieta lrinacoa tsaya matsiaperri njite lricadá pakja cadena owirrokja irroa lriwedalrico. 43 Lricadá jlirra lriofawa lrinaco jliaji jlieco carrofía lriyarrofiá catsa inacojleda. Njite njaji atsianai nawana lrikjaolre: ''Itoda iorsipada lrikjoete.'' Faraón icadaa talricanaatí-carro lrinacojleda pjiomi Egipto lrico. 44 Faraón iaco José: ''Njoa Faraón, nocaite pjia, corrin pacapa pada pioya, njite pjiomi njaji inaiki Egipto lricoperri corriotsa coca itaita inaitjaca cocacan corri cada nacaite pjia.'' 45 Faraón icadá Jose ipitanawa ''Zafnat Panea.'' Lricadá lrinoa Asenat, Potifera iito, sacerdote On lricoda. Jose yají icapaji pjiomi Egipto jipaite ricó. 46 José irso piakena trenta walria lripekirrica nacó lria caojli pia lriemawa Faraón ipeyajle, Egipto italricanaa. José imoto Faraón ioya lriá-carro lricapaji pjiomi Egipto jipaite ricó. 47 Siete walria nacó aima narsoca naijaope. 48 Lriwaketa pjiomi njaji injaodati siete walria nacope aima cádanco injaodati Egipto jipaite ricó, njite lricadaa njaji injaodati nerricoda njaji yacaalre Egipto lricope njaji njetaji njepaite rikjoite tsa. 49 José iwaketa aima injaodati, jiipai shoperri corrinatsa lritaita lriniwetaca coshoca namaimaca, lrimaimaca ikjaote corrinatsa pataita paniweetaca. 50 Yamada pia njaji José yeenipe yamawalria toa ipjeya mawitacai yocacawa nanacojle, lriino Asenat irso, Potifera iito, Sacerdote On lrico. 51 José icadaa lrirri ipjerriti ípitanao Manasé, ima lricaiteca: ''Ima Dio iñetaca noya pjiomi njaji jirrapitinaperri njite pjiomi njaji njonirri nokitsiñape.'' 52 Njite lricadaa lripitanao jliaji iwerriti Efraín, ima lricaiteca cayoji: ''Dio icadaa matsiaca njoa lri-ricoda jliaji jiipai njorrapitalri piatoa niinio.'' 53 Njite lriwayacakena jlinana njaji siete walria aima cawa injaodati Egipto jipaitena lrico. 54 Ikena siete walria maawitacai ínitacawa, cayotsaji José icaite capisho. Ima maawitacai pjiomi Egipto lrico, mitsa nawaketa piakena aima iñjaodati pjiomi Egipto lrico. 55 Njite nainita cádanacoena njerrapitaca mawitacai njaji Egipto lricope, ikena natatjaca Faraón ínai injaodati caiwi ricotsa. Mitsa Faraón iaco narso: ''Warsa iawa José ikjaolre njite inaitjaotsa pjiomi coajicaotsa lrinaa inaitjaca.'' 56 Niini pia maawitacai pjiomi jalredaoca lrico. José iná namjecoca pjiomi njaji nawaketacawa lrico pia iñjaodati lriwendé-carro narso njaji egipcionai. Matsinaa piaca jliaji mawitacai Egipto lrico. 57 Pjiomi njaji inaiki jalredaoca lricoperri nawa Egipto lricojle nawentá-carro iñjaodati José ínai, ima matsinaa poiaca jliaji maawitacai pjiomi jalredaoca lrico.
1 Jacob jími niinica injaodati Egipto lrico, niini lriaco narso njaji lrienipe: ''¡Coada iofawa imaodacatsa! 2 Njomi nacaiteca niinica injaodati Egipto. Warsa ya iwenta waijao nirse wadee mayamica fa anji maawitacai sho.'' 3 Ikena nácawa Egipto lricojle nawentá-carro injaodati njaji die perri José ipjerrinaipe. 4 Mitsa jliaji jlaji Benjamín, José iwerri, corrin Jacob icadaa iawa nainai njaji lripjerrinaipe, ima wade shocatsa lriají coajicani nainai. 5 Njaji Irael yenipenaipe iocawa tsakja nainai njaji iacapewa iwenta, ima maawitacai tsakjana Canaán jipaite ricó. 6 José cadana jliaji iajicda nanaco njaji inaiki Egipto lrico. Icatsa jliaji iwendecadaca narso njaji inaiki inocaperri pada jipai nakjoite-perri. Naocawa njaji José ipjerrinaipe njite njewa naorsoawa, tjewacajle necoa jiipai nacojle. 7 José icapa njaji lripjerrinaipe njite lriajintsa njácana, mitsa corrin lricadá najíni njite cáco narsoni kjaidasho, lriaconarso: ''''Kjaite inoji?'' Njite naaco lrirso, ''Canaán lrikjoite wano wawentácarro injaodati.'' 8 José yají icapaca njaji lripjerrinaipe mitsa corrin nanjini. 9 Njite José iwaada lritaponialre lrirsolri pia nanacó njite lriaco narso: ''¡Inoca icapa ipjeya! Yomaca yají coancawaca corrin wawapa fepaite.'' 10 Njite naaco lrirso: ''Corrina waminalri, fá pirsoperri wanocatsa wawenta wainjao. 11 Padatsa jliaji fanirri. Cotsa cocaca wamatsicana. Cotsa wanoca wacapa waicao jipaie, fá pirsoperri.'' 12 Mitsa lriaco tsenakja narso: ''Corrina, inocao icapa coancawaca corrin wawapa fepaite.'' 13 Njite naacp njepacani: ''Fá pirsoperri, doce wamaimaca, pada atsia yenipeca fá iofacada Canaán jipaite ricó. Jliaji wawerri piketemdalri lriofacawa fanirri ínai, njigte pada wanakjoite opi mayamini.'' 14 Njite José iaco narso: ''Icatsa jliaji nocaiterrica irso, inocapeca icapa ícao fepaite shaa. 15 Nini cayoatsa wawica sha. 16 Faraón icafica nacoatsa, corriotsa idiá carrocawa ajaiteji, aja-dekjaotsa idé cadaa ajerreji jliaji iwerri piketemdalrim. Fetacaotsa preso shaa a kjerrecaotsa waoca wanjí corrica icashataca fá'' 17 Lricadaa presona madalridaa jecoapi. 18 Njite José iaco narso madalridaa jecoapi shapodam: ''Ifiocadaca Dio iiwana njoa, niini inaitjaotsa lriaji nonalriotsa inaitjaca. 19 Mashaperricada atsianaica shá, imacaotsa pada inakjoite presodapana lrico, mitsa shaa pána warsa iketadata itsacon wadee maawitacaica shá iipana lrico. 20 Ideotsa norso iwerri piketemdalri niniotsa noanjí ajadalrica jliaji icaiterri norso njite corriotsa mayami-carroca shá.'' Njite nanaitja cayoji lricaite capisho narsó. 21 Njite naaco narsowaca: ''ajádalri fáca irso matsicalri lrinaco jliaji wawerri, wacapá cadana coanca jlirrapitaca lricaite cádanaco caiwi ricotsa wade ferrapitecani njite corrin femica lrirso. Niini panaya ferrapitaca famao jliaji jlirrapitalri pia.'' 22 Njite Rubén shepana: ''Nocaitjen piatja shá, manaitja imatsicanao lrinaco jliaji wawerri, njite corrin jimica norso. Icapena coanca wacaoñaca wama cápji mayamican.'' 23 Mitsa corrin nají José yajícatsa coanjica nacaiteca, ima ninicatsa pada jimicada lriicao. 24 José jiena naoya lriá-carro lriiya. Lridia tsenakja naikjaolre caacó-carro naapiya, jlipa naoya Simeón njite lripapini nacapatsa. 25 Njite Josá inaa njaji lrirsoperri napakjantá-carro lripjenai itjaconi injaodati shó, lriná tsakja nadietaca napalratani natsacon lricó, lrinaa tsakja naaca naijao tecojletsa naijaope inipolrico. Njite nanaitja cayo. 26 Njaji pjerrinaipe naketadata naborroni injaodati shó njite naawa njiteo. 27 Pada nanakjoite imjeco lritsaconi liá-carro lriborron injao naocalri toa nematoa ninio, njite lricapa lri-ricoda ninicatsa njaji palrata lriwentashopam injaodati. Lricapani lritsacon iwawalrico. 28 Lriaco narso njaji lripjerrinaipe: ''Icapa jliaji nadietaca nopalratani notsacon ricó.'' Njite nafiocawa pekirritsa, nacaboco nacapa narsowaaca, naaco: ''¿Cocao jliaji Dio inaitjalri waapoiya?'' 29 Naocawa njanirri Jacob iderse Canaán jipaite ricojle, njite naaco lrirso: 30 Jliaji atsia, lriminalri jliaji jiipai nindalri, caaco kjaida warso, njite lrikerria wanaco yacapeca icapa icao jliaji jiipai. 31 Njite waaco lrirso atsianai ajadalri-perrica fa corrica, cotsantja yaacapeca inocapeca icapa pjipaite. 32 Doce wamaimaca fanirri yenipe. Mayami pada wanakjoite, njite jliaji wawerri piketemdalri atsanica fanirri iinai Canaán jipaite ricó. 33 Jliaji atsia, lriminalri jliaji jiipai iaco warso: ''Inaitja cada cayoji nocaite capishoatsa irso, niniotsa noanjí atsianai mamatsicana-perrica shá. Imaca noinai pada inakjoite, njite shá pana idena injaopé iipana lricojle wadee mayamica shá mawitacai shó, idienawa shapodamrsewa. 34 Ideotsa norso jliaji iwerri piketemdalri. Inaitja cadaa cayoji nocaite capisho, noaji watsa corrica inocapeca icapa icaowa jliaji jiipai. Njitenaotsa nowataca lrimotoa jliaji ikitsinda, njite dekjenaotsa itaita iwentaca nopaite ricó. 35 Niini njeta cadanaco natsacon ítada, nacapa ninicatsa napalratani lriarroda fie natsacon lricó. Nacapa cádanaco njite njanirri icapa tsakja napalratan narroda fie natsacon lricó, nafiowa pekirritsa. 36 Jliaji njanirri Jacob iaco narso: ''Opi sheneta njoa naoya njaji noenipe. Opi mayami José nooya. Corrin tsakja pacapa Simeón. Njite oanaya ioma ideeca Benjamín nooya. Cotsa matsialrica njaji inaitjalrica norso. 37 Caaco Rubén jlini iapiya,lriaco lrirso cayoji: ''Pinoatsa njaji noenipe yamada corricadaotsa nodieta pirso jliaji pirri Benjamín tsenakja. Picada njoaca yají lrinaco picapá carratsa nodieta catsaotsa pirso tseenakjan.'' 38 Jacob shepani, lriaco lrirso: ''Cotsa ideecarroca noenipe. Opi mayami jliaji lripjerri, niini icamitsa iofalrica noinai. Matsi cadantja jliyapacawa yacayawa inipolrico ialri nirse, njite icamitsantja mayamica, njoa pekirri, jalredalrinatsa itsicolre.''
1 Pekirrídalri piaca jliaji mawitacai jalredaoca lrico. 2 Njite nawaca nainjaca pjiomi jliaji injaodati nadenda pia Egipto lrikjoite, niini njanirri iaco narso: Warsa yaa tsenakja iwenta wainjao. 3 Judá iaco lrirso: ''Jliaji iwapacada jliaji jiipai iaco warso: corriotsa icapá carroca noecoa corricadaa idee norso iwerri. 4 Picadaa cada lria wainai jliaji wawerrida, weniotsa wawenta wainjao. 5 Mitsa corricadaa picadaa lria wainai jliaji wawerrida cotsa waacarroca, ima jliaji atsia iaco warso: iwapacada jliaji jiipai iaco warso: corriotsa icapá carroca noecoa corricadaa idee norso iwerri.'' 6 Njite Irael iaco narso: ''¿Coada calretsa inaitja norso maatsi icaite cádanaco lrirso jliaji atsia irsocatoa pada iwerrida? 7 Njite naaco lriso: ''Jliaji atsia lritatja jlimio wanaco njiyte wapaneta nacó tsakja. Lriaco warso: ''¿Capja caaficatoa jinirri? ¿Capja irsocatoa pada iwerri?'' Njite feepani coanca lritatjaca fá. Njite corrin wají lriomaca wainai wawerri. 8 Judá iaco njajirri Irael irso: ''Njoawatsa idee jliaji nowerrida. Njite ikena wacao jliaji wadee mayamica fá, pjia njite njaji weenipe. 9 Njoawatsa lrioyawajleo. Njoa watsa inai pioma lricoadawa. Corricadaotsa nodietani pikjaolre njite poicapantjani, niniotsa picadaa njoaca irso maatsicalri lrinaco caidalriwetsa. 10 Corricadantja waica fá, yamapienantja wadiajicawa.'' 11 Njite njanirri Irael iaco narso: ''Cayo cadaa icaite capisho, warsa peda inaitja cayoji: Idee njaji matsiaperritsa warsonipe fepaite ricó itsacon lricó. Idee lrirso jliaji atsia padapena inaniti macoada shotsa. Idee lrirso tapee, mapaa, pomeniajaipe, mirra, cataña inaca njite warse tsakja. 12 Aimaotsa ideeca palrata, jliaji njetanda itsacon lrico, idieta tsenakja narson. Wadetsa namatada piacatsa. 13 Idena jliaji iwerrida. Warsenaiawa lrikjaolre jliaji atsia tsenakja. 14 Dio kjaidadalri ikitsindataotsa shá kjená carroatsa lricapaca irso jliaji atsia, lridieta carroatsa irso jliaji ikitsinda njite jliaji iwerri Benjamín. Cayo cada peda shenitaca njoa naoya njaji noenipe, cayo pedacaotsa.'' 15 Njaji Jacob yenipe nadee aima inaaniti macoada shotsa lrirso jliaji atsia, nadee yamapiape icacoa palraata njite nawerrida Benjamín. Naawa Egipto lricojle njite naocakenawa nemawa José ipeyajle. 16 José icapa cádanaco Nainaica Benjamín, lriaco lrirso jliaji iwapacada lriipana lrico: ''Pidee nopana lricojle njaji atsianai, ino apana maaficalri, njite iyanaotsa, ima njaji atsianai naijacaotsa noinai mayacan cadanaco jerri.'' 17 Jliaji iwapacada lripana lrico inaitja cayoji José inaa capishoni. lridee njaji atsianai José iipana lricojlna. 18 Nafiowa njaji atsianai nadee capoana José iipana lricojle. Njite nawada nadeca nirsenanaikjaote njaji palraata njetaji natsacon lrico nano caojli pia nainita, nakerriaca lriona namatsicanawa lripresotá carrona njitenanta lricadana lrirsoperri acrrona, njite jlipaca lrirsowao njaji naborron. 19 Natsomita jliaji iwapacada José iipana njite caaco lrirsona pantinpoma lrikjoitetsa, naaco lriso: 20 ''Pjia waminalri, wanopia wainita wawentá-carro injaodati. 21 Niini waoca cádanaco wemacawa lrico , njite wamjeco wacapa watsacon niini wacapaca nincatsa pjiomi njaji palraata watsacon iwawa lrico wacoanatsa. Niini wanoca wadietá carrona irso njaji palaraata. 22 Wadee pja palraata wawentá-carro tsenakja waijaope. Corrin wanjí cocaca sheta nja palraata watsacon lrico.'' 23 Niini lriaco narso jliaji iwapacada José iipana: ''Imaodacatsawa, mafietacatsao. Jliatsa pa jliaji iDiote, jliamitsa jliaji jinirrinaipemi iDiote tsakja shetani itsacon lrico, ima njoatsa icoadata pia ioya jliaji icaoñashopa injaope.'' Njite jliaji iwapacada José iipana lridee naikjaolre Simeón. 24 Jliaji iwapacada José iipana lrideena Sosé iipana lricojlena. Lria narso ooni nacotsoshopa njaipa, lria tsakja naborron injao. 25 Njite matsieta njaji nedaji José irsowalrepe mayacanca jeerri ipjeya toa, ima njemica naiñjacaotsa lriinai pacoacatsa. 26 José ioca cádanacoa lriipana lricojle, nadee panti ricojle njaji nadeji lrirso njite nacoajawa lripeyajle jiipai nacojle. 27 Lritatja jlimiona coanca nanaco, njite lriaco: ''Capja matsiatsa jinirri, jliaji atsia pekirrinatsa icaiterri pia inaco? ¿Capja caafi toani?'' 28 Njite naaco njepacani: ''Jliaji pirsodalri fanirri, matsialritsa. Cáfirritsa.'' Njite njewa naorsoawa jiipai nacojle lripeyajle. 29 Jlirreta cádanaco lricapa narso, lricapa Benjamín, lriwerri catsa, jlidoa yenipe, njite lriaco narso: ''¿Icatsa iwerrica jliaji icaiterri norso yacona?'' njite lriaco Benjamín irso: ''Piinaicatsa Dio imatsiaca yempeti.'' 30 Njite José ikjeyapita iawa naoya lrimaacawa lricojle, ima inonaacalri jipacani pekirritsa lricapa cádanaco lriwerri. Lrioma pafe lriá-carro lriiya niini lriacawa lriofa carroji mana lricapa, icatsa lriiyaca niini. 31 Lriiya cayami, lricotso lriecoa matsia lrimotó-carro naikjaolre. Jlirsa lricaolre matsia njite lrinaa nayacaca naijawa naiñjá carroena. 32 Njaji idenjicape lrirso nayaca lrinjajo tecojle jliwacatsa, njite tecojle tsakja naiñjaca njaji lrikitsiñape. Naiñja tsakja lrinai njaji egipcionai, mitsa teecojletsa, ima njaji egipcionai corrin nataita naiñjaca nainai njaji hebreonai ima capaimanaca narso naiñja cadaa nainai. 33 Naofa naiñja lripeyajle. Napjerri iofa ínita njite njaji lriwenaipe jliapodam, jliaji iwerriti narso iofa piketemrse. Njaji atsianai corrin nají coanca nacapa cádanaco jliaji lrinaitjalri naapiya. 34 José imenaca lrinjaope nakjoite narso njaji lrikitsiñape, mitsa lriá aima pja lriwerri Benjamín irso. Nairraketsa njite catiima nacaolre lrikjoete.
1 José inaaca jliaji iwapacada lriipana lripakjantá-carro natsacon injaodati sho, coshocatsa nataita nadeeca. Lrinaa tsakja jlietaca napalraatan nacoanatsa natsacon lrico. 2 Lrinaa jlietaca lrirracarroapa nanaitjanda palaatapesho Benjamín itsacon lrico njite lripalratani lriwenta shopam injaodati. Jliaji iwapacada José iipana lrinaitja cayoji lrinaa capishoni. 3 Tjewaijle piyompinaco, jliaji atsia lrimeenaca nadiawa njaji atsianai naapiya njaji naborron cadecalreperri. 4 Naacadanacoena yacaalre ioya, njite corri pjacatoa teeco naacawa, José icaite lrirso jliaji iwapacada lriipana, lriaco lrirso: ''Warsa pia njapodam njaji atsianai, pioca cádanacoatsa naikjaolre picaiteotsa narso cayoji: ''¿Coada inaitja maatsi warso matsia cadana wacoadataca shá? 5 Yajintsa icacatsa nominalri irracarroapaca njite lrinoparrotashopaca lripjeyao, corritsa matsialrica jliaji inaitjalri.'' 6 Ikena jliaji iwapacada José iipana yaa njapodam njite lriá jlipana, njite lricaite narso cayoji José inácapiosho lricaitecana. 7 Niini náco lrirso: ''Coadadao cayo lricaiteca jliaji wamoinalri? Teeco jliyapa naoya njaji lrirsoperri cayo carrontja nanaitjacani. 8 Icapa coajica wadieta Canaán lrikjoite njaji palraata waoketaji watsacon lrico . Njite, ¿coaji tsakjantja wataita wañaitoca waminalri ioya lripalratani o lriwirrotecadaa? 9 Coandalri cada nanakjoite njaji lrirsoperri waoketaji ioya njaji palrata, lrirsotsa mayamican, njite lrirsoperricaotsa fá.'' 10 Niini lriaco jliaji José irsodalri: ''Cayo pedaotsa icaite capisho. Coca ioya cadaotsa noketa jliaji pairracarroapa norsodalri caotsani, njite nja paana corriotsa cocaca namatsicanaa.'' 11 Ikena nacoanatsa njaji atsianai nakjeyapita nacadaa natsacon jiipai nacojle njite namjeco nacoanatsa natsacon. 12 Jliaji José irsodalri inita iomacani napjerri itsacon lrico, njite piketem nawerri itsacon lrico, njite icatsa lrioketaca jliaji pairracarroapa lri tsacon lrico, Benjamín itsacon lñrico. 13 Njite njaji atsianai natsafá ntsayan. Njerreta tsenakja naborron ideecalre nadiacarro tsenakja yacaalre lricojle. 14 Judá njite njaji lriwenaipe naawa José iipana lricojle. Njite corri pia toa Jiosé iaca njite, niiní naorsoacawa jiipai nacojle lripjeyajle. 15 José iaco narso: ''¿Coada inaitja cayoji inaitja capisho? ¿Capja corrica yají njaji atsianai caiperriji nocayosho nataita nanoparrotaca?'' 16 Njite Judá iaco lrirso: ''¿Cotsa warsoenica yacoti wacaiteoda pirso, pjia waminalri? ¿Coajintja caacoca fa? ¿Cotsa coan wacaiteca matsia wanacowaaca?''Dio icadaa icapa namatsiacanaa njaji pirsoperri. Picapakje, Pirsoperrica fá, pjia waminalri; njite cayo tsakja jliaji wawerrida ioketalri ioya jliaji pirracarroapa.'' 17 Njite José iaco lrirso: ''Teeco jliyapaca nooya nonaitjacawa cayoji picaite capisho, mitsa, jliaji atsia noketalri ioya jliaji noirracarroapa, jlia dekjaotsa njopa norsodalri carroatsani, mitsa njaji paana, nataita nadiacawa namaodacatsawa njanirri iderse.'' 18 Njite Judá itsomita José lricaité-carro lrirso cayoji: ''Nominalri, picadaa pirsodalri iaite pirso pjinacolricotsa padatsa yaacoti, manaitjatsa maatsi pirsodalri irso pirroa lrico ima cayodalrica pjia Faraón shotsa.'' 19 Pjia waminalri, pitatja pia pjimiwa nainai njaji pirsoperri cayoji: ''¿Capja kjanirriperri catoa shá, o irsotoa pada pjatoa iwerrida? 20 Njite wacaite pirso, pjia waminalri, warsocatoa fanirri pekirrinatsa, njite padatoa wawerrida, lrienipe pekirri cayaminatsani. Yamada pia njaji lrienipe apama perritsa jidoa, niini opica mayami jliaji ipjerriti, niini icaamitsa jliaji iwerriti piketemdalri iofálrica lriinai njite jlinirri ipeyondacani. 21 Njite picaite narso njaji pirsoperri nadé-carro picapá-carroni. 22 Mitsa wacaite pirso, pjia waminalri. Jliaji yempeti corrin lritaita lrimacaca jlinirri ima lrinaitja cadaa cayó, icaamitsa mayamica jliaji jlinirri. 23 Njite picaite narso njaji pirsoperri, corricadaa wadee jliaji wawerrida cirrinatsa wataita wanoca wacapá-carro pjia. 24 Niini wadiá cadanaco waocawa lrikjaolre jliaji pirsodalri njonirri, wacaite jlimi njaji picaiterri warso wawerrida nacó. 25 Niini papia nacojle, fanirri inaa tsenakja fá wanocarro wawenta waijaope ajerreji. 26 Niini waaco lrirso corricaotsa waacarroca corricadaa wawerrida yaa wainai, mitsa lria cadaa wainai weniotsa nirse, ima corrin wataita waaca nirse corricadaa jlia wainai jliaji wawerrida wataitá-carro wacapaca lriecoa jliaji atsia nindalri. 27 Niini lriaco warso jliaji pirsodalri fanirri: ''Yajintsa yamada catsa roenipe rsoaji noino apama. 28 Njite opica mayami noya jliaji ipjerriti, njite noaco norsowaaca coajicapa maaficalri kerroani iwititaca lridadam, njite corrinatsa nopieta nocapacan.' 29 Njite panaya, ideecada noya jliaji, njite coaji cadantjani ioya yacayawa inipolrico, icamitsaotsa mayamica njoa inonacalri shó, njoa jalredalinatsa itsicolre.'' 30 Njite panaya, waoca cádanacoatsa lrikjaolre jliaji pirsodalri fanirri, njite lricapaotsa corrica lridia wainai jliaji yempeti, ima cafica jliaji fanirri lrikjaote, 31 niini corricadaa lricapani wainai, icaamitsaotsa mayamicani. Mayamiotsa ininacalri jliaji jalre-dalrinatsa itsicojle wamá. 32 Ima njoa pirsodalri, nocaiteca lrirso noinai carroatsa lrioma lricoada coajicadaa jliaji yempeti, ima noaco lrirso njoacaotsa irso jliaji maatsicalri caidalritsa mayami cadaa pjia, njonirri. 33 Niini panaya, notatjaca piinai caiwi ricotsa, pjia nominalri picadá-carro njoa carroatsa pirsodalri lrioyawalreo jliaji nowerrida, picadena lridia carroa jliaji yempeti nainai njaji pana lripjenai. 34 Ima, ¿Coajintja nodiacawa njonirri iderse corricada lridia noinai jliaji yempeti? Corrin noma nocapaca coajicaotsa jlirrapitaca pekirritsa jliaji njonirri.''
1 Njite corrinatsa José itaitaca inonaacalri ikjoete niini lrimeenaca namotó carrotoa lrioya njaji lrirsoperri jlidati ricó. Niini corrin pacapa pada lrirsodalri lricaitjiaca cádanacoa jliacatsa José narso njaji lriperrinaipe. 2 José iya kjaida, niini njaji egipcionai njemica njite Faraón iipana lricope njemi tsakja. 3 José icaite narso njaji lriperinaipe: ''Icatsa José-ca njoa. ¿Capja caafi catoa papai?'' Corrin nataita njeepacani kjeya njaji lriperrinaipe ima nafiocawa neema cádanaco lripeyajle. 4 Njite lriaco narso: ''Itsomita njoa, inaitja matsiacalri.'' Niini natsomitacani. Njite lriaco José iaco narso: ''Icatsa iwerri José-ca njoa, jliaji iwendentam narso njai Egipto lricope. 5 Panaya, corrin nooma capaimanica shaa okerroaca shaa jiwacawaacatsa iwende capoa njoa, ima Dio catsa imeenaca njoa ajerreji ipeyajle noyomjetá-carro shaa. 6 Ima yamawalria kena maawitacaica jalredaoca lrico njite canacaitoa cinco walria toa, corriotsa coca yaapana, corrin tsakjaotsa coca iniwa ipania. 7 Dio imeenaca njoa yapisheté-carro njoa nokitsindatá-carro, yomje-carrotsa padapena wadentja mayamica pjiomi shaa. 8 Niini, corritsa shaaca imeenaca njoa ajerreji, Dio dekja, Lricadaa njoá-carro icadaa Faraón iwaopiakjeo, yajicada lrinaco jliaji talricanaati dapana njite iwapacada tsakja lriinai njaji lrinaikite pjiomi Egipto lrico. 9 Warsa idia kjeyawa papai iderse nite icaiteotsa lrirso cayoji: ''Cayo José imemoriani pirso: ''Dio icadaa njoá-carro yají pjiomi Egipto lricó. Nooma pinoca noderse kjeeya wadee wiaca pjia. 10 Awatsa piofawaji Gosén jipaite ricó, pjia, njaji pienipe, njite njaji pidakenai, pjiomi piipirra, njite pjiomi njaji pirsolri. 11 Njoa watsa icadaa injaope niini, ima canacaitoa cinco walria maawitacai cawa, wdentja mayamica shaa maawitacai sho; pjia, piipaneta njite pjiomi njaji pirsolri. 12 Pjiomi shaa njite noweerri Benjamin tsakja icapa, njoaca jliaji caacolri irso. 13 Icaiteotsa papai irso pjiomi coanca matiaca njoa Egipto lrico njie pjiomi njaji icapalri. Kjeyaotsa ideeca fanirri ajerreji.'' 14 Lriwatsia jlieyoa lriwerri Benjamín njite lriiya lrinaco, Njite Benjamín iya tsakja José nacó. 15 Lritsotso nacacoda naco njaji lriperrinaipe njite lriiya nanao. Njite dekjena caacoena lriapiaya njaji lripenaipe. 16 Njite nacaite Faraón jimi nanaco, naaco: ''Naocacawa José iderse njaji lriperrinaipe.'' Njite catiima Faraón jimica njie njaji lrirsoperri tsakja. 17 Njite Faraón iaco José irso: ''Picaite narso najji pikitsiñape nacadaa-carro nadeecalre naborron naco nadia-carro naoma jinirri Canaán lricojle. 18 Ideotsa jinirri, ikitsiñape pjiomi inó-carroatsa nokjaolre. Njite nocadaotsa iofá-carro matsiacawa jiipai Egipto lricó, niniotsa iñjaca matsia.'' 19 Panaya nocaiteca pjia pinaitjá-carro cayoji: Ideotsa njaji caballo itsoatacape carretafiape Egipto lrikjope idee-carro nini njaji yeenipe njite njaji ininaipe. Jipaotsa idee jliaji jinirri inocarroenawa. 20 Mjetatsa icaolre nanaco njaji irsompe nirse, ima pjiomi jliaji jiipai matsiadalri pja Egipto lrico iyada caní.''' 21 Icatsa nanaitjaca cayo njaji Iraelitanai. José iaa narso njaji carretafiape cayo Faraón icaite capisho lrirso njite lriá tsakja naijaope inipo icaoya. 22 Lriá padape natsayaniwa walriperri njetaaca shopawa, Mitsa Benjamín irso lriá trecientoita moneda palraatape njite cinco lritsayaniwa. 23 Jlinirri irso lrimeenaca Diena borro ideecape inaaniti matsiaperri Egipto lrikjoite, njite die caballo inarrona ideecape lrirso lrinjaope, nadee tsakja pan njite paana pja injaodati jlinirri irso, lrinjaope inipolrico lrino cadanaoenawa. 24 Ikeena lrimeenaca nadiawa njaji lriojerrinaipe. Njite lriaco narso: ''Corriotsa nooma icoitaacacawa yacayawa inipolrico.'' 25 Naawa Egipto lrikjoite njite naocawa Canaán jipaite nacojle njanirri Jacob iderse. 26 Njite nacaite lriso: ''Caafirritsa jliaji José, icatsa talricanaati inacojledacan pjiomi Egipto lrico.'' Njitecorrin lriaji coanca jliaji njanirri corri capoa lrioma jliepaca jliaji nacaiterri lrirso. 27 Njite nacaite jlimi pjiomi coanca José icaiteca narso. Mitsa lricapa cádanaco pjiomi carretafiape pakjamperri neetada yaapiya José imeenacalri lrirso, icaamitsa catiimaca jliaji njanirri Jacob. 28 Niini Iraelicaite cayoji: ''Ajena. Caafirritsa jliaji nirri José. Noatoa nocapani lripjeyaotsa mayamica noa.''
1 Irael yaawa Beerseba lricojle njite lridee pjiomi njaji lrirsonipe. Nirse lriino maaficalri jliniri Isaac iDIote irso. 2 Njite deepi ricó caacoca Dio Irael irso niini pjetaponialre ricó capisho, Lriaco lrirso: ''Jcob, Jacob, njite Jacob shépani: ''Alri njoaji.'' 3 Njite Lriaco lrirso: ''Dio-ca Njoa, caacolri pirso, pjinirri iDiote. Mafiotsa piacawa Egipto lricojle, ima nirse watsa Nomaimata caotsa njaji pinakjoite perri niini pacoa yacalre macacoe caotsana. 4 Noawatsa piinai Egipto lricojle, njite Nodieta tsenakjaotsa njaji pidakenai njite. Nirseotsa mayami pjia njite José watsa iita nja pitsi mayami kenaotsa pjia.'' 5 Jacob iawa Beerseba lrikjoite. Njaji Irael ienipe nadee njanirri, neenipe, naninai nanaco njaji Faraón njecocarrofiape Faraón imenacaji nadeecarroni. 6 Nadee navacan, nayarroaji narsoji a cádanacona Canaán jipaite ricó. Jacob iocawa Egipto lricojle njite pjiomi njaji lrinakjoite perri tsakja. 7 Lridee lrinaiwa njaji lrienipe, lridakenai, lridakenai yenipe, lritonaipe, lridakedoanaipe, pjiomi njaji lrinakjoite perri. 8 Icatsa neepitanaca njaji Irael yénipe iocalriwa Egipto lricojle, Jacob njite njaji lrienipe: Ruben, Jacob yénipe pjerriti; 9 njaji lrienipe Rubén yénipe: Hanoc, Falú y Hezrón njite Carmi. 10 Njaji Simeón yénipe: Jemuel, Jamín, Ohad, Jaquín, Zohar, njite Saúl, apama Canaán darro yénipe. 11 Njaji Leví yénipe: Gersón, Coat njite Merari. 12 Njaji Judá yénipe: Er Onán, Sela, Fares njite Zara, (mitsa Er njite On atsa mayamina Canaán jiipaite ricó). Njaji Fares yénipe: Hezrón njite Hamul. 13 Njaji Isacar yénipe: Tola, Fúa, Job njite Simrón. 14 Njaji Sabulón yénipe: Sered, Elón njite Jahleel. 15 Icatsa njaji Jacob yénipeca Leá irso njaji jícolri Padán Aram lricó, apama roito, Dina. Trenta tre namaimaca padenirri njaji neenipe njite naitonaipe. 16 Njaji Gad yénipe: Zifión, Hagui, Suni, Ezbón, Eri, Arodi njite Areli. 17 Njaji Aser yénipe: Imna, Isúa, Isúi, Bería, njite nawedoa Sera. Njite njaji Bería yénipe: Heber njite Malquiel. 18 Icatsa njaji Zilpa yénipeca Jacob irso, Labán icadanda lrito Lea irso. Diecisiete namaimaca padenirri. 19 Njaji Jacob yénipe lriino Raquel irso: José njite Benjamín. 20 Njite Egipto lrico jíco njaji José yénipe, Manasé njite Efraín, roapiya rsoaji Asenat, Potifera iito, jliaji sacerdote On lrico. 21 Njaji Benjamín yénipe: Bela, Bequer, Asbel, Gera, Naamán, Ehi, Ros, Mupim, Hupim, njite Ard. 22 Icatsa njaji Jacob yénipe lriino Raquel irsoperri, catorce namaimaca padenirri. 23 Jliaji Dan irri, Husim. 24 Njaji Neftalé yénipe: Jahzeel, Guni, Jezer njite Silem. 25 Icatsa njaji Jacob yénipe Bilha irsoperri, Labán icadanda lriito Raquel irsodarro carrono, siete namaimaca padenirri. 26 Icatsa pjiomica njaji iocalriwa Egipto lricojle Jacob iinai, njaji lrinakjoite perri, maniwetacana njaji lrirrinonaipe, sesentasei padenirrina. 27 Njite naapiya njaji José yénipe jicolri Egipto lricó, niini padenirrina José iipaneta yapiya, setenta namaimaca padenirri. 28 Jacob imeenaca Judá lripjeya José iderse lricañjatá-carro inipo lrirso iacadawa Gosén lricojle, njite naocawa Gosén jipaite lricojle. 29 José imatsieta jlieco carrofia lriacarro Gosén lricojle lrioketáca carroa jlinirri Irael yaapiya. JLosé icapa jlinirri nirse, njite jlieyoaca jlinirri, njite lriiyaca lriteda nacó wiá. 30 Irael iaco José irso: ''Panaya dekja picadenaotsa mayamica njoa, ima nocapjenima piecoa ima caaficatsa pjia.'' 31 José iaco narso njaji lrikitsiñape njite narso pjiomi njaji jlinirri iipaneta: ''Nodia watsa nocaite Faraón irso, opoikena iocawa noderse shá nopjerrinaipe njite njaji njonirri iipaneta, njaji yofalri pia Canaán jipaite nacojle. 32 Njajiatsianai yajiapeca iwapaca pirraiti, iwapacapeca vaaca. Nadee pjiomi naapirra njite pjiomi njaji narsonipe. 33 Niiniotsa Faraón iwana cádanacoatsa lritatjá-carro shá cocaca yaji idejica, 34 icaiteotsa lrirso cayoji: Fa pirsoperri, iwapacapeca vaaca wayempetica nakjoite atee panashéte, ima cayo piaca njaji waferrinaipemi. Cayoatsa icaitecani lricadaa carroatsa iofawa Gosén jipaite ricó, ima Egipto lrico corrin matsia nacapaca narso njaji iwapacape pirraiti.
1 Ikena José iá icaite faraón irso, lriaco lrirso: Opina njonirri iocawa Canaán jipaite nakjoite naapiya njaji nopjerrinaipe, njite nadee tsakja nápirra njite pjiomi narsonipe, naocawa Gosén jipaite lricó.'' 2 José jipa idee cinco lripjerrinaipe lricañjatá-carro Faraón icapa. 3 Faraón iaco narso narso njaji José ipjerrinaipe: ''¿Coca yají idejica?'' njite naaco Faraón irso: Fá pirsoperri, iwapacapeca pirraiti, cayopiatsa nacayoshó njaji waferrinaipemi.'' 4 4Njite naaco pja Faraón irso: ''Wanoca fepaite nakjoite ima aimaca maawitacai nirse, njite corrinatsa coca naiñja njaji waapirra Canaán jipaite ricó. Niini watatjaca piinai caiwi ricotsa picadá-carro waofáwa Gosén jipaite ricó, fá pirsoperri.'' 5 Njite Faraón iaco José irso: ''Opi naoca piderse njaji pikitsiñpe, pjinirri njite pipjerrinaipe. 6 Picapa coanca lriacawa jliaji Egipto jipaitena. Picadaa pjinirri njite pipjerrinaipe matsia cawa lricó pja jiipai Gosén jopaitena lricó. Niini cadaa pada yajicada iwapaca pirraiti, picadaa lriwapácarro njaji novacan.'' 7 Njite José idee jlinirri Jacob Faraón icapá carroni. Jacob icadaa yacati matsiaperri Faraón nacó. 8 Faraón iaco Jacob irso: ''¿Closhoena pipekirrica?'' 9 Njite Jacobniaco lrirso: ''icaamitsa norsoca ciento trenta walria, mitsa aima njorrapitaca. Njaji noferrinaipemi, aima pjapiatoa naofacawa jalredaoca lrico.'' 10 Njite Jacob icadaa tsenakja yacoti matsiaperri Faraón nacó njite lridia lrimoto lrioya. 11 Njite José icadaa jiipai naofacawa lrico jlinirri njite lripjerrinaipe. Lricadaa naofawa Egipto jipaite ricó, matsiacawa pja jiipai, Ramses jipaite ricó, cayotsa Faraón icaite capisho José irso. 12 José yá jlinirri injao, lripjerrinaipe irso njite pjiomi njaji jlinirri iipaneta lricope cosho piaca namaimaca lriipana lrico. 13 Corrin pacapa injaodati pjiomi jalredaoca lrico; ima pekirridalrica jliaji maawitacai iocalri nanacó. Meepepeminatsa njaji inaiki Egipto lricó njite Canaán lrico maawitacai ikjaote. 14 José iniwa aima palaraata naoya njaji egipcionai njite naoya njaji Canaán lricope nacoada njaji injaodati lriwenderri narso. José idee njaji palraata pjiomi Faraón irso talricanaati dapana lrico. 15 Njite napalraatan iwayaca cádanacoenawa njaji inaiki Egipto lricope njite Canaán lricope tsakja, njaji inaiki Egipto lricoperri náno pjiomi José ikjaolre, naaco lrirso: ''¡Pia waijawa! ¡Macadatsa mayamica fá corri capoenatsa warso palraata! 16 Njite José iaco narso: corri cadetsa irso palraata, idee norso ivacan noá-carro injaodati ivacan icoada shó.'' 17 Ikena njaji inaiki nadeeca José irso na-caballolni, na-borron, nápirra pjiomi naijaope icoadawa. José iá narso injaodati jliwalria navacan iacoadao. 18 Njite jliwalria iwayacakenawa, naa tsenakjawa pawalria initacawa José iderse tsenakja, njite naaco lrirso: ''Corrin wadawaca pioya, pjia waminalri ima opidekja wapalratan iwayacawa pjiomiwa, njite njaji pirraiti warsolri, waminalri iyapenatsa. Corrinatsa coca warso, picapjenjtsa, pjia waminalri. Icaamitsa warsolrica jliaji wadada njite fepaite. 19 Macadatsa mayamica fá maawitacai shó. Piwenta fá njite fepaite tsakja waijaope icoadao, niniotsa Faraón irsoperri caotsa fá njite lriyada caotsa fepaite. Pia warso wapaniaope wataitá-carro warsoca waijaope niniotsa corrin mayamica fá. corrin tsakjaotsa mapaniana cantja jliaji fepaite, wadee lriwayacacao.'' 20 Niini José iwenta pjiomi jliaji Egipto jipaitena Faraón irso. Pjiomi njaji Egipto lricope nawendeca njepaite ima aima piaca maawitacai narso. Cayotsa Faraón iyadaca pjiomi jliaji jiipai Egipto lricoda. 21 Njite pjiomi njaji inaiki Egipto lricoperri, Faraón irsoperri-cana. 22 Icaamitsa corri-rrica José iwentalri piaca njepaite njaji sacerdotenai, ima Faraón yaa piacatsa naijao. Faraón shenita piaca naijaope njaji sacerdotenai, icatsa jliaji naiñjalrica. Niini corrin nawendeca njepaite. 23 Njite José iaco narso: ''Yajenina opikena nowenta shá njite jipaite faraón irso. Alri noaca irso paniati yaapaná-carro jliaji jiipai. 24 Iniwa cádanacoenaotsa ipania, cinco wajle nakjoite ikinkerre ioya, Yaawatsa Faraón irso pawajle ínaca nakjoite, njite njaji coatro wajle nakjoite, jitaotsa ipaniawa njite inñjaope iipana lrico yénipe yápiya.'' 25 Njite naaco lrirso: ''Opi piyomjeta fá. Niini pioma cadaa, picadaa Faraón irsoperrí-carro fá'' 26 Ikena José idana papje paperra nanacoapana cacoadá-carron talricanaati irsoni, njite matsia lrimotoca cayó, niini jliaminitsa paperra narsolrica atée panashete toa. Naaca Faraón irso pawajle ínaca nakjoite pjiomi. Icaamitsa corri-rrica Faraón iyadaca njepaite njaji sacerdotenai. 27 Irael iofawa Egipto jipaite ricpo, Gosén lrico. Njaji lridakenai narso aima nanaani niini. Narso aima neenipe niini aima-cana. 28 Jacob iofawa Egipto jipaite ricó diecisiete walria, niini Jacob iofawa jalredaoca lrico ciento trenta siete walria padenirri. 29 Njite tsómi cádanacoena jlianaa jliaji Irael, lriwana lrikjaolrewa lrirri José, lriaco lrirso: ''Matsia cadatsa picapaca norso, pjieta picaapi nonaapa pocoda yapjite, njite picaite norso yacoti ajádalri shó jliaji notatjalriotsa piinai. Pinaitja matsiacalri madawa tsaotsa njoa Egipto lrico. 30 Mayami cádanacoenaotsa njoa, pideotsa njoa teeco Egipto ioya pidawá carroatsa njoa nacodapitsa njaji noferrinaipemi.'' Njite José shepani, lriaco lriso: ''Nonaitjaotsa cayoji picaite capishó.'' 31 Irael iaco lrirso: Picaite norso ajádalri shó. Njite José icaite lrirso yaacoti ajádalri shó. Ikena Irael iorsoeta jliwida lriorsoa-carroita jiwida nacojle.
1 Njite njapodamina njaji jiyapalrio, a papia nacojle pada icaite José irso, caifiaca jlinirri. Niini José jipa idee njaji lrienipe, Manasé njite Efraín. 2 Njite nacaite cádanaco Jacob jími lrirri José iocacawa nirse lricapá carroni, Irael ikjaidatacawa njite jlinico lriofawa lriorsoacarrocoa nacó. 3 Jacob iaco José irso: ''Jliaji Dio Itaitakjeti Iminalri icañjataca piacawa norso yacaalre Camarray coa lrico, Canán jipaite ricó njite Lricadaa nonaco matsiadalri 4 njite lriaco norso: Nocadaotsa aima carroatsa pienipe niniotsa nocada imaimatacawa. Nocadaotsa pinakjoite perri aima yacaalre macacoepe. Nocadaotsa pinakjoite perri irso jiipai nayada carroni caidalriwenatsa. 5 Njaotsa njaji yamada pienipe jícolri pirso Egipto lrico lripjeya toa nonoca piderse, noyape caotsana. Efraín njite Manasé. Cayoji noyape capisho Benjamín njite Simeón. 6 Njite njaji jícolriotsa pirso njapodamina, icatsaotsa piyape kenana; njite narsoatsa njepaite nayadao tecojle nainai njaji pipjerrinaipe. 7 Njiteotsa njoa, nono caojli pia Padam lrikjoite, inonacalri pekirridalri jipa njoa niini mayami cádanaco nooya Raquel nono cayao inipolrico Canaán jipaite lrico, tsomi piaketja waocá-carro Efrata lrico (Belén). Icatsa nodawacano níini, inipolrico yacadawa Efrata lricojle.'' 8 Irael icapa cádanao José yénipe, lriaco: ''¿Coca yénipe njarra?'' 9 Njite José shepani: ''Noenipe njarra, paí. Dio icadaji norso anjí.'' Njite Irael iaco lrirso: ''Pidee norsona nocadá-arro nanaco matsiadalri.'' 10 Njite corri pienatsa matsia Irael icapaca lripekirrica ikjaote. Niini José itsomitana nja lrienipe jlinirri ikjaolre, Irael itsotsona njite jlieyoana. 11 Irael iaco José irso: ''Corri pienatsa nowaada nocapacaotsa nopieta piecoa nirri, mitsa Dio icadaa nocapa tsakja njaji pienipe.'' 12 José iorrocoita njaji lrienipe naferrin ipoita nakjoite, njite jliwa lriorsoawa tjewacajle lriecoa jiipai nacojle. 13 José jipa yamadape lrienipe, lricadaa Efraín atsialriemajle lrirso, njite Manasé Inarroemajle, niini Efraín yemawa inarroema nacojle Irael irso njite Manasé yemawa atsialriemanacojle lrirso, cayo lricadaaca nemawa lricodapi. 14 Niini Irael icadaa lriyekema Efraín jiwida naco njite lricadaa lricapi inarroema Manasé jiwida naco. Manasé-ca jliaji ipjerriti njite Efraín-ca jliaji iwerriti. 15 Irael icadaa yacoti matsiaperri José nacó: ''Jliaji DIo, nanaitjalri irso matsia njaji nonirrinaipemi Abraham, Isaac, jliatsa jliaji Dio iwapalri njoa matsia atee panashéte toa, 16 jliaji angele iwapalri njoa pjiomi maatsídalri ioya, Lricadaotsa matsiadalri nanaco njaji yempetipe. Naikjaote njaji yempetipe-ca njaji nawada caotsa noipitana njaji inaiki, njite nawaada tsakjaotsa Abraham njite Isaac tsakja. Nataoñaotsawa njite aimacaotsa jalredaoca lricona.'' 17 José icapa cádanaco jlinirri icadaaca lricaapi atsialriema Efraín jiwida nacó, corrin lripeyo lricapaca. Niini jlipaca jlinirri icaapi jlieEfraín jiwida nakjoite Manasé jiwida nacojle. 18 José iaco jlinirri irso: ''Cotsa caicarra pai, picadaa picadaa picapi ipjerriti jiwida nacó.'' 19 Mitsa corrin jlinirri shepani, niini lriaco lrirso: ''Noajintsa nirri, noajintsa. Mitsa caconaite catsacaotsa jliaji ipjerriti, aima tsakjaotsa njaji inaiki lrinakjoite perri, mitsa caconaite pjacaotsa jliaji iwerriti njite aima pjaotsa yacaalre macacoeperri imotolriotsa lrinakjoite. 20 Irael icadaa matsiaperri nanaco jliada, lriaco nanaco cayoji: ''Njaotsa njaji Iraelnai aimadan namotoita caotsa yaacoti matsiaperri iipitana ikjaote, cayoatsa nacaiteca: ''Dio inaitjaotsa pirso matsia cayoji Efraín icayosho njite Manasé icayosho tsakja.'' Cayotsa Irael icadaa Efra´pin Manasé ipeyajle. 21 Irael iaco José irso: ''Mayami ketsaotsa njoa pioya nirri, mitsa inai catsaotsa Dio, njite lridieta tsenakjaotsa shá jinirrinaipe jipaite nacojle. 22 Noawatsa pirso jliji corridalritsa noá narso njaji pipjerrinaipe, noaca pirso jliaji awacada njotanda naoya njaji amorreonai noinoaca caojli pia nakjoete nomatsenan sho njite noyawitjiapo-sho tsakja.''
1 Njite jacob iwaketaca njajji lrienipe, lriaco narso: Itsomita njoa nocaiecarro jimi jliaji icapalriotsa apjotsate. 2 Itsomita jimicarro, shá Jacob yénipe. Jími coanca lricaiteca irso jinirri Irael. 3 Rubén, nirri pjerriti, njoidaca pjia, noinitje noatsiaca nacó, pjia nacapanda pjia nafionda nacapaca irso njite kjaideteca pjia. 4 Mitsa corrin piaji coanca kerroa cádanaco pjia cayoji ooni itarracá sho. Niini corrinatsa pjia carroca napeyajle ima pimaaca roapiya rsoaji pjinirri iino njite opi pinaitja maatsi lrirso pidee capoa lrinacojle ipainanti. 5 Simeón njite Leví padatsana nawaopiakje. Íinocapeca inaiki namatsetan shó. 6 Corrin nooma pacoacaca njoa nacayosho, corrin tsakja nooma njomica cocaca nacaiterri nawacaaca cádanacoa, ima corritsa caidalri icanaca njoa. Ime nérroa lrico, naino njaji inaiki; njite joiwi capoatsa nainoca naino njaji maaficalri. 7 Matsidalri catsaotsa jliaji nérroa, ima aimadalrica jliaji nérroa. Corriotsa naofá-carroca papocotsawa, kjerrecawajle catsaotsa naofawa nainai njaji Iraelnai. 8 Judá, Matsia nacaiteca poanco njaji pikitsiñape. Pjiametacaotsa njaji picoema. Njite njaji pikitsiñape nacoajá caotsa pipeyajle. 9 Pjia nirri Judá, yaawi yénipeca pjia ima piemaca piwini nacó . Pjiwa piorsoawa njite pidietacawa yaawi sho. Njite ¿cocantja itaita idejitaca jliaji yaawi? 10 Corriotsa coá-carroca jitaotsa pioya jliaji talricanatiapani, corrin tsakja jliaji pjipajico, pjia naapiyawalri, a kjerrecaotsa lriocawa jliaji talricanaati ajádalri njite pjiomi njaji inaiki njépacaotsa lriaco. 11 Jliaji ipapicada lriborron ova inaná matsiani nacó, njite lricotsoca njaji lritsayani ova yána lrico, njite lritsayanalre lrianá walrijao ricó. 12 Ita perrica njaji lritji lrirra capoa aima ova yána njite jalreperrica lrietsa vaaca ínia shó. 13 Zabolón iofá caotsawa manoá yalrapi rico, njite napatocaotsa njaji iita macafiapope lrinewate ricó. Njite jlipaite jiná iocacaotsawa Sidón nacojle. 14 Kjaidadalrica jliaji Isacar, cayoji borro kjaidani shó. 15 Lrioketaotsa jiipai matsiadalri lriwafetá-carro. Lrideotsa niini lridecalre jamiñaperri njite pada irsodalri caotsani. 16 Dan, icatsaotsa jliaji icaitecadaca naacona njaji lrikitsiñape matsiá carrona ima papococa nanakjoite njaji Irael poco. 17 Api-ca jliaji Dan iwapacadaca inipolrico lrimjoá-carro caballo jiipa niniwa jliwá-carro jliaji jiecojicada lrinaco. 18 Nowapaca Pjia no-Mnalri piyomjetá-carro njoa. 19 Keñaite perri yácaotsa Gad ikjoete, mitsa jlia tsaotsa ifietana. 20 Matsiaperri paniati itaoña caotsa Aser jipaite ricó. Nainjaotsa matsia talricanaatinai iñjacapisho. 21 Pirraiti madanata canadalri shocaotsa jliaji Neftalí, matsiaperricaotsa njaji lrienipe. 22 Jaico íki cainacaneca jliaji José, jaicoki aimadalri iinaca yemacada tsoomi onipao ioya. Lriki jirracawa panti iwai nacó. 23 Njaji ínocape yawitjiocoti sho neemaotsa lrikjoete, nayawitaotsani njite yaamícarrocana lrioya. 24 Mitsa corriotsa nataitá carroca lrikjoete, ima kjeya pjaaca naoya ima jliaji Itaitakjetinalri Jacob iMinalri ikitsindatacani, Jliatsa jliaji Iwapacadacan, Irael Idanatashoona. 25 Pjinirri iDiote ikitsindata caotsa pjia, njite jliaji Dio Itaitakjetinalri inaitjaotsa pirso matsia lrisho jliaji matsiadalri eenolricojledalri nakoiote dalri, njite njaji matsiaperri tjewacajle dalri nacoda tsakja. Matsiawatsa keenipecana njite matsia tsakjaotsa nataoñacana. 26 Aima pia matsiaperri narso pia njaji njonirrinaipemi, njite njoa, pjinirri norso pja aima matsiaperri naoya. Njaji pipjerrinaipe njeta pioya pjiomi, mitsa panaya nocadáca pinaco aima matsiaperri cayoji jiipana yenonne shó. 27 Yaawi yoomacada shoca injaoca jliaji Benjamín. Piyompinaco lriino, lrinjá-carro jliwa catsa, mitsa dainoma nacojle lriá nainjao njaji lrikitsiñape. 28 Icatsa njaji doce poco-ca Irael inakjoite perri. Icatsa njaji yaacoti matsiaperri icaiterri nanaco njaji lrienipe. Lricadaa pada yaacoti matsiadalri narso nacoanaa. 29 Njite lricaite coancaotsa nanaitjaca maami cadanacoenaotsani, lriaco narso: ''Kjeyenatsa jalredaoca noá-carro njapodan njaji njonirrinaipe. Idawaotsa njoa noferrinaipemi icodapi lri-ricoda jliaji jalrapeco Efrón, hitita tairri jipaite ricó, 30 lri-ricoda jliaji jalrapeki Macpela jipaite ricó, tsoomidalri Mamre ioya Canaán jipaite ricó, jliaji jiipai Abraham iwentalri Efrón, hitita tairri ioya nadawá carron niini. 31 Icapiatsa nadawaca Abraham njite Sara tsakja niini; Isaac tsakja, lriino Rebeca tsakja, niini minitsa nodawa pia tsakja Lea. 32 Jliaji irrirri njite jliaji jiipai ninidalri nawenta piani naoya njaji Het-nai.'' 33 Jacob itaita cayami caacocs narso njaji lrienipe coajica, icaamitsa lripiajletaca jlipa lriorsoa carroita lricó, njite jlirsa lricaolrewa jalripa pikeetem, njite icaamitsa Jacob iacawa naikjaolre njaji lripjedaperrim pia.
1 Inonaaca lricaolre pekirritsa jliaji José njji jliwaca lriorsoawa jlinirri yecoa nacojle, lriiya lrinaco njite lritsotso lriecoa nacó. 2 José icaite narso njaji lrirsoperri itapecaperri matsietá-carro jlinirri idadami nadawá-carro. Niini njaji itapecaperri namatsiet Irael idadami. 3 Coarenta jalredaoca lriwiaca nadejica namatsietá-carro matsia pjiomi. Njite njaji Egipconai naiyaca lrinaco sesenta jalredaoca. 4 Yaami cádanacoena naiyaca lrinacó, caco José narso njaji caconaperri Fraón iyape, lriaco narso: Matsia cadatsa icapaca norso, inaitja matsiacalri caaco sha noikjaote Faraón irso cayoji: 5 'Jliaji njonirri icadaa nocaiteca lrirso yaacoti ajádalri sho cayoji: ''Pino noikjaolre, picapa mayami kenaotsa njoa. Pidawaotsa njoa lri-ricoda jliajia irri nonaitjanda norsowao Canaán jipaite ricó, Icatsa nirse nooma idawaca njoa.'' Niini panaya, icadaa noá-carro nodawa njonirri nirse, notaita cayaminaotsa nodiawatsa ajerreji noocao.'' 6 Njite Faraón shepani: ''Warsa pia pidawa pjinirri nirse cayoji lrinaa capisho pinaitjaca lrirso yaacoti ajádalri sho.'' 7 José yaawa Canaán lricojle lridawá-carro jlinirri idadam. Pjioi njaji caconaperri Faraón iyape naawa José iinai, njaji icadaacape yaacoti Faraón irso lriipana lricope tsakja, pjiomi njaji caconaperri Egipto lricope tskja, 8 njaji José iipaneta, perrinaipe, njajinirrim iipaneta tsakja. Mitsa njaji neenipe njite naapirra corrin nadeecana, namacana Gosén jipaitena lricotsana. 9 Nadee tsakja njaji carretafiape njite njaji ideecapena. Aima inaiki njaji yalriwa lriinai. 10 Naoca cadanacoa namatsietacawa lrico trigo Atad jipaite ricó Jordán pemajle, inona nacaolre pekirritsa nacaolre ricó. Icatsa José inaitja tsenakja inonacalri-yaapani siete jalredaoca jlinirri ikjaote. 11 Njaji jiipai iminanai, cananeonai, nacapa cadanaco inonacana pekirritsa Atad jipaite ricó, niini naaco: ''Inonaaca pekirritsa njaji Egipto lricope.'' Niini nacadaaca lriipitanao nini abel Mizraim, caishopacani, ''Inonácarrom njaji egipcionai,'' Jordán pemajle. 12 Njaji Jacob yeenipe nanaitja cayoji lrinaa capisho piana. 13 Njaji lrienipe nadeeni Canaán jipaite ricó njite nadawani jalrapeko ricó awacada Macpela ricó, tsomi Mamre ioya. Abraham iwenta piaca jliaji irrirri njite pjiomi jliaji jiipai lriwaida nacoda nadawa carodao njaji mayamperrim. Lriwenta piacani Efrón ioya ioya jliaji hitita-tairri. 14 Nataita cayamina nadawaca njajinirrim, José idiawa Egipto lricojle, naapiya njaji lriperrinaipe njite pjiomi njai yaacape lriinai nadawá-carro jlinirri. 15 Njite njaji José ipjerrinaipe nacapa cádanaco mayamica naoya jliaji njanirri, naaco cayoji: ''¿Coajiotsa kerroacadaa José wanacojle njite lriomaotsa lricoadawa wainai jlikjaote jliaji wanaitjalri lrirso?'' 16 Niini nawanaca José naikjaolrewa, naaco lrirso: ''Cayo pia lriaco jliaji pjinirri mayamica ipjeyan: 17 Cayoatsa icaiteca josé irso: ''Pinaitja matsiacalri picadaa jliyapa pioya jliaji maatsirri nanaitjalri pirso njaji pipjenaipe, ima nanaitja piaca pirso maatsi.'' Panaya picadaa jliyapaca pioya jliaji maatsirri nanaitjalri pirso njaji pjinirri iDiote irsoperri.'' José iyaca caicadanaco jlimica nacaiteca. 18 Njite njaji lriperrinaipe nawa naorsoawa jiipai nacojle lripeyajle. Naaco lrirso: ''Picapa pirsoérrica faa.'' 19 Mitsa José iaco narso: ''Corrin nooma ifiocawa. ¿Capja Dio-ca njoa? 20 Ima shaa ioma piatja inaitjaca norso maatsi, mitsa Dio inaitja matsia lrinakjoite, nataitá-carro yomjeca aima inaiki, cayotsaji icapa capisho panaya. 21 Niini corrin noma ifiocawa. Nokitsindataotsa shaa njite njaji yeenipe tsoperritoa.'' Lricatiimata nacaolre ima caacocani matsia yaacoti matsiadalri sho. 22 José iofawa Egipto lrico, njite njaji jlinirri ikitsiñape. Lriofá jalredaoca lrico ciento die walria. 23 José icapa njaji Efraín yeenipe nakjoite madalricoma lridakenai. Lricapa tsakja njaji Maquir yeenipe, Manasé yeenipe, njaji José icadaji cayoji lrienipe sho catsana. 24 José iaco narso njaji lrikitsiñape: ''Tsowenatsa norso jalredaoca mayami carroena njoa; mitsa noajintsa Dio imenaca caotsa pada ikjaolre lridee carroatsa shaa Egipto lrikjoite lrinacojle jliaji jiipai Lricaiterri yaacoti ajádalri sho Abraham irso, Isaac Irso njite Jacob irso Lriacaotsa narson.'' 25 Niini José inaa nanaitjaca pada yaacoti ajádalri sho njaji Iraelnai. Lriaco narso: ''Ajádalri Dio imenaca caotsa pada ikjaolre. Niini cayo cadanacoenaotsa irsotsaotsa ideeca njaji noapipem ajaiteji.'' 26 Mayami José, ciento die walria lripekirrica nacó. Namatsieta matsia lridadami njite njeetani lriarrona lrico Egipto lrico.
1 Icatsa neepitanaca njaji Irael yénipe inolri Jacob iinai Egipto lricojle, nacoanamitsa naapaneta yaapiya: 2 Rubén, Simeón, Leví, Judá, 3 Isacar, Zabulón, Benjamín, 4 Dan, Neftalí, Gad njite Aser. 5 Setenta namaimaca padenirri njaji inolri pia Jacob iinai Egipto lrico. Njite José icoadatana Egipto lricona. 6 Mitsa José, lripjerrinaipe njite pjiomi njaapoco oopi mayamicana. 7 Aima neenipe njaji Iraelnai, namaimataacawa aimasho njite kjaidá-perricana; napakjanta jliaji jiipai naofalri ninio. 8 Njite padenakja talricanaati walridalri ínita iytalricanaataca Egipto lrico, pada corridalri piatsa yají José nacó. 9 Niini lriaco narso njaji lrinaikite: ''Icapa, njaji Iraelnai aimadancana njite kjaidaperri pjaaca waoyana. 10 Panaya, warsotsa wapaca coajica wanaitjaca naapiya ima namaimataacacawa kjeyao, wadeetsa wacoema ino íino fa njitentja nemaca wakjoete wacoema yapiya njitentja naawa lrioya jliaji fepaite.'' 11 Ikena nacadaaca naapiyawelreo njaji iraelitanai njerrapiteeta carrona idejikjeti kjaidaperri sho. Njaji Iraelitanai nanaitja lriyacalreo jliaji Faraón. Nanaitja jliaji yacaalre Pitón njite Ramsés. 12 Mitsa njaji iraelitanai corrin yamica namaimataacacawa. Niini njaji egipcionai nafioca naiwana njaji iraelitanai. 13 Egipcionai icadaa nadejica kjaida njaji iraelitanai. 14 Nacadaa njerrapitaca pekirritsa idejikjeti sho. Nacadaa nanaitja nerroeta shopao ladrillo njite nanaitja tsakja ladrillo. Nanaitja tsakja idejikjeti idejikjeti kjaidaperri nakinkerre ricó. Pjiomi jliaji idejikjeti nanaalri nanaitjaca, idejikjeti jamiñaérricana. 15 Niini jliaji talricanaati Egipto lricoda icaite narso njaji iwapacape keenipeca njaji hebreo tadoanaipe; Sifra roipitana rsoaji apama njite Puá rsoaji apama. 16 Lriaco narso: ''Iwapaotsa icapa keenipe cadanacoatsa njaji hebreo tadoanaipe, atsia cada neenipe, inoatsani, mitsa ínarro cadaa, icaotsa caaficano.'' 17 Mitsa njaji iwapacape keenipeca njaji inaitjepe nafiowa Dio iiwana, corrin nanaitja cayoji talricanaati inaa capisho nanaitjaca. Njite nacadaa catsa caafica njaji neenipe atsiadape. 18 Niini jliaji talricanaati Egipto lricoda iaco narso njaji iwapacape njaji kenipeperri: ''¿Coada corrin iino njaji neenipe atsiadape?'' 19 Njite njeepacani, naaco lrirso jliaji talricanaati: Njaji hebreo tadoanaipe, cotsa cayocana nacayosho njaji egipcio tadoanaipe. Njaji inaitjepe kjaidaperricana, keenipena lripjeyatoa waocaca naikjaolre keenipe cádanacona.'' 20 Dio iwapa njaji inaitjepe iwapacaperri njaji kenipeperri. Nataoña pjawa njaji iraelitanai njite kjaida pjaacana. 21 Ima njaji inaitjepe iwapacaperri njaji kenipeperri nafiocawa Dio iwana. Njite Dio icadaa neenipewa. 22 Faraón iaco narso njaji lrinaikite pjiomi: ''Ipecoatsa oni ricojle pjiomi njaji neenipe atsiadape, mkitsa icadaacatsa njaji inaitjepedape.''
1 Ape atsia Leví nakjoite dalri jita inoa apama leví tadoa tsakja. 2 Njite kewedanca rsoaji inarro lrirso niini rsopaca pada roenipe atsiada. Njite rocapa matsiadalrica jliaji kirraitalri, niini rodawacani madalripi kerri. 3 Njite corri cadanacoetsa rotaitetsa rodawacani, ikena romatsieta pada tseeto njite romainita matsa maini shó lritamó carrotsa ooni ricó, njite rsoeta jliaji yempeti lri-ricoda. Njite roa rsoawa jliaji tseeto Ooni Nilo inomapi ricó jaicoapo lrima ipecolrico. 4 Njite roaco yempeti ipjerroda irso roema carro tekjoitetsa rocapá-carro coancaotsani. 5 Faraón iito iorroco ipita nirse naji cadana toa lrinomapiana ricó njaji rorsoperri. Njite rocapa jliaji tseeto ooni inomapi ricó jaicoapo lrima ipecolrico njite romeenaca njaji rorsoperri naacarro njetan. 6 Namjeco cádanaco jliaji tseeto nacapa ninica pada kirraitalri íyacada. Njite kjenaa Faraón iito icapaca lrirso, niini roaco: ''Jliaji kirraitalri, neenipeca njaji hebreonai.'' 7 Njite rsoaji kirraitalri ipjerro iaco rorso rsoaji Faraón iito: ''¿Capja pioma noaca noma apama hebreo tadoa rotaoñá-carro pirsoni?'' 8 Njite rsoaji Faraón iito iaco rorso: ''Warsa pia pioma.'' Niini rsoaji yempeti roá rooma roatsa rsoaji kirraitalri jidoatsa. 9 Rsoaji Faraón iito iaco rorso rsoaji kirraitalri jidoa: Pideotsa jliaji kirraitalri piwapá carroatsa norsoni, njite nocaoña watsa pjia piwapa caapjini.'' Niini rsopaca jliaji kirratalri rowapá carroni. 10 Njite lritaoña pjakenawa, ikena rodeecani Faraón iito irso niini rocadaacani roenipe shó rsoaji Faraón iito. Rocadaa lripitanao Moise ima roaco: ''Ima njotacani ooni rikjoiten.'' 11 Njite atsiakena Moise. A papia nacojle, lria lricapa naikjaolre njaji lrikitsiñape njite lricapa coajica nadejica iñakjeti ricó. Lricapa coajica pada Egipto tairri ínoca pada hebreo tairri, pada lrikinda nakjoite dalri. 12 Niini Moise ioma icapa matsia lriwaipoco nacó njite lricapa corrica coca pacapa. Níni lriinoca jliaji egipcio tairri njite jlica lridawá-carro lridakim caida lricó. 13 Tjewaijle lriá tsenakja lricapa naderse, njite, lricapa, yamada hebreonai inoacacawa. Njite lriaco lrirso jliaji iinocada lrikitsinda: ''¿Coada pinoacawa pikitsinda yaapiyatsa?'' 14 Njite jliaji atsia shepani, lriaco Moise irso: ''¿Cocao icadaa pjiá-carro fewidaapo, o pjiá-carro yají wanaco? ¿O pjiomaca piinoca njoa piino capisho jliaji egipcio tairri?'' Niini Moise ifiocawa jlimi cádanaco cayó, niini lriaco lrirsowaaca: ''Opina nají jliaji nonaitjalri.'' 15 Faraón jimi cádanaco jliaji Moise inaitjalri, lrioma piatja lriinoca Moise. Mitsa Moise ipitoa Faraón ioya Madian jipaite ricojle. Lrioca lriofawa ooni njecaniapji icodapi niini. 16 Njite jliaji sacerdote Madian lricoda, lrirso pia sietema lriito-naipe. Njite naoca nirse njetá-carro ooni na-pakjantá-carro nacadaa carroda ooni narso njaji njanirri nápirra. 17 Njite náno njaji paana iwapacape pirrati tsakja, njite njecoetana njiteo, mitsa Moise idanatana lrikitsindatá carrona. Lriarro tsakja ooni nápirra írrao. 18 Njaji inaitjepe walridarrope nadia naocawa njanirri Reuel iderse, njite lriaco narso: ''¿Coada idiá yocawa yenon catoa jeerri?'' 19 Njite naaco lrirso: ''Pada egipcio tairri iyomjeta fá naoya njaji paana iwapacape pirraiti, njite jlita ooni waapirra irrao tsakja.'' 20 Njite lriaco narso njaji lriitonaipe: ''Njite, ¿A kjerreoniji? ¿Coada corrin ideni? Iwanani lriñjá-carro wainai.'' 21 Njite Moise shepatsa lriofá-carro lriipana lrico jliaji atsia, njite lriaca Moise iinowa lriito Sefora. 22 Keenipe Sefora Moise irso, Moise icadaa lripitanao Gersón; lriaco, inocadatsa njoa pada jiiai nakjoite pada jipaite ricó.'' 23 Njite aima walria jiyapawa, njite maymica jliaji talricanaati Egipto ricoda. Njite njaji Iraelitanai corrinatsa nataita lrikjoete jliaji idejikjeti matsinaadalri nanaitjalri. Niini nawanaca kjaida pada ikitsindatá carrona, njite Dio jimica narso coajica nadejica pada irso. 24 Dio jimi cadanaco coajica njerrapitaca lriwaopia lrinaco jliaji yaacoti lrirsolri pia Abraham, Isaac njite Jacob iapiya. 25 Niini Dio icapaca coanca njerrapitaca njaji iraelitanai njite Lriají coanca njerrapitaca.
1 Moise iñjawerri lriipitana Jetro, icapiatsa Madian isacerdoteni. Njite papia nacojle Moise idee iwapa njaji lriñjawerri iipirra, niini lrideecana teeco jalrapocolri ricojle, lriocawa Horeb nacojle, jliaji Dio iawacadate. 2 Icatsa Dio iangeleni imoto lrikjaolre tiyee ricó jaico poco lrikjoite, Moise ioma icapa matsia coanca kerraca jliaji jaico poco, mitsa corrim lrimacawa. 3 Niini Moise iaco: ''Nocapatoa matsia coadaca corrin lrimacawa jliaji jaico poco.'' 4 Niini Dio icapa cádanaco Moise itsomitaca jliaji jaoco poco lricapá-carro matsia, Dio iwana lrikjaolre jaico poco lrikjoite, lriaco lrirso: ''Moise, Moise.'' njite Moise shepani, lriaco: ''Alri njoaji.'' 5 Njite Dio iaco lrirso: ''¡Atsa piemaorra! Pjita pioyao njaji pitsapatoni, ima jliaji pipjoalri inacó njoenitandaca norsowaoni.'' 6 Lriaco pja lrirso: ''Icatsa pjinirrinaipemi iDioteca Njoa, Abraham iDiote, Isaac iDiote njite Jacob iDiote tsakja.'' Njite Moise itaca lriecoa ima lrifioca lricapaca Dio irso. 7 Wa-Minalri iaco Moise irso: ''Nocapaca coanca njerrapitaca njaji nonaikite aimadan iofalriwa Egipto lrico. Njite Njomica coajica nawanaca naoma capoa nakitsindatacana. Noají coajica njerrapitaca. 8 Niini Nonoca nowatacá carrona Egipto jiida ioya njite Nodee carrona pada jiipai matsiadalri nacojle, macádalri, naoketacawa lricoatsa iniati njite mapáa tsakja-, njepaite ricojle njaji cananeonai, hititanai, amorreonai, ferezeonai, heveonai njite jeboseonai. 9 Naokjenina noikjaolre coajica njemataca noikjaolre njaji Iraelnai. Njite Nocapa coajica egipcionai jirrapitetacana. 10 Niini panaya Nomeenacaca pjia Faraón iderse pimotoitá-carro njaji nonaikite aimadan, njaji Iraelnai Egipto ioya. 11 Mitsa Moise iaco Dio irso: ''¿Cocao njoa, notaitá-carro noacawa faraón iderse njotá-carro njaji Iraelnai Egipto lrikjoite?'' 12 Njite Dio shepani: ''Njoa catsaotsa piinai, Njite cayoatsa pianjí Njoaca jliaji imeenacalri pjia. Pimotoita kenaotsa njaji nonaikite aimadan Egipto lrikjoite, icatsatsa lrinaco jliaji awacadaca yaawatsa norso matsiadalri.'' 13 Moise iaco Dio irso: Noa cádanacoatsa naikjaolre njaji Iraelnai, njite nocaite narso, Jliaji iferrinaipe iDiote imeenaca njoa iderse, njite natatja cadaa njoa, ¿Cocao Lriipitana? ¿Coajiotsa njoepacana?'' Dio icaite lrirso: ''NJOACA JLIAJI CAAFIDALRI. 14 Picaiteotsa narso, JLIAJI CAAFIDALRI imeenaca njoa ikjaolre.'' 15 Dio icaite tsakja Moise irso: Picaiteotsa narso njaji iraelitanai, JLIAJI WAMINALRI, na-Diote njaji iferrinaipemi, Abraham iDiote, Isaac iDiote njite Jacob iDiote tsakja, imeenaca njoa iderse. Icatsa Noipitanaca jliaji caidalriwetsa, cayoatsa Nofaacawa njewida lrico caidalriwenatsa nanaco njaji walricomanai. 16 Piawa njite piwaketaotsa njaji pekipenai Irael lricoperri. Picaiteotsa narso cayoji: na-Diote njaji iferrinaipemi, Abraham iDiote, Isaac iDiote njite Jacob iDiote tsakja, imoto noikjaolre, njite Lriaco norso: ''Ajádalritsa Nocapaca coajica Egipto lricope inaitjaca shá. 17 Njite nocaite norsowaaca Njotacaotsa shá naoya njaji jirrapitetalri shá, Nodeecaotsa shá Egipto lrikjoite njepaite lricojle njaji cananeonai, hititanai, amorreonai, ferezeonai, heveonai njite jeboseonai, niinicawa iniati njite mapáa tsakja.'' 18 Njemiotsa pirso. Niiniotsa pjia, njite njaji pekipenai Irael lricoperri yaawatsa talricanaati Egipto lricoda iderse, njite icaiteotsa lrirso cayoji, ''Jliaji wa-Minalri, na-Diote njaji hebreonai, Lrino waderse. Niini wacaogtsa madalridaa icoa jalredaoca itecoca ajaiteni jalrapocolri ikjaolre, wataitá-carro wainoca maaficalri wa-Minalri Diuo irso.'' 19 Mitsa noaji corricaotsa Egipto italricanaa icadaotsa yaacawa, icamitsaotsa Nocadaa cadaotsa jlirrapitaca. 20 Nopiajletacaotsa nocaapi egipcionai ikjoete noamá-carro nakjoete, nacapá-carro njaji manaitja canaperri nonaitjalriotsa nacapao. 21 Nocada caotsa matsiaca nacapaca irso njaji egipcionai, Nocadaotsa naacarro irso aima inaaniti macoadatsa nacada cadanacoenaotsa yaawa, wadee caikje catsa yaacawa naoya. 22 Nacoanatsa njaji inaitjepe natatjaotsa nainai njaji inaitjepe Egipto lricope njentada owirrodape, palraatape; natatjá tsakjaotsa nainai njaji nacodapiperri o naofanipe iinai iipana lrico na-tsaayaniwa. shetaotsana yénipe, iitonaipe nacó. Icatsaotsa ideeca naoya njaji egipcionai nanaani pjiomi.''
1 Njite Moise shepani, lriaco: ''¿Miotsa corrin cadaa njeepa njoa, corrin njemica norso, o nacaite cadaa norso corrica nocapa jliaji wa-Minalri?'' 2 Njite wa-Minalri Iaco Moise irso: ''¿Cocao jliaji pirsolri picaapoi ricó?'' Moise iaco lrirso: ''A paapo jaicoapo.'' 3 Njite wa-Minalri iaco lrirso: ''Pipeeco jliwao jiipai nacojle.'' Moise ipeconi jiipai nacojlen, njite lripadamacawa jliaji jaicoapo aapi sho. Moise ipito lrioya. 4 Njite wa-Minalri Iaco Moise irso: ''Pjipa piocaapi shó lriitipi nakjoite.'' Njite Moise jipani lriitipi nakjoite. Njite lripadamao jaicopo sho tsenakjan lricaapi ricó. 5 ''Icatsaotsa pinaitjalrica nataitá carroatsa njeepaca picapaca jliaji iMinalri, iferrinaipe iDiote, Abraham iDiote, Isaac iDiote, Jacob iDiote tsakja.'' 6 Wa-Minalri iaco pja lrirso: ''Panaya, pjieta picaapi pitsayanalre ricó.'' Njite Moise sheta lricaapi lritsayanalre ricó. Lridia cádanaco jlita njiteni, lricapa catserreca lricaapi pjiomi, jaalreni itamana shó. 7 Wa-Minalri iaco: ''Pjieta tsenakja picaapi pitsayanalre ricó.'' Njite Moise sheta lricaapi lritsayanalre ricó, njite jlita cádanco njiten, lricapa matsia catsa lricaapi tsenakjan, cayotsa lridaki icapacana shó. 8 Wa-Minalri iaco lrirso: Corri cadaa njeepa pjia, corri cadaa njemi pirso picadaa cádanaco nacapa Njoida, pinitanda picadaaca nacapa, a pedaotsa njeepa Nopieta cádanaco nonaitjaca manaitja canaadalri. 9 Corri cadaotsa njeepa nopieta cádanaco nocadaaca nacapa Njoida manaitja canadalri, njite corrin tsakja njemi pirso, pjitaotsa ooni lriamarralri njjiteo piarró-carro jiipai nacojle. Jliaji ooni pjitalriotsa lripadamacaotsa írranatiwa jiipai nacó.'' 10 Njite Moise iaco wa-Minalri irso: ''No-Minalri, cotsa matsiaca caacoca njoa, corrin oopica, corrin tsakja panaya caaco cádanaco pjia norso, njoa pirsodalri. tárraca cácoca njoa, corrin noaji caacoca kjeyantja.'' 11 Wa-Minalri iaco lrirso: ''¿Cocao jliaji inaitjalri nanoma njaji inaiki? ¿Cocao icadaa maacó carro njaji inaiki, corrí-carro njemi, matjí carrona, o nacapá-carro? ¿Capja corrica Dioca Njoa? 12 Niini panaya, warsena piawa, Njoa tsaotsa pinoma iinai, Njoa tsaotsa icaite pinoma irso cocacaotsa picaiterri.'' 13 Mitsa Moise icaite: ''No-Minalri, pinaitja matsiacalri pimeenaca pada nooya, coajidalri catsa pioma pimeenaca.'' 14 Njite Kerroa Dio Moise irso, Lriaco lrirso: ''¿Coan catsakjao jliaji pipjerri Aarón, jliaji Levita tairri? Nonjinda matsiaca caacocani, lrinoatsa lricapa piderse, njite catimaotsani pekirritsa lricapa cádanaco pjia. 15 Pjia watsa icaite njaji yacoti Lrirso lricaiteoda, njite Njoa watsa icaite irso cocacaotsa njaji inaitjalri. 16 Jlia watsa caaco narso njaji inaki pinacó. Pinoma shocaotsani, cayoatsa pjia lrirso Njoá capisho pirso. 17 Pjipaotsa pidee jliaji jaicoapo. Lrishoatsa pinaitja njaji manaitja canáperri.'' 18 Njite Moise idoa ioyacawa lriñjawerri Jetro iderse, lriaco lrirso: ''Picadaotsa njoa nodiá-carro naderse njaji nokitsiñape Egipto lricojle, nocapá-carro caafi cadatsana.'' Njite Jetro iaco Moise irso: ''Pienawa pimaodacatsa.'' 19 Wa-Minalri iaco Moise irso Madian lricó: ''Pidienawa Egipto lricojle, ima pjiomi njaji iomacape pia iinoca pjia opina mayamina pjiomi.'' 20 Ikena Moise idee rsoaji lriino, njji lrienipe; njite lricadaa naofawa borro nacóna. Opi Moise iawa Egipto lricojle njite lrideeca lrijaicaopote lricaapi ricó. 21 WaMinalri iaco Moise irso: ''Pioca cádanacoa Egipto lricojlena, Picadaotsa Faraón icapa njaji manaitja canaperri ima Nocadaaca jídati picaapi ricó. Mitsa nocadaotsa tárraca lricaolre niní corriotsa lricadá-carroca naawa njaji inaiki aimadan. 22 Picaiteotsa Faraón irso cayoji: Cayó Lricaiteca jliaji Wa-Minalri: Noenipe pjerritica jliaji Irael, 23 Niini Nocaiteca pirso: ''Picadaa lriá carroa jlia nirri ipjerriti, lritaitá-carro lriaca matsiadalri Norso. Mitsa corri capoa picadaa lriá carroa, Nocadaa caotsa maayamica jliaji pirrí ipjerriti.'' 24 Njite naacayao toa inipolrico, Dio ioketaacawa Moise iapiya deepi ricó, njite wadeepe lriinocani. 25 Njite Séfora jipa pada jiipada nakematanda malriye sho, njite royoá roenipeda íya lri-atsiaca nacoda, njite rocadaani Moise jiipa naco. Njite roaco: ''Ajádalrica noinirrica pjia lrikjaote jliaji írranati.'' 26 Niini Dio imáca Moise. Njite roaco: ''Írranati ínirrica pjia circuncisión ikjaote.'' 27 Wa-Minalri iaco Aarón irso: ''Warsa piawa jalrapocolri lricojle, nirseotsa picapa Moise.'' Aarón iá lriderse njite lricapani piyompinaco toa Dio iawacadate nacojle, njite lritsootsoni. 28 Moise iaco Aarón irso pjiomi njaji iacoti Dio inalri lricaiteca lrirso, njite pjiomi njaji manaitja canaperri Lrinaalri lrinaitjaca. 29 Ikena Moise njite Aarón iawa njite nawaketa pjiomi njaji caconaperri pekipenai iraelitanai. 30 Aarón icaite narso pjiomi njaji yaacoti WaMinalri inaalri Moise icaiteca. Lricadaa tsakja nacapa Dio jiida nacapá-carro njaji inaiki. 31 Njite njaji inaiki njeepani. Njite njemi cádanaco Dio icapaca narso njaji iraelitanai, coanca njerrapitaca, ikena nayamheta njewidaa nácarro Lrirso matsiadalri.
1 Njite njapodamina pjiomi njaji jiyapalrio, Moise njite Aarón iawa Faraón iderse, njite naaco lrirso: ''Cayo lricaiteca jliaji Waminalri, na-Diote njaji Iraelnai: Picadaa naawa njaji nonaikite aimadan, ná-carro nacatimataacawa Noapiya nirse, jalrapocolri ricó.'' 2 Faraón iaco narso: ''¿Kjaiterrio jliaji IMINALRITI? ¿Coajintja njoepaca jliaji Lricaiterri norso nocadá-carro naawa njaji iraelitanai? Cotsa noajindaca jliaji IMINALRI; njite njoa, corriotsa nocadá-carro naawa.'' 3 Njite naaco lrirso: ''NaDiote njaji hebreonai inon waikjaolre. Picadaa waawa madalridaa jecoapi jalrapocolri lricojle wainó-carro maaficalri waMinalri irso, wadee lriinoca fáa maatsidalri shó o matseeta shó.'' 4 Mitsa jliaji Egipto italricanaa iaco lrirso: ''Pjia Moise njite Aarón, ¿Coada ioma ideeca njaji inaiki nadejicalre ioya? Warsa idiawa idejicalre nacojle.'' 5 Lriaco pja narso: ''Aima hebreonai panaya fepaite ricó, njite shá ima kjapantsa yaami nadejica.'' 6 Jliadatsa jecoapi, Faraón inaa njaji iwapacape njaji idejicaperri lrirso njite narso njaji icapacape coajica nadejica, lriaco narso: 7 ''Panaya jliaji, corrinatsa yaa carroca narso malritsi napatsica shopa jipaipe. Icaotsa naacarro naoma narsowao njawacatsa nanaitjashopa. 8 Njite narsotsa nanaitjaca jliaminitsa namaimaca nanaitja capisho manatsa, wadee tsó pjaaca nanaitjaca lrioya, ima inoperricana, niini naoma nocadaaca naawa naacarro naino maaficalri na-Diote irso. 9 Icadaotsa nadejicalreo aima pja lrioya jliaji narsolrina wadentja nawaopiajica pada nacojle, njite wadee njemica coanca nacashataca njaji.'' 10 Ikena naacawa njaji naapiyawalre njaji idejicaperri njite njaji icapacape coajica nadejica nacaié-carro narso njaji inaiki aimadan idejicaperri, naaco narso: ''Cayoji Faraón icaiteca: ''Corrinatsa waacarroca irso malritsi ipatsica shopa jipaidape. 11 11Jiwaca tsaotsa irsotsa yaaca ioma irsowaona, njite irsotsa inaitjaca pacoacatsa namaimaca cayotsa inaitja capisho manatsa.'' 12 Niini pjiomi njaji inaiki aimadan napocotacawa pjiomi Egipto lrico naomá-carro narsowao malritsi. 13 Njite njaji iwapacape nadejica, naaco narso: ''Iwayaketa idejica, cayotsa wacaojli pia irso malritsi idejicarro.'' 14 Njaji iwapacape nadejica, Faraón irsoperri, nañá mana njaji iraelitanai iwapacape nadejica, njajtsa njaji nacadaji nawapá-carro njaji idejicaperri. Njajim iwapacape nadejica naaco narso njaji narsoperri: ''¿Coada corrinatsa inaitjaca jliaminitsa namaimaca njaji jipaidape inaitja capisho pia mana, daicayena njite opica?'' 15 Niini njaji iraelitanai iwapacape njaji idejicaperri naawa Faraón iderse natatjá-carro coadaca njerrapitetana, naaco lrirso: ''¿Coada picadaa njerrapita calretsa njaji pirsoperri cayoji picadaa capisho nadejica?'' 16 Corrinatsa naaca malritsi pirsoperri irso, njite nanaa fá wanaitjá-carro pja torropepe. Njite fá pirsoperri, iwapacape njaji idejicaperri nañáca fa, mitsa njatsa irso maatsicalri njaji pinaikite.'' 17 Mitsa Faraón iaco narso: ''¡Ínoperrinca shá! ¡Ínoperrinca shá! Ima iaco cayoji: Picadaa wáwa, wá-carro waino maaficalri wa-Minalri Irso. 18 Warsena yáa idenji. Corrinatsa nadee carroca malritsi irso inaitjashopao torropepe, njite irsotsa inaitjaca jliaminitsa namaimaca inaitja capisho mana.'' 19 Njite njaji iraelitanai iwapacape icapa njaji idejicaperri, maatsi najiacacawa njemi cádanaco narsocatsa nanaitjaca jliaminitsa torropepe imaimaca jalredaoca icoam. 20 Njite naoketaacacawa Moise njite Aarón iapiya, neemacawa talricanaati dapana pemajle nadia cádanaco namotoa Faraón ioya. 21 Naaco Moise irso njite Aarón irso tsakja: ''Wa-Minalri icadaacaotsa jirrapitaca, ima oopica icadaa maatsica Faraón icapaca warso njite njaji lrirsoperri. Oopi icadaa matseta lricapi ricó lriinó-carro fáa.'' 22 Njite Moise yá itatja Dio iinai, lriaco: ''No-Minalri, ¿Coada pima njerrapitaca njaji pinaikite aimadan? ¿Coada pimeenaca njoa ajerreji? 23 Nono cayami caaco njoa Faraón irso piipitana nacó, icaamitsa jlirrapitetaca njaji pinaikite, njite corritoa pjitaca njaji pinaikite ajaiteji.''
1 Njite wa-Minalri iaco Moise irso: ''Panayaotsa picapa coajicaotsa Nonaitjaca Faraón irso, picapaotsa jliaji Nocaiterri, niniotsa lricadaa iacarroa lricapa kjetena Njoida. Njoida ikjaote Lricadaotsa imotó-carro jlipaite ioya.'' 2 Dios icaite Moise irso cayoji: ''Icatsa IMINALRICA Njoa. 3 Nocadaa Abraham, Isaac njite Jacob tsakja nacapá-carro njoa Dio kjaidádalri shó; Mitsa corrin pia najíica Njoá Noipitana nacó, IMINALRITI, corrin najíca jliaji Noipitana. 4 Nonaitja pia tsakja pada yaacoti naapiya, nocaitecawa Noca narso Canaán jípaite, jliaji jiipai naofalri irricoda corri-cadanatsa nayadacani, najicawa lrico pia macádatsa. 5 Njite, Njominina tsakja coajica njeemataca njaji iraelitanai, Egipto lricoperri jirrapiteta capoana-na, niini nowaadaca coajica jliaji yaacoti Norsolri pia naapiya. 6 Niini picaiteotsa narso njaji iraelitanai, cayoji: ''Icatsa Iminalrica njoa. Njotacaotsa sháa lrioya jliaji egipcionai icada-cawa jirrapitaca, Njotaotsa shá nacaapi ioya. Nocadaotsa njerrapitaca Njoida shó, icatsaotsa cayó noyomjetaca shá. 7 Niniotsa Nonaikite aimadanca sha njite iDiote caotsa Njoa. Icatsa iMinalri Dioca Njoa, njite yanjiotsa Njoaca jliaji jitalri shá nacaapi ioshete njaji egipcionai. 8 Nodecaotsa shá lri-ricoda jliaji jiipai nocaiterri yaacaoti ajádalri shó Abraham irso, Isaac irso njite Jacob irso tsakja. IMINALRICA Njoa, niini iyadacaotsa jliaji jiipai.'' 9 Njite Moise icaite tjá njaji yaacoti narso njaji iraelitanai, mitsa corrin naoma njemica lrirso ima kerroacana naikjaote njaji idenjikjeti nananitjalri. 10 Dio icaite Moise irso: 11 ''Warsa piawa Faraón iderse, Egipto italricanaa lricadá-carro naawa njaji iraelitanai jlipaite ioya.'' 12 Njite Moise iaco Dio irso: ''¿Coajintja Faraón jimica norso, njácatja njaji iraelitanai corrica naoma njemica norso, njite corrin tsakja notaita caacoca njoa matsia?'' 13 Wa-Minalri inaa Moise njite Aarón tsakja naa-carro caacona naapiya njaji iraelitanai njite Faraón iinai tsakja, jliaji Egipto italricanaa, jlitá-carro njaji iraelitanai Egipto jipaite ioya. 14 Icatsa neepitanaca njaji njanirrinaipe jiwidaapo: njaji Rubén yénipe, Irael irrí pjerriti: Hanóc, Falú, Hezrón njite Carmi. Icapiatsa njaji Robén iipaneta inakjoité-perrica. 15 Njaji Simeón yénipe: Jemuel, Jamín, Ohad, Jaquín, Zohar, njite Saúl, roenipe rsoaji Canaán darro. Icapiatsa njaji Simeón iipaneta inakjoité-perrica. 16 Nanineta tsakja anjí njaji Leví yénipenaipe. Leví yofá pia ciento trenta siete walria jalredaoca lrico. icapiatsa lrienipenaica njaji: Gersón, Coat njite Merari. 17 Njaji Gersón yénipe: Libni njite Simei. 18 Coat iofawa ciento trenta tré walria jalredaoca lrico. Icapiatsa lrienipeca njaji: Amram, Izhar, Hebrón njite Uziel. 19 Njaji Merari yénipe: Mahli njite Musi. Icatsa njaapococa njaji Leví inakjoité-perri naapaneta yaapiya. 20 Amram jita inoa jlinirri iwedoa tsa, njite rorsoca yamada roenipe rorso, Moise njite aarón. Amram iofawa ciento trenta siete walria jalredaoca lrico, njite mayamini. 21 Njaji Izhar yénipe: Coré, Nefeg njite Zicri. 22 Njaji Uziel yénipe: Misael, Elzafán njite Sitri. 23 Aarón jita inoa Eliseba, aminadab iito, Nasón iwedoa. Njite icatsa njaji roenipeca lrirso: Nadab, Abiú, Eleazar njite Itamar. 24 Njaji Coré yánipe: Asir, Elcana njite Abiasaf. Icatsa njaji Core iipaneta pococa. 25 Njite Eleazar, Aarón irrí, jita inoa Futiel iito. Njite Finees-ca roenipeca lrirso. Icatsa levitanai jinirrinaipe iipaneta jiwidapoca njaji, naapiya njaji nanakjoitéperrim. 26 Njaa minítsa njaji Aarón njite Moise tsakja njaji wacapalrina inacó, Dio icaitejí irso: ''Yaa jita njaji iraelitanai Egipto jipaite rikjoite papocope njaapodawaaca. 27 Aarón njite Moise tsakja caacona Faraón irso, jliaji Egipto italricanaa, lricadaacarro nadee njaji iraelitanai Egipto jipaite ioya. 28 Caaco caojli pia wa-Minalri Moise irso Egipto jipaite ricó, 29 Lriaco pia lrirso cayoji: ''Icatsa IMINALRICA Njoa. Picaiteotsa lrirso jliaji Faraón, Egipto italricanaa, pjiomi njaji Nocaiterri pirso.'' 30 Mitsa Moise iaco Dio irso: ''Cotsa matsiaca caacoca njoa, ¿Coajintja Faraón jimica norso?
1 Wa-Minalri iaco moise irso: ''Nocadaca dio capisho pjia Faraón irso. Njite pipjerri Aarón, Nocadacani inoparrotacaita sho. 2 Picaiteotsa pjiomi njaji nonaalri Picaiteca. Njite pipjerri Faraón, lricaiteotsa Faraón irso lricadá-carro naawa jlipaite ioya njuaji Iraelnai. 3 Mitsa Notarrata caotsa Faraón icaolre ricó niní Nocada caotsa nacapa aima manaitja canaaperri nonaitjanda Njoida shó Egipto jipaite ricó. 4 Corriotsa Faraón jimí-carroca irso, niniotsa nocadaa nacapaca njoida njaji Egipto lricope, njerrapita caotsa lrikjaote. Cayoatsa njotáca papocope njapodawaca njaji nonaikite aimadan kjaidá-perri, njaji Irael inakjoite-perri, naacarro Egipto lrikjoite. 5 Njaji Egipto lricoperri nanjí watsa Dio-ca Njoa nacapa capoa Njoida njite njoida shó njotaca njaji iraelitanai naoya.'' 6 Moise njite Aarón nanaitja cayó; cayoji Dio inaa capisho nanaitjaca. 7 Moise irso pia ochenta walria lri-pekirrica naco njite Aarón irso pia ochenta tre walria lri-pekirrica naco naa caojli pia caacona Faraón irso. 8 WaMinalri iaco Moise njite Aarón: 9 ''Faraón inaa cadaa shá inaitjá-carro manaitja canaadalri, picaiteotsa Aarón irso: ''Pjipa pipeeco pjipajico lripadamá-carro apiwa Faraón icapá-carro.'' 10 Ikena Moise njite Aarón naawa Faraón iderse, njite nanaitja cayoji Dio inaa capisho nanaitjaca. Aarón ipeeco jlipajico Faraón icapá-carro njite njaji lrirsoperri, njite jliaji Aarón jipajico ipadamawa apiwa. 11 Njite Faraón inaa nawanaca lrikjaolrewa njaji atsianai lrirsoperri canjikje-perri njite njaji malrirrinai. Njite nanaitja tsakja namalrirrica sho cayotsa Arón inaitja capisho. 12 Nacoamitsa njaji atsianai napeeco njepajico, njite napadamawa apiwa. Mitsa jliaji Aarón jipajico injaca nayarrona njaji malrirrinai. 13 Mitsa tarraca Faraón lricaolre naoya, corrin jlimica narso, cayotsa wa-Minalri icaite capisho narso. 14 Wa-Minalri iaco Moise njite Aarón irso: ''Tarraca Faraón icaolre ricó, niini corrin lricadaa naawa njaji inaiki aimadan. 15 Pia watsa tjewa piyompinaco Faraón iderse lria cadanacoatsawa oni canjerse. Piema watsa onicanje ricó picapaaca carroatsa lriapiya, pjipaotsa picaapi ricó jliaji pjiecote ipadamalri apiwa. 16 Picaiteotsa lrirso: jliaji NOMINALRI, na-Diote njaji hebreonai, lrimeenaca njoa piderse nocaité-carro pirso jliaji yacoti: ''Picadaa naawa njaji nonaikite, ná-carro naa matsadalri Norso jalrapocolri ricojle. Mitsa corrin pioma pjiepaca jliaji yaacoti.'' 17 Njite cayo Lricaiteca jliaji wa-Minalri: ''Lrikjaote jliaji picapalriotsa piajíwatsa Dio-ca Njoa. Noñá watsa Ooni Nilo nacó lrisho jliaji jaicoapo norsolri nocaapi ricó, njite lripadamacaotsa írranatiwa jliaji ooni. 18 Mayamiotsa njaji copje ooni ricope niini éco caotsa jliaji ooni namá. Corriotsa nataitá carroca nairra jliaji ooni lrinakjoite njaji egipcionai.'' 19 Njite Dio icaite Moise irso: ''Picaite Aarón irso cayoji: Pjipa jliaji pjipajico njite pipiajleta picaapi lrisho Egipto ionite cawa nacojle, ooni macapeki nacó, onipaokja nacó, nadanatacawa naco ooni, pjiomi nacadaacawa lrico ooni, napadama carroatsa írranatiwa. Pinaitjaotsa cayó niini carraotsa írranati pjiomi Egipto jipaite ricó, írranati tsakjaotsa nairra carroapa lrico nanaitjanda jaico shó njite nanaitjanda jiipada shó tsakja. 20 Moise njite Aarón nanaitja cayoji Dio inaa capisho nanaitjaca. Aarón jirreta lrijaicoapote njite lriñáca ooni naco, Faraón icapa cadanatsa njite njaji lrirsoperri. Niini lripadamacawa írranatiwa jliaji ooni. 21 Mayami pjiomi njaji copje ooni ricope, ikena eecoca jliaji ooni. Corrin kjerre nairra ooni njaji egipcionai njite írranati minitsa pjiomi Egipto jipaite ricó. 22 Mitsa njaji malrirrinai Egipto lricope nanaitja tsakja cayó namalrirrica shó, niini tarraca Faraón lricaolre naoya, corrin jlimica Moise njite Aarón irso, cayotsa wa-Minalri icaite capisho narso coaji caotsani. 23 Njite Faraón idiawa lriipana lricojle. Corrin coadaca lrirso jliaji lricapalri. 24 Njaji egipcionai njecaca oniapji tsoomi ooni macapeki ioya nataitá-carro nairraca ooni, ima corrica nataita nairraca ooni lrioya jliaji macapeki. 25 Siete jalredaoca jiyapawa waMinalri imatsiketa cayami naoya jliaji ooni.
1 Njite caaco tsenakja wa-Minalri Moise irso, ''Pia picaite Faraón irso cayoji: Picadaa naawa njaji nonaikite aimadan nácarro naa Norso matsiadalri. 2 Corri cadaa picadaa naawa, Nomatsiketa caotsa pjiomi pjipaite paitsi shó. 3 Pakjamiotsa ooni paitsi shó. Njenicoatsa njite iipana lricojle, imaacawa lrico, pjiomi iamaki ricó. Njeewa tsakjaotsa irsoperri iipana lrico. Cayo tsakjaotsa pjiomi njaji inaikite, iyanacawa lrico, ipalangana lrico tsakja inaitja shopa injao. 4 Nanaitjaotsa maatsi pirso njaji paitsi, coshoca narso njaji pirsoperri.'' 5 Wa-Minalri iaco Moise irso: ''Picaite Aarón irso: Pipiajleta picaapi njite jliaji pjiecote naikjaolre njaji ooni macapeki, oonipaokja nacojle, ooni nadanatanda nacojle, paitsi imotó carroatsa Egipto jipaite nacojle pjiomi. 6 Ikena Aarón ipiajletaca lricaapi naikjaolre njaji ooni Egipto lricope njite paitsi imaimaca jinicoa ooni rikjoite njite napakjantaacawa pjiomi Egipto ijipaite ricó. 7 Mitsa njaji malrirrinai nanaitja tsakja cayo namalrirrica sho: nacadaa paitsi imotoa Egipto ijipaite nacojle 8 Njite Faraón iwana lrikjaolre Moise njite Aarón, lriaco narso: ''Itatjá Dio iinai jlitá-carro nooya njite naoya njaji nonaikite nja paitsi. Njite dekjaotsa nocadaa naawa njaji inaiki aimadan, nácarro naino Lrirso maaficalri. 9 Moise iaco Faraón irso: ''Pjia irso matsiacalri picaité-carro norso coancaojlica pioma notatjaca Dio pinaco, pirsoperri inaco njite njaji pinaikite, Jlitá-carro nja paitsi pioya, piipana ioya njite nadiá-carro naofawa ooni ricojle. 10 Njite Faraón iaco lrirso: ''Tjewena.'' Moise sheepani: ''Cayo pedaotsa picaite capishó, pitaitá carroatsa pianjíi corrica pacapa apada lricayosho jliaji wa-Minalri Dio. 11 Naawatsa pioya njaji njaji paitsi, piipana ioya njite naoya njaji pinaikite. A tsaotsa naofawa ooni ricó. 12 Moise njite Aarón nadiá namotoa Faraón ioya. Njite Moise itatjaca Dio iinai nanaco njaji paitsi Lricadaaji Faraón irso. 13 Moise inaitja cayoji wa-Minalri inaa capishoni: Mayami njaji paitsi naapana lrico, talricanaati dapana lrico macada awacada lrico. 14 Njaji inaiki nawaketana aima shó njite eecoca pjiomi jliaji jiipai. 15 Mitsa Faraón icapa cádanaco matsia kena pjiomi, lritarrata lricaolre njite corrin jlimi Moise irso njite Aarón, cayotsa Dio icaite capisho. 16 Wa-Minalri iaco Moise irso: Picaite Aarón irso: pipiajleta pjiecote njite piñaawatsa jiipai italre nacojle napadama carroatsa tothonwa pjiomi Egipto ijipaite nacojle.'' 17 Njite nanaitja cayó: Aarón ipiajleta lricaapi njite jliecolre. Lriñá jiipai italre nacó. Naocawa tothon nanaco njaji inaiki njite nanaco nja maaficalri. Pjiomi jiipai italre ipadamao tothonwa pjiomi Egipto ijipaite nacojle 18 Njaji malrirrinai naoma tja nanaitja tsakja tothon namalrirrica shó, mitsa corrin nataita. Aima pia tothon nanaco njaji inaiki njite nanaco njaji maaficalri. 19 Njaji malrirrinai naaco Faraón irso: ''Dio jiidatsa jliaji.'' Mitsa tarraca Faraón icaolre naoya, corrin lrioma jlimica narso. Cayotsa Dio icaite capisho Faraón inaitja caotsa. 20 Wa-Minalri iaco Moise irso: ''Pia watsa tjewa piyompinaco Faraón iderse lria cadanacoatsawa ooni canjerse. Picaite lrirso: Cayo lricaiteca wa-Minalri: ''Picadaa naawa njaji Nonaikite nácarro naa norso matsiadalri. 21 Corri cadaotsa picadaa naawa njaji nonaikite aimadan, Nomeenacaotsa pikjaolre dolrio imaimaca, pinaikite nacojle naapana lricó. Pakjamiotsa dolrio imaimaca egipcionai iipana lrico, njite pakjamiotsana dolrio sho pjiomi Egipto jipaite ricó. 22 Mitsa jliadá watsa jeecoapi, nowapaotsa jliaji jiipai Gosen, jliaji jiipai naofalri irricoda njaji nonaikite aimadan, corriotsa dolrio imaimaca iocacawa nanacojle. Nonaitja cayó yají-carro Njoaca IMINALRITI iofalri lri-ricoda jliaji jiipai. 23 Njoenitacaotsa njaji nonaikite naoya njaji pinaikite. Tjewenaotsa icapa jliaji nonaitjalri Njoida shó.'' 24 Wa-Minalri inaithja cayo, njite aima dolrio iocawa Faraón iipana lricojle, njite lrirsoperri iipana naco tsakja. Pjiomi Egipto jipaite ricó pakjanca dolrio shó, njite namatsikeetaca jliaji jiipai namaimaca shó. 25 Faraón iwana Moise njite Aarón lrikjaolrewa, lriaco narso: ''Warsena iawa inó-carro maaficalri Dio irso fepaite ricó.'' 26 Moise iaco lrirso: ''Cotsa matsialrica waso wanaitjacani atsaji, ima waino cadaa maaficalri wa-Minalri Dio irso cotsa matsialrica icapacan, shá Egipto lricope, corrin waoma iinoca faa jiipada shó lrikjaote. 27 Corrin, madalridaa watsa jécoapi waacawa jalapocolri ricó, nirse watsa waa waino maaficalri wa Diote irso, ima coyoca Lrinaa wanaitjaca.'' 28 Faraón iaco shepacan: ''nocadeniotsa iawa iácarro íno maaficalri IMINALRI Dio irso jalrapocolri ricojle. Corriotsa itaita iacawa teecoa njite itatjawatsa Dio nonaco. 29 Moise iaco lrirso: ''Nomoto catsaotsa pioya notatjaotsa Dio pinaco naa carroatsa pioya nja dolrio imaimaca, pioya pjia Faraón, pirsoperri njite njaji pinaikite tjewena. Mitsa corrin nooma picashataca fá wadentja corrica picadaa waacawa wainó-carro maaficalri Dio irso. 30 Moise imoto Faraón ioya njiyte lritatja Dio lrinaco. 31 Dio inaitja cayoji Moise itatja capisho lriinai. Lricadaa naawa njaji dolrio imaimaca Faraón ioya, lrirsoperri ioya njite lrinaikite ioya tsakja. Corrinatsa coca pacapa. 32 Mkitsa Faraón itarrata lricaolre tsenakja, corrin lricadaa naawa njaji inaiki aimadan.
1 Njite WAMINALRI iaco Moise irso: ''Warsa piawa Faraón iderse picaité-carro lrirsco cayiji, Cayo lricaiteca jliaji wa-Minalri, naDiote njaji hebreonai: ''Picadaa naawa njaji Nonaikite aimadan nataitá-carro naaca Norso matsiadalri.'' 2 Mitsa corricadaa naawa, pífarro cadaa náwa, 3 niniotsa wa-Minalri icadaotsa njerrapitá-carro ipoati sho njaji ivacan, icaballoni, iborroni, iovejani, iipirra pjiomi papocoperri neemacawa lrico. 4 Corriotsa wa-Minalri imatsiketá-carroca naapirra njaji Iraelnai nacayosho njaji egipcionai iyape. Corriotsa mayami-carroca naapirra njaji irraelitanai. 5 Njite wa-Minalri icadaa narso jalredaoca; niini Lriaco: ''Tjewenaotsa nonaitja cayo lrinaco jliaji jiipai.'' 6 Tjewaijlena wa-Minalri inaitja cayoji Lricaite capishó. Mayami pjiomi navacan njaji egipcionai. Corrin mayamica apana navacan nakjoite njaji iraelitanai. 7 Faraón yaji icapaji, njite lricapa corrica aana iraelitanai ivacan mayamica. Mitsa tarraminicatsa Faraón icaolre ricó, corrin lricadaa naawa njaji iraelitanai. 8 Njite wa-Minalri iaco Moise njite Aarón irso: Pjia, Moise, pjipaotsa picaapi ricó tiyewarrom, njite pipecoatsa caolri ricojle Faraón icapatsa. 9 njaji pipecolriotsa caolri ricojle napadama-caotsawa jiipai italre sho pjiomi Egipto lricó. Nanota cádanacoatsa nadada nacó njaji inaiki njite maaficalri nacó tsakja iyaoniti imotocaotsa nanaco, pjiomi Egipto lricó.'' 10 Ikena Moise njite Aarón njepa nacaapi ricó tiyewarrom njite neemawa Faraón ipyajle. Njite Moise ipeeco caolri rocojle jliaji tiyewarrom. Niini ikena nama iyaoniti imotocawa nadada naco njaji inaiki njite nanaco njaji maaficalri. 11 Njaji malrirrinai corrin nataita Moise ikjoete ima iyaoniti imotocawa nadada nacó njite nanaco padenirri njaji egipcionai. 12 WaMinalri icadaa taarraca Faraón icaolre rico, corrin jlimica Moise njite Aarón irso. Cayotsa wa-Minalri icaite capisho pia Moise irso Faraón nacó. 13 Njite wa-Minalri iaco Moise irso: ''Picafiawatsa deepitoa piá-carroatsa Faraón iderse piyompinaco toa, piemaotsa lripeyajle njite picaite lrirso cayoji: ''Cayo lricaiteca jliaji wa-Minalri, na-Diote njaji Hebreonai: ''Picadaa naawa njaji Nonaikite aimadan nataitá-carro naaca Norso matsiadalri.'' 14 Corri cadaa pjiepa Njoá, njorrapiteeta caotsa pjia ima Nomeenaca-cá pinaco, pirsoperri nacó, pinaikite naco pjiomi njorrapiteta shopa shá. Nonaitjaca cayó piají-carro corrica pacapa pada anjí jalredaoca lricó cayodalri Nocayoshó. 15 Njoida shó Notaita nonaitjaca njaji maatsiperri nainó-carro pjia njite njaji pinaikite aimadan iwayacá carroa jalredaoca ioya. 16 Mitsa nocadaa cafitsa pia picapá carro Njoida njite nají-carro nonaco njaji jalredaoca lricoperri. 17 Corritoa yami piemaca nonaikite aimadan ikjoete, corritoa picadaa naacawa. 18 Tewaotsa nocadaa iyao jiwacawa jipadadape shoperri, matsina-perri paotsa naoya njaji pjimirri piapa coaji piaca jlipepeda jiwa piacawa Egipto nacó. 19 Niini pirsotsa pjietaca njaji pi-vacan, pjiomi njaji pirsonipe pemajle pafe ricojle taimicawa yapjipe. Niniotsa pjiomi njaji inaiki, maaficalri yemalritsa pemajle mayamicaotsana iiyao jipadadape shoperri jiwa cádanacoa.'' 20 Niini pjiomi njaji Faraón irsoperri shepacape jliaji yacoti Dio icaiterri narso, nakjeyapita nadeeca taimi cawa yapjite njaji narsoperri njite naapirra tsakja. 21 Mitsa njaji corri perritsa shepa jliaji Dio icaiterri narso corrin nawakeetaca taimi cawa yapjite njaji narsoperri njite njaji navacan, atsa nacadana pemajletsana. 22 Njite wa-Minalri iaco Moise irso: ''Pjirreta picaapi eeno ikjaolre iiyao jipadadape jiwá carroa nanaco njaji inaiki, maaficalri naco njite paniati naco awacada nacope tsakja pjiomi Egipto jipaite nacojle.'' 23 Mise jirrepa lripjeco eeno ikjaolre, njite wa-Minalri icadaa colrocolroda-cani, lricadaa eeno iperronialre jiwacawa jiipai nacojle njite iiyao jipadadpe tsakja. Iiyao jipadadape jiwacawa pjiomi Egipti jipaite nacó. 24 Lricadaa iiyao jipadadape njite eeno iperronialre iiyao jipadadape iapiya kjaidaperri. Corri piatsa coancaojli pia pacapa caidalri Egipto lrico nacadaa cayamiwa pacoa yacaalre macacoecani. 25 Iiyao jipadadape jiwacawa pjiomi Egipto jipaite ricó; pjiomi njaji pemajleperri, inaiki, maaficalri naco. jliaji iiyao jipadadape imatsiketaca pjiomi pjiomi paniati, jaico tsakja awacada lricope. 26 Njite Gosen lrico, naofacawa njaji iraelitanai, corrin iiyao jipadadape jiwacawa nanaco. 27 Faraó ivana Moise njite Aarón lrikjaolrewa, lriaco narso: ''Oopo dekja camatsicanaaca njoa. ajádalrica jliaji wa-Minalri icaiterri, niini njoa njite njaji nonaikite oopi wamatada. 28 Pitatja Dio iinai yaamí-carro njaji eenó njite iiyao jipadadape kjaidaperri. Nocadeniotsa iá carroa, corri-natsaotsa iofá carroketsa anjí.'' 29 Moise iaco lrirso: ''Nomoto kenaotsa yacaalre ioya, njorretaotsa nocaapi no-Minalri ikjaolre. Niniotsa yamiotsa eenocani njite corrinatsaotsa pacapá carroca iiyao jipadadape. Niniotsa pianjiwatsa Dio iyadaca jliaji jiipai. 30 Mitsa pjia njite njaji poinaikite, noajintsa corricaotsa inaitja matsia wa-Minalri Dio irso.'' 31 Njite njaji napaniapji jeerriwai njite cebada tsakja oopi matsina, ima icami piena cainaca catja njaji cebada njite jipolre pia catoa njaji jerriwai. 32 Mitsa nja trigo njite nja lripanalri corrin maatsicana ima wia perri pjaaca ipecana. 33 Moise idia cádanaco imotoa Fraón ioya yacaalre lrikjoite, lri-piajleta lricaapi wa-Minalri ikjaolre, njite ikena yaamica eenocani, yami tsakja iiyao jipadadape jiwacawa njite corrina tsakja iiyacani. 34 Faraón icapa cádanaco yami kena iiyacani, corrinatsa iiyao jipadadape jiwacawa, corrinatsa enocani, lripieta lrinaitjaca lrimatsicanawa, lritarrata lriaolre tsenakja, cayó tsakja njaji lrirsoperri. 35 Tárraca Faraón icaolre ricó. Corrin lricadaa naawa njaji iraelnai aimadan. Cayotsa wa-Minalri icaite capisho Moise irso Faraón inaitja caotsa.
1 Njite wa-Minalri iaco Moise irso: ''Pia pjenawa faraón iderse, njoatsa icadaa tarrá-carro lricaolre njite nacaolre njaji lrirsoperri. Nonaitja cayó Nocañjatá-carro nacapa njoida. 2 Nonaitja tsakja cayó icaité-carro narso njaji pienipe njite pidakenai irso tsakja njaji nonaitjalri, coajica njorrapiteteca njaji Egipto lricope, coajica nonaitjaca aima nacapaca macapacanaperri njoida inakjoiteperri. Nají-carro njoaca Njoaca jliaji IMINALRITI.'' 3 Niini Moise iawa Aarón iapiya Faraón iderse, naaco lrirso: ''Jliaji wa-Minalri, na DIote njaji hebreonai, icaite cayoji: ''¿Coancaojli pjenaotsa piaji kjaidadalrica pioya Njoa? Picadena naawa njaji nonaikite naacarro naa Norso matsiadalri.'' 4 Mitsa corricadaa picadaa naawa njaji Nonaikite, pjimi piicao matsia, tjewenaotsa nocadaa tacapa pjipaite ricó pjiomi. 5 Naitacaotsa pjiomi jiipai yeecoa nacó namaimaca shó. Naiñjacaotsa pjiomi njaji ipania iyao tarradalripe jiwalri pia imacaji. Naiñja tsakjaotsa pjiomi njaji jaico awacada lricope. 6 Napakjanta caotsa piipana lrico, pirsoperri iipana lrico njite naapana lrico pjiomi njaji Egipto lricoperri, corri piatsa piferrinaipemi, iferrinaipemi cayoji picapa capishoatsa, corri piatsa nacapa caidalriji nacapa cayami jliaji jalredaoca atee panashete.'' Icaamitsa Moise njite Aarón iawa Faraón ioya. 7 Njaji Faraón irsoperri iaco lrirso lriso: ''¿Coancaojli pjenaotsa yaami lrimaca wacapaca jliaji atsia? Poicadena naawa njaji oiraelitanai naa carroena naa matsiadalri na-Minalri Dio irso. ¿Capja corrica piají coajiketsa maatsica jliaji fepaite Egipto lricod?'' 8 Njite lrinaa nawaaca lrikjaolrewa Moise njite Aarón, njite lriaco narso: ''Warsena iawa yaacarro matsiadalri iMinalri Dio irso. Mitsa, kjaitenai watsa njaji yaalriwa?'' 9 Moise iaco lrirso: ''Pjiomiotsa waacawa, wadeotsa pjiomi njaji yempetiapapetoa, pekipenai, weenipe, waitonaipe. Wadeotsa waapira pjiomi, ima wacatima taacacaotsawa wa-Minalri iinai.'' 10 Faraón iaco lrirso: ''Iinai catsaotsa jliaji iMinalri akjerrecawajle cadaa yawaji, coacaojli kenaotsa nocadaa yaawa naapiya njaji yénipe tsoperritoa. Noajintsa yomaca inaitjaca norso maatsi. 11 ¡Corrin! icaamitsaotsa yaalrica piinai njaji atsianaitsa, yaacarro yaa matsiadalri iMInalri irso, icamitsaotsa njaji yaalrica piinai.'' Njite lrinaa namotoitaca Moise njite Aarón lrioshete. 12 Njite wa-Minalri iaco Moise irso: ''Pipiajleta picaapi Egipto jipaite ikjaolre nanó carroatsa nja tacaapa jlipaitena nacojle, naiñjá-carro pjiomi njaji lripaniana imotocape lrinaco, naiñjá-carro pjiomi njaji iyao macadalripene imacaji.'' 13 Ikena Moise ipiajletaca jlipajico Egipto jipaitena ikjaolre, njite waMinalri imeenaca caolri jérri imotolri njiteo lrinacojle jliaji jiipai Egipto lricoda jliadaa jalredaoca njite lridepitena tsakja. Njite piyompinacojlena, njewenawa njaji tacaapa lridempena jliaji caolri inocada Jeerri imotolri njiteo. 14 Njaji taacapa njewacawa pjiomi Egipto jipaite nacó niini namatsicaca pjiomi jliaji jiipai. Corri piatsa pacapa pia aima tacaapa jiwacawa jiipai nacjle cayó, njite corrin tsakjaotsa pacapá carrocaotsa njapodam. 15 Cadaocatsa pacapa naorsoacawa jiipai nacó namaimaca ikjaote. Naiñja pjiomi njaji jaico, jaico iinaca iyao macadalripe imacaji. Corrin pacapa jaico Egipto lrico corriperrintja naiñjaca njaji tacaapa. Naiñjaca pjiomi njaji jaicopje. 16 Niini kjeyacalrim Faraón iwanaca Moise njite Aarón, lriaco narso: ''Nonaitjaca maatsia iMinalri Dio ikjoete njite ikjoete tsakja. 17 Panaya, icada jliyapaca ioya jliaji nonaitjalri irso maatsi njite itatja Dio iinai Lricadá-carro jlienitá-carro nooya jliaji mayamicalri.'' 18 Icaamitsa Moisé iacawa Faraón ioya njite lritatja Dio iinai. 19 Wa-Minalri icadaa caolri jeerri imoto kema nakjoite lripjiá-carro njite lriwakeetaca pjiomi njaji tacaapa lripeecó carrona Manoá Irraiyajá lricó; corrin lrimacaca pada tacaapa Egipto jipaite nacó. 20 Mitsa wa-Minalri icadaa tárraca Faraón icaolre ricó, corrin lricadaa naacawa njaji Iraelnai. 21 Njite Dio iaco Moise irso: ''Pjirreta picaapi eeno ikjaolre cadaocá carroatsa pjiomi Egipto jipaite nacó, cadaoca matsinadariotsa, nataitanda nanotaca nacaapi shón.'' 22 Moise jirreta lricaapi eeno ikjaolre, ikena cadaocadalri matsinadalri jiwacawa Egipto nacó pjiomi. Madalridaa jalredaoca cadaocaca naicao. 23 Corrin coajica nacapaca; corrin pada imotocawa naapana ioya madalridaa jalredaoca nacó. Mitsa, nanaco njaji Iraelnai, corrin cadaocaca naicao naofacawa lrico. 24 Faraón iwana Moise njite lriaco lrirso: ''Warsena iawa iá-carro matsiadalri wa-Minalri irso. pjiomi iipaneta nataita naaca piinai, mitsa njaji iipirra corrin itaita ideecana.'' 25 Mitsa Moise iaco lrirso: ''Piotsotsa picadaaca wadeeca waapirra ima warsotsa wainoca maaficalri wamjaitaoda wa-Minalri Dio irso. 26 Warsotsa wadeeca wavaca, corrin coca wataita wamacaca nanakjoite, warsotsa wadeecana waacarro matsiadalri wa-Minalri Dio irso nashó. Corrin wají coajicaotsa waaca matsiadalri wa-Minalri Dio irso ikjerreca waocaca walri nirse.'' 27 Mitsa wa-Minalri icadaa tárraca Faraón icaolre ricó, corrin lricadaa naacawa njaji Iraelnai. 28 Njite Faraón iaco Moise irso: ''¡Warsa pjiena nooya! Nooma piajica pada nacó, corrinatsa nooma pipietaca picapaca njoa, ima coancaojli cadaotsa pipoieta picapaca noecoa, mayamiotsa pjia.'' 29 Njite Moise shepani, lriaco: ''Ajádalri jliaji picaiterri. Corrinatsa nocapá carroca piecoa nopieta.''
1 Njite wa-Minalri iaco Moise irso: ''Nini toatsa padetsa maatsidalri nocadalriotsa Faraón nacó njite pjiomi Egipto lrico. Jliapodam dekja Faraón icadaotsa iawa ajaiteji. Jlia tsaotsa imeenaca iawa jaiteji. 2 Picaite narso njaji pinaikite aimadan, naacarroatsa nataja nacodapiperri iinai pjiomi patjepi palraatape njite owirroipe tsakja.'' 3 Wa-Minalri icadaa njaji egipcionai matsiá-carro nacapaca narso njaji iraelitanai. Njite njaji caconaperri Faraón irsoperri nacapa caconaiteca Moise napeyajle, cayo minitsa nacaiteca lrinaco pjiomi njaji Egipto lricoperri. 4 Moise iaco wa-MInalri irso: ''Cayo Lricaiteca jliaji wa-Minalri: Njoyapacaotsa pamoyoa deepi Egipto lrico. 5 Njite mayami caotsa Egipto lricó pjiomi njaji pjerritinaipe, Fraón yénipe nakjoite, jliaji talricanaatiope, atee roenipe rsoaji kjenadarro narsodarro idaitacada nainjao njite navacan yeenipe initacanaa imotocawa tsakja. 6 Aimaotsa pjemica naiyaca pjiomi Egipto jipaite naco, corri piatsa coan caojli piatoa pacapa caidalri oopi, njite corrin tsakjaotsa pacapá carroatsa caidalri tsenakja. 7 Njite naikjaolre njaji Iraelnai corriotsa apana tsiino icoitaca nakjoete, corrin nakjoeteca njaji atsianai o maaficalrica. Niniotsa nacapa corrica pacoaca-cá Dio icapaca narso njaji egipcionai nacayosho njaji Iraelnai. 8 Faraón njite njaji lrirsoperri nanoatsa natoda naorsipada norso. Nacaiteotsa cayoji: ''Warsena iawa, pjia njite njaji pinaikite aimadan pjiomi naacarro pjiapodam. Jliapodamina noawatsa nlrioya.'' Kerroa lridiaca lrimotowa Faraón ioya. 9 Wa-Minalri iaco Moise irso: ''Corriotsa Faraón jimí carroca pirso. Nooma capoa nacapaca Njoida njaji Egipto lricoperri pjiomi.'' 10 Moise njite Aarón nanaitja aima manaitja-canaaperri Faraón icapa. Mitsa wa-Minalri icadaa taarraca Faraón icaolre ricó, corrin lricadaa naawa jlipaite ioya njaji iraelitanai.
1 Caaco wa-Minalri Molise irso njite Aarón irso tsakja Egipto jipaite ricó, Lriaco: 2 ''Icatsa keerri-ca jliaji pawalria initacarropica irso. 3 Icaite narso njaji Iraelnai iwacaaca capewa cayoji: ''Die jalredaoca naco lrinacopi-ca jliaji narsotsa njepaca apana oveja inarrona o apana cabra atsiana pamoyoanina narsowao nacoana njaji naapaneta. 4 Mitsa, tsoo cadatsa njaji padapaneta naiñjá-carro apana cordero, jliaji atsia lrirsotsa lriaca lricodapidalri irso jlipá-carro tsakja lriñjao lripe nakjoite jliaji cordero o cabra yénipena aima pjá. Lrirsotsa jlipaca aima pjatsa lricoá-carro naiñjaca pjiomi. 5 Njaji cordero o cabra yénipena jipalriotsa narsotsa matsiaperri catsana, apana atsiana pawalria dalri ipekirrica. Jipa apana cordero o apana cabraatsiana. 6 Inoatsana catorce jalredaoca nacó lrinacopi-ca jliaji. Njite pjiomi njaji Iraelnai iwacaacacapewa nataita nainoca njaji maaficalri patsimpi nacojle. 7 Njite nérrana shó iñjeta caotsa pjiomi pantinomakja nacó lrinaco jliaji panti iñjalriotsa irricoda neepe njaji maaficalri inojí. 8 Jliadaotsa deepi imitsirriotsa neepe tiyé ricón iñjá-carroatsana. Iñjacaotsana peetje mewite sho njite malritsi jiipiti-perri sho tsakja. 9 Corriotsa itaita iñjaca iñaatsana oiyananda cantja. Imitsirriotsana tiyé ricó pjiomi njewida fie, njaipa fie njite neshapi fie tsakja. 10 Corriotsa imacá-carro lriitepem lrinakjoite tjewaijle icaona. Niini cadatoa lriitepem irsotsa imjaitacana tjewajle piyompinacó. 11 Cayoatsa iñjacana: ipápi taimi inacoa icorreyani, shetaotsa itsapatoni, jipaotsa imawapeti icaapi ricó. Irso tsaotsa iñjacana kjeya. Ima iñjaca njaji maaficalri wa-Minalri nacope. 12 Cayo lricaiteca jliaji wa-Minalri: Noá watsa pjiomi Egipto jipaite ricó deepi ricó noinó-carro pjiomi pjerritinaipe nanakjoite njaji atsianai njite njaji maaficalri tsakja Egipto jipaite ricoperri. Nocadaotsa njerrapita pjiomi njaji dionai Egipto lricoperri. Njoaca jliaji IMINALRITI. 13 Njaji írranati ipananoma nacope icatsa Noajishopaca inaco, Nocapa cádanacoatsa njoyapa catsaotsa ioya. Corriotsa coca maatsirri imatsiketalriotsa shá noino cadanacoatsa njaji Egipto lricope. 14 Caidalriwetsa iwadacaotsa jliadaadalri, cayo tsakjaotsa njaji shapodamperri. Icatiima-taaca caotsa lrikjaote wa-Minalri irso. Caidalri tsaotsa iwaadacani wadeotsa imaodacaca lrioya, coshoca njaji walricoma shapodamperri. 15 Iñjaotsa peetje mewitetja jliada jeecoapi. Lrinita cadaawa jitaotsa iipa lrikjoite pjiomi njaji molroi iipana ioya, ima coca cadaotsa iñja molroi jliada nacó jitacaotsa ioyaona shá Iraelnai. 16 Lriinita cadaawa njite siete jalredaoca nacó, shenita caotsa Norsowao iwacaacawa niini. Corriotsa idejí carroca jliada, icaamitsaotsa iyanaca inñjá carro pjiomi. Icamitsaotsa inaitjalrica jliadaa jecoapi. 17 Irsotsa iwaadaca injacarroa peetje mewidalri ima jliadaaca jalredaoca nomotoitaca njaji inaiki aimadan pikitsiñape papocope naoyawaaca, njaji kjaidaperri Egipto ioya. Caidalritsaotsa nanaitjaca njaji walricomanai. Yacaoti kjaidadalrica irso jiaji yácoti caidalriwetsa. 18 Irsotsa injaca peetje mewidalritsa patsimpi naco catorce jalredaoca nacó lrinacopi jliaji keerri pawalria inita carropi nacó atee venti ono jalredaoca nacojle lrinacopi nacots. 19 Corriotsa irso carroca molroipe iipana lrico siete jalredaoca. Coca cadaotsa iñja peetje mojloi fieda jitaotsani ioya, sha Iraelnai, pacoaca tsakjaotsa jliaji inocadatsa ikjaolre o jicodalri jipaite ricó. 20 Corri watsa itaitaca iñjaca irsocada mojloi. Akjerre cawajle cada iofawaji, irsotsa iñjaca peetje mamojli-nadalritsa 21 Njite Moise iwaketa njaji pekipenai caconaperri Iraelitanai, lriaco narso: ''Warsa yaa iniwana oveja o cabra yénipe cadaa lricoadalri iñjaca iipaneta yaapiya njite iinoatsa jliaji cordero Pascoa icaonada. 22 Njite jipaotsa papoco isopo iki, jipaotsa yapjoetani írranati ricó lriarroapji ricoda. Iñjetaotsa jliaji írranati pantinomakja nacó lriparrema nacope njite lriicaodalri. Corriotsa itaitá carroca imotocawa iipana ioya akjerreca jaalre matsia tjewaijlena. 23 Ima wa-Minalri jiyapacaotsa lriinó-carro njaji egipcionai. Niini Lricapa cádanacoatsa njaji írranati pantinoma njite pantinomakja nacó, Jliyapaotsa ipananoma nacó mitsa corriotsa Lricadaa carroca jiaji imatsiketa cada inaitjaca maatsi iinoca shá iipana lrico. 24 Iwaadacaotsa jliaji jiyapalriio caidalritsa, Njite njaji walricomanai narsotsaotsa nawaadacani caidalriwetsa ima yácoti kjaidadalrica narsoni. 25 Niini njewa cáda nacoetaotsawa lri-ricoda jliaji jiipai wa-Minalri icaiterri Lriaca narso, irsotsa iwadacani iacawa Lriso matsiadalri. 26 Yénipe itatjá cádanacoatsa shá coadaca inaitja jliaji yaacawa matsiadalri Diio irso, 27 nini icaiteotsa njemio: ''Painoca jliaji maaficalri wa-Maninalri i-Pascuan lrico, ima wa-Minalri jiyapa pia-catsawa naapana ioya njaji iraelitanai lriino caojli njaji egipcionai. Cayotsa Lrimanacotaca njaji Iraelnai.'' Icaamitsa natodaca naorsipada naacarro matsiadalri Dio irso. 28 Njaji Iraelnai naawa njite nanaitja cayoji Dio inaa capishó nanaitjaca ima cayo lrinaaca Moise njite Aarón icaitecana nanaitjá-carro. 29 Pamoyoa deepe wa-Minalri jiyapawa pjiomi Egipto jipaite ricó njite Lriino pjiomi neenipe pjerritinaipe, Faraón yénipe pjerriti nakjoite, jliaji yofacada lriinai lritalricanaatacawa nacó, atee neenipe pjerritinaipe njaji presó-perri njite navacan yénipe pjerriti tsakja. 30 Faraón, njaji lrirsoperri, njite pjiomi njaji Egipto lricope nacafiawa deepi ricó. Jliadaa dépi naiya caiwi ricotsa njaji Egipto lricope, ima corri piatsa pacapa padapana panti corricawatsa mayami neenipe 31 Fraraón iwana Moise njite Aarón tsakja jliada dépi, lriaco narso: ''Warsa jinicoa pjiomi yácarroa noyacalre ioya, shá njite pjiomi njaji iraelitanai yaacarro yáa matsiadalri Dio irso, cayoji icaite capisho inaitja caotsa. 32 Ideotsa ivacan, iovejani, yaacarro inaitja cayoji icaite capisho inaitjaca, itatjá tsakjaotsa nonacó.'' 33 Njaji egipcionai nakjeyapitana naacarro naoya, ima naaco: ''Corri cadaotsa naawa mayami caotsa pjiomi fá.'' 34 Njite njaji iraelitanai njepa nadaitampe mamojloi-naperritsa. Njite njaji natsipalraapipe, natsayan shotsa napapina nawaakjé-carro nadee. 35 Njaji Iraelnai aimadan nanaitja cayoji Moise inaa caposho nanaitjaca. Natatjá nainai njaji egipcionai patjepi, shentadati palraatape njite owirrope tskja; natatja tsakja nainai natsayaniwa. 36 Dio tsa icadaa caponca njaji egipcionai nainai njaji Iraelnai. Niini njaji Egipto lricope naa narso njaji Iraelnai pjiomi cocacatsa natatjalri nainai. Cayotsan Iraelnai idee pjiomi nanaani njaji egicionai. 37 Iraelitanai iawa Ramsé nakjoite Sucot nacojle. Seiciento mil atsianai pia namaimaca, maniwetacam njaji inaitjpe njite njaji yempetipe. 38 Naatsakja nainai njaji corripetsa Iraelnaica, nadee tsakja navacan njite naovejani, aima naapirra. Namerrita naijao petje mewiperritsa njaji nadeji Egipto lrikjoite toa. 39 Nakjeyapita capoa namotoitacana Egipto ioya nini corrin coajica nanaitjaca naijao nadeope. 40 Iraelitanai iofa piawa Egipto lrico coatrociento trenta walria oonia. 41 Cotrociento trenta walria iwayaca cádanacoa, namoto Egipto lrikjoite papocopeo njaji kjaidaperri Dio inaikite. 42 Jia deepica corrin coca imáa, Nawapá-carro Dio jitacana Egipto lrikjoite. Icatsa deepica jliaji nawaadalriotsa njaji Iraelnai caidalriwenatsa naapiya njaji walricomanai. 43 Wa-Minalri iaco Moise njite Arón irso: ''Cayoatsa inaitjaca jliaji Pascua: corriotsa nataitaca naiñjaca Pascua njaji corripetsa Iraelca. 44 Mitsa pjiomi njaji Iraelnai irsoperri, nawentaji palraata shó, nataitaotsa naiñjacani nayoá cayami natsiaca íyam. 45 Njaji corripetsa Iraelca, njite njaji narsoperri corrin nataita naiñjaca pada injaodati Pascua inacoapana dalri nacó. 46 Irsotsa iñjacani panti ricó, corrin pemajleca panti ioya. Corrin itaita itsokjoaca naapi njaji maaficalri. 47 Pjiomi njaji Iraelnai narsotsa nacatimataacawa nawaadacarroa lrico. 48 Njaji corripetsa Iraelnaica, njite naoma naiñjaca iinai Pascua wa-Minalri nacoda, pjiomi njaji atsianai lrikitsiñape nakjoite narsotsa nayoaca natsiaca iya, niini dekjena nataita naiñjaca nainai Pascua. Cayoatsana nacayosho njaji jicoperri Iraelnai jipaite ricó. Njaji corri perritsa iyoá natsiaca íya, corrin nataita naiñjaca Pascua iñjaodape nacó. 49 Pacoaca tsakja jliaji yácati kjaidadalri narsowalre njaji jicoperri njepaite ricó njite narso njaji inocapetsa iderse.'' 50 Njaji Iraelnai nanaitja cayoji Dio inaa capishó nanaitjaca ima cayo lrinaaca Moise njite Aarón icaitecana nanaitjá-carro. 51 Jliadatsa jalredaoca wa-Minalri jita njaji iraelitanai Egipto lrikjoite papocope njaji Lrinaikite kjaidaperri.
1 Caaco Dio Moise irso, Lriaco lrirso: 2 Pjienitaotsa Norso pjiomi njaji pjerritinaipe Irael lricope, atsianai njite maaficalri tsakja, ima noyapecana.'' 3 Moise iaco narso njaji inaiki aimadan: ''Iwadaotsa jliada jalredaocaca jliaji, wa-Minalri jita ccdáa shá Egipto ioya, narsoperri cawa pia shá narsó. Kjaidadalri capoa jliaji Dio niini jlitaca shá njite. Corriotsa iñjá carroca petje kewidalri. 4 Imotoatsa Egipto lrikjoite jliadaa jalredaocaca jliaji, kérri Abib nacó. 5 Wa-minalri ideekenaotsa shá cananeonai jipaite lricojle, hititanai, amorreonai, heveonai njite jeboseoanai jipaite nacojle, jliaji jiipai wa-Minalri icaiterri yácoti ajadalri shó narso njaji iferrinaipe lriacaotsa irso, jliaji jiipai matsia cawa patawiñaca vaaca njite matsiacawa paapanaca, niniotsa irsotsa inaitjaca jliaji iacawa matsiadalri lrinacopi keérrica jliaji. 6 Siete jalredaoca watsa iñjaca petje mewidalritsa; siete jalredaoca nacó icatimataacawa wa-Minalri iipitana nacó. 7 Irsotsa iñjaca petje mewidalritsa siete jalredaoca; corriotsa cocá carroca irsoatsa petj kewidalri inakjoite. Corriotsa irsó carroca mojloi iipana lrico, corrin tsakja jipaite jinaa iocacawa lrico. 8 Jliada jalredaoca picaiteotsa pienipe irso: ''Wa-Minalri inaitjalri noikjaote nomoto caojli pia Egipto lrikjoite. 9 Cayoji pinaapapi capisho o cayoji pada catjinaadalri piekjoete nacodalri, cayoatsa jliaji yácoti kjaidadalri pirsolriotsa picaitepeca inaco wa-Minalri icadanda pirso, ima Jlída shó Jlita pjia Egipto lrikjoite. 10 Niini oonia icoam pirsotsa piwaadacani jlinaana lricó, pirsotsa pinaitjacani ima yácoti kjaidadalricani pirsoni. 11 Wa-Minalri idee cadanacoenaotsa pjia Canaán jipaite ricojle, cayoji Lricaite capisho piferrinaipe irso, njite Lriá cadanacoenaotsa pirso jliaji jiipai, 12 pirsoatsa piaca wa-Minalri irso pjiomi njaji pjerritinaipe, coshocaotsa nanakjoite njaji maaficalri. Pjiomi njaji atsianape initacape imotocawa wa-Minalri iyapecana. 13 Jliaji borro yénipe initacana imotocawa pirsotsa piaca apana cordero lricoadawa yomjé-carroni. Mitsa corri cadaa piyomjetani, icaamitsa pjitaca pokjomi lrinorsiapji nacó mayamí-caroni. Nacoamitsa njaji pienipe yénipe pjerritinaipe narsotsa náca nacoadawa. 14 Pienipe itatja cádanacoatsa pjia coanshopaca jliaji, picaiteotsa cayoji: ''wa-Minalri jiida kjaidadalri shó Jlita njoá Egipto lrikjoite, narsoperri cawa pia njoa narsó. 15 Kjerroa pia Faraón njite corri pia lricadaa wamoto njiteo. Wa-Minalri iino poia pjiomi nénipe pjerritinaipe Egipto jipaite ricope; pjerriti naipe inaiki iyape njite njaji maaficalri. Caishopa noino Dio irso pjiomi maaficalri yénipe atsianape pjerritinaipe, njite norsotsa noaca nacoadawa nanaco njaji noenipe yénipe pjerritinaipe.'' 16 Cayoji pinaapapi capisho o cayoji pada catjinaadalri piekjoete nacodalri, ima wa-Minalri jída kjaidadalri shó Jlita faa Egipto lrikjoite. 17 Faraón icadaa caojli piena naawa njaji Iraelnai aimadan, corrin Dio icadaa naawa inipolrico njepaite ricodalri njaji filisteonai tsoomcawa pjatja. Ima Dio icaite: ''Wadee nadiacawa Egipto lricojle njaji nonaikite aimadan oowicalri ikjaote.'' 18 Niini Lricadaca naawa inipolrico iyofiacadawa jliaji Manoá Írraidalri jalrapocolri ricó. Namotoa Egipto lrikjoite njaji iraelitanai aimadan papcope, nadee nanacoa nainoaca shopawa. 19 Moise idee nainaiwa Jose yapipemi, ima Jose icadaa nacaiteca yácoti ajádalri shó njaji iraelinai pia, lricaite cádanaco cayoji: ''Noajintsa Dio jitacaotsa shá ajaiteji, niini cayo cadanacoenaotsa ideotsa noapipemi inaiwa.'' 20 Itraelitanai iawa Sucot lrikjoite njite naa nemá Etam inomapiana lricojle jalra pocolri ricó. 21 Wa-Minalri iá napjeya iyadaoca lricó Lricañjatá-carro narso inipo. Njite tiyé jalripádalri cani narso deepi ricó lricaná carro narso naapowa. Icatsa Lrinaitjaca narso nataitá-carro naacawa jaalrewe-ricó njite deepi ricó tsakja. 22 Corrin wa-Minalri shenitaca naoya jliaji iyadaoca jalrewerrico njite corrin tsakja jliaji tiyé jalripá-dalri deepi ricó.
1 Caaco wa-Minalri Moise irso: 2 ''Picaite narso njaji iraelitanai aimadan nadiá-carro njapodamrsewa naacarro nemá Pi Hahirot icoenjete, Migdol njite manoá ioyawaaca, Baal Zefón icoemjete. Icatsaotsa iáca inaitja ípanaitawa lricoemjete. 3 Niniotsa Faraón icaiteotsa iraelitanai nacó: ''Corriotsa nají kjerreca naawa njaji iraelitanai. Oopipa manalrena jalrapocolri ricó. 4 Notarrataotsa Faraón icaolre ricó nini lripineta caotsa shá. Naotsa norso matsiadalri lrikjaote jliaji nonaitjalri Faraón irso njite njaji lri tsolrodaonai aimadan. Njaji egipcionai nainjiwatsa Njoaca JLIAJI IMINALRITI.'' Nanaitja napanaita njaji Iraelnai cayotsa Wa-Minalri icaite capisho narso. 5 Nacaite cádanaco Egipto itaricanaa irso oopica napitoa njaji iraelitanai, ikena Faraón njite njaji lrirsoperri teecojlenakja nawaopiakje nakjoete. Naaco narsowaaca: ''¿matsilri pjaaca fáa, icapa coajica wacadaaca naawa njaji iraelitanai, niini cokenatsaotsa idenji warso?'' 6 Ikena Faraón imatsieta jlieco carrona njite lridee lrinaiwa njaji tsolrodaonai aimadan lrinaiperri. 7 lridee tsakja seiciento njecocarrofiape lriniwanaji njite paana pja njeecocarrofiape tsakja Egipto lricope, njite njaji caconaperri iawa nanaco. 8 JLIAJI IMINALRITI itarrata Faraón icaolre ricó, Egipto italricanaa, niini jliaji talricanaati ipinietaca njaji iraelitanai. Mitsa njaji iraelitanai namoto njiteo Dio jiida shó. 9 Njaji egipcionai ipinieta njaji iraelitanai na caballon nacó, njecocarrofiape, tsolrodaonai jiecocape caballo nacó, pjiomi njaji lri tsolrodaonai aimadan. Naa naoketa njaji iraelitanai ioca capetoa iofawa Manoá icoemjete Pi Hahirot icodapi, Baal Zefón icodapi-dalri. 10 Faraón itsomita cádanaco, njaji iraelitanai njerreta nacapa yenonrse, njite nacapa egipcionai ínoca njapodam; njite nafiocawa pekirritsa, niini njemataca kjaida Dio ikjaolre njaji iraelitanai. 11 Naaco Moise irso: ''¿Capja corri piaca pacapa nadawa cawa pja Egipto lrico niini pideeca fa mayamí-carro fa jalrapocolri ricó? ¿Coada maatsi pinaitjaca warso pjita capoa fa Egipto lrikjoite? 12 Wacaitjen piatja pjia Egipto lricotoa: ''Picadaa catsa fa wadejí-carro narso njaji egipcionai.'' Matsia pja pia wadejica egipcionai irso lrioya jliaji mayamica fa jalrapocolri ricó.'' 13 Moise iaco narso njaji inaiki, ''Corrin noma ifiocawa. manitsa yeemacawa njite icapá carroatsa coajicaotsa Dio iyomjetaca shá panaya. Njaji egipcionai icapalri panaya, corrina-tsaotsa ipietá carrocaotsa icapacana. 14 JLIAJI IMINALRITI, JLIA watsa inoacawa ikjaote, njite shá corritsaotsa cocá-carrocaotsa inaitjaca.'' 15 Njite JLIAJI IMINALRITI iaco Moise irso, ¿pjia, Moise, coada caidapetsaji piwanaca njoa? Picaite njaji Iraelnai ná-carro napeyajlewa. 16 Pjirreta jliaji pjipajico, njite piñjata Manoá nacojle pjienitácarron yamema, nataitá-carroatsa nayoetaca pemajle njaji inaiki jiipai metá-dalri ricótsa. 17 Njite pirsotsa pianjí Notarratacaotsa nacaolre ricó njaji egipcionai niiniotsa naacaotsa shaapodami. Naawatsa norso matsiadalri lrikjaote jliaji Nonaitja-lriotsa Faraón irso, njaji lri-tsolrodaonai aimadan , njeco carrofiape njite njaji atsianai yaacapewa caballo nacó. 18 Niiniotsa naají Njoaca JLIAJI IMINALRITI njaji egipcionai naacadanacoatsa matsiadalri Norso lrikjaote jliaji Nonaitjalri Faraón irso, narso njaji njeco carrofiape njite narso njaji atsianai yácape caballo nacó. 19 Jliaji Dio iageleni, njite jliaji tiyé jalripadalri yálriwa napeyajle njaji Iraelnai icarsawa njiteo lriá carroenakjawa njapotjete. 20 Lriawa naoyawaaca njaji Iraelnai njite njaji egipcionai. Iyadaoca cadaoca-dalrica narso njaji egipcionai, mitsa camarraicani deepi riccó narso njaji iraelitanai, niini corrin natsomitaacawa deepi ricó. 21 Moise ipiajleta lricaapi Manoá ikjaolre. JLIAJI IMINALRITI icada ooni imjecoacawa caolri kjaidadalri shó iinocada jeerri imotolri njiteo depjite. Cayotsa Dio imjecoca jliaji ooni. 22 Njaji Iraelnai naawa ooni ipamoyoaca lrico jiipai metá-dalri naco. Panti iwai-shoca narso jliaji ooni atsiajliemajle njite inarroema naco tsakja. 23 Njaji egipcionai naawa njapodam. Napinetana Manopa ipamoyoaca lrico tsakja, pjiomi njaji Faraón icaballon, njeco carrofiape, njite njaji atsianai iacape caballo nacó. 24 Njite jaalreca ikjaolre nacojlena, Dio icapa naikjaolre njaji tsolrodao aimadan egipcionai tiyé jalripá-dalri nakjoite njite iyadaoca nakjoite, niini Lrimanalrietaca nawapiakje njaji egipcionai. 25 Njeco carrofiape jiipa irocawa jotojotópalri ricó njite jirrapitinaca narso njaji shecocape nanaco ná-carro kjeyawa. Niini naaco njaji egipcionai, ''warsa wapito naoya njaji Iraelitanai, ima JLIAJI IMINALRITI inoacacawa naikjaote wakjoete.'' 26 JLIAJI IMINALRITI iaco Moise irso, ''pipiajleta picaapi mnoá naccojle lriitá-carro njaji egipcionai, neeco carrofiape njite njaji atsianai iácapewa caballo nacó.'' 27 Ikena Moise ipiajletaca lricaapi Manoá nacojle, niini jliaji ooni jlidiá lritacacawa tsenakja jaalre cádanacoenawa. Napitotjawa njaji egipcionai Manoá ipamoyoaca lrikjoite, njite JLIAJI IMINALRITI lricadaa naacarroa lripamoyoaca lrico. 28 Lridiá lritaacawa jliaji ooni njite lriitaca njaji Faraón sheco carrofiape, njaji atsianai yacapewa caballo nacó, njite pjiomi njaji tsolrodaonai aimadan iacapewa njapodam njaji njeco carrofiape Manoá lricojle. Corrin yomje pada. 29 Njite cadana njaji iraelitanai naawametadalri ricotsa Manoá ipamoyoaca lricó. Njite panti iwai shoca narso jliaji ooni nayekema nacojle njite inarroema nacojle tsakja. 30 Cayotsa Dio iyomjetaca njaji Iraelnai jliadaa jecoapi naoya njaji egiocionai, njite njaji Iraelnai nacapa nadadami njaji egipcionai Manoá inomapi nacojle. 31 Njite njaji Iraelnai, nacapa cádanaco Dio jída nakjoete njaji egipcionai, ikema naaca matsiadalri Dio irso, njite nacadaa nacaolre Lrinaco JLIAJI IMINALRITI njite lrirsodalri Moise nacó.
1 Njite Moise icantaca naapiya njaji Iraelnai aimadan wa-Minalri irso, cayo naaco nacantaca: ''No-cantaca no-Minalri irso, ima Jliametacana matsiadalri shó; Lripeeco ooni macapawan ricojle nja caballo njite njaji shecojicape nanacó. 2 No-cantaca lrinaco jliaji no-Minalri yaacada norso jidaati, njite jliatsa jliaji iyomjetacadaca njoa. Noaca Lrirso matsiadalri ima icatsa noDioteca, njorreta Lripitana jliaji njonirri iDiote. 3 Oowi kjaidadalrica jliaji no-Minalri, icatsa Lriipitanaca, IMINALRITI. 4 Lripeeco manoá lricojle Faraón shecoji carrofiape njite njaji lri-tsolrodaonai aimadan. Njaji tsolrodaonai caconaperri Faraón iniwanaji, oopi naticomawa Manoá Irraidalri ricó. 5 Ooni itacana; njite nawirriñawa ooni itjewacaca lricó jiipada capishona. 6 Pjia noMinalri matsiadalri, jliaji Picaapi atsialriemadalri kjaidadalricani niini pinaitja matsia lrishó, no-Minalri, opi Pimatsiketa njaji picoema. 7 Jidaati mataita canadalri shó pjiameta njaji jinicolriwa Pikjoete. Picadaa Pírroa jiwaca nanaco niini lrimjaitacana tidoapapje shó. 8 Pipjiá cádanaco caolri pjitaco shó piwaketaca pjiomi njaji ooni, njite manitsa nerrocawa njaji oniñokja; njite corrinatsa ooni imotocawa ooni macapawan lrikjoite. 9 Lriaco jliaji wacoema: ''Nopinetaotsana, noawatsa njopana njite nowatsa warsowaaca njaji njotaji naoya; nonaitjaotsa narso cayoji nooma capisho nonaitjaca, njotaotsa nomatsetani njite nowayaketa caotsana nocaapi shó. 10 Mitsa Pipjiacana Picaolrini shó njite icaamitsa ooni iitacana, nawirriñawa mocafe shó tjewacacawa ricó. 11 Corrin pacapa pada, wa-Minalri Picayoshó-dalri napecolrico njaji apana dionai, kjaidadalri, mamatsicanaa dalritsa nanda irso matsiadalri Pimatsiaca ima, inaitjacada manaitja canadalri. 12 Pipiajleta naikjaolre picaapi piyekema dalri, njite icaamitsa jiipai iñjacana. 13 Matsia capoa Pjia pidee matsiatsa njaji pinaikite aimadan Piyomjetaji. Pjiida kjaidadalri sho Pideena piipana matsiadalri ricó, Piofacawa lricojle. 14 Njaji apana inaiki njemiotsa pinaco, njite natetjecaotsa, njite njaji filisteonai nafiocaotsawa pekirritsa. 15 Nafiocaotsawa njaji Edom lricoperri iapiyawalri; natetjecaotsa njaji tsolrodaonai Moab lricope; njite napocotacaotsawa njaji inaiki Canaán lricope iofawa. 16 Nafiocaotsa pekirritsa njaji inaiki nacapa capoa Pjiida, paafe tsaotsa naofacawa jiipada shó a kjerrecaotsa njeyapawa pjiomi njaji Pinaikite aimadan, No-Minalri, njaji inaiki piyomjetaji. 17 Pidecana Picadá-carro naofawa jiipana nacó Poicadanda narso, Pinaitjacawa lrico Piipana, No-Minalri, piofacarrodao, Pinaitjandatsa No-Minalri picaapi shó. 18 Caidalriwenatsa pitalricanaataca. 19 Ima njaji Faraón icaballon perre oopi njewawa ooni lricojlena nacarretan yaapiya njite njaji inaiki idejicape piana. Waminalri icadaa ooni iitacana. Mitsa njaji iraelitanai naawa metacawa lricotsa jiipai macapawan ipamoyoaca lricó. 20 Rsoaji inoparrotacada Miriam, aarón iwedoa, rsopa nakjematanda tambor shoperri njite pjiomi njaji inaitjepe njepa tsakja tambor roinai, njite narrapaca roinai. 21 Miriam icanta naapiya: Icanta wa-Minalri irso, Ima Jliametacana matsia. Lripeeco nja caballo njite njaji shecojicape nanaco manoá lricojle.'' 22 Njite Moise ideecana napeyajlewa Manoá irraidalri nakjoite. Naawa jalrapocolri Shur ikjaolre. Naawa madalridaa jecoapi jalrapocolri ricojle njite corrin naoketaca ooni. 23 Njite naocawa Mara lricojle, mitsa corrin nataita nairraca ooni níni ima jipitíajai-cani. Niini nacadaaca lriipitanao niini, Mara. 24 Niini kerroacana Moise irso njaji inaiki, naaco lrirso: ''¿Cocaotsa wairra?'' 25 Moise iatatja Dio iinai, njite Dio icañjata lricapa apana jaico. Moise ipeeco jlaij jaico ooni ricojle ikena potiyaca jlaiji ooni nataitá carroena nairraca. Icatsa niinica Dio icadaa kena narso njaji yaacoti kjaidaperri , icatsakja Dio iwicawa piana niinina. 26 Dio icaite narso: ''Jimi cadaotsa matsia jliaji iMinalri Dio icaiterri irso, njite inaitja cayoji lricaite capisho Lripeyajle, iwapa jimi matsia iicao coajica nacaiteca njaji yacoti Nocadaalri irso inaitjá-carro cayoji nacaite capoisho njaji yaacoti kjaidaperri, corriotsa nocadaa carroca inaco njaji maatsiperri nocadaalri nanaco njaji Egipto lricope, ima Njoa iMinalri nomatsietaotsa shá naoya.'' 27 Njite njaji inaiki aimadan naocawa Elim nacojle, niinicawa doce onipaokja njite setenta manakjepi. Icatsa naacatoa naofawa niinio tsoomi ooni icodapi.
1 Njaji inaiki aimadan naawa Elim nakjoite njite naoca pjiomi njaji Iraelnai jalrapocolri ricó Sin lricodalri, jliaji Elim njite Sinai ioyawaaca-dalri, yamanja semana nacó, yaamapi kerri shapodam namoto cayamiwa Egipto lrikjoite. 2 Njite pjiomi njaji Iraelnai caacopedana Moise ikjoete njite Aarón ikjoete tsakja jalrapocolri ricó, 3 naaco narrso: ''Matsiatsantja a-catsa Dio íno fa Egipto lricotsa waofa cádanaco wayanan icodapi waiñja cádanaco peetje akjerreca kepinaape fa matsia. Mitsa shá ideeca fa jalrapocolri ricojle inó-carro fa maawitacai sho pjiomi faa.'' 4 Njite Dio icaite Moise irso: ''Nocadaotsa peetje jiwacawa eenolrokjoite íyao shó irso. Njaji inaiki aimadan naniwaotsa naiñjawa lricoatsa naiñjaoda padaa jecoapi jalredaoca icoam nowí-carro nocapa njeepa catsa Noaco o corrin. 5 Sei jalredaoca nacó dekjaotsa narsotsa naniwaca yamadaa icoa lrioya jliaji naniwalri jalredaoca icoam, njite nayanacaotsa njaji nadeerri.'' 6 Njité-dalri Moise njite Aarón icaite njaji inaiki aimadan iraelitanai: ''Dainoma watsa yají wa-Minalrica jliaji jitalri shá Egipto lrikjoite. 7 Piyompinaco watsa icapa Dio imatsiaca, Jlimintsa irso caacope cádanaco shá Lrikjoete. Cotsa cocaca fá caacoperri shá warso.'' 8 Moise icaite pjaa narso: ''Yají watsa lrinaco jliaji wa-Minalri Lriá cádanacoatsa irso ipeti dainomajle njite peetje piyompinaco njite mapji tsaotsa iñjaca, ima Jlimintsa coajica caacopedaca shá Lrikjoete. Cotsa coca noa Aarón iapiya. Cotsa wakjoeteca jliaji icaitepeji, wa-Minalri ikjoete dekja.' 9 Moise iaco Aarón irso: ''Picaite narso njaji iraelitanai iofacapewa papocope: ''Itsomita jliaji wa-Minalri, ima Jlimjica coajica icaitepejican.'' 10 Njite cáco cádanacotoa aarón narso njaji papocoperri iraelitanai, nacapa cádanaco jalrapocolri ikjaolre njite, nacapaca Dio imatsiaca melremelredalri iyadaoca nacó. 11 Njite caacoca Dio Moise irso, Lriaco: 12 ''Njominina coajica nacaiteca njaji Iraelnai. Caaco pjia narso cayoji: ''Jliada dainoma-ca jliaji iñjaaotsa ipeti, njite piyompinaco iñjawatsa peetje atee kepinapeca shá. Niniotsa yajíwatsa icacatsa IMINALI Dio-ca Njoa.'' 13 Niini dainomajlena corrowao imaimaca iorroco naikjaolre njite pakjamina nemaacawa lrico. Piyompinacotoa itamana jiwao nemacawa iwaida nacó. 14 Yami cádanacoena jliaji itamana, ikena njepaacacawa matsia njaji itamana jiwalri jiipai iecoa nacó. 15 Nacapa cádanacona njaji Iraelnai, naaco narsowaaca: ''+Cocao njaji?''Corri piatsa nanjí cocacana. Moise iaco narso: ''Icatsa peetjeca njarra wa-Minalri icadaji irso iñjá-carro. 16 Icatsa Dio icateca nanaco cayoji: ''Irsotsa iniwaca itsowawa icoanamitsa, lricoatsa itaitacawa iñjaca pjiomi. Yamaitapeotsa jipaca icoana coshoapacatsa imaimaca iipana lrico. 17 Njite njaji Iraelnai aimadan nanaitja cayó. padapena jipa aima pja padape jipa tsopatsa. 18 Njite nawi cádanacoena njaji injaodati njepalri, coshoca njaji jipacape aima pja njite njaji jipalri tsopjatsa, njite lricoatsa naiñjaca matsia pjiomi njaji naapana lricope. Ima naniwaca lricoatsa narsowao. 19 Moise iaco pja narso: ''Corriotsa pada itaita icadaca lrinakjoite tjewaijle icaona.'' 20 Mitsa, corrin njemica Moise irso. Padapena nacadatoa nanakjoite tjewaijle icaona, mitsa keshenca naoyana icaamitsa matsicana. Niini kerroaca Moise narso. 21 Naniwa naiñjao piyompinaco icoami. Nacoamitsa njaji inaiki naniwaca lricoatsa naiñjaca padaa jecoapi. Jamo cádanacoena jeerri naicao icamitsa nacodocawa. 22 Vierne lrico, njaji inaiki naniwa yamapiape lrioya jliaji naniwalri mana, cotroitape padape inaiki irso, njite njaji njewidapoco naa nacaite Moise irso jliaji nanaikite inaitjalri. 23 Moise iaco narso: ''Cayo lricaiteca jliaji wa-Minalri: ''Sábado tjewa, wawafetacawa pjiomi, waacawa matsiadalri wa-Minalri irso. Imerritaotsa njaji irsolritsa imerritaca, njite iyanaotsa njaji irsolritsa iyanaca. Pjiomi njaji netemi, tecojletsaotsa icadaacana tjewaijle ipia.'' 24 Njite nacadaa tecojletsa njaji tewaijle ipaope, cayotsa Moise icaite capisho narso. Corrin maatsicana, corrin tsakja keshenca naoyana. 25 Moise iaco narso: ''Iñjenaotsa jliaji iñjaope panaya, ima fenitandaca jliaji jalredaoca wawafetá-carro njite wá-carro matsiadalri wa-Minalri irso. Yaa cadantja ioma petje panaya, corritsa ioketá-carroca panaya. 26 Sei jalredaoca idiajicawa iniwa iñjaope, mitsa siete jalredaoca nacó icatsa wawafeta carroda can. Njite jliadaa jecoapi corriuotsa pacapá carroca peetje iniwaoda.'' 27 Padapena natja naoma peetje nawafeta carroda lrico, mitsa corrin coca naoketa. 28 Njite Dio icaite Moise irso: ''¿Coancaojli pjenaotsa pa njeepa noaco njite nanaitja cayoji noaco kjaidaperri icaite capisho? 29 Wa-Minalri iicadaa padaa jalredaoca iwafetá-carro. Niini vierne nakjoite lricadaa iniwá-carro peetje yanadaa icoa. Caishopa corrin coca itaita imotocawa iofacawa lrikjoite sábado lricó.'' 30 Niini njaji inaiki nawafetawa sábado lrico. 31 Njaji Iraelnai nacadaa lriipitanao jliaji peetje, ''maná.'' Jaalredalricani cayoji mjeti papeetanda matsia njite lrijoica cayoji mjetita panaitjanda mapa idon fie. 32 Moise icaite pjaa narso: ''Cayo wa-Minalri inaa wanaitjaca: ''Imatsietaotsa paita peetje macaite maná-pe nacapá carroatsa njaji inaiki aimadan walricomanai, nacapá carroatsa njaji inakjoité-perri jliaji peetje Nokeñjawalri pia isho shá jalrapocolri ricó, Njota cayami Egipto jipaite lrikjoite.'' 33 Moise iaco Aarón irso: ''Ioma pada lriarrodao jliaji peetje macaite njite shetaotsa lri-ricodan. Pimatsietaotsani matsia Dio ipeyajle nacapá carroatsa njaji walricomanai fapodamperrim.'' 34 Njite lrinaitja cayotsaji Dio icaite capisho Moise irso, Aarón imatsietani lricodapitsa jliaji nacadaacawa njaji yaacoti kjaidaperri nanaitjashopa yaacoti nainaiwaaca, patowa lrico. 35 Iraelitanai iñja maná coarenta walria nacó akjerreca naocawa pada jiipai nacojle caminalri-perrina, naiñja maná akjerreca naocawa jiipai Canaán jinaa iocacawa. 36 Coatro kilo icoa jliaji peetje maná-pe namatsietalri pia.
1 Pjiomi njaji iraelita poco naawa jalrapocolri Sin nakjoite, nanaitja cayoji Dio inaa capisho nanaitjaca. Naoca naofaa Refidim lricó, mitsa niini corrin pacapa ooni nairro njaji inaiki. 2 Niini njaji inaiki nacaite Moise-ca irso maatsicalri, naaco lrirso: ''Pioma wairrao ooni.'' Moise iaco narso: '' ¿Coada kerroa shá noinai? ¿Coada iometa jliaji wa-Minalri?'' 3 Njaji inaiki naoma nairrao ooni matsiná, niini cacocana Moise ikjoete, naaco lrirso: ''¿Coada pjita fá Egipto lrikjoite piinó-carro, weenipe njite wápirra meeta capoa wacaolre?'' 4 Njite Moise iwana Dio ikjaolre: ''¿Coaji nonaitjaca naapiya njaji inaiki aimadan. Njite wadeepena nainoca njoa jiipada shó?'' 5 JLIAJI IMINALRITI iaco Moise irso: ''Warsa piawa napjeya njaji inaki aimadan, njite pidee padapena pekipenai Irael lricoperri piinaiwa. Pideewatsa jliaji pipjeeco piñashopa pia ooni. 6 Áwatsa noa Nowapa pjia pipeyajle lrinaco jliaji jiipada Horeb lricoda, piñá watsa jliaji jiipada niiniotsa ooni imotocawa lrioya irrá carroatsa.'' Cayotsa Moise inaitjaca nacaptsa njaji pekipenai Iraelita. 7 Lricadaa lripitanao niini Masah (iwikjeti) njite Meribá (icaitepekjeti) nacaitepeji capoa njaji iraelitanai njite naometa capoa wa-Minalri nacaite cádanaco cayoji: ''¿Capja wainaica wa-Minalri o corrin?'' 8 Njite papoco tsolrodaonai amalecita íno nakjoete njaji Iraelnai Refaín lrico nainó carrona. 9 Njite Moise iaco Josué irso: ''Piniwana apepena atsianai njite piá pinoacawa Amalec ikjoete. Tjewaotsa noa noemawa jiipana ípolrico nacó njite njopaotsa nocaapi ricó jliaji Dio ijaicoapote.'' 10 Josué inoacawa Amalec ikjoete cayotsaji Moise inaa capishoni, Moise jirra cadana wa jiipana nacojle Aarón yapiya njite Hur tsakja nainai. 11 Moise jirreta cadaa nja lrinaapa, Irael shameta nacoema; njite lriorrocoeta cada nja lrinaapa lriwafetá-carrotoa, Amalec yametana. 12 Maapji cádanaco Moise inaapalrico, Aarón njite Hur njepada pada jiipada nacadaacarro Moise iofá carrodao. Njite Aarón, Hur yaapiya njerreta Moise inaapa lricó, pada jirreta peema njite pada jirreta tsakja pema. Icatsa cayoji yenonrse catsa mananitsa njaji Moise inaapa akjerreca deepi naicao. 13 Cayotsa Josué shametaca njaji Amalecnai matseeta sho. 14 JLIAJI IMINALRITI iaco Moise irso: ''Pidanaotsa njaji paperra lrico njite pilee watsa Josué jimí-carro, ima corrinatsaotsa cocá carroca yají Amalec nacó eeno yapjite.'' 15 Njite Moise jirreta apana yenondalrida jiipada njite lricadaa lriipitanao ''Notjinaadaca JLIAJI IMINALRITI,.' 16 Lriaco cayoji: ''Ima jliaji wa-Minalri jirretaca Lrinaapa pema lriofa carroda nackjoite, Lrinaitja caotsa oowi Amalec ikjoete caidalriwetsa.''
1 Jetro, sacerdote madian lricó, Moise iñjawerri, jlimica pjiomi coajica Dio inaitjaca Moise ikjaote njite lrikitsiñape Iraelnai aimadan ikjaote tsakja. Jlimica wa-Minalri jitaca njaji Iraelnai Egipto lrikjoite. 2 Jetro, Moise iñjawerri, jlipa lridee rsoaji Sefora, Moise iino, ima Moise imeenaca piacano rsonirri iipana lricojle, 3 lridee tsakja njaji yamada lrienipe; Gersón lriipitana jliaji pada, ima Moise icaite piaca: ''Ima tekjoite-dalrica njoa njepaite ricó njaji apanatsa inaiki.'' 4 Eliezer lriipitana jliaji pada, ima Moise icaite piaca: ''Noferrinaipemi iDioteca jliaji ikitsindatalri njoa. Lriyomjetaca njoa Faraón imatsetani ioya.'' 5 Jetro, Moise iñjawerri, iocawa Moise iderse naapiya njaji lrienipe njite lriito, Moise iino naofacawa lricotoa jalrapocolri ricó Dio iawacada nacojle. 6 Lriaco Moise irso: ''Njoa, piñawerri Jetro, nonoca piderse naapiya njaji pienipe njite piino.'' 7 Moise imoto icoadata lriñjawerri, lricoajawa lrikjaolre, njite lritsootsoca lricacoda nacó. Natatjacawa narsowaaca coajicana njite njewawa pantita lricojle. 8 Moise icaite lriñjawerri irso coajica Dio inaitjaca Faraón irso njite egipcionai irso matsiá-carro njaji Iraelnai, njite pjiomi njaji jirrapitinaaperri njeyapalri inacó nano cayawa inipolrico, njite coajica wa-Minalri iyomjetana. 9 Catiima Jetro jimica nanaco njaji matsiaperri wa-Minalri inaitjalri Iraenai ikjaote, coajica Lriyomjetacana naoya njaji egipcionai. 10 Jetro icaite: ''Waaca matsiadlri WAMINALRI irso, ima Lriyomjetaca shá egipcionai ioya njite Faraón ioya tsakja, njite Lriwataca njaji aimadan egipcionai ioya. 11 Panaya dekja noají kjaidadalri pjaaca jliaji IMINALRITI naoya njaji idolonai, njite Dio iyomjeta njaji Lrinaikite Iraelnai naoya njaji egipcionai jirrapiteta kjeti ioya.'' 12 Jetro, Moise iñjawerri, idee ofrenda lrimjaitanda njite lriino maaficalri Dio irso. Aarón njite pjiomi njaji pekipenai caconaperri Irael lricope náno naiñja Dio ipeyajle Moise iñjawerri iapiya. 13 Njite tjewaijle, Moise iofá jími narso njaji inaiki aimadan njite lricaité-carro naacona. Njaji inaiki aimadan neemawa Moise iwaida nacó, piyompinaco nakjoite atee deepi nacojle. 14 Njite Moise iñjawerri icapa cádanaco jliaji Moise inaitjalri naikjaote njaji inaiki aimadan, lriaco lrirso: ''¿Cocao jliaji pinaitjalri naapiya njaji inaiki aimadan? ¿Coada pideji pjiwacatsa njite njaji inaiki aimadan natsomita pjia piyompinaco nakjoite atee deepi nacojle?'' 15 Moise iaco lriñjawerri irso: ''Njaji inaiki aimadan náno noderse natatjá-carro njemio naicaowa coaji carro Dio ikitsindatana. 16 Nainoaca cádanacoa nakjoete waaca, náno noderse. Njite nocaiteca coajica nanacó, njite nocanantana njaji Dio inaalri wanaitjaca njite njaji Lriaco kjaidáperri. 17 Njite Moise iñjawerri iaco lrirso: ''Cotsa matsialrica pirso cayoji pinaitja capishó. 18 Kjeyaotsa maapjica pjia njite njaji inaiki aimadan piinaiperri. Aima calretsa jliaji idejikjeti pinaitjalri. Cotsa pitaitá carroca pjiwacatsa lrikjoete jliaji idenjikjeti. 19 Pjimiotsa norso nocaiteca pjia, njite Dio watsa ikitsindataca pjia, ima pjiaca jliaji naoyawalre njaji inaiki aimadan Dio ipeyajle, pjienaotsa icaite namatsicanaa njaji inaiki Dio irso. 20 Icaamitsaotsa picanantacana lrinaco jliaji Dio inaalri wanaitjaca njite njaji Lriaco kjaidá-perri. Pirsotsa picanantacana coajica nanaitjaca matsia njite jliaji idenjikjeti narsolritsa nanaitjaca. 21 Njite piniwanaotsa njaji atsianai nanakjoite njaji inaiki aimadan canjikjé-perri, inaitjacape matsia Dio irso, ajádalri-perri, corri perri icapa matsia apjetsida irsotsa naoya nja paana. Picadaotsana njewidapó carrona nanaco njaji mil perri inaiki, apepena cien nacó, cincoenta nacó njite die nacó tsakja. 22 Njaotsa icaite namatsicanaa nanacó njaji inaiki aimadan nanaitjalri jalredaoca icoam, mitsa njaji matsinaa perri pjá pjiá watsa icaite nanacó. Njaji imatsicanaati corri perri matsinarri, njatsa icaiteca coajica nanacó. Niniotsa corrin watsa jirrapitina-calre pirso, ima nakitsindataca pjia njaji inaiki pidejicalre ricó. 23 Pinaitja cadaa cayo, njite Dio inaa pinaitjacani, pitaitaotsa lrokjoete jliaji idenjikjeti, njite catiimawatsa nadiacawa njaji inaiki naapana lricojlé. 24 4Moise jimi lriñjawerri irso njite lrinaitja cayoji lricaite capisho lrirso. 25 Moise iniwana atsianai canjikjé-perri nanakjoite njaji Iraelnai njite lricanaadana njewidaapoa njaji mil perri inaiki, cien nacó, cincoenta nacó njite die inaiki nacó tsakja. 26 Nacaite namatsicanaa nacó njaji inaiki, njaji tsodalripetsa. Njaji imatsicanaati pekirri-dalri pja nadeeni Moise ikjaolre, mitsa njatsa icaite namatsicanaa naco tsodalripetsa nanaco njaji inaiki aimadan. 27 Jliapodamina Moise icadaa lriñjawerri idiawa, niini Jetro idiacawa jlipaite lricojle.
1 Madalripi kerri shapodam namoto cayami Egipto jipaite lrikjoite njaji Iraelnai, naocawa jalrapocolri Sinaí lricoda. 2 Naawa Refidin lrikjoite naocá carroa jalrapocolri Sinaí lricojle, njite naoca naofatoa lricodapi jliaji jiipana. 3 Moise jirrawa lrinaco jliaji jiipana, njite caacoca Dio lrirso lrinakjoite jliaji jiipana. lriaco lrirso: ''Picaiteotsa narso njaji Jacob ípaneta, njaji Iraelnai aimadan: 4 Icapjenina coajica Nonaitjaca narso njaji Egipto lricope, njite cadaana nodeeca shá pérri inapje nacó Nodee-carro shá Noikjaolrewa. 5 Njite panaya, jími cadaa noaco, shepa jliaji nocaterri irso njite inaitja inaitja cayoji noaco icaite capisho yaapiya, niniotsa noyarrope imatsiaca caotsa shá nanakjoite njaji paana inaiki imaimaca jalredaoca lricoperri, ima Noyaarropeca pjiomi njaji jalredaoca lricoperri. 6 Papoco sacerdotenai kjaidá perrica sha njite pacoa inaiki shenitaacacapewa Norso. Icatsaotsa njaji yaacoti pirsolriotsa picaiteca narso njaji nonaikite Iraelnai.'' 7 Njite Moise iwakeeta njaji pekipenai caconaperri narso njaji inaiki aimadan. Lricaite jlimi narso pjiomi njaji yácoti Dio inaalri lricaiteca narso. 8 Njite pjiomi njaji inaiki njeepani pacoaca, naaco. ''Wanaitjaotsa pjiomi njaji wa-Minalri inaalri wanaitjaca.'' Njite Moise iawa Dio ikjaolre lricaité-carro Jlimi coajica naaco njaji inaiki aimadan. 9 JLIAJI IMINALRITI iaco Moise irso: ''Nonoatsa pikjaolre iyadaoca lricó njemí carroatsa njaji inaiki aimadan caaco cádanacoatsa Njoa piapiya, njeepá carro tsakjaotsa pjia caidalriwetsa.'' Njite Moise icaite Dio irso coajica naaco njaji inaiki aimadan. 10 JLIAJI IMINALRITI iaco Moise irso: ''Pidiá picaite njaji inaiki aimadan. Panaya njite tjewena, pienitaotsana Norsona, njite pinaotsa nacotsoca natayani. 11 Matsia carroenaotsana madalridaa nacó jalredaoca, ima madalridaa nacó Njoá, IMINALRI, noorroco caotsa lrinaco jliaji Jiipana Sinai. 12 Pikjenanataotsa lriwaida nacó jliaji jiipana naocacawa njaji inaiki. Picaiteotsa narso: ''Icapaotsa itsoomitaca jliaji Jiipana o inotaca jliaji jliipoco. Ima coca cadalotsa inotani lrirsotsa mayamicani. 13 Corriotsa inótá carroca jliaji inaiki. Irsotsa iinocani jiipada sho o iyawitacani. Maaficalri cada o inaiki cadaa lrirsotsa mayamicani. Njemi cádanacoatsa trompoeta imaolrena kjaida njite jalripa, icatsaotsa narsotsa natsomitaca jiipana ipocoda nacó.'' 14 Moise iorrocawa jiipana nakjoite naikjaolre njaji inaki aimadan. Jlienita pjiomina Dio irso njite nacotsoco natsayan matsia. 15 Moise iaco narso: ''Imatsietacaotsawa madalridaa jalredaoca ipia; corriotsa imaa carroca ininai iapiya.'' 16 Madalridaa jalredaoca nacoena, ikeena eenoca niini njite eeno iperronialre tsakja njite iyadaoca cadaocá-dalri iñampaca jliaji Jiipana, njite trompeta imaolrena kjemadalri njite jalripadalri tsakja. Pjiomi njaji inaiki aimadan natetjecawa nemaacawa lrico. 17 Moise idee njaji inaiki aimadan pemajle nemacawa ioya naacarro nacoadata Dio, njite naoca nemawa Jiipana ipocoda nacó. 18 Itacati rico lrimawa jliaji Jiipana Sinai padenirri ima Dio iorrococa niiniwa tiyé keetacadalri ricó. Iitacati jirra njitewa cayoji yocandati imacapishoa, njite canani kjaida jliaji Jiipana. 19 Njite kjaidacayao cádanaco trompeta imaolrena, Caaco Moise, njite Dio shepani njemicawa pjiomi. 20 JLIAJI IMINALRITI iorrocowa lripolrico nacó jliaji Jiipana, njite Lrinaa Moise jirracawa lrikjaolre. Njite Moise iá lriderse. 21 JLIAJI IMINALRITI iaco Moise irso: ''Pidia picaite njaji inaiki aimadan wadee natsomitaca nacapá-carro Njoa, wadee mayamica aima nanakjoite. 22 Picadaa natsomita Njoa njaji sacerdotenai njenitaaca carroa Norso, pinaa namatsietaaca-cawa nacoadatácarro Njoa, niini corriotsa noincana.'' 23 Moise iaco Dio irso: ''Njaji inaiki aimadan corrin nataita natsoomitaca jliaji Jiipana, ima Pinaa piaca njoa nokjenanaatá-carro lriwaida nacó jliaji jiipana njoenitá carro Pirsona.'' 24 JLIAJI IMINALRITI iaco lrirso: ''Warsena piawa naikjaolre njaji inaiki aimadan, njite pideotsa piinaiwa jliaji pipjerri Aarón, njite macadatsa njeyapa jliaji pikjenanatanda njaji sacerdotenai nanó-carro Noderse. Mitsa njeyapa cadani Noinoatsana.'' 25 Cayotsa Moise iorroco naikjaolre njaji inaiki aimadan.
1 Njite Dio icaite cayoji: 2 ''Icatsa pi-Minalri Dio-ca njoa, jitalri pjia Egipto jipaite rikjoite, lrioya jliaji icadalri lrirsodalri-carro pjia. 3 Corriotsa pirsó carroca apana dionai teecojle Nóya. 4 Corriotsa pinaitjá carroca idolonai njenapjiam njai eenolicojlé perri, o jiipai nacojlé perri o njenapiam cadaa njaji ooni ricóperri. 5 Corrin itaita icoajacawa naikjaolre yaacarrontja narso matsiadalri, ima Njoa, pi-Minalri Dio, Dio cakerriakjédalrica Njoa. Noajintja namatsiacanaa njaji naferrinaipemi niini nocadaaca njerrapitaca namaysicanaa ikjaote njaji neenipe madalricoma njite njaji coatro coma tsakja njaji corriperri pia ioma Njoa. 6 Mitsa matsia nocapaca narso njaji aimadan icoadatacaperri napeyo capoa Njoa njite nanaitja cayoji nonaa capisho nanaitjaca. 7 Macaitetsa IMINALRI Dio ípitana nacó mikjapantsa, ima njorrapitetacaotsa jliaji icaitecada Noipitana nacó midalri ikjaotetsa. 8 Mamawadaca tsaotsa lrioya jliaji jalredaoca pawafeta carroda lrico, shenitaotsani norsowalreo. 9 Sei jalredaoca pirso pidejícarro. 10 Mitsa siete jalredaoca nacó piwafetawa, pjienitanda Norsowaoni, Njoa, piMInalri Dio. Corriotsa pinaitjá carroca pada idejikjeti jliadaa jalredaoca-ca, corrin pjiaca, pirrí cantja, piitó, pirsodalri, pirsodarro, pivacan catntja, corrin jliaca jliaji inocada pada jiipai nkjoite yofacada iinai. 11 Ima sei jalredaoca nacó Njoa, IMINALRI, nonaitja pia njaji eenocoma, jiipai, macapawan njite pjiomi lriitada, njite nowafetacawa siete jalredaoca nacó. Niini Njoa, IMINALRI, nocaite matsiadalrica jliadaa pawafeta carrodao njite njoenitacan Norsowaoni. 12 Pinaitja matsia pjinirri, pjidoa irso irso, yofá carroatsa aima jalredaoca jecoapi ricó, lrinaco jliaji jiipai nocadaalri irso Njoa, IMINALRI Dios. 13 Mainotsa inaiki. 14 Manaitjatsa maatsi idada irso. 15 Mañaitotsa. 16 Macashatsa pikitsinda nacó. 17 Makemitsa pikitsinda irsonda lriipana lrico; makemitsa pikinda iino, corrin tskja lrirsodalri, corrin tsakja lrirsodarro, corrin tsakja lridejishopa buey, corrin tsakja lriborron, o coandalricatsa njaji lrirsonipe.'' 18 Pjiomi njaji inaiki nacapa jliaji caolri kjaidadalri njite eeno iperronialre, njemi tsakja trompeta imaolrena, nacapa tsakja itacati imotocawa lrioya jliaji jiipana. Niini nacapa cádanacon, nafiowa, natetjewa njite teecotsa neema lrioya. 19 Naaco Moise irso: ''Picaitenaotsa femi coajica, njite fepaotsa coanjica picaiteca warso; corrin wataita femica caacoca Dio, ima femi cadantjani icaamitsa mayamica fa.'' 20 Mitsa Moise iaco narso njaji inaiki: ''Mafietacatsawa, ima Dio inoca waikjaolre lriwí-carro faa, wafió-carro lriiwana yaamí-carro wanaitjaca maatsi.'' 21 Niini njaji inaiki neemawa teecotsa lrioya, mitsa Moise itsoomita jliaji cadaocadalri Dio iwapalri niini. 22 Njite Dio icaite Moise irso: ''Cayoatsa picaite njaji iraelitanai: ''Shatsa icapa coajica caacoca Njoa irso eeno lrikjoite. 23 Manaitjatsa irsowao idolonai Nooya inaitjanda owirro shó, palrata shó tsakja. 24 Inaitjaotsa Norso altar nashotsa njaji jalredaoca lricoperri, inocarroatsa Norso maaficalri nanaco ofrenda imjaitaji, ofrenda iofácarro matsia yapiyawaaca, oveja njite buey tsakja. Nonaitjaotsa matsia irso akjerrecawajle catsa ioma iwaadaca njoa inaitjá carro matsia Noipitana nacó. 25 Norrocoatsa ikjaolre njite nonaitjacaotsa irso matsia. Jiipada sho cadaa inaitja jliaji altar, mamatsietatsana idejishopa shó, ima imatsieta cadaana, corrinatsa matsiá carrocan. 26 Corriotsa inaitjá carroca jirracarrona lrinaco jliaji No-altarni; wadentja iñjataca idaki lrinaco.''
1 Icatsa njaji yácoti kjaidaperri picadalriotsa narso: 2 Iwenta cadaa pada hebreo-tairri irsodalri carroni, sei walria watsa lridejica irso, njite siete walria nacó icaamitsaotsa yaamica irsodalricani, lritaita lriaca lriminalri ioya, njite corritsa coca lricaoñaca niini. 3 Mainoite cadatsani, lrimotoatsa jliwacatsa; mitsa cainoite cadaani, lriinoi imoto tsakjaotsa lriinai. 4 Njite lriminalri cadaa jliaji yaa lrinoa, njite keenipeno lrirso atsia o iinarro, rsoaji lriino njite njaji lrienipe lriminalri iyapecana, niini lrirsotsa lrimotocawa jliwacatsa. 5 Mitsa jliaji lrirsodalri icaite cadaa: ''Nopeyoentsa nominalri, noino njite njaji noenipe; corritsa noá carroca ajajiteji,'' 6 niniotsa jliaji lriminalri lrirsotsa lrideecani Dio ikjaolren, njite lricadaa jlieni pantinomakja nacojle lritoda carro jolromi jlieni. Niniotsa corrinatsa yamí carroca lridejica lrirso. 7 Ape ivende cadaa lriito narso-darro carrono, corriotsa romotó carroca lrioya jliaji rominalri nacayosho njaji atsianai. 8 Njite corri cadaa matsiano lrirso jliaji iwentalrino lriinowa, lritaita lricadaacano nawentá carrono lrioya, mitsa corrin lritaita lrivendeeca narso njaji apaanatsa inaiki, ima corricatsa matsiaca lrinaitjacano cayoji lrinaitja capishono. 9 Lricadaa cadano lrirri jitá carrono lriinowa, lrirsotsa jlipacano cayoji lriito capoishono. 10 Njite jlita cadaa apama lrinowa, corrin lritaita lrimenataca rooya roijaope, rotsayani, lrirsotsa lrimaaca tsakja roinai. 11 Mitsa corri cadaa lrinaitja njaji madalrida yácoti, icamitsaotsa matsiaca rsoaji ínarro, rotaita roaca lrioya njite corrin rocaoña roá-carro njiteo. 12 Coca cadaa iñaa kjaida ápe njite mayamini lrikjaote, jliaji iinocadani lrirso tsakja mayamicani. 13 Mitsa lriino cadaani corri cadanatsa lriomacalreca, niniotsa nomatsietaotsa lripia pafe lriacawa lridawaacawa. 14 Pada iinocadaa lricodapidalri ima lrinaitjaca cayoji lriwaopia capisho lrinaco, irsotsa jipacani, iinó carroni, corritsa coadaca lria cadawa lriemawa Dio ialtar icodapi. 15 Coandalri cadaa iñaa jlinirri o jlidoa cadaa lrirsotsa mayamican. 16 Coca cadaa jipa jidati ricó pada inaiki lridawá carroni njite lrivendeeni, o naoketa cadaa jliaji inaiki lriipana lricó, jliaji inaiki inaitjacada cayó lrirsotsa mayamicani. 17 Coca cadaa imotoita yácoti matsidalri lrinirri ikjoete o jlidoa ikjoete, lrirsotsa mayamicani. 18 Nainoaca cadawa njaji atsianai njite ape iinocada lricoema jiipada shó o lricaapi shó, mitsa corrin mayami jliaji lriinonda, mitsa corrin lritaita lriemacawa; 19 njite lridia matsiani tamjia, njite lriemajiwa lripjeco nacó, jliaji atsia iinocadamni lrirsotsa lricaoñaca lrirso njaji jalredoaca corri capoa lritaita lridejica, njite lricaoña tsakja lrirso matsiá carroni a kjerreca matsiani. Niniotsa corriotsa caikjaolrenaacani lrikjaote. 20 Pada atsia iinocada lrirsodalri lripjeco shó njite mayamini lrikjaote, jliaji atsia, irsotsa jirrapiteetacani. 21 Mitsa caafi cadaa jliaji lrirsodalri padaa o yamadaa, corrinatsa jirrapiteetá carroca jliaji lriminalri ima lriwentandacani lrirsowao. 22 Nainoaca cadawa njaji atsianai njite nañaa aapama ínarro kewedan-darro njite ropeeco roenipe lrikjaote, mitsa corrin coaji cantjano, jliaji atsia caikjaolrenaadalri lrirsotsa lricaoñacano coajica cadaa lricaiteca lrinaco jliaji roinirri, niini lrirsotsa lricaoñaca coshoca nacaiteca njaji icaitecape naacona njaji inaiki. 23 Mitsa matsinaa cadaano, niniotsa pjiaca yají coajica, lrirsotsa lricadaaca lricafica pada icafica ikjaote, 24 lritjí, pada itjí ikjaote; lrietsa, pada yétsa ikjaote; lricaapi, pada icaapi ikjaote; jliipa, pada jiipa ikjaote, 25 pada imjaita cadaa pada, narso tsakja namjaitacani, lriyá cada pada, narso tsakja nayoá cani, lriino cadani amolreni, narso tsakja nainocani aamolreni. 26 Pada iino cada witsami lrirsodalri o lrirsodarro itjí, icaamitsa lrirsotsa lricadaaca lriáca lrioya ima lrimatsicaca lritjí. 27 Jlita cada lrirsodalri o lrirsodarro yétsa, icaamitsa lrirsotsa lricadaaca lriáca lrioya ima lrimatsicaca lrietsa lrioya. 28 Apana buey itoda cadaa lritsowa shó ape atsia o apama ínarro, irsotsa iinoca jliaji buey jiipada shó, corrin itaita injaca lriipe; njite corrin coca lrikjaolrena jliaji lriminalrim. 29 Mitsa caidalri cada piatsa lritodaca njaji inaiki lritsowa shó oopi ricotsa, njite nacaite lriminalri irso, njite corrin lricorrarratani, njite lriino cadaa pada atsia o ínarro cadaa, inoatsa jliaji maaficalri jiipada shó, njite jliaji lriminalri lrirso tsakja mayamicani. 30 Mitsa jliaji buey iminalrim, lritaita cadaa lricaoñaacacawa wadee nainocani, lrirsotsa lricaoñaca coshoca natatjaca lriinai njaji icaitecape naacona. 31 Jliaji buey, lritoda cadaa pada yénipe o lriito, jliaji buey iminalri lrirsotsa lricaoñaca cayoji lricaite capisho jliaji yácoti kjaidadalri lrinacoapana. 32 Jliaji buey, lritoda cadaa pada narsodalri o narsodarro, jliaji buey iminalri lrirsotsa lricaoñaca trentaita sho moneda palraata, njite lrirsotsa lriinoca jliaji maaficalri jiipada shó. 33 Ape atsia jica cadaa paapji oniapji njite corrin lriita matsia lrinomafe, njite apana buey o apana borro jiwa lri-ricoda, 34 jliaji jicacada oniapji lrirsotsa lricaoñaca lricoadao jliaji maaficalri. Lrirsotsa lriaca palraata lrirso jliaji maaficalri iminalri, njite jliaji maaficalri mayamdalrim lriyadacani jliaji icaoña cadani. 35 Pada ibueyni iinocada ape ibueyni, njaji yamadade narsotsa navendeca jliaji apana iinocadani, njite naaca narsowaaca lricoada, narso tsakja naaca narsowaaca jliaji buey mayandalrim. 36 Mitsa caidalri cada piatsa lritodaca njaji inaiki lritsowa shó oopi ricotsa, njite nacaite lriminalri irso, njite corrin lricorrarratani, jliaji lriminalri lrirsotsa lriaca apana buey lricoadawa, njite jliaji maaficalri mayamni lriaca lrirso jliaji caikjaolrenaalri.
1 Ape iñaito cadaa apana buey o apana oveja, njite lriinoni o lriwendeni, niniotsa lrirsotsa lridietaca cincona buey apana icoada njite coatrona oveja apana oveja ocoadao. 2 Naoketa cadaa pada keñaitedalri lrimatsiketaca jliewá-carro, njite nañaacani o nainoni lrikjaote jliaji lrinaitjalri, corriotsa camatsicanaa carroca jliaji iinocadani. 3 Mitsa jaalrecadaa lriicao, niini dekja narsotsa njerrapiteetaca jliaji iinocada jliaji keñaitedalri. Njite jliaji keñaitedalri lrirsotsa lricaoñaca jliaji lriñaitolri, njite corricadaa lrirso lricaoñashopa, narsotsa nawendeecani coshoca nacoada njaji lriñaitolri. 4 A cada jliaji maaficalri caafitsa lriipana lrico, buey cadaa, borro cadaa, oveja cadaa, lrirsotsa lricaoñaca yamapiape lricoadawa. 5 Ape idee cadaa njaji lrivacan naiñjá-carro paapji malritsiapji ricó o lrikinkerre ricó, mitsa corrin lriwapaca njaji lrivacan njite naiñjaca ape ivacaapjirre lricotsa, jliaji vaaca iminalri lrirsotsa lrimatsietaca lricoadawa nasho njaji matsiaperripja lrirsolri lrivacaapjirre ricó o lrinikerre ricó. 6 Pada iwaca cadaa tiyé njite jliaji tiyé lriawa njite lrimjaita paniati iinaca, paniata ipananaa, paniapji walriapjipe o lrimjaita pjiomina, jliaji imjaitacada lrirsotsa lricaoñaca jliaji lrinaitjalri. 7 Ape icadaa cadaa lripalraatani o lriyarroaji lricodapidalri iwapá-carro lrirsonjite nañaito lrioya lriipana lrikjoite, njite naoketa cadaa jliaji inaitocadan, jliaji keñaitedalri lrirsotsa lricaoñaca yamapiape lricoadawa jliaji lriñaitolri. 8 Corri cadaa naoketa jliaji keñaitedalri, jliaji panti iminalri irsotsa iacawa naikjaolre njaji icaite caperri naacona nacapá-carro jliacatsa iñaito lricodapí dalri iyárro. 9 Coadalri catsa imatsicanaati ikjaote, buey cadaa, borro cadaa, ovejacadaa, tsaaya cadaa o coandalri catsa iñaawa njite pada icaite lriljaote: ''Noyadaca jliaji.'' Yamadape narsotsa naacawa naikjaolre njaji icaitecape naacona. Coca cadaa naokjeta imatsicanaa njaji icaitecape naacona, lrirsotsa lricaoñaca yamapiape lricodapidalri irso. 10 Ape atsia icada cadaa lricodapidalri irso apana borro, apana buy, apana oveja o coajidalricatsa maaficalri lriwapá-carrotoa lrirsoni, njite jliaji maaficalri lriá mayamini o pokjoncani o nañaitocani njite corrin coca icapan, 11 yamadape narsotsa nanaitjaca yácoti ajádalri shó Dio ipeyajle, nacaitecawa corricatsa coca nanakjoite iñaito jliaji nacodapidalri iyárro nacó. Jliaji naminalri corriotsa lriomá-carro nacoadawa lriinai, njite jliaji nañaitolri ioya corriotsa lridietá carroca nacoadawa. 12 Mitsa nañaito cadaa lrikjaolrena, lrirsotsa lricaoñaca lricoadao lrirso. 13 Njite caiñjacana cadaa lrikjaolrena jliaji maaficalri, njite lrirso pada icapacada lriinai. Corriotsa lricaoña carroca lrikjaote jliaji cañjacanaalri. 14 Ape jita cadatoa lricodapidalri iinai ípirra njite pokjoncani lrikjaolrena njite mayamini corri cadanatsa lriminalri icapan, jliaji caikjaolrenalri lrirsotsa lridietaca lricoadawa. 15 Mitsa lriminalri jliaji maaficalri icapacadaatsa, corriotsa lricaoñá-carroca lricoadao; lridee cadaa piani lridejicalre icoadawa, icaamitsa lricaoñaca lridejicalre nacó. 16 Ape atsia ipeyoaca cadaa apama ínarro corri-darro toa jiyapawa ape iapiya, njite lridakita roapiya, lrirsotsa jlitaca lrinoano njite lrirsotsa lricaoñaca rocoadawa cayji nacaite capisho. 17 Mitsa corri cadaa rsonirri ioma lriacano lrirso jliaji iomacadano, lriaji atsia lrirsotsa lricaoñaca palraata sho coshoca lricoada jliaji rodaki corridalri piatoa yají atsia. 18 Corriotsa icadaacarroca caafi rsoaji malrirri. 19 Coca cadaa idakita maaficalri iapiya, lrirsotsa mayamican. 20 Coca cadaa iino maaficalri padatairritsa dio lrioya jliaji wa-Minalri, narsotsa mainocani. 21 Corriotsa itaita imatsiketaca jliaji pada jiipai nacoda, corrin tsakja itaita jirrapitetaca, ima cayo pia tsakja shá njepaite ricojle njaji Egipto lricope. 22 Manaitjatsa maatsi madoiyoanaipe, corrin tsakja njaji mjanirrinaipemi. 23 Jirrapiteeta cadanana njite natatja noinai Njoa, JLIAJI IMINALRITI, Njomiotsa narso. 24 Kerroatsa Njoa pekirritsa njite nonoatsani matseta shó, niniotsa madoiyoa naninai njite mjanirri neenipe. 25 Yá cadatoa ipalrantan pada nonaikite aimadan inakjoitedalri kjenaadalritsa, mjeta tjaotsa lrioya lrinacopja jliaji palraata cayoji nanaitja capisho njaji yaacape toa palraata. 26 Lricadaa cadatoa pirso lritsayanalre lricaiteshopa lricaoña caotsa pjia, pidietaotsa lrirsoni deepi ipjeya toa, 27 Ima corri cadaa lrirso lritsayanalre japerri ioyadalri, corriotsa cocashoca lridanataacawa japerri ioya lrimaa cádanacoena. Njite lritatja cádanacoatsa Noinai Nokitsindatá carroni, Njomiotsa lrirso ima kjenaadalrica icapa pada irso Njoa. 28 Macaitetsa yácoti maatsidalri Dio nacó, corrin tsakja njaji talricanaati iwapacape shá. 29 Iniwa cádanacoatsa ipia iinaca yáwatsa Norso njaji initanda iniwaca, njite njaji initanda jitaca jaico tjedaa yáana tsakja. Wadeotsa iwapa catoa. Yá watsa norso njaji yénipe pjerritinaipe. 30 Cayo tsakjaotsa njaji ípirra buey njite njaji oveja. Siete jalredaoca watsa najicatoa njadoa iinai, njite ocho jalredaoca nacó irsotsa iaca Norsona. 31 Nonaikite aimadanca shá shenitaaca capeo Norso. Corriotsa itaita iñjaca maaficalri caiñjacanaadalri; icadaotsa tsiino iñjaona.
1 Macashatatsa pada nacó mikjapantsa. Maomatsa pikitsindao jliaji inaiki maatsidalritsa pidaanatá-carro lriinai lríshaa. 2 Manaitjatsa maatsi nanaitja capisho njaji aimadan. Maomaytsa cayoca pjia nacayosho. Nadee cada pjia talricanaati ikjaolre picaité-carro yácoti padsa nacó, macadaatsa natecojletaca piwaopiakje njaji aimadan. 3 Maatsa ape ikjoete kjenadalri capoatsani. 4 Pioketa cadaa apana buey, o apana borro manalredalrim pjiponda iyaada, pirsotsa pidietaca lrirsoni. 5 Picapa cadaa pjiponda iborroni jiwacawa jiipai nacojle jamiña capoa lrideecalre, pirsotsa pikitsindatacani wadee ninicatsa pimacani. 6 Nadee cadaa caaconacaawa lricojle pada atsia kjenaadalritsa piyacalre rikjoite, pirsotsa pikitsindatacani. 7 Pjiena naoya njaji icaite cape ishatitsa apada nacó nainó-carron jliaji mamatsicanaa-dalritsa, ima corriotsa kjená carroca Nocapaca lrirso jliaji inaitjacada maatsi pada irso. 8 Mjepatsa napalraatani njaji icaoñacape shá inaitjá-carro maatsi ape corridalritsa irso imatsicanaa, ima njaji cayoperri lricadaaca matji capishona niini corritsa coadaca narso nanaitja cadaa matsi lrirso jliaji mamatsicanaa-dalritsa irso. 9 Mjerrapitetatsa idejikjeti matsinaperri sho njaji apana inaiki ioya, ima yajintsa coajica paofa cádanaco pada jipaite ricotsa, ima cayo piaca shá Egipto jipaite ricó. 10 Sei walria watsa idejica apapji ikiníkerre lricó, njite iniwaotsa ipania pjiomi. 11 Njite siete walria nacó picadaotsa lriwafetacawa jliaji jiipai, corriotsa piapanaca lri-ricoda, njite nataitá-carro tsakja naiñjaca njite njaji kjenaperri piyacalre ricope, njite naiñjá-carro tsakja njaji maaficalri nanakjoite njaji namacajipe njaji inaiki. Cayo tsakjaotsa inaitjaca ovapji sho njite olivoapji sho tsakja. 12 Sei jalredaoca watsa pidejica, njite siete jalredaoca nacó pirsotsa piwafetacawa. Pinaitja cayó nataitá csrroatsa nawafetacawa njaji maaficalri pidejishopa, buey njite pi.borron tsakja, nawafetá-carro tsakja njaji pirsoperrim yénipe njite njaji apaanatsa inaiki pioya. 13 Piwapa pjimi matsia njaji nocaiterri pirso. Manomatatsa neepitana njaji idolonai, njite macadatsa njemica idolonai iipitana pinoma lrikjoite. 14 Madalripia watsa pawalria icoam icatiimataacawa noikjaote. 15 Icatimataacawa inja cádanacoatsa njaji peetje mewidalritsa. Cayotsa nonaa capisho pinaitjaca. Siete jalredaoca watsa corricawatsa inñja peete keewidalri, Abib ikerrina lrico ima icapiatsa lrinacopi keerrica imoto piawa Egipto lrikjoitel niini icacatsa jlinaanaca Nocadaalri irso inaitja-carro. Corriotsa inó-carroca Noikjaolre icaapi yapiyatsa. 16 Njite icatimataacawa tsakja inita cádanacoatsa iniwaca ipania initanda iniwaca ikinikerre lrikjoite. Njite icatimataacawa tsakja yami cadanacoena iniwaca pjiomi njaji ipania ikinikerre lrikjoite, pawalria iwayaca cádanacoenawa. 17 Pjiomi njaji atsianai narsotsa nánoca Nopeyajle, Njoa na-Minalri, madalripia pawalria nacó. 18 Madetsa norso njaji maaficalri nerrana fie njite njaji peetje narsotsa meewicana, njite macadatsa neeti tjewaijle icaona. 19 Ideotsa Noopana lricojle, Njoa IMINALRI Dio njaji ipania iinaca matsiaperri toa initanda iniwaca. Mayana tsaotsa cabra yénipe tsoni toa jlidoa ínia lricotsa. 20 Nomeencaotsa Noajeleni jlia carroatsa pipeyajle lriwapá-carro pjia piacayawa inipolrico, njite lrideecarro pjia Nomatsietalri pipiá nirse. 21 Piomaotsa picapani matsia njite pjiepaotsani coancada lriaco pirso. Maometa tsaotsani, ima lriino caotsa pjiomi njaji inaitjacape maatsi. Ima lriinaica Noipitana. 22 Ajádalri cadaa pjimi caotsa lrirso, njite pinaitja njaji Nocaiterri pirso, niniotsa nacoema caotsa Njoa njaji jipondatacape pjia, yemacada nakjoete njaji yemacaperri pikjoete. 23 Jliaji Noajeleni lriacaotsa pipeyajle njite lrideecaotsa pirso njaji amorreonai, hititanai, cananitanai, fereceonai, hetitanai, njite jeboseonai. Njoa watsa iinona. 24 Macoajatsawa nadiote ipeyajle,maatsa matsiadalri narso cayoji nacayoshó. Irso tsaotsa ipeecocana matsiajerri, ipeeco tsakjaotsa pjiomi njaji neema carrona nanaitjanda jiipada shó. 25 Padatsa Njoa irso yaa matsiadalri, Njoa IMINALRI Dio. Pinaitja cadaa cayó, Nocadaotsa capedaca irso iñjaope, irrfaope tsakja. Corriotsa nocadaa carroca iyaami ipoati shó. 26 Corriotsa meenipeca apama ínarro pjipaite ricó, corrin tsakjaotsa neenipe jiwacawa naoya. Wiá watsa yofacawa jalredaoca lricó. 27 Nocadaotsa nafioca noiwana njaji inaiki pjiyapalriotsa jipaite ricó. Njite Nocadaotsa napitocawa pipjeya njaji inaiki. 28 Nomeenacaotsa aini pipeyajle naikjaolre njaji heveonai, cananeonai, hititanai napitó-carro ipjeya. 29 Corriotsa Njotá carroca ioyana pawalria nacotsa, wadetsantja maaficalri kenakja yofá niiniwa ipjeya. 30 Tacaatsaotsa Nomotoetacana ioya, lricoa catsaotsa aimaca yénipe yofacaope njepaite ricó. 31 Nocadaotsa irso jliajijiipai Manoá írraidalri ioyawacadari lriapiya jliaji Manoá nayada njaji filisteonai, njite jalrapocolri nakjoite atee Oni Éufrate nacojle. Nocadaotsa shametaca pjiomi njaji inaiki jalredaoca lricope. Pjia tsaotsa ipeeco pioya njaji inaiki. 32 Manaitjatsa yácoti naapiya, corrin tsakja nadiote yaapiya. 33 Macadatsa naofacawa iinai jipaite ricó, namadaotsa inaitjaca imatsicanawa Nokjoete. Yaa cadaotsa matsiadalri narso icamitsaotsa iwayacacawa.''
1 Njite jliaji IMINALRITI icaite Moise irso lriá-carro Lriderse, njite Lrinaa lrideeca Aarón, Nadab, Abiú njite setenta pekipenai caconaperri Irael lricoperri, naacarro matsiadalri Norso tekjoitetsa. 2 KIcaamitsa Moise itaita itsoomitaca Njoa. Corrin dekja nataita nja paana, corrin tsakja nataita njerracawa njaji inaiki aimadan. 3 Moise yaa icaite njaji yácoti wa-Minalri icaiteji lrirso narso njaji inaiki aimadan, lricaigte gtsakja njemi coajica lrinaaca yácoti kjaidaperri nacó. Njite pjiomi njaji inaiki aimadan naaco lrirso pacoacatsa pjiomi: ''Wanaitjaotsa pjiomi njaji wa-Minalri icaiterri warso.'' 4 Njitedalri Moise idana pjiomi njaji waMinalri icaiteji. Njite piyompinacotoa Moise inaitja apana altar jiipana itajida nacó, njite lricadaa docena jiipada yemawa pkjawa, ima nacaite nanaco njaji doce poco Iraelnai. 5 Njite lrimeenaca padape yempetipetoa nainó-carro maaficalri Dio irso imaodacakjeti nacoda, niini nainoca Lrirso buey. 6 Moise iwaketa pamoyoa lrirranami njite lricadaani poncherapi ricó, njite lriitem pamoyoa lriwitsicani altar nacó. 7 Njite Moise jliaji Paperra nadanacawa njaji yácoti kjaidaperri lrilee carroni kjemá narso njaji inaiki aimadan, njite naaco lrirso: ''Wanaitjeniotsa pjiomi njaji wa-Minalri icaiterri. Fetaotsa lriaco matsia.'' 8 Njite Moise iwaketa njaji írranati njite iwitsicaca nanaco njaji inaiki aimadan. Lriaco narso: ''Icatsa jliaji írranati Dio inaitjashopa yácoti yaapiya, Lriaca irso yácoti Lrinaitjaoda yaapiya nasho njaji lricaiterri.'' 9 Njitedalri Moise, Aarón, Nadab, Abiú njite njaji setenta pekipenai caconaperri Irael lricoperri njerrawa jiipana nacó. 10 Pjiomi njaji nacapaca Iraelnai iDiote. Nacapa jlipa yapjite lripjoacawa, pacoa nanaitjanda jiipada zafiro shó, jalraamidalri eeno shodalritsa icapacanaa. 11 Corri kerroaca Dio narso njaji caconaperri Iraelitanai. Nacapa Dio, njite naiñja, nairra tsakja. 12 JLIAJI IMINALRITI iaco Moise irso: ''Pjirrawa Noderse jiipana nacojle njitre piofatoatsa nirsewa. Noá carroatsa pirso njaji jipadaitape, njaji yácoti kjaidaperri njite njaji yácoti inaitjaope Nodanaji irso, picananta carroatsana.'' 13 Niini Moise jirrawa lrirsodalri Josué yaapiya lrinaco jliaji jiipana Dio iyada. 14 Moise icaite pia narso njaji pekipenai caconaperri: ''Atsaotsa iwapa fa a kjerreca wadia waocawa ikjaolre. Aaón njite Hur watsa iofaa yaapiya. Coca cadaa irso pada yácoti pada ikjoete, picadaa watsa naaca naikjaolre.'' 15 Ikena Moise jirracawa lrinaco jliaji jiipana, njite iyadaoca iitacani. 16 Njite Dio imatsiaca melremelredalri iorrocowa lrinaco jliaji jiipana Sinai, njite iyadaoca iitacani sei jalredaoca. Njite siete jalredaoca naco, Dio ina Moise iyadaoca lrikjoite. 17 Tiyee kjaidadalri shoca Dio icapacana jiipana ipolrico nacó natjí ricó njaji iraelitanai. 18 Moise shewa iyadaoca lricó njite jlirrawa jiipana nacó. Moise iofawa jiipana nacó coarenta jalredaoca njite coarenta deepi.
1 Caaco JLIAJI IMINALRITI Moise irso, Lriaco lrirso: 2 ''Picaite narso njaji iraelitanai njepá-carro Norso pada ofrenda coandalri catsa nanakjoite pomenápe icaolre ricó nanaitjá-carro. Pjia watsa jipa njaji ofrenda Noikjaote. 3 Njite, icatsaotsa njaji ofrenda nalriotsa pirso: owirro, palraata, njite bronce; 4 yamacati jipolrémaca eeno, amolremaca, njite iiraimaca; jerriwaikjape matsiaperri, cabra iiyo, 5 carnero íya idatanda írraidalri shó, maaficalri íyam matsiaperri, njite jaico acacia tsakja; 6 lámpara iitadao kerosen iglesia icamarrao, aceite pomeniajaipe waijeta shopao njite incienso pomení-perri icaona; 7 jiipada ónice, njite ppana pja jiipada matsiaperri, irroetaope sacerdotenai itsaya nacó njite jliaji nacadnda natsayan icóda nacó. 8 Picadaa nanaitjaca Norso noopapanao, Nofá-carroatsa napecolrico. 9 Pirsotsa pinaa nanaitjaca cayoji nocañjata capisoatsa picapa jlinaana jliaji Noopana njite naicaona njaji lriitada tsakja. 10 PInaitja tskjaotsa pada patowa jaico acacia sho. Paita metro njite die centimetro pja lrinacojle jliwalripaca, sesenta sei centimetro lrimacaiteca, njite sesenta sei tsakja lriyenonca. 11 Piñjetaotsa owirro matsiadalri shó lridanjite nacó njite lriwawalrico tsakja, njite pinaitjaotsa lrinomapikjao owirro sho lrinomapi nacó. 12 Pinaitjaotsa lrirso coatro jlieni poco owirro shó, njite pirroetaotsana lritojiwi nacó nacoanáa lrinaco jliaji patowa, yamapoco pema njite cayo tsakja pema. 13 Pirraotsa yaamana jaico acaciapo njite piñjetaotsa nanaco owirro shó. 14 Pjietaotsa njaji jaicoapo patowa sheni naco pema, njite pema tsakja iwakje shopani. 15 Niinipetsaotsa njaji jaico patowa sheni nacó, corriotsa jitá carroca lrioyana. 16 Picadaotsa patowa iwawalrico njaji yácoti kjaidaperri wanaitjashopa yácoti Nocadalriotsa pirso. 17 Pinaitjaotsa lripanaitawa jliaji inocawa maficalri imatsicanaa ikjaote owirro matsiadalri shó. Paita metro njite die centimetro pja lrinacojle jliwalripaca, sesenta sei centimetro lrimacaiteca. 18 Pinaitja tsakjaotsa yaamana querobinai owirro sho iñanda martillo shó picadaope yemawa lripanaita nacó jliaji iinocawa maaficalri imatsicana ikjaote. 19 Pinaitjaotsa apana querobin lripanaita nacó jliaji iinocawa maaficalri imatsicana ikjaote, njite apana pema nacó. Picadaotsa lrirroa lrinacotsa jliaji lripanaita nacó jliaji iinocawa maaficalri imatsicana ikjaote. 20 Njaji querobinai narsotsa njerretaca yenonrse njaji nanapje, naitá-carro jliaji iinocawa maaficalri imatsicana ikjaote nanapje shó. Njaji querobinai narsotsa neemacawa nakjoetewaaca njite nacapaca lrinacojle jliaji iinocawa maaficalri imatsicana ikjaote. 21 Icadaotsa lripanaita jliaji iinocawa maaficalri imatsicana ikjaote patowa iicao, njite lriwawalrico jliaji patowa picadaotsa njaji yácoti kjaidaperri Nocadaalri pirso. 22 Icatsaotsa caacoca Njoa piapiya, lripanaita nakjoite jliaji iinocawa maaficalri imatsicana ikjaote, napecolrikjoite njaji kerobinai yémalriwa lrinaco jliaji patowa yácoti kjaidaperri yárroda, Nocaité-carro pirso pjiomi njaji nonaalri picaiteca narso njaji Irael yénipenaipe. 23 Pinaitja tsakjaotsa paita mesa jaico acacia shó. Noventa centimetro watsa jliwalripaca , njite coarenta cinco centimetro lrimacaiteca njite sesenta cinco centimetro lriyenonca. 24 Piñjetaotsa lridajite nacó njite lriwawalrico owirro matsiadalri shó. Pinaitjsa tsakjaotsa lrinomapiwa matsia owirro matsiadalri shó. 25 Pinaitja tskjaotsa lrinomapiana nacó jliaji mesa papoco lrinomakjawa ocho centimetro imacaiteca, njite pinaitjaotsa lrinomapikja nacoda owirro shó. 26 Pinaitjaotsa coatro jlinacolrico poco owirro shó, picadaotsana nanaco njaji natonjiwi nacó, naacawa njaji lricawaapa. 27 Njerroatsa njaji jlinacolrico lrinomapi nacó pataitacawa pjeetaca jaico nerricoda njaji jlinacolrico padeecarroni. 28 Pirra tsakjaotsa jaico acaciana, njite piñjetaotsa nanaco owirro shó itaita carroatsa iwakjeca jliaji mesa nasho. 29 Pinaitjaotsa owirro shó njaji jaicofipe, njite nacamorriashopa tsakja; pinaitja tsakja poncherapipe njite taza macaapipe nacadaa carrodao nairraoda nanakjoite njaji ofrenda. 30 Caidalritsaotsa picadaaca jliaji peetje icaitecada níinica Njoa Nopeyajle mesa nacó. 31 Pinaitja tsakjaotsa lampara jirricona owirro matsiaperri shó piñanda martillo shó. Njite pinaitjaotsa lriemacawa, lricawapa, lriiwi shoperri, copadape shoperri njite njaji lriwawalricoperri owirro sho, njite picadaotsana pada capishotsa pjiomina. 32 Jliaji lampara jirricona lrirsoatsa sei lrinaapa; Madalrina pema, madalrina tsakja pema. 33 Nacoana njaji lrinaapa narsoatsa madalrida jaico almendro iiwi shoperri, cawawalricoperri njite njaji lriwidape lriwawalriperri. 34 Jliaji lampara icawapa lrirsoatsa coatro jaico almendro iiwi shoperri, cawawalricoperri njite njaji lriwidape lriwawalriperri. 35 Pirroetaotsa njaji jaico iiwi shoperri nayataaca-cawa nacoana njaji lamparana inaapa. 36 Jliaji lampara jirricona, naapiya njaji lrinaapa narsotsa apanatsa pjiomi, corridalritsa payatandacan, caishopa owirro minitsa pjiomini nañanda icapacanao martillo shó. 37 Njite pinaitjaotsa siete lampara picadaopena lrinaco, nacaná-carro lrinakjoitena jliaji lampara jirricona. 38 Njaji nerrocawa njaji lampara njite naofacawa narsotsa owirro minicatsa pjiomi. 39 Trentatre kilo sho owirro pinaitjaotsa pjiomi jliaji lampara jirricona njite pjiomi njaji lrinacoperri iawa. 40 Picapaotsa matsia piicao pinaitjá-carro cayotsaji Nocañjata capisho picapa lrinaco jiipana naco pia.
1 Pinaitjaotsa jliaji iwaaca carrodawa die maki sho nanaitjanda jeerriwai shó, yamacati jipolreperri sho, amolreperri njite írraiperri tsakja irsocape querobinai nanaco. Jliaji idejikjeti njaa inaitjani njaji yajicapetsa idejica matsia. 2 Pacoacaogsa njawalripaca njaji yamacatimaca, doce metro njite pamoyoa pja paita inacojle njawalripaca, njite do metro namacaiteca. 3 Cinco yamacatimaca nayataaca watsa matsia nanacowaaca, cayo tsakja pema. 4 Inaitjaotsa njenio njaji yamacati nanomapi nacó pemajlete yamacati jipolre-perri shó. Cayominitsa inaitjaca njaji papoco yamacati tsakja. 5 Pinaitjaotsa cincoenta njenio nanaco njaji papoco yamacati, njite cayó tsakjaotsa nanaco njaji papoco piketemperri, matsia catsaotsa nerrocawa nakjoetewaaca. 6 Pinaitja tsakja owirro shó cincoentafi ipatoetashona matsia nanacowaaca, pacapá carroatsa pada capishotsa pjiomi. 7 Pinaitjaotsa once maca iñaji cabra iiyo shó lritapjewa jliaji iwacaaca carrodao. 8 Trece metro perri njite pamoyoa pja paita naco njawalripaca nacoanaa, njite yamaita metro namacaiteca. Pacoaca watsa namacaiteca pjiomi. 9 Iyataotsa matsia nanacowaaca njaji cinco maca; cayo tsakjaotsa inaitjaca njaji sei maca. Itsikji watsa jliaji sei maca shopa lriekjoete jliaji lritapje 10 Pinaitjaotsa cincoenta sheniti nanomapi nanaco njaji iniitacape irrocawa yamacati, njite cincoenta tsakja nanaco njaji papoco. 11 Pinaitja tsakjaotsa bronce shó cincoenta ipatoitacape nanaco njaji njeeni, niniotsa pacapacana pada capishotsa pjiomi. 12 Jalripa paaca jliaji yamacati lritapje icaonadalri, niniotsa jliaji lrimacanda pjaa icadaa catsaotsa lrirroa lriiwapji naco jliaji iwacaaca carrodawa. 13 Niniotsa matsiaca lritsipjenaapi jliaji iwacaaca carrodawa yameema, coarenta cinco centimetro pema cayo tsakja pema. Matsiawatsa lritaacacawa. 14 Pinaitjaotsa lridanawa carnero íyam shó nañjetanda írraidalri shó lritawajle icaona jliaji corricawatsa pacap imatsicanaati, njite pamaca maaficalri íyam matsiaperri nakjoiote iitashopa lriicao. 15 Pirraotsa capatsipe njaji jaico acacia, piemetaotsa mayacan nemawa pirroetashopa njaji yamacati matsiaperri iwacaaca carrodao icaona. 16 Coatro metro njite pamoyoa pja lrinaco paita naco njawalripaca, sesenta cinco centimetro namacaiteca. 17 Pinaitjaotsa nawedawa njaji jaico matsia carroatsa nayataacawa nanacowaaca. Caiminitsa inaitjaca pjiomi njaji jaico iwacaaca carrodawa icaona. 18 Pirraotsa vetetaita atsialriema icaona, 19 Pinaitjaotsa palratape sho coarenta poco neema carronawa njaji jaico capatsitaperri. Vente namaimaca njaji lripje niniotsa yamapocope watsa apana lrimacarrona icaona, irsocape matsia nawedawa. 20 Pinaitja tsakjaotsa venteta jaico capatsitaperri inarroema naco icaona lrirso jliaji iwacaaca carrodawa, 21 njite njaji nanaitjaji palrataitape sho coarenta poco nema carronawa. 22 Njite lridajitjete icaona lrirso jliaji panti, jeerri shewa kemajle, inaitjaiotsa seita jaico capitsiperri. 23 Pirraotsa yamaita lritojiwi icaona lrirso jliaji panti iwacaaca carrodawa. 24 Picadaotsa nemawa pacoaca napocoda nacó njaji jaico capatsiperri. Njite pinaitja njenacolricowa njewidana naco nepapi carrona inaco. Caiminitsa inaitjaca njaji panti tijiwi. 25 Pirraotsa ochona jaico capatsitaperri, njite dieciséi nemacarro poco. Yamapoco apana icaona nanaitjaji palraatape shó. 26 Pimatsieta cincona jaico acia cocolriedeo. Cinco pema icaona nemacarronao njaji panti ipje, 27 cinco cocolriede pema icaona lrirso jliaji panti nawacaaca carrodaw, njite cincona tsakja jeerri shewa kema icaona lrirso jliaji panti nawacaaca carrodawa. 28 Njite njaji cocolriede pamoyoaperri narso njaji jaico capatsiperri, narsotsa njeyapa pjaacawa pema nacojle. 29 Iñjetaotsa nanaco njaji jaico owirro shó. Inaitjaotsa njenacolricowa owirro shó, icatsaotsa njaji napapi carronawa njaji cocolriede, njite iñjeta tsakjaotsa njaji cocolriede owirro shó. 30 Inaitjaotsa jliaji Panti Iwacaaca carrodawa cayotsaji Nocaite capisho pirso jiipana nacojle. 31 Inaitjaotsa pamaca yamacati tawalrekja jipolredalri shó, amolredalri njite írraidalri tsakja. Inaitjaotsa nanaco querobinai. Njaotsa inaitja njaji inaiki cayeca perritsa. 32 Icadaotsa njerroa coatrona jaico acacia naco iñjetampe owirro shó. Njaji jaico narsotsa narsoca irroetacawana inaitjaji owirro shó, njite coatro poco nema carronao nanaitjaji palraatape shó. 33 Irroetaotsa njaji yamacatimaca nanaco njaji nerrocawa, inaitjaji owirro shó, njite imatsietaotsa lriofawa jliaji patowa yácoti kjaidaperri iarroda lridanamjite jliaji yamacati. Jliaji yamacati, icatsaotsa jliaji lrioyawaaca dalrica jliaji patawajle matsiacawa lrioya jliaji corricawatsa pacapa imatsicanaati. 34 Icadaotsa jliaji iarrocawa írranati imatsicanaa ikjaote lricao jliaji patowa yácoti kjaidaperri yárroda, jliaji icadaalri corricawatsa pacapa imatsicanaati. 35 Icadaotsa jliaji mesa pemajletsa lrioya jliaji yamacatimaca. Jliaji lampara jirricoda icadaotsa lriemawa lricoemjeteo, atsialriema nacojle lrirso jliaji iwacaaca carrodawa. Inarroemjete watsa lriemawa jliaji mesa. 36 Pinaitja tsakjaotsa pamaca iitashopa lripananoma jliaji panti. Yamacati jipolremaca shoatsa inaitjani, amolrema shó njite írraimaca sho tsakja, njite inaitjaotsa lrinomapio jerriwai iwanikjasho matsia. 37 Irraotsa cincona jaico acacia iñjetampe owirro shó, irroeta-carro jliaji yamacati Njaji irroetashopana, inaitjaotsana owirro shó, njite inaitjaotsa cinco poco nema carronawa bronce shó.
1 Pinaitjaotsa apana altar jaico acacia shó irsocada coatro lriecoa pacoaca, do mdetro njite paita pja pacaapi lrinacojle namacaiteca pacoaca, njite paita metro njite trenta centimetro pja lrinacojle lriyenonca. 2 Pinaitjaotsa natsowao natojiwi nacó, irrocapeotsa taimi lrinaco apana capishotsa pjiomi, njite piñjetaotsana bronce shó. 3 Pinaitjaotsa pjiomi njaji nadejishopa niini bronce shó, nacada carrodao palripokjoa njite njeta shopa tsakja, poncherapipe, keetsane nacapocoita shopa ipeti njite njeta shopa tiyemjen. 4 Pinaitja tsakjaotsa corrarra shodalri lrirsó bronce shó. Pinaitjaotsa jlinacolricoa bronce shó njite picadaa papocope lritojiwi nacó. 5 Picadaotsa jliaji corrarra shodalri altar inomapi yapjite, lripamoyoaca nakjoite lripocoda ikjaolre. 6 Imatsietaotsa jliecolrewa jliaji altar jaico acacia shó, njite piñjetaotsana bronce shó. 7 Shetaotsa njaji jaico corrarra jinacolrico yamema lrirso jliaji altar, itaita shopa iwakjecani. 8 Jaico sho watsa inaitja jliaji altar, njite irsocada iwawalrico. Cayoatsa pinaitjacani picapa capisho jiipana nacó. 9 Pirsotsa pinaitjaca lriyacalrecoa jliaji iwacaaca carrodawa. Njite atsialriemajle, lrirsotsa lrirsoca lridanawa yamacatimaca matsiadalri}, jeerriwai maca, irsocada coarenta coatro metro jiwalripaca. 10 Njaji yamacatimaca narsotsa narsoca napjewa, yemacapewa vente poco nacó nemacarronawa nanaitjanada bronce shó. Njaji jaico narsotsa narsoca namawacawana njite njaji njenacolrico nanaitjaji palraata shó. 11 Inarroemjete niini tsakjaotsa pamaca yamacatimaca irsocada coarenta coatro metro jliwalripaca iwacaaca carroda iwai, vente lripje njite vente tsakja lriema carrona nanaitjanada bronce shó. Njaji namawata shopa nanacope njaji lripje njite njaji njenacolrico irsotsa inaitjacana palraatape shó. 12 Njite lriyacalrecoa jiwalripaca nacó, jeerri shewa kemajle lrirsotsa lrirsoca pamaca yamacatimaca irsocada ventido metro jiwalripaca, njite die lripje njite die tsakja neema carrona. 13 Cayo tsakja jeerri imoto kema nacojle, lrirsotsa lrirsoca pamaca irsocada ventido metro jliwalripaca. 14 Jeerri imoto kemajle watsa pjewacawa lrirso jliaji yacalrecoa. Pema nacojle lrirsoatsa pamaca yamacatimaca sei metro dalri njite sesenta centimetro pja lrinacojle, njite madalrina lripje njite madalripoco neema carrona. 15 Cayo tsakja pema, lrirsoatsa pamaca yamacatimaca sei metro dalri njite sesenta centimetro pja lrinacojle, njite madalrina lripje njite madalripoco neema carrona. 16 Jliaji lrinomafe macapeki lrirsotsa lrirsoca pamaca yamacatimaca irsocada ocho metro njite ochenta centimetro pja lrinacojle jliwalripaca. Inaitjawatsani jeerriwai shó, jamacati jipolreperri shó, amolreperri njite írraiperri, matsiadalri inomakja, pada cayekjete inaitjanda matsia. lrirsotsa lrirsoca coatro lripje njite coatro poco tsakja neema carrona. 17 Pjiomi njaji lripje narsotsa narsoca namawata carrona njite njenacojlrico nanaitjaji palraatape shó, njite neema carropoco nanaitjaji bronce shó. 18 Jliaji yacalrecoa lrirsoatsa coarenta coatro metro jliwalripaca, ventido metro lrimacaiteca, njite yamaita metro njite vente centimetro lriyenonca. Njaji yamacatimaca nanaitjaji jeerriwaikja shó, njite broncepe njaji neema carrona. 19 Njawacatsa bronceitape njaji nadejishopa lri-ricoda jliaji paanti matsiadalri, njite bronceitape tsakja njaji napje, jliaji panti njite lriyacalrecoa ipje tsakja. 20 Pirsotsa pinaaca njaji Iraelnai nadé-carro jaico oliva iiti matsiajai napitsiocanda matsia. Ikerratacaotsa caidalritsa jliaji lampara nasho nja aceite. 21 Aarón njite njaji lrienipe, njaa watsa imatsieta jliaji lampara, kerrá carroni depjite Dio ipeyajle, lridamjite jliaji yamacati idaanatacada jliaji patowa yácoti kjaidaperri iarrona. Yácoti kjaidadalrica narso njaji Iraelnai nanaitjaoda caidalriwenatsa, cayo minitsaotsa njanji walricomanaipe nanakjoite njaji Iraelnai.
1 Piwana pipjerri Arón njite njaji lrienipe Nadab, Abiú, Eleazar njite Itamar, nataita carroatsa nadejica Norso sacerdotenai shó njaji iraelitanai. 2 Pinaitjaotsa pipjerri Aarón itsayaniwa, pada tsaya pjienitanda Norso. Njaji tsaya icatsa lriaconawacan. 3 Caacoatsa pjia naapiya njaji cajikjeperri nacaolre rikjoite, njaji nocadaji noajikje shó najikjewa, nataitá carroatsa nanaitjaca Aarón itsayaniwa njite njenitacana Norso lridejí-carro sacerdote shó. 4 Cayoatsa jliaji tsaya nanaitjalri, pada nacodaita nacoda, pamaca iitacada nacóda, pamaca pajlretimaca, tsana neñaji matsia, pamaca tsapewa shodalri, njite pakjaa naawalre ricoda. Icatsa njaji tsayape narsolritsa njenitaca norsowaona. Icatsaotsa njaji pipjerri Aarón irsowalrepe njite njaji lrienipe, nataitá carroatsa nadejica norso sacerdotenai shó. 5 Njaji kayekjaperri narsotsa nadejica jérriwai sho, owirro, tawalre jipolreperri, amolreperri njite írraiperri. 6 Nanaitjaotsa jliaji nacodaita nacoda owirro shó, tawalrekja jipolreperri shó, amolreperri, írraiperri, njite jérriwai nawanikja matsia. Pada kayekjete watsa jliaji idejirrin. 7 Lrirsoatsa yamemacani irrocaope nateda nacó,napapinda watsa lritojiwi nacó lridajitjete. 8 Njite jliaji naawalre nacoda, cayo tsakjaotsa nanaitjacani lricayoshotsa jliaji nacodaita nacoda, nanaitjaotsani nacodaita nacoda jipadam, jérriwaikja matsiaperri nawají matsia, owirro shó, tawalrekja jipolreperri shó, amolreperri, írraiperri. 9 Pjipaotsa yamada jiipada ónice njite pidanaotsa nanaco neepitana njaji Irael yeenipenai doce perri. 10 Idana sei neepitana pada jiipada nacó, njite sei tsakja pada nacó, pjerriti nakjoite njite lriocawa piketemdalri nacojle. 11 Pada yajicada idejica patjepi, icatsa jliaji idanalricaotsa njaji iipitanati nanaco njaji jiipada, cayoji irrocada capisho lrinacó, icatsaotsa neepitana njaji Irael yénipe irrocawa nanacó. 12 Picadaotsa nerrocarrodawa njaji jiipada owirro shó. Irroetaotsa njaji jiipada lritedaita naco jliaji irrocadawa lricodaita naco jliaji tsaya, Dio iwaada carroatsa caidalritsa njaji Irael yenipenaipe. Aarón idejiwatsa lriteda nacó neepitana njaji Iraelnai Dio ipeyajle lriwaada carrotsana. 13 Pinaitja nerrocarrodawa owirro shó. 14 Pinaitjaotsa yamakja cadenakjape piwanikjape matsia neeñadawa, njite pipapiotsana nanaco njaji nerrocawawa. 15 Pinaitjaotsa pada nacoda nacoda irroa, nerroetaoda nacaite cádanacoatsa coajica. Jliaji inaitjalrini pada yajicada idejica, cacoadadalri lricayoshotsa jliaji irrocadawa nanacó. Pinaitjaotsa owirro shó, tawalrekja jipolreperro shó, amolre perri, írraiperri njite jérriwaikja matsiaperri shó. 16 Pinaitjaotsani coatro-dalri jiwalripaca pacoaca. Yamawajlé-dalri patsikjica. Ventido centi metro jiwalripaca, njite cayo tsakja lrimacaiteca. 17 Pirroetaotsa coatrokja jiipada matsiaperri lrinaco. Pakja nacó pirroetaotsa pada jiipada robí, pada topacio, njite pada esmeralda. 18 Yamakja nacó pirroetaotsa pada jiipada torqueza, pada zafíro, njite pada diamante. 19 Madalrikja nacó pirroetaotsa pada jiipada jacinto, pada ágata, njite pada amatista. 20 Njite coatrokja nacó pirroetaotsa pada jiipada berilo. pada ónice, njite pada jaspe. Picadaotsa nerroa narropoco lrico owirrodalri. 21 Picadaotsa nerroa cayotsa náno capisho neepitana njaji Irael yénipe, pakjatsa naawa neepitana nacó. Nacoanam njaji jiipada narsotsa narsoca lripe ricó pada iipitanati nanakjoite njaji Irael yénipe. 22 Pinaitjaotsa cadenakjape lriiñadawa jliaji nacoda nacoda owirro shó. 23 Pinaitjaotsa yamapoco jlinacolricoa njite pirroetaotsana natojiwi naco 24 Njite pirroetaotsa njaji yamakja cadenakjape natojiwi naco tsakja jliaji nacoda nacodalri. 25 Pirroetaotsa njaji cadenakjape iwanikja matsia nanaco njaji nerrocawa, njite pirroetenaotsa nanaco njaji nateda nacope lriecoa nacó jliaji nacoda nacódalri. 26 Pinaitjaotsa yamapoco jinacolricoti owirro shó, njite pirroetaotsana natojiwi nacó corricawa toa pacapa lrinaco jliaji nacodaita nacoda, tsoomi lrinomapi ioya pacapa kema nacojle. 27 Pinaitjaotsa yamapoco tsakja jinacolricoti pja njite pjietaotsana natojiwi nacó pacapa kema nacó, lriicao jliaji napapinada naawalre nacó. 28 Pipapiotsa lriñada jipolrekjai shó jlinacolrico nakjoite jlinacolrico yaapiya jliaji nacodaita nacoda irroa, nataitá carroatsa nerrocawa naawalrekja nacó, nañaji jérriwaikja shó. Cayoatsa pinaitjacani wadee jliwacawa jliaji nacoda nacodadalri lrioya jliaji irrocadawa nacodaita nacó. 29 Aarón sheewa cadanacoatsawa lri-ricowajle jliaji njenitanda Dio irso, lrirsotsa lridejica neepitana njaji Irael yénipe lricaolre ricó lrinaco jliaji lricodaita nacoda lriá cádanaco lricaite coajicaotsa, caidalritsaotsa lricadaaca Dio iwaadacana. 30 Picadaotsa Urim njite Turim lrinaco jliaji nacodaita nacóda lriá cádanacoatsa lricaite coajica. a carroatsa nerroa Aarón icaolre nacó lriá cádanacoatsa Dio ipeyajle. Aarón watsa jliaji idejirri njaji lritaita shopa lricaiteca coajica nanacojle njaji inaiki aimadan Iraelnai, ima aca nacaolre Aarón nacó lriá cádanacoa Dio ipeyajle. 31 Pinaitjaotsa tsaayana nacodaita nacoda yapjiteda yamacati amolremaca shó pjiomi. 32 Pinaitjaotsa lrinomao njeta cawa njewida. Pinaitjaotsa lrinomakjawa matojledadalri nañajikja taimi wadee tserrencani. Pada yajicada íñaca icatsaotsa jliaji inaitjalrini. 33 Lrinomakja iwawalricojle, pirsotsa pinaitjaca matojledaperri yamacati jipolremaca shó, amolre perri njite tawim peri irraiperri sho pjiomi lrinomapiana. 34 Pirroetaotsa pada kjemádarro owirrodalri njite lripjeyatsa pada matojledadalri, caimitsa pinaitjaca pjiomi lrinomapi naco jliaji tsaayana. 35 Aarón icadaotsa lrinacoa jliaji tsayana jliewa cádanacoatsa Dio iofacawa lricojle lriá cádanacoatsa lrinaitja sacerdotenai idejicalre, niniotsa kjemaca njaji kjemadarrope jiewa cadanacoa njite lridia cádanaco lrimotoa, njaji inaiki aimadan njemí catsaotsani, wadentja mayamican. 36 Lrinaitjaotsa paita owirroita njite lridanacaotsa lrinacó, nacayosho njaji nerrocarrodape. ''Matsiadalri caotsa wa-Minalri irso.'' 37 Pipapiotsani jipolrekjai sho, lrinaco jliaji tsapewa shone, lripjeyacawajle. 38 Lrirsotsa lrirrocawa Aarón iibonen nacó lriecoa nacó kema, cayoatsa lrideeca namatsicanaa njaji Iraelnai, corridalritsa nanaitja matsia nadee cádanaco ofrenda, niini lrirsotsa lrideeminicatsan lriekjoete nacó Dio itaitá-carro icoadataca njaji ofrenda. 39 Pinaitjaotsa tsaaya jalripadalri jérriwaikjape shó, njite pakja naawalrekja nacoda tsakja jérriwaikjape sho lrinaitjanda jliaji yajicada íñaca matsia. 40 Njite narso njaji Aarón yénipe pinaitjaotsa natsayanalre jalripadalripe, naawalrekja nacoda njite pakja caacona carrodana. 41 Pjietaotsa lritsayaniwa jliaji pipjerri Aarón, njite njaji lrienipe tsakja. Piarroatsa aceite nanacó, pikepitanatacaotsana njite pjienitawatsana Norsowaona, nataitá carroatsa nadejica norso sacerdotenai shó. 42 Pinaitjaotsa napjitedao wadee mapjiteda catsa najicawa, lriitaotsana nawalre nakjoite teeco nacotsipa nacojke. 43 Aarón njite njaji lrienipe narsotsa nanacocana njeewa cádanacoatsa nawacaaca carroda lricojle, njite natsoomita cádanacoatsa jliaji altar nadejícarro lri-ricó wajle jliaji mamatsicana caawa. Narsotsa nanaitjaca cayó wadee camatsicanaacana, wadenantja mayamicana. Yácoti kjaidadalrica Aarón irso lrinaitjaoda caidalriwetsa njite njaji lrinakjoite-perri.
1 Cayoatsa pinaitjaca pjienitá carrona Norsowao nadejí-carro Norso sacerdotenai shó. Pjipaotsa apana toro pamoyoani toa, yaamana carnero mamatsikepetsa, 2 petje mewipetsa njite peetje jipandape meewipe tsakja njite ikefietaotsana aceite ricó. Pjipa tsakjaotsa petje jalritaperritsa mewipetsa piñjetanda aceite shó. Pinaitjaotsa njaji petjetape trigope shó nawititaji matsia. 3 Picadaotsana pada lricotsa tseeto pjiomi, pideotsana tseeto fiena picadaa carrona toro icodapi njite njaji carnero. 4 Pikepitanataotsa Aarón njite njaji lrienipe iwacaaca carroda ipananoma lrico. Picotsoatsa Aarón njite njaji lrienipe ooni shó. 5 Pjipaotsa njaji tsaaya sacerdote carroda Aarón, pjietaotsa lrinacó jliaji tsaaya jalripadalri matsiadalri, tsayana nacodalri jipolremaca, Lricoda nacodalri yapjiteda njite lricoda nacódalri. Pipapi lrinomakja naco joplre kjai maca shó namatsietanda matsia. 6 Picadaotsa lribonen jliwida nacó njite jliaji kerrete lrinacodalri jliaji lribonen. 7 Pjipaotsa jliaji aceite iñjetashopa njite piarroatsa jliwida nacó, cayoatsa piniwanaca Norsoni. 8 Pideotsa njaji lrienipe njite pjietaotsa nanaco natsayanalrewa. 9 Pipapiotsa naawalrekja Aarón nacó njite nanaco njaji lrienipe, njite picalrapi njewida nacó nabonewa. Cayotsaotsa pjienitacana sacerdote carrona caidalriwtsa, ima cayoca lricaiteca nanaco jliaji yácoti kjaidadalri. Cayoatsa pjienitaca Aarón njite njaji lrienipe nadejí-carro Norso. 10 Njite pideotsa jliaji toro iwacaaca carrodawa ipananoma lrico, njite Aarón njite njaji lrienipe nacadaotsa nacaapi toro jiwida nacó. 11 Njite lripananoma lricotsa jliaji iwacaaca carrodawa pinoatsa jliaji toro, Nocapacawa, Njoa IMINALRI. 12 Njte pjipaotsa toro irrana nakjoite njite piñjetaotsa picapjiwida shó altar itsowa nacó, njite njaji lriitepem piarroatsa altar itajida nacó. 13 Njite pjitaotsa pjiomi jliaji írranati lrishapi ricope, lrishopana iiti, njite njaji lritepe nacope, pjiomi njaji lriiti lriwawalricope, njite pimjaitaotsa altar nacó. 14 Mitsa njaji lriipe, lriyam, lriisha pimjaitaotsana pemajle lrioya jliaji iofacawa lricotoa. Icatsa ofrendaca imatsicanaa ikjaotedalri. 15 Pjipa tsakjaotsa apana carnero njite Aarón njite njaji lrienipe nacadaotsa nacaapi jliwida nacó. 16 Pinoatsa jliaji carnero, njite pjipaotsa lrírrana piwitsicá-carro lrinaco jliaji altar. 17 Picadowaotsa jliaji carnero pawajlepe, picotsoatsa njaji lrishapipe njite njaji lricotsipa, njite pjipaotsana jliwida fie picadaa carroatsa altar nacó. 18 Niniotsa pimjaita pjiomi jliaji carnero. Icatsa pada ofrenda Norsodalri, Njoa IMINALRI. Matsia watsa lriitan jirracawa Norso. Pada ofrenda imjaitanda tiyee ricó Norso. 19 Njite pjipaotsa jliaji apana carnero, njite jliaji Aarón njite njaji lrienipe nacadaotsa nacaapi lrinaco. 20 Pinoatsa jliaji carnero, njite pjipaotsa lrírrana nakjoite. Njite pñjetaotsa jlieni nacó atsialriema nacó, njite njeeni naco tsakja njaji lrienipe atsialriemjete tsakja. Njite piñeta tsakjaotsa lricaapi makjewi nacó njite jlipjewida makjewi naco tsakja atsiakriemaperri. Njite njaji lritepem piwitsicaotsa altar yecoa nacó nacoanatsa. 21 Pjitaotsa njaji írranati altar nacope njite jliaji aceite naijeta shopa njite piarroatsa pjiomini Aarón nacó, lritsayan nacó, lrienipe nacó njite natsayan nacó. Cayoatsa pjienitaca Aarón Norsó, cayo tsakja njaji lritsayan njite njaji lrienipe njite lrienipe itayan tsakja cayo lricayoshó. 22 Pjipaotsa lriiti jliaji carnero lriitipi nacope, lrishapi ricope, lrishopa nacope, lritepe nacope, pjiomi njaji irrocape nanacó njite lricotsipa atsialriemadalri, ima icacatsa carneroca njoenitsahopa jliaji sacerdote Norsowao. 23 Njite pjitaotsa tseeto lrikjoite jliaji pideji Dio ipeyajle paita peetje meewidalritsa, paita peetje jipandane trigope njite paita peetje jalritadalritsa meewidalritsa. 24 Picadaotsa pjiomi Aarón irso njite narso njaji lrienipe, pinaotsa nañocotacani ofrenda sho Nopeyajle, njoa IMINALRI. 25 Njite pjipaotsa napjeya pimjaitá carroatsa altar nacó ima ifrendacani imjaitanda. Pomení-dalri caotsa iitan Norso; pada ofrenda inaitjanda tiyé ricó Norso. 26 Pjipaotsa jliaji carnero icóda Aarón iyarrona ioya ikepitanata cádanconi, njite iñocota caotsani Nopeyajle ima ofrendacani Norsódalri, Njoa IMINALRI. Njite icatsaotsa jliaji piyarrowajleca, piñá-carro. 27 Pjienitaotsa Norso lricóda njite lricotsipa jliaji carnero piñocotaji Nopeyajle pikepitanata cádanaco sacerdotewa Aarón njite njaji lrienipe, njite picadaotsa narso naiñjá-carro. 28 Caidalri matsaotsa naaca Aarón irso, lrinakjoite jliaji maaficalri nainolri mana Dio irso matsoa shopana Lriapiya. Icatsa njaji Iraelitanai yaalrica nakitsindata shopa Aarón njite njaji lrienipe. 29 Njaji Aarón itjayani matsiaperri, imatsieta-catsaotsana narso njaji jliapodamperrimi. Nakepitanata cádanacoatsana Norsowaona sacerdote carrona, narsotsa njeetaca jliaji tsaaya nanacoa. 30 Coandalricatsa jimao irsoca jliaji tsaya nanakjoite njaji lrienipe, njite jlewa cadaotsa Noopana lrico, lridejí-carro Norso niiní, lri-ricowajle jliaji njoenitanada Norso, lrirsotsa jlietaca lrinacoa siete jalredaoca. 31 Pjipaotsa jliaji carnero ikepitanata shopami njaji sacerdotenai Norsowalre iyaná carroatsani Noyarrowajle ricó. 32 Njiteotsa Aarón njite njaji lrienipe naiñjacaotsani peetje fie nacadalri tseeto lricó lripananoma lrico jliaji nawacaaca carrodawa. 33 Nañjaotsa njaji iñjaodati nacadaji ofrenda shó naikjaote napíyo shopa naoya namatsicana, matsiaperri carrona njite njenitá-carrona sacerdote carrona. Corriotsa coca pja itaita iñacana ima matsiaperri iñjaopecana. 34 Niini cada pjatoa lriitemi tjewaijle, pirsotsa pimjaitacani. Corrin itaita iñjaca lrinakjoite ima matsiadalri cani. 35 Picadaotsa Aarón njite njaji lrienipe nanaitjá-carro cayotsaji Nocaite capishoi pirso. Siete jalredaoca watsa lriwiaca jliaji inaitjalri shenitá carrona sacerdotewa. 36 Inoatsa apana toro jalredaoca icoam Aarón njite njaji lrienipe imatsicana ikjaote. Njite piio tsakjaotsa apana maaficalri pimatsietá-carro jliaji altar imatsicanaati ioya. Njite piarrowatsa aceite lrinacó pjienitá-carro Norsowaoni. 37 Siete jalredaoca watsa piinoca maaficalri lrinaco jliaji altar imatsicanaai ikjaote, cayoatsa pinaitjaca pjienitá-carroni Norson. Niini, coca cada inota jliaji altar, icaamitsaotsa jlienitaacacawa Dio irso. 38 Jalredaoca icoam, corrin itaita imatadaca, inoatsa Norso yaamana cordero pawalriaperri ipekirrica. 39 Inoatsa apana piyompinacó njite apana dainomajle. 40 Lriinaitsa jliaji apana cordero initana iinoca, picadaotsa yamada kilo harina matsiadalri pikewitanda apjeco litro aceite olivope ricó, njite piarroatsa lrinaco ofrenda shó apjeco litro yaicotjeda yánaa. 41 Njite jiaji apana cordero, pinoatsani dainomajle. Cayotsa pinaitjacani pinaitja capisho jliaji apana piyompinaco, jlia minitsa harina, njite jaico tjedaa yánaa. Ofrenda imjaitanda tiyé ricó Norsoni, pomení-perri iitan Norsó. 42 Caidalritsaotsa jalredaoca icoam inaitja caotsa jliaji ofrenda imjaitanda Norso, cayo tsakjaotsa nanaitjacaotsa njaji walricomanai. Awatsa inaitjani pjewacawa lricó lrirso jliaji iwacaaca carrodawa lrico, Nopeyajle, njoa IMINALRI, noketaacalriotsa yaapiya caacó-carro Njoa irsó. 43 Icatsaotsa nirse Noketaacacawa naapiya njaji iraelitanai, lri-ricowajle jliaji Njoenitanda Norsowao Nomatsia ikjaote. 44 Njoenitaca Norsowao jliaji Noyarrowajle njite jliaji altar naofá-carro noinai fawacatsa. Njoenita tsakja Norsowao Aarón njite njaji lrienipe nadejí-carro Norso sacerdotenai shó. 45 Nofawatsa napecolrico njaji iraelitanai njite na-Diote caotsa Njoa. 46 Najíwatsa na-MINALRI Dioca Njoa, jliaji jitalrina Egipto lrikjoite, notaitá-carro Nofaca napecolrico. Icatsa Njoa IMINALRI Dio.
1 Inaitjaotsa apana altar imjaita carroatsa lrinaco incienso. Inaitjaotsani jaico acacia shó. 2 Inaitjaotsani coatro dalri yécoa. Yamaita pacaapi jliwalripaca, yamaita pacaapi tsakja lrimacaiteca njite coatro pacaapi lriyenonca. Njite njaji lritsowa apetsaotsa irroa lrinaco 3 Iñjetaotsa owirro matsiadalri shó pjiomi lridaki, njite lriipana, lritsowa tsacka. Njite inaitjaotsa lridanao owirro shó. 4 Inaitjaotsa lrinomapi yapjite yamemape yamapoco jlinacojlico owirro shó ipapi carrona. Njaji jlinacolrico, sheta carrona jaico iwakje carro idee cadanacon. 5 Inaitjaotsa njaji iwakje carrona jaico acacia shó njite iñjetaotsa nanaco owirro shó. 6 Icadaotsa lriemawa jliaji altar imjaitacarrona incienso lricodapi jliaji patowana yacoti kjaidaperri yarroda, lridanam jliaji yamacati idanatacadana. Lripanaita icao jliaji idanataita jliaji patowana yacoti kjaidaperri yarroda, naarrocawa maaficalri írrana nacó, Noketacalriotsa iinai ninio. 7 Aarón irsotsaotsa imjaitaca incienso pomeniperri piyompinaco icoam. Lrimjaitaotsana lrimatsieta cádanaco lámpara. 8 Aarón iyata cádanaco lámpara dainomajle, icatsa lrimjaitaca tsenakja incienso lrinaco jliaji altar. Caidalritsa irsotsa imjaitacana nopjeyajle, Njoa IMINALRI. Caidalritsaotsa nanaitjaca njaji walricomanai pinakjoiteperri, njaji inaiki aimadan. 9 Corriotsa imjaita carroca padatairri incienso lrinaco jliaji imjaita carrona incienso, corrin tsakja coadalrica ofrenda, corrin tsakja ofrenda comaana naco. Márrotsa lrinaco coadalrica irraoda lrinaco icadanda ofrenda shó. 10 Aarón irsotsa iinoca maaficalri namatsicana ikjaote njaji inaiki lrinaco jliaji altar inciensona papiátsa pawalria icoami. Lrinaitjaotsa cayó nasho njaji írranati nanakjoite njaji maaficalri nacadaji ofrenda shó namatsicanaa ikjaote. Caidalritsaotsa nanaitjaca njaji sacerdotenai iapiyawalre walricomanai pinakjoiteperri, njaji inaiki aimadan. Jliaji ofrenda inaijalri, irsotsa inaitjaca Norsowalreo catsa, Njoa IMINALRI.'' 11 Dio icaite Moise irso: 12 ''Piniwetaca icoam namaimaca njaji iraelitanai, narsotsa nacaoñacacawa nanacowaca nacoamitsa njaji inaiki Dio irso. Wadee maatsidalri jiwacawa nanaco naniweta cayaminana. 13 Pjiomi njaji naniwetaji narsotsa nacaoñaca cinco gramo palraata, nawinda matsia jimiñaca cayoji njamiñata capisho Dio iipana lrico, pamoyoa die gramo irso. Jliaji cinco gramo, icatsa ofrenda Noyadaoca, Njoa IMINALRI. 14 Iniwetaotsa njaji irsocapena ventewalria napekirrica nacó ipeyajle, njite pjiomi njaji narsotsa naaca Norso, njaji ofrenda nocaiterri inaco. 15 Njaji inaiki ná cádanaco Norso jliaji ofrenda nacoadao, njaji cananíperri naawatsa cinco gramo palraata, njite njaji kjenaperritsa tsopjatsa naaca. 16 Jipaotsa njaji palraata nanda njaji iraelitanai nacoada nacowaacatsa, njite icaotsa idejí cádanaco jliaji panti iwacaaca carroda lrico. Icatsa pada Wa-Minalri iwada carrodao coanpiaca nacaoñacacawa njaji lrinaikite aimadan.'' 17 Wa-Minalri iaco Moise irso: 18 "Pirsotsa pinaitjaca apana ooni yarrodao broncepe shó njite lriema carronao bronce shó tsakja, icada carrodao ooni icotsoaca carrodao. Picadaotsa lriemao iwacaaca carroda lrico ioyawaaca lriapiya jliaji altar, njite pikjantaotsan ooni shó. 19 Aarón njite njaji lrienipe narsotsa nacotsoca nacaapi njite njaipa tsakja lri-ricoda. 20 Shewa cádanacoa iwacaaca carroda lrico o itsoomita cádanaco jliaji altar idejí-carro Norso imjaitá-carro ofrenda, irsotsa icotsocacawa ooni shó wadee mayamica shá. 21 Narsotsa nacotsoca njaipa njite nacaapi wadee mayamicana. Pada yaacoti kjaidadalrica Aarón irso caidalriwenatsa njite narso njaji jliapodamperri lrinakjoite-perri.'' 22 Wa-Minalri iaco Moise irso: 23 ''Piomaotsa njaji pomeniperri: cinco mil quiniento gramo icoa mirra yána, do mil seteciento cincoenta gramo icoa jaico idope pomeniperri njite potiyadalri, do mil seteciento cincoenta gramo icoa tidoapa potiyaperri njite matsiaperri iitan, 24 cinco mil quiniento gramo icoa casiape, nawinda matsia jimiñaca cayoji njamiñata capisho Dio iipana lrico, njite wadeepe coatro litro aceite njetanda jaico oliva ioya. 25 Pikewitaotsa njaji piniwalri cayoji lrinaitja capisho jliaji inaitjacada pomeniajai, pinaitjá carroatsa panja aceite matsiadalri pjienitanda Norso.'' 26 Piarroatsa lrisho jliaji aceite jliaji panti iwacaacalri niinio, cayo tsakja jliaji patowana yacoti kjaidaperri iarrona, 27 mesa tsakja, pjiomi njaji idejishopa, jliaji lámpara aimadalri jitaco njite pjiomi njaji lrinacoperri, jlia tsakja jliaji altar imjaita carrona incienso, 28 jlia tsakja jliaji altar namjaita carrona ofrenda njite pjiomi lrinacoperri, jlia tsakja jliaji ooni yarroda njite jliaji lriema carrona. 29 Cayoatsa shenetacana matsia carroatsa Norsowaona. Coca cadaotsa inótana matsiadalri tsakjaotsan nainaini. 30 Piarroatsa aarón nacó njite nanacó tsakja njaji lrienipe, njite pjienitacana teecojle nadejícarro norso sacerdotenai shó norsoná. 31 Icaiteotsa narso njaji iraelitanai cayoji: Jliaji aceite-ca jliaji njoenitandaca wa-Minalri irso, caidalri catsaotsa nanaitjaca njaji walricomanai njaji pinakjoite-perri aimadan 32 Maijeta tsaotsa lrisho inaiki idaki nacó, corrin tsakjaotsa itaita inaitjaca padao lricayosho nasho minitsa njaji nanaitsashopa jliaji aceite, ima Dio shenitandacana lrirsowaona, njite iwaopia Dio shenitandaca lrirsowao. 33 Cocacadaotsa inaitja pomeniajai lricayoshodalri jliaji, o coca cadaa inñjeta pada idada nacó, irsotsa shenitaca jliaji inaiki ioyawani teecojle ikitsiñape ioya.'' 34 Dio icaite Moise irso: ''Pjitaotsa pomeniperri nanakjoite njaji jaoco, estacte, jaico catsotani pomenidalri iitan njite gálbano tsakja, pacoacaotsa namaimaca njaji pomeniperri, potiyaperri tsakja njite pikewitaotsana incienso jliwacadalri shó. 35 Pinaitjaotsani incienso shó, piomaotsa pada yajicada inaitjaca pomeniajaipe lrinaitjá carroni, lrimatsietanda yokirra shó, njite picadaotsani teecojletsan. 36 Pitodaotsa matsiana. Njite picadaotsani lripeyajle jliaji patowana yaacoti kjaidaperri iarrona ipeyajle, jliaji icadanda lri-ricoda jliaji panti iwacaacacawa lricó, Nocapaaca cawaotsa piapiya niinio. Picadaotsa matsiadalrica jliaji pjienitanda Norsowao. 37 Jliaotsa jliaji incienso inaitjalri, corriotsa inaitjá carroca jlipepe iyadawa nashotsa njaji inaitjashopa jliaji, ima njoenitandaca Norsowaona. 38 Coca cadaotsa inaitja jlipepe lrirsowao lripomenitaca shopawa, irsotsa shenitaca imaimaca ioya.''
1 Caaco jliaji IMINALRITI Moise irso: 2 ''Nowanaca Bezalel, Uri irrí, Ir irrí, Judá poco inakjoité-dalri. 3 Noaca Bezalel irso Nocaolrini Nakjoite, cajikjé carroni, kjeyashopa lriajica lrirsó-carro yajikjeti lridí-carro pjiomitsa carrapina idejicalre, 4 lridejícarro nacapacanaa nacó njaji najicalre, lridejí-carro tsaja owirrodape shó, palraatape shó njite bronce shó. 5 Lriyoá-carro njite lriroetá-carro jiioada, lrinaitjá-carró nacapacanao jaoco sho, njite lridejí-carro pjiomi coca catsa. 6 Njite Noniwana tsakja Aholiab, Ahisamac irri, Dan poco inakjoite-dalri. Nocadaa iyecati narso nacaolre pjiomi njaji cayekjaperri nataitá carroatsa nadejica pjiomi jliaji Nonaalri nanaitjaca. 7 Nanaitjaotsa jliaji panti nawacaaca carrodawa, patowa yácoto kjaidaperri yarroda, nainocawa inaco maaficalri namatsicana ikjaote patowa icaodalri, njite pjiomi njaji lriitada jliaji nawacaaca carrodawa: 8 mesa njite njaji nadejishopa lrinacó, lampara jirricona njite njaji lrinacoperri, 9 jliaji altar incienso icaonada, altar namjaitacawa ofrenda njite pjiomi njaji lricaonaperri, ooi yaarona njite lriofacawa nacó tsakja. 10 Njaa tsakja njaji tsaya neñaji matsia: tsaya njenitaji sacerdote Aarón irso njite lrienipe iyape, Njoenitaji Norso nadejí-carro sacerdote shó. 11 Jlia tsakja jliaji aceite nañjeta shopa nanacó njite jliaji incienso joiwí-dalri iitan Dio ipana lrico icaonada. Njaji cayecaperri nanaitjaotsa pjiomi njaji nocaiterri Nanaijacaotsa cayotsaji Nocaite capishó. 12 Caaco JLIAJI IMINALRITI Moise irsó: 13 ''Picaiteotsa njaji iraelitanai narso catsa Nawafetacawa Sabado lrico ima yácoti kjaidadalrican, ima icacatsa pada iwadashopacani panaya nakjoite njite njaji walricomanai, yají carroatsa IMINALRICA jliaji shenitalri shá Lrirsowawa. 14 Niini irsotsa shepaca iwafetacawa Sabado lricó. Irsotsa yajica shenitandaca irsowawani, yaacawa matsiadalri Dio irso. Coca cada imacoadataca icamitsa lrirsotsa mayamicani. Pjiomi njaji corri-perri iwafetawa jliadaa nacó njite icaamitsa nadedica corrinatsa Duo iyapecana. 15 Sei jalredaoca watsa idejica, mitsa siete jalredaoca nacó icaamitsa iwafetacawa, padaa jalredaoca, jalredaoca shenitanda Dio irso, yaacarro lrirso matsiadalri. Coca cada ideji jliadaa icamitsa mayamicani. 16 Niniotsa njaji iraelitanai, narsotsaotsa Nawefetacawa Sabado lrico. Yácoti kjaidadalrica narso narsocawa nanaitjacani caidalriwetsa, njaji panayaperri njite njaji walricomanai. 17 JLiaji nawafetacawa Sabado lricó, pada najishopa njaji iraelitanai Dio inaitja piaca njaji eenolricojle-perri njite jalredaoca lricoperri sei jalredoca nacó, njite siete jalredaoca nacó lriwayaketa lridejicalre niini lriwafetacawa.'' 18 Yaami cayanina caacoca Dio Moise irso Jiipana Sinai nacójle, Dio yaa Moise irso yamaita jipadaita lridanaji inaco lricapjiwida sho catsa njaji yácoti kjaidaperri, lrinaitjashopa naapiya yácoti.
1 Nacapa cádanaco corrica Moise idia iorroco kjeeya naikjaolre njaji inaiki aimadan jiipana nakjoite, ikena naacaw Aarón ikjaolre, naaco lrirso: ''Warsena pino, pinaitjá-carro warso wadiotewa lriacarro wapjeya, ima jliaji atsia Moise, jliaji jitacada fá Egipto jipaite rikjoite, corrinatsa wanjí kjerrecani.'' 2 Njite Aarón iaco narso: ''Jita napatjepi narsolri njaji ininai, iitonaipe, yenipenai njite yaawatsa norsona.'' 3 Pjiomi njaji inaiki njeta naoyao njentada owirrope narsompe njeeni nacó, njite nadeena Aarón irso. 4 Jlipa naoyana njite lricodoetana tiyé ricó njite lriarro pada lricó vaken jinaapjia ricó. Njite njaji inaiki aimadan iaco: ''Shá Iraelnai, icatsa idioteca jliaji jitalri shá Egipto jipaite rikjoite.'' 5 Njite Aarón icapa cadanaco nanaitjalri njaji inaiki aimadan, lrinaitja apana altar lrirsowalre jliaji vaacana njite lrinaitja pada yácoti, lriaco cayoji: ''Tjewaotsa wanaitja wacatiima taaca-carroa wa-Minalri nacó.'' 6 Njite njaji inaiki aimadan nacafiawa tjewaijle piyompinaco toa njite nadee ofrenda imaodacakjeti naco. Ikena naofá naiñja, nairra tsakja, njite njenico neemao narrapá-carro najotaacá-carro macadatsa. 7 Njite JLIAJI IMINALRITI icaite Moise irso: ''Warsena pidiawa kjeyawa, oma njaji inaiki aimadan, njajji pjitaji Egipto jipaite rikjoite, oopi namatsicaacawa. 8 Kjeya namacaca jliaji Nonaalri nanaitjaca. Oopi nanaitja apana vaken njite naino maaficalri naacarro lrirso matsiadalri. Njite nacaite cayoji: ''Irael, icatsa idioteca jliaji jitatalri shá Egipto jipaite rikjoite.'' 9 Njite Dio icaite Moise irso: ''Nocapa narso njaji inaiki aimadan. Picapa coji-perricana, paana inaiki aimadan padalreperrimi. 10 Corrin Nooma piyamitaca Njoa naoya. Noirroa jiwacawa nakjoete matsinaa pekirridalri, nowayacaketá carrona. Pinakjoite nakjaotsa Nonaitjaawatsa pacoa yacaalre macacoe.'' 11 Mitsa Moise iomatsa imerroataca jliaji lri-MINALRI Dio. Lriaco lrirso: ''No-Minalri, ¿Coada kerroa pjia nakjoete njaji Pinaikite aimadan, njaji pjitaji Egipto jipaite rikjoite pjiida manaitja canaadalri shó. 12 Piwayaketa cadaa njaji Pinaikite aimadan, nacaiteotsa pinaco njaji egipcionai: Jlitana Egipto lrikjoite lriinó carrona awacada nacojle, lriwayaketá carrona jalredaoca ioyana. Jena kerroaca Pjia nakjoete njaji Pinaikite aimadan, pitecojleta piwaopiakje piomacawa piinoca njaji pinaikite aimadan. 13 Piwaada njaji yácoti Picaiteji pirsoperri Abraham, Issac njite Jacob irso , njaji picaiteji yácoti ajadalri sho, cayocaotsa neenipe imaimaca jiwirsida eeno yecoa nacope shó, njite picaite piacaotsa nanakjoite perri irso pjiomi jliaji jiipai picaiteji narso. Nayada caotsani caidalriwetsa.'' 14 Niini corrinatsa Dio jirrapiteetaca njaji Lrinaikite aimadan cayoji Lricaite capisho nanacó. 15 Njite Moise idia yorrocoa jiipana nakjoite, lridee njaji yamaita nerrocawa njaji yácoti kjaidaperri. Nadana nanaco yamemape, lriekjoete njite lridajitjete. 16 Dio piatsa inaitja njaji lridanaope inaco, njite jliá minitsa idana njaji yácoti lrinacoperri. 17 Josué jimi cádanaco coajica nawanetaacawa njaji inaiki aimadan, lriaco Moise irso: ''Pjemica paa capishoa oowi rico anji waofacawa lricó.'' 18 Mitsa Moise iaco lrirso: ''Corritsa njomica nacantaca njama capoa nacoema, corrin tsakja inonaa coapana, icaamitsa njomirri nacantaca. 19 Moise itsomita jliaji naofacawa toa, njite lricapa jliaji vaken nanaitjanda njite narrapajica njaji inaiki aimadan. Kerroa Moise pekirritsa. Ikena lriocaca njewao lricaapi rikjoite njaji yamaitade yácoti kjaidaperri irrocawao llripocoda nacó jliaji jiipana. 20 Jlipa jliaji vaken nanaitjanda njaji inaiki aimadan, lrimjaitani njite lriwititani matsia lritaipenatsa, njite lriarro ooni ricojle. Ikena lrica nairraoni njaji Iraelnai. 21 Njite Moise itatja jimio Aarón iinai, lriraco: ¿Cocao namatsicanaa pirso njaji inaiki aimadan, ima pimaca nanaitjaca namatsicanawa pekirridalri?'' 22 mNjite Aarón shepani: ''Merroatsa pjia nokjoete nominalri, piajintsa coanperrica inaikica njaji, ipeyocapeca inaitjaca maatsirri. 23 Naaco norso: ''Pinaitjá warso wadiotewa lriacarro wapjeyajle, ima jliaji atsia Moise, jliaji jitacada fá Egipto jipaite rikjoite, corrinatsa wanjí a kjerrecani.'' 24 Niini noaco narso, ''coca cadaa irso owirro nanacoperri jlitaca lrioyaoni.'' Naa norso njaji owirro njite nocodoetani tiyee ricó, njitena lrimotoa jliaji vaken.'' 25 Moise icapa corriketsa pataita njaji inaiki, Corri piaca Aarón itaita yemaca nakjoete, njite naoma necaaca lrikjoete njaji lricoema shoperritsa. 26 Njite Moise yemawa pjewacawa lrirso jliaji naofacawa toa, lriaco narso: ''Pjiomi njaji iomacapetoa jliaji WAMINALRI, íno noikjaolre. Njite pjiomi njaji Levitanai naaca Moise ikjaolre. 27 Njite lriaco narso: Cayo lricaiteca jliaji wa-Minalri, na Diote njaji Iraelnai: Icoanantsa shaa atsianai, jita imatsetani njite yaawa napanaitepe lrico nacoana njaji ikitsiñape, nakitsiñapeji, nacodapoperri ikjaolre iinocarrfona matseeta shó.'' 28 Njaji Levitanai nanaitja cayoji Moise inaa capishona. Naino tre mil inaiki jliadaa. 29 Njite Moise iaco narso njaji Levitanai: ''Idejicaotsa WAMINALRI irso panaya, ima iaca nakjoete njaji yénipe, ikitsiñape tsakja, niniotsaDio iáwatsa irso matsiadalri lrikjaote.'' 30 Tjewaijlena Moise iaco narso njaji inaiki aimadan: ''Opi inaitja imatsicanao pekirridalri. Panayaotsa njorracawa wa-Minalri iderse, wadetsantja jliitaca ioya jliaji imatsicanaati inaitjalri.'' 31 Moise iawa Dio ikjaolre, njite lriaco lrirso: ''No-Minalri, njaji inaiki aimadan oopi nanaitja namatsicanai pekirridalri, ima nanaitjaca apana vaken owirrona. 32 Niini panaya, picadaa jliyapaca pioya namatsicanaa; corri cadaa pinaitja, pjiata noipitana lrioya jliaji paperra pidanalri.'' 33 JLIAJI IMINALRITI iaco Moise irso: ''Pjiomi njaji inaiki inaitjalri imatsicanao nokjoete, njoata caotsana nopaperran ioya. 34 Panaya pidienawa, pidee njaji nonaikite lrinacojle jliaji nocaiterri pirso, Picapaotsa noajele iáwatsa pipjeya. Coancaojli cadaotsa njorrapiteetana, namatsicanaa ikjaote watsa nonaitja cayona.'' 35 Niini Dio imeenaca naikjaolre pada maatsidalri lrikjaote jliaji vaken natatjalri, aarón inaitjalri narsó.
1 JLIAJI IMINALRITI iaco Moise irso: ''Warsa pjena piawa naapiya njai inaiki pjitaji Egipto jipaite lrikjoite. Yaawa lrinacojle jliaji jiipai nocaiterri pia yácoti ajádalri sho Abraham irso, Isaac irso njite Jacob, nocaite cádanaco narsó: ''Nocaite cádanaco Noacaotsani narsi njaji pinakjoité-perri.'' 2 Nomeenacaotsa Noajeleni ipeyajle, njite jlitacaotsa njepaite ioya njaji cananeonai, amorreonai, hititanai, ferezeonai, heveonai njite njaji jeboseonai. 3 Yaawatsa lrinacojle jliaji jiipai matsiadalri, matsiacawa pataoñaca vaaca, njite capanianacawa tsakja. Corriotsa Noácarroca iinai, ima tarraperrica jiwida lricoca shá. Noino daotsa shaa inipolricó. 4 Njaji inaiki njemi cádanaco njaji yácoti inonaperri, inonaana njite corrin njeeta nanacoa patjepi. 5 Dio iaco pia Moise irso: ''Picaite narso njaji iraelitanai: ''Tarrá-perrica jiwidalrico-ca sha. Noá cadantja ínai caidatsaji, Noinontja shá. Niini panaya jita yoyawa ipatjepi nowaopia- carro coajicaotsa nonaitja yaapiya.'' 6 Niini njaji iraelitanai corrin njeeta nanaco patjepoi shoperri Jiipana Horeb nakjoite. 7 Moise inaitja pada pana pantita pemajle lrioya jliaji naofacawa, teeco lrioya. Lricadaa lriipitanao, panti nawacaaca carrodao. Pjiomi njaji itatjcape Dio iinai coca catsa naawa lri-ricoda jliaji pantipoco, teecodalri naoya. 8 Moise yaa cádanacoa lri-ricoda jliaji pantiita, pjiomi njaji inaiki na neemawa pantita ipananoma lricojle, nacapa Moise irso a kjerreca jlienawa pantita lricó. 9 Moise sheewa cadanaco manawa lri-ricoda jliaji pantida, pada iyadaoca jalripadalri yorroco manawa pantida ipananoma iicao, njite caacoca Dio Moise iapiya. 10 Njite njaji inaiki nacapa cádanaco mana jliaji iyadaoca pantida ipananoma iicao, njenico manawa naacarro matsiadalri lrirso nacoanaa. 11 Caaco cádanaco mana Dio Moise yaapiya nacapaaca manawa nakjoete waaca, cayoji caaco capisho pada lrikitsindaji yaapiya. Njite Moise idia manawa naofacawa lrico toa, Mitsa jliaji lrirsodalri Josué, Nun irri, pada yempetitoa, lriofa manawa lri-ricoda jliaji pantida. 12 Moise iaco Dio irso: ''Pjimi norso, cayo pia picaiteca norso: ''Pidee njaji inaiki piinaiwa,'' Mitsa corrin picaite njoa cocacaotsa pimeenaca yaawa noinai. Njite picaite, ''Noajintsa pjia matsia, matsia Nocapaca pjia.'' 13 Matsia cadaa picapaca njoá, picañjata nocapa Piapowa notaitá-carro pja noajica Pjia njite matsia-carro minitsa picapaca norso. Njite piwaopia pinaikite aimadan-ca njaji. 14 Njite Dio sheepani: ''Njoá tsaotsa yaawa piinai, njite Nocadaotsa piwafetá-carro.'' 15 Noise iaco Dio irso: ''Corri cadatsa Pjiatsa yaawa wainai, mjetatsa fa ajaiteji. 16 Ima corri cadaa pjiatsa wainai, ¿coajintja noají njite njaji pinaikite aimadan yaji watsa matsia catsa fa pipeyajle? Pino cadatsa wainai niniotsa wataita teecojleca fáa naoya njaji apaana inaiki jalredaoca lricoperri.'' 17 Wa-MInalri iaco Moise irso: ''Nonaitjeniotsa jliaji pitatjalri noinai, matsia capoa nocapaca pirso, njite Noají capoa matsia pjia.'' 18 Njite Moise iaco Lrirso: ''Pinaitja matsiacalri picañjata nocapa pimatsiaca melremelredalri.'' 19 JLIAJI IMINALRITI iaco: ''Nocadaotsa jliyapawa pipeyajle jliaji kjena shopa nocapaca shá, njite Nocaiteotsa jimi noipitana ''IMINALRITI'' pipeyajle. Kjenaa watsa Nocapaca lrirso jliaji Nomanda nocapaca kjenaa irso, corriotsa nonaitjá-carroca maatsi lrirso jliaji kjenaadalritsa Nocapaca irso. 20 Mitsa wa-Minalri iaco lrirso: ''Corriotsa picapá carroca noecoa, corritsa cafí carroca jliaji icapacada Njoa.'' 21 Lriaco pja JLIAJI IMINALRITI: ''Alriji apafe Nocodapi; piemaotsa lrinaco jliaji Jiipada macádalri. 22 Jliyapa cadana toatsa jliaji Nomatsiaca Melremelredalri, Nocadaotsa pjia jiipada ipatakja lricó njite Noitacaotsa piicao Nocaapi shó a kjerreca Njoyapawa. 23 Njite Njotaotsa nocaapi pioya, niniotsa picapa nodajite, mitsa corriotsa picapa Noecoa.''
1 JLIAJI IMINALRITI iaco Moise irso: ''Pimatsieta yamaita jiipada nacayosho-perritsa njaji paana pia. Nodaná carroatsa nanaco njaji yácoti nodanaji pia nanaco njaaca paana pia, njaji pimakjalri. 2 Pimatsietaacawa piyompinaco pirrá carroatsa lrinaco jliaji Jiipana Sinai, piema carroatsa Nopeyajle Jiipana ipolricó. 3 Madeetsa piinai pikitsindao. Macadatsa náno njaji inaiki jiipana icodapi. Corrin tsakjaotsa nataita nadeeca naapirra naiñjá-carro jiipana ikjoemjete.'' 4 Moise imatsieta yamaita jiipada nacayoshotsa njaji paana pia, njite lricafiawa piyompinaco toa jlirrá carroa Jiipana Sinai nacó, cayotsaji Dio inaa capisho lrinaitjaca. Moise idee njaji jiipada lricaapi ricó. 5 Dio iorrocowa iyadaoca nacó njite lriemawa Moise icodapi njite lricaite lrirso lriipitana cayoji: 6 Jliyapawa lricoemjete, lriaco ''JLIAJI IMINALRITI, JLIAJI IMINALRITI jiyapawa lricoemjete njite jliemata cayoji: ''IMINALRITI, IMINALRITI, jliaji Dio kjenaitetsa icapaca njite merroadalritsa, merroadalritsa kjeya njite pakjandalri ipeyokjeti, corridalritsa itecojleta yaaco, 7 corrin Lrimaodaca lriacoam ioya naoya njaji walricomanai caidalriwetsa, jliyapeta naoya namatsicana. Mitsa corritsa Lrimaodacaca namatsicana ioya njaji camatsicanaaperri. Lricadaotsa njerrapoitaca njaji neenipe njanirri imatsicanaa ikjaote, njite neenipe yénipe nacó, njaji madalricoma njite njaji coatro coma tsakja.'' 8 Kjeya Moise iorrocoetaca jliwida jiipai nacojle lriá-carro lrirso matsiadalri. 9 Njite lriaco: ''Matsia cadaa picapaca norso, pjia No-Minalri, pinaitja matsiacalri pino wainai. Ajádalri tarraperrica jiwida njaji inaiki aimadan. Pjiyapeta waoya pjiomi wamatsicanaa, njite picoadata piyarropé-carro fa.'' 10 JLIAJI IMINALRITI iaco lrirso: ''Picapakje, icaminaotsa Nonaitjaca pada yácoti piapiya. Nonaitjaotsa matsiadalri macapa canadalri napeyajle njaji inaiki aimadan, corridalritsa nacapa njaji inaiki jalredaoca lricoperri.Pjiomi njaji inaiki inakjoite-perri icapaotssa jliaji Nonaitjalriotsa, ima cafainadalritsa jliaji Nonaitalri iapiya. 11 Pjiepaotsa jliaji Nonaalri pinaitjaca panaya. Kjeyenatsa Nopeecó-carro ipeya njaji amorreonai, cananeonai, hititanai, ferezeonai, heveonai, njite jeboseonai. 12 Icapatsa ioyawa wadeotsa inaitjaca yaacoti naapiya njaji inaiki jiyapalriotsa niiniwa, wadeotsa nama kenakja inaitjaca imatsicanaawa naofa capoa iinai. 13 Mitsa, ipeecoatsa njaji altar narsolri, njite njaji jiipada caconaperri narso, ipeeco tsakjaotsa njaji Asera iemacarrona. 14 Corrin itaita iaca matsiadalri pada tairri dio irso, ima Njoá, IMINALRI, ''Cakerriakjé'' dalri iipitana, cakerriakje-dalrica Njoa. 15 Niini icapatsa ioyawa wadeotsa inaitjaca yaacoti naapiya njaji inaiki jalredaoca lricoperri, ima cayocana nacayosho njaji cawilreperrim narso njaji nadiote aimadan njite nainoacawa mayami nadiote irso. Njitenantja nainaica shá iñjá carro-nainai lrinakjoite jliaji nainonda nadiote irso, 16 njite jita tsakjantja irrinowa naitonaipe njite cawilre tsakjantja njaji itonaipe nadiote irso, njite nama tsakja cawilreca njaji yénipe nadiote irso aimadan. 17 Manaitjatsa irsowawa idiotewa inaitjaji icodoetanda tsipalra shó. 18 Corriotsa imaodacá carroca lrioya jliaji Icatimataaca-cawa lrioya jliaji iñjacawa Petje Meewi-perritsa. Cayotsas nonaa capisho pjia, siete jalredaoca watsa iñjaca peetje mewiperitsa jlinaana lricó, keerri Abib nacó, ima keerri Abib naco piaca imotowa Egipto lrikjoite. 19 Pjiomi njaji jiicolriotsa iinaita Noyaapecana, coshoca njaji vaaca, buey njite oveja tsakja. 20 Njite jliaji borro yénipe initacana imotocawa irsotsa iwentacani apana cordero shó, mitsa corri cadaa icaoña lricoadawa, iesotsa ipokjontaca lrinorsiapji. Irsotsa icaoñaca nanaco njaji yénipe pjerritinaipe. Corrin coca itaita ínoca Noderse lricaapi yápiyatsa. 21 Sei jalredaoca watsa ideji, Mitsa iwafetawatsa siete jalredaoca nacó. Imoyeta cádanaco jiipai o imiwa cádanaco ipania, irsotsa iwafetacawa. 22 Irsotssa iwadaca jliaji Icatiimatacawa inita cádanaco iniwaca ipania trigo, njite iwayaketa cádanacoatsa iniwaca ipania pawalria iwayaca cádanaco. 23 Pjiomi njaji atsianai, narsotsa nánoca Nopeyajle, Njoa IMINALRI, na-Diote njaji Iraelnai, madalripia watsa pawalria nacó. 24 Nodewatsa njaji inaiki aimadan pacoa nacope pipeyajle njite Nomacaiteca jipaite jinaana. Corriotsa coca ioma sheewaca jipaite ricó ino cádanacoatsa Noikjaolre, Njoa IMINALRI Dio, Madalri pia watsa inaitjaca pawalria nacó. 25 Corrin itaita iaca Norso neerrana naco njaji maaficalri inoji Norso mojloi fie, Corrin itaita icadaaca lritem jliaji ipeti iñjanda Iwacaaca carroa lrico Pascoa lricó tewaijle icaona. 26 Ideotsa Noopana lricojle nanakjoite njaji ipanai iinaca matsiaperri initaji iniwaca. Corrin itaita iyanaca cabra yenipe jlidoa inia nacotsa.'' 27 JLIAJI IMINALRITI iaco Moiose irso: ''Pidana njaji yácoti, ima Njoatsa icaite njaji yácaoti ajádalri shó Nocaiterri, njite Nonaitjaca pada yácoti piapiya njite Irael yapiya tsakja.'' 28 Moise iofaa Dio iinai nirse coarenta jalredaoca njite coarenta deepi; corrin tsoo lriñjaca corrin tsakja lrírra ooni. Lridana nanaco njaji jipadaita njaji yácoti nanaitjashopa yácoti, njaji die yácoti Panaitjaope. 29 Moise idia cádanaco iorrocoa Jiipana Sinai nakjoite naapiya njaji yamaitade nerrocawa njaji yácoti nanaitjashopa yácoti lricaapi ricó, corrin lrianjí cacanalreca lriecoa nacó caaco cayami Dio yapiya. 30 Aarón njite njaji Iraelitanai nacapa cádanaco Moise, cacanalreca lriekjoa nacó, corrin naoma natsomitacani nafio capoa lriiwana. 31 Mitsa Moise iwana Aarón njite njaji iraelitanai jiwidaapo naacarro lrikjaolre. Njitew caacoca Moise napiya. 32 Njitena pjiomi njaji Iraelnai aimadan naawa Moise iderse, njite lricaite njemi njaji yácoti nanaitjaope Dio icadaji Jiipana Sinai nacó. 33 Yaami cayami caacoca Moise naapiya, lrirroeta pamaca yamacati lriecoa nacó. 34 Moise iaca icoam Dio ipeyajle caacó-carro Lriapiya, jlita mana lrioyao jliaji yamacati lriecoa nacoda akjerreca lrimoto njitewa. Lrimoto cádanaco lricaite narso njaji iraelitanai cocaca Dio inaa lricaiteca narso. 35 Iraelitanai icapa cádanaco melremelreca Moise iecoa nacó, lriita mana lriecoa yamacati shó tsenakja akjerreca lridia jliewawa caacócarro Dio yaapiya tsenakja.
1 Moise iwaketa pjiomi njaji Irael poco, lriaco narso: ''Icatsa njaji yácpti wa-Minalri inaalrica inaitjaca. 2 Irso sei jalredaoca idenjí-carro, mitsa siete jalredaoca nacó, sábado lricó, ikatsa jliaji shenitandaca iá-carro matsiadalri Dio irso, iwafetpa-carro. Cocacadaotsa idenjí lri-rcoda jalredaocaca irsotsa icadaaca mayamini. 3 Corriwatsa itaita iwacaca tiyé iipana lrico iyanácarro iipana lrico lri-ricoda jliaji jalredaoca iwafeeta carroda lricó.'' 4 Caaco Moise narso pjiomi njaji Iraelitanai poco, lriaco narso cayoji, icatsa njaji DIo inaalri wanaitjaca. 5 Pjiomi shá pomená-perri icaolre ricó, idee ofrenda wa-Minalri irso, owirro, palraata, bronce, 6 yamacatí jipolremape, amolre-perri, njite maaficalri íyo írraiperri, njite jérriwaikja matsiaperri; cabra itsicolre tsakja; 7 carnero íyam idatanda írraidalri, maaficalri íyam matsiaperri, jaico acacia, 8 kerosen lampara ítadao nacanashopa Dio iipana lrico, pomeníperri aceite icaonawa naaroshopa nañjetashopa, njite incienso pomeníperri, 9 jiipada ónice, njite paana pja jiipada cacoada perri nerroetaope sacerdotenai itsayan icóda nacópe. 10 Pjiomi njaji atsianai cayecaperri nanoatsa nanaitjá-carro njaji Dio inaalri shá inanacó, 11 jliaji panti iwacaaca carrodawa lritapje yaapiya, lriwaiwa, njepaaca carronao, jaico nerrocawao, napjee, tipjí, topji yema-carronao; 12 jliaji patowa njite njaji jaico pawakje carronao, jliaji lripanaita iinocawa maaficalri imatsicana ikjaote nite jñiaji yamacati iitacada naofacawa lricó. 13 Nadee jliaji mesa nasho njaji jaico pawakje shopani, pjiomi njaji lrinacó-perri, njite peetje icaitecada niinica Dio; 14 jliaji lampara jirricona njite njaji lricaonaperri, nadee tsakja lampara njite lriitadape, 15 nade incienso njite njaji nawakje shopani, aceite naiñjeta shopao njite incienso pomení-dalri; nawacaaca carrodao ipananomao irrocadawa yenonjiteo; 16 jliaji altar namjaita carrona maaficalri nite jliaji lridaana corrarra shodalri njite njaji jaico nawakje carronaoni, nja tsakja njaji nadejishopa niini, njite jliaji ooni yárrona macaapi njite lriofa carronao tsakja. 17 Nadee tsakja njaji cortina naita shopa lriyacalrecoa jliaji nawacaaca carrodao, njaji jaico njite nema-carronao, njite cortina lripananomao, 18 nadee tsakja topji nawacaaca carrodao ipananoma icaona njite lricaona jliaji lriyacalreecoa ipananoma, njite neeñadao napapishopana. 19 Nadee tsakja tsaya nanaitjanda matsia nadejishopa Dio iipana lricó, njaji tsaaya matsiaperri sacerdote Aarón irso njite narso njaji lrienipe nadejí-carro sacerdotenai shó.'' 20 Njite pjiomi njaji iraelitanai naawa Moise ioya. 21 Pjiomi njaji pomenáperri icaikre ricó nadee-carro ofrenda Dio irso nanaitjá-carro jliaji nawacaaca carrodao, pjiomi njaji nadejishopao niini, njite nanaitjashopa njaji tsaaya matsiaperri. 22 Naapjiomiwa, atsianai njite inaitjepe tsakja, pjiomi njaji pomená-perri icaikre ricó. Nadee nanaapapi, shentadati, caapirroti, nanaapa pocoda nacope, pjiomi nanaitjaji owirro sho nadeecana. Pjiomi njaji inaiki nadeeca ofrenda Dio irso aima shó. 23 Pjiomi njaji irsocape pia yamacati jipolremaki, amolremaki, írraimaki, jérriwai matsiaperri, cabra itsicolre, carnero íyam nairraitanda, njite maaficalri íyam matsiaperri, nadeena. 24 Pjiomi njaji iomacape iaca palraata, bronce, nadeena ofrendawa Dio irso, caitsakja njaji irsocape jaico acacia nadejishopa cocacatsa, nadee tsakjana. 25 Pjiomi njaji inaitjepe yajicape íñaca nadee tsakja njaji nañanimaca yamacati jipolreperri, amolreperri, írraiperri, naña tsakja jérriwaimaca. 26 Pjiomi njaji inaitjepe yajicape íñaca, néña cabra itsicolre. 27 Njaji njewidaapo naa jiipada ónice paana pja jiipada matsiaperri nerroetaope sacerdotenai itsayan icoda nacó; 28 nadee pomeniajaipe, njite kerosen lamapara iitadao, aceite najetashopa tsakja, njite incienso pomeniperri tsakja. 29 Njaji iraelitanai nadee ofrenda Dio irso nacaolre rikjoite, pjiomi njaji atsianai njite njaji inaitjepe inaitjepe pomenáperri nacaolre ricó, nadee pjiomi njaji nadejishopa jliaji Dio inaalri nadejica Moise nakjoite. 30 Moise iaco narso njaji iraelitanai: ''Dio iniwana Bezalel, Uri irri, Jur idakerri, Judá poco inakjoite dalri, 31 Njite Dio ipakjantacani Lricaolrini shó, Lriajikje shó, iyecati shó, njite pomená carroni, 32 lridejí-carro coandalricatsa idejikjeti, cayecadalri idejica owirri shó, palraata shó, bronce shó; 33 Nayoá-carro njite nacadaa jiipada njite yajicañpe idejica jaico shó matsiá, yajicape inaitjaca coandalricatsa icapacanaa nadejicalre nacó. 34 Dio icadaa Bezalel irso njite Aholiab irso, Ahisamac irri, Dan inakjoité-perri nají-carro nacanantaca. 35 Lricadaa tsakjana carrapiná carrona, nadaná-carro nadejicalre ricó, nacapa canaa nacó, nanomapikja tsakja yamacatio jipolreperri, amolreperri, rraiperri njite jérriwai shó tsakja, njite yajicape íñaca tsakja. Cayeca-perri pjiomi nacó, yajicape inaitjaca nacapacana pjiomi njaji nanaitjalri.
1 Ikena Bezalel, Aholiab njite pjiomi njaji inaiki cayeca-perri Dio icadaji irso nayekawa nají-carro coajica nadejica pjiomi cocacatsa nadejirri niini Dio iipana lrico. Naa nirsewa ndejí-carro jliaji idejikjeti cayoji Dio inaa capisho nadejica. 2 Moise iwana lrikjaolrewa Bezalel, Aholiab njite pjiomi njaji inaiki cayecaperri Dio icadaji irso iyecati, njaji pomenaperri icaolre ricó naacarro nanaitja jliaji idejikjeti. 3 Njepa Moise ioya pjiomi njaji ofrenda itraelitanai yaaji nanaitjashopa jliaji Dio iipana. Njaji inaiki nadee minitoa Moise irso na-ofrendani piyompinaco icoami nacaolre rikjoite-dalri. 4 Njite nano pjiomi njaji inaiki cayecaperri ideji jliaji Dio iipana, nano nadejirri njiteo. 5 Njaji cayeca-perri iaco Moise irso: ''Njaji inaiki, aima calretsa nadeeca njaji wadejishopa wa-Minalri inaalri wanaitjaca.'' 6 Njite Moise inaa nayamita njai inaiki wadee nadee pjaaca ofrenda nanaitja shopa Dio iipana. Njite njaji inaiki yami nadeeca ofrenda nadejishopa. 7 Lricoa narsoca nwayaketa shopa nadejica jliaji nadejirri. 8 Njite pjiomi njaji cayeca-perri nanakjoite nadeji jliaji nawacaaca carrodawa die yamacatimaca sho nanaitjaji jérriwai sho, tawalrekja neñaji jipolreperri, amolreperri, njite irraiperri sho njite nanaitja tsakja nanaco querobinai jinapjiami. Icatsa Bezalel idejicalreca, pada cayecá-dalri idejica. 9 Njaji yamacati-maca narso doce metro njite pamoyoa pja paita naco njawalripaca njite yamaita metro namacaiteca, Caimitsa pjiomi njaji yamacati-maca. 10 Bezalel iyata matsia nanacowaaca njaji cinco maca yamacati-maca, njite cayo tsakja lrinaitjaca njaji paana cinco maca tsakja. 11 Lripapi matsia neeñada shó jipolreperri shó njewidana nacojle njaji papoco yamacati-maca, cayo tsakja lrinaitjaca njaji papoco-perri tsakja. 12 Cincoenta wajle lripapica njaji yamacati initacape irrocawa, njite cincoenta wanle tsakja lripapica nawayacacawa njaji papoco yamacati-maca. Niini njaji lripapi shopana matsiacana nakjoete waaca. 13 Njite lrinaitja tsakja cincoenta jinacolricoti owirro shó lripapí-carro nanaco lriyatá-carro njaji yamacati-maca, niini pada sho catsa pacapa pjiomi jliaji nawacaaca carrodawa. 14 Bezalel inaitja nawacaaca carrodawa cabra íyo shó; lrinaitja once-maca namaimaca. 15 Trece metro njite pamoyoa pja lrinacojle paita nacó njawalripaca njite yamaita metro namacaiteca. Caiminitsa pjiomi njaji oncemaca. 16 Lriyata cinco maca papoco nacó njite sei maca papoco nacó. 17 Cincoenta wajle lripapica njewidana nacó njaji papoco, njite cincoenta wajle nacó tsakja nawayacacawa njaji papoco tsakja. 18 Bezalel inaitja cincoenta jinacolricoti narso bronce shó lriyata shopana pada carrotsa pjiomina. 19 Lrinaitja tsakja yamacatimaca carnero iyam shó naijetanda iiraidalri shó njite maaficalri iya matsiaperri shó naita shopa j,iaji nawacaaca carodawa. 20 Bezalel inaitja tsakja jaico acacia sho njaji nemetashopa jliaji nawacaaca carrodawa. 21 Nacoana njaji jaico narso pia coatro metro njite pamoyoa pja paita nacojle njawalripaca njite sesenta sei centimetro namacaiteca. 22 Nacoana njaji nerrocarronape narsoca njenacolrico nayata shopana. Cayominitsa lrinaitjaca pjiomi njaji jaico nawacaaca carrona icaona. 23 Cayo lrinaitjaca pjiomi nawacaaca carrodawa icaona: Ventena lripje atsialriemacawa. 24 Bezalel inaitja palraatape sho coarenta poco neema carronape njaji ventena lripjee. Yamapocope apana icaona yemacarronawa. 25 Lrinaitja tsakja ventena lripje pema icaona lrirso jliaji nawacaaca carrodawa inarroema kema lrirso jliaji nawacaaca carrodawa, 26 njite lrinaitja tsakja palraatape shó njaji coarenta poco neema carrodao njaji lripje, yamapoco apana icaona. 27 Njite lriwapji icaona jliaji nawacaaca carrodawa, jeerri shewa kema nacojle, Bezalel inaitja sei lripjewa. 28 Lrinaitja yaamana lritojiwi icaona lrirso jliaji nawacaaca carrodawa. 29 Njaji lripje lritojiwi nacope yaamanape lricadaacana, teecope naoyawaaca napocoda naco mitsa, matsia dekja nerrocawa njewidana nacó. 30 Ocho namaimaca njaji lripje, njite diesisei njaipoco, yamapoco apada lripje icaona. 31 Njite Bezalel inaitja jaico acacia shó lricoajaiwa, cincona pema icaona lrirso jliaji nawacaaca carrodawa, 32 cinco tsakja coajai pema icaona, cinco tsakja lriwapji icaonacawa, jeerri shewa kema nacojle. 33 Lrinaitja lricoajaiwa pamoyoadalri icaonada jiyapacada pjaawa lriparrema nacojle yamemape. 34 Lriñjeta nanaco nja coajai owirro shó. Lrinaitja njenacolrico owirro shó, yerrocawa njaji coajai jalripape njite lriñjetana owirro shó tsakjana. 35 Bezalel inaitja njaji yamacatimaca jipolremacape, amolremaca, írraimaca njite jérriwaimaca tsakja, lrinaitja tsakja querobinai jinapjia nanacó, pada yajicadaca idejicana. 36 Lrinaitja coatrona napjewa njaji yamacatimaca jaico acacia shó, njite lriñjeta owirro shó. Lrinaitja coatro narropocowa palraatape shó njite coatro mawapeti nanacope njaji topjí. 37 Lrinaitja tsakja pamaca lriitashopa lripananomao jliaji nawacaaca carrodawa, lrinaitja jipolremaca, amolremaca, írraimaca, njite jérriwai shó, pada yajicada idejicana jliaji inaitjalri. 38 Lrinaitja tsakja cincona lripje irsocape mawapeti, njite lriñjeta nanaco pjiomi owirro shó. Njite lrinaitja njaji cinco jliipoco bronce shó.
1 Bezalel inaitja patowa jaico acacia sho. Paita metro njite die centimetro pja lrinacojle jliwalripaca, sesenta sei centimetro lrimacaiteca njite sesenta sei centimetro lriyenonca. 2 Liñjeta lridajite nacó njite lriwawalrico owirro matsiadalri sho. Lrinaitja tsakja lrinomapikjawa owirro sho. 3 Lrinaitja tsakja coatro jlinacolricowa owirro sho njite lricadaa padape lritojiwi nacó, yamapoco pema njite yamapoco tsakja ema. 4 Lríirra yaamana jaico acaciapo njite lriiñjeta nanaco owirro shó. 5 Jieta njaji jaicoapo patowa sheni naco pema, njite pema tsakja nataitá-carro nadeecani. 6 Lrinaitja lripanaitawa nainocawa maficalri namatsicanaa ikjaote owirro matsiadalri shó. Paita metro njite die centimetro pja lrinacojle jliwalripaca, sesenta sei centimetro lrimacaiteca. 7 Bezalel inaitja tsakja yaamana querobinai owirro sho lriñanda martillo shó lripanaita yamaitape icaona jliaji nainocawa maaficalri namatsicana ikjaote. 8 Apana querobin lripanaita icaona pema nainocawa maaficalri namatsicana ikjaote, njite apana pema nacó. Irrocapetsa lrinacotsa jliaji lripanaita nainocawa maaficalri namatsicana ikjaote. 9 Njaji querobinai njerreta yenonrse nanapje, naitá-carro jliaji nainocawa maaficalri namatsicana ikjaote. Njaji querobinai neemacawa nakjoetewaaca njite nacapaca lrinacojle jliaji nainocawa maaficalri namatsicana ikjaote. 10 Bezalel inaitja tsakja paita mesa jaico acacia shó. Noventa centimetro watsa jliwalripaca , njite coarenta cinco centimetro lrimacaiteca njite sesenta sei centimetro lriyenonca. 11 Lriñjetani owirro sho njite lrinaitja lrimomakjawa owirro sho tsakja lriecoeta nacó. 12 Lriinaitja tskja lrinomapianawa jliaji mesa ocho centimetro imacaiteca, irsocada owirrokja lrinomapikja nacó. 13 Lrinaitja coatro jlinacolrico poco owirro shó, njite lri-roetana mesa itonjiwi nacó, naacawa njaji lricawaapa. 14 Njerroatsa njaji jlinacolrico lrinomapi nacó pataitacawa pjeetaca jaico pataita-carro padeecani. 15 Lrírra jaico acaciana, njite lriñjeta nanaco owirro shó nataita shopa nadeeca jliaji mesa. 16 Lrinaitja owirro shó njaji mesa nacope, njaji parrotoitape, nacamorriashopa, poncherapipe, taza macaapipe naarró caro njaji ofrenda. 17 Lrinaitja tsakja lampara jirricona owirro matsiaperri shó lriñanda martillo shó. Njite lrinaitja lriema carronawa, lricawapa, lriiwi shoperri, copadape shoperri njite njaji lriwawalricoperri owirro sho. Pjiomi nerroacacawa pada shotsa. 18 Jliaji lampara jirricona lrirsoca lrirsoca sei lrinaapa; madalrida pema, madalrida tsakja pema. 19 Nacoana njaji lrinaapa narsoca madalrida jaico almendro iiwi shoperri, cawawalricoperri njite njaji lriwidape lriwawa lricoperri. Cayominitsa pjiomi njaji sei lrinaapa jliaji lampara jirricona. 20 Jliaji lampara jirricona lrirso coatro jaico almendro iiwi shoperri, cawawalricoperri njite njaji lriwidape lriwawalriperri. 21 Lricadaa pia nerrocarronawa njaji lampara inaapa yamema, nayataac-cawa jlirricona nacó. Caiminitsa lrinaitjaca pjiomi nayataacacawa njaji lrinapa pjiomi niini pacapacana apana capishotsa pjiomi. 22 Njaji lriiwi shoperri njite njaji lampara inaapa apanacatsa pjiomina, lrinaitjanda owirro matsiadalri sho lripatsicanda martillo sho. 23 Bezalel inaitja jliaji lampara jirricona, njaji siete lrinaapa, njaji nerrocawa njite lriparratoitalre owirro matsiaperri sho. 24 Trentatre kilo owirro matsiaperri sho lrinaitja pjiomi jliaji lampara jirricona njite pjiomi njaji lrinacoperri iawa. 25 Bezalel inaitjaotsa apana altar jaico acacia shó irsocada coatro lriecoa pacoaca-perri, do mdetro njite paita pja pacaapi lrinacojle namacaiteca pacoaca, njite paita metro njite trenta centimetro pja lrinacojle lriyenonca. Njite njaji lritsowa irrocape lrinacotsa. 26 Lriñjeta jliaji altar namjaita-carrona incienso owirro matsiadalri shó, lriwawa lricó, lriecoa njite lritsowa. Lrinaitja pja lrinomapiwa owirro sho. 27 Lrinaitja jlinacolricoa owirro sho njite lrirroetana lrinomapi yapjite nacó. Icatsa njeetaca njaji jaico lrinaco lrico nadeecarro jliaji altar. 28 Lrimatsieta matsia njaji jaico acacia njite lriñjeta nanaco owirro sho. 29 Lrinaitja tsakja aceite naiñjeta shopa nanaco njaji inaiki njenitanda lricaona. Lrinaitja tsakja incienso jliwacadalritsa pomenídalri, ima yajicadaca inaitjaca pomeniperri.
1 Bezalel inaitja apana altar namjaita carrona ofrenda jaico acacia shó. irsocada coatro lriecoa pacoaca-dalri irsocada coatro metro njite paita pja pacaapi lrinacojle namacaiteca pacoaca, njite paita metro njite trenta centimetro pja lrinacojle lriyenonca. 2 Lrinaitja buey itsowa shoperri natojiwi nacó, irrocape taimi lrinaco apana capishotsa pjiomi, njite lriñjeta lrinaco bronce shó. 3 Lrinaitja pjiomi njaji nadejishopa niini bronce shó, nacada carrodao palripokjoa njite njéta shopa tsakja, poncherapipe, keetsane nacapocoita shopa ipeti njite njeta shopa tiyemjen. 4 Lrinaitja tsakja corrarra shodalri bronce shó. Njite lricada jliaji corrarra shodalri altar inomapi yapjite, lripamoyoaca nakjoite lripocoda ikjaolre. 5 Lrinaitja coatro poco jlinacolricoa bronce shó njite picadaa papocope lritojiwi nacó. njeta carronawa jaico. 6 Bezalel Imatsieta jliecolrenawa jliaji altar jaico acacia shó njite lriñjeta nanaco bronce shó. 7 Jlieta njaji jaico altar jinaco-lrico yamema nataita shopa nadeecani. Lrinaitja jliaji altar cawawa lricolri nasho njaji jaico capatsí-perri. 8 Bezalel inaitja tsakja paapji oniapji bronce shó njite lriofa carronawa bronce sho tsakja. Lrinaitja jliaji oniapji nacanaalre sho njaji inaitjepe idejicape lripananoma jliaji nawacaaca carrodawa. 9 Lrinaitja tsakja yacalrecoa jliaji iwacaaca carrodawa. Njaji yamacatimaca matsia-perri jérriwai maca, irsocape coarenta coatro metro jiwalripaca. 10 Njaji yamacatimaca narso vente napjewa, njite vente poco nemacarronawa nanaitjanada bronce shó. Njaji jaico narso namawacawana njite njaji njenacolrico nanaitjaji palraata shó. 11 Cayo tsakja inarroema nacojle, ninipia tsakja yamacatimáca coarenta cinco metro jliwalripaca, vente lripje, njite vente tsakja neema carropoco broncepe, narso tsakja namawa-cawana njite njenacolrico nanaitjaji palraatape shó. 12 Njaji yamacatimacaite jeerri shewa kemajle narsoca ventido metro njawalripaca, die topji njite die neema carropoco. Njaji namawa-cawana njite njenacolrico nanaitjaji palraatape shó pjiomina. 13 Jliaji yacalrecoa lrirso tsakja ventido metro njite pamoyoa pja paita nacojle jérri imotokema nacojle. 14 Ventido metro njite pamoyoa pja paita nacojle njaji yamacati-máca jérri imoto kemajle nacojle pjewacawa lrirso jliaji yacalrecoa, madalrina lripje njite madalripoco neema carropoco. 15 Cayo tsakja pema pje cawa lrirso, lrirso njaji yamacati-máca sei metro perri njite sesenta centimetro pja lrinacojle, njite madalrina lripje njite madalripoco neema carrona. 16 Pjiomi njaji yamacati-máca lriwaipe nanaitjaji jérriwaikja matsiaperri shó. 17 Njaji namawata carrona njite njenacojlrico nanaitjana palraatape shó, njite njaji lripje njite njaji neema carropoco nanaitjana bronce shó. Pjiomi njaji yacalreecoa ipje naiñjeta nanaco palraatape shó pjiomi. 18 Jliaji pjewa cawa lrirsoca ocho metro njite ochenta centimetro pja lrinacojle jliwalripaca. Nanaitjana jliaji yamacati-máca jipolredalri shó, amolreperri shó, írraiperri shó njite jérriwai nañaji shó, ocho metro njite ochenta centimetro pja lrinacojle jliwalripaca, njite yamaita metro njite paita pacaapi jliyenonca, cayotsa nacayosho njaji yamacati-máca yacalrecoa shoperri. 19 Lrirsopia coatro nemacarropoco nanaitjanda bronce shó, njaji njenacolrico njite njaji mawapeti nanaitjana palraatape shó. 20 Nanaitja pjiomi njaji yacalreecoa ipje njita nawacaaca carrodawa bronce shó. 21 Moise inaacalre nacó njite coaji piaca Itamar, sacerdote Aarón irri idejica naapiya, njaji levitanai naniveta matsia pjiomi njaji nadejishopa jliaji Nawacaaca carrodawa, lriofacawa jliaji yácati yárroda. 22 Bezalel, urim irri, Hur irri, Judá inakjoitedalri, lrinaitja pjiomi njaji Dio inaalri Moise idejica. 23 Aholiab, Ahisamac irri, Dan poco inakjoite dalri icatsa jiaji idejirri Bezalel iinai. Icatsa jliaji idanacada nanaco njaji nadejicalre, cayekjaite, yajicada idejica nanaco njaji yamacati jipolreperri, amolreperri, írraiperri njite jérriwai nañaji shó. 24 Pada tonelada njaji owirro naanji njaji inaiki ofrenda sho nanaitja shopa jliaji Dio iipanawa, cayotsa náwi capisho njamiñaca njaji naaji nawacaaca carrodawa icaona. 25 Njaji inaiki aimadan nacadaa madalrida tonelada njite pamoyoa pja pada nacojle, cayotsa náwi capisho njamiñaca njaji naaji nawacaaca carrodawa icaona. 26 Naniweta pjiomi njaji atsianai irsocape vente walria nakjoite, niini naniwetaca tre mil quiniento cincoenta padenirri, nacoana njaji atsianai naaca cinco gramo njite pamoyoa pja padana cojle padenirri, cayotsa náwi capisho njamiñaca njaji naaji nawacaaca carrodawa icaona. 27 Madalrida tonelada njite treciento kilo pja lrinacojle palraatape nacodoeta jliipoco icaona jliaji Dio iipana njite njaipoco tsakja njaji yamacati-máca ípje jiipoco. Cien namaimaca njaji jliipoco, trenta tre kilo nacadaa papoco icaona. 28 Njite lriitepem sho, Bezalel inaitja njaji mawapeti topji nacope njite njaji njenacolrico njite lriita tsakja pjiomi njewidana njaji topji. 29 Njaji bronce nacadampe ofrenda shó yamada tonelada njite treciento coarenta kilo pja lrinacojle padenirri. 30 Nasho njaji bronce nanaitja nawacaaca carrodawa jiipoco, altar bronce-dalri, lri-corrarrani, pjiomi njaji nadejishopa lrinacó jliaji altar. 31 Nanaitja tsakja lriyacalrecoa jiipoco pjiomi, pjewacawa jiipoco, pjiomi lripje icaona jliaji nawacaaca carrodawa, pjiomi njaji lriwaida nacope jliaji panti iyacalrecoa.
1 Nanaitja jliaji Aarón itsayaniwa tawalrekja jipolrekjape sho, amolrekjai, írraikjai shó neñjaji matsia lridejishopa lri-rico wajle jliaji njenitanda Dio irso. Nananaitja njaji tsaya Aarón irso lridejishopa lri-rico wajle jliaji njenitanda Dio irso, cayotsa waMinalri Inaa capisho Moise inaitjaca. 2 Bezalel inaitja jliaji nacodamaki owirromaca, jipolredalri, amolreperri, iraidalri shó njite jérriwai nawanikja matsia. 3 Nañá capatsita njaji owirro njite nayoana pakjaape napapishopa nasho njaji tawalrekja jipolreperri, amolreperii, írraiperri njite jérriwai matsiakjaipe, pada cayekjeté-dalri idejicalre. 4 Nanaitja nateda nacoda yaawa lrirso jliaji nacodamaca yameemape. 5 Jliaji lrirrocawa cayotsa nanaitjani nacodamaca icayoshotsa, atsa lriyataacawa lrinacotsa jliaji nacodamaca. Nanaitja jérriwaikja shó, owirro, jipolrekjaipe shó, amolreperri njite írraiperri, cayotsaji Moise inaa capisho Moise inaitjaca. 6 Namatsieta matsia njaji jiipada ónice, njite nerrocawa nacó owirro shó, nadana njeepe rico neepitana njaji Irael yénipe doce-perri. 7 Bezalel irroeta njaji jiipada lritedacawa jliaji tsaya nacodamaca Dio iwaada carrotsa nanakjoite njaji Iraelnai; cayotsaji Moise inaa capisho Moise inaitjaca. 8 Jliaji cayecadalri idejica inaitja jliaji nacoda nacóda. Lrinaitja owirro sho, tawalrekja jipolredalri shó, amolredalri, irraidalri njite jérriwaikja matsiadalri sho. 9 9Pacoadadalri jiwalripaca lrimacaiteca yaapiya; ventido jliwalripaca njigte cayo tsakja lrimacaiteca, yamemadalri. 10 Nerroeta lrinaco coatrokja jiipada matsiaperri. Pakja nacó pirroetaotsa pada jiipada robí, pada topacio, njite pada esmeralda. 11 Yamakja nacó pirroetaotsa pada jiipada torqueza, pada zafíro, njite pada diamante. 12 Madalrikja nacó pirroetaotsa pada jiipada jacinto, pada ágata, njite pada amatista. 13 Njite coatrokja nacó pirroetaotsa pada jiipada berilo. pada ónice, njite pada jaspe. Picadaotsa nerroa narropoco lrico owirrodalri. 14 Nerroeta njaji jiipada coajica naawa neepitana njaji Irael yénipe, coajica neepitana yaawa, nadana neepe naco njaji jiipada icaapirroti nacoda capishó. Icatsa neepitanaca njaji doce poco Iraelnai. 15 Nanaiotja cadenakjape lriiñadawa jliaji nacoda nacóda owirro shó. 16 Nanaitja yamapoco jlinacolricoa owirro shó, njite yamada nerrocawa owirro sho tsakja njite nerroetana natojiwi naco jliaji nacoda nacóda. 17 Nerroeta yamakja cadena owirrokjape jlinacolrico lritojiwi nacoda jliaji nacodaita nacóda. 18 Nerroeta nanacowaaca njaji neeñada natojiwi nacope shó nerrocawa nacojle. Nerroeta njaji nateda nacope jliaji tsaya nacodamaca nacó. 19 Nanaitja yamapoco jinacolricoti owirro shó, njite nerroetana lritojiwi nacó jliaji nacodaita nacoda, tsoomi lrinomapi ioya pacapa kema nacojle. 20 Nanaitja yamapoco pja jinacolricoti owirro shó njite nerroetana tjewakjete lrirso jliaji nateda nacope pacapa kema nacó jliaji nacodamaca, tsoomi lriyataaca cawa nacojle, lriiwalre iicao nañanada matsia. 21 Nerroeta jlinacolrico nakjoite jliaji nacodamaca nacoda lriñada jipolrekjai shó, lriiwalre iicao, Nanaitja cayo wadee jliwacawa lrirrocawa ioya. Cayotsa nanaitja Dio inaa capisho Moise irso lrinaitjá-carro. 22 Bezalel inaitja jliaji tsaya nacodamaca amolremaca sho pjiomi. Pada kayecádalri idejica. 23 Nanaitja lrinomao rinjeta cawa njewida. Lrirsopia lrinomakja matojledadalri nañajikja taimi wadee tserrencani. 24 Njite jlipoco inomapi nacó nanaitja matojledaperri jipolreperri shó, amolreperri, tawalre irraiperri njite jérriwaikja sho. 25 Nanaitja kjemadarrope owirro shó njite nacadana napecolrico njaji matojledaperri lrinomapi nacó jlipoco naco jliaji tsaayana. 26 Nacadaa pada kjemádarro owirrodalri njite lripjeyatsa pada matojledadalri, caimitsa pinaitjaca pjiomi lrinomapi naco jliaji Aarón tsaayanalre. Cayotsa Dio inaa capisho Moise. 27 Nanaitja gtsakja ipajleti jérriwai sho Aarón irso njite njaji lrienipe. 28 Neña tsakja pamaca jérriwi sho nañampa shopa njewida. Nanaitja tsakja narso napjitedao jérriwai shó, 29 Nanaitja tsakja naawalre nacoda jérriwai sho jipolreperri, amolreperi njie irraiperri. Lrinaitatja jliaji yajicada idejicani. Cayotsa Dio inaa capisho Moise inaitja ca. 30 Nanaitja jliaji njewida nacoda naaconaoda matsiadalri owirro matsiaperri shó, nadana lrinaco, lriipe ricó cayoji, ''Mamatsicanaatsa Dio irso.'' 31 Napapi lripamoyoaca naco jliaji yamacati njewida nacoda pakja jipolrekjai shó. Cayotsa Dio inaa capisho Moise inaitja ca. 32 Cayotsa nataita nanaitjaca jliaji nawacaaca carrodao njaji iraelitanai. Njaji iraelitanai nanaitja pjiomi jliaji idejikjeti. 33 Nanaitjatsa pjiomi njaji Dio inaalri Moise irso. Nadee jliaji nawacaaca carrodao Moise irso, njite pjiomi njaji nadejishopa niini, nerro-carrodao, nanomakjaa, napje, njeepoco; 34 lritapje carnero iyam irraioperri, lriwai vaaca iyam, njite lriwaiwa jliaji patowa yácoti kjaidaperri yarroda, 35 njite lriipana jliaji patoiwa nainocawa maaficalri namatsicana ikjaote. 36 Nadee jliaji mesa, pjiomi njaji nadejishopa, njite jliaji peetje nacadanda Dio ipeyajle, 37 lampara jirricoda, lampara nanacowaacaperri njite pjiomi njaji lrinacoperri, lriitada tsakja; 38 altar owirrodalri, aceite naiñjetashopa nanaco, incienso pomenídalri, njite jliaji irrocadawa pantinoma nacó lrirso jliaji nawacaaca crroda lricó; 39 altar nanaitjanda bronce shó, njaji lridaanape, njaji nadeshopa lrinacó njite ooni yaarodana macani njite lriofá carrona. 40 Nadee tsakja lriwaiwa lripananomao irocapetsawa jliaji yacalreecoa, nerro carronawa njite neema carronao, nadee tsakja lripananoma irrocadawa, napapishopani njite naparrá carrona inacó; njite pjiomi njaji nadeshopa nawacaaca carrodao lricó. 41 Nadee njaji neñaji matsia nadejishopa Dio iyarrowajle ricó, njite njaji Aarón iyapewa njite lrienipe, nadejishopa sacerdote shó. 42 Cayotsa nadeji piaca pjiomi njaji idejikjeti njaji Iraelitanai cayotsaji Dio inaa capisho Moise inaitjaca. 43 Moise icapa masia pjiomi njaji idejikjeti nanaitjalri, njite nanaitja caná matsia cayotsaji Lrinaa capisho nanaitjaca, cayotsa nanaitjaca. Njité-dalri DIo icadaa iacoti matsiaerri nanacó.
1 Njite jliaji IMINALRITI icaite Moise irso: 2 ''Lrinaco jliaji keerri pawalria inita carropi nacó irsotsa imatsietaca jliaji panti iwacaaca carrodawa lricó, jliaji panti iwacaaca cawa lricoatsa Dio iapiya. 3 Shetaotsa jliaji patowana icadaacawa lrico njaji yaacoti kjaidaperri lri-ricoda jliaji panti, njite pirsotsa pidanatacani pamaca yamacati macamaki shó. 4 Shetaotsa jliaji mesa icadaa carroatsa memawa matsia njaji lriitada nimperri. Pidee tsakjaotsa jliaji lámpara iema carrona pimatsietá carroatsa lrinaco njaji lámpara. 5 Picadaotsa jliaji altar piñjetanda owirro shó imjaita carrona incienso lripeyajle jliaji patowana yacoti kjaidaperri yárrona, njite pidanataotsa yamacati macaki shó jliaji iwacaacacawa. 6 Picadaotsa jliaji altar imjaita carrona ofrenda pjewacawa lrico, lri-ricoda jliaji iwacaaca cawa lrico. 7 Icadaotsa ponchera macaapi iwacaaca cawa lrico ioyawaaca lriapiya jliaji altar, njite ipakjantaotsani ooni shó. 8 Pinaitjaotsa apafe jalramicawa lriwaida nacó, njite picadaotsa lrirroa jliaji yamacatimaca pjewacawa lrico lri-ricoda jliaji jalramicawa lrico. 9 Pjipaotsa jliaji aceite piñjeta carroatsa lrinaco jliaji iwacaaca cawa lrico njite pjiomi njaji iwawa lricope. Pjienitaotsa pjiomina Norsowaona; icatsaotsa matsia-cana pjiomi. 10 Piñjeta tsakjaotsa lrinaco jliaji altar pamjaita carrona ofrenda njite pjiomi njaji padejishopa niini. Pjienitaotsa pjiomina Norsowaona; icatsaotsa matsia-cana pjiomi Norso. 11 Pirsotsa piñeta tsakja lrinaco jliaji ponchera macaapi bronceapi, njite lriema carrona tsakja njite pjienitaotsa Norso. 12 Pideotsa Aarón njite njaji lrienipe iwacaaca cawa ipananoma lrico, picotsocarroatsana ooni sho niini. 13 Pjietaotsa Aarón itsayaniwa jliaji tsáya Njoenitanda Norsowao, piñjetaotsa lrinaco aceite njite pjienitaotsani lridejní-carro Norso sacerdote shó. 14 Pideotsa norso njaji lrienipe njite pjietatsa nanaco tsayana. 15 Piñjeta tsakjaotsa nanaco aceite shó cayotsa pinaitja capisho njanirri nadenjí-carro norso sacerdote shó. Jliaji piniwana cana sacerdote carrona, caiperri catsaotsana caidalriwetsa pjiomi njaji walricomanai nanakjoite perri.'' 16 Moise inaitja pjiomi njaji cayoji WAMINALRI inaa capisho lrinaitjaca. 17 Niini jliaji panti nawacaaca cawa lrico namatsietani lriniita cadaa jliaji walripi kérri pawalria inita carropi nacó yamawalria nacó. 18 Moise yemeta jliaji panti nawacaaca cawa lrico, lrimatsieta topji yapowao, lriemeta njaji topji, lrirroeta cojai iorsoá carropi, lrirroeta njaji lrishepi, lriemeta matsia njaji topji pamoyoá perri njite pjiomi lriema carrona taimi. 19 Lripeeco lritapjeo lrinaco jliaji panti nawacaaca cawa lrico njite lridanata pamoyoá yamacati macamaki shó cayoji WAMINALRI inaa capisho Moise inaitjaca. 20 Jlipa njaji jipadaitape lridanacawa njaji yácoti kjaidaperri nanaitja shopa yaacoti narsowaaca njite jlietana lri-ricoda jliaji patowana, jlieta tsakja lrirso jliaji patowa njaji jaico nawakje shopa, lrirroeta tsakja nainocawa maaficalri namatsicana ikjaote iipana lriicao jliaji patowana. 21 Jlieta jliaji patowana nawacaaca cawa lrico. Lrirroeta jliaji yamacati lridanatá-carro jliaji patowana, Cayoji WAMINALRI inaa capisho lrinaitjaca. 22 Jlieta tsakja jliaji mesa nawacaaca cawa lrico, atsialriemajle lrirso jliaji panti, lridanamjle jliaji yamacati idanatacada jliaji patowana. 23 Lricadaa naofawa matsia njaji pan mesa nacó WAMINALRI ipeyajle, cayotsa WAMINALRI inaa capisho Moise inaitjaca. 24 Jlieta tsakja jliaji lámpara aimadalri jitaco lri-ricoda jliaji panti nawacaaca cawa lrico, mesa icoemjete, inarroema nacojle lrirso jliaji panti. 25 Lrikerrata njaji lánpara WAMINALRI ipeyajle, cayotsa WAMINALRI inaa capisho Moise inaitjaca. 26 Jlieta tsakja jliaji altar naiñjetanda inaco owirro shó lriwawa lricojle jliaji lridanatanda yamacatimaca shó. 27 Lrimjaita lrinaco incienso pomeniperri, cayotsa WAMINALRI inaa capisho lrinaitjaca. 28 Lricada yamacatimaca irroa pjewacawa lrico lrirso jliaji nawacaaca carrodao. 29 Lricadaa jliaji altar namjaita carrona ofrenda pjewacawa lrico lrirso jliaji nawacaaca carrodao. Lrimjaita lrinaco ofrenda, lrimjaita tsakja comaana lrinacó, cayotsa WAMINALRI inaa capisho lrinaitjaca. 30 Lricadaa tsakja jliaji ponchera macaapi nawacaaca carroda ipamoyoaca lriapiya jliaji altar, njite lripakjanta oonishoni nacotsoacá-carro. 31 Moise, Aarón njite njaji lrienipe nacotso njaipa njite nacaapi tsakja ponchera lricó. 32 Caimitsa nanaitjaca njeewaca icoam lri-ricoda jliaji panti nawacaaca carroda lrico, njite naaca icoam altar nacojle. Nacotsoacawa njawaca waacatsa, cayotsa WAMINALRI inaa capisho Moise inaitjaca. 33 Moise imatsieta matsia jliaji jalramicawa lriwaida nacó jliaji panti nawacaaca caroda lrico njite jliaji altar. Lricadaa yamacatimaca irroa pjewacawa lrico lrirso jliaji jalrawerrico. Cayotsa Moise iwayaketa jliaji idenjikjeti. 34 Ikena iyadaoca iitaca jliaji panti nawacaaca cawa lrico, njite Dio imatsiaca melremelredalri ipakjantaca lri-ricoda jliaji panti nawacaaca cawa lrico. 35 Corrin Moise itaita sheewaca lr-ricoda ima iyadaoca irrocawa lrinaco, njite Dio imatsiaca melremelredalri ipakjantaca lri-ricoda jliaji panti nawacaaca cawa lrico. 36 Jliena cadanaco mana jliaji iyadaoca lrioya jliaji panti, njaji Iraelnai naawa napeyajle naapowa lrico. 37 Mitsa corri cadaa jliena lrioyajliaji panti, corrin nataita naacawa. Icaamitsa nawapaca akjerreca jliena mana lrioya. 38 Ima jliaji iyadaoca Dio iyada yofacawa lrinaco jliaji panti jaalrewerricó, njite deepi ricó lrinaitjacawa tiyee kerradalri shó, caidalritsani napeyajle njaji iraelitanai nácadanacotoawa.
1 Dio iwana Moise nawacaaca-carroda lrikjoite, lriaco lrirso: 2 ''Picaite narso njaji Iraelnai cayoji: ''Pada inakjoite idee cadaa ofrenda Dio irso nanakjoite njaji ípirra, o ivacan cadaa. 3 Apana vaaca imjaitanda cadaa jliaji iofrendani, lrirsotsa lriaca apana vaaca atsiana corridalritsa irso imatsica. Lrirsotsa lrinaitjacani pjewacawa lrirso jliaji nawacaacacarrodawa, Dio itaitá carroatsa icoadatani. 4 Lrirsotsa lricadaaca lricaapi jliwida nacó jliaji maaficalri lrimjaitanda, niniotsa cacoadaca lrirsoni lrimatsicana ikjaote. 5 Njite lrirsotsa lriinoca jliaji toro Dio ipeyajle. Njaji sacerdotenai, Aarón yénipe, nadee lrírranapemi njite nawitsica-cana lrinaco jliaji altar yemalriwa lripananoma jiaji nawacaacacarrodawa. 6 Njite lrirsotsa lricólraca lriyam jliaji ofrenda lrimjaitanda njite lriyoatsani pawajlepeni. 7 Njiteotsa njaji sacerdote Aarón yénipe nawacaotsa tiyé altar nacó, njetaotsa tiyeena kerrá-carro jliaji tiyé. 8 Njaji sacerdotenai, Aarón yénipe, nacadaotsa njaji nacadowaji pawajlepe, jlwidam njite lriiti. Nacadaotsa naorsoawa matsia nanacowaaca tiyeena kerraperri nacó alatar nacope. 9 Njite njaji lrisapikjape njite njaji lricotsipami narsotsa njepacani ooni shó. Njite njaji sacerdotenai namjaitaotsa pjiomi njaji altar nacope ima ofrenda namjaitandacani. Matsiawatsa noajica lriitan; pada ofrenda namjaitanda Norso tiyéricó. 10 Ípirra nakjoite cadaa jliaji ofrenda, oveja cadaa o cabra cadaa, lrirsotsa icadaa apana atsiana marsocadalritsa imatsikje. 11 Lrirsotsa lriinocani atsialriema nacojle lrirso jliaji altar Dio ipeyajle, njaji sacerdotenai, Aarón yénipe, nawitsica caotsa lrírranapemi sho altar naco padenirri. 12 Njite narsotsa nacadowaacani, jliwida fie njite lriiti tsakja, njiteotsas njaji sacerdotenai nacadaotsana tiyé kerraperri nacó, altar nacope. 13 Njite njaji lrishapikjape njite njaji lricotsipami narsotsa njepacani ooni shó. Njite njaji sacerdotenai nacadaotsa pjiomina, njite namjaitaotsana altar naco. Ima ofrenda namjaitandaca. Matsia watsa lriitan Dio irso; pada ofrenda namjaitanda lrikjaote Norso tiyé ricó. 14 Njite yaa cada iofrendani nanakjoite njaji yarrajicape imjaitanda Dio irso, irsotsa ideeca Lrirso apapa potooca o apapa tsootsobo walriapalritoa. 15 Jliaji sacerdote lrirsotsa lrideecani altar nacojle, jlipaotsa pokjomi lrinorsiapji, njite lrimjaitani altar nacó. Njite lrírranapemi lrirsotsa lriarroca altar icodapi. 16 Lrirsotsa jlitaca lrioya lriñjañjiarroda pjiomi lriitada yaapiya, njite lripeeconi jérri imotokemajle lrirso jliaji altar, lripatjacawao njaji tiyepokjoa. 17 Lrirsotsa lrimjecocani lripje nakjoite, mitsa corrin lritaita lricadowaacani pjiomi. Ikena dekja jliaji sacerdote lritaita lrimjaitacani nanaco njaji tiyena kerraperri altar nacope. Ima ofrenda namjaitandaca. Matsia watsa lriitan Dio irso; pada ofrenda namjaitanda lrikjaote Dio irso tiyé ricó.
1 Pada idee cadaa pada ofrenda Dio irso, lrirsotsa lrideeca lri ofrendani trigope natodanda matsia, njte lrirsotsa lriarroca aceite lrinaco, njite lricadaa pja incienso lrinaco. 2 Njite lrirsotsa lrideecani narso njaji sacerdotenai, Aarón yénipe, nininaotsa pada sacerdote jipaotsa lricaapi ricó jliaji natodanda trigope lridenda, irsocada aceite njite incienso tsakja. Njite jliaji sacerdote lrimjaitacaotsa jliaji ofrenda altar nacó lricaite shopa Dio irsowalrepeca jliaji ofrenda. Matsia watsa lriitan Dio irso; pada ofrenda namjaitanda Dio irso tiyé ricó. 3 Njite njaji ofrenda iitepem Aarón iyapecana naapiya njaji lrienipe. Njenitanda matsia Dio irso nanakjoite njaji ofrenda namjaitanda Lrirso tiyé ricó. 4 Pia cada pada ofrenda paniati ínaca nakjoite meewidalritsa imerritanda poalri ricó, lrirsotsa inaitjacani peetje patsimitetsa natodanda matsia nakewitanda aceite fie, tarrete cadaa mewidalritsa, lrirsotsa iñjetaca aceite shó. 5 Njite imerrita cada jliaji iofrenda paniati natodanda matsia patsieta carroapi tsipalraapi ricó, meewi-dalritsa, irsotsa ikewitaca aceite shó. 6 Pirsotsa piyoacani pamoyoape njite yarro aceite lrinaco. Icatsa ofrenda napania ínaca nakjoite. 7 Piyana cada piofrenda patsieta carroapi ricó, pirsotsa pikefietaca jliaji trigope matsiadalri aceite fie. 8 Icatsa njaji ofrenda trigope, pikewitaji matsia piderri Dio irso, njite pideeni sacerdote irso, lridee carroenaotsana altar nacojle. 9 Njiteotsas jliaji sacerdote jlipaotsa padapena nanakjoite njaji ofrenda napania ínaca nakjoite ofrenda lrikjaotenaadari, Njite lrimjaitaotsana altar nacó. Pada ofrenda namjaitanda tiyé ricó, njite joiwi watsa lriitan Dio irso. 10 Njite njaji ofrenda iitepem Aarón iyapecana naapiya njaji lrienipe. Njenitanda matsia Dio irso nanakjoite njaji ofrenda namjaitanda Lrirso tiyé ricó. 11 Corrin itaita iaca ofrenda Dio irso irsocada mojloi, ima corrin itaita imjaitaca ofrenda tiyé ricó Dio irso mojloipe o corrin tsakja mapaa. 12 Icadaotsa njaji ofrenda Dio irso ipania iinaca nakjoite initanda iniwaca, mitsa corritsa icadaoda cantja pomenidalri jirracawa Dio irso altar nakjoite. 13 Irsotsa ipiwataca njaji iofrendani ipania iinaca nakjoite yokirra shó. Corrin itaita iaca ifrendan Dio irso mayokirranaadalritsa, ima yokirraca jliaji icadaalri iwaadaca jliaji yacoti Dio inaitjalri iapiya. Pjiomi njajiiofrendani lrirsotsa lrirsoca yokirra. 14 Yaa cadaa ofrenda IMINALRI irso ipania ínaca inakjoite initaji iniwaca, yaa watsa njaji matsiapetsa, imerritaji tiyé ricó njite iwititaji ipeecó-carro iñjawati ricó. 15 Njite ipecoatsa aceite njite incienso lrinaco. Icatsa ofrenda ipania iinaca nakjoite. 16 Njitenaotsa jliaji sacerdote lrimjaitaotsa lrinacope jliaji ofrenda iwititaji aceite fieda njite incienso tsakja ofrenda lrinakjoité-dalri. Icatsa ofrenda nanaitjanda Dio irso namjaitanda tiyé ricó.
1 Pada íno cadaa apana maaficalri lrípirra nakjoite ofrenda Dio ipeyajle namaodacá-carro naofacawa naapiyawaaca, atsiana cadaa o ínarrona, lrirsotsa lriomaca apana maaficalri corridalritsa irso imatsica. 2 Lricadaotsa lricaapi jliwida nacó jliaji lridenda ofrenda, njite lrirsotsa lriinocani nawacaaca-carroda ipananoma lrico. Njite njaji sacerdotenai, Aarón yénipe nawitsicacaotsa lrirrana altar nacó pjiomi. 3 Jliaji inaiki lriá tsakjaotsa ofrenda imaodaca kjeti nacoda apana maaficalri lrimjaitanda Dio irso. Pjiomi lriiti lriwawa lricopte, 4 njaji lritepe, njaji lriiti lrinapji nacope, lrishopana tsakja. njetaotsa pjiomina. 5 Njaji Aarón yénipe namjaitaotsana altar nacó lrinaitsa jliaji ofrenda lrimjaitanda, nacadanda tiyee ricó altar nacope. Pomeni watsa neetan wa-Minalri irso; pada ofrenda nanaitjanda Lrirso tiyé ricó. 6 Pada íno cadaa apana maaficalri lrípirra nakjoite ofrenda Dio irso namaodacá-carro naofacawa naapiyawaaca; atsiana cadaa o ínarrona, lrirsotsa lriomaca apana maaficalri corridalritsa irso imatsica. 7 Apana cordero cadaa jliaji lriinolri, lrirsotsa lriino cani Dio ipeyajle. 8 Él podrá su mano sobre la cabeza de su ofrenda y la matará en la puerta de la tienda de reunión. Luego los hijos de Aarón el sacerdote rociará su sangre sobre los lados del altar. 9 Lriino caotsa jliaji maaficalri imaodaca kjeti nacó lrimjaitanda tiyé ricó Dio ipyajle. Lriiti, njite lriiti lritipi nacope lrirsotsa lriyoacani tsoomi lrinapji ioya, njite pjiomi lriiti lrishapi nacope njite njaji lriwawa lricope, 10 njaji lritepe, njaji lriiti lrinapji nacope, lrishopana tsakja.jetaotsa pjiomina. 11 Njite jliaji sacerdote lrimjaitaotsana altar nacó ofrenda injaodati namjaitanda Dio irso. 12 Apana cabra cadaa jliaji lriinolri, lrirsotsa lriino cani Dio ipeyajle. 13 Él podrá su mano sobre la cabeza de su ofrenda y la matará en la puerta de la tienda de reunión. Luego los hijos de Aarón el sacerdote rociará su sangre sobre los lados del altar. 14 Jliaji atsia lrimjaitaotsani Dio irso. Jlitaotsa pjiomi lriiti lrishapi nacope, njite pjiomi njaji lriwawa lricoperri. 15 Jlitaotsa njaji lritepje, lriiti nanacope lrinjapi nacope, lrishopana naapiya njaji lritepe. 16 Jliaji sacerdote imjaitaotsa altar nacó pada ofrenda injaodati nacó namjaitanda, joiwí-carro lriitan. Pjiomi njaji lriiti Dio iyape-cana. 17 Pada yácoti irso inaitjaoda caidalriwenatsa coshoca njaji walricomanai nanakjoite njaji aimadan pinakjoité-perri kjerrecawajleca yowafaji, Corrin itaita injaca írranati corrin tsakja neeti.''
1 Caaco JLIAJI IMINALRITI Moise irso cayoji: 2 ''Picaite njaji inaiki aimadan Iraelnai: ''Pada inaitja cadaa lrimatsicana corri cadanatsa lriomacalreca, lrinaitja cadaa njaji corripetsa Dio inaa inaitjaca, njaji lrifarroji inaitjaca, lrirsotsa lrinatjaca cayoji: 3 Sacerdote cadaa jliaji inaitjalri imatsicanao, lrimenakja maatsídalri inoca nanacojle njaji inaiki aimadan Iraelnai, lrirsotsa lrideeca lrimatsicana ikjaote apana toro pamoyoani toa marsocadalritsa imatsica Dio irso imatsicanaati ikjaote 4 Lrirsotsa lrideeca jliaji toro Dio ipeyajle iwacaaca, carroda ipananoma lricó, lricadaa lricaapi jliwida nacó, njite lriino jliaji toro Dio ipeyajle. 5 Jliaji naniwananda sacerdotewa jlipaotsa lrirrana inacope jliaji maaficalri njite lrideeni nawacaaca-carroda ipananoma lricojle. 6 Jliaji sacerdote jlietaotsa lricaapi írranati ricó lriwitsicá-carro Dio ipjeyajle siete piape, jliaji yofalriwa yamacati idanami, corricawatsa pacapa imatsicanaati. 7 Njite jliaji sacerdote lriarroatsa lrinacope lritsowa nacó jliaji altar namjaitacawa incienso pomení-dalri iitan Dio irso, jliaji yemalriwa nawacaaca-carroda lricó, njite njaji lritepem toro írranami lriarroatsani lritajida naco jlaji altar namjaitacawa ofrenda, jliaji yemalriwa pjewacawa lrirso jliaji nawacaaca-carrodawa. 8 Lriyoá watsa pjiomi toro iiti lricadanda ofrenda sho lrimatsicana ikjaote, njaji lriiti lriwawalricope, pjiomi njaji lriyapi nacope, 9 njaji lritepe, njaji lriiti lrinapji nacope, lrishopana tsakja. Jlitaotsa lritepe njite njaji lrishopana pjiomi. 10 Lriyoa watsa pjiomina, cayoji lriyoá capisho lrioya jliaji toro ofrenda imaodacakjeti nacoda, njite jliaji sacerdote imjaitaotsa njaji lrinaco jliaji altar namjaitacawa ofrenda. 11 Njite jliaji toro iyami, lripe iitem, jliwida, jlipa, lrishapi, lrimatsicanda, 12 pjiomi njaji toro lrinacope, lrideewatsana pemajle lrioya jliaji yofacawa lrico napiyocawa lrico matsia Norso, naacawa napatja lriwayolremi; icatsa namjaitaca nirsena tiyeena nacó. Narsotsa namjaitacana napatjacawa pjiomi njaji namjaitaji iwayolrepemi. 13 Nanaitja cadaa namatsicanawa padenirri njaji inaiki aimadan iraelitanai corri cadanatsa naomacalreca, njite njaji iwacaaca-capewa corrin naanjí camatsicanaacana nanaitja capoa nanakjoite njaji corriperritsa Dio inaa nanaitjaca, njite caikjaolrenaacana lrikjaote, 14 niini naoca cadaa nají jliaji namatsicanaa, njaji inaiki aimadan narsotsa nainoca apana toro pamoyoani toa ofrendawa namatsicanaa ikjaote njite nadeeni nawacaaca-carroda ipananoma lrico. 15 Njite njaji pekipenai caconaperri nacadaa nacaapi toro jiwida nacó Dio ipeyajle, njite naino jli toro Lripeyajle. 16 Jliaji naniwananda sacerdotewa jlipaotsa lrirrana inacope jliaji toro njite lrideeni nawacaaca-carroda ipananoma lricojle. 17 Jliaji sacerdote jlietaotsa lricaapi írranati ricó lriwitsicá-carro Dio ipjeyajle siete piape, jliaji yofalriwa yamacati idanam, corricawatsa pacapa imatsicanaati. 18 Njite jliaji sacerdote lriarroatsa lrinacope lritsowa nacó jliaji altar namjaitacawa incienso pomení-dalri iitan Dio irso, jliaji yemalriwa nawacaaca-carroda lricó, njite njaji lritepem toro írranami lriarroatsani lritajida naco jlaji altar namjaitacawa ofrenda, jliaji yemalriwa pjewacawa lrirso jliaji nawacaaca-carrodawa. 19 Jliyoá watsa lrioya pjiomi lriiti njite lrimjaitacaotsana altar nacó. 20 Icatsa lrirsolritsa lrinaitjaca lrisho jliaji toro. Cayotsaji lrinaitja capisho lrisho jliaji toro ofrenda namatsicanaa ikjaote-dalri, njite jliaji sacerdote lrinoca jliaji maaficalri namatsicana ikjaote njaji inaiki aimadan, nininaotsa Jliyapeta Lrioya namatsicanaa. 21 Njite lrideewatsa jliaji toro pemajle naofacawaq ioya cayotsaji lrinaitja capisho lrisho jliaji lrinitaana. Icatsa ofrendaca namatsicana ikjaote njaji aimadan 22 Pada talricanaati inaiki irso inaitja cadaa lrimatsicanao corri cadanatsa lriomacalreca, lrinaitja capoa coajidalri catsa nanakjoite njaji Dio ifarrolri inaitjaca, njite camatsicanaani lrikjaote, 23 njite lriaji cádanaco camatsicanaacani, lrirsotsa lrideeca ofrendawa lriinócarro apana cabra atsiana, corri -dalritsa irso imastica. 24 Lricadaotsa lricaapi jliwida nacó jliaji maaficalri njite lriinoni nainocawa njaji ofrenda namjaitanda Dio ipeyajle. Icatsa ofrenda imatsicanaati ikjaote. 25 Jliaji sacerdote lripotsietawatsa lricapjiwida lrirranami ricó jliaji maaficalri njite lriñjetaotsa altar itsowa nacó namjaitacawa ofrenda, njite lriarrowatsa pjiomi lrirranami lritajida nacó jliaji altar. 26 Lrimjaitaotsa pjiomi njaji lrirranapemi altar nacó, cayoji lrinaitja capisho lrisho jliaji maaficalri ofrenda imaodacakjeti nacoda. Sacerdote inoca jliaji maaficalri lrimatsicana ikjaote jliaji talricanaati, icatsa cayoji matsiaca lrimatsicana ioya jliaji talricanaati. 27 Coandalri catsa inaiki inaitja imatsicanao corri cadanatsa lriomacalreca, lrinaitja capoa coajidalri catsa nanakjoite njaji Dio ifarrolri inaitjaca, njite camatsicanaani lrikjaote, 28 njite jliwacatsa yanjí camatsicanaacani, lrirsotsa lrideeca ofrendawa lriinó-carro apana cabra inarrona, corri -dalritsa irso imastica 29 Lricadaotsa lricaapi jliwida nacó jliaji maaficalri njite lriinoni nainocawa njaji ofrenda namjaitanda Dio ipeyajle. 30 Jliaji sacerdote lripotsietawatsa lricapjiwida lrirranami ricó jliaji maaficalri njite lriñjetaotsa altar itsowa nacó namjaitacawa ofrenda, njite lriarrowatsa pjiomi lrirranami lritajida nacó jliaji altar. 31 Lriyoá watsa pjiomi lriiti, cayoji lriyoá capisho lriiti jliaji nainonda ofrenda imaodacakjeti nacoda. Sacerdote imjaitaotsana altar nacó pomení-carro lriitan Dio irso. Sacerdote íno jliaji maaficalri lrimatsicanaa ikjaote jliaji atsia, njite matsiacani lrimatsicana ioya. 32 Lride cadaa apana cordero lri ofrendaniwa lrimatsicanaa ikjaotenadalri, lrideotsa apana inarrona matsini idaki ricó. 33 Lricadaotsa lricaapi jliwida nacó jliaji maaficalri njite lriinoni nainocawa njaji ofrenda namjaitanda Dio ipeyajle. 34 Jliaji sacerdote lripotsietawatsa lricapjiwida lrirranami ricó jliaji maaficalri njite lriñjetaotsa altar itsowa nacó namjaitacawa ofrenda, njite lriarrowatsa pjiomi lrirranami lritajida nacó jliaji altar. 35 Lriyoa watsa lrioya pjiomi lriiti, cayoji lriyoá capishó lriiti jliaji cordero nainonda ofrendawa imaodacakjeti nacó, njite sacerdote imjaitaotsana nanaco njaji ofrenda Dio iyarrope namjaitanda Lrirso. Jliaji sacerdote íno jkliaji maaficalri lrimatsicana ikjaote jliaji atsia njitenaotsa matsiacani lrimatsicana ioya.
1 Nawana cadaa pada lricaité-carro pada yácona lricapanda ikjaote lrinaco o jliminda coajica, njite corrin jliepa lriácarro lricaite lrinacó, icaamitsa lrinaitjaca lrimatsicanawa niiní camatsicanaacani lrikjaote. 2 Aape inota cadaa pada corridalritsa matsiadalricani, maaficalri corridalritsa pataita panotacani, maaficalri kerroani cadaa o nápirra idadami, o lridadami pia jliaji maaficalri yanjicadawa iwawa sho jiipai nacó, lrinotani corri cadanatsa lriomacalreca, icaamitsa maatsidalri tsakjani njite camatsicanaacani lrikjaote. 3 Aape inota cadaa pada imatsica, coandalricatsa maatsidalri lrinacó, corri cadanatsa lriomacalreca, icaamitsa camatsicanaacani lrikjaote lrianjí cádanaco lrinacó. 4 Aape icaite cadaa yácoti ajádalri lrinoma shó kjeyacalrim lrinaitjá-carro maatsí o lrinaitjá-carro matsia, o coandalri ikjaote lriaco yácoti ajádalri, njite corrin lrianjí jlida nacó, mitsa lrianjí lrinaco jliapodamina, icaamitsa camatsicanaacani naikjaote. 5 Camatsicanaa cadaa pada naikjaote njaji imatsicanaati, lrirsotsa lricaiteca lrioyawa njaji imatsicanaati lrinaitjalri. 6 Njite lrirsotsa lrideeca pada ofrenda Dio irso lrinaitja capoa maatsi apana lrípirra inarrona, oveja cadaa o cabra cadaa, pada ofrenda lrinaitja capoa maatsí, njite jliaji sacerdote lriino caotsa jliaji maaficalri lrimatsicanaa ikjaote. 7 Corri cadaa lritaita lriwentaca apana cordero, lritaita lrideeca ofrenda lrimatsicana ikjaote yamapa potocadape o yamapa tsootsobo walriapalripe toa Dio irso, apaapa lrimatsicana ikjaote njite apaapa lrimjaitaoda ofrendawa. 8 Lrirsotsa lrideecana sacerdote irsoni, jlienaotsa icadaa lriinita apaapa ofrendawa lrimatsicanaa ikjaote, lripokjo watsa lrinorro mitsa corrin lritaita jlitaca dacami lridaki ioya. 9 Njiteotsa lriwitsica lrirranami jliaji ofrenda lrimatsicana ikjaote altar icodapi nacó, njite lricadaa lrírrana itepem altar ipocoda nacó. Icatsa ofrenda imatsicanaati ikjaote. 10 Njite jliaji apaapa lrirsotsa lricadaaca oferenda lrimjaitanda, cayoji lricaite capisho idananda lricó, njite jliaji sacerdote lrinocaotsa lrioyawalre nacó, lrikjaote jliaji imatsicanaati lrinaitjalri, njite icaamitsa matsiaca jliaji inaiki. 11 Mitsa corri cada aape itaita iwentaca yamaapa potocadape o yamaapa tsotsobo yénipe, lridee pedaotsa yamada kilo trigope matsiadalri ofrenda lrimatsicanaa ikjaote. Corriotsa lritaita lrikewitaca aceite shó o lricadaacantja incienso lrinacó, ima pada ofrenda lrimatsicanaa ikjaote. 12 Lrirsotsa lrideecani sacerdote irson, njite jliaji sacerdote jipaotsa lricaapi ricó lrinakjoite jliaji ofrenda lrikjaote-dalri njite lrimjaitani altar nacó, nanacó njaji ofrenda namjaitanda Dio irso tiyé ricó. Icatsa ofrenda imatsicanaati ikjaote. 13 Jliaji sacerdote lrirsotsa lrinaitjaca pada ioyawalrewa coandalri catsa imatsicanaati ikjaote lrinaitjalri, njite icaamitsa mamatsicanaaca jliaji inaiki. Njite njaji ofrenda itepemi nayadaca njaji sacerdotenai, coshoca njaji ofrenda napania iinaca nakjoite.'' 14 Njité-dalri caaco jliaji IMINALRITI Moise irso: 15 ''Pada imacoadata cada pada yácoti njite lriawa nakjoete njaji wa-Minalri inaaniperre, mitsa corrin lriomacalreca, niini lrirsotsa lrideeca ofrenda lrimatsicana ikjaoten wa-Minalri irsó. Apana ofrenda jliaji carnero marsocadalritsa idapalre lrípirra nakjoite-dalri; Once kilo njite coatro gramo pja lrinacojle palraatape, pada ofrenda lrimatsicanaa ikjaote. 16 Jliaji inaiki lrirsotsa lricaoñaca lrinaitja capoa maatsi nakjoete njaji Dio inanipe jlienitaji lrirsowaawa, njite lrirsotsa lria pjaca lrinacojle sacerdote irso. Njite jliaji sacerdote lriinoca jliaji cordero lrimatsicana ikjaote, njite icaamitsa mamatsicanaaca jliaji inaiki. 17 Pada inaitja cada lrimatsicanawa lrinaitja capoa njaji Dio ifarrolri panaitjaca, njite corrin lriaji lrinacó, icaamitsa camatsicanaacani lrikjaote, njite lrirsotsa lricaoñaca jliaji maatsirri lrinaitjanda. 18 Lrirsotsa lrideeca apana carnero madaprene tsa teeco lritaoñacawa ioya, irsocada lricoada cayotsaji nacadaa capishó, icatsa jliaji ofrenda lriderri sacerdote irso lrimatsicana ikjaote. Ikena jliaji sacerdote iinoca jliaji maaficalri lrimatsicana ikjaote, njite matsiacani lri matsicana ioya. 19 Pada ofrenda imatsicanaati ikjaote, ima camatsicanaadalri cani Dio ipeyajle.''
1 Caaco JLIAJI IMINALRITI Moise irso cayoji: 2 Pada inaitja cadaa imatsicanawa njite lrimacoadataca njaji yácoti Dio icadaji, lricashata capoa lricodapidalri, lricada capoatoa lriyarro lrirso, o lrinaitja capoa coají-carro jlitaca lrioya lriyárro o lriñaitocani, o jlirrapiteetacani idejikjeti shó, 3 o lrioketa cada pada lriyarromi iñaacadam lrioya njite lridawa lricaoni, njite lridiota lrinaco jiaji lrishá, o coajidañri catsa lrimatsicnaa, 4 niini camatsicanaacani lrikjaote jliaji imatsicanaati, lrirsotsa lridietaca jliaji lriñaite o jlitanda jidaatí ricó, o lrimanalrieta capoa lrioya lriyarro, o jiwacadami lrioya. 5 O coandalri nacó cada lricashata, lrirsotsa lridietaca pjiomi njite lrirsotsa lriá pjaaca lrinacojle jliaji lridewerri inacó, jliadatsa najíca lrinaitjaca maatsi. 6 Njite lrirsotsa lrideeca lri-ofrendani lrimatsicanaa ikjaote Dio irso: apana carnero nataoñanda nakjoite matsiani pjiomi irsocada icoada cayotsa lricoada capisho, pada ofrenda imatsicanaati ikjaote sacerdote irso. 7 Sacerdote inoatsa jliaji maaficalri lrikjaote-naadalri Dio ipeyajle, nininaotsa matsiacani lrioya jliaji mátsirri icadalri camatsicanaacani.'' 8 Caaco tsenakja JLIAJI IMINALRITI Moise irso, Lriaco lrirso: '' 9 Pinaa watsa Aarón njite njaji lrienipe, cayoji: icatsa njaji yácoti kjaidadalri nanaco njaji ofrenda imjaitanda: Irsotsa icadaaca jliaji ofrenda imjaitanda altar nacó depjite atee tjewaijle piyompinaco, njite macadaotsa yalrimica jliaji tiyee altar nacoda. 10 Sacerdote shetaotsa lritsayani jérriwai máca, njite lriapjiteda jérriwai máca tsakja. Njite yami kena lrimacawa jliaji ofrenda altar nacoda, sacerdote jitaotsa pjiomi lriwayolremi tiyé imacaji altar nacó, njite lricadaotsa altar icodapi. 11 Jlitaotsa njaji lritsayani njite jlietaotsa padenakja lridé-carro njaji lriwayojlemi pemajle naofacawa ioya, apafe napiyocawa lrico. 12 Corriotsa yalrimí carroca jliaji tiyé altar nacoda. Sacerdote shetaotsa lripawa piyompinacó icoami. Lrimatsietaotsa njaji ofrenda namjaitaji lrinaco, cayoji Dio icaite capishó, njite lrimjaita watsa lrinaco pjiomi njaji maaficalri iiti ofrenda imaodaca kjeti nacoda. 13 Corriotsa yalrimí carroca jliaji tiyé altar nacóda. Lrirsotsa kerracani caidalritsa. 14 Cayoatsa njaji yácoti kjaidaperri nanaco njaji ofrenda oaniatai ínaca nacó. Njawatsa njaji Aarón yénipe nadee watsana Dio ikjaolre, altar ipeyajle. 15 Sacerdote jipaotsa lricaapi ricó pema harina matsiadalri nanakjoite njaji ofrenda ipania ínaca, aceite nakjoite, njite incienso nakjoite tsakja, nakewitaji paniati ínaca ricotsa, ikenaotsa lrimjaitana altar nacó pomení-carro lriitan jirracawa njiteo, pada ofrenda shó naikjaote. 16 Aarón njite njaji lrienipe iñjaotsa nanacope njaji ofrenda. Narsotsa nanaitjaca naiñjawa meewitsa naiñjá-carro mamatsicanaa cawa tsa. Lriyacalre coa lrico jliaji nawacaaca-carrodawa. 17 Narsotsa njaitacani meewi tsa. Noaca irsoni nanakjoite njaji ofrenda namjaitanda inacope Norso. Njeitanda teecojle cayoji nacayosho njaji ofrenda namatsicana ikjaote caikjaolrenaa cádanacona. 18 Icatsaotsa piyaadaca, pjia Aaró caidalriwenatsa naapiya njaji atsianai pjiapodamperrimi pinakjoite-perri, jitanda nanakjoite njaji ofrenda Dio iyaapepe, namjaitanda Lrirso. Coca cadaa inotana, njenitaacacawa Lrirso tsakja 19 Niini caaco tsenakja JLIAJI IMINALRITI Moise irso, Lriaco: 20 ''Icatsaotsa njaji ofrenda Aarón irsolritsa iaca naapiya njaji lrienipe Dio irso naniwa cádanaco neepipe sacerdoté carrona: naa watsa yamada kilo harina matsiadalri pjaa ofrenda shó paniati ínaca nakjoite, naa watsa pamoyoa piyompinaco njite pamoyoa dainoma jle. 21 Ikewitaotsani aceite ricó njite inaitjaotsani natsieta carroapi ricó, njite matsia kenaotsani lri-ricoda, pjietaotsa jliaji inaiki iniwananda. Njite pomaca kenani picadowaots jliaji ofrenda paniati ínaca capisho, pomení-carro lriitan Dio irsó. 22 Cayoatsa lrinaitjaca jliaji sacerdotenai yapiyawalri, Aarón inakjoité-dalri lricadaa cádanaco pada jimawa lriarrontacao. Lritaitja cayoji DIo inaa capisho nanaitjaca caidalriwetsa, njite lrirsotsa lricadaa lrimacawa pjiomi Dio ipeyajle. 23 Pjiomi njaji ofrenda paniati ínaca nakjoite lrianda jliaji sacerdote lrirsotsa lrimjaitaca pjiomini. Corrin nataita nailjacani. 24 Caaco tsenakja JLIAJI IMINALRITI Moise irso, Lriaco: 25 Caaco pjia Aarón irsó njite narso njaji lrienipe cayoji: ''Cayoatsa njaji yácoti kjaidaperri nanaco njaji ofrenda imatsicanaati nacó. Njaji ofrenda imatsicanaati nacó irsotsa ínocana namjaitacawa nacó njaji ofrenda Dio ipeyajle. Njenitanda teecojletsa. 26 Jliaji sacerdote imjaitacada namatsicanaa ikjaote icatsa jliaji irsolritsa iñjacani. Lrirsotsa lrinñjacani lriyacalrecoa lrico jliaji nawacaaca-carrowa lricó. 27 Cocadaa inota jliaji maaficalri ípe irsotsa shenitacani Dio irso, njite írranati iwitsia cadaa natsayan nacó, lrirsotsa lricotsoca jliaji tsaaya lriwitsia cawa nacó, njenitacawa matsiacawa lricó. 28 Njite jliaji nayana carroapi ricó torropedalri, lrirsota lribolrontacani. Mitsa bronceapi cada, lrirsotsa lricotsoca, lridaita matsia óni matsiajai ricó njite jliatja matsia 29 Coandalri catsa atsianai nanakjoite njaji sacerdotenai nataita naiñjaca nanacope, ima teecojlé-dalricani. 30 Mitsa coandalri catsa ofrenda namatsicanaa ikjaote, nadenda írranami nawacaaca-carroda lricó nainonda namatsicanaa ikjaotenadalri njenitanda matsiadalri ricó, corrin nataita naiñjacani. Narsotsa namjaitaca pjiomi.
1 Icatsa cayoji jliaji yácoti kjaidadalri imatsicanaati ikjaote. Shenitanda caatsa teecojle. 2 Nainoatsa jliaji maaficalri ofrenda imatsicanaati ikjaotenadalri nainocawatsana, njite narsotsa nárroca lrírranami altar nacó. 3 Pjiomi njaji lriiti lriitipi nacope, lriwawa lricope, 4 njaji lritepe njhite njaji lriiti nanacope, tsomiperri nainjapi ioya, njite njaji lrishopa naapiya njaji lritepe, narsotsa njetacana 5 Jliaji sacerdote lrirsotsa lrimjaitacana altar nacó pada ofrenda namjaitanda tiyé ricó Dio irsó. Icatsa ofrenda imatsicanaati ikjaotená-dalrica. 6 Njaji atsianai nanakjoite njaji sacerdotenai nataita naiñjaca lrinacope jliaji maaficalri nainonda. Narsotsa naiñjaca njenitanda lrico teecojle ima njenitandaca jliaji naiñjalri. 7 Jliaji ofrenda imatsicanaati ikjaote caishocatsani lricayosho jliaji ofrenda camatsicanaa cádanaco pada. Jlia minitsa yácoti kjaidaperrica naicaona yamadape. Sacerdote iyaadaca jliaji lriipe iinocadani namatsicanaa ikjaote. 8 Jliaji sacerdote imjaitacada jliaji ofrenda coajidalri catsa iyáda, lritaita jlipaca lrirsowao lriyam jliaji maaficalri ofrenda. 9 Njaji ofrenda ipania ínaca imerritaji poalri ricó, iyananda itsieta carroapi ricó o merritandan lri-ricoapitsa lriyadacani jliaji sacerdote idérrini. 10 Njaji ofrenda ipania ínaca inacope meetapena o ikewitaji aceite shó, nayadapecana nacoanaa njaji Aarón yénipe. 11 1Icatsa yácoti kjaidadalri nanaco njaji ofrenda imaodacakjeti nacó, naajipe njaji inaiki Dio irso. 12 Pada yaacada ofrenda lriashopa matsiadalri, lrirso peda lriaca apana pan jipandadalri meewidalritsa cacoadádalri lrirso, mitsa lrikewitandacni aceite shó, lriwitsica aceite lrinaco, njite nasho njaji harinape matsiaperri lrikewitanda aceite shó. 13 Lriashopa matsiadalri, lrirsotsa lriaca ofrenda imaodacakjeti nacó iinai apana pan jipandani keewidalri. 14 Lricadaotsa padape nanakjoite njaji cacoadaperri ofrenda shó lrideji Dio irso. Nayadacani njaji sacerdotenai iwitsicacaérri irranati lrinaco jliaji ofrenda imaodacakjeti nacó altar nacó. 15 Jliaji inaiki ideecada jliaji ofrenda imaodacakjeti nacó lria shopa matsiadalri, lrirsotsa lriñjaca lriipe jliaji ofrenda lriinonda jliadaa lriinocani. Corrin lritaita lricadaaca lrinacope tjewaijle icaona. 16 Mitsa lria cada jliaji ofrenda cacoadádalri pada ikjaote, lria cadaa jliaji ofrenda lrioma capoatsa lriacani lricaolre rikjoite, narsotsa naiñjaca lriipe jliadatsa nainocani, njite njaji lriitepemi nataita naiñjaca tjewaijle. 17 Mitsa lriofa cadaa pjatoa lrinakjoite jliaji nainonda madalridaa nacojle narsotsa namjaitacani. 18 Coca cadaa iñja lriipe jliaji maaficalri nainonda ofrendawa imaodacakjeti nacó madalridaa nacojle, corrinatsa matsia carrocani, corrina tsakja cacoadá carroca lrirso jliaji iinolrini. Cadofialré-dalri kenatsan, njite jliaji inaiki iñjacadani lrideeca lrinacoa lrimatsicana ikjaotenadalri. 19 Corritsa coca itaita iñjaca jliaji ípeti inotacada pada maatsidalritsa. Irsotsa imjaitacani, Mitsa njaji ipeti matsiaperritsa itaita ijacani. 20 Pada inaiki maatsidalritsa iñjacada lriipe jliaji maaficalri ofrenda imaodacakjeti nacó Dio iyadatsa, jliaji inaiki irsotsa shenetaca yoyawani, corrinatsa ikindacani. 21 Cocacadaa inota pada maatsidalritsa, inaiki iyada cadaa, o maaficalri iyada cadaa o pada maatsidalritsa cadofiakjé-dalri, njite lriñjacada lriipe jliaji maaficalri ofrenda imaodacakjeti nacó Dio iyadatsa, jliaji inaiki irsotsa shenetaca yoyawani, corrinatsa inakjoité-dalri cani.'' 22 Caaco jliaji IMINALRITI Moise irso, Lriaco cayoji: 23 ''Picaite narso njaji Iraelnai cayoji: ''Corrin itaita iñjaca buey iiti, oveja iiti cadaa, o cabra iiti cadaa. 24 lriti jliaji maaficalri corridalritsa nainondaca, o lriiti jliaji maaficalri yaawi inondami, itaita idejica pada lrishó, mitsa corrin itaita iñjacani. 25 Coandalri cadaa inaiki iñja maaficalri iiti pada inaiki inonda njite lrimjaitani tiyé ricó Dio irso, jliaji inaki irsotsa shenitaca yoyawani, corrinatsa inakjoitédalrica yajicani. 26 Corrin itaita iñjaca nairrana njaji maaficalri o kepirre cadaa a kjerrecawajle catsa iofawaji. 27 Cocacadaa iñja írranati, irsotsa shenitaca yoyawa jliaji inaiki.'' 28 Caaco jliaji IMINALRITI Moise irso, Lriaco cayoji: 29 ''Picaite narso njaji Iraelnai cayoji: Coca cadaa íno maaficalri ofrenda imaodacakjeti nacó Dio irsolrirsotsa lridee tsakja lrinacope Dio iorso tsakja. 30 Jliaji ofrenda irsotsa imjaitacani Dio irso, jiwacatsa irsotsa ideecani. Lrirsotsa lrideeca lriiti njite lricodaita tsakja, jlirretá-carro lricodaita ofrenda jlirredanda Dio ipeyajle. 31 Jliaji sacerdote imjaitaotsa lriiti altar nacó, mitsa jliaji lricodaita Aarón iyadacani lrienipe yápiya. 32 Irsotsa yáca lripoita pema atsialriemakema sacerdote irso ofrenda shó idenda teecojletsa lrioya jliaji inonda ofrenda imaodacakjeti nacó. 33 Jliaji sacerdote, pada nanakjoite njaji Aarón yénipe, jliaji iderriotsa írranati imaodacakjeti nacoda njite lriiti tsakja, icatsaotsa iyadaca jliaji maaficalri ofrenda icotsipami itsialriema kema. 34 Ima Nocoadatacani nakjoete njaji Iraelnai, jliaji ofrenda maaficalri icodaita njerretanda, njite jliaji lricotsipam nanda, njite nacadaana sacerdote Aarón irso njite narso njaji lrienipe nayadawa. 35 Icatsa njaji Aarón iyadape naapiya njaji nanakjoite njaji ofrenda namjaitaji tiyé ricó Dio irso, cayo piatsa Moise icaiteca lricaite cádanacona nadejí-carro Dio irso sacerdote shó. 36 Icatsa nayadapeca njaji sacerdotenai Dio icaiteji nácarro narso njaji Iraelnai aimadan, jliadaa pia lriniwanacana sacerdote carrona. Icatsaotsa njaji nayadapeca caidalriwetsa naapiya njaji walricomanai. 37 Icatsa yácoti kjaidaperrica nanaco njaji ofrenda namjaitaji, napania ínaca nakjoite, namatsicana ikjaote, caikjaolrena cádanacona, nacadaaca cádanacona, njite nanaco njaji ofrenda imaodacakjeti nacó, 38 icatsa njaji yácoti Dio icaiteji Moise irso Jiipana Sinai nacó jliadaa pia lrinaaca nadeeca na ofrendani Dio irso jalrapocolri ricó.
1 Caaco JLIAJI IMINALRITI Moise irso cayoji: 2 Piinai Aarón njite njaji lrienipe tsakja, pidee njaji tsaaya njite aceite parronda nanaco, jliaji toro ofrenda imatsicanaati ikjaotenaadalri, yaamana carnero, njite njaji peetje mewi-perritsa tseetoda lrico. 3 Piwaketa njaji inaiki iwaketaaca-carroda ipananoma lricó.'' 4 Moise inaitja cayotsaji Dio inaa capisho lrinaitjaca, njite njaji inaiki nawacaacawa nawacaaca-carroda ipananoma lricó. 5 Njite Moise iaco narso njaji iwacaacalrio: ''Icatsa cayoji IMINALRITI inaa wanaitjaca.'' 6 Moise idee Aarón njite njaji lrienipe njite lricotsona ooni shó. 7 Jlieta Aarón irso lri tsayan jalripadalri njite lripapi lritsayan nacó lriiwalre ipapi nacakjaidalri, jlieta lrinacó lri tsayan nacódalri njite jlieta lrirso lricodaita nacódalri, njite lripapi jliaji lricodaita nacódalri lrinacoa lrisho jliaji lripapi nañanikja matsia. 8 Lricadaa tsakja lrinacó njaji lriteda nacópe írroa, njite lricadaa nanaco njaji lriteda nacoperri njaji lriajishopa coajica najirrica Urim njite jliaji pada lriipitana Turim. 9 Lricadaa jliwida ncó jliaji yamacatí tsopewa sho dalri, njite lriecoa nacó lricadaa jliaji capatsite owirroita caacona carrodani, cayotsaji Dio inaa capisho lrinaitjaca. 10 Moise jipa jliaji aceite naiñjeta shopa inaiki nacó, lriarro nawacaaca-carroda nacó njite nanaco njaji lriitada niini jlienitana Dio irsowawa. 11 Jliarro aceite siete piape altar nacó, cayotsa lriniwanaca jliaji altar njite pjiomi njaji nadejishopa niini, njite jliaji ooni yárroda njite lriofacawa naco tsakja, jlienita pjiomina Dio irso 12 Njite lrinacope jliaji aceite narronda nanaco lriarroni Aarón jiwida nacó njite cayotsa jlienitacani lridejicalre nacó. 13 Moise idee njaji Aarón yénipe njite jlieta nanaco natsayaniwa jalripadalri. Lripápi naawalre nacó naawalrekja njite lriñampa njewidanacó jérriwai máca sho njewida nacó, cayotsaji Dio inaa capisho lrinaitjaca. 14 Moise inaa nadeeca jliaji toro ofrenda imatsicanaati ikjaotenaadalri, njite Aarón, njaji lrienipe tsakja nacadaa nacaapi jliwida nacó jliaji toro nadenda imatsicanaati ikjaotenaadalri. 15 Moise inaa nainocani, njite jlipa lrirrana inacope lricaapi ricó lriarró-carro altar itsowa nacó wadee camatsicanaa shocani, lriarro tsakja írranati altar itajida nacó njite lricadaa jliaji alatar Dio iyadá-carroni lriinó-carro maaficalri lrinacó namatsicanaa ikjaotenadalri. 16 Njite Moise jita pjiomi njaji lriiti lrishapi nacope, lrishopana iiti, njite lritepe lriiti fie, njite lrimjaitana altar nacó. 17 Njite njaji toro iitepemi, lriyami, lripem njite lrimatsicanda lrimjaitani pemajle lrioya jliaji naofacawa lricó, cayotsaji DIo inaa capisho lrinaitjaca. 18 Njite Moise inaa nadeeca tsakja jliaji carnero, ofrenda namjaitaoda, njite Aarón, njaji lrienipe nacadaa nacaapi carnero jiwida nacó. 19 Lriino jliaji maaficalri njite lriarro lrirranami altar nacó pjiomi. 20 0Lricadowa jliaji carnero njite lrimjaita jliwidam, njaji lricadowaji njite lriiti tsakja. 21 Lricotso matsia njaji lrishapi, lripoita ooni shó, njite lrimjaita pjiomina altar nacó. Pada ofrenda namjaitanda cani, icadacada joiwi iitan ima namjaitandaca tiyé ricó Dio irso, cayotsaji Dio inaa capisho Moise inaitjaca. 22 Njite Moise idee jliaji apana carnero, jliaji carnero nakeepinatashopana, njite Aarón njite njaji lrienipe nacadaa nacaapi jliwida nacó. 23 Moise iino jliaji maaficalri njite jlípa lrírrana inacope, lriñjeta Aarón sheni atsialriema nacó, jlipjewida makjewi nacó, lricaapjiwida makjewi nacó tsakja atsielriema nacó pjiomi. 24 Njite lridee njaji Aarón yénipe, njite lriñjeta njeeni atsialriema nacó, njaipjewida makjewi nacó, nacaapjiwida makjewi nacó tsakja atsielriema nacó pjiomi. Njite Moise iwitsica írranati altar naco padenirri. 25 Moise jita njaji lriiti, lriitipi iiti, pjiomi lriiti lrishapí nacope, lrishopana iiti, njaji lritepe lriiti fie njite lricotsipa atsialriemá-dalri. 26 Jlita tsakja pan meewi-perritsa lrioya jliaji tseeto nacadanda Dio ipeyajle, jlipa njite njaji pan meewi-perritsa nayoají, jlipa tsakja paana pan lriñjetampe írranati shó njite paita peetje jalritaite-tsa, njite lricadaana nanacó njaji maaficalri iiti njite lricotsipa nacó. 27 Moise icadaana Aarón irso lrienipe yapiya njerretá-carro Dio ipeyajle ofrenda njerretanda Dio ipeyajle. 28 Nataita cayamina, Moise jita naoyani lrimjaitá-carrona altar nacó ima ofrenda namjaitandacani. Pada ofrenda lrimjaitanda lrikepitanata shopana niini matsiadalrica iitan. Ofrenda namjaitanda tiyé ricó Dio irsó. 29 Njite Moise jipa lricodaita jliaji maaficalri jlirretani ima ofrenda njerretandaca Dio ipeyajle. Icatsa njaji carnero inacope Moise idejirri isho lrikeepitanata cádanaco njaji sacerdotenai, cayotsaji Dio inaa capisho lrinaitjaca. 30 Moise jipa aceite inacope naiñjetshopa inaiki inaco njite lrírrana inacope altar nacóda; lriwitsica Aarón nacó, lri tsayan nacó, lrienipe nacó njite na-tsayan nacó. Cayotsa lrikepitanata Aarón, njaji lrienipe njite njaji na-tsayani Dio ipeyajle. 31 Niini Moise iaco Aarón irso njite njaji lrienipe: ''Hiyana lripe jliaji maaficalri iwacaaca-carroda ipananoma lricó, icatsaotsa iñjaca niní peetje mewidalri shó lri-ricodadalri jliaji tseeto wakeepinatashopa sha, cayotsa nonaa capisho pinaitjaca, inma nocaiteca, ''Aarón njite lrienipe watsa iñjana.'' 32 Njite njaji lripe inacope imacaji njite njaji peetje inacope tsakja imjaitaotsana. 33 Yofa toatsa iwacaaca-carroda ipananoma lricó siete jalredaoca, akjerre kenaotsa wakepitanatacawa jinaana yoocawa matsia irsó. Ima jliaji IMINALRITI watsa ikepitanata sha siete jalredaoca. 34 Jliaji wanaitjalri irso jliadaa jecoapi, jliaji IMINALRITI inaa wanaitjaca wapiyó-carro ioya imatsicanaa. 35 Yofaotsa iwacaaca-carroda ipananoma lricó siete jalredaoca njite siete deepi. Shepaotsa jliaji wa-Minalri inaalri inaitjaca, ima corri cadaa sheepa, mayami caotsa shá.'' 36 Aarón njite njaji lrienipe nanaitja pjiomi cayoji Dio inaa capisho nananitjaca Moise nakjoite.
1 Ocho jalredaoca nacó, Moise iwanena Aarón njite njaji lrienipe, lriwana tsakja njaji pekipenai caconaperri Irael lricope. 2 Lriaco Aarón irso: ''Pjipa apana vaaca pamoyoanina nanakjoite njaji papocope ofrendawa imatsicanaati ikjaote, njite apana cordero marsocadalritsa idapalre ofrendawa pamjaitaoda, njite wadee carroni Dio ipeyajle. 3 Caaco pjia narso njaji inaiki Iraelnai, picaite narso cayoji: ''Jipa apana cabra atsiana ofrendawa imatsicana ikjaote yaamana vaaca padaperri oonia ipekirrica, marsocapetsa imatsicaa, ofrenda pamjaitaoda; 4 pidee tsakjaotsa apana buey njite apana cordero ofrenda imaodacakjeti inaona wainoada Dio ipeyajle, njite paniati ínaca nakjoite aceite fieda, ima panaya watsa Dio icañjataacawa ipeyajle.'' 5 Nini nadeeca pjiomi njaji Moise inalri nadeeca nawacaaca-carroda ipananoma lricó, njite náno nawacaacawa pjiomi njaji Iraelnai nacodapi njite neemawa Dio ieyajle. 6 Njite Moise iaco narso: ''Icatsa njaji Dio inaalri inaitjaca; Lritaitá-carro Lricañjata icapa Lrimatsiaca melremelredalri.'' 7 Moise iaco Arón irsó: ''Pitsomita jliaji altar picadá-carro pi-ofrendani imatsicanaati ikjaote-naadalri njite pi-ofrendani pimjaitanda, pjiá-carrotsa ipiyoacawa pimatsicana ioya, njite pipiyó-carro tsakja namatsicanaa ioya njaji inaiki, cayoji Dio inaa capisho.'' 8 Ikena Aarón itsoomita jliaji altar njite lriino jliaji vaken ofrenda imatsicanaati lri matsicanaa ikjaotetsa. 9 Njite njaji lrienipe nadee lrirso vaken írranami, njite Aarón sheeta lricaapjiwida írranati ricó lriñjetá-carro altar itsowa nacó, njite lriarro tsakja írranati altar itajida nacó. 10 Njite lrimjaita altar nacó njaji lriiti, lritepe njite lrishopana ofrenda imatsicanaati ikjaotenadalri, cayotsaji Dio inaa capisho Moise inaitjaca. 11 Lriipe njite lriya, lridee lrimjaita pemajle naofacawa ioya. 12 Aarón iino jliaji maaficalri ofrenda namjaitaoda, njite njaji lrienipe naa lrirso lrirranami lriwitsicá-carro altar nacó padenirri. 13 Njite naa lrirso jliaji maaficalri namjaitaoda, nacadowajina jliwida fie njite lrimjaitana altar nacó. 14 Njite lricotso matsia ooni sho nja lrishapikjaape njite lricotsipa, lricadaana nanaco njaji ofrenda lrimjaitaji altar nacó lrimjaitá-carrona. 15 Njite Aarón iino jliaji apana chivo naikjaotenadalri njaji Iraelitanai, jlipa jliaji chivo naikjaotenadalri njaji Iraelitanai lriinó-carroni namatsicana ikjaote, lrinaitja cayoji lrinaitja capisho jliaji lrinitanda lrinoca. 16 Lridee jliaji ofrenda lrimjaitanda njite lrinaitja cayoji Dio inaa capisho nanaitjaca. 17 lridee tsakja jliaji ofrenda napania iinaca; jlipa pakjami lricaapi ricó njite lrimjaitana altar nacó, nainaitsa njaji ofrenda namjaitanda piyompinacó. 18 Lriino jliaji buey njite jliaji cordero, jliaji maaficalri nainonda maaficalri imaodacakjeti nacoda, nayada njaji inaiki. Njaji lrienipe naa lrirso lrirranami, lriwitsicá-carro altar nacó. 19 Mitsa nayoá toro iiti njite cordero iiti lriitipi nacoda, lrishapi iiti, lritepe njite lrishopana tsakja. 20 Nadee pjiomi njaji nayoaji nacadaa carrona nacodaita iinaitsa njaji maaficalri, njitena Aarón imjaita njaji lriiti altar nacó. 21 Aarón jirreta njaji nacodaita njite lricotsipa lriyekema-dalri ofrenda njerretanda Dio irso, cayotsaji Moise inaa capisho nanaitjaca. 22 Njite Aarón ipiajleta njaji lricaapi naikjaolre njaji inaiki aimadan lricaité-carro nanaco matsiadalri; icamitsa yamica lrinaitjaca jliaji ofrenda imatsicanaati ikjaote-dalri, ofrenda lrimjaitanda nacó, njite jliaji ofrenda imaodacakjeti nacó. 23 Moise njite Aarón, njeewawa nawacaaca carroda iwawa lricojle, njite nadia namoto njiteo niini nacadaaca matsiadalri nanaco njaji inaiki, ikena Dio imatsiaca melremelre-dalri icañjatacawa narso njaji inaiki. 24 Tiyé imotoa lrioshete jliaji IMINALRITI niini lrimjaitaca pjiomi jliaji ofrenda namjaitanda njite njaji maaficalri iiti altar nacoda. Njaji inaiki nacapa cádanaconi, nawana kjaida njite natoda neecoa sho jiipai nacojle.
