¹ Ibuku ilya ndondomeko muluko lwa Yesu Kilisitu, umwana wa Ndabiti, umwana wa Abulahamu. ² U Abuhamu u wise wa Isaki, nu Isaki umwana wa Yakobo, nu Yakobo umwana wa Yuda nabowamwabo wake. ³ U Yuda uwise wa Pelezi nu Zela kwendela mwa Tama, u Pelezi u wise wa Heziloni, nu Heziloni u wise wa Lamu. ⁴ U Lamu u wise wa Aminadabu, u Aminadabu u wise wa Nashoni, nu Nashoni uwise wa Salimoni. ⁵ U Salimoni uwise wa Bowazi ukwendela mwa Lahabu, Boazi uwise wa Obedi ukufuma mwa Ruti, Obedi wi wise wa Jese. ⁶ U Jese akaba uwise wa Davidi umalafyale, u Davidi wi wise wa Solomoni ukufuma mumukashi wa Uliya. ⁷ U Solomoni akaba wi wise wa Rehebohamu, u Rehebohamu uwise wa Abija, u Abija wi wise wa Asa. ⁸ U Asa akaba uwise wa Jehoshafati, u Jehoshafati uwise wa Jolamu nu Jolamu munyenya wa uziya. ⁹ U Uziya akaba wi wise wa Jotamu, u Jotamu u wise wa Ahazi, u Ahazi u wise wa Hezikiya. ¹⁰ Hezekiya u wise wa Manase, u Manase u wise wa Amoni, u Amoni u wise wa Josiya. ¹¹ U Josiya akaba munyenya wa Jekoniya nabowamwabo wake pakabalilo kako bakabalobosha ukuya ku Babiloni. ¹² Bwo baloboka ukuya ku Babiloni, u Jekaniya akaba wi wise wa Sheyatiya, U Sheyatiya akaba munyenya wa Zelubabelo. ¹³ U Zelubabelo akaba wi wise wa Abudi, U Abudi u wise wa Eliyakimu, nu Eliyakimu u wise wa Aza. ¹⁴ U aza akaba wi wise wa Zadoki, u Zadoki u wise wa Akimu nu Akimu u wise wa Eliyudi. ¹⁵ Eliyudi akaba wi wise wa Eliyaza, Eliyaza u wise wa Matani, u Matani u wise wa Yakobo. ¹⁶ Yakobo akaba wi wise wa Yosefe umulume wa Maliya, ukufumama kwa uyu momwo u Yesu akapapiwa, yuyo akwitiwa ukuti Kilisitu. ¹⁷ Imbapo yoshi ukufuma pa Abulahamu mupaka pa Devidi pakaba imbapo fotitini, ukufuma pa Davidi nakululoboko kuya ku Babiloni shikaba fotini, nukufuma kululoboko ku Babiloni ukufikila kwa Kilisitu shikaba fotini. ¹⁸ Ukupapiwa kwa Yesu Kilisitu kukawoneka musila iyi. ung'ina wake, u Maliya, bakaba pa lufingo ukuti beghane nu Yosefe, lole bwo batisile pamupene, akayiwa ukuti ali pabung'wamu ubwakufumila kwa mbepo mwikemo. ¹⁹ Lole u Yosefe, umulume wake, akaba mundu umugholofu sona atakalonda ukumukosha isoni pachilundilo, po akalondagha ukuti amuleke kubushifu. ²¹ Mwo akwinong'ona ifindu ifi, uwandumi wa Malafyale akamubonekela mufilota, akati, ''Yosefe mwana wa Davidi, utakoghope ukumwegha u Maliya ukuba mukashi wako, chifukwa yuyo ali mukati mumwake chifuwa cha mbepo mwikemo. ²⁰ Tise akapape umwana umulisha, nukumwitisha ingamu yake Yesu, papo akwisa akupoka abandu wake ukufuma kumbibi shabo.'' ²² Fwoshi ifi fikabonekagha ukukwanilisha fifyo fikayughiwa numalafyale ukwendela mumukunguluka, ukuti, ²³ ''Tesha, umulindu yuyo atamumenye lumo umulisha akwisa ukubna nichifuwa nukupapa umwana umulisha sona wakwisa ukumwita ingamu yake Emaniwelo''---lilyo likung'anamula ukuti, ''u Chala ali nutwe.'' ²⁴ U Yosefe akanyamuka mutulo nukubomba mumwo uwandumi wa Malafyale akamulamulila, akamwegfha ukuba mukashi wake. ²⁵ Lole atakamumanyagha mupaka po akapapilagha umwana umulisha. Po akamwita ingamu yake Yesu.

¹ Bwo u Yesu apapiwa mu Betelehemu mu Yudeya mumashiku gha Herodi u malafyale, abamanyi abakufumila ku bufumilo bwa isuba bwa bafika mu Yerusalemu bakayugha ukuti, ² ''Alikoki umalafyale waba Yuda yo bakuti apapiwa? Tukatesha ulutondwa lwake ulya kufuma kubufumilo bwalisuba potwisa pakumwiputa.'' ³ Bwo u Herodi u malafyale apulika ichi akatamiwa mundumbula, naku Yelusalemu koshi. ⁴ U Herodi akisa pamupene nabaputi abosongo bosi nabasimbi babandu, sona akubusha, ''alikoki u Kilisitu yo apapiwa?'' ⁵ Bakati kukwake, '' ku Betelehemu wa Yudeya, pakuti icho chochisimbiwe naba kunguluka, ⁶ 'Lole uwe, Betelehemu, muchisu cha Yuda, mwetamwe banandi mukati mubalongoshi ba Yuda, papo ukufuma ku umwe kukwisa yoti ise alamulilaghe, yoti ise abalishaghe abandu bangu ba Isilayeli.'' ⁷ Po u Herodi kubushifu akabitisha abandu bamahala nukubabushikisha nganingani akabalilo ko ulutondwa lukaboneka. ⁸ Akabatuma ku Betelehemu ukuti, '' buka muye mulonde umwana umukeke umwakuketelesha. pala mwamwagha, mundumile indumi ukuti nune nise sona imwipute.'' ⁹ Bwo bamupulika umalafyale, bakendelela nubulendo bwabo, nu lutondwa lwo bakalutesha kubufumilo bwa lisuba lukabalongosha pandashi mupa po lwaya lwafika nukwimilila papo u mwana u mukeke akaba. ¹⁰ Bwo batesha ulutondwa bakasekelela kuhoboka ukukulu. ¹¹ Bakingila munyumba nukutesha u mwana u mukeke yula akaba nu Maliya ungína wake. Bakafughamila nukumwiputa. Bakighila u chuma chabo nukumupa ifyabupi fya Golide, amafuta aghakunungila, numule. ¹² U Chala akabasokesha muchilota ukuti koma ukunyokela sona kwa Herodi, po bakanyokela kukaya kabo pakwenda isila iyingi. ¹³ Bwo banyamuka indumi ya malafyale ikamubonekela u Yosefe mu chilota nukuti, '' nyamuka, egha u mwana uyo nungína wake nukukindilila ku Igiputi. Mube kukuko mupaka ponisa nababula, papo u Herodi akulonda ukumukomania u mwana umukeke.'' ¹⁴ Ubushi bulabula u Yosefe akanyatuka nukumwegha u mwana nungína wake po nukunyamuka kuya mu Igiputi. ¹⁵ Bakikala kuko mupaka ubufwe bwa Herodi. Ichi chikakwanishiwa cho umalafyale akyugha ukwendela mumukunguluka, '' ukufuma mu Igiputi nitisha mwamwana wangu.'' ¹⁶ Po u Herodi, bwo bamusekela abandu abamanyi akaba mukali naloli. akatuma nukughgha utwana utulisha twoshi twotukaba mu Betelehemu na chghaba chokukaba abana bafwinja fibili napase, ukufwana nakabalilo kokakabikiwa nabandu bamahala bala. ¹⁷ Po kukakwanilishiwa chochikayughiwa mumukunguluka u Yelemuya, ¹⁸ Amashu ghskupulikikwa mu Rama ukulila nukulila ukukulu, u Lakelo akulilila abana bake, nukukana ukusumba, chifukwa batakuboneka sona.'' ¹⁹ Bwo u Herodi afwa, twesha, uwandumi wa malafyale akamubonekela u Yosefe chilota ku Igiputi nukuti, ²⁰ ''Nyamuka egha u mwana nungína wake nukubuka ku chisu cha Izililayeli, pakuti boshi bobakalonda ubwumi bwa mwana bafwile.'' ²¹ Yosefe nyamuka, egha u mwana nungína wake, buka ku chisu cha [zilayeli ²² Lole bwo apulika ukuti u Akilasi yo akalingosha mu Yudeya mumalo mwawise wake u Herodi, akoghopa u kuyako. Bwo u Chala amusokesha mu filota, akanyamuka ukuya kuchighaba cha Galileya. ²³ Nukuya pakwikala mukaya kokakwitishiwa Nazaleti. Ishi shikakwanilishiwa shoshikayughiwa naba kuguluka, ukuti tise itishiwe waku Nazaleti

¹ Mumashiku ghalaghala u Yohani u mwoshi akisa pakufumusha muchitengele cha mu Yudeya ukuyugha ukuti, ² ''Pinduka, pakuti u bunyafyale bwa kumwanya bwapalamila.'' ³ Pakuti ishi shosho shikayughiwa nu Yesaya umukunguluka, ukuti, ''amashu gha yuyo akwitisha ukufuma muchitengele, nosha ngaila isila ya malafyale, nosha isila shake shibe shakugholoka.'' ⁴ Po u Yohani akafwala imyenda ya meya gha mbunda sona nulamba wa chikwela ukushulira mumusana wake. I chakulya chake chikawa bopashi nubwuki bwa muchiposo. ⁵ Po Iyerusalemu, ni Yudeya yoshi, ni fighawa fyoshi ukushungulira u lusoko lwa Yorodani bakabuka kukwake. ⁶ Bakoshiwanga nawe mulusoko lwa Yolodani nukulapa imbibi shawo. ⁷ Lole mwo abatesha abingi abafalisayi na basadukayi bakwisa kukwake ukuti boshiwe, akababusha ukuti '' mwe bana banjika, wini yuyo abasoka kubukali bubwo bukwisa? ⁸ Mupape iseke shisho shibaghale nulupinduko. ⁹ Mutakinong'oneghe ukuyugha pamwibene , 'tuli nu Abulahamu utata witu; pakuti lngubabusha ukuti u chala abaghile ukunyamusha a bana ukuba ba Abulahamu nukufuma kumabwe. ¹⁰ Po isembe libikiwe pase ukulimbana nimishishi yalikokwe, ukuti ikokwe lyoshi lilyo litakwela ifyisa tilikatumuliwange nukuliponia pamuliro. ¹¹ Ingubosha namishi ghalupinduko lole yuyo akwisa panyuma pangu wamaka ukukinda une, sona une indabaghile pamu nukunyamula ifilato fyake. Yo takaboshange numbepo mwikemo sona numuliro. ¹² U lusero lwake luri mutukono twake nukupeta fyoshi ifibibi pase nukubungania ingano nukusunga mundamba. Lole takapembaghe numuliro fyo fitakulondiwa ukufisunga. ¹³ Po u Yesu akisa ukufuma ku Galileya nukuya kulusako lwa Yolodani ukuti aye oshiwe nu Yohani. ¹⁴ Lole u Yohani akaghelagha ukumukanisha nukuyugha ukuti, '' chalondiwagha ukuti noshiwe nuwe, po sona kwisa ku kwangu.'' ¹⁵ U Yesu akamula nukuyugha kukwake ukuti, '' itikisha bwoshulu papo chitabaghile utwe pakuti tukwanilishe ubugholofu bwoshi.'' Po u Yohani akamwitikisha. ¹⁶ Po mulo oshiwa, u Yesu akafuma nakalinga ukufuma mumishi, po tesha, kumwanya kukamwighukila . akatesha umbepo wa Chala akwilomoka papake ngati kakunda nukwisa kwikala papake. ¹⁷ Tesha, ishu likafuma kumwanya likuti, '' uyu yo mwana wangu u mughaniwa. Inguhoboka leka nawe.

¹ U Yesu akalongoshiwanu mbepo ukubuka mululangalanga ukuti agheliwe nu satana. ² Bwo afunga amashiku fote pamusi napabushiku akapulika isala. ³ Uwakumughela akisa ayugha kukwake, ''Pala we mwana wa Chala, laghilaamabwe ukuti chiwe chibama.'' ⁴ Lole u Yesu akamula akati kukwake, ''Shilembiwe, 'Umundu atangikala nubwumi pakulya ichibama chene, lole kulishu lyoshi lilyo likufuma mumulomo wa Chala.'''' ⁵ Po usata akamwegha nukubuka nawe mukaya akikemo sona akamukwesha pamwanya pa tempheli, ⁶ po akati kukwake, ''Pala we mwana wa Chala, itagha wimwene pase, pakuti shisimbiwe, 'akuya pakubalamulila abandumi akukupka uwe; sona, bakuya pakukunyamula munyobe shabo, ukuti uwe utakafulale ifilundi pibwe.'' ⁷ U Yesu akayugha kukwake, ''sona, shilembiwe, manye umughelaghe u malafyale u Chala wako.'' ⁸ Sona, u satana akabuka nawe pachighamba ichitali ngani nukumulangisha utwaya twoshi utwa pachisu nubwisa bwake bwoshi. ⁹ Akamubusha akati, ''ifindu fyoshi ifi nguya pakukupa, pala kufughamila nukunyiputa une.'' ¹⁰ Po u Yesu akayugha kukwake, '' fumapo panu, satana! pakuti shilembiwe, 'ubaghile umwipute umalafyala u Chala wako, nukumubombela yuyo mwene.'' ¹¹ Po u satana akamuleka, mwalubilo, abandumi bakisa nukumubombela. ¹² Bwo u Yesu apulika ukuti bamupeleka u Yohani, akabuka mu Galileya. ¹³ Akafumamwo mu Nazaleti nukubuka pakwikala mu kapenamu, mulubafu lwa nyanja ya Galileya mu chighaba cha Zebuluni nu Naphtali. ¹⁴ Ishi shikabombiwa pakukwanilisha fyo umukunguluka u Yesaya akayugha, '' ¹⁵ Ichisu cha Zebuluni nu Naphtali, ukuyila kunyanja, ukupululila ku Yorodani, Galileya wabakuse! ¹⁶ Abandu bo bakikala mu chisi babubona ubwelu ubukulu, nabo bakikala mu chisu na muchisheshe cha bufwe, papabo ubwelu bukubala.'' ¹⁷ Pakufuma akabalilo kala u Yesu akanda ukulumbilila ukuti, '' pinduka , pakuti ichitangalala cha kumwanya chisile.'' ¹⁸ Po bwo akwenda mulubafu lwa nyanja ya Galileya, akababona abawamwabo babili, u Simoni yo akwitishiwa ukuti Peleli, nu Andulu uwamwabo, bakuponya ichilepa mu nyanja, pakuti bakaba balobi baswi. ¹⁹ U Yesu akati kukwabo, ''sakuno, ngonga une, nguya pakubapela balobi babandu.'' ²⁰ Mwalubilo bakafileka ifilepa nukumukonga. ²¹ Bwo u Yesu akubukilila akabaketa abowamwitu babili, u Yokobo u mwana wa Zebediya, sona nu Yohani u wamwabo. Bakaba mwiboti nu tata wabo bakashomekagha ifilepaa. Akabitisha, ²² Po mwalubilo bakalileka iboti nu tata wabo nukumukonga. ²³ U Yesu akabuka mwoshi mu Galileya, akamanyishanga muma sinagogi ghabo, akalumbililagha anashu amisa agha chitangalala nukuposha imbungo nimbina shoshi mukati mubandu. ²⁴ Akapango kake kakapulikiwa koshi ku Siliya, sona abandu bakisa nabo boshi bobakatamiwanga nimbungo nifyakubaba ifya kupambana pambana, nabo bakaba nimbepo inyali nutushilishi nabo bafwile ulubafu lumo. U Yesu akabaposhanga. ²⁵ Ichilundilo ichikulu chikamukonga ukufuma ku Galileya, mu Dekapolisi, Yelusalemu, namu Yudeya, sona ukupululila u Yorodani.

¹ Mo u Yesu atesha chilundilo, akabuka pamwanya pighamba, mowikala pase, abafundiwa wake wakisa kukwake. ² Akibula umulomo wake, sona akaba manyisha, akatingi. ³ ''Basayiwa bobapina mwambepo pakuti wa nyafyale bwakumwanya bwabo. ⁴ Basayiwa bawo bakulila pakuti tibaka be pumulishiwe. ⁵ Basayiwa bowakufwasa pakuti tiwapyane ichisu. ⁶ Basayiwa bo wakuba nisala ninyota ukuti bawe bawolofu, pakuti tiwakisuliwe. ⁷ Basayiwa bo wali nichisa pakuti tiwakapeghiwe ichisa. ⁸ Basayiwa awelu mundumbula, pakuti tiwaka mubwone u Chala. ⁹ Basayiwa bowakupanga lutengano, pakuti tibakitishiwe bana ba Chala. ¹⁰ Basayiwa bo wanyashiwa chifukwa cha bugholofu pakuti wanyafwale wakumwanya wabo. ¹¹ '' We musayiwa pala abandu bakukwilumbusha sona wakukwasha sona bakuyugha ifindu fyoshi ifiwiwi ifya bumiashi kukwako chifukwa cha une. ¹² Sekela sona ghowoka pakuti ifyabupe fyako fikulu kumwanya pakuti musila nga siyiyi abandu bakabashanga abakunguluka bwo bakabapo umwe bwomutisile. ¹³ ''Wembeya yapa chisu, Lole pala imbeya yatagha ubunoghe, yingapangiwa bule sona ukuti yinoghaghe? Itakubasona lumo nyisa pa choshi ukupabula ukutagha nu kukanya upatula ukukanya pase nifilundi fyabandu. ¹⁴ We bwelu bwa chisu. Akaya kokasengiwe pa kaghamba katangimama. ¹⁵ A bandu batakukosha inyale nukubika pase pa chitundu, lole pa chakuwikapo inyale sona yikumubalilagha weshi mu nyumba. ¹⁶ Buleke ubwelu bwako buwalaghe pamaso gha bandu musila yakuti bateshange imbombo shako lyasa sona mukweshe ughuso yuyo ali kumwanya. ¹⁷ Manyi mwinong'onoghe ukuti nisa pakunanganya indaghilo pamu a bakunguluka. Ndisile pa kubanangania lole pa kubakwanilisha. ¹⁸ Pakuti ubwanaloli ngubabusha ukuti mpaka kumwanya napase fikamale, takakabepo kamu akasimbo kamukene pamu akatlnyelwa kamukene tikakatishiwepo pa lulaghilo, mpaka ifindu fyoshi fikakwanilishiwe. ¹⁹ Po bunobuno weshi yuyo akupepula lumo, lumulwene mwa ndaghilo ishi nukubamanyisha abangi ukuti bapangaghe isa sabunobuno tiakatishiwange munandi unyafwale wakumwanya. Lole weshi yuyo akasunga nukubamanyisha takitishiwange bapamwanya mu bunyafwale wakumwanya. ²⁰ Pakuti ngubawusha umwe ukuti penepapo ubugholofu bwinyu bungapota ubugholofu bwa bwasimbi na ba falisayi, yitalipo isila nayimo yomungingilila kumwanya. ²¹ ''Mupulikite ukuti fikayughiwa kukwabo pakabalilo ka kale ' koma ukughogha; sona weshi yo akakughogha takabe pachoghofyo chakulongiwa'. ²² Lole ngubabusha umwe ukuti weshi yuyo akumukalalira uwamwabo takabe pa choghofyo cha kulongiwa; sona weshi yuyo akuyugha kwa wamwabo, ' we we mundu uwe u tali nimbombo! 'Takabe pa choghofyo chabo songo; sona weshi yuyo akuya ukuti we mukonyofu! Takabe pa choghofyo cha muliro wa ku gehena ²³ Po bunobuno pala kubika ichabupe kuchighemo sona kulakula wa kumbukira ukuti uwa mwinyu ali nichi bibi chimo nuwe, ²⁴ chileke ichabupe chako kundashi kulakula ku chighemo bukagha ku sila yako. Icha bwandiro kahobokerelane nuwa mwinyu, po wise sona ubike ichabupe chako. ²⁵ Pulikana nu mulughu mwa lubiro mwo mukali muli nawe musila pakuya ku bulongi, kushita ichi umulwani wako ingakubika ku balongi, sona umulongi ngakubika kubosongosongo, sona unga ponyiwa mujere. ²⁶ Naloli ngubabusha, taukafume lumo mpaka ukalipire ichighaba ichabumaliro ichandalama sho ukakongola. ²⁷ '' Mupulikite ukuti fikayughiwa, ' koma ukupanga ubwo malaya'' ²⁸ Lole une ngubabusha weshi yuyo akumutesha umukolo musila ya umu nyonywa mundumbula yake. ²⁹ Pala ilyiso lyako lya kumwisa likukupangisha ukuti unange, lifolobole nu kulitagha kubutali nuwe. Pakuti chisapo ku kwako ukuti ichighaba chako chimo chimale nukulusha ukuti umubili wako ghoshi ghutaghiwe mugahena. ³⁰ Pala inyobe imwisa yikupangisha ukunanga, yitumule nukuyitagha kubutali nuwe. Pakuti chisa ku kwako ukuti ichighaba chako chimo chimale nukukinda ukuti umubili wako ghoshi ghuye ku gehena. ³¹ Fikayughiwa sona, 'weshi yo akumukisha umukashi wake, muleke amupe ichikalata cha kusokera, ³² lore ngubabusha ukuti weshi yuyo akumusoka umukashi wake, ukupatula pa chifukwa cha bumalaya chikupangisha ukuti abe wi malaya weshi yuyo amwegha pala asoka kokuti akupanga ubwo malaya. ³³ ''ichabubili, mupulikite ukuti fikayughiwa kuboshi abakabaliro kakale, ' manye ulapaghe ilaghisho lore nyamula ilaghisho lyako kwa malafyale; ³⁴ Lore une ngubabusha, koma ukulapila kumwanya, chifukwa koko u Chala akwikala; ³⁵ Pamu napo chisu cha pase, pakuti popo u Chala akukanyapo ifilundi fyake; pamu naku Yerusalemu pakuti chighaba cha mwene umukulu. ³⁶ Manye mulapilaghe nu mutu wako, pakuti utanga pangisha akang'wire kamukene ukuti kabe kelu pamo kafitu. ³⁷ Lole amashu ghako ghabange 'inga inga,' 'pamu nashiku, nashiku''. Fyoshi fyo fikupululira pa ifi fikufuma ku bubibi. ³⁸ ''Mukapulika ukuti fikayughiwa, 'ilyiso ku lyiso, sona ilyino ku ilyino''. ³⁹ Lore ngubabusha umwe, manye mukanaghe yuyo mu bibi. Mubuyo bwake, weshi yuyo akukoma ku lusaya ulwa ku mwisa, musanukishe sona ku bunine. ⁴⁰ Pala yumo akulonda akusitaka sona apoka ichakufwala chako, muleke umundu uyo eghe sona ichitambala. ⁴¹ Weshi yuyo akukupatikisha pakuti ubuke pa kilomita yimuyene, buka nawe pama kilomita mabili, ⁴² mupe weshi yuyo akusuma, manye usanukilaghe kubungi nandi yumo akulonda ashime chimo ku kwako. ⁴³ ''Mukapulika ukuti shikayughiwa, 'umughana umu palamane wako sona umubenge umuluwu wako'. ⁴⁴ Lole une nguti umughane abalughu mu biputile boshi bakubatalisha, basaye boshi; bpbakukupa ichibune panya ifyisa ku boshi bobakubengite. ⁴⁵ Ukuti mube bana ba Tata winyu yo ali kumwanya pakuti akupanga isuba lyake ukuti libale pa fibibi napa bwisa, sona akutuma ifula pa bagholofu napa batulanongwa. ⁴⁶ Pakuti pala ukuwaghana baba kughanite, kupokela chabupe chiki? Ka abasongesha songo batakupangagha isa bunobuno? ⁴⁷ Pala ukubalamuka abowamwinyu bene kupanga choni ichingi ukupota abangi? Ka abakuse batakupanga isa bunobuno. ⁴⁸ Po bunobuno mubebagholofu isa mumo u Tata winyu kumwanya mugholofu.

¹ "Ketelesha ukuti manye mubombaghe imbombo ishighofu pandashi pabandu ukuti muboneke papabo, pamu sona tamukabe nifyabupe ukufuma kwa Tata winyu uwa kumwanya. ² Po linga wamupa ifya chisa, manye upute ipati pandashi papako isa bayanja mwo bakubombela mu sinagogi sona mutusila utunandi, ukuti bangaye bakweshiwe na bandu. Bwanaloli inguyugha ku umwe, bambilile ifyabupe umwakukwanila. ³ Lole linga mukupa ifyachisa, manye akakono kakushomi kamanye fifyo akakono akakumwisa kakubomba ⁴ ukuti ifya chisa fyako pamu fingapeghiwa fyakushifu. Po u Tata wako yuyo akutesha ifyakubushifu akuya ukukupa ifyabupe. ⁵ ''Linga ukwiputa, munye muwe isa bayanja, papo bakwighana ukwimilila sona nukwiputa mumasinagogi sona namutusila twambinga ukuti pamu bangateshiwa nabandu. Bwanaloli inguyugha kukwinyu, bambilile ifyabupe fyabo. ⁶ Lole uwe, linga ukwiputa, wingile kubuyo bubo ukughona. Pingila kumulyango sona iputa kwa Tata wako, yuyo ali ku bushifu. Po u Tata wako yuyo akutesha kubushifu akuya ukukulipila. ⁷ Linga kwiputa, manye mongeshaniange mongesaniange isa mumwo abakuse bakubombela. Papo bakwinong'ona ukuti bangaye babapulike chifukwa cha mashu ghabo amingi. ⁸ Po papo, manye mubeisa babo, papo u Tata winyu akumanya ifindu fifyo fyakulondiwa mwo ukali utamusumite. ⁹ Po mwiputaghe isa ulu: 'Tata witu wakumwanya, ingamu yako yimikiwange isa mwikemu. ¹⁰ Ubunyafyale bwako bwise. Ubwighane bwako bubombiwange pachisu isa mumwo fikubombeliwa kumwanya. ¹¹ Utupe utwe ichakulya icha lishiku nilishiku. ¹² Utuhobokele utwe imbibi shitu, isa mumwo tukuhobokela babo bakutunangila. ¹³ Manye ututaghaghe mungelo, lole mutupoke kububibi.' ¹⁴ Papo linga ukuhobokela imbibi shabo, u Tata winyu wakumwanya akuya pakubahobokela sona umwe. ¹⁵ Lole linga utakuhobokela imbibi shabo, wepe u Tata winyu atakwisa pakubahobokela imbibi shinyu. ¹⁶ "Linga mukufunga, manye mulangishange icheni chakusulumania isa aba kuse mumwo bakubombela, papo bakuyundula ifyeni fyabo ukuti babonekaghe ku bandu ukuti bakufunga. Bwanaloli inguyugha ku umwe ukuti, bambilile umufwalo wabo mwakukwanila. ¹⁷ Lole uwe, linga ukufunga ukulya, upakale amafuta kumutu sona ghoghe ku cheni kwako ¹⁸ ukuti manye chiboneke ku bandu ukuti ukufunga ukulya, lole kwa Tata wako wakumwanya yuyo ali kubushifu; sona u Tata winyu yuyo ukutewsha ifya kubushifu akuya ukukulipila uwe. ¹⁹ "Manye mwisungilaghe ichuma chinyu pachisu, papo uluswa ningama fikukomania, sona kuko abifi bakupongola nukwiba. ²⁰ Mubuyo bwake, sengula wimwene ifyuma kumwanya, kuko uluswa pamu ingamwa yitangakomania, sona kuko abifi batakupongola nukwiba. ²¹ Pakuti kuko ifyuma fyako fili, koko sona tikukabe indumbula yako. ²² Amaso ghogho nyale iya mubili, po apa, linga ilyiso lyisa, umubili ghoshi wiswile nubwelu. ²³ Lole linga amaso ghako mabibi, umubili ghoshi wiswile nichisi! ²⁴ Nayumo yuyo angababombela abosongo babili pakabalilo kamukene, papo lumo angabenga yumo sona nukughana umunine, pamu sona lumo angipa kuyumo sona nukumusula umunine. Utangabombela u Chala ni chuma. ²⁵ Po papo inguyugha ku umwe ukuti, manye mukapashe ifya bwumi bwako, ukuti waya pakulyaki pamu waya pakung'waki; pamu ifya mubili wako ukuti kuya pakufwalaki. papo ubwumi butaliko chifukwa chachakulya, sona umubili chifukwa cha myenda? ²⁶ Tesha ifiyuni ifya mumwanya. Fitakubyala pamu ukwinula pamu ukubungania mundamba, lole u Tata winyu wa kumwanya akufilisha. Ngimba tamwebakulondiwa ingani ukukinda ifyene? ²⁷ Wini yuyo mwa umwe angiyongelesha ubwumi bwake pachifukwa chakupasha pasha? ²⁸ Chifukwa chachoni mukupasha pachifukwa cha fyakufwala? Inong'ona nisha maluwa gha mumughunda, mumwo ghakukulila. Ghatakubomba imbombo, sona ghatakwifyika imyenda. ²⁹ Inga nguyugha ku umwe ukuti, nu Solomoni wepe mubughindikiwa bwake atakafyashiwa isa maluwa ghaghagha. ³⁰ Linga u Chala akufwasha ichiposo mumughunda , chicho chikuwapo umusughu sona ningelo chikutaghiwa mumulilo, po ka atangakindapo ukubafwasha umwe, mwe balwiko ulunandi? ³¹ Po papo manye mukapashe sona nukuyugha ukuti, 'Ka tukuya pakulyaki?' pamu 'Ka tukuya pakung'waki?' pamu 'Tukuya pakufwala myenda wuli?' ³² Papo abakuse bakulonda fifi, sona u Tata winyu wakumwanya akumanya ukuti bakubalonda. ³³ Lole mulonde tashi ubunyafyale bwake, sona ifindu fyoshi ifi fikuya ukupeghiwa kwa umwe. ³⁴ Po papo, mutakapashaghe ifya ningelo, papo ningelo kukuya pakupasha kwene. Ishiku lili lyoshi nindamyo ishake nishake.

¹ ''Manye mulongaghe, po numwe tamukalongiwe. ² Pakuti ubulongi bwo mukulonga, nukuya pakulongiwa, sona ichapimo cho mukupimila, chikuya pa kupimiwa kukwako. ³ Choni cho ukuketa akapato akanandi kokali mulyiso lya wamwinyu, lole utakukabona akakokweko kali mulyiso lyako? ⁴ Ungayugha bulele kwa wamwinyu, ' leka une ndishe akapato ko kali mulyiso lyako,' po ichikokwe chili mulyiso lyako? ⁵ We mumyashi uwe, anda tashi ufumye akakokwe mulyiso lyako, po ukuya pakuketa akisa pakufumya akapato ko kali mulyiso lya wamwinyu. ⁶ Manye mubapange abokabwa ifindu ifyikemo, pamu ukushiponekesha amakambi ingulube papo limo shikwisu kukanyanga nifilundi, papo yikwisa pakusanuka nukukunyongolania mutumenya. ⁷ '' Suma, po mukuya pakupeghiwa. Londa, pokuya pakufyagha. kong'osha, fikuya pakuba pabwelu kukwako. ⁸ Kuweshi yo akusuma, akupokela; Weshi yo akulonda, akufyagha; sona kumundu yo akukong'osha, akuya pakwighuliliwa. ⁹ Pamu wini mumwinyu, yo pala umwana wake asuma ichibama, akuya pakumupa ibwe? ¹⁰ Pamu pala akusuma iswe, ukuya pakumupa injoka? ¹¹ Ngimba, pala umwe mwebabibi mumenye ukubapa abana ifyabupe ifyisa, po utata witu u wakumwanya akuya pakubapa ifindu ifyisa bo bakusuma kukwake? ¹² Po lole, fyoshi fyo kulonda abandu bakubombelaghe, nuwe ubombe fyifyo kukwabo, pakuti ulu lwo lulaghilo nubu kunguluka. ¹³ ''Ingila pakalyango akanandi. Papo umulyango umukulu nisila ingulu ngani yikuya kulwonangiko, sona abandu abingi bo bakwendamwo. ¹⁴ Lole akalyango akanandi sona isila mbala yo yikuya kubwumi, lole banandi bo bakuyagha. ¹⁵ ''Banga maso nabakunguluka ba bumyashi, bo bakufyala imwenda yabo nang'oshi lole bokambw abakali. ¹⁶ Mukuya pakubamanya museke shabo. Ngimba abandu bakuyaba abomabegha mwikokwe lyamyifwa. Pamu iseke shamukuyu mwakapelekese? ¹⁷ Musila ngati yiyi, ikokwe lyashi ilyisa likwela ifikomwa ifyisa, lole ikokwe ilibibi likukwela ifikomwa ifibibi. ¹⁸ Ikokwe ilyisa litangela ifikomwa ifibibi, lyope ikokwe ilyibibi litangela ifikomwa ifyisa. ¹⁹ Ikokwe lyoshi lyo litakupa iseke inyisa likukendiwa nukutaghiwa mumulilo. ²⁰ Po lole mukuya pakubamanyilagha museke shabo. ²¹ Taweshi yo akuti kukwangu, ' malafyale, malafyale, akuya pakwingila muchitangalala chakumwanya, lole bene bo bakubomba ubwighane bwa Tata yo ali kumwanya. ²² Abandu abingi bakuya pakuyugha kukwangu bwishiku lila, ' malafyale, malafyale, tutakakungulukagha mungamu yako, mungamu yako tukafumyanga imbepo inyali, sona mungamu yako tutakabomba ifiswigho ifyingi?' ²³ Po nguya pakubabula pabwelu, ' ndakumenye lumo! Fumapopapipi nune, umwe mwe mukubomba imbibi! ²⁴ Po lole weshi yo akupulika amashu ghangu nukughakonga akuya pakuba ngati mundu wa mahala yo akasenga inyumba yake pibwe. ²⁵ Ifula yikanda ukuwa, amapwishi ghakisula, sona imbepo yamaka yikakuka nukukoma pa nyumba yila, lole yitakawa pase, papo yikaba nulwalo lwa libwe. ²⁶ Lole weshi yo akupulika amashu ghangu lole atakughakonga akuya pakuba ngati mundu umukonyofu yo akasenga inyumba pamusanga. ²⁷ Ifula yikanda ukuwa, amapwishi ghakisula, sona imbepo yikakuka nukukung'ula inyumba yila, nukuwa, ukuwa kwake kukaba kukulu.'' ²⁸ Ishi shikaboneka bwo u Yesu amala ukuyugha amashu agha, ichilundilo chikaswigha nu bumanyishi bwake. ²⁹ Akabamanyishanga ngati yo yumo yo akaba nubulamulilo, nukukinda abasimbi babo.

¹ Mwo u Yesu ilomuka pakufuma kwi ghamba, ichilundilo ichikulu chikamukongasha. ² Tesha, uwambungo ya mambombo akisa ku kwake nukufughamila pandashipapake, nukuyugha ukuti, malafyale, linga wighanite unganyelusha''. ³ U Yesu akaghelosha akakono kake nukumupalamasha nukuyugha ukuti, '' ngulonda . Elushiwa''. Papapo na papapo akisa elushiwa ukufuma ku mambombo. ⁴ U Yesu akayugha ku kwake , uketeleshe ukuti utakayughe nashimo kumundu aliweshi. Bukililagha nubulendo bwako, kilangishe wimwene kubaputi, sona uye ubike ichibupi chicho u Mose akalaghila, ukubalushimikisho ku kwabo. ⁵ Mwo awisa mu Capenaum, usong wa basilikali akisa kukwake, nukumusuma yuyo , ⁶ nukuti, '' malafyale, uwambombo wangu aghonite ku nyumba afwile ulubafu sona akabele akabibi'' ⁷ Po u Yesu akati ku kwake, '' tinise nu kumuposha'' ⁸ U songo wa basilikali akamula nukuti, ''malafyale, indabaghile ukuti ungingila munyumba yangu lole muyughe amashu gheneshe po umubombi gwangu ukwisa kupolagha. ⁹ Papo nune ne mundu yuyo akulaghila bamu, sona indi nabushilikali pase papangu. Nguyugha kuyumo, 'buka; po akubuka, po sona kumunine, sagha po akwisa, po nakumubombi wangu; bomba ishi; po akubomnba.'' ¹⁰ Mwo u Yesu apulika ishi, akisa aswigha nukuyugha ukuti kubabo bakamukongagha , '' naloli nguyugha ku kwinyu, indamwaghite nayumo uwa lwitiko isa lululu mu Isirayeli. ¹¹ Ingubabula umwe, abingi bakwisa kwisa ukufumila kubufumilo bwa lisuwa na kubwingiliro, nukwisa kulya nu Aburahamu, Ayisaki, nu Jakobu mu bumwene bwa kumwanya. ¹² Lole abana ba bunyafyale bakwisa ku taghiwa kuse kuchisi, kuko bakwisa kulilagha nu kukuta amino''. ¹³ U Yesu akayugha kwa songo wa basilikali, ''buka! isa mumwo wasubilira, mwo shibombeliwe ku kwako'' po uwambombo akisa apola pakabaliro kala kala. ¹⁴ Mwo u Yesu isa munyumba ya Peteli, akisa amutesha ung'inafyala wa Peteli aghonite abinite isekema. ¹⁵ U Yesu akamupalamasha pa kakono kake, po isekema yikatira mumwake. Po akisa anyamuka nukwanda pakumubombela yuyo. ¹⁶ Mwo inamasuba yafika, abandu bakisa nabandu kwa Yesu abingi babo bakaba nimbepo imbibi. Akashiumya imbepo imbibi nishu nukubaposha boshi babo bakabina. ¹⁷ Musila yiyiyi shikakwanilishiwa shisho akayugha umukunguluka u Yesaya, ishakuti, '' yuyo mwene akegha ububine bwitu sona akanyamula imbungo shitu ''. ¹⁸ Po mwo u Yesu atesha ichilundilo cha mushungulira, akisa alaghila ukuti baye kulubafu ulungi ulwa nyanga ya Galileya . ¹⁹ Po umusimbi akisa kukwake nukuti, ''mumanyishi, tingukongaghe koshi kuko kubuka''. ²⁰ U Yesu akayugha kukwake akti '' abokambwe bali namino, sona nifiyuni fya mumwanya fili nififumbo, lole umwana wa mundu atanapakubika umutu''. ²¹ U mufundiwa yumo akayugha ku kwake akati, ''malafyale, nyitikishe tashi imbuke nje ishile utata''. ²² Lole u Yesu akati kukwake, ''ngongaghe, sona baleke abafwe bashilane bene''. ²³ Mwo u Yesu ingila mubwato, abafundiwa bake bakamukonga mumwo. ²⁴ Tesha, panyamuka amayigha amakulu pa nyanja nukuti ubwato bwisula namayigha. Lole u Yesu akaghona. ²⁵ Abafundiwa bakisa kukwake nukumunyamusha, nukuti, '' tupuke utwe, malafyale tukufwa!'' ²⁶ U Yesu akayugha kukwabo, '' choni chicho mukoghopa, mwe balwitiko ulunandi umwe?'' Po akanyamuka nukuyikemela imbepo ni nyanja. Po kukisa kwaba ulutengano ulukulu. ²⁷ Abandu bakaswigha nukuti, '' mundu yuki yuyuyu, yuyo nimbepo sona ni nyankja fikumupulikila?'' ²⁸ Mwo u Yesu isa kulubafu ulungi naku chisu cha ku Gadarena, abandu babili babo bakaba nimbepo imbibi bakakomana nawe. Bakafumilagha ku mapumba sona bakaba bakali leka, sona nayumo umwenda sila yuyo akandaghako isila yila. ²⁹ Tesha, bakakuta nukuti, '' tubokobe shachoni nuwe mwana wa Chala? wisa kuno pakutupyata na mwo akabaliro kakali?'' ³⁰ Po ichilundilo cha ngulube chikaba palapala chikalyanga, chitakaba pabutali ngani nabo. ³¹ Imbepo imbibi shikendelela ukumusuma u Yesu nukuti, '' linga unga tufumyamo, ututume muchilundiro cha ngulube''. ³² U Yesu akayugha ku kwabo, '' bukagha!'' imbepo imbibi yikafumamwo nukubuka mungulube; po tesha ichilundilo choshi chikakinda ukufuma pa mwanya nukwilumoka ukubuka mu nyanja nu kufwila mwo mumishi. ³³ Boshi bowakalishanga ingulube bakakinda pa sona bakayabayugha shoshi shisho shikabombiwa ngani ngani kubandu babo bakaba nimbepo imbibi. ³⁴ Tesha, akaya koshi kakisa pakukomana nu Yesu. Mwo bamutesha, bakamusuma ukuti atile mu chighaba chila.

¹ U Yesu akingila mubwato, akalobosania, akaya mukaya kake. ² Tesha, bakisa numundu yuyo akafwa imbafu aghonite pachinyasi, u Yesu akati kumundu yuyo akafwa imbafu, ''Mwana, kulagha. Imbibi shako shahowokeliwa.'' ³ Tesha, abasimbi wamo wakati benebene, ''Umundu uyu akutukana.'' ⁴ U Yesu akamanya inyinong'ono shabo akati, ''Choni chicho mukwinong'ona ifibibi mundumbula shinyu? ⁵ Pakuti choni chicho chipepe, ukuyugha ukuti, 'imbibi shako shahobokeliwa,' pamu ukuyugha ukuti, 'Nyamuka wendaghe'? ⁶ Lole ukuti mumanye ukuti Umwana wa Mundu ali namaka pachisu ukuhobokela imbibi, ...'' akati kuwakufwa imbafu, ''Nyamuka, nyamula ichinyasi chako, bukagha kunyumba yako.'' ⁷ Po umundu yula akanyamuka nukubuka kunyumba yake. ⁸ Mwo ichilundilo chatesha ifi bakoghopa nukumuchindika u Chala, wini yuyo amupile amaka isa agha ku bandu. ⁹ Mwo u Yesu akupululila akufuma pala akamutesha umundu yuyo akitishiwanga Matayi ikile pa tenthi ilya kusongeshapo imisongo. Akamubula akati, ''Ngonga.'' Akanyamuka nukumukonga. ¹⁰ Mwo u Yesu ikala pase ukuti alye munyumba, abasongesha songo abingi nabatulanongwa bakisa nukulya pamupene nu Yesu nabafundiwa wake. ¹¹ Mwo abafalisayi batesha ifi, bakati ku bafundiwa wake, ''Choni chicho umumanyishi winyu akulya nabasongesha songo nabatulanongwa?'' ¹² Mwo u Yesu apulika ifi, akati, ''Abandu babo bali namaka mumubili batakolondagha umughanga, wene babo babinite. ¹³ Mubuke muye mumanyile fifyo ifi fikung'anamula: 'Ngulonda ichisa ndakunda ifyakwikemeshekesha.' Pakuti ndakisa pakwitisha abagholofu ukuti balape, lole abatulanongwa.'' ¹⁴ Po abafundiwa wa Yohani bakisa kukwake bakati, ''Choni chicho utwe nabafalisayi tukufunga akabalilo akingi?'' ¹⁵ U Yesu akababusha akati, ''Ka abandu bapabukwati bangalila pala umwenecho akali ali nabo? Lole amashiku tighakise po umwenecho wa bukwati tiwakamweghe ukufuma kukwabo, popo tibakafunge. ¹⁶ Atalipo nayumo yuyo akubika akamwenda akapya pamuselekesha umukulu, pakuti ichigamba chikunyapuka ukufuma kumuselekesha sona ukunyapuka kungaba kukulu sana. ¹⁷ Pamu abandu batakubika ubwala bwa mafilu ubupya mufyakubikilamo ifikulu. Pala bangapanga bunobuno, ifyakubikilamo fingapunda, ubwala bwa mafilu bukukupuka, sona ifyakubikilamo finganangika. Mubuyo bwake, bakubika ubwala bwa mafilu mufyakubikila ifipya, po fyoshi fikusungiwa.'' ¹⁸ Mwo u Yesu akuyugha ifindu ifi kubabo umukolo yumo akisa nukufughama pase papake. Akati, ''Umwana wangu umulindu afwa lulushe, lole wise ubike akakono kako papake, po tise abe kubumi.'' ¹⁹ Po u Yesu akanyamuka nukumukonga po sona nabafundiwa bake bope bakabuka. ²⁰ Tesha, umukolo yuyo akatamiwanga ukufuma kwa libanda ifyinja twelovu akisa kunyuma kwa Yesu nukumupalamasha kubumalilo bwa muselekesha ghgugho akafwala. ²¹ Papo akaba ayughite kumwene, ''Pala ningapalamasha bubu imyenda yiyo afwalite, ngwisa ukupola.'' ²² Lole u Yesu akaghalabuka nukumutesha, akati, ''Mulindu, banga mukifu; ulwitiko lwako lwakuposha po umukolo akapola pakabalilo kalakala. ²³ Mwo u Yesu isa munyumba ya mbombo akagha babo bakulishagha imbiliti po nichilundilo chikasumagha ichongo . ²⁴ Akati, ''Bukagha, pakuti umulindu atafwile, lole apitile,'' Lole bakamuseka umwakumobela. ²⁵ Mwo ichilundilo bachifumya kuse, akingila kuchipinda akaya amukola pakakono, po umulindu akanyamuka. ²⁶ Akapango ka ishi kakasata mukaya koshi kula. ²⁷ Mwo u Yesu akupulusania ukufuma mulamula, abandu abafwa maso babili bakamukonga. Bakendelela pakukolela nukuti, ''Banga nichisa kukwitu, Mwana wa Devedi!'' ²⁸ Bwo u Yesu isa nukwingila munyumba, abalisha abafwa maso bakisa kukwake. U Yesu akati kukwabo, ''Mukusubila ukuti ningashibomba ishi?''Po bakayugha kukwake bakati, ''Inga, Malafyale.'' ²⁹ Po u Yesu akakola amaso ghabo akati, ''Fileke fibombiwe kukwinyu ukuyana nulusubilo lwinyu.'' ³⁰ po amaso ghabo ghakighuka. U Yesu akabalaghila akati, ''Muketeleshe ukuti munye yumo ashimanye ishi.'' ³¹ Lole abandu babili bakabuka nukufumusha amashu ukuyana nafifyo fikabombiwa mwoshi muchighawa chila. ³² Mwo abandu babili bala babuka, umundu yumo yuyo atakayughagha akisula nimbepo ishibibi bakisa nawe kwa Yesu. ³³ Mwo imbepo imbibi shafumamo, yuyo atakayughagha yuyla akayugha. Ichilundilo chikashigha chikati, ''Ifi tutafibweni lumo mu Isilayeli!'' ³⁴ Lole abafalisayi bakatingi, ''Mululaghilo lwa imbepo ishibibi, lukufumya imbepo ishibibi.'' ³⁵ U Yesu akenda mufighamba fyoshi na mutwaya akabukilila pakumanyisha mumasinagogi ghabo, akalumbililagha amashu amisa agha bunyafyale bwa kumwanya sona akaposhanga imbungo shamutundu ghulighoshi sona nimbina isha mutundu ghuli ghoshi. ³⁶ Mwo atesha ichilundilo, akabapelela ichisa, papo bakatamiwa mundumbula nukuwishiwa amaka. bakafwanagha isa bonang'oshi babo batanubakulisha. ³⁷ Akayugha kubafundiwa bake, akati, ''Umwinulo mwngi ngani, lole ababimbi banandi. ³⁸ Po mubaghile ukwiputa mwalubilo kwa Malafyale uwa mwinulo, ukuti atume ababombi kumwinulo wake.''

¹ U Yesu akabitisha abafundiwa bake twelovu pamupene nukubapa amaka kumbepo iyali, ukushifumya, sona nukuposha imbungo shoshi nu bubine bwa luko lwoshi. ² Po ingamu sha bafundiwa twelefu sho ishi; uwakwanda, simoni {yo akiishiwanga Peteli}, u Andulu uwamwawo wake, u Jemusi umwana wa Zebediya, sona nu Yohani uwamwawo, ³ U filipu, nu Batulomeyo, Thomasi, sona nu Matayi umusongesha msongo, u Jemusi umwana wa Alufeyo, nu Thadeyosi; ⁴ Simoni uwa Ziloti, nu Yudasi kaliyoti, yo takamusambukile. ⁵ Awa twelufu u Yesu akabatuma. Akabalingania sona akati, '' koma ukuya kubuyo boshi bwo abakuse bakwikala, sona manye mwingilaghe mukaya kalikoshi aka ba samaliya. ⁶ Mubuyo bwake bukagha ku ng'oshi sho shisowite isha nyumba ya Isilayeli; ⁷ sona pala mukubuka, lumbubira nukuti, '' ubunyafyale bwa kumwanya buli papapi; ⁸ Baposhe abababine, basushe abafwe, belushe abamambombo, sona funyagha imbepo inyali, mupokelite mwabulele sona mupe mwabulele. ⁹ Manye munyamula yumo u golide, siliva, pamu ichela mu nyambi shinyu, ¹⁰ manye munyamulaghe ichola cha pa bulendo pa bulendo bwinyu, pamu ichakufwala chakongelesha, pamu ichilato, pamu ingomo, pakuti umubombi akweneleshiwa ichakulya chake. ¹¹ Mukaya na mutwaya toshi toto mukwingilamo, muyemulondaghe yuyo abaghile mulamula, sona muyemwikalaghe kulakula mpaka po mukatilaghemo, ¹² Bwaghe mwingila munyumba, mumulamuke. ¹³ Linga lnyumba iyo yibaghile, leka ulutengano bwinyu lubashalire. Lole linga yitabaghile, leka ulutengano uwinyu lunyokele kukwinyu. ¹⁴ Po babo bobatakukupokela, pamo batakupulikisha kumashu ghinyu, pala mukutuma panyumba pamu mukaya, mukung'unde ulufumbi kutulundi twinyu. ¹⁵ Naloli nguyugha kukwinyu, fikaba fyakwitishiwapo ku chisu cha ku Sodomu na Gomola pashiku lya bulongi ukinda akaya kala. ¹⁶ ''Tesha, ngubatuma pakuti pabo kambwe, po mube namahala ngati njoka sona banaloli ngati ngunda. ¹⁷ Mube maso! Nabandu tibakabeghele ku bo songo, sona tisa baba kome mumasinagogo. ¹⁸ Po sona tibakaghere pa maso pabalongoshi nabo mwene chifukwa cha une, isa chishimikisho ku kwabo naku bakuse. ¹⁹ Nandi bakupereka, manye mupashange mwo pamu sho tise muyughe, pakuti chotiwise uyughe tichikapeghiwe pa kabaliro kalala. ²⁰ Pakuti tamwemwe timukayughaghe, lole umbepo wa Tata winyu ti akayughaghe mu mwinyu. ²¹ Uwamwabo ti akamuperekaghe u wamwabo ku bufwe sona uwise umwana wake. Abana tibakalimbanaghe nabapapi babo nukubapangisha ukuti bafwe. ²² Timukabengiwe na aliweshi chifukwa cha ngamu yangu. Lole weshi yo akukiba mpaka pa bumaliro, umundu uyo ti akapone. ²³ Nandi bakubatalisha mukaya aka, kinda uye kukangi, naloli ngubabusha, tamukabe ukuti mubukite ukwendera mukaya kamu Isilayeli mwo umwana wa mundu atisile. ²⁴ ''Umufundiwa atali pamwanya ukukinda u mumanyishi, pamo uwa mbombo ata pamwanya payo amupire imbombo. ²⁵ Tachakukwanira pakuti umufundiwa abe isa mumanyishi wake, sona uwa mbombo abe isa mughindiwa wake. Pala ba mwitisha u mwenecho wa nyumba belezebuli, poshingaba bulele ububibi ingamu sha ba nyumba yake. ²⁶ Po bunobuno manye mubopaghe, pakuti chitalipo nachimo cho chififiwe chota chikamanyikwe. ²⁷ Chongubabusha ku chisi, muyughaghe nandi isuba likubala sona chomukupulika panandi mufyufo, mufumushange pa mwanya pa nyumba. ²⁸ Manye moghopaghe bobakughogha umubili lole ba kupotwa ukughogha umbepo. Mubuyo bwake, moghope yo inganangania fyoshi umubili nu mbepo mugehena. ²⁹ Ngimba utotundulu tubili tutakughulishiwa pa mtengo wa ndalama yimuyene? Lole na kamukene mwa tutwo kakuwa pase kushita u Tata winyu ukumanya. ³⁰ Lole nichingwilishe cha kumutu winyu chiwerengiwe. ³¹ Koma ukoghopa, mwe bakulondiwapo ukukinda utotundulu utwingi ngani. ³² Po bunobuno weshi yuyo akuyugha/akulapa ifya une pakuti pa bandu, nune tingayughe pakuti pa Tata yo ali kumwanya. ³³ Lole yo akungana pakati pa bandu, nune tingamukane pamaso gha Tata yo ali kumwanya ³⁴ ''Manye mwinong'onaghe ukuti nisa pakubika ulutengamo pachisu, ndakisa pakubika ulutengamo, inde ichipeni. ³⁵ Pakuti ngisa pakusokosola ukuti umulumyana ambane nu wise, umulindu ambane nu ng'ina, umulasagha ambane nu ng'inafyala. ³⁶ Abalwani ba mundu bobala bo bali mu nyumba yake. ³⁷ '' Yo amughanite uwise pamu ung'ina; yo amughanite umwana umunyamata pamu umulindu ukukinda une tawakunyenelera ukuwa wangu. ³⁸ Yo atakulonda ubumi bwake akwisa kubutagha, lole ³⁹ yo akubutagha ubumi bwake chifukwa cha une akwisa kubwagha''. ⁴⁰ '''Yo akukupokelera uwe ambokelera une, sona yo ukumbokelera une akumupokelera yo akanduma. ⁴¹ Yo akumupokela umukunguluka mungamu ya mukunguluka akwisa kupokera ifya bukunguluka, sona yo akumupokera umundu umugholofu mungamu ya mundu mugholofu akwisa kupokela ichabupe cha mundu umugholofu. ⁴² Weshi yuyo akubapa mwa bamu abanandi aba nukapushe wa mishi amapole ukuti ang'we mungamu yabundiwa, nalori ngubabusha, musila yiliyoshi atangaya ataghe ichabupe chake''.