1 Nadab njite Abiú, Aarón yénipe, njepa nacoana nawaca carroda tiyé, niini nawacaca tiyé lri-ricoda njite nacadaa lrinacó incienso. Njite-dalri nawaca tiyé Dio irso mitsa corrin Lricoadaca naoyani ima corrica Lritatjandaca naoyani ofrenda shó. 2 Niini tiyé imotocawa Dio yoshete njite lrimjaitacana, icaamitsa mayamicana Dio ipeyajle. 3 Njite Moise iaco Aarón irso: ''Icatsa lricaiterrica jliaji wa-Minalri lricaite cádanaco cayoji: ''Nocadaotsa nacapa nomatsiaca narso njaji itsomitacape Njoa. Naawatsa matsiadalri norso pjiomi njaji inaiki aimadan.'' Corritsa coca Aarón icaite. 4 Moise iwana Misael njite Elzafán, njaji Usiel, Aarón ikjirri yénipe, lriaco narso: ''Ino idee njaji ikitsin teeco lrioya jliaji waofacawa njite lrioya jliaji wawacaaca-carrodawa.'' 5 Niini natsomitacana nadee-carro nadadami, njite narsocatoa nanaco natsayani sacerdote carrodana. Nadee teeco lrioya jliaji naofacawa cayotsa Moise inaa capisho nanaitjaca. 6 Njite Moise iaco Aarón irso, njite narso njaji lrienipe Eleazar njite Itamar: ''Macadatsa itsicojle irroa, corrin tskjaotsa itsafaaca itsayani, wdeotsa mayamica sha, wadee kerroaca JLIAJI IMINALRITI nakjoete njaji iwacaacacapewa. Mitsa njaji ikitsiñape njite pjiomi njaji Iraelnai nja dekja itaita íyaca naikjaote njaji IMINALRITI imjaitalri. 7 Corrin itaita imotocawa iwacaaca-carroda ipananoma lricó wade mayamica shá, ima a catoa inaco jliaji aceite wa-Minalri iyada.'' Njite nanaitja cayoji Moise icaite capisho narso. 8 Caaco JLIAJI IMINALRITI Aarón irso cayoji: 9 ''Mairra tsaotsa jaico tjedaa yaaná o irraodati capoanjai, pjia njite njaji pienipe piinaiperri toa, sheewa cádanaco iwacaaca-carrodawa, niniotsa corriotsa mayamí-carroca shá. Cayo mitsaotsa inaitjaca caidalriwetsa naapiya njaji walricomanai, njaji pinaikite aimadan. 10 Cayoatsa inaitjaca pají-carro njaji shenitaaca-capewa Norso naoya njaji corriperritsa shenitaacawa Norso, coshoca njaji matsiaperri njite njaji corripetsa matsiaperrica, 11 pitaitá carroatsa picanantca nanaco njaji irsolritsa inaitjaca Dio icadaalri inaitjá-carro Moise nakjoite.'' 12 Caaco Mlolise Aarón irso njite Itamar irso tsakja, njaji lrienipe piketemperri: ''Pjipa njaji ofrenda itepemi yanipe ipania inakjoitepe imjaitanda Dio irso, njite piñjaotsa mewitsa altar icodapi, ima matsiadalri pjaaca jliaji injaodati. 13 Pirsotsa pinjacani corricawatsa pacapa imatsicanaati, ima pirsowalreca naapiya njaji pienipe nanakjoite njaji ofrenda Dio irsowalrepe namjaitanda tiyé ricó, icatsa jlia Lrinaalri nocaiteca pirsó. 14 Nacodaita njite napoita njaji maaficalri nañocotanda Dio ipeyajle, pirsotsa piñjaca mamatsicana-cawatsa, Dio icoadatacawa njiteo. Pjia njite njaji pienipe atsianai njite njaji inaitjepe narsotsa nainjaca piinai nanakjoite, ima nacadaji pirsowalrepe teecojletsa naapiya njaji pienipe nanakjoite njaji maaficalri nainoji ofrenda imaodacakjeti nacó nacadaji njaji Iraelnai aimadan. 15 Jliaji nacodaita njite njaji nacotsipam nañocotanda narsotsa nadeeca nainaitsa njaji lriiti nacodoetanda tiyé ricó, nadee-carro nañocota Dio ipeyajle. Icatsaotsa piyaapeca caidalriwetsa naapiya njaji pienipe cayoji IMINALRI icaite capishó.'' 16 Njite Moise itatja jimio coanca lrinaco jliaji ofrenda cabra atsiana nacó namatsicana ikjaoté-dalri, njite lriají opikena namjaitani. Niini kerroaca Moise Eleazar njite Itamar yaapiya, njaji Aaró yénipe piketemperri; lriaco narso: 17 ''¿Coada corrin iñja lriipe jiaji ofrenda imatsicana ikjaoté-dalri wawacaaca-carroda icodapi, mamatsicanaa-cawatsa, ima wa-Minalri yaa kena irso jlitá-carro namatsicanaa njaji inaiki iwacaacacapewa, naita shopa njaji imatsicanaati Dio ipeyajle? 18 Icapa corrin ideeca lrirranapemi wawacaaca-carroda lricó, irsopienantja iñjacani wawacaaca-carroda lricó icodapi, cayoji nonaa capisho pia shá.'' 19 Njite Aaró shepa Moise: ''Picapa, opica njaji inaiki nanaitja naofrenda namatsicanaa ikjaote njite naofrenda namjaitaji Dio ipeyajle, icatsa cayo noyapaca opica. Noiñja cadantja njaji ofrenda namatsicanaa ikjaote, ¿matsia piantja Dio icapaca norso?'' 20 Niini Moise jimi cadanaco cayo, lridiá catiimani.
1 Caaco jliaji IMINALRITI Moise njite Aarón irso, vcayoji: 2 ''Caaco shá narso njaji aimadan Iraelnai cayoji: ''Icatsaotsa njaji caafiperri itaitalriotsa iñjaca nanakjoite pjiomi njaji maaficalri jalredaoca lricoperri. 3 Itaita iñjaca njaji maaficalri botamperri itsota njite idiacape imotoita naiñjanda nawawa lrikjoite nanoma lricojle tsenakja neñjacotá-carro pja. 4 Mitsa, niini tsakja njaji maaficalri botamperri itsota njite idiacape imotoita naiñjanda nawawa lrikjoite nanoma lricojle tsenakja neñjacotá-carro pja corri-perritsa itaita iñjaca, caiperri camello shó, namotoita tja naiñjanda nawawa lrikjoite nanoma lricojle tsenakja neñjacotá-carro pja mitsa corrin botamperrica itsona. Niini corritsa matsiadalrica jliaji camello iñjá-carro. 5 Corrin tsakja itaita iñjaca conejo tsooni, namotoita tja naiñjanda nawawa lrikjoite nanoma lricojle tsenakja neñjacotá-carro pja mitsa corrin botamperrica itsona. Niini corritsa matsiadalricani iñjá-carro. 6 Cayo tsakja jliaji conejo macani, namotoita tja naiñjanda nawawa lrikjoite nanoma lricojle tsenakja neñjacotá-carro pja mitsa corrin botamperrica itsona. Niini corritsa matsiadalricani iñjá-carro. 7 Jliaji cootsi, yamaitja tja njaji lritsota mitsa corrin namotoita naiñjanda nawawa lrikjoite nanoma lricojle tsenakja neñjacotá-carro pja, niini corritsa matsiadalricani iñjá-carro. 8 Corrin itaita iñjaca neepe njaji maaficalri, corrin tsakja itaita in+otaca nadada mayandalrim. Maatsíperri catsana irso. 9 Njaji caafiperri ooni ricoperri itaitalritsa iñjaca. Njaji irsocape nañopje njite cafí-perri, macapawan lricoperri o tsoopeki lricoperri. 10 Mitsa pjiomi njaji caafiperri ooni ricoperri corriperri irsó nañopje njite corrin tsakja nafí yofacape macapawan lrico o tsoopeki lrico, pjiomi njaji cananiperri yajicapewa ooni ricó irsotsa imenataca ioyawana pjiomi. 11 Imenataji capoa yoyawana, corrin itaita iñjacana corrin tsakja; iménata tsakjaotsa yoyawa nadadam mayamperrimi. 12 Pjiomi njaji corri-perritsa irso nañopje, njite corrin tsakja narso nafí, njaji ooni lricoperri, irsotsa imenataca yoyawana. 13 Icatsa njaji yarrajicaperri corripetsa itaita iñjacana: pérri, wayolri, 14 terre-trrepalri, perriapape, 15 pjiomi njaji terremalri poco, 16 bocócolri catsowani, njaji capjepe macanipe, caacoe, njite pjiomi njaji jaawa ioyawacaperri. 17 Shenita tsakja ioyawa njaji awado, popolri macani, njite tsonipe tsakja, 18 popolri jalreni icoda, njite macowe tsakja, wayolri jalreni, 19 maalri, thawa, calracalra, piitirri. 20 Pjiomi njaji yarrajicape irsocape coatro jiipa, yajicapewa jiipai nacó, irsotsa imenatacana ioyawana. 21 Mitsa njaji yarrajicape irsocape coatro jiipa naashopa mitsa iwatsiacape jiipai nacó, itaita iñjacana. 22 Itaita tsakja iñjaca pjiomi njaji iwatsiajicapewa jiipai nacó, njaji piito ioyawacaperri. 23 Mitsa njaji paana yarrajicapewa irsocape coatro njaipa irsotsa imenataca yoyawana. 24 Inota cada nanakjoite njaji mayami cádanacona maatsicaotsa shá, papienirri dainoma nacojhle matsia watsa shá. 25 Coca cadaa inotana mayami cayaminana, narsotsa nacotsoca natsayani njite maatsicana atee dainoma nacojle. 26 Njaji maaficalri corriperri yamemam natsota matsia, corrin tsakja namotoita naiñjaoda nawawa lrikjoite nañjacotá-carro tsenakja, corri watsa matsiaca irsona. Njite coca cadaa inotani maatsi tsakjaotsani. 27 Njaji maaficalri catsotá-perri yoopatacape yaacapewa coatro sho njaipa, maatsiperrica irsona. Coca cada inota nadada njaji mayamikenana maatsi watsana dainoma nacojle. 28 Coadalri cadaa jipa idee nadadam mayandalrim minatsa lrirsotsa lricotsoca lritsayani njite maatsi catoatsani atee dainoma nacojle. Maatsiperrica njaji maaficalri irso. 29 Njaji maaficalri itsoetaaca-capewa yaacapewa jiipai nacó, njaji: walritsi, jírri, catsirri, 30 doopo, yoana, jíwe, yocanacana. 31 Pjiomi njaji maaficalri itsoetaaca-capewa wawasho, maatsiperri catsana irso. Coadalri cadaa jipa idee nadadam mayandalrim minatsa lrirsotsa lricotsoca lritsayani njite maatsi catoatsani atee dainoma nacojle. 32 Mayami cadaa nanakjoite njite njewao condalri nacotsa, maatsi catoatsa jliaji njewalri inacó, jaicoita cadaani, yamacati, maaficalri íyam cadaa o tsacom cadaa. Coadao cadana, irsotsa yapjoetacana ooni ricóna; maatsi catoatsani atee dainoma nacojle. Niininaotsa matsiana. 33 Njite njaji nanaitjaji caalri shó, njite njaji maaficalrikjaape jiwa cadaa nanacó maatsicaotsa pjiomi neetada fie. Irsotsa ibolrontacana. 34 Niini cada pada yarrodati maatsidalri keetadádalri njite lriitada jiwa cadaa coca naco catsa o iñjaodati nacó cadaa matsiadalritsa, o piotsa lrimatsicani. Lrimatsica pjiomi njaji lri-ricodaperri. 35 Pjiomi maaficalriapape maatsiperri inacope inotaji, maatsicaotsani, poalri cadaa, nayana carroda cadaa. Irsotsa ibolrontacani. Maatsidalri cani niini maatsiperri tsakjana irsó. 36 Ooni yarrocawa cadaa, ooni yárroda cadaa matsiadalritsa, njite njewa cadaa nanaco nanakjoite njaji maaficalrikjape maatsiperritsa ooni ricó, icamitsa maatsicana. 37 Pjiomi maaficalriapape maatsiperri inacope njewa cadawa nanaco njaji paniati iishí, corriotsa namatsicá carroca. 38 Mitsa yarro cadaa ooni paniati iishí nacó njite maaficalriapape maatsiperri inacope jiwa nanacó, icaamitsa maatsicana ioya. 39 Mayami cadaa apana maaficalri itaitaji iñjaca, njite coca cadaainota jliaji mayamdalrim icaamitsa maatsicani, njite matsia watsani dainoma nacojle. 40 Coca cadaa iñja jliaji mayamdalrimi lrirsotsa lricotsoca lritsayani njite matsia watsani dainoma nacojle.Coca cadaa jirreta idee jliaji mayamdalrimi lrirsotsa lricotsoca lritsayani njite matsia watsani dainoma nacojle. 41 Irsotsa imenataca ioyawa pjiomi njaji maaficalri yaacapewa nawawa shó, corrin itaita iñjacana. 42 Pjiomi njaji yaacaéwa nawawa shó, pjiomi yacapewa cotro njaipa shó, o aima cadaa pja njaipa njaji yacapewa jiipai nacó, corrin itaita iñjacana, irsotsa imenataca ioyawana. 43 Macadatsa maatsica sha naikjaote njaji maaficalri maatsiperritsa yacaéwa jiipai nacojle. 44 Ima IMINALRI Dio-ca Njoa. Irsotsa shenitaacacawa maatsiperri ioya, niini shenitacawa matsidalri ioya, ima Shenitaaca cadawa maatsidalri ioya-ca Njoá. Macadatsa maatsica sha naikjaote njaji maaficalri maatsiperritsa yacaéwa jiipai nacojle. 45 Ima icatsa IMINALRITI-ca Njoá, jitalri shá Egipto jipaite rikjoite, iDiote-carro Njoá. Irsotsa shenitaacacawa maatsiperri ioya, ima shetitaaca cawa maatsidalrica Njoá. 46 Icatsa njaji yácoti kjaidaperri nanacó njaji maaficalri, kepirre, njite pjiomi njaji caafiperri cananiperri ooni ricópe, njite pjiomi njaji yacapewa nawawa shó jiipai nacó, 47 itaitá-carro yajica coanperrica njaji maaficalri matsiaperri njite njaji maaficalri maatsiperri, njite njaji caafiperri itaitaji iñjaca njite njaji caafiperri corri perritsa itaita iñjaca."
1 Caaco JLIAJI IMINALRITI Moise irso: 2 ''Picaite narso njaji inaiki aimadan Iraelnai cayoji: Kewedan cadaa apama ínarro njite jíco rooya pada atsiada, niniotsa maatsi catoano siete jalredaoca, cayotsaji maatsi capishono canopa cádanacono kérri icoamdalri. 3 Njite ocho jalredaoca naó narsotsa nayoaca lriatsiaca íya jkliaji yémpeti. 4 Mitsa rsoaji jlidoa rorsotsa rowapaca trenta tre jalredaoca matsiá-carrono roirranarromi. Corrin rotaita ronotaca cocacani njenitanda, corrin tsakja rotaita rsoewacawa nawacaaca carroda lricó a kjerreca matsiano. 5 Mitsa ínarroda cada roenipe, yamanja semana watsa maatsi cano cayotsaji maatsi capishono canopa cádanacono kérri icoamdalri. Mitsa rsoaji rsodoa rorsotsa rowapaacawa sesenta sei jalredaoca matsiá carrono 6 Njite yaami cayamina maatsicano, roenipe atsiada o ínarroda ikjaote, rorsotsa rodeeca apana cordero pawalria-dalri ipekirrica romjaitanda ofrendawa, njite apaapa tsootsobo emine toa o yamaapa potocadape ofrenda romatsicanaa ikjaote, lrirso jliaji sacerdote nawacaaca-carroda ipananoma lricó. 7 Niiniotsa lriino caotsana DIo irso, lriinoca njaji maaficalri romatsicanaa ikjaote, nininaotsa matsiacano roirranaa sahapodam. Icatsa yácotica ronaco rsoaji ínarro roenipiarrom, atsiada cadaa o ínarroda cadaa. 8 Mitsa corri cadaa rotaita rowentaca apana cordero, niini pedaotsa rodeeca yamaapa potocadape o yamaapa tsootsobo emipe toa, namjaitaoda jliaji apaapa, njite ofrenda romatsicanaa ikjaote jliaji apaapa, jliaji sacerdote inoatsana romatsicanaa ikjaote matsiá carrono.''
1 Caaco JLIAJI IMINALRITI Moise irso njite Aarón irso tsakja cayoji: 2 ''Pada irso cadaa lriyapa nacó colrotodpá-dalri, o cafícani, o lritserre jaalredalri njite capoá-dalri irrenati cani lridaki iyapa nacó, irsotsa ideecani Aarón irso, jliaji sacerdotenai yápiyawalre, o dapa lrienipe, njaji sacerdotenai. 3 Njite jliaji sacerdote lricapaotsa matsia jliaji ipoati lriya nacoda. Jaalre cadaa njaji lriiyo carrena cawani, njite tjewaca cadaa lriawa jliaji lrirrená lríya nacoda, njite cayo cadani pada irrenati cafainadalri. Njite sacerdote icapa cayaminani, lriwacatsa jliaji carrená-dalri lrirsotsa lricaitiacacawa maatsí-dalri cani. 4 Jaalrédalri cadaa jliaji lritserre lríya nacoda, njite corrin tjewacaca jliaji lrirrena, corrin tsakja jaalreca nja lríyo lritserre nacope, jliaji sacerdote lrirsotsa jlietacani panti ricó siete jalredaoca lrirrena ikjaote. 5 Siete jalredaoca nacó, jliaji sacerdote lrirsotsa lricapaca coankenani lrirrená nacó, corri cadetsa lritaoñawa lridaki nacó. Corri cadetsa lritaoñawa, jliaji sacerdote lrirsotsa jlieta tsenakjani panti ricó siete jalredaoca tsenakja. 6 Jliaji sacerdote lricapa tsenakjani corri cadetsa lritserre itaoñawa jliaji carrená-dalri, corri cadetsa lritaoñawa lrirsó, jliaji sacerdote icaoteotsa lrinaco matsiadalri kenani. Catitidalri piacatsa njaji imotolri lridaki nacó. Lrirsotsa lricotsoca lritsayani, njite ikena matsiakenani. 7 Mitsa Lrititin itaoña cadawa lríya nacó lricañjataaca cayaminawa sacerdote irso matsiá carroni, lrirsotsa lridiaca tsenakjawa sacerdote ikjaolre. 8 Jliaji sacerdote icapaotsa lrititín itaoña cadawa lríya nacó, namoto cadapjawa lrirso, cayo cadani, jliaji sacerdote lrirsotsa lricaiteca lrinaco maatsí-dalricani. Lrirsoca pada irrenati capoadalri. 9 Pada irso cadaa pada irrenati capoadalri lridaki nacó, irsotsa ideeca jliaji inaiki sacerdote ikjaolre. 10 Njite jliaji sacerdote lricapaotsa matsia jliaji ipoati lriya nacoda. Colrotoda jaalre-dalri cadaa jliaji lríya nacoda, jaalre cada njaji lriiyo carrena cawani, o corri cada lriawacawa colrotoda cawani. 11 Cayo cadani pada irrenati cafainadalri cani nadaki nacoda, jliaji sacerdote icaiteotsa lrinaco maatsí-dalri cani. Corriotsa lriitá carroca lriicao, ima opikena maatsini. 12 Njite lría cadawa jliaji lritserre jaalredalri pjiomi lridaki naco, jliwida nakjoite atee jliipa nacojle, lriá cadanacoa sacerdote ikjaolre, 13 jliaji sacerdote icapaotsa matsiani jaalre cada lridaki naco pjiomi. Cayo cadani, jliaji sacerdote icaoteotsa lrinacó corricatsa lrtserre inaitja maatsi lrirso. Jaalre cadaa lridaki jliaji inaiki lritserre imá, cotsa maatsí-dalri cani. 14 Mitsa cayaonipena cadani, icaamitsaotsa maatsí-dalri caní. 15 Kérrana cadaa sacerdote icapa lriyaoni ricó jliaji carrená-dalri, lrirsotsa lricaiteca lrinacó matsídalri cani lriyaoni lrikjaote. Ima pada irrenati capoadalrica jliaji lrirsolri. 16 Mitsa jaalre cadaa lridiacawa jliaji lriyaoni, jliaji inaiki lrirsotsa lriacawa sacerdote ikjaolre tsenakja. 17 Jliaji sacerdote lrirsotsa lricapaca matsiáni jaalre cadenakja matsia jliaji iyaoniti pia. Cayo cadani, jliaji sacerdote lrirsotsa lricaiteca lrinaco ópi kema matsiá jliaji inaiki. 18 Cayaoni pia cada pada inaiki lridada nacó njite lriawacawa lrioya, 19 njite colrotodacani jaalredalri lriyaoniarrom ricó o cayanalre cadani, o írracani lrirso, lrirsotsa lricañjatacani sacerdote irso. 20 Jliaji sacerdote icapaotsa matsiá tjeewaca cadaa lriacawa lridaki nacó, njite jaalre cadaa lríyo lri-ricodape, njite cayo cadaa, jliaji sacerdote lrirsotsa lricaiteca lrinaco ópica maatsini. Lrirsoca pada irrenati capoadalri, lritaoña cadawa lriyaoniarrom lricó pia. 21 Mitsa matsia cadatsa sacerdote icapaca lriyaoniarromi, corrin jaalreca nja lríyo, corritsa cayaonicani tjeewaca, icaamitsa lriawaca matsia, niini jliaji sacerdote lrirsotsa jlietacani paanti ricó siete jalredaoca. 22 Njite lripocota cada pjawa lridaki nacó, jliaji sacerdote lricaiteotsa lrinaco ópica maatsini. 23 Mitsa corri cadetsa lritaoñawa, corrin lripocotawa, lriyaoniarrom catsani njite jliaji sacerdote lricaiteotsa lrinaco matsiadalri catsani. 24 Pada ima cádawa lridaki nacó njite lridia lriawacawa lrimakje, mitsa jaalreni irraipjerrina tsakja, o jaalreca niini, 25 niniotsa jliaji sacerdote icapaotsa matsiá tjeewaca cadaa lriacawa lridaki nacó, njite jaalre cadaa lríyo lri-ricodape, njite cayo cadaa, jliaji sacerdote lrirsotsa lricaiteca lrinaco ópica maatsini. Lrirsoca pada irrenati capoadalri lrimacawa lrico ima lritaoñaca lrirso. 26 Mitsa sacerdote icapa cadaa matsia corrica pacapa lríyo jalreperri lri-ricoda, corrin tsakja cayaonini tjewaca, lriawacawa matsiatsawa, jliaji sacerdote lrirsotsa jlietacani panti ricó siete jalredaoca. 27 Siete jalredaoca nacó, jliaji sacerdote lrirsotsa lricapacani tsenakjan. Lritaoña cadawa lrirso, jliaji sacerdote lricaiteotsa lrinacó ópica maatsini. Lrirsoca pada ipoati capoadalri. 28 Mitsa corri cadaa lritaoña lrirso, lriawaca lrioya matsiatsa, icaamitsa caapowamca lrirso lriyaoniarromi, niini jliaji sacerdote icaiteotsa lrinaco matsiadalri catsani. caapowam catsa lrirso lriyaoniarromi. 29 Pada atsia o ínarro cadaa irso pada irrenáti njewida nacó catjiná-dalri, 30 jliaji sacerdote irsotsa icapacani matsia jliaji inaiki capoadalri cadaa jliaji irrenati lrirsolri tjeewacadalri yaawa, o orraiperrimi cadaa njaji itsicolreti lrinacope, cayo cadani, jliaji sacerdote lrirsotsa lricaiteca lrinaco maatsidalrica jliaji inaiki lrikjaote jliaji lrirsolri. Ima weeca narsoni, pada irrenáti njewida nacope catjinaadalri. 31 Mitsa matsia cadatsa sacerdote icapacani lrioya jliaji lriwekjerre jliwida nacoda, corricatsa tjewacadalri cani, ítaperri catsa njaji lritsicolre, jliaji sacerdote shetaotsani panti ricó siete jalredaoca jliapiya jliaji irrenáti lrirsolri. 32 Siete jalredaoca nacó jliaji sacerdote icapa tsenakjaotsa coajikena jliaji irrenáti corri cadetsa lritaoñawa. Matsia cadatsa njaji itsicolreti, corri cadaa tjeewacaca lriawa jliaji irrenati lríya nacoda, 33 niini narsotsa nayoaca lritsicolre, mitsa corrin nataita nayoaca njaji lritsicolre lriyaoni ricope njite sacerdote sheta catani panti ricó lriyaoni yaapiya siete jalredaoca pja. 34 Siete jalredaoca nacó, jliaji sacerdote lricapa tsenakjani corri cadetsa lri-rena itaoñawa lridaki nacó. Corri cadetsa pacapa tjeewaca lríya nacó, jliaji sacerdote icaoteotsa lrinaco matsiadalri kenani. Catitidalri piacatsa njaji imotolri lridaki nacó. Jliaji inaiki irsotsa lricotsoca lritsayani, njite ikena matsiakenani. 35 Mitsa lritaoña cadaa lrirso jliaji weedalri jliwida nacó sacerdote icate cayami pienatja matsiadalri kenani, 36 niini jliajin sacerdote irsotsa icapaca tsenakjani, lritaoña cadawa jliwida naco jliaji weedalri, corrinatsa lriomá carroca lrioya lritsicolre orraiperrimi. Icaamitsa lricaiteca lrinaco maatsidalricani. 37 Mitsa corri cadetsa sacerdote icapa lritaoñaca lrirso jliaji lriwekjerre, njite itaperrica njaji lritsicolre, opikena matsiani lrioya. Niini matsiadalri kena, sacerdote irsotsa icaiteca lrinaco matsiadalri kenani. 38 Pada atsia o apama ínarro irsocada jaalre-perri nadaki nacó, 39 niini jliaji sacerdote irsotsa icapacani matsiá corri cadatsa matsinaadalri cani, pada imoto cadatsao. Corriotsa maatsí-dalri cani. 40 Pada atsia itsicolre jiwa cadawa lrida ioya, icaamitsa capolré cani, cotsa maatsídalri cani. 41 Njite lritsicolre lriecoa icaoperri jiwa, icaamitsa capolrécani lriecoa nacó, mitsa matsiadalri cani. 42 Mitsa lrirso cadaa lripólre nacó lriwekjerre irraiperri, lrirsoca irrenáti capoadalri imotocape lrinacó. 43 Jliaji sacerdote irsotsa icapacani matsia irraidalri cadaa jaalredalri ricó lripolré nacoda, cayocaniji paapacapem shó padaki nacó. 44 Cayo cadani, lrirsoca pada irrenáti capoadalri nini maatsidari cani. Jliaji sacerdote irsotsa icaiteca lrinaco maatsidalri cani lrikjaote jliaji ireenáti lrirsolri. 45 Jliaji inaiki carrenadalri cayó lrirsotsa jlietaca lritsayani tserre-tserrédalri, lrirsotsa lricadaaca lri-tsicolre írro catsawa lriitácarrotsa lriecoa njite lriwana kjaida: ¡Maatsí-dalrica njoá, maatsí-dalrica njoá! 46 Lrirso cadatsa njaji lriyaonipena capoaperri maatsí-dalri catsani. Maatsí-dalri cani lritaita capoa lritaoñaca lrirso jliaji lrirsolri, lrirsotsa lriofacawa jliwacatsa, teeco lrioya jliaji naofacawa pjiomi. 47 Donirro cadaa pada natsayan nacóda, tawalrekjá-dalri, jérriwaikjadalri cadaa, 48 o coadalricatsa nawanikja o neñaji tawalrekja, o jérriwaikja, o maaficalri íya cadaa 49 donirro cadaana jipolre-perri o irrapjirriadalri njaji imotolri nanacó njaji narsolri, maatsidalrica jliaji narsolri ipocota cadawa; irsotsa ideecani sacerdote ikjaolreni. 50 Sacerdote icapaotsa matsia njaji napapí lrirsocadaa maatsídalri; lrirsotsa jlienitacani siete jalredaoca. 51 Siete jalredaoca nacó lrirsotsa lricapaca lripieta jliaji napapí lritaoña cada minitsa njaji donirróperri lrinacope. Lritaoña cadawa, maatsí-dalrica jliaji írrolrio lrinacó, niini maatsí-dalrica jliaji napapí. 52 Lrirsotsa lrimjaitaca pikeetemi jliaji napapí ima lrirsoca lripoa maatsí-dalritsa lrinacó. 53 Mitsa corri cadaa nataoñawa njaji donirro-perri nanaco njaji napapí, 54 icamitsaotsa lrinaaca lriminalri icotsocani njite jlienitani siete jalredaoca pja tsenakja. 55 Njite lricotso cayamina jliaji napapí, jliaji sacerdote lricapa tsenakjaotsani matsia. Caicarrom cadatoani, corri cadanatja nataoña pjaawa, icaamitsa maatsicani. Njite lrirsotsa lrimjaitaca jliaji ipapí, cotsa coadaca a kjerrecawa catsa lrirso jliaji lridonirroca. 56 Mitsa tecojle cadaa pjena lricapacanaa jliaji donirrodalri ipapiti nacoda lricotso cayaminani, lritaita lriyoaca jliaji donirrocawa ipapiti nacoda. 57 Njite corri cadaa yami donirroca jliaji ipapiti nañaji tawalrekja sho, o jérriwaikja shó, o maaficalri íyam shó icaamitsa imjaitacani ima lrirsoca maatsídalri. 58 Matsia cadena jliaji tsaya o ipapiti nañaji tawalrekja sho, o jérriwaikja shó, o maaficalri íyam shó nacotso cayaminani, ipieta tsenakja icotsocani matsiá-carro dekjenani. 59 Icatsa yácoti kjaidadalrica nanaco njaji tsayape o napapí nañaji tawalrekja sho, o jérriwaikja shó, o maaficalri íyam shó, itaitá-carro icaiteca matsiadalri cani.
1 Caaco JLIAJI IMINALRITI Moise irso, lriaco: 2 ''Cayoatsa njaji yácoti kjaidaperri nanaco njaji inaiki irsocape natserre jálreperri nadada nacó jliadaa jécoapi matsia kenana. Lrirsotsa lriacawa sacerdote ikjaolre. 3 Jliaji sacerdote imotoatsa naofacawa ioya lricapá-carro matsia kena jliaji inaiki irsocada pia iyamikje capoadalri lridada nacó. 4 Njite jliaji sacerdote inaa watsa jliaji carrenaadalri pia lrid-carro yamaapa caafiperri yarracapeo matsiaperri, jaico cedrona, tawalrekja írraikjai njite paniatida pomenidalri iitan. 5 Sacerdote inaa watsa lriinó-carro apaapa nanakjoite njaji lrideji ooni matsiajai ricó yarropetida lricoda. 6 Njite jliaji sacerdote jipaotsa caafitsa jliaji wipjiarro lridenda, jaico cedrona, tawalrekja írraikjai njite paniatida pomenidalri iitan, njite lriapjoeta caotsa pjiomina lrírranam lricó jliaji wipjiarro lrinonda ooni matsiajai ricó. 7 Njite sacerdote iwitsicacaotsa siete piape lrinaco jliaji inaiki icotsoaca cadawa lrirrena ioya, njiteotsa sacerdote icaiteotsa lrinaco matsiadalri kenani. Njite sacerdote icadaotsa lriawa jliaji wipjiarro caafitsa awacada lricojle. 8 Njite jliaji carrená-dalri pia lricotsoatsa njaji lritsayani, lritsicolre, njite lripitaotsa ooni ricó matsia, niininaotsa matsia kenani. Njitenaotsa lritaita jliewacawa naofacawa lrico, mitsa corritoatsa lritaita jliewa catoa lripanaita lricó, lriofatoatsa pemajle lrioya siete jalredaoca. 9 Ocho jalredaoca nacó lriyoá watsa lricolre, jlirritaotsa lritsinoma njite lritjiweyo. Lrirsotsa jlirritaca lrioyawa pjiomi lridada íyo, lrirsotsa lricotsocacawa ooni ricó, lricotso lritsayan pjiomi; njite dekjenaotsa matsiani. 10 Ocho jalredaoca nacó lrirsotsa lrideeca yamana cordero atsiana matsiani petsa, apana cordero inarrona pada oniadarro ipekirrica, matsiani tsa, once kilo harinape matsiadalri aceite fiedalri ofrenda paniati inaca nacoda, njite pada taza aceite tsakja. 11 Jliaji sacerdote idejirri matsiá-carro jliaji inaiki, lricadaotsa lriemao jliaji inaiki nacodapi njaji lriderri Dio ipeyajle nawacaaca-carroda ipananoma lricó. 12 Jliaji sacerdote jipaotsa apana cordero atsiana lriinó-carro ofrenda lrimatsicanaa ikjaote, njite lricadaa tsakjaotsa jliaji aceite, jlirretaotsa jliaji ofrenda ima ofrenda njerretandaca Dio ipeyajle. 13 Lrirsotsa lriinoca jliaji cordero atsiana nainocawa njaji ofrenda namjaitaoda imatsicanaati ikjaote, nawaaca-carroda lrico, njite jliaji ofrenda imatsicanaati ikjaote lriyadacan jliaji sacerdote, cayotsaji lricayosho jliaji ofrenda caikjaolrena cádanacona, ima njenitandaca matsiadalri shó. 14 Sacerdote jipaotsa irranati inacope lriñjetá-carro jlieni rico jliaji inaiki imatsietacalriwa lrimatsicana ioya, lriñjeta tsakjaotsa lricaapjiwida makjewi nacó, njite jliipjewida makjewi nacó tsakja atsialriema-perri. 15 Njite sacerdote yarroatsa jliaji aceite taza lricoda lricaapi inarroema lrico, 16 njite lriapjoeta watsa lricaapjiwida atsialriemadalri aceite ricó inarroema lricodalri, njite lriwitsicacaotsa lrinacope lricapjiwida sho siete piape Dio ipeyajle. 17 Njite sacerdote jipaotsa aceite inacope lricaapi ricó njite lricaotsani jlieni ricó atsialriemadalri jliaji atsia imatsietaaca cádawa lrirrena ioya, lricadaa tsakjaotsa lricaapjiwida nacó makjewi njite lriipjewida makjewi naco tsakja atsialriema minitsa pjiomi. Lrirsotsa lricadaaca jliaji aceite lrinaco jliaji írranati ofrenda nacoda imatsicanaati ikjaotedalri. 18 Jlite lriitepem jliaji aceite, sacerdote icadaotsani jliwida nacó jliaji ipiyoacalriwa lrirrena ioya, njite sacerdote ipiyoatsa lrimatsicana Dio ipeyajkle. 19 Njite jliaji sacerdote icadaotsa jliaji ofrenda imatsicanaati ikjaote njite lripiyoatsa lrimatsicanaa lrioya jliaji imatsietaacalriotsa lrirrena ioya, lriino cayami jliaji ofrenda namjaitanda. 20 Njitena sacerdote ideotsa jliaji ofrenda namjaitanda njite jliaji ofrenda napania ínaca inacope altar nacó. Sacerdote ipiyoatsa lrimatsica jliaji inaiki, ikenaotsa matsiakenani. 21 Mitsa, kjenadalri cadatsa jliaji atsia njite corrin lricoa lrirso lriinó-carro njaji maaficalri, lrirso peda lrideeca apana cordero atsiana ofrenda shó lrimatsicanaa ikjaotenaadari jlirretá carroni, lripiyoacá-carroa lrimatsicana ioya lriwaca-waacatsa, njite lridee tsakjaotsa yamada kilo harinape matsiapedalri aceite fieda ofrenda shó napania iinaca nacoda, njite apjeco aceite, 22 lridee tsakjaotsa yamapa potocadape o yamaapa tsootsobo yénipe, njaji lritaitajitsa lrioketaca; apaapa nanakjoite lrimatsicanaa ikjaotenaadalri, njite jliaji apaapa ofrenda lrimjaitaoda watsa. 23 Ocho jalredaoca nacoatsa lrirsotsa lrideecana sacerdote irso lripiayoaca shopawa, nawacaaca-carroda ipananoma lricó, Dio ipeyajle. 24 Njite sacerdote jipaotsa jliaji cordero ofrenda icaonada, njite jliaji aceite olivape, njite jlirretawatsana yénonrse Dio ipeyajle. 25 Njite lriinoatsa jliaji cordero ofrenda imatsicanaati ioyadalri, njite jlitaotsa lrírrana nakjoite njite lricadaotsa jlieni ricó jliaji ipiyoacacadawa, lricaapjiwida makjewi nacó njite jlipjewida makjewi nacó tsakja, atsialriema minitsa pjiomi. 26 Njite sacerdote yarroatsa aceite inacope lricaapi inarroema lrico, 27 njite lriapjoeta watsa lricaapjiwida atsialriemadalri aceite ricó inarroema lricodalri, njite lriwitsicacaotsa lrinacope lricapjiwida sho siete piape Dio ipeyajle. 28 Njite jliaji sacerdote icadaotsa aceite inacope lricaapi lricoda jlieni ricó jliaji ipiyoacacadawa, lricaapjiwida makjewi nacó njite jlipjewida makjewi nacó tsakja, atsialriema minitsa pjiomi, atsa lriñjeta nanaco minatsa lriñjetacawa irranati imatsicanaati ikjaotenaadalri. 29 Njite jliaji lriitepem jliaji aceite lricadaotsa jliwida nacó jliaji ipiyoacacadawa lripiyócarroatsa lrimatsicanaa lrioya Dio ipeyajle. 30 lrirsotsa lrideeca apaapa nanakjoite njaji potocadape o tsootsobo yénipe, njaji lritaitajitsa lrioketaca 31 apaapa, ofrenda lrimatsicanaa ikjaote njite jliaji apaapa ofrenda lrimjaitanda, nainaitsa njaji ofrenda paniati ínaca nacoda. Njite sacerdote ipiyoatsa lrimatsicanaa jliaji ipiyoaca cádawa Dio ipeyajle. 32 Icatsa njaji yácoti kjaidaperri naicaoda njaji inaiki irsocape itserre capoa-perri nadada nacó, njaji corrí-perri itaita icaoñaca maaficalri napiyoaca shopawa.'' 33 Caaco JLIAJI IMINALRITI Moise irso njite Aarón irso, Lriaco narso: 34 Ioca cádanacoenaotsa Canaán jipaite ricojle, jliaji nocadanda irso, njite nocada cadaa donirroca iipana lriricoda jliaji jiipai nocadanda irso, 35 jliaji panti iminalri lrirsotsa lriaca lricate lrinaco sacerdote irso. Lricaiteotsa cayoji: ''Donirroca paají jliaji noopana.'' 36 Njite jliaji sacerdote inaa toatsa namotoca lrioya jliaji panti lripeya jliewaca lricapa lridonirroca jliaji pantí, wadentja maatsica pjiomi njaji panti-ricope. Jliapodamina sacerdote sheewawa pani ircó lricapá-carro. 37 Lriomaotsa lricapa matsia nerrocadawa panti iwai nacó njaji nonirró-perri, jipolré -perri cadana o irraipishia cadaana nerrocawa pantiwai nacó. 38 Njite lrirso cadaa lridonirroca jliaji panti sacerdote imotoatsa lrioya njite lriitaca panti-ipananoma siete jalredaoca. 39 Ocho jalredaoca shapodam sacerdote idia tsenakjaotsa icapa jliaji panti lripocotá cadawa jliaji lridonirroca lriwai nacó jliaji panti. 40 Njite cay- cadaa, sacerdote inaa watsa njetaca jliaji jiipada nerrocawa njaji maatsiperri napeecó-carro pemajle lrioya jliaji nayacalre napeecocawa njaji matsiperri. 41 Narsotsa njerritaca panti-iwai idaa, njite njetaotsa jliaji maatsidalri irrocawa njerritandena nadee-carro napeeco pemajle lrioya jliaji yacaalre napecocawa njaji maatsí-perri. 42 Njite nerroetaotsa paana jiipada walriperri nárrontacao njaji maatsiperrimi, njite nadaata tsenakjaotsa jliaji panti caalri walriperri shó. 43 Njite donirro cadaa lripieta jliaji panti-iwai namatsieta cayami piena pjiomi jliaji panti, 44 sacerdote idia tsenakjaotsa shewawa panti lricó lricapá-carro napocota cadawa njaji panti idonirroca. Cayo cadaa, ikenaotsa lrijica maatsídalrica jliaji imotolriwa panti nacó, nininaotsa maatsidalrica jliaji panti. 45 Narsotsa napeecoca jliawawa jliaji panti. Njite narsotsa nadee napeeco pjiomi njaji lrinacoperri jiipada, jaico, pjiomi njaji nacaalrita shopami pemajle lrioya jliaji yacaalre napeeco cawa lrico njaji maatsiperri. 46 Coca cadaa sheewawa lri-ricoda jliaji panti sacerdote inaa caojli piatoa naitacani maatsi catoani atee dainoma nacojle. 47 Njite cocadaa imaa lri-ricoda jliaji panti lrirsotsa lricotsoca lritsayani, caitsakja jliaji ijacada pia lri-ricoda jliaji panti lricotsoca lritsayani. 48 Sacerdote sheewa cadaa lri-ricoda jliaji panti lricapá-carro corri ketsa pacapa lrimatsica jliaji panti nadia cayami namatsietani, njite corri cadetsa pacapa, nininaotsa lricaite matsia kena jliaji panti. 49 Njite sacerdote irsotsa jipaca yamaapa wipjiarro lripiyoshopa jliaji panti, jaico cedrona, tawalrekja írraikjai njite paniati papocodalri. 50 Lriinoatsa apaapa nanakjoite njaji wipjiarro ooni matsiajai caalriapi ricoda. 51 Jlipaotsa jliaji jaico cedrona, tawalrekja írraikjai, njite jliaji wipjiarro cafiaparro, njite lriapjoetaotsana roirrana lrico jliaji wipjiarro lrinonda, ooni matsiajai lricoda, njite lriwitsicaca siete piape panti nacó. 52 Lrimatsiteaotsa jliaji panti wipjiarro írrana shó njite ooni matsiajai shó, wipjiarro cafidarro shó, jaico cedrona shó, paniatida poco njite tawalrekja írraokjaidalri. 53 Mitsa lricadaotsa roawa rsoaji wipjiarro cafiaparro pemajle lrioya jliaji yacaalre awacada lricó. Icatsa lrinaitjaca cayo lripiyó-carro jliaji panti, njite ikena matsiacani. 54 Icatsa yácoti kjaidaperri nanaco njaji ipoati capoaperri nadada nacope njite njaji imalri mana weecana nadaki nacó, 55 tsaya nacó cadaa njite panti nacope, 56 íshacadao, caacaiperri naco, njite itserreti jaalré-perri, 57 inaitá-carro yají maatsidalri cada jliaji narsolri njite coanca matsiakenani lrimatsica ioya lridada nacoda o paiti-iwai ioya.
1 Caaco jliaji IMINALRITI Moise irso Njite Aarón irso tsakja, Lriaco narso: '' 2 Icaiteotsa narso njaji Iraelnai aimadan cayoji: ''maatsidalri yaa cadawa pada atsia ioya, maatsi capoa lridaki ricó, icaamitsa maatsídalri-cani. 3 Lrima jliaji maatsiajai imotolri lridaki ioya. Lriá cada lrioya o corri cadetsa lriá lrioya, mitsa maatsi-dalri cani. 4 Jliaji lricoacawa lrico, njite pjiomi njaji lriofacawa nacó maatsiperricana. 5 Coca cadaa inota lriamaki lrirsotsa lricotsoca lritsayani njite lrirsotsa lricotsoacacawa ooni ricó, njitenaotsa matsiacani dainoma nacojle. 6 Cocacada iofawa lriofacawape naco jliaji aatsia maatsidalritsa idaki ricó, jliaji inaiki lrirsotsa lricotsoca lritsayani njite lrirsotsa lricotsoacacawa ooni ricó, njitenaotsa matsiacani dainoma nacojle. 7 Coca cadaa inota lridada jliaji atsia maatsidalritsa idaki ricó, lrirsotsa lricotsoca lritsayani njite lrirsotsa lricotsoacacawa ooni ricó, njitenaotsa matsiacani dainoma nacojle. 8 Jliaji inaiki maatsidalritsa idaki ricó jliwita cada lrinaco jliaji matsiadalritsa, jliaji inaiki lrirsotsa lricotsoca lritsayani njite lrirsotsa lricotsoacacawa ooni ricó, njitenaotsa matsiacani dainoma nacojle. 9 Jliaji inaiki maatsidalritsa idaki ricó lriofa cadaa lrinaco jliaji naofá carrona caballo nacó, icaamitsa maatsi catsakjani. 10 Coca cadaa inota lriyárro jliaji maatsidalritsa idaki ricó, icaamitsa maatsicani atee dainoma nacojle, njite cocacadaa idee njaji lriyarroaji lrirsotsa lricotsoca lritsayani njite lrirsotsa lricotsoacacawa ooni ricó, njitenaotsa matsiacani dainoma nacojle. 11 Coandalri catsa maatsi idaki ricó njite lrinota cada pada inaiki corri cadana toa lricotso lricaapi, jliaji inaiki lrinotanda lrirsotsa lricotsoca lritsayani njite lrirsotsa lricotsoacacawa ooni ricó, njitenaotsa matsiacani dainoma nacojle. 12 Jliaji maatsidalritsa idaki ricó lrinota cadaa pada tsipada lrirsotsa lribolrontacani, mitsa jaicoita cada njaji parrato lrirsotsa lricotsocani. 13 Matsia cadena jliaji maatsidalri pia idaki ricó, lrirsotsa lriniwetaca lrirsowao siete jalredaoca matsiácarroni; njite lrirsotsa lricotsoca lritsayani njite lricotso lridada tarracacawa lrico ooni. Njitenaotsa matsiani lrimatsicana ioya. 14 Njite ocho jalredaoca nacojle lrirsotsa lrideeca Dio ipeyajle nawacaaca-carroda ipananoma nacojle yamaapa potocadape o yamaapa tsootsobo yénipe; icatsa lriacana sacerdote irso. 15 Jliaji sacerdote lrirsotsa lrideecana, apaapa lricadaotsa ofrenda imatsicanaati ikjaote njite jliaji apaapa lrimjaitaoda, njite jliaji sacerdote lrirsotsa lriinocani Dio ipeyajle lrimatsicanaa ikjaote. 16 Lriatsiaca yaana yarro cada pada atsia ioya, jliaji atsia lrirsotsa lricotsoca matsia pjiomi lridada ooni ricó; njite matsia watsani dainoma nacojle. 17 Lrirsotsa lricotsoca lritsayani lrinotaacacawa lrisho njite lridada tsakja; njite matsiacani dainoma nacojle. 18 Aape atsia njite apama ínarro nemaa cadaa yamadape njite nadakitaacawa, narsotsa napitaca yamadape ooni ricó; njite matsiawatsana dainomajle. 19 Canopa cadaa apama ínarro, siete jalredaoca watsa maatsicano, coca cadaa inotano maatsiwatsani atee dainoma nacojle. 20 Pjiomi njaji ronotalri cayo cadanacotoano maatsi-perri watsan, cayo tsakja njaji baaco rofánipe naco, maatsi tsakjaotsana. 21 Cocadaa inota roaamaki lrirsotsa lricotsoca lritsaayani njite lricotsoacawa ooni ricó; njite matsiawatsa jliaji inaiki dainoma nacojle. 22 Coca cadaa inota njaji rofacawa naco lrirsotsa lricotsoca lritsaayani njite lricotsoacawa ooni ricó; njite matsiawatsa jliaji inaiki dainoma nacojle. 23 Lrinita cadaa roamaki o rofacawa naco, matsiawatsa jliaji inaiki dainoma nacojle. 24 Coca cadaa imaa roapiya njite ronopaa inotani, niniotsa maatsica jliaji inaiki siete jalredaoca. Pjiomi njaji aamaco ronotaji maatsicana. 25 Wiá cadaa kerranaca rsoaji ínarro ronopa ricó, o canopa cadano corri cadanatoa rsonaana toa, niini maatsi caotsano a kjerreca yaami kérrana naco ima corrica yaami lriaca rooya. Maatsí-darro cano. 26 Pjiomi ro-ámaki rocoá cawa lrico kérrana cádanaco, icatsaotsa njaji rocoa cawa lrico-ca, o njaji rofacawa naco kérrana cadanacono, maatsicana roirrana ikjaote. 27 Coca cadaa inota njaji maatsiperritsa; lrirsotsa lricotsoca lritsaayani njite lricotsoacawa ooni ricó; lrirsotsa lricotsoca lritsaayani njite lricotsoacawa ooni ricó; njite matsiawatsa jliaji inaiki dainoma nacojle. 28 Mitsa yaami cadena roirrana yáca rooya, rorsotsa roniweetaca rorsowao siete jalredaoca, njite jliapodamina icaamitsa matsiakenano. 29 Njite ocho jalredaoca nacojle rorsotsa rodeeca Dio ipeyajle nawacaaca-carroda ipananoma nacojle yamaapa potocadape o yamaapa tsootsobo yénipe; icatsa roacana sacerdote irso. 30 Jliaji sacerdote lrirsotsa lrideecana, apaapa lricadaotsa ofrenda imatsicanaati ikjaote njite jliaji apaapa lrimjaitaoda, njite jliaji sacerdote lrirsotsa lriinocani Dio ipeyajle romatsicanaa ikjaote, írranati yácapoa pia rooya. 31 Icatsa cayoji irsotsa yenitaca njaji inaiki aimadan Iraelnai maatsi cadanacona, wade mayamicana namatsicanaa ikjaote, namatsica capoa jliaji iwacaaca-carrodawa, Nofacawa lrico iinai ipecolrico. 32 Icatsa yácoti nanaco njaji írranato yálri ioya, o lrimatsicaa yáa cadaa lrioya jliaji atsia icadaacada maatsicani, 33 yácoti tsakja narso njaji atsianai o ínarro cadaa namatsicaa yá cadaa naoya, njite lrirso jliaji imaacada roapiya rsoaji ínarro canopá-darro.
1 Caaco JLIAJI IMINALRITI Moise irso mayami cayami njaji Aarón yénipe, mayamina natsomita capoa Dio majicatsa. 2 Lriaco JLIAJI IMINALRITI Moise irso: ''Picaite pipjerri Aaró irso wadee lríno catoa mamatsicanaa caawa lrico yamacati máca idanamdalri coan cádanaco catsantja lrioma, lriipana nacó jliaji patowana nárrocawa írranati namatsicanaa ikjaotenaa-dalri. Ima jliewa cadaa, mayamiotsan, ima norroco caotsa nirse iyadaoca lricó lripanaita nacó jliaji nárrocawa írranati namatsicanaa ikjaotenaa-dalri. 3 Cayoatsa Aarón irsotsa inaitjaca lritaitá carroatsa jliewacawa lri-ricowajle jliaji mamatsicanaa-cawatsa. Lrirsotsa lrideeca apana toro pamoyoeni toa ofrenda imatsicanaati ioyadalri, njite apana carnero ofrenda lrimjaitaoda. 4 lrirsotsa jlietaca lrinacoa jliaji tsaya jalripadalri jérriwai-maca, njite jlieta tsakjaotsa lriapjiteda jérriwai-maca tsakja, njite jliaji yamacati jérriwai-maca jliwida nacóda. Lrirsotsa lricotsoacawa matsia ooni ricó jlietá carroenaotsa njaji lritsayani, 5 Lrirsotsa jlitaca nainai njaji Iraelnai yaamana chivo ofrenda imatsicanati ioyadalri njite apana cordero ofrenda lrimjaitaoda. 6 Njite Aarón irsotsa ideeca njaji ofrenda imatsicanati ikjaotenadalri, lrimatsica ikjaotenadalritsa lritaitá-carro lripiyoacacawa lrimatsicana ioya njite lriipaneta ioya tsakja. 7 Njite lrideotsa njaji yaamana chivo Dio ipeyajle nawacaaca-carroda ipananoma lricó. 8 Njite Aarón irsotsa ipeecoca nanaco njaji yaamanade chivo lriajishopa, apana wa-Minalri nacó njite apana Aarón ipiyoaca shopawa lrimatsicana ioya. 9 Niini lrirsotsa lrideeca jliaji chivo lriajishopa nacó Dio irso, niini lrínocaotsani ofrenda imatsicanaati ikjaote-naadalri. 10 Njite jliaji apana chivo lriajishopa jiwanda inacó lrirsotsa lrideeca caafitsani Dio ipeyajle, lridee-carro lriino napiyo shopa namatsicanaa teeco jalrapocolri ricójle. 11 Njite Aarón irsotsa ideeca jliaji toro ofrenda imatsicanaati ikjaotenaadalri, lrimatsicana ikjaotetsa. Lrirsotsa lrinaitjaca ipiyoaca kjeti lrimatsicana ikjaotetsa njite lriipaneta ikjaote tsakja, niini lriinoca jliaji toro ofrenda lrimatsicana ikjaotetsa. 12 Aarón irsotsa jitaca altar nakjoite tiyemjen kerraperritsa jlitashopatsana Dio ipeyajle, njite lricaapi ricó lrirsotsa jlipaca incienso pótiyaoerri nawititanda matsia, lridé-carro pjiomina yamacati máca idanamrse. 13 Nirsena, lrirsotsa lricadaacana tiyé ricó Dio ipeyajle incienso iitaca itaitá carroatsa itaca lripanaita jliaji narrocawa írranati napiyo shopa imatsicanaati nanacodalri njaji yácoti nadananda nanaitja shopa yácoti. Lrirsotsa lrinaitjaca cayo wadee mayamica. 14 Njite lrirsotsa jlipaca toro írrana nakjoite lriwitsicá-carro lricapjiwida shó lripanaita nacó napiyocawa namasticana ioya. Lriwitsicaotsa lricapjiwida shó lrinacó siete piape 15 Njite lrirsotsa lriinoca jliaji chivo ofrenda namatsicana ikjaote njaji inaiki njite lridee lrirranami yamacati máca idanamrse. Njite lrinaitjaotsa niini cayotsaji lrinaitja capisho toro írranam shó: lriarroatsa riwitsicá-carro lricapjiwida shó lripanaita nacó jliaji napiyocawa namasticana írranati shó, njite lriwitsica tsakjaotsa lripanaita yekjoete nacó napiyocawa namasticana ioya. 16 Lrirsotsa lrinaitjaca ipiyokjeti lrikjaote jliaji mamatsicanaa wajle namatsicana ikjaote njaji inaiki Iraelnai, namjepacan ikjaote njite natsicanaa ikjaote tsakja. Lrinaitjaotsa cayo nawacaaca carroda ipananoma lrico, Dio iofacawa lrico napecolrico, nacapa cawa njaji inaiki inaitjacape maatsiperri. 17 Corriotsa coca itaita yofacawa iwacaaca-carroda lricó Aarón sheewa cádanacoatsa corricawatsa pacapa imatsicanaati lricó a kjerreca lritaita lrinaitjaca jliaji ipiyokjeti imatsicanaati, lrimatsicana waaca nacotsa, lriipaneta nacó njite nanaco njaji inaiki aimadan Iraelnai padenirri. 18 lrimotoatsa lrioya jliaji altar Dio ipeyajlédalri yemawa, njite lrirsotsa jlipaca toro írrana inacope njite chivo lrírrana inacope lripiyí-carroni njite lrirsotsa lriñjetaca altar itsowa nacó njite lripocoda nacó tsakja. 19 Njite lricaapjiwida shó lrirsotsa lriwitsicaca lrinacó siete poiape lripiyó-carro matsia, jlienitá-carro Dio irsowaoni, namatsicanaa ioya njaji inaiki Iraelnai. 20 Lritaita cayamiotsa lripiyoca jlitawajle jliaji mamatsicanaa cawatsa, Altar njite nawacaaca-carrodawa, lrirsotsa lrideeca caafitsa jliaji apana chivo. 21 Aarón icadaotsa nja lricaapi yamemape chivo jiwida nacó njite lricaoteotsa pjiomi namatsicana njaji inaiki aimadan Iraelnai, coanca mjepacacana, pjiomi njaji namatsicana. Icatsa cayoji lricadaaca njaji imatsicanaati chivo jiwida nacó, njite lrimeenaca pada inaiki lridé-carroni teeco jalrapocolri ricojle. 22 Jliaji chivo lrideeca lrinacoa pjiomi namatsicanaa njaji inaiki maminalrinaa lricojle cawa. Icatsa nirse, jliaji atsia ideecada jliaji chivo lrimacaca nirseni lriácarroa. 23 Njite-dalri Aarón idia tsenakjaotsawa nawacaaca carroda klricojle jlitá-carro lrioya njaji tsaya jérriwai máca jlietalri jliewaca ipeya mamatsicanaa cawa lricojle, icatsa lricadaaca njaji lritsayani. 24 Lrirsotsa lricotsoacacawaricó mamatsicanaa cawa lricó jlietá-carro njai lritsayani jlietanda manatsa; njité-dalri lrirsotsa lridiaca lrimotoa lricadacarro ofrenda lri ofrendani lrimjaitanda njite nayada njaji inaiki aimadan, ofrenda namjaitanda tsakja, icatsa cayoji lripiyo lrimatsicanaa njite namatsicanaa njaji inaiki. 25 Lrirsotsa lrimjaitaca njaji maaficalri iiti imatsicanaati ikjaotenadalri alatar nacó. 26 Njite jliaji atsia ideecadam jliaji chivo ideecadan namatsicanaa lrirsotsa lricotsoca lritsayani njite lridada tsakja ooni shó; njite lritaita cayami lricotsoacacawa, lritaitena lridiacawa naofacawa lricó. 27 Njaji ofrenda imatsicanaati ikjaotenaperri jliaji toro, njite jlia chivo, njetanda ioya írrana napiyó-carro imatsicanaati ioya jliaji mamatsicanaa cawa lricó, irsotsa ideecana pemajle iofacawa ioya. Nirseotsa imjaita pjiomi, lriya, lriipe njite pjiomi lrimatsica. 28 Jliaji atsia imjaitacadana lrirsotsa lricotsoca lritsayani njite lridada ooni shó, njite dekjena lritaita lridiacawa iofacawa lricojle. 29 Pada yácoti irso inaitjaoda caidalriwenatsa siete kérri nacó, die jalredaoca nacó lrinacopi minitsa kérrica, irsotsa yajiacacawa kjenaperri catsa shá, corrin itaita idejica niini, jliaji yofacada ínai tekjoite-dalri lrirsotsa lrinaitjaca tsakja cayotsa icayosho. 30 Ima jliada jalredaoca-ca Aarón ipiyoatsa imatsicana, maopitjape carroatsa shá imatsicanaa ioya, matsiaperri carroatsa shá Dio ipeyajle. 31 Iwafeta carrodaca jliadaa jalredaoca padenirri shá, irsotsa yajiacacawa kjenaperri catsa shá, corrin tsakja itaita idejica. Pada yácoti irso inaitjaoda caidalriwenatsa. 32 Jliaji sacerdote yápiyawanai, jliajiAarón yénipe nacadalri lriarrontacao, lrinaitjaotsa jliaji ipiyokjeti njite jlietaotsa njaji tsaya jérriwai mácape matsiaperri, icatsa tjani tsaya njenitajica lricaona. 33 Lrirsotsa lrinaitjaca jliaji ipiyokjeti lrirso jliaji patawajle mamatsicanaa cawa tsa; nawacaaca-carrodawa ikjaote tsakja, altar ikjaote tsakja, naikjaote tsakja njaji sacerdotenai njite naikjaote njaji inaiki iwacaaca capewa. 34 Pada yácoti pirsó, pirsocawatsa pinaitjaca ipiyokjeti namatsicana ikjaote njaji inaiki Irael lricoperri, papiatsa pawalria nacó.'' Nanaitja cayoji Dio inaa capoisho pia Moise inaitjaca.
1 Caaco JLIAJI IMINALRITI Moise irso cayoji: 2 ''Pocaite Aarón irso, narso njaji lrienipe, njite narso pjiomi njaji Iraelnai aimadan. Picaite narso njaji IMINALRI inaalri inaitjaca: 3 Pada inaiki iino cadaa apana buey, cordero cadaa o cabra cadaa iofacawa lrico o pemajle lrioya Dio irso, 4 mitsa corri cadaa lrideeni nawacaaca-carroda ipananoma nacó, lricadá-carro ofrenda shó Dio irso lriipana icoemjete, icaamitsaotsa maatsicani lrima capoa lripeecoca lrírrana jliaji maaficalri. Jliaji atsia irsotsa shenitacani ioyawani, corrinatsa inakjoité carrocani. 5 Caishopa pjiomi njaji Iraelnai aimadan narsotsa nadeeca njaji maaficalri nainoji Dio ipeyajle iwacaaca-cawa ipananoma lricó, lrirso jliaji sacerdote, inócarroni ofrendawa Dio irso imaodacakjeti nacó, wadee ínocana akjerre-cawajle catsa. 6 Njite jliaji sacerdote iwitsicacaotsa írranati Dio i-altarni nacó njite lripananoma jliaji iwacaaca-carrodawa; njite lrimjaitaotsa neeti pomenícarro lriitan Dio irso. 7 Njaji inaiki aimadan corrinatsa nataita nainoca maaficalri narso njaji idolonai, njaji icadaalrina cawilreperrim shó. Yácoti kjaidaperri irso caidalriwenatsa pjiomi njaji shapodamperrimi. 8 Picaiteo narso: Coajidalri catsa atsia iraelita, o coajidalri catsa pada tekjoité-dalri yofácada iinai, lride cadaa pada ofrenda namjaitanda, 9 njite corrin lridee jliaji lrinonda nawacaaca-carrodawa ipananoma lricó Dio irso, jliaji atsia irsotsa shenitaca ioyawani, corrinatsa inakjoité-dalricani. 10 Coajidalri catsa atsia iraelita, o coajidalri catsa pada tekjoité-dalri yofácada iinai, naiñja cadaa írranati, Noemacaotsa lrikjoete jliaji inaiki, naiñja cadaa írranati; corriotsa Nocadá-carroca lriofawa lrikitsiñape iinai. 11 Ima nacafca njaji maaficalri iofawa nérrana lricó. Njite Nocadaa irso nérrana iitashopa imatsicana altar nacó wadee mayamica shá, nérrana inaitja matsia icafca irso. 12 Caishopa nocaite narso najji Iraelnai inaiki aimadan corrin pada inakjoite itaita iñjaca írranati, corrin tsakja jliaji inocada tekjoite yofacada ipecolrico, corrin lritaita lriñjaca írranati. 13 Corrin pada inakjoite itaita iñjaca írranati, corrin tsakja jliaji inocada tekjoite yofacada ipecolrico inocape maaficalri o kepirre cadaa, corrin nataita naiñjacani cayotsa teji; narsotsa nacadaaca nerrana yarroa jiipai nacojle. 14 Ima jliaji írranati icatsa nacafica pjiomi njaji caafiperri. Caishopa nocaite narso njaji Iraelnai inaiki aimadan wasdee naiñjaca írranati. ''Corrin itaita iñjaca nérrana njaji maaficalri, ima jliaji írranati icatsa nacafica pjiomi njaji caafiperri. Coca cadaa iñja írranati irsotsa shenitaca ioyawani, corrinatsa inakjoité-dalri cani. 15 Coca cadaa nanakjoite njaji iraelitanai o pada jiipai nakjoite-dalri yofacada iinai iñja maaficalri mayandalrim jiwaacatsa o yáawi inondami, lrirsotsa lricotsoca lritsayani njite lripita matsia lrioyawa ooni ricó, niniotsa matsia caotsani atee dainomajle. 16 Mitsa corri cadaa lricotso lritsayani njite corrin lripita lrioyawa, niini pedaotsa lridee caotsa lrimatsicatsa lrinacó.
1 Caaco JLIAJI IMINALRITI Moise itrso cayoji: 2 ''Picaite narso njaji iraelitanai cayoji: ''Icatsa Iminalri Dio-ca Njoa. 3 Corrin itaita inaitjaca cayoji nanaitjaca capisho njaji inaiki Egipto lricoperri, yofá carrom piatoa; Manaitja tsakjaotsa cayoji nanaitja capisho njaji inaiki Canaán lricoperri, jliaji jiipain nodérri shá ikjaolre. Madejitsa cayoji nadeji capishó. 4 Irsotsa sheepaca noaco, inaitja cayoji nonaa capisho inaitjaca, itaitá-carroatsa yofacawa matsia naikjaote nja yácoti, ima Iminalri Dio-ca Njoa. 5 Niini irsotsa shepaca noaco njite inaitja njaji yácoti nonaalri inaitjaca. Pada shepa cadaa cayoji nocaite capisho, matsia watsa lriofacawa. Ima IMINALRI-ca Njoa. 6 Corrin pada itaita idakitaca lrikitsinda iinai tsa. Ima IMINALRI-ca Njoa. 7 Mamacadawalreta tsa jinirri idakita capoa roapiya rsoaji jidoa tsa. ¡Jidoa cano! Mamacadawalretatsa jidoa. 8 Corrin itaita imaaca jinirri ininai yaapiya; corrin itaita imacadawalretaca jinirri ininai cayó. 9 Corrin itaita idakitaca ikitsidoa yapiya, ikitsidoa canaa cada jidoa ima o jinirri ima cadaa, nataoñanda iipana lricó o teeco iipana ioya. Corrin itaita idakitaca naapiya njaji ikitsidoanaipe. 10 Corrin itaita idakitaca yénipe iitonaipe yapiya oiitonaipe iito yaapiya. Ima itaitjaca ipainiwa macadalri. 11 Madakitatsa roapiya rsoaji pjinirri iito apama inaidarro. Pikitsidoa cano niini corrin pitaita pidakitaca roapiya. 12 Corrin itaita idakitaca jinirri ikitsidoanaipe yapiya. Icoirro cana jinirri ikjaote. 13 Corrin itaita idakitaca jidoa ikitsidoanaipe yapiya. Jidoa-nai cana ikjaote. 14 Mamacadawalretatsa jinirri iwerri iino idakita capoa roapiya. Matsomitatsano iwaopiakje matsidalritsa yápiya; jidoamina yajicano. 15 Madakitatsa roapiya rsoaji pirrino. Pirri iinocano; madakitatsa roapiya. 16 Madakitatsa roapiya rsoaji pikitsin iino; pikitsin iinocano. 17 Madakitatsa apama yapiya njite roito yaapiya tsakja, corrin tsakja rirri iito yapiya, o roito iito yapiya cantja. Ima rokitsiñape catsana, ima corritsa matsiaca cayo cada panaitjaca. 18 Madakitatsa roapiya rsoaji piino iwedoa pjita capoantja pinowano caafi cadanatoa ropjerro, rsoaji pjitanda pinoa piinita 19 Madakitatsa roapiya rsoaji inarro ronopa lricó. Maatsidarro cano cayo cádanacotoano. 20 Madakitatsa picodapidalri iinoi yapiya wadee pimacadawalretaaca cawa pjiwacatsa roapiya lrikjaote. 21 Corrin itaita iaca pada nanakjoite njaji pienipe namjaitá-carro, nainó-carro Moloc irso, ima corrin itaita imacadawalretaca iDiote iipitana. Icatsa IMINALRI Dio-ca Njoa. 22 Madakitatsa ape atsia yapiya inarro capishontani. Corrin matsia panaitjaca cayó. 23 Madakitatsa apana maaficalri yapiya wade pimacadawalretaaca cawa pjiwacatsa lrikjaote. Corrin tsakja apama inarro itaita iwaopiaca idakitaca apana maaficalri yapiya. Ima macadawalre catsa jliaji romalri ronaitjaca. 24 Mamacadawalretaaca tsawa jiwacatsa nanaco njaji nocaiterrina, ima naikjaote njaji cayoperri namacadawalretaacawa njaji apana inaiki aimadan, njaji inaiki aimadan Nopecolriotsa ipeshete. 25 Njaji inaiki jalredaoca lricoperri namacadawalretaacawa , niini Nopeeco cana namatsicana ikjaote, cayoji ape icatja capisho lriñjaoda lrioya. 26 Niini pjia, pirsotsa pjiepaca Noaco, pinaitja cayoji nonaa capisho pinaitjaca, corrin pitaita pinaitjaca pada nanakjoite njaji mapeyo canaperritsa; corrin shaca sha iraelitanai, corrin tsakja njaji inocape pada jipai nakjoiteperri yofacape iinai, 27 Icatsa njaji imatsicanaati nanaitjalri njaji inaiki jalredaoca lricoperri, njaji inaiki yofalri pia anjí ipjeyatoa niininamatsiketaca jliaji jiipai namatsicanaa sho. 28 caishopa, icapaotsa yoyawa wadee jiipai icatjaca sháa tsakja imatsiketa cayamini imatsicanaa sho, cayoji lricatja capisho njaji inaiki ipjeyaperri. 29 Cocadaa inaita padapena nanakjoite njaji mapeyocanaperritsa, njaji inaitjacape cayo, irsotsaotsa jpeecoca ioyawana, corrin natsaotsa ikjaoté-dalricani. 30 Cayoshopa irsotsa inaitjaca cayoji nonaa capisho sha, wadee inaitjaca njaji mapeyocanaperritsa, njaji nanaitjalri pia anji njaji yofalri pia ipjeya, wadee namatsiketaca sha njaji maatsiperrimi nanaitja pialri. Icatsa IMINALRI Dio-ca Njoa.''
1 Caaco JLIAJI IMINALRITI Moise itrso cayoji: 2 ''Picaite narso njaji iraelitanai cayoji: '' Irsotsa shenitaacacawa maatsidalri ioya, ima Icacatsa Iminalri Dio-ca Njoa corridalritsa irso imatsicanaa. 3 irsotsa icacoadataca jinirri, njite jidoa tsakja, irsotsa sheepaca iwafetacawa iwafeta carroa lrico. Icatsa Iminalri Dio-ca Njoa. 4 Maomatsa irsowao njaji idolonai miperritsa, manaitja tsakja irsowao tsipalra sho idiotewa. Icatsa Iminalri Dio-ca Njoa. 5 Iino cádanaco maaficalri Dio irso imaodaca kjeti nacó, irsotsa inaitjaca lrirso matsiani lritaitá-carroatsa lricoadatacani. 6 Irsotsa iñjacani jliadatsa inocani o tjewaijlena. Njite niini cada pjatoa lriitemi madalridaa nacojlena, irsotsa imjaitacani. 7 Iñja cadani madalridaa naco pjatoa, opina maatsini. Corrinatsa itaita icoadatacani. 8 Mitsa coca cadaa iñjani lrirsotsa lrideeca lrimatsicanaatsa lrinacoa ima lrimacoadataca jliaji njenitanda piatsa Dio irso. Irsotsa ipeecoca ioyawani wadee lriofacatoa iinai. 9 Iniwa cádanacoatsa ipanai iinaca yapananda jipaite ricó, maniwatsa pjiomi njaji lrinomapi ricoperri, wadee iniwa tsakja pjiomi njaji jiwacaperri ioya. 10 Maniwatsa pjiomi nainica njaji ipania ova, njaji jiwacapemi icadenana, maniwatsana. icadaotsana napia njaji kjenaperri njite narso njaji tekjoiteperri ínoca. Icatsa Iminalri Dio-ca Njoa. 11 Mañaitotsa. Macashatatsa. Macashatatsa irsowaaca. 12 Ma Diotatsa Noipitana nacó ishati mikjapantsa, mamatsiketatsa IMINALRI Dio iipitana. Icatsa Iminalri Dio-ca Njoa. 13 Mainoetatsa picodapídalri piñaitócarro lriyarro. Lridejicalre icoada jliaji piinaida idejica pirso pirsotsa picaoñacani jliadatsa, wadee picaoñaca tjewaijleani. 14 Corrin pitaita picaiteca yácoti maatsiperritsa mjenacolricodalrim nacó, corrin tsakja pitaita picadaaca jiipada matjidalrim ipia jliwácarroa. Icaamitsa pirsotsa pifiocawa Dio iiwana. Icatsa Iminalri Dio-ca Njoa. 15 Macaitetsa ishatitsa pada nacó. Mamenatatsa apada kjena capoatsani, corrin tsakja picaiteca matsia pada nacó caconaadalri capoatsani. Mitsa, picaite cadaa picodapidalri naco, picaite ajádalri naco. 16 Majitsa picaitepenji ishati tsa piofawenai irso, mitsa, pirsotsa piwapaca jliaji picodapídalri wadee nainocani. Icatsa Iminalri Dio-ca Njoa. 17 Merroatsa picapaca pikitsinda irso picaolre rikjoite. Caacoatsa pjia kjaida matsiacalri ricó picodapidalri irso lrimatadanda ikjaote wadee pacoaca capjia lrimatsicana nacó. 18 Maomatsa picoadawa, corrin tsakja pimatsietaca irroati pinacoa piofacawerri ikjoete, matsia pja pipeyoca jliaji picodapidalri cayoji pipeyoaca capishó pjiwacawaacatsa. Icatsa Iminalri Dio-ca Njoa. 19 Irsotsa inaitjaca cayoji noaco icaite capisho. Makewitatsa nanaikica njaji maaficalri apaana maaficalri yapiya. Makewitatsa njaji paniati ishí yapana cádanaco jipaite ricó. Manaitjatsa itsayaniwa aipaperri ioyawaaca yamacati. 20 Coca cadaa idakita apama irsodarro yempeti toa yapiya roinirriope iweñandena, mitsa corridarrotoa lricaoñandacano lricadaa carroena roawa jliaji rominalri, irsotsa jirrapiteetaca jliaji atsia inaitjalri rorso maatsi. Njite corrin itaita ínoca rsoaji inarro ima rominalri inaidarro catoano. 21 Pada atsia irsotsa ideeca lri-ofrendaniwa apana carnero lrimatsicana ikjaote iwacaaca carroda ipananoma lricó. Ofrenda lrimatsicanaa ikjaotedalri. 22 Njite jliaji sacerdote ipiyoatsa lrioya lrimatsicana lrinaitjalri lrisho jliaji carnero ofrenda lrimatsicanaa ikjaote Dio ipeyajle. Niininaotsa matsiacani naoya njaji imatsicanaati lrinaitjaji, icaamitsa njeyapacawa lrioya. 23 Sheewa cádanacoenaotsa jipaite ricó njite yaapana pjiomi paniati paiñjanda iinaca, njite cainaca cádanaoenana corri toatsa itaita carrocatoa iñjaca nainaca. 24 Madalriwalria watsa corricawa itaita iñjaca nainaca. Mitsa coatro walria nacoena shenitaotsa njaji nainica, paana ofrenda iashopa matsiadalri Dio irso. 25 Njite cinco walria nacoena itaitena iñjaca ipania iinaca, iwapa capoa wiá aimaotsa nainaca njaji ipania. Icatsa IMINALRI Dio-ca Njoa. 26 Corrin itaita iñjaca maaficalri iipe kerranadalritoa. Matatjatsa malrirrinai iinai coajicaotsa ipeya, njite corrin tsakja itaita imanalrietaca pada iwaopiakje malrirricalri ricó. 27 Manaitjatsa nacayosho njaji apana inaiki maatsiperri, njaji jirritacape natsicolre njeeni icaoperri, o nayoaca natsinoma iwaipoco. 28 Mayoatsa idada nacó mayamperrimi ikjaote o idanaca njenapjiami idada nacó. Icatsa IMINALRI Dio-ca Njoa. 29 Mamacadawalretatsa iitonaipe icaaacarrona cawilreperrim shó, njitenantja cawilre tsakja njaji inaiki naikjaote njite napakjantanta jalredaoca imatsicanaati shó. 30 Irsotsa iwafetacawa iwafeeta carrodaa lricó inaitjá-carro matsia iwacaaca-carroda lrico. Icatsa IMINALRI Dio-ca Njoa. 31 Maatsa naikjaore njaji caacoperri napiya njaji mayamperrimi o icaojleti iinai. Maomatsana ima namatsiketa caotsa sha. Icatsa IMINALRI Dio-ca Njoa. 32 Irsotsa jinicoca yemawa lripeyajle jliaji pekirrina, irsotsa icacoadataca njaji pekipenai. Irsotsa ifiocawa Dio iwana. Icatsa Iminalri Dio-ca Njoa. 33 Pada tekjoite-dalri iofá cadaa ipecolrico jipaite ricó, manaitjatsa maatsi lrirso. 34 Irsotsa icapaca lrirso jliaji tekjoite-dalri ikitsinda iraelita shotsa jiico capisho jipaite ricotsa, yofacada iinai, irsotsa ipeyocani ipeyoaca capishotsa jiwacawaacatsa, ima tekjoité-perri poiaca sha Egipto jipaite ricó. Icatsa IMINALRI Dio-ca Njoa. 35 Macashatsa iwi cadanacoatsa jliwalripaca, jlimiñaca, o lrimaimaca. 36 Irsotsa irsoca matsiaperri njaji jimiñatashopa, iwishopa njamiñaca, iwishopa namaimaca matsiaperri. Icatsa IMINALRI Dio-ca Njoa. 37 Irsotsa shepaca noaco, pjiomi njaji yácoti kjaidaperri irsitsa inaitjaca. Icatsa IMINALRI Dio-ca Njoa.
1 Caaco JLIAJI IMINALRITI Moise irso cayoji: 2 ''Picaiteotsa narso njaji Iraelnai aimadan: ''Coandalri cada nanakjoite njaji iraelitanai inaiki aimadan, o pada nanakjoite njaji inocape pada jiipai nakjoite yofacaperri Iraelnai ipecolrico naa cadaa neenipe Moloc irso, ajádalri Nocaiteca lrirsocatsa mayamican. Njaji inaiki narsotsa nainocani jiipada shó. 3 Njite Noema tsakjaotsa lrikjoete jliaji atsia inaitja cada cayó, corriotsa nainai carroca njaji pinaikite aimadan ima lriaca lrienipe Moloc irso, ima lrimatsiketaca jliaji nofa carroda njoenitanda Norsowao, njite lrimacoadataca jliaji Noipitana matsiadalri. 4 Pada idawa cada lriicao jliaji yaa cada lrienipe Moloc irso, njite corrin nainoni, 5 Njoatsaotsa yema lrikjoete jliaji atsia njite njaji lrikitsiñape poco, Noinoatsani njite pjiomi njaji yaacape maatsidalrim shapodan, ima cawilre shocana Moloc iinai. 6 Njite njaji inaitjaacacapewa caacó-carro naapiya njaji mayamperrimi, o njaa cada njaji caacó-perri icaojletim yaapiya naomá-carro nainai naají-carro coajica, Noema caotsa nakjoete; njite nowayaketa caotsana naoya njaji pinaikite aimadan. 7 Niini icadaacawa Norso jiwaacatsa shenitaacá carroa Norsowawa, ima Iminalri Dio-ca Njoa. 8 Irsotsa sheepaca noaco njite inaitja cayoji nacaite capisho. Njoaca jliaji IMINALRITI, shenitalri sha lrirsowawa. 9 Pjiomi njaji maatsiperritsa caacoca njanirri nacó, njadoa nacó tsakja narsotsa mayamicana. Caaco capoa maatsi jlinirri nacó njite jlidoa nacó lrirso lrimatsicana niini lrirsotsa mayamicani. 10 Jliaji atsia idakitacada ape atsia íno yaapiya, lriino jliaji atsia lricodapidalri yofawa, jliaji atsia cawilredalrim njite rsoaji cawilredarrom narsotsa mayamicana yamadape. 11 Jliaji atsia imaacada jlinirri íno yaapiya, opi lrimacadawalreta jlinirritsa. Jliaji lrirri, njite jlinirri iino, ajádalri narsotsa mayamicana yamadape. 12 Ape imaa cadaa lri-riino yapiya, ajádalri narsotsa mayamicana yamadape. Nanaitja capoa jliaji imatsicanaati macadawalretsa, niini camatsicanaaperri cana, lrikjaote, narsotsa mayamicana. 13 Ape atsia imaa cadaa lriatsiakjawerri yaapiya, ínarro capisho, yamadape nanaitja namatsicanao mapeyo-canaadalritsa,. Njaji yamadape narso namatsicanao, niini ajádalri narsotsa mayamicana. 14 Ape atsia jitacada lrinoa apama, njite jlita tsakja lrinoa rsoaji lriino jidoa, pada imatsicanaatica jliaji nanaitkalri. Narsotsa namjaitaca pjiomina, wadee niinica imatsicanaati ipecolricó. 15 Ape atsia inaitja cadaa lridaki shó maaficalri yaapiya, ajádalri irsotsa ínoca jliaji atsia njite jliaji maaficalri. 16 Apama ínarro itsoomita cadaa apana maaficalri rodakitá-carro lriapiya, ajádalri irsotsa ínoca rsoaji ínarro njite jliaji maaficalri. Camatsicanaaperricana lrikjaote jliaji nanaitjalri niini narsotsa mayamicana. 17 Ape atsia imaa cadaa lriwedoa yaapiya o lripjerro cadaa, o lriwedoacana jlinirri iito o jlidoa iito yaapiya, nanaitja pada imatsicanaati capaimanaadalri. Lrikjaote jliaji nanaitjalri irsotsa ipeecocani yoyawani, corritsa inakjoite-dalricani lrimaa capoa lrikitsinda yaapiya. Lrirsotsa jlirrapitaca lrimatsicana ikjaote. 18 Ape atsia imaa cadaa apama ínarro yaapiya canopá cadaanano, opi lricapa roirrana imotolri rooya; lrikjaote njaji yamadape irsotsa shenitaca ioyawana, corrinatsa inakjoité-perricana yanjicana. 19 Corrin itaita imaaca jidoa ikitsidoa yaapiya, corrin tsakja jinirri ikitsidoa yaapiya, ima inaitjacantja maatsi ikitsiñape irso. Wadee irsotsa jirrapitaca lrikjaote jliaji inaitjalri. 20 Pada atsia imaa cadaa lri coirri yaapiya, oopi lrimacadawalretaca lrikjirri. Mayami cádanacona njorrapiteeta caotsa yamadapena, njite corriotsa narsó carroca neenipe jipacaopentja nanaanipemi njaji njanirri. 21 Ape jita cada lriinowa lrikitsin ínotsa, caafi cadanatoani, oopi nanaitja namatsicanao capaimanaadalri, oopi lrimacadawalreta lrikitsin, njite corriotsa narsó carroca neenipe jipacaopentja nanaanipemi njaji njanirri. 22 Cayoshopa irsotsa iwaadaca njaji noaco, njaji yácoti nocadalri irso; irsotsa shepaca noaco matsia wadee lricatjaca sha jliaji jiipai Nodérri sha ikjaolre. 23 23Corriotsa nooma inaitjaca cayoji nanaitja capisho njaji inaiki Nopecolriotsa ipeyajle, corrin nanaitja cayoji nooma capisho niini corrin Noomana 24 Nocaite pienina irso: ''Shaa watsa irso jliaji jiipai; Noca irsoni yofá-carro lri-ricoda jliaji jiipai matsiacawa pataoñaca vaaca njite capanianacawa tsakja. Icatsa IMINALRI Dio-ca Njoa, jliaji shenitalri shaa naoya njaji apaana inaiki aimadan. 25 Irsotsa yanjica njaji maaficalri matsiaperri njite njaji maatsiperri nanakjoite njaji kepirre. Corrin itaita imatsicaacawa naikajote njaji maaficalri o kepirre matsiperritsa o nasho njaji maaficalri yácapewa nacóda shó jiipai nacó, njaji njoenitalri ioya maaficalri maatsiperri shó.'' 26 Irsotsa shenitaacacawa maatsidalri ioya, ima Njoa, jliaji IMINALRITI, sheniitacada maatsiperri ioya, njite njoenitanipeca shaa naoya njaji apaana inaiki, noyarropé-carro shaa. 27 Ape atsia, o ínarro cadaa caaco naapiya njaji mayamperrimi icaolrini, ajádalri narsotsa mayamicana. Njaji inaiki aimadan narsotsa nainocana jiipada shó. Namatsicana ikjaote narsotsa mayamicana.
1 JLIAJI IMINALRITI iaco Moise irso: ''Caacoca pjia narso njaji sacerdotenai, njaji Aarón yénipe, picaite narso cayoji: ''Corriotsa imatsicaaca cawa inota capoa nadada njaji ikitsiñape mayamdalrim, 2 najatsa dekja naikjaote cadaa njaji lrikitsiñape catsa: jlidoa, jlinirri, lrirri, lriito, lripjerri o lriwerri, 3 lriwedoa lriipana lricoda mjeyapa cadarrotoa atsia yapiya, ima corri catoa rorsoca roinirri, naikjaote dekja lritaita lrimatsicaca lrimatsiaca tioa. 4 Mitsa naikjaote njaji corri-perritsa lrikitsiñape catsa corrin lritaita lrimatsicaaca-cawa. 5 Jliaji sacerdote corrinlritaita lriyoaca lritsicolre, corrin tsakja lritsinoma, corrin tsakja nataita nayoaca nadada. 6 Narsotsa njenitaaca-cawa na-Diote irso maatsidalri ioya, corrin nataita namacoadataca na-Diote iipitana, ima njaji sacerdotenai nadeewatsa na-MINALRI irso ofrenda injaodati nacó, jliaji peetje Dio iyapepe, caishopa njaji sacerdotenai narso njenitaaca cawa maatsidalrio ioya. 7 Corrin nataita njetaca nainowa cawilredarrom, njepanda maatsicalri ricó o nainirri imacandam, ima shenitaaca capecawa Dio irso. 8 Pjienitana pjiomi maatsidalri ioya, ima njaaca idee jliaji peetje ofrenda pi-Diote irso. Niini narsotsa njeenacawa maatsiperri ioya, ima Njoa, IMINALRITI, icatsa Njoa jliaji icadaalri njenacawa maatsidalri ioya. 9 Nadakita cadaa atsianai iinai njaji sacerdotenai iitonaipe naoma capoatsa cawilreperrim shocana, romaotsa maatsica jliaji rsonirri sacerdote. Narsotsa namjaitacano. 10 Jliawatsa jliaji sacerdotenai yapiyawanai nanakjoite njaji lriweenai, narronda jiwida nacó aceite matsiajai nakepitanatashopani, jliaji nacadanda jlietá-carro natsayani njaji sacerdotenai yapiyawanai, corriotsa lricadaa carroca lritsicolre irrocawa, corrin tsakja lritaita lritserrentaca lritsayani inonacalri ikjaote. 11 Corrin lritaita jliewacawa ninicawa iwinanati, wadee maatsicani lrikjaote, corrin jlinirri o jlidoa ikjaote cadaa. 12 Jliaji sacerdotenai iminanani corrin lritaita lrimacaca lridejicawa nawacaaca-carroda lricodalri, corrin lritaita lrima cantja maatsica jliaji lri-Diote iofacawa lrico, ima nakepitanatandaca sacerdotenai iminanai carroni lrisho jliaji aceite Dio iyarroaja narronda jliwida nacó. Icatsa IMINALRI-ca Njoa. 13 Jliaji sacerdotenai iminananai lrirsotsa jlitaca lriinowa apama mjeyapa cadarrotoa ape yapiya. 14 Corrin lritaita jlitaca rsoaji madoiyoam, roinirri imacandam, o apama cawilredarrom, corrin tsooca. Icaamitsa jlitaca lrinowa nanakjoitetsa njaj lrinaikica inakjoite-perri, 15 wadee lrima maatsica njaji lrienipe jlita cadaa lrinowa paanatsa inaiki, ima icatsa Njoa IMINALRI, jliaji shenitalri shaa maatsidalri ioya.'' 16 Caaco jliaji IMINALRITI cayoji: 17 ''Caaco pjia Aarón irso, picaite lrirso cayoji: ''Njaji irsocape imatsica nadada nacó nanakjoite njaji pinakjoité-perri, corriotsa nataita carroca nadeeca ofrenda injaodati nacó piDiote irso, coshoca njaji walricomanai. 18 Njaji atsianai irsocape imatsica nadada nacó Corrin nataita natsoomitaca Dio, njaji matjiperrim, maapiperrim, matsilriperrimi icapacanaa, 19 mapiperrimi icawapa o nanaapa, 20 njaji irsocape icolrin nadajite nacó, njaji taniaperritsa meepecana, njaji mataoña caperritsa, maatsiperrimi itji ricó, o irsocape irrenati, icaiyati, catserreperrimi, o maatsiperri ipecolrico. 21 Njaji atsianai sacerdote Aarón inakjoiteperri irsocape imatsica nadada nacó, corrin nataita natsoomitaca Dio nadeecarro lrirso ofrenda injaodati nacó. 22 Lritaitatsa dekja lriñjaca njaji iñjaodati Dio irsowalrepe, njaji iñjaodati njenitaji maatsiperri ioya. 23 Mitsa, corrin lritaita jliewacawa yamacati máca idanam nacojle, o jliewa cantja tsoomi altar ioya, ima lrirsoca lrimatsica lridada nacó, wadee lrimatsicaca jliaji Nofacawa matsiadalri, icatsa IMINALRI Dio-ca Njoa, jliaji icadalri shenacawa maatsiperri ioya.'''' 24 Niini caacoca Moise lripjerri Aarón irso njite narso njaji lrienipe, narso tsakja njaji Iraelnai aimadan.
1 1JLIAJI IMINALRITI iaco Moise irso: 2 ''Caaco pjia Aarón irso njite narso njaji lrienipe, pinaotsa nawapaca matsia njaji matsiaperri nadeji Norso njaji Iraelnai aimadan, njaji njenitaji Norso. Corrin nataita namatsiketaca Noipitana. Icatsa Iminalri Dio-ca Njoa. 3 Picaite narso: ''Njaji pinakjoite-perri coshoca njaji walricomanai natsomita cadaa njaji matsiaperri njenitaji Dio irso njaji Iraelnai aimadan, maatsi cadatoa jliaji itsomitalri, irsotsa ipeecoca Nooya jliaji inaiki. Icatsa Iminalri Dio-ca Njoa. 4 Njaji Aarón inakjoite-perri irsocape itserre nadada nacó, o caacai cadaa coancawaca nadada nacó, corrin nataita naiñjaca njaji maaficalri nainoji Dio irso a kjerreca matsiani naoya. Coca cadaa inota apada inota cadam pada mayamdalrim, o lrinota cadaa pada iarrocadam ioya lridaki ricoda, 5 o lrinotaca cadaa njaji maaficalri iacapewa nawawa sho jiipai nacó, icadalri maatsicani, o pada icadaa cadaa maatsicani, conadalricatsa maatsiperri, 6 jliaji sacerdote inotacada coandalricatsa maatsiperri, maatsi catoatsani papienirri dainomajle. Corri toatsa lritaita lriñjaca njaji njenitaji Dio irsó, a kjerreca lricotsoacacawa ooni ricó. 7 Jérri shewa kenawa, icatsaotsa matsiacani lrimatsicana ioya. Jliapodamina lritaita lriñjaca njaji iñjaodati njenitaji matsiá-carro, ima naiñjaope cana. 8 Corrin lritaita lriñjaca njaji maaficalri mayamirri jiwaacatsa o yawi inonda, wadee lrimatsicaaca cawa jliwacatsa naikjaote. Icatsa IMINALRI-ca Njoa. 9 Njaji sacerdotenai narsotsa nanaitjaca cayoji Nonaa capishona. Maatsi watsana nanaitja cadaa namatsicanao njite mayamicana nanaitja capoa maatsi Noipitana itrso. Icatsa IMINALRI-ca Njoa icadaalri shenacawa maatsiperri ioya. 10 Corrin pada sacerdote iipaneta ioya itaita iñjaca njaji injaodati matsiaperri nayapepe, nja cantja njaji nainaiperri, nja cantja njaji narsoperri cantja. 11 Mitsa sacerdote iwenta cadaa pada inaiki lrirsodalrí carroni lripalratan shó catsa, jlia dekja itaita iñjaca njaji injaodati njenitanda Dio irso. coshoca njaji sacerdote iipaneta, njaji lrienipe lriipana lricoperri, nataitatsa naiñjaca nanakjoite 12 Apama sacerdote iito yofá cadaa ape iinai corridalritsa sacerdote cani, corrin rotaita roiñjaca tsoo nanakjoite njaji nacadanji ofrenda njenitanipe Dio irso. 13 Mitsa madoiyoam cadano, o roinirri imacanda cadano, njite corrin rorso roenipe, njite rodia rofaa rsonirri iipana lrico cayoji oopi shó, rotaitatsa roiñjaca rsonirri sacerdote injaope. Mitsa njaji corri perritsa lriipaneta nakjoite, corrin nataita naiñjaca lriñjaope. 14 Pada iñja cadaa pada iñjaodati njenitanda Dio irso corri capjitetsa lrianjí, lrirsotsa lridietaca lricoadawa lrirso jliaji sacerdote, mitsa lrirsotsa lricada pjaaca lrinacojle lritaitá-carro lridietaca lrirso. 15 Njaji inaiki Iraelnai corrin nataita namacoadataca njaji njenitaji Dio irso, njaji njerretanda Dio ipeyajle, 16 njite njatsa idee jliaji imatsicanaati nanacoa lrikjaote jliaji maatsirri nanaitjalri naiñja capoa jliaji injaodati njenitanda Dio irso, ima Icatsa IMINALRI-ca Njoa icadaalri shenacawa maatsiperri ioya. 17 Caaco JLIAJI IMINALRITI Moise irso: 18 ''Caaco pjia Aarón irso njite narso njaji lrienipe, njite narso pjiomi njaji Iraelnai pjiomi. Picaite narso cayoji: ''Conadalri iraelita o pada inocada tekjoite yofacada iinai, naino cádanaco maaficalri Dio irso, nacaoña-carro pada naomanda, pada ofrenda nacaokre rikjoite-dalri, o nadeeca Dio ipeyajle pada ofrenda namjaitanda, 19 njite cacoadá.carro narsoni, narsotsa nadeeca maaficalri atsiana marsocapetsa imatsica, vaaca cadaa, oveja cadaa, o cabra cadaa. 20 Corrin itaita ideeca Dio irso njaji maaficalri irsocape imatsica. Corriotsa Nocoadatá carroca ioyana. 21 Coca cadaa iino apana maaficalri Dio irso imaodaca kjeti nacoda lrípirra nakjoite, nacaoña-carro pada naomanda, pada ofrenda nacaokre rikjoite-dalri, njite cacoadá carro narsoni, narsotsa nadeeca maaficalri marsocapetsa imatsica. Corritsa lritaita lrirsoca lrimatsica lridada nacó. 22 Corrin itaita iinoca maaficalri matjidalrim, pokjomdalrim, macawaapadalrim, catopani idada nacó, cayaonidalrim, o cafídalrim lrimatsica ima. Corrin itaita iinocani Dio irso imjaitá carroni tiyé shó. 23 Itaita ideeca ofrenda sho icaolre rikjoitedalri apana buey o apana cordero maatsine tsa o tsooni toa, mitsa corriotsa cacaodá carroca irso jliaji ofrenda cayoperri icaoñá-carro pada iomanda. 24 Corrin itaita iinoca maaficalri Dio irso njaji irsocape maatsitsa yeefe, capatsiperri, cayaonidalri o njetanda yooya yeefe. Manaitjatsa cayo jipaite ricó. 25 Pada corridalritsa Irael cani corrin lritaita lrideeca Dio ipeyajle njaji injaodati. Njaji maaficalri irsocape imatsica, corriotsa matsiá carroca irsona'' 26 Caaco jliaji IMINALRITI Moise irso cayoji: 27 Jiico cadaa apana vaken, oveja cadaa, cabra cadaa, lrirsotsa lriofacawa jlidoa iinai siete jalredaoca. Njite, ocho jalredaoca shapodamina, matsiena iinoca ofrenda imjaitanda tiyé ricó Dio irso. 28 Mainotsa apana vaaca, oveja cadaa roenipeda lrico jliadaa minitsa jalredaoca. 29 Iino cadaa apana maaficalri ofrenda yaa shopa matsiadalri Dio irso, irsotsa inaitjaca matsia. 30 Irsotsa iñjacani jliadatsa iino cani.Corrin itaita icadaaca lrinakjoite tjewaijle inaona. Icatsa Iminalri Dio-ca Njoa. 31 Niini, irsotsa sheepaca Noaco, inaitjaca cayoji Noaco icaite capishó. Icatsa Iminalri Dio-ca Njoa. 32 Corrin itaita imacoadataca Noipitana matsiadalri mamatsicanaadalri. Narsotsa naají njaji aimadan Iraelnaai teecodalrica maatsidalri ioya jliaji Noipitana. Icatsa Iminalri-ca Njoa, jliaji shenitalri sha maatsidalri ioya. 33 jliaji nitalri shaa Egipto jipaite ioya iDioté-carro Njoa. Icatsa Iminalri-ca Njoa.''
1 Caaco Dio Moise irso: 2 ''Picaite njaji Iraelnai aimadan cayoji: ''Icatsa njaji icatimataacalriwa ikjaote wa-Minalri nacó, irsotsa yajica shenitandaca wa-Minalri irso. 3 Itaita idejica sei jalredaoca, mitsa irsotsa Iwafetacawa siete Jalredaoca nacó padaa, iwacaaca cawa shenitanda Norso. Corrin itaita iwafetacawa ima iwafeta carroa cani Dio nacó a kjerre cawajle catsa yofawaji. 4 Icatsa njaji icatimaaca carroa wa-Minalri ikjenanatanda irso, jliaji iwacaaca carroa shenitanda irsotsa yajica njenaana: 5 Jliaji wa-Minalri i-Pascuani irsotsa inaitjacani catorce jalredaoca nacó pawalria lriniita carropi nacó, dainoma nakjoite. 6 Njite tjewaijletsa lrinacopitsa kérrica, quince jalredaoca nacó, icatsa Icatimataaca-carroa Iñjacawa Peetje Meewidalritsa Dio irso. Siete jalredaoca watsa iñjaca peetje meewi-pwrritsa. 7 Shenitaotsa irsowaawa jliadaa initaca iwacaaca carroatsawa; corriotsa idejí-carro catoa jliadaa. 8 Irsotsa ideeca pada ofrenda iñjaodati nacó Dio irso siete jalredaoca. Njite siete jalredaoca nacó icatsa iwacaacawa shenitanda Dio irso, corriotsa idejí-carro catoa jliadaa.'' 9 JLIAJI IMINALRITI iaco Moise irso cayoji: 10 ''Poicaiteotsa narso njaji Iraelnai aimadan cayoji: ''Yooca cádanacoenaotsa lri-ricoda jliaji jiipai Nocadalriotsa irso, njite iniwakenaotsa ipania niini, irsoatsa ideeca ipanaia ínaca inacope initanda iniwaca sacerdote irso. 11 Jlirretaotsa jliaji ipanai inakjoite-dalri initanda iniwaca Dio ipeyajle, Lricapácarro, Lricoadá-carro ípitana nacó. Padaa shapodamina iwafeta carroa ioya sacerdote jirretacani nopeyajlé Nocapácarron. 12 Jliada jliaji jirretaca ipania nakjoite initandaca iniwaca Nopeyajle Nocapá carroni, irso tsaotsa ideeca Norso ofrenda apana cordero pawalriadalri ipekirrica corri-dalritsa irso imatsica imjaitá-carro IMINALRITI irso. 13 Idee tsakjaotsa ofrenda coatro kilo harina matsiadalri ikewitanda aceite fie, pada ofrenda imjaitanda IMINALRITI irso, joiwícarro lriitan, njite idee tsakja pada lritro njite pamoyoá pjaa pada ioya jaico tjeda yána. 14 Corri toatsa iñjá carroca peetje, corrin tsakja trogo imerritaji o walripetoa jliadaa ideeca njaji ofrenda i-Diote irso. Pada yácoti kjaidadalrica irso caidalriwetsa atee narso njaji walricomanai a kjerre cawajle cadaa yofawaji. 15 Jliapodamina ideeca njaji ofrenda ipanai inacope initanda iniwaca inakjoite, tjewaijlena lrioya jliaji jalredaoca iwafeta carroa iniwetaotsa siete semana matsia. 16 16Iniwetaotsa cincoenta jalredaoca iwafeta carroa shapodam siete jalredaocadalri. Icatsaotsa ideeca Dio ipeyajle ofrenda ipania inakjoitepe walriperri. 17 7Irsotsa ideeca iipana lrikjoite yaamana pan macanipe, itaitjaji coatro kilo sho harina matsiaperri. Ikewitaotsa jliaji harina matsiadalri njite inaitjaotsni poalri ricó. Pada ofrenda Dio irso ipania inacope inakjoité-perri Dio irso. 18 Idee tsakjaotsa lricoemawa sietena cordero pawalria-perri ipekirrica marsocapetsa imatsica, apana toro walrine toa njite yaamana carnero. Imjaitaotsa njaji ofrenda IMINALRITI irso, niini njaji ofrenda paniati ínaca sho, njite njaji jaico tjedaa yána njite, pada ofrenda imjaitanda nacadaotsa joiwí lriita IMINALRI irso. 19 Irsotsa ínoca apana cabra yénipetoa atsiana, icatsa ofrenda imatsicanaati ikjaotedalri, njite yámana cordero pawalriaperri toa ipekirrica, icatsa ofrenda imaodacakjeti nacó. 20 Jliaji sacerdote lrirsotsa lriparsetacana nainaitja njaji peetje initaji yáca IMINALRI irso, ofrenda sho Lrirso nainai njaji yámana cordero. Paana ofrenda matsiaperri njenitanda Dio irso sacerdote iñjaoda. 21 Irsotsa icaiteca lrinaco jliadatsa jalredaoca. Iwacacaotsawa teecojle, njite corriotsa itaita inaitjacatoa idejicalre jliada. Pada yácoti kjaidadalrica irso caidalriwetsa atee narso njaji walricomanai a kjerre cawajle catsa yá yofawaji. 22 Iniwa cádanacoatsa ipania jiaite ioya, maniwa tsaotsa pjiomi njaji lrinomapi nacope, corri tsakja iniwá carroca njaji jiwacapewa naoya njaji iniwacaperri. Icadaa catsana narsowalreo njaji kjená-perri njite narso njaji inocaperri pada jiipai nakjoite. Icatsa IMINALRI Dio-ca Njoa.'' 23 Caaco Dio Moise irso: 24 ''Picaite njaji Iraelnai aimadan cayoji: ''Siete kérri nacó, lriniita cádanaco jliaji kérri, iwafeta carrodaca padenirri, ipjia watsa trompeta iwaaca carroni, iwacaaca-carrodawa teecojle-dalri. 25 Corritoatsa idejí carroca jliadaa jecoapica, irsotsa imjaitaca maaficalri yáwada Dio irso.'' 26 Njite caaco JLIAJI IMINALRITI Moise irso cayoji: 27 Njite die jalredaoca nacó siete kérri nacodatsa Jliadaa jliaji jalredaoca iinoca maaficalri imatsicana ikjaote. Teecojlé dalritsa iwacaacawa, njite irsotsa yajiacacawa kjenaperri catsa shá njite idee pada ofrenda imjaitanda Dio irso. 28 Corrin itaita idejica jliadaa ima icatsa Jalredaoca-ca iinocawaca maaficalri Imatsicanaa ikjaote, iinoca maaficalri imatsicana ikjaotetsa iMINALRI Dio ipeyajle. 29 Jliaji corridalri kjena yajiacacawa jliadaa jecoapica, icaamitsa corrica inakjoitedalri ketsani. 30 Coca cadaa ideji jliada jecoapica, Njoa, IMINALRIti, noino caotsani naoya njaji lrikitsiñape. 31 Corritoatsa idejí carroca jliadaa jecoapica. Pada yácoti kjaidadalrica irso caidalriwetsa atee narso njaji walricomanai a kjerre cawajle cadaa yofawaji. 32 Jliadaa jecoapi, icatsa iwafetacawaca padenirri shá, njite irsotsa icadaacawa kjenaperri sho noeve jalredaoca nacó lrinaco minitsa kérrica dainoma nacojle. Dainoma nakjoite jliada nacoda atee tjewaijle dainoma tsenakja, icatsa iwafetacawa, ijalredaocate Iwafetá-carro. 33 Caaco Dio Moise irso: 34 ''Picaite njaji Iraelnai aimadan cayoji: Quince jalredaoca nacó lrinacopitsa kérrica icatsa Icatimataaca Carrodawa iwada carroa coaji piaca yofacawa pantitape lrico Dio nacó. Siete jalredaoca watsa iwaadacani. 35 Iwacacaotsawa teecojle jliadaa initaca, njite corriotsa itaita inaitjacatoa idejicalre jliada. 36 Siete jalredaoca watsa yáca ofrenda imjaitanda Dio irso. Njite ocho jalredaoca nacó irsotsa iwacaacawa tecojle, njite imjaitaotsa maaficalri Dio irso. Padenirriotsa iwacaacawa, njite corritoatsa ideji carroca jliadaa. 37 Icatsa njaji icatimataaca carroa wa-Minalri ikjenanataji Lrirsowawa, njaji irsolritsa icaiteca inacó shenitandaca imjaitá-carro maaficalri Dio irso, ofrenda imjaitanda, ofrenda ipania nakjoitepe, ínocawa maaficalri njite ofrenda jaicotjeda yána tsakja, icadaji jalredaoca icoam. 38 Njaji icatimataaca carroa teecojlé dalri naoya njaji jalredaoca Iwafeta carroa Dio nacó njite njaji icadaji lrirso, pjiomi njaji inaitjaoda lrirso, njite pjiomi njaji ofrenda icadaji icaolre rikjoite Dio irso. 39 Cayoji lriapana nacó, Quince jalredaoca nacó, siete kérri nacopi Icatimataaca Carrodawa iwada carroa coaji piaca yofacawa pantitape lrico Dio nacó, iniwa cayamina ipania inaca ikinikerre ioya, siete jalredaoca watsa icatimataacawa. Jliadaa lrinitacawa irsotsa iwafetacao padenirri, njite cayo tsakjaotsa ocho jalredaoca nacó, iwafetaotsa padenirri. 40 Lrinita cadaawa, iniwaotsa ipania ínaca nakjoite njaji matsiaperri pja, yaawapje, jaicoki matsinipe macanipe, njite lriida itaoñacape óni ricó, njite icatimataacawa siete jalredaoca. 41 siete jalredaoca pawalria icoam, cayo minitsa inaitjaca iMINALRI irso. Pada yácoti kjaidadalrica irso caidalriwetsa atee narso njaji walricomanai a kjerre cawajle catsa yá yofawaji. Irsotsa inaitjaca jliaji icatimataaca carroa siete jalredaoca nacó siete kérri naco. 42 Yofawatsa pantitape lrico siete jalredaoca. Pjiomi njaji Iraelitanai catsa narsotsa naofacawa pantitape lrico siete jalredaoca, 43 naají carroatsa njaji shapodamperrimi njaji walricomanai, coajipiaca Nonaitjaca naofá-carro pantitape lrico njaji Iraelnai Njota caojli piana Egipto jipaite ioya. Icatsa IMINALRI Dio-ca Njoa.'' 44 Icatsa cayoji Moise icaite narso njaji inaiki aimadan iraelitanai nanaco njaji nacatima taaca carroa Dio ikjenanataji lrirsowawa.
1 Caaco jliaji IMINALRITI Moise irso cayoji: 2 ''Pinaa njaji inaiki Iraelnai nadé-carro natodanda aceite njetanda oliva ioya, matsiadalri, lampara iitada icaona, kerrá-carro caidalritsa. 3 Pemajle lrioya jliaji yamacati lriofacawa lrico jliaji nanaitja shopa yácacoti naapiya nawacaaca carroda lricó, Aarón irsotsa iwacaca jliaji camarray dainoma nakjoite atee piyompinacó nacojle Dio ipeyajle caidalritsa. Icatsa yácoti irso inaitjaoda caidalriwenatsa coshoca njaji walricomanai iyacalre ricope. 4 Jliaji sacerdote yapiyawanai lrirsotsa lrikerrataca jliaji camarrai owirrona caidalritsa Dio ipeyajle. 5 Jipaotsa harina matsiadalri inaitjá carroni poalri ricó, inaitjaotsa doce namaimaca macanipe, ideecape coatro kilope harina nacoanaa. 6 Icadaotsa naorsoawa yamakjawa, sei pema, sei tsakja pema, mesa owirroita nacó Dio ipeyajle. 7 Icadaotsa incienso nacó njaji pan iorsoalriwa yamakjape ofrenda matsiaperri shó. Narsotsa namjaitaca njaji incienso Dio irso. 8 Caidalritsa nawafeta carroa lricó, jliaji sacerdote yapiyawanai lrirsotsa lricadaaca njaji pan Dio ipeyajle naikjaotenaaperri njaji Iraelnai, nawaadá-carro jliaji yácoti narsolri caidalriwetsa. 9 Arón njite njaji lrienipe, icatsa njaji itaitalriotsa ideeca njaji ofrenda, njite naiñjacaotsa mamatsicana cawatsa, ima nadendaca ofrenda inacope Dio irso, namjaitanda lrirso.'' 10 Papia nacojle, apama Iraelita irri, pada egipcio yápiya, lricoitacawa pada iraelita yápiya naofacawa lricó. 11 Jliaji iraelita yénipe caaco maatsitsa Dio iipitana nacó, maatsiperri yácoti lricaiteca Lrinacó, niini njaji inaiki nadeecani Moise ipeyajle. Selomit pia roipitana rsoaji jlidoa, Dibri iito, Dan poco inakjoitedarro cano. 12 Njepani njite nacadaa iwapacaodani a kjerreca Dio icaiteca narso coajicaotsa nanaitjaca lriapiya. 13 Njite caaco jliaji IMINALRITI Moise irso cayoji: 14 ''Pjipa pidee jliaji atsia caacopedalri maatsitsa Dio nacó pemajle lrioya jliaji iofacawa. Pjiomi njaji jicaperri coajica lricaite piaca narsotsa nacadaaca nacaapi jliwida nacó, njiteotsa njaji inaiki iwacaaca capewa narsotsa nainocani jiipada shó. 15 Irsotsa icaiteca narso njaji Iraelnai cayoji: Coca cadaa caaco matsitsa iDiote nacó lrirsotsa jlirrapitaca ikjaote. 16 Jliaji cacopedalri dofenaa Dio iipitana nacó, irsotsa iinocani. Pjiomi njaji iwacaacalriwa narsotsa nainocani jiipada sho, coshoca njaji inocapetsa pada jipai nakjoite o iraelita cadan. Coca cadaa caaco matsitsa Dio iipitana nacó, lrirsotsa mayamican. 17 Coca cadaa iino pada inaiki, irso tsakja iinocani. 18 Coca cadaa iino pada ípirra, lrirsotsa lricaoñaca lrirso apana maaficalri sho tsakja. 19 Coca cadaa iino lricodapidalri coancawa catsa lridaki nacó, irsotsa inaitjaca lrirso cayotsaji lrinaitja capisho lricodapidalri irsoni: 20 jlita cada tocomni, irso tsakja itokjontacani, lrimatsica cadaa lritji, irso tsakja imatsiketaca lritji, lrima cadaa lripeecoca lrietsa, irso tsakja ipeecoca lrietsa. Irsotsa inaitjaca lrirso cayotsaji lrinaitja capisho lricodapidalri. 21 Coca cadaa iino pada iipirra lrirsotsa lricaoñacani, njite coca cadaa iino pada inaiki, irso tsakja iinocani. 22 Jliaminitsa yácotica lrirso jliaji iraelita njite lrirso jliaji inocada yofaa ipecolrico tekjoitedalri, ima Iminalri Dio-ca Njoa.'' 23 Niini caacoca Moise narso njaji iraelitanai aimadan, niini njaji iraelitanai nadee pemajle naofacawa ioya jliaji inaiki caacopedalri maatsi Dio nacó. Nainoni jiipada sho. Njite njaji aimadan iraelitanai nadee nanacoa jliaji yácoti Dio icadaalri narso Moise nakjoite
1 Caaco jliaji IMINALRITI Moise irso jiipana Sinai nacó cayoji: 2 Caaco pjia narso njaji aimadan Iraelnai: Pjiewa cadenaotsa lri-ricoda jliaji Noalri irso, jliaji jiipai lrirsotsa lriwafetacawa Dio irso. 3 Sei walria watsa piapana pjipaite ricó, sei walria watsa pimatsieta matsia pipania njite piniwa njaji lriinaca. 4 Mitsa siete walria naco, jliaji jiipai lrirsotsa lriwafetacawa Dio irso corridalritsa itaita inaodacaca ioya. Corrin pitaita pidejica pjipaite ricó o pikiníkerre lrico. 5 Corrin pitaita piniwaca piniwaca nainaca njaji paniati imotolri njajwaacatsa, corrin tskja nainaca njaji jaico tjeda ínaca imotocape jiwaacatsa. Jliaji jiipai lrirsotsa lriwafetacawa matsia pjiomi. 6 Pjiomi njaji paniati ínaca imotolri niini pitaita piñjaca, njaji pirsoperri atsianai njite inaitjepe, njaji pinaikite idejicape picaoñaji irso, njite njaji inocaperri yofacape piinai tsakja, nataita naiñjaca njiteperri. 7 Coshoca njaji pi-vacan, pípirra padenirri nataita naiñjaca njiteperri. 8 Piniwetaotsa siete walria lriwafetacawa jliaji jiipai, siete piape siete walria, niniotsa coarenta noeve walria watsa padenirri jliwafetacawa jliaji jiipai. 9 Njite pipjia watsa trompeta kjaida pjiomitsa die jalredaoca nacó sietepi nacó. Nainocawa maaficalri imatsicana ikjaote, icatsaotsa ipjiaca trompeta pjiomi iyacalre ricó. 10 Njite cincoenta walria nacó pjienitaotsani Dio irso njite icaiteotsa pjiomi iofacawa lricó, narso pjiomi njaji inaiki corrica pjiaca yanjí nanacó. Icatsa calramica pjia pada yajicawa pia pinacó, njite pjiomi njaji narsoerri njite njaji irsocape pia pada jipaite narsotsa nadietacana naminanai catsa irsona. 11 Cincoenta walria nacó pidietaca jliaji jiipai lriminalri irso. Corrin pitaita piapana lri-ricoda jliaji jiipai o pinaa cantja naapanaca pirson. Pitaita piñjaca nainaca nakjoite njaji imotocapetsa njawaacatsa, njite piniwa nainaca njaji paniati mitsa corrin pitaita pipiyoca naapjite. 12 Corri capoa pjiaca yanjí lrinaco jliaji jiipai, pjienitanda pirsowawa. Pirsotsa pinjaca nainaca njaji imotocapewa teecojletsa lrioya jliaji pjipaite. 13 Pirso cadaa pada iyárro pirsotsa pidietaca pjiomi njaji pirsonipe naminanai irso catsa ima padietacawaca pjiomi njaji parsonipe. 14 Piwende cadaa pjipaite picodapi-dalri irso, o piwenta cadaa jiipai pada iinai, macashatatsa pada lrikjaote 15 Piwenta cadaa picodapidalri iinai jlipaitemi, pirsotsa piwaopiaca jliaji matsiadalri lrinaitjalri pirso cadalri walria caotsa pidejiotsa jliaji jiipai njite cadalripia caotsa piniwaca nainaca njaji paniati njite a kjerreca lriocacawa jlinaana jliaji jiipai lriwafeetá-carro. Cayo tsakja jliaji picodapidalri iwende cadam pirso. Lrirsotsa lriwaopiaca nanacó. 16 Aima walria icoá cadaa lridejica jliaji jiipai lripjeya watsa lriwafetacawa jliaji jiipai, aima pjaotsa lricoada, mitsa tsoo cada pjatsa lridejicaotsa niini atee lripieta watsa lriwafetacawa jliaji jiipai, tsoo pja tsakjaotsa lricoada, ima corricaotsa lriapaná carroca aima walria lriwafetenaotsa jliaji jiipai. 17 Macashataacatsawa lrikjaote, matsia pja inaitjaca matsia iDiote irso, ima icatsa Iminalri Dio-ca Njoa. 18 Cayoshopa pirsotsa pjiepaca noaco nodanaji pirso, pinaitja cayoji noaco icaite capishó. Niniotsa piofa watsa pimaodaca pjipaite ricó. 19 Kepena watsa pirso pipania, kepinaa watsa piñjaca, njite pimaodacaotsa pjiofacawa niiní. 20 Picaite watsa pá: ''¿Cocaotsa waiñja siete walria nacó? Ima corri watsa wataita waapanaca corrin tsakja wataita waniwaca wapania. 21 ''Nomeenacaptsa Nomatsiaca pinacojle siete walria naco, niniotsa cainaca caotsa pirso njaji pipaniá niniotsa piniwaca madalriwalria icoa. 22 Ocho walria naco piapana tsenakjaotsa, niini piñja catsaotsa njaji pipania iinaca njite njaji piwaketaji pia. Piwapa cadana nainaca njaji pipania noeve walria nacope, cayo cadana toa, pitaita piñaca njaji piwaketaji pia. 23 Corrin pitaita piwendeca jliaji jiipai pada irsoenakja piketemtja, ima noyadaca jliaji jiipai. Inocapetsa pjiomi shá, kjeyaperritsa yofacawa Njopaite ricó. 24 Pirsotsa piwaopiaca, jliaji lriminalrim lritaita jliaji jiipai lritaita lriwentaca tsenakjani pioyani coancadanaco catsa lrioma, o njaa cadaa njaji lripanetami piwentajim ioya. 25 Kjena capoa jliaji pikitsinda Iraelita niini lriwende pia pirso jliaji jlipaitemi, pada lrikitsinda catsa itaita iwendaca pioyani lriwendendam pia pirso. 26 Pada atsia corridalritsa irso ikitsiñape itaita cada iwentaca jlipaitemi, mitsa lrirso cadaa lriwenta shoopani, 27 lritaita lriniwetaca cadalriwalriaca lrirsoca niini jliaji lriwendenda irsoni njite lricaoña lrirso pjiomi, icatsa lritaita lridietaca lrirsowawa jlipaitemi tsenakja. 28 Mitsa corri cadaa lritaita lri caoñaca lridietá-carro lrirsowaawa, icaamitsa lriyada catoa jliaji iwenta cadam lrioya, a kjerreca lriocawa jliaji pawalria nadietacawa naminanai irso pjiomi njaji narsonipe pada iyaada. Icatsa jliwalria lrico nadietacawa naminanai irso pjiomi njaji narsonipe pada iyaada lrirso jliaji iwendecada, jliá-carro tsenakja lriminalri jliaji jiipai lripieta. 29 Pada iwende vcadaa lriipana lri-ricodá-dalri jliaji yacaalre cawaidalri, lritaita lripieta lriwentaca tsenakjani pawalria shapodami. Pawalria shapodamina lritaita lridiaca lriwenta tsenakjani. 30 Corri cadaa lriwenta jliaji lriipanami pawalria matsia shapodami, lri-ricodadalri jliaji panti taimí-dalri, niniotsa jliaji panti lriyadacani pikeetem jliaji iwentacadan, corritsa lridietá carrocani lri-ricowalria jliaji nadietacawa naminanai irso iwendecapemi. Nayada catsaotsa njaji walriconanai. 31 Mitsa njaji panti corri perritsa irso nadaana nawaida nacó ima nadejicawa lricocana. Nja dekja nataita napietaca nawentaca nayaadá- carro tsenakja, o nadietaca narso lrioca cadanacoa jliaji pawalria nadietacawa naminanai irso njaji narsonipe pada iyárro. 32 Mitsa, naapana njaji levitanai nayacañre ricope nataita dekja nadietacana coan cadanaco catsa naoma. 33 Jliaji levita corridalri iwenta tsenakja jliaji panti lriwendendami, jliaji panti kjerre cawa catsa lriemawa nadietaotsa lrirsoni lri-rico walria jliaji nadieta cawa narsompe naminanai irsoni, ima naapana njaji Levitanai nayacalre ricope nayada catsana nainai njaji Iraelnai. 34 Mitsa jliaji njepaite tsoomi-perri nayacalre ioya corrin nataita nawendecana, ima njepaiteca caidalriwetsa njaji Levitanai. 35 Njite kjena cada calretsa pada yofacawerri, corrin lrirso mitsa lriwenta shopa lriñjawa, pitaita pikitsindatacani pikitsindata capisho pada inocadatsa o pada tekjoité-dalri yofacadawa iinai. 36 Maomatsa lriinai picoadawa o pjitaca lrioya cocacani jliida ikjaote, corrin tsooca; matsia pja inaitjaca matsia Dio irso lriofá-carro piinai jliaji pikitsinda. 37 Corrin pitaita pia catoa lrirso pipalraatan nakjoite piomá carrontja lricaoñaca pirso lrinacojlé pja, o piwende cantja lrirso piñjaoda pjitá-carro lrioya palraata pjaa. 38 Icatsa IMINALRI Dio-ca Njoa, JLiaji jitalri shá Egipto jipaite rikjoite, niini Noaca irso jliaji jiipai Canaan iyada, njite pji Diote-ca Njoa. 39 Kjena cada jliaji piofacawerri njite lriwendiacawa pirso, corrin pitaita picadaaca lridejica cayoji pirsodalri capisho. 40 Pjipaotsani pjipa capisho njaji pinaikite idejicape pirso picaoñají. Ima kjeya catsaotsa lridejica pirso. Icamitsaotsa yami lridejica pirso a kjerreca lriocawa jliwalria jliaji nadietacawa njaji narsompe naminanai irso. 41 Icaamitsaotsa lriaca teeco pioya, njite njaji lrienipe tsakja, nadia carroatsa nakitsiñape ikjaolre njanirrimi jipaite nacojle. 42 Norsoperri capoana njaji Njotaji Egiptonai jipaite rikjoite. Corriotsa coca itaite iwendeca pada irsoperri carrona. 43 Corrin itaita yajica nanaco maatsicalri ricó, pinaitja matsia pi Diote irso. 44 Nanakjoite njaji apana inaiki iofacapewa icodapi, njaa dekja pitaita piwentaca piroperri carrona, atsianai njite inaitjpe. 45 Itaita tsakja iwentaca irsoperriwa nanakjoite njaji pada jiipai nakjoite-perri iofacapewa ipecolrico, neenipe jicoperri jiaite ricó. Nja dekja pitaita piwentaca pirsowaona. 46 Itaita yaaca yénipe irso nanakjoite njaji inaiki iwentaji irsoperri carrona nayaadá-carro njaamao, neenipe nakjoite tsakja.Nanakjoite dekja itaita iwentaca irsowao, mitsa corrin itaita icadaaca njerrapitaca njaji ikitsiñape tsa Iraelnai. 47 Mitsa capalratan cadaa pada inocada tekjoite lriofá-carrotoa iinai ipecolrico, njite pada ikitsinda Irael kjena capoani lriwendiacawa lrirso lrirso jliaji padatsa inaiki, o lrikitsiñape irso jliaji inocadatsa pada jiipai nakjoite, 48 lriwenta cayamina jliaji inocada pada jiipai nakjoite, pada lrikitsinda iraelita itaita iwentacani lrioya jliaji iwentacada toani tsenakja. 49 Jlinirrim cadaa, o jlinirrim yénipe cadaa itaita iwentacani tsenakja, ima lri kitsinda catsani. Mitsa lrioketa cadaa aima palraata lritaita lricaoñaacacawa. 50 Lritaita caacoca lriapiya jliaji atsia iwentacadani; nataita naniweetaca cadalri walria jiyapawa lriwenta cayamini atee lriocawa jliwalria jliaji nadietacawa njaji narsonipe naminanai irso. Naniwetaotsa lricoa jliaji nacapñalri narsoérri idejicaperri narso, njite cosho walriaca lritaita lrideji catoa lrirso jliaji iwentacadani. 51 Aima cadatoa jamolri lripjeya lriocá-carroa jliaji nadietacawa nanaani naminanai irso, lrirsotsa lricaoñaca njaji jamolri jliapodamperri, lritaitá-carro lricaoñaacacawa, coshoca walria lriofa piaca lriinai jliaji iwenta cadan pia. 52 Mitsa tsoomi cadenatsa lripjeya lriocá carro jliaji jamolri nadietacawa nanaani naminanai irso, lrirsotsa caacoca lriapiya jliaji iwentacadan pia naikjaote njaji jamolri canacairri lriocá carroa jliaji nadietacawa nanaani naminanai irso, ikenaotsa lricaoñaaca-cawa coshowalriaca lriofa piaca niinio. 53 Pirsotsa pjipacani nacayoshotsa njaji inaiki idejicape pirso picaoñaji jamolri icoami. Pirsotsa pianjí corrica picadaa lridejica maatsicalri ricó. 54 Mitsa corri cadaa lricaoñaaca-cawa, icaamitsa lriwapaca a kjerreca lriocawa jliwalria jliaji nadietacawa njaji narsolri naminalri irso, jlia njite njaji lrienipe tsakja. 55 Idenjicaperrica Norso njaji Iraelnai aimadan, Norso-perri cana njaji Njotaji Egipto jipaite rikjoite. Icatsa IMINALRI Dio-ca Njoa.
1 ''Corrin itaita inaitjaca idolonai, corrin tsakja itaita inaitjaca njenapjiami, o jirreta cantja jiipada iwaada capoa matsiadalri cani, corrin itaita yemetaca njenapjiami nayoanda jipaite ricó icoanjá-carro napeyajle, Ima icacatsa Iminalri Dio-ca Njoa. 2 Irsotsa iwaadaca iwafeta carroda njite inaitjaca matsia nofacawa lricó. Icacatsa Iminalri-ca Njoa. 3 Sheepa cadaa noaco, njite inaitja cadaa cayoji noaco icaite capisho irso, 4 niniotsa nocadaotsa iyao jiwacawa jlinaana lrico; aimaotsa nainaca njaji ipania, njite cainaca tsakjaotsa aima njaji jaico cainacaperri mana. 5 Aimaotsa iniwaca ipania, niniotsa corri catoatsa yami imatsietaca njaji ipania iinaca, nja nakjaotsa cainaca njaji ova, aima tsakjaotsa cainacaca njaji ova njite yaapanaca jinanenakja iocawa ikjaolre. Aimaotsa irsoca injaope njite imaodacaotsa yofacawa a kjerrecawajle catsa inaitja iipana jipaite ricó. 6 Nocadaotsa imaodacá carrotsa yofawa jipaite ricó; imaotsa imaodacatsa. Nocadaotsa naawa teeco ioya njaji maaficalri kerroaperri. Corriotsa cocá carroca íno iino sha. 7 Ipinietaotsa njaji icoema, njite sha watsa ínona imatsetan shó. 8 Cinco tsa inakjoite ifietaotsa teeco njaji ciende icoema, njite cien inakjoite ipinetaotsa die mil icoema; shaa tsaotsa iino matseeta sho njaji icoema. 9 Matsia watsa Nocapaca irso, Nocadaotsa matsia keenipeca sha imaimataca carroatsawa; Njite nocadaotsa jliaji yácoti nonaitjalri yáapiya. 10 Itaitaotsa iñjaca njaji injaodati imatsietanda aima jalredaoca. Irsotsa injaca njaji injaope imatsietanda ima iomacaotsa a kjerreca imatsieta njaji walriperri ipania iinaca. 11 Nocadaotsa Nopana ipecolrico, njite corriotsa Nomacá carroca sha. 12 Noemajiwatsa ipecolrico njite iDiote caotsa njoa, njite Nonaikite aimadan caotsa shaa. 13 Icatsa Iminalri Dio-ca Njoa, jliaji jitalri piaca sha Egipto jipaite rikjoite corri carroenatsa narsoperrica sha. Njota piaca Mjotomi ioya jliaji ipapirri pialri sha, njite Nocadaa yanjicawa matsia, mayacan. 14 Mitsa corri cadaa sheepa njoa, njite corrin inaitja njaji nonaalri inaitjaca, 15 imenata cadaa njaji Noaco kjaidaperri, njaji Nocaite shopa coajica yofacawa matsia, icaamitsa imjepataca njaji yácoti kjaidaperi, njite imacoadataca jliaji yácoti Nonaitja pialri iinai, 16 inaitja pjiomi njaji nocaiterri inaco, niini pedaotsa Nonaitja irso cayoji: Nocadaotsa aima maatsiperri inaco matsinaperri, irrenati imaimaca, ipoati imatsicacape itji njite nacadaotsa mayamica sha. Mikjapan watsa yaapanaca ima icoema watsa njaji injalriotsa ioyana. 17 Jiponda caotsa Njoa, njite icoema shametacaotsa shá. Njaji atsianai maatsiperri icapaca irso icatsaotsa njaji italricanaatalri catsa inaco, njite ipitocaotsa naoya corri cadanatsa coca ipineta shá. 18 Corri cadaa sheepa noaco, Njorrapiteeta caotsa shá siete piape, aimaotsa jirrapitaca imatsicanaa ikjaote. 19 Njorrapiteeta caotsa shá ima padalreca shá kjaidaperri capoa yajiacacawa. Corriotsa iyao jiwá carroca inacó, niniotsa corriotsa itaitá carroca yapanaca jipaite ima tarracani bronce shó. 20 Mikjapaniotsa idejica, ima corriotsa iniwá carroca ipania iinaca, corrin tsakjaotsa cainacá carroca njaji jaico cainacá perri pia. 21 Inaitja cadaa njaji yema shopa Nokjoete, corri ioma jimica Norso, Njorrapiteta caotsa shá siete piape pja lrinacojle jliaji jirrapitalrinainaco, naikjaote njaji imatsicana. 22 Nomenacaotsa ikjaolre maaficalri kerroaperri, njite nadee caotsa ioya maatsicalri rico njaji yénipe, naiñjaotsa ivacan, njite nawayaketacaotsa shá. Njite corrin natsaotsa coca yemajiwa yápowa lricó. 23 Njite cayo cadanatja jiyapacawa, njite corri minitoa shepa, njite inaitja minitsa imatsicana yemá-carro Nokjoete, 24 cayo peda tsakjaotsa Njoa, Noema caotsa ikjoete, njite Nocada pjaotsa jirrapita siete piape pja imatsicanaa ikjaote. 25 Nodee watsa aima oowinai ikjoete jirrapiteetalriotsa shá imenata capoa Noaco. Nawacaacaotsa iyacalre ricó, njite nomeenacaotsa ikjaolre ipoati, njite nocadaotsa shá icoema icaapi ricó. 26 Njota cádanacoatsa ioya injaope, die inaitjepe watsa inaitja injaoda paapi ricotsa poalri, njite naawatsa injajo pawajlepetsa. Iñja tjaotsa mitsa corriotsa kepinaa carroca shá. 27 Njite cayo cadanatja jiyapacawa, njite corri minitoa shepa, njite inaitja minitsa imatsicana yemá-carro Nokjoete, 28 Noema pedaotsa ikjoete irroati ricó, njite Nocada pjaotsa jirrapita siete piape pja imatsicanaa ikjaote. 29 Iñjacaotsa yénipe atsianai, njite inaitjepe dape iipe. 30 Nopecoatsa njaji idiote iipana yenondalripe nacope, nowayaketaotsa ioya njaji incienso ialtarni, njite nopecoatsa idadam mayamperrim nanaco njaji i-idoloni mayamperrim, njite Njoa tsaotsa jliaji maatsirri icapaca irso. 31 Nocadaotsa teecojle iyacalre icapacana njite nopeecoatsa njaji pantidape iacawa matsiadalri idolonai irso. Corriotsa joiwí carrica noanjí i-ofrendan iitann. 32 Nomatsiketaotsa jipaite. Njaji icoema, yofacape iyacalre rico, nafio watsa pekirritsa nacapa cádanacoatsa coajica Nomatsiketaotsa jipaite. 33 Nocadaotsa padapena yaacawa inaikinai jipaite ricojle. Nomeenacaotsa icoema nainó-carro shá. Maminalri caotsa jipaite, njite lriwayacacaotsawa jliaji iyacalre. 34 Njiteotsa lriwafetacawa jliaji jiipai cayotsa lricaite capisho jliaji yácoti kjaidadalri lrinaco jliaji jalredaoca pawafeta carroda lricó, cayo cádanaco imacaca jipaite, njite icoema tsa njaji iofawalri toa jipaite ricó. Icatsaotsa lriwafetacawa jliaji jiipai, matsia watsa lriwafetacawa. 35 Matsia watsa lriwafetacawa jliaji jiipai maminalri cádanaco toani, ima corri piatsa lriwafetacawa niini cádanaco piatoa yofawa. 36 Njite adapena inakjoite yofacape toa icoema jipaite ricó, Nocadaotsa iofió-carro icaolre ricó, atee jliaji panapje kjemadalri caolri ipjianda nafietaotsa shá, njite ipito caotsa cayoji napineta capisho sha matseeta shó. Shecoatsa jiwao corri cadanatsa coca ipoineta shá. 37 Yocacawatsa jiwacatsa cayoji paana ipineta capisho shá matseeta shó, corri cadanatsa coca ipineta shá. Corriotsa kjaidaca shá yemá-carrontja jiponda ikjoete. 38 Nawayaketacaotsa shá njaji apana inaiki, mayamicaotsa shá jipondape jipaite ricó. 39 Njite njaji inacope, nawayacacaotsawa namatsicanaa ikjaotetsa, naofacawa nacoema jipaite ricó, njite njanirrinaipemi imatsicanaa ikjaote nawayaca tsakjaotsawa caytsa nacayisho. 40 Najiwatsa nanaitjaca maatsi Norso, coshoca njaji njanirrinaipemi pia, coaji piaca neemaca Nokjoete nanaitja capoa maatsi Norso. 41 Njite Noema caotsa nakjoete njite node caotsana nacoema jipaite ricojle, njite kjenaa cadaa nanjiaca cawa nacaolre taaradalri ricó, njite maaco cadatsa nacoadataca jliaji jirrapitakjeti namatsicana ima, 42 nininaotsa Nodia watsa nowaopia lrinaco jliaji yácoti nonaitjalri pia Jacob yapiya, Isaac yapiya njite Abraham iapiya tsakja; njite nodia watsa nowaopia lrinaco jliaji jiipai. 43 Namaca caotsa njepaite, niniotsa matsia watsa lriwafetacawa jliaji jiipai jlinaana lrico lriwafetacawa. Njite nacaoña caotsa namatsica ikjaote tsa namenata capoa njaji Noaco, corrin nacoataca nanacoa Noaco kjaidaperri. 44 Njite cayo cadana toa, a cádanaco toana nacoema jipaite ricó, corriotsa Nopeeco carrocana, corrin tsakjaotsa nowayaketa cana pjiomi, Nowayaketá carrontja jliaji yácoti Norsolri nainai, ima icatsa Naminalri Dio-ca Njoa. 45 Mitsa, Nodia watsa nowaopia lrinaco jliaji yácoti nonaitjalri pia naferrinaipemi yaapiya oopi, njaji Njotanipe pia Egipto jipaite lrikjoite, njite njaji apaana inaiki aimadan naanjí pia lrinaco, Njoá-carro na-Diote. Icatsa IMINALRITI-ca Njoá." 46 Icatsa Noacoca njaji, yácoti kjaidaperrica njaji, Dio inaashopana, Lrinaitjanda naapiyatsa njaji inaiki aimadan Iraelnai jiipana Sinai naco Moise nakjoite.
1 Caaco wa-Minalri Moise irso cayoji: 2 ''Picaite narso njaji inaiki aimadan Iraelnai cayoji: ''Pada icaoña cadaa Dio irso lrikjaote jliaji lritatjanda lriinai, cayoatsa inaitjaca. 3 Icatsa nacpadaca njaji atsianai irsocape vente walria napekirrica nakjoite atee nanaco njaji irsocape sesenta walria napekirrica, yaawatsa cincoenta moneda palrataitape, cayoji iwacaaca carrodawa icadaa capishó. 4 Njite nanaco njaji inaitjepe cayoperri tsakja ipekirrica, irsotsa yaaca trenta monedaitape palraata, cayoji iwacaaca carrodawa icadaa capishó. 5 Njite njaji cinco walria ipekirrica nakjoite atee vente walria ipekirrica, narsotsa naaca nacoada vente moneda palraata, njite njaji inaitjepe, die moneda palraatape. 6 Njite njaji kirraitalri apapi kérri nacope atee cinco walria ipekirrica, narsotsa naaca nacoadawa cinco moneda palraatape, njite njaji inaitjepedape, madalrita monedaitape. 7 Njaji sesenta walria ipekirrica ipeyajle, njaji atsianai, quince monedaitape nacoada, njite njaji inaitjpe, die monedaitape nacoada. 8 Mitsa jliaji inaiki icadaaca cadawa corricadaa lritaita lricaoñaacacawa cayó, lrirso peda lrideeca sacerdote ikjaolre jliaji inaiki icadaaca-cadawa, njitena jliaji sacerdote lricaiteotsa coshocaotsa lricoada jliaji inaiki lrirsolritsa lricaoñaca lricoadawa. 9 Pada yoma cadaa ínoca maaficalri Dio irso, njite Dio icoadata lrioya, niini irsotsa shenitaca jliaji maaficalri Lrirso. 10 Jliaji inaiki corrin lritaita lritecojletaca jliaji maaficalri apana shó, apana matsiane yaapiya aapana maatsine sho. Cayo cada lrinaitja, njaji maaficalri lrirsotsa jlienitacana yámanape. 11 Mitsa, maatsi cadatsa jliaji maaficalri, corridalritsa pataita paaca Dio irso, jliaji inaiki lrirsotsa lrideeca jliaji maaficalri sacerdote ipeyejleni. 12 Jliaji sacerdote yajiwatsa lrioma lriají-carro coshoapaca lricoada jliaji maaficalri nawentalri niini, njite coshoapa cadaa, icatsaotsa lricoadaca. 13 Njite jliaji sacerdote yoma cadaa iwentaca jliaji maaficalri, niniotsa jlirreta pjaaca lricoada tamjia lricoada yooyádalri. 14 Pada shenita cadaa lriipana lriá-carro macoadatsa Dio irso, jliaji sacerdote lricadaotsa lricoada matsiadalri sho o maatsidalri shotsa. Njite coají-dalri cada lricoada, icatsa lricoadaca. 15 Mitsa jliaji panti iminalrim pia shenitacadan lriipana lrioma tsenakja lriwentacani, lrirsoatsa lricadaa pjaca lricoada lrinacojle lriwentá carroni, cayotsa lridieta tsenakja lriipanamo lrirsowawa. 16 Pada atsia shenita cadaa jlipaite nakjoite, niniotsa lricoada jliaji jiipai coshoca namaimaca njaji paniati paapanalri lri-ricoda, treciento setenta kilo cebadape cincoenta moneda palrataitape nacoada. 17 Jlienita cadaa jlipaite lri-rico walria nadieta cawa naminanai irso njaji narsompe, caycarrom watsa lricoada. 18 Mitsa jlienita cadani jliwalria jliaji nadieta cawa naminanai irso njaji narsompe, jliaji sacerdote lricapaotsani, lriniwetaotsa cosho walria catoa canacai lriocá-carro jliwalria jliaji nadieta cawa naminanai irso njaji narsonipe, njitenaotsa lricaite coshoapaca lricoada jliaji jiipai, mitsa lrirsotsa lridieta pjacatsa lricoada. 19 Njite jliaji atsia shenitacadam jlipaite lrioma tsenakja lriwentacani, lrirsotsa lriá pjaaca lricoada lrinacojle, icatsa cayoji lritaita lriyadaca tsenakjani. 20 Mitsa corri cadaa lridieta jlipaite, o lriwendee cadani pada irso, corrinatsa lritaita lriwentacani lripieta. 21 Niniotsa, lrioca cádanacoatsa jliwalria jliaji nadieta cawa naminanai irso njaji narsompe, naawatsa Dio irso njenitanda Lrirso, cayoatsana nacosho njaji nacadaaji ajádalri DIo irso. Niniotsa sacerdote iyadacani. 22 Pada atsia shenita cadaa jlipaite jipadatsa lriwentanda, mitsa corri cadatsa nayadaca lriinai njaji lriipaneta, 23 jliaji sacerdote lricapaotsani, lriniwetaotsa cosho walria catoa canacai lriocá-carro jliwalria jliaji nadieta cawa naminanai irso njaji narsonipe, njite jliaji atsia lrirsotsa lricaoñaca lricoada liácarro Dio irso jliaji jlienitanda Lrirso. 24 Njite lrioca cadanacoa jliwalria jliaji nadietacawa naminanai irso njaji narsonipe, jliaji atsia iwentacadami jliaji jiipai, lrirso jliaji jiipai iminalri irso. 25 Pjiomi lricoada, jliaji sacerdote lrirsotsa lricadaacani cayotsaji iwacaaca carroda icadaa capisho, die gramo pja paitape moneda icoana. 26 Corri dekja pada itaita shenitaca njaji maaficalri initacape jiicoca njajdoa ioya, ima njaji initacaperri imotocawa Dio iyarrope-cana; buey cadaa, oveja cadaa, Dio iyarrope-cana. 27 Mitsa maatsine cada jliaji maaficalri, jliaji lriminalri lritaita lriwentaca tsenakjani, mitsa lrirsotsa lria pjaaca lricoada inacojle. Mitsa corri cadaa lriminalri iwentani, lrirso peda lriwendeecani apada irso cayotsaji lricoada shotsa. 28 Mitsa coca cadaa shenita pada lricadaoda Dio irso, nanakjoite njaji lrirsolri, inaiki o maaficalri cadaa, o lriipaneta jipaite cadaa, lritaita lriwendecani o lridiaca lriwenta lrirsowawa tsenakjani. Ima njaji icadanda Dio irso matsiá-perrica njaji icadaalri Lrirso. 29 Corrin pada itaita icaoñaca jliaji inaiki Dio inanda nainoca. Irsotsa nainoca jliaji inaiki. 30 0Pjiomi njaji pada die nakjoite-perri lripaniana jliaji jiipai, njaa cadaa njaji itaoñacape njawacatsa o nainaca njaji jaico, Dio iyapecana. Dio shenitaji lrirsowawa. 31 Pada atsia ioma cdaa iwentaca lrirsowawa njaji pada die nakjoiteperri lricadaji. lrirsotsa lricaoña pjaaca pamoyoa nanacó. 32 Nanakjoite njaji diena pirraiti, jliaji iwapacaitana iniwetaji jliecote shó, apana nanakjoite irsotsa shenitacan Dio irsó. 33 Jliaji iwapacaita maaficalri corrin lritaita lriniwanaca coandalri cadaa matsiani, o maatsine, corrin tsakja lritaita lritecojletaca apana maaficalri apan shoenakja. Cayo cada lrinaitjaca, lrirsotsa lricadaaca yaamanape jlienitaji DIo irso. Corrinatsa lritaita lripieta lriwentacani.'' 34 Icatsa njaji yácoti kjaidaperri Dio icadaji Moise irso Jiipana nacó Sinai narso njaji inaiki aimadan Irael.
1 Caaco JLIAJI IMINALRITI Moise irso nawacaaca-carroda lrico jalrapocolri ricó Sinai, lrinita cadaawa jiaji yaamapi kérri pawalria initacawa, yamawalria shapodam namoto cayamiwa Egipto jipaite lrikjoite njaji Iraelnai. Dio icaite narso cayoji: 2 ''Iniwetaotsa pjiomi njaji atsianai Iraelnai pjiomi nanaikica nacó, njanirrinaipe iipaneta nacó. Iniwetaotsa nacoana njaji atsianai 3 itrsocape vente walria napekirrica ipeyajle, Pjiomi njaji itaita capena inoacacawa tsolrodao sho Iraelnai irso. Pjia njite Aarón yaapiya idanaotsa namaimaca njaji atsianai tsolrodaope coca iinai caotsa icadaana. 4 Pada atsia nanaikica nakjoite, pada jiwidaapo naapaneta nakjoite dalri, icatsaotsa jliaji icadalri caotsa naapiyawalrioca. Nacoana njaji njewidaapo, icatsaotsa jliaji iderrica njaji lrinaikite nainoacá-carro nanaikica poco naco. 5 Icatsa neepitanaca njaji atsianai jiwidaapoti inoacalriotsa piinai: Roben poco nakjoite, 6 Elizur, Sedeur irri; Simeo poco nakjoite, Selumiel, Zurisadai irri, 7 Judá poco nakjoite, Naasón, Aminadab irri; 8 Isacar poco nakjoite, Natanael, Zuar irri; 9 Zabolón poco nakjoite, Eliab, Helón irri; 10 Efraín poco nakjoite, jliaji José irri, Elisama, Amiud irri; Manasé poco nakjoite, Gamaliel, Pedazor irri; 11 Benjamín poco nakjoite, Abidán, Gedoni irri. 12 Dan poco nakjoite, 13 Ahiezer, Amisadai irri; Aser poco nakjoite, Pagiel, Ocrán irri; 14 Gad poco nakjoite, Eliasaf, Deuel irri; 15 njite Neftalí poco nakjoite, Ahira, Enán irri.'' 16 Icatsa neepitanaca njaji atsianai nakepitanataji njaji inaiki aimadalri. Icatsa njaji yajirrica njanirrinaipemi poco nacó. Icatsa njaji Iraelnai poco jiwidaapoca. 17 Moise Aarón yaapiya iwaketa nja atsianaica njaji, nadaná-carro neepitana, 18 njite nawaketa tsakja njaji atsianai Irael lricoperri lriniita cadaawa jliaji yaamapapi kérri nacó pawalria initacarropi, nadana neepitana pjiomi njaji atsianai irsocape vente walria napekirrica nacó ipeyajle, cocaca nanaikica njite kjaiterrica naferrinaipemi oopi. 19 Cayotsa Moise idana neepitana pjiomi jalrapocolri Sinai lrico, cayotsaji Dio inaa capisho piani. 20 Nanakjoite njaji Roben poco, Irael irri ipjerriti, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 21 Naniwetana coarenta sei mil quiniento namaimaca njaji Roben poco. 22 Nanakjoite njaji Simeo poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 23 Naniwetana cincoenta noeve mil treciento namaimaca njaji simeo poco. 24 Nanakjoite njaji Gad poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 25 Naniwetana coarenta cinco mil seiciento cincoenta atsianai njaji Gad poco. 26 Nanakjoite njaji Judá poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 27 Naniwetana setenta coatro mil seiciento atsianai njaji Judá poco. 28 Nanakjoite njaji Isacar poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 29 Naniwetana cincoenta coatro mil coatrociento atsianai njaji Isacar poco. 30 Nanakjoite njaji Zabolon poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 31 Naniwetana cincoenta siete mil coatrociento atsianai njaji Zabolon poco. 32 Nanakjoite njaji Efrain poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 33 Naniwetana coarenta mil quiniento atsianai njaji Efrain poco. 34 Nanakjoite njaji Manasé poco, Jose irri, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 35 Naniwetana trenta do mil dociento atsianai njaji Manase poco. 36 Nanakjoite njaji Bejamin poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 37 Naniwetana trenta cinco mil coatrociento atsianai njaji Bejamin poco. 38 Nanakjoite njaji Dan poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 39 Naniwetana sesenta do mil seteciento atsianai njaji Dan poco. 40 Nanakjoite njaji Aser poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 41 Naniwetana coarenta un mil quiniento atsianai njaji Aser poco. 42 Nanakjoite njaji Neftali poco, naniwetana neepitana nacó, pjiomi njaji vente walria perri ipekirrica nakjoite, itaitacapena yaacawa oowi ricó, coshoapacana njaapoco nakjoite njite naapaneta nacó tsakja oopi. 43 Naniwetana cincoenta tre mil coatrociento atsianai Neftali Judá poco. 44 Moise, Aarón yaapiya naniweta pjiomi njaji atsianai, njite doce atsianai nanakjoite njaji doce poco Irael lricope naapiyawanaiwa. 45 Niini naniwetaca pjiomi njaji atsianai Irael lricoperri, njaji vente walria perri ipekirrica nakjoite, itaitacapena yaacawa oowi ricó, naniwetana naapaneta nacó nacoanaa. 46 Naniwetana seiciento tre mil quiniento atsianai. 47 Mitsa njaji atsianai Levi poco nakjoite-perri corrin naniwetana, 48 Ima Dio icaite Moise itso cayoji: 49 ''Corriotsa piniwetá carroca njaji Levi poco, corrin tsakja pitaita piniwetacana nainai njaji Iraelnai aimadan. 50 Mitsa picadaotsana nja carroatsa iwapa jliaji iwacaac-carroda lriofacawa lrico njaji yácoti kjaidaperri nonaitjashopa yaapiya yácoti, pjiomi njaji lriwawa lricope jliaji panti. Nja watsa idee njaji inaitjashopa jliaji panti iwacaac-carroda, njaji lriitada tsakja. Nawapaotsa jliaji iwacaaca-carroda njite nanaitjaotsa pantidape lriwaida nacó. 51 Icarseta cádanacoatsa jliaji panti iwacaaca-carrodawa apafe lricojle, njaji Levitanai nakejloá watsani, njite nemeta tsenakjaotsani a kjerrecaw- jle cada lriemawa tsenakja. Ccoca cadaa itsomita jliaji panti iwacaac-carroda corridalritsa inakjoite dalrican mayami caotsani. 52 Njite njaji Irael poco nanaitja cadaa naapanaitawa, narsotsa neemetaca a kjerrecawajle cadaa nacapa lriemacawa jliaji naowite jinanapje. 53 Mitsa njaji Letita poco, nemetaotsa napanapoco lriwaida nacotsa jliaji panti iwacaaca-carroda iwaida nacó, naofacawa lrico njaji yácoti kjaidaperri wadee noirra jiwacawa nanaco njaji Iraelnai aimadan.Levitanai watsa njaji iwalriotsa jliaji panti iwacaaca-carroda lrico, naofacawa lrico njaji yhácoti kjaidaperri nonaitjashopa yápiya yácoti.'' 54 Njaji Iraelnai nanaitja pjiomi njaji. Nanaitjatsa cayoji Dio inaa capisho nanaitjaca Moise nakjoite.
1 Caaco tsenakja Dio Moise irso njite Aarón irso tsakja. Lriaco narso: 2 ''Nacoana njaji Iraelitanai narsotsa nanaitjaca napanaitawa njenanapje iwaida nacó, naferrinaipemi iipaneta jinanapje. Naofawatsa iwacaaca-carroda iwaida nacó yamemape. 3 Njaji inaitjalriotsa ipanaitawa jérri imotokema nawacaaca-carroda irso, Judá poco, nanaitjaotsa napanaitawa njenaanapje yapjite. Naasón, Aminadab irri, icatsaotsa njewidaapoca njaji Judá poco. 4 Setenta coatro mil seiciento namaimaca njaji Judá poco. 5 Njite Nacodapitsa njaji Judá poco, Isacar poco watsa inaitja napanaitawa. Natanael, Zuar irri watsa njewidaapo njaji tsolrodaonai aimadan narso njaji Isacar poco. 6 Cincoenta coatro mil coatrociento atsianai namaimaca njaji tsolrodaonai. 7 Njite Isacar icodapitsa, Zabolón poco watsa inaitja napanaitawa. Eliab, Helón irri watsa naapiyawalri njaji Zabolón itsolrodaonai aimadan. 8 Cincoenta siete mil coatrociento atsianai namaimaca njaji tsolrodaonai. 9 Pjiomi namaimaca njaji Judá poco iofacawa lrico ciento ochenta sei mil coatrociento namaimaca. Icatsaotsa njaji inaitjalriotsa iofacawa napjeya. 10 Njite jérri iparrema nacó pema Robén poco watsa inaitja napanaitawa, njenanapje yapjite. Elisur, Sedeur irri watsa njewidaapo njaji Robén poco. 11 Coarenta sei mil quiniento atsianai namaimaca. 12 Njite Robén poco icodapitsa, Simeón poco watsa itaitja naapana poco. Njite Selumiel, Zurisadai irri watsa njewidaapo. 13 Cincoenta nueve mil treciento atsianai namaimaca. 14 Nacodapitsa Gad poco watsa inaitja napanaita poco. Njite Elisaf, Deuel irri watsa njewidaapo njaji Gad poco. 15 Coarenta cinco mil seiciento cincoenta atsianai namaimaca. 16 Pjiomi njaji naniwetaji nainai njaji Robén poco naofacawa lricó, coshoca namaimaca nacoanaa, cinto cincoenta un mil coatrociento cincoenta namaimaca. Icatsaotsa njaji yofalriotsa nanacojleda. 17 Njite njaji Levitanai naawatsa napjeya, napecollrico njaji napanaitape, njite nadeeca njaji nanaitjashopa nawacaaca-carroda lrico. Njaji coatro poco naawatsa njapodawaaca, cayotsaji nacadaa capisho neemawa, njenaanapje icodapitsa. 18 Njaji Efraín poco, nanaitja napanaita poco njenanapje yapjitetsa. Elisama, Amiud irri icatsa jliaji njewidaapo. 19 Coarenta mil quiniento atsianai namaimaca. 20 Njite nacodapitsa naofawa njaji Manasee poco. Njite Gamaliel-ca jliaji njewidaapo, Pedasur irí. 21 Trenta do mil atsianai namaimaca. 22 Njite njapodamtsa, nja watsa njaji Benjamin poco. Abidán, Gedeoni irri watsa naapiyawalri. 23 Trenta cinco mil coatrociento namaimaca njaji atsianai. 24 Pjiomi njaji naniwetaji Efraín poco iinaiperri ciento ocho mil cien. Icatsa njaji yofalriwa madalripoco nacó. 25 Njite pema lriparrema nacojle, atsialriema nacojle Dan poco watsa inaitja ipana poco. Ahieser, Amisadai irri watsa njewidaapo. 26 Sesenta do mil seteciento atsianai namaimaca. 27 Njaji Aser poco watsa yofawa nacodapi. Pagiel, Ocrán irri watsa naapiyawalrio. 28 Coarenta un mil quiniento atsianai namaimaca. 29 Nanacojledatsa njaji Neftalí poco. Ahira, Enan irri watsa naapiyawalri. 30 Cincoenta tre mil coatrociento atsianai namaimaca. 31 Pjiomi njaji nawiwetaji nainai njaji Dan poco ciento cincoenta siete mil seiciento atsianai. Icatsaotsa njaji imotolriotsa pikeetem, njenanapje icodapoitsa. 32 Icatsa njaji Iraelitanai, naniwetaji coshoca naapaneta lrico. Naniwetaji njaapoco naofacawa lrico, njite icapiatsa namaimaca seiciento tre mil quiniento cincoenta padenirri. 33 Mitsa Moise njite Aarón corrin naniweta njaji levita poco nainai njaji Iraelnai, ima cayo piacatsa Dio inaa piaca Moise inaitjaca. 34 Njaji Iraelitanai nanaitja pjiomi njaji Dio inaalri nanaitjaca Moise nakjoite. Nacoanamtsa naofawa njenanapje icodapitsa. Naa manawa naofacawa lrkjoite papocotsawa coajica nanaikica, cayotsaji coaji piaca nánoca njaji naferrinaipemi.
1 Panaya, icatsa Aarón njite Moise inakjoite-perri inacoapana nacó caaco caojli pia Dio Moise iinai Jiipana Sinai nacó. 2 Icapiatsa neepitanaca njaji Aarón yénipe. Nadab jliaji perriti, njite Abiú, Elezar njite Itamar. 3 Icapiatsa neepitanaca njaji Aarón yénipe, njaji sacerdotenai naniwanaji nakeepitanatá-carro nadejí-carro sacerdotenai shó. 4 Mitsa Nadab njite Abiú oopi mayamina namjaita capoa incienso Dio ipeyajle corridalritsa matsia Lricapaca irso jalrapocolri Sinai ricó pia. Njite corri pia narsoca neenipe, caishopa icamicatsa Elezar njite Itamar njaji idejirri sacerdotenai sho njanirri Aarón iinai. 5 Caaco JLIAJI IMINALRITI Moise irso cayoji: 6 ''Pidee njaji Leví poco sacerdote Aarón ikjaolre nakitsindatá carroni. 7 Narsotsaotsa nanaitjaca njaji idenjikjeti Aarón inaitjaji mana nanacojle njaji naofacawenai padenirri iwacaaca-carroda ipeyajle. Narsotsaotsa nadejica iwacaaca-carroda lricó. 8 Narsotsaotsa nawapaca pjiomi njaji iwacaaca-carroda iitada, njite narsotsaotsa nakitsindataca njaji nakitsiñape Iraelnai nadeji cádanaco niwacaaca-carroda lricó. 9 Picadaawatsa njaji levitanai Aarón irso njite narso njaji lrienipe. Ima Nocadacana nadejí-carro padatsa nakitsindatá-carro njaji Iraelnai aimadan. 10 Pikepitanataotsa Aarón njite njaji lrienipe nadejícarro sacerdotenai sho, njite coca cadaa corridalritsa inakjoitédalrica itsoomitalri jliaji iwacaaca-carrodawa mayamicaotsani.'' 11 Caaco JLIAJI IMINALRITI Moise irso, lriaco: 12 Icapa, '' Njoatsa iniwana njaji levitanai nanakjoite njaji aimadan Iraelnai. Nonaitja cayo wade Noniwanaca padapetsa nanakjoite njaji yénipe pjerritinaipe jiico-perri Irael lricó. Niii Noyárropeca njaji Levitanai. 13 Njite pjiomi njaji pjerritinaipe noyárrope cana. Jliadaa pia Noinoca neenipe pjerritinaipe njaji jiipai Egipto lrico, Njoenita pia Norsowao pjiomi neenipe pjerritinaipe njaji Iraelnai, nanakjoiyte njaji inaiki njite coshoca njaji maaficalri tsakja. Niini Noyarrope cana. Icatsa IMINALRITI-ca Njoa.'' 14 Caaco Dio Moise irso irso jalrapocolri Sinai ricó. Lriaco lrirso: 15 ''Piniwetaotsa njaji Leví inakjoité-perri panti icoam, coca piaca waferrimi. Piniwetaotsa njaji kirraitalri apapi perritoa jiico cayamina, njite njaji pekipenaipena.'' 16 Moise iniwetana cayotsaji Dio inaa capisho lrinaitjaca. 17 Icatsa neepitanaca njaji Leví yénipe Gersón, Coat njite Merari. 18 Njite Gersón yénipe iipitana naapaneta yápiya icapiatsa njaji Libni njite Simei. 19 Njite Coat yénipe iipitana naapaneta yápiya icapiatsa njaji Amram, Izhar, Hebrón njite Uziel. 20 Njite Merari yénipe iipitana naapaneta yápiya icapiatsa njaji Mahli y Musi. Icatsa Levitanai ikitsiñapeca njaji, naniwetaji naapaneta nacó panti icoami. 21 Naapaneta njaji libnitanai njite njaji simeitanai Gersón inakjoite-perricana. Icatsa njaji Gersonitanai inaikica. 22 Naniweta pjiomi atsianai isocape apapi toa nakjoite njite pjiomi pekipenai, siete mil quiniento atsianai padenirrina. 23 Njite njaji gersonitanai inaikica nanaitjaotsa naapanawa jérri shewa kema nacojle lrirso jliaji nawacaaca-carroda. 24 Njite Elisaf, Lael irri, icatsaotsa njewidapoca njaji Gersonita poco inakjoiteperri iipaneta. 25 Njaji Gersón iipaneta icatsaotsa njaji iwapalricaotsa iwacaacacarrodawa, lriwai, jliaji yamacati idanatacada lripananona. 26 Nawapa tsakjaotsa njaji yamacati idaanatacape iwacaaca-carrodawa, altar njite njaji lripananoma nacope tsakja. Narso tsakjaotsa nawapaca njaji lriñadape njite pjiomi njaji lri-ricodaperri. 27 Njaji inaiki Coat inakjoiteperri: aramita iipaneta poco, izharita iipaneta poco, hebronita iipaneta poco, njite uzielita iipaneta poco. Icatsa njaji coatitanai inakjoiteperri pococa. 28 Naniweta ocho mil seiciento atsianai isocape apapi toa nakjoite njite pjiomi pekipenai iwapacaope Dio iyarroajipe. 29 Njaji Coat poco iipaneta inakjoiteprri, nanaitjaotsa napanaitawa inarroema nacojle iwacaaca-carroda irso. 30 Njite Elizafán, Uziel irri, icatsaotsa njewidapoca njaji coatit poco inakjoiteperri iipaneta. 31 Nja watsa iwapa jliaji patowana, mesaita, camarrai jirricona, njaji altar, njaji njenitaji teecojle nadenjishopa niini, njaji yamacatimaca, njite pjiomi lriwaida nacó tsakja. 32 Eleazar, sacerdote Aarón irri, icatsaotsa njewidaapoca pjiomi njaji iwapacape Levitanai poco. Lrirsotsa lriwapaca lricapa njaji iwapacaperri jliaji patawajle njenitanda nadejishopa matsiaperri. 33 Yamapocon njaji Merari iipaneta: njaji mahlitanai njite njaji musitanai. Icatsa njaji Merari pococa. 34 Naniweta sei mil dociento atsianai irsocape toa aapapi nakjoite njite njaji pekipenaipena. 35 Zuriel, Abihail irri, icatsaotsa njewidaapoca njaji Merari iipaneta poco. Nanaitjaotsa napana poco atsialriemajle iwacaaca-carroda irso. 36 Njaji Merari poco inakjoiteperri narsotsaotsa nawapaca njaji nemetashopa nawacaaca-carrodawa, coanjai, lripje, lripje yemacarro poco, padenirri njaji lricaonaperri, njie tsakja njaji 37 lriwaipoco jliaji nawacaaca-carroda ipje, neema-carro poco, lriiñada njite napapi carrona lriiñada tsakja. 38 Moise, Aarón njite neenipe nanaitjaotsa napanapocowa jérri imoto kema nacojle lrirso jliaji nawacaacacarrodawa, lricoemjete jliaji iwacaaca-carrodawa. Icatsaotsa njaji icapalriotsa nadejicatsa matsia pjiomi matsiá-carro njaji Iraelnai pjiomi. Coca cada itsoomita jliaji nawacaaca-carrodawa, corridalritsa inakjoité-dalrica mayamicaotsan. 39 Moise, Aarón yapiya naniweta pjiomi njaji atsianai Leví poco iipaneta inakjoiteperri irsocape aapapi toa kérri nakjoite njite pjiomi pekipenai, cayoji Dio inaa capisho. Vente mil atsianai padenirri. 40 Lriaco jliaji Iminalriti Moise irso: ''Piniweta pjiomi atsianai pjerritinaipe Iraelnai yénipe, njaji irsocape aapapi toa nakjoite njite pekipenai pjiomi. Pidana neepitana pjiomi. 41 Pirsotsa pjienitaca Norsowao njaji Levitanai naoyawalreo njaji Iraelitanai yénipe pjerritinaipe. Caitsakja na-vacan njaji Levitanai, na-vacan pjerritinaipe oyawalre njaji Iraelitanai. Icatsa Iminalriti-ca Njoa." 42 Moise iniweta pjiomi atsianai pjerritinaipe Iraelnai yénipe catsaji Dio inaa capisho lrinaitjaca. 43 Lriniweta pjiomi atsianai pjerritinaipe neepitana nacó, nanakjoite njaji irsocape toa aapapi kérri njite njaji pekipenai. Lriniweta ventido mil dociento setenta tre atsianai padenirri. 44 Caaco tsenakja Dio Moise irso. Lriaco lrirso: 45 ''Pirsotsa pjienitaca Norsowao njaji Levitanai naoyawalreo njaji Iraelitanai yénipe pjerritinaipe. Caitsakja navacan njaji Levitanai, na-vacan pjerritinaipe oyawalre njaji Iraelitanai. Icatsa Iminalriti-ca Njoa. 46 Nacoana njaji Iraelitanai yénipe pjerritinaipe narsotsa nacadaaca cincoenta cinco gramope palrata nacaoñaaca shopawa, icatsaotsa njaji pjitalrica naoya ima dociento setenta tre mil pjaaca namaimaca naoya njaji Levitanai. 47 Jimiñataotsa njaji palraata cayoji íwi capisho iwacaaca-carroda lrico. Ima pada siclo icoada pacoacatsa once gramo sho palraata. 48 Njite nacoada njaji nacaoñaca shopawa icadaotsana Aaron irso njite narso njaji lrienipe.'' 49 Ikena Moise iniwa pjiomi nja palraata nacaoñaca shopawa njaji Iraelnai yénipe pjerritinaipe ima aimadan pjaacana levitanai ioya. 50 Moise iniwa pjiomi nja palraata nacaoñaca shopawa njaji Iraelnai yénipe pjerritinaipe. Lriniwa mil treciento sesenta cinco palrataitape, njamiñatana cayoji náwi capisho nawacaaca-carroda lrico. 51 Moise iá njaji palraata nacaoñaacashopawa Arón irso lrienipe yapiya. Lrinaitja cayotsaji Dio iaco icaite capisho, Dio inaa capishotsani.
1 Caaco jliaji Iminalriti Moise irso njite Aarón irso tsakja. Lriaco narso: 2 ''Iniwetaotsa njaji atsianai Coat inakjoite-perri Levitanai inakjoite-perri, naapana icoam njite coandalrica naferrimi. 3 Iniwetaotsa pjiomi njaji atsianai irsocape trenta walria ipekirrica nakjoite atee njaji irsocape cincoenta cinco walria napekirrica nacojle. Njaji atsianai, narsotsaotsa naaca nadeji nainai iwacaaca-carroda lricojle. 4 Njaji Coat inakjoiteperri, narsotsaotsa nawapaca matsia pjiomi njaji Njoenitaji Norsowao matsiaperri iwacaaca-carroda lricoperri. 5 Imatsietaaca cádanacoatsawa yacarro pjawa ipjeyajle; Aarón njite njaji lrienipe njeewaotsa njeewaotsa iwacaaca-carroda lrico njetá-carro jliaji yamacati máca idanatacada jliaji corricawatsa pacapa imatsicanaati njite lrishotsa jliaji yamacati máca naitaotsa jliaji patowana, Yácoti yárroda. 6 Itaotsa jliaji patowana maaficalri íya matsiaperri sho. Njite ipecoatsa lrinaco yamacati jipolre máca. Shetaotsa jlinacolrico njaji jaico iwakje shopani. 7 Ipeeco tsakjaotsa yamacati jipolre máca lrinaco jliaji mesa lriofacawa jliaji peetje nacadanda Dio ipeyajle. Njite lrinaco jliaji yamacati jipolre máca icadaotsa njaji parrato, cucharaitape, poncherapipe njite nárroda tsonipetsa nárro shopa mana njaji ofrenda nadejῖ mana. Corritsa dekja shenitaca jliaji peetje mesa ioya. 8 Itaotsani yamacati írrai máco sho njite lrinacó, ipeeco tsenakja maaficalri íya matsiadalri. Shetaotsa jaico mesa jinacolrico iwakje shopani. 9 Njepaotsa yamacati jipolre máca naita shopa jliaji camarrai jirricona njite njaji lampara, njepaaca carrona, parratoita macaapi, njite pjiomi njaji lampara iitada yarrodape. 10 Irsotsaotsa icadaaca njajilampara njite njaji lridakipe maaficalri íya matsiadalri ricó, njite icadaotsana ideecarroda jamiñadalri ricó. 11 Ítaotsa jliaji altar owirrona yamacati jipolre máca sho. Njite ipeco paotsa lrinaco maaficalri matsiadalri, njite shetaotsa jlinacolrico jaico iwakje carrona. 12 Jipaotsa iñampa pjiomi njaji idejishopa Noopana lrico yamacati jipolre máca sho. Iñampa pjaani maaficalri íya matsiadalri sho njite iorrocoetaotsana idecarroda lrico jamiñaperri. 13 Jitaotsa pjiomi tiyepokoam altar ioya njite iñampaotsani yamacati amolre máca sho. 14 Njite iorrocoetaotsana idecarroda lrico jamiñaperri pjiomi njaji idejishopape altar nacó, njaji lridaana jalrajalradalri, ketsane, palaitape, poncherapipe, pjiomi njaji idejishopa altara nacó. Ítaotsani maaficalri íya matsiadalri sho jliaji altar njite shetaotsa jlinacolrico njaji jaico iwakje carronani. 15 Njite Aarón lrienipe yapiya nataita cayamina namatsietaca, naita cayami pjiomi jliaji Dio iofacawa lrico njite pjiomi lrinaanipe, njite nadee carroenani naacarroa, ikenaotsa nánoca njaji Coat inakjoiteperri nadé-carroenani. Njite nanota cadaa njaji lriitada mamatsicanaperri, mayami caotsana. Icatsa nadejicalreca njaji Coat inakjoiteperri, nadeeca pjiomi njaji nawacaaca-carroda lrico inaanipe. 16 Eleazae, sacerdote Aarón irri, icatsaotsa jliaji icapalrica matsia catsa na-camarra iitada, incienso potiyaperri, njaji napania ínaca naoda ofrendawa, njite jliaji aceite naiñjetashopa inaiki nacó. Lriwapaotsa lricapa matsia pjiomi jliaji nawacaaca carroda, njite njaji lriitada lriwawalricope, Dio iofacawa lrico njite pjiomi lriitada tsakja.'' 17 Caaco Jliaji Iminalriti Moise irso njite Aarón irso tsakja. 18 Njite Lriaco narso: ''Macadatsa namatadacawa njaji Coat inakjoiteperri poco wadentja Nowayaketacana naoya njaji Levitanai. 19 Iwapaotsana, wadee mayamicana dajicalre ikjaote, natsomita cádanaco njaji nonanipe matsiaperri, 20 corrin nataita njeewacawa nofacawa lrico corrin tsooca, wade mayamicana. Niini Aarón lrienipe yapiya watsa njaji shewalriwa lri-ricoda, njenaotsa icadaa nadejicalrewa nacoana njaji coatitanai, idejikjeti naicaonada catsa.'' 21 Caaco tsenakja Jliaji Iminalriti Moise irso tsenakja. Lriaco lrirso: 22 Panaya pidana neepitana njaji Gerso inakjoiteperri, nanakjoite njaji naferrinaipemi, njite naapaneta. 23 Iniwetaotsa pjiomi njaji atsianai irsocape trenta walria ipekirrica nakjoite atee njaji irsocape cincoenta cinco walria napekirrica nacojle. Njaji atsianai, narsotsaotsa naaca nadeji nainai iwacaaca-carroda lricojle. 24 Icatsaotsa nadejicalreca njai gersonitanai, nadeji calre nacasha cádanacoa. 25 Njaa watsa idee njaji yamacati máca nawacaaca-carroda lricope, lritapjé, lriwaipe,njaji waaficalri íya matsiaperri lriicaoperri, njite njaji yamacati mácape lripananoma nacoperri jliaji nawacaaca-carroda. 26 Njaji yamacati lriyacalrcoa iwai nacoperri, lripananoma nacoperri, tsoomidalritsa nawacaaca-carroda ioya,altar ioya tsakja, lriñadape njite pjiomi lricaonaperri. Coca cadaa nadejirri niini, njaa irsotsa inaitjaca. 27 Aarón lrienipe yapiya watsa icaite njaji gersonitanai poco coajicaotsa nadejica nanaco njaji naderriotsa, pjiomi idejikjeti nacó. Pjia watsa icaite coca caotsa nadejirri. 28 Icatsaotsa njaji idejirrica nanakjoite njaji gersonitanai poco iipaneta nawacaaca-carroda nacó. Itamar, sacerdote Aarón irri watsa idejirri naapiya nadeji cádanaco. 29 Piniwetaotsa njaji Merari inakjoiteperri naapaneta icoam, coca piaca naferrinaipe iipaneta, 30 Iniwetaotsa pjiomi njaji atsianai irsocape trenta walria ipekirrica nakjoite atee njaji irsocape cincoenta cinco walria napekirrica nacojle. Njaji atsianai, narsotsaotsa naaca nadeji nainai iwacaaca-carroda lricojle. 31 Icatsaotsa nadejicalreca nawapaope nawacaaca-carroda lrico. Nawapacaotsa nawacaacacarroda ípje, jliecolrena, lri topjirre, neema-carro poco, 32 cosoca njaji lriyacalre coa iwai ípje, neema-carro poco, napapi carronape, lriiñadape, njite pjiomi lricaonaperri. Pidanaotsa narso pjiomi njaji naderriotsa. 33 Icatsa nadejicalreca njaji Merari poco inakjoiteperri iipanata, jliaji naderriotsa nawacaaca-carroda nacó, coajica Itamar, sacerdote Aarón irri inaa nadejica.'' 34 Moise, Aarón njite njaji nawapaji yaapiyawanai naniweta njaji coatitanai inakjoiteperri nanakjoite njaji naferrinaipemi. 35 Naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico. 36 Naniwetana do mil seteciento cincoenta atsianai naapanetada lrico. 37 Moise, Aarón yapiya naniweta pjiomi njaji atsianai coatitanai poco iipaneta lricoperri njaji idejicaope nawacaaca-carroda lrico. Nanaitja cayo, njeepa capoa jliaji Dio inaalri nanaitjaca Moise nakjoite. 38 Naniweta njaji Gersón inakjoiteperri, njaji naapana lricoperri, njite njaji naferrinaipemi iipaneta nanakjoitepe. 39 Naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico. 40 Niini naniwetacana do mil seiciento trenta atsianai, naapanaeta nacope njite naferrinaipe iipaneta nakjoitepe. 41 Moise, Aarón yapiya naniweta pjiomi njaji atsianai Gersón poco iipaneta lricoperri njaji idejicaope nawacaaca-carroda lrico. Nanaitja cayo, njeepa capoa jliaji Dio inaalri nanaitjaca Moise nakjoite. 42 Naniweta njaji Merari inakjoiteperri, njaji naapana lricoperri, njite njaji naferrinaipemi iipaneta nanakjoitepe, 43 naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico. 44 Niini naniwetacana tre mil dociento atsianai, naapanaeta nacope njite naferrinaipe iipaneta nakjoitepe. 45 Moise, Aarón yapiya naniweta pjiomi njaji atsianai Merari poco iipaneta lricoperri njaji idejicaope nawacaaca-carroda lrico. Nanaitja cayo, njeepa capoa jliaji Dio inaalri nanaitjaca Moise nakjoite. 46 Moise, Aarón njite njaji nawapaji yaapiyawanai naniweta njaji Levitanai naapaneta lricope naferrinaipemi inakjoiteperri. 47 Naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico, nadee carrona njite nawapa-carro tsakja pjiomi njaji lriitada. 48 Naniwetana ocho mil quiniento ochenta atsianai. 49 Dio inaacalre ricó, Moise iniweta njaji atsianai padape, njite a kjerreca lricadaa nadejica nacoana. lriniweta tsakja cocacaotsa idenjikjeti jliaji nanjerri inaco. Nanaitja cayo, njeepa capoa jliaji Dio inaalri nanaitjaca Moise nakjoite.
1 Caaco jliaji Iminalriti Moise irso. Lriaco lrirso: 2 ''Imotoetaotsa iofacawa ioya pjiomi njaji irsocape irrenati nadada nacó, cayaoni-perri corri petsa yaawawa, njite njaji maatsiperrimi nanota capoa mayamperrimi. 3 Atsia cadaa o ínarro cadaa, irsotsa imotoeta cana ioya iofacawa lrikjoite. Corrin nataita namatsiketaca iofacawa lrico, ima Noofaca iinani niinio.'' 4 Njaji Iraelnai nanaitjatsa cayo. Namotoetana pjiomi njaji carrenaperri naofacawa ioya, Dio inaa capisho nanaitjaca Moise nakjoite. Njaji Iraelnai njeepa njaji Dio inaalri nanaitjaca. 5 Caaco tsenakja Dio Moise irso, Lriaco lrirso: 6 ''Picaite narso njaji Iraelnai. Pada atsia o apama ínarro cadaa inaitja imatsicanao pada ikjoete, njite lrimacaca Njoa, jliaji inaiki lrirsotsa lricaoñaca jliaji lrimatsicana. 7 Niini lrirsotsa lricaiteca lrimatsicanaa lrinaitjalri. Lrirsotsa lricaoñaca pjiomi lrimatsicana ikjaote, njite lrirsotsa lricadaa pjaaca lrinacojle. Lrirsotsa jliacana lrirso jliaji lrinaitjalri irso maatsi mikjapantsa. 8 Mitsa jliaji inaiki lrinaitjanda irso corri cadaa lrirso lrikitsiñape tsoomi lrioya itaitacape naaco irso njaji nacaoñashopani, lrirsotsa lriaca lrimatsicana icoada Norso sacerdote nakjoite, njite lrisotsa jliaca apana carnero lripiyo shopa lrimatsicana. 9 Nacoana njaji ofrenda nanda njaji Iraelnai, njaji nananipe njenitaji, nadeji sacerdote irso njaji Iraelnai, lriyapecana jliaji sacerdote. 10 Pjiomi njaji ofrenda nadenda njaji Iraelna, lriyapecana jliaji sacerdote; Njite coca cadaa iá sacerdote irso coca catsa, lrirsotsa lriaca lriyarro nakjoite.'' 11 Caaco tsenakja Dio Moise irso, Lriaco lrirso: 12 ''Picaite narso njaji Iraelnai cayoji: njite cawilre cadaa rsoaji ínarro roinirri ioya, ronaitjaca maatsi rodaki sho pada iapiya roinirri ioya. 13 Njite ape atsia idakita roapiya. Cayo cádanaco, icaamitsa maatsica rsoaji ínarro corri cadanatsa roinirri icapano o lriajicantja lrinaco jliaji ronaitjalri, njite corri cadatsa coca icapano ronaitja cádanaco maatsi, njite corrin coca yaji romatsicana nacó, 14 njite pada ikaolreti ikerriakjeti nacó icadaa lriaji jliaji roinirri maatsica rsoajilriino. Mitsa jliaji ikaolreti ikerriakjeti nacó papiape corrin lricaite ajádalri sho lrirso jliaji atsia lriino nacó lricaite cádanaco lrirso maatsica rsoaji lriino. 15 Cayo cádanaco, jliaji roinirri lrirsotsa lrideeca lriino sacerdote ikjaolre, njite lrirsotsa lrideeca tsakja apjeco nairranda ofrenda sho rorsodalriope. Lrirsotsa lridee tsakja yamada kilo harina cebadape. Corritsa lriarro carroca aceite nanaco, corrin tsakja incienso ima pada ofrenda napia iinaca nakjoite ikerriakjeti naco, paniati iinaca nakjoite cadaa jliaji ofrenda lricaite shopa niinica imatsicanaati. 16 Jliaji sacerdote lrirsotsa lrideecano tsoomi lricadá-carro roemawa Dio ipeyajle. 17 Ikena sacerdote irsotsa jipaca ooni njenitanda matsiadalriwa lriarroda lrico njite lritaipe nawacaaca-carroda lricoda. Lripecoatsa jliaji lritalripe ooni ricó. 18 Sacerdote icadaotsa rsoaji ínarro Dio ipeyajle njite lriwataca caotsa rotsicolre irroa rsoaji ínarro rsowida nacope. Njite lricadaotsa rocaapi rico njaji ofrenda napania iinaca, njaji paniati ínaca ikerriakjeti nacoda. Jliaji sacerdote jlipaotsa lricaapi ricó jliaji ooni jiipitiajai imalri cantja maatsicano. 19 Jliaji sacerdote inaotsa rocaiteca yaacoti ajadalri sho, lricaiteotsa rorso cayoji: ''Corri cadatsa ape atsia idakita piapiya, corrin pinaitja maatrsi pínirri irso njite corrin maatsica pjia, niini corriotsa lridee carroca pinacojle maatsidalri jliaji ooni jipitiajai. 20 Mitsa rsoaji ínarro, ronaitja cadaa maatsi roini ioya, njite maatsi cano, ape atsia idakita cada roapiya, 21 niini pedaotsa jliaji sacerdote inaotsa rocaiteca yacoti ajadalri sho ideecaoda ronacojle mátsirri, njite lricaite pjaotsa coajica. JLIAJI IMINALRITI ideotsa pinacojle mátsirri njite njaji inaiki aimadan nacapaotsa coandalrica jliaji imatsicanaati. O corricaotsa Dio icadaa kenipeca pjia njite pienipjiarroda ishacaotsawa. 22 Jliaji ooni ideecada mátsiperri shewaotsa piñjajiarroda lrico njite lrimaotsa pienipjiarroda ishacaotsawa niini corriotsa keenipé carroca pjia.'' Njite rsoepaotsa rsoaji ínarro: ''Ajã, picadaa noirrani, njite ajãdalri camatsicanaaca njoa.'' 23 Njite sacerdote idanaotsa paperra macapjai ricó pjiomi njaji imatsicanaati, njite lricotsoatsa njaji imatsicanaati lridanaji paperra naco ooni jipitiajai ricó. 24 Sacerdote icadaotsa roirra jliaji ooni jipitiajai ideecada mátsiperri. Niiniotsa jiipitica pjiomi rodada lrisho. 25 Njite sacerdote jitaotsa rocaapi rikjoite njaji ofrenda paniati ínaca nacope ikerriakjeti nacoda. Njite jlirretaotsa Dio ipeyejle jliaji ofrenda paniati ínaca njite lrideotsano altar nacojle. 26 Sacerdote jipaotsa lricaapi pema lrico njaji paniati iinaca inacope ofrendape pjiomi capisho, njite lrimjaitaotsana altar nacó. Njite lricadaotsa roirrao jliaji ooni jipitiajai. 27 Lria cádanaco roirrao jliaji ooni, njite maatsi cadatsano ronaitja capoa romatsicana roinirri ikjoete, niiniotsa jliyapaotsa rowawa lrico jliaji ooni ideecada mátsidalri ronacojle njite jiipiti caotsano. Camalrena caotsa roenipjiarroda niini corriotsa rotaita keenipecano. Maatsidarro caotsa rsoaji ínarro royacalremnanai ipecolrico. 28 Mitsa corri cadaa camatsicanaaca rsoaji ínarro, niniotsa corritsa maatsi carrocano. Rotaitaotsa rorsoca roenipe. 29 Icatsa yacoti kjaidaperrica ikerriakjeti nacope. Icatsa yácoti kjaidaperrica nanaco njaji inaitjepe imacacape nainirri njite maatsicano lrikjaote. 30 Icatsa yacoti kjaidaperrica lritso jliaji atsia cakeriakjedalri lriino ikjaote. Lrirsotsa lrideeca lriino Dio ipeyajle, njite jliaji sacerdote irsotsa inaitjaca pjiomi cayoji lricaite capisho njaji yacoti kjaidaperri nanaco njaji caiperri. 31 Corriotsa maatsi carroca jliaji atsia lridee capoa sacerdote ikjaolre rsoaji lriino. Njite rorsotsa rsorapitaca romatsica ipamna coandalricatsa imatsicanaati rorsolri.''
1 Caaco Jliaji IMINALRITI Moise irso. Lriaco cayoji: 2 ''Caaco pjia narso njaji inaiki aimadan Iraelnai. Picaite narso cayoji: ''niini cádanaco pada átsia o apama ínarro inaitjacada yácoti Dio irso jlienitaacá-carro Lrirso minitsa, 3 Lrirsotsa lriwapaacacawa matsia wadee nairraca jaicotjeda yaana o yalrakji cadaa. Corrin nataita nairraca jaicotjeda yaana jiipitídalri capoajai o yalrakji. Corrin nataita naiñjaca o nairraca jaicotjeda walripe toa o namerritají. 4 Caimini catsaotsana pjiomi njaji jalredaoca njenitaaca cádanacowa Norso, corrin nataita naiñjaca tsoo njaji injaodati nanaitjaji jaicotjeda shó, corrin neeshi-ca, corrin tsakja néya. 5 Pjiomi njaji jalredaoca nacaitecawa njenitaaca-cawa Dio irso, corriotsa nataita nayoaca natsicolre njewida ioya a kjerreca yaamina lrioya jliaji njenitaaca-cawa Dio irso iocawa. Narsotsa njenitaacawa Dio irso. Narsotsa nacadaaca natsicolre itaoñacawa njewida nacope. 6 Pjiomi njaji jalredaoca nacaitecawa njenitaaca-cawa Dio irso, corrin nataita natsomitaca mayamdalrim icodapi. 7 Mayami cadaa jlinirri, jlidoa, lrikitsini o lrikitsidoa corrin nataita natsomitacan wadee matsicana lrikjaote. Cayotsa narsotsa nanaitjaca ima njenitaaca-cawa Dio irso, njite pjiomi yanjicani jalripa capoa njaji lritsicolre. 8 Caidalritsa jlienitaaca-cádanacowa mamatsicanaadalri-cani, nawapaaca capoawa Dio irso. 9 Mayami cadaa pada nacodapi kjeyanatsa njite lrima maatsica njaji natsicolre jalripaperri, narsotsaotsa njerritaca natsicolre jliadaa jliaji jalredaoca nadia cádanacoa namatsietaacawa siete jalredaoca nacó, icatsa njerritaca natsicolre njewida nakjoite. 10 Ocho jalredaoca nacojle, narsotsaotsa nadeeca yamaapa potocadape o yamapa tsootsobo yenipe sacerdote irso nawacaaca carroda ipananoma lricojle. 11 Jliaji sacerdote lriinoatsa apaapa nanakjoite ofrensa shó namatsicana ikjaote njite apaapa nanakjoite lrimjaitaotsani ofrenda shó. Icatsa njaji icaoñalrica namatsicanaa natsomita capoa pada mayamdalrimi idada. Lrirsotsa jlienitaca lriwida Dio irso tsenakja jliadaa jalredaoca. 12 Narsotsa njenitaacawa Dio irso tsenakja caidalritsa nacaitiaca cádanacowa njenitaacawa Lrirso. Corriotsa naniweta carroca njaji jalredaoca nainiita-carrom pia njenitaaca-cawa Dio irso namatsica capoana mayamdalrim idada ima. Narsotsa nadeeca apana cordero pawalria perrimi ipekirrica ofrenda shó namatsicanaa ikjaote. 13 Icatsa jliaji yácoti kjaidadalri narsowalrepe njaji shenitaacacapewa Dio irso njenaana yoca-cádanacowa nacadaaca-cawa Dio irso. Lrirsotsa lriacawa nawacaaca-carroda ipananoma lricojle. 14 Lrirsotsa lrideeca lri-ofrendani Dio ipeyajle. Lrirsotsa lrimjaitaca ofrendawa apana cordero pawalriadalri ipekirrica marsocadalritsa imatsica lridada nacó. Apana tsakja oveja pawalria-darro ipekirrica, corridarrotsa irso imatsica rodada nacó namatsica ikjaote. Apana tsakja carnero marsocadalritsa imatsica lridada nacó ofrenda imaodaca kjeti nacó. 15 Narso tsakja nadeeca apana tseeto peetje marsocapetsa mojloipe, nanaitjanda keñape matsiadalripe shó, nakewitanda aceite sho matsia, peetje macaitepe marsocapetsa mpjloi nakewitanda matsia aceite shó, njite ipania iinaca tsakja ofrenda shó, njite irranda tsakja ofrenda shó. 16 Jliaji sacerdote lrirsotsa lrideecana Dio ipeyajle. Lricadaotsa Lrirso njaji ofrenda imatsicanaati ikjaoperri njite njaji ofrenda lrimjaitaope matsia. 17 Njite nainai njaji peetje meewi ptsa tseeto lricope lrirsotsa lricadaaca jliaji carnero nainoada, ofrenda imaodacakjeti Dio irso. Jliaji sacerdote lrirsotsa tsakja lrideeca lricadaaca njaji ofrenda paniati ínaca inakjoiteperri njite njaji ofrenda nairraope inakjoitepe tsakja. 18 Jliaji icaitecada shenitaacacawa Dio irso lrirsotsa jlirritaca jliwida ioya lritsicolre nawacaaca-carroda ipananoma lrico lricaite shopa jlienitaaca-cawa Dios irso. Jlipaotsa njaji lritsicolrepemi lricadaa-carrona lriapjite jliaji maaficalri lriinonda imaodacakjeti ikjaote yapjite namácarrowa tiyé ricó. 19 Jliaji sacerdote lrirsotsa jlitaca carnero itéda pomacadalrina, njite pawana peetje macaite njite paita tsoitetsa meewiperritsa tseeto lricope. Njite lricadana lricaapi ricó jliaji shenitaaca-cadawa Dio irso jlirrita cayamina lritsicolre jliwida ioya lricaite shopa jlienitaaca-cawa Dio irsowawa. 20 Sacerdote iñocotacaotsa njaji ofrenda Dio ipeyajle. Pada injaodati matsiadalri sacerdote irso, lricodaita jliaji lriñocotanda njite lricotsipa icatsa njaji sacerdote irsowalrepe. Njitedalri dekjena jliaji shenitaaca cadawa Dio irso lritaitena lrirraca jaicotjeda yaana. 21 Icatsa jliaji yácoti kjaidadalri narsowalrepe njaji shenitaaca-capewa Dio irso, njite icatsa njaji ofrenda narsolritsa nadeeca, njite njaji narsolri pjaaca nacadaaca nacadaaca. narsotsa nanaitjaca cayoji nacaite capisho Dio irso, cayotsaji nacaite capisho njaji yácoti cayo cádanaco icaona.'' 22 Caaci tsenakja Dio Moise irso. Lriaco: 23 ''Caaco pjia narso njaji Aarón yénipe cayoji: ''Irsotsa icadaaca yácoti matsiaperri nanaco njaji Iraelnai cayoji, cayoatsa icaiteca: 24 ''Dio watsa icadaa lrimatsiaca inaco njite lriwapaca shaa. 25 Dio icadawatsa kerráca lricamarra inaco, njite matsia watsa lricapaca irso. 26 Catimawatsa Dio icapaca irso njite lricadaawatsa imaodacá-carro iofawa maatsirri ioya.'' 27 Cayoatsa nacaiteca Noipita narso njaji Iraelnai aimadan. Niniotsa Nocadaotsa narso matsiadalri.''
1 Jliadaa piena Moise iwayaketaca ideji jliaji pantiita nawacaaca carrodawa, lriarro lrinaco aceite sho njite jlienitani Dio irsowawani, njite pjiomi njaji lriitada. Cayo tsakja lrinaitjaca jliaji altar njite njaji nadenjishopa niiní. Lriarro aceite sho lrinaco njite jlienitani Dio irsowawani. 2 Jliadaa jecoapi, njaji Iraelnai yápiyawanai, njanirrinaipemi iipaneta jiwidapo, naino maaficalri. Icatsa njaji atsianai iderrica njaji nakitsiñape poco. Icatsa njaji yanjirrica coshoapaca namaimaca ima njaaca iniwetana. 3 Nadee Dio ipeyajle na-ofrendani. Nacoanaa njaji Iraelnai iapiyawanai nadee yamafiape njecocarrofia, njite nacoanaa tsakja nadeeca apana buey. Nadee pjiomi njaji nadeeji nawacaaca carroda ipananoma lricojle. 4 Njitedalri caaco JLIAJI IMINALRITI Moise irso: 5 ''Picoadata napjeya njaji ofrenda nadenji idenjishopa iwacaaca carroda lrico. Iawatsa njaji ofrenda narso njaji Levitanai, iáwatsa nacoana narso coajica nadejica.'' 6 Moise icoadata naoya njaji njeco carroafiape, navacan, njite lria narso njaji Levitanai. 7 Lriá yamafia njeco carroafiape njite coatrona vaaca narso njaji Gersón inakjoite-perri, ima canacaica narso nadenjí-carro. 8 Lria coatro njeeco carroafiape njite ochona vaaca narszo njaji Merari inakjoite-perri, njaji Itamar, sacerdote Aarón irri iwapaji ima canacaica narso nadenjí-carro. 9 Mitsa corrin lria nanakjoite narso njaji Coat inakjoite-perri, ima jliaji idenjikjeti nayadape, icatsa njaji jiwajicapeca njaji Dio iyarroaji nateda naco. 10 Njaji Iraelnai iapiyawanai nacadaa nayarroaji inacope Dio irso jliadaa pia jalredaoca Moise iarroca aceite altar nacó. Njite naino nápirra Dio irso Altar ipeyajle. 11 JLIAJI IMINALRITI iaco Moise irso: ''nacoanaa njaji Iraelnai iapiyawanai nainoatsa maaficalri nanacowatsa njeenita cádanaco jliaji altar.'' 12 Nainita cadaa, Naasón, Aminadab irri, Judá poco inakjoité-dalri, lriino lrípirra lrinacowaaca. 13 Lri cadaa paapi ponchera nanaitjanda pada kilo njite pamoyoa pja pada nakjoite palraatape jlimiñaca, paapi tsakja taza macaapi nanaitjanda seteciento setenta gramo sho palratape, cayotsaji nawi capisho njemkiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 14 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 15 Lria ofrenda sho apana toro pamoyoani toa ipekirrica, apana carnero njite apana oveja pawalria-darro ipekirroca. 16 Lria apana cabra yenipe ofrenda lrimatsicana ioyadalri. 17 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaodacakjeti nacó. Icatsa njaji Naasón, Aminadab irri iinojica maaficalri Dio irso. 18 Njite yamadaa jalredaoca nacó, Natanaél, Zuar irri, naapiyawalre njaji Isacar poco, lridee tsakja lriino njaji maaficlri lriyape. 19 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 20 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 21 Lria ofrenda sho apana vaken, apana carnero njite apana oveja pawalria-darro ipekirroca. 22 Lria apana cabra yenipe ofrenda lrimatsicana ioyadalri. 23 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeri nacó. Icatsa njaji Nagtanaél, Zuar irri iinojica maaficalri Dio irso. 24 Madalridaa jalredaoca ancó, Eliab, Hlón irri, naapiyawalre njaji Zabolón poco, lriino maaficalri lriyape Diom irso. 25 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 26 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 27 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 28 Lria tsakja apana cabra yenipe tsoni toa lrimatsicana ikjaote. 29 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Eliab, Helón irri iinojica maaficalri Dio irso. 30 Coatro jalredaoca nacó, Elisur, Sedeur irri, Robén poco jiwidaapo, lricadaa tsakja njaji maaficalri lrinoji. 31 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 32 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 33 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 34 Lria tsakja apana cabra yenipe tsoni toa lrimatsicana ikjaote. 35 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisur, Sedeur irri iinojica maaficalri Dio irso. 36 Cinco jalredaoca nacó, Selumiel, Zurisadai irri, naapiyawalre njaji Smeo poco, lricadaa tsakja njaji maaficalri lrinoji.lricadaa tsakja njaji maaficalri lrinoji. 37 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 38 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 39 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 40 Lria tsakja apana cabra yenipe tsoni toa lrimatsicana ikjaote. 41 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisur, Sedeur irri iinojica maaficalri Dio irso. 42 Sei jalredaoca nacó, Elisaf, Deuel irri, naapiyawajle njaji Gad poco, lridee tsakja lriipirra lrinoape Dio irso. 43 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 44 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 45 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 46 Lria tsakja apana cabra yenipe tsoni toa lrimatsicana ikjaote. 47 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisaf, Deuel irri iinojica maaficalri Dio irso. 48 Siete jalredaoca nacó, Elisama, Amiud irri, naapiyawajle njaji Efraín poco, lridee tsakja lriipirra lrinoape Dio irso. 49 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 50 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 51 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 52 Lria tsakja apana cabra yenipe tsoni toa lrimatsicana ikjaote. 53 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisama, Amiud irri iinojica maaficalri Dio irso. 54 Ocho jalredaoca nacó, Gamaliel, Pedasur irri, naapiyawajle njaji Manase poco, lridee tsakja lriipirra lrinoape Dio irso. 55 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 56 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 57 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 58 Lria tsakja apana cabra yenipe tsoni toa lrimatsicana ikjaote. 59 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Gamaliel, Pedesur irri iinojica maaficalri Dio irso. 60 Nueve jalredaoca nacó, Abidan, Gedeoni irri, naapiyawajle njaji Bejami poco, lridee tsakja lriipirra lrinoape Dio irso. 61 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 62 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 63 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 64 Lria tsakja apana cabra yenipe tsoni toa lrimatsicana ikjaote. 65 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Abidán, Gedeoni irri iinojica maaficalri Dio irso. 66 Die jalredaoca nacó, Ahiezer, Amisadai irri, naapiyawajle njaji Dan poco, lridee tsakja lriipirra lrinoape Dio irso. 67 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 68 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 69 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 70 Lria tsakja apana cabra yenipe tsoni toa lrimatsicana ikjaote. 71 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Ahiezer, Amisadai irri iinojica maaficalri Dio irso. 72 Once jalredaoca nacó, Pagiel, Ocrán irri, naapiyawajle njaji Aser poco, lridee tsakja lriipirra lrinoape Dio irso. 73 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 74 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 75 Lria ofrenda sho apana toro walrine toa, apana carnero, njite apana cordero pawalriadarrotoa ipekirroca. 76 Lria tsakja apana cabra yenipe tsoni toa lrimatsicana ikjaote. 77 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Pagiel, Ocrán irri iinojica maaficalri Dio irso. 78 Doce jalredaoca nacó, Ahira, Enán irri, naapiyawajle njaji Neftalí poco, lridee tsakja lriipirra lrinoape Dio irso. 79 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. 80 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. 81 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. 82 Lria tsakja apana cabra yenipe tsoni toa lrimatsicana ikjaote. 83 Lria yaamana toro, cincona carnero, cinco cabra yénipe njite cincona cordero pawalriaperri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Ahira, Enán irri iinojica maaficalri Dio irso. 84 Njaji Iraelnai poco yapiyawanai nacadaa pjiomi njaji jliadaa pia Moise icaiteca yácoti matsiaperri altar nacó. Nacadaa teecojle njaji doce poncherapipe nanaitjaji palraatape shó, njaji doce palangana nanaitjaji palraatape shó, njite njaji doce poncherapipe nanaitjaji owirro shó. 85 Nacoanaa njaji poncherapipe icatsa njemiñaca pada kilo njite coarenta ocho gramo pja lrinacojle, njite seteciento noventa ocho njamiñaca nacoanaa njaji palanganapipe, niini venti siete kilo njite cotro gramo pja lrinacojle njamiñaca padenirri nja palraatape, cayotsaji nawi capisho njamiñaca nawacaaca csrroda lrico. 86 Njite njaji poncherapipe nanaitjanda owirro sho, pakjamperri incienso shó cayo njañiñaca nacoanaa, ciento ctorce gramo. Njite pjiomi njamiñaca pada kilo njite cotro gramo pj lrinacojle, cayotsaji nawi capisho njamiñaca nawacaaca csrroda lrico. 87 Nacadaa teecojle pjiomi njaji maaficalri ofrenda namjaitaope, doce vaken, doce carnero, doce cordero pawalria perri ipekirrica. Naa tsakja narso naofrendani napania iinaca inacope. Naa doce cabra yénipe ofrenda namatsicana ikjaote-perri. 88 Panenirri nja vaaca naaji, naa venticoatro vaken, sesenta carnero, sesenta cabra yénipe, sesenta cordero pawalria perri ipekirrica, nainoape ofrenda imaodacakjeti nacó. Icatsa nanaitjalri jliadaa pia nacaiteca Dio irso jliaji altar nacaiteca shapodam yacoti matsiaperri lrinaco. 89 Moise sheewa cádanaco pja nawacaaca carroda iwawalricojle pja caacó-carro Dio iinai, jlimi Lriacoam caacó cádanacó lrirso. Caacocani Lrirso Lripatowan iipana nakjoite, nárrocawa maaficalri írrana nacó namatsicsnaa ikjaote njaji aimadan, napecolrikjoite njaji querobinai.
1 Caaco JLIAJI IMINALRITO Moise irso. Lriaco lrirso: 2 ''Caaco pjia Aarón irso cayoji: Kerra calotsa njaji siete lampara neemacarrona nakjoite pikerrata cádanacó.'' 3 Arón inaitja cayó. Lrikerrata njaji lampara nema carrona nakjoite nacaná carro neema carrona icoemjete, cayotsaji Dio inaa capisho Moise inaitjaca. 4 Cayo pia lricapacanaa jliaji lampara jirricona ima jliaji IMINALRITI icañjata Moise icapa coajicaotsa lricapacanaa. Ima nanaitjacani owirro nañanda martillo sho jlirrico nakjoite njite pjiomi njaji lrinaapa, njite naña tsakja martillo sho nanaitjá-carro lrinomna potira shoperri nacapacana. 5 Njite caaco tsenakja Dio Moise irso. Lriaco lrirso: 6 ''Piniwana njaji Iraelitanai nanakjoite njaji inaiki Iraelnai njite picaotsa matsiá-carrona namatsicanaa ioya. 7 Cayoatsa pinaitjacana matsiá-carrona namatsicana ioya: piwitsica watsa ooni lrinakjoité-dalri jliaji napiyo shopa namatsicanaa. Pinaotsa njerritaca pjiomi neeyo nadada ioya, nacotsoatsa natsayani, ikenaotsa cayó matsia caotsana namatsicana ioya. 8 Njite picadaotsa nadeeca apana vaken njite ofrenda harinape napani ínaca inackjoite nakewitanda aceite shó. Njite picadaotsa nadeeca apana pja vaken ofrendawa namatsicana ikjaote. 9 Pideotsa njaji letitanai iwacaaca carroda ipeyajle njite pinaa nawacaacacawa pjiomi njaji Iraelnai. 10 Piwaketa kenaotsa pjiomi njaji levitanai Dio ipeyajle, njaji iaelnai, narsotsaotsa nacadaaca nacapi nanaco njaji levitanai. 11 Aarón icaiteotsa nanaco njaji levitanai Dio ipeyajle, cayoji ofrenda njerretanda nanakjoite njaji Iraelnai, nataitá carroatsa nadejica njaji Dio idejicalrepe. 12 Njaji levitanai narsotsaotsa nacadaaca nacaapi njewida nacó njaji vaken. Pirsotsaotsa picadaaca apana vaken ofrenda sho imatsicanaati ikjaote njite picadaa pjaotsa apana vaken ofrenda sho pimjaitanda Norso, pipiyo shopa namatsicana njaji levitanai. 13 Picadaa Aarón njite lrienipe nacapá-carro njaji levitanai, njite pjienitaotsa Norsona cayoji ofrenda jirretanda Norso. 14 Icatsaotsa cayoji pnjienitaotsa njaji levitanai Norso naoshete njaji Iraelnai. Noyarrope-cana njaji levitanai. 15 Jliapodamina, njaji levitanai narsoenaotsa naaca nadenji Norso iwacaaca carroda lricojle. Mitsa pirsotsa pimatsietacana piinita. Pirsotsa picadaacana cayoji ofrenda pjirrenda Norso. 16 Pinaitja cayó, ima noyarropecana nanakjoite njaji Iraelnai. Naoyawalre caotsa njaji iraelitanai yenipe ipjerritinaipe atsianai, ipjerriti capisho narso njaji Irael iipaneta inakjoite-perri. Njotaca Norsowao njaji levitanai. 17 Pjiomi njaji ipjerritinaipe jiicolri nanakjoite njaji Iraelnai noyarropecana, coshoca njaji inaiki njite njaji maaficalri tsakja. Ima cayo piaca Nocadaaca Njota caojli pia neenipe ipjerritinaipe Egipto jipaite ricó, icatsa jliwajli Njoenita piacana Norsowaona. 18 Njotaca Norsowao pjiomi njaji levitanai nanakjoite njaji Iraelnai, nayawalre njaji Iraelni yénipe ipjerritinaipe. 19 Nocadaaca njaji levitanai macaoña canatsa Aarón irso njite lrienipe irso tsakja. Ima Njotsacana nanakjoite njaji Iraelnai njá-carro inaitja jliaji idejikjeti naoyawalre njaji Iraelnai nawacaaca carroda lrico. Nocadaa njá-carro ipiyo Iraelnai imatsicanaa wadentja maatsi-dalri inotacana natsomita cádanaoatsa jliaji panti mamatsicanaadaritsa. 20 Moise, Aarón njite pjiomi njaji Irael iofacawenai iraelitanai nanaitja cayo narso njaji levitanai. Nanaitja pjiomi njaji Dio inaalri Moise inaitjaca narso njaji levitanai. Njaji iraelinai nanaitjatsa pjiomi njaji Lrinaalri nanaitjaca. 21 Ikema matsica njaji levitanai njite nacotso tsakja natsayani, njite Aaró icaite nanaco naji levitanai ofrenda jlirretanda Dio irso, njite lriarro maaficalri írrana nárrocawa nacó matsia-carrona namatsicanaa ioya. 22 Njitedalrina, njaji levitanai nawa nawacaaca carroda lricojle nadejí carroena nirse Aarón ipeyajle njite lrienipe ipeyajle tsakja. Moise inaitjaca narso njaji levitanai cayoji Dio inaa capisho lrinaitjaca narso njaji levitanai. Cayo minitsa nanaitjaca pjiomi njaji levitanai. 23 Caaco tsenakja Dio Moise irso. Lriaco lrirso: 24 ''Nja tsaotsa pinaitja cayo njaji levitanai irsocapena venti cinco walria ipekirrica ipeyajle. Pjiomi njaji narsoenaotsa naaca nadeji iwacaaca carroda lricojle. 25 Yamiotsa nadejica cayó narso kenaotsa cincoenta walria napekirrica. Cayo kenaotsa napekirrica yaminaotsa nadejica cayó. 26 Nataitjentsa nakitsindataca nakitsiñape nadejicalre ricó nawacaaca carroda lrico, mitsa corrinatsa nataita njaaca inaitja njaji idejikjeti. Pjia watsa yanjí nanaco njaji levitanai nanaco njaji cayoperri.''
1 Caaco jliaji IMINALRITI Moise irso jalrapocolri Sinai lrico, yaamapi kérri naco yamawalria nacó namoto cayamiwa Egipto jipaite lrikjoite. Lriaco lrirso: 2 ''Picadaa nawacaacawa njaji iraelnai naiñjá-carro Pascua ima jlinaana lricocan, jlinaana ioca capisho manawa pawalria icoami. 3 Dainoma nacojle, catorce jalredaoca nacó, icatsots iwaadaca Pascua cyotsaji Nocadaa capisho jlinaana pawalria irso mana.Inaitjaotsani cayotsaji Nocaite capishoena, njite shepaotsa cayoji nacaite capisho njaji yácoti kjaidaperri icaitecperri lrinacoapana nacó.'' 4 Niini Moise icaite njemi njaji Iraelnai nawacaacá-carrowa nawada carrojliaji Nacatima-taacá carroa Pascua lricó. 5 Cayo pia nanaitjaca pawalri inita carropi nacó, catorce jalredaoca nacó, jalrapocolri Sinai lricó. Njaji Inaiki Iraelnai njeepa pjiomi njaji yácoti Dio inaalri Moise inaitjaca. 6 Niini pia nanakjoite apepena atsianai imatsicalri nadada pada inaiki idadam mayandalrim ikjaote. Niini corrin nataita naiñjaca Pascua nainai jliadaa jécoapica. Niini naacawa Moise njite Aarón iderse jliadatsa. 7 Naaco Moise irso njaji atsianai: ''Maatsica fa pada atsia mayandalri idada ikjaote. ¿Coada corrin picadaa wainoca maaficalri wamatsicanaa ikjaote jlinaana lrico pawalria icoamdalri narsowalrepe njaji iraelitanai?'' 8 Moise iaco narso: ''Iwapa toa njomí-carro coajica Dio icaiteca Njomi inacoapana.'' 9 Njite JLIAJI IMINALRITI iaco Moise irso cayoji: 10 Cayoatsa picaiteca narso njaji iraelitanai aimadn: ''Coandalri cadaa cada inakjoite o njawatsa njaji walricomanai maatsi cadana pada mayandalrim idada ikjaote, o naají cada toa teecowa, nataita toatsa nawaadaca wa-MINALRI iPascuani.'' 11 Nataita nawaadaca Pasccua nacó yaamapi kérri nacó, catorce jalredaoca nacó, dainoma nacojle. Narsotsaotsa naiñjacani peetje mewite sho tsa njite malritsi jipití-perri sho. 12 Corrin nataita namacaca lrinacope tjewaijle icaona, corrin tsakja nataitsa na-bplromtaca naapi. Narsotsa nanaitjaca cayotsaji Pascua inacoapa nacó. 13 Mitsa njaji matsiaperritsa njite corrin najícatoa teecowa, njite corrin nawaadaca jliaji Pascua, jliaji inaikica caidalri, irsotsa ipeecoca ioyawani wadee ikitsinda catoani corri capoa lriino maaficalri cayoji wa-Minalri itatja capisho wainai wanaitjá-carro pawalri icoam. Caidalritsaotsa lrimatsicana lrinacó. 14 Pada tekjoité-dalri iofacada iinai njite lrinaitja lriwaadá-carro Pascua Dio ípitana nacó, lrirsotsaotsa lrinaitjaca cayotsaji yacoti kjaidá-pérri icaite capisho, jliepaca njaji yácoti lrinacoapana-dalri. Pacoacatsa njaji yácoti lrirso nacayoshotsa njaji Iraelnai jiipai iminanai.'' 15 Jliadaa pia neemetaca jliaji panti nawacaaca carrodawa, iyadaoca iñampa jliaji panti lriofa caroda jliaji Dio inaitja shopa yácoti naapiya. Dainoma nacojle jliaji iyadaoca irroa lriicao jliaji panti nawacaaca carroda lrico. Cayo pacapaca jliaji iyadaoca tiyé capisho a kjerreca jaalrecani. 16 Cayo pia manacatsa jliaji iyadaoca, tiyé capisho lriicao mana deepi ricó. 17 Njite lricarsa cádanaco jliaji iyadaoca nawacaaca carroda njite, njaji Iraelnai naatsakjawa njiteo. Njite a kjree cadaa lriá lrirroa jliaji iyadaoca, icatsa nanaitja catoa napanaitawa njaji iraelitanai. 18 Naawa njaji Iraelnai Dio cádanacotsa inaa naaca njiteo, njite naofawa, a kjerreca lrinaa naofacawa. Lrirro cádanacotoa jliaji iyadaoca nawacaaca carroda iicao, icatsa naofa catoa niini napanaita lrico nacoanaa. 19 Wiá cada lrírrocawa jliaji iyadaica lriicao jliaji nawacaaca carroda nacó, njaji Iraelnai narsotsa naofa catoa niiniwa njite narsotsa njeepaca coajica Dio icaiteca narso nácarrowa napeyajlewa. 20 Papiape aima jalredaoca lrirrocawa jliaji iyadaoca lriicao jliaji panti nawacaaca carroda nacó. Cayo cádanaco narsotsa njepaca coajica Dio icaiteca narso, narso piatsa naofá catoa, njite naawa Dio inaa cádanacotsa naacawa. 21 Papiape nacapa jliaji iyadaoca naofacawa lrico dainoma nakjoite atee piyompincojle. Lri carsa cádanaco piyompinacó, ikena naacwa. Lriá cadawa jliaji iyadaoca depjite njite jalrewerrico narsotsa naacawa, icaamitsa naacawa lriá cádanaco naapiya jliaji iyadaoca. 22 Lrirro cadaa jliaji iyadaoca yamadaa jalredaoca, o ápapi, o pawalria, paafe cadatsa lrirroa, njaji iraelitanai narsotsa naofacawa pafetsa naapana lricó, corrin nataita naapjacawa. Mitsa lriá cadawa naapiya, icamitsa naapjcawa. 23 Naofawa a kjerreca Dio inaa naofacawa, njite naawa a kjerreca Lrinaa naacawa. Njeepa Dio yáco cayoji Dio icaite capishona Moise nakjoite.
1 Caaco JLIAJI IMINALRITI Moise irso. Lriaco lrirso: 2 ''Pinaitjaotsa yaamana trompeta palrataitape shó. Piñaa watsana martillo shó pinaitjá carroatsana. Njaotsa njaji trompeta piwanashopaotsa nawacaacawa njaji papocoperri iofacawa nawacaaca carrowa njite piwana carroatsana nawacaacawa nacarsetá-carro napanaita pafe ricojle. 3 Njaji sacerdotenai napjia watsa trompeta nawaná-carro njaji inaiki aimadan lripananoma icoemjete jliaji iwacaaca carroda lricó. 4 Papia cadatsa sacerdotenai ipjiaca jliaji trompeta, nacaite shopa njaacatsa iwacaacawa njaji Iraelnai iipaneta jiwidaapo, nawacaaca-carro piapiya. 5 Kjaida cádanaco pipjiaca jliaji trompeta, njaji iofacapewa jérri imotokema nakjoite narso nainita naacawa. 6 Njite kjaida cádanaco pjemica yamapia shopa, njaji atsialriema perri iofacawa nainita tsakjaotsa naacawa. Kjaidaotsa ipjiaca nanjí-carro nainitá-carro naacawa. 7 Nawacaaca cádanacoa pjiomi njaji inaiki papocoperri iofacawa ipjia watsa mjaidatsa njaji trompeta. 8 Njaji sacerdotenai, Aarón yenipe, njaa watsa ipjia njaji trompeta. Icatsaotsa yácoti irso coaji caotsa iofacawa caidalritsa coshoca njaji shapodamperrimi. 9 Yaa cádanacoa oowi rico jipaite rikjoite icoema ikjoete inaitjacada irso maatsi, ipja watsa njaji trompeta yaanji shopa. Njoa IMINALRI Dio, nowadaotsa shaa njite Noyomjetacaotsa icoema ioya. 10 Iwacaaca cádanacoa jiwacatsa, iwacaaca cádanacoa pjiomi njite walripi inita cádanacoa tsakja, ipjia tsakjaotsa trompeta nanaco njaji ofrenda imjaitaji njite nanaco njaji maaficalri inoji ofrenda imaodaca kjeti nacó. Jliaji inaitjalri iwaada shopa Njoa, Njoa iDiote. Icatsa IMINALRI Dio-ca Njoa.'' 11 Yamawalria nacojle, yaamapi kérri nacó, vente jalredaoca nacojle, lricarsawa nawacaaca carroda iicao ioshete jliaji iyadaoca. 12 Ikena naacawa njaji inaiki Iraelnai jalrapocolri Sinai lrikjoete. Jliaji iyadaoca lria lrirrowa jalrapocolri Parán iicao. 13 Icatsa nainita naacawa, njite nanaitja cayoji Dio inaa capisho nanaitjaca Moise nakjoite. 14 Njaji papocoperri iofacawa njaji irsocape natjinaawa Judá poco nakjoité-perri, icatsa njaji imotolri iawa napjeya naapiya njaji natsolrodaonai aimadan, njite Naasón, Aminadab irri, icatsa yajirrica nanaco njaji Judá poco itsolrodaonai aimadan. 15 Natanael, Zuar irri, icatsa njewidaapoca njaji Isacar poco itsolrodaonai aimadan. 16 Eliab, Helón irri, icatsa jliaji njewidaapoca njaji Zabolón poco itsolrodaonai aimadan. 17 Njaji Gersón njite Merari poco, njaji iwapacaperri jliaji panti nawacaaca carroda, nakejloani njite naawa naapiya pjiomi. 18 Njitedalri, njaji tsolrodaonai aimadan njaji yaacapewa Robén poco itjinaa nacó nainita tsakja yaacawa nainai. Elisur, Sedeur irri, icatsa jliaji njewidapoca njaji Robén poco itsolrodaonai aimadan. 19 Selumiel, Zurisadai irri, icatsa jliaji njewidapoca njaji Simeón poco itsolrodaonai aimadan. 20 Eliasaf, Deuel irri, icatsa jliaji njewidapoca njaji Gad poco itsolrodaonai aimadan. 21 Njaji Coatitanai naa tsakjawa nainai. Nadee pjiomi njaji Dio iyarroaji matsiaperri nawacaaca carroda lricoperri. Paana irsotsa yemetaca jliaji panti nawacaaca carroda lrico lripjeya naocacawa akjerrecawajleca napieta naaca naofawa. 22 Njite njapodamtsa njaji tsolrodaonai aimadan yaacapewa Efraín poco itjina nacó naawa njapodam. Elisama, Amiud irri, icatsa jliaji njewidapoca njaji Efraín poco itsolrodaonai aimadan. 23 Gamaliel, Pedasur irri, icatsa jliaji njewidapoca njaji Manase poco itsolrodaonai aimadan. 24 Abidán, Gedeoni irri, icatsa jliaji njewidapoca njaji Benjamín poco itsolrodaonai aimadan. 25 Njite njaji yofacapewa papocotsawa, njaji yacapewa Dan poco itjina nacope naawa pikeetem njapodam. Aheizer, Amisadai irri, icatsa jliaji njewidapoca njaji Dan poco itsolrodaonai aimadan. 26 Pagiel, Ocran irri, icatsa jliaji njewidapoca njaji Aser poco itsolrodaonai aimadan. 27 Ahira, Enán irri, icatsa jliaji njewidapoca njaji Neftalí poco itsolrodaonai aimadan. 28 Icatsa cayoji njaji tsolrodaonai aimadan Iraelitanai naawa napeyajle. 29 Caaco Moise Hobab irso, Reuel irri, jliaji Madian lrikjoitedalri. Reuel, icapiatsa Moise iino jinirrica, Moise iaco Habab irso cayoji: ''Waacayaoca lri-ricoda jliaji cayotsaji Dio icaite capisho warso. Lriaco warso jliaji WAMINALRI: ''Noacaotsa irsoni.'' Pinoena wainai njite matsia watsa wanaitjaca pirso. WAMINALRI icaite matsia caotsa lrinaitjaca Iraelnai irso.'' 30 Mitsa Hobab iaco Moise irso: ''Corrina, a tsaotsa nodiawa njopaite ricojletsa nokitsiñape ikjaolre.'' 31 Njite Moise shepani, lriaco: ''Pinaitja matsiacalri mamacatsa fa. Icatsa pjia yanjirrica coajica paofacawa jalrapocolri ricó. Pjia watsa iwapa fa. 32 Pino cada wainai, wanaitjaotsa pirso matsia cayotsaji waMINALRI inaitja capisho warso.'' 33 Lrinakjoite jliaji jiipana waMINALRI iyada madalridaa jalredaoca naacawa njiteo. Njite jliaji Dio ipatowani yaawa napeyajle madalridaa jalredaoca a kjerreca naoketa nawafeta carrodawa. 34 Njite jliaji iyadaoca waMINALRI icadanda narso lriacawa naicao naacadanacowa jalrewerrico. 35 Lria cádanacoa mana jliaji Dio ipatowani Moise iaco mana lrirso cayoji: ''Pjinicoenawa, IMINALRITI. Pipocota njaji picoema. Picadaa napito Pipjeya njaji maatsiperri icapaca Pirso.'' 36 Njite lrioca cádanacoa lrirroa jliaji Dio ipatowani, Moise iaco cayoji: ''Pidienawa, IMINALRITI, naikjaolre njaji Iraelnai njaji corriperrinatsa pataita paniwetaca.''
1 Apapia jalredaoca, njaji ianiki nacaitepe namatsicanaa ikjaote waaca Dio jimi cadanatsa narso. Niiini Dio jimi cádanaco namatsicana nacó, kerroa wa-MINALRI nakjoete. Ikena Dio írroa imjaitacana niini lrimjaitaca padapena naofacawa lricó. 2 Njite njaji inaiki nawana Moise, njite Moise itatjaca Dio iinai, icaamitsa yamica naoya jliaji tiyé. 3 Niini nacadaaca lripitanawa niini Tabera, niini capoa kerrá napecolrico Dio írroa. 4 Padapena inaiki corri-perrita Iraelnaica, nainita naofacawa nainai njaji iraelitanai. Njite naoma nainjaca injaodati matsiadalri. Ikena nainita naiyaca njaji iraelitanai, naaco: ''¿Cocaotsa-pa iá wainjao ipeti?'' 5 Wawaadaca njaji copje wainjalri mana Egipto lrico coancádanaco catsa waoma wainjaca, wainja mana copirro, yorromo, calrirri, áti. 6 Njitre icapetsa coajica fa panaya, corrinatsa waomaca wainjawa, ima icamicatsa wacapalri anji, jliwakenatsa maná.'' 7 Cayo pia jliaji maná cilantro yekje sho. Tsitamí-dalricani. 8 Namoto manawa njaji inaiki naniwá carrona. Nawititá pia mana-na jiipada sho o ánada lricó, nayana-ná palangana lricóna njite icapiena nanaitjaca peetje nashó. Cayo pia paajicana aceite njetanda olivo walridalri toa ioya. 9 Njite itamana jiwa cádanaco naofacawa iicao deepi ricó, maná jiwa tsakja nainai. 10 Njite Moise jimi naiyaca njaji lrikitsiñape njite pjiomi njaji inaiki aimadan, njite nacoanaa njaji inaiki naofacawa naapana ipananoma lricó. Njite kerroaca Dio nakjoete, njite corrin matsia Moise icapac jliaji nacaiterri inacó. 11 Moise iaco Dio irso: ''¿Coadao maatsi pinaitjaca pirsodalri irso? ¿Coada corrin matsia picapaca njoa? Pjiatsa iadaa njoá-carro idee pjiomi njaji inaiki aimadan. 12 Cotsa njanirrica njoa, cotsa matsiaca picaiteca norso, ''Picodaitaotsa pideena cayoji pada jinirriti icodaita capisho idee lrienipe kirraitalritoa.'' ¿Capja norsocatsa nodeecana lrikjaolre jliaji jiipai Picaiterri yácoti ajádalri sho narso njaji naferrinaipe piá caotsa narsoni? 13 ¿Coajintja notaita noaca nainjawa ipeti pjiomi njaji inaiki? Naiyaca norso njite naaco: ''Piá wainjao ípeti.'' 14 Corrin notaita nakjoete njaji inaiki njowacatsa. Ima aima calretsana norso. 15 Cayo mini cadatsaotsa pinaitjaca njoa, matsiami piinoca njoa, matsia cadaa pjia noinai, pidee pjiomi nomatsicanaa nooya.'' 16 JLIAJI IMINALRITI iaco Moise irso: ''Pidee Norso setenta caconaperri iraelitanai. Pioma picapa matsia caconaperricana, naapiyawalre njaji inaiki aimdan. Pidena iwacaaca carroda ipananoma nacojle neema-carro niini picodapi. 17 Niniotsa Norroco caacó-carro Njoa piapiya niini. Nocadaotsa njá-carro tsakjaotsa idenji piinai. Njaawatsa ikitsindata pjia nanaco njsji inaiki. Ima corriotsa pitaitá carroca nakjoete pjiwacatsa. 18 Picaite narso njaji inaiki aimadan: ''Icadaacawa padatsa Dio irso tjewa icaona niiniotsa injaca ípeti, ima Dio jimica coanjica iiyaca. Ima icaiteca: ''¿Cocaotsa iá wainjao ípeti? Matsia piatsa waofacawa Egipto lrico.'' Niini Dio iá caotsa inñjao ípeti, njite injacaotsa. 19 Corriotsa iñjacarroca ípeti padaatsa jalredaoca, yamadaa cantja, corrin tsakja cincotsa jalredaoca, corrin tsakja die, o ventetsa jalredaoca, 20 mitsa iñjacaotsa ípeti ápapi kérri a kjere kena wadeepe yanjí ipina imotocawa jitaco lricó. Idofia ketsaotsana imenatá capoa Dio, jliaji iofalri ipecolrico. Ima icaiteca Lrirso íyacadanaco cayoji: ''¿Coada wamoto Egipto ioya?'''' 21 Njite Moise iaco: ''Seiciento inaiki njaji nowapalri, njite Picaite piacaotsa nañjao ípeti ápapi kérri.' 22 ¿Capja warsotsa wainoca wápirra ´wacarro naiñjawa kepinaa carrona nasho? ¿Capja warsocatsa fepaca aima copje naiñja-carro kepinaa carrona nasho?" 23 Njite Dio iaco Moise irso: ''¿Capja piwaada corrica Notaita nonaitjaca? Panayaotsa icapa corri cada ajádalrica jliaji Nocaiterri irso.'' 24 Ikena Moise imotowa njite lricaite njemio njaji inaiki aimadan coajica Dio icaiteca lrirso. Lriwaketa setenta caconaperri iwapacape inaiki njite lricada nemawa Dio ípana iwaida nacó. 25 Dio iorroco naikjaolre iyadaoca lrico njite caacocani Moise ínai. Njite Dio jita Moise ioya tsotsa lriajikje nakjoite lricadá-carro narso njaji setenta caconaperri. Njite jliewa cádanaco nanaco njaji caconaperri jliaji Icaolreti Dio icadanda narso, ikena nainita nanoparrotaca Dio nacó, mitsa papia piatsa cayocana, corrinatsa napieta nanoparrotaca. 26 Yamada atsianai iofawa naofacawa lrico, Eldad njite Medad. Jliaji Icaolriti iorroco tsakja nanaco. Nadana neepitana paperra lrico, mitsa corri pia namotowa naofacawa lrikjoite. Mitsa namoparrotaca tsakja naofacawa lricotsa. 27 Pada yempeti toa sheco icaite nanaco Moise irso, lriaco: ''Eldad njite Medad nanoparrotaca waofacawa lricó. 28 Njite Josué, Num irri, jliaji ikitsindatacada Moise, pada atsia lriniwananda, lriaco Moise irso: ''Nominalri Moise, warsa piyametana.'' 29 Njite Moise iaco lrirso: ''¿Capja corrica pioma cayocana nocayosho? ¡Nomatja cayoca pjiomi njaji Dio inaikite, nanoparotaca njite Lricadaa nanaco Lricaolrini padenirri!'' 30 Njitedalri Moise njite pjiomi njaji caconaperri Irael lricoperri nadiatoawa napanaita lricojle. 31 Ikena Dio ipjiaca caolri naikjaolre njite Lrimeenaca naikjaolre corrowao Manoa lrikjoite. Njewawa tsoomi naofacawa ioya, njite namacaiteca iorsoawa nawaida nacó padaa icoa paacawa pjaipa sho inipolrico, njite paita metro icoa njepadaca narsoacawa jiipai nacó. 32 Niini njaji inaiki, aima nadejica naniwaca njaji corrowao jliadaa, depjite njite tjewaiyojle tsakja. Njite jliaji iniwalri tsoopjatsa corrowao lriniwa yamada tonelada icoa. Njite naaca narsowaacana pjiomi naofacawa lricó. 33 Nanoma lrico cádanacotoa jliaji naiñjalri, neñjacota cádanacotoa, kerroa Dio nakjoete. Niini Lrínocana pada ipoati shó. 34 Nacadaa lripitanao ninicawa Kibrot Hataava, ima icacatsa nadawaca niini njaji inaiki ioma cape pia iñjao ípeti. 35 Njaji inaiki naawa Kibrot Hataava lrikjoite Hazerot nacojle, icatsa naofacatoa niiniwa.
1 Njitedalri Miriam, Aarón iapiya caacona Moise ikjoete jlita capoia lriinowa apama cusita tadoa. 2 Cayo naaco lrinaco: ''Corritsa Moise iinai minicatsa caaco JLIAJI IMINALRITI, ima caaco tsakjani wainai.'' Njite jliaji IMINALRITI jimi jliaji nacaiterri Moise nacó. 3 Mitsa jliaji Moise pada inaiki merroadalritsa, merroadalrica pjiomi naoya njaji inaiki jalredaoca lricoperri. 4 Jliada nacotsa caaco JLIAJI IMINALRITI Moise irso, Aarón njite Miriam irso tsakja: ''Shaa madalridade, warsha iawa iwacaaca carroda lricojle. Njite icaamitsa naacawa nirse. 5 Niini JLIAJI IMINALRITI lriorrocowa naikjaolre iyadaoca lrico. Lrioca lrirroa nawacaaca carroda ipananoma iicao njite Lriwanaca Aarón njite Miriam. Njite natsomitacani. 6 JLIAJI IMINALRITI iaco narso: ''Panaya jimiotsa njaji Nocaiterri irso. Ínai cádanaco pada inoparrotacada norsodalri, Nocadaotsa lricapaca Njoa lriwaopiakje ricó njite caacoatsa njoa lrirso jlitapon ricó. 7 MItsa lriinai jliaji Norsodalri Moise corriotsa cayó carroca. Ima matsiaca lriwapaca njaji nonaikite. 8 Niini caacoca Njoa lrinaicatsa, corritsantja caacoca njoa lriwaopiakje ricotsa o jlitaponi ricó. Lricapjen coajídalrica Nocapacanaa. Niini, ¿coada corrin ifiowa caacoca shaa norsodalri Moise ikjoete?'' 9 Ikena IMINALRITI irroa ipojliawa nakjoete, njite JLIAJI IMINALRITI idia naoya. 10 Jliaji iyadaoca lridia jlirrawa nawacaaca carroda icao ioshete, njite kjeyanadatsa ikeena catserreca Miriam idada, jaalre pjiomi rodada nacó itamana jiwa capisho ronaco. Aarón idia cádanaco Miriam ikjaolre lricapa catserrecano pjiomi rodada nacó. 11 Aarón iaco Moise irso: ''Pjia Nominalri, pinaitja matsiacalri macadatsa jliaji imatsicanaati wakjoete. Ajádalri caacoca fá pinacó niini wanaitjaca wamatsicanawa. 12 Pinaitja matsiacalri, macadatsa cayocano jiico capisho pada yempeti mayamdalri minatsa jlidoa iwawa lrikjoite, moyédalrinatsa idada.'' 13 Ikena, kjaida Moise itatjaca Dio iinai. Lriaco cayoji: ''Pinaitja matsiacalri Dio, pimatsietano.'' 14 JLIAJI IMINALRITI iaco Moise irso: ''Shonirri jiwitá cadantja roecoa nacó, maatsidarro cantjano siete jalredaoca. Ipeecotoano iofacawa lrikjoite siete jalredaoca icoa. Niini siete jalredaoca shapodami idieta tsenakjano.'' 15 Niini napeecocano naofacawa lrikjoite rsoaji Miriam siete jalredaoca. Njaji Iraelitanai corritoa naacawa nawapa capoatoa rodia naikjaolre naofacawa lrico. 16 Njitedalri naawa njaji iraelitanai Hazerot lrikjoite njite naoca toa naofawa jalrapocolri Parán lricó.
1 Njite caaco tsenakja Dio Moise irso. Lriaco: 2 ''Pimenaca apepena atsianai nácarro nacapa ipjeya Canaán jipaite, jliaji Nocadalri narso njaji iraelitanai. Pimenaca padape atsia nanakjoite njaji Irael poco inakjoité-perri. Pada nanakjoite njaji napaneta njewidaapo.'' 3 Moise imeenacana jalrapocolri Parán lrikjoite, nataitá-carro nanaitjaca cayoji Dio inaa capisho nanaitjaca. Njawacatsa Iraelnai poco jiwidapo. 4 Icatsa nepitanaca njaji: Robén poco nakjoite, Samúa, Zacur irri; 5 Simeón poco nakjoite, Safat, Hori irri; 6 Judá poco nakjoite, Caleb, Jefone irri; 7 Isacar poco nakjoite, Igal, José irri; 8 Efraín poco nakjoite, Osea, Nún irri; 9 Bejami poco nakjoite, Palti, Rafú irri; 10 Zabolón poco nakjoite, Gadiel, Sodi irri; 11 Manase poco nakjoite, Gadi, Susi irri; 12 Dan poco nakjoite, Amiel, Gemadi irri; 13 Aser poco nakjoite, Setur, Micael irri; 14 Neftalí poco nakjoite, Nahbi, Vapsi irri; 15 Gad poco nakjoite, Geuel, Maqui irri. 16 Icatsa neepitanaca njaji atsianai Moise imenacalri ná nacapa jliaji jiipai. Moise icadaa Osea ipitanawa, jliaji Nún irri, Josué. 17 Moise imeenacana nácarro nacapa jliaji jiipai Canaán. Lriaco narso: ''Iá watsa Neguev ikjaolre iá carroatsa awacada lricocawa. 18 Icapaotsa coandalrica jliaji jiipai. Icapaotsa coanperrica njaji inaiki iofalri ninio, kjaidaperri cadaa o corri cadaa, aimadan cadaa o tsocatsana. 19 Icapaotsa matsia cada jliaji jiipai naofalri níini o corrica. Matsiadalri cadaa jliaji jiipai o corrica. Icapaotsa coanperrica nayacalre; pantitape cadatsa o taimí-perri cadaa. 20 Matsia cadatsa paapanaca niiní o corrin, niini cadaa jaico matsiaperri o corrica. Mafietaacatsawa, ideotsa wacapá-carro lripaniana njite-perri wacapá-carro.'' Icatsa njenaana ípekena nainitje njaji uva. 21 Ikena naacawa njaji atsianai nacapá-carro jliaji jiipai jalrapocolri Zin nakjoite Rehob nacojle, tsoomi Lebo Hamat ioya. 22 Naawa Neguev nakjoite njite naocawa Hebrón nacojle. Njite nacapa naofacawa niini Anac inakjoite-perri: Ahimán, Sesai, njite Talmai. Jliaji yacaalre Hebrón nanaitja pia siete walria lripéya pia nanaitjaca jliaji yacaalre Zoán Egipto lricoda. 23 Naoca cádanacowa pacoacaita cawa lrico jiipai Escol lrico, nayoa uva íki cainacane. Njite nawakje nadee jliaji lriinaca jaico sho yamadape. nadee tsakja higuera ínaca njite yorromo tsakja. 24 Nacadaa lripitanawa niini pacoacaita cawa jiipai Escol lricoda, ima macaneca nainaca njaji uva nederri njite njaji iraelitanai. 25 Njite coarenta jalredaoca shapodam, nadia tsenakja naocawa njaji yacape icapa jliaji jiipai. 26 Nadiawa Moise njite Aarón ikjaolre, njite naikjaolre njaji naofacawenai njaji inaiki aimadan Iraelnai jalrapocolri Parán, Cades lrico. Nadee yácoti narso. Njite nacañjata nacapa jliaji paniati nadenda njite. 27 Naaco Moise irso, ''Wen wacapa jliaji jiipai pinaalri waaca wacapa. Ajádalri matsiaca pataoñaca pirraiti niini njite matsia tsakja paapanaca niini. Icapa jliaji lriinaca wadenda njite. 28 Mitsa, kjaidaperrica njaji inaiki iofalri niini. Taimi-perri nayacalre njite macacoepe tsakja. Wacapa tsakja niini njaji Anac inakjoite-perri iofacape niniwa. 29 Njaji amalecitanai naofawa Neguev lricó. Njaji hititanai, jeboseonai njite njaji amorreonai nanaitja naapanawa awacada cawa lricó. Njaji cananeonai naofawa Manoa inomapi njite ooni Jordán yaalrapi ricó. 30 Njite Caleb yemacada Moise icoemjete lrimacoitana, lriaco: ''Picadaa waacawa wá-carro feta wayadawa jliaji jiipai, ima wataitjen fetaca wayadawa jliaji jiipai.'' 31 Mitsa njaji Caleb ikitsiñape naaco: ''Corritsa wataitá carroca nakjoete ima macanepe, kjaida-perri njaji inaiki niní-perri iofacawa.'' 32 Njaji nacaite iacoti icadaalri ínonaaca njaji Iraelnai lrinaco jliaji jiipai naalri nacapa. Naaco narso: ''Iñjacapeca inaiki njaji inaiki iofalri níni. Inaiki macanepe njaji iofalri niiniwa. 33 Wacapa nirse inaiki jalripanepe, macanepe, Anac inakjoite-perri. Cayo wacapacawa napeyajle tacapa shó, njite tacapo shio tsakja nacapaca warso.
1 Jliadaa deepi, pjiomi naji iofacapewa papocotsao naiyaca kjaida. 2 Pjiomi njaji inaiki aimadan cacopecana Moise nacó njite Aarón nacó tsaskja, niini naaco narso cayoji: ''Matsia piantja mayamica fa Egipto jipaite lricotsa, o anji lri-ricoda jalrapocolri-ca jliaji. 3 ¿Coada wa-Diote idee fa ajerriji nainó-carro fa matseeta sho? Ima nainocaotsa njaji wenipe njite njaji waninai. ¿Capja corrica matsia pjaaca warso wadiacawa Egipto lricojle?'' 4 Njite naaco pja narsowaaca: ''Picadaa waniwanaca warsowao padenakja wapiyawalrewa, njite picadaa wadiá carroa Egipto lricojle.'' 5 Niini Moise njite Aarón njewaca narsoawa tjewacajle nanoma jiipai nacojle napeyajle njaji iwacaacacapewa Iraelnai. 6 Josue, Nún irri njite Caleb, Jefone irri, nanakjoite perrica njaji yácape pia icapa jliaji jiipai, natsafá natsayani. 7 Caacona narso njaji iwacaacacapewa Iraelnai. Naaco narso: ''Jliaji jiipai waalri wacapa njite feyapacawa lrico jiipai matsiadalricani. 8 Njite catiima cada Dio icapaca warso, niniotsa Jliá watsa idee fa lrinacojle jliaji jiipai njite Lriá watsa warsoni. Jliaji jiipai matsiadalri pataoñaca pirraiti njite matsiacawa paapanaca.'' 9 Mitsa meematsa wa-MINALRI ikjoete, mafiotsawa nakjoete njaji inaiki iofalri niiniwa. Mjerrapitinawatsa wawayaketacana cayoji pawayaketa capisho painjaoda painjácádanaco. Corriotsa Dio idanatá carrocana ina wainaica jliaji wa-MINALRI. Mafiotsawa nakjoete.'' 10 Mitsa pjiomi njaji lriofacawenai napaolre nainocana jiipada sho. Jliada nacotsa Dio imatsiaca melremelredalri icañjataacawa nacapao nawacaaca carrida lrico njaji Iraelnai. 11 JLIAJI IMINALRITI iaco Moise irso: ''¿Coancaojli pjenaotsa yamiotsa namenataca Njoa njaji inaiki aimadan canjaji? ¿Coancaojli pjenaotsa njepaotsa ajádalri Nonaco, nacapjen cadanena coajica Njoida Nocadalri nacapa nasho njaji Nonaitjalri.'' 12 Nocadaotsa ipoati ínocana, corriotsa cocá carrocaotsa narsolri piinai. Piipaneta nakjoitetsa nocadaotsa aimá-carro njaji inaiki pacoa yacaalre macacoé-carrona njite kjaidaperri naoya njaji.'' 13 Njite Moise iaco Dio irso cayoji: ''Pinaitja cadaa cayó, njaji Egipto lricope njemiotsa jliaji pinaitjalri, ima Pjitaca njaji inaiki naoya Pjida kjaidadalri shó. 14 Njite nacaiteotsa njemi lrinaco narso njaji jalredaoca lricoperri. Ima njemikena Pjiacatsa nainai njaji iraelitanai ima picadaaca nacapaca Pjia. Njite Pjiatsa jliaji iofalri iyadaoca shó naicao njaji Pinaikite. Pjiatsa jliaji yaalri napjeya iyadaoca macadalri sho jaalrewe-ricó, njite tiyé kerradalri macadalri sho deepi ricó.'' 15 Njite píno cada papiatsa pjiomi njaji inaiki, niniotsa pjiomi njaji inaiki jalredaoca lricoperri jimi caperri pinaco nacaiteotsa pinaco cayoji: 16 Jliaji Dio, corri capoa lritaita lrideeca njaji inaiki lrinacojle jliaji jiipai Lricaiterri iacoti ajadalri sho Lriacaotsa narson, niini Lrinocana jalrapocolri ricó.'' 17 Panaya notatjaca piinai caiwi ricotsa, Picadaa tsenakja nacapa Pjiida. Ima Picaiteca: 18 ''Jliaji IMINALRI merroadalritsa kjeya njite kjena dalritsa icapaca narso njaji jalredaoca lricoperri. Lricadaa jliyapaca Lrioya njaji inaiki imjepacan neema cádanaco nakjoete. MItsa lricadaa njerrapitaca namatsicanaa ikjaote njaji inaitjacape maatsi, namatsicanaa njaji njanirrinaipemi atee nadekenai idakenai imatsicanaa ikjaote.'' 19 Niini notatjaca piinai caiwi ricotsa pjiyapetá-carro namatsicanaa nanaitjalri pikjoete njaji inaiki aimadan, cayotsaji pinaitja capisho namoto cayami Egipto lrikjoite atee panashete toa. 20 Niini jliepacan jliaji IMINALRITI: ''Nocadaa peda namatsicanaa jiyapacawa Nooya cayoji pitatja capisho noinai, 21 mitsa, ajádalri capoa caafidalrica Njoa, njite pacamicaotsa jalredaoca lrico Nomatsiaca sho, 22 niini pjiomi njaji inaiki icapacape Nomatsiaca njite jliaji Njoida Nocadaalri nacapa Egipto lricó njite jalrapocolri ricó tsakja, njite aimena namatadaca Norso njite corrin naoma njemica Noaco matsia. 23 Niini Nocaiteca nanaco, corriotsa nacapá carroca jliaji jiipai nocaiterri narso njaji iferrinaipemi oopi. Corriotsa pada nanakjoite njaji shenetalri Njoa naoyao nacapaotsan, 24 icaamitsaotsa jliaji Norsodalri Caleb, ima teecojledalrica inaikica naoya. Jliepa Noaco matsia; nocadaotsa lriocacawa lrinacojle jliaji jiipai lrialri lricapa. Nayada tsakjaon njaji lridakenai jliapodamperri. 25 (Njaji amalcitanai, cananeonai naofapiawa pacoacaita cawa lrico jiipai.) Tjewenaotsa piá tsenakjaotsa jalrapocolri lricojle, piáwatsa lri-rico jliaji inipo iácadawa Manoa Junco lricoda. 26 Caaco JLIAJI IMINALRITI Moise njite Aarón irso. Lriaco narso: 27 ''Maapjina Njoa notarrawataca naapiya njaji inaiki mátsiperri caacoperri mátsi Nokjoete. Njominina coajica caacocana Nokjoete njaji inaiki aimadan Iraelnai.'' 28 Picaite narso: ''Caafidalri capoa Njoa IMINALRI'' caaco capoa Nonaco njomitsa, cayoatsa nonaitjaca sha: 29 Icatsaotsa mayamica sha lri-ricoda jalrapocolrica jliaji, pjiomi shaa caacoperri Nokjoete, sha naniwetaji nadananda paperra lrico, pjiomi njaji irsocape vente walria napekirrica nakjoite. 30 Corriotsa shewá carroca lri-ricoda jliaji jiipai nocaiterri irso iacaotsa iofawa nirse, icaamitsa Caleb, Jefone irri njite Josué, Nún irri. 31 Mitsa njaji yenipe, njaji icaiteji inaco nainocaotsana, Nodeotsana lri-ricoda jliaji jiipai. ¡Njawatsa icapa jliaji jiiapi imenatalri ioyawa! 32 Mitsa sha, icatsaotsa mayamica sha lri-ricoda jalrapocolri-ca jliaji. 33 Coarenta walria watsa nawapaca nápirra jalrapocolri ricó. Njawatsa jirrapita imatsicana ikjaote a kjerreca mayamiotsa pjiomi shá jalrapocolri ricó. 34 Cayoji lriwiaca capisho iaca icapa jliaji jiipai coarenta jalredaoca, corenta walria watsa njerrapitaca imatsicana ikjaote, pawalria watsa padaa jalredaoca icoada, yají carroatsa coajica nacoemaca Njoa. 35 Icatsa nocaiterrica Njoa IMINALRITI. Ajádalri, cayoatsa nonaitjaca njaji aimadan iofacapewa papocotsao, njaji maatsipetsa yemalriwa Nokjoete. Nowayaketacaotsa pjiomina, icatsaotsa mayamicana.'''' 36 Niini, pjiomi njaji átsianai Moise imenacalri pia ia icapa jliaji jiipai, mayamicana ipoati shó, Dio ipeyajle. 37 Icapiatsa njaji átsianai idia cape icaite yacoti matsiperritsa lrinaco jliaji jiipai naalri nacapa. Cayo carro caacocana Moise ikjoete pjiomi njaji inaiki. 38 Icaamitsa yomjerrica nanakjoite njaji ialri icapa jliaji jiipai, Josué, Nún irri, njite Caleb, Jefone irri. 39 Moise icaite cádanaco njemi njaji inaiki Iraelnai, icaamitsa naiyaca pekirritsa. 40 Nacafiawa piyonpinaco toa njite naawa jiipana ípolrico nacojle, nacco cayoji nirse: ''Icapa a kjerreca faji, njite waacawa a kjerreca Dio inaa waacawa, ima wanaitjaca wamatsicanao.'' 41 Mitsa Moise iaco narso: ¿Coada tsakjao imjepataca Dio iáco? Corriotsa matsia carroca shá. 42 Matsawa nirse, corritsa ínaica Dio wadee jipondape shametaca sha. 43 Icatsa naofacawa nirse njaji amalecita njite njaji cananeonai, naino caotsa sha namatsetan sho imaca capoa Dio. Cayoshopa lrimacaca sha.'' 44 Mitsa corrin njeepa, oopi nawa lrinacojle jliaji jiipana; mitsa Moise njite jliaji ipatowani corrin naacawa nainai naofacawa lrikjoite. 45 Njite njaji amalecitanai njite njaji cananeonai, iofacape niini nainoacawa nakjoete njaji iraelitanai njite njamacana, coshoca lriwalripaca jliaji inipo iácadawa Horma ikjaolre cay tsakja nainocana.
1 Njite caaco JLIAJI IMINALRITI Moise irso. Lriaco lrirso: 2 ''Caaco pjia narso njaji aimadani Iraelnai cayoji: ''Ioca cádanacoenaotsa lri-ricoda jliaji jiipai iofalriotsa niiniwa, Lricadaalri irso jliaji IMINALRITI, 3 Imatsietaotsa pada ofrenda IMINALRITI ipia imjaitanda, ofrenda imjaitanda cadaa, apana maaficalri inonda inaitjashopa yácoti cadaa o pada ofrenda icadanda icaolre rikjoite, o pada ofrenda icatiimata cpadanacoa nacodari, lriitan ponenidalri jirra carroatsa Dio ikjaolre, maafcalri jitanda iipirra nakjoite-perri. 4 Irsotsa iaca ofrenda imjaitanda waMINALRI irso, idee tsakjaotsa yamada kilo harinape matsapedalri ikewitanda apjeco lritro aceite shó. 5 Idee tsakjaotsa ofrenda imjaitanda, njite lricaona apjeco litro jaicotjedaa yána ofrenda shó cordero icoam. 6 Piino cadaa apana carnero, pirsotsa pidee catsakja coatro kilo harina matsiadalripe pikewitanda apjeco litro aceite njite pamoyoa pja apana nakjoite. 7 Njite njaji ofrenda irraoda naco, irsotsa iaca apjeco litro njite pamoyoa pja apjeco nakjoite jaicotjedaa yaana. Matsia watsa neeta waMINALRI irso. 8 Imatsieta cadaa apana toro ofrenda iinonda, imjaitanda inaitja-carro pada iacoti inaitjaoda, o pada ofrenda imaodacakjeti nacó IMINALRITI irso, 9 njite lriinaitsa jliaji toro irsotsa iaca ofrenda shó ipania iinaca nakjoite sei kilo icoa ikewitanda apjeco lritro shó aceite. 10 Ia tsakjaotsa yamjeco litro jaicotjeda yaana ofrenda shó. Icatsa pada ofrenda imjaitaoda tiyee lrico, njite lriitan matsiadalri jirracaotsa waMINALRI irso. 11 Cayaotsa inaitjaca nacoanamtsa njaji toro, nacoanamtsa njaji carrnero, cordero njite njaji cabra yénipe. 12 Imatsieta cadaa njaji ofrenda maaficalri inoji icadaope irsotsa inaitjaca cayotsaji nadana capisho anji. 13 Pjiomi njaji iraelitanai jiicoperri anji narsotsa nanaitjaca cayoji, coamperri cadatsa nanakjoite idee ada ofrenda namjaitanda, nacadaa-carro pomenidalri iitan jirracawa waMINALRI ikjaolre. 14 Pada corridalritsa inakjoitedalrica iofacada iinai, o lriofaca iinai kjeyatsa, narso tsakja nanaitjaca pada ofrenda namjaitanda tiyé ricó, lriitan pomenídalri jirrá carrowa waMINALRI ikjaolre. Narsotsa nanaitaca cayotsaji icayosho. 15 Jlia minitsa yácoti kjaidaperri irsowalrepe njite jlia minitsa narso njaji inocaperritsa ikjaolre, yácoti kjaidaperri corridalritsa iñaawa iyacalre ioya caidalriwetsa. Cayoji yofá capisho, cayo tsakjaotsa narsotsa nanaitjaca njaji yofacapetoa iinai iyacalre ricó, nanaitjaca jliatsa jliaji inaitjalri Dio ieyajle. 16 Jlia minitsa yácoti kjaidaperri njite yácoti icaitenda coajica njaji irsolritsa inaitjaca, jlia minitsakja narsowalre njaji yofacapetoa iinai.'' 17 Caaco tsenakja JLIAJI IMINALRITI Moise irso: Lriaco lrirso: 18 Cayoatsa picaiteca narso njaji aimadan Iraelnai: ''Ioca cádanacoenaotsa lrinacojke jiaji jiipai Noderriotsa shaa nirse, 19 inja cádanacoenaotsa ipanaia nirseperrina, irsotsa ideeca pada ofrenda icadaoda Norso njite ideotsana Noikjaolre. 20 Jliaji initanda ikeñapaca ofrenda Norso irsotsa ideecani imatsietacawa lrikjoite njaji ipania icadanda macoada shotsa Norso. Cayiatsa ideeca njitena. 21 Caidalreiwenatsa irsotsa icadaaca Norso ofrenda macoada shotsa, nanakjoite njaji initanda ikeñapaca. 22 Papiapeotsa itjeniotsa imatsicanaawa corri cadanatsa iomacalreca, corri capa sheepa pjiomi njaji Nonaalri inaitjaca cayoji caaco capisho Njoa Moise irso, 23 pjiomi njaji Nonaalri inaitjaca Moise nakjoite jliadaa nkjoite pia Nocadaaca irso yácoti inaitjaoda coshoca pjiomi njaji walricomanai tsakja. 24 Coca cadaa inaitja imatsicanao njite corrin nanjí njaji iofacawenai, cayo cádanaco pjiomi njaji iofacawenai narsotsa naaca apana vaken namjaitanda ofrenda sho pomení-carro lriitan jirracawa IMINALRITI irso. Njite lriinaitsa icadaa tsakjaotsa ofrenda paniati iinaca, irraoda inakjoite tsakja ofrenda shó, cayoji yácoti kjaidaperri icaite capishó, njite apana chivo tsakja ofrenda imatsicanati ikjaotenaadalri. 25 Jliaji sacerdote lrirsotsa lripiyoca namatsicanaa pjiomi njaji papoco-perri iofacawa Iraelnai. Corriotsa capoamná carroca jliaji imatrsicanaati ima corricatsa nawaopiandaca nanaitjaca jliaji imatsicanaati. Njite nadeeca maaficalri nainojí njite ofrenda namjaitanda Norso tiyé-ricó. Nadeeca na-ofrendani namatsicanaa ikjaote Nopeyajle namatadanda ikjaite. 26 Njitenaotsa matsiacana pjiomi njaji Iraelnai papocó-perri iofacawa namatsicana ioya, coshoca njaji apanatsa inaiki Iraelnai ioya iofacapewa nainai, Ima pjiomi njaji aimadan Iraelnai nanaitja piaca namatsicanawa corri capjitetsa naají. 27 Pada inaitja cadaa lrimatsicanawa corri capjitetsa lrioma, niniotsa cayo cádanacoatsa lrirsotsa lrideeca apana cabra pawalriadalri ipekirrica ofrenda sho lrimatsicanaa ikjaote. 28 Jliaji sacerdote lrirsotsa lripiyoca lrimatsicanaa jliaji inaitjacada imatsicanawa corri capjitetsa lrioma Dio ipeyajle. Njite matsiacaotsa jliaji inaiki jliapodamjite sacerdote ipiyoca lrimatsicanaa. 29 Jliaminitsaotsa yácotica kjaidaperri narso njaji inaitja cada imatsicanawa corri capjitetsa naoma, cosoca narso njaji iraelitanai njite njaji corriperri iraelitaca iofacada nainai. 30 Mitsa pada inaitja cadaa lrimatsicanaawa lriometá carrotsa Njoa, iraelita cadaa o tekjoité-dalri cadaa, lripojlietaca Njoa. Irsotsa ipeecoca ioyawa njaji cayó-perri imaimaca ioya. 31 Ima lrimjepataca Noaco, njite Lrimacoadataca njaji yácoti Nocadaji, njaji cayó-perri irsotsa ipeecoca ioyawana pikeetem. Namatsicanaa iofa catsaotsa nanaco.'' 32 Jalrapocolri ricó cádanaco piatoa njaji Iraelnai, naoketa apada atsia jita cáda tiyeena sábado lrico. 33 Njite njaji ioketacapeni nadeeni Moise, Aarón, njite naikjaolre njaji papocoperri iofacawa. 34 Njite nacadaa iwapacapeni ima corrica nanjí coajicaotsa nanaitjaca lriapiaya. 35 Njite Dio iaco Moise irso: ''Ajádalri jliaji atsia lrirsotsa mayamicani. Pjiomi njaji inaiki papocoiperri iofacawa narsotsa nainocani jiipada sho padanajle iofacawa ioya.'' 36 Niinina pjiomi njaji lriofacawenai nadeeni padanajle naofacawa ioya njite nainocani jiipada shó cayotsaji Dio inaa capisho Moise inaitjaca. 37 Caacio tsenakja Dio Moise irso. Lriaco lrirso: 38 ''Caaco pjia narso njaji Irael yeenipe nanaitjá-carro natsayan itsetseo natsayan inomapi nacó nerró carroa taawalre jipolre-kjaiperri shó. Caidalriwenatsa nanaitjaca njaji shapodamperrimi. 39 Icatsa pada matsiadalri irso nowada shopa njaji yácoti inaitjaoda Nocadaji irso icapa cádanacona, wadee inaitjaca cayoji ioma capisho njitenamtja inaitjaca maatsi. 40 Inaitjaotsa cayó iwaada carrotsaotsa pjiomi njaji Noaco inaitjá-carro cayoji Nocaite capishó, niniotsa matsiaperri caotsa shá, sheenacapewa Norsowao, Njoa iDiote. 41 Icatsa IMINALRI Dio-ca Njoa, jliaji jitacadam shá Egipto jipaite lrikjoite, iDiote-carro Njoa. Icatsa IMINALRI Dio-ca Njoa.''
1 Coré, Ithaer irri, Coat irri, Leví irri nainai njaji Datán njite Abiram, Eliab yenipenaipe; nainai tsakja On, Pelet irri, Robén inakjoite-perri, njite nawakeeta apepena atsianai. 2 Nemawa Moise ikjoete, njite nainai tsakja apepena atsianai iraelitanai, dociento cincoenta namaimaca njewidaapo njaji Iraelnai, nanjenipe matsia inacó pjiomi. 3 Nawacaacawa njaji nácarro Moise ikjoete njite Aarón tsakja. Naaco narso: ''¡Aima calretsa pidejica naapiya! Pjiomi njaji inaiki njenitaacawa Dio irso nacoanamtsa, njite Dio iofawa Dio napecolrico. ¿Cpadao ioma shaaca yanjí nanaco njaji Dio inaikite? 4 Moise jimi cádanaco jliaji nacaiterri, icaamitsa jliwacawa jiipai nacojle, tjewacajle lrinoma jiipai nacojle. 5 Lriaco Coré irso njite narso pjiomi njaji lriinaiperri: ''Piyompinacojle watsa Dio icadaotsa wanjí kjaitenaica njaji Dio iyarrope njaji shenitaaca capewa Lrirso. Lrideewatsa lricodapi njaji inaiki. Njatsa njaji Lriniwanaji, icatsaotsa njaji Lrideeri Lrikjaolrewa. 6 Cayoatsa pinaitjaca, Coré njite pjiomi njaji piinaiperri. Pjipaotsa lampara yemacarrodawa 7 tjewena njite pikerrataotsana njite picadaotsa incienso nanaco pidee carrona Dio ipwyajle. Coandalri cadaa Dio iniwana, icatsaotsa jliaji inaiki Dio iniwanalrica Lrirsowao. Ima ioma shaaca yanjí nanaco njaji inaiki, shaa Leví inakjoité-perri.'' 8 Moise iaco tsenakja Coré irso: ''Panaya, jimi matsia sha Leví inakjoité-perri: 9 ¿Capja midalri shoca irso Iraelnai iDiote shenitaca sha Iraelnai ioya idenjí-carro tsoomi Lrioya lriipana matsiadalri lrico, njite idejí-carro narso njaji Iraelnai? 10 Dio-tsa ideeca pjia tsomi Lrioya, njite njaji pikitsiñape tsakja, njaji Leví inakjoite-perri, njite panaya ¡pioma tsakja sacerdoté-carro pjia! 11 Cayo inaitjaca iwacaaca capoa yemá-carro Dio ikjoete. ¿Coada caaco pjia maatsi Aarón nacó, jliaji shepacada matsia DIo iaco? 12 Njite Moise iwana Datan njite Abiram, njaji Eliab ienipe, mitsa naaco: ''Cotsa waaca pikjaolre. 13 ¿Capja midalri shoca picapa pjita capoa fa lrioya jlia jiipai matsiacawa paapanaca, matsiacawa tsakja pataoñaca pirraiti tsakja? ¡Njite panaya pioma pjiaca watalricana! 14 Njite corritsa pideeca fa lri-ricoda jliaji jiipai matsiacawa paapanaca, matsiacawa tsakja pataoñaca pirraiti tsakja, corrin tsakja pia fepaitewa wanaitjacawa lricontja wakiníkerre. Njite panaya pjioma pja picaiteca warso yacoti mikjapandalritsa. Corrinatsa waaca piinai.'' 15 Kerroa Moise pékirritsa niini lriaco Dio irso cayoji: ''Macoadatáotsa nakjoete na-ofrendani. Cotsa njotenca naoya na-borroni, corritsa coca nonaitja narso maatsi.'' 16 Njite Moise iaco Coré irshó: ''Tewenaotsa piyompinaco piawatsa Dio ipeyajle naapiya njaji piinaiperri. 17 Icoanamiotsa iáwatsa jipa ilamparani iemacarrona njite icadaotsa nanaco incienso. Njitédalri nacoanamitsa njaji atsianai narsotsa nadeeca nalamparani Dio ipeyajle, dociento cincoenta lampara yarropoco. Cayo tsakjaotsa pjia, Aaró, idee tsakjaotsa ilamparani yarropoco.'' 18 Ikena nacoana njai atsianai njepa nalampara yarropoco, nakerratani, njite nacada incienso lri-ricoda, njite neemawa nawacaaca carroda ipananoma lricó Moise iapiya njite Aarón. 19 Coré iwakeeta pjiomi njaji inaiki Moise ikjoete njite Aarón ikjoete awacaaca carroda ipananoma lricó, ikena Dio imatsiaca melremelredalri icañjatacawa nacapo pjiomi njaji papocoperri. 20 Ikena caacoca Dio Moise irso njite Aarón irso: 21 ''Shenawa naoya njaji inaiki papocoperri Noinó carrona papiatsa pjiomina.'' 22 Moise njite Aarón njewa naorsoawa jiipai nacojle tjewacajle nanoma njite naaco: ''Dio, Dio-ca pjia naminalrica Pjia narso njaji jalredaoca lricoperri, pada cadanatsa jliaji atsia imatada pirso, ¿coadamtja kerroaca Pjia nakjoete pjiomi?'' 23 Dio sheepa Moise, Lriaco lrirso: 24 ''Caaco pjia narso njaji papocoperri: ''Shenawa Coré, Datán njite Abiram ípana ioya.'''' 25 Icaamitsa Moise jinico iawa Datán ikjaolre; njite Abiram; nja njaji caconaperri iraelitanai nawa jliapoam. 26 Niini caacoca narso njaji papocoperri: ''Panaya, shenawa naapana ioyta njaji atsianai maatsíperrimi, manotatsa njaji nayarroaji corri cada ioma noinoca shaa namatsicanaa ikjaote.'' 27 Niini pjiomi njaji iofacapewa nawaida naco njeenacawa Coré, Datán njite Abiram iofacawa naoya. Datán njite Abiram naofacatsawa naapana ipananoma lricotsa naninai iapiya njite neenipe iapiya tsakja. 28 Njite Moise iaco narso: ''Icatsaotsa yanicaotsa Dio catsa jliaji inaalri njoa nonaitá-carro njaji idenjikjeti, corrintja njoa catsa inaitja cayoji nowaopiakje ioma capishó. 29 Mayami cadaa njaji atsianai ipoati shotsa, niniotsa yanjí corrica Dio-ca jliaji imeenacalri njoa. 30 Mitsa Dio icadaa cadaa jiipai imjecoca lrinoma macaite lrinjá carrona, naapaneta iapiya, njite caafitsa naorrocowa irri-rri lricó, niniotsa yanji namenata piaca Dio nja inaikica njaji.'' 31 Yami cádanaco catsa caacoca Moise, icamitsa jiipai imjecoca lrinoma napjite njaji atsianai. 32 Jiipai imjeco lrinomá lriñjá-carro njaji inaiki, naapaneta iapoiya njite pjiomi njaji inaiki Coré ikitsiñape, cosho catsakja njaji narsonipe. 33 Pjiomi njaji, nakitsiñape iapiya naorrocowa cafitsa irrirrico. Jiipai ítacawa naicaonam, icatsa cayoji nañawa naofacawenai ioya. 34 Pjiomi njaji Iraelnai nawaida nacope pia, njeeco napito naoya njemi cádanaco njemataca, naaco: ''Jiipai itaita tsakja tsakja fa.'' 35 Ikena Dio imjaitaca njaji dociento cincoenta atsianai lrisho jliaji tiyé lrinakjoité-dalri, pjiomi njaji atsianai icadaa incienso. 36 Caaco tsenakja JLIAJI IMINALRITI Moise irso, lriaco: '' 37 Picaite Eleazar irso, jliaji sacerdote Aarón irri, picadaa jlipá-carro jlienita njaji lampara yarropoco tiye ioya, ima Njoenitaca Norsowao njaji nárropoco. Njiteotsa picadaa lripocotá-carro njaji tiyemjen kerraperri toa teeco pja. 38 Pjipaotsa na-lamparanipe yarropoco njaji mayamirri namatsicana ikjaote. Picadaotsa nanaitjaca parratoitape napatsicanada martillo sho naita shopa altar icao. Ima njaji atsianai nadee piacana Nopeyajle, cayoshopa njenitaji catsana Norsowaona. Icatsaotsa najishopa njaji Iraelnai Njoacatsa nainai.'' 39 Ikena jliaji sacerdote Eleazar jipa njaji lámpara yarropoco nanaitjaji broncepe sho nayadami njaji atsianai Dio imjaitaji, njite nañá nerroa martillo shó lriicao jliaji altar, 40 pada nawaada carrona njaji Iraelnai, wadee pada corridalritsa Irael, Aarón inakjoitedalri nanontja namjaita incienso Dio ipeyajle, wadentja nanoca nanaitjá-carro cayoji Coré njite njaji rikitsiñape inaitja capisho, cayoji Dio icaite capisho Moise nakjoite. 41 MItsa tjewaijletsa njaji papocoperri iofacawa iraelitanai caaco tsenakjana Moise ikjote njite Aarón ikjoete tsakja. Naaco: ''Oopo íno njaji Dio inaikite.'' 42 Cayo cádanaco, nawacaaca cádanaco Moise njite Aarón ikjoete njaji inaiki papoco-perri iofacawa, nacapoco cádanaco nacapa lripananoma ikjaolre jliaji nawacaaca carroda njite, iyadaoca itaca jliaji Dio ípana. Dio imatsiaca melremelredalri icañjatacawa narso, 43 njite Moise, Aarón iapiya nacawa lricoemjeteo jliaji nawacaaca carrodawa. 44 Iceena caacoca Dio Moise irso. Njite Lriaco: 45 ''Shenawa naoya njaji inaiki papocoperri Noinó carrona papiatsa pjiomina.'' Ikema Moise njite Aarón njewa naorsoawa tjewacajle nanoma jiipai nacojle jliada nacotsa. 46 Moise iaco Aarón irso: ''Pjipa jliaji lampara yarropoco, njite piwaca tiyé altar nacó, njite picadaa incienso lrinacó, pideotsa kjeyana naikjaolre njaji inaiki aimadan, pinaitjaotsa ipiyokjeti namatsicana ima, ima Dio írroa ínoca waikjaolre. Mayamicalri inokena wakjoete.'' 47 Ikena Aarón shecoa kjeya napecolricojle njaji inaiki aimadan. Mayamicalri inita piakena ipocotacawa napecolrico njaji inaiki, lricadaa incienso, niini lrinaitjaca ipiyokjeti namatsicana ima njaji inaiki aimadan. 48 Aarón yemamawa napecolrico njaji mayamperrim njite caafipetoa; icapiatsa cayoji yami mayamicalri iawa naoya. 49 Njaji mayamirri jliada mayamicalri jiyapaji inaco catorce mil seteciento namaimaca, naoya tsakja njaji mayamirri Coré inaitjanda ikjaote. 50 Aarón idiawa Moise ikjaolre nawacaaca carroda ipananoma nacojle, icaamitsa yamica naoya jliaji mayamicalri.
1 Caaco JLIAJI IMINALRITI Moise irso, Lriaco: 2 ''Caaco pjia narso njaji Iraelnai aimadan nadécarro apaapope jaicoapo nacoanaa njaji Iraelnai iapiyawanai. Doce watsa namaimaca pjiomi njite nadanaotsa neepitana nacoana njeecote nacó. 3 Njite pidanaotsa Aarón iipitana Levi shecote nacó. Narsotsaotsa narsoca njeecote nacoanaa njaji Iraelnai yaapiyawanai poco naferrinaipemi iipaneta nakjoiteper. 4 Nacadaotsa njaji njecote iwacaaca carroda lricó, lricoemjete jliaji nerrocwa njaji yácoti kjaidaperri wanaitja shopa yácoti, Nowacaaca carroji manawa piapiya. 5 Niniotsa catjiwi caotsa jliecote jliaji atsia Noniwanalriotsa. Picadaa yamikena nacaitepeca pjia njaji Iraelnai, njaji caacoperri maatsi pikjoete.'' 6 Niini Moise icaiteca narso njaji Iraelnai aimadan. Njite pjiomi njaji Irael poco yapiyawanai naaca nacoanaa apanape njeecote, naniwanaji nacoanaa naferrinaipemi iipaneta nakjoite. Doce namaimaca pjiiomi njaji jaicoapo. Aarón iyarroapo tsakja nainai. 7 Ikena Moise icadaa njaji njeecolre Dio ipeyajle pjewacawa lrirso jliaji Dio ipatowani yácoti kjaidaperri iarroda. 8 Njite tjewaiyojle, Moise shewawa nirse nacadaacawa jliaji Dio ipatowani, yacoti kjaidaperri yárroda, njite lricapa Aarón shecolre, nayada njaji Leví poco catjiwi cani. Lripje itaoñawa, lriiwi itaoñawa njite lrirso tsakja lriinaca ipeperrina. 9 Njite Moise imotoita pjiomi njaji jaicoapo Dio ipeyajle-perri pia naikjaolre njaji Itraelnai aimadan, njite nacoanaa njaji Iraelnai yapiyawanai njepaca njecote. 10 JLIAJI IMINALRITI IACO Moise irso: ''Picadaa jliaji Aarón iyarroapo yácoti yarroda icoemjete. Icatsaotsa jliaji yanjirrica nanaco njaji yemalri inaiki aimadan mjepacaperri, yamí carroena caacocana maatsi Nokjoete njitenantja wadee mayamicana.'' 11 Moise inaitja cayotsaji Dio inaa capisho lrinaitjaca. 12 Caaco njaji Iraelnai aimadan Moise irso, naaco lrirso: ''Icatsaotsa mayamica faa. Wawayaaca caotsawa pjiomi anji. 13 Ima pjiomi njaji itsomitalri jliaji wa-MINALRI iipana, mayamicaotsana. ¿Coadaotsa mayamica pjiomi fá?"
1 Lriaco JLIAJI IMINALRITI Aarón irso: ''Pjia, njaji pienipe tsakja, njite njaji piferrinaipemi ípaneta ideecaotsa inacoa jliaji imatsicanaati inaitjalri lrikjoete jliaji Dio iipana. Mitsa pjia njite njaji pienipe idee watsa inacoa njaji imatsicanaati inaitjalri sacerdociocalri nacó. 2 Njite njaji pikitsiñape levitanai, n jaji Leví poco, njaji piferrinaipemi inakjoite-perri, pirso tsaotsa pideeca pinaiwana pikitsiñapewa nakitsindatá-carro pjia njite njaji pienipe idejí cádanaco lripananoma nacó jliaji panti naofalri iricoda njaji yácoti kjaidaperri wanaitjashopam iacoti. 3 Nadejiotsa pirso njite lri-ricoda jliaji panti. Mitsa corrin nataita natsomitaca lritawajle jliaji mamatsicana-cawatsa, corrin tsakja jliaji altar, wadentja mayamicana njite pjia tsakjantja. 4 Nadejiotsa piinai iwapá-carro jliaji Dio ípana, pjiomi njaji lridejicana lri-ricoda jliaji panti. 5 Pjia watsa yají lrinaco jliaji lritawajlre corri cawatsa pacapa imatsicanaati njite altar nacó, wadentja Noirroa jiwaca tsenakja nanaco njaji aimadan Iraelnai. 6 Piají-carro, Njoatsa iniwana njaji pikitsiñapewa, nanakjoite njaji levitanai napecolrikjoite njaji iraelitanai. Pada regalo Nocadanda pirso, picadaope norso nadejí-carro Noopana lricó. 7 Mitsa icaamkitsa sha kitaita idejica sacerdociocalri nacó, njite altar nacó njite lriwawalricojle pja jliaji panti iwawalricó. Shawatsa yanjí nanaco. No-regala irso jliaji idejikjeti sacerdociocalri nacó. Pada tekjoitedalri itsomita cada nirse mayamicaotsani.'' 8 Njite Dio icaite tsenakja Aarón irso: ''Pirsotsa pianjica, Noicadaaca pidejicalrewa pjiá-carro yanjí nanaco njaji ofrenda njerretaji Norso, njite pjiomi njaji ofrenda matsiaperri nacadalri Norso njaji Iraelnai aimadan. Nocadaa irso njaji ofrenda pirso, njite narso njaji pienipe iyadá-carrona caidalriwetsa. 9 Matsiaperrica njaji marsocapetsa imatsicana, namjaitají tiyé ricó: Pjiomi njaji na-ofrendani, pjiomi njaji ofrenda napania inakjoite-perri njite njaji ofrenda namatsicana ikjaote-perri, matsiaperrica irsona njite narso njaji pienipe. 10 Ofrenda matsiaperrica njaji, pjiomi njaji atsianai narsotsa naiñjaca, ima matsiaperrica irsona. 11 Icatsa njaji ofrenda ipeyapepeca: pjiomi njaji nacadaji macoadatsa, njaji ofrenda njerretaji norso njaji Iraelnai aimadan.Noaca irsona, ienipe atsianai njite inaitjepe tsakja, iyapecana caidalriwetsa. Pjiomi njaji pikitsiñape mamatsicanaperritsa nataita naiñjaca njaji ofrenda. 12 Pjiomi njaji aceite matsiaperri, njaji matsiaperri pja jaicotjeda iana njite njaji ipania ínaca nakjoite, njaji paniati inaca nainitaji naniwaca Norso njaji inaiki aimadan, pjiomi njaji Nocadaaca pirsona. 13 Pjiomimi napania ínaca ipeperrina njepaite lricoperri, nadeji Norso, piyapecana. Pjiomi njaji pikitsiñape piipaneta nakjoiteperri nataita naiñjacana. 14 Pjiomi njenitaji njaji Irael lricope, piyapecana. 15 Pjiomi njaji imotolri ínita njadoa ioya, njaji pjerritinaipe, nacadaji Dio irso njaji inaiki aimadan, coshoca njaji atsianai njite maaficalri tsakja, piyapecana. Mitsa, pjiomi njaji aimadan narsotsa nacaoñaca tsenakja nanaco njaji neenipe pjerritinaipe, cayo tsakja nanaco njaji atsiana maaficalri pjerriti corriperri matsiacana. 16 Nacaoña nanaco apapi kerri shapodam jicocayamini. Naawatsa pada icoada cincoita moneda palratape irsocape once gramo njamiñaca nacoana, cayotsaji nacdaa capisho nawacaaca carroda lrico. 17 Mitsa vaaca yenipe pjerritina njite oveja yenipe pjerritina, njite cabra tsakja, corrinatsa nacaoñá carroca nacoada nacó, Shenitawatsa Norsowaona. Iwitsicawatsa nairrana altar nacó njite imjaitaotsa neeti ofrenda namjaitanda tiyé ricó, pada pomenidalri Dio irso. 18 Piyadacaotsa nja neepe. Lricodaita, nacotsipa nayekemjete, pjiomi lriipe piyapecana. 19 Pjiomi njaji ofrenda matsiaperri nadeji njaji Iraelnai aimadan Dio irso, Noaca pirsona njite narso njaji pienipe atsianai njite inaitjepe, iyada carrona caidalriwetsa. Pada yácoti wainaiwacadalri caidalriwenatsa, pada carrotsa caidalriwetsa Dio ipeyajle pirso njite narso njaji pjiapodamperrimi piinaiwa.'' 20 JLIAJI IMINALRITI iaco Aarón irso: ''Corriotsa pirso carroca jiipai nainai njaji pikitsiñape Iraelitanai aimadan, corrin tsakjaotsa pirsó carroca ipaniapji o iipana nainai njaji aimadan Iraelnai. Icatsa piyadaca Njoa njite icatsa piyarroajica Njoa nainai njaji Iraelnai.'' 21 Narso njaji Leví inakjoiteperri, Noá narso nadiezmoni njaji Iraelnai iyadacarroni idejicapji iwacaaca carroda lricó. 22 Panaya nakjoite corrinatsaotsa natsomitá carro Dio ípana njaji Iraelnai aimadan, ima natsomita cadaa mayamicaotsana. 23 Njaji levitanai nadejiotsa iwacaaca carroda lrico njite pjiomi idejikjeti lrinacoapanaadalri. Njaa watsa idee jliaji imatsicanaati namatada cadaa nanaitjaca. Yacoti kjaidadalrica irsoho caidalriwetsa naapiya njaji pinakjoite-perri. Corriotsa narso carroca njepaitewa nainai njaji Iraelnai aimadan. 24 Mitsa nadiezmoni njaji Iraelnai, njaji nacadaji Norso, icatsa njaji nocadalri nayarroa njaji levitanai. Cayoshopa nocaite cayoji: ''Corriotsa irsocarroca iyadawa nainai njaji aimadan Iraelnai.'' 25 JLIAJI IMINALRITI iaco Moise irso, lriaco lrirso: 26 ''Caacoatsa pjia naapiya njaji levitanai, picaite narsho cayoji: Jipa cádanacoatsa njaji diezo naoya njaji Iraelnai njaji Nocadaji iyadawa, ideotsa Dio irso nanakjoite lriyadawa, diezmo Lrirso diezmo nakjoite. 27 Icatsaotsa i-ofrendaniwa naada inakjoite njaji Iraelnal napania inaca inakjoite nainitanda naniwaca njite njaji jaico tjeda iana walriajai.'' 28 Niini caishopa, pirso tsakjaotsa piaca pi-ofrendaniwa Dio irso nanakjoite njaji ofrenda nacadaji njaji Iraelnai aimadan. Narso tsaotsa naaca sacerdote Aarón irso. 29 Nanakjoite njaji regalo naaji irso, irregalawatsa Dio irso. Icatsaotsa njaji matsiaperri pja icadaji 30 Picaite tsakjaotsa narso, njenita kenaotsa Norsowao njaji matsiaperri pja, niini nayada caotsa njaji levitanai, napania inaca inakjoite capisho, njite jaico tjeda iana nakjoite tsakja. 31 Njite njaji neetepem pitaita piñjaca a kjerrecatsaji, pjia njite njaji piipaneta, ima icatsa njaji injaodati pideji capji Diom ípana lrico. 32 Shenita cayami Norsoawao njaji matsiaperri, corrinatsaotsa maatsí-carroca sha iñja cadaa njaji lritepem. Mitsa icapaotsa inaitjaca maatsi imacoadata cada naofrendani matsiaperri naaji njaji Iraelnai, corri cada ioma mayamica sha.''
1 Caaco Moise njite Aaró irso. Lriaco narso: 2 ''Pada yácoti kjaidadalri jliaji Nocaiterri irso yofá carroatsa matsia: Icaiteotsa njaji Iraelnai nadee carroatsa irso apana vaaca irraini matserrenetsa, marsocadalri idapalri, corri-darrotoa nacadaa ideeca jamiñadalri. 3 Yawatsano sacerdote Eleazar irso. Ideotsano pemajle iofacawa ioya, njite pada irsotsa ínocano Eleazar ipeyajle. 4 Sacerdote Eleazar jipaotsa roirrana inacope njite lriwitsica watsa siete piape lripananoma icoemjete jliaji iwacaaca carroda. 5 Njite ape sacerdote irsotsa imjaaitaca rsoaji vaaca lricapatsa. Irsotsa imjaitaca royam, roipe, roirrana njite pjiomi lrimatsicanda fie. 6 Jliaji sacerdote lrirsotsa jlipaca jaico cedro, hisopo njite maficalri íyo irraidalri. 7 Njitedalri, lrirsotsa lricotsoca lritsayai njite lripita ooni ricó. Njite dekjena lritaita jliewacawa iofacawa lricó, niniotsa maatsi catoani papienirri deepi nacojle. 8 Jliaji ínocada jliaji vaaca írraini lrirsotsa lricotsoca lritsayai njite lripita ooni ricó. Niniotsa maatsi catoani papienirri dainoma nacojle. 9 Njite pada corridalritsa irso imatsicanaa icatsaotsa jliaji itaitalrica vaaca namjaitanda iwayolrem lridee-carroni iofacawa pemajle mapirra-cawatsa. Imatsietaotsa matsia narsowalreo njaji papocoperri iofacawa Iraelnai. Nárroatsa ooni lri-ricoda napiyoacá carroatsa namatsicanaa ioya, ima ofrendaca jliaji vaaca iwayolremi imatsicanaati ikjaotenadalri. 10 Njite jliaji iniwacada vaaca iwayolremi lrirso tsaotsaa lricotsoca lritsani matsia. Njite maatsi catoatsa papienirri dainoma nacojle. Yacoti kjaidadalrica narso njaji Iraelnai caidalriwetsa, njite narso tsakja njaji iofacape nainai pikeetemwa. 11 Coca cadaa inota pada inaiki mayamdalri idada siete jalredaoca watsa maatsicani. 12 Jliatsa jliaji inaiki lrirsotsa lrimatsietaacawa jliwaca-waacatsa madalridaa jalredaoca nacó njite siete jalredaoca naco tsakja. Niniotsa matsiacani. Mitsa corri cadaa lrimatsietaacawa madalridaa nacó, corrin tsakjaotsa matsiacani siete jalredaoca nacó. 13 Coca cadaa inota pada inaiki mayamdalri idada, njite corri cadaa lrimatsietaacawa lrimatsicanaa ioya lrinota cayamini, lrimatsicaotsa jliaji Dio iipana. Niini jliaji inaiki cayodalri, Irsotsa jitaca ipeeco naoya njaji Iraelnai corri capoa nacotsoni lrisho jliaji ooni matsiadalri. Maatsidalri catsaotsani, lrinaco minicatsaotsa lrimatsicanaa. 14 Cayoatsa yácoti kjaidadalri mayami cadaa pada inaiki lriipana lricó. Pada sheewa cada lri-ricoda o niini cadena pada lri-ricoda icaamitsa maatsicani siete jalredaoca. 15 Pjiomi njaji yarropetidape marsocapetsa naapanaita maatsi tsakjaotsana. 16 Pacuaca tsakja jliada naco tsakja, coca cadaa inota mayadalrim nainonda matseeta shó, o coandalri catsa mayandalrim, naapipem, o irrirrim icaamitsaotsa maatsica jliaji inaiki siete jalredaoca. 17 Cayoatsa pinaitjaca njaji inaiki maatsiperri mayandalrim ikjaote: Pjipaotsa lriwayolre jliaji ofrenda imatsicanaati ikjaote-naadalri njite piarroatsa apana litro ooni walriajai taazapi ricó. 18 Njite jliaji matsiadlritsa jlipaotsa papoco lriida jipitiperri, lripotsietani ooni ricó, njite lriwitsica lrinaco ooni shó jliaji panti, pjiomi njaji lriitada, nanaco njaji inaiki sheewacape pia niinio, njite nanaco pjiomi njaji inotacapem mayandalrim nainonda maatseta shó, naapipepem, irrirrim. 19 Madalridaa nacó, njite siete jalredaoca nacó, jliaji inaiki matsiadalritsa lriwitsicaotsa lrinacó jliaji maatsidalri. Siete jalredaoca nacó lrisotsa lrimatsietaacawa jliwaaca waacatsa. Lrirsotsa lricotsoacawa njite lritsayan tsakja ooni ricó. Njite matsia kenaotsa deepi ricó. 20 Mitsa corridalri imatsietaacawa, corri capoatsa lrioma lrimatsietaacawa, icaamitsaotsa jitaca ioyawani iofacawa ioya, ima lrimatsicaca Dio iipana matsiadalri. Corriotsa nárro-carro ooni lrinacó. icaamitsaotsa maatsicani. 21 Caidalriwenatsaotsa jliaji yacoti kjaidadalri lrinacoapaná-dalri. Jliaji iarrocada ooni lrinacó matsiá carroni lrirsotsa lricotsoca lritsayani. Njite maatsi catoatsani papienirri deepi nacojle. 22 Coca cadaotsa lrinota jliaji maatsidalri, maatsicaotsani. Maatsicani papienirri deepi nacojle.''
1 Niini pjiomi njaji inaiki aimadan Iraelnai, njaji yifacapewa papocotsawa, naawa jalrapocolri ricojle Zin ricoda pawalria inita carropi naco; naoca toa naofawa Cades ricó. Icatsa mayamica Miriam niini, niinitsa nadawano. 2 Corri pia pacapa ooni narso njaji inaiki papocoperri niini, nini njaji inaiki nawacaacawa Moise njite Aarón ikjoete. 3 Njaji inaiki aimadan caacocana Moise nacó. Naaco: ''¡Matsia piatsantja mayamica fa nainaitja njaji wakitsiñape iraelitanai njaji mayamirri Dio ipeyajle. 4 ¿Coada pidee njaji Dio inaikite mayami carrona jalrapocolri ricó, faa njite nja waapirra tsakja? 5 ¿Coada pjita faa Egipto lrikjoite caijleji maatsicawa lricojle? Corrin coca paapana anji, corrin pacapa paniati, corrin pacapa kiníki, corrin pacapa maawirro, corrin pacapa ooni pairraoda anji.'' 6 Niini Moise njite Aarón iawa naoya njaji iwacaacacapewa. Naawa lripananoma lricojle jliaji panti nawacaaca-carroda lrico njite njewa naorsoawa jiipai nacojle tjewacajle nanoma. Icatsa Dio imatsiaca icañjatacawa narso. 7 JLIAJI IMINALRITI iaco Moise irso: 8 ''Pjipa pjipeco njite piwakeeta njaji inaiki papocoperri iofacawa, niniotsa pjia njite pipjerri Aarón. Caacoatsa pjia lrirso jliaji jiipada nacapatsa njaji inaiki, picaite lrirso lricadaa-carro ooni imotocawa lrioya, njite piawatsa nairrao njaji papocoperri iofacawa njite naapirra irso tsakja.'' 9 Moise jita jliaji lripjeco Dio iofacawa lrikjoite, cayitsaji dio inaa capisho lrinaitjaca. 10 Ikena Moise njite Aaron iwaketa njaji inaiki jiipada icoemjete. Moise iaco narso: ''Panaya jimica, shaa inaiki mjepacaperri. ¿Warsotsa fetaca ooni irso lrioya jliaji jiipada?'' 11 Ikena Moise jlipa jliaji lripjeeco njite jlirreta lricaapi lriñá-carro jliaji jiipada yamapiape lripjeeco shó, njite aima ooni imotocawa jiipada ioya. Njaji inaiki aimadan nairra ooni njite naapirra tsakja. 12 Njite JLIAJI IMINALRITI iaco Moise njite Aarón irso cayoji: ''Coada corrin sheepa ajádalri Nonacó, corrin tsakja icadaa naa matsiadalri Norso njaji Iraelnai aimada nanjí-carro matsiadalrica njoa. Corrin natsaotsa shaa ketsa ideotsa njaji inaiki lrinacojle jliaji jiipai Nocadaalri irso.'' 13 Nacadaa lriipitanawa niini ooni Meriba lricoda, ima njaji iraelnai aimadani nacoitacawa Dio iapiya niini, njite Dio icada nacapá carroni Matsiadalricani. 14 Moise imeenaca idecaperri iacoti Cade lrikjoite Edom italricanaa irso. Lriaco: Cayo lricaiteca jliaji pikitsin Irael: ''Pianjintsa pjiomi njaji maatsirri feyapalri inaco. 15 Pianjintsa nanaco njaji waferrinaipemi coaji piaca naacawa Egipto lricojle njite naofa Egipto lrico aima walria. Njaji Egipto lricope maatsi nanaitjaca warso njite narso pia njaji waferrinaipemi aima walria. 16 Njite watatja cádanaco Dio inai, Dio jimitsa warso niini lrimeenaca pada angele jlitá-carro fa Egipto lrikjoite. Panaya, a faji Cades ricó, pacoa yacalre pjipaite iocacawa nacó. 17 Notatja piinai picadaacarro feyapawa pjipaite ricó. Corriotsa feyapá carroca awacada lrico, corrin tsakja pikiníkerre lrico, corriotsa wairrá carroca pionite. Feyapaotsa napowa lrico njaji talricanaatinai. Corriotsa feená carroca lrioya jliaji inipo lriyekema nacojle o lripatojliema nacojle cadaa a kjerreca feyapa lrioya jliaji pjipaite iocacawa.'' 18 Mitsa jliaji Edom italricanaa shepani: ''Corriotsa pitaitá carroca pjiyapacawa njopaite ricó. Pjiyapa cadawa nonaitjaotsa oowi pikjoete.'' 19 Njite naaco lrirso njaji Iraelnai aimadan: ''Picadaa feyapawa inipo macakjai rico. Njite wavacan irra cada ionite wacaoñaotsa sha. Icaamitsa picadaa feyapawa niini faipa shotsa, corri tsaotsa cocá carroca wanaitja feyapa cádanacoa niini.'' 20 Mitsa Edom italricanaa sheepana: ''Corriotsa jiyapá carroca njopaite ricó.'' Niini jliaji Edom italricanaa íno nakjoete njaji Iraelnai maatsicalri ricó aima tsolrodaonai iapiya. 21 Edom italricanaa corrin lricadaa Iraelnai jiyapawa jlipaite ricó. Niini njaji Iraelnai njenawa Edom jipaite ioya. 22 Icatsa cayoji njaji inaiki aimadan naawa Cades lrikjoite. Njaji inaiki aimadan iraelitanai, njaji papocoperri iofacawa, naocawa Jiipana Hor nacojle. 23 Caaco JLIAJI IMINALRITI Moise irso njite Aarón irso Jiipana Hor lricó, Edom jipaite iocacawa nacojle. Lriaco narso: 24 ''Mayami caotsa jliaji Aarón lriá carroatsa naikjaolre njaji lriferrinaipe, ima corriotsa jliewá carroca lri-ricoda jliaji jiipai noalri narso njaji Iraelnai aimadan. Ima shaa yamadade imjepataca Noaco ooni Meriba lrico pia. 25 Piinai Aarón njite lrirri Eleazar, pjirraotsa naapiya lrinaco jliaji jiipana Hor. 26 Pjitaotsa Aarón ioya njaji tsaya sacerdote carrodani njite pjietaotsana lrirri Eleazar nacó. Ima icatsaotsa mayami caotsa Aarón niini.'' 27 Moise inaitja cayoji Dio inaacapishoni. Njerrawa lrinaco jliaji Jiipana Hor nacapa-werricotsa njaji Iraelnai. 28 Moise jita Aarón ioya njaji tsaya sacerdote carrodani njite jlietana lrirri Eleazar nacó. Icatsa mayamica Aaró Jiipana Hor ípolrico. Njite Moise idia iorrocowa Elezar iapiya jiipana nakjoite. 29 Njite njaji Iraelnai nacapa cádanaco mayamica Aarón, pjiomi njaji Iraelnai naiyaca lrinaco trenta jalredaoca icoa.
1 Jliaji talricanaati Canaán Arad lricoda iofacada Neguev lricó, jlimi cádanco iraelitanai jiyapacawa inipolrico iácadawa Atarim ikjaolre, lrinoacawa nakjoete njaji iraelitanai njite lridee apepena presowa nanakjoite njaji iraelitanai. 2 Irael iorsoawa tewacajle lrinoma jiipai nacojle Diio ipeyajle, lriaco Dio irsho: ''Picadaa cadaa njoama njaji inakica njaji, ninotsa nowayaketaotsa pjiomi nayacalre matsiape.'' 3 Njite Dio jimica Irael irsho niini Lricadaam Irael shamaca lricoema, njaji cananeonai. Napeeco nayacalre jiwao pjiomi. Niini nacadaaca lriipitanao niini Horma. 4 Ikena naacawa jiipana Hor nakjoite lri-ricokja jlia inipo iácadawa Manoa Junco ikjaolre nayofietá-carro jliaji jiipai Edom iyada. Njite naacayao inipolrico maapjica njaji inaiki. 5 Niini caacocana Dio nakjoite njite Moise nakjoite tsakja, naaco: Corrin pacapa waijao, corrin pacapa ooni njite mapjina waiñjaca jliaji injaodati maatsidalri.'' 6 Njite Dio imeenaca ápi naikjaolre njaji Iraelnai aimadan. Ápi imjoa aima nanakjoite niini mayamicana. 7 Niini naacawa njaji inaiki aimadan Moise ikjaolre, naaco lrirso: ''Wanaitjaca wamatsicanao caaco capoa fa Dio ikjoete njite pikjoete. Pitatja Dio iinai jlienitá-carro waoya njaji ápi.'' Njite Moise itatja Dio inai nanaco. 8 Dio icaite Moise irso cayoji: ''Pinaitja pakja ápi njite pipapiotsa apana jaico nacó. Ninjotsa caafica pjiomi njaji ápi imjoanipe nacapa cada lrikjaolre.'' 9 Ikena Moise inaitjaca pakja ápi broncepe shó njite lripapini jaico naó yeenon. Niini cocacada nanakjoite njaji ápi imjoanipe nacapá cadaa lrikjaolre yomjecaotsani. 10 Njite naapjawa njaji Iraelnai niini naocacawa Obot lrico, icatsa naofa catoa niini. 11 Naawa niteo, njite naocawa Iyé Abarin lricojle jalrapocolri ricó, Moab icoawajli jérri imotokema nacojle. 12 Nawa njiteo njite naocawa Pacoacaitacawa lrico jiipai Zeret lricó. 13 Njitedalri naawa njite naocawa Ooni Armón pemajle, jalrapocolri ricó i itacadawa njepaite iocacawa njaji amorreonai. Ooni Armón icatsa lritjinaaca njaji jiipai nayada njaji amonitanai njite amorreonai. 14 Icatsa jliaji lricaiterrica inaco lricaite cádanacó jliaji paperra icaitecada coaji piaca Dio inaitjaca oowi: ''Paoketaca Vaheb Sufa ricó, pacoacaita cawa ricó jiipai Armón lricó, 15 njite nanomapi iocawa yacaalre Ar lrico njite lriocawa Moab jipaite iocacawa. 16 Njitedalri napjawa Beer ikjaolre, paoketalri niini jliaji oniapji Dio icaitecarrom pia Moise irso cayoji: ''Piwaketa naji inaiki aimadan Noá-carro nairrao ooni.'' 17 Njite Irael icanta cayoji: ''Oniapji, pjinicoa.'' icaitepe lrinaco icantanialre nacó. 18 Jliaji oniapji njecaniapji njaji fewidapo, oniapji njecaniapji njaji wapiyawanai caconaperri napjeco sho.'' Njite jalrapocolri lrikjoite nawa Mataná lricojle. 19 Mataná lrikjoite naawa Nahaliel lricojle, njite Nahaliel lrikjoite naawa Bamot lricojle, 20 Bamot lrikjoite naawa pacoacaita cawa lricojle jiipai Moab lricó. Pacapacawa lrikjoite jalrapocolri lrinakjoite jliaji jiipana yenondalri Pisga. 21 Njitedalri Irael imeenaca njaji ideecape iacoti Sehón irso natalricanaa njaji Amorreonai, lriaco cayoji: 22 Picadaa feyapá carrowa pjipaite ricó. Corriotsa fepá carroca ikiníkerre o ipaniapji cada. Corriotsa fetá carroca wairrao ionite jicaniapji lrikjoite. Wawatsa piapowa lricotsa, pjia talricanaati a kjerre feyapawatsa pjipaite iocacawa pemajle.'' 23 Mitsa jliaji talricanaati Sehón corrin lricadaa iraelitanai jiyapawa jlipaite ricó. Mitsa icamitsa lriwaketaca njaji lritsolrodaonai aimadan ná-carro naino njaji iraelitanai jalrapocolri rico. Lria lria naikjaolre Jahaza lricojle, icatsa lrinoacacawa Irael ikjoete nini. 24 Irael ino njaji Sehón itsolrodaonai matseta shó njite jlia lrirsowao njepaitemi Amón nakjoite teeco ooni Jabac lricojle, pjiomi njepaite njaji amonitanai. Njite njepaite njaji amonitanai nadanatanda piaca taimini padenirri. 25 Irael jipa lrirsowao pjiomi njaji yacaalre amorreonai njite naofacawa nerricoda, njite Hesbón tsakja pjiomi njaji yacalrewape lriwaida nacope. 26 Hesbón, icapiatsa lriyacalreca jliaji talricanaati Sehón, natalricanaa njaji amorreonai, jliaji inoacalri piatoa Moab italricanaa iapiya. Shehón jipa pia pjiomi njepaite njepaite iocacawa nakjoite teeco Ooni Amón ikjaolre. 27 Caishopa njaji cacoperri yacoti cajikjedalri ricó, nacaite: ''Inoena Hesbón lricojle. Icada njerreta catsenakja jliaji yacaalre lriemá-carro tsenakja. 28 Tiyé imotocawa Hesbón ioya, njite jliaji tiyé imotolri Hesbón ioya lrimjaitaca Ar Moab lricoda, njite lrimjaita tsakja naminanai njaji yenondalripe Armón lricoda. 29 ¡Kjenádalrica pjia, Moab! Opi iwayacaacawa, sha idiotacape Quemos. Jliatsa icadaa yénipe ipitó-carroa, njite lricadaa amorreonai italricanaa Sehón ipresotaca njaji itonaipe. 30 Mitsa faa, oopi fama Sehón. Corrinatsa cocaca jliaji Hesbón teeco jlinaa Dibón nacojle. Teeco wapinetana Nofa nacojle, teeco jlionaa Medeba lricojle.'' 31 Niini, iraelitanai iofacawa amorreonai jipaitemi ricó. 32 Njitedalri Moise imenaca apepena atsianai nácarro nacapanJazer. Njepa njaji yacalrewape lriwaida nacoperri njite napeeco nawa njaji amorreonai iofacapepia niniwa. 33 Njitedalri nayofiawa nácarroa Basán iapowa lricó. Jliaji talricanaati Og, Basán italricanaa, lrimoto nakjoetennjaji iraelitanai lritsolrodaonai iapiya lrinoacá carro nakjoete Edrei lricó. 34 Njite Dio iaco Moise irso: ''Mafiotsa naiwana, ima nocadacaotsa shametá carro jliaji talricanaati njite njuaji lritsolrodaonai njite pjiomi njepaite. Cayoatsa pinaitjacani cayoji pinaitja capisho Sehón, amorreonai italricanaa iofacada pia Hesbón lricó.'' 35 Njite naino jliaji talricanaati, njaji lrienipe, pjiomi lritsolrodaonai corrin coca nacadaa caafi. Njepa nayadawa njepaitemi.
1 Njaji Iraelnai naa pjawa napeyajle njite naoca toa naofawa malritsi coa lrico Moab lricoda, ooni Jordán pemajle yacaalre Jericó icoemjete. 2 Njite Balac jliaji Zipor irri lricapa pia pjiomi coajica Iraelnai inaitja piaca narso njaji amorreonai. 3 Moab ifiocawa pekirritsa nakjoete njaji inaiki ima aimadan-cana, njite lrifiocawa pekirritsa nakjoete njaji Iraelnai imaimaca. 4 Niini jliaji talricanaati Moab lricoda iaco narso njaji pekipenai caaconaperri Madian lricoperri: ''Njaji inaiki aimadan nainjacaotsa pjiomi njaji warsolri wawaida nacope cayoji vaaca iñja capisho malritsi.'' Balac, Zipor irri pia jliaji talricanaati Moab lricó jliawajli. 5 Lrimeenaca idecaperri iacoti Balaam irso, Beor irri, Petor lricojle ooni Éufrate lricoda, lriyacalre ricó, lrikitsiñape iocawa lricó. Lriwana lricaite lrirso cayoji: ''Picapa, aima inaiki iocawa waikjaolre inocaperri Egipto lrikjoite. Napakjanta pjiomi njopaite namaimaca sho ima aca naocawa nocodapi. 6 Niini panaya, pinaitja matsiacalri pinó-carro noinai panaya picaité-carro maatsi nanaco njaji inaiki aimadan nonakjoite, ima kjaidaperri pjaaca nooyana. Wadetsantja cayoca notaita noaca noinona naacarro njopaite ioya. Ima noanjintsa matsiaca njaji picaitenji inaco matsia, maatsica njaji picaitenji inaco maatsi.'' 7 Niini naacawa njaji pekipenai caaconaperri Moab lricioperri njite njaji Madian lricoperri, nadee nacaoña shopa Balaam lricaite-carro maatsi Iraelnai nacó. Naocawa Balaam iderse njite nacaite jlimi njaji Balac icaiterri. 8 Balaam iaco narso: ''Iofa toatsa anjí jliadaa deepica jliaji. Nocaitá-carro jimi coanjica lricaiteca norso JLIAJI IMINALRITI.'' Niini njaji pekipenai caaconaperri Moab lricope naofa toa jliada deepi Balaam iinai. 9 Njite Dio icañjataacawa Balaam irso, lriaco lrirso: ''¿Coamperrio njaji inaiki iocalri piderse?'' 10 Balaam iaco Dio irso: ''Balac, Zipor irri, Moab italricanaa imeenacana noikjaolre, njite lriaco norso cayoji: 11 ''Picapa, njaji inaiki inocaperri Egipto lrikjoite napakjanta njopaite namaimaca sho. Panaya, pia picaite maatsi nanaco njaji inaiki aimadan nonakjoite. Wadetsantja cayocaotsa notaita noaca noinona naacarro nooya. 12 Niini Dio sheepa Balaam cayoji: ''Corrin pitaita piaca nainai njaji atsianai. Corrin pitaita picaiteca yácoti maatsiperri nakjoete njaji inaiki Iraelnai ima Njoaca icadaa yácoti matsiaperri nanaco.'' 13 Balaam icafiawa piyompinaco toa njite lriaco narso njaji caconaperri Balac irsoperri: ''Warsena idiawa jipaite lricojle ima JLIAJI IMINALRITI corrin lricadaa noawa iinai.'' 14 Niini njaji caaconaperri Moab lricoperri nadiawa Balac ikjaolre. Njite naaco lrirso, ''corrin Balaam ioma ínoca wainai.'' 15 Balac ipieta imeenaca papoco pja tsenakja caaconaperri pja naoya njaji initalri pia iacawa. 16 Naocawa Balaam iderse njite naaco lrirso: ''Balac, Zipor irri icaite cayoji: ''Macadatsa pada ifarroca pjia wadentja corrica píno noderse, 17 Ima nocaoñaotsa matsia pjia njite nonaitjaotsa pjiomi njaji pinalriotsa nonaitjaca. Niini panaya, pinaitja matsiacalri pinoena picaité-acrro maatsi nanaco njaji inaiki nonakjoite.'''' 18 Mitsa Balaam shepana, lriaco narso njaji Balac irsoperri: ''Balac iá cadantja norso jliaji talricanaati dapana nanaitjanda palraata sho njite owirro tsakja, corrin notaita noacawa corri cadaa noMINALRI Dio icadaa noawa, noá-carron tja nonaitja njaji corridalritsa Lrinaa nonaitjaca. 19 Balaam iaco narso: ''Iofa pedatoa tsakja anjí jliadaa deepica jliaji noacarro pja njomi coajica JLIAJI IMINALRITI icaiteca njoa.'' 20 Njite Dio icañjataacawa Balaam irso deepi ricó, lriaco lrirso: ''Náno capoa nainai pjia njaji atsianai, warsa pedaa piawa nainai. Mitsa jliatsaotsa pinaita cayoji Nonaa capisho pinaitjaca.'' 21 Balaam icafiawa piyompinaco toa, lripapi lriofácarrona lri-borron nacó, icaamitsa lriacawa nainai njaji caaconaperri Moab lricoperri. 22 Mitsa cayo cadana, ikena Dio írroa ipojliawa naikjoete. Dio i-angeleni iema iwapana inipo pamoyoa Balaam jiponda capishon, jliaji yaacadawa lri-borron nacó. Njite njaji yamadade Balaam irsoperri naa tsakja lriinai. 23 Njite jliaji borra inarrona, Balaam iacarrona, rocapa jliaji wa-MINALRI i-angeleni lriemacawa inipolrico, jlipa lrimatsetan jlitandetsa lriarropa ioya. Niini rsoaji lri-borron romotowa inipo ioya roacarroa awacada lricotsa. Niini Balaam iñaaca rsoaji borro rodiácarrowa inipolicojle tsenakja. 24 Njite jliaji wa-MINALRI i-angeleni lriemacawa napia tsoopeki cawa inipo nakinikerre cawa, niini lrirsoca lridana atsialriema nacó njite inarroema nacó tsakja. 25 Rsoaji borro ropieta rocapaca tsenakja jliaji wa-MINALRI i-angeleni. Niini rsoecocawa lridana nacó niini roma Balaam icawapa iñaacacawa lrinacó. Njite Balaam ipieta tsenakja inocano. 26 Njite jliaji Dio i-angeleni lria pja lriemawa napeyajlepja tsokjaicawatsa jliaji inipo corricawenatsa pataita pjenacawa lrioya. 27 Rsoanji borro rocapa lriemacawa inipolrico jliaji Dio i-angeleni, niini rsowacawa rorsoawa Balaam iapiya. Ikena kerroaca maatsiana Balaam rokjoete, niini lriñácano jliecote shó. 28 Ikena JLIAJI IMINALRITI imjeco ronoma jliaji borro caací carrono. Roaco Balaam irso: ''¿Cocao nonaitja maatsi pirso cayó-carro piinoca njoa madalripiapena? 29 Balaam sheepano, lriaco: ''Ima picaaca noicao. Norso cadantja paita malriye nocaapi ricó, icaminantja noinoca pjia.'' 30 Njite rsoaji borro iaco Balaam irso: ''¿Capja corrica njoaca pi-borron pianji carrona oopi rikjoite atee panashete toa? ¿Capja cayo manacatsa nonaitjaca pjia?'' Balaam sheepano: ''Corrin.'' 31 Njitena Dio icadaa namjecoacawa njaji Balaam itjí, niini lricapaca Dio i-angeleni iemacawa inipolrico lrimatsetan yaapiya jlitandena lriarropa ioya. Balaam iyamjeta ketsa jliwida njite jliwa lriorsoawa jiipai nacojle tjewacajle lrinoma. 32 WAMINALRI i-angelre iaco lrirso: ''¿Coadadao piinoca rsoaji pi-borron madalripia shopena? Pianjí-carro, nonoca pikjoete picoema sho ima corrica matsiaca Nocapa njaji pinaitjalri Nokjoete. 33 Rsoaji borro rocapaca Njoa madalripiape niini rsoenaca Nooya. Corri cadaa pia rsoena Nooya, oopinantja Noino pjia, mitsa corrintja noinoca rsoaji pi-borron.'' 34 Balaam iaco lrirso jliaji WAMINALRI i-angeleni: ''Nonaitja dekja maatsi. Corrin noanjí piemacawa nocoema shó inipolrico. Niini pana jliaji, nodiacawa njoapodamwa.'' 35 Mitsa jliaji jliaji WAMINALRI iangeleni iaco Balaam irso: ''Warsena piawa naapiya njaji atsianai. Mitsa nja tsaotsa picaite njaji yácoti Nonaalri picaiteca.'' Niini Balaam iácatsa nainai njaji Balac irsoperri. 36 Njite Balac jimi cádanaco Balaam inokena, lrimoto yacaalre Moab lrikjoite lriá-carro lricoadatani Amón lricó, jlipaite jinaa iocacawao. 37 Balac iaco Balaam irso: ''¿Capja corrica nomeenaca nonaikite naacarroi nainai pjia? ¿Coada corrin pino noderse? ¿Capja piwaada corrica notaita nocaoñaca pjia?'' 38 Niini Balaam sheepa Balac, lriaco lrirso: ''Picapena, opina nono pikjaolre. ¿Capja piwaada notaitaca nocaiteca cocacatsa nooma nocaiteca? Icaamitsa notaita nocaiteca njatsa njaji iacoti Dio icadaalri imotocawa nonoma lrikjoite.'' 39 Balaam iawa Balac iapiya Quiriat Huzot lricojle. 40 Ikena Balac iinoca aima buey, oveja tsakja njite lria tsakja Balaam injao nanacope, narso tsakja njaji Balaam iinaiperri yamadade. 41 Piyompinacojlena, Balac idee Balaam yenondalri nacojle nanaitjanda Baal irso. Icatsa njite Balaam itaita pia icapaca padapena nanakjoite naofacawa toa njaji iraelitanai.
1 Balaam iaco Balac irso: ''Pinaitja norso sietena altar anji njite pimatsieta sietena toro njite siete cordero.'' 2 Ikena Balac inaitja cayoji Balaam inaa capisho lrinaitjaca. Njite Balac, Balaam iapiya nacadaa apana toro njite apana cordero nanaco njaji altar nacoanaa. 3 Njite Balaam iaco Balac irso: ''Piema pi-ofrenda imacadawa icodapi njite noá noaca pioya. Wadetsa DIo inoca icapa noikjaolre. Coca cadatsa Dio icañjata nocapa nocaiteotsa pjiiomi.'' Ikema Balaam iacawa njite jlirrawa apana jiipana ípolrico meyoni nacó. 4 Jiipana ípolrico cádanaco piatoani, Dio íno lrikjaolre, njite Balaam iaco DIo irso: ''Njorreta sietena altar, njite nocadaa apana toro njite apana cordero apana nacó nacoanaa.'' 5 Njite Dio icadaa pada yácoti nanjishopa Balaam inoma lricó, lriaco cayoji: ''Pidiawa Balac ikjaolre, njite caacoatsa pjuia lrirso.'' 6 Balaam idiawa Balac iderse jliaji yemacadawa lri-ofrenda imacadawa icodapi, njite pjiomi njaji Moab jiwidapo tsakja lriinai. 7 Njitedalri Balaam inita caacoca lrinoparrota cádanaco, lriuaco cayoji: Balac ideca njoa Aram lrikjoite, jliaji jiipana italricanaa jérri imoto kema nakjoite. lriaco norso cayoji: ''Caaco pjia mátsi Jacob nacó noikjaote. Piema Irael ikjoete.'' 8 ¿Coajintja caaco njoa maatsi nanaco njaji ciorriperritsa caaco Duio maatsi inacó? ¿Coajintja noemaca nacoete njaji corriperritsa Dio iemalri ikjoete? 9 Yenonjite jiipada nakjoite nocapa lriemacawa; jiipana nakjoite nocapani. Picapana, pacoa yacalre tsocoe tsa, tecodalritsa pjiomi ioya njite corrin pacapacana pacoa yacalre capishontjana. 10 ¿Coca itaita iniwetaca njaji Iraelnai cayoperri aimadanca jiipai shó, njite njaji corrin naocawa pamoyoa narsó? ¡Picadaa mayamica njoa matsia mayami capisho njaji inaiki matsiaperritsa. Njite picadaa nowayacaacawa cayotsa nacayosho.'' 11 Balac iaco Balaam irso: ''¿Ccao jliaji pinaitjalri? Nodee pjia ajerreji picaitecarro maatsi mátsí-carro njaji nocoema, mitsa pjia, icaamitsa caacoca matsia nanaco.'' 12 Balaam shepani, lriaco: ''Norsotsa noajica matsia notaitá-carro nomotoitaca nonomalrico njatsa njaji yacoti Dio icadaalri cacoca njoa inacó.'' 13 Njite balac iaco lrirso tsenaja: ''Pinaitja matsiacalri, pino noinai pafe ricojle picapacawana lrikjoite matsia. Picapá crroatsa njite pjiomina ima njacatsa picapa njaji tsomiperritsa. Icatsaotsa picaitecaotsa maatsi nanacó noikjaote.'' 14 Niini lrideeca Balaam Zofim (pacapacawa) lricojle, lripolrico nacojle jliaji jiipana Pisga, njite lrinaitja pja tsenakja nirse sietena altar. Lriino nanaco apanape toro njite apanape cordero nacoanaa njaji altar. 15 Njite Balaam iaco Balac irso: ''Piema pi-ofrenda imacadawa icodapi, noá cadana toa nowapa Dio iorroco noikjaolre.'' 16 Ikena Dio iorroco Balaam ikjaolre njite lricadaa lrinoma lricó iacoti lricaiteoda. Lriaco: ''Pidiawa Balac ikjaolre picaité-carro lrirso njaji iacoti Nonakjoitedalri lrirso.'' 17 Balaam idiawa Balac iderse jliaji yemacadawa lri-ofrenda imacadawa icodapi, njite pjiomi njaji Moab jiwidapo tsakja lriinai. Njite Balac iaco lrirso: ''¿Coaji Dio iaco pirso?'' 18 Ikena Balaam inita inoparrotaca, lriaco: Pjinico pjimi piicao Balac. Pjimica norso, pjia Zipor irri. 19 Corrin atsiaca jliaji Dio, niini corrin Lritaita lricashataca, corrin tsakja atsia yenipecani niini corrin Lritaita lritecojletá lriwaopiakje lriaco ioya. Corrin coancaojlica lrimaodacaca lrioya jliaji lricaiterri. Coca cadaa lricaite lrinaitjaca, Lrinaitjani. Njite njaji lricaiteji Lrinaitjacaotsa, corrin Lrimaodaca lriacoam ioya. 20 Piají-carro, icamitsa notaita nocaiteca iacoti matsiaperri matsiácarro. Dio icadaca pada matsiadalri, njite corrin notaita njopaca nonacoani. 21 Corrin Nocapa maatsídalri, corrin tsakja nacatsataca Njoa njaji iraelitanai, Jacob iyacalre. Njite nainai catsa Naminalri Dio, njite catima nawanaca nají capoa nainaica Natalricanaa. 22 Dio jitana Egipto lrikjoite jídati mataita canaadalri shó. 23 Corrin pacapa malrirricalri jiida itaita cada Jacob ikjoete, corrin pacpa pada inoparrotakjeti itaita cada imatsicaca Irael. Mitsa, icamitsaotsa nacaiteca nanaco cayoji: ¡Icapa coajica matsiaca Dio inaitjaca Iraelnai irso!'' 24 Picapa, njaji inaiki aimadan njenicocawa yawi kerroaperri shó naoma cádanaco nainjao. Corrin lrimacaca lriwini, lripinetana a kjerreca nainoni njite nairra tsakja nawini írrana.'' 25 Njiye Balaciaco Balaam irso: ''Macaitetsa nanaco yacoti matsiaperri corrin tsakja yacoti matsiperri.'' 26 Mitsa Balaam iaco Balac irso: ''Nocaitenina pirso, icamicatsa notaita nocaiteca njatsa njaji Dio inalritsa nocaiteca.'' 27 Niini Balac iaco Balaam irso: ''Pino nodee pjia pafe ricojlenakja. Wadetsa matsiaca Dio icapaca pjia njite picaité-carro maatsi nanaco noikjaote. 28 Ikena lrideeca Balaam Jiipana Peor ipolrico nacojle, pacapa cawa matsia njiteo jalrapocolri nacojle. 29 Balamam iaco Balac irso: ''Pinaitja norso sietena altar anji njite pimatsieta sietena toro njite siete cordero.'' 30 Ikena Balac inaitja cayoji Balaam inaa capisho lrinaitjaca. Njite nacadaa apana toro njite apana cordero nanaco njaji altar nacoanaa.
1 Balaam icapa cádanaco icamicatsa Dio icadaca yacoti matsiaperri Irael irso, corrinatsa lrinaitjaca cayoji lrinaitja capisho mana, lriomacawa lriñapacana. Icamitsa lricapacana jalrapocolri ikjaolre. 2 Jlirreta lricapa njite lricapa naofacawa lrico njaji Iraelnai, nacoana naofacawa papocope naoyawaca, njite Dio Icaolrini iorroco lrinacó. 3 Njite Lricada lrinoparrotaca cayoji: ''Balaam, Beor irri icaminaotsa caacoca pjia, pjia atsia kjeyadalri yanjica. 4 Caco pjia njite pjimi njaji Dio icaiterri. Picapa piwaopiakje lrico Lricadaji picapa jliaji Kjaidanalri pjiomi ioya, niini pjiwa piorsoawa tjewacajle pinoma jiipai nacojle njite pimjeco matsia njaji pitji. 5 Matsia pacapaca njaji pipanapoco, pjia Jacob; piofacawa lrico, pjia Irael. 6 Napocotacawa jiipai pacoacaita cawa sho, naapanaji capisho potira ooni-caji yamemape,cayocanaji Dio capisho yápana njaji jaico, cedro yema capisho ooni ricó. 7 Ooni imotowa lriarroda lrikjoite, njite napotsietajica matsia ooni sho njaji lriishi. Kjaidadalri pjaca jliaji natalricanaa Agag ioya, njite caconadalrica jliaji lritalricanaaca. 8 Dio ideena Egipto ioya jlidsa kjaidadalri shó. Lriwayaketa caotsa njaji inaiki macacoe lricoperri inoacalriwa lrikjoete. Lriwikjinta nápi. Lriyawitacana lriyawitjioco shó. 9 Lricoajawa yawi shó. yáwi inarrona shó. ¿Cocantja itaita idejitacano? Matsiaca pjiomi njaji inaiki cacoperri matsiaca nanacó, njite matsica njaji cacoperi mátsi nanacó.'' 10 Ikena Balac írroa ipojliacawa Balaam ikjoete niini lritodacani Balaam itji tají nacó. Balac iaco Balaam irso: ''Nowanaca pjia caacó-carro maatsi nanaco njaji nocoema, mitsa, icamitsa caacoca matsia pjia nanaco madalripia. 11 Panaya, warsa pjiena noya pidiá-carro piipana lricojle. Nocaite pia pjia matsia caotsa nocaoñaca pjia, mitsa Dio iwapaca pjia wadee nocaoñaca pjia.'' 12 Njitedalri Balaam iaco Balac irso: ''Nocaite pia narso njaji atsianai pimenacaji nokjaolre cayoji, 13 Balac iá cadantja norso jliaji talricanaati dapana nanaitjanda owirro sho njite palrata sho tsakja, corrin notaita noacawa corri cada Dioca icaite njoa nocaié-carro yacoti matsiaperri o matsiperri, o coca cadantja noomalri nonaitjaca. Icaamitsa notaita nocaiteca njatsa njaji Dio inalritsa nocaiteca.'' O ¿Capja corrica cayoca noaco narso? 14 Niini panaya nodiaca pioya noyacalre lricojle. Mitsa nodiaca ipjeya nocaite pirso coajicaotsa njaji inaiki inaitja caotsa narso njaji pinaikite tsoenatsa jalredaoca.'' 15 Balaam inita inoparrotaca cayoji: ''Caacoca pirso Balaam, Beor irri, jliaji kjeyadalrica yajica. 16 Lrinoparrotaca jliaji apada jimicada Dio iaco, pada yajicada lrinaco jliaji Yenonrse-dalri pja pjiomi ioya, jliaji icapacada lriwaopiakje ricó lrinaco jliaji Kjaidanalri pjiomi ioya, jliaji iorsoacawa tjewacajle lrinoma jiipai nacojle, njite jliaji imjecocada itjí matsia. 17 Nooma nocapaca, mitsa corrin pacapacani panaya. Nocapa catjani, mitsa teecocani. Pada jiwirsida imotoatsa Jacob ioshete, njite pada talricanaati jinicoatsawa Irael nakjoite. Jlia watsa iwayaketa naapiyawanai njaji Moab lricope njite lriwayaketacaotsa pjiomi njaji Set inakjoite-perri. 18 Njite-dalri watsa Irael iyadacaotsa Moab, cayo tsakjaotsa Seir, Irael iyada caotsa tsakjani, njaji Irael icoema, lrino caotsana matsicalri ricó. 19 Pada corridalritsa Jacob inakjoite imotoatsa njite jliawatsa yanjí inacó, icatsaotsa jliaji inolri caotsa njaji yomjé-perri nayacalre ricó.'' 20 Balaam icapa Balac irso njite lrinita lrinoparrotaca. Lriaco cayoji: ''Caconadalri pja piaca Amalec naoya njaji apacoa yacaalre macacoeperri, mitsa nawayaketa caotsa pjiomina. 21 Njite Balaam idia icaboco icapa naokjaolre njaji Queniytanai njite lrinoparrotaca nanacoi: ''Ajádalrica taimí-dalrica jliaji piyacalre, jiipadaca jliaji pimacawa lricó. 22 Mitsa nawayaketa caotsa Caín Asiria idee caojli presona.'' 23 Njite Balaam inoparrota piketem. Lriaco: ''¡Kjenaperrica sha! ¿Cocaotsa yomje Dio íno cádanacoenaotsana? 24 Nanoatsa njaji íta macafialripe Quitim kema nakjoite; Nainoatsa Asiria njite naino tsakjaotsa Heber, mitsa nawayaketa tsakjaotsana pjiomi.'' 25 Ikema Balaam idiacawa lrioya. Lriocawa lripana lricojle, njite Balac idia tsakjawa.
1 Njaji Iraelnai naoca toa naofawa Sitim lricó, njite njaji atsianai nanaitja maatsi naapiya njaji inaitjepe Moab lricoperri, 2 ima njaji moabitanai nainaicana nainí-carro maaficalri nadiote imaimaca irso. Ikena njaji Iraelitanai nainjá naapiya njite naorso tsakja tjewacalre nanoma jiipai nacojle moabitanai idiote ipeyajle. 3 Njaji inaiki iraelitanai, naawa nainai naacarro matsiadalri Baal-peor irso, njite Dio írroa ipojliawa Irael ikjoete. 4 JLIAJI IMINALRITI iaco Moise irso: ''Piino pjiomi njaji Iraelnai iapiyawanai inaitjacape imatsicanaawa njite pipapiotsa nerroa Nopeyajle nacapá carroatsa pjiomina, njite cayoatsa noirroa idiawatsa Iraelnai ikjoete.'' 5 Niini Moise iaco narso njaji apaana Iraelnai iapiyawanai manaitjacapetsa imatsicanawa nainai: ''Icoanamtsa shaa irsotsa iinoca njaji inaiki iacape nainai naacarro matsiadalri Baal-Peor irso.'' 6 Njite, ape atsia nanakjoite njaji Iraelnai idee lriipaneta lrikjoite apama ínarro madianita. Moise icapa njite pjiomi njaji Iraelnai imaimaca, naiya cadanatoa nawacaaca carroda ipananoma lricó. 7 Njite Finees, Eleazar irri, sacerdote Aarón irri, lricapana, niini icaamitsa jlinico napecolrikjoite njaji aimadan, jlipa lricaapi ricó molroco. 8 Njite lripineetana napanaita lricojle, icatsa nirse Finees íno yamadapena; jliaji atsia iraelita njite rsoaji ínarro madianita. Njite icaamitsa yamica Iraelnai ioya jliaji maatsirri imatsica pialrina. 9 Venticoatro mil iraelitanai pia mayami nasho njaji maatsirri imatsica pialrina. 10 Caaco JLIAJI IMINALRITI Moise irso irso cayoji: 11 ''Finees, Eleazar irri, sacerdote Aarón irri, icatsa jliaji imalrica yaamica kerroaca Njoa Iraelnai ikjoete ima kerroaca lricapaca njaji inakjoitepe inaitjacape maatsi Nokjoete. Cayo shopa corrin Noino pjiomi njaji Iraelnai Noirroa lricó. 12 Niini picaite Finees irso cayoji: ''Cayo lricaiteca JLIAJI IMINALRITI: ''Icapa, Nonaitjaca yácoti Finees iinai, Nocadaa caotsa lrimaodacá carroatsa lriofacawa. 13 Lrirso njite narso njaji lridakenai jliapodamperrimi, pada yácoti sacerdoté carroni caidalriwetsa, maatsi capoa lricapaca njaji inaitjacaperri maatsi Nokjoete, Njoa lri-Diote. Lripiyoca namatsicanaa njaji Iraelnai pjiomi.'''' 14 Zimri pia lriipitana jliaji atsia iraelita, Salu irri jliaji mayamirri roinai rsoaji ínarro madianita, pada njewidaapo pia oopi rikjoitetsa lriipaneta irso Simeón poco lricó. 15 Cozbi pia roipitana rsoaji ínarro madianita, Zur íto, pada lripaneta jiwidaapo Madian lricó. 16 Cayoshopa, lriaco JLIAJI IMINALRITI Moise irso cayoji: 17 ''Picapaotsa narso njaji madianitanai picoema shó njite pínoatsana, 18 ima njatsa icapaca shaa njeponda shó maatsi capoa nacapaca irso. Njatsa icadaa inaitjá-carro maatsi jiipana Peor lrico njite roapiya rsoaji nakitsinda Cozbi, madianitanai jiwidaapo iito, rsoaji mayamirro maatsidalri ínocaojli shá jiipana Peor lrico.''
1 Njite mayami cayami njaji inaiki caaco tsenakja Dio Moise irso njite Eleazar irso, jliaji sacerdote Aarón irri. Lriaco lrirso cayoji: 2 Piniweta pjiomi njaji inaiki aimadan, pjiomi njaji irsocaperri vente walria ipeyajle, nacoanam njaji iferrinaipe naapaneta nacó, pjiomi njaji itaitacapena iacawa oowi ricó Irael ikjaote.'' 3 Niini Moise njite jliaji sacerdote Eleazar caaco narso pacoacaitacawa jiipai Moab lrico, Jordán icodapi Jericó lricó, lriaco narso: 4 ''Piniweta njaji inaiki irsocape vente walria napekirrica nacó nakjoite, cayoji Dio inaa capisho Moise inaitjaca njite narso njaji iraelitanai, njaji imotlri Egipto lrikjoite.'' 5 Rubén, icapiatsa Irael irri ipjerriti. Lrirrí Enoc nakjoite namotoa njaji enoquitanai iipaneta poco. Falú nakjoite namotoa njaji falotitanai iipaneta poco. 6 Ezrón nakjoite namotoa njaji hezronitanai iipaneta poco. Carmi nakjoite namoto njaji carmitanai. 7 Icapiatsa njaji Robén poco iipaneta inakjoite-perri, coarenta tre mil seteciento trenta atsianai. 8 Eliab jinirrica Falú. 9 Njite icatsa njaji Eliab yenipenaica Nemuel, Datán njite Abiram. Mitsa Abiram njite Datan icatsa njaji yalriwa Coré shapodam nema caojli pia Moise njite Aarón ikjote naacapoa Dio ikjoete tsakja. 10 Jiipai imjeco lrinoma njite lriñja pjiomina Coré iapiya mayami caojli njaji iacape jliapodam jliawajli. Tiyé imjaita dociento cincoenta atsianai, nacapá-carro naicawa njaji apjetsida. 11 Mitsa corrin mayamica njaji Coré inakjoité-perri. 12 Icapiatsa naapaneta njaji Simeon inakjoite-perri: Nemuel inakjoite-perri, nemuelitanai inakjoite-perri iipaneta, Jamín inakjoite-perri, jaminitanai inakjoite-perri iipaneta, Jaquín inakjoite-perri, jaquinitanai iipaneta inakjoite-perri, 13 Zera inakjoite-perri, zeraitanai iipaneta inakjoite-perri, Saúl inakjoite-perri, saulitanai iipaneta inakjoite-perri. 14 Icapiatsa njaji Simeón iipaneta inakjoite-perri, ventido mil dociento atsianai. 15 Gad poco iipaneta inakjoite-perri: Zefón inakjoite-perri, zeforitanai iipaneta inakjoite-perri, Hagui inakjoite-perri, haguitanai iipaneta inakjoite-perri, Suni inakjoite-perri, sunitanai iipaneta inakjoite-perri, 16 Ozni inakjoite-perri, oznitanai iipaneta inakjoite-perri, 17 Eri inakjoite-perri, eritanai iipaneta inakjoite-perri, 18 Arod inakjoite-perri, aroditanai iipaneta inakjoite-perri, Areli inakjoite-perri, arelitanai iipaneta inakjoite-perri. Icapiatsa njaji Gad poco iipaneta inakjoite-perri, coarenta mil quiniento atsianai pedenirri. 19 Icapiatsa njaji Judá ienipenai Er njite Onán, mitsa njaji atsianai oopi mayamina Canaán jipaite ricó. 20 Icapiatsa njaji apaana Judá inakjoité-perri: Sela inakjoité-perri, selitanai inakjoitéperri, Fares inakjoité-perri, faresitanai inakjoité-perri njite Zera, Seraita ipaneta inakjoité-perri. 21 Njite icapiatsa Fares inakjoité-perri: Herzón inakjoité-perri, naapaneta njaji herzonitanai, Hamul inakjoité-perri, hamulitanai iipaneta inakjoité-perri. 22 Icapiatsa njaji Judá iipaneta inakjoité-perrica, setenta sei mil kiniento atsianai. 23 Isacar poco iipaneta inakjoite-perri: Tola inakjoite-perri, tolaitanai iipaneta inakjoite-perri, Fua inakjoite-perri, funitanai iipaneta inakjoite-perri, 24 Jasub inakjoite-perri, jasubitanai iipaneta inakjoite-perri, Simrón inakjoite-perri, simronitanai iipaneta inakjoite-perri. 25 Icapiatsa Isacar iipaneta inakjoite-perri, sesenta coatro mil treciento atsianai padenirri. 26 Njaji Zabulón iipaneta inakjoite-perri: Sered inakjoite-perri, sereditanai iipaneta inakjoite-perri, Elón inakjoite-perri, elonitanai iipaneta inakjoite-perri, Jahleel inakjoite-perri, jahleelitanai iipaneta inakjoite-perri. 27 Icapiatsa Zabulón iipaneta inakjoite-perri, sesenta mil quiniento atsianai padenirri. 28 Njaji José inakjoite-perri Manase njite Efraín. 29 Njaji Manase inakjoité-perri: Maquir inakjoite-perri, maquiritanai iipaneta inakjoite-perri (Maquir, icapiatsa Galaad jinirrica), Galaad inakjoite-perri, galaditanai iipaneta inakjoite-perri. 30 Njaji Galaad inakjoité-perri, icapiatsa njaji: Jerzer inakjoité-perri, jerzenitanai iipanet, Helec inakjoité-perri, helequitanai iipaneta inakjoité-perri, 31 Asriel inakjoité-perri, asrielitanai iipaneta inakjoité-perri, Siquem inakjoité-perri, siquenitanai iipaneta inakjoité-perri, 32 Semida inakjoitéperri, semidaitanai iipaneta inakjoité-perri, Hefer inakjoité-perri, heferitanai iipaneta inakjoité-perri. 33 Njite Zalofehad, Hefer irri corrin lrirsoca lrienipe atsianai, icaamitsa lrirsoca lriitonaipe. Icapiatsa neepitanaca njaji: Maala, Noa, Hogla, Milca njite Tirsa. 34 Icapiatsa Manase iipanetaca njaji, cincoenta do mil seteciento atsianai namaimaca. 35 Nanakjoite njaji Efraín poco iipaneta: Sutela inakjoité.perri, sutelitanai iipaneta inakjoité.perri, Bequer inakjoité.perri, bequeritanai iipaneta inakjoité.perri, Tahán inakjoité.perri, tahanitanai iipaneta inakjoité.perri. 36 Njaji Sutela inakjoité. perri, icapiatsa njaji: Erán inakjoité.perri, eranitanai iipaneta inakjoité.perri. 37 Icapiatsa Efraín iipaneta inakjoité.perri, trentado mil quiniento atsianai. Icapiatsa njaji José inakjoité.perri, naniwetaji nanakjoite njaji naapaneta pjiomi. 38 Benjami poco iipaneta inakjoite-perri, icapiatsa njaji: Bela inakjoité-perri, belaitanai iipaneta inakjoité-perri, Asbel inakjoité-perri, asbelitanai iipneta inakjoité-perri, Ahiram inakjoité-perri, ahiramitanai iipaneta inakjoité-perri, 39 Sufan inakjoité-perri, sufamitanai iipaneta inakjoité-perri, Hufam inakjoité-perri, hufamitanai iipaneta inakjoité-perri, 40 Njaji Bela yenipenaipe, icapiatsa njaji: Ard njite Naamán. Ard nakjoite namotoa njaji arditanai, njite Naamán iipaneta nakjoite nano njaji naamitanai iipaneta. 41 Icapiatsa njaji Benjami inakjoite-perri, coarenta cinco mil seiciento atsianai. 42 Dan iipaneta inakjoité-perri, Síhan inakjoité-perri, suhamitanai iipaneta inakjoité-perri. Icapiatsa njaji Dan inakjoité-perri. 43 Pjiomi namaimaca njaji suhamitanai inakjoité-perri sesenta coatro mil coatrociento atsianai namaimaca. 44 Njite icapiatsa Aser inakjoité-perrica njaji: Imna inakjoité-perri, imnitanai iipaneta inakjoité-perri, Isúl inakjoité-perri, isuitanai iipaneta inakjoité-perri, Beria inakjoité-perri, beritanai iipaneta inakjoité-perri. 45 Njaji Beria inakjoité-perri: Heber inakjoité-perri, heberitanai iipaneta inakjoité-perri, Malquiel inakjoité-perri, malquielitanai iipaneta inakjoité-perri. 46 Icapiatsa Aser iito iipitanaca jliaji: Sera. 47 Icapiatsa Aser iipaneta inakjoité-perri, cincoenta tremil coatrociento atsianai. 48 Njaji Neftalí iipaneta inakjoité-perri: Jahzeel inakjoité-perri, jahzaelitanai poco inakjoité-perri, Guni inakjoité-perri, gunitanai poco inakjoité-perri, 49 Jezer inakjoitéperri, jezeritanai poco inakjoité-perri, Silem inakjoité-perri, silemitanai poco inakjoité-perri. 50 Icapiatsa njaji Neftalí poco iipaneta inakjoité-perri, coarenta cinco mil coatrociento atsianai. 51 Cayo pia namaimaca njaji atsianai iraelitanai: seiciento un mil seteciento trenta. 52 Caaco jliaji IMINALRITI Moise irso, lriaco cayoji: 53 Piawatsa njepaitewa njaji atsianai nayadawa coajica namaimaca njaji atsianai. 54 Njaji aimaperri pja aima tsakjaotsa njepaitewa, njite tsoperri pjatsa tso pja tsakjaotsa njepaite. Nacoanamtsa njaji naapaneta iawatsa njepaitewa coshoca namaimaca njaji atsianai iniwetaji. 55 Mitsa, jliaji jiipai irsotsa iaca narso ipeconda sho paperra pjaipe. Narsoatsa njepaitewa coajica naferrinaipe poco iipaneta sho oopi. 56 Iawatsa njepaitewa narso njaji naapaneta aimadan njite njaji tsoperri tsakja, iáwatsa coajica paperra pjai ipeconda jiwacawa nanacó.'' 57 Njaji levitanai iipaneta, naniwetaji naapaneta icoam, icapiatsa njaji: Gersón inakjoité-perri, gersonitanai iipaneta inakjoité-perri, Coat inakjoité-perri, coatitanai iipaneta inakjoité-perri, Merari inakjoité-perri, meraritanai iipaneta inakjoité-perri. 58 Leví iipaneta inakjoité-perri, icapiatsa njaji: Libnitanai iipaneta, Hebronitanai iipaneta, mahlitanai iipaneta, musitanai iipaneta, coreritanai iipaneta. Amram iferrimca jliaji Coat. 59 Jocabed pia roipitana sroaji Amram iino, Leví inakjoité-darro, jiicolri nanakjoite njaji levitanai Egipto lricó. Icapiatsa njaji roenipe Amram irso: Aarón njite Moise, njite nakitsidoa Miriam. 60 Njite njaji Aarón yénipenaipe Nadab njite Eliu, eleazar njite Itamar. 61 Mitsa Nadab njite Abiú oopi mayamina naacadanaco namjaita ofrenda Dio irso oopi tiyé imjaitana. 62 Ventitre mil atsianai nanivetaji mayami jliada jecoapi, pjiomi njaji atsianai irsocape pia apapi kerri ipeyajle. Mitsa corri pia naniwetana nainai njaji Iraelnai ima corri piacatsa naa natso njepaiytewa nainaiwa. 63 Icapiatsa njaji Moise njite sacerdote Eleazar iniwetajica. Naniweta pia njaji Iraelnai pacoacaita cawa lrico pia jiipai Moab lricó, Jordán icodapi Jericó lrico. 64 Corrin Moise njite sacerdote Aarón jiyapeta apada atsia naniweta caojli pia njaji Iraelnai jalrapocolri Sinai ricó. 65 Ima Dio icaite piaca nanaco njaji naniwetaji pia narso pioaca mayamicana jalrapocolri ricó. Corrin coca yomje nanakjoite, icaamitsa Caleb, Jefone irri; njite Josué, Nun irri.
1 Njitedalri náno Moise ikjaolre njaji Zelofehad iitonaipe, jliaji Hefer irri, Galaad irri, Maquir irri, Manase irri, Manase poco inakjoite-perri, jliaji Jose irri. Icatsa neepitanaca njaji: Maala, Noa, Hogla, Milca njite Tirsa. 2 Neemawa Moise njite sacerdote Eleazar ipeyajle, napeyajle njaji caconaaperri njite napeyajle pjiomi njaji naofacawenai nawacaaca carroda ipananoma lricó. Naaco narso: 3 "Opi mayami jliaji fanirri jalrapocolri ricó. Corripiatsa jliaca nainai njaji yemalri pia WAMINALRI ikjoete Coré iinai. Mayamicani lrimatsicanaa ikjaote tsa, njite corrin lrirsoca lrienipe atsia. 4 ¿Coadantja weñeta fanirri ípitana lriipaneta ioya corri capoatsa lrirso lriienipe atsianai? Pia fepaitewa njonirri ikitsiñape jipaite inakjoite.'' 5 Niini Moise icaite Dio irso lrinacó. 6 Njite JLIAJI IMINALRITI iaco Moise irso cayoji: 7 ''Ajádalri jliaji nacaiterri njaji Zelofehad ítonaipe, piawatsa njepaitewa nayadao njanirri ikitsiñape jipaite nakjoite, picapaotsa matsia coandalri piaca njanirri jipaitemi nayadá carroni njaji lriitonaipe. 8 Picaiteotsa narso njaji Iraelnai aimadan cayoji: ''Mayami cadaa pada atsia corri cadana piatsa lrirso lrienipe atsia, niini shaa lrikitsiñapemi irsotsa icadaaca lritonaipe irso jliaji jlipaitemi nayadá-carroni. 9 Njite corri cadaa lrirso lritonaipe, narso pedacaotsa iá jliaji jlipaitemi narso njaji lriwenaipe. 10 Corri cadaa lrirso lriwenaipe, irso pedacaotsa iáca jliaji jlipaitemi jlinirri ikitsiñape irso. 11 Corri cadaa jlinirri irso lriwenaipe, irso pedacaotsa iáca jlipaitemi lrikitsiñape tsomeperri lrioya, jliá-carro iyadani. Pada yácoti kjaidadalri narsowalre njaji Iraelnai aimadan nanaitjá-carroni, cayoji lrinaa capisho njoa JLIAJI IMINALRITI.'''' 12 JLIAJI IMINALRITI iaco Moise irso: ''Pjirrawa lrinaco jliaji jiipana Abarim picapá-carro njite jliaji jiipai Nocadaalri narso njaji Iraelnai aimadan. 13 Njite picapa camiotsa jliaji jiipai, icamitsaotsa mayamica pjia piwacaaca carroatsa pjinirrinaipemi iapiya, cayotsaji pipjerri Aarón sho. 14 Cayoatsa Nonaitjaca shaa corri capoa inaitja pia cayoji Nonaa capisho pia inaitjaca jalrapocolri Zin lrico. Ooni imoto caojli pia jiipada ioya, kerroa cádanaco pjia pimatada Norso pinaitja pimatsicanao corri capoa picadaa nacapaca Njoa matsiadalrica njoa njaji Iraelnai aimadan.'' Ooni Meriba Cades lricó jalrapocolri Zin lricoda. 15 Niini caacoca Moise Dio irso, lriaco: 16 ''Pjia IMINALRITI, na-Dioteca pjiomi njaji inaiki jalredaoca lricoperri, pjia carrotsa iniwana pada atsia yajicada nanaco njaji Iraelnai, 17 pada atsia itaita cada ideeca njaji inaiki njite lridieta tsenakja, wadentja maminalri shoca njaji Pinaikite cayoji oveja marsocapetsa iwapacapena.'' 18 Njite JLIAJI IMINALRITI iaco Moise irso: Pjipa pidee Josué, Num irri, pada atsia irsocada lricaolre ricó Nocafica, picadaa-carro picaapi lrinacó. 19 Picadaotsani sacerdote Eleazar ipeyajle nacapa-werrico pjiomi njaji iofacawenai, njite picaiteotsa nacapá-werrico jliá caotsa naapiytawajle. 20 Picadaa jliá carroatsa yanjí nanaco njaji lriofacawenai cayoji picayosho pia njeepá carroatsa lriaco njaji Iraelnai aimadan. 21 Jliá watsa iawa sacerdote Elezar ipeyajle naomá-carro jliaji noomalri nanaitjaca napeeco cádanaco nanjishopa Urim. Jlia watsa yanjí nanaco njaji inaiki lrimenaca cádanaco namotó-carro njite nadiá-carro, cosho lrinacowaacatsa njite nanaco pjiomi njaji Iraelnai, pjiomi njaji lriofacawenai.'' 22 Niini Moise inaitja pjiomi njaji Dio inaalri lrinaitjaca. 23 JLipa lridee Josué sacerdote Eleazar ipeyajle njite napeyajle njaji lriofacawenai. Lricadaa lricaapi lrinacó, njite lricadaa jliá-carro njewidaapo njaji Iraelnai, cayotsaji Dio inaa capisho lrinaitjaca.
1 Lriaco JLIAJI IMINALRITI Moise irso: 2 ''Pinaa njaji Iraelnai cayoji: ''Irsotsaotsa iaca nofrenda Norso jlinana lrico cayoji ianjí capishoena, njaji ofrenda injaoda nakjoite imjaitanda Norso tiyé lricó, jliaji icadaalri pomenica iitan noikjaolre.'' 3 Pirso tsakja picaitecana cayoji: ''icatsa njaji ofrenda, imjaitaji tiyé ricó irsolritsa iaca Dio irso; cordero atsianape pawalria perri ipekirrica nacó marsocapetsa imatsica, yamana padaape nacó, cayotsaji inaitja capisho padape nacó caidalritsa. 4 Inoatsa apana cordero piyompinaco njite apana dainoma nacojle. 5 Njiote icadaotsa nainai yamada kilo harina matsiapedalri aceite napitsiocanda matsia, icatsa ofrenda naiñjaope nakjoite. 6 Icatsa ofrenda namjaitanda Diio irso nanaitjanda jecoapi icoam, Dio inalri pia Moise inaitjaca Jiipana Sinai nacó pia, pomení-carro lriitani jirracawa Dio ikjaolre, icatsa jliaji ofrenda namjaitanda Diio irso. 7 Irso tsakja ideeca ofrenda apjeco litro jaicotjeda iana apana cordero nacó. Njite iarrowatsa ofrenda sho irraodati capoajai Dio irso mamatsicana cawa lricó. 8 Njite jliaji apana cordero, inoatsani dainomajle injaodati iinaitsa, cayotsaji inaitja capisho jliaji piyompinaco nacoda. Ya tsakjaotsa ofrenda irraoda inakjoite lriinaitsa, pada ofrenda imjaitanda, pomení-carroatsa Dio irso. 9 Sabado lrico, irsotsa ínoca Norso yaamana cordero atsianape, pawalria-perri ipekirrica naco, marsocapetsa imatsica, coatro kilko harina matsiaperri, ikewitanda aveite shó, ofrenda matsiaperri sho injaope nakjoite, njite jaicotjeda iana tsakja ofrenda sho tsakja. 10 Icatsa njaji ofrenda imjaitaji irsolritsa iaca sabado icoami, naoya tsakja njaji ofrenda imjaitanda tiyé ricó icadalri mana jalredaoca icoami njite ofrenda nanakjoite njaji irraoda mana tsakja. 11 Apapi kérri inita cádanaco, irsotsa iaca ofrenda imjaitanda Dio irso. Ínoatsa yamana waken, apana carnero, njite siete cordero atsiana pawalria perri ipekirrica marsocapetsa imatsica nadada nacó. 12 Idee tsakjaotsa ofrenda injaodati inakope nakjoite sei kilo harina matsiaperri napatsicanda matsia aceite fiedalri apana vaken icoam; njite apana carnero nacó icadaa coatro kilo harina napatsicanda acete fieda. 13 Yamada kilo harina matsiapedalri nakewitanda aceite sho nacoana njaji cordero. Pada ofrenda namjaitaji, matsia-carro lriitan jirracawa Dio irso, ofrenda namjaitanda tiyé ricó wa-MInalri irso 14 Yamjeco lritrope jaicotjeda iana apanape vaken icoam, apjeco litro apana carnero nacó njite apan litro apana cordero nacó. Icatsa njaji ofrenda imjaitaji kérri icoam pawalria nacope. 15 Icadaotsa apana chivo imatsicana ikjaote Dio irso. Icatsa njaji ofrenda icadalri naoya tsakja njaji ofrenda imjaitaji caidalritsa njite cayo tsakja njaji irraope jaicotjeda iana. 16 Catorce jalredaoca nacó, pawalria inita carropi nacó, icatsa iwacaaca carroaca (Pascua) wa-Minalri irso. 17 Njite kince jalredaoca nacó irsotsa icatimataacawa. Siete jalredaoca watsa iñjaca peetje mewipetsa. 18 Inita cadaa iwacaacawa iá-carro matsiadalri Dio irso. Corritoatsa itaita idenjica idenjicalre lrico jliadaa. 19 Mitsa, irso tsakja ínoca apana maaficalri imjaitanda tiyé ricó, ofrenda imjaitanda tiyé ricó Dio irso. Inioatsa yaamana waaca tsoni toa, apana carnero, njite sietena cordero pawalria perri ipekirrica nacoana, matsianipe. 20 Njite nainaitsa njaji waken, irso tsakjaotsa iaca sei kilo harina matsiaperri ikewitanda aceite sho, caiminitsa nacoana njaji cordero. 21 Nacoana njaji siete cordero, icadaotsa yamada kilo harina aceite fieperri, 22 njite apana chivo ofrenda sho imatsicanaa ikjaotenadalri, jliitá-carro imatsicana ioya. 23 Irsotsa ideeca njaji ofrenda maaficalri ínoji caidalritsa piyompinacope icoam cayoji yaji capishoena. 24 Cayoji yanjí capisho nadananda paperra lricó, irsotsa ínoca njaji maaficalri jalredaoca icoam, siete jalredaoca nacó Pascua cádanacó, njaji injaodatí imjaitaji tiyé ricó, jlirraotsa pomeni sho Dio irso. Iá tsakjaotsa njaji ofrenda namjaitaji inaitjanda mana njite njaji jaicotjeda iana tsakja. 25 Siete jalredaoca nacojlena iwacaacawa padenirri iá-carro matsiadalri Dio irso. Corrin itaita idenjica jliadaa jecoapica. 26 Cayo tsakjaotsa inita cádanacoatsa ipania ínaca nainitaji nainacaca, iá cádanacoatsa ofrenda ipania ínaca nakjoite Dio irso, lri-ricoanja iwacaacawa icatimataacacawa lricó, irsotsa iwacaacawa iá-carro matsiadalri Dio irso, Corrin watsa itaita idejica jliada jecoapica. 27 Imaitaotsa ofrenda tiyé ricó pomení-carro lriitan Dio irso. Irsotsa inoca yamana vaken, apana carnero, njite sietena cordero atsiananape pawalriaperri ipekirrica. 28 Icadaa tsakjaotsa ipania iinaca nakjoite nakitsiñapewa: harina matsiapedalri aceite fieda, sei kilo harina matsiapedalri aceite fieda apana vaken icoam, njite coatro kilo harina matsiapedalri apana carnero icoam. 29 Njite iáwatsa yamada kilo harina matsiapedalri aceite fieda apanape cordedro nacó, 30 njite apana chivo iitashopa imatsicana. 31 Icadaa cádanacoatsa njaji maaficalri mamatsicanaapetsa, nainaitja njaji i-ofrendani jaicotjeda irrandaji, maaficalri imjaitaji tsakja icadajipe caidalritsa njite nainaitsa njaji ofrenda ipania iinaca iapiya.''
1 Siete kérri nacó, lriniitacadaa jliaji kérri, irsotsa iwacaacawa iá-carro matsiadalri Dio irso. Corrin itaita idenjica jliadaa jecoapica. Jliadawatsa ipjiaca kjemá-carro iotrompetani. 2 Irsotsa ideca pada ofrenda imjaitanda pomení-dalri jirrá carrowa Dio ikjaolre. Irsotsa ínoca apana vaken, apana carnero njite sietena cordero pawalriaperri ipekirrica naca, marsocapetsa imatsica. 3 Icada tsakjaotsa nainai ofrenda ipania inaca nakjoite, harina matsiapedalri aceite fiedalri,sei kilo apana vaaca icaona, coatro kilo carnero icaona, 4 njite yamada kilo nacoamitsa icaona njaji sietena cordero. 5 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 6 Inaitjaoitsa njaji ofrenda sietepi kérri nacó naoya tsakja njaji ofrenda irsolri manatsa iaca walripi kérri inita cádanaco mana: Nainaitjaotsa icadaaca njaji ofrenda imjaitaji iwacaaca cádanacoperri lricope napiyatsa njaji ipania inacope inacope. Njite njaji ofrenda inaitjaji mana caidalritsa, ipania inaca nacope, jaicotjeda iana nacope tsakja. Inaitja njaji Dio inalri inaitjaca nanaco njaji ofrenda ponení-perri Dio irso, ofrenda imjaitanda tiyé-rico Dio irso. 7 Die jalredaoca nacó, sietepi kérri naco irsotsa iwacaacawa iacarro matsiadalri Dio irso. 8 Irsotsa icadaaca kjenashotoa, corritoatsa idenjica. Irsotsa inaitjaca pada ofrenda pomenídalri jirracarrowa Dio irso. Irsotsa icadaaca apana vaken, apana carnero njite sietena cordero pawalriaperri ipekirrica. Narsotsa mamatsicana catsa pjiomina. 9 Icada tsakjaotsa nainai ofrenda ipania inaca nakjoite, harina matsiapedalri aceite fiedalri, sei kilo apana vaaca icaona, coatro kilo carnero icaona, 10 njite yamada kilo nacoamitsa icaona njaji sietena cordero. 11 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 12 Quince jalredaoca nacó, sietepi kérri naco irsotsa iwacaacawa iá-carro matsiadalri Dio irso. Corrin itaita idenjica jliada jecoapica, iwacacawa icatimataaca-carroa Dio irso siete jalredaoca. 13 Irsotsa icadaaca pada ofrendea imjaitanda, maficalri imjaitanda tiyé ricó pomenidalri jirracarrowa Dio ikjaolre. Irsotsa icadaaca apana vaken, apana carnero njite sietena cordero pawalriaperri ipekirrica. Marso capetsa imatsica nadada nacó. 14 Icada tsakjaotsa nainai ofrenda ipania inaca nakjoite, harina matsiapedalri aceite fiedalri, sei kilo apana vaaca icaona, coatro kilo carnero icaona, 15 njite yamada kilo nacoamitsa icaona njaji sietena cordero. 16 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 17 Yamadaa jalredaoca naco iwacaacacawa, inoatsa docecena vaken, yamana carnero njite catorcena cordero pawalriaperri ipekirrica, marsocapetsa imatsica. 18 Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. 19 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 20 Madalrida jalredaoca naco iwacaacacawa, inoatsa oncena vaken, yamana cordero njite catorcena cordero pawalriaperri ipekirrica, marsocapetsa imatsica. 21 Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. 22 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 23 Madalrida jalredaoca naco iwacaacacawa, inoatsa diena vaken, yamana carnero njite catorcena cordero pawalriaperri ipekirrica, marsocapetsa imatsica. 24 Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. 25 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 26 Cuatro jalredaoca naco iwacaacacawa, inoatsa nuevena vaken, yamana carnero njite catorcena cordero pawalriaperri ipekirrica, marsocapetsa imatsica. 27 Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. 28 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 29 Sei jalredaoca nacó iwacaacacawa, inoatsa ochona vaken, yamana carnero njite catorcena cordero pawalriaperri ipekirrica, marsocapetsa imatsica. 30 Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. 31 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 32 Siete jalredaoca nacó iwacaacacawa, inoatsa sietena vaken, yamana carnero njite catorcena cordero pawalriaperri ipekirrica, marsocapetsa imatsica. 33 Idee tsakja idee nainai ofrenda ipanaia nacope, jaicotjeda nacope naicaona njaji vaken, carnero. njite njaji cordero, inaitja njaji ofrenda caytsaji nanaa capisho inaitjaca. 34 Irso tsakja ideeca apana chivo ofrenda imatsicana ikjaote. Lrioya tsakja jliaji ofrenda imatsicana ikjaotedalri iita shopa imatsicana iinolri mana jliadaa, maaficalri imjaitanda, njaji ofrenda ipania iinaca nacope njite jaicotjeda iana nacope tsakja. 35 Ocho jalredaoca nacó, irsotsa iwacaacawa padenirri sha. Corrin itaita idenjica jliada jecoapica, iwacacawa icatimataacacarroa Dio irso siete jalredaoca. 36 Irsotsa icadaaca pada ofrendea imjaitanda, maficalri imjaitanda tiyé ricó pomenidalri jirracarrowa Dio ikjaolre. Irsotsa icadaaca apana vaken, apana carnero njite sietena cordero pawalriaperri ipekirrica. Marso capetsa imatsica nadada nacó. 37 Irsotsa icadaca pada ofrenda ipania inaca nacope, jaicotjeda nacope lricaona jliaji vaken, carnero njite narso njaji sietena cordero, inaitja cayoji nanaa capisho inaitjaca njaji ofrenda. 38 Irsotsa icadaaca tsakja apana chivo ofrenda imatsicanaa ikjaote, naoya tsakja njaji ofrenda imjaitaji mana caidalritsa, ofrenda ipania inaca inacope njite jaicotjedainacope tsakja. 39 Icatsa njaji irsolritsa iaca Dio irso iwacaaca cádanacoa cayoji nacadaa capisho irso. Icatsa njaji irsolritsa inaitjaca lrinaco jliaji icaiterri inaitjacaotsa jiwacawaacatsa icaolre rikjoite. Irsotsa iaca Dio irso njaji ofrenda imjaitaji, ofrenda ipania inacope, jaicotjeda nacope njite ikitsindajicawa sha matsia iapiyawaca.'' 40 Moise icaite njemi njaji inaiki aimadan nanaco pjiomi njaji Dio inaalri icaiteca narso.
1 Caaco Moise narso njaji Iraelnai poco jiwidaapo. Lriaco narso: ''Cayo Dio inaa panaitjaca: 2 Pada inaitja cadaa pada yácoti Dio iinai, o lricaiteca yácoti ajádalri shó cocaca lrinaitjalri, corriotsa lritaita lrimacoadataca lriacoam. Lrirsotsa lrinaitjaca pjiomi cayoji lricaite capisho lrinoma shó. 3 Apama ínarro yofa cada toa rsonirri ípana lrico njite ronaitja pada yácoti Dio iinai rsowacatsa inaitja rorsowao pada rorsolritsa ronaitjaca, 4 Njite rsonirri jimi cada jliaji yácoti ajádalri ronaitjalri rsowacatsa rorsowao, njite corrin lricaiteno wadee ronaitjacani, niniotsa pjiomi njaji yácoti ronaitjalri rorsotsa ronaitjaca cayoji rocaite capisho. Corriotsa lriñá-carroca rooya jliaji yácoti rocaiterri ronaitacaotsa. 5 Mitsa rsonirri jimi cada jliaji yácoti ajádalri ronaitjalri rsowacatsa ronaitjá-carro, njite corrin lricaiteno wadee ronaitjacani, niniotsa pjiomi njaji rocaiterri ronaitjacaotsa corriotsa yaami-carroca rooya, ima ronaitjandaca rorsowao. 6 Mitsa, rsonirri jimi cadaa pjiomi njaji rocaiterri ronaitjacaotsa njite njaji yácoti ajádalri macádalri rorsolritsa ronaitjaca rsowaacatsa, njite jliadatsa rocaite corriketsa ronaitjaca, niniotsa corritsa capamna carroca rorso. WAMINALRI icadaotsa jiyapawa rooya ima rsonirri icaite rorso wadee ronaitjacani. 7 Rokjeyapita cadaa cainirricano ronaitja cadaana yácoti rorsolri piatsa ronaitjaca, njaji yácoti ronaitjalri corriotsa njeyapá carroca rooya, caicarromcatsa njaji yácoti. 8 Mitsa roinirri iyamita cadaa rooya juliadatsa jlimica lrinaco jliaji yácoti ronaitjalri, niniotsa roinirri iyamitaca rooya njaji romalri piatja ronaitjaca, njaji yácoti rokjeyapitanda romotoetaca ronoma lrikjoite rorsolri piatja ronaitjaca. Jliaji WAMINALRI corrinatsa lriwaada carrocani. 9 Mitsa madoiyoam cadaa rsoaji ínarro o roinirri imacanda cadaano, pjiomi njaji yácoti ronaitjalri rorsowao corriotsa njeyapacá carroca rooya, caafi catsaotsana rokjoete. 10 Apama ínarro inaitja cadaa pada yácoti ronaitjaoda roinirri iipana lrico, 11 njite roinirri jimi cadaa jliaji ronaitjalriotsa mitsa corrin coca lricaite rorso, corrin lrifarro rooyani, niini pedaotsa rorsotsa ronaitjaca jliaji rocaiterri ronaitjacaotsa, corriotsa jliyapá carroca rooya. 12 Mitsa roinirri iyamita cadaa rooya jliadatsa jlimica conjica rocaiteca, niniotsa pjiomi njaji yácoti imotolri ronoma lrikjoite corri-natsoatsa cacoada carroca rorso. Ima roinirri jimicano njite lrimacoadata rooya. Dio jiyapeta caotsa rooyana. 13 Rsoaji íanarro inaitja cáda pada yácoti jliaji ifarrolrimtja ronaitjaca pada roinirri itaita iyamitaca rooyani. 14 Mitsa corri cadatsa coca lricaite rorso jalredaoca icoam, corri capoa coca lricaite rorso niini pedaotsa rorsotsa ronaitjaca pjiomi njaji yácoti rocaiterri ronaitjaca. Roinirri icadaa ronaitjá carro pjiomi maaco capoatsa rooyani jlimi cadanatsa njaji rocaiterri. 15 Njite roinirri ioma cadaa lriyamita catja rooya njaji yácoti rocaiterri ronaitjaca wiá cayamina jlimica coajica rocaiteca, jliá watsa idee lrinacoa pjiomi romatsicanaa.'' 16 Icatsa njaji yácoti naofá-carro matsia WAMINALRI inaa Moise irso lricaite-carro narso njaji yácoti kjaidá-perri pada atsia irso njite lriino yapiya, pada jinirriti irso lriito yempeti toa yapiya rofá cádanacotoa rsonirri iipana lrico.
1 Lriaco jliaji IMINALRITI Moise irso: 2 ''Pinoatsa njaji madianitanai nacoadawa njaji nanaitjalri iraelitanai irso. Njite pino cayamina, icamitsaotsa mayamica pjia piwacaaca carroatsawa naapiya njaji piferrinaipemi. 3 Ikena caacoca Moise narso njaji inaiki aimadan. Lriaco narso: ''Piwiaca naapiya njaji pinaikite nácarroatsa nainoacawa Madian ikjoete njite cayoatsa Waminalri ioma nacoadawa njaji nainoji. 4 Mil tsolrodaonai watsa nameenaca nacoami njaji Irael poco nácarro oowi ricó.'' 5 Niini njaji tsolrodaonai aimadan iraelitanai, mil-pe iacawa nanakjoite oowi ricó, niini doce mil-ca namaimaca padenirri. 6 Ikena Moise imeenacana oowi ricó, mil-pe naacawa, Finees, sacerdote Eleazar irri iá nainai, njite nadee apadapena inaniti Dio ípana lrikjoite njite njaji trompeta lri-ricope napjiá-carro najishopa. 7 Nainoacawa Madian ikjoete, cayotsaji Dio ina capisho pia Moise inaitjaca. 8 Naino pjiominjaji atsianai. Naino pjiomi njaji talricanatinai Madian lricope nainaitsa njaji nanaikite: Evi, Requem, Zur, Hur njite Reba, njaji cincode talricanaatinai Madian lricope pia. Naino tsakja matseta shó Balaam, Beor irri. 9 Njaji tsolrodaonai aimadan nadee preso njaji inaitjepe Madian lricope, neenipe, na vacan pjiomi, nápirra, njite pjiomi nayarro. Nadee pjiomi naoya. 10 Namjaita pjiomi nayacalre naofacawa lrico pia, pjiomi tsakja napana poco naofacarroji manawa. 11 Njepa naoya pjiomi nayarroaji njite njaji napresotaji pia, inaiki njite maaficalri tsakja. 12 Nadee Moise irso, sacerdote Eleazar isro njite naikjaolre njaji inaiki aimadan iraelitanai njaji inaiki napresotaji, nayarroaji, pjiomi njaji narsonipe. Nadee pjiomi naofacawa lrico piatoa pacoacaitacawa lrico jiipai Moab lrico, tsomi Jordán ioya Jericó icodapi. 13 Moise njite sacerdote Eleazar, pjiomi tsakja njaji papocoperri iofacawa iapiyawanaipe nácarro nacoadatana naofacawa lricojle pemajle. 14 Mitsa kerroa jliaji Moise naapiya njaji tsolrodaonai jiwidaapo, njaji comandantenai isocape mil ipeyajle nanaikite njite njaji capitamanai irsocape cien ipeyajle nanaikite, njaji yacapewa owi ricojle. 15 Moise iaco narso: ''¿Coada icadaa cafitsa njaji inaitjepe?'' 16 Icapa coaji piaca nanaitjaca Iraelnai irso njaji inaitjepe, Balaam icadaa pia narso iacoti, niini nanaitja piaca namatsicanawa Dio ipeyajle Peor ikjaote, niinicarro mayamica njaji Dio inaikite papocoperri iofapiacawa. 17 Pino pjiomi njaji atsianai pekipenaina, njite pjiomi njaji inaitjepe jiyapacapena atsia iapiya. 18 Mitsa jipaotsa irsowao njaji inaitjepe walridarrope toa mjeyapacape toa atsia yapiya. 19 Iofa toatsa pemajle lrioya jliaji iofacawa siete jalredaoca icoa. PJiomi njaji inocape inaiki, o inotacada pada mayamdalri, irsotsa imatsietacawa madalridaa jalredaoca nacó, njite siete jalredaoca nacó inaotsa namatsietacawa njaji ideji preso. 20 Imatsieta tsakjaotsa njaji itsayani, njaji inaitjaji maaficalri iyam sho, cabra iyo sho, njite pjiomi njaji inaitjaji jaico sho tsakja.'' 21 Sacerdote Eleazar iaco narso njaji tsolrodaonai iacape piawa oowi ricojle: ''Icapiatsa pada yacoti kjaidadalri Dio icaiterri pia Moise irso lrinaitjá-carro. 22 Njaji owirro, palrata, bronce, tsípalra, namanta shopa mocafepe, mocafepe, 23 njite pjiomi njaji corri-perri icodowa tiyé shó, imjaitaotsana, niniotsa matsiacana. Njiteotsa pimatsietana lrisho jliaji ooni matsiadalri picotsoshopa mana. Pjiomi njaji imacapewa pimatsietaotsana lrisho jliaji ooni. 24 Icotsoatsa itsayani siete jalredaoca nacó, Ikenaotsa matsiacana. Njitenaotsa itaita idecana iofacawa lrico sha Iraelnai.'' 25 Njite Dio iaco Moise irso cayoji: 26 ''Piniweta pjiomi njaji ideji njite, njaji inaiki njite njaji maficalri. Pjia, sacerdote Eleazar njite njaji Iraelnai jiwidapo naapaneta icoam. 27 Pjienetaotsa njaji nadeji yamapocowa. Narso njaji tsolrodaonai iacapemi oowi ricó njite naapiya njaji inaikinai Irael lricoperri. 28 Njite picadaotsa nacaoñacacawa njaji tsolrodaonai iacapewa oowi ricó naikjaote njaji narsolri nataitá carroatsa naaca Norsoni. Naawatsa quiniento nakjoite pada inaiki, vaaca, borro, oveja, cabra tsakja. 29 Nanakjoite njaji pamoyoaperri nacaoña shopa njite piawatsana sacerdote Eleazar irso pada ofrenda idenipe Norso Nopeyajle. 30 Njite pamoyoa nakjoite njaji Iraelnai jitaji nacoema ioya, jitaotsa padape cincuenta nakjoite inaitjepe, vaaca, oveja, cabra. Iawatsa narso njaji levitanai nawapa shopa jliaji noopana.'' 31 Niini Moise njite sacerdote Eleazar nanaitja cayoji Dio inaa capisho nanaitjaca. 32 Njaji njepalri pia njaji tsolrodaonai icapiatsa njaji: sesenta cinco mil oveja, 33 setenta do mil buey, 34 setenta un mil borro, 35 njite trenta do mil inaitjepe walridarrope mjeyapacape atsia iapiya. 36 Njite njaji njenitalri narsowawa njaji tsolrodaonai treciento trenta siete mil oveja namaimaca. 37 Njite njaji oveja Waminalri iyape icapiatsa njaji, seiciento setenta cinco mil oveja. 38 Trenta sei mil buey, njite njaji nacaoñashopa Waminalri irso setenta do. 39 Trenta mil quiniento namaimaca njaji borro njite nanakjoite njaji sesenta uno WAMINALRI iyapecana. 40 Diesisei mil inaitjepe njite trenta do nanakjoite njaji inaitjepe WAMINALRI iyapecana, nacaoñaca shopawa. 41 Moise jipa njaji nacaoñaca shopa pjiomi ofrendawa lrideoda DIo irso. Lriana sacerdote Eleazar irso, cayotsaji Dio inaa capisho Moise inaitjaca. 42 Mitsa nayape njaji papoco Iraelnai, nanakjoite njaji Moise iniwa pia nacarro oowi ricó, 43 icapoiatsa namaimaca cayoji, treciento trenta siete mil quiniento oveja, 44 trenta sei mil buey, 45 trenta mil quiniento borro, 46 njite diesisei mil inaitjepe. 47 Nanakjoite njaji diesisei mil Iraelitanai ipamoyoaca, Moise jita naoya padatsa cincoenta nakjoite, coshoca atsianai njite maficalri tsakja. Lriana narso njaji levitanai njaji iwapacape Dio ipana, cayotsaji Dio inaa capisho Moise inaitjaca. 48 Njite njaji tsolrodaonai iapiyawanai, njaji comandantenai irsocaperri mil ipjeyajle nanakite, njite njaji capitamanai irsocaperri cien ipjeyajle nanaikite, naawa Moise iderse. 49 Naaco lrirso: ''njaji pirsoperri naniweta pjiomi njaji atsianai warsoperri, corrin njeyapa apada atsia nanakjoite. 50 Wadenina njaji ofrenda Dio iyarrope, naokenatji nacoamitsa njaji atsianai, nanaitjaji owirro sho, nanaapapi, nacapirro nakjenanata shopa, njentada, napatjepi naita shopa wamatsicana waoya Dio ipeyajle. 51 Moise njite jliaji sacerdote Elezar jipa nakjoete pjiomi njaji owirro njite pjiomi nayeca nanaitjaji. 52 Pjiomi njaji ofrenda naaji Dio irso, njaji ofrenda naaji njaji comandantenai irsocape mil ipeyajle nanaikite, njite njaji capitamanai irsocape cien ipeyajle nanaikite, naniwa ciento ochenta cuatro mil kilo padenirri. 53 Nacoanam njaji tsolrodaonai njepa pia inaniti, njepa tsakja inaiki narsowao. 54 Moise njite sacerdote Eleazar njepa owirro naoya njaji comandantenai irsocape mil ipeyajle nanaikite, njite njaji capitamanai irsocape cien ipeyajle nanaikite. Njepa ndeni nacadá-carro naofawa Dio ipana lrico iraelitanai iwadá-carro Dio.
1 Njaji Roben poco njite njaji Gad poco inakjoité-perri narso pia aima na-vacan. Niini naoca cádanacoa Jazer njite Galaad jipaite ricojle, nacapa matsiaca jliaji jiipai nataoñá-carro na-vacan. 2 Niini njaji Roben poco njite njaji Gad poco inakjoité-perri naa caacona Moise iapiya, sacerdote Aarón iapiya njite naapiya njaji caconaperri Irael lricoperri, naaco narso: 3 ''Icatsa neepitanaca njaji yacaalre waalrina wacapa: Atarot, Dibón, Jazer, Nimra, Hesbón, Eleale, Sebam, Nebo njite Beón. 4 Icatsa njaji jiipai wa-Minalri icadaalri faamaca njaji iofacapewa pia niini, njite matsiaca pataoñacawa vaaca niini. Faa pirsoperri, aima warsoca vaaca.'' 5 Naaco pja narso: ''Matsia cadatsa icapaca warso, picadaotsa wayaadá-carro jliaji jiipai, faa pirsoperri. Nacadatsa wayoetaca jliaji ooni Jordán.'' 6 Moise iaco narso njaji Gad njite Robén poco inakjoité-érri: ''¿Capja matsiaca naaca oowi ricó njaji ikitsiñape matsia cadanenantja iofacawa naoya anjí? 7 ¿Corritsa matsiaca inonataca nacaolre njaji Iraelnai naacapoa watsa nainoacawa oowi rico lrikjaote jliaji jiipai Dio icadaalri narsó? 8 Cayo piatsa nanaitjaca njaji jinirrinaipemi pia nomeenaca caojli pia naacarro nacapa jliaji jiipai Cades Barnea. 9 Naawa pacoacaitacawa lrico jiipai Escol lricoda. Nacapa jliaji jiipai niini nainonaataca nacaolre njaji Iraelnai corri capoenatsa naoma naacawa lri-ricoda jliaji jiipai wa-Minalri icadaalri narso. 10 Jliawajli pia aima kerroaca jliaji wa-Minalri. Lrinaitja pada yácoti ajádalri jliawajli, lriaco cayoji: 11 Corriotsa pada sheewá carroca nanakjoite njaji atsianai imotolri Egipto lrikjoite, njaji irsocape vente walria napekirrica nacó ipeyajle lri-ricoda jliaji jiipai nocaiterri iacoti ajádalri sho Abraham, Isaac njite Jacob irso noacaotsa narsoni, corri capoa njeepa matsia Noaco, 12 mitsa Caleb, Jefone irri, cenezeo tairri, njite Josué, Num irri, icaamitsaotsa njaji shewalricaotsa nirse. Ima icaamitsa njaji inaitjalri cayoji Nocaite capisho nanaitjaca.'' 13 Lrikjaote wa-Minalri írroa ipojliawa Iraelnai ikjoete. Lricadaa naajicawa mikjapantsa coarenta walria jalrapocolri ricó, a kjerreca mayami pjiomi njaji inaiki njaacoma njaji corriperrim pia sheepa Lriaco matsia. 14 Icapena shaa panaya, ioma inaitja tsenakja cayoji jinirrinaipemi inaitja capisho pia oopi, inaiki maatsiperri shó, icadaa-carro pja wa-Minalri írroa ipojliacawa Iraelnai ikjoete. 15 Yaami cada sheepaca Dio yaco, Dio icadaotsa Iraelnai yanjicawa jalrapocolri ricó tsenakja njite imaotsa mayamica pjiomi njaji ikitsiñape inakjoitéperri.'' 16 Njite natsoomita pja Moise ikjaolre, naaco lrirso: ''Picadaa wanaitjaca anji corrarra wavacan irso, njite wanaitjaotsa yacaalre taimí-perri waapaneta irso. 17 Mitsa fá, oowinai, corriotsa wamacá carroca njaji wakitsiñape owinai Iraelnai ima waacaotsa nainai oowi ricó, wadia watsa naoya akjerrekenaotsa naofawa nayacalre ricó njepaite ricó. Mitsa waoma naofacawa yacaalre taimíperri lrico faapodam njaji waapaneta, ima niinica toa inaiki yofacape toa anji. 18 Corriotsa wadiá carroca waapana lricojle a kjerrekenaotsa narso njepaite nayadawa njaji Iraelnai. 19 Corriotsa warsó carroca fepaite nainai Jordán pemajle, ima ikena wayadaca jiipaica jliaji ajaitedalri Jordán irsó, wayadaca jliaji jiipai jérri imotokema Jordán irso.'' 20 Niini Moise sheepana: ''Inaitja cadaa cayoji icaite capisho, yaa cadawa oowi ricó Dio ipeyajle, 21 niini pedaotsa nacoanantsa njaji atsianai oowinai nayoetaotsa Dio ipeyajle jliaji ooni Jordán, a kjerrecaotsa Lripeeco pjiomi njaji jliponda Lrioyao, 22 njiite Lriyada caotsa jliaji jiipai. Njite dekjenaotsa itaita idiacawa iipana lricojle. Corrinatsaotsa irso carroca maatsidalri lripeyajle, corrin tsakja napeyajle njaji Iraelnai. Niini iyadacaotsa Dio ipeyajle jliaji jiipai. 23 Mitsa corri cadaa inaitja cayoiji icaite capisho, inaitjacaotsa imatsicanaawa Dio ipeyajle. Ajádalrica jirrapitacaotsa imatsicanaa ikjaote. 24 Inaitja iipaneta iyacalrewa taimí-perri, njite ípirra icorrarraniwa; njite inaitja cayoji icaite capisho.'' 25 Njaji caacoca njaji Gad poco njite Robén poco inakjoité-perri Moise irso: ''Fá pirsoperri, wanaitjaotsa cayoji pinaa capisho wanaitjaca, pjia waminalri. 26 Njaotsa njaji weenipe tsoperritoa, waninai, wápirra, pjiomi wavacan naofa watsa lri-ricoda jliaji yacaalre taimí-dalri Galaad lricoda. 27 Mitsa , faa pirsoperri, wayoetaotsa Dio ipeyajle wácarro wanaitja oowi, nacoanam njaji atsianai irsocape nainoaca shopawa, cayotsaji poicakte capisho warso, pjia waminalri.'' 28 Niini Moise icaite coajicaotsa nanaco sacerdote Eleazar irso, Jsué irso, jliaji Num irri, njite narso njaji Iraelnai poco iipaneta jiwidaapo irso tsakja, njaji caacionaperri oopi rikjoitetsa. 29 Moise iaco narso: ''Nayoeta cada ooni Jordán njaji atsianai yácapewa oowi rico Dio ipeyajle nanakjoite njaji Gad poco njite Robén poco, njite shá cádanacoenaotsa yanjí lrinaco jliaji jiipai, niininaotsa sha watsa iá jliaji jiipai Galaad lricoda njepaitewa nayada carroenani. 30 Mitsa corrin cadaa nayoeta iinai nácarro nanaita oowi iinai, niini itrsoatsa iaca njepaitewa Canaán jipaite nakjoite iinaiwa.'' 31 Njite njaji Gad poco njite Robpen poco sheepana, naaco: ''Cayoji lricaite capisho warso jliaji IMINALRITI, fa pirsoperri, cayoatsa wanaitjaca. 32 Wayoetaotsa Dio ipeyajle Canaán jipaite lricojle owi ricó, Miytsa jliaji jiipai wayada icatsaotsa anjí jérri imotokema nakjoite Jordán pemajle.'' 33 Niini Moise iaca njaji jiipai talricanaati Shón iwapanda, natalricanaa njaji amorreonai, njite jliaji jiipai talricanaati Og iwapanda, natalricanaa njaji Basán lricope narso njaji Gad poco, Robén poco njite narso njaji pamoyoaperri Manase poco, jliaji Jose irri inakjoité-perri. Moise icadaa narso pjiomi njepaitemi, lricadaa narso nacoana nayacalrewa njite lri-kjenanata narso njepaite iocacawa, pjiomi yacaalre jipaite iocacawao. 34 Gad inakjoité-perri imatsieta njaji yacaalre Dibón, Atarot, Aroer, 35 Atarot Sofán, Jazer, Jogbeha, 36 Bet Nimra, Bet Arán njaji yacaalre taimí-perri irsocape corrarra naapirra irso. 37 Njaji Robén poco inakjoité-perri namatsieta njaji yacaalre Hesbón, Eleale, Quiritiaim, 38 Nebo, Baal Meón; mitsa natecojletaca neepitana njaji yacaalre. Namatsieta tsakja Sibma. Natecojleta neepitana pjiomi njaji yacaalre namatsietaji. 39 Maquir inakjoité-perri, Manase irri, naawa Galaad lricojle niini njetaca jliaji yacaalre naoya njaji amorreonai iofacape pia lri-ricoda. 40 Niini Moise icadaa Maquir irso, Manase irri jliaji yacaalre Galaad. Icatsa naofaca niiniwa njaji lrinaikite. 41 Jair, Manase irri, lria tsakjawa jlipá-carro lriyacalrewa nayacalremi, njite lricadaa neepitanawa Havot Jair. 42 Noba iá tsakjawa niini jlipaca lrirsowao jliaji yacaalre Kenat njite pjiomi njaji panti lriwaida lricoperri, lricadaa lriipitanawa Noba, lriipitana shotsa.
1 Cayopia naacawa naji Iraelnai namoto cayami Egipto lrikjoite njaji imotolriwa papocopewa nainoacashopa nacoana, njite Moise, Aarón iapiya icatsa njaji njewidapoca. 2 Moise idana neepitana namotlri njiteo njite naalri nirsewa, Dio inaa capisho piani. Icapiatsa njaji inipo nácarrom pia. 3 Naawa Ranses lrikjoite, pawalria inita carropi nacó, quince jalredaoca nacó lrinacopi kérri. Piyompinaco toa Pascua shapodamtsa, njaji Iraelnai aimadan naawa nacapatsa njaji egipcionai. 4 Nanoto naawa egipcionai idawa cadana toa neenipe pjerritinaipe mayamirri naoya, njaji WAMINALRI inolri naoya, ima Dio imacoadataca egipcionai idiote aimadan. 5 Naawa njaji iraelitanai Ramse lrikjoite njite naocawa naofa Sucut lricó. 6 Naawa Sucot lrikjoite njite naocawa Etam lricó, jalrapocolri inomapiana lricó. 7 Naawa Etam lrikjoite njite nadiawa Pi Hahirot lricojle, jliaji Baal Zefón icoemjete-dalri, naalri piatoa nirse Migdol icoawajli. 8 Njitedalri naawa papeco lrikjoite nakja Pi Hahirot ioya niini nayoetaca jliaji Manoa jalrapocolri ikjaolre. Naawa madalrida jalredaoca jalrapocolri Etam lricó njite naoca toa naofawa Mara lricó. 9 Naawa Mara lrikjoite njite naocawa Elim lricojle. Niini pia Elim lrico doce ooni jiwidapa njite setenta yawapi. Icatsa nirse naofa piacatoa. 10 Naawa Elim lrikjoite njite naoca. naofawa Manoa irraidalri ricó toa. 11 Namotoa Manoa irraidalri rikjoite njite naocawa jalrapocolri Sin lricó. 12 Namotowa Sin lrikjoite njite naocawa Dofca lricojle. 13 Namotowa Dofca lrikjoite njite naocawa Alús lricó. 14 Namotowa Alús lrikjoite njite naocawa Refidim lricojle, icatsa naoketaca ooni niini narso njaji inaiki naorrá-carro. 15 Naawa Refidim lrikjoite njite naocawa jalrapocolri Sinai lrico. 16 Naawa jalrapocolri Sinai lrikjoite njite naocawa Kibrot Hataava lricojle. 17 Naawa Kibrot Hataava lrikjoite njite naocawa Azerot lricojle. 18 Naawa Azerot lrikjoite njite naocawa Rima lricojle. 19 Naawa Rtma lrikjoite njite naocawa Rimón Perez lricojle. 20 Naawa Rimón Perez lrikjoite njite naocawa Libna lrico. 21 Naawa Libna lrikjoite njite naocawa Rissa lrico. 22 Naawa Rissa lrikjoite njite naocawa Ceelata lrico. 23 Naawa Ceeleta lrikjoite njite naocawa Jiipana Sefer lricojle. 24 Naawa iipana Sefer lrkjoite njite naocawa Harada lricojle. 25 Naawa Hereda lrikjoite njite naocawa Macelot lrico. 26 Naawa Macelot lrikjoite njite naocawa Tahat lrico. 27 Naawa Tahat lrikjoite njite naocawa Tara lrico. 28 Naawa Tara lrikjoite njite naocawa Mitca lrico. 29 Naawa Mitca lrikjoite njite naocawa Hasmona lricojle. 30 Naawa Hasmona lrikjoite njite naocawa Moserot lricojle. 31 Naawa Masetot lrikjoite njite naocawa Bene Joaacán lricojle. 32 Naawa Bene Joaacán njite naocawa Hor Haggidgad lricojle. 33 Naawa Hor Haggidgad lrikjoite njite naocawa Jotbata lrico. 34 Naawa Jotbata lrikjoite njite naocawa Abrona lricojle. 35 Naawa Abroma lrikjoite njite naocawa Ezlon Geber lricojle. 36 Naawa Ezión Geber lrikjoite njite naocawa jalrapocolri Zin lrico Cades lricoda. 37 Naawa Cades lrikjoite njite naocawa Jiipana Hor lricojle, Edom jipaite iocacawa nacó. 38 Njite jliaji sacerdote Aarón jirrawa lrinaco jliaji Jiipa Hor ima Dio iwanacani njite icatsa mayamica nirseni cuarenta walria shapodam namotocayami njaji Iraelnai aimada egipto jipaite lrikjoite, cinco kérri naco, lrinita cadaa naco jliaji kérri. 39 Mayami Aarón lrirsocayami piena ciento vente walria lripekirrica Jiipana Hor nacó. 40 Njite jliaji cananeonai italricana Arad, jliaji iofacadawa jalrapocolri iparrema nacojle lrirso jliaji jiipai Canaán, jlimi nanoca njaji iraelitanai. 41 Nawa Jiipa Hor lrikjoite njite naocawa Zalmona lricojle. 42 Naawa Zalmona lrikjoite njite naocawa Pumón lrico. 43 Naawa Pumóna lrikjoite njite naoca Obot lrico. 44 Naawa Obot lrikjoite njite naocawa Ije Abarim lricojle, Moab inomapiana lrico. 45 Naawa Ije Abiram lrikjoite njite naocawa Dibon Gad lricojle. 46 Naawa Dibon Gad lrikjoite njite naocawa Almon Diblataim lricojle. 47 Naawa Almon Diblataim lrikjoite njite naocawa jipanalrima Abarim lricojle, Nebo icoemjete. 48 Naawa jipanalrima Abarim lrikjoite njite naoxawa malritsicoa lrico Moab lricoda Jordán lrico. 49 Naofa toa Jordán lrico, Bet Jesimot nakjoite, Abel Sitim lricojle malritsicoa lrico Moab lrico. 50 Caaco JLIAJI IMINALRITI Moise irso Jordán lrico Jericó lrico, lriaco: 51 ''Caaco pjia narso njaji Iraelitanai, picaitena cayoji: Iyoeta caojliotsa jliaji ooni Jordán iocá carroatsa jiipai Canaán lricojle, 52 irso tsaotsa jitaca lrioya jliaji jiipai Canaán pjiomi njaji inaiki iofacape niini. Ipecoatsa pjiomi nadiote nanaitjaji, pjiomi njaji nadiote nacodoetaji narsowawa njite ipecoatsa njaji naofacawa lrico tsakja nanaitjaji yenondalri naco. 53 Irsoatsa jitaca irsowao jliaji jiipai iofá-carro niini ima Noaca irso jliaji jiipai iyadá carroni. 54 Jipaotsa irsowao pawajlepe, coshoca imaimaca icoana. Njaji aimaperri iipaneta macaiteotsa njepaite, njite tsoperri pjatsa, tso tsakjaotsa njepaite. A kjerre cada nacadaa irso jipaite, icatsa jipaitecani, icatsa iyadacani. Iofaotsa papocotsawa a kjerreca pjiomi njaji ikoajecanai inakjoité-perrimi. 55 Mitsa corri cadaa jita ioyawa njaji inaiki niniperri iofawa, njaotsa njaji inaiki imacaji niini namacaotsa icapaca cayoji catjipirra capisho pja, catiyon capisho idada naco. Namacaotsa icapaca a kjerre cadaotsa iofawaji. 56 Niini njaji nomalriotsa Nonaitjaca narso njaji inaiki, Nonaitja tsakjaotsa irso.''
1 Lriaco JLIAJI IMINALRI Moise irso: 2 Pinaa watsa njaji Iraelnai cayoji: Shewa cadanacoenaotsa jiipai Canán lricojle, jliaji jiipai iyadape, jliaji jiipai Canaám lrirsoatsa jlinaana lriocacawa jle. 3 Atsia lriema nacojle lria watsa jalrapocolri Zin nakjoite lriinaitsa jliaji jiipai iocacawa Edom lricoda. Lriocaotsawa jlinaana jliaji jiipai teeco Manoa Piwajai lricojle. 4 Lriyofia watsa pjipaite jinana lridana mjite jliaji jiipana Acrabim dalri njite jliyapawa lrinai jliaji jalrapocolri Zin ricoda. Njitedalri watsa jliyapawa atsia lriema nacojle Cades Barnea irso njite lria pjawa Hasaradar ikjaolre njite lriocawa Asmón lricojle. 5 Njitedalri watsa jliyapawa Asmón nakjoite oonipaokja egipto lricoda ikjaolre, njite lriorrocowa Manoa nacojle. 6 Njite jlinaana jliaji jiipai jérri shewa kema nakjoite icatsaotsa jliaji Manoa macajai inomapiana. Icatsa jipaite jinaanacani. 7 Njite ikjenanataotsa jipaite jinaana Manoa Macajai nakjoite ate lriocawa Jiipana Hor nacojle, 8 Jiipana Hor nakjoite Lebo Hamat nacojle, njitedalri Zedad ikjaolre. 9 Njité-dalri lriawatsa Zifrón ikjaolre njite lria lriwayacawa Hazar Enán lricojle. Icatsa jipaite jinaana jérri imotokema nacojle. 10 Niniotsa pirsotsa pikjenanataca pjipaite jerri imotocawa nakjoite Hazar Enán nakjoite, atsialriema nakjoite Sefan irso. 11 Niniotsa jliaji jiipai jinana jerri imotokema nakjoite lria watsa Sefam nakjoite Ribla lricojle, jerri imotokema Ain irso. Lria watsa jlinaana coshoca jliwalripaca jerri imoto kema lrirso jliaji Manoa Cirenet lricoda. 12 Jlinaana yapjawa jliwalripaca jliaji ooni Jordán a kjerreca lriocawa Manoa Piwajai, njite pjiomi lrinomapiana lrico. Icatsaotsa pjipaite jinaana, pjiomi piwaida nacojle. 13 Njite Moise inaa njaji Iraelnai aimadan cayoji, lriaco narso: ''Icatsaotsa jipaiteca jliaji irsolriotsa coajicatsaotsa jliwacawa jliaji wanjishopa, jliaji WAMINALRI inaalri iaca narso njaji nueve poco Iraelnai njite narso njaji pamoyoaperri toa Manase poco. 14 Njaji Roben poco, coaji catsa namaimaca njaji naferrinaipe inakjoité-perri, njite tsakja njaji Gad poco inakjoité-perri, naferrinaipe inakjoité-perri, njite njaji pamoyoa-perri Manase poco inakjoité-perri. Opinaotsa njepa njepaitewa. 15 Njaji yamapoco njite njaji pamoyoaperri manase poco opina narso njepaite Jordán pemajle, jerri imotocawa nacojle Jericó kirso. 16 Caaco JLIAJI IMINALRITI Moise irso, lriaco lrirso: 17 ''Icatsa neepitanaca njaji atsianai yalriotsa irsowaaca jipaitewa iyadawa: Sacerdote Eleazar njite Josué, Nun irri. 18 Irsotsa iniwanaca pada napiyawanai nacoami njaji Irael poco njá-carro iá narso njepaitewa naapaneta icoam. 19 Icapiatsa neepitana njaji atsianai: Judá poco inakjoité-dalri, Caleb, Jefone irri. 20 Nanakjoité-dalri njaji Simeón poco, Semuel, Amiud irri. 21 Bejamin poco inakjoitedalri, Elidad, Quisión irri. 22 Dan poco inakjoité-perri jiwidaapo, Buqui, Jogli irri. 23 Jose inakjoité-dalri, Manase inakjoité-dalri pada njewidapo, Haniel, Efod irri. 24 Nanakjoite njaji Efraín poco jiwidaapo, Kemuel, Siftán irri. 25 Nanakjoite njaji Zabulón poco jiwidaapo, Elizafán, Parnac irri. 26 Nanakjoite njaji Isacar poco jiwidaapo, Paltiel, Azán irri. 27 Aser poco inakjoité-dalri, pada njewidapo, Ahiud, Selomi irri. 28 Neftalí poco jiwidapo inakjoité-dalri, Pedeel, Amiud irri. 29 Dio inaa njaji atsianai njá-carro iá narso njepaitewa, jliaji jiipai Canaán njá-carro iá njepaitewa njaji Iraelnai nayadawa.
1 Caaco JLIAJI IMINALRITI Moise irso malritsicoa lricó Moab-dalri tsoomi ooni Jordan icodapi Jericó lricó, Lriaco lrirso: 2 Pinaa njaji inaiki aimadan Iraelitanai naacarro njepaite nakjoite nayadawa njaji Levitanai. Narsotsa naaca nayacalrewa niinicawa malritsi matsiaperri naofá-carro niiniwa. 3 Narsoatsa njaji yacaalre naofa carrodawa. Njite njaji malritsi matsiaperri navacan injaope watsa njite pjiomi njaji nápirra. 4 Jliaji malritsicoa ialriotsa narsotsa njaji Levitanai, nayacalre iwaida nakjoite njite akjerreca jlinaana iocawa narsotsa narsoca coatrociento cincoenta metro pjiomi yacaalre iwaida nacó. 5 Iwiotsa noveciento metro yacaalre iwaida nakjoite padanjete jérri imotokema nacojle, njite noveciento metro atsialriemjete, noveciento metro jérri shewa kema nacojle njite noveciento metro inarroema nacojle. Icatsaotsa navacan injaope imacaiteca nayacalre lricope. Pamoyoá watsa nayacalre yemawa narso 6 Njaji sei yacaalre yalriotsa narso njaji Levitanai icatsa naacawaotsa nadawaacawa njaji inaiki. Irsotsaotsa icadaa njewacawa niiniwa njaji inaiki ipitocaperri naino capoa inaiki. Njite icadaa pja narso coarenta do pja yacaalre. 7 Coarenta do watsa namaimaca padenirri njaji yacaalre yalriotsa Levitanai irso. Yaa tsakjaotsa narso navacan injaope nainai. 8 Njaapoco njaji aimadani pjaa Iraelnai inakjoite, narsotsaotsa naaca narso aima pjaa njepaitewa, aima pja tsakja nayacaalre. Njite njite njaapoco njaji tsoperri paja, tsoo pja tsakjaotsa naaca narso. Nacoanantsa njaji Irael poconai narsotsa naaca Levitanai irso coshocatsa jliaji narsolri cayo tsakjaotsa naaca narso.'' 9 Njite caaco tsenakja JLIAJI IMINALRITI Moise irso, Lriaco lrirso: 10 ''Cayoatsa piocaiteca narso njaji Iraelnai aimadan: ''Iyoeta cádanacoenaotsa jliaji ooni Jordán yacaalre Canaán lricojle, 11 irsotsaotsa iniwanaca njaji yacaalre yacarrodawa idawaacawa, lripitocawa lricojle watsa jliaji inocada pada inaiki corri capjitetsa lrioma lrinocani. 12 Icatsaotsa nadawaacacawa naoya njaji iomacape ínocana nakitsinda icoadao, wadee nainocani lripjeya toa nadeecani naikjaolre njaji lriofacawenai nacaité-carro coajicaotsa lrinacó. 13 Iomaotsa sei yacaalre naacarrodawa nadawaacacawa. 14 Iniwanaotsa sei yacaalre aperriji Jordán pemajle njite madalricoa tsakja Canaán jipaite ricó. Icatsaotsa njaji yacaalre idawaaca carrodawa niiní. 15 Narsowalre njaji Iraelnai, apaana inaiki naiya, coadalricatsa iofacape iinai, njaji sei yacaalre icatsaotsa naaca nadawaacawa naino cadaa inaiki corri capjitetsa naoma nainocani. 16 Mitsa pada atsia lriñaa cadaa apada tsipajleco sho, njite mayami jliaji lriñanda, niniotsa jliaji caikjaolrenaadalri nacaiteotsa lrinaco inocadaca inaiki. Njite lrirsotsa mayamica jliaji caikjaolrenaadalri. 17 Pada atsia lriñaa cadaa apada jiipada sho jlipanda lricaapi ricó, njite mayamini, niniotsa jliaji caikjaolrenaadalri nacaiteotsa lrinaco inocadaca inaiki. Njite lrirsotsa mayamica jliaji caikjaolrenaadalri. 18 Pada atsia lriñaa cadaa apada jaico sho nainoshopa tsa, njite mayamini, niniotsa jliaji caikjaolrenaadalri nacaiteotsa lrinaco inocadaca inaiki. Njite lrirsotsa mayamica jliaji caikjaolrenaadalri. 19 Njite pada itaita ínoca jliaji ínocadani. Lriá cádanaco lricapan akjerrecaji lritaita lriinocani. 20 Pada atsia caikjaolrenaadalri lriñaa cadaa apada irroati lricó njite lriino lrikjaolre coca shocatsa, lridawaaca cadanatoa, njite mayamini, 21 o lriino cadaa lricaapi sho irroati ricó mayamí carroni, niini jliaji ínocadani lrirsotsa mayamican. Inocaitaca inaikican. Jliaji ianjí cada iomani lriino capoa inaiki lritaita lrínocadani. Lriá cádanaco lricapan akjerrecaji lritaita lriinocani. 22 Mitsa jliaji caikjaolrenaadalri lriino cadaa apada merroatsa corri cadanatsa lriomacalreca, 23 o lripeeco cadaa cocacani mayacan lrikjaolre jliaji lriinolri corri cadanatsa lriomacalreca, cayo cádanaco corritsa lrinocani lricoema capoani; ima corrica lriomacalreca lriinoca jliaji mayamirri. Niini cayoatsa inaitjaca cayo cádanacó. 24 Cayo cádanaco, njaji inaiki aimadan nacaiteotsa lrirso jliaji caikjaolrenaadalri njite lrirso jliaji iomacada lricoadawa cayoji lricaite caposho jliaji yácoti. 25 Njaji inaiki aimadan narsotsa nayomjetacani lrioya jliaji iomacada iinocani. Njaji inaiki aimadan narsotsa nadeeca jliaji caikjaolrenaadalri lri-ricoda jliaji yacaalre lripitolri nirse piatoa. Lriofaotsa nirse akjerreca mayami jliaji sacerdotenai italricanaa jliada nacodalri iwapa, naiñjetanda inaco aceite naniwana shopani. 26 Mitsa jliaji caikjaolrenaadalri coancadanaco catsa lrimoto lriawa pafe lricojle lrioya jliaji lridawaaca cawam pia, 27 njite jliaji iomacada ínocani lriino capoa inaiki njite lrioketani teeco lrioya jliaji lridawaaca cawa ioya, njite lriinoni, jliaji yaají cada ioma lrikitsinda icoadami corriotsa camatsicanaa carrocani lrikjaote. 28 Ima jliaji atsia caikjaolrenaadalri lrimoto lrioya jliaji yacaalre lridawaacalri nirse njite corri cadanatoa mayami jliaji sacerdotenai iapiyawalre toa tsakja. Ima mayami cayamina jliaji sacerdotenai iapiyawalre, jkiaji caikjaolrenaadalri lritaita lridiacawa jlipaite lricojle, lriipana lricojle. 29 Caidalriwenatsa irso njaji yácoti kjaidaperri yanjí carroatsa iofacawa matsia akjerrecaotsa iofawaji naapiya pjiomi njaji walricomanai shapodamperrimi. 30 Coca cadaa íno pada inaiki, jliaji iinocadani lrirsotsa mayamicani, cayoji nacaite capiosho njaji inaiki lrinaco njaji icapacapeni. Corrin itaita ínocani pada cadatsa jliaji inaiki icaiterri lrinacó. 31 Corrin itaita icoadataca náno cadaa nacaoña wadeentja nainoca jliaji iinocada inaiki. Jliaji ínocada inaiki lrirsotsa mayamicani. 32 Corrin tsakja itaita jipaca lrikjoete lricaoñaaca cadawa jliaji ipitocadawa lri-ricoda jliaji yacaalre nadawaaca carroda lricojle. Macadatsa lridiacawa lriofá carrontja lriipana lrico jliaji caikjaolrenaadalri ikjerreca mayami jliaji sacerdotenai italricanaa. 33 Mamatsiketatsa cayo jliaji jiipai iofalri niini, ima lriiranapemi jliaji iinocada inaiki lrimatsica jliaji jiipai iofacawa lricó. Corritsa cocá carroca itaita ipiyoca jliaji jiipai a kjerrecawajle cada iinocada inaiki írranami iarrowa, icaamitsa lriirranami jliaji iinocadami. 34 Niini corrin itaita imatsikeetaca jliaji jiipai iofalri niiniwa ima Noofácawa lri-ricoda jiipaica. Njoa, JLIAJI IMINALRITI, Noofacawa napecolrico njaji Iraelnai aimadan.'''
1 Njitedalri, njaji Galaad poco yapiyawanai oopi rikjoitetsa, Maquir irri (Manase irri pia), jliaji Jose iipaneta inakjoitedalri, náno caacona Moise ipeyajle njite napeyajle njaji Iraelnai iipaneta jiwidapo oopi rikjoitetsa. 2 Naaco: ''Jliaji IMINALRITI inaa pjia, pjia waminalri, piácarro warso fepaitewa pawajlepe faa Iraelnai aimada. WAMINALRI inaa pjia, piá-carro wakitsin Zelofehad jipaitemi lriitonaipe irso. 3 Mitsa cainirri cadaa njaji lritonaipe nainai njaji papoco wanakjoite-perritsa iraelnai, niiniotsa jliaji jiipai lriyadami jliaji naferrimi feta caotsa naoyana. Njenakjaotsa yanji lrinaco jliaji jiipai njaji jitalri nainowa. 4 Icatsaotsa cayo njetaca waoya jliaji jiipai namacanda warso, nanda warso. Niini cayo cádanacoatsa, lriocaca cádanacoatsawa Iraelnai irso nadietacawa narsonipe naminanai irso, icatsaotsa nacadaaca jliaji jiipai narso njaji kjaiterri pococa inakjoite jita nainowana. Icatsaotsa cayo njetaca waoya jliaji jiipai namacanda warso, nanda warso njaji waferrinaipemi poco oopi. 5 Niini Moise inaa njaji Iraelnai aimadan, cayoji WAMINALRI inaa capisho. Lriaco narso: ''Ajádalrica jliaji nacaiterri njaji Jose iipaneta inakjoite-perri. 6 Dio inaa nanaco cayoji, nanaco njaji Zelofehad iitonaipe. Lriaco nanaco cayoji: ''Picadaa cainirricana coca inai catsa naoma naofacawa, mitsa icamitsantja naofacawa njanirri inakjoite-perri yapiyatsa.'' 7 Corrin pada nanakjoite njaji Irael poco aimadan nataita naaca narsowaaca njepaite. Nacoanantsa njaji Iraelnai aimadan narsotsa nayada minicatsa jliaji jiipai naferrinaipe poco iyadam lricotsa. 8 Nacoanam njaji Irael-tadoanaipe, irsocada jiipai roopaneta poco inakjoitedalri rorsotsa roomaca roinirriwa rsonirri inakjoitedalri yaapiyatsa. Cayominitsa irsowalre pjiomi shaa iraelnai aimadan shaa-carrotsa iminanai jliaji jiipai iferrinaipe icadanda irso. 9 Corrin itaita iaca irsowaaca jliaji jipaite. Icoanamtsa shaa Iraelnai aimadan irsotsa irsoca jipaitetsa namacanda irso.'' 10 Niini njaji Zelofehad iitonaipemi nanaitja cayoji Dio inaa capisho Moise inaitjaca. 11 Njaji Zelofehad iitonaipemi: Maala, Tirsa, Hogla, Milca njite Noa, njite naofacawa nainaitsa njaji Manase inakjoite-perri. 12 Naofá nainaitja njaji Manase poco iipaneta lrikjoite-perritsa, Jose yénpe. Icatsa cayoji nayada catsa jliaji njepaite njanirri iyadami lrimacanda narso. 13 Icatsa njaji yácoti kjaidaperri njite njaji yácoti narsolritsa nanaitjaca Dio inaalri nanaitjaca njaji Irael aimadan Moise nakjoite malritsicoa Moab lrico, Ooni Jordan icodapi, Jericó lrico.
1 Niini mayamica-yeami Moisés, jliai Diu isudalri, caacu Dice Josué Inhu, Num irri, jliaji Moisés ishudalri cayuji: 2 upi mayami jliaji nushadalri Moisés. panaya, pjnacua,piyaeta pjia naapiya njaji pikitsiñape irraelitanai. Jliaji uuni, jordan lrinacujle jliaji jiipair nualri ishu. 3 Pjumi jliaji jiipai pjiipa ipjualri, iyaadacani, ima cayapia nucaiteca Moisés jshu. 4 Jalrapuculri nacjuite Libano tsacja atee lriacawa uuni Eufrate nacujle,njite pjiume njepaite njaji itatanai iyaadacaotiani atee lriacawa uuni macapawan lriipitana mediterraneo nacujle aji jeearri jiewalri nirseo,icaatsa jlinaaca nuaca ishu 5 Curriustsa caca itaitaotsa iemaca picjuete "caaficadanaco pjia,'' piinai-catsautsa njua cayuji Moisés iinai capishu pia njua. Curriutsa numawadacaca piuya curri tsacautsa numacaca pjia. 6 Picjaidataacawa. mafiutsawa. Ima pjiotsa icadaa nashu jliaji jiipai nayaadacarran niaji pinaikite airadan cayuji nucite - capishu nashu njaji piferrinaipemi, nuco daaca nashun. 7 Icaamitsa piejaidataacawa mafiacatsapjia, pinaitja-cara cayuji nushadalri moises idana -capishu lricuadata-carru lricaolre najiyaacat inaacada pja curri- carra pjiena lriua ; matsia- carruatsa pjiuene niaji pinaitjalri. 8 picaitepeotsa caidaritsa lrinacu jliaji paperra nadananda icatecada pananacu. Piwadaotsa iranacu, deepiricu jaalrewericu,pitaita carru pinaitjaca pjiame njiji nadanalri niini-njiitenaotsa catimaotsa piafaacao njite matsiawatsa pishu pjiame njaji pinaitjalri. 9 Icaamitsa picjaidataacawa mafiatsao. Mafietaacatsao. Mainunaacatsao. Mainutaacatjao jliaaji piminalri Diu curriatsa lrimaca -carraca pjia acjerrecatsa piawa. 10 Icaamina Josué inaaca njaji naapiya wanai njaji iraelitanai. 11 Wosha yaawa naufacaawa- lricu infacawa lricu njaji inaki iwapaji inaa-carru namatietaca injaope ima madalridaa- nacoatsa nayuetacaotsa jliaji uuni Jordan, njeewacarra ima dia icadaakenaotsa lyada-carruni. 12 Njite Josué icaite nashu njaji rubenai, gadnai, njite, pamayua nanacjuite njaji manasesnai . 13 Iwaada cuampiaca Moisés yaco ishu, jliaji waminalri ishuolalri lricaitecadanacu ishu cayuji: Jliaji Waminalri Diu icadua ishu jiida walridalri. Jliatsa jliaji lmilalri icadaa ishu jliaji jiipa'. 14 Njaji ininai, yeenipe tsacja, iipirra tsacja icatsa iufaacawa lrinacutsa jliaji jiipai Moisés icadaalrisa ishu, teecutsa Jordán iuya. Mitsa njaji uuwinai nacjuite-perri naawatsa nainai njaji ikitsiñape nakitsindatá-carrunaa. 15 Kjerrekenaotsa waminalri Diu icadaa nawafeetacao cayuji lricadaa-capishu iwafeetacao, Njitenaotsa jliatsa jliaji Waminalri Diu licadaa-tsacjaotsa nayaadao jiipai. Njitenaotsa itaita idiacao jipaite-nacojle italricanuatacarron, Jliaji jiipai, Moisés, Diu isudalri icadaalri ishu teecutsa Uuni Jordan iuya, jeerri imutulri njite. 16 Njite naaco Josué ishu: Wanaitaotsa pjiume cayuji pinaa-capishua wanaitjaca, wanaitjaotsani, njite kjerrecadaotsa pinaa waacao, waotsao. 17 Fepaotsa pjia cayatsa feepacapishupia Moisés. Icaamitsa waoma pipinaicutsa Diu, cayutsa lriafaa-capishupia Moisés iinai. 18 Cuca-cadaotsa imjeepataca pjia jliaji pinaalri panaitjaca irisutsa mayanica. Icaamitsa picjaidataacawa mafiutsawa.
1 Jnite Josué Nun iri limanaka matjinaatsa icapacaopc yamada achianai sitimperi licaite nasro: wasra yawa, icapaca jlianji jiipai mitsa jliapja jlianji Jericó. Jnite namuto nawa naukakao apama inaru caviledarum ipanalico ruipitana Rahab. Jnite naufakao nimi. 2 Nakaite Jericó italicana isru. Picapa, aachianai Israel Jniteperi nanuka nacapa jliaji jiiipai. 3 Jnite jlianji Jericó italicana, limenáka yakoti Rahab isru: Pjita jnanji aachianai inukape pidesre, jiewakape piipanaliku, imananuka nakapa licapacaná jlianji wepaite. 4 Mitsa sruanji inaru rudecayamí jnanji yamade aachianai rudawana jnite rukaite sruanji inarú: aja najnuen nuikjaule jnanji aachianai,mitsa kurikanuajni kjaiteca nanu. 5 Mitsa upi nawa deepinakojle, lipjeyatua naitakaro pjiome jnanji yakaale ipananoma Kurim , nuajní , akjereka, nawa. Mitsa pjia pitaita piuketana, pikjeyapitacadá piaca jnapudam. 6 Mitza rudecayaaminana pantinako rudáwacana ruruetacawa pacudape yamakatilina rumetatajne pantinaco. 7 Caishopa jnanji aachianai napinietacona inipolico pacawa tumuitacawalico Jordán lico. jnite naitaaka jnanji pantinoma yacaale ipananoma namotaca jnanji zipinietakapena. 8 Curim tsú namaacataa jnanji aachianai ruacadanaco rucapana. 9 Jnite ruaco nasro: nuajnintsa Jlianji waminali liaaca isro Jlianji jiipai kaishopafaá wafino iwana. Jniteosta pjiomi jnanji inaiki yuwacapa lirikuda Jiipaika jlianji, shaawatsa, iajni nanak. 10 Fémitsakja waminali imetataca, jlianjiúuni macapawam iraclali Jiyapakaro imotokjaili Egipto likjuite. Jnite fémi jlianji jinaitali nasro jnanjo yamadade talicanáatinai Jordán pemajle neepitana, Sehón, jnite Og, jnanji iinujne. 11 Femikadanaco linakoapam wakaole ifiúokao ,jnite liwayakakao waoya ljianji wachiacampia Jnite Jlianji, Iminali, Jlianji, Eeno italicana,Jiipaistakja 12 Niini páanaya, jinaitamatsiakale, icaite nosro iakoti áajadali waminalinaco, linaco jlianji matsiadali nujnaitali isro, kaitsakja numa matsíaca sháa jnuniri iipanéeta iapiya. ikjatjiinata nosro nuajnishopa. 13 Sháakaptsa íidanata nacáfica: Jnanji jnuniri, jnuduatsakja, nuwenai, nuweduanaipe, jnite pjiomi jnanji nukitsiñape, sháakaotsa imanakotana mayamicali iuya. 14 Jnite náaco jnánji aachianai: ajadaliwacaite pisro wacaficasho curicadaotsa picaitepe linaco ljianji waomali faanaitaca; waminali icadacádanacoatsa waro jlianji jíipai, ajádali kjenaotsa wacapa isro, curiotsa fáanaita isro matsia 15 Níini rurúcuetacana ventanalikjuite, jinurutikjanaco. jnite jlinji panti rufáli íricuda jnanaitacani lidáanaitanaco jlianji iacale. 16 Ruaco nasro: iawa awakadalico idawácao nisre wadetsa jnanji ipinietacape naoketaca sha. Idawáacaotsa madalida jaledaoca, atée nadiacayami jnanji ipinietacape sha. jnitenaotsa iawa inipolico. 17 Jnite jnanji áachianai nacaite rusro: curiotsa fanaita pisro cainji wacaitecapisho. linaco jlianji iaoti ajádali, pináali wacaiteca pisro. Curicadáa pijnaita cainjii: 18 Waocacadanacuenaotsa jiipaica jlianji pisrotsa pipapica pakja yamacati iraikjai ventanalico pimutuetacurom fá, jniteotsa píwáketácao. pjiniri pjidua, iipanalico, jnite jnanji piwenai, jnite pjiomi jnanji pjiniri íipanéta. 19 Apadacadáa imotojne pantirikjuite, padáanale liomandenaatsa mayamicam curiíotsa fáa isro matsicali. Mitsa áapecada jiréta icacapi wanakjwitedali, lijnaita matsi píipaneeta isro. Mayamiotsa fáa. Curicapao wamatsieta ljianji iacoti anjadali wacaitendam. 20 Mitsa icaitepecádáa linaco jlianji waomali fajnaitaca, curiotsa wasro máatsicali linaco jlinaji iacoti ajádali píináli wacaiteca. 21 Niini Rahab icaite nasro: caipedaotsa icaitecapi sho jníte rucaite ruacono nadíacoroena, jnite rupápi yamacatí iraidali ventanalico. 22 Jnite nawa awacadalicojle nao fáa nisre madalidáa jaledauca. Atée nadiocayamina jnanji ipinietacapena. jnite jnanji ipinietacapena naomajnecana pjiomi inipolico, jnite curím naoketacana. 23 Jnite jnanji yamadade aatsianai naorocokadanoco awacadalikjuite nadia Josué ídesre, Nun iri, nacaite lisro, pjiomi cuajeca jneyapacao. 24 jnite nacaite Josué isro. anjádali waminali iaca wasro jlianji jiipai. Ima pjiomi jnanji linaikitena jlianji jiipai nafíúca waivana.
1 Jusué jinicua piyumpinaco nite namotua Sitim ricuite, nawa oni Jordán -nisre, lia nite promi naji israelnai, nite naufá nini lipeya nayuetaco liaji oni. 2 Modalidá jiapodam, nayufia nacapa naji cacunaperi owinai jiaji naofacawa naji israelnai. 3 Litata nainai naji inaiqui: Icapacadanaco liji arca Dios iyada, icapacadanaco naji canaperi levitanai idecani, yawatsa napodam. 4 Lisotsa lisoca lioyawaca-cawa iapiya 90 lijalipaca, masumitashani itaicaruasha icapaca lianji inipo, ima Currica ianji lianji inipo. 5 Jusué iaco nasho imachietacao jiwacasha tevena Dios icapa, iima liaji Dios linaitacaosha icapa machiadali. 6 Nite Jusué iaco nasho naji caconaper sacerdotenai jipa liaji arca inaita shopam iacoti, nite jiyapao nacapa naji inaiqui, nini nepaca liaji arca nanaita shopa iacoti, nini neyapao inaiqui icapa. 7 Lianji iminaliti liaco Jusué isu, liada jaleodaca liaji nocadawasha Atsia matsiadalicapia, nacapo naji israelnai, najiwatsha caiji nofacapisho-pia, Moisés inai, nini cayotsa caotsa nuá pinai. 8 Piawatsa imenaca naji caconaperi sacerdotenai, naji idecape liaji arca, nite yocacadanaco linomapisre liaji oni Jordán, isotsa machacajia licoda liaji uni Jordán. 9 Nite Jusué iaco naso naji israelnai ino aji, jimicaro liaco liaji Dios. 10 Nitewatsa liapodam, liaji najiwatsa liaji Dios cafidaliani, ianjiwatsa Acaniji ina jitaotsa ipeyaleo naji, cananeos, hititas, heveos, fereseos, gergeseos, amorreos, nite jebuseos. 11 icapa liaji arca, inaita shopa iacuti, jipai liyuetaotsa pemale icapa liaji oni Jordán. 12 Panaya iniwana doce achianai nanacuitewaca,, naji israelnai padape nanacuite. 13 Napuacadano naji cacunaperi sacerdotenai idecape liaji arca liyada liaji jipai iminali tsaca inota liaji uni Jordán naji uni Jordán, lirocautsao, litaracaca yenosretedali liruatsa metadaliso, nite liaji papioletedali, lirotsacaotsa liaji litaracaca. 14 Nite nacadanaco naji inaigui nayueta liaji uni Jordán, naji cacunaperi sacerdotenai, idecape liaji arca nawa inaigui icapa. 15 Napodam naji idecapepia liaji arca, naucao Jordán nini nite puchiapia naji naipo, linomapisre liaji uni Jordán, (panaya liaji Jordán cawapuacani wia, machiacawa papanaca). 16 Naji uni taracaperi yenoshete, cawapuana aima nerao yenón, liaji uni yami taracani jalipa Adán nite, liaji yacale chomidalicha saretan, nite liorocochaco até liocao macapawanaco Néguev, uni macapawan piwadali, nite nayuetao naji inaiqui pemale chomi Jericó. 17 Naji cacunaperi sacerdotanai, idecape liaji wminali iarcani, nacawaji jipai metadalinaco pamoyua Jordán , iso até quereca nayueta piomi naji israelnai.
1 Neyapacayami piomi naji inaiki liaji uni jordan Dios icate Josueiru 2 . Piniwana doce achianai nanacuiteperi naji inaiki, pada iachia nacuamitsa nanaikitawaca ( tribu) 3 .Picaitenaru liaji iacoti jipa12 jipadol pamuyuaperi jordanricuperi nemali nene naji coacunaperi metacanatsa jipai, nite pidee pinaiwaná,nite icada iineiwana aquerenatsa imaca. 4 Nite josué inawana naji doce achianai lienitani nanacuite naji ranaikicawaca naji isidelrica peri poda nacuamitsa naji tribu. 5 Josué iaco jiyapao lipeyale liaaji Dios iarco imiriali iDioste pamuyuale liaji uni jordan. Nite padapelnatsa iwaque tedanaca idee poda jipada l cuamitsa,coiji padapadope jipada nacuamitsa noji inaitcawaca isra doce nacuamitsa nanaitucawaca -elriacuperi. 6 .Icatsa icañatashupa nacapa, natata cadonacu watsa naji inipe jinucape jiapudamperi cucadao picaite nonacu naji jipada cuamishupo naji jipado. 7 Mltsa picaitewatsa naru: liaji uni jordan limecao cao yameema lipeyale liaji waminali iaco iuwacarida liyapacadanacu liaji naminali larcan icamltsa lime cuacao yamema liaji uni jordan, nini naji jipada icatsa neretanda nacap naji inaiki israelricu peri kaidaliwetsa. 8 Naji inalki israelricuperi nanaitacakasho josué icaltecapisho naru, nite naji inaiki naniwaka doce jipada pamuyuaperi uni jordanlicupe.Kayuji wanimali Dios lcaltecaplsho josueiru. Naji inaikinacadaa naji jipada nacuamitsa naoyawacaperi naji inaiki israel-licupe nite nadeca naji jipada nemaliinere nite nakadacanirsena. 9 Nite josué icada doce jipada lipamuyuaca liaji uni jordan, napuacarum naipasho naji caacunaperisha idecape liaji Dios i arca nite liaji neratanda yemao ninitua panayetee. 10 Naji caacunape (sacerdote) iidecape liaji arca nemaka pamuyua liaji uni jordan. Kerekatsa neyapa piomi naji waminali icaiteripa Moisés iru licaitecaru Josué inaitaca.Nite naji inaki naqueyapitaca nite nayuetaca pemale. 11 Nite neeyapacayam naji inaiki, l iaji waminali iarca nite naji caacunape (sacerdote )nayuetaca naapeyale naaji inaiki. 12 Naji nanaiwacawaca Rubenjnitepe naatsaca naji Gadnitape nite pamuyua Manasesnitepetsca neeyapaca napeyale naji inaiki Israelnitope nanaitacaru cayujii tsurudaosho, kaiji Moisés tcaitecapisho pia naru. 13 Tsumi cuarentamil inaiki irucupe nainuakashupa, neeyapaca lipeyale liaji Waminali Dios nainuacacaru pacuacacaitacana Jerico. 14 Nite liáda jaledaoca waminali Dios inaita Josué caidadalisho nacapa piomi najiiraiki Israellicuperi. Nite narespetacani caiji narespetacapisho Moiséstsaca-caficadanacutua pia nainei. 15 Nite Waminali caacuca Josué iru: 16 "Pimatsieta naji caacunaperi iidecape liaji iarcan icaitecada waacuna namutucaru liuya liaji Jordán." 17 Nini Josué imatsieta naji caacunape: "imutu pemale liuya liaji uni Jordán". 18 nite naji caaucunape iidecape liaji liarca lacoti yaruda liaji WAMINALI namutucapiomi pamuyuete liaji uni Jordán licuite, nite naji naipa nanutaca liaji jipai metadali, icamitsa liaji uni Jordán lipretashenaka cawapua tsenaka liaji Jordán iunitena pia. 19 Nite naji inaiki namutica Jordán licuite diez jaledaucanacule linitacadanacu keri. Nite nauka naufacauru Gilgallicule, jeri imuturinete Jericó inumapire. 20 Naji doce jipada netjani jordanlicuite, Josué icadana Gilgallicuna. 21 Liaco naru naji inaiki israellicuperi: "natatakoda naji inucape jiapudám jia nanirinaipe ¿cuamishapa naji jipada? 22 Icaitewatsa naru naji ienipe: "ikapiatsa Israelnai jiyaepacarum laji Jordán metawericu". 23 Liaji WAMINALI PIDIOSTE limetataKa liaji uni Jordán piruwana, Piyuetecarupiani, caijni WAMINALI PIDIOSTE inaitjacapishopia liaji uni macapavan iraidali, liaji limetatanda waicaute wataitacaru feya pakapiomi. 24 nini panaya, piomi naji inaiki jaledaucalicuperi narutsa nanika licapi liaji WAMINALI DIOS kaidadalicani nite shaa irutsa irespetaca liaji WAMINALI DIOS watsa caidaliwetsa".
1 Nite piumi naijii rejenai amorreonai pemale peri unii jerri shevalii nise onii Jordan nite piomi najii rayenaii cananeonai shaa cofacape Mar Macapaban inomapi nemishaca cuami Dios imetsataca nauya onii Jordan atee neyapacuo piomi najii Israelnai pemalee onii. Nite nacaolericu nafiocao jurrepá nini currisha nawaopía nainuacacao, naicaitse naji nakishiñape Israelnai. 2 Ziadanacopia Dios icaite Josué iso: Pinaita marille Jipadaitasho nite piyuaca nadake itarrapite piomi najii aadhianai Israelnai. 3 Nite Josué ianaita marille jipadaitasho nite liyuacuna piomi najii aashianai Israelnai ajii jipananaco Aralot. 4 Licautepiaa liaji caidali Josué isosha iyuaca nadaki itarrapite: Piumi naji aashianai imotsucape Egiptolicuite. Ninpia mayomicana ajii jalapucolico liapadan namotsucayan Egiptolicuite. 5 Nintja piomica najii ashianai imotsocape Egiptolicuite nayuajipiakena. Naji yenpetsipe imotsucape ajii jalapocolico currin nayuacana. 6 Jucale Isaraelnai najipiacao jalapuculico liadaa cuarenta camoy ninkena piumi naji inaiki, caishupa piumi naji owinai imotocapepia Egiptolicuite mayamicana, cuada curricapoa neemi liajii DIos icaiterri. Dios icatei pia najuo curricu licadaa nacapa liaji jipai licuitenda nasuo naji naferrinaipe, jipai jurrecawa maficari nite paniatsi shaca. 7 Naji nenipenaa icashanaa Dios icadalica naapodanwa. najii Josué iyuanipe idakee itarapite, curipiaca nayuaca nadaki itarapite anji inipolico. 8 Nataitacayamina piumi nayaaca naturapite naufaca piumi nauwacawalico kerreca mashiana piumi. 9 Nite Dios icaite Josué isuo: liadaa jaledaukaca notaaioya limashicana liaji Egipto iofaripia inaco. caiwatsa panaya liaji lipitna liawe pauwacawa lipitauna Gilgal liacatsa panatsete jaledauca. 10 Liaji yacule Isarael, naowetaca ajii Gilgal nacatsimatacacao nawadakena cuampiaca catorcecada jaredauca liatsa kaica depinate caicadanacotoa naowetacao jalemincawa liyadaa liaji Jericó. 11 liada liajaredauca liapdan dawadacaroa. Nite liapodan liaji nacatsimatacacayan, liadasha jaredauca naiñacaa lipanianaá liaji jiipai. Petta mewitsha merriperi. 12 liajinaiñaada Maná liadatsu jaledauca, liwayacao nataicayan naiñjaca liñada paniati liajipaica curitsa pacapantja Maná natso naji inaiki Israelnite peri, mitsalia camuica naiñaca lipaitena liaji Canaán liaji jiipai currisha pacapa iñaudatsi nasro naji inaiki Israelnai, nini liaá camoycan naiñaca lipaniana liaji jiipaí Canaan ricoitepe 13 Nite Josué yanicao shomitsa Jericó iuya liretaa liti nitelicupacá nite licapacaa apadaa aashia llemacao licuemetseioya lilmasheetan lipani licapiso. Josué iawa licuale liaco liso. ¿capao aca pia wainai a nainai najii wacuema? 14 Nite liepacani: cutsa cucaine Casha Noa nacumadante naji owinai Dios ijape. Caisopa nonoca. Nite Josué itodaca iotsipadao jipainaco lipeyete liwioke liaco liso: ¿pjaa pitso apada pimenacacaro noa? noasha pimaikite. 15 Liaji cacanite italicana owi Dios nitedali liaco Josué iso: pitaa naji pisholan piipaa ioya, ima ajii piemalinini, matsiacawa Santo dali caitsa linaita liajoo Josué
1 Panaya, piumi lipantinomana liaji Jericó taimipiana cuada naicuate naji tsolodao israelitanai. Cutsacuca imota cutsacuca tsewao. 2 Liaji Dios liaco Josué iso: " Pja pianintsa, nocadaca Jericó picapirico, liaji Rey nite litsolodao peri". 3 Isotsa llacao icapoconio liaje llacale, diomi atsia llacape uvirico navatsao icaponio liaji yacale jareduca icuan. Jinaitautsa seis valia jaredauca icuan. 4 Siete sacerdotenai nasotsa nadeca siete napianda trompeta carnero itsuvan lipeyate liaji arca. Siete shopa jaredauca, nacaotsao icuoconio a linomapi liaji yacare siete valia, mitsa naji sacerdotenai nasotsa napiaca kema naji napiaje trompeta. 5 v5. Nautsa inita yaca apada limadeo jaripja nasho naji carnero itsuvan, nite jimicadanaco liwaole liaji trompeta pjiumi naji naiki nematjacautsa caidagmitsa lidanan liaji jacale liwacaotsao, nenipenaá naji israelnai, nainitawasha nainuacacaa padapesha nacaá napjeyaleo." 6 v6. Nite Josué lienipje liaji Num, liwana naji sacerdotenai liaco natso: "ideca liaji arca nanaitaida Dios iyada, mitsa icada siete sacerdotenai ideca siete trompetas natsuwan naji carnero lipeyaa liaji arca DIOS iyada". 7 Mitsa liaco yacale iso: "yawa yemanio liwaida liaji yacale, mitsa naji atsia uvinai nawatso lipjeyale liaji arca DIOS iyada". 8 Caiji Josué icaitecapsho natso naji liyacaletsa, najii siete sacerdotanai naadeca naji siete trompetas napjianda natsuwarisho naji carnero lipjeyalec liaji DIOS. Cai pia nacayao nakematapia najii napiaji trompetas liaji arca idecada DIOS yacuti yada napiyaa lino naapodamite. 9 Ashanai owinai nacao napeyale naji sacerdotenai, icatsa ikematucapje naji trompetas niteshaca liapodan liaji arca DIOS iyada naco naji sacerdotenai, napiatsa naja napiaji trompetas. 10 Mitsa Josué icaite natso naji yacale: " nacao macutsa, ate liadautsa jaledauca nocaite itso shemata. Icamitsotsa itaita shemataca". 11 Caipia Josué jinaitaca liaji arca DIOS iyada, licao papiatsa lidanan liaji yacale. Ica mitsa nadiacao newao namali nirse, neyapetaca deepi ninsta. 12 Nite Josué icawiao piyunpinaco liada mitsa naji sacerdotenai naadeca liaji arca de DIOS iyada. 13 Mitsa naji siete sacerdotanai idecapepia naji siete trompetas natsuwan naji carnero lipeyete liaji arca DIOS iyada, naji yacape macayan nacadanaco napia trompetas jiman. Naji tsulodao uvinai nacao napjeyale nauya, mitsa naji pana nacao liapodan liaji arca DIOS iyada, mitsa napiaka trompetas kemapio na caidapjetsa. 14 Nite segundo shopa jeredauca neemanikenao lidaman liaji yacale papiatsa icamitsa nadio nawalinirse. Caipia nanaitaca liaji valia jaredauca. 15 Icatsa liada séptimo shoda jaredauca cuanca nacawiocao limotocadanaco liaji jeri, kena necao lidan liaje yacale caiji nanaitacapisho pia, mitsa panaya nanaita siete valia. Icatsa liada jaredauca nacao lidanan liaji yacale siete valia. 16 Icatsa septimo shoda juredaucu, naji sacerdote nai napiaca najipnatrampelani pjeloman, caiji Josue icaitecapisho cuaji nanaitacu naji yacaleta "shemata." Ima lieyi Dios licadakena liaji jacake. u 17 Licaite liaji Dios, piumi jiaji jacale natsaca naji uawacapenini nawayacaa. Icamitsa cawiotsa Rahab shuaji cawileduru- shua natsaca naji juwacapje yupanalico piumi -ima shua rudawapacoa naji atsianai wamenacanipe. 18 Mitsa sha, icapaatsa nanaco naji sheneta cacape, ima na wayacacaotsao,mepatsa currintsuca lineacuitedali. Ima naawaca jinaitacada cayo, lideraotsa matsidali nite kenacali nauwacavalico naji israelnaj nini litsutsa liwayacacao 19 Piuminajipalata, liatsaca uviru nashaca naji nanaitaji broncesho liatsaca tsipala nenetautsana Dios iso .Ima naji njawatsa nawapacaruda Dios. Iyada. 20 Nemicadanaco naji yacaleta liaji naapionda , (trompeta ) neemataca piumi pacuacatsa nini liaji lidana liwacao icamitsa newakena liricuda liaji jacale .Apadape nacao mayacan napeyaleo. Nacaidatacao lima liaji.jacale. 21 Nawayaketa padeniiri piumi naji jacalericuperi natso naji matseta otsianai, inaitepe, yempetipepjatoa natsaca pekepenaipe , natsaca bueyes, ovejas, burros, tsaca. 22 Icamitsa josué icaiteca natso naji yamadade atsia iwapacape icapao liaji jipai panaya liacao rupanalico shuaji cawiledaru imotuetaca shuaji inaru natsaca ruineperi padeniri, caiji icatecopishopia. 23 Nini naji yenpetipe icapacapepia liaji jipai newacao icamitsa netaca shuaji Rahab. natsa netaka shuniri, shu dua, ruvenaipe natsaca padeniri rukitsiñape yowacape ruinai. Nadecana apewerico namacawa tecotsa nauya nauwacawalico naji israelnai. 24 Can patsa namaitekena liaji jacale natsaca litsoperi padeniri. Icamitsa palata, liatsaca uviru. Natsaca vasijas nanaitaji broncesho natsaca shipala nadena nawapacarudalico Dios ipanalico. 25 Icamitsa Josué icadali shuaji Rahab cawiledaru, liaji shuniiri ipana natsaca naji iuwacapje ruinai, cawicatsana.ruenipenena naowa aji israelrico panashete lia jaledaucaca. Ima rudawacapoa naji atsianai liaji Josué limenaca nacaru nacapa cuanca liaji jacale Jericó. 26 Nite Josué licaiteca natso liada apada yacuti ajadalidalisho nini licaiteca macadawaliotsa Dios ipeyete liaji atsia initacada jinaitaca liaji yacale Jericó. Lienipe initacada imotocao napecuatsani tjupi ipocodanaco, liatsaca lienipe piketendali mayamiotsani yacale ipananomatse. 27 Mitsa Dios piatsaline curin tsuca limacaca Josué liaji lipitana catinacani piomi jipainaco.
1 Mitsa njañji israelitanai nanaitaca maatsicha napiya njanji iyasruti njeenitanji pia nawayaquetaupeau. Acan carmi ienipe, Zabdi ienipe, Zera ienipe Juda inaikica ricupesri lripeca iyarruti njenitampe nawayaquetacasru na, njite Waminalri quesruacani nacjuete nja yacalre Israel. 2 Josué imenacara aachianai Jericó ricjuite nacaru Hai sre. Chumitsa Bet Aven iuya jeeri imutucawalre Betel njite. Njite lricaitecana: "iawa, njite icapa lri jipai" njite njanji aachianai nacau, njite nacapa lrianji Hai. 3 Nadiacadanacua Josué icjaulre, nacaitecan: Mameenacacha pjiomi lrianjji yacalre Hai sre. Pimenaca dos mil o tres mil tsa aachianai nacaru nainuacao Hai sre. Macadaatsa nadeeñjica pjiomi acanji nainuacacawao, ima chupepjacatsana numero nacu nañji Hai sricuperri. 4 Nini nacau tsumi tres mil aachianai aapenji chulrudao ricu, mitsa njaañji napituquecao nauya njaañji aachianai Hai ricuperri. 5 Njaañji aachianai Hai ricuperri nainuqueca tsumi treinta y seis aatsianai iinuaca capeu, napinietacadanacuna tsumi lripananuma lriañji yacalre, teerutsa caiñji lricaishu lrianji njetacawa jipada, njite nainucana naurucu cadanacu lrianji jipana, njite njaañji, yacalrenanai nafiucao aañji nacaulre ricu njite lricadaaquecana lriacañji na aachiaca. 6 Njite Josué lricheremteca njaañji lrichayan. Lria njite njañji pequipenai Israel ricuperri napeewca lritaipe njevidanacu, nayamjacao lritaipe riañji njevidanacu, nayamjacao lripjeeyalre lriañji arca, lriañji yacuti nayulri Diu inei Waminalri, niini catsana atee dainumalre. 7 Lriapudam Josué iacu: "Numinalri Diu" ¿Ciada picada lriyuetacao Jordán lriañji yacalre? ¿Picadacarru nacapirricu faa njañji Amorreos nai nawayaquetacarru faa? Aapiachanta waufawanj, pemjete lriañji Jordán. 8 ¡Numinalri! ¿Cuca nutaita nucaiteca, panaya nawayaqueta cadanacueca njañji Israel, njite napituquecau napjeyale njaañji nacuema? 9 Panaya njaañji Cananeos nai njite pjiomi njaañji jalredauca ricuperri njemicautsa lriañji. Njite nacawainita Caucha fa, njite nanaitjacaucha njañji inaiqui jalredauca ricuperri ñami caruecha nawaopia lriañji waipitana. Njite, ¿Cucautsa pinaitja lrinucu lriañji pipitana macadalri? 10 Lriañji Waminalri lriacu Josué isru, "Pjinicua" ¿Cuada piyamjeta piecua jipai nacu? 11 Israel inaitja maachi. Ñamtsa nanaitjenca lrianji yacuti washulri nunalri pia nanaitjaca. Nañaituqueca paana iyasruti njeenitampe pia. Ima nañaituqueca njite nadawachaca namachicana, njite nacadaaca njañji nañaitunji nayasru inei. 12 Nini lricaute njañji israelitanai ñami nataita nacjuete njaañji nacuema. Nini napituca nacuema yuya, njawacacha iuma lriañji nawayaquetacana. Ñamiucha inai njúa cjesrecacha iwayaqueta njañji iyasruti isrulripiacha iwayaquetaca, ima idawacachana. 13 ¡Pjinicua! Pimachieta njañjiyacalre nusru, njite picaite na: Imachietacao, ipiyuacau tjewa ipia. Ima lrianji Waminalri, Israel idiute lriacu: Nini paana iyasruti njenitampe nawayaqueta caruna mitsa acatuanañji ipecuculricu, Israel, ñami itaita invacacau nacjuete nañji icuema cjerecatsa jita pjumi njaañji iyasruti njenitampe nawayaquetacaru na. 14 Piyumpinacuacha, icañjatacauchau pjiomi inaikica waca. Njiteucha njaañji Waminalri iwanapipe nanaikica wara nanucaucha naapanjeta iapiya. Njiteucha njañji naapanjeta Waminalri iwanialri nanucaucha nacañjotacau pjiumi njaañji aachia nai pada pecha. 15 Niniucha lriañji lrienitampe, lriacada jipa njaañji iyasruti nañaitunipe. Namjaita cauchan, lria, lripanjeta, njite pjiumi lrisrulri, ima uupi lrimacuadata lriañji yacuti wasrunda Waminalri iapiya, njite lrinaitja maachi Israel nicu. 16 Nini Josué icafiacau depituau njite lrideeca tsumi Israel, nanaikicawaca nacuamicha, njite lriniwanaca njaañji Judá inaikica waca. 17 Njite Josué ideeca njañji Judá ipanjeta tsumi, njite naniwanaca lriañji Zera ipanjeta. Njite lrideeca padapecha njaañji Zera ipanjeta, njile naniwanaka lriañji Zabdi. 18 Lrideeca njaañji Zabdi ipañjeeta padapecha, njite Acan Carmi ienipe, Zabdi ienipe, Zera ienipe aadalrinji Judá inaikica ricuda, naniwanacan. 19 Njite Josué iacu Acan isru: "Nuenipe, picaite lriañji mashadalri Waminalri ipjeyalre Israel idiute, njite picaite piacuna lrisru. Pinaitja machiacalre, picaite ¿Cuca lriaca pinaitja? Madawachachu cuca nuyan". 20 Njite acam shepacan:Mashadalricha nunaitaca maachi lricuema lrianji Waminalri Israel idiute. Cacha nunaitalrica lriañji: 21 Nucapacada nacu nasricuda njaañji iyasruti cacuadape pada nasrudape machiadalri Babilonia dalri, doscientoita moneda palratape, njite pada barra uwisruita jamiña dalripja pamuyua kilo iuya, nuqueminaca njite nudeecana. A nudawanañji, jipaisricu nupanaita ipamuyuaca naapiya njaañji modeda palrataitape napjite. 22 Josué imenaca njaañji idecape yacuti, shecucapeu lripinaita lriculre njite ninica njaañji iyasruti. Njite nacaucadanacu naquetacana aañji lridawacarumna añji lripanaita ricu njite napjiteca njaañji moneda palrataitape. 23 Njite nepaqueca lriadanacu njaañji iyasruti lripanaitalri cjuite njite nadeecana Josué icjaulre njite pjiomi Isralita nai tsaca. Njite nacadaa cana Waminalri ipjeyalre. 24 Njite Josué pjiomi Isralitanai tsaca lrinei, njepeca lriañji Acan Zera ienipe, njaañji palrata, lrianji nasrudape cacuadadalri njite lrianji barra uvisriuite, njaañji lrienipe, nijite lrituanipe, njite njañji lri bueyes nai, lri mulanai, lri ovejan nai, njite lripanaita njite pjiomi lrsruperri pia, njite nadecana pjiomi jipai pacuacaitacawalre Acor. 25 Njite Josué iacu: ¿Cuada pidee wasru jisrapjitacjelri? "Panaya Waminalri idee cautsa pisru jisrapjitacjeti."Pjiomi Israel naucaqueca jipado nanacu njite namjaitecana. 26 Njite nasietecalrinacu pada jipanadan jipadapeshu, ninicatuan panajiete. Nini Wuminalri lrimaudaca lriuya lrianji. Lrirrua lricjaute nacuda lrioitana atee panajiete, jipiai pacuacacawua Acor.
1 Dios icaite Josué iso, mofioshua mainonotucushao. Piolee piumi pinaiva naaji pinaiquite uovinai, Pirrucarru Hoiirricule. Ima nocadu-caucha picapi-rricu lriaji talricanati Hai-rricuda. Piumi lrinaiquite , lriyacalre,lripaiteshoca. 2 Pinaitausha lrioji Hai italricana cayujii pinaitaca-pisho Jericó italicana iapía. Mitsa panaya idevocha. Cucuitaperri, lipiira-shaca isovava, iolavacaoshao imuñetuca-rruashuna. Yacolre idanan. 3 Nite Josué jínico iemao lride piumi lrinaiquite uvinai nacarru Hailricule. Nin josué in ivano treinta mil aachionaoi caidaaperri, mafiocapeshao Limenaca-nava, deepilricu pemulre. 4 nite Limenacana, lriaco nasho idavacaushao yacolre idanannite imañeta- carruashana. Maashaucha tecc-yacalre iuya. Ivapacarrueshoucha. 5 Nua piumi naaji aachianai iaacope nuinai, washumita- causha llrioji yucolre. Nite momutucado- nocuashao, nainucarru faá. Fecuacha teecuyacolre-iuya cuyuji Wainaitaca- pisho maná .Nite nacaiteusha oopi nopituwauya. 6 Namutuasha neecuita faá wadevasho-ná teecu yocolre-iuya. Nite nacaiteusha oopi napitushe-nacowauya, cayujii nanaitaca-pisho pía.Nite Fecu-wapitu causha nauya. 7 Icamitsa imutuoshao idavocaca-rrudaricuite, jipacarru lriaji yacolre. Dios-vasha icadaa iso lriaji yacolre icapirricu. 8 Jipacada-nacuosha lriaji yocalre jimailaushani tiyeesho. Inaitausha piumi lrioji jiepoca-danoco waminalri icapa oopina nomenoca jlo. 9 Josué imenoca-nava,nite nava nodavacaa carrudorico, nite nodavacao lriuya vaca. Lriuya vaca. Lrioji yacalre Betel, nite, Hai Jerri-jievo cavao Hailrico. Mitsa Josué limaa nainai naoji lrinaiquite. 10 Piyumpinacutua Josué icafia va lricadacarru lricaulreo lrisholrodaunai inacu navapa- carruesha. Josué nite naaji pequipenai israel-nai. Icamisha nainucu trioji yocalre Hai. 11 Piumi naaji aachianai inucaca peo lrinaiperri. Icamisha neemacao noshumitaca .Lriaji yacolre Hai-Hashumitaca lrioji yacalre navafetacao. Lripatulriemete lrioje Hai. Ninipia pacuaca-cava jipai nauya waca Hai iapia. 12 Lridee naaji cinco mil aachianai lricada- carruna namañeta-carruda lricujeerri jievacavalre lrisho lriaji yacalre Betel nite Hai iapía. 13 Lrimochieta piumi naojí sholro daonai,nite naoji papoco oovinai iinanualremalre yacalre nite naojí netepen jerri jievacavalre yacalre isho-ninitsa Josué jiyopeta deepi-nainai malrichicueto- lricu. 14 Lricapacada-nacu lriaji talrica naoti. Hai-lricuda, nite naaji lrisho lrodauperre, piyumpinacotua nacafiava naacarru nainuocao Israel icuemete. lricuemete lriji pacuaca-cava jiipai ooni Jordán. Nite currin lriaji lriyacalre lriapodam. 15 Josué piumi naaji Israel nacadaacao cayujii maidaperrinsho napeyalre. Nite napitucao Jalrapocorricolre. 16 Piumi naaji yacolre-rricuperri livanacana napiñietaca-rruna, naacao Josué jiapodam nite namacaca lrioji yacalre. 17 Currin pacapa apada aachia Hai-rricu, Betel rricushaca Curridolri iava israelnai jiapodam. Namacaca lriaji nayacalre, namacachoca jalraanapananuma napinieta-carru naaji israelnai. 18 Nite Dios yaco Josué "isho piqueñata lriaji pimorocom Hai ideshe, lriaji picapi-rricuda. Ima nuacaucha lriaji Hai picapirricu." Icamicha Josué iqueñata lrimorocom lricapi-rricuda yacalve ideshe. 19 Naaji shotrodaonai idavaca-capeo nacashata-cavana, namotucava nite naacava nacapa-cadanaco lrishetaca nishe. Nite neeco-neevao yacalre-rricu nepaca-rrum, namaitacarrum queyacalrrin. 20 Naaji achianai Hai-lricuperri, nacabuco nacapaa naapodanshe, itacati jinico enulriculre, yacalre-rricuite. Nite currin aquerreca napitucaba, ima naaji sholrodaonai israelnai ipitucapeo jalrapoculrirrico nadiacava nainuacacorru napia. 21 Nite Josué israel-naishaca nacapacadanaco nepaca lriaji yacalre naaji idavacacapeo, lrishu lriaji iicacati jirralriu, nadiacaba nainucarru naaji aachianai Hai-rricuperri. 22 Naaji apana sholrodaunai israelnai jievacapepiao yacalrerricu, namotushacau nainucarruna, ninipia naaji achianai Hai-rricuperri nepapiana naaji apapacu sholrodaunai israelistanai, apadapena pemete nite licuemotes shaca. Icamisha israelnai inuca naaji aachianoi Hai rricuperri currim lricada apada caafi currinshaca apada ipitua. 23 Caafipiacha neepaca lriaji Hai italricana. Lriaji nepanda, nite nadecani Josué ipeyalre. 24 Yamicayamina israelnai inuca naajii inaiqui Hai-rricuperri nepaiterricu shumitsa lriayu lriaji jalrapuculri napinieta-carrunna. Nite piumi ate lriaji pitendalri, nainucani macheta jemasho piumi naaji israelnai naadiacava Hai-rriculre. Nainucarruna macheta iemasho. 25 Piumi naaji nainuji lriada achianai Inaitepe-shaca doce mil pia namaimaca piomi naaji Hai-rricuperri. 26 Currin Josué lriorrucuetaca lricapi lriaji lrirretanda pia lrimorocon iapia-ate, querreca namachica piumi lriaji yacalre Hai. 27 Icaamisha israel idee napirrá piumi cacuadaperri nayacalre rricuperri cayuji vaminalri icaite capisho Josué isho. 28 Josué jimaita lriaji Hai. Nite lriqueenatana piqueten. Nite nayacalren namacandacani atee panayete. 29 Lrirrueta jaicunaco lriaji Hai-italricana. Ateé dainumalre, jerri jevacadanaco. Josue imenaca naurrucuetarru lrhidaquin lriaji natalricana, jaicunacuite. Nite naapecuni. Lriushuao lipananuma lriaji yacalre. Nini nanaita apana jipana jipadasho licaunan, lriaji jipana jipadashodalri ninitua panayeteni. 30 Nite Josué inaita lriacarrudao WAMINALRI Dios isho machadalri, nadiote naaji israelnai aaaji avacada E bal-nacu 31 Cayuji, vaminalri inaiquite Moises. Licaitecapishupia nashu naaji israelnai cayuji lridanacapisho lrishua, lipaperran lricu lriani Moisés, inaita jiipadaasho maaquipetusho iacarrudao maachiadalri-nosho curridalritua nanaita licapacana shipalrasho. Nite lriaca lriaji ofrenda lrimaitanda vaminalri isho nite, namaitashaca ofrenda namawada-cashupa. 32 nini inpeyolre iriaji yucalre israel iriolonapia jipadonoio, nanapian nuuaji moise idonunipe. 33 Piumi naaji israel nai, pequi penai sholroduronai , caconuperri, nemocuba piumi iricuemalre chaca nuuji.sacerdote nite nuaji levitus, naupio iioloca lioji vaminairi iarcan piumi nuaji iceccuiteperri. nini perrishara: nupumyuuaca yemao avaada gerizim icucmete, nite nuaji pumuya ncmacao ireuentemete iriaji Avacaola Ebal. Nite naaca machiodolri nanacu naauji israelnai. Cayuji Dios inuiquito Noise icuitecapisho irinitoca va ipeyo 34 Iriopudom piumi Josue ileco piumi haiji yucuti neopupiolin; limuchia ca, nite naoji limuchicana, cayuji nada nacupishu napoperomiricu irioji neepandaola . 35 Cuiimpiesha pucupa apanana yu ciuti cayuji moise inucapisho noi. Nite Josué curin inilea
1 Pjiomi pia njaañji talicanatina yufacape pia tsumi uni Jordan yaya, awacadanacu njite jipai pacuanacawa tsumi uuni macapawan Mediterraneo inumapi, añji Libano sre, njaañji Hititas , Amorreos, Cananeos, Ferezeos, Heveos, njite njaañji. Jebuseosña, 2 Nawacaacawa naneiwaca nanjaitacasru uwi Josué icuema njaañji Israel. 3 Njite njaañji yufacape Gabaon, njemicadonacu cuamica Josué inaitjaca naapiya njaañji Jericó licuperri: Njite njaañji Hai ricuperri. 4 Nawaopiaca cuamica nanaitjacautsa. Nanaitjaracawa cayuñji ideecapeshu jaati. Njetaaca cawa nachayan upiperrimshu njite njepa chacu machiperrimitsa njite necadaacana naburron nacu. Njepa tsaca nadee nairacarrudape jaicutjeda yana lripitana odre, uupipemitsa, caupitjapemitsa njite nacupalretañjemitsa. 5 Njeetaca nasandalian uupipernitsa njite nawpalretañjemitsa.Njite njeetacacawa nachayan shu upipernitsa njite tamalripemitsa. Pjiomi liañji napante narrawa lricuda tarracani njite queyucan. 6 Nacawa Josue yufacawalriculre aañji Gilgal, njite naacu lrisru, nasrutsaca njaañji Israel inaquite: "Faa wanuca apada jipai nacjuite tecjuitedalri, caishupa pimachieta yacuti wapiya". 7 Njite njañji israelricuperri nacu narru njoanji Gabaonitas nai. "Wadee catsau tsumiperri catsa shaa wauya". "¿Cunjinta wamachietaca yacuti iapiya". 8 Njite nacu Josué ishu: "pisiuperica faa". Josué itatacanaa: "¿Cjaitenai shaa?, ¿cjaite iinunji?" 9 Naacu lrisru: "Faa pishuperri wanuca apada jipai nacuite tewithedalri, lricaute lrianji iiminalri Dios. Ima femicaa lrinacu njite pjiomi lrianji lrinaitalri Egipto lricu; 10 njite pjiomi cuanca lrinaitjaca njañji yamadade talricanati Amorreos nai, aañji pemalie uni Jordan lriañji Sehón, Herbon talricana njite Og Basán talricana, aape piañji Astarot. 11 Njañji pequipercú njite pjiumi naañje iufaacape waxacalre ricu nacu washu: "Idee icaapiriicu iñaopewa inipulricu. Iwaquetacawaa napiya njite icaaaitena: " Faa pishu perri pimatsieta yacati wapiya". 12 Lrianji waiñaoda, jamudalripiatoa fepaca wadee wapana lricuite wamutu cadanacua wanucariu icjaúlre. Mitsa panaya icpa metacaan njite queyuni. 13 Njaañji wairracarudape jaicjuteda yana naipitana Odre walripe peacatuana wapacjanta cadanacu naa, mitsa panaya cherremi quecha naa. Njañji wachayan njite wa sandalian nawayaca cawa lriteecuca ima. 14 Njanji israelitanai nje paca pada penaa naiñaope nacuite njite ñami nadatjaa njemiu naminalri Díos inai. 15 Josué imachieta yacuti naapiye, nawayaqueta carru machidalri njite nacadaacarru caafina. Njañji caacunaperri nayacaalrericupe nomatsietatsaca napiya yacuti. 16 Madalridaa jalredauca shapudan njaañji Israelita nai namachieta cayam yacuti , neeca nañji tsumiperri catsa yufa nauya. 17 Niñi njañj israelita nai nacawa naicaulre nanulrinjite madalridaa jaliedauca shapudaami. Naipitana njañji nayacalre Gabaon, Cafira, Beerot njite Quiriam jearim. 18 Mitsa ñami nemaca nacjuete njañji israelitanai ima namachieta cayami quena yacuti Israel nai iminalri Dios ipjexalre. Njite piomi njañji israelita nai caacucana machi nanaa njañji cacunaaperri nasru. 19 Njite njañjii caawnaperii naw nasru nanaiquite "wamachietjenina naapiya yaacuti Israel nai iminalri Dios ipejeyalre, ninii panaya ñami wataita wana: tjaca nashu maachi." 20 Niniutsa wanaitaca napiya: wawapaaca carru lrirrua yuya waminalri Dios lripuam lrianji wamachietalri yacuti naapiya: wacadaa carsauta caafina. 21 Nini naacu nanaaiquite ishu njañji talricanaate nai: "wacadaacaaucha caaficana". Caicarru njañji Gaboonita nai yumanjicapeca tiyena njite jiwanjicapeca uuni nashu pjiomi njañji israelitanai, caiñji nacaaite capishu nanacu njañji cacunaperri. 22 Josué iwanacana njite lriacu nashu: "¿Cuada lrianji icashaata faa icaitecadanacu wasru: "Tecuite parricafaa", tsumipe cadaanatsamijina shaa wauya? 23 Niniutsa lripuam machiperricautsa, shaa njite ideenjicapeutsa paana isru njautsa njañji iyuacape tiyena njite jiwanjicape uuni lrisru lrianji Dios iipana. 24 Nacu njepaca Josué: "Ima nacaiteca washu faa pisiuperri piminalri Dios imenaca piaca lrianji lrishudalri Moises lriacarru ishu lrianj jipai njite lriwayaquetacarri pjiomi yufacape nini, caishupa wafiucawa wadee cuanca fexapacau pipuam. Cayuada wanitja pjiumi lrianji wanaithalri. 25 Panay picapeena, ima , picaapiricucafa picapjet pinaijta cadaa washu machia, pinaithenaan. 26 Caishupa Josue inaita napiya cainji: lritacara Israel inaiquite icaairiguitena, caishupa njañji israelitanai ñami nainucana. 27 Lriadaa jaliedauca Josue inajatja njañji Ganaointanai yumanjicaupe tiyena njite jiwañjicaupe uuni yacaalre isru njite naacarruda machadalii naminalri Dios ishi ate panachete lriricuda lrianji lriwaquetatacaawana lrianji naminalri Dios.
1 Panya adonisedee. Jesrusalén iitalikoma limii cuamii Josué jiipaka lialii Hai nite liwayaketanu caiijii linaiitakapisho Jerico isoo nite litalikana. niite liimi cuamika najji inaiiqui Gabaon ricuperri. naufaka namaudaka napiiya najii Israelnai niite naufapaakaa nainaii. 2 Niite najii yakalee Jerusalén jurre nafiokao imaa liajii Gabaon apada yakalre makadalikani cailjii nakaiisho najii yakalre cacunape makafepakan Hai yuuoya niite piumii najii lii achiate kaiidaperrii iinuaakakao naa. 3 Niitena Adonisedec, Jerusalén iitalikana. limenaka apada yacutii Hoham iso Hebrón iitalicana, pireamtsaka Jarmut iitalikana, Jafia tsaka Laquis iitalikana nite Debir, Eglón iitalikana. 4 "Iinúo noiikalre nitee Iquiichindata núa. Waiinua karrú Gabaón naii iimaa namoudakaká Josué yaapiiyaa natsaka najji Israel inaiquite." 5 Najii cincacada taaliikanatii amorreonai; Jerusalén iitaliikana, Hebrón iitaliikana Jarmut iitaliikana, Laquis iitaliikana niiete Eglón iitaliikana nanukaa, niite piumii naa solodaote. Nite neemaká Gabaón iicuemete niite noiinuakakao. 6 Najii inariiqui Gabaón riicuperri namenaka apada yacutii Josué iisou niite nasho tsakanajii solodaonaii Gilgal perri. nacuu natsoo: "Queyao shaa, mamákatsa najji iisoperri. Iinoo waiikaolee queyaá niite iimanacuu faá. liquichiindataa faá. iima piumi najii taliikanatinai amorreos naii yofakapee awakadarricu oopii narruakao naiinukarru faá.'' 7 Josué jiirrao Gilgal ricule, liaa niite niite piumi najii achiaanai uwii iikaoyanapée linai, niitee piumi najii uwiinaii. 8 Waaminalii likaiite Josué isoo; ''mafiiosha naiiwana nuashaa iikadaa naa piikapicurricú, currin nnika aapadaá naanacuiite, iitatakadanta iiyamiitakaa piinuakakao.'' 9 Josué iinuo naiikaolée queyanatsa liinukadana aapóda deepii Gilgal lricuiitée 10 Niiteé waminalii iiteculreetakaa licuemáa Israelnai iipeyaa, iimaa linu naa apaadaa mayaankalii maakadoolii shoo Gabaón lricuo, niitee liipiiñeetaana iinipulrico liiajii jiirrakaadaa Bet Horón tsée, niitee liinuonáa Azeca niite Maceda yaapuana lrico. 11 Naapiitukadanacutua Isaraelnai yuya, naurrucuka awakadalrico Bet Horón lricuite, waminalii iipecuo jiipeda maakaaliipe enolicuiite nanacu piiumi iinipulico Azecatse, nite mayamicanaa. aaimapaa najii, mayanlii jiipaadakelee peesho. nauyaa najii naiinuniipeen espadasho najii Israelnai yachiate 12 Niitedalii kacuoka Josué waminalii iisoo liiapia jaledaukaka wamiinalii yakaulii aciionai Israelitanaii shamaa najii amorreos naii caapiiatsa Josué icaiiteliika naapeeyalee nasii Israelnaii ''¿jerrii, piuajii Gabaón niite kerrii ajii pacuakaiitekawa jiipai ajalonricu?'' 13 Niite jerrii iirrukao niite yamii kananiika keerii aatee querreka liajiiapaada jiipai liipieta linuaka najii liiuewa ¿curriin nadapia joser iipaperranlrico liajii? niite liirrukao, wadeepiaa piiumiika apada jaledauka. 14 currim piiaa niinika aapada jaleedauka upii caiijii panayashoo u liiaapodan liajii; wamiinalii jiimikaa lriako apaada iinaiquii. iima lriajii liinaiitapiiaka uwii Israelnai iisoo. 15 Josué niitepiumii najii Israelnai liinai, naadiakao naufawarriculee Gigal tseé 16 niiteenaka najii cincodade talikanatinai napiiyatapiieenakao niite naádawakakao jaalaafenlrico Maceda tseé 17 Niite naakaiite Josué: ''¡upii nauketa naá! najii cincodaa talikanatiinai iidawakakaperrin jaalaafenrriicu Maceda lée.'' 18 Josué iicaiite: seemiita macadaliiper jiipadaa linomaferricoleé liajii jalafei, niite iikadaa tsolodaonai ninii nawapakarrun. 19 Maufatsa chaa shatsanta iipiinieeta najii iicuemaa niiteé iinou naa naapudiiakaa neewao, nayakaleelrico iimaa waimiinalii Dios ikadakanaa kapiirrico. 20 Josué: niiteé najii Israelnaii yeeniipe nawayaquetaa naiinokanaa. aateé wadeepiia nawayaqueta piiomii naá: niite 21 Niitee piomii najii sholodaunaii, nadiakao namaudakau Josué iidetseé liiofakaleéwallé maceddale. Niite currin apadá iitaiita iimotueta apada yaacuutii nacuete najii yaakalee Isaraelnai. 22 Niitee Josue iikaiiteka: iimeta linumafe liojii jalrafe niite iideniikaolee najii cincodade taaliikanatiinay. 23 Niitee naanaiitaka caiijii liicaitecapiisho. Nadee licaolee najii cincodadee taaliicanatiinaii jalafelricuiite Jerusalen talricana, Hebron talricana, Jarmut talricana, Laquis talricana niite Eglon talricana. 24 Niite nadekayaumina najii taliikanatiinai Josue iikaole, lriwaqueta na cuamitsa najii atsianai Israelnairicoperi. Niite lriaco nasou najii naapiiyawaleenai najii tsolodaonai yaka peeu iinuakao lrinaii: iicaadaa najii jiipaa naawedaliicuo "niitee nanoka nakada naiip nawedalicu. 25 Niite liaco naso: "mafiotsao niitee mafietkatsa ikaidatakao niite mafiiokaperritsa sha kasaotsa wamiinalii inaitakiika piomii jiipondapee yapiya inoakalriwasaa iicuewa." 26 Niite Josué linuakakao linukarro najii talikanatipai liipapiina narruwa cincona jaiconaco. 27 Niite dainoma kadanacuena, Josué limenacanaa, naurrucuetakarruna Jaico nacuiite liipecukarruna liiwawaliiculee liajii jalrafeu naoidawakakarrudan naakada makadaliipe jiipada liiapurrico liajii jalrafei niite najii jiipada panayeete niniikatua naa. 28 Niitee caiipiia, Josué jiipaká Maceda liaa jalredaokaka niite liinú promiina nini liimacheton sho nataliikanadarrico shaka. Liwaya quetakana piomindalii niite tsaka piomi iitawiñakapeu yofakape ninii currincho liikada caiipatsanta. Apadaa nite linaita Maceda iitalikana iso caiiji linaitakapiisho pia Jerico iitalikana iso. 29 Josué niite piiomi najii Israelnai nayapakao Macedaite Libna see. Niite liaka linuakao Libna icuema. 30 Waminalii tsa icadu Israelnai ikapirricou: natalikanayapiya tsacaa. Josue inoka piomi iitawiñaakepe yofakapee machetashoo curriu likada apada cafipatsa. Linaita liso liajii tqliikanatii caishajii liinaitaka pishopia lisho liajii Jerico iitalikana. 31 Niite Josué napiya najii Israelnai piomii nayapaxao Libnoite laquis tse niite liofakao niini, niite nanaiita uwii nakuete. Wawiinalii sha iicada Laquis Israelnai iikapirrico naá. 32 Josué jiipana yamadana jaledauca naco. Liinuaka limachetasho promii nassi yufakape niini caiijii linaitakapishopia libna iitso. 33 Niitedalii Horam, Gezer iitalikana, linei liquichindata Laquis naii niite Josue iinokan lisolodaotenai tsaka yapiiya niite currin cafiika apadaa nanakuiite. 34 Niitedalii Josué niite piomii Israelnaii nayapakao Laquis ricuiite Eglon nicule. Niite naufaka niini nanaiitakarru uwiinakuete, 35 niite naapakanaa liadatsa jaledaukaa niite nakayaunitakana machetasho, niite nawayaquetakana piiumii, caiiji Josué iinaitakapishopia laquis lricuperr 36 Niite Josué piiomii israelnai tsaka nayapakao Eglontee Hebron tseé niite nanaita uwii nakuete. 37 Niite naapakana nakayaunitakana piiumii namachetan sho natalikana dorricu tsaka niite piumi najii yakaledapee. Aperri ajii licudapii. Nawayaqueta calaiimidali piumii iitawinakape yofakape nini nitee currin caiipatsa apada, caiijii Josué inaiitakapisho Eglon iisoo liwayakeeta Calaiimin prumi yo fakape iitawiñao ninii. 38 Niite Josué iidiiakao, nite piumi najii solodaanai Israel rricuperri liinai. Niite naayapakao debir rricú niite nanaiita uwi nakuete. 39 Niite liipakana, natalikanadarricu, nite piumii yakalefepe tsomiperri nakayaoniita naa macheeta shoo niite nawayaqueta calaiimiidalii piumi yofakape iitawiñao nini. Currin Josué iikadaa cafiaadalipatsautaá, caiipiiajii liinaitacapisho Hebrón isoo liitalikana tsaka, nite linaitakapisho libna iiso nitee liitalikana tska. 40 Nite Josué jiitaka lrisowa piumi jiipaii, najii awakadaa, Neguev, maliishikawa niite najii paacuakaiitekawa. Piiumii talikanatiinaii currin liikadaa kaafiipatsanta apada. Liiwayaqueta calaiimiidalii piuwi yukanapenini caiijii wamirinalii, Israel naii jidiote, Jinakapisho naa. 41 Josué iikayauniita kaanaa liimachetansho Cades Barnea rricuiite aateé Gaza rricule niite piumii najii jiipai Gosén ateé Gabaon. 42 Josué jiipakaa piumii najii talikanatiinai napaiite tsaka papienirrii, imaa waminalii, nadiote nojii Israelnai, liinuakarao Israelnari iipuáu. 43 Niite Josué, piumii najii Israelnai linaii nadialao naufakawarriculeé Gilgal rriculeé.
1 Jialji Jabin, Azor italricanoia, jlimicadanacu jliaji talricaati Madon-dalvi, njite lrisho tsacja jliaji talricanaati Simrón talricanaati Acsaf ishu tsacja. 2 Limeenaca tsacja memoria nashu njaji talricaatinai iufaacapewa jiipai yeenundalripe-nacu atsiajliemajle jerri ishu, pacuacaitacawa-nacu uuni Jordán inumapi nacu Cineret ipatujliemajle, nja tsacja njaji iufaacape pacuacaitacawepenacu, njite jiipana nacupe Dor jeerri jiewalri keemjete. 3 Lrimeenaca tsacja yaacuti nashu njaji iufaacapewa jerri imulri njite, njite jerri jiewalri nirshe tsacja iufaacapewa canaán ricupe, amorronai, hititanai, freseonai, jebuseonai iufacapeo awacadanacu, nashu tsacja njaji heveonai iufaacapeqa tsumi awacada Hermondalri Mizpa ijipaitenaa-lricu. 4 Pjiame njaji natsulrudooperri naaca nainai, aima tdulrudaonai iwacaacao, jiipai sha mamaimaca nadee tsacja jurre caballo njite njaji caballo namatsietaji nainuaca carrunao. 5 Pjiume njaji talricanaatinai nawacaacawa njenaana lricú, njite nauca naufaa nini unipaocja uani Merron icudapi nainuaca-carrú israerlitanai icjuete. 6 Diu icaite Josué ishui mafiutsa picapacana, ima teewena caikeenaji jeerri nucadorsana cayuji mayamperrim shu ishu jia lraelitanai. Njiteotsa jia iyua-ketsa naacarrucja njaji caballo njite imajataotsa njaji caballo namatsietaji nainuaca-shapao. 7 Josué njite njaji tsalrudaonai lrinaiperri naucawa. Naucawa kjeyanaa datsao ooni Merom nacujle, njite nainuca njaji nacucma. 8 Diu icadaa iraelitanai icaapi ricu njaji nacuena, nainuna matseeta-shu njite napineetana Sidom-she Misrefot Main, Jerri imutulri njite pacuacaitacawalricu Mizpa-dalri. Naino pjiume curri nacadaa caafi pada nanacjuite. 9 Josué inaitja cayuji diu inaa-capishu. Lriyua naacarracja nja caballo, njite lri mjaita njaji caballo namatsietaji nainuacashupao. 10 Njite Josué idio jliadaa nacutsa yacaalre Azor ricajle lriinu- carruna, njite lriina tsacja Azor italricanaa matseeta-shu. (jliaji Azor, icapiatsa naapiyacuaca nja pacua lricupe talricanaatinai). 11 Nainu pjiume inaiki iufacapepia nirse matseeta-shu, curria lricadaa caafi pada lriinu pjiume inaiki maaficalri tsacja. Njitedalri Josué imjaita jliaji yacaalre Azor. 12 Josué jiameeta piume nayaculrepe njaji talricanaatinai, njite jlipa tsacja natalricanaanai nacuamtsa nja yacaalre lriinu pjiume matseta-shu, cayauji biu ishudalri Moisé inaacapishu pia lrinaitjaca. 13 Njaji iraelitanai curri namjaita njaji yacaalre jiipananacuperri, icaanirsa Josué imjaitalrica jliaji Hazor. 14 Njaji tsoludao iraelitanai njepa nasuwao pjiame njaji nanaani cacuada perri njite naapirram tsacja nerricudaperrim pia njaji yacaalre nijujim. Nainu pjiame njaji inaiki matseeta-shu, surrin nacadaa caafi pada. 15 Cayuji diu inaa-capishupia jliaji lrisudalri Moisé njite Moisé inaa Josué cuancarru lrinaitjaca, cayatsa lrinaitjaca. Josué inaitja pjiume njaji dia imaalri pia Moisé inaitjaca. 16 Josué jipa pjiume jliaji jiipai, jipai awacadacawa-lricu, pjiame Neguev jipaitena, Gosén jipaitena tsacja, njaji jiipai tuumuitacawa-jle, pjiume jiipai pacuacaitacaawa uuni Jordán-dalri,pjiume jliaji jiipai awacadacawa nayada njaji iraeilatanai, pjiume malritsicua isacja. 17 Lrinacjuite jliaji awacada Halac-dalri tsuumi Edom iuya, jeerri iyekemajle Baal Gad iicjaolre, jiipai iuyawaaca-dalri tsumi Libano iuya tjewacajle caawa naca lrshu jliajiawacada Hermón-dalri iipitana. 18 Josué iinu pjiumenjaji natalricananai. Wia pia jaledauca Josué iinuacawa nacjaete njaji talricanatinai pjiume. 19 Curripia pacapa apacua yaclre inaitjacada yaacuti na maudaca-carru naufaacawa iraelitanai iapiya, icaamitsa njaji heveonai iufaacape Gabaón-ricú. Njaji iraelitanai jiameta pjiume nja paana yacaalre inuacakjeti-ricú. 20 Ima diut-sa itarrata nacaulre ricu nacapa-carrú njite nainuca-carrú nacjuete njaji iraelnai, lritaitá-carrú lriwayakeetana pjiumena. Njite curri kjenaa nacapaca nashu, cayuyi lrinaa-capishu Moisé. 21 Ikeena Josué inu jliadaa jeecuapi njite lriwayakjeeta njaji anaceonai. Lrinaitja cayú awacada Hebron dalrinaco, Debir tsaaeja, Anab ricú tsacja, caitsa lrinaitjaca pjiuma awacadacaawa Judá ricú, caitsacja lrinaithaca awacada lricu Israel dalri. Josué iinu pjiumena njite lripeeco matsiape pjiume nayacalre. 22 Curri pada nanacjuite njaji anaceonai iufaawa njepaite-ricú njaji iraelnai, icaamitsa njaji, Gaza-lricupe, Gad njite Asdod tsacja. 23 Caayupia Josué jipaca njaji jiipai, cayutsa diu icaitecapishu Moisé ishu. Josué icadaa nashun njaji Iraelitanai nayaada-carrún, lria nachu jliaji jiipai nacuana njaji nanaikiwaaca. Icapiena nawa feetacao uuwicalri iuya.
1 Paanay, catsa njañji talricanaati nai jipainawpe, nje palri njañji aachianai Israel ricuperri. Njañji Israelita nai njepaca nasruwawa njañji jipai aaperi aañjii jeerii imutulri njite, aañjii Jordan, jaitenji jeerii imutulrinjite, jaitenjii jipaii pacuaaca cawa uunii Arnón ate awacaola Hermon, njite pjiomi lriañji Arabá ate jeerii imutuli njite. 2 Sheón, Amorreos nai italricanaa, lriutapiacao añjii Hesbon. Jimeenaca piaca Aroer ricuite, lrianji aadali lrinumapishe lrianjii jipai pacuacadalri Arnon, lripamuyuaca nacuite lrianji Galaad ate uunii Jaboc, nanumapishe njaañjii amonitas nai. 3 Sehón imeenaca pialsaca nanacu njañji Araba ricuperi ate uuni macapawan Cineret, jeeri imutulrinjite ate uuni macapawan Arabat (uuni macapawan piwaanjai), aañji lrinipute ricu lriañji, Bet Jesimot njite, apja cañji jeei patulrequema, ate lriusiucucawawa awacada pisga. 4 Og, Basán tralricana, pada nanacjuite naanji yufaacape pienacha nanacjuite njaañji refaitas nai lriufapiawa aanj: Astarot njite Edrei. 5 Lria lrimenaca pia lrinacu lriañji awacada Hermón, Salca njite pjiumi Basan, ate jipai yuyawaca nayada njañji ycalre gesureo nai njite njañji maacateos nai, njite lripamuyuaca lriañji Galaad, ate jipai yuyawaca Sehón inai, Hesbón talricana. 6 Moises lrisrudalri lriañji waminalri, njite lrinaiquite lriañji Israel njaaa cana njite Moises lrisrudalri lrianji waminalri, lria nasru jipai nasrudalriu njaañji rubeonitas nai, njaañji gaditas nai, njite napamuyuaca njaañji Manasés inaiquika. 7 Catsa njañji talricannati nai lriamalri lrianji Josué njite njaañji Isreael inaiquite aañji jeeri shewahlrinini Jordan, Jaiteñji Baal Gad jipai pawacadalri Libano ricu ate awacada Halac tsumi Seir yuya. Josué yaca jipai nasru njañji Israel inaiquica nayapeu carru na. 8 Lriaca nasru njañji awacada, jipai pawacadalri, lriañji Arabá naurucucawape njañji awacada, lriañji jarapuculri, njite lriañji Neguev, najipaite tsaca njañji Hititas, amorreos, cananeos, ferezeos, heveos, njite jebuseos nai. Njañji talricanati nai njeta naneiwa Jericó talricana, Hai talricana adalri piañji pemalre Betel 9 Njañji talricanati nai njeta naneiwa Jericó talricana, Hai talricana adalri piañji pemalre Betel, 10 Jerusalen talricana, Hebrón talricana, 11 Jarmut talricana, Laquis talricana, 12 Eglon talricana, Gezer talricana, 13 Debir talricana, Geder talricana, 14 Horma talricana, Arad talricana, 15 Libna talricana, Adulam talricana, 16 Maceda talricana, Betel talricana, 17 Tapúa talricana, Hefer talricana, 18 Afec talricana, Sarón talricana, 19 Madón talricana, Hazor talricana, 20 Simron Merón talricana, Acsag talricana, 21 Taanac talricana, Meguido talricana, 22 Cedes talricana, Jocneam talricana adaliñji Carmelo, 23 Dor talricana adlrinji Dor iyenunca, Goyin talricana adalriñji Gilgal 24 njite Tirsa talricana. Namaimaca pia pjiomi njañji talricanati nai 31.
1 Njite pekirrikena Josué, wa Minalri iaco lrisho: ''Oopi pekirri pjia, njite canacai pjatoa jiipai jitaoda ishowao.'' 2 Icatsa njaji jiipai canacairri toa jitaca: Njepaite njaji filisteonai, njite njepaite pjiomi njaji gesoritanai, 3 (Sihor ricjoite jeerri imoto keemjete Egipto isho, njite atsiajliemje jeerri isho Ecrón iocacawa ricó, njepaitena njaji cananeonai, njaji cincodee talricanaatinai Filisteo: Gaza ricope, Asdod, Ascalón, Get njite Ecrón, icatsa njepaiteca njaji heveonai). 4 Njite atsiajliemajle jeerri isho, nintoa pjiomi njepaite njaji cananeonai, njite Mehara, nayada njaji masedonionai, lriocawa Afec nacojle, njite lriocawa njepaite iocacawa njaji amorreonai; 5 njepaite njaji giblitanai, pjiomi Líbano jeerri imoto keemjete nacojle, Baal Gad nacjoite tjewacajle cawa lrisho jliaji Awacada Hermón njite lriocawa Lebo Hamat nacojle. 6 Canacai toa ipjeya njepaite njaji iofaacape awacadacaawa Líbano ricó atée Misrefot Main nacojle, njite naofaacawa ricó tsacja njaji Sidón perrí. Njoa tsaotsa ipeeco ipjeya njaji icoema, jia iraelitanai. Njite pjia, Josué, picadaotsa nacoanaa jliaji jiipai nasho njaji iraelitanai cayotsa nonaa capisho pinaitjaca. 7 Piawatsa nacoanaa jliaji jiipai nasho njaji noeve poco iraelitanai canacairri toa isho, njite nayadao tsacja njaji pamoyoa toa nanacjoite njaji Manasenai. 8 Ima njaji Robén inacjoitepe, njaji Gad inacjoitepe njite pamoyoa nanacjoite njaji Manasenai, Moisé Diu ishodalri icadaa pienina nasho jiipai jeeri imotokeemjete Jordán isho. 9 Aroer nacjoite, lritawana nacoda jliaji jiipai pacoacaita dalri Onipaocja Armón isho, jlia tsacja jliaji yacaalre iemalrio pamoyoa lrisho jliaji jiipai pacoacaitacaawa toomotsa, jliyapá pjaawa pacoacaitacaawa nacó lrisho jliaji jiipai yeenondalri Medeba, njite lriocawa teeco Dibón naco jle; 10 pjiomi njaji yacaalrem lriajimpepia inaco jliaji amorreonai italricanaa Sehón, jliaji italricanatalri pia Hesbón ricjoite, lriocawa, amonitanai jipaite jinaa iocacawao nacojle. 11 Jlipa tsacja Galaad jipaitena, njite pjiomi naofacaawao njaji gesoritanai njite macateonai tsacja, pjiomi jliaji Awacada Hermón, pjiomi Basán, lriocawa Salca nacojle; 12 pjiomi Og jipaitem Basán italricanaa pia, jliaji italricanaatalri pia Astarot ricjoite njite Edrei ricjoite tsacja; icapienatsa piketeendalrica nanacjoite njaji refaitanai, njaji Moisé inojim njepaite oooya. 13 Mitsa njaji iraelitanai corí naino njaji gesoritanai corrí tsacja njaji maacateonai. Níini njaji Gesornai njite njaji Maacanai icatsa naofaaca nainai njaji iraelitanai panajiete toa. 14 Njite njaji Leví poco, icaamitsa corrírrica Moisé icadaalri isho jiipai. Mitsa pjiomi njaji maaficalri namjaitaji wa Minalri isho, na Diute njaji Iraelnai nayaadacan, cayopiatsa Diu inaapiaca Moisé inaitjaca. 15 Moisé icadaa njepaitewa njaji Robén poco coshoca namaimaca njaji njanirrinai. 16 Icapiatsa njepaite jinaaca njaji Robén poco. Aroer ricjoite lrinomapi jliaji Onipaocja Armón, njite jliaji yacaalre pamoyoadalri lrisho jliaji jiipai pacoacadalri, njite pjiomi jliaji jiipai malritsicoa Medeba dalri. 17 Nacadaa tsacja nasho njaji Robén poco jliaji Hesbón, njite pjiomi njaji yacaalre malritsicoa ricope Dibón, Bamot Baal njite Bet Baal Meón tsacja, 18 Jhaza, Cademot, Mefaat tsacja, 19 Quiriataim, Sibma, yeenon Zaret Sahar naco. 20 Nacadaa tsacja Robén poco isho jliaji Bet Peor, jiipai tjewacajlecawa Pisga dalri, Bet Jesimot tsacja, 21 pjiomi njaji yacaalre jiipana nacope, pjiomi tsacja jliaji jiipai Sehón iyaadam amorreonai italricanaa, jliaji italricanatalri pia Hesbón ricjoite Moisé jiametajin oowi rico, Moisé jiameeta tsacja njaji ikitsinadacape pia jliaji talricanaati Sehón, njaji Madian ricope, Evi, Raqoem, Zor, Hor, Reba icatsa lrienipenaca jliaji talricanaati Sehón, iofaacapem pia lrirricoda jiipaica. 22 Njaji iraelitanai naino jorre nacoema oowi ricó matseeta sho, njite naino tsacja nainai jliaji Balaam, Beor irrí, jliaji ideenjirri pia malriiri sho. 23 Jordán ricó, icatsa njepaite jinaaca njaji Robén poco. Nacadaa nasho coyoca namaimaca njaji njanirrinaipe, nacadaa nasho pjiomi njaji nayacalrepem njite pjiomi njaji iofaacapem tsoomi naoya. 24 Panaya wacapa cjerreca Moisé icadaa njepaitewa njaji Gad poco, nacoanaa njaji njanirrinaipe. 25 Lricadaa nasho njepaitem njaji Jazer ricópem, pjiomi njepaitem njaji Galaad ricopem pia, njite pamoyoa pja njepaitem ioya njaji amonitanai, lriocawa Aroer nacojle, Rabá icodapi, 26 Hesbón ricjoite, lriocawa Ramat Mizpa njite Betonim nacojle. Mahanaim ricjoite, lriocawa Debir jipaitena nacojle. 27 Jiipai pacoacaita dalri, Moisé icadaa Bet Aram isho, Bet Nimra isho, Socot isho njite Zafon isho tsacja, njite pjiomi pja Sehón jipaitemi, jliaji Hesbón italricana pia, njite nacadaa Jordán njepaite jinaana iocacawao, njite lria lritoda tjewacalre caawa lrisho jliaji ooni macapawan Cineret dalri, teeco Jordán ioya. 28 Icatsa njepaiteca njaji Gad poco, nacoanaa njaji njanirrinaipe, nacadaa nasho pjiomi njaji nayacalrepem njite pjiomi njaji iofaacapem tsoomi naoya. 29 Njite Moisé icadaa tsacja nayadao jiipai njaji Manesenai, pamoyoa ishotoa. Lricadaa nacoanaa coshoca namaimaca njaji njanirrinaipe. 30 Njepaite iniitawa Mahanaim ricjoite, pjiomi Basán, pjiomi jlipaitemi jliaji talricanaati Og Basán dalri, pjiomi Jair lriyacalrepem Basán ricope, sesenta namaimaca njaji yacaalrem; 31 njite pamoyoa pja njepaitena ioya njaji Galaad ricope, njite njaji yacaalrem Astarot, Edrei tsacja lriyacalrepem jliaji talricanaati Og, Basán italricanaa, nacadaa lrisho jliaji Maqoir, Manasé irrí. Nacoanaa coshoca njaji njanirrinaipe. 32 Icatsa Moisé icadaaca njepaitewa malritsicoa Moab ricó, teeco Jordá ioya, jeerri imoto keemjete Jericó isho. 33 Corri piatsa Moisé icada njepaitewa njaji Leví poco. Icaamitsa nayaadaca jliaji Diu, Iraelnai Italricanaa. Caitsa lricaite capisho piatsa nashó.
1 Icatsa jiipai Canaán ricoda lricadaalri iraelitanai isho jliaji sacerdote Eleazar, Josué Non irrí njite njaji iraelitanai iapiyawanai njanirrinai inaikica nacó nacoanaa. 2 Napeeco paperrapjaipe nanaco njaji noeve poco iraelitanai njite njaji pamoyoa toa manasenai nanjíi carró cjerre dalrica jiipai nacadaa nasho, cayotsa Diu inaa capisho pia Moisé inaitjaca. 3 Moisé icada piena njepaitewa nasho njaji manasenai Jordán peemajle, mitsa pamoyoa ishotoa nanacjoite njaji manasenai. Corrím naa njepaitewa nasho njaji Leví poco. 4 Yamapoco pienacja njaji José inacjoiteperrí, Manasés njite Efarín. Mitsa nasho njaji Levínai corrí naa nayaadao jiipai, icaamitsa nacadaaca nasho apacoape yacaalre matsia cawa paofaacawa, matsiacawa paapanaca njite matsiacawa patawiñaca vaaca. 5 Nanaitja njaji iraelitanai cayoji Diu inaacapisho pia Moisé inaitjaca, icamiina lricadaa nasho nasho njepaitewa. 6 Njite njaji Jodá poco naawa Josué iderse Gilgal ricó, niini Caleb, Jefone irrí, cenezeo dalri, iaco Josué isho: Pianjíntsa coanca wa Minalri icaite pía lrishodalri Moisé isho pinaco njite nonaco tsacja Cades Barnea rico. 7 Noshopiaca coarenta jámolri jiicocami njoa, Diu ishodalri Moisé imeenaca caojli njoa Cades Barnea ricojle noa carró nocapa dawacalri ricotsa jliaji jiipai. Nodee iacoti njite nocaolre ajádalri iapiya. 8 Mitsa njaji nokitsiñape iacapem noinai nameenacja nacaolre ifiocawa pekirritsa njaji inaiki. Mitsa njoa nonaitja cayoji no Minalri Diu inaacapisho njoa. 9 Moisé icaite iacoti ajádalri sho jliadáa pia jeecoapica, lriaco: ''jliaji jiipai pipjoalri piemaje carrom picapa, piyadacani naapiya njaji pienipe pikeetem, pinaitja capoa cayoji wa Minalri Diu inaa capisho.'' 10 ¡Picapa, paanaya! Coarenta cinco jamolri jiyapeenawa lricadaatoa caafica njoa jliaji no Minalri, cayotsa lricaite capisho, caacocayami wa Minalri Moisé isho, naajecawiaca jalrapocolri rico njaji iraelitanai. Panaya noshoena ochenta cinco jamolri nopekirrica nacó. 11 Caicarromtsa cjaidaca njoa cayo caojli shotsa Moisé imeenaca caojli pia waa wacapa jliaji jiipai. Pacoacatsa njoida jliawalri shotsa, notaita toa noaca oowi rico, njite nodía carró njite tjacja. 12 Niini panaya, picadaa nosho jliaji jiipai awacadacaawa, on Minalri icaitenda nosho jliawajli pia. Ima pjiatsa jími tsacja jliadáa pia, níinica naofáawa njaji anaceonai (inaiki macanepe) inaitjacape taimi nayaclre idaanao. Wadetsantja noinai catoa wa Minalri, njotaotsa njitena cayotsa Lricaite capisho''. 13 Icamina Josué icadaa iacoti matsiadalri lrisho jliaji Jefone irrí Caleb, lricadaa carroena lrisho lrienipenaipe iapiya jliaji Hebrón. 14 Niini Caleb, Jefone irrí enezeo dalri, iyaadenacja jliaji Hebrón, atée panajiete. Ima Caleb jiepa ajádalri lriaco jliaji Diu, Iraelitanai Italricanaa. 15 Quiriat Arbá pia lripitana jliaji Hebrón oopi. Ima, Quiriat Arbá piaca lriipitana jliaji ape atsia caanadalri nanacjoite njaji Anácnai, inaiki macadalripe piacana. Jliapodamjite corrí pienatsa nanaitja oowi Hebrón ricó.
1 Jiipaí nacadanda nasho njaji inaiki Jodá poco ishó, nacoanaa njaji njanirrinaipem; lriocawa njepaite iocacawao njaji Edom perri, njite jalrapocolri Zin dalri, aatsia jliemjete jeerri isho. 2 Njepaite iocawa, aatsia jliemjete jeerri isho, Macapawan Piwádalri jiwidana nacjoite, jlienitacaitao iocacawa aatsia jliemjete tsa jeerri isho. 3 Pada njepaite jinaana tsacja, lriocawa awacada Acrabím nacojle njite lriyapawa Zin icodapi, njite jlirrawa aatsia jliemjete jeerri isho Cades Barnea isho, Hezrón icódapi, yeenon Adar nacojle, lridiacawa Cárca icjaolre. 4 Jliyapapiawa Asmón icodapi, onipaocja Egipto dalri ricó atée lrimotocawa macapawan nacoje. Icapia njepaite jinaanaca aatsia jliemjete jeerri isho. 5 Njite atsiajliemajle jeerri isho, lrioca piawa Jordán imotocawa Macapawan Piwádalri nacó. Njite patojliemajle jeerri isho, Jordán imotocawa Macapawan icoyoa nacó. 6 Jlirrawa Bet Hogla nacojle Bet Arabá icodapi atsiajliemajle jeerri isho. Njite jlirra pjaawa atée lriocawa Jiipada Bohán nacó Robén ienipe. 7 Lriawa Debir iicjaolre pacoacaitacaawa njiteo Acor isho, njíte lridiawa patojliemajle jeerri isho mayacan Gilgal nacojle, lricoemjete jliaji jiipana tjewacajle dalri Adonim isho, atsiajliemajle jeerri isho lrisho jliaji jiipai pacoacaitacaawa. Njite lriapjao njepaite jinaa onipaocja iinai En-Semes dalri atée lriocawa Rogel icjaolre. 8 Njite jlirrapjawa pacoacacaawa naco Ben Hinom dalri atsiajliemjete jeerri isho lrisho jliaji yacaalre Jebús, jliaminitsa Jerosalén. Njitédalri jlirrawa lrinaco jliaji jiipana lricoemjeté dalri jiaji pacoacaitacaawa jiipaí Hinom dalri, jeerri jiewa keemajle, patojliemjete jeerri isho lriwayacacaawao jliaji pacoacaitacaawa jiipai Refain dalri. 9 Njite njepaite jinaa ia pjaawa jiipanalrima nacjoite teeco onipaocja Neftoa nacojle, Neftoa njite lrimotowa nanaco njaji yacaalre Awacadacaawa Efrón nacojle, lridiawa Baala idaanam she. Baala, jliaminitsa Quiriat-jearim. 10 Baala ricjoite njepaite iyofiawa jeerri jiewa kjemjeteo, lriocawa awacada Seir dalri icjaolre, njite jliyapawa Awacada Jearim (Quesalón) icodapi inarroemjete jeerri isho, lriorrocowa njite Bet Semes nacojle, lriyoetá carró Timna icjaolre. 11 Njitedalri lriawa Ecrón icodapi inarroemjete jeerri isho, lriyofiawa Sicrón icjaolre njite jliyapawa coshoca jliwalripaca jliaji Awacada Baala dalri, njitedalri lriocawa Jabneel naco. Njepaite jinaa iocawa macapawan nacojle. 12 Njite jeerri jiewa cawao iicjaolre, njepaite iocawa lrinaco jliaji Macapawan Mediterraneo njite pjiomi lrinomapiana. Icapiatsa njepaiteca jinaaca njaji Jodá poco, njanirrinaipe iipitana naco icoanaa. 13 Josué inaitjá carró cayoji Diu icaite capisho lrishó, Josué icadáa jiipai Caleb isho Jefone irrí, njepaite ricó njaji Jodá poco, Quiriat Arba ricó, jliaminitsa Hebrón (Arba, Anac jinirri). 14 Caleb jiameeta piana oowi ricó njepaite ioya njaji madalridade Anac ienipem: Sesai, Ahimán njite Talmai. 15 Njitédalri lriawa lrinaitjá carró oowi nacjoete njaji Debir perri, Quiriat Séfer piatoa neepitana oopi. 16 Cayo Caleb icaiteca: ''Coandalri caotsa áatsia jiameeta oowi rico njaji Quiriat Séfar ricópe, noawatsa lriinoa shoaji noito Acsa.'' 17 Otoniel Quenaz irrí, Caleb iwerritsa jiameetana oowi ricó njaji Quiriat Séfar ricópe, niini Caleb iaca Acsa Otoniel iinowa. 18 Niini Otoniel ideecadanaco shoaji lrino Acsa, lrinaa rotatjá carró shonirri iinaí njepaitewa lricodapitsa. Niini rórroco cádanaco roborrón ioya, Caleb iaco rosho: ¿Cocao pioma noinai? 19 Njite Acsa jiepani: ''Pinaitja pada matsiacalri nosho, ima picadenina nosho jiipai Neguev ricó, piaatsacja nosho pacja onipaocja''. Niini Caleb iaca rosho pacja onipaocja jiipana nacó njite jiipana taji naco tsacja. 20 Icatsa njepaiteca nanda nasho njaji Jodá poco, nacoanaa njaji njanirrinaipe iipitana nacó. 21 Njaji yacaalre nayada njaji Jodá poco atsia keemjete jeerri isho iicjaolredalrí, Edom jipaitena iocacawajle icatsa njaji: Caseel, Edar, Jagoar, 22 Cina, Dimona, Adda, 23 Cedes, Hazor, Itnán, 24 Zif, Telem, Bealot, 25 Hazor Adata, Qoeriot Hezrón jliaminitsa Hazor, 26 Aman, Sema, Molada, 27 Hazar Gada, Hezmón, Bet, Pelet, 28 Hazar Soal, Beerseba, Bizotia, 29 Baala, Lim, Esem, 30 Eltolat, Qoesil, Horma, 31 Siclag, Madmana, Sansana, 32 Lebaot, Silhim, Ain, njite Rimón. Venti noeve namaimaca njaji yacaalre naapiya njaji yacalreewape nacodapiperri. 33 Njite toomo caawajle awacadacaawa jeerri jiewa caawa iicjaolre, icatsa njaji: Estaol, Zora, Asena, 34 Zanoa, En Ganim, Tapúa, Enanm, 35 Jarmot, Adolam, Soco, Azeca, 36 Saaraim, Aditaim, njite Jedera jliaminitsa Gederotaim. Catorce pia namaimaca njaji yacaalre naapiya njaji yacalreewape nacodapiperri. 37 Zenán, Hadasa, Migdal-gad, 38 Dileán, Mizpa, Jocteel, 39 Laquis, Boscat, Eglón, 40 Cabón, Lahmám, Quitlis, 41 Gederoth, Bet Dagón, Naama njite Maceda. Diecisei pia namaimaca njaji yacaalre naapiya njaji yacalreewape nacodapiperri. 42 Libna, Eter, Asán, 43 Jifta, Asena, Nezib, 44 Keila, Aczib, njite maresa. Noeve pia namaimaca njaji yacaalre naapiya njaji yacalreewape nacodapiperri. 45 Ecrón, naapiya naji yacaalre ninperri njite njaji yacalreewape nacodapiperri. 46 Ecr'on ricjoite atée lriocawa ooni macapawan nacojle, pjiomi njaji yacaalre naapiya njaji yacalreewape nacodapiperri. 47 Asdod, njite pjiomi njaji yacaalre naapiya njaji yacalreewape nacodapiperri, Gaza, njite pjiomi njaji yacaalre naapiya njaji yacalreewape nacodapiperri; njite lriocawa onipaocja Egipto icjaolredalri, lria pjawa Ooni macapawan nacojle njite lrinomapiana tsacja. 48 Njaji yacaalre awacadacaawa, icatsa njaji: Samir, Jatir, Soco, 49 Dana, Quiriata-Sana Debir tsacja lriipitana, 50 Anab, Estemoa, Anim, 51 Gosén, Holón, Hilo tsacja. Niini pia once yacaalre naapiya njaji yacalreewape nacodapiperri. 52 Arab, Duma, Esán, 53 Jamun, Bet Tapúa, Aeca, 54 Humta, Quiriat Arba Hebrón tsacja naanjecani, njite Zior. Noeve namaimaca njaji yacaalre naapiya njaji yacalreewape nacodapiperri. 55 Maón , Carmel, Zif, Juta, 56 Jezreel, Jocdeam, Zanoa, 57 Cain, Guibeá, njite Timna. Die yacaalre namaimaca naapiya njaji yacalreewape nacodapiperri. 58 Halhul, Bet Sur, Gedor, 59 Maarat, Bet Anot njite Eltecón. Sei pia njaji yacaalre naapiya njaji yacalreewape nacodapiperri. 60 Quiriat Baal jliaminitsa Quiriat jearim, njite Rabá. Yamacúa piatsa yacaalreca njaji, naapiya njaji yacalreewape nacodapiperri. 61 Njite njaji yacaalre jalrapocolri ricope, icapiatsa njaji: Bet Arabá, Midin, Secaca, 62 Nibsán, Yacaalre Yokírracoa, njite Engadi. Sei coa namaimaca njaji yacaalre naapiya njaji yacalreewape nacodapiperri. 63 Mitsa njaji jeboseonai iofaacape Jerusalén ricó, njaji Judá poco corrípiatsa nataita njaamacana oowi rico, caishopa niinicatsana panajiete Judá poco iinaí.
1 Njite jliaji jiipai nacadanda José poco isho, lriinitawa Jordán ricjoite Jericó ricó, jeerri imoto kemjete onipaocja ricjoite Jericó dalri pjewa cawa jalrapocolri isho, jlirra pjawa Jericó ricjoite Betel icjaolre, jliaji yacaalre awacada ricoda. 2 Betel ricjoite lriocawa Loz icjaolre njite jliyapawa jliwalripaca ricó Astarot dalri, njepaite njaji arqoitanai. 3 Njitédalri lriorocoa njepaite ricojle njaji jafletitanai jeerri jiewacawa icjaolre, lriocawa tjewacajlre she Bet Horón dalri njite Gezer icjaolre; lriocawa macapawan nacojle. 4 Cayo piatsa nacadaaca njepaitewa njaji José poco Manasés njite Efraín tsacja. 5 Cayopia njepaite jinaana njaji Efraín poco naanda nacoanaa njanirrinaipem iipitana nacó: lrrinitawa Astarot Adar ricjoite jeerri imoto kemjeteo njite lriocawa Bet Horón yenosheshé icjaolre 6 njitédalri lriocawa macapawan nacojle. Micmetat nacjoite, atsia jliemjete jeerri isho, lriyofiawa Tanat Siló icjaolre njite jliyapawa teeco Janoa ioya jeerri imoto kemjete. 7 Janoa ricjoite lriorrocowa Atarot njite Naarat icjaolre lriocá carró Jericó nacó, lria carró lriwayacawa Jordán nacojle. 8 Tapúa nacjoite, njepaite jinaana iawa onipaocja Caná dalri jeerri jiewa kemajle. Icapiats njepaiteca njaji Efraín poco nacoanaa njanirrinaipem iipitana naco, 9 Nacadaa tsacja Efraín poco isho njaji yacaalre njeniitajitsa nayadao njepaite ricó njaji Manasé poco, pjiomi njaji yacaalre naapiya njaji yacalreewape nacodapiperri. 10 Corrípiatsa nainoca njaji iofaacape Gozer ricópe Canaán rico, niini naofáa catsa pajiete Efraín poco iinai njepaite rico, mitsa nacada nadenjée carró nasho.
1 Icapiatsa njepaiteca njaji Manasé poco (Manasé, José irrí pjerriti), nacadaa jliaji jiipai Maqoir isho Manasé irrí pjerriti, jliaji Galaad jinirri. Nasho njaji Maqoir ienipenaipe, nacadaa jliaji jiipai Galaad dalri njite Basán tsacja, ima oowi cjaidádalri piaca jliaji Maquir. 2 Nacadaa jliaji jiipai nasho njaji papoco Manasé inacjote peerri nacoanaa njaji njanirrinaipe, Abiezer, Helec, Asriel, Siquem, Hefer njite Semida tsacja. Icapiatsa manasé ienipenaipe áatsianai, José irrí, nacatjinataji neepitana nacó nacoanaa. 3 Mitsa jliaji Zelofehed, Hefer irrí, Galaad irrí, Maquirirrí, Manasé irrí, corri piatsa lrishoca lrienipe áatsianai, njawacatsa inaitjepe. Icapiatsa neepitanaca njaji: Malaa, Noa, Hogla, Milka njite tirsa. 4 Njite natsoomitaca jliaji sacerdote Eleazar, Josué Nun irrí njite njaji paana naapiyawanai tsacja, naaco nasho: '' Jliaji wa Minalri lricaite pia Moisé isho lría caarró fepaitewa nainaitsa njaji wapjerri-naipe.'' Níini nanaitja cayoji wa Minalri icaite capisho, nacadaa njepaitewa nainaitsa njaji njanirrim ikitsiñape icódapitsa. 5 Die pjatawajlepe jiipai nacadaa nasho njaji Manasé poco, naoya tsacja njaji nakitsiñapetsa Galaad njite Basán tsacja Jordán pemajle, 6 ima njaji Manasé itonaipe njepa tsacja jiipai nanaitsa njaji neenipenai. Níini jliaji jiipai Galaad iyada nacadaa nayadao njaji papoco tsacja Manasénai. 7 Njepaite njaji Manasénai lriawa Aser nacjoite Micmetat nacojle, jeerri imoto keemjete Siquem isho; njitédalri lriawa atsiajliemajle jeerri isho naicjaolre njaji iofaacapewa Tapúa ricó. 8 Jliaji jiipai Tapúa dalri nayadacan njaji Manasé perri, mitsa jliaji yacaalre yemalriwa Tapúa jipaite jinaa iacawa nayadacan njaji Efarín poco. 9 Njepaite jinaa iorrocowa onipaocja nacojle Caná dalri. Njaji yacaalre Manasé ricópe, atsiajliemajle jeerri isho lrisho jliaji onipaocja nayadacan njaji Efraín poco. Níini njepaite njaji Manasé poco lriawa inarroemjete jeerri isho lrisho jliaji onipaocja, njite lriocawa macapawan nacojle. 10 Jliaji jiipai atsia kemjete nayaadacan njaji Efraín poco, njite jliaji jiipai inarroemjete dalri nayadacan njaji Manasé poco; njite macapawan inomapiana icatsa njepaite itjinaacan. Njitédalri inarroemjete nayadacan njaji Aser poco, njite jeerri imokeamjete nayadacan njaji Isacar poco. 11 Njepaite jinaa ricó njaji Aser poco, Isacar poco, njaji Manasé poco nasho pia nayacalré níini, icatsa njaji: Bet Seán, Ibleam, Dor, Endor, Tanaac, Meguido njite pjiomi njaji lrinaikitenaa nacoanaa njaji yacaalre; Náfet tsacja, macacoedalri pja pjiomi ioya. 12 Mitsa njaji Manasé poco, corri pia nataita njepaca nashowao njaji yacaalre ima níini piacatsa naofawa njaji cananieonai. 13 Natawiña cadanaco pjaawa njaji iraelitanai, nacadaa nadejica nasho jidaati rico njaji cananeonai. Mitsa corrim namotoeta njitena. 14 Njite njaji José ienipem naaco Josué isho: ''¿Coadao icadaa washo tsoocatsa fepaitewa, njite yamadan ishotsa icadanji isho jipaitewa njanirrinaipem iipitana nacó, aimadan cadaana fa, njite wa Minalri inaitja matsia níini jorreca njaji lricadaaji washo.?'' 15 Njite Josué jiepana: ''Aimadan cadaa jia, coadao corri iawa jiwaacatsa iocá carró jliaji awacada njepaite ricó njaji fereseonai njite njai refaitanai. Inaitja cayo, tsoodalri cadaatsa iapiya jliaji Efraín jipaitena''. 16 Njite njeepa njamao njaji José ienipem, naaco Josué isho: Cotsa lricoá carróca washo jliaji jiipai awacadacaawa. Njite pjiomi njaji cananeonai iofaacape niini naso carreta nanaitjaji tsipalra sho nanaitja shopao oowi, cayo tsacja njaji iofaacape Bet Seán ricó njite pjiomi njaji yacalreewape nacodapiperri, caitsacja njaji iofaacape pacoacaitacaawa Jezreel ricó''. 17 Njite José iaco nasho njaji José ienipem, Manasé njite Eraín: ''Aimadan jia, njite cjaidaperri tsacja, corri itaita iofaacawa atsaji wacadaalritsa isho niini. 18 Iyaada tsacjaotsa jliaji jiipai awacadacaawa. Iocaotsa ishowao jliaji awacada iofaa carroatsa niini, icadaotsa teeco jipaite jinaana. Jitaotsa ioyao njaji cananeonai, cotsa coadaca nashocadaa ioya carreta nanaitjaji tsipalra sho, o cjaidáperri cadaa ioyana.
1 Njite pjiomi njaji Iraelitanai nawacaacawa Silo ricó. Njerrá naplasticon niini njetá carró nayadao jliaji jiipai. 2 Níini piatoa siete poco nanacjoite njaji Iraelitanai currirrí piatoa naa isho jiipai. 3 Josué iaco naso njaji Iraelitanai: ''¿Cosho pja toatsa iwapaca jipá carró jliaji jiipai iMinalri Diu icadaalri jinirrinaipem isho oopi?'' 4 Iniwana madalrida atsianai inacjoite poco icuanaa. Nomeenacá carroatsa naanacapa jliaji jiipai yenonshecawa jle njite tjewacajle she tsacja. Nadanawatsa lricapacanaa jliaji jiipai ishowalrepe, njite nanowatsa nacaite njoa. 5 Njenitawatsa jliaji jiipai siete wajle. njite njaji Judá poco curriotsa naa carroca njepaite iuya, njite cayo tsacja njaji José poco, corriotsa naa carroca njepaite iuya. 6 Jieniitaca yaami jliaji jiipai siete wajle nacó, idee nosho nocapá carró cuandalrica jliaji jiipai. Njiteotsa nopecoatsa inaco panjiishopa lricapatsa jliaji wa Minalri Diu. 7 Mitsa njaji Levitanai curriotsa nashó carroca iinai jiipai, ima sacerdote calrica jliaji nadenjicalre, icatsa Diu icadaalrica nasho. Njite njaji Gad poco, Rubén poco njite njaji Manasé poco iitem nasho njepaite Jordán pemajle. Licadacaawatsa nasho jliaji Diu ishodalri Moisé.'' 8 Niini njenico naawa njaji aatsianai. Josué icaite nasho njaji aatsianai nadaná carró cuanca njeniitaca nasowao jliaji jiipai lrípolrico nacjoite atée lripocoda nacojle, njite nadaná cuanca lrinaco jliaji jiipai, njité dalri nasotsa nadiaca Josué icjaore lripeeco carró nanaco panjeshopa Diu icapatsa. 9 Níini njaji aatsianai naa nacapa pjiomi jliaji jiipai, njite njeniita njaji yacaalre siete poco iicaoya, nadana paperra ricó jliaji nanaitjalri. Njitedalri nadiawa Josué icjaolre Siló ricó. 10 Níini Josué ipeco lrianjishopa nanaco Siló rico Diu icapatsa. Icapiatsa Josué icadaa nasowaaca jliaji jiipai nasho njaji Iraelitanai, lricadaa nasho nacoanaa. 11 Nasho njaji Benjamin poco currí napeco nanacó jliaji paperra panjishopa, niini nacadaca nasho njepaitewa Judá poco njite José poco jipaitenaa ricotsa, mitsa naaca njepaitewa nacoanaa njanirrinaipem iipitana nacó. 12 Njepaite iniitawa Jordán ricjoite inarroemjete jeerri isho. Njite lrimaimataacawa Jericó icjaolre inarroemjete jeerri isho, jliyapacatsao awacadacaawa ricó jiipai jeerri jiewalri icjaolre, njite lrimotowa jalrapocolri Bet-Avén dalri nacó. 13 Njiédalri njepaite jinaana jiyapawa atsia jliemjete jeerri isho Luz icjaolre, jliaminitsa Betel. Njitédalri lriorrocowa Atarot-Adar nacojle, awacadacawa Bet-Horon dalri atsiajliemjete jeerri isho. 14 Njitédalri njepaite inumapi iawa jeerri jiewa cawa icjaolre njite lriorrocowa atsia jliemajle jeerri isho, awacada Bet-Horón icoemjete. Lria lriwayacawa Quiriat-Baal, jliaminitsa Quiriat-jearim, jliaji yacaalre nayadampia njaji Judá poco. Icatsa njepaite iocawa jeerri jiewalri icjaolre. 15 Njite atsiajliemjete jeerri isho lriinitawa Quiriat-Jearim pemajle. Njitédalri njepaite inomapi iawa Efrón icjaolre, talritaapji Neftoa dalri. 16 Lriorrocoa njite awacada inomapiana nacó, jiipai pacuacaitacawa Ben-Hinom dalri idanamshe, teeco lriuya jliaji jiipai pacuacaitacawa Refaím dalri inarroemjete jeerri isho. Njitédalri lriorrocowa jiipai pacuacaitacawa Hinom dalri, atsiajliemjete jeerri isho tjewacajlre cawa jiipai Jebuseonai iyada, lriorroco pja njiteo En-Rogel icjaolre. 17 Njitédalri ljirrawa Ensemes icjaolre, inarroemjete jeerri isho, njitédalri lriawa Geliot icjaolre, lridanam she lrisho jliaji jiipana Adumín dalri. Lriorroco njite jiipada Bohan dalri icjaolre, jliaji Rubén irrí. 18 Jliyapa njite tjewacajle cawa jle Bet-arabá dalri inarroemjete jeerri isho, njite lriorrocowa Arabá nacojle. 19 Njepaite inomapi jiyapawa tjewacajlre cawa Bet-hogla dalri inarroemjete jeerri isho. Njite njepaite iwayacawa jlienacaita ricó lrisho jliaji Macapawan Piwádalri inarroemjete jeerri isho, teeco Jordán isho itsia jliemjete jeerri ishó. Icapiatsa njepaite jinaaca atsiajliemjete jeerri isho. 20 Njite jeerri imoto kemjete njepaite iawa Jordán ricó. Icapiatsa njepaiteca njaji Benjamín poco, nacadaa nasho nacoanaa njanirrinaipe iipitana nacó. 21 Icatsa nayacalré iipitanaca njaji Benjamin poco, nacoanaa njaji njanirrinaipem iipitana nacó: Jericó, Bete Hogla, Emec Casis, 22 Bet Arabá, Zemaraím, 23 Avim, Pará, Ofra, 24 Quefar, Haamoni, Ofni njite Geba tsacja. Doce namaimaca njaji nayacalre, njite njaji yacalrewape nacodapiperri. 25 Nja tsacja yacaalreca njaji Gabaón ricópe: Ramá, Beerot, 26 Mizpa, Cafira, Mozah, 27 Requem, Irpelel, Tarala, 28 Zela, Elef, Jebús jliaminitsa Jerusalén, Guibeá njite Quiriat. Catorce pia njaji yacaalre, njite njaji yacalrewape nacodapiperri. Icatsa njepaiteca njaji Benjamin poco, nacoanaa njaji njanirrinaipem iipitana nacó
1 Njite yamapiashopa napeecoca jliaji paperrapjai panjishopa, jliwa Simeón poco nacó njite nacoanaa njaji njanirrinaipem ipanjeta. Nacadaa njepaitewa nainaitsa njaji Judá poco. 2 Icapiatsa nayacalreca njaji, Berseba, Seba, Molad, 3 Hazar, Sual, Bala, Ezem, 4 Eltolad, Betul njite Horma. 5 Nacadaa pia tsacja Simeón isho jliaji Silcag, Bet-marcabot, 6 Bet-lebaot, njite Saruhén tsacja. Trece pia nyacalre imaimaca, njite pja njaji yacalrewape nacodapiperri. 7 Simeón iyada pia tsacja jliaji yacaalre Ain, Remón, Eter, Asán tsacja. Cuatro coa namaimaca njite njaji yacalrewape nacodapiperri. 8 Njaji yacaalre njite njaji yacalrewape nacodapiperri njenaa iucawa Baalat-beer, jliaminitsa Ramat Neguev ricó. Icapiatsa nayadaca njaji Simeón poco nacoanaa njaji njanirrinaipem iipaneeta. 9 Nacadaa njepaitewa njaji Simeón poco Judá poco iyaada ricotsa. Macaite capoa njepaite njaji Judá poco niini lrinacjoitetsa nacadaa nyadao njaji Simeón poco. 10 Madalripia shopa napeecoca jliaji paperrapjai nanjishopa, jliwa nanacó njaji Zabulón poco, njite nacadaa njepaitewa coshoca namaimaca njaji njanirrinaipem iipaneeta. Níini njepaite inomapi iocapiawa Sarid nacojle. 11 Njite jeerri jiewa kemajle, njepaite iocawa Marala nacojle, Debeset icodapi, lriocawa onipaocja naco Jocneam icomjetédalri. 12 Sadrid nacjoite njepaite jinaa idía icabocoa jeerri imoto kemjetewa, Quislot Tobar jipaitena iucacawao. Njitédalri Deberat icjaolre, Deberat nacjoite lriawa Jafía nacojle. 13 Jafía nacjoite jliyapacatsao Garat Jefer icjaolre jeerri imoto kemjeteo, njitédalri lriawa Ita-Cazin icjaolre; Ita-Cazin nacjoite Rimón nacojle, njite lriyofía catsao Nea icjaolre. 14 Njitédalri njepaite jinaa icaboco Hanatón idanamshe inarroemjete jeerri isho, lría lriwayacao pacuacaitacawa Jefte dalri naco. 15 Icatsa neepitanaca njaji yacaalre nerricoda dalri jiipaica: Katat, Naalal, Simron, Idala njite Belén. Doce yacaalre namaimaca, njite njaji yacalrewape nacodapiperri. 16 Icapiatsa njepaiteca njaji Zabulón poco njite njaji yacalrewape nacodapi perri, nacadanda nasho njanirrinaipem iipaneta isho icoanaa. 17 Njite cuatro walria napecoca jliaji paprrepjai nanjishopa jliwao nanaco njaji Isacar poco, niini naaca tsacja njepaitewa njanirrinaipem iipaneeta isho. 18 Icatsa njaji yacaalre njepaite ricope: Jezreel, Quesulot, Sunem, 19 Hafaraim, Sihón, Anaharat. 20 Njite pja Rabit tsacja, Quisón, Abez, 21 Remet, en Ganin, En Hada njite Bet Pases tsacja. 22 njite njepaite inumapi ia pjawa Tabor naco, Sahazima, Bet Semes, lria lriwayacawa Jordán nacojle. Diecisei yacalre pjiomi njite njaji yacalrewape nacodapíperri. 23 Icapiatsa njepaiteca njaji Isacar poco, nanda njanirrinaipem iipaneeta icoanaa, njaji yacaalre njite njaji yacalrewape nacodapiperri. 24 Njite cinco shopa napeecoca jliaji paperrapjai naanjishopa jliwao Aser poco nacó, niini naaca tsacja njepaitewa njanirrinaipem iipaneeta isho. 25 Icapiatsa njepaite iacawa Helcat ricó, Halí, Beten, Acsaf, 26 Alamelec, Amad njite Miseal tsacja. Lrimacaitetaacawa jeerri jiewa kemajle Awacada Carmelo icjaolre njite Sihor Libnat icjaolre tsacja. 27 Njitédalri lricabocowa jeerri imoto kemjeteo Bet Dagon isho, teeco lriocawa Zabulón poco jipaitena inomapi iocacawa nacojle, njitédalri pacuacaitacawa Jefte dalri icjaolre. Njite inarroemjete jeerri isho lriocawa Bet Emec nacojlle njite Neiel nacojle tsacja. 28 Lria pjawa Cabul nacojle, inarroemjete Jeerri isho. Njitédalri lriawa Hebrón icjaolre, Rehob, Hamón, Caná, lriocawa Sidón nacojle. 29 Njepaite jinaa itsikjiwa Ramá nacojle, njite lriawa lrricjaolre jliaji yacaalre Tiro, nanaitjanda taimidalri idaana. Lridia lritsikiwa njiteo Hosa nacojle njite lria lriwayacawa macapawan nacojle, Aczib jipaitena nacojle, 30 Uma tsacja, Afec, njite Rehob tsacja. niini pia venticuatro yacaalre njite njaji yacalrewape lricodapiperri. 31 Icapiatsa njepaiteca njaji Aser poco, nanda njanirrinaipe iipaneta isho, njaji yacaalre njite njaji yacalrewape nacodapíperri. 32 Njite sei shopa napeecoca jliaji paperrapjai naanjishopa jliwa nanaco njaji Neftalí poco, niini nacadaca njepaitewa njanirrinaipem iipaneta isho. 33 Icapiatsa njepaite jinaa iacawa Helef nacjoite, Alón Saamananim, Adami Neceb Jabneel nacojle, teeco lriocawa Lacum nacojle; lria lriwayacawa Jordán nacojle. 34 Njite lricabocowa jeerri jiewa kemajle Aznot Tobar isho, lriocawa Hucoc nacojle; tsoomi njepaite iuya njaji Zabulón poco, atsiemjete jeerri isho. Jeerri jiewa kemajle Aser poco isho, njite jeerri imoto kemjeteo nasho njaji Judá poco isho, Jordán naco. 35 Icapiatsa njaji yacaalre taimí perri idaana: Sidim, Zer, Hamat, Racat, Cineret, 36 Adama, RAmá, Hazor, 37 Cades, Edrei, njite En Hazor. 38 Njite Iron tsacja, Migdal El, Bet, Anat, Bet Semes tsacja. Diecinueve pia njaji yacaalre njite njaji yacalrewape nacodapiperri. 39 Icapiatsa njepaiteca njaji Neftalí poco, nacadaa nasho njaji yacaalre, njite pjomi njaji yacalrewape nacodapíperri tsacja njanirrinaipem iipaneta isho. 40 Njite siete shopa napeecoca paperrapjai nanjishopa, jliwa nanaco njaji Dan poco, niini nacadaca njanirrinaipe iipaneta isho. 41 Niini icapiatsa njaji yacaalre njepaite ricó: Zora, Estaol, Irsemes, 42 Saalabín, Ajalón, Jetla tsacja. 43 Njite Elón tsacja, Timnat, Ecrón, 44 Elteque, Gibetón, Baalat, 45 Jehud, Bene Berac, Gat Rimón, 46 Mejacrón, Racón tsacja, njite pjiomi jliaji jiipai iacada Jope icoemjete. 47 Njite canacai pja piatoa jiipai nasho njaji Dan poco; niini nanaitja oowi nacjoete njaji Lesem perri njepá carró nasowao. Níini nainocana pjiomi matseeta sho, njépa nashowao jliaji yacaalre naofá carró niini. Teecojlenacja nacadaaca lrripitanawa jliaji yacaalre Lesem, nacadaa nacja lriipitanawa Dan, cayoji njanirrim iipitana sho pia. 48 Icapiatsa njepaiteca njaji Dan poco, nacadaa nasho njaji yacalre, njite pjiomi njaji yacalrewape nacodapiperri, nacadaa nacoanaa njaji njanirrinaipem iipaneta ishó. 49 Nataita-cayami njepaca njepaitewa njaji Iraelitanai, naa tsacja njepaite iujietetsa Josué isho, jlaji Nun irrí. 50 Diu inaacalre, lritatjá naoya jliaji yacaalre Timnat Sera, awacadacawa Efraín jipaitena ricó. Josué inaitja lriyacalrewa lriofá carró niinio. 51 Cayo pia sacerdote Eleazar, Josué Nun irrí njite naapiyawanai njaji Iraelitanai poco nacadaaca njepaitewa njaji inaiki iraelitanai. Napeeco pia paperrapjai nanjíishopa naacarró njaji jiipai Silo ricó, lripananoma ricó jliaji nawacaacacawao njaji inaiki, Diu icapátsa. Cayopiatsa nawayakeetaca naaca nashowaca jliaji jiipai.
1 Njite wa Minalri iaco Josué isho: 2 ''Caaco caotsa njoa nasho njaji inaiki Iraelitanai: Iniwana njaji yacaalre idawaaca carrodao, jliaji Nocaiterri pia Moisé idananda ricó. 3 Inaitja cayó wadeecatsantja pada iinoca inaiki curricdaanatsa lriomacalreca njite lritaitaotsa lriaca lridanataacawa nirse. Wadeecatsa pada ianjeca ioma lriinó carró lricoadao jliaji lriinonda, wadentja macoadacatsa lriirranam. Njite jliaji iinocadan lritaitaotsa lrica lriofa nirse. 4 Jliaji caicjaolrenadalri lripito cadaa nerricoda yacaalreca njaji, lriocaotsa napananomá nacó lricaité carró njemi cuanca jliyapaco nasho njaji pekipenai caaconape ninperri. Njemi cayami njaji pekipenai caaconape nacadaotsa jliyapawa nayacalre ricó, naomá carró lrisho kerreca lriofáatoa nainai. 5 Pada iacadaa ioma lriirrana icoada jliaji lriinondam, njaji inaiki lrirricodaperri yacaalreca curriotsa nataita nacadaaca jliaji iinocada inaiki nasho njaji talricanaatinai; ima curricatsa lriomacalreca lriinoni kerroa cantja lricjoete. 6 Lriofaotsa niinio kjerreca nacaite lrinaco njaji inaiki aimadan lriemalri ipjeyajle, njite akjerreca mayami jliaji sacerdote iapiyawanai ianjerri lrinaco. Njitenaotsa jliaji iinocadam inaiki lritaitaotsa lridiacawa lri yacalreshe. 7 Niini njaji iraelitanai naniwanaca Cades Galilea ricó, njepaite awacadacawa njaji Neftalí poco, Siquem awacadacawa Efraín ricó, njite Quiriat-arba (Hebrón) awacadacawa Judá ricó. 8 Njite Jordán pemajle, jeerri imoto kemjeteo Jericó isho, naniwana Beser jliaji yeemalriwa jalrapocolri rico, malritsicoa cawa njepaite ricó njaji Rubén poco; njite njepaite ricó njaji Gad poco, naniwana jliaji yacaalre Ramot Galaad dalri; njite njepaite ricó njaji Manasé poco naniwana jliaji yacaalre Golán Basán dalri. 9 Icapiatsa njaji yacaalre naniwanaji nashowao pjiomi njaji iraelitanai, nasowalre tsacja njaji curriperritsa iraelitanai iofáacape napecolrico, cocacadaa iino inaiki curri cadaana lriomacalreca lritaita lriaca lridanataacawa nirsewa. Corriotsa lritaita lriinocan jliaji ianjicada ioma lriirrana icoadao jliaji lriinonda, acjerreca lriema napeyajle njaji inaiki aimadan jliaji iinocada inaiki.
1 Njite njaji Levita poco iipaneta iapiyawanai nano naicjaolre njaji sacerdote Eleazar, Josué Nun irrí, njite njaji iraelitanai poco iapiyawanai. 2 Niini naaco nasho Silo ricó Canaán jipaitena ricó: ''Wa Minalri icaite pia, Moisé inacjoite, icadaa carró wayakalrewa waofáa carró níini, nincawa matsia malritsi nainjaoda njaji wa vacan'' 3 Níini wa Minalri inaacalre ricó, njaji iraelitanai naa nayacalrewa nacjoite levitanai isho njaji yacaalre, njite njepaitena matsia cawa vaaca injaope. 4 Niini napeeco cádanaco paperrapjai nanjishopa, jliwacawa coatitanai iipaneta poco naco; niini njaji Sacerdote Aarón ienipenaipem, levita poco tsacja, njaji Judá poco, Simeón poco njite Benjamín poco naa nasho trece yacaalre. 5 Njite, njaji Efraín poco, Dan poco njite njaji Masé poco itém inacjoite perri, nacadaa nasho njaji coatitanai itém dié yacaalre. 6 Napietacadanaco napeecoca paperrapjai nanjishopa, jliwao nanaco njaji Gersón iipaneta. Nayada nacjoite njaji Isacar poco, Aser poco, Neftalí poco njite njaji Manasé poco iitem, nacadaa nasho trece yacaalre Basan ricó. 7 Njite njaji Rubén poco, Gad poco, njite njaji Zabulón poco, nacadaa nasho njaji Merari iipaneta doce yacaalre. 8 Njaji iraelitanai nacadaa njaji yacaalre nasho njaji levitanai, njite njaji jiipai ishocape vaaca injaope, cayotsa wa Minalri inaa capishopia Moisé inaitjaca. 9 Njaji Judá poco njite njaji Simeón poco, nacadaa nasho njepaitewa naojieta njaji yacaalre wacaiterriotsa iipitana. 10 Icatsa njaji yacaalre nacadaalri nasho njaji Aarón iipaneta, njaji Coatita iipaneta, Levi poco inacjoité perri. Ima icapiatsa njaji paperrapjai jiwalrica inaco iinita. 11 Njaji iraelitanai nacadaa nasho Quiriata Arba (Arba, Anac jinirri), Hebrón ricó, awacadacawa Judá jipaitena ricó, nincawa vaaca injaope. 12 Mitsa njaji yacaalre, njepaite tsacja njite njaji yacalrewape nacodapiperri curritsa nacadaa nasho ima nacadaa piakena Caleb isho, Jefone irri lriyaadá carró. 13 Nasho njaji sacerdote Aarón iipaneta, nacadaa Hebrón njite njaji jiipai nincawa vaaca injaope. Njite jliaji yacaalre Hebrón, icatsa nacaawa nadawaacawa njaji caicjaolrenaaperri iinocape inaiki, njite nacadaa tsacja nasho jliaji yacaalre Libna, jlipaitena tsacja nincawa vaaca injaope, 14 nacadaa tsacja nasho Jatir, Estemoa njite pjiomi njepaitena nincawa vaaca injaope. 15 Nacadaa tsacja nasho Holón, Debir, 16 Aín, Juta, Bet Semes njite pjiomi njepaitena njaji yacaalre nincawa vaaca injaope. Nueve yacaalre nacadaa nasho njaji yamapoco nanacjoite njaji iraelitanai. 17 Njaji Benjamin poco nacadaa nasho Gabaón njite pjiomi nincawa vaaca injaope, Geba njite pjiomi nincawa vaaca injaope, 18 Anatot njite pjiomi nincawa vaaca injaope, nacadaa tsacja nasho Almat njite natawiñacawa rico tsacja vaaca, cuatro nja yacaalre pjiomi nanda nasho. 19 Trece pjiomi njaji yacaalre nacadanda nasho njaji Aarón iipaneta, nacadaa pja tsacja nasho natawiñacawa ricó vaaca. 20 Njite njaji papocotoa Coat iipaneta inacjoiteperri, levitanai tsacja, njaji curri petoa naa isho iyacalrewa; njaji Efraín poco nacadaa nasho nayacalrewa jliwa capoa nanaco jliaji paperrapjai nanjishopa. 21 Nacadaa nasho jliaji yacaalre Siquem, njite natawiñacawa ricó tsacja vaaca awacadacawa njepaite ricó njaji Efraín poco. Jliaji Siquem icapiatsa pacoa yacaalre naacawa nadawaacawa njaji caicjaolrenaaperri, iinocape inaiki corri cadaantsa naomacalreca. Nacadaa tsacja nasho jliaji yacaalre Gezer, njite pjiomi natawiñacawa rico vaaca niini, 22 Kisbasan, Bet Horón tsacja njite pjiomi njaji natawiñacawa ricó vaaca nacoanaa. 23 Njaji Dan poco, nacadaa nasho njaji Coat iipaneta isho njaji yacaalre Elteque, Gibetón njite pjiomi njaji natawiñacawa ricó tsacja vaaca, 24 nacadaa tsacja nasho njaji yacaalre Ajalón, Gat Rimón njite pjiomi njaji natawiñacawa ricó tsacja vaaca nacoanaa njaji yacaalre. 25 Njaji papoco tsacja Manasé inacjoité perri, nacadaa tsacja nasho njaji Coat iipaneta nayacalrewa njaji yacaalre Taanac, Gat Rimón njite pjiomi njaji natawiñacawa ricó tsacja vaaca nacoanaa njaji yacaalre. 26 Nacadaa nasho die yacaalre, nacoanaa njaji natawiñacawa ricó vaaca nasho njaji Coatitanai. 27 Njaji papoco tsacja Manasé inacjoité perri, nacadaa tsacja nasho njaji Gersón iipaneeta isho, levitana inacjoité perri tsacja yamacoa yacaalre: Golán Balsán ricó njite pjiomi njaji natawiñacawa ricó tsacja vaaca. Jliaji yacaalre Golán, icapiatsacja pacoa yacaalre naacawa nadawaacao njaji iinocape inaiki curricadaanatsa naomacalreca. nacadaa tsacja nasho jliaji yacaalre Beestera njite pjiomi njaji natawiñacawa ricó tsacja vaaca. 28 Njaji Isacar poco, nacadaa tsacja nayacalrewa njaji Gersón iipaneta jliaji yacaalre Cisón, Deberat tsacja njite pjiomi njaji natawiñacawa ricó tsacja vaaca nacoanaa njaji yacaalre, 29 nacadaa tsacja nasho jliaji yacaalre Jarmut, En-gamin njite pjiomi njaji natawiñacawa ricó tsacja vaaca nacoanaa njaji yacaalre. Cuatro coa. 30 Njaji Aser poco nacadaa tsacja nasho Miseal, Abdón, njite pjiomi njaji natawiñacawa ricó tsacja vaaca, 31 Nacadaa pja nasho Helcat, Rehob njite pjiomi njaji natawiñacawa ricó tsacja vaaca, cuatro coa njaji yacaalre pjiomi. 32 Njaji Neftalí poco, nacadaa nasho njaji Gersón iipaneta jliaji yacaalre Cedes, Galilea ricó njite pjiomi njaji natawiñacawa ricó tsacja vaaca. Jliaji yacaalre Cedes icapiatsa pacoa yacaalre nacaawa nadawaacawa njaji caicjaolrenaaperri iinocape inaiki curricadanatsa naomacalreca; nacadaa pja nasho jliaji yacaalre Hamot-dor, Cartán tsacja njite pjiomi njaji natawiñacawa ricó tsacja vaaca, madalricoa yacaalre pjiomi. 33 Trece namaimaca pjiomi njaji yacaalre nacadaalri Gersón iipaneta isho, njite pjiomi njaji natawiñacawa ricó tsacja vaaca nacoanaa njaji yacaalre. 34 Njite njaji Zabulón poco, nacadaa nayacalrewa njaji Merari iipaneta, levitanai inacjoité perri tsacja jliaji yacaalre Jocneam, Carta tsacja njite pjiomi njaji natawiñacawa ricó tsacja vaaca, 35 nacadaa pja nasho jliaji yacaalre Dimna, Naalal tsacja njite pjiomi njaji natawiñacawa ricó tsacja vaaca. Cuatro coa pjiomi njaji yacaalre. 36 Njite njaji Rubén poco nacadaa pja nayacalrewa njaji Merari iipaneta jliaji yacaalre Beser, Jahaza, 37 Cademot, Mefaat njite pjiomi njaji natawiñacawa ricó tsacja vaaca nacoanaa njaji yacaalre, cuatro coa pjiomi. 38 Njaji Gad poco, nacadaa nasho Ramot Galaad ricó njite pjiomi njaji natawiñacawa ricó tsacja vaaca. Jliaji yacaalre galaad, icapiatsa pacoa yacaalre nacaawa nadawacao njaji inocape inaiki curri cadanatsa naomacalreca. Nacadaa pja nasho jliaji yacaalre Mahanaim njite pjiomi njaji natawiñacawa ricó tsacja vaaca. 39 Nacadaa pja nasho njaji Merari iipaneta jliaji yacaalre Hesbón, Jazer njite pjiomi njaji natawiñacawa ricó tsacja vaaca. Cuatro yacaalre pjiomi. 40 Pjiomi njaji yacaalre nacadaalri Merari isho coshoca namaimaca njaji lriipanetam, njaji levitanai inacjoité perri. Doce namaimaca njaji yacaalre nacadalri nasho napeecocadanaco njaji paperrapjaipe nanjishopa. 41 Cuarenta ocho namaimaca njaji yacaalre naalri nasho njaji Levita poco, njepaite nacjiotetsa njaji nakitsiñape Iraelitanai, njite pjiomi njaji natawiñacawa ricó tsacja vaaca. 42 Nacoanaa njaji yacaalre nasoca natawicawa ricó vaaca. Caimitsa pjiomi njaji yacaalre. 43 Cayopiatsa Diu icadaaca njepaitewa njaji Iraelitanai, jliaji jiipai Lricaiterri pia iacoti ajádalri sho nasho njaji napjeyadapempia. Iraelitanai jipa nasowao jliaji jiipai naofáa carró niinio. 44 Cayopiatsa Diu icadaa nawafeetacao njaji iraelitanai yameemape, cayotsa Lricaitecapisho iacoti ajádalri sho nasho njaji napjeyadapempia. Corri pia coca nanacjoite njaji nacoema itaita pia jiameetacana oowi ricó. Ima Diu icadaa piaca njaji nacoema iraelitanai icaapi ricó. 45 Corri Diu jiyapeta pada iacoti corrirrí lrinaitja cayoji lricaite capisho pia Irael iipaneta ishó. Corrí lrimatada pada, lrinaitja pjiomi cayoji lricaite capisho pia.
1 Njite iwakeeta njaji Rubén poco, Gad poco, njite njaji papoco tsacja nanacjoite njaji Manasé poco. 2 Josué iaco nasho: ''inaitja pjiomi cayoji Diu ishodalri Moisé inaa capisho inaitjaca. Currim imjepata noaco nonaa cadanaco jia pjiomi nacó. 3 Currim tsoo imacaca njaji ikitsiñape, atée panajiete. Njite inaitja tsacja jliaji iMinalri Diu itatjalri iinai inaitjá carró cayoji lricaitecapisho jliaji paperra Moisé idananda. 4 Opina iMinalri Diu icadaa nawafetá carró njaji ikitsiñape, cayotsa lricaite capisho pia nashó. Panaya itaitjenina idiacawa jipaite ricojle, iofaacawa ricó, jliaji Diu ishodali Moisé icadaalri isho Jordán pemajle. 5 Icaamitsa corri caotsa imawadacácá naoya njaji iacoti inaa cape pja coanca panaitjaca matsia, njite njaji iacoti icaitecada panaco lridananda jliaji Diu ishodalri Moisé lrimacanda isho, cuanca ipeyó carró jliaji iMinalri Diu, iacarró lriapowa lricó, jiepá carró njaji lrinaalri inaitjaca, iá carró jliapodam, iá carró lrisho matsiadalri icaolre ricjoite, icafica sho tsacja. 6 Icaamitsa Josué icadaaca iacoti matsiadalri nanacó, njite lrimeenaca nadiá carró naapana ricojle. 7 Nasho njaji papoco Manasé inacjoité perri, Moisé icadaa pia nasho jiipai Basán ricó, njite nasho njaji papoco tsacja Manasé inacjoité perri, Josué icadaa njepaitewa nainaitsa njaji papoco nakitsiñape jeerri jiewa keemajle Jordán isho. Josué imeenaca nadiawa naofacawa ricojle; lricadaa nasho matsiadalri 8 njite lriaco nasho: ''Idiawa iofacawa ricojle njite idee icoadao nja vaaca, palraata, owirro, bronce, tsipalra njite jorre tsaaya tsacja. Iawatsa nacoanaa nasho njaji ikitsiñape narricocámpia njaji icoema.'' 9 Niini njaji Rubén inacjoité perri, Gad inacjoité perri njite njaji papoco Manasé inacjoité perri nadadiawa naapana ricojle, nakitsiñape Iraelitanai iuya Silo ricjoite, Canaán dalri Njite njaji idiacape naoya, nadiawa Galaad jipaitena ricojle, ima icacatsa njepaiteca niini. Nanaitja cayó njeepa capoa jliaji naMinalri icaitenda pia nasho Moisé inacjoite. 10 Nadiacadanaco naocawa Jordán ricó Canaán jipaitena ricoda, njaji Rubén poco, Gad poco tsacja njite njaji Manasé poco nawaketa jorre jiipada njerretá carró yeenon catjináa carron anji Jordán inomapi naco. 11 Niini njaji nakitsiñape Iraelitanai njemicadanaco lrinaco jliaji nanaitjalri, naaco: ''¡Icapa! Njaji Rubén poco, Gad poco njite njaji papoco Manasé inacjoité perri nawaketa yeenon jiipada Canaán jipaitena icoemjete, Galaad ricó, Jordán jipaitena ricó, nayarroemajle njaji Iraelnai.'' 12 Niini njaji Iraelitanai njemicadanaco jliaji nanaitjalri njaji nakitsiñape, nawacaacao pjiomiwa Silo ricó naacarro nainoacawa nakitsiñape icjoete. 13 Nawacaaca cayami, njaji iraelitanai nameenaca atsianai nadee carró iacoti nasho njaji nakitsiñape Rubén poco, Gad poco, njite njaji papoco Manasé inanacjoite perri tsacja, Galaad jipaitena ricojle. Nameenaca tsacja nainai jliaji sacerdote Eleazar irri Finees, 14 njite nameenaca pjaa lriinai die caconaaperri, padape nanacjoite njaji Irael iipaneta, njite, icatsa njaji njanirrinaipe iipaneta iapiyawanaicana. 15 Njite nano naicjaolre njaji Rubén poco, Gad poco, njite njaji papoco Manasé inanacjoite perri tsacja, Galaad jipaitena ricó, njite naaco nasho: 16 ''Pjiomi njaji papoco perritsa Diu inaikite, nacaite cayoji: ¿Cocao jliaji imatádalri inaco lrisho jliaji Irael iDiute, jiena capoa Lrioya jliadaa jéecoapica jliaji, jireeta capoa ishowao njaji jiipada jliadáa jéecoapica jliaji iá carró wa MInalri lricjoete? 17 ¿Capja iwaada corrica lricoáca washo njaji wamatsicanaa wa naitjalri Peor ricó? Njite panajiete corritoa matsiaca fa lrioya. Njite lricjaote jliaji imatsicanaati jorre mayamica njaji Diu inaikite papoco perritsa. 18 ¿Capja iwaada matsiaca jienaca iMinalri iuya jliadaa jéecoapica jliaji? Imjeepata cada jliaji iMinalri jliadaa jéecoapica jliaji, tjeewenaotsa Lricadaa lriirroa jiwa nancó njaji lrinaikite papoco perritsa Iraelitanai. 19 Maatsicadatsa jliaji jiipai iofaalri niini imatsicanaati sho, ishopedaotsa iacawa lrinaco jliaji jiipai lriemalri niini jliaji wa Minalri iipana namatsieta cawa ricó jliaji Diu inaitjashopam iacoti lrinaikite iapiya (Tabernáculo), iofáa carró jipate ricó wainaitsa. Icaamitsa curri caotsa imjeepataca Diu, curri tsacja imjepata fa jirretacantja ishowao njaji jiipada, lrioya tsacja jliaji ferretanda wa Mnalri Diu isho. 20 Iwaada cuanca jliyapacao jliaji Acán, Zérah irrí, lrinaitja maatsi jlipa capoa lrishowao njaji Diu ifarrompe pia njepaca ima lriwayakeetacaotsa pjiomi. Lriicjaote Diu iiróa jiwa nanaco njaji Iraelitanai pjiomi. Corri cantja jliacatsantja mayami jli Acán lrimatsicanaa iicjaote.'' 21 Njte njaji Rubén poco, Gad poco, njite njaji papoco Manasé inanacjoite perri tsacja naaco nasho njaji iraelita iipaneta iapiyawanai: 22 ¡JLIAJI WAMINALRI DIU CJAIDÁDALRI! ¡JLIAJI WAMINALRI DIU CJAIDÁDALRI! ¡Lriajintsa pjiomi, njite lricadaa tsacjaotsa Iraelnai ianjíi carró! Wema cadaa lricjote jliaji Waminalri o corrica wanaitj cayoji wacaite capisho lisho jliaji Waminalri, matsiapja lriinoca fa paanaya 23 fereeta capoa njaji jiipada corri capoenatsantja feepa Waminalri iaco. Ferreta njaji jiipada corrítsa wamjaita shopaca lrinaco maaficalri wa Minalri isho, o wacantja wa pania iinaca wainitanda waniwaca, o waacacantja jorre injaodati wacatimataaca shopa. Niini, Wa Minalri pedaotsa icada wacoadao conca lrricjaote jliaji wanaitjalri. 24 Wanaitja cayo naapiya njaji weenipe faapodamperri, wadetsantja njaji ienipe iacontja weenipe isho: ¿Cuamperrio jia wa Minalri sho, na DIute njaji Iraelnai? 25 Ima jliaji Ooni Jordán icatsa jieneetalrica fa waoyawaaca. Jia Rubén poco, Gad poco tsacja cutsa cocaca jia wa Minalri isho. Lriicjaotentja jliaji ienipe icaiterri weenipe isho yaamintja naaca matsiadalri wa Diute isho njaji weenipe. 26 Niini wacaite washowaaca, Panaya ferreta njaji jiipada, corritsa wamjaitashopaca lrinaco maaficalri, o wainoshopaca cantja lrinaco maaficalri wa Minalri isho, 27 mitsa wanaitjacani jliá carró ianjíi wanaco, inaco tsacja, njite pjiomi njaji weenipe faapodamperri, washocatsa wanaitjaca pjiomi njaji wa Minalri inaalri wanaitjaca Lripjeeyajle; wamjaitaca nja maaficalri Diu isho, wainoca maaficalri tsacja, njite waaca tsacja jorre injaodati wacatimataaca shopao, wadentja njaji njai ieniope iacontja weenipe isho coancaojli keena: ''Cutsa cuadaca jia waMinalri isho''. 28 Njite wacaite pja tsacja: Nacaitecadantja washo cayo, o nashontja njaji faapodamperri apjaotsate, wacaitentja nasho cayoji: ''¡Icapa jliaji jiipada njerretanda! Pacoacatsa lricayoshó jliaji nanaitjanda wa Minalri isho, nanaitjanda njaji wacoanjecanai cotsa namjaitashopaca lrinaco maaficalri Diu isho, corri tsacja nainó carróca maaficalri lrinaco, icaamitsa nanaitjacani jlia capisho ianjíi wanacó nite inaco tsacja. 29 Panaya ishotsa ianjíica corri catsa weema wa Minalri icjoete, yaamicantja feepacani fereeta capoa njaji jiipada wamjaita carrona nja maaficalri Diu isho, waa carrontja wapania iinaca nacjoite, o wainó carrontja lrinaco maaficalri, lrioyantja jliaji njerretanda wa Minalri Diu isho jliaji iemalriwa lricoemjete jliaji panti nacadaalri niini jliaji arca Diu inaitja shopan acoti naapiya njaji lrinakite.'' 30 Niini sacerdote Finees, njite njaji Iraelnai iipaneta iapiyawanai lriinaiperri njemi cuanca naaco njaji Rubén poco, Gad poco njite njaji papoco tsacja Manasé inacjoité perri, nacaite matsiaacatsa jliaji nanaitjalri. 31 Niini jliaji Finees sacerdote Eleasar irrí, lriaco nasho njaji Rubén poco, Gad poco njite njaji Manasé poco tsacja: ''Panaya decja wanjíi wainaicatsa wa Minalri, ima curricatsa iemaca wa Minalri icjoete. Niini panaya, oopi imanácota njaji Iraelitanai Diu iiroa iuya.'' 32 Njite jliaji Finees, sacerdote Eleazar irrí naapiya njaji Iraelnai iipaneta iapiyawanai lriinaiperri nadiawa naoya njaji Rubén poco, Gad poco, jiipai Galaad ricjoite Canaán ricojle, njepaite njaji Iraelitanai, nacaité carró coanca nacaiteca njaji nadiari iuya. 33 Njite njaji inaki Iraelnai matsia njemica jliaji iacoti ncaiterri njemi. Níini njaji iraelitanai naaca matsiadalri Diu isho, njite currinatsa nacaitepecantja nanaitjaca oowi nacjoete njaji rubenitanai, gaditanai tsacja, nawayaketá carrontjana lrioya jliaji jiipai naofaalri niinio. 34 Njaji rubenitanai, njite njaji gaditanai nanjiica jiaji nanaitjalri ''Icapacadam'' ima nacaiteca cayoji: ''Icatsa jiaji icapacadam, wainai catsacja jliaji wa Minalri Diu.
1 Njite aima jalredaoca jiapodam, wa Minalri icadapiakena Iraelnai iwafetacao nacoema iuya, njite pekirri kena Josué. 2 Niini Josué iwanaca pjiomi njaji Iraelitanai, njaji pekipenai caaconaperri, naapiyawanai njaji Iarael iipaneta tsacja, caconaaperri icaitecape coanca, njite njaji tsolrodaonai iapiyawanai, lriaco nasho: ''Pekirrina njoa. 3 Icapjenina pjiomi coanca wa Minalri Diu inaitjaca naapiya njaji wacoema Lrikitsindatá carró fáa, jliacapoatsa iinoacawa nacjoete njaji wacoema Lrikitsindatá carro fáa jliaji wa Minalri Diu. 4 Noenina isho jipaitewa pjiomi njaji yacaalre fataji wacoema ioya, njite njaji jiipai corripetoa feta wacoema ioya toa iyaadá carró icoanaa jia Irael iipaneta, Jordán ricjoite lriocawa Ooni macapawan nacojle, jeerri jiewa kemajle. 5 Jliatsa jliaji iMinalri Diu jitaotsa njaji icoema ipejiete. Jliatsaotsa ipecona icjaote. Jlitaotsa naoya njepaite lriá carroatsa ishón, ima cayo piaca Lricaiteca Lrinaitjacaotsa. 6 Icjaidataacawa pekirritsa, imatsietá caró inacoa njite inaitjá carró pjiomi cayoji nacaite capisho njaji iacoti ianjiicada panaco Moisé idanalri lripaperran ricó, mjenatsa lrioya piyekemaje o inarroemajle, 7 wadentja ikefietacawa nainai njaji ianiki aimadan iofaalritoa iinai, inomateetacantja dadiute iipitana o inaitjaca iacoti neepitana nacó, o itodacantja ioshipada iácarro nasho matsiadalri. 8 Matsiapja iáca matsiadalri iMinalri Diu isho, cayotsa inaitja capishotsa atée panajiete. 9 Ima jliaji wa Minalri ipeeco ipeyajle njaji yacaalre macacuepe cjaidáaperri, njite curritoa coca itaita iemaca icjoete atée panajiete. 10 Padatsa aatsia inacjoite itaita icadaaca mil atsianai lricoema ipitoca lripjeyajle, ima iMinalri Diu catsa jliaji inuacalri icjaote; ima cayo piatsa lricaiteca isho lrinaitjacaotsa icjaote. 11 Icapatja iicao matsia, itaitá carró ipeyoca wa Minalri Diu. 12 Mitsa imjepatacadaa Diu, inaitjá carro cayoji nanaitja capisho njaji apaana inaiki iofaalri iinai ipecolico, o jitacadaa ininaiwana, o nja cadaa jita iinowa inaitjepete inacjoite naninaiwa, 13 ianjíiwatsa corricaotsa Diu jitá carrocana ipecolricjoite, mitsa namaotsa itsoomitacana inaitjá carró cayó nacayosho, njite cayocaotsa ishona nacapeeta capisho idajite njite cayoji capíirra capisho patji ricó, corriotsa nacadaa carroca imawadacaca atée cjerreca mayamica jia lrioya jliaji jiipai matsiadalri iMinalri Diu icadaalri ishó. 14 Panaya njua, nóakenaotsa lrioya jliaji jalredaoca, njite jia ianjíintsa matsia icaolre ricjoite njite icafica sho tsacja corrica pacapa pada iacoti corridalrintja wa Minalri Diu inaitja cayoji lricaite capisho pía washo. Lrinaitja pjiomi njaji lricaiterrí. Corrí lrimatada pada iacoti. 15 Mitsa cayoji iMinalri Diu inaitja capisho pjiomi njaji iacoti matsiaperri lricaiterri isho, cayo tsacjaotsa iMinalri Diu ideeca inacojle pjiomi njaji maatsidalri, acjerrecaotsa lriwayakeeta pjiomina lrioya jliaji jiipai matsiadalri lricadanda isho iMinalri Diu. 16 Lrinaitjaotsa cayó imjeepata cadaotsa jliaji iacoti iMinalri DIu inaitjalri pia iapiya, lricaiterri isho inatjá carró. Iá cadaotsa matsiadalri nasho njaji corriritsa Diu can, ikeenaotsa Diu iirroa jiwacaotsa inaco, njite cjeyaotsa mayamica jia lrirricoda jliaji jiipai matsiadalri iMinalri Diu icadaalri isho.
1 Njitédalri Josué iwakeeta pjiomi njaji Irael iipaneta Siquem ricó, njite lriwana njaji caaconaperri pekipenai, njaji Irael iipaneta iapiyawanai tsacja, njaji icaitecape pada naco tsacja, njite njaji tsolrodaonai iapiyawanai tsacja, njite neemawa Diu ipeyajle. 2 Josué iaco nasho pjiomi: '' Cayo lricaiteca jliaji Diu Irael Minalri: Oopi, njaji iferrinaipem naofaa pia teeco ooni Eufrates pemajle. Taré, Abrahám njite Nacor jinirri, naa pia matsiaddalri nasho njaji curripeitsa Diuca. 3 Mitsa njuta jliaji jinirri Eufrate pemajle njite nudee carró jiipai Canaán ricojle, njite nocadaa jorre lrienipenaipe lrirrí Isaac nacjoite. 4 Njite Isaac isho nocadaa lrienipewa Jacob njite Esaú tsacja. Esaú isho nocadaa pia lrishó lriofáa carró awacadacawa Seri ricó, mitsa Jacob naapiya njaji lrienipe naawa Egipto ricojle. 5 Nomeenaca naicjaore Moisé njite Aarón, njurrapiteetá carrona maatsiperri caafiperri sho. Njite piena, njuta jia njite. 6 Nodee jinirrinaipem Egipto lricjoite, njite naocawa macapwan nacojle. Njaji egipto ricope napinietana carreta sho caballo nacope teeco Macapawan Iraidalri nacojle. 7 Natatjá cadanaco Diu iinai cjaida njaji jinirrinaipe, Lricadáa pia cadaocadalri idaanatáca jia egipcionai iuya. Lricadaa ooni iitacana naticomá carró. Icapa pia cuampiaca Nonaitjaca njaji egipcionai. Njite iápia iofaawa jalrapocolri ricó aimawalria jámolri. 8 Nodee pia jia njepaite ricojle njaji amorreonai, njaji iofaacapepia Jordán pemajle. Nainoacá pia icjoete mitsa nocadaa pia icaapi ricona, jiameetá carrona jitá cárro naoya njepaite, njite Nowayakeetana icapatsa. 9 Njite jliaji Balac Zipor irrí, Moab italricanaa, lrinaitja oowi Irael icjoete. Balac inaa naaca naoma jliaji Balaam, Beor irrí, lricaité carró iacoti matsidalri inacojle. 10 Mitsa corrim Njomica Balaam isho. Icaamitsa lricaiteca iacoti matsiadalri inacojle. Cayotsa nomanácota pia jia lrioya. 11 Iyoeta pia Jordán iocá carró Jericó nacojle. Njite njaji Jericó italricananai inoaca icjoete, nainai nakitsiñapewa njaji amorreonai, fereseonai, cananeonai, hititanai, gergeseonai, heveonai, njite jebuseonai tsacja. 12 Nocadaa jiametá carrona, jiá carró ianjée nanaco. Nomeenaca pia aini ipeyajle naicjaolre njaji yamadade talricanatinai amorreo ricópe nafietá carrona njite napitó carro iuya. Iwadacantja napitocao nafió capoa imatsetan iiwana, o iyawitjioco icjaote cantja. 13 Nocadaa isho jiipai corridalritsa imatsietanda cantja, nocadaa tsacja isho iyacalrewa corridalritsa inaitjandaca, njite panaya iofáaca nericoda. Inja tsacja nainaca njaji camjerro, nainaca njaji oliva tsacja corri perritsa iapanampeca. 14 Panaya iaca matsiadalri iMinalri isho, njite idenjí lrisho pjiomi icaolre ajadalri sho; ipeeco ioyao njaji corriperritsa Diuca nampe pia isho matsiadalri njaji iferrinaipem teeco Eufrate ricojle, njite Egipto lricó tsacja. Iá matsiadalri wa Minalri isho. 15 Mitsa corricadaa matsia icapa iaca matsiadalri wa Minalri ishó, iniwana jiwaacatsa coca ishocaotsa iá matsiadalri, iá cadaa matsiadalri nasho njaji iferrinaipem iaji isho matsiadalri teeco Eufrate ricojle pia, o amorreonai idiute isho cadaa, lriminanai pia jliaji jiipai iofáalrinacja irricoda. ''Mitsa njoa naapiya njaji noopaneta, waacaotsa matsiadalri wa Mi nalri isho''. 16 Mitsa njaji inaiki aimadan njeepa Josué, naaco lrisho: ''Corriotsa coancaojlica wamácaca jiaji wa Minalri waacarrontja matsiadalri nasho njaji corripetsa Diucana, 17 ima wa Minalri Diuca jliaji jitalri fáa njite njaji waferrinaipem tsacja Egipto lricjoite, njerrapiteetalri pia fáa niini, njite lricadaa wacapa catjinaa lrianjíike cjaidádalri, njite lriwapa fáa matsia inipolrico, njite lriwapa tsacja fáa matsia naoya njaji inaiki feyapalri icodapi. 18 Njite wa Minalri jita waoya wapeyajle njaji inaiki aimadan, njaji amorreonai iofáacape pia lriricoda jiipaica jliaji. Niini waacatsacjaotsa matsiadalri wa Minalri isho ima Jliacatsa wa Diute tsacja. 19 Mitsa Josué iaco nasho njaji inaiki aimadan: ''Curritsa itaitjenca iaca matsiadalri wa Minalri ishó, ima mamatsicanáadalrica jliaji Diu, cakerriacjédalrican, cutsa lrimaodacá carroca imatsicana iuya jiena capoa lrioya. 20 Imacacadani iá carró matsiadalri na diute isho njai apaana inaiki, icaamitsaotsa lriemaca icjoete lrinaitjá carró isho maatsi. Lriwayakeetaotsa jia Lrinaitja cayaami isho matsia''. 21 Mitsa naaco tsenacja Josué isho njaji inaiki aimadan: ''Corrina; waacatsaotsa matsiadalri wa Minalri isho.'' 22 Njite Josué jiepana, lriaco nasho: ''Jiwacatsa ianjiacawa inacowaacatsa, iniwana capoa ishowao iácarro matsiadalri wa Minalri isho.'' Njite naaco Josué isho: ''Fawaacatsa ianjíi wanacowaacatsa''. 23 Niini Josué iaco nasho: ''Panaya, imaca ioyao nadiute njaji apana inaiki iofaacape ipecolrico, idiácarro tsenacja jiepa icaolre ricjoite jliaji iMinalri, Irael iDiute. 24 Naaco Josué isho njaji inaiki aimadan: ''Fáa, wacaotsa matsiadalri wa Minalri Diu isho. Wanaitjaotsa coanca lricaiteca fa.'' 25 Josué inaitja pada iacoti naapiya njaji inaiki aimadan Siquen ricó, niini lriaca nasho njaji iacoti ianjicape panaco nanjíi carro coanca naofaacawa. 26 Njite Josué idana njaji iacoti ianjiicape panaco lrirricodatsa jliaji paperra nerrocawao njaji iacoti ianjíicape panaco Diu iyaape. Njite Josué jipa pada jiipada macádalri lricadaa carró niini, apana jaico iapjite iemalriwa lricodapi jliaji panti Diu iorrococarroji mana niini. 27 Josué iaco nasho: ''Jliaji jiipada, icatsa ianjiicada wanaco. Ima jlimica pjiomi njaji iacoti wa Minalri icaiterri washo. Coancaojli cadaotsa imaca lca Diu, lrianjíi watsa inaco.'' 28 Njitédalri Josué iméenaca nadiawa njaji inaiki aimadan naofacawa ricojle. 29 Jliapodamjite, cjeyetsa jalredaoca, mayami jliaji Diu ishodalriJosué, Nun irrí. Lrisho piakena 110 jamolri mayamini. 30 Nadawani jlipaite jinaa iocacawao, Timnat Sera ricó, Efraín jipaitena awacadacawa ricó, inarroemjete jeeri isho lrisho jliaji awacada Gaas dalri. 31 Naapia matsiadalri Diu isho njaji Iraelnai caafi cádanacopia Josué, njite caafi cádanaco njaji pekipenai caaconaperri iofaacape pjá piatoa Josué jiapodam, njaji icapacape pjiomi Diu inaitjalri Iraelnai isho. 32 Njite njaji José iapipem, nadeerri Egipto lricjoite njaji Iraelitanai, nadawani Siquem ricó, lri ricoda jliaji jiipai Jacob iwentalri naoya njaji Hamor ienipem, Siquem jinirri. Cien palrataitape pia lricoada lriwentaca naoya, njite icapiatsa njepaiteca njaji José iipaneta. 33 Njite mayami tsacja Eleazar, Aarón irrí. Nadawani Guibeá ricó, Lrirrí Finees iyacalre ricó, nanda lrisho, Efraín jipaite awacadacawa ricó.
1 Mayami cayami Josué, njaji inaiki aimadan natatjá njemio Dio iinai, naaco cayoji: ''¿Cocaotsa yaa inoacawa iniita nakjoete njaji cananeonai waikjaote? 2 Niinin Wa Minalri jiepana, lriaco narso: ''Judánai watsa. Ima nocadaaca njaa-carro iajíi lrinaco jliaji jiipai'' 3 Njite njaji atsianai Judá poco naaco narso njaji naweenai Simeón poco: ''Inoatsa wainai wainoacá-carro nakjoete njaji cananeonai lrikjaote jliaji jiipai Dio icadaalri warso. Cayo tskjaotsa faamaoca shaa, waawatsa wakitsindata shaa lrikjaote jliaji jiipi nacadaalriotsa irso.'' Niini njaji Simeon poco naaca nainai. 4 Njaji atsianai Judá poco nainoacawa, njite Wa-Minalri icadaa njaamá carro njaji cananeonai njite njaji ferezeonai. Naino nanakjoite Die mil atsianai Besec rico. 5 Naoketa Adoni Bezec Bezec lrico, nainoacawa lrikjoete niini njameetaca njaji cananeonai njite njaji ferezeonai. 6 Mitsa Adoni Bezec ipitoca naoya, niini napinietacani atee naa njépani, njite nayoá njaji lricapjiwida pamoshoewi njite njaji jlipjewida pamoshoewi tsakja. 7 Niini Adonia icaiteca cayoji: ''Setenta talricanaatinai, njaji noyoaji icaapjiwida njite njaipjewida pamoyoá perri, nawakeeta piaca naijawa noijaca idopem no-mesan iapjite. Cayoji nonaitja capishona, cayo tsakja Dio inaitjaca noapiya.'' Nadeen Jerosalén lricojle, icatsa mayamica niini. 8 Njaji atsianai Judá lricope nainoacawa nakjoete njaji Jerosalén lricoperri atee njepa narsowao jliaji yacaalre. Nainona matseeta sho njite namjaita jliaji yacaalre. 9 Jliapomjite, njaji Judanai naa nainoacawa nakjoete njaji cananeonai iofacapewa awacada nacope, Neguev lricope, njite nakjoete njaji iofaacapewa jiipana itajida nacó jeeri jiewacawa ikjaolre. 10 Judá iawa nakjoete njaji cananeonai iofacapewa Hebrón lrico, jliaji Quiriat Arba dalri pia iipitana, icatsa njametaca njaji Sesai lricope, Ahimán lricope njite njaji Talmai lricope tsakja. 11 Njité dalri, njaji Judánai naawa nakjoete njaji iofacapewa Debir lrico, jliaji Quiriat Séfer dalri pia iipitana. 12 Njite Caleb iaco: ''Coca cadaotsa inoacawa Quiriat Séfer ikjoete njite jlipa jliaji yacaalre, nocadaawatsa lriinowa noito Acsa.'' 13 Niini Otoniél, Quenaz irri, Caleb iwerri irri, jlipa jliaji yacaalre Debir, niini Caeb iaca lriito Acsa Otoniél iinowa. 14 Niini Otoniel idee cádanaco shoaji lrino Acsa, lrinaa rotatjá carró shonirri iinaí njepaitewa lricodapitsa. Niini rórroco cádanaco roborrón ioya, Caleb iaco rosho: ¿Cocao pioma noinai? 15 Njite Acsa jiepani: ''Picadaa norso piaco matsiadalri, ima picadenina norso jiipai Neguev ricó, piaa tsakja norso njaji onipaokja''. Niini Caleb iaca rorso njaji onipaokja jiipana nacope njite tjewacajle ricope tsakja. 16 Njite njaji ceneo inakjoité prri, Moisé ijawerrim, naawa lrioshete jliaji Yacaalre Yaawa coa dalri iipitana nainai njaji Judánai, jalrapocolri Judá lricoda, jliaminitsa jliaji nacaiterri Neguev, naofaa-carro nainai njaji Judá poco tsoomi Arad ioya. 17 Njite njaji atsianai Judánai naawa nainai njaji nakitsiñape atsianai Simeón poco iyaape, njite nainoacawa nakjoete njaji iofacapewa Sefat lrico atee nawayaketa pjiomina. Horma pia lriipitana jliaji yacaare. 18 Njaji Judánai, njepa tsakja narsowao jliaji yacaalre Gaza, njite pjiomi jliaji jiipai lriwaida nacope, Ascalón tsakja, njite pjiomi njaji jiipai lriwaida nacope, Ecrón tsakja, njite pjiomi njaji jiipai lriwaida nacope. 19 Wa-Minalritsa ikitsindata njaji inaiki aimadan Judá lricope njepá-carro narsowao jliaji jiipai awacadacawa, mitsa corrin nataita njetaca njaji inaiki iofacapea malritsicoa lrico ima narsoca naoya njeco carrofia tsipalrafiape. 20 Nacadaa Hebrón caleb irso, cayotsa Moisé icaite apisho pia, lrimotoita njiteo njaji madalrida Anac ienipenaipe. 21 Mitsa njaji aimadan Benjamín poco corrin namotoita njaji jebuseonai Jerosalén lrikjoite. Niini njaji jebuseonai naofaaca nainai njaji aimadan Benjamín poco Jerosalén lrico atee panashete. 22 Njaji José iipaneta inakjoitepe namatsietaacawa nainoacá carroa nakjoete njaji inaiki iofaacapewa Betel rico, Njite Dio ikitsindatana. 23 Nameenaca atsianai iacape icapa naicao dawacalri ricotsa jliaji yacaalre Betel, jliaminitsa jliaji yacaalre najirri piatoa, Camarrai. 24 Njaji atsianai iacape icapa naicao, nacapa ape atsia imotocawa lrioya jliaji yacaalre, niini naaco lrirso: ''Pinaitja matsiacalri picañjata wacapa coanca pjewacawa lri-ricoda jliaji yacaalre njite corriotsa wanaitjá carroca pirso maatsi.'' 25 Niini lri-cañjata nacapa papeco inipo pjewa carroda lrirso jliaji yacaalre. Naino njaji inaiki yacaalre ricope matseeta-sho, mitsa nacadaa lriawa jliaji atsia ikitsindatacadana pjiomi lrikitsiñape iapiya. 26 Jliaji atsia lriawa njepaite ricojle njaji Hititanai, lrinaitja pacoa yacaalre nirse njite lricadaa lriipitanao Camarrai, icatsa lriipitanaca atee panashete. 27 Njaji aimadan Manasé poco corrin tsakja napeeco naawa njaji inaiki iofaacapewa nerricoda njaji yacaalre Bet Seán lricoperri , Tanac lricoperri, Dor lricoperri, Ibleam lricoperri, Meguido lricoperri njite njaji iofacapewa yacalreewape rico nanomapiana lrico njaji yaalre, ima njaji cananeonai nacadaacawa naofáa-carro nerricoda njaji jiipai. 28 Njaji Iraelnai nakjaidataacawa, niini nacadaa nadejíi-carro jiidati rico idejikjeti jamiñaperri iraelitanai irso, mitsa corrin napeeco naoyao nayacalre ioya. 29 Njaji Efraín poco corrin tsakja napeeco njaji cananeonai iofacapewa Gezer ricó, niini njaji cananeonai naofaacatsawa nainai Gezeer lrico. 30 Njaji Zabulón poco corrin tsakja napeeco njaji inaiki iofacapewa Quitrón lrico, corrin tsakja njaji iofaacapewa Naalal lrico, niini njaji cananeonai naofaacatsawa nainaitsa, mitsa njaji Zabulón poco nacadaa nadejíi-carro narso idenjikjeti jamiñaperri jidaati ricó. 31 Njaji Aser poco corrin napeeco njaji inaiki iofaacapewa Aco lrico, corrin tsakja njaji iofaacapewa Sidón lrico, corrin tsakja njaji Ahelab lricoperri, Aczib, Helba, Afec, njite Rehob. 32 Niini njaji Aser poco naofaacawa napecolrico njaji cananeonai, njaji jiipai iminanai, ima corrin napeecona naoyawana. 33 Njaji Neftalí poco corrin napeeco njaji iofacapewa Bet semes rico, corrin tsakja njaji Bete Anat lricoperri. Niini njaji Neftalí poco naofaacawa napecolricotsa njaji cananeonai, njaji njaji jiipai iminanaitsa. Mitsa njaji Neftalí poco nacadaa nadejica idejikjeti jamiñaperri jiidati rico njaji Bete Semes njite Bet Anat lricope, Neftalí irsoperricana. 34 Njaji amorreonai napiajleta njaji Dan poco naofaa-carro awacada cawa lrico, corrin nacadaa naorrocowa malritsicoa lrico. 35 Niini njaji amorreo naofacawa Awacada Heres lrico, Ajalón lrico, njite Saalbin lrico, mitsa njaji José iipaneta itsolrodaonai nainoacawa nakjoete njite njaamana njepá-carro narsowao njaji yacaalre, njite nacadaa nadejica narso jiidati rico idenjikjeti jamiñaperri sho. 36 Njepaite jinaa njaji amorreonai lrinitawa jiipana itajida nakjoite Acrabim dalri Sela ricoda, lriocawa awacada cawa nacojle
1 Dio iangeleni íno Gilgal lrikjoite Boquim lricojle, lriaco cayoji: ''Njotana Egipto lrikjoite, njite nodeena lri-ricoda jliaji jiipai nocaiterri pia yaacoti ajádalri narso njaji jinirrinaipemi noacaotsa narso. Noaco tsakja narso: ''Corriotsa noyoaca ioya jliaji yacoti norsolri iinai.'' 2 Corriotsa inaitjá carroca yaacoti naainai njaji inaiki yofacape lri-ricoda jliaji jiipai. Irsotsa ipeecoca njewao njaji altar narsolri. Mitsa corrin jimica noaco. ¿Cocao jliaji inaitjalri? 3 Niini cayo noaco panaya: ''Corrinatsa Nopeecó carroca ipeyajle njaji cananeonai, nocadaotsana irso cayoji doowrri itoda capisho paparrema naco, njite njaji nadio, cayocaotsa irsona tooda sho pacadaji copje ipiá.'' 4 Niini caaco cádanaco njaji yaacoti jliaji Dio iangele narso njaji Iraelnai pjiomi, njemata kjaida njaji inaiki aimadan, naiya tsakja. 5 Nacadaa lriipitanawa niini Boquim. icatsa nainoca maaficalri Dio irso niini. 6 Njite Josué imeenaca cádanaco nadiawa njaji Iraelnai; nacoamitsa nadiawa akjerreca nacadaa njepaitewa naofaa carro, nayada carroena jliaji jiipai. 7 Njaji iraelitanai nadeji Dio irso Josué jiawajli caafi cádanacotoani, njite caafi cádanacotoa tsakja njaji pekipenai iofaalri pjatoa Josué shapodam, njaji icapacapem njaji manaitjacanaaperri Dio inaitjalri Iraelnai ikjaote. 8 Nun irri Josué, Dio irsodalri, mayamini 110 walria lripekirrica naco. 9 Nadawani jlipaite ioyawaaca nacadanda lrirso Timnat Sera lrico, jiipai awacadacawa nayada lrico njaji Efraín poco, atsiakemjete lrirso jliaji Awacada Gaas. 10 Pjiomi njaji njaacoma, oopi mayamina nacayoshotsa njaji njanirrinaipemi. Niini pacomenakja njaji jinicolri njanirrinaipe jiapodam, njacomaca njaji corriperrinatsa ianjii Dio naco, corrin tsakja najíi njaji Dio inaitjalri Irael ikjaote. 11 Njaji Iraelnai nanaitja maatsi Dio ipeyajle ima nadejica Baalnai irso. 12 Namaca naoyao na-Milri, njanirrinaipemi iDiote, Jliaji jitalri-piana Egipto lrikjoite. Naoma narsowao njaji paanatsa dionai, njaminitsa dioca narsolri njaji inaiki naofaji ipecolrico, niini nacoajacawa naikjaolre. Cayo carroena nakerroataca Dio naikjaolre 13 namaca capoa Dio naacarro matsiadalri Baal irso njite Astarot tsakja. 14 Dio iirroa jinico nakjoete njaji Iraelnai, niini Lricadaacana nacaapi rico njaji inaiki iofaacape tsoomi njepaite ioya. Njaji jipacapemna oowi rico njatsa njaji iofacapetsa njepaite icodapita, Dio icadaa navendee carrona narsoperri carrona njaji apaana inaiki, niini corrinatsa nataita neemaca nacoema nakjoete. 15 Kjerrerse cadaa Irael iaawa inoacawa oowi rico, Dio iema manawa nakjoete wadee njamaca nacoema, cayotsa Lricaite capisho piatsa narso yaacoti ajádalri sho lrinaitja caotsa. Niini aima njerrapitaca pekirritsa. 16 Ikeena Wa Minalri icadaa narso jueznai, ikena njaji imanacota mana njaji Iraelnai naoya njaji yofacape njepaite icodapi. 17 Cayo cadanatsa corrin njemica narso njaji jueznai. Icaamitsa nanaitja maatsi Dio irso njite nacadaacawa cawilreperrim-sho narso njaji apada dionai naacarro narso matsiadalri. Kjeyetsa namaca naoyao cayoji njanirrinaipemi iofaa capisho pia; njaji jiepacape pia njaji Dio icaite pialri narso lriaco lrico, mitsa njaji corrin nanaitja nacayosho. 18 Dio icadaa cádanaco juez narso, Dio ikitsindata njaji jueznai lrimanacotá-carro njaji iraelitanai nacoema ioya caafi cádanco njaji jueznai Lricadaaji. Dio jimi narso njaji jueznai natatja cádanaco kjaida nama njaji jirrapitetacapena njite nainona kjaida-sho. 19 Mitsa mayami cádanaco jliaji juez, njaji iraelitanai, napieta tsenakja nanaitjaca namatsicanao matsinaa pjaa naoya njaji njanirrinaipemi inaitaji pia. Naaca njapodam njaji apaana dionai nadejí-carro narso njite naacarro narso matsiadalri. Corrin naoma namacaca naoyao jliaji nanaitjanda maatsi, tarra capoa nawaopiakje. 20 Dio iirroa jinico nakjoete njaji Iraelnai, niini Lriaco cayoji: ''Corri capoa nanaitja njaji yacoti norsolri pia naapiya njaji inaiki, jliaji yacoti Nonaitjalri naapiya njaji njanirrinaipemi; corri capoa njeni noaco; 21 panaya nakjoite, corriotsa nopeeco carroca njaji apaana inaiki Josué imacaji mayamirri ioya. 22 Nonaitja cayo nocapá-carro njepacatsa noaco njaji Iraelnai njite nanaitjaca cayoji noaco icaite capisho cayoji njeepa capisho njaji njanirrinaipemi. 23 Cayoshopa Dio imaca njaji apaana inaiki, jlimotoita kjeya njitena njite lricadaacana Josué icaapi-rico
1 Dio icadaa njaji apaana inaiki lriwishopa njaji Iraelnai, najii corriperri inoaca-piawa oowi rico canaán lrico, najíiwatsa coanca oowicalri. 2 Dio inaitja cayo lricanantá carrona oowicalri naco narso njaji Iraelnai inakjoite perri corriperritsa ianjíi coanca oowicalri-naco. 3 Icatsa njaji apaana inaiki iofalriwa macacoepe rico yacaalre: njaji cinco talricanaatinai filisteo, pjiomi canaan lricope, sidonionai, heveonai njaji iofani piawa awacada naco Libano lrico, Baal Hermón iawacadate nakjoite Lebo Hamat nacojle. 4 Dio-tsa icadaa njaji apaana inaiki nacodapitsa Lriwishopawa njaji Iraelnai, Lricapa carrocatsa njeepaca njaji lriaco Lricadaji narso njaji naferrinaipemi Moisé nakjoite. 5 Niini njaji Iraelnai naofacawa napecolrico njaji cananeonai, hititanai, amorreonai, ferezeonai, heveonai, njite jeboseonai. 6 Njeta naninaiwa iraelitanai itonaipe, njite nacadaa tsakja naitonaipe iraelitanai irrinonaiwa, njite nadeji pacoaca nadiote irso. 7 Njaji iraelitanai nanaitja maatsi Dio irso, njite namaodaca na-Minalri Dio ioya. icaamitsa naaca matsiadalri Baalnai irso njite Asera irso tsakja. 8 Cayoshopa Dio iiroa ipojliawa Iraelnai ikjoete, niini lrivendena lrirso jliaji talricanaati Cusán Risataim, Aram Naharaim italricanaa. Njaji Iraelnai nadejica Cusán Risataim irso ocho walria icoa. 9 Njiite nawana cádanaco Dio ikjaolre njaji iraelitanai, Dio icadaa-mana pada ikitsindatacada njaji iraelitanai, icatsa jliaji imanacotalri-mananaa: Otoniél, Quenaz irri, jliatsa jliaji Caleb iwerri. 10 Wa-Minalri Icaolrini ikitsindatani njite lricadaa lrirso lriajíi-carro coancarro naapiyalrecan, icatsa jliaji icaiterrica Iraelnai nacó, njite lriámanawa oowi ricó. Dio icadaa jliamá-carro Cusan Risataim, Aram italricanaa. 11 Coarenta walria naofawa namaodacatsa njepaite rico. Mitsa mayami naoya Quenaz irri, otoniél. 12 Otoniél jiapodami, njaji iraelitanai napieta tsenakja nanaitjaca maatsi Dio irso, Njite Dio icadaa kjaidaca Eglón, Moab italricanaa, jlia-carro iajii nanaco njaji iraelitanai. 13 Eglón ioma lrikitsiñapewa njaji amonitanai njite njaji amalecitanai, niini naaca nainoacawa iraelitanai ikjoete njite njaamana, Njeta naoya pjiomi njaji Yacaalre Yaacoa lricoperri (Jericó). 14 Njaji Iraelnai nadeji Eglón irso, Moab italricanaa, dieciocho walria icoa. 15 Nawana cádanaco Dio ikjaolre njaji iraelitanai, wa-Minalri icadaa narso ape ikitsindatacaodana, lricadaa Aod, Gera irri, pada nanakjoite-dalri njaji Benjamín poco, ape atsia caatódalri. Njaji Iraelitanai nameenacani Eglón iderse, Moab italricanaa, lridee njaji nacaoñaacashopawa lrirso jliaji talricanaati. 16 Aod inaitja lri-matsetaniwa yameemá-dalri iema, irsocada yamaita pacaapi jliwalripaca; njite lripapini lricotsipa-nacó atsialriemjete lri tsayan iapjite. 17 Lriá njaji palraata nacaoñaaca shopawa lrirso jliaji Moab italricanaa Eglón, njite pekirri cadanetsakjani. 18 Aod iaa cayami jliaji palaraata nacaoñaca shopawa, lridia lrimoto nainai njaji ideecapem njaji palraata. 19 Njite Aod ioca cádanaco nanaitjacawa njaji idolonai, tsoomi gilgal rico, icaamitsa lricabocowa jliapodamrsewa njite lriaco talricanaati irso cayoji: ''Norso pada iacoti pirsowalri corridalritsa coca itaita iajiica.'' Njite glón imacoitaca njaji lrinaiperri njite namotoca lrioya lriofacawa lrikjoite. 20 Icaamina Aod iawa lriderse. Jliwaketsa iofawa jliaji talricanaati lriofacarrotawaje rico jlipacawa japerri yamacoma naco lriipana. Aod iaco lrirso: ''Norso pada iacoti Dio inakjoite-dalri pirso.'' Niini jliaji talricanaati jinico yemawa lriofacarroda ioya. 21 Aod jipa inarroema-sho lrimatsetan lricotsipa atsialriema nakjoite-dalri, njite lritoda talricanaati lrisho. 22 Lritoda kjaidani atee lricawana jiewani, niini lrimotoca jliaji lritodashopani jliawa pemajle, niinitsa lrimacan lrinaco. 23 Icaamina Aod imotoca njiteo, lriita taimi lripananoma lrimoto cádanaco njiteo. 24 Aod idia cayamiwa, njaji talricanaati irsoperri nawa lriderse; njite nacapa taimica jliaji pantinoma, niini nawaopiaca: ''Paji matsiaca lriajíi jlipaca japerri lriwafeta carroda lrico yenon.'' 25 Mitsa wiaa cayamina, njetena caolre ima nacaite corrica nanaitja capisho nadejicalre, ima corricatoa talricanaati imjecoca jliaji lriwafetacarro tawajle ipananoma. Niini njepaca njaji tsaawi namjecó-carro jliaji pantinoma, namjeeco cádanaco, nacapa natalricanaa iorsoawa jiipai naco mayandalriminatsa. 26 Nawapa cawiaca toa njaji lrirsoperrimi, natatjacawa coancaotsa nanaitjaca, Aod ipito naoya njite jliyapa njaji nanaitjacawa idolonai, jiipada nayoaji. Cayotsa lriptocawa, lriawa Seirat lricojle. 27 Lrioca cádanco nirseo, lripjia kjema trompeta awacada cawa lrico, njepaite njaji Efraín poco. Niini njaji Iraelnai iofacapewa jiipana taji nacó naaca lriinai, njite jliaca iajíi naapiya. 28 Aod iaco narso: ''Íino njoapodam, ima icaminaotsa wa Minalri jiametacaotsa njaji icoema Moab lricope.'' Naawa jliapodam njite naawa Jordán yalrapi rico, moabitanai icoemjete, corrin nacadaa pada iyoetaca jliaji ooni. 29 Jliawajli pia wadeepe nainoca die mil atsianai moabitanai, pjiomi piacana atsianai kjaidaperri, mafiocaperritsa. Corrin yoomje pada nanakjoite. 30 Icapiena jliadaa, njaji Iraelnai yapirsetaca njaji moabitanai jiidati rico. Njite cochenta walria icoa lriwafetacawa jliaji njepaite. 31 Njite Aod jiapodamdalri, Samgar nakja jliaji icaitecada Irael nacó, Anat irri, icatsa jliaji iinolri-piaca seiciento atsianai filisteonai jaico nawititashopa vaaca iipe. Lrimanaco tsakja Irael cafainadalri ioya
1 Mayami cayami Aod, njaji Iraelnai napieta tsenakja nanaitjaca maatsi Dio ipeyajle. 2 Niini Dio icadaana Jabin icaapi rico, Canaán italricana, italricanatacada Hazor rico. Sísara pia lriipitana jliaji lritsolrodaonai icapitamani, Sísara irsodalri, iofacada Haroset Goyim rico. 3 Njaji Iraelnai nawana kjaida Dio ikjaolre lrikitsindatá-carrona, ima Sísara irso piaca noveciento carretafiape nanaitjaji tsipalrasho minitsa, njite jlirrapitetapiena aimatsa njaji iraelitanai vente walria icoa. 4 Njite cadana Dévora, apama inoparrotacada, Lapidot iino, icapiatsa rsoaji icaitecada iapiwalreca nanaco njaji Iraelnai jliawajli. 5 Dévora ipeyo mana iofacawa yaaawapi iapjite rocadanda iipitanao Dévora tsakja, iemalriwa Ramá njite Betel ioyawaaca, awacada cawa nayacalre rico njaji Efraín poco. Njaji Iraelnai naamanawa roikjaolre matsietá-carro iacoti narsonda nakjoetewaca. 6 Romeenaca naacarro naoma rorso Barac, Abinoam irri, Cedes irri Neftalí rico. Njite roaco lrirso cayoji: ''Cayo lrinaa pinaitjaca jliaji wa-Minalri, na-Diote njaji Iraelnai, ''Piawa lrinacojle jliaji Awacada Tabor, pideotsa pikitsiñapewa die mil atsianai Neftalí poco inakjoite-perri njite zabulón inakjoité-perri tsakja. 7 Ima Nodeecaotsa Sísara, Jabín itsolrodaonai icomandanteni, lriá-carroatsa pikjoete, njite ioketaacacaotsawa ooni Kishon naco, lrideewatsa njaji carretafiape njite njaji lritsolrodaonai aimadan, mitsa nocadacaotsa pjiácarro shamani.'' 8 Njite Barac iaco Dévora irso: ''píno cadaotsa noinai, noawatsawa, mitsa corricadatsa píno noinai, cotsa noá carrocawa.'' 9 Niini roaco lrirso, ''ajádalri noacaotsa piinai, mitsa corriotsa pjiá carrocaotsa idee jliaji matsiadalri lrikjaote jliaji wanaitjalriotsa, ima jliaji wa-Minalri lricadaaca Sísara inarro icaapi rico.'' Ikena Dévora jinico iawa Barac iapiya Cades ricojle. 10 Barac iwana atsianai Zabulón poco inakjoite-perri njite Neftalí inakjoite perri naa-carro pacoacawa Cadaes ricojle. Die mil atsianai iawa lriinai njite Dévora iawa lriinai. 11 Njite Heber, Quenita-dalri, jlienaca naoya njaji Quenita ricope, icaóiatsa njaji Hobab inakjoite-perri, Moisé iñjawerri; lrinaitja lripanaitawa apana jaico macani icodapi Zaanain rico, tsoomi Cades ioya. 12 Njite nacaite cádanaco Sísara jimio opica Barac, Abinoam irri iawa Awacada Tabor lricojle, 13 Sísara iwaketa pjiomi njaji lricarren tsípalra fiape, noveciento namaimaca padenirri, njite pjiomi njaji tsolrodaonai lrinaiperri, Horoset Goyin nakjoite atee Ooni Cisón nacojle. 14 Dévora iaco Barac irso: ''¡Warsena piawa! Ima icatsa jliadaaca jliaji wa- Minalri icadaacawa pirso pjiamá-carro Sísara.'' ¿Capja corrica piajíi wa-Minalri catsa jliaji waapiyawalri?'' Ikena Barac iorrocowa Awacada Tabor nakjoite njite die mil atsianai iawa jliapodam. 15 Wa-Minalri imanalrieta nawaopiakje njaji Sísara itsolrodaonai, cayo tsakja njaji carreta tsipalra fiape nacope, cayo minitsa pjiomi njaji Sísara itsolrodaonai iacape njaipa shotsa. 16 Mitsa Barac ipineta njaji carreta tsipalra fiape, njite njaji tsolrodaonai aimadan Haroset Goyin nacojle, njite pjiomi njaji Sísara itsolrodaonai aimadan, Barac iinona matsetasho, corrin caafi pada nanakjoite. 17 Njite Sísara ipitowa jlipashotsa Jael ipanaita lricojle, Heber, Quinitadalri iino iderse, ima corripiaca maatsi naapiyawaaca Jabin, Hazor italricanaa, Heber, Quinita dalri iipaneta iapiya. 18 Jael imotoa rocoadatá-carro Sísara, roaco lrirso: ''Pinoena noderse, pjia icanantacaita njoa, mafiotsa pinoca.'' Ikena lriacawa roderse, jliewa ropanaita lrico, njite roñampani pamaca pájleti sho. 19 Sísara iaco rorso, ''Pinaitja matsiacari, pia noirrawa ooni, ima meetaca nocaolre.'' Niini romjeco rodejicarroda vaaca inia maaficalri iyam rico roá-carro lrirrawa, njite rodia tsenakja roñampani. 20 Njite lriaco rorso: ''Piemaotsa piwapa pipanaita ipananoma lrico. Pada ínocadaa, njite lritatja jlimio aacada pada piinai, picaiteotsa corrica pacapa pada.'' 21 Njite rsoaji Heber iino Jael, rsopa apapo jaico ropanaita nacoda, pada martillo rocaapi rico njite roawa dawacalri ricotsa Sísara ikjaolre, ima Sísara imaaca daimi, ikena roñaca martillo-sho jaicoapo jiwida naco jliewa-carro Sísara jiwida-lrico, jliyapa pemajle, niinitsa mayamini. 22 Barac ipineta cadana Sísara, niini Jael imoto icoadatan, roaco lrirso: ''Pino noinai nocañjatá-carro picapa jliaji atsia piajirri pioma.'' Icaamitsa Barac iacawa roinai, njite lricapa Sísara mayam-dalrimitsa lrisho jliaji jaico sheewalri jliwida lrico. 23 Jliadaa pia Dio shameta Jabin, Canaán italricanaa, nacapatsa njaji iraelnai. 24 Ikena kjaida pjaaca njaji Iraelnai Jabin ioya, Canaán italricanaa, atee naa nataitani.
1 Jliadaa pia jalredaoca Dévora njite Barac, Abinoam irri, nacanta pia jliaji canción: 2 ''Matsiadalrica pjia wa-Diote ima njaji Iraelnai iapiyawalre nacaite nainoacacaotsawa, njite njaji iraelitanai pomena naaca nainoacawa nainai. 3 Jimi shaa talricanaatinai, iwapa jimi matsia shaa iwapacape yacaalre. Nocantaca wa Minalri irso; noaca matsiadalri no-Minalri irso, Iraelnai iDiote. 4 No-Minalri, oopi pia Pimoto píno Awacada Seir lrikjoite, Pino caojli pia njepaite rikjoite njaji edomitanai. Jliawajli pia canani jliaji jiipai, canani tsakja njaji eenocoma; njite ooni yarrowa iyadaoca yooya. 5 Cananica njaji jiipana nacapa cádanaco Dio yeecoa; canani tsakja jliaji jiipana Sinaí lricapa cádanaco Dio yeecoa, na Diote njaji Iraelnai. 6 Samgar jiawajli pia, Anat irri, Jael jiawajli pia, namaca njaji inipo njeyapacawa pjiomi, njite njaji aimadan yaajicapewa-mana corritsa naaca lri ricoda icaamitsa naacawa inipokjape rico nayofiá-carro lrioya. 7 Tsopienatsa njaji oowinai Irael rico, njite nocaketsawa, njoa Dévora, njoá-carro iajii nanaco, cayoca njoa narso njaji iraelitanai njadoa sho. 8 Njite naniwa cádanaco narsowao pada nadiotewa njaji iraelitanai, ikena niinica oowi yacaalre ipananoma lricotsa, njite corrin lricoaca narso nadanaita njite namolroconiwa njaji coarenta mil iraelitanai. 9 Catiima nocapaca narso njaji comandantenai Irael lricope, njite njaji icadaaca capewa njawacatsa, wacaite matsia Dio irso nanaco. 10 Iwaopia nanaco njaji nocaiterri, pjia iajicadawa borro jaalreni naco, pjia yofacadawa yamacatiita nacotsa, njite pjia iajicadawa pjiipa shotsa inipo lrico. 11 Jimi coanca nacantaca njetacawa lrico ooni njetanda naoya. Nacaiteca coanca Dio inaitjaca narso matsia, coanca njamaca nacoema njaji kjenaperritsa Iraelnai ikjaote. Njaji Dio inaikite aimadan naorrocoa yacaalre ipananoma lricojle. 12 ¡Picafiawa, picafiawa, Dévora! ¡Picafiawa, picafiawa, picanta apapeco canción! Pjinicoa Barac, pjipá-carro pirsowao njaji picoema, pjia Abinoam irri. 13 Icamina naorrococawa njaji Iraelnai nainoacá-carro nakjoete njaji kjaidaperri; naawa noikjaote njaji aimadan Dio irsoperri nainoacá carro nakjoete njaji atsianai kjaidáérri oowinai. 14 Náno Efraín lrikjoite njaji iofacapewa Amalec lrico; njaji Benjamín poco naawa shapodam. Naawa Maquir lrikjoite njaji picomandantenaipe, njite Zabulón nakjoite naawa njaji iwapacaperri yacalre. 15 Njite njaji caconaperri Isacar lricope naawa Dévora iinai, njite nja paana Isacar nakjoitepe naawa tsakja Barac iinai, naawa lriinai jiipai yoyawaaca cawa njite jliaca iajíi nanaco.¡ Ajádalri! Niinica tsolrodaonai kjaidaperri oowi icaona nanakjoite njaji Roben poco corri perritsa ifiowa. 16 ¿Njite coada corrin iawa ikitsindata faa? Ima iofaa catsa waoya jimí-carrotsa coanca nawanaca na ovejan njaji iwapacapena. Njaji atsianai kjaidaperri Robén poco inakjoitepe corrin naa nakitsindatana, icaamitsa naofacawa naapana lrico njemí-carro icantacape. 17 ¿Njaji Galaad poco, atsa naofawa Jordán pemajletsa; njite njaji Dan poco, naofawa nawaopiakje inonadalri yaapiyatsa natan icodapitsa? Njaji Aser poco, atsa naofawa ooni yaalrapi ricotsa, njite naofawa tsoomi inipjioda ioya. 18 Njaji Zabulón poco, icadaacacapewa corri-perritsa ifiowa atee naino cadantjana, cayo tsakja njaji Neftalí poco, naacadanaco nainoacawa oowi rico. 19 Naocawa njaji talricanaatinai nainoacá-carro; njaji talricanaatinai Canaán lricope nainoacawa Tanac lrico ooni Meguido icodapi. Mitsa corrin nadee narsowao napalraatani. 20 Naorrocowa eeno lrikjoite njaji jiwirsida nainoacá-carro, naapowa lrikjoitetsa eenolrikjoite nainoacawa Sísara ikjoete. 21 Jliaji Ooni opikaitsa Cisón, oopi lripiyona, jliaji Ooni Cisón. Noaco nocafica irso, warsa pikjaidatacawa piá carro pipeyajle. 22 Njite icaamitsa kjemaca njaipacoda njaji caballo ipitocape, njaji caballo kjaidaperri, Sísara iyaape oopi napitowa. 23 ¡Caaco maatsi Meroz inaikite ikjoete! lriaco jliaji wa-Minalri iangeleni, ima corrica naoma Dio ikitsindatana, Lrikitsindatá carromtjana nainoacá carroa nakjoete njaji oowinai kjaidáperri. 24 Matsiadarro dekja rsoaji Jael naoya njaji apjetsida inaitjepe, Jael, Heber Querinita dalri iino, icatsa rsoaji maatsiadarro pjaaca naoya njaji apetsida inaitjepe nanakjoite njaji iofaacapewa pantita lrico. 25 Jliaji atsia lritatja roinai ooni njite roaca lrirso iniati; rodee lrirso mantequilla parrato lrico, naijácarroapi rico njaji caconaaperri. 26 Rsopa rocaapi sho jliaji jaicoapo ropanaita lricoda, njite royekema-sho rsopa lri-martillon jliaji idejicaa; lrisho jliaji martillo roñaa Sísara jiwida naco njite romatsiketaca jliwida. Robolrontaca jliwida paitapena roñaa cádanaco jliwida iparrema naco. 27 Lria daimini rsoipa icodapi, icatsa jliwaca lriorsoawa niini. Jliwa pokjonwa rsoipa icodapi. Jliwacawa daimi, icatsa mayamica niini jliaji roinonda. 28 Pemajle ventana ioya rocapa, Sísara jidoa icapa panti idanaita ipecolrico njite rowanaca inonacalri rico, ''¿Coadapa wiacalretsa lrinoca Sísara yaapiya jliaji lriajicarrofia? ¿Coada corrin kjeya lriocawa panti ricojle? 29 Njite njaji inaitjepe cajikjeperri icaitecape iacoti narso, naaco njeepacano cayotsa rocaite capisho: 30 ¿Corricapa naoketa nanaanipem cacoadaperri naacarro narsowaca? ¿Apama, o yaamama inaitjepe nacoanaa narso njaji atsianai, njite Sísara irso njaji yamacati nadatanda matsia, njaji yamacati nadatanda matsia naoconda matsia inomaakja, njite yamapoco yamacati nadatanda matsia naoconda inomaakja narsowajle njaji iñaitocapena napapí-carro nawedalrico? 31 Niini mayamicaotsa pjiomi njaji picoema, ¡NOMINLRI! Mitsa njaji pikitsindaji cayocana irrirriapji-sho kjaidaperri cádanacoena-na'' Njite jliaji jiipai naofaa namaodaca coarenta walria icoa.
1 Njaji inaiki Irael lricoperri nanaitja maatsi Dio ipeyajle njite lricadaana madianitanai icaapi rico siete walria icoa. 2 Kjaidaperrica njaji Madian lricoperri niini namatsiketa aimatsa njaji Iraelnai. Njaji Iraelnai, nafio capoa naiwana njaji madianitanai nanaitja nadawaaca arrodawa jiipana taji naco, pjiomi jalraacawa lrico nini njite coancawajle catsa tsakja. 3 Njite naapana cádanco mana napania njaji Iraelna, njaji amalecitanai, njaji madianitanai njite njaji inaiki inaiki iofacape jerri imotokemjete namatsica mana naoya njaji iraelitanai. 4 Nacadaa natsolrodaonai Iraelnai jipaite rico niiní namatsiketa napania iinaca naoya, cayo minitsa nanaitjaca atee lriocawa Gaza lricojle. Corrin nacadaa naijao njaji Iraelnai, corrin nacadaa naovejaniwa, navacaniwa o naorronwa. 5 Nanoca icoami njaji madianitanai Iraelnai jipaite lricojle, navacan iapiya njite nadee naplasticon napanaita icaona, nacapa mana nanoca aimasho cayoji tacaapa aimadan iaacape sho, corrinatsa pataita paniweetaca njaji inaiki njite nacamellon tsakja. Njepa narowao jliaji jiipai namatsiketá-carron. 6 Madianitanai imjaidata matsiapee njaji Iraelnai, niini nawanaca Dio ikjaolre njaji Iraelnai. 7 Nawana cádanco Dio ikjaolre njaji Iraelnai madianitanai ikjaote, 8 wa-Minalri imeenaca pada inoparrotacada iraelitanai irso: ''Cayo lricaiteca irso jliaji wa-Minalri, naDiote njaji Iraelnai: 'Njota shaa Egipto lrikjoite, njerrapitetacawa lrikjoite pia shaa. 9 Nomanacota shaa Egiptonai icaapi rikjoite, naoya tsakja njaji jirrapitetacape shaa pekirritsa. Njotana njepaite ioya nocadaa-carro irso njepaitemi. 10 Noaco pia irso: ''Icatsa Iminalri Dioca njoa; nonaa piaca shaa wadee iaca matsiadalri nadiote irso njaji amorreonai, njaji iofaji iinai njepaite rico.'' Mitsa corrim jiepa noaco.'''' 11 Jliapodamjite lrino lriofawa jaico macani iapjite Ofra lrico jliaji wa Minalri iangeleni. Jliaji jaico, Joás, Abiezer lricoda lriyada piacani, njite cadana Gedeón, Joás irri, lriñaaca trigo jiipai nacojle lricakjaa carrona, anjí napitsioca cawa lrico jaico tjeda nanaitjashopa vino, lridawá carrona naoya njaji madianitanai. 12 Niini wa-Minalri iangeleni imoto lrikjaolre, lriaco lrirso: ''¡Pinai catsa wa-Minalri, pjia oowi kjaidete.'' 13 Niini Gedeón iaco lrirso: ''Pjia, no-Minalri; wainai cadaa wa-Minalri, ¿Coada tsakja cayo faaji? ¿Kjrrena njaji pjiida inaitjacape manaitja canaaperri, nacaiteji nama femio njaji fanirrinaipemi? Nacaite cádanaco cayoji: 'Wa-Minalri jita pia faa Egipto lrikjoite.' Mitsa panaya oopi Lrimaca faa njite Lricadaaca faa madianitanai icaapi rico.'' 14 Wa-Minalri icapa lrirso njite lriaco lrirso: ''Warsena piawa lrisho jliaji jiidati pirsorina. Pinacota Iraelnai naoya njaji madianitanai. Njoa imeenaca pjia.'' 15 Njite Gedeón iaco lrirso: ''¿Coajetja No Minalri notaita noyomjetaca njaji Iraelnai? Picapa, njaji nopaneeta nanakjoite njaji Manasenai ikatsa njaji mjaidaperri pjaaca naoya, njite midalrim catsa njoa njonirri ikitsiñape nakjoite.'' 16 Njite wa-Minalri iaco Gedeón irso: ''Njoa tsaotsa piinai, njite pjiametacaotsa njaji tsolrodaonai aimadan Madian lricope cayoji pada capishotsa tsolrodao.'' 17 Gedeón iaco lrirso: ''Matsia cadatsa pjimica norso no-Minalri, picadaa peda noajii-carro pjiaca jliaji caalri norso. 18 Pinaitja matsiacalri, maatsaotsa ajaiteji, atee kjerreca nodia noocawa piderse njite nodeecaotsa noinai paana inaaniti macoadaperritsa nocadaa-carro pirsona.'' Niini wa-Minalri iaco lrirso, lriwapacaotsani atee kjerreca lridia lriocawa liderse. 19 Njite Gedeón iawa lrimatsietá-carro lrijao apana cabra ienipe, njite apana tambor ioya irsocada vetido kilo icoa harina, lrinaitja peetje meewidalritsa. Lricadaa lriipe walrayaita lric, lricadaa lriana palangana lrico njite lrideena wa-Minalri irso lriwapalri niini jaico macani iapjite. 20 Njite wa-Minalri iangeleni iaco lrirso: ''Pjipa nja ipeti, njite jliaji peete mewitetsa picadaa carrona lrinaco jliaji jiipada macani, njite piarroatsa lrianaa nanaco.'' Njite Gedeón inaitja cayo. 21 Niini jliaji wa-Minalri Iangeleni imawatacana jaicoapo jiwidana sho jlipanda lricaapi rico. Lrisho jliaji jaicoapo linota njaji ipeti njite jliaji peete meewitetsa; ikena tiyee imotocawa jiipada lrikjoite lrimjaitá-carro njai ipeti njite jliaji peete meewitetsa. Icaamitsa wa-Minalri Iangele iawa Gedeón ioya njite corrinatsa lripieta lricapacani. 22 Niini Gedeón iajíi wa Minalri Iangele-cani. Njite Gedeó icaite, 23 ''¡Pjia No-Minalri! ¡Nocapjen dekja jliaji wa-Minalri Iangeleni notjisho catsa!'' Niini wa-Minalri iaco lrirso: ''¡Pimaodacatsao! Mafiotsawa, corriotsa mayam carroca pjia.'' 24 Gedeón inaitja apana altar wa Minalri irso niini. Lricadaa lriipitanawa niini, ''Imaodaca kjetica jliaji wa-Minalri.'' Panashete toa niini catoa jliaji altar Ofra lrico, icatsa naofacawa njaji Abiezer ikitsiñape. 25 Jliadaa deepica Dio icaite lrirso: ''Pjipa pjinirri itoron, njite jliaji yaamanashopa toro irsocada siete walria, njite pipeecoatsa jliwao jliaji Baal ialtarni pjinirri irsolri, njite piyoawatsa jliwao jliaji jaico iemalri lricodapi naacarrona matsiadalri rorso rsoaji nadiote Asera. 26 Pinaitjaotsa apana altar pi-Minalri Dio irso lri-ricodatsa jliaji nadawaaca-carroda lrico, pinaitjaotsa matsiani. Njite jliaji yaamanashopa vaaca atsiana pjipa pimjaitani matsia ofrenda sho nashotsa njaji jaico piyoaji Aasera iyapepem.'' 27 Niini Gedeón idee die lrirsoperri njite lrinaitjatsa cayoji wa-Minalri inaa capishoni. Mitsa lrifio capoa naiwana njaji lrikitsiñape jlinirri iipaneta, njite naoya njaji inaiki lriyacalre ricope corrin lrideji jaalrewerrico, mitsa lrideji deepi rico. 28 Piyompinacojlena nacafia cádanaco njajii inaiki yacaalre ricope, nacapa jiwacadamitsa Baal ialtarni, njite acapa naocanamitsa jliaji jaico Asera iyarrona yemalri pia lricodapitsa, njite nacapa jliaji vaaca atsiana yaamana shopa namjaitanda lrinaco jliaji altar nanaitjanda. 29 Niini njaji inaiki yacaalre ricope naaco narsowaaca: ''¿Cocapa jliaji inaitjalri cayoji?'' caaco cayami naapiyawaacana najíi-carro kjaiterrica jliaji inaitjalri cayo, naaco. ''Gedeón, Joás irri jliaji inaitjalri cayo.'' 30 Njite njaji inaiki yacaalre ricope naaco Joás irso: ''Pimotoita pienipe wainí carroni, ima lripeecoca jliwao jliaji Baal ialtarni, lrioca tsakja Asera jiecolre yemalriwa lricodapitsa.'' 31 Mitsa Joás iaco narso njaji yaalri lrikjoete: ''¿Capja inoacacaotsa Baal ikjaote? ¿Capja shaa caotsa iyomjetani? Coca cadaa iawa Baal iinai, mayamicaotsana lripjetoatsa jaalrecani. Ajádalri cadaa Dioca jliaji Baal, icadaa jliwaca carrotsa idanataacawa ima pada ipeeco lri altarni jiwao.'' 32 Niini jliadaa pia nacadaa Gedeón iipitanao ''Jerobaal,'' ima lriaco cayoji: Gedeón ipeeco capoa Baal ialtarni, icadaa Baal carrotsa inoacawa Gedeón ikjoete. 33 Niini pjiomi njaji madianitanai, amalecitanai, njite njaji inaiki iofacapewa jeerri imotokemjetewa nayoeta jliaji ooni Jordán njite naatoa naofawa jiipai ioyawaaca cawa Jezreel-dalri. 34 Mitsa Dio Icaolrini iorroco Gedeón naco. Gedeón ipjia trompeta lriwaná-carro njaji Abiezar iipaneta naacarro lriinai. 35 Lrimeenaca atsianai nacaitecarro njaji Manasenai pjiomi naacarro tsakja lriinai, njite naaca lriinai. Lrimeenaca tsakja yaacoti Aser poco irso, Zabolón poco irso, njite Neftaló poco irso tsakja naacarro lriinai, niini nacawa lrikjoete naacarro lriinai. 36 Njite Gedeón yaaco Dio irso cayoji: ''Piomacadaa pimanacotaca njaji Iraelnai nonakjoite, cayoji picaite capisho njoa, 37 niini norsoeta caotsa oveja iyami irsocada aima lriiyo jiipai rico. Niini piyompinacojle nocapa cadaa potsiaca jliaji oveja iiyo tsa, njite corrin potsiaca jiipai, nini noajiwatsa piomaca njoa nomanacotá-arro njaji Iraelnai cayoji picaite capisho njoa.'' 38 Njite cayotsa jliyapacawa lricaite capishotsa. Tjewaijle piyompinacotoa Gedeón icafiawa, niini jlipa lripitsioca jliaji oveja iyam keyomaki, niini deepi itiñajleca imotaca lrioya wadeepe lripakjantaca paapi palangana. 39 Njite Gedeón iaco Dio irso tsenakja: ''Merroa tsenaotsa pjia nokjoete, ima caacoca tsenakja njoa pirso. Picadaa nocapa carro papienatsa oveja iyam sho tsenakja noajíi-carro matsia. Mitsa panaya corriotsa potsiá carroca tiñajli sho deepi rico jliaji oveja iyam keeyomaki, mitsa potsiacaotsa dekja pjomi jiipai lriwaida naco. 40 Dio inaitja lrirso jlia deepicani cayoji lritatjá capisho Lriinai. Corrin potsiaca jliaji oveja iyam keeyomaki, mitsa potsiaca jliaji jiipai lriwaida nacó.
1 Njite Jerobaa, jliaminitsa Gedeón icafiawa deepitoa, nacafia tsakjawa njaji inaiki lriinaiperri, njite naatoa naofawa onipaokja jiwidapa icodapi Harod-dalri. Njite cadana njaji madianitanai, naofatoawa napanaitape rico atsiajliemajle lrirso jliaji jiipai yoyawaca rico tsoomi awacada More ioya. 2 Njite Dio iaco Gedeón irso: ''Aimacalretsa njaji piinaiperri nocadaa-carro Iraelnai jiameta njaji madianitanai, ima nawaadadaotsa corrica njoaca jliaji iyomjetalrina, nacaitenamtja ayoji: 'Faamana kjaidaperri capoa faa.' 3 Niini panaya picadaa najii-carro cayoji: 'Cocacadaa itetjewa lrifió capoa, itaita idiacawa atsa jaiteji Awacada Galaad lrikjoitetsa. Niini venti do mil atsianai idiawa njitetsa, yofawa die mil natsa. 4 Njite Dio iaco Gedeón irso tsenakja: ''Aimatoana. panaya pidee nairra-carro ooni, nocadaotsa pirso tsoenatsa inaiki. Niini nocaite cadaa pjia, jliawatsa yaa piinai, jliacaotsa iawa piinai, mitsa nocaitecadaa, jliaji corriotsa lriácarroca piinai, corriotsa lriacarroca.'' 5 5Njite Gedeón ideena ooni ikjaolre, niini Dio icaiteca Gedeón irso: ''Pjienitaotsa teecojle njaji iperro-capetsa ooni, tsiino iperro capisho; naoya njaji jiwacape naorsipada sho nairrá-carro.'' 6 Niini treciento-tsa njaji atsianai iperro capemi ooni. Njite nja paana njewa natoda naorsipada nairra carro. 7 Dio iaco Gedeón irso: ''Nashotsa njaji treciento atsianai iperrocapetsa ooni, No-manacotaotsa shaa madianitanai ioya njite shama caotsana. Niini picadaa nadiawa naapana lricojle njaa paana.'' 8 Niini njaji naniwananipe, njepa naijaope njite natrompetan. Njite nja apjetsida, Gedeón imeenaca nadiawa napaita lricojle naofacawa lricotoa, icaamitsa iofanica lriinai njaji treciento atsianai. Tjewacajlre cadanatsa naoya naofacawa lricotoa njaji madianitanai, jiipai ioyawaca lrico. 9 Njite jliadaatsa deepi wa-Minalri iaco Gedeón irso: ''Warsena pjinico piawa piino-carro njaji madianitanai naofacawatoa lrico, ima Njoa catsaotsa icadaa pjiamá carrona. 10 Mitsa pifió cadaa piaca naderse, piawa naofacawa lricotoa lriapiya jliaji pirsodalri Fura, 11 pjimiotsa coanca nacaitepeca, niniotsa pikjaidatacawa piinócarrona naofacawa lricotoa.'' Ikena Gedeón iawa lrirsodalri Fura iapiya, nawapacawa lricojle njaji iwapacape naofacawa lricotoa. 12 Njaji madianitanai, amalecitanai njite njaji iofacapewa jeerri imoto kemjetewa, napakjanta jiaji jiipai ioyawaca-dalri, aimadancana cayoji tacaapa sho iorsocapewa malriitsi coa lrico. Aima tsakja njaji na-camelloni corri-perrinatsa pataita paniwetaca, ima cayocanaji caida coa sho manoá inomapi lricoperri. 13 Gedeón ioca cádanaco naikjaolre njaji madianitanai, jlimi pada tsolrodao icaitepeca jlitaponialre lri-kitsinda irso. Lriacope lrirso cayoji: ''Oopica njotapon, pada pan cebadape iderriñjacawa waofacawa lricotoa nacojle. Niini lrioca cádanco waofacawa lricotoa, lrioca lriñaa lrinacojle njite lripeeco jliwao capatsitam.'' 14 Niini lrikitsinda lriaco lriepani: ''Gedeón ipjeya jliarra pjitapon, jliaji Joás irri, iraelita. Dio icadaacani jliamá-carro njaji madianitanai pjiomi natsolrodaofie.'' 15 Gedeón jimi cayami jlitaponialre jliaji madianita-dalri njite coamishopacani, icaamitsa lriaca matsiadalri Dio irso. Lridiawa naofacawa lricotoa njaji Iraelnai njite lriaco narso: ''¡Jinicowa! Wa-Minalri icadaaca shaamá-carro njaji tsolrodaonai aimadan Madian lricope.'' 16 Jlienita madalripocoa naoyawaca njaji treciento-dee, njite lria narso nacoanaa na-trompetaniwa, njite yaaropetida meetadapemtsa, njite pada lamparina nawawalricopetsa njaji yaarropetida meetadapem. 17 Njite lriaco narso: ''Icapa iicao njoa inaitjá-carro cayoji nonaotja capisho. Icapaotsa nocacawa naofacawatoa pemajle njaji wacoema, inaitja tsakjaotsa cayo. 18 Njite nopjia cádanacoatsa no-trompetani, njite njaji noinaiperri tsakja, ipjia tsakjaotsa iyape pjiomi naofacawa lricotoa, njiteotsa iwana: '¡Wa Minalri nacó njite Gedeón nacó tsakj!'' 19 Niini Gedeón njite njaji cien atsianai lriinaiperri naocawa nacoema iofacawa lricotoa inomapirse, deepi pamoyoa iinita cádanaco caatsa. Cayo cadana tsakja njaji iwapacape madianitanai paana-caarro jimaao iwapacana, ikena napjiaca na-trmpetani njite nabolronta tsakja njaji yaarropetida njepanda nacaapi rico. 20 Njaji madalripoco inaiki napjia natropentan njite nabolronta njaji yarropetida meetadapem. Njepa njaji lamparina inarroekjete sho, njite njépa natrompetani atsialriema sho. Njite nawana cayoji: ''Dio imatsetan njite Gedeón tsakja.'' 21 Njite mananitsa neemacawa nacoamitsa njaji atsianai naofacawa iwaida naco njaji madianitanai.Njite pjiomi njaji tsolrodaonai aimadan madianitanai njecoa. Nawana kjaida napitocayawa. 22 Napjia cádanaco njaji trecientopi trompeta, ikena wa-Minalri icadaa madianitanai jipaca matseeta nainoacá-carro nakjoete waacatsa nakitsinda iapiya, njite nakjoete njaji tsolrodaonai aimadan tsakja. Napitoa njaji tsolrodaonai aimadan Bet Sita lricojle, Zerera ikjaolre, Abel Mehola jinaa yocacawa nacojle, tsoomi Tabat ioya. 23 Njite Gedeón iinaica njaji Iraelnai Neftalí, Aser njite pjiomi Manasenai inakjoite-perri napineetá-carro madianitanai. 24 Gedeón imeenaca iacoti naofacawa lrico njepaite rico njaji Efraí poco, cayoji: Ino nakjoete njaji madianitanai jlia-carro iwapa jliaji Ooni Jordán, teecoatsa jlinaa iwapaca Bet Bara nacojle, idaanatá carrona.'' Cayotsa nawacaacawa njaji atsianai Efraín poco nawapá-carro njaji Ooni, teeco jlinaa Bet Bara nacojle njite jliaji ooni Jordán. Niini njepaca njaji caconaaperri Madian lricope, Oreb njite Zeeb. 25 Naino Oreb lrinaco jliaji jiipada najirri panaya Jiipada Oreb-dalri, njite naino Zeeb napjoacawa lrico jaicotjeda njetá-carro lriana vinoa. Naawa madianitanai shaapodam, njite nadeeca Gedeón irso Orb njite Zeeb jidawidam, njaji corri perritsa iyoeta nainai Ooni Jordán.
1 Naaco njaji Efraín poco Gedeón irso: ''Coadao pinaitja warso cayoji? Ima corrica piwana faa pinoaca cádanaco Madianitanai ikjoete. Nacoita maatsí Gedeón lrikjaote. 2 Njite Gedeón jiepana: ''¿Capja corrica aima pjaaca njaji inaitjalri naoya njaji nonaitjalri? ¿Capja corrica matsiaperri pjaaca njaji jaicotjedaa iniwalri shaa Efraín poco naoya njaji naniwalri njaji Abiazer iipaneta inakjoitéperri? 3 ¡Dio icadaa jiameetá-carro njaji caconaaperri Madian lricope Oreb, njite Zeeb! Ikena nadiaca merroana njemi cádanaco njaji lricaiterri narso. 4 Gedeón iaketsawa Jordán nacojle lriyoetá-carro, jlia njite njaji treciento atsianai lriinaiperri. Maapji kenana mitsa napineeta catsa njaji nacoema. 5 Lriaco narso njaji atsianai Shaa perri: ''Inaitja matsiacalri iáa naijao injaodati njaji inocape noinai, ima maapjicana njite njoa nopineetaca Zeba njite Zalmuna, njaji talricanaatinai Madian lricoperri.'' 6 Njite naaco njaji caconaaperri Gedeón irso: ''Corritoa jipjencatoa Zeba njite Zalmuna, niini ¿coajintja waaca naijawa njaji pinaikite? 7 Niini jliepacana, lriaco: ''Wa-Minalri icadaa cádanaco faamá-carro Zeba, njite Zalmuna, noñaa caotsa shaa nasho njaji jaicoapokjape catsotaperri jalrapocolri ricope notsafaa carroatsa íya nasho.'' 8 Lria njitewa Peniel-rse njite lriaco narso njaji Peniel perri cayotsa lricaite capisho narso njaji Sucot perri, mitsa njaji Peniel perri cayo tsenakja njeepacani nacayoshotsa njaji Sucot perri. 9 Niini lriaco narso njaji atsianai Peniel perri: Nopietaotsa nonoca corriotsa oowi ricoca, niniotsa nopeeco caotsa jliwao jliaji yemetanda torre.'' 10 A cadana Zeba njite Zalmuna Karkor lrico naapiya njaji natsolrodaope, quince-detsa atsianai njaji nainaiperri nanakjoite njaji aimadan pia tsolrodaonai inocapem jeerri imoto kemjeteo. Mayami ciento vente mil tsolrodaonai nacanantaji matsia nainoacá-carro matseeta-sho. 11 Gedeón iawa lri-ricoda jliaji inipo naacarroji njaji iajicape manawa yofajiwa, jliyapa Noba njite Jogbeha. Icaamitsa lriinoca njaji tsolrodaonai lricoema ima corrica nawapana nainoacá-carro. 12 Zeba njite Zamuna oopitoa napitoa, mitsa Gedeón ipinetana atee lriá jlipa njaji talricanaatinai Madian lricope Zeba njite Zamuna, njite nafiocawa pekirritsa njaji tsolrodaonai narsoperri. 13 Gedeón, Joás irri, lridiawa oowi rikjoite lri-ricoda jliaji inipo yaacadawa Heres ricojle. 14 Nirse lricapa pada pada yempetitoa Sucot njité-dalri, nini Gedeón itatjaca jlimio lriinai nanaco njaji Sucot-perri. Jliaji yempetitoa icaite lrirso nanaco njaji caconaaperri Sucot lricoperri, nanaco njaji pekipenai, setenta siete atsianai. 15 Gedeón iawa naikjaolre njaji inaiki Sucot-perri, njite lriaco narso: '' Icapa narso njaji Zeba njite Zalmuna, icaalri ikjaote nonaco icaite cádanaco, '¿Capja opikena pjipa Zeba njite Zalmuna? Corrin waji waacada naijao njaji pinaikite.''' 16 Niini Gedeón jipa njaji pekipenai yacaalre ricope njite jlirrapiteetaca njaji atsianai jaicoapokjape-sho jalrapocolri ricope catsotaperri. 17 Lripeeco jliwao jliaji torrena Peniel-dalri njite lriino njaji atsianai ninperri. 18 Njite Gedeón iaco Zeba njite Zalmuna irso: ''¿Coan-perri pia njaji atsianai iinolri pia Tabor lrico?'' njite naaco lrirso, njeepacani: ''Caiperri piacana picayosho. nacoamitsa pacapa piacana talricanaatinai yenipe-sho.'' 19 Njite Gedeón iaco narso: ''Noweenaipe piacana, njodoa yeenipe, Caafidalrica Pjia no-MInalri, corricada piantja iinona, corri tsakjantja noinoca shaa.'' 20 Gedeón iaco Jeter irso, lrirri pjerriti: ''¡Pjinico piinona!'' Mitsa corrin lritaita lriinocana lri-matsetan-sho ima yempeti catoan. 21 Njite Zeba, Zalmuna tsakja naaco lrirso: ''¡Pino piino fa pjiwacatsa!'' ima atsia idejicalreca jliaji.'' Gedeón jinico iino Zeba njite Zalmuna. Njite jlipa njaji patjepi walripi keerri jinapjiami irrocape naweda naco njaji na-camellonim.'' 22 Njite njaji Iraelnai, naaco Gedeón irso: ''Pitalricanata wanaco, pjia njite njaji pidakenai, ima pimanacotaca faa naoya njaji Madian lricope. 23 Mitsa Gedeón iaco narso: ''Corriotsa njoa carroca italricanaataca inaco, corrin tsakja noenipe cantja italricanataca caotsa inaco. Dio watsa jliaji italricanaatalriotsa inaco. 24 Gedeón iaco pja narso: ''Icada notatja iinai pada: icoana watsa nooma iaca norso njaji shentadati jitaji naoya njaji madianitanai ioya.'' Njaji madianitanai narso piaca shentadati owirrodape minitsa ima ismaelitanaicana. 25 Njite naaco lrirso: ''Catiimaca faa-carro pirsona.'' Naorsoeta pamaca tsayana natsayan nacoda jiipai naco, njite nacoamitsa napeeco lrinaco pjiomi njaji shentadati njetaji madianitanai ioya. 26 Icapiatsa njamiñaca njaji shentadati owirrodape lriniwalri naoya, dieciocho kilo njite seteciento gramo pjaa lrinacojle. Teecojle tsakja naoya njaji keerri walripi jinaana njetaji naoya, njaji shentadati, na-tsayanimi irraiperri njetaaca carrodao njaji talricanaatinai Madian lricope, teecojle tsakja naoya njaji cadena kjaape napapiji nawedalrico njaji camello. 27 Gedeón inaitja pamaca tsaaya nasho njaji shentadati owirrodape njite lricadaani yacaalre Ofra lrico, niini pjiomi njaji Iraelnai nanaitja maatsi Dio irso naacapoa matsiadalri lrirso jliaji tsaaya. Maatsitsa lrimotoca Gedeón irso jliaji lrinaitjalri njite narso njaji lriipaneta. 28 Cayotsa Iraelitanaca yaaji nanaco njaji Madian lricope njite corrinatsa napieta neemaca nakjoete tsenakja. Njite coarenta walria icoa corrica nanaitja oowi, caafi cádancotoa Gedeón. 29 Jerobaal (Gedeón), Joás irri, lriawa lriofáa-carro lriipana lricocatsa. 30 Gedeón irso piaca setenta lrienipe, icatsa njaji lrienipe lrinakjoité perri, ima aima piaca njaji lrininai. 31 Rsoaji lrinaidarro, Siquem-darro, kenipe Gedeón irso, njite lricadaa lriipitanao Abimelec. 32 Njite Gedeón, Joás irri, mayamini lripekirrica naco njite nadawani Ofra lrico, Jlinirri Joás icodapitsa, nanakjoite njaji Abiezernai iipaneta. 33 Niini mayamica ikjoetetsa Gedeón, napieta tsenakja nanaitjaca maatsi Dio irso njaji Iraelnai ima naaca matsiadalri baalnai irso tsenalja. Nacadaaca nadiotewa jliaji Baal Berit. 34 Njaji iraelitanai corrin nawaada naaca matsiadalri na-Minalri Dio irso, jliaji imanacotalri-piana naoya njaji nacoema nacodapi-perritsa. 35 Corrin nanaitja cayoji nacaite capisho pia Jerobaal irso (Gedeón), naikjaote njaji matsiaperri lrinaitjalri Iraelnai irso.
1 Abimelec, Jerobaal irri iawa jlidoa ikitsiñape iderse Siquem ricojle njite lriaco narso njaji jlidoa iktsiñape irso: 2 ''Icaiteotsa cayoji, njemi carroatsa njaji caconaaperri Siquem ricope: '¿Cocao matsia pjaa irso: natalricanaata-cantja inaco pjiomi njaji setenta Jerobaal ienipe, o pada catsantja nanakjoite italricanaata inaco?' Njite iwaopia inakjoite-dalrica njoa. 3 Niini njaji lrikitsiñape jlidoa nacope caacona lrikjaote narso njaji caconaaperri Siquem lricope, njite nacaite matsiacatsa nacadaacarro naapiyawalreo jliaji Abimelec, ima nacaite: ''Wanakjoite-dalri cani.'' 4 Naa lrirso wadeepe pada kilo palraata Baal Berit iipana lrikjoitepe, njite Abimelec jipa njaji palraata lricaoñashopa inaiki cainoaakje-perri njite mafio-caperritsa naa-carro lriinai. 5 Abimelec iawa jlinirri iipana lricojle Ofra lricoda, njite pada jiipada naco lriino njaji lriweenai, diecisiete pia namaimaca, Jerobaal ienipe. Icaamitsa caafirrica jliaji Jotam, Jerobaal irri iwerriti, lridawaaca capoa lrioya. 6 Ikena nawacaacawa njaji Siquem njite Bet Milo iapiyawanai nacadaa-carro natalricanaatiwa jliaji Abimelec, lricodapi jliaji jaico macani tsoomi lrioya jliaji njerretanda Siquem lricoda. 7 Nacaite-cádanaco Jotam irso lrinaco jliaji nanaitjalri, ikena lria lriemawa lrinaco jliaji Awacada Gerizim. Lriwana naikjaolre njite: ''Jimi pjiomi shaa Siquem iapiyawanai, Dio jimi-carro irso. 8 Njaji jaicolrima naapiawa nacadaa-carro narso pada talricanaatiwa nanaco. Njite naaco lrirso jliaji jaico olivo, 'Pitalricanatawatsa wanaco.' 9 Mitsa jliaji jaico olivo iaco narso: '¿Capja norsotsa noaca lrinakjoite jliaji no-aceiteni, jliaji nonaitja shopa matsia narso njaji dionai njite atsianai tsakja, notaitá-carro nodiacawa, nocoajá carrotsa naikjaolre njaji paana jaico?' 10 Njite njaji jaicolrima naaco higuerana irso: 'Pino pitalricanata wanaco.' 11 Mitsa jliaji jaico higuerana iaco narso: '¿Capja norsotsa nocadaaca nooyao nopotiyaca njite aimacawa noinaca, njite notaitá-carro nodiacawa norsotsa nocoajacawa naikjaolre njaji apaana jaico?' 12 Njite njaji jaico lrima naaco lrirso jliaji oovapji: 'Pino pitalricanata wanaco.'' 13 Njite jliaji oovapji iaco narso: '¿Capjaotsa norsotsa yaamica noaca jaicotjedaa iaana walriajao, ima nopomenataca njaji dionai njite atsianai tsakja, nodiá-carro njite nocoajacawa naikjaolre njaji paana jaicolrima?' 14 Njite pjiomi njaji jaico lrima naaco lrirso jliaji jaico zarza: ''Pino pitalricanata wanaco.' 15 Niini lriaco narso njaji jaicolrima jliaji jaico zarza: 'Ajádalri cadaa iomaca italricanaaca njoa, íno pedaa idawaacá carroa noapjite. Corri cadaa, icadaa peda tiyee imotocawa lrioya jliaji zarza njite namá carro tsakja lriinai njaji cedro lrima Libano lricope.' 16 Panaya iwaopia, ajádalri cadaa icadaaca talricanaati-carro inaco jliaji Abimelec, njite inaitja cadaa matsia Jerobaal ikjaote njite nja lriipaneta tsakja caicarro iinoca njaji lrienipemi, 17 Njite cadaana jliaji njonirri lrinoacawa ikjaote, lricadaacawa mayami carroni lritaitá carro ljlitaca shaa nacaapi rikjoite njaji madianitanai, 18 mitsa shaa panaya jinicoca njonirri iipaneta ikjoete njite oopi iino njaji lrienipemi, setenta inaiki iorsoawa pada jiipada naco. Njite icadaa pja abimelec-carro italricanaawa, talricanaati nanaco njaji Siquem iapiyawanai, ima ikitsindacani. 19 Ajádalriperri cadaa shaa njonirri Jerobaal iinai lrisho jliaji inaitjalri, icatiimatacawa peda abimelec inaí, njite icadaa tsakja lricatiimatacawa iinai. 20 Mitsa corricadaa, icadaa tiye imotocawa abimelec inoma lrikjoite lrimjaitá-carro njaji atsianai Siquem lricope njite Bet Milo lricope tsakja. icadaa tsakja tiyee imotocawa nanoma lrikjoite njaji atsianai Siquem lricope njite Bet Milo lricope tsakja namjaitá-carro abimelec.'' 21 Ikena Jotam ipitocawa, jlieco teeco naoya, lriawa Beer lricojle. Icatsa lrifacawa nirse teeco lripjerri Abimelec ioya. 22 Abimelec italricanata Irael naco madalriwalria. 23 Dio imeenaca pada caolriti Abimelec ikjoete naapiya njaji Siquem iapiyawanai. Njaji Siquem iapiyawanai nema Abimelec ikjoete matsia cayami piana napiyawaacana. 24 Dio inaitja cayo lrioma carrotsa nacoada njaji diecisiete Jerobaal ienipenai, Abimelec iwenaitsa lrinoji, njite njaji Siquem iapiyawanai nakitsindatani lriinó carrona. 25 Niini njaji Siquem iapiyawanai nameenaca atsianai jiipana tajida nacojle nawapá carro nadanata, nañaitó njaji inaiki jiyapacapewa lri ricoda inipoca. Njite nacaite Abimelec jimi. 26 Njite Gaal, Ebed irri, njite njaji lrikitsiñape náno naofaa-carro yacaalre Siquemrico. Njite njaji Siquem iapiyawanai nacadaa nacaolre Gaal naco. 27 Niini naacawa na-kinikerre lricojle naniwá-carro ova napitsiocá-carro. Nanaitja nacatiima taaca-carroa nadiote iipana lrico. Naija niini nairra tsakja, njite caacona maatsi Abimelec naco. 28 Njite Gaal, Ebed irri iaco narso: ''¿Cocao jliaji Abimelec? ¿Capja Jerobaal irricani, njite Zebul-ca jliaji lrirsodalri? ¿Njite coada tsakja lrirsoperrica faa? Corrin wataita feepaca Abimelec iaco. Warsotsa feepaca naaco njatsa njaji wakitsiñapetsa, njaji Jamor ienipenaipe. 29 Nonaantja njoaca yaaji nanaco njaji inaiki, njeepa cantja noaco. Ikenantja njotaca jliaji Abimelec. Noacontja lrirso: 'Abimelec, pjita njaji pinaikite ajaiteji.' 30 Njite Zebul, Siquem italricanaa jimi cádanaco njaji yacoti Gaal, Ebed irri icaiterri, icaamitsa kerroacani pekrritsa. 31 Niini lrimeenaca ideecape iacoti Abimelec irso lricashatá-carrotsan, lriaco lrirso: ''Jliaji Gaal, Ebed irri njite njaji lrikitsiñape yofacape Siquem rico, nacaitepeca pinaco narso njaji inaiki neemá carro pikjoete. 32 Panayaotsa deepi, piawatsa naapiya njaji pitsolrodaonai piwapá carroatsa pidaanatan awacada lrico. 33 Njiteotsa piyompinacojle, jeerri imoto cádanacoatsa, jinicoatsa shewá-carro yacaalre rico. Njite Gaal, Ebed irri imoto cádanacoatsa pikjoete njite njaji lrinaiperri tsakja, pinaitjaotsa cocaca natatjalri piinai.'' 34 Niini Abimelec jinico iawa deepi ricotsa naapiya njaji atsianai lrinaiperri, njite nanaitja coatro poco naoyawaaca nadaanatá-carro jliaji yacaalre Siquem. 35 Gaal, Ebed irri imoto yemawa yacaalre ipananoma lrico. Njite Abimelec naapiya njaji atsianai lriinaiperri namoto pemajle lrioya jliaji nadawaaca cawa. 36 Gaal icapa cádanaco njaji atsianai, lriaco Zebul irso: ''¡Picapa njaji atsianai naorrococawwa jiipana nakjoite! Zebul iaco lrirso: ''Jiipana idanapiatsa jliaji icapalri inaiki capisho.'' 37 Gaal icaite tsenakja: ''Icapa nanoca njaji atsianai jiipai ipamoyoaca nakjoite, njite papoco íno inipolrikjoite jaico lrima cawa naofacawa njaji malrirrinai.'' 38 Njite Zebul iaco Gaal irso: ''¿Kjerrena njaji piacoam padalreperri panaya?, pjia icaiterri, ¿Cocao jliaji Abimelec, coadantja wadeji lrirso?'' Icatsa njaji atsianai pimenatalri. Panaya, warsena piawa picoadatana oowi rico nakjoete.'' 39 Niini Gaal iawa napeyajle njaji atsianai Siquem ricoope nainoacá-carro Abimelec ikjoete. 40 Abimelec ipineta Gaal, mitsa lripito lrioya. Aima atsianai mayamirri yacaalre ipananoma lricotoa aima capoa nayaoni. 41 Abimelec iocatoa iofawa Aruma lrico. Njite Zebul ipiajleta Gaal njite njaji lrikitsiñape Siquem lricope. 42 Tjewaijle njaji inaiki Siquem ricope namoto naawa awacada lricojle njite nacaite Abimelec jimio. 43 Niini lrinaitja madalripoco njaji lrinaikite, njite namatsietaacawa napia inipolrico nadaanatá carrona awacadaapji rico. Niini lricapatsa namotocawa njaji inaiki yacaalre ioya. Ikena nemaca nakjoete, icaamitsa naonoca pjiomina. 44 Abimelec njite njaji lrinaiperri nainoacawa nakjoete njite nadaanata jliaji yacaalre ipananoma. Njite njaji yamapoco nainacawa nakjoete njaji paana awacaapji ricoperri, njite naono pjiomina. 45 Abimelec inoacawa nakjoete njaji yacaalre ricope padaa jalredaoca. Jlípa jliaji yacaalre njite lriino pjiomi njaji inaki ninperri. Lridoita njewao njaji yacaare idaana njite lripeco yokirra lrinaco jliaji yacaalre. 46 Njemi cádanaco coanca Abimelec inaitjaca, njaji caconaperri Siquem lricoperri iofacapewa yenondapana lrico, icaamitsa naaca njeewao El Berit iidapan lrico taimí dalri. 47 Njite nacaite Abimelec jimí aaca nawacacao njaji caconaperri Siquem lricope yeenondapana icodapi. 48 Abimelec jirrawa naapiya njaji atsianai lriinaiperri lrinaco jliaji awcada Salmón. Niini jlipaca paita yooca lriyoá-carro jaicoki. Njite lriwaakjena, lricaite narso njaji lrinaiperri nanaitjá-carro tsakja cayó lricayosho, lriaco narso: ''Kjeya inaitjáca jliaji icapalri nonaitjaca.'' 49 Niini nayoaca jaicoki nacoanaamtsa naacarro Abimelec jiapodam. Nawaketa njaji jaicoki lriwaida naco jliaji panti yeenondapana, ikena nawacaca tiyee lrinaco mayamí-carro pjiomi njaji inaiki jiewacape lri-ricoda jliaji yeenondapana Siquem lricoda, wadeepe mil atsianai inaitjepefie mayami niini. 50 Njitedalri Abimelec iawa Tebes lricojle, lriema nakjoete njaji Tebes ricope, njite jlípa tsakja jliaji yacaalre. 51 Mitsa niini pia padapana yenonmi taimí-dalri lri-ricoda yacaalreca, njite pjiomi njaji atsianai, inaitjepe, njaji caconaperri nayacalre ricope oopi napitoa lri-ricoda jliaji panti yeenondapana, icatsa naaca naitacawa lri-ricoda. Njite njerracawa lritapje naco jliaji yeenondapana. 52 Abimelec iawa lrikjaolre jliaji yeenondapana lrinoacá-carro lrikjoete, njite lritsoomita lripananoma ikjaolre lrimjaitá-carron. 53 Mitsa aapama inarro icadaa pada jiipada jiwao nawitita shopa caana Abimelec jiwida naco niini bolronca jliwida. 54 Njite lriwana kjeya pada lrirsodalri iempetitoa, idejicada lrirso njaji lrinoacashopawa, lriaco lrirso: ''Pjita pimatsetan piinó-carro njoa, wadentja nacaiteca nonaco: 'Apama inarro inoni.'' Ikena jliaji yempetitoa lritodani matseta sho, icaamitsa mayamica Abimelec. 55 Niini njaji Iraelnai nacapa cádanaco mayamica Abimelec, nadiawa naapana lricojle. 56 Cayotsa Dio icadaa Abimelec icaoñaca njaji lrimatsicanaa lrinaitjalri jlinirri irso lriino capoa njaji setentadee lriweenaipe. 57 Dio icadaa namatsicanaatsa njaji atsianai Siquem lricope idiaca nanacojletsa, njite njaji imatsicanaati Jotam, Jerobaal irri icaiterri narso.
1 Abimelec jiapodam, Tola, Púa irri jinicoa, Dodo irri, lriyomjetá-carro Iraelnai; pada atsia Isacar nakjoite-dalri iofacadawa Samir lrico awacada cawa Efraín lricoda. 2 Icapiatsa jliaji icaitecadaca nanaco njaji Iraelnai ventitre walria icoa. Njite mayamini, nadawan Samir lricotsa 3 Jliapodamjite, Jair, Galaad inakjoité-dalri jimawa. Icapiatsa jliaji icaiterrica nanaco njaji Iraelnai ventido walria icoa. 4 Lrirsopia trenta lrienipe, njite nacoanaa najicawa borro naco. Narsopia tsakja trenta nayacalre Galaad poco jipaite rico, Havot Jair najicana atee panajiete. 5 Mayami Jair njite nadawani Camón lrico. 6 Njaji inaiki aimadan Iraelnai namaimata pjatoa namatsicanawa Dio ipeyajle, nacadaa nacaolre Baalnai naco, Astarot, nadiote naco njaji Aram lricope, nadiote naco njaji Sidón lricope, nadiote naco njaji Moab lricope, nadiote naco njaji Amón lricope, njite nadiote naco njaji Filisteonai. Oopi namaca WAMINALRI, corrinatsa naaca lrirso matsiadalri. 7 Njite kerroaca matsinaa jliaji wa-MInalri niini lricadaacana Filisteonai njite Amonitanai icaapi ricona. 8 Nainonaataca njite namatsiketaca aimatsa njaji Iraelnai jliawajli pia, dieciocho walria icoa njerrapiteetaca njaji Iraelnai iofacapewa Jordán idanajle, amorreonai jipaite rico, Galaad lrico. 9 Njite njaji amonitanai nayoeta jliaji Ooni Jordán nainoacá-carro Judánai ikjoete, Benjamínai ikjoete, njite nakjoete njaji Efraín iipaneta. Aimatsa njerrapitaca njaji Iraelnai. 10 Ikena nawanaca Dio ikjaolre njaji Iraelnai, naaco cayoji: ''Oopi wanaitja maatsi pikjoete, wamaca capoa wa-Diote njite wakenakja matsiadalri Baalnai irso.'' 11 Niini wa-Minalri iaco narso njaji Iraelnai, ''¿Capja corrica yaajíi njoaca imanacota jia naoya njaji Egiptonai, Amorreonai, Amonitanai, Filisteonai, 12 njite Sidonionai ioya?'' Njaji Amalecitanai, Maonitanai namatsiketa piaca shaa aimatsa, njite iwana noikjaolre njite nowataca shaa nacaapi ioya. 13 Njite cayomitoa imaca Njoa iáacarro matsiadalri narso nja apaanatsa dionai. Cayoshopa, corrinatsa nomanacotá-carroca shaa panaya. 14 Warsa iáa iwana narso njaji dionai icadaalri icaolreo inaco. Icadaa namanacotaca shaa irso cádanaco maatsidalri. 15 Mitsa njaji aimadan iraelitanai naaco Dio irso: ''Ajádalri wanaitjaca maatsi. Pinaitjena waapiya coancatsa piomaca. Icaamitsa waoma pimanacotaca faa jliadaa jalredaoca ca jliaji. 16 Namaca njaji dionai narsolri pia naacarro matsiadalri Dio irso naoya. Njite corrinatsa Dio ioma njerrapitaca minitsa njaji Iraelnai. 17 Njite njaji Amonitanai nawacaacawa naofacatoa Galaada lrico. Njite njaji Iraelnai nawacaacawa naofacatoa Mizpa lrico. 18 Niini njaji Galaad iapiyawanai naaco narsowaca, ''¿Coandalriotsa atsiaca jliaji initalriotsa inoacawa nakjoete njai amonitanai?'' Niiní jliacaotsa naapiyawalreca njaji iofacapewa Galaad lrico.
1 Njite Jefté, Galaad inakjoite-dalri oowi kjaidete, mitsa apama iinarro cawilredarron ienipecani. Galaad pia jliaji jlinirri. 2 Niini rsoaji Galaad iino keenipe lrisono paana lrienipeo. Njite nataoña cádancoena njaji lrienipe lriino irsoperri, nameenaca napjerri Jefté lriacacarro naoya jiidatí rico naapana lrikjoite, ima naaco lrirso: ''Corriotsa cocá carroca pirso fanirri irsompe nakjaoite.'' 3 Icaamitsa Jefté iawa lriwenaipe ioya lria-carro lriofawa Tob jipaite ricojle. Jefté iwaketa lrikitsiñapewa inaiki maatsí-perritsa iwaopiakje naacarro lriinai 4 Njite papia nacojle jalredaoca, njaji amonitanai neema Irael ikjoete. 5 Niini nano cádanacopiena njaji amonitanai nainoacá carroena Irael ikjoete, njaji pekipenai Galaad lricope naa naoma Jefté nadietá carron Tob jipaite rikjoiteni. 6 Naaco Jefté irso: ''Pino wainai pjia-carro waapiyawalre wataitá-carro wainoacawa nakjoete njaji Amón lricope.'' 7 Njite Jefté jiepaca njaji caconaperri Galaad lricope, ''Shaa piatsa maatsi icapaca norso njite imeenaca noá ioya njonirri iipana lrikjoite maatsicalri rico. Njite coadenakja ino ioma njoa irso cádanacoena maatsicalri?'' 8 Mitsa njaji caconaperri Galaad lricope naaco Jefté irso: ''Niinicapa wadia waoma pjia lrikjaote jliaji maatsicalri warsolri, pinoena wainai pinoacá-carro nakjoete njaji amonitanai, niiniotsa pjia watsa naapiyawalre pjiomi njaji iofacapeo Galaad lrico. 9 Jefté iaco narso njaji pekipenai Galaad lricope, ''Idieta cadaa njoa noopana lricojle noinoacá-carro amonitanai ikjoete, njite wa-Minalri icadaa faamacana, njoa watsa iapiyawalre.'' 10 Niini naaco njaji pekipenai Jefté irso: ''Wa-Minalri ipjeya wacaiteca pjia corri-cadaa wanaitja cayoji wacaite capisho pirso.'' 11 Niini Jefté íno nainai njaji pekipenai Galaad lricope, njite njaji inaiki aimadan nacadaa naapiyawalreoni, njite na-comandantecani. Naa cádanacoa Mizpa lricojle nacaité-carro Dio irson, Jefté icaite narso pjiomi coanca nanaitjaca yaacoti lriapiya. 12 Niinina Jefté imeenaca iacoti narso njaji talricanaatinai Amón lricope: ''¿Cocao jliaji maatsirri irsolri wakjoete? ¿Coada íno maatsicalri rico jipá-carro waoya wepaite?'' 13 Njite jliaji amonitanai italricanaa idieta yaacoti Jefté irso: ''Ima nano caojli pia Egipto lrikjoite njaji Iraelnai, njeta pia waoya fepaite, Armón nakjoite Jaboc nacojle, lriocawa Jordán nacojle. Panaya, idieta fepaite matsiacalri rico.'' 14 Jefté imeenaca tsenakja yacoti Amón italricanaa irso, 15 lriaco lrirso cayoji: ''Cayo Jefté icaiteca irso: corrin Irael jitaca amonitanai jipaite, corrin tsakja jepaite njaji Moab lricope, 16 ima namoto caojli piawa Egipto lrikjoite njaji Iraelnai, nayoeta jliaji Manoa Irraipawan njite naawa Cades ikjaolre. 17 Irael imeenaca pia yaacoti lrirso jliaji Edom italricanaa, cayoji: 'Pinaitja matsiacalrim picadaa feyapawa pjipaite rico, mitsa corrim Edom italricanaa shaapani. Nameenaca tsakja yacoti lrirso jliaji Moab italricanaa, corrin tsakja jliepa. Niini atsa naofawa njaji Iraelnai Cades rico. 18 Niini naacawa jalrapocolri rico teeco Edom njite Moab jipaite ioya, naawa jeerri imotokema Moab irso, njite naofa pjatoawa Armón pemajle. Mitsa corrin njewacawa Moab jipaite rico, ima Armón piaca jliaji Moab jiapite yocacawaca. 19 Irael imeenaca yacoti Sehón irso, amonitanai italricanaa, italricanaatacada pia Hesbón lrico, Irael iaco lrirso: 'Pinaitja matsiacari picadaa feyapacawa pjipaite naco waocá carro wayada nacojle.' 20 Mitsa corrin Sehón icadaa Iraelnai jiyapacawa jlipaite naco. Niini Sehón iwaketaca pjiomi njaji lri-tsolrodaonai, njite lrimeenacana Jahaza lricojle, icatsa lrinoacacawa Irael ikjoete. 21 Niini jliaji wa-Minalri, na-Diote njaji Iraelnai, lricadaa Irael icaapi rico Sehón njite njaji lrinaikite, cayotsa Irael shaamacana. Caishopena Irael jipaca lrirsowao njepaite njaji Armón perri yofacape pia niini. 22 Njepa narsowao pjiomi njaji narsolri pia lri ricoda jipaica nayada njaji amonitanai. Armón nakjoite Jaboc nacojle, njite jalrapocolri nakjoite Jordán nacojle. 23 Ninina wa-Minalri, na-Diote njaji Iraelnai, Jlita piena njepaite yooya njaji amonitanai Irael ipeyajle, niini panaya corritsa pitaitá-carroca pjitaca pirsowao jliaji jiipai. 24 Icaamitsaotsa pjitaca pirsowao njaji jiipai pi-diote Quemo yaají pirso. Ima coaperricatsa jiipai wa-Minalri Dio yalriotsa warso, fepacaotsa lrikjoete. 25 ¿Capja piwaada matsia pjaaca pjia Balac ioya, Zipor irri, Moab italricanaa? Ima corritsa coca lricaite nakjoete njaji Iraelnai. Corrin coancaojlica lrinaitja oowi Irael ikjoete. 26 Treciento walria pia Iraelnai iofacawa Hesbón lrico njite jipaite rico, Aroer lrico tsakja, njite pjiomi nerricoda njaji yacaalre tsomiperri Armón ioya. ¿Coada corrin jita pia jliaji jiipai jliawajli pia? 27 Cotsa cocaca nonaitjalri pirso maatsi, mitsa pjia dekja inaitja norso maatsi pinaitja capoa oowi nokjoete. Jliadaotsa jalredaocaca jliaji, Jliaji WAMINALRI, jliaji icaitecada pjiomi naco, lricaitecaotsa cocacaotsa lrioma nanakjoite njaji Iraelnai njite njaji Amón perri. 28 Mitsa jliaji Amón italricanaa corrin jliepa jliaji Jefté icaiterri lrirso. 29 Ikeena Dio Icaolrini iorroco Jefté nacó, niini jliyapacawa Galaad njite Manasenai ikjaolre, njite Mizpa Galaad lricoda tsakja, njitedalrina lriawa naikjaolre njaji Amón-perri. 30 Jefté inaitja pada yacoti Dio irso niini, lriaco cayoji: ''Picadaa cadaa njoamaca njaji Amón perri, 31 njite coandalri cadaotsa imoto nopananomalri-kjoite lricoadatá-carro njoa, noino cayami njaji amonitanai, Dio iyadacaotsani, njite nocadaotsa Dio irso ofrenda sho nomjaitanda Lrirso.'' 32 Njitena Jefté iawa amonitanai ikjaolre lrinoacá-carro nakjoete, njite Dio icadaa jliamacana. 33 Lrinoaca nakjoete njite aima lrinocana, Aroer nakjoite teeco jlinaa Minit nacojle, njite Abel Keramim tsakja, vente yacaalre padenirri. Cayotsa Iraelnaica yaajíi nanaco njaji inaiki amonitanai. 34 Njite Jefté idia kenawa lripana lricojle Mizpa rico, lriito imoto lripana lrikjoite rocoadatá carroni, roñaa pandero njite catiima rorrapajica. Icami-cadanaatsa lrienipecano, corrinatsa lrirso pada pjantja rooya. 35 Lricapa cádanacotsano, lritsafaa lritsayani, lriaco rorso: ''¡Yaa! ¡Noenipe! ¡Oopi pipakjanta nocaolre inonaacalri pekirri-dalri sho, oopi picadaa pada njotaoda nocaolre inaco! Ima nonaitjaca pada yaacoti wa-Minalri iinai, njite corrin notaita nomacoadataca jliaji yaacoti nonaitjanda lrirso.'' 36 Niini roaco lrirso: ''Pjia njonirri, pinaitja pada yacoti wa-Minalri iinai corridalritsa pitaita pimacoadataca, pinaitjena norso cayoji picaite capisho Lriso nonaco, ima wa-Minalri icadaca pjiamaca njaji picoema amonitanai.'' 37 Roaco rsonirri irso: ''Pai, pinaitja matsiacalri norso, picadaotsa noácarro awacada nacojle yaamapi keerri icoa, noá carroatsa noiya nirse naapiya njaji nokitsiñapeji ima corriketsa cainirri-carroca njoa corrin tskjaotsa norso carrocaotsa noenipe.'' 38 Njite jliepano: ''Warsena piawa.'' Lricadaa roawa yaamapi keerri icoa. Ikena roacawa naapiya njaji rokitsiñapeji awacada nacojle, naiya nirse corri capoenatsaotsa rotaita rorsoca roinirri corrin tsakja roenipe. 39 Yaamapi kerri shaapodam rodia roocawa rsonirri iderse, njite lrinaitja roapiya cayoji lrinaitja capisho yaacoti ajádalri sho. Corrin coancaojli pia rsoyapa atsia yaapiya, roikjaotena caidalri-manatsa nawaadacano njaji inaitjepe Irael lricoperri 40 naiyacano coatro jalredaoca icoa nawada-carro coan piaca rsoaji Jefté iito Galadita-dalri.
1 Njaji atsianai Efraín poco inakjoitepe iwacaacawa. Njite naawa Zafón lricojle, naaco Jefté irso: ''¿Coada pia pinoacawa pjiwacatsa nakjoete njaji amonitanai, njite corrin piinaica fa? Panaya wamjaita caotsa piipana pjiadalricotsa lri-ricoda.'' 2 Njite Jefté shepana, lriaco narso: ''Njaji noyacalremnanai aima pia warsoca maatsicalri wakjoetewaca naapiya njaji amonitanai, nowana cádanaco piatja shaa ikitsindatá-carro njoa, corrin inoca ikindata njoa nakjoete. 3 Njite nocapa cádanaco corrica itaita inoca ikitsindata njoa, nocadaacawa njowacatsa noacarro noinoacawa nakjoete njaji amonitanai, njite wa-Minalri icadaa njoamana oowi rico. Corrin noaji coadaca inoca inoaca nokjoete panaya.'' 4 Jefté iwakeeta pjiomi njaji atsianai Galaad lricope lrinoacá-carro Efraín poco ikjoete. Njaji atsianai Gaalad lricope nainoacawa Efraín poco ikjoete nacaite capoa cayoji nanaco: ''Shaa galaditanai yaají cape ipitowa Efraí poco ioya, padapena inakjoite Efraín poco inakjoite-perri cana, njite padape Manase inaljoite perri.'' 5 Njaji galaditanai njepa jliaji Jordán inomapi njaa carro iajíi lrinaco nayoatacawa Ooni Jordán pemajle, njeyapacawa naacarro Efraín poco ikjaolre. Njaji yomjeperri Efraín poco nakjoite, naaco mana narso, ''Icadaa wayoeta jliaji ooni,'' njite njaji galaditanai natatja njemiona, ''¿Capja Efrainaica jia?'' lricaite cadaa corrica, 6 njite nanaa nacaiteca, ''Shibolet.'' Njite lricaite cadaa ''Sibolet'' Corrin lritaita lrimotoitaca matsia jli yaacoti, icaamitsa galaditanai jipa niinina naino carrona Jordán inomapi ricotsa. Naino niini coarenta do mil Efrainai jliawajli. 7 Jefté icaite nanaco njaji Iraelnai siete walria icoa. Njite mayami Jefté Galaad inakjoitedalri njite nadawani pacoa yacaalre rico Galaad jipaite ricope. 8 Jliapodamjite, Ibzán, Belén njité-dalri jimaoca icaiteca nanaco njaji Iraelnai. 9 Lrirso trenta lrienipe atsianai njite trenta tsakja inaitjepe, njite jlita lri-rinonaipe trentama tsakja. Siete walria icoa lricaiteca Irael nacó. 10 Mayami Ibzán njite nadawani Belén lrico. 11 Jliapodamjite, Elón, Zabulón njitedalri jliá-carro icaite nanaco njaji Iraelnai. Siete walria lricaiteca nanaco njaji Iraelnai. 12 Mayami Elón, Zabulón-dalri, njite nadawani Ajalón ricó njepaite rico njaji Zabulón-perri. 13 Jliapodamjite, Abdón, Hilel irri Piratón njité-dalri jimao icaiteca nanaco njaji Iraelnai. 14 Lrirsopia coarenta lrienipe njite trenta lridakenai. Narsopia setenta borro, njite lricaite ocho walria nanaco njaji Iraelnai. 15 Njite mayami Abdón, Hilel irri Piratón njité-dalri, atsa nadawani lriyacalre rico, piratón, njepaite rico njaji Efrain poco, awacada cawa lrico amalecita iyaada.
1 Njaji israelnai yenipenai napieta tsenakja nanaitca maatsi wa-Minalri ipeyajle, Njite lricadana filisteonai icapirico cuarenta camoi. 2 Ninipia apada atsia Zora-dalri, nakitsinda njaji Danitanai, lripitanapia Manoa, rsoaji lrino corim rotaita kewedancano nini corim kenipecano. 3 Jliaji wa Minalri iangeleni lrimotoa roikjalre rsoaji inarro njite lriaco rorso: ''Picapa, corim pitaita kewedanca pjia njite coritoa kenipeca pjia, mitsa kewedan watsa pjia njite jiico watsa pioya pienipe. 4 Niini picapa pioyawa wadee pirraca jaicotjeda capoanjai o iraodati capoanjai cadaa, njite mainjatsaotsa injaodati macadadalritsa. 5 Panayaotsa kewedanca pjia njite pjipaotsa pienipe atsiada. Corriotsa iyoa-carroca lritsicolre, ima jliaji yempeti Dio irsodalricani jlidoa iwawa-lrikjoite toa, ima jliawatsa imanacota njaji Iraelnai naoya njaji Filisteonai.'' 6 Njite rono rsoaji inarro roinirri iderse rocaite jlimi: ''Ape atsia Dio njité-dari imoto noderse njite cayoca lricapacanaa pada Dio iageleni-sho, niini nofioca lriiwana pekirritsa. Corrin notatja njomi kjaiteca lrino, corrin tsakja Lricaiteca norso lriipitana. 7 Niini Lriaco norso: ''¡Picapakje! kewedan watsa pjia njite jiico watsa pioya pienipe. Niini corrin pitaita pirraca jaicotjeda capoanjai o irraodati capoanjai, njite mainjatsaotsa injaodati macadadalritsa jliaji Moise idananda icaiteji maatsiperricatsana, ima Dio jienitandaca lrirsowao jliaji yempeti lriniita cádanaco ikjoetetsa piwawalrico atee kjerreca mayamini. 8 Ikena Manoa itatjaca Dio iinai, lriaco: ''Pjia no-Diote, pinaitja matsiacalri picadaa lrinoca waikjaolre jliaji atsia Pinakjoite dalri Pimenacanda, lricanantá-carro faa cocaca njaji warsolritsa wanaitjaca lriapiya jliaji kirraitalri jicolriotsa.'' 9 Njite Dio jiepa jliaji Manoa itatjalri lriinai, niini jliaji Dio iageleni imoto tsenakja roikjaolre rsoaji inarro rofaa cadaana awacadaapji rico. Mitsa corrin pacapa roinai jliaji roinirri Manoa. 10 Niini rsoecoca kjeya roinirri iderse rsoaji inarro, roaco lrirso: ''¡Picapakje! A tsenakja lrimoto noikjaolre jliaji atsia imotocaji noikjaolre meyamnaa!'' 11 Niini Manoa jinico iawa lriino jiapodam. Lrioca cádanaco lriderse jliaji atsia, Manoa iaco lrirso: ''¿Icatsa pjia atsia caacolri pia noino irso?'' Njite jliepani, lriaco lrirso: ''Njoatsa.'' 12 Njite Manoa iaco lrirso: ''Ajádalricaotsa warso njaji yacoti picaiterri. ¿Coajeotsa yacoti wataoña carro jliaji yempeti, njite cocaotsa lridejicalre?'' 13 Wa-Minalri iangeleni iaco Manoa irso: ''roshotsa ronaitjaca cajikjeta njaji nocaiteri rosho. 14 corim rotaita roinjaca jaicotjeda njite corim tsakjaotsa pidaca roiraca jacotjeda yanaa o iraodati capoanjai, corim tsakjaotsa picada roinjaca injaodati coridalri wataita wainjaca. roshotsa ronaitjaca pjiomi njaji nonalri ronaitjaca. 15 atsiacalri pioafapjatoawa , njite picadapjatoa wamatsietacaro cabra yenipena pisho. 16 Manoa ,iaco lriso lriaji waminalri iangeleni. pianaitja m ljiaji waminalri iangeleni lriaco Manoa irsho,nofacadantjawa coritsacjata noinjacaroni, mitsa pimatsietacada pada ofrenda pimjaitanda, picaite waminalri irshoni, ljiaji Manoa corim lriaji waminalri iangelencani. 17 Manoa iaco lrirso jliaji Dio iageleni: ''¿Cocao piipitana, wataitá-carroatsa wacaiteca pina coancaojli-kenaotsa lriocaca jlinaana jliaji picaiterri warso.'' 18 Njite Dio iageleni iaco lrirso: ¿Coadao pioma piajica noipitana? ¡Matsiadalri calretsa noipitana, corritsa pa piajii-carroca coanshodacan!'' 19 Njite Manoa jipa apana cabra ienipena nainaitsa njaji comaana ofrendawa lricadaa carrona wa-Minalri ialtarni naco. Niini jliaji Dio iageleni inaitja pada matsiadalri Manoa icapa cádanaco lriino yaapiya. 20 Tiyee jirra cádanaco altar nakjoite eeno ikjaolre, jliaji Dio iageleni jirra tsakja lriinai jliaji tiyee imotolriwa altarnakjoite. Manoa icapa lriino yaapiya niini njewa naorsoao jiipai nacojle neecoa sho. 21 Njite-dlri jliaji Dio iageleni corrinatsa lripieta lrimotocawa Manoa icapao o lriino irsocan. Cayotsa Manoa iajíi Dio iageleni-cani jliaji nacapalri. 22 Manoa iaco lriino irso: ''Mayamicaotsa-pa faa, ima wacapaca Dio.'' 23 Mitsa roaco rso lriino lrirso: '' Wa-Minalri ioma cadantja iinoca faa, corri piatsantja lricoadataca waoya jliaji ofrenda wamjaitanda lrirso njite nja comaana wají Lrirso. Corri piatsantja Lricadaa wacapaca njaji wacapalri, njite panayaapi corritsantja lricadaa femica njaji lricaiterri warso. 24 Jliapodamina keenipena rsoaji iinarro pada atsiada, rocdaa lriipitana Sansón. Lritaoña jliaji yempeti njite Dio icadaa matsiadalri lrinaco. 25 Wa-Minalri Icaolrini iinita icatjinaatacawa lrinaco jliaji yempeti Majané Dan rico, Zora njite Estaol ioyawaaca.
1 Sansón iawa Timnat ricojle, nirse lricapa apama inarro filisteonai iitonaipe nakjoite. 2 Lridia lriocao njite, niini lriaco jlinirri njite jlidoa irso: ''Nocapa apama inarro Timnat lrico, apama filisteonai iitonaipe nakjoite. Yaa yoma norsowaono njotá-carro noinoano.'' 3 Njite jlinirri, jlidoa naaco lrirso: ''¿Capja corrica pacapa apama inarro nanakjoite njaji pikitsiñape pjitaoda piinoa? ¿Pjitacaotsa piinoa rsoaji filistea tadoa corri-perritsa iáa matsiadalri Dio irso?'' Sansón iaco jlinirri irso: ''Piacatsa pioma norsowaono, ima icatsa rsoaji noomanda.'' 4 Mitsa jlinirri, jlidoa corrim naaji Dio catsa icadaa cayo, ima Lrioma carrotsa narsoca maatsicalri naapiya njaji filisteonai, ima filisteonai piaca njaji itaricanaatalri nanaco njaji Iraelnai. 5 Niini Sansón iawa jlinirri, jlidoa yaapiya Timnat lricojle, njite naocawa oovapji Timnat lrico. Njite keyanatsa, apana yaawi yeenipe pamoyoanina imaoyacada itsoomita Sansón. 6 Njite Dio Icaolrini iorroco lrinaco, niini jlipa lricadowa jliaji yaawi mjerrapitinatsa, cayoji pacadowaa capisho jliaji cabra yeenipe tsonitoa. Mitsa corri piatsa lricaite jlinirri, jlidoa jimi lrinaco jliaji lrinaitjalri. 7 Niini lriacao caacó-carro roapiya, njite lricapa-cádanacono, icaamitsa Sansón ipeyocano. 8 Njite aima jalredaoca jiapodamina lridiá tsenakja roderse jlitá carroenana lriinoano, jliena inipo ioya lrioma-carro lriapipem jliaji yaawi lriinondam. Njite lricapa maapa yaaroda niini cadóndalri yaawi idakim rico. 9 Sansón itsopja lricaapi-sho maapa idón njite lriperroni lriacayao inipolrico. Lrioca cádanaco jlinirri, jlidoa ikjaolre lriá tsakja naperroa, njite naperroca tsakja lriinai. Mitsa corrin lricaite narso jlitaca jliaji maapa idon yaawi yaapipem iwawa lrikjoite. 10 Sansón jinirri iawa roderse rsoaji inarro, njite Sansón iñja naapiya niini, ima cayopiaca nanaitjaca oopi njaji yempetipetoa atsianai. 11 Njite nacapa cádanaco ikjoetetsa njaji rokitsiñape rsoaji inarro, nadee pjaa lrikjaolre trentadee nakitsiñapeji. 12 Njite Sansón yaaco narso: ''Icadaa nocaiteca irso pada yaacoti corridalitsa yaají. Pada inakjoite icaite cadaa norso coamishopacani siete jalredaoca nacó wacatiima-taaca carroa lrico, noawatsa irso trenta tsayana nanaitjanda jeerriwaikja matsiaperri sho, njite trenta tsakja tsaaya catsa. 13 Mitsa corricadaa icaite njomi coamishopacani, shaa watsa yaa norso trenta tsayana nanaitjanda jeerriwaikja matsiaperri sho, njite trenta tsakja tsaaya catsa.'' Niini naaco lrirso: ''Picaite femi jliaji yaacoti piomalri wacaiteca pirso coamishopacani.'' 14 Njite lriaco narso: ''Lrioya jliaji iñjacada iñjaodati imoto rioya; lrioya jliaji kjaidane potiyadalri imoto lrioya.'' Mitsa madalridaa nacotja jalredaoca, njaji lriinaiperri corrin naoketa yacoti coamishopaca jliaji lricaiterri narso. 15 Niini coatro jalredaoca nacó naaco Sansón iino irso: ''Warsa picashata piinirri lricaité carro femi coamishopaca njaji yaacoti lricaiterri waro, corricadaa wamjaitaotsa pjia njite pjinirri iipana, ¿Capja piwana faa ajerreji pikjenatá carrotsa faa?'' 16 Njite Sansón iino iiyaca lrirso, roaco lrirso: ''Cotsa piomjenca njoa, icaamitsa maatsica picapaca norso. Picaite narso pada yaacoti nokitsiñape inacodalri, mitsa corrin picaiteca njomini coamishopacan.'' Njite Sansón yaaco rorso: Cotsa nocaitjenca njonirri jimio, corrin tsakja njodoaca, ¿Coadantja nocaiteca pirson? 17 Niini roiyacatsa siete jalredaoca nacatiima-taaca carroda lrico. Mitsa siete jalredaoca naco lricaite rsomi coamishopaca jliaji yaacoti ima corrica yaamino lrioya. njite rocaite njemi coanshopaca narso njaji rokitsiñape royacalre ricope. 18 Niini njaji atsianai royacalre ricope nacaite jlimi coamishopaca jliaji yaacoti siete jalredaoca naco-jlena jlipjeyatoa deepica naicao: ''¿Cocao jliaji potiyalri pjaa maapa yooya? ¿Njite cocao jliaji kjaidani pjaa yaawi yooya? Njite Sansón yaaco narso: ''Corri cadantja ipiajleta matsi-calri ricó rsoaji noino corritsantja yaajíi coanshopaca jliaji yaacoti nocaiterri irso.'' 19 Njite Dio Icaolrini iorroco lrinaco kjyapenatsa kjaida-sho. Ikeena Sansón iawa Ascalón lricojle njite lriino trenta atsianai lri-ricodape yacaalreca. Jlita naoya nayaaro, njite lriáa njaji tsaaya narso njaji icaitecape jlimio coanshopaca jliaji yaacoti lricaiterri narso. Kerroaca Sansón, njite lridiawa jlinirri iipana lricojle. 20 Njite rsoaji lriinomi nacadaano lrikitsindaji imatsiaca irson.
1 Aima jalredaoca shaapodam, naniwacarroa lrico napania trigo, Sansón jipa idee apana cabra ienipena lriáa-carro lricapa lrino iderse. ''Ima lriaco lrirsowaaca,'' Njoewaotsa romaacawa lrico rsoaji noino.'' Mitsa rsonirri corrin icadaa Sansón sheewaca ninio. 2 Rsonirri yaaco Sansón irso: ''Nowadacantja corrica piomano, niini noacano lrirso jliaji pikitsindaji imatsiaca. Mitsa matsiadarro pjaaca rsoaji roweedoa, picapjentsa. Rsoenakja pjita pinoano.'' 3 Njite Sansón yaaco narso: ''Panaya jliaji corriotsa njoaca irso maatsicalri nanaco njaji filisteonai nonaitja cadaa narso maatsi ima njaaca inaitja norso maatsi.'' 4 Niini Sansón yaa jipa trecinto-naa zorro, njite lripapina yaamanape neetipiwaaca-sho. Njite lripapi neetipiwaca naco lamparina. 5 Njite kerraa cádanacoena njaji lamparina, lrifieta njecoa njaji zorro nanacojle njaji trigo nawaketajina njaji filisteonai, niini kerraca njaji trigo nawaketajina njite njaji corri perritoa naniwaca nakinkerre lricopetoa, nama tsakja njaji oovapji njite olivoapji tsakja. 6 Niini natatjacawa njaji filisteonao cocaca jliaji inaitjalri cayo, njite nacaite njemi Sansón-ca jliaji inaitjalri cayo, lritsimarre jliaji yofacada Timnat lrico. Lrinaitja cayo ima lriñjawerri iaca Sansón iino lrikitsindaji imatsiaca irsoenakja lrioya. Niini njaji filisteonai naa namjaita rsoaji iinarro njite rsonirri tsakja. 7 Njite Sansón yaaco narso, ''Lrikjaote jliaji inaitjalri, njoa watsa yooma nacoadao iinai, njite yamiotsa njoa kjerreca nonaitja cayoji nocaite capisho.'' 8 Ikena lricadowaa nawarrodale, nacotsipa irroati rico. Njitedalri lria lriofawa jiipana taji lrico jalraapeco cawa Etam lrico. 9 Ikena njaji filisteinai namatsietacawa oowi icaona Judá lrico, niini namatsietaacawa njaji tsolrodaonai Lehi rico. 10 Naaco njaji atsianai Judá lricope: ''¿Coadao iino inoacá acrro wakjoete?'' njite naaco narso, ''Cayo wanaitjaca waomá carrotsa Sansón imotocao lridawaacalri njiteo fepá-carroni, wanaitja-carro lrirso cayotsa lrinaitja capisho faa lripjeyao.'' 11 Njite tre mil atsianai Judá lricope iawa Sansón idawacalri nirse, Etam lrico, njite naaco Sansón irso, ''¿Capja corrica piajíi filisteonaica njaji italricanaatalrica wanaco? ¿Coada pinaitja wamatsicanao narso?'' Njite Sansón yaaco narso: ''Nja inaitja norso maatsi, niini nonaitja narso cayo.'' 12 Njite naaco Sansón irso tsenakja: ''Wanoca wapapí-carro pjia wadee-carro narso njaji filisteonai.''Sansón iaco narso, ''¿Capja corrica shaa catsa ioma iinoca njoa? 13 Niini naaco lriso, ''Cotsa wainó carroca pjia, icaamitsa waoma wapapica pjia wacadaa-carro pjia narso njaji filisteonai. Wacaite pirso, cotsa wainó carroca pjia.'' Ikena napapicani yamakjaa jinorroti walrikjaisho, njite nadeeni tekjoite lridawaacalri njite. 14 Lrioca cádanacoa Lehi lricojle, njaji filisteonai nawanetaacawa nanocayawa naoketa capoa Sansón. Ikena Dio Icaolrini iorroco kjeyapenatsa Sansón naco Jiidati-sho. Njaji jinorroti napapishopa lrinaapa naco namacawa cayoji yamacati ima capishoa, njite njawacatsa jiwawa lricaapi ioya. 15 Sansón ioketa paita borro icacoapii, niini jlipacani, lriino lrisho mil atsianai. 16 Sansón yaaco, ''Paita borro icacoapii sho, nowaketa aima nadakim njaji mayamperrim, paita borro icacoapii sho noino mil atsianai.'' 17 Yaami cádanaco caacoca Sansón, lripeeco jliaji borro icacoapii njite lricadaa lripitanao niini Ramat Lehi. 18 Njite meeta Sansón icaolre njite lriaco Wa-Minalri irso: ''Pjiatsa icadaa pirsodalri jiametá-carro njaji filisteonai. Mitsa panaya mayamicaotsa njoa meeta capoa nocaolre, njite njawatsa jipa njoa njaji inaiki corriperritsa yaa matsiadalri pirso.'' 19 Niini Dio icadaa ooni imotocawa jalraacawa ricó jiipai lrikjoite Lehi rico, ikena ooni imotocao njiteo. Niini kjaidani, pomena tsenakjani lriira cayami ooni. Njite lricadaa lriipitanao niini En Hacore, Lehi rico catsani panashete. 20 Sansón icaite Irael naco filisteonai jiawajli wente walria icoa.
1 Sansón iawa Gaza lricojle njite lricapa apama cawilredarro nirse, niní lridakitaca roapiya. 2 Nacaite Sansón naco narso njaji Gaza lricope: ''A Sansón wayacalre rico panaya.'' Ikena nadanataca jliaji panti, nawapa dawacalri ricotsa yacaalre ipananoma lrico. Maacotsa nawapacani depjite.Nacaitiaca cayamiwa nawapá carroni akjerreca jeeri imotoa tjewaijlena nainó carroni. 3 Sansón iorsoawa roapiya rsoaji iinarro pamoyoa deepi nacojle. Njite deepi pamoyoa lricoena lricafiawa lriacarroa niiní jlipaca jlirráa njaji yaamana yacaalre ipananoma irrocarrona jiipai rikjoite, lriwakje lrideena jiipanada ípolrico nacojle, Hebrón icoemjete. 4 Jliapodamjite nakja, Sansón ipeyoenakja aapama iinarro Dalila darro iipitana yofacada jiipai yoyawaca Sorec lrico. 5 Niini njaji talricanaaatinai filisteonai iyape naa roikjaolre, naaco rorso: ''Picashataotsa jliaji Sansón wajíi-carro kjaitecaaca lrirso jliida, njite wajíi-carro coanca faamacani, wapapí carroni ritaitá carro lriajíi faa pjaaca lrioya. Pinaitja cadaotsa cayo, waotsa pirso wacoanaa mil cien monedaita palraata.'' 6 Niini Dalila yaaco Sansón irso: ''Pinaitja matsiacalri picaite njomi coadaca kjaida-calretsa pjia, njite coajintja pada itaita inaitjaca lritaitá-carro lripapica pjia.'' 7 Napapi cadaa njoa sietekjaa yawitjiapo iiñada-sho walrikjaipe toa corripetoa meerica, icaamitsantja mjaidaca njoa, cayoetsantja njoa coandalrisho-catsa nanakjoite njaji atsianai.'' 8 Njite njaji caconaperri filisteonai nadee rorso sietekja yawitjiapope iiñada walrikjaipetoa corripetoa nametata, njite Dalila ipapi Sansón nasho. 9 Rodawa cadanenatsa atsianai romaacawa lrico. Njite roaco Sansón irso: ''¡Sansón, piikjaolre filisteonai!'' Mitsa Sansón jita mjotjomi njaji yawitjiapope iiñada cayoji tawalrekja imácapisho tiyee rico . Cayotsa corrin najíi coanca kjaidacani. 10 Njite Dalila iaco Sansón irso: ''Icatsa cayo picashataca njoa, ishaatitsa njaji picaiterri norso. Pinaitja matsiacalri picaite njoa coajintja panaitja mjaidaa-carro pjia. 11 Njite lriaco rorso: ''Napapi cadaa njoa jinorroti walrikjai shotoa corrperritoa napai isho, icaamitsaotsa mjaidaca njoa, coyoenatsaotsa njoa nacayoshotsa njaji atsianai coanperricatsa.'' 12 Niinina Dalila ipapini jinorroti walrikjai shotoa, njite lriaco rorso: ''¡Sansón, Piikjaolre filisteonai!'' Nawapa cadanetsa njaji atsianai rodawaji icao romaacawa lrico. mitsa Sansón jita mjotjomi lrinaapa yooya pjeta capisho mjotjomi tawalrkja. 13 Njite Dalila iaco Sansón irso: ''Panashete toa picashataca catsa njoa, ishaatitsa njaji picaiterri norso. Pipicaite njomi coajintja panaitja mjaidaa-carro pjia. Njite Sansón yaaco rorso: ''Pitsipata cadaa sietekjaape njaji notsicolre, njite pitsipata notsicolre iinaitsa yamacatikjaape, njite pipapi nasho njaji yamacatikjaa jaico nacojle, icaamitsaotsa mjaidaca njoa, coyoenatsaotsa njoa nacayoshotsa njaji atsianai coanperricatsa.'' 14 Niini Sansón imaacapjite, Dalila itsipata nja lritsicolre yamacatikjaape sho njite ropapina matsia jaico nacojle, njite ikeena roaco lrirso: ''¡Sanasón, pikjaolre filisteonai!'' Niini lricafiacawa jliaji imaacada njite jlita mjotjomi njaji yamacatikjaape njite jlirra tsakja jliaji jaico ropapishopan inaco. 15 Roaco lrirso tsenakja: ''Coada picaite norso pipeyoca njoa, njite corrin picaite norso jliaji noomalri noajica piinai coadaca kjaida pjia. Icaamitsa picaaca noicao madalripiena. 16 Jalredaoca icoam ropiajletan roaco sho kjaidape, njite cayo cádanaco lriomatja mayamican. 17 Icadekjena Sansón icaite pjiomi njaji roomalri roajiica inaco coadaca kjaidani, lriaco rorso: ''Crrin coancaojlica noyoa njaji notsicolre malriye sho ima Dio shenitandaca njoa lrirsowao njodoa iwawa lrikjoite toa. Nayoa cadaa njaji notsicolre icaamitsa yaamica kjaidaca njoa, corrinatsa kjaidá-carroca njoa, cayoenatsaotsa njoa nacayosho njaji atsianai pjiomi.'' 18 Dalila icapa cádanaco Sansón icaiteca rorso ajádalri sho pjiomi, ronaa nanoca njaji talricanaatinai filisteonai, roaco narso: ''Inoenaotsa pjiomi shaa, panaya dekjena lricaiteca norso pjiomi coadaca kjaidani.'' Ikena nanaoca njaji talricanaatinai roderse, njite nadee rorso njaji palraata nacaoñashopano. 19 Rocadaa pia Sansón imaaca ropoita-naco, njite ronaa pada iyoacada natsicolre lriyoá-carro njaji sietekjaape lritsicolre rotsipataji jliwida nacó, panaya dekjena corrinatsa kjaidani, atee rsoatsa shaamani. 20 Njite roaco lrirso: ''¡Sansón, piikjaolre filisteonai!'' Ikena lricafiacawa jliaji imaacada njite lriaco lrirsowaaca: ''Cayoatsa nonaitjaca nonaitja cappisho manatsa, mitsa corrin lriajíi oopica wa-Minalri imacani, corrinatsa kjaidani. 21 Icaamitsa filisteonai jipacani, njeca lritji yameemape. Nadee Gaza lricojle njite napapi lricaapi broncekja sho. Icapiatsa jliaji icabocoetalrica jliaji jiipada nawitita shopa caana presodapana lrico. 22 Mitsa njaji lritsicolre napieta tsenakja nataoñacawa nayoa cayami pia lrioyana. 23 Njite nawacaacawa njaji filisteonai italricanaa naacarro pada ofrenda nadiote Dagón irso, njite nacatiima-taaca carroa.Naaco cayoji: ''Wa diote shaamaca jliaji wacoema Sansón niini lricadaacani wacaapi ricon.'' 24 Nacapa cádanacon njaji inaiki, naamatsiadalri nadiote irso, naaco: Wa diote shaamaca jliaji wacoema niini lricadaacani wacaapi ricon, jliaji imatsiketacada wayacalree njite lriinoca aima wakitsiñape.'' 25 Nacatiima-taaca cádanacoa, naaco: ''Iwana Sansón lrinó-carro wecaa-carro lriicao.'' Niini naaca nawana Sansón lrimotó-carro napresotacawa lrikjoiteni njite necaaca lriicao. Nacadaa lriemawa napecolrico njaji panti ipje jipacada pjiomi jliaji panti. 26 Niini Sansón iaco lrirso jliaji yempetida jipa cada lricaapi rico lridee carroni: ''Picadaa nonotaca njaji pantiipje jipacada pjiomi jliaji panti, notaitá-carro njopaacacawa nanaco.'' 27 pakjami cadaana jliaji panti inaiki sho, inaitjepe, atsianai. Niini cadana nawacaacawa pjiomi njaji talricanaatinai filisteonai. Tre mil inaiki atsianai, inaitjepe yofawa panti capatsite itapje naco icapacape nadejitaca Sansón. 28 Ikena Sansón iwanaca Dioikjaolre, lriaco lrirso: ''No-Minalri Dio, piwaadatsa njoa! Pinaitja matsiacalri Dio, picadaa njoidawa papienatsa, notaitá-carro noomaca nocoadao papiatsa nainai njaji filisteonai njeta capoa notji yameemape.'' 29 Ikena Sansón jipaacawa nanaco njaji yaamanade pantiipje pamoyoaperri lriorsoalri inaco jliaji panti, lridoitá-carro njaji pantiipje, aapana atsialriemasho, njite aapana inarroema sho. 30 Sansón yaaco cayoji: ''¡Picadaa mayamica njoa nainai njaji filisteonai!'' Lridoita kjaida njaji pantiipje, ikena jliwacao jliaji panti yenondapana nanaco njaji inaiki pjiomi iwacaacalrio niini. Aima pjaa njaji inaiki lriinolri mayami cadanacon naoya njaji lriinolri caafi catoani. 31 Naawa njaji lriweenai njite pjiomi njaji lrikitsiñape jlinirri nacope, naacarro njepa nadietá carro Sansón idakim. Nadawani Zora njite Estaol ioyawaaca lrico, nadawacarromtsa jlinirri Manoa. Sansón yaají pia nanaco njaji Iraelnai vente walria icoa.
1 Niini pia pada atsia, Micaía lriipitana, yofacada awacada cawa naofacawa njaji Efraín poco. 2 Micaía iaco jlidoa irso: ''Njaji mil cien moneda palrataitape nañaitoji pia pioya, njaji picaitelri maatsi inaco caaco cádanaco pjia, njite njomi coanca picaiteca. ¡Njoa irso nja palraata! Njoatsa iñaito pioyana.'' Njite jlidoa iaco lrirso: ''¡Dio inaitjaotsa matsia pirso, noenipe! 3 Lridieta jlidoa irso njaji mil cien moneda palrataitape, njite jlidoa iaco lrirso: ''Nocadaa nja palraata wa-Minalri irso, nirri inaitjá-carro njenapjiami lriyoajipe njite lrinaitjá-carro tsakja narroapjipe tsípalra sho. Niini panaya nodietaca pirsona. 4 Lridieta cádanaco jlidoa irso njaji palraata, rsota njite dociento palrataitape, njite roani pada irso idejicada tsípalra sho lrinaitjá-carro rorso njemapjiami lriyoaji, njite narroapjipe tsípalra-sho, njite Micaía ideena lriipana lricojle. 5 Micaía ipakjanta padapana panti idolonai sho, lrinaitja tsakja pada tsayana njite idolonai nacadaope panti ricó, njite lricaoña pada lrienipe nakjoite sacerdote-carro lrirso. 6 Jliawajli pia corrin pacapa piatoa talricanaati Irael lrico, niini nacoamitsa nanaitjaca cocacatsa matsia nacapaca nanaitjaca. 7 Niini pia pada atsia yempetitoa Belén ricó Judá lricoda, Judá poco inakjoite-dalri, pada Levita. Lriofáa niinio lrinaitja-carro lridejicalre sacerdote sho. 8 Njitédalri lriawa Belén lrikjoite Judá lricoda lriomá-carro pafe lriofacawa. Njite lriacayao toa, lriocawa Micaía iipana lricojle awacadacawa Efraín poco iofacawa lrico. 9 Micía iaco lrirso: ''¿Kjaite pinoji?'' njite jliepani: Pada Levita-ca njoa Belén-dalri Judá lricoda, njite noajica nooma apaafe noofacawa lricoatsa.'' 10 Micaía iaco lrirso: ''Piofawa noinai atsaji piacarroatsa norso yaacoti njite sacerdote-crro pjia. Noawatsa pirso die mil moneda palrataitape pawalria icoami, papoco tsayape njite ijaodati pjaa.'' Ikena jliaji Levita sheewawa lriipana lricojle. 11 Catiima Levita shofacawa Micaía iinai lriipana lrico, njite Micaía icapaca jliaji Levita lrienipe nakjoite capi-sho. 12 Micaía icadaa lridejicalreo jliaji Levita padatsa matsiaperri naco, njite lrisacerdotecani Micaía iipana lrico lriofalritsa niiniwa. 13 Njite Micaía iaco: ''Panaya dekja noajii matsiacaotsa Dio inaitjaca norso, ima nosacerdoteca jliaji Levita.''
1 Jliawajli poia corri piatoa narsoca natalricanaa njaji Iraelnai. Njite njaji Dan poco inakjoite perri naaji piaca naoma naofacarroapjiwa, ima jliada nacotoa corri piatoa iraelitanai yaapiaca njepaitewa nayadao nainai. 2 Njaji inaiki aimadan Dan poco inakjoite perri nameenaca cinco atsianai nanakjoite, atsianai oowi icaonaperri, yajicape matsia Zora perri njite Estaol perri, naacarro njaipa shotsa nacapa-carro naicawa jliaji jiipai. Naaco narso: ''Yaa icapa waicao jliaji.'' Njite naocawa awacadacawa Efraín jipaite rico, Micaía iipana lricojle, icatsa nemaaca niini. 3 Tsoomi cadanacoenana Micaía iipana ioya, njemi matsia pada yempetitoa Levita yaaco. Niini naoca nemawa natatjá-carroni, ''¿Cocao idee pjia ajerreji? ¿Cocao pinaitja anjíi? ¿Coada piojawa anjíi?'' 4 Njite lriaco jliepana, ''Cayo Micaía ikitsindataca njoa, Lricaoñaca njoa lri-sacerdoten-carro njoa.'' 5 5Njite naaco lrirso: ''Pinaitja matsiacalri pioma yaacoti Dio iinai lricaitécarro pirso wanaco matsia cadaa lrimotoca warso jliaji waajirri ikjaote.'' 6 Jliaji sacerdote yaaco narso, ''Yeenawa imaodacatsa. Wa-Minalri icañjataotsa icapa jliaji inipo irsolritsa iaca niinio.'' 7 Ikena njaji cincodee atsianai naawa njite naocawa Lais ricó, nacadapa njaji inaiki ninperri namaodaca-catsa naofacawa, cayo tsakja njaji sidonionai, naofawa namaodacatsa, corrin coca ima nacapaca. Corritsa cocantja inaitja oowi nakjoeta njetá carrontja njepaite, o namacantja nacapaca. Naofapiawa teeco naoya njaji sidonionai, corrin coca yaajíi nainai lrinaco jliaji njepaite. 8 Ikena nadiacawa nakitsiñape ikjaolre Zora lricojle njite Estaol. Naaco njaji nakitsiñape, ''¿Coaji yaacao?'' 9 Naaco narso, ''¡Inoena waacarro wainona!'' Ima wacapjen jliaji jiipai, jiipai matsiadalricani. Cotsa coca inaitja, kjeyena shaa waacarro ainona fetácarro wayadao njepaite. 10 Yooca cadaotsa nirse icapaotsa macaiteca jliaji jiipai. Cotsa coca canacarri nirse, imaodacacapetsa yofawa njaji inaiki ninperri, cotsa coca nawapa yaantja iinona. Ajádalri Dio icadandaca warso jliaji jiipai.'' 11 Seiciento atsianai Dan nakjoiteperri iawa nainoacashopawa iapiya oowi ricojle, naawa Zora njite Estaol lrikjoite. 12 Naawa njite naocatoa naofawa Quiriat Yearín lrico, Judá lricoda. Lrikjaotene nacadaa lriipitanao niini Majané Dan atee panashete; jeerri jiewakema nacojle Quiriat Yearín irso. 13 Naawa njiteo awacada nacojlecawa nayada njaji Efraín poco njite naocawa Micaía iipana lricojle. 14 Njite njaji cinco atsianai yaacapem pia icapa naicao jliaji jiipai Lais-dalri naaco nakitsiñape irso, ''Lri-ricoda pantica jliaji niini pada tsayana, paana dionai panti ricope, pada njenapjiam nayoanda matsia njite pada njenapjiam nanaitjanda tsipalra sho. Icapena cocaca inaitja.'' 15 Niini natsomita jliaji panti lriofalri niinio jliaji yempetitoa Levita, Micaía iipana lrico, njite natatjani. 16 Njite njaji seiciento atsianai Dan lricope irsocape nainoaca shopawa oowi rico, atsa neemawa pantinomajle. 17 Njite njaji cinco atsianai yaacapem pia icapa naicao jliaji jiipai naa njépa jliaji njenapjiami nayoanda matsia, jliaji tsaayana, nadiote panti-ricopetsa, njite jliaji njenapjiami nanaitjanda tsipalra sho, aacadanatoa lriemawa jliaji sacerdote nacodapi njaji tsolrodaonai seicientodee irsocape nainoaca shopawa oowi-ricó pantinomajle. 18 Njite njeewa cadanacoa njaji Micaía iipana lricojle, njépa jliaji njenapjiami nayoanda matsia, jliaji tsaayana, nadiote panti-ricopetsa, njite jliaji njenapjiami nanaitjanda tsipalra sho, niini lriaco narso jliaji sacerdote, ''¿Coada inaitja cayoji?'' 19 Njite naaco lrirso, ''Maacotsa pjia, piita pinoma picaapisho, pino wainai pjia carroatsa icaite faa njite wa-sacerdoten-carro pjia warso. Matsia pjatoa sacerdoteca pjia papoco inaiki irso, Irael inakjoite perri irso, lrioya jliaji sacerdoca pjia pada atsia irsotsa lriipana lrico.'' 20 Icaamitsa catiimaca lricaolre jliaji sacerdote. Njite jlipa lridee njaji njenapjiami nayoanda matsia, jliaji tsaayana, nadiote panti-ricopetsa, njite jliaji njenapjiami nanaitjanda tsipalra sho njite lriawa nainai. 21 Icaamitsa nacaboco naacarro. Nacadaa njaji yempetpe naacarro napjeya, coshoca nja nawacani njite pjiomi narsompe tsakja. 22 Njite teeco cádanacoena nawa Micaía iipana yooya, Micaía iwaketa njaji atsianai tsoomi perri lripana yooya, njite naa njepa njaji danitanai. 23 Nawana naikjaolre njaji danitanai, njite nacaboco nacapa naikjaolre, nacapa Micaía irso, njite naaco lrirso, ''¿Coada piwana waikjaolre?'' 24 Njite Micaía iaco narso: ''¡Ideeca njaji nodiotenai nonaitjaji, njite idee tsakja nosacerdoteni, njite corrinatsa coca pimaca norso, njite itatja mintoa coanca njoa!'' 25 Mitsa njaji danitanai naaco lrirso: ''Corrin pitaita caacoca pjia warso cayorra, wadetsantja pikerroataca pada wanakjoite, njitenantja lriino pjia njite njaji piipaneta.'' 26 Icaamitsa njaji danitanai naaca lrioya mayacan. Njite Micaía icapa capoa aimadan pjaaca lrioyana icaamitsa lridiaca naoya lriipana lricojle. 27 Njaji Dan poco njepa njaji Micaía naitjji, njite jliaji lri-sacerdotenim tsakja, icaamina naocacawa Lais lricojle, naikjaolre njaji inaiki imaodacacapetsa yofaacawa, njite naoca nainona, namjaita jliaji yacaalre. 28 Corrin coca iyomjetana ima teecocana naoya njaji Sidón lricoperri, njite corrin tsakja narso pjaaca paana yajicape lrinaco jliaji jiipai. Jliaji jiipai paoketani jiipai yooyawaca tsoomi Bet Rejob ioya. Icatsa Dan poco inaitjaca nayacalreo naofaa-carro niinio. 29 Nacada lriipitanawa jliaji yacaalre, Dan; cayotsa naferrimi iipitanasho, pada nanakjoite njaji Irael yeenipenai. Mitsa Lais piatoa lriipitana jliaji yacaalre. 30 Njaji inaiki aimadan Dan poco njepa narsowao jliaji idolo Micaía inaijanda, lriyoanda matsia. Njite Jonatán, Gersón irri, Moisé irri naapiya njaji lrienipe, icapiatsa sacerdotenaica narso njaji Dan poco atee kjerreca njepa pia pjiomina oowi ricó. 31 Niini naaca matsiadalri lrirso jliaji idolo Micaía inaitjanda, iyoanda matsia, njite cadana Silo rico lriemao jliaji DIo iipana.
1 Jliawajlia, corricaojli piatoa narso natalricanaawa njaji Iraelnai, niini pia pada atsia, pada Levi, lriofaa piatoa awacadacaawa nayada njaji Efraín poco. Jlita lriinoa yaamamashopa, apama inarro Belén darro Judá lricoda. 2 Mitsa rsoaji lriino yaamamashopa rorso ronapjerri roinirri ioya; romaca roinirri njite rodiawa lrioya rsonirri iipana lricojle Belén-rse Judá lrico. Roofa niini coatro-pi keerri. 3 Njite roinirri yaawa rsoapodam lricaité-carro rorso rodiá-carro lriinai tsenakja. Lridee lrinaiwa pada lrirsodalri njite yaamada borro. Rsoaji iinarro rocoadatani njite rocada jliewao rsonirri iipana lricojle. Njite rsonirri rsoaji iinarro lricapa cádanaconi, catiimani pekirritsa. 4 Jliñjawerri, rsonirri rsoaji iinarro, lricaite lrirso lriofaa carrotoa lriinai lriipana lrico madalridaa jalredaoca. Naija, nairra nainai, njite nemaatoa nainai niini. 5 Njite coatro jalredaoca naco nacafiawa piyompinacotoa njite namatsietacawa naacarroena, mitsa lriñawerri iaco lritsimarre irso, ''Iñja pjatoa wainai kjaida-carro shaa, njitenaotsa itaita yaacawa.'' 6 Niini njaji naofacawa yamadapewa naiñja-carro nairrá-carro tsakja. Njite lriñjawerri iaco lritsimarre irso, ''Piofaa pjatoa pimaa wainai, imaa carrotoa matsia.'' 7 Lricafia cadanacoenawa jliaji Levita lria carroenawa, lriñjawerri icaite lrirso lriofaa carro pjatoa, niini tecojle nakja lriwaopiakje jliaji lritsimarre niini lriofaa catoa nainai tsenakja. 8 Cinco jalredaoca naco, jliaji Levita icafiawa piyompinacotoa lria carroenawa, mitsa lriñawerri iaco lrirso, ''Piñjatoa wainai kjaida-carro pjia, njite dainojle naotsa piawa.'' Icaamitsa naiñjaca yamadape tsenakja. 9 Levita icafia cadanaco, lriino tsakja njite jliaji lrirsodalri naacarroenawa, lriñjawerri iaco lrirso, ''Picapa, dainomakena iicao. Yofaatoa imaa carrotoa padeenatsa deepi, imaa carrotoa matsia. Tjewenaotsa icafiawa piyompinacotoa idia carroenawa iipana lricojle.'' 10 Mitsa jliaji Levita corrinatsa lrioma lriofaaca lrimaa niini, icaamitsa naacawa. Lriawa Jebús lricojle (Jerosalén panaya). Lrirso njaji lriborron yaamanade irsocape naofacarrona nanaco, njite rsoatsa lriinai rsoaji yaamamashopa lriino. 11 Njite tsoomi cadanacoena Jebus ioya, njite dainoma kena naicao, lrirsodalri iaco lrirso, ''Warsa waawa nayacalre ricojle njaji jebuseonai wemaa carro niini'' 12 Niini lriminalri yaaco lrirsodalri irso, ''Cotsa waa carroca nayacalre ricojle njaji apanatsa inaiki corriperritsa Iraelnaica. Warsa waawa mayacan Guibeá lricojle.'' 13 Njite jliaji Levita yaaco lrirso jliaji lrirsodalri yeepetitoa, ''Warsena waawa wemaacarro Guibeá rico o Ramá lrico.'' 14 Ikena naacawa, mitsa deepiketsa naicao nacayao toa Gabaa lricojle, njepaite njaji Benjamín poco. 15 Naocawa Gabaa lrico nemaacarro niini. Naoca naofaawa Gabaa iyacalrecoa lrico, mitsa corrin pada yaa icoadatana nainai-carrontjana nemaacarro naapana lrico. 1 16 Mitsa pada atsia pekirrina lridiacawa lridejicalre ioya dainomenatsa. Iofacada pia jiipana taji naco awacada cawa lrico njepaite rico njaji Efraín poco, lriofaa piatoa Guibeá lrico. Mitsa Benjamín poco inakjoité perrica njaji yoofalri niinio. 17 Niini jliaji pekirri jlirreta lricapa jliaji yaacadawa lriofacawa yacalrecoa lrico. Njite pekirri iaco lrirso, ''¿Kjaite ínoji? ¿Kjerre yaawa? 18 Njite Levita yaaco lrirso, ''Wadiacawa Belén lrikjoite Judá lricoda, pikeetemrse cawajle awacadacawa lrico njepaite rico njaji Efraín poco, icatsa noaca nirse. Noa piawa Belén lricojle Judá lricoda, njite panaya noacawa Dio iipana lricojle, mitsa corrin pada icoadata njoa njoewá-carro lriipana lrico. 19 Warsoentsa naiñjao njaji waborron, njite warso tsakja waiñjaope. Cotsa coca canacai warso.'' 20 Ikena lritatjacana jliaji pekirri, ''¡Imaodaca catsawa! Njoawatsa icoadata shaa, wadee yofaacawa imaa ajíi yacalrecoa lricotsa.'' 21 Ikena lrideeca jliaji Levita lriipana lricojle njite lriá naiñjawa njaji lriborron. Nacotso njaipa lrico naiñjá-carro njite nairrá-carro tsakja. 22 Nacatimataaca cadanatoa pjiomina, paana atsianai macadawanaitsa lri-ricodape yacaalreca, nadaanata pekirri iipana njite nañaaca pantinoma, naaco lrirso jliaji pekirri, ''Pimotoita pemajle jliaji atsia shewalri piipana lrico, wadakitaaca-carrro lriapiya.'' 23 Njite jliaji pekirri, panti iminalri imoto naikjaolre pemajle, lriaco narso: ''Corrina nokitsiñape, ¡Manaitjatsa warsowao jliaji imatsicanaati maatsidalri calretsa! Ima jliaji atsia imaacadaca catoa noopana lrico. 24 Norso aapama noito mjeyapa cadarrotoa atsia iinai, atsakja aapama lriino jliaji atsia. Naapiya dekja itaita inaitjaca coancatsa yoomaca, Mitsa manaitjatsa jliaji imatsicanaati maatsidalri calretsa lriapiya jliaji atsia.'' 25 Niini jliaji Levita jipa jiidati rico rsoaji aapama lriino njite lripiajletano naikjaolre. Ikena njepajica rsoaji iinarro maatsicalri rico depjite, njite namacano jaalrekenani. 26 Jaalre cadanacoena rono rsoaji iinarro mitsa atsa rsowawa lripananoma lrico jliaji pekirri, lrimaalri niini jliaji roinaidalri, icatsa rorsowacawa niini akjerreca jaalreca roicao matsia. 27 Jliada naco jlimoto jliaji Levita pantinomajle lria-carro pjawa. Njite lricapa niinimcatsa rorsoawa rsoaji aapama lriino pantinomajletsa. 28 Niini jliaji Levita iaco rorso, ''Pjinicoenao waa-carro.'' Mitsa corrin rsoepani. Jlirretano lriborron nacó, njite lrimatsietaacawa lriá carroenawa lriipana lricojle. 29 Lrioca cádanacoena lriipana lricojle, jlipa paita malriye lricadowaa carrono doce-wajle, njite lrimeenaca naawa njaji rsopadapem piomi naofacawa lrico njaji Iraelitanai. 30 Njite njaji icapacape jliaji lrinaitjalri, naaco: ''Namota cayami Egipto lrikjoite njaji Iraelnai, corripiatoa paca caidalriji, atee panashete. Iwaopia lrinaco, njite icaite coanca wanaitjaca.''
1 Niini njaji Iraelitanai nawacaacawa pjiomiwa pada capishotsa atsia, Dan nakjoite Beerseba nacojle, coshoca njaji yofacapewa Galaad lrico, nawacaacawa Wa Minalri ipeyajle Mizpa lrico. 2 Naapiyawalre njaji Iraelnai, njite naapiyawajle njaji Iraelnai iipaneta nacoamitsa, nawacaacawa Dio ipeyajle njaji lrinaikite, Coatrociento mil atsianai yeemawa, nawapaketsa namatsetan nainoacá carro. 3 Njite njaji Benjamí poco njemi nanaco njaji nakitsiñape Iraelnai nawacaacacao Mizpa lrico. Njite njaji inaiki aimadan Iraelnai naaco: ''Picaite femi lrinaco jliaji maatsídalritsa jiyapalrio.'' 4 Niini jliaji Levita, roinirrim rsoaji iinarro yaaco narso, ''Noocawa Guibeá lricojle, njepaite rico njaji Benjamín poco, njoa, njite rsoaji yaamamashopa noino, wemaa carrotoa niini.'' 5 Njite deepi ricojlena, njaji Guibeá yaapiyawanai naoca nainó-carro njoa. Nadaanata jliaji panti nainó carrotja njoa. Nadee nooya jiidati rico rsoaji noinaidarro, njite oopi myamino. 6 Njite njopa nocadowá rodakim rsoaji noinaidarrom, njite nomeenaca njaji rsopadapem pjiomi naofacawa lrico njaji Iraelnai, ima nanaitjaca pada maatsidalri caretsa Irael lrico. 7 Pnaya shaa Iraelnai, icaitena panaya coanca icaiteca lrinaco.'' 8 Njite pjiomi njaji inaiki aimadan njenico nacaite pada capishotsa inaiki, naaco: ''Corriotsa pada wanakjoite idiacaotsa wapanaita lricojle, corriotsa pada idiacaotsa lriipana lricojle. 9 Njite cayoatsa wanaitjaca narso njaji Guibeá lricope: Waawatsa nakjoete coajicadaa lricañjataca wacapa jliaji wawiaca shopa. 10 Waniwa caotsa die atsianai cien atsianai nakjoite nacoamitsa njaji Irael poco pjiomi, njite waniwacaotsa cien atsianai mil atsianai nakjoite, njite mil atsianai die mil atsianai nakjoite, nadee-carro naijao njaji inaiki aimadan, niini naacadanacoenaotsa Guibeá lricojle Benjamín lricoda, njerrapiteetá-carro njaji inaiki inaitjalri maatsi Irael lrico.'' 11 Niini pjiomi njaji oowinai Irael lricope nawacaacawa pada capishotsa atsia, lrikjoete jliaji yacaalre. 12 Njaji Iraelnai nameenaca nanaikite naikjaolre pjiomi njaji Benjamín poco, naaco narso: ''¿Coandalrio jliaji imatsicanaati nanaitjalri njaji inakjoité-perri? 13 Panaya icadaa warso njaji atsianai maatsiperritsa Guibeá lricope wainí carrona, niiniotsa fetaca pjiomi jliaji imatsicanaati naoya njaji Iraelnai.'' Mitsa njaji Benjamín poconai corrin njemica narso njaji nakitsiñape iraelnai. 14 Njite njaji aimadan Benjamín poco naawa padenirri nayacalre Guibeá lrikjoite nainoacá-carro nakjoete njaji aimadan Iraelnai. 15 Njaji Benjamín poco nawaketa pia jliawajli ventisiete mil atsianai nacanantaji nainoacá-carro matseetasho. Njite niini pja seteciento atsianai naniwaji Gubeá lricoperri. 16 Nanakjoite njaji atsianai niini pia seteciento tsolrodaonai naniwanaji caatoperri. Pjiomi njaji fiití-perri iocaca jiipada sho, corrin namatada. 17 Njawacatsa njaji Iraelnai, naoya njaji Benjamín poconai, coatrociento mil atsianai padenirri, nacanantaji inoacacawa matseetasho. Inoacacapewa oowi rico padeenirrina. 18 Ikeena naacawa njaji Iraelnai Betel lricojle, njite natatja njemio yaacoti naicao Dio iinai, naaco: ''Coandalriotsa wanakjoite iinitaotsa inoacawa nakjoete njaji Bemjamín poco?'' Njite Dio sheepana: ''Judá poco watsa njaji iinitalriotsa inoacawa nakjoete.'' 19 Ikena naacawa njaji Iraelnai piyompinacojletoa, njite naatoa naofawa tsoomi Guibeá ioya. 20 Ikena naacawa njaji Iraelnai nainoacá-carro Benjamín poco ikjoete. Naa nawapana, neema nawapana nacoadatá-carrona oowi-rico Guibeá lrico. 21 Namotoa njaji Benjamín poco njite naino venti do mil tsolrodaonai Iraelitanai jliadaa. 22 Mitsa njaji Iraelitanai nakjaidataacawa nakjoetewaaca, niini neemacawa pkjaawa nakjoete neemacarromtsa nainita cadaa nainoacacawa. 23 Mitsa njaji Iraelnai neema naiya Dio ipeyajle dainoma nacojle. Naoma coanca Dio icaiteca narso, naaco: ''¿Capja wainoaca catsawa nakjoete njaji wakitsiñape Benjamín poco?'' Njite Dio icaite narso: ''Inoakena nakjoete.'' 24 Njite njaji Iraelnai naawa nakjoete njaji tsolrodaonai Benjamín poco iyaarrope yamadaa naco jalredaoca. 25 Yamadaa naco, njaji Benjamín poco nanao nakjoete Guibeá lrikjoite njite naino dieciocho mil atsianai iraelitanai. Pjiomi nacantaji piana nainoacá-carro matseetasho. 26 Pjiomi njaji tsolrodaonai iraelitanai njite pjiomi njaji inaiki naawa Betel lricojle naiya-carro nirse, icatsa naofacawa niini Dio ipyajle, maijacaca niinina madalridaa jalredaoca atee dainoma naicao. Namjaita Lrirso ofrenda njite naa tsakja ofrenda imaodacakjeti naco Dio irso. 27 Njaji Iraelnai natatja njemio naicao tsenakja Dio iinai, ima jliaji Dio iarcani, lriacoam iarroda Belén ricocani jliawajli, 28 Njite Finees, Eleazar irri, Aarón irri icatsa nasacerdotecani jliawajli, naaco Di irso, ''¿Capja warso catsenakja waaca wainoacawa nakjoete njaji wakitsiñape aimadan Benjamínai, o corritsa?'' Njite Dio sheepana, lriaco narso: ''Yeena inoacawa, ima tjewaotsa nokitsindata shaa shaamá carroatsana.'' 29 Njitedalri njaji Iraelnai namatsieta njaji tsolrodaonai nadawaaca-carro nawapa Guibeá iwaida nacó. 30 Ikena nainocacawa njaji Iraelnai nakjoete njaji Benjamín poco madalridaa nacojle tsenakja. Neema pakjaawa nacoadatá-carro njaji Guibeá lricope nainoacá-carro nakjoete cayotsa neemacaji manatsa napeyajle mana. 31 Nano njaji aimadan Benjamín poco nainoacá-carro nakjoete njaji Iraelnai, njite njaji Iraelnai naawa napeyajle yacaalre ioya. Ikena nainita nainoacacawa oowi ricó njite nainopadapena iraelitanai. Naino trenta Iraelitanai nainoacalri niini njite inipolrico tsakja. Pakja inipo iawa Betel lricojle, njite pakja iawa Guibeá lricojle. 32 Njite naaco njaji aimadan Benjamín poco: ''Corriketsa nataita wakjoete niini napitoca waoya, cayotsa napitocajitsa waoya.'' Mitsa naaco njaji oowi Iraelita: ''Warsaotsa feeco naoya nanocarroatsa faapodam teeco lrioya jliaji yacaalre naikjaolre njaji inipo.'' 33 Pjiomi njaji aimadan Iraelnai nacarsawa neemacawa ioya neema-carro pakjaawa nacoadatá-carrona Baal Tamar lrico. Njite njaji tsolrodaonai Iraelita idawaacacapepiawa napianjenico neemawa Maareh Geba. 34 Nano Guibeá lrikjoite die mil atsianai naniwanaji nanakjoite njaji Iraelnai, maatsinaa nainoacacawa jliadaa, njite njaji Benjamín poco corrin naajíi iñaakjeti itsoomitacana. 35 Wa-Minalri shaama njaji Benjamín poconai Irael ipeyajle. Jliadaa pia, njaji Iraelnai naino venti cinco mil cien atsianai Benjaminai. Pjiomi njaji mayamirri nacanantaji nainoacá-carro matseetasho. 36 Nacapa cádanaco corriketsa nataita Irael ikjoete njaji Benjamín poco, ikeena naacawa njapodamrsewa, njite njaji Iraelnai nacadaacatsa naawa ima naajíi niinica paana idawaacacapewa nacadaaji napia Guibeá iwaida naco. 37 Njite njaji idawaacacapeo njenicoa njite kjeeyacalrim njeewawa yacaalre Guibeá lrico; njite naino matseeta sho pjiomi njaji yofacapea lri-ricoda yacaalreca. 38 Njite naaco narsowaaca njaji tsolrodaonai Iraelna naapiya njaji nakitsiñape idawaacacapewa nacapacaotsa iitacati imotocaotsa yacaalre rikjoite. 39 Nacapa cadanaco jliaji iitacati nawacanda njaji tsolrodaonai Iraelnai, njaji nakitsiñape tsolrodaonai yaami nainoacacawa. Njite njaji Benjamín poco kjaida nainoacacawa nakjoete njaji Iraelnai, naaco njaji Benjamín poco: ''Faatsaotsa shaamana cayotsa faama capisho manana.'' 40 Mitsa iitacati imoto cádanaco yacaalre ioya, nacaboco nacapa njapodamrsewa njaji Benjamín poco, njite nacapa iitacati imotocawa yacaalre rikjoite. 41 Ikena njaji Iraelnai naaca naikjaolre tsenakja. Njaji atsianai Benjamín poco nafiowa pekirritsa, ima nacapaca coanca maatsirri ínoca naikjaolre. 42 Niini njecoca napitó-carro naoya njaji Iraelnai, macada naacawa nerricoda njaji inipo yaacapewa jalrapocolri ricojle. Namoto pemajlewa njaji tsolrodaonai iraelitanai, njitetsa naino pjiomina. 43Nadaanata 43 Nadaanata njaji Benjamín poco naacarro naikjaolre. Nadaanatana Noha lrico njite nainona inipolrico yaacadawa jeerri imotokema lrikjoite Guibeá irso. 44 Dieciocho mil atsianai njaji mayamirri nanakjoite njaji Benjamín poco, kjaidaperripia inoacacawa oowi rico. 45 Nadia napitowa jalrapocolri ikjaolre lrinaco jliaji jiipada Rimón lricoda. Njaji Iraelitanai naino cinco mil atsianai nanakjoite nacaayao inipolrico. Napineta pjaana inipolrico Gidón lricojle, naino niini Do mil atsianai tsenakja. 46 Naino venticinco mil atsianai Benjamín poco nakjoitepe jliadaa, yajiccaperri pia inoacawa oowi rico. 47 Mitsa seiciento atsianai nadiá napitowa jalrapocolri ikjaolre, tsoomi lrioya jliaji jiipada Rimón-dalri. Icatsa naofacawa niinio coatropi keerri. 48 Njaji tsolrodaonai iraelitanai nadia tsenakja naino njaji Benjamín poco iyacalre ricope, naino pjiomina, navacan, njite pjiomi njaji nacapaji. Namjaita tsakja pjiomi njaji yacaañre nacapaji naacayao.
1 Njaji atsianai iraelitanai nanaitja pia pada yaacoti Mizpa lrico: ''Corriotsa pada wanakjoite yaawatsa iito nainoa njaji Benjamínai.'' 2 Njite naawa njaji inaiki Betel lricojle, naofawa niinio Dio ipeyajle atee dainomalje, njite naiyaca niini kjaida iinonaacalri rico. 3 Naaco nawanaca: ''¿Wa-Minalri, na-Diote njaji Iraelnai; coada cayo jliyapacao cayoji iraelitanai iinai, ima pada wanakjoite poco iñaaca waoya?'' 4 Tjewaijlena piyompinacotoa njenicoa njaji inaiki aimadan njite njerreta apana altsr niini, njite namjaita maaficalri lrinaco, naa tsakja ofrenda imaodacakjeti naco. 5 Naaco njaji inaiki iraelitanai: ¿''Coanperri nanakjoite njaji Irael poco corrin íno iwacaacawa wainai Dio ipeyajle Mizpa lrico?'' Ima nanaitja piaca pada yaacoti nanaco tjaji corriperi yáa iwawaacawa nainai Dio ipeyajle Mizpa lrico. Naaco cayoji: ''Wainocaotsa jliaji corridalri íno iwacaacawa wainai Dio ipeyajle Mizpa lrico.'' 6 Njaji Iaelnai, kjenaa nacapaca narso njaji nakitsiñape Benjamínnai. Naaco cayoji: ''Oopica wayoa papoco nanakjoite njaji Irael poco.'' 7 ¿Cocaotsa yáa naninaiwa njaji wamacajim, ima wanaitjaca pada yaacoti Dio ipeyajle wacaitecawa corricaotsa waacarroca naninaiwa waitonaipe nakjoite?'' 8 Naaco cayoji: ¿''Coanperri nanakjoite njaji Irael poco corrin íno iwacaacawa wainai Dio ipeyajle Mizpa lrico?'' Njite nacapa corrica pada nanakjoite njaji Jabes Galaad lricoperri yaa iwacaacawa nainai. 9 Ima namatsietaaca cádanacoa nemao oowi icaona corrin nacapa pada nanakjoite njaji Jabes Galaad lricoperri. 10 Niini njaji iwacaacalrio nameenaca doce mil atsianai yajícape inoacawa, nacaite narso naacarro naino njaji Jabes Galaad lricope, nanaapja nainó-carro njaji inaitjepe njite njaji yempetipe tsakja. 11 Nacaite tsakja narso, nainícarro pjiomi atsianai njite njaji inaitjepe jiyapacapemina atsia iinai. 12 Niini njaji atsianai nameenacaji Jabes Galaad lricojle naoketa coatrociento inaitjepe walridarrope toa, corripetoa yaajíi atsia, njite nadeenana napanaitape lricojle Silo lrico, Cannan lricoda. 13 Pjiomi njaji iwacaacacapewa nameenaca yaacoti narso njaji Benjaminai idawaacacapeo jiipada rimón lrico namaodaca carroenawa. 14 Niini njaji Benjaminai namotoa nadawaacalri njiteo njite njaji nakitsiñape iraelitanai naaca nainoa njaji inaitjepe Jabes Galaad lricope, mitsa corrim lricoaca narso pjiomi. 15 Njite njaji inaiki kjena nacapaca narso njaji Benjamín poco lrikjaote jliaji njeyapalrio, ima Dio jienitaca naoyawaaca njaji Iraelnai. 16 Njite naapiyawanai njaji iwacaacalrio naaco cayiji: ''¿Coajiotsa wanaitja waoketá carroatsa naninaiwa njaji Benjamín poco corriperritoa irso iino, ima opica naino njaji naninai?'' 17 Njite naaco: ''Lrirsotsa niinica pada nayaadape njaji namacaji Benjamín poconai, wadeentja nawayacacao naoya njaji Irael poco. Corrin wataita waaca nainoa waitonaipe, ima njaji Iraelnai nanaitja piaca pada yaacoti, Maatsidalrica jliaji aatsia yaacada Benjamín iinoa.'' 18 Corrin wataita waaca nainoa waitonaipe, ima njaji Iraelnai nanaitja piaca pada yaacoti, Maatsidalrica jliaji aatsia yaacada Benjamín iinoa.'' 19 Niini naaco cayoji: ''Yajintsa niinica pada wacatimataaca carroda Dio naco pawalria icoamdalri-mana wanaitjaca, silo rico, inarroemjete-dalri Betel irso, jeerri imoto kema lrirso jliaji inipo yaacadawa Betel lrikjoite Siquem lricojle, inarroemajle Lebona irso 20 Nanaa njaji atsianai Benjamín poco, naaco narso: ''Warsa yaawa idawaacawa matjinaatsa iwapá carroatsa oowapi rico. 21 Iwapaotsa icapa namoto cadanacoatsa narrapa njaji inaitjepe Silo ricope, njite kjeyapenatsa imototsa naikjaolre idawaacalri njiteo niiniotsa jipaca aapama iimarro Silo ricoda iinoa, njiteotsa idiawa Benjamínai jipaite ricojle. 22 Njite njanirrinai o napjenaipe inocadaaotsa natatja wainai nanaco, wacaiteotsa narso cayoji: ''Kjenaa icapaca narso njaji Benjaminai! Njite corrin coaji waoketaca nainowa oowi rico cádanacotoa faa. Njite corrin yaaca nainoa matsiacalri rico niini coicarron catoa jliaji yaacoti inaco, corritoa coca imatsicanaa.'' 23 Njite njaji inaiki aimadan Benjamín poco nanaitja cayo. Njepa neñaito nainowa nacoanamtsa nanakjoite njaji inaitjepe irrapacaperri. Ikena nadeecana njepaite ricojle; njerreta tsenakja nayacalrem naofaa-carro tsenakja niini. 24 Ikeena nadiaca njiteo njaji Iraelitanai nayacalre ricojle, njepaite ricojle, naapana lricojle. 25 Jlaiwalri pia corri piatoa narsoca natalricanaa njaji Iraelnai. Niini njaji inaiki nanaitjaca cocacatsa matsia capisho narso.
1 Cayopia njaji Iraelitanai nja caojli pia italricanata nanaco njaji Juecenai jorre pia maawitacai njepoaite rico. Njite ape atsia iofaacada Belen rico Judá ricoda lriawa njiteo lriino iapiaya njite yaamé lrienipe atsianai tsacja Moab jiaitena ricojle. 2 Elimelec pia lriipitana jliaji atsia, njite Iriino ipitana Noemí. Njite neenipe iipitana Mahlón pia jli pada njite Quelión jli pada, Efraín poco inacjoité perri piacana iofaacape Belen ricó Judá jipaite ricó. Naocawa Moab jipaite ricó njite naofaa nirse. 3 Mitsa Elimelec, Noemí iinirri, oopi mayamini, njite icaamitsa rokitsiñapeca njaji yaame roenipe. 4 Njaji yaame roenipe njeta nainowa nanacjoite njaji Moab ricope; Orfa roipitana sho apama, njite Rut sho apama. naofa niinio wadeepe die jamolri. 5 Njité dalri, njaji Mahlón njite Quelión oopi mayamina, niini mayamica Noemí ioya roinirri njite nja roenipenai yaame. 6 Niini Noemí iwaopia roá carro Moab ricjoite naapiya njaji rirriinonaipem Judá ricojle ima njemica pjiomi Moab ricó wa Minalri ikitsindataca njaji Irinaikite Iraelitanai pjiomi canacaidalri inaco njite lricadaa jorre injaodati nasho. 7 Niini Noemí iacawa naapiya nja yaamama rirrinonaipem naofaacarromjite, njite nainita naacawa inipolrico iacadao jiipai Judá ricojle, rudiáca nishe. 8 Noemí iaco nasho njaji rirrinonaipem, ''Wash idiawa jidoanai iipana lricojle. Matsia watsa Dio icapaca isho, cayoji matsia capisho pia jia naapiya nja noenipem njite noapiya tsacja. 9 Dio watsa icadaa iokeeta iinirrio tsenacja matsia carroatsa iofaacao. Njite rotsootsoca na cacoda naco, niini cjaida njeemataca njite naiyaca. 10 Naaco rosho: ''¡Corrina! Waacatsa piinai pikitsiñape icjaolre.'' 11 Mitsa Noemí iaco nasho: ''¡Nirrinonaipemi, washa idiawa! ¿Coadamtja iawa noinai? Corrinatsa notaita keenipeca njoa njetá carromtja jia naninaiwa. 12 Washa idiawa, nirrinonaipemi, idiawa iipana lricojle, ima pekirroena njoa cainirri carro tsenacjamtja njoa. Nocaite cadamtja isho: Cainirri caotsa njoa jlia deepica jliaji; njite nosoatsa yamada noenipe, 13 ¿iwapantja nataoñawa? ¿Corrintja cainirrica jia panaya iwapacapoa nataoñawa? ¡Corrina, nirrinonaipemi! Jamiña noanji nowaopakje rico icjoete, jorre pja lrioya jliaji ianjiirri, ima noMinalri icaapi iemaca nocjoete.'' 14 Niini njaji rirriino naipemi njeemata tsenacja cjaida naiyacayao. Orfa icaite roaconao ronjierro isho, rotsootso rocacoda nacó, mitsa Rut corri romacano. 15 Niino Noemí iaco Rut isho: ''Pjimi matsia, shoaji pipjendoa rodiacawa rokitsiñape icjaolre, naicjaolre njaji rodiote tsacja. Washa pidiawa roinai.'' 16 Mitsa Rut iaco Noemí isho: ''Macadatsa njoenaca pioya, ima akjerre cadaotsa piawa, noá tsacjaotsa piinai; kjerre cadaotsa piofaawaji, niini tsacjaotsa noofáa piinai; njaji pikitsiñape aimadan nonaikite tsacjaotsana, njite jliaji piDiote noDiote tsacjani. 17 Kjerrecadaotsa mayami pjia, niini tsacjaotsa mayami njoa, nadawaotsa njoa picodapitsa. Diowatsa jirrapiteeta njoa pekirritsa corricadaa nonaitja cayoji nocaite capisho, ikaamitsaotsa mayamicalri jliaji jienetalriotsa fa waoya waaca.'' 18 Noemí icapa cádanaco ajádalrica Rut iomaca iaca roinai, yaamica rocaitecano. 19 Niini naacawa yaamamapewa naocá carro yacaalre Belén ricojle. Njite naoca cádanaco Belén ricojle, pjiomi njaji inaili naocaji ikjaolre catiima nacapaca nasho. Naaco njaji inaitjepe, ''¿Icatsa Noemíca shoaji?'' 20 Mitsa roaco shoepacana: ''Magiinatsa Noemíca njoa. Jipitídarro watsa ianjíica njoa, ima jliaji Cjaidádalri pja piomi ioya jlirrapitetaca njoa jipiti perri sho. 21 Nosho pia pjiomi noá cádanaco ajaiteji, mitsa noMinalri icada nodia tsenacaja noopana lricojle nocaapi iapiyatsa. ¿Niini coadamtja Noemí ianjiica njoa? icapa cadaana coanca noMinalri icaiteca nomatsicana; jliaji Cjaidádalri pja pjiomi ioya lricadaa njorrapitaca pekirritsa.'' 22 Niini Noemí njite shoaji rirrinomi Rut, Moab njité darro, nano jiipai Moab ricjoite. Naocawa Belén ricojle nainiita cádanaco naniwaca napania cebada.
1 Njite cadaana jliaji Elimelec, Noemí inirrimi, lrishopia pada lrikitsinda lriirrana nacjoite, lriipitana Booz, pada atsia canaanidalri najinda inaco njaji inaiki lrinaikica matsiadalri icjaote. 2 Rut, Moab njité darro, iaco Noemí ishó: ''Panaya picadaa noá carro noniwa napania iekje njaapodam njaji niwacaperri napaniapji rico. Noa watsa jliapodam jliaji matsiadalritsa icapaca njoa.'' Niini Noemí iaco rosho: ''Washena piawa, iempeti.'' 3 Niini Rut iaca iniwa napania iekje namacaji njaji iniwacape paniapji ricó, njite jliaji paniapji naniwalri irricoda lriyadacan jliaji Booz, Elimelec ikitsinda. 4 Booz idiá cadana iocao Belén ricjoite, niini lritatjaca njaji iniwacape lripania: ''¡Inai catsa Dio''! Njite njeepapacan njaji iniwacape lripania: ''¡Dio icadaa matsiadalri pishó!'' 5 Njite Booz iaco lrisho jliaji lricadaalri naapiyawalrio njaji idenjicaperri lrisho: ''¿Coca iino shoate iempeti?'' 6 Njite jliepacani jliaji lrisodalri: ''Apama iempeti Moab njité darro inocada Noemí iinai ima rodiá keenawa. 7 Roaco nosho: Pinaitja matsiacalri nosho picadaa noniwaca njaapodam manamacaji njaji iniwacape nainaca njaji paniati. Niini ronoca roniwa ajerreji, piyompinacjoite rodenjica atee panajiete, icaamitsa rowafeetaca caidatsaji pawafeeta crroda lricó.'' 8 Njite Booz iaco Rut isho: ''Pjia iempetitoa, capja pjimitsa nosho? Maatsaotsa piiwa paniati iekje paafe ricojle, mamacatsa nokinikerre. Matsiapja aacatsa pidenji nainai njaji iempetipe idenjicaperri nosho. 9 Piwapa picapa jliaji paniapji akjerreca naniwa nja atsianai, njite piá watsa njaapodam nja paana inaitjepe. Nocaitjenina nasho nja atsianai wadee namaca picapaca. Meeta cadaa picaolre, piawatsa pirra ooni nerricodá dape njaji piarropetida njetaji njaji atsianai.'' 10 Njite Rut icoanja Booz ipeyajle, atee rotoda roecoa jiipai naco. roaco lrisho: ''¿Coadao matsia picapaca nosho, coada pjita picaolre noicjaote, pada jiipai nacjoité darro cadaana njoa?'' 11 Booz iaco rosho: ''Nacaitjenina njomi pinaco njaji pinaitjalri pinjerro icjaote mayami cayami piinirrim atee panajiete. Pimaca pjinirri, pjidoa njite pjipaite jiico carrom pjia pinó carro naicjaolre njaji inaiki corri petsa pianjíi. 12 Dio watsa icdaa picoadao pinaitja capoa matsia. Jiaji wa Minalri, Iraelitanai iDiote, jliaji piokeetalri iinai pidaanao, lricaoñaotsa pisho pjiomi njaji pinaitjalri matsia.'' 13 Njite roaco lrisho: ''Picadaa nonaitja matsia pisho, pjia nominalri, ima picatiimataca nocaolre, njite caacoca pjia matsia nosho, corri cadaanatsa pishodarroca njoa.'' 14 Njite nainja cádanaco Booz iaco Rut isho: ''Pino pinja wainai pan wainai, piapjoeta jliaji pinjanda jaico tjeda iaana capoadalri rico.'' Niini roofacao nacodapi njaji idenjicaperri lrisho, lriá rosho naijanda namerritaji. Roinja matsia atee kjerreca kepinaano njite romaca pja lriitem. 15 Rut jinico cádanaco roá carro tsenacja roniwa njaji naniwanda, Booz inaa njaji lrinaikite cayoji: ''Icadaa tsacjaotsa roniwaca nanacjoite njaji iwaketanda, njite corri nooma icoitacano. 16 Nanacjoite njaji iwaketanda iniwa carro nainaca icadaotsa ropia nanacjoite, roniwá carro roshowao. Njite corrí nooma icoitacano.'' 17 Niini roniwaca paniapji ricó atee dainomajle roicao. Njite róco néya nja roniwaji, njite njaji róocojina cebada iinaca apana lata icoa njemiñaca. 18 Rut jinico iawa yacaalre ricojle rofalri nirse. Njite rojierro icapa njaji roniwaji. Shota tsacja njaji paniati iecje namerritaji roijaca iitem roá carro rojierrom ishon. 19 Njite rojierrom iaco rosho: ''¿Kjerreo piaji piniwa paniati iekje opica? ¿Kjerreo pia pidenji? Matsia watsa Dio icapaca lrisho jliaji atsia ikitsindatalri pjia.'' Ikena Rut icaite rojierrom jimi lrinaco jliaji atsia paniapji iminalri roalri rodenji nirse. Roaco rosho: ''Booz lriipitana jliaji atsia paniapji iminalri noalri nodenji oopica.'' 20 Njite Noemí iaco rirrinomi isho: ''Diowatsa inaitja matsia lrisho, ima corrim lrimatada nasho njaji caafiperri njite mayamperrimisho tsacja.'' Noemí iaco pja rosho: ''Jliaji atsia pada wanacjoité dalrican, pada wanacjoité dalri itaita cada iwentaca'' 21 Njite Rut Moabita darro iaco iaco Noemí isho: ''Cayo lriaco nosho: Pishotsa tsoomi catsa pjia naoya njaji atsia idenjicape nosho atee kjerrecaotsa yaami naniwaca.'' 22 Noemí iaco rirrinom Rut isho: Matsiatsa iempeti, piaca nainai njaji iempetipe idenjicape, wadentja nanaitjaca maatsi pisho piacadantja pada paniapji ricó.'' 23 Niini Rut iema nacodapitsa njaji inaitjepe idenjicape Booz isho naniwá carro njaji paniati iekje atee nataita naniwaca pjiomi nja trigo iinaca. Njite Rut iofaacao rojierro iinaí.
1 Shoaji Noemí, Rut ijierromi iaco rosho: "Iempeti, nomaotsa ape atsia pisho, iwapacaoda pjia, matsia carroatsa pjia pjiomi naco. 2 Njite Booz, jliaji ishocada idenjicape lrisho, njaji pialri pidenji icodapi, icatsa pada wakitsindacan. Piwapa pjimi matsia nosho, panayaotsa deepi lricakja caotsa cebada lriipana lrico kiniki ricoda. 3 Niini panaya, pipitá pioyao, pipomenitacawa, pjieta pinacoa pitsayan matsiaperripja piá carro kinikiapji ricojle. Mitsa macadaatsa Booz icapaca pjia kjerreca lritaita lrinjaca lrirra tsacja. 4 Picapaotsa kjerrecawaca lrioshoa lrimaa, njitenaotsa lrimaacapemina piawatsa lriderse, pimjecoatsa lripajle jliipa iicao, njite pioshoatsa jliipa icodapi. Njiteotsa lricaite pisho cocaca pinaitja.'' 5 Njite Rut iaco Noemí iso: "Nonaitjaotsa pjiomi cayoji picaite capisho njoa.'' 6 Niini Rut iawa kinikiapji ricojle, njite ronaitja cayoji rojierromi icaite capisho rosho. 7 Njite Booz injacamina njite lrirra tsacja catiima lricaolre, ikeena lriaca lrioshoa lrimaa pikeetem shecawa nasho njaji paniati iinaca nawakeetaji. Njite Rut iawa tacaatsa, romjeeco lripajle jliipa iicao njite roshoa jlipa icodapi. 8 Niini deepi pamoyoa, Booz icafiawa kjeyanadatsa njite corri lrianji coanca. Lricaboco cádanaco lrioshoá carro matsia, lrianji apama iinarroca ioshoa jliipa icodapi. 9 Njite lritatja jlimio, lriaco: ''¿Cocao pjia?'' Njite shoepani: "Pishodarro Rut-ca njoa. Pipeeco pipajle pishodarro naco, ima ictsa pjia wakitsinda itaitacada iwentaca njoa.'' 10 Njite Booz iaco rosho: ''Pjia iempeti, Matsia Dio icaiteca pinaco. Picañjata capoa nocapa pimatsiaca nonacojle panaya lrioya jliaji picañjatalri nocapa pioca cádanaco toa, ima corrim piawa njaapodam nja atsianai iempetipe toa, kjenaaperri o canaaniperri. 11 Niini panaya iempeti, mjetatsa picaolre. Nonaitjaotsa picjaote cocacatsa pinaa nonaitjaca pisho, ima pjiomi njaji noyacalreeta nanjíi iinarro matsiadarroca pjia. 12 Ajádalri ikitsindaca njoa; mitsa, niini pja pada ikitsinda tsoomidalri pja nooya. 13 Pimeena anji jlia deepica jliaji. Tjewenaotsa, jliaji ikitsinda tsoomidalri pja nooya lrioma cadaotsa lridietaca pjia lrishowao, cayo pedaotsa. Mitsa corricadaa lritaita, nocaite pjia wa Minalri iipitana naco, njoá watsa idieta pjia noshowao. Panaya pioshoa pimaa pioyao atee kjerreca jaalre piicao.'' 14 Niini Rut ioshoá imáa jlipa icodapi atee tsoomi jaalreca icjaolre. Mitsa deepi pjatoa shonico roá lrioya, ima Booz icaite rosho corri carro coca ianjíi apama iinarro iaca lriicjaolre kinikiapji ricojle. 15 Njite Booz iaco rosho: ''Pidee nosho pinaconda pitsayan naco, njite pitiota noshon, Booz iwi rosho madalrina lata icoa cebadape njite lricada ronacon. Njite Booz iá yacalree ricojle. 16 Rut ioca cádanaco rojierromi iderse, rotatja shomiono: ''¿Coampja piacao iempeti?'' Njite Rut icaite shomi cocacá lrinaitja roicjaote jliaji atsia. 17 Roaco rosho: Njaji madalrina lata cebadape icatsa lriandaca nosho, ima lriaco nosho: ''Madiatsawa picaapi iapiyatsa pinjierro iderse.'' 18 Niini Noemí iaco rosho: ''Atoatsa piwapaji iempeti, atee kjerreca pjimi coanca namatsietaca iacoti pinaco, ima jliaji atsia corriotsa maapjí carrocan a kjerreca lritaita lrinaco jliadaatsa jeecoapica jliaji.''
1 1Njite Booz iá iofaawa yacaalre ipananoma icodapi. Cayo cadana, jliaji nakitsinda tairri Booz icaiterri inaco itsomitani. Booz iaco lrisho: ''Pjia nokitsindaji, pino piofaa nocodapi.'' Jiali atsia itsoomitani njite lriofá lricodapi. 2 Njite Booz iinai Die caaconaperri yacaalre ricope njite lriaco nasho: ''A ino iofaawaji.'' Njite naofaa niini. 3 Njite Booz iaco lrisho jliaji lrikitsindaji: ''Shoaji Noemí, shoaji idiacadawa Moab jiipaite ricjoite, rowendeca jlipaitem jliaji wakitsin Elimelec. 4 Nowaopia nocaite carro pjia lrinaco: ''Piwentani nacapá werrico njaji iofacapeo anji njite nacapá werrico tsacja njaji caconaaperri noyacalre ricope. Pioma cadaa pidietaca pishowaono, pidietano. Mitsa corri cadaa pioma pidietacano, picaite njomi noanjíi carro, ima corri pacapa pada noanjínda itaita cada idietacano icaamitsa pjia, njite pinacojledaca njoa.'' Njite jliaji aape iaco Booz isho: ''Njoaotsa idieta noshowaoni.'' 5 Njite Booz iaco lrisho: ''Coancaojli cadaotsa piwenta Noemí ioya jliaji jiipai, pisho tsacja pjitaca piinoa Sho Rut Moab darro, lriinom jliaji Elimelec irrim cuirri, pishó carro pienipe roapiya itaitacada ishoca jliaji jiipai lrishowao lriipitana naco jliaji mayamdalrim.'' 6 Njite jliaji nakitsinda iaco Booz isho: ''Corri notaita nodietaca noshowaono, corri nooma nomatsicaca jliaji noshonda noenipe isho. Pjia watsa nocadaa isho jliaji noshowalrepe piatja pjia carroatsa idieta pishowaono, ima njoa corrinatsa notaita nodietacano noshowao.'' 7 Njite cayo pia oopi njaji Iraelitanai nadieta cádanaco nashowao cocacatsa o naacadanaco nashowaaca inaaniti. Njite nataita shopa nanjiica jliepacatsa jli iacoti jli pada lrishotsa jlitaca lrioyao Iri tsapaton lriá carro lrisho jliaji inaitjacada iacoti Iriapiya; Cayomitsa nanaitja pia talricanaati ipeyajle oopi Irael ricó. 8 Njite jliaji nakitsinda tsoomidalritsa naoya iaco Booz isho: ''Washa piwenta pishowaono.'' Icamina jlita lritsapaton lriá carro Booz ishó. 9 Njite Booz iaco nasho njaji caconaaperri pekipenai njite nasho njaji inaiki pjiomi ninperri: "icapawerrico pjiomi jliadaa jecoapica jliaji njoa iwenta pjiomi jlipaitem njite nja lrishompe pia jli Elimelec, pjiomi Quelión njite Mahlón iyapempia tsacja Noemí icaapi ricjoite. 10 Njite ronaco sho Rut Moab njité darro, Mahlón cuirri iinom. Njoa watsa jitano noinowano, njite jliaji noenipe nosholriotsa roinai, jlia watsa ianjíi lrinaco jliaji jiipai lriyadam jliaji atsia mayamdalrim, nawaada carrotsan njaji lrikitsiñape njite pjiomi njaji inaiki lri ricóda yacaalreca jliaji. Icatsa jia icapalrica coanca wamatsietaca iacoti jliadaa jecoapica jliaji.'' 11 Njite pjiomi njaji inaiki yacaalre ipananoma ricope njite njaji caconaaperri pekipenai naaco: ''Fa ianjíi coanca inaitjaca. Wa Minalri watsa inaitja rsoaji iinarro jiewalri piipana lrico cayoji Raque njite Lea sho, neenipe nanacjoite njaji yaamamade namaimataacawa Irael iipaneta. Njite matsia watsa pjia Efrata ricó njite nanjinda caotsa pjia pjiomi Belén ricó. 12 Wa Minalri icadaotsa jorre pienipe roapiya rsoaji iempeti cayoji lrisho capisho pia jli Fares, Tamar ienipe Judá iapiya. 13 Ikena Booz ideeca rso Rut, cayopia jlitaca Irinoano. Nadakitaca ipoam, Dio icadaa kewedancano, njite romotoeta pada iempeti. 14 Njaji inaitjepe naaco Noemí isho: ''Waa matsiadalri wa Minalri isho, ima lricadaa pisho pada pidakeerri iwapacaoda pjia. Naanjíi watsa lriipitana pjiomi njajii inaiki Irael rico lriicjaote jliaji lrinaitalri. 15 Lricadaa tsenacjaotsa cjaidaca pjia, jlia watsa ikitsindata pjia pekirro kenaotsa pjia, ima rsoaji pirriinomi, rsoaji ipeyocada pjia, rsoaji matsiadarro pja siete cadamtja pienipe, oopina romotoeta jli iempeti.'' 16 Niini Noemí jipa jirreta jli kirraitalri roteda naco, rowapá carroni. 17 Njite njaji inaiki rocodapi perri nacadaa lriipitanao, naaco: ''Pada iempeti imoto Noemí isho.'' Niini nacadaa lriipitanao Obed. Icapienao Isaí Jinirriocan, jliaji David jinirri. 18 Icapiatsa njaji Fares inacjoite perri: Fares irrica Hezrón, 19 Hezrón irrica Ram, Ram irrica Aminadab, 20 Aminadab irrica Naasón, Naasón irrica Salmón, 21 Salmón irrica Booz, Booz irrica Obed, 22 Obed irrica Isaí, njite Isaí irrica David
1 Niini pia ape atsia Ramataim ricó Zofim ricoda, njepaite ricó njaji Efraín poco awacadacawa ricó, lriipitana pia Elcana, Jeroham irrí, Eliu irrí, Tohu irrí, Zuf irrí, efrateotairrí. 2 Yaamama pia lrininai; Ana ruipitana shu apama, njite Penina sho apama. Sho Penina rosoca roenipe lrisho, mitsa sho Ana corrin keenipecano. 3 Elcana iamanawa lri yacalré ricjoite oonía icoam, lriinó carró maaficalri lriá carró matsiadalri lrisho jliaji tsolrodaonai Italricanáa Silo ricó. Niini cadana njaji Diu isacerdotenai, njaji iamadade Elí ienipe, Ofni njite Finees tsacja. 4 Njite lriocacadanaco jlinaana Elcana iá carró iino maaficalri Diu isho, lrinaitja capisho mana oonia icoam, lría mana Penina isho neepe nacjoite njaji maaficalri lriinojim Diu isho, roijá carró naapiya njaji ruinipe atsianai njite inaipjepe tsacja. 5 Mitsa jorré pja mana lriaca Ana isho, ima lripeyopjaca Ana Penina iuya, curricadaanatsa keenipeca lrishono. 6 Caishopa rodalrima romeeta manáno caidalritsa ropaimanietá carrono, corricapoa Diu icadaapia roenipewa. 7 Oonia icoam, naanu cadanacó Diu iipana ricojle naapiya njaji rokitsiñape, rodarima Penina iometa manano. Caishopa roiyamana sho Ana njite corrim roijaca. 8 Njite roinirrí Elcana iaco mana rosho: ''Ana, ¿Coaada piiya? ¿Coada corrim pinjaca? ¿Coada iinonáa picaolre? ¿Capja corrica matsia pjaaca njoa pisho cadantja die pienipe?'' 9 Niini apapiena jalredaoca, roinja cam, roirra cam tsacja Silo ricó. Sacerdote Elí iofáa cadaana lripananoma ricó jliaji Diu iipana. 10 Iinona rocaolre pequiritsa; roiya caiwiricotsa rotatjacadanaco wa MInalri iinai. 11 Rocaite cocacaotsa ronaitja wa Minalri isho, niini rocaite cayoji: ''Pjia tsolrodaonai aimadan Italricana, Picapa cadantja coanca inonaca rocaolre shoaji pishodarro, njite pjimi tsacja rosho; mamawadacatsa pishodarro ioya, piawatsa pisodarru isho roenipewa, njite nocadawatsani wa Minalri isho caidalritsa caaficadanaconi, njite corriotsa coancaojli payoa nja lritsicolre." 12 Rotatjacadanaco wa Minalri iinai, Elí icapa coanca cananica ronoma. 13 Ima caacocano rocaolre ricó. Canani nja ronomaya mitsa corrim pjemica roaco. Niini Elí iwada Ana idewanaca. 14 Njite Elí iaco rosho: ''¿Coancaojli pjenaotsa yaami pidewanaca? ¡Ajena pirraca jaico tjedaa ianaa capoanjai!" 15 Mitsa Ana jiepani: ''Corrina no minalri, aapama iinarro cooyolrédarroca njoa. Cotsa iirracadaca jaico tjeda ianaa capoanjai, o yalrakji cantja njua, icaamitsa notatjaca no Minalri iinai caiwirricotsa nocaolre ricjoite.'' 16 ''Mawaadatsa macadawarroca shoaji pishodarro; mitsa caacoca njoa lrinaco jliaji njotalri nocaolre inaco njite lrinaco jliaji nacjenaatalri mana njoa iicjaote. 17 Niini Elí jiepano, lriaco rosho: ''Pidiawa pimawadacatsa; Israel Diute watsa inaitja pisho cayoji pitatjá capisho lriinai.'' 18 Njite Ana iaco: ''Icaamitsa matsiaca nooma picapaca nosho.'' Icaamitsa rodiacawa njite roijaca; njité dalri corriitsa iinonaaca rocapacanaa. 19 Njite njenico piyompinaco toa naacarro matsiadalri wa Minalri isho, njité dalri nadiawa naapana ricojle Ramá ricó. Niini Elcana imaa lriino Ana iapiya, njite wa Minalri iwaada jliaji rotatjalri pia Lriinai. 20 Njite aima jalredaoca jiapodam, kewedan keenano, njite romotoeta roenipe atsiada. Rocadaa lrripitanawa Samuél: "Ima rotatjandaca wa Minalri iinai." 21 Elcana, ipieta tsenacja iacawa lriipaneta iapiya naacarró naa matsiadalri wa Minalri isho maaficalri nainoji sho lrinaitja capisho mana oonia icoam, lricaoñá carró jliaji iacoti lricaiterri pia. 22 Mitsa Ana corrim roawa; roaco roinirri isho: ''Noawatsa nirshe cjerrekenaotsa yaami lrirraca lrinia jliaji kirraitalri; nodeotsa nirseni, lriofáa carroatsa niini caidalritsa wa Minalri ipeyajle.'' 23 Njite Elcana iaco Ana isho: ''Pinaitja jliaji matsiadalri pja picapa panaitjaca. Piwapa yami lriirraca lrinia jliaji kirraitalri, picadaa wa Minalri carru inaitja cayoji picaitecapisho.'' Niini Ana iofaa iwapa jliaji roenipe a cjerreca yaami lriirraca jlidoa iinia. 24 Shota cadanaco roinia lrioya jliaji roenipe, rodee jliaji iempeti tsoodalritoa, njite rodee apana toro madalrida ooniá dalri iipeca, njite rodee pja yaamana lata icoa matsoca jimiñaca iipetji, rodee pja apjeco buteélla jaico tjedaa ianaa tjacja. Rodeena Diu iipana ricojle Silo ricó. 25 Naino jliaji toro rodenda njite nadee jliaji roenipe Elí icjaolre. 26 Njite roaco cayoji: ''Pjia nu minalri. Cayuji caaficapisho pjia, njoapiatsa shoaji iinarro inolri pia itatja Diu iinai picodapi. 27 Notatja no Minalri iinai jliaji iempeti njite jlimitsa nosho jliaji notatjalri lriinai. 28 Mitsa nocadaa jliaji iempeti no Minalri isho. Caafi cadanaconi no Minalri iyada catsan.'' Njitédalri Elcana itoda lriecoa jiipai nacojle lría carró matsiadalri wa Minalri isho.
1 Njite cai roaco sho Ana rotatjacadanaco Diu iinai: ''Catimaca nocaolre Diu naco. Cjaida noanjiacacawa Diu naco. Notaita caacoca njoa mapaimantsa nocoema isho, Catima njoa Piyomjeta capoa njoa. 2 Corrí pacapa pada mamatsicanáadalri cayoji no Minalri sho, corrí pacapa pada pja lrioya, jiipada idaanatacada shoca pja jliaji wa Diute njite corrí pacapa apada caidalri lricayosho. 3 Manjiacatsawa pjia pjaca apjetsida ioya, wadee pipadalretacawa caaco cadanaco pjia. Ima jliaji wa Minalri Diu ianjíi pjiomi cocacatsan; njite jliatsa icaweña washo wanaitjanda icoada. 4 Lritocjoa caotsa njaji nayawitjiapo njaji cjaidaperri, njite lricjaidata caotsa njaji atsianai mjaidáaperri. 5 Njaji corriperritsa caiwi isho maawitacai nadenje nataitá carro nainjaca; njaji caiwiperri pia isho maawitacai corrinatsa naomaca nainjao. Cayo tsacja shoaji iinarro maweco, oopina keenipeno niini sieteca njaji roenipe, mitsa shoaji jorrédarro ienipe, opii mjaidano. 6 Jliaji wa Minalri lricadaa pacaficao njite lritaita tsacja jlitaca paoyani. Lricadaa tsacja paorroco irrirrí ricó njite jlirreta tsacja pja njiteo. 7 Wa Minalritsa icadaa cjenaa carro pja, njite jliatsa icadaa cayaarró carró pja. Lripaimanieta pja, mitsa lricadaa tsacja caconaa pjaca. 8 Jlirreta jliaji cjenaadalri jiipai italre iuya. Jlirreta tsacja jliaji canacaidalri isho pjiomi palripocjoa ricjoite lricadaa carró lriofaawa nainai njaji talricanaatinai ienipe lriofáa carroita nacó nanda lrisho naofacawa lricotsa njaji caaconaaperri. 9 Lriwapaotsa njaipa njaji Lrinaikite aimadan ipeyocapeni, mitsa njaji inaiki maatsiperri iwaopiacje corriotsa coca ianjíi nanaco, cadaocawerrico watsa lricadaa naufaawa, ima corritsa coca itaita iemacawa njaidasho tsanta. 10 Njaotsa njaji iemacape wa Minalri lcjoete, lriwayakeeta caotsana; Lrimeenaca watsa eeno nanaco. Diu watsa icaite naacona pjiomi njaji jalredaoca ricoperri. Lriáwatsa jliidao jliaji Italricanaa lrishodalri njite lricadawatsa itaitacjeti pekirridalri lrisho jliaji Lriniwananda. 11 Icaamina Elcana idiawa lriipana Rama ricojledalri. Njite jliaji iempeti lridenjica wa Minalri isho lricapátsa jliaji sacerdote Elí. 12 Njaji Elí ienipe inaiki maatsiperri piacana. Corri pia nanjíi wa Minalri naco. 13 Cayopia nanaitja manaca njaji sacerdotenai naapiya njaji inaiki aimadan, pada nanacjoite iinocadanco maaficalri Diu isho, njaji idenjicape sacerdotenai isho, njepa nacaapi ricó pada yamapalri shodalri madajliwi dalri ietsa, nayana cadaana toa lriipe jliaji maaficalri nainonda. 14 Lritaita pia lricamorriaca lrisho nayanan ricó. Niini pjiomi njaji lriipe njepanda lrisho jliaji yamapalri nacamorria cadanacó, lriyaadacan jliaji sacerdote. Cayo pia mana nanaitjaca Silo rico naapiya pjiomi njaji Iraelitanai iacape nirse. 15 Mitsa njaaji, lripjeyatoa namjaitaca lriiti, jliaji ideejicada sacerdote isho, lriaco mana lrisho jliaji iacada maficalri lrinoonda Diu isho cayoji: " Pia sacerdote isho njaji lriipe lrimitsirricarro; pia lrisho iñaadalri ima corri watsa jlipa pipjeya pumacadalri." 16 Mitsa jliepa cada cayoniji: "Imjaita toa inita jliaji lriiti, njite jliapodamina jipa cosho catsa itaita." Lriacontja lrisho: " Corrina, icaamina piaca noshoni, corri cada nosoni, njtaotsani jidaati rico. 17 Jliaji namatsicana njaji atsianai iempetipetoa macadalri cani Diu ipjeyajle, ima nameenata piaca njaji ofrenda Diu ishoperri. 18 Mitsa Samuel, lriyempetica rico lrideejica Diu isho, njite jlieta lritsayani sacerdote carroda yamacati lino dalri iipitana. 19 Jlidua inaitja mana lritsayaniwa sacerdote carroda lricoadalri njite rodee mana lrisho oonia icoam, roacadanaco roinirri iapiya nainó carró maaficalri Diu isho. 20 Elí icadaapia iacoti matsiadalri Elcana isho njite lrino isho tsacja, lriaco mana cayoji: ''Diu icadaa pjawatsa pjienipewa roapiya shoaji iinarro, lriicjaote jliaji rotatjalri pia Wa Minalri iinai.'' Jliapodamjite nadia manawa naapana ricojle. 21 Njite wa Minalri ikitsindata Ana, nini kewedan tseenacjano. Keenipepiano, madalrida roenipe atsianai njite yaamama inaitjepe. Cayocadaana, jiaji iempetitoa Samuel paa lritawiñacao Diu ipeyajle. 22 Njite Elí, pekirri keenani, njite jlimi pjiomi njaji maatsirri nanaitjalri njaji lrienipe Iraelnai isho, njite coanca njenácoaca manaca naapiya njaji inaitjepe idenjicape pjeewacawa ricó lrisho jliaji panti nawacaacacarroda lrico. 23 Elí iaco nasho njaji yamada lrienipe: ''¿Cuada inaitja njaji imatsicanaati?'' Ima pjiomi njaji inaiki nacaite nosho cuanca inaitjaca imatsicanawa nasho. 24 Corrina noenipe, cutsa matsiperrica njaji iacoti njomirri inaco. Imaca nanaitjaca namatsicanao njaji wa Minalri inaikite. 25 ''Pada atsia inaitja cadaa imatsicanao pada atsia isho, Diu watsa icaite lriaconao, mitsa pada inaitja cadaa maatsi Diu icjoete,'' ¿Cocaotsa caaco lriicjaaote? Mitsa njaji lrienipe corrim njemica njanirrí isho ima Diu iumapiena mayamicana. 26 Njite jliaji iempetiapa Samuel lritawiña njite matsia wa Minalri icapaca lrisho njite matsia tsacja nacapacan njaji inaiki aimadan. 27 Ape atsia Diu ishodalri lriocawa Elí icjaolre, lriaco lrisho: ''Cai lriaco jliaji wa Minalri: Nocadaa pia nacapaca njoa njaji iferrinaipemi Egipto lrico cádanacona Faraón caojli pía ianjíi nanaco. 28 Noniwana pia jia naojiete njaji papoco Irael iipaneta sacerdote carro jia Nosho, jia carró imjaita njaji maaficalri lrinaco jliaji jiipada njerretanda nosho, jietaacá carró sacerdotenai itsayan Nocapá werrico. Nocadaa pia iferrinaipem isho pjiomi njaji maaficalri namjaitampe nampe nosho njaji Iraelnai. 29 Njite, ¿Coada caa tsacjao imenata njaji maaficalri inoape Noshowalre, njite njaji nadempe Noipitana naco nofacaawa lrico? ¿Coadao pioma pja nja pienpe nooye nacja, ikeepetacacao matsia nasho njaji maaficalri iipe nadempe nosho njaji Nonaikite aimadan Iraelnai? 30 Ima jliaji wa Minalri, na Diute njaji Iraelnai, lriaco cayoji: Nocaite pia piipaneta isho njite piferrinaipem iipaneta isho tsacja iinai catsa njoa caidalritsa. Mitsa panaya cayoenacja lriaco jliaji wa Minalri: Corritsa nonaitjá carro cayoji nocaite capisho pia isho, ima nonaitjaotsa matsia nasho njaji inaitjacape nosho matsia, mitsa njaji imenatacape njoa corriotsa nocapá carocaotsa nasho. 31 Picapacje, naoca keenao njaji jalredauca, noino cawenaotsa pjia njite njatsaca njaji pjinirri iipana ricoperri, corri carroetsaotsa pacapa pekipenai aji pipana rico. 32 Picapa caotsa jirrapjitakjeti piofaacawa rico. Matsia watsa nonaitjaca Israel isho, mitsa corri ketsaota paca pekipenai piipana rico. Njawatsa njaji corriperri nopeeco inacjoite jaiteji jipada naretanda nosho, nonaitjacaotsa corri carro natji icapa njite nocada watsa icaiyati nacafica isho. Pjiomi watsa naji atsianai imotocape pipana rico mayami caotsana. 33 Nocañjata shopa watsa picapa jliaji inolriwatsa nanaco njaji yamadade pienipe, Ofni njite Finees: mayami caotsana jliadatsa jalredaoca. 34 Nocañjata shopa watsa picapa jliaji inolriwatsa nanaco njaji yamadade pienipe, Ofni njite Finees: mayami caotsana jliadatsa jalredaoca. 35 Nonaitja watsa noshowawa apada atsia sacerdote jiepacada noaco, inaitjacaoda jliaji nomalri lrinaitjaca njite nonalri lrinaitjaca. Nowapa watsa njaji lrienipenaipe sacerdote carro watsana ; nijte nemaji carrowatsa caidalriwetsa lripjeyajle jliaji talricanati noniwananda. 36 Pjiomi watsa jliaji yofacada caafi piipana rico, lrino caotsa lritoda lrioshipadao lripjeyalre jliaji no sacerdoten, lritatja carro lriinay palraata njite pawajle peetje, lricaitewatsa: "Pinaitja matsiacalri, pia nodeejicalrewa sacerdotenai inai notaita carro noijaca pawajle peetje.''
1 Jliaji yempeti Samuel lrideeji Dio isho Eli icapatsa. Njaawajli pia jalredaoca corripia caacoca Diu nasho caidalritsa; corripia tsacja lricadaa nacapá carro coanca napeyajleo. 2 Njite matjiraa piakena lrioma jliaji Elí, corri pienatsa lritaita lricapaca matsia, njite lrioshoa piaketsao lrioshoa carroita ricó. 3 Kerráa catoa jliaji camarrai Dio iipana lricoda, lrioshoa cadaneena lrimaa carró jliaji Samuel tsoomi lrioya jliaji wa Minalri iarcan. 4 Niini Dio iwanaca Samuel, njite Samuel jiepani: ''Alri njoaji.'' 5 Samuel jiecowa Elí ideshe njite lriaco lrisho: "Alri njoaji, pja piwanaca njoa" Elí iaco jiepacani: " cotsa nowanjenca pjia, washa pidia pioshoawa." Njitedalri Samuel idia tsenacja roshoawa. 6 Dio ipieta tsenacja iwanacani: "Samuel." Njite Samuel ipieta tsenacja iaca Elí ideshe njite lriaco lrisho: "Alri njoaji, pja piwanaca njoa." Elí jiepatsenacjani: " Cotsa nowanjenca pjia noeenipe, washa pidia pioshoawa." 7 Jliawajle Corri piatoa lrioketacjenca Dio iapiya jliaji Samuel, corrim tsaca jlimica iacoti lrinacjoitedantja. 8 Dio iwana tsenacja Samuel madalripia shopa. Lripieta tsenacja jlinicocawa lriacarro Elí ideshe njite jliaco lrisho: "Alri njoaji, pja piwanaca njoa." Njitedalri Elí iaji Dioca iwana jliaji yempeti. 9 Jliapodamina Elí iaco samuel isho: "Washa pidia pioshoawa; lripieta cada tsenacjaotsa lriwanaca pjia, cayo watsa piacoji: "Caco pjia no Minalri, catsa njoa pishodalri, njomintsa pjiai." Caicarro Samuel idia yoshoawa lioshoa carroita rico tsenacja. 10 Njite dalrina Dio ino njite lricañjataacawa; lripieta tsenacja lriwanacani cayoji lriwana capisho lrinita: "Samuel, Samuel." Njite Samuel iaco shepacani: "Caaco pjia no Minalri, icatsa njoa pishodalri, njomintsa pishó." 11 Dio icaite Samuel isho cayoji: "Picapacje, nonaitja caotsa pada aji Israel rico, njite pjiomi watsa njaji jimicapeni nafiocaotsawa. 12 Jliadawatsa Nonaitjacaotsa pjiomi njaji nocaitelri pia nonaitjaca Elí ipanjeeta isho, lrinita caafete ate cjerreca lriwayacawa. 13 Nocaite pia lrisho njoa caotsa jliaji icaite nacunaawa pjiomi njaji lripanjeta naicjaote njaji namatsicana lridawaji icao, ima njatsa nja lrienipe nadee imatsicanaati nanaco jletsa, njite corrí lricaitena yaame carrona. 14 Naicjaote njaji nanaitjalri nocaite ajádalri sho Elí iipaneta naco, corriotsa nomawadacá carroca namatsicana jiyapaca naino capoantja nosho maaficalri. 15 Samuel ioshoa imaa jaalretsa lriicao; njite piyompinaco Samuel ia imjeco lri pananoma jliaji Dio iipana. Njite Samuel ifío icaiteca Elí isho lrinaco jliaji lricapalri. 16 Njite Elí iwana lricjaolre Samuel, lriaco lrisho: ''Pjia nirri Samuel.'' Njite Samuel jiepani: ''Alri njoaji.'' 17 Elí iaco Samuel isho: ''¿Cocao njaji iacoti wa Minalri icaiterri pisho?'' Notatja piinai caiwi ricota madawatsa nooyana. Dio jirrapiteeta caotsa pjia jorré pja pidawa cadaa nooya pada iacoti Lricaitenda pisho. 18 Niini Samuel icaite lrisho pjiomi, corri lridawa lrioya pada iacoti. Njite Elí iaco lrisho: ''Wa Minalritsa jliaji caacolri pisho. Lrinaitjenaotsa coancatsa lrioma lrinaitjaca.'' 19 Njite Samuel itawiña cadana pjatoa, lriinai catsa waminalri njite corrim lricadaa maweena cantja pada iacoti Samuel inoparrotaji naco. 20 Pjiomi njaji Iraelnai, Dan nacjoite atée Berseba nacojle nanjíi pia Dio iniwanandaca jliaji Samuel lrinoparrotá carro Lrisho. 21 Njite wa Minalri icatjinataacawa tsenacja Silo ricó, lricadaa tsenacja Samuel icapan, lricaité carro lrisho tsenacja iacoti.