¹ Akabalilo kala bwo u Yesu amala pakubalingania abafundiwa bake tweluvu, umwene akafumapo palapala akabuka pakumanyisha nu kulumbila mu twaya twabo. ² Lole bwo u Yohani apulika mujele kumbombo u Kilisitu akabombagha, akatuma indumi ku bafundiwa bake. ³ po akati kukwake, ''wewe we ukuya pakwisa, pamu tubaghile ukulindilila uyungi?'' ⁴ U Yesu akamula nukuyugha nabo, '' bukagha muye mumubushe u Yohani fyo mukufibona nukupulika. ⁵ Abafwa maso bakuketa, abalemale bakwenda, abamambombo bakusukiwa, abamapuli bakupulika sona, bobakafwa bakushuka nukwisa sona kubwumi amashu amisa ghakulumbililiwa kubapina. ⁶ Musayiwa weshi yo atakususania nune ⁷ Bwo abandu bala bakubuka, u Yesu akanda ukuyugha kuchilundilo nisha Yohani, ''kali ukabuka ukuya mulungalangala pakubombaki pakketa ulutete lukunengéna bwo imbepo yikuputa? ⁸ Lole sona u kabuka pakuketa umundu akufwala umushelekesha? Naloli, babo bakufwala imiselekesha bakwikala munyumba shabo malafyale. ⁹ Lole sona mukaya pakuketa umukunguluka? inga, ngubabula umwe, mukamubona yuyo apotite na pa mukunguluka. ¹⁰ Uyu weyuyo yo likasimbiwa, 'keta, ngutuma uwandumi pamaso ghiny, umundu yo akuya pakusengania isila shinyu.' ¹¹ Naloli ngubabula umwe, nayumo yo apapiwe ukufuma kubakolo yo ali pamwanya ukupota u Yohani u mwoshi. Lole umundu uwa pamwanya ngani muchitangalala cha kumwanya ukumulusha umwene. ¹² Ukufuma mumashiku gha Yohani umwoshi ukufika ulu, ichitangalala cha kumwanya chikutamiwa ngani, abandu bakucheghela kumaka. ¹³ Pakuti boshi abakunguluka ni ndaghilo bakakungulukagha ukufika mukabalilo ka Yohani, ¹⁴ Sona pala tuli bakwiyipa pakushitikisha ishi, wi Eliya yo akuya pakwisa. ¹⁵ Leka yo ali nifyufwo fyakupulikila, apulike. ¹⁶ Ka ingulilo iyi ningaghelesha nichoni? Chili ngati bana bobakwangala mubuyo bwa maliketi, bo bakwikala nukwitisania benebene. ¹⁷ Nukuti, ' tukabalishikisha ipati, lole mutamogha. Tukobela lole mutakalilagha; ¹⁸ Pakuti bwo u Yohani akwisa atakalyanga ichibama pamu ukung 'wa ubwalwa bwa mafilu, sona bakati, ' ali ni mbepo inyali.' ¹⁹ Umwana wa mundu akisa nukulya nukung 'wa po bakati, ' tesha, umundu uyu mupafu sona wiching 'wela, mumanyani wa basongeshasongo nabatulanongwa.' Lole amahala ghakubonekela mumbombo shake.'' ²⁰ Po u Yesu akanda ukutukemela utwaya mwo akabombagha ifiswigho fyake, panongwa yakuti batakapinduka. ²¹ Mukoshi kukwako, Cholazini! mukoshi kukwako,Betisayida! pala ifiswigho fyabombiwa tire namu Sidoni shoshokabombiwa kukwinyu, ngali bakapinduka kale mumwenda ya masaka nilyoto. ²² Shikuya pakuba mbepe isha mu Tire namu Sidoni pishiku lya bulongi nukukinda umwe. ²³ We, kapenemu, ka ukwinong' ona ukuti ukuya pakukweshiwa kumwanya? Nashiku, ukuya pa kwishiwa ukufika ku Hadesi. Pala ifiswigho fyo fikabombiwa mumwinu fyofyo fikabombiwanga mu Sodomu, ngali fikali fikwendelela nulu. ²⁴ Lole ngubabula umwe ukuti tishikabe mbepe isha mukaya ka Sodomu mwishiku lyabulongi ukukinda uwe.'' ²⁵ Pakabalilo kala u Yesu akati, ''Nakutufya uwe, Tata , malafyale wakumwanya na pase, panongwa yakuti ufifite ifindu ifi kuba mahala na ku bobakushaghania, nukushifumbulila kubana abanandi. ²⁶ Inga, Tata, pakuti ifi fikakuhoboshanga kumaso ghako. ²⁷ Ifindu fyoshi mbeghiwe ukufuma kwa Tata; sona nayumo yo amumenye umwana mwene uwise, sona nayumo atakumuma uwise mwene umwana, na weshi yo umwana asala ukwibonesha kukwake. ²⁸ Isa kukwangu, mweboshi mwe mukutamiwa sona munyamwile ifing 'wamu, po nguya pakubapa ukutusha. ²⁹ Fwala ichigholigholi papinyu nukumnyila kukwangu papo ne mwololo sona mbepukite mundumbula, po timukakwaghe ukutusha mumoyo winyu. ³⁰ Pakuti ichigholigholi changu chipepe sona ichinyamulwa changu chipepukite.

¹ Pakabalilo kala u Yesu akabuka mumughunda wamafilu pishiku ilya sabata. Abafundiwa wake bakaba ni sala bakanda ukutungula utundonogwa nukulya. ² Lole mwo abafalisayi babatesha, bakayugha kwa Yesu, ''Tesha, abafundiwa wako bakubomba fifyo indaghilo shikukana pishiku ilya sabata.'' ³ Lole u Yesu akati kukwabo, ''Ngimba mutabelengite lumo fifyo u Deveti akabomba mwon ali ni sala, pamupene nabalisha babo akaba nabo? ⁴ Akingila mu nyumba iya Chala nukulya ichibama ichakwaghiwa, chicho indaghilo shitakitikisha pakulya nababo akaba nabo, lole chikitikishiwa nabaputi bene. ⁵ Ngimba mutabelengite ingaghilo pishiku ilya sabata abaputi bakubomba fifyo fitakwenelela muchalichi pishiku ilya sabata lole batakaghiwa pabutula nongwa? ⁶ Lole ngubabula ukuti umukulu akulusha itempheli ili panu. ⁷ Pala mutakumanya chicho chikung'anamula, 'Une ngulonda ichisa indakulonda ifyakwikemesha,' ngali mutakubalongagha babo tebatula nongwa. ⁸ Pakuti u Mwana wa Mundu wi Malafyale wa sabata.'' ⁹ Po u Yesu akafuma pala nukwingila musinagogi yabo. ¹⁰ Tesha, kukaba umundu yumo yuyo akaba nakakono kako kakalemala. Abafalisayi bakamubushikisha u Yesu, bakati, ''Chakubaghila ukuposha pa sabata?'' Ukuti bamusushe ukuti akunanga. ¹¹ U Yesu akati kukwabo, ''Mundu yuki yuyo angaba pakati pinyu, wini, pala ali ni ng'oshi yimuyene, sona pala ing'oshi yiyiyo yawila muchibwina pishiku ilya sabata, atangayifumyamo muchibwina? ¹² Ka umundu akulusha ing'oshi! Polole chakwenelela ukubomba ichisa pishiku ilya sabata.'' ¹³ Po u Yesu akati ku mundu, ''Gholosha akakono kako.'' Akagholosha akakono, nukuba sona akisa, isa mumwo akakono akangi kabelile. ¹⁴ Lole abafalisayi bakafuma kuse nukupangana ifyakususania nawe. Bakanda ukulonda isila mwo bangamughoghela. ¹⁵ Bwo u Yesu ashaghania ishi, akafukako kula. Abandu abingi bakamukonga, nukubaposha boshi. ¹⁶ Akabalaghila ukuti manye babule abingi ukuti bamumanye, ¹⁷ ukuti shikwanilishiwe, shisho umukunguluka u Yesaya akayugha, ukuti, ¹⁸ "Tesha, umubombi wangu yuyo imusalite; umughaniwa wangu, muyuyo indumbula yangu yikusekela. Ngwisa pakubika u mbepo wangu papake, nukufumusha ubwanaloli kubandu aba pase. ¹⁹ Atakwisa ukukangana pamu ukukolela amashu agha pamwanya; pamu abandu tabakapulikaghe ishu lyake mutusila. ²⁰ Atakwisa ukumenyula ulutete lyoshi lulyo lufulalite; atakwisa ukushimya ichisunda chicho chikolelite, mupaka po ubulongoshi ubwanaloli bwafika, ²¹ sona namungamu yake abandu ba kuse bakwisa ukiuba nulusubilo.'' ²² Po yumo yuyo akafwa maso nukushita kuyugha, ukuba nimbepo imbibi, bakisa nawe kwa Yesu. Akamuposha nafifyo fikaboneka ukuti umushita kuyugha akayugha nukutesha. ²³ Ifilundilo fyoshi fikaswigha nukuti, ''Ngimba umundu uyu angaba Mwana wa Deveti?'' ²⁴ Bwo abafalisayi bapulika isha fiswigho ifi, bakati, ''Umundu uyu atakufumya imbepo imbibi lole ukwendela mwa Bezebeli, usongo wa mbepo imbibi.'' ²⁵ Lole u Yesu akamanya inyinong'ona shabo nukuyugha kukwabo ukuti, ''Ubunyafyale bwoshi bubwo bughabanite nukulimbana pabwene bukuwa pase, sona nakaya koshi pamu inyumba yiyo yighabanite nukulimbana payene yitakwimilila. ²⁶ Pala u satana akufumya u satana, po aghabanite ukulimbana pamwene. Po ubu Nyafyale bwake bungisa bwimilile bulele? ²⁷ Po linga ngufumya imbepo imbibi mwa Bezebuli, po abana winu bakufumikisha mu choni? Pachifukwa ichi bakwisa ukuba balongi binyu. ²⁸ Linga ngufumya imbepo ukwendela mwambepo wa Chala, po ubu Nyafyale bwa Chala bwafika papinyu. ²⁹ Ka umundu angingila bulele munyumba iya wamaka sona nukwiba ifindu fyake ukushita ukumupinya tashi umundu ubamaka? Po akwisa ukwiba ifindu fyake munyumba yake. ³⁰ Yuyo atanune pamupene akulimbana nune, sona yuyo atakubungana nune pamupene nune akupalanyika. ³¹ Po lole inguyugha numwe, imbibi yoshi namahelu abandu bakwisa ukuhobokeliwa, lole pakutuka umbepo kutakwisa ukuhobokeliwa. ³² Weshi yuyo angayugha ishu limo ukususania nu Mwana wa Mundu, akwisa ukohobokeliwa. Lole yuyo akuyugha ububibi nu mbepo atakwisa ukuhobokeliwa, kali muchisu ichi, pamu ku chisu chicho chikwisa. ³³ Mupange ikokwe ilyisa sona niseke shikuba shisa, pamu mupange ikokwe ilibibi niseke shikuba shibibi, pakuti ikokwe likumanyikwa niseke shake. ³⁴ Mwe bana ba chipili, pakuti mwe babibi, mungayugha bule ifindu ifyisa? pakuti ukufuma mufyingi ifya mundumbula umulomo wake ghukuyugha. ³⁵ Umundu umwisa akufumya ifyisa ukufuma mundumbula yake yiyo nyisa, numundu umubibi akufumya ifindu ifibibi mundumbula yake yiyo yibibi. ³⁶ Inguyugha ku umwe ukuti ishiku ilya bulondi abandu bakwisa ukulongosola pishu lyoshi ibibi lilyo bakwisa ukuyugha. ³⁷ Pakuti ukwendela mumashu ghako ukwisa ukwelushiwa, sona ukwendela mumashu ghako ukwisa ukulongiwa.'' ³⁸ Po abasimbi bamu nabafalisayi bakamwamula u Yesu nukuti, ''Mumanyishi, tukulonda tuteshe inyimanyikisho ukufumila kukwako.'' ³⁹ Lole u Yesu akamula sona akati kukwabo, ''Ingulilo imbibi niyabomalaya yikalondagha ichimanyikisho. Lole nachimo ichimanyikisho chikwisa ukupeghiwa lole ichimanyikisho icha Yona umukunguluka mwene. ⁴⁰ Isa mumwo u Yona akikalila amashiku matatu pamusi napabushiku mulufukwe lwaswi iyikulu, Po wepe u Mwana wa Mundu akwisa ukwikala amashiku matatu pamusi napabushiku mundumbula iya chisu. ⁴¹ Abandu awa mu Ninive bakwisa pishiku ilya bulongi nabandu aba ngulile iyi sona bakwisa ukubalonga. Pakuti bakapinduka pabulumbilili ulya Yona, sona tesh, yumo umukulu ukulusha u Yona ali panu ⁴² U Malafyale wachikolo uwakulubafu lwa kundende akwisa ukushuka pakulongiba pamupene nabalisha aba ngulile iyi sona nukubalonga. Akwisa ukufumila ku chisu ichakubumalilo nukwisa ukupulika amahala agha Solomoni, sona tesha, yumo yuyo ali panu weyo mukulu ukukinda u Solomoni. ⁴³ Bwo imbepo imbibi shafuma mumundu, yikaya kubuyo ubwa lungalangala nukulonda ubuyo ubwa kutusha, lole yitakabwagha. ⁴⁴ Po yikati, 'Ngunyokela kunyumba yiyo ngafumila.' Mwo yanyokela, yikagha inyumba yelupite sona nifindu fyoshi fili mubuyo bwake. ⁴⁵ Po yikuya pakwegha inine seveni imbepo shisho shibibi ukukinda nayiyo, sona nukwisa nukwikala shoshi mulamula pamupene. Po ubumalilo bwa mundu akwisa ukuba mubibi ngani ukukinda pabwandilo. Chikwisa ukuba isa yuyo ali ningulile imbibi.'' ⁴⁶ Bwo u Yesu akali akuyugha ku chilundilo, tesha, ung'ina wake nabowamwabo bakimilila kuse, ukulonda ukuyugha nawe. ⁴⁷ Yumo akayugha kukwake akati, ''Tesha, u mama wako nabowamwinyu bali pase, bakulonda ukuyugha nuwe.'' ⁴⁸ Lole u Yesu akamula sona akati kuyuyo akamubula, ''U mama wangu wiwini sona abowamwitu wangu boni? '' ⁴⁹ Po akagholosha akakono kake pabafundiwa nukuti, ''Tesha, panu pali u mama wangu sona nabowamwitu wangu! ⁵⁰ Pakuti weshi yuyo akubomba ubwighane bwa Tata wa kumwanya, umundu uyo weyo wi wamwitu, sona umuyemba, sona u mama.''

¹ Pishiku lila u Yesu akafumamwo nukwikala palubafu lwa nyanja. ² Ichilundilo choshi chikamushungulila, po akingila mubwato nukwikala po ichilundilo chimilile mulubafu mwa nyanja. ³ Po u Yesu akayugha ifindu ifyingi mufyili. Akati, ''Tesha, umulimi akaya pakupesa imbeyu. ⁴ Bwo akupesa, imbeyu yimo yikawila mulubafu musila, po ifiyuni fikisa nukuseba. ⁵ Imbeyu inine shikawila mumabwe, po patakaba ilongwi ilyingi. Nakalinga shikumila papo patakaba ilyongwi ilyingi. ⁶ Lole mwo isuba lyafuma, shikumila papo shitakaba nimishu, po shikafoka. ⁷ Imbeyu inine shimo shikawila mumyifwa. Imyifwa yikakula nukushilasa. ⁸ Imbeyu inine shikawila pilongwi ilyisa nukwela iseke, shimo shikela amahandiledi, shimo sikisite, shimo sate. ⁹ Yuyo ali nifyufwo, leka apulike.'' ¹⁰ abafundiwa bakisa nukuti kwa Yesu, ''Choni chicho ukuyughila mu fyili pachilundilo cha bandu?'' ¹¹ U Yesu akamula nukuti kukwabo, ''Mupeghiwe ulusako lwa kufyaghania ishakubunyafyale ubwa kumwanya, Lole shitabaghile kukwabo. ¹² Pakuti linga yuyo alinafyo akwisa pakupeyiwa ifyingi. Lole yuyo atanafyo, po nako kope alinako akwisa ukumupoka. ¹³ Chobene ngayugha nabo mufyili: Po bule bakutesha, lole batakutesha; sona bakuteghelesha, lole batakupulika, pamu ukushaghania. ¹⁴ Kubabo ubukunguluka bwa Yesaya bwakwanilishiwa, ukuyugha ukuti, 'Bwo mukali mukupulika akwisa ukubapulika, lole tamukashaghanie musila yiliyoshi; bwo mukali mukutesha mukwisa ukutesha, lole mutakwisa ukufiketa musila yoshi yila. ¹⁵ Pakuti indumbula shabandu aba shikaba ngafu, sona bakafu pakupulika, sona bakushishila amaso ghabo, ukuti manye bateshe namaso ghabo, pamu manye bapulike nifyofwo fyabo, pamu ukushita ukushaghania nindumbula shabo, pamu ukuti baghalukile kunyuma sona, sona ukuti imbaposhe.' ¹⁶ Lole masayiwa amso ghinyu, pakuti ghakutesha; sona ifyufwo fyinyu, papo fikupulika. ¹⁷ Ingubabula ubwanaloli umwe ukuti abakunguluka abingi sona nabandu abagholofu bakalonda ukutesha ifindu fifyo mukulonda ukutesha lole batakafiketa. Bakalonda ukufipulika ifindu fifyo mukupulika lole batakapulika. ¹⁸ Pulikisha kuchili ichamulimi yuyo akapesa imbeyu. ¹⁹ Linga yumo akupulika amashu ghabunyafyale lole atakughapulikisha, umubibi akwisa nukunyopola fifyo fikapesiwa mundumbula yake. Iyi mbeyu yiyo yikawila mulubafu musila. ²⁰ Yiyo yikapesiwa pibwe mundu yuyo akupulika amashu nakalinga nukupokela ulusekelo, ²¹ lole ghata nimishu mumwake sona nukupilila pakabalilo akanandi. Po linga ukuyimba nukufwimiwa kwanyamuka pachifukwa cha mashu, nakalinga akuwa. ²² Yiyo yikapesiwa mumyifwa, uyu mundu yuyo akupulika amashu, lole akutepuliwa nukushimbuliwa nubukabi fifyo fikushimya ishu, po akuba mundu uwakushita ukusubaliwa. ²³ Imbeyu yiyo yikapesiwa pilyongwi ilyisa, uyu mundu yuyo akupulika amshu sona nukugfhapulikisha. akupapa iseke nukwela, akupapa muma handiledi, namuma sikisite sona, sona niyingi muma sate.'' ²⁴ U Yesu akayugha ichili ichingi akati, ''Ubunyafyale bwakumwanya buli ngati umundu yuyo akapesa imbeyu inyisa mumughunda wake. ²⁵ Lole bwo abandu bali mutulo, umulughu wabo akisa sona nukupesa ipoka mukati mungano nukufumapo. ²⁶ Bwo imbeyu yakula nukupapa iseke, po ipoka lyope likamela. ²⁷ Ababomba mbombo ba mwenecho wa nyumba bakia nukuti, 'Bwana, utakayibona imbeyu inyisa mumughunda wako? Ngapo shaba wulele ukuti mube ipoka?' ²⁸ ''Akati kukwabo, 'Umulwani weyo apanga ifi.' ''Ababomba mbombo wakati kukwake, 'Ngimba ukulonda ukuti tuye tunyukule?' ²⁹ ''Umwenecho wa mughunda akati, 'Hagha. papo pala ukunyungula ipoka, unganyungulila pamupene ningano. ³⁰ Leka fyoshi fibili fikulile pamupene mupaka pamwinulo. Pakabalilo ka nyinulo gwisa pakuti kubabo bakwinula, ''Ichabwandilo nyukula tashi ipoka sona mufipinye mufibunga nukufyocha, lole bunganika ingano nukubika mundamba yangu.'''''' ³¹ Po u Yesu akayugha ichili ichingi. Akati, ''Ubunyafyale bwa kumwanya buli isa imbeyu ya mutaka yiyo umundu akegha nukupesa mumughunda. ³² Imbeyu iyi iseke yake yinandi ingani ukulusha imbeyu shoshi. Lole linga yakula, yikuba yikulu ukusha imbeyu shoshi isha mumughunda. Likuba likokwe, ukuti ifiyuni ifyamumwanya fikwisa nukusenga ififumbo fyabo mutusamba.'' ³³ U Yesu akababula ichili ichingi. ''ubunyafyale bwa kumwanya buli isa chilngochicho umukolo akwegha nukukologhania nifilungo fitatu ifya bufu mupaka po ichinyenya chatukumuka.'' ³⁴ U Yesu akayugha ifindu fyoshi ifi mufyili pa chilundilo; sona atakababula nachimo ukushita ukuyughila mufyili. ³⁵ Ishi shikaba mulubatiko ukuti chicho chikayughiwa ukwendela mumukunguluka ukuti fikwanilishiwe, bwo ati, ''Ngwisa pakwighula umulomo wangu mu fyili. Ngwisa pakuyugha ifindu fifyo fifififwe ukufuma kubwandilo bwa chisu.'' ³⁶ Po u Yesu akachileka ichilundilo nukwingila munyumba. Abafundiwa wake bakisa kukwakwe nukuti, ''Tulinganie utwe ichili cha lipoka ilya mumughunda.'' ³⁷ U Yesu akati, ''Yuyo akupesa imbeyu inyisa akaba Mwana wa Mundu. ³⁸ Umughunda chisu; sona imbeyu inyisa, bobo bana babunyafyale. Ipoka bobo bana bamubibi yula, ³⁹ sona umulughu yuyo akapesa wi satana. Umwinulo bumalilo bwa chisu, sona abakwinula bandumi. ⁴⁰ Polole, isamumo ipoka tukubungania nukocha numulilo, momo tifikise fibele pabumalilo bwa chisu. ⁴¹ U Mwana wa Mundu akwisa ukutuma abandumi bake, bakwisa ukubungania ifindu fyoshi fifyo fikupangisha imbimbi mubunyafyale bwake sona nababo bakubomba ifibibi. ⁴² Bakwisa ukubataghila mumulilo. Kukwisa ukuba ukulila nukusha amino. ⁴³ Abagholofu bakwisa ukubala isa lisuba mubunyafyale bwa Wise wabo. Yuyo ali ni fyufwo, leka apulike. ⁴⁴ ''Ubunyafyale bwa kumwanya buli isa ichuma chicho chikufisiwa mumughunda. Umundu akachagha nukuchififa. Mulusekslo lwake akachileka nukubuka, akaghulisha fyoshi fifyo akaba nafyo, nukughula umughunda. ⁴⁵ Ubunyafyale bwa kumwanya buli sona isa umundu yuyo akulonda ubwambo. ⁴⁶ Bwo abwagha bumubwene ubwisa, akabuka nukughulisha fyoshi fifyo akaba nafyo nukughula. ⁴⁷ ''Sona, ubunyafyale bwa kumwanya buli isa chilepachicho bakataghila munyanja, chicho chikabungania chikakola uluko lwoshi. ⁴⁸ Bwo ichilepa chisula, abakolaswi bakachighusila kulubafu lwa nyanja. Po bakikala pase nukusala inyisa nukubika muchililo, lole ishibibi bakachitagha. ⁴⁹ Tifikabe musila yiyiyi pabumalilo bwa chisu. Abandumi tibakise nukupaghulania ababibi ukufuma kubisa. ⁵⁰ Bakwisa ukubataghila munyanja iya mulilo, mumo timukabe ukulila nukusha amino. ⁵¹ '''Mwapulikisha ifindu fyoshi ifi?'' Abafundiwa bakati kukwake, ''Inga.'' ⁵² Po u Yesu akati kukwabo, ''Polole weshi umusimbi yuyo aba mufundiwa wa bunyafyale bwakumwanya ali isa mundu yuyo mwenecho wa nyumba, yuyo akufumya ifbibi nifipya ukufuma muchuma chake.'' ⁵³ Mwo u Yesu amala ukuyugha ifyili, akafumapo pamalo ghala. ⁵⁴ Po u Yesu akingila muchighaba chake sona akanda ukumanyisha abandu musinagogi yabo. Chicho chikaboneka chakuti bakanda ukuswigha nukuti, ''Ngimba umundu uyu akughagha koki amaghala ghake nifiswigho ifyamaka ifi? ⁵⁵ Ngimba tamwana wa mupala matabwa? Ka ta mwana wa Maliya? Ka tawiwamwabo wa Yakobo, Yosefe, Simoni nu Yuda? ⁵⁶ Ka ta bayemba wake boshi bo bali nutwe? Ngimba akafyagha kughu fyoshi if?'' ⁵⁷ Po bakamukana, Lole u Yesu akati kukwabo, ''umukunguluka atakuchindikiwa mukayakake sona namumbumba yake.'' ⁵⁸ Atakabomba ifiswigho ifyingi papo batakamusubalilagha.

¹ Mukabalilo kalakala, u Helodi u malafyale akapulika utupanga utwa Yesu. ² Akayugha kubabombi wake, ''Uyu wi Yohani umwosho ashuka kubufwe. Po ulu amaka ghake ghogho ghakubomba imbombo.'' ³ Papo u Helodi akamukunga u Yohani, nukumupinya, nukumubika mu jele chifukwa icha Helodiya umuka Filipu uwamwabo. ⁴ Papo u Yohani akati kukwake, ''Tachakubaghila ukuti uwe umweghe ukuba mukashi wako.'' ⁵ U Helodi ngali akamughogha, lole akoghopagha abandu, papo bakamumanya ukuba mukunguluka. ⁶ Mwo ishiku ilya kupapiwa kwa Helodi lyafika, umwana wa muka Helodi akisa alebela pakati papabo nukumuhobosha u Helodi. ⁷ Mukwamula, akapangana nukufinga ukumupa choshi chicho angasuma. ⁸ Mwo ung'ina amulingania, akati, ''Ndete panu, pasiniya, umutu wa Yohani umwosho.'' ⁹ U malafyale akisa afulungana lwka nachicho akasuma, lole pachifukwa ichakulapana sona chababo bakaba pamupene pakulya, akalaghila ukuti shibombiwe. ¹⁰ Akatuma ukuti bamutumule umutu u Yohani mukati mu jele. ¹¹ Po umutu wake bakisa nagho pa siniya nukumupa umulindu po akabuka nagho kwa ng'ina. ¹² Po abafundiwa wake bakisa, begha umufimba nukughushila. Mwo ishi shabombiwa bakabuka nukumubula u Yesu. ¹³ Po mwo u Yesu apulika ishi, akafumamwo mula mubwato nukuya kubuyo bwapamwene. Mwo ichilundilo chapulika ifi, bakenda ubulendo bwa pase ukufuma mukaya. ¹⁴ Po u Yesu akisa pandashi papabo nukutesha ichilundilo ichikulu. Akabapelela ichisa nukubaposha ababine babo. ¹⁵ Mwo ilya namasuwa lyafika, bafundiwa bakisa kukwake nukuti, ''Ubu buyo bwa lungalangala, sona akabalilo kabuka. Kisha ichilundilo, ukuti pangabuka mutwaya nukughula ifyakulya pabene.'' ¹⁶ Lole u Yesu akati kukwabo, ''Batabaghile ukubuka. Bape fimo ifyakulya balye. ¹⁷ Bakati kukwake, ''Tuli bubu nifibama fayivi niswi shibili panu.'' ¹⁸ U Yesu akati, ''Sanafyo kukwangu.'' ¹⁹ Po u Yesu akalaghila ichilundilo ukuti bikale pase pachiposo. Akegha ifibama fayivi niswi shibili. Akatesha kumwanya, Akasaya nukumenyula ifibama nukupa abafundiwa, po abafundiwa bakaghabila ichilundilo. ²⁰ Boshi bakalya nukwikuta. Po bakabungania fifyo fikashala ifya kulya fikakwana abobasiketi twelovu abisule. ²¹ Babo bakalya bakakwana abalisha fayivi sabuzandi kushita kubelenda abakolo nabana. ²² Umwakushita kukaba akabapanga abafundiwa ukuti bingile mubwato nukuti batangile ukuya kusila ilingi, bwo umwene achibwesha ichilundilo. ²³ Mwo achibwesha ichilundilo, akisa abuka kwighamba pamwene pakwiputa. Mwo inamasuba yafika, akaba kulakula mwene. ²⁴ Lole ubwato bukaba pabutali nichisu, bukatutiwanga namaghiwa, papo imbepo yikabaputagha ukulimbana nabo. ²⁵ Muma 10okoloko iya bushiku u Yesu akayanga kukwabo, akendagha pamwanya pa nyanja. ²⁶ Mwo abafundiwa bamutesha akwenda pamwanya panyanja, bakisa batamiwa nukuyugha ukuti, ''Chishuka,'' po bakakuta nukoghopa. ²⁷ Lole u Yesu akayugha kukwabo papapo akati, ''Mube bakifu! Nene! Mutakoghopaghe.'' ²⁸ U Peteli akamwamula akati, ''Malafyale linga wewe, laghila ukuti nune nende pamishi.'' ²⁹ U Yesu akati, ''Sagha.'' U Peteli akafuma mubwato nukwenda pamwanya pamishi ukuya kwa Yesu. ³⁰ Lole mwo u Peteli ayibona imbepo iyamaka akisa oghopa. Bwo anda pakutwiba, akakuta nukuti, ''Malafyale, mboke une!'' ³¹ U Yesu papo napapo akagholosha akakono, nukumukola u Peteli, nukuti kukwake, ''We walwitiko ulunandi uwe, choni chicho ukukayikila?'' ³² Po Mwo u Yesu nu Peteli bingila mu bwato, imbepo yikisa yaleka pakukuka. ³³ Po abafundiwa mubwato bakamwiputa u Yesu nukuti, ''Naloli loli we Mwana Chala.'' ³⁴ Mwo balobosania bakisa bafika kubuyo bwa Genesaleti. ³⁵ Bwo abandu ba kubuyo bulabula bamwaghania u Yesu, bakatuma indumi mwoshi mutwaya utwa mupipi, po bakisa nabo kukwake boshi babo bakabina. ³⁶ Bakamusuma ukuti bati bamupalamasheshe umuselekesha wake kubumalilo, sona mwo abingi bamupalamasha bakapolagha.

¹ Abafalisayi bamu na basimbi bakisa kwa Yesu ukufuma ku Yelusalemu. Bakati, ² ''Choni chicho abafundiwa bakunanga inyigho sha bosongo? Batakusukusula munyobe shabo pala bakulya ichibama.'' ³ Umwene akamula nukubabula ukuti, ''Choni chicho mukunanga indaghilo sha Chala ni nyigho shinu? ⁴ Pakuti u Chala akati, 'Ng'ndika u tata nu mayi wako, 'sona, weshi yo akuyugha imbibi kwa Tata pamu u mayi wake naloli akuya pakufwa'. ⁵ Lole ukuti, ' weshi yo akuyugha kwa Tata pamu kwa mayi wake, ''choshi cho chikukwafwa chikufumila kukwangu cho ulu chabupi chakumupa u Chala,'' ⁶ u mundu yula atakulonda ukumughindika uwise wake! Musila yiyi mukulipela ilishu lya Chala kisita kuba mimbombo panongwa ya nyiho shingu. ⁷ Mwe bashobi umwe! ngimba u Yesaya akasolola isha umwe po akati; ⁸ 'Abandu aba bakungindika une nimilomu yabo, lole indumbula shabo shili kubutali nune. ⁹ Bakunyiputa une mubusita kumanya papo bakutumanyisha ngati mundaghilo namu ngomelesho sha bandu''. ¹⁰ Po akitisha ichilundilo ukwisa kukwake akababula akati, ''pulika sona pulikisha. ¹¹ Nachimo cho chikwingila mumulomo chikumunanga umundu. Lole, cho chikufuma mumulomo, chocho chikumunanga umundu''. ¹² Po abafundiwa bakisa nukuti kwa Yesu, ''ka kushimanya ukuti abafalisayi bakakalala bwo bapulika ubuyughi ubu''? ¹³ U Yesu akamula sona akati, '' ichibyaliwa choshi cho u Tata wakumwanya atabyalite chikuya pakunyukuliwa. ¹⁴ Baleke bene, bakulongoshiwa nubufwa maso. Pala umufwa amaso akumulongosha umufwa maso umunine, boshi bakuya pakuwila muchibwina''. ¹⁵ U peteli akamula nukuti kwa Yesu, '' Lingania ichili ichi kukwitu''. ¹⁶ U Yesu akati, mukali numwe mutakupulikisha? ¹⁷ Mukali mutakupulikisha ukuti chochikwingila mumulomo chikwenda mukati mulufukwe nu kufuma ukuya mwazenje? ¹⁸ Lole ifindu fyo fikufuma mumulomo fikufuma mu mwoyo. Fyo findu fyo fikunanga umundu. ¹⁹ Lole pakufuma mumwoyo mukufuma inyinong'ono imbibi, ukughogha, ubuowe, ubwamalaya, ubwifi, ubwo kamboni bwa bumyashi, nukufwima abanine. ²⁰ Ifi fyo findu fyo fikumunanga umundu. Lole ukulya kwambukla kusukusula kutakunanga umundu. ²¹ Po u Yesu akafumapo pala, nukubuka ichigaba cha twaya twa Tire nu Sidoni. ²² Nakalinga umukolo wa ku Kenani akisa ukufuma muchigaba chila. Nukukuta ukuti, '' Banga nichisa nune, malafyale, mwana wa Devedi! umwana angu umulindu akoliwe ngani nimbepo imbibi''. ²³ Lole u Yesu atakamwamula ishu nalimo. Abafundiwa bake bakisa nukumusuma, bakati, '' mutume abukaghe, pakuti ukutukutila utwe''. ²⁴ Lole u Yesu akamula akati, '' ndakatuwa kumundu yumo lole kung'oshi sho shisobite munyumba yabanya Izilayeli''. ²⁵ Lole u mwene akisa nukuti, '' tachakubaghila ukwegha pase pandashi papake, akati, ''malafyale, nyafwe une. ²⁶ Umwene akamula nukuti, ''tachakubaghila ukwegha ichibama chabana nukuponekesha utwokabwa utunandi''. ²⁷ U mwene akati, '' inga, malafyale, lole twope utwokabwa utunandi tukulya tumo utubulubusha two tukuwa ukufuma pamesa ya bwana''. ²⁸ Po u Yesu akamula akati kukwake, '' mukoluwe, ulwitiko lwako lukulu; leka shibombiwe ukuyana namwo uwe kulondela''. Umulindu wake akapola. ²⁹ U Yesu akafumapo pabuyo bula nukubuka ku nyanja ya Galileya. Akabuka pamwanya pighamba nukwikala palapala. ³⁰ Ichilundilo chikisa kukwake. Bakisa numulemale, umufwa maso, abochinunu, naba kukwefuka nabangi bo bakabina. Bakaya nabo papipi pa tulundi twa Yesu, po akabaposha. ³¹ Po ichilundilo chikaswigha bwo abochinunu bakuyugha, abakukwefuka bali akisa, abalemale bakwenda, nabafwa maso bakuketa. Bakamutufya u Chala wabanya Iziliyeli. ³² U Yesu akabitisha abafundiwa ukwisa kukwake nukuti, '' indi nichisa ku chilundilo ichi panongwa yakuti bikala nune amashiku matatu kale lole bata nichakulya. Ndakulonda ukuti imbafumyepo kisita kulya, babaghile ukushilika musila''. ³³ Abafundiwa bakati kukwake, ''tungachagha kughu ifibama ifyakukwana mubuyo bwa lungalangala ukuti bikute abandu aba''. ³⁴ U Yesu akati kukwabo, '' muli nifibana filinga''? Abene bakati, '' seveni, nutuswi tunandi''. ³⁵ Po u Yesu akalamula ichilundilo ukuti chikale pase. ³⁶ Akegha ifibama seveni nutuswi bwo afisaya, akamenyula ifibama nukubapa abafundiwa. Abafundiwa bakachipa ichilundilo. ³⁷ Abandu bakalya nu kwikuta. Po bakabungania nukwisusha ifipombo seveni ifya tubulubusha two tukashalaghako. ³⁸ Bo bakalya bakaba abalisha folo sabuzani, ukutishako abo mayi nabana. ³⁹ Po u Yesu achibula ichilundilo ukuti chibukaghe nukukwela mubwato sona akabuka kuchigaba chaku Magadani.

¹ Abafalisayi naba Sadukayi bakisa nukumughela pakumubushikisha ukuti abalaghishe ichimanyishikisho ichakufuma kumwanya. ² Lole akabamula nakubabula ukuti, ''Linga yaba namasuba, ³ Linga paba popangelo, mukuti, 'tikube ifula, papo kumwanya kukesamite nukughimbana'. Mumenye pakwilura mwo kumwanya kukubonekela, lole mutang'ilira akabonekere katubalira. ⁴ Inguliro imbibi ya bwomalaya yikulonda ichimanyishikisho, lole pabeko ichimanyishikisho chicho tichipeghiwe kukwabo upatulako ichayona. ''po u Yesu akabaleka nukubuka. ⁵ Mwo abafundiwa bafika ulubafu ulungi, bibitwe pakwegha ichibama. ⁶ U Yesu akati kukwabo, ''mube maso sona muchebe nichilungo cha bafalisayi nabasadukayi.'' ⁷ Abakayughishaniangha pabene nukuti, '' chingawa chifukwa chakuti potuteghite ichibama''. ⁸ U Yesu akashimanyagha ishi nukuti, ''mwe balwitiko ulunandi, choni chicho mukuyughisania pamwebenebene mukuti nongwa yakuti tuteghite ichibama? ⁹ Mutakushaghania nulu pamu nukukubuka ukuti ifibama five fikakwana abandu five sauzandi nifidudunga fifyo mukabunganikila fyo fyashala? ¹⁰ Pamu ifibama seveni kubala folo sauzandi nukuti mukabunganika ifipombo filinga? ¹¹ Shili buleghe ukuti manye mushaghaniange ukuti indakayughagha kukwinyu isha chibama? Mube maso sona muchebe nisha chilungo cha bafalisayi nabasandukayi'' ¹² Po bakashaghania ukuti atakababula bamu ukuti bachebe nisha chilungo cha muchibama lole ukuti bachebe nifimanyisho fya bafalisayi nabasadukayi. ¹³ Po mwo u Yesu afika muchighawa chakupipi naku kayesaleya Filipi, akabalalusha abafundiwa bake, '' ukuti , ka abandu bakuti u mwana wa mundu wini?'' ¹⁴ Bakati, '' bandu bakuti ne Yohani umwoshi; abangi, Eliya; sona abanine; Yeremiya, pamu wabamu abakunguluka''. ¹⁵ Akayugha kukwabo, ''lole umwe muti newini?'' ¹⁶ Pakwamula, u Simoni Peteli akati, '' we Kilisitu, u mwana wa Chala u mwumu''. ¹⁷ U Yesu akamula nukuyugha kukwake ukuti, ''we musayiwa uwe Simoni mwana wa Yona papo tamubili nibanda fifyo fyakufubulira uwe ishi, lole wi Tata wangu u wakumwanya. ¹⁸ Nguyugha sona kwa uwe ukuti we Peteli, sona pibwe ili ngwisa ukusengapo ichipanga changu. Imilyango yakubushuka yitakwisa ukuchiwesha ¹⁹ Ngwisa kukupa ifunguliro sha chitangala cha kumwanya. Choshi chicho mwapinya pase chikwisa kupinyika na kumwanya, sona choshi chicho mwa chisatula pase chikwisa kusatuliwa na kumwanya,'' ²⁰ Po u Yesu akabalaghila abafundiwa ukuti manyi bamubulaghe nayumo ukuti wi Kilisitu. ²¹ Ukufuma akabaliro kalakala u Yesu akanda pakuwabula abandu ukuti abaghile ukuti aye ku Yerusalemu, atamiwe kufindu ifyingi mutukono twa balongoshi nabaputi abosongo nabasimbi, nukughoghiwa, nukushuka pishiku lya butatu. ²² Po u Peteli akamweghela palubafu nukukemela, akati, '' shiwange kubutali nuwe, malafyale, manyi ishi shise shibombwepo ku kwako''. ²³ Po u Yesu akasanuka nukuyagha kwa Peteli ukuti, ''tilako kunyuma kukwangu, setano! we chakwipunulamwo changu, papo utakwinong'ona ifindu ifya Chala, lole ifindu ifya bandu''. ²⁴ Po u Yesu akayugha kubafunduwa akati, '' linga yumo akulonda angonge une, abaghile ikane mwene, anyamule ichipinjika chake, po ande pakungonga. ²⁵ Papo weshi yuyo akulonda ukubupoka ubwumi bwake akwisa kubutagha, po sona weshii yuyo abutaghe ubwumi bwake chifukwa cha une akwisa kubwagha. ²⁶ Papo ngimba fingamukabilaki umundu ilinga achikaba choshi ichisu cha pase lole ubumi bwake abutagha? Ngimba umundu angapa chonicho ichakuti atananie nubumi bwake? ²⁷ Papo umwana wa mundu akuya kwisa mubushisha bwa wise oamupene na bandumi. Po akwisa kumupa umundu weshi ukufwana nimbembo sha ke. ²⁸ Nalori ingayugha ku kwinyu, pali bamu babo bimilire panu babo tabise ba yighonje ifwa mbaka po bamutesha u mwana wa mundu akwisa mu bu mwene bwake''.

¹ Mwo pendapo amashiku sikisi u Yesu akamwegha u Peteli, u Yakobo, nu Yohani ubamwabo, nukukwela nabo pighamba pamwanya kuko bakaba bene. ² Akabonekele kaka kakanda ukubabonekela ulungi. Icheni chake chikaboneka isa lisuwa, sona umuselekesha wake ghukabala ingani. ³ Tesha, Abafundiwa bakamwenya u Mose nu Eliya bakuyughisania nu Yesu. ⁴ U Peteli akati kwa Yesu, ''MAlafyale,chila akisa ukuti utwe tube papa. Pala ungalonda, ningasenga ifisakasa fitatu panu---chimo ichako, chimo icha Mose, sona chimo icha Eliya.'' ⁵ Mwo akali akuyugha, Tesha, ibingu ilyakuwala likabakupikila, sona tesha, mukafuma amashu mubingu, ghakati, ''Uyu Mwana wangu umughaniwa, yuyo ghobokite nawe. Mumupulikile.'' ⁶ Mwo abafundiwa bapiulika ifi, bakinamisha imito yabo pase sona bakaba nilyogha. ⁷ Po u Yesu akisa nukubakola po akati, ''Nyamuka sona mutakoghopaghe.'' ⁸ Po bakaketa kumwanya lole batakamwenya nayumo ukupatulako u aYesu mwene. ⁹ Mwo bakwilomoka ukufuma pighamba, u Yesu akabalaghila, Akati, ''Mutakamulaghe nayumo isha chisetuka ichi mupaka po u Mwana wa mundu akuya ukushuka ukufuma ku bufwe.'' ¹⁰ Abafundiwa wake wakamubushikisha bakati, ''Ngapo choni chicho abasimbi bakuti mupaka u Eliya lse tashi?'' ¹¹ U Yesu akamula akati, ''U Eliya naloli akuya ukwisa tashi nukutendekesha ifindu fyoshi. ¹² Lole ingubabula umwe, u Eliya isile kale, lole batakumwaghania ghaha. Mubuyo bwake, bakamubombela fifyo bakalondagha. Musila isa yiyiyo, u Mwana wa Mundu akwisa ukutamiwamutukono twabo.'' ¹³ Po abafundiwa bakashaghania ukuti ukuyugha kukwabo isha Yohani uwa Lwosho. ¹⁴ Mwo bisa kuchilundilo, umundu yumo akisa kukwake, akamufughamilila, nukuti, ¹⁵ ''Malafyale, wanga nichisa pa mwana wangu, papo akubina akashunguli sona akutamiwa leka. Pakuti akuwilagha pamoto na mumishi. ¹⁶ Nisile nawe kubafundiwa wako, lole batamuposhishe.'' ¹⁷ U Yesu akamula nuti, ''Walwitiko ulupepe sona ingulile imbibi, timbange numwe mupa lighi? Timbakibilile mupaka lighi? Sagha nawe kukwangu.'' ¹⁸ U Yesu akayikemela imbepo imbibi, po yikisa yafumamo, po umulumyana akisa apola pakabalilo kalakala. ¹⁹ Po abafundiwa wakisa kwa Yesu kubushitu nukuti, ''Choni chicho utwe tupotwishe ukushifumya?'' ²⁰ U Yesu akati kukwabo, ''Chifukwa cha lwitiko lwinyu ulunandi. Papo ingubabula ubwanaloli, linga mungaba nulwitiko napo lungaba lunandi isa kaseke ka masitadi, mukwisa ukulibusha ighamba, 'nyamuka panu buka pala,' sona lisa pakwenda, nachimo chicho chikwisa ukuwa chikafu kukwinyu. ²¹ Lole umundu wa mbepo imbibi yitakufuma bubu lole ninyiputo. ²² Mwo bakali bakwikala mu Galileya, u Yesu akayugha ku bafundiwa, ''U Mwana wa Mundu akwisa akubikiwa mutukono twa bandu, ²³ po bakwisa ukumughogh, lole ishiku lyabutatu akuya kushuka.'' Abafundiwa wake wakisa wayubana leka. ²⁴ Mwo bisa ku Kepinamu, abandu babo bakapokelagha isongo bakisa kwa Peteli nukuti, ''Ngimba umumanyishi winu atakusonga isongo?'' ²⁵ Akamula akti, ''Inga.'' Mwo u Peteli ingila munyumba, u Yesu akayugha kukwake tashi akati, ''Ukwinong'onaki Simoni? Abanyafyale ba chisu bakwegha isongo ku bandu baki? Ukufuma kubana babo pamu kubandu abaangishe?'' ²⁶ ''Ukufuma kubangishe,''U Peteli akamula. ''Po abana babuke,'' U Yesu akayugha. ²⁷ Lole pakuti tutakabapelela babo abasongesha songoukutula inongwa, buka ku nyanja, kataghile akashikula, ishi yiyo wandila pakukola. Pala wisa wighula umulomo wake, kwisa pakuyaghamo indalama. Po weghe uye ulipe isongo iyangu pamupene niyako.''

¹ Pa nabalilo kala abafundiwa bakisa kwa Yesu ukuti, '''wini yo wisongo mubumyafyale bwa kumwanya?'' ² U Yesu akatisha akamwana akakeke, nukukabika pakati pabo, ³ Sona akati,''ingubabula ubwenaloli bwoshi, penepo mungaghanamuka isa tubana utukeke, mutakwisa ukwingila ubumyafyale bwa kumwanya. ⁴ po lole, weshi yo akwiyisha isa bubana utu weyo wisongo mubunyafyale ubwakumwanya. ⁵ Po weshi yo akumupokela u mwana umukeke isa uyu mungamu yangu ambokela une. ⁶ Weshi yo akupangisha u mwana uyu bakuti anange, chingaba chisa ukuti tumupinyilile nibwe ikulu kushingo, nukumuponia munyanja nukutwiba pase pa nyanja. ⁷ ''Mukoshi ku chisu chifukwa cha fyakupisania! Lole chakulondiwa ukuti ifyakupisania fyise, mukoshi kumundu yuyo ifyakupisania ifi fikwisila mumwake. ⁸ Pala inyobe pamu akalundu kakupangisha ukuti unange, tumula nukukataghila kubutali. Chisapo uwe ukuti aye wingile kubwimikishita maso pamu mulemale nukuti uye kumuliro wabwilanabwila nukuba ninyobe nutulundi. ⁹ Pala ilyiso lyako likukupangisha ukuti unange, likobole nukulitagha. Chisapo ukuti wingile kubumi bwabwilanabwila nilyiso limulyene ukinda ukuti uye kugehena namaso ghoshi mabili. ¹⁰ Uketeleshe ukuti mutakubasamula abana abanandi aba. Ingubabula ukuti kumwanya abandumi bake bukubonekela pamaso gha tata wangu yo ali kumwanya. ¹¹ Amapepala aghakale ghamuchigiliki ghata nukusimbiwa kwa kung'anamula uku pako nganila, pakuti umwana wamundu akisa pakupoka cho chikasoba. ¹² Ukwinong'onaki? Pala yumo ali ning'oshi handiredi ,Po yimo yasoba, Ka angashileka shoshi ing'oshi nayinite nayini {99} mukulonda kwighamba kumbali nukulonda ing'oshi yo yikasoba? ¹³ Pala ayagha,ingubabula umwe ,akusekela ngani ukukinda shila nayinite nayini sho shitakasoba. ¹⁴ Musila yimuyene yiyi,tabwighane bwa tata bwinyu wakumwanya ukuti yumu gwene bawana banangike. ¹⁵ Pala uwamwinyu akunangila,buka nukumukalipila pakati payuyo nuwe .Pala apulikisha, ,apo bwo wa mukaba. ¹⁶ Lole linga atakupulikisha kukwako ,weghe yumuywene pamo babili abangi pamupene nuwe sona ukuti pamulomo wabili pamo batatu ukamboni ishu lyoshi likushimikishiwa. ¹⁷ Sona linga akana ukupulikisha,egha inongwa iyo yiye ku chalichi. Pala pope akukana ukupulikisha ku chalichi,tumweghe ukuya isa wapase pamu umusongesha umusongo. ¹⁸ unguyugha naloli ukuti ,choshi cho mwapinya pachisu chope chapinyiwa kumwanya. Sona choshi cho mwasatula pachisu nakumwanya chikusatuliwa. ¹⁹ Sona nguyugha kumwe,pala babili ba umwe mwapulikana pachisu pachilichoshi cho mwasuma, chikwisa ukubombiwa nutata yo ali kumwanya. ²⁰ Poshi po babili babungana pamo batatu mungamu yangu ,nune indipapo nabo''. ²¹ Bwo upeteli isa kwa yesu akati, "malafyale ,ngimba uwamwitu anganangila kalinga ukuti imuhobokele? Mupaka akakukwana ka seveni? ²² Uyesu akati, "indakuyugha isha ka seveni ,lole inguyugha isha bo sevenite babe seveni. ²³ Polole ubunyafyale bwakumwanya buyaniteshe numalafyale yumo yo akalonda ukulonga inongwa ya bambombo bake. ²⁴ Bwo anda pakulonda, yumo uwambombo wake akisa kukwake yo akaba ningongole shake isha kukwana amataleti ten sauzandi. ²⁵ Pakuti atakaba nisila, isha kanyoshekeshe, ubwana bwake akalamula ukuti bamughulishe, pamupene numukashi wake nabana bake sona nachoshi cho akaba nacho, nukulipila ingongole. ²⁶ Po uwambombo wake akawa pase, nukufughamila pandashi pake, nukuti, bwana undindilireko, une po ingwisa pakukupula fyoshi; ²⁷ Po mwana wamubombambombo wake, pakuti apalamashiwa nichisa, musatule sona muhobokele ingongole. ²⁸ Lole uwambombo yula akafumapo nukumwagha yumuywene wabamu abanine bo akabomba nabo, yo akaba ningongole ya handiredi denasi. Akamukola nukwanda ukumuyughania, akati 'ndipila ingongole yangu'. ²⁹ ''Lole munine yobakabomba naye akawapasi nukumusuma, ukuti, undindilire, indinise ingulipire. ³⁰ Lole uwambombo ubwawandilo akakana. Mubuyo bwake, akabuka nukumponya mujere mpaka po amulipila ingongole yake. ³¹ Bwo abambombo wake bwobafitesha fyo fikaboneka, bakayubana leka. Bakisa nukumubusha ubwana wabo choshi chila chochikaboneka. ³² '' U bwana wabambombo wake akamwitisha nukuti kukwake, ' we wambombo mubibi uwe, ngakughowokela uwe ngongole yoshi pakuti ukasuma. ³³ Koniko utabanichisa kuyo ukubomba nawe,isamo ngakupelela ichisa nune? ³⁴ U bwana wake akakalala po akamubika mutuko twabakunyasha mupaka alipile ingongole yo akaba nayo. ³⁵ Sona utata wangu wakumwanya indi akakubombele mwaluluwo pala utamuhobokela uwamwinyu ukufuma mundumbula yako''.

¹ Bwo pisa ukuti u Yesu amalisha amashu aghake, akafumako ku Galileya nukuya ku chighaba cha Yudeya yo ali kubutali nu lusoko lwa Yorodani. ² Ichilundilo ichikulu chikamukonga, nukuba posha boshi kulakula. ³ abafarisayi bakisa kwake, ukumughera, ukuyugha kwake ukuti, '' ngimba chakwenela ukuti umundu amukishe umukashi wake pachifukwa chilichoshi, ⁴ U Yesu akamula akati, ''ngimba mutabelengite ukuti yo akaba panga abo ukufuma kubwandilo akabapanga umulisha numukolo? ⁵ Yo wepe akabapanga akati, '' pachifukwa ichi umundu akwisa ukuleka u Tata wake nung'ina nukuba pamupene numukashi wake, sona babilibakwisa ukuba mubili ghumuwene, ⁶ Po batasona babili, lole umubili ghumuwene. Polole cho u Chala achibika pamupene, nayumo uwakuchipaghula''. ⁷ Bakati kwake, '' choni cho u Mose akatulamula utwe ukumupa ukalata wakushikisha mukumufumyapo''? ⁸ Akayugha akati, '' ubukafu bwandumbula shinyu, u Mose akabikisha ukukisha abakushi binyu, lole pabwandilo tamwomwo fika musila iyo. ⁹ Nguyugha kumwe, weshi yo amuleka umukashi wake, ukupatula ubumalaya bwene, nukwegha uyungi, akupanga ubumalaya; po umundu yo amwegha umukolo yo bamukishishe akupanga ubumalaya''. ¹⁰ Abandiwa bakayugha kwa Yesu ukuti, '' pala bwo fili umundu numukashi wake, po tachisa pakwegha'', ¹¹ Lole u Yesu akati, '' taweshi yo angitikisha ishi, lole kubene bwo bapeghiwe. ¹² Papo baliko abafule ukufuma mulufukwe lwa bwo mayi babo, sona baliko abafule bwo bapangiwe nabandu, sona baliko abafule bwo bapangiwe pabene chifukwa cha bunyafyale bwakumwanya. Yuyo yo akwitikisha ichimanyisho ichi, leka itikishe''. ¹³ Po utubana tumo tukisa kukwake ukuti atubike utukono twake papabo nukubaputila, lole abafundiwa bakabakalipila. ¹⁴ U Yesu akati, '' bitikishe abana abanandi, koma ukubakanisha bo bakwisa kukwangu, pakuti ubunyafyale bwa kumwanya bwabo''. ¹⁵ Akisa ababika utukono twake pababo, sona akisa afumapo. ¹⁶ Tesha, umundu akisa kwa Yesu nukuti, ''mumashi,kafindufiki ifyisa fyo imbaghile ukufibomba''? ¹⁷ U Yesu akati kukwake, ''choni cho ukumbushikisha ubwisa? Alipo yumwene yo mwisa, lole inga ukulonda ukwingila ubwimi, sunga indaghilo''. ¹⁸ Umundu akati kukwake, '' indaghilo shiki''? U Yesu akati, '' koma ukughogha, koma ukupanga umalaya, koma ukwiba, koma ukupanga ukamboni bwa bwumashi, U Yesu akati, ¹⁹ uchindike u tata wako nu mayi, sona u ghane umupalamani wako ngati mwo wighanile wimwane'' ²⁰ Umundu umukeke akati, '' ifindu fyoshi ifi ifisungite. Po cho chishalite choni''? ²¹ U Yesu akati kukwake, '' pala ukulonda ukuti ube mugholofu, bukagha, uye ughulishe ifindu fyako fyoshi, nukubappa abapina, po ukise ube nichuma kumwanya; po wise, nukungonga une. ²² Lole u mundu umukeke akati, akafumapo nichitima, papo akaba nichuma ichingi leka. ²³ U Yesu akati kufundiwa, ungubabula nubwanaloli ukuti, chipala umundu umukabi pakwingila ku bunyafyale bwa kumwanya. ²⁴ Sona ingubabusha ukuti, chipepe ukuti imbunda yingile pakabwashi kasindano mukinda ukuti u mundu u mukabi ingile ku bunyafyale bwa Chala'' ²⁵ Bwo abandiwa papulika ifi, bakaswigha nukuti, ''po wini angapokiwa''? ²⁶ U Yesu akabaketa, ''nabamdu ifi fitangabombiwa, lole nu Chala fyoshi fyakubombiwa'' ²⁷ Po u Peteli akamula nukuti kukwake, '' tesha twafilekafyoshi nukukonga potusakuba nakoni''? ²⁸ U Yesu akati kubabo, '' ungubabula ubwanaloli ukuti, mukabalilo ko kakwisa po umwana wa mundu ikala pamupando wa bunyafyale, mwemwangonga une bope tise bikale pa mupando wabunyafyale, nukwisa ukolonga amaluko twelofu gha Isirayile. ²⁹ Weshi yo aleka inyumba, abowamwabo, abayemba, abotata, abomayi, abana, pamo imighunda pa chifukwa cha ngamu yangu akwisa ukupokela amahanderedi amingi sona nukupyana ubwumi bwabwilanabwila. ³⁰ Lole abingi ababwandilo bakwisa ukuba ba bumalilo, sona ababumalilo bakwisa ukuba bwa bwandilo.