1 Icapiena caacoca Samuel nasho njaji iraelitanai. Njite jliawajli pia njaji iraelitanai naaca nainoacawa nacjoete njaji filisteonai. Nawacaacawa nacjoete Ebenezer ricó, njite njaji filisteonai nawacaacawa Afec ricó. 2 Njaji filisteonai namatsietaacawa matsia nainoacá carró Iraelitanai icjoete. Nainiita cádanaco nainoacawa, njaji filisteonai jiameeta njaji iraelitanai, wadeepe nainoca cuatro mil iraelitanai nainoacalri niiniwa. 3 Nadia cádanaco naocawa njaji aatsianai nawacaacalri niiniwa, naaco njaji pekipenai caconaaaperri: ''¿Coadao wa Minalri icadaa filisteonai jameetaca fa? Washa iá jita waicjaolre jliaji arca wa Minalri inaitja shopam waapiya iacoti Silo ricjoite, lrinó carroatsa lridaanata fa filisteonai ioya. 4 Niini njaji iraelitanai nameenaca padapena atsianai Silo ricojle naacarro njeta jliaji arca tsolrodaonai Italricanaa inaitja shopam naapiya iacoti, jliaji iemacada napecolrico njaji ajelenai querubinai. Njite njaji yaame Elí ienipe Ofni njite Finees tsacja nawapaca jliaji arca na Minalri inaitja shopam naapiya iacoti. 5 Lriocacadanaco jliaji arca na Minalri inaitja shopam naapiya iacoti nawacaacacawa ricojle, cjaida njemataca njaji Iraelnai, njite cananica jiipai. 6 Filisteonai jimicadanaco njemataca cjaida, naaco: ''¿Coanshopao nawana cjaida njaji hebreonai nawacaacalri niiniwa?'' Njite naoca nanjíi nainaica jliaji arca na Minalri inaitja shopam naapiya iacoti nawacaacalri niinio. 7 Njaji filisteonai jorre nafiocao, niini naaco: ''Dio iocacao nawacacacaawao ricó njaji Iraelnai.'' Naaco pja: ''Cjenaaperrica fa'' ¡Corri piatsa coancaojli cayo feyapacao! 8 ¡Coajeotsa fa panaya! ¿Cocaotsa idanata fa naoya njaji diu aimadan cjaidaperri? Icapiatsa njaji diu aimadan ideecape pia njaji maatsiperri nanaco naji Egipto lricope jalrapocolri ricó. 9 Jia filisteonai, icadaacao atsianai mafiokje perri shotsa, corricada ioma hebreonai ishoperrica jia, cayoji washoperri capishopiana washo. Inoacawa atsianai sho.'' 10 Filisteonai inoacawa Iraelnai icjoete mitsa corrim Iraelnai itaita nacjoete njaji filisteonai. Njaji atsianai Iraelitanai napito nacoanam naoya naapana ricojle, ima jorre mayancana; naino trenta mil tsolrodao iraelitanai. 11 Nañaito pja Dio iarcan njaji filisteonai, njite naino njaji Elí ienipe Ofni, Finees tsacja. 12 Pada tsolrodao Benjamín poco inacjoitédalri jliecoa nainoacalri njiteo Silo ricojle njite lriocawa jliadatsa jeecoapi nirse, lrioca naicjaolre lritsayani tserre tserredalrim sho njite macada jipai jliwida nacó. 13 Lriocacadanaco nirse jliaji tsolrodao, Elí ofáa pantinomajle lriofáa carroita ricó, lriofáa lriwapa tsoomi inipo ioya ima jlitaca lricaolre lrinaco jliaji Dio iarcan. Lrioca cádanaco jliewa yacaalre ricó jliaji tsolrodao njite lricaite njemi coanca njeyapacao, cjaida nawanaca njaji yacaalre ricope. 14 Elí jimicadanco nawanaca cjaida njaji inaiki, lriaco: ''¿Cuanshopao nawana cjaida njaji inaiki?'' Njite cjeyatsa jliaji tsolrodao lria Elí icjaolre lricaité carro jlimio coanca. 15 Elí ishocadana piena noventa ocho jámolri lripekirrica naco; njite matjirra pienatsa, corritsa lritaita lricapaca 16 Jliaji tsolrodao iaco Elí isho: ''Icatsa njoa idialri iocawa wainoacalri njiteo. Opicatsa, nopitocatsa nonó carro njiteo.'' Njite Elí itatja jimioni, lriaco: ''¿Pjia nirri, coanpjena iacao?'' 17 Njite jliaji tsolrodao jiepani: ''Njaji Iraelnai, oopi napitoa filisteonai ioya. Oopi njamana matsiape. Njaji pienipe Ofni njite Finees, oopi mayamina njite nañaito pja jliaji Dio iarcani.'' 18 Elí jimicadanaco opica neñaito jliaji Dio iarcan, icaamitsa jliwacawa jliapodamshewa lriofacarroita ioya pantinoma icodapi. Pocjom lrinorro naco njite mayamican, ima pekirri pienatsan njite jamiña tsacjani ima keepe piacani. Lricaite pia Irael iacona Coarenta jamolri. 19 Njite shoaji lrirrinom, Finees iinom, rowapa piaketsa shopáa carro roenipe. Shomicadanaco njaji iacoti, nañaitoca jliaji Dio iarcan, njite shomi mayamica roñjawerri, mayami tsacja roinirri, icaamitsa rotodaca rooshipada njite icaamitsa keenipecano, ima caiwiketsa rosho. 20 Roá cádanaco daimi shoaji keenipedarro, njaji inaitjepe iwapacape keenipeno, naaco rosho: ''Mafietaacatsawa, ima atsiaca jliaji iempeti pimotoetalri'' Mitsa corritsa shomica nasho. 21 Rocadaa roenipe iipitanao Icabod, ima caishopaca lriipitana: ''¡Oopi Diu imatsiaca iawa Irael ioya'', ima nañaito nadee jliaji Dio iarcan, mayamicapoa roñjawerri njite roinirri tsacja. 22 Njite roaco: ''¡Oopi Dio imatsiaca iawa Irael ioya'', ima nañaito nadee jliaji Dio iarcan.
1 Njaji filisteonai nañaito nadee jliaji Dio iarcan, nadeen Ebenezer ricjoite Asdod ricojle. 2 Nadee njeeta jliaji Dio iarcan lripana lrico jliaji nadiute Dagón, Dagón icodapitsa. 3 Tjewaijle, na nacafia cadanaco piyompinacotoa njaji inaiki Asdod ricope, nacapa Dagón jiwa ioshoao lriecoa sho jiipai rico lripeyajle jliaji Dio iarcan. Njite njerretani nacadaa carro tsenacja lriofa lriofacawa naco. 4 Njite tjewaijle cayo tsenacja, nacapa, Dagón jiwa ioshoao lriecoa sho jiipai rico lripeyajle jliaji Dio iarcan. Njite tsopjam Dagón jiwida njite nja lricaapi tsacja naoshoawa papocotsao jiipai ricó, pjeewa cawa ricó. lriwarrodalrimitsa iofaawa. 5 Cayo shopa panajiete, njaji Dagón isacerdotenai, njite pjiomi njaji iacaperri jiewa Dagón iipana ricó, cotsa napjoá carroca njeewacawa Dagón iipana ricó Asdod ricó. 6 Mitsa Dio jirrapiteta cjaida njaji Asdod ricope. Lriwayaketana njite lricadaa icolronti imotoca nanaco. Cayo minitsa lricada pjiomi njaji iufaacape Asdod ricó njite pjiomi jlipaitena rico tsacja. 7 Niini njaji inaiki Asdod ricope nanjicadanaco coadaca cayona, naaco: ''Cotsa wataita wacadaaca wainaiwa jliaji iarca na Diote iyada njaji Iraelnai, ima lrinaitja maatsi washo njite lrisho tsacja jliaji wadiute Dagón.'' 8 Niini nanaa nawacaacawa pjiomi njaji iwapacape njepaite njaji filisteonai, naaco nasho: ''¿Cuan wanaitjaca lriapiya jliaji arca na Diote iyada njaji Iraelnai?'' Njite njeepana: Washa wameenaca jliaji arca na Diote iyada njaji Iraelnai Gat ricojle.'' Niini nadeeca jliaji arca na Diote iyada njaji Iraelnai. 9 Mitsa nadeecayam Gat nirse jliaji arca na Diote iyada njaji Iraelnai, Dio iema cjaida nacjoete njaji Gat ricope iufaawa. Lricadaa icolronti imoto nanaco pjomi njaji tsooperri njite pekipenai tsacja, niini nafiocawa pekirritsa. 10 Niini nameenaca jliaji Dio iarcan Ecrón ricojle. Mitsa jliewa cádanaco icjoetetsa jliaji Dio iarcan Ecrón ricó, naaco njaji Ecrón ricope cjaida sho: ''Opina idee waicjaolre jliaji arca na Diote iyada njaji Iraelnai lriinó carro pjiomi fáa.'' 11 Niini nanaa nawacaacacawa pjiomi njaji iwapacape njepaite njaji filisteonai; naaco nasho: ''Washa idee jaite jliaji arca na Diote iyada njaji Iraelnai, idietani acjaiteca ideepiani, wadee lriinoca fa njite pjiomi njaji waofacaweenai.''Nafietaacao pekirritsa pjiomi njaji inaiki iofaacape niini; ima cjaidáa piaca Dio jirrapiteeta pia niini. 12 Njaji inaiki corriperri mayami, jlirrapitetana icolronti sho, njite jliaji iiyacjeti nanacjoité dalri njaji inaiki jirrapitacape jlirracawa eenolricojle.
1 Siete keerri icoa lriofaacao jliaji wa Minalri iarcan njepaite ricó njaji filisteonai. 2 Njite njaji Filisteonai nawana njaji sacerdotenai, nja tsacja njaji inoparrotacaperri; naaco nasho: ''¿Coan wanaitjaca lriapiya jliaji Dio iarcan? Icaite femi coan cantja wanaitjaca wadietá carron lriyacalre ricojle.'' 3 Njaji sacerdotenai njite njaji inoparrotacape naaco nasho; ''Imeenaca cadaotsa lridia jliaji arca na Diute iyada njaji Iraelnai, ishotsa imeenacaca ofrenda Dio isho, imatsicana icjaote, icapá carroatsa matsiaca jia ipoati iuya, njite icapa tsacjaotsa coadaca corripia yaami jlirrapiteetaca fa panajietetoa.'' 4 Njite naaco nasho: ''¿Coandalrintja ofrenda wataita wameenacaca wa matsicana icjaote wadieta cadanaco jliaji arca?'' Njite njeepana: ''Imeenacaotsa cinco icolronti jinaana uwirrodape, cinco tsacja jiirri owirrodape, cinco namaimaca pjiomi ima cincoca namaimaca njaji filisteonai italricanaa. Njenaapjiamtsa njaji imatsikeetalri jia njite njaji iwapacaperri fáa. 5 Niini, ishotsa inaitjaca icolronti jinaapjiam, jiirrí jinapjiam tsacja njaji imatsikeetalri njaji inaiki, njite ishota iaca matsiadalri Iraelitanai Diote isho. Wadetsantja jlitaca Lricaapi iuya, idiute iuya njite jipaite iuya tsacja. 6 ¿Cuadantja itarrata icaolre nacayosho njaji egpcionai njite Faraón sho tsacja? Iraelitanai iDiote jirrapiteta caojlipiana; ¿Capja iwaada naifarrocatsana wadentja naaca naoya? 7 Panaya inaitja pada carreta walridalri, njite ioma yaamana vaaca ishocape ienipe tsonepe toa, corripetoa nacadaa idenji jiipai isho. Ipapiotsa nanaco jliaji carreta, mitsa njaji neenipe ideotsa teeco njadoana ioya na. 8 Njite jipaotsa iorrocoeta carreta ricó jliaji Dio iarcan. Njite lricodapitsa icadaotsa njaji ofrenda owirrodape jietaji pada caja ricó imeenacalri imatsicanaa icjaote. Inaitja caami pjiomi icadaotsa naawa inipolrico. 9 Iwaopaotsa icapa matsia, lrirricoda cadatsa lriawa jliaji inipo iacada jlipaite ricojle Bet Semes ricó, njiteotsa ianjíi Dio cadaa jliaji inaitalri isho maatsi. Mitsa cai carron cadaatsa, ianjii watsa corricatsa jliaca; jiyapacadam catsawa jliaji ipoati.'' 10 Njaji atsianai nanaitja cayoji nacaite capisho nasho; njepa yamana vaaca ishocape ienipe tsonipe toa, napapi nanaco jliaji carreta njite nja neenipe nacadaana corrarra lrico panti ricó. 11 Nacadaa Dio arcan carreta ricó, njite lricodapitsa nacadaa caja ricó njaji jiirri owirrodape njite njaji icolronti jinaapjiam owirrodape tsacja. 12 Nja vaaca naawa mayacan inipó ricó iacada Bet Semes ricojle. Jliaji inipo naalri irricoda lriorrocowa, mitsa njaji maaficalri corri njeenawa inipo iuya, naacatsa mayacanwa. Njaji talricanaati filisteonai napinietana teeco Bet Semes inomapi ricojle. 13 Njaji inaiki Bet Semes ricope naniwaca trigo iecje nakinkerre pacuacaitacaawa ricó, Niini njerreta cádanaco nacapa, nacapa jliaji arca, njite catiimana peikirritsa. 14 Jliaji carreta lrino Bet Semes ricjoite njite jliaewao Josué jipaite ricó, niinitsa lrioca lrirroa, nincawa jiipada macani, nakejloá jliaji carreta nanaitjanda jaico shotsa, njite namjaita nja waaca ofrendao Dio isho. 15 Njite njaji Levitanai naorrocoeta Dio iarcan, njite naorrocoeta tsacja jli caja, naarona njaji owirrodape, njite nacadana jiipada macani naco. Njaji atsianai Bet Semes ricope namjaita njite naino tsacja maaficalri Dio isho jliadatsa jecoapi. 16 Njaji cincodee talricanatinai Filisteonai nacapa cádanaco coanca, nadiawa jliadatsa Ecrón ricojle. 17 Icapiatsa njaji icolroti jinapjiam owirrodape nampe njaji Filisteonai Dio isho namatsicanaa icjaote; pada Asdod iipitana nacó, pada Gaza iipitana nacó, pada Ascalón iipitana nacó, pada Gat iipitana nacó njite pada Ecrón iipitana nacó. 18 Njite njaji jiirri imaimaca, namaimaca shotsa njaji Filisteonai iyacalre natalricanata caawa ricó njaji cinco talricanaatinai, njaji yacaalre taimí perri idaana njite pjiomi njaji yacalreewape ninperri. Jliaji jiipada macani nacadaalri pia inaco jliaji Dio iarcan, nincatsan panajiete ima icatsa jliaji icapalri coan piaca jliadaa pia jecoapi jlipaite naco jliaji Bet Semita Josùe. 19 Dio imatsikeeta njaji atsianai Bet Semes ricope, nacapa capoa Lriarcan iwawa lrico. Niini mayamica cincuenta mil setenta atsianai. Jorre naiyacana njaji inaiki Dio icadaa capoa mayamicana. 20 Njaji atsianai Bet Semes ricope Naaco: ''¿Cocaotsa pa itaita iemawa wa Minalri ipjeyajle, jliaji Dio mamatsicanaadalritsa? Coca icjaolreotsa wameenaca jliaji arca ajaiteji?'' 21 Niini nameenaca ideecaperri iacoti naicjaolre njaji inaiki Quiriat Jearim ricope, naaco cayo: ''Oopi Filisteonai idieta wa Minalri iarcan; ino iorrocoetani ideecarron icjaolre.''
1 Njaji atsianai Quiriat Jearim ricope nano nadee jliaji Dio iarcan naicjaolre, njite nadee nacadaani Abinadab iipana lrico jiipai yenondalri nacó. Niini njeniita mamatsicanaadalri sho Jliaji Abinadab irri Eleazar, jliá carró iwapa Dio iarcan. 2 Jliawalri pia ricjoite, jliaji arca jliofaa Quiriat Jearim ricó. Jliofáa niinio vente jamolri. Pjiomi Iraelitanai naiyacani, njite naoma nadiáca tsensacja Dio icjaolre. 3 Samuel iaco nasho njaji inaiki Israel ricoperri: " Idiacada ajadalri Dio icjaolre, njite jienita iuyawa njaji idiute tecujleperritsa njite jliaji Astarot tsacja, idietacada icaaolre Dio isho njite iaa matsiadalri lrishotsa, lrimanacotaotsa jiaa nacaapi iuya njaji Filisteosnai. 4 Caicarro njaji inaiki Israel ricoperri , njenita naoyawa njaji nadiute Baalesnai njite Astarot tsacja, nacarro matsiadalri Dio ishotsa. 5 Njite Samuel iaco: "Iwakeeta pjiomi njaji Israelitanai aji Mizpa rico, notatja carroatsa Dio inaco. 6 Caicaro nawakeetacacao aji Mizpa rico, njeta uuni narocaroni Dio ipjeyajle. Mañjacana jliada jalredaoca njite naaco: "Oopi wanaitja maatsi Dio icjoete." Njite niintsa Samuel icaite naacona njaji inaiki Israel ricoperri. 7 Njaji Filisteosnai, njemicadanaco nawakeetacacao njaji Israel inaikite aji Mizpa rico, njaji iwapacape Filisteosnai jipaite naacawa nainocaro Israel. Njemi cadanacon njaji Israel inaikite, jorre nafioca naiwana njaji Filisteosnai. 8 Njite naaco Samuel isho: "mamaapjicatsa pitatjaca Dio inei wanaco, lri manacota carroatsa faa nacaapi ioya njaji Filisteosnai. 9 Samuel jipa apana cordero irracadatoa lrinia njite lriinoni lriacarroni Dio isho. Njitedalri Samuel itatja Israel Diote iinei njite Dio jiepani. 10 Samuel iampe cadanatoa jliaji maficalri lriinonda, nano tsomi njaji Filisteosnai nainocarro Israel; Mitsa jliada jalredaoca cjaida waminalri iaco inoca nacjoete njaji Filisteosnai njite lrifietacana, caicarro Israel jiamacana. 11 Njaji inaiki Israel ricoperi neecao Mizpa ricjoite, napinieta njaji Filisteosnai njite nainocana apjate Bet Car ioya. 12 Jliapodam Samuel jipa pada jiipada lricadaa carroni nauyawaca njaji Mizpa njite Sen iapiya. Lricadaaca lriipitanao Ebenezer, ima lriaco: "Icatsa Dio ikitsindataca faa aji." 13 Njitedalri Israel iaji nanaco njaji filisteosnai njite corrim napieta njewacawa Israel ijipaite ricojle naino carontjana. Cjaida Dio icapi nacjoete naji Filisteosnai caidalritsa caafi cadanacotoa Samuel. 14 Njaji yacaalre Filisteosnai jipalri pia Israel iuya nadieta tseneca nashona, jaiteji Ecron ricjoite ate Gat she; Israel idieta ijapaite nacapi ricjoite njaji Filisteosnai. Caicaroena namaodacaca naineiwaca njaji Israel njite njaji Amorreosnai. 15 Samuel icaite pia Israel iacona caidalritsa caafi cadanacotoani. 16 Oonia icuam mana lriaca lricapa jaiteji Betel ricjoite aji Gilgal she njite ate Mizpa she tsacja. Lricaite piaca Israel iacona naricoda pjiomi njaji yacaalre. 17 Jliapodam mana, lridiawa Rama she, ima niini piaca jliaji lripana; njite niini pia tsacja lricaite Israel iaconawa. Njite lrinaitja pada lriacarodao matsiadalri Dio isho niini.
1 Pekirri cadanacoena jiaji Samuel, Lrikeepitanata pia njaji lrienipe icaite caope Israel iacona. 2 Jliaji ipjeriti nanacjoite naji lrienipe lripitana pia Joel, Njite jliaji jliapodada lripitana pia Abdias. icapiatsa njaaca icaite cape naacona aji Beerseba rico. 3 Mitsa njaji lrienipe corrim nanaitja cayoji njanirisho njite namjepata pia tsaca Dio, ima njaji piaca palrata jiapodam njite njaji regalo matsiperritsa, njite corim pia nanaitjaca jliaji matsiadalri. 4 Njite njaji caconaperi pekipenai nawaketacawa Samuel iapiya aji Rama rico. 5 Nacaite lrisho cayoji: "Picaocje, pekirina pjia, njite njaji pienipe corrim nanaitjaca cayoji pinaitja capisho. Pia washo apada talricanati icaitecaoda wacona caiji nacaisho pjiomi naji pana jipai nacope. 6 Corrim Samuel ipeyo jimica nacaite cadanaco lrisho cayoji: "Pia washo apada talricanati icaitecaoda wacona." Caicarro Samuel itatjaca Dio inai. 7 Njite Dio iaco Samuel isho: "Pia nasho njaji inaiki aimadan jliaji natatjalri pinai; ima njoaca jliaji namenatalri natalricana sho corri tsantja pjiaca. 8 Coampiaca nanaikíka Njota caojli piana Egipto lricjoite, cayo tsenacja nanaikíka panaya, namenataca Njoa naacarró matsiadalri nasho nja corriperritsa Dioca. Icatsa nanaitjalrica noapiya paanaya. 9 Pinaitjena nasho cayoji natatja capisho piinai; mitsa picadaotsa nanjii coancaotsa lrinaitjacana jliaji talricanaati italricanaatalriotsa nanaco. 10 Ikeena Samuel icaite njemi njaji inaiki aimadan, itatjacape lriinai natalricanaawa pjiomi njaji iacoti wa Minalri icaiterri lrisho. 11 Lricaite nasho cayoji: ''Cayoatsa lritalricanaata inaco jliaji talricanaati. Lrideotsa ioya nja ienipe njite lricadaotsa njaa carroatsa jiecoa oowifiá ricó, njaa carroatsa iofaa caballo naco, njeecó carró napjeya nadaanatá carró njaji oowifiape talricanaati iyaape. 12 Jlienitaotsa lrishowao nja paana capitamá carrona lritsolrodaoperre isho, panaotsa ianjíi miles tsolrodaonai naco, njite njaa paana cincuenta trolrodao naco. Lricadaotsa nja paana njecá carró jiipai namatsietá carro naapanaca ipjeya talricanaati isho, paanaotsa iniwa lrisho nja lripania, paanaotsa inaitja nainoacashoapao oowi ricó njite nanaitja tsacja njaji canacaiperri oowifiá isho. 13 Lrideotsa nja iitonaipe nanaitja carró lrisho pomenianjaipe, paana iyanacaope lrisho, paana inaitjacaope lrisho pan. 14 Jlitaotsa ioya jipaite, ipaniapji, ikinkerriapji matsiaperri pja lricadaa carró nasho njaji lrishoperri. 15 Jlitaotsa ioya diezmo shodalri ipania iniwanda ioya, njite ipaniapji ioya tsacja, lricadaa carrotsa nasho njaji trolrodaonai italricanaa naapiya njaji nashoperri. 16 Jlitaotsa inacjoite njaji matsiaperri pja idenjica atsianai, inaitjepe tsacja, jlita tjacjaotsa ioya njaji pomená perri iempetiapape, njite naburrón tsacja lricadaa carro nadenjica lrisho pjiomina. 17 Jlitaotsa iipirra ioya diezmo shodalri lrishowao, njite lricadaotsa idenjíi carro lrisho macoadatsa maatsicalri ricó. 18 Njite jliadaotsa jeecoapi, jiemataotsa iiya cjeti rico lriicjaote jliaji talricanaati iniwandatsa ishowao; mitsa jliaji wa Minalri corriotsa jlimí carroca isho jliadaa. 19 Mitsa njaji inaiki aimadan corrin naoma njemica Samuél isho, naaco lrisho: ''¡Corrina! Waoma pada watalricanao jliá carró ianjíi wanaco 20 waoma pacoaca cafa nacayosho njaji apacoa ricoperri jiipai, jlia carró icaite waacona, lriá carró wapeyajle oowi ricó lriinoacá carró waicjaote wacoema iapiya. 21 Samuél jimi cayami coanca naaco njaji inaiki aimadan, lricadaa wa Minalri jimi lritatjanialre ricó. 22 Niini wa Minalri iaco Samuél isho: ''Pjiepena naaco, piniwana nasho pada natalricanaawa.'' Njite Samuél iaco nasho: ''Idiatoa pjiomi iyacalre ricojle.''
1 Ninpia ape atsia Benjamín poco inacjoité dalri, ape atsia nacapanda njaji inaiki, lriipitana Cis, Abiel irrí, Zeror irrí, Bercorat irrí, Afía irrí, Benjamín poco ibacjoité dalri tsacja. 2 Lrishopia ape lrirrí lriipitana Saúl, matsiadalri icapacanaa. Corripia pacapa ape atsia napecolrico njaji Iraelnai matsiadalri pantja icapacanaa Saúl iuya. Atsia jalripaapalri. Corripiatsa coca jiyapani, icaamipiatsa naocaca lriteda naco. 3 Papia nacojle maanalre pia njaji Cis iburron. Niini Cis inaa lrirrí Saúl lriá carro lriomana, lriaco lrisho:''Pjipa pidee paana nanacjoite njaji washoperriiá carro ioma njaji waburron. 4 Nini Saúl iaca iomana awacada caawa rico nayaclre iemalri niini njaji Efraín poco, lria tsaja Salisa jipaite rico, mitsa corrim naoketana. Njitédalri naawa Saalim jipaitena rico, mitsa corrim tsacja naokeeta niinina. Njiite dalri njeyapawa njepaite rico njaji Benjamín poco, mitsa coriim tsacja naokeeta niinina 5 Naoca cádanacoa Zuf jipaite ricó, Saúl iaco nasho njaji lrishoperri lriinaiperri: ''Inoena wadiawa, wadetsantja njonirri jitaca icaolre waicjaote nacja corrintja lriborron naco.'' 6 Mitsa lrishodalri iaco lrisho: ''Lri ricoda yacaalreca jliaji, niini ape atsia Dio ishodalri. Ape atsia caconaadalri; Coancada lricaiteca lrimoto cayoji lricaite capisho. Picadaa waa carró liderse, wadetsanta lricaiteca femi cjaiterricja inipo fepa waa carró pjawa. 7 Njite Saúl iaco nasho njaji lrishoperri: ''Waa cada lriderse, ¿Cocaotsa waa lrisho? Ima opina wainjaope iwayacao, cotsa coca washo waoda lrisho jliaji Dio ishodalri. ¿Cocantja waa lrisho?'' 8 Jliaji lrishodalri iaco isho:" A nshoji madalrida gramo palraatape noaope lrisho jliaji Dio ishodalri, lricaité carroatsa coanjerrica inipoca washolritsa fépaca waacarroá.'' 9 (Oopi pia Israel ricó, pada ioma cadaa itatjaca lriicao Diu iinai, lricaite mana cayoji: ''Píno, waa tatatja waicao lriinai jliaji inoparrotacaita.) 10 Niini Saúl iaco lrisho jliaji lrishodalri: ''Matsia njomi picaiteca, pino waa wacapa lriicjaolre ''. Ikeena naaca nacapa lriyacalre ricojle yeenondalrida nacó lriofaalri nirse jliaji Dio ishodalri. 11 Njerra cádanaco jliaji jiipanada lriemalri niini jliaji yacaalre, nacapa pana inaitjepe yempetipe toa idiacapena iacapem jita ooni; Saúl njite lrishodalri naaco nasho, ''¿Capja aaca lriofao jliaji inoparrotacaita?'' 12 Njite njaji inaitjepe iempetipe toa njeepana, naaco: ''Icatsa anji; icatsa jliarra iemalri ipeyajle. Cjeya iaca lriicjaolre, ikeenaotsa lriacawa ajaiteji ima njaji inaiki aimadan nainoca maaficalri Dio isho panaya lrípolrico nacó jliaji jiipanada. 13 Atsaotsa iokeetani pjeewa cawatsa yacaalre ricó, iokeetaotsani lripjeya toa lriaca lrinja lrípolrico nacó jliaji jiipana. Njaji inaiki aimadan corriotsa nainjá carroca lripjeya, ima jliacaotsa itatjá lrinaco jliaji maaficalri nainonda nainjá carró; jliapodamjite naotsa nainjaotsa njaji nawananipe inja nainai. Ienawa iokeetá carron caicatoa''. 14 Ikeena njeewacao yacaalre ricó. Cayo cadaana toa nacapena Samuel inoca naicjaolre, lría carroenawa yeenondalri nacojle. 15 Padaa toa Saúl inoca ipjeya Samuel icjaolre, Diu icadaa piena Samuél ianjíi lrinaco, lriaco lrisho: 16 ''Tjeewenaotsa, cayo kenaotsa jeerri No meenacaotsa picjaolre ape atsia njepaite ricjoite dalri njaji Benjamín poco, pinjetaotsa lrinaco aceite jliá caroatsa italricanaata nanaco njaji nonaikite aimadan Israelnai. Jliá watsa imanacota njaji nonaikite aimadan nacaapi ioya njaji filisteonai. Kjenaa nocapaca nasho njaji Nonaikite aimadan, ima naoca keena Noicjaolre jliaji natatjanda Noinai naiya caaya.'' 17 Samuél icapacadanaco Saúl, wa Minalri iaco lrisho: ''¡Icatsa jliarra atsia nocaiterri pisho! Icatsa jliaji italricanaatalriotsa nanaco njaji nonaikite aimadan.'' 18 Saúl itsoomita Samuél pantinomajle, lriaco lrisho: ''Picaite njomi cjerreca lriofawa jliaji inoparrotacaita.'' 19 Niini Samuél jiepani, lriaco: ''Icatsa njoa pitatjalri inaco. Pjirrena nopjeya lrinacojle jliaji panti Dio iyada yeenondalri naco, ima jliadaotsa jeecoapi cajliaji pinjacaotsa noinai. Tjewenaotsa nocadaa pidiawa, njite nocadaotsa pianjíi pjiomi njaji piomalri pianjíica noinai. 20 Mjtenatsa picaolre nanaco njaji burro manalrerri ioya madalrideena jalredaoca, ima opiina naokeetana. Panaya jliaji naomanda pjiomi njaji Iraelnai pinaco watsa naokeetan njite pipaneeta naco tsacja.'' 21 Njite Saúl jiepa Samuel, lriaco lrisho: ''¿Cuajentja nonacoca naokeeta jliaji naomalri? Benjamín poco inacjoité dalrica njoa, icatsa faa tsooperri pjaaca imaimaca nanacjoite njaji Irael iipaneta. ¿Coada cai piaco nosho?'' 22 Ikeena Samuél ideeca Saúl njite jliaji Saúl ishodalri, lricadaa naofaawa nawacaaca carroda lrico napeyajle njaji apaana lriwananji injacape lriinai, wadeepe trentaca namaimaca pjiomi. 23 Njite Samuél iaco lrisho jliaji iyanacada nainjao: ''Pidee nosho jliaji iipethi noalri pisho. Nonaalri pjieniitaca teecojletsa.'' 24 Niini jliaji iyanacada jlipa lridee nasho peemam lricotsipam jliaji maaficalri nainondam, corri tsoo coca jlita lrioya, njite lriyacan Saúl isho lrinjacarron. Njite Samuél iaco lrisho: ''¡Picapa jliaji wacadaalri pipía! Pinjani ima wacadandaca pishowalrepe, cayoada icaoya panaya sho; jliada nacotsa nocaite cádanaco: ''Oopina noinai njaji inaiki aimadan noinaiwa''. Ikeena Saúl inaja keetsa Samuél iinai jliadaa jeecoapi''. 25 Nadía cádanaco naorroco njiteo yacaalre ricojle, caaco Samuél Saúl iapiya panti capatsiite naco. 26 Njite deepitoa, Samuél iwana lriicjaolrewa Saúl panti capatsite naco tsenacja, lriaco lrisho: ''Panaya pjinicoa, picaité carroena piaconao''. Niini Saúl jinico iemao, njite neema keena yamadape namoto naawa yacaalre ioya. 27 Namoto caayao yacaalre ioya, Samuél iaco Saúl isho: ''Picaite pishodalri isho lría carró wapeyajle (niini jliaji lrishodalri lriaca napjeya), mitsa atsa pjia noinai, nocaité carró pjimi njaji iacoti Dio inaalri njoyapetaca pisho''.
1 Ikeena Samuél jipaca apjeco aceite lriarró carró Saúl jiwida nacó, njite lriarro caami lrinaco lri tsootsoni lricacoda naco, njite lriaco lrisho: ''Wa Minalritsa iniwana pjia pitalricanaatá carró nanaco njaji lrinaikite aimadan. 2 Pidia cádanacoatsa nooya, pioketaotsa yaame atsianai Raquel iicaonam icodapi, njepaite ricó njaji Benjamín poco, Selsa ricó. Njite nacaiteotsa pisho cayoji: ''Njaji burro pianjerri pioma, oopina naokeetana. Corritsa pjinirri jita icaolreo nanaco, panaya jlitenacja lricaolreo pinaco, lriaco cayoji: ''¿Cuanjeotsa nonaitjaca noenipe iapiya?'' 3 Teeco cádanacoenaotsa pjia, piocaotsa Tabor ricojle, lriemalri niini jiaji jaico macani. Pioketaotsa niini madalrida atsianai iacape ia matsiadalri Dio isho Betel ricojle, padotsa idee madalrina cabra ienipe pamoyoapena, pada ideotsa madalriita peetje, njite pada ideotsa jaico tjeda iana maaficalri iyam rico nanaitjanda lriarrodao, 4 natatjaotsa nacapacadanaco pjia, njite naotsa pisho yamaita peetje. Pjipaotsa napjeyan. 5 Njiteotsa, piawa lrinaco jliaji awacada Dio iyada, nawapacawa ricó njaji tsorodao Filisteonai. Pioca cádanco yacaalre ricojle, picapaotsa papoco inoparrotacape idiacape iorrocoa, iacapem iá matsiadalri Dio isho nirse, njite nadee arpa, tambor, flauta, lira tsacja; njite nanoparrotacaotsa. 6 Njite Dio Icaolre iorroco watsa kjeyanadatsa pinaco, njite pinoparrotacaotsa nainai, njité dalriotsa teecojleotsa pinaikika. 7 Pinaitja cayami naotsa pjiomi njaji nocaiterri pisho, pinaitjaotsa cocacatsa pioma pinaitjaca, ima piinai catsa Diu. 8 Pinowatsa piokeetaca noapiya aji Gilgal rico. Noacarro watsa picjaolre, wamjaita carroatsa ofrenda njite waino carro maaficalre ofrendao wamaodacashopa. Piwapaotsa siete jalredaoca kjerrecatsa noa nokeetaca piapiya nocaite carrowatsa pisho jliaji pisholritsa pinaitjaca. 9 Saul icaboco cadanaco lridiacarro Samuel iuya, Dio icambia lriwaopiakje. Njite jliada jlredaoca nanaitjacawa pjiomi njaji lricaiterri. 10 Naoca cadanacoa awacadanaco, papoco inoparrotacape iwacaacawa, njite jliaji Dio icaolre lriorroco cjeyanaadatsa lrinaco lrinoparrota carro nainei. 11 Njaji iajicapeni oopitsa nacapa coanca lrinoparrotaca nainei njaji inoparrotacape, njaji inaiki nacaitepe nashowaca: "¿Coajicao jliaji Cis irri? ¿Pjao inoparrota cadaca jliaji Saul panaya?" 12 Ape atsia niini dalritsa lriaco jliepaca:"¿ Cjaiterrio jliaji jlinirri? Caicarro panaya, corri cadanaco njepa coandalrica nacapa naaco mana: "¿Pjao inoparrota cadaca jliaji Saúl?" 13 Iami cadanacoena lrinoparrotaca, lriawa aji ienondalri naco. 14 Jliapodamina, Jliaji Saúl ikjirri jlico lrisho njite lrishodalri isho tsacja: "Kjerre piao piwaji? njite jlico jliepacani: " Wa piaca waoma njaji burro; mitsa corri cadanaco waokeetana, wa wacapa Samuel ideshe." 15 Lriaco Saúl isho tsenacja jliaji lrikjirri: "pinaitja matsiacalre, picaite njumi jliaji Samual icaiterri pisho." 16 Saúl iaco jiepaca lrikjirri: "Lricaite catsa washo oopi kena naokeeta njaji burro." Mitsa corrim lricaite lrikjirri isho lrinacoapana jliaji talricanati, Samuel icaiterri lrisho. 17 Njite piena, Samuél inaa nawacaacawa njaji inaiki aimadan Dio ipeyajle Mizpa ricó; 18 lriaco nasho njaji iraelitanai: ''Cai lriaco jliaji wa Minalri, na Diote njaji Iraelnai: Nomanacotá pia njaji Iraelnai Egipto lricjoite, nacaapi iuya njaji Egiptonai, naoya tsacja nja apana talricanaatinai jirrapiteeta capepiana. 19 Mitsa panaya, iménata jliaji Dio imanacotalri jia naoya njaji maatsiperri njite naoya njaji iinonaatalri pia jia icaitecadanaco lrisho cayoji: Piniwana pada italricanaatacaoda wanaco. Niini iwacaacawa Dio ipjeyajle inaikica nacó icoanaa njite ipaneeta naco tsacja. 20 Samuél iwakeeta nanaikica nacó pjiomi njaji Iraelnai poco, njite Samuél iniwana njaji Benjamín poco. 21 Lrinaa Benjamín poco itsoomitacani napaneeta icoam nacó; niini Matrí iipanetaca jliaji lriniwanalri, niini lriniwanaca Saúl, Cis irrí. Njite nawana cádanacoenani, corrim nacapan. 22 Njite njaji inaiki, naoma pjaa natatjeta pjaaca iacoti Dio iinai: ''¿Capja lriokenao jliaji atsia?'' Njite Dio jiepani: ''A lridawacaorra ideecalre ipecolrico''. 23 ''Niini njeecoa njaji inaiki naomá carro Saúl nadeecarron lridawaacalri njiteo, niini jlinico cádanaco lriemao napecolico njaji inaki jliyapa pjáana ima jalripani pjaaca naoyana, icaamipiatsa naocaca lrisho lritéda naco. 24 Njite Samuél iaco nasho njaji inaiki aimadan: ''¿Icapjenina jliaji atsia Dio iniwanalri? ¡Corrin pacapa apada caidalri lricaisho pjiomi yacalre rico. Njite njematjaketsa cjaida njaji inaiki aimadan: "¡Owia watsa lriofacawa wa talricana!" 25 Caicarro, Samuel Icaite nasho njaji inaiki aimadan cuaji caotsa nashotsa naofacawa njite njaji nasholri tsaotsa nanaitjaca, lridanana pada libro rico, njite lricañjatana Dio ipjeyajle. Jliapodamina Samuel imenaca nadiao njaji inaiki aimadan, nacoanatsa nadiaca napana ricojle. 26 Saúl idia tsacjao lripana ricojle Guibeá rico, njite naa lrinai njaji apepena atsianai cjaidaperri, Dio inotaji icaolre ricó. 27 Njite apepena matsiperritsa icaolre naaco lrinaco: "¿Cojintja lrimanacotaca faa jliaji?" Njaji inaiki cayolri iaco corrim naomaca Saúl njite corrim tsaca coca nadee lrisho. Mitsa corrim caacoca Saúl.
1 Njite Nahas Amonita dalri lriawa lriinoacá carró Jabes Galaad ricoda icjoete, mitsa pjiomi njaji atsianai Jabes ricope naaco Nahas ishó: ''Pinaitja pada iacoti waapiya njite pishoperricaotsa fáa.'' 2 Mitsa Nahas amonita dalri jiepana: ''Icaamitsa icadaa cadaa njotaca itji atsia jliemjete pjiomi jia nonaitja iacoti iapiya, maatsidalri jiwá carroatsanaco pjiomi njaji Iraelnai.'' 3 Niini njaji pekipenai caconaaperri Jabes ricoperri, naaco njeepacan: ''Picadaa washo siete jalredaoca, wataitá carro wameenacacá iacoti nasho pjiomi naofacawa ricó njaji Iraelnai. Niini corricadaa coca itaita imanacotaca fáa pioya icaamitsa pinaitaotsa waapiya cayoji pioma capisho.'' 4 Njaji ideecaperri iacoti naocawa Guibeá ricojle, Saúl iofaalri nirsheo, njite nacaite njemi pjiomi njaji iraelitanai coanca njeyapacao. Iacamitsa njemataca naiyacayao pjiomi njaji inaiki aimadan. 5 Saúl idiá cadana iucaowa lrikinkerre ricjoite naapiya nja lri vacan imoyetacaperri jiipai, lriaco nasho: ''¿Cuadao naiya njaji inaiki aimadan?'' Niini nacaite jlimi coanca naaco njaji njai atsianai Jabes ricópe. 6 Saúl jimi cádanaco coanca naacope njaji inaiki, Dio iwawaita iorroco cjeyanaadatsa Saúl nacó, njite keeroaca Saúl pekirritsa, 7 jlipa yaamana vaaca imoyetacape jiipai, lriinona, lricadowaana njite lrimeenaca pjepadape nainai njaji ideecape iacoti pjiomi iraelitanai ishó. Njite lrinaa nacaitecana cayoji: ''Coca cadaa corri imoto iawa Saúl iinai njite Samuél iinaitsacja naicoacá carro, cayoatsa wanaitjaca nja ivacan imoyetacape jiipai''. Njite Dio ifainaa ifietaca njaji inaiki aimadan, niini nawacaacawa pjomi njaji atsianai pada capisho atsia. 8 Saúl iniweeta njaji Iraelitanai Bezec ricó niini namaimaca pjiomi treciento mil atsianai, njite njajii Judá ricope treta mil. 9 Naaco nasho njaji ianjicape idee iacoti: Cayoatsa iaco nasho njaji atsianai Jabes Galaad ricope: ''Tjeewenaotsa, jamo cádanacoenaotsa jeerri namanacotaotsa jia.'' Niini njaji ideecaperri iacoti nacadaa nanjí jliaji iacoti nasho njaji atsianai Jades ricópe niini cathiimana. 10 Njaji atsianai Jabes ricope naaco nasho njaji Nahas ricópe: ''Corritsa coan wanaitjaca icjoete, niini tjewenaotsa inaitja coancatsa ioma inaitjaca waapiya''. 11 Tjewaijle, Saúl jieneta madalripoco naoyawaaca njaji inaiki aimadan. Niini deepitoa njeewao nainó carro njaji amonitanai nawacaalri niinio, njamana owi ricó, njite tjewaijle napineetana, namacana yeenon keena jeerri. Njaji iomjé perri naoya corritsa nacadaa nawacaacawa. 12 Njite njaji inaiki aimadan iaco Samuél isho: ''¿Cocao jliaji icaiterri? ¿Saúl watsa italricanaata wanaco? idee njaji atsianai wainó carrona.'' 13 Mitsa Saúl iaco nasho: ''Corriota coca mayami paanaya, ima wa Minalritsa imanacota njaji Iraelnai''. 14 Niini Samuél iaco nasho njaji inaiki aimadan: "Washa waawa Gilgal ricojle, wawalridaritá carro jliaji talricanaatiapan nirse." 15 Njite naawa Gilgal ricojle njaji inaiki aimadan nacadaa carro natalricanaawa Saúl Dio ipeyajle. Naino maaficalri niini Dio ipeyajle nacaiteshopa matsiacatsa pjiomina. Njite Saúl naapiya njaji Iraelitanai nacatiima-taacawa pekirritsa.
1 Samuél iaco nasho njaji iraelitanai: ''Njumina pjiomi njaji iacoti icaiterri nosho, nucatjenina isho italricanaawa jlia carro ianjíi inaco. 2 Panaya, alrinaji lriemaca ipeyajle jliaji italricanaa; ima pekirrina njoa, jaalrena nja notsicolre, njite iinaicatsa nja noenipe. Icapjentsa coanca noemaca iapiya noyempetica nacjoite atee panajiete. 3 Alri njoaji ipeyajle; icaitene noacona Dio ipeyajle njite lriniwananda ipeyajle tsacja. ¿Capja njotaca ioya ivacan imoyetacape jiipai? o ¿Njotaca ioya iboorrón? ¿Coca ioya noñaito iyaarro? ¿Cocao jliaji njorrapiteetalri? ¿Coca ioya pa njopa iyaarro lriwenta shopa njoa? Icaitena cocacá nja nomatsicanaa nodietá carró isho nocoadao." 4 Njite naaco lrisho: ''Cotsa picashataca fáa, corrin tsacja pjirrapiteetaca fáa, corrin tsacja piñaito cantja pada ioya lriyaarro.'' 5 Niini Samuél iaco nasho: ''Wa Minalritsa njite jliaji lriniwananda italricanao, icatsa njaji ianjirrica inaco icaite cádanaco corricatsa coca iokeeta maatsidalri nonaco.'' Njite naaco njeepaca Samuél: ''Wa Minalri ianjíi njaji wacaiterri pisho''. 6 Samuél icaite pja nasho, lriaco: ''Wa Minalri piatsa icadaa Moisé njite Aarón tsacja waapiyawanaiwa, njite jliá pia tsacja idee njaji jinirrinaipe njepaite ioya njaji Egiptonai. 7 Caishopa panaya, inoena jiwaacatsa, iemá carró wa Minalri lripeyajle, nocaité carró jimi njaji matsiaperri wa Minalri lrinaitjalri isho njite jinirrinaipem ishó tsacja. 8 Jacob ioca cayam Egipto ricojle, njite jinirrinaipem nawána cjaida. Niini wa Minalri imeenaca Moisé, Aarón tsacja, njaji ideerri piena jinirrinaipem Egipto ioya, cayojleji. 9 Mitsa naji jinirrinaipemi namawadaca pia na Minalri Dio ioya; cayo carro piena Dio icadaana Sísara icaapi ricó, tsolrodaonai iacapítama Hazor ricóda, lricadaa tsacana nacaapi ricó njaji Filisteonai, njite lricaapi ricó tsacja jliaji talricanaati Moab dalri; pjiomi njaji nainoaca piawa nacjoete njaji ipjeyadampe pia. 10 Nawana cjaida wa Minalri isho, naaco: ''Ooopi wanaitja maatsi, wamácaca jliaji wa Minallri, waoma capoenacja lrioya njaji Baalnai njite Astarot tsacja. Mitsa paanaya pimanácota fáa naoya njaji wacoema, pisoperri carro tsenacjaotsa fáa. 11 Caicarroena wa Minalri imeenaca Jerobaal, Jefté, Samuél tsacja, njite lricadaa njameetá carro njaji icoema iofaacape iwaida nacó, njite corri piatsa coca itaita iemaca icjoete. 12 Icapa cádanaco pia lrinoca icjolre jliaji Amonitanai italricanaa Nahas, iaco nshó: ¡Corrina! Matsia pjatoa wasocantja pada wa talricanao ianjiicadantja wanaco, iMinalri Dio cadaneena tja lriaji Italricanaa. 13 Pnaya, alrinaji italricanaa iniwananda ishowao, itatjanda ishowao njite wa Minalri icadaa jlia carró italricanata inacó. 14 Ifió cadaa iMinalri iiwana, idenjii cadaa lrisho, jiepa cadaalriaco, corricadaa imjepata njaji iacoti lrinaalri inaitjaca, matsiá watsa pjiomi, jia njite italricanaa tsacja, iMinalri Dio ishoperricaotsa jia matsia. 15 Mitsa corricadaa jiepa iMinalri iaco, iemacadaa nacjoete njaji iacoti Lrinaalri inaitjaca, wa Minalri icadaotsa lricaapi icjoete, cayoji lricadaa capisho nacjoete njaji jinirrinaipemi oopi. 16 Icapaotsa panaya jiwaacatsa jliaji iMinalri inaitjalriotsa icapatsa. 17 ¿Capja panayaca iniwacarroa trigo? Notatjaotsa cjaida wa Minalri iinai Lrimeenacá carro eeno njite iiyao tsacja. Njiteotsa icapa, ianjíi tsacjaotsa coshodalrica imatsicana imacadalrica Dio ipeyajle itatja cádanaco ishowao italricanao. 18 Ikeena Samuél itatjaca wa Minalri iinai; njite jliadaatsa Dio imeenaca naicjaolre eeno njite iiyao tsacja. Njité dalri nafiowa pekirritsa njaji inaiki Dio iiwana njite Samuél iiwana tsacja. 19 Niini pjiomi njaji inaiki naaco Samuél isho: ''Pitatja nanaco njaji pishoperri pi Minalri Dio iinai, wadee mayamica faa. Ima wamaimata pjaaca wa matsicanao wa matsicana nacojle, wa tatjá cádanaco pada wa talricanao. 20 Njite Samuél jiepana, lriaco nasho: ''Mafiotsawa. Inaitjenina imatsicanao, mitsa namácatsa wa Minalri, idenji Lrisho icaolre ricjoite. 21 Maatsa njapodam njaji miperrimtsa, njaji corriperritsa itaita imanacotaca jia, ima corricatsa coadacana. 22 Lriipitana cjaidádalri icjaote, corriotsa wa Minalri imenatá carroca njaji lrinaikite aimadan, ima wa Minalri icatiimataacacao lricoadata cádanaco jia lrinaikite sho. 23 Njite decja njoa, teeco noya jliaji nonaitja cantja maatsi Dio icjoete, yami cantja notatjaca inaco, ima nocananta catsaota shaa inaitja carro jliaji matsiadalri njite mayacandalri. 24 Icamitsa ifio lriwana jliaji Dio njite ideeji lrisho ajadalri icaojlesho. Icapa pjiomi njaji lrinaitjalri icjaote. 25 Mitsa corri cada yami inaitjaca jliaji matsidalri, lriwayaketa caotsa shaa njite jliaji italricana.
1 einta oonia keena Saúl isho lrinita lrimeenacaca Israel naco; njite cuarenta oonia cayamina lritalricanataca nanaco, 2 lriniwana tres mil atsianai Israel ricjoite. Dos mil namaimaca njaji lrineiperri aji Micmas rico njite awacadanaco aji Betel rico tsacja, njite mil atsianai Jonatan iinei perri aji Geba rico Benjamin ricoda. Njite njaji tsolrodaonai itepem lrimeenacana napana ricojle, nacoanatsa napanaita rico. 3 Jonatán iino njaji tsolrodaonai aimadam Filisteos nai iyape aperiji Geba rico njite njemini njaji Filisteos nai. Caicarro Saúl ipjiaca trompeta pjiomi yacaalre rico, njite lriaco: "Jimi sha Hebreos nai." 4 Pjiomi Israel jimi coanca Saúl iinoca njaji tsolrodaonai aimadan Filisteos nai iyape, njite tsaca coanca matsica Filisteos nai icapaca Israel isho. Caicarro nawanacacao njaji tsolrodaonai nawaketaca carro Saúl iapiya aji Gilgal rico. 5 Njaji Filisteos nai nawacaacawa nainoaca carro Israel icoema: tres mil oowifiape, seis mil atsianai ideji caope njaji oowifiape, njite tsolrodaonai aimadam maniweta canapetsa cayoji jipai ooni macapawan inomapipesho. Njerawa njite naoca nama aji Micmas rico, jerri imoto cawajle Bet Evén isho. 6 Njaji atsianai Israel ricoperi naanjiaca cádanaco camatsicana cana jorre nafiocawa, caicarro nadawaca jalraafen rico, tsamidalri iapjite, jipada ipecolrico, teewacacawa ricó, njite njecaniapji ricó tsacja. 7 Padapena nanacjoite njaji Hebreos nai nayoeta jliaji Jordan nacarroa Gad ijipaite ricojle njite Galaad ijipaite ricojle tsacja. Mitsa jliaji Saúl atsa lriofao Gilgal rico njite njaji inaiki aimadan acatsana lrinei nafiocayatsao. 8 Saúl iwapa siete jalredaoca, cayoji Samuel icaite capisho pia lrisho. Mitsa corrim Samuel yucao Gilgal ricojle, njite njaji iaiki njenitacawa Saúl ioya. 9 Njite Saúl iaco nasho: "Idee njaji ofrenda pamjaitaope njite tsacja njaji ofrenda wamaodaca shopa." Caicarro lriaca Dio isho njaji ofrenda lrimjaitaji. 10 Lritaita cayamina lriaca njaji ofrenda lrimjaitaji Samuel iocawa. Saúl ia lrideshe lritatjacarron. 11 Caicadanaco Samuel iaco lrisho: "¿Cocao jliaca pinaitjalri? Saúl iaco jiepacani: " Nocapa cadanaco namacaca njoa njaji inaiki aimadam, njite corrim piocao pjinana rico piatja, njite naoca naofao njaji Filisteosnai aji Micmas rico, 12 nocaite cayoji: 'Panaya njaji Filisteosnai naorroco watsa nocjoete Gilgal ricojle, njite corri cadanatoa notatja Dio iinai lrimatsiaca.' Caicarro nosho catsa Noaca njaji ofrenda namjaitá carrona." 13 Njite Samuel iaco Saúl isho: "Oopi pinaitja cayoji majica dalrimsho. Corritsa pinaitjenca cayoji wa Minalri Dio icaite capisho pisho. 14 Ima Dio piatsa icada pitalricanata carro Israel naco caidalriwetsa. Mitsa panaya lriwayaca caotsao jliaji pitalricanata cawa. Dio iomenacjaotsa ape atsia inaitja cada cayoji Dio icaolre ioma capisho, njite Diotsa iniwanani talricanati carró nanacó njaji inaiki aimadan, ima pjia corri pinaitja jliaji Lrinalri pinaitjaca." 15 Njité dalri Samuél jinico iawa jlirrá carró Gilgal ricjoite Guibea nacojle Benjamín ricoda. Jliapodamtsa Saúl iniweta njaji atsianai lriinaiperri, njite lriniwetana seiscientos atsianai namaimaca. 16 Saúl, njite lrirrí Jonatan njite njaji ianiki nainaiperri, naufacawa Geba rico Benjamín ricoda. Mitsa njaji filisteosnai naoca nawacaacawa Micmas rico. 17 Madaripoco inaiki maatsiperri ino naofacaawa ricjoite njaji Filisteonai. Papoco iawa Ofra icjaolre Sual jiipaite ricoda. 18 Papoco iawa Bet Horón icjaolre njite nja paana naawa lrinomapiana nacojle jliaji jiipai pacuacadalri Zeboin dalri jalrapocolri rico. 19 Njaji Iraelnai corrí pia nashó pada nanacjoite ianjicada idenjica tsípalra, niini naaco nanaco njaji Filisteonai: ''Wacapatjaotsa coancaotsa nanaitjaca nashowawa namolroconiwa njite namatsetaniwa tsacja.'' 20 Ima njaji Iraelnai icamipiatsa nacaawaca nakeemataca namalriyen, natuwín, nayucan njite namatsetan tsacja. 21 Ocho gramo palraatape njeta pia naoya nakeemata caapji natowín o namalriyen, njite nakeemata capoa nayocan, namatseetan njeta pia naoya cuatro gramo palratape. 22 Niini jliadaa pia nainoacacawa njaji tsolrodao iraelitanai corri piatsa coca isho nainoacashopao, icaamipiatsa Saúl njite lrirritsa Jonatán. 23 Cayo cadaana njaji tsolrodao aimadan Filisteonai nano nacjoete njeyapacawao Micmas ricó.
1 A papia nacojle, jliaji Jonatán Saúl irrí, lriaco lrisho jliaji idenjicada lridanataacashopao: ''Pino waa wacapa peemajle, naofacaawa nawacacao njaji filisteonai''. Mitsa corrí Jonatán icaite jlinirrí isho kjerreca naawa. 2 Saúl iofáa cadana Guibeá iocacawao, apana jaico iapjite granadas dalri iipitana Migrón ricó. Njite seiciento atsianai lriinaiperri iofáa tsoomi lrioya, 3 njite lriinai tsacja Ahías, Ahitob irrí, Finees irrí, Elí irrí, wa Minalri isacerdoten Silo rico, njite jlietacawa natsayan sho njaji sacerdotenai. Njaji inaiki aimadan corripiatsa nanjíi oopica Jonatán iawa naoya. 4 Njite anji Jonatán iomacaba tja jiyapaca, nawacaacalri niini njaji Filisteonai, jiipada yeenodalripeca niini yameemape, njite keepitaná perri tsacja. Peema iipitana Boses, njite jli peema Sene. 5 Jliaji pema yeenondalri jlinicoa atsia jliemjete jeerri isho Micmas jipaite jinaa iocacawao, njite jli pema yeenondalri jlinicoa inarroemjete jeerri isho, Geba icoemjete. 6 Niini Jonatán iaco lrisho jliaji idenjicada lridaanaita lrisho: ''Pino wayoeta nawacaacalri niinio njaji corrípetsa iyoá naatsiaca naco. Wadeetsantja wa Minalri ikitsindataca fáa, ima corritsa coca itaita idaanataca wa Minalri lri manacotá carro fáa naoya njaji aimadan o yamadan ioya.'' 7 Njite jliaji idenjicada lridaanaita lrisho, iaco lrisho: ''Pinaitja jliaji pisholri picaolre ricó. Waacatsa wapjeyajleo, njoa tsaotsa piinai nonaitjá carró njaji pinaalriotsa nonaitjaca.'' 8 Njite Jonatán icaite: ''Wayoetaotsa naicjaolre njate atsianai, wa cadaotsa nacapá carro fáa. 9 Nacaite cadaa washo: ''Atsa iwapa fáa waa carró icjaolre'' niini weema catsaotsa wawápana, corriotsa waa carroca naicjaolre. 10 Mitsa nacaite cadáa: ''Ino waicjaolre'', waa pedacaotsa naicjaolre: ima wa Minalricaotsa icadaa washona wacaapi ricó. Icatsaotsa wanjíishopaca coanca. 11 Njite nacadaa cádanaco Filisteonai iwapacapena icapana, naaco: ''Icapa, namotokenao njaji hebreonai nadawaacalri njiteo''. 12 Niini njaji filisteonai nawana naicjaolre njaji Jonatán njite lrisho jliaji idenjicada lridaanaita lrisho, naaco nasho. ''Inoena waicjaolre, wacañjatá carró icapa pada''. Niini Jonatán iaco lrisho jliaji idenjicada lridaanaita lrisho: ''Pinoatsa tsoomitsa nooya ima wa Minalri icadaacana Iraelnai icaapi ricona.'' 13 Jonatán jirrawa cayecjatsa naicjaolre, njite tsoomitsa lrioya jliaji idenjicada lridaanaita lrisho. Njaji Filisteonai inocape Jonatán icjaolre, lriinona; njite njaji inocape njapodjete jliaji idenjicada lridaanaita lrisho, jliá iinona. 14 Nainita cádanaco nainoacacao njaji Jonatán njite jliaji idenjicada lridaanaita lrisho, naino vente atsianai tsoapji ricotsa. 15 Jorre nafiócao njaji Filisteonai iwacaaca cápewa, njaji iemacape nakínkerre ricó njite njaji iofaacape yacalre ricó. Njaa tsacja njaji tsolrodaonai njite njaji tsolrodaonai idawaacacapewa, nafió tsacjao. Njite cananíca jiipaí cjaida, njite nafiocawa pekirrídalri sho. 16 Niini njaji iwapacape icapa, Saúl icadanji Guibeá Benjamín ricó, nacapa coanca njeeco mapocotao njaji tsolrodao aimadan Filisteo ricope, njeecojecao macadatsa. 17 Njite Saúl iaco nasho njaji inaiki aimadan lriinaiperri: ''Iniwetaacao icapá carro cocaca canacai wanacjoite.'' Naniweeta cádanaco coshoapaca namaimaca, nacapa canacaica Jonatán njite jliaji idenjicada lridaanaita lrisho. 18 Saúl iaco Ahías isho: ''Idee Dio iarcan caijleji'' (Jliawalri pia a jliaji arca nainai njaji Iraelitanai.) 19 Caaco cádanacotoa Saúl lriapiya jliaji sacerdote, paa namatsicaacacao njaji Filisteonai naofacaawa ricó. Niini Saúl iaco sacerdote ishó, ''Corritsa pidee carrocan.'' 20 Saúl njite njaji inaiki aimadan lriinaiperri, nawacaacawa naacarro nainoacawa. Njite njaji Filisteonai nainoacawa njawaaca waacatsa, njite corrítsa naanji coancana. 21 Njaji hebreonai iacape nainai njaji Filisteonai nawacaalri niinio, naadia tsenacja naicjaolre njaji nakitsiñape Iraelitanai Saúl iinaipe njite Jonatán tsacja. 22 Njite njaji atsianai Iraelitanai njaji idawaacalrio yeenondalripe nacó tsoomi Efraín ioya, njemi napitocao njaji Filisteonai, njite naa napinietana oowi ricó. 23 Wa Minalri imanacota pia nja Iraelitanai jliadáa pia jeecoapi, njite teeco pia napinietana oowi ricó Bet Avén icjaolre. 24 Njite njaji Iraelitanai mjaida nadaki ricó jliadáa pia jeecoapi ima Saúl inaa pia nacaiteca pada iacoti cayoji: ''Maatsidalricaotsa jliaji atsia injalriotsa deepi ipjeya, lripjeya toa noinoca njaji nocoema''. Niini corri piatoa coca inja nanacjoite. 25 Niini pjiomi njaji inaiki aimadan njeewao awacada ricó nincawa mapaa jiipai ricotsa. 26 Njeewa cádanaco awacada rico njaji inaiki, nacapa coanca mapaa imotocawa jiipai ricjoite, mitsa corri coca jipa iperroa nafio capoa lriiwana jliaji iacoti maatsidalri Saúl inaalri nacaiteca. 27 Mitsa Jonatán corri pia jlimi coanca jlinirrí inaa nacaiteca iacoti maatsidalri njaji inaiki aimadan. Niini Jonatán iapjoeta lrimolrocón mapaa ricó. Jlipa lricaapisho lriperró carron njite cjaida lricapaca. 28 Cayo cádanaco paada nanacjoite njaji inaiki aimadaniaco lrisho. ''Jliaji pjinirrí Saúl lrinaa nacaiteca pada iacoti maatsidalri njaji inaiki, cai lriaco: ''Maatsidalrica jliaji atsia injalriotsa jliadaa jeecoapica jliaji'', mjaida cadaanena njaji inaiki corricapoa coca nainja''. 29 Njite Jonatán jiepani, lriaco: '' Njonirri inaitja maatsi nasho njaji inaiki aimadan. Picapa coanca cjaida tsenacja nocapaca nopérro capoa jatjamtsa mapaa. 30 ¿Omaminantja nainjacada coancatsa njaji inaiki aimadan nanacjoite njaji njetjáji nacoema ioya? Njite jorre pjantja wainoca nja Filisteonai''. 31 Jliada jalradaoca naino njaji Filisteonai Micmas ricjoite ate Ajalon she. Njite mjaidaketsa njiaji inaiki aimadan. 32 Caicarro nakjeyapita naaca njepa njaji nacoema iyarropem njite njepa tsacja oveja, bueyes, cordero njite nainona jipai rico. Naiñacarona njaji inaiki aimadan nairrana fietsa. 33 Jliapodamina nacaite Saúl isho cayoji: "Nanaitjaca matsi Dio icjoete njaji inaiki aimadan ima naiñaca irranatifie". 34 Njite Saúl iaco: "Oopi inaitja maatsi". Panaya, icabocoeta idee nosho pada jipada macadalri caijleji". Njite lricaitepja nasho: "Iao napecolrico njaji inaiki aimadan njite icaite nasho, "Icoanatsa ideca buey njite oveja, íinona atsaji njite iñja. Mapietatsa inaitjaca matsi Dio icjoete iñjaji cantja irranatifie". Caicarro nacoanatsa njaji inaiki aimadan nadeeca njaji buey lricjaolre jliada deepi njite niinitsa nainona. 35 Saúl inaitja pada altar Dio isho, icatsa lrinitandaca lrinaitjaca altar Dio isho. 36 Njitedalri saúl iaco nasho: "Washa wapinieta njaji Filisteosnai jlia deepica jliaji fetakje naoya pjiomi naiarro ate kjerre catsa jalreniji. Corrim watsa wacada caafi apada nanacjoite". Naaco njepacani: "Pinaitjena coanca matsiapja piaji". Mitsa jliaji sacerdote jliaco nasho: "Washa watatja Dio inei coancaotsa wanaitjaca". 37 Caicarro Saúl itatjaca Dio inei cayoji, "¿Pjantja nopinietacatsa njaji Filisteonai? ¿Pjantja picada Israel icapi ricona? Mitsa jliada jalredaoca corrim Dio jiepacani. 38 Caicarro Saúl icaite nasho cayoji: " Ino jia caconaperri yacalre aimadan isho; njite icapatja cjaiterrica jliaji inaitja matsi opica. 39 Ima cafidalrica jliaji Dio imanacota cada Israel, ninintja noenipe jonatan cada jliaji inaitjalri matsi, mayami caotsani". Mitsa corrim pada atsia shepani nanacjoite njaji inaiki aimadan. 40 Jliapodamina lricaite pjiomi Israel isho cayoji: "Pema iemacawa jia, njite njoa norri jonatan iapiya pema tsacjaotsa wemacawa." Njite naco njepaca Saúl njaji inaiki aimadan: "Pinaitjena coaji pjaca matsia piaji." 41 Caicadana Saúl icaiteca Dio isho, Israel iminalri cayoji: "picañjata wacapa tumim nacjoite." Njitedalri lriniwanaca Jonatan njite Saúl, caicarro namanacotaaca cao njaji inaiki aimadan wadee lriniwna cana. 42 Njite Saúl iaco nasho: "Icapa pedena cjaiterrica wanacjoite njoa cada o norri Jonatan." Caicarro naniwanaca Jonatan. 43 Saúl icaite Jonatan isho cayoji: "Picaite nosho jliaji pinaitjalri" Jonatan jiepacani, lriaco: "Njotaca noperroa maapa jliwidana sho jliaji jaicoapo njopanda nocapi rrcó. Alri njoaji; Mayami naotsa njoa." 44 Njite Saúl iaco lrisho: "Dio watsa iino njoa, corri cadaa mayami pjia, Jonatan." 45 Njite naaco Saúl isho njaji inaiki aimadan: ''¿Capja Jonatan ishotsa mayamica, jliaji icadaalri jiamacjeti Irael isho? Corriotsa cayoca. Caafidalrica jliaji wa Minalri niini corriotsa pacja lri tsicolrée jliwida nacope jiwacaotsa jiipai ricó ima lridenjica Dio jiida sho oopica.'' Cayotsa njaji inaiki aimadan iyomjetaca Jonatan mayamicalri ioya. 46 Njite yaami Saúl ipinietaca njaji Filisteonai, njite nadiawa njaji Filisteonai njepaite ricojle. 47 Saúl iniita caojli italricanaataca Irael nacó, lriinoacawa nacjoete njaji lricoema a kjerre catsaji. Lriinoaca Moab icjoete, Ammon nai icjoete, Edom, nacjoete njaji talricanaatinai Soba ricóperri pia, njite nacjoete njaji Filisteonai. Kjerre shecaawa catsa lriinoacawa, lrimatsikeeta nja lricoema. 48 Lricjaidatacawa njite jliameta pia njaji Amalecitanai. Lrimanacota nja Iraelitanai naoya njaji iomacape pia iaca iñaitona maatsicalri ricó. 49 Icapiatsa njaji Saúl ienipe: Jonatan, Isúi njite Malquisúa. Njite njaji lriitonaipe, icapiatsa njaji: Merab, sho pjeerroti, njite Mical, iweedoati. 50 Ahinoam pia roipitana shoaji Saúl iino; Ahimaas iito. Njite Abner pia lriipitana jliaji lritsolrodaoperre icapitama, Ner irrí; Saúl jinirri weerri tsa. 51 Cis pia lriipitana jliaji Saúl jinirrí; Njite Ner, Abner jinirrí, Abiel irrí. 52 Cjaidape pia njaji oowicalri nanaitjalri pia nacjoete njaji Filisteonai Saúl jiawajli. Saúl icapa cádanaco ape atsia cjaideete mafio cádalritsa, icaamitsa lriinaicani.
1 Samuel icaite Saúl isho cayoji: "Dio imenaca njua nuniwana carro pjia talricanatio nanaco njaji yacalre Israel ricoperri. Panaya pjimi jliaji Wa Minalri icaitelri piso. 2 Icatsa tsolrodaonai aimadan Talricana icaiterrica pisho jliaji: " Noajintsa jliaji Amalec inaitjalri Israel isho lridanata cadanaco inipo naoya njaji nonaikite aimadan, nano cadanaco Egipto ricjoite. 3 Panaya piawa njite píino jliaji Amalec njite piwayaketa pjiomi nashonda. Makjenacatsa picapacana, píinoatsa iamadape na, atsia njite inarro tsacja, iempetida njite kerraitale, buey njite oveja, camello njite burro. 4 Njite Saúl iwakeeta njaji inaiki aimadan yacaalre Telaim ricó lriniweetá carrona: Njite lriniweeta dociento mil tsianai iemawa, njite die mil atsianai Jodá inacjoite perri minitsa. 5 Njitedalri, Saúl ioawa yacaalre Amalec ricó lriwapá carrona pacuacaitacaawa rico jiipai. 6 Njite Saúl iaco nasho njaji Quenita ricóperri: ''Washa imoto iawa naoya njaji Amalecitanai, corricadaa ioma nowayakeetaca jia nainaitsa. Ima ikitsindata piaca njaji Iraelitanai nano cayao pia inipolrico namoto caojli pia Egipto ricjoite.'' Niini njaji Quenitanai namoto naawa teeco naoya njaji Amalecitanai. 7 Ikeena Saúl iawa nacjoete njaji amalecitanai lriinó carrona Avila nacjoite Shur nacojle, jeerri omoto keemjeteo Egipto isho. 8 Saúl jípa caafitsa Agag, Amalecitanai italricanaa; lriwayakeeta padeenirri njaji lricoema aimadan matseeta shó. 9 Saúl njite njaji inaiki aimadan corri naino jliaji talricanaati Agag, coshoca njaji na ovejan matsiaperri, na vacan nadenjeshopa, na vacan keepepe, na corderon tsacja. Pjiomi njaji matsiaperri nacapaca, corri nawayakeeta. Mitsa njaji corriperritsa matsiaca nacapa, njaji miperrimtsa nawayakeeta pjiomina. 10 Njite caacoca Diu Samuél isho, lriaco: 11 ''Matsiatsantja corrica nocadaaca talricanaatí carró jliaji Saúl, ima opica jliena Nooya corricapoa lrinaitja cayoji nonaacapisho lrinaitjaca.'' Samuél jimi cádanaco njaji iacoti Diu icaiteri lrisho, iinona lricaolre pekirritsa, atee lriiyaca Diu isho deepjite. 12 Samuél iawa deepi pjatoa lrioketaacá carro Saúl iapiya. Njite naaco Samuél isho: ''Saúl iawa Carmel ricojle, jlireeta nirse jiipada lriipitana nacó lriaconao carron, njite lridia lriorrocoa Gilal ricojle.'' 13 Samuél iocawa Saúl icjaolre, níini Saúl iaco Samuél isho: ''¡Matsiadalrica pjia wa Minalri icjaote! Nonaitjenina cayoji wa Minalri icaite capisho.'' 14 Samuél jiepani: ''¿Cocao tsacjao njaji oveja imaolrena njemirri nja njonacolrico, njite namaolrena nja vaaca nadenjishopa njomirri tsacja?'' 15 Njite Saúl jiepani: ''Nonaikite ideena, nayapem njaji Amalecitanai. Ima njaji inaiki aimadan nacadaa caafitsa njaji oveja, njite nja vaaca nadenjishopa matsiaperritsa nainó carró wa Minalri Diu Ishó. Njite nja paana oopi wawayekeeta matsiapé.'' 16 Niini Samuél iaco Saúl ishó: ''Piwapatoa, nocaiteotsa pjimi njaji iacoti wa Minalri icaiterri nosho opica deepi.'' Saúl jiepani: ''Picaite'.' 17 Samuel icaite pjaa: ''¿Tsoodalri sho pia picapaacacao, capja corripiaca pjia njewidaapo njaji Iraelnai? Diu jienitanda piaca pjia natalricanaa carro njaji Iraelnai; 18 Njite wa Minalri iaco pia pisho cayoji: '' Panaya piawa piwayakeetá carró njaji maatsíperri, njaji Amalecitanai, pinoaca nacjoete atee piwayakeeta matsiapena''. 19 Coada corrim pjiepa Diu iaco, coada pjipa nayaaropem njaji maatsiperri wa Minalri icapaca isho.'' 20 Njite Saúl iaco Samuél isho: ''Njoepjen Diu iaco icaite capisho, noawa lrirricodatsa jliaji inipó Lrinaalri noacawa. Njopa jliaji Agag, Amalec italricanaa, njited nowayakeeta pjiomi njaji Amalecitanai. 21 Mitsa njaji inaiki aimadan njepa padapena nayaarro inacjoitepem, na ovejan, vaaca nadenjishopa, nayaarom matsiaperri inacjoitepe pawayakeetaope, wainó carró wa Minalri Diu isho Gilgal ricó.'' 22 Njite Samuél jiepani: ''¿Capja wa Minalri ijoitaca pjaacawa nasho njaji maaficalri painoji njite pamjaitaji lrisho lrioya jliaji pjeepacadaa coanca lrinaa panaitjaca? Matsia pjaa wa Minalri isho pjepacadaa lriaco lrioya jliaji maaficalri painonda lrisho, pjemicadaa lriaco, matsia pjaa lrioya jliaji maaficalri pamjaitanda iwayacao matsia. 23 Pacoaca malriirrinai imatsicanaa shoca jliaji iemacada Diu inaacalre icjoete, njite njaji imjepatacape lriaco, pacoaca namatsicanaa nacayoshó njaji ipeyocape idolo. Piménata capoa Diu iaco, Lrimeenata tsacja pjia corri carroenatsa talricanaatica pjia.'' 24 Njite Saúl iaco Samuél isho: ''Noanjintsa nonaitjaca maatsi; ima nomjeepataca no Minalri inaacalre, njaji picaiterri nosho, nofió capoa naiwana njaji inaiki nonaitja cayoji nanaa capisho nonaitjaca. 25 Panaya, pinaitja nosho matsiacalri, picadaa jliyapaca pioya jliaji nonaitjanda maatsi, njite pino noinai notaitá carro noaca matsiadalri wa Minalri ishó.'' 26 Samuél iaco Saúl isho: ''Corrinatsa nodiá carroca piinai; piménata capoa wa Minalri iaco, Njite wa Minalri imenata pjia corri carroenatsa Iraelnai italricanaaca pjia.'' 27 Samuél icaboco cádanaco lridiá carró lrioya, Saúl jipaacawa lriitacashopao lrinaconda naco njite tserrencani. 28 Niini Samuél iaco lrisho: '' Jliadaaca jliaji, wa MINALRI jitaca pioya pitalricanaatacawa Irael nacó, lriá carro pada isho matsiadalri pjaa pioya. 29 Njite jliaji icadaacada Irael jiidao corri lricashataca, corri tsacja lripadameetaca lriwaopiakje; ima corri catsa atsiacani Lripadameetá carromtja liwaopiakje.'' 30 Njite Saúl iaco Samuél isho: ''Noanjintsa nonaitjaca maatsi, pinaitja nosho matsiacalri mapaimanietatsa njoa napeyajle njaji inaiki aimadan njite njaji caconaaperri Irael ricópe. Pino noinai noacarro matsiadalri Diu isho.'' 31 Nini Samuél iawa Saúl jiapodam njite liá matsiadalri Diu isho. 32 Samuél iaco nashó: ''Idee nosho jliaji Agag Amalecitanai italricanaa.'' Agag ioca lriicjaolre lripapí rico tsipalracjape, catiima, lriaco Samuél isho: Opinapa piirroa jiyapawa piomacawa piinoca njoa.'' 33 Njite Samuél jiepani: ''Pimatseetan sho picadaa jorre njadoanai meenipem, panaya pishotsa mayamica pjia picadaa carró meenipe sho pjidoa. Ikeena Samuél iyoaca pjepadapem jli Agag Diu ipeyajle Gilgal ricó. 34 Samuel iawa ramá ricojle, njite Saúl idiawa lriipana lricojle Guibéa ricó. 35 Njité dalri corrinatsa Samuel idia pia icapa Saúl. iinona Samuel icaolre Saúl icjaote caidalritsa. Njite pia caiwi Diu icaolre ricó lricadaa capoa Saúl Irael italricanaawa.
1 Wa Minalri iaco Samuel isho ''¿Coancaojli pjenaotsa piiyacaotsa Saúl naco? Cayoca pjia nomenata cayamini jliacawa pia Iraelnai italricanaa. Pipacjanta jliaji vaaca itsowa pishonda aceite sho piá carro lriapiya. Nomeenaca piá carro Isaí iipana ricojle Belén ricó, ima noniwanaca noshowao talricanati carró pada lrienipe nacjoite.'' 2 Njite Samuel jiepani, lriaco: ''¿Coanjentja noacawa? Saúl jimicadaa jliaji, lriinomtja njoa.'' Wa Minalri iaco lrisho: ''Pjipa apana baca walrini toa imotocao pineiwa njite piaco nasho naji inaiki, "Nonoca noinoni Wa Minalri isho". 3 Piwana Isai lriacarro pinei pinocawa maficalri, njitewatsa nocañjata picapa lriaji pisholritsa pinaitjaca. Piniwana watsa Nonaco jliawatsa Ljiaji nocaiterri pisho." 4 Samuel inaitja cayoji Wa Minalri icaite capiso lrisho njite lriao Belen ricojle. Njaji pekipenai yacalre ricoperi jorre nafiocao nacadanaco nacoadatani njite naco natatjacani: "Pja matsiatsa jliaji pinoca?" 5 Lriaco jliepacana: "Jo, matsiatsa jliaji nonoca; Nonocatsa noino maficalre Wa Minalri isho. Imatsietaca Wa Minalri inei njite ino noinei wacarro waino maficalre." Caicarro jlienitaca jliaji Isai lrienipe iapiya naacarro naino maficalre lrinei." 6 Nano cadanacoena, lricapa Eliab isho njite lriaco lrishowaca, ajádadlri nocapaca nopeyajle jliaji wa Minalri jienetanda lrishowaawa. 7 Mitsa wa Minalri iaco Samuel isho: ''Maomatsa picapa jliatsa jliaji lricapacanaatsa, o jalripá capoatsani; ima Nomenatandacan. Ima jliaji Diu corritsa lricapaca cayoji atsianai icapa capisho; ima jliaji atsia lricapa jliatsa jliaji icapacanati peemajlé dalritsa, mitsa Diu icapa nacaolre ricó. 8 Njite Isaí iwana Abinadab, njite lricadaa lriemao Samuel icapao. Njite Samuel iaco lrisho: ''Corri tsacja Diu iniwanandaca jliaji.'' 9 Njite Isaí icadaa Sama jiyapao. Njite Samuel iaco lrisho: ''Corri tsacja Diu iniwanandaca jliaji.'' 10 Caiminitsa Isaí icadaa njeyapawa njaji lrienipe sietedée Samuel ipeyajle. Njite Samuel icaite Isaí isho corricatsa Diu iniwanaca pada nanacjoite. 11 Jliapodamina Samuel iaco Isaí isho: "Icamitsa pienipeca pjiomi njaji?" Lriaco jliepacani: " Nini pjatoa jliaji iwerriti, mitsa lriwapa catoa njaji oveja." Njite Samuel iaco Isaí isho: "Pimenaca naa naomani; ima corriotsa waofaa wainja kjerre catsa lriocao." 12 Isai imenaca naacarro naomani njite nadeni. Njite jliaji lrirrica jliaji, matsiadalri icapacana, matsiape njaji lritji njite matsiadalri icapacana, papeyonda pacapaca isho. Wa Minalri iaco Samuel isho: " Pjinicoa, piarró carró lrinaco aceite; ima jliaca jliaji noniwanalri." 13 Ikeena Samuel, jipa jliaji aceite lriarroda lricó njite lriarro lrinacó napecolricotsa njaji lripjeenai. Diu iEspiritu iofaa David naco jliadaa nacjoite. Njité dalri Samuel jinico iawa Ramá ricojle. 14 Diu iEspíritu imácaca Saúl njite pada icaojleti maatsídalri Diu inacjoité dalri lri matsikeetá carroni. 15 Njaji idenjicaperri Saúl isho, naaco lrisho: ''Picapa, pada icaojleti maatsídalri Diu inacjoité dalri imatsikeetaca pjia. 16 Pinaa jliaji waapiyawalri, ianjicada wanaco, faa iemalri pipeeyajle, lriomá carro apada atsia ianjicada ikjemataca arpa. Lrino jliewa cádanaco pinaco jliaji icaojleti maatsidalri Diu inacjoité dalri, lrikjemataotsa lri arpan njite matsiá watsa pianjiacacao. 17 Niini Saúl iaco nasho njaji lrishoperri: ''Ioma nosho pada atsia ianjiicada ikjemataca matsia arpa njite ideotsa noshon.'' 18 Njite pada lrishodalri iempeti toa jiepan, lriaco: ''Nocapa pada Isaí ienipe Belen dalrí, ianjiicada ikjemataca lri arpan, atsia kjaidete, mafiocádalritsa, inoacacáda oowi ricó, canjikjédalri caacoca, matsiapalri; njite lriinai catsa wa Minalri caidalritsa. 19 Njite Saúl imeenaca inaiki ideecape iacoti Isaí isho, njite naaco lrisho: ''Pimeenaca noicjaolre jliaji pirrí David, jliaji iwapacada oveja.'' 20 Isai iwaketa jorre injaodati, apana iarropetida pacjandalri jaico tjeda iana sho, apana cabra ienipe; njite lripápi apana borro nacó lrimenacá carro lrirrí David iinai Saúl ishó. 21 Ikena David ioca jiewa Saúl icjaolre njite lricadaa lrishodalri carroni. Saúl ipeyocapoa pekirritsa, lricadaa David carro jipa Saúl iapiya lridaanaita oowi ricó. 22 Saúl imeenaca iacoti Isai isho cayoji: ''Picadaa David noinai, ima catiima nocapacani. 23 Ima lrinocádanaco jliaji icaojleti maatsidalri Dio inacjoite dalri Saúl nacó, David jipa ikjemata lri arpan. Njite jliaji icaojleti maatsidalri jienamana Saúl ioya, icaamina matsia lrianjiacacao.
1 Njaji Filisteosnai nawaketa njaji natsolrodaote aimadan nainoaca carroa. Nawaketacacao aji Soco rico, jliaji Juda irricoda dalri. Naoca nemáa naoyawaca njaji Soco njite Azeca, aji Efes Damin rico. 2 Saúl njite njaji atsianai Israel ricoperi nawacacao njite naoca nemáa aji pacoaca cawa jipai Ela ricoda, njite namatsietaca nema mayacan nainoaca carroa Filisteos nai iapiya. 3 Njaji Filisteos nai naoca nemao pemajle awacada njite njaji Israel nai naoca nemao pemjete jliaji awacada, icamitsa jipai pacuacaita cawa naoyawaca. 4 Ape atsia cjaidete imotoa nemáá cawa ricjoite njaji Filisteos nai lripitana Goliat jaitedalriji Gat ricjoite, njite madalrida metro lriaji lri jalripaca. 5 lrisho pada lridanata shopa jliwida nanaitjanda bronce sho, njite lridanataaca tsacao pada cota malla dalri sho. Wadepjiapa sesenta kilo ca jlimiñaca jliaji cota broncedalri. 6 Lrishotsacja pada lridanataaca shopa broncepe lri cawaapji naco njite pada jipada capapi dalri broncepe lriteda naco. 7 Jliaji pjepacarrona lrimolrocon jalripanican, cayoji jinorroti pacalrapinda sho, njite jliaji lri matsetan ipolrico wadepjia siete kilo ca jlimiñaca jliaji tsipalra. Njite jliaji jipajecada lridanataaca shopa lriacao lripjeyajle. 8 Lriemao njite jliematja nasho naji tsolrodaonai aimadan Israel ricoperri cayoji: "¿Coadao jliaji imoto inoaca wa cjoete?" ¿Capja corri Filisteo ca njoa, njite jia idejicape Saúl isho? Iniwana ape atsia njite icada lrino noicjaolre. 9 Lritaita cada lrinoacaca nocjoete njite lrino njoa, wadeji peda caotsa isho. Mitsa njoa cada jiama ni njite noino ni, washoperri caotsa jia njite idejicaotsa washo." 10 Lripieta tsenacja lricaiteca jliaji Filisteo cayoji: "Panaya nometaca njaji tsolrodaonai Israel ricoperri. Imenaca ape atsia pacoaca carro wainoaca cao." 11 Saúl njite pjiomi njaji Israel ricoperri njemi coanca lricaiteca jliaji Filisteo, caicarro inonaa cana njite jorre nafiocao. 12 Jliaji David pada Efrateo irri adalriji Belen rico Judá ricoda, lripitana pia Isaí. Lrishopia ocho lrienipe. Jliaji Isaí pekirrinatsa Saúl caojle, pekirritsa naoya njaji atsianai. 13 Njaji madalrida lrienipe pekipenai napia Saúl jiapodam nianoaca cawa ricojle. Naipitana pia njaji madalrida lrienipe iacape nainoaca cawa ricojle njaji Eliab lrinitanda lrienipeca. jliapodada Abinadab, njite madalrida shopana Sama. 14 Jliaji David icapiatsa pikeetendalrica nasho nja lripeenai. Njite njaji lripeenaipe madalridan naawa Saúl iinai. 15 David idianjiwa napecolrico njaji Saúl itsolrodaoperre naicjaolre njaji jlinirri iovejan Belén ricó, lria carró jliwa nainjao. 16 Cuarenta jalredaoca icóa, lridianjicao jliaji atsia kjaidete Filisteo lridinajicawa piyompinaco dainomajle tsacja, lriá carró lriinoacawa oowi ricó. 17 Njite apapia jalredaoca isaí iaco lrirrí David isho: ''Pidee pipjeenai isho yaamana lata mátsoca nameeritaji matsia njite dieta peetje, kjeyaotsa piaca nawacaacalri nirsheo njaji pipjeenai. 18 Pidee tsacja dieda vaaca iinia natarrataji lrisho jliaji tsolrodaonai iapiyawalri, jliaji ianjiicada mil tsolrodaonai naco; picapaotsa coanca njaji pipjeenai, njite pideotsa nosho nanaani nacjoite noanjíi carró matsia catsana. 19 Ahotsa nja pipjeenai Saúl iapiya, njite pjiomi nja atsianai Irael ricope jiipai pacoacaita caawa Ela ricó, nainoacacao Filisteonai icjoete.'' 20 David iawa deepitoa njite lricadaa nja lri wapanji oveja pada iinai iwapacadatsa oveja. Jlipa njaji injaodati jliá carro naapiya cayoji jlinirrí inaa capishon. Lriocawa nanaco nawacaaca cawao njaji tsolrodaonai naacádanaco njeemata caayao oowi iacoa ricó. 21 Njite njaji Iraelnai njite njaji Filisteonai neema pacjaawa nacjoetewaca. 22 David icadaa njaji injaodati lridenji lriinai jliaji iwapacada nayaaro nawacaaca cawao ricó, lrikjeyapita lriawa naicjaolre njaji iemalri nainoacacawa ricó lritatjá carro nja lripjeenai. 23 Caaco cadaana toa nainai, jliaji atsia kjaidete, Filisteo tairri Gat dalri, Goliat dalri iipitana, lrimoto naoya njaji Filisteocja, njite lricaite njaa minitsa iacotica lricaitenda mana, njite David jími coanca lriaco. 24 Njaji Iraelitanai nacapa cádanaco jliaji atsia, oopi napito lripjeya nafió capoa lriiwana pekirritsa. 25 Njaji atsianai Iraelitanai naaco lrisho: ''¿Capja picapa jliaji atsia imotolri? Lrinoca lripaolreta Irael. Njite jliaji wa talricanaa lriawatsa jorre lricoadao lriso jliaji iinocada jliaji atsia cjaidete, lricadaa tsacjaotsa lriito lriinoa, njite corriotsa jlitá carro keetsa palraata lrioya jliaji jlinirrí Irael ricó.'' 26 Njite David iaco lrisho jliaji atsia caacolri lriapiya: ''¿Coca pidaotsa naa lrisho jliaji atsia iinolriotsa jliaji atsia cjaideete, njite lriyomjeta Irael ipaimaiti ioya? ¿Cocao jliaji atsia Filisteo masho cádalritsa jinaana lridáki naco, jliaji iometeetalri lritsolrodaonai jliaji Dio caafidalri? Njite njaji inaiki nacaite jlimi coanca naaco njaji inaiki lrinacoapana, naaco lrisho: 27 ''Cayoatsa jliaji atsia iinocada jliaji atsia cjaideete.'' 28 Njite Eliab, David ipjerri jimitsa caacoca David lriapiya jliaji atsia. Njite Keeroa Eliab pekirritsa David iapiya, niini lriaco lrisho: ''¿Coada tsacja pino jarreji? ¿Coca iinai pimaca njaji yamadantsa oveja piwapaji jalrapocolri ricó? Noanjíi matsia coanca padalreca pjia njite coanca pimatsicanaa picaolre ricóda; Coada pino picapa wainoacacao.'' 29 Njite David jiepani, lriaco lrisho: ''¿Cocao jliaji maatsirri nonaitjalri? 30 Njite David jiena lripjerri ioya aape icjaolre caacó carro lriapiya lrinacotsa jliaji nacaiterri lrisho. Njite njaji inaiki nacaite lrisho cayotsa nacaite capisho jlimi nja paana. 31 Njemi cádanaco njaji iacoti David icaiterri, njaji tsolrodaonai nacaite Saúl jími, niini lrinaa naaca naoma David nadee carro lricjaolren. 32 David iaco Saúl isho: ''Macadaatsa inonaaca nacaolre nacaolre njaji pinaikite lriicjaote jliaji Filisteo tairri; ima njoá pishodalri, noacaotsa noinoacawa lricjoete.'' 33 Njite Saúl jiepani: ''Cotsa pitaitá carroca pinoacacao Filisteo tairri lricjoete ima iempetida catoa pjia, jliacadana jliatenje caidalritsa lriinoacacawa owí rico lriyempetica nacjoite. 34 Mitsa David iaco Saúl isho: ''Njoa pishodalri iwapacadapiaca njaji njonirri iovejan. Yaawi, o taarro cada ioca jípa nanacjoite nja oveja, 35 noamana jliapodam noinó noemá carro lricjoete, njite caimanatsa nomanacotaca lrinoma lricjoite njaji oveja. Njite jlinco cadaa nocjoete lriinó carro njoa, njopaaca lriiyo nacó notodáa carrón nocaapisho, atee kjerreca noinoni. 36 Yaawi cadaa, o taarro cadaa, jliaji pishodalri lriino cani. Njite jliaji Filisteo mashocadalritsa jinaana lridaki naco cayocaotsani nacayosho, lripaolre capoa njaji tsolrodaonai Dio caafidalri iyaarrope.'' 37 David icaite pjaa: ''No Minalri imanacota manaca njoa nonaitja cádanaco oowi nacjoete nja yaawi, taarro tsacja. Limanacota tsacjaotsa njoa lrioya jliaji Filisteo.'' Njite Saúl iaco David isho: ''Washa peda piawa, njite piinai catsa Waminalri.'' 38 Saúl jieta David naco njaji lriinoaca shopa. Lricadaa jliwida naco jliwida idaana nanaitjanda bronce sho, njite jlieta lrisho lritsayan tsípalrape. 39 Njite David jípa jieta lri matsetan lriarroita lrico lrinacó dalri. Mitsa corrim lritaita lriemanjica naapiya, ima corricatsa lrietsitaacao nasho. Niini David iaco Saúl isho: ''Corrí notaita noaca noinoacawa násho, ima corricatsa noetsitakjencawa násho.'' Niini David jita lrioya pjiomi njaji jlietaji lrinacoa nainoaca shopao. 40 Niini jlipa tsenacja njaji jlipampe mana lricaapi ricó. Lrioma onipaokja ricjoite cinco jipadadape keeti perri; jlietana lritsacó dalre ricó nadenjinda mana njaji iwapacape oveja. Jlipakeetsa lricaapi ricó yeecakja lriá cádanaco Filisteo tairri icjaolre. 41 Jliaji Filisteo tairri itsometa David, njite jlipa lridanaita lripjeyajle. 42 Njite jliaji Filisteo lrioma lricapa matsia lriwaipoco naco, njite icaamitsa lricapalrica David, icaamitsa lrimenatacan lricapa capoa iempetida catoani, eewá dalri itsicolre njite matsiapalri. 43 Niini jliaji Filisteo iaco David ishó: ''¿Capja piwaadaca tsiinoca njoa pinó carró piino njoa jaico sho?'' Njite caaco maatsi David isho jliaji Filisteo lridiote iipitana naco. 44 Lriaco David isho jliaji Filisteo: ''Pinoena noicjaolre, nocadaa carroena pidaki nainjao nja waayolri njite nja yaawi awacada lrico tsacja.'' 45 Njite David jiepacan, lriaco lrisho: ''Pinoca noicjaolre matseeta iapiya, molrocó tsacja, njite jiipada capapídalri sho tsacja. Mitsa njoa nonoca picjaolre Lriipitana nacó Jliaji Iraelnai itsolrodaoperre Iminalri, jliaji pipaolreetalri piicjaoteo. 46 No Minalri icadaawatsa njoamaca pjia, noino caotsa pjia, njotaotsa pjiwida pidaki ioya. Jliadaa jliaji nocadaotsa nadaki njaji tsolrodao Filisteonai nainjawa njaji waayolri njite nja yaawi keeroáperri awacada lricope, naanjíi carroatsa njaji jalredaoca lricope ninca Dio Irael ricó, 47 naanjíi carro tsacja njaji icapacape paanaya corricatsa wa Minalri jiameetacantja matseeta sho minítsa o molroco shó cantja. Ima wa Minalrica jliaji inioacalri waicaote, Jliá watsa icadaa faamaca jia.'' 48 Jliaji filisteo jlinco cádanaco lriá carro lriinoacawa David icjoete; David jieco ikjeyapita naicjaolre keema nja lricoema lrinoacá carro filisteo icjoete. 49 David jieta lricaapi lritsacoapalre ricó, jlipa pada jipadada lriinoshopan, njite lriocá lriecoa nacó jliaji filisteo tairri. Lriino tsifam lrisho jli jiipada lriecoa nacó niini jliwacao jliaji filisteo tairri lriecoa sho jiipai nacó. 50 David jiameta jliaji filisteo pacja yecacjaa sho sho njite pada jiipadada sho tsacja. Lrino cjaidani lrishotsa mayamini. Corrí David jipajinca matseeta lri caapi ricó. 51 Njite David jieco iemao filisteo idaki nacó, niini jlipa lrimatseetani, jlita lriarroita ioya lriinó carron, njite lriyoaca jliwida lri matsenanin shotsa. Nacapa cádanaco njaji filisteonai ooica mayami jliaji naatsiate caidete, icaamitsa napitocao. 52 Njite njaji atsianai Irael ricope njite Judá lricope tsacja cjaida nawanaca, njite napineta nja filisteonai pacoaca cawa rico jiipai nacojle pjeewa cawa Ecrón ishó. Njite njaji filisteo mayamperri macada naoshoacawa inipolrico iacada Saaraim ricojle, njite lri ricoda jliaji inipo iacada Gat ricojle njite Ecrón ricojle tsacja. 53 Njaji Iraelitanai yaami napineetaca njaji filisteonai, njite nadee pjiomi nayaarrom nja filisteonai naofa cawa lricopia. 54 David jipa filisteo jiwidam njite lrideeni Jerusalén ricojle, mitsa nja lrinoaca shopam lricadaa catsana lriofacawam rico jliaji filisteo tairri. 55 Saúl icapacadanaco David iacawa filisteonai icjoete, lriaco Abner ishó, jliaji lritsolrodaonai icapitaman: ''Abner, ¿Cocao ienipe jliaji iempetitoa?'' Abner jiepani: ''Ajádalri talricanatica pjia, corri noanji.'' 56 Njite lriaco jliaji talricanaati: ''Pitatja pjimio nainai njaji ianjicape lrinaco, coca ienipecan.'' 57 David idia cádanco lriinocam jliaji filisteo, Abner jipa ideeni , lridee carroni Saúl icjaolre, njite jlipacatsa lridee lricaapi ricó filisteo jiwidam. 58 Saúl iaco lrisho: ''¿Cocao ienipe pjia? njite David jiepani: ''Pishodalri Isaí ienipeca njoa, Belén dalri.''
1 Yaami cádanaco caacocan Saúl David iapiya, Jonatan iwawaita irroacawa David iwawaita iinai, niini Jonatan ipeyocani lripeyoaca capisho jliwaacatsa. 2 Saúl idee David lrishodalri carron jliadaa jecoapi; corrinatsa lricadaa lridiawa jlinirri iipana ricojle. 3 Njite Jonatan David iapiya nanaitja pada yaacoti nainaiwaca nakitsindajiacá carroa, ima Jonatan ipeyoni lripeyo capisho lriwawaita waacatsa. 4 Jonatan jita lritsayan jlietanda lritsayan naco lriá carroni David ishó, lriá tsacja lrisho nja lrinoaca shopa oowi rico, lri matsetan, lriyawitjiapo njite lricintoron tsacja. 5 David iawa akjerrecawa catsa Saúl imeenaca lriawa, njite matsia mana lriacawa. Saúl icadaa David carro ianjíi nanaco njaji tsolrodaonai inoaca cápe oowí rico. Njite matsia nacapaca lrisho nja inaiki aimadan, matsia tsacja nacapaca lrisho njaji Saúl ishoperrí. 6 Nadia cádanaco naapana lricojle nainoaca cayami nacjoete nja filisteonai, nano pjiomi njaji inaitjepe Iraelnai iyacalre ricope nano nacapá carró natalricanaa Saúl, nacanta caayao narrapacje tsacja, cathiima nánoca niini nadeeca njakjematajle nacanta carro tambor sho njite pjiomi nja paana nacantashopa. 7 Njite nja inaitjepe nacanta nainaiwaca, naaco nacantanialre ricó cayoji: ''Saúl iino mil jlipondape, mitsa david iino diemil jlipondape.'' 8 Corripia Saúl ipeyo jimica coanca nacantaca nja inaitjepe, niini kerroacan. Lriaco: ''Nacadaa diemil David isho, mitsa nosho nacada mil tsa. Icaamitsantja canacaica nacaiteca jliaca talricanaati.'' 9 Jliadaa nacjoite Saúl ikerria David. 10 Tewaijle, pada icaojleti maatsidalritsa Dio imeenacanda jiwa tsenacja lrinaco. Njite mayamijica Saúl lriipana lrico. Ikeena David ikjemata lritocanda mana, cayotsa lrinaitja capisho mana jalredaoca icoam lrisho. Saúl jipa cadanatsa lricaapi ricó lrimolrocon. 11 Niini Saúl iocatja lrimolrocon sho David icjaolre, ima lriaco lriwaopiaca: ''Notodaotsani nomolrocon sho panti iwai nacojle.'' Yamapia lrinaitja cayon, mitsa David ipito Saúl ioya. 12 Ikena Saúl ifiocawa David iiwana ima wa Minalri catsa lriinai, njite corrinatsa wa Minalri lriofa Saúl iinai. 13 Cayotsa Saúl jita David lriemacawa pia lripeyajle: lricadeenacjan David carró natalricanaa nja mil tsolrodaonai. Cayopiatsa David iawa njite lridia tsenacja napeyajle nja lritsolrodaonai aimadan. 14 Njite matsia mana David iacawa coca nacocatsa lrinaitja ima lriinai catsa wa Minalri. 15 Saúl icapa cádanaco matsiacatsa David iacawa nanaco njaji lrinaitjalri, corri lrianji coanca lricapa cádanacon. 16 Mitsa pjiomi njaji Iraelitanai njite nja Judánai napeyo nacapaca David, ima jlia mana iawa napeyajle nja tsolrodaonai naacádanco njite nadiá cádanaco tsacja. 17 Niini Saúl iaco David isho: ''Arroatsa noito pjerroti , Merab. Noaotsa piinoano. Icaamitsa nooma mafiocaca pjia nosho pinaitjá carró oowi wa Minalri iipitana nacó.'' Ima Saúl iaco iwaopiaca: ''Corritsa njoá carro iinon, njaotsa iinon nja filisteonai'' 18 Njite David iaco Saúl isho: ''¿Cocao njoá, Cocao nocafica, o coandalrica njonirri iipaneeta Irael ricó, njoá carrontja lritsimarre jliaji talricanaati? 19 Mitsa lrioca cádanaco jlinaana Saúl iacantja lriito Merab David isho, lrienacjano Adriel meholatita inoano. 20 Mitsa Mical, Saúl iito iwedoati, ropeyo David. Nacaite Saúl jimi, njite matsia Saúl jimican. 21 Njite lriwaopia lricjoete: ''Nocadaotsa lrishono, romá carroatsa lriofawa, njaa carroatsa inon nja filisteonai. Njite David iaco yamapiashopa David isho: ''Notsimarreotsa pjia.'' 22 Saúl inaa caacoca nja lrishoperri cayoji: ''Caacoatsa jia david iapiya dawacaitsa, njite icaiteotsa lrisho cayoji: Jliaji wa talricanaa matsia lricapaca pishó, caitsacja nja lrishoperri. Panaya, washa pjita sho lriito, talricanaati itsimarré carro pjia.'' 23 Niini njaji Saúl ishoperri nacaite jlimi njaji iacoti inaalri nacaiteca David isho. Niini David jiepana: ''¿Capja iwada mjerrapitinaa catsa pasho talricanaati itsimarreca pja, atsia cjenaadalrica njoa, cocantja matsia icjaote nacapaca nosho?'' 24 Njite njaji Saúl ishoperri nacaite jlimi coanca David icaiteca. 25 Njite Saúl iaco nasho: ''Cayoatsa iaco David isho: Jliaji talricanaati cotsa coca lrioma piinai, icaamitsa lriomalrica piinai cien idakiti iyam atsianai filisteonai iyaapem, cayotsa lriomaca lricoadao naoya nja lricoema. 26 Saúl ishoperri icaite cádanaco David jími njaji iacoti, matsiatsa David jimica nja iacoti talricanaati itsimarré carron. 27 Niini David iawa naapiya njaji lritsolrodaonai, njite lriino dociento atsianai filisteonai. Niini lriyoaca naki iyam nja atsianai filisteonai, njite lriá pjiomina Saúl isho, ima cayotsa lrisoca lrinaitjaca Saúl itsimarré carron. 28 Niini Saúl iá lriito Mical David iinowa. Saúl icapa cádanaco, njite lrianjíi tsacja David iinai catsa wa Minalri, njite lriito Mical iomani, 29 Saúl ifió pjaawa David iiwana. Njite corrí yaami Saúl jipondataca David. 30 Njite njaji caaconaperri filisteonai naa nainoacawa, ima namotoca icoam oowi ricó matsia pja David iacawa naoya njaji Saúl ishoperri, niini catjinaaca David iipitana nasho.
1 Saul iaco lrirri Jonatan isho njite nasho njaji lrishoperri pjiomi nainó carro David. Jonatan ipeyonda cadana David. 2 Niini Jonatan iaco David isho: ''Njonirri Saúl ioma iinoca pjia. Niini piawa awacada lricojle piwapaaca carro nirse, njite pidawaacawa corri cawatsa coca ianjíi. 3 Nomotoatsa noema pemajle noemá carro tsoomi njonirri icodapi pidawaacalri niinio, njite caacocaotsa njonirri iinai pinaco. Njite coca cadaotsa noanjíi, nocaiteotsa pjimi . 4 Niini caacoca matsia Jonatan, David naco jlinirri Saul isho, lriaco lrisho: ''Macadatsa talricanaati inaitja imatsicanao lrishodalri David nacó. Ima corricatsa coca lrimatsicana pisho, njite pjiomi njaji lrinaitjalri matsia lrinaitjaca pisho. 5 Lriino jliaji filisteo kjaidete. Njite Dio icadaa jiama kjeti pjiomi Irael isho, picapanda njite jorre catiimaca pjia lriicjaote. ¿Njite coadantja wanaitja wamatsicanao wama capoa David mamatsicanaadalritsa ipeecoca lriirrana micjapantsa?'' 6 Saul jimi Jonatan isho. Niini Saul icaite iacoti ajádalri sho lriaco; ''Caafidalrica no Minalri, corriotsa mayamícarroca David.'' 7 Niini Jonatan iwana David, njite lricaite lrisho pjiomi nja iacoti lrianjíi carro coanca. Njite lridee David, Saul icjaolre. Saul icadaa tsenacja lridenje lriinai lriofacawa lrico caitsa oopisho. 8 Njite apapia nacojle nanaitja tsenacja oowi, niini David iá tsenacja inoaca filisteonai icjoete, njite jliametana jorre capoa lriinocana. 9 Saul iofa cádanaco lriipana lrico njite lrimolrocontsa lricaapi ricó, pada icaolriti maatsidalri Dio imenacanda ino Saul naco, David ikjemata cadana toa lri arpan. 10 Saul ioca tsenacja lrimolrocon David icjaolre panti iwai nacojle, mitsa David jiena Saul ioya, mitsa jliaji molroco jliewa taimi panti iwai naco. Cayotsa iomjica David njite lridepitenatsa lripito Saul ioya. 11 Saul imeenaca inaiki naacarro nawapa nacapa David lriipana lricojle lriacarro lriinoni piyompinacotoa, tjewaile. Njite David iino, Mical iaco lrisho, ''corricadaa pimanacotaacacao jliadatsa deepica jliaji, tjewaotsa naino pjia.'' 12 Niini Mical icadaa David iorrocowa ventana lricjoite. Lrimoto niinio, njite cayotsa lripitocawa. 13 Njite Mical jipa apana topana panti ricoda roshoetá carron naoshoa carroda ricó. Njite rocada jliwidarroa cabra iyami, njite shoeta tsacja lritayaniwa. 14 Njite lrimeenaca cádanacoena njaji iacapena iomani jipa David, roaco rosho: ''Lriyaamica.'' 15 Njite Saul imeenaca tsenacjana nacapá carro David; lriaco nasho: ''Ideotsa noicjaolren lrioshoacarroita fiée, noinó carroatsan'' 16 Njeewa cádanaco, njite nacapa topana catsa jliaji ioshoalriwa naoshoacarroita ricó, njite cabra iyam catsa jliwidarroa. 17 Njite Saul iaco Mical isho: ''¿Coadao picatsata njoa njite pima nocoema ipitocao?'' Njite Mical jiepani, roaco: Lriaco nosho, corricadaa picadaa noawa, noinocaotsa pjia.'' 18 David jieco idawaaca teecoa, lriawa Samuel icjaolre Ramá ricojle, njite lricaite pjiomi Samuel coanca Saul inaitjacan. Ikeena Samuel, David iapiya naa naofáa Naiot ricojle. 19 Njite nacaite Saul jimi aaca David Naiot Ramá ricojle. 20 Niini Saul imeenaca iacape jipa David nirse. Njite nacapa cádanaco njaji profeta papoco perri iemao nanoparrotaca, njite Samuel-ca njewidaapo, niini Dio Icaolrini iorroco nanaco njaji Saul imeenacaji, niini nja tsacja inoparrota nainai. 21 Nacaite cádanaco Saul jimi coanca nja lrimenacaji, lrimeenaca papocoenacja inaiki, mitsa njaa tsacja inoparrota nainai. Saul imeenaca tsenacja madalripia shopena, mitsa nja tsacja inoparrota nainai. 22 Cayocapoa, Saul iá tsacja Ramá ricojle njite lriocawa njecaniapji rico njetacaawa ooni Secú ricó. Njite lritatja nainai kjerreca Samuel njite David tsacja, niini pada icaite jlimi acana Naiot ricó Ramá dalri. 23 Niini Saul iawa Naiot, Ramá ricojle. Mitsa Dio Icaolrini iorroco tsacja lrinacó, niini lrinoparrotaca nainai, atee lriocawa Naiot, Ramá lricó. 24 Nirshe, lritojloeta lrioya lritsayani, lrinoparrota tsacja nainai Samuel ipeyajle, matsayanitsa lritoda lriecoa jiipai naco padaa jecoapi njite padaa deepi. Lriicjaote capeena nacaite nja inaiki: ''Saul tsacja napecolrico nja profetana.''
1 Njité dalri David imotoa Naiot ricjoite, Ramá dalri lriá carro Jonatan icjaolre, njite lriaco lrisho: ''¿Cocao nonaitjalri? ¿Cocao nomatsicana? ¿Cocao jli nomatsicanaa nonaitjalri pjinirri isho caicarro lriomaca lriinoca njoa?'' 2 Mitsa Jonatan iaco David isho: ''Teeco jliyapawa caicawarra, corriotsa mayamí carroca pjia. Corri pacapa pada tsodalri o macádalri njonirri idawalrintja nooya. ¿Coadantja njonirri idawa nooyani? Corriotsa lriinó carroca pjia.'' 3 Mitsa David icaite tsenacja iacoti ajádalri sho cayoji: ''Pjinirri ianjíi matsia matsiaca picapaca nosho. Niini lricaiteca: Macadaatsa Jonatan ianjiica jliaji nooamalri nonaitjaca David isho, wadentja iinonacani lricjaote. Mitsa ajádalri capoa caafídalrica jliaji wa Minalri, njite ajádalri tsacja caafica pjia, nocaite pisho tsoomicatsa nooya mayamicalri.'' 4 Niini Jonatan iaco David isho: Coca cadaotsa lrioma picaiteca, njoaotsa caaco pinacjoite.'' 5 Njite David iaco Jonatan isho: ''Teewaotsa walripi keeri initawa, noshotsa noaca noinja talricanaati icódapi. Mitsa corriotsa noá carroca, matsiapja picadaca noawa nodawaacá carro madalridaa jalredaoca. 6 Cjapodam cadaa njoa pjinirri isho, picaiteotsa lrisho cayoji: ''David itatja noinai caiwiricotsa nocadaa carro lriá jliecojiwa lriyacalrese Belén; namjaitá carro maaficalri Dio isho nishe naapiya pjiomi nja lriipaneta cayoji nanaitja capisho mana oonia icoam. 7 Njite jliepacada. Ha, matsiatsa. Piajiwatsa lrimawadaca catsaotsa jliaji pishodalri. Mitsa kerroa cadaotsani matsinaa, pijiwatsa opica lrinaitjaotsa maatsi nosho. 8 Panaya nooma kjeenaca picapaca pishodalri isho. Ima oopica pima lrinaitja pada iacoti ajádalri sho wa Minalri iipitana nacó piapiya. Mitsa niini cada pada maatsídalri nonaco, piinoena njoa. Pacoaca tsantja pidee capisho njoa pjinirri icjaolre.'' 9 Njite Jonatan jiepani, lriaco: ''¡Teeco jliyapa pioya cayocawantja! Noanjíi cadantja njonirri iomaca iinoca pjia, njoatsantja icaite pjimi lrinaco.'' 10 Niini David iaco Jonatan isho: ''¿Cocaotsa icadaa noajíicarro corri cadaaotsa matsia pjinirri jiepaca pjia?'' 11 Njite Jonatan iaco David isho. ''Pino noinai jaico lrima iapjite'' Niini naaca yamadapewa. 12 Njite Jonatan iaco David isho: ''Piinai catsaotsa jliaji wa Minalri, Iraelnai iDiote. Notatja cádanacoatsa njonirri inai cayokenaotsa jeeriji tjewena o dainomajle cadaa, niini cadaotsa pada matsiadalri David isho, ¿Capja piwada corricaotsa nocadaa pianjíi? 13 Ajádalri cadaa Njonirri ioma iinoca pjia, njite corrintja nocaite pjimi, wa Minalriwatsa jirrapiteetaotsa njoa matsi corri capoa nokitsindata pjia pipitó carro. Njite piinai catsaotsa wa Minalri, cayoji lriofáa capishopia njonirri iinaí. 14 Caafi cada toatsa njoa, kjenaotsa picapaca noa piinaiwa cayoji kjenaa capisho wa Minalri icapaca pisho, wadentja piinoca njoia. 15 Kjenaotsa picapaca nasho nja noopaneta caidalritsa, Dio iwayakeeta cádanaco pjiomi njaji David jiponda jalredaoca lricjoite.'' 16 Caitsa Jonatan inaitja pada iacoti tsenacja David iapiya, lriipaneta iapiya tsacja, njite lriaco: ''Wa Minalriwatsa itatja David icoadao nainai njaji jipondatacapeni.'' 17 Jonatan ipeyocapoa David cayoji lripeyoaca capisho lriwaca waacatsa, lrinaa tsenacja lricaiteca lrisho iacoti ajádalri sho lrisho. 18 Njite Jonatan iaco lrisho: 19 ''Walripiotsa keerri tjewa. Cjapodamiotsa pjia njonirri isho ima meetada caotsa piofa carroita lricodapi. Njite madalridaa nacoatsa corricawa pacapaca pjia, pidiawatsa piorrocoa kjeeyacalrim pidawaacá carro aji pidawaacalri pia niini lriinita caojli piena jliaji maatsídalri, tsoomi lrioya jli jiipada Aziel dalri iipitana. 20 Noyawitaotsa madajliwi yawitsiocoti picodapi cayoji noyawita capoisho jliaji pacapanda. 21 Njite nomenacaotsa pada noshodalri, nocaiteotsa lrisho: washa pia pioma na noyawitjioco, njite nocaite cadaotsa lrisho cayoji: Picapa, icatsarra picodapi, pidee noshona; pianjiwatsa corri catsa pacapa maatsidalri, ima caafidalrica wa Minalri. 22 Mitsa nocaite cadaa noshodalri isho cayoji: Picapa, apja nja yawitjiocoti pipeyajle; pianjiwatsa pishocaotsa poacao teecoa, ima wa Minalri catsaotsa imeenaca teeco pjia. 23 Njite lrinaco jliaji iacoti wanaitjalri wainaiwaca, wa Minalri catsaotsa wainaiwaaca caidalriwetsa.'' 24 Ikeena David idawacao jaicolrima iapjite. Walripi keeri imoto cádanaco, talricanaati iofáketsa ijáa. 25 Lriofáa lriofá carroda lrico tsoomi panti iwai naco, ima cainama catsan lriofa cádanaco mana lrija. Jonatan jinico iemao, njite Abner iofawa Saul icodapi. Mitsa David iofá carroji mana meetadacatsani. 26 Corritsa coca Saul icaite jliadaa, ima lriaco lriwaopiaca: ''Nintsapa coancani. Corricapa matsiani, korricapa lripiyoacacao Dio ipeyajle. lrimatsicana ioya'' 27 Mitsa yamadaa nakojlena, walripi keerri jiapodamina, njite jliaji david iofacarroita, meetada catsani. Niini Saúl iako Jonatán irso: ‘’¿Koadadao korri lrino lrinjá oopica jliaji Isaí irri, korrin tsacja daikaya?’’ 28 Jonatan jiepa Saul: ''David itatjatacao noinai lriá carro Belén ricojle. 29 Lriaco nosho: ''Pinaitja matsiacalri picadaa noawa. Ima nja nopaneta namjaita caotsa maaficalri Dio isho nishe, njite nja nopjeenai nacaite nosocatsa nainaica njoa. Panaya, matsiacadatsa njoa pipeyajle, pinaitja matsiacalri picadaa noa nocapá nja nopjenai''. Caishopa corri lrino lriija piinai mesa naco.'' 30 Niini keeroaca Saul pekirritsa Jonatan icjote, lriaco lrisho: ''¡Pjia, iinarro maatsídarro, mjepacádarro ienipe! ¿Capja piwaadaca corrica noanjíi pikitsindaji imatsiacaca jliaji Isaí irrí, lripaimanietá carró pjia njite lripaimanietá carro tsacja shoaji pjidoa matsayandarró? 31 Caafi cádanacotoa jliaji Isaí irrí aji jalredaica lrico, corriotsa pacapá carro kjerre caotsa talricanaatica pjia njite pitalricanatacawa ricó tsacja. Niini panaya, pineenaca naacarro naoman njite pideotsa noshoni, ima David ishotsa mayamican.'' 32 Njite Jonatan iaco jlinirri Saul isho:''¿Coadao pioma piinoca David? ¿Cocao jliaji maatsirri lrinaitjalri?'' 33 Caicadanaco Saúl ipeco lrimolrocon lricjaolre lrinocarroni. Caicarro Jonatan iajica jlinirri iomaca iinoca David. 34 Jonatan jinicoeca mesa nacjoite ima kerroacani njite corrim coca lrija yamada jalredaoca naco walripi keerri naco, ima coyolre cani David naco, matsi capoa jlinirri icapa David isho. 35 Piyompinacojle, Jonatan iawa jaicolrima ricojle lricapaacá carro David iapiya, njite pada atsia iempeti toa iá llrikitsindao. 36 Lriaco lrishodalri isho: ''Pjiecoa piomá carro nja yawitjioco noyawitaji.'' Njite jleco cádanacotoa, Jonatan iyawitá apjewi yawitjioco lripeyajle. 37 Njite jliaji iempeti ioca cádanaco jliwalrio niini jliaji yawitjiocoti, Jonatan iwana lriicjaolre jli yempeti, lriaco lrisho: ''¿Capja teeco pjaca lriwao jli yawitjioco?'' 38 Njite Jonatan iwana jli yempeti: ''¡Kjeya pinoca, kjeya pidiacao!'' Niini jliaji iempeti Jonatan ishodalri, lriniwa kjeya nja yawitiocoti njite lridiao lriminalri icjaolre. 39 Mitsa jliaji iempeti corri coca lrianjii. Icaamitsa Jonatan njite David ianjii jliaji lrinaitjalri. 40 Jonatan iá nja lrinoaca shoopa oowi rico lrishoidalri isho, lriaco lrisho: ''Pidienawa, pidee nja nonaani yacaalre ricojle.'' 41 Lrdiá catsao jliaji iempeti, David jinicoa Lridawaacalri njiteo, njite jliwao tjewacajle lrinoma jiipai nacó, njite lricoanja madalripia. Nanota tsacja na cacoapa nacó, njite naiya yamadapena, mitsa David jliaji iiyalri pja. Jonatan iaco David isho: ''Pimaodacatsa piacawa, ima wanaitja pia iacoti ajádalri wa Minalri iipitana naco, cayoji: ''Wainaicatsa wa Minalri, njoapodamperri iinai njite pjiapodamperri iinai tsacja caidalriwetsa.'' 42 Icaamina David jinico iawa, njite Jonatan idiawa yacaalre ricojle.
1 Njite David iocawa Nob ricojle lricapá carro jliaji sacerdote Ahimelec. Njite Ahimelec ino David icjaolre lritetjecaayao, lriaco lrisho: ''¿Coadadao pjiwacatsa ianjio, kjerre nja piimaiperri?'' 2 David icaite lrisho jliaji sacerdote Ahimelec, ''Jliaji talricanaati lrimeenaca njoa pada icjaote, njite lricaite nosho corri carró nocadaa nanjíi lrinaco jliaji lrinaalri nonaitjaca. Niini nocadaaca naawa nja noshoperri paafe ricojle. 3 Panaya ¿Cocao pisho piaoda noinjao? Pia nosho cincoita paatjeitape, o cocacatsa pisholri anji.'' 4 Niini jliaji sacerdote lriaco David isho: ''Corritsa nosoenca nja peetje naijampe nja inaiki coaperricatsa, mitsa nosoca nja petjeitepe nainjampe nja imatsietaaca cápewa Dio ipeyajle, nataita nainjaca corricadaa njeyapa iinarro iapiya. 5 David iaco jiepaca jliaji sacerdote, " Ajadalri corrica feyapa inaitjpe inei nanaco madalridaa jalrdaocaca njaji, caiminitsa wanaitjaca wacadanaco kjerrecaoji. Njenitaaca manao njaji notsolrodaote wamoto werrico kjerrecaoji. ¡Omamina njenitaaca cao jliaji panaya! 6 Caicarro sacerdote iaca lrisho jliaji peetje njenitanda. Ima corriketsa pacapa njaji petje naiñjampe njaji inaiki coamperri catsa, icamitsa jliaji petje nacadaanda mana Dio ipjeyajle, njeta jaiteniji nacadaa cawa mana lriofao nacadaa carroencja walrite lriarromtacao. 7 Njite niini pada nanacjoite njaji ideejicape Saúl isho, njepanda Dio ipjeyajle. lripitana Doeg pada edomita, naminajri njaji iwapacape Saúl ipirra. 8 David icaite Ahimelec isho cayoji: "¿cjapa corri pacapa matseta o molroco piacarro nosho? Corrica nodee noineiwa no matsetan corrim noinoacashopaca nokjeiapita capoa nonoca lriapiya jliaji lrimenacalri njonaitja jliaji talricanati" 9 Lriaco jliepacan jliaji sacerdote, " jliaji Goliat imatsetanim, píínolri malritsita lrico aji Elá rico, a nacadaniji nañampani yamacati rico lriapodamni jliaji natsayan njaji sacerdotenai. Piomacadani, pidenan, ima corrica pacapa padapja painoaca shopantja." Njite David iaco, " Corri pacapa paita matseta jlipepe; pianoshoni." 10 David jinico njite lripitó carro jliada Saúl ioya njite lriawa Aquis ideshe, talricanati Gat italricanaa. 11 Njaji Aquis ishoperri naaco lrisho cayoji, " ¿Capja David-ca jliaji, jalredaoca talricanaa? ¿Capja corri nacanta lrinaco nainaiwaca narrapakje, 'Saúl iino mil jlipondape, mitsa David iino die mil jlipondape?' 12 David imatsieta nja iacoti lricaolre ricó njite lrifió pekirritsa Aquis iwana, Gat italricana. 13 Njite lritecojleta lrinaikica napjeyajle nja ninperri, lrinaitjacawa ipicacáda sho; lridaneeta coancatsa macádatsa; Lridana yacaalre ipananoma nacó njite lricadaa pja lrianomja iarroa lritsinoma nacó. 14 Niini Aquis iaco nasho njaji lrishoperri, Icapa coanca lripicacao jliaji atsia. ¿Coada iden noicjaolre? 15 ¿Capja iwada canaica nosho ipicacapewa, lrinó carrontja lripicajiwa nopeyajle? ¿Capjadaotsa jliewacaotsa nooana lricó?
1 David ipito njiteo jalraafen Adulam ricó. Njite David ipjeenai njite pjiomi njaji jlinirri iipaneta ianjíi cádanaco nishecani, naorroco lriicjaolre. 2 Pjiomi njaji inonaaperrim, pjiomi njaji ishocapem ideewecape njite pjiomi njaji corriperritsa imaodacantja iofaacao naa nacapa lricjaolre. Niini nacadaa David carro nacapitaman. cuatrociento atsianai njaji iwacaacalri lriinai. 3 Njitedalri David iawa Mizpa Moab ricó. Lriaco lrisho jliaji talricanaati Moab dalri: ''Notatja pinai matsiacalri, picadaa carro njonirri njodoa tsacja iá picjaolre, akjerrecatsa Dio icadaa noanjíi coanca noapiya. 4 Niini lrimaca jlinirri jlidoa tsacja Moab italricanaa iinaina a cadaana toa David lridawaacalri toa nisheo. 5 Njite jliaji profeta Gad iaco David isho: ''Maofatsawa pidawacalritsa niiniwa. pimoto njiteo piá carro Judá jipaite ricojle.'' Niini David iá njiteo awacada Haret dalri ricó. 6 Njite David jími oopica Saul ianjíi lrinaco, njite nanaco njaji atsianai ianjiirri lriinai. Njite Saul iofaawa Guibeá ricó, apana jaico tamarisco iapjite Ramá lricó, njite lrimolrocontsa lricaapi ricó njite pjiomi njaji lrishoperri neema lriwaida naco. 7 Njite Saul iaco nasho nja lrishoperri iemalri lriwaida nacó: ''¡Panaya jimi matsia, jia inaiki Benjamín inacjoité perri! ¿Capja Isaí irrí iacaotsa icoanam ipaniapjiwa? ¿Capjaotsa lricadaa nacapitamá carro jia mil tsolrodaonai nacó o cien nacó cadaa, 8 iá carrotsantja nocjoete? Corri pada inacjoite icaite njomi coan caojli piaca nirri inaitja pia iacoti lriapiya jliaji isaí irrí. Corri pada inacjoite capaimantja ianjiacacao lricjaote noinai. Corri pada inacjoite icaite njomi nirri catsa jliaji icadaa iacoti lriema carro nocjoete jliaji noshodalri David. Panaya jliaji lridawaacawa lriwapá carro lriinó carro njoa.'' 9 Njite Doeg edomita tairri, jliaji iemalri Saul ishoperri iinai, iaco lrisho: ''Nocapjen lrinoca jliaji Isaí irri Nob ricojle, Ahimelec ideshe Ahitob irrí. 10 Lritatja Dio lrinacó lrikitsindatá carron, lriá lrisho lrinjao njite Goliat filisteo tairri imatsetanim.'' 11 Niini Saul inaa naa carro naoma jliaji sacerdote Ahimelec, Ahitob irrí njite pjiomi njaji jlinirri iipaneta, njaji sacerdotenai Nob ricope, pjiomi naaca talricanaati icjaolre. 12 Njite Saul iaco: Pjia Ahitob irrí, panaya pjimi natsia.'' Njite jliepani: ''No minalri, alrina njoaji, picaite njomi.'' 13 Niini Saul iaco lrisho: ''¿Cuadao piwaopia piemaca nocjoete, pjia njite jliaji Isaí irrí, pia cádanaco lrirrawa, lrimatsetaniwa njite pitatja Dio lrinaco Lrikitsindatá carron, lriemá carro nocjoete, lridawaacá carro corricawatsa noanjíi cayoji lridawaaca capisho panaya?'' 14 Njite Ahimelec jiepa jliaji talricanaati, lriaco: ''¿Coandalri nanacjoite njaji pishoperri corridalritsa imatada pisho cayoji David icayosho, cocao jliaji talricanaati itsimarre, jliaji naapiyawalre njaji iwapacape pjia, jliaji nafionda nacapaca piipana lrico?'' 15 Corri icamicatoantja notatjaca Dio iinai lrikitsindatá carro Dvid. Caidalritsa nonaitjaca picapjentsa. Macadatsa nomatsicanao lricjaote njite corri tsacja nanaco njaji njonirri iipaneta. Ima njoa pishodalri corri noanjíi lrinaco jliaji posholri lriinai.'' 16 Njite Saul jiepani: ''Ajadalri mayamicaotsa pjia, Ahimelec, njite pjiomi njaji pjinirri iipaneta.'' 17 Niini Saul iaco nasho njaji iwapacapeni njaji iemalri lriwaida naco: ''Icabocoa iinó carro njaji wa Minalri isacerdotenai. Ima nja tsacja ikitsindata David nocjoete. nannjíi capoa tsacja lripito piaca nooya njite corrim nacaite njomi.'' Mitsa njaji lrishoperri corri naino njaji Dio isacerdotenai. 18 Njite Saul iaco Doeg isho: ''Picabocoa piinó carro njaji Dio isacerdotenai.'' Niini jliaji Doeg edomita tairri icabocoa lriinó carró nja sacerdotenai; Lriino ochenta cinco atsianai jietaaca capewa sacerdotenai itsayan sho jliada jecoapica. 19 Njite lriino matseeta sho njaji iofaacape Nob ricó, nayacalre nja sacerdotenai; lriino inaitjepe, iempetipe njite pjiomi njaji iempetiapape tsacja; navacan nadenjishopa tsacja, naburron njite naovejan tsacja. lriinio pjiomina matseeta sho. 20 Mitsa pada nanacjoite njaji Ahimelec ienipe, Ahitob irrí, lriipitana Abiatar, lripitoa njite lria lrioma David. 21 Niini Abiatar iaco David isho oopica Saul iino pjiomi njaji Dio isacerdotenai. 22 Njite David iaco Abiatar isho: ''Nioanjin piatsa cayocaotsa nocapa cádanaco niinica jiaji Doeg edomita tairri, jliacaotsa icaite noaconao Saul isho. ¡Njoa isho maatsicalri caicarro nainoca nja pjinirri iipaneta! 23 Piofa noinai, mafiotsa noiwana. Ima jliaji iomalri iinó carro pjia lriomjen tsacja njoa. Corriotsa coan carrocaotsa pjia noinai''
1 Njite naaco David isho: ''Picapa njaji filisteonai nainoacacao Keila icjoete njite nañaitoca nja trigo namatsietaji.'' 2 Niini David itatja Dio iinai lrikitsindatá carron, lriaco: ''¿Capja matsiatsa noaca noinoacawa na cjoete nja filisteonai? Niini wa Minalri iaco David isho: ''Washa pia piino nja filisteonai, piyomjeta Keila naoya.'' 3 Njite njaji David itsolrodaonai naaco lrisho: ''Anji Judá ricó, wa fió manacatsa waofacawa. ¿Omaminantja waa cada wainoacawa nacjoete nja filisteonai aimadan?'' 4 Niini David itatja tsenacja Dio iinaí, lriaco: Njite wa Minalri jiepa David, lriaco lrisho: ''Pjinicoa, piorroco Keila ricojle. ima nocadaotsa pjiametá carro nja filisteonai.'' 5 David iawa Keila ricojle naapiya nja lritsolrodaonai njite nainoacawa filisteonai icjoete. Lrita naoya na vacan njite lriino jorre filisteonai. Cayotsa David imanacota nja inaiki Keila ricope. 6 Jiaji Abiatar, Ahimelec irrí, lripito cádanaco David icjaolre, jlipa lridee lriinaiwa pada sacerdotenai itsayanpe. 7 Njite nacaite Saul jimi David iacao Keila ricojle. Saul iaco: ''Oopi Dio icadacan nocaapi ricón. Ima jliewacawa lri ricoda jliaji yacaalre ishocada ipananoma ishocada pataimita shopan.'' 8 Niini Saul iwakeeta pjiomi njaji lri tsolrodaonai naacarro oowi ricó, naa carro Keila ricojle nadanatá carro David njite nja lrinaiperri. 9 Mitsa David ianjintsa Saul iwaopiaca coanca lrinaitjaca maatsi lisho. Niini lriaco sacerdote Abiatar isho: ''Pidee sacerdotenai itsayampe ajerreji.'' 10 Njite David iaco: ''No Minalri, Irael iDiote, njoa pishodalri, njomi Saul inocaotsa ioma njoa Keila ricojle, lrinó carro lriino nja Keila ricoperri noicjaote. 11 ¿Capjaotsa njaji Keila ricope nacadaotsa njoa Saul icaapi ricó? ¿Capjaotsa Saul inocaotsa cayoji, njoa pishodalri jimi capisho? Pjia no Minalri, Iraelnai iDiote, notatja piinai caiwi ricotsa, picaite njomi coanca.'' Njite Dio jiepan: ''Lrinoeniotsa.'' 12 Njite David iaco pja: ''¿Capjaotsa njaji Keila ricope nacadaotsa nja noinaiperri, njite njoa tsacja Saul icaapi ricó?'' Njite Dio jiepan, lriaco: ''Aja. nacadaotsa pjia nacaapi ricó.'' 13 Niini David naapiya njaji lriinaiperri, seiciento namaimaca, njenico naawa Keila ioya, njitedalri nanjicatsa apafe ricojle manao. Njite nacaite Saul isho oopica David iawa Keila ricjoite, njite corritsa lripineta David. 14 Njite David iofawa idawaacao jalrapocolri ricó, jiipana lrima caawa, tsoomi lrioya jliaji jalrapocolri Zif dalri. Saul ianjíi mana iomani caidalritsa, mitsa corri Dio icada Saúl icapi riconi. 15 David icapeena Saúl imotoca iomajini lríino carroni; Panaya a jliaji David jalrapocolri rico aji Zif rico Hores ricoda. 16 Njite jliaji Jonatan, Saúl irri, jlinicua lriacarro David ideshe Hores ricojle, lri cjaidata carroni lricada lricaolreo Dio naco. 17 Jonatan iaco david isho: " Mafiotsao. Ima jliaji Saul, njonirri, corri watsa lrioketa carro pjia. Talricanati watsa pjia Israel naco, njite pinai catsaotsa njua. Jliaji Saúl, njonirri, lriajintsa cayoca." 18 Nanaitja pada iacoti nainaiwaca Dio ipeyajle. Njite David iofátoa Hores rico, njite Jonatan idia lripana lricojle. 19 Njite njaji Zifeo ricope íno Saul iderse Guibeá ricojle, naaco lrishó:''Icatsa David idawaacacawa wapecolrico nadawaaca carrojitsa Hores ricó, yeenondalri naco jiipai Haquila dalri, atsiajliemajle Jesimón isho. 20 Piorroco pioman, pjia talricanaati. Pinaitjá carro cayoji pioma capisho, piorro pioman. Njiteotsa fáa, icaamitsaotsa wacadaa caotsani picaapi ricó, pjia talricanaati.'' 21 Njite Saul iaco nasho: ''Caacoatsa matsia wa Minalri inaco. Kjenaa capoa icapaca nosho. 22 Washena idiawa, icapa carrocatsa matsia. Iomaotsan matsia kjerreca lridawaacawa njite cocacá jliaji icapa kjerrecanji. Ima nacaiteca nosho lrianjíika coanca. 23 Niini icapa matsia, ioma matsia pjiomi kjerre carroji lridawaacawa mana. Idiawatsa noicjaolre ianjíi carromina coanca lrinaco, nindecjaotsa noá iinai. Niini cadani lri ricoda jiipaica, noomaotsani napecolrico nja atsianai Judá ricope.'' 24 Icaamitsa njenicoa Saul ioya nadiá carro Zif ricojle. Mitsa David naapiya nja lriinaiperri naawa jalrapocolri Maón dalri ricojle, Arabá ricó, atsiajliemajle Jesimón isho. 25 Niini Saul iawa ioman naapiya nja lri tsolrodaoperre. Mitsa nacaite David jimi nanaco, niini lriorrocowa jiipadalrima ricojle, lriofaa carrotoa niinio jalrapocolri Maón dalri ricó. Saul jimi cádanaco kjerreca David, lripinieta David lriofalri poiatoa niinio, jalrapocolri Maón ricojle. 26 Saul iawa awacada pemajle, njite David naapiya njaji trolrodaonai lriinaiperri naawa awacada pemajle lricoemjete tsa. David ikjeyapita iacawa lriá carro pja teeco Saul ioya. Saul, njite nja lriinaiperri nadaanatá cadaana toa David njite nja lriinaiperri njepá carrona, 27 pada ideecada iacoti iocao Saul ideshe njite lriaco lrisho: ''Pidia kjeeyao, ima njaji filisteonai, nainoca nja piyacalre ricipe.'' 28 Niini Saul ikjeyapita idiacawa lri´noacá carro nacjoete nja filisteonai, yaamitoa lrianjica lrioma David. Niini jliaji jiipadalrima nacadaa lriipitanawa Jiipada Papitocaawao. 29 Njite David iá njiteo lria carro lriofawa nadawaaca carrodao ricojle En Gadi ricó.
1 Saul idia cádanaco iocao, jliaji iá cadam inoacawa filisteonai icjoete, naaco lrisho: ''A David iá iofawa jalrapocolri En Gadi lricodalri.'' 2 Niini Saul iniwana tre mil atsianai nanacjoiteperri pjiomi njaji Iraelitanai naacarro naoma David njite njaji lriinaiperri jiipana lrima ricojle, naapirra cabra iajii carroji mana. 3 Naa cádanacoa inipolrico, Saul iocawa pafe ricojle, nincawa corraarra nawakeeta carroda lrico oveja, niincawa tsacja pafe jalrapeco. Niini Saul jiewa lri ricoda lri matsikeetá carro nishe. Njite cadana David naapiya nja lriinaiperri njeewa naofaa lri ricoda tsa pikeetem she cawa. 4 Niini njaji David iinaiperri naaco lrisho: ''Icatsa lriocacao jliaji jalredaoca wa Minalri icaiterri pia, lricaite cádanaco pisho cayoji: ''Nocadaotsa picoema picaapi ricó, pinaitjá carro lriapiya coancatsa pioma pinaitjaca.'' Njite David, jinico tamjiatsa maacotsa litsoetaacawa lriá carro Saul icjaolre, niini David lriyoáca Saul itsayan inomapicja. 5 David iyoá cayami Saul itsayan inomapicja, iinonaa icaolre lriicjaote. 6 Niini lriaco nasho njaji atsianai lriinaiperri: ''Corriotsa no Minalri icadaa carrontja nopieta nonaitja caidalriji no talricanaa Saul isho, jliaji no Minalri iniwananda lrishowao, nonaitja cantja maatsi lrisho, nocapa cadaana tsantja wa Minalri iniwanandacan lrishowao.'' 7 Niini David icoita nja lriinaiperri nasho nja iacoti lricaiterri, njite corri lricadaa nainoca Saul. Njite Saul jinico iemao, lrimoto lrioya jliaji jalraapeco lria carro pjawa. 8 Njite jliapodamtsa, David imoto tsacja njiteo, njite jlinoco lriemao lriwaná carro Saul, lriaco: ''Nominalri, no talricanaati.''Saul icaboco cádanaco icapa jliapodamshe, David icoanja jiipai nacojle Saul ipeyajle, lri cadaacarro lricapa lriminalrican ajádalri. 9 Nini David iaco Saul iso: ''Cuada pjimi nasho njaji atsianai icaitecape pisho, noajeca nooma noinó carro pjia? 10 Jliadaa jalredaoca-ca jliaji njaji pitji nacapa coanca wa Minalri icadaaca pjia nocaapi rico a cádanaco fáa jalraapeco ricó. Padapena icaite noino carro pjia, mitsa nocaite corrí carrotsa noino pjia. ima nocaite: Corriotsa nonaitjá carroca maatsi noi talricanaa isho; ima icacatsa no Minalri iniwanandaca lrishowao. 11 Pjia njonirri shodalri nocapaca, picapa nocaapi rico pitsayan inomapikja noyoanda pioya. Lrishotsa pitaita pianjica corrica nooma noinoca pjia, njite pitaita pianjica corri catsa nosho maatsidalri picjoete o nonaitjá carrontja matsídalri pishó dawacaitsa, njite corritsa coca no matsicana pisho, piaji cadaana pioma piino carro njoa 12 Dio tsaotsa ianjíi pinaco njite nonaco tsacja coanca, pinaitja cadaa nosho maatsi Dio watsa ioma nocoadao piinai, mitsa njoa corriotsa nonaitjá carroca pisho maatsi. 13 Cayoji lricaite capisho jliaji pacja iacoti opicjaitsa: Maatsiperri nacjoite lrino jli maatsídalri. Mitsa njoá, corriotsa nonaitjá carroca pisho maatsi. 14 ¿Cocao jiapodamio lrimotoa jliaji Irael italricanaa? a¿Kjaiterrio jliaji lriajirri lrioma? ¡Capja apana tsiino mayamdalrimcan! o ¡Pada cawanjerrocan! 15 Matsia pja wa Minalri catsa wacadaa iajii wanaco, lriwapá carro nja noopaneta njite lricadaotsa nopitó carro pioya.'' 16 Yaami cádanaco caacoca David, Saul isho, Saul iaco David isho: ''¿Capja nirrí David iacoamca jliaji njomirri, pjiatsa jliarra?'' Cjema pja caacoca Saul njite lriiya lrisho. 17 Njite lriaco David isho: ''Matsiadalri pjatoa pjia noya. Pidieta capoa nocoadao matsiadalri sho, nonaitja cadaana maatsi pisho. 18 Opi picadaa nocapa coanca pinaitjaca matsia noso, corricapoa piino njoa, wa Minalri icadaa cádanaco tja njoa picaapi ricó. 19 Ima pada atsia iokeeta cadaa lricoema, lriinocan. Wa Minalri watsa icaoña pjia pinaitja capoa nosho matsia opica. 20 Noanjintsa talricanaati caotsa pjia, njite pjiacaotsa ianjíi nanaco pjimi njaji Iraelitanai. 21 Picaite nosho iacoti ajádalri sho wa Minalri iipitana naco corricaotsa piinó carroca njaji noopaneta, njite njaji nonacjoitepe njonirri naco.'' 22 Niini David icaite Saul isho iacoti ajádalri sho cayoji lritatja capiso lriinai. Jliapodamjite Saul idiawa lriipana lricojle, njite David naapiya nja lriinaiperri njerrawa nadawaaca carroji ricojle.
1 Njitenacja mayami Samuél. Niini nawacaacao pjiomi njaji Iraelitanai naiyá carro lrinaco, njite nadawani lriipana lricotsa Ramá ricó. Njite dalri David jinico iawa jalrapocolri Parán lricojle. 2 Ninipia pada atsia Maón rico, ishocada inaani Carmel ricó. Lrisopia tre mil oveja, mil cabra. lriofa lriyoa lriovejan iiyo Carmel ricó. 3 Nabal pia lriipitana, njite lriino iipitana Abigai. Iinarro kjeya darro ianjiica, matsiadarro icapacana. Mitsa jliaji roinirri mapondalritsa maatsidalritsa inaikíca. Caleb inacjoite dalri. 4 David jimi Nabal iyoaca neeyo nja lriipirra cabra jalrapocolri ricó. 5 Niini David imeenaca die atsianai iempetipe toa lrinaiperri, "Jirra Carmel ricojle, iawa Nabal she, njite itatjani noipitana naco. 6 Icaite watsa lrisho cayoji, 'Noma piofaca matsia caficadanaco toa pjia. Noma matsiadalri iocaca piso njite pipana isho tsacja, njite nasho pjiomi njaji piyarro. 7 Njomi pishoca iyoacape neeyo njaji piipirra. Njaji iwapacape piipirra wainei pia na, njite corrim wanaitja maatsi nasho, corrim tsaca coca iñaa naoya a cadanaco naji Carmel rico. 8 Pitatja pjimio njaji idejicape pisho njite nacaite watsa pisho. Panaya matsia picapaca njaji ideeji cape nosho, ima waocacao lrirricoda jalredaocaca jliaji catima cawana. Pinaitja matsiacalre pia nasho njaji pishoperri njite pienipe David isho pishonda pineiwa." 9 Naoca cadanacoa njaji atsianai iempetipe toa David ishoperri,Njite Nabal nacaite pjiomi Nabal isho jliaji David inalri nacaiteeca njite nawapa. 10 Nabal iaco jiepaca njaji David ishoperri, "¿Cjaiterrio jliaji David? ¿Njite cjaiterri jliaji Isai irri? Jorreca njaji idejicape ipitocape naminanai ioya panaya. 11 ¿Capjantja njopaca noyatje njite noonite njite jliaji lriipe noinonda nasho njaji iyoacape naiyo njaji noopirra, noacarrontja nashon njaji atsianai cjaitepe capayaji?" 12 Caicarro nadiacao njaji atsianai iempetipetoa David ishoperri, njite nacaite lrisho coanca Nabal jiepacana. 13 David iaco nasho njaji atsianai, "Ipapi imatsetjan icoamitsa." Caicarro napapica namatsetan nacuamitsa. David ipapitsacja lrimatsetan. Cuatrociento paya namaimaca njaji ialri David jiapodam, njite dosciento njaji iofalri iwapa nayarroaji. 14 Mitsa ape nanacjoite njaji atsianai iempetipetoa lricaite Abigail isho, shoaji Nabal iino; cayoji, "David imenaca paana ideecape iacoti jalrapocolri ricojle naa carro natatja jliaji waminalri, njite lricoitana. 15 Matsia cadana wainei na. Corri nanaitja washo maatsi corrim tsacja maanalre waoya maaficalre waofaa cadanaco nainei malritsita lrico. 16 Nawapa mana faa jalre werrico njite deepi werrico tsacja, waofaa cadanaco wawapa njaji oveja nainei. 17 Panaya piajinina njite piwaopiena coancaotsa pinaitjaca, ima nawaopiaca nanaitjaca maatsi wa minalri isho, njite pjiomi lripana isho. Lrima jliaji matsitecan corri dalri pataita cacopeca pja iapiya." 19 Njite Abigail ikjeyapita njite shopa dosciento peetje, yamada botella jaicotjeda iana, cincoda oveja namatsietajitsa, cincona oveja romitejina, coarenta kilo komana namerritaji, cienita petje nanaitjaji uva-sho, njite docientoita petjeetape nanaitjai higo sho namerritaji matsia; njite nacadaana pjiomina apana burro-nakó. 18 Njite Abigail iako narso njaji rorsoperri: ‘’Warsena iawa nopjeya, icaaminaotsa noaca jiapodam.’’ Mitsa Korrin rocaite roinirri Nabal irso lrinako 20 Shorra cadanaco burro naco njite rorroco jliaji awacada, naorroco roicaojle njaji David njite njaji lri atsiate, caicarro roketacacao napiya. 21 David icaite cayoji, "Mashadalritsa micjapan catsa nowapaca pjiomi lrishodalri jliaji atsia jarapocolri rico, corri carro coca iña lrioya nanacjoite njaji lrishoperri, njite maatsi lricawiña ca njoa matsiacadana nonaitjaca lrisho. 22 Dio watsa inaitja nosho njoa, David, jorrepja, cafi cadaotsa tjewa piyompinaco ape nanacjoite njaji lrishoperri." 23 Abigail icao cadanaco David, rokjeyapita njite rorroco burro nacjoite njite royamjafa David ipjeyalre njite rotoda showida jipai naco. 24 Ronota naji jlipa njite roaco, "Nonacoatsa, nominalri, lrirroa jliaji imatsicanati. Pinaitja matsiacalre picadaa caco jliaji pishodalri, njite pjimi roaco shuaji pishodarro. 25 Macadatsa kjenaa nominalri icapaca jliaji atsia matsidalrim, Nabal, ima lripitana icaite capisho, cayo ni. Nabal jliaji lripitana, njite lrineica jliaji jlimajican. Mitsa njoa, pishodarro corrim nocapaca njaji atsianai iempetipetoa no minalri iyape, njaji pimenacaji. 26 Panaya, no minalri, caafidalrica jliaji wa Minalri, njite caafidalri pjia, wa Minalri idanata pjia wadee piinoca, njite pioma cantja picoadao pjiida shotsantja, panaya picadena njaji picoema, njite njaji iomacape inaitjaca maatsi piso no minalri, cayo carroatsa naji Nabal sho. 27 Njaji nodenji macoadatsa nominalri isho nashowalrepe njaji idenjicaperri, iajicape nominalri iinai. 28 Pinaitja matsiacalri romatsicana iofaa ronaco shoaji pishodarro, ima ajádalri wa Minalri icadaa talricanaatinai tsacjaotsa nja pienipenai pjiapodamperri, ima nominalri inaitjaca oowi wa Minalri icjaote; corriotsa maatsídalri inotacaotsa caafi cádanacotoa pjia. 29 Njenico cadantja naoma pjia nja atsianai nainó carro pjia, ima aaca jliaji picafica nainai njaji papocoperri caafiperri wa Minalri Dio naco; Jliatsaotsa ipeeco teeco pioya njaji jipondatacape pjia cayoji papeeco capisho jiipadada yecakja sho. 30 No Minalri inaitja cádanacoenaotsa pjiomi naja matsiaperri Lricaiterri pisho, njite talricanaati cádanacoena pjia Irael ricó, 31 jliaji pinaitjalri corriotsa inonaa carroca pjia lriicjaote, corriotsa lrimá carroca piwaopiaca, ima corricatsa pima napeecoca irranati micjapantsantja pjiwaca carrotsantja ioma icoadawa piicjaotetsa. Matsia cádanacoena Dio inaitja pisho, piwaada tsaotsa njoa pishodarro.'' 32 David iaco Abigail isho, ''Matsia njaji iacoti picaiterri no Minalri, Irael iDiote nacó, Jliatsa imeenaca pjia noicjaolre wacapaacá carro. 33 Dio ibendicianda jliaji piajikje, njite Lri bendicianda tsacja pjia, ima corrim picadaa noinoca inaiki micjapantsa, corrim tsacja noomaca nocoadao njoida sho. 34 Ajadalri cafica jliaji wa MINALRI, Israel Diote, idanatalri nonaitjaca matsi, corri cadantja pikjeyapita pioketaca njoa, ajadalrintja corrica pada atsia o iempetida iofa Nabal isho tjewa piyompinaco." 35 Caicarro David jipaca ropeja njaji rodelri lrisho; njite jliaco rosho, " Pjirrena pimaodacatsao pipanaricojle; Njomi niina piaco njite njoepa jliaji picaiterri." 36 Abigail idia Nabal ideshe; njite jlia lrinaitja cadana jorre iñjaodati lripana rico lricatimataaca carroa, cayoji naiñja capisho mana njaji talricanati nai; Njite catiima jliaji Nabal lrinei wacatsa, ima lridewana ketsa. Caicarro corrica rocaite coca lrisho ate tjewaijle piyompinaco. 37 Piyompinacoena, jliyapa cayamina lrioya jliaji lridewanakje jaicotjeda iana sho, rocaitena jlimi shoaji lrino jliaji jiyapalriwa; mayami lricaolre lrinaco, njite cayocaniji jipada sho. 38 Die jalredaoca jiapodamina jliaji Dio jirrapjiteta Nabal caicarro mayamicani. 39 David jimi cadanaco mayamica Nabal, lriaco, "Matsiadalri jliaji no Minalri, iomalri nocoadao lrima jliaji Nabal inaitjalri nosho, njite lriwapa jliaji lrishodalri matsidalri ioya. Njite lridieta Nabal inaco wacatsa jliaji matsilri lrinaitjaca." Jliapodamina David imenaca nacaite carro Abigail isho, jliomaca jlitaca lrinoano. 40 Naoca cadanacoa njaji David ishoperri Abigail ideshe aji Carmel rico, caaco nja rosho njite nacaite cayoji, "David imenaca faa pideshe wadee carro pjia lrinoa." 41 Shonicoa, njite rotoda roecoa jipai nacojle, njite roaco, " picaokje, shoaji pishodarro apama ideji cadaotsa rocotsocja njaipa njaji lrishoperri jliaji no minalri." 42 Abigail ikjeyapita njite shonicoa, shorrao burro naco njite cincoma roshoperri ia roinei; njite roa njapodam njaji ideecape iacoti David ishoperri njite caitseca lrino cano. 43 David jita tsacja lrinoa shoaji Ahinoam adarroji Jezreel rico; njite yamamape lrinoo cana. 44 Njite, jliaji Saúl lria shoaji lriito Mical, David inoom, Palti isho Lais irri, adalri piaji Galim rico.
1 Njaji Zifeos nai nano Saúl ideshe aji Guibeá ricojle njite naaco lrisho cayoji:"¿Capja corrica a lridawacao jliaji David aji jipana naco Haquila rico, lripjeyajle jliaji Jesimon?" 2 Njite Saúl jinicoa lriorroco carroa jalrapocolri ricojle aji Zif rico, nite lrisho tres mil atsianai lriniwanaji Israel lricjoite lrinei, naomaji carro David jalrapocolri rico aji Zif rico. 3 Saúl ioca ima jipana naco aji Haquila rico, adalriji Jesimón ipjeyajle, inipolrico. Njite jliaji David a lriofaoji jalrapocolri rico, njite lricapa Saúl ipinietacani nishe. 4 Njite David imenaca pana iacape icapa lricao caicarro jliajica ajadalrica saúl inoca. 5 David jinicoa lriacarroa aji Saúl imaalri nishe; njite lricapa namaalri niini njaji Saúl njite Abner jliaji Ner irri, na minalri njaji lri tsolrodaote; Saúl yoshoawa aji namaalri niini, njite njaji lrinaikite naama lridanam, pjiomi namaaca. 6 Njite David icaite nasho njaji Ahimelec ape hitita, njite Abisai isho Sarvia irri, Joab ipjerri cayoji: "¿Cjaiterri watsa iorroco noinei Saúl icjaolre aji namaalri nishe?" Abisai iaco jiepacani: "¡Njoa! Njoa watsa iorroco piinei." 7 Caicarro David iacao Abisai iapiya naicjaolre njaji tsolrodaonai deepi rico. Niini cadana Saúl imaa aji namaa cawa rico, njite jliaji lrimolrocon lritoda jipai riconi tsomi jliwida ioya. Njite jliaji Abner lritsolrodaote iapiya naoshoa lridanao. 8 Njite Abisai iaco David isho: "panaya Dio icadaca picaapi rico njaji picoema. Pinaitja matsiacalre picada notoda papiamtsa jipai nacojlen lri molrocon sho. Corrim watsa notodaca yamapia." 9 Njite David jiepa Abisai cayoji: "Mainotsani; ima ¿cjaiterri itaita inaitjaca maatsi lrisho jliaji Dio iniwananda njite corrintja camatsicanani?" 10 David iaco tsenacja: "Cafidalri jliaji wa Minalri,wa Minalri tsaotsa iinoni, o jlinana tsaotsa iocao, o lriia caotsa lriniocao njite mayamiotsani." 11 Dio watsa iwapa njoa wadee nonaitjaca maatsi lrisho jliaji Lriniwananda; mitsa panaya, notatja piinei, pjipa jliaji molroco jliwida icodapida njite jliaji ooni, washa wao." 12 Njite David tsa jipaca jliaji molroco njite jliaji ooni jliwida icodapida jliaji Saúl, njite napitoecao. Corrim cjaiterrica icapa na njite corrim najica, corrim tsacja pada icafiaba, ima namaaca pjiomi, mitsa Dio catsa icada talricai jiwa nanaco. 13 Jliapodamina David ia pemjeteo njite lriemao awacada ipolrico teecotsa; ima teeco naoyawaca na. 14 David jiematja nasho njaji inaiki njite Abner isho Ner irri; lriaco jliematjaca: "¿Abner, coada corri pjiepa?" Njite Abner iaco jiepacani: "¿Cjaiterrio pjia jiematjalri talricanati isho?" 15 David jiepa Abner cayoji: "¿Corri datsao mamafioca dalrica atsia pjia? ¿Cjaiterri pja caidalri picaisho Israel rico? ¿Cuada tsacjao corri piwapa deepi rico jliaji pi minalri talricanati? 16 Corritsa matsialrica jliaji pinaitjalri. Cayoji caafi capisho jliaji wa Minalri, cayo pishotsa mayamica pjia ima corri piwapa deepi rico jliaji pi minalri, Dio iniwananda. panaya picapena kjerreca jliaji lri molrocon jliaji talricanati, njite jliaji ooni jliwida icodapi perri." 17 Saúl jimi David iacoca njite lriaco: "¿Capja piacoca jliarra, David noenipe?" David iaco jiepaca: "Noaco jliaji, no minalri, talricanati." 18 Njite lriacopa: "¿Coada pipinieta jliaji pishodalri no minalri? ¿Cocao jliaji nonaitjalri? ¿Cuan dalrio jliaji matsidalri nonaitjalri? 19 Mitsa panaya, notatja piinei, pjimi carro noaco njoa pisodalri pjia no minalri talricanati. Dio cadaatsa jliaji icada pjipondata njoa, Jlipaotsa nopjeya ofrenda; mitsa atsia ima cadaa, matsiperrim caotsa na wa Minalri ipjeyajle, ima napeecoca njoa, corri carro nosho jliaji wa Minalri iaa lriotsa washo; ima cayocaji nacaite capisho nosho: 'washa pia matsiadalri pana dio isho.' 20 Mitsa panaya, macadaatsa noirrana iarrocao jipai naco teeco wa Minalri ioya; ima pjia talricanati israel ricoda pimotoca piomji pada cawanjerro cayontjaji pamoto capjio pawinita corrowa awacada naco." 21 Njite Saúl iaco jiepaca: "Nonaitjen matsi. Pidiao, David, noenipe; ima corriotsa nonaitja carro maatsi pisho jaite dalriji, picañjata capoa nocao cacoada dalrica jliaji nocafica pipjeyajle. Picapa, cayoeca nonaitjacaji maajica dalrisho njite njite nonaitjeca no matsicanao jorre." 22 David iaco jiepacani: "¡A jlia pi molroconji, talricanati! Pimenaca ape nanacjoite njaji atsianai iempetipe toa lrino carro lriomani njite lridee carro pishoni. 23 Dio watsa icawiña nacuanatsa njaji atsianai lrima jliaji nanaitjanda matsia njite njepa capo matsia; ima wa Minalri icada pjia nocapi rrico oopica, mitsa corritsa nonaitja carro matsi lrisho jliaji Lriniwananda. 24 Njite picapa, coanca cacoadaca jliaji picafica nopjeyajle oopica, cayo tsaotsa nooma cacoadaca jliaji no cafica wa Minalri ipjeyajle, njite jliatsaotsa iyomjeta njoa maatsi dalri ioya." 25 Njite Saúl iaco David isho: "Matsia watsa pjia, David noenipe, pinaitjaotsa jorre, njite matsiawatsa lrimotoca pisho pjiomi." Caicarro david idiacawa, njite Saúl idiawa lriofaa carroda lrico.
1 David iaco lricaolre rico: "Cuan cadanaco catsaotsa Saúl iino njoa; matsia pja nosho jliaji nopitoca njapaite she njaji Filisteos nai; mapjiotsa lriomajica njoa jliaji Saúl a pja naoya pjiomi njaji Israel ijipaite ioca cawao; niini cayo tsaotsa nopitoca lrioya. 2 David jinicoa njite lria napiya njaji seiscientos atsianai lriinei perri, Aquis ideshe Maoc irri, talricanati Gat ricoda. 3 David iofaa lriinei jliaji Aquis aji Gat rico, jlia njite njaji lri atsiate, nacuanatsa napana njite jliaji David napiya njaji yamama lrininai, Ahinoam shoaji Jezreelita, njite Abigail shoaji Carmel darro, Nabal iinom. 4 Njite nacaite Saúl isho David ipito keeca Gat she, caicarro corri ketsa lriomajini. 5 David icaite Aquis isho cayoji: "noketa cada matsiadalri pipjeyajle, picada nosho noofa carrodao narricoda njaji yacalrepe teecope jlioya jliaji yacaalre macadalri, noofa carro niinio: ¿ima, cuadantja noofa piinei njoa pishodalri aji talricanati iyacalre rico?" 6 Caicarro Aquis iaca lrisho jliaji Siclag jliada jalredaoca; Caishopa Jliaji Siclag nayadaca njaji talricanati nai Judá ricoperri ate panashete. 7 David iofaa najipaite rico naji Filisteos nai pada oonia njite cuatro keerri. 8 David njite njaji lri atsiate naino mana namaimaca naofaa cawao njaji guesuritas nai njite njepa mana njaji nayarrope, njaa mana tsacja njaji guerzitas nai, njite njaji amalecitas nai; ima nanacjoite jipaica nano njaji iofaa cape Shur jipaite ico, teeco Egipo jipaite ricojle tsacja. Oopi perritsa iofaaca niinio. 9 David iino mana njaji njapaite njite corrim mana lricada caafi atsia corrim tsacja iinarroca; lridee mana njaji oveja, njaji bueyes, njaji burro, njaji camello, njite njaji natsayan; lridia mana tsencjao Aquis ideshe. 10 Aquis itatja cadanaco manani, "¿Cjaitenaiwa njaji pjita iyarro oopica?" David jiepa manani cayoji, " Naoya njaji jerri patuljekema Juda rico," o "Naoya njaji jerri patujlekema Jerameel rico," o "Naoya njaji jerri patujlekema nayada njaji quenitas nai." 11 Corri mana David jipa atsia o inarro caafitsa lridee carrontja na Gat ricojle, lricaite mana, "Corri carroatsa nataita nacaite wanaco, 'David inaitja jlia njite jlia cantja." Icatsa lrinaitjalri mana piaca lriofaa coajle njapaite rico njaji Filisteos nai. 12 Aquis jiepa mana David iaco, njite lricaite mana cayoji, "Jliwacatsa inaitja matsi carro nacao lrisho njaji lriyacalre Israel; caicarroatsa noshodalri cani caidalriwetsa."
1 Njite jliawajle njaji Filisteos nai nawaketa njaji na tsolrodaote nanaitja carro oowi naapiya njaji Israel inaikite. Aquis icaite David isho cayoji, "piajin tsaotsa piinoca noinei nainei njaji tsolrodaonai aimadan, pjia njite njaji pi atsiate." 2 David iaco jiepaca Aquis, "Niiniotsa piaji cocaca notaitalri nonaitjaca njoa pishodalri." Njite Aquis iaco David isho, "Nonaitja pedaotsa pjia iwapa caoda njoa caidalriwetsa." 3 Panaya oopina mayami Samuel, njite pjiomi Israel naiyacani njite nadavani aji Ramá rico, lri yacalrem ricotsa.Njite tsacja, saúl ipeeco jlipaite ioya njaji caacoperri mayamperri iapiya o nacaolrem iapiya. 4 Njitedalri njaji Filisteos nai nawacacao nano carro nemáa aji Sunem rico; njite Saúl iwaketa pjiomi Israel, njite nemaaca aji Gilboa rico. 5 Saúl icapa cadanaco njaji filisteos nai itsolrodaote, lrifio pekirritsao, lricaolre ifiowa. 6 Saúl itatja wa Minalri iinei lri kitsinda tacarron, mitsa corri wa Minalri jiepani-- corri jlitapon ricoca, corri Urim shoca, corrim tsacja inoparrota cape shoca. 7 Njitedalri Saúl icaite lrisoperri isho cayoji, "Iomaji nosho apama iinarro caaco darro mayamperrim iapiya, noa carro rroicjaolre njite roa carro nosho iacoti." Naaco njepacan njaji lrishoperri, "picaokje, niini apama iinarro aji Endor rico icaite cada caacoca mayamperrim iapiya." 8 Saúl inaitjacao tecojle carro pacapani, jlieta paanatsa ntsaya, njite yamada atsianai iaa lriinei; naacarro deepi rico roicjaolre shoaji iinarro. Saúl iaco rosho shoaji iinarro, "Notatja piinei, caaco pjia icaojletim iapiya nonaco, njite pidee nosho cjaiterrica nocaitelri pisho." 9 Roaco shoepacan shoaji iinarro, "Piajintsa jliaji Saúl inaitjalri, coanca lrifaarroca njaji caaco perri naapiya njaji mayamperrim o icaojletim. Njite ¿Coada pinaitja nosho jliaji njowa carro lriricoda, naino carro njoa?" 10 Saúl imashaata rosho wa Minalri naco njite lriaco, "Cayoji caafi capisho jliaji wa Minalri, corrim watsa tso nja rapjiteta pjia lrima jliaji nonaalri pinaitjaca." 11 Njitedalri ruaco lrisho shoaji iinarro, "¿Cjaiterrio jliaji piomalri nodeeca pisho?" Saúl iaco jiepaca, "Pidee nosho Samuel." 12 Rocapa cadanaco Samuel shoaji iinarro, rroiya kema njite caaco Saúl ishono, roaco lrisho, "¿Coada picashaata njoa? Saúl cadana pjia." 13 Lriaco rosho jliaji talricanaati, "Mafiotsao. ¿Cocao picapa?" roaco Saúl isho shoaji iinarro, "nocapa pada dio jirracao jipai ricjote." 14 Saúl iaco rosho, "Coaji pacapa cani." Roaco lrisho. "Ape atsia pekirrina jirrao jipai ricjoite; jlietacao pada tsayanalre sho." Saúl iaji Samuel cani, njite lritoda lriecoa jipai nacjolre lricañjata carro lrisho lrifioca lriiwana. 15 Njite Saúl iaco Saúl isho, "¿Cuada pima nocaoca njite pidee njoa yenonshe?" Saúl iaco jiepacani, "Njotaca nocaolreo, ima nanaitjaca oowi nocjoete njaji Filisteos nai, njite Dio imaca corriitsa jliepaca njoa, corrim tsacja naji inoparrota cape, corrin tsacja njotapom ricoca. Caicarro nowanaca pjia, picaite carro nosho cocaca jliaji noshotsa nonaitjaca." 16 Samuel iaco lrisho, "¿Cuadao jliaji pitatja njoa, wa Minalri cadaanatsa jliaji imacalri pjia, njite Jli pondataca pjia panaya? 17 Wa Minalri inaitja catsa pisho jliaji Lri caiterri pia lrinaitjaca pisho. Wa Minalri jitaca picaapi ricjoite jliaji pi talricanata cawa njite lrienacja ape ishoni David isho." 18 Corri capoa pjiepa wa Minalri icaiterri pisho njite corrim tscja pinaitja Aimelec isho jliaji Lricaiterri pia pinaitjaca, caicarro lrinaitjaca pisho jliaji lrinaitjalri. 19 Njite jorrepja, wa Minalri icadaa watsa pjia njite Israel Filisteos nai icapi rico. Tjewaotsa pjia njite njaji pienipe mayami caotsa jia. Wa Minalri icadaa tsacjaotsa njaji tsolrodao nai aimadan Israel ricoperri nacaapi rico njaji Filisteos nai." 20 Njite jliadanaco Saúl jiwa jipai rico njite jorre lri fiocao lrima jliaji Samuel icaiterri lrisho. Corriitsa cjaida cani, ima corri coca lriiñja jliada jalredaoca, corrim tsca jliada deepica. 21 Rono Saúl icjaolre shoaji iinarro njite rocapa jlitaca lricaolreo, njite roaco lrisho cayoji, "Picaokje, njoa pishodarro njoepa piaco; noaji cadana nataita cantja nainoca njoa lricjaote mitsa njomi jliaji picaiterri nosho. 22 Panaya, notatja caiwi ricotsa piinei, pjimi carro tsacja jliaji nocaiterri pisho njoa pishodarro, njite picada nodee piñjao. Piiñja cjaidaa carroatsa pjia pidia cadanacoenao. 23 Mitsa corri Saúl ioma njite lriaco, "Corritsa noiñja carroca." Mitsa njaji lrishoperri, roapiya shoaji iinarro, nacaite catsani, njite jliepeca na. Caicarro jlinicocao jipai ricjoite liofaa carroa cama rico. 24 Shoaji iinarro rosho pada baca tsooni toa ropana lrico; rokjeyapiteeca roinocani; shopa harina, ropatsicaní, njite ronaitja peetje meewitetsa. 25 Rodee Saúl ishoni nasho tsacja naji lrishoperri, njite naiñja kjetsa. Naiñja cayamina njenicoa njite naawa jliada deepitsa.
1 Njaji Filisteos nai nawaketa pjiomi njaji natsolrodaote aji Afec rico; njaji Israelita nai nama lricodapi jliaji ooni yamarra cadao adalriji Jezreel rico. 2 Njaji talricanati nai ienipe Filisteos nai iyape njenitacao naoyawaca cien icua njite mil icua; David njite njaji lriatsiate a njayapao njapodam she Aquis iinei. 3 Njite jliaji talricanati ienipe Filisteos nai iyada lriaco, "¿Cuampe cao njaji hebreos nai aji?" Aquis iaco nasho njaji paana talricanati nai ienipe Filisteos nai iyape cayoji: "¿Capja corri David ca jliaji, Saúl ishodalri, talricanati Israel ricoda, noinei dalri nanaco pjiomi jalredaoca ca njaji, o matsia pja nanaco oonia ca, njite corrim nokeeta lrimatsicana lrioca kjete noicjaolre ate panashete?" 4 Mitsa njaji talricanati nai ienipe Filisteos nai iyape kerroa lrisho na; naco lriso: "Pinaa lriaca waoya liaji atsia, pinaa lridiaca picadalri lriofaa niishe; macadaatsa lria wainei wainoaca cawa she, corri carro jli pondata faa wainoaca cadanacoenao. Ima ¿coajintja lridia carro lri maodaca lri minalri iapiya? ¿Capja lriino capoa cantja njaji wa atsiate? 5 ¿Capja corri David ca jliaji, nacantanda mana pia inaco naapiya waca narrapakje, cayoji: 'Saúl iino mil jlipondape, njite David iino diez mil jlipondape?" 6 Yami cayamina caacopeca na Aquis iwana david njite lriaco lrisho: "Cayoji caafi capisho jliaji wa Minalri, matsiadalrica pjia, njite jliaji pimotojicao njite pjiewajícao noinei naapiya njaji no tsolrodaote aimadan matsia nocapacan; ima corri nokjeta pimatsicana pioca kjete noicjaolre ate panashete. Mitsa njaji talricanati nai ienipe corri matsia nacapaca pisho. 7 Caicarro panaya pidiao njite pimaodaca tsa, corri carro píma nacaoca njaji talricanati nai ienipe filisteos nai. 8 David iaco Aquis isho cayoji, "¿Cocao jliaji nonaitjalri? ¿Cocao jliaji picaolri nonaco njoa pishodalri nooca cayam picjaolre ate panashete, corri carro noa noinoaca nacjoete njaji pjiponda pjia no minalri talricanati?" 9 Aquis iaco jiepaca David cayoji: "Noajintsa corrica pisho pimatsicana nopjeyajle, cayoji Dio iangelni sho; mitsa, njaji talricanai nai ienipe filisteos nai nacaite cayoji: "Corritsa lritaita jlirraca wainei aji wainoaca cawajle." 10 Caicarro panaya picafia tjeewa piyompinaco toa naapiya njaji pi minalri ishoperri inocape piinei; kjeya catsaotsa icafiaca tjewao piyompinaco njite jalrecua catsaotsani, iawatsao." 11 Caicarro David icafiacao deepi toa, jlia njite njaji lriatsiate, nacarroa piyompinaco toa, nadia carroa njapaite ricojle njaji Filisteos nai. Njite cadana njaji Filisteos nai njerra Jezreel she.
1 Madalridaa jalredaoca naco David njite njaji lriatsiate naoca Siclag ricojle, njite nacapa amalecitas nai iinoca njaji Neguev ricoperri njite njaji Siclag ricoperri. Naino njaji Siclag ricoperri, njite namjaita jliaji yacaalre, 2 njite nadee njaji inaitjepe njite pjiomi njaji niini perri, iempetipe njite pekipenai. Corri naíno pada, mitsa nadee cana naacayao inipolrico. 3 David ioca cadanacoa napiya njaji lri atsiate yacaalre ricojle, nacapa namjaitacani, njite nadeeca njaji naninai njite neenipe. 4 Caicadanaco David njite njaji inaiki lriinei perri njeematja njite naiya ate kjerre catsa mjaidanaji. 5 Njaji yamama David ininai nadee tsacjana, Ahinoam shoaji jezreelita njite Abigail shoaji Nabal inoom jliaji carmelita. 6 David jita icaolreo pekirritsa, ima njaji inaiki nacaitepe naino caotsani jipada sho, iinonaa capoa pjiomi njaji inaiki, nacuamitsa neenipe naco njite naitonaipe naco; mitsa David icjaidataaca wa Minalri naco, lri Diote. 7 David iaco Abiatar isho jliaji sacerdote, Aimelec irri cayoji: "Notatja piinei caiwi ricotsa, pidee jliaji sacerdote nai itsayan nosho." Abiatar idee jliaji sacerdote nai itsayan David isho. 8 David itatja wa Minalri iinei cocaca lritaita lrinaitjaca, lriaco cayoji: "Nopinieta cada njaji papoco tsolrodao nai, ¿pja nocaotsa nanaco?" Wa Minalri iaco jiepacani: "Pipinieta na, ima ajadalriotsa piocaca nanaco, njite ajadalriotsa jliaji pidietaca naoya pjiomi." 9 Caicarro David iacao, jlia njite njaji seiscientos atsianai lriinei perri; naocawa tarracanjai naco lripitana Besor, naofaalri niinio njaji paanape. 10 Mitsa David ipinieta catsa, jlia njite njaji cuatrociento atsianai; ima doscientoca iofaa njapodam, mjaida keetsa na caicarro corrica nataita nayoetaca jliaji oonipaocja Besor. 11 Naokeeta ape egipcio campo rico njite nadee David idesheni; naa lrisho peetje, njite lriiñja; naa lrisho ooni lriira carro; 12 njite naa lrisho pawajle peetje nanaitjanda higo sho njite yamapoco uva metaperri. Lritaita cayam lriñjaca, cjaida tsenacjani, ima corrica lriiñja peetje corrim tsacja lriiraca ooni madalridaa jalredaoca naco njite madalrida deepi. 13 David iaco lriso: ¿Cjaiterrio jliaji piminalri? ¿Cjaite pinoji? Lriaco jliepaca: "Ape atsia iempetitoa njoa Egipto ricjoite da, ape amalecita ishodalri; no minalri imacaca njoa ima madalrida jalredaoca kena noyamica. 14 Waino piaca jliaji Neguev njapaite njaji cereteos nai, njite naji Judá jipaite, njite jliaji Neguev jlipaite jliaji Caleb, njite wa mjaita Siclag. 15 David iaco lrisho: "¿Pjaotsa pidee njoa naikjaolre njaji cañaiteperri?'' Lriaco jliepacan jliaji egipcio: "Picaite nosho Dio naco corri caotsa píino njoa o piacantja njoa nominalri icaapi rico, njite nodeotsa pjia naicjaolre njaji cañaiteperri. 16 Lridee cadanacoena David jliaji Egipcio, njaji cañaiteperri na pocotaacacao pjiomi nja paite rico, naiñja njite nairra jaicotjeda iana capoanjai njite narrapa naapiya njaji iyarroti cacoadape njetajipe naoya njaji Filisteos nai jipaite njite Judá jipaite. 17 David íinona jeerri shewakjete ate tjewajle dainoma. Corrim tso ape ipitoa icamitsa njaji cuatrociento atsianai iempetipetoa, jirralri camello naco napito carroa. 18 David idieta pjiomi njaji amalecitas nai jipalri pia; njite David imanacota njaji yamama lrininai. 19 Corrim tso canacai cocacan, corrim tsodalri corrim macadalri, corrim nenipeca corrim naitonaipeca, corrim iyarroti cacoada dalri, corrim tso coandalri cantja njepalri pia nashowao njaji cañaiteperri. David idieta pjiomi. 20 David jipa pjiomi njaji oveja njite baca, nadeelri njaji atsianai napjeyajle njaji papoco baca tsacja. Njite naaco: "Icatsa David iyarro cacoadaperrica njaji." 21 David inoo naicjaolre njaji dosciento atsianai corri perri iaa jliapodam mjaida capoenatsana, njaji iofaalrio anji tarracanjai lripitana Besor rico. Njaji atsianai naa ketsao naoketaaca carroa David iapiya njite njaji inaiki lriinei perri. David inó cadanaco naicjaolre njaji inaiki, lricuadata na. 22 Njitedalri pjiomi njaji atsianai matsiperri njite njaji nakitsiñape miperritsa nainei perri njaji iacapem David iinei naaaco cayoji: "Cuadao corri naa wainei njaji atsianai, corritso watsa waaca nasho nanacjoite njaji iyarroti cacoadape wadietalri. Icaamitsa nataitaca njepaca nacuana atsia njaji naninai njite neenipe, nadee carrona, njite naacarroa." 23 Njite David iaco: "Corrim itaita inaitjaca cayorra, nokitsiñape, lriapiya jliaji wa Minalri ialri waso. Lriwapa faa njite lricadaa wacaapi rico njaji cañaite perri inólri wacjoete. 24 ¿Cjaitenai watsa jimi jliaji icaiterri? Ima pacoaca capisho paaca nasho njaji iaa cape inoacao, cayo tsacjaotsa paaca nasho njaji inaiki iwapacape njaji iyarroti; pacoaca tsaotsa njepaca." 25 Cayo minitsa nanaitjaca jliada jalredaoca nacjoite ate panashete, ima David inaitjaca ley carroni njite norma Israel isho. 26 David ino cadanaco Siclag she, lrimeenaca jatjam nanacjoite njaji iyarroti cacoada perri nasho njaji pekipenai Judá ricoperri, lrikitsiñape, lriaco nasho: " Alri pada regalo ishoji nanacjoite njaji nayarro cacoada perri njaji wa Minalri icoema." 27 Lrimeenaca tsacja jatjam nasho njaji pekipenai iofaacape Betel rico, njite nasho njaji iofaacape Ramot rico jerri patojlekemjete, njite nasho tsacja njaji iofaacape Jatir rico, 28 njite nasho njaji iofaacape Aroer rico, njite nasho njaji iofaacape Sifmot rico, njite nasho njaji iofaacape Estemoa rico. 29 Lrimeenaca tsacja jatjam nasho njaji pekipenai iofaacape Racal rico, njite nasho njaji iofaacape nayacalrepe rico njaji Jerameelitas nai, njite nasho njaji iofaacape nayacalrepe rico njaji Quenitas nai, 30 njite nasho njaji iofaacape Horma rico, njite nasho njaji iofaacape Corasán rico njite nasho njaji iofaacape Atac rico, 31 njite nasho njaji iofaacape Hebron rico, njite pjiomi kerre cawape piaca David njite lri atsiate iajewaji.
1 Nainoaca Israel icjoete njaji Filisteosnai. Njaji atsianai Israel ricoperri napitoa Filisteosnai ipjeyajle njite mayamina aji awacada Gilboa naco. 2 Njite njaji Filisteosnai napinieta tsomipe jliaji Saúl njite njaji lrienipe. Njite Filisteosnai íino jliaji Jonatán, Abinadab, njite Malaquias, njaji lrienipe. 3 Cjaida nainoacaca Saúl icjote, njite nayawitani njaji iyawitacape. Jorre caiwica lrisho jliaji nayawita cawani. 4 Njite Saúl iaco lrisho jliaji ideeji cada lridanataaca shopa, "Pjita pimatsetan njite pitoda jolro njoa lrisho. Corri cada, nanoatsa njaji corri perri nayoa idada njite nanaitjaotsa coanctsa naomaca noapiya." Mitsa jliaji ideeji cada lridaanataca shopa corri lrinaitjacan, ima jorre lrifiocao. Caicarro Saúl jipaca lrimatsetan njite jliwaacatsa jiwa lrinaco. 5 Lricapa cadanaco myamica Saúl jliaji ideeji cada lridaanataca sopa, cayotsacja jliwaca lrimatsetan naco jlia njite mayamini lriinei. 6 Caicarro mayamica Saúl, njaji madalrida lrienipe, njite jliaji ideeji cada lridaanataca shopa; njaji atsianai cayolriji mayamicana pjiomi pacuacatsa jliada nacotsa jalredaocaca. 7 Njite njaji atsianai Israel ricoperri aperriji pemajle jipai pacuacaita cawa, njite njaji apeja Jordan ioya caji, nacapa cadanaco napitocao njaji atsianai Israel ricoperri, njite mayamica jliaji Saúl lrienipe iapiya, namakeeca njaji nayacalre napito carroa, njite njaji Filisteos nai nanoeca naofaa narricoda. 8 Njite tjeewajlena, njaji Filisteos nai nano cadanacoena njéta pjiomi naoya njaji mayamperrim, naokeeta jliaji Saúl njite njaji madalrida lrienipe mayamperri mitsa aji awacada Gilboa naco. 9 Nayoa jliwida njite njéta lrioya njaji lridaanataca shopa, njite nameenaca ideecape iacoti pjiomi njapaite rico njaji Filisteos nai nadee carro jliaji iacoti nasho njaji na idolon ipana njite nayacalre isho. 10 Nacadaa jliaji lridaanataca shopa aji nadiote Astarot ipana rico, njite napapi jliaji lridakim lriwai naco jliaji yacaalre Bet Sán. 11 Njaji iofaacape Jabes Galaad rico njemi cadanaco coanca nanaitjaca Saúl njaji Filisteos nai, 12 njenicoa pjiomi njaji atsianai mafiokje perritsa njite naa pada deepio njite njeta jliaji Saúl idakim njite nadakipem njaji lrienipe lriwai nacjoite jliaji Bet Sán. Neekao Jabes ricojle namjaita carro niini na. 13 Njite njepa njaji naapipem nadawa carrona apana jaico iapjite lripitana tamarisco aji Jabes rico, njite corri naiñja siete jalredaoca naco.
1 Pekirri cádanacopiena jliaji talricanaati David, nañampani ipajleti sho, mitsa corrinatsa pajleti jimota lridaki. 2 Caishopa njaji iwapacapeni naaco lrisho: "Icadaa waomá wa talricanaa isho apama iinarro iempetitoa mainirri darrotsa. Shoá carroatsa idenji wa talricanaa isho njite rowapá carroni. Icadaotsa roshoáca lrinaapa naco shomotá carroatsa wa talricanaa lridaki.'' 3 Niini nanji naoma aapama iinarro iempetitoa matsiadarro icapacana pjiomi jlinaa iocacawao njepaite njaji Iraelitanai. Njite naokeeta shoaji Abisag sunamita tadoa niini nadeecano talricanaati ishon. 4 Njite matsiadarroca icapacanaaca shoaji iempetitoa. Niini rodenjica talricanaati isho njite rowapaca tsacjan, mitsa jliaji talricanaati corritsa lridakitaca roapiya. 5 Jliawajli piatsa, jliaji Adonia , Haguir irrí, lriniita piena pádalrecanb, lriaco: ''Icatsaotsa njoa talricanaatiwa.'' Niini lrimatsieta lrishowaotsa caballo njite inaiki jiecocapeo nanaco, cincuenta namaimaca njeecó carro lripeyajlewa. 6 Corripiatsa jlinirri icaitendacantja lrisho: ''¿Coada pinaitja cayo, o coada pinaitja jliaji?'' Njite matsiadalri tsacja icapacanaaca jliaji Adonia, Absalón inacojleda. 7 Lritatja jlimi lriicao Joab iinai, jliaji Sarvia irri, njite lriinai jliaji sacerdote Abiatar. Niini naaca Adonia iinai njite nakitsindatan. 8 Mitsa jliaji sacerdote Sadoc, Benaia, Joiada irri, njite jliaji inoparrotacaita Natán tsacja, njite Simei, Rei, njite pjiomi njaji inaiki cjaidaperri David inaiperri corri naacawa Adonia iinai. 9 Adonia iino oveja, buey tsacja njite vaken pamoyoaperrina nakepetaji jiipadalrima lrico Zohele rico, Rogel icoemjete dalri. Lriinai pjiomi njaji lriweenai, njaji talricanaati ienipe njite pjimi njaji inaiki Judá poco, njaji talricanaati ishoperri. 10 Mitsa corri lriinaica jliaji inoparrotacaita Natán, corrim tsacja Benaia, njaji atsianai cjaidaperri, corrim tsacja lriweerri Salomón. 11 Niini caacoca Natán Betsabé isho, Salomón jidoa, lriaco rosho: ''¿Capja pjimina talricanaati keena Adonia, jliaji Haguit irri, njite jliaji wa talricanaa David corritoa lrianjiica? 12 Niini panaya, poicadaa nocaiteca pjia, pitaitá carroatsa yoomjeca pjia njite jliaji pienipe Salomón. 13 Washa pia picapa talricanaati David icjaolre; 'Njite picaiteotsa lrisho: ''Pjia notalricanaa, ¿capja corrica picaite piaca nosho njoa pishodarro iacoti ajadalri sho cayoji: "Ajadalrica pirri Salomón caotsa jliaji talricanaati njoapodam, jliawatsa iofaa noofa carroda naco?'' ¿Njite coada tsacjao Adonia nacaja jliaji talricanaati panaya? 14 Caaco cadaana toatsa pjia talricanaati iinai, njoewaotsa pjiapodam nocaite carroatsa lrisho ajádalrica njaji iacoti picaiterri.'' 15 Ikeena Betsabé jiewacawa lrimaa caawa lrico jliaji talricanaati. Mitsa jliaji talricanaati pekirrinatsan, njite shoaji Abisag sunamita tadoa icatsa shoaji iwapacadani. 16 Njite Betsabe icoanja talricanaati ipeyajle atee roshoacawa jiipai naco. Njite talricanaati iaco rosho: ''¿Cocao pioima?'' 17 Njite shoepacan, roaco lrisho: ''Pjia notalricanaa, picaite pia rosho shoaji pishodarro iacoti ajádalri sho PIMINALRI Dio iipitana naco, cayoji: 'Ajádalrica, pirri Salomón caotsa jliaji talricanaati njoapodam, njite lriofacaotsa noofa carroda naco.' 18 Mitsa panaya, Adonia nacja talricanaati, njite pjia notalricanaa, corri pianjíi cayoca. 19 Lriino jorre buey, vaaca ienipe pamoyoa perrina nakepetaji njite jorre tsacja oveja, njite lriinaica pjiomi njaji talricanaati ienipe, lriinai tsacja jliaji sacerdote Abiatar, njite jliaji tsolrodaonai icapitaman Joab, mitsa corri lriinaica jliaji pishodalri Salomón. 20 Pjia notalricanaa injiicada nonaco, pjiomime njaji iraelitanai nacapaca picjaolre, nawapaca njemi piinai picaiteca nasho cocacaotsa iofaawa piofaacawa naco pjiapodam, pjia notalricanaa. 21 Mitsa corricadaotsa cayó, mayamicadanacoatsa pjia notalricanaa ianjiicada nonaco nacapaotsa nosho njite lrisho jliaji nirri Salomón cayoji iinocape sho inaicki. 22 Njite caaco cádanaco toano talricanaati iapiya, iniparrotacaita Natan jiewa naicjaolre. 23 Njaji talricanaati ishoperri naaco lrisho: "Aní wainai jliaji inoparrotacaita Natan.'' Njite jliewa cádanaco talricanaati icjaolre, jliwa lrioshoawa jliipai naco lripeyajle. 24 Njite Natan iaco talricanaati isho: ''Pjia notalricanaa ianjiicada nonaco, ¿capja picaite: 'Adonías watsa talricanaati njoapodam, jlia watsa iofaa nofaacawa naco?' 25 Ima opica lriorrocowa njite lriinoca jorre buey, njite vaaca pamoyoaperrina nakeepetaji, njite jorre tsacja oveja, lriinai pjiomi njaji talricanaati ienipe, njite njaji tsolrodaonai icapitamanai, njite lriinai tsacja jliaji sacerdote Abiatar. Panaya nairraca, naijaca tsacja lripeyajle, njite naaco cayoji: ''¡Wia watsa piofaacawa jalredaoca lricó, pjia Adonia talricanaati!' 26 Mitsa njoa pishodalri, njite jliaji sacerdote Sadoc, Benaia, Jodaia irri, njite jliaji pishodalri Salomón, corri lriinaica faa. 27 Pjia notalricanaa ianjiicada nonaco, ¿Capja pinaitja cayó maacotsa waoya faa pishoperri, corri piocaite washo cjaiterrica picadaa iofaawa piofaa carroda naco piarrontacao?'' 28 Niini lriaji talricanaati David iaco Natan ishó: ''Piwana rodia noicjaolre shoaji Betsabé.'' Niini shoewa roema talricanaati lripeyajle. 29 Njite jliaji talricanaati lrinaitja pada iacoti ajádalri, lriaco cayoji: ''Ajádalrica jliaji wa Minalri, Jliaji imanacotalri njoa naoya pjiomi njaji nomatsicanaa, 30 njite cayoji nocaitecapisho piena pisho wa Minalri iipitana naó, na Diote njaji Iraelnai: 'pirrí Salomón watsa jliaji talricanaati njoapodam, jliá watsa iofaawa jimao noofa carrona nacó,' njite jliadaa jalredaocaca jliaji paanayalri nonaitjaca cayo.'' 31 Ikeena Betsabé jiwa ioshoawa jiipai naco talricanaati ipeyajle, njite roaco: ''¡Jliaji ianjiicada nonaco, talricanaati David, caafi catsaotsan caidalriwetsa!'' 32 Niini talricanaati David iaco: ''Piwana nosho jliaji sacerdote Sadoc, inoparrotacada Natan, njite jliaji Benaía, Joiada irrí.'' Njite njaji lriwanaji lricjaolrewa nanoca lridershe. 33 Njite lriaco nasho: ''Idee iinaiwa njaji noshoperri, njite icadaotsa nirrí Salomón jirra iofawa nu mulan nacó njiteotsa ideeni tjewacajle she Gihón ricojle. 34 Icadaa carroatsa sacerdote Sadoc njite inoparrotacada Natannaarro carro lrinaco thimianjai pomenidalri jliá carro talricanaati nanaco njaji Iraelnai, njite ikjemataotsa trompeta, cayo cádanaco, iwanaotsa: '¡Wiácaotsa lriofaacawa jalredaoca lrico jliaji talricanaati Salomón!' 35 Njite inoatsa jliapodamjite, lrino carroenaotsa lriofawa noofa carrona naco; ima jliacaotsa talricanaati noarrontacao. Ima nocadaacani jliá carro italricanaata nanaco njaji Iraelnai njite Judánai naco tsacja." 36 Niini Benaia, Joiada irrí jiepani, lriaco: ''¡Cayo pedaotsa! Niini jliaji wa Minalri, watalricanaa iDiote, lricadaotsa cayocan.'' 37 Cayotsa wa Minalri iofaa capisho watalricanaa iinai, cayo tsacjaotsa lriofaacawa Salomón iinai, njite lricadaotsa lritalricanaaca itaoña pjaawa notalricanaa David iyaada ioya.'' 38 Ikeena jliaji sacerdote Sadoc, inoparrotacada Natan, Benaía, Joiada irri tsacja, njite njaji cereteonai, peleteonai tsacja narroco Salomón iinai, jliaji ia cada talricanaati David imulan naco; naawa lriapiya Gihón ricojle. 39 Njite sacerdote Sadoc jipa idee padanajle liaji thimianjai lriarroda lrico lriarro carro Salómón jiwida naco. Njite nakjemata jliaji trompeta, niini pjiomi njaji inaiki aimadan njeemata: ''¡Wiácaotsa lriofaacawa jalredaoca lrico jliaji talricanaati Salomón''! 40 Njite njaji inaiki aimadan nadiá njerra lriinai napjia cayao feelroma catiimacalri rico pjiomina, njite cayo cádanaco cananicaatsa jiipai naapiya. 41 Njite Adonia naapiya njaji lriwanaji, njemicana nataita cádanaco caatsa nainjaca. Joab jimi cádanaco jlimaa jliaji trompeta, lriaco: ''¿Coada paa nawanetaacao pjiomi njaji inaiki yacaalre rico?'' 42 Cayo cáda nacotoa caacoca Joab, Jonatán, sacerdote Abiatar irri ino nadershe. Niini Adonia iaco lrirso: ''Pjiewao, ima inaiki matsadalrica pjia njite pideeca iacoti matsiadalri.'' 43 Njite Jonatan jiepani, lriaco lrirso: ''Jlianji ianjiicada wanaco, talricanaati David, oopi lricadaa talricanaati carro jliaji Salomón. 44 Njite jliaji talricanaati lrimeenaca lriinai jliaji sacerdote Sadoc, inoparrotacada Natan, Benaía, Joiada irri tsacja, njite njaji cereteonai, peleteonai tsacja. Njaji, nawapa pia Salomón lria cádanaco talricanaati imulan naco. Anji Gihón rico. 45 Jliaji sacerdote Sadoc, njite inoparrotacada Natan narro thimianjai jliwida nacó nakeepitanatá carron talricanaatiwa, niini nanoca njiteo catiimacalri ricó, njite cjaida nawanaca pjiomi yacaalre rico. Icatsa njaji pjimirrica. 46 Njite, eena Salomón iofaawa talricanaati iofa carroda naco. 47 Njite pja, njaji watalricanaa ishoperri, nano watalricanaa David iderse nacadaa carro lrirso iacoti matsiadalri, naaco cayó: ''Jliaji pi Diote icadaotsa macadalri pjaaca lritalricanaaca jliaji Salomón pyadam ioya. Ikeena talricanaati icoanjawa lrioshoacawa lricó tsa. 48 Talricanaati David iaco tsacja lrirso: Matsiadalrica jliaji wa Minalri, Irael iDiote, ima Lricadaaca pada inaiki iofacaoda noofá carroda naco jliadaa jeecoapica jliaji, njite nacapatoa notji shoni.'' 49 Cayo cádanaco njemkica njaji Adonia inaipemi nafiowa pekirritsa. Ikamina njenicocawa nadia carrowa njaapodam shewa nacoanaa. 50 Adonia ifió tsacjao Salomón icjoete, niini jlinico jliawa, njite lriá jlipaacawa altar itsowaita nacó. 51 Njaji inaiki nacaite Salomón irso: Adonia ifioca piiwana, a lriá jlipaacawa altar itsowaita naco, nite lricaite cayoji: ''Icadaa talricanaati Salomón icaiteca iinita iacoti ajádalri sho corricaotsa lriinoca njoa lrishodalri matseeta sho.'' 52 Njite Salomón iaco: ''Icapacadaa corrica pacapa maatsídalri lrinaco, corriotsa pacja lritsicolre jiwacaotsa jiipai naco, mitsa icapacadaa maatsicatsa lriwaopiacje, iinoni.'' 53 Ikeena talricanaati Salomón imeenaca atsianai naacarro Adonia icjaote, naorrocoetan altar itsowaita nacjoite. Lrino ketsa talricanaati Salomón iderse njite lricoanjawa lripeyajle, njite Salomón iaco lrisho: Washa pidiawa piipana lricojle.''
1 Njite David ianjii tsoomikena lrioya mayamicalri, niini lricaiteca lrirri Salomón cocaca njaji lrirsolritsa lrinaitjaca, lriaco lrisho: 2 ''Tsominatsa nooya mayamicalri, niini picjaidatakenewa. 3 Pjiepaotsa njaji piminalri Dio icaitelri pisho pinaitjá carro, pinaitjaotsa cayoji nacaite capisho njaji iacoti ianjíicada panaco lricadaaji warso, njaji iacoti lrinaampe panaitjá carro, njaji lriwaopiakje ioma capisho waapiya, njite pjiomi njaji iacoti lricaiterri lrinaitja cádanaco iacoti waapiya. Piwapaotsa picapa matsia pinaitja carro njaji iacoti ianjiicape wanaco Moise idananpe, matsia carroatsa pjia pjiomi nanaco njaji pinaitjalriotsa, akjerrecawa catsa piawa, 4 wa Minalri itaitá carroatsa inaitjaca cayoji lricaite capisho nonacó: ''Matsia cadaotsa njaji pienipe, njite corri namatada nosho pjiomi nacaolre ricjoite, pjiomi nacafica iapiya tsacja, corriotsa coancaojlicaotsa yaamiotsa natalricanaataca njaji atsianai pinacjoite perri Irael ricó.' 5 Pianjii matsia coanca Joab, Sarvia irri inaitja pia norso, njite coanca lrinaitjaca narso njaji yamadan Irael itsolridaotenai icomandantenai irso. Abner, Ner irri irso, njite Amasa, Jeter irri irso, njaji lriinoni. Lriinona corri cádanacotsa nanaitja oowi njite lrinjetacawa neerranam sho lri cintorón naco njite lri tsapaton naco tsacja. 6 Canjíkje dalrica pjia, niini picadaotsa mayamica Joab cayoji mayami capisho njaji lrinojim lripjeyao. 7 Mitsa, kjena watsa picapaca narso njaji Barzilai galaat tairri ienipenai, picadenaotsa naofaacawa napecolrico njaji pikitsiñapeji injacape piinai pimesan nacó, ima nacoadata pioaca njoa noanji caolri pia nodawaacanjiwa pipjerri Absalón ioya. 8 Njite piwaopia niini catoa Simí, Gera irrí Benjamín tairri, icatsa jliaji caacolrica maatsi nonaco jliadaa pia noacawa Mahanaim ricojle. Mitsa jliatsa iino icoadata njoa Jordán ricojle, Njite nocaite wa Minalri naco corricaotsa nonó carroni matseeta sho. 9 Mitsa corrinatsa coadaca picadaaca lriofaatoa. Canjiikje dalrica pjia niini pianjii watsa coancaotsa pinaitjaca lriapiya. Picadaotsa naino cani, wadentja mayamican lri pekirrica nacotsa.'' 10 Caacocaamini, mayami David nainai njaji jliapodamperrim njite nadawani lriyacalre ricotsa. 11 Coarenta oonia David italricanaata piaca Irael nacó. Siete oonia lritalricanaata Hebrón ricjoite njite treinta tre oonia Jerusalén ricó. 12 Njité dalrina Salomón italricanaata jlinirri David jiapodam, jliá carroena ianjíi talricanaaca naco pjiomi. 13 Njité dalri Adonía, Haguit irri ino Betsabé iderse, Salomón jidoa. Roaco lrirso: ''¿Matsiatsa pinoca?'' Njite jliepano: ''Matsiatsa nonoca''. 14 Njite lriaco rorso: ''Noma nocaiteca pirso pada.'' Njite roaco lrirso: ''Picaite.'' 15 Niini Adonia icaiteca: ''Pianjintsa noyaadape piaca jliaji talricanaatiapan, njite pjiomi njaji Iraelnai nawapa pia njoaca natalricanaa. Mitsa teecojlenaca panaya ima nowerri kenacja jliaji talricanaati, ima lriyadacani wa Minalri nacjoite. 16 Panaya nosho pada noomanda piinai, njite corri nooma pimjepataca njoa.'' Njite Betsabé iaco lrisho: ''Picaite.'' 17 Lriaco rosho: ''Pinaitja matsiacalri, caacoatsa pjia talricanaati Salomón iapiya, ima corriotsa lrimjepatá carrocapjia, lriá carro norso Abisag sunamita tadoa noinowa.'' 18 Njite Betsabé jiepani: ''Matsiatsa, caacoatsa njoa lriapiya.'' 19 Ikeena Betsabé iawa talricanaati Salomón icjaolre caaco carro lriapiya Adonia icjaote. Talricanaati Salomón icapa cádanaco shoewacao jlinico jliemao lricoadatá carrono njite lricoanja roicjaolre. Njite lridia lriofaawa lriofaa carroda naco, lrinaa tsacja nadeeca rofaa carrodao shoaji talricanaati jidoa. Niini rofaacawa lriyekjeema nacó. 20 Njite roaco lrisho: ''Nosho pada noomanda piinai, njite corri nooma pimjepataca njoa.'' Njite talricanaati iaco rorso: ''Pitatjena noinai njodoá, corriotsa nomjepatá carroca pjia.'' 21 Roaco lrirso: Picadaotsa shoaji Abisag sunamita tadoa, pipjerri Adonia irsono, jlita carro lriinoano.'' 22 Talricanaati Salomón iaco jlidoa irso: ''Coadao pitatja shoaji Abisag amonita tadoa Adonia irso? ¿Coadao corri pitatja nopjerri irsowao jliá carro talricanaati sacerdote Abiatar iapiyao njite Joab, Savia irri iapiyao tsacja?'' 23 Niini talricanaati Salomón icaite iacoti ajádalri sho Dio naco, cayoji: ''Diowatsa jirrapiteeta njoa nocadaa capoatsa Adonia icaoñaca lricafica sho lricjaote jliaji lritatjalri noinai. 24 Niini panaya Dio icadaaca njoa carro talricanaati Irael nacó, njite lricadaa norso lritalricanaaca jliaji njonirri David, njite lricaite norso njaa carro tsacja talricanaati njaji nonacjoite perri, caishopa jliaji Adonia lrirsotsa mayamica jliada jeecoapica jliaji.'' 25 Niini talricanaati Salomón imeenaca Benaia, Joiada irrí lriinó carro Adonia. Niini Benaia iinoca Adonia. 26 Nité dalri talricanaati iaco sacerdote Abiatar irso: ''Warsa piawa pjipaite ricojle, Anatot. Pirsotsantja mayamica pjia panaya, mitsa corritsa noinó carroca pjia paanaya, ima piwakje piaca jliaji wa Minalri Dio iarcan njonirri David ipjeya njite pjirrapita tsacja cayotsa njonirri jirrapita capisho pia. 27 Cayo piatsa Salomón imotoeta Abiatar lrioya jliaji Dio isacerdoten poacani, lritaitá carro lrinaitjaca cayoji wa Minalri icaitenda pia Elí iipaneta naco Silo ricó. 28 Njite Joab jimi nja iacoti, ima Joab ikitsindata piaca Adonia, mitsa corri piatsa lrikitsindata Absalón. Niini Joab ipitoa Dio iipanaita ricojle njite jlipaacawa altar itsowaita naco. 29 Nacaite talricanaati Salomón irso Joab ipitocawa Dio ipanaita lricojle njite lriaca jlipaacawa altar itsowaita naco. Niini Salomón imeenaca Benaia, Joiada irri lriino carroni. 30 Niini Benaia iawa Dio ipanaita ricojle njite lriaco: "Cai lriaco jliaji talricanaati: 'Pimoto pemajle.''' Njite Joab jiepani: ''Corríi, icatsaotsa mayamica njoa.'' Njite Benaia idiawa talricanaati icjaolre, lriaco lrirso: ''Joab icaite altar naco catsa lrioma mayamicani.'' 31 Niini talricanaati iaco lrirso: ''Pinaitjena cayoji lricaite capisho. Piinoni njite pidawaotsani wadentja njonirri iipaneta njite noopaneta tsacja ideeca njaji imatsicanaati lriino capoa njaji inaiki mikjapantsa. 32 Wa Minalri icadaotsa lricaoña carro nacoadao njaji yamadade atsianai matsiaperri pja lrioya lriinoji jliwacatsa lri matseetan sho, Jliaji Abner, Ner irri; nacapitama njaji tsolrodaonai Irael ricoda, Njite Amasa, Jeter irri, nacapiotama njaji tsolrodaonai Judá lricoda. Lriinona dawacaitsa njonirri David ioya. 33 Niini lridiaca Job icjaolre lricaapiarrom tsa njite nanaco tsacja njaji lrinacjoite perri caidalriwenatsa. Mitsa David inacjoite perri inaco, njite njaji italricanaata cape lrinacjoité perri talricanaati cádanacona, naofaotsa imawadaca kjeti ricó caidalritsa ima wa Minalri catsa icadaa cayoca naifaacawa. 34 Ikeena Joiada irri Benaia iawa lriino carro Joab. Njite lridawani lriipana lricotsa jalrapocolri rico. 35 Niini Salomón icadaa Joiada irri Benaia jliá carroenaca naapiyawalrio njaji tsolrodaonai Irael ricó Job jiapodam, njite lricadaa Sadoc carroenacja sacerdote Abiatar iarrontacao. 36 Njite dalri talricanaati imeenaca naa carro naoma lrirso Simei, niini lriaco lrirso: ''Pinaitja piipanao Jerosalén ricó piofaa carro niinio, njite mamotoatsa njiteo pafe ricojle. 37 Ima coancaojli cadaotsa pimoto njiteo, njite pjiyapawa jiipai pacoacaita cawa Cedrón ricó, pjianjíiwatsa icamicaotsa mayamica pjia. Pjia tsaotsa isho maatsicalri pinacowaacatsa. 38 Niini Simei iaco talricanaati isho: ''Matsiatsa njaji picaiterri. niini jliaji pirsodalri lrinaitjaotsa cayoji picaite capsisho lrirso.'' Niini Simei iofaawa aima oonia Jerosalen ricó. 39 Mitsa madalriwalria iwayaca caawao, yamee Simei irsoperri napitoa Aquís iderse, Maaca irri, Gat italricanaa. Njite nacaite Simei irso Gat ricojleca napito lrioya njaji lrirsoperri. 40 Niini simei imatsieta lriborron, njite lripápi lrinaco lriofaa carroita lriá carro Aquís iderse Gat ricojle naicjaote njaji lrirsoperri. Caitsa lriaca lridieta tsenacja njaji lrirsoperri Gat ricjoite. 41 Njite nacaite Salomón jimi Simei iawa idao Gat ricjoite Jerosalén ricojle, 42 talricanaati inaa naa carro naoma Simei lricjaolrewa, njite lriaco lrirso: ''¿Capja corrica nocaiteca pirso wa Minalri iipitana naco, nocaite cádanaco mayamicaotsa pjia pimoto cadaotsa akjerrecatsaji, njite picaite matsiacatsa cayoji nocaite capisho pirso? 43 ¿Coada pimjeepata piacoam njite jliaji iacoti wa Minalri inanda panaitjá carro?'' 44 Njite talricanaati iaco pjaa Simei irso: ''Pianjintsa picaolre ricó pjiomi njaji imatsicanaati pinaitjalri njonirri David irso, niini wa Minalritsa, icadaa pjiá carrotsa icaoña njaji maatsirri poinaitjalri. 45 Njite cadanaotsa jliaji talricanaati Salomón matsia catsaotsani njite jlinirri David italricanaaca corriotsa lriwayacá carroca wa Minalri ipeyajle.'' 46 Niini talricanaati imeenaca Benaia, Joiada irri iino carro Simei.
1 Salomón inaitja ikitsindawa jliaji Faraón, Egipto italricanaa, jlita capoa Faraón iito lriinowa njite lrideeno David iyacalre ricojle lritaita cawiaca lrinaitjaca lriipanao njite Dio iipana macade, njite yacaalre Jerusalén idaanawa lriwaida naco. 2 Njite njaji inaiki, naino piacatoa maaficalri yeenondalripe naco nainocawa tsacja narso nja macadawanai catsa, ima corri piacatoa nanaitja padapana panti wa Minalri iipitana nacó. 3 Salomón ipeyo wa Minalri, lrinaitja njaji iacoti jlinirri David icaiterri pia lrirso lrinaitja carró, icaamitsa lrinaitjaca maatsi lrimjaitaca nainai maaficalri nanaco njaji yeenondalripe naco namjaita carroji narso njaji macadawanaitsa. 4 Jliaji talricanaati ia manawa Gabaón ricojle lriino carro maaficalri niini, ima icapiatsa pada caaconadalri piaca niini. Salomón imjaita pia lrinaco mil maaficalri. 5 Njite apapiena deepi ricó wa Minalri icadaa Salomón icapá carroni jlitapon rico; njite lriaco lrirso cayoji: ''¡Pitatjena noinai coca catsa piomalri, njite nocadaotsa pirson.'' 6 Niini Salomón iaco cayoji: ''Corri coancaojli pimatada pirsodalri David irso, ima lrinaitja piaca njaji lrinaitjalri lri cadaa capoa lricaolre pinaco, lrinaitja capoa matsia njite corri lri pacjanta maatsidalri sho lricaolre ricó. Pimatsieta njaji iacoti picaiterri pia lrirso njite picadaa pada lrienipeo iofaacadao lriofaa carroda naco jliapodam iarrontacao. 7 Njite panaya, pjia no Minalri Dio, picadaa njoa carro talricanaati njonirri David iarrontacao iempeti cadaana toa njoa, njite corri noanjíi coanca talricanaatica pja. 8 Njite jliaji pirsodalri aaniji napecolrico njaji pinaikite aimadan pjienitaji pirsowawa, pana inaiki aimadan corripenatsa pataita paniweetaca. 9 Niini piáa watsa pirsodalri irso pada icaolreti canjíikjé dalri lritaitá carroatsa lricaiteca naaconao njaji pinaikite, notaitá carroatsa noanjíica coandalrica jliaji maatsídalri njite matsiádalri naco tsacja. 10 Niini wa Minalri matsiá jlimica cayoji Salomón itatjá capisho lriinai. 11 Niini Dio iaco lrirso: ''Pitatja capoa cayo, corri cantja pitatja pirsowao piofaa carro wiá jalredaoca lrico, o pitatjá cantja pinaaniwa, o pitatjá cantja jiidati piinó carro njaji picoema, mitsa icaamitsa pitatjalrica pirsowao ianjiikjeti pidenjíi carro matsiá, 12 caisopa nocadaotsa pirso cayoji pitatja capisho noinai. Nocadaotsa ianjíikjeti picaolre rico pianjíi carroatsa matsia, njite corriotsa pacapa pada caidalri picayosho pipjeya pia njite corri tsacja pjiapodami. 13 Mitsa nocadaa tsacjaotsa pirso njaji corrirritsa pitatjalri noinai, pinaaniwa pekirrí dalri njite piaconao, corrí carroatsa pacapa pada talricanaati napecolrico njaji paana talricanaati pjiá cádanaco talricanaati nainai. 14 Pjiepa cadaa njaji iacoti nonaalri pinaitjaca picjaidaatá carro njaji iacoti nonaalri inaitjaca, cayoji pjinirri David inaitja capisho pia, nocadaotsa wiáa carro piofaacawa jalredaoca lrico.'' 15 Jlia podami Salomón icafiawa njite lrianjíi jlitapon catsa. Njite dalri lriawa Jerusalén ricojle niini lriemacawa lripeyajle jliaji arca Dio inaitja shopam iacoti lrinaikite iapiya. Lrimjaita njaji maaficalri ofrendao imaodaca kjeti naco, njite lrinja naapiya njaji lrisoperri pjiomi. 16 Njite dalritsa yaamama inaitjepe ianjiicape macadatsa nacapa jliaji talricanaati njite naoca neemao pripeyajle. 17 Njite apama nanacjoite naaco lrirso: ''Pjia notalricanaa, sho iinarroca rsoaji njite njoá pada pana lricotsa waofaacawa, njite jiico nooya pada iempeti aacadanacono panti rico. 18 Njite madalridaa jiapodam jiicocam nooya jliaji iempeti, jiico tsacja royada rsoaji. Njite corritsa cocaca wainai panti rico. 19 Njite roenipe rsoaji iinarro oopi mayamini deepi rico, ima rorsoacawa lrinaco. 20 Niini deepi pamoyoa, nomaa capem, rsota rocarseta nooya noenipe nocodapí dalritsa iorsoacawa, njite rocadaa lriorsoawa rocóda naco, njite rocadaa jliaji roenipe mayamdalrin nocóda nacó. 21 Njite nocafiawa deepi pjatoa nocadá carro lriirra lriinia, corrinatsa caafican, oopi mayamini. Mitsa jaalre keena, nooma nocapa matsián njite noanjíi corricatsa noyaada cani.'' 22 Niini rsoaji aapama roaco rsoepacano: ''Corrina, noyaadatsa jliaji caafirri, piyaadatsa jliaji mayandalrim.'' Njite roaco rsoaji iniita cada icaiteca: ''Pyadaca jliaji mayandalrim, njite noyadaca jliaji caafirritsa.'' Cayotsa caacocana talricanaati ipeyajle. 23 Njite lriaco narso jliaji talricanaati: Apama inacjoite icaite: ''Noenipe jliaji caafirri, njite piyadaca jliaji mayandalri,'' njite apama icaite: ''pienipeo jliaji mayandalri, njite noyaadaca jliaji caafirritsa.'' 24 Niini talricanaati iaco: ''Idee norso paita matseeta.'' Njite nadeeca talricanaati irso paita matseeta. 25 Njite talricanaati iaco: ''Warsa iyoa pamoyoa caafitsa jliaji iempeti, njite iawatsa peemape narso njaji yaamamade.'' 26 Njite rsoaji iinarro caafidarrotsa ienipe, iaco talricanaati irso, ima kjenaaca rocapaca roenipe irso, niini roaco: ''Pjia no talricanaa, piena rorso jliaji iempeti caafidalritsa, corritsa nooma piinocani.'' Mitsa rsoaji aapama iaco rsoepacano: Ajaca, corriotsa norsowao carrocan, corri tsacja royaadacan. Iyoenani.'' 27 Ninii talricanaati iaco: ''Icadaa jliaji iempeti caafidalri rorso rsoaji iinarro caacorro iinita, corriotsa iinó carrocan. Ima icacatsa jlidoaca.'' 28 Njaji Iraelitanai, njemi cádanaco coanca talricanaati imatsietaca jliaji iacoti, nafiowa pekirritsa lricjoete, nacapa capoa coanca Dio ianjíikje iofawa lrinaco lrimatsieta cádanaco jliaji iacoti.
1 Salomón, icapiatsa talricanaati pjiomi Irael naco. 2 Njite njaji caconaaperri ikitsindatacapen icatsa njaji: Azaria, Sadoc irrí, icapaitsa sacerdoteca lrirso. 3 Njite Elihoref, Ahia tsacja njaji Sisa ienipe, icapiatsa njaji idanacape lrirso. Njite Josafat, Ahilid irrí icatsa njaji idanacape pjiomi talricanaati inacoapana. 4 Njite Benaia, Joiada irri icapiatsa jliaji naapiyawalreca njaji tsolrodaonai pjiomi. Njite Sadoc, Abiatar iapiya icapiatsa sacerdotenaicana. 5 Azaria, Natan irri icatsa caconaiteca narso njaji caconaaperri lrirsoperi. Njite jliaji sacerdote Zabud, Natan irri, icapiatsa talricanaati ikitsindajican. 6 Njite Ahisar, icatsa jliaji ianjiicada talricanaati iipana naco. Njite Abda, icatsa ianjicadaca nanaco njaji nacadaji irso idenjikjeti jamiñadalri. 7 Salomón irsopia doce caconaaperri lrirsoperri ianjiicape nanaco pjiomi njaji Iraelnai, icatsa njaji iomacapeca injaodati talricanaati irso njite narso njaji lriipaneta. Padape nanacjoite njaji doce atsianai nasopia nadeeca injaodati talricanaati irso apapi keerri icoa, papiatsa pada oonia icoam. 8 Icatsa neepitanaca njaji: Ben Hur. Icatsa jliaji ianjicada awacada caawa Efeaín rico, 9 Bendecar. Lrianjíi pia Macaz nacó, Saalbim, Bet Semes njite Elón Bet Hanan naco; 10 Ben Hesed ianjíi pia Arubót nacó (lrinjii tsacja Soco naco njite pjiomi jliaji jiipai Hefer dalri nacó tsacja); 11 Ben Abinadad ianjii pia pjiomi Dor imacaiteca nacó (Abinadad, Tafat iinirri, Salomón iito); 12 Baana, Ahilud irri ianjii pia Taanac nacó njite Meguido tsacja, njite pjiomi Bet Seán Saretán icodapi, tjewacajle rse Jezreel irso, Bet Seán nacjoite, Abel Mehola nacojle, teeco lriocawa Jocmeam pemajle; 13 Ben Geber ianjíi Ramot nacó Galaad dalri (lrianjii nanaco njaji yacaalre Jair iyaape Manases irrí, njaji Galaad ricope, njite lrianjíi tsacja lrinaco jliaji jiipai Argob dalri, Basán lricoda. Sesenta yacaalre macacoepe irsocape nadaana nawaida nacó njite irsocape bronce naita shopa napananoma); 14 Njite Ahinadab Iddo irri, ianjíi Mahanaim naco; 15 Ahimaas, Neftalí ricó (icatsa pada jitacada iinowa Basamat, Salomón iito); 16 Baana Husai irrí, ianjii Aser naco njite Bealot tsacja; 17 Josafat Parua irri, ianjii Isacar nacó; 18 Ela irri Simei, ianjíi Benjamin ricó; 19 njite Geber, Uri irrí, ianjii jiipai Galaad naco, jliaji jiipai Sehón iyaada, amorreonai italricanaa, njite Og, Basán italricanaa, icamipiatsa jliaca ianjíi nanaco njaji jiipai. 20 Judá njite Irael tsacja aimadancana cayoji caida sho macapawan inomapi ricope. Naofa naija, nairra tsacja catiimana pjiomi. 21 Salomón italricanaata nanaco nja paana talricanaatinai pjiomi ooni Eufrate nacjoite njite njepaite nacojle njaji filisteonai, lriocawa Egipto inomapiana nacojle. Pjiomi njaji talricanaatinai nacaoña piani njite lrirsoperri piacana coshoca lriwiaca Salomón italricanaata piaca. 22 Nadee mana injaodati Salomón irso jalredaoca icoam treinta tambor icoa harina bitim dalri, njite treita tambor icoa tsacja harina paomedalri. 23 Die vaaca na keepetaji, njite vente vaaca injacapetsa malritsa, cien ojeja, nadee tsacja neerri, nadee tsacja maaficalri neerri shoperritsa icapacanaa njite naapirra iarrajicape nakepetaji. 24 Salomón ianjí pia nanaco njaji jiipai jerri imoto kemjeteo ooni Eufrate irso, Tifsa nacjoite teeco jlinaa Gaza nacojle, nanaco pjiomi njaji talricanaatinai lrinacojliemape lrirso jliaji ooni Eufrate, njite corri lriema cantja nacjoete njaji iofaacapewa lricodapi. 25 Judá njite Irael tsacja matsiá naofaacawa, nacoanaa naofaa namaodacatsa napania capjene iapjite, Dan nacjoite Beerseba nacojle. Cayomitsa Salomón caojli talricanaati. 26 Salomón irso pia cuarenta mil nataoñacawa lrico caballo lri roetaope inaco nacarretaniwa, doce mil inaiki jiecojicaope nanaco. 27 Icatsa njaji caconaaperri icapacape talricanaati Salomon injaope naco njite narso njaji talricanaati inaiji nainjá carro lriinai nacoanaa. Corri nacadaa cocacantja canacai narso. 28 Nadee tsacja injaodati narsowao naapana lricojle njite malritsi nacaballon irso njaji nerroataji irso carreta njite narso njaji mashocapetsa njecoji inaco, nacoanaa nadeeca natita cawa nadeeca. 29 Dio icadaa Salomón ianjiikjeo pekirridalri, corri jirrapitinaaca lrirso lrianjíi carro cocacatsan. Pekirrí dalri inajiikje cayoji caida macapawan inomapi ricoda sho. 30 Pekirrí dalri pja Salomón ianjíikje naoya njaji inaki iofaacape jeerri imokemjeteo, naoya tsacja njaji iofaacape Egipto lrico. 31 Pekirri dalri pja lrianjíikje naoya nja paana atsianai, Jorre pja Etán ioya Ezraita tairri, Hemán ioya, Carcol ioya njite Dasda ioya, njaji Mahol ienipenaipe, njite nanjiica lrinaco pjiomi njaji pada jiipai nacope iofaawa lricodapi perri. 32 Lridana tre mil proverbio njite mil cinco canción. 33 Lricaite coanperrica njaji jaico, nacjoite njaji cedro Libano lricoda njite nanaco njaji jaico miperimtsa. Lricaite tsacja coanca nanaco njaji maaficalri, wipjiarro, maaficalri itsoetaaca cape iacawa njite nanaco nja copje tsacja. 34 Nano njaji inaiki pada jiipai nacope njemí carro Salomón ianjíikje. Nano tsacja njaji talricanaatinai tekjoitépe njemi capoa lrinajiikje nacó.
1 Njite Hiram, Tiro italricanaa, imeenaca njaji lrirsoperri Salomón iderse jlimi capoa jlia kenakja talricanaati jlinirri David jiapodam; ima Hiram ipeyopiaca David. 2 Niini Salomón imeenaca iacoti Hiram irso cayoji: 3 ''Pianjintsa corrica njonirri David itaita pia inaitjaca padapana panti wa Minalri Dio iipitana naco lrinaitja capoa oowi, ima caafi cádanacon, jliaji wa Minalri icadaa piaca jliameeta carro nja lricoema. 4 Mitsa panaya, jliaji wa Minalri icadaa nowafetá carro naoya pjiomi. Corri pacapa jipondati, corrin tsacja maatsicalri. 5 Niini nooma noinita nonaitjaca pada pana macadee wa Minalri Dio iipitana irso, cayoji wa Minalri icaite capisho pia njonirri David irso, lricaite cádanaco cayoji: ''Jliaji pirrí, nocadaalriotsa italricanaatá carro pjiapodam, jliawatsa inaitja jliaji panti macade noipina icjaote.'' 6 Panaya, pinaa pirsoperri nayoá carro norso cedro Líbano lrico. Njaji norsoperri nakitsindataotsa njai pirsoperri. Nocaoñaotsa njaji pirsoperri cayoji pioma capisho nocaoñacana. Ima pianjintsa corrica pacapa pada wanacjoite ianjiicada coanca payoaca jaico nacayosho njaji sidonionai.'' 7 Hiran jimi cádanaco Salomón imemorian, catiima lricaolre pekirritsa, niini lriaco: ''Noá matsiadalri Dio irso panaya, Licadaa capoa David irso pada lrienipeo kanjiikjé dalri lritalricanaatá carro nanaco njaji inaiki aimadan.'' 8 Niini Hiram imeenaca memoria Salomón irso, lriaco cayoji: ''Njominina pimemorian. Nomeenacaotsa pirso coshoapacatsa pioma cedro nacjoite njite ciprés tsacja. 9 Njaji norsoperri naorrocoetaotsa nja jaico Líbano lricjoite ooni macapawan ricojle, nocadaotsa napapí carrona papocotsa nadee carrona akjerre catsa pioma wadeeca pirsona. Wawatacaotsana pidee carroenatsa njite. Njite icaamitsa nooma piinai piacatsa nainjao njaji nopaneeta.'' 10 Niini Hiran iaca Salomón irso nja jaico cedro njite jaico abeto tsacja cosho catsa lrioma. 11 Njite Salomón iáa Hiran irso lrinjaope Cinco mil tomelada icoa harina njite treinta cinco tambor icoa aceite painjanda matsiadalritsa. Caidalri manatsa oonia icoam Salomón iáa maca Hiran irso. 12 Wa Minalri Iáa Salomón ianjíikjewa cayotsa lricaite capisho lrirso. Corri poiatsa coca Salomón irso Hiram icjoete, naofaa namaodaca ima nanaitja piaca iacoti narsowaaca. 13 Talricanaati Salomón iniwa idenjicaope lrirso jiidati ricó. Lriwakeeta trenta mil atsianai idenjicaope lrirso jiidati ricó. 14 Lrimeenacana Líbano ricojle, lrimeenaca die mil keerri icoam, ima njamawaaca piaca. Naofaa aapapi keerri Líbano lrico njite yaamapi naapana lrico. Adoniram pia jliaji naapiyawalre, lricadaa pia nadenjica jiidati ricó. 15 Salomón irso pia setenta mil atsianai ideecaperri jamiñádalri njite ochenta mil atsianai jicacape jiipada namatsietá carro awacada lrico, 16 njite lrimeenaca tsacja nainai tre mil treciento atsianai caconaaperri idenjicape lrirso talricanaati dapana lrico nadenjii carro njite nacapá carro njaji idenjicape pjiomi. 17 Talricanaati inaana njetá carro jiipada macadalripe matsiaperri pja nacadaa carro panti macade initjee icaona. 18 Niini njaji jireetacape panti Salomón iyaape njite Hiram iyaape naapiya njaji gelabitanai nayoa pacoaca nja jiipada njite njaji jaico nanaitjá carro jliaji panti macade.
1 Cayotsa Salomón iniita inaitjaca jliaji panti macadapana wa Minalri irso. Lrinaitjani coatrociento ochenta oonia jiapodan namoto caami Egipto jipaite ricjoite lricjoite njaji Iraelitana, coatro oonia caami talricanaatica Salomón Irael nacó, yaamapi keerri naco pawalria irso lriipitana Zif. 2 Icatsa lrimacadeca jliaji panti Salomón inaitjalri wa Minalri irso: ventisiete metro jliwalripaca, nueve metro lrimacaiteca, njite trece metro inacojle pja lriyenonca. 3 Njite jliaji pjewacawao lrirso jliaji panti macade lrirsopiaca nueve metro jliwalripaca, cayotsa lrimacaiteca shotsa jliaji panti, njite coatro metro inacojle pja lrwawa lricojleo jliaji panti macadapana. 4 Lrinaitja njaji ventana irrocarrodao lrirso jliaji panti tsoopeco pja padanjete dalri icjaolre keema lriwawalrico kema ioya. 5 Njite lriwaida naco jliaji panti, lriwainacotsa, lrinaitja pacjaa naacawa lritawajleo jliaji panti, lriyofieta lritawajle sho pjiomi jliaji panti. 6 Jliaji patawajle initacoma lrirso piaca yamada metro njite paita pja pacaapi jalripadalri lrimacaiteca, jliaji patawajle pamoyoa coma lrirsopiaca yamada metro njite yamaita pja pacaapi lrimacaiteca, njite jliaji pikeetem coma lrirsopiaca madalrida metro njite pamoyoa paita pacaapi irso lrimacaiteca. Salomón inaa pia nacadaa carro namoto pjaacawa njaji coanjai jiwidana pjemajlewa panti macade irso pjiomi lriwaida naco, wadentja namatsícaca lriwai nadenji cádanaco njaji panti coma. 7 Njerreta pia jliaji panti nasho njaji jiipada macadalripe nayoampe namatsietajina matsia. Niini njerreta cádanaco jliaji panti nasho nja jiipada corrin pjemi cantja nañaaca martillo sho, nayoá cantja yooca sho o pada pjanta tsipalra nadenji shopa. 8 Lriyekema nacó jliaji panti niini pia pada pantinoma tjewacajle coma naco, njite dalri pjerrawa pamoyoa coma naco, caitsacja pikeetem coma nacojle. 9 Cayotsa Salomón inaitja jliaji panti kjerreca lritaita pjiomi, Lricawainita matsia tabla cedroitape sho macaitepe jipandape sho. 10 Nacoana njaji panti coma lrinaitjaji, narso piaca yamada metro njite paita pja pacaapi lrinacojle nayenonca naco, njite pjiomi njaji coanjai cedro sho lrinaitjana. 11 Njite caacoca wa Minalri Salomón irso cayoji: 12 ''Lrinaco jliaji templo pinaitjalri, pinaitja cadaa cayoji nacaite capisho njaji iacoti icaitecape cocaca njaji parsolritsa panaitjaca njite pinaitja matsia, corri pimaca njaji iacoti ianjíicaada panaco njite pinaitja cayoji nacaite capisho, nininaotsa nocaiteotsa pirso jliaji noacoam piapiaya nonaitjalri pjinirri David iapiya. 13 Nofaacaotsa napecolrico njaji Iraelnai njite corriotsa nomacá carrona.'' 14 Njiini Salomón inaitja jliaji panti naapiya njite nawayakeeta pjiomi. 15 Njite lridenji naapiya lriwai naco jliaji panti lriwawa lrico kema, lriita matsia tabla cedroitape sho. Lriita pjiomi panti iwawalrico njite lriicao tsacja jaico sho mitsa jliaji pati iwawalrico pemanjicawa lriitan jaio cipre sho. 16 Lrinaitja naapiya pacoma lridanam sre jliaji panti patawajle naitanda matsia tabla cedroitape sho, lriwawa lricjoite tjewacajle njite lriicao tsacja lriwawa lricotsa. Lrnaitja jliaji patawajleo corricawao pacapa tsoo imatsicanaati. 17 Nanaitja Cooya jinaana, njite potira jinaana imjecoacacape nanaitjaji cedrona nacjoite, nacadaa carrona panti iwawalrico. 18 Cedro sho minitsa nanaitja pjiomi njaji panti iwawalricope. Njite corri pia catjinaa njaji jiipada padaa njite lrirsho jliaji panti. 19 Salomón inaa namtsietaca jliaji patawajle panti macade iwawalricoda nacadaa carro niini jlijai wa Minalri iarcan lrinaitjashopam iacoti naapiya. 20 Jliaji panti itawajle lrinanda natsietaca lrirsopia nueve metro jliwalripaca, nueve tsacja lrimacaiteca, njite nueve tsacja lriyenonca. Salomón inaa nainjetaca lriwai owirro sho, njite lricawainita jliaji altar cedro sho. 21 Salomón inaa nainjieteca panti iwawalrico owirro matsiadalri sho, njite lriinaa naitacani pemajle cadena nanaitjanda iwirrocja sho tsacja. 22 Lrinaa nainjieteca pjiomi panti iwawalrico owirro sho kjerreca nataitan. Lrinjieta tsacja owirro sho lridaki jliaji altar iofalriwa panti itawajle rico. 23 Salomón inaa nanatjaca yaamana kerobinai (anjele) jinaana jaico olivo sho, nacoana, narsoca coatro metro lrinacojle pja njawalripaca yenonre, nacadaa carrona altar iemalri nirse. 24 Nanpje njaji kerobinai narsoca nacoana yamada metro njite paita pja pacaapi lrinacojle. Caiyopa narsopca coatro metro njite pamoyoa pja lrinacojle pjiomi. 25 Cayo tsacja jliaji apana kerobin, coatro metro pamoyoa pja inacojle njaji lrinapje, njite cayo minitsa njawalripaca njite nacapacanaa tsacja. 26 Coatro metro pamoyoa pja inacojle njawalripaca yenonrse, njite cayo tsacja jliaji apana. 27 Salomón inaa nacadaca njaji kerobinai lrirricoda jliaji panti tawajle corricawa tsa pacapa tsoo imatsicanaati. Njite cayo pia neemacao, pada inapje inota pema inapje sho pema panti iwai nemalri niini, njite pema lrinapje jliaji apana kerobin lrinota pema tsacja panti iwai. Njite nanapje jiwidana inotacawa pamoyoa neemalri niinio lripamoyoaca lrico jliaji patawajle corricawatsa pacapa tsoo imatsicanaati. 28 Salomón inaa nadaaca nadaki pjiomi njaji kerobinai iwirro sho. 29 Salomón inaa nanaitjaca njaji iacoti lriwaida naco jliaji panti njenapjiapem sho njaji kerobinai, manacapje jinapjiam sho, potira imjecoaca cape jinapjiam sho tsacja. Cayo tsacja lrinaa nanaitjaca njaji panti itawajle, nawawalrico njite nadanjite tsacja. 30 Lripeeco panti iwawalrico owirro sho, pjiomi njaji panti itawajlepe tsacja. 31 Salomón inaa nanaitjaca lripananomao jliaji panti itawajleo corricawa tsa pacapa tsoo imatsicanaati jaoco olivo sho. Jliaji pantinoma irrocarrona njite jliaji pantinoma nasoca cinco neecoa. 32 Niini lrinaa nanaitjaca yamaita panitinomaita jaico olivo sho, njite nacadaa nanaco njenapjiapem njaji kerobinai, manacapje jinapjiam sho, potira imjecoaca cape jinaapjiam tsacja. Njite lrinaa nainjetaca owirro sho nanaco pjiomi. 33 Lrinaa nanaitjaca coatro dalri iecoa pantinoma irro carrona lrirso jliaji panti macade jaico olivo sho naketitaji matsia, njite yamaita lripananomao nanaitjaji jaico cipre sho. 34 Njjai pantinomaita narsoca yamaitape njite tsikji cawa padieta carrona, caitsacja pema. 35 Njite nacadaa nanaco kerobinai jinapjiapem, manacapje jinapjiam, potira imjecoaca cape jinaapjiam tsacja, njite nainjieta owirro sho njaji nanaitjaji jinaapjiami. 36 Salomón ina njereetaca lriwaiwa jliaji nawacaaca caroda iwawalrico madalricja naicaowawa jiipada sho nayoanji matsia, njite pacja coanjai cedronape sho nayoanji matsia. 37 Njaji jliipoco Dio ipana nainita nanaitjacana coatro walria naco oonia Salomón italricanatacaawa naco, lrinacopi jliaji keerri Zif dalri iipitana. 38 Njite once walria oonia naco, ocho keerri naco lriipitana Bul, Salomón iwayakeeta inaitjaca jliaji panti, njite pjiomi njaji lrinacoperri cayotsaji lrinacoapana naco. Siete año Salomón idenjica naapiya jliaji Dio iipana.
1 Salomón idenji naapiya lriipanao trece walria oonia. 2 Lridenji naapiya jliaji ''panti Caconaa dapana Awacada Libano lricoda.'' Coarenta cinco metro jliwalripaca, venti do metro pamoyoa pja pada inacojle lriwawalrico, njite trece metro pamoyoa pja pada inacojle lrineyonca. Njerretan coatro cja naco topji cedro macanepe naco, njite cdero tsacja nja lricoanjaipe. 3 Neemeta madalricja topji lricaona jliaji panti, kince pacja naco, caitsacja nanaco nja paana, niini coarenta cincoca namaimaca pjiomi nja tupji. Nacadaa coanjai iorsowa napolrico naco nja topji, njite nanaco nja coanjai nerroeta tabla cedroitape. 4 Nanaitja nja ventanapeco nacjoetewaca, madalricja nacawa. 5 Pjiomi njaji pantinoma irrocarrona njite njaji ventana irrocarrona nanaitjana capatsitape pacoacá dalri pjiomi, njite nacadaa pacjatsa naacawa njaji madalricjan njite capa nacjoetewaca. 6 Salomón inaa nanaitjaca jliaji pewacawao lrirso pantimonao sho cayotsa lriyenonca shotsa jliaji pánti, ventido metro pamoyoa pja pada naco lriyenonca, njite trece metro pamoyoa pja pada naco lriwawalrico; njite neemeta pja paana tupji lricoemjete nayatá carro pja jliaji panti itsipjenapi. 7 Salomón inaa nanaitjaca patawajleo nacadaalriotsa niini lriofaacarrodao, lricaitecawa lrico naaconao njaji inaiki. Lrinaa nacawainitaca pjiiomi cedro sho, pjiomi papjoacawa lriwawalrico tsacja. 8 Njite jliaji Salomón iipana catsa, lrinaitjalri jlipaitena ricotsa jliaji talricanaati dapana; nanaitja lricapacana cayotsa lricayosho jliaji talricanaati dapana. Cayo tsacja lrinaa nanaitjaca roopanawa rsoaji Faraón iito, rsoaji Salomón jitalri iinowa. 9 Nanaitja pjiomi njaji panti jiipada cacoada perri sho namatsietanda, nayoanda matsia, pacoaca namacadalrica, nayoaji tserre sho njite naketitana matsia neecoa nja jiipada. Nacadaa nja jiipada jliipoco nacjoite jliaji panti, caitsa jlirracawa pjiomi yenonrsewa nanco njaji panti. Pjiomi lriwawalrico, lriocawa nawacaacawa lrico njaji inaiki. 10 Macadalripe njaji jiipada njite cacoada perri tsacja njaji nacadaalri jliipocoa jliaji panti, tre metro pamoyoa pja pada naco namacadalrica njite coatro metro njawalripaca. 11 Nanacoena nacadaa jiipada cacoada perri, namatsietanda matsia, nayoanda matsia pacoaca pjiomi, njite coanjai cedronape. 12 Lriwai jliaji talricanaati dapana, nacadaa madalricjaa jiipada nanacowaaca nayoaji matsia, njite pacja tsacja cedonape sho. Cayo tsacja nanaitjaca lriwaiwa jliaji yacalrecoa iwawalricoda lriemalri niinio jliaji Dio iipana, njite pjewacawa lrirso tsacja. 13 Salomón imeenaca iacoti Hiram irso Tiro rse, niini lrinoca Salomón iderse. 14 Jliaji Hiram, apama madoiyoam irricani nanacjoite njaji Neftalí poco; njite jlinirri ape atsia Tiro dalri pia, pada cayecadalri ianjicada idenjicada bronce. Lrirso pia jorre lriyeca lriwapiakje rico lrinjíi carro lridenjica, njite lrianjíica coanca lridenjica idenjikjeti macadalripe bronce sho. Lrino Salomón iderse lridenji carro bronce sho talricanaati irso. 15 Hiram inaitja njaji yamana topji macanepe bronce sho, nacoana narsoca ocho metro njite cincofi pja pacapjiwida nanaco nayenonca, cinco metro njite pada inacojle pja inaco namacanica matojledaperri. 16 Njite lrimatsieta matsia natsapewaniwa njaji yamanape topji, lriketitana matsiana. Njite narsoca njaji tsapewa yanada metro njite paita pacaapi lrinaco nayenonca nacoana. 17 Lriña nja tsipalra njite lrinaitja tsacja cadena lricadaa carro namatsiacao nja topji ndajintjete, sietepe nasoca nacoana. 18 Hiram inaitja tsacja pana matojledadape lricadaa carro namatsiacao nanaco njaji tsapewaitape topji nacope. 19 Natsapewan njaji topji nashopiaca paita metro njite coatrofi pja pacapjiwida lrinaco lriyenonca, njite Hiram inaitjana potira jinapjiam sho. 20 Nanaco minitsa njaji yaamanade topji, napjitetsa nja natsapewan, nerroeta pacja nerroa nanaco dociento matojledadarrope, pjiomi lriwaida naó. 21 Jlirreta nja topji pjewa cawa lrirso jliaji panti macade Dio iipana. Jliaji topji atsiajliema dalri iemawa lricadaa lriipitanao Joaquín, njite jliaji inarroemadalri lricadaa lripitanao Boaz. 22 Potira jinaana lricadaa natsapewaniwa njaji topji namatsiacao. Cayopiatsa lriwaketa lrinaitjaca njaji topji. 23 Hiram inaitja tsacja broncepe sho paapi ooni iarrodao, irsocada coatro metro njite pamoyoa pja pada naco lrinoma imacaiteca, lriyenonca irso pia yamada metro njite paita pja pacaapi lrinaco, njite pjiomi lrimacaiteca matojledá dalri lrirsopiaca trece metro njite amoyoa pja pada naco. 24 Lrinomapi iapjite jliaji ooni iarroda lricadaa matojleda darrope irroa, irrocape lrinacotsa jliaji ooni iarroda, lricadaa papocotsa die matojleda darrope yamaita pacaapi natecoca naoyawaaca. 25 Lrinaitja tsacja doce buey jinaana lricadaa carro nanaco jliaji oonio iarroda. Lricadaa naiwapjitaacacawa njaji buy lrinaitjaji, madalrina icapa jerri imotolri njiteo, madalrina icapa jerri ipatojliemajle, madalrina icapa jerri jiewalri icjaolre, njite madalrina icapa atsiajliemajle jerri irso. 26 Coatrofi pacapjifida jlipandaca jliaji ooni iarroda, Hiram inaitja lrinopaio jliaji ooni iarrodao copa inomapi sho, lricadaa carro lrinomapicja imotoa potirapje sho. Jliaji ooni iarrona jlipa pia coarenta coatro mil litro ooni. 27 HIram inaitja tsacja carreta fiape broncepe sho. Njaji carretata fiape narsoca pada metro coatro pja pacaapi lrinacojle njawalripaca, njite pada metro yamaita pacaapi lrimacaiteca, njite pada metro tsacja yamaita pacaapi lrinomapi iyenonca. Cayo minitsa pjiomi njaji carretata fiape lrinaitjaji. 28 Cayo pia lrinaitjaca nadaanawa njaji carreta fiape, 29 nanaco njaji lriwai lriparrema nacope lrinaitja leon jinapjiam, buey jinapjiam, kerobin jinapjiam tsacja. Njite naicao njaji njenapjiapem, naapjite tsacja lrinaitja corona shoperri lripatsicaji martillo sho. 30 Nacoana njaji carreta fiape lrinaitja narso coatro pocope njaipao broncepe sho njite caitsacja nerrocarronao. Njite natawana naco lrinaitja njepaacacarronao njaji lriipa yacawa lrinaitjaji itsipococaéwa irroacacape tsa lripe ricotsa pjiomi. 31 Nanomapi icao njaji carreta Hiram inaitja ponchera iarropocoa nadee carrodao ooni irsocada sesenta siete centimetro lrinoma imacaiteca, njite coarenta cinco centimetro lriyenonca lrinomapi iicao jliaji carreta. Lrinaitja matsia lridana jliaji ponchera iarropoco. Njite njaji carreta iwai njite jliaji papjoa cawa pacoaca dalripe pjiomi. 32 Lricadaa njaipa peema carrona iapjite, njaji njaipa irrocarrona, njaipa tsacja njite nerrocawao pjiomi naawa lriipe ricocatsa jliaji carrta fia. Njaipa iyenonca narsoca sesenta siete centimetro nayenonca. 33 Lrinaitja njaipao tsopocotsa njaipao capisho njaji carreta fiape tsofaianpetsa. Tsipalrape minitsa pjiomi jlipa. 34 Hiram inaitja tsacja pjepaaca carrona natonjiwi naco lriwawa lrico njaji carreta fiape, caiminitsa pjiomi. 35 Lriwai iwayacacawao Hiram icadaa pacja broncepe matojledadalri irsocada paita pacaapi iyenonca nanomapiwa, njite njaji papjoa carrona iicao njaji nerro carronao naapiya njaji lriwai padatsa lriyataca pjiomina. 36 Nanaco njaji pacoaca dalripe njite nerro carrona naco tsacja, Hiram inaitja nadanao kerobin jinapjia, león jinapjia njite nanakjepi jinapjia pacapa cawa matsiana, njite njaji lridanaji lrinaitja nawaida naco itsipococapewa resorte shoperri lridanajitsa. 37 Cayopia Hiram inaitjaca njaji die carro fiape, pacoacatsa namacadalrica njite nacapacanaa tsacja. 38 Hiram inaitja tsacja die tanquenape ooni iarrodao boncepe sho. Apana tanque itaita ideeca ochociento ochenta litro ooni. Narso pia nacoana pada metro njawalripaca njite ochenta centimetro namakaiteca. Lrinaitja nacoanaa narso njaji die carreta fiape lrinaitjajina. 39 Lrinaitja cinco carreta fiape inarroemjete panti macade irso, njite cinco tsacja atsia kemjete. Ima jliaji ooni iarrona macani lricadaa lriemawa lritonjiwi icjaolre jliaji panti macade jerri jiewa kemajle. 40 Caitsa Hiram inaitjaca njaji ooni iarronape, nacamorriashopa njite njaji ooni iarrodao tsoapipe naarro carrodao ooni napania iicao. Cayotsa Hiram iwayakeeta inaitjaca pjiomi njaji idenjikjeti talricanaati Salomón irso lrirricodape jliaji Panti Macade Dio iyada: 41 njaji yaamana topji macanipe, natsapewan pacoacaperri icapacanaa ooni iarroda shoperri, njite njaji nawaipoco corrarra shoperri idaanatacape natsapewan njaji yaamanade topji. 42 Lrinaitja coatrociento matojledadarrope naicaona njaji yamapocope corrarra shoperri icapacanaa. Lricadaa yamacjaa nerroa nacoana njaji corrara shoperri nanaco njaji ooni iarroda shoperri njaji topji itsapewan, 43 njaji die carrofiape, njaji die ooni iarronape iofaacape nanaco njaji carrofiape naco. 44 Lrinaitja tsacja jliaji ooni iarrona macani lricadaalri iofaa nanaco njaji buey lrinaitjaji; 45 Hiram inaitjana njaji poncherapipe, nacamorria shopao, pjiomi njaji ooni iarrodao, bronce sho lriketitaji matsia lrirso jliaji talricanaati Salomón iipanao njitelricaona jliaji panti macade Dio iyada. 46 Salomón inaa napatsicaca caalri sho nanaitjashopao pacoacaitacawa lrico ooni Jordán naco, Sucot ioyawaca Saretaán iapiya. 47 Corri Salomón inaa nawica coshoca njamiñaca njaji Hiram inaitjaji pjiomi ima jorrecaketsa njaji lrinaitjaji, njite jorre calretsa njaji bronce nawaketaji. 48 Salomón inaa nanaitjca Dio iipana itadao owirro sho: Jliaji altar, jliaji mesa sacerdotenai icada carrodao jliaji peetje njenetanda Dio irso iwirro pjiomi. 49 Lrinaa nanaitjaca lampara iofaa carrodao owiro matsiaperri sho lricoemjete jliaji patawajle corricawatsa pacapa tsoo imatsicanaati, cinco pema, cinco tsacja pema. Nanaitja potira jinapjia, njaji lampara, njite njaji njepashopao owirro mitsa sho pjiomi. 50 Nja copa, njaji napishopao nja lampara, njaji poncherapipe, nacamorriashopao, njite njaji namjaita carroda incienso nanaitjana owirro matsiaperri sho. Njaji pantinoma irro carrodao lri ricodape jliaji patawajle corricawatsa pacapa tsoo imatsicanaati nanaitjana owirro sho pjiomi, cayo tsacja nerrocarrona njaji pantinoma pjewacawao lrirso jliaji nawacaaca cawao lrirricoda jliaji panti macade. 51 Cayotsa njaji idenjicaperri Salomón irso nataita nedenjica jliaji Dio iipana cayoji lrinaa capisho nadenjica. Njite Salomón inaa nadeeca pjiomi njaji jlinirri David jienitaji Dio irso, njaji palraatape, owirro, naofacarrodape lricadaa carrona namatsieta carroda lrico Dio iipana lrico.
1 Njite Salomón iwaketa njaji pekipenai caconaaperri Irael ricope, njaji caconaaperri nacoana njaji Irael iipaneta, panti icoam iapiyawanai tsacja pjiomi Irael ricope nanó carro lricjaolre Jerusalén rico, nadee carro jliaji arca wa Minalri inaitja shopam iacoti naapiya Sión ricjoite, jliaji David iyacalre. 2 Pjiomi njaji atsianai Irael ricope nawacaacawa talricanaati Salomón ipeyajle nacatimataaca carroda lrico, siete keerri nacó pawalria irso lriiitana Etanim. 3 Nano pjiomi naji pekipenai caconaaperri Irael ricope, njite njaji sacerdotenai njepa jli arca. 4 Njepa nadee wa Minalri iarcan, njite jliaji panti nawacaaca carroda lrico, pjiomi lritada. Sacerdote letivitanai idee pjiomi njaji lriitada. 5 Talricanaati Salomón njie pjiomi naji inaiki Irael ricope nawacaacawa arca ipeyajle, nainoca oveja, buey tsacja maniweeta canaatsa. 6 Njaji sacedotenai njeeta jliaji arca wa Minalri iacoarrom iarroda lriofa carroda lricojle, patawajle lriwawa lricojle pja lriso jliaji panti macade lriipitana corricawatsa pacapa maatsidalri, napje iapjite njaji kerubinnai. 7 Njaji kerubinnai napiajleta nanapje arca iofacawa nacojle, naitá carro jliaji arca njite njaji jaico owirroapo nawaakje shopani. 8 Jalripaperrica njaji jaico owirroapo nawakje carrona, coada nataita piatsa nacapacana lrirricjoite jliaji macawajle mamatsicana cafeete, mitsa corri decja nataita nacapacana padana lricjoite. Njite nincatsa atee pajiete. 9 Corritsa cocaca lriitada jliaji arca, icaamitsa njaji yamaita jipada Moise icadaji lrirricoda Horeb ricó, wa Minalri inaitja caojli iacoti naapiya njaji Iraelitanai namoto caami Egipto jipaitena lricjoite. 10 Njite namoto cádanaco njaji sacedrotenai mamatsicacawa lricjoite, ikeena iyadaoca ipacjantaca jliaji wa Minalri iipana. 11 Lricjaote jliaji iyadaoca njaji sacerdotenai corri nataita neemacawa nadenjicarro niini, ima Dio imatsiaca ipacjantaca lriipana lrico. 12 Njite Salomón icaite cayoji: ''WA MINALRI icaite lriofácaotsa cadaocacawa lrico, 13 mitsa nonaitjenina pirso piofacawa lrico matsiadalri, Piofá carroatsa niini caidalriwetsa.'' 14 Niini Salomón icaboco icapa caicjaolre njaji aimadan iwacaacalrio Iraelitanai lricadaa carro nanaco iacoti matsiadalri, njite neema catoa njaji aimadan iwacaacalrio Iraelitanai. 15 Salomón icaite: ''Waca matsiadalri wa Minalri irso na Diote njaji Iraelnai, ima jliida shotsa lrinaitja njaji lricaitenimpia njonirri David irso,cayoji: 16 ''Jliadaa nacjoitetsa njotaca njaji nonaikite aimadan Egipto lricjoite, corri noanjica nooma nayacale rico nja apaana inaiki tsa naoya najai Iraelnai nonaitjá carronta noopanao niini, niiní carro Noipitana caidalriwetsa. Mitsa, icamitsa noniwanaca David jlia carro italricanaata nanaco njaji nonaikite aimadan Iraelnai.'' 17 Njite njonirri David icaolre ricó, lrioma pia lrinaitjaca pada pana panti wa Minalri iipitana icaoya, na Diote njaji Iraelnai. 18 Mitsa wa Minalri icaite njonirri David irso: ''Matsia jliaji piwaopialri picaolre ricó piomacawa pianitjaca pada pana panti noipitana icaoya 19 mitsa, corriotsa pjia carrocaotsa inaitjani, pada pienipe inocada pinacjoite, ljiá watsa inaitja jliaji pantio noipitana icaoya.'' 20 Opi wa Minalri inaitja cayoji lriacoarrom shotsa, ima njoaca njonirri David jiapodamdaca italricanaataca Irael nacó, cayotsa wa Minalri icaite capisho pia. Nonaitjenina jliaji panti wa Minalri iipitana icaoya, na Diote njaji Iraelnai. 21 Nonaitja pawajle panti ricó arca iofaa carrodao, lriofalri irricoda jliaji wa Minalri iacoarrom lrinaitjalri naapiya njaji fanirrinaipemi jlita caamina Egipto lricjoite. 22 Ikena Salomón iemawa wa Minalri ialtarni ipeyajle nacapawerrico pjiomi njaji Iraelitanai iwacaacalrio, njite lripiajleta nja lricaapi yenonse. 23 lriaco cayoji: ''Nominalri, na Diote njaji Iraelnai, corrim pacapaca pada caidalrimtja picayosho eenocoma lrico jle o jiipai nacojle cantja, jliaji corridalritsa imatadaca lriacoam narso njaji lrirsoperri inaitjacape nacaolre ricjoite cayoji pioma capisho. 24 Pinaitjenina njaji picaitejim njonirri pirsodalri David irso, Njaji Picaitejim Pinoma sho, oopina pinaitjana picaapi cjaidaadalri sho panaya. 25 Niini panaya no Minalri, na Diote njaji Iraelnai, pinaitja jliaji picaitenda pirsodalri David irso, jliaji njonirri picaite cádanaco cayoji: ''Matsia cadaotsa njaji pinacjoite perrii nanaitja cadaa cayoji Nooma capisho, corriotsa coancaojlica pacapaotsa pada pinacjoite dalri corridalriotsa italricanaataca Irael naco pjiapodam. 26 Cayoshopa panaya, pjia naDIote njaji Iraelnai, notatja piinai ajadalri carroatsa njaji iacoti Picaiterri pia pirsodalri David irso, jliaji njonirri. 27 Mitsa, ¿Capja ajadalrica Dios itaita iofaacawa anji jalredaoca lrico? ima jliaji jalredoca cajliaji corri lritaita jlipaca pjia, corri tsacja eeno cantja? ¡Omami kena jliaji panti nonaitjanda! 28 Cayo cadanatsa, pinaitja matsiacalri, pjimi pirsodalri irso, njite jliaji lritatjalri piinai. Pjia no Minalri Dio; pjimi coanca, njoa pirsodalri iiyaca notatja cádanaco piinai paanaya. 29 Nooma picapaca lricjaolre jliaji templo deepi rico njite jaalrewerrico, lrinacojle jliaji picaitenda inaco cayoji: ''Niini caotsa noipitana njite niini tsacjaotsa njoa.'' Pjimí carroatsa pirsodalri irso njite narso njaji pinaikite aimadan natatja cádanaco piinai anjí. 30 niini, pjimiotsa pirsodalri irso cocaca lritatjalri piinai, njite narso njaji pinaikite wa tatja cádanaco piinai lrirricoda pantica jliaji, Pjimiotsa warso Piofalri njiteo, eeno lricjoite, njite njaji wacaitenda pirso, picaotsa jliyapaca pjioya matsia. 31 Pada atsia inaitja cadaa maati lricodapidalri irso njite pada inaa lricaiteca iacoti ajadalri sho, njite jliepa jliaji lrinaalri lrinaitjca ajerreji lrirricoda pantica jliaji, 32 pjimiotsa lrirso eenolricjoite, njite pinaitja cayoji coanca picapaca nanaco njaji pirsoperri, cocacadaa irso maatsicalri, lrideecaotsa lrinacoa jliaji imatsicanaati, njite jliaji corridalritsa irso imatsicanaa, picadaa mamatsicanaatsani, ima corrica lrirso maatsicalri. 33 Nacoema jiameeta cadaa njaji pinaikite aimadan Iraelnai nanaitja capoa maatsi Pirso, mitsa nadia naoma Pjia, nacaite Pirso namatsiacnaa, njite nacaite pjiatjá carro naoya namatsicanaa natatja cádanaco piinai lrirricoda pantica jliaji, 34 pjimi cádancoena pjiomi, pinaitja matsiacalri, pjimi narso eenolricjoite njite pjiatja naoya namatsicanaa njaji pinaikite aimadan Irael. Picadaa tsenacja nadiá carro njepaite ricojle Picadandam narso njaji napjeyadampe pia. 35 Piita cadaa njaji eenocoma njite corri iiya jiwacao jiipai nacojle nanaitja capoa maatsi Pirso njaji pinaikite aimadan Iraelnai, mitsa náno natatjá carro piinai lrirricoda pantica jliaji, nadia carro naoma Pjia, njite namaca naoyao namatsicanaa pjirrapiteta caaminana, 36 njitenaotsa pjimica narso eenolricjoite, pjiatjaotsa naoya namatsicanaa njaji pirsoérri, njaji pinaikite aimadan Irael. Picananta caaminana coanca narsotsa nanaitjaca, Picadenaotsa iiya jiwá carro njepaite naco, lrinaco jliaji jiipai picadanda narso njaji pinaikite aimadan nayadao. 37 Niini cadantja maawitacai jalredaoca lrico, o ipoati cadantja, mayamicantja nja paniati o yorri injacape nja paniati; o pada nacoema iomacadaa iinocana nayacalré ipananoma lrico njepaite rico, o nini cadaa imatsikeetacape paniati o ipoati cadaa; 38 njitentja padatsa inaiki o pjiomi njaji inaiki aimadan Iraelnai natatja piinai, njite nanjíi nacoanaa njaji imatsicanaati nacaolre ricoda njite napiajleta nacaapi lriemacawa icjaolre jliaji panti macadee. 39 Pjimiotsa narso eenolricjoite, piofalri njiteo. Pjiataotsa naoya namatsicanaa njite pinaitja narso cayoji natatja capisho, njite picadaotsa nacoadao njaji inaiki nacioanaa nanaitjanda ikjaote. Pianjintsa nacaolre ricó, ima icaamitsa Pjia, padatsa Pjia ianjiicada nacaolre rico njaji inaiki jalredaoca lricope. 40 Pinaitja cayo nafió carroatsa piiwana caidalritsa naofaa cádanaco jalredaoca lrico lrirricoda jliaji jiipai Picadaalri narso njaji waferrinaipemi. 41 Jlia tsacja jliaji inaiki corridalritsa wanacjoite dalri Irael, inocada pada jiipai nacjoite, lrino cadaa pada jiipai tecjoite dalri nacjoite piipitana icjaote, 42 njemi capoa piipitana cjaidádalri, picaapi cjaidádalri yeenondalri; lrino cadaotsa lritatja lrirricoda pantica jliaji, 43 pinaitja matsiacalri pjimiotsa lrirso eenolricjoite, Piofalri njiteo, njite Pinaitja cayoji lritatja capisho piinai. Pinaitja cayo naanjíi carroatsa Piipitana naco pjiomi njai inaiki aimadan jalredaoca lricoperri, cayotsa nanaitja capisho njaji pinaikite aimadanIraelnai. Pinaitja cayo nanjíi carroatsa Pjiaca lriminalri jliaji panti nonaitjalri. 44 Wacadantja, naaca nainoacawa njaji Pinaikite aimadan nacjoete njaji nacoema, akjerrecatsa pimeenaca naawaji, njite natatjanta piinai, Pjia wa Minalri, njite nacapa lriicjaolre jliaji yacaalre piniwananda njite jliaji panti nonaitjanda Piipitana isro 45 Pjimiotsa eenolricojle jliaji natatjalri, naomalri piinai, njite pikitsindataotsana nainoacalri icjaote. 46 Wacadantja nanaitja capishontja namatsicanao Picjoete, ima corri catsa pacapa pada mamatsicanaalritsantja, njitentja keeroa capoa Pjia nacjoete picadana nacoema icaapi ricona, njite nacoema ideeca presona teeco o tsoomi. 47 Njite nanjintja kjerrerseca nadeena njepaite ioya, njitentja nadia nawaopia namatadaca Pirso, njite naoma cadaa Pikindatacana njepaite ricjoite njaji ideecape presona. Njite caite cadantja: ''Ajádalri corrica wanaitja matsia niini wanaitjaca maatsi. Corritsa wanaitjaca cayoji waofacaa shitsa. 48 Njite wacadantja nadiaca Picjaolre nacaolre ricjoite njite nacafica sho njepaite ricjoite njaji nacoema ideecapena, njite natatja cádanaco nacapa lriicjaolre jliaji njepaite, Picadanda narso njaji naferrinaipemi, Lricjaolre jliaji yacaalre piniwananda Pirsowao, njite lricjaolre jliaji panti nonaitjanda Piipitana irso. 49 Pjimiotsa narso natatja cádanaco piinai, natatjanda piinai eenolricojle, piofaalri nirse, pikitsindata nanaco njaji naomalri. 50 Pjiatja naoya namatsicanaa njaji Pinaikite aimadan nanaitjanda picjoete, pjiomi jliaji imatsicanaati namacoadatalri isho njaji iacoti piifarrolri nanaitjaca. Kjenaa picapaca narso njai pinaikite napeyajle njaji nacoema, kjena carroatsa nacoema icapaca tsacja narso njaji pinaikite aimadan. 51 Ikatsa pinaikiteca njaji, piniwanaji pirsowaona, njaji piyomjetaji Egipto lricjoite, tiyee cjaidádalri namoyetacawa tsipalra ricjoite. 52 Notatja piinai piwapá carroatsa picapa njaji notatjalri piinai, njoa pirsodalri, njite natatjanda tsacja njaji pinaikite aimadan Iraelnai, Jorrenantja pjimí carro coanca naiyaca pirso. 53 Ima Pjienitaji canaa nanacjoite njaji paana jalredaoca lricope Piyape carrona nacoadatá carro njaji picaiteji narso, cayoji picaite capisho jalrami pirsodalri Moise nacjoite, Pjia wa Minalri, pjita caojli pia Egipto lricjoite njaji fanirrinaipemi." 54 Cayopia Yami Salomón itatjaca nanaco njaj lriomalri wa Minalri iinai, jlinico lriemawa jliaji itoda cada iorsipada wa Minalri ialtarni ipeyajle, jlirretacatoa lricaapi yenonrsewa. 55 Jlinico lriemawa njite caacocani cjema lricadaa cádanaco iacoti matsiadalri nanaco njaji Iraelnai iwacaacalrio, lriaco narso: 56 ''Iáa matsiadalri wa Minalri irso, ima lricadaa kena nawafeetacao njaji inaiki aimadan iraelnai, corri lrimatada pada iacoti, lrinaitja njaji lriacoam Lrinaitaji lrirsodalri Moise iapiya. 57 Wainai catsaotsa jliaji wa Minalri, cayotsa Lriofaa capisho nainai tjaji wapjeyadapempia. 58 Corriotsa lricadaa carroca fa, corriotsa lrimaodacá carroca waoya, Lricadaotsa waomá carroni wacaoolre ricjoite, waofáa carro cayoji lrioma capisho, njite wanaitjá carro njaji lrinaalri wanaitjaca, icadaacape wanaitjaca matsia lriaco lrico, njaji Lrinaalri nanaitjaca njaji fanirrinaipemi. 59 Tsoomi carroatsa wa Minalri ioya njaji iacoti notatjaji lriinai, njaji nomotoetalri lripeyajle jliaji wa Mionalri lriinai catsaotsana deepi rico njite jaalrewerrico tsacja, lrikitsindatá carroatsa njoa lrirsodalri lrinaco jliaji noomalri, njite lrikitsindatá carro tsacja njaji lrinaikite aimadan Iraelnai lrinaco jliaji naomalri, lrinaco jliaji canacairri narso jalredaoca icoami, 60 nanjíi carroatsa njaji inaiki pjiomi jalredaoca lricoperri jliaca na Minalri, Diocani, ¡Njite corrí pacapa pada pja lrioya! 61 Icaamitsa, matsiá catsa icaolre wa Minalri irso, wadee imacaca njaji lrinaalri wanaitjaca, cayotsa lrioma waofaacawa panaya sho.'' 62 Niini jliaji talricanaati njite pjimi njaji Iraelitanai nainoca maaficalri wa Minalri irso. 63 Salomón icadaa wa Minalri irso ofrenda imaodacakjeti naco, niini lriinoca wa Minalri irso: ventidomil buey, njite ciento ventemil oveja. Cayotsa nacaiteca jliaji wa Minalri ipana jliaji talricanaati naapiya njaji Iraelnai. 64 Jliadatsa jalredaoca jliaji talricanaati, lricaite wa Minalri irso jliaji yacalrecoa pamoyoá dalri panti macade icoemjeté dalri, lrimjaita niini matsiá nja maaficalri, paniati iekje, njite neeti njaji maaficalri nanacjoite njaji ofrenda imaodaca kjeti nacope, ima jliaji altar bronce dalri iemalri wa Minalri ipeyajle corri lricoaca, tsoodalri catsani namjaitá carrontja niini pjiomina, njaji paniati iekje njite njaji ofrenda imaodaca kjeti naco. 65 Niini Salomón injaca naapiya jliawajli, lriinai tsacja pjiomi njaji Iraelnai, aimadan njaji iwacaacalrio, nemao Lebo nacjopite, teeco njenaa onipaocja lrico Egipto ricoda, neema niini wa Minalri ipeyajle siete jalredaoca, napieta tsenacja siete jalredaoca tsenacja niini meemaca niinio catorce jalredaoca pjiomi. 66 Njite ocho jalredaoca naco Salomón imeenaca nadiawa njaji inaiki aimadan, njite nacaite lrinaco iacoti matsiaperri nadia caroyaweena naapana lricojle. Nadia lrioya nacaolre joiwí dalri, catiimá dalri iapiya naapana lricojle naicjaote njaji matsiaperri wa Minalri icañjatalri lrirsodalri David irso, njite narso njai lrinaikite aimadan Iraelnai.
1 Nataita cayami nadenjica Salomón irso jliaji Dio iipana njite jliaji talricanaati dapana caconaadalri, njite pjiomi njaji lriomaji nanaitjaca lrirso, 2 wa Minalri icañjatacawa Salomón irso yamapioa shopena, cayotsa lricapa capisho Gabaón ricó. 3 Niini wa Minalri iaco lrirso: ''Njominina jliaji piomalri pitatjá cádanaco noinai. Njoenitjenina noyadao jliaji panti pinaitjanda norsowao, Nocadaa carro noipitana niini caidalriwetsa. Nirse catsaotsa nocapa caidalriwetsa nocaolre ricjoite jecoapicoam. 4 Njite pjia, pinaitja cadaa matsia picaolre ricjoite cayoji pjinirri David icayosho, pinaitja cadaa cayoji lrinaa capisho pinaitjaca, pjiepa cadaa noaco njite njaji iacoti nocadalri inaitjá carro, 5 njitenaotsa nocadaa corri carroatsa canacai pada pinacjoite dalri italricanaata cada nanaco njaji Iraelnai caidalriwetsa, caitsa nocaite capisho pia pjinirri David irso, nocaite cádanaco lrirso cayoji: ''Corriotsa coancaojli pacapa pada pinacjoite dalri corridalriotsa italricanaataca Iraei naco.'' 6 Mitsa pimaca cadaa njoa, o njaa cadaa nja pienipe, corrí njeepa noaco njite njaji iacoti nocadaalri irso inaitjá carro, njite natoda naorsipada naa carro matsiadalri narso njaji idolonai, 7 niiniotsa noyaamitacaotsa njaji Iraelitanai lrioya jliaji jiipai nocananda narso; njite jlaji panti pinaitjanda noipita icaona, nopecoatsani corricawenatsa nocapan, njite nanaco njaji Iraelnai pjiomiotsa icaaca naicao, pjiomi njaji paana inaiki napaianieta caotsana. 8 Jliaji templo matsiadalri napecoatsa jliwao, njite pjiomi njaji jiyapacapewa lricodapi corriotsa nanji coanca njite necaawatsa lriicao. Natatjacaotsa: ¿Coada pa cayo Dio inaitjaca jliaji panti lrirricoda jiipaica jliaji?'' 9 Panaotsa jiepana: ''Namaca capoa na Minalri Dio, jliaji jitalri piana njepaite ricjoite njaji Egiptonai, njite naawa njapodam njaji corriperritsa diocana, natoda naorsipada naacarro narso matsiadalri. Cayoshopa Dio icadaa pjiomi njaji maatsirri nanaco''. 10 Vente walria naco oonia Salomón iwayaketa inaitjaca pjiomi njaji panti yenonnipe, jliaji Dio iipana, njite talricanaati dapana caconaadalri. 11 Njite Hiram, Tiro italricanaa, iá pia Salomón irso nja jaico cedro, cipre njite owirro tsacja; pjiomo njaji Salomón iomalri lriinai. Niini Salomón icadaa Hiram irso vente yacaalre jiipai Galilea ricope iofaawa. 12 Hiram íno Tiro ricjoite lricapá carro njaji yacaalre lricadaji lrirsho, mitsa Hiram corri lripeyona. 13 Njite Hiram iaco Salomón irso: Njaji yacaalre picadaji norso nokitsin, corrim matsiacana.'' Niini Hiram icadaca lriipitanao Jiipai Cabul dalri, icatsa lriipitanaca panajiete toa. 14 Hiram imeenaca pia Salomón irso wadeepe coatro mil kilo owirro. 15 Naikjete njaji idenjikjeti jirrapitinaperri Salomón iwakeeta idenjicaope jidaati rico: nanaitjá carro Dio iipana, talricanaati dapana, nanaitjá carro jliaji Milo, njerretá carro Jerusalén idanawa, njite nanaitjá carro nja yacaalre Hazor, Meguido njite Gezer tsacja. 16 Faraón, Egipto italricanaa ia pia inoacawa nacoete njaji Gezer ricope, niini lrinona, lrimjaita njaji cananeonai nayacalre ricotsa. Njite Faraón icadaa jliaji yacaalre lriito irso, Salomón iino, lricadaa rorson robodan rico. 17 Niini Salomón inaa njerretaca tsenacja Gezer njite tjewacajle lrina njereetaca Bet Horón tsacja, 18 Baalat njite Tadmor tsacja jalrapocolri rico Jodá jipaite rico, njite pjiomi njaji yacaalre lriyape lrimatsieta carroda lrinjaope, 19 njaji yacaalre lrimatsieta carroda nja carreta lrinoaca shopao, njaji yacaalre naofa carrodao njaji lrinaikite ianjicape caballo naco, njite pjiomi njaji cocacatsa lrioma pia lrinaitjaca Jerusalén rico, Libano lrico njite nerricda njaji jipai lriajimpe inaco. 20 Njite njaji inaiki namacaji nanacjoite njaji amorreonai, hititanai, ferezeonai, heveonai, jeboseonai, njaji corri perritsa Iraelnai cana, 21 pjiomi njaji nanacjoite perri iofacape njapodam njepaite rico, njaji corri perritsa Iraelnai iwayaketa pia iinocana pjiomi; Salomón icadaa idenjicaope lrirso jidaati rico, cayo minitsana panajiete. 22 Mitsa nanacjoite njaji Iraelnai, corrim Salomón icadaa nadenjica jidaati rico. Mitsa lricadaa lritsolrodaocana, ikitsindatacapen, caconaaperri lrirsoperri, caconaaperri tsolrodaonai, comandante carrona lrirso ianjicape nanaco njaji lricaballon imaimaca oowi icaonape. 23 Nanacjoite njaji, kiniento cincoenta njaji caconaaperri iapiyawanai ianjicape icapa njaji idenjicape Salomón idenjicalre naco. 24 Njite rsoaji Faraón iito royacawa David iyacalre ricjoite lrirricodajle jliaji panti Salomón inalri nanatjaca rorso. Njitena lrinaa nanaitjaca jliaji Milo. 25 Madalripia pada oonia naco Salomón imjaita mana maaficalri njite ofrenda imawadacakjeti naco tsacja lrinaco jliaji altar lrinaitjanda wa Minalri irso, lrimjaita incienso lricaiteshopa wa Minalri ikitsindajican ajádalri. Cayotsa lritaita matsia jliaji panti macade nadenjí carroena lrirricoda. 26 Salomón inaa tsacja nanaitjaca jorre iita macafianipe Ezión Geber rico, tsoomi Elot ioya Manoa Irrai pan inomapi naco, Edom jipaite rico. 27 Hiram imeenaca lrirsoperri idenjicaope Salomón irsoperri iinai nerricoda njaji iita macafianipe, ita iyocomaiwa ianjiicape ianjicawa manoa rico. 28 Naawa Ofir ricojle napiya njaji Salomón irsoperri. Nadieta njite catorce mil dociento ochenta kilo owwirro talricanaati Salomón irso.
1 Rsoaji talricanaati Sabá ricoda rsomi cádano Salomón iacona naco, Dio iipitana naco, rono lricjaolre rotatjá carro rsomi lriinai iacoti jirrapitinaaperri naco rowí carrotsa lrianjiikje. 2 Rono Jerosalén ricojle njite rodee jorre camello idee caperri aima pomeniajaipe, aima owirro, njite aima tsacja jiipada cacoada perri. Rooc cádanaco Salomón iderse rocaite lrirso pjiomi njaji rosolri rocaolre rico rotatjaoda inaco. 3 Salomón icaite rsomi pjiomi njaji iacoti rotatjaji inaco. Corrin pacapa pada iacoti corridalri Salomón jiepano rotatjalri inaco lriinai. 4 Rsoaji talricanaati Sabá ricoda rocapa cádanaco Salomón ianjíikje naco, jliaji panti talricanaati dapana lrinaitjalri, 5 njaji lrinjaoda lrimesan nacope, naofa carroita njaji idenjicape lrirso, nadenjicalre njaji lrirsoperri, natsayan njite njaji iirracape lriirraope lripjeya lriirraca, njite coanca lrimjaitaca njaji maaficalri Dio irso panti macade rico, corri roanji coanca. 6 Niini roaco Salomón irso: ''Ajadalritsa jana njaji njomirri noyacalre ricojle piaco naco njite pianjikje naco tsacja. 7 Corrin njoepaca njaji njomirri pinaco, niini nonoca nocapá carrocatsa notji sho njaji nocapalrina. ¡Corri pamoyoa miketsa njaji nacaiterri njomi pianjikje naco, pinaani matsiaperri naco cantja! Jorre pjatoa njaji piacona lrioya jliaji njomirri pinaco. 8 Matsia perrica njaji icoadatacape pjia njite njaji idenjicaperi pirso, njaji iemalri pipjeyajle caidalritsa njemí carro pianjikje. 9 Iáa matsiadalri imiNalri Dio irso, matsia capoa lricapaca pirso niini lricadaaca pjia natalricanao njaji Iraelnai. Ima lripeyoca njaji Irelnai caidalriwetsa, Dio icadaa talricanaati carro pjia, pinaitjá carro matsia ajádalri sho. 10 Rsoaji talricanaati iáa Salomón irso jorre pja coatro mil kilo ioya owirro, jorre tsacja pomeniajaipe, njite jiipada cacoada perri. Corritsa coca iáa pja jorre pomeniperri Salomón irso nacayosho njaji talricanaati Sabá ricoda ianji lrirso. 11 Njaji iita macafianipe talricanaati Hitam iyape idee owirro Ofir ricjoite, njite aima tsacja jaico sándalo nape njite jiipada cacoadaperri. 12 Salomón inaa neemetaca lritopjirreo jliaji Dio iipana njite jliaji talricanaati dapana jaico sánadalo nape sho, nanaitja tsacja arpa, lira tsacja nasho narso njaji icantacaperri. Corrin natsa coancaojli napieta nawaketaca aima jaico sándalo jliawajli shopia atee panajiete. 13 Talricanaati Salomón iáa pia talricanaati Sabá ricoda irso pjiomi njai romaji, cocatsa rotatjalri lriinai, naoya tsacja njaji Salomón iampe rorso. Njitedalrina rodiawa naapiya njaji rorsoperri royacalre ricojle. 14 Nápia Salomón irso ventido mil kilo owirro pawalria icoam, 15 naoya tsacja njaji comerciantenai ideji njite njaji irsocape almacen. Pjiomi njaji talricanaatinai Arabia lricope njite njaji iwapacape yacaalre macacoepe Salomón irso jlipaite ricotsa, nadee trsacja owirro Salomón irso. 16 Salomón inaa napatsicaca sei kilo pada nacojle pja owirro nanaitja carro pada escudo, caipe minitsa lrinaa nanaitjaca dociento escodo pjiomi. 17 Lrinaa tsacja nanaitjaca treciento escodo tsoitepe owirro sho irsocape pada kilo lrinacojle pja paitape nacoanaa. Njite lricanaada lrirricoda jliaji panti irsocada iipitana Líbano Iawacadate. 18 Jliaji talricanaati inaa tsacja nanaitjaca lriofaa carrodao marfil sho, njite nadaatani owirro matsiapedalri sho pjiomi. 19 Niini pia sei papjoa carrona pjerrá carro paocá nirse, njite. Nanaitja matojledadalri lriorsoa carrona lridanjitjete, nanaitja tsacja lricadaa carrona lrinaapa iorsoawa yameemape. Yaamana león nanaitjaji iemawa lrinaapa kema yameemape. 20 Doce león nanaitjaji iemawa nawayacacawao njaji papjoa carrona, sei pema, sei tsacja pema. Corri piatsa paca naofa carona lricayosho jliaji pada talricati irso. 21 Owirropjipe pjiomi njaji Salomón irracarrodape, pjiomi njaji nairra carrodape lrirricodape jliaji panti Líbano Iawacada tena ricoda njawacatsa owirroapjipe. Corrin pacapa nanaitjanda palrataitape sho cantja, ima njaji palrataitape macoada perrim piacatsana Salomón jiawajlri. 22 Salomón irso pia aima iita macafianipe itaitacape iyoetaca manoá lrico, papocotsa nanijicawa Hiram iyaape iinai. Papiatsa pawalria icoam naaca naoma nerricoda owirro, palrata, marfil, njite powenape tsacja. 23 Corripiatsa cocaca caanjikjé dalri njite cananí dalri tsacja Salomón icayosho nanacjoite nja paana talricanatinai jalredaoca lricoperri jliawajli. 24 Pjiomi njaji inaiki jalredaoca lricoperri naoma mana Salomón njemí carro lrianjikje, njaji ianjikjeti Dio icadalri lrirso lricaolre ricó. 25 Njaji iacape icapa lriderse nadee nacoadao lrirso, palrata naaroda lrico, owiro, tsaya, nainoacashopao, njite pomeniajaope; nadee tsacja lrirso caballo, mula tsacja, caidalri manatsa oonia icoami. 26 Salomón iwaketa pia aima caballo nainoca shopao njite njaji jiecocaope nanaco. Lrirso pia mil cotrociento caballo lrinoaca shopao njite doce mil atsianai jiecocaope nanaco, Njite lricadaana nerricoda njaji yacaalre nawapacawana, njite nja paana lriinaitsa Jerosalén rico. 27 Salomón irso pia jorre palrata, jiipai shotsa namaimaca. Lriapana aima cedro, cayoji aima capisho nja higuera naapanaji tjewacajle cawa. 28 Salomón irso pia caballo nadenji Egipto lricjoite njite Coa ricjoite tsacja. Jliaji iwentacadana lrirso lriwentana aima sho papiatsa, njite njaji papoco narso teecojlepe nacoada. 29 Njaji carreta fianpe nawentaji Egipto lricjoite seiciento moneda palrata pafiape, njaji caballo, ciento cincoente nacoada apanape. Aima nanacjoite nja nawentaji nadia navende narso njaji talricanaati hitata ricope njite Aram.
1 Jliaji talricanaati Salomón ipeyo njaji inaitjepe tecjoite perri: Faraón iito, njaji inaitjepe moabitanai, amonitanai, edomitanai, sidonitanai njaji hititanai tsacja, 2 njaji inaiki wa Minalri icaiterri pia inaco narso njaji Iraelitanai: ''Corriotsa imaa carroca nainai, corriotsa jitá carroca ininaiwana, corri tsacjaotsa nanoca nemaa carro iinai, ima nadeecaotsa iwaopiacje nadiote icjaolre.'' Mitsa Salomón ipeyo lricaolre ricjoite nja inaitjepe canjaji. 3 Salomón irsopia seteciento lrininai catsa, njite treciento njaji lrinapjenaipe. Njaji lrininai njeneta lricaolre lripeyocawa pia Dio lricaolre sho. 4 Njite pekirri kena Salomón, njite njaji lrininai njenita lricaolre Dio ioya nadiote icjaolre; ima corripiatsa lricadaaca lricaolre ajádalri Dio nacó cayoji jlinirri David icayosho pia. 5 Ima Salomón iáa Astarot jiapodam, nadiote njaji sidonionai, Milcom tsacja, nadiote macadawalre njaji amonitanai. 6 Salomón inaitja maatsi wa Minalri ipeyajle; corrin lrinaitja matsia lricaolre ricjoite wa Minalri irso cayoji jlinirri David icayosho. 7 Salomón inaitja tsacja pada lriofaa carronao yenondalri Quemo irso, na idolon mapeyocanaadalri njaji moabitanai, jiipai yeenondalrida naco jeerri imoto kemjeteo Jerosalén irso, lrinaitja tsacja Moloc iofaa carrodao, na idolon mapeyocanaadalri njaji amonitanai. 8 Lrinaitja nadiote iofaa carrodao nacoanaa njaji lrininai corri perritsa raelitanaica, namjaita mana nanaco irso incienso njite naino maaficalri nadiote irso nanaco. 9 Niini kerroaca wa Minalri Salomón icjote, jlieneta capoa lricaolre Lrioya, nja Diote njaji Iraelnai, yamapia cadaana tja Dio Lricañjataacacao lrirso 10 njite lricaite lrirso wadee lrinaitjaca njaji lrinaitjalrina, wadee lriaca njapodam njaji idolonai. Mitsa Salomón imjepata jliaji wa Minalri icaiterri lrirso. 11 Cayoshopa wa Minalri icaite Salomón irso cayoji: ''Naicjaote njaji pinaitjalri njite corrim pinaitja cayoji noaco icaite capoisho piapiya, njite njaji iacoti nonanda ponaitjá carro, Njota pioya maatsicalri rico talricanaaticawa pjia njite nocadaa caotsa pirso dalri irso. 12 Mitsa pjinirri David icjaote, corriotsa njotá carroca pjia cádanacotoa talricanaati, mitsa notacaotsani pienipe cádanacoatsa talricanaati. 13 Caicayatsa corriotsa njotá carroca lrioya pjiomi jliaji lri talricanaatalri inaco; nocadaotsa papocoetsa lri talricanaatalriotsa inaco jlia pirrí. Nonaitja cayo lricjaote jliaji norsodalri David njite lricjaote jliaji yacaalre Jerosalén, niniwananda norsowao.'' 14 Icena, wa Minalri icadaa pada Salomón icoemao, lriipitana Hadad Edom njité dalri. Lrienipem nacjoite jliaji talricanaati Edom dalri pia. 15 David jiawajli pia, lriinocawa nacjote njaji edomitanai njite jliamana oowi ricó. Njite Joab, icapiatsa nacapitamaca njaji tsolrodaonai Irael ricope niini lriaca lridawa njaji nainojim oowi rico, cayo cadaa lriino tsenacja njaji atsianai Edom ricope. 16 Niini Joab iofaa pjatoa sei kerri naapiya njaji tsolrodaonai Irael ricope Edom rico, niini lriinoca pjiomi njaji atsianai nimperri. 17 Mitsa njaji Edomitanai italricanaa irsoperri napitoeta lrienipem tsoodalritoa, Hadad, Egipto lricojle. 18 Naawa Madian ricjoite Parán lricojle. Parán lricjoite pana atsianai iawa nainai naocá carroa Egipto lricojle, talricanaati Faraón iderse, njite lriá narso injaodalti, naapanao njite njepaitewa tsacja. 19 Njite matsia Faraón icapaca Hadad irso, niini Faraón iaca lriinowa, lriino iwedoatsa, roweedoa rsoaji talricanaati Tahpenes. 20 Niini Hadad irsoca lrienipe Tahpenes iwedoa iapiya. Lricada lriipitanao Genubat. Njite Tahpenes itaoñani Faraón iipana lrico, talricanaati dapana lrico. Niini Genubat iofaawa talricanaati dapana lrico nainai njaji Faraón ienipe. 21 Egipto lricjoite, Hadad jimi mayamica David, njite Joab tsacja, nacapitama njaji tsolrodaonai Irael ricope niini Hadad iaco Faraón irso: Picadaa nodiá carro noofawa noyacalre ricojletsa.'' 22 Njite Faraón jiepani, lriaco lrirso: ''¿Cocao canacai pirso noinai, cocao podia pioma piyacalre ricojle?'' Njite Hadad jiepani: ''Cotsa coca canacairri norso piinai. Mitsa pinaitja matsiacalri picadaa nodiá carroa.'' 23 Dio icadaa pada pja Salomón icoemao, lriipitana Rezón, Eliada irrí. Rezón ipito pia lrirsodalri Hadad ioya, jliaji Soba italricanaa. 24 Rezón iwakeeta inaiki njite jliaca nacapitama njaji lriwakeetaji, mitsa David jiameetana oowi ricó njaji tsolrodaonai Sbá lricope. Njite Rezón iawa naapiya njaji lrinaikite Damasco lricojle naofaa nirseo njite njaaca ianjíi nanaco njaji Damasco lricoperri. 25 Rezón jipondata njaji Iraelnai Salomón jiawajli, lriicjaote tsacja jliaji maatsidalri Hadad inaitjalri. Corri pia tsooca Rezón iomaca njaji Iraelnai, njite lritalricanaataca Aram nacó. 26 Njite Jeroboam, Nabat irrí, efrateo tairri Sereda ricoda, njite jlidoa iipoitana Zerúa maduiyoam, caconaite Salomón irso, jlinco tsacja Salomón icjoete. 27 Jlinco lricjoete lrinaitja capoa jliaji Milo, lriita capoa lricjaote lrinomafe jliaji yacaalre idaana njeyapacarroji pia David iyacalre ricojle. 28 Jliaji Jeroboam pada atsia mafiokjete. Salomón icapa lrinaco pada iempeti idenjicaita cani, niini lricadaani jlia carro ianjíi José iipaneta nacó. 29 Jliawajli pioa Jeroboam imoto caojli Jerosalén ricjoite, inoparrotacaita Ahias silonita inacjoite dalri icapa piani lriacayao inipolico. Ahias jietacapiawa tsaya walridalri sho, njite njaji yamadade atsianai neemacawa awacadapji rico njawaacatsa. 30 Njite, Ahias icapa cádanacona lritserrenta lritsayan walridalri lrinaconda yamemam. 31 Niini lriaco Jeroboam irso: ''Pjipa die wana lrinacjoite, ima wa Minalri, na Diote njaji Iraelnai icaite cayoji: ''Njotacaotsa maatsicalri rico Salomón icapi ricjoite lritalricanaaca njite Noacaotsa pirso die poco nanacjoite njaji Iraelnai. 32 Njite Salomón irsocaotsa papocoenatsa, nopeyocapoa jliaji norsodalri David, njite lriicaote jliaji yacaalre Jerosalen nopeyonda, noniwananda norsowao nanacjoite njaji nanacjoite njaji inaikinai poco Irael ricope. 33 Nonaitja cayo namaca capoa njoa Astoret icjaote, naacarro matsiadalri rorso rsoaji nadiote njaji sidonionai, Quemo icjaote tsacja, nadiote njaji Moab ricope. Corri nanaitja matsia nopeyajle, corri nanaitjá cayoji nooma capiosho, nacaite capisho njaji iacoti nocadaalri narso, iacoti nocadanji narso nanaitja carro cayoji lricayosho jliaji norsodalri David. 34 Mitsa, corriotsa njotá carroca Salomón cádanaco talricanaati. Nocadaotsa jlia carrotsa talricanaati caafi cádanacon, lricjaote jliaji nopeyonda norsodalri David, jliaji noniwananda, jliaji inaitja cada cayoji nonaa capisho lrinaitjaca nanacjoite njaji iacoti nocadanda. 35 Mitsa njotacaotsa jliaji talricanaatiapan lrirrí icaapi ricjoite nocadaa carroatsa pirso die poco nanacjooite njaji Irael poco. 36 Papocoenatsa nocadaotsa Salomón irrí irso, niiní carro tsaotsa pada norsodalri David inacjoitedalri nacapaoda naicao talricanaati cadanaco Jerosalén rico, jliaji yacaalre njoenitanda noipitana icaoya. 37 Njoatsa iniwana talricanaati carro pjia, pinaitjá carro matsia pjiomi njite cocatsa piomalri pinaitjaca, pjia watsa talricanaati nanaco njaji Iraelnai. 38 Pinaitja cadaa cayoji nocaite capisho pirso, pinaitja cadaa matsia norso, njite pinaitja matsia nopeyajle, wadee namacaca noaco njite njaji iacoti nocadanji inaitjá carro cayoji norsodalri David icayosho, pjia nacjaotsa nokitsindata, pinacjoite perri nacjaotsa italricanaata Irael naco, cayoji nonaitja capisho norsodalri David ipaneeta irso. Nocadaotsa pjia carro italricanata Irael naco. 39 Njorrapiteeta catoatsa kjeyatsa njaji David inacjoite perri.'' 40 Niini salomón ioma piatja iinoca Jeroboam. Mitsa Jeroboam ipito lrioya Egipto lricojle, Sisac iderse, Egito italricanaa. Lriofaa nirseo kjerreca mayami Salomón. 41 Pjiomi njaji Salomón inacoapana, njaji lrinaitjaji njite lrianjikje nacó, paoketana nerricoda njaji paperra nadanda lrinaco. 42 Salomón italricanaata pjiomi Irael naco Jerosalén rico coarenta walria oonia. 43 Mayamini njite nadawani nainai njaji lripjeyadampe pia jlinirri David iyacalre rico. Lrirrí Roboam nacja italricanata jliapodam.
1 Roboam iwa Siquem ricojle, ima pjiomi njaji Iraelnai naaca Siquem ricojle nakeepitanatá carroni nirse natalricanaawani. 2 Mitsa Jeroboam, Nabat irrí jimi cádanaco cayo cana Egipto lricjoite, ima nirse catoani, lripitolri nirse talricanaati Salomón ioya, njite Jeroboam iofaa cjapanitoa nirse. 3 Niini njaji iwacaaca cápewa nameenaca iacoti Jeroboam irso lrinó carro naderse, niini Jeroboam njite njaji Iraelnai iwacaacalrio naaco Roboam irso: 4 ''Jliaji pjinirri icadaa aima calretsa wadenjicalreo nini poicadaa tsoo carro pjatsa wadenjica lrioya jliaji pjinirri icadaalri warso njite wadenjicaotsa pirso cayo cadaa pinaitjaca warso.'' 5 Niini Roboam iaco narso: ''Idia toawa, njite madalridaa nacoatsa iino tsenacja noderse.'' Njite njaji inaiki nadiaca toa lrioya. 6 Niini talricanaati Roboam itatja jimio nainai njaji caconaaperri pequipenai idenjicapemi jlinirri Salomón iinai lricodapitsa caafi cádanacotoani, lriaco narso: ''Coanje icaiteca njoanjoepacaotsa njaji inaiki? 7 Njite naaco lrirso: ''Ajadalri cadantja piomaca pidenjica narso njaji inaiki panaya, njite picaite narso iacoti matsiadalri, niinimtja pirsoperricantjana caidalritsana. 8 Mitsa corrim Roboam jiepa naaco njaji poekipenai, ima lrikenacja lritatja lrimio nainai njaji iempetipe lritaoñacaweenai, neema lripeyajle. 9 Lriaco narso: ''¿Coan icaiteca njoa njoepaca njaji inaiki icaitecape norso, naomaca noinai tsoo carro pjatsa nadenjica lrioya jliaji njonirri icadalri nadenjica?'' 10 Niini njaji iempetipe toa Roboam itaoñacawenai naaco lrirso: ''Picaite narso njaji inaiki icaitecape pjinirri Salomón icadaaca nadenjicalreo jamiñádalri, njite naoma picadaaca tamomi carro pjatsa jliaji idenjikjeti jamiñadalri. Picaitentja narso cayoji: Cotsa cocaca jliaji njonirri icadaalri irso lrioya jliaji nocadalriotsa irso. 11 Niini panaya, jamiña cadanena ianji lriaji idenjikjeti njonirri icadalri irso, nocada pjatoatsa jlimiñaca irso nanaco, njonirri jirrapiteta piaca jia capee sho, mitsa njoa njorrapiteeta caotsa jia yalree sho.'' 12 Jeroboanm njite pjiomi njaji Iraelnai nawacaacawa Roboam iderse madalridaa naco, cayotsa lricaite capisho narso, nanó carro lriderse madalridaa jalredaoca nacó. 13 Niini jliadeena, jliaji talricanaati icaite njemi njaji inaiki lrinaco jliaji natatjalri inaco, mitsa corri lricaite cayoji nacaite caposho lrirso njaji pekipenai. 14 Lricaite narso naacoarrom njaji iempetipe toa, lriaco narso: ''Njonirri icadaa pia idenjicalre jamiñádalri, mitsa njoa nocadaa pjatoatsa idenjicalre lrinaco pja. Njonirri jirrapiteta piaca jia capee sho, mitsa njoa njorrapiteeta caotsa jia yalree sho.'' 15 Corri talricanaati jimi narso njaji inaiki, ima jorreca njaji jiyapalrio nanacowaaca cayotsa wa Minalri icadaa capisho, lrimotó carrotsa cayoji Lricaite capisho Jeroboam irso, Nabat irrí Ahias silonita inoma lricjoite. 16 Nacapa cádanaco njaji Iraelnai corrica talricanaati jiepana, naaco lrirso: ''¡Corriotsa waa carroca nainai njaji David inacjoite perri! ¡Corriotsa wanjíi carroca lrinaco jliaji Isai irrí! Warsa wadiawa waapana lricojle, Iraelnai. Panaya pjia, David inacjoite dalri, picapa pjiwaacatsa jliaji pitalricanaaca naapiya njaji pikitsiñape. Cayotsa nadiacawa njaji Iraelnai naapana lricojle. 17 Mitsa narso njaji Iraelitanai iofaacape nerricoda njaji yacaalre Judá jipaite ricope, icatsa Roboam italricanaataca nanaco. 18 Njitedalri talricanaati Roboam imeenaca Adoram, jliaji ianjirri nanaco njaji idenjikjeti jamiñaperri, mitsa njaji Iraelitanai njepa naino mayamin jiipada sho. Njite jliaji talricanaati Roboam jlirra kjeyao lricaballon naco irsocada carreta lripitó carro Jerosalén ricojle. 19 Cayotsa Iraelnai iemaca David iipaneta icjoete panajiete. 20 Njite njaji Iraelnai njemi cádanaco Jeroboam idiaca iocao jlipaite ricojle, naa nawanani nawacaaca carroda lrico, niini nacadaacani natalricanaawani nanaco njaji Iraelnai. Corritsa coca nanacjoite ikitsindata David iipaneta, icaamitsa Judá poco. 21 Roboam ioca cádanaco Jerosalén ricojle, lriwaketa pjiomi njaji Judá poco njite njaji Benjamín poco tsacja; niini pia ciento ochenta mil atsianai tsolrodaonai njenitaji inoacacapeo, naacarro nainocacawa Iraelnai iipaneta icjoete, nadietá carro njaji inaiki iraelitanai pjiomi Roboam irso, Salomón irri. 22 Mitsa caacoca Dio Semaia inomalricjoite, ape atsia Dio irsodalri, lriaco cayoji: 23 Caaco pjia Roboam irso, Salomón irrí, Judá italricanaa, narso tsacja njaji Judá poco pjiomi, njite narso tsacja njaji Benjamín poco, njite narso nja apaana inaiki tsacja, picaite narso cayoji: 24 Cayo lriaco jliaji wa Minalri: Corrím itaita iaca inoacawa nacjoete njaji ikitsiñape Iraelnai. Idiawa iipana lricojle icoana, ima pjiomi njaji jiyapalrio, Njoatsa icada cayo.'' Niini njaji inaiki njemica jliaji iacoti Dio njité dalri, icaamitsa nadiacawa njapodamrsewa, njepa jliaji Dio icaiterri narso. 25 Njite Jeroboam inaitja jliaji yacaalre Siquem awacada cawa njepaite rico njaji Efraín poco, njite lriofaca niini. Lriá tsenacja njiteo njite lrinaitjaca jliaji yacaalre Penuel. 26 Jeroboam iwaopia lricaolre ricó: ''Panaya nadiaca tsenacjaotsa njaji inaiki lricjaolre jliaji talricanaati David iipaneta lricjoite dalri. 27 Naacada tsenacjaotsa njaji Iraelitanai namjaitá carro maaficalri Dio irso panti macadapana ricó Jerosalén ricojle, njaji inaiki nadia tsenacjantja Roboam icjaolre, Judá italricanaa. Nainontja njoa nadiá carro tsenacja Roboam icjaolre, Judá italricanaa.'' 28 Niini jliaji talricanaati Jeroboam ianji ioma iacoti nainai njite lrinaitja yamana vaaca ienipe jinapjia owirro sho; njite lriaco narso njaji inaiki aimadan: ''Jirapitina calretsantja irso iaa carro Jerosalén ricojle. Icapa, icatsa idioteca njaji, jia Iraelitanai. Icatsa njaji jitalri piaca jia Egipto lricjoite.'' 29 Niini lricadaa apana vaken jinaapjia Betel rico njite apana Dan rico. 30 Opi lrima nanaitjaca maatsi naikjaote njaji lrinaitjalri. Njaji inaiki naawa Betel ricojle njite nja paan nacawa Dan ricojle. 31 Jeroboam inaa nanaitjaca panti yenondalripe naco njite lricadaa sacerdote carro coamperri catsa inaiki, corricantja njatsa njaji Leví poco. 32 Jeroboam inaa nanaitjaca naija carroa kince jalredaoca naco ochopi kerri naco. Cayotsaji nanatja capisho nawaketaaca carroa Judá lrico, njite namjaita maaficalri altar naco cayo cádanco tsacja. Lrinaitja cayo Betel rico narso njaji vaken jinaapjia lrinaitjaji, njite lridee tsacja njaji sacerdotenai iwapacape nerricoda njaji panti lrinaalri nanaitjaca yenondalripe naco 33 Jeroboan iwa Betel ricojle lrimjaitá carro maaficalri nanaco njaji altar lrinaalri nanaitjaca nanaco njaji yenondalripe kince jalrdaoca naco ochopi kerri naco, lrinacopi jliaji kerri lriwaopianda inaco jliwaacatsa, lrinaa nacatima taacawa njaji inaiki Irael ricope jlite lriawa lrimjaitá carro incienso altar nacó
1 Dio imeenaca pada inoparrotacada Judá lricoda Betel ricojle. Jeroboam iema cadanawa altar icodapi lrimjaitá carro incienso lrinaco. 2 Dio inaa inoparrotacada iiyaca lricjoete jliaji altar, lriaco cayoji: ''¡Altar, altar! Cayo wa Minalri icaiteca: padaotsa iempeti imotoa, lriipitanaotsa Josia, David inacjoite dalri cani, njite Josia imjaitacaotsa pinaco njaji sacerdotenai iwapacape njaji yenondalripe, namjaita cawa naco incienso panaya, namjaita caotsa inaiki iapipem.'' 3 Njite jliaji inoparrotacada icada pada nanjishopa jliadaotsa jeecoapi, lriaco cayoji: ''Icatsa panjishopaca lrinaco jliaji wa Minalri icaiterri: Icapa lrirso jliaji altar, lrimacjaaca caotsa yameemao, njite njaji palripoco lrinacoperri napatja caotsao macadtsa.' 4 Taleicanaati jimi cádanaco njaji iacoti lricaiterri jliaji inoparrotacada, coanca lriiyaca altar icjoete Betel ricda. Jeroboam icaite njite lripiajleta lricaapi altar ricjoite: ''Jipani'' Icamina merrica lricaapi lripiajletanda jlicjoete jliaji inoparrotacada, njite corrinatsa lritaitetsa lridietacani. 5 Njite altar lrimacjaacawa jamemao, njite napatjawa njaji palripoco lrinacodalri, cayotsa Dioicaite capisho lrinoma lricjoite jliaji inoparrotacada. 6 Njite jliaji talricanaati Jeroboam iaco lrirso jliaji inoparrotacada: ''Pitatja caiwi ricotsa nonaco piniNalri Dio imatsiaca sho, matsia carro tsenacja nocaapi.'' Niini jliaji inoparrotacada wa Minalri iinai, ikena matsiaca tsenacja lricaapi jliaji talricanaati, cayotsaji lripjeya toa maatsicani. 7 Njite jliaji talricanaati iaco inoparrotacada irso: ''Pino noinai noopana lricojle pinjá carro noinai, njite noá carroatsa poirso picoadao.'' 8 Njite jliaji inoparrotacada iaco lrirso jliaji talricanaati: ''Picaite cadantja piaca norso pamoyoa nanacjoite njaji piyaarro, corri tsacjanta noaca piinai; ima corritsa noinjá carroca injaodati, corri tsacja noirrá carroca ooni adalriji, 9 ima no Minalri iaco norso cayoji: Corriotsa injá carroca petje, corri tsacja pirraca ooni nindalri, corri tsacjaotsa pidiá carroca lrirrico mitsa inipoca.''' 10 Niini jliaji inoparrotacada lridiawa Betel ricjoite, lriipana lricojle pacja lricotsa inipo. 11 Niini pia pada inoparrotacada pekirritsa Betel rico, njite pada nanacjoite njaji lrienipe ino lriderse njite lricaite lrirso pjiomi njaji lricaiterri jliaji inoparrotacada jliadaa Betel rico. Nacaite tsacja jlimi nja lrienipe nanaco nja iacoti lricaiterri talricanaati irso jliaji inoparrotacada. 12 Njite njanirri iaco narso: "¿Coajerricja lricoca inipo lridiawa?'' njaji lrienipe nacañjata lricapa coajerricja lricoca inipo lridiawa jliaji inoparrotacada ínolri Judá ricjoite. 13 Niini lricaite narso nja lrienipe natsietá carro lrirso lriborron lriá carro lrinao. 14 Ikena lriacawa jliaji inoparrotacada pekirrim jliapodam jliaji pada inoparrotacada njite lrioketani lriofacawa apana jaico iapjite; lriaco lrirso: ''¿Icatsa pjia inoparrotacada inocada Judá lricjoite?'' Njite jlepani: ''Icatsa njoa.'' 15 Njite lriaco lrirso jliaji inoparrotacada pekirrim: ''Pino peda panti ricojle pinjá carro noinai injaodati'' 16 Njite jliepa toan inoparrotacada, lriaco: ''Corrin notaita nodiacawa, corri tsacja notaita njoewacawa piipana lrico noinjá carro pinjaoda njite corrim tsacja notaita noirraca ooni adalriji, 17 ima cayoca lricaiteca norso jliaji wa Minalri: ''Corriotsa pinja carroca injaodati niini, corri tsacjaotsa pirracaotsa ooni nindalri, corri tsacjaotsa pidia carroca lrirrico minitsa jliaji inipo pialri irricocja.''' 18 Niini lriaco jliepacan jliaji inoparrotacada pekirrim: ''Inoparrotacada tsacja njoa, caitsa picayosho, ima caacoca norso pada angele wa Minalri nacjoite: ''Pia pidieta piinaiwa piipana lricojle, ltritaitá carro lrinjaca njite lrirra tsacja ooni.''' Lriwa cadanatsa lrirso jliajiinoparrotacada pekirrim lrirso jliaji inoparrotacada. 19 Niini jliaji inoparrotacada iawa lriinai jliaji inoparrotacada pekirrim, lrinja lriinai, lrirra tsacja ooni lriipana lrico. 20 Naofa cadana toa naija mesa naco, caacoca Dio lrinoma lricjoite jliaji inoparrotacada pekirrim, jliaji imalri lridiacawa jliapodamrse, 21 njite caacocani cjaida lrirso jliaji inoparrotacada inocada Judá lricjoite, lriaco lrirso: ''Cayo lriaco jliaji wa Mianlri, corricapoa pjiepa wa Minalri iaco, corri pinaitja cayoji lrinaa capisho pinaitjaca jliaji wa Minalri Dio, 22 icaamitsa pinoca pinjá, pirra tsacja ooni adalriji, wa Minalri icaite cadana pirso wadee pinjaca, pirra tsacja ooni adalriji, corriotsa nadawá carroca pidadam pjinirrinaipem icodapi."' 23 Lritaita cayami lrinjaca, lrirra tsacja, jliaji inoparrotacada pekirrim imatsieta apana borro lrirso jliaji inoparrotacada, jliaji lridietandam toa lriinai. 24 Lriá cádanacoena jliaji inoparrotacada inipo lrico, apana yaawi inoni. Njite atsa yaawi icada lridadam inipo lrico. Njite lriborronim atsa lriemawa lricodapi, njite lriaji yaawi inocadam lriema tsacja lricodapitsa. 25 Njaji inaiki jiyapajicape niini, nacapa pada inaiki mayandalrim inipolrico, njite apana yaawi lricodapi, niini naaca nacaite narso njaji inaiki iofaacape lrirricoda jliaji yacaalre lriofalri ninio jliaji inoparrotacada pekirrim. 26 Jlimi cádanaco jliaji inoparrotacada imalri lridiacawa jliapodam rsewa, lriaco; ''Jliatsa jliaji inoparrotacada corridalri jiepa wa Minalri iaco. Corri capoa jliepani, Lricadaa yaawi iinó carron, cayotsa lriaco wa Minalri icaite capisho lriso jlipjeyao.'' 27 Niinijliaji inoparrotacada pekirrim iaco narso njaji lrienipe namatsietá carro lrirso lriborron. 28 Ikena lriacawa, njite lrioketa lridadam inipolrico; lriborron tsa lricodapi njite jli yaawi tsacja. Mitsa jliaji yaawi corrim lrinjaca jliaji lridadami, corrim tsacja lriino cantja jliaji borro. 29 Icaamitsa jlipaca jlirreta lridadam jliaji inoparrotacadam, lricadaani borro nacó lridietá carron lriyacalre ricojle jliaji inoparrotacada pekirri lridawá carron nirseni. 30 Lridawani lri ricodatsa jliaji irrirrí lricaonaadatsa jliaji inoparrotacada pekirrim, njite lriiya lrinao cjaida, lriaco: ''¡Maatsí, nokitsinda!'' 31 Njite lridawa cayamini, jliaji inoparrotacada pekirrim iaco narso njaji lrienipe: ''Mayam kenaotsa njoa, idawaotsa njoa lrinaitsa jliaji inoparrotacada. Icadaotsa noapipemm, lriapipem icodapitsa. 32 Ima njaji iacoti Dio icaiterri lrinoma lricjoite, lricjoete jliaji altar Betel ricoda, njite nacjoete njaji panti nanaitjaji yenondalripe naco nerricoda njaji yacaalre Samaria ricoda, ajá dalricana. 33 Jeroboam jimi cadana nja iacoti coancaotsa, mitsa corrim lrimaca njaji lrimatsicana, icaamitsa lricadaa pjaca sacerdotenai macadatsa naicaona njaji panti yenondaripe icaona, coandalricatsa inaiki. Coandalricatsa lricapa matsiaca, icaamina lricadaacan sacerdote carron. 34 Jliaji imatsicanaati icadaa nanaitja pecado matsinaadalri njaji Jeroboam ipaneta, njite naicjaotena Jeroboam ipaneta iwayacawa matsianjerri, corritsa padacantja iofawa nanacjoite jalredaoca lrico.
1 Jliawajli pia, Jeroboam irrí Abía, caifiacani matsinaa. 2 Niini Jeroboam iaco lriino irso: ''Pinaitja matsiacalri pjinicoa, pjietacawa teecojletsa wadee nanjica noinoca pjia. Piawatsa Silo ricojle lricjaolre jliaji prifeta Ahía, icapiatsa jliaji inoparrotacada caacolrica pia norso lricaite cádanaco njoacaotsa talricanaati nanaco njaji inaiki. 3 Pjipa pidee dieta pan, torta tsacja njite apana botejieco maapa, pia carro Ahía iderse. Jliaotsa icaite coancaotsa jliaji weenipe tsoodalri toa.'' 4 Rsoaji Jeroboam iino inaitja cayo; romoto roawa Silo ricojle Ahía iipana ricojle. Mitsa ahía corrinatsa lritaita lricapaca matsia, matjirrenatsani lripekirrica ima. 5 Niini wa Minalri iaco Ahía irso: ''Rsoaji Jeroboam iino ronoca picjaolre roma rsomica piinai iacoti roenipe naco, ima caifiacani matsinaa. Picaiteotsa roso cayoji nocaite capishoatsa pirso, ima ronocaotsa apama capishotsano.'' 6 Njite Ahía jimi rsopanialre rsoewa cádanaco pantinoma lrico, lriaco rorso: ''Pjiewawa, Jeroboam iino. ¿Coadadao pino apama capishotsa pjia? Dio icaite norso nocaite carro pirso iacoti maatsidalritsa. 7 Pidiaotsa picaite Jeroboam irso wa Minalri naco, naDiote njaji Iraelnai, cayo lricaiteca: Njota pjia nanacjoite njaji inaiki aimadan pjia carro naapiyawalreo njaji nonaikite aimadan Iraelnai. 8 Njota maatsicalri rico norsodalri David iipaneta ioya jliaji talricanaatiapan nocadaa carro pirson, mitsa pjia corri pinaitja cayoji norsodalri David inaitja capisho pia, jliepapoia noaco, lripeyo piaca njoa lricaolre sho, lrinaitja norso pjiomi njaji matsiaperritsa. 9 Pinaitja werrico matsia, pinaitja maatsi, matsinaa pja naoya njaji pipjeyadempia. Pinaitja njaji diodape, njite pirsoca njaji njenapjiandape napatsicanda tsipalrape sho piometa carro noirroa, njite pidanjiteetaca njoa. 10 Niiniotsa, nocada matsirri piipaneta naco; corriotsa caafi carroca pada iempeti atsiada Irael rico. Corriotsa coadaca canaani dalri ienipecani o irsodalri ienipe cadani, Nowayakeeta decjaotsa pjiomi piipaneta lricope, cayoji pada imjaita capisho vacja nakewitanda malritsi sho, lrimacawa akjerreca lriwayacao. 11 Mayami cadaotsa pada pinacjoité dalri aji yacaalre rico, tsinoatsa inja lridadam, njite mayami cadaotsana awacada lrico wayolriotsa injani, ima Njoa iMinalri, cayo Nocaite.'' 12 Niini pjinicoenawa, pjia Jeroboam iino, pidienawa piipana lricojle; pjiewa cádanacoatsa piyacalre rico, mayamicaotsa jliaji iempetitoa Abia. 13 Naiya caotsa lrinaco pjiomi njaji Iraelitanai, njite nadawaotsani jiipai ricó. Icaamitsaotsa jliaji nadawalriotsa jiipai rico nanacjoite njaji Jeroboam iipaneta, ima icamipiatsa wa Minalri, na Diote njaji Iraelnai icapalrica inaco matsiadalri nanacjoite njaji Jeroboam iipaneta. 14 Njite wa Minalri icadaotsa pada talricanaati walridalri Iraelitanai irso, icatsaotsa jliaji iwayakeetalriotsa njaji Jeroboam iipaneta jliadaa jeecoapi. Njite ikena jlinaana ioca kenao jliadeena jliaji paanayalri. 15 Ima wa Minalri iñocota caotsana cayoji ooni itarraca iñocota capisho jaicoapo, jlitacaotsa Irael lri pocoda nacjoite lripeeco carro pemajlena lrioya jliaji jiipai matsiadalri lricadanda narso njaji ipjeyadampe pia. Lripatjaotsana ooni Eufrate pemajle rse, nanaitja capoa Asera jinapjiam njite nakerroataca wa Minalri lricjaote. 16 Lricadaa caotsa njaji Iraelnai paana irso Jeroboam imatsicanaa icjaote, naicjaote njaji imatsicanaati lrinaitalri, lricadaalri Iraelitanai inaitja imatsicanano icjaote.'' 17 Niini icaamitsa Jeroboam iino jinicoa rodia carro Tirsa ricojle. Rooca cádanaco catsa ropjoa pantinoma naco, mayami tsacja roenipe. 18 Nano pjiomi njaji Iraelitanai nadawá carroni, njite naiya lrinaco, cayotsa wa Minalri icaite capisho lrirsodalri inoparrotacaita Ahia inoma lricjoite. 19 Nanaco njaji Jeroboam inaitjalri, coanca lrinaitjaca oowi, coanca lritalricanaataca, nadanana paperra lrico nadana cawa nanacoapana njaji talricanaatinai Irael ricope. 20 Ventido walria oonia Jeroboam italricanaataca, njite mayamini. Nadawani nainai njaji jlinirrinaipemi, njite lrirri Nadab italricanaata jliapodam. 21 Njite Judá rico, Salomón irri Roboam italricanaata niini. Coarentaun walria oonia kena lripekirrica lriinita pia lritalricanaataca, njite lritalricanaata diecisiete walria oonia Jerosalén rico jliaji yacaalre Dio iniwananda lrirsowao nanacjoite njaji Iraelnai poco lricadaa carro niini lriipitana. Naama pia roipitana rsoaji Roboam jidoa, Amon njité darro. 22 Njaji Jodá poco nanaitja maatsi Dio ipeyalje; Nakerroatani naicjaolrewa naicjaote njaji imatsicanaati nanaitjalri, matsinaa pja njanirrinaipemi inaitjaji ioya. 23 Ima jipanadape nacó, njerreta narsowao jiipada nacadaa carro nanaco Asera jinapjiam. Caiminitsa nanaitjaca nanaco njaji jipanadape, napjite njaji jaico matsianepe capjecan, 24 Niini pia tsacja atsianai inaitjacape macadatsa nadada sho nerricoda njaji naacawa naa matsiadalri idolo irso. 25 Njite papia nacojle, cinco walria oonia kena talricanaatica Roboam, Sisac Egipto italricanaa inaitja oowi Jerosalén lricoperri icjoete. 26 Niini nadeeca Dio iipana lricjoite pjiomi njaji cacoadaperri nimperri, cayo tsacja njaji cacoadaperri talricanaati dapana lricjoite. Nadee pjiomi; nadee tsacja njaji escodo Salomón inaalri pia nanaitjaca owirro sho. 27 Niini talricanati Roboam ipieta inaitja njaji escodo bronce shoenacja njite lricana nja carro ianji nanaco njaji comandantenai iwapacape yacaalre ipananoma njite talricanaati ipananoma lriipana lrico. 28 Talricanaati iáa cádanaco Dio iipana lricojle, njaji tsolrodaonai iwapacapen nadee njaji escodo, njitedalri nadieta tsenacjana nawapa carroda dapana lrico. 29 Njite nanaco nja paana Roboam inaitjaji, pjiomi njaji lrinaitjalri paoketana nadananda lrico lrirricoda jliaji paperra nadana cawa nanaco njaji talricanaatinai Judá lricope. 30 Nanaitja pia oowi nacjoetewaca Roboam, Jeroboam iapiya caidalritsa. 31 Njite mayami tsacja Roboam njite nadawani jlinirrinaipem iinai David iyacalre rico. Naama pia roipitana rsoaji Roboam jidoa, amón njité darro. Njite Roboam irri Abiam nacja talricanaati jliapodam.
1 Dieciocho walria oonia talricanaati cayami Jeroboam, Nabat irri Abiam, lrinita lritalricanaataca Judá lrico. 2 Lritalricanata madalriwalria Jerosalén rico. Njite Maaca pia roipitana rsoaji Abiam jidoa, Abisalom iito. 3 Abiam inaitja njaji imatsicanati jlinirri inaitjaji lripjeya toa. Corri lrinaitja matsia lricaolre rico lri Minalri Dio irso cayoji lripjeyadam David inaitja capisho pia lricaolre rico. 4 Mitsa, jliaji Dio, David iMinalri, lripeyo capoani lricadaa pada David inacjoite dalri Jerosalén rico jliapodam lricjaidatá carro Jerosalén. 5 Dio inaitja cayo, David inaitja capoa matsia lripeyajle; caidalritsa caafi cádanaco, corri jlienaca naoya njaji Dio inalri lrinaitjaca, icaamitsa lrimatadaca lrinaco jliaji lrinaitjalri Uria irso hitita dalri. 6 Njite caidalritsa nanaitjaca oowi Roboam, jeroboam iapiya caidalritsa caafi cádanaco Abiam. 7 Njite nanaco nja paana Abiam inaitjaji, pjiomi njaji lrinaitjalri paoketana nadananda lrico lrirricoda jliaji paperra nadana cawa nanaco njaji talricanaatinai Judá lricope. Nanaitja pia oowi nacjoetewaca Roboam, Jeroboam iapiya caidalritsa. 8 Mayami Abiam njite nadawani jlinirrinaipemi iinai, nadawani David iyacalre ricó. Njite lrirri Asa italricanata jliapodam. 9 Njite vente walria oonia naco talricanaati cayami Jeroboam Irael italricanaa, Asa iinita italricanataca Judá rico. 10 Lritalricanata coarentaun walria oonia Jerosalén rico. Maaca idakerrica jliaji Asa, Abisalom iito. 11 Asa inaitja njaji matsiaperritsa Dio ipeyajle, cayotsa lripjeyadam David inaitja capisho pia. 12 Lripeeco pjiomi njaji atsianai inaitjacape macadatsa nadada sho naoya njaji naacawa mana naa matsiadalri njite lripeeco tsacja nja idolonai nanaitjaji njaji lripjeya dapem pia. 13 Lricadaa tsacja jlirroitam Maaca rsoa carro talricanaati lriinai, ima Maaca inaitja piaca rsonapjiam rsoaji nadiote mapeyo canadarro Asera. Asa ipeeco rsonapjia rsoaji mapeyo canadarro Asera, lrimjatano pacoacaita cawa rico jiipai Cedrón ricó 14 Mitsa njaji yenondalripe nanaitjaji corri lripeecona. Mitsa, Asa icadaa lricaolre Dio naco matsia caidalritsa caafi cádanaconi. 15 Jlieta Dio iipana lricojle pjiomi njaji jlinirri jienitaji lricaoya, njite tsacja pjiomi njaji lrinaitjaji, njaji iarropetida lrinaji nanaitjaca palrata sho, owirro sho Dio irso. 16 Asa inaitja oowi Baasa Irael italricana icjoete caidalritsa jlia cádanaco talricanaati. 17 Jliaji Irael italricanaa Baasa, jlinico mana matsicalri rico Judá icjoete niini jlipaca lrirsowao Ramá njite lrinaitja lridanawa wadee naacawa o nadiacawa njaji inaiki Judá ricojle Asa iwapanda rico jiipai. 18 Njite Asa jipa iniwa pjiomi njaji palrata, owirro itepem namacaji namatsietacawa lrico Dio iipana lricope, njite njaji namatsietaji talricanaati dapana lrico tsacja. Asa icadaa narso njaji lrirsoperri nadee carrona Ben Adad irso, Tabrimón irri, Hezión irri, Aram italricanaa, iofaacada Damasco lrico, lrimeenaca iacoti lrirso cayoji: 19 ''Nooma pjiepaca njoa warso carro iacoti matsiadalri warsowaaca , cayoji njonirri irso capisho pia pjinirri iapiya. Nomeenaca pirso palrata, owirro tsacja macoadatsa. Ajena pirsoca iacoti Baasa iapiya, Irael italricanaa, lricadaa carro nofáa nomaodaca tsa.'' 20 Ben Adad jimi lrirso jliaji talricanaati Asa, niini lrimeenaca njaji lritsolrodao icomandantenai nainoacá carro nacjoete njaji yacaalre Irael ricope. Nainoaca nacjoete njaji inaiki iofaacape Ijón rico, Dan rico, Abel Bet ricoda, Maaca ricope njite pjiomi nacjoete njaji Cineret ricope, nacjoete tsacja njaji iofaacape njepaite rico njaji Neftalí poco. 21 Niini Baasa jimi cádanaco coanca, yaami lrinaitjaca Ramá idanao njite lridiawa Tirsa lricojle. 22 Njite jliaji talricanaati Asa lrinaa nacaiteca pjiomi njaji Judá lricope, corrim njeyapa pada. Niini njaji inaiki njewajica pemajle njaji jiipada, jaico tsacja Ramá lricjoite Baasa inaa shopam nanaitjaca Ramá idanao. Nasho njaji lrinaitja shopam, jliaji talricanaati Asa inaa nanaitjaca jliaji yacaalre Geba Benjamin ricoda njite Mizpa tsacja. 23 Njite nanaco nja paana Asa inaitjaji, coan piaca cjaidacani njite pjiomi njaji lrinaitjalri, nanaco njaji yacaalre lrinaitjaji, paoketacana nadananda lrico lrirricoda jliaji paperra nadana cawa nanaco njaji talricanaatinai Judá lricope. Mitsa pekirri kenani, caifia piaca jlipa naco. 24 Mayami Asa njite nadawani jlinirrinaipemi iinai jlinirri David iyacalre ricó. Njite lrirri Josafat italricanaata jliapodam. 25 Njite Nadab, Jeroboan irri italricnata nanaco njaji Iraelitanai yamawalria naco oonia talricanaati cayami Asa Judá lrico. Nadab Italricanata Israel nacó yamawalria oonia. 26 Lrinaitja maatsi Dio ipeyajle, lrinaitja njaji imatsicanati jlinirri inaitjaji, njite njaji imatsicanati lrinaitjaji catsa, lricadalri ima nanaitjaca namatsicanao njaji Iraelitanai. 27 Njite Baasa, Ahia irri, Isacar inacjoitedalri, Lriwaopia dawacalri ricotsa lrinó carro Nadab, niini lriino cani Gibetón ricó, nayacalre rico njaji filisteonai, ima Nadab njite njaji Iraelnai nadanata njaji nimperri, nafietacana. 28 Madalriwalria naco oonia talricnati caami Asa, Judá italricanaa, Baasa iino Nadab niini Baasa nacja talricanaati jliapodam. 29 Talricanatica icjoete jliaji Baasa, lriino pjiomi njaji Jeroboam iipaneta. Corrin lricacadaa caafi pada nanacjoite njaji lrinacjoite perri; cayotsa lriwayakeetaca pjiomi njaji Jeroboam inacjoite perri, cayotsa Dio icaite capisho Ahía inoparrotacada inomalricjoite, jliaji Silonita dalri, 30 naicjaote njaji imatsicanaati Jeroboam inaitjaji lrimalri nanaitjaca namatsicanao njaji iraelitanai, naicjaotena lrima kerroaca wa Minalri, na Diote njaji Iraelnai. 31 Njite nanaco nja paana Nadab inaitjaji, pjiomi njaji lrinaitjalri, paoketacana nadananda lrico lrirricoda jliaji paperra nadana cawa nanaco njaji talricanaatinai Irael lricope. 32 Asa ianaitja mana oowi Baasa icjoete, Irel italricanaa caidalritsa jlia cádanao talricanaati. 33 Madalriwalria naco oonia talricnati caami Asa, Judá italricanaa, Baasa, Ahía irrí iniita italricanataca nanaco njaji Irael Tirza lrico, lritalricanata niini venticoatro walria oonia. 34 Lrinaitja njaji maatsirri Dio ipeyajle, lrinaitja cayoji Jeroboam inaitja capisho, lrimatsicanaa lrico lrimalri Irael inaitjaca maatsi.
1 Cayo lricaiteca jliaji wa Minalri Jehú inoma lricjoite Hanani irri Baasa icjoete: 2 Njoa cadana tja icadaa talricnaati carro pjia nanaco njaji Iraelnai corri cadanatsa cocaca pjia, mitsa pinaitja cayoji Jeroboam inaitja capisho pia, njite pima nanaitjaca namatsicanaa njaji Iraelnai, cayo carroena nakerroataca njoa namatsicanaa icjaote. 3 Nowayaketacaotsa Baasa njite njaji lriipaneta cayoji nonaitja capisho pia Jeroboam iipaneta, Nabat irri. 4 Coca cadaotsa mayami nanacjoite yacaalre rico, tsiinowatsa inja nadadam, mitsa jliaji mayamirriotsa awacada lrico waayolriotsa inja nadadam.'' 5 Njite njaji Baasa inacoapana, njaji lrinaitjalri, jliida paoketana nerricoda njaji lribo nadana cawa nanacoapana njaji talricanaatinai Irael ricope. 6 Mayami Baasa njite nadawani nainaitja njaji lripjeyadapempia Tirsa lrico, njite lrirri Ela nacja talricanaati jliapodam 7 Cayotsa caacoca wa Minalri inoparrotacada Jehú inoma lricjoite Hanani irri Baasa icjoete njite lriipaneta icjoete tsacja, naicjaote njaji imatsicanaati lrinaitjalri wa Minalri ipeyajle imalri kerroacani, naicjaote njaji lrinaitjalri njite lriino capoa njaji Jeroboam iipaneta. 8 Njite ventisei walria oonia talricanaati caami Asa Judá italricanaa, Baasa irri Ela iniita italricanaataca nanaco njaji Iraelnai Tirsa lrico. Lritalricanaata yamawalria oonia. 9 Jliaji lrirsodalri Zimri, lricapitama ianjicada pamoyoa naco nanaco njaji caballo nainoaca shopawa oowi rico, lriwaopia dawacai ricotsa lriinó carro Ela. Njite Ela iofaa lriira lridewana Tirsa ricó Arsa iipana lricó. 10 Niini Zimri jiewa lricjaolre lrinoaca lriapiya njite lriinoni, ventisiete walria oonia talricanaati caami Asa, Judá italricanaa cayo pia jliyapacao. Niini Zimri nacja talricanaati jliapodam. 11 Zimrri iniita cádanacoena italricanataca njite lriofa kena talricanati iofacawa naco, lrinaa nainoca pjiomi njaji Baasa iipaneta. Corrim lricadaa caafi pada atsia Baasa ipaneeta inacjoité dalri, nanacjoite njaji lrikitsiñape o njaca njaji lrikiñapeji pia inacjoité perri. 12 Zimri iwayaketa matsiape Baasa iipaneta, cayotsaji wa Minalri icaite capisho Baasa icjoete inoparrotacada Jehú inomalricjoite, 13 naicjaote njaji Baasa imatsicanaa njite lrirri Ela imatsicana icjaote tsacja, nama capoa Iraelnai inaitjaca imatsicanao, niini nakerroataca na Minalri naDiote njaji iraelitanai. 14 Njaji Ela inacoapana perri, njaji lrinaitjalri, paoketana nadanacawa paperra lrico nanacoapana naco njaji talricanaatinai Irael ricope. 15 Ventisiete walria oonia talricanaati caami Asa Judá italricanaa, Zimri italricanata siete walriatsa oonia Tirsa lrico. Njite njaji tsolrodaonai aimadan naa naofawa Gibetón rico, nayacalre njaji filisteonai. 16 Njaji tsolrodaonai ialri iofaa nirse njemica coanca Zimri iwaopia dawacalri rico lrinó carro jliaji talricanaati Ela, njite coanca lriinocan, niini jliadaa jeecoapi pjiomi njaji tsolrodaonai aimadan iwacaacalrio niini, nacaite pjiomi jliaji tsolrodaonai icomandante Omri, jlia carroenacja talricanaati Irael naco. 17 Niini Omri iawa Gibetón ricjoite, njite pjiomi njaji tsolrodaonai iraelitanai lriinai naa carro nacawainita Tirsa tsolrodaonai sho. 18 Njite Zimri icapa cádanaco njaaca ianjíi lrinaco jliaji yacaalre Tirsa, ikeena lriacawa lriofacawa taimí dalri rico jliaji talricanaati jlimaitá carro jliaji talricanaati dapana; cayotsa mayamica jliaji talricanaati tiyee ricó. 19 Cayo jliyapacao naicjaote njaji imatsicanaati lrinaitjalri maatsitsa Dio ipeyajle, lrinaitja capoa Jeroboam icayosho, njite njaji imatsicanaati lrinaitjaji njite lrima nanaitjaca namatsicanao njaji Iraelnai. 20 Njaji Zimri inacoapana perri, njite coanca lriinoca dawacalri ricotsa jliaji talricanaati Ela, paoketana nadanacawa paperra lrico nanacoapana naco njaji talricanaatinai Irael ricope. 21 Njite njaji Iraenai njena naoyawaaca yamopocoa. Paco iawa Tibni iinai, Ginat irri jlia carro tja natalricanaa, njite nja pamoyoa naawa Omri iinai. 22 Mitsa njaji aimadan pja icatsa njaji ialriwa Omri iinai naoya njaji ialriwa Tibni iinai. Mitsa mayami Tibni niini Omri nacja talricanaati. 23 Omri iinita italricanaataca nanaco njaji Iraelnai trentauno walria naco oonia talricanaati caami Asa Judá lrico. Doce walria oonia lritalricanaata Irael naco. Lritalricanata Tirsa lricjoite sei walria oonia. 24 Omri iwenta Semer iinai pada jiipai yeenondalri, lria lrirso sesenta sei liko palraata lricoadawa. Njite lrinaitja pacoa yacaalre lrinaco jliaji jiipai yeenondalri Samaria dalri iipitana, Semer iipitana icjaote, jliaji jiipai iminalrim pia iinita. 25 Omri inaitja maatsi Dio ipeyajle, maatsi pja naoya njaji paana talricanatinai lripjeyadape. 26 Lrinaitja cayoji Jeroboam inaitja capisho, Nabat irri njite njaji imatsicanati lrinaitjaji catsa lrimalri nanaitjaca namatsicanao njaji Iraelnai, lrikerroatalrina icjaote wa Minalri, naDiote njaji Iraelnai, na idolon icjaote. 27 Njaji Omri inacoanaperri, naji lrinaitjaji, jlida lricañjatalri nacapa oowi ricó paoketana nadananda lrico paperra Iraelnai italricanaa inacoana perri naco. 28 Mayami Omri njite nadawani lripjeyadampepia iinai Samaria lrico, njite lrirri Acab italricanata jliapodam. 29 Trenta tre walria naco oonia talricanati caami Asa Judá lrico, Omri irri Acab iinita italricanataca nanaco njaji Iraelnai. Omri irri Acab italricanata Irael naco Samaria lricó ventido walria oonia. 30 Omri irri Acab, inaitja maatsi Dio ipeyajle, maatsi pja naoya njaji lripjeyadapem. 31 Corri capishotsa coadaca Acab irso lrinaitjca njaji Nabat irri Jeroboam imatsicanaalri, niini jlitaca lriinowa rsoaji Jezabel, Etbaal iito natalricanaa njaji sidonionai. Acab iáa manawa lriá carro matsiadalri Baal irso, lricoanja manawa lripeyalre. 32 Lrinaitja pada pana panti Baal irso Samaria lrico njite lrinaitja pada altar lrirso lrirricoda. 33 Lrinaitja tsacja Asera jinapjia. Aima pja njaji imatsicanaati Acab inaitjalri lriomeetá carro wa Minalri iirroa, naDiote njaji Iraelnai, matsina pja njaji imatsicanaati lrinaitjalri naoya njaji talricanaatinai lripjeyaperri. 34 Lriwiaca pia talricanaatica Acab, Hiel, Betel njité dalri ipieta pia jirretaca jliaji yacaalrem Jericó. Jlirreta capoa lripieta jliaji yacaalre, mayami lrirri pjerriti Abiram; njite lrinaitja cádanaco yacaalre ipananomao, mayami lrirri iwerriti Segub, cayocarrotsani lricaite capisho jliaji wa Minalri Josoé inoma lricoite, Num irri.
1 Elía, yacaalre Tisba Galaad lrickoda iaco Acab irso cayoji: ''Caafidalrica jliaji wa Minalri, naDiote njaji Iraelnai, jliaji noemalri ipeyajle, corriotsa iiyá carroca lrirrico walriaca jlaji, o a kjerreca nocaite iiyá caaron.'' 2 Caacoca Dio Elía, lriaco cayoji: 3 ''Warsa piawa ajaiteji jerri inotokemajle watsa piawa, podawacaotsa onipaokja Queriat dalri iipitana icodapi, jerri imoto kjemjete ooni Jordán irso. 4 Pirraotsa ooni lrioya jliaji onipaokja, njite Nomeenacaotsa njaji waayolri soperri nadee carri pinjao.'' 5 Niini Elías iawa njiteo, lrinaitja cayoji Dio icaite capishoi lrirso. Elía iáa iofawa onipaokja Queriat icodapi, jerri imoto kjemjete ooni Jordán irso. 6 Njaji waayolri shoperri nadee mana lrirso peete njite maaficalri iipe piyompinaco, caitsacja dainomajle, njite lrirra ooni onipaokja ioya. 7 Mitsa aima jalredaoca jiapodamina, jliaji onipaokja lriá meetani corri capoa iiyani jalredaoca lrico. 8 Njite caacoca Dio lrirso cayoji: 9 "Pjinico piawa Serepta lricojle, njepaite rico njaji Sidón ricope, piofaa watsa niini. Nocaitjenina apama madoiyoam irso rokeñjawá carroatsa pjia nirse.'' 10 Niini Elía jlinico iawa yacaalre Serepta lricojle, njite lrioca cádanaco jliewao yacaalre ipananoma lrico, lricapa apama madoiyoam iniwaca rotiñjaiwa. Niini lriwanacano, lriaco rorso: ''Pinaitja matsiacalri, pidee norso paapa vaso lrico ooni noirrá carro.'' 11 Njite roá cádanacotoa rooma ooni, Elía iwanano. lriaco rorso: ''Pinaitja matsiacalri, pidee norso picaapi rico apana pan.'' 12 Mitsa rsoepani, roaco lrirso: ''Ajadalrica caafidalri tsaca jliaji pi Minalri Dio, corri norsoca pawana pan, icaamitsa pada pacaapi icoenatsa harina lriarroda lrico njite jatjaminatsa aceite tazápa lrico. Picapa noniwaca yaamanamitsa tiyeena njoewá carroena noyana noijao nirri iapiya, wawapa carroenatsa mayamíca faa maawitacai sho.'' 13 Njite Elía iaco rorso: ''Mafiotsawa, warsena pia pinaitja cayoji picaite capisho, mitsa pinaitja piinita norso pidee carro noinjao. Njitenaotsa pinaitja pja pirsowao njite pirrí irso. 14 Ima jliaji no Minalri, naDiote njaji Iraelnai, lricaite cayoji: ''Corriotsa canacaí carroca harina lriarroda lrico, njite aceite imotocaotsa tazápa lricjoite, a kjerreca Dio icadaotsa iiyao jiwaca jalredaoca lrico.'' 15 Njite rsoaji madoiyoam inaitja cayoji Elía icaite capisho rorso, jliapodamjite njaji madalridade nainjacatsa aima jalredaoc nacó. 16 Corri yaami keetadaca jliaji harina iarroda, corri tsacja yaami aceite imotocawa tazapa lricjoite, caitsaji Dio icaite capisho Elía inoma lricjoite. 17 Njite jliapodamina jliaji, rirri rsoaji madoiyoam, lriminalri jliaji panti naofaalri irricoda, caifiacani matsina. Matsinaa jliaji ipoati lriyaamirri niini corrinatsa cjaidan. 18 Niini jlidoa icaite Elía jimi, roaco lrirso: ''¿Pjia atsia, Dio imeenacanda, Cocao jliaji pirsolri nocjoete? ¿Capja pinoca picafieta njaji nomatsicana, njite mayamí carro noenjipe naicjaote? 19 Njite Elía jiepano, iaco rorso: ''Pia norso pienipe.'' Niini Elía jipa jireeta jliaji iempeti lrinaapa naco lriwaakje carroni. Njite lrideeni lrimaacawa lrico, lricadaa jliaji iempeti iorsoawa lriorsoa carroita rico. 20 Njite Elía itatja cjaida wa Minalri iinai, lriaco: No Minalri Dio, ¿Capja picadaaca rsorrapitaca rsoaji madoiyoam, nofaalri ipana lrico piino capoa roenipe noicjaote?'' 21 Njite Elía iorsoawa madalripia lrinaco jliaji iempeti, njite lritatja cjaida wa Minalri iinai caiwi ricotsa, lriaco: ''No Minalri Dio, no tatja piinai caiwi ricotsa. pinaitja matsiacalri, picadaa lricafica idiaca tsenacja lrinaco jliaji iempeti.'' 22 Njite wa Minalri jimica Elía irso, niini lricafica idiaca tsenacja lrinaco jliaji iempeti, njite caafica tsenacjn. 23 Njite Elía jipa idee jliaji iempeti lrimacawa lricjoite lria carro jlidoa irson, njite lriaco rorso: ''Picapa caafi catsenacja jliaji pienipe.'' 24 Niini rsoaji inarro iaco Elía irso: ''Panaya decja noanjíi pada atsia Dio imeenacandaca pjia, njiite ajádalripeca njaji wa Minalri iaco imotolrio pinoma lricjoite.''
1 Njite papia nacojle, madalriwalria naco corricawa iiyani, caaco tsenacja wa Minalri Elía irso, lriaco lriso: ''Piena picañjatacawa Acab irso, njite Nocadaotsa iyao jiwacawa jiipai naco.'' 2 Niini Elía iawa Acab icapá carroni; aima pia njerrapitaca maawitacai Samaria lrico. 3 Acab iwana Abdia lricjaolrewa, ima jliaca ianjíicada lrinaco jliaji talricanaati dapana. Njite iacádaca matsiadalri Dio irso jliaji Abdia, 4 ima Jezabel inaa caojli nainoca njaji profetanai Waminalri Dio irsoperri, Abdia jipa cien profetanai lridawá carrona Jezabel ioya. Lridawana cincoentape profetanai jalraa dalri rico jiipai njite lria mana jliwa nainjao pan ooni tsacja 5 Acab iaco Abdia irso: ''Warsa tjaotsa pianji pioma wadetsa pioketata paapjipa ooni o onipaokja cadaa fepaite rico. Wadetsantja waoketaca malritsi nainjaope njaji waapirra caballo, njite mula tsacja wayomjetá carrotsana, wadentja mayamica waoya pjiomina nja wapirra.'' 6 Niini wacaacawa naacarroa papocoa, papocoa nataitá carro naomajica ooni njepaite rico pjiomi. Acab iawa pacja lrico inipo njite Abdia iawa pacja lrico tsacja. 7 Abdia iacadanatoa inipo lrico, kjeyanadatsa Elía ioketacawa lriapiya. Tecjoite toa Abdia ianjini niini jliwa lriorsoawa jiipai nacojle lripeyajle, lriaco lrirso: ''¿Pjiatsa pjia no minalri Elía?'' 8 Elía jiepani, lriaco: ''Aja, njoatsa Elía. Pidia picaite pitalricanaa irso picapaca njoa anji.'' 9 Njite Abdia jiepani, lriaco: ¿Coca nacoa nonaitja maatsi, caicarro picadaca njoa pirsodalri, Acab icapi ricó, lriinó carro njoa? 10 Ajádalri caafidalrica jliaji pi Minalri Dio, corri pacapa pada jiipai corricawatja Acab imeenaca lrinaikite nacawa naoma pjia. Njite njaji inaiki lri ricodape jiipaica o jliaji talricanaati lri ricodaalri jiipaica nacaite corrica pacapa pjia niini narso njaji ianjicape ioma pjia, Acab inaa nacaiteca pada iacoti nawapacawa pada, njite lrinaa nacaiteca iacoti ajádalri sho, corrica naoketa pjia nirse. 11 Njite panaya picaiteca norso noá carro nocaite Acab irso aca pjiaji?'' 12 Ima noacatsantja ajaiteji, jliaji wa Minalri Icaolrini idee nacjantja pjia pawe ricojle corricawatsa noanjii. Njite, noantja nocaite Acab irso nocapa capia anji, njite corri nacantja lricapa pjia, icaminantja lrinoca njoa picjaote. Ima njoa pirsodalri, noaca matsiadalri Dio irso noyempetica nacjoite piatoa. 13 ¿Capja corrica ncaiteca pirso, pjia nominalri, njaji nonaitjalri Jezabel inaa caojli pia nainoca njaji profetanai Dio irsoperri, nodawa caojli cien profetani Dio irsoperri, njite nodawacana cincoentape papeco jalraacawa rico jiipai njite nodeeca nainjao pan, njite nairrao ooni tsacja? 14 ¿Njite panaya picaiteca njoa, noá carro nocaite Acab irso aaca nocapa pjia, lrino carro lriino pjia?'' 15 Njite Elía jiepani, lriaco lrirso: Ajádalri caafidalrica jliaji wa Minalri, naapiyawalre njaji tsolrodaonai aimadan, Jliaji noemalri ipeyajle, nocadaa caotsa Acab icapaca njoa jliadaa jecoapica jliaji.'' 16 Niini Abdia iawa Acab icjoete, lricaité carro lricapaca Elía. Niini Acab iawa Elía icjaolre. 17 Acab icapa cádanaco Elía, lriaco lrirso: ''¿Icatsa pjia, Elía? ¡Icatsa pjia, imalrica nacapa njaji iraelitanai!'' 18 Niini Elía jiepani, lriaco lrirso: ''Cotsa njoaca imalrica nacapaca njaji Iraelnai, pjia decja, njite njaji pjinirri ikitsiñape imaca capoa njaji iacoti wa Minalri inaalri jiepaca, iáa capoa njapodam nja idolonape Baal. 19 Niini panaya, pimeenaca iacoti narso njaji Iraelnai nanó carro pjiomi nawacacawa Awacada Carmelo ricó, nja tsacja njaji cotrociento cincoenta profetanai Baal irsoperri njite njaji cotrociento cincoenta profetanai Asera isopeeri tsacja, njaji injacape Jezabel inai romesan nacó.'' 20 Ikeena Acab imeenaca iacoti narso pjiomi njaji iraelitanai njite lriwakeeta pjiomi njaji profetanai Awacada Carmelo ricó. 21 Njite Elía itsomita njaji inaiki aimadan, lriaco narso: ''¿Coan caojli pjenaotsa ipadameeta iwaopiakje naoya nja idolonai? Ajádalri cadaa Dioca jliaji wa Minalri, iáa watsa Jliapodam. Mitsa Baal cadaa jliaji dio ajádalri, iáa pedacaotsa jliapodam.'' Mitsa njaji inaiki corrin nacaite pada iacoti Elía irso cayo cadanaco lricaitecana. 22 Elia iaco narso njaji inaiki aimadan: ''Padetsa njoa Dio iprofetan iomjerri, mitsa njaji profetanai Baal irsoperri coatrociento cincoenta atsianai namaimaca. 23 Njite panaya inaa nadeeca warso yaamana toro. Njite icadaotsa naniwanaca narsowao apana toro nanacjoite nacadowá carron njite nacadaotsani tiyena naco, mitsa corriotsa nawacá carroca tiyee lriapjite. Cayo tsacjaotsa nomatsietaca jliaji apana toro, nocadaotsan tiyeena nacó, mitsa corrin tsacjaotsa nowacá carroca tiyee lriapjite. 24 Njiteotsa jia itatjaotsa idiote iipitana naco, njiteotsa njoa notatjaotsa no Minalri iipitana naco, njite cocacaotsa nanacjoite ikerrata tiyee nanaco, jliá pedacaotsa Dio.'' Niini pjiomi naji inaiki aimadan nacaite Elía irso matsia catsa cayoji lricaite capisho. 25 Njite Elía iaco narso njaji profetanai Baal irsoperri: ''Iniwana irsowao apana toro njite imatsieta inita matsia irsowaoni, ima aimadanca jia. Njiteotsa itatja idiote ipitana naco, mitsa corriotsa iwacá carroca tiyee lriapjite jliaji icada caawa inaco jliaji toro.'' 26 Icamina njepa namatsieta jliaji toro nacadanda narso, ikena natatjaca Baal iipitana naco piyompinacjoite mayacan jeeri icjaolre, naaco: ''Baal, pjimica warso.'' Mitsa corrin coca pjemi jiepacana, corrin pjemica pada. Narrapa lriwaida naco jliaji altar nanaitjanda. 27 Njite mayacan cádanacoena jerri, Elía icaa naicao njaji Baal iprofetan, lriaco narso: ''¡Cjaida pja iwanaca! ¡dioca jliaji Baal! Panjii lriwaopia catoa, o lridenji catoa pada, o lriá catoa paafe ricojle, o lrimaa catoa, irsotsa icafietacani.'' 28 Ikena nawanaca cjaida pja, njite nayoacawa njawaca waacatsa matseeta sho, molroco sho cayotsa nanaitjaaca capishotsa mana njite nerrana iarro nanacotsa. 29 Mayacan jerri jiyapawa, njite dainoma naicawa jlinaana nacoena namjaitacawa maaficalri Dio irso, mitsa njaji Baal iprofetan nanaitjaacawa cayoji manjicaperrim sho; mitsa corrin pjemi pada iacoam jliepa cantjana, corrin pada iwapa jimi narso coanca natatjaca. 30 Niini, Elía iaco narso njaji inaiki aimadan ''Inoena, itsoomita ajerriji.'' Njite pjiomi njaji inaiki natsoomitan. Niini, Elía imatsieta matsia jliaji altar wa Minalri ialtarni namatsicanda. 31 Elía jipa doce jiipada, pada jiipada icaite papoco naco nanaco njaji Jacob ienipe, ima Jacob irso piaca wa Minalri icaite cayoji: ''Irael watsa piipitana.'' 32 Nasho njaji jiipada lrinaitja pada altar wa Minalri iipitana naco, njjite jlica jiipai tjewaca, jlipacawa kince litro icoa ooni. 33 Lricadaa nja tiyeena matsia tiyee ipia, njite lricadowa jliaji toro lricadaa carro nanaco nja tiyeena lriwaketaji. Njite Elía iaco narso: ''Ipacjanta ooni sho coatroapi palangana iarró carro lrinaco jliaji maaficalri pamjaitaoda njite nanaco njaji tiyeena tsacja.'' 34 Lriaco tsenacja narso: ''Inaitja tsenacja ipieta yamapia shopa,'' njite nanaitja cayo yamapia shopa. Lrinaa tsenacja naarroca ooni madalripia shopa, njite nanaitja tsenacja cayoji lricaite capisho madalripia shopa. 35 Njite aima ooni iarroca nanaco atee pacjanca jliaji ooni njecaniapji rico lriwaida nacó. 36 Njite dainoma cádanacoena, jlinaana lrico namjaita cawa lrico ofrenda Dio irso, ikena jliaji inoparrotacada Elía itsoomita jliaji altar, lriaco: ''Pjia noMinalri, Abraham iDiote, Isaac iDiote, Jacob IDiote tsacja, njite pirsodalrica njoa, nonaitjaca pjiomi njaji piaco sho. 37 Pjimica norso noMinalri, pjimi norso, nanjíi carro njaji inaiki aimadan, icatsa wa Minalri Dioca Pjia, njite picadaa caotsa nadiáca naoma Pjia.'' 38 Ikeena wa Minalri icadaa tiyee jiwacawa lrinaco jliaji maaficalri ofrenda, nanaco nja tiyeena, jiipada naco, jiipai italre nacó, njite lriperro jliaji ooni njecaniapji ricoda. 39 Njite njaji inaiki nacapa cádanaco jliaji tiyee, ikeena njewacawa jiipai nacojle, njite naaco: ''¡Icatsa Dioca jliaji wa Minalri. Icatsa Dioca jliaji wa Minalri!'' 40 Njite Elía iaco narso: ''Jipa pjiomi njaji Baal iprofetan. Macadatsa iomjeca pada nanacjoite.'' Niini njepacana pjiomi, njite Elía ideena onipaocja Cison dalri ricojle lriinó carro nirsena. 41 Njite Elía iaco Acab irso: ''Pjinicoenawa pinjá carro, pirrá carro tsacja, ima iiya caotsa maatsina.'' 42 Niini Acab injaca, lrirra tsacja, njite Elía jirrawa lripolrico nacojle jliaji jiipana Carmelo, ikeena lricoanjacawa jiipai nacojle jliwaacatsa, lricadaa lriecoa lriorsipada ipecolico. 43 Njite lriaco lrirsodalri irso: ''Pjinicoa, pia carro picapa manoa icjaolre.'' Njite Elía irsodalri iaco lrirso: ''Cotsa coca pacapa.'' Njite Elía iaco lrirso tsenacja: ''Pia pjenawa, picapaotsa nirse siete walria.'' 44 Niini siete walria nacojlena, lrirsodalri icapa pada iyadaoca tsodalritsa, pada atsia icaapi icoa shodalritsa jinicocawa manoa nacjoite. Niini Elía iaco lrirso: '' Warsa pia picaite Acab irso cayoji: ''Pimatsieta pi caballon cacarretan dalri pidia carroenawa iiyao ipjeya.'' 45 Njite kjeyatsa, ikena cadaocaca pjiomi eeno iecoa iyadaoca sho njite caolri tsacja. Ikaamina iiya jiwacawa. Acab jirra ketsa lri caballon naco lridia carrowa Jezreel ricojle, 46 mitsa Dio icadaa Elía naco lrianjiikje. Njite Elía jipa jirreta lritsayanalre jiwalripaca lri cintoron ipecolrico jlieco carro Acab jiapodam, lria lriema lrioya tsoomina pjewa carroena Jezreel lricojle.
1 Acab ioca icaite Jezabel irso pjiomi njaji Elía inaitjalri, njite coanje lriinoca njaji Baal iprofetaperre matseeta sho. 2 Ikeena Jezabel imeenaca pada ideecada iacoti Elía irso, ronaa lricaiteca Elía irso cayoji: ''Cotsa coadaca naino cadaa njoa njaji dionai, o coan cadaa pja nanaitjaca njoa, corri cadaa noino pjia cayoji piino capisho njaji profetanai, ima tjeewena, cayokenaji mayamdalrim kenaotsa pjia.'' 3 Elía jimi cádanco jliaji iacoti, icamitsa jlinico lriá carro lridawaacawa rooya Beerseba lricojle, njepaite lricojle njaji Judá poco, njite lricada jliaji lrirsodalri niini. 4 Njite Elía iáa pawa padaa jalreaoca inipolrico jalrapocolri rico, njite lrioca lriofawa apana jaico enebro dalri iipitana iapjite, njite lritatja Dio inai niini mayamí carron, lriaco cayoji: ''Ajena njorrapitaca no Minalri, pjitena nodaki ioya nocafica, ima corritsa matsiadalri pjaca njoa naoya njaji nopjeyadapempia mayamirrina nopjeya.'' 5 Niini jliwa lriorsoawa lriapjite jliaji jaico enebro dalri iipitana. Njite cjeyanatsa pada anjele inotani, lriaco lrirso: ''Pjinicoena pinjá carro.'' 6 Niini Elía icapa, tsoomi jliwida ioya niinica pan namerritanda torroda naco njite ooni tsacja lriarroda lrico. Niini lrinja, lrirra tsacja njite lridia tsenacja lriorsoawa 7 Njite lrino tsenacja yamapia shopena jliaji anjele, lrinotani njite lriaco lrirso: ''Pjinicoa pinja carro, ima jirrapitinaadalri caotsa jliaji inolri picjaolre.'' 8 Niini jlinico lrinja, lrirra tsacja, lriá carroena pjawa mitsa cjaida pjena lridaki rico lrinja caami njite kepinacani lrisho jliaji injaodati coarenta jalredaoca, coarenta tsacja deepi atee lriocawa Dio iawacadate Horeb nacojle. 9 Lrioca jliewa pafe jalrandalri rico jiipana lrico njite icatsa lriofaa catoa lri ricoda. Njite caacoca wa Minalri lrirso niini, lriaco: ''¿Coampecao pjia anjí Elía?'' 10 Njite Elía jiepani: ''Maatsi nocapaca narso njaji inaitjacape maatsi no Minalri irso, na Diote njaji cjaidaperri tsolrodaonai, ima njaji inaiki aimadan Iraelnai namacaca jliaji iacoti pinaitjanda naapiya, napeeco njaji altar piyape, naino matseeta sho njaji profetanai pirsoperri. Icaamitsa njoa iomjerri nanacjoite, njite naoma tsacja nainoca njoa.' 11 Njite wa Minalri idieta lrirso iacoti, lriaco: ''Pimoto njiteo, piemá carro lrinaco jliaji jiipana Nopeyajle.'' Ikeena wa Minalri jiyapa niini njite caolri cjaidádalri ioca lrinaco jliaji jiipana, lrimacja nja jiipada ninperri wa Minalri ipeyajle, mitsa corritsa wa Minalrica jliaji ialriwa lri ricoda jliaji caolri cjaidadalri. Jliapodamjite tsa jliaji caolri cjaidá dalri cananica jiipai, mitsa corritsa wa Minalrica niini. 12 Cananicami jliaji jiipai tiyee nacja jiwao, mitsa corritsa wa Minalri inoca tiyee rico. Njite tiyee jiapodamtsa, pada caolri tacaa dalritsa jliyapa niini. 13 Ikena Elía jimica wa Minalri iacoam, cayo cádanaco lriita lriecoa lritsayanalre sho, lrimoto jalramidalri ricjoite njite lrioca lriemawa lrinomafe rico. Njite jlimica apapeco iacoti icaitecada lrirso cayoji: ''¿Cocadao pinaitjalri anji, Elía?'' 14 Njite Elía jiepani: ''Maatsi nocapaca narso njaji inaitjacape maatsi no Minalri irso, na Diote njaji cjaidaperri tsolrodaonai, ima njaji inaiki aimadan Iraelnai namacaca jliaji iacoti pinaitjanda naapiya, napeeco njaji altar piyape, naino matseeta sho njaji profetanai pirsoperri. Icaamitsa njoa iomjerri nanacjoite, njite naoma tsacja nainoca njoa,'' 15 Njite wa Minalri iaco lrirso: ''Panaya pidiawa pinolri njite jalrapocolri Damasco lricoda, njite pioca cádanaco nirse piarroatsa timiajai Hazael naco jliá carroatsa talricanaati Aram naco, 16 piarro tsacjaotsa timiajai Jehú naco Nimsi irri, jliá carroatsa talricanaati Irael nacó, njite piarro tsacjaotsa timiajai Eliseo nacó Safat lrirri Abel Mehola dalri jliá carroenacjaotsa no profetan piarrontacao. 17 Ima Jehú iinocaotsa njaji iomjerriotsa Hazael imatseetan ioya, njite Eliseo inocaotsa njaji iomjerri Jehú imatseetan ioya. 18 Mitsa Njoa, Nocadaotsa norsowao nanacjoite siete mil inaiki Iraelnai, njaji corritsa itoda iorsipadao Baal irso, njite corri tsacja natsotoni nanoma sho.'' 19 Niini Elía imoto njiteo njite lricapa Eliseo, Safat irri, lrideeca docena buey lrideenipe, njite lritatjaca Dio iinai lrinaco jliaji apana piketendalri lridenna. Niini Elía iawa Eliseo icjaolre njite lripeco lritsayanalre Eliseo naco. 20 Njite Eliseo imaca njaji buey jliecó carro Elía jiapodam; Eliseo iaco lrirso: ''Pinaitja matsiacalri picada toa noá carro notsotso nonirri, njodoa tsacja nacacoda naco, njite decjaotsa noa piinai.'' Njite Elía iaco lrirso: Warsena pia picapa naderse, mitsa piwaada lrinaco jliaji nonaitjalri pirso.'' 21 Njite Eliseo iawa idiao Elía icjaolre, njite lriino pjiomi njaji buey, lriyana neepe njaji maaficalri nashotsa njaji jaico napapirri nanaco. lriyana caami lriá nainjao njaji inaiki, njite nainjacana. Njitena Eliseo iawa Elía iinai lridenjíi carro lrirso.
1 Ben Adad Aram ricoda, iwaketa pjiomi njaji tsolrodaonai. Niini pia trenta do talricanatinai iwapacape jiipai tsocjoepe lriinai, narso tsacja caballo njite njaji caballo irsocape carreta nanaco. Niini lriaca lridaanata jliaji yacaalre Samaria njite lrinoacawa lricjoete. 2 Ben Adad imeenaca inaiki ideecape iacoti Acab irso, Irael italricanaa, lriaco lrirso jliaji ideecada iacoti lrirso: ''Cayo Ben Adad icaiteca: 3 Njaji pipalraatan, piwirrote tsacja noyapecana panaya, cayo tsacja njaji pininai njite njaji pienipe matsiaperri, noyarropeca panayana.'' 4 Niini jliaji talricanaati Irael ricoda lriaco lrirso: ''Cayo pedaotsa picaite capisho, pia no minalri, no talricanaa. Piyadaca njoa njite pjiomi njaji norsolri tsacja.'' 5 Njite nanao tsenacja njaji ideecaperri iacoti Acab icjaolre, naaco lrirso: Cayo Ben Adad icaiteca: Nomeenacjenina pirso iacoti piá carro norso njaji pipalraatani, piwirrote, pininaipe, pienipenaipe tsacja. 6 Tjewaotsa nomeenaca piderse njaji norsoperri cayo kenaotsa jerri, njaa carrotsa iniwa nacaapisho piipana lrico njite naapana lrico tsacja njaji pirsoperri njaji nacapampe matsiaca iipana lrico.'' 7 Njite jliaji talricanaati Irael ricoda, lrinaa nanoca lriderse pjiomi njaji pekipenai caconaaperri Irael lricope, lriaco narso narso: ''Inaitja matsiacalri, iwapa icapa matsia coanjeca jliaji atsia iomaca maatsicalri wainai. Lrimeenaca norso iacoti, noá carro lrirso pjiomi njaji noninai, noenipenaipe, nopalraatani, nowirrote, njite njoa corrin noifarroca lrioyana.'' 8 Niini njaji pekipenai caconaaperri njite pjiomi njaji inaiki naaco Acab irso: ''Mjemitsa lrirso, manaitjatsa cayoji lrioma capisho pinaitjaca lrirso.'' 9 Niini Acab iaco narso njaji ideecaperri iacoti Ben Adad irsoperri: ''Icaite lrirso jliaji nominalri, jliaji notalricanaa. Nonaitjaotsa pjiomi jliaji lritatjalri noinai, njoa lrirsodalri jliaji lriinitalri lritatjalrica noiani, mitsa jliaji lripietalri lritatjaca noinai, corriotsa nonaitjá carrocan.'' Ikeena nadiacawa Ben Adad icjaolre njaji lrirsoperri idecaperri iacoti lrirso. 10 Njite Ben Adad, idieta iacoti Acab irso, lrinaa nacaiteca lrirso cayoji: ''Nowayaketa caotsa matsiajerri jliaji yacaalre Samaria, ajadalri nocaiteca pirso corricaotsa cocaca pacapa Samaria ioya, corri miketsa lriwayolremi jliaji yacaalre nadee carrontja narsowao nacaapi rico narsowao lrinacjoite njaji nonaikite. Matsiatsa naino cadaa njoa njaji nodiotenai corri cadaa nonaitja cayoji nocaite capisho.'' 11 Njite Irael italricanaa idieta iacoti Ben Adad irso, lriaco: ''Icaite Ben Adad irso cayoji. Manaatsa jiameeta cada sho kena lrianjiacacawa lripjeya toa wainoacacawa.'' 12 Ben Adad jimi jliaji iacoti lriirra cadaana toa nainai njaji paana talricanaatinai lrinacojleda perri napanaita rico. Ben Adad inaa namatsietaaca carroa, naa carro oowi rico njaji lrinaikite atsianai. Niini, ikena namatsietaacawa nawapá carroenatsa naa carro nainoacawa Samaria icjoete. 13 Njite pada inoparrotacada ino Irael italricanaa, Acab iderse, lriaco lrirso: ''Cayo lriaco jliaji wa Minalri: ¿Capja picapaca njaji tsolrodaonai aimadan? Picapaotsa, Nocada caotsa picaapi rico panayana jliadaa jeecoapica jliaji, pianjíi carroatsa icatsa pi Minalrica Njoa.'' 14 Njite Acab jiepani, lriaco: ¿Coca inacjoite watsa pinaitja cayó? Wa Minalri jliepani lrinoma lricjoite jliaji inoparrotacada, lriaco: ''Nacacjoite watsa njaji talricanaatinai iwapacape yacaalre tsocoepe irsoperri.'' Njite Acab icaite tsenacja: ''¿Cocaotsa iniita jliaji oowi? Njite wa Minalri jliepani lrinoma lricjoite jliaji inoparrotacada, lriaco: ''Pjia watsa iniitan.'' 15 Niini Acab iwaketa narsoperri njaji talricanaatinai iwapacape yacaalre tsocoepe. Dociento trenta do namaimaca pjiomi. Njite Acab iwaketa pja njaji tsolrodaonai Irael ricope pjuiomi; siete mil namaimaca. 16 Njaji Iraelitanai nawa naicjaolre dainoma nacojle. Ben Adad irrampe njite lridewana lripanaita lrico naapiya njaji trenta do talricanaatinai lrinacojleda perri, lrinaiperri. 17 Njite narsoperri njaji talricanaatinai iwapacape yacaalre tsocoepe, naawa napjeya. Mitsa Ben Adad, icadanda icapacaope lricaowa dawacaitsa napecolrico njaji Iraelitanai, nacaite jlimi nano kena njaji atsianai Samaria lricope naicjaolre. 18 Njite Ben Adad iaco narso njaji lrinaikite: ''Corri panjii nano cadaa matsiacalri rico o nanoca nainoacawa, mitsa jipaotsana caafitsa.'' 19 Niini narsoperri njaji talricanaatinai iwapacape yacaalre tsocoepe namotoa yacaalre ioya, njite njaji tsolrodaonai nanoca njaapodam. 20 Nacoanaatsa nainoca nacoema, njite njaji arameonai napito Iraelnai ioya, mitsa napineetana. Njite Ben Adad, Aram italricanaa oopi lripito naoya lri caballon naco njite njaji jiecocape nanaco njaji caballo tsacja. 21 Ikena jliaji Irael talricanaati Acab, lrimoto nacjoete lriino carrona, lriino nja caballo njite njaji caballo irsocape carreta njapodamjite, lriino aima arameonai niini. 22 Niini jliaji inoparrotaada, ino lriderse jliaji Irael italricanaa, lriaco lrirso: ''Panaya pidienawa, picjaidataacawa, njite piwanjii watsa matsia coancaotsa pinaitjaca, ima pawalria nacoatsa, jliaji Aram italricanaa lrino tsenacjaotsa picjoete.'' 23 Njaji talricanaati Aram irsoperri naaco lrirso: ''Awacada idioteca jliaji nadiote. Caishopa cjaida pjaacana waoya niini. Mitsa panaya picadaa waa carro wainoacawa nacjoete pacoaca cawa naco jiipai, icatsaotsa cjaida pjaca fa naoya niini.'' 24 Njite pjita njaji talricanaatinai pinacojleda perri iwapacape yacaalre tsocoepe; pjita naoya natalricanaaca picadaa carroenaca capitamanai nanaco njaji tsolrodaonai naarontacao. 25 Pjirreta tsenacja walripe tsolrodaonai nacayosho piatsa njaca nainolri pioya, coshoca nja caballo njite nja carreta tsacja coan piaca namaimaca, waa carroatsa wainoaca nacjoete pacoaca cawa naco jiipai. Icatsaotsa cjaida pjaca fa naoya niini.'' Njite Ben Adad jimi jliaji nacaiterri lrirso, jliepana lrinaitjá carro cayoji nacaite capisho lrirso. 26 Njite pawalria naco iniitacao, Ben Adad iwakeeta njaji arameonai, njite lriacawa Afec ricojle lrinoacá carro nirse nacjoete njaji Iraelnai. 27 Nawacaaca caaminao njaji Iraelnai njite namatsietaacawa nainoacá carro nacjoete. Njaji Iraelnai nawacaacawa nacjoete, mitsa cayoca pacapana nacoema icjoete cayoji yamapoco ovejanai orrai pemi, mjaida pemi nacjoete. Nja cadana njaji arameonai, napacjanta pjiomi jliaji nainoacalriotsa niinio. 28 Njite pada inoparrotacada itsoomita Irael italricanaa, lriaco lrirso: Cayo lriaco jliaji wa Minalri: Nacaite capoa njaji arameonai wa Minalri icjoete, diocani awacada nacotsa, mitsa corrica diocani pacoaca cawa naco jiipai, Nocadaotsa picaapi rico njaji tsolrodaonai aimadan, pianjíi carroatsa Dioca Njoa.'' 29 Niini nawacaacawa, neema nacapacawa nacjoete waca siete jalredaoca. Siete jalredaoca nacoena, ikeena nainita kena nainoacawa. Njaji Iraelnai naino cien mil arameonai padaa nacotsa. 30 Njaji pana njeco napitoa yacaalre Afec lricojle, lriwawa lricojle, njite lriwai jliaji yacaalre jliwacawa nanaco njaji ventisiete mil atsianai namacajim, iacapetja idawaacawa. Mitsa Ben Adad jieco jiewao idawaacawa yacaalre rico, lrianji lridawaacajiwa panticoami. 31 Niini njaji Ben Adad irsoperri naaco lrirso: Pjimi kje warso, femi nacaiteca nanaco njaji talricanati Iraelnai riope itaita capetsa kjenaaca icapaca parso. Pinaitja matsiacalri, picadaa feetaca wanacoa wa tsayaniwa tsaco wanapem sho wapapinda waawalre naco, njite wapapi tsacjaotsa fewida naco, waa carroatsa lricjaolre jliaji Irael italricanaa. Pawada cayoca, corri lriino pjia.'' 32 Ikeena njeta natsayaniwa tsaaco wanam napapin naawalre naco njite napapi tsacja njewida naco, njite naawa lricjaolre jliaji Irael italricanaa, naaco lrirso: ''Cayo lrinaa wacaiteca pirso jliaji pirsodalri Ben Adad: ''Pinaitja matsiacalri norso, mainotsa njoa.'' Njite Acab jiepani, lriaco: ''¿Capja caafi catsani?'' Ima nokitsinca jlia.'' 33 Njite njaji atsianai nawapa nacapa tsia coancaotsa Acab inaitjaca, niini kjeya calrim njeepani, naaco: ''Ajaca, caafirri catsa jliaji pikitsin Ben Adad.'' Niini Acab inaa naaca naoma lrirso Ben Adad, njite lricadaa lriofaca lriinai lri carretan naco caballo nacoda. 34 Niini Ben Adad iaco Acab irso: ''Nodietaotsa pirso pjiomi njaji yacaalre njonirri jitampe pjinirri ioya, njite pikjenanataji pirsowao Damasco lrico, cayoji njonirri inaitja capisho Samaria lrico.'' Niini Acab iaco lrirso: ''Cayo cadaa pinaitjaca iacoti noinai picaite capisho corri noino pjia.'' Ikena Acab inaitja pada iacoti lriinai njitena lricada lridiá carroa. 35 Njite pada atsia profeta, neenipe nacjoite njaji profetanai, lriaco lriprofetan cawerri irso, Dio inaacalre, lriaco: ''Pinaitja matsiacalri, pitoda njoa.'' Mitsa corri jliepani lritodacan. 36 Njite jliaji profeta lriaco lriprofetan cawerri irso: ''Corri capoa pjiepa jliaji wa Minalri iaco, pidiá cádanacoatsa nooya, apana yaawi iinocaotsa pjia.'' Niini cayotsa lricaite capisho. Lridia catsa lrioya apana yaawi imoto lricjaolre, lriinoni. 37 Njite jliaji profeta lrioketa apenacja, lriaco lrirso: ''Pinaitja matsiacalri, pitoda njoa.'' Niini jliaji atsia lritodani njite lrinaitja lriyaonio. 38 Ikeena lriacawa jliaji profeta lriwapá carro jliaji talricanaati inipolrico; njite lripapi trapowana sho lritjí naco lrimatjinaata carrotsa talricanaati ioya. 39 Talricanaati jiyapa cadanao, jliaji profeta iwana lricjaolre, lriaco lrirso: ''Noinoaca cádanacoa jorrecawa pja wacoema, njoa pirsodalri, pada tsolrodao wanacjoite dalri idee norso pada wacoema, lriaco norso: ''Piwapaotsani, mitsa lripito cadaotsa pioya, pjia watsa icaoña picafica sho, o piacaotsa tre mil moneda palraata. 40 Mitsa, aima capoa nodenjicalre, corri noema pafetsa, jliaji wacoema, oopi lripitowa. Njite Acab iaco lrirso: ''Cayoatsa picaoñaca pimatsicanaa, cayotsaji picaite capisho pjiwacatsa.'' 41 Njite, kjeyacalrim jliaji profeta jita lrioyao jliaji trapowanam lripapinada lritji naco, njite jliaji talricanaati Irael ricoda icapa padaca nanacjoite njaji profetanai. 42 Niini jliaji profeta iaco lrirso jliaji talricanaati: ''Cayo lricaiteca jliaji wa Minalri: Corri capoa piino jliaji atsia nocadanda picaapi rico, noomanda piinocani, icaamitsa picadaata lriawa, pjia nacjaotsa mayami lrinaco, njite njaji pinaikite, lrinaikite naco.'' 43 Niini Acab idiawa lriipana lricojle lriwaopiakje maatsidalri iapiya njite kerroani, caitsa lriocacawa Samaria lricojle.
1 Apapia naojlena jalredaoca, Nabot Jezrel ricoda pia lrisoca lri kiníkerre uvapji tsoomi Acab iipana ioya (talricanaati dapana), talricanati Samaria lricoda. 2 Niini caacoca Acab, Nabot iapiya lrinaco jliaji lri kiníkerre uvapji, lricadaa carro lrirson lrinaitja carro paniapjidao talricanati dapana irso ima tsoomicani lrioya. Licaite lrirso lria carro lrirso paapji uvapji lricoadao matsiadalri pja lrioya paafe ricojle o lricaoñaca lrirso palraata sho coshoca lricoada. 3 Mitsa Nabot iaco Acab irso: ''Corriotsa wa Minalri icadaa carroca noá carrontja pirso jliaji nacadanda norso njaji nocoanjecanai.'' 4 Niini Acab idia jiewao lriipana lricojle, maatsi lriwaopiakje, kerroani corricapoa Nabot Jezrel dalri jiepani. Lricaite capoa lrirso: ''Corriotsa nocadaa carroca pirso jliaji nacadanda norso njaji nocoanjecanai.'' Lriorsoawa tjewacajle lrinoma lriorsoa carroita naco, njite corri lrioma lrinjaca. 5 Acab iino, Betzabel iáa icapa lriderse, roaco lrirso: ''¿Coadao inona picaolre, imalri corrica pinja?'' 6 Njite jliepano: ''Caaco njoa Nabot Jezrel dalri iapiya, njite notatja lrioya jliaji lri kiníkerre ovapji palraata sho o noá catsantja lrirso paapji nacja lricoadao, mitsa lricaite norso corricatsa lricadaa carroca norso.'' 7 Niini lrino Jezabel iaco lrirso: ''¿Capja corrica pjiaca Iraelnai italricanaa? Pjinico pinja, catiima carro picaolre. Njoa watsa jita Nabot Jezrel dalri ioya lri kiníkerre ovapji pirso. 8 Ikena Jezabel idana papje paperra acab iipitana naco, njite rocadaa lricaapirro iecoa lrinaco sello sho, njite romeenaca jliaji paperra narso njaji pekipenai caconaperri njite narso tsacja njaji riconai iofaacae manao iwacaacawa acab iapiya, njite iofaacape tsoomi Nabot ioya. 9 Rodana paperra lrico cayoji: ''Icaite narso njaji inaiki mainjaca carrona njite icadaotsa Nabot iofaawa napeyajle njaji inaiki aimadan naofa cawa njaji caconaperri. 10 Icadaa tsacjaotsa yaame atsianai cashaaperrim lricodapi, njite icadaotsa nacashatá carro lrinaco nacaitecawa lrinaco cayoji: ''Caaco pjia maatsi Dio naco njite lrinaco jliaji talricanaati. Njiteotsa ideeni pemajle iino carron jiipada sho.'' 11 Niini njaji yaame atsianai, njaji pekipenai caconaperri, njaji riconai iofaacape lriyacalre rico, nanaitja cayoji rodana capisho paperra lrico romeenacanda narso. 12 Nawaketa njaji inaiki maijaca carrona, njite nacada Nabot iofaawa caconaperri iofacawa naco napeyajle njaji inaiki aimadan. 13 Njaji yaame atsianai cashaperrim naoca njewao njite naofawa Nabot ipeyajle; ikena nacashataca Nabot icjoete napeyajle njaji inaiki aimadan, naaco: ''Caaco maatsi Nabot Dio naco njite talricanaati naco tsacja.'' Ikeena namotoeta can pemajle yacaalre ioya nainó carron jiipada shon. 14 Njite njaji pekipenai caconaperri nameenaca iacoti Jezabel irso, naco rorso: ''Opina naino Nabot jiipada sho, opina mayamini.'' 15 Njite Jezabel jimi caami nainoca Nabot jiipada sho, oopica mayamini, rocaite Acab irso lria carro jlipa lrirsowao jliaji uvapji Nabot iyadami Jezrel dalri pia, jliaji corridalri pia lrioma lri vendeeca Acab irso. Ima corrinatsa caafica Nabot, oopi mayamini.'' 16 Acab jimi cádanaco opica mayami Nabot, jlinicoa lriá carro kiníkiapji uvapji rico Nabot Jezreelita iyadam jlipá carro lrirsowaonai. 17 Ikeena caacoca Dio Elía tisbita dalri irso, cayoji: 18 ''Panaya pjinicoa piá carro picapaacawa lriapiya jliaji Irael italricanaa Acab, iofacada Samaria lrico. Aotsaniji Nabot ikiníkerrem uvapji rico, ima lriakena jlipá carro lrirsowaoni. 19 Picaiteotsa lrirso cayoca wa Minalri icaiteca lrirso: ''Oopi piino Nabot njite piñaino lri kiníkerre pirsowao.'' Picaite pjaotsa lrirso cayoji: ''Cayo wa Minalri icaiteca: Atsaji, tsíno iperró carromtsa Nabot írranami, niini tsacjaotsa tsíno ipérroatsa pírranam, ajaca, pírrana watsa napérro.'' 20 Niini Acab iaco Elía irso: ''¿Pioketaca njoa, njoponda?'' Njite Elía jiepani, lriaco lrirso: ''Noketaca pjia, ima pjiacatsa icadaacawa pinaitjá carro maatsi wa Minalri ipjeyajle.'' 21 Wa Minalri icaite pja pirso: ''Pjimi matsia norso, nodeotsa maatsidalri pinaco, nowayaketaotsa matsianjerri ima corricaotsa pirso carroca pada atsiada pinacjoite dalri pjiomi Irael rico, nanacjoite cantja njaji narsoperri o nanacjoite cantja njaji corri petsa naroperricana. 22 Cayoatsa nonaitjaca piipaneta nonaitja capisho Jeroboam iipaneta, Nabat irri. Nonaitja capisho tsacja Baasa iipaneta, Ahia irri, ima piomeetaca njoa niini keroaca njoa pima capoa nanaitjaca namatsicanao njaji Iraelnai. 23 Wa Minalri icaite tsacja cayoji Jezabel naco: ''Njaji tsíno naijacaotsa Jezabel idakim Jezreel iwaida icodapi.'' 24 Cocacaotsa mayami anji yacaalre rico Acab inacjoite dalri cadaa, tsínoatsa injani. Mayami cadan awacada lrico, waayolri watsa inja nadakim.'' 25 Corri piatsa pacapa pada inaitja cada cayoji Acab inaitja capiso, jliaji icadaaca cadao lrinaitja carro maatsi wa Minalri ipeyajle, jliaji icadaaca cada lrino irso lrinaitja carro maatsi. 26 Acab inaitja cadofialre perri narso njaji idolonai lricadalri lricaolre inaco, cayotsa lrinaitjaca nacayo shotsa njaji amoreonai, njaji inaiki Dio iwayakeetalri pia naoya njaji Iraelitanai. 27 Acab jimi cádanaco njaji iacoti, lritsafaa lritsayani lrinaconda njite jlieta lrinacoa tsacowanam, njite maijaca cani, lriñampacawa tsaco wanam sho njite iinonani tsacja. 28 Njite caaco tsenacja wa Mianlri Elía irso tisbita dalri cayoji: ''Picapa coanca kenaaca Acab ianjiacacawa Nopeyajle. 29 Kenaa capoa lrianjiacacawa Nopeyajle, corriotsa Nodee carroca matsirri Acab iipaneta naco caafi cádanacotoani; mitsa Nodeotsa matsirri Acab iipaneta naco lrirri cádanaco jimao.