¹ ''Pakuti ubunyafyale bwa kumwanya buli isa mundu yuyo akabuka pangelo pwilili pakulonda abambombo abakubomba mumughunda wamafilu. ² Mwo apulikana nabambombo ukuti tiabalipile akakopala kamukene pishiku, akabatuma kumughunda wa mafilu. ³ Akisa abuka sona pakabalilo akabutatu nukubagha bamu abambombo babo bata nichakubomba mubuyo ubwakulukisha. ⁴ Kukwabo akati; 'numwe bubu buka mumughunda wamafilu sona tise imbape shisho shigholokite; Pobakabuka pakubomba. ⁵ Akisa abuka sona pakabalilo aka panambala sikisi sona nakanambala nayini, pa sona akabomba shimushene. ⁶ Sona ukongelela bwo kakwana akabalili ka nambala leveni akabuka kuse sona nukuba abangi bimilile batanichakubomba. akayugha kukwabo; choni chicho mwinichile panu kushita chabomba ishiku lwashi? ⁷ ''Bakati kukwake, 'papo nayumoyumo atatweghite utwe! ''Akati kukwabo, ' numwe bububu buka mumughunda wamafilu! ⁸ Mwo ilyamamasuba lwafika umwenecho uwa mughunda wamafilu akayugha kwa yuyo akuketelesha, bitishe abambombo sona balipile umufwale wabo, wandile ababumaliro umalile ababwandiro; ⁹ "Mwo abambo babo bakingila pakabalilo aka nambala leveni bisa aliweshi akapokela akakopala kamukene. ¹⁰ Mwo abambombo ababwandilo bisa akinong'ona wa ukuti tibambilile inyingipo, lole bope bakambilila akakopala kamukene ali weshi. ¹¹ Mwobambilila umufwalo wabo, bakilumbusha nishamwenecho wamughunda. ¹² Bakati, ' abambombo aba babombashe akabalilo kamukene lole wabubikashe baghelela bwa kishiku lyoshi nukochi wa nakasanya.' ¹³ ''Lole umwenecho akamula sona nukuyugha kuyumo uwa babo, 'mumanyani, indabanangila nachimo. Mutapulikanite nune pakakopala kamukene? ¹⁴ Egha kokinyu sona mubukaghe. Nasala pakubapa abambombo babumalilo isa mumwo nabapela numwe. ¹⁵ Ngimba techakwitikishiwa ukuti imbombe isa mumwo ngulondela kufifyo indinafyo? Pamu amaso ghinyu panongwa yakuti indimwisa?' ¹⁶ Po aba kunyuma bakwisa kuba kundashi sona abakundashi bakwisapakuba kunyuma.'' ¹⁷ Mwo u Yesu akukwela ukuya Kuyelusalemu, akegha bala twelovupalubafu, sona bwo bali musila akayugha kukwabo akati, ¹⁸ ''Tesha, tukubuka ukukwela Kuyelusalemu sona u Mwana wa Mundu akuya pakubikiwa mutukono twa baputi abosongo nabasimbi. Bakwisa ukumupa inongwa ya bufwe ¹⁹ sona bakwisa kuba kuse ukuti bamutukaghe, nukumuyifya, sona nukumukomela. Lole pishiku lya butatu akwisa kushukiwa.'' ²⁰ Po ung'ina ubwaba lumyana aba Zebediya akisa kwa Yesu nabalumyana bake. Akisa afughamila pandashi papake sona akasuma chimo ukufuma kukwake. ²¹ U Yesu akati kukwake, '' kunyenywa choni chichicho? '' Akayugha kukwake, '' Lghila ukuti abana bangu babili aba bakise bikale, yumuywene akise ikale kukakono akamwisa sona yumuywene akashomi mubunyafyale bwako.'' ²² Lole u Yesu akamula nukuti, ''Utakumanya chicho ukusuma. Mubaghile pakung'waichikombe chicho napalamila pakung'wa?'' Bakati kukwake, ''Tubaghile.'' ²³ Akati kukwabo, ''Ichikombe changu naloli mukwisa ukung'wa. Lole ukwikala kukakono kangu akamwisa pamu akashomi tanene ngupa, lole shabo babo shikatendekeshiwa nganila nu Tata.'' ²⁴ Mwo abanine abafundiwa teni bapulika ishi, bakabakalalila leka abanamundu babili aba. ²⁵ Lole u Yesu akabitishakukwake nukuti, ''Mumenye ukuti abalaghili ababa kuse beghite amaka ghoshi sona abandu babo bakulondiwa bakulaghilania. ²⁶ Lole shitabaghile bunobuno mukati mumwinyu mubuyo bwake, weshi yuyo akunyenywa akuba wisongo mukati mumwinyu abaghile ukuba mutumwa winyu, ²⁷ sona weshi yuyo akunyenywa ukuba wakwanda mukati mumwinyu abaghile abe mutumwa winyu, ²⁸ isa papo u Mwana wa Mundu atakisa ukuti bamubombelaghe, lole pakubomba, sona nukupa ubwumi bwake ukuba bwakupoka abingi.'' ²⁹ Mwo bakufuma ukufuma mu Yeliko, ichilundilo ichikulu chikamukonga. ³⁰ Pakabapo abafwamaso abalisha babili babo bakikalagha palubafu lwamumusebu. Mwo bapulika ukuti u Yesu akukilisania papo, bakakolela, ''Malafyale, Mwana wa Dabiti, tupelele ichisa utwe.'' ³¹ Ichilundilo chikabakemela, nukubabula ukuti basumbeshe, lole bakakolela ngani nukukwesha amashu, ''Malafyale, Mwana wa Dabiti tupelele ichisa utwe.'' ³² Po u Yesu akimilila palapala sona akabitisha nukuyugha ukuti, ''Mwanyenywa ukuti imbabombele chonicho? ³³ Bakati kukwake, ''Malafyale, ukuti amaso ghitu ghighuke.'' ³⁴ Po u Yesu, bwo ichisa chamukola, akapalamasha amaso ghabo. Papo napapo bakapokela amaso ghabo nukwanda pakumukonga.

¹ Mwo u Yesu nabafundiwa wake bakuya ku Yelusalemu po bakafika pa buyo bwa Betifegi, ukuya kwi ghamba ilya Oliva, po u Yesu akatuma abafundiwa babili, ² akati kukwabo, ''Buka mukaya akangi, po umwa kushita kukaba mukuya pakuyagha ing'oshi yipinyiwe kulakula, sona nakana kake. shisatuliwe mwise nasho kukwangu. ³ Linga yumo akubabushikisha shimo isha shishishi, mwise mutingi, 'U Malafyale akushilonda,' po umundu yulayula akwisa ukwitikisha papo napapo.'' ⁴ Po ishi shikabombiwa shosho shila shisho umukuluka akayughagha ukuti shikwanilishiwe. Akati, ⁵ ''Babule abana abalindu aba mu Zioni, 'Tesha, u Malafyale winyu akwisa kukwinyu, akwiyisha sona akwelite pa nang'oshi--- pa mwana, kako kakupimbagha ukatundu.''' ⁶ Abafundiwa bakabuka nukubomba isa mumwo u Yesu akababulila. ⁷ Bakisa nunang'oshi nakamwana kake nukwalishapo imyenda, po u Yesu akikala pamwanya. ⁸ Nabingi muchilundilo bakatenga imyenda mumusebuo, nabangi bakatumulagha amapanya mumakwi nukutenga mumusebo. ⁹ Po ichilundilo chicho chikatangila mundashi mwa Yesu nababo bakakongagha bakakolelagha, ''Hosana ku mwana wa Deveti! Musayiwa yuyo akwisila mungamu iya Malafyale! Hosana ku wakumwanya!'' ¹⁰ Mwo u Yesu isa mu Yelusalemu, akaya koshi kakayabana nukuti, ''Winiwe uyu?'' ¹¹ Ichilundilo chikamula, ''Uyuwi Yesu umukunguluka wakufuma mu Nazaletimu kaya ka Galileya.'' ¹² Po u Yesu akingila mu tempheli. Akabakisha boshi babo bakangulagha nukughulisha mu tempheli, nukung'anamula amamesa ghagho bakachenja indalama nifikalilo fyababo bakaghulishanga ingunda. ¹³ Akayugha kukwabo akati, ''Shisimbiwe, inyumba yangu yikwisa kwitishiwanga inyumba ya kwiputilamo; lole mwayipela ukuba mbako yakwimamilamo abaghoghi.'' ¹⁴ Po abafya maso nabafilema bakisa kukwake mu tempheli, po akabaposha. ¹⁵ Lole mwo abaputi abosongo nabasimbi batesha ifyakuswighisha fifyo akabombagha, sona namwo bapulika abana bakukolela mu tempheli ukuti, ''Hosana ku Mwana wa Deveti,'' bakisa bakalala leka. ¹⁶ Bakati kukwake, ''Ukupulika shisho bakuyugha?'' U Yesu akayugha kukwabo, ''Inga! Lole mutabelengite lumo, 'Ukufuma mumilomo ya bana abakeke nababo bakonga usenganishe amapalo'?'' ¹⁷ Po u Yesu akabaleka mukaya nukuya ku Betanenukuba kuko ubushiku boshi kulakula. ¹⁸ Po pangelo mwo akughalukila kukaya, isala yikisa yamubaba. ¹⁹ Mwo alitesha ikokwe ilya mukuyu mulufabu mumusebo, akabuka kupipi po lole atakachagha nachimomwo lole ghene gho mani. Po akayugha kwikokwe, ''Mutakise mwayiwemwo iseke akabalilo koshi,'' po papo napapo ikokwe ilya mukuyu likuma. ²⁰ Mwo abafundiwa batesha ishi, bakaswigha nukuti, ''shingaba bulele ukuti ikokwe ilya mukuyu lyume umwalubilo lubilo?'' ²¹ U Yesu akamula kukwabo nukuti, ''Naloli ingubabula inguti, linga mungaba nulwitiko kishitakwilamwa, tamukabombe shene shisho shabombiwa kwikokwe ilya mukuyu, lole mukwisa kuyughagha na kwighamba ili, 'Nyamuka sona kiponie mu nyanja,' po shikwisa kubombiwanga. ²² Choshi chicho mwisa mwasuma ukwendela munyiputo, nukusubila, mukwisa kupokela.'' ²³ Mwo u Yesu ingila mu tempheli, abaputi abosongo nabalongoshi babandu bakisa kukwake mwo akali akumanyisha bakati, ''Ukwendela mumaka ghaki ghagho ukubombela ifindu ifi, sona yuyo akupile amaka ghagha?'' ²⁴ U Yesu akamula akati, ''Nune timbalalushe ilalusho limulyene. Linga mwambula une, po ngwisa kubabula umwe kukoi amaka ghangu ghakufumila ghagho ngubombela ifindu ifi. ²⁵ Ulyosho lwa Yohani--lukafumila koki? Lukafuma kumwanya pamu kubandu? Bakanda ukuyughisania benebene nukuti, ''Linga tungati, 'Lukafuma kumwanya,' po tati choni chicho mutakamwitika?' ²⁶ Lole linga twati, 'Lukafuma ku bandu,' tukoghopa ichilundilo, papa boshi bakumumanya u Yohani ukuba mukunguluka.'' ²⁷ Po bakamwamula u Yesu bakati, ''Tutamenye.'' Po wepe akati, ''Nune tambabule kuko amaka ghakubombela imbombo iyi ghakufumila. ²⁸ Lole mukwinong'onaki? Umundu akaba nabana babili. Akabuka kuwakwanda nukuti, 'Mwana wangu, buka pakubomba mumughunda wa mafilu umusughu.' ²⁹ ''Umwana akamula nukuti, 'Indakuya,' lole bwo akabalilo kenda akandula inyinong'ono nukubuka. ³⁰ ''Po umundu akabuka kumwana wa bubili nukumubula shisho amubulite uwa kwanda. Po akamula nukuti, 'Timbuke, bwana,' lole atakayako. ³¹ Mwana yuki pa babili yuyo akabomba ubwighane bwa wise?''' Bakati, ''Uwabwandilo.'' Po u Yesu akayugha kukwabo akati, ''Naloli ingubabula inguti, abasongesha songo nabomalaya bakuya pakwingila mu bu Nyafyale bwa Chala mwo mukali nukwingila. ³² Pakuti u Yohani akisa kukwinyu musila iya bugholofu, lole mutakamwitika. Lole abasongesha songo nabomalaya bakamwitika. Lole umwe, napapo muteshe ifi, pope mutakupinduka nukumwitika. ³³ ''Pulika ku chili ichinine. Pakabako umundu yumo, umwenecho wa mughunda. Akabyala ingano, akasengelela nulupaso, nukukumba ichibwina ichakukamilamo ingano, akasenga ichinyumba, nukubashima babo bakalimililagha umughunda. Po akaya ku chisu ichingi. ³⁴ Mwo akabalilo akamwinulo kafika, akatuma abambombo ku balimi ba mumughunda ukuti baye begheko iseke. ³⁵ Lole abalimi bakabakola abambombo bala, nukumukoma yumo, nukumughogha uyungi, sona nukumutisa yumo namabwe. ³⁶ Sona, umwenecho akatuma ababombi abangi, ukukila abakwanda, lole abalimi bamafilu bbakababombela isa mumwo bakababombela bakwanda. ³⁷ Mwo akabalilo kapululila, umwenecho akisa atuma umwana wakeyuyo, nukuyugha ukuti, 'Bakwisa ukumuchindika umwana wangu.' ³⁸ ''Lole mwo abalimi bamafilu bamobona u mwana, bakayugha benebene, 'Uyu weyo mwingila chilingo. Sagha, tumughoghenukwegha ubwingila chilingo.' ³⁹ Po bakamwegha nukumutaghila kuse kumughunda nukumughogha. ⁴⁰ Po linga umwene mughunda isa, tiakabomba sha choni ku babomba mbombo ba mumughunda bala?'' ⁴¹ Bakati kukwake, ''Akwisa ukubaghoghania abandu ababibi abo musila iya koghofya po nukubashimya abangi umughunda, abandu babo babaghile ukumupa amafilu pakabalilo ka mwinulo.'' ⁴² U Yesu akati kukwabo, ''Mutabelengitepo lumo mumasimbo, 'ibwe lilyo abasengi bakalikana libikiwe ukuwa lya pa kona. Ishi shakufuma kwa Malafyale, sona shakuhobosha mumaso ghitu'? ⁴³ Po ulu ngubabula umwe, ubumwene bwa kumwanya bukwisa kweghiwa ukufuma kukwinyu nukupeghiwa kuchisu chicho chikupa iseke. ⁴⁴ Weshi yuyo awile pibwe lilili akwisa kumenyuka mu tumenyamenya. Lole pa yuyo lyamuwila akwisa kutisungana.'' ⁴⁵ Mwo abaputi abosongo na bafalisayi bapulika ifyili, bakashaghania ukuti akuyugha bobabo. ⁴⁶ Bakalondagha ukuti bamukunge, po bakoghopagha ichilundilo, papo abandu bakamumanyagha ukuba mukunguluka.

¹ U Yesu akayugha sona mufyili, akati, '' ² Ubumalafyale bwakumwanya buli ngati umalafyale yumo akatendekesha inyegha ya lusekelo ya mwana wake. ³ Akatuma bwoshi abambombo ukwibitisha bwoshi bwo bakabitisha ukwisa ku lusekelo lwa nyegha, lole batakisako. ⁴ Sona umalafyale akatuma abambombo abangi, ukti, '' babule bwo bwitishiwe, '' tesha, natendekesha ifyakulya. Ukambaku wangu yo inite aghoghiwe, sona ifindu fyoshi fyi nubuyo bwake. Isagha kulusekelo lwa nyegha''. ⁵ Lole batakabikako amahala nukufumapo, yumo kughunda wake, uyungi ku fyakughulisha. ⁶ Abandu bakabakanisha ababomba imbombo ba malafyale, bakabanisha mwakukosha isoni nukubaghogha. ⁷ U malafyale akaba mukali nukutuma abasilikali nukubananga boshi bo bakaghoghagha sona nukocha akaya kabo. ⁸ Po akati kubambombo bake, '' ubukwati buli mubuyo bwake, lole bobakabitisha batakaba bakukwanila. ⁹ Po lole buka musila ishamumwanya indekana nukwitisha abandu abingi kulusekelo lwa nyegha'. ¹⁰ Abambombo bakabuka musila isha mumwanya nukubunganika abandu pamupene bwoshi bo akabagha ababibi nabisa. Po ichiyumba cha bukwati chisula nabahesha. ¹¹ Lole bwo umalafyale isa pakutesha abahesha, akamubona umundu yo atafwala imyenda ya bukwati. ¹² Umalafyale akati kuyuyo, 'mumanyani wisileghe buleghe kuno ukushita kufwale imyenda ya bukwati? Lole umundu uyu akasoba ichakuyugha. ¹³ Po umalafyale akati kubambombo, ' mupiny umundu uyu utukono nifilundi, nukumufumya kuse numutaghila kuchisi, kotise kube ukulila nukusha amino. ¹⁴ 'Pakuti abandu abingi bitishiwe, lole abanandi basaliwe''. ¹⁵ Po abafalisi bakabuka nukubatika mwo bangamuteghela u Yesu mukuyugha kwake. ¹⁶ Po bakamutumila abafundiwa babo, pamupene nabana ba Herodi. Bakati kwa Yesu, ''mumanyishe, tushimenye ukuti we wanaloli, sona ukumanyisha isila ya Chala mubwanaloli. Utakusaghila amahala gha mundu sona utakubonesha ukusalila muchimanyani pakuti pabandu. ¹⁷ Po tubushe, kwinong'onaki? Chakwenelela ukulipila umusongo kwasiya pamu hagha?'' ¹⁸ Lole u Yesu akabaghania imbibi shabo, sona nukuti, '' choni cho mukungela, mwebamyashi umwe? ¹⁹ Ndangishe ulushalabasha ulwa musongo. ''pobakisa nalwo ulusabalashakukwake. ²⁰ U Yesu akati kukwabo, ''ichifwani ichi ningamu shawini?'' ²¹ Bakati kukwake, fya siza. '' U Yesu akababula ukuti, ''bikakwasiza ifindu fyo fya siza, sona ifindu fyakwa Chala fiye kwa Chala. ²² ''Bwo bapulika ichi, bakaswigha. Bakamuleka nuku fumapo. ²³ Pishiku lila abasebukayi bamu, wini yo akauti kutaliko ukushuka, bakisa kukwake. Bakamubushikisha, ²⁴ Ukuti, '' mumanyishi, u Mose akati, pala umundu afwa, atanabamu nabamu, uwamwabo abaghile abweghe umukashi wake wawamwabo sona nukuba nabana ba wamwano; ²⁵ Pakaba abowamwabo seveni. Uwabwandilo akegha nukufwa. Atakamuleka nayumo umwana, akamulekela umukashi wake kuwamwabo wake. ²⁶ U wamwabo uwabubili akabomba fimufyene, nuwa chitatu, boshi musila yimuyene mupaka uwamwabo wa nambala seveni. ²⁷ Bwo boshi bashila, numukolo wepe akafwa. ²⁸ Po mukushuka, po umukashi uyu takabe wa wini pa bowamwabo boshi seveni? Papo boshi bakamweha''. ²⁹ Lole u Yesu akabamula sona nukuti, mukupuba chifukwa mutaghamenye amasimbo pamu amaka gha Chala. ³⁰ Mukushuka kutakuba inyegha pamu nukweghana. Mubuyo bwake bakuba ngati bandumi bakumwanya. ³¹ U kufwana nukushuka kwabafwe, ngimba mutabelengite shisho shikayughiwa ku kwinyu nu Chala ukuti, ³² ''Une ne Chala wa Aburahamu,ne Chala wa Isaki, sona ne Chala wa Yakobo'? U Chala ta wi Chala wabafwe lole wabumi''. ³³ Bwo ichilundilo chapulika ishi, bakaswigha pa chimanyisho chake. ³⁴ Lole bwo abafalisayi bapulika ukti u Yesu abashimia abasedukayi, bakabungana pamupene. ³⁵ Yumuywene wababo, uwakushimanya ngani indaghilo, akabusha ibusho, ukumughela. ³⁶ ''Mumanyishi, ululaghilo ulukulu mundaghilo luliku?'' ³⁷ U Yesu akati kukwake, '' umughane umalafyale u Chala wako nindumbula yako yoshi, numwoyo wakoghoshi, sona ninyinong'ono shako shoshi; ³⁸ Ulu lolulaghilo lukulu sona lwabwanaloli. ³⁹ Sona ulwabubili lulingati ulu 'umughane umupalamani wako ngati mwowighanile. ⁴⁰ Pandaghilo shibili ishi shikwimilila indaghilo shoshi sona nabakunguluka''. ⁴¹ Po bwo abafalisi bakali babunganite pamupene, u Yesu akabusha ibusho. ⁴² Akati, '' mukwinong;onaki isha Kilisitu? Umwana wake umulisha wini?'' Bakati kukwake, '' mwana wa Deveti!! ⁴³ U Yesu akati kukwabo, u Deveti mwambepo ukumwitisha buleghe ukuti malafyale, ukuti, ' ⁴⁴ umalafyale akati kwa malafyale wangu, '' ikala kunyobe yangu iya mwisa mupaka po napanga abalwani bako kufilundi fwako?'' ⁴⁵ Pala u Deveti akumwitisha ukilisitu ' malafyale , 'po angaba buleghe mwana wa Deveti?'' ⁴⁶ Nayumo akamwamulapo nishu limo, sona nayumo umundu yo akoghopagha ukumubushikisha amabusho amingi ukufuma ishulilalila nukubukilila.

¹ Po u Yesu akayugha kuchilundilo na kubafundiwa bake. ² Akati, ''awasimbi na bafarisayi bakwikala wakwikala pachitengo cha Mose. ³ Po bunobuno choshi cho bakulamurila ukuti ubombe, ubombe ifindu ifi nu kufikonga. Lole manye, mweghelelaghe ifyakubombiwa fyawo, pakuti bakuyugha ifindu lole batakufibomba. ⁴ Inga, bakupinya ukatundu wakung'ama yo mupala pakunyamula, po sona bakumubika pafipungo. Lole abenebatakwendesha nutusamba ukuti banyamule. ⁵ Bakubomba ifyakubomba fyabo ukuti abandu bababone. Bakufwala pafukono na pa fyeni utwenda utwelufu two tuli namasimbo, yope imiselekesha yabo bakongelesha ukuti yiwe mitali. ⁶ Bighanite ubuyo bwa pamwanya palusekelo sona ubuyo bwa pamwanya mumasinagogi; ⁷ Sona mukulondagha ukulamuka kwa payo muminalo, sona nukuti babitishange mumanyishi na bandu. ⁸ Lole manye bwitishiwange 'mumanyishi' pakuti muli numumanyishi yumuywene, po mweshi umwe muli bakulu na bnughuna. ⁹ Manyi mumwitishaghe nayumo ukuti Tata pa chisu cha pase pakuti muli nu Tata yumuywene yuyo ali kumwanya. ¹⁰ Sona manye mwitishiwange , 'mumanyi', pakuti muli numumanyishi yumuywene, u Kilisitu. ¹¹ Lole yuyo ali pamwanya pinyu tabe mubombi winyu. ¹² Weshi yuyo akwikwesha mwene tishe ishiwe, lole yuyo akwishiwa takakweshiwe. ¹³ Lole muli numukoshi, mwe basimbi nabafalisayi umwe, mwebashimbuli! mukupingila ubunyafyale bwa kumwanya ku bandu. Pakuti umwe mwebenecho mutakwingila, sona mutakwitishiwa boshi babo bali papipi ukuti wingile. ¹⁴ Muli numukoshi, mwebasimbi namwebafalisayi, mwebashimbuli pakuti mukubalila abakolo abafwile pakwilangisha ninyiputo indali, po bunobuno timukapokele ichilango ichikulu. ¹⁵ Muli numukoshi, basimbi nabafalisayi, bashimbuli! pakuti mukubuka ku nyanja ukuti mumupindule yumo, sona nandi apinduka, mukumupangishamo kabili ukuti abe mwana wa gehena isa mwemwe. ¹⁶ ''Mwebamukoshi, mwebatangilili mwemutakutesha, umwe mukuti, 'weshi yuyo akulumbila ku tempeli, atakubomba nachimo. Lole weshi yuyo akulumbila nu golodi wa mutempeli, akwipinya nukulumbila kwake. ¹⁷ Mwe bafwa maso bakonyofu umwe! chochi chicho chapamwanya, u golidepamu itempeli lyo likupangisha ukuti u golide abe mwikemu? ¹⁸ Sona, 'weshi yuyo akulumbila ku chighemo, atakubomba nachimo.Lole weshi yuyo akulumbila nichabupe cho chili palapala, akupinyiwa nukulumbila kwake.' ¹⁹ Mwe bandu bafwamaso! choni chicho chapamwanya, ichabupe pamu ichighemo cho chikupanga ichabupe ukuba chikemo? ²⁰ Po bunobuno, yo akulumbila pachighemo akulumbila nichighemo na choshi cho chili palapala. ²¹ Yo akulumbila ku tempeli, akulumbila kutempeli sona nayo akwikala mulamula. ²² Sona yo akulumbila kumwanya, akulumbila kuchitengo cha Chala po akulumbila ku yo akwikalapo. ²³ '' Mwe bamukoshi, wasimbi na bafalisayi, bashimbuli, pakuti mukuwika kwa Chala 1/10{ichighaba chimuchene mufighaba teni} ukufuma ku fyoshi fyo abandu bakulima, lole mulekite indaghilo ishapamwanya ngati isa ukuba pabwanaloli, ichisa nu lusubiro. Ifi fyofyo mukenela ukubomba, koma ukufileka fimo ukushita kubomba. ²⁴ Mwe batangilili abafwa maso, mukusuya utunyegheshi lole mukumila imbunda! ²⁵ ''Mwe bamukoshi, wamanya ndaghilo nabafalisayi, bashimbuli, pakuti musuka kuse kwa kapu na kumbale, lole mukati mwiswile nubupafu nifya kwinyasha. ²⁶ Mwe bafalisayi bafwa maso! musuke tashi mukati mwa kapu nimbale, ukuti kuse kope kuswepe. ²⁷ ''Mwe bamukoshi, wamanya ndaghilo nabafalisayi, washimbuli! pakuti muli isa mapumba gho wapakite ifiswepu, gho kuse ghakuboneka akisa ngani, lole mukati mwisule namafupa gha bandu abafwe na fyoshi fyo finyalite. ²⁸ Isabunobuno, numwe kuse mukuboneka isa mwe bandu abagholofu, lole mukati mwiswile nubumyashi nukukana indaghilo. ²⁹ '' Mwe bamukoshi, mwebamanya ndaghilo na 'bafalisayi, pakuti mukusenga amapumba ghabakunguluka nu kunosha amapumba gha bagolofu. ³⁰ Mukuyugha mukuti, ''pala tukabangako m'mashiku gha botata witu, ngali nutwe tukaba pamupene nabo pakufumya ibanda lya bakunguluka. ³¹ Po bunobuno mukushimikisha nukwisusha mwibene ukuti mwe bana ba boshi bo bakaghogha abakunguluka. ³² Sona mukwisusha ichipimo cha botata winyu . ³³ Mwe njoka, mwe bana ba swila timukapone bule ubulongi bwa ku gehena? ³⁴ Po bunobuno, tesha, ngubatumila akunguluka nabandu bamahala nawamanya ndaghilo, bamu bwa babo timukabaghoghe nukubapayika, bamu timukabakome mu masinagogi nukubakongesha ukufuma muchighaba ichingi uku kuchinine. ³⁵ Ubumalilo bwake bwakuti papinyu tipakise ibanda igholofu lwo lyataghiwa pachisu cha pase, ukufuma kwibanda lya bagholofu u Abelo, mupaka kwibanda lya Zakaria u mwana wa Berekia, yo mukamughogha pakati pa malo amikemo napakwikemesekesha. ³⁶ Naloli ngubabusha, ifindu fyoshi ifi tifikise pa mtundu ughu. ³⁷ ''Yelusalemu, Yelusalemu, uwe we kughogha abakunguluka nukulasa namabwe bo ngubatuma ku kwinyu! kalinga ko nalonda ukuti imbunganike abana bako pamupene, isa mumwo inguku yikubunganikila utwana twake mumapapande ghake, lole mutakalondagha! ³⁸ Tesha, inyumba yinyu yashala yene mulungalangala. ³⁹ Pakuti ngubabusha, ta mwise mundeshe ukufuma akabalilo aka mupaka muyughe ukuti, 'musayiwa yo akwisa mungamu ya malafyale.''

¹ U Yesu akafumamwo mtempeli sona akabukagha kusila yake. abafundiwa bake bakisa kukwake nukumulangisha itempeli. ² Lole akamula kukwabo nukuti, '' Mutakutesha ifindu fyoshi ifi? Bwanaloli bwonguyugha kukwinyu, ibwe talikashale nalimo lilyo lili pamwanya lilyo ta likapongoliwe'' ³ Mwo ikile pighamba lya oliva, abafundiwa bakisa kubushifu nakuti, ''Tubushe, lighi lyo ifindu ifi fikwisa pakubombiwa? Tichikabe chimanyishikisho chiki ichakwisa kwako sona nichabumalilo bwa chisu? ⁴ U Yesu akamula nukuti kukwabo, '' Muchebe manye nayumo abashimbuleghe. ⁵ Pakuti abingi tubakise nungamu yangu. Tibakatingi, 'nekilisitu; sona tibakabasofwange abingi. ⁶ Muyukupulikagha ubwite nutupanga twabwite. Tesha ukuti tamukabe mundamyo, pakuti ifindu ifi fibaghile ukubombiwa lole ubumalilo bukali. ⁷ Ifyisu fikuya pakusambukilana gha, sona ubunyafyale bukuya pakusambukilana. Tikukabange isala nutusengénda mubyo bwakupambanapambana. ⁸ Lole ifindu fyoshi ifi fikuba bwandiro bwabubafu pakupapa. ⁹ Po bakuya pakubabika mukuyimba sona nukubaghogha. Timukabengane nifyisu fyoshi chifukwa cha ngamu yangu. ¹⁰ Po abingi tibakafularange, nukubikana mubalughu benebene sona tibakabenganaghe benebene. ¹¹ Abakunguluka abingi ababumyashi tibakanyamuke nukushimbula abingi. ¹² Chifukwa ukusulania indaghilo shikuya pakubala. ulughano lwabingi bukwisa ukupolera. ¹³ Lole yuyo akukibililra pabumaliro tukapokiwange. ¹⁴ Amashu amisa agha aghakubenya fyale tighakalumbiliwange muchisu choshi ngati lushimikisho kubandu boshi muchisu. Po ubumaliro bukuya ukwisa. ¹⁵ ''Po apa, pala mukutesha ifindu fifyo fititikishiwe, fifyo fikayughiwa numukunguluka u Daniyeli, ukwimilila pa buyo mubwikemo''(leka ababelengi bashaghanie), ¹⁶ "Leka boshi babo bali Muyudeya bawuke kwighamba, ¹⁷ muleke yuyo ali panyumba pamwanya manye ike pase ukufumya fyoshi munyumba yake, ¹⁸ sona muleke yuyo ali kumughunda manye abweleko pakwisa pakwegha umuselekesha wake. ¹⁹ Lole mokoshi kuboshi babo bali pabung'wamu sona naboshi babo bakongesha utwana mumashiku ghaghagho! ²⁰ Mwipute ukuti manye fikabaghe pakabablilo aka pamu pishiku ilya sabata. ²¹ Pakuti tikukabe ukuyimba fifyo fitabonekite lumo ukufuma mumwo ichisu chikapeliwa mupaka napa, hagha, pamu tifikabeko sona. ²² Penepapo linga amashiku ghatumuluwa, nayumo umundu yuyo takapulumuke. Lole chifukwa chabusaliwa boshi amashiku ghabo ghakwisa ukutumuliwa. ²³ Po linga yumo akuyugha ukuti, 'Tesha, uyu weyo wi Kilisitu!' pamu, 'Kula kuli u Kilisitu!' mutakasubila ishi. ²⁴ Abamyashi abo KIlisituna bakunguluka abamyashi tibakanyamuke sona nukubalanga ifimanyishikisho ifikulu nifishigho, nukuti bangabasofya, linga chingabaghila, nabasaliwa bope. ²⁵ Tesha, nababushikisha nganila mwo akabalilo kakali. ²⁶ Polole, linga bakuyugha ku umwe, 'Tesha, ali muchitengele,' mutakabukaghe muchitengele. Pamu, 'Tesha, ali mukati muchipinda,' mutakasubilaghe ishi. ²⁷ Pakuti akamesha kakumwekusha ukufuma kubufumila isuba mupaka kakubukilila kububukililo bwa lisuwa. Po momwo tishikabelaghe nukwisa kwa Mwana wa Mundu. ²⁸ Poshi papo pali ichinyama chicho chifwile, popo amakubi ghakubungana. ''Lole mwalubilo lubilo mwo bayimba ingani mumashiku ghoshi isuwa tilikabale ichisi, umweshi taghukape ubwelu, indondwa tishikawe ukufuma kumwanya, sona amaka ghakufuma kumwanya ghakuya kuyunganagha. ³⁰ Po ichifwani cha Mwana wa Mundu tichikaboneke kumwanya, sona ifikolo fyoshi ifyapachisu cha pase fikuya ukulila. Tibakateshange umwana wa mundu akwika ku mabingu ukufuma ku mwanya namaka sona nubushisha ubukulu. ³¹ Takatume ubandumi wake nichongo ichikulu icha pati, sona tibakabunganike pamupene abasaliwa wake ukufuma kumbafu shoshi folo, ukufuma kubumalilo bwa mumwanya mupaka kubunine. ³² ''Manyila ichimanyisho ukufuma kwikokwe ilya likuyu. Mwo utusamba twuma nukubika sona amani ukumanyagha ukuti ichishiku chapalamila. ³³ Po numwe, linga mwatesha fyoshi ifi, popo timukamanyaghe ukuti apalamila, ali papipi numulyango. ³⁴ Naloli nguyugha kwa umwe, ingulilo iyi tayise yifwe yoshi mupaka fyoshi ifindu ifi fikabombiwe. ³⁵ Kumwanya na pase tikukafwe, lole amashiku ghangu taghakafwe lumo. ³⁶ Lole ukuyana nishiku lila sona nakabalilo kala nayumo takamanye, nabandumi buwu abakumwanya pamu u Mwana, lole u Tata mwene. ³⁷ Po nukuyana namashiku gha nowa mumwo ghakabela, mwomwo tishikabele nukwisa kwa Mwana wa Mundu. ³⁸ Po mwo shikabela amashiku ghoshi mwo amapwishi lutiswile tibakalyange nukung'wa, ukweghana sona nukupa inyegha mupaka ishiku lilyo u Nowa akingilagha mubwato, ³⁹ sona batakamanyagha nachimo mupaka amapwishi ghisa sona nukubanyamula boshi---po mwomwo tikukabele ukwisa kwa Mwana wa Mundu. ⁴⁰ Po abalisha babili tibakabe mumughunda--yumuyuwene akuya kunyamuliwa, sona yumuyuwene wakaya ukumuleka. ⁴¹ Abakolo bawili tibakashange ubufu--nyumuyuwene tibakamweghe, sona yumuyuwene bakuya pakumuleka. ⁴² Popapo mube balindilili, pakuti tamukamanye ishiku lilyo umalafyale akuya ukwisila. ⁴³ Lole mumanye ishi, ukuti pala umulongoshi uwa munyumba akumanyagha akabalilo kako abifi bakisilagha, ingali akulindilila sona ingali atakitikisha ukuti inyumba yake yipongoliwe. ⁴⁴ Popapo mweboshi mube bakwisengania, pakuti u Mwana wa Mundu ukuya ukwisa pakabalilo kako umwe mutinong'onelaghako. ⁴⁵ ''Po wini yuyo musubaliwa sona wambombo uwa maghala yuyo ubwana wake akusengania fyoshi ifya munyumba ukuti abape ifyakulya mukabalilo akisa? ⁴⁶ Musayiwa uwambombo yuyo ubwana wake takamwaghe akubomba po akuya ukwisa. ⁴⁷ Bwanaloli ingubabusha umwe ukuti ubwana teakasenganie ifuma fyoshi fifyo ali nafyo ⁴⁸ Lole linga uwambobo umubibi akuyugha mundumbula yake ukuti, 'Ubwana wangu achedwa,' ⁴⁹ sona nukwanda ukukoma abambombo abanine, nukulya sona nukung'wa naboching'wela, ⁵⁰ po umulongoshi wabambombo akuya ukwisa pishiku lilyo ababomba mbombo batinong'onelagha sona napakabalilo kako batakukamanya. ⁵¹ Umulongoshi wake akuya ukumuchekania mutupusapusa nukumubika kubuyo bwandamyo, kuko tikukabe ukukomiwa nukusha amino.

¹ "Po ichitangala chakumwanya chikuya pakuba ngati balindu teni babo batamumenye lumo umulisha bo bakegha inyale shabo mukubuka pakukomana nu mweghi. ² Bamu fayivi bakaba balunganu abangi fayivi bakaba bamahala. ³ Po abalindu bo batamumenye lumu umulisha abalunganu bala bakegha inyale , kisita kubikamo amafuta. ⁴ Po abalindu bo batamumenye lumo umulisha abamahala bakegha inyale shabo na mafuta mu fibotolo. ⁵ Lole bwo umweghi akaba, boshi bakaghona nukupitila. ⁶ Lole pakati pabushiku kukaba ukulila, "Tesha,umweghi!fuma kakomane nawe". ⁷ Abalindu boshi bala bakanyamula nukusengania inyale shabo. ⁸ Lole alunganu bakati kubamahala,"Tupeko nutwe ghamo amafuta papo munyale shitu ghatalimo". ⁹ "Lole abamahala bakamula bakati, 'hagha ghanandi ghatangatukwana utwe numwe, buka muye mughule aghinyu kubakughulisha!. ¹⁰ Bwo babukashe pakughula, umweghi akisa, po boshi bo bakitendekesha bakabuka nawe ukuya kulusekelo lwa nyegha, kumulyango kukighaliliwa. ¹¹ "Panyuma pake abalindu abanine bakisa nukuti, 'bwana,bwana ,twighulile utwe. ¹² "Lole akamula nukuti, 'naloli ngubabusha umwe,ndabamenye umwe!. ¹³ Mube maso , papo utalimanya ishiku pamo akabalilo. ¹⁴ "Papo chili ngati mundu yo akalondagha ukuya kuchisu ichingi. Akababitisha ababombi nukubapa ifyuma fyake. ¹⁵ Kuwabamu bala akamupa amatalenti fayivi, uyungi akamupa babili,sona kuyungi akamupa yimuyene. Weshi akabokela ukuyana nakabombela kake, bo umundu yula akabuka kubulendo bwake. ¹⁶ Umundu yo akapokela amatalendi fayivi akabuka nukubika amatalendi ghala pambombo nukukabilapo aghangi fayivi. ¹⁷ Wepe uyungi yo akapokela mabili akongelesha sona mabili. ¹⁸ Lole uwambombo yo akapokela kamukene akabuka , nukukumba ichibwina, sona akafukila indalama sha bwana wake. ¹⁹ Lole bwo kakindapo akabalilo ubwana wabo akisa nukwikala nabo ukuti akete mwobabombela. ²⁰ Umubombi yo akapokela amatalendi fayivi akisa nukongoleshapo aghangi fayivi.Akayugha akati, ukamba amatalendi fayivi .Keta, nongelelapo amataleti aghangi fayivi. ²¹ "Ubwana wake akati kukwake,"wabomba akisa,wemwesa sona wemusubaliwa!wali we musubaliwa mutunu utunandi. Ifindu fyoshi itimbike mutukono twako.Ingila mulusekelo lwa bwana wako. ²² 'Umubombi yo akapokela amatalendi mabili akisa nukuyugha ukuti, 'bwana, tesha nakaba amatalendi aghangi mabili. ²³ "Ubwana wake akati, wabomba akisa, we mubombi umwisa sona umusubaliwa! wali we musubaliwa mutundu utunandi. Ingila mulusekelo lwa bwana wako !. ²⁴ '' Wepe yo akapokela italendi limulyene akisa, sona akati, ' bwana, menye ukuti wemundu umukali. Ukufuna mwo utakabyala, sona kwinula mwo utakapesa. ²⁵ Ngaba nubwogha, po ngabuka nukufukila italendi lyako pase, tesha, uli nafyo panu fyo fyako. ²⁶ ''Lole u bwana wake akamula akati kukwake, 'we mwonywa sona wemukata, ukumanya ukuti ngufuma mwo ndabyalite sona ngwinula pondapesite. ²⁷ ukabaghila ukubapa abasungi indalama shangu, bwo ngisa ngali napokela akandalama kangu nakapamwanya. ²⁸ Po papo poka atalama ukufuma kukwake sona mupe umubomba mbombo yuyo ali nindalama teni. ²⁹ Papo weshi yuyo alinafyo fyingi akuya ukupeyiwa, sona akuya ukuba nafyo fyingi. Lole kuyuyo atanako nakamu, kope nako ali nako bakuya ukumupoka. ³⁰ Mutaghe umubombi uwakushita kubaghil kuse kuchisi, kuko tikukabe ukulila nukusheketula amino.' ³¹ ''Mwo u Mwana wa Mundu isa mulughindiko lwake sona abangelo boshi babo bakuba nawe, po ukuya pakwikala pa chitengo chake chalughindiko. ³² Pandashi pake akuya ukubungania uluko lyoshi, sona akuya ukupangulania abandu weshi pamwene, isa mumwo abalisha ng'oshi bakupaghulania ing'oshi shake ukufuma ku mbushi. ³³ Akuya ukubika ing'oshi kukakono kake akamwisa, lole imbushi kukashomi kake. ³⁴ Po u malafyale akwisa ukuyugha kuboshi babo bali kukakono akamwisa, 'Sagha, mwe musayiwe nu Tata wangu, ingila muchitangala chicho chitendekeshiwe ku uwe ukuma pabwandilo bwa chisu. ³⁵ Po ingaba nisala ukamba ichakulya; Ingaba ninyota ukamba ichakung'wa; Ingaba mugheni ukanyegha ukuya munyumba yinyu; ³⁶ Ingaba ingule ukafwasha; Ingaba mubine ukasungilila; Ingaba mujele mukisa kwa une.' ³⁷ ''Po abagfholofu bakuya ukwamula sona nukuyugha ukuti, 'Malafyale, lighi lilyo tukakutesha uwe uli nisala sona tukakulyesha uwe? Pamu inyota tukakupa uwe ichakung'wa? ³⁸ Lighi lilyo tukakutesha uwe ukuba mugfheni sona tukakweghela munyumba? Pamu ingule sona tukakufwasha uwe? ³⁹ Lighi lilyo tukakutesha uwe uli mubine pamu uli mujele sona tukisa kukwako?' ⁴⁰ ''Po u Malafyale ukuya pakwamula sona nukuyugha kukwabo ukuti, 'Bwanaloli inguyugha kwa umwe ukuti, fifyo mukabomba ku yumo umukamu wangu, mukabomba sona kwa une.' ⁴¹ po akuya pakuyugha ku boshi babo bakaba kukakono kashomi, 'Fyumako kwa une, we mughuniwa, nukubuka kumulilo ghugho ghutakumala lumo ghugho ababibi batendekeshishe nabangelo bake, ⁴² papo ingaba nisala, lole mutakamba ichakulya; Ingaba ninyota, mutamba ichakung'wa; ⁴³ Ingaba mugheni, lole mutanyeghela munyumba yinyu; Ingaba ngule, lole mutafwasha une; Ingaba mubine sona ingaba mujele, lole mutakisa pakusungilila. ⁴⁴ ''Po bakuya ukwamula nukuyugfha ukuti, 'Malafyale lighi lilyo tukakutesha uwe uli nisala, pamu ninyota, pamu mugheni, pamu ingule, pamu mujele, sona tutakakutendekeshela uwe?' ⁴⁵ ''Po akuya ukubamula nukuyugha ukuti, 'Bwanaloli inguyugha kwa umwe, fifyo mutakabomba mufimo mwa ifi, mutakabombela une.' ⁴⁶ Aba bakwisa ukuya kulufundo lwa bwila nabwila, lole abagholofu bakuya kubwumi bwa bwila nabwila.''

¹ Pakisa pafika bwo u Yesu amalisha amashu ghushi agha, akayugha kubafundiwa wake, ² ''Mushimenye ukuti linga penda amashiku ghabili upasaka akwisa, sona umwana wa Mundu akwisa pakupeghiwa nukukomeliwa.'' ³ Po umuputi usongo nabosongosongo bakabungana pamupene munyumba yamuputi usongo, yuyo ingamu yake Kayifasi. ⁴ Bakabungana pamupene ukuti bamupinye u Yesu mubushifu nukumughogha. ⁵ Po bakayughagha ukuti, ''Hagha pakabalilo ka pasaka, manye abandu banyamushe ukufulungana.'' ⁶ Bwo u Yesu ali ku Betaniya munyumba ya Simoni uwa mambombo, ⁷ Bwo ali pa mesa, umukolo kukwake nisupa ilya mafuta ghamutengo ngani, po akamukungila pamutu wake. ⁸ Lole mwo abafundiwa bamutesha, bakisa bakalala sona bakati, ''Choni chicho akutagha ifi? ⁹ Ifi ngali twaghulisha pamutengo ughukulu nukubapa abapina.'' ¹⁰ Lole u Yesu, bwo ashimanya ishi, akati kukwabo, ''Mukumutamyaki umukolo uyu yuyo ambombela ifindu ifyisa. ¹¹ Mukubanga nabapina bwila, lole une tanube nune bwila. ^{12 13} Bwo angungila amafuta agha pamubili wangu, akabomba ifi fyalipumba lyangu. Nubwanaloli bwoshi nguyugha kukwinyu, ¹⁴ Po yumo mwa bandu twelovu, yuyo akitishiwa ingamu yake Yudasi Sikaliyoti akaya kubaputi abosongo ¹⁵ sona akati, ''Mukulonda ukuti mumbeki ukuti imbape umundu uyu?'' Bakamupa amasalabasha sate. ¹⁶ Ukufuma akabalilo kalakala akanda pakulonda umbabi wakuti amubike kubalughu bake. ¹⁷ Po ishiku lyabwandilo ilya chibama ichakuchita ichilungo abafundiwa bakisa kwa Yesu nukuti, ''Kulonda tuye tusenganie kughu ichakulya cha Pasaka?'' ¹⁸ Akati, ''Bukagha mukaya kumundu yumo sona muye muyughe nawe, 'Umumanyishi akuti, ''Akabalilo kangu kali papipi. Ngwisa pakubomba u Pasaka kunyumba yako nabafundiwa bangu.''''' ¹⁹ Abafundiwa bakabomba isa mumwo bakababushikisha, sona bakasengania ichakulya cha Pasaka. ²⁰ Bwo ilyanamasuba lyafika, akikala pase nukulya nabafundiwa bake twelovu. ²¹ mwo bali pakulya, akati, ''Nubwanaloli ngubabula umwe ukuti yumwe wa umwe akuya pakumbika mubalughu.'' ²² Bakaba nichitima leka, boshi bakanda pakumushikisha, Tanene, Malafyale?'' ²³ Akabamula, '' Yuyo tiabike akakono kake muchililo muno nukulya pamupene nune weyo akwisa pakumbika une kubakwani. ²⁴ Umwana wa mundu akwisa pakubuka, isa mumwo filembiwe ukufwana nawe. Lole mukoshi ku mundu yuyo tiamubike mubalughu Umwana wa Mundu! chali chisa ukuti umundu uyu ngali atakapapiwanga.'' ²⁵ U Yudasi, yuyo akwisa pakumuwilisha kubalughu akati, ''Ka nene, Mumanyishi?'' Akati kukwake, ''Wayugha wewe wimwene.'' ²⁶ Mwobali pakulya, u Yesu akegha ichibama, akachisaya, nukuchimenyula. Akabapa abafundiwa nukuti, ''Egha, lyanga. ughu ghogho mubili wangu.'' ²⁷ Akegha ukapu nukupalisha, nukuwapa sona akati, ''ng'wanga, mweboshi. ²⁸ Ili libanda lyangu lyalufingo lilyo likakupuliwa kubingi kulughobokelo ulwambibi. ²⁹ Lole ngubabula umwe, ndakwisa ukung'wa sona iseke sha mafilu, mupaka ishiku lilyo ngwisa ukung'wa ichipsa numwe mubunyafyale bwa tata wangu.'' ³⁰ Mwo bimba ulwimbo, bakabuka kwighamba ilya Olive. ³¹ Po u Yesu akati kukwabo, ''Mweshi umwe mukwisa ukukinda pabushiku chifukwa icha une, pakuti fisimbiwe, 'Ngwisa ukughogha umuputi sona ning'oshi shikwisa ukusata.' ³² Lole linga nashuka, ingwisa ukutangila ukuya mu Galileya.'' ³³ Po uPeteli akati, ''Nalinga boshi bangakinda chifukwa icha uwe, une indakwisa ukukindahagha.'' ³⁴ U Yesu akati kukwake, ''Naloli ingukubula uwe, ubushiku ubu, bwo u bisha atabikite, iti wise ungane katatu.'' ³⁵ U Peteli akati kukwake, ''Nalinga ningafwa nuwe, indakwisa ukukukana.'' Nabafundiwa boshi bakayugha isa bubu. ³⁶ Po u Yesu akabuka nabo kubuyo bwo bukwitishiwa Getisimani sona akati kuba bafundiwa wake, ''Ikala panupanu umwe po une nguyapo pabutali nukwiputa.'' ³⁷ Akamwegha u Peteli nabana babili aba Zebediya pamupene nawe sona akanda ukwipulika ichitima nukutamiwa. ³⁸ Po akayugha kubabo, ''Ubwumi bwangu buli ni chitima ngani, napapipi kubufwe. Shala panupanu nukuba maso pamupene nune.'' ³⁹ Akendapopanandi pabutali, akinamila icheni chake, nukwiputa akati, ''We Tata wangu, linga chipepe, leka ukapu uyu ambululile une. Nashiku, kubwighane bwangu, lole ubwighane bwako.'' ⁴⁰ Akisa kubafundiwa wake nukwagha bapitile, nukuyugha kwa Peteli ukuti, ''Choni, mutyangawa nune pa awala yimuyene? ⁴¹ Mube maso nukwiputa ukuti manye mwingile mungelo. Umbepo akulonda lole umubili ghufwokite.'' ⁴² Akabuka akabalilo akabubili nukwiputa. Akati, ''Tata wangu, linga ukapu uyu atangambululila mupaka po ngung'wa, ubwighane bubombiwe.'' ⁴³ Akisa sona nukubagha bapitile, papo amaso ghabo ghakaba ghang'wamu. ⁴⁴ Bo abaleka bene sona, akafumapo nukwiputa akabutatu, nukuyugha amashu ghalaghala. ⁴⁵ Po u Yesu akisa kubafundiwa nukuyugha kubabo ukuti, ''Ka mukali mupitile nukutusha? Tesha, akabalilo kafika, sona u Mwana wa Mundu akubikiwa mutukono twa batula nongwa. ⁴⁶ Nyamuka, tubukaghe. Tesha, umundu yumuyuwene yuyo akumbika mubalughu une ali papipi.'' ⁴⁷ Bo akali akuyugha, u Yudasi, uwambombo twelovu, akisa. Ichilundiloichikulu chikisa nawe ukufuma kubaputi abosongo sona nabosongo ba bandu. Bakisa nifipeni nindughu. ⁴⁸ Po umundu yuyo akaya pakumubika u Yesu mubulughu akabapa ichimanyisho, ukuti, ''Umundu yuyo namufyofyomba we yuyo. Mumukole yuyo.'' ⁴⁹ Papo napapo akisa kwa Yesu nukuti, ''Nukumulamuka mumanyishi, sona akamufyofyomba. ⁵⁰ U Yesu akati kukwake, ''Mumanyani, bombo chicho watungila ukubomba.'' Po bakisa, nukumukola u Yesu, sona nukumuyungania. ⁵¹ Tesha, yumo wa bamo yuyo akaba pamupoene nu Yesu akisa akanyamusha akakono kake, akaghusa ichipeni chake, sona nukukoma umubomba mbombo wa muputi usongo, sona nukumubegha ichufwo chake. ⁵² Po u Yesu akayugha kuyuyo akati, ''Nyosha ichipeni chako mubuyo bwake, papo boshi babo bakughogha nichipeni ba kwisa ukufwila kuchipeni. ⁵³ Ukwinong'ona ukuti ngali nditikishishe pa Tata wangu, nukundumila une ukulusha ifighaba ifya bangelo twelovu? ⁵⁴ Lole amasimbo ghangakwanilishiwa bulele, ukuti ifi fibagfhile fibombiwe?'' ⁵⁵ Pakabalilo kalakala u Yesu akayugha ku chilundilo, ''Ka mwisa ni fipeni ni ndughu ukungoma une isa mwifi? Ishiku lyoshi ingamanyishanga mu tempheli, mutakambinyapo. ⁵⁶ Lole shoshi ishi shabombiwa ukuti amasimbo agha bakunguluka ghakwanilishiwe.'' Po abafundiwa boshi bakati bamobona bakakinda. ⁵⁷ Babo bakamukola u Yesu bakabuka nawe kwa Kayafa umuputi usongo, kuko aba simbi nabalongoshi babunganite pamupene. ⁵⁸ Lole u Peteli akamukongesha kunyuma pabutali ukuya kubuyo bwa muputi usongo. Akingila mukati nukwikala pamupene nabalindilili ukuti ateshe chicho chikwisa. ⁵⁹ Po abaputi abosongo sona nabalongoshi boshi baakalondeshanga ubumboni ubwabumyashi ubwakususania nu Yesu ukuti bamughoghe. ⁶⁰ Batakabwagha nabumo, nanga buli ubukamboni ubwabumyashi bukisa ubwingi pandashi papake. Lole babili bakisa pandashi ⁶¹ nukuti, ''Umundu uyu akati, 'Ningapangulania itempheli ilya Chala nukusenga sona pamashiku matatu.''' ⁶² Umuputi usongo akimilila akati kukwake, ''Utakwamula nachimo? Choni ichi chicho bakuyugha nukususania nuwe?'' ⁶³ Lole u Yesu akabashe myee. Umuti usongo akati kukwake, ''Ingukulamula uwe ukwendela mwa Chala umumi, utubushe utwe linga uwe we Kilisitu, u Mwana wa Chala.'' ⁶⁴ U Yesu akamwamula ukuti, ''Wayugha wewe. Lole ingukubusha uwe, ukufuma panu ukwisa ukumutesha u Mwana wa Mundu ikalite kukakono akamwisa aka maka, sona nukwisa pamabingu agha kumwanya.'' ⁶⁵ Po umuputi usongo akanyepula imyenda yake nukuyugha ukuti, ''Ayugha amahelu! Choni chicho tukali tukulonda ubumboni? Tesha apa po mwapulika amahelu. ⁶⁶ Mukwinong'onaki?'' Bakamula bakati, ''Abaghile ukufwa.'' ⁶⁷ Po bakamufwinila amati pamaso pake nukumukoma, sona nukumukoma namakofi agha tuikono twabo, ⁶⁸ nukuyugha ukuti, ''Kunguluka kukwitu, Kilisitu. Wini yuyo akukoma uwe?'' ⁶⁹ Apa u Peteli akimilila kuse mubuyo bwa likoti, po umubomba mbombo umulindu akisa kukwake nukuti, ''Nuwe ukaba pamupene nu Yesu wa ku Galileya.'' ⁷⁰ Lole akakana pamaso agha bandu boshi ukuti, ''Indakumanya choicho ukuyugha.'' ⁷¹ Bwo akufuma kuse ukuya kusila ya kugeti, umubomba mbombo umulindu uyungi akamutesha sona nukuti ku boshi babo bakaba kulakula, ''Umundu uyu wepe akaba pamupene nu Yesu uwa ku Nazaleti.'' ⁷² Akakana sona nukulapa, ''Indamumenye umundu uyo!'' ⁷³ Po mwo penda akabalilo kanandi boshi babo bakimilila papipi bakisa nukuyugha kwa Peteli ukuti, ''Naloli nuwe we wa bamu abo, papo nakayughile kako kakukulangisha pabwelu.'' ⁷⁴ Po akanda ukutuka nukulapa, ''Indamumenye umundu uyo,'' papo napapo ubisa akabilikila. ⁷⁵ U Peteli akakumbuka amashu ghagho u Yesu akayugha, ''Bwo u bisa akali ukubilikila tukise ungane katatu.'' Po akafuma kuse nukulila ingani.

¹ Po mwo kwacha abaputi abosongo songo boshi nabosomgo babandu bakapangana ukuti bamughoghe u Yesu. ² Bakamupinya nukubuka nawe kwa Pilato umyulongoshi wa chighaba. ³ Po mwo u Yudasi, yuyo akamughalukila atesha ukuti bamupa u Yesu inongwa akalapa sona akanyosha amasiluva sate kua muputi usongo nakubosongo songo, ⁴ sona akati, ''Nananga ukusambukila ibanda lilyo litanangite nachimo.'' Lole bakati, ''Koni kakaka kukwitu? Tesha wimwene fifyo.'' ⁵ Po akatagha amasiluna ghala pase mu tempheli, akanyamuka, nukubuka kuse nukwikunga. ⁶ Abaputi abosongoi bakegha utumasiluva bakati, ''Tachakwitikishiwa ukubika amasiluva agha kunyambi papo malipilo agha libanda.'' ⁷ Bakayughisania ifundo iyi pamupene, Po bakaghulila indalama yiyi umughunda bakushilapo abalendo. ⁸ Pachifukwa ichi umughunda ugju ghukwitishiwa ''Mughunda wa Libanda'' mupaka numusughu. ⁹ Po chicho u Yelemiya umunguluka akayughagha chikakwanilishiwa ukuyugha ukuti, ''BAkegha amasiliva sate, umutengo ghogho bakamupila nabana ba Isilayeli, ¹⁰ sona bakabika umughunda wa mumata ngumbe, isa mumwo u Malafyale akandamulila.'' ¹¹ Po u Yesu akimilila pamaso agha mulongoshi nukumubushikisha, We Mwene wa Yuda?'' U Yesu akamula akati, ''Momo wayughila.'' ¹² Lole mwo abaputi abosongo, nabosongo bakumulongelela atakamula nachimo. ¹³ Po u Pilato akamusha akati, ''Ka utakupulika inongwa shoshi shisho bakukulonga?'' ¹⁴ Lole atakamula nilishu limulyene, po umulongoshi akaswigha ngani. ¹⁵ Pakabalilo ka lusekelo yikawa nyiho ukuti umulongoshi amufumye uwa jele yumuyuwene yuyo asaliwa nichilundilo. ¹⁶ Pakabalilo kalakala pakaba ubanongwa yumo uwa jele yuyo akitishiwanga Balabasi. ¹⁷ Po mwo babungana pamupene, u Pilato akababusha akati, ''Mukulonda ukuti imbabulile uwini? u Balabasi pamu u Yesu yuyo akwitishiwa Kilisitu?'' ¹⁸ Akamanya ukuti bakamubika u Yesu kukwake chifukwa cha ngwino. ¹⁹ Mwo ikile pachitengo icha bulongi, umukashi wake akatuma amashu akati, ''Manye umupange nachimo umundu umushita inongwa uyo, pakuti natamiwa ngani umusughu chifukwa cha filota fifyo nali nafyo umusugfhu ifya kukwafania nuwe.'' ²⁰ Po umuputi usongo nabandu abosongo bakanyengelela ichilundilo ukuti basum e u Balabasi, nukuti u Yesu aghoghiwe. ²¹ U mulongoshi akababushikisha, ''Wini yuyo imbabulile pa bandu babili awa?'' bakati, ''Balabasi.'' ²² U Pilato akababushikisha akati, ''Imbombe sha choni nu Yesu yuyo akwitishiwa Kilisitu? Boshi bakamula, ''Mupayike.'' ²³ Po akati, ''Abombite chibibi chiki?'' Lole bakakolela ngani, ''Mupayike.'' ²⁴ Po mwo u Pilato atesha ukuti atakupindula nachimo, lole ifiwawa fikandagha, akegha amishi akasukusula pamaso agha chilundilo, akati, ''Ndaniunongwa nayimo nibanda ilya mundu uyu. Mwiteshekeshe mwibene.'' ²⁵ Abandu boshi bakati, ''Po ibanda lyake libe papitu nabana bitu.'' ²⁶ Po akababulila u Balabasi, lole akamulasa u Yesu nukubapa ukuti bamupayike. ²⁷ Po abasilikali bamulongoshi bakamweghela u Yesu pakatikati pa buyo bwa boma nukubungania ichilundilo choshi icha basilikali. ²⁸ Bakamufula nukumubika umuselekesha uwa kunyikisila. ²⁹ Bakapanga ichipewa icha myifwa nukumufwika ku mutu, bakamukoleka ingomo kukakono kake akamwisa. Bakafughamila pase pake nukumoyela, bakati, ''Uwe, Malafyale wa ba Yuda!'' ³⁰ Bakamufwinila amati, sona bakegha ingomo nukumukoma nayo pamutu akingishe. ³¹ Mwo bamughoyela, bakamufula iselekesha lila, nukumufyika imiselekesha yake, po bakabuka nawe pakumukomela. ³² Po mwo bakunyamuka, bakamwagha umundu yumo uwa kuchisu icha ku Kileni yuyo akitishiwanga Simoni, yuyo bakamukakamisha ukuti babuke nawe nukuti anyamule ichipinjika chake. ³³ Bakafika pabuyo bubo bukitishiwa ukuti Gologota, chicho chikang'anamula ''Ubuyo bwa fifupa.'' ³⁴ Po bakamung'wesha ubwala bwa mafilu bubo bakongania nakayongo. Lole mwo aghonja, atakang'wa. ³⁵ Mwo bamukomelela pachipinjika, bakayabana imiselekesha umwa kulaghula, ³⁶ sona bakikala nukumuketelela. ³⁷ Pamwanya pamutu wake bakabika amasimbo agha nongwa yake aghakuti, ''Uyu wi Yesu, u Malafyale wa Yuda.'' ³⁸ Abifi babili bakabakomelela pamupene nawe, yumo kukakono akashomi sona yumo kukamwisa. ³⁹ Babo bakapululilagha palapala bakamuyughila amaghelu, nukupukunia imitu yabo ⁴⁰ nukuyugha ukuti, ''Uwe we ukabuka ukupakupongolania itempheli nukulisenga sona pashiku ghatatu, ipoka wimwene! Pala we Mwana wa Chala, ika ukufuma pachipinjika!'' ⁴¹ Musila isa yiyiyi abaputi abosongo bakamughoyelagha, pamupene nabasimbi sona nabosongo songo, sona bakati, ⁴² ''Akapoka bamu, lole atangipoka mwene. Wi Mwene wa Isilayeli. Muleke ike pase ukufuma pachipinjika, po titumwitike. ⁴³ Akumusuwila u Chala, muleke u Chala amupoke, pala u Chala akwikisha ukuti asatuliwe. PAkuti akayugha nukuti, 'Ne Mwana wa Chala.''' ⁴⁴ Musila isa yiyiyi abifi babo bakamokomelela nawe pamupende bope bakamuyughila amahelu. ⁴⁵ Kukisa kwaba ichisi mu chisu choshi mupaka pakabalilo aka 3 okoloko panamasuba. ⁴⁶ Pakabalilo aka 3 okoloko, u Yesu akalila namashu agha pamwanya akati, ''Eli, Eli, lama sabakatani?'' Kokuti, ''Chala wangu, Chala wangu, ghundekileki?'' ⁴⁷ Mwo bamu babo bakimilila palapala bapilika, bakati, ''Akumwitisha u Eliya.'' ⁴⁸ Paponapapo yumo mwa babo akakinda nukwegha isipanji, akisusha nu bwalwa bwa mafilu ubwa kusasa, akabika kulutete, akamupa ukuti ang'we. ⁴⁹ Po boshi abanine bakati, ''Muleke mwene. Satuteshe linga u Eliya ti ise pakumupoka.'' ⁵⁰ Po u Yesu akalila sona namashu agha pamwanya nukubika umwikemo wake. ⁵¹ Tesha, ikatani ilya tempheli likayabingana pabili ukwanda pamwanya mupaka pase, sona ichisu chikatetema, sona amabwe ghakaghawanikagha. ⁵² Amapumba ghakighuka, sona imibili iya bandu abelu babo bakapitila yikanyamushiwa. ⁵³ Bakafuma mumapumba mwo ashuka, bakingila muchighaba ichelu, nukubabonekela abingi. ⁵⁴ Po mwo u musilikali usongo nababo bakamutesha u Yesu batesha akaseng'enda ni findu fifyo fikabombiwa, bakaba nubwogha po bakati, ''Naloli uyu akaba Mwana wa Chala.'' ⁵⁵ Abakolo abingi babo bakamukonga u Yesu ukufums ku Galileya ukuti bamusungilile bakaba palapala bakamuteshanga pabutali. ⁵⁶ Mu bamu mu babo pakaba u Maliya Magadalena, u MAliya ung'ina wa Yakobo nu Yosefe, nu ng'ina wa bana ba Zebediya. ⁵⁷ Mwo inamasuwa yisa, pakisa umundu yumo umukabi uwa ku Alimatiya, yuyo akitishiwanga Yosefe, yo wepe akaba mufundiwa wa Yesu. ⁵⁸ Akabuka kwa Pilato nukusuma umubili wa Yesu, po u Pilato akalamula ukuti bamupe. ⁵⁹ U Yosefe akegha umubili, akaghunyenga mumwenda umukilini, ⁶⁰ po akaghubika mwipumba lyake lilyo akakumba pibswe. Po akabungania ibwe nukubika pamulyango wa lipumba nukubuka. ⁶¹ U Maliya Magadalena nu Maliya umunine bakaba palapala, bakikala kumbafu iniune iya lipumba. ⁶² Pishiku ilyabubili, lilyo likisa mwo ishiku ilya kwisengania lyakinda, abaputi abosongo nabafalisayi bakabungana pamupene nu pilato. ⁶³ Bakati, ''Mughindikiwa, tukukumbuka ukuti po umumyashi yula akaba kubwumi, akati, 'Pala pakinda amashiku matatu tingashuke sona.' ⁶⁴ Po lamula ukuti ipumba lilondeliwe mupaka pishiku ilya butatu, pala fitangaba isa bunobuno abafundiwa bake bangisa nukumwiba nukubabusha abandu, 'Ashukite kubufwe,' sona ubushimbuli bwabumalilo tibukabe bubibi ngani ukukinda ubwa bwandilo.'' ⁶⁵ U Pilato akababusha, ''Egha umulindilili. byuka muye mulisungilile isa mumwo mumanyile ukusungilila. ⁶⁶ Po bakabuka nukulisungiliula ipumba, ukushindila ibwe nukubika abalindilili.

¹ Bwo ishiku lya sabata lyapululi, mwo kulipapipi ukucha musabata wabwandilo u Mere magadalena sona nu mere umunine bakabuka pakutesha ipumba. ² Keta, akasenyenda, uwandumi wa Chala kufuma kumwanya, akafumyapo ibwe pamwanya pipumba nukwikalapo. ³ Icheni chake chikachenja nukubala, sona numalaya ghake ghakaswepa ngati wikabefu. ⁴ Abalindilili bakakolwa nubwogha bakaba ngati bandu bobafwile. ⁵ Uwandu ukuke kubakolo nikuyugha kukwabo ukuti, ''manye bwoghopaghe, ishimenye ukuti mukulonda u Yesu, yuyo akapayikilwa pambinjika. ⁶ Atali panu, lole ashukite, ngati mwo akayughila. samuteshe amalo ghagho bakamubika. ⁷ Bakalwoshi ulu mubabushe abafundiwa bake, ' ashukite kubafwe , tesha akuya pakubatangilila pakuya ku Galileya. Mwaya pakumutesha; tesha, ngati mwo nababushikisha? ⁸ Abakolo bala bakafumako lubilo kwipumba nubwogha sona nukuhoboka ukukulu, sona nukukinda pakubabusha abafundiwa bake. ⁹ Tesha u Yesu akakumana babo sona akati, '' akabalamuka!'' Abakolo bakisa , bakamupalamasha nukumukola mu filundu. ¹⁰ Po u Yesu akababula akati, ''koma ukoghopa. Buka muye mubabushe abowamwitu babukaghe ku Galileya. Tiye mundeshe kulakula. ¹¹ Pomwo abakolo bakubuka, tesha bamu abalindilili bakabuka muchikaya sona nukubabula abaputi abosongo ifindu fyoshi fyofyabombiwa. ¹² Bwo abaputi bakomana nabosongo nukuyughisania, bakapulikana ukuti babape indalama abasilikali. ¹³ Po bakababusha bakati , '' muyughaghe kubangi, ' abafundiwa ba Yesu akisa pabushiku nukwiba imubili wake mwo utwe tupitile. ¹⁴ linga ndumi lyi yamwagha umulongoshi, istwisetumupepeke nukufuniaifyabwogha bwako.'' ¹⁵ Po abasilikali bakegha indalama nukumba isa mwo bakabushikisha. Indumi iyi yikenda mwoshi mubayuda mupaka nubughu yikwendelela. ¹⁶ Lole abafundiwa leveni bakabuka ku Galileya kighamba lyo u Yesu Kilisitu akabalaghila. ¹⁷ Bwo bamutesha bakamwiputa, lole bamu nukukayikila ¹⁸ U Yesu akisa kukwabo ukiyagha kubabo ukuti, ''ubulaghili bwoshi bupeghiwe kukwagu kumwanya napachisu. ¹⁹ Po lelo buka nukupanga abafundiwa aba chisu choshi. Mungamu lya tata, iyamwana, namuyambepo mwikwemo. ²⁰ Mubamanyishe ukupulikila ifindu fyoshi fifyo imbalaghile umwe. Tesha, indinumwe akabali koshi mupaka kubumalilo bwa chisu.''

¹ Ubu bobwandilo bwa mashu gha yesu kilisitu, umwana wa chala. ² Ngati mumo shisimbiwe mu mumukunguluka yesaya, "tesha nguya pakutuma umubombi wangu pandasi paso ghako, yuyo akwisa pakutendekesha isila yako. ³ Amashu gha yuyo akukolera muchitengele; tendekesha isila yamwene : gholosha isila shake. ⁴ Uyohani akisa, akoshanga muchitengele nukulumbilila ulosho lwalupinduko ukuti bahobokiliwange imbibi. ⁵ Ichisu chosi ichayudeya nabandu boshi abamuyelusalemu bakabuka kukwake. Akisa abosha mulusoko lwa yolondani, bakapindukagha ku mbibi. ⁶ Uyohani umuselekesha uwachikwela cha mbunda pamupene nulamba mumusana, Sona akalyanga abopashi nu bwuki ubwa muchiposo. ⁷ Akatangashanga ukuti, "yuyo akwisa kunyuma kukwangu wamaka ukukinda nune; utupinyilo twa filato fyake indabaghile ukwinama nukumusatula. ⁸ Ngubosha umwe na mishi lole umwene akwisa pakubosha numbepo mwikemo." ⁹ shikabombiwa utubalilo tulatula ukuti uyesu akafuma ku Nazaleti mu Galileya nukoshiwa nu yohani mulusoko lwa yolodani. ¹⁰ Bwo uyesu afuma mumishi akisa atesha kumwanya kwighuka po umbepo akisa ika papake muchifwani changunda. ¹¹ Amashu ghakafuma kumwanya , ''wemwana wangu umughaniwa. Nguhoboka leka nuwe.'' ¹² Po umbepo akamulongosha ukuya muchitengele. ¹³ Akaba muchitengele amashiku fote (40), nukugheliwa nusetano. Akaba pamupene nifinyamana ifya muchiposo po abandumi bakamubombela. ¹⁴ Bwo uyohani apinyiwa , uyesu akisa mugalileya nukulumbilila amashu gha chala. ¹⁵ Akayugha akati, ''akabalilo kakwanilishibwa po ubumwene bwachala bwapalamila. Pinduka sona subila amashu amisa.'' ¹⁶ Bwo akwenda mulubafu munyanja ya Galileya, akamutesha u Simoni nu Andeleya uwamwabo wa Simoni bakuponia ichilepa mu nyanja, papo bali balobi bwasw. ¹⁷ Uyesu akayugha ku kwabo, ''sagha ngongaghe, ponguya pakubapela ukuba balobwi ba bandu.'' ¹⁸ Popapapo na papapo bakafileka ifilepa nukumukonga. ¹⁹ Bwouyesu enda panandishe akamutesha u Yakobo umwana wa Zebediya nu Yohani uwamwabwo, bakaba mu bwato bakasonagha ifilepa. ²⁰ Akabakolela powakamuleka uwise u Zebediya mubwato pamupene na bambombo bake po bakamukonga. ²¹ Po bakisa mukapenamu, po pishiku lya sabata, uyesu akingila mu sinagogi nukumanyisha. ²² Bakaswighagha nakamanyikisikishe kake papo akabamanyishanga ukuyana ukuti umundu yuyo ali nubulaghili ataghelile na basimbi. ²³ Ukufuma papapo umundu mukati muchalichi yuyo akaba ni mbepo imbibi akisa akuta, ²⁴ akayugha ukuti ''tubombe fyachoni nuwe, yesu wa munazaleti wisa pakutukomania? ingumenye mwo ubelile. We mwikemo uwachala!'' ²⁵ Uyesu akayikemela imbepo yila akati, ''sumbashe sona fumamwo mumundu uyu!'' ²⁶ Imbepo imbibi shila shikamutaghila pase nukufumamwo mumwake bwo yikukuta namashu aghapamwanya. ²⁷ Abandu boshi bakaswighagha po bakanda ukulalushania ukuti choni ichi? Chimanyisho ichipya chicho chili nubulaghili! akashilaghilas ni mbepo imbibi sona shikumupulikila. ²⁸ Akapango kake kakafika mukaya koshi aka Galileya. ²⁹ Bwo bafumamo muchalichi bakisa munyumba iya Simoni nu Endeleya pamupene nu Kakobo nu Yohani. ³⁰ Po ung'inafyala wa Simoni akawona akabina isekema, pobakamubula uyesu nisha mama yuyu. ³¹ Po akisa amukola pakakono nukumunyamusha; isekema yikafuma, po akanda nukubabombela. ³² Bwo akabalilo kanamasuba kafika isuba lyingila, bakisa kukwake na bandu babo bakabina na bobakaba nimbepo imbibi. ³³ Abandu bamukaya kala boshi bakisa babungana pamulyango. ³⁴ Akabaposha abingi babo bakabina imbungo isha kulekanalekana nukushikemela imbepo imbibi lole atakashitikisha imbepo ukuti shiyughaghe papo shikamumanya. ³⁵ Akanyamuka pangelo ngani, bwo kukali nukucha akisa; akabuka kubuyo ubwa pa mwene ni kwi puta kulakula. ³⁶ U Simoni pamupene nababine bakanda pakumulonda. ³⁷ Bwo bakamukumbusha ukuti, ''abandu abingi bakukulonda.'' ³⁸ Akayugha, ''sagha tubuke kubungi, tuye mutwaya utwamupipi, ukuti mwope inje indumbilile. Papo yoyo mbombo ngisila.'' ³⁹ Akabuka nukwenda mwoshi mu Galileya, nukulumbilila mufyalichi fyabo nu kushikemela imbepo imbibi. ⁴⁰ Uwa mbungo ya mambombo akisa kukwake. Akamusumagha; akafughamila nukuyugha ukuti, ''linga ungalonda, unganyelusha.'' ⁴¹ Bwo amupelela ichisa, uyesu akagholola akakono kake nukumupalamasha nukuyugha ku mundu yula ukuti, ''ngulond. banga akisa.'' ⁴² Papapo na papapo amambombo ghakatila, po akisa aba akisashe. ⁴³ Uyesu akamusoka umwakukomelesha ngapo akamubusha ukuti bukagha. Akamubusha ukuti bukagha. ⁴⁴ Akamubusha ukuti, ''ube nubwanaloli ukuti manye umubule yumo , lole ubuke uye wilangishe kubaputi, sona uye ubike ichabupi ichakwelushiwa chicho umose akabalaghila ukuba lusimiskisho kukwabo. Akisa afuma anda pakuyugha mu babukeshe po amashu ghakafika mwoshi; po uyesu akisa anda ukupotwa pa kwingila mukaya pabwelu po akisa aba mutwaya utwamukaya tuto tutamanyikiwe. lore pope abandu bakisagha kulakula ukufuma kubungi. ⁴⁵ Akisa afuma anda pakuyugha mu babukeshe po amashu ghakafika mwoshi; po uyesu akisa anda ukupotwa pa kwingila mukaya pabwelu po akisa aba mutwaya utwamukaya tuto tutamanyikiwe. lore pope abandu bakisagha kulakula ukufuma kubungi.

¹ Akati anyokela ku kapenamu mopendashe amashiku ghanandi, pakisa papulikikwa ukuti akaba kukwabo. ² Abandu abingi bakabungana nukumala amalo ghoshi na pamulyangoshe, pope ghakamala po uyesu akisa ababusha amashu kukwabo. ³ po abalisha bamo bakisa kukwake bakisa nu mundu uwakufwa imbafu; bakamunyamula abandu folo (4). ⁴ Bakati bapotwa ukufika papipi ichifukwa cha chilundilo , bakisa bafumya umusonje ghoghukaba pamwanya pa yesu, bakati bafumya pakisa paba ubwashi bakisa bisha ichinyasi cho pakaghonapo umundu uwakufwa imbafu. ⁵ Akati atesha ulwitiko lwabo, uyesu akati kwa mundu uwakufwa imbafu yula akati, ''mwana, imbibi shako shahobokeliwa.'' ⁶ Abalembi bamo bakikala palapala, bakisa bilalusha mumyoyo yabo, ⁷ ''Umundu uyu angayugha bule bububu? akayugha fyo fitabaghile! wini yuyo angahobokela imbibi loli uchala mwene?'' ⁸ Mwalubilo uyesu akisa amanya fyo bakinong'onagha mundumbula yabo ukwendela mwambepo umwikemo . Akisa ababusha ukuti, ''choni cho mukwinong'ona fififi mundumbula shinyu? ⁹ Choni cho chipepe ukumubusha umundu uwakufwa imbafu ukuti 'imbibi shako shahobokeliwa,' pamu ukuyugha ukuti, egha ichinyasi chako ubukaghe'? ¹⁰ Lole ukuti mumanye pakuti umwana wamundu ali namaka pa chisu cha pasi pakuhobokela imbibi,'' akati kuwakufwa imbafu, ¹¹ nguti kukwako, nyamuka, egha ichinyasi chako, bukagha kunyumba kwako.'' ¹² Akanyamuka sona mwalubilolubilo akegha ichinyasi nukubuka kunyumba yake pandashi pa bandu boshi chochikapangisha ukuti boshi baswighe nukumughindika uchala, bakayugha bakati, ''tutaketite luma ngati ifi'' ¹³ Uyesu akabuka sona mumbafu mwanyanja, ichilundilo chikisa kukwake akisa anda ukubamanyisha. ¹⁴ po akendagha, akisa amuketa u Levi umwana wa Alifeyo umusongesha isongo ikalite mu tenthi akisa amubusha ati, ''ngonge.'' akanyamuka nukumukonga. ¹⁵ Uyesu akaya pakulya ichakulya mu nyumba iya Levi nabakusongesha imisongo pamupene nabatula nongwa nabamanyili bake pakuti bakaba bingi, poboshi bakamukonga. ¹⁶ Mwo abasimbi, bobakaba bafalisayi baketa ukuti uyesu akulya nabatula nongwa nabakusongesha imisongo bakabasusha abamanyili bake ukuti, '' choni cho akulya nabakusongesha imisongo sona na batula nongwa?'' ¹⁷ Uyesu akati apulika ifi akababula akati, ''abandu bobisashe mumibili yabo batakulondagha lumo umughanga (dokotala), babibi wene bo bangamulonda. Ndakisa ukwitisha abandu awisa lole abatula nongwa ¹⁸ Pakabalilo ko abafundiwa ba Yohani na bafalisayi bakafunga ukulya. Abandu bamo bakisa nukumusha ukuti, ''Choni chicho abamanyili ba Yohani na bamanyili ba bafalisayi bakufunga pakulya lole abamanyili bako batakufunga pakulya? ¹⁹ Uyesu akababula akati, ''wewamwitisha kubukwati angafunga pakulya po umwene bukwati ali palapala? pala umwene ukwati ali palapala atangafunga pakulya. ²⁰ Lole ishiku likuya pakwisa po umwene bukwati ayukufumapo pamaso ghabo, pamashiku ghaghagho bakwisa ukufunga pakulya. ²¹ Nayumo we angaghambika ichigamba ichamwenda ughupya musekesha umukulu. Pala ifi fingachitika umwenda ughupya ghunganyepula umuselekesha ughumale. Ukunyepuka kungaba kukulu ingani. ²² Nayumo yuyo angabika ivinyo muchakubikila ichakale pala fingabombiwa bunobuno angapundisha ifya kubikilamo fyoshi pamupene nu vinyo fingakomanika pachifukwa ichi ivinyo wakuwika muchakubikilamo ichipsa. ²³ Ishiku limo ilya sabata uyesu akaya pakwendela n gano abamanyili bake bakanda pakufuna ingano. ²⁴ Abafalisayi bakamubushikisha wakati, ''keta choni cho bakupanga ifindu fyo fitakwitikishibwa pishiku lya sabata?'' ²⁵ Akababusha akati, '' mutabelengitepo fyo u Devidi akapanga mo atamiwa sona isala yamubaba umwene na bandu bo akaba nabo. ²⁶ Mo akingila mu nyumba ya chala po u Abiyata akaba mu puti usongo akalya ichibama cho chikalangishiwa ku aliweshi, ''kupupatula umuputi sona akabapa fimo bo akaba nabo?" ²⁷ Uyesu akati, ''Ishiku lya sabata bakapangila chifukwa cha mundu, batakapanga chifukwa cha sabata hagha. ²⁸ Paichi umwana wa mundu mwenecho nishiku lya sabatashe.

¹ Sona u yesu akenda muma sinagogi, mula mukabamo umundu yo akalemala akakono. ² Abandu bamo bakamuteshekesha papipi ukuti bateshe linga angamuposha pa sabata pobalonda balwaghilepo ulusako lwa kumupa inongwa. ³ Uyesu akayugha kumundu umulemale akakono, ''nyamuka imilila panu pakati pa bandu.'' ⁴ Po akayugha kubandu, ''chikwitikishiwa ukubomba ukubomba inyisa pishiku lya sabata pamu ukunanga, ukupoka ubumi pamo ukughogha? lole bakabashe mye. ⁵ Akatesha umwakushungulila nubukali, akabapelela ichisa chifukwa chabukafu bwa ndumbula shabo, sona akayugha ku mundu, ''Gholosya akakono kako,'' akagholosha akakono po akakono kakapola. ⁶ Aba falisayi bakabuka sona, mwalubilo bakanda ukuyughisania naba Helodi mumo banga mughoghela. ⁷ Po uyesu naba fundiwa bake bakabuka ku nyanja po ichilundilo cha bandu abingi chikamukonga ukufuma ku Galileya nu kufuma ku Yudeya ⁸ sona ukufuma ku Yelusalemu sona ukufuma ku Idumeya ukupululila ku Yolodani nu kusungulila tayile namu sidoni. Bo bapulika ifindu fifyo abombagha, ichilundilo ichikulu chikisa ku kwake. ⁹ Akababusha abafundiwa bake ukuti babele ngani mu bwato ubunandi ubwake chifukwa cha chilundilo, ukuti batakamufighaghe fighaghe. ¹⁰ Pakuti akabaposha abingi, po weshi yo akaba ni ndamyo akabukagha kukwake ukuti amupalamashe. ¹¹ Poshi papo imbepo shamutesha, shikawanga pase bwo akali nukufika, po shikatingi, ''we mwana wa chala.'' ¹² Akaba komelesha ngani babo ukuti manye bamufumushange ¹³ Akakwela pamwanya pighamba, sona akabitisha babo akabalondagha, pobakisa kukwake. ¹⁴ Akabasa bala twelovu (babo akabitisha ukuba batumuwa) ukuti babe nawe pamupene sona abatume pakulumbilila amashu, ¹⁵ sona ukubapa ubulaghili ubwakufumya imbepo imbibi. ¹⁶ Akabasala twelovu: Simoni yuyo akamupa ingamu ya peteli; ¹⁷ Yakobo umwana wa Zebediya, nu Yohani uwamwabo wa Yakobo, yuyo akamupa ingamu ya Boanerges, ko kuti, bana ba libingu; ¹⁸ po u Andeleya, Filipu, Barthomiya, Matayi, Thomasi, Yakobo uwamwabo wa alufeyo, Thadeyo, Simoni umwana wa Zelyoti, ¹⁹ nu yudasi isikalyoti yuyo ayanga pakumubika mubalughu. ²⁰ Po akabuka kukaya, ichilundilo chikisa sona, po bakapotwa nukulya ichibama. ²¹ Bwo abanyumba yake bapulika ishi, bakafuma nukubuka pakumukanisha, papo bakati, ''afulungana munyinong'ono shake.'' ²² Abasimbi babo bakilomokagha ukufuma mu Yelusalemu bakati, '' sona ukwendela mubulaghili ubwa mbepo imbibi akufumya imbepo. U yesu aka bitishikisha ku kwake nukuyugha kukwabo mufyili, ''ngimba usetano angafumya bule usetano umunine? ²³ U yesu aka bitishikisha ku kwake nukuyugha kukwabo mufyili, ''ngimba usetano angafumya bule usetano umunine? ²⁴ Linga ubunyafyale bwayabana bwene, ubunyafyale bula butangimilila. ²⁵ Linga inyumba yiyabania yene, inyumba iyi yitabaghile ukuti yingimilila. ²⁶ Linga usetano asambukilana mwene nukuyabanika, po atabaghile ukwimilila, lole bwo afika kubumalilo bwake. ²⁷ Lole nayumo atangingila munyumba iya mundu uwamaka nu kwiba ifya mundu yula kusita kuti amupinye tasi umundu uwamakayula. Po apo akwisa pakupangula inyumba yake. ²⁸ Naloli ngubabula umwe , imbibi shoshi shisho abana bandu batulite shikwisa kuhobokeliwa pamupene na mahelu ghoshi ghagho baghayughite, ²⁹ lole weshi yuyo angamuyugha ububibi umbepo atakwisa kuhobokeliwa nalumo, loli akuba wa kupinyiwa nubutula nongwa bwa bwila bwila. ³⁰ Uyesu akayugha ishi papo bakuyughagha, '' ali nimbepo imbibi'' ³¹ Po ung'ina pamupene nabo wamwabo bakisa nukwimilila pase. po bakamutumila, wakamulondagha. ³² Ichilundilo chikikala nukumushungulila nukuyugha kukwake, ''u mama wako nabo wamwinyu bali kuse po bakukulonda.'' ³³ Akabamula , ''Ngimba umama wangu nabowamwitu bobaliku?'' ³⁴ Akisa abatesha umwakushungulila ku bala babo bakikala umwa kumushungulila po akati, ''tesha, panu po pali umama nabo wamwitu! ³⁵ Pakuti weshi yuyo akubomba ubwighane bwa chala umundu uyo weyo wiwamwitu, sona muyemba sona wimama.

¹ Po akanda sona pakumanyisha mumbafu mwa nyanja, abandu abingi bakamushungulila. Akingila mu bwato bo bukaba panyanja, nukwikala mula mula. Ichilundilo chabandu chikaba mumbafu munyanja. ² Akabamanyisha ifindu ifingi mufyili, mukumanyisha kwake, akababusha akati. ³ ''Pulikisha! umulimi akaya pakupesa imbeyu yake. ⁴ Mwo akupesa imbeyu shimo shikawa musila, ifiyuni fikisa nukuseba. ⁵ Imbeyu shimo shikawa pamabwe po patakaba ilongwi ilyingi. Pakanandishe shikamela, chifukwa ilongwi litakaya pase. ⁶ Loli bo isuba lyabala, shikochibwa, nukumilila chifukwa shitakaba ni mishishi, shikumilila. ⁷ Imbeyu shimo shikaba mumyifwa. Immyifwa yikakula nukulasa po shitakela. ⁸ Imbeyu shimo shikaba mwilongwi ilyisa shikakula mukongelesha umwinulo wa sate (30), sikisite(60), naku kahandiledishe 100X.'' ⁹ Po akayugha akati, ''weshi yo ali nifyufwo fyakupulikila muleke apulike!'' l ¹⁰ Bo uyesu aba mwene, boshi bobakaba kupipi nawe naba fundiwa twelovu bakumubushikisha ifya fili. ¹¹ Akabasusha akati, '' umwe mukupokela ifiswigho fya bunyafyale bwa chala. Loli bo bali kuse fyoshi fili mu fyili, ¹² ukuti pala bakuketa naloli bakuketa, loli batakuketelesha, nukuti pala bakupulika, naloli bakupulika, lole batakupulikisha pamu ngali bang'anamukite uchala angabahobokela. ¹³ Akababushikisha akati, ''mutakupulikisha ichili ichi?' po mungapulikisha ifyili fyoshi ifi?'' ¹⁴ Umupesayi akupesa amashu. ¹⁵ Aba bobo bakuba musila mo amashu ghakupesiwa pala bapulika, usatana akwisa mwalubilo nukwegha amashu gho ghabyaliwe mwabo. Aba babo imbeyu sho shikubyaliwa mumwabwe; bo pala bapulika amashu wakughapokela mwaluwilo nuluhoboko. ¹⁶ Aba babo imbeyu sho shikubyaliwa mumwabwe; bo pala bapulika amashu wakughapokela mwaluwilo nuluhoboko. ¹⁷ Loli watanimisisi, bakupilila panandishe. Panandishe pake pala indamyo shafika chifukwa cha mashu, bakuwa mwalubilo. ¹⁸ Mwakubukilila bamo babo amashu ghakubyaliwa mukati mumyifwa. Aba bobo bakupulika amashu, ¹⁹ loli ifyakulondiwa fyapachisu nukushimbula kwa chuma ni nyenywa fya findu ifinine fikwisa nukunanga amashu kwambula ukupindula. ²⁰ Bo amashu ghakabyaliwa mwilongwi ilyisa bobo bakupulika amashu, bakughitika ghakupapa iseke sate(30), sikisite(60), pamu nahandiledi ubwingi. ²¹ Uyesu akababusha akati, kamukwingila ninyale munyumba ukuti mubike pase pa basiketi pamo pase pachitala? kwingila nayo nukubika pachakubikapo inyale. ²² Pakuti chitalipo nachimo cho chimamite cho tachikamanyikwe sona patalipo ichisisi cho tachikabonekele pabwelu. ²³ Pala yo ali nifyufwo fyakupulika muleke apulike!'' ²⁴ Akababusha akati, ''teghelesha kufyo wapulika, pakuti ichipimo cho kubombela tichikapimiwe papako sona ifingi tifikongeleshiwe papako. ²⁵ Chifukwa weshi yo ali nafyo kukwake ti akapeghiwe ifyingi, sona weshi yo atanafyo, fyo alinafyo takapokiwe.'' ²⁶ Akati sona, ''ubunyafyale bwa kumwanya buli ngati mulisha yo akubyala imbeyu pamughunda. ²⁷ Po aghona utulo pabushiku akunyamuka pamusi, akwagha imbeyu shimelite sona shikulite nanga buli atakumanya mo fyachitikila. ²⁸ Ichisu chene chocho chikukusha imbeyu: pabwandilo kusonga po fikwisa ifyufwo po iseke shighoma mufyufwo. ²⁹ Pala ichibyaliwa chaghoma, akutuma ichikwakwa chifukwa ukwinula kwafika. ³⁰ Sona akati, '' ningaghelesekesha ichoni ubunyafyale bwa chala, pamo chifwani chiki cho tungabombela ukuti tulongosole? ³¹ Buli ngati luseke lwa mupilu, lo linga lwabyaliwa, lolo lunandi ngani ku mbeyu shoshi pa chisu. ³² Loli pala lwabyaliwa lukukula nukuba lukulu ukupota ifibyaliwa fyoshi mumughunda, sona lukupanga isamba ingulu, sho ifiyuni fyakumwanya fingapanga ififumbo mulamula. ³³ Nifyili ifingi ngati ifi akababusha amashu, amingi malingana namo baka pulikisikishanga, ³⁴ sona atakayugha lumo kusita ichili. loli bo alimwene akalongosola fyoshi kubafundiwa bake. ³⁵ Ishiku lilalila kunamasuba akababusha akati, ''satuye kumbafu iyingi.'' ³⁶ Po wakaleka ichilundilo, bakamwegha uyesu nukubuka nawe bo ali bwato. Pakaba sona amabwato aghingi gho ghakubuka nawe. ³⁷ Pala pala imbepo yamaka yikanda, amayigha ghakakoma mu bwato, amishi ghashala papipi ukuti ghisule mu bwato. ³⁸ Loli uyesu umwene akaghona utulo kuchakweghamila. Bakamulamusha bakati, ''mumanyishi ka utakupasha ukuti twaya pakufwa?'' ³⁹ Akanyamuka akakalipila imbepo, sona akati ku nyanja, ''tengana!'' ''banga myee!'' po imbepo yikaleka kukaba ulutengano ulukulu. ⁴⁰ Po akababusha akati, ''choni cho mukoghopa?' mukali muta nulwitiko?'' ⁴¹ Bakisula nu bwogha ubukulu sona bakayugha kumunine nu munine. ''ka ingaba wini uyu, chifukwa yope imbepo ni nyaja fikumupulikila?''

¹ Bakisa kwisila ilinine lya nyanja kuchighaba cha Gelasenes. ² Po uyesu akafumagha mu bwato, mwalubilo bakisa kukwake ukufuma mwipumba nu mulisha yo akaba nimbepo inyali. ³ Umulisha yo akikalagha mwipumba. Patakaba nayumo yo akamukanila pamu ukumupinya nimbingu. ⁴ Utubalilo tumo bakamupinyagha ningoye mutulundi sona bakamupinya nimbingu mutukono. Lole atumulagha ingoye ni mbingu. Patakaba nayumo uwamaka yo angamukola sona. ⁵ Ubushiku bwoshi nimusi mwipumba namu maghamba akalilagha nukwicheka mwene namabwe gho ghachile ngani. ⁶ Mwo amuketa uyesu pabutali akakinda ukuya kukwake nukufughamila pandashi pake. ⁷ Akalila ngani namashu ghapamwanya, ''ingubombeleki, yesu, mwana uwa pamwanya ngani uwa chala? Ngusuma mungamu ichala umwenecho utakambafyange une.'' ⁸ Po akanda ukuyugha ku kwake, ''fumamwo mumundu we mbepo inyali.'' ⁹ Akabusha, ''ingamu yako we wini?'' Akamwamula, ''ingamu yangu ne chilundilo, pakuti ne mwingi.'' ¹⁰ Akamusuma sona mwakupyanisha ukuti koma ukubakisha muchighaba ichi. ¹¹ Pakabalilo kala ichilundilo changulube shikalyanga kwighamba. ¹² Po bakamusuma, ukuyugha ukuti, ''tutume utwe mungulube satwingile mumwabo,'' ¹³ Akisa abitikisha. Po imbepo inyali shikafuma nukwingila mu ngulube, sona shikakinda ukufuma pamwanya ukuya mu nyanja, sona amasowusandi ghabili ghakatwiba munyanja. ¹⁴ Boshi bobakalishanga ingulube wakakinda nukuya ukuyugha fyofyachitika muchisu ichi namuchikaya, sona abandu bakabuka pakuketa fyo fyachitika. ¹⁵ Pobakisa kwa yesu sona bakaketa imbepo imbibi, sho shikaba numundu po we akashungululiwa nu bwingi akikala pase, aka fwalikiwa imyenda, sona amahala ghakisa, sona bakanda ukoghopa. ¹⁶ Boshi bo bakaketa ifya mbepo inyali mwamundu bakayugha ingani mwakushimikisha, sona bakayugha kukwabo ifya ngulube. ¹⁷ Po mwo banda ukumusuma ukuti bafumemwo mu chikaya mwabo. ¹⁸ Po akingilagha mu bwato, umundu yo akawa nu mbepo umubibi akasuma ukuti wepe angaba pamupene nabo. ¹⁹ Lole uyesu atakamwitikisha nashiku, lole akayugha nawe, ''bukagha kunyumba yako na kubandu na kukwinyu sona uye ubabushe sho umalafyale akubombela uwe sona mwo akusondela uwe ichisa. ²⁰ Po akisa abuka nukuya pakufumusha muchi Dekapolisi ifya Yesu fyo amubombela, sona abandu boshi bakaswigha ingani. ²¹ Po uyesu apululilagha sona kwi sila ilingi nu bwato, ichilundilo ichingi chikabungana nukumushungulila, po akaba mulubafu mwa nyanja. ²² Popapo umulongoshi yumo mu sinagogi ingamu yake Yayilo akisa sona mwo amuketa, akawa mutulundi. ²³ Akamusuma umwakupyanisha ukuti, ''Umwana wangu u Mundi ali papipi pakufwa. Ingukukusuma wise umubike utukono twako papake ukuti angapola nukuba nubwumi.'' ²⁴ Akisa abuka sona nichilundilo cha bandu chikamukongeshanga nukushungulila kupipi nawe. ²⁵ Po akabapo umama yumo yo akafuma ibanda ifyinja twelovu (12). ²⁶ Akatamiwa ingani mubaghanga sona akisa amala ichuma choshi cho akaba nacho, po mumalo mwakuti apole po ububine bukongelagha ingani. ²⁷ Mwo apulika ifya Yesu akisa kunyuma kukwake kuchilundilo nukumukola iselekesha iyake. ²⁸ Mwo ayugha, ''linga ningakolashe ichakufwala chake, ningise imboshiwe.'' ²⁹ Mwo akola ichakufwala chake ibanda likaleka, akisa apulikisha mumubili wake ukuti aposhiwa kububine bwo akaba nabwo. ³⁰ Uyesu mwalubilo akisa amanya ukuti mumwake amaka ghamo ghafumamwo. Akisa asanusha kuchilundilo nukuti, ''wini yo angola ichakufwala changu?'' ³¹ Abafundiwa bake bakati, ''waketa ichilundilo cha bandu chochakushungulila uwe, sona ukubusha ukuti, wini yo angola une.'''' ³² Lole uyesu akanda palonda ukuketa yo apanga ifi. ³³ Umukolo, akamanyagha fyo fyachitika kukwake, akaba nu bwogha nukutetema. akisa nukufughama pandashi pake nukuyugha ubwanaloli bwoshi. ³⁴ Akati ''mulindu, ulwitiko lwako lwakuposha. Buka nulutenganio nukupola ku ndamyo shoshi. ³⁵ Mwo akali akuyugha, bamu abandu bakisa ukufuma muba longoshi ba sinagogi, nukuyugha ukuti, ''Umwana wake umukolo afwa. Chifukwa chiki ukumutamya umanyishi mwakubukilila? ³⁶ Lole mwo uyesu apulika fyo bakayughagha, akayugha kumulongoshi wa sinagogi, ''utakoghopaghe lole ube mulwitiko.'' ³⁷ Atakitikisha nayumo ukuti amukongeshe ukufumyako u Peteli, Yakobo nu Yohane uwabwabo wa Yakobo. ³⁸ Bakisa kunyumba ya mulongoshi wa sinagogi sona akaketa abandu bakupanga ifyongo bakulila nufwifwitila nukupwata ingani. ³⁹ Mwo ingila munyumba, akayugha ku babo, ''chifukwa chiki muli nu bwogha sona choni cho mukulila?'' Umwana atafwile lole apitileshe.'' ⁴⁰ Bakamuseka lole akafumyo boshi kuse nukumwegha uwise wa mwana nung'ina nabo bakaba nawe, po akabuka papipi popakaba umwana. ⁴¹ Akegha utukono twa mwana sona akayugha nukuti, ''Talita koum!'' cho chikung'anamula ukuti, 'umulindu umunandi, inguyugha kwa uwe, nyamuka.'' ⁴² Mwalubilo umwana akanyamuka nukwanda ukwenda (po akaba nifyinja twelovu). Boshi bakaba bakuswigha ni chiswigho ichikulu ngani. ⁴³ Akawakomelesha ukuti manye nayumo ayughe fyo fyachitika panu. Po sona akababusha ukuti bamupe chimo ichakuti alye.

¹ Akafumamwo mwo akaba nukunyokela sona mukaya kake, sona abafundiwa bake bakamukongesha. ² Bwo ishiku lya sabata lyisa, akamanyisha musinagogi. Abandu abingi bwo bakupulika bakaswighishiwa. Bakati, ''Akufyagha kughu ifimanyisho fififi?'' ''Mahala ghaki ghagho ghapeghiwe kukwake?'' '''fiswigho fiki fififi fifyo akubomba nutukono twake?'' ³ ''Ngimba uyu tawifundi wa matabwa, umwana wa Maliya sona nu uwamwabo wa Yakobo nu Yosesi nu Yudasi nu Simoni? ngimba abayemba bake tutanabo panupanu?'' Bakisa bawishiwa amaka nu yesu. ⁴ Po uyesu akayugha kukwabo, ''umukunguluka atakupotwa ukughindikiwa, ukutishako mwene mukaya kake sona abakamu bake sona nabamunyumba yake.'' ⁵ Atakabaghila ukuti abombe nimbombo yimo ingulu yene yiyo iyakubika utukono pababime. ⁶ Akaswigha nukushita ukusubila kwabo. Po akisa abuka mutwaya nukumanyisha. ⁷ Akabitisha bala twelovu (12) nukubatuma babili babili po akabapa ubulaghili pamwanya pambepo imbibi, ⁸ po akabakomelesha ukuti manye banyamule nachimochimo ichapabulendo yene yo ingomo---ichibama hagha, ichola hagha sona nindalama mubolamba hagha--- ⁹ lole mufwale ifilato fya masanda, sona koma ukufwala amalaya mabili. ¹⁰ Akayugha kukwabo, ''akabalilo koshi pala mwingila munyumba, mube mula mula mbaka pokwisa ukufumaghamwo. ¹¹ Linga akaya kamo katakwisa pakubambilila pamo ukubapulikisha umwe, pomukufumamwo mubuyo bula, mwise mubakung'undilaghe ulufumbi lwa kunyayo shinyu ukuba lushimikisho ku kwabo.'' ¹² Bakabuka nukufumusha ukuti abandu bapindukaghe. ¹³ Bakafumyagha imbepo imbibi inyingi, nukubakasha amafupa ababine abingi nukubaposha. ¹⁴ Umalafyale u Helodi akapulika ishi, pakuti ingamu ya yesu yikisa ya fumukwa. Bamu bakatingi uyohani uwalyosho ashuka ukufuma kubufwe, chobene ifiswigho ifi fikubombiwa mumwake,'' ¹⁵ Abangi bamu bakatingi, ''Wi Eliya. '' Lole abanine bakatingi, ''mukunguluka, ngati bamu babo bakabako abakunguluka babwandilo.' ¹⁶ Lole bwo u Helodi apulika ishi akati, ''u Yohani yuyo ngamuputula umutu, koti weyo ashuka.'' ¹⁷ Pakuti u Helodi akatuma ukuti bamukunge u Yohani po bakisa bamupinya mujela chifukwa cha Helodiyasi (umukashi wa filipu uwamwabo), chifukwa chakuti akisa amwegha. ¹⁸ pakuti u Yohani akamubusha u Helodi, ''tachakubaghila ukuti uwe weghe umuka wamwinyu.'' ¹⁹ Lole u Helodiyasi akapulika nukumukalalila po akalondagha ukuti bamughoghe lole yitakabombiwa. ²⁰ Papo u Helodi akamwoghopagha u Yohani; Akashimanya ukuti akaba mundu umugholofu sona umwikemo, po akamusungilila akisa. Mwo amupulikisha shika mutamya leka, napapo akamupulikisha nulusekelo. ²¹ Po likisa ishiku lya kumunyomosha lilyo uHelodi akasekelagha nukupapiwa kwake po bakatendekesha ifya kulya ifya babombi bake po nabalaghili sona nabalongoshi bamu Galileya. ²² Umwana umulindu wa Helodiyasi umwenecho akisa atyonga papawo, po akisa amuhobosha u Helodi pamupene na bagheni babo bakaba pachakulya. Umalafyale akayugha kumulindu, ''isume chili choshi chicho ukulonda ngwisa pakukupa .'' ²³ Akalapa ku kwake akati, ''choshi cho,wansuma une ngwisa pakukupa ukufika pakati pa chisu changu.'' ²⁴ Akafuma kuse nukuyugha kwa ng'ina, ''imusume chonicho?'' po akati, ''umutu wa Yohani uwa lwosho.'' ²⁵ Mwalubilo lubilo akabuka kwa malafyale, po akasuma akati, ''ngulonda umbe loshi ulu umutu wa Yohani uwa lwosho pa mbale iyachikokwe.'' ²⁶ Napapo ichi chikamutamia leka umalafyale, atakaba wakuti angamukanila chicho asuma chifukwa chakupapangana kuko akayugha sona chifukwa cha bwagheni babo bakaba pachakulya. ²⁷ Po umalafyale akamutuma umusilikali ukufuma mu babo bakamushighilila nukumulaghila ukuti ise numutu wa Yohani. Po umushungulili yula akabuka nukumudumula umutu mujela. ²⁸ Akisa nu mutu pa mbale nukumupa umulindu, po umulindu akamupa ung'ina. ²⁹ Bwo abafundiwa bake bapulika ishi, bakisa banyamula umubili nukuya pakughubika mwipumba. ³⁰ Po abatumiwa bakisa pamupene nuyesu nukumubusha fyoshi fifyo babomba nukumanyisha. ³¹ Po akayugha kukwabo, ''fumako mwibene muye muchitengele muye mutushe panandi.'' Papo abingi bakisagha nukubuka pobatakaba nakabalilo ukuti balye. ³² Po bakafumamwo mu bwato nukuya kubuyo bwa matengele pabene. ³³ Polole bakababona bwo bakutila sona abingi bakabamanya, po bakakindagha pamupene ulwa pase ukufuma mutwaya twoshi, po bakisa ba fika bwo abene bakali. ³⁴ Bwo bafika akachibona ichilundilo ichikulu po akchipelela ichisa papo bakaba ngati ng'oshi shisho shita nuwakulisha. Po akanda ukubamanyishga ifindu ifyingi. ³⁵ Bwo akabalilo kashila, abafundiwa bakisa kukwake nukuyugha ukuti, ''kuno kokuchitengele sona akabalilo kashila . ³⁶ Batume babukaghe ukuti baye mutwaya twa mupipi na mutwaya utungi baye baghule ifyakulya fyabo.'' ³⁷ Po akabamula nukubabula ukuti, ''mubape fimo ifyakulya.'' Po bakayugha kukwake, ''tungabuka tuye tughule ichibama cha tu handeledi denale nukubapa ukuti balye?'' ³⁸ Akayugha kukwabo akati, ''muli nifibama filinga? buka muteshe.'' bwo baya batesha bakamubula ukuti, ''ifibama fayivi ni niswi shibili.'' ³⁹ Abalaghila abandu boshi ukuti bikale mufibukatila pabwisu ubwa gilini. ⁴⁰ Bakikala pase mufibukutila ifya ma handiledi na ma fififte. ⁴¹ Akegha ifibama fayivi niswi shibili, po akatesha kumwanya akafisaya nukubapa abafundiwa ukuti babape abandu. Akisa ayabania niswi shila shila kuboshi. ⁴² Boshi bakalya mbaka pobikuta. ⁴³ Akegha utubulubusha utwa fibama abobasiketi twelovu(12), nukwegha sona utubulubusha twaswi. ⁴⁴ Pakaba abalisha fayivi sawusandi babo bakalya ifibama. ⁴⁵ Papapo na papapo akababusha abafundiwa ukuti bingile mu bwato po batangile babuke ulubafu ulungi ku Betisayida, po umwene akababweshanga abandu. ⁴⁶ Bwo babuka, akabuka pamwanya pighamba nukwiputa. ⁴⁷ Ilya namasuba likisa, ubwato bukaba pakati pa nyanja umwene akaba mwene pisila. ⁴⁸ Akatesha ukuti bakulimbana na mayigha, papo imbepo yikapinganagha nabo. Mukabalilo aka nambala folo(4) akabushiku akisa kukwabo, akendagha panyanja, po akalondagha ukuti abapululile. ⁴⁹ Lole bwo bamutesha akwenda panyanja, bakinong'ona ukuti chishuka po bakakuta, ⁵⁰ chifukwa bakati bamubona bakayubana. Papapo napapapo akayugha kwabo akati, ''mukibaghe! nene! manye mwoghopaghe!'' ⁵¹ Akingila mu bwato pamupene nabo, po imbepo yikaleka pakuluka. Bakaswigha ngani leka. ⁵² Papo batakashaghania shisho ifibama fikasanushanga. Mubuyo bwabo indumbula shabo shikisa shaba ngafu. ⁵³ Mwo balobosania, bakisa mu chisu icha Genesaleti po bakingila mubwato. ⁵⁴ Mwo bafuma mubwato, abandu bakisa bamumanya papapo na papapo, ⁵⁵ po bakanda ukukinda kinda mukaya koshi nukwanda ukwisa na babine babo bakabanyamulilagha mufinyasi nukubuka nabo koshi kuko bapulika ukuti koko ali. ⁵⁶ Mukaya koshi kolinga ingila, pamu mutwaya, pamu muchisu, bakababikagha ababine mubuyo bumwo ubwa kughulikishishamwo. Bakasumagha ukuti bamupalamashe umuselekesha wake kubumalilo, po abingi babo bakamupalamashanga bakapolagha.

¹ Abafalisayi na bamo abalembi bo bakafumagha muyelusalemu bakabungana nukumushungulila yuyo. ² Bakabatesha abamanyili bake bakalyanga kwambula ukusukusula mutukono koti akasya kushita kusukusula. ³ (Abafalisayi na bayuda batangalya pene papo basukusula chifukwa chakusunga imyiko yabo songo. ⁴ Pala abafalisayi bakufuma kubuyo bwakughulikishikisha batakalyanga pene papo wogha, sona wakasungilila imyiko wakapokekela isa kusuka amakapu, amapoto, ifyakusungilamo ukopa, namumo wakalilagha.) ⁵ Abafalisayi na basimbi bakabusha kwa Yesu wakati, "chifukwa chiki chicho abamanyili bako batakwenda ukuyana ni myiko ya bosongo, lole wakulya ichibama chabo ukushita ukusukula mutukono?" ⁶ Lole akati kubabo, "Yesaya akalotela akisa ukuyana nubumyashi bwinu.Ngati mofisimbiwe, 'abandu awa wakungindika nimilomo yabo, loli imyoyo yobo yili kuwutali nune. ⁷ Watakwiputa nachimo chimo ukuyana nune, wakumanyisha indaghilo sha bandu ngati fimanyisho fyawo.' ⁸ Mukufumya indaghilo isha Chala nukusungilila indaghilo isha bandu. ⁹ '"Akati sona kubabo, "mukukana indaghilo isha Chala loli mukusunga indaghilo isha chikaya chinu! ¹⁰ Pakuti Umose akati, 'ghindika ughuso nu nyoko,' sona, 'we akumuyugha ububibi uwise pamu ung'ina naloli takafwange.' ¹¹ Loli mukuti, 'pala umundu akuti wa wise pamo kwa ng'ina, ''choshi cho ungafwilishiwa nune wi kalaboni'''(kokuti,kumupa Uchala), ¹² kokuti mutakumwitikisha sona ukubomba chilichoshi kwa wise pamu kwa ng'ina. ¹³ Mukupanga ishu lya Chala ukuti manye libe nimbombo mumyoyo yinu yo mukuyikongesha. Ni fingi fifyo mukupanga ifya luko ulu." ¹⁴ Akitisha sona ichilundilo akati, "pulika ku une, mweshi umwe, sona pulikisha. ¹⁵ Patalipo nachimo ukufuma kuse kumundu cho chingamunyasha pala chingila mumwake. Chochikufuma mumundu chocho chikumunyasha. ¹⁶ "Pala umundu yuyo ali ni fyufwo ukuti apulike, muleke apulike. ¹⁷ Mwo u Yesu achileka ichilundilo ingila munyumba, awafundiwa bake bakamulalushu ifya fyili. ¹⁸ U Yesu akati, "numwe mukali napa mutakupulikisha? mutakuketa ukuti cha fuma kuse ukwingila mukati chitangamunyasha, ¹⁹ chifukwa chitangingila mu ndumbula, lole chikwingila mulukwe lwake sona chikufuma nukuya kwa zgenje? "Na mashu agha u Yesu akalamula ichakulya choshi ukuba chisa. ²⁰ Akati, ''chochikufuma mumundu chocho chikumunyasha. ²¹ Pakuti ukufuma mumundu, kufuma mundumbula, inyinong'ono imbiwi shikupitilila, ubomalaya, ubwifi, ubughoghi, ²² ichinyonywa, ubunyonganu, ubumyashi, ukuyughana, amitufyo, nubukonyofu. ²³ Imbibi shoshi ishi shikufuma mukati, sona fyofyo fikunanga umundu.'' ²⁴ Akanyamuka ukufuma pala nukuya kubutaliku kaya ka Taya nu Sidoni. Kulakula akaya munyumba, sona akalondagha ukuti manye yumo amanye ko akaba, loli ataba wakuti angimama. ²⁵ Lole mwalubilo, umukolo yo umwana wake umukolo umunandi akaba nimbepo imbibi akapulika ifyake po akisa nukuwa pase pafilundi fyake. ²⁶ Po umokolo akaba mugiliki, yo akaba wa silofoniki pala tukongesha ko akafumaila. Akamusuma u Yesu ukuti afumye imbepo imbibi mumwana wake. ²⁷ Akamubusha akati, "baleke abana walyeshiwe tashi. Pakuti tachakwenelela ukwegha ichibama wana nukubaponekesha abokabwa. ²⁸ "Lole umwene akamwamula akati, "naloli mwene, wope abokabwa pase pamatebulo wakulya utubululusha twa bana." ²⁹ Akati kukwake,"chifukwa cha fyo wayugha, uli mwabuke pakubuka. Imbepo imbiwi shafuma mumwana wako." ³⁰ Akabuka kunyumba yake akamwagha umwana aghonite pachitala, sona imbepo imbibi shibukite. ³¹ Po akawuka sona ukufuma ku chigaba cha Taya, nukubuka ukwendela mu Sidoni mumbafu mu nyanja ya Galileya mupaka ku chigaba cha Dikapolisi. ³² Wakisa nawe yumo yo atakatesha sona akaba ni ndamyo pakuyugha, po wakamusuma ukuti amubike utukono twake papake. ³³ Po akamwegha ukuya nawe pambafu ukufuma pachilundilo,akabika utukono twake mu fyufyo, po akamufwinila nukumokola ululimi. ³⁴ Po akatesha kumwanya, akabunguluka po akati kukwake, ''Efeta,'' kokuti, ''ighuka!'' ³⁵ Papo napapo ifyufwo fikighuka, ukupinyiwa kwa lulimi lwake kukasatuka, po akanda pakuyugha akisashe. ³⁶ U Yesu akabalamula ukuti manye wakamubushe yumo. mwo akubalamula mwakongelesha,wope po wakafumushanga ngani. ³⁷ Wakashigha sana wakatingi, "awomba ifindu fyoshi akisa. Akupangisha ukuti abandu bo watakupulika wapulikaghe nababo batakuyugha bayughaghe."