1 Madalriwalria oonia jiyapawa corricawatsa Irael inaitja oowi Aram icjoete. 2 Njite madalri walria oonia jiapodam, Josafat, Judá italricanaa iáa icapa Irael italricanaa iderse. 3 Njite jliaji talricanaati Irael ricoda iaco lrirsoperri irso: ''¿Capja ianjíi wayadaca jliaji Ramot Galaat ricoda, mitsa faa corri coca wanaitja fetá carro lrioya jlaiji talricanaati Aram ricoda?'' 4 Niini lriaco Josafat irso: ''Capaotsa pinoca noinai oowi rico Ramot Galaat ricoda lricojle?'' njite Josafat jiepani: ''Pjia capishotsa njoa, njaji nonaikite pinaikitecana shocatsana, njaji no caballon caitsacjana piyaape capishotsana.'' 5 Niini Josafat iaco pja lrirso jliaji talricanaati Irael ricoda: ''Pinaitja matsiacalri pitatja wa Minalri iinai lricaité carro pirso cocaca jliaji pirsolritsa piinita pinaitjca.'' 6 Niini Irael italricanaa iwakeeta cuatrociento atsianai inoparrotacape, lriaco narso: ''Icaite njomi, ¿Capja matsiatsa noaca oowipeca njoa Ramot Galaat ricoda lricojle?'' Njite naaco lrirso: Piena pinaitja oowi nacjoete, ima wa Minalri icadaacaotsa poicaapi ricon, pjia talricanaati.'' 7 Njite Josafat jiepani, lriaco: ''¿Corrinatsa pacapa anji pada pja inoparrotacada wa Minalri irsodalri watatjaoda femí carro pja waicao?'' 8 Nini Irael itarlianaa lriaco lriepaca Josafat: ''Niini toa pada atsia watatjá carro wa Minalri iinai lrikitsindatá carro fa, lriipitana Micaia, Imla irrí, mitsa maatsi nocapaca lrirso ima corritsa coancadanaco-ca lrinoparrotá nonaco matsia, icaamitsa lricaiteca iñaakjeti naco.'' Nini Josafat iaco lrirso wadee caacoca cayo jliaji talricanaati. 9 Njité dalri jliaji talricanaati Irael ricoda iwana pada caconaite lrinaa carro, lriacarro lriwana Micaia, Imla irri lricjaolre. 10 Cayocadanatoa Acab, Irael Italricanaa njite Josafat, Judá italricanaa naofaa catoa nacoana naofaa carroda naco caconaadalri. Natsayan caacona carroda lricona, njite pantinomajle, pjeewá carro Samaria lrico neemao njaji iniparrotacaperri nanoparrotaca napeyajle njaji talricanaatinai. 11 Njite Sedequia, Quenana irrí inaitja lritsowao tsípalra sho, njite lriaco: ''Cayo wa Minalri icaiteca: ''Nasho njaji, itodacaotsa njaji arameonai a kjerrecatsa iwayakeetana.'' 12 Njite pjiomi njaji inoparrotacape nacaite tsacja cayo: ''Iáa iino njajji Ramot ricope Galaad ricoda ima jiameeta caotsana, ima wa Minalri icadaacana talricanaati icaapi ricona.'' 13 Njite jliaji ideecada iacoti Micaia irso, iaco lrirso cayoji: ''Picapakjee, pjiome njaji inoparrotacaperri nacaite iacoti matsiaperri pacoacatsa wa talricanaa irso. Pinaitja matsiacalri picaite tsacja iacoti matsiaperri cayotsa nacayosho.'' 14 Mitsa Micaia icaite cayoji: ''Ajádalrica caafidalricatsa jliaji wa Minalri, coca cadaa no Minalri icadaa nocaite carro icatsaotsa njaji nocaiterrica.'' 15 Njite Micaia ioca cádanaco talricanaati ipjeya, talricanaati iaco lrirso: ''¿Micaia, capja warsotsa waaca oowi rico Ramot ricojle Galaad ricoda o corrim?'' Njite Micaia jiepani, lriaco: ''Pia piinoacawa panaya, ima wa Minalri icada picaapi ricona.'' 16 Njite talricanaati iaco lrirso: ''Caidalri manatsa nocaiteca pirso picaité carro norso iacoti ajádalri sho wa Minalri iipitana nacó.'' 17 Niini Micaia iaco jiepacan: ''Nocapa pjiomi njaji Iraelnai macada nanjicawa awacadalrico, cayoji oveja maminalripem sho, njite wa Minalri iaco cayoji: ''Njaji, corritsa narsoenca iwapacadana. Warsa wacadaa nadiá carro naapana lricojle matsiatsa.'' 18 Nini jliaji Irael italricanaa iaco Josafat irso: ''Nocaite capa pjia, corritsa lricaité carroca nonaco iacoti mtsiadalri, icaamitsa iacoti maatsí perri.'' Ikeena Micaia icaite paaca, lriaco: '' 19 Pjimica njaji iacoti Dio icadaalri pisowalrepe: Nocapa wa Minalri iofacawa lriofa carroda naco, njite pjiomi njaji inoaca cápewa lrirsoperri neemacawa Lripeyajle lriyekema nacó njite lripatolriema naco tsacja. 20 Nini lriaco jliaji wa Minalri: ¿''Coca itaita iacawa lrimanalrietá carro Acab iwaopiakje, lriá carro lrinoacawa Ramot Galaad ricoda icjoete nainó carro nirsen? Niini nja paana nacaite pada iacoti, njite nja papoco nacaite tsacja teecojle 21 Cayo cádamaco, pada caolriti ino iemao wa Minalri ipeyajle, lriaco cayoji: ''Njoa watsa imanalrieta lriwaopiakje.'' Njite wa Minalri iaco lrirso: ¿''Coanjeotsa pinaitjacan?'' 22 Nini jliaji caolriti jiepani: ''Caolriti cashadalrimca njoa, nini noawatsa nocadaa carroatsa namotoetaca ishaatitsa nanoma lricjoite njaji inoparrotacape lrirso. Njite wa Minalri jiepani: Pjia pedaotsa icadaa jliepaca ishaati, njite matsia caotsa lrimotoca pirso lrinaco jliaji pialriotsa pinaitja. Warsena pia pianitja jliaji picaiterri. 23 Nini Panaya, wa Minalri icadaa pada caolriti cashaadalrim nacaite carro ishaatitsa njaji inoparrotacape pirso, njite wa Minalri icaite corricatsa matsiá carroca pjia.'' 24 Nini Sedequi, Quenana irrí jinico iñaa Micaia icacoda naco, njite lriaco lrirso: ''¿Coandalri ricocja inipo lriawa jliaji Caolriti wa Minalri iyada lricadaa carro njoa caicarro caaco kenacja pirso?'' 25 Njite Micaia jiepani: Enaotsa pianjíi jliadaotsa jalredaocaca pianji cádanacoenaotsa pjiewajiwa panticoam pianji capoa pioma pidawaca carrodao. 26 Njite jliaji talricanaati Irael ricoda iaco narso njaji lrirsoperri: ''Jipa idee Micaia Amón iderse, jliaji yacaalre talricana, njite lriderse tsacja jliaji nirrí Joás, iempeti caaconaite. 27 Icaite lrirso nonacjoite, cai lriaco jliaji talricanaati: Ipresota jliaji atsia njite jatjamitsaotsa iaca lrinjao, lriirrao tsacja a kjerrecaotsa nodia nocao matsiatsao.'' 28 Njite Micaia icaite: ''Pidia cadaotsa matsiatsao, noanji pedaotsa corricatsa wa Minalrica jliaji caacolri norso 29 Nini Acab, Irael italricanaa njite Josafat, Judá italricanaa, naawa Ramot Galaad ricoda icjaolre. 30 Jliaji Irael italricanaa iaco Josafat irso: ''Noawatsa noinoacawa nainai, mitsa njotaotsa nooya notsayan talricanaati carroda njoa wadee naanjica njoa, mitsa pjia talricanaati sho catsaotsa pjietacawa.'' Cayotsa lrinaitjaca jliaji Irael italricanaa lriá carro lriinoacawa oowi ricó nainai. 31 Njite jliaji talricanaati Aram lricaite narso njaji trenta y do lricapitamanai jiecojicape caballo naco, irso cape carreta njapoda, wadee nainoca njaji coamperri catsa tsolrodaonai, icaamitsa lrinaa nainó carro jliaji talricanaati Irael ricoda. 32 Nini njaji capitamanai nacapa cádanaco Josafat iemacao njeeco lriicjaolre nainó carron nawada capoa jliaca Irael italricanaa. Mitsa Josafat jiemataca cjaida. 33 Njite nacapa cádanaco njaji capitamanai corrica jliaca Irael italricanaa, nadia lrioya. 34 Mitsa pada atsia iyawitaá macadatsa niini lriyawitaca jliaji Irael italricanaa lritsayan taimi dalri ipecolricotsa. Nini Acab iaco lrirso jliaji ideecada lriapiya, lridieta carroni nainoacalriwa njite ima nayawitacani matsinaa. 35 Matsinaa nainoacacawa oowi rico jliadaa jeecoapi njite jliaji talricanaati Joab lriemacatsao lri carretan lrico nacjoete njaji arameonai. Mitsa jliadatsa dainoma mayamini. Corri pia yaami lrirrana imotocao lriyaoni ricjoiote niini lriarrocawa lricarretan iwawalrico. 36 Njite tsomikena deepi carro naicao, cjaida nawanaca njaji tsolrodao Iraelitanai, naaco: ''Idienawa icoanaa iyacalre ricojle; jipaite ricojle.'' 37 Cayotsa mayamica jliaji talricanaati Acab njite nadeecani samaria lricojle, nirsetsa nadawani. 38 Nacotso lricarretanim nadanatanda rico ooni Samaria lrico, napitacawa lrico tsacja njaji inaitjepe ianjiicape idakitaacawa macadatsa, njite njaji tsiino naperroca lrirranam, cayotsa jliyapacao wa Minalri icaite capisho lrinaco. 39 Njite njaji Acab inacoapana, pjiomi njaji lrinaitjalri, jliaji panti marfil dapana lrinaitjanda, njite nja yacaalre lrinaitjaji nadana paperra lrico nanacoapana lricoda njaji talricanaatinai Irael ricope. 40 Cayotsa mayamica Acab njite nadawani nacodapitsa njaji lripjeyadampe pia, njite lrirri Ocozia italricanaata jliapodam. 41 Njite cadaa Judá lrico, Asa irri Josafat inita pia italricanaataca niini, cuatro oonia caamina talricanaatica lripjeya jliaji talricanaati Acab Irael ricó. 42 Lrirso piakena trenta cinco oonia lripekirrica naco jliaji Josafat lriniita caojli pia lritalricanaataca. Lritalricanaata venticinco oonia Jerusalén ricó. Azuba pia jlidoa iipigtana, Silhi iito 43 Josafat inaitja matsia cayotsa jlinirri Asa sho pia, lrinaitja matsia wa Minalri icapa. Mitsa corri lripeecoca njaji yenondaripe, nainocawa lrico maaficalri njite namjaitacawa lrico tsacja incienso idolonai irso. 44 Corri pia Josafat inoacawa Irael italricanaa icjoete. 45 Njite njaji Josafat inaitjaji inacoapana, jliida nacapanda lrinaco njite coanpiaca jlinaitjaca oowi nada nerroa paperra lrico nadana cawa nanacoapana njaji talricanaatinai Judá lricope. 46 Lripeeco nawa jlipaite ioya njaji inaiki inaitjacape macadatsa nadaki sho naashopa matsiadalri idolo irso, njaji inaiki aperri piatoa jlinirri Asa caojli pia talricanaati. 47 Corri piatsa pacapa talricanaati Edom rico, icaamitsa pada caaconaite iwapacada niini. 48 Josafat inaitja pia jorre iita macafianipe; naashopao Ofir ricojle nadee carro owirro njite, mitsa corri piatsa naawa ima tococopeca njaca iita macafianipe Ezior Geber rico toa. 49 Niini Ococia, Acab irri icaite Josafat irso lricadaacarro lrirsoperri iacarro lrirsoperri iinai nerricoda njaji iita macafianipe. Mitsa Josafat icaite corrica. 50 Mayami Josafat njite nadawani jlinirrinaipemi icodapitsa, lriferrimi David iyacalre ricó. Njite lrirritsa Joram italricanata jliapodam. 51 Nini Ocozia, Acab irri iinita italricanataca Irael naco Samaria lrico diecisiete oonia cayaami talricanaatca Josafat, Judá italricanaa. Yamawalria oonia lritalricanaataca Irael nacó. 52 Lrinaitja maatsi wa Minalri ipeyajle. Lrinaitja cayotsaji jlinirri, jlidoa inaitja capisho pia, njite Jeroboam, Nabat irri inaitja capisho pia tsacja. Lricadaa Irael inaitjaca maatsi. 53 Lridenjí Baal irso njite lria tsacja matsiadalri lrirso caishopa lrikerroataca wa Minalri, na Diote njaji Iraelnai, cayotsa jlinirri inaitja capisho pia tsacja.
1 Salomón, David irri, lrikjaidatacawa lritalricanaaca lrico njite lriinaicatsa lriMinalri Dio njite lricadaa kjaidacani. 2 Caacoca Salomón narso pjiomi njaji Iraelnai, narso tsakja njaji comandantenai irsocape mil njite irsocape cien tsolrodaonai, narso njaji icaite cape nanaco, narso tsakja njaji caconaperri iempetipe toa Irael lricope, njite narso njaji njanirrinaipemi iipaneta tskja. 3 Niini Salomón, njite njaji iwacaaca caperri lriinai naawa lrinaco jliaji yenondalri Gabaón lrico, ima nirseca jliaji panti nawacaaca cawa Dio ipeyajle lrinaitjanda toa jliaji Dio irsodalri Moise jalrapocolri rico. 4 Mitsa David ideepiaca jliaji Dio ipatowan Quiriat Jearim lricojle, ima David inaitja piaca panti lriicaona Jerosalén lrico. 5 Lrinaa tsakja Bezalel, uri irri, Hur irri inaitjaca apana altar bronce sho, njite lricadaa lriemawa nawacaaca cawa Dio njaji inaiki Dio ipeyajle, niini Salomón njite njaji inaiki aimadan natsoomita niini. 6 Salomón itsoomita jliaji altar broncepe nacadanda nawacaaca cawa lrico, lriema carro Dio ipeyajle,njite lria ofrenda lrimjaitaji lrinaco. 7 Njite Dio icañjatacawa Salomón irso jliajda deepi, lriaco lrirso: ''Pitatjena noinai cocacatsa pioma Noaca pirso.'' 8 Njite Salomón iaco Dio irso: ''Ajadalri corrin pimacaca piacoami pinaitjanda njonirri David iapiya, ima picadaaca talricanaati carro njoa jliapodam. 9 Niini panaya, pjia no-Minalri Dio, pinaitjaotsa cayoji piacoam sho picaiterri pia njonirri David irso, ima picadaaca talricanaati carro njoa nanaco njaji inaiki aimadan. 10 Pia watsa norso ianjikjeti, iyeecati noanjíi carro coancaotsa nodeeca matsia njaji inaiki, ima ¿Coajintja notaita nodeeca matsia njaji inaiki aimadan, corri perrinatsa pataita paniweetaca? 11 Niini Dio iaco Salomón irso: ''Cayo capoa piwaopiakje picaolre rico njite corri capoa pitatja pirsowao cacoadaperri, inaaniti, caconaa carro pjia, njite corri capoa pitatja noinai noinó carro pioya njaji pjipondape, corrin tsakja pitatja jalripa carro picafica jalredaoca lrico; mitsa pitatja pirsowao ianjikjeti, iyecati pitaitá carro pideeca matsia njaji ianaiki aimadan, nocadaalri inaco talricanaati carro pjia, cayoatsa Nonaitjaca pirso. 12 Panaya nocadaaca pirso ianjikjeti njite iyecati. No'a tsakja pirso aima palraata, inaaniti, piaconawa tsakja. Corrin pacapa pada talricanaati pipjeyape, corrin tsakja pjiapodamperri irsocape njaji nocadaalri pirso.'' 13 Ikaamitsa Salomón idiacawa Jerosalén lricojle lrinakjoite jiaji yenondalri Gabaón lricoda, lrioya jliaji panti nawacaaca cawa Dio ipeyajle. Njite lritalricanaataca Irael naco. 14 Salomón iwaketa aima carrofiape njite jiecocaope nanaco, lrirso pia mil coatrociento carrofiape caballo nacope, njite mil inaiki jieco cape nanaco, njaji lricadaalri pacoa lrico yacaalre njite lriinaitsa nja paana, talricanaati iinai Jerosalén lrico. 15 Jliaji talricanaati lricadaa aima palraata, owirro tsakja Jerosalén lrico, njaji inaiki nacapacana pacapacaji jiipada, cedrona, pacapacaji njaji jaico sicómoro iemalriwa lripé rico. 16 Salomón idee pia nja caballo Egipto lrikjoite njite Coa lrikjoite tsakja. Ima njaji comerciantenai caconaaperri nirse mana naa nawenta. 17 Nadee Egipto lrikjoite nja carrofiape seiciento palraatape icoada, njite ciento cincuenta palraatape apana aballo icoada. Njaji nawentaji nadia nawendee narso njaji talricanaatinai hitita lricope njite narso njaji amorreonai.
1 Salomón inaa nanaitjá carro pada pana panti WAMINALRI ipitina icaona njite pada pana panti talricanaati dapana lritalricnaatacawa lrico. 2 Salomón icadaa setenta mil atsianai ideecaope nadeecalre, njite ochenta mil atsianai carrapina awacada lrico, njite tre mil seiciento atsianai iwacaope icapa njaji idenjicape. 3 Niini Salomón imeenaca iacoti Hiram irso, Tiro italricanaa, cayoji: ''Cayoji pinaitja capisho pia njonirri David irso, pimeenaca cádanaco lrirso jaiconape cedro lrinaitja shopao lriipana lriofa carrodapana, nooma tsakja pinaitjaca norso cayo. 4 Wadepenaotsa noinitaca nonaitjaca pada pana panti no-Minalri Dio iipina irso, Lriyadao catsa, wa mjaita carro niini incienso pomení perri iithan Dio irso, wa cadaa carro petje Lripeyajle niini icaitecada niini catsani, wa mjaitá carro lrirso maaficalri liini piyompinaco njite dainomajle naco tsakja sábado lrico njite walripi cádanaco keerri, njite wajoitaaca carroa wa-Minalri Dio irso. Narsowajle njaji Iraelnai caidalriwetsa. 5 Macadapanaotsa jliaji panti nonaitjalriotsa, ima macadalrica jliaji wa-Diote, ima macadalripjaca jliaji wa-Diote naoya nja apaana dionai. 6 Mitsa ¿Coca itaita inaitjaca panti Dio irso? Ima jliaji jalredaoca njite eenolricojle corrin lricoa-ca niini. ¿Cocao njoa nonaitjá carro panti lrirso, icaamitsa wa mjaitá carro maaficalri Lrirso lri-ricoda? 7 Niini pimeenaca norso pada atsia ianjicada idenjica owirro sho, palraata sho, bronce sho, tsípalra sho, njite iiyoti amolra perri, irrai perri, njite jipolre perri, njite pada atsia ianjiicada idanaca cocacatsa jaico naco. A watsa lridenji nainai njaji atsianai cayecaperrinatsa noinaiperri Judá lrico njite Jerosalén lrico, njaji atsianai njonirri David icadajitsa 8 Pimeenacaotsa norso jaico cedronape, cipres, sándalo Líbano lricope. Ima noanjíi, njaji pinaikite nanjíi coanca nayaoaca jaico Libano lrico. Pirsoperri caotsa njaji pinaikite, 9 iyoa carroatsa norso aima jaico, ima jliaji panti nonaitjalriotsa macade, matsiadalri pacapa. 10 Noa watsa narso njaji pirsoperri nocaoña shopana, njaji iyoa cape jaico, nueve mil tonelada trigope, nueve mil tonelada cebada, cuatrociento cuarenta mil litro jaico tjeda yaana, cuatrociento cuarenta mil litro aceite olivape.'' 11 Njite Hiram, Tiro italricanaa, jiepani lridananda paperra lrico, Salomón irso: ''Dio ipeyo capoa lrinaikite aimadan, Lricadaa pjia carro italricanaataca nanaco.'' 12 Njite Hiram icaite pja: Matsiadalrica jliaji IMINALRITI, na Diote njaji Iraelnai, jliaji inaitjalri njaji eenocoma njite jiipai tsakja, jliaji icadaalri David irso pada lrienipewa cajiikje dalri, Lricadaa matsiaperri lrirso, ianjicada icapaca lriicaowa matsia canjiikje dalri capoani, jliaji inaitjalriotsa pada pana panti Dio irso njite pada pana panti lritalricanaata carroda. 13 Nomenakjenina pada atsia matsiadalri, canjíikje dalri, lriipitana Hiram Abí, norsodalri, ianjikadetsa idenjica. 14 Apama Dan poco inakjoite darro, njite jlinirri ape atsia Tiro dalri. Pada atsia ianjicada idenjica owirro sho, palraata sho, bronce sho, tsípalra sho, Jiipada sho njite jaico tsakja; idenjicada tskja iiyoti amolra perri, irrai perri, njite jipolre perri sho, njite jerriwaikja matsiaperri sho tsakja. Ianjicada tsakja idanaca coandalricatsa inaco, lrinaitja tsakja coandalricatsa icapacana. Picadaotsa pawajle lriofacarrodao lriyadawa napecolrico njaji idenjicape pirso cayecaperri, njite nainai njaji no.talricanaa David. 15 Niini njaji trigo, cebada, aceite njite njaji jaico tjedaa ianaa picaiterri iacona pjia talricanaati, pimeenacana narso njaji idenjicaope pirso. 16 16Wayoenaotsa pirso njaji jaico Líbano lrico cosho catsa piomaca. Wadeotsa pirsona ooni rico njaji wapapiji nanacowaaca Jope ricojle, pidee carroatsa njitena Jerosalén lricojle.'' 17 Salomón iniweeta pjiomi njaji corri-perritsa judionaica iofaacapewa njepaite rico njaji Iraelnai, cayotsa jlinirri David inaitja capisho pia lriniweta caojli piana. Niini namaimaca pjiomi ciento cincuenta tremil seiciento. 18 Niini Salomón icadaa nanakjoite setenta mil atsianai ideecaope nadeecalre, njite ochenta mil atsianai carrapina awacada lrico, njite tre mil seiciento atsianai iwacaope icapa njaji idenjicape.
1 Ikena Salomón iniita kena inaitjaca Dio iipanao Jerosalén lrico, Awacada Moriah lrico, anji Dio icañjatacalriwa jlinirri David irso. Lrimatsieta jliaji jiipai David iwaopialri pia inaco lricaona, Ormán jebusita imeyatacawa pia napania iinaca. 2 Lriniita lridenjica yamadaa naco jalredaoca, yaamapi keerri naco, coatro walria lritalricanaaca naco. 3 Icatsa Salomón icatjinatalrica, nawi canje njaji pamjenai toa jlipocoa jliaji panti. Ventisiete metro jliwalripaca, nueve metro lrimacaiteca. 4 Njite jliaji pjewacawao lrirso jliaji panti macade lrirsopiaca nueve metro jliwalripaca, cayotsa lrimacaiteca shotsa jliaji panti, njite Salomón inaa naijetaca nanaco owirro matsiadalri sho. 5 Lrinaa naitaca jliaji panti iwawalrico njewa cawa pjiomi jaico cipre sho, njite lrinaa naijetaca nanaco owirro matsiadalri sho, njite lrinaa nadanaca nanaco macapje jinaapjia njite cadena jinapjia tsakja. 6 Lrinaa nanaitjaca lrimatsiacawa jliaji panti jiipada cacoadaperri matsiaperri sho; jliaji owirro nainjetalri niini jliwacatsa owirro nadenda Parvaín lrikjoite. 7 Lrinaa naitaca njaji coajai, njaji cocolriede, lriwai, njite nja pantinoma owirro sho; nerroeta tsakja aima querobin jinapjia lriwai naco. 8 Lrinaa tsakja nanaitjaca jliaji patawajle Dio icapacawa lrico. Njite pacoacatsa lrimacadalrica lri cayoshotsa jliaji panti, ventisiete metro jliwalripaca, nueve metro lrimacaiteca. Lrinaa naitacani owirro matsiadalri sho, wadeepe vente mil kilo owirro sho. 9 Njaji tapoa, narsopiaca pamoyoa kilo njamiñaca apjewitsa. Lrinaa tsakja nadaataca panti iwawalrico iicao owirro matsiadalri sho. 10 Lrinaa nanaitjaca yaamana Querobin jinaana lricaona jliaji panti tawajle mamatsicana cawatsa. Njaji cayeca peri inaitjalrina nadata nanaco owirro matsiadalripe sho. 11 Napje njaji querobinai yaamanape narsoca nueve metro njawalripaca padeenirri; niini apana querobin ipje lrirsopiaca yamaita metro njite paita pja pacaapi lrinacojle, lritoda pema lriwai nakjoite neemalri niini, njite caitsakja pema lripje cayo minitsa jliwalripaca lri todalri isho lripje nacojle jliaji aapana querobin. 12 Jliaji apana querobin lrirso pia tsakja yamaita metro jliwalripaca njite paita pacaapi lrinacojle, lritoda pema lriwai nakjoite neemalri niini; pema lripje cayo minitsa jliwalripaca, lrinotalri isho lripje pema jliaji apana querorin. 13 Niinina nueve metroca njawalripaca napje njaji querobinai padeenirri. Nacadaa nemawa njaji querobinai, njite nacapaca lri pamoyoaca nacojle jliaji panti iwawalrico neemalri niini. 14 Lrinaa néñaca pamaca yamacatiita pjirrintsida jipolredalri sho, amolredalri sho, irraidalri sho tsakja, njite jerriwai matsiadalri sho tsakja. Lrinaa tsakja nadanaca lrinaco queroninaijinapjiam. 15 Lrinaa tsakja neemetaca yaamana pantipje lricoemjete jliaji panti irsocape diecisiete metro njite pamoyoa pja paita irso nayenonca; njite nanaitja na tsapewaniwa irsocape yamaita metro njite paita pacaapi njawalripaca. 16 Lrinaa tsakja nanaitjaca cadeena naicaona njaji pantipje, njite lrinaa cadaacana napamoyoaca naco njaji pantipje; Salomón inaa tsakja nanaitjaca cien coyadape nacadaa carro nerroa nanaco njaji cadena. 17 Lricadaa nemao njaji pantipje lricoemjete jliaji panti macade, apana iemawa atsia jliemajle njite apana inarroemajle. Lricadaa lriipitanao jliaji atsiejlema dalri Jaquín. njite jliaji inarroema dalri Boaz.
1 Salomón inaa pia tsakja nanaitjaca apana altar bronce sho irsocada nueve metro jliwalripaca, nueve limacaiteca, cuatro metro njite pamoyoa pja paita nacojle lriyenonca. 2 Hiram inaitja tsacja broncepe sho paapji ooni iarrodao, irsocada coatro metro njite pamoyoa pja pada naco lrinoma imacaiteca, lriyenonca irso pia yamada metro njite paita pja pacaapi lrinaco, njite pjiomi lrimacaiteca matojledá dalri lrirsopiaca trece metro njite pamoyoa pja pada nakjoite. 3 Lrinomapi iapjite jliaji ooni iarroda lricadaa coyada shoperrie irroa, nanaitjana lrinacotsa jliaji ooni iarroda nanaitja cádanacotoa, lricadaa papocotsa die coyadape shoperri yamaita pacaapi natecoca naoyawaaca. 4 Lrinaitja tsacja doce buey jinaana lricadaa carro nanaco jliaji oonio iarroda. Lricadaa naiwapjitaacacawa njaji buy lrinaitjaji, madalrina icapa jerri imotolri njiteo, madalrina icapa jerri ipatojliemajle, madalrina icapa jerri jiewalri icjaolre, njite madalrina icapa atsiajliemajle jerri irso. Niini jlaji ooni iarrona lriofaca nanaco njaji buey. 5 Coatrofi pacapjifida jlipandaca jliaji ooni iarroda, Njite lrinopai jliaji ooni iarrodao cayocani copa inomapi sho, lricadaa carro lrinomapicja imotoa potirapje sho. Jliaji ooni iarrona jlipa pia coarenta coatro mil litro ooni. 6 Hiram Inaitja die iarropetida ooni iarrodao nacotsoshopa njaji nadenjishopa Dio iipana lrico namjaita cayaami njaji ofrenda shoperri; lricadaa cinco iarropetida iemawa pema caitsakja pema. Mitsa njaji sacertotenai nacotsoacawa lrisho jliaji ooni macani iitada lrikjoite. 7 Salomón inaa tsakja Hiram inaitjaca die lampara shoni owirro sho, njite lrinaitjana cayotsa nanaa capisho lrinaitjaca; lricadaa nemawa Dio iipana lrico, cinco pema, cinco tsakja pema. 8 Lrinaa tsakja nanaitjca die mesa lricadaa carro templo lrico, cinco pema njite cinco tsakja pema. Lrinaa tsakja nanaitjaca cien poncherapipe owirro 9 Lrinaa tsakja nanaitjaca yacalrecoa shoperri panti iwawalricotsa nawacaaca carrocao njaji sacerdotenai, nacoana njaji yacalrecoa shoperri narsoca napananoma naijetanta bronce sho. 10 Lrinaa cadaca jliaji ooni iarrona ´panti iyekema nacojle, jeerri imotokema nackjoite icapacada atsiajliemajle jeerri irso. 11 Hiram inaitja njaji lampara shonipe, pala napeco shopa palripokjoa, njite njaji ponchera fiape naarroshoda nawitsieta shoapawa altar naco. Cayo pia Hiram idenjica talricanaati Salomón irso Dio iipana lrico: 12 njaji yaamada pantipje, njite na tsapeewan nanacope ponchera shoperri, njite lrinaitja tsakja corrarra nadanawa njite lrimatsiacapo pja njaji topji itsapewan. 13 Lrinaitja pia cuatrociento coyadape naicaona njaji yaamana topji itsapewan icorrarran nacope: lricadaa nerroa yamakjapewa nanaco njaji corrarra idaanatacape njaji topji itsapewani. 14 Lrinaitja njaji die ooni yarronape njite njaji naofa carrona; 15 aapana ooni yarrona nacani njite njaji doce buey lriofalri inaco jliaji ooni yarrona, 16 lrinaitja tsakja njaji palanganapipe, pala, aima tenedor natodashopa lripe, njite pjiomi nja paana pja canacairri nadenjishopa. Jliaji ianjicadetsa idenjica, Hiram, inaitja pjiomi njaji talricanaati Salomón irso, Dio iipana icaonada, bronce lriketitaji matsia sho. 17 Talricanaati Salomón inaa pia nadenjicana malritsicoa Jordán lricoda, caalri rico njepaite ioyawaca njaji yacaalre Sucot njite Seredata. 18 Cayotsa Salomón inaa nanaitjaca aima palangana shoperri; corri pienatsa nanjii coshoca lrimaimaca njaji bronce nanaishopana. 19 Salomón inaa pia jliaji inaalri nanaitjaca pjiomi njaji Dio iipana lricope, jliaji altar owirroni, jliaji mesa nacadacawa lriorsowa jliaji petje icaitecada ninica Dio; 20 jliaji lampara jirriconaa fie, njaji nacadaji kerraa carro panti iwawalricojlepja nanaitjanda owirro matsiadalri sho minintsa pjiomi; 21 njaji potira shoperri, nja lampara njite njaji napatoita shopa, nanaitjana owirro sho mintsa pjiomi. 22 Cayo tsakja njaji nayoa shopa lampara itsipo iemjen, poncherapipe, cuchara shoperri njite namjaitacawa lrico incienso nanaitjacana owirro matsiaperri-sho pjiomina. Coshoca jliaji pjewacawao lrirso jliaji panti, njaji pantinoma lriwawalricoperri njaji iacape lriricojle jliaji patawajle corricawa pacapa imatsicanaati, pjiomi njaji pantinoma Dio iipana lricoda nanaitjaca owirro matsiaperris-ho.
1 Nataita cayami nadenjica pjiomi jliaji Dio iipana Salomón inanda nanaitjaca, Salomón icarseta jliaji Dio iarcan lri-ricoda jliaji panti Salomón jinirri, David jienitanda pia lricaonada, coyoca njaji palraata, owirro, pjiomi njaji panti iitada lricadana namatsietacawa lrico njaji Dio iipana iyarroaji. 2 Njite Salomón nawacaaca carroa Jerosalén lrico pjiomi njaji pekipenai Irael lricope, nja tsakjanjaji nanaikika jiwidaapo njite njaji naapaneta jiwidaapo nacoanaa Irael lricoperri nadee carro jliaji arca, nacadaalri irricoda wa-Minalri iacoarom nadananda David iyacalre rikjoite, Sion, lri ricoda jliaji Dio iipana macade. 3 Nii pjiomi njaji Iraelnai nawacaacawa talricanaati ipeyajle, nacatimataaca carropi rico, siete keerri naco. 4 Nawacaacawa pjiomi njaji pekipenai iraelitanai, njite njaji levitanai nawaakje jliaji arca. 5 Nadee jliaji arca, nadee tsakja jliaji lripanapoco natiotanda pia lrinaco, nadee tsakja pjiomi njaji lriitada matsiaperri. Njite njaji sacerdotenai levitanai inanakjoite perri icatsa njaji ideericana. 6 Talricanaati Salomón njite pjiomi njaji iraelitanai nawacaacawa arca lripeyajle nainó carro oveja, buey corri perrinatsa pataita paniweetaca. 7 Njaji sacerdotenai, nadee jliaji wa-Minalri iacoarrom ipatowani lriofacawa lricojle, lriwawa lricojle pjaa jliaji Dio iipana, najirrica Patawajle corricawatsa paca Imatsicanaati, nanapje iapjite njaji querobinai. 8 Nanapje njaji querobinai napiajletampe iita arca iofacawa, arca fie njite njaji jaico nawakje carrona. 9 Jalripaperrica njaji jaico nawakje carrona niini pacapacana patawajle nakjoite, lricomjete jliaji corricawatsa pacapa imatsicanaati, mitsa corritsa pacapjencana padanjete. Cayo mini actsana panajiete. 10 Corri piatsa coca-caa lritada jliaji Dio ipatowani matsiadalri, icaamitsa njaji yamaita jipadaitape Moisé icadaalri pia Horeb lrico, Dio inaitja caojli pia iacoti naapiya njaji Iraelnai namoto caojli pia Egipto lrikjoite. 11 Njite namoto cádanacoa njaji sacerdotenai lrioya jliaji Patawajle Mamatsicana-cawa ioya, pjiomi njaji sacerdotenai jiewalri nirse namamatsicanataacacawa Dio ipeyajle padeenirri, corri cantja nawapa papoco jimao cádanaco. 12 Nja tsakja pjiomi njaji levitanai icantacaperri, nainai tsakja Asaf, Hemán, Jedutún, coshoca njaji neenipe njite waweenaipe tsakja, njeeta natsayaniwa jeerriwai máca matsiaperri sho, nakjemata parratoita shoperri, arpa njite jaicoita keñadaperri, nemawa jeerri imoto kemjeteo altar icodapi, njite neema tsakja nainai ciento vente sacerdotenai ipjiacape na-trompetan. 13 Nini njaji icantacaperri naapiya njaji ipjia cape trompeta, matsia pjemica namaolrena njaji nadenjirri yamapocope, nacadaa pjemica matsia namaolrena paa carro matsiadalri Dio irso lrimatsiaca ikjaote. Nacadaa ojemí carrona nasho nja trompeta, parratoita shoperri njite paana pja natoocaji, na canta, naa matsiadalri Dio irso cayoji: ''Ima matsiadalrica wa-Diote, corri capoa jlienawa riacoam ioya caidalriwenatsa.'' Ikeena jliada nacotsa pakjamica Dio iipana iwawalrico iyadaoca sho. 14 Niini lrikjaote jliaji iyadaoca, njaji sacerdotenai corrinatsa coaji nadenjica Dio iipana lrico, ima pakjamicani Dio imatsiaca melremelredalri sho panti rico.
1 Njite Salomón icaite cayoji: ''Jliaji wa-Minalri Lricaite pia lriofacaotsa cadaocadalri jipanda dalri rico 2 mitsa nonaitja pirso pada pana panti matsiadalri piofacarroatsa niinio caidalriwetsa.'' 3 Njite jliaji talricanaati icaboco naikjaolre njaji iraelitanai iwacaaca cápewa iemalri niini. 4 Salomón icaite : ''Waca matsiadalri wa Minalri irso na Diote njaji Iraelnai, caacolri pia njonirri David irso, njite lrinaitja cayoji lricaite capisho pia jliida kjaidádalri sho, lriaco: 5 ''Jliadaa nacjoitetsa njotaca njaji nonaikite aimadan Egipto lricjoite, corri noanjica nooma nayacale rico nja apaana inaiki tsa naoya najai Iraelnai nonaitjá carronta noopanao niini, niiní carro Noipitana caidalriwetsa. Corrin tjakja noniwanaca coandalricatsa jlia carro ianjíi nanaco njaji nonaikite aimadan Iraelnai. 6 Mitsa, icamitsa Noniwanaca jliaji yacaalre Jerosalén, niini carro noipitana iofaawa, njite noniwana David jlia carro italricanaata nanaconjaji nonaikite aimadan Iraelnai.'' 7 Njite njonirri David icaolre ricó, lrioma pia lrinaitjaca pada pana panti wa Minalri iipitana icaoya, na Diote njaji Iraelnai. 8 Mitsa wa Minalri icaite njonirri David irso: ''Matsia jliaji piwaopialri picaolre ricó piomacawa pianitjaca pada pana panti noipitana icaoya, 9 mitsa, corriotsa pjia carrocaotsa inaitjani, pada pienipe inocada pinakjoite, ljiá watsa inaitja jliaji panti Noipitana icaoya.'' 10 Opi wa Minalri inaitja cayoji lriacoarrom shotsa, ima njoaca njonirri David jiapodadaca italricanaataca Irael nacó, cayotsa wa Minalri icaite capisho pia. Nonaitjenina jliaji panti wa Minalri iipitana icaoya, na Diote njaji Iraelnai. 11 Nocadenina nirse wa Minalri ipatowa lriofalri niini Lriacoarrom lrinaitjalri naapiya njaji Iraenai.'' 12 Ikena Salomón iemawa wa Minalri ialtarni ipeyajle nacapawerrico pjiomi njaji Iraelitanai iwacaacalrio, njite lripiajleta nja lricaapi. 13 Salomón inaa pia nanaitjaca neema carronawa bronce sho lripamoyoaca lrico jliaji Dio iipana iyacalrecoa irsocada pia yamaita metro njite paita pacaapi jliwalripaca, cayo tsakja lrimacaiteca njite paita metro trenta cinco centimetro lriyenonca. Icatsa lriemacawa lrinaco lricadaa carro iacoti matsiaperri nanaco njaji Iraelnai iwacaacalrio niini, ikeena lripiajletaca nja lrinaapa yenonrse. 14 lriaco cayoji: ''Nominalri, na Diote njaji Iraelnai, corrim pacapaca pada caidalrimtja picayosho eenocoma lrico o jiipai nacojle cantja, jliaji corridalritsa imatadaca lriacoam narso njaji lrirsoperri inaitjacape nacaolre ricjoite cayoji pioma capisho. 15 Pjiatsa ikjaidata pia jliaji njonirri, pirsodalri David, Njaji Picaitejim Pinoma sho, oopina pinaitjana picaapi kjaidaadalri sho panaya. 16 Niini panaya no Minalri, na Diote njaji Iraelnai, pinaitja jliaji picaitenda pirsodalri David irso, jliaji njonirri picaite cádanaco cayoji: ''Matsia cadaotsa njaji pinacjoite perrii njeepaca noaco cayio picayosho, nanaitja cadaa cayoji Nooma capisho, corriotsa coancaojlica pacapaotsa pada pinacjoite dalri corridalriotsa italricanaataca Irael naco. 17 Niini notatjaca piinai panaya, pjia na Diote njaji Iraelnai pinaitja carroena cayoji picaite capisho pia pirsodalri David irso. 18 Mitsa, ¿Capja ajadalrica Dios itaita iofaacawa anji jalredaoca lrico? Ima jliaji jalredoca cajliaji corri lritaita jlipaca pjia, corri tsacja eeno cantja?¡Omami kena jliaji panti nonaitjanda! 19 Cayo cadanatsa, pinaitja matsiacalri, pjimi pirsodalri irso, njite jliaji lritatjalri piinai. Pjia no Minalri Dio; pjimi coanca, njoa pirsodalri iiyaca notatja cádanaco piinai paanaya. Nooma picapaca lricjaolre jliaji templo deepi rico njite jaalrewerrico, lrinacojle jliaji Picaitenda inaco niinicaotsa Picadaa Piipitana iofawa. 20 Pjimica jjiaji notatjalri piinai kjema lrinao jliaji panti. 21 iini, pjimica pirsodalri irso njaji lritatjalri piinai, njite narso njaji pinaikite wa tatja cádanaco piinai lrinacojle jliaji panti. Pjimiotsa warso Piofalri njiteo, eeno lricjoite, njite njaji wacaitenda pirso, picadaotsa njeyapaca pjioya njaji imatsicanaati. 22 Pada atsia inaitja cadaa maatsi lricodapidalri irso njite lrinaa lricaiteca iacoti ajadalri sho, njite jliepa cadani jliaji lrinaalri lrinaitjaca lrinaco jliaji pi-altarni lrirricoda pantica jliaji, 23 pjimiotsa lrirso eenolricjoite, njite pinaitja cayoji coanca picapaca nanaco njaji pirsoperri, cocacadaa irso maatsicalri, lrideecaotsa lrinacoa jliaji imatsicanaati, njite jliaji corridalritsa irso imatsicanaa, picadaa mamatsicanaatsani, ima corrica lrirso maatsicalri. 24 Nacoema jiameeta cadaa njaji pinaikite aimadan Iraelnai nanaitja capoa maatsi Pirso, mitsa nadia cadaa naoma Pjia, nacaite carro ajádalricatsa Pjia, njite natatjaca piinai, njite nacaite pjiatjá carro naoya namatsicanaa lrirricoda pantica jliaji, 25 pinaitja matsiacalri, pjimi narso eenolricjoite njite pjiatja naoya namatsicanaa njaji pinaikite aimadan Irael. Picadaa tsenacja nadiá carro njepaite ricojle Picadanda narso njite narso njaji naferrinaipemi pia. 26 Piita cadaa njaji eenocoma njite corri iiya jiwacao jiipai nacojle nanaitja capoa maatsi Pirso njaji pinaikite aimadan, mitsa natatjá lrinacojle jliaji piinai, njite nacaite pada catsa Pjia, nadia naoma Pjia, namaca naoyao namatsicanaa pjirrapiteta caaminana, 27 pjimica narso eenolricjoite, pjiatjaotsa naoya namatsicanaa njaji pirsoérri, njaji pinaikite aimadan Irael. Picananta caaminana coanca narsotsa nanaitjaca matsia. Picadenaotsa iiya jiwá carro njepaite naco, lrinaco jliaji jiipai picadanda narso njaji pinaikite aimadan nayadao. 28 Niini cadantja maawitacai jalredaoca lrico, o ipoati cadantja, mayamicantja nja paniati o yorri injacape nja paniati; o icoema iomacadaa iinocana nayacalré ipananoma lrico, jipaite rico, o nini cadaa imatsikeetacape paniati o ipoati cadaa; 29 njitentja padatsa inaiki o pjiomi njaji inaiki aimadan Iraelnai natatja piinai, njite nanjíi nacoanaa njaji imatsicanaati nacaolre ricoda njite napiajleta nacaapi lriemacawa icjaolre jliaji panti macadee. 30 Pjimiotsa narso eenolricjoite, piofalri njiteo. Pjiataotsa naoya namatsicanaa njite pinaitja narso cayoji natatja capisho, njite picadaotsa nacoadao njaji inaiki nacioanaa nanaitjanda ikjaote. Pianjintsa nacaolre ricó, ima icaamitsa Pjia, padatsa Pjia ianjiicada nacaolre rico njaji inaiki jalredaoca lricope. 31 Pinaitja cayo nafió carroatsa piiwana caidalritsa naofaa cádanaco jalredaoca lrico lrirricoda jliaji jiipai Picadaalri narso njaji waferrinaipemi. 32 Njite Jjia jliaji inaiki corridalritsa wanacjoite dalri Irael, inocada pada jiipai nacjoite, mitsa lrino cadaa piipitana naco, mitsa pimatsiaca ikjaote picadanda pjiomi irso, njite lritatjaca lricjaolre jliaji panti, 33 pinaitja matsiacalri pjimiotsa lrirso eenolricjoite, Piofalri njiteo, njite Pinaitja cayoji lritatja capisho Piinai inaiki pada jiipai nakjoite dalri. Pinaitja cayo naanjíi carroatsa Piipitana naco pjiomi njai inaiki aimadan jalredaoca lricoperri, cayotsa nanaitja capisho njaji pinaikite aimadan Iraelnai. Pinaitja cayo nanjíi carroatsa Pjiaca lriminalri jliaji panti nonaitjalri. 34 Naa cadantja, nainoacawa njaji Pinaikite aimadan nacjoete njaji nacoema, akjerrecatsa pimeenaca naawaji, njite natatjanta piinai, lrinacojle jliaji yacaalre piniwananda pirsowao, lriikjaolre jliaji panti nonaitjanda Piipitana isro. 35 Pjimiotsa eenolricojle jliaji natatjalri piinai, njite pikitsindatana nainoacalri icjaote. 36 Wacadaa nanaitja capishontja namatsicanao Picjoete, ima corri catsa pacapa pada mamatsicanaalritsantja, njitentja keeroa capoa Pjia nacjoete picadana nacoema icaapi ricona, njite nacoema ideeca presona teeco o tsoomi. 37 Njite nanjintja kjerrerseca nadeena njepaite ioya, njitentja nadia nawaopia namatadaca Pirso, njite nadia naoma Pikitsindatá carrona lririkjoite jliaji jiipai nadeecawajle presona njepaite ioya. 38 Njite nadia nacaite: ''Ajádalri corrica wanaitja matsia niini wanaitjaca maatsi. Corritsa wanaitjenca matsia.'' Njite wacadantja nadiaca Pikjaolre nacaolre ricjoite njite nacafica sho njepaite rico njaji nacoema ideecapena, nacadaalri nirse preso carrona, njite natatja cádanaco, nacapa njepaite iokjaolre picadanda narso njaji naferrinaipemi, lriikjaolre jliaji yacaalre piniwananda pirsowao, lriemalri nirse jliaji panti nonaitjanda piipitana icaona. 39 Pjimiotsa narso eenolrikjoite, piofacawa lrikjoite. Pjimi njaji natatjalri piinai ,njite pikitsindatana nanaco njaji naomalri piinai. 40 Panaya Dio, notatja piinai caiwi ricotsa, pimjeco njaji Pitji matsia, picadaa Pjinacolrico matsia Picoadatá carro njaji natatjalri piinai lririkjoite jliaji panti. 41 Niini panaya, no-Minalri Dio, pjinicoenawa lri ricoda jliaji piwafeta carrodawa, Pjiá njite jliaji patowa kjaidadalri. No-Minalri Dio, picadaa manacocarro njaji sacerdotenai, njite picadaa nacatimatacawa pimatsiaca naco njaji pirsoperri. 42 No-Minalri Dio, macabocoetatsa teeco piecoa lrioya jliaji Piniwananda. Piwaadaca aialritsa jliaji iacoti picaitenda lrirso jliaji pirsodalri David.
1 Yaami cádanaco Salomón itatjaca Dio iinai, ikeena tiyee jiwacawa eenolrikjoite njite lrimjaita matsiape njaji maaficalri nainoji, namjaitaji piena, njite Dio imatsiaca melremelredalri ipakjantaca panti rico. 2 Njaji sacerdotenai corripiatsa nataita njewacawa Dio iipana lrico ima pakjamicani lrimatsiaca melremelredalri sho. 3 Pjiomi njaji iraelitanai aimadan nacapaca tiyee iorroco cádanaco njite Dio imatsiaca melremelredalri irrocawa panti macade naco. Niini nacoajacawa necoa sho jiipai nacojle namatsietacawa jiipada sho, natoda naorsipada njite naaca matsiadalri wa-Minalri lrirso, naaco: ''Matsiadalrica wa-Diote, corricapoa jlienaca lrioya jliaji lriacoarrom icaamitsa lricadaacani caidalriwenatsa.'' 4 Ikena jliaji talricanaati, njite pjiomi njaji inaiki aimadan naino maaficalri wa-Minalri irso. 5 Salomón iinoca ventido mil buy, ciento vente mil oveja njite cabra tsakja. Cayotsa, jliaji talricanaati njite njaji inaiki aimadan nacadaaca jliaji panti waMinalri irso. 6 Nemacawa njaji sacerdotenai, nacoanam nadenjicawa lrico; cayo tsakja njaji levitanai nasho njaji natocaji Dio irso, njaji David inaitjaji inaitjaji naacarro matsiadalri Dio irso nacantanda lrico: ''Lrikjaote jliaji piacoarrom corridalritsa pimacacani caidalriwetsa.'' Pjiomi njaji sacerdotenai napjiaca natrompetan narso njite njenico nemawa pjiomi njaji inaiki aimadan. 7 Salomón iemawa yacalrecoa ipamoyoaca naco lricoemjete jliaji Dio iipana. Icatsa lrimjaitaca nja maaficalri niini njite neeti njaji maaficalri lrimjaitaji imaodacakjeti nacoda, ima jliaji altar lrinanda nanaitjaca corrin lritaitaca naapiya njaji maaficalri namjaitaope, njaji ofrenda comaanape njite njaji ofrenda maaficalri iiti sho. 8 Cayo piatsa, Salomón icatimataacawa jliawajli pia siete jalredaoca padenirri, lriinai pjiomi njaji Iraelnai, aima nawacaacawa, Lebo Hamat nakjoite, lriocawa lrinacojle jliaji onipaokja Egipto lricoda. 9 Ocho jalredaoca naco nawacaacawa nacadaa carro catjinaa, siete jalredaoca capoa nawacaacawa nacaite carro Dio irso lriipana njite nacatimataacawa capoa siete jalredaoca. 10 Njite venti tre jalredaoca naco, siete-pi naco, Salomón icadaa nadiawa njaji inaiki aimada nacaolre catiimadalri iapiya Dio imatsiaca ikjaote lricañjatalri nacapa David nacojle, Salomón njite lrinaikite aimadan nacojle Irael. 11 Cayotsa Salomón itaita pia Dio iipana njite lriipanao tsakja. Coan piaca Salomón iwaopia pia lrinaitjaca jliaji Dio iipana njite lriipanao catsa, matsia namotoca lrirso pjiomi. 12 Njite deepi rico, Dio icañjatacawa Salomón irso, lriaco lrirso: ''Njominina njaji pitatjalri noinai, niiní noniwanaca Norsowaotsa lriemalri niini jliaji panti nainocawa norso maaficalri. 13 Wacadaa noita capishontja njaji eenocoma wadentja iiyacani, o nocadaa cantja tacaapa injaca pjiomi njaji paniati jalredaoca lricope, o nocadaa cantja ipoati nanacojle njaji nonaikite aimadan, 14 njitemintja njaji nonaikite aimadan, inomatacape Noipitana, najiacawa njawacatsa corricatsa cocacana, natatjaa noinai, nadia naoma njoa njite namaca naoyao jliaji nanaitjanda maatsi, Njomintja narso eenolrikjoite, nocadaa jliyapaca nooya jliaji nanaitjanda norso maatsi, njite No-matsieta tjakja narso njepaite maatsidalri ioya. 15 Niini nowapaotsa nocapa naikjaolre njite nocadaa tsakja njonacolrico nanacojle njomicarroatsa njaji natatjalri noinai lri-ricoda pantica jliaji. 16 Ima Noniwanaca njite njoenitaca norsowao jliaji panti niiní carroatsa noipitana caidalriwetsa. Nopeyo capoa nowapacaotsani jalredaoca icoam. 17 Njite pjia, pinaitja cadaa norso matsia cayoji pjinirri David inaitja capisho pia, pjiepa cadaa pjiomi njaji Nonaalri pinaitjaca, piofaa cadaa cayoji nonaa capisho piofacawa, njaji iacoti nocadaji, 18 njitenaotsa Nocadaa matsia carro pitalricanaaca, cayoji nocadaa capisho noacoam pjinirri David irso, nocaite cádanaco lrirso cayoji: ''Corriotsa pacapa pada pinakjoitedalri corridalriotsa italricanaataca Irael lrico.'' 19 Mitsa corri cadaa pinaitja cayo, Corrin piofacawa cayoji nocaite capisho, corrin pinaitja njaji iacoti kjaida perri No cadaalri pinaitjá carro, njite piá matsiadalri narso njaji miperrimtsa dioca, pitoda piorsipadao narso, 20 Njorracaotsa pjia lrioya jliaji njopaite nocadanda narso cayoji pjerrá capisho paniati lripalrida fie jiipai ioya. Jliaji panti Njoenitanda Norsowao, nopecoatsani teeco nooya, nocadaotsa pakja iacoti narso njaji inaiki necaacarro lriicao. 21 Jliaji panti macade yenondalri panaya, pjiomi njaji jiyapacapewa lricodapi corriotsa nanji coanca njite necaawatsa lriicao. Natatjacaotsa: '¿Coada pa cayo Dio inaitjaca jliaji panti lrirricoda jiipaica jliaji?' 22 Panaotsa jiepana: ''Namaca capoa na Minalri Dio, jliaji jitalri piana njepaite ricjoite njaji Egiptonai, njite naawa njapodam njaji corriperritsa diocana, natoda naorsipada naacarro narso matsiadalri. Cayoshopa Dio icadaa pjiomi njaji maatsirri nanaco'''.
1 Vente walria jiapodam, Salomón inaitja caami Dio iipanawa njite lriipanao catsa, 2 lripieta jlirretaca njaji yacalrewape Hiram iaji Salomón irso lricadaa carro naofawa njaji Iraelnai nirse. 3 Salomón inoacawa Hamat ikjoete njite jliametani. 4 Lrinaitja jliaji yacaalre Tadmor jalrapocolri rico, nja tsakja njaji yacaalre namatsieta carroda nanaani, lrinaitja pjiomina Hamat rico. 5 Lrinaitja tsakja Bet Horón jiipana nao njite Bet Horón tjewacajlerse, yacaalre taimí perri idana, irsocape pantinoma njite pantinoma idanaita pja. 6 Lrinaitja tsakja jliaji yacaalre Baalat njite pjiomi njaji yacaalre lrimatsietacawa nja lrinaani lrisompe, lrimatsietacawa nja carreta jiape, njite naofacawa njaji inaiki jiecocape caballo naco, njite pjiomi njaji lriomaji pia lrinaitjaca Jerosalén lrico, Líbano njite pjiomi lriricoda jliaji jiipai jliacawa ianjíi ianco. 7 Njite njaji inaiki namacaji nanakjoite njaji hititanai, amorreonai, fereseonai, heveonai njite njaji jeboseonai, njaji corriperritsa Iraelnaica, 8 njaji namacaji njaapodam njepaite rico, njaji coirri perripiatsa naino njaji Iraelnai, Salomón icadaa nadenjí carro jiidati rico, caimicatsana panajiete. 9 Mitsa, corrin Salomón icadaa nadenjí-carro jiidati rico njaji iraelitanai, iacamitsa lricadaacana tsolrodao carrona lrirso, comandante carrona, caconaaperri, njite comandante carrona nanco njaji caballo irsocape carreta fiape njite nanacom njaji jiecojicape nanaco. 10 Caconaperri tsakja, ianjicaperri, icapaapenjaji idenjicape talricanaati Salomón irsoperri, dociento cincoenta namaimaca njaji icapacape njaji idenjicape. 11 Salomón idee pia Faraón iito teecotsa lrioya jliaji David iyacalre lri-ricoda jliaji panti lrinaitjanda rorso, ima lricaite cayoji: ''Rsoaji noino, corrin rotaita rofacawa David iipana lrico, Irael italricanaa, ima kjerrecawa catsa lriofawa jliaji Dio ipatowani paafe corricawatsa pacapa maatsidalri.'' 12 Njite Salomón imjaita maaficalri Dio irso lrinaco jliaji altar lrinanda nanaitjaca lripananoma icoemjete. 13 Lriino maaficalri cayotsa nanaitja capisho jalredaoca icoami; lrinaitjatsa cayoji lrinaa capisho njaji iacoti icaitecape coanca panaitjaca cayoji Moisé idana capisho sabado lrico, keerri walripi naco, njite nanaco njaji nacatimatacawa lrico nanaitjalri madalripia pawalria naco: nainjacawa peetje meewidalritsa, nawacaacacawa panja semana, njite nacatimatacawa Tabernaculo iipitana naco. 14 Lrinaitjatsa cayoji lridana capisho jlinirri David, niini Salomón icadaa nadenjí carro njaji sacerdotenai papocope, cayo tsakja njaji levitanai, naa carro matsiadalri dio irso, njite nadenjí carro narso njaji sacerdotenai, cayotsa nadenji capisho jalredaoca icoam. Lricadaa tsakja nadenji carro papocope njaji iwapacape pantinoma, pantinoma icoami, ima jliaji atsia Dio irsodalri, David, inaa pia tsakja nanaitja carro cayo. 15 Njaji inaiki corrin nanaitja teecojle lrioya jliaji talricanaati inaa capisho nanaitjaca njaji sacerdotenai njite njaji levitanai coandalri naco catsa, njite nanaco njaji namatsietaji. 16 Pjiomi njaji idenjikjeti Salomón inaalri nanaitjaca, oopi nanaitja pjiomi, Nainita caojli napeecoca jliipoco jliaji Dio iipana atee kjerreca nataitani. Cayotsa nataita jliaji Dio iipana pjiomi. 17 Njite dalri Salomón iawa Ezión Geber njite Elot lricojle, lrinomapiana naco jliaji jiipai Edom lricoda. 18 Hiram imeenaca iita macafianipe najimpe inaco njaji caconaperri ianjicape ianjicawa manoa lrico. Naawa nainai njaji Salomón irsoperri Ofir ricojle. Nadee njite dieci sei mil kilo rico owirro nacadaji talricanaati Salomón irso.
1 Rsoaji talricanaati Sabá ricoda rsomi cádano Salomón iacona naco, rono lrikjaolre rotatjá carro rsomi lriinai iacoti jirrapitinaaperri naco rowí carrotsa lrianjikje. Rono lriderse aima camello iapiya idee caperri aima pomeniajaipe, aima owirro, njite aima tsacja jiipada cacoada perri. Rooca cádanaco Salomón iderse rocaite lrirso pjiomi njaji rosolri rocaolre rico rotatjaoda inaco. 2 Salomón icaite rsomi pjiomi njaji iacoti rotatjaji inaco. Corrin pacapa pada iacoti corridalri Salomón jiepano rotatjalri inaco lriinai. 3 Rsoaji talricanaati Sabá ricoda rocapa cádanaco Salomón ianjíikje naco, jliaji panti talricanaati dapana lrinaitjalri, 4 njaji lrinjaoda lrimesan nacope, naofa carroita njaji idenjicape lrirso, nadenjicalre njaji lrirsoperri, natsayan njite njaji iirracape lriirraope lripjeya lriirraca, njite coanca lrimjaitaca njaji maaficalri Dio irso panti macade rico, corri roanji coancano. 5 Niini roaco Salomón irso: ''Ajadalritsa njaji njomirri noyacalre ricojle piaco naco njite pianjikje naco tsacja. 6 Corrin njoepaca njaji njomirri pinaco, niini nonoca nocapá carrocatsa notji sho njaji nocapalrina. ¡Corri pamoyoa miketsa njaji nacaiterri njomi pianjikje naco, pinaani matsiaperri naco cantja! Jorre pjatoa njaji piacona lrioya jliaji njomirri pinaco. 7 Matsia perrica njaji pinaikite aimadan, njite njaji idenjicaperi pirso, njaji iemalri pipjeyajle caidalritsa njemí carro pianjikje. 8 Matsiadalrica imi-Nalri Dio irso, matsia capoa lricapaca pirso niini lricadaaca pjia carro talricanaati pi-Minalri Dio irso. Ima pi-Minalri Dio lripeyoca njaji Irelnai, lricadaa carrona caidalriwetsa, Lricadaa talricanaati carro pjia nanaco, pinaitja carro matsia.'' 9 Rsoaji talricanaati iáa Salomón irso jorre pja coatro mil kilo ioya owirro, jorre tsacja pomeniajaipe, njite jiipada cacoada perri. Corritsa coca iáa pja jorre pomeniperri Salomón irso nacayosho njaji talricanaati Sabá ricoda ianji lrirso 10 Njaji Hiram irsoperri naapiya njaji Salomón rsoperri , njaji ideecaperri owirro Ofir lrikjoite, nawenta tsakja jaico sándalo nape njite jiipada cacoadaperri. 11 Nasho njaji jaico sandalo, Salomón inaa nanaitjaca papjoa carronao Dio iipana lrico, njite cayo tsakja lrirso jliaji talricanaati dapana, nanaitja tsakja arpa, jaicoita irsocape neeñada tsakja narso njaji icantacaperri. Corrin natsa coancaojli napieta nawaketaca aima jaico sándalo jliawajli shopia atee panajiete. 12 Talricanaati Salomón iáa pia talricanaati Sabá ricoda irso pjiomi njai romalr, cocatsa rotatjalri lriinai, naoya tsacja njaji Salomón iampe rorso. Njitedalrina rodiawa naapiya njaji rorsoperri royacalre ricojle. 13 Nápia Salomón irso venti tre mil kilo owirro pawalria icoam, 14 naoya tsacja njaji comerciantenai ideji njite njaji irsocape almacen. Pjiomi njaji talricanaatinai Arabia lricope njite njaji iwapacape yacaalre macacoepe Salomón irso jlipaite ricotsa, nadee trsacja owirro Salomón irso. 15 Salomón inaa napatsicaca sei kilo pada nacojle pja owirro nanaitja carro pada escudo, caipe minitsa lrinaa nanaitjaca dociento escodo pjiomi. 16 Lrinaa tsacja nanaitjaca treciento escodo tsoitepe owirro sho irsocape pada kilo lrinacojle pja paitape, caiminitsa nacoanaa. Njite lricanaada lrirricoda jliaji panti irsocada iipitana Líbano Iawacadate. 17 Jliaji talricanaati inaa tsacja nanaitjaca lriofaa carrodao marfil sho, njite nadaatani owirro matsiapedalri sho pjiomi. 18 Niini pia sei papjoa carrona pjerrá carro nirse. Nanaitja matojledadalri lriorsoa carrona lridanjitjete, nanaitja tsakja lricadaa carrona lrinaapa iorsoawa yameemape. Yaamana león nanaitjaji iemawa lrinaapa kema yameemape. 19 Doce león nanaitjaji iemawa nawayacacawao njaji papjoa carrona, sei pema, sei tsacja pema. Corri piatsa paca naofa carona lricayosho jliaji pada talricati irso. 20 Owirroapipe minitsa pjiomi njaji Salomón irracarrodape, pjiomi njaji nairra carrodape lrirricodape jliaji panti Líbano Iawacada tena ricoda njawacatsa owirroapjipe. Corrin pacapa nanaitjanda palrataitape sho cantja, ima njaji palrataitape macoada perrim piacatsana Salomón jiawajlri. 21 Salomón irso pia aima iita macafianipe itaitacape iyoetaca manoá lrico, papocotsa nanijicawa Hiram iyaape iinai. Papiatsa pawalria icoam naaca naoma nerricoda owirro, palrata, marfil, njite powenape tsacja. 22 Corripiatsa cocaca caanjikjé dalri njite cananí dalri pja Salomón ioya nanacjoite nja paana talricanatinai. 23 Pjiomi njaji inaiki jalredaoca lricoperri naoma mana Salomón njemí carro lrianjikje, njaji ianjikjeti Dio icadalri lrirso lricaolre ricó. 24 Njaji iacape icapa lriderse nadee nacoadao lrirso, palrata naaroda lrico, owiro, tsaya, nainoacashopao, njite pomeniajaope; nadee tsacja lrirso caballo, mula tsacja, caidalri manatsa oonia icoami. 25 Salomón irsopia cuatro mil caballo ipananaa njite lrimatsietacawa tsakja njaji carretafiape, njite doce mil atsianai jiecocaope caballo naco. Lricadaana nerricoda njaji yacaalre nawapacawana, njite nja paana lriinaitsa Jerosalén rico. 26 Salomón italricanaata pia nanaco njaji talricanaatinai ooni Eufrate lrikjoite, nanaco njaji talricanaatinai filisteonai jipaite ricope, njite nanaco njaji iofacapewa lriocacawa lrico jliaji jiipai Egipto iyada. 27 Salomón irso pia aima palrata, jiipai shotsa namaimaca. Lriapana aima cedro, cayoji aima capisho sicómoro naapanaji tjewacajle cawa. 28 Nadee Salomón irso caballo Egipto lrikjoite njite pada jiipai nakjoite tsakja. 29 Njite nja paana Salomón inacoapanaperri, lrinitaji lrinaitjaca njite njaji lrinaitjaji piketem, pacapacana profeta Natán idananda naco, Ahías silonita tairri inoparrotacawa lrico, njite Iddo, inoparrotacaita jitaponialre rico, lricapacawa lrinaco jliaji Jeroboam, Nabat irri. 30 Salomón italricanaata pia Irael naco, Jerosalén lrico couarenta walria. 31 lrimaa shocatsa nanai njaji lriferrinaipemi, njite njaji inaiki aimadan nadawani jlinirri David iyacalre ricotsa. Njite lrirri Roboam jimao talricanaatica jliapodam.
1 Roboam iawa Siquem ricojle, ima pjiomi njaji Iraelnai naaca Siquem ricojle nakeepitanatá carro nirse natalricanaawa. 2 Mitsa Jeroboam, Nabat irrí jimi cádanaco cayo cana Egipto lricjoite, ima nirse catoani, lripitolri nirse talricanaati Salomón ioya, mitsa Jeroboam idiawa Egipto lrikjoite. 3 Niini njaji iwacaaca cápewa nameenaca iacoti Jeroboam irso lrinó carro naderse, niini naaco Roboam irso njaji inaiki: 4 ''Jliaji pjinirri icadaa aima calretsa wadenjicalreo nini picadaa tsoo carro pjatsa wadenjica lrioya jliaji pjinirri icadaalri warso njite wadenjicaotsa pirso cayo cadaa pinaitjaca warso.'' 5 Niini Roboam iaco narso: ''Madalridaa nacoatsa iino tsenacja noderse.'' Njite njaji inaiki nadiaca toa lrioya. 6 Niini jliaji talricanaati Roboam itatja jimio nainai njaji caconaaperri pequipenai idenjicapemi jlinirri Salomón ipeyajle caafi cádanacotoani, lriaco narso: ''Coanje icaiteca njoa njoepacaotsa njaji inaiki? 7 Njite naaco lrirso: ''Ajadalri cadantja piomaca pidenjica narso njaji inaiki panaya, njite picaite narso iacoti matsiadalri, niinintja pirsoperricantjana caidalritsana.'' 8 Mitsa corrim Roboam jiepa naaco njaji poekipenai, ima lrikenacja lritatja lrimio nainai njaji iempetipe lritaoñacaweenai, neema lripeyajle. 9 Lriaco narso: ''¿Coan icaiteca njoa njoepaca njaji inaiki icaitecape norso, naomaca noinai tsoo carro pjatsa nadenjica lrioya jliaji njonirri icadalri nadenjica?'' 10 Niini njaji iempetipe toa Roboam itaoñacawenai naaco lrirso: ''Picaite narso njaji inaiki icaitecape pjinirri Salomón icadaaca nadenjicalreo jamiñádalri, njite naoma picadaaca tamomi carro pjatsa jliaji idenjikjeti jamiñadalri. Picaitentja narso cayoji: Cotsa cocaca jliaji njonirri icadaalri irso lrioya jliaji nocadalriotsa irso. 11 Niini panaya, jamiña cadanena ianji lriaji idenjikjeti njonirri icadalri irso, nocada pjatoatsa jlimiñaca irso nanaco, njonirri jirrapiteta piaca jia capee sho, mitsa njoa njorrapiteeta caotsa jia yalree sho.'' 12 Niini Jeroboam njite pjiomi njaji inaiki aimadan nawacaacawa Roboam iderse madalridaa naco, cayotsa lricaite capisho narso, nanó carro lriderse madalridaa jalredaoca nacó. 13 Ninina caacoca Roboam narso kjaida sho, corrin jliepa naaco njaji pekipenai. 14 Lricaite narso naacoarrom njaji iempetipe toa, lriaco narso: ''Njonirri icadaa pia idenjicalre jamiñádalri, mitsa njoa nocadaa pjatoatsa idenjicalre lrinaco pja. Njonirri jirrapiteta piaca jia capee sho, mitsa njoa njorrapiteeta caotsa jia yalree sho.'' 15 Corri talricanaati jimica narso njaji inaiki aimafdan, ima jorreca njaji jiyapalrio nanacowaaca cayotsa wa Minalri icadaa capisho, lrimotó carrotsa cayoji Lricaite capisho Jeroboam irso, Nabat irrí Ahias silonita inoma lricjoite. 16 Nacapa cádanaco njaji Iraelnai corrica talricanaati jiepana, naaco lrirso: ''¡Corriotsa waa carroca nainai njaji David inacjoite perri! ¡Corriotsa wanjíi carroca lrinaco jliaji Isai irrí! Warsa wadiawa waapana lricojle, Iraelnai. Panaya pjia, David inacjoite dalri, picapa pjiwaacatsa jliaji pitalricanaaca naapiya njaji pikitsiñape. Cayotsa nadiacawa njaji Iraelnai naapana lricojle. 17 Mitsa njaji Iraelitanai iofaacape nerricoda njaji yacaalre Judá jipaite ricope, icatsa Roboam italricanaataca nanaco. 18 Njitedalri talricanaati Roboam imeenaca Adoram, jliaji ianjirri nanaco njaji idenjikjeti jamiñaperri, mitsa njaji Iraelitanai njepa nainon jiipada sho. Njite jliaji talricanaati Roboam jlirra kjeyao lricaballon naco irsocada carreta lriá carro Jerosalén ricojle. 19 Cayotsa Iraelnai iemaca David iipaneta ikjoete atee panajiete.
1 Roboam ioca cádanaco Jerosalén ricojle, lriwaketa pjiomi njaji Judá poco njite njaji Benjamín poco tsacja; niini pia ciento ochenta mil atsianai tsolrodaonai njenitaji inoacacapeo, nainoca carro Iraelnai ikjoete, nadietá carro njaji iraelitanai Roboam irso tsenakja. 2 Mitsa caacoca Dio Semaia inomalricjoite, ape atsia Dio irsodalri, lriaco cayoji: 3 Picaite Roboam irso, Salomón irrí, Juda italricanaa, narso tsakja njaji Iraelnai Judá lricoperri, njite njaji Benjamín poco cayoji: 4 Cayo lriaco jliaji wa Minalri: ''Corrín pitaita pinoaca cawa nakjoete njaji ikitsiñape Iraelnai. Idiawa iipana lricojle icoana, ima pjiomi njaji jiyapalrio, Njoatsa icada cayo.'' Niini njaji inaiki njemica jliaji iacoti Dio njité dalri, icaamitsa nadiacawa njapodamrsewa, corrinatsa nainoacawa Jeroboam ikjoete. 5 Roboam iofawa Jerosalén lrico njite lrinaitja yaaclre Judá lrico lrinadanaataca shopao. 6 Lrinaitja Belén, etam, Tecoa, 7 Bet Sur, Soco, Adulam, 8 Gat, Maresa, Zif, 9 Adoraim, Laquis, Azeca, 10 Zora, Ajalón, njite Hebrón. Icatsa yacaalre taimí perrica Judá lrico njite Benjamín lrico tsakja. 11 Lrinaitja taimí pjaa njaji yacaalre taimi perri, njite lricadaa comandantenai nawapá carro, ima lricadaaca niini injaodati, aceite, njite jaico tjeda iana. 12 Lricadaa nadanaita nanacodalri njite molroco nerricoda njaji yacaalre kjaidáa carrona. Niini lriyapeca njaji judá poco njite Benjamín poco tsakja. 13 Njite njaji sacerdotenai, levitanai iofacapewa Irael lrico, oopi naawa Judá lricojle. 14 Njaji levitanai, namaca njepaite nataoñacawa maaficalri, nanaani naa carro Judá lricojle njite Jerosalén lricojle tsakja, ima Jeroboam njite nja lrienipe namotoita-cana, niini corrinatsa nataita pienatsa nadenjica jliaji nadenjicalre Dio irso. 15 Jeroboam icadaa sacerdotenai lriyape nadenjicarro nanaco njaji yenondalripe idolonai irso, irsocape cabra njite baken jinapjiami lrinaitjajitsa narso. 16 Njaji inaiki Irael poco inakjoitepe, njaji iomacape Dio nacaolre rikjoite, na Diote njaji Iraelnai; oopi naawa Jerosalén lricojle nainó carro maaficalri Dio irso, njanirrinaipemi iDiote. 17 Niini nakjaidataca Judá italricanaa, njite nacadaa kjaidáa carro Roboam, David irri madalriwalria, niini madalriwalria icoa nanaitja cayoji David njite Salomón inaitja capisho. 18 Njite Roboam jita inoa rsoaji Mahalat, Jerimot iito, David irri Abigail iapiya, Eliab iito njite José. 19 Keenipe lrirsono: Jeús, Semaías njite Zaham. 20 Mahalat jiapodam, Roboam jita inoa Maaca, Absalón iito; keenipe lrirsono: Abias, Atai, Ziza, njite Selomit. 21 Roboam ipeyo pja rsoaji Maaca, Absalón iito naoya nja paana lrininai njite njaji inaitjepe iwapacapeni. Lrirsopia dieciocho lrini njite nai njite sesenta inaitjepe iwapacapeni; lrirsopia ventiocho lrienipe atsianai, njite sesenta lritonaipe. 22 Roboam icadaa Abías, Maaca irri, njewidapo, naapiyawalrio njaji lriwenaipe; lriowaopia pia lrinaco jliá carro talricanaati. 23 Roboam italricanaata pia cayekja shotsa; lricadaa naofawa njaji lrienipe pjiomi Judá njite Benjamín lrico, nerricoda njaji yacaalre taimí perri. Lriá narso aima injaodati njite lrioma pia narso naninaiwa pjiomi.
1 Njite kjaida caami Roboam italricanaaca, njite kjaidani, mitsa lrimacaca lrioyao Dio iaco, njite cayo tsakja lriinai njaji Iraelnai lricayosho. 2 Njite papia nacojle, cinco walria oonia kena talricanaatica Roboam, Sisac Egipto italricanaa inaitja oowi Jerosalén lricoperri ikjoete, nanaitja capoa maatsi Dio irso njaji inaiki aimadan. 3 Lridee mil dociento caballo irsocape carrofiape, njite sesenta mil inaiki jiecocaope nanaco. aima tsolrodaonai corriperrinatsa pataita paniwetacana egipto lrikjoite, libionai, suquienonai, njite etiopia lrikjoite perri. 4 Niini jlipaca lrirsowao njaji yacaalre taimí perri Roboam iyapem Judá lrico, njite lriawa Jerosalén lrico. 5 Njite jliaji inoparrotacada Semaía ino Roboam iderse njite naderse njaji Judá iapiyawanai njaji iwacaacalriwa Jerosalén lrico Sisac ikjaote. Semaía ioaco narso: ''Cayo lricaiteca jliaji wa-Minalri: Imacaca njoa, niini Nocadaaca jia Sisac icaapi rico.'' 6 Njite naapiyawanai njaji Irael lricope, njite jliaji talricanaati kjenaa najiacacawa, naaco: ''Corridalritsa imatadaca jliaji wa-Minalri.'' 7 Wa-Minalri icapa cádanaco coanca kjenaa nanjiacacawa, caaco tsenakja Dio Semaía irso, lriaco lrirso cayoji: ''Opoina kjena najiacacawa. Niini corrinatsa nowayakeeta crrocana; nomanacotacaotsana lricoatsa, njite corriotsa noirroa jiwá carroca Jeroslén naco Sisac icaapi nakjoite. 8 Mitsa nocadacaotsa narsoperri carrona, nataitá carroatsa nanjíi coanca nadenjica Norso, njite coanca nadenjia narso njaji apaana talricanaatinai pacoa jiipai nacope.'' 9 Niini Sisac, Egipto italricanaa iemawa Jeroslén ikjoete, njite lrideeca Dio iipana lricjoite pjiomi njaji cacoadaperri nimperri, cayo tsacja njaji cacoadaperri talricanaati dapana lricjoite.Lridee pjiomina; nadee tsacja njaji escodo Salomón inaalri pia nanaitjaca owirro sho. 10 Niini talricanati Roboam ipieta inaitja njaji escodo bronce sho njite lricadaa nja carro ianji nanaco njaji comandantenai iwapacape yacaalre ipananoma njite talricanaati ipananoma. 11 Talricanaati iáa cádanaco Dio iipana lricojle, njaji tsolrodaonai iwapacapen nadee njaji escodo, njitedalri nadieta tsenakjana nawapa carroda dapana lrico. 12 Kjenaa cádanaco Roboam ianjiacacawa, wa-Minalri irroa jiena lrioya, wadee lriwaketacantjani, njite niinitoa matsiadalri nataitalritoa nanaitjaca Judá irso. 13 Icaamina lrikjaidataca lritalricanaaca jliaji talricanaati Roboam Jerosalén lrico, njite cayotsa lritalricanaata piaca. Roboam irsopiaca cuarenta un walria lriniita caojli pia lritalricanaataca, diecisiete walria ritalricanaataca jerosalén lrico, jliaji yacaalre wa-Minalri jienitanda Lrirsowao nanakjoite njaji Irael poco, lricadaa carro Lriipitana niini. Naama pia roipitana rsoaji Roboam jidoa, amonita tadoa. 14 Lrinaitja maatsi corri capoa lrioma Dio lricaolre rikjoite. 15 Njite nja paana Roboam inacoanaperri lrinitaji lrinaitjaca njite njaji piketemperri, paoketacana lri ricoda jliaji paperra inoparrotacaita Semaía njite Iddo, inoparrotacada tsakja idananpe lrico, nincawa tsakja nadana coanca nadakenai naco iacawa njite coan piaca Roboam inanaitjaca oowi caidalritsa Jeroboam ikjoete. 16 Mayami Roboam lriferrinaipem iinai, njite nadawani David iyacalre rico; njite lrirri Abias italricanata jliapodam.
1 Dieciocho walria oonia talricanaati cayami Jeroboam, Abias iniita italricanaataca Judá lrico. 2 Madalriwalria lritalricanaataca Jerosalén lrico; Micaía pia jlidoa iipitana, Uriel, Guibeá dalri iito. Njite nanaitja mana oowi Abia Jeroam iapiya. 3 Jeroboam iawa oowi rico aima tsolrodaonai kjaidá perri, mafio caperritsa iapiya, cuatrociento mil atsianai naniwaji matsia. Jeroboam iema lrikjoete ochociento mil atsianai matsiaperri naniwanaca, tsolrodaonai kjaidá perri, mafio caperritsa iapiya. 4 Abia jinico awacada Zemaraim naco, jliaji awacada njepaite ricoda njaji Efraín poco, njite lriaco: ''¿Pjimi norso, Jeroboam njite pjiomi jia Iraelnai!'' 5 ¿Capja corrica ianjíi Dio icadaa piaca David irso, jlia carro ianjíi nanaco njaji Irael caidalriwetsa, David njite njaji lrienipe, Dio inaitja cádanaco iacoti lriapiya? 6 Caicayatsa, Jeroboam, Nabat irri, jliaji Salomón irsodalri, David irri, lriema lri.talricanaa ikjoete. 7 Atsianai maatsiperritsa, wakitsiñape matsiperritsa iwaopiakje iawa lriinai. Nanoca Roboam, Salomón irri ikjoete, iempeti manjicadalrim pia catoa Roboam, corri piacatoa lritaita lriemaca nakjoete. 8 Panaya icaiteca itaitaca iemaca wa-Minalri jiida ikjoete lricadanda nacaapi rico njaji David inakjoite perri. Ajádalri aimadanca jia, njite iinaica jliaji baken owirrona Jeroboam inaitjanda idiotewa. 9 Oopi imotoita ioyawa njaji wa-Minalri isacerdotenaipe, Aarón inakjoite perri, njite imotoita tsakja njaji levitanai. Icadaa isacerdoteniwa nacadaa capisho njaji apaana inaiki pada jiipai nacoperri. Coandalri catsa idee apana baken njite sietena carnero, lritaitena sacerdotecani narso njaji idiote. 10 Mitsa warso faa, wa-Diote catsa jliaji wa-Minalri, ima corrica wamacacani. Warso sacerdotenai Aarón inakjoite perri, idenjicaperri Dio irso, wainai tsakja njaji levitanai njite nadenji catsa jliaji nadenjicalre. 11 Piyompinacojle njite dainomajle, namjaita mana maaficalri Dio irso ofrenda sho, njite namjaita tsakja incienso matsiaperri. Nacadaa tsakja njaji peetje Dio ipeyajle matsiadalri mesa naco; nakerrata tsakja njaji lampara owirronape dainoma icoam. Wanaitja toa cayoji lricaite capisho wa-Minalri Dio iaco, mitsa jia, corrinatsa inaitja cayo. 12 Ianjíi carro, Dio catsa jliaji fewidaapo, njite njaji lrisacerdotenaipe, icatsa wainaica panaya natrompetan iapiya nakjematá carrona ikjoete. Jia Iraelnai aimadan, meematsawa Dio ikjoete, naDiote njaji iferrinaipemi, ima corriotsa jiama carrocani.'' 13 Mitsa Jeroboam imeenaca lrinaikite njapodamte, neema cadaanatsa Judá ipeyajle nja lritsolrodaoperre. 14 Njaji Judánai nacapa cádanaco njapodamrsewa, nacapa nacoema iemacawa papeyajle njite njapodamtje tsakja. Ikena natatjaca kjaida Dio iinai, njite njaji sacerdotenai napjiaca natrompetani. 15 Njite njaji tsolrodao Judánai nawana kjaida, nawana cadaana toa, ikena Dio iñaaca jeroboam njite pjiomi njaji Iraelnai Abia ipeyajle njite Judánai. 16 Niini napitocawa njaji iraelitanai Judánai ioya, Dio icadaana Judá icaapi ricona. 17 Judá njite njaji tsolrodaonai aimadan, naino aimana; quiniento mil atsianai naomaji naino jliada. 18 Cayopiatsa Judá iapirsetaca njaji iraelitanai jliawajli. Njaji Judánai njaamana nacadaa capoa nacaolre Dio naco, naferrinaipemi iDiote. 19 Abia ipinieta Jeroboam; Abia jipa Jeroboam ioya njaji yacaare Betel njite pjiomi iofacaewa lrinomapi naco, cayo tsakja Jesana, njite njaji lrimomapi nacope, caitsakja Efraín, njite njaji lrinomapi naccop. 20 Corrinatsa Jeroboam idieta njaji yacaalre Abia jiawajli; wa-Minalri iñaani njite mayamini. 21 Njite Abia ikjaidataca pjawa; jlita catorse lrininaiwa, lrirso pia venti-do lrienipe atsianai, njite diecisiete lriitonaipe. 22 Njaji paana Abia inacoapanaperri, coanca lrinaikica, njaji iacoti lricaiteji, paoketacana lri-ricoda jliaji paperra inoparrotacada Iddo idananda lrico.
1 Mayami Abia lriferrinaipemi iinai, njite nadawani David iyacalre ricó. Njite lrirri Asa italricanata jliapodam. Naofa pia namaodaca njaji inaiki jlia caojli pia talricanaati, die walria oonia. 2 Asa inaitja njaji matsiaperritsa wa-Minalri Dio ipeyajle. 3 Lripeeco pjiomi njaji altar nanaitjaji na cayosho nja apaana inaiki yenondalripe naco. Lripeeco njaji njerretanda jiipada, njite njaji topji Asera iema carrona. 4 Lricaite narso njaji Judánai naoma carro Dio, na-Diote njaji naferrinaipemi, njeepá carro njaji yacoti kjaidaperri coanca Dio inaaca panaitjaca. 5 Lripeeco pjiomi njaji altar yenondalripe nacope, namjaitacawa incienso nerricoda njaji yacaalre judá lricope. Namaodaca pia naofacawa njaji judanai Asa caojli pia talricanaati. 6 Lrinaitja yacaalre taimí perri Judá lrico, ima corri piatsa coca ima nacapaca, corri piatsa lrinaitjaca oowi jliawaji, ima Dio icadaaca narso imawadaca kjeti. 7 Asa iaco narso njaji Judá lricoperri: ''Warsaotsa wanaitja njaji yacaalre, njiteotsa ferreta nawaiwa, njerra carrona yeenon, lripananomao, njite pantinoma idanawa tsakja; wayadaca jliaji jiipai waoma capoa wa-Minalri Dio. Waomani, njite Lricadaa warso imawadaca kjeti yamemape.'' Niini nadenjica njite lrimoto narso matsia. 8 Asa irso pia aima tsolrodaonai idenjicape escodo njite matseta; Judá lricope, treciento mil atsianai, Benjamín lricope, dociento ochenta mil atsianai idenjicape escodo njite nayawitjiapo, pjiomi njaji atsianai kjaida perri, mafio capetsa. 9 Zera, Etiopia njite dalri, lrino lrinoacá carro Asa ikjoete un millon tsolrodaonai iapiya, njite treciento caballo sho irsocaperri carrofiape Maresa lricojle. 10 Njite Asa imoto lrikjoete lrioketaacá carro lriapiya, njite neemacawa nakjoetewaaca nainoacá carroa, pacoa caita cawa lrico jiipai Sefata lrico Merasa lricoda. 11 Asa iwana kjaida lri-Minalri Dio iinai, lriaco lrirso: ''No-Minalri, corrin pacapa pada pja pioya, icaamitsa Pjia ikitsindatacada pada corridalritsa itaita iemaca nakjoete njaji aimadan. Pikitsindata fa, Pjia wa-Minalri Dio, ima Pinakjoitetsa wawapa pjiomi, Piipitana naco wano nakjoete njaji aimadani. No-Minalri, icatsa wa-Dioteca pjia; macadatsa atsianai jiametaca pjia.'' 12 Cayotsa wa-Minalri jiametaca njaji etiopenai Asa njite Judá ipeyajle. Icaamitsa napitocawa njai etiopenai. 13 Asa ipinietana lri-tsolrodaoperre iapiya Gerar lricojle. Aima nanakjoite njaji etiopenai corri capishoetsa nataita nakjaidatacawa, ima mjaidaketsana Dio ipeyajle njite lri-tsolrodaoperre ipeyajle tsakja. Njaji tsolrodaonai aimadan Judá lricope nadee aima nanaanipem njaji etiopenai. 14 Judánai imatsiketa pjiomi njaji yacaalrewape Gerar iwaida nacope, ima aima nafiocawa njaji inaiki niniperri Dio ipeyajle. Njaji tsolrodaonai Judá lricope njewa njeta pjiomi njaji nanaanipem, njite aima naniwaca nanakjoite. 15 Namatsieketa tsakja naofacawape njaji ianjicape iwapa naapirra; nadee aima oveja nayapem, coshoca nja camello njitena nadiawa Jerosalén lricojle.
1 Dio icaolrini ino Asaria naco, Obed irri. 2 Asaria iawa lrioketaaca carro Asa iapiya, njite lriaco lrirso: ''Panaya pjia, Asa, pjiomi Judá njite Benjamín tsakja, jimi norso: Piinai catsa jliaji wa-Minalri, corri capoa pimacani. Pioma cadaotsani, piinai catsaotsani; mitsa pimaca cadaani, lrimaca tsakjaotsa pjia. 3 Aima jalredaoca naco, njaji Iraelnai corri pia njeepa Dio iaco, corrin narsoca pada sacerdote icanantacaodana, corrin narsoca iacoti ianjicada nanaco. 4 Mitsa, aima capoa njerrapitaca, njite nadia naoma Dio, na-Diote njaji Iraelnai, naoma capoani, oopi tsenakja naoketani. 5 Jliawajli pia, corri piatsa lrimaodacaca jliaji ianjicadawa, corrin tsakja lrimaodacaca jliaji inolri lriocá carro ajerreji; icaamitsa aima narsoca maatsicalri njaji jalredaoca lricoperri. 6 Pacoa jiipai nacope, njite naji pacoa yacaalre lricope njaama piacana, ima Dio icadaa piaca njerrapita pjiomi jirrapita kjeti sho. 7 Ikjaidatakeenawa, macadatsa mjaidaca nja inaapa, ima cacoada caotsa pjiomi njaji pinaitjalri. 8 Asa jimi cádanaco njaji iacoti, inoparrotacaita Obed inoparrotanda, lrikjaidatacawa njite lripeeco pjiomi njaji mapeyocanaaperritsa pacapaca pjiomi Judá lrico njite Benjamín lrico tsakja, njite naoya tsakja njaji yacaalre jlitanipe lrirsowao oowi rico awacada Efraín lricope, njite lrinaitja altar Dio irso, jliaji iemalri lritsipenapji icoemjete Dio iipana irso. 9 Lriwaketa pjiomi njaji Judánai, Benjamínai, njite nanacope njaji iofalri nainai Efraín inakjoite perri, Manases njite Simeón tsakja. Ima nano piaca Irael lrikjoite aimadan Asa ikjaolre, nacapa cádanaco wa-Minalri Dio ikitsindatani. 10 Niini nawacaacawa Jerosalén lrico madalripi naco, quince walria naco Asa italricanaaca naco. 11 Jliada pia naino maaficalri Dio irso nanakjoite njaji maaficalri njetaji naoya njaji nadeeji paana ioya: naino seteciento buey, njite siete mil oveja njite cabra tsakja. 12 Nanaitja narsowaaca pada iacoti naoma carro pja narsowao Dio, naDiote njaji naferrinaipemi, naoma carroni nacaolre rikjoite njite nacafica sho tsakja. 13 Pacoaca pia nawaopiakje nacaitecawa narsowaaca, lrirsocatsa mayamica jliaji corridalri ioma lrirsowawa Dio, na Diote njaji Iraelnai, nacaite corricatsa coadaca tsodalri cadaa o macani cada jliaji inaiki, o atsia cada o iinarro cadaa. 14 Nacaite iacoti ajadalri sho njemí werrico pjiomi, nawana kjaida, njite napjia tsakja trompeta njite vaaca itsowam. 15 Catiima pjiomi njaji Judánai lrikjaotejliaji iacoti ajádalri nanaitjalri, ima nacaite ajádalri sho nacaolre rikjoite, njite naoma Dio matsia, njite Dio icadaa naoketacani. Wa-Minalri icadaa narso imaodaca kjeti pjiomi nawaida naco. 16 Lriyaamita tsakja jlirroitami Maaca lricadaa cawa piano talricanaati carrono lriinai, ronaitja capoa rsonapjiami sroaji mapeyo canaadarro Asera, Asa iyaamita jinapjiami mapeyo canaadarro, lriwititano njite lrimjaitano onipaokja Cedron dalri rico. 17 Mitsa corrin njetaca njaji yenondalripe Irael lrikjoite, mitsa Asa icaolre lricadaani Dio irso caafi cádanaconi. 18 Lridee Dio iipana lricojle njaji jlinirri iyarroaji, njite njaji lrirsompe Dio iyaarrotsa: owirroitape njite palrataitape tskja. 19 Corri pienatsa paca owicalri trenta cinco walria naco Asa italricanaaca naco.
1 Trenta sei walria naco Asa italricanaaca lrico, Baasa, Irael italricanaa, iema maatsicalri rico Juda ikjoete, niini Baasa inaitja Ramá, lridaanatá carro njaji inaiki wadee namotocawa o njewaca Judá lrico, talricanaati Asa iyacalre. 2 Njite Asa jipa iniwa pjiomi njaji palrata, owirro namatsietacawa lrico Dio iipana lricope, njite talricanaati dapana lrico tsacja, njite lrimeenaca Ben Adad irso, Aram italricanaa, iofaacada Damasco lrico, lrimeenaca iacoti lrirso cayoji: 3 ''Warsa wanaitja pada yacoti warsowaaca, cayoji njonirri irso capisho pia pjinirri iapiya. Nomeenaca pirso palrata, owirro tsakja. Ajena pirsoca iacoti Baasa iapiya, Irael italricanaa, lricadaa carro nofáa nomaodaca tsa.'' 4 Ben Adad jimi lrirso jliaji talricanaati Asa, niini lrimeenaca njaji lritsolrodao icomandantenai nainoacá carro nakjoete njaji yacaalre Irael ricope. Nainoaca nacjoete njaji inaiki iofaacape Ijón rico, Dan rico, Bet Main ricope, njite pjiomi njaji yacaalre namatsietacawa lrico nanaani njepaite rico njaji Neftalí poco. 5 Niini Baasa jimi cádanaco coanca, yaami lrinaitjaca Ramá, Icaamitsa lriyamitaca jliaji idenjikjeti. 6 Njite jliaji talricanaati Asa iinai pjiomi njaji Judánai. Niini njewajica pemajle njaji jiipada, jaico tsacja Ramá lricjoite Baasa inaa shopam nanaitjaca jliaji yacaalre Ramá. Nasho njaji lrinaitja shopamtja jliaji yacaalre Ramá, Asa inaa nanaitjaca njaji yacaalre Geba njite Mizpa tsacja. 7 Jliawajli, jliaji inoparrotacada Hanani iawa Asa iderse, Judá italricanaa, njite lriaco lrirso: ''Coada picadaa pja picaolre Aram italricanaa naco, corricantja picadaa picaolre pi-Minalri Dio naco. Corritsa pitaitá carroca pjia cantja ianjí nanaco njaji Aram italricanaa itsolrodaoperre naco. 8 ¿Corri pianji aimadan pjapiaca njaji tsolrodaonai Etiopia njite Libia lricopepia, aima pja pia narsoca carrofiape, njite njaji atsianai jiecocapewa caballo naco? Njite picadaa capoa picaolre Dio naco, Lricadaa pjiamá carrona. 9 Wa-Minalri icapa pjiomi njaji jiyapalriwa jalredaoca lrico, njite lrikitsindata jlíida sho njaji inaitjacape cayoji lrioma capisho. Mitsa pjia, pjiwacatsa icapacawa aji. Niini panaya nakjoite, caidalritsaotsa pirsoca oowicalri.'' 10 Njite kerroaca Asa inoparrotacada ikjoete; jlietani presodapana lrico, ima kerroacani lriapiya pjiomi ikjaotetsa. Jliapodamtsa, Asa icadaa nadenji kjaida njaji padapena inaiki lriyacalre ricope. 11 Njaji Asa inaitjaji lriinita, njite njaji lrinaitjaji pikeetem, paoketacana nadananda lrico lrirricoda jliaji paperra nadana cawa nanaco njaji talricanaatinai Judá lricopenjite Irael tsakja. 12 Trenta noeve walria Asa italricanaaca naco, pada irrenati matsinaadalri jipa jliipa naco, njite cayo cadaanatsan, corrin lritatja Dio iinai lrikitsindatá carroni, icaamitsa lriomaca njaji atsianai itapecape. 13 Mayami Asa lriferrinaipe iinai; mayamini cuarenta uno walria lritalricanaaca naco. 14 Nadawani lrirricodatsa jliaji irrirri lrinaitjandatsa lrirsowao David iyacalre ricó. Njetani lriarrona lrico ketandalri pootiyaperri sho, aima pomeniajao tsakja nanaitjaji njaji ianjicapenatsa inaitjaca pomeniajaipe. Nawaca tsakja tiyee pekirridalri liipitana naco.
1 Josafat, Asa irri italricanata jlinirri jiapodam. Josafat ikjaidatacawa matsia lriema carro Irael ikjoete. 2 Lricadaa aima tsolrodaonai nerricoda njaji yacaalre taimí perri Judá lrico, lricadaa tsakja naofacawa njaji tsolrodaonai iwapacaope pjiomi judá lrico njite Efraín tsakja, njaji yacaalre jlinirri jitaji lrirsowao. 3 Wa-Minalri ikitsindata pia Josafat ima lrinaitjaca cayoji jlinirri David inaitja capisho pia lriinita, corri cantja lrioma njaji baalnai. 4 Lricadaa lricaolre jlinirri iDiote naco, lrinaitja cayoji lriaco icaite capisho, corrin lricapaca lriicawa njaji iraelitanai. 5 Niini Diio ikjaidataca talricanaatiapani Josafat icaapi rico, pjiomi njaji inaiki Judá lricoperri nacaoña piaca Josafat. Lrisopiaca aima lrinaani cacoadaperri, njite matsia nacapaca lrirso pekirritsa. 6 Lricadaa lricaolre ajádalri Dio naco niini lrinaitja cayoji lrioma capisho. Lripeeco tskja njaji yenondalripe njite Asera iemacarronape Judá ioya. 7 Madalriwalria kena lritalricanaataca, lrimeenaca njaji lrirsoperri caconaaperri: Ben Hail, Abdia, Zacaria, Natanael, njite Micaia tsakja naa carro nacananta nerricoda njaji yacaalre Judá lricope. 8 Nainai tsakja njaji levitanai: Semaia, Netania, Zebadia, Asael, Semiramot, Jonatan, Adonia, Tobia, njite Tobadonia, njite nainai njaji sacerdotenai: Elisama Joram iapiya. 9 Nacananta Judá lrico, ima narsoca jliaji paperra nadanacawa njaji Dio iaco kjaidaperri. Nacananta pjiomi yacaalre rico Judá lricoperri njite nacananta pjiomi njaji inaiki. 10 Njite pjiomi njaji pacoa lricope talricanaatinai iofacappe Judá iwaida naco, nafiowa pekirritsa Dio iiwana, niini corrin nanaitjaca oowi Josafat ikjoete. 11 Padapena nanakjoite njaji filisteonai nadee inaaniti macoatsa Josafat irso, naa lrirso palraata cayoji nacaoña capisho lrirso. Njaji árabenai, nadee tsakja lrirso aima maaficalri, siete mil seteciento carnero, njite siete mil seteciento tsakja cabra. 12 Corritsa coca itaita Josafat ikjoete. Lrinaitja aima panti njite yacaalre taimí perri Judá lrico lrimatsieta carroda pjiomi, 13 Lriwaketa aima injaodati nerricoda njaji yacaalre Judá lricope. Njite njaji tsolrodaonai, atsianai kjaidaperri, mafiocapetsa lricadaana Jerosalén lrico. 14 Icatsa neepitanaca njaji, cayotsa nadanaca coan piaca nanoca njaji njanirrinaipemi iipaneta: Njaji comandatenai irsocaperri mil ipeyajle narsoperri Judá lricope; comandante Adna, lrirsopia treciento mil tsolrodaonai oowi icaona; 15 lriinaitsa jliaji comandante Jonahán, njite dociento ochenta mil tsolrodaonai; 16 lriinaitsa, Amasia, Zicri irri, lriwaopiakje shotsa lricadaacawa lridenjíi carro Dio irso, njite lrirso pia dociento mil tsolrodaonai oowi icaona. 17 Nanakjoite njaji Benjamín poco: Eliada, pada atsia kjaidadalri pacapanda paicawa, lrirso njaji lriinaiperri tsolrodaonai, dociento mil namaimaca, irsocape nayawitashopa njite narso tsakja nadanaita; 18 njite lriinaitsa, Jozabad, njite ciento ochenta mil lrirsoperri tsolrodaonai, iwapacapenatsa naacarro oowi rico. 19 Icatsa njaji idejirri lrirso jliaji talricanaati, naoya tsakja njaji lricadaaji nerricoda njaji yacaalre taimí perri pjiomi Judá lrico.
1 Josafat irso pia aima lrinaani cacoadaperri, njite matsia nacapaca lriso; njite lrikitsindajica Acab lricadaa capoa pada lrinakjoite dalri jitaca Acab iito lrinowa. 2 Njite madalri walria jiapodam, Josafat iáa icapa Acab iderse, Samaria lricojle. acab iino aima oveja, vaaca Josafat irso njite narso njaji inaiki lriinaiperri. Acab ipomenata tsakja Josafat lria carro lriinai naino carro Ramot, Galaad ricoda lriinai. 3 Niini Acab, Irael italricanaa iaco Josafat irso, Judá italricanaa, cayoji: ''Capaotsa pinoca noinai oowi rico Ramot Galaat ricoda lricojle?'' njite Josafat jiepani: ''Pjia capishotsa njoa, njaji nonaikite pinaikitecana shocatsana, weniotsa piinai oowi rico'' 4 Josafat iaco pja lrirso jliaji Irael italricanaa: ''Pinaitja matsiacalri pitatja wa Minalri iinai lricaité carro pirso cocaca jliaji pirsolritsa piinita pinaitjca.'' 5 Niini Irael italricanaa iwakeeta cuatrociento atsianai inoparrotacape, lriaco narso: ''¿Capja matsiatsa waacawa oowi rico Ramot Galaat ricoda ikjoete?'' Njite naaco lrirso: Piena pinaitja oowi nacjoete, ima wa Minalri icadacaotsa poicaapi ricona, pjia talricanaati.'' 6 Njite Josafat jiepani, lriaco: ''¿Corrinatsa pacapa anji pada pja inoparrotacada wa Minalri irsodalri watatjaoda waicao?'' 7 Nini Irael itarlianaa iaco Josafat irso: ''Niini toa pada atsia waoda watatjá femio lriinai coanca wa Minalri icaiteca, lriipitana Micaia, Imla irrí, mitsa maatsi nocapaca lrirso ima corritsa coancadanaco-ca lrinoparrotá nonaco matsia, icaamitsa lricaiteca iñaakjeti naco.'' Nini Josafat iaco lrirso wadee caacoca cayo jliaji talricanaati Acab. 8 Njité dalri jliaji talricanaati Irael ricoda iwana pada caconaite lrinaa carron, lriacarro lriwana Micaia, Imla irri lricjaolre. 9 Cayocadanatoa Acab, Irael Italricanaa njite Josafat, Judá italricanaa naofaa catoa nacoana naofaa carroda naco caconaadalri, njite atsayan caacona carroda lricona, naofawa pantinomajle pjeewacawa Samaria lrico, njite njaji iniparrotacaperri nanoparrotaca napeyajle njaji talricanaatinai. 10 Njite Sedequia, Quenana irrí inaitja lritsowao tsípalra sho, njite lriaco: ''Cayo wa Minalri icaiteca: ''Nasho njaji, itodacaotsa njaji arameonai a kjerrecatsa iwayakeetana.'' 11 Njite pjiomi njaji inoparrotacape nacaite tsacja cayo: ''Iáa iino njajji Ramot ricope Galaad ricoda ima jiameeta caotsana, ima wa Minalri icadaacana talricanaati icaapi ricona.'' 12 Njite jliaji ideecada iacoti Micaia irso, iaco lrirso cayoji: ''Picapakjee, pjiome njaji inoparrotacaperri nacaite iacoti matsiaperri pacoacatsa wa talricanaa irso nanoma sho. Pinaitja matsiacalri picaite tsacja iacoti matsiaperri cayotsa nacayosho.'' 13 Mitsa Micaia icaite cayoji: ''Ajádalrica caafidalricatsa jliaji wa Minalri, coca cadaa no Minalri icadaa nocaite carro icatsaotsa njaji nocaiterrica.'' 14 Njite Micaia ioca cádanaco talricanaati ipjeyajle, talricanaati iaco lrirso: ''¿Micaia, capja warsotsa waaca oowi rico Ramot ricojle Galaad ricoda o corrim?'' Njite Micaia jiepani, lriaco: ''Pia piinoacawa panaya, ima wa Minalri icada picaapi ricona.'' 15 Njite talricanaati iaco lrirso: ''Caidalri manatsa nocaiteca pirso picaité carro norso iacoti ajádalri sho wa Minalri iipitana nacó.'' 16 Niini Micaia iaco jiepacan: ''Nocapa pjiomi njaji Iraelnai macada nanjicawa awacadalrico, cayoji oveja maminalripem sho, njite wa Minalri iaco cayoji: ''Njaji, corritsa narsoenca iwapacadana. Picadaa nadiá carro naapana lricojle matsiatsa.'' 17 Nini jliaji Irael italricanaa iaco Josafat irso: ''Nocaite capa pjia, corritsa lricaité carroca nonaco iacoti mtsiadalri, icaamitsa lricaiteca nonaco iacoti maatsí perritsa.'' 18 Ikeena Micaia icaite pjaaca lrirso: ''panaya jimica pjiomi jia wa-Minalri iaco: Nocapa wa Minalri iofacawa lriofa carroda naco, njite pjiomi njaji inoaca cápewa lrirsoperri neemacawa Lripeyajle lriyekema nacó njite lripatolriema kema naco tsacja. 19 Nini lriaco jliaji wa Minalri: ¿''Coca itaita iacawa lrimanalrietá carro Acab iwaopiakje, lriá carro lrinoacawa Ramot Galaad ricoda ikjoete nainó carro nirseni? Niini nja paana nacaite pada iacoti, njite nja papoco nacaite tsakja pada. 20 Cayo cádamaco, pada caolriti ino iemao wa Minalri ipeyajle, lriaco cayoji: ''Njoa watsa imanalrieta lriwaopiakje.'' Njite wa Minalri iaco lrirso: ¿''Coanjeotsa pinaitjacan?'' 21 Nini jliaji caolriti jiepani: ''Caolriti cashadalrimca njoa, nini noawatsa nocadaa carro namotoetaca ishaatitsa nanoma lrikjoite pjiomi njaji inoparrotacape. Njite wa Minalri jiepani: Pjia pedaotsa icadaa jliepá carro ishaati, njite matsia caotsa lrimotoca pirso lrinaco jliaji pialriotsa pinaitja. Warsena pia pianitja jliaji picaiterri. 22 Nini Panaya, wa Minalri icadaa pada caolriti cashaadalrim nacaite carro ishaatitsa njaji inoparrotacape pirso, wa Minalri icaite cadaana maatsidalri ínoca pinacojle.'' 23 Nini Sedequia, Quenana irrí jinico iñaa Micaia icacoda naco, njite lriaco lrirso: ''¿Coan tsakja lriaca nooya jliaji Caolrito waMinalri iyada caacó carro njoa pirso?'' 24 Njite Micaia jiepani: Enaotsa pianjíi coanca jliadenaotsa pianji cádanacoena pjiewawa panticoam pidawaca carro. 25 Njite jliaji talricanaati Irael ricoda iaco narso njaji lrirsoperri: ''Jipa idee Micaia Amón iderse, jliaji yacaalre italricana, njite nirrí Joás, iderse tsakja. 26 Icaite lrirso nonacjoite, cai lriaco jliaji talricanaati: Ipresota jliaji atsia, matsaotsa lrijao aima, caitsakja lriirrao a kjerrecaotsa nodia nocao matsiatsao.'' 27 Njite Micaia icaite: ''Pidia cadaotsa matsiatsao, noanji pedaotsa corricatsa wa Minalrica jliaji caacolri norso.'' Njite lriaco pja narso:'' Jimi jliaji nocaiterri, pjiomi jia.'' 28 Nini Acab, Irael italricanaa njite Josafat, Judá italricanaa, naawa Ramot Galaad ricoda ikjoete. 29 Jliaji Irael italricanaa iaco Josafat irso: ''Noawatsa noinoacawa nainai, mitsa njotaotsa nooya notsayan talricanaati carroda njoa wadee naanjica njoaca, mitsa pjia talricanaati sho catsaotsa pjietacawa.'' Cayotsa lrinaitjaca jliaji Irael italricanaa lriá carro lriinoacawa oowi ricó nainai. 30 Njite jliaji talricanaati Aram lricaite narso njaja trenta y do lricapitamanai jiecojicape caballo naco, irso cape carretafiape njapoda, wadee nainoca njaji coamperri catsa tsolrodaonai, icaamitsa lrinaa nainó carro jliaji talricanaati Irael ricoda. 31 Nini njaji capitamanai nacapa cádanaco Josafat iemacao njeeco lriicjaolre nainó carron nawada capoa jliaca Irael italricanaa. Mitsa Josafat jiemataca cjaida Dio irso niini Dio ikitsindatani. Lricadaa naawa teeco lrioya. 32 Njite nacapa cádanaco njaji capitamanai corrica jliaca Irael italricanaa, nadia lrioya. 33 Mitsa pada atsia iyawitaá macadatsa niini lriyawitaca jliaji Irael italricanaa lritsayan taimi dalri ipecolricotsa. Nini Acab iaco lrirso jliaji ideecada lriapiya, lridieta carroni nainoacacawa ioya ima nayawitacani matsinaa. 34 Matsinaa nainoacacawa oowi rico jliadaa jeecoapica njite jliaji talricanaati Acab lriemacatsao lri carretan lrico nakjoete njaji arameonai. Mitsa jliadatsa dainoma mayamini.
1 Josafat, Judá italricanaa idia iocawa lriipana lrico Jerosalén lricojle matsiatsawa. 2 Njite inoparrotacada Jehú, Hanani irri, lriawa lricapaaca carro talricanaati Josafat iapiya, njite lrico lrirso: ''¿Coada pikitsindata jliaji inaiki matsidalritsa? ¿Capja matsiatsa pakitsindataca jliaji jipondatacada Dio? Njite cayo capoa pinaitjaca, Dio iiroa jiwaca pinaco. 3 Mitsa, niini pada pimatsiaca, pipeeco capoa Asera iema carrona pjipaite ioya, njite picadaacawa pioma carro Dio picaolre rico.'' 4 Josafat iofa piawa Jerosalén lrico; njite lrimoto tjenakja lripieta naikjaolre njaji inaiki Bersebá nakjoite, teeco lriocawa awacada cawa Efraín poco iyada, lricadaa tsenakja nadiá carro naoma wa-Minalri, nja nirrinaipemi iDiote. 5 Lricadaa inaiki icaitecape nanaco njaji inaiki pjiomi nerricoda njaji yacaalre taimí perri Judá lricope, caimitsa lrinaitjaca nacoanaa njaji yacaalre. 6 Niini Josafat iaco narso njaji ianjicape inaiki naco: ''icapa matsia njaji inaitjalri, ima corricatsa atsianai irsoca jliaji icaiteca nanaco njaji inaiki, mitsa inaitjacani Dio irso. Jliacatsa iinai icaite cádanaco pada naco. 7 Niini panaya irsotsa icadaacacawa Dio irso ifió carro lriiwana. Icaite cádanaco pada naco, icapaotsa matsia coanca, ima corrin pacapa iwaopiakjeti maatsidalri Dio iinai, corrin pacapa matsia cawa pacapa apjetsida irso apada ioya o pjepacawa nakjoete nacaoñaca shopawa na matsicana ioya.'' 8 Njite Jerosalén lrico, Josafat icadaa padapena nanakjoite njaji levitanai, padapena sacerdotenai, njite padapena nanakjoite njaji Iraelnai iapiyawanai naapaneta icoam cayotsa piaca oopii shotsa, nja carro icaite naacona njaji inaiki Dio naco, namatsieta carro iacoti. icatsa njaji iofacapeo jerosalén lrico. 9 Lricanantana cayoji, lriaco narso: ''irsotsa identijica icaolre ajádalri sho Dio irso, wadee imacacani. 10 Nano cadaa iderse njaji iyacalre ricope pada iino capoa nakitsinda, o naikjaote cadaa njaji iacoti kjaidaperri, o naikaote njaji iacoti Dio icadanpe, o naikjaote cadaa njaji iacoti icaite cape coanca paofacawa, o naikjaote cadaa njaji iacoti papoco caconaperri icaitenda inaco pada ikjaote, irsotsa icaitecana wadee camatsicanacanaa Dio ipeyajle, wadentja Dio írroa jiwaca nanaco njite nanaco njaji nakitsiñape. Inaitja cadaa cayo corriotsa irsocarroca maatsicalri. 11 Jliaji sacerdotenai iapiyawalri Amaria, jliawatsa ianjii inaco, njite nanaco njaji Dio idenjikjeti Dio nacope. Njite Zebadia, Ismael irri, jliaji Judá poco iapiyawalri, jlia watsa ianjíi nanaco njaji talricanaati inacoperri. Nja tsaca njaji levitanai nadenjicaotsa irso. Ikjaidatacawa njite inaitjaotsa cayoji nacaite capisho irso, njite Dio watsa ikitsindata njaji matsiaperritsa.''
1 Njite paia nacojle njapodamina pjiomi njaji jiyapalrio, nano njaji Moab lricope, Amón lricope njite padape nanakjoite njaji meunitanai nainoacá carro Josafat ikjoete. 2 Niini naaca nacaite Josafat irso cayoji: ''Aima inaiki inoca pikjoete inocapeMar Muerto lricope, Edom lricope tsakja. Ena naocawa Hazezon Tamar lrico.'' En Gadi lrico. 3 Njite Josafat ifiocawa pekirritsa niini lriomaca Dio lricaolre rikjoite. Lricaite narso njaji Judá lricope maijacá carrona pjiomi. 4 Nawacaacawa pjiomi njaji Judá lricope naoma carro Dio; nano pjiomi nayacalre rikjoite naomá carro Dio. 5 Josafá iemawa napecolrico njaji inaiki iwacacalrio judal lricope njite Iraelnai Dio iipana lrico, lricoemjete jliaji walridalri yacalrecoa, 6 lriaco narso: Jliaji Talricanaati, naDiote njaji waferrinaipemi, ¿capja corrica Dioca pjia eenolricojle? ¿Capja corrica pjiaca Natalricanaa pjiomi njaji talricanaatinai jalredaoca lricoperri? Pirsoentsa pjiomi jiidati, corrin coca itaita iemaca pikjoete. 7 Pjia wa-Diote. ´¿Capja corrica pjiaca jliaji jitalri pia njaji inaiki aperri pia iofawaji napeyajle njaji pinaikite aimadan iraelitanai, njite picadaa naofaa niini caidalriwrnatsa njaji Abraham idakenai? 8 Naofa niini njite nanaitja padapana panti Piipitana iofacarrodao, naaco cayoji: 9 Imatsicakjeti íno cadaa waikjaolre, matseeta, jirrapitakjeti, ipoati cadaa, maawitacai cadaa, weemacaotsa lripeyajle jliaji panti, Pipeyejle (Ima niinica piipitana iofawa) njite wawanaaotsa pikjaolre lrikjaote jliaji ferrapitalri, njite Pjimicaotsa warso pimanacotá carro fáa. 10 Picapena panaya, nanokena wakjoete njaji Amón perri, Moab perri njite njaji Awacada Seir perri, njaji corriperri Picadaa Iraelnai jitacana njenai paite ioya namoto caojli pia Egipto lrikjoite; icaamitsa Irael jienaca naoya corrin nawayaketana. 11 Picapena coanca nacaoñaca fáa; nanoca njetá carro fáa Pjipaite ioya, jliaji picadaalri wayadá carrón. 12 Pjia wa-Diote, ¿Coajeotsa pinaitjacana? Ima corritsa wataitá carroca nakjoete njaji aimadani tsolrodaoai inolri wakjoete. Cotsa wanjíi coanca wanaitjaca, niini waoma pikitsindataca fáa.'' 13 Pjiomi njaji Judá lricope neema-catsawa Dio ipeyajle, pjiomi njaji neenipe njite naninai tskja. 14 Njite napecolrico njaji iwacacalriwa, Dio Icaolrini iorroco Jahaziel naco, Zacaria irri, Benaía irri, Jaiel irri, Matania irri, jliaji levitatairri, pada nanakjoite njaji Asaf ienipe. 15 Jahaziel iaco: ''Iwapa jimi, jia Judá lricope, jia tsakja iocape Jerosalén lrico, njite talricanaati Josafat tsakja. Cayo Dio icaiteca irso: ''Mafiotsawa, mjetatja icaolre nanaco njaji tsolrodaonai aimadan, ima jliaji owicalri cajliaji corritsa iyadacani, mitsa Dio iyadacan. 16 Tjewenaotsa irsotsa iaca yema nakjoete. Panaya jliaji, njerraacawa Sis iapowa lrico. Ioketaotsana lriwayacacawa jliaji jiipai ioyawaaca pacoacaita dalri, lripeyatoa paocacawa lrirso jliaji jalrapocolri Jeruel dalri. 17 Corriotsa inoacá carroca nakjoete. Iema catsaotsa mananitsawa iyarroema nacojle, icapá carroatsa coanca Dio iáa caotsa imanacota jia Judánai njite jia Jerosalén lricoperri. Mafiotsawa, wadee jitaca icaolre. Tjewenaotsa iáa nakjoete, ima iinaicatsa Dio.'' 18 Josafat icoaja jliwida njite lritoda lriecoa jiipai nacojle. Pjiomi njaji Judá lricope njite njaji Jerosalén lricoperri nacoaja Dio ipeyajle naaca lrirso matsiadalri. 19 Njaji levitanai, nanakjoiteperri njaji Coatitanai njite njaji Coretitanai, njenico nemawa naacarro matsiadalri Dio irso, na Diote njaji Iraelnai, iacoti kjaidadalri sho. 20 Njenicowa piyompinaco toa naacarro jalrapocolri ricojle Tecoa ricoda. Naa cadanacotoa, Josafat jinico iemawa, lriaco narso: ''¡Jimi norso jiáa Judanai njite jia Irael lricoperri! Icadaa icaolre apadatsa iDiote naco, lrikitsindatá carro jia. Jiepaotsa coanca naaco njaji iprofetanai, njiteotsa matsiatsa itso pjiomi.'' 21 Lricaite cayami narso njaji inaiki aimadan, lricaite kjaitenaica njaji icantalriotsa Dio irso, naaca matsiadalri Dio irso lrimatsiaca matsiadalri ikjaote. Namoto cadanacotoa napeyajle njaji tsolrodaonai aimadan, naaco: ''Iaca matsiadalri Dio irso, ima corrin lrimacaca lriacoam caidalriwetsa.'' 22 Naitita cádanaco nacantaca njite naaca matsiadalri Dio irso, Dio icadaa pana atsianai idanataca njaji aimadan Amón lricope, Moab njite njaji Awacada Seir lricoperri, njaji inolri inoacawa Judá icjoete. Oopi njamana. 23 Ima njaji Amón lricope njite njaji Moab lricope njenico neema nainoacawa nakjoete njaji Awacada Seir lricoperri, naino nawayaketa pjiomina. Naino cayami pjiomina, icamina nainoacawa nakjoetewacatsa. 24 Naoca cádanaco njaji Judánai pacapacawena jalrapocolri ricojle, naoma nacapa naikjaolre njaji nacoema tsolrodaonai. Mitsa nja, oopina mayamina, narsoawa jiipai rico; corrin yomje pada. 25 Josafat iáa cádanaco naapiya njaji lrinaikite njepá carro narsowao njaji nayaarroajipem, aima naoketaca yamacati, nanaani cacoadaperri, njepa nacoana narsowao, njite corrinatsa nataita nadeeca aima coa njaji njepalri. Aima jalredaoca njewajica njaji nayarropem ima aima piacana. 26 Coatro jalredaoca naco nawacaacawa jiipai ioyawaca pacoacaita cawa lrico Beraca dalri. Icatsa naaca matsiadalri Dio irso niini, icatsa lriipitanaca niini, atee panajiete, '' Jiipai ioyawaca pacoacaita cawa Beraca dalri.'' 27 Njitedalri nadiawa pjiomiwa, njaji atsianai Judánai, njite Jerosalén lricope, Josafat iáa napjeya, nadiá carro naocawa Jerosalén lricojle tsenakja catiimawa, ima wa-Minalri icadaa catiimana jliama capoa naikjaote nacoema. 28 Naawa Jerosalén lrico njite Dio iipana lricojle natocaji iapiya jaicoitape, arpa, njite tropmpeta tsakja. 29 Dio icadaa nafiocawa pekirritsa pjiomi njaji pacoa talricanaatinai iwapacawa njemi cádanaco wa-MINALRI inoacacawa nakjoete njaji Iraelnai icoema. 30 Ninina, jliaji jiipai Josafat iwapacawa namaodacatsa naofacawa, ima Dio icadaa namaodacá carro naofacawa pjiomi njaji iofacapewa tsoomi Josafat iyacalre lrioya. 31 Josafat italricanaata nanaco njaji Judánai; lrirso piakena trenta cinco walria lriniita cádanaco lritalricanaataca, venti cinco walria lritalricanaataca Jerosalén lrico. Azuba pia jlidoa iipitana, Silhi iito. 32 Lrinaitjatsa cayoji lrinirri Asa inaitja capisho, corrin jlienaca naoya; lrinaitja matsia Dio ipeyajle. 33 Mitsa, njaji yenondalripe corrin lripeeco piacana. Njite njaji inaiki corrin nacadaa nacaolre ajádalri naferrinaipemi iDiote naco. 34 Njaji paana Josafat nanacoapanaperri, njaji lrinaitjaji lriinita, njite njaji piketemperri, pacapacana Jehú, Anani irri idanampe lrico lricaitecawa coanca lrinaco, njite nadanani lri ricoda jliaji paperra nadanacawa nanaco njaji talricanaatinai Judá lricope. 35 Njapodamina njaji, Josafat, Judá italricanaa, lrikitsindata Ocozia, Irael italricanaa, jliaji inaitjacada aima imatsicanaati. 36 Lrikitsindacani nanaitjácarro iita macafianipe yacaope Tarsis lricojle. Nanaitja njaji iita macafianipe Ezión Geber lrico. 37 Njite Eliezer, Dovada irri, meresa lricoda inoparrota Josafat ikjoete; lriaco lrirso: ''Pikitsindaji capoa Ocozia, oopi Dio imatsica njaji pidejicalre.'' Njaji iita macafianipe, oopi tocotocopena, corrinatsa nataita naacawa Tarsis lricojle.
1 Mayami Josafat nainai njaji lriferrinaipemi, nadawani nacodapitsa David iyacalre rico. Njite lrirri Joram jimao talricanaatica jliapodam. 2 Joram irso pia lriwenaipe, Josafat ienipenaipe: Azaria, Jehiel, Zacaria, Azaryahu, Micael, Njite Sefatia. Icatsa pjiomica njaji Josafat ienipe piaca, Irael italricanaa. 3 Josafat iáa pia narso macaoña canaatsa aima palraata, owirro, inaaniti cacoadaperri matsiaerri, lrinaitja tsakja narso yacaalre taimí perri Judá lrico, mitsa jliaji talricanaatiapani lricadaani Joram irso jlia capoa lrienipe pjerriti. 4 Njite Joram iofa cádanacoena matsia talricanaati sho jlinirri jiapodam corriketsa coca jita njiteni, lriino pjiomi njaji lriwenaipe matseta sho, lriino tsakja aima Iraelnai iapiyawanai. 5 Joram irsopiakena trenta oscho walria lrinita caojli pia lritalricanaataca, ocho walria lritalricanaataca Jerosalén lrico. 6 Lrinaitja cayoji nananitja capisho njaji talricanaatinai Irael lricope, nanaitja capisho njaji Acab iipaneta, ima jlita piaca lriinowa Acab iito. Lrinaitja maatsi Dio ipeyajle. 7 Mitsa caicayatsa, corrin Dio ioma iwayaketaca njaji David inakjoite perri, lrikjaote jlaji iacoti lrinaitjalri pia lriapiya; Dio icaite piaca David irso lrienipe inakjoite perri catsaotsa njaji italricanaatalriotsa jliapodam. 8 Joram jiawalri pia, Edom yeema lrikjoete jliaji Judá italricanaa, ima nacadaaca narsowao njawaacatsa pada natalricanaawa. 9 Njite, Joram iawa naapiya njaji lricomandantenai, njite lridee tsakja pjiomi njaji lri-caballon cacarretanpe. Njite njaji Edom lrikope na-korrarrata Joram, lri-comandantenai njite njaji lri-caballon cacarretanperri, mitsa deepi rikotsa njenico napitó carro naoya. cayotsa napitocawa njaji Joram inaikite naapana lrikojle. 10 Cayo pienatsa Edon iemacawa Judá iajicawa nanaco atee panajiete. Cayo tsacja njaji Libna lrikoperri, corrinatsa Judá iajica nanaco, ima Joram imacaca na-Minalri, lriferrinaipe iDiote. 11 Njite Joram inaitja pja njaji yenondalripe awacada naco Judá lrico, njite lricadaa njaji inaiki Jerosalén lricope nanaitja carro macadatsa nadada sho nacayosho njaji inaitjepe cawilreperrimi, lricadaa nanaitjaca maatsi njaji Judá lricope. 12 Elía idananda paperra iocawa Joram irso lricaitecawa cayoji: ''Cayo lricaiteca jliaji wa-Minalri, pi ferrim David iDiote: ''Corri capoa pinaitja cayoji pjinirri Josafat icayosho, corrin tskja Asa inaitja capisho, Judá italricanaa, 13 13icaamitsa pinaitjaca nacayosho njaji talricanaatinai Irael lricope, picadaa Judánai inaitjaca imatsicanaawa, njite picadaa cawilre perrin shoca njaji Jerosalén lricoperri, nanaitja capisho njaji Acab iipaneta, njite piinio capoa njaji piweenaipe pjinirri iipaneta matseta sho, atsianai matsiaperritsa pioya, 14 niini wa-Minalri icadaacaotsa aima ipírrao pinaikite naco, pienipe naco, pininai naco njite nanaco njaji pirsompe. 15 Aimaotsa pjirrapitaca icaiyati naco pada irrenati ikjaote pishapi ricoda, aima capoa jalredaoca pjirrapitaca jliaji ipoati, pishapi imotocaotsa pioya.'' 16 Dio cadaa Joram ikjoete natsiketá-carroni nacaolremi njaji filisteonai njite njaji árabenai , njaji iofalri tsoomi etiopenai ioya. 17 Nainoacawa Judá ikjoete, njeewa lri-ricoda, njite nadee pjiomi njaji cacoada perri naoketaji talricanaati dapana lrico. Nadee tsakja lrioya nja lrienipe, lrininai. icaamitsa namacalrica lrienipe nakjoite jliaji Joacaz, lrirri iwerriti. 18 Njitedalrina Dio icadaa jlirrapita pada irrenati matapenadalritsa lrishapi rico. 19 Njitena, yamawalria jiapodami, jlinaana ioca cádanacoena, lrishapi imotokenawa lrikjaote jliaji irrenati lrirsolri, mayamini icaiyati pekirridalri rico. Njaji lrinaikite corrin nawaca tiyee lrikjaote, cayoji nanaitja capisho mana naferrinaipemi ikjaote. 20 Lriniita pia lritalricanaataca lrirso caojli pia trenta do walria lripekirrica; lritalricanaata Jerosalén lrico ocho walria. Corrin coadaca narso njaji inaiki mayami cádanacon. Nadawani David iyacalre rico, mits teecojletsa nadawacawa njaji talricanaatinai.
1 Njaji inaiki Jerosalén lricoperri nacadaa talricanaati carro Ocozia (Joacaz), Joram irri iwerriti, ima njaji papoco atsianai maatsiperri inocaperri nainai njaji árabenai naino piaca njaji lrienipe pjerritinaipe. Cayotsa talricanaatica Ocozia (Joacaz) Judá lrico, Joram irri, Judá italricana pia. 2 Ocozia (Joacaz) irsopiakena venti do walria lripekirrica lriinita caojli pia lritalricanaataca Jerosalén lrico. Talía pia jlidoa iipitana, Omri iito. 3 Lrinaitja tsakja cayoji nanaitja capisho njaji Acab iipaneeta, jlidoatsa pia rsoaji icaite lrirso lrinaitjá carro njaji maatsirri. 4 Ocozia (Joacaz) inaitja maatsi Dio ipeyajle, Lrinaitja cayoji nanaitja capisho njaji Acab iipaneeta, ima icapiatsa njaji icaitecapeni jlinirrincuirri jiapodam, atee kjerreca lriwayao. 5 5Lrinaitja cayoji nacaite capisho lrirso; Ocozia iawa Acab irri iapiya, Joram, nainoaca carro Hazael ikjoete, Aram italricanaa, Ramot lrikojle Galaad lrikoda. Mitsa, njaji arameonai nanaitja lriyaoniwa jliaji Joram. 6 Niini Joram idiawa Jezreel lrikojle lritapiacá carroa lriyaoni ioya nanaitjalri lriso njaji arameonai nainoacá cádanacoa Ramot lrico, lrinoaca cádanaco Hazael ikjoete, Aram italricanaa. Niini Ocozia (Joacaz), Joram irri, Judá italricanaa iáa icapa Joram iderse, Acab irri Jezreel lrikojle, ima cayaonica Joram. 7 Dio piatsa icadaa mayamí carro Ocozías (Joacaz) lria cadanaco lricapa Joram iderse. Lrioca cádanaco lriderse, lriawa Joram iinai nainoacá carro Jehú ikjoete, Nimsi irri, jliaji Dio iniwananda iwaketaoda Acab iipaneta. 8 Njite Jehú inaitja cádanaco cayoji Dio inaa capisho lrinaitjaca narso njaji Acab iipaneta, lricapa njaji Judá iapiyawanai njite njaji Ocozías (Joacaz) iwenaipe idenjicape pia Ocozías (Joacaz) irso; icaamitsa Jehú iinocana. 9 Jehú ianji ioma Ocozías (Joacaz); njite lrioketani lridawaacalri niini Samaria lrico, nadee Jehú iderse nainó carron. Nadawani, ima Jehú icaite: ''Icatsa Josafat irrica, jliaji iomalri Dio lricaolre rikjoite.'' Cayotsa corrinatsa Ocozías (Joacaz) iipaneta itaita pienatsa italricanaataca. 10 Njite rsoaji Ocozías (Joacaz) jidoa, Atalía darro ipitana, rocapa cádanaco mayamica rirri Ocozía (Joacaz), ronaa nainoca pjiomi njaji yempetipe Ocozía iipaneta lricope. 11 Mitsa rsoaji Josabet, talricanaati Joram iito, Ocozía iweedoa, rsopa rodawa pada Ocozía (Joacaz) irrida Joás dalri iipitana. Rodawani teeco naoya njaji pana yempetipe Atalía inaalri nainoca, rodawa jliaji yempeti njite rsoaji itaoñacadani patawajle rico Dio iipana lrico. Cayotsa Josabet, talricanaati Joram iito, lriini jliaji sacerdote Joiada. Rodawani Talía ioya wadee roinocani. 12 Lriofa pia nainai. lridawaacawa Dio iipana lrico sei walria, Atalía italricanaata cadana toa njepaite ricó.
1 Njite siete walria nacojle, jliaji sacerdotenai iapiyawalri Joiada imeenaca inaitja iacoti nainai njaji comandantenai irsocape cien inaiki narsoperri: Azaria, Joram irri, Ismael. Jonatán irri, Azaria, Obed irri, Manases, Aida irri njite Elisafat, Zicri irri. 2 Njewawa Judá lrico njite nawaketa pjiomi njaji levitanai njite pjiomi njaji inaiki Judá lricoperri, nja tsakja njaji napiyawanai oopi ricotsa naapaneta nakjite njaji Iraelnai. Nano pjiomi Jerosalén lricojle. 3 Pjiomi njaji inaiki nanaitja pada iacoti lriapiya jliaji talricanaati Dio iipana lrico. Joiada iaco narso: ''Icapa, jliawatsa italricanata jliaji talricanaati irritsa, cayotsa lricaite capisho jliaji wa-Minalri David iipaneta naco. 4 Cayoatsa inaitjaca: pamoyoa ipamoyoaca naco nanakjoite njaji sacerdotenai, levitanai inoape idenji sabado lrico, nawapaotsa pantinoma. 5 Njaotsa njaji nakitsiñape pamoyoa perri nawapacaotsa talricanaati dapana lrico, njite nja papoco nawapacaotsa jliaji pantinoma macapeki. Njite pjiomi njaji inaiki nawacacaotsa Dio iipana iyacalrecoa naco. 6 Macadaa tsaotsa pada jiewacawa Dio iipana lrico, icaamitsaotsa njaji sacerdotenai, levitanai idenjicapeotsa niini. Nataita njewacawa ima mamatsicanaacana, mitsa nja paana inaiki inaitja cayoji Dio icaite capisho lriaco lrico. 7 Njaji levitanai narsotsa nadanataca jliaji talricanaati, nacoana njaji atsianai njepaca nainoaca shopawa nacaapi rico. Coca cadaa jiewawa panti ricojle, lrirsotsa mayamican. Iwapaotsa jliaji talricanaati jliewa cádanaco njite jliewa cádanaco tsakja.'' 8 Niini pjiomi njaji levitanai njite pjiomi njaji Judá lricope nanaitja cayoji Joaida, sacerdotenai iapiyawalri icaite capisho. Nacoanamtsa nadeeca nanaikite, njaji idenjirriotsa sabado lrico njite njaji corri perritoa idenji sabado lrico tsakja, ima jliaji sacerdotenai iapiyawalri corrin jlienitacantja toana. 9 Njite Joiada, sacerdotenai iapiyawalri, lridee narso njaji comandantenai namolroconiwa, nadanaita tsoitepe njite macaitepe tsakja lriyapemtoa jliaji talricanati David nacadaji Dio iipana lrico. 10 Joiada icadaa tsolrodaonai iwapacaperri, nacoanaa njepaca nainoaca shopawa nacaapi rico, neemawa atsia jliemjete njite inarroemjete Dio iipana irso, altar icodapi njite jliaji Dio iipana, nawapaca jliaji talricanaati. 11 Ikeena nadeeca jliaji talricanaati Ocozía ienipem, Joás, njite nacadaa jliwida naco corona, njite naa lrirso jliaji Dio inaitja shopam iacoti. Ikena Joiada naapiya nja lrienipe narro jliwida naco aceite jlia carroena talricanaati. Njite naaco: ''¡Wia watsa lriofaacawa jliaji talricanaati!'' 12 Njite Atalía jimi cádanaco namaolrena njaji inaiki aimadan njecojicawa naaca matsiadalri lrirso jliaji talricanaati, rono naderse Dio iipana lricojle. 13 Niini rooca rocapa lriemacawa jliaji talricanaati panti ipje icodapi Dio iipana lricoda, cayotsaji nanaitja capisho mana oopi, njite njaji capitamanai njite njaji ipjia cape trompeta neemacawa talricanaati icodapi. Pjiomi njaji inaiki Irael lricoperri nacatimataacacawa njite napjiaca na trompetani, njite njaji icantacape nakjemataca pjiomi njaji natocaji, njaa iinita canción naapiya nashopa matsiadalri. Niini Atalia itsafaaca rotsayani njite rowanaca kjaida: ''¡Neemaca nokjoete, neemaca nokjoete!'' 14 Njite jliaji sacerdote Joiada, lrinaa njaji comandantenai irsocaperri cien nanaikite, njaji yajicape nanaco njaji tsolrodaonai aimadan, cayoji: ''Yaa imotoitano naojiete njaji iwapacapeno. Pjiomi njaji iomacape idaanatacano, icadaa nainocano matseeta sho.'' Ima lriaco pia jliaji sacerdote narso: Macadatsa nainocano Dio iipana lrico.'' 15 Niini njaji inaiki neemacawa yamemape nanaitja capisho inipo rorso, roa carro niini caballo ipananoma lricojle, iacadawa talricanaati dapana lricojle, icatsa nainocano niini. 16 Njite Joiada inaitja pada iacoti nainai njaji ianiki njite jliaji talricanaati, nacaitecawa wa-Minalri inaikitecana. 17 Ikena naacawa njaji inaiki Baal iipana lricojle napeeco carroni. Nawikji Baal ialtarni, jlinapjiami, njite naino pjiomi Matán, Baal isacerdoteni nanacotsa njaji lri-altar perre. 18 Joiada icadaa caconaperri Dio iipana lrico njaacarro ianjíi njaji sacerdotenai levitanaitsa, njatsa njaji David icadajitsa nawapácarro Dio iipana lrico, imjaitacaope ofrenda Dio irso, cayotsa lricaite capisho Moisé ipaperran lrico, nacanta cayawa itiimati rico, cayoji david icananta capisho piana. 19 Joiada icadaa iwapacaope Dio iipananoma lrico, wedee njewacawa nirse njaji corriperritsa imatsietacawa Dio ipeyajle namatsicana ioya. 20 Ikena Joiada iawa naapiya njaji comandantenai cien perri inaikite, njaji caconaperri, njaji iwapacaperri njite pjiomi njaji inaiki naorrocoetá carro jliaji walridalri talricanaati Dio iipana lrikjoite talricanaati dapana lricojle, njeewawa napananoma lrico njaji iwapacaperri talricanaati dapana. Ikena Joás iofacawa naofacarroda naco caconaadalri njaji talricanaatinai. 21 Niini nacatimataacawa pjiomi njaji inaiki aimadan, njite namawadacatsa njaji inaiki yacaalre rico. Njite rsoaji Atalía, nainono matseta sho.
1 Siete walri oonia lripekirrica jliaji Joás lriniita caojlina lritalricanaataca. Coarenta walria oonia lritalricanaataca Jerosalén lrico. Sibia pia jlidoa iipitana, Beerseba darro pia. 2 Joás inaitja cayoji Dio yoma capisho caidalritsa caafi cadanaco jliaji sacerdote Joiada. 3 Joiada ioma lrirsowao yaamama inaitjepe, njite njanirrica njaji lrienipe atsianai njite inaitjepe tsakja. 4 Njite njapodamina njaji jiyapalrio, Joas iwaopia namatsietacarro Dio iipana. 5 Lriwaketa pjiomi njaji sacerdotenai njite njaji levitanai, lriaco narso: ''Papia watsa pawalria icoam iacaotsa nayacalre rico pjiomi njaji Judá lricope iwaketacarro palraata nainai njaji Iraelnai imatsieta shopa iDiote iipana. Iniitena inaitjaca jliaji nocaterri irso.'' Mitsa njaji levitanai corrin nanatja catoa. 6 Niini jliaji talricanaati Joás iwana jliaji sacerdote Joiada, njite lriaco narso: ''¿Coadao corrin pinaitjaca jliaji nocaiterri pirso, pjitácarro levitanai ioya njaji palaraata njetaji naoya njaji Judá lricope njite naoya njaji Jerosalén lricope cayoji Moisé, Dio irsodalri icaite capisho poia njite njaji Iraelnai nawacaaca cadanacopia, lricaona jlialji pantiita naofacawa njaji Dio iacoami nadananda?'' 7 Ima njaji atalía ienipenaipe, rsoaji iinarro maatsídarro, romatsieketa piaca jliaji Dio iipana ima roaca njaji inaaniti matsiaperri Dio iipana lricope narso njaji Baalnai. 8 Niini jliaji talricanaati inaa nanaitjácarro apana patowa njite nacadaani pemajletsa pjewacawa Dio iipana lricojle. 9 Njite nacaite Pjiomi Judá lrico njite Jerosalén tsakja nadee carro palraata njaji inaiki cayoji Dio irsodalri Moisé icaite capisho narso njaji Iraelitanai jalrapocolri ricojle pia. 10 Niini pjiomi njaji caconaaperri, pjiomi njaji inaiki aimadan nacatimataacawa njite nadeeca napalraatani nacadaacarro lriricoda jliaji patowa akjerreca pakjamini, njite napkjantani. 11 Njite cadana njaji caconaaperri, talricanaati irsoperri, levitanai iáa cadanaco narso jliaji patowa, njite nacapa cadanaco aimaca palraata lri-ricoda nadee, jliaji idanacada talricanati irsodalri njite jliaji caconaite, sacerdotenai yaapiyawalre irsodalri njepa nadee jliaji patowa njetácarro lriitada njite nadee tsenakja nacadaacarro lriofacawa lricotsa.Cayo minitsa nanaitjaca aima walria jalredaoca, nawaketácarro aima palraata. 12 Niini jliaji talricanaati Joiada iapiya icadaa njaji palraata narso njaji idenjicape Dio iipana lrico. Njaji atsianai naoma idejicaope ipatsicacape, carrapinanai namatsietacarro Dio iipana, nainai tskja njaji idenjicape tsipalra sho njite bronce sho tsakja. 13 Njaji idenjicape nanaitja nadejicalre, njite matsia lrimotoca narso jliaji nadejirri; namatsieta jliaji Dio iipana cayotsa lricapacaaa shotsa, maatsicawapena nadia namatsieta matsia tsenakjan. 14 Nataita cádanaco namatsietaca, nadieta njaji palraata iitepem talricanaati irso njite Joiada tsakja. Nasho njaji palraata nanaa nanaitjaca naofaacarronape Dio iipana icaona,tsipalraapipe nadejishopa niini njite nadejishopa ofrenda: Cuchara, paana pja owirroapipe njite palratapipe tsakja. Namjaita njaji ofrenda Dio iipana lrico, cayominitsa nanaitjaca caafi cádanaco Joiada. 15 Pekirri kena Joiada, mayamini jliofacayamiwa aima jalredaoca; lrirso piakena ciento trenta walria lripekirrica lria mayamini. 16 Nadawani David iyacalre rico nadawacawa lricotsa njaji talricanaatinai, lrinaitja capoa matsia Irael lrico, lrinaitja matsia DIo irso njite Dio iipana irso tsakja. 17 Mayami cayami Joiada, njaji Judá iapiyawanai naawa talricanaati iderse njite nanaitja matsia talricanaati ipeyajle. Njite talricanati jimi narso. 18 Niini namaca naoyao jliaji Dio iipana, naferrinaipemi iDiote, njite naaca matsiadalri narso njaji Asera idiotenaipe njite paana idolonai. Lrikjaote jliaji maatsirri nanaitjalri Dio iirroa jiwa nanaco njaji Judá njite Jerosalén lricope tsakja. 19 Cayo cadana njaji inaiki, Dio imeenaca naikjaolre profeta nadietacarrona tsenakjatja namatsicana ioya; njaji profetanai nacaite cocaca njaji maatsirri inolri nakjoete njaji inaiki, mitsa corrin njemica narso 20 Ikena Dio icaolrini iorroco Zacaria naco, inoparrotacada Joiada irri; Zacaria jinico lricaiytecarro njaji inaiki, lriaco irso: ''Cayo Dio icaiteca: ¿Coada imjepata Dio iaco lricadanda warso? Niini corriotsa matsiacarroca jia. Imaca capoa Dio, opina tsakja Lrimaca jia.'' 21 Mitsa njaji naiki nanaitja pada iwaopiakjeti Zacaria ikjoete, niini nainocani jiipada sho Dio iipana iyacalrecoa lrico talricanaati inaacalre. 22 Cayotsa Joas, Judá italricanaa imaodaca lrioya jliaji matsiacalri Joiada, Zacaria jinirri inaitjalri pia lrirso. Opinakja lriino Joiada irri. Mayami cadanaco Zacaria, lriaco Joas irso: ''Dio icapa jliaji pinaitjalri, njite Jlia watsa itatja piinai lricoada.'' 23 Niini pawalria iwayacacawa, Aram italricanaa iawa naapiya njaji lritsolrodaonaipe Joas ikjoete. Naocawa Judá lrico njite Jerosale lricojle; naino pjiomi naapiyawanai njaji inaiki, njite nameenaca pjiomi nanaanipem lrirso jliaji talricanaati Damasco lricoda. 24 Yamadapena pjatsa njaji tsolrodaonai arameonai inolri pia, mitsa Dio icadaa njamácarro njaji tsolrodaonai aimadan pja naoya, namaca capoa Dio njaji Judánai, naferrinaipe iDiote. Cayotsa Dio icadaa Joas icaoñaca njaji maatsirri lrinaitjalri. 25 Nadia cadanacoena njaji arameonai, naino pjalrajlaimi jliaji talricanaati Joas. Njite njaji lrirsoperri nanaitja pada iwaopiakjeti lrikjoete nainó carroni lriino capoa sacerdote Joiada ienipenaipe. Nainoni mayamin lriorsoacarroita lricotsa; nadawani David iyacalre ricotsa, mitsa teecojletsa nadawani nadawacawa njaji talricanaatinai. 26 Icatsa njaji inaiki iwaopialri coancarro nainocani: Zabad, Simeat irri, Amon darro, njite Jozabad, Simrit irri, Moab darro. 27 Njite nanaaco njaji Joas ienipe inacoapanaperri, njaji inoparrotakjeti lrikjoete perri, lrinaacawa namatsietaca Dio iipana, pacapacana lri-ricoda jliaji paperra talricanaatinai inacoapanaperri. Njite lrirri Amasia nakja italricanata jliapodam.
1 Amasia irsopiakena venticinco walria lripekirrica naco lriniita cádnaco lritalricanaataca; venticinco walria lritalricanaataca Jerosalén lrico. Joadán pia jlidoa iipitana, Jerosalén darro iofawa. 2 Lrinaitja matsia Dio ipeyajle, mitsa corri cantja lricaolre matsiadalri iapiya lriomacawa Dio. 3 Niini matsia cadanacoena lritalricanataca, lrinaa nainoca naji lrirsoperri inocapem jlinirri, natalricanam pia. 4 Mitsa corrim lrinaa nainoca njaji neenipemi; icamitsa lrinaitjaca cayoji lricaite capisho jliaji Moisé idananda, njaji iacoti yajicape panaco, cayoji wa-Minalri inaa capisho nanaitjaca, ima cayo pia lricaiteca: ''Corrim nataita nainoca njanirri neenipe ikjaote, corrim tsacja nataita nainoca neenipe njanirri ikjaote. Nacoanamtsa narsotsa mayamicana namatsicana ikjaote.'' 5 jite Amasia iwaketa njai Judánai lriniwetá-carrona coanca naferrinaipemi iipaneta nacó, njite lricadaa nanaco comandante irsocape mil ipeyajle inaiki, njite njaji irsocape cien inaiki ipeyajle tsakja, lriniweeta pjiomi njai Judá poco njite Benjamín poco tsakja. Lriniweta njaji irsocape venta walria napekirrica naco ipeyajle, njite lriniweta pjiomina treciento mil atsianai namaimaca, njatsa njaji naniwanajitsa, itaitacapena iacawa oowi-rico, itaitacapena jipaca molroco njite nadanaita tsakja. 6 Lricaoña pja cien mil atsianai itaitacape inoacawa oowi rico Irael ricope, lricaoña nacoana cientalento sho palraata. 7 Mitsa pada atsia Dio imenacanda iawa talricanaati iderse, lriaco lrirso: ''Talricanaati, nacadatsa naaca piinai njaji tsolrodaonai aimadan iraelitanai, ima Dio imacaca njaji Iraelnai, corrin tsakja njaji inaiki Efrai nakjoitepe. 8 Mitsa pjia cadatsa iawa maficaite capoa pjia njite kjaidete oowi rico, Dio ipecoatsa pipeyajle njaji picoema, ima Dio irsoca jiida lrikitsindatácarro, njite lripeecó-carro tsakja teeco.'' 9 Njite Amasia iaco lrirso jliaji atsia Dio imenacanda: ''¿Njite coaje nonaitjaca, ima nocaoñaca aima palrata sho njaji tsolrodaonai Irael lricope? ''jite jliepacani jliaji atsia Dio imenacanda: ''Dio itaita iáaca aima pja naoya njaji piaji narso.'' 10 Niini Amasia jienita njaji tsolrodaonai inocapempia Efraín lrikjoitepe; njite lrimeenaca nadiawa njapodamrsewa. Njite kerroacana pekirritsa Judá ikjoete, njite nadia nérroa lrico nakjoete naapana lricojle. 11 Amasia ikjaidatacawa niini lrideeca njaji lrinaikite naacarro lri_ricoda jliaji jiipai ioyawaca Yokirra-dalri iipitana; Lriino die mil tsolrodaonai Seir lricope niini. 12 Njaji tsolrodaonai Judá lricope njepa caafitsa die mil tsolrodaonai tsakja. Nadee yenoncawa nacojlena napeecó-carro njewa njitena mayamícarrona. 13 Mitsa njaji atsianai tsolrodaonai Amasia imenacaji idiawa, wadee naaca nainoacawa lrikitsindaona, nadia naino njaji yacaalre Judá lricope, nainita nainoca Samaria lrikjoite teeco Bet Horón lricojle. Naino tre mil inaiki yacaalre ricope, njite nadee naoya aima nanaanipem. 14 Njite Amasia idia cádanaco iocawa lriino cayami aima edomitanai, lridee yacaalre seir rikjoite nadiote njaji ninperri, njite lricadaana nadiote carroenakja njaji lrinaikite. Amasia icoanja naikjaolre njite lrimjaita narso incienso. 15 Niini kerroaca Dio Amasia ikjoete. Dio imeenaca pada profeta lriderse lricaité-carro lrirso cayoji: ''¿Coadao pirso nadiote apana njaji inaiki, njaji dionai corri perritsa itaita imanacotacana pioya?'' 16 Mitsa caaco cádanacotoa jliaji profeta talricanaati irso, talricanaati iaco lrirso: ¿Capja nocadandaca pjia icaoda norsao iacoti? ¡Ajena caacoca pjia, noinoda pjia!'' Ikaamitsa yami catoa jliaji profeta, njite lriaco pja lrirso: ''Noanjintsa Dio iwayaketacaotsa pjia lrikjaote jliaji pinaitjalri maatsi, njite corrin pioma pjimica nocaiteca pjia.'' 17 Njite Amasia, Judá italricanaa ioma iacoti naiani njaji iácape lrirso iacoti, njite lrimeenaca iacoti Joas irso, Joacaz irri, Jehú irri Irael Italricanaa cayoji: ''Pinoatsa wainoacá carro oowi rico pjiá njite njóa.'' 18 Mitsa Joás, Iraelitalricanaa idieta iacoti Amasía irso, Judá italricanaa, lriaco lrirso cayoji: ''Jliaji mayafina iemacadam pia Libano lrico lrimeenaca iacoti lrirso jliaji cedrona iemalriwa Libano lrico, lriaco lrirso cayoji: ''Picada piito roofá carro nirri iinai.'' Mitsa apana maaficalri jiyapa Libano lrico niini opica jlipjoa jliaca mayafina.'' 19 Ajádalri opica pjiameta njaji Edom lricope, picatimataacawa lrisho, mananitsa pjia piyacalre rico wadee piomaca pirsowawa matsicalri ¿Coadada pioma pirsowao maatsirri, njite narso njaji Judá lricopetsakja?'' 20 Mitsa corrim Amasía jlimica lrirso ima Dio catsa icadaa cayocarro jliyapacawa, lricadaacarro njaji Judá lricope nacoema irsona, naoma capoa iacoti nainai njaji Edom perri idiote iinai. 21 Niini Joás, Irael italricanaa iáa inoacawa Amasía ikjoete, Judá italricanaa. Nainoacawa nakjoetewaca Bet Semes lrico, jliaji yacaalre Judá lricoda. 22 Niini Irael jiametaca Judá, njite njaji tsolrodaonai Judá lricope napitocawa naapana lricojle. 23 Joás, Irael italricanaa, jipaca jliaji Josía, Judá italricanaa, Joás irri, Joacaz irri, Bet Semes lrico. Lrioca cádanaco Jerosalén lricojle, Joás itsolrodaonai jiweta Jerosalén idana, wadepia ciento ochenta metro jliwalripaca, Efrain ipananoma nakjoite teeco jlinaa yacaalre idaana itonjiwi nacojle. 24 Niini jlipaca lridee pjiomi njaji owirro, palraata, pjiomi njaji lrioketalri Dio iipana lrico Obed Edom iapiya, pjiomi njaji inaaniti dape cacoadaperri talricanaati dapana lricope, lridee tsakja preso njaji inaiki, njitena lridiawa Samaria lricojle. 25 Njite Amasía, Joás irri, Judá italricanaa iofaa quince oonia mayami cayami Joás, Joacaz irri, Irael italricanaa. 26 Njite nja Amasía inacoanaperri pacapacana lri ricoda jliaji paperra nanacoapana njaji talricanaatinai Judá lricope njite Iraelnai tsakja. 27 Yaami cayami pia Amasia iomaca Dio, njaji inaiki nanaitja pada iwaopiakjeti Amasía ikjoete Jerosalén lrico, niini lripito catjawa Laquís lricojle, mitsa nameenaca paana atsianai iacape ioman Laquís lricojle, niinitsa nainoni. 28 Nadee ketsa jliaji mayamdalri-mitsa caballo naco nadawá carroni David iyacalre rico, lriferrinaipem iinai.
1 Njite njaji inaiki Judá lricoperri njepa jliaji Uzía, jliaji irsocada toa diecisei walria lripekirrica nacó nacadaa carroni natalricanawani jlinirri Amasia jiapodam. 2 Icapiena jliaji jirretalri tsenakja jliaji yacaalre Elot, lrimatsieta tsenakjan Judá. Iliapodamjite mayami jliaji talricanaati lriferrinaipemi iinai. 3 Uzía irso piakena diecisei walria lripekirrica nacó lrinita caojli lritalricanataca. Cincuenta do walria lritalricanaataca Jerosalén lrico. Jecolia pia jlidoa iipitana, Jerosalén darro iofawa. 4 Lrinaiytja matsia Dio ipeyajle, lrinaitja pjiomi cayoji jlinirri Amasia inaitja capisho pia. 5 Lricaite lricaolre rikjoite lriomácarro Dio Zacaria jiawalri naco, ima jliaca icanantani coancarro jlinaitja cayoji Dio ioma capisho. Lrioma cádanco Dio, Dio icadaa matsiacani. 6 Uzia iawa inoacawa filisteonai ikjoete. Lripeco njewao lridaana jliaji yacaalre Gat ricoda, Jabnia njite Asdod tsakja; lrinaitjenakja yacaalre walricoe Asdod jipaitena lrico njite napecolrico njaji filisteonai. 7 Dio ikitsindatani nakjoete njaji filisteonai, nakjoete tsakja njaji árabenai iofacapewa Gurbal lrico njite nakjoete tsakja njaji meunitanai. 8 Njaji amonitanai nacaoña pia impuesto Uzía irso, njite caconaacani narso pjiomi ricotsa, teeco njemica lrinaco Egipto nomanajle, ima lritaoñaca itaita kjeti naco. 9 Uzías inaitja tsakja nawapa carrodao Jerosalén lrico, lri Pananoma naco yacaalre Itsikjicawao, Jiipai ioyawacacawa Ipananoma naco, njite yacaalre iwai itojiwi naco tsakja, lrinaitja taimini. 10 Lrinaitja pja paana nawapa-carrodawa jalrapocolri rico, njite jlica aima ooniapji, aima capoa lrirsoca lri vacani, coshoca lripé cawa njite malritsicoa lrico tsakja. Lrirso pia iapananacape njite iniwacape tsakja lripania ova awacada cawa, matsiacawa jiipai paniati irso, ima lripeyo piaca lriapanaca. 11 Lrirso pia tsakja aima tsolrodaonai, atsiana iiacapewa oowi rico papocope lriniwetaji matsia, njaji idanacaita Jeiel iajimpe inaco, Manases tsakja, lriaji caconaite Hanania irsodalri, pada nanakjoite njaji talricanaati icomandatenai. 12 Padenirri njaji naapiyawanai coanca naferrinaipemi iipaneta pia, njaji atsianai inoacacapewa oowi rico icapiatsa do mil seiciento namaimaca. 13 Njaji tsolrodaonai aimadan lrirsoperri, lriajimpe inaco, icapiatsa treciento siete mil quiniento atsianai, itaitacape inoacacawa oowi rico mafio caperrinatsa ikitsindatacape jliaji talricanaati lricoema ikjoete. 14 Uzia inaitja napiawalre njaji tsolrodaonai aimadan, aima nadanawa, molroco, njewida idanawa, natsayan neñaji tsipalrakjape sho, nayawita shopa, njite jiipada naoca shopa. 15 Jerosalén lrico lrinaa nanaitjaca yawitjiapoti kjaidaperri ipeecoca, nanaitja tsakja naoca shopa jiipada macanepe, nanaitjaji njaji atsianai ianjicape idejicana, nawapá carro nasho yenondalripe naco njite yacaalre iwai yenon cawa naco tsakja. Ikena lriacona iacawa nanaco njaji jiipai teecoperri, ima cakitsindatacanaa cani pekirritsa njite corrinatsa coca itaita lrikjoete. 16 Mitsa kjaida cádanaco lridiacawa jliaji Uzia, ikena padalreca lridiacawa lricaolre rico, corrinatsa lriwaopia lrinaitjaca matsia; lrinaitja maatsi lri-Minalri Dio ikjoete, ima jliewacawa Dio iipana lrico lrimjaitá-carro incienso lrinaco jliaji altar namjaitacawa incienso. 17 Jliaji sacerdote Azaria iawa jliapodam, njite lriinai ochenta sacerdotenai wa-Minalri iyarrope, atsianai mafio-caperrinatsa. 18 Mitsa corrin nacadaa lrinaitjaca jliaji lrialri lrinaitjaca, naaco lrirso jliaji talricanaati: ''Cotsa pirsowalreca, Uzia, pimjaitá-carro incienso wa-Minalri irso, icaamitsa itaitalrica imjaitaca incienso waMinalri irso njaji sacerdotenai, Aarón ienipenaipe, njaji jienacapewa maatsidalri ioya Dio irso. Warsa pimotowa lrioya jliaji Matsiacawa, ima pinaitjaca maatsi Dio irso, njite corriotsa lrinaitjá carroca matsia pirso.'' 19 Njite Uzia jipa cadana lricaapi rico lrimjaita shopa incienso. Mitsa kerroa cadanatoani nakjoete njaji sacerdotenai, ikena catserrecani lriecoa naco nacapawerricotsa njaji sacerdotenai, Dio iipana lrico, lricodapi jliaji altar namjaitacawa incienso. 20 Niini jliaji sacerdotenai iapiyawalri Azaria, njite pjiomi njaji sacerdotenai nacapani, njite nacapa catserrecani lriecoa naco, ikeena nakjeyapitaca njetacan njite. Njite jliwacatsa imoto njiteo, ima Dio iñaacani. 21 Catserreketsa jliaji talricanaati Uzia caitsa lriaca mayamini, njte nacadaa lriofaawa teecotsa padapana lricojle lritserre ima, ima Dio ipeecocani wa-Minalri iipana ioya. Lrirri Jotam pienatsa jliaji iajirri lrinaco jliaji talricanaati dapana, njite lritalricanaata nanaco njaji jlinirri inaikitem. 22 Njite nja paana Uzia inacoapana perri, njaji lrinitaji lrinaitjaca njite njaji piketemperri lrinaitjalri, pacapacana lri-ricoda jliaji paperra inoparrotacada Isaía, Amos irri idanaji rico. 23 Cayotsa mayamica Uzia lriferrinaipemi iinai, nadawani nacodapita pada jiipai tsoomidalritsa nadawacawa njaji talricanaatinai, ima naaco pia lrinaco: ''Catserre dalrim piacani.'' Njite lrirri Jotam nakja talricanaati jliapodam.
1 Jotam irso piakena venticinco walria lripekirrica naco lrinita caojli pia lritalricanaataca; diecisei walria lritalricanaataca Jerosalén lrico. Jerusa pia jlidoa iipitana, Sadoc iito. 2 Jotam inaitja matsia Dio ipeyajle. Lrinaitja pjiomi njaji natsiaperri jlinirri Uzia inaitjaji pia. Corri piatsa jlioma jliewacawa Dio iipana lrico. Njaji inaiki nanaitja minicatoa maati. 3 Jotam inaitja lripananomao jliaji Dio iipana njeewa cawa pjiomi. Njite jiipanadape ipolrico aima njaji lrinaitjaji. 4 Lrinaitja tsakja aima yacaalre awacada cawa Judánai jipaitena lrico, lrinaitja tsakja awacada lrico panti yenondalripe njite nawapacawa yenondalripe. 5 Lrinaitja pia oowi Amón italricanaa ikjoete njite jliamani. Jliwalria nacotsa, njaji inaiki amón perri naa lrirso wadeepe tre mil treciento icoa palraata, mil tonelada icoa trigo, njite mil tonelada tsakja cebada. Caiminitsa nanaitjaca madalriwalria camoi. 6 Niini kjaidaca Jotam nakjoete lrinaitja capoa matsia lri-Minalri Dio irso lricaolre rikjoite. 7 Njite nja paana Jotam inacoapanaperri, pjiomi njaji lrinaitjacawa oowi, njite coan piaca lriofacawa, paoketaca lri ricoda jliaji paperra Judá italricanaa inacoapanaperri naco njite Iraelnai tsakja. 8 Jotam irso piakena venticinco walria lripekirrica naco lrinita caojli pia lritalricanaataca; diecisei walria lritalricanaataca Jerosalén lrico. 9 Mayami Jotam lriferrinaipem iinai, njite nadawani David iyacalre rico. Lrirri acaz nakja talricanaati jliapodam.
1 Acaz irsopiakena vente walria lriniita cádanaco lritalricanaataca, diecisei walria lritalricanaataca Jerosalén lrico. Corrin lrinaitja matsia Dio ipeyajle cayoji lriferrimi David icaite capisho. 2 Icaamitsa lrinaitjaca nanaitja capisho njaji talricanaatinai Irael lricoperri; jlinaitja Baalnai jinapjiami tsipalrape sho. 3 Lrimjaita incienso jiipai ioyawaaca Ben Himon, njite lrimjaita njaji lrienipe tiyee rico; lrinaitja cayoji nanaitja capisho njaji inaiki iacape matsiadalri idolonai irso njaji Dio ipeecolri njepaite ioya maatsicalri rico njepaite ioya napeyajle naji inaiki aimadan Irale lricoperri. 4 Lrimjaita maaficalri , njite lrimjaita incienso nanaco njaji yenondalripe, nápolrico naco njaji jiipana, jaico macanipe, caafiperri iapjite. 5 Niini jliaji wa Minalri, Acaz iDiote, lricadaana Aram italricanaa icaapi ricona. Njaji aremonai jiamana njite lridee njite aima inaiki preso-carrona Damasco lrico. Lricadaa tsakja Aram italricanaa icaapi rico jliaji Irael italricanaa, ima Aram italricanaa jiamacani oowi rico, lrino lrioya aima lrirsoperri. 6 Ima Peka, Remalia irri, lriino pia Judá lrico ciento vente mil tsolrodaonai padaa nacotsa, atsianai kjaidaperri pjiomi; nainonaa namaca capoa na-Minalri, naferrinaipemi iDioete. 7 Njite Zicri, ape atsia kjaidete Efraín poco nakjoite dalri, lriinoca Maasia, talricanaati Azricam irri, pada tsolrodao caconaite iwapacada talricanaati dapana, lriino tsakja Elcana, jliaji idenjicada talricanaati icodapi. 8 Nanakjoite njaji lrikitsiñape Judá lricope, njaji iraelitanai nadeeca naninaipemi, neenipe atsianai njite inaitjepe dociento mil namaimaca padeenirri. Nadee tsakja aima nanaanipem, nadieta tsenakja Samaria lricojlena. 9 Mitsa, niini pia tsakja nainai pada wa-Minalri iprofetani, Obed lriipitana. Lrimoto lricoadata njaji tsolrodaonai nadia cadanaco naocawa Samaria lricojle. Lriaco narso cayoji: ''Kerroa capoa Judá iinai jliaji i-Minalri, naDiote njaji iferrinaipemi, Dio icadaa icaapi ricona. Mitsa oopica iinona aima calretsa keroa capoa jia pekirritsa nakjoete niini jliaji inaitjalri narso lriocacawa eenolricojle. 10 Njite panaya ioma jipaca irsowao njaji atsianai njite njaji inaitjepe Judá lricope njite Jerosalén lricoperri icadaa-carrona irsoperri-carrona. ¿Capja mamatsicanaperrica jia i-Minalri Dio ipeyajle? 11 Jimi norso panaya, jiepaotsa jliaji nocaiterri irso: Icadaa nadiawa njaji ikitsiñape ideji presó-carrona, ima kerroaca jliaji wa-Minalri ikjoete.'' 12 Niini padapena caconaperri nanakjoite njaji Efraín poco: Azaria, Johanan irri, Berequia, Mesilemot irri, Ezequiel, Salum irri njite Amasia,Hadlai irri neema nakjoete njaji idiacapewa oowi rikjoite. 13 Naaco narso: ''Corrin itaita ideeca njaji presonai ajerreji, ima inaitjaca pada ideecada imatsicanaati Dio ikjoete, nashoenantja wamaimata pjaa wamatsicanaa wamatadaji naco, ima aimaca njaji wamatadalri, niini aima irroati Irael ikjoete.'' 14 Niini iaamitsa, njaji tsolrodaonai namaca njaji presonai, nanaanipemi napeyajle njaji caconaaperri njite njaji iwacaacalriwa pjiomi. 15 Njite njaji atsianai nawanaji neepitana naco, icaamitsa njenicocawa, njepa njaji presonai neetá-carro natsayaniwa njaji matsayanperri nanakjoite nashotsa njaji nanaanipem nadenipe naoya. Naa narso natsayaniwa, natspatoniwa; naa tsakja narso naijao, nairrao tsakja. Njaji cayaoniperrimi, natape naoya nayaoni, njite njaji mjaidaperri minatsa nacadaa borro nacó. Pjiomi njaji nadieta tsenakjana nakitsiñape ikjaolre, Jericó lricojle (Yacalre nanjinda Yaawacoa). Njité dalri nadiawa Samaria lricojle. 16 Jliawajli pia jliaji talricanaati Acaz imeenaca inaiki ideecaperri iacoti narso njaji talricanaatinai Asiria lricope nakitsindatá-carroni. 17 Ima njaji Edóm lricope nano pia nainoacawa Judá ikjoete, njite nadee presonai njite. 18 Njite njaji filisteonai nano tsakja njaji inaiki iofacapewa tomoitacawa lrico jiipai, njite Neguev lrico tsakja Judá lrico. Njepa narsowao njaji yacaalre Bet Semes, Ajalón, Gederot, njite Soco tsakja; njite njepa pjiomi njaji yacalrwape njepaite ricope, Timna nayacalrewape iapiya, Gimzo njite nayacalrewape iapiya. Oopi naa naofaa naaoya nirse njaji inaiki. 19 Oopi WaMinalri ikjenataca njaji Judánai Acaz ikjaote, Irael italricanaa, ima lrinaitjaca aima maatsiperri narso njaji Judá lricoperri Dio ikjoete. 20 Jliaji Asiria italricanaa, Tilgat Pilneser, iáa icapa lriderse, corritsantja lrikitsindatá carroni icaamitsa lrima-carro lricapaca. 21 Ikena, Acaz jipaca nja palraata njite njaji owirro lrioketaji Dio iipana lrico njite nanakjoite njaji inaaniti dape cacoadaperri talricanaati dapana lricope, lria carrona narso njaji talricanaatinai Asiria lricope. Mitsa corrin lrimotoca matsia lrirso jliaji talricanaati Acaz 22 Njite jliamitsa jliaji talricanaati Acaz lrinaitja minitsa maatsiperri Dio ikjoete njetrapita cadaana toa. 23 Lrino maaficalri nadiote irso njaji Damasco lricope, nadiote njaji jiameta capepiana, ima lricaite cayoji: ''Nadiote njaji Aram italricanaa lricoperri nakitsindatani, niini noino caotsa narso maaficalri, nakitsindatá-carro njoa tsakja.'' Mitsa icaamitsa lrideeca lrirsowao maatsidalri lrinaco njite nanaco njaji Iraelnai. 24 Acaz iwaketa pjiomi njaji Dio iipana lricope njite lricadowa pjiomina. Lriita jliaji Dio ipananoma njite lrinaitja lrirsowao altar lritonjiwi icoam yacaalre Jerosalén lrico. 25 Judá lrico, yacaalre icoami, lrinaitja yenondalripe namjaitá-carro maaficalri nanaco narso njaji apana dionai. Icatsa lrikerroataca lrirsowao jliaji na-Minalri, lriferrinaipemi iDiote. 26 Njaji Acaz inaitjaji inacoapanaperri, pjiomi njaji lrinitaji lrinaitjaca njite njaji piketemperri, paoketacana lri-ricoda jliaji paperra nadanacawa Judá njite Iraelnai italricanaa inacoapanaaperri naco. 27 Mayami Acaz nacayoshotsa njaji lriferrinaipemi, nadawani yacaalre rico, mitsa corrin nadawacani nadawa cawa lrico njaji talricanaatinai Irael lricoperrim. Lrirri Ezequías nakja italricanaataca jliapodam.
1 Ezequía iniita italricanaataca lrirso caojli pia venti cinco walria lripekirrica naco; ventinueve walria lritalricanaataca Jerosalén lrico. Abias pia jlidoa iipitana, Zacaria iito. 2 Lrinaitja matsia Dio ipeyajle, lrinaitja cayotsa lrinaitja capisho pia jliaji lriferrimi David. 3 Lriniita carrowalri lrico, lriniita cádanaco lritalricanaataca, keerri inita carropi naco pawalria irso, Ezequia imjeco njaji Dio ipananoma njite lrimatsietana. 4 Lridee njaji sacerdotenai njite njaji levitanai, lriwaketana yacalreecoa lrico jeerri imoto kema. 5 Lriaco narso: ''¡Jimi norso jia levitanai! Jienitacawa maatsidalri ioya jiwacawaacatsa Dio irso, njite jienita tsakja maatsidalri ioya jliaji wa-Minalri iipana, na-Diote njaji iferrinaipemi, njite idee teeco njaji maatsiperri lrioya jliaji mamatsicanaacawa ioya. 6 Ima njaji waferrinaipemi nanaitja maatsi wa-Minalri Dio ipeyajle; namaca piacani, nacabocoetaca neecoa wa-Minalri iofacawa ioya, icaamitsa nadajitetacani. 7 Naita lripananoma pjeewa cawa lrico njite nayalriketa njaji lricamarranaa; corrin namjaita incienso, corrin tsakja naa ofrenda na-mjaitanda corricawa pacapa imatsicanaati naDiote irso njaji Iraelnai. 8 Caishopa Dio iirroa jiwacawa jiwa piacawa nanaco njaji Judá lricope njite nanaco njaji Jerosalén lricope, niini Dio icadaa cayoji icapa capisho, pada pafiocawa lrico, coanca maatsi nanaitjaca narso, njite corritsa cocaca iomana. 9 Caishopa calretsa nainocana matseeta sho, njite naikjaote tsakja presoca njaji weenipe, waitonaipe njite njaji waninaipe tsakja. 10 Niini panaya nocaolre rico, nooma nonaitjaca pada iacoti wa-Minalri iinai, na Diote njaji Iraelnai, lrirroa kjaidadalri iáa-carro teeco waoya. 11 Jia noenipenaipe, ajena iinoca jia panaya, ima jliaji wa-Minalri lriniwanaca jia iemá-carro lripeyajle, iáa-carro lrirso matsiadalri, Lrirsoperri-carro jia, njite imjaitá-carro Lrirso incienso.'' 12 Niini njenicocawa njaji levitanai: Mahat, Amasia irri, Joel, Azaria irri, nanakjoite njaji coatitanai; nanakjoite tsakja njaji Merarinai, Cis, Abdi irri, Azaria, Jehalelel; gersonita inakjoite perri, Joa, Zima irri, Edén, Joa irri; 13 Elisafan ienipe inakjoite perri, Simri, njite Jeiel, njite Asaf ienipe inakjoite perri, Zacaria njite Matania; 14 Hamán ienipe inakjoite perri, Jehiel njite Simei; Jedutún ienipe inakjoite perri, Semaia njite Uziel tsakja. 15 Nawaketa pjiomi nakitsiñape, njenitaacawa namatsicanaa ioya njawaacatsa, ikeena njewacawa cayotsa talricanaati inaa capisho nanaitjaa, ima cayoca wa-Minalri iaco icaiteca, natjá-carro wa-Minalri iipana. 16 Njaji sacerdotenai njewao Dio iipana iwawalricojle napiyó-carroni; namotoita pjiomi njaji dofenaa-perri naoketaji Dio iipana lrico yacalrecoa lricojle. Njite njaji levitanai nadeecana onipaokja Cedrón lricojle. 17 Nainita pia njenitacawa maatsidalri ioya Dio irso lriniitacadaa jliaji walripi keerri pawalria iniita-carropi naco. Niini ocho jalredaoca naco lrinaco minitsa keerri, naocawa wa-Minalri ipananomajle. Njite ocho jalredaoca naco pja tsenakja, njenita Dio iipana matsiperri ioya. Niini diecisei jalredaoca naco lrinaco jliaji kerri pawalria initacarropi naco, nataita pjiomi. 18 Niini naawa talricanaati Ezequia iderse, talricanaati dapana lricojle, naaco lrirso: ''Opona wapiyo matsia Dio iipana, njite jliaji altar wamjaita carroda naco ofrenda, njite wacadaa pjiomi njaji padejishopa niini, caitsakja jliaji mesa pacadacawa jliaji peetje Dio icapacawa lrico njite pjiomi njaji padejishopa niini. 19 Icatsa cayo wamatsietaca njite fenitana maatsiperri ioya pjiomi njaji talricanaati Acaz jienitalri pia njite corri caojli pia lrinaitjaca matsia jlia caojli pia talricanaati. Njite panaya, icatsa wacadaacana Dio ialtarni ipeyajle.'' 20 Njite jliaji talricanaati Ezequia, lricafiawa piyompinacotoa lriwakeetácarro pjiomi njaji naapiyawanai njaji yacaalre lricoperri; lria naapiya Dio iipana lricojle. 21 Nadee nirse sietena toro, sietena carnero, sietena oveja, njite sietena cabra atsianape nacadaope ofrendao namatsicanaa ikjaote njaji inaiki aimadan talricanaati iwapaji, lrikjaote jliaji Dio iipana iwawalricojle, njite Judánai tkjaote tsakja. Talricanaati Ezequia inaa njaji sacerdotenai, njaji Aarón ienipe, nainó carro njaji maaficalri lrinaco jliaji altar Dio iyada. 22 Ikeena nainoca njaji toronape, njite njaji sacerdotenai njepa pjiomi njaji nairrana nawitsicá-carrona altar naco. Naino tsakja njaji Carnero, njaji oveja njite pjiomi nairranapemi njaji maaficalri nainoji, nawitsiketana altar naco. 23 Nadee njaji cabra atsianape ofrenda sho namatsicanaa ikjaote, nacadaana talricanaati ipeyajle njite napeyajle njaji inaiki aimadan; ikeena nacadaaca nacaapi nanaco. 24 Njite sacerdotenai iino njaji cabra atsianape, njite nacadaa neerrana ofrenda sho namatsicanaa ikjaote altr nco naitá-carro namatsicanaa pjiomi njaji Iraelnai, ima jliaji talricanaati icaite piana nacadaa-carro ofrenda namjaitanda njite pada ofrenda namatsicanaa ikjaote pjiomi njaji Iraelnai. 25 Ezequia icadaa njaji levitanai wa-Minalri iipana lrico, njepa nakjemata njaji parratoitape shoperri, arpa, jaicoitape, nacada neema matsia coanca David iipaneta ino-capisho, Gad, icapacaita talricanaati icao, njitena jliaji inoparrotacaita Natán, ima cayopia wa-Minalri icaiteca narso nanakjoite njaji profetanai. 26 Nemao njaji levitanai, njepa nanacoa njaji David itocaji, njite njaji sacerdotenai njepa trompeta. 27 Ezequia inaa namjaitá-carro maaficalri altar nacó Dio irso. Nainiita cádanaco namjaitaca ofrenda Dio irso, nainita tsakja nacantaca Dio irso trompeta sho, pacoacatsa nainai njaji David itocaji pia, Irael italricanaa. 28 Pjiomi njaji iwaketaacalrio naa matsiadalri Dio irso, njite njaji icantacaperri, nacantaca, njite njaji ipjiacape trompeta, napjiaca trompeta; cayominitsa nanaitjaca akjerreca lriwayacawa jliaji ofrenda. 29 Nataita cayami nanaitjaca jliaji ofrenda, jliaji talricanaati njite pjiomi njaji lrinaiperri nacoanjawa naacarro matsiadalri. 30 Njite talricanaati Ezequia, njite njaji naapiyawanai nacaite levitanai irso nacanta-carro nacawa matsiadalri Dio irso, David iacoarrom sho njite Asaf, inoparrotacaita iacoarrom sho tsakja. Nacanta matsiadalri itiimati rico, njite nacoanjawa naa-carro matsiadalri. 31 Njite Ezequia iaco: ''Panaya dekja opina jienitacawa maatsidalri ioya Dio irso jiwaacatsa. Inoena ajerreji, ideena maaficalri iinoada njite ofrenda tsakja matsia capoena Dio iipana.'' Niini njaji iwacaca capewa nadee maaficalri nainoaope ofrenda sho nashopawa matsiadalri, njite pjiomi njaji pomenaperri nacaolre rico nadee ofrenda namjaitaoda. 32 Ikapiatsa namaimaca-ca njaji ofrenda namjaitaoda njaji iwacaacalrio, setenta torona, cien carnero, njite dociento cordero atsiana. Pjiomi njaji maaficalri ofrenda namjaitaoda wa-Minalri irso. 33 Njaji ofrenda matsiaperri njenitaji lriicaona icapiatsa namaimaca-ca seisciento buey njite tremil oveja. 34 Mitsa yamadan pjacatsa njaji sacerdotenai nacó-carro neya njai maficalri ofrenda namjaitaope, niini njaji nakitsiñape, levitanai, nakitsindatana akjerreca nataita pjiomi. Akjerreca nawayaketa njenitacawa maatsidalri ioya Dio irso pjiomi njaji sacerdotenai, ima njaji levitanai corrin taarra cantjana njenitaaca cádanacoa namatsicana ioya Dio irso naoya njaji sacerdotenai. 35 Njite aima tsakja njaji maaficalri namjaitaji; namjaitana neeti showaacatsa, icatsa ofrenda nacaitecawa pacoacacatsa nawaopiakje wa-Minalri iinai, Niini pia tsakja jaico tjeda-ianaa namjaitaca icoam njaji ofrenda namjaitaji. Niini jliaji wa-Minalri ideejicanaa opi nacadaa tsenakja matsia lri-ricoda. 36 Catiima pekirritsa Ezequia, njite tsakja njaji inaiki, ima Dio imatsieta tsenakja njaji inaiki, kjeya capoa nanaitjaca njaji idenjikjeti.
1 Ezequia imeenaca iacoti narso pjiomi njaji Irael lricope njite judá, lrimeenaca tsakja paperra lridananda narso njaji Efraín poco njite Manasenai, nanó-carro Dio iipana lrico Jreosalén lricojle, nawaadá carro Pascoa wa-Minalri irso, na Diote njaji Iraelnai. 2 Ima jliaji talricanaati, njaji naapiyawanai, pjiomi njaji iwacaacalrio Jerosalén lrico caacope piaca lrinaco njite pacoaca nawaopiakje lrinaco, niini nacaite nanaitjá-carro Pascua yaamapi kerri naco pawalria iniita carropi naco. 3 Ima corrin piacatoa nataita nanatjaca kjeya ima corrica aima njaji sacerdotenai jienitacapewa namatsicana ioya Dio irso, njite corri capoatoa nawacaacawa njaji inaiki aimadan Jerosalén lrico. 4 Njite jliaji talricanaati icaiterri narso njaji inaiki aimadan, matsia njemicani. 5 Niini nacaite, nadee-carro iacoti lrinaco pjiomi Irael lrico, Beerseba nakjoite, teeco Dan nacojle, nanó-carro njaji naiki aimadan nawaada-carro Pascoa wa-Minalri irso, na Diote njaji Iraelnai, Jerosalén lrico. Ima corrica nacapa aimaca njaji inaiki, cayoji lricaite capisho jliaji paperra nadananda. 6 Niini njaji ideecaperri iacoti naapiya njaji naapiyawanai naawa pjiomi Irael lrico njite Judá lrico tsakja jliaji paperra talricanaati idananda, talricanaati inaacalre. naaco narso: ''Jia Irael lricoperri, idia ioma wa-Minalri, Abraham, Isaac, njite irael iDiote, Lritaitá carroatsa lridiacawa inacojle jia yomjeperri talricanaatinai Asiaria lricope icaapi ioya. 7 Manaitjacatsawa nacayosho njaji iferrinaipemi o nacayosho njaji ikitsiñape, njaji inaitjalri maatsi Dio ikjoete, na Diote njaji iferrinaipemi, cayoji icapa capisho, Dio icadaa natsicaacacácarrowa. 8 Wadee mjepacaca jia iferrinaipemi icayosho; matsiapja icadaacawa iMinalri irso, inoena Lriofacawa lrico Matsiadalri, jliaji jlienitanda Lrirsowao maatsidalri ioya caidalriwetsa, iáa matsiadalri iMinalri Dio irso, Lriirroa kjaidadalri jiená-carro ioya. 9 Ima idiacadawa iMinalri iderse, njaji ideecape njaji ikitsiñape, ienipepenaipe presó-carrona kjenaa watsa nacapaca narso, icaaminaotsa nadiacawa njepaite ricojle. Ima jliaji iMinalri Dio, kjenadalrica icapaca parso njite pakjamica lrimatsiaca sho, niini corriotsa Jliená-carroca lriecoa ioya, idia Lrikjaolre.'' 10 Niini njaji ideecaperri iacoti njeyapawa yacaalre icoami njepaite riope njaji Efraín poco, Manase poco, pjiomi nerricoda njaji inipo iacapewa Zabulón lricojle, mitsa njaji inaiki icaamitsa necaaca naicao. 11 Mitsa, padapena inaiki Aser poco nakjoite-perri, Manase, njite Zabulón perri kjenaa najiacacawa niini nanoca Jerosalén lricojle. 12 Njite Dio ipadameta nacaolre njaji Judá lricoperri, nataitá-carro nanaitjaca cayoji talricanaati, njite njaji naapiyawanai itatja capisho nainai, ima nanaitjaca cayoji Dio icaite capisho narso. 13 Aima inaiki iwacaacawa Jerosalén lrico nawaada carroa lrico, nainjacawa Peetje Meewidalritsa, yaamapi keerri nacoda. 14 Icaamitsa naca njeta napeeco njaji altar jerosalén lricoperri, pjiomi njaji altar namjaitacawa incienso; napeco pjiomina onipaokja lrico Cedrón lricoda. 15 Njiité dalri, naino jliaji cordero Pascua icaonada, catorce jalredaoca naco yaamapi kerri nacoda pawalria irso. Njaji sacerdotenai njite njaji Levitanai capaiman najiacacawa, niini njenitaacawa namatsicanaa ioya Dio irso njite nadee ofrenda namjaitaji Dio iipana lricojle. 16 Neemawa papocope naoyawaca, cayotsa Moisé idananda icaite capisho, jliaji Dio irsiodalri. Njaji sacerdotenai nawitsica njaji irranati levitanai ianipe narso. 17 Ima aima pia catoa nanakjoite njaji iwacaacalrio corriperri piatoa jienitaacawa namatsicanaa ioya Dio irso. Niini njaji Levitanai naino jliaji cordero Pascoa icaoyanada naikjaote njaji corriperritoa iamtsietacawa njite corri pia nataita nainoca maaficalri nadeenipe Dio irso. 18 Aima nanakjoite njaji inaiki, aima nanakjoite njaji Efraín poco inakjoite perri, Manase, Isacar njite Zabulón perri, corrin piacatoa namatsietacawa namatsicanaa ioya, mitsa, caicayatsa nainja injaodati Pascua icaoyanadatsa, corrin nanaitja cayoji Moise idananda icaite capisho. Ima Ezequia itatja piaca nanaco, lricaite nanaco cayoji: ''Jliaji wa-Minalri matsiadalri, jliayapetacaotsa pjiomi maatsirri lrioya jliaji 19 icaitecada lricaolre rico lrioma caotsa lrirsowawa Dio, jliaji iMininalriti, na Diote njaji iferrinaipemi, ima corricatsa nanaitjaca cayoji narso capishotsa nanaitjaca njewa carro lri-rico wajle jliaji corricawatsa pacapa maatsidalri.'' 20 Njite Dio jimica Ezequia irso, niini lrimatsietaca njaji inaiki aimadan. 21 Njaji inaiki aimadan Iraelnai iofacapewa Jerosalén lrico, nacatiimatacawa lrikjaote jliaji nainjacawa Petje Meewidalritsa siete jalredaoca icoa, catiima pjiomina. Njaji Levitanai, njite njaji sacerdotenai naa matsiadalri wa-Minalri irso jalredaoca icoam, nacanta njite natoca njaji nacantshopa kjemanipe wa-Minalri irso. 22 Caaco Ezequia itiimati rico narso njaji Levitanai idenjirri wa-Mionalri irso. Niini nainjacatsa jalredaoca icoami siete jalredaoca naco, naino maaficalri ofrenda imaodacakjeti ikjaote, njite nacaite tsakja namatsicana Dio irso, naDiote njaji naferrinaipemi. 23 Njite pjiomi njaji inaiki iwacacalrio njerreta pja jalredaoca nacatimataaca carroa, catiima nanaitjacani. 24 Ezequia, Judá italricanaa iáa ofrenda sho narso njaji iwacaca-capewa mil toro, siete mil oveja; njite njaji naapiyawanai naa tsakja narso njaji iwacaca-capewa mil toro tsakja, njite die mil oveja njite cabra tsakja. Njite aima sacerdotenai imatsietacawa Dio ipeyajle. 25 Pjiomi njaji iwacaaca capewa Judá lricope, naapiya njaji sacerdotena njite Levitanai, njite pjiomi tsakja njaji Irael lricoperri iwacaacalrio, njite pjiomi njaji corri peritsa nakitsiñape inocaperri irael lrikjoite, njite njaji iofacapewa Judá lrico, pjiomi nacatimataacawa pekirritsa. 26 Catiimana pekirritsa Jerosalén lrico, ima Salomón jiawajli , David irri, Irael italricanaa nakjoite corricawa pienatsa nanaitjaca caidalriji Jerosalén lrico. 27 Njite njaji sacerdotenai njite Levitanai njenico nemawa nacadaa-carro iacoti matsiaperri nanaco njaji inaiki aimadan iwacaacalrio. Njemi pjiomi njaji nacaiterri, njite natatja nialre jirrawa eenolricojle, Dio iofalri nirse corricawatsa pacapa maatsirri.
1 Njite natai camina pjiomi, pjiomi njaji Iraelnai nirse perri, naawa Judá iyacalre ricojle njite nawitita njaji pantipje shoperri nanaitjaji jiipada sho, naoca tsakja njewao njaji topji Asera iemacarrona, namatsiketa pjiomi njaji yenondalripe, pjiomi njaji altar Judá lricope, Benjamín lricope, Efraín lricope, njite Manase lricope, napeeco pjiomina. Njitedalrina pjiomi njaji inaiki aimadan Irael lricope nadiawa nacoanam naofacawa lrico nayacalre ricojle. 2 Ezequía icadaa nadejica papocope coancadanacopeca apapoco jimao idenjica nanakjoite njaji sacerditenai njite njaji levitanai. Lricadaa namjaitá-carro ofrenda, njite njaji ofrenda namatsietaca shopa naapiyawaaca, naa-carro matsiadalri njite nacaite matsia wa-Minalri naco, naa-carro Lrirso Panti Macade ipananoma lrico. 3 Ezequía iáa tsakja ofrendawa lripirra ipe nakjoite tsa, neeti tsakja; icatsa njaji ofrenda namjaitaope piyompinaco njite dainoma, njite cayo tsakja nanaitjaca njaji oifrenda namjaitaope nawafeta carrodaa lrico, walripi keerri naco, njite njaji paana nacatimataaca carroa lrico cayoji wa-Minalri idana capisho narso nanaitjá-carro. 4 Mitsa Ezequia inaa njaji iofacapewa Jerosalén lrico naa-carro jliaji narsolritsa naaca narso njaji sacerdotenai njite njaji levitanai, nataitá-carro nadenjica namaodacatsa nanaitjpacarro cayoji Dio iaco icaite capisho. 5 Njaji inaiki aimadan Iraelitanai, njemi cádanacotsa jliaji talricanaati inaalri nanaitjaca, ikeena naaca aimasho napania nakjoite nainitanda naniwaca comaana, jaico tjedaa ianaa walriajaitoa, aceite, mapáa, pjiomitsa njaji naniwampe nakinkerre lrico. Nadee diezo pjiomi nacotsa aimashotsa. 6 Njaji Iraelitanai njite njaji Judanai, iofacapewa Judá lrico nadee tsakja nadiezmoni na-vacan nakjoite njite na-ovejan, njite nanakjite njaji njenitaji naMinalri Dio irsope, aima nawaketacana. 7 Madalripi kerri naco pawalria irso nainita caojli pia nawaketaca aima sho njaji naope, njite yaami nawaketacana siete keerri naco pawalria irso. 8 Ezequia njite njaji naapiyawanai naacádanaco naderse njite nacapa aimaca njaji nawaketaji, icaamits nacaiteca iacoti matsiaperri wa-Nimalri naco njite nanao njaji inaiki aimadan Irael lricoperri. 9 Njite Ezequia itatja jimio njaji sacerdotenai njite levitanai nanaco njaji nawaketampe toa. 10 Njite jliaji sacerdotenai iapiyawalri Azaria, Zadoc iipanate inakjoitedalri, jiepani, lriaco lrirso: ''Nanitaca ikjoete nadeeca ofrenda Dio iipana lricojle njaji inaiki, wainja matsia njite corrin canacaica warso, aima tsakja njaji neetepem toa, ima Dio icadaa matsiadalri narso njaji lrinaikite aimadan. Njite icatsa neetepemca njaji picapalri wawaketaca aimatoa. 11 Niini Ezequia inaa namatsieta pjaaca nacadaacawa Dio iipana lrico, njite nanaitja cayo. 12 Nataita cayami namatsietaca napieta tsenakja nadeeca na-ofrendani, na-diezmoni, pjiomi njaji Dio iyaaperri. Njite Conania, levitatairri, icatsa jliaji iajirrica nanaco njaji namatsietaji, njite lrinacojledatsa lriwerri Simei. 13 Njite Jehiel, Azaria, Nahat, Asael, Jerimot, Josabad, Eliel, Ismaquia, Mahat njite Benaía icatsa njaji Conanía njite lriwerritsa Simei iajínipe inaco, talricanaati Ezequia icadaji, Azaria iapiya, jliaji iajirri Dio iipana naco. 14 Njite Coré, Imna irri levitatairri, jliaji iwapacada pantinoma jerri imotokema nakjoite, icatsa jliaji iajirrica nanaco njaji ofrenda nacadaji njaji ianiki Dio irso nacaolre rikjoitetsa, jliacatsa ianjii coanca lricadaaca njaji ofrenda wa-Minalri irso, njite njaji ofrenda matsiaperripjaa. 15 Icatsa njaji lriajinipe inaco: Edén, Miniamin, Jesúa, Semaía, Amaría njite Secanía, sacerdotenai iyacalre rico. Nacadaa nadejicalrewa corricawatsa nataita nanaitjaca maatsi, nataitá-carro naaca njaji ofrenda narso njaji nakitsiñape papoco, papoco irso, cosho catsa namaimaca. 16 Naa tsakja narso njaji atsianai irsocape madalriwalria toa napekirrica naco, njaji nadanaji iipitana nadanacawa neepitana pjiomi paperra lrico nacadaalri Dio iipana lrico coca iipaneta inakjoité-dalricani, cayoji nadana capisho jalredaoca icoami neepitana nano cádanaco nadeji nadejicawa lrico njite coca inaipococa. 17 Nacadaa nadeji njaji sacerdotenai coancatsa naoketaca naferrinaipemi ipaperranim, cayo tsakja nanaitjaca njaji levitanai irsocapena vente walria napekirrica nakjoite ipeyajle, kjerrecawaca nadeji njite coca inaipococa. 18 Njeeta tsakja nainai neenipe tsodalripe toa, naninai njite neenipe atsianai, inaitjepe pekipenaina, caiminitsa pjiomi naofacawa lrico, ima matsiaperricana njenitaaca capoa njawaacatsa maatsidalri ioya Dio irso. 19 Njite njaji sacerdotenai, Aarón inakjoite perri njaji irsocape nakinikerre yacalre icoami naofacawa lrico, iofacape nainai njaji levitanai irsocape tsakja neepitana paperra lrico, nacadaa tsakja naa-carro nainai nanakjoite njaji ofrenda narso njaji atsianai sacerdotenai. 20 Cayominitsa Ezequia inaitja pjiomi Judá lrico. Lrinaitja matsiape minitsa li-Minalri Dio ipeyajle, corrin jlienaca Lrioya lrinaitjá-carrontja maatsi. 21 Lriniitaca icoam pada iwaopiakjeti lridejí-carro Dio iipana lrico, lricapa cádanaco njaji Dio yaaco, njaji lrinaalri nanaitjaca, coanca lrirsotsa lrinaitjaca lriomá-carro lri-Diote, lrinaitjani lricaolre rikjoite, njite matsia lrimotoca lrirso.
1 Jliapodamjite njaji wacapalrina pjiomi, coanca corrica namaca Dio, Senaquerib, Asiria italricanaa, lrino lriewawa Judá jipaitena lrico lrinoacá-carro nakjoete njaji yacaalre taimí perri ima lrioma pia jlipaca lrirsowaona. 2 Ezequia icapa cádanaco Senaquerib ínoca lrinoacá-carro Jerosalén ikjoete, 3 niini lritatja jlimiwa nainai njaji inaiki iapiyawanai njite njaji tsolrodaonai iapiyawanai naitá carro njaji ooni imotocawa jiipai ikjoite pemajle perri yacaalre irso; niini nakitsindatani nadejícarro. 4 Aima inaiki nadejí-carro njite naita pjiomi ooni imotocawa njite oonipaokja jiwidapa tsakja namotolri njiteo njaji onipaokja iamarralriwa njepaite ipamoyoaca lrico, ima naaco cayoji: ''Corrí-carroatsa naoketa aima ooni narsowao njaji talricanaatinai inocape Asiria lrikjoite.'' 5 Ezequia ikjaidataca piawa niini jlirreta tsenakja yacaalre idana napeecolri pia jiwao. Lrinaitja njaji yenondalripe nawapacawa nacapa nakjoite, njite njaji paana yacaalre idana pemajle perri tsakja. Lrinaitja tsakja taimi Milo idana David iyacalre rico, lrinaitja tsakja aima nainoaca shopawa njite nadanaita tsakja. 6 Ezequia icadaa tsakja tsolrodaonai icomandantenaipe iwapacaope njaji inaiki. Lriwaketa lriinaiwa pjiomina pafetsa yacaalre ipananoma macapekicawa lricaité-csarro narso iacoti ikjaidatacadana, liaco cayoji: 7 ''Ikjaidatacawa, macadatsa ifikjeti shamaca jia. Mjetatsa icaolre ifio capoantja Asiria italricanaa ikjoete aima capoa njaji lri-tsolrodaonai, ima kjaidadalri pjaaca jliaji iemalri wainai naoya njaji iemalri Asiria italricanaa iinai. 8 Inaikinaitsa njaji ikitsindatalrini, mitsa jliaji ikitsindatalri faa icatsa jliaji waMinalri, wa-Diotsa, jliá carro inoacawa waikjaote.'' Niini njaji inaiki nacatiimataacawa narsowaaca njemi cádanaco njaji iacoti talricanaati Equia icaiterri narso, Judá italricanaa. 9 Njitédalri Senaquerib, Asiria italricanaa, imeenaca lrirsoperri lriwapacawa njite lri-tsolrodaonai iapiya, Laquí icoemjete, naa-carro Jerosalén lricojle, nadee--carro iacoti Judá italricanaa Ezequía irso, cayoji: 10 ''Cayo lricaiteca jliaji Asiria italricanaa Senaquerib: ''Coca inacoa icadaa icaolre jia Jerosalén lricoperri icapa cadanena no-corrarrataca jia? 11 Lri-cashata catsa jia Jliaji Ezequía lriinó-carro jia maawitacai sho njite meeta capoa tsakja icaolre, lricaite cádanaco irso ''wa-Minalri Dio watsa imanacotaotsa faa Asiria italricanaa ioya.'' 12 ¿Capja corrica opikena Ezequías ipeeco ioya njaji yenondalripe njite njaji altar, njite lricaite narso njaji Judá lricope, nja tsakja njaji Jerosalén lricope naa-carro matsiadalri Dio irso, njite lrinacotsa itaita imjaitaca Lrirso naaficalri? 13 ¿Corritoa ianjíi coanca nonaotjaca, njite coan piaca noferrinaipe inaitjaca njaji inaiki aimadan jalredaoca lricoperri? ¿Capja dadiote itaita pia nadietaca njepaite nocaapi rikjoite narsowao tsenakja? 14 Nanakjoite njaji dionai jalredaoca lricoperri, noferrinaipemi iwayaketaji, ¿capja niinica apada dio itaitalri pa idietaca lrinaikite nocaapi rikjoite? ¿Coajentja iDiote itaita jitaca jia nocaapi ioya? 15 Niini, macadats Ezequía icashataca jia cayo, wadentja jiepacani. Mjeepatsani, ima corrin pacapa pada dio pada jiipai nacoda, o pada jiipai talricanaati iwapanda nakjoite itaita imanacota lrinaikite nocaapi ioya, o naoya pia njaji noferrinaipemi. Omamikena jliaji iDiote, corritsa jlitá-carroca jia nocaapi iioya.'' 16 Njaji Senaquerib irsoperri caaco pjaa tsakjana wa-Minalri Dio ikjoete njite lrirsodalri Ezequia ikjoete tsakja. 17 Senaquerib idana tsakja paperra lricaacarro wa-Minalri ikjoete, na-Diote njaji Iraelnai, caacocarro matsi lrikjoete. Lriaco cayoji: ''Corricapoa nataita namanacota nanaikite nocaapi rikjoite njaji dionai jalredaoca lricoperri, cayo tsakjaotsa Ezequía iDiote, corrin tsakjaotsa Lritaitá-carroca jlitaca Lrinaikite nocaapi rikjoite.'' 18 Nawana kjaida naaco lrikjoite njaji judionai iofacape Jerosalén lrico, njaji iofacapewa yacaalre idana ipolrico, nafietá-carrona njite necaa-carrotsa naicao, cayó-carrontja nataita njepaca narsowao jliaji yacaalre. 19 Caacona na Diote naco njaji Jerosalén lricope cayotsa caaco capisho mana nadiote irso njaji apana inaki, njaji dio nanaitjajitsa nacaapisho naji atsianai. 20 Niini talricanaati Ezequia, njite jliaji Amós irri, inoparrotacaita Isaía, natatja caiwi ricotsa lriinai jliaji Dio eenolricojlé-dalri lrikjaote jliaji maatsirri. 21 Njite wa-Minalri imeenaca Lrianjele, niini lriinoca njaji atsianai kjaidaperri inoacacawa, lriino tsakja njaji comandantenai, njaji capitamanai talricanaati irsoperri nawacaaca cawa lrico. Njite Senaquerib idiacawa jlipaite ricojle ipaimanti rico. Niini jliewa cádanaco lridiote iipana lrico, pada nanakjoitetsa njaji lrienipenaipe nainoni matseta sho. 22 Cayotsa wa-Minalri imanacota piaca Ezequia njite njaji inaiki Jerosalén lricoperri Senaquerib ioya, Asiria italricanaa, naoya tsakja njaji apana inaiki, Njite Dio icadaa nawafetá-carro pjiomi ioya. 23 Aima inaiki ideeca ofrenda Dio irso Jerosalén lricojle, nadee tsakja regalo matsiaperri Judá italricanaa Ezequia irso. Cayotsakja najica lrinaco pjiomi njaji inaiki jalredaoca lricoperri jliadaa nakjoite. 24 Jliawajli pia caifia Ezequías, wadeepe mayamican. Niini lritatjaca Dio iinai, njite Dio jimi lrirso, njite Lricaite lrirso pada itjinatisho Lrimatsietacaotsani lrirenaa ioya. 25 Mitsa corrin ezequia iaa matsiadalri Dio irso lrikitsindata capoani, ima ipadalrekjeti ipakjantaca Ezequia icaolre rico. Niini Dio iirroa inoca lrinaco njite nanaco njaji Judá lricope njite nanaco njaji Jerosalén lricoperri. 26 Mitsa, Ezequía idia iwaopia kjenaadalricatsani Dio ipeyajle lripadalreca ima lricaolre ricoda, coshoca jlia njite njaji inaiki Jerosalén lricoperri, niini corrin Dio iirroa jiwacatoa nanaco Caafi cadanacotoa Ezequia. 27 Ezequia irsopia Aima cacoadaperri, aima nacaite lrinaco matsia. Lrinaitja lrirsowao lrimatsieta-carroda palrata, owirro, jiipada cacoadaperri, lrinaitja tsakja lrimatsieta carrodao pomeniajaipe, lrimatsieta carroda tsakja nadanaita oowi rico njite pjiomi njaji inaaniti cacoadaperri. 28 Lrirso pia tsakja lrimatsieta carrodao napania iinaca, comaana, jaico tjeda ianaa, aceite tsakja. Lrinaitja tsakja nemaa carrodao nja pirraiti coanperri catsa. Lrinaitja tsakja corrarra lritaoña cawa maaficalri. 29 Lrinaitja tsakja lrirsowawa yacaalre njite aima lrirsopiaca maaficalri lriyapewa catsa, ima aimaca Dio icadaa lrirsowawa lrinaaniwa cacoadaperri. 30 Jliaminitsa Ezequia-ca, jliaji idaanatlri pia jliaji ooni imotocawa Gihón dalri, njite lrideeni jeerri jiewa kemajle lridee-carroni mayacan David iyacalre ricojle. Matsia namotoca Ezequia irso pjiomi njaji lridejirri. 31 Mitsa nanaco njaji caconaaperri talricanaati imeenacaji Babilonia iipitana naco, inocaperri itatja jimio nanaco njaji manaitja canaperri lricapalri jlipaite rico, Dio icadajitsa lrirso cayó-carro lriwí shopa, lricapá carrotsa cocaca njaji lrirsolri lricaolre rico. 32 jaji paana ezequía inacoapanaperri, coanca lrinaitjaca corricapoa lrioma lri-matadaca coanca lricaiteca jliaji iacoti Dio inaitjalri pia naapiya, itaita icapacani lridananda lrico jliaji inoparrotacaita Isaía, Amós irri, njite lrinaco jliaji paperra nanacoapanaperri njaji talricanaatinai Judá lricope njite Iraelnai. 33 Mayami Ezequia lriferrinaipe iinai, njite njaji inaiki Judá lricope njite Iraelnai nadawani nadawacawa njaji caconaperri David inakjoiterritsa. Pjiomi Judánai njite njaji Jerosalén lricope nanaitja matsia lrirso jliaji mayamdalrimitsa Ezequia. Njite lrirri Manases italricanaataca jliapodam.
1 Manase irsopiakena doce walria lripekirrica naco lriniita caojlina lritalricanaataca; cincoenta cinco walria lritalricanaataca Jerosalén lrico. 2 Lrinaitja maatsi Dio ipeyajle, njaji maatsiperri mapeyocanaperritsa nanaitjalri njaji inaiki Dio ipecoji napeyajle njaji Iraelnai. 3 Ima Manase jirretaca tsenakja njaji yenondalripe jlinirri Ezequia ipeecolri pia jiwao, lrinaitja tsenakja altar Baalnai irso, Asera iema carrona tsakja, lriyamjeta lriecoa narso njaji jiwirsida eenolricojlé perri, njite lriaca narso matsiadalri. 4 Jlirreta inaitja altar Dio iipana lrico, Dio icaite cadaana pia cayoji: ''Caidalriwetsa najiica niinica noipitana Jerosalén lrico.'' 5 Lrinaitja altar narso njaji jiwirsida eenolricojleperri yamemape Dio iipana iyacalrecoa naco. 6 Lrimjaita lrienipe tiyee rico jiipai ioyawaca Ben Hinom lrico. Lrinoparrota demonionai ianjikje sho njite lrinaitja malrirricalri, lricapa pida coanca napeyajle njaji inaiki, njite lria naikjaolre njaji caacoperri naapiya njaji mayamperrim njite naapiya njaji caolriti. Lrinaitja aima maatsiperritsa Dio ipeyajle, cayotsa lrikerroataca Dio. 7 Lricadaa Asera jinapjiam lrinaitjanda Dio iipana lrico. Dio icaite cadaana pia lrinaco jliaji panti David irso njite lrirri Salomón irso, cayo pia Lricaiteca: Lri-ricoda pantica jliaji njite Jerosalén lrico, jliaji yacaalre noniwananda norsowao nanakjoite njaji Irael poco, nocada cawaotsa noipitana niini caidalriwetsa. 8 Corrinatsaotsa nocadaacarroca nanjicawa macadatsa njaji Iraelnai lrioya jliaji jiipai nocadanda narso njaji iferrinaipemi, mitsa njeepa cadaa cayekjatsa pjiomi njaji nonaalri nanaitjaca, nanaitja cadaa njaji iacoti kjaidaaperri, coanca paofacawa matsia, njaji nonaalri norsodalri Moise inakjoite nanaitjá carro.'' 9 Mitsa Manases idee njaji inaiki Judá lricope njite Jerosalén nanaitjá-carro maatsi, maatsí pja naoya njaji apaana inaiki Dio ipeecoji Iraelnai ipeyajle. 10 Caaco wa-Minalri Manase irso njite narso njaji ianaiki aimadan, mitsa corrin njemica lrirso. 11 Niini wa-Minalri ideeca naikjaolre nacomanatenai njaji tsolrodaonai, lrirsoperri jliaji talricanaati Asiria lricoda, icatsa jliaji jipalrica Manase, lrinaa napapican cadena sho njite, njite nacadaa pja lrinaco candao lridee carroni Babilonia lricojle. 12 Njite iinona cádanaco Manase jlita jlicaolre pekirritsa, niini lritatjaca caiwi-ricotsa Dio iinai, lricadaacawa Dio ipeyajle jliajíi capoa corricatsa cocacani lripeyajle jliaji lriferrinaipemi iDiote. 13 Lritatjá capoa Dio iinai, njite kjenatsa Dio jimica lrirso nanaco njaji lritatjalri lriinai, niini Dio idietacatsenakjani Jerosalén lricojle, lritalricanaatacawa lrico. Icatsa cayoji Manase ianjíi icatsa Dioca jliaji wa-Minalri. 14 Niini jliapodamjitena jliaji jiyapalrio, Manase inaitja yacaalre idana iwawalricojle pja lridanaopja jliaji David iyacalre, jerri imotokemajle Gihón irso, jiipai ioyawacadalri naco pjewacawa lrirso jliaji Pantinoma Copjepeco. Lridaanata jliaji awacada Ofel njite jlirretani yenonpjan. Lricadaa iwapacaope njaji yacaalre taimí perri njaji comanadantenai mafiocápetsa. 15 Lriwayaketa pjiomi njaji mikjapamperritsa dioca, nadiote njaji apanatsa inaiki, lripeeco Dio Ipana ioya pjiomi njaji idolonai, pjiomi njaji altar lrinaitjaji Dio iipana icodapi Jerosalén lrico, njite lripeecona pemajle yacaalre Jerosalén iooya. 16 Lrinaitja tsenakja Dio ialtarni, njite lrimjaita lrinaco maaficalri namaodaca shopawa njite lriá tsakja ofrenda lriá-carro matsiadalri Dio irso; njite lrinaa njaji inaiki nadejíi-carro wa-Minalri irso, na-Diote njaji Iraelnai. 17 Mitsa njaji inaiki naino minintoa maaficalri nanaco njaji yenondalripe naco, mitsa nanaitjani na-Minalri Dio irso. 18 Njaji paana Manase inacoapanaperri, coanji piaca lritatja lri-Diote iinai, njite naacoarrom njaji inoparrotacaperri, njaji caacolri pia narso Dio iipitana naco, na-Diote njaji Iraelnai, a pacapana lri-ricoda jliaji paperra icaite cada nanaitjaji inaco njaji talricanaatinai Irael lricoperri. 19 Lri-ricoda jliaji nacaitenialre nadananipe rico pacapa coanji piaca Manase itatjaca, njite coanca Dio jimica lrirso lritatjanialre ikjaote. Pacapa tsakja lri-ricoda coan piaca lricaiteca nja lrimatsicanaa, corricawa lrinaitja cayoji Dio ioma capisho, lricaite tsakja kjerrecawajleca lrinaitja pia njaji yenondalripe, njite njaji Asera iemacarronape, njite nanaco tsakja njaji njenapjiampe lrinaitjaji lripjeyatoa lriajiacacawa jliwacatsa corricatsa cocacani. Pjiomi njaji pacapacana nadananda lrico papaerra njaji inoparrotacaérri. 20 Mayami Manase lriferrinaipemi iinai, njite njaji inaiki nadawani lriipana lricotsa. Njite lrirro Amon italricanaata jliapodam. 21 Amón irsopiakena ventido walria lripekirrica lriniita caojlina lritalricanaataca; yamawalria lritalricanaataca Jerosalén lrico. 22 Lrinaitja maatsi Dio ipeyajle, cayotsa jlinirri Manase icayosho. Amón iino maaficalri narso njaji njenapjiami jlinirri Manase inaitjaji, lriaca narso matsiadalri. 23 Corrin kjena cantja lrianjiacacawa Dio ipeyajle, cayoji jlinirri Manase inaitja capisho pia. Icaamitsa Amón inaitja minintsa aima pja maatsirri. 24 Njaji lrirsoperri nawaopia maatsi lrikjoete njite njatsa iinoni lriipana lricotsa. 25 Mitsa njaji lrinaikite naino pjiomi njaji inaiki iwaopialri pia maatsitsa talricanaati Amón ikjoete, njite nacadaa lrirri Josia nakja natalricanawa jliapodam.
1 Josía irsopiakena ochowalria lriniita caojli lritalricanaataca; trenta uno walria lritalricanata piaca Jerosalén lrico. 2 Lrinatja matsia Dio ipeyajle. Cayotsa lrinaitjaca lriferrim David inaitja capisho, corrin jlienawa Dio ioya. 3 Ima ocho walria naco lritalricanaaca lrico, yempeti cadana toani, lriniitena lriomaca lrirsowawa lriferrim David iDiote. Doce walria nacojle, Josia iniita ipiyoca Judá njite Jerosalén naoya njaji yenondalripe, naoya tsakja njaji Asera iemacarronape, pjiomi njaji njenapjiami nanaitjaji jaico sho njite nanaitjaji tsipalra sho. 4 Njaji inaiki aimadan napeeco njaji Baal ialtarni lricapa cadanatsa jliaji talricanaati; lrinaa nabolrontaca matsia njaji altar mamjaitacawa incienso. Lrinaa nabititaca njaji Asera iemacarronape njite njaji njenapjiampe nanaitjaji, pjiomi tsakja njaji nanaitjaji jinapjiami tsipalra sho, Natalripenatsa iofaa naoya. Lripatjaa natalripem naicaonan naco njaji imjaitacapem maaficalri nanaco. 5 Lrimjaita naapipem njaji sacerdotenai baalnai irsoperri nanaco njaji altar. Cayotsa Jisia ipiyo matsia Judánai njite Jerosalén lricope tsakja. 6 Cayo tsakja lrinaitjaca Manasenai iyacalre rico, Efraín, Simeón, njite Nestalí tsakja, njite pjiomi nanaco njaji naofacawapem pia nawaida naco. 7 Josia ipeeco pjiomi njaji altar imaimaca, lripeeco njewao njaji Asera iemacarronape, nja tsakja njaji njenapjiami nanaitjaji, icaamitsa iofalrica naoya natalripenatsa, lripeeco pjiomi njaji altar namjaita carrona naco incienso pjiomi Iraelnai jipaite rico; Njitena lridiawa Jerosalén lricojle. 8 Njite Die walria talricanaati caamini, lritaita cayamina lripiyoca matsia njepaite njite templo tsakja, lrimeenaca Safán, Azalía irri, Manase irso tsakja, jliaji iwapacada yacaalre, njite Joa irso, Joacaz irri jliaji idanacaita, namatsietá-carro matsicawape na-Minalri Dio iipana. 9 Naawa Hilcia ikjaolre, jliaji sacerdotenai iapiyawalri, njite náa lrirso njaji palraata nadeji Dio iipana lricojle, Levitanai njite njaji iwapacaperri pantinoma iwaketalri nainai tjaji Manasénai, njite Efraín, Iraelnai itepem ioya tsakja, Judánai ioya, Benjamín poco ioya njite naoya njaji inaiki aimadan Jerosalén lricoperri. 10 Nacadaa nja palraata narso njaji atsianai iwapacape icapa njaji üidejicape Dio iipana lrico. Njeena njaji atsianai nacaoña njaji idejicaperri namatsietá-carro pjiomi coancawapeca maatsi lri-ricoda jliaji panti macade. 11 Nacaoña carrapinanai ianjicape inaitjaca panti nawenta-carro jiipada nayoaji matsia, nawenta shopa tsakja jaico nemeta shopa, nanaitjá-carro tsakja panti-ipje nacadaalri jiwawa njaji padapena talricanaatinai Judá lricope. 12 Njaji atsianai nanaitja njaji idejikjeti matsiatsa. Njaji icapacepe naicawa Jahat njite Abdia, Levitanai, Merari ienipenaipe inakjoite perri; Mesulam njite Zacaria, Coat ienipe nakjoite perri. Paana tsakja Levitanai matsiaperri itoocaca, atsa neema nainai njaji idejicaperri. 13 Icatsa njaji levitanai iajirrica nanaco njaji atsianai jiwajicape nadejishopa jliaji panti, mitsa najíi tsakja nanaco pjiomi njaji idejicaperri coancawaca nadeji. Njaji Levitanai, padape nanakjoite nini idanacape, iwapacada njaji idejicaperri njite padape iwapacape pantinoma. 14 Nadee cádanaco njaji palraata naderri pia Dio iipana lricojle, Hilcías, sacerdotenai iapiyawalri iketaca jliaji Paperra pacapacawa njaji iacoti Kjaida perri wa-Minalri icadanda pia narso Moisé inakjoite. 15 Niini Hilcías iaco Safán irso jliaji idanacaita: ''Nooketaca jliaji Paperra pacapacawa njaji iacoti Kjaida perri wa-Minalri iipana lrico.'' Niini Hilcías iaca jliaji Paperra Safán irso. 16 Njite Safán idee jliaji Paperra talricanaati irson, njite lricaite pja lrirso nanaco njaji idejicaperri, cayoji: '' Njaji pirsoperri nadejintsa pjiomi cayoji picadaa capisho nadejicarro. 17 Nawaketa pjiomi njaji palraata naoketaji Dio iipana lrico, njite nacadaa nacaapi rico njaji iwapacape icapa njaji idejicape njite narso tsakja njaji idejicaperri.'' 18 Njite Safán, idanacaita iaco tsakja talricanaati irso: ''Jliaji sacerdote Hilcías lricadaa norso pada Paperra.'' Niini Safán ileecani talricanaati irson. 19 Niini talricanaati jimi cádanaco njaji iacoti kjaidaperri naco, lritsafaa lritsayani. 20 Niini jliaji talricanaati inaaca jliaji sacerdote Hicías, Ahicam irso, Safán irri, Abdó, Micaías irri, Safán, jliaji idanacaita, njite lrirso jliaji talricanaati irsodalri Asaía, lriaco narso cayoji: 21 ''Warsa iáwa itatjá carro jimio Dio iinai noikjaote, njite nanaco njaji neetepem Irael lricope njite Judá lrico, wanjíi carro nanaco njaji iacoti lri-ricodape jliaji paperra waoketanda. Ima oopica wakerroata jliaji wa-Minalri wakjoete. Matsinaadalrica lriirroa jliaji wa-Minalri, ima njaji waferrinaipemi corrin njemica njaji iacoti lricaiterri jliaji paperra, neepa cantja njaji iacoti nadanalri lri-ricoda''. 22 Niini jliaji sacerdote Hilcías, njite njaji talricanaati imenacaji naacarroa, naawa Hulda ikjaolre, rsoaji inoparrotacada, Salum iino, Ticva irri, Harhas irri, jliaji iwapacada nacadacawa tsaya, rofaa piawa walricoe cawa nanaitjaca Jerosalén lrico, ikena caacocana roapiya lrinaco jliaji naalri ikjaote. 23 Niini roaco narso: ''Cayo lricaiteca jliaji wa-Minalri, na Diote njaji Iraelnai, picaiteotsa lrirso jliaji atsia imeenacalri jia noderse, 24 cayo wa-Minalri icaiteca: ''Wadepena nodeeca maatsidalri lrinaco jliaji jiipai, njite nanaco njaji lrinaikitena, pjiomi njaji maatsirri nadanaji lri-ricoda jliaji paperra nalrerri talricanaati Judá lricoda ipeyajle. 25 Ima namacaca njoa njite namjaita tsakja incienso narso njaji idolonai, nakerroataca njoa nasho njaji maatsirri nanaitjalri nasho njaji nanaitjalri. Niini opica nakerroata njoa naikjaolrewa naofacawa lrico, njite corriotsa yaami carroca njoa noirroa ioya.'' 26 Mitsa lrirso jliaji Judá italricanaa, jliaji imeenacalri jia ajerreji lritatjá carro jlimio cocaca lrirsotsa lrinaitjaca Dio irso, icaiteotsa lrirso cayoji: ''Jliaji wa-Minalri, na Diote njaji Iraelnai, cayo lricaiteca nanaco njaji iacoti pjimirri ianaco, 27 Corri capoa padalre pjia picaolre rico, pianjiaca capoa corricatsa coca pjia Dio ipeyajle, pjimi cádanaco njaji jliaji Iacoti lrikjioete jliaji jiipai njite njaji lrinaiki, njite piajii capoa corricatsa coca pjia Dio ikjoete, njite pitsafaa pitsayani coyolre capoa pjia, njite pjiemata Noikjaolre caiwi-ricotsa, niini Njomica pirso; niini ikatsa wa-Minalri icaiteca cayoji. 28 Nocadaotsa pioketaaca carroatsa nainai njaji piferrinaipemi. Mayamiotsa pjia imawadacakjeti rico, corriotsa picapá carroca njaji maatsirri noderriotsa lrinacojle jliaji jiipai, njite nanaco njaji lrinaikitena.'' Icaamitsa nadiacawa talricanaati iderse. 29 Njite jliaji talricanaati, lrimeenaca inaiki ideecape iacoti narso njaji pekipenai caconaaperri Judá lricope njite Jerosalén nawacaacacarrowa. 30 Njite jliaji talricanaati iawa Dio iipana lricojle, naa tsakja lriinai njai atsianai Judá lricope njite Jerosalén lricope tsakja iawa lriinai; nja tsacja njaji sacerdotenai, levitanai, pjiomi njaji inaiki pekipenai, tsooperri tsakja. Ikena lrileeca narso jliaji Paperra naoketanda Dio iipana lrico coanca nacaiteca njaji iacoti Lriacoam nacope naapiya. 31 Ikena talricanaati jinicoca iemawa lriema carrojitsa njite lrinaitja pada iacoti Dio ipeyajle, lricaitecawa Dio irso, lrinaitja caotsa cayoji Dio iaco icaite capisho, Lriaco inaalri panaitjaca, njite njaji iacoti icaitecape coan carro paofacawa matsia lricaolre rikjoite, njite pjiomi lricafica sho, jliepa-carro njaji iacoti Dio iacoam nadananda lri ricoda jliaji Paperra. 32 Talricanaati inaa tsakja njaji inaiki Jerosalén lricope njite Benjamín lricope tsakja njeepá-carro nainai jliaji iacoti Dio iacoam naco. Njaji inaiki Jerosalén lricope nanaitja cayoji lricaite capisho jliaji Dio iacoam, naferrinaipemi iDiote. 33 Josia ipeeco pjiomi njaji dofenaperrimi Irael jipaite lricoperri ioya. Lricadaa naacarro matsiadari na-Minalri Dio irso pjiomi njaji inaiki. Caafi cádanacotoani, corrin yamicana na-Minalri Dio ioya, naferrinaipemi iDiote.
1 Josia inaitja naapiya Pascua wa-Minalri iipitana nacó Jerosalén lrico, naino jliaji cordero Pascua icaonada catorce jalredaoca naco lriniita carropi pawalria irso. 2 Lricadaa nadeji njaji sacerdotenai nadejicawa lrico njite lricatiimatana nadejicarro matsia Dio iipana lrico. 3 Lriaco narso njaji levitanai, njaji icanantacape njaji Iraelnai, njaji jienitaacacapewa wa-Minalri irso: ''Icadaa jliaji Dio ipatowani jlienitanda lrirsowawa lri-ricoda jliaji panti lrinaitjanda jliaji David irri Salomón, Irael italricanaa. Corrinatsaotsa iwakje carrocani iteda naco. Panaya iáa matsiadalri iMinalri Dio irso, njite idenji narso njaji inaiki aimadan Irael lricope. 4 Imatsietaacawa papocope jiwaacatsa coanca iferrinaipemi iipaneta naco coca iinai piaca nerroa, icapa iicawa coanca David, Irael italricanaa icaite piaca lridananda lrico, njite njaji lrirri Salomón idanaji tsakja 5 Yemenawa papocotsawa iyarropoco iinai Dio iipana lrico, cayotsa iipaneta ínocapisho, catjinaa-carro tskjaotsa jia poco nakjoete njaji apapoco ikitsiñape iraelitanai inakjoité perri, neemá-carroatsa papocopewa njaji Levitanai cayoji naferrinaipemi iipaneta íno capishopia. 6 Íino jliaji cordero Pascua icaonada, jienitaacawa jiwacawaacatsa, imatsieta njaji cordero narso njaji ikitsiñape, inaitja cayoji wa-Minalri iaco icaite capisho Moise nakjoite. 7 Josia iáa narso njaji inaiki aimadan trean mil cordero, lria tsakja cabra ienipe lritañaji ofrenda icaona Pascua lrioda nacoana njaji inaki niinirri. Lria tsakja mil toro; pjiomi njaji maaficalri lriyaapecatsa jliaji talricanaati. 8 Njaji caconaaperri idejicape lriinai naa tsakja ofrenda nacaolre rikjoitédalri narso njaji inaiki aimadan, sacerdotenai irso, Levitanai irso. Njite Hilcia, Zacaria, njite Jehiel, njaji caaconaperri iajicape Dio iipana naco, naa tsakja narso njaji sacerdotenai ofrendawa Pascua icaonada dos mil seiciento vaken, njite treciento buey. 9 Conanía tsakja, Smaía njite lriwerri Natanael, Hasabía, Jeiel, njite Josabad, Levitanai iapiyawalre, lriáa levitanai irso ofrenda Pascua icaonada cinco mil vaken, njite quiniento buey. 10 Ikena namatsietacawa matsia, njite njaji sacerdotenai nemawa nema carroda lrico, cayo tsakja njaji Levitanai nayarropoco iinai nacoamitsa, njeepa capoa jliaji talricanaati inaalri nanaitjaca. 11 Naino njaji cordero Pascua icaonada, njite njaji levitanai náa sacerdotenai irso nerranape njaji cordero nainoji nawitsiketa-carro altar nacó. 12 Njite naa narsowaca njaji maaficalri namjaitaji papocope irso nacoana njaji naferrinaipe iipaneta ino caposho, náacarrona Dio irso, cayotsa Moisé idananda icaite capisho. Caitsakja nanaitjaca nasho naja toro. 13 Namitsirri nja cordero Pascua icaoyanaperri cayotsaji Dio inaa capisho nanaitjaca lripaperran lrico. Njite njaji maaficalri ofrenda icaitecada njenacawa namatsicana ioya Dio irso, nayanana palangana lrico, natsietashopa lrico nanee-carro kjeya narso njaji inaiki. 14 Njapodamjitena, njaji levitanai nanaitja ofrenda naikjaotewacatsa njite nanaco njaji sacerdotenai, ima njaji sacerdotenai Aarón inakjoite perri corripiatoa nanaita aima capoatoa nadejicalre, namjaitaca maaficalri, njite neeti tsakja deepitsa naicao; caishopa njaji Levitanai nanaitja ofrenda nanacotsa njite nanaco njaji sacerdotenai, Aarón inakjoiteperri. 15 Njaji icantacaperri, Asaf inakjoiteperrim, neemawa nemacawa lricotsa, cayotsa David icaitecapisho pia narso, Asaf, Heman njite Jedutun, inoparrotacaita talricanaati iirso , njite njaji iwapacaperri neemawa pantinoma icoam. Corrim namaca nadejicalre, ima njaji nakitsiñape levitanai nanaitja tsakja narsowalrepe nayadawa. 16 Niini jliawajli pia, nanaitjácarro pjiomi jliaji nadejirri Dio irso, nacadaa pjiomi njaji canacaiperri nanaitjácarro jliaji Pascua, namjaitácarro njaji maaficalri Dio irso lrialtarni naco, cayotsaji talricanaati Josia inaa capishona. 17 Pjiomi njaji iraelitanai inolri pia nirse nanaitja tsakja nainai jliaji Pascua jliawajli pia, njite nanaitja tsakja Nacatimataaca carroa nainjacawa Peetje Meewiperritsa siete jalredaoca icoa. 18 Piketem pia nanaitjaca Pascua cayoji nanaitja capisho cayoji nanaitja capisho Irael lrico profeta Samuel jiwajli pia, corrin tsakja pacapa pada talricanaati inaitjacada Pascua cayoji Josia inaitja capisho naapiya njaji sacerdotenai, levitanai, njite pjiomi njaji Judá lricope njite Iraelnai inolri pia nirse nainai, nja tsakja njaji iofacapewa Jerosalén lrico. 19 Jliaji Pascua nanaitjani diesiocho walria Josia italricanaaca lrico. 20 Njapodamjitena pjiomi, Josia imtsietca cayami pjiomi templo lrico, Neco, Egipto italricanaa iáa inoacawa Carquemi ikjoete Ooni Eufrate lricojle, njite Josia iáa inoacawa Neco ikjoete. 21 Mitsa Neco imeenaca lrioyawalre ideecape lrmemorian Josia irso, lriaco lrirso cayoji: ''Corritsa pikjoeteca nono noinoacawa panaya, Judá italricanaa. Icaamitsa nonolrica ikjoete njaji noinoaccalri ikjoete. Diotsa jliaji inaalri nonoca, niini, meematsa Dio inaacalre ikjoete, imaa noinaicani panaya, corricadaa pjiepa njoa jliatsaotsa iwayaketa pjia.'' 22 Mitsa Josia corrin jiepani, corrin jlienaca lrioya. Niini Josia jietaacawa pada shotsa teecojlé-carro pacapani. Corrin jlimica njaji iacoti Neco icaiterri caaco cádanaco Dio lrinoma lrikjoite, icaamitsa lriaca lrinoacawa Neco ikjoete jiipai ioyawaacadalri Meguido lrico. 23 Njaji iyawitacaperri nayawitaca jliaji talricanaati Josia, niini jliaji talricanaati iaco narso njaji lrirsoperri: ''Idee njoa ajaiteji, ima aimaca jliaji noyaoni.'' 24 Niini njaji lrirsoperri naorrocoetani lrioya jliaji jlieco carrofia ioya nacadaacarroni pafia lricoenakjani. Nadeeni Jerosalén lricojle mayamirrina nirseni. Nadawani lriferrinaipemi irrirriapjirre rico. Pjiomi njaji Judánai njite Jerosalén lricoperri naoyaca Josia. 25 Jeremia iya tsakja Josia; pjiomi njaji icantacaperri atsianai njite inaitjepe tsakja naiyaca Josia ikjaote atee panajiete. Jliaji nacantanialre lri-ricodadalri pia, nanaitja minicatsa njaji Iraelitanai, itaita icapaca jliaji nadanani nacantanda naiyacarropje rico. 26 Njaji paana Josia inacoapanaperri, njaji lrinaitjaji matsia jliepa capoa jliaji nadananda wa-Minalri iaco kjaidaperri inaco. 27 Pjiomi njaji lridejirri lriniita caojli nakjoite atee pikeetem nacojle, nadanana lri-ricoda jliaji paperra nanacoapanaperi njaji talricanaatinai Judá lricope njite Jerosalén.
1 Njite njaji inaiki njepa njeeta Josia irri, Joacaz, natalricanaawan jlinirri iarrontacao, lritalricanaatá-carro Jerosalén lrico. 2 Joacaz irsopiakena ventitre walria lripekirrica lriniita caojli lritalricanaataca, madalripitsa keerri lritalricanaata Jerosalén lrico. 3 Egipto italricanaa ideeni Jerosalén lrikjoite, njite lrinaa nacaoñacani tre mil treciento kilo sho palraata njite trenta y tre kilo sho owirro. 4 Egipto italricanaa icadaa Joacaznjite Jerosalén nacó tsakja, Naco icadaa Joacim nakja Eliaquim iipitanawa. Njite Necao idee Eliaquin ipjerri Egipto lricojle. 5 Joacim irso piakena venticinco walria lriniita caojli pia lri talricanaataca. Once walria lritalricanaataca Jerosalén lrico. Joacin inaitja maatsi Dio ipeyajle. 6 Njite Nabocodonosor, Babilonia italricanaa, inoacawa lrikjoete njite jlípa lripapini cadena sho lridee-carroni Babilonia lricojle. 7 Nabucodonosor idee padapena nanakjoite njaji cacoada perri Dio iipana lricope Babilonia lricojle, njite lricadaa talricanaati dapana lrico Babilonia lricoda. 8 Nanaco nja paana Joacim inacoapanaperri, njaji dofenaaperri lrinaitjalri, njaji naoketalri lrikjoete, pacapacana lri-ricoda jliaji paperra nanacoapanaperri njaji talricanaatinai Judá lricope njite Iraelnai tsakja. Njite nacadaa lrirri Joaquin talricanaati-carroni jliapodam. 9 Joaquin irsopiakena ocho walria lripekirrica lriniita caojli pia lritalricanaataca. Lritalricanaata pia madalripi keerri njite die jalredaoca pja lrinacojle Jerosalén lrico. Lrinaitja maatsi Dio ipeyajle. 10 Camoy iniita cádanaco, jliaji talricanaati Nabocodonosor imeenaca atsianai tsolrodaonai nadee-carroni Babilonia lricojle, nadee tsakja njite njaji cacoadperri Dio iipana lricoperri, njite lricadaa Sedequia, lrikitsinda, jliá-carro Judá italricanaa njite Jerosalén. 11 Ventiuno walria piakena lripekirrica jliaji Sedequia lrinita caojli pia lritalricanaataca; once walria lritalricanaata Jderosalén lrico. 12 Lrinaitja maatsi Dio ipeyajle. Corrin kjenaa lricapaacawa lricapa cádanaco jliaji profeta Jeremia, jliaji caacolri pia Dio naco. 13 Sedequia iema tsakja talricanaati Nabocodonosor ikjoete, jliaji icaiterri pia Dio ipeyajle matsia caotsa lrirso. Mitsa Sedequia itarrata lriwaopiakje, lricaolre wa-Minalri ikjoete, naDiote njaji Iraelnai. 14 Njite tsakja, pjiomi njaji sacerdotenai iapiyawalrenai njite pjiomi njaji inaiki corrin matsiacana Dio irso, nanaitja pjiomi njaji dofenaperrimi nanaitjalri njaji apaana inaiki. Nanaitja maatsi Dio iipana irso lrisho jliaji nanaitjalri, jliaji jlienitanda pia lrirsowawa Jerosalén lrico. 15 Jliaji na-Minalri, naferrinaipemi iDiote, imeenaca iacoti narso aimawalria nanakjoite njaji jiyapetacaperri lriaco, ima kjenaa piaca Lricapaca lrinaikite irso njite lrikjaote jliaji panti Lriipitana iofalri pia niinio. 16 Mitsa njaji inaiki necaacatsa naicao njaji ideecaperri Dio iaco, namenata naoyao Lriaco, necaa naicao njaji profetanai, atee kjerreca Dio irroa jinico nakjoete, njite corrinatsa coca itaita ikitsindatana. 17 Niini Dio imeenaca naikjaolre Caldeonai italricanaa, icatsa jliaji iinolrica njaji iempetipetoa matsetasho santuario lrico, corrin kjena lricapaca narso njaji walriapalripetoa, coshoca njaji inaitjepe walriaparropetoa, njite njaji pekipenai, njaji jaalré-perrina itsicolre, Dio icadaana talricanaati icaapi ricona. 18 Pjiomi njaji inaaniti Dio iipana lricope, njaji tsodalripe njite macadalripe, njaji cacoadaperri Dio iipana lricope tsakja, njaji cacoadaperri talricanaati iyarroaji naapiya njaji lrirsoperri caconaaperri tsakja, pjiomi njaji lriniwalri oopi lrideena Babilonia lricojle. 19 Namjaita jliaji DIo iipana, najolronta Jerosalén iwaimi, namjaita pjiomi talricanaati-dapana, namatsiketa pjiomi njaji matsiaperri nimperri pia. 20 Babilonia italricanaa idee pjiomi njaji yomjeperri piatoa lrimatsetani ioya. Lricadaa lrirsoperricana naapiya njaji lrienipe Persia italricanaaca nacojle. 21 Cayotsa jiyapacawa lrioca carrotsa jlinaana jliaji wa-Minalri icaitenta Jeremia inoma lrikjoite, cayotsa lriwafetacawa jliaji jiipai lriwafeeta carrodáa lrico. Lriwafeta jliaji jiipai pjiomi jliwica maminalri cádanaconi, setenta walria oonia maminalricani. 22 Njite, Ciro, Persia italricanaa, lriniitacarro walria lritalricanaataca, lrioca carrotsa jlinaana jliaji wa-Minalri icaitenda pia Jeremia inomalrikjoite, wa-Minalritsa ipomenata Ciro icaolre rico, Persia italricanaa, lricadaa-carro pjiomi iajii lriwapacawa lrico jiipai, njite lridaná-carro tsakja njaji lricaiterri paperra lrico. Cayo lriacoji: 23 ''Cayo nocaiteca, njoa Ciro, Persia italricanaa: ''Jliaji WAMINALRI, jliaji Dio eenolricojlé-dalri, lricadaa norso pjiomi njaji talricanaaticoape jalredaoca lricoperri. Lrinaaca njoa nonaitjá-carro padapana panti Lrirso Jerosalén lricojle, jliaji Judá lricoda. Coandalri cadaa inakjoite Lrinaikitecani, idiawa jipaite ricojle, njite iMinalri Dio ikitsindatawatsani.''
1 Ciro iniita caojli italricanaataca, jliaji Persia italricanaa, wa-Minalri icadaa lriocawa jlinana jliaji iakoti Lricaitenda pia Jeremia inoma lrikjoite lricadacawa pomenaca Ciro iwaopiakje rico. Pjiomi njaji inaiki lriwapaji njemica njaji iacoti Ciro imeenacalri narso. Nadana koanca caacacan, lriaco cayoji: 2 ''Ciro, Persia italricanaa icaite cayoji: ''Jliaji wa Minalri, Dio eenolricojle dalri, icadaa norso njoá carro natalricanaa njaji talricanaatinai jalredaoca lricoperri, njite Jliatsa icatjinata norso nonaitja carro pada pana panti Lrirso Jerosalén lrico Judea lrico. 3 Coandalricatsa Dio inaikite nacjoite (lriinaicatsa Dio) lritaita lridiacawa jerosalén lricojle lrinaitjá carro pada pana panti wa Minalri irso, na Diote njaji Iraelnai, jliaminitsa Jerosalén iDiote tsacja. 4 Njaji iraelitanai, corri perrinatsa ioma idiacawa, kjerre cadaa naofawaji lri ricoda jiipaica jliaji, Jerosalén njite perrim narsotsa naaca narso palraata, owirro, nanaani narsompe, maaficalri, o pada ofrenda naomanda naaca nacaolre ricjoite Dio iipana icaoya Jerosalén lrico.'' 5 Njite naapiyawanai njaji Judá poco njite njaji Benjamin poco tsacja naapana icoam, njaji sacerdotenai njite njaji levitanai namatsietacacawa naa carro Jerosalén ricojle nanaitjá carro Dio iipanao njite njaji Dio ipomenataji icaolre rico tsacja. 6 Njite pjiomi njaji corri perritsa idia nainai, naa narso nacaolre ricjoite aima inaaniti macoadatsa: owirro, palraata, vaaca, njite paana pja inaaniti cacoadaperri. 7 Ciro jita tsacja njaji inaaniti Nabocodonosor idenji Dio iipana lricjoite Jerosalén ricoda lricadaa carrona lridiote idolonai icodapi. 8 Ciro icadaa Mitrídate icaapi ricona jliaji iwapaca lrisho lripalraatan lriniweeta carrona, njite lriá carrona Sesbasar irso, Judea iapiyawalri. 9 Icatsa njaji Mitrídate iniweetajica: treita nairra carrodape owirroapipe, mil nairra carrodape palrataapipe, ventinoeve malriyetape, 10 trenta tazapipe owirroapi, coatrociento die taza palrataapipe, njite mil pja paana tsacja. 11 Niini pia mil coatrociento inaaniti pjiomi, owirrope njite palraatapé tsacja. Sesbasar idee pjiomina nadiaa cadanaco Babilonia lricjoite Jerosalén ricojle njaji iraelitanai.
1 Icatsa njaji inaiki idialriwa lri ricjoite jiipaica jliaji njepaite ricojle. Nabocodonosor idee piana njepaite ricjoite Babilonia lricojle, niini nadiakena nayacalre Jerosalén ricojle njite Judá lricojle tsacja. 2 Nadiawa Zorobabel iinai, Jesóa, Nehemia, Seraia, Reelaia, Mardoqueo, Bilsan, Mispar, Bigvai, Rehum njite Baana. Icatsa neepitanaca njaji atsianai, inaiki aimadan Irael ricope. 3 Paros inacjoite perri: do mil coatrociento setanta y do. 4 Sefatia inacjoite perri: treciento setenta y do. 5 Ara inacjoite perri: seteciento setenta y cinco. 6 Pahat Moab inacjoite perri, Jesóa njite Joab inacjoite: do mil ochociento doc 7 Alam inacjoite perri: mil dociento cincoenta coatro. 8 Zetu inacjoite perri: noveciento coarenta cinco. 9 Zacai inacjoite perri: seteciento sesenta. 10 Bani inacjoite perri: seiciento coarenta y do. 11 Bebai inacjoite perri: seiciento ventitre. 12 Azgad inacjoite perri: mil dociento ventido. 13 Adonicam inacjoite perri: seiciento sesenta sei. 14 Bigvai inacjoite perri: do mil cincoenta sei. 15 Adin inacjoite perri: coatrociento cincoenta coatro. 16 Njaji atsianai Ater lricope Ezequia nacjoite: noventa ocho. 17 Bezai inacjoite perri: treciento ventitre. 18 Jora inacjoite perri: ciento doce. 19 Njaji atsianai Hasum lricope: dociento ventitre. 20 Njaji atsianai Gibar lricope: noventa cinco. 21 Njaji atsianai Belen lricope: ciento ventitre. 22 Njaji atsianai Netofa lricope: cincoenta sei. 23 Njaji atsianai Anatot lricope: ciento ventiocho. 24 Njaji atsianai Azmavet lricope: coarenta y do. 25 Njaji atsianai Quiriat Jearim, Cafira njite Beerot lricope: seteciento coarenta tre. 26 Njaji atsianai Ramá njite Geba lricope: seiciento venteono. 27 Njaji atsianai Micmas lricope: ciento ventido. 28 Njaji atsianai Betel njite Hai lricope: dociento ventitre. 29 Njaji atsianai Nebo lricope: cincoenta y do. 30 Njaji atsianai Magbi lricope: ciento cincoenta sei. 31 Njaji atsianai ape Elan lricope: mil dociento cincoenta coatro. 32 Njaji atsianai Harim lricope: treciento vente. 33 Njaji atsianai Lod, Hadid njite Ono lricope: seteciento venticinco. 34 Njaji atsianai Jericó lricope: treciento coarenta cinco. 35 Njaji atsianai lricope: tre mil seiciento trenta. 36 Njaji sacerdotenai: Jedaia inacjoite perri, Jesóa iipaneta inacjoitepe: noveciento setenta tre. 37 Imer inacjoite perri: mil cincoenta y do. 38 Pasor inacjoite perri: mil dociento coarenta siete. 39 Harim inacjoite perri: mil diecisiete. 40 Njai levitanai: Jesóa njite Cadmiel inacjoite perri, Hodavia inacjoite perri: setenca coatro. 41 Njaji icantacape Templo lrico, Asaf inacjoite perri: ciento ventiocho. 42 Iwapacape pantinoma inacjoite perri: Slum, Ater, Talmón, acub, Hatita njite Sobai inacjoitepe: ciento trenta nueve pjiomi. 43 Njaji naniweetaji nacarro nadenji templo Irico: Ziha, Hasufa, Tabot, 44 Quero, Siaha, Padón, 45 Lebana, Hagaba, Acub, 46 Hagab, Salmai njite Hanán inacjoite perri. 47 Gidel, Gahar, Reaía, 48 Rezin, Necoda, Gazam, 49 Uza, Paseah, Besai, 50 Asena, Mehunim, njite Nefusim inacjoite perri. 51 Bacbuc, Hacufa, Harhur, 52 Bazlut, Mehida, Harsa, 53 Barcos, Sísara, Tema, 54 Nezía njite Atifa inacjoite perri. 55 Nanacjoite perri njaji Salomón irsoperri: Sotai, Soferet, Peruda, 56 Jaala, Darcón, Gidel, 57 Sefatia, Hatil, Poqueret Hazebaim njite Ami inacjoitepe. 58 Naniweta pjiomi nanacjoite perri njaji naniwetaji treciento noventa y do namaica pjiomi, naa carro nadenji templo lrico njite nja tsacja njaji Salomón irsoperri inacjoitepe. 59 Njaji iacapeo Tel Mela, Tel Harsa, Querub, Addán njite Imer lricjoite, mitsa corri nanji cjaite perrica nafarrinaipemi nanacjoite njaji Irael poco, 60 naniweta nainai seiciento cincoenta y do, nanacjoitepe njaji Delabia, Tobía njite Necoda tsacja. 61 Njite, nanacjoite njaji sacerdotenai: Hbaia, Cos njite Barzalai (jliaji jitacada pia iinoa nanacjoite njaji Barzilai Gilead lricoda iitonaipe inacjoite, njite njaji naniweetaji neepitana naco) 62 Naoma paperra lrico naanjíicarro coca inacjoité perricana, mitsa corrin nacokeeta, niini nanmotoetana lrioya jliaji sacerdote calri, njite nacadaana cayoji camatsicanaaperrim toa. 63 Niini jliaji gobernador lricaite narso corri catoatsa nataita nainjaca nainai njaji maaficalri nainoji Dio irso, ate kjerreca nanaitja nanaco jliaji nacaiterrica Urim njite Tunim nanjíi carro cocaca Dio iomalri nanaitjaca naapioya. 64 Naniweeta pjiomina coarenta do mil treciento sesenta namaimaca, 65 maniweetacam nainai njaji narsoperri atsianai, inaitjepe tsacja (siete mil treciento trenta siete namaimaca) njite njaji atsiani, njite inaitjepe tsacja icantacape templo lrico (dociento namaimaca). 66 Nacaballon: Seteciento trenta sei namaimaca. Namolan: Dociento coarenta cinco. 67 Nacamellon: Coatrociento trenta cinco. Naburron: Sei mil seteciento vente. 68 Naoca cádanaco Dio iipana lricojle Jerosalén rico, njaji naapiyawanai naa ofrenda nacaolre ricjoite nanaitja shopa Dio iipana. 69 Nacadaa coshocatsa nataita lripalratana jliaji nadenjirriotsa: sesenta un mil dracma owirro, cinco mil mina palraata, njite cien sacerdotenai itsayaniwa. 70 Niini njaji sacerdote levitanai, njaji inaiki aimadan, njaji icantacape templo lrico, njaji iwapacape pantinoma, njite njaji nakepitanataji nadenjíi carro templo lrico naofawa nayacalre rico. Pjiomi njaji inaiki Irael ricope naofawa nayacalre rico.
1 Siete kerri naco nadia caami njaji irraelitanai aimadan nayacalre ricojle, nawacaacawa pjiomi pada capishotsa inaiki Jerosalén lrico. 2 Josadac irri Jesúa, njaji lriweenai sacerdotenai, jliaji Salatiel irri Zorobabel napiya njaji lriweenai njenicoa njerretá carro jliaji altar Iraelnai iDiote iyada, namjaitá carro maaficalri lrinaco cayoji lricaite capisho jliaji iacoti lridananda jliaji Dio irsodalri Moise. 3 Njaji iraelitanai nafiowa nacjoete njaji inaiki iofaacape nacodapi, mitsa nanaitja jliaji altar njite nacadaa lriemawa lriema carron piatsa oopi. Ikena namjaitaca maaficalri Dio irso lrinaco piyompinaco njite dainomajle. 4 Nanaitja tsacja nacatima taaca carroa nawaada carroa naofaa caojli pia toa pintitape lrico, nanaitjani cayotsa lrirro capisho paperra lrico, njite namjaita maaficalri jalredaoca icoam cayotsa nadana capishotsa, coanca narso catsa nanaitjaca pada naco, cayotsa nanaitjaca. 5 Jliapodamjite namjaita maaficalri Dio irso jalredaoca icoam njite kerri icoam tjacaja. Nanaitja tsacja pjiomi njaji nawaada carroa wa Minalri nacope, njite njaji nanaitjalri nacoanaa nawada shopa wa Minalri nacjoete waca. 6 Icapiena nainita namjaitaca maaficalri Dio irso jalredaoca icoam lriniita cadawa jliaji sietepi kerri, njite corri cadana toa nainita mitsa nanaitjaca jliaji Dio iipana. 7 Njite nacaoña njaji ianjicape ipatsicaca, njaji carrapinanai tsacja. Njite narso njaji Sidón lricope, Tiro tsacja naa nainjawa, nairrao tsacja, naa tsacja narso aceite nadee carro narso jaiconape cedro Líbano ricjoite Jope lricojle ooni rico, cayotsaji lrinaa capishona jliaji Persia italricanaa, Ciro. 8 Njite yaamapi naco kerri yamalria nacoena oonia naoca cayami Dio iipanana lrico Jerosalén lricojle, ikena Zorobabel, Jesúa; Josadac irri, njaji sacerdotenai, njaji levitanai njite pjiomi njaji idiacapewa nadeecawa pia presona lricjoite Jerosalén ricojle nainiita nadenjica. Nacadaa narso njaji levitanai irsocape vente año napekirrica naco njite njaji pekipenai nacapá carro naicao njaji idenjicape jliaji Dio iipana. 9 Njite Jesúa, nainai njaji lrienipe njite njaji lriweenaipe, Cadmiel lrienipe iapiya, njite njaji Jodá poco inacjoitepe nacapá naicao njaji idenjicape jliaji Dio iipana. Njite nainai tsacja njaji Henadad inacjoite perri, njite lrikitsiñape levitanai tsacja. 10 Njaji idenjicape, nataita cádanaco napeecoca jlipocoa jliaji Dio iipanao, naocawa njaji sacerdotenai natsayan lrico sacerdote carrodana, nadee tsacja na trompetan, njite njaji levitanai, Asaf ienipe nnadee na platillo nacantá carro Dio irso, cayotsaji lrinaa capisho pia jliaji Irael italricanaa, David. 11 Nacanta naa carro matsiadalri wa Minalri irso, nacaite tsacja coanca lrimatsiaca naapiya, ''¡Matsiadalrica wa Diote! Corri lrimatda lriacoam lrinaitjanda Irael iapiya, ima caicarron catsa panajiete.'' Pjiomi njaji inaiki aimadan nawanaca itiimati rico nacanta cayao wa Minalri irso nacapa capoa niini kena lripoco jliaji Dio iipanao. 12 Mitsa njaji sacerdotenai pekipenai, levitanai, njanirrinaipe njite pjiomi njaji pekipenai icapacapem jliaji Dio iipana nainitanda narsoca, nacapa cádanaco jlipoco jliaji walridapana, naiya kjemá. mitsa nja paana nawana kjaida catiima calri rico joiwi. 13 Niini corripia pataita panjica pjenica narso njaji iiyacape cjaida inonacalri rico naoya njaji jiematacape cjaida itiimati rico. Ima njaji inaiki nawanaca cjaida, tecjoite pjemi nawanaca.
1 Padapena nacoema njaji Judá njite Benjamín poco njemica coanca njaji inaiki aimadan nadenji preso sho pada jiipai nacojle nadiaca tsenacja njerreta na Minalri iipanao, na Dio njaji Iraelnai. 2 Niini naca Zorobabel icjaolre njite njaji njanirrinaipem iapiyawanai icjaolre tsacja. Naaco narso: ''Icadaa wadenjica iinai jliaji panti, ima caitsacja waomaca jliaji Dios ioma capishotsani, wamjaita tsacja maaficalri Lrirso lridee caojli pia fa nacjoite ajerreji jliaji Asiria italricanaa, Esar Hadón.'' 3 Mitsa Zorobabel, Jesúa njite njaji njanirrinaipem iapiyawanai naaco narso: ''Icaamitsa fa itaitalri idenjica wa Diote iipanao, cotsa jia cantja, niini fatsa idenjíi wa Minalri irso, na Diote njaji iraelitanai, cayotsaji Persia talricanaa Ciro inaa capisho.'' 4 Ikena njaji inaiki aimadan iofaacape nacodapi nainita namjaidataca njaji Judánai, nafietana wadee nadenji minicatsa jliaji panti. 5 Nacaoña njaji caconaaperri idenjicape talricanaati irso naa carro nacjoete wadee nanaitjaca cayoji nawaopia capisho nanaitjaca. Cayomitsa nanaitjacana Ciro caojli talricanaati, atee Dario jiawajli, talricanaati Persia lrico. 6 Njite Asuero iniita caojlina italricanaataca Persia lrico, nadana lrirso papje perra nacaitecawa maatsi nanaco njaji Judánai iofaacape Jerosalén rico. 7 Njite Artajerjes caojlina talricanaati Persia lrico, Bislam, Mitrídate, Tabeel njite nakitsiñape pja nadana papje paperra Artajerjes irso. Nadana jliaji paperra arameo lrico, njite namotoenati persianai iaco lricojle. 8 Niini jliaji comandante Rehum njite Simsai idanacaita, nadana papje paperra Artajerjes irso nacjoete njaji iofaacape Jerosalén lrico. 9 Niini Rehum, Simsai, pana pja nakitsiñape, jueznai, njite njaji idenjicape talricanaati irso Persia lricope, Erec lricope, Babilonia, Susa, njaji elamitanai nadana papje paperra, 10 nadana tsacja nainai njaji inaiki lridenji jiidati rico naofaa carro Samaria lrico jliaji cjaidete caconaadalri Asnapar, njite tsacja njaji inaiki iofaacapewa teeco pacoa lrico pemajle Ooni Eufrate irso. 11 Icatsa jliaji papje paperra lrinacjoité dalri jliaji paperra nameenacanda Artajerjes irso, cayo lricaiteca: '' Fa pirsoperri, atsianai iofaacape Ooni Eufrate pemajle, wadana pirso cayoji: 12 Pianjii carrotsa coanca, pjia talricanaati nanaco njaji judionai pimeenacaji idiawa Jerosalén ricojle, oopi nema wacjoete ima nanaitjaca tsenacja jliaji yacaalre maatsidalritsa. Njerretjenina lridanawa njite napecjoenina jliipocoa. 13 Niini panaya, pjia talricanaati, pianjintsa nataita cadaotsa namatsietaca pjiomi jliaji yacaare, njite njerreta tsenacja matsia lridaanawa, corriotsa naa carroketsa cocacan, corri tsacjaotsa nacaoñá carroketsa impoesto, icaamitsa namacaotsa ipalraatan iorrococawa. 14 Wanji capoa pjiaca icadaa warso jliaji idenjikjeti wadenjíi carro pirso anji, corri waoma pada inamacoadataca pjia wanjicayoyatsa. Cayoshopa wacaiteca pirso, pjia talricanaati coanca anji, 15 piomá carro cayecjatsa njaji paperra nadanacawa pjiomi naco njaji talricanaatinai pipjeyape, pianjíi carro ajadalrica inaiki mjeepacaperrica njaji Jerosalén ricope, nanaitjaotsa maatsi narso njaji yacaalre tsocoepe njite narso njaji talricanaatinai macacoe lricope. Icatsa njite neemacawa mana pana icjoete oopi ricotsa. Caidalri icjaote nawayaketa pia jliaji yacaalre. 16 Wacaite pjimi pianjii carrotsa, pjia talricanaati, ima nawayaketa cadaa njerretaca jliaji yacaalre njite lridanao tsacja, pianjii watsa corri ketsa cocá carroca pirso ajerreji naicajaolre kema njaji yacaalre pemajle lrirso jliaji Ooni Eufrate.'' 17 Niini jliaji talricanaati idieta iacoti Rehum irso, Simsai irso njite narso njaji nakitsiñape Samaria lricope, njite narso tsacja njaji iofaacape Ooni Eufrate pemajle: ''Imawadaca kjeti Iofaa icaolre rico.'' 18 Jliaji paperra imenacanda norso opina nalee njomi ima namotoetacani noaco lricjoiten. 19 Cayoshopa, nonaa naomaca norso noanji carro nanaco, njite naoketa nacaitecawa nanaco ajádalrica oopi ricocatsa nakerroataacawa nacjoete njaji talricanaatinai Jerosalén ricjoite niini nainoaca manawa naapiya. 20 Cjaidaperri talricanatinai natalricanaata pia Jesrosalén naco, njite nanjíi piaca nanaco njaji yaacalre pemajle perri Ooni Eufrate irso. Njite nacadaa pia nacaoña carro narso impuesto. 21 Niini panaya, idana iacoti talricanaati nacjoite yaamí carro nadenjica njaji atsianai, wadee nadenjica jliaji yacaalre a cjerreca nodana pada iacoti narso ajaiteji. 22 Icapa matsia wadee imaodacaca lrioya jliaji nonaalri inaitjaca. Cotsa wacadaa carroca namatsietaacawa wadentja lritawiñaca jliaji maatsirri wa talricanaaca icjoete. 23 Nalee cádanaco njaji iacoti Artajerjes idananda Rehum irso, Simsai njite njaji nakitsiñape, jlida nacotsa namoto naawa cjeyacalrim Jerosalén ricojle nanaamitá carro nadenjica jidaati rico njaji judionai. 24 Cayo piatoa yaami nadenjica jliaji Dio iipana Jerosalén rico yamawalria oonia lri talricanaaca naco jliaji talricanaati Dario, Persia lricoda.
1 Njite jliaji inoparrotacada Hageo, Zacaria tsacja, Iddo irri inoparrotacada tsacja, nanoparrota lriipitana naco jliaji Iraelnai Diote narso njaji judionai Judá lricope njite Jerosalén ricope tsacja. 2 Niini Zorobalel, Salatiel irri, Jesúa, Sadoc irri nainita tsenacja nadenjica jliaji Dio iipana Jerosalén rico nainai njaji inoparrotacape iáa cape narso iacoti nacjaidata carrona. 3 Njite Tatnai, lritalricanaa jliaji yacaalre Ooni Eufrate pemajle, Seter Boznai njite njaji lrikitsiñape nanao naicjaolre, naaco narso: ''¿Cocao idana iacoti itaitá carro idenjica jliaji panti njite iwayaketa carro jirretaca yacaalre lriwai?'' 4 Naaco pja narso: ''¿Cocao neepitana njaji atsianai idenjirri jliaji panti?'' 5 Mitsa Dio catsa jliaji icapalri naicawa njaji pekipenai caconaaperri judionai njite njaji nacoema corri nayaamita nadenjica. Ima nawapa nameenaca papaje paperra nadananda talricanaati irso njite Iridietantja iacoti narso lricaitecawa lrinacoapana jliaji nadenjirrina. 6 Paperra Tatna imenacalri, Setar Boznai njite njaji nakitsiñape caconaperri iapiya lrirso jliaji talricanaati Darío. 7 Nacaite talricanati Darío irso coanca nacapaca, nadana cayoji: ''Imawadaca kjeti iofaa picaolre rico.'' 8 Icadaotsa talricanaati ianjii waa piaca wacapa Judá lrico, lriipana lricojle jliaji Dio cjaidaadalri. Njaji inaiki ninperri, nadenjicatsa jliaji panti, njerretacan jiipada macadalripe sho njite nacadaa jaico yacaalre idana naco nadenjishopao. Nanaitja njawacatsa jliaji idenjikjeti matsia njite kjeya. 9 Watatja femio nainai njaji pekipenai caconaperri cocaca inaa nadenjica jliaji panti njite yacaalre idana tsacja. 10 Watatja tsacja femio nainai neepitana naco, pitaitá carro pianjica neepitana njaji atsianai cjaitenaica njaji caacolri piapiya. 11 Niini naaco warso: ''Lrirsoperrica faa Jliaji Dio eenolricojlédalri njite jalredaoca lrico tsacja niini ferretaca tsenacja jliaji panti lrinaitjanda pjia oopi ate lritaitani jliaji cjaidete Irael italricanaa. 12 Mitsa njaji waferrinaipemi nakerroata pia jliaji Dio eenolricojledalri, cayoshopa Lricadaacana Nabocodonosor, Babilonia italricanaa icaapi ricona, lripeco tsacja jliaji panti njite lridee njaji inaiki aimadan lrirsoperri carrona Babilonia lricojle. 13 Mitsa, lriniitaca walria nacó lricanaataca Babilonia naco jliaji talricanaati Ciro, Ciro idana iacoti wapietá carro ferretaca jliaji Dio iipana. 14 Jliaji talrianati Ciro, lridieta nja owirro njite njaji nanitidape palrataitape Dio iipana itadape Nabocodonosor idenji Jerosalén ricjoite lricadaa carrona panti macade rico Babilonia lrico. Lri dieta pjiomina Sesbasar irso, jliaji lri keepitanatalri gobernadorwa. 15 Talricanati Ciro iaco Sesbasar irso: Pidee njaji picadaa carrona Dio iipana lrico Jerosalén icojle. Jirreta tsenacjaotsa Dio iipana nirse.'' 16 Niini Sesabasar íno Jerosalén lricojle njite lricadeena jlipocoa jliaji Dio iipana; wadenjita catsa mitsa corritoa wataitacan. 17 Matsiatsantja, pjia talricanati, pinaantja naomaca talricanati dapana lrico niini cada jliaji paperra talricanati Ciro idananda lricaitecawa nadenji carro Dio iipana Jerosalén lrico. Njite wawapaotsa femi piinai pimeenaca warso iacoti coanca picaiteca warso.
1 Niini jliaji talricanaati Darío inaa naomajica njaji paperra namatsietaji lri ricoda jliaji panti namatsietacawa lrico paperra Babilonia lrico. 2 Njite lri ricoda jliaji yacaalre cadaana dalri matsia lriipitana Acmeta, Media lrico, naoketa papje paperra nacalripanda jaico naco; cayo lricaiteca níni. 3 Talricanati Ciro iniita caojli italricanaataca, lricadaa nanjíica njaji lrinaco jliaji iacoti lrinaa cawa nanaitjaca Dio iipana Jerosalén rico: ''Jirreta senacjaotsa jliaji panti iino carro carro maaficalri niini. Icadaotsa jlipocoa daimídalri jirreeta carroatsa nanaco. Ventisiete metro watsa lriyenpnca njite ventisiete metro tsacja lrimacaiteca, 4 Icadaotsa naorsoawa jliipoco naco madalricjaa jiipada nacanipe njite iorsoeta nanaco pacjaa jaico walrinepe sho. Njite njoá watsa icaoña nadenji capji talricanaati ipalaratan sho. 5 Idieta tsacja njaji owirro njite njaji inaanitidape palrataitape Dio iipana lricope Nabocodonosor idenji Dio iipana lricjoite, Jerosalén ricoda lricadaa carrona panti macade lrico Babilonia ricoda. 6 Njitedalri, jliaji talricanati Darío icaite Tatnai irso, jliaji gobernador narso njaji yacaalre pemajle perri Ooni Eufrate irso; caaconaite Setar Boznai irso, njite narso njaji nakitsiñape, lriaco narso cayoji: ''Jienaotsa teeco naoya'' 7 Corriotsa noma imaca nacapaca njaji idenjicape Dio iipana. Nja tsaotsa idenjini njaji judionai, jliaji gobrtnador naapiya njaji pekipenai caconaaperri. A tsaotsa neemeta jliaji Dio iipana lriema carrom tsa jliaca padapanam. 8 Njite njoa, talricanaati Darío, nonaa inaitjaca narso njaji pekipenai caconaaperri judionai idenjicape Dio iipana cayoji: Nasho njaji palaraata iniwalri talricanaati irsoape Ooni Eufrate pemajle, icaoña shopaotsa njaji atsianai idenjicape wadentja yami catoa nadenjica. 9 Njite jalredaoca icoam irsotsaotsa iaca narso vaken, carnero, cordero tsacja namjaitaope lrirso jliaji Dio eenolricojle. Iaa tsacjaotsa narso trigo, yokirra, jaicotjeda ianaa, aceite tsacja coancatsa nacaiteca njaji sacerdotenai Jerosalén ricope, jecoapicoam watsa iaca narso wadee canacaica narso. 10 Inaitjaotsa cayo nadee carro ofrenda Dio enolricojle dalri irso, natatjá carro nonaco, njoa talricanaati, njite nanaco njaji noenipe. 11 Nocaite tsacja, coca cadaa imjepata jliaji nonaalri inaitjá carro, nonaotsa njetaca apana lriipana icoanjai namorró carro lrisho, njite nakejloatsa jliaji panti pjiomi matsipeda corretsani. 12 Njite jliaji Dio iofaalri nainai njaji judionai jliametacaotsa pjiomi njaji talricanaatinai iomacape iemaca nacjoete, o coca cadaa imacadawalretaca jliaji Dio iipana Jerosalén ricoda. Njoa, talricanaati Darío icadaa nja iacoti inaitjá carro. Jliaji nodanalri irsotsa inaitjacani kjeya cayotsa nocaite capisho. 13 Niini Tatnai, Setar Boznai, njite njaji nakitsiñape nanaitja pjiomi cayoji talricanaati Darío inaa capisho nanaitjaca. 14 Njaji pekipenai caconaaperri judionai nadenji jliaji panti cayoji Hageo njite Zacaría icaite apishona nanoparrotacaa lrico. Na denji jliaji panti cayoji lrinaa capisho nadenjica jliaji Iraelnai iDiote; Ciro icaite capisho, Darío njite Artajerjes tsacja, talricanaatinai Persia lricope. 15 Nawayaketa nanaitjaca jliaji panti madalridaa nao Adarpi naco, sei walria naco oonia Darío italricanatacawa naco. 16 Pjiomi njaji inaiki aimadan Iraelnai, sacerdotenai, Levitanai, njite pjiomi njaji inaiki nadenji pia nacatiima taacawa nacaite cádanaco Dio irso lriipana. 17 Naino cien totro, cien carnero, coatrociento cordero Dio iipana icjaote. Naino tsacja doce cabrio atsiana ofrenda sho namatsicanaa icjaote njaji Iraelnai pjiomi, apana papoco naco nanacjoite njaji Iraelnai. 18 Nacadaa tsacja nadenjicalreo njaji sacerdote Leitanai nadenji carro papocope naoyawaca Dio irso Jerosalén rico, cayotsa Moise idana capisho lripaperran lrico. 19 Niini njaji inaiki nadeji pia pada jiipai nacojle nawacaacawa nawaada carro Pascoa catorce jalredaoca naco pawalria iniita carropi naco. 20 Njaji sacerdotenai njite Levitanai, pjiomi namatsietaacawa maatsirri ioya, niini naino maaficalri Pascoa icaoya naicjaote njaji idiacapemwa njepaite lricojle pada jiipai nacjoite, njite njawaca waaca tsacja imatsietaacawa maatsirri ioya. 21 Njaji Iraelitanai injalri jatjantsa neepe njaji maaficalri nainoji Pascoa lrico, nanacjoite njaji idiacapemi njepaite lricojle pada jiipai nacjoite, icaamitsa njaji jienitaaca capewa namatsicana ioya njaji apaana inaiki, icaamitsa naoma pjaca wa Minalri, Iraelnai iDiote. 22 Nawacaacawa itiimati rico nainja carro Pascoa njite Peetje Meewí dalritsa, siete jalredaoca. Wa Minalri icadaa catiima carrona, ima jliatsa ipadameeta lricaolre jliaji talricanaati Asiria lricoda lrinacjoite carro lrinaitja Lriipanao, Lriipanao jliaji Iraelnai iDiote.
1 Njapodamjite njaji jiyapalrio, Artajerje italricanaaca lrico, Persia italricanaa, Esdras íno Babilonia lricjoite Jerosalén ricojle. Njite icatsa Esdras jinirrinaipeca njaji Seraia, Azaria, Hilcia, 2 Salum, Sadoc, Ahitob, 3 Amaria, Azaria, Meraiot, 4 Zerahia, Uzi, Buqui, 5 Abisúa, Finees, Eleazar, naapoiyawanai njaji sacerdotenai Aarón irri. 6 Esdras iawa Babilonia lricjoite. Pada idanacaita cani, ianjíicada matsia nanaco njaji iacoti wa Minalri, na Diote njaji Iraelnai icadalri Moise irso. Jliaji talricanaati iáa Esdras irso pjiomi njaji lritatjalri lriinai ima Dio catsa ikitsindatani. 7 Padape nanacjoite njaji Iraelnai, njaji sacerdotenai, Levitanai, icantacape Dio iipana lrico, njite njaji iwapacape pantinoma, njite pjiomi naji nacadanji idenjicalreo Dio iipana lrico nadia tsacjawa Jerosalén ricojle siete walria naco oonia talricanaati Artajerjes italricanaaca lrico. 8 Lriocawa Jerosalén ricojle cincopi kerri naco siete walria naco oonia talricanaati Artajerjes italricanaaca lrico. 9 Lrimoto naapioya Babilonia lricjoite lrinaco jliaji jalredaoca apapi kerri iniita cádanaco, pawalria lriniita carropi naco. Njite naocawa Jerosalén lricojle cinco kerri iniita cádanaco naco, ima matsia catsa Dio ikitsindatan. 10 Ima Esdras icadaaca piacawa matsia lricaolre ricjoite lri canantaaca carroa nanaco njaji iacoti ianjiicape panaco Dio icadanji, lrinaitjá carro cayoji nacaite capisho njite lricanatá carro njaji Iraelnai nanaco nja iacoti coanca paofaacawa Dio icadaji coanca nacaiteca njaji iacoti ianjíicape panaco. 11 Cayo pia lricaiteca jlaji iacoti talricanaati Artajerjes icadaalri Esdras irso, jliatsa sacerdote, idanacaita njaji iacoti ianjiicape panaco coan carro paofacawa Dio icanji Irael irso: 12 Njoa Artajerjes, natalricana njaji talricanaatidape italricanaa, lrisowalre jliaji sacerdote Esdras, pada idanacaita njaji iacoti ianjiicape panaco lricadanji jliaji Dio eenolricojle dalri. 13 Nocaite pirso coca cadaa nanacjoite njaji Iraelnai iofaacape njopaite lrico, njite njaji sacerdotenai, Levitanai iomacape idiacawa Jerosalén lricojle, nataita naaca piinai. 14 Njoa, talricanati Darío njite njaji siete atsianai nokitsiñape iácape norso iacoti, wa meenaca pjia piwapá carro pjimi nanaco njaji Judá lricope njite Jerosalén lricope tsacja nanaitja cadaatsa cayoji Dio inaa capisho nanaitjaca nanacjoite njaji iacoti ianjiicape panaco, 15 njite, wacadaa tsacja pirso pidee coarro Jerosalén ricojle nja owirro, palaraata tsacja wacadaji wacaolre ricjoite Iraelnai iDiote irso, 16 njite pjiomi njaji owirro palraata tsacja nacadaalriotsa njaji inaiki iofaacape Babilonia lrico nacaolre ricjoite, naoya tsacja njaji naalri njaji sacerdotenai njite njaji inaiki aimadan iraelitanai Dio iipana icaoya Jerosalén rico. 17 Piwenta aima buey, carnero, cordero, trigo, njite ofrenda nairranda tsacja wadee canacaica irso, iáa carro matsiadalri Dio irso Lriipana lrico nasho, altar naco, Jerosalén rico. 18 Njite netepem sho nja owirro, palraata tsacja; pjia njite njaji pikitsiñape, inaitja nasho coancatsa matsia icapaca, iáa carro matsiadalri Dio irso. 19 PIcadaotsa Dio ipeyajle pjiomi njaji inaniti dape wacadaji wacaolre ricjoite idenji shopa iáa cádanaco matsiadalri Dio irso Lriipana lrico, Jerosalén rico. 20 Coca cadaotsa cancai pi Dio iipana icaoya, piwentaotsa notalricanaaca ipalraatan sho. 21 Njoa, talricanaati Artajerjes, Nocadaa ianjíi carro pada iacoti pjiomi jia iwapacape palraata iofaacape Ooni Eufrate pemajle, coca catsa Esdras itatja iinai, iáa watsa lrirso pjiomi. 22 Lritatja cadaa iinai mil treciento kilo palraata, iáa watsa lrison, o lrioma cadaa iinai ventido mil litro trigo, iáa watsa lrison, do mil dociento litro cadaa aceite, o do mil dociento litro cadaa jaico tjedaa ianáa, iawatsa lrirso, yokirra cadaa, iáa watsa lrirso cosho catsa lrioma. 23 Coca cadaatsa Dio eenolricojle ioma nainai Lriipana icaoya, iáa watsa icaolre matsiadalri sho. Corri nooma Dio írroa jiwaca notalricanaaca naco, o nanaco cantja njaji noenipe. 24 Wacaiteca jimi ianjíi carro matsia nanaco, wadee itatjaca nainai nacaoñá carro impuesto njaji sacerdotenai, Levitanai, njaji icantacape, iwapacape pantinoma, njaji inaiki aimadan idenjicape Dio iipana njite njaji idenjicape lri ricoda. 25 Njite pjia Esdaras, Dio icadaa pianjikjeo, niini wacaite pirso picadaa carro canjikje sho atsianai caconaape carrona icaitecape inaiki naco, nadenji carro narso njaji inaiki aimadan pjiomi iofaacape Ooni Eufrate pejle, njite nanaco njaji inaiki ianjíicape nanaco njaji iacoti ianjiicape panaco pi Diote icadaji. Pirsotsa picanantaca njaji corri petoa ianjíi nanaco njaji iacoti ianjiicape panaco. 26 Njite njaji corrirri ioma jiepaca matsia njaji iacoti ianjicape panaco Dio icadaji, njaji iacoti talricanaati icadaji, pjirrapitetaotsana, o picadaotsa nainó carrona, O pipeeco nawa njiteo, pjita cadaa tsacja naoya nanaani, o pipresotacana.'' 27 Njite Esdras iaco: ''Iáa matsiadalri wa Minalri irso, na Diote njaji noferrinaipemi, ima Jliacatsa jliaji icadaalri cayó carro lricaolre jliaji talricanaati jliá carro matsiadalri lrinaco jliaji panti wa Minalri iyada Jerosalén lricoda 28 jliaji iwaadalri norso lriacoam niini lricadaa matsiaca lricapaca norso jliaji talricanaati, njaji lri kitsiñaé icaitecapeni, njite pjiomi njaji lrirsoperri caconaaperri. No Minalri Dio icjaidataca njoa lrianjikje cjaidadalri sho niini nowakeetaca njaji naapiyawanai njaji iraelitanai naa carro noinai.''
1 Icatsa naferrinaipemi ipaneta iapiyawanaica njaji idialri noinai Babilonia lricjoite, Artajerjes caojli pia talricanaati. 2 ,Finees, Gersón inacjoite perri. Itama, Daniel inacjoite perri. David, Hatús inacjoite perri, 3 Secania inacjoite perri pia, Paros inacjoite perri pia; njite Zacaria iinai nadanaacawa ciento cincoenta atsianai naniweetaji paperra lrico, coanca nánoca nacoanjecanai nacjoite. 4 Pahat njite Moab inacjoite perri: Elionai, Zeraia irri. Nadanaaca lriinai dociento atsianai. 5 Secania inacjoite perri: Ben Jahaziel. Nadanaaca lriinai treciento atsianai. 6 Adin inacjoite perri: Ebed, Jonatán irri. Nadanaaca lriinai cincoenta atsianai. 7 Elam inacjoite perri: Jesaia, Atalia irri. Nadanaaca lriinai setenta atsianai. 8 Sefatia inacjoite perri: Zebedia, Micael irri. Nadanaaca lriinai ochenta atsianai. 9 Joab inacjoite perri: Jobadia, Jehiel irri. Nadanaaca lriinai dociento dieciocho atsianai. 10 Salomit inacjoite perri: Josifias irri. Nadanaaca lriinai ciento sesenta atsianai. 11 Bebai inacjoite perri: Zacaria, Bebai irri. adanaaca lriinai ventiocho atsianai. 12 Zgad inacjoite perri: Johanan, Hacatan irri. nadanaaca lriinai ciento die atsianai. 13 Njite njaji Adonicam inacjoite perri inolri njapodamjite, icatsa neepitanaca njaji : Elifelet, Jetiel, njite Semaia; ino nainai sesenta atsianai. 14 Bigvai inacjoite perri: Utai njite Zabud. Nadanaaca nainai sesenta atsianai. 15 Njite Esdras icaite: ''Nowakeeta njaji inaiki idiacapewa lri ricodapi jliaji onipao iacadawa Ahava icjaolre, waofaa niini madalridaa jalredaoca. Nowapa nocapa matsia njaji inaiki aimdan, njite njaji sacerdotenai tsacja, mitsa corri nocapa nainai Leví inacjoite perri. 16 Niini nonaa naaca naoma norso Eliezer, Semaia, Elnatán, Jarib, Elnatán, Natán, Zacaria njite Mesulam, icatsa napiyawanaica njaji, njite nonaa tsacja naomaca norso Joarib njite Natán, icatsa njaji icanantacapecana. 17 Njité nomeenaca Iddo icjaolre, naapiyawalre njaji iofaacape Casifia lrico. Nonaa nacaiteca Iddo irso, narso tsacja njaji lrikitsiñape, njaji idenjicape Dio iipana lrico iofaacape Casifia lrico, lrimeenacá carro norso iáa caopeo idenji Dio iipana lrico. 18 Matsiadalri capoa wainai jliaji wa Diote niini nameenaca waicjaolre ape atsia lriipitana Serebia, pada atsia cayecja dalri iwaopiaca. Mahli inacjoite dalrican, Leví irri, Jacob irri. Lridee lrinaiwa nja lrienipe njite lriweenaipe, dieciocho namaimaca. 19 Nano tsacja lriinai Hasabia, Jesaia tsacja, pada nanacjoite njaji Merari ienipe, nano lriinai njaji lriweenaipe neenipe fie, vente atsianai pjiomi namaimaca. 20 Nanacjoite njaji nacadaji idenjicalreo Dio iipana lrico, njaji David njite njaji caconaaperri lrirso icadaji ikitsindatacaope njaji Levitanai: dociento vente namaimaca, naniweta nacoana neepitana naco. 21 Njité dalri, nonaa waitacao lricodapi jliaji onipao Ahava wacaité carro corri catsa cocaca faa Dio ipeyajle, watatjá carro Lriinai lriwapá carro faa nainai njaji wenipe njite pjiomi njaji wa naani perre. 22 Capaimanca njoa talricanaati icjoete notatjá carrontja lriinai aima tsolrodaonai, o njaji ianjicape caballo naco nawapá carrontja faa wacaayao inipolrico wacoema ioya, ima nocaite piaca lrirso jliaji talricanaati: ''Dio watsa iwapaca njaji iomacapeni nanaitja carro matsia lrirso, mitsa lrírroa cjaidá dalri jiwacaotsa nanaco njaji imawadacacape lrioya.'' 23 Niini waitacao watatjá carro lriinai caiwi ricotsa lriwapá carro fa feponda ioya. 24 Niini noniwanaca doce atsianai nanacjoite njaji sacerdotenai caconaaperri; Serabia, Hasabia, njite die pja naweenai nacjoite. 25 Nocadaa nja carro ianjíi nanaco nja palraata, owirro, inaaniti dape, ofrenda Dio iipana icaoya, talricanaati icadaji naapiya njaji caconaperri lrirsope, njite njaji iraelitanai nacaolre ricjoite Dio iipana icaoya. 26 Niini njomiñata noá carro narso venti ono mil coatrociento cincoenta kilo palraatape, tre mil treciento kilo tsacja palraata nanacjoite njaji inaaniti dape palrataitape nanaitjaji, tre mil treciento kilo tsacja owirro, 27 vente taza owirroapipe ocho kilo njamiñaca pjiomi, njite yamaapi ponchera bronceapipe, naketitanda matsia , owirro shotsa pacapaca narso. 28 Njite noaco narso: ''Jienitaaca capeca Dio irso jia, cayo tsacja njaji inaniti dape. Njite njaji palraata, owirro tsacja, paana ofrenda ofrenda badaaji nacaolre ricjoite wa Minalri irso, na Diote njaji iferrinaipemi. 29 Iwapaotsa, imatsieta matsiana a kjerreca ijamiñataotsa napeyajle njaji sacerdotenai caconaaperri, Levitanai, njite napeyajle njaji iferrinaipemi iipaneta iapiyawanai Iraelnai Jerosalén lrico, ijamiñataotsana Dio iipana lrico ipamoyoaca. 30 Njaji sacerdotenai njite njaji Levitanai njepa nacjoete njaji owirro, palraata tsacja njemiñatanda napeyajle njite njaji inaaniti dape nadee carrona Jerosalén ricojle, wa Diote iipana lricojle. 31 Ikeena wanoca onipao Ahava lricjoite die jalredaoca naco pawalria inita carropi naco, waa carroena Jerosalén lricojle. Njite wainai catsa wa Diote; Jliatsa iwapa faa fepondape ioya njite naoya njaji kañaite perri ioya inipolrico. 32 Njite waoca feewao Jerosalén lrico, njite waofaa niini madalridaa jalredaoca. 33 Njite coatro jalredaoca naco famiñata njan palraata, owirro njite njaji inaaniti dape Dio iipana lrico, njite waana sacerdote Meremot irso, sacerdote Uría irri. Lrinai tsacja Eleazar, Finees irri; Josabad tsacja, Jesúa irri; njite Noadia tsacja, Binui irri Levita. 34 Waniweeta njaji femiñataji pjiomi; njite wadána paperra lrico pjiomi njemiñaca. 35 Njaji idialriwa, nanacjoite njaji nadeji pada jiipai nacojle, namjaita maaficalri na Diote irso njaji Iraelnai: doce vaaca pamoyoanipe neepitana icoam njaji Iraelnai, noventa sei carnero, setenta siete cordero njite doce cabra atsiana namatsicana icjaote. Namjaita pjiomi njaji maaficalri wa Minalri irso. 36 Njite waa narso njaji caconaperri idenjicape talricanaati irso, narso tsacja njaji gobernadornai Ooni Eufrate pemajle perri jliaji paperra talricanaati Atarjerjes imeenacaji narso coanca lricaiteca narso, njite nakitsindata njaji Iraelitanai njite nanaitjá carro tsacja Dio iipana.
1 Wataita camina pjiomi, natsoomita njoa njaji caconaperri idenjicape talricanaati irso, naaco norso: ''Njaji Iraelitanai pjiomi, sacerdotenai, Levitanai corri njenitaacawa namatsicanaa ioya njaji apaana inaiki aimadan: cananeonai, hititanai, ferezeonai, jeboseonai, amonitanai, egipcionai njite amorreonai tsacja. 2 Ima neenipe jitaca nainowa, njite naito jíta nainirriwa njaji nakeewitá carro njaji inaiki matsiaperri nainai njaji apaana inaiki. Njite njaji caconaperri, njite njanirrinaipe iipaneta iapiyawanai, icatsa njaji iinitalrica naapiya nanaitjaca maatsi. 3 Njomi cádanaco njaji nacaiterri norso, notsafaa notsayani njite notsayan nacoda, notáa tsacja notsicolre, notsinoma tsacja, njite njowa nofaa mjaida caponjoa. 4 Pjiomi njaji itetjelrio lriaco ipeyajle jliaji na Diote njaji Iraelnai lricjaote jliaji matsirri nanaitjalri, nawacacawa noinai nofaa cadanatoa nopaimani icjaote atee dainoalre nainocawa maaficalri Dio irso. 5 Mitsa dainomajlena pamjaitacawa maafialri Dio irso, njonico noema lrioya jliaji capaimanicawa njoa, nashotsa njaji notsayan tserrenpemi, notoda norsipada njite njorreta nocaapi no Minalri Dio icjaolre. 6 Noaco lrirso: ''No Diote, capaimanica njoa pipeyajle njite corri matsiaca njoa njorretá carrontja noecoa nocapá carronta picjaolre, ima aima calretsa wanaitjaca wamatsicanaa, fatsa irsotsa maatsicalri naikjaote. 7 Waferrinaipemi jiawajli nacjoite atée wanacojle panaya warso catsa maatsicalri. Wa matsicana lrico, faa, wa talricananai, wa sacerdotenai nacadaca faa nacaapi rico njaji paana alricanaatinai jalredaoca lricope, nainó carro fa fatseeta sho, nadee fa pada jiipai nacojle fepaite ioya, njeta waoya wanaani, njite napaimanietaca fa, cayo panayo sho. 8 Caicayatsa, cjeyatsa jalredaoca, wa Minalri Dio imatsiaca naco lricadaa caafica padapena wanacjoite, njite Lriwapá carro faa, Lridee fa ajerreji corricawatsa pacapa imatsicanaati Lriipana lrico. Dio inaitja cayo, Lricadaa carro wanji wawapa catsa lrinai matsiadalri, njite Lricadaa carro wawafetawa tamjia lrioya jliaji njerrapitetalri fa inaco. 9 Paana irsoperri cadanatsa fa, mitsa pjia wa Diote piwaada catsa fa niini kjenaatsa picapaca warso lriicjaote jliaji piacoami. Njite pjiatsa icadaa kjenaa carro nacapaca warso njaji talricanaatinai Persia lricope, Picadaa tsacja faidawa wainaitjá carro tsenacja piipana jliaji mapecondami oopi, Picadaa tsacja ferretaca wadanawa namaodacá carro naofacawa njaji Judánai njite jliaji yacaalre Jerosalén. 10 Panaya, ¿Cocantja wacaite Pirso, pjia wa Diote njapodam njaji? Wamawadacaca naoya njaji iacoti picadanji warso, 11 Njaji iacoti Picadaji narso njaji pirsoperri inoparrotacape, picaite cádanaco narso cayoji: ''Jliaji jiipai jiewalri niini iyada carron, pada jiipai pacjamidalri imatsicanaati sho. Njaji inaiki aimadan nanaitja aima namatsicanaa mapeyocanaperri lri ricoda jiipaica jliaji. Napacjanta jliaji jiipai namatsicanaa macadawanai sho. 12 Niini panaya, macadaotsa neenipe jitaca nainowa njaji iitonaipe; macada tsacjaotsa ienipe jitaca nainowa naitonaipe, maomatsa inaitjaca iacoti nainai iofaa carro imaodaca naapiya, o iomacantja nanaitjaca irso matsia aima jalredaoca, inaitjaotsa cayoji nocaite capisho cjaidaperri carroatsa jia, iofaa carroatsa matsia lri ricoda jiipaica jliaji, njite nayada carroatsani caidalriwetsa njaji ienipe. 13 Ferrapita caami wanaitja capoa maatsi, wa matsicanaa pekirridalri icjaote, Pjia wa Diote, corri piinoca fa wanaitja capoa maatsi, icaamitsa piyomjetaca fa, 14 niini cotsa matsiaca wamjepata cantja Piaco tsenacja, naofaa carrontja naapiyawaaca njaji weenipe nainai njaji inaiki aimadan inaitjacape namatsicanano mapeyocanaaperri. Noanjintsa kerroaca pjia wainai niniotsa pa piinocaotsa pjiomi fa, corriotsa coca iomje pioya. 15 Pjia wa Minalri, Iraelnai iDiote, Matsiadalrica Pjia, yamadanitsa fa iomjerri panaya. ¡Picapa! Anai faji pipeyajle, faa camatsicanaperri minitsa pjiomi, ima corritsa coca itaita iemaca pipeyajle na,atsicanaa lrico,''
1 Esdra icaite cádanaco Irael imatsicanaa lritatja cádanaco, ikeena lriiyaca njite lriwa lriorshoawa Dio iipana icjaolre. Njite aima atsianai, inaitjepe njite iempetipe iraelitanai iwacaacawa lriinai, njite aiyaca cjaida njaji inaiki. 2 Njite Secania, Jahiel irri, Elam inacjoite dalri, iaco Esdra irso: ''Wanaitja maatsi wadaki sho wa Diote icjoete feta capoa waninaiwa njaji inaitjpe pada jiipai lricope iofaawa. Mitsa, caicadaanatsa, Iraelnai itaita toa iwapaca matsiadalri Dio iinai. 3 Niini panaya, wanaitja pada iacoti wa Diote iinai, fetá carroatsa fepaite ioya njaji inaitjepe, neenipe fie cayoji wa Minalri icaite capisho, njite cayoji nacaite capisho njaji inaitjacape cayoji nacaite capisho njaji iacoti Dio icadaji, njite wa naitjaotsa cayoji nacaite capoisho njaji iacoti Moise idanaji. 4 Panaya pjinicoa, pinaitjá carro cayoji nacaite capisho njaji iacoti, njite piinai caotsa faa. Picjaidatacawa pinaitjá carro nacaite capisho nja iacoti.'' 5 Ikena Esdra jinico iemao lrinaa carro njaji caconaaperri sacerdotenai, Levitanai njite pjiomi Iraelnai nacaité carro iacoti ajádalri sho nanaitja caotsa cayó. Niini pjiomi njaji aimadan nacaité iacoti ajádalri sho nanaitja caotsa cayo. 6 Njite Esdra jinico iemawa, jliaji iorsoacada pia icapa Dio iipana icjaolrem lriá carro Johanán, Eliasib irri iofacawa lricojle. Corrin lrinja pan, Corrin tsacja lrirra ooni, ima lricaiwitaacacao namatsicana icjaote njaji idiacapewa, nadeji pia pada jiipai nacojle. 7 Njite nameenaca iacoti Judá lrico, Jerosalén rico, narso pjiomi njaji inaiki idiacapemi, nadeji pada jipai nacojle nawacaaca carro Jerosalén lrico. 8 nacaite, njaji corri perriotsa iocawa madalridaa jalredaoca nacó cayoji nacaite capisho njaji caconaperri, njite njaji caconaperri pekipenai feta caotsa naoya pjiomi njaji narsompe, njite feta tsacjaotsana lrioya jliaji neepitana irrocawa nainai njaji aimadan idiacapemio pada jiipai nacjoite. 9 Niini pjiomi njaji atsianai Judá poco, Benjamín poco tsacja nawacaacawa madalridaa naco jalredaoca Jerosalén lrico. Cayo piana, vente jalredaoca naco, noeve kerri naco pawalria irso. Pjiomi njaji inaiki neemawa yacalreecoa naco Dio iipana icoemjete, njite natetjecawa naicjaote nja iacoti, iiya cadana tsacja naicao. 10 Ikena sacerdote Esdra jinico icaitena: ''Jiatsa inaitja jliaji maatsirri Dio icjoete. Jiatsa jita ininaiwa njaji inaitjepe pada jiipai nacope, caicarro imaimataca Irael imatsicanaa. 11 Mitsa panaya ia matsiadalri wa Minalri irso, iferrinaipemi iDiote irso, njite inaitja cayoji lrioma capisho. Warsa jienitaacawa naoya njaji inaiki pada jiipai nacope njite naoya njaji inaitjepe tecjoite perri.'' 12 Njite pjiomi njaji inaiki aimadan njeepani cjaida: ''Wanaitjaotsa cayoji picaite capisho warso. 13 Mitsa aimadanca njaji inaiki, njite iiyaca waicao. Corrinatsa wataita wemaca pemajle ima mjaidaca faa, niini waoma pjaaca yamadaa o madalridaa pja jalredaoca wataitá carro wanaitjaca jliaji idenjikjeti. 14 Picadaa, njaa carro ino weepitana naco njaji waferrinaipemi iipaneta iapiyawanai. Njite pjiomi njaji icadaacape naofaca wayacalre rico njaji inaitjepe pada jiipai nacope narsotsa nánoca coancatsa nacaiteca naapiya njaji caconaperri pekipenai njite njaji ianjicape wanaco wayacalre ricope, cayoatsa wa Diote jienita waoya lriirroa.'' 15 Mitsa Jonatán, Asael irri; Jahazia, Ticva irri corri napeyo njemica, njite Mesolam, Sabetai jliaji Levita cayo tsacja nawaopiakje. 16 Niini njaji inaiki aimadan idiacapewa pada jiipai nacjoite nanaitja cayoji. Jliaji sacerdote Esdra iniwana padapena atsianai, njaji naferrinaipemi iipaneta iapiyawanai naapana icoam, neepitana naco nacoana; nacapá carro coacaotsa nanaitjaca, njite nanaitja cayo lriniita cadaawa jliaji diepi kerri. 17 Njite lriniita cadaawa jliaji pawalria iniita carropi nataita nacapa matsia jliaji nanaitjalri, niini nanjíi cjaitenaica njaji atsianai jita iinowa njaji inaitjepe pada jiipai nacope. 18 Nanacjoite njaji sacerdotenai niini pia padapena jitacape naninaiwa njaji inaitjepe pada jiipai nacjoite pe, Jesúa inacjoite perri, Josadac irri, njite lriweenaipe nacjoite icapiatsa njaji: Maasia, Eliezer, Jarib, njite Gedalia. 19 Niini nacaite naninai irso naacarro nanirrinai ioya. Ima namaa nainirri inaitjaca namatsicanao, njite namjaita apana carnero nataoñaji namatsicanaa icjaote. 20 Imer inacjoite perri: Hanani, njite Zebadia. 21 Harim inacjoite perri: Maasia, Elía, Semaia, Jehiel njite Uzia. 22 Pasur inacjoite perri: Elioenai, Maasia, Ismael, Natanael, Jozabad njite Elasa. 23 Nanacjoite njaji Levitanai: Jozabad, Simei, Kelaia, rsoaminitsa Kelita, Petaia, Judá njite Eliezer. 24 Nanacjoite njaji icantacaperri: Eliasib. Nanacjoite njaji iwapacape pantinoma: Salum, Telem, njite Uri. 25 Nanacjoite njaji iraleitanai, Paros inacjoite perri: Ramia, Jezia, Malquia, Mijamin. Eleazar, Malquia, njite Benaia. 26 Elam inacjoite perri: Matania, Zacaria, Jehiel, Abdi, Jeremot njite Elía. 27 Padapena Zatu inacjoite perri: Elioenai, Eliasib, Matatia, Jeremot, Zabad njite Aziza. 28 Bebai inacjoite perri: Johanan, Hanania, Zabai, njite Atjai. 29 Bani inacjoite perri: Mesulam, Majuc, Adaia, Jasub njite Seal Ramot. 30 Pahat Moab inacjoite perri: Adna, Quelal, Benaia, Maasia, Matania, Bezalel, Binui njite manase. 31 Harim inacjoite perri: Eliezer, Isaia, Malquia, Semaia, Simeón, 32 Benjamín. Maluc njite Semaria. 33 Hasum inacjoite perri: Matenai, Matata, Zabad, Elifelet, Jeremai, Manase, njite Simei. 34 Bani inacjoite perri: Madai, Amram, Uel, 35 Benaia, Bedía, Quelúhi, 36 Vanía, Meremot, Eliasib, 37 Matania, Matenai, njite Jaasai. nanacjoite njaji Binui inacjoite perri: Simei, 38 Bani, Binui, Simei, 39 Selemia, Natán, Adaia, 40 Macnadebai, Sasai, Sarai, 41 Azareel, Selamia, Semaria, 42 Salum, Amaria, njite José. 43 Nanacjoite njaji Nebo inacjoite perri: Jaiel, Matatia, Zabad, Zebina, Jadau, Joel njite Benaia. 44 Pjiomi njaji, icatsa jitanica nainowa njaji inaitjepe pada jiipai nacjoite perri, njite padape nanacjoite narso pia neenipe naapiya.
1 Njaji yacoti Nehemia ikaitenipe, jliaji Hacalia irri. Cayo pia jliyapacawa Quisleu-pi naco, vente waalria naco, aakadanacon yakaalre Susan lrico, jliaji yacaalre kadaana dalri taimi dalri 2 naocalri nirse apada nanacoite naji nowenaipe, Hanani dalri iipitana, lridee lriinai apepena nanacjoite njaji Judá lricoperri, njitee notatja njomiona nanaco njaji judionai ipitocapem pjia njiteo, njite nanaco tsacja njaji namacanipem niini, njite Jerosalen nacó tsacja. 3 Njite naaco norso: ''Njaji inaiki manacoperrin presocalri ioya lri ricoda dalri jiipaica, aima matsicalri nanaco njite corritsa matsiacana, ima opica napeco jliwao jliaji yacaalre Jerosalen idana njite namjaita tsacja lripananomam.'' 4 Niini njomi cádanacotsa njaji yacoti, icaamitsa noofa noaiya, njite aima jalredaoca inonaaca njoa, mainjacaca njoa, njite notatja lriinai jliaji Dio eenolricojlé dalri. 5 Noaco lriso: ''Icatsa pjia no Minalri, Dio eenolricojle dalri, pjia Dio kjaidádalri, inaitacaita pjiomi, Pjiatsa jliaji imatsietacada njaji iacoti corridalritsa coca itaita jienitacani lrinaco jliaji ipeyokjeti pirsolri nakjoete njaji ipeyocape pjia, njite njaji jiepacaperri piaco. 6 Pjimi njaji notatjalri piinai njite pimjeco njaji pitji, pitaita carro pjimica jliaji pirsodalri itatjalri pinai, jliaji iemalri pipeyajle lritatja carro deepi rico jalrewe rico tsacja nanaco njaji aimadani pirsoperri Iraelnai. Nocaiteca na matsicana njaji aimadani Iraelnai, ima wanaitjaca maatsi pirso. Pjiomi faa, njoa, njite njaji njonirri iipaneta wanaitja wamatsicanawa pipeyajle. 7 Maatsitsa wanaitjaca picjoete njite corrin feepaca njaji yacoti pinaalri feepaca, njaji yacoti icaitecape coanca panaitjaca matsia, njaji icadaalri paofacawa cayecjatsa, njaji yacoti picadaji pirsodalri Moise irso. 8 Pinaitja matsiacalri, piwaopia nanaco njaji yacoti pinaalri pirsodalri Moise inaitjá carro. Ima lricaiteca, ''pinaitja cadaa maatsi, nocadaotsa nadeeca jia padapena pada jiipai nacojle, 9 mitsa idiá cada ioma Njoa, njite ioma irsowao noaco inaitja carro cayoji noaco icaite caoisho, teeco cadantja jia akjerre cawajle catsa jalredaoca lrico, No niwa caotsa njite jia, No dietá carro jia atsaji nocadaalri iofa niinio, niini carrotsa noipitana iofawa caidalritsa.'' 10 Njite, pirsoperrica njaa, pinaikite aimadanca nja, njaji Pidietaji pirsowaona picaapi cjaidá dalri sho. 11 No Minalri, notatjaca piinai caiwi ricotsa, pjimica njaji notatjalri piinai, njoa pirsodalri njite jliaji natatjalri piinai njaji pirsoperri, njaji matsiaperri ianjiacacawa napeyo capoa pjia. Panaya, picadaa matsiaperri pirsodalri irso njite picaotsa kjenaaca lricapaca njoa jliaji atsia.''No denji piaca talricanaati irso irracada lripjeya lrirraoda.''
1 Cayo pia jliyapacawa lrinacopi jliaji keerri Nisán dalri iipitana, vente walria oonia Artajerjes talricanaaca naco. Jliaji talricanaati lriniwana nanacjoite njaji jaico tjeda ianaa lrirrá carro, njite njopa lripjeyani noyacá carro lrirrao njite noaca lrirson, mitsa jliada naco inonaaca njoa lipeyajle. 2 Mitsa lriaco norso jliaji talricanaati: ''¿Coadao inona calretsa pjia? Cotsa iyamikjeti jliaji pirsolri. Iinonacao pjia picaolre ricjoite.'' Njomi cádanco cayo, nofiowa pekirritsa. 3 Njite noaco lrirso jlaiji talricanaati: ''¡Lriofaotsa caidalriwetsa jliaji talricanaati! Inonaca njoa ima jliaji yacaalre, naicaonam njaji njonirri naipemi oopi napeeconi, njite napeeco tsacja lripananoma jiwao tiyee sho.'' 4 Njite jliaji talricanaati iaco norso: ''¿Coca pioma nonaitjaca pirso?'' Niini notatjaca Dio eenolricojlé dalri iinai. 5 Noaco lrirso jliaji talricanaati: ''Matsia cadatsa pjimica njite matsia cadatsa picapa nodenjica pirso, njoa pirsodalri, pimeenaca njoa Judá lricojle, lri ricoda jliaji yacaalre nawalri niini njaji njonirri naipemi, notaitá carro tsenacja njorretacani.'' 6 Njite jliepaca njoa jliaji talricanaati (njite lricodapitsa rsoaji talricanaati): ''¿Coshoatsa lriwiaca piacawa, njite coancaojliotsa pidia tsenaca piocawa?'' Njite nocaite cádanaco lrirso njonana nodiaca noocawa lriderse tsenacja, catiima lricaolre lrimeenacá carro njoa nirse. 7 Njite noaco lrirso jliaji talricanaati: ''Matsia cadatsa pirso, pidana norso paperra nacadaa carroatsa njoyapawa matsiatsa njepaite rico njaji talricanaatinai iofacapewa Ooni Eufrate pemajle noacayawa Judá lricojle. 8 Pidana tsacja papje Asaf irso, jliaji iwapacada njaji awacada piyaperri, pjia talricanaati, lricadaa carroatsa norso jaico coanjaiwa lriicaona jliaji yacaalre idaanawa taimí dalri Dio iipana kemajle, njite nonaitjá carro tsacja panti nofalriotsa niini.'' Njite noinai capoatsa jliaji Dio matsiadalri, jliaji talricanaati, lricadaa norso pjiomi njaji notatjalri lriinai. 9 Noawa naicjaolre njaji talricanaatinai iofacapewa a pjate Ooni Eufrate ioya, njite noa narso jliaji paperra talricanaati Atarjerjes idananda. Njite jliaji talricanaati lrimeenaca noinai tsolrodaonai caconaaperri njite atsianai iáa capeo caballo naco tsacja. 10 Njite Sambalat Horonita dalri njite Tobias, Amonita irsodalri njemi cádanaco coanca, corri napeyo njemica, kerroana nanocapoa njaji nakitsindatá carro njaji Iraelnai. 11 Ikeena noacawa Jerosalen icojle, nofaa niinio madalridaa jalredaoca. 12 Nocafiawa deepi rico njite apepena atsianai icafiawa tsacja noinai. Corrin coca irso nocaite njaji iwaopiakjeti Dio icadaalri nocaolre rico coancaotsa nonaitjaca Jerosalen icjaote. Njite corri norso apana pja caballo icaamitsa jliaji noajirri inaco. 13 Nomoto pemajle yacaalre ioya lri ricopeco jliaji pantinoma pacoacaita cawa kemajle, lricjaolre kema jliaji ooni nayarroaja njaji yamapoipoi, matsipeda ipananoma kemajle; niini noaji nocapa noicawa pjiomi yacaalre Jerosalen iwaimi, njite njaji lripananoma oopi namjaita pjiomina. 14 Njite dalri noawa lricjaolre jliaji oonipeco ipananoma, noapja nocapa lriema cawa pia jliaji ooni iarrona talricanaati iyadape, njite nocapa corri ketsa coan jliyapacawa noapiya niini jliaji caballo noajirri inaco. 15 Depjite jliadaa deepi noanjii nocapa yacaalre iwaidami pacoaca cafete jiipai, nodia njoewa yacaalre ipananomam lrico pacoacaita cawa jiipai kemjete. 16 Njaji talricanatinai corrin nanjii kjerreca noajiwaji njite coanpeca njoa ima corrin piacatoa nocaite njemi njaji judionai, njite njaji sacerdotenai tsacja, njaji caconaaperri, njaji iwapacape yacaalre talricanaatinai, njitena njaji apjetsida inaitjalri jliaji idenjikjeti. 17 Noaco narso: ''Capja icapa coanca maatsi catsa waofacawa, cotsa matsiaca Jerosalen idaana njite namjaita njaji lripananoma tiyee sho. Noinai jia ferretá carro tsenacja lridanawa jliaji Jerosalen,ima necaaca waicao njaji inaiki.'' 18 Nocaite narso noinaica Dio jiida njite nocadaa tsacja nanjii carro njaji iacoti talricanaati Artajerjes icaiterri norso. Niini naaco norso: ''Picadaa pedena ferretá carron.'' Ikaamitsa namatsietaacawa matsia nanaitja carro jliaji idenjikjeti matsia. 19 Mitsa Sambalat Horonita dalri njite Tobias, Amonita irsodalri njemi cádanaco coanca icaamitsa necaaca waicao njite namacadawalreta fa, naaco warso: ''¿Cokenaotsa inaitja? ¿Capja yemaca talricanaati ikjoete?'' 20 Njite noaco njoepacana: ''Jliaji Dio eenolricoje dalri icadaotsa waacarro wapeyajle. Ima Lrirsoperrica fa niini lri cjaidataca faa ferreta carro tsenacja Jerosalen. Mitsa jia corritsa cocaca irsolri ajĩ wainai, corrin tsacja jiaca yajĩ ajĩ, corri tsa coca inaitjalri ajĩ Jerosalen lrico.''
1 Niini Eliasib, naapiyalre njaji sacerdotenai, jlinicoa naapiya njaji lriweenai sacerdotenai njerretá carro Oveja Ipananoma. Namatsieta jliaji pantinoma nacadaa carro tsenacja nerocawa lricotsa. Teeco jlinaa namatsietaca, lrinacjoite jliaji Yenondalri Cien dalri iipitana lriocawa Yenondalri nacojle Hananeel dalri iipitana. 2 Njite dalri njaji atsianai Jericó lricoperri nja imatsietana, njite dalri Zacur, Imri irri idenjini. 3 Sena ienipenaipe inaitja Copje peco Ipananoma. Nerroeta pantinoma irrocarronao, nerroeta njaji pantinoma, nerroeta tsacja naita shopana taimina njite jliaji jaico nataimita shopana. 4 Lripeyajletsa, Meromot, Uria irri, Cos irri imatsieta lriyarro wajle. Lripeyajletsa, Mesulam, Berequia irri, Mesezabeel irri imatsieta lriyarro wajle. Lripeyajletsa Sadoc, Baana irri imatsieta lriyarro wajle 5 Napeyajletsa njaji Tecoitanai namatsieta nayarro wajle, mitsa njaji naapiyawanai corri njeepa njaji icapacape naicao cayoji nacadaa capisho nadenji carro matsia. 6 Joaida, Paseah irri njite Mesulam, Besodia irri namatsieta jliajĩ Pantinomaita Opidalrim. Nerroeta pantinomaita irrocarrona njite napananomao, naita shopa taimi njite cocolriede tsacja. 7 Napeyajletsa Melatia Gabaon dalri njite Jadon Meron dalri, njaji atsianai Gabaon perri njite Mizpa, namatsieta jlitawajle-ca jliaji lriofalri niinio jliaji iwapacada yacaalre, adalripjate Ooni macapeki Eufrate ioya. 8 Lripeyajletsa Uzie, Harhaia irri, pada nanakjoite njaji inaitjacape patjepji owirrodape, namatsieta tsacja, njite lricodapitsa Hanania, pada inaitjacada pomeniajai. Njerreta tsacja Jerosalen nainai, teeco jlinaa nadenjica nincawa lriwai macaite. 9 Napeyajletsa Refaria, Hur irri, lrimatsieta tsacja nainai. Icapiatsa talricanaati tsacja nanaco njaji pamoyoa inaiki imaimaca Jerosalen lricope. 10 Nacodapitsa, Jedaia, Lricodapitsa Hatus, Hasabnia irri lrimatsieta tsacja. 11 Njite Malquia, Harim irri njite Hasub, Pehat Moab irri namatsieta tjacja pawajle njite na matsieta tjacja jliaji yenondalri nawaca carroda tiyee. 12 Napeyajletsa Salum, Halohes irri, icatsa pada tsacja talricanaati iwapacada pamoyoa nanacjoite njaji inaiki Jerosalen lricope. Lri matsieta tsacja pawajle nainai njaji lriitonaipe. 13 Njite Hanun naapiya njaji iofaacape Zanoa lrico namatsieta jliaji Pantinoma pacoacaita cawa kema jle jiipai. Na matsieta matsia nja Pantinoma, nerroeta nataimita shopan njite njaji cocolriede. Na matsieta 450 metro, teeco lriocawa lri matsipeda Ipananoma nacojle. 14 Malquia, Recab irri, jliaji iwapacada njaji Bet Haquerem lricope, Lrimatsieta jliaji Matsipeda peco ipananoma. Lri matsieta matsia nja Pantinoma, lri roeta nataimita shopana njite njaji cocolriede. 15 Salum, Col Hoze irri iwapacada njaji Mizpa lricope, lri matsieta jliaji Pantinoma Ooni peco dalri. Lri naitja tsenaca walridalri njite lriitani matsia lri cadaa carroena pantinomaoni njite lri roeta nataimita shopani njite njaji cocolriede. Lri matsieta pja tsacja lriwai Ooni iarrona cawa Siloé dalri, tsoomi talricanaati ipaniapji ioya, teeco lriocawa pjerra carrona nacojle yaacada David iyacalre lricojle. 16 Nehemia, Azbuc irri, icatsa iwapacada pamoyoa naco nanakjoite njaji inaiki Bet Sur lricope, teeco lri matsieta pjeyapacawa David icaonam, teeco lriocawa lrinacojle jliaji ooni iarrona atsianai naitjanda tsa, teeco jlinaa naapana lricojle njaji atsianai cjaida perri. 17 Lri peyajletsa, njaji Levitanai namatsieta tsacja, njite Rehum, Bani irri ikitsindatana. Na pjeya tsa Hasabia, talricanaati iwapacada pamoyoa naco njaji inaiki Keila lricope. 18 Lri peyajletsa, njaji lrikitsiñape namatsieta tjacja yacaalre iwaimi, njite nainai tjacja Bavai, Henadad irri, pada talricanaati iwapacada njaji inaiki pamoyoa naco Keila lricope. 19 Lricodapitsa, Ezer, Jesua irri, njite icatsa pada tsacja talricanaati iwapacada njaji Mizpa lricope. lrimatsieta tsacja nacjoete yacaalre iwai pjerracawa nacojle nacadacawa lrico njaji nainoaca shopao oowi rico, yacaalre iwai itonjiwi naco. 20 Lri peyajletsa, Baruc, Zabai irri imatsieta tjacja pawajle lriwai , lridenji lricaolre lricjoite. Lri matsieta lri wai itonjiwi nacjoite, lriocawa Eliasab ipananoma nacojle, jliaji sacerdotenai iapiyawalre. 21 Lri peyajletsa, Meremot, Uria irri, Cos irri, lri matsieta tjacja pawajle lriwai. Lri matsieta Eliasab ipananoma nacjoite neeco lriipana iwayacacawa. 22 Tsomi lrioya nadenji njaji sacerdotenai, njite njaji atsianai iofaacape Jerosalen iwaipoco naco na matsieta lriwai. 23 Na peyajletsa Benjamin njite Hasub namatsieta naapana iecjoetetsa. Na peyajletsa Azaria, Maasia irri, Anania irri. Lri matsieta tsacja lriipana yeecoa naco. 24 Lri peyajletsa, Bunui, Henadad irri. Lri matsieta tsacja pawajle. Lri denji Azaria iipana lricjoite teeco lriwai itonjiwi nacojle. 25 Palal, Uzai irri, lri matsieta lriwai itonjiwi icjaolre njite yeenondalri nacjoite, jliaji yaacadao talricanaati ipana lricjoite lriwapacawa lrico jliaji iwapacaita. Lri peyajletsa Pedaia, Faros irri, namatsieta tsacja. 26 Njite njaji idenjicaperri Dio iipana lrico, njaji iofacape Ofel lrico namatsieta tjacja Ooni peco ipananoma icoemjete, jeerri imoto kemjete lrirso jliaji neemetanda yeenon dalri pja paana ioya. 27 Lri peyajletsa, Tecoita imatsieta tsacjapawajle, lricoemjete tsa jliaji nemetanda yenondalri, teeco jlinaa Ofel iwai nacojle. 28 Njaji sacerdotenai, na matsieta Caballo Ipananoma iicao, nacoana namatsieta pawajle naapana icoemjete. 29 Na peyajletsa, Sadoc, Imer irri. Lri matsieta lriipana icoemjete tsa. Lri peyajletsa, Semaia, Secania irri, jliaji iwapacada pantinoma jeerri imoto kemjete. Lri matsieta tsacja pawajle. 30 Lri peyajletsa, Hanania, Selemia irri, njite Hanun, jliaji sei shopa Salar irri. Lri matsieta tsacja pawajle. Na peyajletsa, Mesulam, Berequia irri. Lri matsieta naapana yeecoa naco. 31 Lri peyajletsa, Malquia, pada nanacjoite njaji inaitjacape patjepi owirro sho. Lri matsieta naapana iwai njaji idenjicaperri Dio iipana lrico njite naapana iwai njaji iwende cape injaodati iofaacape nacoemjete tsa njaji icapacaperri naicao, yacaalre iwai itonjiwi naco. 32 Njaji idenjicaperri patjepi owirro sho, njite njaji comerciantenai na matsieta njaji panti macadapanape iemalriwa yacaalre iwai itonjiwi naco, njite na matsieta tjacja Oveja ipananoma.
1 Njite Sanbalat jimi cádanaco ferretaca Jerosalen iwai, kerroacani wacjoete pekirritsa njite lriniita lricaaca naicao njaji judionai. 2 Njemi werrico njaji lrikitsiñape njite njaji tsolrodaonai aimadanadan Samaria lricope, lriaco: ''¿Coanpeca njaji judioni orraipemi? Cotsa nataitá carroca nerretaca tsenacja jliaji yacaalre njawaacatsa. ¿Nataita pidaotsa nainoca maaficalri naDiote irso?¿Padaa nacotsaotsa nataita na matsietaca pjiomi?Corrinatsa nataitá carroca nacafietaca njaji jiipada jiwacapemwa papocotsa namjaita caojli piana.'' 3 Njite Tobia lrinaidalritsa, iaco tsacja: ''Mi perrits jliaji yacaalre iwai njerretalri, apana yamapoipoi jirra cadantja lrinaco lripeeco tsantja lriwao. 4 Njite notatja Dio iinai, noaco: ''Pjia wa Diote, pjimica narso njaji icaacaperri waicao. Picadaa jliwaca nanacotsa njaji yacoti necaashopa waicao njite picadaotsa njeponda iñaitocana. 5 Macadaatsa jliyapaca pioya namatsicanaa, mjaatatsa naoya njaji nanaitjanda maatsi Pipeyajle. 6 Cayotsa wadenji ferretaca jliaji yacaalre iwai njite pamoyoena ferretacan ima pomenaca njaji inaiki nadenjican. 7 Mitsa Sanbalat, njite Tobia, njaji Árabenai, njaji Amonitanai njite njaji Asdodeonai kerroacana pekirritsa njemi cádanaco lria catsa lripeyajleo jliaji idenjikjeti njerretaca Jerosalen iwai, njite naita tsacja pjiomi na jolrontacawape pia. 8 Niini nawacaacawa pjiomi nacaitiacá carro naino carro fa njite nano nainoacá carro Jerosalen icjoete njenetá carro waoya wawaopiakje wacjoete waaca. 9 Mitsa fa, watatja catsa wa Dio iinai njite wacadaa pada iwapacaoda fa, lricapá carro waicao deepi rico jaalrewerrico tsacja ima nacaite nainocaotsa fa. 10 Njĩte naaco njajĩ Judá lricope: Njaida iwayaca kenawa njajĩ ideecape warso njajĩ wadenjĩshopa. Ima aimaca njaji lriwaimi pjia jiwacapemi njite cotsa wataitá carroca ferretaca jliaji yacaalre iwai.'' 11 NjIte njajĩ wacoena nacaite cayojĩ: ''Cotsa najĩ carroca corri tsacja nacapá carroca coan cadanacocaotsa waoca naikjaolre niiniotsa waino caotsana yaamí carroatsa nadenjica.'' 12 Jlia wajli pia njaji judionai iofacapewa tsoomi naoya cjaite catsa nano waderse caaco carro wainai, die walria caacocana warso nacaité carro coancaotsa nanoca waicjaolre njaji wacoema . 13 Niini nocadaaca inaiki lri pocoda naco jliaji yacaalre iwai, njiteajĩ corricawa toa taimi. Nocadaa narso naapana icoam na matsetaniwa, na molrocon njite nayawitashopa. 14 Njite nocapa, njonico noemawa caaco carro njoa narso njajĩ caconaadalripe, narso njajĩ iwapacaperri fa njite narso pjiomi njajĩ inaiki aimadan. ''Ma fietaacatsawa.'' Iwaada wa Minalri naco, jliaji Macadalri pja pjiomi ioya njite itaitacada inaitjaca cocacatsan. Inoacawatsa ikitsiñape icjaote, yeenipe, iitonaipe, ininai njite iipana ikajote tsacja. 15 Mitsa njaji wacoema, njemi cádanaco oopica wajĩ coan piaca nawaopiakje wacjoete, njite Dio imatsiketa nawaopiakje wakjoete, wadia tsenacja wadejĩ yacaalre iwai, nacoana nadejĩcawa lrico. 16 Jlia wajli pia, pamoyoa nanakjoite njajĩ norsoperri icaamitsa nadejĩrrica njerretaca tsenacja jliaji yacaalre iwai, njite njaji pamoyoa njepaca na caapi rico na molrocon, na danaita, na yawitjioco, njeeta tjacja nanacoa nadanawa, njite cadana njaji naapiyawanai neema nadanawa njaji aimadan Judánai. 17 Njite tsacja njaji idenjicape, njaji jirretacape yacaalre iwai njite nadee tsacja nadejĩshopa nawapaaca tsacja nadejĩcawa lrico. Pjiomi nadejĩca. Pema sho nadejĩ njite pema sho njepa nainoaca shopawa. 18 Pjiomi idenjicape narsoca nanaco na matsetani, cayo pia nadejĩca. Jliajĩ ipjia cada tsompeta nocodapitsa lriemawa. 19 Noaco narso njajĩ caconadalripe, narso njajĩ tsolrodaonai caconaperri njite narso njajĩ inaiki pjiomi: ''Aimadalri jliaji idejĩkjeti njite aima toa wapjeya, njite teeco fa waoya waaca wadejĩrri niini yacaalre iwai. 20 Kjerre-rse cadaotsa jimi jliaji trompeta kjeyaotsa iwacaacawa nirse. Wa Diote tsaotsa inoacawa waicjaote.'' 21 Cayo piatsa wadejĩca jliaji wadejĩcalre. Pamoyoa wanacjoite njepa na matsetani piyoomi nacjoite papienirri deepi nacojlena. 22 Nocaite tsacja narso njaji inaiki: ''Icadaotsa njaji atsianai narsodalri iapiya njeyapá carro Jerosalen iwawalricojle matsiá catsaotsa nawapaca fa deepi rico njite nadenjĩ carro jaalrewe rico. 23 Niini njoa, njaji no kitsiñape, norsoperri, njite njaji iwapacape njoa a kjerre catsa noawajĩ, corrin pada wanakjoite sheta padenacja tsiorra, waa cádanaco waoma ooni, corrin wamaca waoya wainoaca shopao.
1 Njite njajĩ atsianai naninaida lrico caacona cjaida narso njajĩ nakitsiñape judionai. 2 Padapena nanacjoite naaco cayojĩ: ''Aimadanca fa naapiya njaji weenipe atsianai njite waitonaipe tsacja. Icadaa faa waa carro waoma wainja comaana wataita caaficatsa fa.'' 3 Nin tsacja nja paana icaite caperri cayoji: ''Wacadaa cato fepaite, wa kiníkerre, waapana wataitá carro waoketaca comana wainjawa aima cádanaco mawitacai.'' 4 Paana icaite cayoji: ''Feta catoa palraata wa kitsinda iinai wacaoña carro inpoesto talricanaati irso warso capoa fepaite, njite wa kiníkerre tsacja. 5 Judionai tsacja njaji wa kitsiñape pacoacatsa judionai capisho nja, njite cacoadaperri tsacja warso njaji weenipe cacoada capisho narso neenipe. Nanaa jiidati lrico wawendee carro nja weenipe atsianai, inaitjepe tsacja narsoperri carro na apjetsida irso. Apamape waitonaipe nacjoite oopina narsoperricana, njite corrin koca warso wataita shopa wacaoña wadietá carrona, ima paanaca njaji irsolri njaji fepaite njite njaji wa kiníkerre.'' 6 Njomi cádanaco narso, njaji nacaiterri kerroaca njoa pekirritsa. 7 Icamina nowaopiaca nanaco njaji iacoti njomirri inaco niini no caiteca narso njaji caconadalripe njite njaji talricanaati irsoperri njaaca irso maatsicalri. Noaco narso: ''Jitaca impoesto nainai njaji ikitsiñapetsa.''Niini nowacaacawa napiya njaji aimadan 8 njite noaco narso: ''Vanaitja aima jidaati wawentá carro njaji wakitsiñape judionai naoya njaji apaana inaiki corri carroetsa narsoperri cana. Wawentana nanjiacá carro nanacowaacatsa, mitsa shaa idiá tsenacja iwendena narsoperri carrona, njite wadiá carro tsenacja wawentana.''Njite njaji iwendeji maacotsana njite corrin napeeko pada iacoti.'' 9 Noaco pjaa narso: ''Kotsa matsiaca irso cayoji inaitja capisho. Matsia pjantja iwioca Dio iiwana wadentja necaaca waicao njaji apana inaiki njaji jipondatacape fa. 10 Ima njoa, njaji noinaiperri njite njaji njonirri ikitsiñape wacadaaca wa palratan inakjoite, wainjaoda inackjoite tsacja narso njaji inaiki, mitsa korrin watatjaca nainai nadietá carro warso aima pja lrioya jliaji waalri narso. Ajena fa caica wanaitjaca njaji wakitsiñape lrinaco jliaji waalri toa narso. 11 Idietena narso jliadaa nacotsa jalredaoca cajliaji napaniapji uva, olivoapji, naapana, njaji palraata inacodalri jitanda naoya, na comanan, jaico tjeda ianaa walriajai njite nja aceite itatjalri naoya jidaati ricó.'' 12 Niini naaco norso: ''Wadietaotsa narso pjiomi njaji fetaji naoya njite korrinatsa fetá carroca naoya kocacan. Wanaitjaotsa cayoji picaite capisho warso. Niini nonaa nawanaca norso njaji sacerdotenai njite nocadaa nacaite carro yacoti ajádalri sho naicjaote njaji yacoti nacaiterri norso nanaitja caotsa. 13 Njité dalri notalraca notsayani, noaco narso: ''Cayoatsa Dio italraca caotsa jliaji korridalriotsa inaitja cayoji lricaite capisho. Njite korrinatsaotsa kocá carrocaotsa lrirsolri.'' Njite pjiomi njaji iwacaacalrio naaco: ''Ajaca, cayoatsa picaite capisho.'' Ikeena naaca matsiadalri wa Minalri irso. Njite nanaitja cayoji nacaite capisho. 14 Njite jliadaa nacjoitetsa njaji inaiki nacaite njoa carro jimao iwapacana natalricanaa sho Judá lrico; vente walria oonia nacjoite trena y do walria oonia nacojle lri talricanaaca naco jliaji talricanaati Artajerjes. Doce walria oonia nowapacana talricanaati sho, mitsa korrin koan cádanakoca noinjaca nainjaope talricanaati icadaji nainjao njaji inaiki naapiya njaji nokitsiñape. 15 Mitsa njaji talricanaatinai iwapacapepiana nopjeya, nacadaa aima nadenjicalreo njaji inaiki njite nanaa pja nacaoña cana coerentaita palraata na taitá carro nainjaca nairrá tsacja, caidalritsa nanaitjacana jalredaoca icoam. Mitsa njoa, korri nonaitja cayona ima nofioca Dio iwana. 16 Njite nodenji catsa nainai fereetá carro jliaji yacaalre iwai, njite korrin wawenta jliipai. Nawacaacawa nirse pjiomi njaji noinai perri nadenjí carro. 17 Nainja noinai naji judionai njite njaji caconaadalripe, ciento cincuenta namaimaca pj atsianai, naoya tsacja njaji inocaperri waderse nanakjoite njaji yacaalre wacodapi perri iofaacawa. 18 Wa matsieta mana wainjao jalrdaoca icoam apana buy, seina oveja njenitajiotsa njite coama shoperri tsacja. Njite die jalredaoca naco mana wairra aima jaico tjedaa ianaa teecojle perri naoyawaaca. Njite korrin koancadanakoca notatja injaodati talricanaati iinai noyaadape, ima aima catoa njaji canacairri narso njaji inaiki. 19 Picadaa nowaopiaca nanaco njaji matsiaperri, no Diote, ima aimaca njaji nonaitjalri matsia narso njaji inaiki aimadan.
1 Njite sanbalat, Tobia, Gesen jliaji Árabe tairri njite njaji paana pja wacoema njemi cádanaco wataitaca ferretaca jliaji yacaare Jerosalen iwai njite wamatsieta pjiomi napeeco cawape pia jliwao, mitsa korri piacatoa werroeta nja lripananoma. 2 Sanbalat njite Gesem imeenaca norso paperra, naaco niini: ''Pinioatsa, waoketaaca carroatsa malritsi coa lrico Ono rico.'' Mitsa naoma catja nanaitjaca norso maatsi 3 Njite nomeenaca naderse paana ideecape yaacoti narso, noaco narso cayoji: ''Aima toa nodenjicalre niini korritoa notaita noaca iderse. Ima noá cadantja iderse icaamitsantja yaami catoa wadenjica, njite korrin notaita nomacacan.'' 4 Njite njaa minitsa yaacoti nameenaca norso coatro walria, njite cayo minitsa nodietaca narso yaacoti nameenaca-ca ikoam norso yaacoti. 5 Njite dalri Sanbalat imeenaca norso yaacoti cinco walria shopena lrirsodalri iinai, lrino noicjaolre papje paerra lrimecondena iapiya lricaapi rico. 6 Cayo pia lridanaca lri paperran lrico: ''Cayo nacaiteca pinaco njaji inaiki pacoa nacope jiipai iofaawa, njite Gesem icaite tsacja cayo, ima pjia naapiya njaji judionai iwaopia pjinicó carro wacjoete, cayoshopa jireeta tsenacja Jerosalen iwai. Njite jliaji yacoti lricaite, pjiaca pidaotsa natalricanaa. 7 Njite picadenina tsacja profeta nacaite carro pinaco Jerosalen lrico, cayoji: ''Niniina talricanaati Judá lrico.'' Njite pianjintsa matsia talricanaati Artajerjes jimicaotsa nanaco njaji yacoti nacaiterri pinaco. Niini, pjiepena faa caacó carro warsowaaca.'' 8 Njite nodieta lrirso yaacoti cayoji: ''Korrin pacapa pada yacoti ajadalri nanacjoite njaji yacoti picaiterri, ima pjia catsa inaitja nja yacoti picaolre lricjoite.'' 9 Ima naoma piacatja nafietaca faa, ima naaco cayoji: ''Yaami carroatsa nadenjica, njite korri natsaotsa nataitá carroca nadenjicalre.'' Mitsa, panaya Dio, picjaidata njoa pínaiwa. 10 Njite noawa Semaia iipana lricojle, Delaia irri, Mehetabel irri ima njaji cakonadalripe korri pia nacadaa lrimotocawa lriipana lrikjoite. Niini lriako norso: ''Warsa wa wawacaacawa Dio iipan lriko, fewaotsa lri rikoda njite waitakaotsa njaji lri pananoma, ima nano caotsa nainó carro pjia. Deepiotsa náno naino pjia.'' 11 Njite noako lrirso: ''Pada atsia caidalriji nokayosho kotsa ipitocadaca, korrin tsacja jliewa catja Dio iipana lriko yoomje carrotsani. Kotsa noá carro piinai.'' 12 Njite noajii korri catsa Dioca jliaji caakolri lrirso, icaamitsa caaconi lriwaopiakje shotsa nokjoete. Ima idenjicadaca Sanbalat njite Tobia irso. 13 Nainaini lrifieta carro njoa lriako sho, nonaitjá carro cayoji lricaite capisho njitenantja lrima nonaitjaca maatsi njoewa capoa nodawaacawa Dio iipana lrico, nininantja nacaitepe maatsi nonako napaimanietá carro njoa. 14 Piwaada nanaco njaji nanaitjalri norso njaji Sanbalat njite Tobia tsacja, no Diote. Piwaada tsacja ronako rsoaji inoparrotacada Noadia njite nja paana inoparrocape iomacapepia ifietaca njoa. 15 Wataita pia ferretaca jliaji yacaalre iwai venticinco nako jalredaoca lrinakopi jliaji keerri Elul, cincoenta y do jalredaoca shapodami. 16 Pjiomi njaji wakoema, njemi cádanako wataitaca wa denjicalre, pjiomi njaji pakoa nakope yofacape tsoomi wayacalre iwaida naco icaamitsa nafiocawa, njite najiacacawa korri capishoetsa nataita wakjoete. Nají capoa Dio catsa ikitsindata faa wataitá carro wadejicalre. 17 Jliawajli, njaji cakonadalripe Judá lrikope nameenaca aima paperra Tobia irso, njite Tobia imeenaca tsacja narso. 18 Ima aima njaji Judá lricope icaite capepia Tobia irso yakoti ajádalri sho korricaotsa namacá carrocani, ima Secania itsimarrecani, Ara irri. Njite lrirri Johanan jita pia lrinoa Mesulam iito, Berequia irri. 19 Nacaitepe norso Tobia inaitja piaca tsacja narso matsia njite nacaite tsacja lrirso koanca noako. Tobia imeenaca pia norso paperra lrifietá carro njoa.
1 Wa taita caami jliaji yacaalre iwai, werroeta nja lripananoma, njite wacadaa iwapacape pantinoma, njaji icanatacaperri njite njaji levitanai nadejí carro, 2 njite nocadaa nowerri Hanani jliá carro Yanji lrinaco jliaji yacaalre Jerosalen, njite Hanania tsacja lrinkitsindao, icatsa njaji iwapacape icapa jliaji yacaalre taimi dalrina, ima atsia matsiadalrican njite ifiocada dio iiwana naoya njaji apjetsidsa. 3 Niini noako narso: ''Yeenon kenaotsa jeerri imjekoatsa nja pantinoma. Niini cadaota njaji iwapacape pantinoma itacatsaotsa taimi njaji pantinoma. Icadaa iwapacaope pantinoma njaji aperritsa yofaawaji. Panaotsa iwapa nawapa carroda lrikotsa njite nja paana iipana ikoawajli nacotsa.'' 4 Njite jliaji yacaalre macakoecani njite macaite tsacjan, mitsa korri pia pacap aima inaiki iofaacape lri rikoda, njite korripiatoa na matsieta njaji panti namatsiketajim. 5 Niini no Diote caako nocaolre riko nowakeetá carro njaji cakonadalripe njite pjiomi njaji inaiki wadaná carro neepitana paperra lriko naapaneta ikoami. Njite noketa jliaji Paperra nadana cawa nanako njaji idia capem pia iinita wapjeya nadanacawa koca inakjoité perricana, njite lricaite paperra lriko cayoji: 6 ''Icatsa njaji inaiki idia capemwa lrioya jliaji jiipai Nabocodonosor, Babilonia italricanaa idenji inakjoite perri njepaite ioya preso sho pada jiipai nakojle. Nadiawa Jerosalen lrikojle njite Judá lrikojle tsakja, nakoami nadiacawa nayacalre lrikojle. 7 Nadiá piawa Zorobabel yaapiya, Jesua tsakja, njite Nehemia, Azaria, Raamia, Nahamani, Mardoqueo, Bilsan, Misperet, Bigvai, Nehum njite Baana. Pjiomi njaji atsianai aimadan Irael lrikope narso tsakja njaji nanakjoite perri koshoapa piaca namaimaka, icatsa njaji: 8 Paros inakjoite perri, do mil ciento setenta y do. 9 Sefatia inakjoite perri, treciento setenta y do. 10 ara inakjoite perri, seiciento cincoenta y do. 11 Pahat Moab inakjoite perri, Jesua njite Joab inakjoitepe, do mil ochociento diesiocho. 12 Elam inakjoite perri. mil dociento cincoenta y coatro. 13 Zatu inakjoite perri, ochociento coarenta y cinco. 14 acai inakjoite perri, seteciento sesenta. 15 Binui inakjoite perri, seiciento coarenta y ocho. 16 Bebai inakjoite perri, seiciento ventiocho. 17 Azgad inakjoite perri, dos mil treciento venti do. 18 Adonicam inakjoite perri, seiciento sesenta siete. 19 Bigvai inakjoite perri, do mil sesenta siete. 20 Adín inakjoite perri, seiciento cincoenta cinco. 21 Ater inakjoite perri Ezequia inakjoité perrim pia, noventa y ocho. 22 Hasum inakjoite perri, treciento venti ocho 23 Ezai inakjoite perri, treciento venticoatro. 24 Harif inakjoite perri, ciento doce. 25 Gabaón inakjoite perri, noventa cinco. 26 Belén njite Netofa inakjoite perri, ciento ochenta ocho 27 Anatot inakjoite perri, ciento ventiocho. 28 Njaji atsianai Bet Azmavet lrikope, coarenta y do. 29 Njaji atsianai Quiriat Jearim, Cafira njite Beerot lricope, seteciento coarenta y tre. 30 Njaji atsianai Ramaa Geba lricope, seiciento ventiono. 31 Njaji atsianai Micma lrikope, ciento ventido. 32 Njaji atsianai Betel njite Hai lricope, ciento ventitre. 33 Njaji atsianai pada Nebo tsakja lrikjoitepe, cincoenta y do. 34 Njaji inaiki aimadan pakoa tsakja yacaalre Elam lrikjoitepe, mil dociento cincoenta coatro. 35 Njaji atsianai Harim lrikope, treciento vente. 36 Njaji atsianai Jericó lricope, treciento coarenta y cinco. 37 Njaji atsianai Loat lrikope, Hadid njite Ono tsakja, seteciento ventiono. 38 Njaji atsianai Sena lrikope, tre mil noveciento trenta 39 Njaji sacerdotenai: Jedaia inacjoite perri (Jesua iipaneta lrikjoitepe), noveciento setenta y tre. 40 Imer inacjoite perri, mil cincoenta y do. 41 Pasur inacjoite perri, mil dociento coarenta siete. 42 Harim inacjoite perri, mil diesiciete. 43 Njaji Levitanai: Jesua inackjoite perri, Cadmiel inakjoitepe njite Hodavia inakjoitepe, setenta y coatro. 44 Njaji icantacaperri: Asaf inakjoite perri, ciento coarenta ocho. 45 Njaji iwapacape pantinoma Salum inakjoite perri, Ater inakjoite perri, Talmon inakjoite perri, Acub inakjoite perri, Hatita inakjoite perri, Sobai inakjoite perri, ciento trenta ocho. 46 Njaji idenjicape dio iipana lrico: Ziha inakjoite perri, Hasufa inakjoite perri, Tabaot inakjoite perri, 47 Queros inakjoite perri, Siaha inakjoite perri, Padon inakjoite perri, 48 Lebana inakjoite perri, Hagaba inakjoite perri, Salmai inakjoite perri, 49 Hanan inakjoite perri, Gidel inakjoite perri, Gahar inakjoite perri, 50 Reaia inakjoite perri, Rezin inakjoite perri, Necoda inakjoite perri, 51 Gazam inakjoite perri, Uza inakjoite perri, Paseah inakjoite perri, 52 Besai inakjoite perri, Mehunim inakjoite perri, Nefisesim inakjoite perri. 53 Bacbuc inakjoite perri, Acufa inakjoite perri, Harhur inakjoite perri, 54 Bazlut inakjoite perri, Mehida inakjoite perri, Harsa inakjoite perri, 55 Barcos inakjoite perri, Sísara inakjoite perri, Tema inakjoite perri, 56 Nezía inakjoite perri, Hatifa inakjoite perri. 57 Salomón irsoperri inakjoité perri: Sotai inakjoite perri, Soferet inakjoite perri, Perida inakjoite perri, 58 Jaala inakjoite perri, Darcón inakjoite perri, Gidel inakjoite perri, 59 Sefatia inakjoite perri, Hatil inakjoite perri, Pequeret -hazabaim inakjoite perri, Amón inakjoite perri, 60 Pjiomi njaji idenjicape Dio iipana lrico njite njaji Salomón irsoperri inakjoiteperri, treciento noventa y do pia namaimaca. 61 Njite icapia tsacja njaji inaiki inolri pia Mela, Tel-Harsa, Querub, Adón, njite Imer lrikjoite. Mitsa korri pia nataitja nanjiica matsia Iraelnai cadaa pia njaji njanirrinaipe: 62 Delai inakjoite perri Tobia inakjoite perri, njite Necoda inakjoite perri, seiciento coerenta y do. 63 Njite njaji sacerdotenai ikitsiñape: Habaia inakjoite perri, Cos njite Barzilai. Jliaji Barzilai lrirsho pia pada lriipitana, mitsa jlita capoa lriinowa apada atsia iito Galaad rikoda Barzilai dalri iipitana niini lricadaaca lriipitanao Barzilai tsakja. 64 Njaji, naomaji tja paperra lrico nanjíi carro koca nakjoite perri cana, mitsa korrin naoketa koamperri piaca naferrimi, niini jliaji iwapacadana talricanaati jlienetana sacerdotecalri lrioyana, Lricadana caopitjaperri shocana. 65 Lricaite nanako korrica nataita nainjaca njaji injaodati nacadaji sacerdotenai irso nanakjoite njaji maaficalri nainoji a kjerreca naoketa pada sacerdote lrisho jliaji jiipada matsiadalri, sacerdotenai jipanda nacoda naco nanjishopa naco mana 66 Coarenta y do mil treciento sesenta pia namaimaca pjiomi, 67 naoya tsacja njaji narsoperri atsianai njite inaitjepe tsacja, ima niini piaca siete mil treciento trenta siete narsoperri, njite narso piaca dociento coarenta cinco icantacaperri atsianai inaitjepe fie. 68 Njite narso pia tsacja seteciento trenta sei caballon, dociento coarenta cinco mula, 69 coatrociento trenta cino camello, sei mil seteciento vente borron. 70 Padapena njanirrinaipemi iipaneta yaapiyawanai naa nadenjishopa jliaji idenjikjeti. Jliaji iwapacadana talricanaati lricadaa palratjarro lrico ocho kilo owirro, cincoenta tsipada macaapipe, njite quiniento trenta sacerdotenai itsayanpe. 71 Padapena njanirrinaipemi iipaneta yaapiyawanai naa palratjarro lrico nadenjishopa jliaji idenjikjeti, ciento sesenta kilo owirro njite mil dociento die kilo palraatape, 72 njite njaji inaiki aimdan naa tsacja ciento sesenta kilo owirro, mil cien kilo palraatape njite sesenta y siete sacerdotenai itsayaniwa. 73 Niini njaji sacerdotenai, levitanai, iwapacape pantinoma, njaji icantacaperri, padapena nanakjoite njaji inaiki aimadan, njaji idenjicape Dio iipana lrico, njite pjiomi njaji Iraelnai naofenawa nayacalre rico. Siete keerri naco, pjiomi njaji inaiki Iraelnai naofenawa nayacalre rico.''
1 Pjiomi njaji inaiki aimadan nawacaacawa jiomi pada capishotsa atsia jajlami werricotsa Ooni peco ocoemjete. Njite nacaite Esdra irso lridee carro jliaji Paperra Moise idanacawa njaji yaacoti yaajicape panaco, jliaji wa Minalri icadaji narso njaji Iraelnai. 2 Lriniita cadaa jliaji sietepi keerri, jliaji sacerdote Esdra idee napeyajle njaji inaiki aimadan iwacaacalrio jliaji paperra yajicada panaco, pjiomi njaji yajicape jimica coanjishopaca. 3 Deepi nacjoite pjaatoa mayacan jeerri nakojle Esdra ilee narso jliaji paperra yajicada panaco nayacalrecoa rico Ooni Peco ikoemjete. Njite pjiomi njaji atsianai njite njaji inaitjepe nawapa njemi matsia naicawa njaji lri leerri inaco. 4 5 Njite jliaji idanacada, Esdra, lriemawa yeenondalri nako nanaitjana cayoada icaona panaya sho. Njite lrikodapitsa, lriyekemjete Matia yemawa, Sema tsakja, nhite Ania, Uría, Hilcia njite Maasasia tsakja; njite lripatojliemajle Pedadía yemawa, nhite Misael, Malquia, Hasum, Hasbadana, Zacaría tsakja. 5 Esdra imjeko jliaji paperra nacapa werriko pjiomi njaji inaiki aimadan, ima lriemacawa yenon nacapacawa pjiomini, niini lrimjeeko cádanako jliaji paperra njaji inaiki njeniko neemawa. 6 Esdra iaa matsiadalri wa Minalri irso, jliaji Dio kjaidádalri, niini pjiomi naji inaiki njerreta nacaapi yenonrse njite naako: ''¡Cayoatsa! ¡Cayoatsa!'' Njite nayamjeta njewida nacapá carro tjewacajlerse njite naa matsiadalri wa Minalri irso neekoa sho jiipai nakojle. 7 Njite Jesua, Bani, Serebia, Jamin, Acub, Sabatai. Hodia, Maasia, Kelita, Azaria, Jozabed, Hanan, Pelaia njite njaji levitanai nakitsindata njaji inaiki naji carro matsia konshopaca njaji yaakoti yajicape panako, njite mananitsa nemacawa njaji inaiki. 8 Nalee jliaji papderra, Dio inaacalre narso, njite nacaitepe pja lrinako najii carro jalrami koamishopaca jliaji nalerri 9 Nehemia, icatsa iwapacada cana talricanaati sho narso; njite Esdra, icatsa sacerdoteca narso njite idana cada tsacja, njite njaji levitanai ikitsindatacape njaji inaiki najii carro matsia, naako narso njaji inaiki aimadan: ''Icatsa jalredaoca-ca jliaji fenetanda wa Minalri Dio irso. Mainonacatsa jia njite maiya tsakja.'' Mitsa naiya njaji inaiki aimadan njemi cádanako njaji yaakoti yajicape panako. 10 Njite Nehemia yako narso: ''Warsena yaawa, inja carro maaficalri iithi njite irraotsa potiyajai, njite imeenacaotsa narso njaji korri perritoa itaita inaitjaca nainjao, ima fenetandaca jliadaa jalreaoca-ca jliaji wa Minalri irso. Korri nooma inonaaca jia, ima wa Minalri ithimaca jliaji ikjaidatalri faa. 11 Niini njaji levitanai namakoitaca njaji inaiki aimadan, naako narso: ''¡Maakotsa shaa!'' ima fenitandaca jliaji jalredaoca wa Minalri irso. Ma koyolretatsa icaolre.'' 12 Njite nakoamitsa naawa naijá carro, nairá carro tsakja, naijá carro nainaiwaca njite najoitaacá carro catiima sho nanjíi capoa koamishopaca njaji yakoti nacanatalri inacona. 13 Yamadaa nako jalredaoca, pjiomi njaji Iraelnai, njaji njanirri naipemi iipaneta yaapiyawanai, njaji sacerdotenai, levitanai naacawa lrikjaolre jliaji idanacaita Esdra, nanjíi carro pja koamishopaca njaji yakoti yajicape panaco. 14 Njite naoketaca njaji yakoti yajicape panako nadanaji cayotsaji wa Minalri inaa capishopia Moise nakjoite narso njaji iraelitanai aimadan, narso pia catsa naofaacawa pantitape lriko nawacaaca cádanakoa na joitaacá carroa lriko sietepi keerri nako. 15 Narso iacatsa nawanaca kjaida nayacalre rikotsa njite Jerosalen tsakja, cayoji: ''Warsa yaawa awacada lrikojle yaa carro yoma jaico olivo iki, njaji olivo maapana canaapetsa, mirto iki tsacja, ponamapje tsacja njite naki njaji jaiko macanipe, inaitja shopa pantita kjeyatsa icaona, cayotsaji nadana capisho oopi paperra lriko.'' 16 Ikeena naawa nadiao njaji inaiki naapiyena njaji jaikoki nanaitjá carro narsowao napanaitawa, naapana capitsite nako, nayacalrecka nakó, Dio iipana iyacalre koa nakó, jajlaamicawa lriko tsoomi Ooni peco Ipananoma yooya, njite Efraín iyacalrekoa ipananoma nakó. 17 Pjiomi njaji Iraelnai aimadan nadeji presosho pada jiipai nakojle njite nadiá tsenacjawa njepaite lrikojle nanaitja napanadawa naofáa carrotoa niini. Josué, jliaji Nun irri jiawalri nakjoite, njhite jliadaa nakojle, korripia nawacaacawa nawaada carro jliaji najoitaaca carroa. Catiimana pekirritsa njaji inaiki aimadan. 18 Caidalri manatsa jalredaoca ikoan, lrinitaca ikjoetetsa atee pikeetem nakojle, Esdra ilee narso jliaji Paperra Dio yaco yajicape panaco. Siete jalredaoka naofacawa najoitaaca carroa lrico, njite ocho jalredaoca nakó nawacaacawa padenirri ima caconaadalrica narso jliadaa. Nanaitja cayoji nadana capisho lrinakoapana.
1 Njite venti coatro jalredaoca nako lrinako minitsa keerri, nacaite narso njaji iraelitanai nawacaaca carro padenirri njite maijacacana, njeeta nanakoa natsayan maatsidalri-minatsa njite napeko njewida nanako talripe. 2 Pjiomi njaji Iraelnai njenitacawa naoya njaji korripetsa Iraelnaica. Njeniko nemawa nacaité carro namatsicana njite pjiomi njaji maatsiperritsa nanaitjalri njaji napjeyapepia 3 Njaji inaiki neemawa pafetsa njite pamoyoa jalredaoca nako nalee jliaji Paperra na Minalri Dio yaako, njaji yajicape panako. Njite pamoyoa jalredaoca nako tsacja nacaite namatsicanaa na Minalri Dio irso njite nacoajawa lrirso. 4 Mjaji levitanai, Jesua, Bani, Cadmiel, Sebania, Buni, Serebia, Bani njite Quenani njenaniko nemawa pjerracarrona nako njite nawana cjaida na Minallri Dio irso. 5 Njite njaji levitanai, Jesua, Cadmiel, Bani, Hasabnia, Serebia, Hodia, Sebania njite Petaia, naako: ''Jiniki yemawa, yaa matsiadalri wa Minalri Dio irso panaya caidalriwetsa.'' ''Icaite matsia Lriipitana matsiadalri nako, jirreta lriipitana yeenonrsewa icaite cádanko njite yaa cádanako matsiadalri lrinako.'' 6 Icatsa Pjia wa Minalri, Icaamitsa Pjia. Pjia inaitja eenolrikojlé perr, eeno icao dalri pja, njite pjiomi njaji eeno yecoa nakope; pinaitja tsacja jiipai njite pjiomi njaji lri rikoda perri. Jliaji manoa njite pjiomi lri rikoda perri. Pia nacaficao narso, njite njaji eeno yecoa nacope naaca matsiadalri pirso. 7 Icatsa Pjia-ca wa Minalri, jliaji Dio iniwanalri Abram njite pjitani Ur lrikjoite caldeo lrikoda njite picada lriipitanawa Abraham. 8 Picapa capoa matsiaca lri caolre pipeyajle, niini pinaitja pada yaakoti lriinai picaite cádanako piacaotsa lrienipenaipe irso njepaite njaji cananeonai, njepaite njaji ititanai, amorreonai, ferezeonai, jeboseonai, njite njepaite njaji gergeseonai. Pinaitjenina cayoji picaite capisho pia ima korridalricatsa imatada cadaca pjia. 9 Picapjeni coanca njerrapitaca njaji wapjeyadapempia Egipto lriko njite pjimi koanca naiyaca Manoa irraiyaja icodapi riko. 10 Picañjata najishopa njite manaitja canaaperri Faraón ikjoete, pjiomi njaji lrirsoperri njite pjiomi njaji inaiki Egipto lrikope, Piajii capoa njerrapiteetaca njaji Iraelitanai. Mitsa Pjia picadaa najii carro kjaida dslrica pjia atee panashete. 11 Njite, Pjienita jliaji Manoa nacapá werriko pjiomi, nataitá carro njeyapacawa lripamoyoaca lriko jliaji manoa metadalri riko, mitsa piñeetaca njaji ipinietacapena lritjewacaca lriko jliaji manoa, picadana ooni itjewacacá lrico jiipada capishontjana. 12 Jaalrewe-riko pia napeyajle iyadaoca piwaketanda lrico, njite deepi rico pia napeyajle piwaketanda lriko tiyee picaná carro narso napowao nataitá carro nanjicawa camarrai werriko. 13 Awacada Sinaí rico piorroco naicjaolre eeno lrikjoite picadaa carro narso yacoti ajadalripe matsiaperri yajicape panako, pataitá carro panjica coanca paofacawa cayoji lrinaa capisho panaitjaca. 14 Picadaa najíi jliaji jalredaoca pjienitanda pirsowao Piwafetá carroda njite picadaa narso yakoti nanaitjá carro cayoji nacaaite capisho najíi carro koajica paofacawa, njite picadaa tsacja yakoti yajicape panako Pirsodalri Moise inakjoite. 15 Pia narso petje eenolrikjoite perri wadee caiwica narso maawitacai njite pia tsacja nairrao ooni jiipada lrikjoite dalri wadee metaca nacaolre. Picaite tsacja narso naa carro naofaa lri rikoda jliaji jiipai picaiterri narso yakoti ajadalri sho piacaotsa narso. 16 Mitsa njaji waferrinaipemi jiawalri perri njite njaji njapodamperrina korrin nanaitja matsia njite korrin nafio Dio iiwana majíica capoana, korrin njeepa njaji yakoti picadaji nanaitjá carrona. 17 Korrin naoma njemican njite korrin nawaopia nanako njaji matsiaperri pinaitjalri pia nacapao, icaamitsa tarraca nacaolre, njite namjepacan lriko nakepitanata narsowao pada naapiyawalrio idietacaodana njapodamrsewa njerrapiteta cawa lrikona. Mitsa, icatsa Pjia wa Diote pacjan dalri pi matsiaca sho niini korrin piwaadaca njaji na matsicanaa, merroa dalrica pjia njite kjena dalrica icapaca warso, merroadalritsa kjeya njite pacjandalri ipeyokjeti sho caidalritsa. Korrin pimaca-cana. 18 Korrin pimacacana, a cantja pipimacacana nanaitja caojli pia narsowao apana vaken tsipalra namjaitanda sho, njite naako lrinako: ''Icatsa idioteca jliaji jitalri shaa Egipto lrikjoite,'' caako cadana pinakona maatsitsa pekirritsa. 19 Njite Pjia, kjenaa picapaca narso, korrin pimacacana jalrapokolri riko. Korrin jlienaca naoya jliaji iyadaoca iwacaacalrio yaacada napeyajlewa inipolriko jaalre werrico, korrin tsacja jliaji tiyee iwacacalrio deepi riko icanalri naapowa deepi riko naa carroa. 20 Pia narso Pi Caolrini matsiadalri lricanantá carrona njite korrin pi yaamitaca naoya nja peetje eenolrikjoite operri picadaalri naijawa, pia tsacja nairrao ooni wadee metaca nacaolre. 21 Coarenta walria oonia pikeñjawa-cana jalra pocolri riko njite korrin kokaca canacairri piaca narso. Korrin matsayan-canáa njite korrin camalrenaca njaipa. 22 Picadaa nanjíi carro nanako nja paana talricanaatinai njite nanaikite nako tsacja. Picadaa pja narso jiipai teeco-perri korricawa pacapa aima inaiki. Cayotsa njepaca narsowao Sehón jipaitemi, Hesbon italricanaa, Og jipaitemi tsacja, Basán italricanaa. 23 Picadaa aima neenipewa cayoji jiwirsida eeno lrikojlé perri sho. Njite pideena lri rikoda jliaji jiipai picaiterri pia yaakoti ajádalri sho naferrinaipemi irso pia caotsa narso. 24 Niini naacawa njaji inaiki aimadan, njepa narsowao jliaji jiipai njite napirsetaca njaji inaiki ninperri pia, njaji cananeonai. Picadaana Iraelnai icaapi riko njaji inaiki njite natalricanaa tsacja nanaitjá carro naapiya coan catsa naoma nanaitjacana. 25 Njepa narsowao njaji yacaalre taimí perri njite njepaite matsiadalri. Njepa tsacja naapana pacjamperri inaaniti matsiaperri sho, irsocapena ooniapji njecanda tjewaca, irsocada oowapji, paniapji olivoapji njite aima paniati painjanda iinaca. Niini nainjaca njite kepinaacana, korrin canacaica narso njite joiwina Pi matsiaca pekirridalri icjaote. 26 Icaamitsa nadiaca mjepacana njite neemaca Pikjoete. Namakoadata Piaco naoyao. Naino naoyao njaji profetanai pirsoperri, njaji icaitecapena nadiá carro naoma Pjia, caaco maatsina pinakojle. 27 Niini Picada piacana nacoema icaapi riko njerrapiteeta carrona. Njite caidalritsa njerrapita cádanako njaji Iraelita nawana Picjaolre njite Pjimica narso eeno jlikjoite, njite aima walria Pjita piacana nacoema icaapi rikjoite kjenaa capoa picapaca narso. 28 Mitsa nawafeta cayami mana napieta nanaitjaca maatsicanao Pirso, njite Pimacana nacoema icaapi rikona, niini nakoema kenacja njaji yaajirri nanako. Mitsa nadiá cádanako naoma Pjia, nawana Picjaolre, Pjimi narso eeno lrikjoite, njite aima walria kjenaa capoa picapaca narso Pimanakoetana. 29 Picaite narso mana coanca narsotsa nanaitjaca nataitá carro njeepaca Piako. Mitsa njaji napadalretaacawa njite korrin njeepaca piako. Nanaitja maatsi nakjoete njaji yaakoti picadaji narso, njaji yakoti icadaalri matsiaca naofacawa koca cada shepani. Korrin njepani, icaamitsa namjepatacan korri capoa naoma njemican. 30 Aima walria Pi tarrawataca naapiya njite picaitena pianjikje sho nanakjoite njaji pofetanai. Mitsa korrin njemica narso. Cayoshopa picadaacana nacaapi riko njaji apaana inaikinai nakodapi perri yofaawa. 31 Mitsa kjenaa capoa picapaca narso korrin piwayaketana piketem, korrin tsacja pimaodacaca naoya ima Dio-ca Pjia kjanadalritsa icapaca njaji inaiki. 32 Niini panaya, Pjia wa Diote, macadari, cjaidadalri, Pjia wa Diote korridalritsa koca itaita pikjoete, Pjia korridalritsa itekojleta piakoam njite caidalritsa pipeyoca fa, macadatsa macoada-sho catsa pipeyajle pjiomi njaji jirrapitakjeti ferrapitalrina inaco, njaca watalricananai tsacja, neenipe caconaperri tsacja, njaji sacerdotenai, wa ferrinaipemi njite pjiomi njaji Pinaikite na jalredaoca nakjoite njaji talricanaatinai Siria lricoperri atee panashete. 33 Ima wanaitjanda icjaote picadaa ferrapitaca. Pinaitja matsia warso njite cadana fa wanaitja maatsi Pirso. 34 Ima njaji watalricanaanai, neenipenai, sacerdotenai, njite pjiomi njaji waferrinaipemi korrin nanaitja cayoji nacaite capisho njaji yaacoti yajicape panako, korrin nanaitja cayoji pinaa capisho nanaitjaca, nacaite capisho njaji yaacoti Pinaitja cádanaco yaacoti naapiya icaitecape coanca narsotsa nanaitjaca. 35 Korrin amiketsa, Pjia cádanaco italricanata pia nanako, matsia cádanako naofacawa pinaitja capoa matsia narso, lri rikoda jliaji jiipai macakoe capaniana cawa Picadanda narso, korrin nanaitja matsia Pirso njite korrin namaca naoyao jliaji maatsirri nanaitjalri. 36 Panaya, nasoperrica fa lri rikodatsa jliaji jiipai picadaalri narso njaji waferrinaipemi wataitá carro waijaca matsia lripaniana lrikjoite njite njaji matsiaperri wataitalri warsoca lrinakjoite, ¡Narsoperrica fa fepaite rikotsa! 37 Pjiomi naji fetalri fepaite rikotsa waaka narso njaji talricanaatinai Picadaji yanji wanako wanaitja capoa maatsi Pirso. Njaca yanji wananko njite wa vacan nakó tsacja koan catsa naomaca. Korrinatsa waji koanca wanaitjaca. 38 Naicjaote njaji nocaiterrina, wadana lrinaco jliaji yaakoti wanaitjalri korridalritsa wataita fenaca yooya. Lri rikoda jliaji paperra wanaitjanda wcadanda inako lritjinao niini nerroa neepitana njaji talricanaatinai yeenipe, levitanai njite njaji sacerdotenai.''
1 Icapiatsa njaji irsocape neepitana paperra lriko nacatjinatanda: Nehemia, Hacalia irri, jlia minitsa natalricanaa iwapacadana niini, njite njaji sacerdotenai idanacape neepitana icatsa njaji Sedequia, 2 Seraia, Azaria, Jeremia, 3 Pasur, Amaria, Malquia, 4 Hatús, Sebania, Maluc, 5 Harim, Meremot, Obadia, 6 Daniel, Gineton, Baruc, 7 Masulam, Abía, Mijamin, 8 Maazia, Bilgai, njite Semaia. Icapiatsa saserdotenaica njaji. 9 Njite njaji levitanai, icapiatsa njaji: Jesúa, Azania irri, Binui, Henadad iipaneta lrikjoite dalri, Cadmiel, 10 njite njaji lrikitsiñape Levitanai, Sebania, Hodia, Kelita, Pelaia, Hanán, 11 Micaía, Rehob, Hasabia, 12 Zacur, Serebia, Sabania, 13 Hodia, Bani njite Beninu. 14 Njite njaji yacaalre yapiyawanai, icapiatsa njaji: Paros, Pahat, Moab, Elam, Zatu, Bani 15 Buni, Azgad, Bebai, 16 Adonia, Bigvai, Adín, 17 Ater, Ezequía, Azur, 18 Hodia, Hasum, Bezai, 19 Harif, Anatot, Nebai, 20 Magpia, Mesulam, Hezir, 21 Mesezabeel, Sadoc, Jadúa, 22 Pelatía, Hanán, Anaía, 23 Osea, Hanania, Hasub, 24 Halohes, Pilha, Sobec, 25 Rehum, Hasabna, Maasia, 26 Ahía, Hanan, Anán, 27 Maluc, Harim njite Baana. 28 Njite nja paana sacerdotenai imaimaca, levitanai, iwapacape pantinoma, icantacaperri, idenjicaperri Dio iipana lriko, njite pjiomi njaji jienita capem naoya njaji apaanta inaiki nacoda-piperri yofacawa icaite cape yakoti ajádalri sho njeepacaotsa Dio yako, naninaida lriko njite njaji neenipe pjiomi, nja tsacja njaji yajicapena coanshopaca, 29 nawacaacawa nakitsiñape yapiya, njite naapiyawanai yaapiya tsacja nacaite maatsicaotsa korri cadaa nanaitja cayoji Dio yaako icaite capisho narso, nacaite capisho njaji yaakoti Lricadaalri lrirsodalri Moise irso, nacapá carro naicawa nanaitjá carro pjiomi njaji wa Minalri Dio lrinaalri nanaitjaca, cayoji lricaitecapisho jliaji paperra coancarro paofacawa matsia. 30 Wacaitjenina yaacoti ajádalri sho korricaotsa wacadaa carroca njaji waitonaipe narso njaji apaanatsa inaiki waoya, korrin tsacja fetá carroca naitonaipe weenipe irso. 31 Wacaite tsacja yakoti ajádalri sho korricaotsa wawentá carroca nainai njaji apanatsa inaiki waoya nadee cadaa waicjaolre napania iinaca nawendewa wawafeta carroa lriko, o koancádanakoca jalredaoca fenitanda wa Minalri irso. Siete walria ikoami oonia wacadaacaotsa fepaite iwafetawa, njite pada judio ideewe cadaa fa korriotsa waomá carroketsa wacoadao lriinai. 32 Waa tsacjaotsa pada madalrida nakjoite nadenjishopa Dio iipana lriko pawalria icoam, 33 waa tsacjaotsa petje meewidalri icaona Dio icapacawa lriko, waa tsacjaotsa comaana ofrenda sho, njaji ofrenda pamjaitaoda wawafeeta carroda lriko, wajoitaca carroa lriko walripi nako keerri njite pjiomi nja paana wajoitaaca carroa wajinda inako, waa tsacjaotsa nanako njaji ofrenda mamatsicanaadalri nako njite waa tsacjaotsa maaficalri pamjaitaoda naita shopa na matsicanaa njaji Iraelnai, njite tsacja naicaona njaji idenjikjeti wa Diote iipana icaonada. 34 Njite njaji sacerdotenai, njaji Levitanai naapiya pjiomi njaji inaiki aimadan napeeko caotsa nanjishopa koca-caotsa njaji iderriotsa jaiko ofrenda sho. Koca iipaneta nakó cdaotsa jliwawa jliaji nanjishopa icatsaotsa njaji iderriotsa jaiko wa Diote iipana icaona pawalria nako nacaite cádanako narso. Njaji jaiko nadeji, namjaita caotsana lrinako jliaji njerretanda yenon wa Minalri Dio irso, caitsa Moise idana capisho pia. 35 Wacaitenina yakoti ajádalri sho wadecaotsa Dio iipana lrikojle njaji wapania wainitanda waniwaca wapania nakjoite, njite tsacja nainaca njaji jaiko tjeda pawalria ikoam. 36 Njite cayoji Moise idana capisho pia, wacaite tsacja yakoti ajádalri sho wadee caotsa Dio iipana lrikojle naikjaolre njaji sacerdotenai idenjirri niini njaji wenipe pjerritinaipe, njite njaji waapirra yeenipe iinitacape imotocawa. 37 Wadecaotsa njaji wadaitampe haripe wainitaji fetaca, cayo tsacja nja komaana, njite nainaca nja jaiko painjanda, koshoca nja jaiko tjeda yaana njite aceite tsacja wadecaotsana narso njaji sacerdotenai, nacadacaawa lriko naofawa njaji injaodati wa Diote iipana lriko. Wadeotsa Levitanai irso njaji diezmo fetanda fepaite yooya, ima Levitanaica njaji iniwalri diezmo naoya pjiomi njaji inaiki aiadan wadejirri niini. 38 Pada sacerdote, Aarón inakjoite dalri, lrirsotsa niinica nainai njaji Levitanai nadee njepa cádanako wapjeya naji diezmo. Njaji Levitanai narsotsa nadeeca diezmo nanakjoite njaji naniwanda nacadaa carrona namatsietacawa lriko nja injaodati Dio iipana lriko. 39 Ima njaji Iraelnai njitre Leví inakjoite perri narsotsa nadeeca njaji nacdaji narso komana nakjoite, jaikotjeda yaana walriajai njite aceite tsacja namatsietá carrona lri tawajle riko jliaji Dio iipana nacadaacawa pjiomi njaji nadenjishopa niini.
1 Njaji Iraelnai yaapiyawanai naofawa Jerosalén lriko njite nja nanaikite item napeko nanako najishopa nataitá carro nadeeca padatsa die inaiki nakjoite lriofaa carro Jerosalén lriko, jliaji Dio iyacalre, njite njaji noeve inaiki namacaiji naofaacatoa nainai njaji apanatsa inaiki naoya. 2 Padape njawacatsa icaitiacawa naofaa carro nainai Jerosalén lriko, njite njaji ninperrina matsia nakoadatana njite matsia nacaiteca nanako. 3 Icatsa njaji nayacalre yapiyawanai yofalriwa Jerosalén lriko. Mitsa Judá lriko, pjiomi njaji inaiki naofacawa njepaite rikotsa, njite padape tsacja nainai Iraelitanai, sacerdotenai, Levitanai, idejicape Dio iipana lriko njite nanakjoite perri njaji Salomón irsoperri pia. 4 Padape nanakjoite njaji Judá poko naofacawa Jerosalén lriko, caitsacja Benjamín poko inakjoité perri. Icatsa njaji Judá poko inakjoité perri: Ataia, Uzia irri, Zacaria irri, Amaria irri, Sefatia irri, Mahalaleel irri, pada Fares inakjoite dalri. 5 Njite Maasia tsacja nainai, Baruc irri, Col Hoze irri, Hazaia irri, Adaia irri, Joiarib irri, Zacaria irri roenipe rsoaji Silonitá darro. 6 Pjiomi njaji Fares yenipe yofaniwa Jerosalén lrico coatrociento sesenta ocho namaimaca. Atsianai cjaidá perri inoacacawa. 7 Njite icatsa njaji Benjamin inakjoité perri: Salú, Mesulam irri, JHoed irri, Pedaía irri, Colaía irri, Maasia irri, Itiel irri, Jesaia irri. 8 Njite lrinacojledatsa, Gabai njite Salai. Noveciento noventa ocho atsianai padenirri. 9 Joel, Zicri irri, icapiatsa jliaji icapacada lrinako, njite Judá tsacja, Zenua irri, icatsa lrinakojledaca yajirri yacaalre nakó. 10 Nanakjoite njaji sacerdotenai: Jedaia, Joarib irri, Joaquin, 11 Seraia, Hilcias irri,, Mesulam irri, Sadoc irri, Meraiot irri, Ahitob irri, Dio iipana yaapiyawalri, 12 njite njaji lri kitsiñape idenjica Dio iipana, ochociento venti do atsianai padenirri, Abdia ikitsiñapetsa, Jeroham irri, Pelalia irri, Amsi irri, Zacaria irri, Pasur irri, Malquia irri. 13 Njite njaji Adaia ikitsiñape icapiatsa naapaneta yapiyawanai, dociento coarenta y do atsianai namaimaca, njite Amasai, Azareel irri, Azai irri, Mesilemot irri, Imer irri, 14 njite njaji lri kitsiñape, atsianai mafiocaperritsa owi riko, ciento venti ocho padenirri; njite Zabdiel pia jliaji caconaadalri napiyawalre, Gedolim irri. 15 Levitanai nakjoite: Semaia, Hasub irri, Azricam irri, Hasabia irri, Buni irri, 16 njite Sabetai, Jozabad tsacja, icapiatsa njaji naapiyawalre-ca njaji Levitanai njaji idejirri naapiya lridajitje jliaji Dio iipana. 17 Nainai tsacja Matania, Micaia irri, Zabdi irri, pada Asaf inakjoite dalri, jliaji yajirri njite jliaji iniitalri naapiya naa carro matsiadalri Dio imatsiaca ikjaote natatja cádanako lriinai, lrinakojleda-tsa Bacbuquia, pada lrikitsinda idenjica, Abda tsacja, Samua irri, Galal irri, Jedutún irri. 18 Dociento ochenta coatro Levitanai njaji yofalriwa lri rikoda jliaji Dio iyacaalre. 19 Iwapacape pantinoma: Talmón njite njaji lri kitsiñape iwapacape pantinoma, ciento sesenta y do atsianai pjiomi. 20 Njite njaji pana Iraelnai itepem, njaji nasacerotenai njite njaji Levitanai naofacawa nerrikoda pjiomi njaji yacalre Judá lrikope. Naofacawa njepaite rikó nakoana. 21 Njaji idenjicape Dio iipana lriko naofacawa Ofel lriko, njite Zha, Gisá yaapiya icatsa njaji naapiyawanaica. 22 Uzi pia jliaji caconaite naapiyawalre njaji Levitanai, njaji idejirri Jerosalén lriko, Bani irri, Hasabia irri, Matania irri, Micaia irri, Asaf inakjoite perri, njaji icanta caperri pia narso nadenji cádanco Dio iipana. 23 Jliatsa jliaji talricanaati lricaite narso kocaca njaji narsolritsa nanaitjaca. lricaite kocaca narsolritsa nanaitjaca jalredaoca ikoami corridalritsa nataita namatadaca. 24 Njite Petaía, Mesezabeel irri, Zera inakjoité dalri, Judá irri, lrikitsindata jliaji talriacanaati lriwaopiakje-sho pjiomi nakotsa nanakoapana njaji inaiki aimadan. 25 Nanako njaji nayacalrewape njite nakiníkerre, padape njaji Judánai naofa nayacalreta Quiriat Arba lriko, nayacalreta tsacja Dibón lriko, nayacalreta tsacja Jecabseel lriko. 26 Naofawa pia tsacja Jesúa lriko, Molada, Bet Pelet, 27 Hazar Sual njite Beerseba lriko tsacja. 28 Naofawa pia tsacja nayacalreta Siclag lriko njite Mecona tsacja, 29 Rimón lriko, Zora lriko, Jarmut lriko, 30 Zanoa lriko, njite Adulam lriko tsacja nayacalreta, Lequí lriko njite Azeca lriko tsacja nayacalreta. Niini naofacawa Beerseba nakjoite teeko jlinaa pakoacaitacawa lriko jiipai HInom dalri. 31 Njaji Benjamín poko naofa tsacjawa Geba nakjoite, Micma lriko, Aía lriko, Betel lriko pjiomi lriwaida cawa lriko. 32 Naofa piawa tsacja Anatot lriko, Nob lriko, Anania lriko, 33 Hazor lriko, Ramá lriko, GItaim lriko, 34 Hadid lriko, Seboim lriko, Nebalat lriko, 35 Lod lriko, njite Ono lriko njite jiipai pacoacá dalri naofacawa lrico njaji kayecá perri. 36 Padapena nanakjoite njaji Levitanai naa naofa padapena njepaite riko njaji Judá poko njite njaji padape naa naofawa Benjamín poko iinai njepaite lriko.
1 Icapiatsa njaji sacerdotenai njite njaji Levitanai idialri piawa Jerusalén lrikojle Jesuá iinai njite Zorobabel, jliaji Salatiel irri: Seraía, Jeremía, Esdras, 2 Amaría, Maluc, Hatús, 3 Secanía, Rehum, Meremot, 4 Iddo, Gineto, Abías, 5 Mijamín, Maadadia, Bilga, 6 Semaía, Joiarib, Jedaía, 7 Salú, Amoc, Hilcías, njite Jedaía. Icapiatsa njaji sacerdotenai yaapiyawanai njite njaji nakitsiñape Jesúa jiawajli. 8 Icapiatsa Levitanaica njaji: Jesúa, Binúi, Cadmiel, Serebias, Judá njite Matanía, icatsa njaji yajĩrri koanca nanako njaji icantacape naa cádanako matsiadalri Dio irso naapiya njaji nakitsiñape. 9 Njite Bacbuquía Uni yapiya, njite pja njaji Levitanai nakitsiñape, nemawa nacoemajle nawacaacá cádanakowa. 10 Jesúa irrica Joacim, Joacim irrica Eliasib, Eliasib irrica Joiada, 11 Joiada irrica Jonatán njite Jonatán irrica Judá. 12 Joacim jiawajli pia, icapiatsa sacerdotenaica, njatsa njaji naapaneta yapiyawanaitsa: Meraía pia Serai yapiyawalri, Hananía pia Jeremías yapiyawalri, 13 Mesulam pia Esdras yapiyawalri, Johanán pia Amarías yapiyawalri, 14 Jonatán pia Melicú yapiyawalri, José pia Sebanía yapiyawalri, 15 Adna pia Harim yapiyawalri, Helcai pia Meraiot yapiyawalri, 16 Zacaría pia Iddo yapiyawalri, Mesulam pia Ginetón yapiyawalri, 17 Zicri pia Abías yapiyawalri njite Minianim, Pitai pia Moadías yapiyawalri, 18 Samulga pia Bilga yapiyawalri, Jonatán pia Semaía yapiyawalri, 19 Matenai pia Joiarib yapiyawalri, Uzi pia Jedaía yapiyawalri, 20 Calai pia Salai yapiyawalri, Eber pia Amoc yapiyawalri, 21 Hasabía pia Hilcías yapiyawalri, njite Natanael pia Jedaia yapiyawalri. 22 Eliasib jiawajli pia, njaji Levitanai Eliasib, Joiada, Johanán njite Judúa nadana pia neepitana cayoji naapiyawanai sho njaji naapaneta, njite njaji sacerdotenai nadana pia nadanaaca piawa Darío italricanaaca lriko Persia lrikoda. 23 Njaji Leví inakjoité perri njite njaji naapaneta yapiyawani nadana pia neepitana lri-rikóda jliaji Paperra nadanacawa pjiomi, Johanán, Eliasib irri jiawajli pia. 24 Njaji Levitanai yapiyawanai icapiatsa Hasabías, Serebías, njite Cadmiel irri, Jesúa, njite pja njaji nakitsiñape levitanai tsacja, njaji yemalri mana nakoemajle naacarro matsiadalri nacanta cádanako, nacoamitsa njamao cádanako. Nanaitja cayó njepa capoa jliaji yakoti, Dio irsodalri David icaite capisho pia narso. 25 Njite Matanía, Bacbuquía, Obadía, Mesulam, Talmón njite Acub icatsa iwapacapeca njaji nacada cawa pjiomitsa tsomi pantinoma ioya. 26 Nadeji pia Joacim jiawajli pia, jliaji Jesúa irri, Josadac irri. Jeremías caojli pia iwapana natlricanaa sho njite Esdras caojli pia sacerdote njite jliatsa idanacadacan. 27 Nacaite cádanako nataita kena jliaji Jerosalén idana, njaji inaiki aimadan najĩ naoma njaji Levitanai akjerre-rse catsa naofawajĩ, nadee carrona Jerosalén lrikojle najoitaacá carroa jowisho nataita capoena jliaji yacaalre idaanawa, naa-carro matsiadalri Dio irso, nacantá carro lrirso, njite nakjemata carro tsacja parratoita-pe, arpa, njite jaicoita tsacja. 28 Nawacacawa pjiomi coshoca namaimaca njaji icantacaperri tsoomi perri iofacawa Jerosalén lriko njite njaji yofacapewa Netofa iwaida lriko. 29 Nano pia tsacja njaji Bet Gilgal lrikoperri njite njaji yofacapewa nakinikerreda lrico Geba lriko njite Azmavet lriko tsacja, ima njaji icanta caperri nanaitja pia narsowawa naofacawapewa tsomi Jerosalén ioya. 30 Njaji sacerdotenai njite njaji Levitanai namatsietacawa namatsicana ioya Dio ipeyajle, njite cayó tsacja nanaa nanaitjaca njaji inaiki aimadan, coshoca njaji pantinoma njite jliaji yacaalre iwai. 31 Niiní nocadaa Judá yapiyawanai njerraca yacaalre iwai ípolrico, njite nocaite yamapoco aimadan irso naa-carro matsiadalri dio irso. Papoco yawa yacaalre iwai iyekemajle, lri-riko peko jliaji pantinoma yacadawa napeko cawa lrikojle matsipeda. 32 Njite Osaías naapiya njaji pamoyoa toa nanakjoite njaji Judá poco yapiyawanai naawa njapodam, 33 njapodamtsa naawa njaji Azaría, Esdras, Mesulam, 34 Judá, Benjamín, Semaías, Jeremías, 35 njite padapena nainai sacerdotenai yeenipe napjiaca na-trompeta, njite Zacarías, Jonatán irri, Semaía irri, Matanía irri, Micaía irri, Zacur irri, pada Asaf inakjoité dalri. 36 Niini pia tsacja nainai nakitsiñape njaji Zacaría, Semaía, Azareel, Milalai, Gilalai, Maai, Natanael, Judá, Hanani, njepa njaji nacanta-shopa njaji Dio irsodalri David icantajĩ. Njite Escra idanacaita yaawa napeyajle. 37 Njerrawa pjerra-carrona nako yaacadawa mayacan David iyacalré lrikojle yenondalrida nakó jliaji yacaalre idana, ooni ipananoma-peko lriko, naorrokó carro David iipanam nakojle Ooni Ipananoma-peko lriko jeerri imoto kemjeteo. 38 Njite njaji papoko tsacja icanta caperri naawa nakjoete pafe rikojle. Njite noawa njapodam yacaalre idana ipolrikonako, njite pamoyoa pja njaji inaiki inolri tsacja noinai. Waawa nanako njaji Yenondalripe nako Tiyee imotocawao, macaite cawa lriacawa jliaji yacaalre idana, 39 Efraín poko ipananoma icao, pantinoma opipeki nako tsacja, copje peko ipananoma icao tsacja, yenondalri nako Hananeel iyada nakó tsacja, yenondalri nakó nayada njaji cien perri tsacja, teeko jlinaa waacawa Oveja peko nakojle, njite waoca wemao iwapacape ipananoma nako. 40 Niini njaji yamapoko icantacaperri naoca nemawa neema cawa lriko Dio iipana lriko, njite njoa, noema tsacja noemacawa lriko, njite noinai tsacja pamoyoá njaji caconaaperri. 41 Nja tsacja njaji sacerdotenai nemawa nadenicawa lriko: Eliacim, Maasia, Miniamin, Micaia, Elioenai, Zacaría njite Enaía, nacoanam na-trompetan, 42 Maasia, Semaia, Eleazar, Uzi, Johanán, Malquía, Elam njite Ezer. Njaji icantacaperri, Izraia jliaji ijãtalri nacapa coancarro nacantaca. 43 Aima namjaitaca maaficalri jliadaa jeecoapi, njite nacatiima- taacawa, ima Dio catsa jliaji icadaalri nathimawa nacatiima-taaca carroa pekirritsa. Coshoca njaji inaitjepe, yempetipe nacatiima- taacawa. Niini tjekjoiteca pjemica coanca cathimaca njaji Jerosalén lrikope. 44 liadaa pia jalredaoca nakeepitanata atsianai yajicaope nanaco njaji namatsietacawa lriko njaji ijãodati nawaketaji nacaoña shopa, njaji paniati nainitajĩ naniwaca njite diezmo tsacja, nawaketá carro nayadawa njaji sacerdotenai njite njaji Levitanai cayoji lricaite capisho jliaji yakoti yajĩcada panako. Nacadana nadenjĩ carro tsoomi naoya njaji cakinkerre perri. Catiima nacaolre pekirritsa njaji Judá poko naicjaote njaji sacerdotenai njite njaji Levitanai yemalri naapiya. 45 Nadejĩ napiya Dio iipana lriko, nacaite cádanako naoya namatsicanao, cayotsa David njite lri-ríitsa Salomón icaite capisho pia narso nanaitja carro, cayotsa nanaitjaca njaji icantacaperri njite njaji iwapacape pantinoma. 46 Aimawalriapia, David njite Asaf jiawajli pia, njaji icantacaperri narsopia njaji yajĩcada napiya nacanta cádanako. NArsopia njaji canción icaite caperri matsia Dio nako njite njaji naashopa matsiadalri dio irso 47 Zorobabel jiawajli pia njite Nehemia jiawajli tsacja, pjiomi njaji Iraelnai naapia naijao jalredaoca ikoam njaji icantacaperri njite njaji iwapacaperri pantinoma. Njite njaji sacerdotenai njenita pia nayadawa njaji Aarón inakjoité perri.