¹ Mumashiku ghalaghala, pakaba sona ichilundilo ichikulu, sona batakaba nichakulya. Uyesu akabitisha abafundiwa bake akayugha nabo, ² ''ndinichisa nichilundilo chifukwa bendelela ukuba nune amashiku ghatatu ukushita ukulya. ³ Pala nabaghalusha sona mutwaya twabo ukushita ukulya, bangashilika musila. Bamo bafumite kubutali.'' ⁴ Abafundiwa bake bakamwamula bakati, ''tungafyagha koki ifibama ifyingi mulungala ngala muno fyo fingikutisha abandu aba?'' ⁵ Akabalalusha , ''muli nifibama filinga?'' bakati ''seveni''(7). ⁶ Akalamula ichilundilo ukuti chikale pase. Akegha ifibama seveni, akapalisha nukufimenyula. Akaghabila abafundiwa bake ukuti batendekesheshe abandu, po bakisa babatendekeshesha ⁷ Wope wakaba niswi shinandishe, mwo abapalisha , akalamula abafundiwa ukuti shope baghabile abandu. ⁸ Wakalya nukwikuta sona bakaseba totukashala nutubulubusha, abo basiketi abakulu seveni(7). ⁹ Abandu bakawapo folo sawusandi. po akababusha ukuti babwelaghe. ¹⁰ Papapo na papapo akakwela mu bwato nabafundiwa bake, sona bakisa babuka mukaya ka Dalamanuta. ¹¹ Po abafalisayi bakisa nukwana ukususania nawe. Po bakanda pakulonda ichimanyikwilo ukufuma kumwanya, ukuti bamughele. ¹² Shikatamya sana mwambepo wake akati, ''chifukwa chiki chicho uluko lwatayimu iyi lukulonda ichimanyikwilo? Naloli ngubabusha umwe nachimo ichimanyikwilo chicho tichikapeliwe ku luko ulu.'' ¹³ Po akabuka, akakwela mubwato sona, po akabukagha kubuyo ubunine. ¹⁴ Pakabalilo aka abafundiwa bakibwa pa kwegha ifibama. Batakaba nichibama nachimo na chimo. ¹⁵ Akanda pakubalingania akayugha akati, ''mube maso muketeleshe ichilungu cha bafalisayi nicha Helodi.'' Po abafundiwa wakisa banda pakwinong'ona pamupene, ''ichifukwa chakuti tuta nichibama ¹⁶ Po abafundiwa wakisa banda pakwinong'ona pamupene, ''ichifukwa chakuti tuta nichibama.'' ¹⁷ Uyesu akamanya ifi akati, ''chifukwa chiki mukwinong'ona ukuti muta nichibama? Mukali mutakutesha? Mutakupulikisha? indumbula shinyu shaba ngafu? ¹⁸ Muli namaso, mutakutesha? muli nifyufwo mutakupulika? mutakukumbuka? ¹⁹ Po ngamenyula ifibama fayivi pakati pabandu fayivi sawusandi, ma basiketi ghalinga ghogha kisula nutubulubusha twafibama tutwo mukaseba?'' Bakamubusha bakati, ''twelovu'' ²⁰ ''Mwo namenyula ifibama seveni pakati pa bandu folo sawusandi, mabasiketi ghalinga gho ghakisula nutubulubusha twa fibama tutwo mukasewa bakati, ''seveni'' ²¹ Akati, ''mupaka nulu mutakupulikisha?'' ²² Bakabuka ku betisayida. Abandu bakulakula bakamwisila numundu umulisha umufwa maso, bakamusuma uyesu ukuti amupalamashe. ²³ Uyesu akamukola akakono umundu yula nukumulongosha ukufuma mukaya kala. mwo amufwinila amati mumaso, akabika utukono papake, akamulalusha akati , ''kutesha chimo?'' ²⁴ Akatesha kumwanya, akayugha akati, ''ngutesha umundu yo akuboneka ngati makokwe ghakwenda.'' ²⁵ Po sona akabika utukono twake pa maso ghake, sona akanda pakutesha chili choshi akisa. ²⁶ Uyesu akamutuma kukaya kake, akati, ''manye wingile mu tawun.'' ²⁷ Uyesu akabuka nabafundiwa mutwaya twa kesaliya Filipi. musila akabushikisha kubafundiwa bake, ''abandu bakuti uwe we wini?'' ²⁸ Bakamwamula bakati, ''Yohani waghosho, bamu bakuti Eliya, sona bamo bakuti wa bamo mubasololi.'' ²⁹ Akabalalusha, ''umwe mukuti ne wini?'' U Peteli akati, ''uwe we khilisitu.'' ³⁰ Uyesu akabasokesha akati manye mumubushange nayumo nayumo. ³¹ Akanda pakubamanyisha ukuti umwana wa mundu abaghile pakuyimba mufyingi, sona akwisa kukaniwa na bosongo nabaputi nabasimbi, po akwisa kughoghiwa, lole pala amashiku ghakinda ghatatu akwisa pakushuka. ³² Akayugha amashu agha mwakupulikikwa po u Peteli akamweghela pa mbafu akanda pakumukemela. ³³ Lole uyesu akisa asanukila kubafundiwa bake nukwanda pa kumukemela u Peteli akayugha akati, ''Tilako kukwangu, setano! utabikite inyinong'ono shako pafindu ifyachala lole pafindu ifya bandu.'' ³⁴ Po akachitisha ichilundilo pamupene nabafundiwa bake po akayugha kukwabo, ''linga yumo akulonda pakungonga ikane mwene, apimbe ichipingika, po angongaghe. ³⁵ We akulonda pakubupoka ubumwi bwake akwisa pakubutagha, sona we akulonda pakubutagha ubumi bwake chifukwa cha une nishu lyangu akwisa pakupokiwa. ³⁶ Umundu akupindulaki ukuti achikabe ichisu choshi lole ataghe ubumwi bwake. ³⁷ Ngimba umundu angachenjania ubumi bwake nichoni? ³⁸ Weshi yuyo akukoshiwa isoni nune sona na mashu ghangu muchisu cha bwomalaya nu luko lwa mbibi ulu, umwana wa mundu wepe akwisa pakuba nisoni nawe pala akwisa mumaka gha tata wake pamupene nabangele abikemo.

¹ Akayugha nawo, ''naloli ngubabula umwe, balipo bamu mumwinyu panu bo bata bakabukete ubufwe bobakali ukuchiketa ichitangalala cha chala chikwisa na maka.'' ² Wopakinda amashiku sikisi(6) uyesu akamwegha u Peteli nu Yakobo nu Yohani pamupene nawe bakakwela pamwanya pighamba, akaya pamwene bope bene. bwo bakumuketa u yesu akachenja. ³ Umuselekesha wake ghukabalagha, ghukaba swee, ubwelu ukukinda mumwo umundu angachapila imyenda pa chisu panu. ⁴ Akabalilo kalakala u Eliya nu Mose baka babonekela, sona, bakayugha nu yesu. ⁵ U Peteli akamula nukuyugha kwa yesu, ''Rabi, chingaba chisa ukuti utwe tube panu panu, posatusenge ifitembe fitatu chimo chako, chimo cha Mose, ichingi cha Eliya.'' ⁶ (Umwene atakamanyagha ifyakuyugha papo akapashanga.) ⁷ Ibingu likisa nukubakupikila popapo ishu likapulikikwa ukufuma mwibingu, ''uyu yo mwana wangu umughaniwa. Mumupulikilaghe.'' ⁸ U mwakunyomwoshiwa, wobakuketa pabuyo batakamuketa nayumo nayumo, lole uyesu mwene. ⁹ Bwo abene bakwilomoka ukufuma kwighamba uyesu akabalaghila ukuti manye bakamubushe nayumo pafifyo bafitesha kakwisa ukufika akabalilo kako akwisa pakushuka ku bufwe. ¹⁰ Bakafifa fyoshi shobakafiketa nukupulika ukuba shabo bene, lole bakayughisanianga benebene ichoni ''ukushuka kubufwe'' fingabombiwa. ¹¹ Bwakamulalusha, ''choni cho abasimbi bakuti u Eliya abaghile ukuba wabwandilo pakwisa?'' ¹² Akayugha kukwabo, ''Eliya abaghile ukwandila ukwisa ukuti ise atendekeshe ifindu fyoshi. Inga choni chicho shisimbiwe ukuti umwana abaghile ukutamiwa mufindu ifyingi nukugheliwa. ¹³ Lole nguti u Eliya isile, popapo akabomba sho bakalonda kukwake ukuyana na mumwo shisimbiwe kukwake. ¹⁴ Bwo bakwisa kubafundiwa bakaketa ichilundilo cha bandu chicho chikabashungulila nabasimbi babo bakayughisanianga . ¹⁵ Nakalinga mwo bamuketa uyesu ichilundilo cha bandu bakaswigha sona bakakindilila kwa yesu nukumulamuka. ¹⁶ Akababushikisha abafundiwa bake, ''mukusushanaki nabo?'' ¹⁷ Yumuywene muchilundilo chila akamwamula uyesu, ''Mumanyishi ingisa nu mwana wangu umulisha kukwako. Ali ni mbepo yiyo yikumupangisha ukuti apotwange ukuyugha. ¹⁸ Yikumunyamula nukumutagha pase, nukufumya umutotofulu kumulomo, nukusha amino sona akunyongoloka. Ngababula abafundiwa wako ukuti bashitishemwo mumwake, lole watakashibomba.'' ¹⁹ Akabamula akati, "mweluko ulushita kwitika, timbange numwe miupaka lighi? Ndimbange newakupilila numwe ukufika lighi? Sanawe kukwangu.'' ²⁰ Wakisa numulumyana yula kukwake. Mwo imbepo shamuketa u Yesu, mwalubilolubilo shikamulungania. Umulumyana yula akawa pase sona akanda ukufuma amatotofulu ku mulomo. ²¹ U Yesu akabushikisha kwa wise, ''ikala akabalilo akatali bule mumwo awelile bunobuno?'' U wise akati, ''ukufuma kububuke bwake. ²² Utuibalilo utwingi shikumutaghilagha pamulilo pamu sona nukughela ukumunanga. Pala ungitikisha ukubomba shoshi sho wighanite, banga nichisa papitu nukutwafwa utwe.'' ²³ U Yesu akati kukwake, ''pala ungakwanisha'? Ifindu fyoshi fingachitika kubabo walwitiko.'' ²⁴ Mwalubilubilo uwise wa mwana akalila sona akati, ''ngwitika! nyafwe mubushita kwitika kwangu!'' ²⁵ Mwo u Yesu aketa ichilundilo chikukinda ukubuka kukwake, akashikemela imbepo inyali sona akati, ''we mbepo iya bochinunu nukushita kupulika ngukulamula uwe, fumamwo mumwake, sona atakingilaghemo sona mumwake.'' ²⁶ Yikakuta nukufulunganyia ngani nukufumamwo mumulumyana yula. Umulumyana yula akaboneka ngati mundu yuyo akafwa, papo abingi bakatingi, ''afwile.'' ²⁷ Lole u Yesu akamukola pakakono nukumunyamula mumwanya, po umulumyana yula akimilila. ²⁸ Bwo u Yesu ingila munyumba, abafundiwa bake bakamubushikisha kubufwamu, ''choni papo utwe twapotwanga ukukemela?'' ²⁹ Akati kukwabo, ''ishaluko shitangakemeliwa nukufuma lole nukwiputa kwene. ³⁰ Bakafumapo pala nukupululila mu Galileya. Atakalonda nayumo amanye kobakaba, ³¹ akamanyishanga abafundiwa wake. Akababusha akati. ''umwana wa mundu tabikiwe mutukono twa bandu, sona bakuya pakumughogha. Pala aghoghiba, akuya pakushuka pala pakinda amashiku matatu.'' ³² Lole abene batakapulikishanga fifyo akayughagha, sona bakaba nubwogha pakumubushikisha. ³³ po wakisa ku Kapelinamu. Mwo ingila munyumba akababushikisha, ''mwayughisanyanga sha choni musila? ³⁴ Lole batakamubula nachimo. Chifukwa bakakanganagha benebene musila ukuti wini yuyo akaba wisongo ingani pa boshi. ³⁵ Wakila pase, akitisha boshi twelovu (12) pamupene akatikukwabo, ''pala yumo akulonda ukuba wabwandilo, umwene yo akwisa ukuba wa wumalilo kuweshi sona mubombi waboshi. ³⁶ Akamwegha umwana umunandi sona akamunyamula mutukono twake nukugha kukwabo ukuti, ³⁷ ''weshi yo akumwambilila umwana wa luko ulu mungamu yangu yo akunyambililaune; weshi yo akunyambilila une atakunyambilila nene lole yuyo andumite une.'' ³⁸ U Yohani akati kwa Yesu, ''mumanyishi, tukamubona yumo akafumya imbepo inyali mungamu yako sona tukamukanisha, chifukwa atakatukongagha utwe.'' ³⁹ Lole u Yesu akati, ''mutakamukanishaghe, chifukwa atalipo nayumo yo takabombe imbombo shamaka mungamu yangu sona nakalinga pabumalilo ayughe imbibi shimo isha une.'' ⁴⁰ Weshi yuyo atamulughuwitu weyo witu. ⁴¹ Weshi yuyo akubapa ukapu wa mishi ghakunghwa mungamu yungu chifukwa muli kwa kilisitu, nalolingubabula umwe, ata-akapotwe ifyabupe fyake. ⁴² Wishi yuyo akupangisha abana abanandi babo wakunyitika une ukuti banangaghe kisa apinyiwe ibwe ilikulu mushingo nukumuponekesha munyanja. ⁴³ Pala akakono kako kakunangisha, uputule. po kisa ukingile kubwumi nichilema ukulusha ukuba nukukono tubili kugehena, kumulilo ghoghutakumala lumo. ⁴⁴ Mo muli ifwingili shoshitakufwa lumo, sona umulilo ghutakushimapo lumo. ⁴⁵ Pala ichilundi chako chikupangisha ukuti unangaghe uputule. Chisapo ukuti uye wingile kubwumi nichilema ukukinda ukuti ube nifilundi fibili lole bakutaghe ku gehena. ⁴⁶ Mo muli ifwingili shoshitakufwa lumo, numulilo ghoghutakushima lumo. ⁴⁷ Pala ilyiso lyako likukupangisha uwe ukunanga, ulifumye. chisapo ukuti uye wingile ku chitangala cha Chala nilyiso limulyene ukukinda ukuti ube nagho mabili lole utaghiwe mugehena. ⁴⁸ Kuko kuli ifwingili shisho shitakufwa lumo, sona numulilo ghoghutakumala lumo. ⁴⁹ Umundu weshi akuya pakulongeliwa mumulilo. ⁵⁰ Imbeya nyisa, lole pala imbeya yasupa ukunogha,ungayipanga sona buleghe ukuti yinoghaghe? Mube nimbeya pakati pinyu sona mube numutende nabanyinyu.''

¹ U Yesu akisa afuma ubuyo bula nukuya kuchighaba cha ku Yudeya sona ukupulila ulusoko ulwa Yolodani, nichilundilo cha bandu chikisa ku kwakwe. Akabamanyisha sona,isamwo akabombelagha. ² Po abafalisayi bakisa kukwake ukumughela nukumulalusha, ''chikwitikishiwa ukuti umulisha amuleke umukashe wake?'' ³ Akabamula, ''u Mose akabalaghilaki?'' ⁴ Wakati, ''u Mose akitikisha ukuti umulisha amulembele ukalata uwakumuleke umokolo sona nukumufumyapo.'' ⁵ ''Fikaba wubo chifukwa cha kukasha indumbula shinu pakubalembela ululaghilo isalulwo,'' u Yesu akababula. ⁶ Lole ukufuma kubwandilo bwa bupeliwa, 'u Chala akapela umulisha numukolo.' ⁷ Pachikwa ichi umulisha akwisa kumulekagha ubise wake nu ng'ina wake nukuba pamupene numukashi wake, ⁸ sona babili bakwisa kuba mubili ghumuwene. 'Po batakuba bandu babili sona, lole mubili ghumuwene. ⁹ Po linga cho uchala apinya pamupene, nayumo umundu yuyo angapaghulania.'' ¹⁰ Mobali munyumba,abafundiwa wakisa wambushikisha sona pafifi. ¹¹ akababula akati, ''weshi yuyo amuleka umukashi wake nukwegha umukolo uyungi mwo amupangila ubomalaya. ¹² Linga umukolo amuleka umulume wake nukweghiwa numulisha uyungi, mwo amupangila ubomalaya.'' ¹³ Pobakisa nutwana utunandikukwake ukuti atupalamashe ninyobe, polole abafundiwa bakabakalipila. ¹⁴ Lole mo u Yesu ashaghania atakahoboka nabo akati kukwabo, ''mubitikishe abana abanandi bise kukwangu, sona mutakabaleshe, pakuti ubunyafyale bwa Chala bwa bobali ngati bana. ¹⁵ Naloli ngubabula ukuti weshi yuyo atakwisa ukupokela ubunyafyale bwa Chala ngati twana atakwisa pakwingila. ¹⁶ Po akanyamula abana mutukono twake nukubasaya pakubika utukono twake pa babo. ¹⁷ Mwo anda ubulendo bwake umundu akisa amukindilila nukufughamila sona nukulalusha, ''mumanyishi umwisa mbombe shachoni ukuti imbwaghe ubumi bwa bwilanabwila?'' ¹⁸ U Yesu akati, ''choni chicho mukuti ne mwisa? nayumo we mwisa lole uchala mwene. ¹⁹ Ushimenye indaghilo; utakaghoghe, utakapangaghe ubo malaya, utakibaghe, utakabikilaghe ubokaboni ubwabumyashi,ubumyashi hagha, umughindike ughuso nu nyoko.'' ²⁰ Umundu uyo akati, ''manyishi fyoshi fifyo ngufikongesha ukufuma kubu keke bwangu.'' ²¹ U Yesu akamuketelesha nu lughano. Akamubula akati, ''usobelewa ichindu chimuchene. Ubaghile ukughulisha ifindu fyako fyoshi nukubapa abapina,po tiwise ube nifyuma kumwanya.Powise, ungonge.'' ²² Po chifukwa cha mashu agha akaboneka wachitima ngani nukubuka kushi ukuhoboka, chifukwa cha fyuma ifingi fyo akabanafyo. ²³ U Yesu akatesha koshikoshi nukubabula abafundiwa bake, ''chifukwa buli chipala ukuti abandu abakabi bayebingile kubunyafyale bwa Chala!'' ²⁴ Abafundiwa bakashigha namashu ghake. Lole u Yesu akati sona, ''abana chipala buleghe ukwingila kubu nyafyale bwa Chala! ²⁵ chipepe sana ukuti ingamila yingile pilyiso lya sindando nukulusha umundu umukabi ukwila kubunyafyale bwa Chala.'' ²⁶ Wakashigha leka nukuyughisania bene, ''po wini we angapokiwa?'' ²⁷ U Yesu akabaketa nukuti, ''nabandu chitangabombiwa lole nu Chala. Pakuti nu Chala fyoshi ifindu fyakubombiwa.'' ²⁸ U Peteli akanda pakuyugha kukwakwe, ''tesha , tufilekite fyoshi nukukukonga uwe.'' ²⁹ U Yesu akati, ''naloli ngubabula, patapo yumo yuyo aleketi inyumba yake pamo abakulu pamo abayemba pamo ung'ina pamo pamo uwise pamo abana chifukwa cha une nubulumbilili bwane ³⁰ batangapokekela kahandiledi tayimuzi mu chisu ichi; inyumba nabo mukulu nabomuyemba nabomayi nabana nimighunda, mukufwimiwa, nichisu chochikwisa mundashi, nubumi bwa bwilanabwila. ³¹ Loliawingi bobabwandilo basukuba babumalilo, nababumalilo kubwandilo.'' ³² Bakaba mumusebo uwakuya ku yelusalemu, u Yesu akatangila pandashi pabo. Abafundiwa bakashigha , sona nabo wakwakongagha kunyuma bakaba nilyogha. Po u Yesu akabeghela pambali abafundiwa twelovu(12) sona nukwanda ukubabula ukuti choni chicho tichimobonekele. ³³ ''keta tukulya ku yelusalema, sona umwana wa Mundu akuya pakupekiwa ku baputi nawalembi. tibamupe inongwa yakubufwe nukumupeleka kubakusi. ³⁴ Wakwisa pakumuseka, nukumufwinila amati, nukumuchapula, nukumubika kubufwe. Lole pala pakinda amashiku matatu akwisa ukushuka.'' ³⁵ U Yakobo nu Yohan, abana ba zebediya, bakisa kukwake nukuti, ''mumanyishi, tukulonda ukuti utubombele chicho tungasuma.'' ³⁶ Akababusha akati, ''mukulonda chonichicho imbabombele?'' Wakati, ³⁷ ''utwikishe ukuti twikale nuwe mukulu bwako, yumuyuwene kumwisa nuyungi kushomi.'' ³⁸ Loli u Yesu akabamula akati, ''mutakumanya fifyo mukusuma. Mungakwanisha ukung'wela ukapu yuyo ngwisa ukung'wela pamo nukuwa mu losho lwo ngwisa ukoshiwa?'' ³⁹ Bakamula bakati, ''tubaghile.'' U Yesu akababula akati,ukapu yuyo ngwisa pakung'wela numwe, timwise mung'we, nu lyosho lyo musukoshiwa, numwe timukoshiwe. ⁴⁰ Lole yuyo tiise ikale kukakono kamwisa pamo akashomi teshangu pakubika, lole fya boshi babo babatendekeshile.'' ⁴¹ Bo abafundiwa abangi teni(10) wafipulika ifi, bakanda ukumukalalila u Yakobo nu Yohani. ⁴² U Yesu akabitisha boshi kukwake nukubabula ukuti, ''mubamenye bobamanyikitwe ukuba balongoshi babandu ba kuse babikalile, nabalongoshi bapamwanya bakubalamulila babo. ⁴³ Lole tefikabe bwubo papinyu. Weshi yuyo akulonda ubosongo abe mutumwa ku banine, ⁴⁴ naweshi yuyo akulonda ukuba wabwandilo abe mutumwa wa boshi. ⁴⁵ Pakuti umwana wa Mundu atakisila ukuti bamobombelaghe lole ababombelaghe, nukubika ubumi bwake ukuba chabupe kubingi.'' ⁴⁶ Wakisa ku yeliko. mwo afuma mu yeliko nabafundiwa bake nichilundilo ichikulu, umwana wa Timeyo,Batimeyo umufwa maso uwakusumasuma akikala mumbafu mumusebu. ⁴⁷ Bo apulika ukuti wi Yesu uwa kunazaleti , akanda ukukolela nukuyugha ukuti, Yesu mwana wa davide, mbelele ichisa!'' ⁴⁸ Abandu abingi bakamukalipila uwakufwa amaso, bakamubusha ukuti abe mye. Lole po akakolela ngani , ''mwana wa davide, mbelele ichisa!'' ⁴⁹ U Yesu akabalesha nukubalamula ukuti wamwitishe. Po bakamwitisha umufwe maso ukuti, ''ubemukifu! nyamuka! Akukwitisha.'' ⁵⁰ Akatagha ichakufwala chake, nukunyela mumwanya, nukwisa kwa Yesu. ⁵¹ U Yesu akamwamula akati, ''choni cho ukulonda ingubombele uwe?'' umufwa maso akati, ''mumanyishi ngulonda ukupokela ukutesha.'' ⁵² U Yesu akamubula akati, ''buka. Ulwitiko lwako lwakuposha.''papo napapo akanda ukutesha son, nukwanda ukumukongesha mumusewu.

¹ Bobakwisa kuyelusalemu, bakaba kupipi ku Betifage naku Betaniya pighamba ilya Oliva, po u Yesu akatuma abafundiwa bake babili ² akababula akati, ''buka kukaya kokaketanite nutwe. Pomukwingilashe, tiye mumwaghe umwana wa nang'oshi yuyo batendilepo lumo. Mumwabule mwise nawe kukwangu. ³ Linga yumo akuwalalusha ukuti, 'choni chicho mukubomba fifi?' muti 'Umalafyale akuyilonda sona akwisa pakunyosha mwalululu.'' ⁴ Bakisa babuka bagha umwana wa nang'oshi apinyiwe pamulyango kuse kwa tusila twa nyumba sha bandu, bakamwabula. ⁵ Abandu bobakimilila papo wakati, ''mokubomba choni, pakwabula umwana wa nang'oshi?'' ⁶ Wakayugha ukuyana namumwo u Yesu akababushikisha, po abandu bakabaleka nukupitilisha ubulendo bwabo. ⁷ Wakisa numwana wa nang'oshi kwa Yesu nukwanda ukuponia ifyakufwala fyabo pa mwana wa nang'oshi, nukwikalapo. ⁸ Abandu abingi bakanda ukuponia ifyakufwala fyabo mumusebu wamo abingi bakaponia amani gho bakapyolagha mumikuyu. ⁹ Boshi bo bakaba pandashi pake nabo bakakongagha bakakwesha amashu, ''Osanaa! musayiwa we akwisa mungamu ya Malafyale. ¹⁰ Wukusayiwa ubunyafyale bubo bukwisa u bwatata u Davide! Osanaa kumwanya!'' ¹¹ Po u Yesu akingila mu Yelusalemu nukubuka muchalichi mo akisa atesha moshi mula nukutesha choshi chila. Mwo akabalilo kakinda akisa abuka ku Betania nabafundiwa bake twelovu(12). ¹² Ishiku ilingi bobafuma ku Betania, isala yikisa yamubaba. ¹³ Pakutesha ikokwe ilya mukuyu pabutali, akabuka pakutesha linga angashagha iseke shimo, lole mwo isa papo akaghagha amani ghene, pakuti katakaba kabalilo kakwelela iseke. ¹⁴ Akaliyughila akati, ''nayumoyumo yuyo tiakalyemo .'' Abafundiwa wakapulika. ¹⁵ Wakisa ku Yelusalemu, nukwingila muchalichi nukwanda ukutishamo bobakaghulishanga nukughula muchalichi. Akang'anamulania amatebulo ghagho bakachenjaghelaghapo indalama nifyakwikalila fya bandu bo bakaghulisha ingunda. ¹⁶ Atakitiukisha nayumo uwakwisa nichakughulisha ku chalichi. ¹⁷ Akabamanyisha nukuti, ''shitalembiwe ukuti, 'inyumba yangu yikwisa ukwitikishiwa nyumba yanyiputo ku bandu boshi?' Lole mwayipanga ukuba nyumba ya bifi.'' ¹⁸ Awaputi abosongo nabasimbi bakapulika fyo akayugha, bakanda ulonda isila yakumughoghela. Bakoghopagha chifukwa ichilundilo chikaswighagha nifimanyisho fyake. ¹⁹ Mo akachisi kanda ukwanda, abandu bakafumamo mukaya. ²⁰ Mobakwenda pangelo bakalibona ikokwe lwa mukuyu lyumite nimishishi. ²¹ U Peteli akakumbuka nukuti, ''tesha! ikokwe lya mukuyu lyo akalighuna lyumite.'' ²² U Yesu akabamula akati, ''mube nulwitiko mwa Chala. ²³ Nubwanaloli bwoshi weshi yutise ayughe kwighamba, 'nyamuka wiponie wimwene munyanja,' sona linga atakukayikila mundumbula yake lole akusubila cho ayughite chikwisa ukubombiwa, chocho Uchala akwisa kuwomba. ²⁴ Po ngubabula ukuti, ''choshi cho ukwiputa nu kusuma usubile ukuti wachipokela,sona chikwisa pakuba chako. ²⁵ Linga wimilila nukwiputa, ubaghile umuhobokele weshi yuyo ulinawe nichifukwa ukuti u Ghuso wako we ali kumwanya akuhobokele imbibi shako.'' ²⁶ Linga utakuhobokela nu Ghuso wako yo ali kumwanya atakwisa pakukuhobokela imbibi shako. ²⁷ Wakisa sona mu Yelusalemu. Wo u Yesu akwenda ukuya mu muchalichi, awaputi abosongo, nabasimbi, nabosongo ba chalichi wakisa kukwake. ²⁸ Bakati kukwake, ''ubulaghili ubu ukubwagha koki pakubomba ifindu ifi, sona wini yuyo akukupa ululaghilo ulu?'' ²⁹ U Yesu akabamula akati, ''timbalalushe ibusho limuliyene mumbule nune timbabule ko ngalyagha ululaghilo lyo ngubombela ifi. ³⁰ Ulwosho lya Yohani, lukafuma kumwanya pamu kubandu?Nyamule.'' ³¹ Wakayungisania bene nukususania nukuti, ''linga twati, 'kufuma kumwanya, 'ndise ati, 'choni chicho mutakamusubilagha?' ³² Lole linga tukuti, 'kufuma kumundu,'... .'' Wakoghopagha abandu, pakuti weshi akashimikishilwa ukuti u Yohan akaba mukunguluka. ³³ Po wakamwamula u Yesu ukuti , ''tutakumanya.'' Po u Yesu akati, ''nune tembabushe kuko nilyaghite ululaghilo ulu.''

¹ Po u Yesu akanda pakumanyisha mufyili. akati, ''umundu akalima umughunda wa ngano, akasengesha ulupaso mambafu, sona akakumba ichibwina chakukamilamo ingano. Akasenga akatembe ka balinda po akabalekela bo bakulimiolila umughunda ghulaghula. Po akisa afumapo. ² Pakabalilo kakwenelela, akatuma uwambombo ku bo wakalimililagha umughiunda wa ukuti aye apokele iseke pamu ipindu lyakumila ku muhunda. ³ Lole abalimi bakamukola, nukumubwesha kushita ukumupa nakamu. ⁴ Akatuma uwambombo utungi, bakamufulasha mumutu sona bakamunyasha mwakukosha isoni. ⁵ Akatuma sona uyungi, uyu wakamughogha. Bakabomba kubingi musilayiyi, bamo bakakomiwanga bamo bakaghoghiwanga. ⁶ Akaba sona numundu yumuyuwene ukuti amutume, umwana umughaniwa. Akaba wabumalilo ukuti amutume. Akati, 'Tibamuchindike umwana wangu.' ⁷ Lole abalimi wangano bakayughisania wakati, 'uyu wakupyana. Satumughoghe, po imbyana tiyibe yitu.' ⁸ Bakamukola, nukumughogha, nukumufumyamo mumughunda wa ngano. ⁹ Po umwenecho wa mughundu akwisa kupanga choni? Akwisa pakunanga abalimi wa ngano sona akwisa pakubapa abangi umughunda. ¹⁰ Mutabelengite amasimbo agha? ''ibwe lyilyo abafundi bakalikana lyolyo likakola pakona. ¹¹ Ili lya kufuma kwa malafyale, sona ichi chakuswighisha mu maso ghitu.'' ¹² Po umulongoshi wa bayuda akalondagha ukumukola u Yesu chifukwa chakuti akayugha mufyili ifyakukwafyana nabo. Lole bakoghopagha ichilundilo. Po bakisa bamuleka nukubuka. ¹³ Po bakisa babatuma abafalisayi naba luko lwa Helodi ukuti baye bamughele mumashu. ¹⁴ Mwo bafika, bakati, ''mumashi tushimenye ukuti utakumubombela umundu ichisa pakumuketa kumaso. Naloli ukumanyisha isila isha Chala. Shingaba ndaghilo ukuti tubikaghe umusongo kwa kesali pamo hagha? Tubikaghe pamu hagha? ¹⁵ U Yesu akamanya ubumyashi bwawo akati, ''choni chicho mukungela? Sanindalama iyo injiteshe.'' ¹⁶ Wakisa noyo yimuyene kwa Yesu . Akati, ''ka indalama iyi ni cheni ichi chawini?'' Wakati, ''yakesala.'' U Yesu akati,'' ¹⁷ Mupe ukesala fyofya kesala, sona umupe uchala fyofya Chala.'' Po wakamuswigha ngani. ¹⁸ Po abasandukayi, bobakayughagha ukuti kutaliko sona ukushuka, bakisa kukwake. Bakabushikisha ukuti, ¹⁹ ''Mumanyisi u Mose akatusimbila , 'linga umulisha afwa nukumuleka umukashi, atapapite umwana, umuzuna wake angegha umukolo wamukulu wake nukunyamusha nawe imbeyu sha mukulu wake. ²⁰ Paka abakulu seven; ubwandilo akamwegha umukolo sona akafwa, atakaleka imbeyu nayumo. ²¹ Po uwabubuli akamwegha wepe akafwa, ukushita kulekamo imbeyu nu wabutatu fikaba bubu. ²² Po bala seveni batakaleka imbeyu. Pubumalilo bwa fyoshi umukolo wepe akafwa. ²³ Pakushuka, ka umukolo yula akaba wawini? Pakuti boshi bala seveni bakamwegha.'' ²⁴ U Yesu akati, ''ichio tacho chifukwa mukupufya, chifukwa mutaghamenye amasimbo. ²⁵ Pa kabalilo kakushukila kutaliko sona ukweghana, loli bali isa bangelo bakumwanya. ²⁶ Lole ukukwafyanai nubufwe bwo bwisile, mutabelengite mubuku lya mose, ifya mashu ghoghukuyugha nisha kwaka kwa mapanya, namo u Chala akayughila ukuti, ''Ne Chala wa Abulahamu sona ne Chala wa Isaki nu chala wa Yakobo'? ²⁷ Te wi Chala wa bafwe hagha, lole wi Chala wa babwumi. lole mukupufya.'' ²⁸ Umusimbi yuyo kasusania nu Yesu; akagha ukuti u Yesu abamula akisa ingani. akabusha kwa yesu akati, ''lulaghilo luki lo lukulu kukinda indaghilo shoshi? ²⁹ U Yesu akati, ''ululaghilo ulwenecho lwo ulu, pulika, isilayeli, u Chala witu, u Chala ali yumuyuwene. ³⁰ Umughane u Chala wako nindumbula yako yoshi ninyinong'ono shako shoshi sona namaka ghako ghoshi. ³¹ Ulaghilo lwabubili, 'umughane umupalamani wako isa mumwo wighanila wemwene.' Patalipo sona ululaghilo ulungi ukulusha pa ishi.'' ³² U mulembi akati, ''Wayugha akisa, mumanyioshi! Naloli bakuyugha ubwanaloli ukuti uchala ali yumuwene sona atalipo nayumo uyungi ukukinda uwe. ³³ Nukumughana nindumbula yoshi sona nukumupulikisha namaka ghitu ghoshi nukughana abapalamani witu isa mwo twighanile utwe twibene. ukupota ikemo lyakupya nukughogha. ³⁴ Mwo u Yesu atesha ukuti amula kisa akati, ''Utakubutali nubumwene bwachala.'' Ukwanda pakabalilo ako patabapo nayumo yuyo akabusha amabusho. ³⁵ Mwo u Yesu akali akumanyisha munyumba ya Chala akati, ''Chingaba buleghe ukuti abasimbi batingi ukilisitu mwana wa Davide? ³⁶ U Davide mwene, mwambepo mwikemo, akati, 'uchala akuyugha nu Chala wangu, Wikale kukakono kangu akamwisa mupaka imbapangishe abalughu bako bapotwe. ³⁷ u Davide pamwene akamitisha ukuti 'Malafyale' po kungaba buleghe ukuti ukilisitu abe mwana wake? ichilundilo mwakuhoboka chikapulikisha. ³⁸ Mufimanyisho fyake, u Yesu akati, ''muchebe nabasimbi, bo bakwighana pakwenda nukufwala imiselekesha imitali ukuti abandu babalamukaghe nukubaghindika mumisika, ³⁹ Sona bakulondagha imipando imighindikiwa mumasinagogi namumalo gha lusekelo. ⁴⁰ Wakubashimbula abafwilwe munyumba shabo sona bakwiputa inyiputo indali ukuti abandu babaketaghe. Abandu aba tibakapokele ukufundiwa ukukulu.'' ⁴¹ U Yesu akikala papipi pachakusopelamo indalama icha nyumba ya Chala, akaketagha mwo abandu bakasopelagha. Abingi abakabi bakasopagha indalama ingulu. ⁴² Po umufwilwe umupina akisa nukusopamo utundalama tubili muchakusopelamo utwakuyana nakandalama kachela kamukene. ⁴³ Akabitisha abafundiwa bake nukubabusha ukuti, ''Bwanaloli ngubabusha umwe, umufwilwe umupina uyu asopamwo ukukinda boshi bo basopamwo muchakusopelamwo. ⁴⁴ Pakuti boshi bakafumya mwa fyo bakaba nafyo. Lole umufwilwe uyu, mubupina bwake, asopa indalama shoshi sho akaba nasho ukuti shimusungaghe.''

¹ Bwo u Yesu akwenda ukufuma kutempile, umufundiwa yumo akayugha kukwake, ''Mumanyishi, keta amabwe amisa sona inyumba ishisa!'' ² Akayugha kukwake, ''ka kushiketa inyumba ingulu ishi? Patalipo ibwe limo lilyo likuya pakushala pamwanya palinine lyo telikasenuliwe pase.'' ³ Bwo ikalite pighamba lya Olivesi lyo likaketana nitempile, Peteli, Yakobo, Yohani , nu Andileya bakamubushikisha kubutitu, ⁴ ''Tubushe, kabalilo kaki ko ifi tifikabombiwe? ichimanyikisho tichikabe choni po fyoshi ifi tifikabombiwe?'' ⁵ U Yesu akababula akati, ''Mube maso ukuti nayumo atakabasofye. ⁶ Abingi tibakise mungamu yangu nukuti, 'Indi pano,' sona tibakabasofye abingi. ⁷ Pala mukupulika isha bwite sona nupango twa bwite, manye mukapashange; Ifindu ifi fibaghile fibombiwe, lole ubumalilo bukali. ⁸ pakuti ichisu chikuya pakuchisanukila ichisu ichinine, sona ubunyafyale nubunyafyale ubunine. tikukabe utusenyenda mumabuyo amingi, sona nisali. Ubu bo bwandilo bwa kupiwa ifyakubaba. ⁹ ''Muchebe. Tibakabasbikaghe ku filundilo, sona mukuya mukuya pakukomiwanga mu masinagogi.mukuya pakwimilila pandashi pabalongoshi nabanyafyale chifukwa changu, ngati bokamboni kubabop. ¹⁰ Lole amashu amisa ghabaghile tashi ukuti ghalambiliwe kufyisu fyoshi. ¹¹ Pala bakubapinya sona bakubabika, mutakapashaghe pa fyo timukayughaghe. Pakuti mukabalilo kala, fyo timukayughaghe timukapeghiwe; temwemwe timukayughaghe lole umbepo mwikemo. ¹² umukulu numuzuna tibakabikanaghe kubufye, uwise nu mwana. Abana bakuya pakubanyamukila abapapi babo nukubabika kubufwe. ¹³ mukuya pakubengiwa chifukwa cha ngamu yangu. Lole weshi yuyo akupilila akufika pabumalilo,umundu yula akuya pakupona. ¹⁴ '' Pala mwisa mwatesha ifindu fyifyo fya mwiko nafifyo fikanishiwe fyimilila papo fitabaghile ukwimila,''(leke we abelenga apulikishe) ''leka babo bali mu yudeya babuke kumaghamba, ¹⁵ muleke yo ali pamwanya pa nyumba ukuti manye ikaghe kuya pase pamu ukwegha fimo ukufuma mula, ¹⁶ sona baleke bobali mumughunda ukuti manye aghalukile pakwegha ifyakulya fyake. ¹⁷ sona baleke bobali nabana mulukwe na kubabo bakongesha abana mumashiku ghala! ¹⁸ Iputa ukuti manye shikakubombekele mukabalilo kambepo. ¹⁹ Pakuti tighakabe mashiku gha ndamyo ingulu, isa mumwo shitakabwela kubwandilo, pakabalilo ko u Chala akapelagha ichisu, mupaka nulu, nashiku, tafikabeko sona. pene papo ²⁰ u Chala aghalushako amashiku, nayumo yuyo akuya pakupona. Lole chifukwa cha basaliwa, bala bo akabasala, akafumyako amashiku. ²¹ Pala yumo akuyugha kukwinu, 'keta, ukilisitu ali panu!' pamu 'keta ali pala!' mutakashisubile sho. ²² Pakuti aba kilisitu babumyashi sona nabakunguluka babumyashi tibakaboneke sona tibakaboneshe ifimanyikwilo nifyakuswighisha pakuti babashimbule, pala chakwitikishiowa, nukuwa sala. ²³ muchewe! nababusha fyoshi ifi po akabalilo kakali pakukwana. ²⁴ Lole pabumalilo bwa ndamyo mmumashiku ghala, 'ilisuba likuya ukuba chisi, umweshe taghukabalaghe, ²⁵ Indondwa shikuya pakubanga ukufuma kumwanya, sona namaka gho ghali mumwanya ghakuya pa kuneneng'enia.' ²⁶ Popapo bakuya pakuketa umwana wa mundu akwisa mumabingu namaka amakulu sona nubushisha. ²⁷ Po akuya pakutuma abandumi bake sona akuya pa kubungania pamupene abasaliwa bake ukufuma kumbafu folo isha mbepo,ukufuma kubumalilo bwa chisu ukufika kubumalilo bwa kumwanya. ²⁸ Manyila ichimanyisho ukufuma kumukuyu, nakalinga pala isamba shaba ndeta sona pala shabika amani, mukumanya ukuti ichishiku chapalamila. ²⁹ Pala muketa ifindu ifi fikubombiwa, mumanye ukuti ali papipi ngani nimilyango. ³⁰ naloli ngubabula umwe, ''ingulile iyi tayikashile penepo ifi fyabombiwa. ³¹ Ichisu chakumwanya nicha pase fiyukushila, lole amashu ghangu taghakashile lumo. ³² Lole pakuyana nishiku pamu nakabalilo, nayumo yo ashimenye, napo bandumi abakumwanya, napo mwana lole uwise. ³³ ''Banga maso! tesha, chifukwa mutakukamanya akabalilo mwo kabelile. ³⁴ Shili isa mundu yuyo akaya pabulendo----akuyileka inyumba yake sona akabika abambombo uketelesha inyumba yake, sona ukubalamulila abalindiliukuba maso. ³⁵ Po mwitendekeshe mube maso chifukwa mutakumanya akabalilo ko umwene nyumba akuya pakwisila pakaya; yingaba ilya namasuba, pakati pabushiku,pakabalilo ko abobisa bakulilila pamu pangelo. ³⁶ Pala angisa umwa kunyomoshiwa, mutakamwitikishe ukuti abaghe mupitile. fyo ³⁷ nguyugha kukwinyu nguyugha ku weshi; Tesha!''

¹ Po mo kwasha amashiku ghabili agha pa sakaka sona nakabalilo kakulya ichabama chochita nifilungo. Aputi abosongo nabasimbi bakalonda mumwo bangamukolela u Yesu mubuchefuchefu nukumughogha. ² Po bakatingi, ''osati pakabalilo kakusekelela, ukuti manye bise bapangishe ifyongo kubandu.'' ³ U Yesu akaba ku Betaniya munyumba ya Simoni uwa mambombo, po akanoshanga pa mesa, umukolo yumo akisa ni supa yamafuta aghakunungila akabwafula ichikupikisho chapamwana namafuta ghakamukupukila pamutu. ⁴ Lole abandu bamo wakakala. Wakayugha pabene bakati, ''choni chicho bakukomania? ⁵ Amafuta agha ngali ghaghulishiwa nindalama shakupululila amadinale fili handiledi, nukubaghabila abapina.'' Po bakamukalalila umukolo yula. ⁶ Lole uysu akati, ''muleke mwene. Chifukwa chiki mukumutamia?Abomba ifindu ifisa sana kukwangu. ⁷ Muli nabapina akabalilo koshi linga mwighanite mungababombela ifisa, lole temube nune akabalilo koshi. ⁸ Abomba fifyo enelile ukubomba. Ambakashila nganila umubili wangu mo batashilite. ⁹ Bwanaloli ngubabusha ukuti, ''muchisu moshi mumwo amashu amisa ghakulumbiliwa, fyofyo umukolo uyu abomba tifikakumbukiliwaghe. ¹⁰ Po u Yudasi isikaliyoti, yumo mwa bala twelovu(12) akabuka ku ba puti abosongo ukuti amuwike u Yesu kubabo. ¹¹ Mwo abaputi bapuli ifi, bakahoboka nukupangana nawe ukuti tibamupe indalama. Wakanda pakulonda isila iyakuti bangamupelekela linga pangaba ulusako. ¹² Pishiku ilya lusekelo ulwa chibama chochita nifilungo, pobakaghoghelagha abana ba nang'oshi ba pasaka, abafundiwa bake bakabusha bakati, ''ukulonda kughu kuko tuye tukunoshekeshele, ko ungaya ulye ichakulya icha pasaka?'' ¹³ Akatuma abafundiwa bake babili nukuti, ''muye mukaya, timuye mukumane nu mundu yo anyamwile ingumbe iya mishi mumukonge. ¹⁴ Poshi po akwingila munyumba, mumukonge muye mubushe umwenecho wanyumba, 'umumanyishi atili, ''chili kughu cho tialye upasaka nabafundiwa bake?'' ¹⁵ Tiaye abasondele ichipinda ichapanya ingani cho batendekeshishe kale kale. muye mutendekeshe fyoshi ifya utwe.'' ¹⁶ Abafundiwa bakafuma nukubuka mukaya kala. Bakagha fyoshi isa mwo akababushikisha, nukwanda ukutendekesha ichakulya chapasaka. ¹⁷ Pakanamasuba, akisa nabala twelovu(12). ¹⁸ Pomwo bikala pa mesa nukulya, u Yesu akati, ''Naloli ingubabusha, yumo mwa umwe yuyo ngulya nawe tiakambeleke kubalughu.'' ¹⁹ Woshi bakaba nichima, po yumuyuwene yumuyuwene akati, ''Naloli tenene hagha?'' ²⁰ U Yesu akabamula ukuti , ''yumuyuwene mwa umwe twelovu yo ingulya nawe imbale yimuyene. ²¹ Pakuti umwana Wamundu ti akabuke mumwo fisimbiwe ifya umwene. Lole wamukoshi yo umwana wamundu akuya pakupelekiwa. wamukoshi yuyo akwisa ukumubika umwana wamundu ku walughu! Chikapo chisa kukwake ngali atakapapiwa nukupapiwa.'' ²² Mobalipakulya, u Yesu akegha ichibama, akachisaya, nukuchimenyula. akabaghabila nukuti, ''egha. Ughu ghogho mubili wangu.'' ²³ Akegha ukapu, akapalisha, nukubaghabila, po boshi bakaghwa. ²⁴ akababusha akati, ''ili libanda lya lufingo lwanne. Ibanda lyo likupukile abingi. ²⁵ Naloli ngubabusha umwe, tangaghwe sona lumo numwe ichikomwa chamafilu(vine) ukufikila pishiku lyo ngwisa kughwa ifipya mubumwe bwa Chala.'' ²⁶ Bwobimba ulwimbo, bakabuka kwigha lya Oliva. ²⁷ U Yesu akababula akati, ''Mweshi umwe mukwisa pakukinda papo lisimbiwe ukuti, 'mukwisa ukughogha umutimi po ing'oshi shikwisa pakusata.' ²⁸ Lole pala nisa nashuka, ngwisa pakuwa pandashi papinyu mu galileya.'' ²⁹ U Peteli akati kukwakwe, ''napo boshi banganyokela, une hagha.'' ³⁰ U Yesu akamubula akati, ''naloli ngukubusha uwe, umusughu--inga, ubushiku bwa musughu--mwo umukolwe atabilikile kabili ukwisa ukungana katatu.'' ³¹ U Peteli akati, ''linga ningafwa pamupene nuwe,ndangise ngukane,'' Boshi bakapangana. ³² Bakisa pa bwuyo ubwa Getisemani, u Yesu akati kubafundiwa, ''ikala panupanu po une ngwiputa.'' ³³ Akamwegha u Peteli, yakobo, sona nu Yohani po akanda pakuwishiwa nukutamiwa sana mundumbula. ³⁴ Akababula akati, ''indumbula yangu yikutamiwa leka, ukfikila pafundo yakufyila.Mube panupanu muteshange.'' ³⁵ Mwo aya pandashi panandi, u Yesu akisa ikala pasi nukwiputa ukuti linga kwabaghile akabalilo kala ngali kamupululila. ³⁶ Akati, ''Abba, baba, ifindu fyoshi fipepe ku kwako. tisha ukapu uyu ukufuma kukwangu. Lole utakabombe ubwighane bwangu lole ubwako.'' ³⁷ Akisa aghaluka nukwaghe bapitile, akamusha u Peteli akati, ''Simoni,ngimba kupitila? Utangatesha pa awala limulyene? ³⁸ Mube maso nukwiputa ukuti mutakise mwingile mungelo. umbepo akulonda lole umubili ghupepu.'' ³⁹ Akabuka sona nukwiputa, nukupyanisha sona amashu ghagha. ⁴⁰ Mo isa sona, akaghe bapitile, papo amaso ghabo ghakang'wama. Batakamanyagha shisho bakayughagha kukwake. ⁴¹ Akisa ilyabutatu nukubabula ukuti, ''mukali napa mupitile nukutusha? Kakwana! akabalilo kafika. Tesha! umwana wa mundu akuya pakuwikiwa mutukono twa batulanongwa. ⁴² Nyamuka sagha tubukaghe.tesha, yuyo akuya pakumbika ku balalughu ali papipi.'' ⁴³ Mwo akali akubukilila pakuyugha, u yudasi, yumo muwa twelovu, akafika, sona ichilundilo ichilundilo ichikulu chikaba nawe nifipeni pamupene nindubu, ukufuma kubaputi abosongo, abasimbi, nabosongosongo. ⁴⁴ Yo akabaghila ukuti amuke mutukono twabo akapanga kale ichimakwilo, akati, ''yonamufyofyonaweyuyo.mumukole nukumupinya nukubuka newe kubalindilili.'' ⁴⁵ Mwo u Yudasi afika, paponapapo akisa kwa Yesu akati, ''Rabbi,'' akamufyofyona. ⁴⁶ Po bakabika utukono papake nukumukola. ⁴⁷ Lole yumuyuwene mubabo akanyamula umupeni nukumubegha umubombi wa muputi usongo ichufyo. ⁴⁸ U Yesu akababula akati, ''mukwisa ngati mwaya koku mughoghi nifipeni nindughu ukuti mungole? ⁴⁹ Pongaba numwe ishiku lyoshi sona ngamanyishagha mu tempeli, mutakangola. Lole ifi fikapangiwa ukuti amasimbo ghakwanilishiwe.'' ⁵⁰ Woshi bobakaba nu Yesu bakakinda. ⁵¹ Umulumyana yumo yuyo akipinya numwenda wene mumubili, akamukongagha u Yesu. Mwo abalisha ba mukola ⁵² akawuleka umwenda ghula nukukinda ngule. ⁵³ Wakabuka nawe ku muputi usongo. Bakabungana pamupene nawe aputi abosongo, abosongosongo, nabasimbi. ⁵⁴ U Peteli akamukongagha akba pabutili, pabuyo po abaputi abosongo bakikala. Akila pakati pabalindili, bobakaba papipi nu mulilo ukuti batukilaghe. ⁵⁵ Pakabalilo kalakala abaputi abosongo nichilundilo cha balongoshi aba chiyuda bakalondagha ulushimikisho ukuti bamughoghe u Yesu. ⁵⁶ Lole batakalwaghagha nalumo. Abingi bakisa nishimikisho ishabumyashi ishakumulonga, lole pope ishimikisho shabo shitakakolagha. ⁵⁷ Wamu wakisa nishimikisho ishabumyashi kukwae; bakati, '' ⁵⁸ tukamupulika akuti, 'Tingabongole itempile ili lyo lisengiwe nutukono, pa mashiku matatu tingasenge inine ukushita utukono.'' ⁵⁹ Lole pope ishimikisho shabo shitakakolagha. ⁶⁰ Uputi usongo akimilila pakati pabo akamubushikisha u Yesu, ''utanichakwamula? fyoshi ifi fyo abandu bakushimikisha fya uwe?'' ⁶¹ Loli akabashe myaa atakamula nachimo. Umuputi usongo akamubushikisha sona akati, ''we kilisitu umwana wa musayiwa?'' ⁶² U Yesu akati, ''Nene; sona timukateshe umwana wa mundu po ikalite kukakono akamwisa akamaka sona akwsa namabingo agha kumwanya.'' ⁶³ Umuputi usongo akanyepula imiselekesha yake akati, ''Tukali ytukulonda ubokamboni? ⁶⁴ Mwipulikila. ifundu yinu yakuti choni?'' Woshi bakamubukila ukuti yoyo akulonda ubwufwe. ⁶⁵ Bakanda pakumufwinila amati nukumushighila pamaso nukumukoma nukuyugha ukuti, ''Laghula!'' Abosongo songo bakamwegha nukuya pakumukoma. ⁶⁶ Mwo u Peteli akali mukati mubuyo mulamula, yumo umulindu wakabombelagha kwa muputi akisa kukwake. ⁶⁷ Akamuketa u Peteli akwitukisha mwene akisa amutesha papipi nukuyugha ukuti, ''Nuwe ukaba poka nu Yesu, uwa ku nazaleti.'' ⁶⁸ Lole akakana, nukuti, ''ndakumanyapo sona ndakupulikisha fifyo ukuyugha.'' Po u Peteli akafuma kusila ya kulupaso. ⁶⁹ Po lole umokolo wambombo yula akati amuketa akababusha sona bobakimilila papipi akati, ''umundu uyu ali nawe pamupene!'' ⁷⁰ Lole akakana sona. mwo pendapo akabalilo panandi boshi bo bakimilila bakayughagha kwa Peteli, ''bwanaloli wewe pakuti nuwe we Mugalilayi.'' ⁷¹ Lole akanda pakuyugha amashu aghakwitufya nukulapa ingani, ''Ndakumumanya umundu yuyo mukuyugha. ⁷² Papo napapo ubisa akalila akabubili. U Peteli akakumbukila amashu ghagho u Yesu akamubusha; ''Mwo ubisa atalilite kabili, tukangane katatu,'' Akawa pase nukwanda ukulila.

¹ Pangelo sululu, abaputi abosongo bakakomana pamupene nabosongosongo na basimbi poka nabalongoshi woshi ab chiyuda. Po bakamupinya u yesu nukubuka nawe. Bakaya bamukoleka upilati. ² U Pilati akamubushikisha, ''ngimba we mwene wa bayuda?'' Akamwamula ukuti, ''Isa mowayughila.'' ³ Abaputi abosongo bakamulongagha mu findu ifingi. ⁴ U Pilati akamubushikisha son, ''utakwamulapo nachimo? Tesha ifindu fili filinga fyo bakukulonga nafyo uwe!'' ⁵ Lole u Yesu atakamulapo nachimo u Pilati, po ishi shikamuswighisha. ⁶ PO mukabalilo kalakala aka lusekelo, u Pilati akabafumikisha umupinyiwa yumuyuwene, yuyo bakasuma, ⁷ popaka umundu yuyo wakamwitishanga Balabasi mukati mujele yuyo akaba pamupene naba kusambukila po sona akisa aghogha pakabaliloka kusambukila. ⁸ Ilundilo chikisa kwa pilati nukwand ukumusuma ukuti ababombele isa mumo akababombela pabwandilo. ⁹ U Pilati akabamulas akati, ''muklulonda imbafumikishe uwenene wa bayuda?'' ¹⁰ Papo akashimanya ukuti chifukwa cha kabini chobene abaputi wakisa wamukoleka u Yesu kukwake. ¹¹ Lole abaputi abosongo wakisa bachikologhania ichilundilo ukuti chikolelaghe chitingi u Balabasi yo mumusatule mubuyo bwake. ¹² U Pilati akabamula sona akati, ''po mbombe sha choni numwene wa bayuda?'' ¹³ Bakakolela sona, ''mukomele!'' ¹⁴ U Pilati akati, ''chibibi chicho abombite?'' Lole bakakolela ngani nukubukilila, ''mukomele!'' ¹⁵ U Pilati akalonda achikutishe ichilundilo, po akabasatulila u Balabasi. Akamuchapula u Yesu nukubakoleka ukuti baye bamukomele. ¹⁶ Abasilikali bakabuka nawe pa buyo bwa boma ubwapakati(courtyard), po bakakolela ichilundilo choshi icha basilikali babo bakabanga mufuyo bulabula. ¹⁷ Wakabika umwenda wa pepo pa Yesu, po sona bakaluka ichisote cha myifwa nukumufwalika. ¹⁸ Bakanda pakumughindika nu kuyugha ukuti, ''hayimwene wa bayuda!'' ¹⁹ Bakamukomagha kumutu nulutete nukumufwinila amati. Bakabuka pandashi papake nukumufughamilila. ²⁰ Mwo bamukinya, bakisa bamufula umuselekesha uwa pepu nukumufwika umutelekesha wake, po bakabuka nawe ukuti baye bamukomele. ²¹ Umundu yumo, Simoni wa ku kuleni, akingilagha ukufuma mukaya,(akawa wiwise wa Alekezanda nu Lufasi) po bakamukakamisha ukuti anyamule ichimbinjika. ²² Abasilikali bakisa nu Yesu kubuyo bubo bukitikishangaukuti Gologota(chicho chikusanusha ukuti ''buyo bwafifupa''). ²³ Bakamupa ubwalwa bwa mafilu bo bakongania namafuta gha mule, lole atakang'wa. ²⁴ Bakamukomela nukugabana iselekesha lyake pakupanga uwulaghushi kuti umusilikali weshi asale kako angegha. ²⁵ Kakaba kabalilo kabutatu(third hour) kako bakamukomelela. ²⁶ Pachikokwe bakasimba isha kumulongelela yuyo, ''wi mwene wa bayuda.'' ²⁷ Pamupene nawe bakamukomelela poka nifigabenga fibili, yumo kukakono kamwisa uyngi akashomi. ²⁸ Amasimbo ghakakwanilishiwa ghagho ghakuti, 'Akabelengeliwa nabashita ndaghilo.' ²⁹ Bala bobakendagha papo bakamwobesha nukupusha imitu nukuyugha akuti, ''aha! uwe ungapongolania itempile nukulisenga sona mamashiku matatu, ³⁰ wipoke wemwene sona wipoke pakufuma pachipinjika!'' ³¹ Musila yiyi na ba puti nabosongo bakamuyughagha akawiwi pawewene, pamupene nabasimbi, po bakatingi , ''Akapokagha abingi lole atangipoka mwene. ³² Muleke u kilisitu umwene wa isilayeli, ike lwoshulu pakuma pa chipinjika ukuti tuteshe nukusubila.'' Bala wawo akakomeliwa pamupene nawe wope bakamukinyagha. ³³ Pakabalilo ka twelovu okoloko, ichisi chikawa muchisu choshi ukufika pakabalilo ka fili okoloko. ³⁴ Pakabalilo ka nayini okoloko uYesu akalila namashu aghakulu, ''Eloyi, Eloyi, Eloyi lamasamba katani?'' chicho chikasanusha ukuti, ''Chala wangu, Chala wangu, Chala wangu wandekelaki nimwene?'' ³⁵ Bamu bobakima pambafu bobapulika amashu ghake bakayugha ukuti, ''tesha akumukolela u Eliya.'' ³⁶ Yumo akakinda akisa abika ucinyo uwakusasa kusipanji, akawika kulutete po akisa amupa ukuti ang'we. Umundu yula akati, ''satuteshe linga u Eliya ti ise amwishe pano.'' ³⁷ Po u Yesu akakuta na mashu ghapamwanya nukufwa. ³⁸ Umwenda ghugho ghukabanga mu tempele ghukisa walepuka waba pabili ukufuma pamwanya mupaka pase. ³⁹ Mwo umusilikali yo akimilila nu kumuketa u Yesu ukuti afwa musila yiyi, akati, ''Naloli umundu uyu ali mwana wa Chala.'' ⁴⁰ Pakawa sona nabomama wawo ukufuma pabutali. mukati mwabo mukaba nu Maliya uwa kumagadalena, nu Maliya ung'ina wa Yakobo (umuzuna wa Yosesi), nu Salome. ⁴¹ Mwo ali mugalileya bakamukonga nuku mubombela. Nabakolo abingi bakamukonga ukubuka nawe ku Yelusalemu. ⁴² Mwo inamasuba yafika, papo likaba lishiku lyakwitendekesha, papo likaba lyakupalamila kwa sabata, ⁴³ u yosefe uwa ku Amalitayi, akisa kulakula, akaba mundu wakuchindikiwa uwa mu chilundilo yuyo akalindililagha ubunyafyale bawa Chala. Akabuka nuwukifu kwa Pilati nukusuma umubili wa Yesu. ⁴⁴ U Pilati akaswigha ukuti u Yesu afwile kale; Akamwitisha u musilikali nukumulalusha linga u Yesu afwile. ⁴⁵ Mwo u Pilati apulika ukufuma ku musilikali ukuti u Yesu afyile akapa umubili kwa Yosefe. ⁴⁶ U Yosefe akisa aghula umwenda umutyelemuke. Akisa amwegha ukufuma pa chipinjika, akamunyengela mumwenda umutyelemuke nukuya pakumughoneka mwi pumba lilyo akafukula kwibwe po akisa atisha ibwe lyo likaba pamulyango wa lipumba. ⁴⁷ U Maliya uwa kumagadalena, u Maliya ung'ina wa Yosesi wakatesha ubuyo bwo u Yesu akashiliwa.

¹ Mwo ishiku lya sabata lyapululila u Maliya uwa kumagadalena, u Maliya ung'ina wa Yakobo nu Salome wakawula utwakuningila ukuti bise bapake umubili wa Yesu. ² Pangelo ngani pishiku lyabwandilo ilya musabata, bakawuka kwi pumba mwo isuba lyafuma. ³ Pakayughagha uyu kumunine ukuti, ''wini yuyo ti aye atutishikishe ibwe pa mulyango wa pumba? ⁴ Bwobatesha pala, bakagha ukuti ibwe nalimopo napapo likaba likulu leka. ⁵ Bakisa bingila mwipumba nukumwagha umundu yuyo akafyala imyenda imyelu ikalite kulufafu ulyakakono kamwisa, po bakashigha. ⁶ Akayugha kukwabo, ''mutakaswighaghe. Mukumulonda u Yesu uwa nazaleti, yuyo akakomeliwa. Ashukite! Atali muno. Tesha pawuyo bobwo bakamubikapo. ⁷ Lole bukagha, mubabushe abafundiwa pamupene nu Peteli, 'ti abuke mundashi mumwinyu pakuya ku Galileya. Kulakula ko mukuya pakumutesha isa mumwo akababulila. ⁸ Bakafuma nukukina pakuma mwipumba; bakatetemagha nukushigha. Batakayugha nachimo kwa aliweshi yula papo bakohopagha. ⁹ Pangelo ngani pishiku ilyabwandilo ilya mwa sabata, mo ashuka akamubonekela tashi u Maliya uwa kumagadala, mo yuyo akisa ashifumya imbepo seveni imbiwi. ¹⁰ Akabuka nukuya pakubabula babo akaba nabo, mwobakwi ng'ung'usha nukulila. ¹¹ Bakapulika ukuti wabwumi sona abonekela ku kwake lole pope batakasubila. ¹² Mwo ifindu ifi fyapulikiwa akawonekela musila ishingi ku babili bwo bakwdenda bakuma mu kaya mukaya. ¹³ Bakabuka nukuya pakubabula abafundiwa wobakashala, po lole batakabasubila. ¹⁴ Mwopakinda akabalilo u Yesu akisa isetula ku bala leveni mwo walipakulya pa mesa, akabakemela pa chifukwa cha kuchita kwitika kwabo sona nubukafu bwa ndumbula shabo batakasubila babo bakamutesha mwo ashuka ukuma kubufwe. ¹⁵ Akayugha kukwabo akati, '''mubuke muchisu choshi, muye mulumbilile amashu kufipeliwa fyoshi. ¹⁶ Yula yuyo akwitika akutinukoshiwa yo akwisa ukupokeliwa, lole yo linga atakwitika yo akwisa kulongiwa. ¹⁷ Ifimanyikilo ifi fikuya kuwukagha nabo bakwitika; mungamu yungu bakwisa ku shikemelagha imbepo imbibi. Bakwisa kuyughagha munjugha imbya. ¹⁸ Bakuya kushikolagha injoka, sona nadi bangangw'a fimo fifyo fikughogha, fitakwisa pakubakomania.Bakuyanga ukubikagha utukono pababine po tibakabenge akisa.'' ¹⁹ Mwo umwene ayugha kukwabo, akisa anyamuliwa, ukukwela kumwanya nukuya pakwikala kukakono akamwisa aka Chala. ²⁰ Abafundiwa bakabuka nukululumbilila kuli koshi po umwene akabombagha pamupene nabo. Po akashimikishanga amashu ukwendela mufyakuswighisha fifyo fikabakongagha.

¹ abingi beghite imbombo yakubika pamupene ifindu fifyo fikakwanilishiwa pakati papitu, ² isa mumwo fikisila kukwitu ukufuma kubabo bakaba bakwanda ukutesha namaso sona ukuba babombi ba lishu. ³ Po chikaboneka chisa kukwangu nune, papo ingeteleshishe akisa ngani fyoshi ukufuma pabwandilo, ukubasimbila ulubatiko lulo lugholokite, umwe mughindikiwa ngani Teyofilasi, ⁴ ukuti mumanye ubwanaloli boshi ubwa findu fyoshi mumanyishiwe. ⁵ Mumashiku gha Helodi umalafyale wa mu Yudeya kukabako umuputi yuyo ingamu yake akaba wi Zakaliya ukufuma muluko lwa Abija; umukashi wake Elizabeti akaba wa lwa Aroni. ⁶ Boshi bakaba bagholofu pandashi pa Chala, bakendagha ukushita ukuba nakafiki nu mundu mundaghalo shoshi namungomelesho sha Malafyale. ⁷ Lole bataka nu mwana nayumo papo u Elizabeti akaba mughumba sona boshi bakaba bandu abakushi. ⁸ Po kakisa akabalilo kako u Zakaliya akaba pandashi pa Chala, akabombagha imbombo ya buputi ukuyana nulubatiko lya luko lyake. ⁹ Ukuyana nulwiho lwakusala umuputi yuyo aye abombe, akasaliwanga ukwendela mubulaghushi ukuti ingile mutempeli lya Malafyale ukocha utwakufukisha. ¹⁰ Ichilundilo choshi icha bandu chikabonekela nukwima kulufafu ulwakundilo kuchighemo chakufukisha. ¹¹ Po ubandumi wa Chala akabonekela nukwima kulufafu ulwa kundilo kuchighemo chakufukisha. ¹² Mwo u Zakaliya amutesha, akachenuka, akaba nubwogha nukumuwila. ¹³ Lole ubandumi akati kukwake, ''Manye ghoghopaghe, Zakaliya, papo inyiputo shako shapulikiwa. Umukashi wako u Elizabeti ukuya pakupapila umwana umulisha. Tise umwitishe ingamu ya Yohani. ¹⁴ Ukwisa ukuwa nulusekelo nukuhoboka sona nabingi bakuya ukughoka nukupapiwa kwake. ¹⁵ Pakuti akwisa ukuwa mukulu pamaso gha Malafyale. Atakise ang'wepo ubwala pamu ichakung'wa chilichoshi ichikali, sona akwisa ukwisushiwa numbepo mwikemo ukufuma mulwanda lwang'ina. ¹⁶ Abingi abaluko lwa Isilayeli bakuya ukupindukila kwa Malafyale u Chala wabo. ¹⁷ Akwisa pakutangila pandashi pa Malafyale mwambepo namumaka gha Eliya, ukung'anamula indumbula sha bapapi ukuya ku bana sona abashita kupulikila ukuya kumahala gha bugholofu-----ukumunoshekesha umalafyale ku bandu babo bitendekeshiwe ukub a bake.'' ¹⁸ U Zakaliya akayugha ku wandumi, ''Ningashimanya bulele shishishi? Papo ne mundu umughome sona numukashi wangu aghomite ngani.'' ¹⁹ U wandumi akamula nukuti kukwake. ''Une ne Gabiliyeli, yuyo akwimilila pandashi pa Chala. Indumiwe pakuyugha kukwako, ukuti ingubushe amashu amisa. ²⁰ Tesha! Kwisa ukuba myee, ukushita ukuyugha, ukufikila pishiku lilyo ifindu ifi fyabombiwa. Papo utasubila amashu ghangu ghagho ghakwisa ukukwanilishiwa pakabalilo kake.'' ²¹ Po abandu bakamulindililagha u Zakaliya. Bakaswighagha ukuti akeghagha leka akabalilo linga ingila mutempheli. ²² Lole mwo afuma kuse, atakayughagha kukwabo. Bakisa bashaghania ukuti achibona ichisetuka bwo ali mu tempheli. Akendelela ukupanga ifimanyishikisho kukwabo nukusumbashe. ²³ Shikabombiwanga bububwo mupaka po amashiku ghake agha mbombo ghakamalila, akabuka ku nyumba yake. ²⁴ Mwo amashikub agha ghapululila, umukashi wake u Elizabetiakisa aba nulyanda po pamyeshi fayivi akimamagha. Po akati, ²⁵ ''Ifi fyofyo u Chala abomba kukwangu mwo andesha une nichisa ukuti atishe isoni shangu pandashi pa bandu.'' ²⁶ Mumyeshi sikisi iyi, ubandumi u Gabiliyeli akatumiwa ukufuma kwa Chala ukuya mukaya ka Galileya aka mu Nazaleti, ²⁷ ku mukolo yumo yuyo atamumenye lumo umulisha yuyo akashingilishiwa nu mulisha ingau yake akaba wi Yosefe, yuyo akaba wa luko lwa Deveti, umukolo uyu akaba wi Maliya. ²⁸ Akisa kukwake nukuti, ''Ngukulamuka, uwe we muchindikiwa! u Malafyale ali nuwe.'' ²⁹ Lole akayubana leka namashu ghake po akaswigha nukuti kulamuka kwa luko wuli kukuku. ³⁰ Ubandumi akati kukwake, ''Manye ghoghopaghe, Maliya, pakuti wachagha ichisa pandashi pa Chala. ³¹ Tesha, kwisa pakuba nichifuba nukupapa umwana umulisha. Ukwisa ukumwitisha ingamu ya 'Yesu.' ³² Akwisa pakuwa mukulu nukwitishiwa Mwana wa Wapamwanya ngani. U Malafyale u Chala akwisa pakumupa ichitengo cha munyenya wake u Deveti. ³³ Akwisa ukulaghila pa nyumba ya Yakobo akabalilo koshi, po patasukubapo ubumalilo ubwa bunyafyalebwake.'' ³⁴ U Maliya akati kubandumi, ''Shingabombiwa bulele shishishi?'' ³⁵ U bandumi akamwamula nukuti kukwake, ''Umbepo mwikemo akwisa papako, po amaka agha Wapamwanya ghakwisa ukwisa papako. Po umbepo yuyo tise apapiwe akwisa ukwitishiwa Mwana wa Chala. ³⁶ Tesha, umukamu wako u Elizabeti wepe ali nichifuwa icha mwana umulisha mutubalilo atwa bwosongo. Ughi mweshi wa nambala sikisi kukwake, yuyo akitishiwanga ukuba mughumba. ³⁷ Pakuti nachimo chicho chipala kwa Chala. ³⁸ U Maliya akati, ''Tesha, ne bambombo qwa Malafyale umukolo. Leke shibe isa mumwo wayughila kukwangu.'' Po ubandumi akabuka. ³⁹ Po u Maliya akanyamuka amashiku ghalaghala mwalubilo nukubuka muchisu cha maghamba, mukaya ka Yudeya. ⁴⁰ Akingila munyumba ya Zakaliya nukumulamuka u Elizabeti. ⁴¹ Mwo u Elizabeti apulika ukalamuka kwa Maliya, u mwana yuyo akabamulwanda akanyela, po u Elizabeti akisa isula nu Mbepo mwikemo. ⁴² Akakwesha amashu ghake nukuyugha mwapamwanya, '''We musayiwa mukati mubakolo boshi, chisayiwa ichabupi chicho chili mukati mumwako. ⁴³ Choni chicho shabombiwa kukwangu ukuti ung'na wa Malafyale ise kukwangu? ⁴⁴ Ele tesha, mwo ukulamuka kwako kwapulikiwa kufyofwo fyangu, umwana wa mukati mwangu anyelite nulusekelo. ⁴⁵ Musayiwa we yuyla yuyo akusubalila ukuti tifyise fikwailishiwe ifindu fifyo akabushiwa ukufuma kwa Malafyale.'' ⁴⁶ U Maliya akati, ''Indumbula yangu yikumupala u Malafyale, ⁴⁷ sona umbepo wangu ahobokite mwa Chala umupoki wangu. ⁴⁸ Pakuti atesha ukwiyisha kwake ukwamubombi umukolo. Papo tesha, ukwanda ulu ukuya mundashi ingulile yoshi yikuya ukunitisha musayiwa. ⁴⁹ Pakuti yula yuyo wamaka ambomba ifindu ifikulu kukwangu, sona ingamu yake yikemo. ⁵⁰ Ichisa chake chikubako ukuma ingulilo ukuya ukufika ingulilo iyingi ku boshi babo bakumwoghopa yuyo. ⁵¹ Alangisha amakanakakono kake; abafulungania babo bitufyanga ni nyinong'ono isha mundumbula shabo. ⁵² Abishishe abomwene ukufuma pa fitengo nukubakwesha babo bali pase. ⁵³ Abisushishe babo bali nisala nifindu ifyisa, lole abakabi akababwesha ukushita ukubapa chimo. ⁵⁴ Abikite ubutuli ku ba Isilayeli ababombi wake, ukuti akumbukilaghe ukuti alangishishe ichisa ⁵⁵ ( isa mumwo akayughila ku bo tata) kwa Abulahamu nabaluko lwake bwila nabwila.'' ⁵⁶ U Maliya akikala nu Elizabeti imyeshi yitatu po akisa aghalukila kunyumba yake. ⁵⁷ Po akabalilo kakisa kafika kako u Elizabeti akayanga pakupapa umwana wake po akisa apapa umwana umulisha. ⁵⁸ Abapalamani nabakamu wake bakapulika nukuti u Malafyale alangisha ichisa ichikulu kukwake, po bakahoboka pamupene nawe. ⁵⁹ Po shikabombiwa ukuti pishiku lya nambala eyiti bakisa bamutumula umwana. Ngali bakamwitisha yuyo '''Zakaliya'' lilyo likaba lyita lya wise. ⁶⁰ Lole ung'ina akamula nukuti, ''Hagha. Tiitishiwange Yohani.'' ⁶¹ Bakati kukwake, ''Ataliko nayumoyumo mubakamu binyu yuyo akwitishiwa ningamu yiyiyi.'' ⁶² Bakapangagha ifimanyikisho kwa wise ukuti bamanye ingamu yiyo akalondagha ukuti bamwite. ⁶³ U wise akasuma ichakusimbilapo po akasimba, ''Ingamu yake wi Yohani.'' Boshi bakaswigha nishi. ⁶⁴ Papo napapo umulomo wake ghukighuka po nululimi lwake lukasatuka. Akayugha nukumupala u Chala. ⁶⁵ Ubwogha bukabagha boshi babo bakikalagha paufupi nabo. Utupango utu tukasata mwoshi mutwaya utwa maghamba agha mukaya ka Yudeya. ⁶⁶ Boshi babo bakapulikabakaghasunga mundumbula shabo, bakatingi, ''Po umwana uyu tise abe buleghe?'' Papo akakono ka Malafyale kakaba nawe pamupene. ⁶⁷ U wise u Zakaliya akisa isula u mbepo mwikemo nukunguluka, ukuti, ⁶⁸ ''U Malafyale apaliwe, u Chala wa Izilayeli, pakuti isite pakutwafwasona pakukwanilisha ubupoki kubandu bake. ⁶⁹ Atwimikile umupoki ubamaka kukwitu ukufuma munyumba ya mubombi wake u Devedi ⁷⁰ (isa mumwo akayughila mumulomo wa mukunguluka umwikemo ukufuma akabalilo akakunyuma), ⁷¹ ubupoki ukufuma kubalughu bitu nukufuma mutukono twa boshi babo batubengite utwe. ⁷² Akwisa ukubomba ishi pakulangisha ichisa kubotata witu sona nukutukumbusha ubwikemo bwa lilaghano, ⁷³ Ukulapa kuko akayugha kwa Abulahamu u tata witu. ⁷⁴ Akalapa nukupangana ukutupa utwe, nukutufumyamo munyowe isha balughuwitu, twise tumubombele ukushita ukoghopa ⁷⁵ mubwikemo namubugholofu pandashi papa amashiku ghoshi. ⁷⁶ Inga, sona nuwe, mwana, kwisa ukukoliwa numukunguluka uwapamwanya, papo tise uye pandashi pamaso gha Malafyale ukuti utendekeshe isila yake, ukubatendekesha abandu ukwisa kwake, ⁷⁷ ukubamanyisha ukuti bashaghanie isha bupoki ku bandu bake ukwendela mukuhobokeliwa kwa mbibi shabo. ⁷⁸ Ifi fikwisa pakubombiwa chifukwa cha chisa cha Chala witu, papo ukufuma mumwo isuba likufuma ukufumila pamwanya ngani nukwisa pakutwafa utwe utwe, ⁷⁹ ukubalila kubabo bali muchisi na mu chisheshicha bufwe.Akwisa ukubomba fififi pakutulongoshekesha inyayo shitu musila iya lutengano.'' ⁸⁰ Po ulu umwana akukula sona akuba wamaka mwa mbepo, sona akisa aba muchitengele ukwisa ukufikila pishiku lilyo akisa abonekela kuchilundilo cha ba Isilalayeli.

¹ Po mumashiku ghalaghala, u Kesale Ogasitini akalaghila abandu boshi ukuti babelengiwe mufyisu fyoshi. ² Ukuwelenga uku kukaba kwabwandilo ukubombiwa mubulaghili bwa Kwiliniyasi uwa chisu icha Siliya. ³ Po weshi akaya mukaya kake nukusimbisha. ⁴ U Yosefe wepe akabuka ukufuma mu Galileya, mukaya ka Nazaleti, nukuya ku Yudeya, mukaya ka Deveti, kuko kukwitidhiwa ukuti Betelehemu, papo akaba wa munyumba sona muluko lwa Deveti. ⁵ Akaya kula ukusimbisha nu Maliya, yuyo akamushingila ukuti amweghe sona akaba nulufukwe. ⁶ Mwo bakali bali kulakula, akabalilo kakakwana akakuti asayiwe. ⁷ Akasayiwa u mwana umulisha, u mwana wake ukatote, akamufwingila numwenda nukumughoneka muchakulishikishamwo ing'ombe, papo kutakaba ubuyo munyumba iya bagheni. ⁸ Kukaba abatimi kulubafu kulakula ulwa chisu babo bakikalagha mutengele, bakalindagha nubushiku ing'oshi shabo. ⁹ Ubandumi uwa Malafyale akababonekela, po ubughindikiwa ubwa Malafyale bukabashungulila, po bakisula nubwogha. ¹⁰ Po ubandumi akati kukwabo, ''Koma okohopaghe, Papo nisa namashu amisa ghagho tighise nulusekelo ulukulu ku bandu boshi. ¹¹ Umusughu umupoki abapapiliwa mukaya ka Deveti! Wi Kilisitu u Malafyale! ¹² Ichi chocho chimanyikisho chicho mukwisa ukupeyiwa kukwinyu: Timuye mumwaghe umwana yuyo bamufwingite numwenda sona aghonite muchakulishikishamo ing'ombe.'' ¹³ Umwakunyomoha akaba poka nabandu babo bakaba bingi ukufuma ku mwanya, nukumutufya u Chala ukuti, ¹⁴ ''Ulughindiko kwa Chala uwa pamwanya, sona pachisu icha pasi pabe ulutengano pa bandu babo akuhoboka nabo.'' ¹⁵ Pakafika akabalilo akakuti abandumi bakafuma pakati pabo ukuya kumwanya, abadimi bakati ku uyu numunine, ''Satubuke lululu ku Betelehemu nukutesha ifindu ifi fifyo fyabombiwa, fifyo u Malafyale atumanyisha utwe.'' ¹⁶ Po bakapanga mwalubilo lubilo nukumwagha u Maliya, Yosefe sona u mwana, yuyo akaghona mucha kulishikishamo. ¹⁷ Mwo watesha ifi, bakisa bashimanya shisho shikayughiwa kukwabo isha u Mwana uyu. ¹⁸ Weshi yuyo akapulika akaba bakuswigha fifyo fikayughiwa kukwabo nabatimi. ¹⁹ Lole u Maliya akendelela ukwinong'ona ifindu fyoshi fifyo akapulika, nukufisungilila mundumbula yake. ²⁰ Abatimi bakaghalukila, bakamughindika nukumwimbila inyimbo isha kumukwesha u Chala pa fyoshi fifyo bakapulika nukutesha, isa mumwo bakababushila babo. ²¹ Mwo pakinda amashiku eyiti, mwo atumuliwa, akitishiwa ingamu Yesu, ingamu yiyo akapeliwa nawa ndumi mwo akali nukuwa mulufukwe. ²² Mwo akabalilo akamashiku ghakuti elushiwe ghapululila, ukufwana nindaghilo isha Mose, bakamweghela yuyo ku tempheli mu Yelusalemu nukumulangisha yuyo kwa Malafyale. ²³ Isa mumwo fisimbiwe mundaghilo sha Malafyale, ''Umulisha weshi yuyo ighulila ulufukwe akwisa ukubikiwa kwa Malafyale.'' ²⁴ Po bakabika ikemesekesho ukufwana namumwo fikayughiwa mululaghilo ulwa Malafyale, indoshi shibili pamu utwana tubili utwa ngunda.'' ²⁵ Tesha, pakaba umundu mu Yelusalemuyuyo ingamu akaba wi Simiyoni, sona umundu uyu akaba mugholofu sona ubakumwoghopa u Chala. Akalindililagha ukupokiwa kwa Isilayeli, sona umbepo mwikemo akaba papake. ²⁶ Fyikafumbuliwa kukwake ukuti atakwisa ukuketa ubufwe mwo akali akumutesha u Kulisitu Malafyale. ²⁷ Ukulongoshiwa numbepo, u Simiyoni akingila mu tempeli. Mwo aba papi bisa nu mwana u Yesu, ukubomba kukwake ukufwana nulwiho lwa ndaghilo, ²⁸ akamwegha nukumubika mutukono twake sona nukumupalisha u Chala, sona akati, ²⁹ ''Apa leka umubomba mbombo wako abuke mulutengano, Malafyale, ukufwana namashu ghako. ³⁰ Pakuti amaso ghangu ghatesha ubupoki bwako, ³¹ bubo usenganishe pamaso gha bandu: ³² Ubwelu bwa kufumbula aba Kuse sona ulughindiko ku bandu bako Isilayeli.'' ³³ U tata nu mama wake bakaswigha fifyo fikayughiwa kukwafyana na yuyo. ³⁴ U Simiyoni akabasaya sona akati kwa Maliya ung'ina, ''Tesha, umwana uyu asaliwe ukubawisha nukubakwesha kumwanya abandu abangi mu Isilayeli sona ichimanyikisho ichakukaniwa--- ³⁵ sona ichilwilo chikwisa ukulasa indumbula iya yuwewe-- ukuti inyinong'ono isha ndumbula ishingi shifumbuliwe.'' ³⁶ U mukunguluka yuyo akitishiwanga Anaakaba palapala. Akaba mwana wa Fanuweli muluko lwa Asha. Akaba mughosi. Akikala numulume wake ifyinja seveni ukufuma kubulindu bwake, ³⁷ sona akaba mufwilwe pa fyinja eyite folo. Atakalilekapo itempeli lole akafungagha nukwiputa, ubushiku numusi. ³⁸ Pakabalilo kalakala akisa kupipi kukwabo sona akanda ukumupalisha u Chala, sona akayugha isha mwana ku ali weshi yuyo akalindililagha ukwabuliwa kwa Yelusalemu. ³⁹ Mwo bamalisha fyoshi fifyo bakabaghila ukubomba ukufwana ni ndaghilo isha Malafyale, bakaghalukila ku Galileya, kukaya kabo mutawuni iya Nazalati. ⁴⁰ Umwana akakula sona akaba namaka, amahala ghakakula, sona ichisa icha cha Chala chikaba papake. ⁴¹ Apapi bake bakabukagha ku Yelusalemu ichinja choshi ku lusekelo ulwa chakulya icha pasaka. ⁴² Mwo akwanisha ifyinja twelovu, bakabuka sona isa lwiho pakabalilo aka pasaka. ⁴³ Mwo bikala amashiku aghakukwanila palusekelo, bakanda ukughalukila kukaya. Lole umulumyana u Yesu akashalikila mu Yelusalemu sona abapapi bake batakashimanya isha ishi. ⁴⁴ Bakinong'ona ukuti akaba pamupene nichilundilo chicho chikendagha nabo, po bakenda ishiku lyoshi. Po bakanda akumulonda yuyo mubakamu nabamanyani babo. ⁴⁵ Mwo batamwagha, bakaghalukila ku Yelusalemu sona nukwanda ukumulonda yuyo kulakula. ⁴⁶ Fikisa fyabombiwa ukuti mwo pakinda amashiku ghatatu bakamwagha mu tempeli, ikalite pakati pabamanyishi, akubapulikisha babo nukubabushikisha amabusho. ⁴⁷ Boshi babo bakamupulika bakashigha mumwo akapulikishilasha sona namumwo akamulilagha. ⁴⁸ Mwo bamutesha, bakaba bakuswigha. U mayi wake akati kukwake, ''Mwana, choni chicho batunyasha utwe musila iyi? Tesha, Ughuso sona nune twali bakupasha pakukulonda uwe.'' ⁴⁹ Akati kukwabo, ''Choni chicho mwandondagha une? Ka mutamanyagha ukuti nabaghikle ukubomba ubwighane bwa Tata wane? ⁵⁰ Lole batakashaghania fifyo akang'anamula pa mashu agho. ⁵¹ Po akaghalukila kukaya pamupene nawo ku Nazaleti sona akaba wa kubapulikila. Ung'ina wake akasunga ifindu ifi mundumbula yake. ⁵² Lole u Yesu akendelela ukukula namahala sona ningomelesho, sona akongelela mu chisa kwa Chala sona nabandu.

¹ Muchinja cha fifitini mubulongoshi bwa Tibeliyasi Kesali ---po u Potiyasi Pilato akaba mulongoshi wakuyudeya, u Helodi akaba wimalafyale wa ku Galileya, umukulu wake u Filipu akaba wi malafyale wa chighaba icha ku Ituleyanuku Talakonitisi, sona u Layisaniyasi akaba wi malafyale waku Abileni, ² Pakabalilo aka baputi abosongo aka Hanasi nu Keyafasi---ishu lya Chala likisa kwa Yohani umwana wa Zakaliya mu chitengele. ³ Akabuka muchighaba chicho chishungulile u Yolodani, ukulumbilila ifya lyosho lwa lupinduko pakubahobokela imbibi. ⁴ Ngati mumwo shisimbiwe mubuku lyamashu agha Yesaya umukunguluka, ''Amashu gha yumo yuyo akakolelagha muchitengele, 'Tendekesha isila ya Malafyale, nosha isila shibe shakugholoka. ⁵ Amakombe ghoshi ghakuya pakufukiliwa sona amaghamba ghoshi nutughamba mupalaghanie patengane, sona nimisebo yakunyongana yigholoshiwe, sona nubuyo bubwo butakubuneka bukuya pakusewighanga ukuba misebu, ⁶ sona abandu boshi bakwisa ukutesha ubupoki bwa Chala. ''' ⁷ Po u Yohani akayugha kuchilundilo chicho chikisagha ukuti choshiwe nawe, ''Mwe luko lwa njoka! Wini yuyo abasoka ukuti mukinde kubukalalishi bobwo bukwisa? ⁸ Po apa, papa iseke shisho shiwaghile nulupinduko, sona mutakande ukuyugha mukati mumwinyu, 'Tuli nu Abulahamu yuyo wi baba witu,' pakuti ngubabusha ukuti u Chala abaghile ukunyamusha abana wa Abulahamu ukufuma mumabwe agha. ⁹ Nisembe buwu libikiwe nganila ukudumula imisisi ya makokwe. Po ikokwe lyoshi lilyo litakupapa iseke inyisa likudumuliwa nukuponyiwa pamoto.'' ¹⁰ Popeshe ichilundilo chikabukilila ukubushikisha kukwake, ukuti, ''Po utwe tubaghile tubombeki? ¹¹ Akabamula nukubabusha ukuti, ''Linga yumo ali nimiselekesha mibili, aghabile umunine yuyo atenagho, sona yuyo ali nichakulya abombe isa bobwo.'' ¹² Abasongesha misongo bope bakisa ukuti boshiwe, bakayugha kukwake ukuti, ''Mumanyishi, tubombeki? ¹³ Akati kukwabo, ''Mutakeghaghe indalama inyingi ukulusha shisho mubushiwe ukuti mweghaghe.'' ¹⁴ Abasilikali bamu bope bakamubushikisha, nukuyugha ukuti, ''Bule utwe? Tubaghile tubombeki? Akati kukwabo, Mutakeghaghe indalama kwayumo pamaka sona mutakamulongaghe yumo pafyabumyashi. Mube bakwikutishiwa nam alipilo ghinu.'' ¹⁵ Po mwo abandu bakulondesha ngani ukuwisa kwa Kilisitu, weshi akaba wakuswigha mundumbula shabo ukufwana nu Yohani, lumo abaghile ukuba wi Kilisitu. ¹⁶ U Yohani akabamula nukuyugha kubabo boshi ukuti,''ukuyana nune, ingubosha umwe namishi, lole yuyo akwisa yoyo ali namaka ingani ukulusha une, sona ndabaghile ukusatula utughoye utwasapato yake. Takaboshe umwe numbepo mwikemo numulilo. ¹⁷ Uluselo luli munyobe shake nukupeta fyoshi ifibibi pase nukubungania ifyisa fyoshi nukusunga munyumba yakusungilamo abokatundu. Lole takapembaghe amapeta pamulilo ghugho ghutangashima.'' ¹⁸ Namashiku aghingi aghakubalimbikisha, u Yohani akafumushanga akamashu amisa kubanndu. ¹⁹ Mwo u Malafyale u Helodi akemeliwa panongwa yakwegha u mukashi wa muzuna wake Helodiyani, nifibibi fyoshi fifyo u Helodi akabomba, ²⁰ Akongelesha ifi kukwabo boshi pakuti akamwighalila u Yohani mu Jele. ²¹ Po kakafika akabalilo, kako abandu boshi bakoshiwanga, u Yesu wepe akoshiwa, po mwo akali akwiputa, kumwanya kukighuka, ²² umbepo mwikemo musila ya mubili nukwika papake isa ngunda, po ishu likisa ukufuma ku mwanya, ''We mwana wane, umughaniwa. Nguhoboka nuwe.'' ²³ Mwo u Yesu anda imbombo yake, akaba ni finja sate. Akaba mwana wa Yosefe, umwana wa Heli, ²⁴ umwana wa Matati, umwana wa Levi, umwana wa Meleki, umwana wa Janayi, umwana wa Yosefe. ²⁵ U Yosefe akaba mwana wa Matatiyasi, umwana wa Amosi, umwana wa Nahamu, umwana wa Esili, umwana wa Negayi, ²⁶ umwana wa Mati, umwana wa Matatiyasi, umwana wa Semiyeni, umwana wa Yoseku, umwana wa Joda. ²⁷ Joda akaba mwana wa Johanani, umwana wa Lesa, umwana wa Zelubabelu, umwana wa Salatiye, umwana wa Neli, ²⁸ umwana wa Meleki, umwana wa Adi, umwana wa Kosamu, umwana wa Elimadamu, umwana wa ELi, ²⁹ umwana wa Yoshua, umwana wa Eliyaza, umwana wa Yolimu, umwana wa Matati, umwana wa Levi. ³⁰ U Levi akaba mwana wa Simiyoni, umwana wa Yuda, u mwana wa Yosefe, umwana wa Yonamu, umwana wa Eliyakimu, ³¹ umwana wa Meliya, umwana wa Mena, umwana wa Matata, umwana wa Natani, umwana wa Daveti, ³² umwana wa Jese, umwana wa Obedi, umwana wa Boyazi, umwana wa Salimoni, umwana wa Nashoni. ³³ Nashoni akaba mwana wa Aminadabu, umwana wa Adimini, umwana wa Alini, umwana wa Heziloni, umwana wa Pelezi, umwana wa Yuda, ³⁴ umwana wa Yakobo, umwana wa Isaki, umwana wa Abulahamu, umwana wa Tela, umwana wa Naholi, ³⁵ umwana wa Selugi, umwana wa Reya, kumwana wa Pelegi, umwana wa Ebeli, umwana wa Shela. ³⁶ Shela akaba mwana wa kayinani, umwana wa Alipasadi, umwana wa Shemu, umwana wa Nowa, umwana wa Lameki, ³⁷ umwana wa Mesasela, umwana wa Enoki, umwana wa Jaledi, umwana wa Mahalali, umwana wa Kayinani, ³⁸ umwana wa Enosi, umwana wa Seti, umwana wa Adamu, umwana wa Chala.

¹ Po u Yesu, bwo iswile nu mpepo mwikemo, akaghalukila ukufuma kulusoko lwa Yolodani sona akalongoshiwa numpepo ukuya kuchitengele, ² Kulakula akagheliwa amashiku ghoshi agho, sona napabumalilo akisa apulika isala. ³ U satana akati kukwake, ''pala wemwana wachala sanusha ibwe ili ukuti libe chibama,'' ⁴ U Yesu akamwamula akati, ..shisimbiwe umundu atakuba nubwumi nichibama chene,'' ⁵ Po umulughu akamwegha nawe pamwanya nukumulangisha ubunyafyale bwoshi lwa muchisu chapasi pakabalilo akapapipi napapipi. ⁶ Umulughu akati kukwake, ''ngwisa ukukupa ubulaghili bwoshi nubukulu bwake bwoshi, papo fipeliwe kukwangu, sona ngumupa weshi yuyo akulonda. ⁷ Po apa, pala ungisa ufughamile nukunyiputa une, fikwisa kuba fyako. ⁸ Lole u Yesu akamula nukuti kukwake, ''sisimbiwe; ukwisa kumwiputa umalafyale u Chala wake sona nukwisa ukumubombela yuyo mwene''. ⁹ Po umulughu akamwegha u Yesu ukuya ku Yelusalemu sona nukumubika pamwanya pa tempheli, nukti kukwake, ''pala we mwana wa Chala itagha wimwene pase ukufuma panu. ¹⁰ Papo sisismbiwe; akwisa ukulaghila abandumi bake kufwana nuwe, bakwisa ukukupoka uwe; ¹¹ Sona , 'bakwisa kukunyamulila mumwanya nututkonotwabo ukuti manye wikomeshe ifilundi fwako pibwe''. ¹² Pakumwamula yuyo u Yesu akati, '' shiyughiwe, 'koma ukumughela umalafyale u Chala wako. ¹³ Bwo umulughu amalisha pakumughela u Yesu, akafumapo nukumuleka mupaka akabalilo akangi. ¹⁴ Po u Yesu akanyokela ku Galileya mumaka gha mbepo, sona utupango twake tukasata muchighaba choshi cho chikashinguliwa. ¹⁵ Po akanda pakumanyisha mumasinagogi sona akapaliwa nabwoshi. ¹⁶ Akisa ku Nazareti, ko akakulira, sona, isa lwiho lwake, akingila mu sinagogi pishiku ilya sabata nukwimilila pakubelenga umwakukwesha amashu. ¹⁷ Ibuku lya Yesaya likapeghiwa kwake. Akisa ighulanukwagha pabuyo po pakasimbiwa, ¹⁸ ''U mbepo wa malafyale ali papangu une, papo ambakashishe une ukufumusha amashu amisa ku bapina. Anduma une ukulumbilila ubwabuke ku bapinyiwa sona nukupola abafwamaso; ukwabubula bwoshi bo bakunyala, ¹⁹ u kulumbilila ichinja icha chisa cha malafyale''. ²⁰ Po akisa akupikila ibuku, akanyoshekesha kuba bombambombo, nukwikala pasi. Amaso gha bandu boshi mu sinagogi bakamulolotela yuyo. ²¹ Akanda pakuyugha kubabo, '' umusughu amasimbo agha ghakwanilishiwa nukupulika kwinyu''. ²² Weshi kulakula akayugha inyisa shake mwene sona bakaswigha amashughalipyana gho ghakafuma mu mulomo mwake, sona bakabushikisha, '' kauyuy ta mwana wa Yosefe? ²³ Akati kukwabo, '' momumoshe mukwisa ukuyugha ichili ichi ku une; mughanga, ''iposha wimwene. Choshi cho tukapulika ukabomba mukapenamu bomba fimufyene mukaya kako''. ²⁴ Lole akati, ''naloli ngubabula umwe, nayumo umukunguluka yo akupokeliwa mukaya kake. ²⁵ Lole mubwanaloli ngubabula umwe ukuti kukaba abafwilwe abingi mu Isalayeli mukabalilo ka Eliya, bwo kumwanya kwighalika pafyinja fitatu nimyeshi sikisi sona nisala yikawa ichisu chosi. ²⁶ Lole u Elilaya atakaya kunayumoyumo kubandu aba lole akaya ku Zelefafi musidomu, kumukolo umufwilwe yo akikala kulakula. ²⁷ kukabako abingi abambungo yabukoma mu Isilayeli nukabalilo ka Elisha umukunguluka. Lole nayumo uwa bandu abo yo akalushiwa pakupaghula u Namani uwa ku Siliya'' ²⁸ Abandu boshi mu sinsgogi bakisula nubukali bwo bapulika ifindu ifi. ²⁹ Bakanyamuka, bakammukakanisha nukumufumyamo mukaya, nukuya pakumubika pamwanya pa kaghamba popasengiwa akaya kabo, ukuti pamu bamupanie pase. ³⁰ Lole akenda mukat mwambo nukuya kubuyo ubungi. ³¹ Po akaya kukapenamu, nukaya ka Galileya, sona akanda pakumanyisha ishiku lya sabata. ³² Bakaswigha kuchimanyisho chake, papo akayugha nubulaghili. ³³ Po mu Sinagogi mukaba umundu yo akaba nimbepo inyali, sona akalila namashu agha pamwanya. " ³⁴ Aaa! kulonda tubombe shachoni nuwe, Yesu wa kunazayeleti? Wisa pakutukomania utwe? Ingumenye mwo ubelile mwikemo yumo wa Chala!" ³⁵ U Yesu akakemela imbepo inyali, akati, "koma ukuyugha! Fumamwo mumundu uyu!" Bwo imbepo inyali yamuwisha umundu yula pasi mukati mubabo, yikafumamwo, sona yitakamukomania napamu. ³⁶ Abandu boshi bakaswigha sona nukubukilila ukuyugha kwa uyu numunine, Bakati, "mashughalukoloki sona namaka sona shiku fuma kuse. ³⁷ Po akapango kake kakanda ukusata mubuyo bwoshi shoshishanguliwe ni chighaba. ³⁸ U Yesu kilisitu akafuma musinagogi nukwingila munyumba iya Simoni, Po unginafyala wa Simoni akabina isekema, bakamusuma mubuyo bwake. ³⁹ Po akima papipi nawe nukukemala isekema, sona yikafumapo. Nakulinga akanyamuka nukwana ukubabombela. ⁴⁰ Bwo isuba lyingila abandu bakisa nabo ababine kwa Yesu weshi yo akaba mubine imbungo ishalekanalekana. Akababika utukono boshi nukubaposha. ⁴¹ Nimbepo inyali shope shikafuma mubingi ukulila nukuti " we mwana wa Chala!" U Yesu akashikemela imbepo nukushikanisha ukuyugha papo shikamanya ukuti wi Kilisitu. ⁴² Bwokwacha, akisa aya kubuyo ubwa pamwene. Ichilundilo chabandu chikamulondagha nukwisa kubuyo ko akaba. Bakaghesha ukumukanisha ukuti manye afumeko kukwabo. ⁴³ Lole akati kukwabo, " imbaghile sona ukulumbilila amashu amisa agha bunyafyale bwa Chala kutwaya utunine, papo yonongwa ingisila kuno. ⁴⁴ Po akabukilila uku lumbilila mumasinagogi gha mu Yudeya.

¹ Fikabombiwa mwo ichilundilo cha bandu chikabungana nukumushungulila u Yesu nukupulukisha amashu agha Chala, akimilila palubafu pa nyanja ya Genesaleti. ² Akaketa amabwato ghabili gha gho bakaghaghusila palubafulwa nyanja. Abaloba baswi batakabamo bakasugha ifilepa fyabo. ³ U Yesu akingila mubwato bumo, bubo bukaba bwa Simoni akamubusha ukuti afumye pabwima nukububika papipi na mashi. Po akakila pase nukumanyisha abandu mukata mubwato. ⁴ Mwo amala pakuyugha, akati kwa Simoni, ''Egha ubwato nukubika pachishiwa ichitali nukubika ifilepa ukuti fikole.'' ⁵ U Simoni akamula akati, ''Songo, twabomba ubushiku bwoshi lole tutakolite nachimo, lole kumashu ghako titubike ifilepa.'' ⁶ Mwo babomba ifi bakakola iswi ishingi, po ifilepa fikakelukagha. ⁷ Po bakabasuma abakolaswi abanine bo bakaba mu bwato ubwungi ukuti bise nukubafwa. Bakisa nukwisusha amabwato ghoshi mabili, po fikanda pakwibila. ⁸ Lole u Simoni Peteli, mwo atesha ifi, akawa pase pafilunda fya Yesu akati, ''Fumako kukwangu pakuti ne mutula nongwa, Malafyale.'' ⁹ Pakuti akaba wakuswigha, naboshi babo akaba nawopabwingi bwaswi shisho bakakola. ¹⁰ Ukongania u Jamusi nu Yohani abana wa Zebede, babo bakaba nu Simoni. U Yesu akati kwa Simoni, ''Utakoghopaghe, papo ukufuma akabalilo aka timukolaghe abandu.'' ¹¹ Mwo babika anabwato ghabo pabwima, bakafileka fyoshi nukumukonga. ¹² Akabalilo kamo mwo ali muchighaba chimo, umulisha yuyo akaba namambombo akaba palapala. Mwo amutesha u Yesu, akaba pamaso ghake nukumuma akati, ''Malafyale, nandi ukulonda, ungambanga ukuti imbe mwelu.'' ¹³ Po u Yesu akatambalasha inyobe yake akamukola, akati, ''Ngulonda. Elupa,'' Papo napapo amambombo ghakamulekela. ¹⁴ Akamumanyisha ukuti manye akamubushe nayumo lole akamubusha ukuti, ''Buka isila yako, nukwibonesha kubaputi nukubika ikemesekesho lya kwelufishiwa kwako, isa mumwo u Mose akabalaghilila, ukuba chishimikisho kukwabo.'' ¹⁵ Lole akapango kake po kakafumushiwa kubutali, po ichilundilo cha bandu chikisa pamupene ukumupulikisha ukumanyisha kwake nukuposhiwa kumbina shabo. ¹⁶ Lole akabalekagha kabilikabili nukuya kubuyo bwa lungalangala nukwiputa. ¹⁷ Shikamanyikwa pishiku limo, mumashiku ghalaghala mwo akumanyisha, pakaba abafalisayi nabamanyishi ba lulaghilo bakikala palapala po bakafuma mukaya koshi aka Galileya, Yudeya nukufuma ku Yelusalemu. Amakagha Malafyale pakuposha ghakaba nawe. ¹⁸ Po abalisha bamu bakisa nu mulisha yuyo bakamunyamula pachinyasi akafwa imbafu, po bakalondagha isila ukuti bamwingishe mukati nukumughoneka pamaso gha Yesu. ¹⁹ Patayayagha isila ukuti bamwingishe chifukwa chachilundilo, po bakakwela pamwanya pakasale ka nyumba nukumwisha pamataliko, pachinyasi chake, pakati pa bandu, pamaso gha Yesu. ²⁰ Mwo atesha ulwiko lwabo, U Yesu akati, ''Mulisha, imbibi shako shaghobokeliwa.'' ²¹ Abasimbi nabafalisayi bakanda pakubushikisha bakati, ''Wini uyu yuyo akayugha ishakutuka? Wini angaghobokela imbibi lole u Chala umwene''? ²² Lole u Yesu, amanya fifyo bakwinong'ona, akabamula akati, ''Choni chicho mukwibusha ifi mundumbula shinyu? ²³ Choni chipepe ukuyugha ukuti, 'Imbibi shako shahowokeliwa pamu pakuti, 'Nyamuka endagha'? ²⁴ Lole pakuti mumanye ukuti u Mwana wa Mundu ali namaka pachisu cha pase pakuhobokela imbibi,''----akamubusha umulisha yuyo akafwa----''Ngukubusha, nyamuka, nyamula ichinyasi chako nuubuka kunyumba yako.'' ²⁵ Papo napapo akanyamuka pandashi pawo nukunyamula ichinyasi cho akaghonapo.Akabuka kunyumba yake, nukumughindika u Chala. ²⁶ Weshi akashigha nukumughindika u chala. Bakisula nubwogha, bakati, ''Twafiwona ififndu fifyo tutafibwenipo lumo umusughu.'' ²⁷ Mwo ififndu ifi fwabombiwa, u Yesu akafumapo pala akamwagha umusongesha songo yuyo akitishiwanga Levi ikile pa ten. Akati kukwake, "Ngonge.'' ²⁸ Po u Levi akanyamuka nukumukonga, akafileka fyoshi kunyuma. ²⁹ Po u Levi akamunoshela u Yesu ulusekelo ulukulu munyumba yake. Pakaba abasongesha songo abingi mulamula sona abandu bamu bo bakeghamila pa tebulo bakalya nawo. ³⁰ Lole abafalisayi naba simbi bakadandabulagha kubafundiwa bake, bakati, ''Choni chicho akulya nukung'wa nabasongesha songo sona nabatula nongwa?'' ³¹ U Yesu akabamula akati, ''Abandu babo balishe akisa batakulondagha umughanga; bene babo babinite. ³² Ndakisa pakwitisha abagholofu, lole ku babomba mbibi ukuti balape.'' ³³ Bakati kakwake, ''Abafundiwa wa Yohani utubalilo utwingi bakufungagha nukwiputa, sona na bafundiwa wa bafalisayi bope bunobuno. Lole abafundiwa wako bakulya nukung'wa.'' ³⁴ U Yesu akati kukwabo, ''Alipo yo ingabapangisha babo bitishiwe numwene bukwati ukufunga pala umwene bukwati akali ali nabo? ³⁵ Lole amashiku tighakise po umwene bukwati takeghiwepo ukufuma papabo, po amashiku ghalaghala tibakafunge.'' ³⁶ Po u Yesu akababusha ichili, ''Atalipo nayumo yuyo akamwenda ka muselekesa umupya nubombesha pakughambika iselekesha ingulu. Pala abomba ifi, tianyapule iselekesha ilipya, sona akamwenda kakwiselekesha imbya katangakolelana numwenda wa selekesha ingulu. ³⁷ Nayumo akubika ubwalwa bwa mafilu ubupya mufyakubikilamo ifikulu, pala abomba ifi, ubwalwa bwa mafilu ubupya bungapundisha ifyakubikilamo, sona ubwalwa bungakupuka, po sona ifyakubikilamo ifya bwalwa bwa mafilu finganangika. ³⁸ Lole ubwalwa wa mafilu ubupya bubikiwange mu fyakubikilamo ifipya. ³⁹ Atalipo nayumo yuyo nandi ang'wa ubwalwa bwa mafilu ubukulu akulonda ubupya, Pakuti akuti, 'Ubukulu bwisa.'''

¹ Po chika pishiku ilya sabata ukuti u Yesu akaya mumughunda wa ngano, abafundiwa bake bakayaba imitu ya ngano, nukukulukuta nutukono twabo, sona nukulya ingano. ² Lole abafalisaayi bamu bakati, " choni cho mukubomba fimo fyo fitakulondiwa pishiku lya sabata"? ³ Ukubamula babo, u Yesu akati, "ka mutabelingite fyo u Davide akabomba bwo isala ya mukola, yuyo nabandu bobakaba nawe? ⁴ Akaya munyumba iya Chala mkwegha ichibama cho chikabapo sona nukulya chimo, sona akabapa nabandu bamu bo bakaba nawe pa mpene nukulya, pobule chikitishiwa umuputi mwene pakuly. ⁵ "Po akati kukwabo, "umwana wamundu weyo wimalafyale wa sabata". ⁶ Chikaboneka ishiku ilingi ilya sabata ukuti akingila musinagogi sona nukumanyisha abandu, mukabamo umundu yumo yo akakono kake kalemalite. ⁷ Po abafalisayi namandaghilo bakaketesha ngani linga angamuposha yumo pishiku lya sabata, pa ukuti bamwaghe nichifukwa icha kupela inongwa. ⁸ Lole akabamanya fyo bakinong'ona sona nukuyugha ukuti kumundu yo akalemala akakono kake, "nyamuka sona imilila pakati pa weshi" po umundu uyo akanyamuka mukwimilila ⁹ U Yesu akati kubabo, "imbabushikishe ka chakulondiwa ukubomba ichisa pa sabata pamu ukubomba ichibibi, ukupokela ubwimi pamu ukukomania? ¹⁰ Bwo abatesha boshi nukuygha kumundu yula, "gholosha akakono kako,"akabomba bulabula sona akakono kake kakaghalukila mubuyo bwake. ¹¹ Lole abene bakisula nubukalale nukuyugha kwa yumo nayumo pafyo bangabumbela u Yesu. ¹² Chikaboneka mumashikku agho ukuti u Yesu akaya kwighamba pakwiputa. Akabukilila pakwiputa ubushiku bwoshi kwa Chala. ¹³ Lole bwo po pamusi, akabitisha abafundiwa bake, sona akabasala twelove, bo akabitisha ukuti bapositoli. ¹⁴ Ingamu shapositoli shikaba sho isi Simoni (yo uyu akamwitisha Peteli) nuwamwabo wake u Andileya, Yakobo, Yohani, Filipi, batolomayi, ¹⁵ Matayi, atomasi, Yakobo umwana wa Alufeyo, Simoni uyu we akitishiwa Zeloti, ¹⁶ Yudasi umwana wa Yakobo, nu Yudasi sikaliyoti uyu weyo akisa aba mulughu. ¹⁷ Po u Yesu akilomoka ukufuma kwi ghamba pamupene nabo nukwimilila pabuyo ubutenganu nichilundilo icha bafundiwa bake sona ninamba ingulu iya bandu aba kufumila ku Yudeya naku Yerusalemu sona nukufumila mumbali munyanja na mukaya ka Sidoni. ¹⁸ Bakisa ukupulikisha kukwake sona nukuposhiwa kumbungo shabo. Abandu bokatamiwa nimphepo inyali bope bakapola. ¹⁹ Weshi muchilundilo chabandu akalonda ukumupalamasha papo amaka ghakafuma mumwake nukubaposha, sona akabaposha boshi. ²⁰ Po akabatesha abafundiwa bake nukuti, " basayiwa umwe mwebapina, papo ichinyu bunyafyale bwa Chala. ²¹ Basayiwa umwe mwemuli nisala, papo nukwisa ukwikuta. Basayiwa umwe mwemukulila apa, papo mukwsa ukuseka. ²² Basiyiwa umwe linga abandu bababengite, sona bakubapatulanukubatuka sona nukubakana ingamu yinu ngati mbibi, chifikwa cha mwana wa mundu. ²³ Po musekele ishiku ilyo sona nukunyela chifukwa cha kuhoboka, chifukwa nukwisa ukupokela ichabupi ichikulu kumwanya, papo nabanyenya babo fyobakababombela abakunguluka musila yimuyene. ²⁴ Loli mukoshi kumwe mwebakabi, papo mwapokela kale ifyisa fyinu. ²⁵ Mukoshi kumwe mwe mwishile apa, papo musukuba nisala. Mukoshi kumwe mukuseka apa, papo mukwisa pakuswima nukulila panyuma. ²⁶ Mukoshi kumwe abandu bakuyugha ubwisa bwinyu, pakuti abanyenya babo bakababombela fififyo abakunguluka abamyashi. ²⁷ ''Lole nguyugha kumwe mwe mukupulika, ghana umulughu wako nukumubombela ifyisa boshi babo bakubengite uwe. ²⁸ Basaye boshi babo bakukutuka uwenukubiputila boshi babo bakukunyasha uwe. ²⁹ Kuyuyo akukukoma uwe kulusaya lumulyene, mupe sona ulungi. Pala yumo egha ikoti lyako utakamukanile numwenda wako ghope. ³⁰ Mupe weshi yuyo akukusuma uwe. Pala yumo egfha chimo ichako, utakamubushe ukuti akunyosheshe. ³¹ Isa mumwo ukulondela ukuti abandu bakubombela, nuwe ubabombelaghe chilachila. ³² Linga ubaghanite abandu babo bakughanite, po mukupindulaki? Papo nabatulanonga bope bakughana babo babaghanite. ³³ Linga mukubabombela abandu ifyisa babo bakubabombela ifyisa umwe, mukupindulaki? Papo nabatulanonga bope bakubomba fimufyene. ³⁴ Linga mukubakopela abandu babo mukusubila ukulipiwa, mukupindulaki umwe? Nabatulanonga bakukopela abatulanonga, ukuti wise babweshe mumwo fyawelile. ³⁵ Lole mubaghane abalughu binu nukubabombela ifyisa. Mubakopele, ukushita ukusubalila ukubweshiwa, ukwisa ukuba nifyabupe ifikulu, sona mukwisa ukuba bana ba Mukulu Wapamwanya, papo yuyo mwene mololo ubakushita ukupalisha nabandu ababibi. ³⁶ Ube wachisa isa mumwo u Ghuso wako wachisa. ³⁷ Utakabalonge, po nuwe utakwisa ukulongiwa. Utakayughaghe ububibi, po nuwe utakwisa pakuyughiwa ububibi. Baghobokele abangi, po nuwe ukwisa ukughobokeliwa. ³⁸ Peleka, po nuwe ukwisa ukupeghiwa. Mukwisa ukupeghiwa ichipimo--ichakubindilishiwa pase, ichakuyingana sona nukwisula--chikwisa ukukupuliwa mumwako. Papo ichipimo chicho babombela, chikwisa ukupimiliwa kukwako.'' ³⁹ Po akababula ichili. ''Ka umufwa maso angamulongosha umufwa maso umunine? Pala angabomba, po boshi bakuwila muchibwina, ka batangawila? ⁴⁰ Umufundiwa atakukinda umumanyishi wake, lole linga weshi amanyila ngani akwisa ukuba isa mumanyishi wake. ⁴¹ Choni chicho ukuketa akamindu kako kali mulyiso ilya munyako, lole utakuketa ichako ichimindu chicho chili mulyiso lyako? ⁴² Ungayugha wule kumwamwinyu , 'Wamwitu isa indishepo amindu kako kali mulyiso lyako, 'po uwe pawimwene utakuketa ichikokwe chicho chili mulyiso lyako? We mumyashi uwe! wande utishe ichikokwe chicho chili mulyiso lyako, po ukwisa ukutesha akisa nukufumya akamindu kako kali mulyiso lyamunyako. ⁴³ Papo nalimo ikokwe ikyisa lilyo likupapa iseke imbibi, pamu ikokwe ibibi lipape iseke inyisa. Ikokwe lyoshi likumanyikwa niseke shake. ⁴⁴ Papo abandu batakuyaba iseke sha mukuyu mumyifwa, pamu ukuyaba iseke sha mafilu mumyifya. ⁴⁵ Umundu umwisa uwandumbula iya chuma ichisa akupapa ifyisa, sona umundu umubibi uwandumbula ya chuma ichibibi akupapa ichibibi. Ukufuma mundumbula ya findu ifyingi umulomo wake ghukuyugha. ⁴⁶ ''Choni chicho mukunitisha une, 'Malafyale, Malafyale,' lole mutakumbulikila ifindu fifyo nguyugha? ⁴⁷ Weshi umundu yuyo akwisa kukwangu nukupulika amashu ghangu nukupulikila, iti imbabushe mumwo abelile. ⁴⁸ Ali isa umundu yuyo akusenga inyumba, yo akumba ukuya pase mwilongwi nukusenga palufulugha pibwe ikafu. Mwo amapwishi ghafika, ghakakoma inyumba lole pope yitakaneng'ena, papo yikasengiwa akisa. ⁴⁹ Lole umundu weshi yuyo akupulika amashu ghangu sona atakughapulikila, ali isa umundu yuyo akasengainyumba pamwanya pilongwi ukushita ulufulugha. Bwo amishi ghaba ghingi gha koma inyumba, yikawa nakalinga, sona ukuwa kwa nyumba kukashilila papapo.''