1 Jliadaa jalredaoca-cá nalree jliaji Paperra Moise idananda njemí carro njaji inaki aimadan. Naoketa lri-rikoda lricaitecawa korrica pada inaiki amón njite-dalri, Moab njite dalri cantja nataita nawacaacawa nainai njaji Dio inaikite. 2 Korri capoa pia nakitsindata njaji Iraelnai oopi ijãodati sho njite oni sho tsacja, icaamitsa nacaoñaca Balaam lricaité carro yaacoti matsiperritsa Irael nacojle. Mitsa jliaji wa Diote lricadenacja matsiaperri Irael nako. 3 Niini njemica ikjoetetsa coanca lriako jliaji yakoti yajĩcape panako njeta Iraelnai ioya pjiomi njaji korri perritsa Iraelnaica. 4 Niini panaya nakjote, jliaji sacerdote Eliasib, Tobia ikitsinda icatsa jliaji yajĩrri nanako njaji namtsietacawa wa-Diote iipana lrikope. 5 Eliasib imatsieta pawajle macatwajle Tobia ipa, ajĩ namatsietacawa lriko pia incienso, inaaniti, komana nanda ofrendasho, komana nanda diezmo sho, aceite njite jaiko tjeda yaana walriajãipe nacadajĩ pia mana Levitanai irso, icantacaperri irso, narso njajĩ iwapacaperri pantinoma, njite njaji nacadajĩ narso njajĩ sacerdotenai. 6 Mitsa cayo cádanako nanaitja, korri pioaca njoa nainai Jerosalén lriko. Ima trenta y do walria nako oonia Artajerjes italricanaaca lriko, Babilonia italricanaa noá piacawa talricanaati iderse. Njite apapia nakojlena, nocaite lrirso jliaji talricanaati lricadaa carro noawa, 7 niini nodiacawa Jerosalén lrikojle. Niini noijĩca jliaji maatsirri Eliasib inaitjalri lricadaacapoa Tobia irso pawajle, jliaji macatawajle pja Dio iipana lriko. 8 Njite kerroaca njoa pekirritsa niini nopekoca padanajle pjiomi njaji Tobias inanipe lrioya jliaji lrimatsietacawa lriko piana. 9 Nocaite narso namatsieta carro Dio nako pjiomi njaji namatsietacawa lrikona, njité-dalri nocadaa tsenacja niini njaji inaaniti Dio iipana lrikoda, njaji komana nacadajĩ ofrendasho njite njaji incienso. 10 Njite nacaite tsacja norso, njaji inaki korri natsa nadeeca ijãodati naope narso njaji Levitanai, cayoshopa njaji Levitanai njite njaji icantacaperri idejĩcapemi oopi naawa na-kiníkerre lrikojle. 11 Niini nocaiteca nekjoete narso njaji caconaperri, noako narso: ''¿Coada korrin iwapa matsia jliaji Dio iipana?'' Nowaketana njite nocadaa nakoanaa nadejĩcawa lriko. 12 Ikena pjiomi njaji Judánai nadeeca nja komaana nacadajĩ diezmo-sho, naa tsacja jaiko tjeda yaana njite aceite tsacja nacadaa carrona namatsietacawa lrikona. 13 Njite nocadaaca iwapacaope njaji namatsietacawa lrico njaji nacadajĩ pjiomi njaji sacerdote Selemias, idanacaita Sadoc njite nanacjoite njaji Levitanai, jliaji Pedaía. Njite nakitsindawa nocadaa Hanán, Zacur irri, Matania irri ima ajãdalri-shoca lridejĩca. Icatsa jliajĩ yajĩcadaca yaa njajĩ ĩjãodato narso njaji nakitsiñape. 14 Piwaada catsa njoa, pjia no-Diote, naicjaote njaji matsiaperri nonaitjalri no-Diote icjaote, pjiomi njaji nodejirri, wadee pjiataca njaji nonaitjalri. 15 Njadaa jalredaoca-ca, jliaji jalredaoca nawafeta carroa lriko nocapa njaji Judá lrikoperri napitsiocaca camjerro njetá carro naana njite nadee tsacja aima napania iinaca, nadeecana burro-nako, nadee tsacja aima jaiko tjedaa yaana, camjerro, higuera iinaca njite pjiomi pja coamperricatsa nadeeca aimasho. Nadeeca pjiomi njaji Jerosalén lrikojle nawafeta carroa lriko. Njite nocaite narso korrictasa matsiaca nawendeca ijaodati nawafeta carroa lriko. 16 Njaji atsianai inocaperri yofawa Jerosalén lriko Tiro lrikjoite perri, nadee nawende copje njite pjiomi pja, nawende carro tsacja nainai nawafeta carroa lriko narso njaji Judánai njite pjiomi narso njaji yacaalre rikópe. 17 Niini noemaca cjaida nakjoete njaji Judá yapiyawanai, noako narso: ''Koadao inaitja jliaji matsirri, imacadawalretaca jliaji jalredaoca wawafeta carroa lriko. 18 Icapiatsa nanaitjalrica njaji jinirrinaipemi oopi, cayoshopa pia wa-Diote icadaa maatsirri jiwaca wanako njite lrinako jliaji wayacalre; njite panaya shaa lricjaote jliaji inaitjalri ikerroataca wa Diote Irael nakojle imacadawalreta capoa jliaji jalredaoca wawafeta-carroda.'' 19 Niini dainoma kena nanako njaji yacaalre Jerosalén ipananoma nako, njite lripjeyatoa lriinitacawa jliaji jalredaoca pawafetacarroda, nonaa naitaca pjiomi njaji yacaalre ipananoma njite korritsa namjekó carrocani akjerreca jliyapao jliaji jalredaoca wawafeta carroda. Njite nocadaa padapena nanakjoite njaji noinaiperri nawapá carro pantinoma wadentja nacadaaca njeyapawa nadeecalre nawafeeta carroa lrico. 20 Niini pjiomi njaji iwendecape njite njaji nadeecalre tsacja atsa naocawa padanajletsa yacaalre Jerosalén irso. Cayotsanjeyapacao papia o yamapia. 21 Mitsa nocaite narso koanca. Nocaite narso korri carroenatsa napieta nanaitjaca cayo, ima inaitja cadaa tsenacja nodieta caotsa shaa ajaiteji jiidati riko. 22 Nonaa namatsietacacawa na matsicana ioya njaji Levitanai, njite nawa nawapá carro njaji pantinoma fenetá carro matsia jliaji jalredaoca wawafeta carroda. Piwada tsacjaotsa njoa no-Diote lricjaote jliaji, kjenaa picapaca norso korricapoa pimacaca jliaji yaacoti pinaitjanda oopi. 23 Nocapa pia tsacja jliadaa njaji judionai jitacape naninaiwa njaji inaitjepe Asdod lrikope, Amón lricope njite Moab lrikope tsacja. 24 Njite pamoyoa nanacjoite njaji neenipe caakocana Asdodnai yako-lriko, korrinacja caakona Judánai yakolrikjoite, padatsa yakoti nayadatsa nja apanatsa inaiki naoya 25 Niini nokoitaca njaji cayoperri, caaco njoa maatsi narso, noñaa pja padapena nanakjoite, notaa natsikolre. Nonaa nacaiteca yakoti ajadalri sho Dio nako, cayoji: ''Maatsaotsa iitonaipe nainowa, korrin tsacjaotsa jitaca irrinoa naitonaipe, corrin tsacja inonaiwa. 26 Naicaote njaji imatsicanati jliapia jliaji Irael talricanaa Salomón inaitja imatsicanawa. Korri piatsa pacapa pada-pjaa talricanaati cayodalriji lricayosho jalredaoca lriko, Dio ipeyonda icapacan. Lricadaani jliá carro natalricanaa pjiomi njaji Iraelnai. Cayo cadanatsa njaji inaitjepe pada jiipai nacjoitepe, jlitalri lriinowa oopi nama lrinaitjaca lrimatsicanawa. 27 ¿Capja iwaadaca njomica irso njite inaitja minicatsa njaji maatsirri, wa mjepatá carro jliaji fanirri Dio fetá carro wainowa njajiinaitjepe pada jiipai nakjoite perri?'' 28 Njite pada lri-rri jliaji sacerdotenai yapiyawalri Joiada, Eliasib irri, lri tsimarrecan jliaji Sanbalat, Bet Horón njité dalri, oopi nomeenaca lriawa njite. 29 Piwaada nanako no-Diote, ima namacadawalretaca jliaji sacerdotecalri, coshoca jliaji yakoti pinaitjalri sacerdotenai yaapiya njite nainai njaji Levitanai. 30 Cayotsa nomatsieta-cana naoya pjiomi njaji nanaitjalri nanaitja capisho njaji apana inaiki. Njite wacafieta tsenacja matsia nadejicalre njaji sacerdotenai njite njaji Levitanai. Nacoamitsa nainaitja jliaji narsolritsa nanaitjaca. 31 Nomatsieta tsacja njaji inaiki coan cadanakocaotsa nadeeca ofrenda-sho nja tiyeena, njite tsacja coan-cadanakoca nadee tsacjaotsa napania nainitajĩ naniwaca. Pinaitja norso matsia no-Diote piwada cádanako njoa naicjaote njaji nonaitjalri.
1 Talricanaati Asuero jiawajli pia (Asuero italricanaata pia India ricjoite teeco jlinaa Etiopia ricojle, ciento vente yacaalre macacoepe naco), 2 jalredaoca icoam, jliaji talricanaati Asuero lriofáa manao lrinaco jliaji lriofaa carroda lritalricanaata lriipana lrico cadaana dalri Susa ricó. 3 Njite madalriwalria kena lrishoca lritalricanaata cawa, lriwaketa njaji caconaaperri idenjicape lrisho njite njaji lrishóperri tsacja lrinja carro naapiya. Njite tsolrodaonai iapiyawanai Persia lricope njite Media tacja, talricanaatina caconaaperri njite njaji italricanaatacape njaji yacaalre macacoepe naofaa tsacja lriinai lripeyajle. 4 Ciento ochenta jalredaoca naco lricañjata nacapa nja lrinaani cacoadá perri, lrimatsiaca njite lrimacadalrica jliaji panti lritalricanaata carroda. 5 Ciento ochenta jalredaoca jiapodam, talricanaati Asuero iwaketa tsenacja pjiomi njaji inaiki Susa ricope, caaponaaperri njite njaji kjenaaperri tsacja lrinjá carro naapiya, lriofáa naapiya siete jalredaoca. Lriwakeetana talricanaati iyacalrecoa rico nincawa paniati dape. 6 Jliaji paniapjida talricanati dapana iyacalrecoa ricoda namatsieta nacapao yamacati nanaitjanda pjirrintsida-maka jaalredalri sho njite jipolré perri sho tsacja, njite napapina jeeriwai irraicjape matsiáperri sho, napapina nanacjoite njaji pacaapirro shoperri nanaitjaji palraatape nacjoite nerroetaji pantipje naco namatsietanda jiipada taarradalri jaalredalri. 7 Naa nairrao nairra carrodape rico owirrodape. Njite teecojlepe pia naoyawaca njaji nairra carrodape, njite aima pia nja jaicotjeda ianaa lriyadape catsa jli talricanaati lricadaalri nairrao matsia capoa naapoiya. 8 Njite nairra pia nja jaicotjeda ianaa cayotsa lricaite capisho jliaji yacoti nadananda talricanati rico: ''Corri pataita papiajletaca jiidati ricó.'' Jliaji talricanaati inaa pia nja idenjicape lrisho talricanaati dapana ricó pjiomi nacoadatá carro nja lriwananipe coca nacocatsa naoma nacoana cayoji naoma capisho. 9 Njite shoaji talricanati Vasti, rowakeeta tsacja nja inaitjepe ronja carro naapiya talricanati Asuero italricanaata cawa ricotsa. 10 Njite die jalredaoca nacó, juiwi cádanacoena lricaolre jli talricanaati jaico tjedaa iana lriirranda icjaote, lriaco Mehuman isho, Bitza isho, Harbona isho, Bigta isho, Abagta isho, Zetar isho, njite Carcas isho tsacja (njaji sietede atsianai idenjicaperri lrisho tsomíi lriofacawa rico), 11 nadee carro lripeyajle shoaji talricanati Vasti pjiomi lriapiya jliaji corona talricanaati carrodano. Lrioma piatja lricadaa nacapaca romatsiaca nja caconaape idenjicape lrisho njite nja lrinaikite pjiomi, ima matsiadarro pia icapacanaa. 12 Mitsa, sho talricanaati Vasti corri shoepa jli iacoti lrimenacanda rosho jli talricanaati nadeerri njaji sietede caconaaperri lrishoperri rosho. Niini kerroaca maatsinjajliaji talricanaati, jliajii lrima capisho tiyee ricó lridaki rico lriirroa ikjaote. 13 Niini jliaji talricanaati lritatja jlimiwa nainai njaji atsianai nanjinda canjiikje perrica, njaji ianjiicape jalredaoca naco (ima cayo manaca lrinaitjaca jliaji talricanaati nainai njaji ianjicape lrinaco jliaji iacoti ianjiicada panaco njite coan carro nanaitjaca). 14 Njite icatsa neepitanaca njaji idenjirri tsoomi talricanaati ioya: Carsena, Setar, Admata, Tarsis, Meres, Marsena njite Memucán, icatsa njaji sietede atsianai neenipe njaji talricanatinai persia lricope njite Media. Icaamitsa njaji itaitalri iacawa talricanaati iofaalri nirse njite icatsa njaji isholrica nja idenjikjeti jirrapitinaaperri pja talricanati dapana lrico. 15 Lriaco naasho: ''¿Coan lriaco jliaji iacoti ianjiicada panaco, ima shoaji talricanaati Vasti oopi romjepata jliaji iacoti nomeenacalri rosho nainai njaji caconaaperri noshoperri''? 16 Njite Mumucan iaco talricanaati ipjeya njite napjeya tsacja nja caconaaperri lrishoperri: ''Shoaji talricanaati Vasti corri jliacatsantja romjepata jli talricanaati Asuero, mitsa romjepata tsacja njaji caconaaperri iofaacape nerricoda nja yacaalre macacoepe lritalricanaatalri inaco jliaji talricanaati Asuero njite pjiomi njaji lrinaikitena tsacja. 17 Ima nacapaca naicawa njaji inaitjepe ronaitjalri sho talricanaati Vasti. Corriotsa njeepá carroca nainirri iaco. Nacaiteotsa cayoji: ''Talricanaati Asuero lrinaa pia nadee carro lriderse shoaji talricanaati Vasti, mitsa corrim shoepacan. 18 Njite lripeyatoa lriwayacacao jliadaa jalredaoca cajliaji, cayo tsacjaotsa nanaitjaca naninai njaji caaconaaperri Persia lricope njite Media tsacja jimicaperri ronaco shoaji talricanaati, cayoatsa nanaitjaca naninai njaji capecaconaaperri idenji talricanaati isho. Namjepataotsa naaco njite jorreotsa irroati nashowaaca.'' 19 Njite Memucan iaco pja talricanaati iso: Njite matsia cadaa pjimica, pjia talricanaati, pimeenaca iacoti, njite nadaná carro lrirroa napaperran ricó tsacja nja Persanai njite nja Meda tsacja corridalriotsa coca itaitantja iñeetacan coancaojlica, lricaitecawa corriketsa Vasti itaita inoca pipeyajle. Njite pjia talricanaati picadaotsa jliaji shoa cawa pia talricanaati apama isho matsiadarro pja rooya. 20 Njite picadaa cádanacoatsa lriawa jliaji iacoti nanjíi carro pjiomi njaji inaiki lrimacaiteca naco jliaji jiipai pitalricanaatalri inaco, pjiomi njaji canirrinaiperri corriotsa mamacoadatá caotsa nainirri iaco, coshoca njaji caconaaperri njite njaji kjenaaperri.'' 21 Jliaji talricanaati Asuero njite neenipe njaji talricanaatinai napeyo njemica Memucan lricaitenda, niini jliaji talricanaati inaitja cayoji Memucan icaite capisho. 22 Lrimeenaca iacoti lridananda paperra lrico nasho pjiomi njaji yacaalre lritalricanaatalri inaco, coanca caacocana yacaalre icoam cayotsa lridanaca nasho. Lridana nasho njaa carro imeenaca naapana lrico nacoanaa nja atsianai. Jliaji iacoti lridana nasho naaco lricjoite yacaalre icoam lritalricanaatalri inaco.
1 Njapodamjite njaji nanaitjalri, yaami keerroaca jliaji talricanaati Asuero, njite lriwaopia Vasti naco njite lrinaco jliaji ronaitjalri lrisho. Lriwaopia tsacja lrinaco jliaji iacoti nadánalri rocjoete. 2 Njite njaji atsianai iempetipe toa idenjicape lrisho, naaco lrisho naomá carro inaitjepe matsiadarrope corri perritoa jiyapatoa atsia iapiya wa talricanaa isho. 3 Matsiamtja jliaji talricanaati, lri cadaa carromtja lrisoperri caconaaperri coshoca namaimaca nja yacaalre macacoepe lri ricodape jliaji jiipai lritalricanatacaawa ricó, nawakeetá carro pjiomi njaji inaitjepe iempetipetoa matsiadarrope nadee carrona napananaa Susa rico. Njite lricadaotsana Hegai icaapi ricona lriwapá carrona matsia. Hagai, icatsa jliaji caconaadalri idenjicada lrisho jliaji talricanaati, njite iwapacada nja inaitjepe njite iácada nasho nadataaca shopawa necoa nacó. 4 Njiteotsa coca cadaotsa lripeyo jliaji talricanaati nanacjoite njaji inaitjepe iempetipe toa lricadaotsa shoá carroatsa jimai talricanaati shoapodam shoaji Vasti. Njite njaji iacoti nacaiterri talricanaati isho matsiá jlimica, niini lrinaa nanaitjaca cayó. 5 Niini pia ape atsia yacaalre Susa rico lriipitana Mardoqueo, Jair irrí, Simei irrí, Cis irrí, Benjamín poco inacjoite dalri. 6 Jliaji talricanaati Nabucodonosor, Babilonia ricoda, ideepiani teeco jlipaite ioya pacoacatsa nainai njaji apjetsida lrikitsiñape njite Jeconias tsacja, Judá italricanaa. 7 Mardoqueo iwapapiaca sho Adasa, shoa minitsa Ester darro iipitana, jlinirri ikitsin iito, ima corri pienatsa rosho shonirri, shodoa tsacja. Shoaji iempetitoa apama iinarro matsiadarro icapacanaa njite matsiadalrica rodaki pjiomi. Mardoqueo itaoñano cayotsa lriito capishono. 8 Namotoeta cádanaco jliacoam jli talricanaati nadananda nanjíi carro, jorre nadeeca nja inaitjepe walridarropetoa talricanaati dapana lricojle Susa ricó. Njaji inaitjepe nacadaana Hegai iwapá carrona. Nadee tsacja sho Ester talricanaati dapana lricojle Hegai iwapá carro tsacjano, icapiatsa jliaji iwapacada njaji inaitjepe. 9 Njite Hegai matsiá icapaca Ester isho, njite tsacja ronaitjaca lrisho. Icamina lriaca rosho rodataacashopao lrikitsindatá carrono, njite lricadaa tsacja rosho roinjaope rocoawalreo. Lricadaa tsacja rosho icoadatacapeno siete atsianai talricanaati ishoperri idenjicape lrisho talricanaati dapana lricó, njite lricashetana pafe ricjle rofá carro nainai njaji iwapacapeno matsiawerrico pja naoya nja rokitsiñape atsaji napananáa iwawalricotsa. 10 Shoaji Ester corri piatsa rocaiteca nasho cjaité darrocano, cjaitenaica nja rokitsiñape, ima Mardoqueo icaite piacano wadee rocaiteca ronaikiva nasho. 11 Jalredaoca icoam Mardoqueo iemaji manao paniapjida icoemjete padanajle lrisho jliaji inaitjepe dapana, lritatjá carro coakenano, njite lritatjá carro jlimio cocadaa lrioma lrianjíica roinai. 12 Lrioca cádanacoena njenaana nacoana nja inaitjepe naacarro talricanaati Asuero icjaolre, ima nanaitjenina pjiomi jliaji naomalri nainai nja inaitjepe. Nacoanaa nja inaitjepe iempetipe toa nashopoia nawapaacacao doce keerri natapiacacao matsia carro nadaki; sei keerri natapiacao ketiajai mirrape sho, sei keerri tsacja pomeniajai sho njite nasho njaji necoa idaape sho tsacja. 13 Apama iinarro iempetitoa ia cadaa talricanaati ideshe, njite coca cadaa rooma, naa rosho nanacjoite njaji nashompe inaitjepe dapana lrico, rodee carro roofacawa sho iinarro talricanaati. 14 Shoewa mana dainomajle lrideshe, njite tjewaijle piyompinacoena rodiawa pada pana lricojle naofacawa tsacja nja inaitjepe, njite jliaji caaconaite tsolrodao Saazgaz, icatsa jli iwapacadana, jlia minitsa jliaji iwapacada nja inaitjepe talricanaati ininai. Njite corrinatsa rodiá carroketsa lriderse jliaji talricanaati tsenacja icaamitsa jlia cadaatsa iinai tsenacjano, matsia capoa lrianjiacacao roapiya. 15 Njite Ester jinaana iocacao roá carro shomao talricanaati ipeyajle, shoaji Mardoqueo itaoñanda lriito sho, jlinirri ikitsin Abihail iitom. Corritsa coca rotatja, icaamitsa ronaitja cayoji Hagai icaite capisho rosho, jliaji caaconaite idenjicada talricanaati isho, jliatsa jliaji iwapacada nja inaitjepe. Njite Matsiapjá nacapaca Ester isho pjiomi njaji icapacapeno. 16 Jliapodamjite, nadee Ester talricanaati ideshe lricapá carrono lrimaacawa lrico talricanaati dapana lricojle, die nacoda keerri lriipitana Tebet, siete oonia naco talricanaatacawan. 17 Jliaji talricanaati ipeyo pja shoaji Ester naoya nja pana inaitjepe, njite matsiá lricapacano pekirritsa naoya nja pana inaitjepe walridarrope, niini lricadaa talricanaati icoronan showida naco njite lricadaa shoá carroenacja talricanaati Vasti iarromtacao. 18 Jliaji talricanaati iwakeeta pjiomi njaji caaconaperri idenjicape lrisho njite njaji lrisoperri, lrinja carro nainai ''Ester iipitana naco,'' njite tsoopjatsa jlitaca naoya impuesto njaji yacaalre macacoepe. Lriá tsacja inaaniti macaoña canaapetsa talricanaati iipitana naco. 19 Njite, nawakeeta cádanaco tsenacja yamapia shopa nja inaitjepe walridarrope, Mardoqueo iofawa talricanaati ipananoma icodapi. 20 Njite Ester corritoa rocaiteca rokitsiñape nacó o ronaikica naco cantja, cayotsa Mardoqueo icaite capisho rosho. Ronaitja minitsa cayoji lricaite capisho rosho, ima cayopiatsa shoepaca lriaco lritaoña cádanacono. 21 Jlia wajli pia, Mardoqueo iofáa cádanaco talricanaati ipananoma icodapi, yaame tsolrodaonai cacoaaperri iwapacape talricanaati ipananoma, Bigtán njite Tares, keerroana pekirritsa njite naoma nainoca jliaji talricanaati Asuero. 22 Njite Mardoqueo ioca cádanaco ianjíi nanaco nja yameede, lricaite shomi shoaji talricanati Ester, njite Ester icaite talricanaati isho Mardoqueo iipitana naco. 23 Jliaji talricanaati ipinieta matsia jliaji iacoti njite lrianjíi ajadañrican, niini njaji yaame atsianai oopina napapi nerroa jaico nacó. Njite jliaji nanaitjalri nasho nadanani lri ricoda jliaji Papérra nadana cawa piomi talricanaati ipeyajle.
1 Njapodamjite njaji jiyapalrio, jliaji talricanaati Asuero ikasheta Amán, Hamedata Agagueo irri, caconaité carron nanaco njaji paana caconaaperri lrishoperri. 2 Pjiomi njaji talricanaati isoperri idenjicape talricanaati ipananoma lrico, caidalri manatsa natoda naoshipada njite nacoanja Amán ipeyajle, ima cayo piatsa talricanaati inaa nanaitjaca. Mitsa Mardoqueo corrí lritoda lrioshipadao njite corri tscja lricoanja Amán ipeyajle. 3 Njite njaji talricanaati ishoperri idenjicape pantinoma lrico naaco mardoqueo isho: ''¿Coadao pimjepata talricanaati iaco?'' 4 Caidalritsa caacomanacana lriapiya, mitsa Mardoqueo corri jliepana. Niini caacona lrinaco Amán iapiya nacapá carro coanca nanaitjaca Mardoqueo iapiya, ima mardoqueo icaiteca nasho judiotairri cani. 5 Amán icapa cádanaco corrica Mardoqueo itoda ioshipada njite corrím tsacja lricoanja lripeyajle, keerroa Amaán pekirritsa. 6 Niini lriwaopia lriinó carro jliatsa jli Mardoqueo, ima pada talricanaati ishodalri icaite jlimi lrinaikica nacó. Amán ioma pia iwayakeetaca pjiomi njaji judionai, Mardoqueo ikitsiñape iofaacape talricanaati Asuero jipaite ricó. 7 Nisanpi naco, jiaji keerri pawalria inita carroda, lrishocawena doce walria jliaji talricanaati Asuero lritalricanaatacawa; napeeco jliaji nanjerri Pur-ca, pada nawiaca sopao, njite nanaitjani Amán icapawerrico, nanji carro pada jalredaoca naco njite apapi keerri naco tsacja, niini jliwacao jliaji napeeconda Pur lrinaco jliaji keerri piketendalri pawalria iwayacacawao lriipitana Adar. 8 Njite Amán iaco talricanaati Asuero isho: ''Niini apaana inaiki ipocotacapemwa njite naofaa macadatsa nerricoda njaji yacaalre macacoepe pitalricanaatacawa rico jiipai. Njite jliaji iacoti ianjiicada panaco cotsa cayocana nayaada sho nja apaana inaiki, njite corri tsacja njeepa njaji iacoti pidanalri panaitjá carro cayo, niini cotsa matsiaca pisho nja caiperri. 9 Niini pioma cadaa, pjia talricanaati, picadaa wainó carrona, nocaoñaotsa njaji caconaaperri ianjíicape piyarroaji naco Die mil talento palraata nadeecarrona namatsietacawa lrico nja pinaani cacoadaperri.'' 10 Niini jliaji Talricanaati Asuero jita lricaapirro lricaapi ricjoite lriá carron Amán isho, lrirri jliaji Hamedata Agagao tairri, judionai jiponda. 11 Jliaji talricanaati iaco Amán isho: ''Jliaji palraata pjipa pishowaoni njite naapiya njaji inaiki aimadan piofacaweenai. Pinaitjá carro nasho njaji piomalri pinaitjaca.'' 12 Njite nawaqueeta pjiomi njaji idanacaperri talricanaati ishoperri trece jalredaoca nacó lrinaco jliaji keerri pawalria initacawao, njite nadana pjiomi iacoti cayoji Amán inaa caopisho nanaitjaca pjiomi njaji talricanaatinai iwapacape nja yacaalre macacoepe lrianjimpe inaco jliaji talricanaati Asuero, nasho njaji caaconaaperri yacaalre tsocoepe isho, nacoanaa njaji yacaalre cayoji caaco capishona; nadana nja iacoti talricanaati Asuero iipitana naco, njite nacadaa paperra itjinao lricaapirro iecoa sho. 13 Njite nameemaca nja inaiki ideecape iacoti nadee carro nja iacoti nadananda nacoanaa nja yacaalre lri talricanaata cawa jliaji talricanaati Asuero, nawayakeetá carro, nainó carro matsiape pjiomi njaji judionai, iempetipe, pekipenai njite pjiomi njaji inaitjepe tsacja. Nainó carrona trece jalredaoca naco lrinaco jliaji keerri piketemdalri pawalria isho, lriipitana Adar; njite njetá carro nashowao piomi nashiompe. 14 Nanacjoite njaji iacoti nadananda, njaji iwapacape nja yacaalre macacoepe nacadaa nanjíi nja inaiki nanaitjá carro cayoji lrinaa capisho jli iacoti. Njite nashotsa namatsietacawa nawapá carro nacapa jliaji jiyapalriotsa jliadaa jeecoapica. 15 Njaji inaiki ideecape iacoti, nakjeyapita nadeeca nja iacoti talricanaati inaalri nanaitjaca. Náa tsacja njaji iacoti nadananda nasho njaji iofaacape talricanaati dapana Susa lricó. Jliaji talricanaati njite Amán naofáa nairra, mitsa njaji inaiki Susa lricope corri nanjíi coanca.
1 Mardoqueo ioca cádanaco ianjíi pjiomi njaji nanaitjalri, jlipa lritserrenta lritsayan lrinacoda njite jlieta lritsayaniwa natsayanwaca nja cawinanaaperri, lricadaa tsacja jliwida naco palripocjoa. Njitédalri lriawa yacaalre ipamoyoaca lrico, jliemata cjaida niini caiwidalri ricó. 2 Jliwacatsa iawa talricanaati ipananoma lricojle, ima corri nacadaa carroca njeewá nirshe njaji jietaacacapewa natsayan waca-sho nja cawinanaaperri. 3 Pjiiomi njaji yacaalre macacoepe naocalri nirshe njaji iacoti nadananda talricanaati inaacalre, iinonaa nacaolre pekirritsa njaji Judionai cayoji mayam capisho pakitsinda, niini maijacacana, naiya tsacja njite njeemata tsacja cjaida. Aima nanacjoite naoshoawa natsayan lricotsa cawinanaa cádanacona palripocjoa lricó. 4 Njaji inaitjepe walridarrope njite njaji idenjicape Ester isho naa roicjaolre nacaité carro shomi, njite caiwica lriaca ronaco shomi cádanaco nja iacoti. Njite romeenaca Mardoqueo itsayaniwa lritojloetá carro lrioyao cawinanaaperri itsayan waca, mitsa Mardoqueo corri jliepa. 5 Niini Ester iwana jliaji caaconaite Hatac, talricanaati ishodalri lricadanda idenjicaoda rosho. Ronaani lriá carro Mardoqueo icjaolre lritatjá carro jlimio coanca njite coanshopaca jliaji lrinaitjalri. 6 Niini Hatac iawa Mardoqueo ideshe yacaalre ipamoyoaca lrico, talricanaati ipananoma icoamjete. 7 Njite Mardoqueo icaiteca lrisho coanca. Lricaite tsacja nanaco nja palraata Amán icaiterri, lricadalriotsa talricanaati imatsietacawa lrico nja lripalraatan lricaoña shopa nainó carro nja judionai. 8 Lriá tsacja lrisho papje paperra lrinacjoite dalri jliaji iacoti nadananda naaji nashó Susa lrico lricaite cawa nainó carro pjiomi njaji judionai. Lria Hatac isho jliaji paperra lriá carro Ester isho, njite roá carro talricanaati iderse rotatja carro lriinai caiwi ricotsa wadee lriino cano njite njaji rokitsiñape jodionai. 9 Ikeena Hatac idiawa Ester icjaolre njite lricaite rosho coanca Mardoqueo icaiteca lrisho. 10 Njite Ester icaite Hatac isho lriá carro tsenacja Mardoqueo ideshe. 11 Ester iaco Hatac isho: ''Pjiomi njaji talricanaati ishoperri, njite pjiomi njaji inaiki iofaacapeo nerricoda njaji yacaalre macacoepe lriajimpe nacó nanjíi corrica pada atsia o iinarro cadaa corri nataita njeewacao talricanaati iyacalrecoa lrico corri cadatsa nainaidacan, ima cayocadaa, lrishotsa mayamican, icaamitsamtja talricanaati ipiajleta cadaa lricjaolre lripjeeco owirroapo wadee nainocani. Corritoa talricanaati iwanjenca njoa noá lricjaolrewa.'' 12 Njite Hatac icaite Mardoqueo jimi njaji iacoti Ester ieenacalri lrisho. 13 Njite Mardoqueo idieta iacoti Ester isho cayoji: ''Corri pitaita piwaopiaca piofaa capoa talricanaati dapana lrico yoomjeotsa pjia naoya nja pikitsiñape judionai. 14 Maaco cadatsa pjia njite corri coca pinaitja, matsiadalri, njite manacocalri iocacaotsa nasho nja judionai acjaite catsaji, mitsa pjia njite pjinirri ipaneeta nañaacaotsao. ¿Corri pianjii cayoada cadaa piocawa talricanaatiwa piyomjetá carro faa?'' 15 Niini Ester idieta iacoti Mardoqueo isho: 16 ''Washa peda piwakeeta pjiomi njaji judionai iofaacape Susa lrico, njite maijacaca jia noicjaote. Corriotsa injá carroca, corri tsacjaotsa iirraca madalridaa jalredaoca, deepi rico jaalrewe ricó tsacja. Cayo tsacjaotsa njoa naapiya njaji inaitjepe walridarrope noshoperri. Mayamicadaotsa lricjaote, maminaotsa njoa.'' 17 Ikeena Mardoqueo iawa lrinaitjá carro cayoji Ester inaa capisho lrinaitjaca.
1 Njite madalridaa jalredaoca jiapodam, Ester jieta ronacoa talricanaati itsayan wacá njite roemawa paniapjida lrico lriwawa lricoda jliaji talricanaati dapana, lricoemjete jliaji panti talricanaati iofacaawa. Lriofá cadanao lritalricanaata carroda lrico jliaji talricanaati, talricanaati dapana lrico, lriofaa lricapa pantinoma icjaolre. 2 Njite lricapa cádanaco shoaji talricanaati Ester roemacawa lriyacalrecoa lrico, matsia lricapaca rosho. Niini lripiajletaca roicjaolre lripjeeco owirroapo jlipanda lricaapi ricó. Njite Ester itsoomita ronotá carro lripjeeco jiwidana nacó. 3 Njite talricanaati iaco rosho: ''¿Cocao pioma, talricanaati Ester? ¿Cocao pino pitatja noinai? Notaita noaca pisho pamoyoa jliaji nowapanda jiipai.'' 4 Njite Ester jiepani: Matsia cadaa pisho, pjia talricanaati, nooma pínoca Amán iapiya panaya pinjá carro jliaji injaodati nonaitjalri pishowalrepe.'' 5 Niini lriaco jliaji talricanaati: ''Idee cjeya Amán noicjaolre, waacarro wainja Ester ideshe.'' Niini jliaji talricanaati iawa Namán iapiya Ester ideshe nainjá carro jliaji injaodati ronaitjalri lrishó. 6 Njite napiá cádanacotoa jliaji jaicotjeda ianaa nairraodao nainja cádanaco, talricanaati iaco Ester isho: ''¿Cocao pitatja noinai? ima coca cadaa pitatja noinai, noáwatsa piso. Pitatja cadaa noinai jliaji jiipai nowapanda, notaita noaca pisho pamoyoa lrinacjoite.'' 7 Njite Ester jiepani, roaco lrisho: ''Icatsa jliaji noomalrica piinaí: 8 matsia cadaa picapaca nosho, pjia talricanaati, njite pioma cadaa piaca nosho jliaji notatjalri piinai, njite pjiepa capoa njoa lrinaco jliaji noomalri, pinoatsa tjeewa Amán iapiya injá carroatsa jliaji injaodati nonaitjalriotsa isho, niiniotsa nocaite pisho cocaca jliaji noomalri piinai.'' 9 Jliadaa jalredaocaca Amán imoto njiteo lricaolre catiimadalri-so. Mitsa Amán icapa cádanaco Mardoqueo talricanaati ipananoma icodapi, njite corri mardoqueo jinico iemao lricjoete, corri tsacja lrifióca lriiwana lricapa capoani, niini keeroaca Amán pekirritsa Mardoqueo icjoete. 10 Mitsa corritsa coca Amán inaitjaca lrisho, icaamitsa lriacawa lriipana lricojle. Njite Amán, lriino Zeres iapiya nawakeeta pjiomi njaji naanjialri. 11 Amán icaite njemi namatsiaca njaji lrinaani, lrienipenaipe imaimaca naco tsacja, njite coanca talricanaati jirreeta manan lridenjicalre ioya pada nacojle matsia capoa lricapaca lrisho; njite coanca lritaoñaca naoya nja paana caconaaperri njite naoya tsacja nja talricanaati ishoperri. 12 Amán iaco pja nasho: ''Shoaji talricanaati Ester, corri ronai padapjanta inaiki nooya, icaamitsa njoa, noá carro talricanaati iinai wainjá carro jliaji injaodati ronaitjalri washo. Njite roinai tsenacja njoa tjeewa noá carro talricanaati ikitsindao. 13 Mitsa corritsa coadaca nosho njaji ronaitjalri niini capoa toa jliaji Mardoqueo judiotairri talricanaati ipananoma icodapi.'' 14 Njite naaco Namán iino Zeres isho njaji nanjialri: Iemeta apana jaico ventitre metro-dalri iyenonca napapiaca carrona inaiki irroa. Ima cacoatsa jliaji talricanaati piyompinaco toa napápi carroatsa Mardoqueo irroa lrinaco jliada nacó. Njité dalrinaotsa pitaita piacawa catiimawa talricanaati iinai injacarroda lrico.'' Njite matsia Namán jimica jliaji nacaiterri niini lrinaa njerreetaca apana jaico ienondalri napapiaca carronawa.
1 Lridepitena, jliaji talricanaati corri lritaita lrimaaca niini lrinaa nja lrishoperri nadee carro nja paperra namatsietaji ioshoawa icaitecada coanca njaji jiyapalriwa talricanaati cádanacoenani, njite nalree cjaida jlimí carrro. 2 Njite naoketa nadananda lrico coanca Mardoqueo icaite pia Bigtán nacó njite Tares nacó tsacja, njaji yaame caconaaperri iwapacape talricanaati ipananoma naoma cádanaco pia nainoca jli talricanaati Asuero. 3 Niini jliaji talricanaati Asuero itatja jimiona cocaca matsiadalri nanaitjalri Mardoqueo isho lriicjaote jliaj lrinaitjalri talricanaati isho. Njite njaji lrishoperri iempetipe toa nacaite lrisho corricatsa coca nanaitja lrisho. 4 Njite talricanaati itatja jimiona: ¿''Coca iemawa yacalreecoa lrico?'' Amán cadana jiewa talricanaati dapana iyacalreecoa lrico jliada nacó caacocarro lriapiya coancaotsa napápica Mardoqueo irroa lrinaco jliaji jaico napapi carrona inaiki irroa. 5 Niini naaco talricanaati isho njaji lrishoperri: ''Padatsa Amán iemawa yacalreecoa lrico.'' Njite talricanaati inaa Amán jiewaca lrideshe. 6 Niini talricanaati iaco Amán isho: ''¿Cocantja panaitjaca lrisho jliaji atsia talricanaati iomanda njite lrioma inaitjaca isho matsia?'' Niini caacoca Namán lricaolre rico, lriaco lrishowaaca: ''Corri pacapa pada pja atsia nooya talricanaati iomanda itaitjaca isho matsia'' 7 Njite Amán iaco talricanaati isho: ''Lrishoape jliaji atsia talricanaati iomanda inaitjaca isho matsia, 8 pinaa nadeeca talricanaati itsayan waca, jlietandena lrinacoa, njite lricaballoni lrianjicarrona, jliaji ishocada jliwida naco nacadanda lritjinao talricanaati iyaadacan. 9 Njitenaotsa icadaawatsa lrisho jliaji atsia talricanaati iomanda nanacjoite njaji caconaaperri lrishoperri. Picadaotsa njeeta lritsayanio jliaji atsia talricanaati iomanda inatitjaca isho matsia, njite picadaotsa iwapacaopeni tsolrodaonai caballo nacope ianjiwa lriá cádanacowa inipo macacjai rico yacaalre ricó. Nawanaotsa cjaida lripeyajle nacaite carro coandalrican. ''¡Icatsa panaitjaca lrisho jliaji talricanaati iomanda inaitjaca isho matsia!'' 10 Niini jliaji talricanaati iaco Amán isho: ''Pia pioma kjeeya jliaji tsaaya njite jliaji caballo, njite pinaitjaotsa cayoji picaite capisho lrisho jliaji Mardoqueo judiotairri, jliaji iemalri talricanaati ipananoma icodapi. Corri nooma pimatadaca pada iacoti nanacjoite njaji picaiterri.'' 11 Ikeena Amán ideeca jliaji tsaya njite jliaji caballo. Jliata mardoqueo isho talricanaati itsayani njite lriwapani caballo naco naacadanaco inipo macacjai yacaalre ricó. Njite lriwana cjaida lrinaco, lriaco: ''¡Icatsa panaitjaca lrisho jliaji atsia talricanaati iomanda inaitjaca isho matsia! 12 Jliapodamjite, Mardoqueo idia iemawa talricanaati ipananoma icodapi. Mitsa Amán ikjeyapita idiacawa lriipana lricojle, maatsi lrianjiacacao corri capoa lrimoto lrisho jliaji lricaiterri, njite lriita jliwida matsia. 13 Njite Amán icaite piomi coanca jliyapacao lriino Zeres isho njite nasho tsacja njaji lrikitsiñapeji. Niini njaji atsianai nanjiimpe canjiikje-perri-cana, njite lriino tsacja, naaco lrisho: ''Judionai inacjoite-dalri cadaa jliaji Mardoqueo, jliaji iniitalrina jiamaca pjia, corriotsa pitaitá carroca lricjoete, jlia tsaotsa jiama pjia.'' 14 Caaco cadaana toana, naoca nanaco njaji caconaaperri talricanaati ishoperri, njite nacjeyapita nadeeca Amán talricanaati idershe naacarro naija jliaji injaodati Ester inaitjalri napia roicjaolre.
1 Niini talricanaati iawa Amán iapiya talricanaati Ester iderse nainjá carro jliaji injaodati ronaitjalri nasho. 2 Njite yamadaa nacoena, nairrampe cadaana toa, talricanaati Asuero iaco Amán isho: ''¿Cocao jliaji piomalri pitatjaca noinai, talricanaati Ester? Nocadaotsa pisho jliaji piomalri noinai. ¿Cocao pitatjá noinai? Pitatja cadaa noinai jliaji jipai nowapanda, notaitaotsa nocadaaca pisho pamoyoa lrinacjoite.'' 3 Niini roaco shoaji talricanaati Ester lrisho: ''Matsia cadaa picapaca nosho, pjia talricanaati, njite pioma cadaa, piyomjeta njoa njite njaji nokitsiñape aimadan. 4 Ima nawendeca njoa naapiya nja nokitsiñape naino carro faa pjiomi, nawayakeeta carro matsiape faa. Ima nawende cadaatsantja nashoperri carro faa, nja inaitjepe njite nja atsianai, corritsantja coca nocaiteca, njite corritsantja coadaca noma picapaca, pjia talricanaati.'' 5 Niini jliaji talricanaati Asuero iaco Ester isho, shoaji talricanaati: ''¿Kjaiterrio? ¿kjerreo jliaji atsia icadaacalriwa matsídalri isho lrinaitjá carro pisho maatsi?'' 6 Njite Ester iaco lrisho: ''¡Jliaji atsia maatsidalri, jliaji jipondatacada faa, Amán, icatsa jliaji atsia maatsídalri !'' 7 Niini Amán idia ifietaacawa pekirritsa talricanaati ipeyajle njite talricanaati Easter ipeyajle tsacja. keerroaca pekirritsa jliaji talricanaati, jlinico lriá naoya nairralri niini jaico tjetdaa ianaa naalri nainja nirse, njite lriawa paniapjida lrico-jle talricanaati dapana iyacalreecoa lrico. Mitsa Amán corri lriawa, icaamitsa lriofaaca talricanaati Ester icodapi lritatjá carro roinai caiwiricotsa wadentja nainocani. Ima lrianjii talricanaati iinocaotsani. 8 Njite lridia cádanaco jliewao jliaji talricanaati rofacawa lrico shoaji talricanaati Ester talricanaati dapana lricojle nairralri niini jaico tjeda ianaa. Lricapa Amán jiwa cadanaco ronaco sho Ester iofaacada tsa rofacarroita naco. Niini lriaco jliaji talricanaati: ''¿Lriino caotsa sho talricanaati nocapatsa, noopana lrico? Talricanaati imotoeta cádanacotsa nja iacoti lrinoma lricjoite náno nja lrishoperri njite naita amán iecoa. 9 Njite jliaji Harbona, pada nanacjoite njaji caconaaperri talricanaati ishoperri, lriaco: ''Niini apana jaico ienonni ventitre metro dalri napapi carrona inaiki irroa Amán iipana icodapi. Jlirretanna Mardoqueo ipia, jliaji icaite cadam naacona njaji inaiki iomacapémpia iinoca jliaji talricanaati.'' Njite talricanaati iaco: Washa iá ipápi lrirroa lrinaco.'' 10 Ikeena nadee napápi Amán irroa lrinaco jliaji napápi carrona inaiki irroa lriemetanna Mardoqueo ipiawalre pioa. Njité dalri yaami keerroaca jliaji talricanaati.
1 Jliadaa piatsa jliaji talricanaati Asuero iáa talricanaati Ester isho njaji Amán inaanipem, jliaji judionai jipomda pia. Jliapodamjite Mardoqueo idenjíi talricanaati isho, ima Ester icaite talricanaati isho coandalrican roshon. 2 Njite jliaji talricanaati jipa lricaapirro lricatjinaata shopa nja paperra, lridietandam Amán ioya, lricadaa carroenacjan Mardoqueo ishon, Njite Ester icadaa Mardoqueo carro ianjíi nanaco njaji Amán inaanipem. 3 Niini caaco tseenacja shoaji Ester talricanaati ishó. Showa rooshoawa jiipai nacojle njite roiya rotatjá cádanaco caiwiricotsa lriyaamitá carro Amán Hagagueo tairri iwaopiakjem maatsídalri, ima Amán piaca jliaji iinitalri jliaji iwaopiakjeti maatsidalri nacjoete njaji judionai. 4 Njite jliaji talricanaati lripiajleta lripjeeco owirroapo Ester icjaolre, niini shonico roemawa talricanaati ipeyajle. 5 Njite roaco lrisho: ''Pioma cadaa, pjia talricanaati, matsia cadaatsa picapaca noso, matsia cadaatsa pisho, njite catiima cadaa picapaca nosho, pinaa nadanaca pada iacoti iyaamitacada njaji iacoti Amán idananda, jliaji Hamedata irrí Hagagueo tairri, njaji paperra lridanaji icaitecada nawayakeetá carro njaji judionai pjiomi iofaacape nerricoda njaji yacaalre macacoepe lripapacawa lrico jliaji talricanaati. 6 Ima, corrintja notaita nocapaca coanca nainoca nja nokitsiñape.'' 7 Talricanaati Asuero iaco rosho shoaji talricanaati Ester njite Mardoqueo isho tsacja, judio tairri: Icapa coanca noaca Ester isho njaji Amán iyaaropem, njite oopi napapi lrirroa napapi carrona naco inaiki. lrioma capoa pia lriinoca nja judionai. 8 Idana pada iacoti nasho nja judionai njite picatjinaataotsa talricanaati icaapirro sho nacatjinaata shopa mana. Ima jliaji iacoti nadanandeena talricanaati iipitana nacó njite nacadaa lrinaco lricaapirro itjinaa corrinatsa nataita nayaamitacan.'' 9 Niini jliawajli nawanaca pjiomi njaji idanacape talricanaati isho, madalripi keerri naco pawalria isho leiipitana Siván, ventitre jalredaoca nacó lrinacopitsa keerri. Nadána papoco iacoti icaitecada pjiomi nanaco njaji Mardoqueo inaitjalri nanaco njaji judionai. Nadana nasho njaji talricanaatinai iwapacape nja yacaalre macacoepe, njite nasho tsacja njaji talricanaatinai njite caconaaperri iwapacperri nja yacaalre India ricjoitepe atee Etiopia ricojle, 127 yacaalre. Nadana nja iacoti naaco lricjoite nacoanaa njaji inaiki, njite nadana tsacja nasho njaji judionai naaco lricjoite. 10 Mardoqueo idana talricanaati Asuero iipitana nacó njite lricatjinaatani talricanaati icaapirro sho. Mardoqueo imeenaca nja iacoti nadananda paperra nainai njaji ideecape iacoti caballo naco, kjeeya perri jiecocao, talricanaati iyape catsa, nataoñanda lrienipena jliaji caballo matsiani pja talricanaati iyaarona. 11 Talricanaati icaite nasho njaji judionai iofaacape nerricoda njaji yacaalre nacoanaa, nataita carro nawacaacawa neema carro nacjoete njaji iomacape iinocana: nawayakeeta carro, nainó carro, njite nawayakeetá carro coca catsa owinai iema nacjoete coandalri cadaa nanaikica, o cjaite dalri cadaa yacaalre can, njaji iomacape neenipe, njaji inaitjepe tsacja, naoma capoantja njetaca naoya njaji nayarroaji. 12 Nashotsa nanjiica njaji iacoti pjiomi njaji yacaalre macacoepe lriwapampe jliaji talricanaati Asuero, trece jalredaoca naco pikeetemdalri naco keerri lriipitana Adar, pawalria iwayacacaawao. 13 Pada nanacjoite nja iacoti nadananda nasotsa nacadaaca cayoji iacoti ianjíicada panaco njite nacapacawa pjiomi njaji inaiki. Njaji judionai nashotsa namatsietaacawa jliada jeecoapica nainó carro njaji njepponda. 14 Niini njaji ideecape iacoti njeeco cjeya nanaco njaji caballo talricanaati iyaape, njaji caballo icaamitsa nadenjica talricanaati isho. Corri wiáca nadeeca njaji iacoti. Njaji iacoti talricanaati inacjoite dalri náno tsacja talricanaati dapana lricjoite Susa lricoda. 15 Njite Mardoqueo imoto talricanaati ioya lritsayan talricanaati carroda iapiya jipolrédalri eeno icapacanaa jaalredalri iapiya. Pada corona matsiadalri jliwida naco owirropoco njite pada lritsayan nacoda iirraidalri nanaitjanda lino matsiadalri sho. Njite njaji inaiki Susa lricope nawana cjaida njite catiimana. 16 Njite njaji judionai juiwi nacapaca cayoji camarrai ioca capisho panaco paofáa cádanaco cadaocaapi ricó, catiimana njite matsia nanjiacacao. 17 Njite nacoanaa njaji yacaalre macacoepe njite njaji tsoocuepe tsacja, naocacawa lricojle jliaji iacoti talricanaati njité dalri, catiima nacoadataca niini catiima naapiyawaaca njaji judionai. Nainja, njite nacatimataacawa jliawajli. Aima inaiki corripetsa judionaica nadiawa judionai sho, nafio capoa nacapaca nja judionai.
1 Njite trece jalredaoca naco pikeetendalri keerri naco lriipitana Adar, keerri piketendalri pawalria isho, , tsoomi cádanaco piena jlinaana jliaji iacoti talricanaati idananda, iacoti ianjiicada panaco, nanaitja carroena cayoji naoma caipsho nasho njaji jodionai njaji nacoema, mitsa teecojlenaca lrimotoca nasho ima lridiaca naicjaolre-nacja jliaji maatsidalri. Ima Judionai-nacja iino njaji iomacape pia iinocana. 2 Njaji judionai nawacaacawa nerricoda nja yacaalre icoam naofacaawa lrico lriwaji jliaji talricanaati Asuero, Njepá carro njaji iomacape pia iinocana. Corri piatsa coca itaita iemaca nacjoete, ima pjiomi njaji inaiki aimadan nafioca naiwana pekirritsa. 3 Pjiomi njaji caconaaperri nayacaalre ricope, caconaaperri iwapacape yacaalre macacoepe, njaji iwapacape yacaalre tsocoepe, njite pjiomi njaji caconaaperri ikitsindatacape jliaji talricanaati, nakitsindata njaji judionai nafió capoa Mardoqueo iiwana. 4 Ima talricanaati cjaidádalrica jliaji Mardoqueo talricanaati dapa lrico, njite njemica lrinaco pjiomi njaji yacaalre macacoepe, ima jliaji atsia Mardoqueo itaoñaca talricanaati sho. 5 Naawa njaji judionai nacoema icjoete matseta sho, naino atee nawayakeeta carrona cayoji naoma capisho pia nanaitjaca nasho. 6 Lrirricodatsa jliaji yacaalre taimí dalri Susa, njaji judionai naino njite nawayakeeta kiniento atsianai. 7 Naino niini Parsandata, Dalfón, Aspata, 8 Porata, Adalia, Aridata, 9 Parmasta, Arisai, Aridai, Vaizata 10 njite die Amán ienipem, Hamedata irri, judionai jiponda. Mitsa corri njepa nashowao nayaarromi. 11 Jliadatsa jalredaoca nacaite talricanaati ishó, coshoapaca njaji inaiki nainolri lrirricodatsa jliaji yacaalre taimí dalri Susa. 12 Niini jliaji talricanaati iaco talricanaati Ester isho: ''Njaji judionai naino kiniento atsianai atsaji yacaalre Susa ricó, njite naino tsacja nainai Amán ienipem, die namaimaca. ¿Coshoapa-pa naino nerricoda nja paana yacaalre macoepe talricanaati iyaape? Njite panaya, ¿Coca pitatja noinai? Nocadaotsa pisho cocatsa pitatjalri noinai. ¿Coca pja pitatja noinai? Nonaitjaotsa pisho njaji pitatjalri noinai.'' 13 Ester iaco lrisho: ''Talricanaati ioma cadaa, picadaa njaji judionai iofaacape Susa ricó nanaitja carro tjeewena jliaji nanaitjalri oopica cayoji lricaite capisho jliaji iacoti talricanaati inacjoite dalri, njite nadee carro nadakim njaji Amán ienipen napapí carro nerroa lrinaco jliaji jaico nerroeta carrona inaiki irroa.'' 14 Njite jliaji talricanaati inaa nadanaca cayó. Niini njaji iacoti nadananda nanaitjani Susa lrico, njite napápi nerroa nadakim njaji Amán ienipem, njaji diede. 15 Njite njaji judionai Susa lricope nawacaacawa catorce jalredaoca naco Adarpi naco, njite naino tsenacja treciento atsianai Susa lrico, mitsa corrim njepaca nashowao njaji nayaarropem. 16 Njite nja paana judionai iofaacape nerricoda nja paana yacaalre macacoepe talricanaati Asuero iyaape nawacaacawa tsacja neema carro nacjoete nja njeponda. Cayotsa nainoca naoyao njaji njepondape. Naino setanta cinco mil inaiki maatsiperri icapaca nasho, mitsa corrim njepaca nashowao nainoji iyarroaji cacoada perri. 17 Cayo pia nanaitjaca trece jalredaoca naco Adarpi naco. Catorce jalredaoca naco nawafeetao, nainja jliadaa catiima capoana. 18 Mitsa njaji judionai Susa lricope nawacaacawa trece jalredaoca naco, njite catorce jalredaoca naco tsacja. Ima kince jalredaoca naco nawafeetao njite nainja catiima capoana. 19 Cayoshopa njaji judionai iofaacape yacalreewape rico, njaji inaitjacape naapanao yacaalre inomapiana lrico, nacadaa jliaji jalredaoca kince Adarpi naco nawaada carroa nacatimataaca carroa, nainjá carro tsacja njite naa carro nashowaca regalo nacaiteshopa nashocatsa nacjaidataacawa. 20 Mardoque idana pjiomi njaji nanaitjalri njite lrimeenaca paperra nasho njaji judionai iofaacape yacaalre macacoepe rico talricanaati Asuero iyaape, nasho njaji iofaacape tsoomi njite nasho tsacja njaji iofaacapeo teeco, 21 lricaite nasho nashocatsa nawaadaca njaji jalredaoca catorce njite kince tsacja Adarpi naco oonia icoam. 22 Icapiatsa njaji jalredaoca napeeco caojli pia naoyao njepondape njaji judionai. Catiima carro nacaolre nawaada cádanaco coan piaca iinonaacana njite nacatinataaca carroa nawaada cádanaco coan piacatja nainocana. Nashotsa nawacaacawa nainjá carro nacatimataaca carro, njite nameenacá carro regalo nashowaaca nacjaidataacá carroa njite nameenaca regalo nasho njaji kjenaaperri. 23 Niini njaji judionai nanaitja minitsa jliaji nacatimataaca carroa, corri namaodaca lrioya. Nanaitja cayoji Mardoqueo idana capisho nasho nanaitjá carro. 24 Jliawajli pia, Amán, jliaji Hamedata irri, judionai jiponda, lriwaopia maatsi nacjoete nja judionai, lrioma pia lriwayakeetaca pjiomina. Lripeeco nanaco jliaji nawiaca sjopa lriipitana Pur (Natopitanda oopi nawiaca shopao) lriinó carrona matsiape. 25 Mitsa talricanaati iáa cádanaco ianjíi lrinaco, lricaite nasho paperra lrico lricaitecawa nasho lrinaco jliaji iwaopiakjeti maatsídalri Amán inacjoite dalri nacjoete njaji judionai lrishocatsa lridiaca Amán icjaolretsa, njite njaji lrienipe nashotsa napápica nérroa jaico nacó napápi carrona inaiki irroa. 26 Caishopa nacadaa neepitana njaji jalredaoca Purim, Pur icjaote. Naicjaote njaji nadalri pjiomi paperra lrico, nacapa capoa tsacja pjiomi coanca nanaitjaca nasho, 27 njaji judionai njeepa jliaji walridalri nanaikicao nanaitjá carro. Nashotsa nanaitjaca cayó, njite njaji njapodamperri, njite njaji iofaacape nainai napecolrico. Nashotsa nawaadacani oonia icoam. Cayo mitsa nanaitjaca pacoacatsa oonia icoam. 28 Nashotsa nawaadacani panaya nacapá carro naicawa njaji walricoma, panti icoam, jiipai icoam, yacaalre icoam tsacja. Njaji judionai panayaperri njite njaji nanacjoité perri njaapodamperri nashotsa nanaitja cayoji nacapa capisho nerricoda njaji jalredaoca Purim, wadeotsa maanalrecana lrioya. 29 Shoaji talricanaati Ester, Abihail iito njite jliaji judio tairri Mardoqueo, nadana paperra yamapia shopa, njaa capoa talricanaati nanjíi carro ajádalrica lrinaco jliaji Purim. 30 Nameenaca nja paperra pjiomi judionai isho iofaacape ciento ventisiete yacaalre macacoepe rico talricanaati Asuero iyaape, nanjíi carro njaji judionai ajádalrican wadentja cocaca inaitja nasho maatsi. 31 Njaji paperra nacaite ajádalrican nanaco njaji jalredaoca Purim naco jloinaana ioca cádanaco, cayotsa Mardoqueo judio tairri njite shoaji talricanaati Ester inaa capisho nanaitjaca. Niini njaji judionai nacoadata jliaji iacoti nashowao njite nasho njaji njapodamperri, nacoadata tsacja nashowao jliadaa jeecoapica mainjaca cádanacona njite njeemataca cádanaco tsacja. 32 Jliaji Ester inaacalre icaite ajádalrica cocaca jliaji nanaitjalri Purim cádanaco, njite nadana pjiomi paperra macadalri ricó.
1 Njite jliaji talricanaati Asuero icadaa nacaoña carro impuesto lrisho njaji inaiki iofaacapewa jlipaite ricónjite njaji iofaacapewa ooni macapawan inomapi naco. 2 Pjiomi njaji lrinaitjalri jliida sho cjaidadalri capoani, njite lriniweeta tsacja njaji Mardoqueo inaitjalri cjaidadalri capoa tsacjan, jliaji talricanaati icadanda caaconaite carroni lriinai, nadana nerroa Paperra macadalri rico nadana cawa nanacoapana njaji talricanaatinai Media njite Persia lricope pia italricanaata. 3 Jliaji Mardoqueo, judio tairri, icapiatsa jliaji talricanaati Asuero inacojledacan. Icapiatsa naapiyawalrecan njaji judionai, caconaadalri nasho pjiomi naapiya njaji lrikitsiñape judionai. Lrioma pia naofáa carro matsia njaji lrikitsiñape, njite namaodacá carrotsa naofaacawa pjiomi.
1 ¡Catimadalrica jliaji atsia corridalritsa inaitja cayoji nacaite capisho lrirso lrinaitjácarro njaji inaiki matsiperri, lriaji cantja nainai njaji camatsicanaperri, o lriofacawa nacodapi njaji icacaperri apjetsida nacó. 2 Icamitsa lricatimatacawa Dio iaco naco, deepi rico njite jalrewerrico tsakja! 3 Njite kjaidacani cayoji jaico napananda ooni iarrocawa icodapi, cainaca cani jlinana lrico, njiyte corrin meetaca nja lripje niini corrin njewacawa; njite matsiaca lrirso pjiomi njaji lridejirri. 4 Mitsa, corritsa cayoca njaji inaiki matsiperri, ima cayocanaji panapje merriperrimi sho caojli ipjiaji ipeco teeco. 5 Niini njaji matsiperrimi, caiperrinatsa camatsicanaperricana, njite njaji camatsicanaperri corri watsa nataita naofacawa nacodapi njaji matsiaperri. 6 Jliaji IMINALRITI lriaji lrideeca matsiakjai lrico inipo njaji matsiaperritsa, mitsa njaji mátsiperri icamitsaotsa njenacawa inipo ioya manalrecarrona.
1 ¿Coada nema Nokjoete njaji jalredaoca lricoperri? ¿Coada nanaitja nawaopiakjewa mikjapandalritsa njaji jalredaoca lricoperri? 2 Njaji talricanatinai njite njaji lrirsoperri caconaperri iwapacape jlipaite nawacacawa neemácarro IMINALRITI ikjoete njite lrikjoete jliaji talricanati lriniwananda. 3 Ima naaco cayoji: ''Warsa wawatacaacawa lrioya jliaji ipapirri fa, wadee jlia catoa ianjí wanaco. 4 Mitsa jliaji iofacadawa eenolricojle lricaa naicao; Lricaaca naocao jliaji IMINALRITI. 5 Njite lrirroa lrico caacocani narso, njite lrirroa lrico Lriaco narso cayoji: 6 Nokepitanataca norsowao jliaji talricanaati Sión lrico, jliaji jiipana njoenitanda Norsowao.'' 7 Njite jliaji talricanati noniwananda lricaiteca cayoji: Icadaa nocanantaca sha iajícarro coamishopaca njaji IMINALRITI iaco. Ima lriaco norso cayoji: ''Icatsa nirrica pjia. Icatsa panaya nocadaca pjinirri-carro Njoa. 8 Icamkitsa pitatjaca noinaini, njite nocadaotsa pirso pjiomi njaji yacaalre jalredaoca lricoperri. Piyadacaotsa pjiomi jliaji jalredaoca. 9 Icatsaotsa pjia iñalricaotsani pipjeco tsipalraita sho njite bolromicaotsani cayoji bolrom capisho tsipada torrope shodalri nanaitjaca. 10 Niini nocaiteca sha talricanantinai jalredaoca lricoperri, njite sha iwapacape iyacalre, icafiawa njite jimi njaji yácoti nocaiterri irso. 11 Ia matsiadalri ajádalri sho IMINALRITI irso njite icatimataacawa ifio capoa lriiwana. 12 Sha lrienipe, icañjata lricapa corricaotsa imacani wadeotsa kerroacani ikjoete. Ima corri cadaotsa shepani, icamitsaotsa iñacawa. Ipadameta iwaopiakje kjeya niniwatsa corriotsa ikerroatá carroca ikjaolrewani. Catimaperrica pjiomi njaji iomacaperri nadanawa Dio iinaitsa.
1 NOMINALRI, ! cadalrida njaji nocoema! Aima njaji iemacape nokjoete 2 Aima njaji icaiteapace nonaco: " corrinDio ikichindatacani" 3 Mitsa pia NOMINALRI, icatsa idanatacada pia nowaid, nomatsiaca, lriaji jirretacada njowida. 4 Nonomasho noaca mashiadalri " WAMINALRI " irso; njite lrimi narso jiipana lrienitanda nacoita 5 Njite norsoacawa, njite nomaaca; nocfiawa ; WAMINALRITSA iwapaca noa 6 Corriwatsa nofiocawa iamadani inaiki iwana njaji inaitacacapeo nocomawa nocodapiperri 7 jpinicowaa , pikichindata noa , WAMINALARI pia noDiote !ima piñaacaotra piomi njaji nocoema nacacoda naca ; pibikjiwatsa neesha njaji masjiperri 8 Lriaji yomecalri WAMINALRI nitedaalrican piyacalre naco aimawatsa matsiaperri
1 Pjiepaotsa njoa nowana cádanaco pjia, pjia no-Diote inaitjacada norso matsia; picadaotsa miamajicawa cadana cádanaco njoa. Kjená watsa picapaca njoa njite pjimiotsa norso notatja cádanacoatsa piinai. 2 Sha inaiki aimadan, ¿coancaojliotsa imacadawalretacaotsa jliaji Nomatsiaca? ¿Coshoapaotsa jalredaoca ipeyocawaotsa njaji macoadaperritsa iácarrotsa ishati shapodam? 3 Mitsa irsotsa yanjí, jliaji IMINALRITI jlienita lrirsowawa jliaji kjenadalritsa icapaca apjetsida irso. Jliaji IMINALRITI jimiotsa nowana cádanaconi. 4 Itetjewa ifiocapoa, ¡Mitsa manaitjatsa imatsicanawa! Iwaopia lrinaco icaolre rikjoite, njite iorsoa cádanaco iorsoacarroita naco macotsa. 5 Icadaa icaolre Dio naco, njite jirrapiteta idada inaitja capoa matsia. 6 Aima inaiki icaiteca cayoji: ''Cocantja itaita icañjata wacapa matsiadalri?'' Mitsa fa wacaiteca cayoji: ''Wa-Minalri, matsia picapaca warso.'' 7 Ima picadaca catimadalri pjaaca njoa naoya njaji apjetsida noniwa cádanaco nopania matsiaperri. 8 Imaodacakjeti lricoatsa norsoawa nomácarroena, ima Pjia no-Minalri picadaa nofawa matsia.
1 Pjima nowanaca priso WAMINALRI ;piwaoplia njaji moyalri inaco. 2 Pijimi nowanacadanaco NOMINALRI pia NODIOTE, ia pinaica hotatja . 3 WAMINALRI, piyompinaco pjimaca noaco piyompinaco nodcwatsa notataope pinai njite nowapacatsaotsana 4 Ajadalri corricatsa paca lriaji dios iipeyocada namashicana ; njaji inaiki mashiperri corriwatsa naofacao pinai . 5 Lriaji padalredalri corriwatsa lriemacawa piepyalr maashi picapaca piomi njaji inaicape imashicanawa. 6 Piwayaketaotsas njaji cashaperri; lriaji WAMINALRI maashi lricapaca njaji inocape inaiki njite icshtcaptsasca 7 Mitsa noa lricaote lriaji matria dalri pipeyoshopa noewaotsa pipanalrico; nocaanawatsawa pjienitanda templo iderse. 8 pjia WAMINARI picananta noa cayoji piomacapisho, namaotsa njaji nocoema; pimayacanta pinipote nopeyalre 9 Corrin pacapa masadalri nanomalrico; mashidalrica narso nacaolrirerico; pametacapisho mayandlrin shoca lriwdalrico; cacocana micapandalritsa nenesho 10 picastigani pia NoDiote, lrima lriaji nanaitadatsa , pipecoria jorrecapoena lrimashicana; nemacapoa picoete 11 12 Im pjia NOMINAIRI, pinaitaotsa mashia lriso lriaji inaitacada matsidalri, NOMANALRI pidanataotsani lrisho lriaji padanatca shoda
1 No-Minalri, meñatsa njoa irroati lrico, mjerrapitetatsa njoa pirroá lrico. 2 Kjena piocapaca norso, No-Minalri, caifiaca njoa. Pimatsieta njoa no-Minalri, mjaidakena njoa njite caiwica pjiomi nodada lrico. 3 Matsina tsakja noaji nocaolre ricó. Mitsa pjia no-Minalri, ¿Coacaojlinaotsa pimatsieta njoa pinaiwa? 4 No-Minalri, nooma padenakja piwaopioakje nokjoete, piyomjetena njoa. Pi-manacota nocafica corri capoa pitecojletaca nooya pipeyocawa njoa, 5 ima njaji mayamperrimi corritsa nawada carroketsa pjia. ¿Cocaotsa iá pirso matsiadalri naofacawa lrico njaji mayamperrimi? 6 Depjite nocajacawa njite noya tsakja niini potsiaca jliaji norsoacawa notjiafia sho. 7 Mapjina naiyaca njaji notji naikjaote njaji nonaitjalri njite naikjaote njaji nocoema. 8 ¡Shena nooya, sha matsiperrimi! Ima no-Minalri jimica coajica noyaca. 9 Opina jlimi norso jliaji IMINALRITI njaji notatjalri lriinai caiwi ricotsa; Opina Lricoadata njaji Notatjanda lriinai. 10 Kjená shocaotsa najiacacawa njaji nocoema njite natetjecaotsa ifiokjeti sho. Icamitsaotsa njenacawa njite kjenaperri shocaotsa najiacacawa.
1 Pjia IMINALRITI no-Diote, icatsa pinacojle nodawacawa. Pimanacota njoa naoya pjiomi njaji ipinetacape njoa. ¡Piyomjeta njoa! 2 Piyomjeta njoa naoya wade njepaca njoa cayoji yawi jipa capisho lriwini njite corrinatsantja coca iyomjte njoa naoya. 3 Pjia IMINALRITI no-Diote, nocaite pjia iacoti ajádalri sho corrica nonaitja pada matsidalri, corrin norsoca matsicalri nanaco njaji mayamperrimi. 4 Jliaji nokitsindaji matsi lrinaitjaca norso njite corrin nomaca nocoadawa lriinai. Nomaodaca lrioya jliaji iajicada pia ipineta njoa. 5 Mitsa noma pia cada nocoadawa naoya njaji nocoema panayantja napjoaca njoanjite cacocantjana maatsi nonaco panaya. Selah 6 ¡Pjinicoa pirroa lrico, Pjia IMINALRITI! Picañjata pirroa, ima kerroaca pekirritsa njaji nocoema. Picada pimatsiaca nonacojle. 7 Niniotsa pada picadacawaotsa njerrapitaca njaji inaiki jalredaoca lricoperri; Nawacaaca caotsawa piwaida naco. Niini panaya pitalricanata tsenakja nanacojle padenirri. 8 Pjia IMINALRITI, picaite naacona njaji jalredaoca lricoperri, ima corritsa coca nomatsicana, cotsa coca jliaji nonaitjalri maatsi, Pjia yenorsedalri pja pjiomi ioya. 9 ajena picadaa nanaitjaca maatsi njaji inaiki matsiperri, pikitsindata jliaji matsiadalri pirso. Ima matsiadalrica pjia njite lrioma lricapa matsia wawaopiakje lrico pjiomi cocaca njaji wawaopialri. 10 Dio iwapaca njoa ima Lriwapaca njaji matsiaperri icaolre ricó. 11 Icaitecadaca ajádalri sho njaji imatsicanati, caidalritsa lricaiteca naacona njaji matsiperri. 12 Corri cadaotsa lripadameta lriwaopiakje lrimatsicana ioya jliaji inaitjaca lrimatsicanawa, Dio imatsietacaotsa lrinoaca shopa lrikjoete. 13 Dio iwapaketsa lrinoaca shopa lrinícarro jliaji inaiki matsidalri; kerraperrica tiyé sho njaji lriyawitjioco. 14 Picapa coajica lrinaitjaca jidati jliaji inaiki matsidalri lrinaitjácarro imatsicanati, lrinaitja lrimatsicanawa njite catjina lrirso lrishaa. 15 Njawacatsa idia jiwawa naowepi rico njaji njaji inaitjacapeni pada ipiawalre tja. 16 Pjiomi njaji matsirri nawaopialri nanaitjaca apjetsida ikjoete nadia watsa nanacojle tsenakja. 17 Noa matsiadalri Dio irso ima matsiadalricani. Nocantacaotsa salmo nocaitécarro matsiadalri IMINALRITI ípitana naco, jliaji Yenonshedalri pja pjiomi ioya.
1 Pjia waminali, waDiote, macalipja piomi iuya lriaji pjipitana piomi jimatsiaca yenonlre eenolricolre. 2 Nanamalricoite, njaji iempletipe naatsaca njaji iempetiapapje pjia oopi pjinaita itjimatinaikjaote njaji pjicoma, jimakjpotaca nja njaji iomacaspe nacaodao njite lriaji pjicoema. 3 jnocapadanaco naji pjicoema eeno yecoetje, njaji picapifisho pjinaitjaji, lriaji keeri jnite njaji jiwirida, njaji pjimatsietjaji njaaropocolrico 4 coadamtja kjacoada naoyawaca njaji inaiki pitaitja caaro pjidana canja njite neepjaka njjaji inaiki pjiwapacaro pjimji nasro? 5 Mitsa, pjia inaitjanja oopi tsdalipecaronja naoya njaji iofacape eenolricolre jnite oope pjicada njacanacare njite naocaro namatsiaca 6 pjia icada nawapaca nanao njaji pinaitanji picasho; pjia icada piomi njaji pjiyaro njapjite njaji pjiipja 7 piomi njaji oveja njite njaji bueye naatsaca njaji mawicalri nataoñanji 8 njaji wipjiaro eenocapjitepe njite njaji copje oni macapawanlricope piomi njaji jiyapacape lritjaracawelrico njaji oni macapawan 9 ! pjia waminali WADIOTE, macadalripjaca lriaji pjipitana piomi anji jipainaco !
1 Njoaca pjisro maatsiadali pjía waminali piomi nocaolrelricoite, njoa nocaitepewatsa nanaco piomi njaji maatsiaperi pjinaitjánji . 2 Catimacaotsa jnoa njite nojoiwitacaotsa pinacolre; ¡nocantawatsa maatsiaperi canción pjipitanja naco, pjia yeenonjitjedali! 3 Nafiocadana cowatsa njaji pjicoema, njaawatsa natoda naipa fidasho njite naawayacotsa pipjeyalre. 4 Ninipjia oopi pjidanatja njoaconja maashadali; ¡Pjia pjifao pjifacarodalrico pjicaite naaconja, icaitjecada naaconjá ajadalri 5 Pjía icaitecada iacoti kjaidadali njasro njaji ináikipje; pjia iwayacadá njaji maatsiperi; pjia iatjacada naipitana pjiketem jnite kjaidalriwatsa. 6 Lriaji pjicoema bikji biki dawatsani cainji lriwacapisho lriaji panti pipecocadanaco njaji lridanam lriaji yacalre. Piomi njaji nawopjáke opidalim lriwayacaotsa. 7 Mitsa lriaji waminali lrifaka kjaidalritsa, lria lrinaitja lrifacaraoitja lricaitecaro naaconja ajadali. 8 Lria lricaitewatsa naaconjá njaji iñaiki iacoti ajadali, jnite lria lricaitewatsa naaconja ajadali piomi njaji inaikipe mayacandalisho. 9 Lriaji waminali lriawatsa lridanam lrisro lrraji inaiki inoonjadali, pada lridanan lriyapacadanaco maatsi. 10 Njaji ianjicoipe pjipitana njacadá njacaolre pjinaco, nini pjia, waminali, corin pjimaka njaji iomacape pjia. 11 Icanta matsiadali lriso iraji waminali, lriaji italri canatalri Siónlrico; icaite njasro njaji inaiki njaji lrinaitjaji. 12 Iriatsa lraji Dios iomacaita nacoadao njaji naapeconji irenja corin lrimaodaka nauya njaji inonapje. 13 Kjénja pjcapaca nosro, pjia waminli, pjicapentsa coamka njorapittaca naamjá njaji icapjacape maatsi nosro, pjia iitaitja jinicoetjaca lripananoma lriaji maayancalri. 14 Oh, nini jnoa notaitja nocaitepeca piomi lriaji pjimatsiaka. ¡lripanonomalrico lriaji Sión lenipe jnojoiwitacawatsa lrikjaotje lriaji lriaji yomjecalri. 15 Njaji inaikipe oopi njapoa lriricoda lriaji neecanda ooni lriaji nanaitjanda naawacatsa; njaji pjiipa oopi naapjapiacao lriricoda lriaji natodalre nadawanda iofao. 16 Liaji waminali lrianita caishonji lrianjicapisho; lria lrirapitetja ajadalisho; lriaji maatsittjé lriwacaotsa naamjá njaji lrinaitjaji 17 Njaji maatsipetsa nadietjawutsanjá njite namenacawatsanjá infiernolricolre, icatsa naalrineelre piomi njaji inaiki imaodacapje Dios ioyo. 18 Nini njaji canakjaipe isro coriwatsa pjimaodaka naoya, naatsaca njaji kjenaperi icacapa naasro njaji iinonjaperi coriwatsa coamkadanaco pjiimjepatjana kjaidalritsa. 19 Pjinicoa, pjia waminali, mjácadatsa lriaji aatsia lriapjaka pjipjeyalre; nini njaji eepadan inaiki pjiawatsa icaite naaconja pjicapawlrico. 20 Pjicada naaficao, waminali, nini njaji eepadam inaiki naanjicaro jnaatsa jnaa piómi inaikipe.
1 IMINALRITI, ¿Coada teeco pjia nooya? ¿Coada corrin pitsomitaca njoa njorrapita cádanaco? 2 Njaji inaiki matsiperritsa napineta njaji inaiki matsiaperri nanaikica matsidalri sho njite nacada njewacawa namatsicana lrico. 3 Matsia sho nanjiacacawa njaji inaiki matsiperri, njite njaji iomacape narsowao aima palrata nametana naoyao Dio. 4 Nacaite njaji matsiperri corrica pacapa Dio. Matatjatsa lriinai cocatsa, ima pakjamicana najikjeshowacatsa jliaji icadalri padalrecana. Corrin coadaca lrirso Dio, niini corrica coadaca lrirson. 5 Lriwada matsiaca lriofacawa caidalritsa, mitsa njaji Piaco matsiaperri inacoapanaperri corrin lritaita lrinaitjacana; lrimenataca lrioyao pjiomi njaji lricoema. 6 Lriaco lricaolre ricó: ''Corriotsa coancaojli watsa nomatada; corriotsa coancaojlica noketaotsa njaji yemacapeotsa nokjoete caidalritsa.'' 7 Pakjamica lrinoma yacoti matsiperri sho njite ishati sho tsakja, lricashata apjetsida jlitácarro lrioya lriyarro; njite lrimatsicaca njaji apjetsida lrienene shó. 8 Lria lrioma lriwapana dawacalri ricotsa tsomi nayacalre ioya; njite lrinoca njaji mamatsicanaperri dawacalri ricotsa; lriaji lricapa lrinócarro njaji inaiki merroaperritsa. 9 Lriajica lrioma lrinaitjácarro matsi dawacalri ricotsa cayoji yawi yanjí capishoa awacada lrico; lridawacawa lriwapácarro jlipa lriwini jliaji mjaidadalrinatsa. Jlipa lriwiniwa mjaidadalrinatsa lritodalre shó. 10 Lrino matsia lriwini; ima lrinaitjaca matsia lritodalre napia. 11 lriaco lricaolre ricó: ''Opina DIo imaodaca lrioya; lrita catsaotsa lriecoa; corrinatsaotsa coadaca lrirso lricapa cádanaconi.'' 12 ¡Pjinicoa IMINALRITI! ¡Pjirreta picaapi, no-Diote matsiadalri! Mamaodacatsa lrioya jliaji njerrapitanda. 13 ¿Coada jliaji atsia matsidalritsa lripeco lrioyao Dio njite lriaco lricaolre ricó: ''Corriotsa Pitatjá carroca noinai nodejicalre icoada?'' 14 Picapjenina coajica, ima caidalritsa Picapaca lrirso jliaji jirrapitetacada apjetsida atee lricada kjenacarroni lrimatsicana lrico. Njaji marso caperritsa idanacaopena nacada nacaolre Pinaco nawacatsa; Pimanacotaca njaji mjanirriperritsa. 15 Piwayaketa jlida jliaji atsia matsidalritsa iwaopiacada matsiperri nacotsa. Picada lricaoñaca lrimatsicana icoada, njaji lriwadalri lridawaca pioya. 16 Talricanati catsa Pjia IMINALRITI caidalritsa njite corriotsa caoncaojlica yami Pjia lrioya; corriotsa pacapácarroaotsa njaji yacaalre macacoepe jalredaoca lrico. 17 IMINALRITI, Pjimica coajica njerrapitaca njaji nerrapitetaji; Pjikjaidataca nacaolre, Pjimica jliaji natatjanda piinai; 18 Pidanata jliaji mjanirridalritsa njite jliaji njerrapitetaji wade ape atsia jirrapitetacani tsenakja matsicalri ricó.
1 Iwana kjaida Dio ikjaolre catima capoa sha, padenirri jalredaoca lricoperri. 2 Ideji itimati lrico wa-Minalri irso; itsomitani canción catimadalri iapiya. 3 Irsotsa yajica icacatsa iDioteca jliaji wa-Minalri Dio; Jliaca inaitja fa, niini Lriyapeca fa. Lrinaikite aimadanca fa, lri-ovejanca fa iofacapewa lriwapa carroapji lrico. 4 Cacoatsa sha matsia lrinaco shewa cádanaco Lripananoma lrico njite icanta Lrirso shewa cádanco Lriipnana iyacalrecoa lrico njite icaite matsia lriipitana matsiadalri ikjaote. 5 Ajádalri matsiadalrica jliaji waMinalri; njite corrin lriwayacá carroca Lriacoam lrinaitjanda waapiya, njite corrin coancaojlica yami ajádalricani narso pjiomi njaji walricomanai.
1 Nocantacaotsa nanaco njaji Lricaiterri lrinaitjaca norso njite Lrimatsiaca naco tsakja; noacaotsa matsiadalri Pirso no-Minalri. 2 Nofa watsa matsia cayoji Pioma capisho ¿Coancaojli watsa Pino noikjaolre? Nowapaotsa matsia noopaneta wadee namatadaca Pirso. 3 Corriotsa nocadá carroca apada inaitjaca matsi nocapa cayoyatsa; corrin noma tso pada imatsicanati; corri watsa nocadaa apada inaitjaca matsi. 4 Njaji inaiki matsiperritsa namaca caotsa njoa; corrin matsia nocapaca njaji imatsicanati. 5 Nowayaketa dekjaotsa jliaji inaitjacada ishati lrikitsinda ikjoete. Corriotsa notarrawatá carroca apada padalredalrim ikjoete njite jliaji yajiacacadawa matsia pjacani apjetsida ioya. 6 Nocapa dekjaotsa lrirso jliaji ipeyocada Njoa jalredaoca lrico toa njite Nocadaotsa lriofácarro Nocodapi. Njaji inaithacape cayoji Nooma capisho ajádalri, nataita nadejica Norso. 7 Corriotsa naofá carroca wia noopana lrico njaji icashata capetsa; corriotsa matsia carroca Nocapaca njaji cashaperrimi. 8 Piyompinaco icoam watsa nowayaketaotsa pjiomi njaji inaitjacape maatsi jalredaoca lrico; Nopecocaotsa wa-Minalri iyacalre ioya pjiomi njaji inaitjacape matsi.
1 Pjimi norso notatja cádanaco Piinai, no-Minalri; Pjimi coajica noiyaca pirso. 2 Madawatsa piecoa noya coancadanaco njorrapitaca matsidalri ikjaote. Pjimiotsa norso nowana cádanaco pjia, kjeyaotsa pjiepaca njoa. 3 Ima kjeyadalritsa jiyapacawa jlkiaji nocafica, njite noaji nodada cayoji lrimacapishoa tiyé sho. 4 Aima njotaca nocaolre, njite cayoca njoaji merri capisho malritsi. Corrinatsa noma noiñjaca. 5 Mepenatsa njoa corri capoa yami noiyaca icaiyati ikjaote. 6 Cayoetsa njoa popolri sho iofacadawa jalrapocolri ricó, awado sho iofacadawa pantiarrom lrico. 7 Nocoa cádanaco no-amaki ricó, corrin notaita nomaaca, cayoca njoaji wipjiarro sho yajicadawa padatsa panti naco. 8 Jalredaoca icoan nacoitaca njoa njaji nocoema; njaji icacape noicao nacaite noipitana nacaitécarro yacoti matsiperri. 9 Noñjaca palripokjoa iñjaodati capisho njite noirraca lrinaco notjiafia tsa. 10 Pírroa matsinadalri ikjaote, pjirreta njoa yenonrse picadácarro nowawa njiteo. 11 Iyadaoca shotsa nocafica, jliaji kjeyadalritsa iwayacacao, njite opina merri njoa cayoji merri capisho malritsi. 12 Mitsa pji, no-Minalri, corrin coancaojli mayami Pjia, njite cacona catsa pjia caidalriwetsa narso njaji walricomanai. 13 Pjinicoatsawa njite kjenaotsa picapa Sión irso. Icatsa jlinanaca panaya kjenacawa picapaca Sión naco; icatsa lriocakenawa jlinana panaya. 14 Njaji pirsoperri njepaca nacapi ricó njaji jiipada matsiaperri lrinacoperri njite kjená nacapaca coajica namatsiketacani. 15 Njaji inaiki jalredaoca lricoperri nafio watsa Piipitana ikjoete, noMinalri, njite pjiomi njaji talricanatinai jalredaoca lricoperri nawatsa matsiadalri Pimatsiaca melremelredalri irso. 16 Wa-Minalri jirreta tsenakjaotsa Sión njite nacada tsenakjaotsa nacapa coandalricani. 17 Jliawajli watsa, Jliepaotsa lritatjanda naco jliaji kjenadalri; corriotsa lrimenatá carroca lritatjanda lriinai. 18 Wadana lrinaco najícarroatsa coaji piaca njaji walricomanai, njite njaji inaiki corri petoa imoto icapa jalredaoca, nacaotsa matsiadalri Dio irso. 19 Ima Lricapjenina matsiacawa lrikjoite, enolrikjoite waMinalri icapa jalredaoca nacojle, 20 jlimícarro coaji nacajacawa njaji napresotaji, lriyomjetácarro njaji nacaiteji inaco mayamícarrona. 21 Niniotsa nacaiteotsa Dio iipitana Sión lrico njite nacataotsa lrinaco jerosalén lrico 22 nawacaaca cádanacoatsa njaji inaiki aimadan njite njaji talricanatinai nadejícarro wa-Minalri irso. 23 Jlita njoida njonana ipjeya toa. Lrimedataca nooya jalredaoca. 24 Njite noaco cayoji: ''Pjia no-Diote, madetsa njoa njonana ipjeya toa; Pjia catsa nainai pjiomi njaji walricomanai nja cádanaco jimao. 25 5Miyaca lrikjoite Picada jiipai iofacawa lriofa carroda nacotsa; njite njaji enocoma, icatsa pinaitjajica picaapi sho. 26 Mitsa nawayacacaotsawa, mitsa Pjia corriotsa Piwayaca carrocawa; ima naacaotsa pekipenaina cayoji yamacati sho, njite pipeco caotsana cayoji papeco capisho yamacati opiperrina, icamitsaotsa nawayacacawa. 27 Mitsa Pjia, Pjia catsaotsa; corriotsa coancaojli piwayacacawa. 28 Corriotsa mayami carroca njaji Pirsoperri yenipe, njite nanakjoiteperri naofa caotsawa Picodapi.''
1 Pjiomi nocafica sho, nocaolre rikjoit noa matsiadalri wa-Minalri irso, noa matsiadalri Lripitana matsiadalri irso. 2 Noa matsiadalri wa-Minalri irso pjiomi nocafica sho, njite nowadaca pjiomi njaji Lrinaitjaji matsiaperri. 3 Jliyapeta waoya pjiomi wamatsicana; Lrimatsieta fa pjiomi warrena ioya. 4 Lriyomjeta fa mayamicalri ioya; Lrinaitja matsiacalri warso cayoji lricaite capisho Lrinaitjaca warso kjena capoa lricapaca warso. 5 Lricada aima matsiaperri canacaiperri warso cafi cádanacotoa fa, corrin lricadaa pekirrica pjia kjeya njite lricadaa kjaidaperrica fa cayoji perri irsocada jlida walridalri tsenakja. 6 Matsiaperri minitsa Lrinaitjaca jliaji wa-Minalri njite Lrinaitja tsakja matsia narso njaji njerrapiteteaji. 7 Lricadaa Moise iají coajica lrioma panaitjaca Lrirso, njite lricada nají nanaco njaji lrinaitjalri, najícarro njaji Iraelnai inakjoiteperri. 8 Kjenadalrica icapaca pja jliaji wa-Minalri njite corrin Lrinaitjaca maatsi parso; Iwapacadaca wia; corrin Lrimacoadtaca lriacoam lrinaitjanda waapiya. 9 Corrin jlirrapitetacantja pja caidalritsa; corrin Lriocawa kerroa caidalritsa. 10 Coajidalri cadaa wamatsicana cayotsa Lrinaitjaca warso, coshodalri cadaa wamatsicana cayotsa jlirrapitetaca fa. 11 Icapa coshodalrica lritecoca jliaji eeno jiipai ioya, icatsa lrimacadalrica jliaji ipeyokjeti Dio irsolri nanacojle njaji inaitjacape cayoji lrioma capisho. 12 Cayoji natecoca capisho naoyawaca jliaji jérri imotolri njitewa njite jérri shewalri nirsewa, corridalritsa wají natecoca naoyawaca icatsa cayo natecoca Dio ipeco waoya wamatsicana. 13 Cayoji kjena capisho apada jinirriti icapa lrienipe irso, cayo tsakja kjena Dio icapaca narso njaji inaitjacape cayoji Lrioma capisho. 14 Ima lriajintsa coaji piaca Lrinaitjaca fa; Lriajintsa jiipai catsa fa. 15 Njaji malritsi kjeyaperritsa iofacawa jalredaoca lrico, icatsa cayo naofacawa jalredaoca lrico njaji atsianai; lritaoñawa cayotsaji malritsi iiwi itaoña capisho. 16 Caolri ipjia cádanaco naikjaolre, icamitsa lriñetacana, njite corrin apada itaimitsa icaiteca coancawa piaca lritaoñawa. 17 Mitsa Miyacaca jliaji yacoti Dio icaiterri Lrinaitjaca narso njaji ipeyocapeni. Njite lrimatsiaca iyacawa nanacojle njaji nadakenai. 18 Njeepa Lriaco njite nanaitja cayoji Lrinaa capisho nanaitjaca. 19 Dio icadaa lriofacarrodawa enocoma iicao lricojle, njite Lritalricanataca pjiomi naco. 20 Iá matsiadalri Iminalriti irso, sha Lri-angelenai, sha kjaidaperri, irsocape itaitakjeti njite inaitja cayoji Lriaco icaite capisho, shepacape lriacoam imaolrena icaite capisho. 21 Iá matsiadalri Iminalriti irso, pjiomi sha lrirsoperri imaimaca enolricojleperri, Lrirsoperrica sha inaitjacape cayoji Lrioma capisho. 22 Iá matsiadalri Iminalriti irso, pjiomi sha lrinaitjanipe, pjiomi lritalricanata cawa lrico. Noa watsa matsiadalri Iminalriti irso pjiomi nocafica sho.
1 Noa watsa matsiadalri Iminalriti irso pjiomi nocafica sho, No-Minalri Dio, Ajádalri macadalrica pjia; Talricanatica pjia irsocada tsaya melremelredalri. 2 Piñampacawa camarrai sho ima tsaya capisho pirso; Pitiota njaji eenocoma cayoji patiota capisho plastico papanaitawa. 3 Pinaitja Piipanao yenon iyadaoca iocacawa naco; njite iyadaoca idee Piipana canani cádanacona; Piajicawa caojli kjaidaperri naco. 4 Lricadaa caolri idecaope lriaco, njite lricadaa njaji tiyé kerraperri Lrirsoperri carrona. 5 Jliatsa icadaa jiipai iofa carrodawa, njite corriotsa coancaojlica cananica njiteni. 6 Picada pia ooni itaca jliaji jiipai cayiji tsaya ita capisho padada; ooni iita pia tsakja njaji jiipana yenonperri. 7 Cáco cádanaco pjia kjaida, ikena nadiacawa njapomrsewa njaji ooni; nadia napitowa njemi cádanacotsa Piaco kjaidadalri imaolrena. 8 Njenicoa njaji jiipana, njite njaji jiipai pacoacaitacawa naa naofawa akjerreca picada naofácarroa. 9 Picada narso njenana imacaiteca iocacawawa nacoana, corridalritsa nataita njeyapetaca; niini jliaji ooni corrinatsa coancaojlica napieta watsa naitaca jliaji jiipai tsenakja. 10 Lricadaa ooni yamarracawa onipao lrico yamarracapewa jiipana ipecolrico naocá carrowa ooni macapeiki nacojle. 11 Icatsa nairraca pjiomi njaji maficalri awacada lricope; njaji borro mapirracanaperritsa icatsa nairraca ooni nini. 12 Njite ooni inomapi rico wipjiarro inaitja narropocoa; njite nacantaca jaicoki nakjoite. 13 Lricadaa ooni yarrowa Lriwaketacawa lrikjoite ooni enolricojledalri. Aima njaji matsiaperri Lrinaitjalri jalredaoca lrico. 14 Lricadaa malritsi itaoñawa naiñjacarro njaji maficalri, njite Lricadaa tsakja paniati itaoñawa inaiki yapan+a carroatsa nanakjoite lritaitácarro lrirsoca lriñjaope. 15 Lrinaitja tsakja jaicotjeda iana icatimadacaoda inaiki jalredaoca lricoperri, Lrinaitja tsakja aceite naiñjetacarro nadada naco, njite Lrinaitja tsakja iñjaodati cafishopa njaji cafiperri. 16 Wa-Minalri iarro aima ooni iyao naco nanaco njaji lripania, Njaji cedronape Lriapanampe Libano lrico. 17 Icatsa wipjiarro inaitjaca narropoco nanaco. Njite nanaitja tsakja naofacarrodawa jaico cipre naco njaji wipjiarro. 18 Njaji nérri naofacawa jiipana ipolrico naco; njite nanaco njaji jiipana yenomperri icatsa nanaitjaca naofacarrodawa njaji conejo awacada lricoperri. 19 Lrinaitja jliaji kérri lrikjenanatácarro coajica lriacawa jliaji jalredaoca; njite jliaji jérri lriaji coajikena lrirsotsa jliewacawa. 20 Pinaitja cadaoca jliaji deepi, niini cayo cádanaco namotoa njaji maficalri iofacape awacada lrico. 21 Njemata kjaida njaji yawi naají cádanaco naoma nawiniwa, natajaca Dio iinai Lricarro naiñjawa. 22 Jérri imoto cádanacoena naikjaolre, ikena nácawa nemácarro nárroda lrico. 23 Njite njaji inaiki, naa nadeji njite yami nadejica a kjerreca deepi naicao. 24 No-Minalri, Pjiatsa inaitja pjiomi njaji pacapalri, njite Piajícarrom pinaitja pjiomi njaji Pinaitjalri; aima njaji Pinaitjaji jalredaoca lrico. 25 Picapa jliaji manoa pinaitjanda, tjewacadalricani, macaite, pakjandalri nasho njaji iofacape lri-ricoda, maficalri tsoperri njite macanepe tsakja. 26 Icatsa najicawa lri-ricoda njaji varco macafianipe, njite nini tsakja lriofacawa jliaji maficalri macani Leviatán dalri iipitana,m jliaji maficalriu Pinaitjanda Pitopitaoda iapiya manoa lrico. 27 Pjiomi njaji maficalri nawapaca Pjia, nawapa Piaca naiñjao. 28 Nawacacawa pjiomi njaji maficalri Piá cádanaco naiñjao; njite naiñjaca njaji matsiaperritsa Picadalri naiñjacarro. 29 Pidawa cádanaco Piecoa naoya, ikena inonacana; njite corri cádanacoetsa pia naijao, icamitsa mayamicana njite nadia tsenakjawa jiipaiwa. 30 Mitsa Pipjiá cada caolri Pinakjoitedalri, icamitsa walriperrica tsenakja pjiomi jalredaoca lrico. 31 Dio imatsiaca iofacaotsawa caidalriwetsa, Dio icatima taaca carroatsa naapiya njaji Lrinaitjaji pjiomi. 32 Lricapa cádanaco jiipai nacojle, icamitsa lritetjecawa; Lrinota cádanaco njaji jiipana ikena itacati imotacawa naoya. 33 Nocanta catsaotsa no-Minalri irso caafi cádanaco toa njoa; nocaite caotsa matsia no-Minalri naco nocanta cádanaco lrirso caafi cádanaco toa njoa. 34 Noma Dio icatimatacawa nasho njaji nowaopiakje; ima icamitsa jliaji icatimatalri njoa. 35 Picadaa nañacawa jalredaoca ioya pjiomi njaji camatsicanaperri, corri carroenatsa pacapa njaji inaitjacape maatsi. Noa matsiadalri Iminalriti irso pjiomi nocafica sho. Iá matsiadalri Iminalriti irso.
1 Iaca matsiadalri Dio irso, itatja Lriipitana naco; Icada naji Lrinaitjanipe nanaco pjiomi jalredaoca lrico. 2 Icanta Lrirso, icaite matsia Lrinaco icantanda lrico; icaitepe nanaco njaji Lrinaitjalri matsiaperri. 3 Matsia yajiacacawa Lripitana Mamatsicanadalritsa ikjaote; Catima icaolre sha iomacape Dio icaolre rikjoite. 4 Ioma irsowawa Dio njite Jliida tsakja; ioma Dio caidalritsa. 5 Iwada nanaco njaji lridejicalre macadalripe njite matsiaperri, njite iwada tsakja njaji yacoti Lricadalri irso; 6 sha Lrirsodalri Abraham inakjoiteperri, sha Jacob yenipe, Lriniwananipe Lrirsowawa. 7 Jliaji wa-Minalri Dio, Jliatsa italricanata pjiomi jalredaoca lrico Lriaco sho. 8 Mil comanai cadantja jiyapawa, corrin Lricadaa nañacawa njaji yacoti Lricaiterri pia irso. 9 Lriwadatsantja njaji yacoti Lricaiterri pia Abraham irso, jliaji yacoti ajádalri Lricaiterri Isaac iapiya. 10 Cayo Pia Lricaite Jacob irso, yacoti nanaitjaoda, Lrinaitja shopa yacoti Irael iapiya corridalritsa iwayacawa. 11 Lriaco pia: ''Noá watsa pirso Canaán jipaite nakjoite piyadawa.'' 12 Tso piacatoa namaimaca jliawajli, pana inaiki corripetsa nají njaji iofacape niini. 13 Naawa pada jiipai nakjoite pada nacojle njite, njeyapawa pana italricanaca lrikjoite pada nacojle. 14 Corrin Lricadaa nanaitjaca narso maatsi; Jlirrapiteta njaji talricanatinai naikjaote. 15 Lriaco nanaco cayoji: ''Manotatsa njaji Noniwananipe, njite manaitjatsa maatsi narso njaji inoparrotacaperri noyarrope.'' 16 Lricadaa mawitacai njepaite ricó, corrin Lricadaa naiñjao. 17 Lrimeenaca ape atsia napeyajle; José lriipitana, nawendenta narso natrsodalrí carroni. 18 Napapi taimi jlipa, njite nacadaa tsipalra jamiñadalri lriwedalrico cayoji lripatjepi capisho, 19 a kjerreca jlinana iocawa Lrinaitjácarro lriapiya cayoji Lrioma capishoena, njite Dio íwi pioacani Lriaco sho. 20 Talricananti imenaca lrirsoperri nawatacá carroni; yacalre iwapashona icada lrimotoa. 21 Lricadani jliacarro iwapa lripana njite jliácarro yají nanaco njaji lrirsonipe lripana lrico 22 lricanatácarro caconaperri yenipe cayoji lrioma capisho njite lricanantácarro yajikjeti naco narso njaji caconaperri pekipenai. 23 Cayotsa Irael iocawa Egipto lricojle, Jacob iofawa kjeya pjatsa Cam jipaite lrico. 24 Dio icada nataoñacawa njaji Lrinaikiote, njite lricada kjaida pjacana naoya njaji nacoema. 25 Lricadaa matsi nacoema icapaca Lrinaikite irso, njerrapitetácarro njaji Lrirsoperri. 26 Lrimenaca naikjaolre lrirsodalri Moise njite Aarón tsakja, njaji lriniwananipem. 27 Nanaitja manaitjacanaperri egipcionai icapao, Lricañjata Jlida matsiaperri Cam jipaite lrico. 28 Lrinaitja cadaocádalri njite Lricadaa cadaocá cawa lrico jliaji jiipai, mitsa njaji Lrinaikite corrin njepa Lriaco. 29 Lripadameta irranatiwa naonite njite mayami pjiomi njaji copje lriricodape. 30 Lripakjanta njepaite paitsi sho, pjiomi nemacawa lrico njaji talricanatinai Egipto lricope. 31 Caconi njite icamina dolrio njite mapirri ipakjantaca pjiomi njepaite. 32 Lriyamita iyao njepaite ioya, njite Lricada iyao jipada shoperri jiwacawa njepaite rico, njite tiyé tsakja. 33 Lrimatsiketa naoya nakiníkerre pjiomi napania; lripeco njewao njaji jaicolrima Egipto. 34 Caco tsenakjani, njite icanina tsacarra ipakjanta njepaite ricó, aima tsacarra jiwacawa njepaite ricó. 35 Naiñja pjiomi napania njepaite lricoperri. Naiñja pjiomi paniati imotocapewa jiipai naco. 36 Lrino pjiomi njaji pjerritinaipe njepaite ricó, njaji inicape neenipeca. 37 Njitedalri Jlita njaji Lrinaikite, Lricadaa nadeca aima palrata njite owirro tsakja; corrin pada nanakjoite njaji Lrinaikite poco natoda njaipa nacayao inipo lrico. 38 Metam najiacacawa njaji Egipto lricoperri nacapa cádanaco nacawa naoya, ima nafio piaca naiwana. 39 Lricadaa iyadaoca naicao nadanao, njite Lricadaa tsakja tiyé icanacaoda nanaco deepi ricó. 40 Njite njaji iraelitanai natatja naiñjao Lriinai, njite Lrimenaca narso corrowao njite Lricadaa naiñjao petje enolrikjoite-perri, njite naiñjaca kepinapena. 41 Lrimakja jiipada, njite ooni imotocawa lrioya; lriamarra njite onipao sho jalrapocolri ricó. 42 Ima Lriwaopiaca jliaji Lriacoam matsiadalri Lricaiterri pia Lrirsodalri Abrham irso. 43 Catima namotocawa Egipto lrikjoite njaji Lrinaikite, njaji Lriniwanampe. Njemata kjaida nacayao catima capoana. 44 Lria njepaitewa njepaitemi njaji apanatsa inaiki, njite njepaca nayarroa nayapem njaji apjetsida inaiki 45 Dio inaitja narso cayo nataitácarro njepaca Lriaco matsia, nanaitjacarro cayoji Lrioma capisho nanaitjaca. Iá matsiadalri Dio irso.
1 Iá matsiadalri wa-Minalri irso. Icaite lrinaco jliaji matsiadalri Lrinaitjalri Irso, ima Matsiadalricani, njite corrin coancaojli yami lrinaitjaca njaji Lricaiterri narso. 2 ¿Coca itaita iniwetaca njaji Dio inaitjaji kjaidaperri o nacaite cantja pjioimi njaji Lrinaitjaji paji ikjaote lrirso matsiadalri. 3 Matsiaperrica njaji inaikica inaitjacape matsia, njite njaji corriperri imatadaca nanaco njaji nanaitjalri. 4 Piwadaotsa njoa no-Minalri, Pimaitja cádanaco matsia Pinaikite irso, Pikitsindataotsa njoa Piyonjeta cádanaco njaji Pinaikite. 5 Njitenaotsa nocapa coajicaotsa matsiac njaji Piniwananipe, Catima watsa njoa naikjaote njaji Pinaikite aimadan, njaji Piyarrope, catima watsa njoa naapiya. 6 Wanaita tsakja wamatsicamawa nacayosho njaji waferrinaipemi; maatsitsa wanaitjaca ima wanaitjaca njatsa njaji matsiperritsa. 7 Corrin waferrinaipemi icacoadata njaji Pinaitjalri nacapa matsiaperri Egipto lrico; Aima namacoadataca njaji Pidejicalre nanaco njaji Pinaitjashopa yacoti naapiya; nema Pikjoete manoa lrico, manoa iiraidalri. 8 Mitsa, Lriyomjetana matsia carrotsa nacaite Piipitana naco, Lritaitácarro Lricañjata nacapa jliida. 9 Njite caconi kjkaida Manoa irraidalri irso, njite icamitsa metacani. Ikwena lrideecana manoa itjewacaca lrico, cayoji lridee capisho jalrapocolri ricó. 10 Lriyomjetana naoya njaji matsiperri icapa piaca narso, njite naoya njaji nacoema. 11 Mitsa ooni ino pjiomi njaji nacoema; corrin yomje apada nanakjoite. 12 Ikena nacadaa nacaolre Lrinaco njite nacanta matsia Lrinaco. 13 Mitsa kjeya namaodaca naoya njaji Pinaitjalri ; corrin nawapa njemi coajica Picanatana. 14 Naoma naiñjaca pekirridalri jalraocolri ricó mitsa corrin yamina naomacawa naiñjaca. 15 Lria narso pjiomi njaji natatjalri Lriinai, mitsa lrimenaca naikjaolre ipiati jliaji inolri pjiomina. 16 Njite naofacawa matsi najiacacawa Moise njite Aarón ikjaote, jliaji sacerdote Dio shenitanda Lrirsowawa. 17 Jliaji jiipai imjeco inoma lriñjacarro Datán njite lriita tsakja njaji Abiram inaikite. 18 Kerra tiyé napecolrico njite icamitsa lrimjaitaca pjiomina. 19 Nanaitja apana vaken Horeb lrico njite naa matsiadalri apana jinapiatim nacodoetanda. 20 Namaca naoyao Dio imatsiaca melremelredalri apana toro ikjaote, maficalri iñjacada malritsi. 21 Opo namaodaca na-Diote ioya, jliaji iyomjetacaitana; jliaji inaitjacada lridejicalre kjaidaperri Egipto lrico 22 Lrinaitja aima matsiaperri Cam jipaite ricó, njite lrinaitja tsakja aima lridejicalre kjaidaperri Manoa irraidalri ricó. 23 Lricaite piena Lriino caotsa pjiomina, mitsa jliaji Lrirsodalri Moise Jlienitanda Lrirsowawa corrin lricadaa, ima caacocani Dio irso Iraelnai ikjaote Lriyamitacarro Lrirroa naoya. 24 Namenata naoyao jliaji jiipai matsiacawa paapanaca; corrin njeepa jliaji Picaiterri pinaitjaca Narso, 25 mitsa icamitsa namonomonodataca naapana lrico, njite corrin njeepa wa-Minalri icaiterri narso. 26 Cayoshopa, Jlirreta Lricapi Lricaitecarro yacoti ajádalri sho Lricadacaotsa mayamicana jalrapocolri ricó, 27 Lripocota caotsa njaji nadakenaipe pjiomi jalredaoca lrico, lricada caotsa naofawa njepaite ricó njaji apanatsa inaiki. 28 Napia matsiadalri Baal Peor irso, njite naiñja neepe njaji maficalri nainoji mayanperrim irso. 29 Nakerroataninaikjaote njaji nanaitjalri Lrirso, njite lricada mayancalri inocana. 30 Njite Finees jino yemawa cacócarro naikjaote, njite icamitsa yami mayamicalri inona. 31 Njite njaji inaiki nacaite lrinaco matsiaca lrikjaote jliaji lrinaitjalri matsiacarro njaji walricomanai caidalriwetsa. 32 Nakerroata pia tsakja Dio ooni Meriba lrico, njite namá Moise jirrapitaca lrikjaote jliaji nanaitjalri. 33 Nakerroata Moise niini cacocani kjaida. 34 Corrin naino pjiomi njaji apana inaiki cayoji wa-Minalri inaa caoisho nanaitjaca, 35 icamitsa naofacawa naofacawa napiyawaca njite nají pjiomi njaji matsirri nanaitjalri mana 36 njite naca matsiadalri na-idolonaipe orso. 37 Njite naino neenipe atsianai njite inaitjepe tsakja demonionai irso. 38 Naino inaiki mikjapantsa, njaji neenipe atsianai njite inaitjepe nainoji narso njaji idolonai Canaán lricope, namatsiketaca jliaji jiipai nerrana sho. 39 Nanaikica matsidalri shewacana; cayocana nacayosho njaji inaitjepe cawilreperrimi. 40 Niini kerroaca wa-Minalri Lrinaikite ikjoete, njite Lrimenata lrioyawa njaji lrinaikitetsa. 41 lricadaana nacaapi ricó njaji apana inaiki, njite njaji matsiperri icapaca narso nja watsa italricanata nanaco. 42 Nacoema jirrapiteta piana, njite nadena njepácarro njaji italricanatalrina. 43 Aima piape Lrino tja Lrikitsindatana, mitsa icamitsa nemaca Lrikjoete niini napaimanietacawa namatsicana ikjaote. 44 Cayo cadanatsa, Lriwapatsa Jlimi jliaji njerrapitalri inaco nawana cádanaco Lrikjaolre Lrikitsindatácarrona. 45 Lridia Lriwaopia Lriacoam naco naapiyadalri, njite yami kerroacani nakjoete ima Lripeyo capoana. 46 Lricadaa kjenaca nacapaca narso pjiomi njaji inaiki inocapena. 47 Piyomjeta fa wa-Mkinalri, pjia wa-Diote. Pidieta fa naoya njaji apana inaiki wadiacarro wa Pirso matsiadalri Piipitana matsiadalri irso, wacaitecarro matsia Pinaco. 48 Narsotsa naaca matsiadalri Lrirso jliaji Irael i-Diote, naaca lrirso matsiadalri jliaji miyacadalri, miyacadalri. Njite naaco pjiomi njaji inaiki lrinaco: ''Ajadekja.'' Iaca matsiadalri wa-Diote irso.
1 Icaite matsiadalrica jlia Iminalriti, ima matsiadalricani, njite corrin coancaojlica yami Lripeyoca fa. 2 Caaco sha Dio iyomjetanipem icoema ioya. 3 Lriwaketaca sha njepaite rikjoite njaji apanatsa inaiki, jérri imotokema lrikjoite njite jliewacawa nakjoite tsakja; jérri iparrema atsiakema nakjoite njite inarroema nakjoite tsakja. 4 Najiwa macadatsa inipolrico jalrapocolri rico maninalri cawa lricotsa njite corrin naoketa pada yacaalre naofacarrodawa niini. 5 Njite mjaida nadada lrico corri capoa naoketa naiñjao, nairrao tsakja. 6 Ikena, mjaida cádanacoenana icamina nawanaca jliaji Iminalriti, njite Lriyomjetana lrioya jliaji njerrapitalri. 7 Lricadaa nacarroa apakja inipo lrico idecadana mayacan lrinacojle jliaji yacalre naofa lriotsa nini. 8 Ajadalrica, nácadantja matsiadalri Dio irso njaji inaiki corri capoa yami napeyocani cayoji Lricaite capisho narso, njite naikjaote njaji matsiaperri Lrinaitjalri narso njaji inaiki jalredaoca lrico. 9 Ninintja lricada nairrao ooni njaji iomacape irrao meta capoa naolre, njite Lricadaa tsakjantja naiñjao njaji iomacape iñjaca, Lrántjanarso nananio aima matsiaperri. 10 Padape nanakjoite naofa piacawa cadaoca cawa lrico, presocana, inona lrico njerrapita capoa njite napapiji tsipalrakja sho. 11 Cayo njeyapacawa corri capoa njeepa Dio iaco njite corrin njepa cayoji Lrinaa capisho nanaitjaca jliaji Yenonrsedalri pja pjiomi ioya. 12 Dio icada njerrapita cayo naikjaote njaji nanaitjalri; njewawa njite corrin pacapa apada itaitacada ikitsindatacana njenicó carroa. 13 Ikena nawanaca Dio ikjaolre njerrapita cádanaco, njite Dio jitana lrioya jliaji njerrapitalri. 14 Dio jitana cadaoca cawa lrikjoite njite Lriwataca naoya napapi. 15 Ajadalrica, nácadantja matsiadalri Dio irso njaji inaiki corri capoa yami napeyocani cayoji Lricaite capisho narso, njite naikjaote njaji matsiaperri Lrinaitjalri narso njaji inaiki jalredaoca lrico. 16 Ima opica Lripeco jlkiwao jliaji pantinoma nanaitjanda bronce sho, njite Lritokjoa njaji cocolriede tsipalrape nataimita shopa pantinoma itaitácarro imotocawa. 17 Ima majicaperrim sho piaca naofacawa, njite jirrapitacapetsa namatsicana ikjaotetsa. 18 Corrinatsa naoma naiñjaca iñjaodati, njite wadepenatsamayamicana. 19 Ikena nawanaca Dio ikjaolre njerrapita cádanaco, njite lritana lrioya jliaji njerrapitalri. 20 Caaco Dio matsia carrona, icamiotsa matsia kenana; Lriyomjetana lrioya jliaji inolritjana. 21 Ajadalrica, nácadantja matsiadalri Dio irso njaji inaiki corri capoa yami napeyocani cayoji Lricaite capisho narso, njite naikjaote njaji matsiaperri Lrinaitjalri narso njaji inaiki jalredaoca lrico. 22 Picada naeca lrirso lrirso maficalri nainoji nácarro Lrirso matsiadalri njite picadaa nacaiteca nanaco njaji Lrinaitjalri narso nacanta cádanaco. 23 Apapena najicawa íta macafianipe lrico manoa lrico nácarro nawenta iyarroti pada jiipai nacojle. 24 Njaji inaiki nacapa Dio idejicalre, njaji matsiaperri pacapaca manoa ikjoete naco. 25 Caaco Dio lrinácarro caolkri kjaidadalri jiwacawa nanaco njite ikena oniñokja macadalri inaitjacacawa. 26 Oniñokja jirreta yenonpena; njite nadia njewawa tjewacajle rse. Njite corrinatsa naji coajica nanaitjaca. 27 Ikena natetjecawa, cadaipoalre nacapa cayoji idewanacape sho. Crri nají coajica nanaitjaca. 28 Njite njerrapita capoa nawana Dio ikjaolre, njite Jlitana lrioya jliaji njerrapitalrio. 29 lrimananita jliaji caolri, njite yami tsakja onoñokja naoya. 30 Njite catimana pekitsa nacaolre ricó manani capoa manoa iñokja naoya, njite lricada naocawa nalri nirse. 31 Ajadalrica, nácadantja matsiadalri Dio irso njaji inaiki corri capoa yami napeyocani cayoji Lricaite capisho narso, njite naikjaote njaji matsiaperri Lrinaitjalri narso njaji inaiki jalredaoca lrico. 32 Njerreta Lriipitana yenonrse nawacaaca nacoa njaji inaiki aimadan, njite nawacaaca cádanaco njaji pekipenai caconaperri. 33 Lritaita Lrimetata njaji ooni, njite Lritaita Lricadaca ooni imotocawa jalrapocolri ricó, 34 njite Lritaita Lricadaca paniati itaoñacawa matsia lri-ricoda jliaji jiipai namacanda corri capoenatsa matsiani namatsicana ikjaote. 35 Lritaita Lrinaitjaca calrita jliaji jalrapocolri, njite Lritaita Lricadaca ooni yarrocawa jalrapocolri ricó. 36 Lricadaa naofacawa niini njaji mawitakjaita, njite nanaitja nayacalrewa niini. 37 Nanaitja nayacalrewa niini nataitácarro naapanaca niini, nanaitjá-carro nakinikerrewa njite netácarro aima napania njite. 38 Lrinaitja matsia narso aimacarrona. Corrin Lricadaa navacan iwayacacawa. 39 Yomje nawayacacawa , aima njerrapitetacana, nainonatana maatsi nacada capoa njerrapita. 40 Lricada nají corrica lrioma njaji napiwayawanai niini Lricada najicawa macadatsa jalrapocolri ricojle, corricawatsa pacapa inipo. 41 Mitsa Lriwapa njaji canacaiperri irso pjiomi inonacalri ioya njite Lriwapa neenipe cayoji pawapa capisho oveja. 42 Njaji inaitjacape matsia nacapaotsa njaji njite catimaotsa caolre pekirritsa, njite naitaotsa nanoma njaji inaiki matsiperri. 43 Njaji cajikjeperri nadanaotsa nanaco njaji, njite nawaopia watsa nanaco njaji Dio inaitjalri matsiaperri Lripeyo capoana.
1 Dio, nocaolre imaodacatsa pinaco; nocanta caotsa, ajaca, catima nocaolre yanjí Picsada capoa lricantaca pirso. 2 Icafiawa, pjia felroma, njite arpa tsakja; ima nocafiacaotsa deepi toa. 3 Noa watsa matsiadalri Pirso, pjia no-Minalro, nanakjoite njaji inaiki aimadan; nocanta caotsa Pirso napecolrico njaji apacoape jiipai jalredaoca lricoperri. 4 Ima macadalritsa jliaji Piacoam Pinaitjalri waapiya, macadalri pjaca naoya njaji enocoma; njite yenodalri pjaca eenocoma ioya. 5 NO-Diote, eenocoma icaodalri pjaca Pjia; njite Pimatsiaca ipakjantaca pjiomi jalredaoca lrico. 6 Pitaitácarro Piyomjetaca njaji Pipeyonipe, Piyomjeta fa Pjida kjaidadalri sho, pjiepa fa no-Minalri. 7 Caaco jliaji Dio marsocadalritsa imatsicanati, Lriaco cayoji: ''Nocatimatacawa cayoji; Nomjeco caotsa yamemam jliaji Siquem njite cayo tsakjaotsa Nonaitjaca jliaji jiipai pacoacaitadalri Sucot lricoda. 8 Noyadaca jliaji Galad njite Manase tsakja; Njowida idana shoca njaji Efraín poco; njite Judá nakjoite Notalricanataca nanaco njaji nonaikite Judá poco. 9 Nocotso carroitaca jliaji Moab; njite Nocadacawaca inaco notsapaon jliaji Moab. Nowacanaca kjaida njoama capoa Filistea. 10 ¿Cocaotsa idee njoa lri-ricodajle jliaji yacalre taimidalri? ¿Cocaotsa idee njoa Edom lricojle? 11 Dio ¿Coada Pimenata fa? Corrinatsa pjiaca wainai wa cádanaco oowi ricó. 12 Pikitsindata fa wacoema ikjoete, ima mikjapandalricaa atsia cada ikitsindata pja. 13 Fa watsa shama wacoema Dio cadaa ikitsindata fa; Jlia watsa ipjoa njaji wacoema.
1 Pjia no-Diote, noanda irso matsiadalri, maofatsawa macotsa nooya, 2 ima nainoca njoa njaji inaiki matsiperrimi njite cashaperrimi; icamitsa nacashataca nonaco caco cádanacona. 3 Nacawainita njoa njite nomotoetaca yácoti matsiperri norso, njite naino njoa mikjapantsa. 4 Nopeyo cadanana, mitsa nja icamitsa nanaitjaca yacoti nonaco, njite njoa nocaiteca Dio nanaco. 5 Nacaoña njoa matsiperri sho nonaitja capoa narso matsia, njite matsi nacapaca nopeyo capoana. 6 Picadaa apada iajicada lrinaco inaiki matsiadalritsa, njite picadaa lriemacawa lriyekema nacojle jliaji icaitecada lriacona maatsi. 7 Niini nacaite cádanacoatsa lriacona, nacaiteotsa camatsicanacani; njite nácarro lrikjoetetsa lritatja cádanaco Dio iinai. 8 Wadee lriofacawa aima walria jalredaoca lrico; pada jitaotsa lrioya jliaji lridejicalrem. 9 Wadeotsa kjanirrica njaji neenipe, njite madoiyoam-carro njaji naninai. 10 Nanó carroatsa njaji neenipe najícarroatsa natatjeta naijao caiwi ricotsa namaca cawiaca jliaji nayacalren namatsicamdam naoya. 11 Nadewnda jitácarro naoya pjiomi njaji narsolri; apana inaiki jitácarro naoya pjiomi njaji narsonipe. 12 Wade ninica apada kjenadalritsa icapacani njitetentja lrikitsindatani; wade kjenaca nacapa nenipe mjanirripemi irso. 13 Picadaa nawayacacawa njaji neenipe, picadaa nawadacana njaji walricomanai. 14 Piwada coanperri piaca namatsicana njaji naferrinaipe, no-Minalri,; corriotsa picadaa carroca njadoa imatsicana iñaca pioya. 15 NoMinalri iwadacaotsa caidalritsa namatsicana; corriotsa Dio icadaa nawaopia ketsa nanaco jalredaoca lrico. 16 Cayoatsa Dio inaitjaca corri capoa lrinaitja pia matsia; icamitsa lriajica lripineta njaji kjenaperritsa, njajji njerrapitetaji njite njaji canacaiperritsa irso pjiomi a kjerreca lrinona. 17 Lripeyo lricaiteca yacoti matsiperritsa apjetsoda naco, Pivcadaa nadiawa lrikjaolretsa njaji lriacoamtsa. Matsi lricapaca matsoaalri irso; nini corriotsa lrirso carroca matsiadalri. 18 lricada nacapa lrinaco imatsicanatitsa cayoji pacapa capisho apada itsayani lrinaconda. lrimatsicana iarrocawa lricaolre ricó cayoji ooni yarro capisho, aceite iarro capisho lriapi nacojle. 19 Picadaa lrimatsicanawa irroca lrinaco jalredaoca icoam cayoji patsayani irro capisho panaco, cayoji lrirso capisho cintoron. 20 Icatsa njaji nomalri Dio inaitjaca narso njaji icaitecape noacona matsi, narso njaji icaitecape maatsi nonaco. 21 No-Minalri Dio, Picoadata njoa matsiatsa, ima matsiadalrica pjia. Ima inaitjacaitaca matsia Pjia cayoji Picaite capisho warso, Piyomjeta fa. 22 Ima kjenadalritsa njoa, canacaidalritsa irso pjiomi, aimaca njaji njotalri nocaolre inaco. 23 Nowayacaacacawa cayoji padanapiami iwayaca capishoa jérri shewa cádanacoenawa, cayoetsa njoa tacapa itetje capissho. 24 Corritsa kjaidaca njaji norsopida maiñjaca capoa njoa; opina mepe njoa. 25 Matsidalrica nacapa irso njaji icaitecape noacona, nadetsicaca njewida nacapa cádanaco njoa. 26 ikitsindata njoa, noMinalri Dio, Piyomjeta njoa, ima Pjia, corridaleitsa imatadaca cayoji Piaco icaite capisho warso. 27 Picadaa nají Pjiaca inaitja narso cayo, njite najícarro Pjiaca iyomjeta njoa. 28 Nacaite cadana matsicarro njoa, mkitsa, Pinaitja matsia, Pikitsindata njoa; pipaimanietana naoma cádanaco tja nainoca njoa, Picada nocatimatacawa, njoa Pirsodalri. 29 Poicadaa nají namatsicana naco njaji nocoema; Picadaa njetacawa namatsicana sho cayoji pjeta capisho tsaya. 30 Nonoma sho noa matsiadalri pekirridalri no-Minalri irso; noawatsa matsiadalri napecolrico njaji inaiki aimadan. 31 Ima lriemacaotsa lriyekema nakjoite lrirso jliaji canacaidalri irso pjiomi, lriyomjetá-carroni naoya njaji icaitecape lriacona maatsi.
1 Nocadá nocaolreo waminalrinaco ¿Coami watsa naco norso: "lripitowa cayoji wipiarro ipitocapisho jipananaco"? 2 ¡Icapaca! njaji mashiperri namatsietaca, nayawwitiapo namashieta nayawitiocomlriñadanoco nayawitacarro cadaocawerricoite njaji matsiaperri iwaopiake. 3 Lriwaya cacaotsao lriaji nacadalri nacaolreo inaco ¿Coamintja nanaitacja njaji matsiaperritsa? 4 Lriaji waminalri lriowacao lrienitonda lripanalrico; lriitji icapa nanaco njaji aachianai yeenipe. 5 Lriaji waminalri lricapapaá nanaco njaji matsiaperri, cayotsaca maatsiperrinaco, mitsa maashi lricapaca njaji ipeyocape inaitaca namashicana. 6 Nocadawatsa iyao jiwacao tjishemcnshoperri njite azufre shaca nanaco njaji camashicanaperri; caolri caidadalrisho watsa norrapitetana. 7 Ima lriaji waminalri matsiadalrica, njite lripeyo lriaji matsiadalri; lriaji matsiadalri lricapaotsa Dio yecoa.
1 Jliaji Iminalriti iaco nominalri irso: ''Piofawa Noyekema nacojle a kjerreca nocadaa pjipa ipjoaca nanaco njaji picoema.'' 2 Jliaji Iminalriti Lrimacaiteta caotsa jliaji jiipai pitalricanatacawa lrico kjaidadalri sho. 3 Njaji Pinaikite aimadan njawacatsa icadacawa Pirso piwaketa cádanaco njaji Pitsolrodaonai aimaperri. Njetaotsa nanacoa tsaya jalreperri matsiaperri, piyompinaco toa nawacacawa; nemacaotsa piwaida naco njite corriotsa nácarro Pioya. 4 Jliaji Iminalriti icaite irso pada yacoti ajádalri sho, njite corriotsa lritecojletá carroca lriwaopiakje lrioya: ''Caidalriwenatsa sacerdote caotsa pjia, cayoji Melquisedec sho pia.'' 5 Iminalriti yemacaotsa picodapi piyekema nacojle. Lrinocaotsa njaji talricanatinai jliada watsa jalredaoca kerroacani. 6 lrino caotsa Lricaitécarro naacona njaji jalredaoca lricoperri; Lripakjanta caotsa inaiki mayanperrim idada sho njaji awacada; Lrinoatsa njaji caconaperri njewidapo njaji jiipai jalredaoca lricoperri. 7 lrirraotsa ooni onipao lricoda lriacayawa inipolrico, niniotsa lridia tsenakjaotsa kjaidani.
1 Icaite matsiadalrica jliaji Iminalriti. Noa watsa matsiadalri no-Minalri irso pjiomi nocaolre sho nawacaaca cádanaco njaji inaitjacape matsia, njawaca cádanacotsa iwacaacawa. 2 Matsiaperrica njaji Dio idejicalre, nawapanda matsina njaji iomacapeni. 3 Macadalripeca njaji Pidejicalre njite matsiaperricana, njite corrin coacaojli pimatsiaca iwayacacawa. 4 Caidalri tsaotsa wawadaca njaji Lrinaitjaji matsiaperri; merroadalritsa jliaji wa-Minalri, kjenadalritsa acapaca warso. 5 Lrikjeñjawa njaji shepacape Lriaco ajádalri. Lrinaitja narso cayoji Lricaite capisho narso. 6 Lricada nacapa njaji lrinaikite njaji Lritaitalri lrinaitjaca Lriá cádanaco njepaitewa njepaitemi njaji apana inaiki. 7 Corrin namatadaca njaji Lrinaitjalri njite matsia tsakja nanaitjaca; njite njaji lricanantalri fa inaco corrin ajadalricana. 8 Corrin coancajli caotsa nawayacao, ima ajádalricana njite matsiaperricana. 9 Lriwataca njaji Lrinaikite nacoema ioya; njite Lrinaitja naapoiya pada yacoti corridalritsa iwayacawa; matsiadalri, mamatsicanadalrica jliaji Piipitana. 10 Paoma cadaa parsoca yajikjeti parsotsa painita pafiocawa Dio iwana; njaji inaitjacape cayoji Lricananta capiosho fa icatsa njaji kjeyaperrica yají coajishopaca njaji lricanantalri inaco. Corriotsa coancaojlica yami naaca lrirso matsiadalri.
1 Icaite matsiadalrica jliaji Iminalriti. Yamapiape matsiadalrica jliaji atsia inaitjacada cayoji Dio inaa capisho lrinaitjaca, jliaji icatimataaca cadawa nanaco njaji yacoti Lrinalri njepaca. 2 Caconaperri caotsa njaji neenipe jalredaoca lrico; Matsia watsa Lrinaitjaca neenipe irso lrikitsindata capoa apjetsida. 3 Aimaotsa narsoca palrata naapana lrico; njite corriotsa coancaojlica yami nanaitjaca matsia. 4 Camarrai icana catsaotsa nanaco njaji inaiki kjenaperritsa icapa apjetsida irso; corridalritsa inaitja matsi apjetsida irso, kjenadalritsa icapaca njaji inaiki njite lrinaitja matsia narso. 5 Matsia watsa pjiomi naco jliaji atsia corridalritsa ikjenataca apjetsida njite lria toa lri-palratan nakjoite narso; corrin lriñaito, icamitsa lridejica matsia. 6 Corriotsa coancaojlica njeta lridejicalre ioya; inaiki iwada caotsani caidalritsa. 7 Corrin lrifiocawa yacoti matsidalri ikjoete, ima lriají corrica coca lri-matsicana, icamitsa lricada lricaolre Dio naco. 8 Lricaolre imaodacatsa, corrin lrifiocawa, a kjerreca yami lrioya njaji lricoema. 9 Lrikitsindata aima sho njaji kjenaperri; corrin coacaojli yami lrinaitjaca cayo; caidalri tsaotsa nacaiteca matsia lrinaco, lrinaitja capoa matsia. 10 Njaji inaiki matsiperri, icamitsa kerroa cana nacapa cádanaco lrinaco coajidalricani; lrimjoa caotsa lrietsa irroati ima njite cayo tsaotsa mayamicani; pjiomi njaji naomalri njaji matsiperri, icamitsaotsa lriwayacacawa.
1 Icaite matsiadalrica jliaji Iminalriti, icaite matsia Lrinaco sha Lrirsoperri; Icaite wa-Minalri ipitana imatsiaca naco. 2 Matsiadalica pjiomi ioya wa-Minalri ipitana, panaya njite caidalriwetsa. 3 Jérri imotoca ikjoete njite a kjerreca jliewawa, warsotsantja waaca matsiadalri wa-Minalri ipitana irso. 4 Matsia nacaiteca inaco jliaji waminalri pjiomi njaji jalredaoca lricoperri, njite Lrrimatsiaca jiyapawa eeno icaonam. 5 ¿Cocao pa wa-Minalri icayosho, jliajimirsolri Lriofacarrodawa yenonrse, 6 icapacada yenonjite eeno ikjaolre njite jiipai nacojle tsakja? 7 Jlinicoeta jliaji kjenadalri iofa cadawa jiipai naco, njite jlinicoeta tsakja jliaji canacaidalri irso pjiomi palripoco lrikjoite, 8 lritaitá carroatsa lriofacawa nacodapi njaji caconaperri, njite caconaitécarroni lriyacalre ricó. 9 Lricadaa roenipewa rsoaji corridarro itaita kenipecano, Lricadaa catimano njadoa njaji yempetipe. Waa matsiadalri wa-Minalri irso.
1 Irael imaca caojli pia Egipto, Jacob iipaneta iacape pia iofawa pada jipaite lrico, 2 waMinalri iofawa Judá poco ipecolrico nja capisho Lriipana, njite Lritalricanataca Irael naco. 3 Manoa icapa cádanaconi icamitsa lripitoca Lripjeya; njite jliajim ooni Jordán lridiawa jliapodamrsewa. 4 Njaji jiipana yenonperri nawatsiawa carnero iwatsia capisho, njite njaji jiipana tomepe pjatsa nawatsiawa oveja sho. 5 ¿Coada pipitowa, manoa? Njite pjia Jordán, ¿coada pidiawa? 6 Sha jiipana yenomperri, ¿coada iwatsiawa carnero sho? Njite sha jiipana tsonipe, ¿coada iwatsiawa oveja sho? 7 Jiipai, cacani pjia Dio ipeyajle, Lripeyajle jliaji Jacob i-Diote. 8 Lripadameta jliaji jiipada macadalri calritá sho, njite jliaji jiipada tarradalri pia onipao jiwidapao sho.
1 No-Minalri, corrin matsiaperrica fa, fa carrontja naa irso matsiadalri, icamitsa Pirso waca matsiadalri. Apadatsa Pjia palri irso matsiadalri Pinaitja capoa cayoji Picaite capisho njite Pipeyo capoa fa. 2 Niini ¿coadantja natatja wainai njaji apanatsa inaiki nacaite cádanaco: a kjerreo jliaji i-iote?'' 3 Enolricojle lriofawa jliaji wa.Diote; njite Lrinaita cocacatsa lrioma lrinaitjaca. 4 Palratapetsa njite owirropetsa nadiote njaji apjetsida jalredaoca lricope, atsianai inaitjajitsa nacapi sho. 5 Narsoentsa nanoma njaji idolonai mitsa corrin nataita cacocana; narsoentsa natji mitsa corrin nacapa nasho; 6 narsoentsa njenacolrico, mitsa corrin njemica nasho; narsoentsa njetaco, mitsa corrin nemjiaca nasho. 7 Narsoentsa nacapi, mitsa corrin nataita njepaca nasho; narsoentsa njaipa, mitsa corrin nataita nemajicawa nasho; corrin nataita cacocana nanoma sho. 8 Caiperri tsakja nacayosho njaji inaitjacapena, njite cayo tsakja njaji icadacape icaolre nanaco. 9 Irael icadaa icaolre Dio naco, icatsa Jliaji ikitsindatacadana njite jliatsa iwapana. 10 Aarón iipaneta, icada icaolre Dio naco; ima icatsa Jliaji ikitsindataca sha njite jliatsa iwapa sha. 11 Sha inaitjacape cayoji Dio ioma capisho, icadena icaolre lrinaco; icatsa Jliaji ikitsindataca sha njite jliatsa iwapa sha. 12 Wa-Minalri icapa waikjaolre njite Lrinaitjaotsa matsia warso; Lrinaitjaotsa matsia Irael iipaneta irso; Lrinaitjaotsa matsia Aarón ipaneta irso. 13 Lrinaitjaotsa matsia narso njaji inaitjacape matsia Lrirso, njaji yempetipenjite pekipenai tsakja. 14 Wa-Minalri imaimatacaotsa aimacarro pjana, sha panayaperri njite njaji inolri shapodam inakjoiteperri. 15 Dio watsa imatsieta pjia, jliaji inaitjacada eenolricojle perri njite Lrinaitja tsakja jiipai. 16 Dio iyapeca njaji enocoma; mitsa Lricadaa jliaji jiipai narso njaji inaiki. 17 Corrinatsa coajica nataita naaca matsiadalri Dio irso njaji mayanperrimi, njaji iorrocolri macodaonacawa lrico. 18 Mitsa fa cafiperri waaca matsiadalri Dio irso panaya njite caidalriwetsa. Iá matsiadalri Dio irso.
1 Nopeyoca jliaji no-Minalri ima Jlimica norso notatjá cádanaco lriinai kjenácarro Lricapaca norso. 2 Jlimi capoa norso, nowana catsani cafi cádanaco toa njoa. 3 Noají wadepe kenamayamica njoa, cayoji pawapa capishoena nadawácarro pja jiipai ricó; njota nocaolre njite caifica njoa. 4 Ikena nowana Dio Ipitana naco; ''No-Minalri, pinaitja matsiacvalri, Piyomjeta njoa.'' 5 Kjenadalritsa icapaca pja jliaji wa-Minalri njite lrinaitja parso matsia; Lrikindata pja jliaji wa-Diote kjena capoa Lricapaca parso. 6 Jliaji Iminalriti Lriwapa njaji mamatsicana-perritsa; corri pia coca iwapanjoa, mitsa no-Minalri iyomjeta njoa. 7 Notaita nofacawa nomaodacatsa tsenakja, ima matsiaca noinai Jliaji noMinalri. 8 Ima Piyomjetaca njoa mayamicalri ioya, corrin Picadaa notjiafia iarrocawa notji rikjoite, njite corrin Picadaa notodaca njoipao. 9 Nodejiotsa Dio irso naofacawa lrico njaji cafiperri. 10 Nocadaa pia nocaolre Lrinaco, nocaite cadana cayoji: ''Corrinatsa noaji coajica, ima pekirridalrica jliaji njorrapitalri inaco.'' 11 Niini nokjeyapitaca nocaiteca: ''cashaperrimca pjiomi njaji inaiki.'' 12 ¿Coajiotsa nocaoñaca jliaji no-Minalri nanaco pjiomi njaji matsiaperri Lrinaitjalri norso? 13 Nanakjoite njaji noirraope, nodeotsa pada ofrenda Dio irso, ima Lriyomjetaca njoa; icatsa niini nocaiteotsa no-Mkinalri iipitana. 14 Nocaoña watsa Dio irso njaji nocaiterri nonaitjaca Lrirso napeyajle njaji inaiki aimadan. 15 Matsia Dio icapaca mayami cádanaco njaji shenitaaca capewa lrirsowawa. 16 No-Minalri, ajádalri Pirsodalrica njoa; Pirsodalrica njoa, Pirsodarro yenipeca njoa; Pjiatsa jita njoa lrioya jliaji napresotalri pia niini njoa. 17 Noino watsa Pirso maficalri ofrenda sho Pinaitja capoa norso matsia njite nowanacaotsa Pjia Piipitana naco. 18 Nonaitja watsa no-Minalri irso nacapa cawa njaji inaiki aimadan njaji nocaiterri no-Minalri irso nonaitjaca Lrirso, 19 piyacalrecoa lrico, no-Minalri, piemacawa lrico, Jerosalén. Matsiadalrica jliaji wa-Minalri.
1 Iaca matsiadal.ri Iminalriti kirso, pjiomi sha inaikinai jalredaoca lricoperri; jirreta uyenon lriipitana pjiomi sha inaikinai tecojleperri iaco ioyawaca. 2 Ima pekirrídalrica jliaji ipeyokjeti Lrirsolri wanacojle, njite corridalrica coancaojli lriwayacacawa jliaji Lripeyoshopa fa. Iaca matsiadalri wa-Minalri irso.
1 Iaca matsiadalri wa-Minalri irso; ima Matsiadalricani njite corriotsa coancaojlica yami lripeyoca fa. 2 Picadaa nacaiteca njaji Iraelnai: ''Caidalritsa Iminalriti ipeyoca fa, corrin coancaojli yami Lripeyoca fa.'' 3 Pivcadaa nacaiteca njaji Aarón iipaneta caoji: ''Dio ipeyoca fa, corrin coancaojlica yami Lripeyoca fa.'' 4 Picadaa nacaiteca njaji shepacaperri Lriaco ajádalri: ''Iaca matsiadalri wa-Minalri irso; ima Matsiadalricani njite corriotsa coancaojlica yami lripeyoca fa.'' 5 Njota cádanaco nocaolre nowana no-Minalri ikjaolre; njite no-Minalri shepa njoa njite lriyomjeta njoa. 6 Noinai catsa no-Mijnalri, niini corrin nofiocawa; ¿coajintja lritaita lridejica njoa jliaji inaiki? 7 No-Minalri yemawa nocodapi Lrikitsindatácarro njoa; niini njoama caotsa nanaco njaji matsíperri icapaca norso. 8 Matsia pja pacadaca pacaolre Dio naco wadee wacadaca wacaolre atsia nacotsa. 9 Matsia pja pacadaca pacaolre Dio naco wadee wacadaca wacaolre talricanatinai nacotsa. 10 Pjiomi njaji inaikinai jalredaoca lricoperri nayofieta njoa; njite noinona no-Minalri iipitananaco. 11 Na danata njoa, ajaca, nadanataca njoa; njite noinona no-Minalri iipitananaco. 12 Nadanata njoa aini kerroaperri idanata capisho pja; mitsa kjeyatsa nawayacacawa cayoji kjeya capishotsa tiye iwayacacawa corricawatsa pacapa aima malritsi; ima noinona no-Minalri iipitananaco. 13 Nano naino njoa nawayaketácarro njoa, mitsa Iminalriti ikitsindata njoa. 14 No-Minalritsa ia njoidawa njite lricatimata njoa, njite icamitsa Jliaji iyomjetalrica njoa. 15 Caidalritsaotsa njemica coajica njamaca nacoema njaji matsiaperritsa inaitjaca Lrirso. Wa-Minalri ikitsindatana Jliida kjaidadalri sho. 16 Icaite matsia wa-Minalri jiida kjaidadalri naco, wa-Minalri shamaca pjiomi jliida kjaidadalri sho. 17 Corriotsa mayami carroca njoa, icamitsa caafica njoa nocaité-carro coandalrica jliaji no-Minalri idejicalre. 18 Jlirrapitenina matsina njoa jliaji Iminalriti; mitsa corrin Lricadaa mayamica njoa. 19 Pimjeco norso napananoma njaji matsiaperritsa wadee nomatadaca; njoewaotsa niini njite nonaitja watsa cayoji nocapa capisho niini, njite noa watsa matsiadalri Pirso no-Minalri. 20 Dio ipananomaca njaji; icamiytsa njaji matsiaperri njaji shewalri niini. 21 Noawatsa matsiadalri Pirso, ima pjiepaca njoa, njite piyometa tsenakja njoa. 22 Jliaji jiipada napecolri naoyao njaji inaitjacap panti, jlienakja panaya jliaji jiipada nanaitjalri inaco jliaji panti. 23 Dio idejicalreca jliaji; matsiaperrica pacapaca. 24 Icatsa jliada watsa jalredaocaca wa-Minalri icadaca wacapa Lridejicalre matsiadalri; wacatimataca caotsawa, catima watsa wajiacacawa lrikjaote. 25 Pinaitja matsia warso no-Minalri, Picadaa famaca pjiomi. Pinaitja matsia warso no-Minalri, Picada matsiaca warso pjiomi. 26 Matsiadalrica pacaiteca inaco jliaji inolri Iminalriti ípitana naco; wacaotsa matsiadalri Pirso Dio iipana lrikjoite. 27 Dioca jliaji Iminalriti, njite lriaca warso camarrai; lripapi njaji maficalri wainoji Lrirso nanaco njaji altar itsowa. 28 Icatsa no-Dioteca Pjia, noaca Poirso matsiadalri; no-Dioteca Pjia, njite njorretaca Piipitana yenonrse. 29 Iaca matsiadalri wa-Minalri irso; ima Matsiadalricani njite corriotsa coancaojlica yami lripeyoca fa.
1 Matsiaperirica njaji inaiki corriperritsa nacaite inaco namatsicana naco, njaji inaitjhacape cayoiji Dio yáco icaite capisho. 2 Matsiaperirica njaji inaiki shepacaperri lriaco matsia njite naomani nacaolre rikjoite. 3 Corrin nanaitja matsirri; nanaitja cayoji Pioma capisho. 4 Pina wanaitja cayoji Piaco icaite capisho, njaji Picanantalri fa inaco wataitá-carro wanaitja cayoji Piná capisho wanaitjaca. 5 Niini corriotsa coca itaita shenitaca njoa lrioya jliaji nonaitjacawa cayoji Piaco icaite capisho. 6 Nininaotsa, corriotsa capaiman carroca njoa nowada cádanaco nanaco njaji yácoti Pinalri nonaitjaca. 7 Noawatsa matsiadalri Pirso nocaolre mamatsicanadalri sho noaji cádanacoenaotsa nonaitja matsia njaji piaco matsiaperri. 8 Nonaitjaotsa cayoji Piaco inacoapanaperri icaite capisho; mamaca tsaotsa njoa. 9 ¿Coajiintja lritaita lriofacawa mamatsicanatsa jliaji apada yempeti toa? 10 Nocaolre rikjoite watsa nomaca Pjia; mcadatsa njoenacawa piaco ioya. 101 Njoena catsa naoya njaji imatsicanati wade nonaitjaca nomatsicanawa noepácarro Piaco matsia. 102 Corrin njoenacawa Piaco matsiadalri ioya, ima Picanatjenina njoa nanaco. 103 Matsiaperrica Piaco cayoji nooma capisho, ajaca, potiyadalri pjaca maapa idon ioya noperr cádanaco. 104 Piaco icananta capoa njoa noaji matsia njaji matsiaperri; niini matsi nocapaca njaji nacashatetalritsa inaco. 105 Piaco icanta njoa coajica nofacawa matsia njite camarraica norso nodejícarro matsia. 106 Nocaite yácoti ajádalri sho jliaji nocaiterri, ima njoepaca Piaco ajádalri. 107 Caifiaca njoa; Picada cafitsa njoa, no-Minalri, cayotsaji Picaite capisho norso Piaco lrico. 108 No-Minalri, pinaitja matsiacalri picoadata nokjoete jliaji ofrenda nocadalri Pirso nonoma lrikjoete, njite picananta njoa piaco inacoapanaperri naco. 109 Caidalritsa naoma nainoca njoa njaji nocoema, caicayatsa corrin nomaodaca Piaco ioya. 110 Inaiki matsidalri imatsieta nopia owepi, mitsa corrin njoenaca naoya njaji picanantalri njoa inaco. 11 Nocada Piaco iofá nocaolre ricó, wadee nonaitjaca nomatsicanawa Pikjoete. 12 Matsiadalri, matsiadalrica Pjia no-Minalri; Picananta njoa Piaco inacoapana nacoperri. 111 Nomatsieta nonacoa noyadawao njaji Piaco inacoapanaperri Picadaji warso caidalritsa, icatsa njaji njaji icatimatalrica nocaolre. 112 Nocadakjenina nocaolre ricó njoepácarro Piaco caidalritsa a kjerreca mayami njoa. 113 Matsi nocapaca narso njaji yamadade iwaopiakje, mitsa njoa nopeyo Piaco. 114 Icatsa pjia idawalri njoa matsidalri ioya njite nodanaca Pjia; njite nocadaa nocaolre Piaco naco. 115 Shena noya sha inaiki inaitjacape matsiperri, notaitá carroatsa nocapaca noicao no-Diote iaco. 116 Pikjaidata njoa Piaco sho notaitácarro cafica njoa wadee capaimanca njoa lrioya jliaji matsiadalri nowapalri Piinai. 117 Pikjaidata njoa, njite matsia watsa nofacawa; caidalritsaotsa nowaopia Piaco inacoapana naco. 118 Pjienita pioyao pjiomi njaji imacacape Piaco, inaiki cashaperricana corripetsa pjepa iaco. 119 Pipeco pjiomi njaji matsiperri jalredaoca lrico papeco capisho matsipeda; caishopa njoa, nopeyo norsowao Piaco. 120 No dada icorsocao lrifio capoa Piwana, njite nifio tsakja Piaco inacoapanaperri naco. 121 Nonaitja matsia, njaji matsiaperritsa; mamacatsa njoa narso njaji jirrapitetacape njoa. 122 Pimatsieta njoa piinaiwa, njoa Pirsodalri; macadatsa njerrapiteta njoa njaji padalreperri. 123 Mapji nowapaca corri capoa kjeya Pino piyometa njoa cayoji Picaite capisho norso Piaco lrico. 124 Picañjata Pirsodalri icapa corrica Pimacani cayoji Piaco icaite capisho lrirso njite Picananta lrirso Piaco inacoapanaperri. 125 Pirsodalrica njoa; Pia noajikjewa notaitácarro noaji piaco inacoapanape naco. 126 No-Moinalri, lrikjoenina jliaji jalredaoca pidejicarroena, ima njaji inaiki opi namacoadata piaco. 127 Ajádalri noma pjaca piaco owirro ioya, palrata ioya tsakja njaji namatsietaji matsia. 128 Caishopa, cayekjatsa njoa nonaitjácarro cayoji Picananta capisho njoa njite matsi nocapa pjiomi njaji nanaitjaji ishatidapetsa. 129 Matsiaperrica njaji piomaji wanaitjaca, caishopa njoepana. 130 Camarraica jliaji yácoti pacananta cádanaco; lricadaa najikjewa njaji marsocape yajikjeti. 13 Nonoma sho nocaite nanaco pjiomi njaji Piaco inacoapanaperri Picadaji wají. 14 Nocatimatacawa nanaco njaji Piaco matsiaperri Picaiteji warso; catima pja njoa naokjaote, corrin njaca icatimata njoa njaji inaniti jalredaoca lricoperri. 131 Nomjeco nonoma, ajádalri capoa nomaca Piaco nocaolre rikjoite. 132 Pidia pioma njoa njite kjena Picapaca norso, cayotsaji Pinaitja capisho narso njaji ipeyocape Piipitana. 133 Picananta njoa coajicarro nonaitjaca; macadatsa apada imatsicanati shamaca njoa. 134 Piyomjeta njoa naoya njaji inaiki jirrapitecaperri njoa notaitácarro nocapa matsia njaji picanantalri njoa inaco. 135 Picañjata pjiida Pirsodalri nakjoite njite Picananta njoa Piaco inacoapana naco. 136 Aima notjiafia iarrocawa notji lrikjoite naikjaote njaji inaiki corri capoa njepa Piaco. 137 Inaitjacadaca matsia Pjia, Dio, njite matsiaperrica njaji Piaco inacoapanadalri. 138 Picadenina Piaco inacoapanadalri Picadaji, jliaji yacoti ajádalri corridalritsa imatada. 139 Noirroa imatsiketaca njoa naikjaote njaji nocoema corriperri ioma Piaco. 140 Nowina nocapa Piaco imatsiaca naco, njite njoa Pirsodalri nopeyoni. 141 Mifdalritsa njoa njite namenatanda tsakja njaji inaiki, mitsa njoa corrin nomaodaca Piaco ioya. 142 Corridalritsa imataca njaji Pinaitjaji matsia, njite lricadaa lriofa pamaodacatsa Piaco. 143 Njaji matsiperri njite inonacalri opi naoketa njoa, caicaya tsa nocatimatacawa Piaco sho. 144 Matsiaperrica njaji yácoti Picadaji warso caidalritsa; Pia noajikjewa notaitacarro cafica njoa. 145 Nowanaca Pjia nocaolre rikjoite: ''Pjiepa njoa no-Minalri, njite nomatsieta nonaco Piaco.'' 146 Nowana Pikjaolre; Piyomjeta njoa, njite nonaitja watsa cayoji Piaco inacoapanadalri icaite capisho jliaji Picadalri warso. 147 Nocafiawa depi toa njite nowana pikjaolre Pikitsindatácarro njoa. Njite nowapa piinai cayotsaji Piaco icaite capisho. 148 Corrin nomaaca depi ricó notaitácarro nowaopiaca Piaco naco. 149 Pjimi noaco cayoji Picaite capisho warso; Picadaa cafitsa njoa, no-Minalri, cayotsaji Piaco matsiadalri icaite capisho warso Piaco inacoapanadalri ricó. 150 Natsomitaca njoa njaji ipinetacape njoa, mitsa tecoperricana Piaco ioyana. 15 Nowaopia watsa nanaco njaji Picanantalri njoa inaco njite corriotsa nomaodacá carroca naoya njaji piomalri nonaitjaca Pirso. 16 Nocatimatacawa Piaco ikjaote; corriotsa nomaodacá carroca Piaco ioya. 151 Tsomitsa Pjia no-Minalri, njite pjiomi Piaco icadaa pamaodacatsa paofacawa. 152 Opi piena noaji Piaco inacoapanadalri naco jliaji yácoti Picadalri warso caidalritsa fepa capoa piaco. 153 Picapa coajica njorrapitaca niini pino pikitsindata njoa, ima corrin nomacaca Piaco. 154 Pidanata njoa naoya njaji icaiterri nonaco matsitsa, Piyomjeta njoa; mamacatsa njoa, cayotsaji picaite capisho Piaco lrico. 155 Corriotsa manaco carroca njaji matsiperritsa, corri capoa naoma njepaca Piaco. 156 Aima njaji Pinaitjaji kjena capoa Picapa warso, no-Minalri, macadatsa mayamica njoa, cayotsaji pinaitja capisho manatsa norso. 157 Aima njaji nocoema ipinetacaperri njoa, mitsa njoa corrin nomacaca Piaco. 158 Matsi nocapaca narso njaji yalri Pikjoete corri capoa njepa Piaco. 159 Picapa coajica nopeyo njaji Picanantalri njoa inaco; macadatsa mayamica njoa, no-Minalri, Pinaitja norso cayoji Piaco matsiadalri icaite capisho. 160 Ajádalrica pjiomi njaji Piaco icaite capisho; njite pjiomi njaji Piaco inacoapanaperri corriotsa coancaojlica lriwayacawa. 161 Njaji talricanatinai napineta njoa mikjapantsa, nocaolre itetjewa nomjepata cadaa piaco. 162 Nocatimatacawa Piaco naco cayoji lricayosho jliaji ioketacada nayarroaji cacoadaperri. 163 Corrin nopeyoca njaji ishati,matsi nocapaca narso, mitsa njoa, nopeyoca piaco. 164 Siete piape noaca Pirtso matsiadalri padaa naco Piaco matsiaperri ikjaote. 165 Narso imaidacakjeti pekirridalri njaji ipeyocape Piaco; corrin coca icada nanaitjaca namatsicanawa. 166 Nowapa Piyomjetaca njoa, no-Minalri, njite njoepe Piaco matsia. 167 Nowapa nocapa matsia Piaco imacadalrica naco, njite nopeyoca pekirritsa. 168 Nomatsieta nonacoa coajica Picanantaca njoa, njaji Piaco imacadalrica, njite piwapa Picapa pjiomi njaji nonaotjalri. 169 Pjimi coajica nowanaca Pirso njite Pikitsindata njoa, no-Minalri, Pia noajikjewa Piaco nakjoiteperri. 170 Picadaa naocacawa Pikjaolre njaji notatjalri Piinai; Pikitsindata njoa, cayotsaji Picaite capisho warso Piaco lrico. 17 Catima Picapaca Pirsodalri irso, notaitá carroatsa nofacawa Piaco icaite capisho njite nomatsietana nocaolre ricó. 18 Pikitsindata njoa, notaitá-carro nocapaca Piaco imatsiaca inacoapanaperri. 171 Aima norsoca noaoda matsiadalri Pirso ikjaote nonoma sho, ima Picanantaca njoa Piaco naco. 172 Picada nocantaca Piaco ikjaoteperri, ima corriperrica imatada njaji Piaco. 173 Pikitsindata njoa Pjida sho, ima njoepaca norsowao njaji Picanantalri njoa inaco. 174 Nooma matsina Piyomjetaca njoa, no-Minalri, Piaco icatimataca njoa. 175 Noma cafica njoa noácarro Pirso matsiadalri, njite nakitsindatá-carro njoa Piaco matsiaperri. 176 Manalreca njoa manalre capisho oveja, Pioma njoa Pirsodalri, ima corrin nomaodacaca Piaco ioya. 19 Jiyapacada catsa njoa jalredaoca lrico; niini, madawatsa Piaco nooya. 20 Caiwa mana lriaca nonaco ima noma noajica nocaolre rikjoite njaji Piaco matsiaperri caidalritsa. 21 Corrin Pioma natsomitaca Pjia njaji padalreperrimi, njaji Picaiteji inaco maatsi, njaji shenacaperri Piaco ioya. 22 Piyomjeta njoa matsiperri ioya njite naoya njaji yametacape njoa, ima njoa, icamitsa njoepaca Piaco matsia njaji Picadalri warso. 23 Apadape nanakjoite njaji talricanatinai nawaopia dawacalri ricó nanaitja norso maatsi, njite nanaitja ishati nonaco, mitsa njoa Pirsodalri, nowaopia Piaco naco caidalritsa. 24 Piaco icatimata njoa caidalritsa , icatsa njaji icaiterrica njoa nainaiwa. 25 Lridia caotsa jiipai lricojle jliaji nocafica. Picada cafica njoa Piaco sho. 26 Nocaite Pirso pjiomi njaji nonaitjalri, njite Pjiepa njo; Picananta njoa Piaco inacoapana naco. 27 Picada noají coanshopaca njaji piomalri nonaitjaca Pirso; notaitá carroatsa nowaopiaca nanaco njaji Piaco matsiaperri. 28 Mjaidakena nodada icaiyati sho. Pikjaidata njoa Piaco sho. 29 Pjienita nooya pjiomi ishati wade noajica coajica pacashataca, Picananta njoa Piaco kjaidaperri naco merroatsa. 30 Ima corrin noma nomacaca Pjia; corrin coancaojli nomaca Piaco, caidalritsa nonaitjaca cayoji nacaite capisho. 31 Opina nocaite njoepaotsa jliaji yácoti Picaitenda waro; IMINALRITI, macadatsa napaimanietaca njoa. 32 Nocadakjenina nonaitjácarro cayoji Piaco icaite capisho, Pipomenata njoa nocaolre ricó nonaitjácarro cayoji Piaco icaite capisho. 33 Picananta njoa, no-Minalri, coajica Piaco ioma nonaitjaca, njite nonaitjacaotsa cayó a kjerreca mayami njoa. 34 Pia norso yajikjeti, njite njoepaotsa Piaco matsia; nonaitja caotsa nacaite capisho nocaolre lrikjoite. 35 Picanantaca njoa coajica Piaco ioma nonaitjaca, njite nopeyo caotsa nonaitjaca njaji Piaco icaiterri. 36 Picadaa nomaca nocaolre sho njaji Piaco Picadaji warso njite macadatsa njotaca noyarroa ishati sho. 37 Macadatsa nocapa njaji miperritsa; Picafieta nocaolre ricó njaji Piomaji nonaitjaca cayoji Pioma capisho. 38 Pinaitja narso njaji Pirsoperri njaji Picaiteji narso, njaji inaitjacape Pirso matsia. 39 Pipeco noya pjiomi njaji yácoti matsiperri, ima matsiaperrica njaji Pinaitjalri warso cayoji paoma capisho. 40 Picapa coajica noma Picanantaca njoa; picafieta njoa Pinaitja capoa norso matsia. 41 No-Minalri, Picadaa norso ipeyokjeti Pinakjoitedalri, yomjecalri Pinakjoitedalri, cayoji Picaite capisho warso; 42 nini watsa, noaji coaji caotsa njoepaca njaji iomacape icaca noicao, ima nocadaca nocaolre Piaco naco. 43 Macadatsa yami cacoca njoa Pinaco, ima nowapacaotsa pinaitjaca norso cayoji Piaco icaite capisho. 44 Caidalritsaotsa njoepaca Piaco, caidalritsa njite caidalriwetsa. 45 Nocadaa nocaolre ajádalri Dio naco, nooma coaji Picanantaca njoa. 46 Nocaite watsa Piaco kjaidadalri naco njemiwerrico njaji talricanatinai njite corriotsa napaimanietá carroca njoa. 47 Nocatimatacawa Piaci sho, njaji yácoti nopeyonipe nocaolre sho. 48 No cacoadataotsa njaji Piaco, njaji yácoti nopeyonipe nocaolre sho; nowaopia watsa Piaco inacoapanadalri naco caidalritsa. 49 Piwada linaco jliaji Picaitenda Pinaitjaca Pirsodalri irso, ima Picadaa Pirsodalri iwapaca Piinai matsiadalri. 50 Icatsa jliaji icatimatalri njoa; njaji Picaiteji norso, icatsa njaji icadalri cafica njoa. 51 Njaji inaiki padalreperri necaaca noicao, mitsa corrin njoenacawa Piaco ioya. 52 Nowada mana caidalritsa njaji Yácoti kjaidaperri Picadaji oopi waferrinaipe irso, niini, no-Minalri, nocatimacatawa njowaca-waacatsa. 53 Nokerroatacawa njowacatsa, naikjaote njaji inaiki matsiérri inaitjaca corri capoa njepa Piaco. 54 Nocantaca Piaco naco lri-ricoda jliaji panti nofalri irricoda kjeyatsa. 55 Nowaopia Piipitana naco deepi-ricó, njite nomatsieta nocaolre-ricó. 56 Icatsa jliaji nonaitjalri ima noetsi kena Piaco. 57 Jliaji Iminalriti icatsa jliaji iwapacadaca njoa; nocadakjeninawa njoepá-carro Piaco. 58 Ajagalri sho notatjaca Piinai nocaolre rikjoite Pikitsindatá-carro njoa; kjena Picapa norso, cayotsa Piaco icaite capisho norso. 59 Nocapa cayekjatsa njaji nonaitjalri njite nodia nonaitja cayoji Piaco icaite capisho. 60 Corrin wiaca njoa njoepácarro Piaco. 61 Njaji nocoema naoma njepaca njoa naowepi sho; mitsa corrin nomaodaca piaco ioya. 62 Pamoyoa deepi ricó nocafiawa noacarro matsiadalri Piaco ikjaote ima nanaitjaca norso matsia. 63 Nakitsindajica njoa narso njaji inaitjacape cayoji Pioma capisho, narso njaji iwapacape icapa matsia coajica Picaiteca. 64 No-Minalri, njaji inaiki jalredaoca lricoperri najenina corrica pimaodaca Piacoam ioya Picaitenda narso; Picananta njoa Piaco naco. 65 Matsia Pinaitjaca Pirsodalri irso Piaco sho, no-Minalri. 66 Picananta njoa noajícarro jliaji jirrapitinadalri pajica njite pia norso yajikjeti, ima njoepaca Piaco. 67 Lripjeya toa Pjirrapitetaca njoa, njoena piatoa Piaco ioya, mitsa panaya njoepa kena Piaco. 68 Matsiadalrica Pjia, njite icatsa Pjia inaitjacadaca matsia; Picananta njoa Piaco naco. 69 Jliaji padalredalri lricaite ishati nonaco matsícarro noacona, mitsa njoa, njoepaca Piaco nocaolre rikjoite. 70 Tarraperrica icaolre, mitsa njoa, nocatimatacawa Piaco sho. 71 Matsiatsa Pjirrapitetaca njoa, notaitácarro noajica Piaco naco. 72 Matsiaperrica njaji yácoti Picanantalri fa inaco, matsiape pja owirro, ioya njite palrata ioya tsakja. 73 Picapi sho Pinaitja njoa njite Pinaitja nocapacana; pia noajikjewa noajícarro Piaco naco. 74 Njite pjiomi njaji inaitjacape matsia Pirso catima watsana nacapa cádanacoatsa njoa ima noketaca nowapaoda matsiadalri piinai piaco ikjaote. 75 Noajintsa no-Minalri, ajádalrica njaji Picaiterri njite pinaitja capoa matsia norso Pjirrapiteta njoa. 76 Picaite capoa corri caotsa Pimacaca njoa niini picatimata njoa, cayotsaji Picaite capisho Pirsodalri irso. 77 Picañjata nocapa kjenacatsa picapaca norso notaitácarro cafica njoa, ima Piaco icatimata njo. 78 Picana napaimanietacawa njaji padalreperrimi, ima nacaiteca ishati nonaco; mitsa njoa, nowaopia catsa coajica Piaco icaiteca norso. 79 Nataitá carroatsa najica njaji Pinalri nanaitjaca njaji inaitjacape Pirso matsia, njaji yajicape coajica Piacoam icaiteca. 80 Macadatsa camatsicanaca nocaolre corri capoantja nonaitja cayoji Piaco icaite capisho wadentja Pimaimanietaca njoa naikjaote. 81 Mjaidakena njoa noma cadana Pino caotsa piyomjeta njoa. Nowapjentsa matsiaperri Piaco ikjaote. 82 Nowapa nocapa notji sho njaji Picaiterri norso, ¿Coancaojli naotsa picatimataotsa njoa? 83 ikjapandalri sho catsa noajiacacawa; corrin nomacaca Piaco. 84 Pinaitja matsiacalri, ajena picadaca Pirsodalri iwapa pjaca toa. Picadena njerrapitaca njaji ipinetacapeni. 85 Njaji palreperrim njecaca irrirriapji nopia njowácarro lriricoda, nanaitja cayo naometa capoatsa Piaco. 86 Njaji Piaco, corripetsa imatadaca; njaji inaiki napinetaca njoa mikjapantsa; Pino piyomjeta njoa. 87 Yomje naino njoa, mitsa njoa, corrin nomacoadataca coajica Picanantaca njoa. 88 Pekirridalri capoa jliaji pipeyoshopa fa, picada toa cafica njoa, notaita carroatsa njoepaca piaco matsia. 89 No-Minalri, njaji Picaiterri, corrin coancaojlica yamina; njaji Picaiterri, ajadalri-perricana enolricojle tsakja caidalritsa. 90 Caidalricatsa ajadalrica njaji picaiterri narso njaji walricomanai tsakja; Pjiatsa icada jiipai iofaca naco, niini corri toa lriwayacawa. 91 Caicarrontoa pjiomi njaji Pinaitjaji atee panashete toa, cayotsaji Picaite caposho Piaco lrico, ima pjiomi njaji pinaitjaji jalredaoca lrico nadejica Pirso. 92 Corri cadantja nocatimatacawa Piaco naco, opi pienantja mayami njoa Pjirrapiteta caojli pia njoa. 93 Corriotsa coancaojlica nomaca noayao njaji picanantalri njoa inaco, ima naikjaoteca Picadatoa cafica njoa. 94 Piyadaca njoa, Piyomjeta njoa, ima njoepaca njaji Picaiterri norso. 95 Njaji matsiperri namatsietacawa nainócarro njoa, mitsa njoa, nooma coajica noajícarro Piaco naco picadaji warso. 96 Nocapa nawayacawa pjiomi njaji pacapalri, mitsa njaji Piaco corrin lriwayacacawa, corrin lrirsoca lriocacawao. 97 Ajadalri nopeyoca Piaco. Icatsa jliaji nowaopialrica inaco jalredaoca icoam. 98 Piaco icadaa aima noajikje naoya njaji nocoema, Ima njoepaca piaco caidalritsa. 99 Aima pja noajikje naoya njaji icanantacape njoa, ima nowaopiaca nocaolre ricó Piaco naco picadaji warso. 100 Noaji pja naoya njaji pekipenaipe pja nooya; cayo njoa njoepa capoa Piaco picananta shopa njoa.
1 Pikitsindata, nominalri, ima nawayacacao njaji kjanaperi icapa pana irso, ima nawayacacao njaji matsiaperi nanacjoite njaji atsianai. 2 Kacocana macadatsas nenesho naiktsiñape naco, njite yamada nawaopiakje 3 waminalri iwayeketa watsas pjiomi njaji cacoperi yeenene sho matsi pana inaco, nacoanatsacja njaji inaiki cacoperi aima matsi pana inaco 4 icatsa njaji icaitecape : nanomasho watsa wema lricjoete, njite wanoma icaiteotsa cacaotsa njaji ianjiri watsa wanaco 5 Lricjaote jliaji natisca narso njaji kjenaperi naicjaote njaji coyolreperi njonico watsao lriaco jliaji WALMINARI njoa watsa icadaa naomalri 6 Njaji WAMINARI iaco matsiadalricami caiji palrata sho namjaitanda tiyee rico mapiradalri ciete pjiape 7 ! Icatsa npia WAMINALRI ! pjia jliaji iwapana pjia imatsieta njaji kjenaperi icapaca pana irso caidaslri weetsa naoya njaji matsiperi 8 jliaji matsidalri lriajiwa tsomitsa, cjaida cadanaco jiaji matsidalri napeco lrico njaji neenipe njaji atsianai
1 Corri cádanacoena noajiacacawa nowana no-Minalri ikjaolre, njite jliepa njoa. 2 NoMinalri, macadatsa nainoca njoa njaji icashatacape nonaco nanoma sho njite namañeta tsakja neene sho. 3 Cayoatsa Dio jirrapiteteca pjia, cayoatsa Lrinaitjaca pirso, pjia irsocada ienene pakjami ishati sho. 4 Jlirrapiteta caotsa pjia cayoji apada oowi iyawita capisho apada lriyawitsioco sho irsocada keemádalri jitaco, lrikematanda matsia tiyé rico lriwacanda jaico enebrodalri iipitana. 5 Kjenadalritsa njoa ima nofa piacawa kjeyatsa Mesec lrico; nofa pia kjeyatsa Cedar ipanaita lrima ipecolrico. 6 Aimena jalredaoca nofacawa nainai njaji corripetsa ioma iofacawa imaodacakjeti ricó. 7 Icamitsa noma nofacawa imaodacakjeti ricó, mitsa caaco cádanaco njoa lrinaco, icamitsa naoma nainoacacawa.
1 Njorretaotsa nocapa nanacojle njaji jiipana. ¿Kjaite watsa lrino jliaji ikitsindatacaita njoa? 2 Dio nakjoite watsa lrino jliaji ikitsindatalri njoa, jliaji inaitjacaita eenocoma njite jiipai tsakja. 3 Corriotsa lricadaa carroca pipjoaca pajlaimi; memáacadalrica jliaji iwapacaita pjia. 4 Corridalritsa daimji itji njite corrin lrimáaca jliaji iwapacada Irael. 5 Iminalritica jliaji iwapacada pjia; Dio watsa yema picodapi lridanatá-carro pioya njaji iomacape inaitjaca pirso maatsi. 6 Corriotsa jamolri imatsicá carroca pjia jalrewericó, corrin tsakja kérri imatsicá carroca pjia deepi. 7 Iminalriti watsa iwapa pjia pjiomi matsirri ioya, Lriwapaotsa pjia mayamicalri ioya. 8 Iminalriti watsa iwapa pjia njite pjiome njaji pinaitjalri panaya, caidalriwenatsa lriwapaca pjia.
1 Catima njoa njomi cádanaco nacaiteca: ''warsa waawa Dio ípana lricojle'', Jerosalén lricojle. 2 ¡Wapjoa kena pipananoma lrico Jerosalé! 3 ¡Jerosalén, yacaalre nawaopianda matsia coajicaotsa nanaitjani! 4 Njaji Iraelnai, Dio inaikite, naacawa Jerosalén lricojle, nácarro náa matsiadalri wa-Minalri irso nirse, nanaitjácarro cayoji lrinaa capisho nanaitjaca. 5 Ima nirseca lricadaa naofacawa njaji icaitecape inaiki iacona, naofacarrda njaji David iipaneta inakjoite-perri. 6 ¡Itatja Dio iinai namaodacá-carro naofacawa njaji Jerosalén lricoperri. Narsocarro imaodacakjeti njaji ipeyocape Pjia. 7 Namaodaca carrotsa naofacawa njaji inaiki Jerosalén lricoperri, njite namaodaca tsakjaotsa naofacawa njaji iofacapewa nápana lrico.'' 8 Nopeyo capoa njaji nokitsiñapenjite njaji nokitsiñapeji, nocaite cayoji: ''Noma irsoca imaodacakjeti ikjoetewaca.'' 9 Matsia carrotsa jliaji Iminalriti ípana, jliaji wa-Diote, nomaotsa coajica waofacawa wamaodacatsa.
1 Njorreta notji nocapacarro Pikjolre, Pjia italricanatacada eenocoma lricojle. 2 Picapa coajica njaji narsoperri iwapa icapa naminalri inaitjaca lricaapi narso; coajica ronaitjaca rocapi rsoaji naminarro narso njaji narsoperri inaitjpe. Cayo tsakja wawapa wacapa Pjia wa-Minalri, Pjia wa-Diote kjenacatsa picapaca warsoa. 3 Kjena picapa fa, Iminalriti, Kjena picapaca fa, ima pakjamica fa ipaimantai sho. 4 Pakjamica fa nasho njaji yacoti neca shopa waicai njaji inaiki imacoadatacapei fa njite njaji padalreperrimi.
1 "Picada Irael icaiteca cayoji,"Coaji piantja fa corri cadaa pia Dio ikitsindata fa, 2 "corri cada piantja Dio iema wacodapi njenico caojli pia wakjoete pjiomi njaji inaiki, coaji pienantja fa panaya, 3 oopi pedena naino pia fa, nerroa ipojlia caojli pia wakjoete. 4 Opi pia pedenantja nadee napeco fa teeco cayoji ooni tarracadalri jiyapa capisho paicao; opi piantja wacoema imatsiketa fa. 5 Oopi pia pedantja naino fa cayoji ooni iticometa capisho mayamícarro pja.'' 6 Matsiadalrica wainai jliaji wa-Miknalri, corri capoa Lricadaa namatsiketaca fa cayoji yáwi iwayaketa capisho lriwini. 7 Oopi manaco fa cayoji manaco capisho njaji wipjiarro lrioya jliaji njepa shopana njaji iwinitacape; lrimatsiketaca naoya njaji njepa shopa pia fa niini manacoca fa. 8 Diotsa jliaji wawapalri ikitsindataca fa, jliaji inaitjaca njaji eenocoma njite jiipai tsakja.
1 Jiipana Sión shoca njaji icadacape icaolreo Dio naco, corridalritsa coca itaita ipecoca jiwao njite lriamacawa caidalriwetsa. 2 Cayoji jipana yema capisho Jerosalén idanawa, cayotsa Dio yemaca nawaida naco njaji Lrinaikite. panaya njite caidalriwetsa. 3 Njaji inaiki matsiperri corrin nataita natalricanataca nanaco njaji inaiki inaitjacape matsia. Wade nanaitjaca mamatsicanao njaji inaiki matsiaperritsa. 4 No-Minalri, Pinaitja matsia narso njaji matsiaperritsa njite narso njaji inaitjacape matsia nacaolre rikjoite. 5 Mitsa njaji imatadacape pirso, njaji inaitjacape maatsi, wa-Minalri shenitacaotsana nainai njaji inaitjacape matsi. Waoma imaodacakjeti Irael irso.
1 Pjetapon shotsa wacapa Dio idieta caojli pia njaji inaiki Sión lricoperri. 2 Niini wapakjanta panaya wanoma ikjenti sho, njite wapakjanta wenene cancón sho. Niini nacaite narsowaca njaji inaiki jalredaoca lricoperri: ''Dio inaitja matsia naikjaote.'' 3 Aima matsiaperri Dio inaitja waikjaote; ¡itimati pekirridalri warso pia jliawajli! 4 Piwataca tsenakja wa-Minalri, cayo-carro fa lricayosho jliaji ooni jalrapocolri ricoda Neguev lrico. 5 Njaji iyacapem pia naapana caojli pia, naniwacaotsa napania itimati ricó. 6 Njaji iyacape nadée cádanaco napanaope, catimaotsa nadiaca njite nadieta capoena napania ínaca njite.
1 Corri cadatsa Dioca inaitja jliaji panti, mikjapantsa nadejica njaji idejicapeni. Corri cada Dioca iwapa jliaji yacaalre, mikjapantsa nawapaca njaji iwapacapeni. 2 Mikjapantsa picafiacawa deepi toa pinitá carroena pidejica kjaida papienirri deepi nacojle pitaitácarro piñjaca iñjaodati piddejí cayami kjaida, mitsa Dio iaca naiñjao njaji lriomanipe nemaa cadana toa. 3 Dio icadajica warso njaji wenipe. Njaji wenipe lricadalri warso icatsa lricaoña shopaca fa wadejicalre icoada.. 4 Cayoji yawitjiocoti sho nacapi ricó njaji oowinai, icatsa cayoji njaji wenipe yempetipe toa. 5 Aima matsiaperri narsoca njaji irsocape aima neenipe nápana lrico. Corriotsa capaiman carrocana nema cádanaco nakjoete njaji nacoema napananoma lricojle.
1 Matsia watsa jliaji inaitjacada matsia Dio irso, jliaji inaitjacada cayoji Dio ioma capisho. 2 Catima watsana naiñja cádanaco nadejicalre icoada; matsiacana njite aima cayao pjaotsa narsoca nayarro. 3 Cayoatsa rsoaji piino jaico cainacane sho yemacadawa piipana icodapi, njite cayoatsa njaji pienipe jaico olivo sho naofa cádanaco pi mesan icodapi. 4 Icatsa cayo Dio icadaa matsiaperri narso, lrinaitja capoa matsia Dio irso. 5 Dio inaitja watsa matsia pirso Sión lrikjoite; Picapaotsa coaji caotsa matsiaperri itaoñawa Jerosalén lrico caafi cádanaco toa pjia. 6 Picapaotsa pienipe yenipe toa. Imaodaca kjeti iofaca Irael lrico caidalritsa.
1 Picadaa nacaiteca njaji Iraelnai cayoji: ''Noyempetica nakjhoite toa aima piape najica napineta njoa njaji nocoema.'' 2 Aima piape noyempetica nakjhoite najica naoma njoa, mitsa corrin njamaca njoa. 3 Nayoa nodajite naco njaji nocoema, nanaitja njoa cayoji ipokjo cada sho jiipai inaitja capisho. Jalripa njecaca jliaji jiipai. 4 Jliaji wa-Minalri corrin Lrimatadaca; opi lriyoa jinorroti kja naoya njaji inaiki matsiperri. 5 Pimaimanietaotsa pjiomina njite Pidietaotsana, pjiomi njaji matsiperri icapaca Sión irso. 6 Cayoatsa Picadaa njeyapacao njeyapa capisho njaji malritsi itaoñacape panti naco, 7 jliaji malritsi corridalri irso iinaca, corri petsa coca irso cocacan. 8 Wadeotsa nacaiteca njaji jiyapacape lricodapi: ''Dio watsa inaitja matsia lrirso; wacaite matsia pinaco matsiacarro pjia Dio ipitana naco.''
1 ¿Coan caojli pjenaotsa IMINALRITI, Pidiawatsa piwada njoa? ¿Coancaojli pjenaotsa Pimjeco piecoa picapácarro njoa? 2 ¿ Cosho pjaotsa jalredaoca nofacawa njotacawa nocaolrewa njite norsocawa aima inonacalri nocaolre ricó jalredaoca icoam? ¿Coancaojli pjenaotsa yami njamaca njoa njaji nocoema? 3 ¡Picapena njoa njite pjiepena njoa, Pjia IMINALRITI, no-Diote! Picada kjaidaca njoa, corri cadaa icaminaotsa mayamica njoa. 4 Macadatsa nacaiteca nonaco njaji nocoema cayoji: ''Opi njoamani,'' wadee tsakja nacaiteca nonaco: ''Njoatsa kjaida nocoema ioya,'' ima cayo cadaa necaacaotsa noicao njaji nocoema napeco cádanacoatsa njowao. 5 Mitsa njoa nocadaa nocaolre Piacoam naco corridalritsa Pimatada inaco; nocaolre icatimataacawa Pimanacota capoa njoa. 6 Nocantaotsa no-Minalri irso ima Matsia lricoadataca njoa.
1 Inonaa cádanaco njoa pekirritsa, nowanaca pikjaolre, no-Minalri. 2 Pjimi noacoam. noMinalri; Piwapa pjimi nanaco njaji notatjalri Piinai noma capoa kjenaca Picapa norso. 3 Corri cadantja yami Piwaopiaca nanaco njaji imatsicanati, no-Minalri, ¿coketsantja itaita iofacawa cafitsa? 4 Mitsa paoketatsa Piinai matsiadalri picadaa capoa wamatsicana jiyapacawa Pioya, ninicarrotsa njaji iacape Pirso matsiadalri. 5 Nowapa pjiomi matsiadalri no-Minalri nacotsa; nocafica iwapani, ima njoepaca njaji Lricaiterri norso. 6 Mitsa njoa nowapa Pinacotsa, Pjia no-Minalri, cayoji iwapacaita iwapa capisho jalreca lriicao kjeya. 7 Irael, iwapa lri-Minalri nacotsa. Kjenadalritsa icapaca parso jliaji Iminalriti, Lriwapaketsa lriñjetácarro waoya wamatsicana. 8 Icatsa Jliaji iyomjetalri caotsa Irael pjiomi lrimatsicana ioya.
1 Iminalriti, mapadalrecadalri catsa jliaji nocaolre njite corrin njoama apada nocapacádanaconi. Corritsa nowaopia norsoca njaji corripetsa notaita njitaca norsowao. 2 Niini nomaodacatsa nofacawa njite corrin njotaca nocaolre naikjaote; cayoca njoa lricayosho jliaji yempeti jlidoa jitanda ioya roini, corridalritsa iiya jlidoa inoia ikjaote. 3 Irael icadaa icaolre Dio naco panaya njite caidalriwetsa.
1 No-Minalri, matsiacarro jliaji pirsodalri David, piwadatsani coajica jliyapacao. 2 Piwada coajica lricaite Iminalriti irso, jliaji Kjaidadalri Jacob irso. 3 Lriaco: ''Corriotsa njoewá carroca noopana lrico, norsoácarro norsoacarroita naco, 4 corriotsa daimjí carroca njaji notjí, corriotsa naitá carroca njaji notjiya 5 a kjerrecaotsa noketa a kjerrecawa lrico caotsa lriofawa jliaji no-Minalri, pada pana panti lriofa carroda jliaji Kjaidadalri Jacob lricoda.'' 6 Ajaca, femi lrinaco Efrata lrico; waoketani Jaar jipaite lrico. 7 Fewawa Dio ipana lrico; Wacaotsa matsiadalri Lrirso Lricadacawa naco jliipa. 8 Pinoena no-Minalri, pinocarro Piofawa lri-ricoda jliaji panti Piwafeta carroda lrico, Pjia njite Pipatowan tsakja, jliaji picañjata shopa nacapa pjiida. 9 Picadaa nacapa njaji inaiki nanaco njaji pisacerdotenaipe, inaitjacapeca matsia; njite Picadaa nawanaca njaji pinaikite catima capoa nacaolre. 10 Matsiacarro jliaji pirsodalri David, mamacatsa jliaji talricanati Piniwananda Pirsowao. 11 Jliaji Iminalriti inaitja pia pada yácoti ajadalri sho David irso, yácoti corridalritsa lriwayaketa lrioyani. 12 Njaji pienipe, corri cadaa njeena lrioya jliaji Noacoam naapiya, njite naoya njaji yácoti Nocanantalrina inaco, caidalri tsaotsa natalricanata tsakjaotsa njaji pienipenaipe.'' 13 Ajádalritsa wa-Minalrica iniwana jliaji Sión, Lriniwanaca lriofacarrodaca inaco. 14 ''Icatsa nowafetacawaca caidalritsa. Icatsa nofacawa anji, ima nopeyondaca. 15 Nocadaotsa aima iñjaodati narso niini Nonaitja capoa narso matsia. Nocadaotsa naiñjaca kepinape njaji kjenaperri niiniperri. 16 Nocadaotsa nacapa njaji inaiki nanaco njaji No-sacerdotenaipe, inaitjacapeca matsia; njite nawanaca njaji Nonaikite catima capoa nacaolre. 17 Nocadaotsa talricanati-carro David idakerri nakjoite, njite caidalritsaotsa talricanaticana njaji Noniwananda inakjoiteperri. 18 Nocadaotsa napaimanietacawa njaji lricoemanaipe, mitsa jliaji Noniwananda, kjaidadalri caotsa napeyajle.''
1 Icapa, coajica matsiaca njaji shepacaperri naofacawa papocotsa njite apadatsa nawaopiakje padenirri. 2 Cayocana lricayosho jliaji aceite matsiadalri narronda Aarón jiwida naco njite lriarrocawa lritsinoma nacojle njite lriocawa lritsayan nacojle atee lriocawa lritsayan inomapí nacojle. 3 Cayoji itamana jiwacadawa Hermón naco, njite lriarrowa nanaco njaji jiipana lrima Sión nacoperri. Icatsa nanaco njaji cayoperri, Dio imenaca naikjaolre matsiaperri njite jalredaoca mawayacacaperri.
1 Inoena icaite matsia wa-Minalri naco, pjioomi sha Lrirsoperri, sha idejicaperri Lrirso lriipana lrico déepi ricó. 2 Jirreta icapi Dio iipana ikjaolre jlienitanda Lrirsowawa icaitécarro matsia Lrinaco. 3 Dio inaitja matsia irso Sión lrikjoite, icatsa Jlia, inaitjacada eeno lricojle njite jiipai tsakja.
1 Iá matsiadalri Dio irso. Iá matsiadalri wa-Minalri iipitana irso. Iá matsiadalri Lrirso, sha wa-Minalri irsoperri, 2 sha iemacapewa Dio iipana lrico, Lriipana iyacalrecoa lrico. 3 Iá matsiadalri wa-Minalri irso, ima matsiadalricani; icaite matsia Lripitana naco icanta cádanaco, ima matsiaca panaitjaca cayo. 4 Ima wa-Minalri iniwanaca Jacob Lriyadawa, Lriyadaca jliaji Irael. 5 Noajintsa matsiadalrica jliaji wa-Minalri, Jliaca naicao pjiomi njaji nacadaji dionaica. 6 Cocacatsa Lrioma jliaji wa-Minalri, Lrinaitjani enolricojle, jiipai nacojle, macapawan lrico njite ooni macapawan itjewacaca lrico tsakja. 7 Lridee njai iyadaoca tekjoitepe, lricadaa eeno iyao ikitsindawa njite Lridee jliaji caolri naaroda nakjoite. 8 Opi Lrino jliaji pjerriti Egipto lricope, maficalri nakjoite njite inaiki nakjoite tsakja. 9 Lrinaitja manaitjacanaperri pinakjoite Egipto lrico, Faraón icapao njite nacapao pjiomi njaji lrirsoperri. 10 Lriino aima inaiki iofacape njepaite lrico njite lrino tsakja talricanatinai kjaidaperri, 11 lrino Sión, amorreonai italricana, njite Og, Basán italricana njite pjiomi njaji talricanatinai Canaán lricope. 12 Lria warso jlipaite nakjoite wayadao, Lrinaikite Irael iyadawa. 13 Corri coancaojlica lriwayacaotsawa jliaji Piipitana, wa-Minalri, Jlia catsaotsa nainai njaji walricomanai. 14 Jliaji wa-Minalri lriwapa njaji Lrinaikite njite kjena Lricapaca narso njaji Lrirsoperri. 15 Palrata sho njite owirro sho nanaitja na-idolo niwa njaji jalredaoca lricoperri, atsianai inaitjajitsa nacapi sho. 16 Narsoentsa nanoma njaji idolonai mitsa corrin nataita cacocana; narsoentsa natji mitsa corrin nacapa nasho; 17 narsoentsa njenacolrico, mitsa corrin njemica nasho; corrin namotoita caolri nanoma lrico. 18 Caiperri tsakja nacayosho njaji inaitjacapena, njite cayo tsakja njaji icadacape icaolre nanaco. 19 Sha Irael inakjoiteperri, icaite matsia wa-Minalri naco; Aarón inakjoiteperri, icaite matsia wa-Minalri naco. 20 Leví inakjoiteperri, icaite matsia wa-Minalri naco, sha inaitjacape matsia wa-Minalri irso, icaite matsia wa-Minalri naco. 21 Matsiadalrica jliaji wa-Minalri Sión lrico, sha iofacapewa Jerosalén lrico. Iá matsiadalri Dio irso.
1 Iá matsiadalri Iminalriti irso; ima Lrinaitjaca matsia, ima jliaji Lriacoami corrin coancaojlica yamini. 2 Iá matsiadalri lrirso Jliaji dionai i-Diote irso, ima jliaji Lriacoami corrin coancaojlica yamini. 3 Iaca matsiadalri Lrirso jliaji iminalritinai Iminalri irso, ima jliaji Lriacoami corrin coancaojlica yamini. 4 Iacata matsiadalri Lrirso, icamitsa Jliaji inaitjacada manaitja canaperri, ima jliaji Lriacoami corrin coancaojlica yamini, 5 padatsa Jlia irso pa matsiadalri ima cajikjédalri capoa Lrinaitja njaji eenocoma, ima jliaji Lriacoami corrin coancaojlica yamini. 6 Iá matsiadalri Lrirso, ima Jliacatsa jirreta jiipai yenon pja ooni ioya, ima jliaji Lriacoami corrin coancaojlica yamini. 7 Iá matsoiadalri Lrirso, ima Jliacatsa jliaji inaitja njaji camarrai macadalripe, ima jliaji Lriacoami corrin coancaojlica yamini. 8 Iaca matsiadalri Lrirso, ima Jliatsa icadaa jérri icanácarro jalrewericó, ima jliaji Lriacoami corrin coancaojlica yamini, 9 njite Lricadaa kérri njite njaji jiwirsida nacanacarro deepi ricó, ima jliaji Lriacoami corrin coancaojlica yamini. 10 Iaca matsiadalri Lrirso, ima jlia piaca íno njaji pjerritinaipe Egipto lrico, ima jliaji Lriacoami corrin coancaojlica yamini, 11 njite Jlita njaji Iraelnai naoya, ima jliaji Lriacoami corrin coancaojlica yamini, 12 Jlita njitena jliida kjaidadalri sho, ima jliaji Lriacoami corrin coancaojlica yamini. 13 Iá matsiadalri Lrirso, ima jliaca sheneta jliaji manoa irraidalri, ima jliaji Lriacoami corrin coancaojlica yamini, 14 njite Lricadaa Iraelnai jiyapawa niini, ima jliaji Lriacoami corrin coancaojlica yamini, 15 lricadaa mayamica Faraón njite njaji lrinaikite Manoa Írraidalri ricó, ima jliaji Lriacoami corrin coancaojlica yamini. 16 Iá matsiadalri Lririso, ima Jliacatsa idee a kjerreca naawa njaji Iraelnai jalrapocolri ricó, ima jliaji Lriacoami corrin coancaojlica yamini, 17 Iá matsiadalri Lririso, ima Jliacatsa íno pia njaji talricanatinai kjaidaperri, ima jliaji Lriacoami corrin coancaojlica yamini. 18 Iaca matsiadalri Lririso, ima lrinoca njaji talricanatinai caconaperri, ima jliaji Lriacoami corrin coancaojlica yamini, 19 Lriino Sehón, amorreonai italricana, ima jliaji Lriacoami corrin coancaojlica yamini, 20 lriino tsakja Og, Basán italricana, ima jliaji Lriacoami corrin coancaojlica yamini. 21 Iaca matsiadalri Lririso, lriá capoa jlipaite nayada carroni, ima jliaji Lriacoami corrin coancaojlica yamini, 22 jiipai, nayada-carro njaji Iraelnai, ima jliaji Lriacoami corrin coancaojlica yamini, 23 Iaca matsiadalri Lririso, ima lriwaopiaca wanaco njite lrikitsindata fa naino cádanaco fa, ima jliaji Lriacoami corrin coancaojlica yamini. 24 Iá matsiadalri Lririso, ima Lricadaca famaca njaji wacoema, ima jliaji Lriacoami corrin coancaojlica yamini, 25 Jliaji iacada naiñjao pjiomi njaji cafiperri jalredaoca lricoperri, ima jliaji Lriacoami corrin coancaojlica yamini. 26 Iama matsiadalri Lrirso jliaji Dio enolricojledalri, ima jliaji Lriacoami corrin coancaojlica yamini.
1 Waa waofawa Babilonia ionite icodapi, icatsa waaca waofa waiya nirse wawaopia cádanaco Sión naco. 2 Njite nanaco njaji jaico íki nirse perri wacada nerroa njaji waarpani. 3 Njaji ideecape prseo fa nirse natatja ainai wacantá-carro narso, njite icacaperri wanaco nacaite warso catimacarro fa, naaco: ''Icanta femi papaco canción Sión nacoda. 4 ¿Coajintja wacantaca canción wa-Minalri naco pada jipaite ricotsa? 5 Corri cadenatsa nowadaca pjia, Jerosalén, pjita nooya jliaji nonaapa noyekjemadalri. 6 Njite corri cadatsa nowadaca pinaco, picadaa noenene irroa nonoma lricotsa, corri cadetsa nooma pjia, Jerosalén, cayoji nooma capisho njaji nocatimata shopa njowaacawaacatsa. 7 Piwaopa, no-Minalri, coaji piaca edomitanai naino caojli pia njaji Jerosalén lricoperri. Naaco pia yacalre naco cayoji: ''Idoita jliwao, idoita njaji lriemacawawa.'' 8 Babilonia íito, kjeyetsa jlinana pjimao carroatsa napeco jiwao, matsia watsa jliaji inaiki inaitjalri cayo, jliaji iomalriotsa wacoadawa inaitja capoa warso maatsi. 9 Matsia watsa jliaji inaiki, jliaji inocadaotsa yenipe tsoiperri jiwida nainócarro jiipada nacojlena.
1 Noawatsa Pirso matsiadalri pjiomi nocaolre sho; nocanta watsa njemícarro njaji dionai. 2 Nocoajaotsa Piipana ikjaolre noácarro matsiadalri Piipitana mamatsicanadalri irso Pinaitja capoa cayoji Picaite capisho njite corrin Pimatada Piaco naco. 3 Jliada pia nowanaca Pjia, Pjiepatsa njoa; Pjirreta njoa njite Pikjaidata tsakja njoa. 4 Naawatsa matsiadalri Pirso pjiomi njaji talricanatinai jalredaoca lricoperri, noMinalri, ima njemicaotsa Piaco Pinoma lrikjoite. 5 Icamitsa nacanta caotsa naikjaote njsaji Pinaitjalri, no-Minalri, ima macadalrica jliaji Pimatsiaca no-Minalri. 6 Yenonrse cadana jliaji waMinalri pjiomi ioya, Jlita lricaolre nanaco njaji kjenaperritsa icaolre ricó, mitsa tekjoitetsa Lricapa narso njaji padalreperri inaiki. 7 Nofa cada cafainaperri ipecolrico, corriotsa Picadacarroca matsi njoyapacawa; Pjiatsa yema nakjoete njaji nocoema, Piyomjetacaotsa njoa Pjiida kjaidadalri sho. 8 Noinai catsa jliaji no-Minalri, corrin coancaojli Lrimacaca njoa; Jliaji Piaco, no-Minalri, corrin coancaojlica lriwayacawa. Mamacatsa njaji Pinaitjaji Picaapi sho.
1 No-Minalri, Picapjenina njoa matsia, njite Piají pjiomi coandalrica njoa. 2 Piajintsa nofá cádanaco njite nodiá cádanaco njonicowa; Piajintsa tekjoite toa pjiomi nowaopiakje. 3 Piwapa picapa matsia njaji nonaitjalri njite coajica nonaitjaca nowafeta cádanaco; Piajintsa matsia pjiomi nonaco coajica nofacawa. 4 Lripjeya toa niinica apada yacoti nonoma lrico, Pjia no-Minalri, opina Piají coajídalricani. 5 Pjiatsa yemawa pjiomi nowaida naco, njoapodjete njite nopeyajle tsakja, njite Picadaa picapi nonaco. 6 Corrin notaita noajica lrinaco jliaji yajikjeti Pirsolri; corrin noocawa lriocalri nirse jliaji Piajikje. 7 ¿A kjerrentja notaita nopitocawa Picaolrini ioya? ¿A kjerrentja notaita noaca nodawacawa Pioya? 8 Njorra cadantja eenolricojle, nirsetsa Pjia; nórroco cadantja tjewaca jiipai ricó, nirsetsa Pjia? 9 Noarra cadantja kjeya jérri icananialre ricó lrimoto cádanaco toa piyompinaco, noácarro nofawa jérri shewalri nirse, manoa pemajle, 10 nirse tsakja pjipa njoa Picapi piyekema sho picadacarro nonaitjaca matsia. 11 Nocaite cadantja: ''Cadaocadalri watsa idanata njoa Lrioya, o lripadama cadantja deepiwa jliaji camarrai nowaida naco,'' 12 jliaji cadaocadalri corriotsa lridawá carroca njoa Pioya. Jliaji cadaocadalri pacoaca lricanaca Pirso cayoji camarrai sho, ima pacoacaca Pirso jliaji cadaocadalri jalrewerrico shotsa. 13 Pjiatsa inaitja pjiomi njaji nowawa lricope; Pinaitja njoa njodoa iwawa lrico. 14 Noaca matsiadalri Pirso, ima Pinaitjaca njoa matsia. Jliaji nocafica lriají matsia cayoca. 15 Corrin nadawacawa Pioya njaji noapi Picadaa cádanaco nonaitjacawa corricawatsa coca icapa njoa, jiipai icaolre rico capisho Pinaitja njoa. 16 Pitji icapa njoa coajica noinitawa njodoa iwawa lrico; Pidana pipaperran lrico pjiomi coaiicaotsa njoa, picadaa tsakja njonaana jalredaoca lrico, Pinaitja pjiomi matsia corri cadana toa nomoto nocapa jalredaoca. 17 Corrin notaita noají coanshopaca njaji Piwaopiakje, no-Diote. 18 Aimacalretsa nooya njaji Piwaopiakje. Noma cadantja noniwetacana, corrin notaita, ima aima pjacana naoya njaji caida manoa lricoperri. Njite noniweta cadantja icamitsa daimjica notji, njite nodiantja nocafiawa icamitsa Pjiacatsa noinai. 19 No-Minalri, icamitsantja noma pjienitaca nooya njaji inaiki matsiperri; pjienita nooya teeco njaji inocape inaiki. 20 Ima nemaca Pikjoete njite icamitsa najica namañeta inaiki; cashaperrimca njaji Picoema. 21 Piajintsa, no-Minalri, kerroaca nocapaca narso njaji matsiperri icapaca Pirso; corrin noma njaji inaiki corriperri ioma pjia. 22 Matsi nocapaca narso nocaolre rikjoite; nocoemaca njaji Picoema. 23 Picapa njoa matsia, noDiote, noma piajica matsia nocaolre; Piwi picapao njoa njite noma piajica matsia nowaopiakje ricó. 24 Picapa nini cada toa iwaopiakjeti matsiperri nonaco, njite Picananta njoa nonaitjacarro matsia cayoji Pioma capisho, njaji corripetsa iwayacawa.
1 Lriaco jliaji majicadalrim lricaolre ricó: ''Corrin pacapa Dio.'' Keñaite-perricana njite aima nanaitjaca namatsicana mapeyocanaperri, corrin pacapa pada inaitjacada matsia. 2 Jliaji IMINALRITI icapa eenolrikjoite naikjaolre njaji atsianai yenipenaipe lricapácarro ninica apada yajicada coajica, pada iomacada lrirsowawa Dio. 3 Oopi nadia pjiomiwa njapodamrsewa. ima cañaiteperrica pjiomina. Corrin pacapa apada inaitjacada matsia, corrin apada nanakjoite. 4 Cotsa coca najirri, njaji inaitjacape imatsicanati, njaji iñacape njaji nonaikite aimadan cayoji paiñja capisho petje, njite corrin nawanaca DIo narsowawa. 5 Natetjema njaji ianitjacape matsi, ima Dio catsa nainai njaji matsiaperri papocoperri iofacawa. 6 Ioma ikjenataca njaji inaiki kjenaperritsa iofacawa yají cadana nainaicatsa Dio, jliatsa jliaji iwapacadana. 7 ¡Matsiantja lrinocada jliaji yomjecalri Sión lrikjoite Irael irso! ¡Niniotsa Dio idieta caojli watsa njaji lrinaikite aimadan njepaite lricojle tsenakja presocawa lrikjoitena, Niniotsa catimacaotsa Jacob njite Irael tsakja!
1 No-Minalri, Piyomjeta njoa naoya njaji inaiki matsiperri, Piwapa njoa naoya njaji inocape inaiki. 2 Namatsieta iwaopiakjeti matsiperri nacaolre ricó; caidalritsa nanaitja yacoti matsiperritsa. 3 Capoaperrica yenene cayoji api imaocolrialre sho; manjeti imotocawa nanoma lrikjoite caaco cádanacona. 4 Pjieneta njoa teeco naoya njaji matsiperri iwaopiakje, no-Minalri; Piwapa njoa naoya njaji atsianai inocaperri inaiki njaji iomacape ipecoca njowao. 5 Jliaji padalredalri lricada nopia njowacarroapji; nerroeta tsakja tooda lricalrapí-carro njoa, nerroeta tsakja owepi nopia. 6 Noaco no-Minalri irso: ''No-Dioteca Pjia; pjimi coajica nowanaca Pikjaolre noma capoa pikitsindataca njoa ima kjenadalri catsa njoa.'' 7 No-Minalri Dio, Kjaidadalrica Pjia, itaitacada iyomjetaca njoa; Pjiatsa iwapa njoa noá cádanaco owi ricó. 8 No-Minalri, macadatsa nanaitjaca cayoji nawaopia capisho nanaitjaca njaji matsiperri iwaopiakje; wade matsiaca lrimotoca narso cayoji nawaopia capisho. 9 Padalreperrimica njaji yemalri nowaida naco; Picada jliwacawa nanaco jliatsa jliaji nawaopianda inaco. 10 Picada tiyemjen kerraperri jiwacawa nanaco; pipecona tiyé rico, tjewacapji ricó marsocadalritsa lriwayacacawao, wade napieta njenicocawa. 11 Wadee lriofa catoa lrimaodacatsa jalredaoca lrico jliaji padalrete; Picadaa imatsicanati ipinetaca jliaji inaiki matsidalri lrinócarroni. 12 Noajintsa Dio iomacaotsa nacoadawa njaji kjenaperritsa, Lrinaitja watsa matsia lrirso jliaji canacaidalri irso pjiomi. 13 Ajádalri, naawatsa matsiadalri Pirso njaji inaiki matsiaperritsa; naofa caotsa pikodapi njaji inaitjacape matsia.
1 No-Minalri, nowanaca Pjia panaya, nooma pínoca noikjaolre kjeya. Pjimi norso nowana cádanaco pjia. 2 Noma naocaca Pikjaolre njaji notatjanialre cayoji incienso pomenidalri namjaitanda pirso ofrenda sho; njite noma Picapa njaji nocaapi njorretaji cayoji nacayosho njaji ofrenda nainoji dainoma nacojle. 3 No-Minalri, noma picadaca apada iwapacaita nonoma; Piwapa nonoma wadee nomotoitaca yacoti dofenaperri. 4 Macadatsa nocaolre iomaca inaitja njaji matsiperritsa, o nonaitjaca matsi nainai njaji inaitjacape matsi. Wadee noiñjaca nainai iñjaodati matsiaperri naoketanda matsi ricó. 5 Picada inaiki matsiadalri icoitaca njoa nomatsicana ima; matsiantja jliaji lrinaitjalri norso, corriotsa nomacoadatá carroca jliaji lrinaitjalri norso; caiwi cadana noaji lriñaca njoa, corriotsa yamí carroca notatjaca Dio iinai. 6 Napecoatsa njewao tjewacajle ricojle napiyawanai njaji inaiki matsiperri, njiteotsa nají matsiaperrica njaji yacoti nocaiterri inaco narso. 7 Njite nacaiteotsa cayoji: ''Cayoji pjeca capisho papeco jiipai pamoyeta cádanaco, cayo tsakja napeco macadatsa naapipem njaji mayamperrimi napeco cádanacona irrirri-rcó.'' 8 Ajadalri, Pikjaolretsa nocapa, no-Minalri Dio; noma Pidawaca njoa, macadatsa nainoca njoa njaji nocoema. 9 Piyomjeta njoa naoya njaji owepi nacadaji nopia njaji inaiki matsiperri. 10 Picada njá carrotsa jiwao naowepi rico njaji matsiperri, njite njoa nopito caotsa naoya.
1 Nowana kjaida Dio ikitsindatácarro njoa; nowana caiwi ricotsa Dio inaitjácarro norso matsiacalri. 2 Lripeyajle nocaite coajica njorrapitaca njite nocaite Lrirso njaji matsirri njorrapitali inaco. 3 Mjaida cádanaco njoa maatsina, Pjia, no-Minalri, Piajintsa matsia njaji nonaitjalri. Nacada noapowa lrico owepi. 4 Nocapa cádanaco noyekema nacojle njite corrin coca ino ikitsindata njoa. Corrin coadaca njoa narso; corrin coca jita icaolre noikjaote. 5 Nowana pikjaolre, no-Minalri; njite noaco: ''Icatsa Pjia idanatacadaca njoa noofa cádanaco toa jalredaoca lrico. 6 Piwapa pjimi nowanaca pjia, ima mjaida kena njoa; Piyomjeta njoa naoya njaji yajicape ioma nainócarro njoia, ima aimadanca nooyana. 7 Pjita njoa lrioya jliaji norrapitalri inaco nocaolre ricó notaitácarro noaca matsiadalri Piipitana naco. Nawacaca caotsa nowaida naco njaji inaiki matsiaperri ima matsiaca Pjia noinai.''
1 No-Minalri, Pjimi notatjaca piinai; Pjimi coajica notatjaca piinai caiwi-ricotsa. Ajádalri capoa pjia njite inaitjacaitaca matsia Pjia, Pjiepa njoa. 2 Pinaitja matsiacalri, manaitja toa maatsi pirsodalri irso lrimatsicana ikjaote, ima corrin pacapa apada mamatsicanadalritsa Pipeyajle. 3 Jliaji nocoema yanji ioma njoa lrinaitjácarro norso matsi, lridoitena njowawa jiipai ricó; lricadaa nofacawa aima walria cadaoca-werrico naofacawa lrico njaji mayamperrimi. 4 Mjaidakena njoa matsinaa; corrinatsa notaitaca noají. 5 Nowada mana coaji piaca oopi; nowaopia nanaco njaji Pinaitjaji; nowada mana coaji piaca pinaitja pitaitácarro pinaitjaca pjiomi. 6 Nopiajleta nocaapi Pikjaolre notatja cádanaco Piinai; ima nomaca Pjia matsinaa lri-ricoda jliaji jiipai metadalri ricó. 7 Pjiepa kjeya njoa, no-Minalri, ima mjaidakena njoa. Madawatsa Piecoa noya, ima mayami caotsa njoa corri cada Piocapa njoa. 8 Picadaa njomica Piaco matsiadalri naco deepi toa, ima nocadaca nocaolre Pinaco. Picañjata nocapa coajica pioma nofacawa cayoji Pioma capisho. Ima norreta nowaopiakje Pikjaolre. 9 Piyomjeta njoaya njaji nocoema, no-Minalri; njoecoa Pikjaolre piwapácarro njoa. 10 Picananta njoa noajícarro nonaitjaca njaji Piomalri nonaitjaca Pirso, ima no-Dioteca Pjia. Picaolrini matsiadalri ikitsindata njoa noajícarro matsia anji jalredaoca lrico. 11 Nominalri, Ipeyocaita capoa Pjia, macadatsa mayamica njoa; Pi matsiaca sho, pjita njoa jirrapitinaperri ioya. 12 Corri capoa Pimatada Piacoam naco, piino noya njaji nocoema njite piwayaketa pjiomi jipondatacape njoa, i ma Pirsodalrica njoa.
1 Matsiadalrica jliaji wa-Minalri, jliaji idanatacada njoa cayoji jiipada sho, jliaji iyekjetacada nocaapi oowi icaona, wadee mapjica njaji nocapjiwida noinoaca cádanacoa. 2 Icatsa inaitjacada yacoti noapiya corridalritsa imatada, nodanaitaca Pjia, jliaji nowacalri yapjite, Jliaji icadacada njoipa yapjite njaji apacoa inaiki. 3 No-Minalri, ¿cocao jliaji inaiki Pirso ima corrica Pimaodaca lrioya, o cocao jliaji inaiki yenipe Piwaopiacarro lrinaco caidalritsa? 4 Caidalritsa jliaji atsia lricayosho jliaji caolri pjersanda panacoa; cayotsa lriwiaca lriofacawa jalredaoca lrico iyadaoca jiyapa capishotsa. 5 Picadaa eeno iorrococawa jiipai nacojle, no-Minalri; Pinota njaji jiipana njite itacati imotócartro naoya. 6 Piyawita Piyawitjioco sho, Picadaa tsakja eeno kjaidaperri napitócarrto macadatsa njaji Picoema. 7 Pipiajleta picaapi eenolrikjoite; Piyomjeta njoa manoa ioya, njite naoya njaji inaiki corripetsa noají coamperricana. 8 Cacocana ishati nacotsa, njite pjiomi njaji narsolri icamitsa narsocana ishati sho. 9 Nocantaotsa Pirso walripeki canción; nocaite matsia Pinaco nocanta cádanaco arpa sho irsocada yamema pacaapi iñada. 10 Jliaji iyomjetacada njaji talricanatinai nacoema ioya, Jliaji iyomjetacada Lrirsodalri David namatsetan ioya njaji inaki matsiperri. 11 Piyomjeta njoa, njite Piwataca njoa naoya njaji apanatsa inaiki. Ima cashaperricana, njite pjiomi njaji narsolri icamitsa narsocana ishati sho. 12 Picadaa kjaidaca njaji wenipe cayoji jaico kjaidaperri sho, njite Picadaa njaji waitonaipe nacayosho njaji jaico yemacape pamoyoa panti macade irso, icadacape panti imatsiacao. 13 Njite Picadaa pakjamica jliaji panti itawajle wacadacawa lrico iñjaodati pjiomi iñjaodati ioyawaca sho, njite Picadaa aima nenipeo njaji wapirra oveja naofacawa lrico. 14 Njite njaji buey narsoatsa aima nenipe. Corriotsa coca itaita jiyapawa wayacalre idana ioya; corriotsa nadecarroca wakitsiñape nayacalre ioya njite corriotsa njemata carroca nafio capoa njaji inaiki. 15 Matsiaperrica njaji yacalfre cayoperri irsoca njaji matsiaperri; catima-perrica njaji yacalre icadacape Iminalritica na-Diote.
1 Njoa watsa icaite narso njaji inaiki matsiadalrica Pjia, no-Diote, no-Talricana; Nocaite watsia matsia Piipitana naco caidalritsa njite caidalriwenatsa. 2 Jalredaoca icoam watsa nocaiteotsa matsia Pinaco; Noa watsa matsiadalri Pipitana naco caidalritsa njite caidalriwetsa. 3 Macadalrica Jliaji wa-Minalri matsiadalri paaca irso matsiadalri; macadalricani corridalri paji a kjerreca lriwayacawa. 4 Njaji panayaperri nawatsa matsiadalri Pinaitjaji ikjaote njite najiwatsa nanaco njaji walricomanai njite nacaite caotsa nanaco njaji Pitaitalri pinaitjaca kjaidadalri capoa Pjia. 5 Nowaopia watsa Pitalricanaca matsiadalri naco njite nanaco njaji pinaitjalri kjaidadalri capoa pjia. 6 Nacaitecaotsa narsowaca nanaco njaji Pinaitjaji corridalritsa coca itaita inaitjaca cayo Picayosho, njite njoa nocaitecaotsa Pimacadalrica naco. 7 Njite nja watsa icaite Pinaco matsiadalrica Pjia, njite nacanta caotsa piro corri capoa Pimatada. 8 Corridalritsa inaitja parso matsi jliaji wa-Minalri njite kjenadalritsa icapaca parso, wiadalri kerroacani njite corrin Lrimaodaca Lriacoam ioya. 9 Matsiadalrica Jliaji wa-Minalri pjiomi iapiya; Lricañjata wacapa nanaco pjiomi njaji lrinaitjalri kjena catsa lricapaca fa. 10 Naa watsa matsiadalri Pirso pjiomi njaji inaiki pinaitjaji, nacaite watsa matsia pinaco, no-Minalri, pjiomi njaji ipeyocape Pjia. 11 Njaji ipeyocape Pjia nacaite watsa Pitalricanaca matsiadalri naco, nacaite tsakjaotsa Pjiida naco. 12 Nacadaotsa naji njaji jalredaoca lricoperri nanaco njaji pinaitjaji kjaidadalri capoa Pjia Dio, nacaite tsakjaotsa coajica lrimatsiaca jliaji Pitalricanaca naco. 13 Corridalritsa iwayacawa jliaji Pitalricanaca, njite caidalritsa pitalricanataca nanaco njaji walricomanai. 14 Waminalri ikitsindata njaji wadeperrinatsa jiwacawa njite jlirreta tsakja njaji yaparraperrina yemacawa. 15 Pjiomi njaji iwapacape piinai; Picadaa naiñjawa jliada cádanaco naoma. 16 Picapi rikjoite pia narso jliaji canacaiperri narso njaji nafiperri nacoana. 17 Jliaji wa-Minalri corrin Lrimatadaca nanaco njaji lrinaitjalri pjiomi, njite kjenatsa Lricapaca warso nanaco njaji Lrinaitjalri pjiomi. 18 tsomitsa lriemacawa jliaji wa-Minalri narso njaji iwanacapeni ajádalri sho. 19 lricada njaji canacaiperri narso njaji inaitjacape matsia lrirso; Jlimitsa narso coajica naiyaca njite Lriyomjetana. 20 Dio iwapa pjiomi njaji ipeyocapeni, mitsa lrinoca pjiomi njaji inaiki matsiperri. 21 Nocaiteotsa pjiomi irso coajica Lrimatsiaca jliaji no-Minalri. Picadaa naca matsiadalri Piipitana naco pjiomi njaji inaiki caidalritsa njite caidalriwenatsa.
1 Iá matsiadalri Iminalriti irso, no-cafica, piaca Matsiadalri Iminalriti irso. 2 Noaca matsiadalri no-Minalri irso pjiomi nocafica sho; nocantacaotsa no-Diote irso cafi cádanaco toa njoa. 3 Macadatsa picaolre nanaco njaji caconaperri o nanaco njaji inaikitsa, ima corrin nataita nayomjetaca. 4 Yami cádanaco jlirsaca caolri jliaji apada inaiki icamitsa yami cananicani, njite lridiacawa jiipai lricojle; cayo cádanaco icamitsa lriwaopiakje iwayacawa. 5 Matsiadalrica jliaji inaki irsocada lri-Diotewa Jacob i-Diote, lrikitsindatá carroni ima apadatsa lriwapa matsiaperri wa-Minalri Dio nacotsa. 6 Jliaji Iminalriti inaitja pjiomi njaji enocoma, jiipai, manoa, njite pjiomi njaji neetada; njite corrin coancaojli Lrimatada. 7 Lrinaitja matsia lririso jliaji njerrapitanda njite Lriaca lriñjao jliaji iomacada iñjao. Wa-Minalri iwataca njaji napapiji; 8 jliaji wa-Minalri imjeco natji njaji matjiperrimi; jliaji wa-Minalri imayacanta njaji icoajacaperri; jliaji wa-Minalri ipeyo njaji inaiki inaitjacape matsia. 9 Jliaji wa-Minalri lriwapa njaji apana inaiki jalredaoca lrico; jliatsa jirreta njaji maoñjerrinaipemi, njite njaji madoiyoanaipe; mitsa Lriema matsiperri ikjoete. 10 Corriotsa coancaojlica yamiotsa lritalricanataca Sión naco, jliaji pi-Minalri Diote, pjiomi njaji walricomanai. Iaca matsiadalri wa-Minalri irso.
1 Iaca matsiadalri wa-Minalri irso, ima matsiaca wacantaca wa-Diote irso, matsia pajiacacawa wacanta cadaa Lrirso canción matsiaperri. 2 Jliaji Iminalriti Lripieta tsenakja jlirretaca Jerosalén, Lriwaketa pjiomi njaji Iraelnai macadaperri piatoa iofacawa. 3 Lriaweta nacaolre njaji inonaperri icaolre ricó njite lriita nayaoni matsia. 4 Lriají matsia cadalridaca njaji jiwirsida, njite Lricadaa neepitanao nacoanaa. 5 Macadalri Jliaji wa-Minalri, njite corrin coca itaita jliida ikjoete, corrin coca itaita yanjí Lriwaopiakje. 6 WaMinalri jirreta njaji inonaperrimi, njite Lripeco njewao jiiapi nacojle njaji inaiki matsiperri. 7 Icanta wa-Minalri irso iá cádanaco Lrirso matsiadalri, icanta wa-Minalri irso arpa sho. 8 Lriita eeno yecoa iyadaoca sho njite Lricadaa iyao jiwácarro matsia jiipai nacojle, njite lricadaa malritsi itaoñawa jiipana naco. 9 Jliatsa iá naiñjao njaji maficalri njite Lria tsakja naiñjao njaji wayolri yenipe naiya cádanaco. 10 Corrin Lricatimatacawa caballo jída ikjaote, corrin tsakja matsia Lriajíacacawa kjaida capoa njaji atsianai. 11 Jliaji wa-Minalri lricatimatacawa naikjaote njaji inaitjacape Lrirso matsia, njaji iwapacapeni cayoji Lricaite capisho narso. 12 Pia matsiadalri Iminalriti irso, Jerosalén, pia matsiadalri pi-Diote irso, Sión. 13 Jliatsa iwapa, njite Lrinaitja matsia narso njaji yenipe. 14 Lricada imaodacakjeti iyacalre ricó, njite lricadaa ipania inaca matsiaperri pja pjiomi ioya. 15 lrimenaca Lriaco jalredaoca lricojle, njite kjeya Lriaco iacawa pjiomi jalredaoca lricojle. 16 Lrinaitja njaji itamana pjirrintsida sho, Lrinaitja njaji kerraperri palripokjoa sho. 17 Lricadaa njewao njaji ooni japedalripe iiyao macadalripene lrico. Lrirso jliaji japerrida Lricadalri, icatsa njaji icadalri tarra njaji ooni. 18 Mitsa lriaco sho lricodoeta tsenakjana, Lricadaa caolri ipjiaca, icamitsa jliecokenawa jliaji ooni. 19 lricadaa Jacob yanjí Lriaco naco, lriaco inacoapana naco, njaji yacoti Lrinalri nanaitjaca njaji Iraelnai. 20 Corrin lrinaitja cayo njaji apacoa jiipai, njite corrin najI coajica Lriaco icaiteca. Iá matsiadalri wa-Minalri irso.
1 Iaca matsiadalri wa-Minalri irso eenolrikjoite; Iá matsiadalri Lrirso yenonjite. 2 Iá matsiadalri Lrirso sha Lri-angelenai, pjiomi sha Lri-angelenai aimadan iofacape eenolricojle. 3 Jérri njite kérri, iá Lrirso matsiadalri, pjiomi sha jiwirsida kjaidaperri icanaca, iá Lrirso matsiadalri. 4 Pjia eeno yenondalri, njite pjia ooni eeno icaodalri, iá Lrirso matsiadalri. 5 Icadaa naca matsiadalri wa-Minalri Ipitana irso, ima nanaitjacacawa Lrinaa cádanaco pia nanaitjacacawa. 6 Lricadaa naofácarroa caidalriwetsa; njite cadaa yacoti nanacoapana corridalritsa coca itaita itecojletacana. 7 Iá Lrirso matsiadalri, jalredaoca lrikjoite sha maficalri cafainaperri iofacapewa ooni itjewacaca lrico, 8 eeno iperronialre, iyao tarraperri, itamana, iyadaoca, caojli kjaidadalri nanaitjaca cayoji lrinaa capisho nanaitjaca. 9 Iá Lrirso matsiadalri, pjiomi jiipana yenonperri, pamoyoaperri, pjiomi jaico paiñjampe inaca, njite pjiomi cedro lrima, 10 pjiomi maficalri mapirra canaperri, pjiomi náapirra, wipjiarro njite pjiomi njaji maficalri yajicape nawawa sho tsakja. 11 Iá matsiadalri wa-Minalri irso, pjiomi sha talricanatinai jalredaoca lricoperri njite pjiominjaji jiipai, caconaperri yenipe njite pjiomi njaji italricanatacape jalredaoca lrico, 12 pjiomi njanji atsianai, inaitjepe yempetipe toa, pekipenaina njite pjiomi yempetidape toa. 13 Icadaa nácarro naa matsiadalri wa-Minalri ípitana irso, icamitsa Lripitanaca jliaji wataitalri ferretaca yenonrse pjiomi ioya njite Lrimatsiaca melremelredalri íita pjiomi jalredaoca lrico njite eenocoma lricojle tsakja. 14 Jliaca njaidao njaji lrinaikite aimadan. Pjiomi njaji iomacapeni naaca Lrirso matsiadalri, njaji Iraelnai, njaji lrinaikite tsomiperri Lrioya.
1 Iá matsiadalri wa-Minalri irso. Icanta wa-Minalri irso apapeco canción walridalri; icanta Lri-cancioni nawacaaca cádanaco njaji shepacape Lriaco matsia. 2 Picadaa Irael icatimatacawa nanaitja shona ikjaote; njite njaji Sión lricope nacatima-tacawa naTalricana ikjaote. 3 Picadaa naca matsiadalri Piipoitana irso narrapanda sho; Picadaa nacantaca Lrirso pandero sho njite arpa tsakja. 4 Ima catimaca jliaji Iminalriti Lrinaikite aimadan iapiya; Lricada matsiaca njaji kjenaperri lriyomjeta cádanacona nacoema ioya. 5 Picadaa nacatimatacawa njaji matsiaperri inaiki njama capoa nacoema; Picada nacantaca catima nahamaki ricó. 6 Picadaa pomena carrona nacantaca Lrirso, njite Picadaa pomenacana nácarro oowi ricó Lrikjaote 7 naomácarro nacoadawa nainai njaji apacoa jiipai njite njerrapitetá carrona njaji inaiki aimadan. 8 Napapiotsa natalricana cadena sho, njite cayo tsakjaotsa napapica njaji caconaperri, cadena jipadape sho. 9 Nacadaotsa njerrapita cayotsaji nadana capisho nanaco. Matsiaca jliaji nanaitjalri narso njaji ipeyocapeni. Iá matsiadalri wa-Minalri irso.
1 IMINALRITI, ¿Cocaotsa iofawa Pípana lrico? ¿Cocaotsa itaita iofacawa lrinaco jliaji jiipapana Pjienitanda Pirsowawa? 2 Jliaji maikjaolrenadalritsa, nja minitsa lrinaitja njaji matsiaperri njite macaitetsa ishati picaolre rikjoité-dalri. 3 Corridalritsa icashata lrienene sho, corridalritsa inaitja maatsi apjetsida irso, corridalritsa icoita lricodapídalri iofawa. 4 Njaji inaiki matsiaperri corrin matsia nacapaca narso njaji imenatacaperri naoyawa Dio, mitsa catima lricapaca narso njaji ipeyocape Dio. Jliaji inaitjacada cayoji lricaite capisho jlirrapita cadanatsa lrinaitjácarroni. 5 Corrin lritatja pjaca lripalratan lricoada lriá cádancotoa apjetsida lrirso. Corrin lricaoñaca apjetsida lricaitécarro ishatitsa lrikitsinda naco jliaji mamatsicanadalritsa. Jliaji inaitjacada cayoji matsiawatsa lriofacawa.
1 Iá matsiadalri Dio irso Lriipana Matsiadalri ricó; Iá matsiadalri Lrirso Lriofacawa lrico corricawatsa coca itaita iaca Lrikjaolre enolricojle. 2 Iá matsiadalri naikjaote njaji Lrinaitjanipe kjaidaperri; iá matsiadalri lrirso corri capoa pacapa apada cayodalri Lricayosho, kjaidadalri pjiomi ioya. 3 Iá matsiadalri Lrirso trompeta sho, arpa sho njite felroma sho. 4 Iá matsiadalri Lrirso irrapa cádanaco Lrirso iñakje pandero; ia matsiadalri Lrirso nasho njaji keñadaperri njite nasho njaji papjianipe sho. 5 Iá matsiadalri nasho njaji parratoitape kjemaperri, njite tsípalra kjemaperri. 6 Pjiomi njaji jirsacape icaolreo, iá matsiadalri Dio irso. Iá matsiadalri Lrirso.
1 Piwapa njoa, Dio, ima nocadaca nocaolre Pinaco. 2 Noaco no-Minalri irso: ''Icatsa Pjia no-Minalri; corrin pacapa pada inaitja cada matsia cayo Picayosho. 3 Njaji pinaikite jalredaoca lricoperri, njaji inaiki matsiaperri, catiima Nocapaca narso. 4 Aima pjacaotsa njerrapitaca njaji iomacape narsowao idolonai. Corriotsa Njoaca nainai njaji inocaperri maficalri narso, corriotsa coancaojli caotsa nonomataca neepitana. 5 Nominalri, icatsa Pjia ikitsindatacada, njite Pinaitja norso matsia pjiomi nacó. Picaapi lricóca nocafica. 6 Matsia Pinaitjaca norso, ima matsiadalrica jliaji jiipai nacadalri noyadawa. 7 Nocaite matsiaperri Dio naco, jliaji icatimatalri njoa; njite lricananta tsakja njoa nowaopiakje lrico deepi. 8 Nocada nocaolre Pinacotsa caidalritsa, Niini corriotsa cocaca itaita shenetaca njoa Pioya. 9 Niini panaya, catima nocaolre panaya; corrin capaimanica noaca matsiadalri Pirso. Niini nofacaotsa nomaodacatsa. 10 Ima corriotsa Pimacá carroca njoa irrirri lrico. Corriotsa Picadaa carroca jliaji Pirsodalri iorsoawa irrirri lrico. 11 Pjiatsa icananta njoa coajica pioma nofacawa cayoji Pioma capisho. Catima nofacawa Picodapi. Aima norsoca matsiaperri Piinai cádanaco njoa.''
1 ¡IMINALRITI, pjimi coajica notatjaca piinai pinaitjácarro norso matsia; Pjimica norso coajica nowanaca pjikjaolre pikitsindatácarro njoa! Pjimi narso njaji notatjalri piinai ima corrica nocashataca nonoma sho. 2 ¡Picaite matsia nonaco, picapa nanaco njaji matsiaperri! 3 Piwi picapa nocaolre, Pino noikjaolre deepi ricó piwapácarro njoa, picapa matsia coandalrica njoa njite corrin pioketa nonaco pada iwaopiakjeti matsidaklri. Corriotsa cacócarroca njoa maatsi nonama sho. 4 Njoa dekja shepa njaji piaco icaiterri; corrin cayoca njoa nacayosho njaji apjetsda; nowapaacawa matsia wade nocapaca noicao njaji inaitjacape macadatsa. 5 Corrin njoenaca piaco ioya; corritoa nomatadaca nanaco. 6 Nowana pikjaolre, Njite Pjiepa mana njoa, Pjia no-Diotde matsiadalri; Picadaa pjinacolrico noikjaolre pjimícarro norso caaco cádanaco njoa. 7 ¡Picañjata corrica Pimaca jliaji Piacoami matsiadalri, Pjia imanacotacada nacoema ioya Pjiida sho kjaidadalri njaji idawaacacapewa pinaco. 8 Piwapa njoa cayoji pitji capisho njoa; Pidawa njoa Pinapje yapjite 9 naoya njaji inaiki matsperri iomalri mana inoca njoa, pjiomi naoya njaji nocoema nowaida nacope. 10 Corrin kjena nacapaca apjetsida irso; padelrepe cacopecana. 11 Napineta njoa a kjerrecawajle catsa noawaji, njite nadanataca njoa nainócarro njoa. 12 Cayoca njaji nocoema yaawi icayosho iomacada ínoca lriwini, Najicawa papocotsawa dawacalri ricó nainócarro nawini. 13 ¡Pjinicoa IMINALRITI! ¡Piema nakjoete njaji nocoema, Picada yamícarrona nooya! Pimanacota njoa namatsetan ioya njaji nocoema. 14 IMINALRITI, Pjida sho Pimanacota njoa naoya njaji inaiki matsiperrimi, picada nacapácarro pjiida njite pipeco pjiomi njaji inaiki matsiperri. Picada naiñja lrinakjope jliaji irroati pimatsietalri napia. Picada njerrapitácarro njaji nenipe njite nenipe idakenai tsakja. 15 Mitsa njoa, nonaitja njatsa njaji matsiaperritsa niniotsa corrin njotaca nocaolre mayami cádanaco njoa ima nocafia cádanacoatsa nocaotsa Piecoa.
1 Nomaotsa pjia NOWINALRI, njoidacapo pjia. 2 Jipadashaca lriaji NOWIMALRI norso lriaji icadalri ajadalrica noa Lricatsa noDiote, jipadashocan norso nodawacacawao , lrisho tsaca naanta cacao, yacada norso manacocalri njite jidatii 3 Notatja lrinai NOWINALRI, lriaji walriotsa matsialri naco njite manococaotsa njoa naoya njaji nocoema 4 Mayankalri caiwidalri idanataca njoa, njite lripakjantaca njoa lriaji matsidalri 5 Nadawacawa mayanperri idanataca njoa; mayancalri ipapishona jipaca njoa 6 Mitsa inonacarirrico notatjaca waminalri inai: notatja Dios inai lriktsinda tacarro njoa. Lriofacarrodarikloite lrimi lriaji noaco njite lrimica notatjanda lrianai lriktsindatacarro njoa 7 njite canica lriaji jipai: njite canitsaca jipanana njaiji tarraperri yemacao ima kerroca llriaji Dios 8 itacati imto lritaclrikjoite njite tiye imjaitacada imoto lrinoma lricoite lriatsa icada kerraca njaji tiyemjen. 9 Lrimjeta tsaca naji eno lriorrococarro:njite cadaocaca aji lripa yapsite njite lrirraca lriofao apada angelenaco caconadalri, 10 njite lriarrao njite lriarracao iyadaoca nocolre 11 Lrinaitja apada cadaocadalri yofacaope lridawacacarrodalrico njite iyadaoca jamiña perri lriofacabao 12 jipadacalrepesho njite tiyemea kerraperri sho jiwacao iyadaocalrikjoite 13 Njite kjemica lriaji waminalri enolrikjote ? kjemi lriaco lriaji Waminalr enolrikjote kjemi lriaco lriaji yofacada yenonrsepja 14 njite lriyawitaca lriyawitsioco lrienitacarro njaji lricoema lrioyawa njite eno iñaca nawayacao 15 njite namotocao njaji onii yapoana njite pjiami njaji pim¿naitanpe catjinaca nja aji jipainaco pjia waminalri picadacapoa caolri imotoa pjitacolrikjoite 16 njite lrimjeta lricapi yenonjite lripacarro njoa lritoa njoa tjewacacawarricoite onii 17 lritatsaca njoa naoya njaji nocoema kjaidaperri njaji matsiperripia icapaca norso ima kjaida perripiaca nja nopjeyalre 18 Naoma nainoca njoa inonacadanacopia njoa mitsa Waminalricatsa ikitsindata njoa 19 Lrienita njoa apaferricolre matsiacawa ima catimadalrica lricapaca norso 20 Lriaji Waminalri lricawiña njoa nonaitsaca poa matsia lrimatsiaca inotsenaca noikjaolre maopjitaperricapoa njaji nocapi 21 ima nowapa lriaji waminalri yapowa njite corrin njoenitaca naDiote yoya caiji majicadalrinshonta 22 njite nonaitja pjiomi caji lricaitecapisho njite njaji lricadanpe wanaitjaco corrin njoenitacaca naoya Njite mamatsicanadalricatsa njoa lripejyalre, 23 njite nowapacacao matsidaslri ioya 24 nini lriaji Waminalri lrimatsiataca njoa matsiacapoa njoa lripjeyalre ima maopitjaperrica jaji nocapilricapa 25 Lriaji henndari icapaca apetsida kjena tsaca picapacani njite lriaji atsia mamatsicanadalri mamatsicanatsaca pjjia lripejeyalre 26 njite lriaji maopitjadalri maotijatsaca pjia njite lriaji matsidaritsa piwapaca lrioya 27 njite pimanaco lriaji kjenadalri mitsa pikjenataca njaji padalreperri 28 mitsa pjia pikerrata lriaji nocamarra njite lriaji nowinalri Dios lricanacotsa cadaocadalri noya 29 ima pikajaote notaita njoecocaa apada idanatacada na njite njite diocapotsa nonai notaita nowatsiaca lridanlre riaji lridana 30 Njite lriaji Dios matsiadaarica lriaji lriapoana Matsialdalrica lriaji lriaco lriaji Waminalri ? njite lriatsa idanata pjiomi njaji yomacape yofaca lrinai 31 nini corrin pacapa apada Dios lrioya lriaji Waminalri capja ninca jipada tarradalripa canpjatsa Wadiote 32 lriaji Dios camptsa yalrica njodawa njite lricadaca mayacanca njoa lriapoarrico 33 njite lricadaca keya njaji njoipa nerrisho njite mayacanica njoa aji yenoncawa 34 lricanantatsaca njaji nacapi noinoacacarroa njite notarrapiatacarr raji capawi broncena 35 njite pimanacoca njoa lrisho lriaji pidana tashodanjoa picapi iyekema iktsindatacaotsa njoa njite pimatsiaca imacadalritoaca njoa 36 njite picadaca macaite aji noemjanjicawao njite corriwatsa ketica njoipayanji 37 Noacadanaco njapodan njaji nocoena njopaotsana nowayaketaotsana njite kenaotsa nodiaca 38 noinoeta nja wade nawatsietacacao njite njewacarro njoipa yapjite 39 njite picadaca norso jidati noinocarro njite picadaca noapjisreta njaji jirretacapialri nocoemao 40 njite picadaca nadenji norso njaji njoponda njite nowayaketa tsaca njaji kerroperri icapaca norso 41 Natatja nokitsindatacarro nja mitsa corritsas coca imanaco nja corrin Waminalri shepaca lriaji natajalri lrianai 42 Njite nobitinta nja caolri ipjeya njite calrisho nopecoca nja njayapanjicawao 43 njite pjienita njoa nainoacawa yoya njaji inaiki njite picadaca njoa napiyawalrewa naji piyawalrewa naji piyakalre njite nadenjica norso njaji inaii corripetsa njoaji 44 Njite njemicadanaco nonaco njepa lriaji nocaitelri njite nenipena njiaji jiipai nakjoiteperri natoda naorsipada norso 45 njite nafiocao njaji inaiki nocadanaco naofacarrodarrodalricote 46 Cafidalrica Waminalri njite matsiadalrica lriaji njoida njite njocada ijenonpjaa lripitana lriaji noDiote 47 Lriacatsa yoma nocaadaa lriaji no Diote njite lricada noapjirse njaji apana yacalre 48 iwatacada njoa naoya naji nocoema njite picadaca napjeyalredalrica njoa njaji jirretacocaperrin nokjoete njite pjienita tsaca njoa naoya najii atsiana kjaidaperri 49 nini noaca pirso matsiadalri pjia Waminalri napjeyalre rijaji yacalre njite nacanta pipitana naco 50 Njite Dios icada matsiadalri narso njaji talricanatinai, njite kjena lricapaca lrirso lriaji lriniwananda David njite njaji lridakenai caidalriwetsa
1 Njaji enolrico cacona Dio imatsiaca naco, njaji eno lrico nacaite lridejicalre inaco 2 Jalredaoca icoam lricaiteca njite deprico icoami lricadaca jliaji yajikjete 3 Corin pjemica lricasitenda o yacoti lricaiteri corim pjemicani. 4 pjiomi jipai icoami lrimotocao jliaji lricuami njite jalredaca iwayacalri nirse jliaji lriaco lrinaitja narso pada pantida lripitana tabernaculo jamolri ioya 5 njite jliaji caidalriji pada canolrisho imoto caspisho lricana lricjoite njite caiji pada atsia catimadaslri sho lriecocanacoa 6 jliaji jeerri lrimotoa lriwayacalri njite jliahi halredoaca njite lriyoetao pealre corim coca ipito lrimoca ioya 7 jliaji lricadanda warso jliaji waminalri matsiasdalri cani ipadametacada panaikica matsiaka lriacona jliaji Waminalri pacadanda pacaolreo inaco icadacada mapadalriecatsa jliaji cajikjedalri 8 Njaji lricadanipe warso jliaji Waminalri matsiapericana icadacape catima pacaore matsiadlrica jliaji Waminalri inalri wanaitjaca icana cada patji rico 9 Mapirradalrica jliaji pafiocawa Waminalri iwanaa mawayacadalri cani japeedaslripeca njaji lrirrapitela shopa jliaji Waminalri pjiomi mairrapeca 10 Cacoada peripjacana owirro ioya aimadalripja icoada owirro matsiadalri ioya pitadalri pjatoa mapaa itsacjacada nadan yarroda ioya 11 Nocaitenina lrirso jliaji pirsodalri lriepacarrona ima ninicaotsa lricoadawa 12 Coca pjiomi njaji lrinaitjaji matsi? pipiyo noya njaji coriperi noajii 13 pimatsieta lriaji piisodaslri imatsinati ioya macadatsa lrijajico nonaco njite watsa matsiadalrica njoa njite coriwatsa noajica nanaco njaji imatsicanati 14 njaji yacoti imotolri nonoma lricjoite njite matsiadalrica picapa jliaji nowaopiakje imotlri nocaolre riejoite nominalri nojipadani njite nomialri
1 Nini lriaji waminali lrikitsindatawatsa lriada jalredaoca maatsicadanaco jiyapacao; lriaji lripitana lriDiote lriaji Jacob lridana tawatsa. 2 Njite lrimjenacawatsa lrikitsindatjashoda lrifacaroitja maopjitjadalri lricaitje lritaitacaro lrikitsidatjaca Sión lricatje. 3 Mini lria coriwatsa lrimaodaca njaoya njaji ofrenda jnite lricoadatjá watsa pjirso njaji maaficalri pjimaitanji. 4 Iricadawatsa pisro piomi njaji pjiwopiake pjicao ire lricoitepje njite lricadawatsa piomi pisro njaji pjiwopialri pjinaitjaca. 5 Nini watsa lría lricatimatacawatsa nanaco piomi njaji pjiyananji, jnite, lripitanaco lriaji waDiote, feretawatsa bander. nini lriaji waminali lricadawatsa pjisro piominjaji pjitjatalri lrinai. 6 Panaya njoanintsa lriaji waminali lriyoomjetawatsa lriaji lrimenacanda; lría lriepawatsatsa lrifacaroda mjapji tjadalri lricaoitje lricapi atsiema kjaidadalrisho lritaitacaro lriyoomjetaca. 7 Padapjena njacada naacaolre njanaco njaji carros njite padapena nanaco njaji, caballos, mitsa fa wacaite lrisro lriaji waminali, waDiote. 8 Jnaa nadoitjawatsa neewao jnite neewacaotsa, ¡mitsa faa feenjicowatsa weemao jnite weemacaotsa mjayacan! 9 Waminali, pjiyoomjetja lriaji talicanati, pjikitsindatjá fá watjatacadanaco pjinei
1 ¡ Liaji talricanati lrijuiwitacawatsa lrinaco lriaji pjiiidaa, pjia waminali! ¡ Njaji aimadam njajoiwitawatsa lrinaco lriaji iomjekai pjicadali! 2 Oopi pjicada lriaji pjiwopjiake pjicaolrelricoitje jnite corin pjicada naawa njaji pjicaiteri pjinomasho. 3 Nini pjia pjide maatsiaperi pjicaoñashopa; pjicada pjiwinanaco pada lriwidaro owirojná. 4 Lria lritjáta pjinei caafishoda, pjiatsa iaca lrisro, pjiatsaca iaca jalripacaro lrifacao jecoapilrico kaidalriwetsa jnite kaidalriwetsa. 5 Lriaji picananialre icatsa maacadalrican lricaotje lnáji pjimjetalri, pjiatsa icada naicao lriaji pjicananjialre njite pjiidaa. 6 Nini pjia icadjaa nasro matsiaperi maacoadape wiiyaperimatsica; pjia icadaa catimadalri lrisho liaji itjimati mawayacadalri pjifacawalrico. 7 Nini lriaji talricanati lricada lricaolre lrinaco lriaji Waminali, lrisho lriaji lricaiteripjia lrisho lriaji icapakada yeenonnjitje, lría coriwatsa lriaca pjaaafericolre lrioya. 8 Lriaji pjicaapi lripacaotsa piomi njani pjicoema; lriaji pjicapi aatsiema lripacaotsa njaaji maatsiperi icapaca pjisro. 9 Keroacadanacowatsa pjia, pjia pjimaitacaotsanja caijni tiyee keroidalrisho. Lriaji Waminali lriwayaketaotsanja lrisro lriaji lriisroa njite lriaji tiyee lriwayaketaotsanjá. 10 Pjiawatsa iwayaketanja njaji nawalripodaa jipailricope njite naji imotocape napodam lriricodape lriaji naoyawaca njaji inaiki. 11 Nini jnáa naomjetaca maatsidalri pjicoemao ¡ Jnáa namatoetaca pada nainocaroafe pjia Mitsa corin lrimotoca njasro! 12 Nini pjia pjicadawatra njapitoca pjioya, pjia pjipecowatsa pjiyawitsiocoti njacoema. 13 Pjiawatsa yeenonlre, pjía waminali, lrinaco lriaji pjiída, faa wacantawatsa njite wawatsa maatsiadali pjisro lrinaco lriaji pjiida.
1 Pjia no-Diote, Pjia no-Diote, ¿Coada pimaca njoa? ¿Coada teeco pjia nooya lrioya jliaji piomacawa pimanacotaca njoa njite corrin pjimica coajica nowanaca Pikjaolre nowana cádanaco. 2 No-Diote, nowanaca pjia jalrewerrico njite corrin pjiepaca njoa, njite deepi ricó nowana mincatsa pjia. 3 Mitsa cayo cadanatsa, matsidalri minicatsa Pjia; Piofacawa Talricanati sho ima nacantaca Pirso njaji Iraelnai. 4 Njaji waferrinaipemimi nacadaa nacaolore Pinaco, nacadaa nacaoolre Pinaco, njite oopi Piyomjetana. 5 Nawana Pikjaolre njite Pimanacotacana. Nawana Pikjaolre njite njite corrin pimenatacana. 6 Mitsa cayoca njoa acorro sho, njite corrin inaiki shoca noajiacacawa, imacada nacapaca njaji inaiki njite namenatanda njaji inaiki jalredaoca lricoperri. 7 Pjiomi njaji icapacape njoa, nadofiaca njoa; necaa noacao; nadetsica njewida nokjoete. 8 Ima naaco: ''Icatsa jliarra icadaacada icaolre Dio nacó, icada Dio carrotsa imanacotani. Icada Jlia carrotsa imanacotani ima catimaca lricapaca Lrirso.'' 9 Mitsa icatsa Pjia iderrica njoa njodoa iwawa lrikjoite; Opi pivcada nocadaca nocaolre pinaco noirra cádanaco toa njodoa inia. 10 Nacadaca njoa Pirso njodoa iwawa lrikjoite toa; ¡Icapiatsa no-Dioteca Pjia njodoa nakjoite toa! 11 Corrin piofaca teeco nooya, ima tsoomica nooya njaji imatsicanati; corrin pacapa apada ikitsindatacada. 12 Aima njaji nocoema vaaca atsiana shoperri nowaida naco; kjaidaperri cayoji vaaca atsiana Basaán lricoperri. 13 Namjeco aima nanoma cacocarrona nokjoete, cayoji yawi kerroaperri itsoetacape nawini. 14 Cayo noajiacacawa ooni capisho njoa pada iarronda, namacaaca-cawa njaji noapi. Njite corrinatsa kjaidaca njoa niini nocodocawa mateca sho pjiomi nowawalricoperri. 15 Metaca njoida cayoji meta capisho caalri; njite noenene irrocawa nonoma lrico. Picada shokena mayamica njoa. 16 Njaji tsino nacorrarrataca noa nashomitacanoa njaji apapoco inocape inaki naayaonita nocapirrico njite noijipalrico. 17 Notaita noniweta piomi noapi; caiyopa njaji nocoema corrin nenitaca natirrá nooya. 18 Natsafa notsayani nácarro narsowacani, napeco najishopa najícarro cocaotsa jipa njaji notsayani. 19 Maatsa teeco nooya, no-Diote; ¡pinaitja matsiacalri kjeya pino piyokjetácarro njoa, Pjia idanatacaita njoa! 20 Piyomjeta njoa wade nainoca njoa matseta sho, wade nainoca njoa njaji nocoema yajicapewa cayoji tsino kerroaperri. 21 Piyomjeta njoa naoya yaawi inoma lrikjoite; pimanacota njoa vaaca kerroani itsowa ioya. 22 Nocaiteotsa coandalrica Pjia narso njaji nokitsiñape; nawacaacalriwa ipecolrikjoite watsa noa Pirso matsoiadalri. 23 La matsiadalri Dio irso, sha ipeyocapeni. Ia Lrirso matsiadalri, sha Jacob inakjoiteperrimi. Icada Jlida inaitja irso matsiadalri, pjiomi sha Irael inakjoiteperri. 24 Ima corrim maatsi lricapaca dofenadalrí lrirrapitacadanaco lriaji jirrapitacada; Lrioma cadanacon lriaji jirrapitacada; Lriaji WANINALRI corrin Lridawaca Lriecoa Lrioya; Lriwanacadanacon Lriaji Jirrapilacada, Lrimica Lrirso. 25 Lriaji notima pinacoitedalrican, nokeñataotsa napecolricon njaji inaiki; nonaitaotsa Lriaji nocaiterripia napeyalre njaji icadape icaolreo lrinaco. 26 Lriñacaotsa lriaji inonadalri, njite catimacaotsani; nawatsa matsiadalri WAMINALRI irso njaji yomacapen; njite catimawatsa nacaolre caidalriwetsa. 27 Piomi njaji inaiki jipainacoperri nawaopiawatsawa, njite nadiawatsa WAMINALRI iderse; piomi watsa jalredaocalricoperri nacoanacaotsa lricaolre. 28 Ima lriaji jidatji WAMINALRI njitedalrican lriaji watsa piomi nanaco njani jalredaocarricoperri. 29 Naiñawatsa njite nawatsa matsiadalri piomi njani talricanatinai caidaperri. Natodootsa naorripadao piomi lripeyalre; njaji iowacape cayo mayamiwatsana cayo poalrípocoa sho. 30 Njaji njapodomperri, nawatsa lrirso matsiadalri, nacatewa WAMINALRI iaconá narso njaji napodamperri. 31 Piomiotsa njani corriperritoa imitoa nacaitechacaotsa lrimatsiaca naco lria lriaji lrinaitalri.
1 Jliaji Iminalriti icatsa jliaji iwapacaita njoa, niini corritsa cocaca canacaica norso. 2 Lricadaa nowafetawa cayoji iwapacaita oveja idee capisho nawafetawa njaji lri ovejan matsiacawa lricojle malritsi njite matsiacawa lrico ooni. 3 Njite lricada tsenakja nodiá-carro nomani; Jliatsa icada noawa inipo matsikjai lrico wade nonaitjaca nomatsicanawa wadentja nomaca namacoadataca Lriipitana. 4 Noá cadantjawa mayamperrimi jiyapacawa lrico cadaocá-dalri, corriotsa nofió carroca naikjaote njaji inaitjacape maatsi ima noají Pjia catsa noinai, jliaji pipjeco njite jliaji pimawape nakjaidataca njoa. 5 Pjiatsa imatsieta nopia noicacarrita, nacapatsa njaji jirrapitetacape njoa; Pjiatsa iarro njowida naco aceite sho; njite pipakjantacani nonaco nini lriarrocawa nooya. 6 Ajádalri watsa matsiaca Pjia noapiya njite corriotsa pimacá carroca njoa njite caidalri catsaotsa Pjia catsa noinai ikjerre catsaotsa noawaji, njite nofácaotsa no-Minalri iipana rico aima jalredaoca.
1 Iminalriti iyadaca jliaji jiipai, njite pjiomi njaji lri-ricodaperri, lriyada tsakja jliaji jalredaoca njite njaji iofacape lri-ricoda. 2 Leinaitja naofa carrodawa ooni ricó njite Lridji piana tjewaca ooni ricó tsakja. 3 ¿Coca itaita iacawa lrinacojle jliaji jiipana Iminalriti shenitanda lrirsowawa, lrimalri nirse jliaji Lriipana nácarro Lrirso matsiadalri? 4 Icamitsa jliaji corridalritsa inaitja maatsi lricaapi sho, njite jliaji marsocadalritsa imatsicana icaolre ricó; jliaji corridalritsa iá matsiadalri idolonai irso njite jliaji corridalritsa icaite iacoti ajadalri sho lrikitsinda irso lri-cashatá carrotsani. 5 Icatsaotsa jliaji icoadatalriotsa matsiaperri Dio iinai, Lrinaitjaotsa matsia lrirso njite Lrimanacotacaotsani. 6 Icatsaotsa cayo njaji walricomanai iomacapeotsa Dio nacaolre rikjoite, njaji itsomitacape Dio nácarro Lrirso matsiadalri jliaji Jacob i-Diote. 7 Jimi matsia sha pantinoma, imjecoacawa sha pantinoma opiperrimi; pantinoma mawayacacaperri, lritaitá carroatsa jliewacawa jliaji Talricanati matsiadali. 8 ¿A kjaiterrio jliaji Talricanati matsiadalri? Icatsa Jliaji IMINALRITI kjaidanalri, itaitakjeti iminalri; Jliaji Iminalriti mataitá canádalri oowi ricó. 9 Jimi matsia sha pantinoma, imjecoacawa sha pantinoma opiperrimi; pantinoma mawayacacaperri, lritaitá carroatsa jliewacawa jliaji Talricanati matsiadali. 10 ¿A kjaiterrio jliaji Talricanati matsiadalri? Icatsa Jliaji tsolrodaomanai aimadan Iminalri, Icatsa Jliaji Talricanati matsiadalri.
1 ¡No-Minalri, nocadaa picapi lrico nocafica! 2 No-Minalri, nocadaca nocaolre Pinacó. Macadatsa napirsetaca njoa; Macadatsa nacatimatacawa noikjaote njaji nocoema. 3 Macadatsa namacadawalretaca apada nanakjoite njaji icadacape icaolre Pinaco njaji inaiki matsiperi, wade napaimanietacana mikjapantsa. 4 No-Minalri, Picananta njoa nofá-carro cayoji pioma capisho; Picañjata nocapa coaji catsa Pioma nonaitjaca matsia. 5 Pidee njoa njite Picananta njoa nanaco njaji yácoti ajádalri pinacoapanaperri, ima icatsa Pjia no-Diote imanacotacaita njoa; icamitsa Pjia nowapalri caidalritsa. 6 Pidia Piwaopia no-Minalri, coaji piaca kjena picapaca norso njite coaji Piaca Pinaitjaca norso matsia cayotsaji Pinaitja capisho pia yácoti oopi; njite caidalri piatsa Pinaitjaca oopi. 7 Ma-waopiatsa nanaco njaji nomatsicana nonaitjaji yempetica lrico o njaca njaji nonaitjaji nomjepacan lrico; Piwaopia nonaco coaji piaca Pinaitjaca iacoti Picaitecawa corrica Pimaca njoa matsiadalri capoa Pjia, Pjia no-Minalri matsiadalri. 8 Matsiadalrica Jliaji wa-Minalri njite corridalritsa imatada; niini Lricanantaca coajícarro nanaitjaca cayoji Lrioma capisho njaji camatsicanaperri. 9 Jliatsa idee njaji kjenaperritsa iwaopiakje ricó nanaitjá-carro cayoji Lrioma capisho wadee nanaitjaca maatsi. 10 Caidalritsa wa-Minalrio iomaca fa ima cayo poaca Lrinaitjaca yácoti oopi njite corrin Lrimatadaca pacada cádanaco pacaolre lrinacó, Lrinaitja cayo narso njaji shepacaperri lriaco, njaji yácoti Lricadaji warso. 11 Piipitana kjaidadalri ikjaote, no-Minalri, Pjiyapeta pioyawa pjiomi nomatsicana. 12 Nocaite pjimi kjaiterrica jliaji atsia ifiolri Dio iwana. Jliaji Iminalriti Lricananta caotsa coamperrica njaji lrirsolritsa lriniwanaca lrirsowao lrinaitjá-carro cayoji Lrioma capisho. 13 Matsia atsa lriofacawa jalredaoca lrico njite njaji lrinakjoite-perri icatsaotsa njaji irsolriotsa jliaji jiipai Nocaiterri narso. 14 Wa Minalri ikitsindajica njaji inaitjacape Lrirso matsia njite nacañjaca Lricapa njeepaca jliaji yácoti Lrinaitjalri pia naapiya. 15 Caidalritsa notatja Dio iinai lrikitsindatá-carro njoa, ima Lrimanacota caotja njoa matsidalri ioya. 16 Pidia noikjaolre, kjená picapaca njoa ima pada catsa njoa njite inonadalrica nocaolre. 17 Aima cayao pja njaji coyolrecalri nocaolre lricope; ajena Picadaca njorrapitaca. 18 Picapa coajica njorrapitaca njite coajica mapjica njoa; Pjiyapeta Pioyao nomatsicana. 19 Picapa coajica matsica nacapaca njoa njaji nocoema aimadan, matsidalrica jliaji narsolri nacaolre ricó nokjoete. 20 Piwapa njoa njite Pjita njoa naoya; Macadatsa napirsetaca njoa, ima nocadaca nocaolre Pinaco. 21 Piwapa njoa no-Minalri ima corrin nocashataca Pjia njite nonaitjaca Pirso matsia; ima nocadaca nocaolre Pinaco. 22 Piyomjeta njaji Iraelnai naoya njaji jirrapitinaperri narso, Pjia no-Diote matsiadalri.
1
Picaite noacona, no-Minalri, ima corritsa coca noaji nonaitjaca nomatsicana; nocadaa nocaolre Dio naco njite corrin yamadaca nowaopiakje Lrikjoete.
2
Picapa coajica njoa, Pjia no-Diote matsiadalri, piwi picapao coajica njoa, piwi picapao corri cadetsa pacapa pada imatsicananti
owaopiakjre ricó njite nocaolre ricó tsakja.
1 Jliaji Iminalriti, icatsa nocamarranaca njite icatsa jliaji imanacota cadaca njoa; ¿niini coca ikjoete nofiowa? Jliaji Iminalriti icatsa jliaji idanatacadaca nocafica; ¿Coca ikjoetentja nofiowa? 2 Natsomita cádanaco njoa njaji inaitjacape matsi nainócarro njoa, oopi natoda njaipa pjiomi njaji nocoema niini njewacawa. 3 Niini nawacaaca cadantja aima tsolrodaonai nowaida naco inocape nokjoete, corrin nocaolre ifio carroca; njenico cada oowi ricó nokjoete, nocada catsa nocaolre matsia Dio nacó. 4 Notatja pada Dio iinai, njite noomaca lrioya njaji: noomaca nofacawa lriipana lrico jliaji Iminalriti caidalritsa jalredaoca icoam caafi cádanaco toa njoa, notaitácarro nocapaca lri-matsiaca jliaji no Minalri njite nowaopiácarro Lrinaco lriipana lrico. 5 Coacaojli cadaotsa jirrapitinaperri iocawa noikjaolre Jlietaotsa njoa Lriofacawa lrico taimí-dalri; Lridawaotsa njoa Lripana yapjite. Jiipada yenondalri naco watsa Jlirreta njoa. 6 Niininaotsa yenonca njoa naoya njaji nocoema yemalriwa nowaida naco, njite noino watsa maficalri Lriipana lrico catimacalri ikjaote. Nocanta watsa Lriso njite nodana watsa canción tsakja Dio irso. 7 Pjia no-Diote matsiadalri, Pjimiotsa norso nowana cádanacoatsa pikjaolre. Kjena Picapaca norso njite pjiepaotsa njoa. 8 Nocaolre icaite njoa cayoji: ''Pia pitatja Lriinai. Noá Piipana lricojle notatjácarro Piinai, Pjia no-Diote matsiadalri. 9 Madawatsa Piecoa noya, mjenetatsa pioyao jliaji Pirsodalri irroati lrico. Icatsa Pjia ikitsindatacadaca njoa, mamacatsa njoa, Pjia Dio imanacotacaita njoa. 10 Njonirri, njodoa imaca cadaa njoa, Jliaji Iminalriti icoadataotsa njoa. 11 Picananta njoa nofácarro cayoji pioma capisho. No Diote matsiadalri, Pimanacota njoa naoya njaji nocoema. 12 Macadatsa nanaitjaca norso cayoji naoma capisho njaji nocoema, ima aima jinicowa njaji icaitecape ishati nonaco, njite naoma nainoca njoa. 13 ¿Coajintja njoa corri pia cada njoepa nocapacaotsa Dio imatsiaca naofacawa lrico njaji inaiki caafiperri? 14 Piwapa Jliaji Iminalriti; kjaida pjia, njite pikjaidata picaolre. Piwapa Jliaji Iminalriti.
1 Nowanaca pikjaolre no-Minalri, Pjia njoidada, mamenatatsa njoa pioyawa. Corri cadaa pjimi norso, icamitsaotsa nainoca njoa. 2 Pjimi coajica notatjaca piinai caiwi ricotsa notatja cádanaco Piinai Pikitsindatácarro njoa, njorreta cádanaco njaji nocaapi Piipana matsiadalri yemalriwa ikjaolre. 3 Mapecotsa teco njoa nainai njaji inaiki matsiperri iwaopiakje, njaji inaitjacape aima imatsicanati, njaji icaitepecaperri namaodacá-carro nacodapiperri iapiya mitsa pakjamperri imatsicanati nacaolre ricó. 4 Picaoñana namatsicana icoada shotsa, coshoca namatsicana cayo tsakja picaoñana, cayotsaji nanaitja capisho nacaapi sho, cayotsaji nanaitja capisho. 5 Ima corrica naoma nají nanaco njaji wa-Minalri idejicalre. Lripecoatsana njite corrinatsaotsa Lridia watsa Jlirretana. 6 Matsiadalrica caidalriwetsa jliaji Iminalriti jlimi capoa njaji notatjalri caiwi ricotsa. 7 Noidadaca jliaji no-Minalri njite Jliatsa jliaji idanatacaita njoa, njite cayotsa Lrikitsindataca njoa. Niini catimaca nocaolre pekirritsa, njite noaca Lrirso matsiadalri canción sho. 8 Jliatsa jliaji Iminalriti ikitsindatacada njaji Lrinaikite aimadan njite Jliatsa jliaji lridawaaca cawa lrico manacó-carro jliaji Lriniwananda. 9 Pinacota njaji Pinaikite aimadan njite Pinaitja matsia narso njaji Piyarrope. Icatsa Pjia iwapacaitana njite caidalriwetsa Pideecana matsiacawa lricona.
1 Iá matsiadaklri Iminalriti irso, sha Dio yenipe. Iá matsiadaklri Iminalriti irso Lrimatsiaca melremelredalri ikjaote njite kjaidadalri capoani. 2 Ia matsiadalri wa-Minalri irso ima ajádalrica matsiadalricani. Iyamjeta jiwida lrikjaolre jliaji wa-Minalri ima mamatsicanadalricani. 3 Caaco cádanaco jliaji Iminalriti kjema pjaca Lriacoam oniñokja manoa lricoda ioya; kjemádalrica eeno sho jliaji wa-Minalri imatsiaca melremelrédalri, kjema pjemica Lriacoam ooni Manoa lricoda yekjoete. 4 Kjaidadalrica wa-Minalri iacoam; talricanati yacoamca jliaji Iminalriti iaco.m. 5 Lritsafa njaji jaico cedrona caaco cádanaco jliaji wa-Minalri; Lriwitita njaji cedro lrima libano lricoperri caaco cádanaco jliaji wa Minalri. 6 Lricadaa Libano iwatsiacawa cayoji vaken iwatsia capisho njite Sirión iwatsiawa bufalo emine iwatsia capisho. 7 Tiyee imotoa Dio inoma lrikjoite caaco cádanaconi. 8 Lricorsocawa jliaji jalrapocolri caco cádanaco jliaji Iminalriti; Lricada lricorsocawa jliaji jalrapocolri Cade lricoda. 9 Wa-Minalri iacoam icadaa napirritacawa njaji jaico macanepe njite lripeecona njewao ima caolri kjaidadalricani. Njite nacaite pjiomi njaji Lriipana lricoperri: ''Matsiadalricani.'' 10 Talricanati kjaidadalri sho lriofacawa jliaji Iminalriti ooni iicao lrimota cádanacoa; Lriofacawa jliaji Iminalriti talricanati sho caidalriwetsa. 11 Wa-Minalri iá njaidawa njaji Lrinaikite aimadan; wa-Minalri icadaa namaodacacá lrimatsiaca ikjaote njaji Lrinaikite aimadan.
1 Noa Pirso matsiadalri, no-Minalri, Pjita capoa cafainadalri ioya njite corrin picada njoa nocoemanaipe irso necácarrontja noicao. 2 No-Minalri Dio, nowana Pikjaolre Pikitsindatá-carro njoa, njite pjitaca njoa naoya. 3 No-Minalri, oopi pjirreta njoa irrirri ioya; njite corrin Picadaa naorrocoetaca njoa irrirri ricó. 4 Iá matsiadalri wa-Minalri irso canción sho, sha lrienipe corri-perri imacani. Icaite matsia lrinaco iwada cádanaco corridalricatsa irso Imatsicana. 5 Corridalritsa icada wiá Lirroa iofá lrinaco; mitsa kjenaca Lricapaca warso caidalritsa. Deepidalritsa jliaji iyakjeti, ima jalre cádanacoena ikena itimati iocacawa lrinaco. 6 Ajádalri nocadaca nocaolre Lrinaco nocaite cádanaco cayoji: ''Corriotsa coancaojlica pada shamacaotsa njoa.'' 7 Pimatsiaca ikjaote tsa, no-Minalri, Picadaca njoa cayoji jiipana taimídalri yemacawa; mitsa yami cádanaco pikitsindataca njoa, corrin noaji coaji caotsa njoa. 8 Nowana Pikjaolre, Pjia no-Minalri matsiadalri, njite nooma no-Minalri ikitsindataca njoa. 9 ¿Cocantja lrimatsiaca mayami cádanaco njoa, njite nadawa cadaa njoa irrirri lrico? Jliaji nópacaa corriotsa lricaité carroca Pinaco matsia, njite corrin tsakjaotsa lricaité carroca matsiaca pacadaca pacaolre Pinaco. 10 Pjimi, no-Minalri matsiadalri, kjená Picapaca norso. Iminalriti, Pjia nooma ikitsindataca njoa. 11 Oopi Picadaa catimaca njoa inodalri icaolre mayami capoa nokitsinda; oopi Pjita nooya jliaji tsaya tsaco wanam nonaconda njite picadaa catimaca njoa nocaolre ricó. 12 Niini panaya nocantaca Pirso Pimatsiaca ikjaote, corriotsa macó carroca njoa; No-Minalri Dio, caidalritsaotsa noaca matsiadalri Pirso.
1 Icatsa Pjia no-Diote, nodawacalri iapjite; macadatsa napirsetaca njoa njaji nocoema. Piyokjeta njoa Pimatsiaca naco. 2 Pkjimi norso, kjeya Piyomjetaca njoa; Pidanataca njoa cayoji padawaaca capisho jiipada macadalri yapjite, patawajle taimídalri yomjecawa lrico njoa. 3 Ima Pjiaca jliaji Jiipada shodalri norso nofacawa lrico nomaodacatsa njite pjiatsa icada njodawa; niini Pimatsiaca ikjaotetsa, Pidee njoa matsiacawa lricotsa. 4 Pjita njoa natodalre ioya nacadalri nopia nadawanda nopia, ima Pjiaca iwapacada njoa. 5 Picapi ricó nocadaa nocafica; Pjia watsa idieta tsenakjaotsa njoa, Pjia Dio matsiadalri, pacadanda inaco wacaolre pamaodacatsa. 6 Matsi nocapaca narso njaji icadacape icaolre nanaco njaji idolonai miperritsa, mitsa njoa nocadaa nocaolre waMinalri naco. 7 Njite catinaca njoa njite nojoitacawa corri capoa Pimaodaca Piacoam ioya, ima Picapjentsa coajica njorrapitaca; Piají poiatsa coajica lriticoma shocawa jliaji nocafica. 8 Corrin picadaca njoa narso njaji nocoema. Picada nopjoaca noajicawa nomaodacatsa. 9 Kjena Picapaca norso, Pjia no-Diote matsiadalri, ima matsui noajiacacawa; njaji icaiyati imjaidataca njaji notji, nodada tsakja njite pjiomi njaji norsolri. 10 Icaiyati njite inonacalri nainoca njoa. Coyolrecalri imjaidataca njoa; mjaidakena nodada. 11 Naikjaote njaji nocoema, njaji inaiki namenataca njoa; nafiowa pekirritsa njaji inaiki naikjaote njaji coajica njoyapacawa, njite njaji yajicvape coajica njoyapacawa njeta nacaolre. Njaji icapacaperri njoa inipolrico napito nooya. 12 Cotsa coca iwadaca njoa, cayoca njoaji nacayosho njaji mayamperrimi corripetsa nawada. Cayoca njoaji nairra carroapa nabolrontaji. 13 Njite njomica coajica monomonodaca aima inaiki, yacoti matsiperritsa ajaitecatsaji, naoma cawiaca nanaitjaca pada iwaopiakjeti nokjoete. Nawaopioaca coajicaotsa nainoca njoa. 14 Mitsa njoa nocadaa nocaolre Pinaco, Pjia no-Minalri matsiadalri; cayo noaco Pirso: ''Icatsa Pjia no-Diote.'' 15 Pjiatsa yají coajicaotsa njoa nopeyajle. Piyomjetaca njoa naoya njaji nocoema njite naoya njaji yajicaperri ipineta njoa. 16 Picadaa nacapa Pjia catsa lriinai jliaji Pirsodalri; Piyomjeta njoa cayoji Picaite capisho norso, jliaji corridalritsa Pimaodaca ioya. 17 Macadatsa napirsetaca njoa, Pjia no-Diote matsiadalri; Nowanaca Pikjaolre panaya. Pikjenata njaji matsiperritsa iwaopiakje. Picada macotsana irrirri ricó. 18 Pimacoita njaji cacoperri padalrekjeti ricó corri capoa naomana, njaji iometacape njaji inaki matsiaperritsa. 19 Macadalrica jliaji Pimatsiaca, jliaji Pimatsietanda narso njaji iyamjetacaperri Pirso njewida, njaji idawaaca caperri Pjida yapjite, napeyajle njaji icapacapena. 20 Piofacawa ipeyajle, pidawa naoya njaji iomacape inaitjaca maatsi. Pidawacana naoya njaji cacoperri matsitsa iñakjeti ricó. 21 Matsiadalrica jliaji Iminalriti, Lricada nocapa lriacoam matsiadalri nadanata cádanaco njoa njaji nocoema ima corrin Lrimaodacaca Lriacoam ioya. 22 Nocaite cadana njoa nokjeyapita capoa cayoji: ''Corritsa pioma ketsa Picapaca njoa.'' Cayo cadana, pjimitsa njoa nowana cádanaco Pjia Pikitsindatá-carro njoa. 23 Ajaca, icatsa cayorra, njoepaca Pjia no-Diote, pjiomi sha corriperri imacaca jliaji Iminalriti. Jliaji Iminalriti Lriwapa njaji corriperri imacani, mitsa Jlirrapiteta pekirritsa njaji padalreperri. 24 Ikjaidatacawa njite iofa imaodacatsa, pjiomi sha icadacape icaolre Dio naco njite iwapa Lrikitsindatá-vcarro sha.
1 Catimadalrica jliaji atsia Dio jiyapetanda ioya jliaji lrimatsicana, Lritanda ioya njaji lrimatsicana. 2 Catimadalrica jliaji atsia corridalritsa Lricapa inaco matsirri njite corrin lricapa lrinaco ishati. 3 Nomacoiyta cádanaco, icamitsa mjaidaca njoa, nocaja cadanawa jalredaoca icoam caidalritsa. 4 Depjite njite jerriapjite Picada njorrapitaca. Oopi merri njoida cayoji mjerri capisho njaji malritsi camoi ricó. 5 Njite noajiacacawa nonaitjaca maatsi Pipeyajle, njite corrinatsa nodawaca njaji nomatsicana. Noaco cayioji: Nocaiteotsa Pjiomi njaji nomatadaji no-Minalri irso,'' njite Pjiyapeta nooya pjiomi nomatsicana. 6 Niini pjiomi njaji kjenaperri icapaca apjetsida irso narsotsa natatjaca Piinai caidalritsa aima cádanaco njorrapitaca inonaperri. Niniotsa cawapoa cádanacoatsa ooni, corriotsa lrioca-carro naikjaolre. 7 Icatsa nodawacalri niniwa; Pjiawatsa iwapa njoa jirrapitinaperri ioya. Pidanataotsa njoa canción sho njaji pjiameta shopa. 8 Njoa watsa icananta pjia piajícarro coajica nooma pinaitjaca Norso. Nocanantaotsa Pjia njite nocapaotsa pjia pionaiytja cadatsa cayoji Nocananta capisho pjia. 9 Mananitjacatsawa caballo sho o mula sho, njaji corripetsa irso iwaopiakje; icamitsa narsolrica tsipalra nanoma lrico keñadadalri nacadácarro a kjerreca naoma lriacawa naapiya. 10 Aima njerrapitaca njaji matsiperri, mitsa Dio iwapacaotsa njaji icadacape icaolre lrinaco cayotsaji Lricaite capisho narso. 11 Icatimatacawa Dio iinai, ijoitacawa, sha inaitjacape matsia; iwana catima capoa sha, pjiomi sha marsocapetsa imatsicana.
1 Icatimatacawa Dio naco, sha matsiaperritsa; Njaji matsiaperri icatsa njaji ialrica matsiuadalri Dio irso. 2 Ia Lrirso matsiadalri arpa sho; icanta matsiadalri naco Lrirso arpa sho irsocada die neñada. 3 Icanta Lrirso walriperri canción; ikjemata matsia njaji ikjemataji njite icanta itimati lrico. 4 Jlaji Iminalriti Corrin lricashataca nanaco njaji Lricaiterri; njite matsiaperri catsa pjiomi njaji Lrinaitjalri. 5 lripeyo njaji inaitjacape coajica nacaiteca njite njaji inaitjacape matsia. Njite jliaji Dio icaitenda inaco Lrinaitjaca pacapaca pjiomi jalredaoca. 6 Dio iaco sho Lrinaitja pjiomi njaji eenocoma, pjiomi njaji jiwirsida eeno lricojleperri lrinaitjana Lriaco sho Lrimjeco cádanco lrinoma caco cádanaco. 7 Lriwaketa njaji ooni imaimaca pawaketa capisho lriarrona lrico; Lriwaketa njaji Manoa ionitena pafetsa. 8 Narsotsa nafiocawa Dio iwana pjiomi njaji jalredaoca lricoperri; narsotsa njetaca nacaolre Lripeyajle pjiomi njaji jalredaoca lricoperri. 9 Ima caco cádanaconi icamitsa nanaitjacacawa njaji Lricaiterri inaco; Lrimenacana, njite icamitsa naofacawa nacoanamitsa naofacawa lrico padenirri. 10 Wa-Minalri imatsiketa njepaaca cádanaco papocotsawa njaji inaiki jalredaoca lricoperri; Lrimatsiketa nawaopiakje njaji inaiki aimadan. 11 Corripetsa iwayacawa njaji Dio iwaopiakje, njaji Lriwaopialre lricaolre lricope narsowalrepe pjiomi njaji walricomanai. 12 Matsiadalrica njaji inaiki iofacape njepaite ricó icadacape na-Dioteca Jliaji IMINALRITI, njaji inaiki aimadan Lriniwananda Lriyarrope carrona. 13 Jliaji Iminalriti Lricapa enolrikjoite, Lricapa pjiomi njaji inaiki. 14 Lriofalri njite, Lricapa yenonjite pjiomi njaji iofacape jalredaoca lrico. 15 Lrikitsindata matsiacarro nawaopiakje njaji inaki cayoji lricayosho jliaji idejicada caalri sho lrimatsieta njaji lridejicalre, Lricapa pjiomi njaji nadejicalre. 16 Jliaji talricanati corrin yomjeni aima capoa lrirso tsolrodaonai; corrin tsakja yomjé carroca apada oowi kjaida capoani. 17 Corrin nataita nawadaca naofacawa namaodacatsa nayacalre rico narso capoa aima caballo nainoaca shopa; kjaidaperritjana, mitsa corrin nataita nayomjetacana. 18 Dio icapa cadana nanacojle njaji ifiocaperri lriwana, njaji icaitecape corrica Lrimacana 19 lriyomjetá carrona mayamicalri ioya njite lricada cafitsana mawitacai ino cádanacoatsa njaji jalredaoca lricoperri. 20 Wacadaa wacaolre Dio naco; Icatsa Jliaji ikitsindatacadaca fa njite wadanaitacani. 21 Catima wacaolre Lrinaco; ima wacadaca wacaolre lripitana matsiadalri naco. 22 Pinaitja cayoji Picaite capisho warso, Pjia Dio matsiadalri, Pjia tsaotsa wainai wacada cádanaco wacaolre Pinaco.
1 Noaca matsiadalri Dio irso jecoapi icoa, caidalritsa cacoca njoa matsia Lrinaco. 2 Noaca matsiadalri Dio irso. Njemícarro njaji njerrapitetaji njite catimá carrona. 3 Ia matsiadalri Dio irso noinao, warsa wacaite pacoaca coandalrica Jliaji Iminalriti. 4 Notatja Dio iinai njite Jlimi norso, njite Lricadaa njoametácarro pjiomi njaji icadalri nofiocawa. 5 Catimaca njaji iomacapeni, njite corriotsa capaimanperica nacapácana. 6 Jliajiatsia njerrapitetaji lritatja Dio iinai njite Jlimi lrirso niini Lriyomjetani naoya pjiomi njaji jlirrapitalri. 7 Jliaji waMinalri i-angeleni iwapa pjiomi njaji ifiocape Dio iwana njite lriyomjetana. 8 Iwi icapao jliaji Iminalriti, icapácarro matsiadalricani. Catimadalrica jliaji atsia icadacada icaolre Dio naco Lriwapácarrona. 9 Ifio Iminalriti iwana sha Jlienitaji Lrirsowawa. Corriotsa coca canacai watsa narso njaji ifiocaperri Lriwana. 10 Canacai mana naijao njaji yaawi kjaidaperri toa niini njerrpita mana mawitacai, mitsa njaji itatjacaperri Dio iinai corriotsa pacapá carroca pada matsiadalri canacaidalri narso. 11 Inoena noenipenai jimícarro norso. Nocanantácarro sha coajica pafiocawa Wa-Minalri iwana. 12 Pjiomi njaji inaiki jalredaoca lricoperri napeyo naofacawa jalredaoca lrico njite naoma naofacawa aima jecoapi jalredaoca lrico njite naoma naofacawa matsia. 13 Niini piwapa pienene matsidalri ioya njite piwapa pinoma ishati ipyua. 14 Pjienawa matsidalri ioya njite pioma pinaitjaca matsia. Pioma jliaji imaodacakjeti njite mamacatsani. 15 Wa-Minalri icapa caidalritsa njaji inaitjacapé matsia njite caidalritsa Lriwapa jlimi coajica naiyaca. 16 Jliaji wa-Minalri corrin lrioma lricapaca narso njaji inaitjacape matsi, niini Lriwayaketaotsana wade naofacawa jalredaoca lrico toa. 17 Jliaji Iminalriti jimi narso njaji matsiaperri nawana cádanaco Lrikjaolre njite lriyomjetana lrioya jliaji njerrapitalri. 18 Tsomitsa jliaji Iminalriti naoya njaji inonaperri icaolre pekirritsa, njite lriyomjeta njaji mjaidaperrimi. 19 Aiuma jliaji njerrapitalri njaji inaitjacape matsia, mitsa jliaji Iminalriti lriyomjetana naoya pjiomi. 20 Lriwapa matsiana padenirri, njite corrin coca itaita imatsiketacana. 21 Njatsa ino njaji inaiki matsiperri njatsa njaji nanaitjaji maatsi. Njite Lricadaotsa njerrapita njaji icapacape matsi narso njaji inaitjacape matsia. 22 Jliaji iminalriti Lriyomjeta njaji Lrirsoperri. Corriotsa lricadaa carrioca njerrapita njaji icadacape icaolre Lrinaco.
1 Jliaji Iminalriti lrideji nakjoete njaji idejicape matsi nokjoete; lrinoacawa nakjoete njaji inoacacaéwa nokjoete. 2 Pjipa pidanaita tsoite njite jliaji macaite; pjinicoena njite pikitsindata njoa. 3 Pidee Pimolrocon njite piyocan pinoacácarro nakjoete njaji ipinetacape njoa; Picaite nocafica irso cayoji: ''Icatsa njoa iyomjetacaita pjia.'' 4 Picadaa capaimanca naicao njaji yajicape ipineta njoa njite picadaa nanaitjaca narso maatsi. Picadaa nadiaca njapodamwa njaji iwaopiacape inaitjaca norso matsi njite pimanalrieta nawaopiakje. 5 Picadaa napocotacawa cayoyoji caolri ipjia capisho panapje metapemi, lripeco cádanacoatsana jliaji wa-Minalri i-angeleni. 6 Picadaa cadaocaca nawaopiakje aima cawa narsoca matsiarri, wa-Mialri i-angeleni ipineta cádanacoenaotsana. 7 Naoma njepaca njoa mikjapantsa cayoji pjepa capisho copje tooda sho; njeca nopia irrirri njowa carro lri-ricoda mikjapantsa. 8 Picadaa matsicana kjeyanadatsa. Picadaa njewacawa lriricodatsa jliaji tooda nacadanda nopia. Picada njewacawa lri-ricoda, nácarroa matsirri ikjaolre nanaitjandatsa narsowao. 9 Mitsa nocatimatacawa wa-Minalri naco njite nojoitacawatsa Lrimanacota capoa njoa. 10 Nacaiteotsa njaji noapi cayoji: ''Iminalriti, corrin pacapa apada caidalriji Picayosho, jliaji itaitacada iyomjeteca jliaji njerrapitanda naoya njaji kjaidaperri jirrapitetalrini, iyomjetacada njaji kjenaperri, canacaiperri irso pjiomi naoya njaji iomacape iñaitoca nanaani.'' 11 Aima njaji icaitecape ishatitsa jinicoa nokjoete; niini nacaiteca noacona ishati nacotsa. 12 Nonaitja narso matsia, mitsa nja nanaitja norso matsi. Niini coyolreca njoa panaya. 13 Nayami cojli pia, njoeta nonacoa notsayapalre; noitawa naikjaote njite noyamjeta njowida notatja cádanaco nanaco. 14 Noiya nanaco paiya capisho pakitsinda naco catsa; noiya kjaida mayami capishotja njodoa. 15 Mitsa njowa caojli pia, icamitsa catimacana lrikjaote njite nawacacawa, icamitsa nawacacawa nokjoete njite njota nocaolre nocapa cádanaco cayocana. Neema nokjoete njite corrin yamicana. 16 Corrin coadaca njoa narso kerroa cádanacona nokjoete; namjoa netsa nokjoete kerroa capoana. 17 No-Minalri, ¿Coancaojli pjenaotsa poicapa minicatsa jliaji nanaitjalri? Pyomjeta njoa naoya ima caidalricatsa nanaitjaca norso matsi, piyomjeta njoa naoya njajiyawi kerroaperri. 18 Nocaite carroatsa matsiadalrica Pjia njemiwerrico njaji iwacaacacapewa aimadan; noa watsa matsiadalri Pirso njemiwerrico njaji inaiki aimadan. 19 Macadatsa catimaca nonaco njaji nocoema cashaperri; macadatsa lromotoca narso cayoji nawaopiakje matsidalri ioma capisho. 20 Corrin cacocana imaodacakjeti naco, icamitsa caacocana ishati nacotsa nakjoete njaji iofacape imaodacatsa jalredaoca lrico. 21 Kjaida cacocana nacaitécarro matsi nonaco; nacaite: ''Ajádalrica wacapaca watsi sho jliaji wacaiterri.'' 22 Picapjentsa no-Minalri jliaji nocaiterri, Picaite nacona naikjaote jliaji nanaitjalri; maatsa teco nooya, no-Minalri. 23 Picafiawa njite pjinicoa pidanatácarro njoa naoya njaji nocoema, Pjia noDiote, Pjia no-Minalri, piwapaca njoa pinaiwa. 24 Pidanata njoa, matsiadalri capoa Pjia, no-Minalri; macadatsa catimacana noikjaote. 25 Mcadatsa nacaiteca nacaolre rico cayoji: ''Matsiatsa, opina warso jliaji waomalri. Opina wawayaketani.'' 26 Pipaimanietana njite Pimanalrieta nawaopiakje njaji iomacape inaitjaca norso matsi. Picada capaimanica naicao matsícarrona pjiomi njaji icacaperri noicao. 27 Njite picadaa catima njemataca pjiomi njaji iomacape matsiaca tsenakja njoa; nacaité-carro caidalritsa cayoji: ''Ajádalri waca matsiadalri wa-Minalri irso, jliaji icatimatacadawa matsia capoa jliaji lrirsodalri.'' 28 Niniotsa cacoca njoa pimatsiaca naco njite noaca matsiadalri pirso jalredaoca icoam.
1 Apada atsia matsidalritsa iwaopiakje caaco lrimatsicana naco lricaolre rikjoite; corrin lrifio lricapaca Dio. 2 Lrioma lriajiacacawa jliwacawacatsa, lriwaopia catja corricaotsa coca yají lrimatsicana naco njite corri caotsa matsi nacapa lrikjaoteni. 3 Matsiperri minitsa njaji lriacoam njite icamitsa lricashataca; corrin lrioma cajikjedalricani njite corrin lrioma lrinaitjaca matsia. 4 Lricoakje lri-amaki ricó, icamitsa lriwaopiaca coajicaotsa lrinaitjaca matsi; ikena lrinita lrinaitjaca matsi; corri jlienawa imatsicanati ioya. 5 Piacoam mamatada-cádalri, no-Minalri, lriocawa eenolricojle; jliaji ajádalricawa pjia noapoiya lriocawa iyadaoca nacojle. 6 Caidalrica jliaji Pimatsiaca iyenonca lricayosho jliaji jiipana yenondalri Dio iyada; njite tjewacadalrica, marsocadalrica lriocacawa jliaji pjirrapitetashopa njaji matsiperri. No-Minalri, Piwapjentsa njaji yamapoco cafiperri, inaikinai njite njaji maficalri. 7 Matsiadalrica jliaji Piacoam mamatada cádalritsa. no-Diote, njaji inaiki nadawacawa Pinapje yapjite, cayoji coamen idawaca capishoa njadoa ipje yapjite. 8 Matsia watsa najiacacawa cayoji naiñja capisho iñjaodati matsiaperri piipana lricope; njite cayoca njaji pimatsiaca ooni matsiadalri sho picadalri nairrao. 9 Ima Pioshete lrimotoa jliaji ooni cafidalri; njite Picamarrana lrico wacapaotsa jliaji camarrai. 10 Picadaa tsakja narso jliaji Piacoam mamatadacadalri ajádalri narso njaji icoadatacape pjia ajádalri sho, njite Pidanata njaji matsiaperri icaolre ricó. 11 Macadatsa natsomitaca njoa njaji inaiki padalreperrimi. Macadatsa nopitocawa naikjaote njaji inaiki matsiaperritsa inaitjaca. 12 Icatsa njewacawa nirse njaji inaiki matsiperritsa iwaopiakje; njewacaotsa matsidalri ricó njite corriotsa nataitácarroca njenicocawa napieta.
1 Mamatsicaacatsawa naikjaote njaji inaitjacape imatsicanawa; mamatsica tsa picapaca narso njaji inaitjacape matsia. 2 Ima kjeyenatsa napjeya merricarrona cayoji malritsi capishontjana, njite metacaotsana paniatidape sho njaji jipolreperri piatoa. 3 Picada picaolre Dio naco njite pinaitja matsiaperri minitsa; piofa matsia jalredaoca lrico njite piwapa njaji matsiaperri piomalri pjatoa pirsowawa. 4 Niini piyoitacawa pi-Minalri naco njite Lricadaotsa pirso njaji pioma lriinai picaolre lricoperri. 5 Pitatja Dio iinai lrikitsindatácarro pjia nanaco njaji piomalri pinaitjaca; picadaa picaolre Lrinaco njite Lrinaitjaotsa pirso matsia. 6 Lricañjataotsa pimatsiaca nacapácarro pacapacaji jérri icananialre njite Lricañjata tsakjaotsa pinaikica matsiadalri cayoji mayacan capisho jérri icananialre sho. 7 Piofawa apafetsa Dio ipeyajle, pitarrawata piwapacani wade pikjeyapitaca. Merroatsa picapaca lrirso jliaji matsiadalritsa iacawa pjiomi lridejicalre naco, o lriwaopia cádanaco matsitsa. 8 Merroatsa pjia wade matsica piwaopiakje. Mjetatsa picaolre ima icamitsa lrideca pirso matsiperri. 9 Corriotsa naofá carroca aima jalredaoca njaji matsiperri, mitsa njaji iwapacape matsiaperri Dio naco icatsaotsa njaji irsolricaotsa jliaji jiipai Lricaiterri narso. 10 Kjeyatsa jalredaoca lriwayacawa jliaji atsia matsidalritsa, picapaotsa lriofacawa lrico pia, corriotsa picapá carroketsani ima opica lriawa njiteo. 11 Mitsa njaji mamatsicacapetsa naofawatsawa lri-ricoda jliaji jiipai Lricaiterri narso, njite catimaotsa naofacawa. 12 Jliaji atsia matsidalri lriomaotsa lrinaitjaca matsi lrirso jliaji atsia mamatsicanadalritsa njite lrimjoa caotsa lrietsa lrikjoete. 13 Jliaji Iminalriti lricaa lricao, ima lricapaca tsomi kena jlinana iocacawa. 14 Opi njeta namatsetani njite natiota kena nayawitjiapo njaji matsiperritsa iwaopiakje nakjoete njaji njerrapitetaji njite njaji canacaiperri irso pjiomi, nainó-carro njaji mamatsicanaperritsa. 15 Namatsetan sho tsaotsa mayamina njite tocomi caotsa nayawitjiapo. 16 Matsia pjatoa namatsiaca njaji inaiki matsiaperri tsodalritsa narsoca naoya njaji aimadalri imatsicanati narsolri njaji inaiki matsiperritsa iwaopiakje. 17 Tocomica nainoaca shopawa njaji inaiki matsiperritsa, mitsa wa-Minalri iwapa lricapi sho njaji inaiki matsiaperitsa. 18 Jliaji Iminalriti Lriwapa jalredaoca icoam njaji matsiaperritsa iwaopiakje njite caidalritsaotsa narsoca jliaji narsolri. 19 Corriotsa capaiman carrocana jalredaoca matsidalri ioca cadanacoatsa nanaco. Mawitacai cadaotsa nanaco, narsoatsa aima iñjaodati naoya. 20 Mitsa nawayacacaotsawa njaji inaiki matsiperritsa iwaopiakje. Nawayacacaotsa njaji Iminalriti icoema cayoji jérri imjaita caisho njaji potira njite nañácaotsawa lritaca sho. 21 Njaji inaiki matsiperritsa iwaopiakje njeta toatsa nakitsinda iyarro mitsa corriotsa nadietá carroca nacoada lrirso, mitsa njaji inaiki capom-perri nadieta watsa narso njite na pjaotsa nanacojle. 22 Njaji inaiki DIo inaitjaji irso matsia narsoatsa jliaji jiipai Lricaitenda narso; njite njaji inaiki Lricaiteji inaco matsi Lriñetacaotsa. 23 Iminalriti ikjaotetsa lricadaa matsiatsa naofacawa, jliaji atsia matsiadalritsa Dio icapaca njaji lrinaitjalri. 24 Lritoda cada jlipa, corriotsa jliwá carroca, ima Dio catsa yapiatani lricapi sho. 25 Yempeti pia tsakj njoa oopi njite panaya pekirri kena njoa; corrin coancaojli nocapa namacaca jlia apada inaitjacada matsia, corrin tsakja nocapa lrienipe yajica itatetja naiñjao iñjaodati. 26 Jalredaoca icoam lripeyo lricapaca apjetsida njite lriatoa lriyarro nakjoite narso, njite njaji lrienipe nanaitja matsia narso. 27 Pjienawa matsidalri ioya njite pinaitja matsiaperri minitsa; niniotsa piofacawa pimaodacatsa caidalritsa. 28 Jliaji Iminalriti lripeyo lricapaca jliaji inaitjacada matsia njie corrin Lrimaca njaji yacape Jliapodam. Lriwapacana caidalritsa, mitsa Lriwayaketa pjiomi njaji matsiperritsa inakjoiteperri. 29 Njaji matsiaperri naofacaotsa lri-ricoda jliaji jiipai Lricaitenda narso caidalriwenatsa naofácarro niniwa. 30 Njaji inaiki matsiaperritsa icamitsa cacocana matsiadalri nacotsa njite aima pjaca narsoca yajikjeti njite matsiadalri. 31 Dio yáco iofacawa lricaolre ricó; nini corriotsa njewácarroca imatsicanati naco. 32 Njaji inaiki matsiperritsa iwaopiakje depjite nawapa nacapa njaji inaiki matsiaperritsa nainó carrona. 33 Jliaji Iminalriti corriotsa lricadá carroca nacapi rico njaji matsiperritsa iwaopiakje njite corriotsa nacaité carroca nacona Lricaite cádanacoenatsa naacona njaji jalredaoca lricoprri. 34 Piwapa matsia Dio naco, njite piwapa pinaitjá-carro pjiomi cayoji Lrioma capisho pinaitjaca Lrirso, njite Lricadaotsa piofá carroatsa lri-ricoda jliaji jiipai Lricaitenda narso. Picapaotsa coajicaotsa nawayacacawa njaji matsiperritsa iwaopiakje. 35 Nocapa njaji inaiki macadawanai njite cafainaperri coajica njewacawa cayoji jaico jiwacaísho lriemalri pia ioya. 36 Mitsa nopieta caojli pia tsenakja njoyapa niini, corrinatsa nocapani. Nomatja nocapa akjerrecani mitsa corrinatsa noketani. 37 Picapa piicao jliaji inaiki corridalritsa icashata njite jliaji inaitjacada matsia; aima matsiaperri lripiawalre jliaji atsia imaodacacadatsa iofacawa. 38 Nawayacacaotsawa matsiape njaji inaitjacape imatsicanawa; corriotsa lriofa carrocawa aima jalredaoca jliaji matsiperritsa iwaopiakje. 39 Dio-tsa ikitsindata njaji inaki matsiaperritsa; Jliatsa iwapana njeyapa cádanaco jirrapitanaperri naco. 40 Waminalri ikitsindatana njite Lriyomjetana. Lriyomjeta naoya njai matsiperritsa iwaopiakje, Lriyomjetana ima nacadaca nacaolre Lrinaco.
1 Iminalriti, mañatsa njoa Pirroa lrico; mjerrapitetetsa njoa kerroa cádanaco Pjia. 2 Caiwica njaji Pjirrapitetashopa pja, caiwidalricani cayoji nayawita capisho pja, njite Pipatoitaca pja Picaapi sho jiipai nacojle. 3 Cafica njoa pjiomi nodada lrico Pirroa ima; corrin coancawa matsiaca njoa noapi ricó nomatsicana ikjaote. 4 Njaji nonaitjaji matsi naitaca njoa oni iita capisho pja; jamiñaca noajina. 5 Caacaica norso njaji noyaoni njite ecokenana nonaitja capoa nomatsicanawa mikjapanperritsa. 6 Yacajinatsa noacawa njite kjena noajiacacawa jalredaoca icoam; njite noiyaca noicaowa jalredaoca icoam. 7 Ima jacaca noaji matsina nowawalrico, corrin matsiaca njoa noipe ricó. 8 Mayamikena nodada njite opi matsi njoa; nocajawa njorrapita capoa nocaolre ricó. 9 Iminalriti, Piajintsa cocaca njaji nomalri nocaolre rikjoite, njite corrin nodawaca Pioyana. 10 Mjaidetsa nocaolre idejica, mjaidetsa njoa, njite corrinatsa nocapa matsia. 11 Corrinatsa naoma natsomitaca njoa njaji nokitsiñapeji nacapa capoa coajica njoa; teecotsa nema noya njaji nocodapiperri. 12 Njaji yajicape ioma njoa nacada nopia owepi. Njaji yajicape ioma njoa nanaitjá-carro norso matsi, caaco matsi nonaco njite nacshata nonaco jalredaoca icoam. 13 Mitsa njoa, cayoca njoa atsia matsidalri sho niini corrin coca njomi; njite cayoca njoa atsia macodalrim sho corridalritsa caconi. 14 Pada atsia mjenacolricodalrim shoca njoa, corridalritsa yaji coajica shepaca apada itatja cádanaconi. 15 Ajádalri nowapa pjoomi matsiadalri Pinaco, Pjia no-Minalri; Pjiepaotsa njoa, no-Minalri Dio. 16 Cayo nocaiteca wade nocoema iwada nataita nainoca njoa, ima njowa cadawa, nacaitepeotsa yácoti matsiperritsa nonaco. 17 Wadepena notodaca njoipa, njite caifica njoa caidalritsa. 18 Nocaite nomatsicana; njotaca nocaolre nomatsicana ikjaote. 19 Mitsa aimadanca njaji nocoema; aimadanca njaji imatadacaperri nokjoete. 20 Nanaitja norso maatsi matsia cadana nonaitjaca narso; nacaite nonaco maatsi nonaitja cadana jidati nonaitjacarro matsiaperri minitsa. 21 Mamacatsa njoa, noMinalri; macadaysa teeco njoa pioya, no-Minalri. 22 Kjeya pinoca noikjaolre pikitsindatácarro njoa, Pjia no-Minalri imanacotacada njoa
1 Njite nocaite: ''Nonaitja watsa jidati wade nonaitjaca nomatsica noenen sho.''Noitaotsa nonoma kjaida wade caacoca njoa noema cádanaco atsia matsidalritsa iwaopiakje ipeyajle.'' 2 Macotsa njoa; nonaitjatsa cayoji nocaite capisho matsiaperri cadana tjatsa njaji yácoti nomalri nocaiteca, njite caiwi cayao pja noaji jliaji caiwídalri norsolri nonaco. 3 Njite matsina noajiacacawa nowaopia cádanaco nanaco, tiye imjaita capisho noaji nowawa lrico. Niini caacoca njoa. 4 No-Minalri, picadaa noaji coancaojli watsa mayami njoa, a kjerrecaotsa njonana iocawa. Picadaa noaji coancaojli caotsa mayamiotsa njoa. 5 Picapa, medatsa picadaa njonana jalredaoca lrico, njite corritsa cocaca jliaji nocafica Pipeyajle. Caolritsa nacoana njaji inaiki jalredaoca lrico. 6 Ajádalri, itamana shocatsa najicawa njaji inaiki cafi cádanacona. Njaji inaiki nakjeyapita nawaketá-carro aima nayarroa corri cadana nají cocacaotsa jipa naoyana mayami cádanacoenana. 7 Panaya no-Minalri, ¿Cocao jliaji nowapalri? Ima icamitsa Pjia jliaji nowapalri inakjoite matsiadalri. 8 Piyomjeta njoa nomatsicana ioya; mamenatatsa njoa nainai njaji matsilriperrimi inaitjacape imatsicana. 9 Maco capoa njoa, corrin notaita nomjecoca nonoma caacó-carro njoa, ima Pjia catsa jliaji jirrapitetalri njoa. 10 Ajema pimatsiketaca njoa; ima mjaidaketsa njoa Pinoetacawa njoa Pjiida sho. 11 Pjirrapiteta cádanaco njai inaiki namatsicana ima, Pioma pjitaca naoya pjiomi njaji imatsicanati narsolri cayoji wepji iñja capisho jaico jirico lrico; ajádalritsa corrica cocaca njaji inaiki, icamitsa itacati sho catsana. 12 No-Minalri, Pjimi njaji notatjalri piinai, pjimica norso; Pjimica coajica noiyaca icaiyati ima. Maitatsa pjinacolrico noya, ima cayoca njoa apada capishotsa inaiki Pioya, pada iocacadatsa iofa napecolrico njaji apanatsa inaiki cayoji nacayosho pia njaji noferrinaipemi oopi. 13 Picapa tsenakja noikjaolre, nocácarro tsenakja mayamica ipjeya njoa.
1 Nowapa wia jliaji IMINALRITI; njite Jlimica njoa njite jlimi tsakja coajica noiyaca. 2 Jlita njoa njecaniapji matsidalri ioya, lrioya jliaji caalri jotojotó dalri, njite lricadaa nofacawa Lriinai matsia nomaodacatsa. 3 lricadaa noají apapeco canción walridalri, noácarro Lrirso matsiadalri lrirso jliaji wa-Minalri Dio. Aimaotsa inaiki jimiotsa norso njite nají watsa coaji piaca Lrinaitjaca Jliaji IMINALRITI. 4 Catimadalrica jliaji atsia icadacada icaolre Dio naco njite corrin lricatimataca njaji padalreperrimi, corrin tsakja njaji idiacaperri Lrioya naikjaote njaji idolonai. 5 Aima njaji pinaitjaji matsiaperri, no-Minalri Dio, corrin coca itatita iniwetaca njaji Pirsolri Piwaopiakje lrico waikjaote; nocaitepe cadaa nanaco coanperricana, corritsantja notaitenatsa noniwetanaca ima aima pjaca nowaopiakje ioya. 6 Corrin joiwica Pjia naikjaote njaji ofrenda njite naikjaote njaji maficalri nainoji Pirso, mitsa opi Pimjeco njaji njonacolrico; ima corrin Pitatja nainócarro maficalri corrin tsakja namjaitácarro maficalri namatsicana ikjaote 7 Njite noaco: ''Ivcapa coajica nonokena, nadana pia nonaco paperra lrico oopi. 8 Catima nocaolre nonaitjácarro cayoji pioma capisho, Pjia no-Diote; nocaolre ricó nomatsieta Piaco kjaidaperri.'' 9 Nocaite nawacaaca cawa lrico njaji aimadan lrinaco Jliaji Yácoti matsiadalri; no-Minalri Piajintsa corrica yami caacoca njoa Pinaco. 10 Corrin nodawaca Pimatsiaca naco nocaolre ricó; nocaite coajica corrica Pimacaca njoa njite coajica Pimanacotaca njoa; nocaite narso pjiomi njaji inaiki iwacaacacapewa coajica ajádalrica pjia ajádalrica pacadaca pacaolrewa Pinaco. 11 Maifarrotsa noya no-Minalri kjenacawa Picapaca norso. Pimatsieta njoa lrisho jliaji ipeyokjeti Pinakjoitedalri caidalritsa. 12 Aima njaji imatsucanati idanatalri njoa; oopi naoca noikjaolre njaji imatsicanati nonaitjalri, corrinatsa notaita nocapaca matsia; ima aima pjacana naoya njaji tsicolreti njowida nacoperri, njite corrinatsa matsiaca nocaolre. 13 Pinaitja matsia Pirsowaca, no-Minalri; Pino kjeya noikjaolre Pikitsindatácarro njoa no-Minalri. 14 Picada napaimanietacawa matsia njite corrinatsaotsa kjaida shocana, njaji ipinetacaperri nainó-carro njoa. Piamita naoya jliaji naomalri nadejica, njite Picadaa matsi-perricana cvatjinaa, njaji joiwí-perri inaitjaca norso matsi. 15 Picada nacapaca catjina coajica capaimanicana, njaji icaitecape norso: ''Pjia midalritsa.'' 16 Mitsa Picadaa catimaca pjiomi njaji iomacaperri Pjia, njaji icatimataaca capewa Pikjaote; Picadaa nacaiteca caidalritsa Pinaco njaji iomacaperri manacocalri Piinai cayoji: ''Jliatsa wa irso matsiadalri Jliaji IMINALRITI.'' 17 Kjenadalrica njoa, apada canacaidalri irso pjiomi; mitsa no-Diote iwaopioatsa nonaco. Icatsa Pjia ikitsindatacadaca njoa, Pino piyokjkeyta njoa; kjeyua pinoca, Pjia no-Diote.
1 Matsiadalrica jliaji jitacada icaolre nanaco njaji mjaidaperri; coancaojli cadaotsa njeyapawa jirrapitinaperri naco, wa-Minalri watsa ikitsindatani. 2 Wa-Minalri watsa imatsietani njite corriotsa lricadaa carroca mayamini, njite matsiadalricani jalredaoca lrico; corriotsa dio icadaa carroca nacapi ricí njaji lricoema. 3 Caifia cádanacoatsa, waMinalri watsa ikitsindatani ipoati ioya; Pitapetacaotsani lrirrená ioyani. 4 Noaco Lrirso cayoji; ''Pjia Iminalriti, kjena Picapaca njoa. Pimatsieta njoa piinaiwa, ima nonaitjaca maatsi Pirso.'' 5 Njaji nocoema caacocana maatsi nokjoete, naco cayoji: ''Coancaojli pjenaotsa pa mayamini, yami carroenaotsa nawadacani. 6 Lrino cádanaco lricapa njoa jliaji nocoema, icamitsa lricaiteca norso yácoti miperritsa; icamitsa lrioma jlimica ishati nonaco lriají-carro lricaitepe nanaco pjiomi irso. 7 Pjiomi njaji matsiperri icapaca njoa icamitsa nawacacacawa cacocarrona matsi nonaco narsowacatsa; icamitsa naoma matsica njoyapacawa. 8 Cayo nacaiteca nonaco; ''Lriyamica lrinaitja capoa lrimatsicanawa matsinadalri njite corrin lritaita lritapiacawa lrioya.'' 9 Atee njaji nokitsiñapeji imatsiaca, njaji iñjacaé noinai, caaco tsakja matsi nokjoete. 10 Mitsa, Pjia no-Minalri, kjena Picapaca njoa, Pjirretena njoa noyamikje ioya notaitá carroatsa nocaiteca njemi coajica. 11 Pinaitja cadaa cayoji notatja capisho piinai notaitaotsa noajica corrica kerroaca Pjia noinai njite corriotsa nja carrocaotsa shama njoa njaji nocoema. 12 Niniotsa noaji corrica cocaca njaji nomatsicana njite Picadaa nodejica Pirso caidalriwetsa. 13 Waaca matsiadalri Lrirso jliaji Iminalriti, na-Diote njaji Iraelnai caidalritsa njite caidariwetsa. Ajaca, cayoatsa wanaitjaca.
1 Cayoji nérri ioma capisho írrao ooni, icatsa cayo noomaca Pjia nocaolre rikjoite Pjia noDiote. 2 Icamitsa nomalrica norsowao jliaji Dio, jliaji Dio cafidalri. ¿Coancaojli watsa nono noemá-carro Dio ipeyajle? 3 Noiyaca caidalritsa deepi-ricó njite jalrewe-rico, niini icamitsa noiñjaca jliaji notjiafia, ima njaji nocoema naco norso, ''¿A kjerroe jliaji piDiote?'' 4 Inona mana njoa nocaolre-ricó nowaada cádanaco coaji piaca naapiya njaji inaiki aimadan nodee cádanacona Dio iipana lricojlena, catima nacawa nacantacayao Dio irso, aima inaiki icatimatacawa pia. 5 ¿Coada calretsa inonaca njoa, njite coada calretsa njorrapita? Nowapa catsa Dio naco, ima noiaji nopieta catsenakjaotsa noaca matsiadalri Dio irso ima icacatsa jliaji Iyomjetalrica njoa. 6 Dio, inonaca njoa panaya anji nowada cádanaco Pjia, lrinakjoite jliaji jiipana tsonitsa, nacodapidalri njaji jiipana Hermón njite Mizar tsakja. 7 Ooni itarraca tjewaca lricoda lriwanaca kjaida jliwacawa lrico; pjiomi ooni itjewacaca njite njaji lriñokja nanoca noikjaolre. 8 Mitsa jalrewe-rico Dio ikitsindatacaotsa njoa; njite deepo-ricó Lricantacanialre ikjaidataca njoa, notatjanda lriinai jliaji Dio icadalri cafi njoa. 9 Njite nocaiteotsa no-Diote irso, jliaji jiipada macadalri idanatacada njoa: ''¿Coada corritsa piwadaca njoa? ¿Coada inonaca njoa njerrapiteta capoa njoa njaji nocoema?'' 10 Cayoji naino capisho matseta sho noapi-ricó, icatsa cayo nacoitaca njoa njaji nocoema, njite nacaiteca njoa cayoji caidalritsa: ''¿A kjerreo jliaji piDiote?'' 11 Nocafica, cotsa matsialrica noyamjetaca njowida, ¿Coada kerroa pjia nokjoete? Piwapa wia Dio nacó, ima nopieta noaca Lrirso matsiadalri tsenakja, ima icatsa jliaji iyomjetalrica njoa njite Jlia minitsa no-Dioteca.
1 Dio, Pinaitja norso matsia, njite piwapa njaji nodejirri ikjaote nakjoete njaji apakoa lricope inaiki inaitjacape maatsi. 2 Ima icacatsa Pjia Dio icadalri njoidawa. ¿Coada pimenata njoa pioyao? ¿Coadantja inonaca njoa nocaolre-ricó njerrapiteta capoa njoa njaji nocoema? 3 Picanaca njoa Pi-camarrana sho njite Piaco ajádalri sho. Nadécarro njoa lrinacojle jliaji jiipana pjienitanda Pirsowawa, lriemalri niniwa jliaji Piipana. 4 Njitenaotsa notaita noacawa Dio i-altarni ikjaolre, lrikjalolre jliaji Dio icadalricatimaca njoa pekirritsa. Noawatsa matsiadalri Pirso Dio arpa sho, Pjia no-Diote, Pjia no-Diote. 5 ¿Coada piorsoawa iyamicada sho, pjia nocafica? ¿Coada pimanalrieta nowaopiakje nonacotsa? Piwapa Dio naco, ima noacaotsa Lrirso matsiadalri tsenakja ima icacatsa no-Diotecan jliaji imanacotalri njoa.
1 Femi matsia fenacolrico sho catsa, Dio; njaji fanirrinaipe nacaite femi coaji piaca Pinaitja nacapa yempeti caojli piatoana oopi. 2 Pjita njepaite ioya njaji inaiki Pjida sho, njite Poicadaa nakja njaji wakitsiñape aimadan naofácarro njepaitemi lrico; pimatsiketa njaji iofacapempia niini, mitsa pimaimataca njaji wakitsiñape aimadan lri-ricoda jliaji jiipai. 3 Corrin narsoca jliaji jiipai naofalri irricoda panaya namatsetan sho, njaida sho cantjá; mitsa Pjiatsa ikitsindatana Pjida kjaidadalri sho, njite camarrana matsiadalri pinakjoitedalri ikitsindatana, ima matsiaca Picapaca narso. 4 Dio, icatsa no-Talricanaca Pjia; Picadena Jacob shametácarrona. 5 Pinakjote watsa wataitaotsa wapirsetaca njaji wacoema; Piipitana sho watsa wapjoa caotsa nanaco, njite pjiomi njaji yemalriotsa wakjoete tsakja. 6 Ima corriotsa nocada carroca nocaolre noyawitsioco naco, corrin tsakja nomatsetan naco nja cantja iyomjeta njoa. 7 Mitsa Pjiatsa imjomjeta fa wacoema ioya, njite Pipaimanieta njaji matsiperri icapaca warso. 8 Dio nacotsa matsia wanjiacacawa padaa naco jalredaoca, njite waaca matsiadalri piipitana irso irso caidalriwetsa. 9 Mitsa panaya opi Pimenata fa njite Picada caacoca wanaco matsitsa, njite corrinatsa Pjiaca nainai njaji wa-tsrolrodaonai nacádanacoa owi rico. 10 Picada wapitocawa naoya njaji wacoema njite njaji matsiperri icaáca warso njetaca nayadawa pjiomi inaniti wa-tsolrodaonai iniwalri piatja wacoema ioya. 11 Opi Picadaa nainoca fa cayoji naino capisho oveja naiñjao njite picadaa nadeca fa padapena waoyawaca pada jiipai nacojle. 12 Piwendeca njaji Pinaikite macoadatsa; corriotsa cayarroají carroca Pjia cayo capoa Pinaitjana. 13 Opi Pima namenataca fa njaji iofacape wacodapi, necaaca waicao njite kerroa warsona naji cádanaco wawaida naco. 14 Picadaa nacoitaca fa yacoti matsiperri njaji apana inaiki aimadan, njite Pima nadetsicaca njewida nacapa cádanaco fa. 15 Caidalritsaotsa nowadacaotsa coajica matsidalri ketsa njoa, njite capaimaniketsa njoa naoya 16 lricoita capoa njoa matsitsa njite matsi cacoca nonaco, naikjaote njaji nocoema njite lrikjaote jliaji iomalri inoca njoa nacoadao. 17 Cayo cada feyapacawa; corrin yami wawadaca Pjia, corrin tsakja wawita kjapan catsa jliaji yacoti Pinaitjalri wapiya. 18 Corrin yamica fa Pioya; corritoa yami wanaitjaca cayoji Pioma capisho wanaitjaca. 19 Mitsa, opi Pjirrapiteta fa matsina njite Picadaa waofacawa naofacawa lrico njaji yamapoipoi, njite opi Picada mayamica fa. 20 Wamaodaca cadaa lriipitana ioya jliaji wa-Diote o waa cadawa njapodam njaji idolonai, 21 ¿opi tsantja Piaji coajica? Ima Piajica pjiomi njaji wadawalri wacaolre ricó. 22 Ajadalri, Pikjaoteca naino fa njaji inaki jalredaoca icoam; nacapa cafa cayoji pacapa capisho oveja nadeji nainocawa lricojlena. 23 Picafiena, ¿Coada pima, no-Minalri? Pjinicoenawa, mamenatatsa fa pioyawa caidalritsa. 24 ¿Coada Pidawacawa waoya njite corrin Pioma picapaca coajica ferrapita, coajica njerrapitetaca fa? 25 Opina njama fa matsiape njaji wacoema; opi napjoeta fa jiipai nacojle. 26 Pjinicoenawa pikitsindatá-carro fa njite Piyomjeta fa lrikjaotetsa jliaji yacoti Pinaitjalri wapiya corridalritsa pimaodaca ioya.
1 Nocaolre icatimatacawa pada yácoti matsiadalri ikjaote; kjemá watsa nolreeca njaji yácoti nodanaji Talricanati inacoapanadalri, idanacaita idanashoca jliaji noenene corridalritsa canacaica lrirso. 2 Icatsa pjia atsia matsiapalri naoya njaji apana atsianai; cayoca njaji Pinomaya paiñjeta capisho aceite sho; cayoshopa, wají Dio catsa inaitja Pirso matsia caidalriwetsa. 3 Picadaa Pi-matsetani picodapitsa, Pjia Kjaidanalri, Pi matsiaga melremelrédalri njjite Pjia macadalri pja pjiomi ioya. 4 Pi-macádalrica naco piajicawa pjiameta pjiomi ajádalri sho, merroatsa njite pinaitjaca matsia; Pinaitjaotsa aima macapa canaperri macadalripe njite cafainaperri. 5 Cafainaperrica njaji Piyawitsioco; corrin nataita nemaca Pikjoete njaji jalredaoca lricoperri; oopina Piyawitá nacaolre ricó njaji Picoema, 6 Caidalriwenatsa Pitalricanataca, corriotsa coancaojlica yami Pjia lrioya; Pitalricanataca Pitalricanaca lrico matsiaperri sho. 7 Pipeyoca pinaitjaca matsia njite matsi picapaca jliaji imatsicanati; Nini Dio, Pjia Dio, opina lriarro Pinaco aceite catimacarro Pjia naoya njaji pikitsiñape. 8 Ketanca pjiomi njaji pitsayani mirra itan sho, áloe tsakja njite casia itan sho tsakja; marfil dapana lrikjoite, jliaji talricanati dapana nakjemata njaji natocaji irsocape neñada pirso. 9 Talricanatinai itonaipe nanoca naikjaolre njaji pininai picoadataji; piyekema nacojle roemawa rsoaji talricanati, njite rsoetaca ronacoa tsaya owirromaca nadenda Ofir lrikjoite. 10 Pjia talricanati yempeti toa, piwapa pjimi matsia jliaji nocaiterri; ajena pinaitjaca cayoji nanaitja capisho njaji piyacalre ricope njite njaji piipaneta. 11 Icamitsa cayo lritaita lricoadataca pjia lrinowa; Icatsa piminalrica, piyamjeta pjiwida lrikjaolre. 12 Nirseotsa njaji Tiro lricope njite nadeca regalo naoda pirso; naji cayarroaji-perri iofacape napecolrico natatjaotsa caiwi-ricotsa wade pinaitjaca narso matsi. 13 Matsiadarroca icapacana rsoaji pjitalriotsa pinoa; nanaitja rotsayani owirro sho. 14 Nadeotsa rsoaji inarro talricanati ikjaolre rotsayan matsiadalri yapiya; njite njaji inaitjepe rokitsiñapeji walriaparrope toa, nadeotsana pikjaolre. 15 Catima lricoatsa nadecana nacatima taaca carroa; njewacaotsa talricanati dapana lricojle tralricanati iofacawa lricojle. 16 Njaji talricanati yenipe, nja watsa jimao talricanatica jliapodam, njaji lricadalriotsa caconaperri pjiomi lritalricanaca lrico. 17 Nocadaotsa nawadaca pjia pjiomi njaji walricomanaipe; niniotsa, pjiomi njaji inaiki jalredaoca lricoperri, nawatsa Pirso matsiadalri caidalritsa njite caidalriwenatsa.
1 Dio-ca Jliaji idanatacada fa njite Jliatsa jliaji ikjaidatacadaca fa, njite corrin tecoca waoyani feyapa cádanaco maatsi. 2 Caishopa fa, corrin coada wafiocawa, canani cadaa jiipai, o canani cadaa njaji jiipana njite macapawani tsa, 3 cafaina cadaa njaji oniñokja, njite canani cadaa njaji jiipana lriñokja jiida sho, corriuotsa wafio carroca. 4 Njaji imaodacacapetsa iofacawa napiyawaca nacadaa catima naofacawa nayacalre-ricó njaji Dio inaikite, Lriofacawa lrico jliaji Yenonrse-dalri Pja pjiomi ioya jlienitanda Lrirsowawa. 5 Icatsa Dio iofacawa niini; corrin coca itaita shenitacan njite; Dio ikitsindataotsani tsomica jalrecani. 6 Cafainaca narsowaca njaji talricanatinai jalredaoca lricoperri njite pacoa iinoca njaji pacoa lricope; Ikena Jliemataca kjaida, ikena jiipai icodocawa. 7 Wainai catsa Jliaji Tsolrodao aimadan Italricana; jliaji waferrim i-Diote icatsa Jliaji idanatacadaca fa. 8 Inoena, icapácarro coajica Dio idejica, coajica Lrimatsiketaca jliaji jecoapi. 9 Lricada yamicarro nanaitjaca oowi pjiomi jalredaoca lrico; Lrimatsiketa naoya pjiomi nainoaca shopawa; njite lrimjaita naoya pjiomi nadanaita. 10 Maco toa sha itaitácarro yajica icacatsa Dio-ca Njoa; Nacaiteotsa nonaco kjaida pjiomi njaji jalredaoca lricoperri naofacawa lrico. 11 Wainai catsa Jliaji Tsolrodao aimadan Italricana; jliaji waferrim i-Diote icatsa Jliaji idanatacadaca fa.
1 Iña icapi, pjiomi sha jalredaoca lricoperri; iwana lrikjaolre cayoji pawana capisho pjama cayami pacoema. 2 Ima cafainadalrica jliaji Iminalriti Yenonrse-dalri pja pjiomi ioya; Talricanati kjaidadalricani pjiomi jalredaoca lrico. 3 Lricada facarro italricanata nanaco njaji apana inaiki apacoa lricope jiipai, njite Lricadana faipa yapjite. 4 Jliatsa iniwana warso cocaca njaji waomalri warsowawa, wacaite matsia Jacob nacó, jliaji Lriomanda pia. 5 Njerreta Dio lriofacawa nacojle nawana cádanaco njaji inaiki, jlirrawa Jliaji Iminalriti napjia cádanaco natrompetan. 6 Icanta canción matsiaperri Dio irso, icanta Lrirso; Icanta wa-Talricana irso, icanta Lrirso. 7 Ima icatsa Talricanatica jliaji Dio pjiomi jalredaoca lrico; icanta lrirso yají capoa lrinaco. 8 Dio italricanataca nanaco pjiomi njaji talricanatinai; Dio iofacawa lriofa carroda naco matsiadalri. 9 Njaji caconaperri, njaji caconaperri yenipe nawacacawa nainai njaji Abraham i-Diote inaikite yapiya; ima Dio iyapeca pjiomi njaji nadanataca shopawa njaji tsolrodaonai jalredaoca lricoperri; njerretandacani yenonrse na capoa Lrirso matsiadalri.
1 Macadalrica jliai Iminalriti niini warsotsa waaca lrirso matsiadalri, Lriyacalre ricotsa jliaji wa-Diote lrinacodalri jliaji jiipana Jlienitanda lrirsowawa. 2 Matsiadalrica pacapa lriyenonca jliaji jiipana, icatsa natimaca njaji jalredaoca lricoperri, jliaji Jiipana Sión, atsialriemadalri jérri irso, lriyacalre jliaji Talricanati kjaidadalri. 3 Dio icadaa naji naofácarro namaodacatsa, pjiomi njaji inaki iofacapewa Lritalricanatacawa dapana lrico Sión lricoperri. 4 Niini icapa, coajica nawacacawa njaji talricanatinai napiya pjiomi njaji natsolrodaonai aimadan njeyapácarro Jerosalén icodapi. 5 Nacapa jliaji yacalre jerosalén njite lrima nacapaca, nafietacawa niini icamitsa napitocawa lrioya. 6 Ikena natetjecawa niini, njite ikena tsakja najica icaiyati, cayoji caiwi capisho roenipe rsoaji inarro kenipe cádanacono. 7 Picadaa caolri kjaidadalri ipjiaca jérri imotokema nakjoite niini Pimakjaca natán macafianipe njaji tarsi lricoperri. 8 Cayotsaji femi capisho, icatsa cayo wacapaca Dio iyacalre ricó jliaji Talricanati, Naminalri njaji tsolrodaonai aimadan, wa-Diote iyacalre ricó; Dio icadaotsa nini caidalriwetsa. 9 Wawapia pinaco coajica kjenaca picapaca warso, Piipana ipecolrico Pjia wa-Diote. 10 Cayotsaji Piipitanaji sho tsa, Dio, niini pjiomi njaji inaiki jalredaoca lricoperri naaca Pirso matsiadalri; Pinaitja matsiaperri minitsa Pitalricanaca lrico. 11 Catimaca njaji jiipana Sión, Picada catimaca njaji Judá itonaipe Piaco matsiaperri ikjaote. 12 Yemajiwa Jiipana Sión iwaida naco, iyofietani; iniweta cadalrinaca njaji yenondalripe nawapaca nakjoite, 13 icapa coadalrica nayacalre iwai, njite iniweta njaji talricanati dapana itaitá carroatsa icaiteca njemi njaji walricomanai inolriotsa fapodam. 14 Icatsa jliaji Dio, caidalritsa wa-Diotecani caidalriwenatsa; Jlia tsaotsa fewidapo a kjerre caotsa mayami fa.
1 Jimi jliaji nocaiterri, pjiomi sha inaikinai aimadan jalredaoca lricoperri; iwapa jimi matsia, 2 njaji tjewacajleperri njite njaji yenonperri, cayarroaji perri njite kjenaperri padenirri. 3 Cacocaotsa njoa nonoma sho yajikjeti naco njite njaji nowaopialri inaco nocaolre ricó nacadaotsa yajícarro nanacoapana. 4 Nowapaotsa njomi matsia noicaowa nanaco njaji pajishopa; noinitaotsa jliaji pajishopa nocaiterri inaco arpa nakjoite. 5 ¿Coadantja nofiowa naiwana njaji jalredaoca matsiperritsa, nayofieta cádanacoatsa njoa njaji nocoema? 6 ¿Coadantja nofiowa naiwana njaji icadacape icaolre njaida nacowacatsa njite nacada tsakja nacaolre nayarroaji aimadalri naco. 7 Ajádalri corrica pacapa apada itaitacada iwentaca Dio ioya lrikitsinda, 8 corrin pacapa palrata pataitá-carro pawentaca apada icafica ima cacoadacani, njite corrin pada itaita icaoñaca wadewecalre apada irso. 9 Corrin pada itaita yofacawa jalredaoca lrico caidalriwenatsa njite corrintja mayamicani. 10 Icamitsa mayamiope-cafa padenirri. Mayamitsa jliaji cajikjedalri; cayo tsakja njaji matsilriperrimi njite jliaji marsocadalri aima iwaopiakjeti, mayamica pjiomi njite nacadaa na-ricoca apjetsida irso. 11 Nawada pia nacaolre ricó corricaotsa coancaojli watsa mayamica njaji nakitsiñape, njite nayacalre tsakja, njite pjiomi njaji nanakjoite-perri; nacada njepaite iipitanawa najishopana. 12 Niini jliaji atsia aimadalri iparatani, corriotsa lriwada corricaotsa mayamini; ima cayocatsani nacayosho njaji maficalri mayamirri tsakja. 13 Icatsa cayoji nawayacacawa njaji icadacaperri icaolre nanacowacatsa, njaji iacaperri matsiadalri nanacowacatsa. 14 Narso njaji inaiki cayoperri, cayocanaji nacayosho njaji iwapacaperri oveja idee capisho irrirri lricojlena. Njiaji matsia perritsa inaikica, nja watsa italricanata nanaco jalre cádanacoenaotsa naicao, njaji matsiaperritsa inaiki njawatsa shamana, njite mjaida kenaotsa nadada lrico niini lriaca lriwayacawa irrirri lricojle, njite corriotsa a kjerre carroca lria lriofa lrioya njite. 15 Mitsa Dio iyomjetacaotsa njoa irrirri ioya; Jlia watsa icoadata njoa. 16 Mafiotsawa picapa cádanaco ricoca pioya apada, njite picapa cadaa aimaca matsiaperri lripana lricope. 17 Ima mayami caojliotsani, corriotsa cocá carrocaotsa lrideeca nanakjoite, corriotsa lriyarro iorroco caotsa lriinai irrirri lrico jliapodam. 18 Catimaca lriofacawa cafi cádanaco toani, njite njaji inaiki caco matsia lrinaco aima capoa lrinani. 19 Icamitsaotsa mayami caotsani jlinirrinaipe sho, njite corrinatsaotsa lridiá carroca cafini jalredaoca lrico tsenakja. 20 Jliaji irsocada aima palrata mitsa corrin lrirsoca yajikjeti, cayocaniji navcayosho njaji maficalri, icamitsa mayamicani.
1 Jliaji Dio Kjaidadalri, IMINALRITI, caacocani njite Lriwanaca jliaji jiipai jérri imotolri njite jliewalri nirse pjiomi njaji inaiki jalredaoca lricoperri. 2 Jiipana Sión nakjoite, Lrimatsiaca matsiadalri, Lricanaca Jliaji Dio. 3 Lrinoca waikjaolre jliaji wa-Diote njite corrin Lrimacoitaca waoya; tiyé imjaita Lripeyajle, njite caolri kjaidadalrica Lriwaida naco. 4 Dio iwanaca pjiomi njaji iofacape eenolricojle njite njaji jalredaoca lricoperri nanócarro nacapa coaji caotsa Lricaiteca naacona njaji Lrinaikite aimadan: 5 ''Piwaketa Norso njaji norsoperri ajadalriperri ipeyoca Njoa, njaji inaitjacaperri yacoti Noinai njerrapitacarro noikjaote.'' 6 Njaji eenocoma nacaite matsiadalrica, ima Dio catsa icaite naacona. 7 Jimi norso, sha nonaikite aimadan, caacocaotsa Njoa, icatsa Dioca Njoa, i-Diote. 8 Nocoitaca pjia corrin naikjaoteca njaji maficalri inoji Norso; caidalritsa imjaitaca nopeyajle njaji maficalri. 9 Cotsa Njotácarroca apana toro piipana lrikjoite, o apana cabra atsiana picorrarran lrikjoite. 10 Noyapeca pjiomi njaji maaficalri awacada lricoperri, noyapeca pjiomi njaji vaaca jalredaoca lricoperri. 11 Noají coshoapaca njaji wipjiarro awacada lricoperri njite njaji maaficalri njite Noyapeca pjiomina. 12 Caiwi cadantja norso mawitacai, corri tsakjantja nocaiteca pirso; ima Noyadaca jliaji jalredaoca, njite pjiomi njaji lriricodaperri. 13 Cotsa noiñjaca toro iipe, corrin tsakja noirraca cabra írrana. 14 Idé Norso maficalri inoji iá shopa Norso matsiadalri, njite icaoña jliaji icaiterri icaoñaca Lrirso jliaji Yenonse-dalri Pja Pjiomi ioya. 15 Iwana Njoa aima cádanaco irso njaji jirrapitinaperri; No manacotaotsa pjia, njite pia watsao Norso matsiadalri.'' 16 Mitsa narso njaji maatsiperri inaiki, Dio icaite narso cayoji: ''¿Coadantja picaitepe Noaco naco njite jliaji yácoti Nonaitjalri iapiya, matsi cadana pjimica njaji Nomalri pinaitjaca njite corrin piomaca pjiepaca Noaco, 17 corri capoa pioma pjimica coajica Noma pinaitjaca njite pimenata Noaco. 18 Pacoaca piwaopiakje picapa cádanaco apada keñaitedalri; njite pjia tsakja nainai njaji inaitjacape maatsi nadada sho naino o nainirri ioya. 19 Picadaca pinoma matsidalri irso, njite picashataca pinoma sho. 20 Piofa picaitepe maatsi pikitsinda ikjoete; pinaitja ishati macádalri pjidoa yenipe ikjoete tsa. 21 Pinaitja njaji nocaiterri, njite macotsa njoa, njite piwada cayodalri catsakja Njoa picayosho. Mitsa Nocitaca pjia lrikjaote, njite nodecaotsa pikjaolre nacoada njaji pinaitjalri picapácarro. 22 Piwaopia matsia nanaco njaji nocaiterri, pjia corridalritsa coadaca irso Dio, corri cada pjiepa jliaji Nocaiterri pirso, noino caotsa pjia, njite corriotsa pacapa apada itaitacada imanacotaca pjia Nooya. 23 Lriaca matsiadalri Norso jliaji inocada maficalri Norso, njite pjiomi njaji inaitjacape pada iwaoipioakjeti matsiadalri naa tsakja Norso matsiadalri, Nocañjataotsa piají-carro manacotaca pjia Dio iinai.''
1 Dio, kjena picapaca njoa, pimatsiaca naco; ima pinaitjaca aima njaji matsiaperri ima kjena capoa picapaca narso, pjiata noora njaji nonaitjaji maatsi. 2 Pideeca noya pjiomi nomatsicana njite pjita noya ojiomi matsirri nocaolre ricope. 3 Ima noaji matsia coajica nomacoadatalrica ikjaote piaco, njite corrin notaita nomaodacaca naoya njaji nomatsicana. 4 Pikjoete, icamitsa pikjoeteca nonaitja nomatsicanawa, nonaitjaca njaji corri-perritsa matsia picapaca irso; corrin Pimatacada nanaco njaji picaiteri caaco cádanaco Pjia; corrin Pimatadaca picaite cádanaco wamatsicana. 5 Picapa, jico njoa imaytsicanati ricó; njodoa imotoita cádanacotsa njoa, ikena norsoca imatsicanati. 6 Panaya, Pioma ajádalrica njoa nocaolre ricó; ima nocaolre rikjoiteca Picadaotsa noají-carro yajíkjeti. 7 Pimapirrataca njoa matsirri ioya, njite icamitsaotsa mapirraca njoa; picotso nocaolre, njite icamiotsaotsa jalre caotsa nocaolre cayoji itamana sho. 8 Picada njomica itimati njite catimacalri ima picoyolretaca nocaolre pekirritsa. 9 Mawaopiatsa nomatsicana naco njite pjita pjiomi njaji nomatsicana. 10 Dio, Pinaitja nocaolre walridalri maopitjadalri, njite piwalridalritaca nowaopiakje wade nomatada minicatsa. 11 Mjetatsa njoa Piofacawa lrikjoite, njite mjetatsa jliaji Caolriti Mamatsicanadalritsa Pinakjoitedalri noya. 12 Pidieta tsenakja norso jliaji itimati piyomjeta capoa njoa, njite piwapaca njoa pipomenata njoa nocaolre ricó. 13 Nininaotsa nocantacaotsa njaji imacoadatacaperri piaco coajica pioma wanaitjaca pirso, njitenaotsa njaji camatsicanaperri napadametacaotsa nacaolre nadiácarro naoma Pjia. 14 Pjiyapeta pioyao jliaji imatsicanati nonaitjalri pirso nomacapoa apada ipecoca lrirrana, Pjia Dio iyomjetacaita njoa, nowana caotsa kjaida catima capoa nocaolre matsia capoa Pinaitjaca. 15 No-Minalri, Pia iyecati nonoma lrico notaitá-carro cacoca matsia njoa pinaco. 16 Corrin catimaca Pjia naikjaote njaji maficalri wainolri mana pirso, ima cayo cadantja, opipienantja nonaitja cayo; corrin tsakja nacatimata Pjia njaji ofrenda wamjaitanda Piorso. 17 Njaji jirrapitakjeti icatimatalri Pjia icatsa jliaji yajiacacadawa corricatsa cocacani Pipeyajle. Pjia Dio, corrin pjienetaca pioyao njaji inaiki caiwiperri iaca inaco nanaitja capoa matsi njite coyolreca nacaolre ricó naikjaote. 18 Pinacodalri capoa matsiadalri, pinaitja matsia Sión irso; pjirreta tsenakja Jerosalén iwaiwa. 19 Nininaotsa Picatimatacaotsawa nanaco njaji jirrapitacaperri imatsicanati ioya, nanaco njaji maficalri wamjaitaji Pirso, njaji ofrenda iwayacalri imacawa pjiomi; ikenaotsa njaji wakitsiñape aimadan namjaitaotsa pirso toro Pi-altarni naco.
1 ¿Coada matsia piajiacacawa pjia capoa inita inaitjaca njaji matsirri, pjia atsia kjaidadalri yajiacacawa? Ima Dio iwapaca njaji lrinaikite jalredaoca icoam. 2 Pienene sho pinaitja pada iwaopiakjeti piwayaketa shopa ima keemádalrica pienene cayoji malriye kemaite sho, icamitsa pidejica ishati sho. 3 Pinaitja matsiperri minitsa njite corrin pinaitjaca njaji matsiaperri; caacoca pjia ishati nacotsa njite corrin cacoca pjia pioma cawa pinaitjaca matsia. 4 Catima pjimica pjiomi njaji yacoti imatsicacape apjetsida, cashadalrimca jliaji pienene. 5 Dio watsa iwaketa pjia piketem; jlinicoetaotsa pjia njite lrimotoita caotsa pjia piipana ioya, lrimatsiketaotsa njite lricadaotsa mayamica pjia. 6 Jliaji inaitjacada matsia lricapa tsakjaotsa coajica Dio inaitjaca pjia niniotsa lrifio caotsa lrinaitjaca cayoji pinaitja capisho pia; njite necawatsa lriicao, nacaiteotsa cayoji: 7 ''Picapa jliaji atsia, corrin lricadaa Dio-carro iwapani, icamitsa lricada piaca lricaolre nanaco njaji lrirsonipe aimadalri, kjaida piacani njite lriwayaketa piaca njaji apjetsida. 8 Mitsa njoa, kjaidaca njoa Dio iipana lrico, cayoji jaico olivo cafinetsa; nocadaa nocaolre dio naco kjena capoa lricapaca njoa caidalritsa njite caidalriwetsa. 9 Caidalritsaotsa noaca Pirso matsiadalri naikjaote njaji pinaitjalri. Nowapaotsa pjia ima matsiadalrica pjia, njite ncapaotsa njaji pinaikite aimadan, njaji kjenaperritsa icapaca apjetsida.
1 Lriaco jliaji majicadalrimtsa: ''Corrin pacapa Dio.'' Cañaitéperricana njite aimena nanaitjaca namatsicanawa; corrin pacapa apada inaitjacada matsiaperri minitsa. 2 Dio icapa enolrikjoite pjiomi njaji inaiki jalredaoca lricoperri lricapácarro njite nini cadaa pada yajicada matsia, njite niini cada apada ioma cádani. 3 Ima oopi pia njenawa Lrioya. Njite cañaiteperrica pjiomina. Corrin pacapa apada inaitjacada matsiaperri minitsa, corrin padaca. 4 Corrin narsoca nawaopiakje njaji inaitjacape matsia, njaji imatsiketacaperri njaji nonaikite mjerrapitinatsa cayoji paiñja capisho iñjaodati, njite corrin narso Dio. 5 Nafiocawa pekirritsa, njite natetjecawa mikjapantsa; Dio iwayaketaotsa matsiape pjiomi njaji jinicolriotsa pikjoete; Dio watsa ipaimanieta njaji inaiki ima opica lrimenata Lrioyaona. 6 Jiipana Sión nakjoite watsa lrino jliaji inolriotsa iyomjeta njaji Iraelnai. Dio idieta caojli watsa njaji Iraelnai naderri piatoa presona nirse, niniotsa catima watsa Jacob njite Iraelnai tsakja.
1 Piyomjeta njoa Dio, pjiida sho, njite picadaa nacapa corrica coca njaji nomatsicanalri. 2 Pjimi njaji notatjalri piinai; pjimi njaji yacoti imotolri nonoma lrikjoite. 3 Ima njenicoca nokjoete njaji inaiki pada jiipai nacoperri njite njaji inaiki matsiperri najica naoma njoa nainócarro njoa; corrin coadaca Dio narso. 4 Icapa coajica Dio catsa jliaji ikitsindatalri njoa; Diotsa jliaji iyomjetalri njoa. 5 Licadaotsa nacaoñacacawa njaji nocoema namatsicama shotsa; Pjia capoatsa noinai, piwayaketa pjiomina. 6 Nonowatsa pirso apana maficalri ofrenda nocadanda nocaolre rikjoite; noa watsa matsiadalri pipitana irso caidalritsa, no-Minalri, ima matsiadalrica pjia. 7 Ima Lriyomjetaca njoa pjiomi jirrapitinaperri ioya norsolri pia; oopi njoama njaji nocoemanaipe.
1 Piwapa pjimi matsia, Dio njaji notatjalri piinai; njite madawatsa pioyao njaji notatjalri caiwi ricotsa piinai. 2 Pjimi norso njite pjiepa njoa; corrin notaita nomaodacaca naoya njaji njorrapitalri 3 naaco ima njaji nocoema, njerrapitetalri njoa imá njaji inaiki matsiperri; icatsa njaji iderrica norso njaji njorrapitalri njite napinetaca njoa irroati ricó. 4 Nocaolre icorsoca nowawa lrico, njite mayamicalri ifaima jiwacawa nonaco. 5 Nofiocawa niini notetjecawa, njite njaji cafainaperri oopi namjaidata njoa. 6 Ima noaco cayoji: ''Norso cadantja nonapje cayoji tsotsobo sho icamitsantja noarracawa teecoa nowafetácarrontja. 7 Niini, icamitsantja noajicawa tecoa; noantja nofawa jalrapocolri ricó. 8 Njoecontja kjeya noa-carro nodawacawa caolri kjaidadalri ioya, jliaji itipirratacadawa.'' 9 Pino noyana, no-Minalri, pimanalrieta naoya naaco. Nocapa coajica nainoacacawa njite matsi naofacawa. 10 Jalrewerrico njite deepi rico namoto manawa nadana ioya; njite narsoca aima imatsicanati njite iwaopiakjeti matsiperri nanaco. 11 Aima narsoca imatsicanati; corrin yami njerrapitetaca nayacalre ricó njite corrin yami nacaiteca ishati. 12 Ima corricatsa apada njopondaca jliaji icoitalri njoa, ima cayo cadantja cotsa coadaca norsoni; corrin tsakja apadaca matsidalri icapaca njoa jliaji yemalri nokjoete; ninintja nodawacawa lrioya. 13 Mitsa pjia catsao, pada atsia caidalritsa nocayosho, nokitsinda, nikitsindaji imatsiaca. 14 Matsiaperri pia waofacawa wapiyawaca yamadape, waapiawa Dio ipana lricojle nainai njaji inaiki aimadan. 15 Picadaa mayamicalri jiwacawa nanaco kjeyanadatsa; picada naorrocowa irrirri lrico cafitsa, ima naofacawa matsidalri ricó, napecolricoca njaji imatsicanati. 16 Mitsa njoa, nowana caotsa Dio noikjaolre, njite jliaji Iminalriti lrimanacota caotsa njoa. 17 Deepi ricó, piyompinaco lrico njite mayacan cádanaco jérri nocajacaotsa icaiyati ima, njite Jlimi caotsa noacoam. 18 Ajádalri corriotsa Lricadá carroca mayamica njoa lri-ricoda jliaji inoacakjeti namatsietanda piatja nopia; ima aimadan piaca njaji inoacalri nokjoete. 19 Niniotsa Dio, jliaji italricanatacada enolrikjoite, jliaji corridalritsa italricanaca iwayacacawa, jlimiotsa coajica nacaiteca njite Lri- kjenatacaotsana. Corriotsa coancaojli napadameta nawaopiakje, corrin nafiocawa Dio iwana. 20 Jliaji nokitsindaji, opi jlinico nakjoete njaji imaodacacapetsa iofacawa lriapiya; corrin lricacoadatac jliaji yácoti lrirsolri napiya. 21 Catimaperri piaca pjemica njaji yácoti lricaiterri cayoji paiñja capisho mantequilla, mitsa lricaolre ricó icamitsa lrirsoca irroati; njaji yácoti lricaiterri, lricaite matsiacalri ricó, metamperri pjemica cayoji paiñjeta capisho panacoa aceite, mitsa njaji yácoti lricaiterri yacoti cafainaperri cayoji matseta njetandetsa lriarropa ioya. 22 Picada njaji pidecalre Dio naco, njite cayoatsa Lrikitsindata pjia; corriotsa coancaojli watsa lricadaa njewacawa njaji inaiki inaitjacape matsia. 23 Mitsa, Dio, pidewatsa njaji inaiki matsiperritsa iwaopiakje naacawa nawayacacawa; njaji inocape inaiki njite njaji cashaperri corriotsa naofá carroca wia jalredaoca lrico nacayosho njaji apjetsida, mitsa njoa nocadaca nocaolre Pinaco.
1 Kjena picapaca njoa, Dio, ima nainoetaca njoa njaji inaiki. Caidalritsa nánoca nokjaolre matsicalri ricó. 2 Jaledaoca icoam nainoetaca njoa njaji nocoema; ima aimaca njaji inoacalri mana nokjoete ima padalrecana norsona. 3 Nofio cádanaco, icamitsa nocadaca nocaolre Pinaco. 4 Nocadaca nocaolre Lrinacotsa jliaji Dio noalri irso matsiadalri nonomasho; corrin nofiocawa; ¿cokenantja lritaita lrinaitjaca njoa njaji atsianai caiperitsa nocayosho? 5 Caidalritsa natecojletaca noacoam; icamitsa matsica nawaopiakje nokjoete nanaitja-carro matsi norso. 6 Nawacawa njawacatsa njite nadawacawa nácarro njoappodam, nanaitjacarro cayotsaji nawaopia capisho nokjoete. 7 Macadatsa napitoa wadentja corrica Picada nacaoña namatsicana icoada. Pjiameta njaji inaiki aimadan Pirroa lrico, Dio. 8 Pi-cacoadata norso coajica noajicawa macadatsa njowacatsa inona capoa njoa. Njite piajintsa coajica noiyaca njite pjita picaolre noikjaote; pidana poia Pi-paperra lrico nanaco pjiomi. 9 Nini nadaiacaotsa noya njaji nocoema jliada jecoapi nowanaca Pikjaolre; noajintsa cayoca, Dio catsa noinai. 10 Jliaji Dio noalri irso matsiadalri nonoma sho, jliaji Iminalriti, noanda irso matsiadalri, icatsa nocadalrica nocaolre inaco, 11 corriotsa nofió carroca. ¿Cocantja lritaita lrinaitjaca norso njaji inaiki? 12 Norsotsa nonaitjaca njaji nocaiterri Pirso, Dio, nonaitjacaotsa; noá watsa Pirso ofrenda matsia capoa Pinaitjaca norso. 13 Ima Piyomjetaca njoa mayamicalri ioya; corrin Pima njowacawa matsidalri ricó, notaitá carroatsa nofacawa matsia pipeyajle ima picadaca nofava caafitsa.
1 Noma matsiaca Pjia noapiya, Dio, noma matsiaca Pjia noapiya, ima noma nodanatacawa Pinacojle a kjerreca nawayacaotsa noya njaji jirrapitinaperri norsolri. Nofacaotsa Pinapje yapjite pidanatá-carro njoa naoya njaji matsirri a kjerrekenaotsa nawayacawa. 2 Nowanacaotsa Lrikjaolre jliaji Dio Yenonrsedalri pja pjiomi ioya, jliaji Dio inaitjalri norso pjiomi njaji nomalri. 3 Lrimenacaotsa nokjaolre inocape iyomjeta njoa, kerroacani nakjoete njaji inaitjacape norso matsi. Dio watsa imenaca noikjaolre Lrimatsiaca njite corriotsa Lri-macá carroca njoa. 4 Nofacawa yawi kerroaperri ipecolrico; nofacawa napecolrico njaji iwapacapenatsa naiñjácarro njoa. Nofacawa napecolrico njaji inaiki irsocape netsa molroco sho njite yawitsioco sho, njite neene matseta keemaperri shocana. 5 Dio, picañjata nacapa icacatsa pjia Dio macadalri iofacada eenolricojle; Picada nacapa Pi-matsiaca jelredaoca lrico. 6 Nerroeta nopia toda shoperri nacalrapícarro njoipa; niini inona piaca njoa. Njeca tsakja apapji irrirri nopeyajle. Njatsa idia jiwa nanaitjanda lricoda. 7 Corrin tecojleca nowaopiakje Pioya, Dio, nocadaca nocaolre pinaco; nocantacaotsa, ajaca, nocantacaotsa canción. 8 Nomatsietaca nocaolre matsiadalri nocantácarro Pirso, Dio; nokjematacaotsa arpa njite felroma tsakja nocanta cádanaco Dio irso; nocafia watsa jalreca ipjeya toa. 9 Noaca Pirso matsiadalri, Iminalriti, napecolrico njaji inaiki; nocanta caotsa Pirso napecolrico njaji apacoape jiipai. 10 Caidalritsa macadalrica jliaji pipeyo shopa njoa, teeco naocawa eenolricojle; njite macadalri tsakja piwapacawa njoa cayoji lrioca capisho iyadaoca nacojle. 11 Dio, picañjata nacapa icamicatsa Pjia nataitalri njerretaca yenonrse eenolricojle; Picada njerretaca Pjia pimatsiaca ikjaote pjiomi njaji jalredaoca lricoperri.
1 Sha talricanatinai, corrin cadoca sha ajádalri sho. Corrin icaite naacona njaji inaiki aimadan matsia shotsa. 2 Corrintsooca, inaitja imatsicanawa icaolre ricó; jiwacatsa yají mana inaitja matsi narso njaji inaiki icapi sho pjiomi jipaite ricó. 3 Njaji matsiperri iwaopiakje opi piena njenawa a caojli piatoana njadoa iwawalricotoa; njena piakenawa jiicoca ikjoete toana, cacocana ishati naco. 4 Api imaocolrialre shoca jliaji narsolri; api mjenacolricoperrim shocana ima naitaca njenacolrico wadentja njemica, 5 corrin njemica narso njaji imaiwatacapena, corrin coadaca narso kjeyaperri cadaa njaji imaiwatacapena. 6 Dio, pitokjoa netsa naoya nanoma lricotsa; pjita netsa naoya njaji yawi kjaidaperri toa, Dio. 7 Picada nacodocawa cayo carroatsana ooni yamarracadao sho; nayawita cádanacoatsa, picadaa mjewida catsana. 8 Picada nacodocawa cayoji tsicowa icodo capisho mayami cádanacon, o nacayoshoca njaji yempetipe mayamirri njadoa iwawa lricotoa. 9 lripjeya toa najikena jalredaoca, picadaa namacawa cayoji nama capisho njaji tiyena payana cádanaco nasho. Pipecona teco irroati lrico, cayoji pjerra capisho lriida naoya njaji paniati matsiaperri. 10 Catima watsa nacaolre njaji matsiaperri nacapa cádanaco Dio iomaca nacoadawa naoya njaji inaitjacape narso maatsi; njaji matsiaperri napjoacaotsa nerranam naco njaji matsiperri, 11 nininaotsa canaiteotsa njaji inaiki cayoji: ''ajádalri, Dio iomaca nacoadawa njaji matsiaperri; ajádalri ninica Dio icaitecada naacona njaji jalredaoca lricoperri.
1 Piyomjeta njoa, no-Diote naoya njaji nocoema; pjirreta njoa yenon naoya njaji jinocaperri nokjoete. 2 Pimanacota njoa naoya njaji idejicape matsiperri naco, pimanacota njoa naoya njaji icocape inaiki. 3 Picapa coajica nawapaca njoa dawacalri ricó nainócarro njoa. Njaji inaitjacape matsi nawacacawa njawacatsa nemacarro nokjoete, mitsa corrin nomatsicana ikjaote cantja, no-MInalri. 4 Namatsietacawa njecócarro nokjete mikjapantsa; picafienawa pinócarro pikitsindata njoa. 5 Pjia Iminalri, na-Diote njaji tsolrodaonai aimadan, na-Diote njaji Iraelnai, pjinicoa pjirrapitetacarro njaji jalredaoca lricoperri, wade kjenaca poicapaca nanakjoite njaji inaitjacape matsi. 6 Nadiawa deepi ricó; najicawa cayoji tsino kerroaperri yaji capisho iyofiawa nayacalre iwaida naco. 7 Pocapa coajica namotoitaca yacoti matsi-perritsa, mtseta shoca shoca njaji nanomaya, ima nacaiteca cayoji: ''¿Cocao jimi warso?'' 8 Mitsa Pjia, no-Minalri, icamiytsa Picaaca naicao; mitsa piají matsilri-perrimca pjiomi njaji inaiki jalredaoca lricoperri. 9 Pjia Dio, Pjia iácada njoidawa, njomicaotsa Pirso panaya, icatsa Pjia iwapacadaca njoa yenondalri naco. 10 Lrioketaotsa njoa jliaji no-Diote kjena capoa lricapaca norso; Dio icadaotsa nocapa jliaji nomalri njerrapitaca inaco njaji nocoema. 11 Mainotsaotsana, no-Minalri; wadentja corrica naji jliaji jirrapitakjeti. Picadaa napocotacawa Pjiida sho njite Picadaotsa njewácarro, Pjia Dio, idanatacada fa. 12 Naikjaote njaji imatsicanati nanoma lricope, njite naikjaote njaji yacoti nacaiterri inaco, picada njepacana napádalreca ima, caco capoana maatsi njite naikjaote njaji ishati nacaiteperri inaco tsakja. 13 Piwayaketana irroati ricó wadee cafi catoana; picadaa nají Pjiaca jliaji italricanatalri nanaco njaji Iraelnai njite pjiomi jalredaoca lrico. 14 Nadiawa deepi ricó; najicawa cayoji tsino kerroaperri yaji capisho iyofiawa nayacalre iwaida naco. 15 Najica naoma naiñjao macadatsa, njite nanaitja cayoji tsino sho corri cadaa kepinana. 16 Mitsa njoa nocanta caotsa Pjida naco, njite deepi toa nocanta caotsa lrikjaote jliaji ipeyokjeti macadalri pirsolri nonacojle. Ima icacatsa Pjia iwapacada njoa njite Pjiatsa iwapa njoa matsi cádanaco njoyapacawa. 17 Nocantaca Pirso, Pjia iacada njoidawa; Icatsa Pjia iwapacadaca njoa, Pjia kjenadalritsa icapaca norso, Pjia no-Diote.
1 Dioi, oopi Pipeco fa; corrinatsa pidanataca fa wacoema ioya; oopi kerroa Pjia wakjoete; Pimatsieta tsenakja fa pinaiwa tsenakja. 2 Picada cananica jliaji jiipai; oopi picadaa lricodowa; Piaweta njaji botamcawa jliaji jiipai, ima lritetjecawa. 3 Picada nacapa njaji Pinaikite aimadan njaji jirrapitinaperri; coirrin picadaa nairraca jaicotjeda iana capoaperri icadacada nadewanaca. 4 Njite narso njaji inaitjacape Lrirso matsia, Picadaa pada natjinada nacapácarro nakjoete njaji iyawitacaperri. 5 Nataitá carroatsa yomjeca njaji piomanipe, piyomjeta njoa Pjida sho njite pjiepa njoa nowana cádanaco pjia. 6 Caacoca jliaji Dio Lrimatsiaca Lrikjoite: ''Nocatimatacaotsawa; njoenitacaotsa naoyawaca njaji Siquem lricoperri njite nowi caotsa coshodaca jliaji jiipai ioyawaca Sucot lricoda. 7 Noyadaca njaji Galaadnai, cayo tsakja njaji Manasénai; Noyape tsakja njaji Efraín poco, njaji idanatacape Njoa; njite Judá poco nakjoite notalricanataca nanaco njaji Nonaikite. 8 Nocotsocawa lricoca nocapi njaji Moab lricoperri; nocadacawa lricoca no-tsapaton njaji Edom lricoperri; njite Nowanacaotsa kjaida njoama capoa njaji Filistea lricoperri.'' 9 ¿Cocaotsa idee njoa lri-ricoda jliaji yacalre taimídalri? ¿Cocaotsa idee njoa Edom lricojle? 10 Mitsa Pjia Dio, mamenatatsa njoa. Ima corriotsa Jlia carroca wainai oowi ricó nainai njaji wa-tsolrodaonai. 11 Pikitsindata fa nakjoete njaji wacoema, ima mikjapantsa nakitsindataca pja njaji atsianai. 12 Fametaotsa wacoema Dio ikitsindata cadaa pja; njite Lripjoa caotsa nanaco njaji wacoema.
1 Pjimi coajica nowanaca, Dio; picoadata njaji notatjalri piinai. 2 Jiipai iwayacacawa lrikjoite watsa nowana Pjia matsi cádanacoatsa noaji nocaolre ricó; Pidee njoa lrinacojle jliaji jiipana yenondalri pja nooya. 3 Ima icacatsa Pjia nodawacalri yapjite mana, kjaidadalri iwapaca njoa naoya njaji nocoema. 4 Pivcadaa nofacawa Piipana lrico caidalriwetsa. Picada nodawacawa Pinapje yapjite. 5 Ima, Pjia Dio, Pjimica norso nanaco njaji nocaiterri nonaitjacaotsa Pirso. Piaca norso nayadape njaji pianda narso njaji icacoadatacape Piipitana. 6 Picadao caotsa wia lricaficao jliaji talricanati; lriofacaotsa aimawalria jalredaoca lrico. 7 Corriotsa coancaojlica Dio imacaotsani. 8 Nocantacaotsa Pipitana naco caidalriwetsa notaitá carroatsa nonaitjaca njaji nocaiterri nonaitjacaotsa pirso jalrdaoca icoam.
1 Icamitsa nowapaca Dio naco macotsa; ima lrinakjoiteca lrinoca jliaji yomjecalri norso. 2 Icamitsa jliaji Idanatacadaca njoa njite iyomjetacadaca njoa; Jliacatsa jliaji iwapacada icapa noicao yenondalri nakjoite; niini corrin coca itaita shenitaca njoa. 3 ¿Corriotsa pají coancaojli caotsa yami nainoacacawa nokjoete njaji nocoema. Naoma nadoitaca njowao cayoji padoita capisho panti iwai moyedalrinatsa yemacawa, corrarra iwacadetsa yemacawa? 4 Icamitsa naoma naorrocoetaca njoa notalricanaca ioya. Catimana nacaite cádanaco ishati nonaco. Caco matsia nonaco nanoma lricotsa, mitsa nacaolre ricó caco nonaco matsitsa. 5 Macotsa nowapaca Dio naco Jliacarro ikitsindata njoa; ima Lrinakjoiteca nowapa matsiaperri. 6 Icamitsa Jliaca jliaji iwapalrica njoa njite lriyomjeta tsakja njoa; Jliatsa jliaji icapacadaca noicao yenondalri nakjoite njite corrin coca itaita shenitaca njiteni. 7 Dio inai noketa manacocalri njite nomatsiacao tsakja]; Jliatsa ikjaidata njoa njite Jliatsa iwapaca njoa. 8 Picadaa picaolre lrinaco caidalritsa, sha inaiki aimadan; pidee Lrirso pjiomi njaji pjitalri picaolre inaco; ima Dio-c jliaji iwapacaitaca fa. 9 Mikjapanperrica njaji inaiki jalredaoca lrico, iwayacaacapetsawa; njaji kjenaperri o nja cada njaji riconai, icamitsaotsa nawayacaacacawa ishati iwayacaaca capishoa. Corritsa cocaca nacoada napeyajle njaji matsiaperri ima macoadaperrim catsana. 10 Macadatsa icaolre nanaco njaji iyarro irsolri jitaji naoya jidati ricó o ishati sho; corriotsa nacada carroca irso matsiaperri. 11 Papia piatsa Dio icaiteca cayoji, njite yamapiena njomica lrinaco minitsa: icamitsa Dio irsolrica jliaji itaitakjeti. 12 Njite icamitsa, Pjia Dio irsolrica jliaji kjenacawatsa picapaca apjetsida irso, njite Pji tsaotsa icaoña njaji inaiki nacoada njaji nanaitjalri, matsiaperri cadaa o matsiperri cadaa.
1 Dio, icatsa no-Dioteca Pjia. Ajádalri sho nomaca Pjia, nocafica iomaca Pjia kjaida, nodada ioma itsomitaca Pjia, cayoji jiipai meetadalri, maapjidalri ioma capisho ooni. 2 Cayoji nocapa capisho pia Pjia Piipana lrico nocapácarro Pjiida njite Pimatsiaca melremelreádalri. 3 Matsia pjatoa jliaji pipeyoshopa fa wacafica ioya, niini noaca matsiadalri Pirso nonoma sho. 4 Niini cafi cádanaco toa njoa caidalritsaotsa noaca matsiadalri Pirso; njorreta watsa njaji nocapi noácarro matsiadalri Pirso. 5 Catimaotsa njoa cayoji catima capisho jliaji iñjacada iñjaodati joiwídalri; catimaotsa nocaolre ricó noa cádanacoatsa matsiadalri Pirso nonoma sho, 6 nowaopia watsa Pjia catima nocoa cádanacoenaotsawa noamaki ricó, njite nowaopia watsa Pinaco deepi ricó. 7 Ima, icatsa Pjia ikitsindatacadaca njoa, njite Pinapje yapjite nocatimatacawa. 8 Catima nocaolre nocada capoa nocaolre Pinaco; Pjida sho Pikitsindata njoa. 9 Mitsa njaji iomacape inoica njoa, icamitsaotsa mayami caotsana njite naorroco caotsawa naofacawa lrico njaji mayamperrim; 10 nainocaotsana matseta sho njite maficalri iñjacaotsana. 11 Mitsa catima caotsa jliaji talricanati Dio naco; catima watsa pjiomi njaji inaiki icaitecape yácoti ajádalri lrinaco, mitsa Lriita caotsa nanoma njaji icaitecape ishati naco.
1 Pjimi noaco, Dio, Pjimi coajica nocaiteca; Piwapa njoa naoya njaji nocoema. 2 Pidawa njoa naoya njaji nokoema, ima narsoca nawaopiakje matsidalritsa nokjoete nadawanda, pidawa njoa naoya njaji inaitjacape maatsi. 3 Nakemataca neenena malriye kemaite sho; nakemata nayawitjioco, naaco jipitiperri, 4 nayawitácarro nawacalritsa njaji inaiki mamatsicanaperritsa; coancádanacotsaotsa nayawita njite corrin nafiocawa. 5 Nakjaidatacawa njawacatsa nawaopiakje matsídalri iapiya; natatjacawa narsowaca dawacalritsa nanaitjácarro nawaopiakje nacadácarro apjetsida jiwacarroda lrico; naaco: ''¿Cocaotsa pa icapa fa?'' 6 Nainita iwaopiakjeti pakjamperri imatsicanati sho: ''Opina wataitana,'' ima naaco, ''pada iwaopiakjeti cayekjadalritsa wanaitjaca.'' Ima nawaopiakje njaji atsianai njite nacaolre ricó, aima nadawaca niini matsiperri. 7 Mitsa Dio iyawitacaotsana; Lrinocaotsana Lriyawitjioco sho. 8 Dio icadacaotsa natodaca njaipa, ima nacoamtsa jinicoatsa nakjoete; njite pjiomi njaji icapacapena nadetsicaca njewida nakjoete. 9 Niniotsa nafiocawa pjiomi njaji inaiki njite nacaitecaotsa pjiomi njaji Dio inaitjalri. Cajikje sho watsa nawaopia pjiomi nanaco njaji Lrinaitjalri. 10 Catima caotsa pjiomi njaji inaitjacape matsia Dio naco, njite nacadacaotsa nacaolre Lrinaco; matsia watsa najiacacawa pjiomi matsiaperri icaolre ricó.
1 Pjia Dio, Pjia iofacada Sión lrico, piwapa waoya wacawa Pirso matsiadalri; njite piwapa wanaitjaca njaji yácoti wacaiterri wanaitjaca Pirso. 2 Pjia jimicada coajica watatjaca piinai; njite naaca pikjaolre pjiomi inaiki jalredaoca lricoperri. 3 Cayoca faji panaya wamatsicana shama capisho fa; njite picada wamatsicana jiyapaca Pioya padenirri. 4 Catimaperrica njaji inaiki piniwananipe natsomitácarro Pjia, naofácarro Picodapi. Corrin coca canacaica warso Piipana mamatsicanadalri ricó. 5 Matsia capoa Pjia wapiya Pinaitja warso njaji matsiaperri, Pjia Dio iyomjetacaita fa; Pjia nacadanda nacaolre inaco pjiomi njaji jalredaoca lricoperri njite njaji iofacape teeco ooni macapawan pemajle. 6 Ima icatsa Pjia icadalri nemawa taimi njaji jiipana, Picañjata nacapa kjaidadalrica Pjia. 7 Pimananita macapawan ifaina keñokja cádanaco, njite Picada tsakja namaodaca njaji matsi cádanaco njaji inaiki napiyawacana. 8 Pjiomi njaji iofacape teeco lri-ricoda jiipaica jliaji njite nafiocawa nacapa cádanaco njaji Lrinaitjalri; Picadaa catimaca pjiomi njaji inaiki jalredaoca lricoperri. 9 Pino pikitsindata jliaji jiipai; Pjiatsa icadaa ooni yarrocawa; Pjiatsa icadaa paniati ishi narso njaji inaiki jalredaoca lricoperri Pimatsieta cádanaco jliaji jiipai. 10 Pipotsieta jliaji jiipai pimatsietaji, pipacoacata jiipai; pimoyeta jliaji jiipai iyao sho; Picada matsia nataoñaca lri-ricodaperri. 11 Picada matsia paniati inacaca año icoam; njite iyyao jiwacawa nanaco. 12 Aima itamana jiwacawa malritsi naco, njite catima nacaolre njaji jiipana catima capisho inaiki. 13 Aima oveja itaca jliaji malritsi coa cayoji tsaya capisho lrirso; aima tsakja lripaniana jliaji jiipai ioyawacadalri; iwana kjaida catima capoa sha, njite icanta tsakja.
1 Iwana kjaida catiima capoa sha jalredaoca lricoperri Dio naco. 2 Icanta kjaida Lriipitana imatsiaca ikjaote; icaite icanta cádanaco matsiadalrica Dio iipitana. 3 Icaite Dio irsio: Itaita cáda inaitjaca pjiomi Pjia. Kjaidadalri capoa Pjia Pitalricanata nanaco njaji picoema. 4 Náwatsa matsiadalri njite nacanta tsakjaotsa Pirso pjiomi njaji jalredaoca lricoperri; Nacantacaotsa piipitana irso.'' 5 Íno icapa Dio imatsiaca melremelredalri; Njaji inaiki jalredaoca lricoperri nafió lrikjoete nacapa cádanaco pjiomi njaji Lrinaitjaji. 6 Lrimjeco jliaji ooni macapawan jiipai nacojle; nayoeta njaipa sho jliaji ooni, njite wacatimatacawa Lrinaco. 7 Lritalricanatraca Jlida sho; njite lricapa pjiomi jalredaoca lricoperri; niini corrin matsiaca padalreca njaji imacoadatacaperri yácoti. 8 Icaite matsia Dio nacó, sha inaiki aimadan, icada njemica kjaida coajica iaca matsiadalri Lrirso. 9 lricada cafitsa fa nainai njaji cafiperri, njite corrin Lricada fewacawa. 10 Ima Pjia, Dio, opina piwi Picapao fa; Piowica fa cayoji pawi capisho ajádalri cada jliaji palarata. 11 Pjia wa-Diote, Picada njepaca fa cayoji njepa capisho copje toda lrico; Picada wadeca jamiñaperri wanaco. 12 Picada napjoetaca fa; Piticometa fa njite Picadaa tsakja feyapacawa tiyé ricó; mitsa piketem picadatsa fersaca wacaolrewa. 13 Njoewa caotsa Piipana lrico nodeca nirse ofrenda nomjaitanipe Pirso; njite nonaitjacaotsa pjiomi njaji nocaiteji nonaitjacaotsa Pirso 14 njaji yácoti nocaiterri Pirso noyami caapjite. 15 Node caotsa Pirso ofrenda maficalri nomjaitaji kepeperri njite nomjaita tsakjaotsa chivo joiwí carroatsa Piají; nodé tsakjaotsa Pirso toro njite cabra tsakja. 16 Inoena jimi icao, pjiomi sha ifiocaperri Dio iwana, njite nocaitecaotsa njaji Lrinaitjalri nocafica irso. 17 Nowana Lrikjaolre nonoma sho, njite caco njoa matsia lrinaco noenene sho. 18 Noají cadantja norsoca pecado nocaolre ricó, corri piatsantja Dio jimica norso. 19 Mitsa, ajádalri Dio jimica norso; Lriwapa jlimi norso coajica notatjaca Lriinai. 20 Wacaite matsia Dio naco, corrin jliena Lrioya jliaji notatjalri Lriinai njite corrin yami kjenaca lricapaca norso.
1 Noma caidalri catsa kjenaca Dio icapaca fa njite Lrinaitjaca matsia warso njite Lricadaotsa nacapa wainaicatsa Dio, 2 nají carroatsa njaji Piomalri nanaitjaca Pirso njaji jalredaoca lricoperri, nají tsakjaotsa icamicatsa Pjia itaita iyomjetacana njaji jalredaoca lricoperri. 3 Naaca matsiadalri Pirso Dio, njaji jalredaoca lricoperri; naaca matsiadalri Pirso pjiomi. 4 Nacantacaotsa catima Pirso pjiominjaji jalredaoca lricoperri, ima Pjia caotsa icaite naacona matsia njaji inaiki aimadan njite Jlia watsa italricanataca nanaco njaji jalredaoca lricoperri. 5 Naaca matsiadalri Pirso Dio, njaji jalredaoca lricoperri; naaca matsiadalri Pirso pjiomi. 6 Matsia Dio icadaa cainacaca wakiníkerre; ima Lrinaitjaca matsia warso jliaji wa-Diote. 7 Dio inaitja matsia warso, njite nanaitja matsia Lrirso pjiomi njaji jalredaoca lricoperri.
1 Dio jinico watsa nakjoete njaji Lricoema; njite napito caotsa lrioya pjiomi njaji matsiperri icapaca Lrirso. 2 Icamitsa nañjacawa Dio ioya njaji inaiki matsiperrimi cayoji tiye iitaca sho caolri ideji teeco. 3 Mitsa njaji matsiaperritsa, icamitsaotsa catimacana Dio ipeyajle. Pakjamicaotsama itimati sho. 4 Icanta Dio irso. Icanta Lripitana matsiadalri naco. Ia matsiadalri Lrirso jliaji yajicadawa iyadaoca naco njite jliyapawa Ooni Jordán iicao macaitecawa jiipai. Icatimatacawa Lripeyajle. 5 Njanirrica njaji mjanirripemi, icapacada narso njaji madoiyoanaipe, Dio cani Lriofacawa lrico corricawatsa pacapa imatsicanati. 6 Lricadaa naofacawa padapaneta lricotsa njaji yajicapewa apadatsa; icamitsa Jlitaca njaji presonai canción shotsa; mjita njaji mjepacaperri icamitsa naofacawa lri-ricoda jliaji jiipai corridalritsa iya jíwa mana iicao. 7 Njo-Diote, pikitsindata pjia njaji pinaikite namoto caojli pia Egipto lrikjoite, nacádanacoa jalrapocolri ricó, 8 canani pjia jiipai; njite iyao jiwa tsakjawa eenolrikjoite nacapa cádanaco Pjia, Piorroco caojli pia Jiipana Sinai naco, canani tsakjani nacapa cádanaco Pjia, Iraelnai i-Diote. 9 Pjia Dio, Picadaa iyao jiwacawa lrinaco jliaji Pjipaite kjaidácarro tsenakjani, jliaji jiipai corricawetsa paniati imotocawa ima mjaidakenani. 10 Icapiatsa naofacawa niini njaji Pinaikite aimadan; jliaji jiipai pimatsietanda pimatsiaca ima narso njaji kjenaperritsa. 11 Dio inaana, njite aima inaiki njaji yalri icaite jliaji yácoti matsiadalri. 12 Njaji tsolrodaonai aimada nayaperrima njaji talricanatinai kjaidaperri, oopi napitoa, njite njaji inaitjepe iwapacapena panti ricó naaca narsowaca njaji njetaji naoya, njaji tsotsobo naijetaji inaco palrata sho njite owirro sho tsakja. 13 ¿Coada iofawa pirraiti iofacawa lrico sha iwapacapena? Irso pia tsakjanta iacawa oowi ricó nainai. 14 Jliaji Kjaidanalri ipocota pjiomi njaji talricanatinai ninperri pia, naa njitewa cayoji lria capisho pia jliaji itamana jiwalri pia Jiipana Salmón nacó. 15 Apana jiipana yenonni jiipanalrima cawa lrico Basán jipaite ricó; Jiipana yenonni icatsa Basán jipaiteca aimacawa jiipana. 16 ¿Coada pimatsica picapaca norso, pjia jiipai aimacawa jiipana yenonnipe, jliaji jiipana Dio iomacawa lriofacarrodawa niini?. Mitsa, ajadalrica, icatsaotsa Lriofacawa niini jliaji IMINALRITI caidalriwenatsa. 17 Njaji njecocarrofiape Dio iyarrope, aima sho naniwetacana; Lrino nanaco Jiipana Sinai nakjoite Lriipana lricojle Matsiadalri. 18 Oopi pjirrawa yenonrse, oopi pidee njaji presonai; njite naaca ofrenda Pirso njaji jalredaoca lricoperri, nja tsakja ya Pirso ofrenda njaji inoacacaperri pia Pilkjote, piofá carroatsa nire, Pjia wa--Diote. 19 Matsiadalrica caidalritsa jliaji IMINALRITI, lridee capoa waoya jalredaoca icoam wadecalre, jliatsa jliaji Dio imanacotacada fa. 20 Jliaji wa-Diote, icatsa Dio imanacotacadaca fa; icamitsa jliaji Iminalriti itaitalri iyomjetaca fa mayamicalri ioya. 21 Mitsa Dio inocaotsa njewida naco njaji Lricoema, njaji catsicolrenepa yajicapewa Lrikjoete. 22 Lriaco jliaji Iminalriti: ''Nodeeca tsenakjaotsa njaji Nocoema Basán lrikjoite; Nodecaotsana Ooni macapawani itjewacaca lrikjoitena, nadawacalri nirse 23 iwayaketa carroatsa matsiape njaji icoema, ipjoá carroatsa jípa nerrana naco, njite itsinon iperrocaotsa neenene sho nairrana njaji icoema. 24 Dio, nacapjen coaji nacawa papocoa njapodawaca, Nácadanacoa pikjaote Dio, Pjia no-Talricana, njewa cádanacoa piipana lrico. 25 Njaji icantacape inita shewacawa, njite naawa njapodamtja njaji ikjematacape jaicoita, njite napecolrico naawa njaji inaitjepe walridarrope nanirrinaipe toa iñacape pandero. 26 Icaite matsia Dio naco iwacacalriwa nini; iá matsiadalri wa-Minalri irso, sha ijádalripe Irael inakjoiteperri. 27 Iníta sha Benjamín poco, sha tsoperritsa imaimaca naoya njaji ikitsiñape, njiteotsa njaji caconaperri Judá poco inakjoiteperri, njite ikitsiñape imaimaca tsakja, cayo tsakja njewidapo njaji Zabolón poco njite Neftalí poco tsakja. 28 Pjia Dio, Picañjata Irael icapa pjiida kjaidadalri; jliaji picañjatalri nacapa oopi waferrinaipemi irso. 29 Picañjta wacapácarro Pjiida piorroco cádanacoatsa Jerosalén lricojle, naderri nirse Pirso aima matsiaperri njaji talricanantinai. 30 Iwana kjaida oowi iyarrokja lrico nakjoete njaji Egipto lricope njaji maficalri kerroaperri icayosho iofacape awacada lrico, njaji inaiki aimadan kjaidaperri toro icayoshoperricana. Pikjenatana njite picadaa nadeca Pirso mashopa pirso matsiadalri; Pipocota njaji inaiki aimadan ipeyocape nanaitjaca oowi apana ikjoete. 31 Naawatsa njaji caconaperri yenipe Egipto lrikjoitepe; njite njaji Etiopia njiteperri nakjeyapitacaotsa naacawa nácarro na matsiadalri Dio irso. 32 Icanta Dio irso, pjiomi sha talricanatinai iwapacawa lrico jalredaoca lricope; iaca matsiadalri icantanda ricó Dio irso. 33 Icanta Lrirso Jliaji Yajicadawa eenocoma iicao, jliaji eeno miyacatsa; picapa coajica Cácocani kjaida jídati sho. 34 Dio iyadaca jliaji jidati; Jliatsa italricanataca Irael naco, njite Lricañjata tsakja nacapa Jlida enolricojle. 35 Dio, corrin coca itaita imafiocaca Pjia Piofacawa lrico mamatsicana cawa tsa; jliaji Iraelnai iDiote, Jliatsa icadaa njaidawa njite itaitakjeti narso njaji lrinaikite aimadan. Matsia wacaiteca wa-Diote naco.
1 Piyomjeta njoa, Dio; ima aimaca ooni njite wade noaji noticocomacawa. 2 Njoewacawa jotojitopalri lrico, corricawatsa pacapa tarracawa papjoa carro inaco; oopi njoewawa tjewaca ooni ricó, njite ooni jiyapacawa noicaona. 3 Mapjina noiyaca; meta ketsa nowedalrico; njite tamalrinatsa nocapaca nowapa cawiaca Dio. 4 Aimadan pjaca njaji nocoema naoya njaji tsicolre njowida nacope, matsiperri icapaca njoa mikjapantsa. Naoma nawayaketaca njoa niini nacashataca nonaco, nacaite noñaitoca, njite panaya norsotsa nodietaca njaji corripetsa noñaito naoya. 5 No-Diote, piajintsa pjiomi njaji imatsicanati nonaitjalri, corrin notaita nodawaca pioyana. 6 No-Minalri, macadatsa capaimanca najiacacawa njaji icadacape icaolre pinaco noikjaote, Pjia Iminalriti, Natalricana njaji tsolrodaonai aimadan, macadatsa Pipeco capisho njaji icadacape icaolre pinaco nomatsicana ikjaote, Pjia, Iraelnai i-Diote. 7 Cacoca matsi norso Pikjaote, njite kjenataca njoa naikjaote. 8 Njaji nokitsiñape nacapa njoa apada tairri capisho njoa, apama capishotsa rsoaji njodoa. 9 Catima pia nocapaca njaji Pinaikite mitsa panaya lriwayacakenawa, ima njaji icoitacape Pinacojle njewacawa nonacotsa. 10 Noiya cádanaco njite noita cádanacoa, icamitsa necaaca noicao. 11 Inona cádanaco njoa cayoji mayami capisho nokitsinda, icamitsa necaca noicao naaco sho. 12 Caaco matsi nonaco njaji iofacape yacalre ipananoma icodapi; njite njaji idewanacape nacanta nonaco. 13 Mitsa, no-Minalri, noytatjaca Piinai panaya, njite kjena capoa Picapaca norso, Pjiepena njoa; Piyomjetena njoa piinaiwa. 14 Pjita njoa jotojotópalr ioya, macadatsa njoewacawa lri-ricoda, Piyomjeta njoa nocoema ioya, njite lrioya jliaji ooni tjewacadalri. 15 Macadatsa ooni itarraca idee njoa wadentja tirrolri írraca njoa, wadee jlietaca njoa tjewacacawa lrico. Wadee tjewacadalri iñjaca njoa. 16 Pjiepena njoa, Dio, ima matsiadalrica Pjia noapiya; Kjena Picapaca norso, pinoena, Piyomjetá-carro njoa. 17 Mamacatsa njoa, njoa Pirsodalri, ima njorrapitaca jliaji; kjeya Pinoca piyomjetácarro njoa. 18 Pinoena Piyomjeta njoa; Piwataca njoa nocoema ioya. 19 Piajintsa coajica njorrapitaca, piajintsa coajica capaimanca noicao caco capoa matsi nonacona; piajintsa kjaitenaica njaji nocoemanaipe. 20 Opoi namatsiketa njoa njaji cacoperri matsi nonaco; caifia kena njoa nama; noma tja cocaca kjena pjatsa icapaca norso, mitsa corrin pacapa apada icatimatacadantja njoa. 21 Icamitsa naaca noiñjawa namanjé, njite noma piatja noirrao, mitsa naaca noirrao jipitiajai. 22 Picadaa naijaoda inaitjaca maatsi narso; njite picadaa matsi njeyapacawa namaodaca cádanaco tja naofacawa. 23 Picada yalrimica natji wadee nacapa catoa; Picadaa pitemica nainjapi ricó wade nanaitja minicatsa njaji nanaitjalri mana. 24 No-Diote, Picadaa najícarro pirroa, macadatsa yomjecana Pirroa ioya. 25 Picadaa maminalrica jliaji naofacawa lrico, wadee nini catoa iofacape lriricoda. 26 Ima napinetaca jliaji atsia Pjirrapitetanda. Necaaca lricao jliaji Pjirrapitetanda. 27 Picadaa njerrapitaca lrisho jliaji njerrapitalri njaji Picadaji jirrapitaca. Macadatsa napitocawa lrioya jliaji matsidalri nanaitjalri. 28 Pjiata neepitana lrioya jliaji Pipaperran Cafidalri, wadee nepitana irrocawa nainai njaji inaiki matsiaperri. 29 Inonaca njoa njite caifica njoa, no-Diote matsiadalri, pinoena Piyomjeta njoa. 30 Noacaotsa matsiadalri Dio ipitana irso papeco canción sho njite njorretacaotsa Lriipitana yeno nocaite cádanaco lrinaco matsia. 31 Matsia pjaotsa wa-Minalri icapaca narso naoya njaji boey noinolri Lrirso, apana toro ioya tsakja, njaji maficalri catso´taperri njite catsowaperri. 32 Catima watsa njaji kjenaperri iwaopiakje nano capoa naa matsiadalri Dio irso catima capoa Lricapaca narso. 33 Ima Dio jimica narso jaji canacaiperri irso pjiomi, njite corrin Lrimaodaca naoya njaji presonai. 34 Jiipai, eeno, njite macapawan tsakja ia matsiadalri Dio irso, njite pjiomi njaji jirsacape icaolre iá tsakja matsiadalri Lrirso. 35 Ima Dio iyomjetacaotsa Sión, njite Lridia tsenakjaotsa Jlirreta njaji yacalre Judá lricoperri naofácarro tsenakjaotsa nini. 36 Nayadacaotsa niini njaji pinakjoiteperri, njite naofá tsakjaotsa lri-ricoda njaji ipeyocape Pjia.
1 Piyomjeta njoa Dio, Pjia no-Minalri, kjeya Pinoca Pikitsindatácarro njoa. 2 Pipaimanieta njaji iomacape inoca njoa; Pidietana nacaité-carro namatsicana, njaji matsiaperri yajiacacawa njorrapitalri ima. 3 Nadiacarro njapodam namatsicana capaimandalri ikjaote, njaji icacaperri noicao. 4 Njite catima watsa pjiomi njaji iomacape Pjia ajádalri; njite ncaiteotsa njaji manacoperri Piinai cayoji: ''Waa matsiadalri Dio irso.'' 5 Mitsa kjenadalrica njoa canacaidalritsa irso pjiomi; kjeya pinoca noikjaolre, Dio, icatsa Pjia ikitsindatacadaca njoa njite iyomjetacada njoa. No-Minalri, kjeya Pinoca nikjaolre.