¹ Bwo u Yesu amalisha ukuyugha fyoshi pakupulika kwa bandu, akingila mu Kapenamu. ² Po apa usongo wa basilikali akaba wikapolo yuyo akaghindfikiwa leka, po akabina papipi nukufwa. ³ Lole mwo umusilikali mwo apulika isha Yesu, akatuma abosongo bachiyuda, ukumusuma ukuti ise nukuposha uwambombo wake. ⁴ Bwo bisa kwa Yesu, bakamusuma ngani, ukuti, ''Ubaghile ukuti umubombele uyu ifi, ⁵ papo achighanite ichisu chitu, sona weyo akatusengela isinagogi.'' ⁶ Po u Yesu akabukilila ubulendo bwake pamupene nabo. Lole bwo apalamila ukufika panyumaba, umusilikali usongo akatuma abakamu bakeukuyugha nawe, ''Malafyale, utakitamye, papo indabaghile ukuti uwe wise munyumba yangu. ⁷ Pachikwa ichi indakiyegha une nimwene ukubaghila ukwisa kukwako, lole yugha ishu sona ubambombo wangu akuya pakupola. ⁸ Papo nune ne mundu yuyo ali pase ku bulaghili, nabasilikali babo bali base papangu. Ingayugha ku uyu, 'buka,' po akabuka, sona kuyungi, ''Sakuno,' sona akwisa, sona ku bambombo wangu, ''bomba ichi' sona akabomba.'' ⁹ Bwo u Yesu apulika ishi, akamuswigha, sona nukung'anamukila kuchilundilo chicho chikamukongagha akati, ''Ngubabusha umwe, Namope mu Izilayeli ndalyaghitepo lumo ulwitiko isa ulu.'' ¹⁰ Bwo boshi babo bakabatuma banyokela ku nyumba, bakamwagha ubambombo mwisashe. ¹¹ Ukufuma apo panandishe, u Yesu akaya mukaya ka Nayini, nabafundiwa wake pamupene nichilundilo ichukulu chope chikabuka nawe. ¹² Bwo bafika papipi numulyango uwamukaya, keta, umundu yuyo akafwa bakamunyamula ukufuma nawe pase, umwana yumuyuwene umulisha mwamayi wake(yuyo akaba mufwilwe), ichilundilo ichikulu chikawa nawe ukufuma mukaya. ¹³ Bwo umalafyale amuketa, ichitima chikamukola payuyo nukuyugha ukuti, ''utakalilaghe.'' ¹⁴ Po akanyamuka nukupalamasha ifikono fifyo bakanyamulila umundu umufwe, po babo bakanyamula bakimilila. Akati, ''We mulumyana nguyugha kukwako uwe, nyamuka.'' ¹⁵ Umundu umufwe akanyamuka nukwanda ukuyugha, po u Yesu ukamukolela u mayi wake. ¹⁶ Po ubwogha bukabakola boshi, sona bakabukilila ukumukwesha u Chala, ukuti, ''Umukunguluka umukulu anyamuka pakati pitu'' sona ''U Chala abaketa abandu wake.'' ¹⁷ Akapango aka Yesu kakasata akaya koshi aka Yudeya pamupene nifighaba ifya kushungulila. ¹⁸ Abafundiwa ba Yohani bakayugha fyoshi ifi. ¹⁹ Po u Yohani akitisha abafundiwa wake babili nukubatuma kwa Malafyale ukuti, ''Ka wewe we bakuti ukuya pakwisa, pamu tuketaghe uyungi?'' ²⁰ Bwo bafika papipi nu Yesu, abandu bala bakati, ''U Yohani atutuma kukwako ukuti, 'Ka wewe we bakuti ukuya ukwisa, pamu tukete uyungi?''' ²¹ Mukabalilo ako akaposha abandu abingi kububine nakundamyo sona nakumphepo imbibi, sona nabafwa maso abandu abingi akabapa ukutesha. ²² U Yesu akabamula nukuti kukwabo, ''Pala mukubuka ubulendo bwinyu, mumubushe u Yohani fifyo mwaketa nukupilika. Abafwamaso bakutesha, abalemale bakwenda, abambungo ya bukoma bakwelupiwa, abamapuli bakupulika, abandu babo bafwile bakushuka kubwumi, sona abapina bakupulika amashu amisa. ²³ Umundu yuyo atakulekapo ukusubila mumwangu chifukwa cha mbombo shangu musayiwa.'' ²⁴ Bwo indumi sha Yohani shabuka, u Yesu akanda ukuyugha isha Yohani, ''Ka mukaya pakuteshaki mululangalanga? Ulutete lulo lukuneng'ena ni mbepo? ²⁵ Lole mukaya pakuteshaki? umundu yuyo akafwala imyenda imitonde? Tesha babo bakufwala imyenda iya mutengo sona nababo bakwikala ubwumi ubwakufwasa bali munyumba isha bo Malafyale. ²⁶ Lole mukaya pakuteshaki? Umukunguluka? Inga, nguyugha ku umwe, sona kuyuyo akilite umukunguluka. ²⁷ Ishi sha yuyo shisimbiwe, 'Tesha, ngutuma ubandumi pandashi pako, yuyo akwisa ukunosha isila yako.' ²⁸ Nguyugha kumwe, pakati paboshi babo bapapiwe nabakolo nayumo yuyo amukilite u Yohani. Polole yoyo munandi mubunyafyale bwa kumwanyabwa Chala weyo mukulu ukukinda yuyo.'' ²⁹ (Bwo abandu woshi bapulika ifi, pamupene nabasongesha songo, bakayugha bakati u Chala mugholofu, papo bakoshiwa mulosho lwa Yohani. ³⁰ Lole abafalisayi nabamanya ndaghilo bakashikana shisho u Chala akabinong'onela papabo, papo batakoshiwa mulosho lwa Yohani.) ³¹ ''Kuchoni, po, ningafwanikisha abandu aba ngulile iyi? Bali isa choni? ³² Bali isa bana abanandi babo bakwangala mubuyo ubwa kughulishikishamo, bubo bakwikala nukwitisania sona nukuti, 'Tukubalishikisha imbiliti, sona mutakamogha. Tukimba ulwimbo lwa mbungo, sona mutakalila.' ³³ Pakuti u Yohani akabosha ulosho ulwisa ukushita ukulya ubuledi nukung'wa ubwala, sona mukuti, 'Ali nimbepo imbibi.' ³⁴ U Mwana wa Mundu akisa ukulya nukung'wa, sona mukuti, 'Keta, mundu umupafu sona akukolwa, umukamu wa songesha songo nabatulanongwa!' ³⁵ Lole amahala magholofu kubana wake boshi.'' ³⁶ Apa yumo uwa bafalisayi akamwitisha u Yesu ukuti aye alye nawe. Bwo u Yesu ingila munyumba iya mufalisayi, akikala nukulya nawe pamesa. ³⁷ Keta, kukaba umukolo yum umutula nongwa mukaya. Mwo ashaghania ukuti ali pakulya munyumba ya mufalisayi, akisa isupa ilya mafuta aghakunungila. ³⁸ Bwo imilile pambali papipi nifilundi sona fyake, akulila, akanda pakutimya ifilundi fyake namashoshi ghake, sona nukumupuputa niching'wili chakumutu wake sona nukumufyofyomba utulundi twake sona nukumupakasha amafuta. ³⁹ Bwo umufalasayi yuyo akamwitisha u Yesu aketa ifi, akinong'ona pamwene ukuti, ''Pala umundu uyu akabanga mukunguluka, po ngali amanya ukuti wiwini sona mukolo yuki yuyo akumupalamasha, ukuti uyu mutula nongwa.'' ⁴⁰ U Yesu akamula nukuyugha ukuti kukwake, ''Simoni, ndinichayugha kukwako.'' Akati, ''yugha, Mumunyishi!'' ⁴¹ U yesu akati, ''Pakabapo uwakukopesha indilama yumo akaba nabanongwa yake babili. Yumo akakopa fayivi handiledi, yumo fifite. ⁴² Bwo bapotwa pakulipila, akabahobokela boshi babili. Polole, wini yuyo paboshi angamugana ngani?'' ⁴³ U Simoni akamula nukuti, ''Une nguti yuyo akamuhobokela inyingi ngani.'' U Yesu akati kukwake, ''Walonga akisa.'' ⁴⁴ U Yesu akang'anamukila kumukolo yula nukuti kwa simoni, ''Ukumuketa umukolo uyu. Ningile munyumba yako. Utakamba amishi une aghakusukusula mutulundi twangu. Lole andimya utulundi twangu namashoshi ghake sona nukumbukuta niching'wili chake. ⁴⁵ Utakafyofyomba, lole ukufuma akabalilo kako ningilile muno atalekitepo ukufyofyomba ifilundi fyangu. ⁴⁶ Utakambakasha amafuta kumutu wangu, lole ambakasha utulundi twangu namafuta aghakunungila. ⁴⁷ Polole nguti kukwako, imbibi shake, shisho shikaba nyingi, shahobokeliwa papo ali nulughano ulukulu. Lole yuyo ahobokeliwa panandi akuba nulughano ulunandi.'' ⁴⁸ Po akati kuyuyo, ''Imbibi shako shahobokeliwa.'' ⁴⁹ Boshi babo bakalya pamupene bakanda pakuyugha pakati pabo pabene ukuti, ''Wini yuyo uyu ukuti akuhobokela nimbibi?'' ⁵⁰ Po u Yesu akati kumukolo yula, ''Ulwitiko lwako lwakuposha uwe. Bukagha numutende.''

¹ Panyuma pake shikaboneka nakalinga bwo u Yesu anda pakwenda nukushungulila utwaya utukulu utwakupamba pambana sona nutwaya utunandi, ukulumbilila nukufumusha amashu amisa agha bunyafyale bwa Chala. Abandu twelovu bali nawe, ² pamupene nabakolo babo akabaposha kumbepo imbibi nimbungo: U Maliya yuyo akwtishiwa Magadalena, muyuyo mukafumamo imbepo imbibi seveni; ³ U Johana, umukashi wa Chusa, umubomba mbombo usongo wa Helodi; u Suzana; nabanine abingi, bo, ukufuma mufyuma fyabo, bakamubombelagha nafyo. ⁴ Lole bwo ichilundilo ichikulu chikubungana, sona abandu bakisa kukwake ukufuma utwaya nutwaya, akababula ichili: ⁵ ''U mulimi akaya pakupesa imbeyu yake. Bwo akupesa, yimo yikawila mulufafu misila, po bakayikanya nifindi, sona nifiyuni ifyamumwanya fikasebagha. ⁶ Yimo yikawila pibwe, sona lole mwo yamela, yikumila, papo iching'weshi chitakabapo. ⁷ Yimo yikabila mumyifwa, po imyifwa yikakulila pamupene nimbeyu sona yikaghogha. ⁸ Lole yimo yikawila mwilong'wi ilyisa sona yikamenukupapa iseke mupaka handiledi ukukindapo.'' Bwo u Yesu ayugha ifindu ifi, akitisha, ''Weshi yuyo ali ni fyifwo ifyakupulikila, leka apulike.'' ⁹ Abafundiwa bakamibushikisha shisho ichili ichi chikang'anamulilagha. ¹⁰ Akati, ''Ubumanyi ubwa shabushifu isha bunyafyale bwa Chala bupeghiwe kukwinyu umwe, lole abingi nguyughila mufyili, po ukuti 'bakuteshe lole batakutesha, sona bakupulika lole ukuti manye bashaghanie.' ¹¹ Po ichi chocho ching'anamula cha chili: Imbeyu lishu lya Chala. ¹² Yiyo yikawila musila bobala boshi babo bapulika, lole u Satana akwisa nukwegha ishu mundumbula shabo ukuti manye basubile nukupokiwa. ¹³ Iya pibwe bobala boshi babo, linga bapulika, bakulipokela nulusekelo. Lole imishu nayimo; bakusubila pakabalilo akapimba, po lole mutubalilo twa ngelobakuwa. ¹⁴ Imbeyu yiyo yikawila mumyifwa bandu babo bakupulika ishu, lole po bakubukilila ukwenda kwabo, ghakufufutika nifyachisu sona nubukabi sona nifyakunosha ifyabwumi, po iseke shabo shitakughoma. ¹⁵ Lole imbeyu yiyo yikawila mwilyongwi ilyisa, aba bobo bakupulika ishu nubwanaloli sona nindumbula inyisa, kolela nukushighilila sona nukupapa iseke nukukibilila.'' ¹⁶ ''Nayumo yuyo akukosha inyale nukuyifunikila nichifunikishopamu akuyibika pase pachitala. lole, akuyibika pachikolelo icha chale ukuti weshi yuyo akwingila ateshange ubwelu. ¹⁷ Papo patalipo nachimo chicho chififiwe ukushita ukumanyikwa, pamu ichakubushifu choshi ukushita ukumanyikwa sona nukwisa pabwelu. ¹⁸ Po pulikisha akisa, papo naweshi yuyo ali nafyo, ifyingi fikwisa ukupeghiwa kukwake, lole yuyo atanacho nachimo, nacho akwing'ona ukuti ali nacho chikwisa ukupeghiwaukufuma kukwake.'' ¹⁹ Po u mayi wake nabowamwabo wakisakukwake, lole batakapalamila kukwake papipi papo kukaba ichilundilo. ²⁰ Akabushiwa, ''Umayi wako nabowamwinyu bako bimilile kuse, bakulonda bakukete uwe.'' ²¹ Lole u Yesu akamula nukubabula ukuti, ''Umayi wangu nabowamwitu bobala babo bakupulika ishu lya Chala nukulibomba.'' ²² Po ishiku limo akingila mwiboti nabafundiwa wake, po akati kukwabo, ''Satubukaghe kwisila ilya lubafu lya nyanja.''Bakanda pakwambuka. ²³ Lole bwo bakwenda u Yesu akapitila utulo. Imbepo yikisa iyakoghofya ingulu panyanja, iboti likisula namishi, po bakaba pa ndamyo. ²⁴ Po abafundiwa ba Yesu bakisa kukwake nukumunyamusha, nukuti, ''Bwana! Bwana! Tuli pakufwa!'' Akanyamuka nukukalipila imbepo pamupene namayigha gha mishi, sona ghakaleka, pakaba umutende. ²⁵ Po akati kubabo, ''Ulwitiko lwinyu luli koki?'' Lole bakoghopa nukuswigha, po bakabushikisania uyu numunine, ''Ka uyu wiwini, ukuti akukemela imbepo namishi, sona fikumupulikila?'' ²⁶ Bakenda ukuya muchigha cha Gelasinesi, chicho chiketanite ninyanja ukufumaku Galileya. ²⁷ Mwo u Yesu aya pasila pachisu, akisa akomana numundu yumo mukaya mula yuyo akaba imbepo imbibi. Pakabalilo akatali atafwalitepo imyenda, namunyumba atakikalaghamo lole mumapumba. ²⁸ Bwo amuketa u Yesu, akalila nukuwa pase pamaso ghake po akati namashu agha pamwanya, ''Ka ukulonda ubombe ichoni nune, Yesu, Mwana wa Chala wa Pamwanya? Ingukusuma, manye undamye une.'' ²⁹ Papo u Yesu alamwile imbepo imbibi ukufumamwo mumundu uyu. Papo utubalilo utwingi shamutamyanga, sona po bule bakamutamyanga nabo cheni nukukindapo pakulongoshiwa nu ,mbepo ukuya mululangalanga. ³⁰ Po u Yesu akamubushikisha, ''Ingamu yako wewini?'' Akati, ''Ne chilundil,'' papo imbepo inyingi shingile mumwake. ³¹ Shikabukulila ukumusuma u Yesu ukuti manye ashitume ku abisi. ³² Apa pakaba ichilundilo icha nguluwe chicho chikalyanga kulubafu kwihamba. Imbepo iombibi shikamusuma ukuti ashitaghile munguluwe, po akashikisha. ³³ Po imbepo imbibi shila shikafumamo mumndu yula nukuya munguluwe, shikabiuka ukuya kukilomosha kakunyanja tukudwiwa. ³⁴ Bwo abakulyesha inguluwe baketa fyifyo fikabombiwa,bakakindapo nukuya mukaya mula namulubafu muchisu pafifyo fikabombiwa. ³⁵ Po abandu bakabuka pakutesha pa fifyo fikabombiwa, po bakisa kwa Yesu nukumwagha umundu yuyo imbepo shikafumamwo. Akikala mutulundi twa Yesu, afwalite sona ali akisashe munyinong'ono; Ubwogha bukabakola. ³⁶ boshi babo bakatesha ifi bakababula mumwo umundu yuyo akaba nimbepo imbibi akapolela. ³⁷ Po abandu boshi aba chighaba cha Gelasinesi bakamubushikisha u Yesu ukuti afumepo papabo, pakuti bakaba nubwogha ubukulu. Po akingila mu boti nukwanda ubulendo ukunyokela. ³⁸ Umundu yuyo imbepo shikafumamwo akamusuma yuyo ukuti abukaghe nawe pamupene, lole u Yesu akamubwesha, akati, ³⁹ ''Nyokela kukaya kwinyu kababule fifyo u Chala akubombela uwe.'' Umundu yuyla akanyamuka nubulendo bwake, ukufumusha mukaya koshi fifyo u Yesu akamubombela yuyo. ⁴⁰ Apa bwo u Yesu anyokela, ichilundilo chikamupokela, papo bakamulindililagha yuyo. ⁴¹ Tesha, umundu yuyo ingamu yake wi Jayilosi, yuyo akaba wa yumo wabalongoshi mu sinagogi, akisa nukuwa pasi patulundi twa Yesu, sona akamusuma yuyo ukuya kunyumba yake ⁴² papo umwana wake yumuyuwene umulindu, umulindu uwafwinja twelovu, akaba papipi nukufwa. Bwo u Yesu ali musila yake, ichilundilo cha bandu chikafinyana pamupene nukumushungulila yuyo. ⁴³ Pakaba umukolo yumo yuyo akafumagha ibanda ifwinja twelovu sona akagha indalama shoshi shake, lole nayumo yuyo akakwanisha ukumuposha. ⁴⁴ Akisa kunyuma kwa Yesu nukupalamasha umuselekesha wake, papo napapo imbanda likaleka pakufuma. ⁴⁵ U ayesu akati, ''Wini yuyo ambalamasha une?'' Bwo boshi bakana u Peteli akati, ''Bwana ichilundilo cha bandu chikushungulile uwe nukufinyana pakwisa kukwako.'' ⁴⁶ Lole u Yesu akati, ''Yumo ambalamasha une, papo namanya ukuti amaka ghafumamwo mumwangu.'' ⁴⁷ Bwo umukolo yula amanya ukuti atangimama, akisa atetema nukumuwila yuyo. Pamaso gha bandu boshi akashimikisha ichifukwa chicho akamupalamashila yuyo namumwo akapolela papo napapo. ⁴⁸ Po akati kuyuyo, ''Mulindu, ulwitiko lwako lwakuposha. Buka mulutengano.'' ⁴⁹ Bwo akali ali pakuyugha, yumo akisa ukufuma kunyumba ya mulongoshi uwa sinagogi, akati, ''Umwana wako umulindu afwile. Utakamutamyaghe umumashi sona.'' ⁵⁰ Lole mwo u Yesu apulika ifi, akamwamula u Jayilosi, ''utakoghope; subilashe, sona akwisa ukupola.'' ⁵¹ Bwo isa kunyumba atakamwitikisha nayumo ukwingila nawe, ukupatulako u Peteli nu Yohani nu Yakobo, po nu tata wa mwana nu mayi wake. ⁵² Apa boshi bakingila nukufwifwitilila, lole akati, ''Mutakalilaghe; atafwile lole apitile.'' ⁵³ Lole bakamuseka yuyo, abene bakamanya ukuti afwile. ⁵⁴ Lole akamukola nakakono kake sona nukumwitisha, akati, ''Mwana, nyamuka!'' ⁵⁵ Umbepo wake akanyokela, sona akanyamuka papo napapo. Akabalaghila ukuti bamupe ichakulya chimo. ⁵⁶ Abapapi bake bakashigha, sona akabalaghila ukuti manye bamubushe nayumo pachicho chaboneka.

¹ Akabitisha abafundiwa twelovu pamupene akabapa amaka agha bulaghili ubwakufumya imbepo imbibi sona nukuposha imbungo. ² Akabatuma pakuya pakufumusha ubunyafyale bwa Chala nukuposha ababine. ³ akayugha kukwabo ukuti, ''Mutakeghe nachimo pabulendo bwinyu--- mutakeghe ingomo, pamu ichikwama, pamu ichakulya, pamu indalama, sona nokunyamula ifyakufwala ifwingi. ⁴ Inyumba yiyo mwingila, mwikale mulamula mupaka mukabwele. ⁵ Koshi kuko batabapokelela, linga mukufumamwo mukaya kala, mubakung'undile ulufumbi mutulundi twinyu lulo lushimikisho lwakulimbana nabo.'' ⁶ Po bakanyambana nukubuka mutwaya twoshi, ukutangalasha amashu nukuposha koshi kula. ⁷ Po u Helod u malafyale akapulika ifya fyoshi fifyo fikachitikagha, amahala ghakamushilila papo bakayughagha ukuti u Yohani ashuka kubufwe, ⁸ sona bamu bakatingi u Eliya abonekela, pamu pakendelela ukuti mukunguluka ubakale ashuka. ⁹ U Helodi akati, ''Ngaputula umutu wa Yohani. Wiwini yuyo ngupulika ifindu isa ifi?'' Po akaghela ukuti amuteshe. ¹⁰ Mwo abafundiwa wanyokela, bakamubula fyoshi fifyo babomba. Po akabegha boshi nukubuka nabo kubuyo bwa pabene mukaya kako kakitishiwanga Betisayida. ¹¹ Lole mwo ichilundilo chapulika ishi, Bakamukongesha. Akabambilila nukubabula ifya bunyafyale bwa Chala, sona akabaposha babo bakalondagha ukuposhiwa. ¹² Po ishiku ilyabumalilo likaba ukuti lyaya pakukwana, bala twelovu bakisa kukwake nukuti, ''Chibweshe ichilundilo ukuti bangaya mutwaya twakushundulila na mulubafu lwachisu ukuti baye balonde ubuyo bwakughona ni chakulya, papo tuli kubuyo bwapatwibene.'' ¹³ Lole akayugha kukwabo akati, ''Mubape fimo ifyakulya balye.'' Bakati, ''Tutanafyo fyingi ukupululila ifibama fayivi niswi shibili---lole pala tungabukanukuya pakughula ichakulya ichabandu boshi aba." ¹⁴ (Pakaba abalisha fayivi sawuzande.) Akati kubafundiwa wake, ''Bikashe pase mufighaba fifite pachighaba chilichoshi.'' ¹⁵ Po bakabomba ifi, nukubabula abandu ukwikala pase. ¹⁶ Akegha ifibama fayivi niswi shibili, akaketa kumwanya, akafisaya nukufimenyula mutunandinandi, nukubapa abafundiwa ukuti bachipe ichilundilo. ¹⁷ Boshi bakalya nukwikuta, fyo fikashala fikanyamuliwa ifidudunga twelovu ifyakumenyuka menyuka. ¹⁸ Kakisa akabalilo kako u Yesu akiputagha mwene, abafundiwa bakaba nawe. Akabalalusha ukuti, ''Ka ichilundilo chikuti ne wini?'' ¹⁹ Bakamula ukuti, ''Yohani u mwosho. Lole bamu bakuti Eliya, bamu bakuti we yumo mwa bakunguluka abakale ushukite.'' ²⁰ Po akati kukwabo, ''Lole umwe mukuti une ne wini?'' U Peteli akamula, ''We Kilisitu wa Chala.'' ²¹ Lole akabasokesha nukubalaghilisha ukuti manye muyughe kuyumo, ²² ukuti, ''U Mwana wa Mundu abaghile ukutamiwa mufindu ifyingi nukukaniwa nabosongo nabamanyi ndaghilo nabasimbi akwisa ukughoghiwa po pishiku ilya butatu takashuke kubwufwe.'' ²³ Po akayugha kukwabo boshi, ''Linga yumo akulonda ukwisa ku une, abaghile ikane mwene nukunyamula ichipinjika ishiku lyoshi nukungonga une. ²⁴ Weshi yuyo akusunga ubwumi bwake aukya pakughutagha, lole yuyo akupokiwa ubwumi bwake chifukwa cha une akuya pakubusunga. ²⁵ Chingaba chisa chiki chicho umundu apeghiwe ichisu choshi chapase, lole apotwe ukukaba ubwumi bwake? ²⁶ Yuyo akukoshiwa isoni nune namashu ghangu, kukwake u Mwana wa Mundu akuya ukukoshiwa isoni nawe linga akwisa nulughindiko lwake nulughindiko lwa Tata nulwa bandumi abelu. ²⁷ Lole ngubabusha umwe ubwanaloli, pali bamu babo bimite panu tabakaghonjepo ubufwe mwo batateshishe ubunyafyale bwa Chala. ²⁸ Pamashiku eyiti mwo u Yesu ayugha amashu agha, akamwegha u Peteli nu Yohani nu Yakobo nukubuka nabo pamwnya pighamba pakwiputa. ²⁹ Mwo akwiputa, akabonekele ka cheni chake kakachenja, sona imyenda yake yikaboneka miswepu ngani. ³⁰ Tesha, abandu babili bakayughagha nawe, u Mose nu Eliya, ³¹ Bakaboneka mulughindiko, bakayughagha nawe ifyakufumamwo, nisha bumalilo bwake mu Yelusalemu. ³² Po u Peteli nababo akaaba nabo bakapitila ngani, lole mwo balamusha, bakaketa ubukulu bwake sona abandu babili bakimilila nawe. ³³ Po mwo bakufumako kwa Yesu, u Peteli akayugha kukwake, ''Songo chingaba chisa ukuti twikalaghe kunokuno. Isagha tusenge ifitembe fitatu, chimo chako, chimo cha Mose, sona chimo cha Eliya.''(Atakamanyagha fifyo akayughagha.) ³⁴ Po mwo akali akuyugha ifi, ibingu likisa nukubakupikila, bakisa baba nubwogha mo bingila mwibingu. ³⁵ Ishu likafuma mubingu ukuyugha ukuti, ''Uyu Mwana wane, yuyo imutumite; mumupulikilaghe.'' ³⁶ Mwo ishu lyayughiwa, u Yesu akayiwa ukuyti ali mwene. Bakabukilisha ukuba myee sona batakamubusha nayumo mumashiku ghala pafyoshi fifyo bakafitesha. ³⁷ Po ishiku ilinine, mwo bika ukufuma pamwanya pighamba, ichilundilo ichikulu chikakomana nawe. ³⁸ Tesha, umundu ukufuma muchilundilo akukolela, akayugha ukuti, ''Mumanyishi ngusuma ukuti umukole umwana wangu, pakuti weyo mwana wangu yumuyuwene. ³⁹ Mwatesha, imbepo shikumubombesha papo napapo akalila ngani; fikumupangisha ukutetema ukuti akwandagha ukufumya amatotofulu kumulomo. Fikaba fipala ukuti fimuleke sona fikamukomania ingani. ⁴⁰ Ingabasuma abafundiwa wako ukuti bafifumyemo, lole batakabomba.'' ⁴¹ U Yesu akamula nukuyugha ukuti, ''Mwebashita lwitiko sona nuluko lwakushita ukwinong'ona, imbe numwe mupaka lighi sona nukumubika pamwanya pinyu? Sagha numwana wako kuno.'' ⁴² Mwo umulumyana akwisa, imbepo imbibi shikamuwisha pase nukumutetemya nubukali ngani. Lole u Yesu akayikemela imbepo imbibi nukumuposha umulumyana, nukumupa u wise wake. ⁴³ Po boshi bakaswigha ubukulu bwa Chala. Po mwo boshi bali pakushigha nafyoshi fifyo akabombagha, akayugha kubafundiwa wake, ⁴⁴ ''Mweghe amashu agha ghingile ingani mufyufyo fyinyu: U Mwana wa Mundu tapelekiwe mutukono twa kubalughu.'' ⁴⁵ Lole batakapulika nachimo fifyo akayughagha. Chikafifiwa kubabo, po batakamanyagha iching'anamulo chake, po lole bakaba nilyogha ukubushikisha ifya mashu agha. ⁴⁶ Po ukutatikana kukanda pabene ifyakuti wiwini takabe wi songo. ⁴⁷ Lole u Yesu, akamanyagha fifyo bakinong'onagha mundumbula shabo, akegha akamwana akanandi ngani nukukanyamula mutukono twake ⁴⁸ nukuyugha kukwabo ukuti, ''yuyo akwambilila umwana uyu mungamu yungu, akunyambilila une; sona yuyo akunyambilila une, akwambilila yuyo andumite une. Pakuti yuyo mukeke ngani ukukinda mweboshi weyo wisongo.'' ⁴⁹ U Yohani akmula, ''Malafyale, tukatesha yumo akufumya imbepo imbibi mlungamu po tukamulesha, papo atakaba pamupene nutwe.'' ⁵⁰ ''Mutakamukanishe,'' U Yesuakayugha, ''Papo yuyo akususania numwe weyo winu.'' ⁵¹ Mwo amashiku ghapalamila ukuti bamweghe, akaketa icheni chakechake ukuya ku Yelusalemu. ⁵² Akatuma ubandumi pandashi pake, po bakabuka nukwingila mutwaya twa Samaliya ukumuyanisha fyoshi ifyake. ⁵³ Lole abandu bakula batakamwambilila papo akaketa icheni chake ukuya ku Yelusalemu. ⁵⁴ Mwo abafundiwa bake u Yakobo nu Yohani batesha ifi, bakayugha ukuti, ''Malafyale, ukulonda utwe tulaghile umulilo ukuti wike pase ukufuma kumwanya nukubanangania?'' ⁵⁵ Lole akasanusha nukubakemela, ⁵⁶ po bakabuka mutwaya utunine. ⁵⁷ Mwo bakwenda musila, yuymo akayugha kukwake, ''Tingukomgaghe koshi kuko ukuya.'' ⁵⁸ U Yesu akamula ukuti, ''Abokambe bali nimbako, nifiyuni fyamumwanya fili nififumbo, lole u Mwana wa Mundu atanako nakumo ukwakuti angaghonekapo umutu wake.'' ⁵⁹ Po akati kumunine, ''Ngongaghe une.'' Lole akati, ''Malafyale leke inje ishile u tata wangu.'' ⁶⁰ Lole akati kukewake, ''Baleke abafwe bashilane benebene. Lole kwa uwe, buka nukufumusha kuwutali nukukusha ifya bunyafyale bwa Chala.'' ⁶¹ Po yumo akayugha ukuti, ''Tingukongaghe, Malafyale, lole leketashi inje indaghe boshi kukaya.'' ⁶² U Yesu akamwamula akati, ''Nayumo yuyo angabika akakono kake pikasunukuketa kunyuma kubunyafyale bwa Chala.''

¹ Mwo fyabombiwa ifi, u Malafyale akasala sevenite abangi, po akabatuma babili babili ku kaya kalikoshi na mubuyo bubwu akaba ukuti ndiabukemo. ² Akayugha kukwabo, ''Ifyakwinula fwingi, lole abakwinula bobo banandi. Po lole mubushe u Malafyale wa mwinulo ukuti atume abakwinula ukuti binule ifyakwinula fyake. ³ Bukagha musila yinu. Tesha, ngubatuma isa bonang'oshi mukati mufinyamana. ⁴ Mutakanyamulaghe ichikwama cha ndalama, pamu ichikwama cha pabulendo, sona nifilato, po sona mutakamulamuke nayumo musila. ⁵ Inyumba yoshi yiyo mwingilamo, ichabwandilo mutingi, 'Ulutengono lube munyumba iyi!' ⁶ Linga umundu wa lutengano alimo mulamula, ulutengano lwunu tiluwe papake, lole pala nalumo, mukwisa ukunyoka nalo. ⁷ Mubeshe munyumba yilayila, mulyange nukung'wa fifyo bakubapa, Pakuti uwambombo enelile fifyo akulipiliwa. Manyi mwendaghemwendaghe ukufuma pa nyumba iyi ukuya payinine. ⁸ Akaya koshi kako mwingila, pala babapokelela, chicho babasenganishishe ⁹ muposhe ababine babo bali palapala. Muyughe kukwabo, 'Ubunyafyale bwa Chala buli papipi numwe.' ¹⁰ Pala mwingila mukaya inga batabapokelela, mubuke mutusila nukuti, ¹¹ 'Nulufumbi bubu ulwa mukaya kinyu lolukakatile kufilundi fyitu tubakung'undile umwe! Lole mumanye ichi: ubunyafyale bwa kumwanya bwapalamila.' ¹² Nguyugha ku umwe ukuti pishiku lila tikukabe akisa ku Sodomu ukulusha akaya kala. ¹³ Mukoshi kumwe, Kolazini! Mukoshi kumwe, Betisayida! Pala imbombo ishisa shisho shikabombiwa mwa umwe shabombiwa Tayile namu Sidomu ngali bapindukite kale, nukwikala mu hunila na mumoto. ¹⁴ Lole tifikabepo akisa ngani ku Tayile na ku Sidomu pabulongi ukulusha umwe. ¹⁵ Uwe, Kapenamu, ukwinong'ona ukuti tijukwershiwe kumwanya? Hagha, tiukishiwe ukufika pachisu pase. ¹⁶ Yuyo akupulika ku umwe akupulika kukwangu, sona yuyo akukana umwe akukana une, po yuyo akukana une akukana yuyo akanduma une.'' ¹⁷ Bala sevenite bakanyokela nulusekelo, bakatingi, ''Malafyale, nimbembepo imbibi shope shalambagha kukwitu mungamu yako.'' ¹⁸ U Yesu akayugha kukwabo, ''Namuketeleshagha u Satana akaba ukufuma kumwanya isa kamesha. ¹⁹ Tesha, nabapa amaka aghakukanya pa njoka nukalisha, napamaka ghoshi aghabalughu, sona nachimo chicho ndichikabafulashe musila yoshi. ²⁰ Po mutakaghobokaghe naichi chene, pakuti imbepo shikulamba kukwinyu, lole muhoboke ngani pakuti ingamu shinu shilembiwe kumwanya.'' ²¹ Po pakabalilo kala akahoboka ngani mwa mbepo mwikemo nukuti, ''Ngukupala uwe, Tata, Malafyale wa kumwanya na pase, papo ukabafifa ifindu ifi aba mahala nababo bakupulikisha nukufifumbula kubabo batamanyishiwe, isa utubana utunandi. Inga, Tata, po chikaba chakuhobosha pamaso pako. ²² "Ifindu fyoshi fyapeghiwa kukwangu ukufuma kwa Tata, sona nayumo yuyo ashimenye ukuti u Mwana wiwini lole u Tata mwene, sona po nayumo yuyo amenye ukuti u Tata wiwini lole u Mwana nababo u Mwana abasala ukuti abavumbulile.'' ²³ Po akaisa ang'anamukila kubafundiwa bake nukuyugha umwakwimama ukuti, ''Basayiwa babo bakutesha ifindu fifyo mukutesha. ²⁴ Nguyugha ku umwe, abakunguluka abingi nabo Malafyale bakanyonywa fifyo umwe mukufitesha, sona batakafitesha, nukuti bapulike ifindu fifyo mukupulika, po batakafipulika.'' ²⁵ Tesha, yuyo ashimenye ngani indaghilo akimilila ukuti amughele, nukuti, ''Mumanyishi, ningapangaki ukuti ibwagheubumi bwabwila nabwila?'' ²⁶ U Yesu akayugha kukwake, ''Mundaghilo musimbiweki? ukubelengagha buleghe?'' ²⁷ Akamula nukuyugha ukuti, ''Umughane u Malafyale u Chala wako nindumbula yako yoshi, nu muzimu wako woshi, namaka ghako ghoshi, ninyinong'ono shako shoshi, po numupalamani wako isa wimwene.'' ²⁸ U Yesu akati kukwake, ''Wamula akisa. bomba shishi, po ndiwise wikale.'' ²⁹ Lole umwene, ukunynywa ukwilongela mwene, akati kwa Yesu, ''Umupalamani wangu wiwini?'' ³⁰ U Yesu akamwamula nukuti, ''Umundu yumo akafumagha ku Yelusalemu ukuya ku Yeliko. Akakoliwa nabalughu, bakamupoka ifindu fwake, nukumukoma, bakamuleka ashala panandi ukufwa. ³¹ Mwalusako u muputi yumo akenda kusila yilayila, po bwo amutesha akenda kulubafu. ³² Musila yilayila, umu Levi wepe, akati afika pabuyo bulabula nukumutesha, akenda kulubafu. ³³ Lole umusamaliya yumo, bwo ali pabulendo, akafika po akaba. mwo amutesha ichisa chikamukola. ³⁴ Akafika papipi nawe nukumupinya ifilonda fyake, nukumukupulila amafuta nu bwala bwa mafilu. Akamwikasha pachima chake nukwisa nawe ku nyumba ya balendo, nukumupwelelela. ³⁵ Pishiku ilingi akafumya utukopala tubili, nukubapa babo bakapokelela abalendo, po akati, 'mumupwelele, sona chichoshi chicho mwabombesha, pala nisa tingabanyoshekeshe.' ³⁶ Pa boshi batatu ukwinong'ona ukuti wiwini yuyo akaba mupalamani wa yuyo akakoliwanabalughu? ³⁷ Akati, ''Yuyo akamupelela ichisa.'' U Yesu akati kukwake, ''Buka uyubombe isa shishisho.'' ³⁸ Po mwo akwenda, akingila mukaya kamo, po umukolo yumo ingamu yake Malita akamupokelela munyumba yake. ³⁹ Akaba numuzuna u Maliya , yuyo akikala mufilundi fwa Malafyale nukupulikisha amashu. ⁴⁰ Lole u Malita akatangwanika nukupiya ichakulya. Akisa kwa Yesu nukuti, ''Malafyale, utakumbashikisha ukuti ubamwitu andekile ngupiya nimwene? Po apa mubushe anyafwe.'' ⁴¹ Po u Malafyale akamula nukuyugha kukwake, ''Malita, Malita, ukupasha nukutangwanika nifindu ifyingi, ⁴² lole chokashe ichakulondiwa. U Maliya aslite ichindu ichisa ngani, chicho chitangapokiwa kukwake.''

¹ Shikabombiwa ishiku limo ukuti u Yesu akiputagha ku malo ghamu. Mwo amalisha yumo wa bafundiwa wake akayugha kukwake, ''Malafyale, tumanyishe utwe ukwiputa isa mumwo u Yohani akamanyishisha abafundiwa wake.'' ² U Yesu akati kukwabo, ''Linga mukwiputa muyughaghe mutingi, 'Tata, ingamu yako yighindikiwange isa nyikemo. Ubunyafyale bwako bwise. ³ Utupe utwe ichibama icha ishiku nishiku. ⁴ Utuhobokele utwe imbibi shitu, isa mumwo tukuhobokela weshi yula yuyo ali ninongwa shitu. Mutakatwingishe utwe mungelo.''' ⁵ U Yesu akati kukwabo, ''Wini mu umwe angisa awe numumanyani, sona akwisa ukuya kwa yuyo pakati pabushiku, sona nukuyugha kukwake, 'Mumanyani, ngopeleko ifibama fitatu, ⁶ pakuti umumanyani wangu afika lulu ukufuma pamusebo, sona ndalinako kalikoshi akakuti imwikashishe pandashi pake'? ⁷ Po yuyo akaba mukati angamwamula ukuti, 'Utakandamyaghe. Kumulyango kwighalikite kale, sona nabana wangu, babo indinabo pamupene nune baghonite pachitala. Ndangakwanisha ukunyamuka nukuti ingupe ichibama uwe.' ⁸ Nguyugha kunwe, nalinga atanganyamuka nukumupa ichibama chifukwa wimumanyani, pachifukwa cha ukushita ukuba nisoni pakukibilila, akunyamuka nukwisa nukukupa ifibama fyofyingi isamumwo ukulondela. ⁹ Nguyugha sona kumwe, suma, sona chikwisa ukupeghiwa kukwinu; londa, po mukwisa ukufyagha; kong'osha, chikwisa ukubighukila umwe. ¹⁰ Pakuti umundu weshi yuyo akusumagha akupokelagha; sona umundu weshi yuyo akulondagha akwaghagha; sona umundu yuyo akukong'osha kukwisa ukwighuka. ¹¹ Wi tata yuki mumwinu, nalinga umwana wako asuma iswi, angisa amupe injoka mumalo mwa iswi? pamu nalinga umwana wako asuma ichiba, akwisa kumupa ibwe, ¹² pamu nalinga asuma ifumbi, ungamupa ukulisha. ¹³ Popapo, nalinga umwe mwe babibi mumenye pakupa ifyisa ifyabupi kubana binyu, fili bule ubwinginu Tata winyu ukufuma kumwanya ukupa umbep[o mwikemo kwa boshi babo bakufuma kukwake?'' ¹⁴ Po apa u Yesu akafumyanga imbepo imbibi shisho shitakayughagha. Mwo ifimbepo ifibibi fyafuma, umundu yuyo atakayughagha akayugha, sona ichilundilo chikaswigha. ¹⁵ Lole abandu bamo bakayugah, ''Mwa Bezebula, umulaghili wa imbepo imbibi, ali pakufumya imbibi.'' ¹⁶ Abangi bakamughela mumwo angafukisha imbepo imbibi kumwanya. ¹⁷ Lole u Yesu akashimanya inyinong'ono shabo sona akayugha kukwabo, ''U bunyafyale boshi buyabanite bwene bwipanga pabwene pabwene, sona inyumba yiyo yighabite payene yikuwa. ¹⁸ Nalinga u satana iyabanyishe mwene, ubunyafyale bwake bungise bwimilile bulele? Pakuti mukuyugha ukuti ngufumikisha imbepo imbibi mwa Bezebula. ¹⁹ Linga ngufumisha imbrpo imbibi mwa Bezebula, mwa wini abakubakonga winyu bakufumikisha? chifukwa cha ichi, bakwisa ukuba balongi binyu. ²⁰ Lole linga ngufumikisha imbepo imbibi mukakono ka Chala, po ubunyafyale bwa Chala bwafika kukwinyu. ²¹ Nalinga u mundu ubamaka yuyo itendekeshishe akulindilila inyumba yake, ukandu wake ali pabwisa, ²² Lole nalinga umundu uwamaka ngani amupota yuyo, umundu uwa maka yula akufumyapo ifililo fyoshi fifyo akasubalila sona nukukusania ukatundu wa ²³ mundu.Yuyo atali nune kokuti abenganite nune, sona yuyo atakubungana nune akupalanyika. ²⁴ Linga imbepo imbibi shafumamo mumundu, yikuyanga kubuyo kokutali amishi sona yikulondagha ukupumula. Linga yapotwa, yikuti, 'Ngunyokela kunyumba yangu kuko ngafuma.' ²⁵ Pala yanyokela, yikwaghagha munyumba muswepite po yikubika fyoshi mubuyo bwake. ²⁶ Po yikubuka nukwegha imbepo iyingi seveni ishibibi ukulusha nayiyo shikwisa nukwikala mulamula. Po ubwumi bwa mundu bukuba bubibi ngani ukulusha napabwandilo.'' ²⁷ Fikubombiwa ukuti, mwo ayugha ifindu ifi, umukolo yumo akakwesha amashu ghake pamwanya pa chilundilo akati kukwake, ''Lusayiwa ulwanda lulo lukakunyamula uwe sona amabele ghagho ghakakongesha uwe.'' ²⁸ Lole akati, ''Hagha, musayiwa yuyo akupulika amashu gha Chala nukughasungilila.'' ²⁹ Mwo ichulundilo chikwendelela ukukula, u Yesu akanda ukuyugha, ''Ingulile iyi ngulile imbibi. Yikulondagha ichimanyikisho, napapo nachimo ichimanyikishi chicho chikwisa ukupeyiwa ukutishapo ichimanyikisho icha Yona. ³⁰ Pakuti isa momwo u Yona akisa aba chimanyikisho kuba Ninive, po isa bububu u Mwana wa Mundu akwisa ukuba chimanyikisho ku ngulile iyi. ³¹ U Mwene umukolo uwa kunguto yimuyene iya chisu akwisa ukushushiwa pabulongi nabalisha abangulile iyi sona nukuwasusha, pakuti akisa ukufuma kubumalilo bwa chisu ukupulika amahala agha Solomoni, sona tesha, yumo yuyo mukulu ukulusha u Solomoni ali pano. ³² Abalisha aba mu Ninive bakwisa ukwimilila pabulongi pamupene ningulile iyi iya bandu sona akwisa pakubasusha, pakuti bapinduka pakulumbilila ukwa Yona, sona tesha, yumo yuyo mukulu ukukinda u Yona ali pano. ³³ Nayumo, linga akosha inyale, akubika kubuyo bobwo bwimamite pamu mundende mwa basiketi, lole pamwanya pamesa, ukuti yuyo akwingila atesha ubwelu. ³⁴ Amaso ghako nyale iya mubili wako. Linga amaso ghako ghisa, umubili ghoshi ghukwisula nubwelu. Lole linga amaso ghako mabibi, umubili wako ghukwisula nichisi. ³⁵ Polelo, mube maso ukuti ubwelu mumwinyu butakabe chisi. ³⁶ Linga po umubili ghoshi ubako bisula nubwelu, kishita ichisi pakaghaba kalikoshi, po umubili wako ghoshi ghukwisa ukuba isa linga inyali yabala ubwelu bwake papako.'' ³⁷ Mwo amalisha ukuyugha, umufalisayi akamusuma ukuti aye alye nawe pamupene kunyumba yake, po u Yesu akingila nukwikala. ³⁸ Umufalisayi akaswigha ukuti u Yesu atakasukusula tashi pakwanda pakulya. ³⁹ Lole u Malafyale akati kukwake, ''Po ulu, umwe bafalisayi mukusuka abo kapu nimbale kuse, lole mukati mwinyu mwiswile ubupafu sona imbibi. ⁴⁰ Umwe mwebashita mahala! Ka yuyo akapanga kuse atakapanga namukati? ⁴¹ Bape abapina fifyo fili mukati, sona po ifindu fyoshi fikwisa ukuba fwelu ku umwe. ⁴² "Lole mwebamukoshi umwe bafalisayi, Papo mukubika chimuchene pa fighaba teni ifya filungo fyinyu isa mbilipili nu kale sona numuzimwa, lole mukukana ubwanaloli sona nulughano lwa Chala. Chipaghileukubomba ubwanaloli sona ukughana u Chala, kishita kufelula ukubomba ifindu ifingi sona. ⁴³ Mwebamukoshi umwe bafalisayi, mwe mwighanite ukwikala kundashi muma sinagogi nukulamukiwa nulughindiko mubuyo bwa kughulishikishamo. ⁴⁴ Mwe bamukoshi umwe, pakuti muli isa umapumba ghagho ghatakuboneka ghagho abandu bakwendapo kishita ukumanya.'' ⁴⁵ Yumuyuwene mubabo bakashimanya ngani ingaghilo akati kukwake, ''Mumanyishi, fifyo wayugha fikututuka nutwe bubu.'' ⁴⁶ U Yesu akati, ''Mwebamukoshi, bamanyishi bandaghilo! Pakuti mubabika abandu ifyombo fifyo fing'wamite ukunyamula, lole mutakukolako ifyombo nakakono kinyu kamukene bubu. ⁴⁷ Mwebamukoshi, papo mukusenga amapumba agha bakunguluka, sona bakaba bosekulu winyu babo bakabaghogha babo. ⁴⁸ Po mukaba bokamboni sona mukitikisha imbombo isha bosekulu binyu, pakuti bwanaloli bakabaghogha sona mukasenga amapumba ghabo. ⁴⁹ Pakuti nichifukwa sona ichi, u Chala uwa mahala akati, 'Ngwisa ukutuma kukwabo aba kunguluka sona abafundiwa, sona bakwisa ukubafwima nukubaghogha bamo mubabo.' ⁵⁰ Ingulile iyi, po, bakwisa ukufundiwa palibanda lyoshi ilya bakunguluka lilyo likakupuliwa pakwanda pabwandilo bwa chisu, ⁵¹ ukwanda palibanda ilya Abelo mupaka palibanda ilya Zakaliya, babo bakaghoghiwa pakati pa chakufukisha sona nubuyo ubughemo. Inga, inguti kumwe, ingulile iyi yikwisa ukufundiwa. ⁵² Mokoshi kumwe mwe mushimenye ngani indaghilo, papo mweghitemwo amaki aghakushaghania; mutakwingilamo pamwebene, sona mukukanisha kubabo bakwigila.'' ⁵³ Mwo u Yesu afumapo pala, abasimbi sona abafalisayi bakasusha sona nukutatikana nawe mufindu ifyingi, ⁵⁴ ukughesha ukumutegha mumashu ghake.

¹ Mukabalilo kalaka, mwo abandu amasabuzande babunganite pamupene umwakuti bakakanyana nabene, akanda ukuyugha tashi nabafundiwa wake, ''Muchebe nichilungo icha bafalisayi, chicho chabushimbuli. ² Lole nachimo chicho chimamite chicho chitakwisa ukufumbuliwa, sona nachimo chicho chili kubushifu chicho chitakwisa ukumanyikwa. ³ Po choshi chicho ukayugha kuchisi chikwisa ukupulikiwa pabwelu, sona fyosho fifyo mukateketelanagha kufungu fikwisa pakufumushiwa pamwanya panyumba. ⁴ Ingubabusha umwe, bamanyani wangu, mutakaboghopaghe abandu babo bakughogha umibili, sona panyuma pake batangabomba nachimo ichinine. ⁵ Lole timbabule yuyo mubaghile ukumoghopa. Mumwoghope yuyo, linga aghogha, ali nululaghilo ulwa kumutaghila mu gahena. Inga, ngubabula mwe, mumwoghope yuyo. ⁶ Ngimba utotiti tutangaghulishiwa nutusalabasha utunandi tubili? Polole nakamu kako kalufyiwepo pamaso agha Chala. ⁷ Shope nisisi isha kumitu yinyu shiwelengiwe. Mutakoghope. Mwebapamwanya ukukinda utwotiti utwingi. ⁸ Inguyugha ku umwe, aliweshi yuyo anitikaune pamaso agha bandu, u Mwana wa Mundu wepe akwisa ukumwitika pamaso agha bangelo wa Chala, ⁹ lole yuyo angana une pamaso agha bandu akwisa ukukaniwa pamaso agha bangelo wa Chala. ¹⁰ Weshi yuyo akuyugha amashu agha kususania nu Mwana wa Chala, akwisa ukuhobokeliwa, lole ku yuyo akususania nu mbepo mwikemo, atakwisa ukuhobokeliwa. ¹¹ Linga babasitaka mumasinagogi, abalaghili, sona nabosongo, mutakapashe ghaha fifyo mukuya pakuyugha ifyakuti mwipoke, pamu naya pakuyughaki, ¹² pakuti u mbepo mwikemo akuya pakubamanyisha umwe pakabalilo kalakala ifyakuti muyughe.'' ¹³ Po yumo muchilundilo akayugha kukwake, ''Manyishi, mubule u bamwitu ukuti aghabileko ifyuma fifyo bakatulekela.'' ¹⁴ U Yesu akati kukwake, ''Mumanyani, wini akamba imbombo une iyakulongela pamu ukuba ne wapakati papinyu?'' ¹⁵ Akati kukwabo, ''Mube maso mutakipange ukuba bapafu nifyakulonda fyinyu, papo ifyuma ifya mundu fitangabupoka ubwumi bwake.'' ¹⁶ Po u Yesu akababula ichili, akati, ''Umughunda nuwa mukabi ghugho akinulagha ifyingi, ¹⁷ sona akayugha pamwene, akati, 'Ngimba timbangeki, papo indanamala aghakusengulilako ifyakulya?' ¹⁸ Akati, 'Ndimbombe ifi. Timbongolanie indamba shoshi nukusenga iyikulu, sona mulamula tingasungemwo imbeyu nukatundu. ¹⁹ Ingwisa ukuti ku bwumi bwangu, ''Bwumi, wasengula ukatundu umwingi uwa fyinja ifyingi. Upepukebu, ulye, ung'we, uhoboke.''' ²⁰ Lole u Chala akati kukwake, 'Wemulunganu uwe, ubushiku ubu ubwumi bwako bukwisa ukufyuliwa, sona ifindu fyoshi fifyo basengania, wini akwisa ukuba nafyo?' ²¹ Mwomwo fibelile kuyuyo akwibunganikila ifyuma po tabakabi pamaso agha Chala. ²² U Yesu akati kubafundiwa wake, ''Polole ingubabusha umwe, mutakapashe nubwumi bwinyu, tukwisa ukulyaki; pamu numubili winyu, tukwisa ukufwalaki. ²³ Pakuti ubwumi bwapamwanya ukukinda ichakulya, sona umubili wapamwanya ukukinda ifyakufyala. ²⁴ Inong'ona abochigobe, batakupesa pamu ukwinula. Fitanamalo aghakusungila pamu indamba, lole u Chala akufelyesha. Lole mwebaghindikiwa wapamwanya ukukinda ifiyuni! ²⁵ Wini mwa umwe angongelesha ishiku ilya bwumi bwake? ²⁶ Linga mukupotwa ukubomba akanda akapepe isa aka, choni chicho mukupasha nifindu ifingi? ²⁷ Inong'ona amaluwa---mumwo ghakulila. ghatakubomba imbombo pamu ukwipangila imyenda. Po lole inguyugha ku umwe, nu Solomoni bubu mubughindikiwa bwake atakafwalapo isa maluwa agha. ²⁸ Linga u Chala akufwalika ubwisu, bubwo buliko ilelo, sona ningelo bukutayiwa mumoto, po umwe angabafwika bulele, umwe mwe muli nulwitiko ulunand! ²⁹ Mutakaketaghe fifyo timulye sona chicho timung'we sona mutakapashe. ³⁰ Pakuti ichisu choshi chikulonda ifindu ifi, sona u Tata winyu ashimenye ukuti mukulonda ifindu ifi. ³¹ Lole londa ubumwene bwake, sona ifindu ifi fikwisa ukumalila kukwinyu. ³² Mutakoghope, tung'oshi utudono, papo u Tata winyu aghobokite ukubapa umwe ubunyafyale. ³³ Ghulisha fyoshi fifyo muli nafyo sona nukubapa abapina. Mube nifikwama ifya ndalama fifyo fitakunyapuka--nukwilundikila ubukabi kumwanya bubo tabukamale lumo, kuko abiba batakupalamil;a kupipi, sona imbesu shitanganangania. ³⁴ Pakuti kuko kuli ubukabi bwako, koko tikukabe sona indumbula yako. ³⁵ ''Mupinye ulamba mumyenda yinyu, sona mukoshe inyale shinyu ukuti shibale, ³⁶ sona mube isa bandu babo bakulonda usongo wabo yuyo ali ku lusekelo ulwa nyegha, ukuti linga isa nukukong'osha, papo napapo amwighulile ichighi. ³⁷ Wasayiwa bala ababomba mbombo babo usongo akwisa ukubagha maso linga akwisa. Naloli ingubabula umwe, akwisa ukupisila ilaya lyake ilitali mwa lamba sona nukwikala pase pa mesa, sona akuya ukwisa nukubanoshela. ³⁸ Linga u songo isa pakati pabushiku, pamu kubuche, sona achagha chinoshiwe, basayiwa ababomba mbombo awa. ³⁹ Lole mumanye ishi, ukuti linga u songo uwa nyumba akamanyagha akabalilo kako umwiba akisila, ngali atakalekelela ukuti inyumbayake yipongoliwe. ⁴⁰ Mube bakwisengania numwe, papo mutakumanya akabalilo kako u Mwana wa Mundu akwisila.'' ⁴¹ U Peteli akati, ''Malafyale, ukuyugha ifyili ifikukwitu twebene, pamu sona kuweshi?'' ⁴² U Malafyale akati, ''Po wini yuyo walwitiko sona umubomba mbombo uwamahala yuyo umalafyale wake akwisa ukumubika kubabomba mbombo abanine ukubapa ichakulya pakabalilo akakwenelela? ⁴³ Musayiwa weyula umubomba mbombo yuyo u malafyale wake ukumwagha akubomba linga akwisa. ⁴⁴ Naloli ingubabula umwe ukuti akwisa ukumubika ukuba wi songo pakatundu wake weshi. ⁴⁵ Lole linga umubomba mbombo ati mundumbula yake , 'U malafyale wangu akaba ukughaluka,' sona nukwanda ukukama abambombo abalisha sona abakolo sona ukulya nukung'wa nukukolwa, ⁴⁶ u malafyale uwa mubomba mbombo yula ukuya ukwisa ishiku lilyo atasubalilagha sona akabalilo kako atamanyagha sona akwisa ukumuputulania mutumenyamenya sona nukumubika kubuyo yuyo ubwa babo batakusubila. ⁴⁷ Umubomba mbombo yula, pakuti amanya fifyo u malafyale wake akulonda sona kishita kusengania pamu ukubomba ukufwana namumwo ukulondela, akwisa pakukomiwa ngani. ⁴⁸ Lole yuyo akabomba kishita kumanya sona abombite chicho chibaghile ukuti akomiwe, akwisa ukukomiwa panandishe. Lole weshi yuyo apeyiwe ifyingi, ifyingi fikwisa ukulondiwa kukwake, sona yuyo apeyiweifyindi ngani, akwisa ukubusiwa ukubika ifyingi ngani ukupota. ⁴⁹ ''Nisa ukuponia umoto pachisu, sona mo nginong'onela ukuti ghukapembiwa kale. ⁵⁰ Lole indi nulosho ulwakuti noshiwe, sona momwo tinyashiwe mupaka po fyamalila! ⁵¹ Mokwinong'ona ukuti ngisa ukupika ulutendano pa chisu? Hagha, ingubabula umwe, lole ukughabingana. ⁵² Pakuti ukwandila ulu abandu fiyivi munyumba bakwisa ukughabingana batatu ku babili sona babili kubatatu. ⁵³ Pakwisa ukughabingana, u tata ku bana abalisha sona abana abalisha kwa tata, u mayi ku bana abakolo sona abana abakolo kwa ng'ina, u mayifyala ku mulasagha sona umulasagha kwa ng'nafyala.'' ⁵⁴ U Yesu akayughagha sona ku chilundilo, ''Linga mukutesha amabingu ghakukwela ukufuma kubwingililo ubwa lisuba, papo napapo mukuti, 'Ifula yikwisa,' sona fikubombiwa. ⁵⁵ Linga imbepo iya kundende yikukuka, mukuti, 'Tikupye,' sona fikubombiwa. ⁵⁶ Bashimbuli, mushimenye mumwo mungasanushisha akabonekele aka chisu icha pase sona kumwanya, lole shili bule ukuti mutamenye ukusanusha akabalilo kako tuli? ⁵⁷ Choni chicho mutakulonga chicho chisa pamwebene? ⁵⁸ Pakuti linga mwabuka numulughu kubulongi, musila mukulwisha ukuyughisania mulutengano nayuyo ukuti manye yiye yifike kumulongi, sona ukuti umulongi manye akutume ku bapolisi, sona u polisi manye akuponyie mu jele. ⁵⁹ Inguyugha kumwe, mutakwisa ukufuma pene papo mwalipila indalama iyabumalilo iya nongwa yako.''