1 Nodawacawa pinacojle no-Minalri; macadatsa napaimanietaca njoa coancaojli cantja. 2 Piyomjeta njoa njite Picadaa nofawa nomaodacatsa Pimatsiaca ikjaote; Picadaa pjinacolrico noikjaolre njite Piyomjeta njoa. 3 Nooma Pidanataca njoa cayoji jiipada macadalri idanata capisho njoa nocoema ioya nayometá-carro njoa naoya, Picaitjenina yomjécarro njoa, ima icacatsa Pjia idanatacadaca njoa matsidalri ioya njite Pikjaidataca njoa. 4 Piyomjeta njoa DIo, naoya njaji matsiperritsa idejica, naoya njaji corripetsa inaitja matsia njite naoya njaji inaitjacape maatsi apjetsida irso. 5 Ima Pinacoca nowapa nocapa matsiaperri, no-Minalri. Nocadaa nocaolre Pinaco noyempetica nakjoite toa. 6 Ima Piwapa piaca njoa njodoa iwawa lrikjoite toa; Pjiatsa jita njoa njodoa iwawa lrikjoite; Noa watsa matsiadalri Pinaco minitsa caidalritsa. 7 Pada nacanpadaca naicaowa njoa njaji inaiki; icatsa Pjia iwapacadaca njoa kjaidadalri. 8 Caidalritsaotsa nocaiteca matsiadalrica Pjia, jalredaoca icoam nonaitjaca matsia Pimatsiaca ikjaote. 9 Maatsawa noya tecoa pekirri cádanacoenaotsa njoa; mamacatsa njoa mjaida cádanacoenaotsa njoa. 10 Ima cacoca matsi nonaco njaji nocoema; njaji iwapa cada icapa njoa nanaitja nawaopiakje coajicarro nanaitjaca norso matsi padenirri. 11 Naaco nonaco: ''Dio imacandamina; iomani inocarroni, ima corritsa pacapa iyomjetacadani.'' 12 Dio, maofatsawa teeco noya; no-Diote, kjeya pinoca Piyomjetácarro njoa. 13 Pipaimanietana njite piwayaketa njaji yemalri mana nokjoete; Picadaa pjiomi icoitana njite corriotsa coca inaitja matsia narso pjiomi njaji iomacape inaitja norso maatsi. 14 Mitsa njoa caidalritsa nowapacaotsa Pinaco njite noa caotsa matsiadalri Pirso pekirri pja. 15 Nocaitecaotsa nonoma sho Pinaitja capoa matsia njite Piyomjetaca njoa jalredaoca icoam, corri cadanatsa noaji coanshopaca. 16 Nocaiteotsa nanaco njaji Pinaitjaji Pjida sho; nocaiteotsa Pinaitjanda inaco matsia, icamitsa Pinaco watsa nocaite. 17 Dio, Picanantjenina njoa noyempetica nakjoite ; Panashete nocaite Pidejicalre matsiaperri naco. 18 Ajádalri nocaite, pekirri cádanacoatsa njoa, Dio, njite jalrenatsa notsicolre, macatsaotsa njoa, ima nocaiteca coanfdalrica Pjida najícarro njaji walricomanai, nocaite Pjiida naco narso najícarro pjiomi njaji inolri naikjaolre. 19 Yenondalrica Pimatsiaca, Dio, Pjia inaitjacada aima Pidejicalre macadalripe, ¿coca itaita inaitjaca cayoji Pinaitja capisho? 20 Picadaa feyapawa aima jirrapitinaperri naco matsinaperri, njite Picadaa wacafiawa tsenakja mayamicalri ioya, Picadaa fenicocawa irrirri-rikjoite. 21 Picadaotsa norso aima itaitakjeti, njite Picatimata tsenakja njoa. 22 Noá tsakjaotsa Pirso matsiadalri arpa sho nocadaa capoa nocaolre Poinaco, nocanta caotsa noácarro matsiadalri Pirso, no-Diote, arpa sho, Pjia mamatsicanadalritsa Irael lricoda. 23 Kjemaotsa nocantaca Pirso itimatsi ricó, nocafica sho tsakja, njaji Piwentaji. 24 Caaco tsakjaotsa njoa nanaco njaji Pinaitjalri inaco matsia jalredaoca icoam; njite capaimanicaotsa pjiomi njaji iomacape piatja njorrapitaca.
1 Pjia, no-Diote matsiadalri, Pikitsindata njoa Pirsodalri cajikje-carro jliaji talricanati yenipe. 2 Lritaitácarro lricaiteca Pinaikite aimadan iacona matsia njite naacona njaji kjenaperri matsia shotsa. 3 Picadaa imaodacakjeti matsiadalri nanaco njaji jiipana naofacawa lrico njaji inaiki aimadan; Picadaa nanaitja matsia njaji jiipana tomoperri tsakja. 4 Picadaa nacaiteca naacona matsia njaji kjenaperri yacaalre lricoperri; Picadaa lriyomjeta neenipe njaji kjenaperri njite lrimatsiketaca padenirri njaji jirrapitetacape apjetsida. 5 Picadaa naaca matsiadalri Pirso njaji jalredaoca lricoperri caidalritsa padenirri njaji walricomanaipe. 6 Cayoatsa jliaji talricanati narso njaji inaiki cayoji iyao jiwa capisho malritsi nameyowanda, cayoji iyao ipotsieta capisho jiipai metadalri. 7 Picadaa aima iponti jlia cádanacoatsa talricanati nanaco; Picadaa matsiaca nacawa nadejicalre naco a kjerrecaotsa yami kérri icanaca. 8 Picadaa lritalricanaca itaoñacawa manoa nakjoite apada manoa nacojle, Ooni Eufrate nakjoite njite pjiomi jalredaoca lricojle. 9 Njite nacoajacaotsa lrikjaolre njaji inaiki iofacape jalrapocolri ricó; njite njaji lricoema naperrocaotsa jiipai italre. 10 Naa watsa matsiadalri lrirso njaji talricanatinai Tarsis lricoperri njite njaji iofacape cadonolri naco tsakja; njite njaji talricanatinai Sabá lricoperri njite Sabá tsakja nacaotsa lrirso aima inaniti macoadatsa. 11 1Ajadalriotsa, nacaotsa matsiadalri lrirso pjiomi njaji talricanatinai; lrirsoperri caotsa pjiomi njaji apacoape jiipai jalredaoca lricoperri. 12 Ima lrikitsindataca njaji inaiki canacaiperri irso itatjacape lrinai njite njaji kjenaperri corri perritsa narso ikitsindatacapena. 13 Kjena lrica lricapaca narso njaji canacaiperri irso njite narso njaji kjenaperri, njite lriyomjeta nacafica njaji inaiki canacaiperri irso. 14 Lriyomjetana naoya njaji jirrapitacape njite naoya njaji inocape inaiki, ima lrioma naofacawa matsia. 15 Nooma lriofacawa wia jalredaoca lrico jliaji talricanati. Picadaa Sabá lricoperri naaca lrirso nawirrote. Picadaa natatjaca Dio lrinaco njaji inaiki aimadan; Dio inaitjácarro matsia lrirso jalredaoca icoam. 16 Picada aima lripaniana jlipaite ricó; nataoña watsa matsia njaji paniati njite caolri ipjia caotsana. Cayoatsa nainaca Líbano sho; nataoña watsa matsia njaji inaiki nayacalre ricó cayoji malritsi itaoña capisho. 17 Picadaa nawadaca lriipitana naco caidalriwetsa; picadaa nawadaca lrinaco coshoca pada jecoapi iwiaca jiyapacawa; Picadaa matsiaca njaji inaiki lrikjaote, picadaa nacaiteca lrinaco padenirri njaji apacoa jiipai nacoperri matsiaca lrinaitjaca narso. 18 Nacaiteotsa matsia Lrinaco Jliaji Iminalriti Dio, na-Diote njaji Iraelnai, apadatsa Jliaji itaitacada inaitjaca matsiaperri. 19 Nawatsa matsiadalri Piipitana matsiadalri irso caidalriwetsa, njite Pakjami caotsa Pimatsiaca sho Pjiomi jliaji jalredaoca, Cayoatsa, cayoatsa. 20 Cayotsa lriwayaketaca lritatjanialre Dio iinai jliaji Isaí irri, David. Madalrida shopa paperra lridananipje.
1 Ajádalri matsiadalrica jliaji Dio naapiya njaji Iraelnai, naapiya njaji inaiki irsocape nacaolre mapirrádalritsa. 2 Mitsa njoa, wadepe nopjoaca pajlaimi, wadepe yamica nocadaca nocaolre DIo naco 3 matsiada capoa nocapaca narso njaji padalreperrimi nocapa capoa matsiaca naacawa nadejicalre naco njaji inaiki matsiperri. 4 Ima corrin coancaojlica naji icaiyati naco caitsa naaca mayamina. 5 Ima corrin coancaojlica canacaica narso nanaco njaji canacaiperri narso njaji apjetsida; corrin njerrapita, njerrapita capisho njaji apjetsida. 6 Na patjepica jliaji napadalreca njite natsayani shoca jliaji mamatsicana apjetsidas irso. 7 Corri capoa nataita najiacacawa matsia namatsicana ima; niini nawaketaca narsowao aima iwaopiakjeti matsiperri nacaolre ricó. 8 Necaa apjetsida iicao njaji padalreperri, njite nafieta njaji apjetsida imatsicanati sho njite njerrapitetana. 9 Caacocana maatsi eeno Iminalri ikjoete, njite naji nacaitepe nanacowacatsa matsiaperricana pjiomi najicawa lrico. 10 Ninina njaji Dio inaikite nadia tsenakja jalredaoca lricojle Lrioya, njite narsoca aima naijaope njite nairraope tsakja. 11 Njite naaco: ''Corriotsa Dio yajícarroca nanaco njaji wanaitjalri. Corriotsa Lriajícarroca jliaji Yenonrsedalri Pja pjiomi ioya wanaitjanada inaco. 12 Idana nanaco yajícarro: inaiki matsiperricana; corrin coca nacoca njeta nacaolre, njite narsoca aima pja nayarroaji. 13 Wadepe mekjapan catsa nowapaca nocaolre matsidalri ioya cocaotsa lrimatsiaca norso njoena cadawa imatsicanati ioya. 14 Ima jalredaoca icoam njorrapitaca njite njerrapiteteca njoa piyompinaco icoam. 15 Cayo minitsa cadantja cacoca njoa, opipienantja noma nanaitjaca namatsicanao njaji Pienipe walricoma nai. 16 Noma cadanatja noajica coamishopaca njaji nocapalri, ima jirrapitinaca noyana. 17 Njite noawa Dio iipana lricojle ikena noajica a kjerrecaotsa lriocawa. 18 O Pjia catsa icadaa corricawatsa ipjoa matsia; Pjiatsa icadaa corri carrotsa lrirso lriyarro. 19 Njite nawayacao kjeya pjiomi njaji lrirsolri. Nawayacawa pjiomi njite cafaina pacapaca nawayaca cádanacoa. 20 Cayotsa na pacapa capisho pjetapon ricó; no-Minalri Pjirreta cádanaco njoa, corriotsa nowaopiacarro nanaco njaji jitaponti. 21 Njite nocaolre jirrapitaca pekirritsa, njite aima namatsiketaca nocaolre ricó cayoji lrirso capisho lricaolre. 22 Majicadalrim piaca njoa; canacai piaca norso yajikjeti; cayo piaca njoa maficalri sho Pipeyajle. 23 Mitsa, Pinai catsa njoa; Pjiatsa ikitsindata njoa Pjida kjaidadalri sho. 24 Pikitsindata njoa Piaco matsiadalri sho njite Picoada njoa Pimatsiaca melremelredalri ricó. 25 Icamitsa Pjia norsolrica enolricojle. Corrin pacapa apada jalredaoca lrico noomanda cayoji noma capisho Pjia. 26 Mjaida kena nodada njite nocaolre tsajha, mitsa Dio ikjaidataca nocaolre ricó caidalriwetsa. 27 Nawayacacaotsawa njaji tecoperri Pioya; Piwayaketacaotsa pjiomi njaji inaitjacape maatsi Pioya. 28 Mitsa njoa, nooma notsomita pjaca Pjia. Nocadaa nocaolre apadatsa Dio naco. Nocaiteotsa njaji Dio inaitjanipe inaco padenirri.
1 Dio, ¿coadadao caidalritsa pimenata fa? ¿Coada Pipojlieta pirroa nakjoete njaji oveja pi-corrarran lricoperri? 2 Piwada nanaco njaji Pinaikite aimadan, njaji Piwentaji oopi ricotsa, nja poco njaji Piyometaji Piyarrope carrona, njite Picadaa naofacawa jiipana Sión nacó, piofalri niini. 3 Pino Picapa coajica namatsiketaca wayacalre, oopi namatsica pjiomi jliaji Piipana Matsiadalri njaji jipondati. 4 Njaji Picoema nanaitja cayoji kerroa capisho yaawi, Piipana lrico, njite nacada natsidape niini nacaite shopa njaca shamana niini. 5 Naoca yoca sho pjiomini njaji Piipana lricope cayoji paoca capisho njaji jaico awacada lricope. 6 Yoca sho njite martillo sho tsakja naoca njewao pjiomi njaji nanaitjaji matsiaperri. 7 Namjaita Piipana; nanaitja matsi Piofacawa lrico ima opioca napeco jliwao jiipai nacojle. 8 Naaco narso njaji inaiki: ''Wawayaketacaotsa pjiomina.'' Namjaita pjiomi njaji yenondalripe nacawa pia matsiadalri Pirso Pjipaite lricoperri. 9 Corrinatsa wacapa njaji Pinaitjaji matsiaperri; corrinatsa pacapa njaji inoparrotacaperri, njite corrin apada wanakjoite yanji coancaojli caotsa lriwayacawa jliaji. 10 ¿Coancaojli pjenaotsa Dio, Pipeco watsa njaji icaitepecape maatsi Pinaco? ¿Capja caidari catsaotsa cacocaotsa matsi Pinaco njaji Picoema? 11 Picadena nacapa Pjida kjaidadalri. ajena Piaca natsayaniwa pjida sho, Pinoenana pjiomi. 12 Mitsa njoa, no-Talricanaca Dio miyaca lrikjoitetsa, Lrideeca manacocalri jalredaoca lricojle. 13 Pimjeco pia ooni macapawan Pjida sho; Piino pia njaji egipcionai paino capisho njaji maficalri macanepe ooni lricope. 14 Piino njewida naco njaji maficalri macanepe ooni lricoperri Leviatán-perri iipitana; njite Picadaa naiñjao njaji maficalri jalrapoco lricoperri. 15 Pimjeco naapowao njaji ooni jiwidapao njite oonipai yarrocawa lrico tsakja; Pimetata tjakja ooni macapeki aima cawa jiipa. 16 Piyadaca njaji jalrewerrico njite njaji deepi tsakja; Picadaa jérri icanaca jalrewerrico njite kérri deepi ricó. 17 Pjiatsa icadaa a kjerreca naocawa njenana njaji jiipai naoyawaca; Pjiatsa inaitja camoi njite oonia tsakja. 18 Piwaopia coajica caacocana maatsi Pinaco njaji Picoema, no-Minalri, njite coajica cacoca matsi Piipitana naco njaji inaiki majicaperrimi. 19 Macadatsa Pinaikite Iraelnai narso njaji inaiki yawi shoperri kerroacana. Macadatsa nañacawa Piwaopiakje ioya njaji Pinaikite aimadan njaji jirrapitacape caidalritsa. 20 Piwada coaji piaca Pinaitjaca yacoti napiya, Ima pjiomi njaji cadaocawa lrico aima nainoca inaiki niini. 21 Macadatsa njeyapacawa ipaimanti ricó njaji njerrapitetaji; Picadaa naaca matsiadalri Piipitana irso njaji kenaperri njite njaji canacaiperri irso tsakja. 22 Pjinicoenawa, Dio; njite pinaitja matsia Pinacowacatsa; Piwaopia coajica namacadawalretaca Pjia njaji najicaperri jalredaoca icoam. 23 Macadatsa njeyapacawa pioya coajica naaco Pinaco njaji Picoema, njite coajica naomaca neemaca Pikjoete njaji inaiki matsiperritsa.
1 Waaca matsiadalri Dio irso, waca matsiadalri Pirso Dio, Picada capoa wají Pjia catsa wainai; njaji inaiki nacaitepe nanaco njaji matsiaperri pinaitjanipe. 2 Matsia watsa nocaiteca naacona njaji inaiki jlinana lrico. 3 Natetjé cadaotsa nafiokje ima njaji jalredaoca lricoperri, Nowapaotsa matsidalri ioya njaji Nonaikite.'' 4 Noaco pia narso njaji padalreperrimi: ''Mapadalretacatsawa inaiki,'' njite noaco narso njaji matsiperritsa iwaopiakje: ''Macadatsa icaolre jíoda nacotsa. 5 Macaitetsa inacowaca sha pjaca yenonrsedalri pjaca dio ioya; mapadalretacatsawa mikjapantsa.'' 6 Corriotsa jérri imotolri njitewa, corrin tsakja jliewalri nirse o jalrapocolri lrikjoite cantja watsa lrino jliaji iacada pirso matsiadalri. 7 Dio-ca jliaji icaitecada waacona; Jliatsa ipeco njite Jliatsa jirreta. 8 Dio jipa Lricapi ricó pada taza pakjandalri jaicotjeda iana capoajai sho, kewidalri pomeniajai sho tsakja. Niini coancaojli cadaotsa lricada lriarroa jiipai nacojle, njaji matsiperri iwaopiakje nairra caotsa pjiomi, corriotsa namacá carroca tsoo nanakjoite. 9 Mitsa njoa, caidalritsaotsa nocaitepeca nanaco njaji Pinaitjalri; nocantacaotsa matsiadalri lrirso Jliaji Jacob i-Diote. 10 Lriaco cayoji: ''Noniwetaotsa napadalreca nacó njaji padalreperri matsiperri iwaopiakje, mitsa njorretacaotsa njaji inaiki matsiaperri.
1 Dio icada nají coandalricani Judá lrico; Macádalrica Lriipitana Irael lrico. 2 Lricadaa Lripanaitawa Salem lrico; njite Lriipana Sión lrico. 3 Icatsa nirse lritocontaca njaji yawitjioco yawitjiapo ioya, nadanaita, namatsetan njite njaji apjetsida nainoaca shopawa oowi ricó. 4 Picada Pimatsiaca icanaca melremelredalri nacapácarro, Piorroco cádanaco jiipana nakjoite, pimacacawa njaji pinoji. 5 Njaji Pinaikite mafiocaperri opi naino pjiomi njaji picoema njite njeta narsowao njaji nayarroajipe pia; nemá piaca njaji tsolrodaonai, corri pia coca iwapa. 6 Caco cádanaco kjaida, Pjia, Jacob i-Diiote, icamitsa lrimaaca jliaji inaiki iofacada caballo naco njite jliaji caballo tsakja. 7 Pjia, aja, icatsa Pjia, narsotsa nafioca piwana; ¿Cocantja itaita jinicoca yemawa Pikjoete, picapatsa kerroa cádanaco Pjia? 8 Eeno lrikjoite Picadaa naji coajicaotsa Picaitecaotsa naacona njaji jalredaoca lricoperri; jliaji jiipai lrifiocawa pekirritsa njite cotsa coca lricaite. 9 Pino cádanacoatsa Pjia, Dio, Pjinicocawa Pinaitjá carroena cayoji Picaite capisho narso njaji jalredaoca lricoperri njite Piyomjetacaotsa njaji inaiki njerrapitetaji jalredaoca lrico. 10 Ajádalriotsa nacaotsa Pirso matsiadalri Picaite cádanacoenaotsa nácona Pirroa lrico nanaco njaji jalredaoca lricoperri; njite nayofieta Pjia njaji inaiki itepem pinoji pirroa lrico. 11 Inaitja yácoti coajica ioma inaitjaca Iminalriti Dio irso njite inaitja watsa cayoji icaite capisho Lrirso. Pjiomi njaji iofacape tsomi Lrioya nadecaotsa inaniti nacoada shotsa Lrirso, Jliaji nafionda iwana. 12 Lrikjenata njaji talricanatinai yenipe caconaperri; pjiomi njaji talricanatinai jalredaoca lricoperri nafioca Lriwana.
1 Noaco sho njoemata caotsa kjaida Dio ikjaolre, njite noaco sho nowana caotsa kjaida no-Diote njite no-Diote jimicaotsa norso. 2 Norso caojli pia matsiperri noma pia jliaji Iminalriti; deepi ricó njorreta nocapi, njite corrin mapjicana. Njite corrin pia nooma apada icatimataca njoa. 3 Nowaopia no-Diote naco noaji cádanaco icaiyatsi nonaco; nowada pia Lrinaco daimi cádanaco njoa. 4 Pjiatsa imjeco njaji notji; njota pia nocaolre corri capoa noaji coaji caotsa cacoca njoa. 5 Nowaopia pia nanaco njaji jalredaoca jiyapalrio, coaji piaca oopi. 6 Deepi ricó nowaopia pia apapeco naco nocantanda pia apapia. Nowaopia kayekjatsa notaitácarro noaji coaji piaca njoyapacawa jliawajli. 7 ¿Capjaotsa pa Iminalriti imenatacaotsa njoa piketem? ¿Corri natsaotsa coancaojlica Lrikitsindataotsa njoa? 8 ¿Capjaotsa corriketsaotsa lrikitsindata njoa cayoji Lricaite capisho pia? ¿Capja pa opica Lrimatda lriaco ioya caidalriwetsa? 9 ¿Capja corriketsa Dio yaji coajica kjena lricapaca norso? ¿Lrirroa ima corritsa coaji kjena lricapaca? 10 Njite noaco: ''Icatsa njorrapitalrica ikjaote: ima corriketsa lrikitsindata fa, icamitsa Lriemaca wakjoete jliaji Yenonrsedalri pja pjiomi ioya.'' 11 Mitsa njoa nowadaotsa nanaco njaji Pinaitjaji, Iminalriti; nowaopia watsa nanaco pjiomi njaji Pinaitjaji oopi. 12 Corriotsa nomaodacá carroca naoya njaji Pidejicalre njite caidalritsaotsa nowadaca nanaco. 13 Matsiaperrica njaji Pinaitjaji, no-Diote; Corrin pacapa apada dio caidalriji waDiote sho. 14 Icatsa Pjia DIo inaitjacada manaitjacanaperri; Picadaa nacapa Pinaco nanakjoite njaji Pinaikite aimadan. 15 Picada Pinaikite shamaca njaji apana inaiki Pjida kjaidadalri sho, njaji Jacob inakjoiteperri njite josé tsakja. 16 Njaji ooni imaimaca nacapa Pjia, Dio; njaji ooni imaimaca nacapa Pjia, njite nafioca Piiwana; ooni itjewacaca natetjewa. 17 Iyadaoca icadaa ooni jiwacawa naoshete; cadaocaca eeno yekjoete njite colrocolrodacani; njite Picadaa kjeya nacanaca njaji eeno iperronialre. 18 Njite kjema pjemoica Piacoam caolri ricó; njite eeno icananialre icanaca jiaji jalredaoca; njite cananica jiipai kjaida. 19 Piapowa iyoeta macapawan njite Piapowa iawa tjewaca ooni ricó itjewacaca lrico, mitsa corri pia pacapa Pjiparrom. 20 Picadaa naawa matsia njaji Pinaikite aimadan Moise njite Aarón nakjoite
1 Jimi jliaji nocanantalri sha inaco, sha nonaikite aimada, jlimi njaji yácoti nocaiterri irso nonoma sho. 2 Nocanantaotsa sha pajishopa sho, njite nocantaotsa nanaco njaji opimje nadawanda waoya oopi. 3 Icatsa njaji femirri njite wajerri inaco tsakja, njaji corripetsa nacaite femi njaji waferrinaipe. 4 Corriotsa wadawá carrocana naoya njaji nanakjoiteperri. Wacaiteotsa njemi njaji walricomanaipe nanaco njaji Iminalriti inaitjalri, Lridejicalre matsiaperri naco, panda Irso matsiadalri naikjaote, Jlida ikjaote njitenjaji manaitjacanaperri Lrinaitjalri pia. 5 Lricada njaji yacoti kjaidaperri Jacob iapiya, Lriacoam lriapiyadalri, njite Lricatjinata pada yácoti Irael lrico. Lrinaa njaji waferrinaipe nacanantácarro neenipe nanaco. 6 Lrinaana najícarro Lriaco naco njaji walricomanai, njite njaji yempetipe toa, corri cadana toa jiicona, narso pia tsakja nanacantaca inacona jiico cádanacona nacanantácarro neenipe nanaco. 7 kenantja nawapa matsiaperri Dio iinai njite corrintja namaodaca naoya njaji Dio inaitjaji narso, icamitsantja nanaitjaca cayoji Lriaco icaite capisho. 8 Njite corritsantja cayocana nacayosho njaji naferrinaipe inaiki mjepacaperri, majicaperritsa, pacoma inaiki corripetsa inaitja matsia, corripetsa icadacawa Dio irso nanaitja-carro Lrirso matsia. 9 Njaji Efraín poco narso pia nanacoa yawitjioco nainoaca shopawa owi ricó, mitsa oopi nadia njapodamrsewa nainoaca cádanacowa. 10 Corrin nanaitja pia cayoji Dio inaitja capisho pia yácoti naapiya, njite corrin njepa nanaitjaca cayoji Lriaco icaite capisho. 11 Corrinatsa nawaopia nanaco njaji Lrinaitjaji, njaji manaitjacanaperri Lrinaitjalri nacapao. 12 Opi namaodaca naoya njaji Dio inaitjaji nacapa njaji naferrinaipe Egipto jipaite lrico, Zoán jipaite ricó. 13 Lrimjeco oni macapawan njite Lrideena lri-ricoda; Jlirreta ooni cayoji panti iwai sho. 14 Jalrewe-rico Lricadaa naicao iyadaoca Lridee carrona njite deepi ricó tiye icananialre ricó. 15 Lriwikjí jiipada macane jalrapocolri ricó, njite Lria narso aima ooni, lricoa napakjantácarro ooni macapawan. 16 Lricadaa ooni imotowa jiipada nakjoite lrinaitjácarro onipaokja njite ooni macapeki tsakja. 17 Mitsa corrin yami nanaitjaca namatsicanao Lrikjoete, nemaca Lrikjoete jliaji Yenonrse-dalri pja piomi ioya jalrapocolri ricó. 18 Njama Dio nacaoolre ricó natatja cádanaco naiñjao Lriinai namoní ikjaote. 19 Cacocana matsi Dio ikjoete; naaco lrinaco cayoji: ''¿Capja Dio iitaita iaca waiñjao jalrapocolri ricó? 20 Icapa, Lriñá caojli pia jliaji jiipada, icamina ooni imotocawa njiteo aima sho njite bojlamica njaji onipaokjape. ¿Capja Lritaita pa' lriaca Iñjaodati tsakja? ¿Capjaotsa Lriawatsa iñjaodati Lrinaikite aimadan irso? 21 Wa-Minalri jimi cádanaco njaji, kerroacani pekirritsa; niini lrirroa ipojliawa Jacob ikjoete, njite Lrirroa iino njaji Iraelnai 22 corri capoa njepa Dio njite corri capoa nacadaa nacaolre lrinaco jliaca imanacotana. 23 Mitsa, lrinaa eeno ipananoma imjecoacacawa enolricojle. 24 Lricadaa maná jiwacawa iyao sho enolrikjoite naiñjácarro, njite lricadaa naijaope ijaodati enolrikjoiteperri. 25 Njaji inaiki naiñja iñjaodati ángelenai iñjaope nakjoite. Lricadaa aima naiñjaope. 26 Jliatsa icadaa caolri ipjiaca jérri imotokema nakjoite eenolricojle, njite Jlida kjaidadalri sho Lricadaa caolri ipjiaca inarroemjete jerri irso. 27 Lricadaa ipeti jiwacawa narso enolrikjoite jiipai sho, kepirre ipe corriperritsa pataita paniwetaca, cayoji caida ooni macapan lricope sho. 28 Njewacawa naofacawa ipecolrico, napanaita iwaida naco. 29 Ikena naiñjaca njite kepinape pjiominana. lria narso pjiomi njai naomalri pia lriinai. 30 Mitsa corri pia catoa kepinana; nanoma lrico pia catoa naijaoda. 31 Ikena Dio irroa jiwa nanaco njite lrino njaji kjaidaperri pja. Lrino njaji atsianai yempetipe toa Irael lricoperri. 32 Cayo cadana njeyapawa, corrin yami nanaitja namatsicanao njite corrin nacadaa nacaolre nanaco njaji lrinaitjaji manaitjacanaperri. 33 Caishopa, Dio imedata jalredaoca naoya, aima nacapa matsiperri. 34 Dio jirrapiteta cádanacona, naoma narsowao Dio. Naoma piani nacaolre rikjoite. 35 Nadia mana nawaopia Dioca jliaji jiipada shodalrica narso njite iyomjetacadana jliaji Yenonrse-dalri pja Pjiomi ioya. 36 Nacaite matsia Lrinaco nanoma sho mitsa nacashata catsani naaco sho. 37 Ima corri piacatsa nacada nacaolre ajádalri sho Lrinaco, njite corrin nanaitja cayoji Lriaco icaite capisho jliaji Lricadanda narso. 38 Mitsa Dio, kjenadalritsa icapaca narso, corrin coadaca jliaji imatsicanati nanaitjalri njite corrin Lriwayaketana. Ajaca, aima walria Lriyamita naoya Lrirroa, corrin lricadaa pjiomi Lrirroa nanaco. 39 Lriwaopia piaca inaiki pia catsa na, ípeti-cana, pada caolri jiyapacada njite corridalritsa idiawa jliapodamrsewa. 40 Caidalri manatsa nawa Lrikjoete jalrapocolri ricó njite Nainonatani corricawatsa nataita naapanaca paniati. 41 Aima piape nacaite dio irso Lrinaiytjácarro jliaji naomalri Lriinai njite nanaitja maatsi Lrirso jliaji Mamatsicanadalritsa Irael lricoda. 42 Corri nawada Jlida naco, coaji piaca lriyomjetana nacoema ioya 43 lrivcadaa caojli pia nacapa njaji manaitjacanaperri cafainaperri Egipto lrico, njite njaji Jliida matsiaperri lricadalri nacapa Zoán cawa lrico. 44 Iricadaa naonite ipadamawa irranatiwa niini corrin nataita nairraca naoya njaji onipaokjape. 45 45Lrimenaca naikjaolre dolrio imaimaca iperro-carrona njite paitsi nacapoatá-carro njepaite. 46 46Lricadaa tacapa iñjacarro napania njiyte pjiomi nadejicalre. 47 Lrimatsiketa napaniapji njite napania iyao ooni tarraperri sho, padenirri njaji jaico sicomoro. 48 Lricadaa iyao jiwacawa ooni tarraperri sho navacan naco, njite eeno jiwa tsakja nanaco. 49 Lrirroa kjaidadalri imatsiketana. Lricadaa Lrirroa matsinaperri, jirrapitinaperri jiwa nanaco cayoji pamenacanda pada iinai lriwayaketá carrona. 50 Lrimatsieta inipo lrirroa ipia nakjoete; corrin Lriyomjetana mayamicalri ioya icamitsa Lricadana matsiperri irso. 51 Lriino Pjiomi neenipe pjerriti-naipe Egipto lrico, neenipe njaji caconaperri Cam jipaite lricoperri. 52 Jlita njite njaji Lrinaikite aimadan pjeta capisho oveja njite Lridena jalrapocolri ricó papocotsa. 53 Lridee matsiana njite corrin lrimacana, mitsa Lrimatsiketa njaji Lricoema. 54 Njite Lrideena Jlipaite iocacawa nacojle jlienitanda Lrirsowao, Jliaji Jiipana Jlitanda Jliida kjaidadalri sho. 55 Lripeco napjeya njaji inaiki iofacape pia niini njite Lricadaa narso jlipaite nayada carroni. Lricadaa naofawa nini njaji Irael poco nacoanam napanaita lrico. 56 Cayo cadanatsa nanaa Dio inaitjaca njaji jirrapitinaperri, Jliaji Yenonrsedalri pja pjiomi ioya njite corrin njepa Lriaco macádalri. 57 Corrin nanaitja cayoji Lrioma capisho, cayotsa nanaitja njanirrinaipemi inaitja capisho; cayo piacana yawitjiapoti cayaonidalri sho. 58 Nakerroatani nasho njaji njerretanda yenondalripe sho naidolonaipe yemacarronape, Lrikerricaana naikjaote niini kerroacani. 59 Dio jimi cádanaco nanaco, icamitsa kerroa Dio njite icamitsa lrimenataca lrioyawa njaji Iraelnai. 60 Lrimaca Lriofa carroda Silo lricoda, jliaji panti Lriofacawa lrico pia napecolrico njaji inaiki. 61 Lricadaa lricoema jipaca jliaji Lri-patowan matsiadalri njite Lricadaa nanaitjaca lrisho coajicatsa naoma nanaitjaca lrisho. 62 Lricadaa naino njaji Lrinaikite aimadan matseta sho, njite kerroacani napiya njaji lriyarrope. 63 Nacoema inona tiyé sho pjiomi njaji atsianai yempetipe toa, niini corrinatsa cocaca nainirri njaji inaitjepe walridarrope. 64 Naino njaji sacerdotenai matseta sho, njite naifarro naninai iyaca nanaco. 65 Ikena Dio icafieta apada cayoji pacafieta capisho apada talricai ioya, cayoji caafi capisho apada oowi idewanacadam yalrakji sho, kjaida caacocani lrioma capoa lrinoacacawa. 66 Lrifieta njaji lricoema; Lricadaa capaimanicana caidalriwenatsa. 67 Jlienita Lrioyao José iipaneta, njite corrin lriniwana njaji Efraín poco. 68 Lriniwana Judá poco njite Jiipana Sión jliaji Lriomanda. 69 Lrinaitja panti Lriofacarroda yenonrsetsa eenolricojle capishotsa, jliaji Lrinaitjanda cayoji jiipai shotsa corridalritsa coca itaita icananitacan. 70 Lriniwana Lrirsodalri David, njite Lrimotoitani corrarra lrikjoite. 71 Lrimotoita lriwapacawa ioya njaji oweja neenipe yapiya, njite Lricadaa lriwapá carroenakja Jacob, njaji Lrinaikite aimadan, lriwapácarro Irael, jliaji Lricadanda lriyadacana. 72 David iwapana Lricaolre matsiadalri iapiya, lrideecana njite lriwapana.
1 Dio, inaiki tekjoite perri iocawa Piyarrope ikjaolre; oopi nanaitja maatsi lri-ricoda jlaji Piipana pjienitanda Pirsowawa; oopi napeco Jerosalén jiwawa niini cayoenatsa panaya matsipeda sho. 2 Njepa badee nadadam njaji pirsoperri nainoji naiñjao njaji wayolri, njite nadadam njaji pinaikite aimadan inaitjacape Pirso matsia, naiñjao njaji maficalri kerropaperri awacada lricoperri. 3 Napeco nerranami yarroa Jerosalén iwaida naco cayoji parro capisho ooni, njite corrin pacapa pada idawacaodana. 4 Pjiomi njaji inaiki wacodapiperri corrin naomaca fa, icamitsa necaaca waicao njite kerroa tsakja nacapaca warso pjiomi wawaida nacope iofawa. 5 ¿Coancaojli pjenaotsa Dio? ¿Coancaojli pjenaotsa Pimjaitaca fa Pirroa sho cayoji tiyé imjaita capisho pja? 6 Picadaa Pirro jiwawa nanaco njai jiipai corriperri yanjí Pinacp njite nanaco njaji talricanatinai italricanataji inaco corriperri ioma Pikitsindatacana. 7 Ima icatsa njaji inolrica Jacob inakjoiteperri njite napeco naofacawa lrico. 8 Macadatsa wacaoñaca namatsicana njaji waferrinaipe; Pinaitja matsia warso kjena capoa Picapaca warso, ima mjaidakena fa. 9 Pikitsindata fa, Pjia, Dio iyomjetacaita fa, Piipitana matsiadalri ikjaote; pinacota fa, njite Picadaa wamatsicana jiyapacawa pioya Piipitana matsiadalri ikjaote. 10 Nacaite njaji jalredaoca lricoperri: ¿A kjerreo i-Diote?'' Waomaotja wacapa Piomaca nacaoda nainai njaji inaiki jalredaoca lricope inocapemi wakitsiñape. 11 Pjimiotsa coajica njerrapitaca njjai nadeji preso wakitsiñape nakjoite; Pjiida kjaidadalri sho macadatsa naino njaji neenipe. 12 Coajica caacoca maatsi Piipitana naco njaji apana inaiki yacaalre macacoepe lricoperri iofacawa wacodapi, Picadaa lridiaca naikjaolre siete piape, ima caacoca matsina pikjoete no-Minalri. 13 Niniotsa, fa pinaikite, njaji Pi-ovejani piwapanipe, wacaotsa Pirso matsiadalri njite pjiomi njaji walricomanai tsakja.
1 Pwapa pjimi matsia picao Pjia Iwapacada njaji Iraelnai, Pjia njewidapo njaji José poco; Pjia iofacada naicao njaji querobinai, pia wacanarrawa. 2 Piarro wanaco Pjiida nacapatsa njaji Efraín poco, Benjamín poco njite Mnasé poco; njite píno Pimanacota fa. 3 Dio, Pimatsieta tsenakja fa; Picañjata nacapa pjia catsa wainai, njite manaco caotsa fa cayo. 4 Pjia Iminalriti na-Diote njaji tsolrodaonai aimadan, ¿Coancaojli pjenaotsa yami kerroaca Pjkia nakjoete njaji Pinaikite aimadan, ima corrica pjimi narso natatja cádanaco Piinai? 5 Oopi Picada coyolreca nacaolre pekirridalri caidalritsa. 6 Opi Picadaa nainoacacawa waikjaote njaji wacodapi-perri, njite necaaca waicao njaji wacoema. 7 Pjia na-Diote njaji tsolridaonai aimadan, Pimatsieta tsenakja fa; Picañjata nacapa pjia catsa wainai, njite manaco caotsa fa cayo. 8 Pjita Egipto lrikjoite cayoji apana ova inana capisho fa; Pipeeco njepaite ioya njaji inaiki njite Picadaa waofácarro niiní 9 Pimatsieta matsia jliaji jiipai lripia jliaji ova inaná; lripakri itaoñawa niini lripakjamitaca jliaji jalredaoca. 10 Oopi lrita njaji jiipana jérri ioya njite lriita tsakja njaji cedrona Dio iyape náki sho. 11 Lrikipe itaoñawa jalripa niini naocacawa macapawan ikjaolre njite njaji lritorro naocawa Ooni macapeki Eufrate nacojle. 12 ¿Coada pipeco nawai njaji paniati nini njepaca nainaca lrioya pjiomi njaji jiyapacaperri niini? 13 Njaji apiya namatsicacana, njite njaji maficalri kerroaperri naiñjaca nainaca. 14 Piwapa pjatsa Picapa, Pjia Dio enocoma lricoda; Pioma picapa enocoma lrikjoite waikjaolre picapácarro njite piwapácarro jliaji Pipaniapji. 15 Icatsa jaicopaca jliaji piapananda, Pjia no-Diote, lritorro Picadanda itaoñawa. 16 Opi nayaoni njite njamjaitani tsakja; Opi nañawa Pjirrapiteta capoana. 17 Picadaa jlidawa jliaji Atsia Piniwananda, jliaji Atsia Yenipe Picadalri kjaidacani Pirsowawa. 18 Niini corriotsa fenacarroca Pioya; ferretaca tsenakjaotsawa, njite wawanacaotsa Pikjaolre Piipitana nacó. 19 Pjia Iminalriti na-Diote njaji tsolrodaonai aimadan, Pimatsieta tsenakja fa; Picañjata nacapa pjia catsa wainai, njite manaco caotsa fa cayo.
1 Icanta kjema Dio irso, jliaji ikjaidatacada fa; icaite lriipitana naco kjaida itimati ricóJacob i-Diote irso. 2 Icanta apapeco canción njite ikjemata pandero, jaicoita lira-dalri iipitana joiwi-dalri pjemica arpa iinai. 3 Ipjia watsa chivo itsiwam walripi cádanaco kérri, njite macaite cádanaco tsakjan, wacatimataacá carroa inita cádanaco. 4 Icatsaapada yácoti Irael irso lrinaitjaoda, Lrinanda nanaitjaca jliaji Jacob i-Diote. 5 Lricadaa piani José irso coajícarro lrinaitjaca Lria caojli nakjoete njaji Egipto lricoperri, nomicarrom pia apapeco iacoam corridalritsa noaji coca iyadacani. 6 Njota nadeecalre jamiñaperri nteda nakjoite; nowataca nacaapi lrikjoite njaji tseto nadecarroda jamiñaperri. 7 Piwana pia pjirrapita cádanaco, njite nokitsindata pjia; caaco njoa irso iyadaoca cadaocádalri njite. Nowi pia pjia ooni Meribá lrico. 8 Jimi Norso, sha Nonaikite aimadan, Ima Nocaitecaotsa sha coajica, Irael, ¡jimi cada Norso matsia! 9 Corriotsa irsó carroca iinai na-diote njaji apana inaiki; corrin itaita iaca matsiadalri na-diote irso njaji apanatsa inaiki. 10 Icatsa Iminalri Dio-ca Njoa, jliaji jitalri sha Egipto lrikjoite. Imjeco inoma macaite Nopakjantácarro irso iñjaodati sho. 11 Mitsa njaji Nonaikite aimadan corrin njemi piaca njaji nocaiterri narso; corrin Irael shepa Njoa. 12 Niini nocadaa tarrá-carro nawaopiakje ricó nanaitá carroena njaji nawadalri matsiaca cayoji nanaitja capisho. 13 Matsiatsantja njemica Norso njaji Nonaikite aimadan, nanaitja cantja cayoji Noaco icaite capisho njaji Nonaikite aimadan. 14 Nininantja kjeya Noapirsetaca njaji nacoema naoya njite Njoamantja njaji jirrapitetacapena. 15 ¡Ninintja pjiomi njaji corri perritsa ioma Dio nadia njapodamrsewa nafio capoa Lriiwana! Caidalriwetsantja Jliametacana. 16 Noantja Irael naiñjao iñjaodati matsiadalri sho; Noantja irso aima mapaa jiipada lrikjoitepe.''
1 Dio yemawa napecolrico njaji iwacacacapewa matsiaperri; njite Lricaite naacona njaji dionai, coajicaotsa Lrinaitjacana. 2 ¿Coancaojli pjenaotsa icaite matsia naacona njaji inaiki? ima pemenirri catsa icaiteca matsia naacona njaji inaithacape maatsi. 3 Idanata matsiperrio ioya njaji maoñjerrinaipe, njaji kjenaperri tsakja, icacoadata tsakja njaji inonaperri icaolre njite njaji namenataji. 4 Iyomjeta njaji kjenaperritsa njite njaji canacaiperritsa irso pjiomi; jitana nacapi lrikjoite njaji inaiki matsiperri. 5 Majicaperrimcana, corritsa coca naají; najicawa macadatsa cadaocawerrico; lripokjo kenawa pjiomi jiipai iofacawa naco. 6 Ima noaco cayoji: ''dionaica sha, njite Yenonrsedalri pja pjiomi ioya yenipeca sha. 7 Mitsa, mayamicaotsa sha cayoji mayami capisho njaji atsianai njite mayami capisho apada nanakjoite njaji talricanati yenipe caconadalri.'' 8 Pjinicoenawa Dio, Picaitpe-carro naacona njaji jalredaoca lricoperri, ima Pirsoca piyarrope nainai njaji inaiki jalredaoca lricoperri.
1 Dio, ¡Coada macotsa Pjia! Mjenetatsa fa Pioyawa wadentja corrica Pikitsindata fa, Dio. 2 Picapa coajica nemaca Pikjoete njaji picoema, njite njaji matsiperri icapaca Pjia njamaca Pjia. 3 Nanaitja nawaopiakjeo matsidalritsa Pinaikite aimadan ikjoete njite nawacacawa nacaitepécarro coajicaotsa nanaitja narso matsi njaji Piniwananipe. 4 Naaco cayoji: ''Warsa wawacacawa pjiomi cayoji apacoa capishotsa jiipai pjiomi fa wawayaketácarro Irael. Niniotsa corri natsaotsa coca iwaopia watsa Irael naco.'' 5 Nawacacawa pjiomi nawaopia-carro coaji caotsa nanaitjaca; nadia njepacawa pjiomi Pikjaote. 6 Nainai tsakja njaji iofacapewa nanaitape lrico Edom lrico njite njaji Ismaelnai, padenirri njaji Edom lricoperri njite njaji agarenonai, pacoacaperri iwaopiakje 7 Gebal iapiya. Amón, Amalec; nainai tsakja njaji filisteonai njite Tiro lricoperri padenirri. 8 Asiria tsakja nainai; nakitsindataca njaji Lot inakjoiteperri. 9 Pinaitja narso cayoji Pinaitja capisho Madian irso, Sisara irso, njite Jabin irso tsakja Ooni Cisón lrico. 10 Nawayacawa Endor lrico njite cayo napadamacawa maficalri ipeconda sho imatsietacaope jiipai. 11 Pinaitja natalricanaa irso cayoji Pinaitja capisho narso njaji Oreb njite Zeeb irso, njite pjiomi nenipe caconaperri irso Pinaitja caísho Pinaitja capisho Zeba njite Zalmuna irso. 12 Naaco pia cayoji: ''Warsa fepa warsowao Dio iwapacawa lrípirra.'' 13 No-Diote, pinaitjana cayoji caolri kjaidadalri ipeeco capisho teeco jiipai italre njite malritsi metaperrimi, 14 cayoji tiyé imjaita capisho awacada, cayoji tiyé jiyapa capisho jiipana naco. 15 Pimenaca naikjaolre caolri kjaidadalri pinakjoitedalri, njite Picadaa picaorini imatsiketana. 16 Pipakjantana ipaimanti sho pacapanda necoa naco njite Picadaa naomaca Pjia pikitsindatácarrona, Dio. 17 Pipaimanietana njite Picadaa nafio carroketsawa caidalriwetsa, Picadaa mayamicana ipaimanti ricó. 18 Nininaotsa nají watsa icamicatsa Pjia, Iminalriti, jliaji Yenonrsedalri pja pjiomi ioya jalredaoca lrico.
1 Matsia cawa lricoca jliaji Piofacawa, Pjia Iminalriti narso njaji tsolrodaonai aimadan. 2 Ajádalri nooma nofacawa Dio iyacalrecoa lrico, mapjikena nocaolre lriomacawa lriofacawa niini. Nowana Dio ikjaolre padenirri nodada sho noma capoa jliaji Dio cafidalri. 3 Jliaji wirricarro lrioketaca lriipanao njite rsoaji palrina roketaca ronaitja cawa roarropocowa rsotawa lrico roenipewa Pi-altarni poco icodapi, Pjia Iminalriti narso njaji tsolrodaonai aimadan, Pjia no-Talricana njite no-Diote tsakja. 4 Catimaperrica njaji iofacapewa Piipana lrico; ima naaca matsiadalri irso caidalritsa. 5 Matsiaperrica njaji inaiki Piaji irso jidawa, njaji iomacape iacawa ajadalri sho Sión lricojle. 6 Nayoeta cádanaco jliaji Jiipai ioyawacadalri Naiyacawa lrico, njite naoketa onipaokja nairrá-carro ooni niini. Njite njaji iyao initacape jiwacawa nanaitja narso aima matsiaperri. 7 Kjaidaperri pjaca nja inaikica njaji; nacoanatsa nanakjoite njaji inaiki nemacawa Dio ipeyajle Sión lrico. 8 Pjia Iminalriti, na-Diote njaji tsolrodaonai aimadan, pjimi notatjaca piinai; Pjia Jacob i-Diote, pjimi njaji notatjalri piinai. 9 Dio, Piwapa fa matsia; Pjita picaolre Piniwananda naco. 10 Ima matsia pja norso nofacawa padaa jecoapi piyacalrecoa lrico lrioyantja nofacawa mil jalredaoca teeco lrioya. Matsia pja norso nowapaca Dio ipananoma, lrioyantja nofacawa naofacawa lrico njaji inaiki matsiperri. 11 Ima jliaji wa-Minalri icatsa jliaji icana waapowa cayoji jérri icana capisho paicao; njite Jliatsa iwapa fa matsia cayoji padanaita idanata capisho pja; Capon caotsa wapiya jliaji wa-Minalri Dio njite Lrinaitjaotsa warso matsia; Corrin lrifarro pada matsiadalri naoya njaji shepacape lriaco matsia. 12 Pjia, Natalricana njaji tsolrodaonai aimadan, matsiadalrica jliaji atsia icadaa cáda icaolre pinaco.
1 No-Minalri, Picañjatenina nacapa coajica Pikitsindataca njaji Pinaikite aimadan; Pimatsietjenina Jacob iofácarro matsia tsenakja. 2 Pjiyapetjenina pioyao namatsicana njaji Pinaikite; Pitjenina pioyao pjiomi namatsicana nanaitjada Pikjoete. 3 Corritsa kerroaca Pjia nakjoete; opina pjieneta naoya Pirroa matsinadalri. 4 Pjia, wa-Diote imanacotacada fa, Piwalridalrita fa, njite ajena matsi Picapaca warso. 5 ¿Capja caidalritsaotsa kerroaca Pjia wapiya? ¿Capja kerroa catsaotsa Pjia napiya njaji walricomanai? 6 Pinaitja matsiacalri warso pinaitja matsia tsenakja warso. Nininaotsa catimacaotsa Pikjaote njaji Pinaikite aimadan. 7 Mamacatsa fa ima cayo pia Pinaitjaca yácoti wapiya, wa-Minalri, Piyomjeta fa Pinaiwa. 8 Njomiwatsa coajicaotsa no-Minalri Dio icaiteca norso, niniotsa Lricada naofa namaodacatsa njaji Lrinaikite, njaji corripetsa imacani. Mitsa corrinatjaotsa napieta nadiacawa njapodamrsewa tsenakja naofa caojli pia najicaperrim sho. 9 Ajádalri tsomica naoya Lriyomjetácarrona ima nafioca Lriiwana; nininaotsa Lricadaa nacapa jlia catsa nainai naofacawa lrico. 10 Corriotsa Dio imacá carrocana njite Lrinaitjaotsa cayoji Lricaite capisho narso; njaji inaiki nanaitja watsa matsia cayoji Dio ioma capisho njite Lricadaotsa naofácawa imaodacakjeti ricó njaji inaiki. 11 Corriotsa wamacá carroca Dio jalredaoca lrico, njhite matsia watsa Dio icapaca warso eeno lrikjoite niniotsa Lricadaa warso shamakjeti. 12 Ajaca, wa-Minalri icadaotsa barso Lrimatsiaca, njite matsiawatsa wapania wapanaji fepaite ricó. 13 Dio imatsiaca iawatsa Lripjeya lricaitécarro Lriacona matsia Lriocaca ipjeya.
1 No-Minalri, Pjimi norso njite Pjiepa njoa, ima kjenadalritsa njoa jirrapitacadatsa. 2 Piwapa njoa Pinaiwa, ima corrin nomacaca Pjia, no-Diote; Piyomjeta jliaji Pirsodalri icadacada icaolre Pinaco. 3 Kjenatsa Picapaca njoa, no-Minalri; ima nowanaca Pikjaolre caidalritsa jalredaoca icoam. 4 Picatimata jliaji Pirsodalri, ima Piinaica notatja no-Minalri. 5 Matsiadalrica, Pjia,wa-Minalri, njite Piwapaketsa Pjiyapetácarro waoya wamatsicana, njite Pjicañjata coajica kjena Picapáca narso njaji iwanacaperri Pikjaolre. 6 No-Minalri, Pjimi notatjaca Piinai; pjimi coajica caacoca njoa notatja cádanaco Piinai. 7 Nofá cádanaco aima jirrapitinaperri ricó nowana Pikjaolre, njite Pjiepa manba njoa. 8 Corrin pacapa apada dio pacoacadalrimtja Picayosho, no-Minalri. Corrin coca ideji cayoji Pideji capisho. 9 Pjiomi njaji inaiki aimadan Pinaitjanipe jalredaoca lrico nanoatsa Pikjaolre natodácarro naorsipada Pirso, no-Minalri. Nacaite watsa matsia Piipitana naco. 10 0Dio kjaidadalrica Pjia njite Pinaitja aima matsiaperri; icamitsa Dioca Pjia. 11 Picananta njoa no-Minalri, nonaitjácarro cayoji Pioma capisho. Picananta njoa Piaco ajádalri naco niniotsa njoepaotsa Piaco matsia. Picada npfiocawa Piiwana. 12 No_minalri Dio, noawatsa Pirso matsiadalri nocaolre sho; njite nocaite watsa Piipitana matsiadalri naco caidalritsa. 13 Corrin Pimacaca njoa, ima Pinaitjaca cayoji Piaco icaite capishotsa; ima Piyomjetaca njoa mayamicalri ioya. 14 Dio, njaji padalreperrimi njenicoca nokjoete. Aima inaiki matsiperri najica naoma nainócarro njoa. Corrin coadaca Pjia narso. 15 Mitsa Pjia, no-Minalri Dio, kjenadalritsa icapaca pja njite Pinaitja matsia parso, corridalritsa kerroa kjeya, njite pakjamica Picaolre ricó kjena cawa picapaca fa, Pjia, corridalritsa imatada. 16 Pidia noikjaolre njite kjena Picapaca norso; Pikjaidata jliaji Pirsodalri; Piyomjeta jliaji Pirsodarro yénipe. 17 Picañjata nocapa noajícarro Pikitsindatacatsa njoa. Njite nacapaotsa Pjia catsa noinai pjiomi njaji matsiperri icapaca norso njitenaotsa capaiman caotsa naicao Pikitsindata capoa njoa njite Picatimata capoa njoa tsakja.
1 Lrinaco jliaji jiipana jlienitanda Lrirsowawa icatsa lriofacawa jliaji yacaalre Lrinaitjanda; 2 wa-Minalri ipeyo pja njaji Sión ipananoma naoya njaji pantita naofacawa lrico njaji Jacob yénipe. 3 Matsiaperri minitsa nacaitepe inaco sha iofacape Jerosaén lrico, jliaji Dio iyacalre. 4 Nowadaca rsoaji Rahab njite Babilonia lricoperri, njaji iomacape njoa. Nowada tsakja njaji Filistea lricoperri, Tiro lricoperri njite Etiopia lricoperri tsakja, Noaco nanaco cayoji: ''Icatsa njaji imotolri icapa jalredaoca Sión lrico.'' 5 Njite nacaite watsa Sión naco cayoji: ''Icatsa njaji jicoperri Jerosalén lrico; Dio tsa icadaa jicócarro niinina.'' 6 Lri-ricoda jliaji paperra nepitana irrocawa pjiomi njaji inaiki jalredaoca lricoperrri Dio idana neepitana nini cayoji, ''Jliaji imoto icapa jalredaoca Sión lrico.'' 7 Nini pjiomi njaji icantacape njite njaji iwatsiajicapewa nacaite pacoaca cayoji: ''Jerosalén lrico wají Dio naco.''
1 Pjia, no-Minalri DIo iyomjetacaita njoa, deepi ricó njite jalrewe-ricó nowana mana pikjaolre. 2 Pjimi notatjaca Piinai; Piwapa Pjimi coajica noiyaca. 3 Ima aima jirrapitinaperri iocaca noikjaolre njite wadepena mayamica njoa. 4 Njaji inaiki nacapa norso cayoji wadepe capishoenatsa mayamica njoa; mjaida capoena njoa. 5 Namaca njoa nainai njaji mayamperrimina; cayoca njoaji inaitjaaca cádatsawa mayandalrim sho, jliaji corridalrinatsa coadaca Picañjata Pjida inaco. 6 Cayoji Picadaa capisho njoa irrirri tjewacadalri, cadaocádalri ricó. 7 Jamiña noaji Pirroa jiwacawa nonaco, njite kjaida lriñajica njoa cayoji oniñokja kjaidadalri idiaji capisho iino pja. 8 Pikjaote, corrinatsa naoma njoa njaj nokitsiñapeji pia. Opi namaca njoa pjiomi. Cayo noajiacacawa corrarra lrico capisho njoa, corrin noají coajica nomotocawa lrioya. 9 Caiwinatsa noaji notji ricó noaiya carrojinatsa; Caiodalritsa notatjaca Piinai, no-Minalri; njorreta nocapi pikjaolre. 10 Njite corritsa cocá carroca Pinaitja manaitja canádalri mayanperrim naco. Njite njaji Mayanperrimina, ¿capjaotsa nacafia watsa nácarro matsiadalri Pirso? 11 ¿Capjaotsa nacaitepeotsa coajica Pipeyoca fa njaji mayanperrimi irrirri lricoperri? o ¿Nacaitepeotsa naofacawa lrico njaji mayanperrimi coajica matsiadalrica pjia? 12 ¿Capjaotsa nají nanaco njaji Pidejicalre matsiaperri cadaocáwerrico, o nají watsa coajica Pinaitjaca matsia njaji iofacape corricawenaatsa coca nají? 13 Mitsa nowana Pikjaolre, no-Minalri; piyompinaco mana notatja cádanaco piinai, notatjaji iocawa pikjaolre. 14 No-Minalri, ¿coada Pimenata njoa? ¿Coada corrin Pioma picapaca njoa? 15 Mjaida piacatsa njoa no yempetica nakjoite toa, wadepe mayamica njoa. Aimena Picadaca njorrapitaca; corrinatsa noaji coajica. 16 Pjiyapeta nonaco Pirroa, njitde njaji pinaitjaji Pirroa sho nonaco opina nawayaketa njoa matsiape. 17 Nadanata njoa jalredaoca icoam caidalritsa cayoji ooni idanata capisho pja; corrarra lrico capisho nofacawa naikjaote. 18 Pjienita nooya pjiomi njaji nokitsiñapeji njite njaji noajialrinai. Icamitsa cadaocadalri iofá noinai nokitsindawa.
1 Caidalritsaotsa nocantaca Pirso ima Pinaitjaca norso cayoji Piaco icaite capisho warso. Nocaiteotsa coaji ajádalrica Pjia narso njaji walricomanai. 2 Ima nocaiteca cayoji: ''Corrin Pitecojletaca Piaco waoya, njite corrinatsa yami carroca Pjia lrioya, cayoji corri capisho Pitecojletaca eeno iofacawa ioya.'' 3 Nonaitja yácoti lriapiya jliaji Noniwananda, nocaite pada yácoti ajádalri norsodalri David irso. 4 Corriotsa coancaojlica nowayaketa njaji Pinakjoitéperri, njite caidalri tsaotsa apada pinakjoitédalri italricanatacaotsa pjiapodam nanakjoite njaji walricomanai.'' 5 Njaji enocoma naaca matsiadalri Pinaitjaji matsiaperri ikjaote, no-Minalri, naa matsiadalri Pirso njaji iwacaacacape shenacapewa namatsicana ioya corri capoia Pitecojleta Piwaopiakje piaco ioya. 6 Ima ¿Capja niinica apada enolricojle Dio icayoshodalri? ¿Capja Dio shoca neenipe njaji icaitecape dionaica? 7 Icatsa Dio nanaitjanda irso matsia pekirritsa nawacaaca cádanaco njaji shenitaaca capewa namatsicana ioya, njite mataita canadalricani narso njaji iemacape Lricodapi. 8 Iminalriti, na-Diote njaji tsolrodaonai aimadan enolricojle perri, ¿Cocao irso jiida cayoji Picayosho, no-Minalri? Ima Pinaitjaca cayoji Picaite capisho. 9 Pjiatsa iají lrinaco jliaji ooni macapawan cafainadalri; kjaida cádanaco oniñokja, Pjiatsa iyamitana. 10 Pjiatsa ipjoa Rahab jiwida naco cayoji pada capisho inon. Picadaa napocotacawa njaji Picoema Pjida kjaidadalri sho. 11 Piyapeca njaji enocoma, njite jiipai tsakja. Pinaitja jliaji jalredaoca njite pjiomi lri-ricodaperri. 12 Pinaitja jérri iparrema atsialriema njite inarroema. Tabor njite Hermón icatimatacawa Piipitana naco. 13 Kjaidadalrica Pjia, corridalritsa coca itaita Pikjoete, njite kjaidadalri capoa Pjia pitaita pjirretaca picaapi yenonrse. 14 Jliaji Pitalricanaca corridalritsa imatadaca njite Pinaitjacawa lrico tsakja matsia. Jliaji ipeyokjeti Pinakjoitedalri njite jliaji corricapan Pimatada nacaite piacona Pipjeya. 15 Matsiaperrica njaji inaiki iacape Pirso matsiadalri, no-Minalri, nanaitja matsia pipeyajle. 16 Nacatimatacawa Piipitana naco jalredaoca icoam, njite matsia capoa Pjia njerreta Piipitana yenonrse. 17 Icatsa Pjia jidati macadalri ikjaidatacadana, njite Pikitsindata capoa fa picadaa famaca wacoema. 18 Ima Dio iyadaca jliaji idanatacada fa; njite jliaji watalricana lriyadacan jliaji Mamatsicanadalritsa Irael lricoda. 19 Opi pia caacoca Pjia narso njaji shepacaperri piaco ajádalri njetapon lrico capisho; piaco narso: ''Nocadaca apada kjaidadalri jiwida naco a papoco corona; Njorretandaca jliaji noniwananda nanakjoite njaji nonaikite aimadan. 20 Njoatsa iniwana jliaji Norsodalri David; Noarro jliwida naco no-aceiteni matsiadalri sho Noniwana cádanaconi. 21 Njoa watsa icada lriemawa Njoida sho, njite Nocadaotsa jlidawa tsakja; corriotsa apada neenipe njaji matsioerrimi inaiki jirrapitetani. 22 Corriotsa pada lricoema imañetaotsani; corriotsa matsiperri yenipe jirrapitetaotsani. 23 Nacapatsaotsa coajica nopjoaca njaji nacoema napeyajle; Noino caotsa naoyawa njaji matsiperri icapaca narso. 24 lrinai catsaotsa Noaco ajádalri njite nonaitjaotsa cayoji nocaite capisho lrirso; njite jliamacaotsa lricoema Noipitana ikjaote. 25 Nocadaotsa lricapi manoa naco njite lrinapa atsialriemadalri nanaco njaji ooni. 26 Lriwanaotsa Noikjaolre: ''Icatsa Pjia njonirri, no-Diote njite iyomjetacaita njoa.'' 27 Njite njoa Nocada tsakjaotsan cayoji Noenipe pjerriti sho, napeyonda pja nanakjoite njaji talricanatinai jalredaoca lricoperri. 28 Nonaitjaotsa lrirso cayoji Nocaite capisho nonaitja caotsa caidalriwetsa; njite corriotsa coca itaita shenitaotsa jliaji yacoti Nonaitjalri lriapiya. 29 Corriotsa nocadaa carroca lrinakjoitéperri iwayacacao njite caidalri catsaotsa natalricanatacaotsa njaji lrinakjoiteperri caidalriwetsa. 30 Corri cadetsa njepa Noaco njaji lrienipe njite namjepata cadaa noaco inacoapanaperri, 31 corri cadetsa njeepa njaji nonalri nanaitjaca, corri cada nanaitja cayoji Noaco icaite capisho narso, 32 nini pedaotsa Njorrapiteta caotsana jaico sho namjepacan njite Njorrapiteta caotsana namatsicana ima iñakjeti sho. 33 Mitsa corriotsa yamí carroca Nopeyocani caidalritsa njite nonaitja watsa njaji Nocaiterri Nonaitjaca lrirso. 34 Corriotsa Nomacoadatá carroca Noacoam lriapiyadalri, corrin tsakjaotsa notecojletá carroca njaji yacoti Nocaiterri lrirso Nonoma sho. 35 Nocaiteca papienirri njite caidalriwetsa icaona, yacoti ajádalri sho Nocaiteca Njoa mamatsicanadalritsa, corrin nocashataca David irso, 36 corriotsa nawayacá carroca njaji lrinakjoitéperri njite natalricanata caotsa caidalritsa Nopeshete cayoji corri capisho yami jérri imotocawa. 37 Corriotsa coca iyamita natalricanaca cayoji corri capisho coca iyamita kérri icanaca, njite jliaji eeno yajintsa cayoca.'' 38 Mitsa Pjia, opina pimenatani njite opina pipeconi; ima kerroaca Pjia lriapiya jliaji talricanati Piniwananda. 39 Opi yami Pinaitjaca cayoji Picaite capisho pia Pirsodalri irso. Opi Pimacoadata jliaji corona jliwida nacoda Pipeco cádanacon jiipai nacojle. 40 Opina pipeco njewao yacalre iwai. Opi Pimatsiketa jliaji yacalre taimídalri nadawaca carroda lrico. 41 Pjiomi njaji inaiki jiyapajicape niini nañaitocani. Pjiomi njaji inaiki lricodapiperri nadofiacani. 42 Corrinatsa Pikitsindatani Pjida kjaidadalri sho lricoema ikjoete; Opi Picadaa nacatimatacawa pjiomi njaji lricoema. 43 Opi pimatsica namatsetan iema njite corrinatsa Picadaa nemacawa njeponda ikjoete owi rico. 44 Corrinatsa Pjiaca nainai; opi Picadaa mjaidaca jliaji natalricanaca. 45 Kjeyenatsa Picadaa pekipenaica njaji yempetiapape toa. Opi Pipaimanietani matsiapen. 46 ¿Coancaojli pjenaotsa , no-Minalri yaminaotsa Pidawacawa waoya? ¿Coancaojli pjenaoysa yami kerraca tiye sho Pirroa wanacojle? 47 Matsiadalrica Pjia, niini piwaopia medadalri catsa jliaji nocafica, ima cayoca Pinaitjaca njaji inaiki mikjapanperritsa jalredaoca lricoperri. 48 ¿Coca itaita iofacawa njite corritsa mayamicani? o ¿Yomjecani jliwacawacatsa mayamicalrio ioya? 49 No-Minalri, Pinaitja pjiomi cayoji Piaco icaite capisho, Pinaitja capisho pia David irso oopi. 50 Piwaopia no-Minalri coajica inaiki icaaca Pirsodalri ikjoete, njite nodeji nocaolre ricó coajica nacaite matsi nonaco njaji apana inaiki. 51 Matsi cacoca njaji Picoemanaipe, no-Nominalri; njite necaaca lricao jliaji Piniwananda no-Minalri, a kjerrecawajle catsa lriajiwa. 52 Caidalriwenatsa wacaiteca matsia wa-Minalri naco. Cayoatsa, cayoatsa. Cuatro shopa paperra.
1 Pjia Iminalriti, Icatsa Pjia idanatacadaca fa caidalritsa. 2 Lripjeya toa pinaitjaca njaji jiipana, lripjeya toa pinaitjaca jiipai njite jliaji jalredaoca, miyacadalri catsa Pjia, ima Dioca Pjia. 3 Pidieta tsenakja njaji inaiki jiipai-carro tsenakjana, njite Picaite: ''Idienawa sha inaiki inakjoite-perri.'' 4 Mil onia, caotsa Picapana padaa capishotoa jalredaoca jitapawa, o padaa capishotoa deepi jiyapawa. 5 Piwayaketa njaji inaiki no-Minalri, Piticometana ooni sho; ima cayocana nacayosho njaji canapirri imotolriwa piyompinaco toa. 6 Piyompinaco neewi imotoa njite nataoñawa; njite dainomajle jiwirrina, icamitsa metacana. 7 Ajádalri, oopi Pino fa pirroa lrico, njite aima wafiocawa wacapa capoa pirroa. 8 Pideeca Picada njaji wamatsicana Pipeyajle, Picapa pjiomi njaji wamatsicana, njite Picapa tsakja pjiomi njaji wamatsicana wanaitjaji dawacalri ricó. 9 Fenana iocawa jlinana lrico Picadanda warso Pírroa lrico. Njite kjeyatsa pekirrica fa cayotsaji pjerra capisho pacaolrewa. 10 Icamitsa mayamica fa setenta walria, ochenda cada matsia cadatsa wadada lrico; caicayatsa aima warsoca jirrapitinaperri njite inonacalri pekirri cayamitsa fa. Ajaca, kjeyatsa waofacawa jalredaoca lrico, njite icamitsa mayamica fa. 11 Corrin coca ianjí coshoca lrimacadalrica jliaji Pírroa. Cayoshopa corrin coca ifio Piwana nanaitja cádanaco namatsicanao. 12 Cayoshopa, Pikitsindata fa wajícarro coshoda catsa lriwiaca jliaji wacafica wataitácarro waofacawa cayekja tsa jalredaoca lrico. 13 Picapa waikjaolre tsenakja, wa-Minalri. ¿Coancaojli pjenaotsa yami kerroaca Picapaca norso? Kjena Picapa narso njaji Pirsoperri. 14 Picadaa matsia wajiacacawa piyompinaco icoam corri capoa Pimaodacaca lrioya jliaji yácoti Pinaitjalri wapiya, wataitá carroatsa wacatimatacawa njite catimacarro waofacawa cafi cádanaco toa fa. 15 Coshoda piaca lriwiaca Pjirrapitetaca fa cayo tsakja lriwiaca Picadaa catimaca fa. 16 Picada Pirsoperri icapaca njaji Pinaitjaji, njite Picadaa wenipe icapaca Pitalricanaca. 17 Waoma matsiaca Picapaca warso, Pjia wa-Minalri Dio; Picada capedaca matsia wadejicalre; Picadaa matsiaca pjiomi wadejicalre.
1 Jliaji iofacadawa Dio iwapacawa lrico, lriofáca niini caidalritsa Jidati Iminalri iwapácarroni. 2 Nocaiteotsa no-Minalri irso cayoji: ''Icatsa Pjia, iwapacadaca njoa njite iacada njoidawa tsakja, no-Dioteca Pjia, nocadalri nocaolreo inaco.'' 3 Ima Lriyomjetacaotsa pjia iwinitacada iowepi ioya njite naoya njaji maficalri imjoacape capoaperri itaitacape inoca pja. 4 Lriwapaotsa pjia njite lriyomjetacaotsa pjia matsirri ioya. Picadaa picaolre lrinaco Lritaitá carroatsa Lriwapaca pjia. 5 Corriotsa pifió carroca cadaocadalri ifaina ikjoete, corrin tsakja nakjoete njaji iyawitacape jalrewe-ricó, 6 corrin tsakja nakjoete njaji yococape yajicape deepi-rico, corrin tsakja iyamikjeti ikjoete yajicape jalrewe-ricó. 7 Mil matsiperri jiwantja picodapitsa njite die mil jiwantja piyekema nacojle, mitsa corrin pada nanakjoite jiwa pinaco. 8 Icamitsa picapaca mananitsa coajica njerrapitaca njaji inaiki matsiperri. 9 Ima no-Minalri catsa jliaji iwapalri njoa. Ioma tsakja irsowao Dio Jlia-carro iwapa sha. 10 Corriotsa pada matsirri jipaotsa pjia; corriotsa pada jirrapitakjeti inotaotsa piipana. 11 Ima lrimenaca watsa pikjaolre njaji Lri-angele nawapácarro pjia, nja carroatsa iwapa pjia nanaco njaji pinaitjalri jaredaoca icoam. 12 Napiajletaotsa nacaapi pikjaolre pipjoácarro nanaco wadee pitodaca pjipa jiipada naco. 13 Pipjoa caotsa mayami yawi njite api tsakja pjipa sho; piemajicaotsa yawi kjaidaperri naco njite api naco tsakja. 14 Lripeyo capoa njoa, Noyomjetaotsani. Corri capoa lrimaca Njoa Nowapaotsani. 15 Lriwana cádanaco Njoa, Njoepaotsani. Njoa tsaotsa lrinai lrirso cádanaco aima matsirri; Nocadaotsa jliametácarro njaji matsirri njite Nonaitja watsa lrirso matsia. 16 Njite matsiá carroni Nocadaotsa lriofácarro viá jalredaoca lrico njite Nocadaotsa lriají Njoaca jliaji iyomjetani.
1 Matsiaca paaca matsiadalri wa-Minalri irso njite pacantaca pacaitécarro matsia Lriipitana naco, Pjia Yenonrsedalri pja pjiomi ioya, 2 pacaite narso njaji inaiki piyompinaco toa wadee yamicana Lriaco ioya, njite deepi rico pacaite ajádalrica Pjia, 3 pakjemata cádanaco arpa die dalri iñada njite lrikitsindawa paita jaicoita lira dalri iipitana. 4 Picatimata njoa aimatsa, no-Minalri, nocapa cádanaco njaji Pinaitjaji. Nocantaca catima capoa njoa naikjaote njaji nocapalri Pinaitjaji Picapi sho. 5 Pinaitjaca njaji macadalripe, no-Minalri. Corri panji a kjerreca lriwayacao jliaji Piwaopiakje. 6 Corritsa coca lriaji jliaji inaiki majicadalrim, njite jliaji matsilridalrim corrin lriaji nanaco njaji: 7 Lritaoñaca jliaji inaiki matsidalritsa iwaopiakje cayoji malritsi itaoña capisho, njite matsia cádanaco nacawa nadejicalre naco njaji inaiki inaitjacape matsi apjetsida irso, cayo cadana, corrin yomjecana lrioya jliaji njerrapitalriotsa piketemwa namatsicana ima njaji inaiki. 8 Mitsa Pjia, no-Minalri, pitalricanatacaotsa caidalriwetsa. 9 Ajádalri nocaite, Picapa narso njaji Pjipondape, no-Minalri. Picapa narso njaji Pjipondape. Nañacaotsawa. Napocotacaotsawa pjiomi njaji inaitjacape namatsicanao. 10 Pjiatsa ikjaidata njoa cayoji kjaida capisho buey awacada lricoda; Piarroca nonaco aceite walriajai sho. 11 Nocapjenina notji sho coaji njewacawa njaji nocoema; njominima njonacolrico sho coajica Picaiteca naacona njaji nocoema matsiperri iwaopiakje. 12 Corriotsa mayami carroca kjeya njaji inaitjacape matsia; nataoña caotsa matsia cayoji nataoña capisho njaji jaico cedrona Líbano lrico. 13 Naofacawa Dio ipana lrico; njite nataoña cawa cayoji nataoña capisho njaji jaico napanaji Dio iyacalre coa lrico. 14 Pekipenai cádanacoenana corrin yami cainacacana; matsiacatsana corrin mjaidacana, 15 nacaitécarro wa-Minalri naco matsiadalri cani. Icatsa jliaji iwapacadaca njoa, njite corrin Lrimatadaca nanaco njaji Lrinaitjalri.
1 Jliaji Iminalriti icatsa jliaji italricanatalrica; Jliaji Iminalriti jlietacacawa talricanati itayan sho. Jlietakjeninao jliaji Iminalriti njite lriwapaketsa Lricañjatácarro jliida. Picada lriofa carroda jliaji jalredaoca taimidalri naco, corrin coca itaita icananitani. 2 Talricanatica Pjia miyaca lrikjoitetsa; miyacadalrica Pjia. 3 Njerracawa njaji ooni macapawan lricoperri, noMinalri; kjemaca naofacawa; njaji oniñokja macapawan lricoperri naocacajicawa niini kjemacana cafaina sho. 4 Mitsa, Pjia no-Minalri, naicaodalri pjaca pjia naoya njaji oniñokja aimadalri, kjaidadalri pjaca Pjia naoya. 5 Njaji Picaierri no-Minalri corrin namatadaca; njite Pimatsiaca melremelredalri icatsa njaji piipana imatsiacacana caidalriwetsa, no-Minalri.
1 Wa-Minalri Dio, icatsa jliaji iomacada wacoadawa, Dio ioma wacoadawa, Picada nacapa Pjiaca wainai. 2 Pjinicoenawa, Picaitena naacona njaji inaiki jalredaoca lricoperri, picadena njerrapitaca njaji inaiki padalreperrimi nanaitjanda ikjaote. 3 Aimena jalredaoca piwapaca no-Minalri, aimena jalredaoca Piwapaca yomjecarro njaji inaiki matsiperri. 4 Namotoita aima yacoti shametakjeti naco, matsia sho najiacacawa nasho njaji matsirri nanaitjalri. 5 Opi napirseta njaji Pinaikite, Iminalriti; opi njerrapiteta njaji inaiki iofacape Pjipaite lricoperri. 6 Naino njaji madoiyoanaipe njite njaji pada jiipai nakjoiteperri iofacape Pjipaite lrico, njite naino tskja njaji maoñjerrinai. 7 Ima naco cayoji: ''Corriotsa Iminalriti icapá carrocana, corriotsa Jacob i-Diote yajícarro coajica njeyapacao.'' 8 Yanji watsa coajica, sha inaiki macadawanaitsa. ¿Inaiki matsilriperrimi, coancaojli pjenaotsa yanji jalredaoca? 9 Dio inaitja jinacolricowa jimicarro njite Lrinaitja tsakja itjí icapácarro; niini ajena inaitjaca cayoji corri capisho jimi njite corri capisho icapa tsakja. 10 Niini watsa pjiomi njaji corriperri ioma yajica, nawada corricaotsa Dio jirrapitetacaotsana. 11 Dio yajintsa nawaopiakje lricoperri njaji atsianai; corri petsa coadacana ima caolri catsana. 12 Matsiadalrica jliaji Picanantalri , no-Minalri, jliaji Picanantalri Piaco naco. 13 Jirrapitakjeti ino cádanaco lrikjaolre corriotsa jlirrapitá carroca a kjerreca Pino njaji inaiki matsiperritsa. 14 Ima corriotsa Dio imacá carroca njaji Lrinaikite, njaji Lriyarrope. 15 Ima njaji caconaperri icaitecape naacona njaji inaiki nadejiwatsa matsia; Njite nawatsa jliapodam pjiomi njaji matsiaperri icaolre ricó. 16 ¿Cocaotsa jinicoa idanacaoda njoa naoya njaji inaiki matsiperri? ¿Cocaotsa jinicoa matsiperri ikjoete noikjaote? 17 Corri cada pia Dio ikitsindata njoa opi pienantja mayamki njoa. 18 Nocaite cádanaco, ''nopjoaca keti cawa niini wapekena njowacawa,'' no-Minalri, macadatsa njowawa, ikena Pinaitjaca norso cayoji Picaite capisho, corrin Picadaa njowacawa. 19 Njota cádanaco nocaolre aima ikjaote, ikena Pimaiyaketaca njoa njite Picadaa catima nofacawa. 20 Corrin nataita Pikitsindajica njaji talricanatinai inaitjacape yacoti kjaidaperri matsiperritsa. 21 Nawacacawa papocoa dawacalri ricotsa nanaitjácarro nawaopiakje coajícarro naino jliaji inaitjacada matsia naoya, njite nacaite lriacona matsitsa jliaji mamatsicanadalritsa nainó carrotsani. 22 Mitsa no-Minalri iwapa njoa naoya njaji nocoema, njite no-Diote iwapa njoa Jliida sho caishopa yomjeca njoa. 23 Lricadaotsa namatsicanatsa jiwacawa nanacotsa, njite nanaitja capoa matsi namatsicana tsaotsa inona. Wa-Minalri Dio tsaotsa inona.
1 Warsena wacanta wa-Minalri irso; wacanta caotsa catima lrirso jliaji Iyomjetacaita fa jliaji Jiipada shodalri warso. 2 Warsa fewa lrikjaolre wacaitécarro nanaco njaji matsiaperri Lrinaitjalri warso; wacantaotsa Lrirso salmo sho wacarro Lrirso matsiadalri. 3 Ima Dio macadalrica jliaji wa-Minalri njite Talricanatai kjaidadalri cani naoya njaji idolonai. 4 Jliaji jiipai macadalri jlipacani lricaapi ricó; njite Lriyapeca njaji jiipana yenomperri. 5 Jliaji manoa, lriyapecana, ima Lrinaitjajicana, njite lricapi sho lrinaitja jliaji jiipai metádalri. 6 Warsena wawa, warsa wawa wácarro Lrirso matsiadalri njite wacoajácarro Lripeshete; warsa watoda waorsipada jiipai nacojle wa-Minalri ipeyajle, jliaji inaitjacaita fa. 7 Imai wa-Diotecani, njite Lrinaikiteca fa Lrianipe irso iñjao njite lri-ovejanca fa Lriwapanipe matsia. Matsiadalri-cai, jliada jecoapica jliaji itaitaotsa jimica Lriacoam Lrinoma lrikjoitedalri. 8 Matarratatsa icaolre, cayoji natarrata capisho pia nacaolre Meribá lrico, o Masáh jiawajli pia jalrapocolri ricó, 9 Icapiatsa nawica nacapao Njoa njaji jinirrinaipemi najícarro coandalrica Njoa, nacapa cadanatsa njaji Nonaitjaji nacapa. 10 Cuarenta walria icoa kerroaca Njoa nakjoete njaji inaiki jliawajliperri pia njite Noaco cayoji: Nja inaikica njaji nanaitja cayoji nacaolre icaite capisho narso; corritoa nanji njaji Nomalri nanaitjaca'' 11 Cayoshopa, Nocaiteca yacoti ajádalri sho kerroa capjite Njoa, corriotsa njewá carroca Nocada cawa nawafetawa.''
1 Icanta wa-Minalri irso apapeco canción walridalri; icanta wa-Minalri irso pjiomi sha jalredaoca lricoperri. 2 Icanta wa-Minalri irso, icaite matsia Lriipitana naco, icaite coajica Lrimanacotaca fa jalredaoca icoam. 3 Icaite coandalrica Lrimatsiaca narso njaji apana inaiki, icaite narso nanaco njaji matsiaperri Lrinaitjaji. 4 Ima macadalrica Jliaji wa-Minalri niini warsowaaca Lrirso matsiadalri pekirritsa. Narsotsa nafioca Lriwana njaji idoilonai. 5 Ima idolo catsa na-diote njaji jalredaoca lricoperri, mitsa Jliaji Iminalriti icatsa jliaji inaitjacada njaji enocoma. 6 Pjiomi yanji Lrimatsiaca melremelredalri naco njite Lritalricanaca naco tsakja. Jliida njite Lrimatsiaca iofacawa Lriipana lrico, Lriyarro tawajle lrico. 7 Iaca matsiadalri wa-Minalri irso, pjiomi sha Irael poco, iaca matsiadalri waMinalri irso Lrimatsiaca melremelredalri ikjaote njite Jlida ikjaote tsakja. 8 Ia matsiadalri wa-Minalri irso matsiadalri capoa, melremelredalrica Lriipitana. Idee Lrirso i-ofrendani njite idecana Lriipana iyacalrecoa lrico, nainocawa maficalri Lrirso. 9 Icoajawa wa-Minalri ikjaolre, njite sheta itsayan matsiadalri ima mamatsicanadalrica jliaji ialri ikjaolre iacarro irso matsiadalri lriofacawa lrico. Ifiocawa Lripeyajle pjiomi sha jalredaoca lricoperri. 10 Icaite lrinaco sha jalredaoca lricoperri: ''Iminalriti Jliaji italricanatalri.'' Jliatsa icadaa lriofacarrodawa jliaji jalredaoca, corritsa coca itaita icananitacani. Lricaite naacona njaji jalredaoca lricoperri matsiatsa. 11 Icatimatacawa sha enocoma, njite cayo tsakja jliaji jiipai; kjemaotsa jliaji ooni macapawan njite njaji iofacape lri-ricoda nawanacaotsa catima capoana. 12 Catima caotsa jliaji awacada njite pjiomi lritada. Njite nawanacaotsa kjaida pjiomi njaji jaico awacada lricoperri catima capoana 13 Dio ipeyajle, ima Lrino caotsa. Lrino caotsa Lricaitécarro naacona njaji jalredaoca lricoperri. Lricaitecaotsa naacona njaji inaiki matsia, cayotsaji nanaitja capisho tsa, ima nacaite caotsa naacona njaji aimadan corri capoatsa Lrimaca piana.
1 Iminalriti catsa jliaji italricanata wanaco; catimaca jliaji jiipai; catima tsakja njaji Manoa inomapi. 2 Corrin wataita wacapacani ima iyadaoca njite cadaocadalri idanata waoya. Lritalricanataca matsia njite corrin Lrimatadaca. 3 Tiyé iawa Lripeyajle njite Lrimjaitaca pjiomi njaji Lricoema lriacawa lrico. 4 Eeno iperro capisho njaji imotolri Lrioshete lricanacarro jalredaoca lrico; niini cananica jliaji jiipai lricapa cádanacon. 5 Njaji jiipana yenomperri nacodocawa mapadoña sho nacapa cádanaco Jliaji Iminalriti, jliaji jalredaoca iminalri. 6 Njaji enocoma nacaite Lrimatsiaca naco, njite pjiomi njaji jalredaoca lricoperri nacapa Lrimatsiaca melremelredalri. 7 Capaimani caotsa naicao pjiomi njaji iacape matsiadalri narsotsa njaji idolo nanaitjajitsa, njaji matsiaperri sho iajiacacawa naikjaote njaji idolonai miperritsa. Icoajawa Lrikjaolre pjiomi sha idolonaitsa, pjiomi sha dionai. 8 Catimaca Sión jlimi cádanaco cayo, catima tsakja njaji Judá lricoperri naikjaote njaji yacoti Picaiterri, no-Minalri. 9 Ima pjia wa-Minalri, icatsa Pjia Yenonrsedalri pja pjiomi ioya jalredaoca lrico. Icatsa Pjia njerretanda naaco sho yenonrse pja naoya njaji nacaiterri dioca. 10 Sha ipeyocape wa-Minalri, matsi icapaca imatsicanati irso. Jliatsa iwapa njaji jlienitaji Lrirsowawa, corrin Lricadaa matsiperri inaitjaca narso maatsi. 11 Inaiki matsiaperri irsoca jliaji camartrai njite jliaji itimati narsowalre njaji inaiki corripetsa ipeyo ishati. 12 Sha inaitjacape matsia, icatimatacawa wa-Minalri naco; ia matsiadalri Lrirso jliaji mamatsicanadalritsa.
1 Icanta wa-Minalri irso apapeco canción walridalri, ima Lrinaitjaca aima matsiaperri; Jlida kjaidadalri ikjaote jliamana, Lrinaapa mamatsicanadalritsa. 2 Wa-Minalri icatjinata narso coaji Lriyomjetaca; Lricadaa nacapa pjiomi njaji jalredaoca lricoperri Lrinaitjaca matsia. 3 Lriwaopia coaji piaca kjenaca Lricapaca Irael irso njite nanaco njaji yacoti Lricaiterri piaca lrinaitjaca narso; Pjiiomi jalredaoca lrico nacapaotsa coajicaotsa waMinalri shamacaotsana. 4 Iwana kjaida wa-Minalri irso catima capoa sha jalredaoca lricoperri, icanta apapeco canción, icanta catima, njite icanta iacarro Lrirso matsiadalri. 5 Icanta matsiadalri naco wa-Minalri irso arpa sho, icanta arpa ikjoete matsiacarro pjemica njaji icantalri. 6 Icanta catima wa-Talricana irso, jliaji wa-Minalri; ipjia trompeta njite ipjia tsakjaotsa itsowati matsiacarro pjemica. 7 Ooni macapawan iwanacaotsa kjaida njite pjiomi lriitada tsakja, jalredaoca njite pjiomi njaji lri-ricodaperri, iwana tsakja. 8 Picadaa nañaca nacapi njaji ooni, njite nawanacaotsa njaji jiipana lrima catima capoana. 9 Lrinocaotsa jliaji Iminalriti Lricaitécarro naacona njaji jalredaoca lricoperri; Lricaitecaotsa naacona njaji jalredaoca lricoperri matsia sho njite corriotsa Lrimatadaca naapiya njaji jalredaoca lricoperri.
1 Iminalriti catsa jliaji Italricanata wanaco, njaji jalredaoca lricoperri nafiocawa Lripjeya. Lricadaa Lriofacarroda nanaco njaji querobin-nai; njite cananica jiipai. 2 Corridalritsa coca itaita lrikjoete Jliaji Iminalriti Sión lricoda; icatsa naicaodalrica pjiomi njaji jalredaoca lricoperri. 3 Picadaa naaca matsiadalri Piipitana kjaidadalri, matsiadalri irso; ima corridalritsa irsoca imatsicana. 4 Kjaidadalrica jliaji talricanati, Ipeyocadaca matsiaperri minitsa. Pjiatsa inaitja jliaji corricawatsa pamatada; Pjiatsa inaitja matsia Jacob naco. 5 Ia matsiadalri wa-Minalri Dio irso, itoda iorsipada Lripjoacawa jlipa sho. Mamatsicanadalri catsani. 6 Moise njite Aarón naofá pia nainai njaji Lri-sacerdotenaipe, njite Samuel iofawa nainai njaji iacape pia matsiadalri Lrirso. Natatja cádanaco Dio iinai, kjeya jliepacana. 7 Cacoca narsona iyadaoca lrikjoite. Corrin namjepata Lriaco matopitacanadalritsa njite nanaitja njaji Lrinalri nanaitjaca Lricadanda narso. 8 Pjiepa piana, wa-Minalri Dio. Dio jiyapetacada piaca Pioyao namatsicana nanaitjanda Pikjoete, mitsa pjirrapiteta pia tsakjana namatsicana ikjaote. 9 Iaca matsiadalri wa-Minalri Dio irso, njite iaca matsiadalri Lrirso lriofalri nirse jiipana naco Jlienitanda Lrirsowawa, ima mamatsicanadalrica Jliaji Iminalriti Dio.
1 Njaji yacoti Salomón icaiteji, David irri, Israel italricanaa. 2 Njaji lricaiteji icatsa njaji lri cananta shopa yajikjeti naco njite pajishopa coanca paofacawa matsia, njite lricanantacarro yacoti jirrapitinaperri pajica inaco, 3 wataitanji fépaca wanacoa wanaitacarro matsia, matsiadalri tsakja, njite ikitsidatacada tsakja pja. 4 Icatsa njaji lricaitenji tsakja lricadacarro yajikjeti narso njaji marsocapetoa yanjikjeti, njite lricadacarro yajikjeti nite iyeecati narso njaji yempetipe toa. 5 Jliaji yajicada jlimiotsa lricao niini lrirso pjacaotsa lriajikje; njite jliaji cayecadalri lrirso pjaotsa lriyekja jlimi capoa lriicao njaji yacoti. 6 Najiotsa njemican coanshopaca njaji inaiki jliaji yacoti lricanantashopana, njaji yacoti comparación shoperri; nacanantalri inaco njaji cajikjeperri caaco cádanacona yacoti pajishopa shoperritsa inaco. 7 Njaji iomacape isroca yanjikjeti nasrotsa nafioca Dios iwana njite njaji manjicaperri namacoadataca jliaji yanjikjeti njite jliaji nacanantalriinaco. 8 Noenipe, pjimi jliaji pjinirri icanantalri pjia inaco, njite mamacoadatatsa njaji pjidoa inaalri pjinaitaca 9 Njaji yanjikjeti nanaitja watsa aima matsiaperri pjiwida irso cayoji corona pjeetanda pjewida nacó, njite cayoji patjepi matsiaperri sho tsakja 10 Noenipe, camatsicanaperri inaa cada pinaitjaca cayoji nacayosho, mjepatsana, macadatsa nacashata pjia. 11 Nacaite cada pirso: ''pino wainai wainocarro inaiki mikjapantsa, njaji mamatsicanaperritsa 12 Wadawaotsana jiipai rico cafitsana, waorrocoetaotsana irrirri ricó-jlena naofacawa lrico njaji mayamperrimi. 13 Waoketawatsa aima nayarroanje cacoadaperri fewa cadanaco napanalrico, wapakjantaotsa waapana nayarroajipem sho wañaitoji apjetsida iooya. 14 Pioma cadaa matsica pjia pinoena wainai ima pjiomi fa fepacaotsa pacowaca njajii fetaji naoya. 15 Noenipe, maatsa nainai naapowa lrico, manaitjatsa cayoji nanaitja capisho, 16 kjeya nanaitjaca namatsicanao niini naaca naino inaiki. 17 Mikjapantsa panaitjaca pjepashoda wipiarro nacapacadanatsa. 18 Njaji inaiki nanaitja maatsi narsowao, njawacatsa inaitja narsowao naowepiwa jlipá-carrona. 19 Cayotsa nawayacacawa njaji inaiki ikemicape apana iyaarro, 20 Jliaji yaanjiketi lricada najicani pjiomi inipolrico, cacoca kjaidani yacalrecoa lrico 21 inipo inomana lrico, aimacawa inaiki kjemaperri iofacawa lriwana naicalre, njite yaacalre ipananoma natatjacawa lrico. 22 ¿Sha majicaperri coancaojli watsa yaami ipeyoca imajican, njite coancaolri watsa yaami icatimatatacawa imajican ima, njite coancaojli watsa yaami imacoadataca yanjikjeti sha mawaopiakjé-perrimi.? 23 Piwapa pjimi matsia coajica nocaiteca pjia, nocadawatsa pianji coamica pjiwaopiakje, nocada watsa pianji njaji yacoti piomalri pianjica inaco. 24 Noinai tja sha, nowanatja sha mitsa corrin jimica nosro. 25 Corrin ioma jimica coajica nocaiteca sha, noma tja nocanantaca sha mitsa imacoadata noaco. 26 Niini nocaa watsa icao jirrapjita cádanacoena, nocawatsa icao cafainadari inocadanaco ikjaolre. 27 Liocacadanaco inaco jliaji ifionda ikjoete, njite matsicalri jipa cádanacoatsa sha cayoji caolri kjaidadalri jiwacapisho panaco kjeyanadatsa. 28 Nininaotsa nawana noikjaolre, mitsa corri watsa njomica narso, naomaotsa njoa, mitsa corriotsa naoketácarroca njoa, 29 ima maatsica nacapaca lrirso jliaji yaanjiketi njite corrin nafio lriwana jliaji wa-Minalri, 30 corrin njémica jliaji nocaiterri njite namacoadataca pjiomi jliaji matsiadalri nocantashopana. 31 Niini njawacatsa icaoña nanaitjanda ikjaote, ima pakjamicana namatsicana sho. 32 Nainocaotsa njaji majicaperri namajican ima, njite nainocaotsa njaji maashilriperrin namaodaca capoatsa naofacawa nacoema ikjoete. 33 Mitsa jliaji jimicada norso lriofa watsa lrimawadacatsa noinai njite liwafetacaotsa mafiocanatsa lrioya jliaji cafainadaleri.
1 Noenipe, pjiepa jliaji nocaiterri pirso njite mamaodacatsa naoya njaji yacoti Dio inalri wanaitajaca. 2 Piwapa pjimi piicao iyecati naco njite picadacawa pirsocarro aima iwaopiakjeti. 3 Pitatja cadaa caiwi ricotsa pirsocarro kjeya yajikjeti, 4 pioma cantja jliaji yajikjeti cayoji paoma capisho palrata, o paoma capisho cacoadaperri nadawanda, 5 ikenantja yanji coajica pafiocawa Dio iwana, icatsa cayo panaitjaca parsocadaa Dio yanjikje. 6 Dioca jliaji ialri jliaji yanjikjeti, Lrinoma lrikjoite namoto njaji yajikjeti kjeyacarro pají. 7 Lricadaa iyecati nawaopiakje rico narso njaji ipeyocapeni, Jliatsa iwapa pjiomi matsiperri ioya njaji shepa caperri Lriaco ajádalri. 8 Jliatsa icadaa nadejicarro matsia njaji shepacaperri Lriaco ajádalri njite Jliatsa iwapa pjiomi jliaji nanaitjalri corri capoa namacani. 9 Nininaotja piají coajica matsiadalri naco, ajádalrica pja, paomaca pacoaca pjiomi irso, njite pjiomi njaji matsiaperri parsolritsa panaitjaca. 10 Cayo panatjaca parsocarro yajikjeti pacaolre ricó, njite catima watsa pjia pirso capoa yajikjeti. 11 Cayekjaprri cadaa sha, jliaji yanjikjeti lriwapaotsa pjiomi matsirri ioya. 12 Lriyomjeta caotsa sha naoya njaji picadalrintja pinaitjaca pimatsicanao, 13 nacayosho njaji yamicaperri inaitjaca matsia, njaji yajicapewa cadaoca- werrico. 14 Catima najiacacawa nanaitja cádanaco imatsicananti njite nacatimatacawa matsiperri naco. 15 Nájica nanaitja namatsicanao ima opica njenawa lrioya jliaji iwaopiakjeti matsiadalri icadalri panaitjaca matsia. 16 Jliaji yajikjeti lriyomjeta tsakjaotsa pjia rooya sroaji inarso cainirridarro, rsoaji corridarrotsa piají inaikica naco rojoita cádanaco pjia roaco sho. 17 Cainirri piacano royempetica lrico, mitsa romaca roinirri, njite romaodaca roacoam ioya ronaitjanda lriapiya Dio ipeyajle. 18 Njaji iacape roinai roopana lricojle cayocana mayamicalri idee capishona, njite corri cadaa yamina roya icamitsa dekja mayamicana. 19 Njaji shewaacacape roinai, icamitsa naaca mayamina, njite corritsa nadia carroca naofawa jalredaoca lrico. 20 Niini pjia, pinaitja cayoji nanaitja capisho njaji inaiki corriperri iofa inaitja namatsicanao, pinaitja cayoji nanaitja capisho njai inaiki matsiaperri. 21 Njaji inaiki inaitjacape matsia naofa caotsa jalredaoca lrico, njite njaji inaitjacape matsia corriotsa mayami carrocana. 22 Mitsa njaji matsiperri corriotsa naofá carroca jalredaoca lrico, njite njaji corriperri iaitja matsia Lriñeta caotsana.
1 Pjia nirrí, mamaodacatsa noaco ioya njite pimatsieta picaolre ricó coajica nocanantaca pjia, 2 ima nacadotsa pirso aima jalredaoca, aima walria watsa piofacawa jalredaoca lrico njite pimaodaca caotsa piofacawa. 3 Mamacatsa jliaji yacoti inaitjanda iapiya waca, pipapini piwedarico, pidanani picaolre ricó. 4 Njitenaotsa pioketa watsa matsiadalri Dios inai njite inaiki inai tsakja. 5 Picada picaolreo wa-Minalri inaco njite corrin pianjikeshowaca naco; 6 picada piomi njaji pidenjicalre Dios inaco njite lricadawatsa piowawatsa matsia. 7 mawaopiatsa pianjipaca apjetsida yoya,pifio wa-Minalri iwana njite pjienitaca matsidalri ioya. 8 Ima tapecaotsani pidaki irso njite matsiawatsa pidada irson cainji matsia capisho padada yanjiaca capisho paiñja cayami. 9 Pinaitja matsia norso nasho njajĩ pirsojĩ cacoadaperri njite nasho tsakja njajĩ pipania iinaka pinitajĩ piniwaca, 10 Njite pakjamiwatsa caidalritsa picadacawa piñjaope njite pirraope tsakja jaico tjeda walrijaipe sho. 11 Noenipe, mamacoadatsa jliajĩ wa-Minalri icanantashoda njite mamacoadatsa lrioya jliajĩ coajĩca jlirrapiteta pjia. 12 Nini jliajĩ wa-Minalri jirrapitetaca pjiomi njajĩ lripeyonjipe, caiji pada jinirriti jirrapitetaca capisho lrienipe lriomanda. 13 Catimawatsa jliajĩ ioketacada lrianjikjeo, lriajĩ tsakjaotsa coajĩcaotsa lridejĩca. 14 Jliajĩ yanjikjeti pirsolrina cacoadadalri pjacani palrata ioya njite cacoadadalri pjacani owirso ioya tsakja. 15 Jliajĩ yajĩkjeti cacoadadalri pjaca naoya njajĩ icapirroti njite cacoadadalri pjaca naoya naji piomajĩ. 16 Njite jliajĩ yanjikjeti lricada watsa wiaa piofacawa jalredaoca lrico njite lricadawatsa aima cacoadape pinaniwa njite caconadalricaotsa pjia naikjaote. 17 Nini matsiaminitsa pjiomi jliajĩ pinaitjalri njite namaodaca caotsa pjiomi naikjaote njajĩ pinaitjaji. 18 Jliajĩ yanjikjeti caicaniajĩ apana jaico iacada pacaficao naiñja capoa lrinaca, njajĩ irsocapeni catima naofacawa. 19 Canjikjedalrica jliajĩ wa-Minalri lrinaitja jliajĩ jipai, lriajĩcapoa lrinaita njajĩ eeno icoma, 20 ima lriajĩkje sho jlienita naoiawaca njajĩ tjewacalrepe njite njajĩ iyadaoca nacada tiñajli jiwacao. 21 Nirri, picapawatsa matsia jliajĩ pinaitalri njite piwopia matsia nanaco njajĩ pinaitalri. 22 Pinaitja capoa watsa cayo pirso watsa jaalripa jalredaoca njite njajĩ apetsida nacapawatsa naicawa pjia. 23 Nini pimaodaca watsa pianjĩcawa njite corriwatsa pioketa maatsidalri, 24 picoa cadanaco watsa, corriwatsa pifiocao pimaodacawatsa pimaaca. 25 Corriwatsa jirrapitaca caijĩ inaiki matsiperri sho. 26 Ima wa- Minalri caotsa pinai njite lriwapaotsa pjia wadee pjiwacawa owepi rico nacadanda pipia. 27 Pitaitacada pinaitaca matsiacalri apada irso pinaitan. 28 Macaitetsa picodapidalri irso, cayoji: ''Corri notata panaya, tjewaotsa pino"; pirso cadanatsa palrata pinacoa. 29 Manaitjatsa piwaopiakje matsidalritsa picodapidalri ikjoete jliaji icadacada icaolre pinaco. 30 Macoitacatsa apada iapaya mikjapantsa corricadanatsa lrinaita pirso matsi 31 Mamatsicatsa picapa apada irso njite manaitjatsa caijĩ lricayosho. 32 Ima corrin Dios ioma njajĩ inaiki matsidalri iwaopiakje, mitsa Dios ikitsindajĩca jliajĩ atsia ajadalridalri. 33 Matsi Dios icapa njajĩ inaiki matsiperri, mitsa lrikitsindata naofacawa matsia njajĩ inaiki matsiaperri. 34 Lricaa naicao njajĩ icacape apetsida icao, mitsa lrikitsindata njajĩ kjenaperri iwaopiakje. 35 Njajĩ inaiki icacoadatacape apjetsida nacacoadata tsakjana, mitsa njajĩ inaiki manjicaperri namacoadata tsakjana.
1 Jimi noenipe, lricananta shopa jliajĩ apada jinirriti, njite iwapa jimio itaitacarro iajĩca jliajĩ iajĩkjeti. 2 Ima matsiadalrica njajĩ nocanantashopa, njite canacaidalricani. 3 Yempetida pia tsakja njoa, kjanirri-dalri tsakja, njodoa ipeyonda piaca njoa, apadanalritsa narsoca. 4 Njonirri icananta pia njoa, lriaco norso cayojĩ: pimatsietaotsa picaolre ricó njajĩ yacoti nocananta shoda pjia; pimatsietana picaolre-rico matsia njite pinaitja cayojĩ noaco icaite capisho. 5 Pioma pirsowao yanjikjeti njite iyeekati; mamacoadatatsa njite mamaodacatsa naoya naji yacoti nocaitenjĩ pirso; 6 mamacatsa jliajĩ yanjikjeti njite jlia watsa iwapaca pjia; piomani njite jliawatsa iyometa pjia. 7 Jliajĩ yanjikjeti icatsa jliajĩ canacaidalri pjacani, nini pioma jliajĩ ianjikjeti njite pinaitja pjiomi iyeecati pirso carroatsa jliajĩ yanjikjeti. 8 Pipeyo jliajĩ yanjikjeti njĩite lricadawatsa canjikedalrica pjia; lricacoadataotsa pjia piomacadanaconi. 9 Lri cadaotsa canjikjetalrica pjia caijĩ apada corona cacoadadalri sho. 10 Pjimi matsia norso noenipe, njite piwapa pjimi matsia piicao njajĩ yacoti nocaiterri pirso niniotsa piofacawa aima jamolri jalredaocalrico. 11 Njo watsa icananta pjia coajĩca pirsocarro yanjikjeti; nocanantaotsa pjia wade watsa pimatada catoa. 12 Pia cadanacoatsa piapowalrico corriwatsa coca idanata pjia njite pjiecocadanacoatsao, corriwatsa pitoda carroca pjipa. 13 Mamacatsa pioiawa njajĩ icanantakjeti, macadatsa pioyaona; pimatsieta pirsowawana, ima icatsa njajĩ icadalri caafica pjia. 14 Manaitatsa cayoñji nanaitacapisho njajĩ matsiperritsa iwaopiakje njite manaitatsa nanaitacapisho njajĩ inaitacape namatsicanawa. 15 Pjiena naoya, manaitatsa nacayosho, pimacana njite piawa naoya pakja lrico inipo. 16 Corrin namawadacaca njajĩ matsiperri ate nanaitjaca njajĩ matsirri. Njite corrin namawadacaca ete nanaitjaca maatsi apjetsida irso. 17 Icamitsa pakjamicana matsidalri sho njite irroati sho tsakja. 18 Matsiadalrica napowa njajĩ inaiki matsiaperri caijĩ jérri icananialrr sho piyomi cádanaco, njite kjaida cayaocani jérri jirra cádanaco pja. 19 Nawaopiakje njajĩ matsiperri cacanijĩ cadaocadajri sho; corrin najĩ cocaca njajĩ nanaitalri. 20 Noenipe, pjiwapa pjimio njajĩ nocaiterri; picada njewa pjinacolrico. 21 Macadatsa njeyapaca pioya; picadaa naofaca picaolre rico. 22 Ima naofa shopaca njajĩ shepacape njajĩ nocaiterri ima jlikjaidataca nadada lrico. 23 Piwapaotsa pjia njajĩ piajĩkje jalredaoca imatsicana ioya. 24 Pjienita teeco pioyao njaji yacoti matsiperri njite pjienita tsakja teeco njaji yacoti imañetacada apjetsida. 25 Picapa matsia pipeyajle lrinacojle jliaji piomalri piocawa ikjaolre. 26 Picapa matsia piicao coajĩca piacao njite matsia watsa piacawa piapowa lrico. 27 Mamawadacatsa wadee corrica pinaitja matsia apjetsida irso njite pjienitacawa matsidalri ioya.
1 Pjia nirri, piwapa pjimi piicao matsia njajĩ noajikje; pimjeco matsia pjinacolrico picoadatácarro njajĩ nocadalri pianjí, 2 cayoatsa pianji caacoca pjia cajikjédalri sho ima piajĩca coajĩca caacoca pjia pirso capoa yajikjeti 3 Ima rsoajĩ inarro cainirridarro cawilredarro romotoeta yacoti matsiaperri pjemica, potiyaperri sho, corriperritsa pawada inaitjaca parso maatsi, 4 mitsa pjeepa cadaa njajĩ rocaiterri lrinaitjaotsa parso maatsi, ima roacoan rsoajĩ inarro jipitiperri pjáaca awiñada ioya, kemanaité pjáaca matseta ioya yamemadalri iema. 5 Njajĩ ronaitjalri nadeeca pjá mayamicalri ikjaolre; pjiomi njajĩ ronaitjalri icamitsa nadeca pjá irrirrí lricojle. 6 Corri coadaca rorso mayamica inaiki roikjaote. Ronaitja romatsicanao; corrinatsa roajĩ a kjerreca roawa. 7 Njite panaya, noenipenaipe, jimi norso; icoadata njajĩ yacoti nocaiterri irso. 8 Shenawa téeco rooya rsoajĩ ínarso, matsawa roopana lricojle. 9 Cayo cada pinaitja corriotsa pícadaa carroca inaiki matsidarro imatsiketa picafica yempeti cádanacotoa pjia; 10 corriotsa apanatsa inaiki pioya icatimatacawa piyarroaji sho; corriotsa nadé carroca piyarro naapana lricojle njajĩ apanatsa inaiki. 11 Ninintja piketemina, icamitsa coyolreca pjia corri capoa piwapa matsia pidada, njite corri capoa piwapa matsia njajĩ pirsolri pia. 12 Ikenantja picaiteca: ''¿Coada corri pia njoepa njonirri icaiteca njoa? ¿Coada corrin njoepa nocanantashona icaite cádanaco njoa? 13 Corrin njoepa njajĩ nocananta shona icaiterri norso, corrin nocoadata naaco nacaite cádanaco njoa. 14 Wadeepe, wadeepe nomatsicacawa matsiajirri napecolrico njajĩ nofacawenai.'' 15 Pioma cadaa picatimatacawa inarro iapiya, pioma píinowa, píino yápiya carrotsa picatimatacawa. 16 Piwapa pidada píino irsotsa. Manaitjatsa pidada sho apama yápiya rooya. 17 Mjetatsa macadatsa jliajĩ matsiadalri ipeyokjeti irsolri iapiiawaca apáana irso. 18 Catimadarroca rsoajĩ píino, rsoajĩ pjitanda píinowa yempeti cádanacotoa sha, 19 ima pirsodarro piomandacano; picadaa rotimata pjia, picadaa rodada icatimata pjia caidalritsa. 20 ¿Nirrí, macadatsa inarro cawilredarrom shewaca pjia, Macodaitatsa ínarso cainirritetsa? 21 Dio iwapa icapa matsia pjiomi fa coajĩca wanaitjaca njajĩ cayoperri. 22 Jliajĩ inaiki jíwa imatsicanati ricó lrinaitjandatsa lrisowawa, njite jliajĩ lrimatsicanatsa lripresotacani, corrinatsa lrioma lrimacaca lrioiawani. 23 Icamitsa mayamica njajĩ ianiki cayoperri corri capoa nacacoadata njajĩ yacoti nacaite cádanacona; mayamicani lrimajican imatsa.
1 Pjia nirri, picaite cadaa pjiacaotsa icaoña picodapidalri icoentoni lrirso jliaji iacada lripalratan lrirso, njite corricadanatsa piajinda cani, 2 pinaitja catsa pirsowao matsidalri lrikjaote jliaji picaiterri njite pjiwacatsa iofawa lrisho jliaji matsidalri picaitendapinoma sho 3 Pimatsicaaca cádanaco piacosho-wacatsa, noenipe, picaite pia picaite picoadawa jliaji pimatadanda irso, niniwatsa matsiaca pjia lrioya jliaji pimatsicana. 4 Mamaoadacatsa lrioya jlajĩ yacotji nocaiterri pirso, corrin tsoca. 5 Pjiwacatsa yoma pirsowao yomjecalri cayojĩ yomje capisho njajĩ iwiniti naoya njajĩ iwinitacape. 6 Inodalrim, picapa picaowa coajica nadejĩca njajĩ piiti. Pinaitja cayo nacayosho, pioma pianjikjewa. 7 Corrin narso njewidapo mitsa inaacadana, corrin tsakja narso natalricanaa, 8 mitsa namatsieta naiñjaope camoi rico njite naniwa napania nawaketá carrona. 9 Inodalrim, ¿coshoda pja toatsa pimaaca? ¿Coshoda pjenaotsa caafi pjia pidaini ioya? 10 Lriaco jliajĩ inodalrim: ‘’kepinena njoa, njopa nocaapi nocoda naco nomáa-carro pjatoa.’’ 11 Keyanaotsa kjenacalri iocaotsa pinaco cayoji keñaitedalri ioca capisho panaco, njite corriotsa cocá carroca itaita iyomjeta pjia lrioya. 12 Apada inaiki matsitetsa, icamitsa lrajĩca lricashateta apjetsida. 13 Matsi capoa lricapa apada irso lrita lritji lrirso, lriwi lripoacani njite lriñjata tsakjan lricapi sho. 14 Lriwaopia lricaolre ricoite lrinaitjacarro matsi apada irso, njite lripeyo lricadaca nacoemaacacaowa njajĩ apjetsida. 15 Njite corri cadanacoatsa lriwada lrioca lrinaco njajĩ lrimatsicanatsa, njite corriotsa coca itaita idanataca lrioyana 16 Nini seida njajĩ marsiperri wa-Minalri icapaca, njite jliajĩ siete shopa, icatsa jliajĩ matsidalri pjatoa lricapaca irso. 17 Jliajĩ padalredalri apda icapao, cashadalri, iinocada inaiki mikjapantsaa, 18 Iwaopiacada matsi lricaolre rico lrinaitacarro matsi, yajĩcada icashatetaca kjeya, 19 Icashatacada apada naco mikjapantsa njite njajĩ icadacada apjetsida nainoacacao. 20 Nirri, pjiepa pjinirri yaco njite mamacoadatatsa njajĩ pjidoa icananta shopa pjia. 21 Picada catjinani cayojĩ pacada capisho papatjepi pawedalrico, njite pimatsietani picaolre ricon 22 Njite a kjerrecawajle cada iawa njawatsa ikitsindatata sha; imáa cádanaco njatsaotsa ikitsindatata sha, njite icafia cádacoa njatsaotsa icananta sha. 23 Ima camarraica warso jliajĩ Dios yaco, cayojĩ lampara sho, pjiomi njajĩ nacanantashopa pja icatsa njajĩ idecape pja jalredaoca mawayacacalri rco njajĩ yacotji icaitecape pamatsicana naco. 24 Lridanataotsa pjia inarro macadadarrotsa ioya, njite rroya tsakja rsoajĩ inarro icaitecada yacoti macada-dalritsa . 25 Makemitsa rsoajĩ inarro caidarro, macapajĩtsa rorso. 26 Piomacapoa pimaaca roinai rsoajĩ inarro cawilredarro icaweñano lrisho jliajĩ piwentashopa piñjao iñjaodati, mitsa lridejĩ capoa apada ino nainocaotsani roikjaote. 27 ¿Capanta apada atsia itaita ideca tiye lricoda naco njite corrinta lrimao lrisho? 28 ¿Capjantja pada atsia itaita yeemanjicao tiyee lrico njite corrintja jliipa imacao? 29 Caitsakja jliajĩ jiyapacada apee ino iapiya, lrirsotsa jlirrapitaca lricoada jliajĩ lrinaitalri. 30 Njajĩ inaiki corrin matsi nacapa lrirso jliajĩ cañaitedari lriñaito capoa lriñjao caiwicadanaco lrirso mawitacai. 31 Mitsa njepacadani, nacada watsa lricaoña siete piapje jliajĩ lriñaitolri, atee lriaca pjiomi njajĩ cacoadaperri lrirsojĩ lriipana lrico. 32 Jliajĩ icawilretacada apada iino mawopiakje-dalrin cani; jliajĩ inaitjacada caidalri jliwacatsa imatadacawa. 33 Lrirsotsa lrideeca jirrapitakjeti njite ipaimanti tsakja lrikjaote, njite jliajĩ lriacona corriwatsa lriñacawa lrioya. 34 Jliajĩ ikerriakjeti lricada kerroaca jliajĩ atsia; corrin kjenaa lricapaca apada irso lrioma cádanaco lricoadao. 35 Corrin jliipaca napjeya nacaoña shopani, corrin tsakja lricatimatacawa nasho njajĩ jlitajĩ macoadatsa.
1 Nirri, pimatsieta njajĩ noaco njite picacoadata njajĩ Dios iaco. 2 Pinaitja cayojĩ nocaite capisho njite piofa watsa wiawa jalredaoca lrico, njite pimatsieta njajĩ nocananta sopa pjia cayojĩ piwapa capisho njajĩ pitji. 3 Pjipa matsiana pirsowao njite picada naofaa picaolre rico. 4 Picaita yanjikjeti irso, pikitsidoacano, njite picaite iyeecati irso pikitsida cani, 5 njite lriyomjeta watsa pjia roya rsoajĩ inarro cawilredarron roinirri ioya, 6 Apapia jalredaoca nocapa no-ventana lrikjoite, cadana-dalri. 7 Nocapa apadapena inaiki mañjicaperrin,njite nocapa napecolrico apanapenaa yeenpetipe canacaiperri irso yañjikjeti. 8 Jliajĩ yenpetji lriyoetaca jliajĩ calle tsomitsa lritonjowi ioya,njite lriaca rropana icaolre rsoajĩ cawilredarro. 9 njite lridiajĩca rroderre dainomaca icoan njite depipjena njite deepirricotsakja. 10 Njite kjeyanatsa rromotoca lricoete, roetacaca cayojĩ inarro cawilredarron sho, corricadana ajadalri rrocalre. 11 Joida rro ikerroataca inaiki njite mjepacadarro; maofacarrotsa pantirrico. 12 Yanjicada akjerrecatsa, callerrico, nawendecawa, njite calle itonjiwinaco rrowapacarro cocacatsa yoca rroicaolre. 13 Njite rroiyoanjajĩ atsia njite rrobesani njite matsicalrirrico rrocaite: 14 Nocaitepia nanaitacarronjajĩ ofrenda imawadacakjetji naco njite nonaitjeninani panaya, 15 Nini nono noketacarro pjia, nomacapoa nocapaca pjia opina noketa pjia. 16 Norso pia norsoacarrota matsiadalri, jérriwaikja matsiaperri sho Egipto lrikjoitepe. 17 Noarro norsoacarroita mirra sho, aceite sho njite jaicoya pomenidalri sho. 18 Pinoena, wapeyoacacarro atee jalreca waicao; wacatimataca-carro lrisho jliajĩ ipeyokjeti. 19 Ima corri pjacapa nionirri wapanalrico; ima lriacao tjeeco. 20 Ima lridee aima parata; corriwatsa lridiaca yamanjaa yaapodam. 21 Caacocapoa aima lrirso rsopadameta lrifopiake; iacoti joiwipesho rsomañetacani. 22 Njite jliajĩ atsia lriaca rroapodan cayoñji nadecapisho njajĩ vaaca nainoada, cayoñji neerri ipapiacacapisho yoowetjirrico, 23 cayoñji apada iyawitacada iyawitacapisho neerri icaolrenaco; cayojĩ wipjiarro yarracapisho yoowetji icaolre corrinnjajĩ ninicatsa mayamin. 24 Panaya noenipe pjiminjajĩ nocaiterri:piwapa pjimio njajĩ nocaiterri nonomalricoite. 25 Mamatsicacatsa rroicaote rsoajĩ inarro ,wadewatsa piaca rroapodan. 26 Ima aimakena mayamica rroicaote, aima njajĩ rromañji mayamica rroicaote. 27 Jliaji roopana yemawa irrirri icodapi; Pjiomi njajĩ yacape ropanalrico nacawa mayamicalri ikjaolre.
1 ¿Kapjantja pifanaca jliajĩ yaniketi? lriji iyeecati ¿Pja corrica piwana iyeecati? 2 Lriemacao yeenon, njeyapacawa icodapi, nayoetacawa njaji inipo, janjikjeti nakja yemawa lriemacarromwa. 3 Yacalre ipananoma icoemjete, lriwanaca kjaida yacaalre ipananoma lrico. 4 Sha inaiki, shaa jliaji nowana; nooma njemica noacoam njaji inaiki padenirri. 5 Shaa yeempetipe mayecaperri icanantacao cayeecaperri-acarro shaa njite shaa manjicaperri irsotsa yanjica. 6 Iwapa jimi,ima nocaiteotsa iyacotji matsiaperri,njite nocaiteotsa yacotji mayacamperri. 7 ocaite yacotji mashaperri;ima corrica nomotoeta ishaatji nonomalricoite. 8 Pjiomi njajĩ yacotji nocaiterri mashaperricana; corrin pacapa matsidalri corritsakja ishatji. 9 Pjiomi njajĩ yacotji nocaiterri matsiaperricana lrirsonjajĩ yañjicada jimica, mashaperricana narsro njajĩ yomacape yoketaca jliajĩ yañjiketji. 10 Yoma irsowaonjajĩ nocanantashopa palrata ioya; yoma irsowao njajĩ yanjikjetji owiro matsiadalri ioya. 11 Lriañji yañjikjetji cacoadadalripacan naoya njajĩ jipada cacoada perri; cacoadadalripaca naoya njajĩ paomaji. 12 Njoa, yañjikjetji, nofafa padapana lricotsa lriapiya jliajĩ iyeecati, njite noaji nocadaca iyeecatji matsialrico. 13 Lriañji ifiokjetji Dios iwana icatsanjajĩ pjepondatacanjajĩ matsirri.Njoa njopondatanjajĩ padalrekjetji, njopondataca njajĩ cacodalri macatsa njite ishatitsakja. 14 Njoa norroentsanjajĩ yacotji matsiadalri nomatsietacarropjanjajĩ yañjikjetji;njoatsanjajĩ inaitakjetji njite nonacoitedalritsanjajĩ jidatji. 15 Nonacoitetsa natalricanata njajĩ italricanatinai, naatsakja caconaperri, Goberdornaitsakja. 16 Nonacoitetsakja nadañji njajĩ caconaperri njite pjiomi njajĩ caconaperri. 17 Nomaca njajĩ yomacapetsakja njoa, njite njajĩ yomacape noa caidalrico naoketacanoa. 18 Noinaiperricatsa njajĩ canacaiperri njite lriatsakjanjajĩ icoadati, njajĩ mawayacacaperri. 19 Pjiomi njajĩ nocadalri matsiaperripa owirso ioya, matsiaperripja njajĩ nocadañji palrata ioya. 20 Noacatsa inipo mayacandalri, noacatsa inipo yacada matsicawalre. 21 Nacapacarroatsa, nocadaotsa narso njajĩ yomacaoe noa pjiomi canacaidalri narsocarro jorrepja. 22 Lriañji nominalri lrinaitapia noa lrinitacawalri noapia lrinitanda lrinaitaca . 23 Opipia lrinaitaca njoa, lripjeyatoa lrinaitaca njajĩ jipai. 24 Lripjeyatoa lrinaitaca oni mar lrinaitapiena njoa, lripjeyatoa lrinaitaca njajĩ onipao jiwidapan irsocape aima oni. 25 Lripjeyatoa lrinaitaca jipana, njite lripeyatoa lrinaitaca tsakja awacada lrinaitapiena njoa. 26 Nomotopiawa lripjeyatoa wa-Minalri inaitaca lriañj jipai natsakja padeñjicawa, lripjeyatoa lrinaitaca apada jipai itj añji jalredacalrico. 27 Njoapiena lrinai lrinaitacaolre njajĩ enolricolre, njopietsakja lridanacaolre coancaotsa lrinaitacanjajĩ tjewacacawalre. 28 Njoapiena lrinaita caojli njajĩ iyadaoca yenonrre njite lrinaita cadanaco tsakja njewidapao njajĩ onipao añji jipainaco. 29 Njoapiena lricadacaolre njenanao njajĩ oni mar, corricarro oni itaita jiyapacao akjerreca llricadacawa, njoatsakja lricadacaolre jipai yemacarronao. 30 Njoapiena lrinai lriawalri, cayojĩ apada cayecjadalrisho; njoatsanjajĩ icatjimatacaita jalredaoca icoam, catjimaca njoa caidalritsa lricaotje. 31 Nocatimataca pjiomi kricaotenjajĩ jalredaoca lrinaitanda, catimatsakja njoa naicaotje njajĩ inaiki llricanipe. 32 Panaya, noenipenai,jimi norro, nini njajĩ jipacape irsowao jliajĩ nocaiterri lrimatsietacaotsa na. 33 Jiminjajĩ nocanabtashopa cañji kjeperricaotsana; mamawadacatsa naoya. 34 Jliajĩ jimicada noaco matsiacaotsani lricacaotsa nopananomalre jadaoca icoam, 35 Nini coañjidalri catsa yoketa njoa, lrirsoatsa lridada mawayacacadalri; njite lrioketaotsa wadiote imatsiaca. 36 Mitsanjajĩ imatadacada lrimatsicaca lriwacatsao; pjiomi njajĩ jipondatacape njoa naomacanjajĩ mayamicalri.
1 Jliajĩ yajíkjeti lrinaitja lríipanao: lriemeta sietena topjí lripjeo lrirraji matsia. 2 Lriyana maficalri íipe, lrinaitja tsakja lrirrao njite lricadana mesa nacona. 3 Njite lrina rsoajĩ lrirsodarro rsorrá carrowa yenondalri nakjoite rowanácarro njite. 4 ''¿Inoena sha iomacape irsowao iyekjao'', njite sha marsocape iwaopiakje, 5 ''inoena iñjácarro njite irrácarro jliajĩ irraodati nonaitjanda. 6 Imakena ioiawa imajican wadee mayamica sha; ioma irsowao yanjikjeo. 7 Coca cadaa icaite namatsicana njajĩ icacaperri apjetsida iicao, icamitsaotsa nacoita caotsaoni. 8 Niini macoitatsa njajĩ icacaperri apjetsida íicao wadee matsica nacapaca irso; pimayacanta lriwaopiakje jliajĩ cajikjedalri niniotsa lripeyo watsa pjia. 9 Picananta jliajĩ yajicada niniotsa lrirso pjaotsa aima jliajĩkjewa; picananta jliajĩ inaiki matsiadalri niniotsa lrirso pjaotsa aima lriyekjao 10 Yajicadaca jliajĩ ifiocadawa Dio iwana, njite jliajĩ yajicada Lrinaco jliajĩ Mamatsicana dalritsa, icatsa jliajĩ irsocada aima iwaopiakje. 11 Lrimatsiaca ikjaote jliajĩ yanjikjeti pirsolri piofá watsa aima walria jalredaoca lrico. 12 Matsia watsa pjia pirso cadaa yanjikjeti, mitsa picaite cadaa corrica coadaca pirso, pjia tsaotsa jirrapita lrikjaote.'' 13 Rsoajĩ inarro corri darrotsa irso yanjikje; icamitsa manjica cano, corrin coca roanjí. 14 Romoto rofawa pantinomanjle yenondalri naco pja yacaalre irso. 15 Ikena rowanaca njajĩ jiyapanjicapewa inipo lrico, njajĩ inaiki matsiapetsa yanjicawa, njite roaco narso: 16 ''Inoena noikjaolre sha manjicaperrin tsa,'' Njite ronaa nacaiyeca narso njajĩ mawaopiakjetsa: 17 ''Joiwi pjatoa pairraca jliajĩ ooni pañaitonda tsa, njite joiwi pjatoa panjí paiñjaca jliajĩ iñjaodati dawacalritsa.'' 18 Mitsa corrin nanjí natsomitaca mayamicalri njemi cadaa rorso, itsomitacape irrirrí.
1 Icatsa njajĩ yacoti Salomón icaitenji: jliajĩ yempeti cajikjedalri lricatimata jlinirri; mitsa jliajĩ manjicadalrim icamitsa lrideeca coyolrekjeti jlidoa irso. 2 Njajĩ iganacape palrata matsitsa corrin kepenacarroca narso, mitsa jliajĩ inaitjacada matsia teeco lrioya mayamicalri. 3 Corrin Dio icadaa njerrapitaca mawitacai sho njajĩ matsiaperri, mitsa njajĩ inaitjacape máatsi Lricadaa njerrapitaca mawitacai. 4 Jliajĩ apada inaiki inodalri idejica icamitsa kenacani, mitsa jliajĩ ipeyocada idejica lrishoatsa lriyarroaji 5 Lriaji iwaopiacada lrideji camoirrico, mitsa capaimannadalrica jliajĩ imawadacacadatsa naoya naaji lripania 6 Dio icadaa macoadatsa Lriyarro nakjoite narso njaji inaiki matsiaperri, mitsa njajĩ inaiki matsiperri nadawa jliajĩ nanaitjanda matsi. 7 Lriaji inaiki matsiadalri lricatimata njajĩ inaiki, mitsa jliajĩ matsidalri inaikica cayoca niji eecodalrim sho. 8 Njajĩ tamiaperritsa neepa jliajĩ nacaiterri,mitsa apada majicadalrin icatepecada lrwacatsaotsa imatsicacao. 9 Lriaji inaiki ajadalri corri coca lrifio iwana , mitsa jliajĩ corridalri matsita iofacao nacapaotsa lrinaco. 10 Lriañji icashatacada lrikitsinda ltinaita aima matsidlri,mitsanjajĩ matsidalrin njite lriatsakjanjajĩ cacodalri macadatsa lriwayacacaotsao. 11 Jliaji inaiki matsiadalri lrimotoeta lrinoma lrico yacoti caafi shopa pja, mitsa lriaco jliaji inaiki inaitjacada matsiperri icamitsa pakjamica iñakjeti sho. 12 Lriañji irsoatji lricada nainoacao,mitsanjajĩ ipeyokjetji corri coadao lrirso njajĩ matsiperri. 13 Lrinomalricoitenjajĩ atsia matsiadalri paoketa yacotji matsiaperri,mitsanjajĩ jirrapjitakjetji lrirsowalre jliajĩ apada tarradalri iwaopiakje. 14 Njajĩ atsianai cañjikjeperri namatsietaca narsowaonjajĩ yañjikjeti,mitsa naco imatsa njajĩ matsiperri nawayacacao. 15 Lriañji cananidakri corritsa cocanaco lrirrapjita,mitsanjajĩ kjenadalri lrirrapjitaca corricapoa coca lrirso. 16 Cocaotsa lrirsonjajĩ atsia matsiadalri lrirsocaotsa lridada mawayacacadalri;cocaotsa lrirsonjajĩ matsidalrin lrimatsicana yowaca lrinaco. 17 Lriañji sheepacada nacaitecan wiawatsa lriowacao,mitsanjajĩ corridalri shepa nacaitecan kjeyaotsa lriwayacacao 18 njajĩ cashaaperri corrin cañatanjajĩ neerroa ,mitsa njajĩ mawaopiakjeperri pjiomi nacaitepeca. 19 Lriañji cacodalri aima yacotji ninitsa yacotji matsiperri,mitsanjajĩ cacodalri tsotsa kañjikjedalrican. 20 Cacoadadalrica lriaconjajĩ atsia matsiadalri cayojĩ palratasho,macoadadalritsa lriwaopiakjenjajĩ atsia matsidalrin. 21 Lriacosho kriañji atsia matsiadalri lricananta aima inaiki,mitsa njajĩ mañjicaperri nawayacacao corricapoa narso njajĩkjeo. 22 Lrimatsiacanacoinjajĩ wa-Minalri lricadawatsa pirso iyarrotji wade pjirrapjitaca. 23 Lriañji matsidalrin lricatjimacao lrishonjajĩ matsidalri,mitsanjajĩ atsia kañjikjedalri lricatjitacao lrishonjajĩ yañjikjetji. 24 Njajĩ lrifioñji iwananjajĩ matsidalrin natsaotsa iwakjetan, mitsanjajĩ atsia matsiadalri lrioketaotsa njajĩ lriomalri. 25 Njajĩ matsiperrin caicanjajĩ caolri jiyapacadasho, njite corritsa pacaona, mitsa njajĩ matsiaperri naowacaotsa caidelriwetsa. 26 Lriañji iinodalri ideca yacotji lricada matsi cacocapja lrinaco, njite matsi pacapaca lrirso. 27 Lriañji ifiocada Dios iwana lriowaotsa wia jalredacalrico, mitsa njajĩ inaitacape matsi corriwatsa naowaca wia jalredaolrico. 28 Mitsanjajĩ nawapalri njajĩ inaiki matsiaperri icatsanjajĩ itjimatji, mitsa naofacaotsa medatsa jalredaoca njajĩ inaiki matsiperrin. 29 Wa-Minalri iwapaca njajĩ inaitacape cayojĩ lricaitecapisho, mitsa lriwaketaca njajĩ matsiperrin. 30 Mitsa njajĩ matsiaperri corriwatsa nawayacacao, mitsanjajĩ matsidalrin corriwatsa lriofacao añji jalredaocalrico. 31 Nanoma lricoite njajĩ matsiaperri namotoa njajĩ yacotji cañjikjeperri, mitsa lriaconjajĩ mañjicadalrin namacoadatan. 32 Lriañji matsiaperri nacaite yacotji matsiaperri, mitsa njajĩ inaiki matsiperri nacaite yacotji macadadalritsa.
1 Matsi Dios icapa njajĩ corriperritsa inaitaca matsia, catima lricapa njajĩ inaitacape matsia. 2 Lrioca cadanaco njajĩ padalrete lrinotsakja jliajĩ macodadalritsa, mitsa yañjikjetji inoca nainai njajĩ mapadalre-caperritsa. 3 Njajĩ matsiaperri yeepaca ajadalri nacantaca, mitsa napowa njajĩ matsiperrin natsakja imañetacape nawayaketacatsa, 4 Inaniti iwayacacaotsao waminalrri inocadanacoatsa, mitsanjajĩ inaitacada matsia manacocaotsani. 5 Njajĩ atsianai matsiaperri icamitsa nawaopiaca lrinaconjajĩ matsiadalri, mitsa njajĩ matsiperrin icamitsa nawaopia nacashatacarro. 6 Lriañji nanaitanda matsiadalri njajĩ icatjimatacape Dios lrimanacotacana, mitsa njajĩ cashaperri nawayacacaotsao ikemikjetjirrico 7 Mayami cadanaco apada matsidlrin, lriwayacacao njajĩ lriwapalri lricapa. 8 Njajĩ matsiaperri naofacaotsa teeco matsidalri ioya, mitsa matsidalri inoca nanaco njajĩ matsiperri. 9 Nanomasho, njajĩ corriperri irso Dios nawayaketa nacodapiperri, mitsa njajĩkesho njajĩ matsiaperri nayomjetaca. 10 Nawacadanaco njajĩ matsiaperri, catjima njajĩ yacaalre ricope; mayamicadanaco matsidalrin nanaita fiesta. 11 Namatsiaca nakjoite njajĩ icatjimatacape Dios, lrimacadalritaca njajĩ yacalre; mitsa naco ima njajĩ matsiperri lriwayacaca njajĩ yacalre. 12 Lriañji inaiki matsidalri caco matsini lrikitsinda naco; mitsanjajĩ matsiadalri corin caco matsini. 13 Jliaji yajicada icaitepeca, mitsa njajĩ matsiadalri corrin lricaitepeca nanaco njaji lrianjirri inaco apada irso. 14 Cajikjedalri cada njajĩ iwapacada yacalre corriwatsa lriwayacaco, nini capoa aima icaitecape yacotji matsiaperri. 15 Jliaji icaitecada icaweñaca apada icoenton lrimatsicaacacao jliwacatsa, mitsa njajĩ corridalri yaca lripalratan apada irso corriwatsa jlirrapjita. 16 Rsoajĩ inarro capondarro matsia roacona, mitsa njajĩ maponperri naoma pja narsowawatsa nanaaniwa. 17 Lriañji catjimadalri lrimatsietacacao lriwacatsa, mitsalriañji mapondalri lriwayaketacacao lriwacatsa. 18 Lriañji cashadalrinnjajĩ tsa lricashateta lritacarso nanani njajĩ apjetsida, mitsa kjeyatsa lriwaca lrioya; lriañji inaitacada matsia matsiperri minitsa lriwapa. 19 Lriañji inaiki inaitacada matsia corriwatsa mayamican kjeya, mitsanjajĩ inaitacada matsi mayamicaotsani. 20 Matsi Dios icapa njajĩ inaiki irsocape nawaopiakje matsidalri, mitsa lricatjimatacao nainai njajĩ inaitacape matsia. 21 Ajadalri nocaite, corriwatsa corricarso lrirrapjitacanjajĩ inaitacada matsi, mitsa njajĩ nanacoiteperri njajĩ matsiaperri manacocaotsana. 22 Cayojĩ icapirsotji owirsoda narsoetanda cotsi jitaconaco rsoajĩ inarro matsiadarso corridarso irso yañjikjetji. 23 Jliaji nawaopiakje njajĩ matsiaperri lrimoto matsiao, mitsa njajĩ matsiperrin icamitsa nawapa irsoati. 24 Jliaji yapanacaita ipaniatji, lriwaketacarropja aima; mitsanjajĩ pada corrin lripanaca nini kjenacan. 25 Lriañji maifarrokjedalritsa aima lriyarroanje njite njajĩ yacada onitsa apada irso oni tsakjaotsa lriwapa. 26 Inaiki icaite matsi lrinaconjajĩ ifarrocada lriwendeca lriñaoda, mitsa nacaitape matsia lrinaconjajĩ iwendecada lriñjaope. 27 Lriañji inaitjacada matsia matsia inaiki icapaca lrirso, mitsa njajĩ inaitacada matsi, lrioketaotsa matsirri. 28 Njajĩ icadape icaolreo nayarsonje naco nawayacacaotsao. 29 Jliañji corridalri iwapa matsia lripana corriwatsa coca lrirso njite jliajĩ mañjicadalri lrirsodalti caotsa jliaji kanjikjedalri icaolre ricó. 30 Jliañji lrinaitjanda jliajĩ matsiadalri caicaniji lricayosho jliaji jaico iacada pacaficao. 31 Ajadalri jliajĩ matsiadalri lrirsoatsa lricoadao; njite njajĩ matsiperrin njite nja tsakja njaji inaitjacape namatsicanao aimapjaotsa narsoca nanaitjana lricoada.
1 Lriaji ipyocada namayacalreca lripeyoca lriaji yajiketi , mitsa lriji matsidalri iwaopike majicadalrican. 2 Lriaji WAMINALRI lrikitsindataca lriaji matsiadalri aachia. 3 Lriaji inaitacada imatsicanawa corriwatsa yomecan, mitsa lriaji matsiadalri corrin apada itaita jitata lrioya lriji matsidalri. 4 Shoaji inarro inaitacada matsiadalri lricacoadatacano lriaji roinirri, mtsa shoaji majicadarron rromatsica lriwaopiake cayoji irrenati imatsicaca papirrico 5 Njaji matsiaperri nasho nawaopike matsiadalri, mitsa naji matsiperri cacocana ishatisho. 6 Naji inaiki maatsiperri naoma namatsicacarro inaiki mitsa matsiaperri nadma nayometaca inaiki 7 Naji inaiki matsiperri mayamicaotsana,mtsa naji matsiaperri naowacaotsa caidalriwetsa. 8 Matsia watsa nacapa lrirsho lriaji aimadalri irsho njiajiketi, mitsa matsiwatsa nawaopiake lricoete lriaji inaitacada maatsi 9 Matsiapatsa lriaji kenadalri cakichindadalri, lrioya lriaji cananidalri makitsindadalri. 10 Lriwapa maachia lripirra lriaji matsiadalri inaiki, mitsa lriaji matsidalri icamitsa 11 Corri watsa lrirrapitaca mawitacai lriaji idejicada, coandalricatsa irsho iwaopiake mashidalricashani. 12 Lriaji cañaitedalrin lritachaca lriyadao nanai njaji cañaiteperri, mitsa lriaji matsiadalri lritaca lridejicalre icoada 13 Lriaji inaki matsidalritsa corrin lritaita lrimotoeta yacoti matisiadalri , mitsa lriaji matsiadalri corrin naoketa lrimachicanawa. 14 Liaco shoatsa lrioketaotsa matsiaperri njite lrirshoatsa lricoadadao 15 Piomi njaji lrinataji lriaji majicadalrin lrivaopia matsiaperricana, mitsa lriwapa lrimio lriaji cajikedalri. 16 Keeya keerroaca lriaji majicalrin, mitsa lriaji yajicada corrin lrimaca lrirsho 17 lriaji inaiki maashadalri corriwatsa lricashatacarro apadanaco , mitsa lriaji caashadalri icamitsa lricashataca apanaco 18 lriaji inaiki corridalri iwopia lrimotoetacrro iacoti icamitsa lrimatsica apada iwopiakje, mitsa lriaco lriaji inaiki kanjikedalri kaiwatsa tapesho. 19 lriaji icaitecada ishati keyawatsa lrivayaca lrioya lriaji lricaiterri , mitsa lriaji icaitecada ajadalri corriwatsa lriwayacacarro lrioya 20 ishaati iofa nacaolre lrico naji iwoíacaé inaitaca maatsi, mitsa itiimati iofa nacaolre lrico naji inaitacape maatsia. 21 lriaji inaiki maatsiadalri matsiacaotsa, mitsa naji inaiki maatsipe maatsiwatsa naacao. 22 maatsi Dios icapa narso naji caashaperri, mitsa caatima lricapa nasro naji maashaperri. 23 pada aatsia caanjikedalri corriwatsa lrimotoeta piomi lrianjike, mitsa lriaji maawopiakjedalri lricaitepe piomi lriajike. 24 lriaji idenjicada kjaida lrisrowatsa lrinaikite, mitrsa lriaji inodalri idenjica nasrodalrica watsa. 25 lriaji jitacada icaolre corriwatsa lricaatima nacaolre, mitsa lriaji icaitecada iacoti maatsiadali lricatimata nacaolre. 26 lriaji inaiki matsiadalri lricananta maatsia naji lrikitsiape, mitsa lriaji inaiki maatsidali lrienitawatsa lrioya naji lrikitsiape. 27 lriaji iinodalri corritsa coca lriña inocapoa, mitsa lriaji idenjicada lrirrowatsa lriñaoda 28 wiya capoa paofacao jalredaoca lrico panaitacapoa matsia nini pinaitja matsia piofacaro wiya jalredaoca lrico.
1 Jliaji yempetji canjikjedalri lriepa lrinirri yaco, mitsanjajĩ mjepacadalri corrin lriepa lrinirri yaco. 2 Nacoanamiotsa naoketaca lricoadaonjajĩ nacaiterri matsia, nintsa njajĩ iwaopiacada matsi dawacalritsa apada icoetje lrirrapjitaotsa aima 3 Jliajĩ macaitepe cadalritsa macadatsa lriwapacacao matsidalri ioya, mitsa jliajĩ icaitepecada aima lriwayacacaotsao. 4 Jliajĩ inodalrin lriomapjaca aima,mitsa corriwatsa lrirsoca, mitsa jliajĩ pomenadalri lrioketa caotsa aima lriofa shopa matsia. 5 Jliajĩ matsiadalri inaiki corrin lripeyoca ishaati, mitsa jliajĩ ipeyocada inaitjaca maatsi corrin coca iomani lrikjaote jliajĩ lrinaitjalri, lrinaitja njajĩ capaimanperri pacapaca. 6 Jliajĩ inaiki matsiadalri yacona corrin nacaitecarro matsi lrinaco ima cirrica lrimatada narso,mitsanjajĩ imatsicanatji lrimatsiketa njajĩ inaitacada lrimatsicanao. 7 Kjenadalritsa njajĩ icaitecada lrirsoca aima,mitsa corritsa coca lrirso corrin tsoca njitenjajĩ icaitecada kjenadalricani corricadana kjenadalrican. 8 Cafainanatsa lrirsonjajĩ cananidalri nainocarson lrinani icaotje,mitsanjajĩ kjenadalri corrin lrimi nacaite matsi lrinaco. 9 Njajĩ inaiki matsiaperri nacanaca cayojĩ camarraisho,mitsa njajĩ inaiki matsiperri, yalrimica nacamarra. 10 Lriañji padalrekjetji lricada icamitsa lricada inoacakjetji, mitsa njajĩ jimicapenjajĩ yacotji matsidalri nacaite shopa niinica yanjikjetji. 11 Lriañji yoketacada lriyarsoa mjerrapitinanacatsa mjerrapitinacatsakja lriwayacaca lrioya, nini matsiapatoa pawaketaca tsopetsa parsowao njite apapiawatsa parsoca aima. 12 Mjetatsa picaolre lrinaconjajĩ piwapalri picapa, mitsa jiaji ioketacada jliajĩ lriomalri lrirsowao lrioketaca cafishopani cayojĩ paoketa capisho jliajĩ jaico iacada pacaficao. 13 Jliaji imacoadatacada nacananta shopa lriwayacacaotsao nama, mitsanjajĩ ipeyocada nacantashopa lrioketaotsa lricoadao. 14 Lriañji lricanantas hopa njajĩ cañjikjedalri matsidalricani parso yenitacada pja mayamicalri ioya. 15 Jliaji yañjikjetji matsidalri lricada matsidalri, mitsanjajĩ napowa njajĩ cashaperri corrin lriwayacacao. 16 Jliaji cañjikjedalri lrirsotsa lriwaopiaca lrinita lripjeyatoa lrideñjica,mitsanjajĩ mañjicadan lrimotoeta njajĩ lrimañjican. 17 Jliaji idecada yacotji, corricada lricaite añjadalri lrinaita matsi lrirsowawatsa, mitsanjajĩ namenacanda idee yacotji apana irso lricadaotsa naofa matsia napiiawaca. 18 Kjenadalri catsanjajĩ corridalri sheepa nacaite cadanacon, mitsa jliajĩ sheepacada nacaiteshopan matsiawatsa nacapacan. 19 Catjimanjajĩ yoketacadanjajĩ lriomalri,mitsanjajĩ mañjicadalri corin lrioma lrimacaca njajĩ lrimatsicana. 20 Jliaji yañjicada cañjikjedalri inai cañjikje tsakjaotsani, njite njajĩ yañjicada mañjicadalri inai mañjica tsakjaotsani. 21 Njajĩ inaiki matsiperritsa inaikica nanaitja namatsicanawa a kjerre catsa nawa, mitsa jaji matsiaperritsa inaikica icamitsa nanaitjaca matsia narso. 22 Jliajĩ matsiete inaiki, mayami cadanaco lrimaca lridakenai irso njajĩ lrirsonipe pia, mitsa njajĩ camatsicanaperri, inaiki matsiaperri jipaotsa lrioya pjiomi njajĩ lrinaani lriwaketanipe pia lrirsowawa. 23 Apada kjenadalri irsocada jipaite corridalritoa mapiyo napaná carroni, nataita njetaca njite aima lripaniana napana caojlinani, mitsa njajĩ inaiki matsiperri corrin namaca lrirso. 24 Jjliajĩ corridalritsa ioma lrienipe corrin jlirrapitetai, mitsa jliajĩ ipeyo cada lrienipe lriwapa lricapa matsia coajĩca lricanantani. 25 Apada inaiki matsiadalritsa, lriñja njite kepinacani matsiatsa; mitsa jliajĩ inaiki manaikicadalrimi corrin coancaojlica yami lriiñjaca.
1 sroaji inasro canjikedarro sromatsieta sropaneta, mitsa sroaji inasro mawopiakedasro icamitsa srowayaketana 2 lriaji inaiki matsiadali iacona lrinaitjaca caiji Dios icaitecapisho, mitsa lriaji inaiki maatsidalritsa corrin lricoadata. 3 maanjicaperrica naji cacupeeri matsia nanacowaca, mitsa lriaji kanjikedalri corriwatsa cacoca lrinacowaca. 4 lriaji corridalri ipeyoca inaikite corriwatsa lrisro lrinaikite, mitsa lriaji ipeyocada inaiki lrisrowatsa aima lriñaoda. 5 pada inaiki icapaca matsia corriwatsa lricashataca, mitsa lriaji corridalri icapa matsia icamitsa lricashataca. 6 lriaji ikacada apada icao corriwatsa lrioketa lrianikeo lriomacadanaco, mitsa lriaji keyadalrica jimica icao kjeya watsa lrisroca lrianike. 7 pienitacao naoya naji inaikipe manjicaperri ima corriwatsa coca pianji nainai yaaniketi 8 lriaji atsia canjikedalri lricadawatsa najii lrinaco lriaji yaanjiketi, mitsa lriaji manjikedalrin corriwatsa coca lricada nanjii. 9 manjikedalrinca lriaji corridalri icaite iacona coca lrinaitjalri, mitsa lriaji icaitecada iacona maatsiadalricani. 10 pjawacatsa ianji lriaji imatsicalri pawopiake njite corrin catima nainai naji pana inaiki. 11 lriaji naapana naji maatsiperri kjeyawatsa lriwayaketacani, mitsa naapana naji matsiaperri corriwatsa lriwayacao keya. 12 nini inipo matsiaperri lriwopiake lrico lriaji atsia, mitsa corrin lrianji nacatsa idecape matsicanalre. 13 lriaji catimadalri lricada pacapa lrinaco jnite lriaji itimati lritaita lriwayacao inonacalri sho 14 lriaji inaitacada maatsi lrisro watsa lricoada, mitsa lriaji inaitacada matsia lrisro tsaca lricoada . 15 lriaji manjicadalri lriepa piomi naji nacaiterri lrisro, mitsa lriaji atsia kanjikedalri lriwopia matsia lripjeya lrinaitaca. 16 pada atsia kanjikedalri lrifio Dios iwana njite lrienitacao maatsidalri iuya, mitsa lriaji manjicadalri corrin lrinacowaca lricada lriwopiake. 17 lriaji keyadalri keroaca keyatsaca lrinaitaca macadatsa, njite lriaji pada atsia iwopiada matsia corriwatsa maatsi nacapaca lrisro. 18 lriaji inaiki manjikedalri lritawatsa lrisrowao ipaimanti, mitsa naji inaiki kanjicaperri neetawatsa nasrowawa yanjiketi. 19 naji inaiki matsiaperri curriwatsa natoda naorropada narso naji inaiki maatsiperri njite naji inaiki maatsiperri natoda naorrupada nasro naji inaiki matsiaperri. 20 lriaji inaiki kenadalri namacoadataca naji lrikitsiape, mitsa lriaji inaiki kayarrodali lrisro jorre lrikitsiapenji. 21 lriaji maatsidalri icapa lricodapidalri isro lrinaitaca lrimatsicanao, mitsa lriaji keenadali icapa lrikitsinda isro lrirsowatsa matsiadalri Dios inai. 22 ¿Pja corrica watsa naji lrinaco lriaji iwopiacada inaitaca maatsi? mitsa naji iwopiacape inaitaca matsia naoketa watsa Dios inai lrimatsiaca. 23 lriaji idenjicada lricapa watsa lricoada, mitsa lriaji caacopedalri corricada lrinaita, corri watsa coca lrioketa 24 kacoadadalrica lriaji inaiki irsocada yanjiketi, mitsa lriaji manjicadalrin lrimanjica icada lrimatsicacao. 25 Pada inaiki ajadalri lrinaco lriaji lricapalri lriyometa watsa apada nacaitenda matsi inaco, mitsa pada inaiki cashadalri lrinaco lriaji lricapalri lricashatacao lrifacatsa. 26 lriaji ifiocada Dios iwana, lrioketa watsa manacocalri njite naoketa watsaca naji lrienipe. 27 lriaji pafiocao Dios iwana icadacada oni cafidalri lriatsa iyometacada mayamicalri iuya inaiki. 28 lriaji talricanati irsocada aima inaiki caaconadalripja apetsida ioya, mitsa lriaji isrocada tsotsa icamitsa maaconacani. 29 lriaji inaiki itarrawacada wiya lricada nacapa lrianike, mitsa lriaji corridalri itarrawata wiya lricada nacapa lrimatsicana. 30 lriaji imaodacada lricaolre lrico corrin lrimatsicacao, mitsa lriaji cakemicakedalrin lrinaita lrisrowawa iyamiketi. 31 lriaji jirrapitetacada naji kenaperri maatsi lrinaita lrisro lriaji inaitacadani, mitsa lriaji inaitacada matsia kenaperri isro nacoadata watsani. 32 naji inaiki maatsiperri nawayaca watsa lrisho lriaji nanaitalri, mitsa naji inaiki matsiaperri naofeta watsa Dios inai mayamicadanaco. 33 lriaji yanjiketi lrisro watsa lriaji jipacada inacoa, mitsa naji manjicaperri lriyapaca watsa keya naoya. 34 Matsia lriacona lriaji pacoa yacalre lrinaitacapoa matsia, mitsa lriaji inaitaca maatsi capaiman lriacona. 35 Maatsiadalrica lricapa lriaji talricanati lrisrodalri inaicadanaco matsia, mitsa kesroa lricapaca lrisro lriaji inaitacada ipaimanti.
1 Pada yacotji icaitecada coanjishopaca matsiadalri lriyamita irsoatji, mitsa pada yacotji icaitecada matsi o caidalrico lricadapja irsoatji. 2 Mitsa nacosho njajĩ kañjikjeperri nacadapja aima yañji kjetji, mitsa nacosho njajĩ mañjicaperrii nacadapja macadadalritsa. 3 Jliaji wa-Minalri lricapjentsa pjiomi akjerrecatsa, lricapjentsa njajĩ matsiperrin njite lricapatsakja njajĩ matsiaperri. 4 Apada yacotji imatsietacada cayojĩ jaicosho icadacada pacafica, mitsa pada yacotji icashatetacada lriwayaketanjajĩ espirito. 5 Apada mañjicadalrin imacoadata jlinirri icanantashopani, mitsanjajĩ yañjicada njajĩ nacananta shopani icatsanjajĩ yeepacada. 6 Lripana lrico liañji apada matsiadalri,nini aima cacoadadalri, mitsanjajĩ njetalriotsa njajĩ matsiperin lricadaotsa matsidalri. 7 Naacosho njajĩ cañjikjeperri napocotanjajĩ yañjikjetji,mitsa njajĩ matsiperrin corrin nanaita cayo. 8 Matsi wa-Minalri icapanjajĩ nanaitalri njajĩ matsiperrin, mitsanjajĩ natatanialre njajĩ matsiaperri catima lrimican. 9 Jliajĩ wa-Minalri matsi lricapanjajĩ nanaitalri njajĩ matsiperrin,mitsa catima lricapanjajĩ ipinietacadanjajĩ matsiadalri. 10 Jirrapjitakjetji jorredalri lriwapa jliajĩ imacacada njajĩ yacotji matsiadalri njite njajĩ jipondatacada jliaji nacantashopani mayamicaotsani. 11 Wa-Minalri icapjentsa njajĩ matsirri njite irrirri tsakja; njite lricapapanjajĩ nacaolre njajĩ matsiperrin yenipe. 12 Jliaji mjepacadalrin corrin lripeyonjajĩ icaitecadan, corrin tsakja lripeyo kriajĩca nainai njajĩ yañjikjetji matsiadalri. 13 Catjima lriecoa jliajĩ catjimadajri icaojre,mitsa inonacajri iwayaketa jriaji inaiki. 14 Njite jricaolre jliaji icanantaaca-cadao lriomaca jriajikjeo, mitsa jriaji majicadalrimi macadatsa cacopecan. 15 Jajredacaoca icoan njerrapjitaca naji inonaperri,mitsa naji catjimape icaojre nacatjimatacao. 16 Matsiapjatoa kenacapja mitsa pacatsa matsiadajri Dios irso,lrioya jliajĩ cayarrodakricapja jite corrin lricada paowa pamawadaca. 17 Matsiapatoa jliajĩ inaodatji macoadadakri ninicawa ipeyokjetji,lrioya lriji iñaodatji cacoadadalri nacadanda irsotjirrico. 18 Pada atsia kerroajidalri lrioma cacopecan macadatsa,mitsa jliajĩ tacadalritsa kerroaca lriyamita irsoatji. 19 Jirrapitjina lrirso jliajĩ inodalri caiji pacamicapisho lriapowalrico dowirri, mitsa matsiadalri lriapowa lriji inaiki matsiadalri caiji inipo matsiacaisho. 20 Apada yenpetji cajikjedalri lricatjimata jlinirri, mitsa apada majicadalrin lrimacoadata lridoa. 21 Jliaji majicadalrin lricatjimataca midalri icaotjetsa, mitsa jliajĩ irsocada jliajĩkje lriacatsa mayacan. 22 Corrin matsia naji nawaopialri nanaitaca corricada nini yacotji matsiaperri, mitsa nasho naji aimadan icaitacape yacotji matsiaperri narso matsiadalri. 23 Catjima jliajĩ apada lrioketacadanaco yacotji mashadalri apada icaitenda lriro; matsiadalrica jliajĩ yacotji apada icaitenda canacaicadacon. 24 liajĩ inipo idecada pja jalredaoca mawacacadarrico lrideca enolricolre naji inaiki shepacaperri napitocaro infieno ioya. 25 Wa-Minalri iwayaketa lriyarroanje jliajĩ padalredalri mitsa lriwapa rroyarroanje rsoajĩ madoiyoan. 26 Matsi wamilri icapa naeaopiakje naji inaiki matsiperrin, mitsa catjima lrimica naji iwaopiakjetji matsiaperri. 27 Jliaji cañaitedalri lrideca imatsicanatji lrikitsiñape irso, mitsa jliajĩ jipondatacada matsidalri yomjecaotsani. 28 Lriaji inaiki matsiadalri lriwaopiatoa lripjeya lricaiteca, mitsa jliajĩ matsidan lricaiteca yacotji matsiperri . 29 Teeco wa-Minalri naoya naji inaiki matsiperri, mitsa lrimi natataca naji inaiki matsiaperri. 30 Matsia cadanaco apada icapaca parso catjimatsakja pacaolre, njite matsia cadanaco naji yacotji corrin pjeta pacaolreo 31 Piwapacada pimi apada icaite cadanacopia coajĩca piowacarro matsiao, piofacaotsao inaiki cajikjeperri inai. 32 Jliaji imacoadatacada nacanantashopani lrimacoadataca lriwatsakja, mitsa jliajĩ jimicada nacanantashopani lritaca lrirsowao yajikjetji. 33 Jliaji pafiocaapan Dio iwana njite jliaji yanjikjeti nacananta pja corrica coada paoma paaconao napeyajle njaji inaiki.
1 Josre lriwopiake lrico lriaji inaiki lrinaitacarro, mitsa lriaji Dios watsa icada lrinaitana o corrica. 2 Piomi naji lriwopiake lriaji atsia matsiaperrica lricapa, mitsa lriaji Dios lricaite naacona naji lriwopialri. 3 icada Dios icapirricolre piomi naji idenjicalre njite naji iwopiake namoto watsa matsia. 4 lriaji Dios lrinaita piomi pacapalri, lrinaitacatsaca lriaji maatsidalrin lrirrapitetacarro lriocacadanaco lrinana. 5 lriaji Dios maatsi lricapa nasro naji isrocape icaolre padalredalri, mitsa njaa, Dios watsa jirapiteta njaa 6 lriaji ipeyoketi lritaita lriyapetaca lrimatsicana lrioya lriaji lriomanda; pjenitacao lrioya lriaji maatsidalri pjapeyodada Dios. 7 Ape atsia, lricatimata cadaa Dio nasho njaji lrinaitjalri, njite lrirso cadaa lricoema, Dio icadaotsa namaodacaca lrioya njaji lricoema. 8 Matsia pjatoa jliaji tsodalritsa pjetalri parsowao nainai njaji idejicape matsia, lrioya jliaji pjetaca aima parsowao nainai njaji inaitjacape maatsi. 9 Jliaji inaiki lrinaitja lriwaopiakjeo lricaolre ricó cocaca jliaji lriomalri naithaca, mitsa wa-Minalri ikitsindata nanaco njaji lrinaitjalri. 10 Jliaji talricanati lrirso yacoti tjewacaperri lrinoma lrico; corrin lritaita lriaca lrikjoete jliaji matsiadalri. 1 11 Jliaji nawishopa jamiñadalri matsiadalri Dio njitedalricani; Dio yajintsa coshopaca njamiñaca narsolri nacoanantsa njaji nawinda jimiñaca. 12 Nanaitja cadanaco maatsi njaji talricanati, icamitsa matsica nacapaca lrirso, ima wia watsa talricanatica jliaji inaitjacada matsia. 13 Jliaji talricanati lricatimatacawa lrinaitja capoa matsia njite lripeyo tsakja njaji cacoperri mayacan. 14 Kerroa cádanaco jliaji apada talricanati lritaita lrinoca inaiki, mitsa jliaji yanjicada lritaita lrimerroatacani. 15 Catimmacádanaco jliaji talricanati corrin lrinoca njaji inaiki icamitsa lrinaitjaca matsia narso cayoji matsia capisho iyao inaitjaca paniati irso lrinita cádanaco oniacani. 16 Matsia pjatoa paomaca parsowao janjikjeti owirro ioya. Paoma pjatoa parsoca iyecati palrata ioya. 17 Nanaitja capoa matsia njaji inaiki njenitacawa matsidalri ioya; jliaji iomacada iofacawa wia jalredaoca lrico lrirsotsa lrinaitjaca matsia. 18 Padalrekjeti ikjaote lriwayacawa jliaji inaiki njite jliaji apada jliwawa padalre capoani. 19 Matsia pjatoa kjenaca pja nainai tjaji kjenaperritsa lrioya jliaji paaca parsowaca nayarroaji njetanipe paana ioya nainai njaji inaiki padalreperrimi. 20 Jliaji iwapacada icapa lricao matsiaperritsa nacanantalri lrirso lrioketaca lrirsowaowa matsiaperri, njite matsiaca njaji icadacape icaolreo Dio naco. 21 Canjikjedalrica panjica jliaji yanjicada icapaca lricao lricaolre rikjoite, njite jliaji cacodalri tacalricotsa matsia lricanantaca. 22 Jliaji yanjicada iwaopiaca lrirsoca cafishopani, mitsa njaji mawaopiakjeperri icamitsa nacanantaca manjicá carrona. 23 Jliaji inaiki irsocada yanjikjeti lricaolre ricó lricadaa caconi matsia njite napeyo njemican njaji jimi cape cacocani. 24 Potiyaperri shoca njaji yacoti matsiaperri pjemica, lripotiyata pacafica njite tapeecani paapi irso. 25 Niini njaji nanaitjanda njaji atsianai nawadanda matsiaca jliaji nanaitjalri, mitsa icamitsa lridecana mayamicalri ikjaolre. 26 Jliaji pomenadalri idenjica, lridenji lriñjácarro matsia; lridenji lrioma capoa lriñjaca. 27 Jliaji inaiki midalritsa icamitsa lrimotoita matsicalri njite lrimotoeta yacoti kerraperri tiyé sho. 28 Jliaji inaiki matsidalritsa icamitsa lrima nainoacacawa njaji apjetsida njite jliaji icaitecada ishati lrikitsiñape irso icamitsa lrima njenaca naoyawaca njaji matsiaperri iofacawa napiyawaca. 29 Jliaji inaitjacada maatsi lricashata catsa jliaji lricodapidalri njite lridecani lrinaitjá-carro maatsi. 30 Jliaji iitacada lritji apada irso icamitsa lricaiteca maatsidalri naco; njaji imjoacada nanoma icamitsa nadeca narsowao matsiperri. 31 Jliaji apada inaiki jalredalrina itsicolre lrirsoca lri-parramalreta cacoada-dalri; icamitsa parsocani matsia cadaa panaitjaca caafi cádanacotoa pja. 32 Matsia pjatoa wiaca kerroaca pja lrioya jliaji oowi mafiocaiteca pja njite jliaji yanjicada itarrawataca matsidalri ikjoete kjaidadalri pjacani lrioya jliaji iinocada pjiomi njaji inaiki apacoa yacaalre inaikitena. 33 Njaji inaiki natopita nanjicarro cocacaotsa jliaji nanaitjalri, mitsa Dio-tsa yanjí cocaca jliaji nanaitjalri.
1 Matsiapa paowaca macotsa paiñaoda yapiya tsodalritsa,lrioya lriaji apadapana pantji ninicawa aima iñaodatji aimatsaca isratji. 2 Apada nasrodalri cajikedalri imenacacaotsa apada yenpetji inaitjacada capaman nadalri jite lricadawatsa lrisro lriyaroañe caiji apada lrikitsindashocatsa. 3 Lriaji crisol palrata icaoya nite lriaji namaitacarroda ovirro icaoya,mitsa lriaji waminalri lrimatsieta nacaolre. 4 Apada inaiki inaitjacada matsi lrimica nacaiterri naji matsiperrin;apada cashaadalri lrimi nacoan naji iwayaketacape. 5 Cocacada imacoadata kenadalri lrimacoadataca lriaji inatjacadani,nite lriaji catjimatacada lriaji matsidalri lrirrapjitacaotsa. 6 Nadakenai icatsa naji cacoadape nasrro naji pekipenai caiji coronasho nite nanirrinape icacoadata naji neenipe. 7 Corrin joivi matsiperrin icapa lriaji cacopedadalri aima;Nite macoadaperripaotsa nacoan naji cashaaperri lrisrro lriaji italricanati yenipe. 8 Jipada cacoadadalrishoca lrisrro lriaji icaitepejicada matsiadalri ima lrioketacaotsa matsiadalri akjerrecawaca lriawa. 9 Lriaji yanicada lrimatsicana riomaca itjimatji,mitsa lriaji iwaopiajicada lrimatsicana lrienitacaca lrikitsiñapeji yoya. 10 Apapiatsa nacaiteca lriji cajikedalri lriajina coanshopaca,lrioya lriaji majicadalrin neñanda cien veces corrin lriepaca. 11 Apada inaiki majicadalrin icamitsa lrima matsidalri,nite namenaca lriderre idecada yacotji cashadalri 12 Matsiapa paoketa apada osa lrioya lriaji iñaitocada tsinoenpe lrioya lriaji paoketaca apada majicadan lrimajican ima. 13 Apada inaitacada matsi nanaitacapoa matsia lrisrro, corriwatsa matsidalri jiyapacarro lripana yoya. 14 Lrinitacadacoa lriaji matsidalri caicaniaji apada yarrocapisho oni piomi akjerrecatsa,nini yenitaca yoyao yepacakjetji lripeyatoa initaca matsidalri. 15 Nite lriaji icaitecada matsiaca lriaji isrrocatsa lrimatsicana nitetsaca lriaji icaitecada matsi lrinaco lriaji matsiadalritsa ,pacowaca matsicana waminalri isrro. 16 ¿Coadantao apada majicadalrin icaveña palratasho lriajicarro yajikjetji naco, corricadana lritaita lriajica? 17 Apada pakitsindaji catjimadalri caidalritsa nite paverrishocatsani inonacadanaco pja. 18 Apada majicadalri icaitecada yaca lriyarro apada isrro lricada lricodapidalri idevecani. 19 Lriaji ipeyocada icaitepjekjetji lripeyoca lrimatsicana;nite lriaji yacada aima lriyarroaji lriomaca lriwayaketacacao. 20 Lriaji isrrocada lriwaopiakje matsidalri corrin lrioketa tso matsiadalri;lriaji cacodalri matsi lrioketaotsa jirrapjitakjetji. 21 Lriaji ikitsindajicada apada majicadalrin,lrideca inonacalri lrirrowawatsa;corrin catjima lrinirri lriaji mjepacadalrin. 22 Lriaji isrrocada lriwaopiake matsiadalri cacaniaji tapesho lrisrro . 23 Apada matsidalrin lripeyo icaitepjekjetji dawacalritsa lrimatsiketacarrotsa lriaji matsiadalri. 24 Lriaji isrrocada yajikjetji lriomapja lriaji yajikjetji,mitsa lriaji matsidalrin lricapajica piomi cakerrecatsa. 25 Apada yenpetji mjepacada icatsa imacada lrinirri icapaca nite inonatacada lridoa. 26 Corrin tsaca matsia pjerrapjitetaca apada mamatsicanadalritsa;corrintsaca matsia pafietaca caconaite ajadalri 27 Lriaji isrrocada iwaopiakjetji matsiadalri corrin cacoca aimani nite lriaji isrrocada yajikjetji lricaite yacotji mayacan. 28 Nite lriaji majicadalrin lricadaca yajicadasho corricadanaco lricaitepeca yacotji;nite lriaji maacopedalritsa icatsa lriaji cajikjedalri.
1 Jliaji corridalritsa matsia iwaopoiakje lriofa tecotsa naoya njaji lrikitsiñape njite corrin matsia lricapaca njaji nanaitjalri matsia. 2 Pada mawaopiakjédalri corrin lrioketaca itimati yajikjeti naci, icamitsa lrianjica lricaite nanaco njaji lrirsolri lricaolre ricó. 3 Lritsomita cádanaco inaiki jliaji apada inaiki matsidalritsa, náno tsakja lriinai njaji menacalri, ipaimanti, corrin coca iomani. 4 Caco cádanaco jliaji atsia cajikjedalri cacocani yacoti jirrapitinaperri pajica coanshopacana cayoji ooni tjewacadalri sho; ima lrirsoca aima yajikjeti lrinaco cayoji aima capisho ooni lrimotocawa lrico. 5 Corrin matsia matsiete cada pja lriapiya jliaji inaiki matsitetsa, njite corrin matsiaca corri cadaa pakitsindata jliaji inaitjacadatsa matsia. 6 Caco cádanaco jliaji inaiki mawaopiakjé-dalritsa icamitsa lrideca inoaca kjeti njite nainoetani lricaitenda ikjaotetsa. 7 Lrinoma imatsa corrin coca lrirso jliaji mawaopiakjé-dalri, lrinaitja lrimatsicanao jliwacawaaca tsa. 8 Njaji yacoti ishatipetsa cayocana iñjaodati joiwipewrri sho niini namarracawa pawawa lricojle 9 Jliaji inodalri idejica pacoacani lricayosho jliaji mawaopiakjedalrim, njaji iwayaketacape pjiomi. 10 Lriipitana jliaji wa-Minalri pada ípitanati taimídalri cayoji taimi capisho lriemacawa jliaji nemetanda yemawa yenon jiipada sho; niini njaji inaitjacape matsia njeco lrikjaolre njite icamitsa matsiacana nirse. 11 Jliaji cayarroajidalri aima lricadaa lricaolre nanaco njaji lrirsolri cayoji pada yacaalre icada capisho lricaolre lriwai taimidalri naco. 12 Lripjeya toa kjenaca jliaji apada atsia, padalre toani, mitsa lripjeya caconaaca apada lrinita toa lricadaca kjenadalrica lriwaopiakje. 13 Jliaji shepacada apada lripjeya toa jlimica jliaji lricaiterri lrirso icamitsa capaimanica lricao njite majíca capoani. 14 Jliaji inaiki iwapacada matsiadalri corriotsa mayamicarroni ipoati kjaidadalri sho, mitsa jliaji orraidalrim iwaopiakje ¿capaotsa yomjeni? 15 Jliaji atsia irsocada iwaopiakje iomacada irso pjaaca lriajikjeo lrirsocaotsani, njite njaji yajicape jimica narsowao matsiaperri naji njemica njaji yajikjetimatsiaperri. 16 Lrinaitja capoa matsia jliaji apada, lritaita lrioketaca lrirsowao coca catsa njite lritaita lridejica caconacawa lrico. 17 lriaji initacada icaiteca corrica lrisro lrimatsicana, mitsa nini naji icapacape jnite nacaiteca lriacona lriaji lrimatsicana 18 Naji maatsiperri iwopiake nacoetewaca corri watsa nataita namatsietacao icamitsa imatsietalri nja lriaji Dios. 19 Jirrapitinadalri lriaji pamatsietaca paineiwa lriaji pjakitsinda pamacadawalretanda lrioya lriaji pada yacalre kjaidadalri njite caiperrica naji iacoti maatsiperi caiji lriwaida sho lriaji yacalre 20 Matsia watsa lriaji imotoetacada iacoti matsiaperri; piomi naji lricaiteri lricatimata watsa jna. 21 lriaji pienene lride watsa pjia matsicawalre o maatsiacawalre, jnite lriaji picaiterri pjiwacatsa jirrapita lricoada. 22 lriaji ioketacada inoa, lrinata maatsia njite lrioketa watsa matsiadalri Dios inai. 23 Pada inaiki kenadalri lrioma nakitsindatacani, mitsa lriaji kananidalri lrinaita kjeya. 24 lriaji isrocada jorre lrikitsiapanji keya watsa lrimatsicacao, mitsa lriaji isrocada padatsa ikitsinda corri watsa lrimacaca lriyapacada naco maatsi.
1 Matsiapatoa lriaji kjenadalri lricadacaca ajadalri lrioya lriaji matsidalrin cacoca icatsa lriaji majicadalrin. 2 Corritsaca matsia,pawaopiaca parroca lriaji corridalri paji coamishopaca lriaji yecocada keya manalrecaotsani lriapowa yoya 3 Lrimajican ima jliaji apada inaiki lrinaitja maatsi lrirsotsa njite ikena kerroacani lricaolre ricó Dio ikjoete. 4 Jliaji irsocada aima lrinaani aima tsakja lrikitsiñapenji, mitsa jliaji kjenadalritsa corrin naomani njaji lrikitsiñapenji. 5 Corriotsa yomjé carroca jliaji icaitecada ishatitsa apada naco njite jliaji cashadalrim cayo tsakjaotsa lricayosho. 6 Aimaotsa njaji itatjacape matsiacalri lrinai jliaji capondalri njite aima lrikitsiñapenji jliaji iacada macoadatsa inaiki irso njaji lriyarro. 7 Pjiomi njaji lrikitsin jliaji apada kjenaite maatsi nacapaca lrirso; ¡Omamikena naaka lrioya teeco njaji lrikitsiñapenji! Lriwana tjana, mitsa corrinatsa njemi lrirso. 8 Jliaji irsocada yanjikjeti lripeyoaca jliwacatsa; jliaji irsocada aima iwaopiakje lrioketaotsa aima matsiaperri. 9 Jliaji icashatacada apjetsida naco lrirsotsa jlirrapitaca lrikjaote, mitsa jliaji cashadalri icamitsaotsa lriwayacaaca caotsawa. 10 Corrin matsia apada mawaopiakjedalri iofacawa panti matsiade lrico, corrin tsakja matsia apaa narsodalri italricanataca nanaco njaji talricanatinai yenipe. 11 Jliaji inaiki yanjicada cocaca lrinaitja corrin kerroacani kjeya njite matsiaca lriacona corri cada coadaca lrirso jliaji nanaitjanda lrirso maatsi. 12 Yawi írroa shoca lrírroa jlaiji talricanati, mitsa lrimatsiaca cayocani tiñajli sho jiwacadawa malritsi naco. 13 Ikjenatacadaca jlinirri jliaji lrirri mawaopiakjedalri, njite lriino cainoacakjedarro cayocano iyao jiwacada panti rico jalramidalri ricó. 14 Njaji njanirri namaca neenipe irso napana njite nayarroaji tsakja, mitsa rsoaji inarro canjikjedarro Dio iyadacano. 15 Jliaji inocalri lricadaa talricai rico jliaji inodalrim, mitsa jliaji corridalritsa pomena idenjica, jlirrapitacaotsa mawitacai. 16 Jliaji shepacada jliaji Dio yaco nacananta shopani lriwapaca lricafica matsia, mitsa jliaji corridalri iwaopia coajica lriofacawa mayamicaotsani. 17 Jliaji ikitsindatacada apada kjenadalri Dio irso lricadatoa njaji lriyarro, njite Dio watsa idieta lricoadao lrirso lrikitsindata capoani. 18 Pjirrapiteta pienipe tso- cádanacotoani, mitsa manaitjatsa lrirso maatsi pjirrapiteta cádanacon. 19 Jliaji inaiki kjeyadalritsa kerroacani lrirsotsa lricaoñaca jliaji matsirri lrinaitjalri. Njite lrinaitja cadaa maatsi apada irso, aima pjaotsa lrimatsicana lrirso. 20 Pjimi jliaji nacaiterri pirso njite pinaitja cayoji nacananta capisho pjia niniwatsa canjikje caafi cádanaco toa pjia. 21 Ima iwaopiakjeti lricaolre ricó jliaji apada inaiki, mitsa jlia watsa jliaji Dio iomalri lrinaitjaca icatsaotsa jliaji lrinaitjalri. 22 Njaji inaiki corrin naoma apada imatadaca narso njite matsia pjatoa apada inaiki kjenadalritsa lrioya jliaji cashadalrim. 23 Jliaji inaitjacada matsia Dio irso naofa caotsa wia jalredaoca lrico; njite jliaji inaiki cayodalri matsia watsa lrianjiacacawa njite corriotsa jlirrapitacarroca matsidalri sho. 24 Jliaji inodalrim jlieta lricaapi lri-parraton lrico; mitsa corrin lritaita jlietaca lriñjaoda lrinoma lrico iino capoa calretsan. 25 Piñáa cada jliaji icacadalri apjetsida icao, njite jliaji manjicadalrim lrianji watsa coajica; pjirrapiteta jliaji iomacada yanjikjewa, njite lrirso pjaotsa aima yanjikjeti. 26 Jliaji iñaitocada jlinirri iyarro njite lripineta rsoaji jlidoa icatsa jliaji neenipe icadacada capaimanicana njite corrin naomacana lrikjaote. 27 Pjia nirri, yami cada pjimica coajica nacanantaca pjia, icamitsaotsa pjienacawa naoya njaji yacoti yaacada yanjikjeti 28 Jliaji icaitecada apada yacona naco ishatitsa icamitsa lricaaca matsiadalri iicao, njite jliaji matsidalritsa iwaopiakje icamitsa lricatimatacawa lrimatsicana ikjaote. 29 Jirrapitakjeti iwapaketsa njaji icacaperri apjetsida naco njite nawapaketsa nañácarro jaico sho lridanjite jliaji mawaopiakjedalrim.
1 lriaji irraodati icatsa icadacada lripocotao lriaji iwopiaketi; lriaji shenitacada lriwopiake lricaote lriaji irraodati corritsa inaiki kanjikedalrica. 2 lriaji lrisroa lriaji pada talricanati cayonji yawi kesroadalri yematacapisho; lriaji yoomjetacada lrisrowawa lriatsa watsa iwayaketana. 3 matsiadalrica lriacona lriaji yeenitacada naoyawaca naji yoomacape inoacacao, mitsa lriaji cafiokedalri lriomaca lridanawa. 4 lriaji aatsia inodalri corrin lrimatsiena jipai lriapanacarro onialrico; lrimotocadanaco watsa lrioma lriyadawa corri watsa lrioketaca. 5 Jirrapitinadalri pajica lriaji lriwopiake lricaolre lricoda lriaji pada inaiki, mitsa lriaji kjanjikedalri lrimotoeta watsa l katinacarro. 6 Aima naji inaiki icaitecape pacadacarro pawopiake nanaco, corrin pacapa kaidalri inaikica nacaitecapisho? 7 lriaji inaiki matsiadalri lriofa warsa kanjikedalri sho njite naji lrienipe nasro watsa matsiadalri 8 lriaji talricanati lriofacadanaco lriofacarrodanaco lricaitecarro nacona naji inaiki nini lritjimolretaca lriaji inaiki matsidalri. 9 ¿Coca itaitja icaiteca: corrin jnonaita nomatsicanawa; corrin coca nacaite jnomatsicana? 10 lriaji pawishopa lrimiñaca corridalritsa matsia njite njawishopa maatsiperrin, corim matsia Dios icapaca nasro. 11 lrinaitjanda naco panji lriaji iempeti, lrinacotsaca lriaji lrinaikica. 12 Naji pjenacolrico pjemishopa njite naji patji pacapashopa, lriatsa lriaji wa-Minalri inaitanja. 13 Mjemapatsa jorre kenadaotsa pjia; pjicafiawa jnite pjirrocarro pjiñawa jorrepja. 14 Macoadatsa lriventaca lriaji iventacada mitsa lriaakena lrivende, lrivende cacoadapja 15 Cacoadadalri pjaca owirro ioya lriaji inaiki cacodalri yanjiketisho, mitsa lriaji lriaco cacoadadalri pjaca naoya naji jipada cacoadape 16 Ape jitacada palrata apada inai toa lriaji yacada palrata lrisro lrita watsa lrioya lritsayani toa lripalrata icoada, njite lridieta watsa lrisroni akerreca lridieta lripalrata lrianda lrisro 17 lriji iñaodati lritanda ishati sho, mitsa lriaji lriñaoda jipitica watsa lrinomalrico. 18 lriaji lriwopiake lriaji pada lrimatsieta watsa lripadada matsiadalri nacaitenda njite lriwopiake kanjikedalrisho watsa lriwayaketa lricoema 19 Jliaji yajicada icaitepeji jliminda inaco corrin lritaita lridawaca apada idawanda iicao niini corrin matsiaca caacoca sha aima calretsa. 20 Jliaji icaitecada yacoti matsidari jlinirri, njite jlidoa naco, kjaya tsaotsa mayamicani cayoji yalrim capisho lampara cadaoca-werrico. 21 Corriotsa matsia carroca lridejica jliaji nanda irso lriyadawa jlinirri imacanda lrirso jlinaana ipjeya toa. 22 Macaitetsa cayoji: ''Nocaoña watsa pjia lrikjaote jliaji nomatsicalri pioya. '' Matsia pja piwapaca Dio naco njite jlia watsa iyomjeta pjia. 23 Matsi Dio icapaca jliaji imañetacada apjetsida lrisho jliaji lriwishopa jamiñadalri ima corrica matsia. 24 Ima Dio-ca yají lrinaco jliaji lrinaitjalri; niini jliaji inaiki corrin lritaita lriajica jliaji lrinaitjalri? 25 Corrin matsiaca lrirso jliaji inaiki lricaite cadaa kjeya apada yacoti: ''fenitandaca matsidalri ioya jliaji,'' lridiá carroenakja lriwaopia coanshopaca jliaji lrinaitjalri lrinaitja cayamina jliaji lricaitenda lrinaitjaca. 26 Jliaji talricanati matsiadalri jlienita lrioyawa njaji inaiki matsiperritsa iwaopaikje, njite lricadaa njerrapitaca matsinaa. 27 Lriaji Waminalri espirito icatsa lricamarranaca lriaji inaiki lricapacarro piomi padawaji. 28 Corriwatsa coca jita lriaji talricanati lriofacarroda lricoite lridejicadanaco matsia ipeyoketinaco 29 Pafio pacapaca lrida ima lriaji aachia yempetitoa mitsa lriaji pekirri pafio pacapacani lripekirrica ima. 30 Lriaji jirrapitaketi lricada lritaca apada inaiki yoya nite lricadatsaca machiacana naji inaiki.
1 Waminalri catsa iaji lricaolre naco lriaji talricanati, lriatsa icate kerrecatsa lrioma. 2 Nacoamita naji inaiki nawaopiata nanaitaca lriaji matsiadalri, mitsa Waminalri cadeca iaji picaolre 3 Matsia pjatoa njaji panaitaji wa-Minalri irso naoya naaji maficalri pamjaitaji lrirso. 4 Maatsiperrica naaji iajicaperrica padalrecana ima jliaji nanaitjalri matsidalrican. 5 Piomi naaji matsiaperri iwaopiakje nacapaotsa matsiadalri lriaji maashidalri iwaopiake kenacaotsani. 6 Naaji picashataji pita piyarrowa nañacaotsa cayoji illadaoca iñacapishowa. 7 Lriwayaketacaotsana lraji nanaitanda naaji maashiperrin corricapoa naoma nanaitaca lriaji mashiadalri. 8 Lriaji mashidalritsa yowacawa jirrapitina watsa lriocacawa mashia mitsa lriaji yowacada mashiawa catimawatsa lriofacao 9 Matsiapatoa paofacawa pawacatsa rroya shoaji inarro cainoacakedarro apadapana panti mastiadalrirrico. 10 Lriaji mashidalri icamitsa lrivaopia lrinaitaca maashi, corrin kena lricapaca lrikishinda irso 11 Lriaji icacada apada icao, lriaji paotsa lrioya njite nacanantadaco naji inaiki nanaitaotsa caiji nawaopiake yomacapisho. 12 Lriaji Dio lricapentsa coamica naofacao naapanalrico njaji mashiperri njite lritsaotsa iwayaketana 13 Jliaji corridalri yoma ikitsindataca apada kenadalri, corritsacaotsa nakitsintacani lriomacadanaco nakitsindata. 14 Jliaiaji nanda apada irso macoadatsa dawacalritsa lrimerroata jliaji kerroadalri, njite jliaji ipojliacadawa lrirroa sho tsakja. 15 Nanaitja cádanaco matsia ape irso, icamitsa catimaca jliaji inaiki matsiete, mitsa narso njaji inaitjacape maatsi icamitsa maatsica narso. 16 Jliaji shenacadawa lrioya jliaji yanjikjeti icamitsa lriacawa mayamicalri ikjaolre. 17 Jliaji iomacada icatimataca lridada nasho njaji lrirsolri icamitsa kjenacani; njite jliaji ipeyocada yanaca corriotsa lrirsocarro lriyarroaji. 18 Jliaji atsia matsidalritsa iwaopiakje jlirrapitaotsa lrikjaote jliaji inaiki matsiete 19 Matsia pjatoa paofacawa jalrapocolri ricó lrioya jliaji paofacawa roapiya rsoaji paino kerroanarro cainoacakjete-darro. 20 Aima inaaniti njite iñjaodati canjikjedalri iipanalri, mitsa jliaji manjicadalrim lripeco lrioyao pjiomi. 21 Jliaji inaitjacada matsia njite catimani; jliaji inaiki cayodalri lriofaotsa wia jalredaoca lrico, matsia watsani njite caconaiteca narso njaji inaiki. 22 Jliaji irsocada aima lrianjikje lrino nayacalre njaji inaiki kjaidaperri, njite lriwayaketa yacaalre iwaida taimidalri nacadanda nacaolre inaco. 23 Jliaji iwapacada lrinoma njite lrienene tsakja matsidalri ioya, corriotsa matsiperri itsomitácarroni. 24 Icaacadalri apjetsida naco njite padalredalrimca lriipitana jliaji yanjiacacadawa matsia pjaca apjetsida ioya. 25 Icamitsa mayamicani mawitacai sho jliaji inodalrim iino capoa lridenjica. 26 Icamitsa jliyapetaca padaa lrikemica naoya, mitsa jliaji inaiki capondalri corrin lrifarroca apada ioya. 27 Corrin wa-Minalri ipeyo icapaca na- ofrendani njaji matsiperri iwaopiakje ima matsicalri ricoca naani. 28 Jliaji icashatacada apjetsida naco icamitsa mayami caotsani, mitsa jliaji yanjicada jimica matsia, lrianji watsa jliepaca natatja cádanacon njemio. 29 Jliaji matsidalri iwaopiakje lrianjiacawa matsia capishoni, mitsa jliaji inaitjacada matsia corrin coca ikjoete lrifiowa. 30 Corrin pacapa pada yanjikjeti matsiadalri Dio ipeyajle, corrin tsakja pacapa pada iwaopiakjeti njite iyecati matsiadalri lrirso. 31 Namatsieta jliaji caballo lria carroenatsa oowi ricó, mitsa Dio-ca jliaji icada jliaji shama kjeti.
1 Waminalri catsa iaji lricaolre naco lriaji talricanati, lriatsa icate kerrecatsa lrioma. 2 Apadatsa jliaji inaitjacada jliaji canaanidalri njite jliaji kjenaalritsa. Wa-Minalri-tsa inaitja padenirrina. 3 Matsiapatoa naaji panaitaji Waminalri irso naoya naaji maficalri pamaitaji. 4 Maatsiperrica naaji iajicaperrica padalrecana ima lriji nanaitalri mashidalrican 5 Piomi naaji matsiaperri iwaopiakje nacapaotsa matsiadalri lriaji maashidalri iwaopiake kenacaotsani. 6 Picananta jlia yenpetida covca njaji matsiaperri lrirsolritsa lrinaitjaca, njite pekirri cádanacoenaotsani corriotsa jliená carroca lrioya. 7 Lriwayaketacaotsana lraji nanaitanda naaji maashiperrin corricapoa naoma nanaitaca lriaji mashiadalri. 8 Lriaji mashidalritsa yowacawa jirrapitina watsa lriocacawa mashia mitsa lriaji yowacada mashiawa catimawatsa lriofacao. 9 Matsiapatoa paofacawa pawacatsa rroya shoaji inarro cainoacakedarro apadapana panti mastiadalrirrico. 10 Lriaji mashidalri icamitsa lrivaopia lrinaitaca maashi, corrin kena lricapaca lrikishinda irso. 11 Lriaji icacada apada icao, lriaji paotsa lrioya njite nacanantadaco naji inaiki nanaitaotsa caiji nawaopiake yomacapisho. 12 Lriaji Dio lricapentsa coamica naofacao naapanalrico njaji mashiperri njite lritsaotsa iwayaketana. 13 Naaco njaji inoperri: ''¡A apana yuaawi inipo lrico! Corrin nooma nainoca njoa nacapa cawa njaji inaiki.'' 14 Irrirri tjewacadalri shoca roacoam rsoaji cawilredarrom; Pjiomi njaji jiyapacape roapiya icamitsa nakerroataca Dio. 15 Manjica catoa jiaji yempeti tso-cádanacotoani, mitsa jirrapiteta cada jaikjiwi sho lrikjaote matsia watsani lrioyan. 16 Jliaji jirrapitetecada apada inaiki kjenadalri lrirsocarro pja aima lriyarro, o lriaca lripalratan ape canaanidalri irso, kjena watsan lrikjaote. 17 Piwapa pjimi matsia pjinacolrico sho pjimí-carro coajica caacoca jliaji inaiki canjikjédalri njite picadaotsa naofawa picaolre ricó jliaji noanjikje nocaiterri pjimi, 18 nanaitjaotsa matsia pirso corri cadaa pimaodaca naoya picaolre ricó, ima njacaotsa caaco pjia inaco. 19 Pitaitá-carro picadaca picaolre mapaimantsa wa- Minalri naco, icatsa njaji nocanantalri inaco pjia panaya. 20 Nodana pirso trenta yacoti nocananta shopa pjia pianjícarro coajica njite pirsocarro yanjikjeti, 21 nocanantácarro pjia yacoti ajádalri sho pataitanji pacadaca pacaolre inaco matsia, pitaitácarro pidietaca yacoti narso njaji imenacalri pjia noderse. 22 Mañaitotsaotsa jlaiji kjenadalritsa kjena capoatsani, madetsa jliaji kjenadalri talricanati ikjaolre pioma carrotsa lridejica pirso, 23 ima Dio watsa ikitsindatani lrikjaote jliaji pinaitjalri lrirso, Jlia watsa ikjenata njaji jirrapitetacada apada kjenadalritsa. 24 Maomatsa pikitsindajica jliaji iwapacada inaiki kerroadalri njite corrin tsakja piemanji lrinai jliaji ikerroataacacadawa kjeya, 25 ima wadetsa cayo catsakjaotsa pjia njite pjiwacatsa inaitja maatsi pirsowacatsa. 26 Mjepatsa lricaapi rico jliaji inaitjacada apada yacoti lricaitecawa lrinaitjacaotsa apada, o apada icaitecada lricaoñacaotsa apada icoentoni. 27 Corri cada pirso picaoña shopani, ¿Cocantja itaita idanataca pjia lrioya jliaji iomacada ideeca piorsoacarroita pidewe capoani? 28 Macarsetatsa jliaji pjipaite jinaa iocacawa nakjenanatacawa pia njaji jinirrinaipemi. 29 ¿Capja picapa apada atsia yanjicada idenjica matsia? Jliaji atsia caidalri lridenjicaotsa talricanati caconadalri irso; corriotsa lridenjicarroca mipem inaitsa.
1 Piofa cadanaco piña itajlicanatji inai,pisrrotsa picapaca matsia cocaca naji pipvajli ipjeyalre, 2 pisrrotsa piavantaca caivicadetsa pisrro mavitacai pjia ipeyocada iñaca aima. 3 Maomatsa piñao matsina iñaodatji matsidajli, ima iñaodatji matsidajlican. 4 Madejitsa jorre caidajlico pisrrocarro piyasrroajeo;piaji pisrroenkena yajiletji pivapacaca-rroa. 5 ¿Capjaotsa pjitaca picaolreo inanitjinaco?Navayacacao-tsao ajadajli pirocatsa pipje caiji perri ipjesho piarra-caotsao enojlicolre. 6 Maiñatsa apada iñaoda majicajlico nite maomatsa piñao jorre; 7 Ima corrin piaji coamica jicaolre jliaji atsia icamitsa jlicada jlicaolre iñaodatji icoadanaco.¡jlicaiteotsa pirro piña pirratsaca!mitsa corrin jlicaolre-rricoite jlicaite. 8 Picatjacaotsa piñanda tsotsa nite pimatsikete piaco tacadajlitsa 9 9Macotsa pjia ninicadanaco jliaji majicadajlin ima jlimacoa-dataotsa jliaji picaiterri matsiadajli. 10 10Mjenitatsa pada jipada opidajli navishopa jlinana o pjitacanta manirridajli jipaite, 11 11Ima caidadajkica jliaji ivapacadana jliavatsa ivapacan picoetje. 12 Pivaopia picaolre-rrico nocananta-shopa pjia nite pjimi naji yacotji cayecjaperri. 13 Maivarrotsa nacantaca naji yempetjipe ima piñacada jaicoa- posho,corrivatsa mayami-carron. 14 Pirrotsa piñacan jaicoapo-sho nite pimanaco-taotsani infierno yoya. 15 Noenipe,cajicadajli-cada picaolre,nite catjimavatsa nocaolre; 16 Catjima- paotsa njoa njomicadanaco cacoca pjia mayacan. 17 Mamatsica-tsa picapa picaolre- rricoite naji camatsi-canaperri,mitsa pivio Dios ivana jalredaoca icoan. 18 Ajadajli nocaite nini corriperri-tjoa pacapa nite jliaji pivapajli picapa corritsa coca itjaita jitaca pioyan. 19 Pjimi pjia noenipe, nite cajikjeda jliotsa pjia jite pimayancata pivaopiake piapovanaco. 20 Majitsa nainai naji idevanacape,corrintsaca nainai naji iñacape iipetji 21 ima jliaji irracada jite jliaji camoninajli kjenacaotsana ima jliaji idainitji jlicadacaotsa njeta natsayanio tserrempen. 22 Pjiepa pjinirri yaco jliaji imotjoeta-cada picapa jalredaoca jite mamacoadatsa srroaji pjidoa pekirrica-danacoenano. 23 Piventa srrorro cacoadadajli mitsa corrim pivendeca srrorron;pioma srrorro yajiketji,jite nacananta-shopa,jite iyecatji. 24 Catjima aima jliaji irrocada jlienipe yepecada,jite jliaji icadacada cajikjeca jlienipe catjimaotsani jlienipe icaitje. 25 Picatjimata pjinirri pjidoatsaca jite picada catjima nacaolre naji icadacape pimoto picapa jalredaoca. 26 Noenipe, picada picaolre nonaco jite picapa coajica nonaitaca. 27 Ima inarro cavilredarron-shoca jliaji iñakjetji tjevacalredajli,jliana tjevacada-shoca srroaji inarro matsidarron. 28 Srroaji rromaca caiji cañaiteda-jlisho jite rroketa aima matsiperrin nanacoite naji inaiki. 29 ¿Coca irro coyokjetji?¿Coca irro inonacajli?¿Coca isrro inoacakjetji?¿Coca icaite apada yacona?¿Coca isrro icaiyatji micjapantsa?¿Coca isrro jlitji irraidajli? 30 Naji ipeyocape irraodatji,njatsaca yacape yoma jlitepen. 31 Macapatsa jliaji irraodatji irraicadanacon,jlitsiacadanacoa tazajlico jite jliorrocoa tacatsa. 32 Mitsa piketen capoacani caiji apisho jite jlioco caiji apisho. 33 Pitji icapaotsa naji macapacanapetsa jite picaolre icaitecaotsa naji macadapetsa. 34 Caicatsapiaji apada mayamdajlin mar rrico o piorroacao yeno jaiconaco natodaji jipainaco. 35 neñaca njoa,picaiteotsa,"corrin cayaonica njoa.Neñaca njoa,mitsa corrin caivica njoaji.¿njonicocadanaco njoemao? Nomatsenaca apada irraodatji."
1 makemitsa nayarro naji inaiki matsiperri, corri tsaca pjipacoatja pjiwopiake naapiya 2 nini lriaji nacaolre icamitsa nanaitacarro matsi njite lriaji naaco icamitsa nanaitacarro matsi apa isro. 3 yaaniketi sho lriaji inaiki lrinaitja lripanawa matsiadalri njite lriaji lriyekja lrisrowawatsa. 4 Iwopiaketi matsiadalisho watsa pakjami lriaji lripana njite lrisro watsa lriyasro matsiaperri. 5 lriaji tsosrodao kanjikedalri kjaidadalricani, njite lriaji atsia kjanjikedalri lrisropjáca lriwopiake matsiadalri pana ioya; 6 nini lriwopiaketi kjanjikedalri sho watsa lritaitjá lriametaca lricoema njite lrimicapoa iacoti matsiaperri lritaita watsa lrimacoadataca lricoema. 7 lriaji yaanjiketi corritsa coadaca lrisro lriaji corridatsa iomaca yaanjiketi; corrin lrimeco pantinoma corrin tsaca lrimeco lrinoma lriomacarro lrisrowawa. 8 nini inaiki iwopiacape inaitaca matsia pada isro, nini piomi naji inaiki nacaiteca lrinaco atsia maatsidalrica. 9 lriaji iwopiacada maatsidalritsa pada inaco lrinaita maatsi njite naji inaiki kaiperri maatsi watsa naacona. 10 picadacacadá inodalrica pjía nadenjicadanaco naji aimadam, nini watsa lriaji pjidaa lriorroco watsa pjiomacadanaco pjidenjica. 11 11pjiyometjá naji inaiki nadenji nainocarronjá njite pjimatsieta pjinaiwa naji inaike nacaitenji iacona nainocarronjá 12 Pjicaitecada: corrin njoanji nanaco nanji, ¿pjá corrica lriaji nanaco lria icaitaca watsa naacona? lriaji imatsietalri tsaca pjicafica, ¿pjá corrin pjianji Dios watsa icaiteca naacona lria watsa icada nerrapitjá lricoda lriaji nanaitalri? 13 Noenipe, piña maapa ima matsiadalica, ima njewacao nanji lritopjeke potiyaperri najoiwitashoda pjienene. 14 Caitsaca lriaji yanjiketi lrijoiwitashoda pjicaolre, pjioketacadanaconi, nini watsa pjisro matsiadalri corridalritoa pjicapa njite lriaji pjiomanda pjicapaca corri watsa lrisro lrinana. 15 mawapatsa pjicapa caiji nacashosho naji inaiki machiperri namatsicarro lripana lriaji inaiki matsiadalri ¡mamatsicatsa lripana! 16 Nini lriaji inaiki matsiadalri lriwacada watsa siete walria njite lrinico shenaca, mitsa nanji inaiki maatsiperri corri watsa napieta njenicoca lrioya lriaji namatsicana. 17 macatimatjá catsa pjicapacadanaco lrirrapitaca lriaji pjicoema njite corrin pjijoiwitaca lriaji pjicaolre pjicapacadanaco lriocacadanaco lrinana lrirrapitaca, 18 ima lriaji wa-Minalri Dios lricapentsa njite lria watsa jita lrioya lriaji lrirrapitalri njite lria tsaca jita lrioya lrisroa. 19 metjátsa pjicaolre nanaco nanji inaiki maatsiperri, njite macapatsa pjicawa nanji inaiki inaitjácape maatsi, 20 nini nanji inaiki maatsiperri corrin nasro nawopiake matsdiadalri napjeyalre njite lriaji nacamarranjá yalrimica watsa. 21 noenipe, pjifio lriwana lriaji wa-Minalri Dios, njite pjifio tsaca lriwana lriaji talricanati; corrin pjipacoacata pjiwopiake nainai nanji corriperri sheepa naco, 22 ima lrioca watsa lriaji nerrapjitashoda nanaco njite, ¿corrin nanji coancadanaco watsa lrioca nanaco naisroa nanji yamadadé? 23 njatsaca nanji nacaitenji naji isrocape yanjiketi. lriaji icaitecada matsia pada iacona lrisrocapoa lriyarro corrin lrinaitjá matsia. 24 Maatsi watsa lriacona lriaji inaiki icaitecada: "matsia lriacona lriaji inaiki maatsidalritsa", njite nanji paana yacalre nacaite tsaca maatsi lrinaco lriaji inaiki inaitjacada cayo 25 Nanji jirrapitetacape nanji inaiki maatsiperri nasro watsa matsiadalri njite nasro tsaca lricoada matsiadalri. 26 lriaji inaiki shepacada iacoti matsiadalrisho, lricañatja lripeyoca lrikitsinada 27 pjinaitja pjikinkilrewa pjiapanacarro pjipanaiawa njite pjiapana piomi pjaniati lrirricoda; njite pjinaitja pjipanawa 28 Macaite tsa lriacona maatsi lriaji pjicodapidalri corricada lrinaitja maatsi njite mamotoatja tsa ishati pjinomalricoite. 29 Macaite tsa: nonaitja tsa lrisro maatsi caiji lrinaitja capisho nosro; njodieta watsa lrisro caiji lrinaitja capisho nosro maatsi. 30 Noyapa lrinomapi lriaji lripaniapi lriaji atsia inodalri, noyapatsaca lripaniapji lrico lriaji atsia mawopiakedalri 31 Opi dowirri imotoa piomi lripaniapji lrico; lriaji jipai opi dowirri ipacantjá njite lriaji lriwai opi lrifao jipai lrico. 32 Mitsa njocapa njite nocada nowopiake lrico; njocapa njite nowapa njomi iacoti matsiadalri 33 Pjimacapisho keyatsa, pjiwida jiwanicapisho daimicapoa pitji, pjicadacapisho picapi pinacoa piafetacarro, 34 Njite lriaji kenacalri njite lriaji pjimanjikja naoca watsa pinaco corricadanaco piwapacao.
1 Matsaca nanji iacoti Salomón icaitenji, nadananji nanji Ezequías inaikite, talricanati Juda lricoda. 2 Matsiadalri lriaji pjicadaca pjicaolre lriaji Dios imatsiaca, mitsa matsiadalri tsaca nasro nanji talricanatinai naomaca nanjikeo Dios inai. 3 Casho corricapisho pataitja pawica lriyenonca lriaji jalredaoca njite lritjewacaca lriaji jipai, caitsaca corrica pataica pjanjica nawopiake nanji talricanatinai. 4 Pjienita lriaji corridalritsa matsia lrinacodalri lriaji palrata, njite lriaji idenjicada tsipalra lritaita lricadaca lriaji palrata lriyeca naco. 5 Nini, pjienita nanji inaiki matsiperri lrioya lriaji talricanati, njite lriaji lritalricanatacarroda lrinaita watsa matsia caidalritsa. 6 Macadacatsao lripjeyalredalriaca pjia lrioya lriaji talricanati njite corri tsaca napjeyalredalrica nanji ianiki caaconape. 7 matsia pjá lriaji nacaiteca:"pino pjirracarropjá", lrioya lriaji napaimantaca pjia lripjeyalre lria caaconaite. 8 lriaji pjicapanda nanaitaca maatsi macaitetsa lriacona keya. ima ¿coca watsa pjinaita lripaimantacada pjia lriaji pjicodapicalri? 9 imatsietacao lriapiya lriaji pjicodapidalri irrocada iacoti maatsidalri icoetawaca njite corri watsa pjicaitepe lriacona matsidalri lriaji pjikitsinda 10 njite lriaji pjicaitependa isro lripaimantaca watsa pjia njite nacaitepeca watsa pjia lriaji corridalriwatsa pjitaita piyalrimitaca. 11 lriaji icaitecada iacoti joiwidalri jiwacada nacalrelrico jirrapitinacada naco kaica lriaji iacoti iwirrisho. 12 Caiji apada icapirrotisho ovirroda o caiji apada tsaya nanaitanda ovirrosho jliaji yajikjetji navapanda njemio. 13 Caiji japerrisho itjamanavieda njetacadanaco napania icatsa cai jliaji icaitecaita yacotji matsiadajli nasrro njaji namenacajli irron;jliyomjeta nadada jlidietacarrona jliminajli isrro. 14 Iyadaoca metjadajlishoca jliaco jliaji icaitecada yaca cocaca macoadatsa jite corrin jliacan. 15 Tacajlicotsa jlipadameta ivaopiakjetji jliaji caconaite;yacotji tacadajlishotsa yacotji jlimatsieta jirrapitjinadajli 16 Pioketacada mapaa,piñani tsotsa,mitsa piñacada aimani, picatacacaotsao. 17 Madiajitsa picodapidajli ideerre kjeyapida, vade pimapjitacan jite matsiotsa jlicapaca pjia. 18 Jliaji icaitecada yacotji ishatjitsa apadanaco caicaniaji apada martillo jaicodasho nadejinda ovirrico,o caicanji paita matseta kemaitesho o caitsacaji apjevi yavitjioco kemjevisho. 19 Apada atsia majicadajlin apada icadanda icaorleo inaco ninicadanaco jirrapitji-nadajli caicaniaji yeetsatji matsidajlinsho o caiji apada jipatji kjevakjedajlisho. 20 Caicaniaji apada inaiki itjolroetada jlitsiorran japecadanacon,o caicanji narronda vinagre carbonato soda naco,caitsaca jliaji icantacada canción apada inonadajli icaolre isrro. 21 Caivicada mavitjacai pjiponda isrro,pia jliñao,metjacadá jlicaolre pia jlirro oni jlirrao, 22 Ima pimatsietaca jlividajlico jite Dios vcatsa icaveña pjia. 23 Ajadajli caicaotsa pjiaji caojlisho inocada jerri yevajli nirreo idecada iiya,caitsaca jliaji yenenetji icaitcada yacotji davacajlitsa,jlimotjoatsa matsio jlirro. 24 Matsiapatjoa paofaca pantji itonivinaco jlioya jkiaji apadapana pantji rrofajli nini srroaji inotji kerroadarro. 25 Caiji oni japedajlisho nasrro naji matjaperri icaolre,caitsaca jliaji yacotji matsiadajli inojli jipai tecoitjeperri-rricoitje. 26 Caiji onipao metjaperrisho o onipao caopitjada-jlisho jliaji apada matsiadajli napjeyalre naji matsiperrin. 27 Corrin matsia paiñaca aima mapá;caicanji paomacapisho tjiyeva apada tjiyeva yápotjetje. 28 Apada inaiki corridajli itjaita imatsietacacao jlivacatsa caicanji apacoa yacalre yofacada jotjojotjo-pajlirrico corridajli isrro jlicorrarran
1 Caiji jirrapitina capisho itamana jiwacao camoi lrico o iyao jiwaca pisho netacadanaco lrinaca lriaji napaniapji, caitsaca jirrapitinaca nacaiteca matsia lrinaco lriaji atsia manjicadalri 2 Caiji vipjiarro manalredajlisho caitsacaji apapa cacoesho corridajli isrro jliarropoco caitsacaotsa jliaji imatsicantji,corridajli mashaca corrivatsa jlimatsicaca pjia. 3 Jliaji cabaiio pasrrotsa pamaivatacan,jliaji burro jlirro jliavantashopa nite jliaji majicadajlin pasrrotsa pjeñacan. 4 Corrivatsa pjiepaca jliaji majicadajlin caiji jliomacapisho,vade caicaotsa pjia jlicaisho. 5 Picada tjevakjetetsa jliaji majicadajlin vade jlivada jliapjaca yaji naoya naji apjetsida. 6 Jliaji imenacacada yacotji majicajlin inai caicaniaji jlimenacacapisho jlinai jliaji ipicacada jliatsaotsa jirrapjita jlicoadao. 7 Caiji corricapisho jlia técoa jliaji memacaajlin,caitsaca jliaji yacotji jlicaiterri jliaji majicadajlin. 8 Caiji papapica-pisho jipada apada hondanaco caitsaca piacada matsiadajli jlirro jliaji majicadajlin. 9 Caiji dovirri jiyapacapisho jalran idevanacada icapirrico caitsaca jliaji yacotji nanomajlicoi-tjeda naji majicaperrin. 10 Caiji apada iyavitacadasho inocada pjiomi naji jiyapacapeo jlicodapi,caitsaca jliaji icadacada apada majicadajlin ideji jlipanajlico. 11 Caiji apana tsinosho icapococada jliña jlicatacalre,caitsaca jliaji majicadajlin jlipietatse-nacja jlinaitaca jlimatsicanao. 12 ¿Capja picapena apada inaiki jlivacavacatsa?pavadapjatsa ninica matsiadajli jlinaco jliaji majicadajlin jlioya jliaji caidajli. 13 Jlicaite jliaji inodajlin:"¡nini apana yawi inipolrico!¡nini apana yawi yacalricoa lrico!" 14 Caiji pantinoma irrocapisho apafetsa, caitsaca lriaji inaiki inodalri lripana lrico. 15 Jliaji inaiki inodajlin jlieta jlicapi parratojlico mitsa corrin jlisrro jidatji jlidecarro jliñaoda jliunoma-jlicolre. 16 Jliaji apada inaiki inodajli cajikjedajlica jlicadacacao;corrin jlivaopia ninica apada caidajli jlicaisho. 17 Jliaji pada inaiki yevacada apana inaiki imatsicananaco caicaniaji pada jipacapisho tsino kerroani yéninaco. 18 Caiji jliyavitacapisho jliaji pada inaiki ipicacada, 19 cai jliaji inaiki imañetacada jlikitsinda nite jlicaite corricatsa ajadajli jliaji jlicaiterri. 20 Canacaicapoa tjiyena, yajlimi jliaji tjiye;caitsaca corricada pacapa jliaji joividajli icashataca apadanaco jlivayacatsa jliaji matsica nacapacacao. 21 Naji tjiyemjen tjieyemjen kerraperri irrovalrecana jite naji tjiyena tjiye irrovalre cana,caitaca jliaji inaiki ipeyocada icadaca nainoacao. 22 Joiviperrica jliaco jliaji icashatacada apadanaco;mitsa jlimatsicatsaca pana ivaopiakje. 23 Matsiaperri jlimotjoeta yacotji jliaji inaiki matsidajli ivaopiakje picoetje. 24 Jkiaji matsidajli icapaca apjetsida isrro jliacoshota jlicada naji jlinaco jlirrocadana jlivaopiakjerrico jlinaitacarro matsi apjetsida isrro. 25 Cacoatsa matsiajlicon,mitsa mjepatsaotsani,ima pacamica matsidajli jlicaolrerrico apjetsida icoetje. 26 Jliomataotsa jlidavaca jlimatsicana mitsa najicaotsa jlinaco pjiomi. 27 Jliaji jicacada cajliapji jlivacaota jliricoda nite jliaji idoitacada jipada jlidiatsena- caota jliva jliunaco. 28 Jliaji cashadajlin matsi jlimica jliaji mashadajli,nite jliaji cacodajli tacapjiatsa jliomaotsa jlimatsiketaca.
1 Mjetatsa picaolreo jlinaco jliaji tjevena ima corrin piaji coajica pjia tevena. 2 Picada pada icaite piacona corrin pjivacacatsa icaite piaconao; 3 Jliaji jipai nite jliaji jipada jamiñaperricana mitsa jamiñadajlipjaca jliaji jlirroa jliaji majicadajlin. 4 Jliaji irroatji matsidajlican jlitjaita jlivaketaca piomi,mitsa jliaji matsidajli icapaca jlikitsinda matsidajlipja isrooatji yoya. 5 Matsiapjatoa jliaji pacaiteca jalrami njemio jlioya jliaji ipeyoacakjetji davacajlidatsa. 6 Matsiadajlica jliaji pikitsinda ikitsindatacada pjia piyapacadanaco matsi,mitsa jliaji matsidajli icapacapjia jlitaita jlipeyocapjia inaiki icapaotsa. 7 Apada inaiki kepinadajli jlitaita jlimacoadataca jliaji mapá,mitsa jliaji apada inaiki caividajli isrro mavitjacai jlitjaita jliñaca piomi cocacatsa. 8 Njaji inaiki imacacape nayacalre caicanaji vipjiarro imacacape narropocosho. 9 Jliaji pomenianjai nite jiaji jlitjan joividajli jlicada catjima pacaolre,potjiyadajlishoca jliaji pikitsinda icaitecadanaco pjia ajadajli. 10 Mamacoadatatsa naji pikitsiñapeji natsaca pjinirri ikitsiñapeji.madetsa naji pimatsicana jlipanajlico jliaji pikitsinda.Picacoadata jliaji tsomida-jlitsa yofaca pioya jlioya jliaji tëcodajli yavaca pioya. 11 Picajiketacao,nirri, picatjimata nocaolre;niniotsa pitjaita pimacoetaca naji yomacape pipjeyalrecana. 12 Pada atsia cajikedajli jlicapa jliaji matsidajli nite jlienitacao naoya,mitsanaji inaiki majicaperrin nava nite njerrapjitaca jlicoadao jliaji nanaitjajli. 13 Jliaji icaitecada icaveñaca apada icoenton corridajli jliaji,nite jlimatsicaca apama inarro cavilredarron inai,jlivayacavatsa pjiomi naji jlirrojli. 14 Jliaji icaitecada matsiadajli jlikitsinda isrro caidajlico piyonpina-cotoa, matsiotsa jlimotjoca jlirro. 15 Srroaji apama inaro corridarrotsa icada yacotji jiva rronaco caicanoaji iiya itsacjacavasho carrida yamica itsacjacao; 16 Corritsa coca itjaita imacoitacano caiji corricapisho patjaita pjepaca caojli o pjepaca jliaji aceite pacapi rrico. 17 Jliaji tsipalra jlikemata cao tsipalrashotsa;caitsacja naji inaiki naji nanacoitetsa naji inaiki. 18 Jliaji imatsietacada jaico iguera jliñjatsacaotsa jlinaca,nite jliaji imatsietacada jliminajli jlisrroatsa jlicoada. 19 Caiji apada icaocapisho jliecoa jinapjian onirico,caitsaca pacaoca jlicaolre jliaji inaiki catjimadajli. 20 .Jliaji mayamicajli nite jliaji irirri corrivatsa coancaolre metjami najiacacao,caitsaca jliaji ikemicada corrivatsa coancaolre metjami jliajiacacao. 21 Jliaji palrata nite jliaji ovirro tjiyeshoatsa namatsietana;nite jliaji atsia namatsietaotsa nasho naji nacaiterri jlinaco. 22 Piñacada jliaji majicadajlin jamiñadajlisho caiji piñacapisho paniatji ishi,caitsaca piñacadata jliaji majicadajlin corrivatsa jlimacaca jliaji jlimajican. 23 Pivapa caidajlitsa naji pinaikite nite pjita picaolre nanaco, 24 Jliaji cananidajlica pja corritsa caidajlicaro-catsan.¿capjaotsa caidajlicarrotsa itjajkicanatjica pjä? 25 Piyoa naji majlitsi vajliperri imotocarroa,piniva naji majlitsi avacadajlicoperri naiñacarro naji pipirra. 26 Pidanatashapa pidaki naji nayan naji cordero nite naji cabra piventashopao pjipaiteva. 27 Pirsoatsa cabra inia pirraoda piipana lrico njite naijaope njaji idenjicape pirso.
1 Naji inaiki matsiperrin navacatsa imatsicacao,mitsa naji mtsiaperi naofacao caiji leön yafacapisho. 2 Matsicada-nacotsa jlimenacaca jliaji pada itjajlicanatji apada jipainaco,mitsa jliaji matsiadajli itjajlicanatji imenacaca apada jipainaco jlitjajlicana-taca aima año. 3 Jliaji apada inaiki kjenadajli ikjenatacada apada kjenadajli cayocaniaji iiya caidadajli imatsicacapisho naji ipaniatji. 4 Naji corriperrri yoma shepaca jlia Dios yaco nacaiteacacao ,atsiperrin-cana; mitsa njaji shepacape jliaji Dios yaco matsi napa jliaji nanaitajli. 5 Naji atsianai matsiperrin corrivatsa coancaolree naji jliaji matsiadajli mitsa naji yomacape jliaji Dios najivatsa pjiomi jliaji matsiadajli. 6 Matiapjatoa jliaji apada kjenadajli jlicadacaca ajadajli, jlioya jliaji rricodajli matsidajli yacona. 7 Jliaji shepacada Dios yaco jlienipecan cajikjedajli,mitsa jliaji corridajli shepaca jlinirri yaco jlipaimanietaca jlinirri. 8 Jliaji ivaketacada aima jlipalratanio jlitacarropä jlinacoitje jlivaketacani jlirro jliaji kjenadajli icapaca naji kjenaperri. 9 Jliaji corridajli yoma jimica Dios yaco, corrintsacaotsa Dios jimi jlitataca jlinai. 10 Jliavatsa jliaji icadacada jlinaitja jlimatsinao jliaji apada shepacada jlivacatsaotsa icapa jlicoadao;mitsa naji inaiki matsiaperri nacapatsacjaotsa jlicoadao. 11 Jliaji cananidajli cajikjedajli jliajiacacao jlivaopiakje-shovatsa, mitsa jliaji kjenadajli jliajikjesho jliajivatsa coajidajlica. 12 Nacatjimata-cacadanacoa naji matsiaperri catjimacaotsana pjiomi, mitsa nacatjimata-cacadanacoa naji matsiperrin camitsa nadavacaca naoya njaji inaiki. 13 Corrivatsa matsiaca jliaji idavacada jlimatsina icao,mitsa jliaji icofasacada jlimatsicana Dios vatsa shata jlimatsicana. 14 Catjimacaotda jliaji yacada matsiadajli caidajlitsa ,mitsa jliaji itarratacada jlicaolre jlirrapjitacaotsa. 15 Caiji yavi kerroanisho o caitsacjani oso inoacacapishoa, jliaji apada itjajkicanatji matsidajli jlimenaca-cadanaco apacoa yacalre kjenadajli naco. 16 Jliaji apada itjajlicanatji matsidajlin icamitsa jlimatsike-taca,mitsa jliaji carridajli ikemi jlifacaotsa via jalredaoca jlico. 17 Jliaji inocada apada inaiki pacovacatsa-cjaotsa mayamican corrivatsa coca itjaita idanata jlioyan. 18 Jliavatsa jliaji yofacada ajadajli vaminajlivatsa ivapacan,mitsa jliaji matsidajlin jlirrapjita-caotsa 19 Jliaji idejicada jlipaiterrico jlirroatsa aima jliñaoda,mitsa jliaji corridajli ivaopia jlidejica corritsaotsa coancalre yami kjenacan. 20 Jliaji apada atsia icadacada icaolteo jlirroatsa aima matsiadajli,mitsa jliaji yomacada cananicani kjeya jlirrapji-tjacaotsa. 21 Corrrin matsia papeyoca apadapenatsa apjetsida yoya,mitsa nini inaiki inaitjacape namatsicanava pjepada pansho. 22 Jliaji jitacada icaolreo cananicarron,corrivatsa jliaji kjenacajli inoca jlinaco. 23 Jliaji apada yomacada ikitsindataca apada icaitepecada,jlirrotsa jlirroca jliaji ipeyokjetji. 24 Jliaji iñaitocada jlinirri jlidoatsaca, jlicaite corricatsa pecadocan, jliacatsa nanacoitjedajli naji iñaitocape o inocaperri. 25 Jliaji apada atsia ikemicada icamitsa jlicadaca nainoacacarroa, mitsa jliaji icadacada icaolreo waminajli-naco matsiacaotsani. 26 Jliaji icadacada jlicaolreo jlinacovaca majicadajlin can,mitsa jliaji cajikedajli jlienitaca jlioya jliaji matsidajli. 27 Jliaji ikitsindatacada naji kjenaperri,corrivatsa coancaolre kjenacan, mitsa jliaji corridajli yoma ikitsindataca kjenaperri jlioketacaotsa matsirri. 28 Nacatjima-tacacadanacoa naji camatsicana-perrin,icamitsa nadavacacao naoya naji inaiki,mitsa jliocacada-nacoa njenana njeñacarroa naji matsiperrin,namaimatacacao naji matsiaperri.
1 Jliaji corridajli yoma nacaitcani , jlimatsicacaotsao keya. 2 Aimacadanaco naji shepacaperri, catjima naji inaiki,mitsa mepacadajli cadanaco itjajlicanata njerrapjitaca naji inaiki. 3 Jliaji ipeyocada jliaji yajikjetji jlicada catjima jlinirri icaolre,mitsa jliaji yajicada cavilredarron inai,jlivayaketaca naji jlirroji. 4 Jliaji itjajlicanatji yajicada ivapaca jlipaite jlicada matsiaca jlipaite, mitsa jliaji jitacada aima impuesto jlivaketaca jlipaite. 5 Jliaji icaitecada yocotji matsiadajli jlikitsinda isrro, ajadajli midajlicatsa jliaji jlicaiterri. 6 Naji jlimatsike-tashopa jliaji matsidajlin icatsa naji jlimatsicana,mitsa jliaji apada inaiki matsiadajli catjima jliofacao jlicatjimatacao 7 Jliaji apada inaiki ikitsindatacada naji kenaperri; mitsa jliaji inaiki matsidajli corrin kjena jlicapaca naji kjenaperri. 8 Naji inaiki majicaperrin icamitsa namatsiketaca nafaopiake naji inaiki yofacape yacalrerrico,mitsa naji inaiki cajikeperri naji njenitacaca jlioya jliaji matsidajli o irroatji yoya. 9 Jliaji cajikedajli jlirrocada yacotji majicadajli icoetje jliaji coajica jlima-tsietaca yacotji,corrin mapjican. 10 Naji inaiki matsiperrin inocape inaiki matsi nacapa naji inaiki matsiaperri 11 Jliaji majicadajli jlinaita pjiomi naji jlimatsicana, mitsa jliaji apada cajikjedajli jliaji jlivapacacao matsidajli yoya. 12 Jliaji itjajlicanatji jimicada ishatji isrro,icamitsa jlicada majicaperrica naji idjicape jlisrro. 13 Jliaji apada kjenadajli nite jliaji ikjenatacada apada Dios yajitsa nanaco jliatsa icada nacaficao naji yamadade. 14 Apada itjajlicanatji icaitecada ajadajli yacotji apada kjenadajli naco, jiltjajlicana-tacaotsa aima año. 15 Piñacada pienipe nite picaitecada caidajlicon cajikjedajli-caotsa pienipe, mitsa jliaji meñacana-dajlitsa corridajli pacaite caida icamitsa jlipaimanietaca jlidoa. 16 Aimacada njaji camatsi-canaperri, aimatsaca jliaji imatsicanatji, mitsa inaiki matsia-perri icapatsaotsa namatsica-cacao njaji matsiperrin. 17 Picananta pinipee nite jlidaotsa pimavada-caca; jlicadavatsa catjimaca picaolre. 18 Corricada apada itjajlicanatji ivapa matsia jlinaikite,corrivatsa naji cocaca nanaitja naji iaiki, mitsa naji inaitjacape caiji Dios icaiteca-pisho naoketaotsa matsiadajli. 19 Corrin patjaita pamatsietaca apada majicadajlin yacotjisho ima jlimjinta, mitsa corrin jlinaita caiji jlicapisho. 20 Mitsa kjeyapatsa jliajica jliaji mjepacadajlin jlioya jliaji icaitepecada macadatsa corrin jliaji coajishopa jlicaiterri. 21 Jliaji icadacada jlisrrodajli shepani tsodajlica-danacotoani mitsa pekirricada-nacoena jlirrodajli corrivatsa jliepaca jliaco. 22 Njaji inaiki keyaperri kerroaca icamitsa naomaca irroatji;njaji inaiki kjeyaperri kerroaca nanaita aima matsidajli. 23 Jliaji padalredajli capaiman-nadajlicaotsani, mitsa jliaji mapadalreca-dajlitsa , catjimavatsa nacapacani. 24 Jliaji yajicada cañaite-perri inai jlimatsicaca jlivacatsa jlidada; jliajitatsa jliaji matsidajli mitsa corrin jlimacacani. 25 Jliaji atsia cafiokedajli jlivacaotso imatsicana- tjirrico, mitsa jliaji icadacada jlicaolre ajadajli Dios naco manacocaotsani. 26 Aima naji yomacape cocacatsa matsiadajli itjajlicanatji inai , mitsa apadatsa Dios jliaji icadacada matsiadajli naiki isrro 27 jliaji apada atsia matsidajlin icatsa jliaji imatsiketacada inaiki matsiaperri ivaopiakje, mitsa jliaji mayacandajli ivaopiakje napeyocan naji inaiki matsiperrin.
1 Agur, Jaque yenipe jlicaite yacotji nasrro njaji Itiel,jite Ucal isrrotsaca: 2 Ajadajli nocaite noacatsa caiji maficajlisho jlioya jliaji apada inaiki nite corrin nosrro inaiki yajikje. 3 Corrin noaji jliaji yajikjetji, corrintsaca nosrroca yajikjetji matsiadajli. 4 ¿Cocao jliaji itjatacada jirraca enojlicolre nite jliorroco tsenacja niteo?¿cocao itjaita jipaca jliaji caojli jlicapirrico? ¿cocao itjaita jipaca jliaji oni jlicapirri?¿cocao inaitja piomi jliaji jipai?¿cocao jlipitana jliaji inaitacada piomi njaji nite coca jlienipe ipitana? 5 Pjiomi jliaji Dios yaco ajadajlican; namaodaca-shopacan njaji ipeyocapen. 6 Marruetatsa yacotjipä Dios yaco yoya vadevatsa jlirrapji-tjetacapjia nite nite jlicañataotsa cashadajlinca pjia. 7 Yamada yacotji notjata pinai pjia no Dios te, piacarro nosrrona jlipjeyatoa mayamica noa: 8 pjieta noya matsidajli nite ishatjitsaca. macadatsa cananidajlica njoa corrintsaca kjenadajlica noa, mitsa picada noiñao jliaji nomajli. 9 Ima nosrrocada aima notjaitaotsa nodavaca piacona nite nocaiteotsa¿cocao jliaji nominajli? 0 Kjenadajlicada noa notjaitaotsa noñaitoca nite nomatsicaotsa no Dios te ipitana. 10 Macaitetsa matsi apada idejicada isrro jliminajli ipjeyalre vadevatsa pjirrapjitaca jlicoada. 11 Nini inaiki matsiperri cacoca njanirri isrrnite corrintsaca naca matsiadajli nadoa isrro. 12 Nini inaiki ivaopiacape matsiacana jlisho jliaji navaopiajli, corricadanatjoa Waminajli shata jliaji namatsicana. 13 13 Nini inaiki icaitecape matsiacana, mitsa matsiperrin-cadanana 14 Nini inaiki ipeyocape palrata nañaitoji kjenaperri yoya naoya naji maidaperritsa jalredaoca-jlico njetaca napalratan naoya piketemite nite nacada kjenacana callerrico. 15 Srroaji mapalra srrorro yamama rroitinaipe icaitecape pia nosrron pia nosrron, madajlida yacotji nacaiterri nite jliaji coatroshopa yacotji corrin yami naomaca: 16 Jliaji irrirri,Jliaji irrirri,nite srroaji menipedarro, nite jliatsa jliaji jipai corridajli mapji yomaca oni; nite jliaji tjiye corritsa coancaolre jlicaite¡ anjena¡ 17 Jliaji matsidajli icapa jlinirri nite corridajli shepa jlidoa, mitsiapjanta perri jitaca jlitji naiñacarron naji jlienipe. 18 Nini madajlida yocotji matsiaperri- calretsa nosrro mitsa jliaji coatroshopa corri noaji coajishopacani: 19 Dios icapjentsa jliyapacarron caojlirrico jliaji perri,nite jlicapatsaca api jiyapacarron jipacoanaco; nite jlicapatsaca jliyapacarron jliaji ita ooni macapavanrrico; nite jlicapatsaca jliacadanacoa jlia apada atsia inasrro yenpetjitoa iderre jlinaitjacarro matsi srroapiya. 20 Srroaji inarro yopidarron srroyapa coajida-catsa atsia inai, nite jliapodamina rrocaite corrin nonaitaca matsidajli. 21 Nini madajlipoco inaiki naoyavaca, coatroshopa icatsa naji corriperri patjaita pavantaca . 22 Caconaite-cadanaco jliaji idejicada nasrro; nite jlisrrocadanaco aima iñaodatji jliaji majicadajlin. 23 Cainirri-cadanaco tsenacja srroaji inasrro yopidarron matsi nacapa srrorro,nite caconadarro-cadanaco srroaji idejicada rrominajli shapotjete 24 Nini coatroda maficajli tsodajlipetsa aji jipairrico mitsa cajikjeperri-pjacana naoya naji apjetsida : 25 Naji cavipe maidaperritsa, mitsa namatsieta naiñaoda camoirrico oonia ipjeya, 26 Naji conejo corriperri cjaidaca inaitjaca ipanao jipadapecojlico. 27 Naji tacapa corritsa narroenca naminajli, mitsa naca mayacanva. 28 Jliaji dopo jliavantacaca nasho naji yamemade jlicapi, mitsa jliofatsacao jlipanajlico jliaji itjajlicanatji. 29 Nini madajlida nite coatroshopa matsiaperri pacapaca yajicao: 30 Apana yavi, cjadadajlipa nanacoite naji maficajli corridajli ifiocao; 31 Apada coama padalredajli; apana cabra; nite apada itjajlicanatji isrrocada jlitsolrodaonai yajicape jlinai. 32 Pinatja-cacadava caiji majicadajlin- sho nite piajiacacada caiji caconaitesho nite pivaopiacada pinaitjaca matsi apada isrro, picapaotsa pioyao naji nacaiterri. 33 Caiji icodoetacadasho leche jlirroatsa mantequilla napatoetacada caida jliaji pjitaco kerranacaotsani, nini pinaitjacada irroatji irroatjiotsa pioketa.
1 Njaji yacatji rey lamuel icaiterri jlidoa icanantasho-pani . 2 Pjiacatsa noenipe, nomotjotanda novavajlicoite ,Dios icadanda nosrro natjatacapoa jlinai corritsa cocapjanta nocaite. 3 Mcadarsa pjidä njarro njaji inaitjepe, matsa nanai njaji inaitjepe ivayaketacape njaji rey nai 4 Lamuel, corrin matsia nairraca irraodatji njaji reyenai corrin irraodatji capoadajli,corrin matsia natjataca naji gobernante-nai akjerrepa irraodatji capoanjai. 5 Vadetsa irraodatji icada imavadacaca jlioya jliaji Dios yaco nite corrintja inaita caiji kjenaperri yomacapisho. 6 Icada nairraca irraodatji njaji irraotji imatsicanipe nite icada nairraca vino njaji maidaperri. 7 nairra irraodatji nite namaodacaotsa jlioya jliaji kjenaperricana nite corritsacao-tsa navaopia jliaji namatsicana. 8 Pivapaotsa njaji corriperri itjaita ivapacacao, Dios icaitecada-nacoatsa nacona pjiomi njaji inaiki. 9 Caco pjia ajadajli, picaite yacotji mayacandajli kjena picapa njaji kjenaperri njatsaca canacaiperri isrro cocaca. 10 ¡ Jirrapitjina paoketaca apama iinarro matsiadarro inaikica! cacoadada-rrocano caiji apacja cadena ovirrocjasho. 11 nite jliaji srroinirri jlicada jlicaolre srronaco nite corrin jlicada kjenacano. 12 Srronaitja jlisrro matsia nite corrin srronjaita jlisrro matsi caficadana-cotoano. 13 Rroma yamacatji matsiamakepe nite tjavajli matsiaperri, nite srrodeji catjima srrocapisho. 14 Caicanoaji apafia ita pacjandajli inanitjisho; srroketa srroiñao acjaitjecatsa. 15 Srronaitja iñaodatji piyonpinacotoa srroacarro srropanetja iñao, srrocada nadejicalre naji idejicape srrosrro. 16 Srroa rroma apapji finca o kinikjiapji matsiadajli rroventacarron; jlisho jliaji palrata rroganada rrocapisho rroapanacarro rropaniava. 17 Srroetaca matsiava rrodejicapoa caida. 18 Srroaji rrovapaca jliaji rrodejicajle jliacarro matsiava, rrodejica depirrico corrin yajlimica rrolanparan. 19 Srrocapisho rroavanta rrocotsaca.nite rrotjipirratsaca. 20 Srrokitsindata njaji inaiki kjenaperri; srrokitsindata njaji inaiki canacaiperri isrro cocaca. 21 Corrin rrofio rrokitsiñape ivana, narroca nanani matsiaperri njaji rropanetja 22 Srroco rrocaman yecoava , rroeta rrotsayan yamacatji matsiaperri irrocape nadaa amolrape. 23 Najindaca jliaji roinirri jlivacadanaco napiya njaji pekipenai . 24 Sronaitja tsaya nite rrovendena nite rronjaitja correya rrovendena mercado jlico. 25 Srroetaca matsiava cacoadaperrisho, corrin rrota rrocaolreo jlinaco jliaji jalredaoca inojli. 26 Cacono mayacan cajikje-darrosho rrosrroca yacotji matsiadajli. 27 Srroaji coanca rrofacao rropanetja yapiya nite corrin rroiña jliaji corridajlitsa rroganaca. 28 Catjima rroenipe icapacano nite rroinirri icaite yacotji matsiadajli rrorro jliaco: 29 Aima inaitjepe inaitacape matsia, mitsa matsiapatoa pinaitjaca pjia. 30 Micapan-dajlitsa jliaji apama inarro imatsica, jiyacadatsao jliaji rromatsiaca,mitsa rroaji apama inarro shepacada Dios yaco, rroadecja matsiadarro. 31 Pia apada irro jliaji pidejinda picapisho picada caconape icapa matsiaca jliaji pinaitjalri.
1 Icatsa njaji yacoti icanantacaita icaitejica, David irri, Jerosalén italricana. 2 Cayo lricaiteca jjiaji icanantacaita: ''Mikjapan catsa pjiomi njaji pacapalri, itamano sho, caolri sho, pjiomi nawayacawa. 3 ¿Coca lrimatsiaca lrirso jliaji inaiki jlita cada lricaolre nanaco njaji lridejicalre jérri yapjite? 4 Pacoma iwayacao njite walricoma initawa, mitsa jliaji jiipai corrin lriwayacawa. 5 Jérri imotoa njite lridia tsenakja jliewawa, njite kjeyatsa lridia tsenakja lrimotowa lrimoto carroji mana njiteo. 6 Jliaji caolri lripjiaca jerri iyekema nakjoite njite lriyofiawa inarroema nacojle, cayotsa lriacawa lriapowa lrico njite lridia lriocawa lrinita carrom pia tsenakja. 7 Pjiomi njaji ooni yamarracape naocawa manoa nacojle, mitsa jliaji manoa corrin pakjamica nasho. Niini njaji ooni nadia tsenakja namarrawa nano carroji mana njiteo. 8 Pjiomi njaji wacapalri nama wacapaca corri capoa wají coajica nanaco. Jliaji watjí corrin matsia lriajiacacawa nasho njaji nacapalri, corrin metamica najiacacawa njaji fenacolrico nasho njaji njemirri. 9 Coaji piaca nanaitjaca njaji inaiki oopi, cayo tsenakjaotsa napieta nanatjaca, coaji piaca oopi, cayo tsenakjaotsa panaya. Corrin pacapa walriperri inaitjacalriwa jérri yapjite. 10 ¿Capja niinica apada wataitalri wacaiteca inaco: ''Picapa, walridalritsa jliaji?'' Pjiomi njaji wacapalri miyaca lricotsa nainitawa, nainiwa wapjeya toa. 11 Njaji inaiki panayaperri corriotsa nawadá carroca njaji nanaitjalri njaji waferrinaipe; njite njaji walricomanai, corriotsa nawadá carroca jliaji nanaitjalri njaji inaiki panayaperri, njite cayo mini tsakjaotsa nainai njaji walriconaipe apapia jalredaoca wapeyajleperri.'' 12 Icanantacaitaca njoa, natalricana pia njaji Iraelnai Jerosalén lrico. 13 Nocadaa nowaopiakje icanantakjeti irso noma capoa noají coajica nanaco pjiomi njaji pacapalri eeno yapjite. Pada idejikjeti jirrapitinaperri Dio icadalri narso njaji inaiki jalredaoca lricoperri wade mekjapancatsa naofacawa jalredaoca lrico. 14 Nocapjenina pjiomi njaji nanaitjalri njaji inaiki jérri yapjite, njite noají mkikjapancatsa pjiomi njaji nanaitjalri. Jamolri iitaca sho catsana, paoma capisho pjepaca caolri pacaapi ricó. 15 Jliaji tsikerredalri imotocawa corrin pataita mayacantaca. Jliaji iñácadawa corrinatsa padiá carroca paoketa. 16 Caaco nocaolre irso cayoji: ''Norso aima pja yajikjeti naoya njaji nopjeyadaperri Jerosalén lricoperri. Jliaji nowaopiakje lriaji aima yajikjeti niini lriaji aima naco tsakja.'' 17 Niini nocadaa nocaolre lriajícarro yajikjeti naco lriajícarro coajica matsia, noajícarro tsakja coajica nanaitjaca njaji inaiki matsilriperri, njite nooca noají mikjapancatsa jliaji nonaitjalri, cayoji nooma capisho njopaca caolri nocaapi ricó. 18 Ajádalri nocaite: ''Aima cada pja parsoca yajikjeti, aima pja pjerrapitaca; njite aimacadaa pja pají, aima pja matsiperri inoca paikjaolre.
1 Noaco nocaolre rico cayoji: ''Panaya nowoacawa nanaco njaji icadalri catimaca pja. Niini nonaitjaca njaji icadalri catimaca njoa.'' Mitsa mikjapan tsakja njaji nomalri, cayocana paoma capisho pjepaca caolri pacapi ricó. 2 Mikjapantsa pecaaca coca nacoca; njite mikjapandalritsa jliaji paomalri pacatimataacawa ikjaote jalredaoca lrico.'' 3 Nocaolre rikjoite nocadacawa irraodati irso nowícarro cayocantja matsia njoa. Mitsa nocada jliaji nowaopiakje lridecarro njoa yajikjeti sho, nonaitja cadana macadatsa nodewana cádanaco. Noma pia nonaitjaca coaji cantja matsiaca jliaji inaiki caafi cádanaco eeno yapjite. 4 Ninaitja aima idejikjeti, Nonaitja nopanao njite nonaitja nokiníkerrewa. 5 Nonaitja norsowao paniapjida matsiaperri njite njite naofacarrodawa njaji inaiki; noapana aima paniati matsiaperri paiñjaca napecolrico. 6 Nonaitja pada ooni yarrodao macadalri noarrocarro nanaco njaji jaico nataoñácarro matsia. 7 Nowenta norsowao norsoperri atsianai njite inaitjepe tsakja; norso cadana tsakja norsoperri jicoperri talricanati dapana lricotsa. Norso pia tsakja aima vaaca papocoperri naoyawaca, aima pja pia norsoca nópirra naoya njaji apana talricanatinai nopjeyaperri pia jerosalén lrico. 8 Nowaketa pia tsakja palrata njite owirro tsakja norsowao nayapepem njaji talricanatinai iwapacape jiipai macacoepe njite jiipai tsokjoe tsakja. Norso njaji icantacape norso, atsianai njite inaitjepe, nocatimatacawa nápiya njaji noninai njite njaji inaitjepe norsoperri, cayoji nacatimataacawa njaji atsianai. 9 Niini canaanidalri pja piaca njoa naoya njaji apjetsida talricanatinai nopjeyaperri pia Jerosalén lricope, njite corrin noajikje imaca njoa. 10 Pjiomi njaji nokemiji notji sho, norsoca norsowao. Corrin pacapa pada njaji icatimatalri njaji inaiki corridalri nonaitja, ima nocaolre icatimatacawa nanaco pjiomi njaji nodejicalre, niini nocatimatacawa nodejicalre icoada sho. 11 Njite nocapa pjiomi njaji nodejirri nocapi sho, njite njaji nodejicalre nonalri nadejica, mitsa nopieta nocaiteca, itamanatsa njaji nocaiterri, cayoji paoma capisho pjepaca caolri pacaapi ricó. Corrin pacapa pjetanda nasho jérri yapjite. 12 Njitena nodia nowaopia lrinaco jliaji yajikjeti, njite njaji nonaitjaji nomajican lrico tsakja. ¿Cocantja lritaita lrinaitjaca jliaji walridalri talricanati njoapodamdalri njaji corridalrintja nonaitja toa? 13 Ninina noaji aima pjacatoa lrimatsiaca jliaji yajikjeti naoya njaji panaitjaji pamajican lrico, cayoji matsia capisho pja jliaji camarrai cadaocadalri ioya. 14 Jliaji atsia cajikjedalri, cayocani lricayosho jliaji atsia icapacada matsia lriicao lritji sho akjerreca lriawa, mitsa jliaji majicadalri lriajicawa cadaoca cawa lrico, mitsa noaji cayo minicatsa pjiomi njaji inaiki. 15 Nini noaco nocaolre ricó: ''cayoji jliyapa capisho jliaji majicadalrim, cayo tsakjaotsa njoyapacawa nacayosho. Niini, mikjapantsa cajikjeca njoa.'' Niini noajpi nocaolre ricó: ''Mikjapantsakjani, itamanatsa pjiomi.'' 16 Jliaji inaiki cajikjedalri njite jliaji majikjedalrim, corriotsa nawadacarroca wia njaji inaiki. Yamiketsa nawadacana. Mayami jliaji atsia cajikjedalri mayami capisho malritsi. 17 Niini matsi noaji cafica njoa ima matsiperri catsa norso njaji idejikjeti padejirri jérri yapjite. Mikjapan catsa pjiomina, cayocaji paoma capisho pjepaca caolri pacaapi sho. 18 Matsi nocapaca pjiomi njaji nodejicalre nonaitjalri jérri yapjite ima nomacacaotsana mayami kenaotsa njoa lrirso jliaji njoapodada. 19 Ima corrin noají cajikje caotsani o majicacani. Mitsa, jliacaotsa natalricana pjiomi nanaco njaji nodejirri iyecato ricó jérri yapjite. Mikjapan tsakja pjiomina. 20 Niini, noinita piena njotaca nocaolre nanaco pjiomi njaji nodejicalre nonaitjalri jérri yapjite. 21 Ima jliaji idejirrina lrinaitja njaji lridejicalre iyecati sho, yajikjeti sho ima cayecadalricani, mitsa, lrimaca caotsana apada irso corridalritsa irso njaji. Mikjapan tsakja njaji, inonadalritsa. 22 Ima, ¿cocao lrimatsiaca lrirso jliaji idejicada kjaida njite lrinaitja jidati lricaolre ricó lriwayaketácarro matsia lridejicalre jérri yapjite? 23 Jalredaoca icoam aima njerrapita nadejica njite kerroacana, njite deepi ricó corrin nawafetacawa matsia. Mikjapantsa pjiomina. 24 Niini matsia pjaca paiñja catsa njite pairraca kepinacarro pja padejicalre icoada sho. Njite nocapa ajádalrica jliaji Dio icaiterri cayo cada panaitjaca. 25 Ima, ¿cocantja itaita iñjaca o cocantja itaita icatimatacawa corri cada Dio lriinai? 26 Ima coca cadaa icatimata Dio, Lria watsa lrirso yajikjeti, iyecati njite itimati. Mitsa jliaji inaitjacada imatsicanao, Lricadaa lridejicalreo lriwaketácarro lricada carroenakja lrirso jliaji icatimatacada Dio. Mikjapantsakjana, cayoji paoma capisho pjepaca caolri pacaapi sho.
1 Niini jalredaoca nakjenanatanda panaitácarro jlinana lrico njaji coadaoca panaitja eeno yapjite. 2 Niini pada jalredaoca jicócarro njite pada jalredaoca mayamicarro, pada jalredaoca papanácarro njite pada jalredaoca pethácarro njaji papania, 3 pada jalredaoca painócarro njite pada jalredaoca patapécarro, pada jalredaoca pamatsicá-carro njite pada jalredaoca padiácarro panaitja tsenakja. 4 Niini apada jalredaoca paiyacarro njite pada jalredaoca pecaacarro; pada jalredaoca inonadalri cawinana cádanaco pja njite pada jalredaoca parrapácarro, 5 pada jalredaoca paocácarro jiiáda njite pada jalredaoca paniwácarro jiipada, pada jalredaoca pjeyoácarro apjetsida njite pada jalredaoca yamícarro pjeyoaca apjetsida. 6 Pada jalredaoca paomácarro payarroa njite pada jalredaoca yamícarro paomaca payarroa, pada jalredaoca pamatsietácarro payarro njite pada jalredaoca papecócarro njaji payarro, 7 pada jalredaoca patsfácarro tsaya njite pada jalredaoca paocócarro tsaya, pada jalredaoca maacócarro pja njite pada jalredaoca caacócarro pja. 8 Niini pada jalredaoca paomaacácarro njite pada jalredaoca maatsícawa pacapaaca cawa, pada jalredaoca paofácarro imaodacakjeti ricó njite pada jalredaoca panaitjacarro oowi. 9 ¿Cocao lricoadawa jliaji idejicada? 10 Nocapa njaji idejikjeti Dio icadalri narso njaji inaiki nadejí carroni. 11 Matsiaperrica pjiomi njaji Dio inaitjalri, njite Lricadaa cocatsa jiyapawa njenana lrico. Lricadaa tsakja pajícarro coaji piaca jliaji jalredaoca oopi njite coajicaotsa wapeyajle. Cayo cadanatja, corrin pataita pají nanaco pjiomi njaji Dio inaitjalri. 12 Nini noaji wanaco fa inaiki, icamitsa wataita waofacawa matsia njite wacatimatacawa nanaco njaji matsiaperritsa caafi cádanaco toa pja, 13 njite nataita naiñjáca, nairra tsakja nadeji capoa, matsia nanaitja cayo catima carrona. Nutsa narsotsají icacatsa pada Dio yandaca warso Lrimatsiaca nakjoite macoadatsa. 14 Njite wají tsakja, corri caotsa nawayacá carroca pjiomi njaji Dio inaitjalri. Corrin wataita wayata pjaca narso o wadajleca cantja naoya; cayotsa Dio inaitjacana nataitácarro natsomitacani njaji inaiki nácarro Lrirso matsiadalri. 15 Miyacatsa pjiomi njaji wacapalri, njite njaji corripetoa wacapa, wacapa cadaotsana nini cayami piena oopi ricotsa. Dio-tsa icadaa nají njaji inaiki coajica njaji Lrinaitjalri oopi Lridawanda toa naoya. 16 Nocapa njaji imatsicanati jérri yapjité perri, ninicawantja matsiaperri, njite nanaitjacawantja matsia narsowaca, icamitsa nanaitjaca niini imatsicanati. 17 Mitsa kjenana capoa pjiomi, niini noaco nocaolre rico cayoji: ''Dio watsa icaite naacona njaji matsiaperri njite njaji maatsiperri njenana ioca cádanacoa, coaji piacana njite coaji piaca nadejica.'' 18 Noaco tsakja nocaolre ricó: ''Diotsa íwi njaji inaiki jalredaoca lricoperri Lricadácarro najíacawa maficalri sshoperricana.'' 19 Ima coajicaotsa njeyapacawa njaji atsianai, njite coajicaotsa njeyapacawa njaji maficalri, pacoacatsa lricapacana coajicaotsa njeyapacawa. Coajica mayamica jliaji pada, cayo tsakjaotsa mayamica jliaji apada. Padatsa jliaji caolri icadalri caficana. Corrin nja pjaca irso caolri njaji inaiki maficalri ioya; ima mikjapanperri catsa pjiomina. 20 Padatsa jliaji mayamicalri pjiomi irso. Jiipai sho pjia Lrinaitjana niini jiipaica tsenakjaotsa nadiacawa. 21 ¿Coca yanjí atsia icafica iacawa yenonrse-rse njite nacafica njaji maficalri iacawa tjewacajle-rse jiipai yapitje-jle? 22 Niini jliaji noajirri tsakja, corriotsa coca itaita idietaca pja jalredaoca lricojlé tsenakja mayami cayami pja, niini matsia, picatimatacawa pidejicalre naco, ima cayoapeca fa, idejicaope tsa jalredaoca lrico.
1 Apada tsakja jliaji nocapalri jérri yapjite, niinica aima jirrapitacape. Nocapa coajica naiyaca njaji inaiki njerrapitetaji, njite corrin narsoca pada idanatalrintjana. Njaca kjaida naoya njaji icadalri njerrapita, njite corrin pacapa apada yemalrintja nakjoete. 2 Nini nocaite matsia nanaco njaji mayamperrina, mitsa kjena dekjatoa nocapaca narso njaji caafi petoa. 3 Mitsa catimaperri pja catoa njaji walriperri toa jícoca, ima corri catoa nacapa njaji imatsicanati jalredaoca lrico, jérri yapjite. 4 Nocapa tsakja nanaco njaji idejicaperri kjaida, icamitsa nadejica narsócarro aima nayarroa njite narsocarro pja apjestida ioya. Mikjapantsana, cayocana paoma capisho pjepaca caolri pacapisho. 5 Jliaji majicadalri lripatoita lriwawa lrinaapa sho wadee lridejica, caidalri ima jliwacatsa inaitja lrirsowawa maatsí. 6 Mitsa, matsia pjatoa pidejica pimaodacatsa padatsa hora lrioya jliaji idejicada kjaida yamada hora, ima mikjapantsa padeji cadaa kjaida calretsa. 7 Njite nocapa pja tsakja njaji panaitjalri jérri yapjite, njaji miperri dekjena. 8 Nocaite nanaco njaji inaiki iofacape njawacatsa, corrin narsoca neenipe, corrin pada lrikitsinda lriinai. Lrideji kjaida caidalritsa lrikemi capoa njaji lricapalri, lrioma pjaaca inaaniti lrirsowawa. Corrin lriofantja lriwaopia coadaca lrideji kjaida, njite corrin lricatimatacawa cafi cádanaco toani. Mikjapantsa padejica kjaida. 9 Matsia pjatoa yamada cadaa njaji idejicape; njite nataita njetaca aimapja narsowao jliaji naomalri nadejicalre ioya. 10 Pada jiwa cadaa nanakjoite, lrikitsinda itaita jirretacani, mitsa jliaji yajicadawa apadatsa, jliwa cadawa, corrin coca jirretani. 11 Nataita njamotaacacao njaji icoacape yamadapeo, mitsa jliaji icoacadawa jiwacatsa corrin lritaita lrimotaacacao. 12 Apada cadatsa jliaji inaiki pada itaitatsa shametacani, mitsa yamada cadana nataita nemaca lrikjoete, njite jliaji jinorroti madalrikjadalri ipikja corrin motjom carrocani kjeya. 13 Matsia pjatoa yempeti kjenadalrica pja mitsa irsocada iwaopiakje, lrioya jliaji talricanati pekirrim majicadalri minatsa, corridalrinatsa ioma jimica pacaiteca painaiwani. 14 Ajádalri jliaji nocaiterri kjenadalri cadatsa imotoca icapa jalredaoca jliaji yempeti, mitsa talricanatiwape, o imotocadawa presodapana lrikjoite talricanati carroni. 15 Mitsa, nocapa matsia nanaco njaji inaiki iofacapewa jérri yapjite, matsia cada nacapaca jliaji yempeti toa njite náa jliapodam icamitsa njerretacani nacadacanawa walridalri. 16 Aimaotsa njaji shepacape lriaco jliaji walridalri talricanati, mitsa kjayatsa jalredaoca yamiotsa naomacani. Mikjapantsana, cayocana paoma capisho pjepaca caolri pacapisho.
1 Piwapa matsia pinaikica pia cádanaco Dio iipana lrico. Pia nirse pjimicarro picao. Matsia pjatoa pjemica paicao naoya njaji inaiki matsilriperrimi nadee cádanaco ofrenda corri cadana nají matsi catsa jliaji nanaitjalri. 2 Makjeyapitatsa caacócarro pjia nanaco njaji piomalri picaiteca Dio irso, macadatsa picaolre ikjeyapita piapiya wadee corrica pinaitja njaji picaiterri pinaitja caotsa. Ima Dio iofacawa eenolricojle, njite pjia, icatsa piofacawa jelredaoca lricotsa. Niini macaitepetsa aima yacoti. 3 Ima pirso cadaa aima pidejicalre njite pjita picaolre naikjaote, nacadaotsa matsica pjitaponca. Niini lricoatsa caacoca pjia, wadee mikjapanketsa cacopeca pjia. 4 Picaite cádanaco Dio irso, jliá watsa nonaitja Pirso, cayo cápadanaco kjeya pinaitjacan, ima corrin catima Dio icapaca narso njaji majicaperrim. Niini pinaitja jliaji picaiterri pinaitja caotsa. 5 Matsia pjatoa corrica pinaitja yacoti lrinaco jliaji piomalri pinaitjaca, lrioya jliaji picaiteca njite corrin pinaitjani. 6 Manaitjatsa pimatsicanao lrisho jliaji picaiterri. Macaitesa lrirso jliaji sacerdote: ''Corrin nomacalreca jliaji nocaiterri.'' Cayo cadaa pinaitja, pikerroata caotsa pirsowao Dio lrikjaote jliaji picaiterri, njite Lriwayaketa caotsa pioya pjiomi njaji pirsolri pjitaji pidejicalre icoada sho. 7 Macadatsa namatsiketa pjia njaji piwaopiakje aimadalri, njite piaco aimadalri tsakja, mikjapantsana. Pirsotsa pifioca Dio iwana. 8 Picapa cadaa pada italricanatacawa lrico coajica jlirrapitetaca njaji inaiki niniperri, coajica lriñaitoca nadejicalre matsiaperri naco, mjetatsa picaolre nanaco, wadee piwaopiaca corrica coca yají lrinaco jliaji matsirri lrinaitjalri, ima njaji talricanatinai cayoperri narsoentsa natalricana iwapacapena, njite nanaco njaji talricanatinai, niini apada naicao dalri pjatoa yajicada nanaco. 9 Njite jliatsa jliaji talricanati jlipa tsakja lriyadawa nainai nanakjoite njaji nañaite. Njite jliaji apacoa irricoca naaca narsowaca njaji idejicape niini. 10 Njaji ipeyocape palrata, naoma pjatoa palrata, corrin mapjica naomaca; njite njaji ipeyocape aima nanaaniwa naoma pjaotsa aima narsowao. Mikjapantsa njaji cayoperri. 11 Aima cada pja nataoñacawa njaji panaani, aima tsakja inaiki itaoñawa iñjacapena. Niini icamitsa lrimatsiaca lrirso jliaji cayarroajidalri lritaita catsa lricapaca lritji sho njaji lrirsolri. 12 Jliaji inaiki idejicada lritaita lridiaca lrimaa lrimaodacatsa, lriñja cadaa aima o tsootsa mitsa lrimaodacatsa; jlia cadana jliaji cayarroajídalri corrin lritaita lrimaaca lrimaodacatsa ima jlitaca lricaolre nanaco njaji lrirsolri. 13 Niini pada inonadalritsa nocapa jérri yapjite; njaji iwaketacape aima nanaaniwa, icamitsa lrideca narso matsiperri. 14 Lria cádanaco kjena jliaji ricodalri pia, corri capoa lriwapa matsia njaji lrirsolri pia, icampjatsa kjena catsakja jliaji lrienipe. 15 Cayoji matsayan capishotsa lrimoto lricapa jalredaoca jliaji inaiki jíco cádanaconi, cayo tsakjaotsa lridiá cádanaco lrioya jliaji jalredaoca. Corrin lritaita lrideeca pada nanakjoite njaji lridejicalremi. 16 Inonadalritsa nocapa jliaji corrica pataita padeca painaiwa nanakjoite njaji padejicalre, icamitsa padiacawa cayotsaji jíco capishotsa pja. Niini mikjapantsa padejica kjaida parsocarro aima panaaniwa. 17 Njite icamitsa paofacawa coyolrekjeti ricó, irroati ricó, iyamikjeti ricó, njite cocacatsa ima pacapaca. 18 Niini norso njoa, matsia pjatoa paiñjaca, pairraca pacatimataaca carroa nanaco njaji parsolri padejicalre icoada, padeji cádanaco toa jérri yapjite, Dio icada cádanaco toa caafica pja. Ima cayoadaca Dio icadaa fa jalredaoca lrico. 19 Dio iáa cada apada irso aima lrinaaniwa, piñja, pirra tsakja picaolrewa nanakjoite; picatimatacawa nanaco njaji pirsolri ima pjirrapita pidejica pirsocarrona, njite cayotsa Dio icadaca pjia pirsocarro njaji pirsolri. 20 Njite Dio icada capoa catimaca pjia picaolre ricó, mjetatsa picaolre coajicaotsa piofacawa caafi cádanaco toa pjia.
1 Niini pada imatsicanati nocapalri jérri yapjite, pada matsidalritsa narso njaji inaiki. 2 Dio itaita iaca apada irso lri-ricocawa, inaaniti, njite naminalri carroni wadee canacai catoa lrirso cocacan, mitsa mikjapan catsantja lrirsocana ima corrica lritaita lriofacawa lrimaodacatsa naikjaote. Icamitsantja apadenakjantja jipa lrioya njaji lrirsonipe. Mikjapan perritsa njaji. 3 Pada atsia itaitantja irsoca aima lrienipe njite njitentja lriofacawa aima walria jalredaoca lrico, mitsa corri cadantja lricatimatacawa cafi cádanaconi, o corri cantja nadawani mayami cádanaconi, niini noaco lrinaco, cacoada pjaca jliaji yempeti mayamirri jlidoa iwawa lricotoa lrioya jliaji pekirri. 4 Ajaca mikjapancatsa jiicoca jliaji yempeti mayandalrim, njite kjeyatsa nadawani niini corritsa coca ianjí lrinaco. 5 Jliaji yempeti corrin lricapa jérri icanaca, njite corrin tsakja coca lriají, mitsa jliaji yempeti lrioketa pja matsiadalri lrioya jliaji pekirri corridalritsa icatimatacawa nasho njaji Dio ialri piatja lrirso. 6 Lritaita pia cantja lriofacawa do mil jamolri mitsa corri cadaa lriají coajica matsiaperri naco, lri-rico minitsa lriawa naacawa lrico pjiomi. 7 Mitsa pjiomi njaji idejicape nadejica naiñjacarro, mitsa corrin kepinacana naijaoda sho. 8 Niini corritsa cocaca teecojleca jliaji cajikjedalri lrioya jliaji majicadalrim. Corritsa coca lriaji jliaji kjenadalri lriema cadaa napeyajle njaji inaiki lriaji cadana tja coajica lricoadatana. 9 Matsialrina pja nasho njaji pacapalri patji sho lrioya jliaji pajica paoma parsowao njaji corripetsa parso, Mikjapantsa pja, cayoji paoma capisho pjeepaca caolri pacaapi sho. 10 Kepitanaperri kena oopi ricotsa pjiomi njaji pacapalri, cayotsaji kepitana capisho njai inaiki oopi ricotsa. Niini mikjapantsa pja corri cadaa pacoaca pawaopiakje lriinai jliaji icaitecada waacona kjaidadalri, jliaji yanjicada wanaco pjiomi. 11 Aima cadaa pja caacoca pja, aima tsakja njaji pacaiterri mikjapantsa. ¿Cocantja lrimatsiaca lrirso jliaji atsia cayodalri? 12 Ima ¿Coca itaita yajica cocaca jliaji matsiadalri lrirso jliaji atsia cafi cádanaco toa jalredaoca lrico, jliaji jamilri idanapiam shodalritsa? ¿Coca itaita icaiteca apada atsia irso lrinó carrontja jérri yapjite lripjeya toa mayamicani?
1 Matsia pjatoa matsia cadaa piacona lrioya jliaji piarroca pinacoa pomeniajai, njite matsia pjatoa mayamica pja lrioya jliaji jíico catoa pja. 2 Matsia pjatoa paacawa naikjaolre njaji cawunanaperri, lrioya jliaji paacawa narrapacawa lricojle, ima jliaji irrapakjeti narsoatja pjiomi mayami cádanaco pkja, niini njaji inaiki cafiperri toa narsotsa nawaopia nanaco njaji wacaiterrina. 3 Matsia pjatoa jliaji inonacalri pekjen ioya, ima inona cayami peecoa catima nakja pacaolre. 4 Jliaji cajikjedalri lriwaopia tjewaca mayamicalri naco, mitsa jliaji majicadalrim icamitsa lriwaopiaca coajica lricatimataacawa. 5 Matsia pjatoa cajikjedalri icoitaca pja, lrioya jliaji pjemica nacantaca njaji majicaperrim. 6 Mikjapantsa lricajica jliaji majicadalrim, kjeyadalritsa iwayacawa cayoji malritsi metaperrim imacapisho. 7 Jliaji icashatacada ape atsia cajikjedalri lricadaa majicani, njite jliaji icaoñaaca cadawa lriapiyao lrimatsica apada icaolre. 8 Matsia pjatoa lriwayacacawa njaji cocacan lrioya jliaji lrinitacawawa; njite njaji inaiki makjeyapicapetsa matsia pjatoana naoya njaji inaiki padalreperrimi. 9 Makerroatacatsawa kjeya icaolre ricó, ima jliaji irroati iofawa nacaolre ricó njaji majicaperrimi. 10 Macaitetsa cayoji: ''¿Matsia pja piatoa jliaji jalredaoca oopi panaya ioya?'' Corrin pitatjeta lrinaco pioma capoa pirsoca yajikjeti. 11 Matsiadalrica jliaji yajikjeti, cayocana nacayosho njaji inaaniti cacoadaperri paferrinaipe imacaji parso. Ima lrinaitja matsia narso njaji icapacape kjaiteca jérri imotowa. 12 Ima jliaji yajikjeti lriwapa pja matsidalri ioya, cayoji palrata idanata capisho pja tsakja, lrimatsiaca jliaji yajikjeti lricadaca cafi matsia jliaji irsocadani. 13 Icapa nanaco njaji Dio inaitjalri: ¿Coca itaita imayacantaca njaji tsikerreperri lrinaitjaca? 14 Picatimatacawa matsia cádanaco pirso pjiomi; mitsa maatsi cádanaco piyapacawa pirsotsa piwaopia niinica Dio icada cádanaco warso jalredaoca matsiadalri njite jalredaoca maatsidalri tsakja, njite corrin coca yanjí coajicaotsa jliyapacawa lripeyajle. 15 Corri cadana noyatoa aima oonia jalredaoca lrico lricó, mitsa nocapa aima coajica jliaji jalredaoca; nocapa coajica mayamica njaji inaiki matsiaperri yempetipe toa, njite nocapa tsakja inaiki matsiperri naofacawa aima oonia jalredaoca lrico. 16 Corritsa matsia, matsia cada calretsa pja; corrin tsakja aima cada calretsa parso yajikjeti; ¿Coadantja paoma pamatsicacawa pjawacatsa? 17 Corrin matsiaca matsi cadalretsa pja, mkitsa corrin tsakja matsia dawim cadalretsa pja. Corrin matsia mayamica pja pjenana ipjeya toa. 18 Jipa matsia yapiyao jliaji yajikjeti, mitsa mamacatsa njaji apjetsida. Jliaji ifio cáda Dio íwana matsia watsani pjiomi naco. 19 Jliaji yajikjeti icadaa lricadaa kjaidaca jliaji atsia irsocadani, kjaida pja die talricanatinai iwapacape pacoatsa yacaalre. 20 Corrin pacapa apada inaiki jalredaoca lrico matsiadalri pjiomi naco njite corridalritsantja inaitja imatsicanawa. 21 Mjemitsa piicao pjiomi njaji yacoti nacaiterri njaji inaiki, ima wadetsa pjimica coajica pirsodalri iwadapeca pjia maatsi. 22 Njite pjiajintsa matsia caco mana tsakja pjia maatsia pikitsinda naco. 23 Nocapjenina matsia yajikjeti sho njaji. Niini noaco: ''Noma norsoca aima yajikjeti.'' mitsa corrin noketa aima yajikjeti ima aimadalrica noya. 24 Téeco noya jliaji yajikjeti, njite tjewacaca nooya. ¿Cocantja itaita ioketani? 25 Nocadaacawa noajícarro, nocapácarro matsia njite nooma noajikjewa, njite notatácarro noajica coajica njaji pacapalri. Njite noaji matsia corricatsa matsia dawinca pja, njite corrin matsiaca pamatadata majica capoa pja. 26 Njite nooca noají pada jipitidalripja mayamicalri ioya, icatsa rsoaji inarro pakjamidarro oowepi shoperri, tooda shoperri rocaolre rico, njite rsopashopaca njaji rocaapi. Mitsa jliaji ipeyocada Dio lripitoatsa rooya, mitsa jliaji ipeyo cada imatsicanati rsopaotsani. 27 Cayo lricaiteca jliaji icanantacaita. ''Aima njaji nooca noaji inaco, nonaitja cayo noma capoatja noaji coanshopaca njaji pacapalri. 28 Noaji cádanaco tja noma noajícarro coajica, icamitsa njaji noketalri. Noketa apada atsia inaitjacada matsia napecolrico njaji atsianai aimadan, mkitsa corrin noketa apama inarro inaitjacada matsia nanakjoite njaji inaitjepe aimadan. 29 Njite icatsa njaji nocapalri inaco: Dio inaitja njaji ianaiki matsiacarrona, mitsa njaji inaiki opi njeena lrioya, icamitsa najica naoma narsowao matsiperri.''
1 Corrin coca itaita yajica matsia o lricanantaca matsia cayoji apada cajikjedalri icaite capisho. Jliaji yajikjeti lricanaca lriecoa naco jliaji irsocadani, lricadaa necaaca njaji inonaperri yecoa. 2 Nocate pirso pjiepa carrocatsa jliaji talricanati inalri pinaitjaca ima picaite piaca yacoti ajádalri sho Dio naco piwapacaotsani. 3 Mamacatsa jliaji pitalricanaa piacarro ape iinai lrioya, makitsindajitsa matsi caatsa lrinaitja, ima jliaji talricanati lritaita lrinaitjaca cocacatsa lrioma lrinaitjaca. 4 Coaji cadaa lriaco jliaji talricanati, parsotsa panaitjaca cayoji lricaite capisho, niini, ¿Cocantja itaita icaitecani: Coampeca pjia? 5 Coajidalri cadaa inakjoite shepa talricanati icakiterri, icapaotsa lrinaitjaca irso maatsi. Jliaji atsia irsocada yajikje, jliajintsa a kjrreca lriawa jliaji lricapalri njite coancadanacoca lrideji. 6 Niini catsa lriapana nanaco njaji paomaji pajica inaco ajádalri, njite niini pada jalredaoca pajícarro coajica, ima aimadalrica lrimatsicana jliaji inaiki. 7 Corrin coca yanjí coaji caotsa tjewena, ¿Coca itaita icaiteca coajicaotsa tjewa? 8 Corri coca yanjí lrinacowacatsa lrinaco jliaji caolri icadalri cafini, lritaitácarrontja lriyamitaca lrioyawa, corrin tsakja lritaita lriofa pjacatoa jalredaoca lrico jlinaana ioca cádanaco lrinaco. Corrin coca imenaca apada idiawa lrinoaca cádanacowa oowi ricó, njite jliaji imatsicanati corriotsa lrimacácarroca njaji lripresotaji. 9 Njite noaji nanaco pjiomi njaji. Njite nocanantaacawa aima idejikjeti naco jérri yapjite. Niini tsakja pada jalredaoca apada inaiki jirrapiteta cádanaco ajetsida a kjrreca lrinoni. 10 Niini nocapa coajica nadawaca njaji inaiki matsiperri nacapacawa pjiomi. Njetanana mamatsicana cawa lrikjoite nadawácarroni, njite njaji inaiki nanaitjaji irso matsi naaca matsiadalri narso. Mitsa mikjapantsakja njaji nocaiterri inaco. 11 Apada ino cadaa apjetsida njite corrin nacaite kjeya lrinaco jlirrapitácarro, icamitsa nama nanakitjaca namatsicanao nacaolre rico njaji inaiki njite nanaitja cayo nawaopia capisho. 12 Apada camatsicanadalri inaitja cadaa cien piape lrimatsicanao, njite lriofá wía jalredaoca lrico, njite noají matsiacaotsa njaji ifiocape Dio iwana, njaji icaitecape matsia lrinaco nainai. 13 Mitsa jliaji inaiki matsidalri corriotsa matsíacarrocani; corriotsa wiacarroca naofacawa jalredaoca lrico. Cayotsa naofacawa jalredaoca lrico jérri idanapiam shotsa corri capoa nafio Dio iwana. 14 Niini tsakja pada mikjapandalri tsakja, pada nanaitjanda tsakja jalredaoca lrico. Coajica njeyapacawa njaji inaiki matsiaperri cayo tsakja njeyapacawa njaji inaiki maatsiperri. Njite nocaite mikjapan tsakja jliaji cayodalri. 15 Niini noaco irso, iomacarro icatimatacawa, ima itimati macadlrica lrirsoca jliaji imaiki iñjacada, irracada njite catimani járri yapjite. Itimati watsa lrikitsindaji caidalritsa cafi cádanacotoani Dio icadanda lrirso jérri yapjite. 16 Nocadaaca caojli pia nocaolre nocanantáaca carroa yajikjeti naco notaitácarro nonaitja pja idejikjeti jalredaoca lrico, nodeji caidalritsa, corrin daimjica notji deepi ricó corrin tsakja jálrewe-ricó, 17 niini nowaopia nanaco njaji Dio idejicalre, njite jliaji atsia corrin lritaita lriajica nanaco njaji lridejicalre járri yapjite. Corritsa coadaca jlirrapitaca jliaji atsia lrioketácarro coajica apada naco lriomanda lriajica inaco. Apada atsia icaite cada lriajica aima pja apjetsida ioya, mikjapantsani, cotsa coca lrianjí.
1 Nowaopia nanaco njaji nocaolre ricó notaitácarro noaji coajica njaji inaiki matsiaérri, cajikjeperri njite pjiomi nadejicalre naco. Dio icaapi ricoca pjiomina, corrin apada yanjí coan cádanacoca itimati iocawa lrinaco o irroati cada. 2 Niini apada iocalriotsa pjiomi irso. Inaiki matsiadalri njite jliaji matsidalri, pacoaca tsaotsa mayamica fa. Njaji mamatsicanaperri njite njaji camatsicanaperi; njaji inocape maficalri Dio irso njite njaji corriperri íno maficalri Dio irso, mayami tsakjaotsana. Njaji icaitecape yacoti ajádalri Dio naco njite njaji corriperri inaitjaca, pacoaca tsakjaotsa mayamicana. 3 Niini pada matsidalritsa jiyapalriwa pjiomi irso jérri yapjite, padatsa jliaji iwaplri pjiomina. Pakjamica matsidalri sho nacaolre ricó njaji inaik, nanaitja macadatsa cafi cádanacotoana. Njite piketem, icamitsa mayamicana. 4 Lriwapa pjatoa matsiadalri jliaji corridalritoa mayami, cacoada pjatoa jliaji tsíino caafidalri yawi mayandalrin ioya. 5 Ima njaji inaiki coripetoa mayami nanjí mayamicaotsana, mitsa njaji mayanperrina corrinatsa coca nanjí, corrinatsa narsoca nawaopiakje njite corrinatsa coca iwadana. 6 Oopina nawayacawa lrioya coaji piaca lripeyoca, coaji piaca kerroacani, coaji piaca lrikemica. Corrinatsaotsa coancaojlica napieta nanaitjaca jliaji nanaitjapialri pia jérri yapjite. 7 Niini warsena piawa, piñjácarro piñjapda, pirra pirraoda, picatimatacawa joiwipe; njite mjetatsa picaolre nanaco ima corritsa matsirrica Dio icapaca pacatimataaca-cadawa matsiatsa. 8 Pjietacawa matsia, pimatsietacawa matsiatsa. 9 Piofá catima roapiya rsoaji piino piomanda picaolre sho, ima kjeya catsa Dio icada paofawa jérri yapjite. Icatsa jliaji parsolritsa panaitjaca caafi cádanacotoa pja jérri yapjite. 10 Pioketa cádanaco icoam pidejicalrewa, pinaitja matsia jliaji pidejirri. Ima mayami kenaotsa pja corriotsa padejí carroketsa, corritsa parso carroketsa pawaopiakje, corrinatsa coca panjí, corritsa parso carroca yajikjeti, iyecati walriotsa nirse pjiomi fa. 11 Nocapa tsakja pada matsidalritsa anji jalredaoca lrico: Corrin jlia minicatsa shama lricoema shecocawa jliaji kjeyadalri shecoca naoya, njite njaji kjaidaperri pjaca inoacacawa corrin nja minicatsa shama nacoema; njite jliaji irsocada yajikje corriotsa yamícarroca kjenacani; jliaji yajicada coajica lrinaitja lrirsocarro lrinaaniwa corriotsa cayarroanjicarroca aima pja, njite jliaji iinaiki matsiadalri corriotsa matsia minicatsa nanaitjaca lrirso. Niini jalredaoca matsia cádanaco ioca parso o maatsi cádanaco iocawa panaco. 12 Corrin pada yanjí coancaojli caotsa jlinaana iocawa lrirso, cayoji corri capisho copje yanji coancadanacoca lricalrapiacawa tooda lrico, o cayoji wipjiarro írro capishowa nerroetanda lrico napia. Cayo tsakja njaji inaiki, corrin nanjí coancadanacoca matsidalri ioca jípana. 13 Nocapa tsakja inaiki cayekaperri inaitjacape matsia njite matsiatsa nocapa jliaji nanaitjalri. 14 Niini pia apacoa yacaalre corricawatsa pacapa aima inaiki, njite apada talricanati kjaidadalri iawa naikjaolre lriinó carrona, lriyofietana lrinaikite sho, njite lrinaitja njerracarronawa yacaalre iwai naco. 15 Mitsa lri-ricoda jliaji yacaalre niini pia apada atsia cawaopiakjédalri mitsa kjenadalritsa, niini lrinaitja pada lriwaopiakje lriyomjetácarro njaji inaiki ninperri. Mitsa jliapodami, corrinatsa nawadaca jliaji atsia kjenadalri cajikjedalri iyomjetalrina nacoema ioya. 16 Niini nocaiteca cayoki: ''Matsia pja catoa jliaji yajikjeti, jiidati joya, mitsa lriajikje jliaji atsia kjenadalritsa corrin coca iomani, njite corrin coca jimi lrirso cáaco cádanaconi.'' 17 Matsia pja njaji yacoti pada canjikjedalri icaitenda tacaa lricotsa naoya njaji yacoti lricaiterri kjaida sho jliaji talricanati majicadalrim. 18 Matsia pjatoa jliaji yajikjeti naoya njaji nainoaca shopawa oowi ricó, mitsa apada majicadalrimtsa lritaita lriwayaketaca maatsitsa pjiomi.
1 Cayoji dolrio mayamperrimi iecota capisho jliaji pomeniajai, cayotsa pada pamatadanda tsodalritsa lritaita lri macoadataca jliaji yajikjeti njite lriacona. 2 Lricaolre jliaji inaiki matsiadalri lriwaopia matsiatsa, mitsa lricaolre jliaji majicadalrim corrin lriwaopiaca matsia. 3 Pada inaiki majicadalrim, corrin coca lriwaopia lriaji cádanaco inipolrico, lricadaca nají lrinaco njaji apetsida inaiki matsilridalrin cani. 4 Kerroa cada pirso apada talricanati, mamacatsa pidejicalre. Ima jliaji itarrawatakjeti lritaita jlienitaca waoya irroati matsidalri. 5 Niini tsakja apada imatsicanati nocapalri jérri yapjite, apada imatsicanati nanaitjalri njaji talricanaatinai: 6 nacadaca majicaperrimi idejicalrewa nainai jliácarro njewidapo, mitsa njaji cajikjaperri corrin nacada nadejica nainai cayo. 7 Nocapa coajica njenicoca naofawa caballo naco njaji narsoperri idejicape narso, njite njaji cajikjeperri icamitsa nacadaa nacawa njaipa shotsa. 8 Coca cada jíca pada irrirri lritaita lriwacawa jliwacatsa lri-ricoda, njite jliaji idoita cáda panti iwai, pakja ápi itaita imjoacani. 9 Njite jliaji imataca cáda jíipada lriyoacacawa lrishotsa, njite jliaji átsia iyoa cáda jaico lriometaacacawa lrisho. 10 Paita matseta marsocadalritsa iema, njite jliaji idejicada lriso corri cadaa lrianjí lrikématacani, lrirsotsa lrinaitja pjaaca jíidati, mitsa jliaji yajikjeti lricadaa matsiaca pja lrioya. 11 Pakja ápi imjóa cadaa ape inaiki lripjeya toa namerroatacani, niini corritsa coca lridejicalre lrinaco jliaji imerroatacadani. 12 Jliaji inaiki cayekjaite matsia cáacocani, mitsa lriacoam jliaji majicadalrim lriacoamtsa inaitja maatsoi lrirso. 13 Cáaco cadanacotoa jliaji majicadalrim, lrimotoeta yacoti matsiperriomtsa, mitsa yami cádanacoena cáacocani oicamitsa caacocani macadatsa, yacoti matsiperri. 14 Jliaji majicadalrim aima lrimotoitaca yacoti, mitsa corrin coca yanjí coajicaotsa napeyajle. ¿Cocao yanji coajicaotsa tjewena? 15 Jliaji majicadalrim idejicalre lria lrimapjitani, cayo cádanaco corrinatsa lrianji jliaji inipo iacadawa yacaalre ricojle. 16 Kjenadalrica pjia jíipai, yempeti cadatoa jliaji talricananti, njite nainita cada nacatimatacawa piyompinaco toa njaji njewidapo. 17 Mitsa matsiadalrica pjia, jiipai, cajikjedalri yenipe cadaa jliaji iwapalri pjia, ima njaji njewidapo naiñjaca jlinaana lrico, kjaida carrona, corrin nadewaná carroca. 18 Íino capoa jliaji inaiki corrin lrimatsieta lriipana itapje, inodalri capoa jliaji inaiki iyao itsakjawa lriipana iwawa lrico. 19 Njaji inaiki nanaitja iñjaodalri neketaacá-carro naiñja cádanaco, jliaji jaicotjeda ianáa lricadaa najoiwitaacawa, njite njaji palrata icatsa parsoshopaca pjiomi canacaiperri parso. 20 Macaitetsa yacoti talricanati naco, corrin piawaopiakje ricoca, macaitetsa yacoti matsidalri canaanidalri naco pjiwaaca cádanacotsa pimacawa lrico. Ima pada wipjiarro yarrajicadawa itaita ideeca jliaji piacoarrom; coandalri catsa yarrajicadawa itaita ideeca njaji picaiterri.
1 Ikitsindata njaji apjetsida corridalritsa pianjí, ima pioketa caotsa nacoadao tsenakja. 2 Pia siete inaiki irso njaji pinaani, ocho inaiki irso cadaa, ima corrica pianji coandalrica matsirri inolriotsa jalredaoca lricojle. 3 Pakjmi ooni sho njaji iyadaoca, mitsa njawacatsa icadaa nétada jiwacawa jiipai nocojle, njite jliaji jaico akjerre cadatsa jliwawa, nirsetsa lriorsoawa piketem. 4 Jliaji yapanacaita, lriwapa cadaa lricappa a kjaiteca cadaa caolri ipjiaca corriotsa lriapanacarroca, njite jliaji iwapacada icapa iyadaoca naco wadeepe corricaotsa lriniwaca lripania. 5 Cayoji corri capisho pianji caolri yapowa naco, njite cayoji corrin capisho tsakja pianji coajica yempeti yapi itaoñawa jlidoa iwawa lrico toa, cayo tsakja corrin pitaita piajica Dio idejicalre naco, jliaji inaitjaca pjiomi. 6 Piapanaotsa piyompinaco njaji pipania; njite poiapana njaji apjetsida dainoma nacojle, pideji picapi sho naikjaote njaji canacaiperri pirso, nini pianji watsa coanperri caotsa njaji itaioñalri watsa matsia nanakjoite, njaa cadaa njaji piapanaji piyompinaco, o njaji dainomajlé perri, ima coamperri catsa nanakjoite matsiaperri minicatsa pjiomi pacoaca. 7 Ajádalrica matsiadalrica jliaji camarrai, metamdalri icadaca pja pacapa cádanacon. 8 Pada iofa cadawa aima walria jalredaoca lrico, picadaa lricatimatacawa caidalritsa caafi cádanaconi, mitsa icada lriwaopia lriajícarro coajicaotsa mayami cádanacoenaotsani, ima mayami caotsani caidalriwetsan. Ima mikjapan catsa pjiomi.l 9 Picatimatacawa yempeti, yempeti cádanacotoa pjia, njite picadaa catimaca picaolre piyempetica lrico toa. Pinaitja njaji picaolre iomalri pinaitjaca, pjiomi njaji picapalri pitjí sho, mitsa, pirsotsa pianjica, Dio itatja caotsa piinai nanaco pjiomi njaji pinaitjalri. 10 Pjienita picaolre ioya irroati, Macadatsa icaiyati shamaca idada, ima jliaji payempetica njite jliaji pjaida mikjapandalri catsana.
1 Mamaodacatsa lrioya jliaji Inaitjacaita pjia caafi piyempetica lrico, lripjeya pékirrica pjia njite naoca cádanaco pinaco njaji talricai imjaidata cáda pja, picaite cáda nacoenaotsa: ''Corrinatsa joiwica njoa,'' 2 pinaitja cayo lripjeya toa yalrimica jérri, kéerri njite njaji jiwirsida tsakja njite iyadaoca cadaocádalri ipieta tsenakja jinicocawa íya cayamina tsenakja. 3 Jliawajli, natetjecaotsa njaji iwapacape talricanati dapana, njite tsikerre caojlinaotsa nemacawa njaji atsianai kjaidaperri, njite corri kenaotsa nataita nawititaca cáana njaji inaitjepe ima nawayacacawa, njite corrinatsaotsa nataita nacapaca jalrami njaji icoanjetacape icapa ventana lrico. 4 Ikenaotsa jliawajli naitaaca caotsa njaji inipo ipananoma, njite corrinatsa njemí carroketsa matsia, corriotsa njemí carroketsa njaji yacapewa inipolrico, njite njaji itodacape ánada sho, corrinatsaotsa njemí carroca nacantaca njaji inaitjepedape toa, mitsa nacafietani njaji wipjiarro nacanta cádanaco deepi toa ima corriketsa nemaaca matsia. 5 Nafio ketsaotsa nerracawa, njite aimenatsa cafainaperri narso inipolrico, jáalre kenaotsa natsicolre cayoji jawaya íiwi sho, jamiña kenaotsa narso padecalre tsoperritsa, corri ketsaotsa naoma njaji canacaiperri padada icaona. Cayo cádanacoena lridiawa lrinolri njiteo jalredaoca mawayaca cádalri lricojle njite naiya ketsa lrinaco njaji lrikitsiñapemi. 6 Piwaada Pinaitja shona naco lrpjeya toa mjotónca piapiyao jliaji pipapí palratakja, lripjeya toa bolronca jliaji pirra carroapa owirroapi, lripjeya apada ipecoca bolromi jliaji taza torropeda ooni lricojle, lripjeya toa mjotonca lriñada jliaji jita shopa ooni jicaniapji lrikjoite. 7 Ima jliaji pidada lridiá caotsa jiipai ricojle tsenakja lrinolritsa njiteo, njite picafica lridia tsenakjaotsawa Dio ikjaolre ima jlica icadalri pirsoni. 8 Cayo lricaiteca jliaji icanantacaita: ''Mikjapantsa, miperri catsa pjiomi, itamana shocana.'' 9 Aimadalri pia irsoca yajikjeti jliaji icanantacaita niini lricanantca yajikjeti naco njaji lrinaikite aimadan. lricadaa njemica nanaco njite lricadaa nanjí coanshocana; lridana njite lrimatsieta aima yacoti lricananta shopana. 10 Jliaji icanantacaita lridana njatsa njaji yacoti matsiaperritsa pjemica, ajádalripe tsa, icaitecape mayacan. 11 Awí sho perrica naaco njaji icanantacaperri. Nañáa capisho tapoa tjewaca padada naco icatsa cayoca naaco njaji icanantacaperri nadananda lrico, nacantalri inaco nawapampe irso njaji iwapacapena. 12 Panaya, nirri, noma piawaopia lrinaco jliaji nocaiterri pirso: Piofá cadaotsa pidana aima paperra, corriotsa coancaojli yamiotsa pidanaca ima mawayacacadalricana; njite piá watsa maapji pjia aima cada calretsa picanantacacawa. 13 Njite nowayaketa carroena nanaco njai nodanalri inaco, jimirrina inaco, icamitsa nooma pifiocawa Dio iwana njite pimatsietaca Lriaco picaolre ricó, ima icacatsa jliaji narsolri catsa nanaitjaca njaji jalredaoca lricoperri. 14 Ima Dio watsa icaite nanaco njaji wanaitjalri jalredaoca lrico, matsiaperri cadaa o matsiperri cadaa. Lricaite tsakjaotsa naacona pjiomi njaji panaitjají dawacalri ricotsa.
1 Jliaji nacantanda matsiadalri pja,Salomón idananda. 2 ¡Páa, Iritsotso cadantja njoa Irinoma sho, ima matsia pjaca jliaji Iripeyoshopa njoa jaicotjeda iana ioya! 3 Joiwi perrica íitan njaji Iripomenicape; nacaite Irinacomatsia cayoji pomenídalri imoto capisho Irioya,niininapeyo pjia njaji inaitjepe walridarrope. 4 Pidee njoa njoecócarro piinai.Caacoca rsoaji inarro romanda irso: catima nocaolre pekirritsa pikjaote; picadaa nocatimatacawa pipeyocaa ikjaote; ima matsiadalri pjaca jaicotjeda iana ioya. Niini pjiomi njaji inaitjepe naomaca pjia pimatsiaca ikjaote. Aacoca rsoaji inarro apama inarro irso 5 Itaneca nodada mitsa matsiadarroca njoa, sha Jerosalén Iricoperri itonaipe, itanepeca sha napanaita itapje sho njaji Cedar Iricoperri, matsiadarropeca sha cayoji yamacati Salomón inaitjaji sho. 6 Macapatsa njoa ima itaneca nodada, ima jéeri imjaitaca njoa. Njaji njodoa yenipe matsi nacapaca norso, niini nacadaca nowapa nakiníkerre, cayo cadana corrin nowapa jliaji noyarroapji. Caacoca rsoaji inarro walridarro romanda irso. 7 Picaite njoa, coandalrica jliaji noomanda:¿A kjerre mana pia pjiwa naiñjao njaji píipirra? ¿A kjeere mana pia pjiwa nawafetawa njaji píipirra mayacan cádanaco yacoti? ¿Coadantja noajicawa mikjapantsa nainai njaji nokitsiñapeji íipirra? Romanda shepano: 8 Pianjícarro icatsa pjia matsiadarro pja nanakjoite njaji inaitjepe, pipineta njapodarrom njaji nopirra njite piwapa njaji cabra yenipe piwapanipe tsomi naofacawa ioya njaji iwapacape njaji nopirra. 9 Apamatsa pjia noomanda, njite pacoacatsa nocapaca pjia caballo inarroa sho napecolrico njaji caballo secoetacape Faraón sheco carrofia. 10 Matsiaperrica njaji picacoda njaji irsocape aima matsiaperri namatsiacao, aima patjepi cacoadaperri irrocawa piweda Irico. 11 Nonaitjaotsa pirso pimatsiacawa pinacoape owirro sho njite palrata watsa neñada. Caacoca rsoaji inarro rsowacawacatsa. 12 Lriorsoa cádanacoa Iriwafetawa Iriofacarroita naco jliaji talricanati, jliaji nopomenica nárdo dalri íipiatana Iripomenitani. 13 Cayoca norso jliajinoomanda Iricayosho jliaji pomenidalri nodejinda Iriarroda Irico nocoda naco. 14 Cayoca norso jliaji noomanda Iricayosho jliaji jaicoiwi napapinda papoco nadenda En Gadi Irikjoite. Caaco jliaji romanda rorso. 15 Ajadalri, matsiaparroca pjia, nomanda; ajadalri, matsiaparroca pjia; tsotsobo shoca njaji pitjí.Caacoca rsoaji íinarro romanda irso. 16 Ajadalri, matsiapalrica, pjia noomanda, matsiadalrica jliaji picapacana. Jliaji malritsicoa jipolredalri icatsa waorsoacawaca. 17 Jliaji wapana, nanaitjani cedro sho pjiomi njaji jliecotena, njite jaico cipre sho nanaitja Iriytapjewa.
1 2 Malritsi íwi-ca njoa Sarón Iricoda, potira íwi-ca njoa pacoacaita cawa jíipai Iricoda. Caacoca jliaji atsia Iriomanda rorso. 2 Cayoca pjia, noomanda, potira íwi sho dowirri ipecolrico. 3 Pjia noomanda, cayoca pjia doomalri inana sho yemacadawa awacada Irico. Nooma matsinaa noaca nofacawa jamolri ioya piapjite njite noiñjacarro piinaca joiwídalri. 4 Jliaji noomanda, irideeca njoa Iriipana Iricojle awacada Iricoda, njite Iricadaa nocapa cojica Iriomaca njoa niini Irikjaidataca njoa, cayoji apada jirreta capisho Irinanapje Iricañjatácarro inipo narso njite Irikjaidatá carrona. 5 Pia niñjao uva namerritaji njite manzana tsakja, nomaca noiñjao, ima Irimjaidataca njoa jliaji ipeyoljeti. Caacoca rsoaji íinarrororsowacatsa. 6 Pema Irinaapa sho jlinaco njoa, njite pema sho, jlieyoaca njoa. Caacoca rsoaji ínarro narso njaji apaana inaitjepe. 7 Sháa inaitjepe Jerosalén Iricoperri, nooma icaiteca norso yacoti ajádalri sho néepitana naco njaji maficalri awacada Iricope, corricaotsa imacarroca nocapaca nomanda jinaco cádanaco njoa. Caacoca rsoaji íinarro rorsowacatsa. 8 ¡Ajádalri, njomi kena Irinoca jliaji noomanda! Irikjeyapita Irinoca matsicawa Irico, Iriwatsiacawa nanaco njaji jíipana Irima nerri iwatsiaji capisho. 9 Kjeyadalri shecocawa jliaji noomanda; picapena Iriemacawa nopananoma icoemjete, Iricoanjetaca Iricapa ventana Irico, ima cadanaca Irioyani. 10 Lriaco norsp jliaji nomanda: "Pjinicoenawa, noomanda, pinócarro noinai; pjia noyarroma matsiaparro. 11 Opina óonia jiyapawa, corritsa iyácarroca waicao. 12 Panayaotsa potira itaoñacawa, njenana iocawa namatsietacawa matsia njaji jaico njite pejimicawa tsakja napoaca njaji wipjiarro, njite pjemi tsakja tsotsobo iapoacawa fepaite ricó. 13 Opina ipe njaji camjerro ónaca njite kewica tsenakjana; njite pomenica pemjiaca neetan. Pjinicoenawa, noomanda, pinócarro noinai. 14 Noyarroapa tsotsobo, pjia iofacadawa jíipada ipatakja Irico, jiiána yenonni ipatakja Irico, picada nocapa piecoa. Picada njomica piaco imaolrena, ima joiwica pjemica pirso njite matsiaalrica jliaji piecoa icapacana."Caacoca rsoaji ínarro ronacowacatsa. 15 Njaji yówe, namatsiketa wapania, pikitsindata fa fepácarrona, ima kewica panayana. 16 Noyadaca jliaji noomanda, njite Iriyarromaca njoa; Iriwapaca njaji Iripirra potira inana ipecolrico catima Irico.Caacoca rsoaji ínarro romanda irso: 17 Pidiena noikjaolre nomanda, cayo cádanacoena japecani ima dainoma kenani, deepi kenaotsa piicao. kjaida pjiecocawa nérri shecocás, Mamapjicaca pjia cayoji nérri walrine sho toa pjiyapácarro jliaji jiipana shenetalri fa waoyawaca.
1 Nomaji tja déepi ricó nomácawa Irico jliaji noomanda, mitsa corrin noketani. 2 Niini noaco norsowaca:"Noaca toa noma jliaji nomanda pjiomi yacaalre ricojle, yacalrecoa Irico, nacoamitsa njaji inipo." Noaji piatja nomani mitsa corrin noketani. 3 Njaji iwapacape naoketa njoa naji cádanaco nayofieta nawapakje jliaji yacaalre. "¿Njite notatja njomiiona nacapa cada jliaji nomanda?" 4 Njite kjeyatsa njapodam, noena noketa jliaji iomacada njoa.Njopa njoeyoani kjaida njite corrinatsa nocada Iriawa. Nodeni njodoa ípana Iricojle, romaa cawa Irico, rocadacawa pia noinitawa rowawa Irico. Caacocano narso njaji apana inaitjepe. 5 Sháa inaitjepe Jerosalén Iricoperri, nooma icaiteca norso yacoti ajádalri sho néepitana naco njaji maficalri awacada Iricope, corricaotsa imacarroca nocapaca nomanda jinaco cádanaco njoa. Caacoca rsoaji íinarro rorsowacatsa. 6 ¿Cocao jliaji tiye íitaca pacaplri inoca jalrapocolri rikjoite, pomenidalri incienso sho njite mirra tsakja, Iritaie pomenidalri nawendenda njaji iwendecapeni? 7 Salomón iorsoacarroita jliajinaderri; sesenta tsolrodaonai Israel Iricoperri iwapani. 8 Njaji tsolrodaonai yanjicape inoacawa owi ricó matseta sho. Nacoanami nadejica namatsetani nanacoa, ima aimaca cafainaperri déepi ricó. 9 Salomón inaa nanaitjaca jlieco carrofiawa jaico sho nadeji Líbano Irikjoite. 10 Njaji nema carronao nanatjani oalratape sho; njite Iriwapicawa naco nanaitjani owirro sho, njite Iriofacawa naco nañampani yamacati irraimaca sho. Njajiji inatjepe nadeji nacaolre sho namatsieta cádanaco Iriwawa Irico jliaji jlieco carrofia. Caacoca rsoaji inarro narso njaji inaitjepe Jerosalén Iricoperri irso. 11 Sha inaitjepe Sión Iricope, imoto icapa jliaji talricanati Salomón njite Irinaco jliaji corona jliwidanaco jlidoa icadanda iririso jliada pia jalredaoca jlitaca rsoaji Iriino, jliadaa pia catimani.
1 Ajadalri, matsiadarroca pjia nomanda, matsiadarroca pjia. Tsotsobo shoca njaji pitjí pitaji yamacati sho piecoa naco. njite njaji pitsicolre cayoca naji papoco cabra sho iorrococapewa jiipana Galaad nakjoite. 2 Njite njaji pietsa, cayoca naji papoco oveja sho nayoeji ioya iiyo, namoto cádanaco nacolri njitena. Cacoemape toa pjiomi njite corrin canacaica apjewi nanakjoite. 3 Matsiaca irraica njaji pinomaya patilla iwawa Irico sho; matsiadalrica jliaji pinoma. Njite njaji picacoda matsia pacapacana cayoji patilla payoaji sho njaji piitalri yamacati wana sho. 4 Njite pinorsiapji, cayocani Iricayosho jliaji nawapa carroda nakjote yenondalri nanaitjanda David irso jiipada matsiaperri sho, njite nerroeta Irinaco aima tsolrodaonai idanaitape nainoaca cádanaco oowi ricó. 5 Njite njaji píini, cayocana yamana nérri yenipe sho, yamana nérri iñjacaoe potirapji ricó. 6 Lripjeya toa jalrecani, njite deepi jiyapakenaotsa, noawatsa Irinacojle jliaji jiipana pomenine, njite Irinacojle jliaji jipana tomonetsa inciensona. 7 Pjiomi naco matsiaca pjia, pjia nomanda njite corrin pacapa apada matsidalri pinaco. 8 Nomanda, pino noinai Líbano nacojle. Pinoatsa noinai Líbano nakjoite; pinoatsa Amaná nakjoite, jiipana Senir njite Hermón nakjoite, nawapa cawa irikjoite njaji kerrapi njite njaji yáawi tsakja. 9 OOpi pidee nocaolre, nokitsidoa, noyarroma; oopi pidee nocaolre picapa cádanacotsa njoa, Irisho jliaji pipatjepi pinacodalri. 10 ¡Matsiadalrica jliaji pipeyo shopa njoa, nokitsidoa, noyarroma! matsiadalri pjaca pipeyoshopa njoa jaicotjeda iana ioya, njite matsiadalri pjaca pipomenica naoya njaji apjetsida pomeniajai. 11 Mapaa imotowa pinomaya ioya, njite; mapaa njite íiniati imotowa pienene yapjite. Njite pi-tsayan íitan cayocani Líbano íitan sho. 12 Nokitsidoa, pjia noyarroma, cayoca pjia paniapjida corricawatoa coca shewa niini, ima corricatoa coca jiyapa piinai. 13 Njite cayoca jliaji pidada jaico matsiane sho irsocada aima iinaca matsiaperri minitsa, jaico alheña-perri ípitan, 14 nardo njite azafrán, cálamo njite canela njite aima pja pomeniperri naoyawaca, mirra tsakja njite sábila njite pana pja tsakja nacayosho-perri, matsiaperri. 15 Cayoca pjia ooni matsiajai sho iamarracadawa jiipana Líbano nakjoite. 16 Pjia caolri jéeri imotokema nakjoitédalri, pipjiena. Njite caolri jéeri imotokema nakjoitédalri, pipjiena nodada naco picadácarro noitan iawa. Njite roaco, pinoena noikjaolre, pjia noomanda. Pinoena piñja piñjaoda nomatsietanda pipia.
1 Njoeweninawa nopaniapji ricó, nokitsidoa, noyarroma;opina nokewita jliaji nopomenica mirra pipomenica sho. Noiñjenina nomapan Iriarroda fie, njite norrenina jliaji jaicotjeda iana noyadape íniati fie. Caacoca njaji nakitsiñapeji narso: iñjena, nokitsinda; írra idewanácaerro ipeyokjeti sho. caacoca rsoaji inarro yempeti toa rorsowaacatsa. 2 Nomaa cádanaco, mitsa nocafiacawa njotapon ricó. Njomi coajica noomanada iwanaca, iriaco:"Pimjeco noicao, nokitsidoa, noyarroma, pjia nópirra tsotsobo, noyarroma imatsiaca, ima potsiaca njowida tiñajlí sho, niini potsiaca pjiomi notsicolre dépi jipeca sho". 3 "Njotaca noyawao notsayan jalripadalri.¿Corri noma njoetaca tsenacana?. Nocotsoenina njoipa; ¿corrinatsa noma nocaopitjatana?" 4 Jliaji noomanda Iripataca Iricapi sho pantinoma ipecolrico jlitácarro jliaji Iridana njite catima nocaolre yanjiacacawa irikjaote. 5 Njite njonico noemawa nomjecócarro pantinoma nomanda irso; nocaapi njite nocapjiwida nakjoite mirra pomeniajaipe itopjiawa nomjeco cádanaco pantinoma. 6 Njomjeco pantinoma nomanda irso, mitsa jliaji nomanda oopi iricabocoa irida nooya. Icamitsa inonaca njoa; corritsa kjaidaca njoa. Noatja nomani, mitsa corrinatsa noketani; nowanani, mitsa corrin jliepa njoa. 7 Njaji iwapacape yacalre irioketa njoa; nainoeta njoa njite nanaitja noyaoniwa; njite njaji iwapacape yacaare iwai naco nadee jliaji notsayanalre. Caaco rsoaji inarro narso njaji inaitjepe yacaalre iricope irso. 8 Nooma icaiteca norsso yácoti ajádalri sho, sha Jerosalén Iricoperri itonaipe; icapa cadaotsa jliaji nomanda, icaiteotsa irirso caifiaca njoa ipeyokjeti naco irikjaote. Caacoca njaji inaitjepe Jerosalén Iricope rorso rsoaji yempeti. 9 ¿Cocao Irimatsiaca jliaji piomanda naoya njaji apjetsida, capja matsiadarro pjaca pjia naoya njaji apana inaitjepe? ¿Coadao matsia pjaca jliaji piomanda naoya njaji apjetsida atsianai, caicarro pioma wanaitjaca yacoti ajádalri piinai irikjaote? Caacoca rsoaji inarro narso njaji inaitjepe yacaalre iricoperri. 10 Catjinadalrica iridada imatsiaca, irsaine, catjinaca irimatsiaca napecolrico njaji die mil atsianai. 11 Owirro matsiadalri shoca jliwida, njite molratodalrica itsicolre, itadalri matsia orroma ipje shoperri. 12 Tsotsobo shoca njaji iritji naofa cádanaco ooni itarraca icodapi, napiteji íniati sho, namatsietanda patjepi cacoadaperri sho. 13 Joiwipwrrica itan njaji Iricacoda, pomeniperri imoto naoya. Potira shoperrica njaji Irinomaya, mirra pomeniperri itsakjawa njitewa. 14 Matojledaperrica njaji Irinapa njite nacada owirro iyofieta Irinapa naco; njite Iriwarrodalre naco naitani jalrete sho marsfildalri ípitana nacadanda inaco jípada cacoadaperri safiro-perri ipitana. 15 taimiperrica njaji tsicotsipa jiipada marmol-perri ipitinata njerretanda, nemetanda owirro matsiaperri naco; Líbano sho Iricapacana, naomanda pjiomi cayiji naoma capisho cedro narsowao. 16 Lrimotoeta yacoti matsiaperri irinoma Irikjoite; matsiadalrica pjiomi jliaji atsia. Icatsa cayoca jliaji nomanda, jliaji nokitsindaji; nocaiteca jimi sha Jerosalén Iricoperri itonaipe.
1 ¿A kjerre Iriawa jliaji piomanda, pjia matsiadarro naoya njiaji apjetsida inaitjepe? ¿A kjerrerse jliaca iriawa? waomaji carroatsa piinai. Caacoca rsowacawaacatsa rsoaji inarro yempeti toa. 2 Jliaji nimanda Iriawa Iripaniapjida iricojle, irirsocawa iriorsoacarroita pomeniperri, iriwapácarro jliaji paniapjida, njite iriniwácarro potira nini. 3 Noyadajicani, njite iriyarromaca njoa; iriwapa potira iwaida naco catimacalri ricó. Caco jliaji romanda rorso. 4 Matsiadarroca pjia, nomanda, cayoji iricayosho jliaji yacaalre Tirsa, matsiaca picapacana cayoji yacaalre Jerosalén sho,njite mataitacanaca pjia cayoji a papoco tsolrodaonai kjaidaperri sho. 5 Ajena picapaca norso, ima napiketo shoca njoa. Njaji pitsicolre cayocana papoco cabra sho idiacape iorrocowa jiipana Galaad nakjoite, 6 Njite njaji pietsa, cayoca naji papoco oveja sho nayoeji ioya iiyo, namoto cádanaco nacolri njitena. cacoemape toa pjiomi njite corrin canacaica apjewi nanakjoite. 7 Njite njaji picacoda matsia pacapacana cayoji patilla payoaji sho njaji piitalri yamacati wana sho. cacoca jliaji atsia iriwacatsa iriomanda irso. 8 Niini sesenta talricatai inaitjepe, njite ochenta nainaiperri, njite aima inaitjepe walridarrope toa. 9 Mitsa ojia nomanda, pjia noyarroma tsotsobo shodarro norso, mamatsicanadarrotsa, corrin pacapa apama caidarro picayosho; pjidoa iomandaca pjia, rsoaji idejicadam pia pjia rowawalrico. Njaji apjetsida inaitjepe pikitsiñape nacaite yacoti matsiadalri pinaco nacapa cádanaco pjia; nacapa pjia njaji inaitjepe talricanatinai njite njaji nainaiperri: 10 "¿Coandarro rsoaji ínarro matsiadarro, matsiadarro cayoji kérri sho, catjinadarro cayoji jérri icananalrialre sho, nafionipe iwana cayiji nafio capisho nakjoete njaji tsolrodaonai kjaidaperri?"Caco jliaji atsia jliwacatsa. 11 Noa nocapa pacoacaita cawa nacojle jiipai wapanacawa jaico nocapácarro coajikena catjiwicana, noacapácarro coaji capje kena njaji uva inana, njite kéwi cadaa njaji patilla. 12 Catima pia njoa, cayo noajiacacawa pjerra capisho paofawa Irieco carrofia jliaji talricanati yenipe caconaite. caco jliaji atsia Iriomanda irso. 13 Pidia noikjaolre, pidia noikjolre, pjia ínarro matsiadarro; pidia noikjaolre, pidia noikjolre, notaitácarro nocapaca pjia. Caacoca rsoaji yempeti toa romanda irso ¿Coada picapa norso, pjia ínarro matsiadarro, cayoji pirrapa capisho napecolrico njaji inaitjepe irrapacaperri?
1 ¡Matsia pacapa njaji pitsapatoni pjipa naco, pjia talricanati yenipe íito! matsiadalrica jliajipiiwalre, cayoji pacapan apada idejicada owirro sho inaitja capisho. 2 Matsia matojledaca jliaji pimotsi cayoji pairra carroapa sho pakjandalri jaicotjeda iana matsiajai sho; Matsiadalrica wawa icapacana njite matojledani cayoji trigo inaná napapinda panacope. 3 Njite njaji píini, cayocana yamana nérri yenipe sho, yamana nérri iñjacape potirapji ricó. 4 Matsia jalripaca jliaji pinorro cayoji njerrenta yenon jiipada marfil sho; njite njaji cayoca njaji pitji nacayosho njaji ooni yárronape Hesbón Iricope, Bat Rabim ipananoma icodapiperri. Njite cayoca jliaji pjitaco jiipada njerretanda yenon Líbano Iricoda, jliaji icapalri Damasco ikjaolre. 5 Cayoca jliaji pjiwida jiipada Carmelo sho; matsia íitaca njaji pitsicolre pjiwida nacope. Matsiaperrica njaji pitsicolre niini corrin yami talricati icapajica narso. 6 ¡Matsia pinaikica njite picapacana tsakja, pjia noyarroma cayoji pinaitja capisho! 7 Iricoa jliaji pjiwalripaca njite mayacan piemacawa cayoji manakjepi iema capisho, njite cayoca pacapaca njaji píini nainaco shotsa. 8 Niini noaco nowaopiaca:"Noma njorraca jliaji manakjepi; njopacawatsa matsia Irinanapi naco." Npmantsa cayoca nja píini uva inaca papocoperri sho, njite pomenica pjitaco íitan cayoji jémalri íitan sho. 9 Njite pinoma ijoica cayoji jaicotjeda iana sho, imotocadawa tacalricotsa nomanda nomanda irso, njite narrocawa wanoma naco njite wetsa naco tsakja. Caaco rsoaji inarro romanda irso. 10 Nomanda iyarromaca njoa, njite Irioma matsina njoa. 11 Pino noinai nomanda, pino waawemaji awacada Iricojle; wácarro wemáa nirse. 12 Depi toatsa wacafiawa wácarro wapaniapji Iricojle; wacapaotsa coaje kena kewicana, namjecoaca cadawa njaji neewi, njite wacapacarro tsakja kewi kena njaji patilla. Icatsa nirse nocada pipeyo njoa. 13 Jliaji jaico pomenidalri mandrágora-dalri íipitana Iricadaotsa; njite Iripananoma irico jliaji waalri nirse niini aima paniati ioyawaca paiñjanipe, matsiaperri noniwaji, walripe njite opiperrina, nomanda irso.
1 Nomantja nowerica pjia, irracada njodoa íinia. Niinintja nocapa cádanaco pjia pemajle, njoeyoantja pjia njite corrintja capaimanca njoa pioya. 2 Njoantja aiwa piapiya njodoa ípana Iricojle, njite njodoa icananta njoa coajícarro nopeyo pjia. Noantja pirrawa jaicotjeda iana capoajai njite patilla iana tsakja. Caaco rsowacatsa rsoaji inarro yempeti toa: 3 Inarroema sho jlinaco njoa njite atsia Iriema sho jlieyoa njoa. Caaco rsoaji inarro yempeti toa nainai njaji apjetsida inaitjepe. 4 Sha Jerosalén Iricoperri itonaipe, noma icaiteca norso yacoti ajádalri sho, corricaotsa imaca nocapaca nocoa cádanaco nomanda inai toa a kjerreca yami fa.Caacoca njaji inaitjepe Jerosalén Iricoperri. 5 ¿Cocao jrsoaji aji inolri jalrapocolri irikjoite, rsoeyoaca jliaji romanda?Caacoca rsoaji yempeti toa romanda irso: njoa icafieta pjia pimáa cádanaco apana manzanana yapjite, icatsa caiwica rsoaji pjidoa, icatsa niinica romotoeta pjia. 6 Pidana tjewaca niopitana picaolre ricó, pidana tsakja noipitana pinapa naco, ima mataita canadalrica mayamicalri sho jliaji ipeyokjeti. Ajádalrica paomacacawa cayoji ajádalri capisho jliaji irrirri; Iripojliacawa wanaco jliaji ipeyookjeti cayoji tiyé ipojlia capisho, jamodalrica jliaji ipeyokjeti, ima tiyé matsiadalricani. 7 Jliaji ooni cafainadalri corrin iritaita Iriyalriketaca jliaji ipeyokjeti, corrin oonia macadalri itaita shataca jliaji iomacakjeti. Nini cadaa ape itaita cada iaca pjiomi Irinaani iomacakjeti ikjaote, icamitsantja necaaca Iricao, namacoadata Irioya. Caacoca njaji ropjérrinaipe roaji yempeti toa narsowacatsa. 8 Warso apama wawedoada, corridarrotoa íini taoñawa.¿Cocantja wataita wanaitjaca rorso rsoaji wawedoa jliadenaotsa ape inoca iweñino? 9 Paita iwai shodarro cadantjano, wemetanja rodanawa palratape sho yenonperri iwapacaopeno. Pantinoma cadantjano, wanaitjantjá ropananomao jaico cedro sho. Caacoca rsowacatsa rsoaji yempeti toa. 10 yacaalre iwai kena njoa njite njaji noini yamana yenonperricana nawapa cawa nakjoite; Niini opina picapa njoa inarro ipedarroena sho. Cacocano rsowacawaacatsa. 11 Salomón irso pia apapji uvapji Baal Hamón irico. Lricadani narso njaji irsolri toa nayadan sho nawapá-carroni. Nacoana njaji atsianai narso pia naaca Salomón irso mil monedaitape nacoada njaji paniati inaca. 12 Noyarroapji jliaji uvapji, njite njaji Mil monedaitape, piyadaca, pjia Salomón; njite njaji doscientos mandaitape narsowalre njaji iwapacape jliaji paniapji. Caacoca jliaji royadali rsoaji ínarro rorso. 13 Piofacawa potirapji ricó, njite njaji nokitsiñapeji njemica piacoam, picada tsakja njomica piacoam nainai. Caacoca rsoaji ínarro romanda irso. 14 Caaco pjia kjeya, nomanda, kjeya pjia cayoji nérri sheco capisho jíipana naco ninicawa pomeniperri aima naoyawaca.
1 Jlimikadanakuna jliaji rey Ezequías, jlitserentaka jlitsa yanale, jlidatakau tiyejme iipaletsu, jliewau jlipanariku jliaji Waminalji. 2 Jlimenuka Eliaquim, yapakada jliaji panti, jnite Sebna jliaji idanakada, jnite jnaji pekipenaipena jnanakjuiteperi jnaji ikanantakape jliaji yakalee jnatsaka jnaji inukape mafikikali, kalaimi jnadatekaku tiyejme iipaletsu, jnakaite jlisru jliaji inuparutakaita Isaías jlisri jliaji Amoz. 3 Jliaku jliaji Ezequías: Jliaji jaledaukakam kuyuledalikam, jnakuitakuwa, jnite matsisali jiwaka panaku, kaiji kiraitali yumakapishu iimutukenau, jnite sjuaji jlidua jmaidaka srupialjetaka jlimutua. 4 Wadepetsa pimnali jimika jliaku jliaji jnaminali jnaji tsuludaunai, jliaji jlimenakanda jliaji jliminali, Asiria rikudali, jlinukaru jliwiaka jliapiya jiaji Dios kafidali, jnite jliameta jnaji yakuti jliminipe jliaji piminali, paniya pitataka jnanaku jnaji jliteu yufakapetua aaji.
1 Ikatsa jliakuka liaji Jeremias jlirri jliaji Hilcias apaada wankauitedajli napji kakunanaperri Anatotrrika Benjamin jipaiterriko. 2 Dios yako ino jlikaojle jliada jajledauka jliyada jlaiji Josias Amon irri, Juda itajlicana. trececayami kamui jlitalicanataca. 3 Linatsaka jliada jajledauka Joacin irso Josia irri, tajlikanati Judajliko, cincoka yaminja kerri, pemakayamina pakapi apewipa Sedequias irso, Josias irri. Tajlikanatikani Juda jliko, jliowali nepaca Jerusalen perri narrapitetawa. 4 Waminajli iako ino noikaojle, jlikaiteka: 5 Jlipeyatua nainitaka pai nawawajlico noniwanandena pia, jlipeyatua pimotukawa nueniita pia, noatsa ikada ikaitekaita iakoti jliaji panjirri yakajle makadajlipe irso. 6 ¡Ah nominaji Dios! korrin nianika kakoka noa, Ima yenpetika noa. 7 Mitsa jliaji nominajli jliako norso: makaitetsa yenpetikatua pia. pirso piakawa akerreka nomenaka pia, pirso pikaiteka piomi jliaji nomenakajli pinaita. 8 Mawiotsawa naiwana, noatsaotsa pinai nomanakotakarro pia; ikatsa jlikaiteka jliaji waminajli. 9 Nitedajli jlianji waminajli jlimeko jlikapi, nite jlinota nonoma, jliako: panaya nokada pinomajliko jliaji noako. 10 Panaya nokepitanataka pia narso napji yakajle nite tajlicanatinai makadajlipe, pimatsiketakarro, piduitakarro, piwayaketakarro, piemetakarro nite piapanakarro. 11 Waminajli yako yokawa noikaojle, ¿koka pikapa Jeremias? nite noako, nokapa almendroikina. 12 Waminajli yako norso: pikapentsa matsia, ima nua nowapentsa nokapawa uamika pideka noako. 13 Waminajli yako yokatsenka yamapia shopa, jliaco: ¿koka pikapa? nite noako: nokapa apada palangana jamodajli itsikada, jliyamawa jerri atseamete . 14 Waminajli yako norso: atsiemetawa jlinowatsa jliaji matsirri naikaojle piomi napji jajledaukajlikoperi. 15 Ima nowanaka piomi napji nakitsiñape napji itajlicanatinai aperriaji atsiametekawa jerri, jlikaitea jliaji waminajli. namotowatsao, namatsietawatsa naofakawawajlipananoma jliaji Jerusalen, papokon jliwaida nakoo, jlikuema piomi jliaji Juda. 16 Nokaitewatsa koajikana namakakapoa nua namatsicana ima, namaitakapoa pomenidajli nadiote irso, nakapua jlirso matsiadajli jlirso jliaji nanaitanda nakapisho. 17 Pimatsietakakawa! pinikowa pikaitena piomi noakatsa noakatsa imenaka piaa, mafiotsa naiwana , o noatsaotsa icadaka piofio nakapa. 18 ¡ Pikapa! panaya nokadenina pia apada yakajelwa itauñacadawa, apanaa tsipajla shoni, kaidajli iwaini tsipajla sho, nakuemawa piomi napji jipainakope, napji itajlikanatinai nite piomi jlinaikite Juda jlicope, napji naminanai 19 Nainoakawatsao pikuemawa, mitsa kuriwatsa nomaka pia, ima nowatsa pinai nomanakotakarro pia, ikatsa kai jliako Waminajli.
1 Waminajli yako ino noiaojle, jlikaite: 2 Inuena itata Jerusalen. iwaketakaka nako, jliako jliaji wamianajli nowaopientsa koamipiaka piyenpetika pikaiterri ajadajli, koampiaka pipeyoka noa, wajikaojlewa pia, piakaojli noapodan maminajlinakawale, jipai mapananakanaka watsa. 3 Israel shenitakakada Waminajli irso, napji namatsiaka na pipania! piomi napji iñakape na kamatsikana perriwatsa; matsirri inowatsa naocaojle ikatsa jlikaitejlika jliaji Waminajli. 4 Jimi jliako jliaji Waminajli, apji Jacob ipanajliko piomi napji jlikitsiñape Israel nai. 5 Waminajli ikaite; ¿kokapa naoketa matsiarri nanako napji pinirri imajli kurrika nano nuapodan? ¿ nakarrowa mikatsa nadiote inai nini miperrikatsana? 6 Ima kai nako warso; ¿akerre jliaji Waminajli, jitajli fa jipaai Egipto rikuite? ¿akerre jliaji Waminajli, iderri faa maminajlina werikojle, napaite npji Arabenai tewakapekawa, kadaukaweriko, meyapakana kawa kurritsa koka yuwawa nini,? 7 Mitsa nodeena Carmelo jipaitenakojle, ¡naiñakarro matsiaperri paniati nite apadatsaka matsiaperri; inokadanakotua, imatsika jliaji nopaite, ikadafiajle kata jliaji nakadanda irso. 8 Napji kakonape nako norso; ¿ akerre jliaji Waminajli? nite napji yanikape yakoti naako matsia namakua datatsakan! nite napji pastornai nadiatsacawa naakuemawa, nite napji ikaitekape iakoti panishopa, nakaite Ball nako matsia, nite nawa midajlitsa shapodan. 9 Nini watsa nokaiteka yacona, jliaco jliaji waminajli, nokaite watsa nacona tsaka , napji pienipe. 10 Nini piyoenawa jliajlapi jliaji Quitim (Chipre) nite ikapa imenakaka apada icapa ikawa, nanaitakada kapji nanaitakapishopia. 11 ¿Kapa apada ino ipadameta idiotewa, kurri kadanatua dios perrinantana, mitsa napadame takapua noa matsiadajli nini corrin notaita nokitsindatakana. 12 ¡Iwietakenawa, eenojliko jlikaute jliaji! ikapanina, nite rometeta kenawa, jliako jliaji Waminajli. 13 Ima nanaitakena yamapia matsi napji nonaikite; namaka kapia jliaji oni matsiakai kawidajli, nite nameko apada oni iofakarrodao jajladalimitsa 14 ¿Ikatsa israel apada narsodajlika? ¿imotokada jliminali ipatajlico? ¿kuada, nañaitoni? 15 Yawi ienipe iyaka nakuete nemasho nafiokawa nite nakadaka napaite nawakatsa, jliwayakawa jliaji nayakajle kurrittsa kokan yofaka nini. 16 Natsaka napji Menfis perri nite Tafnes tsaka nayuawatsa pitsikojle. 17 ¿Korrin nanaitaka kaishaji imakakadanako jliaji piminajli Dios, jlianikadanacutua piapiya?. 18 Nite panaya, ¿kuada yawa Egipto yapowajliko nite irraka oni Nilo rrikoda? ¿kuada yawa Asiria yapowajliko irrakaro jliaji oni Eufrates rricoda?. 19 Pimatsikana ima, nite kanaikaikapoa piepaka nini piwanaka pikaojlewa jliaji matsijli, jipitidajlikani pimakawerico jliaji piminajli Dios mafiotsawa jliako jliaji tsolodaunai itajlikana. 20 Nini noa nomatenina opikain piñadaa pioyaa; mikatsa pikaute; kurritsaotsa naitaka! pinitakarromi piurrokueta kakawa jipanada pekuani, jaiko yapiterrima jlinapedaliko, jliaji piwiijle. 21 Nuapananda pia, kaiji jlinakasho noniwanda, jliwakadajlitsa jliaji jlieke, ¿kuani jliaji piemakawa apada jlinaka matsiadajlisho makuadada jlimitsa.? 22 Ninitsa pipiyuaka kawa onirrio o pikutsoaka kawa abonisho, jliaji pimatsikana kaikarronjlitsa norso, jliako jliaji Waminajli Dios. 23 ¿ Kuani pitaita pikaiteka: ¡noa mamatsikana dajlitsa! kurripa noakayanka napodan napji baales nai! ¡pikapa jliaji pinaitajli jamajlianrriko yakajlefepe kawa! pijipena jliaji pinaitajli, kaika piaji camellosho keyadajli shekonikawa jaitenji jarrenaji, 24 Apanaa burroshoni awakadana jlirri yetsikanetsa maminajli nakawa, jirrakada ikaojlewa jamokaw kaojli! ¿cuandajli! paa jliataita jiawantaka jliaji jlirrua? mapiwatsa napji atsinai narruka jliapodan, jliawajli watsa kainokenani nauketani. 25 Pirso sha pifaarroka pipaa pishopa matsapatutsa, nite mekawa tsaka piwedajliko! mitsa pikaiteka; napeyo napji tekojlepetsa nite nuakawa napodan. 26 Kaiji kapaimannaka pisho jliaji iñaitokada nauketawerrikon, kiwatsa kapaimanka jliaji Israel ipanaima namintsa jliaji tajlikanatinai, naminanai nite yakape matsiadajli nite ikaitekaita apada iakoti. 27 Ikatsa ikaitekape jaiko irso; ikatsa nonirrika pia, nite jipaada irso: nako piatsakakamarrainorso, pidanite takapua nua korrin piekua shoka, neyapawerriko matsiwa nakaite; pinukuenawa pimanako takaro faa.! 28 Mitsa panaya. ¿akerrena napji idiote jinaitani irsowawa? ikadena nanikokawa nataitaka datsa namanakota katsa jlirrapitajli yoyaa, ima kaika namaimaa napji piomani jlimaimakasho jliaji piyakajle.Juda. 29 Nite kuada, ¿pikaiteka nonaitaka matsi? piomi shaa kamatsika naperrika shaa norso, jliako jliaji wamianjli. 30 Norrapiteta pia mikapantsa napji pinaikite, mitsa kirrika nepa namayakan takakawa; pimatsetamsho iwayaketa napji napji ikaitekape ikoti, kaiji apaana yawi imatsiketaka dasho. 31 Jiamitsa jliakaji napekipenaite! piwapa pimi norso, jliaka jliaji wamianjli! ¿ikatsa kai nuaji maminajina kawasho Israel sho? o ¿apada jipai kadaukaweriko? ¿ima naka napji yakajle, wenawa akerrekatsa, mitsa kurritsa koankaojli nadiaka pikaojle? 32 ¿Capanta rsoani wajlidarro romawadaka kaka nauya napji rsuetaka shopa, apama naino ruitaka roitaka shopa? mikatsa, namawada kaka noya aima jajledauka naniweta kana litsa 33 Kuami pimatsie taka piapuwa pioketa karro ipeyokadaa pia, kaitsaka pikañata inipo rsotso rsuaji inarro matsite. 34 Nerrana pia napji mamatsi kanapetsa, kenaperrin tsaka, naukketa niaji pinaninako, kurripetsa nauketa nañaitu kadanako. 35 Mikatsa nakaite: curritsa koka nanaita; opina paa pirrua yawa teeo nooya, mitsa pikapa nodewatsa pikaojle pikaiteka wautsa; mamatsi kanadajlitsa nua . 36 ¿Kuaada keyana datsa shenitaka jliaji piapowa? kapaimana watsa shaa Egito sho kaitsa kaji Asiria sho. 37 Kaiwatsa pimutokawa pikapisho piwida nako nite, ima jliaji waminajli jlimakua datakka napji piepaani, curriwatsa nakitsin dataka pia nite.
1 Jlitaitacadanta linaitacacawa uuni jliaji nowidaa, nite nooti nootiafia yarrucawa jlico! nuiyacarrunta jalewerico depiite nanaaco napji mayanperi noyacajleta. 2 Cucaanta iitaita yaaca nufetacarrudawa nuemanicadanoco jalapocurrico, nocadacarunta noyacajle. nuenaa carontaa nauya, iima nanaitaca matsi piomi nadakisho, imanietacacape catsana. 3 Jlicaite jliaji waminali: caicaa jliaji nenine nashaa isho payawitashopa icasho, currim nacaidatacao jlinaco jliaji ajadajli jaledaucajlico. Nanaita mincatsa matsidajli. Currim naoma nua jliaco jaminali. 4 Iwapacacao jiwacawacatsa ikitsinda iuyaa, nite currim icadaaca icaojlewa jlinaco. Ima nacuaana cashaca napji ikitsiñape, nemanica ishati yapiya. 5 Nite nacashatetaca nacuaana napji yufacape nacodapi currim padacaa icaite matsiadajli. caidajlitsa nacashataca neninee ishoo. caidajlitsa nawaopiaca nanaitaca matsi. 6 Jliaji naufacawa camitsa ishati nini; nashaa ima currim naomaca nuaa, cai jliaco waminajli. 7 Cai jliaco naminajli napji tsolodaunai: "icapa, panayaotsa nuatacana nite nocadawatsa nacapa, ¿cucanta nonaita, nanaitanda ima napji nunaikite? 8 Cai jliaji nenineta patudashopa kemafisho; pacamica ishati ishona. nanumasho namawadaketa nakitsinda, mitsa nacaojlericuite nacashataca. 9 ¿Capaanta curica nutaita nocadaca nacapa jlima jliaji nanaitajli? cai jliaco waminajli. caidajli yacajleca ¿curinta nurrapitecani? 10 Nucanta watsa pada cancion inonadajli nite nuiyawatsa jipana inaco, juredajli inunaketi watsa apji jalapocujlirico. currim watsa cucaaca jiyapawa nini. curiwatsa namicaa vaca shemataca. napitucawa tecojle napji wipiarro nite natsaca maficajlinape. 11 Nini watsa nuwayaketa jliaji Jerusalen, nadawacacaruda jlicowatsa napji mawicajlinape kerruanipe. nucadacawatsa maminajlina jliaji yacajle Juda. 12 ¿cucaa ashia canikedajli itaitacada yanica jlinacuapana jliaji? ¿cucaa jliaji caacu jlinumalicuite wamanajli, jlicaitacarro cuanshopacani? ¿cucaa ima jliwayaketa jaledauca nite jliofacawa maminajlina currin cucaa iyapawa nini? 13 Cai jliaco waminajli: icadacapua nudanandapia, jliaji nucadanda irso, curim nemica nuaco curim yacawa jlirico. 14 Ima nanicawa nafaopiakesho midajlitsa nite nanicawa nadiote inai caiji nanirrinai icanatacapisho nanaita. 15 Nini watsa, naminajli napji tsoludaunai, Israel Idiote, jliaco: jliaji yacajle nuacaotsa jliña ajenjo nite jlirawa imanitia. 16 Nite watsa paitapena nucadacana yacajle icuan curidajli nacapapia, curim nacapani curim tsaca naferrinaipeca. numenaca watsa nuirua naicaujle nuwayaketa watsana piomi 17 Tsojlodaunai itajlicana icaaite caipji: piwaopia jliaji: iiwana napji icantacape mayandajli naco; icada nanocarro. yumanii inaitepe ikitsidatacape coyujlecadanaco; icada nanoo. 18 Pikeyapitacana nacantacarro cancion coyujlecatinacoda warso, watiafia yarucaroo watiricuite nite watimacaya ricuite uuni imutucawa. 19 Nini jliaji rimaojlen kemacani jliocawa Sion ricojle: cuani nawayaketacafa. jurredajli capaimanaca waicao. Imaa wamacaca jliaji wayacajle napecocadanaco pia wapana jiwao. 20 Shiaa inaitepe jimica waminajli yacoo; iwaapa jimii jliaji yacuti jlimotuetari jlinomaricuite. Icananta napji itunaipe jlinaco cancion coyujlecatinaco, nite napji tsumipe yufaca icodapi icanantana jlinaco cancion mayandajlin nacodajli. 21 Ima jlinoca jliaji mayancajli wawentanan nacuite; jliewacao itajlicanati dapanarico. jliwayaketacaro napji yenpetipe pantinomajlepe, nite ashianai yenpetiapape yacajlecuaperi. 22 Picaite jliaji: cai jliaco jliaji waminajli nadakipen napji ashianai mayanperin nawacaotsawa ishatipensho wacadajlico, nite caicanaji jlipari shoo jliaji canaa napananda, curim cucaa iniwacaroni. 23 Cai jliaco waminajli: manatsa ripadajletacacawa jliaji cayecadajli, curim tsaca jliacani caideete. manatsaca ripadajletacacawa jliaji cananidajli. 24 Ima apaada ipadajletacacadawa cucaa danacoca, matsia jlinaco canta jliaji: jliomapaca jlianicaro nonacuapana. Dioca nuua, kenadajli icapaca irso, jinaitacada matsiadajli jajledaucarico. catsa deca numajli inai jliaco waminajli. 25 Icapa, jlinokenaa watsa jliawari jejledauca jliaco jliaji waminajli nurapitetaca watsa piomi napji nacircuncidani natsaca napji curipetua nacircuncida. 26 Norapiteta watsa napji Egipto nite Juda, Edom, Amon tsaca, Moab piomi napji yacajle iyuacape itsicojle medacajletsa. Ima piomi napji yacajle incircuncisocana, piomi napji yufacape Israel riico nacaojlericuiete incircuncisocana.
1 Jimica jliaco jliaji waminajli jlicaiteca inacuapana, shia yufacape Israel riico. 2 Cai jliaco waminajli: maomatsa pianica nanipote yapowana napji yacajle, curim tsaca pifiowa naiwana napji picapajli eeno yecuete, ima icatsa nafiojlica iwanaa napji Jejledaucaricope 3 Ima midajlitsa nacadaca nacaojlewa nanacowaca napji naiki. Ima nayuaca jaico wacadajlico, jliaji idejicada tabla sho jlitaca nite 4 Nite, namatsietacani pajlatanasho owiiro shoo tsaca. nañaca tapaoshoni taimi caaro jliemacao wade jliawacao 5 Jliaji nanaitajli nacapisho midajlicatsani, curica jlitaita cacucani curim tsaca jlitaitaca jliemanicawa nasrotsa naparadacani.curim tsaca cucacaa ifiowa jliwana, imaa curica jlitaita jlimatsicaca pada irso, curim matsaidajliketsa jlitaita jlinaitaca ima curim caidadajlicani. 6 Curim pacapaca caidajli picasho pia, nominajli. Caidadajlica pia, nite matsiadajlica jliaji pipitana piomi jajledaucarico. 7 ¿Cucaa mafiocanta icapaca pia jipai iminajli? ima camicatsa pia pafionda iwana, curim pacapa apada caidajli picasho canikedajli apji piomi jajledaucarico 8 Piomi pacuacacana, manicaperricana nite macadaperitsa cacucaa napiyawaca, nanicawa nadiote jaiconape shapodan 9 Nadecaotsa pajlata witimiperitsa Tarsi ricuite, nite owiroo Ufaz ricuite nanaitandetsa napji idenicape owirosho. jipojlepeca natsayani nite irraisha. nanaitandacani napji ashianai canikeperi 10 Mitsa camitsa ajadajlica jliaji waminajli Dio. jliacatsa Dio cafidajli itajlicanatacada caidajliwetsa. nafioca jliwana napji jajledauca jlicoperi, curim nataitaca nemaca jlirua icuete 11 Picaitewatsa nasro caiji: napji idiote curim nanaitaca eeno curimtsaca jajledauca, nañacaotsawa jipainacuite piomi eeno yapite tsaca. 12 Ima jliacatsa waminajli jinaita eeno piomi jipai jlidasho, jlinaitaca jajledauca jlianike shoo, nite jlimeccucaa eeno jlianikesho 13 Jliaco ishoo jlimotuetaca uuni josredajli eenojlico, jliretaca itamana jipai inacuite. jlicadaca eeno iperroca iyacaruni nite jlimeca caojli imutowa jiarudajlicute 14 Piomi napji ashianai curim cucaaca jliaji nanikejri. manicaperricana. Piomi napji idenicape owirrosho jlipaimanieta caotsana jliaji nadiote. Ima midajlicatsa jliaji nanaitajli; curim narso jliaji Espiritu 15 Miperricana, nadenica micapandajlitsa; jliwayake tawatsana jlirrapitetawericona. 16 curritsa caica jliyarruwajle jliaji Jacob, ima jliaca inaitacada piomi napji pacapajli. jlienipenaca napji Israel; naminajli canii 17 Iniwaca piomi napji inani nite iimacacarro jliaji jipaite, shiaa yacajlericoperi, piomi shiaa yufacape corarajlico. 18 Ima, cai jliaco waminajli. Icapa, tsomitsa nopecocarro napji anaikinai ajaite apji jipainacoite. Nite watsa nocadaotsa narapita, nanicaotsa cuamica jliaji caiwidajli 19 ¡Kenadajlica nuaa, jlicaote jliaji cayaonidajlica nua caiwidajli. Nite nuaco: ajadajli, jliaji irrenati nuyadacani, norsotsa narapitacani 20 Jliwacao jliaji nopanaita piomi napji adapica nopapishopani mojtomicana yamemape. opii nadeca tecojle nooya napji nuenipe, nini curitsa pacapacana noinai. curitsa cucaa noinai jiretacauda nopanaita yemawaa o jiretacadawa nocortinan. 21 Ima napji pastornai napadajletacacawa, curim naomaca jliaji waminajli; nini curim coamica nacarro napeyajlewa, nite piomi napji napanii paitapenaca nanicawa. 22 Nini pemica jliacona: ¡icapa! cananiwatsa jipai jlicaotsa inarsuemete nite jliwayaketaca watsa piomi napji yacajle Juda riicope, nadawacarua piwa napji mawicajlinape kerruape. 23 Noanitsa, nominajli, jliaji ashia curim iniipo iminajlica. curim apada ashia iemanicadawa jliemanica jliwacatsa. 24 Pirrapiteta nuaa, nominajli pimatsiacasho, curim piruajlicoca, wadecanta piwayaetaca nuaa. 25 Picada pirrua iaruwa nanaco napji yacajle curiperi yumaca pia nite tsaca nanaco napji inaii curipe itataca pipitanaco. Ima nawayaketa piomi jliofacawapia jliaji Jacob.
1 Waminajli yacoo inooca Jeremias iderse, cai jliaco: 2 Pimica jliaji yacuti fanaitanda wapiyawaca, picaite narsoni piomi napji ashianai Juda jlicoperi nite narso tsaca napji yuwacape Jerusalen jlico. 3 Picaiteca narso caiji: cai jliaco jliaji waminajli, Israel Idiote: macadawajlica jliaji curidajli shepaca jliaji yacuti fainewacadajli. 4 Jliaji yacuti nonanda nanaitaca napji waferrinaipe jliawaripia jajledauca nomanacotawerrico jliaji Egipto, pamaitacaroda shipajla ricuite.cai noaco: jimica jliaji nuaco shepacani nite jinaitaca piomi jliaji nonajli jinaitaca, nini watsa nonaikiteca shia nite Idiote watsa nua. 5 Shepacani notaitacaro nonaitaca irso caiji nonaitaca pishoo yacuti napiyaa napji opiime, nocaitecana noacarro narso jipai jusrecawa leche nite mapaa tsaca, apji yufajli nini panishete. nite nua Jeremias, nuepacani: ajadajli nominajli 6 Cai jliaco norso jliaji nominajli: picaite narso jliaji yacuti piomi narso napji yacajle yufacape Juda riico nite Jerusalen riicotsaca: jimiica jliaji yacuti nocadanda irso nite jinaitaca cai nocaitecani. 7 Ima, nocaiteca papiatsa napji waferinaipe jliawaripia jajledauca nomanaco tacadanacona Egipto ricuite paanasheetetsa nocaitecana namicarro norso nite nemicarro tsaca jliaji noaco. 8 Curim cadeca nawapaaca namiiwa curica cuadawa narso nua. Icamitsa nanicawa manicaatsa nacadaca nacaojlewa nanacowaca. Nini watsa norrapitetaacana jlima jliaji yacuti nocadajli narso. ima curim nepacani. 9 Nite jiaco norso jliaji nominajli: ima napji ashianai Juda nite Jerusalen riicupe noanica naomaca nemaca nocuete. 10 Opiica nanaita matsi caipji nanaitacapisho pia matsi napji waferrinaipe, ima curipia nemica noaco, naoma nemica nadiote irso nanica jjliapodan nacarro matsaidajli jlirso. namepataca noaco napji yufacape Juda nite Jerusalen riicupe jliaji yacuti nocadandapia narso napji oopime. 11 Ninitsa, cai jliaco jliaji waminajli: icaapa yuyawaa nodecaotsa icaojle jliaji matsidajli, jliawatsa jliaji curidajli itaitaca ipiitucaa iuya. Nite nawanataotsa nuaa, curim watsa nomicaa narso nawanawerico. 12 Nawatsa napji naiki yufacape yacajlerico Juda nite Jerusalen riicope naaniwatsawa nadiote shaponda jliaji nanda irso ofrenda, mitsa curim watsa namanacotacana matsijli yucawerrico naicaojle. 13 Ima, caaica namaica itaoñacawa napji idiote Juda iyacajlefepe icayoosho. Nite shiaaa Jerusalen jinaitaca jursedajli napji nacarooda mashiadajli nadiote capaimanaperri irso, cai nacayosho napji inipocape. 14 Nini pia Jeremias, matatatsa noipitanaco nanaco napji jliricoperi jliaji yacajle. curim pitaitaca pitataca nanaco noinai, ima curim watsa nomiica narso nayapawerico matsi 15 ¿Ima nupeyondaca joorse, jliaji irsojli jorsedajli iwaopiake matsidajli, nocueete? jliaji nainonda mawicajli curiica jlitaita jlikitsindataca pia. picatimatacawa nashoo napji matsipe pinaitaca. 16 Oopipia waminajli yaanicapia jaicona olivo catimanani matsiani inaaca. Mitsa jlimaita watsani tiyee kerradajlisho kemawatsani caiji eenoajlisho: tocoomi watsa napji jlikinape. 17 Ima jliaji tsojlodanai iminaajli, jliaji yapanacaitaa pia jlicaiteca pinacoapana matsidajli yucaawatsa inaco imatsicana imaa shiaa Israel riicope nite Juda tsacaa jimepatacapoa jliaji nocaitejli, ikeruataca nuaa yacapuaa ofrenda Baal irsoo. 18 Nominajli icañataca nocaapa jliaji, nini noanica cuamishopacani. Pia nominajli, picaadaca nocaapa jliaji namatsicana. 19 Cai piaaca nuapji nadecani cordero tsoni nainocaroni. Curim pia nuanicaa nawaopiaca nainocarro nuaa nacaitecaa: icaada waoocaa jliaji jaicona piomi jlinaca yapiiya! icadaa wayuacani jipainacoite naofacawa napji cafiperri curicaruetsa coancaojli nawaopiani. 20 Mitsa, jliaji naminajli napji tsojlodaunai inaitacadacani matsia jliaji nawaopiae piomi nacaojle riico. nocapaotsa cuamicaa piomaca picuadawa, ima nocapaaca cuamica jliaji payapajliwa. 21 Nini, cai jliaco jliaji waminajli jlinacuapana jliaji Anatot napji yaniicape iomaa inooca pia: cai nacoaji: curim pitaitaca pinoparrotaca jlipitananaco jliaji Dio, curim caarro mañamica pia apji wacapirrico 22 Nite jliaco tesenaca jliaji naminajli napji tsojludaunai jliaco. Icaapa, nocaada waatsa narapitaca mayamiotsa matsetaitasho napji nayenpetitee. mayaami watsa jlienipe inaroo ashianai mawitacaisho. 23 Curim watsa apaadaca cafiica nanacoite, ima nocadacaotsa narapiita jlima jliaji Anatot, paada jamojli.
1 Matsiadajli pia, nominajli, nonowerico nocoitaca piapiiya. Mitsa nocaite watsa pimicaro cuanshopaca jliaji juiiwi cacopeeca nua. ¿cuaada catima nanicawa napji matsiperri? piomii napji inaiki imatadacape matsia naofacawa cananipericana 2 Pinaitanicana nite capajlicana; nataoñawa cainacacana. shomicatsa pia nanooma iuyaa, mitsa teeco nacaojle iuyaa. 3 Mitsa pia nominajli, pianica cuandajlica nuaa. picaapaca nuaa pianica cuanica jliaji nowaopiake pinaco. Pidecani caipji ovejanai nainoapetso, nite pienitacani jliawari nainocani! 4 ¿Cuancaojli penaotsa yaamica meetaca jliaji uuni, nite jiwiriica napji jaiconape wacadajli coperri namatsicana ima napji naikinai? mawicajlinape wipiarro nadeecana teecojle. Ajadajli, nacaite napji naikinai: curim Dio yanica cuamicaotsa fayapacawa. 5 Cai jliaco waminajli: ajadajli pia Jeremias, piecokenawa caipji tsojlodao shecocaniwa jlipasho nite namatsicaca pia, ¿cuanitsacanta piwiacaca caballo yapiiya? piwacadantawa patsimidajlinaco, ¿cuanitsacanta pinaitaca apji majlitsidariico jliteecoca jliaji Jordan? 6 Ninitsanta napji pipenai nite pinirri ikitsiñape imanietaca piaa nite nacaiteca piacona caconaape irso. mepaatsana, ninitsa nacaiteca pirso matsiape yacooti 7 Oopi nocaadaca nopana, nomaacaca napji noriicoca. nocadaacani noyacajleta nopeyonda irso nacapiriico napji jipondatacapena. 8 Piomi napji nonani noriicoca napadamaaca norso caiji leonsho yufacaniwa kedacaawa riico; cai roofacawa nocuema shoo roaaco imatsa. nini maatsi nocaapaca rorso. 9 ¿Curim pipadametaca jliaji nopeyonda nonani caiji wipiarro camanshandajli shoo, nanocarro napji jawa shope roocuete caitecatsa? piawaa piwaketaca piomi napji macajlinape wacadeta nite pideca roicaojlewana naiñacaroono. 10 Joreedajli napji pastornai namatsicaca jliaji uvapii. napoetaca piomi jliaji nopaitee; napadametcaca jliai nocatimata cacaroodajlico, namaminajli naweriico 11 Nanaitacani maminajinadarisho. kenaa nocaapaca jlirso, maminajlinacani, piomi jliaji jipai mamianajlinacani, curim apaadaca iwaopiacani, 12 Nanooca caitecatsa napji imatsiketacape apji mamina jliwerico, ima waminajli imatsetani iwayaketacana apji pemajlicueta jajledauca jliocatsa pemajle. Curim watsa pacaapaca imawadaketi apaada irso jirsacada icaojlewa. 13 Napaanata caana nite naniiwaca dowirrida, mapii nadeniica curim nacapaca jlicuadawa, capaiman watsana nadeninpe icuadasho jliruaa ima jliaji waminajli. 14 Cai jliaco jliaji waminajli nanaco napji tsomipe yofaca nocodapi, napji matsipeeri jipacape jliaji noajli naniwa napji noenipe Israel riicope : icaapa, panayaotsa nopecaca shiaa apji jipaitenacoite nite tsacaotsa noracaotsa jliaji Juda ipaana apji naofajli nini. 15 Nite watsa norrawerico piomiina, nodiawatsa kenaa nocapaca narso, nite tsenaca nodietwatsa piomo jliaji nocadapiajli narso, nacuaana watsa jliaji napaite nite nananiotsaca. 16 Nite watsa canikeacaada naniica cuanica jliaji naofaca napji noyacajleta, nacaitecada ajadajli noipitananaco, cai naco: cafidajlica jliaji waminajli, caiji nacananta capisho nataatacaro Ball inai, nini watsa nocadaca jorsedajli nananiwa nacapacaroatsa napji noyacaljeta. 17 Curim caada deeca namica, nini watsa nowayaketacana piomi napajlidarico jliaji yacajlepi, nowayaketacaroni, cai jliaco jliaji waminajli.
1 Cai jliaco norso jliaji waminajli: pia piwentacaro paaca cinta cacuadadajli matsiacai nite pipacani piwajleriic, curim cadeca pietacani uuni riicon. 2 Nini nowentaca jliaji cintaca nite noruetacani nowajleriico, cai jlicatecanica nua jliaji waminajli. 3 Nite jlipietaca caacuca yamapiashopa jliaji waminajli, cai jliaco: 4 Pipaaca jliaji cinta piwentanica jliaji piwajlericori. pinicoca piemawa piacarro Eufrates nirse. Nite pidawacani apji wotamike riico jipada. 5 Nini noacawa nodawacani apji Eufrates riico caiji jlinacani nuua jliaji waminajli. 6 Nite aimaa jajledauca shaponda , cai jliaco jliaji waminajli: pinicowa piacaaro tsenacawa Eufrates nirse. pitaaca nite jliaji cinta nonanica pidawapiaca. 7 Nini noaca tsenacawa Eufrates riicojle natacaaro jliaji cintaca apji nodawapiajli nirseni. Mitsa oopica jlipawa jlaiji cinta; curim cucaaca icaoya napenatsani. 8 Nite jliaco inooca nuicaojle jliaji waminajli, cai jliaco: 9 Cai jliaco jliaji waminajli: caiwatsa nowayaketaca jlipadajleca jliaji Juda nite Jerusalen tsaca. 10 Jliaji yacajle matsidajli, curim jliomaca jlimica noaco, jlianicawa taimidajli jlicaojre yapiiya nacawa nadiote iapodan nacaaro matsiadajli narso nite natoodaca naorsipadawa narso cai watsa napji jlicayosho jliaji cintaca macoadadajli ketsani. 11 Ima caicaniaji apaaca cinta irocanicawa apada ashia iwajleriico sho, cai nowaketaca norsowajlewa napji Israel riicope nite piomi napji Juda riicope tsaca, cai jliaco jliaji waminajli, nomacana nonaikitewana, caconadajlicaaro nua, nacaaro matsiadajli norso. mitsa curim namiica noaco 12 Nini piirsotsa picaiteca jliaji yacooti narsowajle: waminajli, Israel idiote cai jliaco: apaanape jarra ipacamita watsana vinosho. nite watsa naaco pirso: ¿curim wajica papacamitaca vinoasho napji jarra naape? 13 Nini picaitecana: cai jliaco jliaji waminajli: icaapa, panayaotsa nodewaneta napji inaikinai jajledauca jlicoperi, piomi napji caconape yofacape David itajlicanata caarodajlico. sacerdotenai tsaca, inoparotacape tsaca, nite piomi napji yofacape Jerusalen riico. 14 Nite watsa nomacacana padaape nacoetewaca, pacoaca jliniri jlienipe iapiiya, cai jliaco waminajli; curim watsa kena noocapaca narso, curim tsaca noataca namitsica jliuya jliaji matsiri. 15 Jimeecoca jinacojlico nite iapaca jimiwa matsia. mapada jletacatsawa, ima cacoca jliaji waminajli. 16 Iaca matsiadajli waminajli Dio irso jlipeya iwanaca jliaji cadaucadajli, wadetsa itoodaca jipefidawa cadaucaweriico. ima iwapaca jliaji camarrai, mitsa jlipadame taotsa jliaji jejledauca cadaucadajliwa, mayamicawapa. 17 Nini curim caada jimica jliaji noaco, noiyacaotsa cooyojleriico ipadajleca icaote. notiiafia yarowatsa notiriicoite, ima napji jlinaikite jliaji waminajli oopica capicanacana. 18 Picaite jlirso jliaji itajlicanati nite jlino irso tsaca. itsodajlitacawa apji iofacawa, ima oopica jliwaca jiwidanacuite jliaji icoronan, ipadajleca ima 19 Napji yacajle Neguev riicope oopi taimica napananoma, curim padaaca itaitaca jimecocaani. piomi jliaji Juda oopi nadecani narsodajliwa 20 Jireetaca yeecoa nite icapa jliaji inojli inarsuemete. ¿ kerrena napji noani piwapacajlewa, napji pipeyonipepia jorse? 21 ¿cuaami watsa Dio icaadaca nanicaroo pinaco napji picanantani pikitsiña pecaroona? ¿caaica napji inaaro initacada caiwica kenipecarono roanica jliaji caiwidajli piomi ioya? 22 Nite, picaitecada picaojleriico ¿cuaadapa cai noyapacaoji? jlicaotepa jliaji jorsedajli pimatsicana jlimotuetaca kenawa pifaldani riicuite nini catinakenani. 23 ¿capanta nataitaca napji naikinai nacambiaca jliaji naadaki paada colorwa, o jliaca itaitaca icambiaca iidana jiaji yaawi? cai tsaca pia, pitaitaca pinaitaca matsia, mitsa pipeyica jliaji pinaikica matsidajlitsa. 24 Nini watsa nonitaca pia cai apji canapiri icasho yaracaada maminajlina weriico nite 25 Icatsa jliaji noajlica irso, jlinacope jliaji nacaiteri irso cai jliaco jliaji waminajli, cuaada pimawadacaca noaco ioya piepaca jliaji ishati. 26 Nini watsa nacadaca caatina jliaji pimatsicana caiji falda jiretacacani nacapacaroo jliaji pidaki. 27 Nocapaca pinaitaca matsi pidakisho nite caballo icayoshoca jliaji piacoa, piomi jliaji pinaitajli matsi pidakisho apji jipanadanaco nite wacadajlico, kenadalji pia, Jerusalen! ¿cuani watsa pia picotsoacaro pimatsicana ioya?
1 Cai jliaco jliaji waminajli Jeremias irso jlinacuapana jliaji meetaca uuni. 2 Picadacatsa cawinana jliaji Juda jliofacaroo maminajlina. coyojlecana jipai icaotena, pemiica jliemataca jliaji Jerusalen. 3 Napji caconaperi namenacaca nacaro naoma uuni napji narsoperi. naoketata cajlitafe meetedajli curim pacacapa uuni nini. curim cucaaca nadietajli nairaope nite, napaaca nawida capaimani capoana 4 Nini meetaca jliaji jipai nite wotamicani, curim caapoa iyaa jiwacao jipai naaco. curim naniica cuamica nanaitaca napji capaniaperi icamitsa napaca nawidaa. 5 Piomi napji mawicajlinape namacaca nenipe wacadajlico curim capoa narso naoñaodawa majlitsi. 6 Napji burro wacadajlirinai nanicawa metacawa nite naraaca nacaojlewa mawicajlinape keruapeerisho curim capoa narso naiñaodawa. 7 Nini wamatsicana icaitecada wacona, nominajli, kenaaca picapaca warso matsiadajli capoa jliaji pipitana. Ima jorsedajlica jliaji wamepacata caapia, fanaitaca matsi pirso. 8 Israel iapandaca pia, imanacotacada matsiweriico nayapacawa ¿cuaada pinaitacawa caiji maninajlidarisho, cai piaji iacada apaada jipainacojle kenadajlinsho yanicada imaaca kerecatsaji 9 ¿Caica piaji apaada ashia manicadajlisho, curim dajli itataca imanacotaca apada? mitsa pia waminajli pia catsa wainee caidajlitsa, watataca pipitananaco wanaco wacaa. Mamaca tsafa. 10 Cai jliaco jliaji waminajli nanaco napji jlienipe: napeyocapoa nanicawa kenaperisho, curim yamica nemanicawa nanaitacaro jliaji matsidajli. curim catiimaca waminajli icapaaca narso, nini jlicadawatsa nacapa jlicaote jliaji namatsicana. 11 Cai jliaco jliaji waminajli: matsiapanta curica pitaca noinai nanaco napji noyacajleta 12 Nini tsanta maiñacacana, curim nomicanta jliaji natatajli, nite nacandanta norso matsiadajli ofrenda namaitandasho, curim nomicaaro narso. Ima nowayaketao tsana nomatsetansho, mawitacaisho, jipoatisho tsaca. 13 Nite noaco: oh, oh, nominajli Dios ¡picaapa! nanica nacaite napji inorotacape narso napji naikinai: curim watsa icapaaca jliaji jlimatsetani; curim tsaca mawitacaica irso, ima nocaotsa irso jliaji yofashopa imawadaca. 14 Nite jliaco jliaji waminajli: micapantsa nanoparotaca napji inoparotacape noipitananaco; curim nomenacanica, curim cacucaa nuaa narso. jliaji nacapajli itsaticani, nanoparotajli namanieta shopacani nawaopiake ishaa jliaji nacaitejli irso 15 Nini, jliaco jliaji waminajli: nanacoapana napji inoparotacape noipitananaco, napji curiperi nomenacaca cai naco: curim watsa pacapaca mawitacai apji jajledaucarico: nowayaketa caotsana nomatsetanisho nite mawitacaisho piomi napji inoparotacape. 16 Nite watsa napji inaikinai naparotani irso napecocaotsana inipojlico mawitacai nite jlimatsetani ipoana, curim watsa cucaa pacajli idawacaopena jipairico piomi naino yapiya nenipe yapiya tsaca, ima noirua iwacaotsa nanaco. 17 Picaiteca narso jliaji yacooti: notiafia yarooca notiriicuite depiite nite jajleweriico tsaca. Curim naniica yamicana, ima jlicaute jliaji maidakenana namaidataca sruaji inarro mayapa cadarutoa ashia inai, jlima jliaji jipuati caiwidajli. 18 Nomotoca daanaco wacadajlico, nini napji mayamiperin nainoni matsetasho! noacaada yacajlerse, nini napji caifiaperri mawitacaisho. Ima napji inoparotacapr nite natsaca napji sacerdotenai naniicawa micapantsa jajledaucarico, curin cucaa jliaji naanijri. 19 ¿Oopi pimacuadataca matsinadajli jliaji Juda? ¿matsica piicapa picaojlericuite Sion? ¿cuaada picaadaca faarapita curim caada pacacapaca taape? wawapata jliaji pamawada cacarooda, curica deeca pacacapa jliaji matsiadajli, curim tsaca jlimatsietacarona camitsa pacaapaca jliaji matsidajli. 20 Wanitsa wamatadaca pirso, nominajli, namatsicana oopipia napji fanirinai, panaaya fatsaca jinaitaca matsi pisho 21 Nominajli mamenata tsafa! pimatsia casho, macadatsa jliaji piofacarooda matsiri yoofa nini. piwaopia jliaji yacoti picaiteripia warso macadatsa jliwayacao. 22 ¿Nini apadapena nadiote jaiconape jaledaucaricope itaitacape itataca iiya jiwacaroa? ¿curim, icamitsa pia, nominajli itaitacada jinaitaca piomi napji manaitacanaperi? wawapaca pia, ima picadanica piomi napji pacapajli.
1 Nite jliaco norso jliaji waminajli: nini tsanta aaca neemaca nocodaapi napji Moises nite Samuel, curim minta kenaaca nocapaca lirso jliaji yacajle. jiita ipeco teeco nooyani. 2 Nite natata cadanta piaa: ¿kerrepa wataitaca wacao? picaite narso caiji, cai jliaco jliaji waminajli: jliaji mayamiope naacawaca mayamina; napji mayamiope matsetasho naacawa matseta icaojle. napji jirapitacaope mawitacai mawitacaita caotsana; nite napji jirapitacape narapita caotsa. 3 Nini nomena caotsa naocaojle cuatro jlioyawaca jliaji norapiteta shopana, cai jliaco jliaji waminajli: matseta inocaopena, nite shiino iñacaopena, nite wipiaroapape yenonite nite mawicajlinape jipainacoite nawayaketa caarona piomi. 4 Nite noacaotsana narso napji itajlicanati jajledauca riicoperi nanaitacaro coamicatsa napiya, jlicaote jliaji Manases, Ezequias ieniipe, itajlicanati Juda dajli, jlima jliaji jlinaitanda Jerusalen irso. 5 ¿Cucaanta kenajli icaapaca pirso pia, Jerusalen? ¿cucaanta coyojle pinaco? ¿ cucaanta inooca itata jlinaco jliaji canacaijli pirso? 6 Oopi pimacaca nuaa, cai jliaco jliaji waminajli; pienitacaca nooya, nini watsa, noretaca nocapi pinaco nowayaketacaro piaa. oopi maapi kenaca nocapaca pirso. 7 Nini watsa, nopiyoca jipaisho jlipananomajle jliaji jipai. norapiteta watsa pia. nowayaketa watsa jliaji noyacajle ima curim naomaca namacaca jliaji namatsicana. 8 Nocaada caotsa jorsedajli napji maduiyoanaipe jorsepaotsa jlioya jliaji caidapa uuni macapawan riicoda. nodecaotsa naicaojle jliaji iwayake tacaitana nadoanai nite nenipe yaapiya tsaca. nocadaotsa torre iwaca jlinaco jliaji yacajle. 9 Apama inarru irsocada siete yienipe nawaya caotsawa piomi. coyojlewatsa rsua jorse, cadaucacaotsa jliaji jerri jajlecadantoani. Capaimani caotsano nite curim watsa ruaji coanidaucacano, ima jliapia jliaji naniida noawatsa matsetaira irsoni nacapacaro napji rocuemanai, cai jliaco waminajli. 10 ¡Kenadajli nuaa, noduaa! cuaada pimotueta nocaapa jajledauca nuaa ashia natsidajli apji jipainaco. curim cuancaojli noaca curim tsaca notataca, piomi caadeca imacaada wajletaca nuaa. 11 Cai jliaco waminajli: ¿curim notaacaro pia matsiawericojle? icamitsa nocadaca nacaapacaro napji pipondape natatacaro noinai matsi weriico nayapacao. 12 ¿Capanta pataitaca papatoitaca jliaji tsipajlana tarraniweri? 13 Nocaotsa piriicoca narso napji pipondape nite napji pinaani cacoadaperi caiji pañaitonii macuadapesho. Jlipoana jliaji pimatsicana piomi jipai icuaan. 14 Nite watsa, nocadaca pidenica narso napji pipondape apji jipainaco curim dajli pianiica, ima tiyeesho caotsa kerraca jliaji noirua picuetee. 15 Nominajli, pianiica! piwaopiaca nonaco nite pikitsindata nuaa. picaadaca nacapacaro napji nopondape. Macadatsa nadeeca nuaa matsicawajle kerua caadanacotoa pia; ima pianica norapitaca piaco icaute nopeyocapoa pia, nini kena picapa norso. 16 Ima matsiadajli nite catimadajlica pemica jliaji piaco, nominajli naDioteca pia napji shojlodaunai nini nocadaca nocaojlewa pinaco. 17 Curim watsa nofacawa nainai napji icaanicape midajlitsa icaote. nofacao tsawa nowacatsa, ima picaadaca nocapa jlima jliaji nonaitanda. 18 ¿Cuaada curim jliwayacacao nooya jliaji norapitaca nite jliaji noyaonini curim jlianikena meetacani? ¿cai caniaji uuni ishatidasho, uuni metadajlitsani? 19 Mitsa cai jliaco jliaji waminajli: pimacacaada Jeremias jliaji pimatsicana, nini watsa nodieta caotsa piaa capji oopisho, awatsa pianica noinai pideniicaro norso. Pienitacaada jliaji matsiadajli, cai watsa piaji nonomasho. nanoatsa piacaojle tsenaca napji naikinai curim piaca nainai ima nanocaotsa picaojle. 20 Nocada caotsa pia caiji pared taimidajlisho curiwatsa cucaaca itaitaca shewaca jliricoda. nemacaotsa picuete. curim cadecaotsa nataita picuete, ima nuacaotsa pinai nomanaco taacaro pia, cai jliaco waminajli. 21 Ima notacaotsa pia jlioya jliaji matsirii nite nowatacaotsa pia nacaoiaricuite napji matsiperi.
1 Jlimatsicana jliaji Juda nadananda awisho shipajlafi caifiaji Diamantesho. jliatsa nadananda jlicaojlerico nite jlitsowanaco apji jliowacarodajlico. 2 Nite napji neenipe nawadaca jliaji nacaroda matsiadajli nadiote irso jliricoda apji wacadajlico nite jipananaco tsaca. 3 Piomi napji pidiote aaca naofawa nowacadaterico nite nojipananaco tsaca. piomi napji pinani nocaotsa narsona napji picuema, napiya napji piacawa matsiadajli pidiote irso, jlima jliaji pinaitajli matsi 4 Curiwatsa picapaca jliaji nonaani noada pirso pienipe iapiya. mitsa nocadacaotsa narsodajliwa pia apada jipainaco curidajli pianica, Ima piqueruataca nua niniwatsa pimacawa caidajliwetsa. 5 Cai jlaico waminajli: macadawajlica jliaji ashia icadacada icaojle apada naiquinaco; ima jlicadaca jlicaojleo jlinacowacatsa. teecocadani waminajli ioyani. 6 Ima caicaotsaniaji patanda icayosho curim jlitaita jlicapa matsiadajli inoca jlicaole, mitsa jliofawatsao maminajlinacawan curim coca jlipanaca nini. 7 Matsiadajlica jliaji icadaca icaojlewa waminajlinaco, ima camicatsa jlicadalica jlicaolewa inaco. 8 Ima caicaotsaniaji papanacani jaiconape uuni icodapi capajlicaotsaniaji uunirico taracapirico. curiwatsa jliwiocawa jamojli iwana, ima caidajlitsa jipojleca jlinape. nite caidajlitsa cainacacani ninitsa jamojlican curim coancaojle yamiica cainacacani. 9 Cashadajli jliaji pacaojle piomi ioya. matsidajlini ¿curica paanii coamishopaca caicani? 10 Nua jliaji iminajli, ianicada piomi jliaji iwaopiaque, nocadaca coamica ianicao inipojlico nite nua jliaji icaoñacada piomi coamica jinaitaca iofacadanacotua jajledaucalico. 11 Caiji jlicasho jliaji wipiaro curidajli iqueweta. caapanta apada itaitaca iricotacacao midajlishotsa, curim ima namacacaotsa pia napji piquitsiñape apapia jajleduaca, micapandajlicatsa pia. 12 Ima jliaji wacaca matsiadajli jlirso jliaji waminajli jlinitacaolipiawa. 13 Jliaji waminajli icatsa Israel iapandaca. piomi napji curipe iaca pianai pipaimanietacaotsana. nenitacacao pioyawa, nini jipaishocaotsa pidanacana, ima namacaca jlaiji waminajli uuni cawidajli. 14 Pimatsietaca nua waminajli, ima matsiacaotsa nua, pitaca nua matsiri ioya, icamicatsa pia jliaji nocantanda iorso cancion matsiaperi. 15 Picapa, nacaite norso: ¿querre jliaji jliaco jliaji wamianjli? 16 Ima curica nua piapodan nocaitecaro pirso pirapitetani. curitsaca nomaca cuamica jliyapacao.pianitsa caumica. piomi jliaji imotojli nonomajlicuite nocaitecani pimiwerico norso 17 Curica noomaca pifioca noiwana, ima camicatsa pia nocadanda nocaojle inaco matsiwerico noyapacao. 18 Pipaimanietaca napji jipondatacape nua, mitsa curicadeca picada napaimanieta nua, naadeca pifietaca, curicadeca nafietaca nua, picada narapitaca jorsedajli jliawali jaledauca. 19 Cai jliaco waminajli: warsa iawaa iemacao napananoma newacawao napji caconaperi Juda nite iewacao newacawao, nite iewacao piomi newacawao napji Jerusalen ricope. 20 Cai piaco narso: ijimica jalico waminajli, shia itajlicanati Juda ricoperi, piomi shia iofacape Jerusalen rico iewacaperi jlipananomajlico. 21 Cai jliaco waminajli: iwaaapacao nite icapa ioyawa idenica jliada jaledauca nofetacacarodajlico nodecaro Jerusalen ipananomajlena. 22 madejitsa jawiñadajli pipanajlicuiet jliada curica padeni, madenitsa cuandajlica, cai nocaitecapisho napji piwerinaipe. 23 Curica deca naapaca nemiwa crim nepaca jliaji nocaitejli, mitsa natarawata nacaojle nooaya curin nemica jliaji nomajli nacaiteca narso. 24 Jimicadanta norso cai jliaco waminajli, curicadanta idenica jawiñadajli jlipananomale jlaiji yacajle jliawali jedauca curicawa pedenica waminali icadaca curitsa idenica jliada 25 Nite shia itajlicanatinai, principe, piomi napji iofaacape David iofacawa nanocaotsa carro riico yacajle ipananomajle, nacaotsawa caballo naco naminanai iapiya, ashia Juda perii nite piomi napji iofacape Jerusalen rico caidajllitsa caminajlicaotsa jliaji yacajle. 26 Nacaotsa nayacajle Juda ricuiete nite piomi napji iofacaope Jerusalen inomapi, Benjamin jipaitanacuite tsaca nite jipananacute Neguev peri tsaca, nadecaotsa namaitanda nashopa matsaidajli nite pimedajli tsaca nacaro matsiadajli jlipalico jliaji waminajli Dios. 27 Cuirm caada nemica nacaro norso matsiadajli jliaada paofetacacarodajlico, curicadanta nedejica jawiñadajli curiminta newacao Jerusalen riico jliada paifecarodajlico, nite watsa nomenca nanaco tiiye jlimacaotsa jliaji Jerusalen, curim watsa cocaca itaita iyajlitacani.
1 Apada iacaoti waminajli imenacandaca inoca Jeremias icaojle, cai jliaco: 2 Pinicoenawa piacaro jlipalico jliaji idejicada torropedape, pimicaro noaco. 3 Nini nomotucao naowa jlipalico jliaji idenicada torope, nincadantsa jlidenica . 4 Mitsa jliaji jipai jlidenishopa jliñacao jlicapiricuite, nini jliwaopia nopashica apdenaca torrope panayaotsa matsiaca jlimotoca norso. 5 Nite jliaco inoca noicaojle jliaji waminajli jlicaiteca: 6 ¿Capanta notaita nopashicaca pinai pia Israel ipaneta? cai jlicaiteca jliaji waminajli. caica piaji torropesho, notaita nonaitaca coamidajlicatsa nocapisho pia Israel ipaneta. 7 Queyanatsa notaita nocaite matsia apaafe yacajlenaco o itjlicanatinaco, notaita nootacani nowayaquetacaron padeniri. 8 Mitsa jliaji apafe yacajle jlicadacada jlioyawa jlimatsica coyojle jliowaopiacani jlidia jlioma nuaa, quenacaotsa nocapa jlirso curimiwatsa nodee jlicaojle matsidajli. 9 Queyanadaotsa, notaitaca nocaiteca apafe yacajlenaco o itajlicanatinaco, notaita nonaitaca apacua wajlidali yacajle. 10 Mitsa jinaitaca noocapa jliaji matsidajli curim imica noaco, nini decaotsa curiwatsa nocadaca irso jliaji nocaitejli noaca irso. 11 Panaaya, caacoca pia norso napji iofacape Juda riico nite Jerusalen riicotsa picaite caiji: cai jliaco waminajli: panayaotsa nocadaca matsirri iino icaojle. nowaopia nocajlerico nocadaca matsidajli icuete, panaaya ipadameta iwaopiaque jlioya jliaji matsiri jinaitaca, ioma jinaita jliaji matsiadajli irsowawa 12 Mitsa cai nacaiteca, micapantsana matsiapa wacaro wadiote iapodan wanaitacaro piomi jliaji cocaca waomajli wanaitaca wacaojlericco 13 Nini cai jliaco jliaji waminajli: pitata napji yacajle icuan, ¿cooca jimica nacaite jlinacoapana jliaji pamijli? ima matsidajli rinaitajli sroaji nadiotena Israel daaro 14 ¿Capantapa apapia nieve itaita icadaca teecojle napji jipadadape? ima nacatsa taracape inocada tecoite jipananacuite jliiamaretacaro piomi. 15 Mitsa oopi namawadaca nooya napji nonaiquite. camitsa naaca nadiote iapodan nacaro matsiadajli jlirso jlitecojleta nawaopiaque nacaro iinipo matsicaijlico. 16 Maminajlinawerico watsa jliaji naofacawapia, caidajlitsa nacacaotsa jlicao. piomi napji jiyapacape nini nawiowatsawa nite nañocotaotsa nawida. 17 Caojlishoatsa nocadaca naracao nocuema icapacarona. nocañatawatsa nodenite nacapa wade nacapa jliaji noecua , jliawali matsiwerico nayapacao. 18 Cai naaco napji iowacape yacajlerico: inuena wacaitecaro cuami fanaitaca matsi Jeremias irso. ima curica cuancaojli yamii jliaji nadanandapia, piomi jliaji iacoti matsiadajli o jliaco jliaji profeta. iino wacaro wacuitani curicaroetsa coca jimica jliaji jliajili jlicanata. 19 Pia nominajli, pimica norso nite pimica cuamica nawaopiaque napji nopondape 20 ¿capantapa matsicapoa nua napiya cai naomaca nanaitaca matsi norso? ima nacaquena noapowawa. piwaopia coanica noemacao picaapa nocaitecaro narso jliaji matsiadajli, curicaro piirua iwaca nanaco. 21 Panaaya picadaca mawitacai inoca napji nenipe, nite piaca owinai irsona piomi nainiridajlico nainocarona, menipecaruetsa nofacawa napji nite maduiyoanaipetsacana. nite piomi napji nayenpetite picada noinocana owicadanaconi. 22 Picaada nemataca queema namicaron napanajlicuite, nocadanaco naicaojle napji tsojlodaunai curiwerico nawapacana. ima nacaquena jipai noicaoyanape nite naoma napaca nua ishatisho. 23 Mitsa pia nominajli, pianica piomi jliaji naomajli nanaitaca norso nainocaro nua. macadatsa jliyapao jliaji nawaopiaque matsidajli nite matatsa namatsica, mitsa picada catinacani pirua jawacaro nanaco.
1 Cai jliaco waminajli: warsa iawa iwentaca apana jarra torropena pideca pinaiwa ancianonai nite sacerdotenaitsaca. 2 Nite iacawa apji wacadada Hinom ricojle, awatsa iocawaji tsomi jlipananoma jalacawani, nini watsa picaiteca norso caiji. 3 Picaitewatsa caiji: jimica jliaco jliaji wamianjali, shia iowacape Juda riico nite shia Jerusalen riicoperi.cai jliaco jliaji sholodaunai iminajli, Israel iDiote: panaaya nodecaotsa matsiri icaojle shia iowacape jlirico jliaji yacajle, piomi napji imicapen nawiocaotsawa. 4 Nonaitawatsa narso caiji ima namacaca nua namacuadata jliaji nocaiteri. ima oopi nacaada jliaji nacarodao matsiadajli nadiote irso jliaji curidajli nacapaca, curim naaca napji nanirinai curim tsaca naaca napji itajlicanatinai Juda riicope, jorse nacadaca irrai iarocao jliricuapi jliaji yacajle. 5 Nanaitca ienoni nacorodao matsiadajli Baal irso nini namaitaca nenipe tiiye rico naofrendacaro jlirsona, nanaitaca jliaji curidajli noona nanaitaca 6 Nini, icapa, matsiri inocaotsa naicaojle cai jliaco jliaji waminajli: cuirwatsa Tofet caotsa naipitana naji yacajle, jliatsaca jliaji Hinom ienipe, panaya jlipitanaotsa wacada naonocawa. 7 Panayaotsa curiwatsa nocadaca jlimotocao caiji naomacani nanaitaca napji Juda nite Jerusalen tsaca. nocadacaotsa piomi nacaojle napondape irso narsotsaca napji iomacape iinocana, niteotsa noaca wipiaruapape nite mawacajlinape iñao jliaji nadaqui. 8 Nowayaqueta caotsa jliaji yacajle nacadacaotsani nocawadetsa icao, piomi napji jiyapacape nini natacaotsa nacaojlewa nacapacadanaconi 9 Nocada caotsa naiñaca nenipe iipe nite naitonaipe iipe tsaca; nite watsa nocadaca naiñawaca nawacawacatsa naquitsinda iapiya, waade naaca iñacana napji napondape iomacape iinocana. 10 Nite watsa pibotantaca jliaji jarra torropena nacapaotsa napji ianicape pinai. 11 Cai watsa picaitecana: cai jliaco jliaji shojlidaunai iminajli: caiwatsa nowotantaca jliaji yacajle caiji pawotantacani jliaji jarra torropena, curim pataita paremendaquetsani. Tobet ricuatsa nadawaca napji mayamiperin ima curicaotsa pacapetsa apafe yacajle nadawacarrodao napji mayanperin. 12 Cai watsa nonaitaca jliaji naofacawa napji inaiqui jlicayosho jliaji Tofet, cai jliaco jliaji waminajli. 13 Piomi jliaji napana napji Jerusalen ricope nite natsaca napji itajlicanatinai Juda riicope caicaotsa napji Tofet icayosho, ima nanaita masti norso nacadanaco matsiadajli nadiote irso nite jiwirida irso tsaca napana ipojlico nite nairetaca apaana nadiote tsaca 14 Nite Jeremias iaca Tofet riicojle, apji Dios inajlipia jlinoparotaca nirse, jliemacao waminajli ipaana imojlionte nite jlicaiteca narso piomi napji inaiquinai. 15 Jliaji tsolodaunai iminajli, Israel IDiote, cai jliaco: icapa, panaaya nodecaotsa matsiri jlicaojle jliaji yacajle piomi nasro napji jlinaiquitena mocadaotsa nacapa jliaji nocaitejlipia iinoca naicaojle ima oopica nataimita nacaojle nooya nite curim naomaca namica norso.
1 Pasur, Imer ienipe jliaji sacerdote jliapia shojlodaunai iminajlicani jlimica coamica Jeremias inoparotaca cacocadanacon Dios ipajliconi. 2 Nite Pasur itodaca Jeremias jliaji inoparotacaita nite jlicadaca jliemawa nacadacarodajlico preso iofawa tsomi Benjamin ipantinoman ioya waminjli ipanajlico. 3 Apapianaco jajledauca Pasur itacaca preso dapana jlicuite Jeremias. Nite Jeremias iaco jlirso, curim waminajli iwanaca pia pipitanaco Pasur, jliwanaca pia Magor Misabib. 4 Ima cai jliaco jliaji waminajli: panaaya nacadaca pia cafainadajliwa piomi napji piquitsiñape pipondape inocaotsana matsetasho piiti icapaotsa coamica nainocana. noacaotsa Juda jlirso jliaji italicanati Babilonia dajli. jlipawatsana jlirsoperiwana nite jlinowatsana matsetasho. 5 Noacaotsa piomi jliricoca jliaji yacajle, piomi nadenicajle, nite piomi napji naani matsiadajlipe; noacaotsa napondape irso naanai owirrodape napji itajlicanatinai Juda riicope, natacaotsa piomina nadeecaro Babilonia nirsena. 6 Mitsa pia Pasur piomi napiiya napji pipaneta nadecaotsa shia idenicaope narso. picaotsao Babilonia riicojle nirse watsa mayamica pia nadawaotsa ninitsa piomi napiya napji ipeyocape pia nite tsaca napji inoparotacape ishati. 7 Pimanietaca nua waminali, nua pimanietandaca; caidadajlipaca pia nooya, nite piametaca nua; oopi pimaaca nacanica noicao jalecacuan. 8 Ima cacocadanaco nua nuemataca caidaa matsirico: ima oopica jliaco idiaca jiwao nonaco jliaji waminali nini jajlecacoan nacanica noicao. 9 Nite noaco: panayaotsa curitsa nowaopiaca jliaji waminajli. curim tsacaotsa nocanantaca jliaco, mitsa cai nuani nocaolerico napji noyapite imacape tiyee jamodajlisho. nowiita noawantaca curicadeca noawantaca jlicuete. 10 Ima nimiquena nacaitepeca iamaa jlinacuapana jliaji matsidajli. wacaita, wacaite jliacona, piomi napji tsomipe nooya nawapaquetatsa nacapa nowacao. wadetsa jlimanietca, ninidecaotsa wataita wemaca jlicuete jlicaoñacaro piomi jliaji jlinaitari warso. 11 Mitsa acatsa waminajli noinai jliaji caidadajli piomi ioyaa, nini napji ipinietacape nua natetecaotsawa, curim watsa nametaca nua, napaimanietaca caotsawa nawacatsa, ima micapancatsana curicapoa nataita nanaitaca jliaji naomajli, 12 Mitsa pia naminajli napji tsojlidaunai, pia ianicada nawaopiaque nite nacaojletsaca, picadaca nocapacaro cuamica piemaca nacuete ima nacadaca picapirico jliaji cuamica noyapacao. 13 Icanta waminajli irso, iacaa matsiadajli jlirso; ima jiwatacaca quenaperi nacapiricuiete napji matsiperin. 14 Jliaada nomotoca nocapa jajledauca macadawalica nua. macadatsa matsiadajlica jliaada nodua imotuetaca nocapa jajledauca. 15 Icadaca Macadawajlica jliaji atsia icaitecaita noniiri irso. ashiada jliaji pienipeda, catimena pia. 16 Cai icadaca jliaji ashia nacayosho napji yacajle Dios iwayaquetani ima curim quena jlicapaca narso. icadaca nemataca depitua nite maayacan jeeri tsaca. 17 Cuaada curinca jlinoca nua nodua iwawalicocatua nua, curipianta nomotoca nocapa jaledauca. 18 ¿Cuadapa nomotoca nocapa jaledauca nodua iawawajlicuite, nocapacaaro idenicati nite caiwidajli o capaimanacaro jajlecacuan nua?
1 Apapeeco iacoti waminajli nite dajli inoca Jeremias icaojle itajlicanati Sedequia imenacawerico jliaji Pasur Malaquias ienipe nite Sofonias Maasias ienipe jliaji sacerdote. cai nacoaji: 2 Pitatataa piomio cuamicaotsa wayapacao jlinai jliaji waminajl, ima jliaji Nabucodonosor itajlicanati Babilonia dajli jlinoacaca wacuete. wadetsanta quenaca waminajli icapaca warso, jlienita waoyana. 3 Nite Jeremias iacoo narso: cai iaco Zedequias irsoaji. 4 Cai jliaco jliaji waminajli Israel iDiote. panaayaotsa nodietaca icapiricuite napji jinaitashopa oowi, ima nashoca inuacao jliapiya jliaji itajlicanati Babilonia dajli nite napji Caldeo aperiaji pemajle nacorrarani, ima nowayaqueta caotsana pamoyuapao jliaji yacajle. 5 Nite watsa nooretaca nonapa jidaatarico noinuacacaro icuete, queruajlicoatsa 6 Ima noacaotsa inuacaca nacuete napji inaiquinai iowacape jliricoda jliaji yacajle, ashianai nite mawicajlinape tsaca, mayamicaotsana jipoati capoanai inaco. 7 Nite watsa jliyapaquenao jliaco waminajli, Sedequias jliaji itajlicanati Juda dajli, napji jlirsoperi, jliaji yacajle, piomi napji iowacape yacajlerico jliapodan jliaji jipoati caiwianai, mawitacai, matseta nocaotsa jlicapiroco shia jliaji Nabucodonosor itajlicanati Babilonia dajli, nite nacapirico napji jipondape iomacape inoca shiaa, jlinowatsana matsetasho curim watsa quenaca jlicapaca narso. 8 Nite watsa jliacaite jliaji yacajle: cai jliaco waminajli; panayaotsa nocadaaca irso inipoo yamacadajli jliaji cawidajli nite jliaji apapeco pañacawa jlioya. 9 Jliaji iowacada jlirico jliaji yacajle mayamicaotsa matsetasho piomi shia, mawitacaisho, nite jipoatisho, mitsa apada manacocadani jlitoda jliosripadao Caldeo irso, manacocaotsani. 10 Ima noenitaca noecua jlioya jliaji yacajle nodecaro jlicaojle matsiri curim matsiadajlica, cai jliaco waminajli, nocadacaotsana Nabucodonosor icapirico jlimaitacaro shiaa. 11 Nite watsa jliaco jliaji italicanati Juda dajli, jimica jliaco jliaji waminali. 12 David ipaneta, cai jliaco waminali: ideeca matsiadajli depitoa, iwatacaca jliaji napanda narsowajleo , wadetsa noirua iwaca inaco tiyeesho nite jlimaitawatsa shia, curiwatsa cooca itaita iyajlitacani, jlima jliaji imatsicana. 13 Icapa, shia ianiquinai iowacape wacada inomapi panaya nuemaca icuete, shia iowacape jipadanaco, cai jliaco waminajli, jlicuemaca nua piomi jliaji icaitejli: ¿cocanta ioroca iinowa? coocanta jiewa wapanajlico. 14 Nocadacaotsa icapa jlicuada jliaji jinaitajli, cai jliaco waminajli, querracaota tiyee wacadajlico nite jlimaitacaotsa piomi jlinomapi.
1 Cai jliaco jliaji waminajli: pioroco jlipanarico jliaji italicanati Juda dajli nite picaite narso jliaji yacooti. 2 Picaite caiji, pia italicanati Juda dajli, piimi jliaco jliaji waminali, pia iofacada David iofacarodajico natsaca napji idejicape pirso nite piomi napji inaiquinai jiewacape pantinomalico. 3 Cai jliaco waminajli: pinaita caidajlitsa matsia, nini jliaji iñaitocada pitaca naoyan napji jipacapeni narsodajlio. mamatsicatsa shia narso napji apaada jipainacoperi, maniriperin, maduiyoanaipetsaca. mainoacatsao apji piofacawa. 4 Ima piepacada ajadajli jliaji iacoti, nini watsa naofacao napji itajlicanati David iofacaroda jlico, newacaotsa carro jlico nite caballos nacotsaca piomi nanaiquite iapiya narso peri iapiya tsaca. 5 Mitsa curicada piapaca jliaji iacaoti nocaitejli, nocaite shia nua iminajli, nowayaquetacaotsa jliaji itajlicanatidapana iofacaroda. 6 Ima cai jliaco jliaji waminajli jlinacoapana jlipanana jliaji itajlicanati Juda dajli: caica piaji Galaad icayosho, o jlicayoshoca jliaji Libano ienondajli. Mitsa pacoacatsa nocadacaotsa ipofawa yacajle maminajlina dalisho. 7 Ima oopina nocadaca napji inocaope inoo shia namocawansho, nayoacaotsan napji jaico matsiaperi nite watsa nacaadaca nawao. 8 Nini watsa, nayapacao napji inaiqui jlicodapi jliaji yacajle. nacaitewatsa narsowaca ¿cuaadapa cai wamanajli jinaitaca jliaji yacajle? 9 Nite nepawatsa: ima oopi namacaca jliaji wamanajli Dios icadajli yacoti narso, nacaro matsiadajli nadiote irso. 10 Maiyatsa mayanperin inaco macoyojletacatsao jlinaco, mitsa iyaaca caiwi jlinaco jliaji iacaita ioya, ima curim coancajli nadiacao icaojle 11 Ima cai jlicaite jliaji waminali, jlinacuapana jliaji Joacaz Josias ienipe italicanati Juda dajli, jliaji italicanatali jliniri Josias iapodan; jliaji iacaada jaitiaji curiwatsa jlidiaca cayojliaji 12 Mayamicaotsani apada jipainacojli nite curim coacaojli nadiawa napaitenacojle. 13 Quenadajli caotsa jliaji jinaitacaita ipanao micapandajlisho, jlisalanio matsidajlisho, icaadacada jliquitsinda ideji macaoñacanatsa; 14 Jliaco: nonaitaotsa nopanao macadajli irsocadaotsa macawajle ienonrse, noitaotsa macaawe jliwentananio niteotsa nopintani irraidajlisho. 15 Pitajlicanataotsa ima picoraratacaotsao cedro napesho? ¿curimi piniiri iñaaca curim tsaca jliraca, jlinaitacadan matsia, nite matsiadajli inoca jlicaojle. 16 Jlinaitaca matsia narso napji quenaperi nite napji canacaiperi irso. icatsa matsiaca jlinaitaca. ¿catsa jliaji ianishopaca nua? cai jlicaiteca jliaji waminajli. 17 Mitsa pia curim cooca jliaji piwaopiajli icamitsa piitaca picaojlewa jlinaco jliaji coamica piganaca midajlishotsa nite coamica piinoca inaiqui mamatsicanaperitsa, piapacapoa napeyajle. 18 Mitsa, cai jlicaiteca jliaji waminajli jlinacoapana jliaji Joacim Josias ienipe jliaji itajlicanati Juda dajli: curiwatsa naiyaca pinaco napji piwenai curitsaca piweduanaipeca, quenadajli icanatacaita. 19 Nadawacaotsa pia nadawacawa napji asno, narraniwatsa pia napecocarro teeco pia Jerusaen ioya. 20 Piawa jipananacojle Libano nirse nite piemataca caida, piemata Basan riico. piemataca jipananaco Abarim nite, mitsa napji pipondape nawayequetacaotsa pia. 21 Nocaiteeta pia matsiaweriicotua pia, mitsa picaiteca: curim watsa nomiica pirso, ima caidajlica iepeticadanacotua pia; curim pioma piimica noaco 22 Tecoatsa caojli naoya napji iapacape pia, nite napji piquitsiñape napacaotsa narsoperiona. niteotsa, napaimanietaca queena pia jliama jlaiji pinaitajli matsi. 23 Pia iofacaitao Libano riico iofacada panti matsiadajlirico nanaitanda cedrosho, cuaniotsa quenaca nacapaca pirso caiwiwerico pia caiji caiwicani inaro quenipedaro 24 Ima cawidajlica nua, cai jlicaiteca jliaji waminajli, ninitsa pia, Conias, Joacin ienipe jliajiitalicanati Juda dajli, notacaotsa pia nocapiricuite ashiema caiji patacani jliaji pasellanda. 25 Ima, noaca pia nacapirico napji iomacape inooca pia nite nacapiricotsaca napji piwioni picapaca, jlicapiricotsa jliaji italicanati Nabucodonosor Babilonia dajli nite narso tsaca napji Caldeo perii. 26 Nopecocaotsa pia piduadajlico jliricuite jliaji jipai nirse watsa mayamica pia 27 Jlinaccuapana jliaji jipai naomajli nadiaca nisre, curim watsa nadiaca cayojliaji. 28 ¿Catsa pijarranajleca wotamini jliaji? ¿ catsa jliaji ashia Conias jlipitana, jarrana curidajli coadaoca? ¿ima oopi napecoca napji jliapodanperi, nite jliaca apafe yacajle curidajli nacapapia. 29 Jipai, jipai, jipai pimica jliaco jliaji waminajli 30 Cai jlicaiteca jliaji waminajli: pidana jlipitananaco jliaji Conias: ima menipedajlin caotsani, curiwatsa matsia jliacao jlifacadanaco jajledaucarico nite napji jliapodanperi curim watsa coco narsojli curiwatsa napieta naofacao David iofacawarico, curim tsaca jlitalicanatacaotsa Juda.
1 Quenaperi caotsa napji pastorenai imatsiquetacape paitapena noovejani iofacape narrodajlico cai jicaiteca jliaji waminajli. 2 Nini cai jliaco jliaji waminajli, Israel iDiote naorso napji pastorenai iwapacape nonaiquite, oopi ifietaca napocotao napji noovejani, curim iwapaca matsiana. panayaotsa nocaadaca icapaa jliacuada jliaji jinaitajli narso, cai jlicaiteca liaji waminajli. 3 Noa watsa iwaqueta tsenaaca napji nowapani piomi jipainacuite apji nopecojlipia nitena, nodietacaotsana naofacarrodajlico tsenaca, nini watsa namaimatacao joredajlitsenaca. 4 Nini watsa nocaadaca pastorenai iwapacaopena curim nawioquetsao curim tsacaotsa cooca ifietacana nanicaaro paitapenawa, cai jlicaiteca jliaji waminajli 5 Icapaa panaaya jlinocaotsa jliawali, cai jlicaite jliaji waminajli, noniwanacaotsa David tsenaca nacadacaro jlirso apaada matsiadajli, jlitaricanataotsa apada caconadajlisho; caniquedajlicaotsani nite jinaitaotsa matsia piomi jajledaucarico 6 Jliawariotsa jlimanacota Juda nite Israel jlimawadacaotsa jliofawa. nini watsa nacaite jlinaco Waminajli jinaitaca matsia. 7 Icaapa jlinoquena jliada, jicaiterri jliaji Waminajli, curim watsa nacaiteca, cawidajlica jliaji waminajli, jliaji iwatacacaitapia napji Israel nai Egipto riicuite. 8 Mitsa nacaiteotsa, cawidajlica jliaji waminajli, iwatacacaitana nite jlidietaca nenipena napji Israel ipaneta napji iofacape jipai inarruemeteperi nite piomi napji jipainacope napecojli nitena, naofacaotaso napaitenacuena. 9 Nite nanacoapana napji inoparotacape, coyojle jliaji nocaojle moyeeca piomi napji noñapite. caica nua apada ashia idewanacaitasho, caiji josrecani pairraca yajlaqui, ima Santo dajlicappoa jliaco jliaji waminajli. 10 Ima pacanca jliaji jajledauca noshoo napji jinaitacpe matsi nadaquisho. nini jlicaote meetaca jliaji jipai. piomi meetaca napji jarapocojlicoperi. ima matsipeca naanipote napji inoparotacape; ima curica nacaite jliaji ajadajli. 11 Ima piomica napji inoparotacape nite tsaca napji sacerdotenai oopi namatsicacao, noquetaca jliaji namatsicana nopajlico, cai jlicaiteca jliaji waminajli 12 Nini queticai caotsa jliaji nopowa wadecawa pawacao depiriico cadoitacana watsa nawacaroa nirse, ima nomenacaotsa matsiri inoocaro naocaojle jliawari nocadaaca nacapa, cai jliaco waminajli. 13 Ima nocapaca cuamica nanaitaca coamidajlicatsa naoma nanaitaca napji inoparotacape Samaria riico. nanoparotaca nadiotenaco nadecaroni inipojlico matsiacai napji nonaiquite Israel. 14 Nite nacoapana napji inoparotacape Jerusalen riico nocapaca coamica nanaitaca matsidajlitsa; nanaitaca nadaquisho matsi nite napeyoca jliaji ishati juiwi nacapaca narso iñaitocape caica napji Sodoma icayosho nite Gomorra icayosho. 15 nini cai jlicaiteca jliaji waminajli oowi itajlicana, nanacopana napji inoparotacape, panayaotsa noaca nairra ooni namanitania, ima nacoite jlimotocao jliaji matsiadajli napji inoparotacape. 16 Cai jlicaiteca jliaji tsojlodaunai iminajli, mamitsa narso napji inopparotacape micatsa. ima nacashata capantsa shia, ima nacaite irso jliaji nawaopiaque midajlitsa, curim inocodaca Dios nite. 17 Nacaiteca jliaji micapandajlitsa curidajli nopeyoca: waminajli icaite imawadacaotsa iofawa. ima napji jinaitacape jliaji naomajli naitaca nacaojle riicuite caridajlinonaca nanaitaca.: curiotsa matsiri inoca icaojle. 18 ¿ cooca iemacao nawaquetacawericowa cacowerico jliaji wamianjli? cooca jimica jliaco? ¿cooca iapaca jimiwacaro jliaco jliaji wamianajli? 19 Icaapa, panayaotsa tirrojli inooca wamanajli iruaajlico, nite jlicawoconi caotsawa nawai nite jlicawoconi tsacao nawidanaco napji matsiperi 20 Curiwatsa wamanajli icaadaca iroa jiyapawa querequenaotsa jliwayaqueta piomi napji jliomari jlinaitaca jlicaorericuite. ianiwatsa jlinacoapana jlinanaa iocawericuenao. 21 Ima curica nomenacanica napji inoparrotacape, nawacatsa ianica icashateta curim nemanacanicana, mitsa nanoparotamincatsa, 22 Mitsa namicadanta norso jlinaco jliaji nomajli nocaiteca wawaqueta cawericua, nini napji nonaiquite nemicadanta noaco; nininta nenitacapiawa jlioya jliaji inopo matsicai. 23 ¿Nua jliaji Dios tsomidajlitsa ioya, cai jlicaiteca jliaji waminajli curim teecodajlica ioya. 24 ¿Capanta apaada itaitaca idawacacao nooya apaferrico curicawa notaita nocapacani? cai jlicaiteca jliaji waminajli ¿curitsa nuaca ipacantacaitaca jliaji eeno nite jipai? cai jliaco waminajli. 25 Oopi nomica narso napji inoparotacape ishati icaitecape noipitananaco micapandajlitsa. cai nacaitecaji: notaponca, notaponca. 26 ¿Cadajlidawatsa icua nawantaca napji inoparotacape ishati nawaopiaque midajlitsanaco, nite napji inoparotacape ishati nacaijlericuite? 27 Nawaopia cuamica nanaitaca nonaiquite imawadacacaro iofaa nooya jlisho jliaji nataponiajle, nacaitecani nacodapipe irso caiji nanirinai imawadacacani nooya jlima jliaji nadiote. 28 Jliaji jitaponcada, icaada jlicaite jlitaponiare, mitsa jliacadeca jliaji nocadanda irso iacoti ajadajli. ¿cooca icapa majlishi caiji pacapacani caana? cai jliaco jliaji waminajli. 29 ¿Ciaca jliaji noaco tiiye icayosho cai jliaco waminajli, nite martillo shotsaca iñacada paitapena jliawa jliaji jipada? 30 Icapa, noemaca nacuete napji inoparrotacape cai jliaco waminajli o coandajlicatsa jimicada ape irso nite jlicaiteca nuaca jliaji imenaca jlinoparotacaro noipitananaco 31 Icapaa, nua iemaa nacuete napji inoparotacape, icatsa jlicaterica jliaji waminajli, icaitecaita jitaponiajle Dioca imenacanpecana. 32 Nua iemeca nacuete napji inoparotacape icaitecape jitaponiajle icamitsa ishati cai jliaco jiaji waminajli nite nanica nacaitepe ishati nini josredajli nadeca nonaiquite teecojle nooya nasha ipoan. mitsa nuaca iemeca nacuema, curim coancaojli nomeca nacaaro nacaite nataponiajle, nini watsa curim coamica naquitsindataca napji nonaiquite cai jlicateca jliaji waminajli. 33 Nini watsa natatewerico pia napji naiquinai, inoparotacape o sacerdotenai ¿coca jliaji jlinarotajli inaco jliaji waminajli? picaite narso, icatsa pia jlinoparotajlinaco panayaotsa nopeeco tecojle iawa cai jliaco waminajli. 34 Nite wats napji inoparotacape, sacerdotenai piomi napji inaiquinai icaitecape, waminajli iacoca jliaji wacaitejli nua watsa jirapitetana. 35 Picaiteotsa narso napji iofacape picodapi, nite narso tsaca napji piquitsiñape: ¿coami jliaco pirso jiaji waminaji? 36 curim watsa coacaojli icaiteca jlidenicajleca jliaji waminaji. ima ashianai iacoca jliaji nanijli nacashateta isho, nite shia imacoadataca jliaji Dios cawidajli iaco, naminajli napji tsojlodaunai, jliaji waniri Dios. 37 Caiwatsa icaitca jliaji jlirso jliaji inoparotacaita: ¿cooca jlinaitajli irso jliaji waminajli?¿cooca jlicateri irso? 38 Icaitecada jliaji: waminajli iaco jliaji wacaiteri, ima cai jliaco jliaji waminajli: icaitecapoa jliaji iacoti, waminajli iacoca jliaji. Ima nomenacaca iacarowa icaite curitsa waminajli iacoca jliaji wacaitejli. 39 Panayaotsa icapaca, tsomitsa notacaro nopeeco tecojle iofacaro teeco noyacajle ioya. piomi iyacajle iapiya nite jinirinai iapiya tsaca. 40 Nite nopaimaniataotsa caidajlitsa shia nacaiteotsa matsi inaco curicaotsa coca imawadaqueta ioya.
1 Nite jliaji itajlicanati Nabucodonosor Babilonia dajli jlidecayanmina Conias Joacim ienipe, itajlicanati Juda dajli tsaca, nite natsaca napji itajlicanati ienipe principenai iofacape Juda nite napji idejicape torropesho piomi napji idejicape owirrisho Iofacape Jerusalen nadecana Babilonia nirse, waminajli icañataca nocapa yamada tseto nacadaji Dios iapajlico. 2 Apada tseto jlirso matsiaperi ipaniatidape matsiaperitsa paiñaca, nite jliaji apadaa tseto matsiperin napji ipaniatidape, curim mitsa pataita paiñacana. 3 Nite nominajli iaco norso: ¿cooca picaajli Jeremias? ipaniatidape matsiaperi nite ipaniati matsiperincoripetsa pataita paiñaca. 4 Nite waminajli iaco inoca noicaojle, jliaco: 5 Cai jliaco jliaji waminajli Israel iDiote, cai nocapaca napji nadeji Juda nirse pacapacani napji ipaniatidape matsiaperi, ima notaaca nopeco jaitenaji Caldeo jipaite nacojle matsiacaro naofaca nirse. 6 Matsia watsa nocapaca narso nite nodietatsena caotsana cayojleaji nopaitenaco. matsia nocadaca naofao curimi watsa norapitetacana. 7 Nocadaotsa nacaojlewa nanicarro nuaca jliaji Dios. nonaquitecaotsana nite naDiotecaotsa nua niniwatsa naomaca nua nacaojlericuite. 8 Cai watsa nacayosho napji ipaniati matsiperi curipe pataita paiñaca cai jliaco waminajli caiwatsa nonaitaca jliaji itajlicanati Sedequias Juda ienipe piomi jlitsolidaunai iapiya nite Jerusalen riicope napji iofacapetsa apji jipainaco o napji iofacape Egipto riico. 9 Nocadacaotsana ifietetacaope nite matsiwatsana, oopi nacaro nacapana natishono piomidajli neepaite icaon, namatsicana ima, nacaniwatsa naicao piomi querecatsa nocadaca naniacao. 10 Nomenacaotsa nomatsetan naocaojle, mawitacai, nite jipoati querrecaotsa nowayaquetana jliricoda jliaji jipai noanda naufacaroapiwa piomi nanirinai iapiya.
1 Iacoti inoca Jeremias icaojle jlinacoapana piomi jliaji yacajle Juda. jlipia año cuarto jamojlinaco Joacim jiawajle Josias ienipe, itajlicanati Juda dajli. Icatsa jlinipia año itajlicanatica jliaji Nabocodonosor iofacada Babilonia. 2 Jeremias inoparotacaita nanacoapana piomi napji Juda peeri nite nanacotsa napji Jerusalen riicope. 3 Trece año piaca jlirso jliaji Josias Amon ienipe, itajlicanati Juda dajli, panasheete, vientitres años weriico norso, cooca jliaji waminajli noapiya, cacoota nua iapaya aimawajlia curicadeca jimica norso. 4 Waminajli imenacata icaojle napji jlirsoperi natsaca inoparotacape aimawajlia, curim cadeca iwapaa jimicaro narso. 5 Nacadata irso iacoti napji inoparotacape: imotuaca jlioya jliaji matsicai inipo, imaaca jliaji jinaitanda matsi, nite watsa iofa imawadaca jinirinai iapiya jlinai jliaji waminajli ima jliaco irso jliaji jajledauca mawayacacadajli. 6 Mitsa curicadeca iomaa idiotewa apada iacaronta jlirso matsiadajli wadenta iqueruataca nua jlima jliaji jinaitajli macadadajlitsa. 7 Mitsa curim jimica norso, cai jlicaiteca jliaji waminajli, nini iometetaca nua jlisho jliaji jinaitanada icapisho, nini watsa matsiri inoca icaojle jlima jliaji janitanda. 8 Nini jliaco jliaji Dios naminajli napji owinai: curim jimica iomaca jimica noaco. 9 Icapa, queyetsaotsa nomenacacaro iacoti nonacawa nawaquetacacao piomi napji yacajle iofacape ashiquemete, cai jliaco waminajli, jlinaiwatsa jliaji norsodajli Nabucodonosor italicanati Babilonia dajli, nite nodecaotsana nacauemawa piomi napji aperi iofacaoji nite piomi jipainacuitetsaca. nowayaque taotsana piomina nite nocadawatsa nacani naicao, curim cooca iofaquetsa jliricoda. 10 Nocadawatsa jliwayacao natimaa jliatsaca jliaji napeyonda nite nanovio itimaa nite jlinovianitsaca itimaa caitsaca namojleshopa jipada nite camarrai queradajlitsaca. 11 Piomi jliaji neepaite curim watsa cooca jlirso, 70 año icoawatsa itajlicanati Babilonia irso periicana. 12 Nite jlioquena jlinanaa 70 año nini decaotsa nacadaca jlicapa jlicoadao jliaji itajlicanati Babilonia dajli, piomi jliyacare iapiya, napaitetsaca napji Caldeo nai cai jlicaiteca waminajli namatsicana icaote norapitetaotsa curim apaada nocada manaco. 13 Nocadacaotsa jliyapacao caiji nocaite jlinaco jliaji jajledauca, jlimotoatsao caiji jlinoparotacani paperajlico jliaji Jeremias ima jlinoparotaca nanaco piomi napji yacajle. 14 Ima aima yacajle teecojlepe nite caaconape itajlicanatinai jlirsopericaotsana jliaji yacajle. nua watsa icaoñana nadenicajle icoada. 15 Icatsa jlicaitejlica norso jliaji Israel iDiote: piipa nocapiricuite jliaji vinoa ima nocañataotsa noirua jlirico nite piaca nairrani napji yacajle nonani piaca irrani. 16 Ima nairraotsani nite nawacaotsao caacopeotsana macadatsa jlima jliaji nomatsetan nomenacajli naocaojle. 17 Icamitsa nopaca waminajli icapiriuite jliaji copa nite nocada nairani piomi napji yacajle waminajli imenacajli nirse nua. 18 Jerusalen, napji yacajlefepe Juda riicope nite natajlicananaitsaca quenacaotsa, namacadawajli, taotsanana, necawatsa naicao caidajliwetsa. 19 Nite liaji Faraon Italicanati Egipto dajli, napji jlirsoperi, jlienipe caconaperi nite piomi napji jliyacareta; 20 Piomi napji apaana naiquinai iofacape liricoda yacajle, piomi napji italicanati Uz jipaitenacuitepe; piomi Filisteonai, Ascalon, Gaza, Ecron nite napji jlitepen Asdod peri. 21 Edom y Moab nite natsaca napji Amonitas. 22 Piomi napji italicanati Tiro perii piomi napji Sido riicope, piomi napji italicanati iofacape pemajle uuni macapawan inomapi. 23 Dedan Tema nite Buz tsaca piomi napiya napji iyoacape itsicojle piomi nairaca jliaji uuni. 24 Piomi napji italicanatinai Arabia perii, nite piomi napji italicanatinai apanaaotsa inaiquinai iofacape jajlapocolirico; 25 Piomi napji italicanatinai Zimri, piomi italicanatinai Elam perii, natsaca piomi napji italicanatinai Media peri. 26 Nite piomi napji italicanatinai inarruemeteperi, tsomipe nite teecopetsa iofacao, piomi iofacape iwenai iapiyawaca nite piomi iofacape jajledaucarico; piqueten watsa jliracani jliaji italicanati Babilonia dajli. 27 Cai Waminali icaite norso: panaaya, picaite narso: cai jliaco jliaji tsojlidaunai Iminali, Isarael iDiote, cai jlicaiteca: iran nite ideewana icatacaotsao jiwaniotsao nite mitsa curim itaita iemaca jlicuete jliaji nomatsetan nomenacanda icaojle. 28 Nite curicaada naoma naapaca jliaji copa picapiricuite nairacaroni, caiwatsa piaco narso: cai jlicaiteca jliaji owinai italicana: irsotsa iracani. 29 Icapa, nonitaquena nocadaca matsiri inoca icaojle apji jliricoda jliaji yacajle nacawapia norso matsiadajli ¿I wadantapa curicaro norrapiteta iyacajle? curitsa manacocaro shia ima norapitetacaotsa piomi napji yacajle, icatsa jlicaterica jliaji owinai iminajli. 30 Pirsotsa pinoparotaca nacueete piomi jliaji iacoti, picaite narso: Dios jiemataotsa caidaa eenolicuite, apji jliofacarodalicuite. Ima jlirua jiwaotsa caiwiricotsa nanaco napji jlienipe nite piomi nanacotsaca napji jaledaucaricoperi, cai papoacaji botasho napji uvadape caiwatsa jlirua iwaca nanaco piomi iofacape jaledaucajlico. 31 Namiotsa piomi jipai icaon cuamica oowiricoca naofao ima Waminali icadacaotsa nacaapa licaote jliaji nanaitanda Jeledaucajlico jlicadacaotsa narapita napji matsiperi, cai liaco jliaji waminali. 32 Oowi imanali icaite caiji: panayaotsa matsiri inoca icaojle yacajle icoan, nite eenoajli inoatsa icaojle jipai tecoitedalinacoite. 33 Nite jliwaliotsa napji norapitetani mayamiotsana naoruawatsao jipai iecuete, caiji miperishotsa, curim watsa cooca iyaa nanaco nite curim tsaca cooca jiretacana nadawacaro iririco. caiwatsanaji ishatisho naosruaca jipairico. 34 Pastornai, italicanatinai iyeena inacowaca yorsoetaquenao jipairico, jiaa naminanai napji oveja iwapaji, ima jlicaquenao nanaa nainocarona; caiwatsa nawacaoji paitapena botamicaji jliaji torropeda matsiadajli. 35 Curiwatsa nanataita napitucao napji pastornai iwapacape ovejanai. 36 Icamitsa pamiriica jliaji nemataca napji pastornai nite napji iapacape oveja, ima Waminali iwayaqueta piomi jliaji naiñaoda nini curitsa narso naijaope. 37 Ima waminali Dio iroajlico jliwayaquetaotsa napji matsiperi. 38 Capji iepetina leonsho, jlimacaca jliaji liapacawa, ima jliaji jipai lipadamaotsao cafainacawa jlirua ima jliaji ipapicadapiani, jlirua icaute.
1 Apada pia yakale pakjandali naiki shu, panaya sruwaketsau . Srufakau kjainji maduiyuan shu ninpia aimadali lia lunani .litu pia lia rey napekuliku nja yakale, panaya nainaidaru kanu. 2 Deepi riku ruiya rukauale likjuite njite rutjiafia ita rukakuda. ruatsiatenai kurinstu nakatimatakanu. pjiumi njarukitsiñape kaku masti runaku. Nadia napundatanu. 3 Njite naiyakarun, kjena pianaa, judá yawa teku. liufau yakale kuan kurrin litaita liwafetakau.pjiumi ipinietakapenu nafietetakanu. 4 Kuada kurrin nanu linipute liku lia sion pakaitenpe tja nakatimatakakaruda. Njewatsa yemau njaji pantinuma. Naiya yakale likjuite nja anciononay. Kapaimana naufakau taniawa njaji naitjepe mjapakanadarutua . 5 Njaji matsipe ikapakapa nashu naminanai kana; njite njapunda matsiakanaufau.Naminali ikuyeletakana namatsikana iima.Njaji nenipe tsudalipe nasrupelikautsana njaji nakuema. Li matsiaka ipeku sión iitu.Rey yenipen nanu kjainji wipjiaru iñjakada kanapiri.nawa mjaidatsa lipeyale liaji ipinietakaita. Liada jerusalen iwaupia kuyule napekukaruni njite linanipen matsiape. liwakarun likapi riku liaji likistinda matsidalin.nakapa pia njite naka tsaka likau kurrin kapua nakitsindatan liwayakakapua. 8 Jerusalen linaita limatsikanawa juredali, lima napekun kaupjitadalisu. kalaimi nja ipeyupiani panaya matsi ketipi nakapakan. rumata ruakao njite ruiyaka rukaule rikjuite. 9 kaupjita ruanjiakakau rutsayan yapjite.kurintsu liwaupiaka lipeyale. kjaidakapua sruwakau. kurrin kuka ikistindatakanu. kakunu:" pikapa nukuyuleka , numinali, jurreka panaya njaji nukuema. 10 liaji wakuema likada likapi nanuku njaji wanani matsiape. rukapa njewakau jurrepe yakale santuario liku. Nintsa pimenaka kurrinkaru njewao israel inaikite yufalinini. 11 pjiumi liaji yakale iiya nakaule likjuite naumakapua naijau. Namatsietakaru naufau naka nanani kakuadaperi ijaudati ima. pikapa pjatsa nushu nominali panaya kurrinshu kakueda njua. 12 ¿pja kurrin kuka ishu liaji njuyapali? washa pia pikapa ajadali pakapaka kaidali naiki nukashu nakadanda nerualiku liaji jipitidali, kjainji numinali kurin likada numaodakaka lirua liku. 13 limenaka tiye eenolikjuite liwayaketa nuapi. lipeku malla njuipa iso lidieta karu njua. linajaita njua kjeyapi karru mapi njua njite njufakarru njuwakatsa. 14 likapi liku lide namatsikana.Pakuaka nakalapikana nuwedaliku. likada mjaida njuida. numinali ikada njua likapiliku, kurrintsu nutaita nuemakau. 15 Numinali ipekuka nukuemale pjiumi njaji astianai kjaidape inuakakape pia nunaku. liwana pjiumi njaji atsianai kjaidape nawaketakakaru kakukaru matsi nunaku. naminali kaku matsi judá iitu naku mjapakanadaru tua lagar riku. 16 Nama njaji nuiya.lima liaji ikatimatakaita njua liawa jure liaji nutjiafia, liaji imatsietakaita nufakau teku liufa nuya. njaji nuenipe njewakatsa yufau liamana liaji likuema. 17 Sión jimekuka li napa makaite. kurrinstu pakapa imatsietakaitanu. naminali ikaite nanaku njaji matsipe naiki iufakape liwaida nakuemata karutja jacob . Nashu ljiaji jerusalen kaupjitadalikani 18 liaji naminali numepatakani nukuematakan litalikanatakadanaku. jimi pjiumi sha yakale, ikapa jipiti ka njua. njaji naitjepe mjepakanape tua njite njaji aatsianay katimape uupi namenakana tekule. 19 nuwana nukitsiñape, mitsa nakuemata ka njua. mayami njakan ancianonai yacale liku, naumakapia naijau namatsietakaru naufau . 20 pikapa, numinali, matsi nuanjiakakawa; matsida nuwawaliku, njutakanukaule, mjepakadali pia njua ,padanale matseta ikuyuleta apama jiduati, kantsa pantiriku mayankali. 21 njemista nuiyaka nukaule likjuite mista kutsa kuka ikitsindata njua. panaya pjinaita kjainji nukashu. lia jaledauka pide liaji pikaiteri; panaya pjinaita kainji nukashu. pikada limatsikana linu pipjeyale. pjinaita nashu 22 kjainji pjinaitakapishu nushu lima nju njaitanda matsi aape isru. jure nuiyaka nukaule likjuite lima mjaidaka nukaule.
1 Lriaji, aji waminalri ijañpa lrinaiwa rsojii yakalre itja, iyadauka lrirruashodalri, ljipjatjenina Israel imatsiaka. Enoljikuitje anji jipjainakulje, lria jajedaukakan kurrin lriwaopjia lriuwakarruda lrirrua iima. 2 Lriajii waminalri lriamarretja piomi, imaa kurritsa lripeyoka Jacob inaikite. Lriadaa jajledauka lrirrua, lribulruntjaka yakalje tjarradalri Judá itju iyadja; napjaimanietapjuani, lriduitja tjewakalre lritalrikanatakawa, nite talrikanatjinai, 3 Irirrualriku, natsowa nakuana nanji Israelnai. Lritja lrikapii atsiema lripjonda yoya, nite lrimaitja tjiye jakadalrisho piomi Jacob iwaidja. 4 Kaijii fepjondasho lrienitja lriyaitjiuku waikaulje, atsiemasho lriwapja lriyaitjakaru. Lriinjo piomi nanji matsiapjerri lriapjiya, anji rsupjanalrika rsuanji Sión itju; lriarua lrianiji iruatji tjiyesho. 5 Lrianji waminalji lridiawa kainji wepondjasho, lriamarretja piomi Istael italrikanatjakawa ljiwayaketja rsuida, aimapjaka kuyolrekano nitje rsurrapjitaka rsuanji Judá itju. 6 Lriumetja lianji rsukantjakawa floredapjana. Ljimatsika tsaka nawaketjakakawa nanji kakunapje. Lriaji waminalri lrimatsika yamadjapje. Nitee namawadjakkakarro ljanda jalredauka pjaufetjawa anji Siónrriko, imaa lrimakuadatjana yamadjapje. Lria tjaljikanatji, nite lriancianotje lripjaimanasho nite lrirruasho. 7 Irianji wanalri minalri lrimakuadatja lrianji altar nite lrianji Dios yufakarruda. Nite lritsaka lridanje lrianji lriufakawa lripundja ikapjirriku. Nitee nematja kaidja waminalri ipanalriko kaijin lriadakapisho nakatimatjakakao. 8 Lrianji waminalri, lrikaite lriwayaketjaka rsuyakalre ikurrarrani rsuanji Sión itju. Nitee lrimakaitjetja pjaá lrinjana kurrim yamika lrimatsikaka lrianji kurrarra , nitee lrinaitja kurrarra nite lridanje nakuyulretakakarrua, pjakuakatsa piomi namatsikakau. 9 Lrianji lripjananoma lriwao lrtjewakalre; nitee lritserrentja tjaimidalrisho lrianji pantjinoma, lrianji tjalrikanatji nite lrianji lrirri atsanji napekulriku nai nai, lianji inoperrotjakait kurrintsaka lritapjunka kuanka waminalri. 10 Nitee nanji ancianonai apjerrianji Siónrriko nawao makutsa jipjairriko. Napjatja lritjalre njewidanaku nanjako trapo tsarramidalri. Nitee nanji meyapjakapetua atsianai inai Jerusalénrrikope nayametja newidja jipjairriko. 11 Maidanijna nanji notji natjiafia imaa; matsidenja nowawalriku, lrianji nodadjalriko lriarrukau jipjairriku namatsikakapuao nanji lritjunaipe lianji nuyakalre, lrienipje yenpetjipe maidjakenana anji yakalrekua. 12 Natjata rsuanji nadiua: ¿Kerre lrianji ijañudatji nitee jaikutjeda yanja?" kaikadana maidjakana kainji nainnundjansho atsia yakalrekua, nitee lrikaulje yarrua lridua imaa. 13 ¿Kuanpa nukaitjeka, piia Jerusalén itju? ¿Kuajinta nukaite kuandarrukapjia, kuajintja numayaketjakapia Sión itju mepakanadarrutua? Makeite lrianji piyaunin kaijim uni makapawansho. ¿Kukanta itaita itapekapia? 14 Nanji inuparrotakape pitso, mipetsa kashaperri netapunlriko, kurritua nakaiteka pimatsikkana, pimatsietakarro pinaniimaimaka, mitsa pimaa nakaite midalritsa nitee mamanietja. 15 Piomi nanji jiyapakapjeo inipoljiko nañja nakapi pitso. Napumenitja, nadetsika newida Jerusalén itju, itso: "¿nite nako, ikatsa yakalreka nakaitenda, mamatsikanadalri katimakarro piomi lrianji jipjai? 16 Piomi nanjji pjiponda nameko nanoma, nakañikarru pikau, nakaitepje natjimulreteta tsaka nite namjua netsa, nite naku: "¡wamarretjeninanjo! ¡Katsa jalredauka lrianji wawapanda! ¡Waofeninao wakapakorrún!" 17 Waminlari lrinaitjenina lrianji lrikaitepjenda. Lritaitjenina lrianji lriaku. Nitee kurrin kenoa lrikapaka lriwayaketamo, lriatsa ikada pipjonda ikatimatakao pinako lriatsa jirretja nashowa nanji pjiponda. 18 ¡Natattaj waminalri inai nakaolrerrikuite, rukurrarran rsuaji Sión itju! Ikadena lriekua lrianji rutjiafia kaiji onisho jerriapjite nite depitje, masha itsowaka irianji itima, masha lritimanao lrianji itji 19 ¡Jinikua, itatja depirriko, lrinitawerriku lrianji, wawapakawa depirriko! Lriarruenao lriaji pikaulre kaiji onisho lriekuetje lrianji waminalri, pjirreta pikapi lritso, naikutje nanji pienipje iwapekapetsa mawitakai yakalje ikurruapina kuán. 20 Pikapja, waminalri pikapa kenaa natso nanji piwapanji kaitsaji. ¿Kapjanta nataitja naa naitjepe naiñjaka lianji nawawalrikuda nanji nenipje nawapajii? ¿Kapantja nanjji ancianonji nitee nanji kajikeperri, nainokarrona anji waminalri yufakawa? 21 22 Pakuakatsa nanji yepetjipe pamoyuapje nitee nanji pekipenai nauruakau yakalrekua italrerriku, nanji nonaitjepete pamoyuapje nitee noashiatenay pamoyuapje nainjuna mashetasho; piaa kurrin kenjaa pikapjaka pinokarruna. 22 Piwaketajii, kainji, nanokapisho nakatimatakao, piomi kaitemakatsa nanji inokapje njoa, lriada jalredauka lriaaji lrirrua lrianji waminalri, kutsa kaiterrdja ipitjua kurrinshaka manakuoerru. Nakanji itauñakapje imatsietakapje nupjonda lriwayaketanja.
1
Jnuakatsa liaji atsia iikapakada nukjenakariku liirua liaji numinali.
2
jlitanua nite likada nuemaniu kadaukaweriku kurintja jalamiwerikuleka.
3
Ajadali likabukueta liaji likapi nukuemawa kaidalitsa, padaa jaledauka.
4
Likadaka nuipe nite nuyapa iñawa; nite jlitukuaka naji nuapi.
5
Linaita nukuema yakuti matsidali, nite likabukua kaku nunakun yakuti jipitidalitsu.
6
Likada nufau kadaukaweriku, kaiji nakatsu naji mayanli uupi.
7
Likurarataka nua kurim nutaitaka nupitukau. Likada jawiña naji nupapji
8
nintatsa nutjatjaka linai likitsindatakarunua, limakuta liaji nutjatjali.
9
Lidanata liaji nuapuwa likuraratakani jipadatsu; litsikeretaka nuapuwa.
10
kaiji aatetsu yapakada iiñanua, makani mafikali keruani iidawakakadawa;
11
likada tekujle liaji nuapuwa, nite likada nufau nuwakatsa.
12
Liiraka liaji liyawitatsupa nite likanetakanua litsu.
13
Jliinu julum nutjepen liyawitatsupanatsu.
14
Nupadamau nakakapalim naji nuyakaleta, nakanika nuikau jaledaukakuam.
15
Lipakantanua jipitidalitsu nite linaka nuiraka jaiku yaana jipitidali.
16
Libititaka nuetsa kaiji jipadatsu; liduita nuwau jipairikule.
17
Liaji nukaule kurim matsiaka liufakau; liñaka nuya liaji kuamka katimakanua.
18
Nini nukaite: "¡ Numinali! Jnuida nite liaji nuapaka uupi mayanni.
19
Iwaupia nukuyuleka nite kuaji nuanikau, nuiraka liaji jaiku jipitidali nite jipitidalika nuwaupiake.
20
kaidalitsa nuwaupiakan nite nutatjaka nukauleriku.
21
Nuwaupikadanaku liaji nukaite nuwapensautsani.
22
Lipeyuketi liaji waminali kurim kuankauli liwayakau nite liaji limatsiaka kaidaliwetsa,
23
walipekana jaledaukakuan; makadali liaji pimatsiaka."
24
kantsa nukadandaka nukaulenaku liaji numinali", nini kantsa nuapalika.
25
Liaji waminali matsiakan napiya naji yapakapen, naji yumakapen.
26
Makukatsa wapaka liukau waikaule liaji waminali.
27
Matsiatsa lirapiitaka liaji atsia liyenpetikasrikutua.
28
Ikada liufaka lifakatsa makudawanakawa, Dios katsa ikada liyapaka matsiu.
29
iikada likadaka linuma kapaleweriku, litaitakaru liapaka matsiadali.
30
Pikada likajñeta peema likakuda lisru liaji iñakadam, pikada liyapakau matsi.
31
Liaji waminali kuriutsa kuankauli limenatakafa,
1 Lriaji owirro nadenjinda napadameta matsiacalropja triaji owirro naanji jipada matsiaperri napatacana calle itoniwinaco. 2 Nanji Sion yeenipe matsaperri cacooadaperri caijnji owilro namatsientansho mitsapanaya macoadaperricana macoadapaa naoya naanji tsipada nanaitanji thorropesho nanaitanji nacapisho 3 Nanji tsino naaca nenipe irra naini Mitsa nanji nonaite yeenipe caicanaanji vipjiarro manjicaperrisho jalrapolrirrico 4 Neenene ipacao nanji yempetipe irracapetoa nainia navedalrico mjetacapoa nacaolre Njanji yempetipje natata nainjao corrin oca yaaca naninjao 5 Njanji injacapepia canjiketsa panaya inonaca necoa callerrico mawitacai ima Njite nanji yeetacapepia nanani matsiaperri panaya naolroaca matsicawa 6 Irianji jirrapitaketi malro naanji nonaikite yeenipe macadalripaa lrioya irianji Sodoma jirrapitalri. Napecocana, corrin coca jirretaca iricapi iritsindatacarrona. 7 Naanji napiyawanai jalre perripjacana, ithamana yooya, jalrepja leche yooyatsaca irraica nadada cainji Zafirosho 8 Nacapacanaa canji palangana itadalrinsho corrin coca yanjina callerrico jiwirrico nadada napinaco metacana cainji jaico mayan ninsho 9 Catimaca naji mayamperri machetasho naoya njanji mayamperri mawitacaisho ima mayamicana tacatsa canaicapoa paniati anji jipairrico 10 Mitsa jidoanaithi kenaperri icapaca neenipe nayanaca neenipe injao Nite neenie innaita nainjao corricadanoco njarro nainjao njanji nonaiite yeenipe 11 Lrianji waminalri lrinjata piomi lriroa; lriarroca lriroa. lricadaa apada tjiyee jiwa Sion naco lriwayaketacarro piomi lripocoda 12 Corrin neepaca njanji italricanatinai jalreda calrico corrintsaca pjiomi yowacape jalredao calrico Njepondape yeewaca Jerusalen ipanano malrico 13 icatsa yipalricao nomatsicanaa icaote nanji inoparrotacape namatsicana icaotetsaca nanji iwapacape natemplon, nacadacapoa nairranaa yamarracao nanji inaiki mamatsicanaperritsa 14 Naajica matiperrisho calle rrico namatsicacao inaiki irranasho corrin coca itaita inotaca natsayan 15 Nacaite yenao shaa matsiperrin Nawana caidaa yeenao yeenao manotatsa Nini napocotacana ualren nanai imenaca nacarroa naco corrinatsa yofacao anji 16 Lriatsa wadiote ipocotana corrinatsa lrivapacana Corrin kenaa nacapa nanji napiyawanai corrintsaca kenaa nacapaca njanji pekipenai 17 Matirraperrishoca faa midalritsa lrianji vacapalri ikitsindatacaoda faa wacapaca lrirro lrianji pacoa yacalre corridalritsa itaita iyonjetaca faa 18 Nanoca fapodan nini korrin wataita wanjicao callerrico tsomiketsa wawayacaca lroa medtsa walro jalredaoca lriocakena fenana 19 kjeyaperripaca perri yooya naanji feponda napinietaca faa avacaolalrico naomanjica faa jalrapocolrico 20 lrianji wafoivica wadadalrico ofetacorico Dios icadanda walro nacaitepialri inaco waofacao pidanapianrrico naoya nanji pjetsida yacalre 21 ijoivitacao icatimatacao shaa Edom itonaipe shaa yofaacape Uz jipaiterrico Mitsa Dios ilroa jiyapatsacaotsas inaco idewanacaotsa matsayancaotsa shaa 22 shaa Sion, itonaipe lriwayakjenjiwatsao lrianji jirrapjialri korriwatsa wamilri icadaa nadeca napresotacarro shaa Mitsa shaa Edom itonaipe lrirrapjitetacaotsa xhaa lricapaotsa lriaji imatsicanaa
1 Piwaada IMINALRITI, coajica feyapacawa, picapa matsia coajica ferrapitaca matsidalri naco. 2 Pjiomi njaji wayaperri pia nja irsoni waoya njaji apanatsa inaiki waoya, cayo tsakja njaji waapana. 3 Maoñjerrinaipeca fa, mjanirriperritsa, ima madoiyoanaipe shoca njaji fadoanai. 4 Warsotsa wacaoñaca njaji ooni wairralri nhite cayo tsakja njaji tiyena wayanashopa. 5 Tsominatsa waoya njaji ipinetacaperri fa, njite mjaidakena fa njite corrinatsa coaji wawafetacawa. 6 Fawacatsa icadacawa narso njaji Egipto lricoperri njite njaji Asiria lricoperri wataitácarro warsoca waiñjao aima sho. 7 Opi mayami njaji fanirrinaipe inaitjalri njaji imatsicanati, njite fa nakja icaoña njaji namatsicana. 8 Njaji kjenaperritsa idejicape icatsa njaji italricanatalri nakja wanaco, njite corrin pacapa pada itaita cada imanacotaca fa njepaite ioya. 9 Waoketa waiñjao mayamicalri ipecolrico ima niinica njaji tsolrodaonai iwapacape jalrapocolri ricó. 10 Jamoca wadada cayoji tiyé sho ima wayamica mawitacai sho. 11 Namatsiketaca nadada njaji inaitjepe Sión lrico, cayo tsakja njaji inaitjepe walridarrope Judá iyacalre lrico. 12 Napapi nerroa njaji nanapa nakjoite njaji wapiyawanai, njite corrin nanaitja matsia narso njaji pekipenai. 13 Njaji atsianai walriapalripe nanaa nawititaca matsicalri ricó njaji paniati inaka jiipada macadalripe sho, Njite njaji yempetipe natetjecawa nawakje cádanaco jaico. 14 Njaji pekipenai caconaperri corrinatsa nawapaca wayacalre ipananoma. 15 Corrinatsa catimaca fa njite wajoitaaca carrojiwa icamitsa waiyaketsa niini. 16 Corrinatsa warsoca watalricanaa; ¡Kjenaperrica fa wamatsicana ima! 17 Niini carrenaca jliaji wacaolre, njite corrinatsa catjirraca fa, niini icamitsa naoyaca njaji watji. 18 Icamitsa matsipedaca shoca jliaji sión, icamitsa yamapoipoi njaji yajirrica niini. 19 Mitsa, Pjia IMINALRITI, pitalricanataca caidalriwetsa, njite piofa caotsa pitalricanatalri lrikjoite cayodalriwenatsa nanaco njaji walricomanai. 20 ¿Coada yami piwadaca fa caidalrinatsa? ¿Coada pimaca fa aima calretsa jalredaoca? 21 Pimatsieta tsenakja fa Pirsowawatsa, IMINALRITI, njite wadia tsenakjaotsa matsiaca fa. Picada tsenakja fa cayoji oopi shotsa. 22 Pimenataca fa matsiape njite matsina kerroaca Pjia wakjoete.
1 Treintaka jamuli, kuadaka keri, jnite pemapakapi jaledaulaka jliatsa kerikan, jnufakapjiaka jnapekuriku jnaji jnadanatanipe iimutukau tsumi jliekukawa jliaji uuni Quebar. Jlimekukajnusru jliaji, jnite jnukapa Dios ikanetanda. 2 Pemapa tsupa keri jliada pematsupa jamuli jnamenakakarun jliada jliufakau tekujle jliaji iminaliti Joaquin- 3 jliaku jliaji waminali jlinuka jlikjaule jliaji Ezequiel jliri jliaji Buzi idenikada, jnapaitenaku jnaji caldeos tsumi jliekukawa jliaji uuni Quebar, jnite jlikapi jliaji waminali jlinakukan. 4 Jnite jnukapaka, jlinuka jliaji tiruli kaidadali inukada inasruemete; jmakadali iyawada tiyetsu keradali yufaka jlirikuda jnite keradali ikabukunika jliwai , jnite jliwawariku jliaji iyawada jliaji tiyee jlikapakana jalamidali 5 Aaji jliwawariku pakapaka kuadaka mafikalinai kafiperi. Jlikapakana atsiatsu, 6 Jnasrukadeka kuadaka jnakapakana jnite jnaji mafikalinai jnakuana kuadaka kapjekana. 7 Jnakawapi atsiemetekana, jnatsuta jnaji jnaipa kaikanaji mafikali itsuta jnaketitandatsu. 8 Jnakapi inaikitsu jnapitenaji kuadaka jnanapje. Pakuaka jnasru jnaji kuadaka, jnakapakana jnite jnanape kaikana. 9 Jnanapewaka itudakanikau, jlinape yapiya jliaji apapa mafikali, kurim jnakabukukau jnakadanakua; jnakuana jnakau jnapeyale. 10 Jnakapaka kaiji atsia yakuatsu. Kuadaka jnanakjuite itsuka jnayekemete león ikapakana, jnite kuadaka jnanakjuite itsuka buey ikapakana inasruemete. Paana kuadaka jnakapakana kaiji jawatsu. 11 kaipjia jnakapakana, jnite jnanape jnamekukana yenunsre, paita jnanape jnaji mafikalinai itudaka jlinape jliaji jlikitsinda, jnite paita jnanape idanataka jlidaki. 12 Pjadapatse jnemanika jnapeyajle, kaiji jnakaule yumakapishu jemanikau, kainakau kuritsa jnadiakau. 13 Jnakapana jniaji mafikalinai kafiperi, kaiji tiyeme keradalitsu, kaiji tiye makani jnapanda jnade jnakapiriku; tiye melemeledali idiani jnapekuriku jnaji mafikalinai, jnite eenu peruka. 14 ¡ Jnaji mafiakalinai kafiperi jnadianinpekau jnapudansre jnite jnapeyajle, jnakapana kaiji eenu iperukapishu. 15
1 Jliaku jnutsu: ¡"Atsia iisri, pjienku pjiemakau ; jnite kakuka jnua pjiapiya" 2 Jnite, kakukadanaku jnuapiya, iikauletin tsewa jnunaku jnite jnuenkukau jnuemau, jnite jnukapa kakuka jnuapiyan. 3 Jliaku jnutsu:" atsia iisri, jnumenakakau pjiakaru Israelsre, yakale jmatsikue yemakada jnukuema, ¡Jnatsaka jnite jnapia jnaji jnaferinaipe jnanaitaka matsidali kuridali jnupeyuka panitsete! 4 Jnaji jnanakjuitepe keruapeka jnekua jnite taradalika jnakaule. Jnumenakaka pjia jnaikaujle, jnite pjikaitekautsa jnasru: " katsa ljikaitelika isru jliaji jnuminali" 5 Jnemikada kurinkada jnemika. Panti jmepakapekana, jnanikadekautsa jnapekurikuka iinupasrutakaita. 6 Pjia, atsia yenipe, jmafiutsa jnaiwana jnite jnakuami. Jmafiutsau, jnitatsa pjianikau jnapekuriku jnaji jaikuteda zarzas jnite espinos jnitatsa pjiufakau jnainai jnaji yaledapen. Jmafiutsa pjimika jnakuami jnite jnekua, pantika jmepakapekana. 7 Pjikaitekautsa jnasru jliaji jnuakuami, jnemikada kurinkada jnemi, jmepakapekana. 8 Pjia, atsia iisri, pjimika jliaji jnukaitejli pisru. Jmamepatakatsa kaiji jnakatsu jnate panti jmepakape.¡ Pjimeku pjinuma pjiñakasru jliaji jnualiutsa pisru!" 9 Jnite jnukapaka, jnamekuka jnusru paita ikapiti; jlirikuda papje jnakalapinda jnadananda 10 Jlimekukani jnukapa; jnadanakani jliwawarikjuite jnite jlidanitete, jnadanaka isrua jlinakuapana jliaji iiyaketi, kuyulekjeti, jnite ipaimanietakjeti.
1 Jliaku jnusru: " atsia iisri, pjiñaka jliaji pjiuketanda. Pjiñaka jliaji jnukalapinda jnite pjiaka pjikainten Israel ipanarikule". 2 Jnite jnumekuka jnunuma, jliaka jnuiña jliaji jlikalapinda. 3 Jliaku jnusru."¡atsia iisri, pjiñaka pjiwawariku ikauyau jnite pjipakanta pjitsada jlitsu jliaji jnukalapinda jnuali pisru!" jnuiñakan, jnite putiyakan kaiji maapa yaana jnunumariku. 4 Jnite jliaku jnusru:" Atsia iisri, pjiaka jlipanarikule jliaji Israel jnite pikaiteka jnuaku jnasru. 5 ¡Kutsa jnumenakaka pjia tekjulekawa kakukana kurikawanta pjiani pjimikana, pjiakawa Israel ipanarikule, 6 Kutsa yakale makadalirikujleka tekulekawanta kakukana kurikawanta pjiani pjimikana! jnumenakakadanta pjia jnaikaule, jnasrunta jnemika pjia. 7 Jlipana jliaji Israel kurimwatsa jliuma jlimikapjia, kutsa jnaumenka jnemika jnua. Jnakuana jnaji jlipana jliaji Israel jmepakapekana jnite tarape iikaujle. 8 ¡Jnini! jnunaitaka keruadali jliaji pjikapakana jnite taradali jliaji pjiekua kaiji jnekuatsu. 9 ¡Jnunaitaka jliaji pjiekua kaiji jipada matsiadalitsu, taimidalitsu kaiji jipadatsu! jmafiutsau jmakuyuletakatsau jnekua iima, panti jmepakapekana. 10 Jlikaiteka jnsru,"¡ Atsia iisri, kalaimi jnaji yakuti jnukaiteli pjisru, pjipakana pjikaulerikuna jnite pjimikana pjinakuriku! 11 Jnite pjiakawa jnaiakule jnaji jnadanatanipe iimutukau, pjiyakalerikule, jnite kakupjia jnasru. Pjikaiteka: kai jlikaiteka jliaji waminali:" jmemikada pisru kurikada jnemi." 12 Jnite jliaji iikaujletin jiretaka jnua, jnite jnumika jnudanitete kaiji jlimatsu jliaji kananika jipai:"¡ Matsiadalipaka jliuwakarudete jliaji jnuminali!" 13 Jlima jliaji jnanape jnaji mafikalinai kafipe jnakudaitakadanaku jliaji paapa mafikali, jnite jlima jliaji jnaruda jlimatsaka jliaji kananika jipai. 14 Jliaji iikauleti jliretakanua jnite jlidekanua, jnuakawa keruawa jnite kurinuanika kukajnunaita,¡jlikapi jliaji jnuminali jlipatuetaka jnua kaida! 15 Jnuaka jnaikaule jnaji jnadanatanipe aaji Tel Abib yufakape jlipekuriku jliaji jliyapakawa jliaji Quebar, jnite jnufaka jnainai siete jaledauka, kapaimaka jnua jnite jnufietakau. 16 Jnite siete jaledauka tsapuda jliaku jliaji jnuminali inutsenaka jnuikjaule, jliakaiteka: 17 " Atsia iisri, jnunaitaka pjia yapakada Israel iipana,pjimikada yakuti jnunuma jrikjuite, jnunali pikaiteka jnupeya. 18 Jnukaitekadanaku jlisru jliaji matsite: mayankautsa pjia jnite kurim pjikaiteka jlisru jliaji matsite jlinaitajli matsi jliufakarua, jmayakautsani jlinaitanda iima, jnutautsa pjikapi yuya jlirana. 19 Pjikaitekada jlisru jliaji matsite, jnite kurim jliena matsiri yuya, jmayanakautsani jlinaitanda iima, jnite matsiakautsa pjia jliuya. 20 Aape atsia ipeyukada jinaitaka matsia jnite jlinaitaka matsi jliufaka matsidalinaku, jnite jnusruetaka jlisru paada jipada jlutudakaru jlipai, kpja jmayankautsan. kurim kapua pjikaiteka jlisru,jmayayankautsa jlinaitandaiima, jnite jnuwaupiakautsa jlitsu jlinaitanipen matsia, jnutautsa jlirana pjikapi srikuite. 21 Jnite pjikaitekada jlitsu jliaji atsia matsiadali pjiaka jliufakau jnite jlinaitaka paniya matsi, jlikadakada jliuyauni, kafikautsan matsi pjikaitekan; jnite matsiakautsa piufakau." 22 Jlikapi jliaji jnuminali akatsan jnunaku, jlikaiteka jnusru:"¡Pjinikua!¡Pjiakawa jipulekawale jipai, jnisre kakuakutsa jnua pjiapiya! 23 Jnuemakau jnite jnuakawa jipulekawale jipai, jnisre jlimatsiaka jliaji jnuminali, jnukapapjiali aaji jlikuemale jliaji uuni Quebar; jnini jnutudaka jnusripada jnukapaka tewakajle. 24 Jlinu jnuikaujle jliaji ikauletjin jnite jlienkuetaka jnuemau ; kakuka jnuapiyan, jlikaiteka:" Pjiawa pjitakakau pjipanariku, 25 Jnin paniyaka, atsia iisri, jnapapikautsa pjia iñadatitsu kurikaru pjimutukau kurikaru pjianiu jnapekuriku. 26 Jnukadautsa pjienene isrukau, jmakukasrupjia, kurikaru pjikuitana, panti jmepakapekan. 27 kakukadanakuatsa jnua pjiapiya, jnumekuatsa pjinuma pjikaitekaruatsa jnasru:"katsa jlikaiteka jliaji waminali. jnaji jimikape, jnemikautsa; jnaji kuripetsa jimika kurijnautsa jnemika,¡panti mepakapekatsana!"
1 "Pjia, katsa, atsia iisri, pjipaka paada turupeda pjikadakani pjipeyale. Jnite, pjinaitaka jliaji yakale Jerusalen jlirikuda. 2 Jnite, pjikuraratani, jnite pjinaitaka jlidana taimipe jnauyau. pjiretaka yenunpe jnawaiwa jnite pisruetaka pantitape jliwaiwa. Jnite pjietaka tsipala ipekukadautsa jnawau aaji jnawaikawa. 3 Jnite pjipaka pjisruwawa paita piñakasruitau tsipalaita jnite pjikadakani pjidanau pjipamuyuakariku jnite liaji yakale, jnite pjikuanita, kurararikuatsa pjia, pjiawatsa ikuraratana. katsauta jnanitsupaka jnaji jlipana jliaji Israel. 4 Jnite, pjiuruakau inasruemete jnite pjikadaka jlimatsikana jliaji Israel iipana jlinaku; Pjidekautsa jlimatsikana kutsaka jaledauka pjiuruskau jliukumatsu ljiaji ljipana jliaji Israel. 5 Jnuatsa imenaka pjideka jlimatsikana kutsuka jamuli jlinaitaka matsi:¡390 jaledauka! kaiwatsa, pjideka jlimatsikana iima jliaji jlipana jliaji Israel. 6 kuankaulikautsa pjiwayaketaka jnaji jaledauka, pjiusruakautsau yamapjiatsupa jaiteji pjiyekemete, pjidekautsa jlipana imatsikana jliaji Judá cuarenta jaledauka. Jnumenakaka pjia pjadape jaledauka jamuliikuan. 7 Pjikadaka pjiekua Jerusalenjnisre jliaji kawaidali, jnite pjinapatsu kridalitsa pjiñanpa kakupjia jlikjuete. 8 ¡Katsa aaji! jnusruetaka pjipapiu kurikaru kanankapjia pjiwayaketakaru jnaji jaledauka jnuitakawa pjia. 9 Pjipa pjiyapeu trigo, cebada, frijoles, lentejas, millo jnite centeno; pjikadakana iiñaudati yarudariku jnite pjinaita pan pjisruwawa jnakuatsa jnaji jaledauka pjiusruajli iima. 390 jaledauka pjiñakautsana. 10 Jnaji iiñaudati pjiñajliutsa jlifiñakautsa yaani, veinte jaledaukautsa pjiñakana, jnite pjiñaka jaledaukakuan. 11 Jnite, pjirakautsa uuni pjamuyuapetsa, jlikuatsautsa jliaji jaledauka. 12 ¡ Pjiñakautsana kaiji pan isrukada cebada, pjimakarakautsana inaiki itsnaku jnakapakaru pjiumi!" 13 Jliaku jliaji jnuminali:"panitsupaka jliakautsa jliaji pan jnaiñajliutsa jnaji Israelitanai matsidalikan, jnapekurikuatsa jnaji yakale jnupekukautsani." 14 Jnukaiteka: "¡kenapaka jnua, jnuminali!¡ kuriajli matsidalika jnua!¡ kuriajli jnuiñaka jmayandali iipe, jnite jnainundata jnaji mafiaklinai, kurin jnuyenpetikaka jnite panitsete, iipeti kamukudali kuriali tsewaka jnunumariku!" 15 Jnite jliaku jnusru:"¡pjikapa! pjikapa jnuaka pisru vaca iitsa pjimakarakaru pji pante jlinaku kurinta inaiki itsaka." 16 jlikaite tsaka jnusru:¡Atsia iisri!¡ Katsa kaiji! Jnutaka jnauya pan jnaji Jerusalenrikuperi, jnite jnaiñakautsa pan jnanikada jnawaupjiaka jnamatsieta jnite jnairakautsa uuni jnafiukada jnamatsietautsa 17 Kurikautsa jnasru pan jnite uuni, jnakuana jnaji atsianai kuyulekautsa jnakitsin yapiya jnite jnakuitakakautsau jnamatsikana iima."
1 Jnite pjia, atsia iisri, pjipaka matseta kemete jnakayutsu jnaji iyuakape pjatsikule, pjiyampetan pjiwidanakun jnite pjitsinumanakun, jnite pjipaka pjitsikule pamuyuepe pikapakaru kukapaka jawiñali. 2 Pjimaitaka tsutsa jlipamuyuaka jliaji yakale jnawayaketakadanaku jnakurarataka, jnite pjipaka tsutsa pjiñaka matsetatsu jnite pjikabukuka jliaji yakale.Jliten pjikadaka kauli idekan, jnite jnutautsa paita matseta jnuakaru jnapudan jnaji yakaleta. 3 Pjipa tsutsa jnatsikule jnite pjipapjikana pjitukukawa pjitsayan. 4 Jnite pjipapja itsikuleti pjipekukaruna jlipamuyuaka jliaji tiyee; jnamakarua; jniteutsa jlimutukau jliaji tiyee jnapanarikule jnaji Israelitanai." 5 Jliaji waminali jliakaiteka:" katsa jliaji Jerusalen jnapekuriku jnaji paana yakale, jnukadali jliufakanin, jnite jnukararatakani paana jipaitsu. 6 srupekuka dekja sruiruariku jnaji jnuakuami jnauyapa jnaji paana yakale, jnite jnumenakanipe jnanaitaka jnauya jnaji paana yakale. Jnaji yakale jnamenataka jliaji jnumenakali jnaikaule jnanikaru jnite kurin jnemanikau kaiji jnumakapitsu." 7 Jnini, jlikaiteka jliaji waminali:" Pjipeyupa yakuti jnauya jnaji paana yakale yufakape pjikudapi jnite kurim pjiemanikau kajij jnumakapitsu jnite jnukaiteli, kurim pjinaitaka jnaku ikaiteli jnaji paana yakale yufakape pjikudapi, 8 Jnini jlikaiteka jliaji waminali." Iikapa, jnuatsautsa ikuema. Jnukadawatsa jliuwakawa pjikauleriku jnakapakaru jnaji yakale. 9 Jnunaitautsa pjisru kaiji jnunaitakapitsu jnite kuriutsa jnutaita jnunaitakana, jnama jnaji pjinaitanipe matsi. 10 Jniteutsa, jnaji jnanirinaipe jnite jnaduanai jnaiñakautsa jnenipe iipekuriku, jnite jnenipe iñakautsa jnanirinaipe jnite jnaduanai, jnunaitautsa jnakaparu pjinaku jnite jnupekuatsa pjitepen kerekawalekatsa. 12 11 Jniniwatsa, kafikadanakutuanua, katsa jlikaitelika jliaji waminali, pjimatsiketaka jliaji jnufakawa jnatsu jnaji pjinaitali matsiperi kuriperi jnupeyuka pjinaitaka, jnurukutakautsa jnamaimaka; kuriutsa kjena jnuti ikapakapjia, kuriutsa jnuñetaka pjiuyan.v 12 Pemautsa mayanka pjia iirenatitsu, jnite mayankautsana iñaudati iima. Pemautsa jiwakau matsetatsu jlikuraratakadanaku pjia. Jnite, jnupekukautsa pema kerekatsaji, jnite jnutautsa paita matseta jnakaru jnapudan. 13 Jniteutsa, jnuwayaketakaruatsa jnuirua, jnukadakautsa jliwa jnanaku. Jninwatsa matsia jnuaniakakau, jninwatsa jnanika, jnua jnaminali, jnuakatsa kakulika jnuiruariku jnakuete. 14 kapaimanautsa pjia jnite kuyulepjia jnakapau jnaji yakale yufakape pjikudapi jnakapakaruatsa pjia jnayapakadanakua. 15 Jniteutsa, Jerusalén ipadamakautsau jnakapau jnaji paana inaiki jnakanikaru jlilau, jnite jnakapakaru janapeyau jnaji paana yakale yufakape pjikudapi. Jnupekukakautsa pjikapa keruakadanaku jnua, keruadalitsu jnuñakapjia.¡ Jnua, Iiminaliti ikaiteka! 16 Jnuyaitakautsa kamunipen pjikjuete jnuinukaru pjia. Jnuretakautsa mawitakai pjinaku pjilakaru jliaji pan. 17 Jnumenakautsa mafitakai jnite matsidali pjikjuete, jmenipekautsa pjiufakau. Iirenati jnite iiranati jiyapakautsa pjinaku, jnite jnudekautsa matseta pjikuema. Jnua, iiminaliti, jnukaiteka kaiji."
1 Jlinu jliaku jl iaji jnuminali jnuikaule jlikaiteka: 2 " Atsia iisri, pjikada pjiekua jnakuemale jnaji awakada Israelyape jnite pjikaiteka jnasru. 3 Pjikaiteka:¡Awakada Israelyapena, jimika jliaku jliaji waminali Dios! kaika jliaku jliaji waminali Dios jnasru jnaji awakada jnaji awakadadape, jnaji uuni jiyapakawape, jnite jnaji jalapukuliku:¡ iikapa! jnudewatsa ikjaule matseta, jnuwayaketautsa yuwakarudape yenun. 4 Jniteutsa, jnaji jinaitakawapjia matsi jnawakaketsautsan jnite jnaji jinapjiatipen jinaitanipe jnuwayaketakautsana, jnite jnukadawatsa jnawau jnaji mayanperim jnekjuete jnaji idiotenai. 5 Jnukadawatsa jnadakipen jnaji mayanperim jliyakaleta jliaji Israel jnekuete jnaji jnadiotenai jnite jnupekutsa jnapipen jnawaile jnaji jnapanapen. 6 Kerekatsa jnafakau, jnawayaketakautsa jliaji yakale jnite jnaufakawa yenunpe kenakautsana, kaiwatsa jnawayaketaka jnanaitakawa matsi jnite jnafakautsa jnawakatsa. jniteutsa butankana jnite jnawayakakau, jnayuakautsa jnaji jnadiotenai jnite jliaji jnanaitanda jnwayaketakautsana. 7 Jnawakautsa jnaji mayanperi ipamuyuaka jniteutsa yanika iiminali jnua. 8 Jnumatsietakautsa inakjuiteperi, jnite panapena ipitukautsa jnamatsetan yuya jnaji paana yakale, yakadanakuatsa paferikule yakale. 9 Jnite, jnaji ipitukape jnafaupiakautsa jnunaku jnaufakadanaku pafee yakale kaiji jnadanatandatsu imutukau, kuyulekautsa jnua jnakaule iima kuripjiaka jnani kukaka jnaumalipjia jnite jnaka teeku jnuya, jnite jnaji jnatii jnaumaka paada jnadiutewa. Jniteutsa jnakanetaka jnekuatsu jnanaitalipia matsi jnanitanda pjiatsa iima. 10 Kaiwatsa jnanika jnuakatsa jliaji jnaminali. Jninpjia jnukaiteka jnudeka jliaji matsidali jnanaku. 11 Waminali Dios ikaiteka jliaji:¡ Iñaka iikapi jnite ipuaka jipatsu! iikateka:¡ Jnakuami jnaji jnanaitanipe matsi Israel iipanariku!Jnite jnewakautsa matseta iima, mafitakai ipuana jnite iirenati. 12 Jnite jliaji tekudali jliwakautsau jlirena iima jnite jliaji tsumidali jliwakautsa matsetatsu. Jnaji itaitakape yufakau jnite kafikana mayamiutsana mafitakainaku. kaiji jnutaita jnuisrua jnakjuete. 13 Jniteutsa, tsaa yanika jnakatsa iminali, jnausruakadanaku jnaji mayanperim jnekjuete jnaji idiotenai, jnawai jnaji ipana yakawapjia matsiadali idiotenai iisru, jnanaku jnaji munutsi yenunperi, jnewidanaku jnaji awakada, jnite jliapite jliaji jaiku kaputilandali juure 14 Jnuñakautsa jnukapi jnite jnukadakautsa jliwakatsa jliaji jipai jnadufiatsakautsan,kaidakafete jliuka Diblat, kerekatsautsa jnakasra jnaufau. jniniwatsa, jnanika jnuakatsa iiminaliti."
1 Jliaku jliaji jnuminali inuka jnuikaule, jlikaiteka: 2 "Pjia, atsia iisri, kaika jlikaiteka jliaji waminali jlisru jlipaitenaku jliaji Israel."¡ jliukakenau! jliukakenau jlinana jliaji kuadaka jliukakawau jliaji jipai. 3 Jlinana tsumikena pjikudapin, jnumenakakena jnuirua pjikjaule, jnite jnukadakautsa ikapa jinaitanda iima; jniteutsa jnudeka pjimatsikana kalaimi pjikjaule. 4 Kuriutsa kenaka jnuti ikapaka pjia, kurutsa kenaka jnukapa pjia. Jnudekautsa pjikjaule pjinaitanipen, jnemakautsa pamuyua pisru, jninwatsa pjianika iiminalitika jnua. 5 Waminali Dios yaku kaiji:"¡Jlimatsikakakau!¡ padatsa jlimatsikakakau!jliatsa, jliaji jliapuwa. 6 Jlinana yukakenau. jlinana tsenkukena pjikjuete.¡Jliyapakapantsa, keyanadatsa! 7 Jliwayaketakautsa jnaji inaiki yufakape jipainaku. jlinana yukakenau; tsumikena jliwayaketaka, kuritsa katimakaru jnaji awakada. 8 Panayautsa, jnupekuka jnuisrua inaku jnite jnupakantakakautsau jnukadakadanaku ikapa imatsikana jnite jnudewatsana ikjaule. 9 kuriutsa kena jnuti iikapaka tsaa , kuriutsa jnuñetakan yuya. kaiji jinaitakapitsun, kaiwatsa jnunaitaka iisru; jnite iimatikana yufakautsa iipamuyuaka yanikaru jnuakatsa iiminaliti, ikadali ikapa jinaitanda iima. 10 ¡katsa jliaji, jaledauka! ¡ katsa jliaji, yukaliu!¡ iwayaketakjeti imutukau!¡uupi kaputilan jliaji jaiku, jlimutukenau jliaji padalekjeti! 11 jliaji matsidali jlitauñakenau kaiji jaiku matsidalitsu,¡kutsakuka jnanakjuite, jnite jnaji jnamaimaka, kutsaka jnaji jnanani, yufakautsa kaidaliwetsa! 12 Jlinana yukakenau; tsumikena jaledauka.¡ Makadatsa katimaka jliaji iwentakaita, jnite kuyuleka ljiaji iwendekada, jnuisrua kalaimi ikauya! 13 Jnaji iwendekape kuritsa jnakapakasru jnakan jnawendenipe, kafikadanakuna, jnukapali kalaimi jnasru jnaji aimadan.¡Kuritsa jnadiakaruwa, atsia yufakada jlimatsikariku kuritsa kaidakarum! 14 UUpina jnakada kema jliaji trompeta jnamatsietakena pjiumi, kurikadeka aape imutukau jnakaru jnainuakau; keruaka jnua kalaimi jnapiya. 15 Padanalekenana jnaji jnamatsetan , juree iyamikape jnite mafitakai aaji yakaleriku. Jnaji inuakakapeu mayakautsana matsetatsu, jnite jnaji yufakape yakaleriku mayankautsan mafitakainaku jnite jnarenatsu. 16 Pjanapenau ipitukautsau, jnawatas awakadarikule. Kaiji tsutsubu yufakape jalapukuliriku, jnakuantsautsa jnakuitakaka jnamatsikana iima. 17 Jnaji jnakapi maidakautsana jnite jnausripada maidakautsana kaiji uunitsu, 18 Jnatsayankautsa jnapaiman, jnite ifiuketi itakautsana; pakapakautsa jnapaiman jnekuanaku, jnite kapulepekautsana. 19 Jnapekuatsa jnapalatan padanale jnite jnawirute jmenakautsan. Jnapalatan jnite jnawirute kuriutsa jnapaka jnakaule keruakadanakuena jliaji waminali. kuriutsa kafikana, jnite jliaji jnamuni kuriutsa jliwayakakau, jliaji jnamatsikana katsa ikadalika jnatuda jnaiapu. 20 Jnapadalekatsu jnadeka jnaji jnanina kakuadaperi, jnite jnanaitaka jnatsu jinapiatipjen, jnanaitakaru matsidali. jniteutsa, jnua jnupadametautsa jnasrun kaiji matsidalitsu. 21 Jnite, jnuakautsa jnakapiruku jnaji paana inaiki jliaji jnanani yaruda jnitetsaka jnasru jnaji matsipe jinaitaka jipainaku, jnatsiketakarum. 22 Jniteutsa, jnutakautsa jnauya jliaji jnuekua jnamatsiketakadanakuatsa jliaji jnufakaruda matsiadali; kañaiteperi tsewakautsa jniniwa jnite jnamatsiketakan. 23 Yemaka pakawa, pakanka jlia jipai iiranatitsu, pakan jliaji yakale matsipetsu. 24 Jnini, pjideka jnaji yakale matsiperipa, jnapakaru jnaji ipanapen, jnite jnudekautsa jliwayaketatsupa jlipadaleka jliaji kafainadali pjia yaniakakau! 25 ¡Ifiukjeti iinuka!jnaumautsa jmatsiadali, kuriketsa jnauketakarun. 26 Matsidali jnite matsidali iinukautsa, jnakaitepekautsa jnite jnakaitepekautsa. Jniteutsa, jnaumakautsa jnemika jlikapali jliaji inuparutakada, yakuti iñakautsa jliuya jliaji yanikada yakutinaku jnite jnaji iikaitekape 27 Jliyakautsa jliaji iminaliti jnite jliaji jlinakuledali jlitsayankautsa jlikeyapire, jnakapi jnaji yufakape jipainaku jnakusrukautsau jnafiuketsu.¡ jnanaitanda iima jnukadakautsa jnakapa jlikuada! jnumutuetautsa jnakapa jnamatsikana kerekenautsa jnakaite jnuaka jnaminali."
1 Jlinuka jlitsumita jlia sexto jamuli jnite sexto keri, pematsupa pakami jaledaukakan jliatsa kerikan, jnufakadanakua jnupanariku jnite jnaji pekipenai Judárikuperi jnaufakawa jnukudapi, jlikapi jliaji jnuminali jiwakatsenaka jnunaku. 2 Jnite jnukapaka, jnukapaka, atsia jinapjia jnini. Jliwalenakjuite jnite tewakale jlisruka tiyee. Jnite jliwalenakjuite yenunsresrekeradalikan, kaiji tsipalaita keradajlitsu. 3 Jnite jliretaka kaiji ikapititsu jnite jlipaka jnutsikule jnuwidanakuperi; jliaji ikauleti jliretakanua jnapamuyuaka jnaji jipai jnite eenu, jnite jlitirariku jliaji Dios, jlideka jnua Jerusalenrikule, jlipananumete inaruemete, jliemakawa jliaji jnadiote kakerikekarupja. 4 Aaji, jlimatsiaka jliaji Dios jninkatsa, kaijnukapakapitsu aaji jipuleka pakuaka jipai. 5 Jnite jlikaiteka jnusru:"Atsia iisri, pjireta pjiti iinasruemale." jnuretaka jnuti inasruemale, jnite jlipananuma jliaji inasruema jnadekada jliaruda jnakaruda matsiadali, pjewakawa, Jliemakau jliaji jnadiote kakeriakepem. 6 Jliaku jnusru:"Atsia iisri", kapja pjitaitaka pjikapaka jliaji jnanaitali? katsa jnanaitalika kafainaperi matsidali jnaji yufakape Israel ipanariku nafietakaru jnua nufakarudaliku. pikawukuasta njite pikapapautsa matsidali. 7 Jnite lidekajnua lipananumajle, njite nukapaka ninka pafe jalakawa, 8 Jlikaite nushu aatsia iiri ,pjikaaji liwainaku jliaji nupana,¨" njite njukaka jnite nuketaka paita pantinuma. 9 jinte liaku nushu piapikapa jliaji matsidali jnanaitali aaji." 10 Jnuewaka lliwawalikujlre nukapaka, namaimaka jnaji mafikali jirakakape jiipai riku njite mafikali matsiperi ikapakana, namaika njaji nadiote jnaji Israel naruetaka lriwainaku pjiumi ljiaji panti. 11 Setenta pekepenai lipanarikjuitepe jliaji Israel ninpiakana, njite jliaji Jaazanias liri jliaji Safan liemakau napamuyuaka, nemapiakau nekjuete njaji jinapjiatipen, nakuana nakapiriku njaji aatsianai jliaji ketakadali pumenidali litaka iitan jirakau. 12 Jlikaite nushu: aatsia iiri pikapjenina, Jnanaitali njaji pekepenai Israel ipana riku kadaukawerik? nakuanatsa jnanaitaka jliaji kadauweriku nafakawa njaji nadiote, Nakaiteka: "kutsa jlikapjenkafaa jliaji Iminaliti! Jliaji iiminaliti limakaka jliaji jiipai ." 13 Jnite liaku nushu pikawuku tsenakja pikapa karu jnanaitanda pja matsi makadali pja liuya jliaji. 14 Jnite lidekajnua lipananumale jliaji iiminaliti irukada inaruemjete, jnaji naitjepe naiyaka jliaji Tamuz. 15 Nini liaku nushu" pikapena liaji aatsia iiri? pukawu tsenakja pikapakaru pja matsidali makadali pja liuya jliaji." 16 Lidekajnua liwawalikujle lipana jliaji Iminaliti, lipananuma jnite lipamuyuaka jliaji liakawa matsiadali veinticinco aatsianai nadanjitetaka jliaji lipana jliaji Iminaliti njite nekua ikapaka jeeri imutukafete , naka matsiadali lishu jliaji jeeri. 17 Jliaku nushu:" Pikapjenina liaji aatsia iiri ?. Tsudali tsaa lipana yuya jliaji Juda jnanaitali matsi aaji? Napjakantapia jliaji jiipai matsidali shu njite dadiaka nuikjaule panaya nakeruatakaru jnua, naruetaka jnataku nakujle jliaji liki jliaji jaiku. 18 panaya watsa jnunaitaka napekuriku ; nutji kuriutsa kjena ikapakana, jnite kuriutsa numatsietakana. jnintjatsa naiyaka jnunakuriku kjemaa kuriutsa njumikana."
1 ljiako ljianji WAMINLJ ljino noikajie ljikaite . 2 Atsia Irrii. piofaka napjanaa Ipekoljilu nañji mepakaperri, katiperritsa nakapakarro. mitsa kurrin nakapaka.Itsokapetsa jinakoljiko Nemikarro.mitsa kurrin nemika. Imaa Ikatsa pantii mepakaperri. 3 Niniwatsa pjia .Atsiaa Yenipje . Pimatsetena Nañji.pietakashopa .Nite pinitenaa piakawa pikapanaa nitenautsa numenaka nakapau piakawa Apawerrikolje. Wadetsantaa Nakapaka. Ikakatsa Panti Mepakaperrika. 4 itawatsa nañji pinanii ljiada jaliedaukakan piakawa pikanaa. pimutowa Dainomaljie pjiaa pikapana Inipoljiku kaitsa añji piewakapisho pinanii ikauljie . 5 Pjimeko pikaparrudawa parenako. Nite Pimutowa Nini. 6 Nini.6Pirrikotsa. Nadewatsa Nañji Pinanii Nitedanako. Nite netawatsana Kadaukawerriko.Naitawtsa pitjii . Ima kurrika pitjaitakarro Pikapaka ljiañji Jipai. Ima Nokañatanda shokatsa Noaka pitso ljiañji ljipana ljiañji ISRAEI. 7 Nonaitaka .kaiñji Namenakaka Pishonuaa.Notjaa Nañji Nonanii Jaljiewerri kotsa NNite Dainomalje Nomekotsenaka Noapowawa Nokapisho Parenako.Nite notja nañji nonanii kadaukawerrikutsa nite Nodenaa Notedanako Natirrikotsa. 8 Nite ljiako Inuo Noikujie ljiañji WAMINALJI. piyunpinakotua.Ljikaite. 9 Atsanaii yenipe.Ljiarrañji ISRAEL ipanaa Mepjakakawana. Kapjaa Natatja nemiwa.Kuanpekana 10 Pikaitena kayo ljiako ljiañji WAMINALJ.I DIOS,Ikaitsa nañjirrika nañji inparrotakape ljinakoapana ljiañji taljikanati jerusalendalji. nite piomi nañji panti jerusalenpee, nite piomi nañji ljipana ljiañji ISRAEL Napekoljiuperri.. 11 Pikaitena.Ikatsa Nuaka ljiañji ljiananaa Isruo.Kaitsa Nonjitakañji. kaitsakautsa nonaitaka narsuo´. Nite newawatsao Maminaljinakawa nerrapitetakakawa. 12 ljiañji Nataljikana.Nainaidaljitsa.ljidewatsa nañji ljinani Kadaukawerriko.nite Namutowatsawa pareinomawerrikuite Namekupawatsani Netakarru nañji ljinani.Naitawatsa ljiañji ljiekua ,wadee ljikapaka jipai 13 Nopekowatsa ljinako Nopashopani Ljiwaka Rsuatsao Nomayanljiko.Nadewatsani Babilonniljie ,Napaitenakolje nañji Caldeosnai. Mitsa kurriwatsa ljikapaka. Nirsewatsa Mayankani , 14 Nitetsakautsa, Nopukotawatsa tekoljiepena Nauyawakana piomi nañji iktsindakapeni natsaka nañji ljitsolodauperre papukon Nite numenakawatsa ljiapodamitee Apaitaa Matseta. 15 Nitenautsa Nañji Noaka Ljiañji NAMINALJI, Noenitawerrikuenana jipaikuami, Nopukotawerrikenana piomi Jipaikuami, 16 Mitsa Noatsautsa idantaa Apepenaa Atsianai Matsetaa yuya, Mawitakaiferri yuya, Nite nañji imatsikakape, Nataitakarro Nakaitepeka piom i ljiañji kadofialjekalji añji jipai Noderri Nirsena,Nañjikarro Noaka ljiañji NAMINALJI.. 17 Nite ljiako Inuo Noikaulje ljiañji WAMINALJI. ljikaite. 18 Atsiaa yenipee. piñjaa piñjaoda. nite piirsa Oni pitetekafiewa nite pitakafietsaka pikauljeo. 19 Nitewatsa pikaite Nañji Inaiki Jaljiedaukalikope.,ljiañji WAMINALJI DiOS,ikaite Nanako Nañji yufakape JERUSALEN rsiko,Nite Natsaka Nañji ISRAEL jipaitenakope,.Naiñawatsa Naiñauda Natetekafie Nite Nairsawatsa Oni Nafiokafie,Ima opikaa Netanauya poimi ljiañji ljimatsiaka ljiañji Napaite,Namatsikana imaa nañji yufakape Ninii. 20 Niniwatsa ljiañji Nayakalje Naufakawa Namakawatsani , Nite ljiañji Napaite Maminaljina wersikuetsani,Nañjikarsu Nuaka ljiañji NAMINALJI,. 21 Ljinotsenaka noikaulje ljiako ljiañji WAMNALJI ljikaite.. 22 Atsianai yenipe, kuashopa yako ljiañji Wayadatsa ljiañji ISRAEL jipaite, kuan yakuo, Wialjiotsa ljiañji jaljedauka,Nite nañawatsau nañji wawapañji wakapau, 23 Pikaitenana WAMINALJI DIOS, ikaite,. Nowayaketawatsa ljiañji kuanka yakuo ,Nite kurriwatsa ipietaka kaunka yakuo añji ISRAELrsiko,- pikaitena tsomikena ljiañji jaljiedauka nawapalji nakapawa 24 Ima kurrikatsa midaljitsanta ljiañji nawapalji nakapau,O Inoparsutakape matsiakawasho,ISRAEL,ipanaljiko. 25 ikatsa noaka ljiañji IMINALJI, kakuo Nuoaa ,nite nonaitawatsa kaiñji nokaitekapisho,kurriwatsa takaketsa,ah watsañji ljiada pijaljiedau katekan kakawatsa nuoaa ,oh,mepakadalji pantii, nonaitawatsa kayuo, ljiako ljiañji WAMINALJI DIOS, 26 Ljipietatsenaka ljiko Inuo Noikauljie ljiañji WAMINALJI, ljikaite: 27 Atsianai yenipe . pikapaa. nañji ljipaneta ljiañji ISRAEL nakaiteka.. ljiañji ljikapalji wawapalji tsaka wakapau fiaa jaljiedauka ikaoyanapee nite ljinoparsuta tekutoa ikauyanape. 28 Nini pikaitenana WAMINALJI DIOS ,ikaitee ,ljiañji nokaiterri kurritsautsa takakarsukan ,Mikatsa ljiañji nuakou nokaitenda kaiwatsani,, Ljiakuo ljiañji WAMINALJI DIOS.
1 ljipietatsenaka ljinoka nuikaoljie ljiako ljiañji WAMNALJI, ljikaite: 2 Atsianai yenipe, inoparsutena nakuete nañji inparsutakape israelrsiko ,ikaitena nañji inparsutapetsa nawaupiakeshotsa.. jiminaa ljiako ljiañji WAMINALJI. 3 Kayo ljiako ljiañji WAMNALJI DIOS, Kenaperriwatsa nañji inparsutakape mañjikaperritsa jinaitakape kaiñji Naespiritu yumakapisho, mitsa kurrin nakapaka kokakan! 4 ISRAEL Nañji inoparsutakape pirso kaipersitsañji Mawikalji kashapersisho, 5 iikatsa shaaka ljiañji Imoyetakapeka Paree ljiapana Iwaida ljiañji ISRAEL imatsietakarsuni, ljiada ljinoakakawa ljiañji WAMINALJI. 6 Nañji Inaiki nakapa midaljitsa ,nite nakaitepee midaljitsa .Nakaiteka, kayo ljikaite ljiañji WAMINALJI.,nite ljiañji WAMINALJI kurritsa ljimenakenka,mikatsa pakuakatsa nakadaka nañji inaiki nawapakarsu nakapa ajadaljika ljiañji nakitersi. 7 kurritua nakapenka midaljitsa ,nite nakaitepetakantaa midaljitsaka,nite pjia kuan pjiako ljiako,, ljiako ljiañji WAMINALJI,, Nuoaa makodaljitsa? 8 ikatsa kayuka ljiako ljiañji WAMINALJI DIOS,, irsukapua ikapaka ljiañji midaljitsa, nite ikashataa, Nini nuemakawa ikuetee, ljiako ljiañji WAMINALJI, 9 nokapiwatsa nakuema nañji inoparsutakape ikapakapee ishatishoo ikaitetakape midaljitsa , kurriwatsa newakawa nainai nañji nunaikite aymadan, (Asamblea)´kurritsakautsa wadanakana ljipaperranljiko ljipanaljikoda ljiañji ISRAEL,, kurrintsakautsa.ISRAEL, napaitenakoljieka newawa Niniwatsa nañjika nuaka ljiañji NAMINALJI DIOS,, 10 ljima ljiañji namanietakapua nonaikite nite nakaite .narsuo,imawadakena. kurrikadana namawadaka , namatsietakadana apada paree napañataka rsuni kaljisho. 11 pikaite narsañji ipañatakape kaljisho, ljiwakautsawa ,.,ima iyakautsani ipiakada, nokadawatsa iyani jipakaljesho imaljiotsa ljiwakawa,nite kaulji kaidadalji iduitaljiwatsa ljiwau. 12 pikapa ljiwatsakautsa ljiañji paree ,nakaitewatsa ,kerrena ljiakañji ipañatashopani?" 13 Nini ljiako ljiañji WAMNALJI DIOS ,,nokadawatsa iya ipiakada kaida kaulji iwii nuirsuasho, jipadakaljie irsuatishope nawayaketa karsuna. 14 nuoa watsa iduitaa ljiwau ljiañji paree ipañatanda kaljisho ,nobititawatsani jipairsikolje,nokatinatawatsa nañji jinaitañji jiwawatsawa iwayakakarsu nainai piomi,Niniwatsa yañjika nuoaka ljiañji IMINALJI,, 15 Nobititawatsa nuirsuasho ljiañji paree napañatanda kaljisho ,nokaitewatsa shaa kurritsa pakapenka ljiañji paree , kurrintsaka nakan nañji ipañatakapeni, 16 Natsaka nañji inoparsutakape israel irsu ,inparsutakapepia jerusalenako irsukapepia nakiteka namawadakaka,,kurridaljitsa pakapaka namawadakaka ,, ljiako ljiañji WAMINALJI DIOS ,, 17 Nite pjia Atsia yenipe , pirsetena piekua rsukuema rsuañji ljitu ljiañji piyakaljie inparsutakaita kaiñji rsuwaupiakesho, pinoparsutena rsukoema. 18 pikaitena ,ikatsa ljiako ljiañji WAMINALJI DIOS, kenaperriwatsa nañji naitepee yukokape inapanako namursewa,,,amuletos}nite nañanpa newida poimi kuañimakesho katsa,,naumashopa nepaka nañji inaiki ,,jipenaa nañji noaikite mikatsa imanakotasho patsana} 19 Shaatsa shaa nuyakaljeta jitaa papoku cebadaipokoda nite,pan itepen,inokatsa nañji inaki kurripersitsanta mayamii,yakatsa nakauljiewa nañji kurripetsa pauma yufakawa,ikashatakatsa nemiwa nañji Nonaikite 20 Ikatsa ljikaiteka ljiañji WAMNALJI DIOS,.ikatsa nuoa kurrin nopeyoka ljiñji imorse,Amuletos} ljiañji inakolji jipashopa nañji inaiki kaiñji wipiarsusho,Notawatsana ikapirsikuite ,,nomakakarso Nawaa. 21 nuoa watsa itsawa yuya iñanpashopa jiwida,notawatsa ikapirsikuite nañji Nonaikite,kurrika rsuetsa ikapirsikona,nite watsa yañjika nuaka ljiañji IMINALJI, 22 kuada ikoyuljieta nakaulje nañji inaiki matsapersitsa ishatisho,Ninitsa kurriketsa koyuljiena,ikitsinda katsa nañji matsiperri wade ljienakawa matsikaljie Inipo,ljitaitakarso manakokani. 23 Nini panaya shaa kurritsa ikakarsuka ljiañji midaljitsa kurritsaka ikaitepetañjika rsuka,ima nomanakotaka nañji Nonaikite ikapirsikuite ,ikatsa yañjishopaka nuoaka ljiañji IMINALJI,
1 Apadapena ljipekipenate ljiañji ISRAEL ,Nanuo Naufawa Nukoemete. 2 ljino Nuikaoljie ljiañji ljiako ljiañji WAMINALJI,, ljikaite: 3 Atsiaa yenipee Nañji Atsainai Nadeka Nakauljieriko ljiañji Napeyunda,idolos} nite Nakada ljiañji Namatsika kaiñji Nadanatetakañji jipadadapesho piekuetetsa,¿kapjaa Nuaka ljiañji Irsutsa ikaitekana? 4 Nini kakuena pjia narsuo, nite pjikaitena,ljiañji ñWAMINALJI DIOS.Ikaite .,piomi nañji Atsianai ljinaljikope ljiañji ISRAEL.idekapje ikauljiersiko ljiañji napeyunda{idolos}, O Nañji ikadakpe Nadanewa jidadapesho ljiañji namatsika piekuete,nite Nanuo inoparsutakada Iderse,Nuoa IMINALJI,Nokaiteutsa kushuapaka Namaimaka ´nañji Napeyuñji (idolos) 5 Nonaita ljiañji fewakarruwa ISRAEL Ipanaljiko nakauljierriko tsaka ima nenapjiaka nuoya ljikaute ljiañji Napeyunda{idolos} 6 Pikaite ljiañji ljipaljiko ljiañji ISRAEL,, ljiañji WAMINALJI DIOS, ikaite..Ajenaa shaa niteshenenawa nauya nañji ipeyuñji{idolos}shenitena yekua ljiuya piomi ljiañji Imatsika,. 7 8 Kuandaljitsa ljiañji ljipaneta ljiañji ISRAEL,, Nakuanatsaka nañji tekuiteprri yufakape ISRAEL inaii ,yakapepjia nuyaa tekoljie ikadakape ikauljiewa napeyundanako{idolos}ikadakpe jiadadapesho nadanewa namatsakana piekuete,nite njaa nauma inoparsutakaita naumakarsu Nuoa, Nuoatsa ljiañji IMINALJI ,,watsa nuepakanaa,V8,
1 Jlinuka jliaku jliaji Numinali jnuikjale," 2 Aatsia iiri , Pikaite padaa yakuti jnanjishupa njite pikaiteka kuanshupaka likauyanape nashu jnaji Israel ipaneta. 3 "Ikaiteka kainji: papa jawa makapali linapje makaitepe njite lidaki kajlaimi makanika pakjan liyusju aimadali idaana , likawa libanosre njite jlipa jliwidana jliaji jaiku cedro. 4 litukjua nakii lidekaru Canaansre; liapanani nafakawa nini njaji iwendekape. 5 Jlipatsakja padapena likje liapanana jiipai matsiakawa, likadakani aimakawa uuni. 6 litauñakawa kainji linanashu jliaji jaiku matsiadali litauña matsia jiipai riku. jnaji liki nayayakau jlikajulre , lipali lituañau liapjite. lipadamau jaiku matsiadali jure liki jnite lipudulre. 7 Nintsakja papa jawa linapje maikaitepe jnite jure liyu. jliaji vid likawukueta jliaji lipali likjaulre jliaji jawa, liraka linapje likaujre jliaji jawa napanakawan piani naruwa uuni pia linaku. 8 napanapiani matsiaweriku jiipai jurekawa uuni kakikaruni jnite kainakakarun, litauñakaru matsiadali jaikushu 9 Pia pikaite nashu jnaji yakaleta kai jliaku jliaji Iminaliti: jlimatsietakautsau? kurinfarakaliuya lipali mayankaru linaka jnite merika litauñakau? kuripaumaka inapati kjaidadali kurintsakja jure naiki pjarakarun. 10 jnite napanaka shapudani, ¿Litauñakautsau? ¿ Kuriutsa merikani lipjiakadanuku jliaji kauli ipjiakada jeeri imutukafetje, merikautsani napanakawani." 11 Jlinu liaku jliaji Numinali, likaiteka: " 12 Kaku pjia lishu jliaji panti mjepakadali: ¿ Kurin yanji kuanshupa jnaji? ¡Ikapa! linuka jliaji liminali jliaji Babilonia linuka Jerusalenrikule lidekalianji liminali jnite linakulredape lidekana Babiloniasre. 13 Jnite liniwanaka aape nanakjuite jnaji kakunape yenipe lijnaitaka walidali yakuti liapiya.lideka jnaji inaiki kakunaperi yufakape jiipai naku, 14 kapaiman karu jliaji imenakakada jnite kuritsa lienkuka. Jlinaita kada jliaji likaiteli kafikautsan. 15 Jnite jliaji liminali Jliaji Jerusalen jlienkukau likuemawa limenakaka jnaji linaiperi Egiptosre natatjakaru caballos jnite tsuludaunai. ¿ Kapja matsiatsa liakau? ¿lipitua jliaji jinaitakada kainji? ¿Lipitu kautsa kurikada jlinaita kainji likaitekapishu? 16 ¡kafidali kajnua! Kai liteka jliaji Iminaliti Dios, mayankautsani jlipaite naku jliaji Iminaliti ikadalipia Iminalitikan, kuridali piatsa shepaka liaku jnite jliaji liaku liwayaketakan. mayanwatsani lipamuyuaka jliaji Babilonia. 17 Limaimaka jliaji litsuludaute jliaji Faraon ,jnite liwaketaka jure aatsianai nakaru nainuakau, kurinwatsa nadanatakani nainuakakadanaku, jnaretakadanaku nakuraratakashupajnaji tsuludaunia Babiloniarikuperi nawayaketakaru jure naiki. 18 Jliaji Iminaliti lipekuka jliaji yakuti kurikadanaku jliepa. jlipaa nakapi jlrinaitakaru walidali yakuti , lijnaitaka kajlaimi jnaji kursiutsa lipitukau. 19 Jnite likaiteka jliaji waminali Dios likaite kainji: kafidali kajnua, ¿Njuaku jliaji kurili liumaka jliepaka jnite liwayaketaka jliaji yakuti fanaitanda? Jliaji limatsika 20 nukada kautsa jliwa jliwidanaku ! nupekuetsa!. Nupeku nukakulri linaku, jnite lirukautsa nukakulrinaku .Jnite nudekautsani babiloniasre jnite nukada kautsa likapa lrima lriaji llrinaitanda ima nushu. 21 Kalraimi jliaji lidanatanipe jnewakautsa limatsetanaku jnite jnaji yufakape namenakakautsa kjerekatsa nawa. Jnite yajnikatsa jnua katsa Iminaliti, Nukaitepia kaikautsa Jneyapakau" 22 Jlikaite jliaji Waminali Dios: Jnuatsautsa ideka jliyenunka jliaji cedro, Jnuapana watsana teku nauya jnaji tsunipe liki. jnuatsautsa jirakani, jnite nuapanakani yenuni awakada. 23 Jnuapana watsani Israel iwakadate kajnapje karuni jnite kainakarun, lipadamakatsa cedro makani, kajlaimi watsa jnaji wipjiaru naufakautsa liapjite. jnanaita watsa napanawa likinaku. 24 Kajlaimi jnaji jaiku yemakape jalamiweriku jnaji jnuakatsa Iminaliti. Jnukadaka jnewau jnaji jaiku makanipe jnite jnuretaka nemau jnaji jaiku tsunipe. numetataka jaiku narunda uunishu jnite nukadaka jipule jliaji metaki jaiku. jnuatsa Iminaliti, Jnukaitepia jliyapakautsa kaiwa jnite jnunaitrakan.
1 Jliaku jliaji numinali linutsenakja nuikjalre liaku: 2 kuka piuma pikaiteka, lishu liaji yakuti pikaitelilinaku jliaji Israel jiipaite, pikaiteka: " Njaji jnanirinai naija jliaji jaikutjeda uva emitua, njite netsa njaji nenipe tsaramikana?". 3 Kafidali kajnua, kainji likaite Waminali Dios, ajadali kuritsa piwaupiaka jliaji yakuti piwaupiakaruni Israelriku." 4 ¡ atsa aaji! kalaimi jnaji ikauleti nuyapekana , likaule jliaji jiniriti kainji lirishu, yamadapen nuyapekana! jliaji ikauleti jinaitakada matsi mayankautsani!. 5 ¿Kukantja pakaite linaku jliaji aatsia jinaitakada matsia 6 jnite liufaka matsia, kurindali injaa awakadanaku, jnite kurin jnareta natjiinasru jnaji nadiote jnaji Israelitanai, jnite kurin limatsiketa shuaji linu jliaji yufakada likudapi, jnite kurin litsumita shuaji inaru matsikadanaku sruwawariku? ¿katsa matsiadali aatsia yufakada kainji?. 7 ¿ Kuaji pakaiteca jlinaku jliaji apada atsia kurridajli imatsiekatada apada, jlidietaka jlikuadau jlinaku jliada jlitandanpia, kurin tsakja jliñautuka jlika tsakja naijau naji ishukape mawitakai, jliatsakja nananiu nashu naji kuriperi ishuka? ¿ katsa atsiaka mayakandajli iwaupiakje? 8 Jlia parata kurin jlitatjaka nainai jurepanta jlikuada, jlienau tekua jliuya jliaji jlikashataka, katsa jlia atsia matsiadajli, mayakandajli iwaupiakje. 9 Liminjikadau jliaji aatsia shepakada mayakan naji nukaitersi jlishu, uwiawatsa jliufakau, katsa jlikaiteri jliaji waminajli Dios. 10 Wakaitekadantja papia jlinaku jliaji atsia jlishukantja apada jliri pekirina kañaitedajlikadantjani inukadantja inaiki, kurimintja jliuma jlinaitaka matsiadajli. 11 Nintjatsa kuriknkuka jlinaitaka jliaji jliniri , lijñaka awakadanaku njite limatsiketa shuaji linu jliaji likitsinda ¿kukapataita pakaite linaku? 13 Jliaji aatsia jlirapiteta jnaji kjenaperi jnite jliñaituna jnite kurin lidietaka jliaji likaitenda, jnite jlireta lritji naikjaule njaji lidiotenai jnite linaitaka matsidali, 12 jnite jliaka palata litjata karuena nainai jurepjena jnite linaita pja aima nakuada jnaji liwendenipe, ¿kapjanda kafika kaidali aatsia? Kuriutsa jlinaitakan! ajadali mayankautsani jniteusta lirana linakuwakatsa jlinaitakapua pjiumi jliaji matsidali. 14 Wakaitekadantja ape aatsia naku jnite lishu lienipe, jnite jliaji lienipe likapa pjiumi jlinaitanda matsidali jliaji jliniri. . 15 Jnite jliaji jlirri kurin jliñaka nanaku jnaji awakada, jnite kurin jliretaka jlitji nadiote naku jnaji Israelitanai, jnite kurin limatsiketa ka linu jliaji jlikitsinda ¿Kuka pataita pakaiteka linaku? 16 Currim jliuma jlirrapitetacaca naji quenaperri, matsiani napiya naji idewecape currim jliuma jliñaitecana. Jlia naijau naji ishucape mawitacacai jliatsaca nananiwa nashu naji quenaperri. 17 Jlinaitaca matsiacajli nashu naji quenaperri, jliempresta parata nashu currim jlimacapanda jurre jliacuada, jliapatsa naji nuajli jlishu jliafashupa jajledaucajlicu. Jliafatsa jliaji atsia currimwatsa jlicauñaca jlinirri imatsiacana, jliufapatuasha uvia jledaucaricu. 18 Niniutsa jliaji jlinirri mayancautsa jlima naji jlinaitapiajli matsi, jliñaitucapua tsaca naji quenaperri atsianai, jlinaitapuatsaca matsidajli napamuyuaca nashu naji inaiqui. 19 ¿ Cuaji ? Natatacasha capantautsa jlirri itaita icauñaca jlinirri imatsicananacu? Currideca Cuada jliawatsa jliaji jlirri jliepaca nuaca, jlinaitsaca jliji mayacandajli , nindecautsa jlirri iufacatuatsa uwia jajledauricu 20 Niniutsa jliaji inaitacada matsi mayancautsani. Niniutsa currinwatsa jlirri inacuñaca jlinirri imatsicanacu, currintsacautsa jlinirri ideca matsicajli jlirrinacu. Niniutsa jliaji inaitacada matsia cacuadacautsan jlishu, nitecacadanautsa jliaji inaitacada matsi, jlicauñacautsa jlimatsicananacu. 21 Niniutsa jliaji inaitacada matsi, jlimacada jliaji jlinaiquica upidajlin, jlinitacada jlinaitacada matsiadajli jlicaujleshu, jliuwatsa matsia currim watsa mayanca. 22 Niniutsa jliaji jlinaitandanpia upi curritsautsa nawaupianican, ninitacautsa jliufacau jlinitanda jlinaitaca matsiashu. 23 ¿ Capanta iquerria numa mayanca jliaji inaitacada matsi.? jlitata jliaji waminajli. currim numca cai, camitsa numaca jliaji jlienacau jliuya jliaji jlinaiquica upidajlim, jliufacrru matsiau. 24 ¿ Niniutsa jliaji inaiqui yenecada jliuya jliaji jlinaitanda matsia, jlinitautsa jlinaitaca matsi caiji nacashu inaiqui inaitacape matsi, capautsa pa nadacatsa jliufawa? Currindeca, jlimautsa jliaji manaitacapua matsi, camitsautsa mayancana namatsicana ima. 25 Nintsanta pa icaiteca, Currim waminajli inaitaca jliaji mayacandajli. Jimi nushu, sha Isarel iyacajleta. ¿ Nuaca currin inaitaca jliaji mayacandajli u sha? 26 Nini cuancadanacuca jliaji inaitacada matsia jliena jliuya jliaji jlinaitanda matsia, jlinita jlinaitaca matsi, mayancautsan jlima jliaji jlinaitajli matsi. 27 Ninitautsa jliaji inaitacada matsipia jlimacada jliuya jliaji jlinaiquica upidajlin, jlinita jlinaitaca matsia, jlimanutacautsa jliaji jlicaujle. 28 Yufenau, nini naji iwaupicape matsia yumacape yenacau jliuya jliaji nanaitandanpia matsi. Niniutsa naji inaitacape matsia curriutsa mayanacana. 29 Nini naji Israelista nacaitemintua: Jliaji wamaniajli currintua jlinitaca jlinaitaca mayancadajli. Ajadajli shatsa currim inaitaca jliaji ajadajli. 30 Nini jlicaiteca, nini nuacatsa inaitaca matsicadajli apadape icuan jlimautsa jliaji jlinaitanda matsi, cai jliacu jliaji wamaninajli. Yenenau jliuya jliaji inaitanda matsi, ishucarru icaujletim wajlidajli. 31 Yenenau jliuya jliaji inaitandanpia matsi , inita inaitaca icaujletishu wajlidajli.¿ Jlimatsautsa mayansha yufacape Israel ricu? 32 Currim numa mayanca naji inaitacapenpia matsi ljiacu jliaji waminajli.
1 Pia Ezequiel, picanta nashu inucajli naji cacunaperri Israel isuperri. 2 ¿Cuca pia upi shuaji pisua? Caidarrupiaje yavishu, rrufapia wa napecujlicu naji yawi yenepi, rutauñaca naji nenipe. 3 Nini rutauñani jliucacarrua yawi caidanishu, jlianicarru cawinican jliumacarru jliujau jlipe jliwacatsa, nite jliapudan jliañaca inaiqui iipe. 4 Nite, jliapudan nemicadanacuena jlinacu naji yacajleta. Nini nauquetan irrirriapirricu, napapini nadecan egiptujle. 5 Nini sruaji yawina, jledauca jiyapacau rruicau rrupaca curriquetsa nadietacarrunu, nini rutauñacatsenca apana, yawi jliufatsencau caiji rutauñandanpiashu. 6 Nini jliaji warini rutuañaca caidanica jlianiacacau, jlicabucuniu napucujlicu naji pana yawi. Nini jliani jlipianitaca naji jlicuema, jlinitatsaca jliñaca inaiqui. 7 Nini, jliaji yavi jliushuapia nainai naji naduiyuanaipen nite jliquenatatsaca nayacajle. Nini naji yufacape nini nainita nafiucau jliyacadanacu naicaujle. 10 Shaupia shuaji pidua caidarrupiaji jaicu cainacudajlishu papananda uni yarapi. Ninipia naji jliqui catimanaperricana. 11 Nini naji jliqui natauñacau yenupenwa jliufacarrua nashuwajle naji cacunaperri, nini naji jliqui neñapaca naji tsamidajli. 12 Nini jliaji napananda nerracani caidajlicu nite namacacac jliushua jipairricu, Nini caujli caidadajli jlimetataca naji jlinaca , nite tsaca anji jliqui nainita jiwirricana, jliapudan tique iwayaquetacana. 13 Nini panaya napanacan meyucawa, jipairricu tarracawa nite metacawa. 14 Nite tiye imutucau jliqui macaniperricuite, nite jliwayaquetaca naji jlinaca. Curritsa pacapa jliqui catimanaperri nini, nashuware naji cacunaperri. Catsa inucajlica nacantaupe nashu naji cacunaperri.
1 Tsumi kajliaji septimo jamuli, yamema shupa pakapi jaledauka jliatsa kerika, nanuka nauma najni jlinaku jliaji Waminali,jnite naufaka nuekjuete. 2 Catsa jliadanacu iacu yucacau nushu. 3 Pia atsia picaite narra cacunape Isarel iape ¿cuadatsacanta nanu natatenau jliacu jliaji waminajli? Niniutsa nua currim watsa neupacana nanucadanacu natatanua, jliacu jliaji wamanajli Dios. 4 Nini pia atsia, pinitena pimituetaca nashu namatsicana, nanaitapiajli naji naferrinaipe, jlinacu jliaji curridajli napeyu. 5 Piacaite nashu, numenacajli picaite nashu; Jliapia jledaucaca nupacadanacu 6 w Jliadapia jledaucaca nurretapia nucapi nucaiteshupa nutacana egipto jipaiterricuite, nudecarruna pafe yacajle matsiacawa jurrecawa iniati nite tsaca mapaa, matsiadajlipa piumi iuya. 7 Nini nucaiteshe: ipecuena narra icaujletinshuperri idolo iape, catsa imatsiquetajlicasha. Curritsa patua numa imatsicacamincatua nashu naji icaujletinidoloshupe egipto iape, cai nuaco ishu nua Dios iminajli. 8 Nite napadajletacau nuquete, currim nauma nemica sushu. currim nauma napecuca nauyau naji imatsiquetacapena nacashu naji icaujletim matsiperri Egipto iape, nini numacata nufietacana nuirruashu naufacadanacutua Egiptujlicu. 9 Cutsa nunaitenca nashu matsicajli. Jlima jliaji nuipitana. Curricarru neni nuacuna naji tsumipe Yacajle nauya. Nucaitempianana nunucautsa naicaute caiji nutacapishupia naji Israel iape Egipto iuya. 10 Nini nutacana Egipto iuya nite nudecana maminajlinacawajle. 11 Nini nuaca nashu piumi cacunaperricarruna, nepacarrutsa naumacada naufacau jaledaucajlicu. 12 Nite, nuatsaca nashu jajledauca naufetacarrudau nauyawaca, nacapacarru nuacatsa naminajli, icadajlina cai. 13 Nini naji, Israelista namatacada nushu aji maminajlicawapia. Currim nauma nepaca pia nua. Caidajlimintsa currim nauma nepaca jliaji nucadanda jajledauca naufetacarrudau. Nini nuwaupiaque numacata nufietacana nuwayaquetacarruna aji maminajlinacawa. 14 Nini curintsa nuwayaquetencana jlima jliaji naupitana nashu naji pacua yacajle, nacapenpiena nutaca naji Israel Egipto iuya. 15 Jnuretatsakja nukapi nukaite aaji jalamikawa kurin lidekana jiipai jlikaiteri nisre, apada jiipai jliekuli nini jliaji lechi jnite mapaa, matsiawerikupja nauya jnaji pana jiipai. 16 jnunaita kajliaji namenata kapua jliaji nuaku jnite kurin najni kainji nukaitekapishu, namatsiketa jliaji nufetakaruda,nemajnikarun nakaule rikjuite nadiotenai inai. 17 Mitsa nutjii kjena jlidia jlikapana nin kurin nuinuna jalamikawa. 18 Nukaite nashu jnaji nenipe aatsianai jnite naitjepe jalamidaliriku: " Mematsau jnanaitanipen jnaji jinirinai, mjanaitsa jnanaitanipian napeyuka nadiotenai. 19 Jnuatsa Iminali IDIOTE, yemajniwa Nuakuriku, Imatsieta jnaji nuaku jnite shepakani. 20 Imatsieta jnaji nufetakaruda maupitjadali jnakaru jinana aaji ipekuriku jnite yajnikaru jnuakatsa Iminali IDOTE". 21 Jnite nenipenai aatsianai jnite naitunaipe nemaka nukjete. kurin nemanji nuakunaku kurintsa jnanaita nukaitekapishu, nini jlitaita jliufaka matsia jliaji apada aatsia jlinaita kainji nukaitekapishu. jnanaita matsidali nufetakadanuku, panaya kerua njua nupekuwatsa nanaku nuirua jalamidaliriku matsia karu nuajniakakau. 22 Mitsa jnutaa nukapi jnunaita matsiadali nuipitana ima, kurinkaru matsinakapa nushu natjishu yakalekuan lima jnuta nutji nauya jnaji Israelitanai. 23 Jnuretatsakja nukapi jalamidaliriku, nukaitenashu nupeku tekulre nauyawaka nayakale yuya jnite naka nauyawaka jiipaikuan. 24 Jnunaitakan namjepakan ima kurinkapua jnanaita nukaitekapishu ,jnite kurin jnepaka nufetakaruda. njaji natji napeyu nakapaka naidolon jnaji najnirinaipe. 25 Nini jnua nasru yakuti kuriperi matsia, yakuti kurin kafikana kurikaru jnepaka jnaji yakuti. 26 jnunaitakana matsiperi nalipia nenipe nawawarikudali jnite namakarakan tiyeriku. ¡Jnunaita jliaji nafiukaruwa najnikaru jnuakatasa Nadiote. 27 Pjia aatsia iiri kaku pjia jlishu jliaji Israel ipana: "Jliaji Waminali Dios kaku kainji: Linakutsaka jliaji kaku jnaji jnanirinaipe nunakuwaka. 28 Nudekadanakuna jlidesre jliaji jiipai nualitjanashu, kjerekatsa nakapa jipana jalipa jnite jaiku kapjeni, naka matsidali nadioteishu, jnite naumetajni jnua jnanaitali ima, jnite jnamaita itakati pumenidali jnite naruka nairauda nadioteishu. 29 Nini nukaitenaa: ¿ kuankawa jliaji yali matsiakawa?" Jlipitana Bama panashete." 30 Nukaite jlishu jliaji Israel ipana: " Waminali Dios jlikaite kainji:¿ kuada jinaitakau matsi kainji jinirinaipeshu? ¿ kuada ipeyu jinaitaka nakashu jnaji naitjepe jinaitetakape idakishu, yumajnika matsidali?. 31 yakadanaku matsiadali jnite ikadaka yenipe tiyenaku jinaitaka matsidali ikadakapuana idioteishuna. ¿Jnite kuada nukada ikuiteta jnua. Israel ipana? kafidali jnua, kainji liaku Waminali Dios, kurin nukada ikuita jnua. 32 jliaji iwaupiali kurintsuwatsa jliyapau. Ikaite kainji: " pikada faa kainji nakashu jnaji pana yakale, kainakashu jnaji pana naiki yufakape paferikule yakale itatjakape nainai jnaji jaikunape jnite jiipada." 33 Kafidali jnua, Kainji jliaku Waminali Dios, Ajadali jnuanjiwatsa inaku nudejniwatsa yapiya nukapi jawiñadalishu, pema nunapa jnuretaka, jnite nuirua nuarukainakun. 34 nudawatsa ishu paferikjuite yakale jnite nuniwawatsa shaa kjaitekawa namenaka yawa, jnunaitawatsa jlishu jliaji jawiñadalishu nunapa jnite nuaru nuirua inaku. 35 jniteusha nudekautsa shaa jalamikawa nafaka jnaji yakale, jnite nukadawatsa ikapa jinaitanda ima wakapakautsau wekjuetewaka. 36 Kainji jnunaitakapishu nashu jnaji jinirinaipe aaji jalamidali Egipto, jnanaitandan ima kaitsautsa jnunaita ishu Kainji likaiteka Waminali Dios. 37 jnunaitautsa jiyapakaru jliapjite jliaji jnuekule, jnite nukadawatsa shepaka jliaji yakuti matsiaperi numanipe jinaita. 38 nukjushukautsa shaa napekurikjuite jnaji mjepakape jnite jnakan yemanipe nukuema. Numenakautsana teku liuya jliaji jiipai naufalinin kuripetsajnite, kurika jnewakaru Israel Jiipaiteriku. yajnikaru jnuakatsa Iminali. 39 Ishushaa Israel ipana, Waminali Dios ikaite kainji: yakaikuana idiotenai ikjaule. yanasru matsiaperi kurinkada yuma jnua, yaminashaa imatsiketaka nuipitana idioteshu jnite yaka matsiadali 40 Aaji awakadali maupjitadali, jlipuliku jliaji awakada Israel, kainji liaku waminali Dios, kalaimi jlipana jliaji Israel nakautsa nushu matsiadali akadanakujnaji jiipai naku. katimautsa jnupaka jnaji nanaipe jliadanaku, jnite jnaji nanani nainitanipe nashuka, napiya pjiumi jnaji nanani matsiaperi. 41 jnupakautsani kainji itakati matsiadali pumenidali jnutakadanakuna nayakajlete nuniwautsana naufali jnite. nukadakautsau matsiadali nakapakaru jnaji pada yakale. 42 44 Nudekadanakuatsa shaa jlipaite nakujle jliaji Israel, jnuretakawa nukapi nukaitekawa njuakanashun jnaji jinirinai, yajnikaru jnuakasha Iminali. 43 Nini nawaupiakautsa jnanaitali napuwa matsikawa, jnite kalaimi jnaji jnanaitali matsi jnanaitali ima, jnite matsi ikapakakawa jinaitali ima. yajnikaru jnuakatsa Iminali jnunaitakautsa ishu jliaji nuipitana ipitananaku, kutsanta yapuwa matsidali imaka kutsakja jinaitanda ima, Israel ipana, kainji jliaku waminali Dios. 45 Linu jliaji Waminali yaku: " 46 Aatsia iiri, pikawukueta piekua aatsiemjete, kaku pjia likuema jliaji atsiemjete, pikaite linaku jlia awakada Neguev: 47 pikaite lishu jliaji awakada Neguev: kainji liaku waminali Dios, kainji liaku jliaji waminali Dios: nukeratautsa tiye ipamuyuaka. nuwayaketawatsa jaiku kanapjeperi jnite jaiku metaperi ipekuriku. jnaji tiye keraperi kurikautsa yajlina; jnaji nakapakana aatsiemjeteperi jnite inaruemjeteperi namakautsau. 48 Kalaimi jliaji nanaikika nakapakautsajnua , nukeratakadanaku jliaji tiye jnite kurin yalinkan". 49 Jnite nukaite: ¡ Ayaa! Numinali Dios, nakaite: "¿kanpjatsa ikaitepekada yakuti pajnikaruda?".
1 Jnite, linu nudeshe jliaji Waminali yaku likaite: 2 "aatsia iiri , pikada piekua Jerusalen nisre, jnite kaku pjia nanaku jnaji napana jnaji nadiotenai; pikaiteka matsi Israel jiipaite naku. 3 pikaite Israel jiipaiteishu: Waminali ikaite kainji: ¡ pikapa! ¡ nukuemata kapjia! ¡ Jnutautsa jliaji numatsetan liarudanakjuite,nuyuawatsa pinakjuite jliaji matsiadali jnite jliaji matsidali". 4 Nuyuakaru pakuaka jliaji matsiadali jnite jliaji matsidali piuya, numatsetan imutu liarudajlikjuite imatsikana ima atsiemjete jnite inaruemjete. 5 Nini jliaji pjiumi limatsikana yajnika jnuakatsa Naminali, nutaita jnutaka jnu matsetan jliarudarikjuite. ¡ kuritsa jliapakaru!. 6 Jnite pjia aatsia iiri, ¡ piyaka pikaule rikjuite kjereka tseremika pidajnite! ¡ pikuyulekariku piya pikaulerikjuite pitji ikapa! 7 Jnite natatjakautsa pjia : ¿kuada piyaka pikaulerikjuite? jnite pikaite: jliaji inujliutsa naikjaule, ¡kalaimi kuyule kautsa nakaule, kalaimi nakapi jnewakautsa! kalaimi ikauleti iwayakakautsau, jnite kalaimi jnaji yushupadati nukudukautsau uuni shu. ¡ pikapa! ¡ linuwatsa kaiwatsan! kainji liaku waminali Dios. 8 Jnite linu jliaji yakuti nushu Waminali nakjuite, likaite: 9 aatsia iiri, pikaite nashu jliaji yakuti: ¡ apada matseta! ¡apada matseta !¡ nakemata jliaji matseta kemakarun! 10 ¡Kemadali pataikaru painuka naiki jlishu! ¡ naketitanda kaikaruni eenu shu! ¡katima tjafaa! menakadanaku jliaji nirii ikapirikudali kalaimi jnaji nakapi rikuperi nametakana jnaji matseta! kainji 11 jliaji matseta nawatsani kemakarun jnite jnepani nakapiriku! ¡ jliaji matseta kemafi jnite naketitanda nakaru likapiriku apada atsia inukada! 12 ¡ Piwana nakitsindatakaru pjia jnite pikuyuletakau aatsia iiri! ¡ napeku matseta nakjule nuyakaleta yapiya! nakuema kalaimi jliminanai jliaji Israel. napuku matseta nakule nuyakaleta yapiya.jniteutsa ¡ piña pikutsi! 13 piajnikarun, ¿ jnitentja kurikada jliufa uwia pimenakaka? kainji liaku waminali. 14 Panaya pjia aatsia iiri, kakupjia jnite piñaa yamema pikapi, ¡ jnite liaji matseta nakautsa nainun madalipiape! ¡ apada matseta nashu jnaji inukape naiki! apada matsetanainu juredali naiki! ¡ jnayapetan kerekawakatsan!. 15 Linukaru nakaule aimakaru jnaji iwakapetsa, nukada jliaji nainuka mayamina matsetashu napananuma shewakawa! ¡ayaa! jnanaitani eenu shu,kainji iwititakada iipeti! ! 16 pimatsetan! ¡ljiña aatsiema! ¡ liña inaruema! kjerekatsa liawa jliaji piekua. 17 panaya jnua nuñatsakja yamema nukapi, jniteutsa nude nuirua nufetakaru! ¡ Kai kaku kajnua Iminaliti!. 18 Jnite jliaji yakuti Iminaliti yada jlinu tsenakja nudesre:" 19 Panaya, pjia aatsia iiri, jimuku yamema iinipu limatseta inukaru jliaji liminanali jliaji Babilonia. jnaji yamada iinipu nainita apafetsa jiipai, nakadawatsa jlinanawa apana jaiku liukakaru yakalesre. 20 nakada jnananawa jnaji tsuludaunai babiloniarikupe nanukaru Rabarikujle, amonitanai jiipaite. jliaji pada nakada jnananawa jnaji tsuludaunai Judarikupe jnite Jerusalenrikjule, taradali yemakau." 21 Jnite jliaji Babilonia iminali liemawatsa natjakakawa yamafe iinipu, pakuakakaru natsutaka. liñukuta padape liyaitashupa jnite litatja kjereliawa apadape nadiotenai nakapakaru kuanji jlianji lishupana. 22 likapinanaku aatsiema nakapakaru jlipjeyale jliaji Jerusalen, nakadakaru napjee jalipape nakjuetewaka, jnameku karu nanuma, namenakakaru nainuna, jnaretakaru nemakana napananumariku, jnanaitakaru nadanatakashupa jiipairikudali, jnaretakaru nadanatashupa , 23 nakapani ishatishu natjiriku jnaji Jerusalenrikupe, nashu jnaji jipali jliaji yakuti nainai jnaji Babilonionai jliaji naminali nakaitepeutsa limatsiketaka jliaji yakuti limatsietakarunaa! 24 Jnite, jlikaite jliaji iminaliti kaiji: kuada pjide pjimatsikana jnuwaupjikelikule,¡pjimatsikana katinakautsana!¡Jnaniwatsa pjinaku kerakatsaji!¡ jnini wakaitepekautsa pjaikuna kalaimi isru jnapakarutsa jnanuka pjia jnaji pikuema! 25 Jnite pjinaku pjia, jmatsidali jnite kaupitadali yanikada Israelnaku, jnliukakena jliaji pjinana, jinaitakada matsi jliwayakakenau, 26 Jliaji iminaliti Dios jlikaite kaiji:¡ Pjita pjiuyau jliara piñanpatsupa pjiwida jnite pjita pjiuyau jliara kakunadalitsupa pjia pjiwidanakuli!¡Kutiutsa kaikaji uupitsu!¡katima pjikapaka jliaji kenadali jnite pjipadameta jliaji padaledali! 27 ¡kjenaperi!¡kenaperi!¡jnukadautsa tsaa kjenaperi! kaidaliutsautsa yufakau kerekenautsa jlinu jlaiji ikadakada ikapa imatsikana iima. 28 Jnite pjia, atsia iisri, pjimutuetaka jnite pjikaiteka: Jliaji imanaliti Dios jlikaiteja jnasru jnaji yufakape Amonriku jlipeya jliaji matsidali inujliutsa jnaikaule: paita matseta, ¡paita matseta masrupadali!¡kemadalina jliapaketsa jnakaite jlinukasruna mayami, kaiwatsji eenu iipesrukapitsu! 29 Jnite jnaji inuparutakape jnakapa jmidalika jnanaitaka pisru, Jnakatsataka jnaka pisru matsiadali, jliaji matseta jliusruakautsau jnanusruriku jnaji matsiperi jnaji tsumipena jnainuka, jlinana jaledauka jnainukana yukakenau jnite jliaji jnanaitanda iwayakakenautsau. 30 Pjidita jliaji matseta jlirudarikule. jlinitakauli,jlinitakjauliu jliaji jipia ,¡jnuakadautsa pjikapaka pjinaitanda iima 31 Jnupekuatsa jliaji jnuisua tiyee pjinaku jnite jnupekuatsa pjia atsainai matsipe iikjaule, jinaitaka matsi jnakapitsu! 32 ¡jJnukadakautsa pjia tiyee iiraawa!pjirana jipai iipamuyuakakan.¡kuritsa jnawaupiakaru pjia, kjatsa jnua, iminaliti, iikaitelikan!"
1 Jnite, jliaku jliaji jnuminali Dios inuka jnuikaule jliaku: 2 " Panaya, atsia iisri,¿pjiafatsa kakuka panaya?¿Pjiakateka jnanaku jnaji pjirana yakaletarikuperi? Pjiakaiteka pjiumi jnarsu jnaji jnamatsikana. 3 Pjikaiteka jnasru kaiji: Jliaji iminaliti Dios jliaku kaiji: Jliaji yakale jlipeyuka jliranatakaka jliwakatsa jlinana yukakarua; yakale jinaitakada jlidioteu jliufakatsau matsiwa. 4 Pjiatsa ishumatsikajli lima jliaji iiranati piaruli, jnite pjia matsidaru nama jnaji pidiote pjinaitanpe. pjireta ka pishu jnaji jaledauka jnite pishumita pishuwau jliaji jamuli. nini nukadaka pikapa jnasru jnaji yakale jnite nakajni pikau jnaji jiipai nakuperi. 5 Jnaji tsumipe piuya jnite tekupe piuya nakawatsa pikau, yakale matsikuen, jnajni pipitananaku matsika pjinaitaka. 6 9 Jnaji talikanati Israel rikupe, nakunatsa jnaidashu nanuka naru iranati, 7 jnamatsiketa jnanirinaipe jnite jnaduanaipe ipekuriku, jnite napadaletaka nakjute jnaji kuripetsa iyakaletaka.nadenjika ipekuriku jnaji maduyuanaipe jnite yenpetipe mjaduapen ipekuriku. 8 pimenataka jnaji nunani maupjitapetsa jnite pimatsiketaka nuwafetakawa. aatsianai kashape nanu pipekuriku napekukaru iirai jnite jnaija piawakadariku 10 limatsiuranka jliaji pjiniri likada pikapani, naushuanika ruinai shuaji inaru jinaita matsidali rudadashu. 11 aatsianai jinaitakape matsi ruapiya shuaji linu jliaji yufakada pikudapi, jnite jnaji aatsianai imatsiketakada rudaki shuaji lirinu, aatsianai imatsiketakada rudaki shuaji likitsidua, lirana jliniri jnite jlidua iitu, kalaimi jnaji akanjaji pidakiriku. 12 jnaji aatsianai jnepaka nakauyakadanakunaa narukaru iiranati pinaku. naupjani jnite kanani pjakana, namatsiketaka jnaji yufakape nakudapi namenaketakana, jnite kurin nawaupia jnua, Jliaji liaku jliaji waminali Dios. 13 ¡Pikapa! Jnukapitsu jnuñaka jnaji jitani jinaitanda matsidalitsu, jnite yaruka iirai ipamuyuaka. 14 ¿kapakja jliretakautsau jliaji pjikaule, kaidakautsa jnaji pjikapi jnunukaule jnukukuemata pjia? Jnua, iiminaliti jnukaiteka, jnite jnunaitan. 15 Jnukadawatsa yawa pafee yakalerikule jnite paana jipai jnakule. Jnunaitakadanaku kaiji, katsa jnutaka imatsikana. 16 Pjipadamautsau matsidali jnatiriku jnaji paana yakale.Jnanikaru jnuakatsa iminaliti." 17 Jnite jlinu jliaku jliaji jnuminali jlikaite jnusru: 18 Aatsia iiri, ljipana njiaji Israel jlinujlinaita nushu matsidali. jlitepenkana jliajin bronze, estaño, jnite tsipala pipamuyuaka. naitepenkana pjimaitakarudariku. 19 Nini jliaku jliaji Iminaliti likaite kainji: "Nini pjiumi shaa kaikatsa jlitepen shu, panaya yapakawa ! stumitsa nuwaketakaruna lipamuyuaka jliaji jerusalen 20 Kaiji pamatsietanipetsu palata jnite bronce, tsipala, plomo, estaño jlipamuyuaka jliaji pamaitakaruda jlirutsa jlipiakani jliaji tiyee, jnukuduetautsa pjia. Kaiwatsa jnuniwakapjia jnuiruariku jnite keruakadanaku. Jnukadawatsa pjia jnukeratautsa tiyee jnukuduetakarupjia; kaiwatsa jnuniwakatsa keruakadanakunua jnite jnuiruariku, jnukadatsa pjia jnite jnuarukapjia. 21 kaiwatsa jnuniwakatsa jnite jnupjiaka ikjuete tiyee jnuirua jnuarukarun ipamuyuaka. 22 kaiji pakuduetakapitsu palata jlipamuyuaka jliaji pamaitakaruda, jlipamuyuaka ikudukautsau, jnite yanikautsa, jnua iminaliti,¡Jnuaruka jnuirua ikjuete!" 23 Jliaku jliaji jnuminali Dios jlinu jnuikaule, jliakaiteka: 24 " Atsia iisri, pjiakaiteka rusru: Pjiakatsa jipai kuridarutua jnakutsuka.¡Kuripakapaka iiya keruakadanakunua! 25 Kakupeka jnaji inuparutakape jnapekuriku, kaiji leon keruani jliñakadanaku jliwini. Jnainuka inaiki jnite jnapaka jnaji jnanani kakuadape;¡ juree jnaji maduiyuanapen jnainai! 26 Jnaji sacerdotenai jnamatsiketa jliaji jnunanda jnanaitaka,jnamatsiketa jnaji inaniti matsiaperi, jnite kurin nakanantaka jliaji matsiadali jliuya jliaji matsiadali. jnadawa nekua jliuya jliaji nufetakaruda, jnamatsiketa karu jnua napekuriku. 27 jnaji iminalitipe yenpetipetua jnamatsiketaka kainji tsinu awakadeta shu naijakadanaku jnaawini. naru iranati jnite jnata naiki, fanaitakaru naniniwa matsidalishu. 28 Jnaji inuparutakape napintaka nanaku calshu; nakapaka napjeyajle nashashu jliaji nakaiteperi kustsa aajadalika. nakaiteka: " Jliaji Naminali ikaite", yakuti kuridalitsa limenakaka jliaji waminali. 29 Jnaji naiki yufakape jiipai naku jnata kanananiwa nañaiteshu, jnaniata matsi jlishu jliaji kjenadali yumakadapja injau nauya, jnite namenata jliaji kuridalitsa nayakaleta. 30 Numa nanakjuite ape aatsia jlisretakaru nadanau jnite jliema karu nukjute aaji inipuriku kurinkaru nuinuna, kurin nuketaka ape nanakjuite. 31 nuaruka nuirua nanaku. nuwayaketanaa tiyeshu nuiruashu jnite nukadawatsa iinipu jnawidanaku, kainji liaku jliaji Waminali.
1 Jliaku jliaji jnuminali jlinuka jnuikaule, jliaku: 2 " Atsia iisri: Jninipjia yamama jnaitepe, apamanarutsa sruaji jnadua. 3 Jnadenika jnadenakitsu aaji Egipto jnayampetikariku. jnadenipjiaka jnadakitsu. jnapatueteta jnakuda jnite jnapanika jnaini. 4 Jnipitanapjia Ahola, iiperuti, jnite Alohiba,sruaji yempetipatua. Jnite jnuninaikana jnite kenipekana inaru jnite atsia. Jnipitana: Ahola panitsupa Samaria, jnite Alohiba Panitsupa Jerusalen. 5 Mitsa Ahola ruajniwa kainji idejnikada idakishu ninitjatsa nuyaruma kanu; rupeyu rukapakanaa, jnaji asirionai kananipekana, 6 jliaji yapakadana jlikapakanaa violeta, jnite jnaji natsuludaute iminanai ,kjaidaperikana, matsiape pjiumi njajniwa caballo. 7 kaitsa ruakawa kainji rukashu shuaji idejnikada rudakisnashu, nashu kalaimi jnaji aatsianai matsiapepja asiriarikuperi, kaitsa rukadakau matsidarushu nainai pjiumi rupeyunpe rukapaka, napiya pjiumi jnaji nadiotenai. 8 Kaikaruntua ruajnika rudejnika rudakishu kurin rumakaka rudejninda Egiptoriku, napaapia ruinai ruyenpetika, jnapanjika ruini runarukaperi, nainita jnapajnikanu namatsikakau runaku 9 .nukada nakapiriku jnaji runirinai, nakapiriku jnaji nenipe jnaji asiorionai jnaji rupeyonipe pjaa . 10 nauketa jliaji rumashayanka. nainuka ruenipe jnite ruitunaipe, nainunu matsetashu, rufakau natjiriku jnaji pana naitjepe kainji kapaimanadarushu, kaijnanaitakarushu. 11 Jnite rukitsidua Aholiba rukapa jliaji jnanaitali rushu shuaji rupjeru, jnite jliaji rumatsikana srunaitapjani ruya shuaji rupjeru, 12 rupeyu jnaji asirionai, talikanatinai jnite tsuludaunai iminanai ishukapepja inaniti jnetakakau matsia, jnite jnekunji kaballu. pjiumi aatsianai kjaidape jnite matsiape. 13 nukapaka srunaitakau matsidarun.pakuaka nanaikika jnaji yamama naitjepe. 14 Shunaita pjaa matsi rudaki ruya shuaji rupjeru, rukapa aatsianai jinapiapen napana iwai naku , jnanapiapen jnaiji caldeos nadatanipe iiraishu , 15 iruetakape napapi nawaleriku ,shayape napapainpe jnawidanaku. nakapakana kainji naminanaishu jnaji tsuludaunai yajnikape karroriku, nakapakana jnaji nenipe kainji Babiloniarikuperi, yufakape jlipaite naku jliaji Caldea. 16 Kjeya rutji ikapakana, juiruanjikakau nanaku, rumenaka ikaitepekarunu nanaku jnaji caldeonai. 17 jnite nanu rudesre jnaji babilonionai rucamanrikule, jnanaita matsi nadakishu. shunaitandaima jnanaitanu matsidarunnu, keruanu rudiawa. 18 Rumenaka jnanji rudejninpenaku jnite rukada nakapa rudaki mashayandali, jliaji nukaule idia karuya, kainji nuwaupjiakje idiau rukishidua yuya. 19 rujnaitapja srunaitaka rudaki yapiya rukitsidua yuya, rude shuwidalikujle srunarukan, rudejnikadanaku lipaiitenaku jliaji Egipto. 20 Rupeyu jnaji runirinai kaika nadaki nakaiui shu jnaji mifikali burro, jnite jliaji likai liarukau kainji caballoshu. 21 kaipjinaitakapishu ipaimanti pinarukariku, jnapajnikadanaku pidaki jnaji Egipcionai jnite napatueta piyenpetika pini. 22 Nini Aholiba, Waminali ikaite kainji: ¡pikapa! nukada watsa nudieta watsa nakuemata pjia pinirinai. njaji pjienitanape piuya,nudewatsa pikuemana kjatekatsa. 23 jnaji Babiloniaperi, caldeonai, pecodnai, soanai, jnite coanai, jnite kalaimi jnaji asirionai kjaidape, matsiaperi ikapakana, talikanatinai, iminalitinai kalaimi nanauka caballoriku. 24 Nanuwatsa pikjaule namukawayapiya, nacarrunshu, jnekukarudariku, jure naiki inuka nainai. narueta watsa nadanau pikjuete nadanata jnawida, nadana makaitepe jnite tsudalipe pikjuete nadanatjapjia. nukadatua namutueta pikapa pimatsikana, jnite namatsiketa pjia jnanaitali pishu. 25 nupekuwatsa nuirua pinaku jnite napekuwatsa pinaku namatsikana. nayuawatsa pjitaku jnite pjieni, jnite njaji kafiperi pinakjuite nainuwatsa matsetanaku. nadewatsa pienipe jnite pitunaipe, kafipewatsanawayaketana tiyeshu. 26 Jnatjawatsa pitsayan jnite jnatja pinani kakauadaperi. 27 Jnutjawatsa piuya pimatsikana kapaimandali jnite pidenjinda pidakishu egiptojnite. kurinwatsa pjireta pitji nashu piumandashu,kurintsakja piwaupia Egiptonaku. 28 Likaiteka kainji Waminali Dios: ¡pikapa! njuawatsapjia nakapiriku jnaji matsipe pikapaka, nudietakapjia nakapirikule jnaji pipeyunpe. 29 kakuwatsa pinaina napadalekashu, jnatautsa kalaimi pinani nakadawatsa pjia mashayanin. lipaimanajliaji pideninpe pidakishu najniwatsa linaku, pinaikika kapaimanani jnite pjinaitanda . 30 Jliaji jnanaitali pishu lima jliaji pideninpe pidakishu, nama jnaji yakale pjinaitanipe yapiya matsidali jnite piajnapudan jnaji nadiotenai. 31 pjipaka ruapuwan shuaji pikishidua , nini nukadaka pikapiriku jliaji jliwiñaka shunaitanda. 32 Iminaliti Dios ikaite kainji: "pirakautsa rutasanrikjuite shuaji pikitsidua tjewakadali iwawariku jnite makadali. nawatsa pikau jnite nakanjiwatsa pikau, jnite jliaji taza ketadalikautan. 33 Pakjanwatsa pjia idewanakjetishupjia jnite likaiyashu, kuyulekjetishu pjia jnite rukjenakapishu shuaji pikitsidua samaria. 34 pjipakautsana jnite pjira kautsana metadatsa, piwuluakatsani jnite pjiraka pini lishu kainuaku jnua Iminaliti. 35 Nini, Iminaliti Dios ikaite kainji: kuada kurin piwaupia jnua jnite pipeku padale pjiapudan, kaitsakja pidenji pimatsikana pjinaitanda pidadashu. 36 Iminaliti ikaite nusru" Ashia iisri¿ Pjikaiteutsa nasru jnamatsikana jnaji Aholá jnite Aholibá? Jnini pjikaiteka jnasru jliaji matsidali jnanaitanda, 37 Jnanaitaka matsidalitsu jnadakitsu, jnite nasru iirai jnakapiriku. Jnanaita matsi jnadiutenai yapiya, jnite jnakadaka jnamitsireka jnenipe tiyeriku, jliñaudau jliaji jnadiute. 38 Jnite jnafakatsa jnanaita kaidalitsa jliaji: jnakaupitataka jliaji jnupana, jnite jnamatsiketaka jliaji jaledauka jnufetakaruda. 39 Jnainukadanaku jnenipe jnadiutenai iisru,¡Jliadatsa jnanuka jnamatsiketa jnumapa! Paniya ¡pjikapaka! katsa jnanaitalika jlipamuyuaka jliaji jnupana. 40 Tsaa iwanaka atsianai tekjuitepe jnanukaru, imenakapa jnawanana. Jnite jnanuka, iipitaka janpeya, iidanaka itiwariku, jnite iiruetaka ipatipiu. 41 Yuwaka matsieteriku yusruakaruita jnite imatsietaka yemetakarudau jliaji pumeniwi itakati jnite mateka. 42 Kaiji pamika jnaji aimanda yemakape sruwai; kuandalikatsa atsia pakapa, jnite jnadekatsaka jnaji yanikape jnaji yufakape jalamidaliriku, jnite jnaji jnasruetaka jnanapanaku patjipi jnite jnapalamaleta jnewidanaku. 43 Jnite nukaite rusru ruwayakau lima jliaji srunaitanda matsiadali rudakishu: "panaya matsipekautsana pakuakatsa ruinai jnite srua napiya." 44 jnite jnewau rudesre jnite nama ruinai jnitepidantja jnaji aatsianai jnewau naufakaru ruinai sruaji idenjikada idadashu. kainji namaa Ahola yapiya jnite Aholiba, yamama naitjepe matsipe. 45 mitsa jnaji aatsianai matsiape jnayapa nakada nakapa lima jliaji jnanaitanda jnite nakada nakapa lima jliaji jnanaitanda matsidali, nakadawatsanakapa nakaiu jnaji inukape naiki matsipe kapuana jnite iirai nakapiriku. 46 Kainji jliaku Naminali Dios: Jnuretawatsa nakuemawa papuku tsuludaunai nafietetakaruna jnite nañaitukaruna. 47 jnite jnaji tsuludaunai linuna jipadashu jnite liyuana limatsetanshuna. nainuwatsa nenipe yenpetipe jnite naitjepedape jnamaitawatsa napana. 48 Jnite numatsietawatsa jliaji yajnikarun kapaimanadali jiipai yuya jnite numatsietawatsa pjiumi jnaji naitjepe kurin karu najniwa nakashu jnaji idejnikape nadadashu. 49 kainji namatsieta nadejninda kapaimanadali pinaku. itaitawasta ideka liwiñaka jliaji matsidali jnite nadiotenai, linakjuite watsa yajnijnuakawatsa Iminali Dios."
1 Jliaji yakuti Iminaliti yada inu nudeshe jlia noveno jamuli, jnite mes decimo likaite: 2 Aatsia iiri, pidana pishuwau lipitanariku jliaji jaledauka jliaji ajadali jaledauka, liakatsa jaledauka jliaji rei Babilonia yada liufakau Jerusalenriku. 3 Kainji kaku apada proverbio likjuete jliaji panti mjepakadalin, apada parabola. pikaite nashu: Waminali Dios ikaite kainji: piufeta piyanakaruda. piufeta piyana karuda. 4 piniwa piñaudan lirikuda, kalaimi jnaji matsiaperi kainji rutufita, ruteda pipakjantana matsiapeshu ruapipen. 5 piniwa nanakjuite pipira pikada iñapipen ruapjite. pikada litsiawa piyanakaru jliaji iñapi lirikuda. 6 Nini likaite jliaji Waminali Dios: pikuyuleta jliaji yakale iiranatishu, payanakaruda keratundali liwawaliku, jnite keratundali kurin limutuwa. pjipa tsupetsa runakjuite, mapekutsa ishati runaku. 7 Jliaji ruirana liufakau rupamuyuaka. rukadani jiipada ketidali, Kurin rupeku padajlre jliaji papjuanda paitakaruni liuya jliaji lipale, 8 nini lide jlaji lirua painuakakawa fitidali. nukada lirana linaku jliaji jiipada ketidali kurin karu naitani. 9 Nini, jliaji Waminali Dios ikaite kainji: pikuyuleta jliaji yakale iiranati. numakanita jliaji pila jaikuda. 10 pimatsieta jliaji jaiku jnite pikerata tiye. piyana matsia jliaji lipe pipeku nini juiwipe litamwa jnite liñapite pjamaitanda. 11 pikada jliaji olla tiyewa metanriku, jamukaru jnite pjimaita bronce, rumatsikana shewawa rupekuriku likuduwa, jnite keratundali iyanakawa. 12 rudiawa mapjinu rukjaidakanaku, jliaji keratundali kurin liufa padanalre tiyeyuya. 13 pimatsikana yufawa kuanji piemajnikau, numatsieta pjia, pjiatsa yajni kurin kapiuma pimatsietakaku matsia, kurin pimatsietakakau nuirua jiyapa pinaku 14 Jnua, Iminaliti, kaku jnua jnite jnunaitawatsan. kurin watsa nukadakani . kainji piniputenshu, jnite pjinaitanpeshu, nakaitewatsa pimatsikana kainji liaku jliaji waminali Dios. 15 Jnite jliaji yakuti inu nudeshe likaite kainji: 16 Aatsia iiri pikapa: jnuta pitji yuya iyamiketjishu, kurin pitaita pidietakawa, kurin tsakja piyaka, kurin tsakja pipeku itjiafiati kurin pikada liaruwa. pishutsa 17 piyaka pikaule rikjuite mjadatsa. makañatatsa mayandalin. pipapi piturbante pinaku jnite pisandalian pjipanaku, mitsa maitatsa pitsikule piekjuete ,maijatsa pan aatsianai inai iyakape nainu mayanperin. 18 kainji kaku jnua deepitua, jnite nuinu mayan deepi. deepitua jnunaita namenakanda jnunaita. 19 jliaji yakale itatja jnua: ¿Pja pikaite faa kuka jnaji, jnaji pjinaitali? 20 Nini nukaite naa: liaji yakuti inu nudesre Waminali jnite likaite kainji: 21 pikaite lishu jliaji Israel ipana, Waminali Dios ikaite Kainji: pikapa, numatsiketa nusantuarioni, lipadaleka jliaji jlidaa, pitji ipeyunda ikapaka, pipeyunda pikaule rikjuite, jnite nenipe atsiadape jnite naitjepedape pikadanpe jnewawatsa pimatsetanshu. 22 Nini pjinaita kainji nukaitekapishu: kurinwatsa pipiaka pitsikule piekjuete nakjuite, kurin pinja pan aatsianai inai iyakape, 23 mitsa naturbante jnawidanaku, nasandalian jnaipanaku, kurinwatsa piyaka kurintsakja piwaupiatsenakjan , pimatsikakautsau pimatsika ima, jnite padapewatsa aatsia iiya likitsinda ima. 24 Ezequiel ima ikawatsa, pjiumi linaitali, pjinaita linukena. Nini watsa najni jnuakatsa Iminali Dios. 25 Mitsa pjia, Aatsia iiri, jlia jaledauka jnuta itemplon, katsa litima, lipadaleka, nakapali jnite yumali, jnutakena nenipe. 26 jlia jaledauka apada inuli tekjuite linu pidesre jlia pishu 27 ,jlia jaledauka, pinuma jimekueka jlishu jliaji njepanda tjuitedali jnite kaku watsa pjia, kurinwatsa maku pjia. pjia watsa nakapali najnikaru jnuaka Iminaliti.
1 Nite waminajli iaco inoca noicaojle, jliaco: 2 Pia ashia ienipe pienita piecua naoya napji Amon inaiquite nite pinoparrota nacuete. 3 Picaite narso napji inaiquinai Amon perri: jimii jliaco jliaji Waminajli Dios, cai jalico jliaji Waminajli; ima icaiteca pua: ¡matsia! namacuadatacuajli jliaji nofacaroda Santo dajlii, nite maninajlina caojli jliaji Israel nite nadecaojli teecojle narsodajliwa jliaji Juda. 4 Nini panayaotsa, noawatsa irso jliaji yacajle aadajliaji jerri imotucafete. nanaitaotsa pantiitape tsomitsa icodapi nemacarro watsa icuema. naiñaotsa ipania nite nairrawatsa ilechiajle. 5 Nocadawatsa Raba namacarrodawa napji camellos nite jliaji yacajle Amon ajpapi wacadawa naofacarrodawa napji jliyarrope. nini watsa yanica nuaca jliaji iminajli Dios. 6 Ima cai jliaco jliaji waminajli: shia iñacape icapi nite ipuetaca jipasho, catiima jorsedajli shia nite icaojlerico matsi icapaca jlirso jliaji yacajle Israel. 7 Mitsa panaya, noña caotsa pia nocapisho nite watsa noacaotsa pia caiji pananidasho narso napji apana jipai. nuenitaotsa pia naoya napji apana yacajle nite noñetawatsa pia napecojlicuite napji jipai! nowayaquetaotsa piomi shia, nite yaniwatsa nuaca jliaji Iminajli Dios. 8 Waminajli icaite caiji: cuada Moab nite Seir icaite: cai napana napji Juda perri napanasho piomi napji yacajle icua perri. 9 Nini, iwapatua nuawatsa imecoca Moab, noinitaotsa nayacajlerico naoquetacacawa napji apana yacajlle, jlimatsiaca jliaji Bet Jesimot, Baal Meon nite Quiriataim, 10 Jlia apafee yacajle jerri imutoquemete icatsa Amon icuemaca. noacaotsa capji apada nananidatso curim caruetsa nawaopiana napji inaiqui Amon perri. 11 Nite watsa nocada nacapa namatsicana ima nanicaruatsa nuaca jliaji Dios. 12 Waminajli Dios iaco: Edom oopi pioma picuadao jlinai jliaji Juda ipaana mitsa pimatadaca pinaitacapua caiji. 13 Mitsa, cai jliaco waminajli: nuaa watsa iñaca nocapisho Edom nite nomatsi quetaotsa apadape icau napji inaiqui nite mawicajli tsaca, nocadawatsani maminajliapisho Taman nitecawa jliocawa Dedan nirse. 14 Nua watsa icada Edom icaapa jlicaote jliaji noyacjle Israel, cai watsa jliyapacao inai jliaji Edom cuamica jliaji noirua inoca jlicaojle jlisho watsa nanica cuamidajlica nua, caica jliaco jliaji Waminajli Dios. 15 Cai jliaco Waminajli Dios: napji Filisteonai naoma nacuadawa matsiricco nite nawaopiaquesho naoma nawayaquetaca Juda aimawajlia. 16 Catsa jlicaiterrica jliaji Waminajli Dios: icapa! norretawatsa nocapi nacuete Filisteonai, napji iocape uuni macacapawan inomapi. 17 Ima nomacaotsa jorsedajli nacuadawa noirruajlico norapiteta caotsana, nanicarro nuaca jliaji Iminajliti, jliawajli matsirri inocadano naicaojle.
1 Nite jliawajli once jamojli, jlinitacadanaco jliaji querri, icatsa jliaco inoca noicaojle jliaji Waminajli, jliaco: 2 Pia atsia yenipe, cai jlicaiteca piinaco Jerusalen jliaji Tiro, wotamica jlipananoma jliaji yacajle, nadiaca noicaojle, pacanca nua ima oopi nawayacao. 3 Nini jliaco jliaji Waminajli: ¡icapa! nua catsa jliaji icuemajli, Tiro, nite norretawatsa jorse yacajliapipe picuemawa ciaji uuni macapawan iñocasho. 4 Namatsiqueta caotsa Tiro iparete nite napecowatsa newawa napji torres. nua watsa ipoyooca pantinomajle jlipajle nite nocadawatsa quetidajlica jliaji jipada. 5 Cai watsa ropadamacao caiji meetacani napji napashopa teepe uuni macapawan rico, ima caica nocaiteca nua iminajli Dios, nite ropadama caotsawa nañaotuape napji apana yacajle. 6 Piomi napji ruitonaipe wacadajlicope naino caotsana matsetasho, nite watsa naniica jlipuana nuaca jliaji Iminajli Dios. 7 Ima icatsa jlicaiterrica jliaji Waminajli: icapa, aajeoteotsaji atsiamete nedecaotsa Nabucodonosor itajlicanati Babilinia dajli, itajlicanati imninajli, Tiro icuemawa, caballos naco nite carro riperitsaca nite jorsedajli naoqui. 8 Ima jlinowatsa pitunaipe wacadajlico. nite jlireta watsa torres piripinacao nite tsaca jlicawatsa idanatacaope pia. 9 Jlicadawatsa apaana jaicona javiñani jliñashopao pipareni nite jliruatsa jlidenishopa torres iwacarua. 10 Jorsedajli watsa napji jlicaballoni jipaishotsa nini jlipajre itacaotsa pia jlimaimacasho. canani watsa pipareni caballos, vagones nite carros jimasho. jliawacadanaco pipananomajlico, jliwacaotsa caiji ajpaana atsia inocani apapi yacajlerico napecondan ipareni. 11 Natsotasho napji caballo napueta caotsa jliaji calle. jlinocaotsa piyacajleta matsetasho nite napji pidanape taimipe nawacaotsao jipainaco 12 Nite nañaitowatsa piriicoca nade watsa piomi pinanidape. napecoatsa pipareni iwawao nite namatsi quetaotsa matsiape pipina, pipadate pitablani, nite jlipadapen napecuatsana uunirico. 13 Nua watsa iyamita namica napji cancion. curim watsa quemaca jliaji arpas. 14 Nocada watsa quetica jliaji jipada, pidamaotsao caiji apefe naruetacawa napashopa coope curiwatsa coancaojli pidia mitsietacao, ima nuaca jliaji piminajli Dios cacojli, icatsa nocaiterrica irso. 15 Cai Waminajli yaco Tiro inacuapana: ¿curim watsa cananica napji cadonojli jlimasho jliaji piwawericua, nematwerico napji cayao nimperri nainuacadanaco picodapi? 16 Nite watsa piomi napji principenai naorroco caotsawa naofacaro dajlicuite nataotsa napeco natsayani cacuadaperri. netacautsao nawioque yapiya, naofaotsawa jipairico natewatsao caidajlitsa, nite jorsedajli nawiocao. 17 Naretaotsa inonacajli pinaco nite nacaiteotsa: ¿ cuani piwayaquetacacao, pia jorsedajlipia marinero yofaca nini, oopi piwayacao. yacajle caconadajlipai caidaca, panaaya curim cooca pacapa jliricoapi ima nawayacacao nañawa nawiocapuawa, naapa napji iofacape tsomi 18 Panaaya nawiowa napji jlinomapiperi nite cadonojli tsaca nacapacapua cuamica piyapacao. 19 Ima caica jliaco jliajinWaminajli Dios: jliawajli nacadacaotsa maminajilina pia, caiji nacasho napji apana yacajle maminajlinaperin, norretaotsa picaojle mayaminacajli, uuni itawerico pia. 20 Nite nodeotsa picaojle napji yacajle oopiperin, nacasho napji iorococape irririco; ima nocadacaotsa piofawa mayanperin iofacadajlico nacayosho napji opimetua quenacaojlina. jlima jliaji curim watsa coancaojli pidiaca piofawa napaitenaco napji cawiperi jajledaucajlico. 21 Nodecaotsa matsirri picaojle, nite naomanicaotsa pia, curicadeca watsa cuacaojli naoquetaca pia, icatsa jlicatejlica jliaji waminajli.
1 Jlipieta tsenaca, jliaco inoca noicaojle jliaco jliaji Waminajli: 2 Panaya pia, atsia ienipe, piminitena piiyaca tiro inaco. 3 Picaite Tiro irso, jliaji yowajli tsomi uuni macapan icodapi, shia irsocape inaniti yacajle cadonojli ipecojlicodari, Waminajli Dios iaco piso: Tiro, picaite: matsiadarro nua padenirri ioya, 4 Jlicaojle jliaji uuni macapanwan jlicawa jlinapi. amtsiadarroca nanaitaca pia napji idenicape jlisho pimatsiaca. 5 Nanaitaca pia nasho napji tabla matsiaperri aperriaji wacadajlico Seir; naniwana jliaji jaico tamini matsiani nanaitashopawa pia. 6 Nanaita pitiwenio ajaitepeaji Basan nite; nanaita pibanconio nadenipe Cipres nacuite, nite nataacano marfil isho. 7 Nite jliaji picortinan naoconda pibanderaniwa Egito niteperi 8 Nite napji iofacape Sidon nite Arvad rico naaca idenacape pirso; napji caniquepe Tiro ricope nawatsa yapiyawajle. 9 Napji caniquepe idejicape naocowerico Geball perri nawayacaca naococa pitsayani; piomi napji iita uuni macapawan ricope nite marineronai naaca idenica pinani aimadan. 10 Persia, Lud nite Fut naapia pitsojlodaunai, atsianai caidaperri. naruetaca nadanawa nite nawida idanaotsaca; nacayataca pimatsiaca. 11 Napji atsainai Arvad nite Helec naaca tsojlidaunai iwapacape pia picorraran inomapi, nite napji Gamadeos nemawa torres naco nawapacarro pia. nacada pidanao pipareninaco ´nataitacarro nawayaquetaca jliaji pimatsiaca. 12 Tarsi pia jliaji piquitsinda idenica ima jorsedajlipiaca piwendewa piomi pirsoca ricoopia pia: pajlatasho, tsipajlasho, jipada cacudaperisho. 13 Nawentaca pinai nite nawndetsaca piomi pinanidape, Javan, Tubal nite Mesec, naaca narsowaca napji narsoperi nite natsaca napji nanaitani broncesho. 14 Napji Bet Togarma peri nacadaca caballos nite mulas tsaca piwendewa. 15 Napia napji atsianai Dedan peri icatsa iwedecapepia pirso uuni inomapi; ima picapiricupia napji piricoca; napenaca jlicuadawa jliaji cuerno nite ebano tsaca. 16 Aram pia jliaji piwentajlipia inai jorsedajli inaniti; icatsa iacapepiaca Esmeraldas, purpuras, paño aimadajli icolorni, yamacati cacuadadajli, jipadadape matsiaperi piwendewa. 17 Juda nite Israel napiatsaca idenica pinai. icatsa iwendejlica pirso jliaji padenishopa torta, maapa, mateeca nite balsamo. 18 Damasco pia iwedeca pirso piomi napji inanitidap, ima jorsedajlica jliaji piricoca, nite jliaji vinoa Helbon nite Sahar tsaca. 19 Dan Javan nite Uzal icatsa apana iacape pirso tsipajlanape, canela niite calamo. piomi napji padamaca pirsowa inanitiwa. 20 Dedan icatsaca apadapia iwendecaitaca pirso yamacati finidape silla icaoyanape. 21 Arabia nite naminanai Cedar perri icatsaca iwendecapepica pirso; corderos, carneros nite cabra tsaca. 22 Napji iwendacape Saba perri nite Raama nanooca nawende pirso piomi napji matsiaperi jipadadape, nacambia owirro inaniti icuadawa. 23 Haran, Cane nite Eden icatsaca iwendecapeca pirso, caiji Saba icayosho, Asiria nite Quilmad. 24 Icatsa napji iwendecapepia pirso yamacati naoconi paño atsia peri icolorni moraodajlisho nite sabana jorsedajli icolorni, yamacati matsiaperi naococa pinegociorico. 25 Nite napji itanape inocape Tarsis ricuite napia ideca napji piwentacajle, nini pia pacamicana, pamuyoapan uuni macapawan. 26 Napji idenacape piapiya nadeeca teeco pia uuni macapawan rico; jliaji cajlidan inocada jerri iewacawete jliwotantaca pamoyua pitani. 27 Pirricoca, piwendecajle nite napji inaniti picambiacajle; pimarineron nite napji pipiloton piomi napji jinaitacape itanapen; napji iwendecape pirso piomi napji astainai pitsojludautenai, piomi napji yanicape pinai itajlico netawatsao padenirri jliaji pawayacacao. 28 Yacajle uuni ricope natewatsao nemicapua nemataca napji pipilotini. 29 Piomi napji idenacape tibetapesho naurocowatsa natanjlicuite, maarineros nite pilotonai nanicowatsao jipainacojle. 30 Nite watsa, nacadawatsa pimica piaco cooyojlecajlirico; napecuatsa nawidanaco tiiye iapajlipen naursoeta caotsa jliricoda. 31 Narritaotsa natsicojle picapawa nite napapia caotsawa tsaconasho, naiyacaotsa caiwirrico pinaco nite nematacaotsa caida. 32 Narretaotsa natiweyo caiwirrico pirso nite nacanta watsa cancion pinacuapana. ¿cooca caiji Tirosho jliaji nadelijli maconatsa uuni pamoyuapaojle? 33 Coancaojli naocawa napji piwendecajli jipainaco uuni macapawan rico, pifuitaca jorse naiqui, piricotaca napji caconaperi jajledaucajlicope jlirso jliaji piricoca. 34 Mitsa uuni macapawan iwayaqueta werico pia, jlisho jliaji uuni tewacadajli, piomi napji pi 35 Piomi napji iofacape uuni macapawan inomapi nawiocawa josredajli, nite natsaca napji itajlicanatinai nafietacatsacawa mecuacana pacapacana. 36 Nite nawiñaca pirso napji iwendecape yacajlefepe icuan; ima piwiodaca pacapaca pia, caidajliwetsa.
1 Nite Waminajli iaco inoca noicaojle, jliaco: 2 Atsia ienipe, picaite principenai Tiro perri irso: Cai Waminajli Dios iacoaji: padajledarica picaojlerico pia, cai piacoaji, nua jliaji dios, icatsa Dios iofacarrodaca pamuyuapao uuni macapawan 8 mitsa atsia pia curim diocani) mitsa pinaitacacao caiji apada dios icayosho. 3 Ima canique dajlipaca pia Daniel ioya, curim apada curica piani cuanshopacani. 4 Ima piricotacacao pianicapua pidenica nite pirsoca jorsedajli owirro nite pajlata tsaca piwaquetaca. 5 Pianicapua pidenica nite picambia tsaca nini jliwaquetacao jliaji piricoca, nini padajlejlica pia picaojlerico. 6 Nini, Wamnijli Dios iaco: mitsa picadacapua picaojlewa caiji apada dios icasho. 7 Nini watsa nodeeca picaojle apaana inaiqui picuemawa apada jipai nte perri, atsianai ifietetacape apaana jipai nacope. nite nadecaotsa picaojle namatsetan jlicaote jliaji pianique imatsiaca, nite namatsi quetaotsa pimatsiaca iacona. 8 Namena caotsa piawa irriricojle, nite mayaami caotsa pia nacayosho napji mayanperin pamuyuajle uuni macapawan. 9 ¿Capaotsa picaite jlirso jliaji inocaada pia: nua jliaji dios? ima atsiaca pia curim Dios caani, ima acaotsa pia jlicapirico jliaji inocaita pia. 10 Caiwatsa mayanca pia nacapirrico napji camatsicanaperi iofacape apada jipai naaco, caica nocaiteca, icatsa jlicatejlica jliaji waminajli Dios. 11 Waminajli iaco inotsena noicaojle nite jliaco norso: 12 Pia atsia yenipe, pinicua coyojle pia jlinaco jliaji itajlicanati Tiro dajli: cai jliaco Waminajli Dios: piapia nacapanda naicaowa, pacandajli pimatsicasho nite pianiquesho. 13 Eden ricopia piofacawa, Dios ipaniapirrico. apadape jipada matsiaperi iroca pinaco: rubi, topaz, esmeralda, crisolito, onix jaspe, safiro, turquesa nite berilo. piomi napji pinanidape nanaitanica owirrosho, jliawajli pimotucawa nanaitaca pirsona. 14 Nocadaca piofawa apji apaferrico wacada Santo Dios iyaruafwrico nuaroca pinaco aceite. apiaca pia pianica napecojlico napji jipada querrape matsia dajlipe. 15 Matsiapia piomi jliaji inipo pianicawao jliawajli pinitaca pianica jajledauca mitsa matsirri idenica picaojlerico. 16 Mitsa jlima jliaji jorse cajlenaca yomaca inaita negocio piapiya nini pinitaca pacamica pia matsidajlisho, nite pinaitaca matsi, nini nopecoca pia Dios jipaitenacuite, nowaya quetacaro pijipadate querraperi ioya pia 17 Ima padajle dajlipiaca pia pimatsiaca icaote, pimatsiquetaca pianique pimatsiadarroca ima, nopecoca pia jipai ioya nacapaotsa cuamica nonaitaca pirso napji itajlicanatinai 18 Ima jlima jliaji jorse cajlenaca napji pimatsicana nite cuamica pinaitaca riicocarropa pia, pimacuadataca jliaji pisantoarioni. Nini panaya, nocadaca tiiye imotuapioya jliatsaotsa jimaitaca pia: nocadawatsa jipai ipajlesho nacapacaruatsa piomi pirso. 19 Piomi napji yacajle yanicape pia nataotsa nacaojlewa; jorsedajli watsa nafietacacao, mitsa pia curim watsa coancaojlica pipietaca cawicatsena pia. 20 Nite Waminajli yaco inotsenaca noicaojle nite jliaco: 21 Atsia yenipe, pienitaca piacua Sidon ioya nite pinoparrotac jlicuete. 22 Picaite: Waminajli Dios iaco: icapa, nuemacao picuema Sidon, ima nacaotsa norso matsiadajli picapacaruatsa nite watsa napji inaiquinai naji caotsa nuaca jlia Iminajliti, nocadaa cadanacuenaotsa picapa jliaji matsirri. nini watsa Santo dajlica nua. 23 Nomena caotsa jipuati picaojle nite irranati pi callen riico, nawacaotsao napji mayanperin picaojle. jlimatsetan jiwaweri cuenaotsao caitecatsa, nini watsa pianica nuaca jliaji Iminajliti. 24 Mitsa, curim watsa pacapacaa duwirrinape itudacape caiji Israel ipanajlico piomi napajlico tsaca napji curiperipia yomacani. ima nanicaotsa nuaca jliaji Waminajli Dios 25 Cai Waminajli iaco: noniwa caojlinaotsa napaana napji Israel jaiteaji nadejlipia nirse naofawa, nite nuenitaca quenaotsa naoya, nataitacarro nacapacana napji apana jipai. nite nanaitaotsa napanawa jlinaco jipai noanda jlirso jliaji nonaiquite Jacob. 26 Nite watsa, naofacao namadaca jliricuapi nanaitaotsa napanadapewa, nanaitaotsa napaniapirrewa, naofawatsao namawadaca jliwajli nocadaca nacaapa jlima jliaji curicapua naomapia nepacani, nini watsa nanica nuaca jliaji Waminajli Dios.
1 Jliawajlipia peema pacapi jamojli, doce caadanaco jliaji querri, Wamaninajli iaco inoca nuicaojle, jliaco: 2 Atsia yenipe, pieniita piecua Faraon ioya, itajlicanati Egipto dajli, piniparrota jlicuete nite piomi Egito naaco. 3 Picaite caiji: Cai Waminajli iaco: icapa! nua iemaca picuema Faraon, itajlicanati Egipto djli. Pia cafainanadajli uuni macapawanjlico, picaite: nooyape piomi, nonaitani norsowao. 4 Ima nua watsa iruetaca epoi pinomajlico, nite watsa napji cuupe Nilo perri naruatsao piifinaco. norawatsa pia pamyuapao uuni ricuite piomi napiya napji cuupe irocape piifinaco. 5 Nopecuatsa pia maninajlinacawa, pia nite piomi napiya napji cuupe uuni ricope. piwaotsao wacadajlico jajlamicawa; curim watsa cooca iniwaca pia. nuacaotsa pirsona capji iñaodati naiñaope napji cafiperi jipainaco nite narso tsaca napji wipiruapape. 6 Nite watsa, piomi napji inaiqui iofacape Egipto riico nani watsa nuaca jliaji Waminajli, ima caicaa shaji jaiconasho Israel ipanajlico. 7 Pioofacada nacopia napaitenaco, toocomica pia nite pitocuaca piomi naateda; nite naorsuca cadanaco pinaco, tocondajli cadan pia mitsa pitocuaca nacawapi. 8 MItsa, Waminajli Dios icaite: panaya nodeca picuemao jliaji nomatsetani. noyua watdsa atsianai nite mafacajlinape tsaca. 9 Nite jliaji jipai Egipto caicaotsa jliafacaoji maminajli napisho nite quenadajlicani. nini watsa nanica nuaca jliaji Dios, ima caica jliaco jliaji maficajlina uuni riconi: nuaca jinaitaca jliaji uuni, nini noyadacani. 10 Nini watsa, panaya nua watsa yemaca picuemao nite jlicuemao jliaji uuni, ima nocadacaotsa jliaji Egipto jipaite maminajlinadarin nite nodietaotsa shia apada jipainaco catimanacawa ipaniati Migdol riicuite Sevene jinana yocacawao. 11 Curiotsa apaita atsia jipa jiyapa nini curim tsaca napajlatanica napji mawicajli wacadlicope jiyapacano, maminajli nacaotsani cuarenta Jamojli. 12 Ima nocada caotsa manajlina jliaji jipai Egipto napecojlico napji mamina jlinaperrin, nite nayacajle napecojlico napji yacajle maminajlinaperri tsaca cuarenta jamojli watsa maminajlinacani, nite watsa nodiaca Egipto riicojle napecojlico apana yacajle, nite paitapenaotsa nocadacani. 13 14 Waminajli Dios icaiteca caiji: jliyapa quenaotsawa cuarenta jamojli, nopietaotsa noniwaca Egipto napecojlicuite napji yacajle nopecojlipia nirsen. v 14 Nite nodie taotsani Patros riicojle, ima nini dajlipiaca yofacao, nidecaotsa natajlicanata mapadajle catsa. 15 Catsaotsa mapadajle cadajlica piomi ioya, curiotsa cuancaojlica nopieta norretana napecojlico napjia apana yacajle. nocawatsa tsodajlicana curicaro coancaojli napieta natajlicanataca jipainaco. 16 Napji egipcionai curitsa coancaojli napieta nacadaca nacaojleo jlinaco napji Israel ipaneta. icamitsa nawaopiajlica coamipiaca Israel jinaita matsi nacaojli Egipto riicojle naquitsidata carona. nite nanicaotsa nuaca jliaji Wamnaijli Dios. 17 Nite, jliawajli veintisiete jamajlicada nacocuenani, jlinitacadanoco jliaji querri, Waminajli iaco inoca noicaojle, jlicaite: 18 Atsia yenipe, Nabocodonosor, itajlicanati Babilonia dajli jlitsolodaute icadaca nadeeni jawiñadajli napji Tiro riicoperi. matsicojle quetsana nite cayaonin quetsa jliaji nateeda, mitsa jlia nite jlitsilodaute curim nacaoñacana napji Tiro nai jlicaute jliaji nadecajle jawiñadajli. 19 Nini, Waminajli Dios icaite caiji: panaya nuaca jliaji napaite napji Egipto nai jlirso jliaji Nabucodonosor, itajlicanati Babilonia dajli, jlidecaotsa piomi napji piwirrote, jlitaotsa piomi napji pinani cacuadaperri, jlidecaotsa coocacatsa jlioquetajli nini; catsaotsa nacuadaoca napji jlitsolidaute. 20 Nuaca jlirso Egipto jipaite jlima jliaji nadejicajle curidajlipia jlicaoña, cai jliaco Waminajli. 21 Jliwajli, nocadaotsa itsowati itaoña Israel ipanajlicuite, nite watsa nacadaca cacoca pamoyuapao pia, nanicaro nuaca jliaji Waminajli Dios.
1 Waminajli iaco inoca noicaojle, jliaco: 2 Atsia yenipe, pinoparrota nite picaite, Waminajli icaite: Giman quenapaca jliawajli pinoca. 3 Tsomi quena jlinana: tsomitsa waminajli ionocarro. iyadaucajlico, quenaperiotsa napji jajledauca jlicoperri. 4 Jlimatsetan inuatsa Egipto riicojle, nafiocaotsa napji Etiopia nawacada nacua napji mayanperin Egipto jlicuite, napawericuatsa nawirrote, nite namatsi quetacaotsa nemacarrona. 5 Etiopia, Put nite Lud, pioni napji yofacape apada jipai nacojle, napiyaa napji jlicadani jliaco irso, piomi nawacaotsao matsetasho. 6 Waminajli iaco: nite napji iquitsindatacape Egipto nawacaotsao napadajleca ima. Migdol riicuite Sevene nirse nawaotsao napji natsojludaute matsetasho, icatsa cai jliaco jliaji Waminajli. 7 Jorsedajli nafietacacao pamoyua jipai maminajlicawa, piomi napji nayacajle napecojlicuatsana napji yacajle jliwayaquetani. 8 Nini watsa nanica nuaca jliaji Dios, tiiye jiwawericua Egipto naco, nite nowaya quetawerico napji iquitsin datacapebna. 9 Jliawajiotsa napji iedecape yacoti namotocaotsa nopeyajle nanicarrodajlico nafietecarro Etiopia iwadaque taimi yemacao, nini watsa jirapitaqueti jliawali Egipto iwayacacao. panaya, tsomitsa jlinocarro. 10 Waminajli icaite: nodecaotsa matsirri jlicaujle jliaji Egipto nowayecata carroni jlicapisho jliaji Nabucodonosor itajlicanati Babilonia dajli. 11 Piomi napiya napji jlitsojlidaute, nawionda iwana napji yacajle, inocape imatsiqueta jipai; nataotsa namatsetan Egipto icuemawa nite napacanta caotsa Egipto mayamiperin sho. 12 Nometata caotsa napji uuni, nite nowendecaotsa jipai nacapirico napji matsiperi. nocadawatsa maminajlina jliaji jipai nacapiricuite napji apana naiquinai yofacape pada jipai naco, nuaca cacojli iminajli. 13 Cai Wamninajli iaco: nowayaqueta caotsa idiote jinapian nite nadite jinapia mitsaca napji Menfis riicope. curim watsa pacapaca principenai Egipto riico, icamitsa pafiodaca iwana. 14 Nite nowaya quetaotsa Patros nite tiiye iwaotsa Zoan naco nite nocawatsa Tebas icapa. 15 Ima noirua iwaotsa jlinaco jliaji Sin, Egipto jidada, noyua watsa napji aimadan Tebas riicuite. 16 Nite watsa nocada tiiye jiwacao Egipto naco; jliaji Sin jliwape quetsa, wotamicaotsa jliaji Tebas, nite Menfis jlinuacacaotsa caidajliwetsa jliponda yapiya. 17 Napji yenpetiapape atsianai On nite Pibesset perri naino caotsana matsetashona, piomi napji yacajle Iran riicope. 18 Nite apjiTafnes riico, cadaucacaotsa jliawajli nowatacawericoo Egipto, nite jliaji naida ipanapadajleca jliwayacacao tsawa. nini watsa iyadauca idanatacaitana, nite naitonaipe iwacaotsao napapeca wajlena. 19 Norrapiteta caotsa Egipto, jlianicarro nuaca jliaji Iminajli Dios 20 Nite jliawajli once jamojli, jlinitacacawao jliaji querri, siete cadanaco jliapii querrica, Waminajli iaco inoca nuicaojle, jliaco: 21 Atsia yenipe, oopi notocontaca jlinapa jliaji Faraon, itajlicanati Egipto dajli. icapa, curim cooca itapecani curim tsaca cooca iruetaca jlinaco venda, jlitatacaronta jlipacapa matseta. 22 Nini jliaco jliaji Waminajli Dios, panaya, nuaca Faraon icuema, itajlicanati Egipto dajli. notocuacaotsa jlinapa, jliaji caidani nite jliatsaca tocondajlin, nocadawatsa matseta iwacao jlicapiricuite. 23 Nite watsa nopocotaca jliawa jliaji Egipto yacajle icuan, nopecuatsani paitapena jipai naco. 24 Nocaida tacaotsa jlinapa jliaji itajlicanati Babilonia dajli, nua watsa jlicapirico nomatsetani nite notocua watsa jlinapa jliaji Faraon. jliyaotsa jlicaayasho jlicapa jliaji itajlicanati Babilonia. 25 Nocaida taotsa jlinapa jliaji itajlicanati Babilonia dajli, mitsa jlinapa jliaji Faraon jliwa caotsao. Nite watsa najica nuaca jliaji Dios, noaca watsa jlicapirrico nomatsetani jlirso itajlicanati Babilonia dajli; jlinoshopao napji Egipto peri. 26 Nopocota caotsa jliaji Egipto yacajle icuan nite tsacaotsa jipai nacona cojlena. nite nani watsa nuaca jliaji Dios.
1 Nite, jliawajli once jamojlinaco, madajlipi cadanaco querri, jlinitaca danacua querri, Waminjli iaco inoca nuicaojle jliaco norso. 2 Atsia yenipe, picaite Faraon itajlicanati Epigto dajli irso, narso tsaca napji jlirsoperri: ¿caconadajlicaojli pia cooca picapajli picao? 3 Jliapia jliaji Asirio jaicona maquini matsiaperica napji jliqui Libano riico. jlilipaca jliaji jaiconan jiiocatsao iyadaocanaco. 4 Uuni icadaca jlitaoñawa, uuni tewacadajli jlicadaca jlitaoñawa jajlipani. jliarocao querreca wajlecatsa, nite jlionitena yarocao nanaco napji jaico eacadajicope. 5 Jajlipanican piomi naoya napji jaico wacajlicoperi, jorsedajlica nataoñacao napji jliquinape; nataoñacao jajlipanipe napji jliquina ima jorseca uuni yaroca nanaco nataoña cadanacua. 6 Nanaitaca narropocowa jliquinaco napji wipiaruapape, nite napji mawicajlinape quenipecana jliapite. piomi napji yacajlenape naofacao jaico yapite. 7 Ima, matsianica jlitaoñacao jliaji jaico macanipe napji jliquinapen, ima, unirico nataoñawa napji jlipali. 8 Curim cooca itaitaca pacuaca jlianai jliaji Dios ipaniacawan. curim apaana jacona taimini yemacua itaitaca pacuacaca jliqui yapiya, curim tsaca tsonipecan ipacuacataca jliqui inai. curim pacapaca apana jaico apji Dios ipaniapirico cayoniaji jlimatsiacasho. 9 Ima nonaitaca matsianin matsiape napji jliquinape nite napji jaico Eden riicope aperipiaji Dios ipaniapirico naquemican nacapacadanacon. 10 Nini, cai Waminajli iacoaji: cuaada jajlipanicajletsa pia, cuaada macanicajletsa pitaoñacao piocatsao iyadauca nacojle. 11 Nuacaa pia nacapirico napji yacajle caconaperi. nanaitacaro piapiya coamicatsa naomaca. ima nuenitaca pia nooyao. 12 Nawaya quetaotsa pia napji apana jipai nacoperi, napji yacajle caconaperi, napecuatsa piwao; jliqui iwaotsawa jipananaco nite piomi napji jliquinape tocomicaotsa nawacadanacua barrancojlico. nite jlipodan, piomi napji yacajle jipainacope namotutsao jlipite nite nenitacacaotsa jlioya. 13 Piomi napji wipiaruapape naofacaotsa jlipocodananco nite natsaca napji mawicajlinape wacadeta naofacaotsa jliquinapenaco. 14 Cai jliayapacao curicaro pacapaca apana jaico yemacana tewaca uuni rico wadenta jlitaoñacao macaani, curicaro jlitaoñacao pacauca nacayosho apana jaico irracanape uuni wadecanta jlitaoñacao jajlipa. ima oopi nocadaca mayamicajli yocaca nanaco. tewacajle jipai nainai napji atsai yenipe, nacaotsawa mayacan iriricojle. 15 Cai Waminajli iacoaji: jliwajli jliroco iririjlico, nocadaca coyojlecana, nocadaca cadaocacani nite curica nocadaca uuni imotucao, ima jliaji uuni macapawan curica cayuanai iarocao. nuacatsa jliaji jinaitaca cai, nite nocadaca coyojlecajli Libano irso. nite, piomi napji jaico wacadajlicope naiyaaca caica pua nayapacao. 16 Canaanica jliaji jajledauca jlimasho jliwaweri cuenawa, nopecowerico jliwao iririjlico napiya napji jiwacapeo tewacapirico. nomayaquetaca piomi napji jaico Eden riicope yofacape jliricoda jliaji tewacapi. ima icatsa nuenitanipiaca matsiaperi jaiconape Libano riicope, jaico irracapepia uuni caidajlitsa. 17 Ima natsaca yaaca jliricuapi jliaji iririapi, napji mayanperin matsetasho. icatsa caidaperipiaca inapa, napji yacajle yofacapepia imawadaca jaico yapite. 18 ¿Cuanini jaicoca Eden ricuitena pacuaca jliapiya jliaji matsiadajli? ima pacuacaotsa nopecoca pia napiya napji jaico Eden riicope teewacajle jipai naicaojle napji mepacaperin; piofacaotsa nanai napji nainonin matsetasho. Icatsa Farao yofacao napiya napji jlirsoperi. catsa jlicaiterica jliaji Waminajli Dios.
1 Nite jliyapacao doce querri nite doce jamojli, jinitacawao jliaji querri, caacoca Waminajli norso, jlicaiteca: 2 Atsia yenipe, coyojle pia jlinaco jliaji Faraon, itajlicanati Egipto dajli; picaite jlirso; caica piaji Leon tsonisho napecojlico napji apana jipai, mitsa caica piaji mawicajli caidanisho uuni macapawanjlico; marejansho picadaca jliaji uuni pipasho. 3 Cai Waminajli Dios iaco: nopecuatsa pinaco nomayani papocowerico napji jorsedan yacajle, nite norreta caotsa pia nomayan riico. 4 Nomaca cacotsa pia jipainaco. nite nopecocaotsa wacadajlicojle pia nairocuatsa naofa pinaco napji wipiarruapape; catimaotsa piomi napji maficajli iofacape jipai naco. 5 Ima nocada coatsa piipe jipananaco, nite nopacamita caotsa pidaquin pacaami acorosho. 6 Nite nocadacaotsa pirana yarocao jipananaco, nite pacamicaotsa irranatisho napji uunipaojcape 7 Nite, nocadacaotsa pipocotao, cadauca caotsa eeno nite jiwirida tsaca; noitacaotsa iyadaocasho jliaji jerri, curim watsa pacapaca camarrai. 8 Piomi napji camarrai eenonacope cadaoca caotsa picaojlena, nodacaotsa cadauca jliaji jajledauca, icatsa jliacaiterrica jliaji Waminajli Dios. 9 Nini watsa nocadaca natacaro nacaojlewa jorsedajli napji yacajle jipanacope curipe yaniica, nodecada nacuatsa matsiri pacuaca nainai napji apana jipai curipe pianica. 10 Nocada caotsa jorsedajli yacajle ifiocao jlima jliaji cuamica piyapacao; nafiocaotsao napji itajlicanatinai namicadanaco nomatsetani yaacona. nacuana watsa natetecao, jliwajli nawayacacao. 11 Wamnajli Dios icaite caiji: Jlimatsetan inocaotsa picaojle jliaji itajlicanati Babilonia dajli. 12 Nocada caotsa pinaiquite aimadan jiwao namatsetanaco napji owinai caidaperi jipai icuan nafiocao. nacadacaotsa midajlica napadajleca napji Egipto nai nite nawayaqueta caotsa napji aimadan. 13 Ima nowayaque tacaotsa napji ivacani uuni inomapi; curi watsa jlipa ipietaca icamoria uunisho jliaji atsia, curitsaca jlica jliaji namayani. 14 Nite nua nocadacotsa mananica jliaji uuni nite nocadacotsa uuni yarocao mateeca yarocaniwa, Cai jliaco Waminajli Dios. 15 Nocada cadanacuenaotsa Egipto jipaite maminajlinani, curi watsa cooca pacapajli jipai naco, nuinocadanaco piomi inaiqui yofacape nini, nani watsa nuaca jliaji Iminajli Dios. 16 Nini watsa coyojlecali; coyojlewatsa nanaaco napji apana jipai nacope itonaipe, coyojlewatsa Egipto nacona, piomi nanaco napji aimadan coyojlecaotsana, cai Waminajli Dios iaco. 17 Caica jliyapacao doce jamojlica danacon, quince caadanaco jliaji querri, icatsa waminajli iaco inoca noicaojle jlicaiteca: 18 Atsia yenipe, piiya nanaco napji aimadan Egipto riicope nite pideca tewacajleno, rsua nite nanaitonaipe napji jipainacope macapipe, jipai tewacajle nainai napji yorococape iririco tewacajle. 19 ¿Ima piaca rsuaji matsiadaro piomi ioya? piacao tewacajle pimaca nainai napji mepacaperin. 20 Mayami caotsana pacuaca nainai napji mayanperin matsetasho. ima matseta imotucao! nouca jliaji Egipto matseta icapirico; nawatsa jipacani napiya jlinaiquite aimadan. 21 Napji atsianai caidaperipa nacaiteotsa Egipto naco nite pacuacaperi napiiya: picapa cuamicana, naofaca nainai napji mepacaperi, napji mayanperin matsetasho. 22 Nini watsa jliaji Asiria piomi jlinaiquite yapiya. tsomitsaotsa jlioya iririapi; piomi mayamicana matsetasho. 23 Tsomitsa narona jlioya jliaji nadawacaroda mayanperin, piomi jlinaiquite yapiya. pacamica iririsho narso napji mayanperin, mayanperin matsetasho, napji ifietetacapen napji yofacape jipainaco. 24 Nini tsaca napji Elam inaiquite aimadan. mayamica piomina. napji nainonin matsetasho. napji yorococapen mepaca danacotuana tewacajle jipai, nacadaca ima nafietetaca josredajli naofacawa jipainaco napji jirracape icaojlewa nite yanicape capaimana, nainai napji yorococape iririjlico. 25 Nanaitaca apaita cama Elam irsowajlleo narso piomi napji jlinaiquite nauruacarro nainonin inai; nini tsomitsa nacodapi iririapi. piomi mepacapericana, matseta iyuanica, ima nadenica jliaji namatsicana napaitenacojle napji cawiperi. nini nanica napaiman yapiiya, pacuaca nainai napji yorococape iririco naine napji mayanperin. Elam nainai napji nainonipen matsetasho. 26 Mesec, Tubal, nite piomi napji inaiqui imaimaca niniperri, nini jliaji iririapi naicaoyanape. piomi mepacapericana, mayamipen matsetasho, ima aimadajli nafietetaca napji jipainacope naufacawa iracape icaojlewa. 27 Curim naoruacao nainai napji tsojludanai caidaperi jiwacape nainai napji mamatsicanape yofacape mayaperin yofacarodajlico namocawan yapiya, namatsetan nawida yapite namatsicana nayapitenaco. ima nafionipiaca nacapa. 28 Nini pia, Egipto, pocomicaotsa pia napecojlico napji mepacaperin, piosruacaotsa nainai napji notodani namatsetansho. 29 Edom jliofacao jlitalicanate inai nite piomi napiya napji caconaperi. Ima nacadaca matsirico nainai napji mayamiperin matsetasho. naorsuaca mepacaperin inai, nainai napji mayanperin. 30 Napji principenai jerri jiewacawaperri curim naofaca nini, piomi napji sidonios mayanperin matsetasho. caconaperipiacana nacadatsaca apana ifiocawa, mitsa panaya capaimanca naicao, napji mepacaperi, ima nainocana masetasho. nanicao napaiman yapiya. napiya napji mayanperin matsetasho. 31 Faraon icapaotsa nite nacatimata cataotsa nacapacaro napji inaiqui aimadan nainonin matsetasho, Farao nite jlitsodaute yapiya, icatsa jlicaterica jliaji WaminajliDios. 32 Nocadaca jlimotua ifietetacaopena jajledaucalico, mitsa jliacaotsa nainai napji mepacaperin, napiya napji nainonin matsetasho, Faraon napiya napji jorsedan jlinaiquite, cai jlicaiteca jliaji Waminajli Dios.
1 Nite waminajli iaco inoca nuicaojle , jliaco norso: 2 Atsia yenipe, picaite piyacajleta irso caiji; nodecadana coatsa matseta jlicaotsa jliaji coamidajli jipai, nite jiaji yacajle jliricodadajli jipai jlipaotsa apada atsia nainadajlitsa nite jlicadacaotsani iwapacaopena. 3 Jlicapaotsa matseta jlinocadanaco jipai naco, jlipia caotsa jlitronpetan namicarroni. 4 Namicada jliaji jlitronpetan napji anaiqui, curim cadeca naoma namica jlirsi, jlinacaotsa jliaji matseta jlinocarrona, nite jliaji nairrana nawidanacocani. 5 Apada jimicada jlitronpetan irso nite curim cuadaoca jlirsoni, jlirranatsaotsa jiwaca jlinaco; mitsa jlimicadani, manacocaotsani. 6 Mitsa, jiaji iwapacada jlicapacada jlino jlicaojle jliaji matseta, mitsa curim cadeca jlipiaca jliaji tronpeta, namawada cacadano napji naiqui, nite jlinocandan jliaji matseta jlinocaotsa coandajlicatsa, nini watsa mayamicana namatsicanarico, mitsa notatacaotsa nairrananaco jlinai jliaji iwapacadana. 7 Panaya, pia, atsia yenipe! nacadaca pia iwapacaope Israel ipananeta; pimica cuamica noaco imotoca nonomajlicuite nite picateca narso cuamishopaca. 8 Nocaitecada apada irso pia matsidajlin, mayancaotsa pia, mitsa picaitecada jlirso matsicaica inipo jlianiririco, miitsa mayacada jlimatsicanajlicon, curicadeca watsa pia irsojliotsa matsijli. 9 Mitsa pia, picaitecada jlinaconi jliaji inipo matsicai jlianiririco, pinaca jlimacacani, mitsa curicadadeca jlidiaca jlioya, mayamicaotsani jlimatsicanarico, mitsa curimwatsa piaca irso masticajli, nite manaco caotsa pia. 10 Nini pia, atsia yenipe, picaite Israel ipaneta irso caiji: jliaji fanaitajli nite piomi jliaji wamatsicana, jorsedajli wamatsicacao jliricoda ¿cuaninta wataita caficawa? 11 Picaite narso: cawidalica nua, icatsa jlicaiterica jliaji Waminajli Dios, metaamica nocapa napji mayanperin namatsicananaco mitsa jlicadaca jlicaojle nonaco jliaji camatsicanadajli, manacocaotsani! coyojle piwadaca pimatsicana! ima ¿cuadanta mayamica pia, ah Israel ipaneta? 12 Nini panaya pia, atsia yenipe, caaco pia yacjle irso: curim apada imatsiaca icaoteca nacocan jlimatsicana ioya, mitsa camatsi canacada apada nite jlienitacacada jlioya jliaji jlimatsicana curim watsa jliñacao! ima jliaji jinaitaca matsia curim manacocani jlinaitacada capecadon dajlicadanni. 13 Nocaitecada jlirso jliaji jinaitacada matsia: opina manacoca pia, jliwadaotsa matsiaquenani. mitsa mayamicaotsani jlima jliaji jlimatsicana. 14 Nini, nocaiteca jlirso jliaji camatsi canadajli: mayamicaotsa pia, mitsa jlimacacada piomi jlimatsicana nite jlinaitaca matsia Dios icapa. 15 Cuaminta jliaji cañaitedajlin jlidietaca piomi napji jliñaitoni, nite jlianicantawa caniquedajlisho jlicadaca yacoti yofaca jlinaco, curim jlinaitaca matsi, nini watsa manacocani. curiminta mayamican jlimatsicana icaote. 16 Curim watsa jlliwao piaquetsa cuamipiaca jlianicao inipo matsicairico. icamitsa matsiaca jlinaitaca nini manaco caotsani jlipecadon ioya. 17 Mitsa pia yacajle picaiteca: curim matsiadajli jliaji Dios yapowa, mitsa piaca jliaji curim matsiaca. 18 Mitsa apada jinaitacada matsia nite curim quetsa jliofaca jlinaco jlienitacacao jlioya, camitsa jlinaitaca matsi, jliñacaotsa nooya. 19 Mitsa jliaji camatsi canadajlin jlimacacada jlioyawa jliaji jlimatsicana nite jlinaita matsia manaco caotsani jlinaitanda icaote. 20 Icamitsa icaiteca: curim matsiadajli jliaji Dios yapowa, natatacaotsa nainai jlipuana, jia Isarael ipaneta. 21 Jliawali doce cadanacuena jamojli, farapitaca aimadajli cinco cadanaco jliaji querri, apada ipotocadan Jerusalen ricuite inoca nicaojle nite jliaco: oopi napaca jliaji yacajle. 22 Nite jlicapi jliaji waminajli acatsaniaji noinai jlipeyatua jlinoca nuicaojle jliaji ipitucadawa, nini jajlacatsa nonoma, papapienirri tewayojle; nite curitsa macodajlinca nua. 23 Nite Waminajli iaco inotsena nuicaojle, jliaco: 24 Atsia yenipe, napji yofacape maminajli nacawa Israel jipaitenaco nanica nacaitepe: apadanajlipiaca jliaji Abraham, mitsa pacuacatsa jlirsoca jlipaite, nite dajlifa jursedan wamaima, nini wayadaca jliaji jipai 25 Nini picaiteca: Waminajli Dios icaite: irraca jliaji iranati nite icapaca idiote irso, nite dajli yaroca inaiqui irrana. ¿capanta itaitaca yofacao jlinaco jliaji jipai matsiadajli? 26 Ima jia icadaca icaojlewa imatsetan naco nite jinaita cuami catsa yomaaca; napji astainai nanaitaca matsi naquitsainda iino irso. ¿capanta itaitaca yofacao jipai matsaidajli naco? 27 Picaiteotsa narso caiji: Waminjli Dios icaite: cafidajlica nua, panaya nocaiteca jia napji yofacape manajlinacawan mayamicaotsana matseshona, nite nocada caotsa naiñawana napji mawicajlinai wacadajlicope, nite napji idawacacapeo jipada ipecojlico nocada caotsa mayamina jipuatisho. 28 Nite watsa nocadaca jliaji jipai maminajlidajli nite pafionda iwana. jliwayacaotsao jliaji napadajleca, ima maminajlina caotsa napji jipana Israel riicope, curi watsa apada jiyapacao jlirico. 29 Nini watsa nanica nuaca jliaji Dios iminajliti, nowayaqueta werico jliaji jajledauca, jlicaute jliaji nanaitajli matsi. 30 Nini pia atsia yenipe, nacaitepe pinaco pantinoma icuan nite panti riico tsaca napji yofacape yacajlerico, nacaite narsowaca naquitsiñape yapiya, wacao wamicarro cuamica jliaco warso jliaji inoparrotacaita Dios imenacanda. 31 Nini watsa nonaiquite inoca picaojle, caiji nanocapishomana aimawajlia nite naofacaotsao namicarro jliaji picaitejli, mitsa curim watsa nanaitaca caiji picaitecapisho, naoma nanaitaca jliaji jajledauca iyaada. 32 Ima caica narso piaji cancion papeyuaca shopasho, matsiadajli natoocaca nasho napji patocanpe, nini watsa namica jliaji picaitejli, mitsa curim cooca shepaca jliaji piaco. 33 Nini jliyapaweri cuenaotsao nawaopia caotsa piapiaca jliaji inojli icaite yacoti matsidajli narso.
1 Ictsa Lriaji iacoti waminali imenacali Joel irso, lriri lriaji Petuel. 2 Jimi lriaji, shaa pekipenai, njite jimika, shaa piomi iofacape lriricoda Lriaji jipai. ¿Pjá lriyapapjia lriaji kaficadanaco pjia shaa o kaficadoncopjia najni iferinaipe? 3 Icaitewatsa nasro najni ienipe, njite naji ienipe nacaitewatsa nasro nanji neenipe, nasro nanji walricome. 4 Ricadali lriefe lriaji yori, taacapa iñaocaotsa, ricadali riefe lriaji taacapa, riñacootsa Iriaji piito njite ricada. li lriaji piito iriñacootsa lriají yuri. 5 I icafio, sha idewanacape, njite iiyaka! iwana, piomi sha iracape jaicotjeda íana, nini Iriaji jaicotjeda iona potiyadali oopi neetjari. 6 Nini pada jipai opina lrinicoa lriicao lriaji njopaite, kjaidadali njite corin paniwetana. Naji neetsa icatsa rietsasho lriaji yoawi njite naarsoca rsoetsa ruanji yaawi inaronja. 7 Oopi nacada lriaji nopaniapji pada naafacaroda nafionda iwana. Njite nawayaketjá njaji nohiguera, oopi netjá njaji riecoayaa njite oopi napeconjá; nanji nakí oopi jaalrenjá. 8 Iwana caijni rucasho roajni meyapacanadarotoa ashia inei rsoetacaro Iriaji chaco ronacoa mayamicadanaco lriaji roiniri lempetitoa. 9 Nanji Ofrenda nainaka njaji wapania njite nanji ofrenda naanjá naji wapania oopi nadalrenka lrioya lriaji ripana lriaji waminali. Nanji Sacerdotenai, rinaikite lriaji waminali, iwanaka. 10 Nanji awacada oopi nawayacoo, njite lriaji jipai oopi maidani. Ima lriaji wapanjia iinaca oopi nawayaketanjá, lriaji jaicoteda iana oopi meetjáni, njite lriaji aceite oupi maachini. 11 Capaimanshá, yaapanacape, njite iwana, shá jitacape jaicoteda iana, naicaotje najni trigo njite nanji cebada. Nini nanji naapamapsi awacadalricupe oopi nawayacoo. 12 Nanjinainaco nanji paniati oopi jiwirinjá njite nanji hiqueras oopi meetjána, nanji jaicotjedatsaka njite nanji yaawalrima, njite nanji manzano, piomi nanji jaico awacoidalricope oopi meetanjá. Nini Iriajiritimana oopi jiwirini nanacoite nanji inaiki jalredaocalico. 13 I yeetjácao naasho nanji chaaco njite iofao inonaacalrico, sacerdotenai! Iwana, sha ristoperi Lriaji altar. Inoca, Jiyapao piomi deepirico Lriricado Iriaji chaoco, shaa risroperi lriasi njodioste. Nini lriaji ofrenda jaicoteda iianaka njite lriaji ofrenda jaicoteda iana oopi neetjána lrioya lriaji lipana Iriaji idioste. 14 Inaita pada paitacaroda maopjsitadali, njite inaita pada maopjsitadali caacopecarada. Iniwana nanji pekipena njite piomi nanji linaikitena lriaji jipai lripanalicolre lriaji waminali idioste; njite iwana lriaji waminali. 15 Iimaachiwasta lriada jalredaoca! nini lriaji rijalredaocate lriaji waminali tsoenatsa riocacaro. Rineiwatsa lriaji kajaidadalipiomi iuya. 16 I pja corica nada lrenca lriaji iñaoda icopawerico, njite lriaji itima njite iraji nantimo nanji ripanalicope lriaji wadioste? 17 Lriaje lriji nanji napania oopi naapao naapjite nanji jipai taradolri, nanji napania yaoroda oopi namocanjá, njite nanji nadanam oopi neewao ima riinaca lriaji naopnia oopi meetani. 18 I coamji neemataca nanji maaficali! nanji nawapacaroapji nanji vaca oopi neerapitjá ima corica nasro maalritsi. Naatsaca nanji nawapacaroapji nanji oveja neerapitatsaca. 19 Waminali, jnoa nowanaca pidelre. Nini lriaji tiyee copi rimayaketa nanji maaritsi meeyowelricope, njite lriaji tiyee oopi rimaita piomi nanji jaico awacadalricope. 20 Naatsaca nanji maaficai awacadalricope naawánatsaca pidelre, nini nanji conipao oopi meetanjá, njite lriaji tiyee oopi riwayaketjá nanji maaritsi meeyowelricope.
1 Lipia ipianico quema /sion icatsa idanata cashopa Noo jipana maopitanitsa piomiinaiqui jipainaco nafiocaroa imalino quena linana lioji Dios inaita cada tsominani 2 apapiawatsade pirico coyelena linuatsa iliadaocanoco naoma caaoccabanoma jalennacaroa nacaro jipanonaco caida perrinatsoita coricadanapia ovinaicoritsa cuancaolica pia opipiaima años pico tille jiwananacopiomi niniperipia ninipia nadanno 3 Tiye jimaitacan Ne paite caipia ajiedensho, tsa, lidaanan ninitsa maminalinacawatsainamacandan corin napito 4 Nemanpia najis caiji caballosho neecua caida 5 Nawatsianicawa quema caijei pemicpisho carro lima que aji awacadalico pemicapisho tiye queradali limatsica panape caiji caidaperi ovinai nawapa nainuacasawa. 6 Nacapawerico na aji inaiquinai nafiocawa piomina. 7 Neecua caiji caidaperisho neetacaro liaji liacona nanaita caiji ovisho naviaca naa cuantsa nema apactsar piomi 8 Curin naduita apepemale nemamallacan apepetsas nemacaba nadatacaropiona corin nenawa pacatsana 9 Newacaro llacalerico necorro neta liajimoralla Ne anaapana neewa nawentanalico caiji cañaite pesho 10 Jipaii naniwa nacuemete canica jaledaoca jerri querri queritsaca cadauquena jiwisida corin licanaca. 11 caca liaji Dios linaiquife iso natsa lisu perri aimaperri natsa caidaperri natsa jimicape cuami linaitaca liadawatsa Dios ioni aima watsa matsirri. cuami perapita paowa? 12 panaya liaco liaji Dios idiena nocaole icaolericoite utawa illena quenaa 13 jiata icaole coritsa inanica idiawa Dios icaole liatsaquena licapacaliapaso tacatse pawaapaca aiima matsiadali paniri ima corrin lioma lirapitetaca 14 Cocanta iani? Wadetsacorica ima qquenalicpaca wadetsata licada matsiadali ideca apada ofreda iniwandatsa pada ofrenda pairaoda Dios iso? 15 Ipia liuji ipianico yacale jiimi iwoquetacao Iwaqueta maiñacatsa maopitadalitsa iwaqueta cacorjjia matsia. 16 iwaqueta llacalen nanay owqieta iomi matsiadalitsa iwanapequipenaiinatsa catsopkperi natsaca ira capetua ina napeyonda imotuo napalicuite Rotsaca lipellomaia pilla 17 icada ancianom Dios iso lilla acapa piomi caida icada licada quenalicapacan lillacaleta Diosmmamachicatsa waa picadalii wasompiomi jaledaocalico no wapawatsana piomi cuadanocaite nosos ? aqquerenao na Dioste? 18 Nite Dios iquenata nepaite quena licapananaso 19 liaji Dios liepana pioma , Ima nomenacawatsa iso iña walianei vino aitetsaca jatsa que pina watsa lias naine Noa coritsa nocade uenaperica piomi ine 20 nuenitenatsa tecoiya liaji inai itacada iso matsii tecuatsa liowa nilla ima lideniwatsa lipai metadalitsas namacandai apawerico napellale naji owinai newacarua Mar jeri Mar lriema liaji jeri imo ima tolinte neyawa ima nemimacona naacawa ajadalitsa nanaita naaita aima machia 21 liaco mawiotsao jipaitena catima ijica ima Dios ia iso jorepas. 22 Mawiotsao mawicaliis iwana malitsirico maminaliwerico ima quewiwatsana noji jaico nacadawatsa nainaca lioji higuera ima aimacaotsana natiwisho 23 Catimajia llacale Sion icatimatacao line iDiote ima licadawatsa hilla linaanalico ipanianaco llowia isuwalejia liaji hilla iponia iso liaji hilla initacanaii caijopitoa. 24 Nacadalii iso aji namatsietali napania naapacanta naapanoopeisho Arro naji yaropetida napacantona winosho walia anai aceitetsaca 25 Nua nowapawatsa años napaania acorro iolla napania coricaro acorro iña napania coriotsa namatsicana nawapananoldasho nowitesho nomena cali iso 26 jaa iñawatsa aimaapamatsia iawatsa liso matsiadali lisonaminali Dios cacaotsa inaita matsiadali inacuite Noa cariwatsa cuancaoli nomo nocuadawa capaimanadain nanacoa nolla caterico jatsa iani nuaca iowa Israel ne ipecolico nua imipali iDioste corin a penoya coritsa cuancaolica nomaca dawaleta nolla calerico 27 jatsa iani nuaca iowa Israel ne ipecolico nua iminali iDioste corin a penoya coritsa cuancaolica nomacada waleta nollacale 28 ima apapiawatsa nuarowatsa naepiritun nanaco pion inaiquinaco nene penotsaca naitunainaco otsaca nanoparotaotsa na aji pequipenaii netaponcaotsa natsaca aji llepelipetua nacapa macapacanadali 29 Nana cotsaca noji lineperi natsaca inaitepe line erriniadawatsa nuaro no epiritun 30 Nacañatawatsa eno iecuele nacapawatsa irranatitsaca tille itaca 31 Jeri cadaoquenootsani puere pacawatsani caji iranatisho lipellatualiocacawa cawainadali lino caipella waminalii 32 Nowatsa piomi naoji iomacape waminali nade cawatsa manacori ima liaji awacadao liatsa Jerusale corritsa coca ipito nite cailiaco waminali naso naji iwacapetua naji waminali iwanan
1 Apapiaotsa jalredaoca iicapaotsa, coamiica nodietacatsenakja narso matsiadalrii njajii Judánai njite njaji Jerusalén naina, 2 Njite nowaketaotsa pjiomi njaji yacalre macacoepe, norrocoetaotsana Josafat yoyawacacawa . Nocaitecarro narso coamiica nanaitjaca narso njajii noyacalrenanai; njite jliaji noanada narso, njite coamicatsaca njenitaca njaji nayacalre ioya, njite coadaca njenita jliaji njopaite naoyawaca. 3 Njite nawiacacao njopaite iikjaote, njite nacaa apada yenpetida roikjaote rsoajii cawiilredarro, njite tsaca navende apama yenpetii naomaacapoanairrao jaicotjeda yana. 4 Njitee ¿Coada kerroaitana norso njaji Tiro, Sidón, njite piiomii njaji Filistea lricoperri? ¿Pjaotsa naomaca nacoadao? Niintsaotsa naomaca nacoadao, mitsa kjeyaotsa nocadaca jliwa njawida naco jliaji naomlritja nanaoitjaca. 5 Imaá sha jiraca nopalrataniinjite owiirrotsaca, njite ideetsaca noyarro cacoadaperri itemploni lricojle. 6 Njiteé sha iwendeca njaji inaini yofacape anjii Judá lrico njite njaji Jerusalén lricoperri, narso njaji gregonai nadecarrona tecojle lrioya jliaji naofacawapia. 7 Icapakje, wadepjia nodietaca tsenakja sha lrioya jliaji nawenda lrikjoite pia sha, njite nocadá-carro jiwacatsa icaoña jliaji jirrapitkjeti. 8 Njite nocadawatsa njaji nenipe njite naitonaipe-tsaca nacapiricó njaji yofacape ajii Judá lrico, nawendecarro nja narso najii Sabeonai, apada yacalre tecodalrii. Ima lricaiteca jliaji waminalri. 9 Icaite jliaji, narso njaji inaiki: "jiwacatsa imatsietacao owi ipjeya, icafieta njaji atsianai kjaidaperri, icada tsomitsa nja, njite njaji atsianai inoacacaope icada njerracao. 10 Njite ljliaji natashopa inaita matsetao, njite jliaji malriye kemaite inaitjana namolroconiwa. Njite njaji mjaidaperritsa icaite nacaitecarro "kjaidaperrica fa." 11 Iwaketacao inoacacarro, pjiomi sha yacalre tsomipetsa yofacao iwaketacacarro nirse waminalri, pidee njaji pirsoperri kjaidaperri inoacacao 12 Icada nacafiacao njaji yacalre njewacatsa njerracarro Josafat imalritsiapjirrico iima nofacaotsa njitse nocaiitecarro nacona piomii najii yacalre lricodapiperri. 13 Imatsieta jliaji imatsetanii ima ipekena jliaji ipanipji, inoena, iipetueta najii uva, iima pakjanca jliaji napitsiocacarroda. Njite lriarrocao lrioya jliaji lriofacarroda, ima aima jliaji matsirri. 14 Aima inaiki iwaketacacao, jiipai yoyawa. cacawa nainolriotsa nitse nja ima lrijalredaocatena lriajii waminalri tsomina lrioyan lriajii jiipaiyoya wacacawa nainolriotsa nirse njaa. 15 Cadaocacaotsa Jerri njite kerriitsaca, njite mjaidacaitsa nacanaca najii jiiwirsida. 16 Njite kjaidaotsa kerroaca lriajii waminalrii Sión rricoite njite njemicoatsa lriacomii Jerusalénrricoite njite cananjicaotsa Eno njite jiipai tsaca, mitsa lriiajii waminalrii lriica daotsa naofetaca najii lriiyacalre. Njite jiidaticaotsani narso najii Israelnain iyacalre. 17 Niniotsa jliaji noacaatsa lriajii nawiinalrii, naDiote yofacada Sión lrico. Maopjitjacawa lriajii awacada, njite maopjitadalritsa kjaotsa lriajii Jerusalén, Njite corriwatsa napietaco njeyapacao lripamoyacalrico njajii sholrudaonai. 18 Njiteotsa lriada jalredaocaca lricadaotsa lriarrocao awacadalricoite potiyadalri jaicoteda yana. Njite ajii lripamoyacalrico maficalrii yacape leche njite piomi njajii onipaokjape Judárricoperri narrocaotsa oniisho njite apapeco oniipao imoto waminalri ipanalricoite njite lripotsiataotsa Sitim jiipaite yoyawacacawa. 19 Njite lriiajii Egipto lriiwayacacaotsa lriwá pjiomii, njite namacandan jalrapocolrishocaotsa lriaji Edom, lriikjaote lriajii naiinopiiaca lriiyacalrenanai lriajii Judá, ima nacadaca irranati yarro naoya najii mamatsicanaperritsa njepaitenaco. 20 Mitsa caminalrinacaotsa lriajii Judá caidalriwetsa, njite caitsakjaotsa naofaca ajii Jerusalénlrico. 21 Njoatsaotsa yoma nacoadao njajii nainonpemii corriperritoa noma iicoadao," lriiajii waminalri lriofacao Siónrrico.
1 Icatsa nanji iacoti lrirsowalre lriaji Israel Amós icateri, pada nanacoite nanji iwapacape pirati Tecoa lrico, lriajicani lricadacapoa lricapan lriwaopiakje rico, lria lricoadatani nanji iacoti lri jalredaocaterico lriaji Uzías, talricanati judalrico, njite tsaca lrija lredaocatelrico lriaji Jeroboam lriri lriaji Joás, talricanati Israel lrico, yamada kamoi lripjeyatoa lriaji kananica jipai. 2 Lria lricaite: Lriaji WAMINALI lriwanacaotsa Sión ricoite; lria lriretamatsa lriacoam Jerusalen lricoite. njoji malrichicoa nayape njaji iwapacape piraiti meetacootsana, lripuricoite lriaji awacada Carmelo jiwiricaotsanjá." 3 4 Icatsa njaji WAMINALI icaaiteri: "Nanacjoite njaji madalida lrimatsicana lriaji Damasco, lriatsaca lriasi cuatroshoda, njoa coriwatsa njoyapeta lriaji norapitetashoda, nini nja njeritaca lriaji Galaad njasho njaji tsipalra nadenjishopape. Nomenakawatsa tiyee lripanalrocolre lriaji Hazael, njite rimatsiketawatsa lriaji Ben Adad. 5 Nomatjawatsa njaji lriitacashopa lriaji Damasco njite noyoawatsa lriaji atsia iofacada lriricoda lriaji Biqat-aven njite lriatsaca lriaji atsis jipacada lrijamiñaka lriaji jaico Bet Edén lricoda njaji inaiki ricolre, lricaite jliaji WAMINAR}LRI. 6 Icatsa njaji WAMINALI icaiter: "Naicjaote njaji madalida lrimatsicanja lriaji Gaza, lriatsaca lriaji cuatroshoda, njoa coriwatsa jnoyaapeta lriaji njorapitetacarona pana inaiki piomi, nacadacaro lricapiricolre lriaji EAdom. 7 Jnoa nadalrecawatsa tiyee naicjaolre njaji leidanan lriaji Gaza, njite lrimatsiketawatsa lriaji lridanam. 8 Jnoo nadalrecawatsa lriaji atsia iofacada Ascalón. Jnoa nocapocoetawatsa nocapi lricote lriaji AEcro+ondali njite neetm njaji Filistenai nawayacaotsa, "licaite lriaji WAMINAL. 9 10 Icatsa njajai WAMINALI icaiteri: "Naicaote njaji modalida lrimatsicana lriaji Tiro, lriatsaca lriaji cuatroshoda, jnoa coriwatsa njo yapeta lriaji norapitetashoda, nini jná oopi nacadá papoco inaiki nasro njaji Edom, njite jná oopi nadalrenca lriaji nacaitepe pjialri napiyawaca. Jnoa nomenacawatsa tiyee lrinaco lriaji liwainaco lriaji Tiro, njite lriwayacaotsa lriaji lridanam." 11 Icatsa lriaji WAMINALI icaiteri: "Naicjaote njaji madalida limatsicana lriaji Edom, lriatsaca lriaji cuatroshoda, jnoa coriwatsa noyapeta lriaji norapitetashoda, nini lria lriropiaca lriapodam lriaji lripjeri lrimachetan sho njite corin kenja licapaca lrisho. Lriaji lisroa pjemicani kaidalitsa njite lriaji lisroa liofacaotsa caidalriwetsa. 12 Jnoa nomenacawatsa tiyee linaco lriaji Temán njite liwayacawatsa lritalicanatacaroda lriaji Bosra." 13 Icatsa lriaji WAMINALI icaiteri: "Naicjaote njaji madalida namatsicana inaiki Amón lricope, lritsaca lriaji cuatroshoda, njoa coriwatsa noyapeta lriaji norapitetashoda, nini jná namecopjia jidatilrico njaji inaitjepe kewedanfe Galaad ricope, nini nja njataitacaro njamakaitetaca lriaji njaoya waca. 14 15 Jnoa noyatawatsa pada tiyee nanaco njaji lriwaida lriaji Rabá, njite nowayaketawatsa njaji natalicana tacurodape, caiji neematacapisho lriada jalredaca nainoacacawa, caiji pada caolri kjaidadali jiyapacadanaco lriada jalredaoca lriaji caolri itipiratacada. Lriaji ifalicana lriawatsao neerapitetali nirse, lria njaatsaca njaji iwapacapeni," licaide lriaji WAMINALI.
1 caipji jliaco jliaji waminali: madarlida jlimatsikana jliaji Moab, cudakashopan, curim nuenita jliuya jliaji matsiri, limaitakapua liñapite piomi jliaji itajlikanati Edom dajli. 2 numenakawatsa tiyee Moab inaku, liwayaketawatsa jlidaa jliaji Queriot. mayanwatsa jliaji Moab namatsikacawerico, jliematawatsa kemaa jliaji napianda. 3 nuwayaketawatsa napji yanicape inaku, nuiwatsa piomi nenipe napji cakunaperi," jliaco waminali. 4 caipji jliaco waminali: madarlida jlimatsikana jliaji Juda, cuadakashopan, curim nuenita jliuya jliaji matsidiajli. curicapua nepaa likaiteri jliaji Waminali curimtsaka namatsieta nakaujlesrico jliaco, cashaperincana ninii naka tecujlepena, atsaa nawa nanirinai yakarumtsa. 5 numenawatsa tiyee Juda inaku, jliwayaketawatsa jlidaa jliaji Jerusalen." 6 caipji jliaco waminali: madarlida jlimatsikana jliaji Israel, cuadakashopan, curim nuenita jliuya jliaji matsidajli. nawendekapua jliaji mamatsikanadarlitsa naumakapua pajlata jliatsaca jliaji kenadarlin naumakapua nasholaniwa. 8 7 napuetaka nawidanaco napji kenaperiim caipji naikinai ipuetakani jipai kapajledari; napekuca tekujle napji cuyujleperi. jjliaji apadaa atsia jliniritsaka apamadetsa sruaji nainu. caitsa namakuadataka jliaji nuipitana mashiadajli. v 8 nausruawatsa tsomitsa nauyaa napji altar natsayanjlico napaji kaipji jliaco iacatecapisho, nite napanajlico napji nadiote nairaka jaikuteda yaana nayapemi napji nakastigaji. 9 caitsakautsa. nuwayaketa napji amorreos nakapacaru nauyawa, yenumpepia caipji jaico yenumnisho; caidadarlipia caipji jaico tasranisho . Caitsakautsa, nuwayaketa piomi napania yenumperi piomi naparidajlico. 10 nitepia, nudekasha Egipto jipaitenakuite nudenikasha cuerenta jamurli apji jarapukujlirico pipakaru jliaji napaite napji amorreos. 11 nite nuniwanaka inuparutakape yenipenakuite natsaka napji ashinai yepetiapapetua nuenitawatsana. ¿ajakate, Israel jlicuperi?, caijliaco jliaji waminali. 12 nite shaa ikaitekana nairakacuro jaicuteda yanaa curikarutsaka nanuparutakaru. 13 ikapaa, nupuawatsa shia jlicasho liapji inipu makacai pakandajli iñaudatisho jlitaita jlipatuetaka apadaa. 14 jliaji apee canikete curiwatsa jlioketa lipitukarua; jliaji caidadali curim watsa caidakani; curimtsaca jliaji caidadajlipa manakucakani. 15 curim jlitaita jliaji iyawitacada, jliaji shekucaita keyaa jlipitukaotsao; curimtsaca jliakan jliaji caidadarli jlitaita lidanatakakao jliwacatsa. 16 natsakaa napji tsorudaunai caidaperi jlidawatsa napituawatsa ketipin, caijliaco jliaji waminali.
1 Sha yacalre Israelnai : Jiimi lriajii yacoti waminalri icaitelri icjoete njite pjiomi tsaksja nakjoete njajii, nodeniipe Egipto jiiaiterrikjoite: 2 Ima sha canpatsa noniwananpeca naoya njaji apanjaa yacalre njite pjomi namatsicana ikjaote nocadaotsa njerrapitaca 3 Nemanjiwatsa yamadape corricada pacoaca nja ? 4 njite lriematjaotsa lriaji yawwi awacadarrico corricadanaco lrioketa lriwinio lriñacaotsa lriaji yawi yenpetina 5 Capjaotsa lriorrococao lriajii wipjiarro njepacarrodalricolre meñasanadalritsa? capja lritaita lriwatsiaca jipai yoya lriaji njepashoda corricadanaco cocaa jlipa? 6 Kjemicadanacoatsa lriaji trompeta ajii yacalrerico nafiocaotsa njaji iinaiki? Niniwatsa apada matsidalri inoca yakalre nacolriaji corridalritoa waminalri imenaca? 7 Lriaji waminalri Dio corriwatsa coca lrinaita corricada lricañata lriaji lriomalri lrinaitaca narso njaji lrirsoperri inoparrotacape 8 Lriapoacadanaco lriiaji waminalri Dios, coadania corri nanoparrota ? 9 iicaite lriaji yacoti talricanati yofacarrodalrico asii Asdod rrico , njite tsaca asi Egipto lrico talricanati yofacarroda lrico "njite iwaketacaooo Samaria dalrinaco jipanac icapacarro comica namatadacacao, niite coamicatsaca nainoacacao " 10 ima cailriaco lriaji waminalri : corrin nanji nanaitaca matsia njini napakjanta lriajii talricanatida pana matsidalrisho 11 nsini cailriaco lriaji waminalri Dios Apada picoema idantaotsa jipaite jite lrimatsicaotsa ajii piofacawao njite lridewatsa piomi lritada lriaji talricanatidapana 12 Njini lricaiteca iriaaji waminalri : caiji lritapacapisho yawii inomalrikjoite yamemetsa jlipa njite lrienji jiipadamitsa lriajii iwapacada oveja. caitsacaotsa lritaca njahi isreitanai yofacape ajii Saariarrico naofacarrona itjoniwi njite naorsoacarroda tsjoniwi tsaca 13 Jiimi njite icaite lriajii yanjinda Jacob ipana icoete, icatsa waminalri Dio icaitelrica, lriaji animadan owinai Idiote : 14 iima lriadaotsa njorrapitetaotsa namatsicana njaji Israelitanai , njite njorrapitetatsaca nainocawa maficalri ajii Betelrrico nayoawatsa natsowa njajii nainocawa maficalri njite njewacaotsa jipairricolre 15 Nomatsicaotsa lriaji panti onjia icaoyanada njite lriaji camoi icaoyanada tsaca njite nañcaotsa njaji panti marfidapanape, njite njatsaca njaji panti macadalripe
1 Jimi jliaji iacoti, shao vaca Basán iyape, shaa aperriji jipana naco Samaria, shao jirrapitecape njaji kjenaperi, shaa jirrapitecaperi njaji canacaiperi irso, shaa icaitecape inirinai irso: "idewarso wairrao." 2 Jliaji waminalri Dios lricaitenina japedalri lrimatsiaca shao: "icapa lrinowatsa jliagi jalredaoca icjaolre lride cadanacowatsa jia teeco, comada naco njite piketemdalri itsa naco. 3 Imotowatsao lriapoana lricjoite jiapodawaca, njite napecoatsa jia italricanati dapana ioya, lriaco jliaji waminalri. 4 Yawa Betel ricolre njite inaitza matsi, Gilgal njite inaitja paa jliaji imatsicanati, njite idee maficalri inoada piyompinaco icoam, idiezmoni madalridapenaco. 5 Yaa lrirso ofrenda pan sho, yaacaro matsiadalri lrirso, icaite ofrenda jiwacatsa, icaiteni, yacolrico, shaa inaiki Israelnai, icatsa lricaiterica jliaji waminalri Dios. 6 Nocada niina mapiraca yetsati apjiomiji iyacalre icoam, nini canacai iñjaodati narso njaji inaikite; coriim idiacawa nodershe, lriaco jliaji waminalri. 7 Njite corrim tsacja nocadaca iyani madalripi kerri lripje yatoa iniwaca njaji ipania, nocadaa iyani pafe yacalre rico, coricaro iyani pafe yacalree rico, pafe jipainaco iyani, mitsa jliaji pjepada jipai corim iyacani nini metaca jliaji jipai. 8 Nano njaji yamacoa yacalré o madalricoa yacalré nairracaro oni, mitsa corim nacoani mitsa jia coriminitoa idiawa noicjalre, lriaco jliaji waminalri. 9 Nocayaonitata tiyena kerranitoa sho, njite acorro. Sho njaji piyacalrecoani, pipaniapjji, njaji jaicotjeda inaca, njite matecada, njaji tacapa namatsicawatsa pjiomi, mitsa jia corim idiaca noicjalre lriaco jliaji waminalri. 10 Nomecatja mayamicawa aima caiji Egipto icaisho, noino njaji piyempetite espada-sho , nadee teeco picaballoni, nocadatja, lriocao jliaji necoca piofacawalrico piemiacoroni, mitsa corim idiacawa noderse, lriaco jliaji waminalri. 11 Nomatsica yacalré inai, caiji Dios imatsicacapisho Sodoma njite Gomorra. Caiji kerradalrisho pjetanda tiyericoite, mitsa jia corim idiacawa noicjaolre . Lriaco jliaji waminalri. 12 Mitsa nonaitjaotsa pada matsidalri irso jia, Israel, njite cuada nonaitja matsi irso ¡imatsietacawa piajicaroatsa jliaji piminalri, pjia Israel. 13 Piajicariwatsa jliaji inaitjalri njaji jipana njite lriaji caolri, picaite njemi jliaji piwaopiakje njaji atsianai, inaitjaca jliaji piyompinaco cadaocadalri tsacja, njite lriyapa pjiomi jliaji jipai iyenonca, waminalri, lripitana Dios naminalri njaji owinai.
1 Pjimi njaji yácoti njorretalri pikjoete iyacada capisho, sha Irael ipaneta. 2 Rsoaji itacadarro toa Irael lricoda oopi rsowawa; corri natsaotsa rodiácarroca rsonicowa; ima opica namacano rsopaite lrico; njite corrinatsa pacapa inaiki niini jirretacaodano. 3 Ima cayo lricaiteca jliaji IMINALRITI Dio: ''Pinaotsa namenaca mil tsolrodaonai, njite icamitsaotsa iofalricawa nanakjoite cien tsolrodaonai, njite cien cada iawa, die natsaotsa iofawa, nanakjoite njaji Irael iipaneta.'' 4 Icatsa cayoji lricaiteca jliaji IMINALRITI narso njaji Irael iipaneta. ''¡Ioma njoa ioma cadatsa cafica sha!'' 5 Maomatsa Betel; mjewatsa Gilgal lrico; njite majitsawa Berseba iinai. Ima Gilgal, preso caotsani, njite Betel lriñacaotsawa. 6 Pioma jliaji IMINALRITI cafi carroatsa sha. Corri cadaa lrimatsiketacaotsa tiyé sho José ípana lrico. Kerrá watsa tiyé Betel nacó njite corriotsa coca itaita iyalriketacani. 7 Jimi sha imatsiketacaperri njaji matsiaperri, sha corri perrinatsa coadaca irso njaji matsiaperri. 8 Diio inaitja njaji jirsida macadalripe catjinaperrica pacapa njite jliaji pada kerradalri pja pjiomi ioya deepi rico; Lritaita cadaocádalri jiwacawa piyompinaco toa; Lritaita lricadaca cadaocaca jalrwerrico, njite Lritaita lriwaketaca njaji ooni Manoa lricope; Lritaita lricadaca ooni yamarrawa jipai nacojle. ¡Lripitana, IMINALRITI! 9 Lritaita Lrimatsiketaca jliaji kjaidete kjeyanatsa lrimatsiketá-carro naofacawa taimí-dalri. 10 Matsiotsa nacapaca narso njaji icaitecapena nainaiwa yacaalre ipananoma lrico, njite corriotsa naoma njaji icaitecape yácoti ajádalri. 11 Pimacoadataca jliaji kjenadalri njite pjita lriñjaoda lrioya, pjirreta cadana pipanawa jipada matsiaperri sho, mitsa corriotsa piofá carroca lri-ricoda. Matsiaperri tja njaji pipaniapji, mitsa corriotsa pirrá carroca naana. 12 Ima Noají coshoapaca njaji pi-ofrendani njite coashoca njaji pimatsicana imacadalrica, pjia jirrapitetacada jiaji matsiadalri inaiki, pjipa naoya nacaoñacashopawa njite corrin picoadataca jliaji kjenadalri njaji yacaalre ipananoma lrico. 13 Niini, coajidalri catsa inaiki cajikjedalri corritsa coca lricaite jliawajli, ima jalredaoca matsidalrica jliada. 14 Pioma njaji matsiaperri, wadee pioma njaji matsiperri, pitaitácarro piofacawa matsia. Niininaotsa jliaji IMINALRITI, na-Diote njaji tsolrodaonai aimadan, Lriofacaotsa pinai ajádalri sho, picaite cádanacoatsa ''Icatsa Jliaca.'' 15 Mapeyotsa njaji matsiperri, pioma pirsowao matsiadalri, picada nanaitjaca matsia yacaalre ipananoma lrico. Wadetsantja cayo, jliaji IMINALRITI, na-Diote njaji tsolrodaonai aimadan, corriotsa lrinaitjá carroca matsi narso njaji José ipaneta. 16 Niini, cayo lricaiteca Jliaji IMINALRITI, na-Diote njaji tsolrodaonai aimadan: ''Iyacaotsa inipo icoyoa lrico nacoanaa, njite njematacaotsa ¡Aya! ¡Aya! Nawanacaotsa njaji kinike lricope iofawa naiyácarro nainai njaji kawinaná-perri. 17 Naiyacaotsa pjiomi nakiníkerre lricojle, ima Njoyapacaotsa pjiomi iofacawa ipecolrico,'' icatsa cayo lricaiteca jliaji IMINALRITI. 18 ¡Kjenaperrica njaji iomacaperri icapa Dio irroa! ¿Coada ioma icapaca Dio írroa? Cadaoca caotsa jliaji jalredaoca, corriotsa jérri icaná carroca, 19 cayoca naji ape atsia sheco capisho tja ipotoa yawi ioya mitsa corrin manacoca lrioya, o cacaniji lria cádanaco padapana panti lricojle, mitsa jlipa cádanaco lriwai naco api nakja imjoani. 20 Corriotsa pacapá carroca camarrai Dio irroa lrico, icaamitsa cadaoca dari. Corriotsa pacapá carroca itimati, icamitsa inonacalri. 21 ''Kerroa Nocapaca njite corrin nopeyoca njaji iwacaaca carroa lrico icatimataaca carrowa, Corrin catimaca Njoa iwacaaca cádanacoa manawa. 22 Imjaita cadana tja Norso maficalri njite idee catja Norso njaji ipania iinaca nakjoite, corriotsa Nocoadatá carrocana ikjoete, corrin tsakjaotsa nocapá carroca narso njaji ofrenda ideji norso imaodacá-carro iofacawa, ide capoa Norso njaji maficalri kepeperri. 23 Corritsa Noma icantaca Norso; Corrinatsa Njomí carroca narso njaji arpa ikjemataji. 24 Icamitsa nooma inaitjaca matsia pjiomi naco njite tamtja jliecocawa cayoji ooni imoto capisho, njite njaji matsiaperri njecocawa cayoji ooni sheco capisho onipaokja lrico. 25 Idee pia Norso ofrenda maaficalri inoji jalrapocolri rico cuarenta walria icoa, sha Irael ipaneta. 26 Jirretacaotsa italricanawa capiosho jliaji Sicut, njite Quiyún tsakja, nadiote jiwirsida, njaji idolonai inaitjaji irsowawatsa. 27 Niniotsa, Nodecaotsa sha Damasco ipeyajle pja,'' Lriaco jlioaji IMINALRITI, irsocada iipitana na-Diote njaji tsolrodaonai aimadan.
1 ¡Ninisha njaji mashiaperi iajiacacao ajii yacalrerrico, nitse njaji iofacapeo ajadalri ajii awacadalrico Samaria lrico nitse njajai caconape ashiani iwapacape lriaji jipai, njaji Israel nai itsatjalri nakishindata carrona! 2 Nini nacaiteca ajaji caconape: "lawa icapa Calne iricoitse; nitsewasha aiwa Hamat lrico, lriaji makakoee yacalree; nitsedalri jipaosha ajii Gat lrico filisteos nai icalree. ¿Leapiasha iajicape maoya njaji iamada jipai? ¿Leasha lrioyawacawa macadalri lriapia lriaji iyaroema?" 3 ¡Ninsha njaji corriperi ioma lriaji mashirri, misha iwana icaolreo lriaji mashirri! 4 Nawafetacao naorjoacada lrico mashialdari, nitse nainja kepeperri maficalri oveja sho nitse vaca shaca pamoyoani petsoa. 5 Nitse nacuntaca cancion aima miperrisha nitse nabiolrataca arpa; nawica lriaji David cuanpiaca lribiolrataca. 6 Nitse nairraca vino jorre nitse napomenitacacao poniajai cacoadadalrisho, corrin cuanda narso lriaji José nitse yacalree shaca. 7 Nini jiaa minaosha initaa iaca jalrapocolrico, nitse lriaji inaitalripia injaca nitse irraca iwafetacao oopiosha lriwayacao. 8 "Njoa WAMINALRI Dios, nocaiteca ajadalri icasha nocadaca iajii njoa WAMINALRI Dios, Na Diote pjiomi jalredaucalrico, nini mashii nocupa lriaji napadalreca njaji Jacob iyacalretsa; currin joiwi nocapaa lriaji jiida. Caishopaosha, Nocadacaosha lriaji yacalre pjiomi njaji lrirricodape." 9 Nitse no pietaosha nonoca nocapaca daosha dieda ashiani apada pantsirricu, mayamioshana pjiomina. 10 Nitse lrikishinda inocadacoasha jiita lridadan, lrimjaitarruni lriacarro lripecu teeco pantsi iuya, nitse lriwanaosha ninpjacadatsoa apada aji pantsirrico: "¿Nini pjatsoa apada pinai?" Nitse lriepacuda: "Corrisha." Misha, lricaiteosha: "Macosha jiaa, imu corrin watsaita wakaiteca WAMINALRI ipitana. 11 Nini, icapaa, lriaji WAMINALRI lrimenacao sha iwapacaoda, nitseusha njaji macadalripe lrimakjacaushana paitapena, nitseosha njaji shodalripe lribitsitacao shana. 12 ¿Capjantjaa caballo itsaita iecocao jipada ipecolrico? ¿Pantjapa patsaita panaitjaca kinki? Caicawa jipada ipecolrico, nini jiaa icabocoetaca lriaji mashiadalri caiji majitsisho nitse lriaji camjerro potsiyani jipitsikena cjantjan. 13 Nini jiaa icatsimatacao micjapansha lrinaco lriaji lo debar, icaitecapoa: "¿Faidasho warso lriaji karnaim? 14 Misha icapa ioyao mashia, njorretaosha apada jipa icoetse, njaji Israelnai, icasha lricaiteca lriaji WAMINALRI Dios, lriaji Dios piketen nadalri. Nini washa jerrapjitsetaca jiaa jaitseji Lebo hamat lricitse Arabá iarolri nirse.
1 Liaji WAMINA Dios li cadanoocapa. Caji mavitacai najii acorros naaponia inita imotuacapa naji wapananipe wianamotua, caitsaca liyape liajitalicanati. 2 Ñaiña cayaamina paniati napananipe nepaitenaco. Nite noaco: "WAMINALI Dios, iso pinaita noso matsia; ¿Creamipia liaji liowapia liaji Jacob? Liapia tsoodalitsa. 3 Liatsa WAMINALI cotsosho apa, " meyapatsa" liaco. 4 Liaji licadali liaji WAMINALI Dios iwana tiye nanaco, maetana jorces tewaca jiipairrico liaji oni necaliojiaji tipay. 5 No caite WAMINALI Dios, manantsa; ¿cahi Jacobsho liowana? Liatsa tsodalitsa. 6 Liaja WAMINALI lia cuami catsa" liojiliaji inoliwatsa licaiteri." liaco WAMINALI Dios. 7 Liaji licañatali: Picapo WAMINALI liemacawalicodapi liaji lidana, pada liwishopa licaapirico. 8 Lia WAMINALI liaco: "¿Liso Amós cocaa picapa? No capaapada powishopa "WAMINALI iaco" Picapa nocada apada pawhishopa ojinoyacaale Israel. Coriwatsa nomatsietanoa. 9 Naowalimatsia Isaac nope cuatsana nanacanta caroda noji Israelnaii quenawotsana, nuawatsa yema nacuetelipana liaji tolicanati Jeroboan nuemalicuaete nomatsetansho. 10 Nitee Amasías lia limayacanta liaji Betel, limenaca apada iacoti liso Jeroboan ali canatiaj Israelrico: "Amós iwaopia lioete liaji Israelina ne paite ciritsa notaita naco icuete. 11 Pawada liatsa liaco Amós liaco, Jeroboan mayamiwatsa namatseetan sho naaji Israel naiima manatada canawaa apowe axiliole tecone paite ioya 12 Amasías iaco a Amós: "Pia pino, piecua lapaitene naco lioji Juda ima nini watsa piñapan ima pinoparo tawatsa. 13 Imacoritsa pinoparota aji Betel pawadanta ana aji nawaquetacarodalico talicanati iyadalico matsiadali" 14 Nite Amós icaite a Amasías: "Coritsa nuaca ape inoparotaca corin liricanua liaji inoparota caita nua ape pastor i wacapada jaicos higo caiji sicómorosho. 15 Liaji WAMINALI lipa nuaá iwapacada lia co: Pia pinopaarotaca no yacalenaco Israel. 16 Ponaya pimi liwanaca WAMINALI liaco manoparotatsa nacuotenaji Israelnai corin caco pia nopananaco naji Israel corin Isaac ipananacoca. 17 Icatsa liaji licaiteri liaji WAMINALI icaiteri: Pia piniwatsa cawidelaron nacalese periwatsa pitu mayomi matsetasho pipaite watsa nanida a tsani pia mayomi watsa pia jipai matsidali inaco Israelrico atsautsa ira noki tsindata pia nepaitenite."
1 Ljiaji iiminalji Dios ljiikaañaata ¡Aapada tseeto paakaminii paaniati eewaperisho! 2 Miitsa ljiitatanoa: "¿Kookaa piikaapa aajii Amós?" Noatseepanii: "Aapada tseeto paaniati eewaaperitso." Niite ljiaji naaminali ljiikaite nosho: "ljiinoka ljiaji piikeetendalji naaji nooyaljeenanai Israelnai; Noa kooritsa noomatsietakana. 3 Naaji kaanción aaperiaji templolriko kaikanaaji kooyoljedaljisho ljiawalriipia, kailjikaiteeka naamiinaali Dios. Niite naaji neewiidaapin aaimana, koankaawakatsana naakaadana kaitsa naakaadakaa naakotsa. 4 Jiimitoa ljiaji, tsia iipoetaka naajii keenaaperri niite iiwaayakeeta jiipaite ioya naaji keenaapeerii 5 Naakaite kaijii:"¿Maatssiatsanta ljiyaapakao keeya ljiaji waaliipi keerii paataitakaro paawendeeka naaji paaniati? ¿Maatsiatsanta ljiyapakao keeya ljiaji jaaledaoka naofeetakaaroda naataitakauro naawendeka ljiaji trigo? Faaotsa iinaitaka waawishopa shoodaljji miitsa lriikoada jiirakaotsa, kaikaadana waanaita waawiisshopa miidalisha. 6 Miitsa ljiiaji waanaaitali waataitakaro waawendeeka trigo maatsiidali, waawenta keenaperi iinai paalratasho, miitsa nainee naaji keenaaperi waanaitakatsa kambio naine aapama pargaata. 7 Ljiaji naaminali kooriosha koankaoli ljiimaodaka ljiima naapadaleka iima naaji Jacobnai: "Kooriotsa koankaoli ljimaodaka maamatsikaana ioya naaji iinaikii." 8 ¿Kooriin piiteetekao ljiima ljiaji jiipai, niite piomi ljiaji iofaakaada ljiiriikooda naaiyakaaotsa? Piomi naawaatsiakaotsa neemao linipao Nilosho, mitsa naapekookaotsa teewaaka kaawalje, kaiji ljiikaayosho ljiaji iinipao aadaljiaji Egipto ljiiko. 9 Ljiinokaotsa koankaadakotsa jaaledaoka, kai ljikaiteekaa ljiaji naaminali Dios: Ljiatsa jaaleedaoka, nookadawatsa ljiaji jeerii kaadaokakaotsani aate maayakan jeeri mitsa ljiaji jiipai kaadaokakaotsan aaotsa ajri jaalekaadanako. 10 Noaka noeniita ljiaji iikaatimatakakaroda kaiji maayankaapisho aapada piomi naaji iikancionni kaikanaaji iiyaaketirikoperikana. Miitsa noa nookada piomi tsaa sheetakako karo ljiirikooda ljiaji shaakoope miitsa neeriitaaka jiiwida. Nookaadaka jiiraapitá niite iiñeetaakakao kaiji aapaada ienipe iiñaakaapisho aapadanaaljitsa. Niite jiipiitikaotsa aaotsaji piikeetendaljiriko iialeedaokate. 11 Piikapaa, naaji jaaledaoka naanokeena, ljio kakenaotsa liinaana paakapakadanakoatsa niinka maawiitakai aaji neepaiteriko, kooriin aapada maawiitakai peetenakookan, koorintsaka meetaakapoa naakaole, miitsa ljima ljiaji naamakaapoa neemika ljiaji naaminaljii. 12 Naaji iinaikii aanikao maanaljeperisho, jaiteaji kaaljita niite aate aapafe kaaljita niitse; jaiteajii jeeri iimotolji niite aatee jeewalii niishe. Naomaaka ljiako ljiaji naaminlji, mitsa koorin naokeeta. 13 Ljawaljipia jaaledaoka, ljiimaidatakana ljiaji meetakaa naakaole naaji ienpetiipe matsiadarope niite naatsaka naaji aatsianai kaidaperii. 14 Naaji kooriperii iomaka iimotoka Samaria iimatsikana ioyaa, neewaakaotsa niite koankaolji naapieta neereetakaakao.
1 Nocapa waminalri iemacao altar icomete, njite lriaco , imashica yenoniteni njaji lripee, cananicarrona njaji tewaketeperri, Naapadapen jiwacarro piomi newidanaco, njite noawatsa iino njaji piktemperri nomasheetansho. corriwatsa apada iaa teecowa, corriwatsa apada ipitoa. 2 Ninitsaotsa nadawacarrodao notaotsa nocapisho niitena, nintsaotsa nerracao enolricolre, norrocoetaotsa njitena 3 Ninitsaotsa nadawacacao jiipana carmelo ipolrico, nirsheotsa noa nomana njite noketaotrana, nintsaotsa nadawacacao nootjiiuya tewacacawa lriaji ooni mapacawan nomenacaotsa njaji omawalrinai namjoacarroatsana 4 Ninitsaotsa nadeecajia jirrapitacarro apeyalre njai icoema nishcotsa nomenaca nainojia masheetasho nocaodaotsa notji nanaco maatsicapoana corrin matsiaca poacana 5 Lriaji waminalri owinai aimadan iDiote lrinotaotsa lriaji jipai njite lricodocaotsawa, piomiwatsa iowacape nini noiyacaotsa ; lriamarrawatsa oonisho, njite lridiashenaca meetani cayoji ooni Egiptosho 6 Lriatsa lriaji inaitja caola patawajle eenolricojle lriofacasrroda, njite lrinaitja lrimatsietacarroda lrinani jalredauca lrico, lriwaketa ooni macapawanrricope njite lriarroni jipai yeecoanaco Imanlritica lripitana 7 Corritsa cayoca jia narso nacayosho njaji Etipia lricoperri, jia Israelnai ? Lriacoshena lriaji waminalri corritsa ? noaca iita njaji Israellistanai jipai Egitolricoite, Filistoanai ioy cretarico, njite naoya njaji Arameonai kirricoperri ? 8 Icapa , njaji waminalri Dios iti, lricapaca nasho caidacawa namashicana njite nowayaketaotsana jipai yecuete ioyana mitsa corriwatsa nowayaketa piomi njaji Jacob ipaneta ; icatsa lricaiterrica lriaji Waminalri 9 Icapa Nomecawatsa , njite nocadawatsa canica lripana lriaji Israel, napecolricopeshaca njaji jalredaocarricoperri, caoyoji pacananitacapisho paniatjii inaca coladolrico wadewatsa lriwacao lriaji tsodalri jipada jipairrico 10 piomi njaji camshicanaperri lririco nayaca lririco maayamicoatsana masheetasho, nawatsa njaji icaitecae, lriaji castigo corriwatsa coancolre lrioca waicaolre. 11 Lriadawatsa jalredaoca norretashenacaotsa David ipana namashicandan njite noitawatsa njaji lripanonoma, njite nopietashenaca nonaitacapia cayoji oopisho 12 Nataicarroatsa narsoco njaji Edom itepen, njite piomi jalredasucarricoperri iacape matsiadalri noipitananaco cayo lriaco lriaji waminalri, inaita lriaji 13 icapa lriaco Wamilnari lriocaotsao lriaji jalredaoca, keyacawa pjaotsa nadejica njaji yapanacape naoya njaji iniwacape paniati inaca njite lriaji itodatacada jaicoteda kjeya paotsa lridejica rioya lrioya lriaji iapanacada jjaicotjeda potiyaperri iarrocaotsawa jiipana nakjoite, njite cayotsacaotsas njaji jiipana tomoperri. 14 Nocasdaotsa nadiawa jirrapikjeti ioya njaji nonaikite Israelnai . Nanaitawastsas njaji yacalre namacajim ; njite naowashenacawa nini naapanawatsas napaniawa njite nairrawatsana njite nanaitaotsa, napaniapio, njite naiñawatsa nainaca. 15 Nocadaswatsa iowao jipaitenaco corritsaotsa coancaolri njeeta jia jipaite ioya lriaji noanda irso, "lriaco lriaji Waminalri Dio "
1 jlikapali jliaji Abdias. caipji jliaco jliaji Dios jlinako jliaji Edom: famikena jliaji itatajli waminali inai ninitsa numenaka jiimicaupe irso yakajle icuam, licaitewatsa: ¡ jinikua! ¡fanikua! wanuakaacaru nakuete! 2 pikapaa, nutsodajlitautsa pia napekujlicu napji pana yakajle, curim watsa cuaka yomanaka pia. 3 jliaji pikaojle padajledali jlicashataka pia, pia yufakada jipadanaco botandalin, pipanaitajlico pikaite picaujlerico: " ¿cuakamta itaita jipecu nufao jipainakujle?" 4 Nintsa piarakao yenunrse jawaa isho nintsa pinaitaka piarupukua napecujlico napji jiwirida, nupekukautsa piwakaru nite, jliaco jliaji waminali. 5 nanukadamta napji kañaitepe pikaujle, nanumta napji kañaiteperi depiiriko (¡ cuanimta nawayaketaka shia!), ¿nañaitukamta ljlikua narsowawa? nanukadamta pikajle napji iniwakape jaicuteda ¿ kapamta nakada panapenaa panape? 6 ¡ kaipji nañaitukapji jliaji Esau piumi napji jliwirute jlidawani namacana! 7 piomi napji ashianai pineperii namenakawatsa piawa pada jipai ikudapi. napji ashianai matsiaperipia piapiya nakashatacatsa pia, nemakautsa pikuete. napji iñakape pinai piñanda nanaitaka pisho matsi. curim pakapa mashiadajli jlinai. 8 "jlidawatsa jajledauca," jliaco jliaji waminajli," ¿numatsiketawatsa napji atsianai kajikeperi yufacape Edom piomiwatsaka napji kajikepe yufakape jipananako Esau yuwajli nite? 9 nawatsa napji atsianai caidaperii nafiokautsawa, Teman, piomi napji atsinai napekucawatsana jipananakuite Esau yuwajlinite nainokapua piominaa. 10 jlimaa jliaji pirapitetaka pikishinda Jacob, capaimanwatsa pikawa , napekuwatsa pia piketem. 11 jliada jaledauca piema tekujle, jlida jaledauca napji paana inaiki nadekaa pinani, nite napji pada jipainacupe newakao pantinumajlico, napekukaa nakapakaru kuaka yuwa jliapiya jliaji Jerusalen, kaipia pia nakayusho. 12 curim catima pia jliadanaco jliaji pikitsinda, jliadaa jlimatsikakawerico, curim catima pia jlinaco jliaji Juda jlimatsikakawerico; curim piapaaka jliyapawerico matsi. 13 mewatsao pantinumajlico apji nuyakajlerico matsicadanako jliyapacawa; curim picatimatakakao inunawerikuni matsiwerico liyapakawa, madawatsa nanani nawayacakadano nauya. 14 mematsawa yamakakawa inupo, pinukaru napji ipitukape curim piaka napji cawipetua nayapakadano matsi. 15 tsumiketsa jeladauca jlipeya jliaji waminajli piomi nanaku napji jipainakuperi. caipji pinatakaji, caitsaka nanaitaka pirso; piomi jliaji pinaitajli lidiakawatsa piwidanaco. 16 imaa piranika apji nupaite matsiacawa, nairakautsa kaidajlitsa piomi napji yakajle icuam. nairakautsa naiñakautsa kaicautsana curimperisho papji 17 awatsapji jipai Sion nimwatsa napji ipitukape nafatsa matsiaperikautsanaa; jlipaneta jliaji Jacob jlidietakatsenca narso napji jlinani. 18 tiyeshokautsa jlipana jliaji Jacob, nite jlipana jliaji Jose keradajlika, jliaji Esau jlipanawatsa panapedapanaa, namaitawatsani jlimacaotsa piomiwa. curiwatsa pada manakukaa jlipanarikuite jliaji Esau, caika jliaco jliaji waminali. 19 napji Neguev jlikuperi napawatsa jlipaite jliaji Esau nite napji Sefela jlikuperi napawatsa Filisteos jipaite. Napatsakautsa Efrain jipaite nite Samaria jipaitetsaka; jliaji Benjamin jlipaka Galaad iyadaa. 20 napji tsosrudaonai napekunin Israel jlikuperi napakautsa jlipaite jliaji Canaan tekupaa jlikasho jliaji Sarepa. napji natajim Jerusalen rikuite, yufakape Sefarad, napawatsa nayakajlewa jliaji Neguev. 21 napji iwatakakape matsiri iuyanaa narawatsa Sion ipaite nakujle natajlikanakaru Jipananaku Esau jipaitem, piomi jliaji jliofakaruda jliyadakan jliaji waminali.
1 Papia nacojle, Dio icadaa yacoti Joná irso, jliaji Itamai irri, lricaitecawa lrirso cayoji: 2 ''Warsa piawa lrikjaolre jliaji yacaalre caaconadalri Nínive, Njite picaiteotsa narso lrinaco jliaji maatsirri inolri naikjaolre, ima corrica yaami nanaitjaca namatsicanaa Nokjoete.'' 3 Mitsa, icaamitsa Joná jinocoa lripitó-carrotsa Dio ioya niini lriacawa Tarsis lrircojle. Lriorrocoa inipjioda Jope lrico njite lrioketa apafia lancha iacadawa Tarsis lricojle. Lricaoña lriapowa lancha iminalri irso lria carroenawa Tarsis lricojle, lriwaadatsa lriacaotsa teecoa wa-Minalri ioya. 4 Mitsa wa-Minalri imeenaca caolri kjaidadalri manoá nacojle njite cafaináa caolri inaitjaca. Wadeepe pacapa caolri jitaca toco-toco jliaji lancha. 5 Aima nafiocawa njaji yaacapewa manoá nacó lancha lrico, niini nacoanaa natatjaca kjaidape nainai njaji nadiote. Napeeco lancha iitada yanamí-carro pja naapiya. Mitsa Joná iorrocowa tjewajle lancha iwawalrico, icatsa lriaca lriorsoa lrimaa nirse njite corrin coca lriajíi. 6 Niini jliaji capitama lancha irso iawa lriderse, njite lriaco Joná irso, ''¿Coada pimaodacatsa piorsoa pimaa?'' ¡Warsa pjinico pitatja pi-Diote iinai! Wade tsantja kjenaaca lricapaca warso jliaji pi-Diote niniotsa corriotsa lricadaa mayamica faa.'' 7 Njite pjiomi yaacapewa lancha lrico naaco natrsowaaca: ''Warsa wapeco wanacowaaca jliaji panjishopa, niniotsa wataita wanjica kjaiterrica jliaji camatsicanaalri wanakjoite imalri caica faa.'' Ikena nanapeeco nanjishopa nanacowaaca, njite jliwacawa Joná nacó. 8 Njite naaco Joná irso, ''Pinaitja matsiacalri, picaite femi kjaiterrica jliaji inaitjalri warso jliaji maatsirri. ¿Cocao pidejicalre, njite kjaité pinoji? ¿Coandalrio pjitaite, njite cocao pinaikika?'' 9 Niini Joná iaco narso: ''Hebreo-ca njoa; ifiocadaca Dio iiwana njoa, jliaji Dio eenolricojledalri, jliaji inaitjacadam manoá njite jiipai meetadalri.'' 10 Niini nafio pjaacawa njaji atsianai njite naaco Joná irso: ''¿Coadao pinaitja cayó?'' Njaji inaiki yajíi Joná ipitocawa Dio Dio ipjeya, ima jliatsa icaite njemi. 11 Njite naaco Joná irso: ''¿Coan wanaitjaca piapiya yaamí-carro waoya jliaji maná?'' Ima cafainaaca narso jliaji manoá. 12 Niini Joná iaco narso: ''Jipa ipeeco njoa ooni ricojle niniotsa yaamica ooni ifaina ioya, ima noikjaoteca kjaida jliaji caolri ikjoete.'' 13 Mitsa, njaji idejicape lancha lrico kjaida tja nadenaaca naocá carroa metadalri ricojle, mitsa corrin nataitenatsa ima kjadacayao pjaca nakjoete jliaji onoñokja. 14 Njite nawana Dio ikjaolre, naaco: ''Watatjca piinai Pjia Dio caiwi-rictsa wade Picadaca mayamica faa, macadaa tsakja camatsicanaaca faa mayami capo jliaji atsia, ima Pjia wa-Minalri, Pinaitjaca cayoji pioma capisho.'' 15 Ikena njepaca Joná, napeconi ooni icojleni njite mananiketsa jliaji ooni. 16 Njaji atsianai lancha lricope aima nafiocawa Dio iiwana. Namjaita maaficalri Dio irso njite nanaitja tsakja yaacoti Dio iinai. 17 Njite Dio imeenaca apana copje macáne lriñjá-carro Joná, njite Joná iofawa madalridaa jaalrewerrico njite madalridaa deepi tsakja cope iwawalrico.
1 Ikena Joná itatjaca lri-Minalri Dio iinai, copje iwawalrikjoite. 2 Lriaco cayoji: ''Nowana Dio ikjaolre iinona-cádanaco njoa njite Jlimica norso; ¡Irrirri lrikjoite nowana yomjecalri naco! Pjimitsa norso njite 3 Pipeeco piaca njoa tewacacawa lrico, ooni macapawani ipamoyoaca lricojle, njite ooni itarracacaa iyofietaca njoa; pjiomi ooni itjewacacaa njite njaji oniñokja jiyapaca noicao. 4 Njite noaco: ''Teeco pipeecoca njoa; mitsa caicaya tsa nopieta tsenakja nocapaca piofacawa lrico matsiadalri.'' 5 Ooni itaca padenirri njoa ima tjeewaca-cawajleca njoa. Njaji malritsi ooni ricope tjewaca nañampaca njowida. 6 Noocawa neemacawa nakjoite njaji jiipana; yoomje jiipai iitaca njoa pikeetem nirse. ¡Mitsa Pjia, oopi piyomjeta njoa mayamicawa njoa teewaca cawa lricojle, no-Minalri Dio! 7 Noa cádanacoa daimi njoa, nowana no-Minalri nowaopiakje rikjoite; njite jliaji notatjalri lriocawa Pikjaolre, pifacawa lrico matsiadalri. 8 Njaji inaiki icadaacape icaolre nanacotsa njaji dionai mikjapamperritsa, namenataca pjia, matsia cadanatsa Pjia naapiya. 9 Mitsa njoa, noino watsa pirso maaficalri nocaite-caaya yacoti pimatsiaca ikjaote; nonaitjaotsa njaji nocaiteri nonaitjacaotsa Pirso. ¡Jliaji Yomjekjeti lrinoca WAMINALRI nakjoite! 10 Njité-dalri caacoca wa-Minalri copje irso niini lriaca lricatja Joná metádalri nacojle.
1 Dio icadaa yacoti Joná irso tsenakja yamapia shopena, cayoji: 2 ''Pjinicoenawa, piacarroa Nínive lricojle, jiaji yacaalre macacoe, njite picaite njemi jliaji yaacoti nonaalri picaiteca narso.'' 3 Niini Joná jinicoa Nínive lricojle lrinaitjá-carro jliaji Dio inaalri linaitjaca. Macacoé pia jliaji yacaalre Nínive, madalridaa jalredaoca paacawa pjaipa sho payoetá-carro jliaji yacaalre. 4 Joná ínita shewacawa yacaalre ricó njite padaa cayami lriacawa caaco kjaidani, lriaco cayoji: ''Coarenta jalredaoca nacoat sa Nínive iwayacacaotsa.'' 5 Njite njaji inaiki Nínive lricoperri njeepa Dio yaaco niini nacaite maijaca-cana. Pjiomi njaji inaiki njeeta nanacoa tsaayawanam, tsodalri pja nakjoite njite pjiomi njaji pekipenai. 6 Kjeyatsa lriocawa talricanaati Níinive lricoda jliaji yaacoti. Jlinicoa jliaji talricanaati lritalricanaata carroda nakjoite, ikena jlitaca lrioyao lritsayani talricanaati carrodani, jlieta lrinacoa tsaacowanam njite lriofawa palrippkjoa nacó. 7 Niini lrimeenaca yaacoti icaitecada cayoji: ''Njoa, Nínive italricanaa naapiya njaji caconaaperri noinai-perri, nocaite irso yofacape Ninive lrico, corriotsa pada inaiki, o maaficalri cadaa, maaficalri papoco-perri, corriotsa nataitacaotsa naijaca injaodati, corrin tsakjaotsa nairrá-carroca ooni. 8 Pjiomi njaji inaiki njite maaficalri tsakja neeta caotsa nanacoa tsaacowanam njite nacaiteotsa Dio kjaida sho. Imacaotsa pjiomi imatsicanaa ipeyoji inaitjaca, njite pjiomi njaji inaitjaji maatsirri icaapisho. 9 Wadetsantja Dio itecojletaca lriwaopiakje lrioya jliaji lrioma cawa lripeecoca waikjaolre lriirroa mayami-carro faa.'' 10 Njite Dio icapa jliaji nanaitjalri, namaca pjiomi njaji maatsiperri nanaitjalri. Niini Dio itecojleta lriwaopiakje lrioya jliaji maatsirri Lricaiterri pia narso lrinaitjaca narso, njite corrinatsa jlirrapiteetacana.
1 Mitsa corrin Joná ipeyo icapaca jliaji, niini kerroacani pekirritsa. 2 Niini Joná itatja Dio iinai, lriaco cayoji: ''Icatsa jliaji yacoti picaiterri norso a cádanacotoa njoa noyacalre ricó. Niini nopitotja pioya Tarsis lricojle, ima noajica Dio matsiadalrica pjia, kjenadalritsa iapa parso, merroadalritsa kjeya, ipeyocada aimatsa njaji inaiki, njite teecojlenakja piwaopiakje lrioya jliaji piomalri pjirrapiteetaca isho njaji inaiki. 3 Niini panaya no-Minalri, notatjaca piinai caiwi ricotsa piinó-carro njoa, ima matsiá pjaaca norso mayamica njoa lrioya jliaji caafica njoa.'' 4 Niini wa-Minalri iaco lrirso: ''Cotsa matsiaca pirso kerroaca pjia.'' 5 Jona iawa yacaalre ioya njite lria lriofawa jeerri imokema nacojle yacaalre irso. Lrinaitja lripanapoco njite lriofacawa lriapjite corricawa jamo lriaji, lricapaá-carro coajicaotsa jliaji yacaalre. 6 Dio icadaa adapikjaape itaoñawa Joná ipanapoco nacó lridaanatá-carro lrioya jamolri ima matsinaa piaca jámoca niini. Catiima Joná lrikjaote jliaji adapi itaoñalriwa lripanapoco naco. 7 Mitsa Dio icadaa tsakja pada acorro lripia jliaji paniatikja, niini jaalrecatsa lrikjaolre tjewaijlena, acorro injaca jliaji adapikja niini meerricani. 8 Niini tjewaijle piyompinaco jeerri imoto cádanacoenawa, Dio imeenaca caolri jamódalri jeerri imotolri njiteo. Niini jamolri iinoca Joná njite lriá mjaidani. Njite Joná yoma tja mayani cani. Lriaco lrirsowaaca, ''Matsia pja norso mayamica njoa lrioya jliaji caafi catsa njoa.'' 9 Njite Dio iaco Joná irso: ¿Coada kerroaca pjia lricaote jliaji paniatikja?'' Joná shepani: ''Matsiatsa kerroaca njoa, niniotsa kerroaca njoa jlia carrotsa iino njoa.'' 10 Dio iaco lrirso: ''Kjena picapaca lrirso jliaji paniatikja corridalritsa piapanaca, corridalritsa pideji ikjaote, corrin tsakja picadaa lritaoñawa. Lritaoñawa deepi ricó njite deepi ricotsa mayamini. 11 Kjena nocapaca narso njaji inaiki Nínive lricoperri, jliaji yacaalre macacoédalri, irsocada aima pjaa ciento vente mil inaiki niini corriperritsa iajíi nanaitjalri maatsí cadaa o matsiadalri cadaa, aima tsakja naapiraa vaaca niini.''
1 Liaji Dios iaiaco ino Miqueas asi Moreset. Jotam, Acaz, y Ezequia talicanati Juda lico iacoti jiwa linaco licapa ca Samaría Jerusaléntseca. 2 Jimi piomi jia yacaleta. limi jia jipaina corri icada Waminali Dios icapa jía lipanalicuite. 3 Icapa, imininali imotua iowalii nite i acarua iacarrua ipuacaro no owalí llenondali jipaii. 4 Awacada liena lioya liapise: ima bota mi can caji imacadosho o caijó unisho ia cada apawerse. 5 Ricole; 5 piomi liaje linaitanda liaje Jacob ¿icaote hima tsicanetiino Israel iso? ¿cocao iia ote lino naicaole Judale? ¿coritsa Jesurén icaoteca?. 6 No cadawatsa Samaria naco, jure quenacali nasos; a poweria napana cawa napanía no pecuatsa nanaco jipada nomatsíca shopa naowali nini; noquetacaro namotoshopa. 7 Piomi jinapiatin nanaitanipe no, pecona piomi piomítsacaotsanacadanda ofrenda nomaitene. Piomi nadiote noquenatenaotsaneo piomi nawaqueta cacao nacapa cosho a pa nete nanaitanda nada quísho. Naníweta nacaoña, cuami nanaita apamo iso nadíeta cano. "lima liajinoquenatana nomacana nuawa." 8 Matsapatontsa Matsio rantsa nomi nemata. Tsina noquenatacawa nomi buho. 9 Ima lillaoni matape canadalitsa. Irenati opiilio caca Judale. Napana noomale no lla cale Jerusalén. 10 Macaitetsa en Got, maillatsa micapantsa; papíape noa queya nowanicawa caopitanda. 11 Pillapa anaji aimacawas picaite, matsío rantsa corin capaimancana. naju linaiquitena. Zanan mamotocapetsa Bet Esel quenaperitsa corin naso nadanata cashopa piomí. 12 Ima naji inaiqui Marot nawapa matsíada litsa Neminda nemica matsidalítsa liocaquenao líoji Dios lio caquenoo lipanoma liaji Jerusalén. 13 Ipapi liaji carro naji caballo imaimaca, aji pia la qui piatsa initacada pecado Sión itu inana itanda naji Israel naí naa queta pia Pia. 14 Nini pia naso apada regalo nadiaca-na cua nalla calese Gat; nallacale se catimana natalicana iso naji Israelnari. 15 Noá nodíeta watsa Italícana imaimaca inaiquitano Maresa caida peri de ca, Israelenai nadiawa Adulam, 16 Namatsica nefida namatsieta natsilole notsaca tsoperitua pantimomo nanaita fiesta nanaita na lleca caiji jawasho ima nenepa llacawa te cole na olla.
1 Nini nanacoite imatsietacape nanaitjacaro matsi, njaji imatsietaca naorsoacarodalrico nanaitjacaro ljiaji matsidalri, nanitja piyompinaconi catsina ima nashoca jiduati. 2 Nakemica ljiaji naofacawa njite naoma nañaitoca naoyani naomapanti njite njeta naoyana. Nerapiteta ljiaji atsia njite lripaneta, atsiatsaca njite lriyaroaji. 3 Mitsa lriaco ljiaji WAMINALRI icapa kejeyetsa nodee naicjaolre matsidalri njaji coridalri itaita iwayaketaca iwedalrico ioya. Coriatsa yanjicava padalrepersho lriada jalredaoca, ima matsiwata lriadanaco. 4 Lriadawatsa jalredaoca nacantawatsa pada canción inaco njaji icoema njite inonawatsana matsinadalrina, nacantawatsa; ima kjenacafá Isrraelnai lriaji WAMINALRI, lricadawatsa pafénakja naofacawa njaji nonaikite. ¿Coajintja lritacani noya? ¡Lriacadana ljiaji waofacawa nasho njaji inocape imawadacaperitsa" 5 Njite shaá, cananiperi curiwatsa irsica jiapadampe icadacaro pafepena ljiaji iofacawa fiticai lriwaketa cawalrico ljiaji WAMINALRI. 6 "Macaitetsa, "naco njaji icaitecape coajica; corim nataita nacaiteca lrinaco ljiajimcorimtsaca nataita nacateca corica lrino. 7 Capja nataita nacaite njaji Jacob ipaneta: "keroaca ljiaji WAMINALRI Iespirituni? ¿Capja ljiaji noaco corica lrinaita matsia coajidalricatsa lriajicarowa matsiawa. 8 Piketem njaji nonakite njenicoetacawa caiji nocoemasho, shaa jita ljiaji natsayanalre njite tsaya, naoya njaji coriperitsa pawada, caiji owisho idiacada owiricjoite njaji iwadacape imawadaca. 9 Shaa jita njaji inatjepe narsowalrepe njaji nonaikite napeyonpe napanalrico; Shaa jita ljiaji nomatsiaca naoya njaji yenipe caidalriwetsa. 10 Jinicoetacawa njite warsa yawa, ima ljiaji cori cawatsa itaita iofacao, imatsicana ima; matsicani pjiomi. 11 Pada inocadaa ikjaolre espiritu cashadalrisno lricashaata lriaco: "No caitewatsa lrinaco ljiaji vino njite capoaldari", capjawatsa lriaca profeta narso njaji inaiki. 12 Nowaketawatsa jia pjiomi Jacob. Noniwaotsa pjiomi njaji Israelnai itepem nodewatsanacaiji padecapisho oveja corrarra lrico caiji maficalrisho nacorrarratají naijaaperico malritsi, nini watsa kemana kjaidaa namaimaca ima. 13 Padawatsa ljiaji iacada imjecocada inipo narso, lriawatsa napjeyalre, njiteotsa nadoita pantinoma namutocaroa, ljiaji natalricana lriawatsa napjeyalre, ljiaji awatsaniji njewida icao.
1 Noa nocaite "panaya jímí, yaá caconaá-perri Jacobo ilroperrí, nite yaáchaca yaá italrícanatacape Israel ipanalríco ¿capja carrica machía ilro lriají yanjica lriaji machíadalrí? 2 Yaá jipondatacape lriaji machíadalrí, nite yooma lríaji machídalri. jitaca lriaji iya, jitaca lríji iipeje yaápi yoya. 3 Shaatsaca iinjaca nonaikite ipe, icoca neya, itocoaca naapi, iyoacana pataolrepe, caíji pacadowanípesho, caíchacaji irípe pabititanda panayanaoda irínalríco. 4 Nite yaá italrícanatacape iwana wadiote. micha corriwacha iriepaca yaá. Irídawa lríecoa yooya Iríecao yooya Iríadaá jaireadaoca. Irima Iriji inaitanda machi. 5 WamIri icaíte Iríaji, naícaote naáji inopalrotacape nají yacape naínjao, nacaíte inaítaca matsí Nalro njají yacape naínjao, nacaíte niniwtsa matsíadalri, mitsa nalroca nají corríperri iIro nainjao, nainíta Iriaji owícaIrí nalrowawa. 6 Iricaote cadaocada Irishoca Iriaji jeerrí nanaco nají inopalrotacape. Nite Iriji jeerrí nanaco nají inopalrotacape. nite Iriji jalrewerríco cadaocaotsa naoyani. 7 Naáji cajíkeperri nacadaotsa capaimanícana manalrecaotsa nají inopalrotacape. piomíotsa nadawaca neene, korriwatsa nacaíteca nonaco." 8 Mitsa noa, pacamíca noa jídatisho, Dios Espírintonsho, pacamíca noa matsíadalrísho, pacamica noa jidatísho, nocaítecalro Jacob ilro Irímjepacan, njite nocaite Israel ilro lrímaqtsícanaá. 9 Panaya, jímí Iríaji yaá caconape Jacob iIroperrí, shaá ipadametacape matsíadlrí, shaá ipadametacape matsiadalrí nawaopiake mayacan. 10 Shaá jireetape Ieiají Sión iírranátísho. 11 Naáji caconaáperrí iIro nacaíte yacoltí nadawashopa naícao, naji caconape nacananta apada icoadati icsotr, nite naji inopalrotacape nonopaIrato icaote. natsaca matsiadalrí wamílrí iIro, nacaíte wamiIrícatsa waínai, corrin matsídaIrí ino wanaco. 12 Nniotsa, icaote njecanícápeshocaotsa iríaji Sión caíjí kíníkíapjisho. Nite nawaketanda matsípedashocaotsa Iríaji Jerusalén. Njite Iriaji natemplo yowacalron caicaotsaniaji awacadasho.
1 Mitsa piketendali jaledauka WAMINALI iipana iufawa nanaku naji awakadadape. Njite njarretakautsani nanuku njaji jipanada njite nakautsa nisre nakautsa lidesre njaji yakate. 2 Aima jiipai nakaotsa njite kaku tsaka: "Inuena, ferrao likaute ljiaji WAMINALI lipanalikole liaji Jacob iminali. Likantaka wawa liinipute liku njite fa wemanikautsa liniipute liku." Mitsa limutuotsa Sion nite lriaji WAMINALI imenakanda fepa, njite waminali yaku Jerusalen njite. 3 Likaite watsa pakuaka nashu njaji aimape jiipai tekjuitepe. Nainita njanaita naa matsewan njanaitakarru tsaluna njite moloco nata karru jiipai. Apada jiipai kurrin litaika lrirretaka lri matsetan lrikuete lriaji apada jiipai. Kurrin tsaka nakanantawa uuwi ikaya. 4 Njite naufawatsa liapjite lriaji paniati ikarapikape napjite tsaka higo jaikuna. Kutsakuka ifietaotsana, kaku kapua naa talikana nja tsurudaunai linuma lihjuite. 5 Kaitsa nemanjika, apada petsa nja yakale nadiote ipitananako. Mitsa faa wemaniotsa lipitanaaku WAMINALI liso kaidaliwetsa. 6 "Lriada jaledauka, WAMINALI ikaite, "Nuwaketa pokjopokjodali njite nuwanaotsa nja kjenapen, njakan nukadanpe kuyule. 7 Njupadameta lria pokjopokjondali litenpe, njite njaji napekunpen kainji yakalekjaidalisho, njite njua iminali, natalikanata kaotsa sha lriawakada lria Sión jaledauka kuan. 8 Nukada watsa pjia, ikapakada liufakarruda lriajioveja, jipanada lritu lriajiSión linuwatsa pidesre pitalikanata upidalin nini nuwalidalitaka pjia, ruyada shuaji Jerusalén itu rutalikanataka. 9 Panaya, ¿kuada piwanetakakau kjaida? ¿Pja kurrinka isu iminali jaledaukariku? ¿Uupi mayan lriaji ikatekada sha? ¿Lima matsi pjianiakakao, kjiaji kenipekashu shuaji inarru? 10 Kaiwi pidjenika kenipekapishu pjia, Sión ituu, kainji kenipekapishu shuaji inarru. Panayaotsa pi mutuka yakate yuya, piufaotsa teku yakate yuya njite pikaraswa Babilonia le. Nisre njafaotsa pjia matsidali yuya. Nisre piminali jiitaotsa pjia nakapi yuya nja matsipe. 11 Payana jurse naji yakale nawaketakakau pikuema; nakaitepe nja naitjepe: " Pikada pja namatsikakau; pikada watji imatsikakau Sion naku". Inuparrutakada ikaite: 12 "Kurrin nanji piminali yanjike, kurrin nanji kuanshu paka lianji liumali, liwaketakana kainji liapana ikauya arrushuperi. 13 Piminali ikaite: "Pjiretakakou njite piniwa Sion iitu, njunaitaotsa pi tsuwau tsipalanape njite njunaita pi tsutawa tsipalana. Pi patuetaka pjiumiyakale. Njupaotsa linani nushuwao nananiperen, waminal aimadali iinana nu shuwau limanali pjoumi lia jaledauka.
1 Panaya iwaketacao, inaitacarroena oowi, jía naitonaipe njaji oowina; njaji sholrodaonai opi nanaita nayacalrewa lriwaida lriaji yacalre, apápo jaicoapusho neñawasha lricacodanaco lriaji naatalricana njaji Israelnai 2 Mitsa pía, Belén Efrata, ninitasha tsocoecashapia nanacoite njaji Judánai, mitsa pinacoitcotsa lrinoatsa lriaji naminalri njaji Israelnai, njite lriaji lrinocarron opidalricatsan, piketendalri jalredaoca. 3 Niniwatsa Dio watsa icadacani até lriocakenao lrinana kenipecarrono apada uachiada, njiteotsa njaji lriwenai, nadiawatsa yacalre Istaelricolre. 4 Njite lrinicoatsao lriwapacarro njaji lrinaite waminalri jidásho lripinanaco lriaji waminalri i Diote caidadalri. Namawadaca watsa naowacao, ima caidadalricaoshani piomi jalredaoca iwayacacalre. 5 Lricdaotsa wamawadacaca. Namocadanacoatsa fapaitenacolre njaji Asirionai, nanocadanacoatsa lricaota lriaji yacalré wenicowatsa nacoete siete (7) daotsa pekipenai njite ochoda naminaiwa, iwapacape njaji aachianai. 6 Njite nawapaotsa lriaji jipai Asiria matsetasho, njite lripanomashca lriaji jipai Nimrod. Njite lriyometaotsawá naoya njaji asirionai, nanocadanacoatsa wapaitenacolre, nanocadanocoshacaotsa wapaite yocacawawa. 7 Njaji Jacob itepen naowacaotsao napecolrico njaji inaiqui aimodan cayoatsaji itamana Dio njitcdalrisho, cayotsacaji iiyao jiwacapisho malritsinaco, corrin nawapa aachianacoite, njite corrintsaca nawapaca nenipenacoite njaji aachianai. 8 Njaji Jacob itepen naowacaotsao napecolrico njaji aimadan inaiki cayoji yawi iowacupisho napecolrico njaji maficalri awacadalricoperri, cayoshacaji yawi caidani iowapisho napecolrico njaji, oveja nacorrarrataji, njite corriwatsa coca iyómetana. 9 Pirretaotsa pinapa nacoete njaji picoema, njite pinocaotsana. 10 Lriyapacadana coatsa lriadá jalredaoca, waminalri iaco, nocadaotsa naino njaji pí caaballon pipecolricotsa njite nobititaotsa njaji picarron. 11 Nocadaotsa nainoca njaji yacalré pipaiterricoperri, nomashiketaotsa njaji pidana. 12 Nowayaketaotsa pioya lriaji malrirricalri, njite corrinashaca concaolre pirso apada ichootacada. 13 Nowayaketaotsa njaji nanapían inaitaji, njite njaji jipada nemacarrona aaji ipecolrico. Corrinatsaotsa corrinatsaotsa coancaolri piaca matsiadalri narso njaji pinaitaji picapisho. 14 Nopecoatsa lripocodanacoite lrinapian lriaji Asera ipecolricoite njite nowayaketaotsa njaji piyacalre. 15 Mini nowayaketacaotsa noirroasho piomi njaji yacalre corriperri jimi norso.
1 Paniya yapaka jimi liumali likaiteka liaji waminali: " pienkukau nite pikaiteka liaji piyapali nasru naji jipana; pikada nemika piakuami naji jipanadape. 2 yapaa jimi likaiteli inaku liaji waminali, tsa jipana, nite tsa napaite taraperi nemetakasruna. Matsi liaji iminaliti liuma likaiteka pada yakuti iyakalenaku, linuakakautsa aimaweriku ima liapiya liaji Israel. 3 Nuyakale, ¿kukanunaita piapiya?¿kuada keerua pjia nuapiya?¡ kuada kaku pjia nunaku! 4 Nukada pinu lipaitenakjuite liaji Egipto nite nutapia napanarikuite naji jiraapitakapepiasha. Numenaka pikaujle Moises, Aaron nite Miriam. 5 Nuyakale, piwaupia liumali linaita piaka liaji Balac, liminali liaji Moab , kaitsaka likayushu liaji Balaam, jlisri liaji Beor, liepakani liakadanakua liapuwariku liaji Sitim aaji Gilgalrikujle, liapakaru likapa limatsiaka liaji liminali. 6 ¿kukantanude lisru liaji numinali, nutatakadanaku linai liaji nudiote yuwakada yenonsre?¿Jnununta likjaule nudeninpe imalemitsayapiya, bakeni isrukada paada kamui? 7 ¿katimanta liaji numinali nudekadanta juure lisru carneros nudekanta diez mil liarukakja liaji mateka?¿ Nuakanta nuenipe nupadanale numepakan ikuada, nunaitanda ima nudakitsu? 8 likaiteka pisru, atsia, liaji matsiadali liumali pinai liaji waminali; pinaitaka matsia, pjipeyu pikitsindataka nite piemanikau kenadalitsu Dios iinai. 9 Jliaku liaji waminali jnemikenan aaji yakaleriku, paniya, liaji jnanikje jnemikjena liaji lipitana." Pjiapa pikapa lisru liaji jaikufi nite lisru liaji yemetakadan. 10 Juure jnanani napanariku naji yufakape matsidalinaku nite juuretsaka naji kuriperi papeyu pakapaka. 11 ¿kapjanta nutaitaka jnupeyuka ape naiki ipeyukada iñaituetaka, jliñaituka jliwikasrunanaku? 12 Naji atsianai kananipe pakankana matsidalitsu, nayakaleta napeyuka nakatsatetaka nite liaji jnenene pakankan iitsatishu. 13 Nini, paniya nuñapja pjia kaidapja jnukadapja kayuani pjia, jnukadaka kjena piufau pjinaitanda iima. 14 pjiñakadanaku kuriutsa pikuajlekan; mapakankaka pjia pidakiriku. Piwaketautsa pinaniu, kuriutsa pitaita pidanatakana, nite naji pidanatanipe, jnuakautsana matseta yapiya. 15 Piapanautsa, kurikadeka jlimutukarua; pipuawatsa linaka, kurikadeka pidataka jlitishu; pipitsiuka jaikuteda yaana kurikadeka pirakarum. 16 Naji yakuti jlinaitanipen liaji Omri jnamatsieteninana, nite lideninpetsaka lipaniriku liaji Acab. piemanikau kaiji likaitekapishu. kaiwatsa nunaitaka tsa, yakale, kenakautsa tsa, nite tsa, yufakape lirikuda, jnakakautsa iikau, nite kuriutsa naumakatsa nunaikite kapuatsa.
1 ¡Kjenádalrica njoa! Ima cayoca norso nawayaca capisho njaji jaicotjeda camoi iwayaca cádanacoa, cayoji nawayaca capisho naniwaca uva itepem uvapji ricó. Corrinatsa paoketaca nainaca, corrinatsa pacapa nainaca nooma cádanaco noiñjaca piyompinaco naco toa. 2 Oopi nawayacawa njaji inaiki matsiaperri lrioya jliaji jalredaoca, Corrin pacapa pada mamatsicanaadalritsa nanakjoite njaji inaiki jalredaoca lricoperri. Pjiomi njaji inaiki nawapaketsa nainó carro njaji inakinai, nacoana nawapaca nainó-carro nakitsindatsa cayoji pawapa capisho paino maaficalri perroetanda ipia neñamáki. 3 Nanjí nanaitjaca maatsi nacaapi sho: natalricanaa itatja naoya palrata, jliaji icaitecaita naacona lriwapa ketsana jlitá-carri naoya palrata ishati sho, njite njaji kjaidaperri pjaca apjetsida ioya lricaite narso njaji apana cocaca njaji lriomalri naoya njetá-carro lrirsowao. Niini nanaitja padatsa nawaopiakje. 4 Njite jliaji matsiadalri pja nanakjoite cayocaniji lriida papocóperri yemacawa, njite jliaji matsiadalri pjatja nanakjoite cayocaniji cocoña sho. Icatsa jliaji jalredaoca nacaitenda narso njaji iwapacapena, icatsa ijalredaocate jirrapitacawa watsa. Icatsa jlinana iocacawa corricawatsa ianjí coajica. 5 Corrin nooma icadaca iwaopiakje pada icodapidalri nacó, mawapatsa matsiadalri pikitsindaji nacó. Iwapaotsa matsia njaji yácoti picaiterri inaco, njite rooya tsakja rsoaji ínarro picadalri imáca picoda nacó. 6 Njaji neenipe corrin nanaitja matsia njajinirri irso, njite rsoaji roito rsonicocawa rsodoa ikjoete, njite rirrino jinicowa roñjerro ikjoete. Jliaji apada atsia jiponda icatsa njaji inaki lriipana lricopetsa. 7 Mitsa njoa, nocapacaotsa lrikjaolkre jliaji IMINALRITI. Nowapacaotsa jliaji no-Diote imanacotacaita njoa, jlimicaotsa norso jliaji no-Diote. 8 Macatimatacatsawa nokjaote, sha njopondape. Njowa cadaotsa, nodiá tsenakjaotsa njonicowa. Nofá cádanacoatsawa cadaocawerrico, camarrai caoltsa norso jliaji IMINALRITI. 9 Nonaitja capoa maatsi IMINALRITI ikjoete, notarrawata caotsa Lrirroá a kjerrecaotsa Lridanataca njoa nonaitjanda ikjaote, njite coajicaotsa Lricadaca njorrapitaca. Lridee tsenakjaotsa njoa camarrai cawa lricojle, njite nocapaotsa coajicaotsa lriyomjetaca njoa Lrimatsiaca sho. 10 Njiyte nacapaotsa coajica njaji njopondape, njite capainicaotsa naicao naikjaote njaji nacaiterri nonaco nacaite cádanaco cayoji: ''¿A kjerreo Jliaji IMINALRITI pi-Diote?'' Notji icapacaotsana, njite napjoeta caotsana cayoji papjoa capisho caalri inipo lrico. 11 Jliadaa iocacaotsa pikjaolre pinaitjacawaotsa pidanawa yenondalri, tecoatsa jipaite jinaana iocacawa. 12 Jliada watsa jécoapi naocaotsawa njaji pinaikite aimadan pikjaolre, Asiria lrikjoite njite Egipto iyacalre lrikjoite tsakja, Egipto lrikjoite atee ooni macapeki Eufrate ikjaolre, Manoa nakjoite manoa nacojle, apana jiipana nakjoite apana jiipana nacojle. 13 Namaca caotsa jliaji jiipai naikjaote njaji inaiki aimadan iofalri niini panaya, nanaitjanda ikjaote tsakja. 14 Nawapacaotsa njaji Pinaikite aimadan pipjeco sho, njaji inaki piyarrope. Naofacawa njawacatsa apada awacadapji lrico, napecolrico njaji napaniapji. Naofacaotsawa Basán jipaite lrico njite Galaad lrico tsakja naofacawa lrico piatsa oopi. 15 Cayoji iofa capisho pia idiá caojli pia Egipto jipaite lrikjoite, Nocadaotsa nacapácarro matsiaperri. 16 Njaji apacoape yacaalre nacapaotsa njite capaimanicana nacapa cádanacoatsa jliida. Njepaotsa nanima naco; corriotsa njemicarroca njenacolrico sho. 17 Naperrocaotsa jiipai italre aapi sho, nacayosho njaji maaficalri itsoetaaca capewa nawawa sho jiipai naco. Nanoatsa narroapji lrikjoite ifiokjeti sho; natsomitacaotsa Pjia ifiokjeti sho, pjia wa-Minalri Dio, nafio caotsa pikjaote. 18 ¿Capjao niinica apada tsakja Dio cayoji Picayosho, Pjia ipecocada imatsicanati, Pjia corridalritsa coadaca irsi namatsicana njaji Pinaikite itepem, njaji Piyarrope? Corrin Pimatsieta pinacoa jliaji pirroa caidalriwetsa, ima Pipeyoca picanantaca fa jliaji Piacoami corridalritsa picadaa imatadaca. 19 Pipieta tsenakjaotsa picapaca warso; Pipjoa caotsa njaji wamatsicana ima picada caotsana Pjipa iapjite. Pipeco caotsa pjiomi njaji wamatsicana ooni ijewacacá lrico manoa lricoda. 20 Picada caotsa jliaji ajádalri Jacob irso njite coajica corrica pimatadaca piacoam Abraham irsodalri, cayoji ñpicaite capisho yácoti ajádalri sho narso njaji waferrinaipe jiawalri.
1 Caampiaca Irinoparrotaca Irinaco Iriaji Ninive. Nini Iriaiji paperra Iridanalri Iriaji Nahum inoparrotapiena Irinaco, Elcosita - njitsedalri. 2 Nini Iriaji Winnalri keroadalri corridalrishe patopitaa; Ima Iriaji wamanalri Iritsaita Irimashicaca ima jpakjandalrica irroatsisho ; Iriaji Waminilri iomacada icoadawa njaji Iricoema, nitse Iricadaa Irrirroa nanaco naji Iricoema. 3 Zriai Waminalri Tacadalrisha kerroaca misha cjaidadalripjaa; corrisha coancadanaco ñami Irrirapjitsetaca njaji camashicanaperri. Zriaji Wamiari Iriacasha eeno itsalricana, nitse njaji iyadaoca carcanaji Iriipa itsalresho. 4 Lritsaita Irinaitjaca cocacasha Irirso Ooni macapawan mar, nitse Iritsaita Irimetsatacani; pjiomishaca njaji ooni macapawanpe, midalrina Iriaji Basasn Irirso, nilse shaca awacada Carmelo jivirrieani; pjiomishaca potiraa Libano - Iricoperi jivirrishana. 5 Nitse Iriaji awacada cananishacjan Irishomitacadadanocon, nitse njaji jipana nacodocao shaca ; Iriajijipai pcjamicaoshani acadanacoasha pjiaji, pjiomiosha, jalredaocalrico nitse pjiomiosha njaji inaiki jalredaocalricoperi. 6 Corrin coca itsaitaa iema Irirroa icoestse? Coca itsaita itarrawata Irirroa iapiya? Tsiyeshoca Iriaji Irriroa, nitse bikhinca njaji jipada Lridasho. 7 Lriaji Wainalri machiadalri, Iriasha icada njaidao mashirri iocacadanaco nana; nitse Iriwapacana caidalisha njaji inaitjacape caiji Iriomacapisho. 8 Misha Iriwayaketacaosha pjiomi napiya njaji nacoema ooni iwapoasho ; Iridewasha cadaocacawa tjewaca 9 Corrin patsaita padawacaca Dios ioya. 10 Lriwayaketacaosha corrinwasha Iriwaopia njaji Iricoema yamapiape! caijii corricapisho coadao pirso Iriaji pidoca nii idewanacada Iridewaa cjapjitse sasha, Iriwayaketacaosha caijii malrishi metsaperrisho. 11 Perricodaosha Irimotsoa Iriaji icaitecaoda maashi Dios inaco 12 Caica Iricaiteca iriaji Waminalri ; "Ninshaosha nacadaca pjiomi lriaji njaidaa piketen - nadalri '', pijiumi njaji aimadan, pacoashaosha nowayakeca; lriaji iyacalree corrishaosha pacapani. Nini pjiaa, Juda: nocadapia pjirrapitsa, misha corrishaosha njorrapitsetaca pjiaa. 13 Panayaosha njotausha pioya pipaiii 14 Lriaji Waminari oopina lricadaa nafiocaro piwana, Ninive: corriwasha pacapesha lriapodandalri iriaji tsalicanatsi. Njoawasha ipecoasha njaji njenapjiape nitse njaji topana ajii patsii naofari Njoashaosha idawajia maomacanapesha. 15 Icapaa, iawacadalricojlee icashaosha lrinoca jiitse lriaji ideca iacotsi mashiadalri ; icadacada iofacao catsima! icatsimatacao, Judá, nitse inaita caiji lricaitecapisho, corrishaosha mashirri iino iejaolree ; oopina njoenita ioyani.
1 Ljinljimatsiakal ljiaji iomakada iiwayaketakapia piikaidatakao liikoete, piiwapa ljiaji iinipo, iikaidatakao, iiwaketa naji iitsoolodaoni. 2 Miitsa ljiaji iiminali liiwalridalritaka ljimatsiaka ljiaji Jacob kaiji naamashiakasho naaji Israel - nai, kaikadana naaji ii;aitokape naa;aitokaotsa, niite naamatsikaka ljiki ljiaji uva. 3 Naaji nanaadanatakashopa naajii ashianai kaidaperi naakapakana iiraidalji, mitsa naaji kaaidaperi nasho - ka naashayani ljikapakana pootokudaljii iiraika ; naaji carro naakanaka ljima ljiaji tsipalrakapoani ljiada naamashietakakadanako, iima ljiaji m ulrocu paashimikan. 4 Naaji ljishoetani ljiaji caballo keeya naamotua callerikolje; naomotuenao niite naadiawa maakakai calleriko. kaipanalitsaji paapayaitsho niite neekoa kaiji eeno iiperokapisho. 5 ljiaocha ljiaji iitokoakada ljibititetaka tsa iiwana naaji kaakonaaeri ; naa neewanikao naokoete maomakadankoeno naakao ; naakeyapita naakaro naadatakaro ljiaji ljidana ljiaji yaakalje. Ljiaji naadanatakashopa maakaite naamashietani naadanatakashopa naoya naaji naakoema. 6 Naaji naapananoma naaji iinipao naamekona jiidatisho niite liaji panti kaakonnadali ljiwakao maatsi. 7 Huzzab shoa nenita naaji rronani niite ljia neeranda. Niite shoaji iidenikada shiomikano kaiji jolritasho ljiñaka ljikodaljiko. 8 Ninive kaikaniaji aapada ooni iofakaroda oopidaljinsho naakao naanaikite iapiya kaiji ooni iamarakadasho keeya. Apana tsemaatta : "yeemao, yeemao", mitsa korii apada iikabako iikapa naapodanshe 9 Jiita ljiaroda ljiaji palrata, jiita ljiarada ljiaji oowiro miitsa kori lishoka ljiwayakakawa ljimashiaka naasholjii kookadapekasha matsiaperi ljisholjii ljiai 10 Ninive kaikaniaji meetadadaljisho akaniaji Keenakalririiko. Ljiaji naakade kaikaniaji iipokotakadasho; naatetekao naoshripada piomi niite naaji tsakara naamotokao piomi; niite ljiaji neekoa eewakaan. 11 Akeree naaji naofakaroda naaji yaawinai, niite koakawaotsa neemanikao naaji yaawienii aotsaji koorikawa koka iifietetakana? 12 Ljiaji yaawi ljiipa koandalikatsa naatsowaalre naaji ljienipe niinotsaka rooshowalre shoaji yaawi iinaronaa, paakamika ljiipesho ljiaji ljiofaakawa. 13 Piikapa, noa paanayaljiaji iikoetekanoa, likatsa ljiaji ljikaiteri ljiaji iiminali aayadashaka naaji tsolrodaonai. Iiamakaotsa niite watsa notsotaka iitamaanati piicarron ioya, niitewatsa ljiaji naamtsetan ljiiyoetakaotsa naaji yaawi shonipetoa. Neerakaotsa jiipaite ioya ljiaji iiyada, niiteotsa kooritsa peemika ljiuwanaka ljiaji iimenaakaanda.
1 ¡Kjenaperrica njaji yacaalre inocaperri aima inaiki! Ima pakjamicana ishati sho njite narso tsakja aima inaniti nañaitoji apana inaiki ioya; aima nainoca naikjaote. 2 Panaya kjemaca pjemica njaji jinorrotikja nañashopana njite kjema tsakja njaipa njaji njecocarrofiape, njite njaipa tskja njaji caballo iwatsiajicapewa njaji ideecape njaji carretafiape. 3 Niniotsa njaji atsianai iofacapewa caballo naco inocaopena, matseta tiyetape, molroco kerraperri, nawaketaotsa aima inaiki idadam mayamperri. Aimadancana; njaji inocapena natoda caotsa njajipa nanaco. 4 Cayoca njeyapacawa panaya nanaitjnada ikjaote njaji inaitjepe cawilreperrim matsiadarrope, malrirri tadoa naipe, iwendecaperri njepaite nawilre sho, njite nawende tsakja njaji inaiki namalrirrica sho tsakja. 5 Picapa, Noemaca ikjoete panaya. Cayo Lricaiteca jliaji Tsolrodaonai Aimadan Italricanaa. Njorretacaotsa pitsayani piecoa nacojle nocadaa carroatsa nacapa pidada njaji jalredaoca lricoperri, nopaimanietá carroatsa pjia nacapa njaji talricanatinai jalrdaoca lricoperri. 6 Nopecoatsa pinacojle pjiomi matsipeda ecoperri njite nocadaotsa corri carroatsa coca ioma pjia; Njite nocadaotsa pjiomí carroatsa icapa pjia. 7 Niniotsa pjiomiotsa njaji icapalriotsa pjia napito caotsa pioya njite nacaiteotsa cayoji: Oopi namatsiketa jliaji Nínive; ¿Cocaotsa íya lrikjaote? ¿A kjerreotsa noketa apana imaiyaketacapentja pjia?'' 8 Nínive, ¿Capja matsia pjaca pjia Tebas ioya, jliaji yacaalre nanaitjanda ooni Nilio ícao, jliaji irsocada ooni lriwaida naco, ooni macapeki idanatanda pioa, njite manoa piacatsa jliaji idanatlri pjiomi ioya? 9 Etiopia njite Egipto pia njaji jlidada, njite corri piatsa coca itaita nakjoete; Fut njite Libia icapiatsa njaji ikitsindatalri piacana. 10 Mitsa, Tebas lricoperri, oopi nadee presona; njite nawititaca njaji neenipe tsoperri toa naapowa shewacawa lrico nacoanaa; njite napeeco najishopa naikjaote njaji atsianai caconaperri, njite napapica pjiomi njaji atsianai kjaidaperri cadena sho. 11 Njite pjia, pidewana tsakjaotsa, pioma tjaotsa pidawaca njite pioma tjaotsa pidawaca carrodawa picoema ioya. 12 Cayoatsa pjiomi njaji idawaaca carroda jaico higuera iinaca sho iipe cádanacona: nañocotacana, njite nainaca jiwa cádanaco jliwa caotsa papienirri nanoma lrico njaji iñjacapena. 13 Icapa, inaitjepe minitsa njaji inaiki iwaida lricoperri; oopi namjeco njepaite ipananoma yamadape nacoema ipeyajle; oopi tiyé imjaita pjiomi nacoajairre. 14 Pia pjita ooni pinaitjácarro pidanawa; pimatsieta matsia jliaji pidawaaca carrodawa; pjita caalri pipjoá-carro tarrani; piniwa pjiomi njaji pinaitjashopa piwaiwa. 15 Tiyé imjaitacaotsa pjia nirse atee lriwayaketaca pjia, njite matseta iwayaketacaotsa pjia matsiape. Lriñja caotsa pjia cayoji tacaapa walriperri toa iñja capisho, njaji iñjacape kjeya pjiomi. Imaimataacawa tacapa walriapalripe imaimataaca capishoa, njite nacayosho njaji pekipenaina tsakja. 16 Aimena njaji ivende carroji, aimacana cayoji jirsida imaimaca sho eeno iecoa nacoperri; cayocana tacapa walriapalripe sho; naiñjaca pjiomi njaji jalredaoca lricoperri njite naiñjacayamina pjiomi icamitsa nárracawa njitewa. 17 Aimadanca njaji yénipe kjaidaperri tacapa pekipenai sho, njite njaji njewidapo caconaperri cayocana tacapa iwacaacacapewa nerrocádanaco yacaalre iwainaco japerri ioya. Mitsa jérri imoto cádanacoena naikjaolre icaamitsa nárracawa njiteo corricawajletsa panji a kjerreca naawa. 18 Asiria italricanaa, nemaaca njaji caconaperri iwapacape sha; nawafetacawa njaji italricanaanai. Macada naofacawa awacada lrico, njite corrin coca iwaketana. 19 Corrin pacapa tape iawetacada nayaoni. Matsinaperrica njaji nayaoni. Catimaotsa njaji inaki jimicapeotsa coajica sha njite nañacaotsa nacaapi pikjaote. ¿Capja nataita napitocawa namatsicana ikjaote inaitjalri caidalritsa?
1 Yamawalríashopa italrícanatíca lriají Dario seís kerrínaco, irínítacadawa, cacopía waminalrí inopalrotacada Hageo ilro, lri irowarre lriaji caconaádalri (gobernador) Judá lrico, lríaji Zorobabel, Salatiel yeenípe, lrí lrowalretsaca iríaji iwapacada natemplon, Josué Jehosadac yeenipe, lrícaíte: 2 Lríají owinai imínalrí lrícaíte lríají; Njaji inaiki nacaite: corríntoa lria Jalredaocaca lríají walro wanocalro o wanaítacalro wamilrí iipanawa" 3 Njite cacotsenaca wadiote inopalrotacada Hageo ilro lricaíte: 4 "¿icatsa jalredaocaca iríaji ilro yoowacalro iipanalrico catsa, nawayaketacadanacotoa iriaji Dios ipana? 5 Niní panaya lricaíte iríaji owínaí imínalrí owaopía matsía lrínaco lriají yapowa. 6 Shaa yapanaca aaima ipanjiatí, mítsa ideca tsotsa, injaca mítsa corrín ilroca jorre injaoda. iirraca mitsa corrín idewanaca. Sheeta itisiolran o itsayan, mítso corrín itaita jimotacacao jiwacatsa, Njite lríaji idenjica lridenjíca lrígabaco palrata lricadacarron lríchaconrríco tserre-tserrepedalrirríco. 7 Owinai imínalrí icaite lríaji: icapa matsía iriají yaapowa. 8 Yaawa awacadalríco, ideecarro jaico inaítacarro nopanao, níte catimaotsa nocapacan nawatsa nolro matsíadalrí-lriaco iríají 9 wamínalrí.Shaá yomaca aima, mitsa ideeca tsotsa nopanalríco kenacadanacotoa nopana nopocotacanoi popjíalresho, cuada, lrícaíte iríají owinaí imínalrí, lrio wacapoatoa kenaá lrijí nopana, ideejícadanacotoa icoamítsa iipanalrícocatsa. 10 Icaote shaá corrin eeno icadaá iiya jiwacao, corrín jípaí icadaá panjíatí imotoa. 11 Nocadaá mawitacaí jípainaco, awacadanacotsaca, ipaniatí iishínaco, irraodatí walríperríco, matecanaco, jipai ipanjia nanacotsaca, atsianai-nacotsaca, njite nabacan-naco, nite piomí lrínaco lriají nadeenjícalee nacaápisho. 12 Lrícaote Zorobabel Salatiel Yeenipe, nite lriají iwapacada natemplo yaápiyawalrí Josué Jehosadac irri, napiyatsaca piomi nanji inaiki itepem, nanaitapia cainji namínalrí Dios icaitecapisho ima namílrí Dios imenapía nalro yaácotí Hageo inomalricoíte, Njíte nawio wadíote iwanaa pjíomi. 13 Njíte iríaji Hageo, icaítecaíta Dios yaáco irídeé lríanjí yaácotí nalró nanjí inaíki irícaíte: "¡aatsaotsa njají iinai, capiatsa irianjí irícaíterríca iríanjí Wamínalri.!" 14 Níni, Wamínalrí icafíetapia Zorobabel yeepírítum, iríco Satiel irrí. Lríe-espíritum tsaca iríanjí Josué iwapacada natemplo yaapíyalre Jehosadac irrí, naá-Espirítu tsaca piomi nanjí inaíki iitepen, nacarro nadenjica owínaí Dioste ipanalríco, 24 cadaá junio. 15 Yamalríacadanoco Rey ca Darío
1 Paema pacapi nitse yamjewipja apemajamulri, WAMINALRI icadaa iacotsi Hageo irso lriaji inoparrotacaita, lriuco: 2 "Lriacarro lricuite Lriaji iwapacadad yacalre Judá lriaji Zorobabel Salatiel iirri, nitse Lriaji anciano Josué Jehosadad iirri, nitse padenirri iofacape nayacalrerrico. Lriaco, 3 ¿Aejaitserripia inacoitse acapaa lrimashiaca lriaji pantsi? ¿Nitse coam icuoca panayani? ¿Corrisha caicanji ipacapapisho piani? 4 ¡Nini payana, piejaidatacao, Zorobabel! icashalricaitecapjia lriaji WAMINALRI , ¡nitse piejaidatacasha, pjia Josué anciano Jehosadac iirri; ntse jiaa icjaidatawa, pjiomi shaa yacalree! Icasha lricaiterrica lriaji WAMINALRI, nitse ideejica, ¡Njoashaosha inai! icasha lricadaca wajicarro lriaji naminalrivpjiomi njaji cacunaperri. 5 Lcasha iacotsica nocadalri irso imotsucadanaco piaa Egipto lricoitse, nitse lriaji no Espiritu acashanijii inai caidalrisha ¡Mafioshawa! 6 Lma lricaiteca lriaji WAMINALRI yenonrjedalripjaa pjiomi ioya: ¡Shoshaosha jalredaoca nopietaosha nocananitaco eeno nitsejipai, nitse ooni macapawan mar nitsewasha jipada shaca! 7 Nocadacaosha cananii jipai icuan, nitse washa jipai icuan washa nadeca norso inanitsi mashiaperri, nitse nopacjantaosha mashiasalrisho Lriaji panlsi, caii lricaileca WAMINALRI. 8 ¡lRIAAJI, parlrata nitse oowirro noyadacani! Caisha Lricadaca wajii Lriaji WAMINALRI piketen nadalri. 9 ¡Nitse lriajipantsi imashiaca aimapjawashani lrinitacapisho ioya caisha lricaite WAMINALRI, nitse nocadawasha imawadacaca lrirricuda, cayo lricaiteca WAMINALRI. 10 Veinticuatro caadanaco jalredaoca 9 kerrimaco, yamadusha pena jamolri Darío itsalricanataca, cacoca WAMNALRI lrirso lriaji inoparrocaita Hageo lriaco: 11 "Lriaji WAMINALRI piketen nadalri lricaite lriaji: Ltsatjaa jimio anciunonai lriaco lriaji nocadalri inaitjacanitse icaite. 12 Nitse apadaa ashia idecada maficalri iipe WAMINALRI irso lriñanpanda mashia, nitse lniaji lriñanpashopani, lricadacada lrinota peetje o perriljia, cuandalricasha iñaodatsi, ¿Capjaosna santo lrica lriaji injaodalsi! Nini jepaca njaji ancianinai, "currina". 13 Nitsi Hageo icaite: "Ninicadantja apado inotacada lriaji mayandalri nitsentja lrinota coandalricasha, ¿capjanta lricaopjitsatani?" Nini njaji ancianinai nacaite: "Ajan tjaa, caopjitsantjani". 14 Nitse Hageo jiepacuna lriaco: "¡Lcasha cayoo lriaji yacalree lriashaca lripai nocupaa! Lricaiteca WAMINALRI, nitse caishaeja lriaji naomatri nacadaca mashidalri caopjitsadalri. 15 Nitse panaya, iwaopia mashia ipjeyalreo, lripjeyatoa inaitaca WAMINALRI lpana. 16 ¿Coanca lriaji jiyalri oopi? Wadee caica jiaji apada iacapisho veinte nocotoo caini, mitsa diepacasha lrioketa; nitse caiji apasa iucaji nanaitjacawa vino, lriacarro lritaa 50 tana narroda, icamisha lrioketaca veintena narroda. 17 Niniosha njorrapjitsetaca jiua nitse pjiomi njaji ipania nocadacaosha tacapa iñjani nitse keyenwashana, misha corriwasha nadiaca noiejaolre, lricaiteca WAMINALRI. 18 Panaya lriada jalredaocaca veinticuatro cadanacon nueve shopa kerri, imitacadanaco inaitjaca lriaji WAMINALRI ipana! Njoasha ¡Caidaa taimini! 19 ¿Lriadawasha jalredaoca curriwasha canacaica injaodatsi ajii wawaketacawa naofawa? ¡Misha corrintsoa cuinaca lriaji paniatsi vid, corrinshaca higuera, lriashaca lriaji granaaado cardalriji wawasho, nitse lriaji jaica olinona corrishaeja cainacacan! ¡Misha lriada jalredaocaca lriaji nocadawasha cainacana! 20 Nitse lriadasha jalredaoca WAMINALRI icaite yamapiashapa Hageo irso. 21 Picaite lniaji iwapacada yacalree Judá, Zorobabel, picaiteni: Nocadacaosha cananii lriaji jalredaoca. 22 ¡Lma njoa nowayaketaosha naofacurroda njaji tsalricanatsinai nitse nowayaketashacja njaida njaji tsalricanalsinai jipai icoami! Nowayaketasha caballo ishoetacape nacurron, nitse njaji shorodauni iacape caballo naco njewaoshao, naespadan sho njaji nakishanape. 23 Lriawalriwasha, lricaite lriaji WAMINALRI, njuawasha jilapjia, Zorobabel, Salatiel iirri, nursodalri pjia, cai lricaite WAMINALRI pirso, ¡Noniwanandaca pjiaa! Caí lricuiteca WAMINALRI piketen nadalri!"
1 Ocho kperri nacó yamawalria shopa lritalricanaca nacó jliaji talricanati Dario, caaco jliaji IMINALRITI lrinoma lrikjoite jliaji inoparrotacaita Zacaría, Berequía irri, Iddo irri, lriaco cayoji: 2 ''¡Matsina kerroaca Jliaji IMINALRITI naapiya njaji jinirrinaipe! 3 Picaite narso cayoji: ''Cayo lricaiteca jliaji tsolrodaonai aimadan Italricanaa: ''¡Idia Noikjaolre!, njite Nodia watsa ikjaolre'', Cayo lricaiteca jliaji tsolrodaonai aimadan Italricanaa 4 Manaitjatsa nacayosho njaji jinirrinaipe, nacaiteji irso njaji inoparrotacaperri coajicaotsana, lricaite cádanaco narso jliaji tsolrodaonai aimadan Italricanaa: ''¡Shenawa imatsicana ioya njite pjiomi njaji inaitjaji maatsi!'' Mitsa corrin njemica Norso. Icatsa Lricaiteca narso Jliaji IMINALRITI''. 5 Oopi mayami njaji jinirrinaipemi, oopi tsakja mayami njaji inoparrotacaperri. 6 Mitsa Noaco njite njaji lrinacoapanaperri, Nonalri nanaitjaca njaji norsoperri inoparrotacaperri, njaji yácoti jipa kjeya njaji jinirrinaipe niini njepaca njaji yácoti. Niini napadameta nawaopiakje njite naaco: ''Cayotsaji lriwaopia capisho pia wakjoete lrinaitjaca warso jliaji tsolrodaonai aimadan Italricanaa, nama njaji wanaitjaji, cayotsa Lrinaitjaca warso'' 7 Venticuatro jalredaoca naco once kérri naco, Sabat ikerrina naco, yamawalria naco talricanati Dario italricanaca naco, caaco jliaji IMINALRITI lrinoma lrikjoite jliaji inoparrotacaita Zacaría, Berequía irri, Iddo irri, lriaco cayoji: 8 ''Deepi ricó nocapa, njite, ¡Nocapaca! Ape atsia iofawa apana caballo irraini naco, njite lriemacawa napecolrico njaji jaico lrima mirto pacoaca cawa lrico jiipai; njite jliapodamjite niini tsakja njaji caballo irrainipe, kerramaperri, irsainipe, njite jalrenepe. 9 Njite Noaco: ''¿IMINALRITI, cocao njaji?'' Njite jliaji IMINALRITI i-angele cacolri noapiya lriaco norso: ''Njoa watsa icañjata picapa cocaca njaji picapalri.'' 10 Njite jliaji atsia yemalriwa jaicolrima mirto ipecolrico, jliepani cayoji: ''Icatsa njaji Dio imenacalri nanjícarro macadatsa jalredaoca lrico.'' 11 Njite naaco njepaca jliaji IMINALRITI i-angele yemalriwa jaicolrima mirto ipecolrico: ''Wajicawa macadatsa jalredaoca lrico; picapa, namaodacatsa naofacawa njaji jalredaoca lricoperri njite nawafeta catoa.'' 12 Njite jliaji IMINALRITI i-angele lriaco jliepacana: ''Pjia IMINALRITI, natalricanaa njaji tsolrodaonai aimadan, ¿Coancaojli pjenaotsa kjena watsa picapaca narso njaji Jerosalén lricoperri njite nanaco njaji yacaalre judá lricoperri?'' 13 Jliaji IMINALRITI shepa jliaji angele caacolri noapiya, yácoti matsiaperri iapiya, yácoti imaiyaketacaperri pja. 14 Njitedalri, jliaji angele caacolri noapiya iaco noirso: ''Pjiemata njite picaite: Cayo Lricaiteca Jliaji Tsolrodaonai aimadan italricanaa: ¡Matsinaa pia nowapaca nocaolre rikjoite jliaji Jerosalén njite cayo tsakja Sión nacó! 15 Matsina kerroaca njoa naapiya njaji jalredaoca lricoperri imaodacacaperri. Corri cadana kerroa cantja matsina Njoa naapiya, ima aima nanaitjaca namatsicanawa matsinaperri. 16 Cayoshopa Lricaiteca cayoji, Jliaji IMINALRITI natalricana njaji tsolrodaonai aimadan: Nodiaca tsenakja Jerosalén lricojle njite kjena watsa Nocapaca narso. Icatsa Lricaiterrica cayoji Jliaji tsolrodaonai aimadan italricana. Njorsa caotsa jliaji pawishopa Jerosalén nacó lripjeya toa nanaitjaca!'' 17 Pipieta tsenakja piwanaca kjaida, piaco cayoji: ''Cayo lricaiteca Jliaji tsolrodaonai aimadan italricana: Aima matsiaperri tsenakjaotsa narsoca njaji Noyacalre, njite jliaji IMINALRITI icatimataca tsenakjaotsa Sión, njite lriniwana tsenakjaotsa Jerosalén. 18 Ikena ¡Njorreta nocapa niini nocapaca cuatrona itsowati! 19 Njite caacoca njoa lrirso jliaji angele caacolri noapiya cayoji: ''¿Cocao njaji?'' Njite jliepaca njoa: ''Icatsa njaji itsowati imalri njenacawa njaji Judánai, Iraelnai njite Jerosalén lricoperri.'' 20 Njite jliaji IMINALRITI icañjata nocapa cuatro cayecaperri. 21 Njite noaco: ''¿Cocao nano nadeji njaji inaiki?'' Njite jliepaca njoa, lriaco: Icatsa njaji itsowati imalri njenacawa njaji Judánai, wadee pada atsia jirreta cantja jliwida. Mitsa njaji inaiki canjaji nanoca njetana, napecó carroatsa njewao njaji itsowati nanakjoité-érri njaji apacoa jiipai macacoepe njaji jinicolriwa itsowati sho nakjoete njaji Judá lricoperri napocotá carrona njepaite ioya.''
1 2 Nite, jnoa jnureta jnutji yenunsre njite jnucapa apada ashia lripaka licapilrico liwishupa. Jnaa jnocaite: "¿akereca piawa?" Nini, jlia licaiteca jnorso: "jnoaca niwi liaji Jerusalén, jnoajnicaru limacaiteka njite lijalipaka". 3 Njite ljiaji ángele caacoli jnorso liaka jnooya njite pada ángele limatoka naakapacacao liapiya. 4 Lia yamadashupa ángele licaiteca lirso: "pjiecoa njite picaiteca lirso liaji atsia iempetitoa; pjicaite: "Jerusalén ljiofacaotsa awacada imecuadasho naikaote naji inaiki epadam nite maficali niniperi. 5 Nini jnoa (Icatsa liaji licaiteri liaji Waminali) jnodiawatsa rusru pada lidanatiyesho liwaida, nite jnoawatsa jnamatsiaca jnapeculico jná. 6 7 ¡Yeenonsre! ¡yeenonsre! ¡ipitoca jnepaitesricole jeri imutulinjiite. Icatsa licaiteri liaji Wominali. Nini jnoa jnomenakakajna piomi lipjiali nisre ljiaji caoli jaledaocalico icatsa licaiteri ljiaji waminali. ¡Yeejnnsre! ¡Ipitaca Sión njite, sha yofacape naitunaipe inai njaji Babilonia!" 8 Mitsa liapodam ljiaji naminali njaji uwinai, licacaadataka njoa njite limenakaka njoa nacuetje ajaji yaacalre icadakape manaikitem, nini, cocacatsa inotani i njepaca roaji inaroda licapashopa liaji Dios! Liapudam licaitecayami liaji Waminali linaitja njaji, ljia licaite: 9 "Njoa tsaotsa jireta icapi nanacu njaa, njite njáwatsa namakadawaletawatsa njatsa njaji nanaikite. Niniwatsa njaji, ljiaji naminali ajaji Dwinai limenacandaca njoa. 10 ¡Picanta catima Sión iito, nini njoa keyawatsa nonoca piderse njite nowacautsa picodapi! Icatsa licaiteri ljiaji Waminali". 11 Nite, macadalipe jipai nawaketa cawatsa pinaculre pjia Waminali liada jaledaoca. Lía licaite: Niniwatsa njoa nacapawatsa nunaikitecana njoa; nini njoa noawatsa nofacaru ipeculico", njite shá yaniwatsa ljiaca ljiaji Waminali nataicana njaji owinal imenacandaca njoa iderse. 12 Nini ljiaji Waminali licadawatsa ljiaji Judá liyadacarowatsa Piketen liricuda ljiaji jipai mapiradali, njite napietatsenaka naniwanaka ljiaji Jerusalén nuyadawa tsenaka. 13 Maacotsa pjiawacao, piomi shaa cafiperi, lipjeyale ljiaji Waminali, nini ljia licaficao ljiofa carodalricoite maopitjadalri.
1 Ljiaji waminalri lricañata nocapa ljiaji Sacerdote Josué, lriemacawa waminalri iangeni inai, njite ljiaji iñacaimi lriemacawaji lriyekjemjete lricjaolrenatacaroni imatsicatinaco. 2 Lrica ljiaji waminalri iangelini ñacaim irso, waminalri icoitawatsa pjia, iñacaim, ljriaji waminalri jitulri ljiaji Jerusalén, icoita pjia, curitsamtja tiyena keranitoa pjelanda tiyericjoiteca. 3 Ljiaji Josué lrinani caopitjadalri yapiya lriemawa Angele icapa. 4 Caco ljiaji Angele, lriaco narso njaji yemacape lricapa, jita lrioya ljiaji lrinani Caoptjadalri njite lriaco Josué irso:"¡picapa, opina njoyapeta pioya pimatsicana njite njoetaoytsa pitsyaniwa cacoadadalri!". 5 Lriaco:"¡picadá njetacaro njetacaro njewidaroa maopitjadalri!" nini njetaca Josué jiwidaroa maopitjadalri njite njeta lritsanaljewa maopitjadalri, nini cadanacotoa ljiaji angele. 6 Njite ljiaji wamínalri iangeleni: lrimenaca padatsa ljiaji Josué njite lriaco. 7 Ljiaji naminalri njaji owinai: "piacadawaji noapowalrico, njite acadatsa pjiaji nocadaniperico," nini watsa píaji n opana inaco, njite piwapatsacjaotsa noyacarecoania nocadawatsa piawa njite pidiatsenacjawa nacapa njaji yemalri nocapa. 8 Pjimi panaya, Josué, Sacerdote, ¡pjia njite njani pinaiperi! ima njaji atsianai pajishopacana, njoatsaotsa jinicoeta ljiaji idenjicada norso walridalri. 9 Panaya picapa ljiaji jipada nocadalri Josué icapa nini siete itjiti lrinaco ljiaji jipada, njite nodana watsa, pada, ljiaji pada lricadanda pajísopa ljiaji naminalri njaju owinai, njite nowayaketaotsa lrimatsicana ljiaji jipai padaa nacotsa. 10 Lriadawatsa jalredaoca, lricadaa wajicaro ljiaji naminalri njaji owinai, nacomiwatsa njaji atsianai nawanaca nacadepidalri iofaa napanía iapite njite napaniapi higuera tsaca.
1 Njite lriaji angele cacolri noapía lrino noicaolre lricafietacanoa cayoji aachiasho; lricafieta noa lrioya lriaji notaponia. 2 Lricaite norsu: "¿Coca picapalri?" njite noaco: "nocapa apada lámpara iarropoco nanaitanda oirrosho, narroda iapía. Lrirso siete (7) lámpara lrinaco, njite siete lámpara tubusho perri naicaoperri njaji lámpara. 3 Yamana jaico olivo shomitsa lríoyana. Aapana aachialriemete shomi lriarroda iuya apana inarruete. 4 Njite cucocu noa lriapia lriaji angele lriaji caacolri norso. Njite noaco: "¿Coamishopa naaji nocapalri, nominalri? 5 Njite lriaji angele cacolri noapía lriepa noa, njitc lriaco norso. ¿Capá pjiaji coamishopaca njaji? Njite noaco: "Corrina, nominalri." 6 Njite lriaco norso: "Icasha lriaji walminalri iaco Zorobabel irso: Corrin jidatirrico, corrinshaca noajikesho , mitsa no Espiritonshoca. Lricaiteca lriaji waminalri sholrodaunai aimodan italricana. 7 ¿Coándalri pirá jiipana macani? Zorobabel ipeyalre cayowasha pjía malrishicoasho; njite lritacadanacoatsa lriaji jiipada yeenonite lriematacaotsa kriacarro "¡Mashiadalri, mashiadalri lrirso. 8 Waminalri iaco inó noicaolre lricaitecawa: 9 "Njaji Zorobabel icaapi, inita capeotsa inaitaca cocacasha aaji pantiriico, njite lricapitsaotsa iwayaketani. Njitenaotsa piajiwasha sholrodaonai aimadan italricana imenacaca noa picaolve. 10 ¿Acaiterrica imacoadataca iriadá jalredaoca naji shodalripe? lriaji yacalre catima caotsani njite nacapaotsa lricapirrico lriwashopa lriaji Zorobabel. (njaji siete (7) camarrai icatsa waminolri iticana piome icapa cape piomi jipainaco). 11 Njite notatashenaca lriaji angele: "¿Coamperri njaji jaico olivo, njaji patolriemeteperri, njite njaji aachia-lriemeteperri lámpara yarrodape icodapipe? 12 Nopietashenaca notatacani ¿Cuamperri njaji lriki yamanade oirrona narrocarruna, irsucape aceite ewanai lriaji iarrolri naoya? 13 Njite lriaco shenaca norso: ¿Corrin pjiaji cocaca njaji? njite noaco: Corrina, nominalri. 14 Njite lriaco icatsa njaji yamadade lrienipe narruji inacu aceite oliva sho njaji iemacape waminalri ipeyalre piomi jipainacolreshaca
1 Nite jnusretaka nuutji, nukapakasru¡ papje papera jnakalapinda yarakau! 2 Nite liaku nusru liaji angel: "¿Kuaka pikapa?"jnuepaka". Jnukapaka papje papera jnakalapinda yarakau, ventidos linawatesre liijalipaka panitsupa cuarenta y cuatro metro, nite yamema pakapi inawatesre liwawasriku panitsupa pemakapakapi limaimaka". 3 Nite liaku nusru: " katsa limatsikaka liaji imutuli jipairikjuite, kalaimi naji kañaiteperi ( kaiji likaitekapishu) nainukautsana, nite liaji ikaitekada itsati nuipitanaku nainukautsana kaiji likaitekapishu. 4 "Jnuatsa ikada limutua, liaku liaji naminali naji tsuludaunai, jliewautsau napanariku naji kañaiteperi nite naji ikaitekape itsati nuipitanaku; jnufautsau napanariku jnumaitautsa naji jaikudapana nite jipadapana". 5 Nite limutua liaji angel kakudali nuapiya jlikaite nusru: ¡"pisreta piitji pikapakasru kuakaka iinu! 6 Nuaku jlisru:"¿Kuaka liaji? jliepakanua" katsa liaji tsetu(treinta y siete limaimaka) liaji iinuli. katsa limatsikana liaji jaledauka." 7 Nite liaji liñanpatsupani naretakani tsetu yuya¡nite apama iinaru yufaka liapite! 8 Liaku liaji angel." ¡katsa limatsikanaka! linutsenaka liufau tseturikujle, lipeku linaku liaji jawiñadali litakarun. 9 Jnusreta nuutji nite nukapaka nanuka nuikaujle yamama naitepe, kauli iipiaka nanapje, kaiji wipiarutsu. jnaretaka liaji tsetu lipamuyuaka liaji jipai nite liaji eenu. 10 Jnukaiteka, litsu liaji angel kuaka kakupe nuapiya:" ¿ keere nadeka liaji tsetu? 11 liepakanua."nanaitakaruatsa lipananau liaji waminali aaji lipaiteriku liaji Sinar jnasruwaleu naji naitepe, ajaka, jnawayaketakadanakuatsa liaji lipanana, nakadawatsa liaji tsetu nim, namatsietakawena."
1 Nite nukawocucao nosreta nojti nocapa cuadakaa carros narakana naji caballos imotokajpe yamana jipananakuite, napji yamana pjipana nanaitanipe pshiparasho. 2 initacafia carro lisho caballo israinipe, yamafiashopa napji carros lisro caballos itapesri. 3 Madarifiashopa carros lisro carros jalepesri, nite liapji cudakaa caballos lishopia tamalriadali cadanapesrikanaa. 4 Nite nuepacan nukaite lisho liapji angel kaculri nuapiya: "¿cuaka napji, numinalri?" 5 nite liepa rliaji angel jliaco: nasha napji cuadakaa caorli eenolicuitepe imotokape enojrikuite nemarli nite napakasru jliaji jipai iminali. 6 liapji caballo itani limutua inasruemete; napji caballo pjalepe namutua jeeri shewari nisre; nite napji caballo tamalripe cadanapeshaka namutua atsiamete." 7 napji caidape caballo namutukao nakawocunicasrua jipainaco, nite jliaco liaji angel "¡ wasra yawa icawocua jipainaco!" nite namutukao piomi jipainaco. 8 Nite liwanacanua cakukaru nuapiya jliaco: "pikapa napji imutokapewa inasruemete; nameruatawasha liapji nu espirutu adarli inasruemete." 9 nite cakucaa liapji numinarli notso, jliaco: 10 pide napji ofrenda paafe yacalericuitepe, Heldai, Tobias, nite Jedaias tsaca, liadatsa jaledauka pidekana Josias ipanarlicole, Sofonias yeenipe, liapji inukada Babilonia jite. 11 nite pipaka liapji parlaata owirutsaka, pinaita ljiparamalje piruetaka jli widanaco jliaji Josue, jlienipe jliaji Josadac, iperiti natso napji ancianonai. 12 cakukena pia jlirso: ljiaco jliaji namanjli napji tsorudaunai: ¡ jliaji atsia, jlipitanaka Rama! jlitawiñawatsa apji liowalitsanini nite jlinaitawatsa waminali ipanawa! 13 jliwatsa jlinaitaka waminali ipanawa jlikañatawatsa jlimatsiaca; nite jlitaricanatwatsa apji liofakarudalikuite. jliakatsa anciano lliofakarudalico naufakautsa matsia yamadape napiyawaka. 14 nakada pada ljiparamalje jlipanalico jliaji waminalri nakaru mashiadari jlitso jliaji Heldai, Tobias jliatsaca jliaji Jedaias nawaopiakarutsa jlimashiaka nenipe napji Sofonias, 15 h nite, napji tekuperipa nanukaotsa nanaita jlipanao jliaji waminali, yajiwatsa jlicatsa naminali napji tsorudaunai imenakali nua ikaojle; linaitewatsa caiji isho ajadalicada jimika jliaco jliaji waniri Dios
1 Njite lriaji talikanati Dario lri talrika-natapia cuatro años, cuadaka jaledauka Quisleu (Pemapakapi kuadaka kerri). Dios yako iino Zacarias deshe. 2 Nja naiki Betel likupe naménakapia Sarezer njite regem Melec napiya njaji lri atsiatenai natatja karru waminali iinai. Njite kakuna palrenai isho yufakape lipanalriko ljiaji naminalí nja tsulrudanai. 3 Njite nja inuparrutakape njite naku: "¿pjapa nutaita maijakakanjua kuyulredalisho pemapakapisho njunaitakapisho añokuan?" 4 Njite, lrinu nudeshe waminali nayada nja stuprudaunai lrikaite nushu. 5 Kaku pjia nashu nja naiki jipainakupe njite nasho njaji palrenai: "Nufakarrun maijauda nurrapitetakau pemapakapi lriku njite pemapakapi apjefipja 70 años naku ¿pja ajadalri yufaka maija-ka nunako?". 6 Njiteinjakadanakupia irrakada naku pia, ¿Kurrin injaka pia kurrin irra pia inakuwaka? 7 ¿Kapja sriaktsa yakuti inuparrutakape pia, yufakarrun pia Jerusalen riku njite njajiya-l kale iwai kananipe iufakape Neguew liku, jipanana jerri shewaili nisre?. 8 Waminali yako inu Zacarias, deshe: 9 "Waminali tsulrudaute yada ikaite: Ikaite Ajadali yakuti nako njite kjenaikapakakay. Ikada njanaita nja atsianai matsiadali nakitsinda isho." 10 Nanaku naji maduiyuan, mjanirriperrin, apa-da jipai nakjuiteda njite sria kjenadalin, manaitatsa matsi nashu, mjanaitatsa matsidali kurrin apada pakaulerikjuite". 11 Mitsa njaji kurrin nauma njepaka nja mepakan ipuan natuda nateda naita njenakuliku kurrin karru njemi. 12 Nakada tarsa nakaule Jipada sho, kurrin karru njemi waminali imenakanda njanaita lriasta waminali itsuludaute yada. Lrimenaka yakuti Espiritu sho pia upidalin Jiyapau, Nanuma likjuite njaji inuparrutakape. kurrin nauma njemika nja naika, kaitsa kerrua nakjuete wami-nali itsuludaute yada. 13 14 Kaipía liyapakau waminali litsuludaute yada kurrin njemi lisu, njite lriako" Natatja wtsa nunaku, kurrim watsa njumi nashu. Nupatjaotsa nawa tirruli riku pjiumi naji jiipai kutua nanjinpe tua, njite ljia jiipai maminaliweriku njapuda. Kurrin kuka jiyapau jiipai nakkjuite kurrin tsaka nadíawa rsudeshe, nja naiki njanitaka lriaji jiipai matsiada-li maminalidakin sho.
1 Ljiako ljia tsolrodaonai iminalri lirino lrikaite noa, 2 Ljia Natalritsanaa naji tsolrodaonai kai ljikaiteka; Noa noopeyo nokerriaka jorredalji ljia yakalee. Nitee noopeyo kerroaka noa sroma, 3 Ljia natalrikanaa naji tsolrodaonai ljikaite; noa nodiawatsa yakaleetse nite nofawatsao pamuyoa Jerusalen lrico, iima ljiñii yakelee Jerusalen lripitaotsa ojadalri nitee nawakadate nanji waminalri itsalrodaote lripitanaotsa wakada maopjidalri 4 Ljia natalrikanaa nanji tsolrodaonai ljikaite kainji nanji pekipenay napitatsenakautsa yakalekua anji Jerusalenlriko nakuanaa watsa naumaka nakapirriko nawantakatsopa jaiko imaa opiika pekipenaina 5 Ljia yakalekua pjakankany yenpetjipetso atsiadape nitee naitjepedape natupitakarro lrirrikuda 6 Ljia natalrikanaa nanji tsolrodaonai ljikaite : Ninkada jirrapitjinadalri lrikapaka ljia namaaketen lrirrikoda jalredaula, kaitsaka jinapitinaka nokapakan ? katsaa lriako lriajli waminalri, 7 Ljia natalricana naji tsolodaonai liikaite : pikapake, wadepenautsa numanakutaka nanji noyakalenanai nanji piyonpinakopetua nite nanjii dainumajleperri ? 8 Noa tsautsa idietjana, nauwacarro pamoyoa Jerusalen, nini napietaka noyakalreta kana, noatsaotsa nadiote ajadalri jinaitsjada matsia. 9 Ljia natalrikana nanji tsolroodaonai ljikaiteka ; shaa yanjikape jimina lria yakutji inulri lrinumalrikuite lriajii kajlikedalri nemetjakarro panti ikatsa nopanaka liaji natalrikana nanji tsolrodaonai, ikapirriko lriaji matsiadalri, wemetakarro waminalri ipana 10 Lripeyatoa lriaji jajledauka kurrin kaiterrida iniwa nanji pjaniati kurrin pakau nadejikalre ikuada, kurrin atsianai irso kurrintsaka mafikalrinai irso, naa nepjanda kurrinpia namawadaka nakawaa nitee nadiakao, noatsa ikada nakuana nite pjadape nakuemakao, 11 Mitsa pjanaya opjina jliyapao, kaiwatsajii lrimakaketjentso lriajii yakajle, kamitsa lrikaitjeka lriajii natalrikana nanjii tsolrodaonai 12 Wapjanakarro lrianji irieke matsiadalri narrowatsao jiipjainanako najii lrinjaka, Eno lrikuitje lriwitsikakau tsanja noatsa ikadaa lritepjen itsoirianji yakalre pjiomi natsolji. 13 shapia shaa nakapanpe naikau apana jipjai matsiperrin Juda ipjana, Israel ipjanatsaka norsosha nomanakutaka nite shaa irsoatsa matsiadalri mfiotsao ikadakao kaidaperritso! 14 Lriaji natalrikana nanji tsolodaonai lrikeite: kaiji ikaitepekapisho jinaitena matsi kaijii naumetakapisho nanji ipekipenaite nauametja nuirrua lrikaiteka: lriaji natalrikana nanji tsolodaonai kurrin lriyapakao 15 kaitsaka nokaitepeka papja jalredauka nomatsietja Jerusalen nite Juda ipjana ! Mafiotsao! 16 katsa irusha jinaitaka, ikaitje yakutji najadri nakuan naji iktsiñape ikaitje matsialri ajadalri napajananomakuan 17 Makaitjepetsa jiinaitjakarro matsii ikualrerrikuitje itsowaka , makaitjetsa mmidalritsa nupjitjananaku mapjeyotsan katsa kurripjeka nopjeya njajii kamitsa lrikaitjeka lriajii waminalri 18 Nitje ltisko lriajii natalrikana nanji tsolodaonai lriako nutso 19 lriajii natalrikana nanji tsolodaonai lrikaite kaijii maiñjakakana kuakaka kerri, nite pjemashopja pjakapii kerri, sietjeshopja kerri nite yamemashopa pjakapjji, lridiawatsao mejamidalri nite katimadalri ; wawatsianjikao nakatjimatakaonJuda ipjnalriko nini, ipjeyo lriaji ojadalri nitje matsiadri 20 Lriajii Natalrikana nanji tsalodaonai lrikaitje nanji inaiki napjietja nadiakatsenakao, pjdenirri nanji lrimaimaka jiofakapje tjkolrepena yalrkuan 21 Nanji jiofakapje apaolja yakalrerriko nawatsaa apjafe yakalrerriko nawatsaa apjafe yakalrerriko nije nakeitje ; ikadaa wakarro keeyao watjatja lrinai wakapjakarro lrikuetje lrioyi waminalri, wakarru waumaa lriaji, natalrikana nanji tsolodaonai! fawatsaa yawaa. 22 Jjurrewatsa inaiki kaidapjerri apjada jipjainakutjeperri nanuatsa nauma tsolodaodai itjalrikana Jerusalenlriko, natjatjakarro tjalrikanatji inaji matsialri 23 Lrianji tsolodaonai itjalrikana lriako, lriada jalredauka, nanji diedaa atsianai kakapee apjada yakulrikuite nite pjada jipjai ikalrapi natsayan naku: ikadaa waa jinai, imaa femikapjua Dioska pjinai.
1 Ljikaite ljaji namindi koankaotsa ljiyapakao ljiaji neepaite naji Hadrac niite Damasco. Mitsa ljiaji naaminali ljikapa piomi naanako naaji ljinaikiite, niite nakoomitsa naaji tribus Israelnai. 2 Ljikaitetsaka naanako naaji Hamat, imalji kaadatakanaaka naji Damasco ljikoperi, Aiite iidanaatalji tiro niite Sidón, kaikadantana kanikjeperikatano maatsia. 3 Tiro iinaita apada naakaidatakashopa niite nainita naawakjeta palrata kaiji kaidapesho ljiashaka liaji owiro naamatsietanda kaiji kaalipesho naanaitanda kallewa. 4 Mitsa liaji naaminali liidoítakama, ljipataka naarikoka doniri-koole kaítsa liiwayakjetakaana tiiñeeriko. 5 ¡Asclón ljikapata niite ljifietakao! ¡Gaza ljiatsa ljitetekao joore! ¡Ecron, kaitsaka ljiaji liiwapalri teekaletsa ljimotokao! ljiaji taalikaanati aadaliaji Gaza, niite ljiaji Ascalón koorin aakaniaji naine. 6 ¡naaji kooroperitsa naaji naanita naofakaroda aji Asdod niite nao noomakoadata liipadalekjeti naaji Filisteonai!. 7 Mitsa noa noota lioya liirana ljinomaljikoite niiteshaka liijaji liimakadawaletashopa aaljiaji ljietsanako. Niitenaka, nao naakadakao liinakoiteperikana liisho ljiaji Dios naakadaka naakoitepenika naji Judá, nite Ecrón naadia coiji likayosho liaji jebuseo. 8 Noa noowapka lrialrapi ljiji noopaite naakaete naaji tsolrodaonai jiipondataka koorikaro kooka iitaita neyapakao. Koritsaka kooka iitaita jiewakao, koorin aapada naanakoite naaji naapapinipe mitsa panaya nao noowapaka liaji noopaite notsatsa noofaka nookapa! 9 ¡Neemata kaida naatimaliko, Sión iitonaipe! ¡neemata naatimaliko, Jerusalén iitonaipe!¡piikapa! pia tadikanati liinaka pikaole matsiadali niiteotsa naamanako kaotsa. iikatsa ljiaji maapadalekadalitsa miitsa liofakao burroinaco tsoonitoa. 10 Naawayaketa liikaron ljiaji Efrain niite ljiaji likawayon ljiaji Jerusalén, niite ljiyawitiapo naayoakani nainoa-kakadako; ¡ljia iikaite naamatsietakakaro naapiyawaaka, niite lianikaotsa jaiteji peema kaalita maakanai aate peemalje niite jaiteaji onirikoite aatee ljiwayakakawale ljiayi jiipai!. 11 Kaiji piikayosho, ljima ljiji iiranati pishokaotsa ljiaji naoko maanakokenapia lioya ljiji iiriri kooridali-tsa isho ooni. 12 Iidia ioma jiidawa, iimota lioyo ljiaj imatsikali jia ioketakaroatsa ljiaji liwapali; paanaya ljiaji nookaite isho noa noodietakaotsa isho yaama-piape. Iima oopi shikere naaji Judá kaiji nooyawitia-kosho. 13 Iima paakamika ljiaji noodekaroda kaapawi ljianai ljiaji Efraín. Noa nookafieta naaji ljitonaipe ljiaji Sión, naakoete naaji pienipe. Mashia, ¡mitsa kai nonaita piima, sión,! kaiji naamatsetansho maaji owinai. 14 Paapia waatsa ljinokaotsa naikaole ¡niiteotsa naaji naatidoalre naarakaotsa kaiji eno iipe-rokapisho! niiteotsa ljiaji noominalji ljipiakaotsa trompeta, mtsa ljiemaníkaotsa tiiroljiriko, jeri iparamal. 15 Ljiaji naaminali naaji sholrodaonaoi ljidanata naoyana; naa naawietakao niite naapoakana naaji jiipadape gomaka iikaoyanape, nairaka niite kaakopekaana kaida kaiji iidewanakaperitso iiraódati, niite naa paakaamikana iiraodatisho kaiji taza-makapisho, kaaji ijitawanasho ljiaji naakaroda matsiadali. 16 Ljimanakopiana ljiaji naaminalji ljiaji naaDiote ljiadapia jaledaoka kaikanaji ljipirasho naaji ljiyakele; kaikanaji jiipadasho paapoco paralji-maita naakana ljinaki liaji neepaite. 17 Koami ljimashiaka niite koamiosha ljiaji naamatsiaka ¡naaji ienpetipr ashianai keewikaotsana niite naaji waalidaronaipe pootiyakaotsana kaiji vinoshi!.
1 Itata Dios inai iiya onia lrico, Waminalri icadawacha colrocolroda eeno, njitje lricada wacha iiya jiwacao aima, njite lricadachaca jaico o malrichi ipanjiapjirrico. 2 Njá nji nadiote nacaiteocha yaacotji midalricha, njite lriaji nacapalri njanji inopalrotacape ishatjicha, nacaite njetapon namanjetashopa, namawadaketaocha midalricha, nini manalrecana cainji ovejasho, korripacoa nalro naminalri njerrapjitjachaca. 3 Noilroa inowacha nanaco njaji naminanai; icacha njaji naminai machiperrin, njite lriaji Owinai iminalri lrinochacaocha lricapa lrinaikite, njite naji Judá lricadawachana cainji cabayosho yaacape owirrico! 4 Naoyeteocha lrino lrianji lipada keemjefi, naoshetjeocha lrino lriaji camarrai yocacalrona naapa nalrico, naoyetjeocha lrino lriaji nayawitjiapo owi icaoya, naoshete nano nja nji napiyawanai piomi iwaketacacapeo. 5 Njawacha inaitacao owinaiwa, naji opoalriocha njeponda jotjo jothopalrirrico, calle rrico chaca Nanaitaocha owi ima waminalrica nanai nacapaimantaca njaji yaácape caballo naco owirrico. 6 Noa nocaidataocha Judá iipana, njite noyomjetachacaocha José iipana: Norretachenacaochana kenawacha nocapa nalro njite caichenacaocha naji korriperrisho nomacoadata, NOAWACHA NAMINALRI NADIOTECHACA, noepaochana. 7 Efrain caiji owipedalrisho, catimaocha lrícaolre caiji irracadasho irraodati, njite lrienipe icapani catima nacaolre, catimacha nacaolre noicaote. 8 ¡Nowanaochana nowinjacalresho, njite Nowaketaochana njite notaochana, njite nadiechenacaocha aimana caiji nai nitacapisho! 9 Noapanajica napjecolrico naji apjechida nenipechaca nadiachenaca noicaolre. 10 Notana Egipto lricoite, nowaketacalrona Asiria lrico. Njite nodeena jipai Galaad lrico, Líbano lricochaca atee nokeetaca lropa nepaiteo. 11 Noyapetaocha lriaji njerrapitapialri oni marsho; Noyamitawacha oni mar oriocaa nometataocha lriaji tjewacadalri oni Nilo. Nite lriaji Asiria jidaá lriwayacacao. 12 Noaá nocaídataochana NOA nite naá njicaocha noinai noipitananaco icacha lricaíterrica lríaji WAMINALRÍ.
1 !Libano pimjeco pipananoma,tsiyee washa iwayaqueta naji picedronin 2 ! Nimi piyaca picao pjia jaico pimon-na, ima njaca jaico cedronape oopina, njewwa! ! Njaca macanipejaia oopinaosha nawayacao! Jiaa Basan uyena icao, ima oopiquena lriwayacao-sha lriaji awacada macaitee. 3 !Nini njaji capirraperi naiyaca cjaida, nawayaca capoa naji napirra iñajaope! ! lcamisha pjemiea naiyaca njaji yaviii ienipee, ima lriuacacoo lriaji irimashiaca iriaji ooni Jordan! 4 lcasha waminalri Dios icaiterrika: "caijii capirrada iwapacapisho, icapaa njaji lripirra nadecadanacuna- ninocarrona! 5 Njajii iventacapena nainona nitse corrin coca iona nacoadao, misha njaji ivendecape naa nacaite: !Mashiadari lriaji Waminalri! ! ioopi cayarro njoaa" ! nini njaji idejicapa napirrajirico narso njaji lriminananai corrin kjenau nacopa narso. 6 Niniwasha Njoaa corrishaosha noorsoca lriaji kjenacalri napiya njaji jipainocoperri ioyao! Imaa Njoasha wadepena nocadaca jiaa ii;ape icapirrico nitse itslricana icapirricoshaca, nitse njawasha iwayaketa iriajia jipai nitse corriwasha nacadaa imawadaca. 7 Ima njoa caica njaji cajii iwapacada njaji pirraitsi nadewape naino, nonaita caya nacayosho iwacapee napirra, Nimi Njota yamapjoo; apapooo Nojajican "nokishindastashopo" nitse Iriaji apapoo nojicani "Papocosha". Icasha Nowashpaca Iriaji pirraitsiapjii. 8 Niniwasha apapii kerrinaco oa nawayaketacaosha njajio madalrida iwacapee ipirna, ima mapjikena nowapaca naa, nitse sahi nacapaca norso. 9 Nitse Nocaite narso njaji naminanai: Cosrrisha Nodejicarroesha irso caiji iwapacada pirraitsi. Mayamicada njaji pirraitsi maaminao- shana; nitse njaji pirraitsi nawayaketca- dana nawayaketenao - shana. Nite njaji cofacapetsoawa naofenao - shawa naiñjaosha - na njaji shomiperri naoya 10 Nimi Njotaca Iriaji jaicoapo "Nokishindatashapa" Notocjoacani notacarro Iriaji iacotsi nocadalripia Narso pjiomi njaji papoco. 11 Zriadapia iriwayaketa Iriajia iacotsi, nitse njaji capirrapepia ovejas nitse njaji icapacapepia coamica nonaitjaca noacasha Iriaji Naminalri cacolripiena. 12 Nocaitjenpiena narso: "Pjadacapaa mashiasha pirso cayo, picaweña nodejiclre, misha corricada, cayoenani." Nitse nakaweñaca Noa treinta moneda palrata. 13 Nitse Iriaji Nominalri Iriaco norso : "! Picadaa Iriaji palrata Itiarodalrico, ima Iriaji Iricoada mashalrican cashaosha cacoadaca pjia! " Nimi njotaca Iriaji treinta moneda palrata nitse nocadacami ajii Iriarodalrico Dios ipanalrico. 14 Nitse Notocoaca Iriaji yamaposha jaicoapo, "Papocade" Corricaroesha pacoaca nawaopiakje njaji Juda-Icoperri napia njaji israelnai. 15 Waminalrnitse icaite norso. lripieta, panaya pinaitacao caiji majicadalrinsho iwapaca ipirra. 16 Icapacarroasha, shonasha Nocadacarro apadaa iwapacaoda njaji pirraitsi ajii jipainaco. Iriawasha corriwasha coadaca Irirso njaji Iriwapanipe, nitse Iriawasha corriwasha Iriomaca njaji manareperrin corrishakja Iritapeca njaji iyamicape, corrinshakja Iriaca naiñao njaji Iripirra mashiapesha, misha Iriñjacasha njaji Iripirra ovejas kepeperi nitse triacaosha nashota. 17 !Niniosha Irirapjitsa Iriaji majicadalrin iwapaca Iripirra Irimacaosha njaji Iriwapaji! !Niniwasha Iritcaosha Irinapa espada - sho niseosha pema Iriitji ashiema! !Nitse Iriaji Irinapaa merricani nitse Iritji ashiema cooriesha Iricapaa Irisho
1 Lriajii waminalri lriijalramiita lriiajii yacoti Israel nainacu, apada lriijalramitanda lriajii wamiinalrii, lriiajiiio iimacaiiteto lrii Eno njite lricada lriipocodanao lriajii jiipai, njite lrinaitjatsaca inaikii espritoniwa iofacaope atsia naco. 2 Icaokeeé wadepjiena nómaca nopadametaca lriiaji Jerusalén apana paiirracarroapasho, nafiocarroatsa najii inaikii yofacape lriicodapii, caitsacaotsa nonaitaca norso najii iwaopiacape matsi Judá icoete. 3 Lridaotsa, nonaitaotsa liipada jamiiñadalri lriaji Jerusalén piomii narso najii inaiki lriajii yomacadata jiirretaca lriaji jiipada, aimaotsa njedacao, njite piomi najii yacalre macacoepe yofacape ajii jipairrico njerretacacaotsa lricoete lriaji yacalre. 4 Lridaotsa, lricaiteotsa lriajii waminalri; noñaotsa najii caballo nafiocarroa, niite tanjiawatsa lriicapaca lriicapaca lriiaji yofacada lrinaco. Njite matsiawatsa nocada matjica naji nacaballoni najii lricoema. 5 Njiteotsa najii napiiyawalrenai Judárricoperri nacaiteotsa nacaolrerico: "Najji yofacape ajii Jerusalénrrico catsaotsa faiidaoca waminalrri naco lriiajii tsolro daonai IDiote. 6 Lridaotsa, nonaitjaotsa najii Judá yapiyawalrenai caijii tiiyena yemensho kerradalrii, njite kerracaotsa nja caiji camarraitasho, ima nja nawaya quetaotsa piomi naji inaiki lricodapiperrii lriiyekemjete perri niite lriipatolriemeteperri tsaca. Njite lriajii Jerusalén lriofatsenaca atsa ajii lriofalritsa ninji. 7 Waminalrii imanacocaotsa Judá yofacarroda lrinita, wade matsiapaca David ipaneta yacona njite najii yofacape ajii Jerusalénrrico, wadee nawada marsiapjaca nja Judá 8 iitepemii nacoiitjeperri ioyo Lriidawatsa lriajii waminalri lriidanataotsa najii yofacape ajii Jerusalénrrico, njite ninicada mjaidaperri nainai caicaotsa njajii Davidsho, njite Diosho caotsa lriajii David iipana caijii apada ángel waminalri icadunda napjeyalre. 9 Lriidawatsa noiinitaotsa nowayaketaca najii jiipai inócapeotsa jiipondata Jerusalén. 10 Mitsa nomenacaotsa David iipaneta irso, njite norso tsaca najii yofacape ajii Jerusalénrrico apada espírito matsiadalrri nacapacarrowatsa norso njua njayapalrii njite naiiyacaotsa nopoamii, caijii apada iiyacapiisho lrienipe apadadalritsa. Coyolreotsa naiyaca lriipoami, caiiji nacayosho najii iyacape mayancadanaco nainitanda nenipeca. 11 Lridawatsa njaiyaca najii Jerusalénrricoperri caijii lriiyacapisho pia lriiajii Hadad Rimón, Meguido imalritsiapjirrico 12 Naiiyacaotsa najii yofacape ajii jipairrico nacoetewaca: David niite lriipaneta, mitsa tecolretsa najii naninai, caitsaca najii Natán ipaneta, njite najii naninai tecolretsaca naoya najii atsianai. 13 Caitsaca najii Leví ipaneta njenitacao naoyawaca, naninai tecolretsa naoya najii atsianai, caitsaca najii Simei tecolretsaca naoyawaca, najii naninai tecolretsaca atsianai ioya. 14 Caitsakja najii apanapena iitepén njenitacatsacao naoyawaca, naninai tecolretsa naoya najii atsianai.
1 Jria jaledaoca ljinitacadanaco liaji onia lrimecaocawatsa lisro ljiaji lipana ljiaji David njite narso njaji iofacape Jerusalenrico, lrima ljiaji namatsicana njite naopjitjá. 2 Lriada jalredoca, lcatsa licaiteri ljiaji WAMINALI natalicana njaji owinai, nini njoa noawatsa nodalrenka njaji nepinatana njaji idolonai lriricodape ljiaji jipai na carowatsa coriwatsa nadecaro naawaipjiakerico. njoa tsacaotsa noaawatsa nodanata njaji inoparotacape caashaperi ljiaji nácaolre caopjitjádali lriacaro rioya ljiaji jipai. 3 Ninicada coamdalicatsa lridoa, njaji ideecapeni nashotsa nacaiteca lrirso: "¡Pjia coriwatsa caafica nini pjia cacoca ishatisho lipitananaco ljiaji WAMINALI!" Njite watsa pjiniri njite pjidoatsaca njaji idecape pjia nacadawatsa namjecoca ljinoparotacadana cowatsa. 4 Lriada jaledaoca nacoami njaji inoparotacape narsotsa capaimanikana linaco ljiaji nacaiteri nainitjacadanaco nanaoarotaca. Njaji inaparotacupe coriwatsa napieta nanacoca naroda meeyudaki namanetashopa njaji inaiki. 5 Nini njacoami padape nacaitewatsa: ¡Njoa coritsa inaparotacadaca njoa! Njoa pada ashia idenjicadaka jipai, nini ljiaji jipai opi licada njode njicaroni lempeticadanaco toa njoa". 6 Mitsa pada icaitewatsa lrisro: "¿Coca njaji pjiyaoni napeculica njaji pjicapi?" Njite lria lriepawatsa kaayaonicanjoa ljipanalico ljiaji nokitsinda". 7 "¡Macheta! pjicafia lricaete ljiaji iwapjacaitanjoa, ljiaji ashia tsomiritsa njooya, icatsa licaiteri ljiaji WAMINALI njaji owinai. Pjiña ljiaji iwapacaita njite njaji liwapanipe njawatsa njacoetewaka ¡Nini njoa njoawatsa nocapi nacuete njaji kenaperi. 8 Niniwatsa ljiyapawatsa ljia piomi lriricada ljiaji jipai, icatsa ljicaiterica ljiaji WAMINALI, ¡Nini yamapjia watsa lripamuyoaca jná njayoacaotsa! Njá inaiki nawayacaotsa; mitsa masalridashopa lripamoyoaca naofawatsa nini. 9 Njoa njoawatsa nodee njaji madalidashopa ripamoyoaca lrisho ljiaji tiyee njite nomjaitacaotsana cayo pamjaitacapisho palrata tiyeerico; Njoa nowiwatsani njá cayo pawicapisho ljiaji owiro. Njá nawanawatsa noipitana njite njoa njoawatsa njoepana njite nacaite: "¡Njatsa njaji nunaikite!" njite njá nacaitewatsa: "¡ LJIAJI WAMINALI lriatsa waDiote!"
1 ¡Icapa! A papia watsa jalredaoca Dio imenacaotsa ikjaolre njaji jitalriotsa ioya njaji inaani njite naacaotsa narsowacana icapatsa. 2 Nowaketaotsa nacoami njaji jiipai macacoepe nainoacá-carro Jerosalén ikjoete njite njamaotsa njaji Jerosalén lricoperri. Nadee watsa iipana lrikjoite pjiomi inaani njite njepacaotsa matsicalri ricó njaji ininai nadakitá-carro naapiya. Nadee watsa preso pamoyoa lrinaikitena, mitsa njaji netepem namacaji corriotsa nayamitá carrona lrioya jliaji yacaalre. 3 Mitsa jliaji IMINALRITI lrimotoatsa lrinaitjácarro oowi nakjoete njaji yacaalre macacoepe cayotsaji Lrinaitjacajitsa mana oowi nakjoete. 4 Jliada watsa jecoapi Lrioca caotsa Lriemawa lrinaco jliaji Jiipana Olivo, jliaji yemalriwa Jerosalén icodapi jérri imotokema nakjoite. Lrimjecoaca caotsa yamemawa jliaji Jiipana Olivo, pema jérri imotokena nacojle njite pema Jérri shewalri nirse njite macaitecaotsa lrimjecoaca cawa jliaji jiipai lrioyawacadalri njite lripamoyoaca nakjoite jliaji Jiipana lriemacaotsa jérri iparrema nacojle atsialriema jle njite inarroema jle tsakja. 5 Njite sha ipito caotsa na pamoyoaca lrico, napecolrico njaji Iminalriti jiipanate ipecolrico, ima jliaji pacoacaitacawa jiipai naoyawaca-dalri lriocacaotsawa Azal nacojle. Cayoatsa ipitocawa ipito caojli pia canani caojli pia jiipai Uzia jiawajli pia, Judá itakricana. Ikena Lrinocaotsa JLIAJI IMINALRITI NO-DIOTE njite nanoca lriinai pjiomi njaji lrinaikite Matsiaperri Lriinai. 6 Corriotsa jérri icaná carroca jliadá, corri tsakjaotsa japecani, njiyte corrin tsakjaotsa pacapa coca caotsa icana. 7 Jliada jécoapi, icamitsa yajirrica inaco jliaji IMINALRITI, corri natsaotsa pacapá carroca jalrewerrico padadalri corrin tsakjaotsa pacapá carroca deepi, ima dainoma nacojle kjaida tsakjaotsa jliaji camarrai. 8 Jliada watsa jécoapi ooni cafídalri imotocaotsa Jerosalén lrikjoite. Njite pamoyoa lrinakjoite shecoatsawa Manoa nacojle jérri shewalri nirse, njite pamoyoa lrinakjoite shecoatsawa jérri shewalri nirse, camoi cádanaco njite oonia cádanaco. 9 Jliaji IMINALRITI, Jlia tsaotsa italricanataca anjí jalredaoca lrico. Njite Jliaji IMINALRITI, Padatsa Dio cani, njite Apadatsa Jliaji Lriipitana. 10 Cayoatsa pjiomi jliaji jiipai Arabá sho, Gueba nakjoite Rimón nacojle, atsialriema nacojle Jerosalén irso. Njite yenonrse catsaotsa jliaji Jerosalén. Lriemacawa lriema carrojitsa, Benjamín Ipananoma nakjoite, teeco jlinaa lrinacojle jliaji pantinoma nainitanda nanaitjaca, njite lriocawa lrionaco jliaji Pantinoma yacaalre iwai Itojiwi nacoda, njite yenondalri nakjoite Jananael nakjoite, teeco nanaitjacawa talricanati iipaneta irraope. 11 Naofawatsa njaji inaiki Jerosalén lrico njite corrinatsaotsa DIo iwayaketá carrocana. Namaodaca caotsa naofacawa njaji Jerosalén lricoperri. 12 Cayoatsa Dio jirrapitetacaotsa pjiomi njaji inaiki inaitjalri oowi Jerosalén ikjoete: Népe ipa caotsawa, napa tsakjaotsa njaji yemacapetsa. Corriotsa natji ipá carroca njewida naco, njite neenene ípacaotsa nanoma lricotsa. 13 Jliada watsa jécoapi Jliaji IMINALRITI Lricadaotsa nafiocawa pekirritsa. Njite naomaotsa nakitsinda ikitsindatacana, njite nakitsinda jinico caotsa nakitsinda ikjoete. 14 Judá tsakjaotsa inoacawa Jerosalén okjoete. Naniwa caotsa nanaani cacaoadaperri naoya pjiomi njaji apacoa jiipai nacope iofacape nawaida naco, nawirrote, napalratani, natsayan matsiaperri aimadalri. 15 Njite nja pana matsiperri jiwacaotsa nanaco njaji caballo njite mula nacó tsakja, camello naco njite borro nacó tsakja, nacoanamio njaji maaficalri iofacape naofacawa lrico njerrapita tsakjaotsa jliaminitsa jirrapitakjeti. 16 Njite pjiomi njaji inaiki namacalji iofacape nanco njaji jiipai macacoepe nanakjoite njaji ialriwa Jerosalén ikjoete, naawatsa pawalria icoami nácarro ná matsiadalri Dio irso, Natalricana njaji Tsolrodaonai aimadan lrikjaidatá carroatsa njaji nacatima taaca carroa lrico naofa cádanaco napana poco lrico. 17 Ima corri cadaotsa naawa pjiomiwa njaji inaiki jalredaoca lricoperri Jerosalén lricojle nácarro ná matsiadalri Dio irso, Tsolrodaonai aimadan Italricanaa, corriotsa Lricadaa carroca íyao jiwacawa nanaco jliaji Tsolrodaonai Italricanaa. 18 Njite corri cadaotsa náno Jerosalén lricojle njaji Egipto lricoperri, corriotsa iyácarroca nanaco. Jliaji IMINALRITI inocaotsa pjiomi njaji jalredaoca lricoperri corriperri iawa nirse, corrin tsakjaotsa nacatima taaca carroa nanaitja cádanaco Napana poco Naofacarrodawa. 19 Cayoatsa Egipto jirrapitaca njite pjiomi njaji apacoape yacaalre macacoepe corriperri iawa nacatima taaca carroa nanaitja cádanaco Napana poco Naofa carrodawa. 20 Mitsa jliada jécoapi, cayontjaotsa nacaiteca njaji kjemaperri irrolriwa caballo jiipa naco: ''Pjienitaacawa Dio irso,'' njite njaji palanganapipe Dio iipana lricoperri poncherapipe shocana altar irso. 21 Niiniotsa pjiomi njaji narrodape Jerosalén lricope njite Judá lricope tsakja njenitacaotsana Lriso Jliaji IMINALRITI jliaji Tsolrodaonai Aimadan Italricanaa njite nacoanaa njaji iinocape maaficalri nayana caotsa naiñja carroatsa nanakjoite. Jliada watsa jécoapi njaji comerciantenai corrin natsaotsa pacapá carrocana Lriipana lrico Jliaji Tsolrodaonai Aimadan Italricana.
1 Njaji yácoti wa-Minalri icaiterri Irael irsó Malaquía nakjoite. 2 ''Nopeyonipeca shá,'' lriaco jliaji IMINALRITI. Mitsa icaitenakja cayoji: ''¿Coajio piyoca fa?'' ''¿Capja piají Esaú iwerrica Jacob?'' Njite cayotsa IMINALRITI shepana. ''Nopeyo mini catoa jliaji Jacob,'' 3 mitsa corrin matsia Nocapaca Esau irso. Nomatsikjeta njaji awacadaa jlipaite ricope niini maminalri cana, njite nocadaa jalrapocolrí-carro maminalrinaadalri jliaji njepaite yamapoipoi iyacalrewa.'' 4 Edom icaite cadaa: ''Oopi njaama fá, mitsa ferreta tsenakja jliaji wayacalre namatsiketanda waoya,'' Njite jliaji tsolrodaonai aimadan ITALRICANA icaite: ''Nataita njerretaca jliaji nayacare namatsicanda pia naoya, mitsa Nodiá tsenakjaotsa nopeeco naoya. Njaji apaana inaiki nanji jliaji yacaalre: ''Imatsicanaati iyacalrecan'' njite ''Njaji inaiki Dio icaiteji inaco maatsitsa caidalriwenatsa.'' 5 Jiwaca tsaotsa icapa jliaji Nocaiterri itjí shó, njite icaiteotsa cayoji: ''Macádalri pjaaca jliaji IMINALRITI Iraelnai jipaite ioya.''' 6 Jliaji pada yénipe lrinaitja matsia jlinirri irso, njite jliaji pada irsodalri lrinaitja matsia lriminalri irso. Njite Njoa, Jinirriti cadaa Njoa, ¿Coada corrin inaitja Norso matsia? Njite Iminalri cadaa Njoa, ¿Coada corrin icoanjawa Nopeyajle?'' lricaiteca jliaji tsolrodaonai aimadan ITALRICANA narso njaji sacerdotenai, njaji imenatalri noipitana. ''Mitsa icaiteca cayoji: ''¿Coajio wamenata piipitana?'' 7 Idee cádanaco iñjaodati maatsi-perriminatsa no-altarni nacojle. Njite icaiteca: ''¿Coaji tsakjao wama maatsica pjia?'' Icaite cádanaco corri catsa coadaca IMINALRITI i-altarni.'' 8 ''Ino cádanaco Norso maaficalri matji perrimi, ¿capja corrica maatsi jliaji inaitjalri? Njite ino cádanaco maaficalri pokjom perrimi, cayamikjé perrimi, ¿capja corrica maatsi jliaji inaitjalri? Ideetja narso njaji talricanaatinai iwapa cape shá, ¿capjaotsa lricoadata caotsa ioya lrikitsindatá-carro shá lrikjaote?'' lriaco jliaji tsolrodaonai aimadan ITALRICANA. 9 Panaya jliaji, ioma pjena irsowao Dio, wadetsantja kjenaaca Lricapaca irso. Idee cadaa Norso njaji ofrenda inoji Norso corri-perritsa matsiacana, ¿coanjintja Nokitsindataca shá? 10 ¡Noma-tja niinica apada inakjoite ítacada jliaji panti macade ipananoma, wadee iwaca catoa tiyé altar nacó mikjapantsa! Corrinatsa matsia Nocapaca jliaji inaitjalri,'' lriaco jliaji tsolrodaonai aimadan ITALRICANA, ''njite corrinatsa nocoadatá-carroca pada ofrenda idenda Norso. 11 Ima jérri imotocatsawa atee lriá jliewawa, matsia watsa nanaitjaca Norso njaji apana inaiki jalredaoca lricoperri njite njaji inaiki nayacalre ricó namjaita watsa Norso incienso, naa tskjaotsa ofrenda matsiaperri nashopa Norso matsiadalri. Matsia watsa nanaitjaca Norso njaji apana inaiki jalredaoca lricoperri,'' lriaco jliaji tsolrodaonai aimadan ITALRICANA, 12 ''Mitsa shá inaitjaca maatsi icaite capoa maatsidalri catsa jliaji IMINALRITI imesani, niini imenataca njaji ipania iinaca njite maaficalri iipe. 13 Icaite tsakja cayoji: ''Oopina lrimapjita fa jliaji, icaamitsa imenataca Njoa,'' lriaco jliaji tsolrodaonai aimadan ITALRICANA. ''Idee mana njaji maaficalri yawi ínoji, njite idee njaji maaficalri pokjomperri njite iyamicada; icatsa njaji iderri ofrendawa. ¿Coadantja Nocoadata ioya njaji cayoperri?'' lriaco jliaji TALRICANAATI. 14 ''Maatsidalrica jliaji cashadalrim, lrirso cadanatsa apana maaficalri atsiana matsiani tsa lrípirra njite lricaite yácoti ajádalri sho lricadaaca Norsoni, mitsa lriinoca Norso, Njoá lri-Minalri, ¡apana maaficalri maatsine tsa! Ima Talricanaati Kjaidádalrica Njoa,'' lriaco jliaji tsolrodaonai aimadan ITALRICANA, ''njite naa watsa matsiadalri Notrso njaji apanatsa inaiki jalredaoca lricoperri.''
1 Panaya shá sacerdotenai, nonaaca shá cayoji. 2 Corri cadaa jimi Norso, corri cadaa ioma Njoa icaolre rikjoite iá-carro Norso matsiadalri,'' lriaco jliaji tsolrodaonai aimadan ITALRICANA, ''niini pedaotsa nomeenaca ikjaolre maatsi-perritsa, njite corriotsa matsiá carroca shá idejicalre nacó. Ajádalri, opina Nocadaa inaco maatsidalri, ima corrica icadaa Noaco icaolre ricó. 3 Icapa, wadeepena nopeecoca Noyawa njaji idakenai, njite Nopecoatsa yecoa naco namatsicanda njaji maaficalri inonda icatimataaca carroa lrico, njite nopecoatsa teeco sha lriinai. 4 Nite yajiwatsa Njoaca icadaa inaitjá-carro jliaji, njite caicarrom catsaotsa noaco nainai njaji Leví poco,'' lriaco jliaji tsolrodaonai aimadan ITALRICANA. 5 Ima jliaji yácoti Norsolri pia naapiya, naofá-carro matsiatsao namaodacatsa, njite Nonaitja cayoji nocaite capisho, catiima lricapa piaca Njoa caicadanaco pia njite lrifio pia noiwana. 6 Lricananta pia Noaco matsia, njite corri pia lricaiteca ishati nacó. Lriofá pia lrimaodacatsa Noinai, njite lrikitsindatá aima inaiki yácoti sho namacá-carro mamatsicana. 7 Ima icacatsa nadejicalreca njaji sacerdotenai, nacanantá-carro njaji inaiki nají-carro Nonacó, ima icacatsa jliaji ideecada lriaco jliaji tsolrodaonai aimadan ITALRICANA. 8 Mitsa shá opi yami inaitjaca matsia Norso.Oopi ima njewacawa njaji inaiki corri capoa yají icanantaca matsia noaco. Oopi jita dajlemi jliaji yácoti Norsolri pia eví iinai,'' lriaco jliaji tsolrodaonai aimadan ITALRICANA. 9 "Niini Njoá tsakja,nocadaa namenataca shá pjiomi njaji njaji inaiki aimadan, miperrim shoca nacapaca irso pjiomi, corri capoa sheepa inaitjaca njaji nonaalri inaitjaca, icaamitsa icanantacana teecojlepe naoyawaaca njite njaa pja icapa irso njaji caaconaperritsa naoya njaji apetsida." 10 ¿Capja corrica pada catsa jliaji Jinirriti? ¿Capja corrica apadalri catsa jliaji Dio inaitjalri pjiomi shá? Niini corritsa matsialrica ferrapiteetaca wakitsinda, corrin tsakja wataita wamacoadataca Dio iaco lrinaitjanda pia waferrinaipemi yapiya oopi? 11 Mjepacape catsa njaji Judá poco. Nanaitja cadofiakjedalri Irael lrico njite Jerosalén lrico tsakja. Ima Judá inaitja maatsi lrirso jliaji Dio shenitanda lrirsowao Lriofa carrodawa, jliaji lriomanda, ima lriofa kenakjawa pada tekjoitedalri iiti yápiya. 12 Dio inocaotsa jliaji Jacob iipana lricoda lrinaitja cadaa cayó, njite pjiomi njaji inaiki,corritsa coadaca lridee cadaa lri ofrendaniwa lrirso jliaji tsolrodaonai aimadalri ITALRICANA. 13 Njite inaitja tsakja cayoji: iitaca jliaji ITALRICANA ialtarni itjiafia shó, inonacalri, njite icajakjeti sho tsakja, ima corri catoa Lricapa lrirso jliaji ofrenda idenda, corrica lricoadata ioyani. 14 Mitsa icaite cayoji: ''¿Coada corrin lrioma Lricoadataca waoyani?'' Ima jliaji IMINALRI yají coan piaca inaitjaca yácoti jitaaca cádanaco pia, jliaji pimatsiketalri, pikitsinda, piino cadanano pinaitjanda yaapiya yácoti. 15 ¿Capja corrica Lricadaa apada carrotsa njaji yamadade, njite lricadaa narso jliaji Caolriti lrinakjoitedalri? ¿Coada lricadaa padatsa njaji yamadade? Ima lrioma piaca Dio yenipe nanakjoite, niini warsena imatsietacawa iofa matsia icaolre rikjoite, wadee imatadaca irsowaaca. 16 Ima maatsí Nocapaca narso njaji imacaaca capewa,'' lriaco jliaji tsolrodaonai aimadalri TALRICANAATI. Niini warsena imatsietacawa iofa matsia icaolre rikjoite, wadee imatadaca irsowaaca.'' 17 Oopina imapjitaca Dio iaco shó. Mitsa icaite: ¿Coajeo wamaapjitaca pjia?'' Icaite cádanaco: ''Matsia catsa Dio icapaca narso njaji inaitjacape maatsi Dio ipet?"
1 Icapa, wadepenaotsa nomeenacaca jliaji ideecada Noaco, njite jlia catsa imatsieta nacaolre ricó njaji inaiki nacoadatá carro njoa. Njite jliaji TALRICANATI, jliaji yajirri ioma, kjeyanaotsa lriocacawa lriipana macade lricó. Njite jliaji ideecada jliaji yácoti nocaitenda pia irso icadaalri catiimaca shá, njite yanjí-carro, lriokjeniotsa,'' lriaco jliaji tsolrodaonai iamadalri ITALRICANA. 2 Mitsa, Corriotsa coca itaita yemaca lrikjoete jliaji TALRICANATI lrino caojliotsa lricaite naacona njaji jalredaoca lricoperri. Ima cayocaotsani tiyé shó imjaitacada njaji maatsiperri, njite aboni sho cani icotsocada itsayani. 3 Njite lritalricanata caotsa cayoji lrideji capisho jliaji idejicada palrataitape sho tiyé rico lrimatsietá-carro njaji lridenjirri. Cayoatsa lrimatsieta namatsicana ioya njaji Leví yénipe. Lrimjaitaotsa namatsicanaa cayoji namjaita capisho owirro njite palratape tsakja matsiá-carrona, njiteotsa nadee na ofrenda matsiaperri Dio irso. 4 Njite dekjaotsa matsiaca na-ofrendani njaji Judpa lricope njite Jerosalén tsakja Dio irso, cayoji nanaitja capisho pia oopi. 5 Njite-naotsa notsomita shá nocaité-carro yaacona. Njite kjeyaotsa noemaca nakjoete njaji malrirrinai, cawilreperrim, icaitecape ishatitsa apjetsida nacó, njite nakjoete njaji jirrapitacape njaji idenjicaperri narso njite corrin nacaoñana matsia, njaji jirrapitacaperri njaji madoiyoanaipe njite maoñjerrinai, njaji idietacape naoyawa njaji inocaperri pada jiipai nakjoite naikjaolre, njite nakjoete njaji corri-perri iá Norso matsiadalri, lriaco jliaji tsolrodaonai iamadalri ITALRICANA. 6 Ima Njoá, IMINALRITI, corrin teecojleca nowaopiakje, caishopa shá, Jacob yénipenai, corritoa iwayacacawa. 7 Jinirrinaipemi caojli pia, icapiena sheena piaca noaco ioya, corrin shepa inaitjaca cayoji nacaite capisho. Idiá Noikjaolre, njiteotsa Nodiá tsakjaotsa ikjaolre,'' lriaco jliaji tsolrodaonai iamadalri ITALRICANA. ''Mitsa icaiteca cayoji: ''¿Coaji watsa wadiaca Pikjaolre?'' 8 ¿Capja pada inaiki itaita iñaitoca Dio? Ajã, ima iñaitoca Njoá. Mitsa icaite cayoji: ''¿Coajẽo wañaitoca Pjia? Diezmo sho njite ofrenda nacó tsakja. 9 Niini Nocaiteca maatsitsa inaco, ima pjiomi njaji inaiki jalredaoca lricoperri, nañaitoca njoa. 10 Idee pjiomi njaji diezmo icadaa carroda lrico, mjetatsa naoya nanacope, njite corriotsa jirrapitácarroca maawitacai iipana lrico. Íwi icapao Njoa lrinaco, lriaco jliaji tsolrodaonai iamadalri ITALRICANA, ''Niniotsa nomjeco eeno ipananoma noarró-carro matsiaperri inaco njite lriarro paotsa ioya. 11 Nopieta tsenakja caacoca Njoa nakjoete njaji imatsiketacape napania, wadee namatsiketaca napania. Corriotsa natsicaaca carrocawa ovapji iinaca,'' lriaco jliaji tsolrodaonai iamadalri ITALRICANA. 12 ''Nacaiteotsa inaco njaji apana inaiki matsiaperrica shá, naofacawa njaji inaiki catima-perri,'' lriaco jliaji tsolrodaonai iamadalri ITALRICANA. 13 Maatsiperrica njaji yácoti icaiterri Nokjoete, lriaco jliaji TALRICANATI. ''Mitsa icaiteca: ''¿Coajῖo caacoca fa maatsi pikjoete?'' 14 Ima icaiteca: ''Mikjapantsa padejῖca Dio irso. Mikjapantsa panaitja cadaa cayoji lriaco icaite capisho, corritsa coadaca inonaa cadaa pja caaco capoa maatsitsa lrikjoete jliaji tsolrodaonai iamadalri ITALRICANA. 15 Njite panaya wacaite matsiaperrica njaji padalreperrimi, njajῖ inaitjacape aima imatsicanaati, njite panaya icapa coajῖca náwica nacapá-carro Dio imatsiaca, njite corrin njerrapitaca namatsicana icoada.''' 16 Njite njaji inaiki ifiocaperri Dio iwana naaco narsowaaca lrikitsinda yaapoiya. Jliaji IMINALRITI jimintsa njite lriwapa jlimi matsia, njite nadana papje paperra coajῖ piacana lripeyajle, nanaco njaji ifiocaperri Dio iwana njite naa matsiadalri lriipitana nacó. 17 ''Noyarrope caotsana,'' lriaco jliaji tsolrodaonai iamadalri ITALRICANA. Icatsa njaji Noyarriope, jliadaa watsa nocaiteca naacona njaji nonaikite. Kjenaa watsa nocapaca narso, cayoji kjenaa capisho pada icapaca lrienipe sheepacada lriaco. 18 Njite nacapaotsa coajica naoyawaaca njaji inaitjacape matsia naoya njaji inaitjacape maatsi, njaji iácape matsiadalri Dio irso njite njaji corriperritsa iá matsiadalri Lrirso.
1 Icapaotsa, Dio inocaotsa tiyé kerradalri shó, niiniotsa pjiomi njaji padalreperrimi njite njaji maatsiperrimi namacaotsa malritsi meetapem shó. Dio irrá imjaitacaotsana,'' lriaco jliaji tsolrodaonai aimadani Italricanaa, ''njite corriotsa lricadaa carrocana jaicoki shó corrin tsakja jaicopalri shó. 2 Mitsa irso shá ifio capetsa noipitana iiwana, jliaji IMINALRITI inaitjacada matsia irso, iwatsiajicaotsawa nacayosho njaji vaken papocoperri namotoeta cádanacona nemaa carroda lrikjoitena. 3 Njite shametacaotsa njaji maatsiperrimi, ima jipa yapjite caotsana palripoco sho jliadaa watsa Nonoca nocaité-carro naacona,'' lriaco jliaji tsolrodaonai aimadani Italricanaa. 4 Iwaada pjiomi njaji Norsodalri Moise icanantalri pia inaco shá Iraelitanai jiipana Horeb icodapi, njaji yácoti yofashopa matsia njite coajica panaitjaca. 5 Icapa, Nomeenacaotsa ikjaolre jliaji inoparrotacada Elía, lripjeya lrínoca jlinaana lrico jliaji IMINALRITI kjaidadalri cafainadalri lrinó-carro lricaite naacona njaji jalredaoca lricoperri. 6 Lripadametaotsa nawaopiakje njaji njanirrinaipe neenipe irso, njite neenipe iwaoipiakje njanirri irso, wadentja Nonoca nowayaketa padeniiri jliaji jalredaoca maatsidalri shó.''