¹ Pakabalilo kalakala, bamu bandu akabalilo kalakala bakamushikisha ifya kufwana naba Galileya bo u Pilato ongania ibanda nifikemesho fyake. ² U Yesu akamula nukuyugha kukwabo, ''Mukwinong'ona ukuti aba Galileya bakaba batulanongwa ingani ukukinda aba Galileya abangi chifukwa chakuyimba musila iyi? ³ Hagha, ngubabula. Lole pala mutakupinduka, mweboshi mukwisa kukomanika musila yiyiyo. ⁴ Pamu bioshi eyitini abandu abamu Siloyamu mumwo ichibumba chikabawila sona chikabaghogha, ka koti mukwinong'ona ukuti bakaba babibi ukukinda abandu abingi aba mu Yelusalemu? ⁵ Hagha, nguyugha. Lole linga mutakupinduka, mweboshiu mwa umwe mukuya ukunangika.'' ⁶ U Yesu akayugha ichili ichi, ''Umundu yumo akaba nikokwe ilya mafilu lilyo lilyo likabyaliwa mumughunda wa mafilu po akisa ukuti ateshe iseke mumo lole akashaghamo nashimo. ⁷ Umundu akayugha kumulimi, ''Tesha, pa fyinja fitatu nisa sona naghela ukulondesha iseke kuchikokwe ichi icha mafilu lole ndakuchagha nachimochimo. Choni chicho chikunanga ilongwi?' ⁸ "Umulimi akamula nukuti, 'Chileke chene ichinja ichi tingumbe ichibwina ukulisungulisha nukubika umuvundo. ⁹ Pala chapapa iseke ichinja chicho chikwisa, chisa; lole pala chapotwa, ukachitumule!"' ¹⁰ Po u Yesu akamanyishanga mu Sinagogi pa sabata. ¹¹ Tesha, umukolo yumo akaba kulakula yuyo pa fyinja eyitini akaba nimbepo iya kufoka. Akaba wakunyongana sona akapotwanga ukuti angagholoka akisa. ¹² Mwo u Yesu amutesha, kamwitisha nukuti, ''Mokolo, wabuliwa ukufoka kwako.'' ¹³ Akabika utukono papake, nakalinga kakaghol;oka sona akamukwesha u Chala. ¹⁴ Lole umulaghili uwa sinagogi akakalala papo u Yesu akaposha pishiku ilya sabata. Po umulaghili akamwamula sona akati kuchilundilo, ''Pali amashiklu sikisi ghagho chakwitikishiwa ukubomba imbombo. Mwise nukuposhiwa, shikukanishiwa pishiku ilya sabata.'' ¹⁵ U Malafyale akamwamula akati, ''Bashimbuli! Nayumo mwa umwe akwabula ing'ombe pamu imbunda nukuyitangilila pakung'wa pishiku ilya sabata? ¹⁶ Po isa bono bono umwana umukolo uwa Abulahamu, yuyo u Satana akamupinya pafyinja ifyingi eyitini, ukupinyiwa kwake kutakasatuliwa pishiku ilya sabata?'' ¹⁷ Mwo ayugha ifindu ifi, boshi babo bakamusushanga bakakoshiwa isoni, lole ichilundilo choshi chikasekela pa fyoshi ifya lughindiko fifyo akabombagha. ¹⁸ Po u Yesu akati, ''Ubunyafyale bwa kumwanya buli isa choni, sona ningabufyanisha nichoni? ¹⁹ Buli isa kaseke aka mupilu kako umundu akegha nukukaponia mumughunda wake, lole kakakula nukuba likokwe ilikulu, sona nifiyuni ifya mumwanya fikasenga ififumbo fyabo mutusamba twabo.'' ²⁰ Akati sona, ''Nichoni chicho ningafyanikisha ubunyafyale bwa Chala? ²¹ Buli isa chilungo chicho umukolo akegha nukongania nifipimo fitatu ifya bufu mupaka chende moshi mubufu.'' ²² Po u Yesu akenda mutwaya toshi, akamanyishanga sona nubulendo ubwakuya ku Yelusalemu. ²³ Yumo akati kukwake, ''Malafyale, ka bandu banandishe abakupokiwa?'' Po akati kukwake, ²⁴ ''Mulwishange ukwingila pakamulyango akafinyu, papo ingubabula umwe, abingi tibakaghele ukwingila, lole tise bapotwe pakwingila. ²⁵ Nandi umwenecho wa nyumba anyamuka nukwighalila umulyango, po timukimilile kuse nukukong'osha ichighi ukuti, ''Malafyale, Malafyale, twighulileko.' ''Tiakabamule nukubabula ukuti, 'Ndakubamanya awe pamu mufumile kughu.' ²⁶ "Po mukwisa ukuti, 'Tukalyanga nukung'wa pandashi pako sona ukamanyishanga mutwaya twitu.' ²⁷ ''Lole akwisa ukwamula, 'inguti kukwinyu, ndakumanya kuko mufumile. Tilako kukwangu, mwebabomba mbibi!' ²⁸ Tikukabe ukulila nukusha amino po timukamuteshe u Abulahamu, Isake, Yakobo, poka nabakunguluka boshi mubunyafyale bwa Chala, lole umwe timukatayiwe kuse. ²⁹ Tibakise ukufuma kubufumilo bwa lisuba, kubwindililo bwa lisuba, kumitu, sona kundende, sona tibakikale pamesa mubu nyafyale bwa Chala. ³⁰ Mumanye ichi, boshi babo tabakulondiwa ngani tibakabe babwandilo, sona babo bakulondiwa ngani tibakabe babumalilo.'' ³¹ Pakabalilo kalakala, abafalisayi bamu bakisa sona bakamubusha bakati, ''Bukagha sona nyamukapo panu papo u Helodi akulonda ukughoghe.'' ³² U Yesu akati, ''Buka kamubushe ukambwe yula, 'Tesha, ngufumya imbepo imbibi sona nguposha umusughu naningelo, sona pishiku ilya butatu tise ingwanilishe fifyo nalondagha.' ³³ Musila yiliyoshi, chakulondiwa ukuti imbukilishe umusughu, ningelo, nukulinda ningelo pakuti tachakwitikishiwa ukuti umukunguluka afwile kuse ku Yelusalemu. ³⁴ Yelusalemu, Yelusalemu we ukughogha abakunguluka sona ukulasa amabwe babo bakutumila kukwako. Ngimba kalinga kako ngulonda ukubungania abana bako isa mumwo inguku yikubungania utwana twake mumapapindo ghake, lole mutakulondagha ifi. ³⁵ Tesha, inyumba yako yashala payene. inguti kumwe, tawise undeshe pene papo wisa wati, 'Musayiwa uyu yuyo akwisa mungamu ya Malafyale.'''

¹ Fikabombiwa pa lyasabata limo, po akabuka ku nyumba ya yumo umulongoshi wa bafalisaya pakulya ichibama, pakuti bakamuketagha kupipi nawe. ² Tesha, kundashi kwake kukaba umunduyuyo akabinagha imbina ya edema. ³ U Yesu akabusha abamanyi ingani indaghilo aba chiyuda nabafalisayi, ''Chakubaghila ukuposha pishiku lya sabata, pamu ghaha?'' ⁴ Lole bakikala myee. Po u Yesu akamukola, nukumuposha, nukumufumya ukuti abukaghe. ⁵ Akayugha kukwabo ukuti, ''Wini mwa umwe yuyo ali numwana pamu ingolo yiyo pala yawila mucgibwina pishuku lya sabata atangafumyamo mwalubilo?'' ⁶ bakapotwa ukwamula ukwamula pafindu isa ifi. ⁷ Mwo u Yesu abaketa boshi babo bakitishiwa bakusa apakwikala apalughindko, akayugah ichili, akayugha kukwabo akati, ⁸ ''Linga witishiwe nawe yumo kulusekelo lwa bukwati, utakikale pabuyo bwa lughindiko, papo lumo yumo yuyo itishiwe mughindikiwapo ukulusha uwe. ⁹ Linga umundu yuyo abitishishe mweboshi afika, akwisa ukuti kukwako, 'Mupe umunyako ubuyo bubo wikalitepo,' po mwakukoshiwa isoni tukabukilile ukwegha ubuyo bwa pase ingani. ¹⁰ Lole pala witishiwa, ubuke uye wikale amalo gha pase, pala umwenecho yuyo akwitishishe afika, angayugha kukwako, 'Mumanyani, buka kumwanya.' Po tise ukabe mughindikiwa pamaso gha boshi babo bikile nuwe pa mesa yapamwanya. ¹¹ Pakuti weshi yuyo akwikwesha akuya kwishiwanga, sona yuyo akwiyisha akuya kukweshiwanga.'' ¹² U Yesu akayugha sona kumundu yuyo akamwitisha, ''Linga wabapa ichakulya icha namasuba pamu ulusekelo manye witishange abamanyani bako pamu abanung'una bako pamu abakamu bako pamu abapalamani bako abakabi, pakuti bope lumo sona wangayeb bakwitishe isa kunyosha sona tibakakulipile. ¹³ Lole linga wabapa ulusekelo, witishe nabapina, babo batakwenda, abalemale, nababo batakutesha, ¹⁴ po tiukasayiwe, papo batangakulipila. Pakuti tiwise ukualipiliwe pakushuka kubufwe bwako.'' ¹⁵ Mwo yumo mubo bakikalila pamupene patebulo nu Yesu apulika ifindu ifi, akamubusha ukuti, ''musayiwa yuyo akuya pakulya ichibama mubunyafyale bwa Chala!'' ¹⁶ Lole u Yesu akati kukwake, ''Umundu yumo akatendekesha ichakulya chanamasuwa nukwitisha abingi. ¹⁷ Pakabalilo ka chakulya, ukatuma umubomba mbombo wake ukuti aye ayughe kubo avitishishe, 'Sagha, papo choshi chanoshiwa.' ¹⁸ "Boshi bakanda ukuyugha. Ubabwandilo akati, 'Naghulite umughunda, po imbaghile ukubuka ukughutesha. Napela hobokele tashi.' ¹⁹ ''Umunine akati, 'Naghulite ingolo fayivi, po nabuka ukuti inje ishighele. Napela hobokele tashi.' ²⁰ ''Po umundu uyungi akati, 'Nafuma ukwegha umukolo, po indangisako.' ²¹ UMubomba mbombo akisa nukumubula usongo wake ifindu ifi, po usungo wanyumba akisa akalala ingani nukuyugha kumubomba mbombo wake ukuti, 'Buka lubilo mutusila namusila ingulu isha mukaya aka nukwisa nabapina, bobatakwenda, bobatakuketa, nabalemale.' ²² ''U bambombo yula akati, 'Songo, fifyo bandaghila fyabombiwa, lole po ichipinda chikali ukwisula.' ²³ ''U songo akati kumubomba mbombo wake, 'Buka mumisebo imitali namumalupaso nukubakakamisha abandu ukwingila munyumba ukuti lumo bangisula. ²⁴ Pakuti nguyugha kukwabo, nayumo mabandu woshi nbobakitishiwa tibakaghonjeko ichakulya changu."' ²⁵ Po ichilundilo ichikulu chikabukagha nawe, po akasanusha nukuyugha kukwabo, ²⁶ ''Linga yumo akwisa kukwangu lole atakubenga u tata wake, nung'ina wake, umukashi, umwana, ubamwabowake, numuyemba wake, sona nubwumi bwake, atangaba mufundiwa wangu. ²⁷ Yuyo atakunyamula ichipinjika nukwisa kukwangu atangaba mufundiwa wangu. ²⁸ Po ali yumo mwa umwe yuyo akunyeywa ukusenga inyumba indali atakwikala pase tashinukubelengela shisho akulonda ukuti amalishe imbombo yila? ²⁹ Po bule, linga abika ubwandilo sona linga apotwa ukumalisha, boshi babo batesha bakwanda pakumulumbusha, ³⁰ bakuti, 'Umundu uyu akanda ukusenga lole apotwa ukumalisha.' ³¹ Pama wi Malafyale, pakuti linga akuya pakulwa nu Malafyale umunione, atakwikala pase tashi nukwegha tashi amaghala ukuti kala abaghile nabandu teni sabuzande ukulwa nu Malafyale umuninweyuyo akwisa pakulwa nawe yuyo ali nabandu twenthe sabuzande? ³² Linga hagha, mwo abasilikali bakali bali kubutali, akutuma abandumi nukusuma ululaghilo lwa lutengano. ³³ Po lole, yumo wa umwe yuyo atakupa ifyuma fyake atangaba mufundiwa wangu. ³⁴ Imbeya nyisa, lole linga yamala ukunogha kwake, choni chicho chingapangisha ukunogha sona? ³⁵ Chitakuba sona nimbombo kwilongwi chikutaghiwa. Yuyo ali ni fyufwo fyakupulikila, muleke apulike.''

² Po abasongesha songo nabatula nongwa bakisa kwa Yesu ukuti bapulikishe. ¹ Abafalisayi nabasimbi baking'ungusha uyu numunine, bakati, ''U mundu uyu akupokela abatulanongwa, sona akulya nabo.'' ³ U Yesu kabayughila ichili ichi akati, ⁴ ''Wini mu umwe yuyo, nandi ali nabonang'oshi handiledi yimuyene yasoba, atakubaleka nayinthe niyini mulunga langala, nukuya pakulonda yuyo asobite mupaka amwaghe? ⁵ Po pala amwagha, akumubika pafipungo fyake nukusekelela. ⁶ Pala afika pa nyumba akubitisha pamupene abamanyani nabapalamani, nukubabula ukuti, 'Musekelele nune, pakuti namwagha unang'oshi yuyo asobite.' ⁷ Ngubabula nguti nabunobuno, tikukabe ulusekelo kumwanya kumutula nongwa yumuyuweneyuyo alapa imbibi, ukukinda abandu nayinthe nayini abagholofu babo batabaghile ukupinduka. ⁸ Pamu ingaba mukolo yuki yuyo ali namasiliva teni, pala angasofya isiliva yimuyene, atangakosha inyale, ukupyela munyumba, sona nukwiyula ukulonda mupaka ayaghe? ⁹ Nandi ayagha, akubitisha pamupene abamanyani bake nabapalamani, nukuti, 'Sekela nune, pakuti nayagha indalama yiyu ngasofya.' ¹⁰ Nabubushe, ngubabusha, pakuba ulusekelo pamaso gha bangeloba Chala kumutula nongwa yuyo apinduka.'' ¹¹ Po u Yesu akati, ''Umundu yumo akaba nabana babili, ¹² umukekepo akati kwa wise, 'Tata, ghumbe ichuma chicho chibaghile ukughabila une.' Po akaghabania ichuma chake. ¹³ Mwo pakindashe amashiku ghanandishe, umwana umunandi akabungania pamupene fyoshi fifyo akaba nafyo nukubuka ku chisu ichakubutali, po kulakula akatagha ichuma chake choshi mubumi bwa mwalwe mwalwe. ¹⁴ Po mwo atagha fyoshi, isala imbalapala yikawa mu chisu chila, po akanda pakupinuka. ¹⁵ Akabuka nukuya pakulonda imbombo kumundu yumo uwa muchisu chila, yuyo akamutuma kuchibagha chake icha nguluwe ukuti ashilyeshange. ¹⁶ Akanyonywanga ukulya utubulukisha tutwo inguluwe shikalyanga papo nayumo yuyo akamupa ichakulya. ¹⁷ Lole mwo iyaghania mwene, akati, 'Balinga ababomba mbombo wa tata babo bali nifibama fyakukwanila nukupululila, une ndi panu, ngufwa ni sala! ¹⁸ Tinyamuke ukufuma panu nukubuka kwa tata, nukumubula ukuti, 'Tata nanandila kumwanya sona nuwe. ¹⁹ Tane wakwenelela sona ukwitiwa mwana wako; ghumbange isa ne wabamu ababomba mbombo bako.''' ²⁰ Po umwana umukeke umulumyana akanyamuka nukubuka kwa wise. Mwo akali ali pabutali, u wise akamutesha sona akakoliwa nichisa, akakinda nukumofwela nukufyofyona. ²¹ Umwana umulumyana akamusha akati, 'Tata, nanangila kumwanya nuwe. Ndenelile sona ukwitiwa mwana wako.' ²² '' U wise akati kubambombo bake, 'Sanalyo lubilo iselekesha ilyisa ngani, sona nukumufwalika akaling'i pa lwobe, na masanda mufilundi fyake. ²³ Po mwise nukambako umwine nukughogha. Satulye nukusekelela! ²⁴ Pakuti umwana wangu akafwa, ipano wabumi. Akasowa, ipano aboneka.' Po bakanda pakusekelela. ²⁵ Po umwana wake usongo akaba kumughunda. Mwo akwisa nukupalamila panyumba, akapulika inyimbo nukumogha. ²⁶ Akamwitisha uwambombo yumuyuwene nukumubushikisha ukuti fikaba fyoni ifi. ²⁷ Uwambombo akati kukwake, 'Uwamwinyu isa panyumba sona u tata wako aghogha ukambako umwine chifukwa amupokela mwisashe.' ²⁸ ''Umwana usongo akakalala atakingila munyumba, po u wise akafuma kuse nukumunyengelela. ²⁹ Lole umwana usongo akamula akati kwa wise, 'Tesha,ifyinja ifyingi nakubombela uwe, sona ndasulanishe lumo ubulamulilo bwako, lole utambile lumo akambushi akanandi ukuti isekelele pamupene nabamanyani bangu, ³⁰ lole mwo umwana wako isa, yuyo alya ichuma chako nabomalaya, mukamughoghela ing'ombe inyine.' ³¹ ''U wise akamula akati, 'Mwana, uli nune akabalilo koshi, sona fyoshi fifyo fyangu fyako. ³² Lole chali chakwenelela ukuti utwe tusekelele nukwimba, pakuti ubamwinyu wako uyu akafwa, po pakabalilo aka wabumi, akasoba, ipano aghiwa.

¹ U Yesu akati kubafundiwa wake, ''Akabapo umukabi yumo yuyo akaba numubomba mbombo wake yumo usongo, fikisa fyayughiwa ukuti ubambombo uyu akanganianga ichuma chake. ² Po umukabi yala akamwitisha nukuyugha kukwake, 'Choni chicho ngupulika ishakufwana nuwe? Umbule ubwanaloli bwako mwo ukwendeshekesha, papo utabaghile ukuba sona we wambombo.' ³ ''U wambombo akayugha pamwene , 'Imbombe choni une, papo usongo wangu akwegha imbombo yangu yiyo nabaghile ukuti imbombe une? Ndanamaka ghakulimila, sona ndi soni pakusuma. ⁴ Menye fifyo timbombe, ukuti pala bandishapo pambombo yangu, abandu tibaye bambokele munyumba shabo.' ⁵ Po u wwambombo yula akitisha weshi yuyo akaba ningongole ya mukabi, po akamulalusha ubabwandilo, 'Uli ningongole shilinga kwa songo?' ⁶ "Akati, 'Indobo handiledi isha mafuta gha Olivi.' ''Akati kukwake, 'Egha ichipimo chako, ikala pase lubilo, sona usimbe fifite.' ⁷ ''Po uwambombo akayugha kuyungi, 'Uli ningongo shilinga?' ''Akati, 'Utuseke twangano tukabapo handiledi.' "Akati kukwake, 'Egha ichipimo chako, sona usimbe u eyite.' ⁸ Usongo akamukomelesha ukuti ubambombo umushita bugholofu akabomba umwa mahala. Pakuti abana abalisha abachisu bali namahala mukalongoshekeshe ka bandu babo ukukindaabana abagholofu. ⁹ Nguyugha kukwinyu, panga ubukamu wimwene musila iyabushita ubugholofu bwa chuma ukuti pala chamala bise bakupokelele uwe mukati mukaya twabo. ¹⁰ Yuyo ali nulwitiko mukandu akanandi weyo weyo ali nulwitiko mufindu ifyingi, sona yuyo temugholofu mukandu akadono weyo sona temugholofu mufindu ifyingi. ¹¹ Pala utikilemo mulwitiko pakushita ukubomba ubugholofu bwa chuma, wini yuyo angisa akusubalile yuwe ubwanaloli bwa chuma? ¹² Linga utali musubiliwa pakabombeshekeshe pa katundu wa bandu abingi, po wini angisa akupe amakopala ghako? ¹³ Nayumo awa mbombo yuyo angabombela abo Malafyale babili, pakuti tamubenge yumo pamu tamughane yumo, pamu tiipeleke ku yumo nukumukana uyungi. Utangamubombela u Chala pamupene ni chuma.'' ¹⁴ Apa abafalisayi, babo bakaghana indalama, bakapulika ifindu fyoshi ifi, sona bakanda ukumuhoyela yuyo. ¹⁵ Akati kukwabo, ''Mukwibonesha kumaso gha bandu, lole u Chala amenye indumbula shinyu. Chicho chikweshiwe pakati pabandu chibibi pamaso gha Chala. ¹⁶ Indaghilo nabakunguluka bakaba bakubomba imbombo mupaka pakabalilo ka Yohoni. Ukufuma akabalilo kalakala nukwendela, amashu amisa agha bunyafyale bwa Chala ghakulumbiliwa, sona weshi yula ghakumufimbilisha ukuyumwo. ¹⁷ Lole chipepe ukuti ichisu chakumwanya nichapase fimale ukukinda ukuti akasimbo kamo akandaghilo katilemo. ¹⁸ Weshi yuyo amuleka umukashi wake nukwegha uyungi mwo apanga ubomalaya, sona yuyo linga amwegha yuyo alekiwe numulume wake mwo apanga ubwo malaya. ¹⁹ ''Po apa pakaba umundu yumo umukabi yuyo akafwala imyenda imikesamu sona iya mutengo yapamwanya sona akilaghagha ishiku lyoshi ubukabi bwake. ²⁰ Umundu yumo uwakusuma ingamu yake Lazalo akabikiwanga palupaso lyake, akaba filonda fyene umubili ghoshi, ²¹ sona akanyonywanga fifyo fyawa ukufuma patebuloya mundu umukabi yula. Nabokabwa bakisagha nukumumyanda ifilonda fyake. ²² Kakafika akabalilo kako uwakusuma akafwa po akanyamuliwa nabandumi nukuya ulubafu lwa Abulahamu. Numundu umukabi wepe akisa afwa nukushiliwa, ²³ akayimba nindamyo, akinula amaso ghake nukumutesha u Abulahamu pabutali nu Lazalo ali kulubafu lwake. ²⁴ Po akisa alila nukuti, 'Tata Abulahamu, banga nichisa nune mutume u Lazalo, ukuti andwibike ulobe lwakakono kake mumishi nukutonyesha pakuposha ululimi lwangu, papo indi mundamyo numulilo ughu.' ²⁵ ''Lole u Abulahamu akati, 'Mwana, kumbuka ukuti mubwumi bwako ukapokelagha ifindu ifyisa, po u Lazalo mukabele kake akapokela ifibibi. Lole ulu umwene akusubashiwa kuno, po uwe uli mundamyo. ²⁶ Palubafu lwa fyoshi ifi, ulusoko ulukulu lubikiwe pakati, ukuti babo bakulonda ukuloboka ukufuma kuno ukwisa kukwako batangakwanisha, nayumo yuyo angaloboka pakufuma uko pakwisa kukwitu.' ²⁷ ''Umukabi akati, 'Ngukusuma uwe, Tata Abulahamu, ukuti umutume ku banyumba ya tata wangu-- ²⁸ papo ndinabowamwitu fayivi--ukuti aye abasoke, ukuti pamu shingabombiwa ukuti manye bakise kumbuyo ubu ubwa mayimba.' ²⁹ ''Lole u Abulahamu akati, 'Bali nu Mose nabakunguluka; leke babapulikishe bababa.' ³⁰ ''Umukabi akamula, 'Hagha, Tata Abulahamu, lole linga yumo angabuka kukwabo pakufuma ku bafwe, tibise bapinduke.' ³¹ Lole u Abulahamu akati kukwake, 'Linga batangamupulika u Mose nabakunguluka, bope tabiuse bapulikishe napapo yumo ashuke ukufuma ku bafwe."'

¹ U Yesu akayugha ku bafundiwa bake, ''Ingelo shikwisa ukubako ishakupangisha ukuti utwe tunange, lole mukoshi kumundu yuyo shikwisa ukufumilako! ² Shamubaghilile yuyo ukuti ibwe libikiwe ukushungulila ishingo yake sona nukutaghiwa munyanja nukulusha ukumupanyisha yumo uwatwana utunandi ukuti tutasmiwe. ³ Mube maso. Pala umukulu wako ananga, umukemele, sona pala apinduka, umughobokele. ⁴ Pala akunangisha ka seveni pishiku, sona ka seveni akwisa kukwako, nukuti, 'napinduka,' ubaghile umughobokele!'' ⁵ Abafundiwa bakati kwa Malafyale, Tongeleshe ulwitiko lwitu.'' ⁶ U Malafyale akati, ''Pala mukabagha nulwitiko isa lwa iseke ya masitadi, ngali mukuyugha kwi kokwe lya mukuyu, 'Nyukuluwasona ubyaliwe munyanja,' po likwisa ukubapuylikila umwe. ⁷ Po wini wa umwe, yuyo ali numubombi uwakulima pamu uwa fitekiwa fya ng'oshi, angati kukwake pala wabwelako ukufuma kumughunda, 'Saqkuno lubilo wikale pase nukulya'? ⁸ Ka atangayugha kukwake ukuti, 'Kanoshele chimo ichakulya ukuti indye, sona ubike ulamba ukushungulila mumyenda yako po ungonge une mupaka ponamalila ukulya nukung'wa. Po panyuma ukwisa pakulya nukung'wa'? ⁹ Atakupalishapo kumumbombi papo akabomba ififndu fifyo akabuliwa ukubomba, ka akabomba? ¹⁰ Napo fili bubu pope, pala babomba fyoshi fifyo wabuliwa ukubomba, tise ati, 'twebabombi bakushita kubaghila. Twabomba fyene fifyo tubuliwe ukuti tubombe.''' ¹¹ Kakisa akabablilo kamu mwo akwenda ukuya ku Yelusalemu, akabuka ukwendela mumbaka pakati pa Samaliya nu Galileya. ¹² Mwo ingila mukaya kamu, mulamula akumana nabalisha teni babo bakaba nimbina ya mambombo. Bakimapo pabutalipo nawe ¹³ sona bakakolela pamwanya amashu ghabo, bakati, ''Yesu, Songo, ube nichisa nutwe.'' ¹⁴ Mwo abatesha, akati kukwabo, ''Buka sona muye mwilaghishe kubaputi.'' Mo bakubuka bakaposhiwa. ¹⁵ Mwo yumo wa balabala atesha ukuti aposhiwa, akang'anamukila kunyuma, nukukolela amashu agha pamwanya aghakumupala u Chala. ¹⁶ Akawa pase pafilundi pa Yesu, nukupalisha. akaba Musamaliya. ¹⁷ Po u Yesu akati, ''Mutakaba teni mwemukaposhiwa? Nga nayini balikoki? ¹⁸ Batakabapo abangingi babo bakanyokela pakubika amapalo kwa Chala, ukutishapo umugheni?'' ¹⁹ Akati kukwake, ''Nyamuka, nukubuka. Ulwitiko Lwako lwakuposha.'' ²⁰ Bwo alalushiwa nabafalisayi ukuti ka ubunyafyale bwa Chala bukuya pakwisa lighi, u Yesu akabamula nukuti, ''Ubunyafyale bwa Chala butakuya pakwisa umwakuboneka namaso. ²¹ Pamu bukwisa ukuyugha ukuti, Tesha, chili kuno!' pamu chili kula!' ukutiwateshe, ubunyafyale bwa Chala buli mukati mwinyu.'' ²² Akati kubafundiwa bake, ''Amashiku ghakwisa po mukwisa ukulonda kwishiku limo ilya mashiku gha Mwana wa Mundu, lole tamukaliteshe. ²³ Po bakwisa ukuti kumwe, 'Tesha, kula! Tesha, kuno! lole manye mufumaghe kuse pamu ukubakindilila, ²⁴ isa mumwo akabali kakubalila ngani ukufuma kulubafu lumo ulwa kumwanya sona ukuya kulubafu ulungi ulwa kumwanya, momwo u Mwana wa Chala asukubila mumashiku ghake. ²⁵ Lole pabwandilo abaghile atamiwe mafyindu ifyingi nukukaniwa nabatubalilo utu. ²⁶ Isa mumwo fikabombeliwa mumashiku agha Nowa, momwo sona fikwisa ukubombekela mumashiku gha Mwana wa Mundu. ²⁷ Bakalya, bakang'wa, bakeghana, sona bakapeghiwa munyegha mupaka pishiku lilyo u Nowa akingila mungalaba--amapwishi ghakisa nukubapyuta boshi. ²⁸ Isa mulamula, mumwo fikabombekela mumashiku gha Loti---bakalyanga nukung'wa, bakaghulagha nukughulisha, bakabyalagha nukusenga. ²⁹ Lole pishiku lilyo u Loti akatilaghamo mu Sodomu, kukaba umulilo nukunanga ukufuma ku mwanya nukubapyuta boshi. ³⁰ Isa mukayilo momwo tifikabele pishku ilya Mwana wa Mundu akwisa ukufibonesha pabwelu. ³¹ Pishiku lilalila leke yuyo ali pamwanya pa nyumba atakike pase ukuti eghe ifyombo fyake ukufumya munyumba, sona yuyo ali kumughunda atakabweleko. ³² Mukumbuke umukashi wa Loti. ³³ Kuweshi yuyo akulonda ukubukaba ubumi bwake akwisa pakubutaya, lole yuyo akubutaya ubwumi bwake akwisa pakubupoka. ³⁴ Ngubabula umwe, mubushiku bula bakuya ukubapo abandu babili pachitala chimuchene. Yumo tiakaeghiwe, lole umunine tiakalekiwe.'' ³⁵ Pakuya ukuba abakolo babili babo tibakashange pamupene. Yumo tiakeghiwe lole umunine tiakalekiwe. ³⁶ Tibakabe babili mumughunda; yumo tiakeghiwe lole yumo tiakashale.'' ³⁷ Bakamulalusha Bakati, ''Koki, Malafyale?'' Akati kukwabo, ''Kuko kuli umubili, koko kukuya pakuba ifinyamana po sona nukubungana pamupene.''

¹ Po akayugha ichilikubabo mumwo bangiputila bwila sona nukushita ukuwishiwa amaka, ² akati, ''Mukaya kamu mukaba umulongi yuyo atakamughopagha u Chala sona atakaghindika abandu. ³ Po kukaba kumukolo mukayaako, sona akisa kabilikabili kuyuyo, ukuti, 'Nyafwe ukuti imbwaghe ubwanaloli kumulughu wangu.' ⁴ Pakabalilo atakalonda ukumafwa, polole mwo pakindapo panyuma akiyughisha mwene, 'Pobule ndakoghopa u Chala pamu ukumughindika umundu, ⁵ lole pakuti umukolo umufwile uyu akundamia, ingwisa ukumwafwa ukuti abwaghe ubwanaloli, pakuti manye angakamishe pakenelela ikuwisa kukwangu.''' ⁶ Po umulafyle akati, ''pulikishaku mulongi uyu ubumashi bubo akuyugha. ⁷ Ka apa u Chala wepe atakwisa ukukwisa nubwanaloli kubasaliwa bake babo bakulila ubushiku napamusi? ka akwidsa pakukabisha papabo? ⁸ Inguyugha kukwinyu ukuti bakwisa ukupokela ubwanaloli kubabo nakalinga. Napo shiwe bubo, pala u Mwana wa Mundu afika, akwisa naloli ukulwagha ulwiko pa chisu?'' ⁹ Po akayugha sona ichili ku bamu babo bakisubalila pabene ukuti bakaba baghofu sona bakanyashagha abandu, ¹⁰ ''Abalisha babili bakaya mutempheli pakwiputa---yumo akaba mufalisayi sona yumo akaba kusongesha umusongo. ¹¹ U Falisayi akimilila nukwiputa ififndu ifya pa mwene, 'Chala, ngukupalisha papo ndayanite nabandu bamo---ifighabenga, babo tabagholofu, abahule---pamu isa uwakusongesha isongo. ¹² Ingufunga kabili usabata weshi. Ingupeleka ka tene choshi pafyo ingufyagha.' ¹³ Lole umusongesha songo, akimilila pabutali, akapotwa ukuti anyamushe amaso ghake kumwanya, lole akikoma pachiba, ukuti, 'Chala, mbelele ichisa une, nemutula nongwa.' ¹⁴ Nguti kukwinyu, umundu uyu akanyokela kunyumba yake mugholofu ukukinda umunine, papo weshi yuyo akwikwesha akwishiwa, lole weshi yiyo akwiyisha akukweshiwa.'' ¹⁵ Abandu bope bakisa kukwake abandi abanandi ukuti abapalamashe babo, lole bwo abafundiwa watesha ifi, bakabakalipila babo. ¹⁶ Lole u Yesu akabitisha kukwake, ukuti, ''Bitishe abanandi bise kukwangu une, sona mutakabakanishe. Pakuti ubunyafyale ubwa Chala bwabo bali isa aba. ¹⁷ Naloli ngubabula umwe, weshi yuyo atakupokela ubunyafyale bwa Chala isa mwana umunandi atakwisa ukuwingila.'' ¹⁸ Umulaghili yumo akamubushikisha, akati, ''Mumanyishi umwisa, imbombe shachoni ukuti ibwaghe ubwumi bwa bwila nabwila?'' ¹⁹ U Yesu akati kukwake, ''Choni chicho mukunitisha une ukuti ne mwisa? nayumo yuyo mwisa, ukupatula u Chala mwene. ²⁰ Mushimenye indghilo---mutakapangaghe ubomalaya, mutakaghoghaghe, mutakibaghe, mutakabikilaghe ubumboni ubwabumyashi, ghindika u tata nu mayi wako.'' ²¹ Umulaghili akati, ''Ifindu fyoshi ifi ifipulikile ukufuma koku bunandi bwangu.'' ²² Bwo u Yesu apulika ifi, akati kukwake, ''Chilipo ichindu chimuchene chicho utanacho. Ubaghile ughulishe fyoshi fifyo ulinafyo sona ubaghabile abapina, sona ukwisa ukuba nichuma kumwanya--po isagha, ungonge une.'' ²³ Lole bwo umulaghili apulika ifindu ifi, akisa asulumania leka, papo akaba mukabi leka. ²⁴ Po u Yesu, bwo amutesha yuyo ukuti asulumania akati, ''Chikafu sana ukuti boshi babo bakabi baye bingile ubunyafya bwa Chala! ²⁵ Popa chipepe ukuti imbunda yiye yingile mukabwashi ka sindano, ukukinda ukuti umundu umukabi aye ingile ubunyafyale bwa Chala.'' ²⁶ Bala babo bakapulika bakati, ''Po wini yuyo angapokiwa?'' ²⁷ U Yesu akamula, ''Ifindu fifyo fipala numundu fipepe nu Chala.'' ²⁸ U Peteli akati, ''Chisa, twaleka choshi chicho chitu sona twakonga uwe.'' ²⁹ Po u Yesu akati kukwabo, ''Naloli, ngubabula umwe ukuti nayumo yuyo aleka inyumba, pamu umukashi, pamu abowamwabo, pamu abowise, pamu abana, pachifukwa cha bunyafyale bwa Chala, ³⁰ yuyo atakwisa ukupokela ifyingi ukukindapo muchisu ichi, sona nichisu chicho chikwisa, ichabwumi ababwila nabwila.'' ³¹ Bwo ababunganika twelovu kukwake, akati kukiwabo, ''Tesha, tukubuka kula ku Yelusalemu, sona ifindu fyoshi fifyo filembiwe nabakunguluka ukufwana nu Mwana wa Mundu fikuya pakukwanilishiwa. ³² Papo akwisa ukupeghiwa kuba kuse, bakwisa ukumobesha, nukukoshiwa isoni, sona nukumufwila amati. ³³ Pala bamufyapula, bakwisa ukumughogha, po pishiku ilya butatu akwisa ukunyamuka sona.'' ³⁴ Batakashaghania nachimo pafindu ifi, sona ishu ili likafifiwa kukwabo, sona batakafyaghaniaifindu fifyo fikayughiwa. ³⁵ Chikisa chaboneka ukuti, mwo u Yesu apalamila mu Yeliko, umufyamaso yumo akikala pambali pamusebo nukusuma, ³⁶ Sona mwo akupulika ichilundilo chikwenda kupipi, akabushikisha chicho chikubombiwa. ³⁷ Bakamubusha ukuti u Yesu waku Nazaleti akwenda papipi. ³⁸ Umufwa maso akakolela, ukuti, ''Yesu, Mwana wa Deveti, mbelele ichisa une.'' ³⁹ Bo bakatangila bakamukalipila umufwa maso, ukuti abeshe myee. Lole akitisha ngani, ''Mwana wa Deveti, mbelele ichisa une.'' ⁴⁰ U Yesu akimilila nukumulamula ukutiumundu uyo ise kukwake. Bwo umufwa maso apalamila papipi, u Yesu akamubushikisha, ⁴¹ ''Ukulonda une ingubombeleki uwe?'' Akati, ''Malafyale, ngulonda imbokele ukutesha.'' ⁴² U Yesu akati kukwake, ''Pokela ukutesha kwako. Ulwitiko lwako lwakuposha uwe.'' ⁴³ Papo napapo akapokela ukutesha sona nukumukonga yuyo, nukumukwesha u Chala. Abandu boshi, babo bakatesha ifi, bakamupa amapalo u Chala.

¹ U Yesu akingila nukupululilashe mu Yeliko. ² Tesha, kukaba umundu yumo ingamu yake Zakeyo. Akaba mulongoshi wabasongesha songo sona akaba mukabi. ³ Akaghelanga ukutesha yuyo bakatingi Yesu ukuti ali buleghe. Lole atakamuteshanga muchilundilo, papo akaba mupimba. ⁴ Po akakindilila kandashi ku bandu nukukwela mumwanya mwikokwe lya likuyu ukuti amuteshe, papo u Yesu akaba ukuti akupululila isila yilayila. ⁵ Mwo u Yesu isa kubuyo bula, akatesha kumwanya nukuyugha ukuti, ''Zakaliya, ika mwalubilo, pakuti umusughu inguya pakwikala kunyumba yako.'' ⁶ Po akakinda mwalubilo nukwika sona akamwambilila nulusekelo ingani. ⁷ Mwo boshi batesha ifi, boshi bakadandabula, nukuyugha ukuti, ''Abuka kumundu yuyo mutula nongwa.'' ⁸ U Zakaliya akimilila nukuti kwa Malafyale, ''Keta, Malafyale, mufyuma fyangu nguyabanai pakata nukupa abapina, sona linga ngamushimbula yumo mufindu fimo, tingamupange kafolo mufindu fifyo indinafyo.'' ⁹ U Yesu akati, ''Umusughu ubupoki bwisa munyumba iyi, papo wepe mwana wa Abulahamu. ¹⁰ Pakuti u Mwana wa Mundu akisa pakutesha nukuponosha abandu babo basobite.'' ¹¹ Mwo bapulika ifindu ifi, Akabukilila ukuyugha nukubabusha ifyili, papo akba papipi naku Yelusalemu, sona bakinong'onagha ukuti ubwunyafyale bwa Chala buli papipi ukubonekela mwalubilo. ¹² Akayugha sona palapala ukuti, ''Umundu yumo umukabi akabuka kubutali nakaya kakukwabo ukuti aye apokele mwene ubunyafyale nukunyokela. ¹³ Akitasha abambombo wake teni nukubapa ifindu teni fifyo akatishapo, sona akati, 'Bomba imbombo mupaka papo ngwisila.' ¹⁴ ''Lole abandu wake bakamuwenga nukutumu ichilundilo kunyuma kwakwe, ukuyugha ukuti, 'tatukabe numundu uyu ukuti atulaghile utwe.' ¹⁵ Mwo anyokela sona, nukwambilila ubunyafyale, akalamula abambombo kubabo akabapa indalama ukuti akubitisha ukuti bamanye fifyo bakabapo ifya pamwanya pambombo yiyo bakabombagha. ¹⁶ ''Ubwandilo akisa pandashi papake, n ukuyugha ukuti, ''Malafyale indalama shako shakaba ishingi inyingi teni.' ¹⁷ ''Umwene akayugha kukwake ukuti, 'Wabomba akisa, we mubombi umwisa. Chifukwa ukuba musubaliwa mufinandi, tukabe nululaghilo pa twaya teni.' ¹⁸ ''Uwabubili akasa, akati, 'Indalama shako Malafyale shapanga fayivi ishinine.' ¹⁹ ''Umwene akati kukwake, 'Ube pamwanya pa twaya fayivi.' ²⁰ "Uyungi akisa, 'Malafyale , indalama yako yo iyi, yiyo ingasunga pabwisa mukenda, ²¹ papo ingoghopa uwe, papo akulongagha umundu. Ukwegha ifindu fifyo utakabikapo, sona ukwinula papo utakabyalapo.' ²² ''Umwene akati kukwake, 'Namashu ghako ghagho tighakulongaghe uwe, we bambombo umubibi. Ukamanya ukuti ngulongagha umundu, ngwegha fifyo ndabikitepo, sona ngwinula po ndakabyalapo. ²³ Po chifukwa buli utakabikagha indalama shangu kubabo bakubalisha, ukuti linga nguya pakunyokelagha ingeghe niyapamwanya?' ²⁴ Po umwene akata kubabo bakimilila, 'Mweghe indala iyi kukwake, nukumupa yuyo ali nindama teni.' ²⁵ Wakati kukwake, 'Malafyale, ali nindalama teni.' ²⁶ "'Ingfuyugha ku umwe, weshi yuyo ali nafyo akuya ukupeyiwa ifyingi, lole yuyo atanafyo, nakako akaba nako akuya kupokiwanga. ²⁷ Lole abalughu wangu boshi aba, boshi babo batakulonda ukuti une imbalaghilaghe, mwise nabo kuno nukubaghogha pandashi pangu.''' ²⁸ Mwo ayugha ifindu ifi, akabukilila, ukubuka ku Yelusalemu. ²⁹ Mwo apalamila kukaya bka Betifage naka Betaniya, kutughamba tuto tukitishiwanga ukuti Oliveti, akatuma abafundiwa babili, ³⁰ nukuyugha ukuti, ''Wuka mukaya akapandashi apo. Po mukwingila, timukaghe umwana wa nang'oshi yuyo atakweliwepo lumo. Mwabule nukwisa nawe kukwangu. ³¹ Linga yumo akubabushikisha, 'Choni chicho mukumwabula?' Muye muti, 'U Malafyale akumulonda.''' ³² Boshi babo bakatumiwa bakabuka sona bakamwagha umwana wa nang'oshi isa mumwo u Yesu akababushikisha. ³³ Mo bali pakumwabula umwana wa nang'oshi, umwenecho akati, ''Choni chicho mukwabula umwana wa nang'oshi?'' ³⁴ Bakati, ''U Malafyale akumulonda.'' ³⁵ Bakabuka nawe kwa Yesu, sona bakaponia imiselekesha yabo pambunda nu Yesu ukukwela pamwanya pake. ³⁶ Mwo akubuka, bakanyambania imiselekesha musila yoshi. ³⁷ Po mwo bapalamila kumbuyo ubwa lighamba lwa Oliva lyilomokile, ichilundilo cha bafundiwa chikanda ulusekelo nukumupala u Chala namashu ghakukwela ingani chifukwa cha mbombo ingulu yiyo bakayibona, ³⁸ bakati, ''Musayiwa yuyo wi Mwene yuyo akwisila mungamu ya Malafyale! Ulutengano kumwanya nu bwikemo pamwanya ingani!'' ³⁹ Bamu abafalisayi muchilundilo bakati, ''Mumanyishi, bakemele abafundiwa wako.'' ⁴⁰ U Yesu akamula nukuti, ''Ngubabula umwe, linga bakabanga myee, namabwe ghakuya pakulila.'' ⁴¹ Mwo u Yesu apalamila kukaya kala, akakalilila, ⁴² akati, ''Pala ukamanyagha mumashiku agha, nuwe bubu, ifindu fifyo fikwisa pakubapa ulutengano! Lole apa fifiwe kumaso ghako. ⁴³ Pakuti amashiku ghakuya pakwisa kukwako ghagho abalughu bako bakuya pakusenga ulupaso ukukushungulila sona bakuya pakushungulila mulufafu lyoshi. ⁴⁴ Bakuya kukuwisha pase pachisu nabana bako. Batakuya pakulileka ibwe nalimo pamwanya palinine papo batakashaghania po u Chala akakupulumushagha uwe.'' ⁴⁵ U Yesu akingila mutemphile nukwanda ukufumya boshi babo bakaghulishanga, ⁴⁶ akati kukwabo, 'Fisimbiwe, inyumba yangu yikuya ukuba nyumba yakwiputilamo,' lole mwayipanga nyumba ukuba nyumba ya bifi.'' ⁴⁷ Po u Yesu akamanyishanga ishiku lyoshi mutemphile. Abaputi abosongo nabasimbi nabalongoshi babandu bakalondagha ukuti bamughoghe, ⁴⁸ lole batakayaghagha nayimo isila iyakuti babombele ifipapo abandu boshi bakamupulikishanga nukubika ingani amahala ghoshi kukwake.

¹ Ishiku limo bwo u Yesu akumanyisha abandu mutemphile nukulumbilila amashu ukuti abaputi abosongo nabalembi bakisa kuyuyo nabosongo. ² Bakayugha, bakati kukwake, ''Tubushe utwe bulaghili buki bubwo ukubomba ifindu ifi, pamu wini yuyo akupa ubulaghili ubu?'' ³ Akamula nukuyugha ukuti, ''nune imbabushikishe ibusho, sona mumbushe. ⁴ Ulyosho lwa Yohani: Lukafuma kumwanya pamu kubandu?'' ⁵ Bakanda ukuyughisania pabene, bakati, ''linga tukuti, 'Ukufuma kumwanya,' akwisa ukuti, 'Po choni chicho mutakamusubila?' ⁶ Lole pala twati, 'Ukufuma ku bandu,' abandu boshi bakwisa ukutulasa namabwe, papo bakashimikishiwa ukuti u Yohani akaba mukunguluka.'' ⁷ Po bakamula ukuti batashimenye kuko akafumila. ⁸ U Yesu akati kukwabo, ''Nune tambabushe ubulaghili kuko bufumitepakubomba ifindu ifi.'' ⁹ Akababula abandu ichili ichi, ''Umundu akabyala umughunda wa mafilu, akashima abalimi ba mafilu, sona sona nukuya mukaya akangi nukwegha akabalilo akatali. ¹⁰ Pakabalilo akakwimikiwa akatuma uwambombo kubalimi bamafilu, ukuti bamupe iseke isha mumughundu wa mafilu. Lole abalimi bamafilu bakamukoma yuyo, sona nukumutuma ukushita kwegha nakamu. ¹¹ Po akatuma uyungi uwambombo bakamukoma wepe, bakamunyasha umwakuko sha isoni, sona nukumubwesha ukushi kumupa nakamu. ¹² Po akatuma sona ubabutatu po wepe bakamufulasha, nukumutaghila kuse. ¹³ Po umalafyale bamughunda wamafilu akati, ''Choni chicho tise imbombe? Igwisa ukumutuma umwana wangu umulumyana umughaniwa. Lumo bangisa bamughindike? ¹⁴ Lole mwo abalimi bamafilu bamutesha yuyo, bakayughisania pamupene, ukuti, 'Uyu weyo wakwingila ichilingo. Isa tumughoghe, ukuti ichilingo chibe chitu.' ¹⁵ Bakamufumyamo mumughunda wamafilu yuyo nukumughogha. Po umalafyale wa mughunda wa mafilu akwisa ukubabombela choni ku babo? ¹⁶ Akuya ukuwisa nukubakomania abalimi ba mafilu, sona akwisa ukupa umughunda wa mafilu kubangi.'' Bwo bapulika ifi, bakati, ''Tachikabepo lumo!'' ¹⁷ Lole u Yesu akatesha, nukuti, ''Chikung'anamulaki icho chicho chilembiwe: 'Ibwe lilyo abasengi bakalikana lyaba libwe lya panguto'? ¹⁸ Weshi yuyo abila pibwe ilyo akwisa ukumenyungana, sona yuyo lyamubila akwisa ukupwayungana.'' ¹⁹ Po abasimbi nabuti abosongo bakinong'ona ukuti babike utukono pa yuyo pakabalilo kalakala, papo bakamanyaukuti akabayughila ichili ichakususania nabo. Lole bakoghopa abandu. ²⁰ Pakumuketelesha yuyo umwakucheba, bakatuma abakutendela babo bakabonekagha isa bagholofu, ukuti bafyaghe ififukwa mukayughile kake, ukuti bamubike ku bulaghili sona kubulaghili bwalongoshi. ²¹ Bakamulalusha, ukuti, ''Manyishi, Tushimenye ukuyugha nukumanyisha ubwanaloli, sona utakusalila nayumo muchimanyani, lole ukumanyisha ubwanaloliubwa sila yaChala. ²² Chibaghile utwe ukulipila umusongo kwa Siza, pamu hagha?'' ²³ Lole u Yesu akabaghanaia ubuchefu bwabo, sona akati kukwabo, ²⁴ ''Ndangishe indalama. Chifwani chani sona ingamu yani yiyo yili pano?'' Bakati, ''Siza.'' ²⁵ Akati kukwabo, ''Po mumupe u Siza fifyo fya Siza sona kwa Chala fifyo fya Chala.'' ²⁶ Bakapotwa ukumwagha nififukwa pafyo akayugha pandashi pa bandu, lole bakaswisha mumwo akamulila, bakasoba iya kuyugha. ²⁷ Mwo aba Sadukayi bamu bisa kukwake, aba bakatingi kutaliko ukushuka, ²⁸ bakamulalusha, ''Mumanyishi, u Mose akatusimbila utwe pala uwamwabo wamulisha afwa, yuyo ali numukashi, sona atanumwana nayumo, uwamwabo uyo eghe umukashi wa mukulu wake, sona apapemo umwana ukuba wamukulu wake. ²⁹ Kukabako abowamwabo seveni po ubwandilo akegha umukashgi wake, nukufwa ukushita ukuleka umwana, ³⁰ sona nubabuli wepe akafwa. ³¹ Ubabutatu akamwegha yuyo, lole ukuyanashe isila yimeyene bope sevene batakaleka abana nabamunukufwa. ³² Panyuma pake umukolo wepe akisa afwa. ³³ Po pakushuka, wiwini yuyo umukolo uyu akwisa ukuba mukashi wake? Papo boshi seveni akaba mukashi wabo.'' ³⁴ U Yesu akati kukwabo, ''Abana abachisu ichi bakwegha nukweghiwa munyegha. ³⁵ Lole babo babaghile ukupokela ukushuka ukufuma kubufwe batakwisa ukwegha pamu ukukweghiwa. ³⁶ Batakwisa ukufwa sona lumo, papo bayaniteshe nabandumi sona bana ba Chala abalisha, ukuba bana abalisha bakushuka. ³⁷ Lole ukuti abafwe bakunyamuka, u Mose wepe akalaghisha ukuyana nichitengele, po akamwitisha u Malafyale u Chala wa Abulahamu nu Chala wa Ayizeki sona nu Chala wa Yakobo. ³⁸ Apa tawi Chala wabafwe, lole wa bwumi, papo boshi bwumi kukweke.'' ³⁹ Asimbi bamu bakamula, ''Mumanyishi, wamula akisa.'' ⁴⁰ Papo batakakiba sona ukumubushikisha amabusho yuyo. ⁴¹ U Yesu akati kubabo, ''Po bakuyugha bule ukuti u Kilisitu mwana wa Deveti? ⁴² Papo u Deveti yuyo akayugha mwibuku ilya mapalo, u Malafyale akati kwa Malafyale wangu, 'Ikala kukakono kangu akamwisa, ⁴³ mupaka po nabika abalughu wako mutulunditwako. ⁴⁴ Po u Deveti akwitisha u Kilisitu 'Malafyale' po ukuba bule umwana wa Deveti?'' ⁴⁵ Pakupulika ku bandu woshi akati kubafundiwa wake, ⁴⁶ ''Muchebe na basimbi, babo bakulonda ukwenda mumiselekesha imitalis sona bighanite ukulamuka ukwa lughindiko mumabuyo agha kughulishikishamo sona nifitengo ifya pamwanya mumasinagogi sona namumabuyo aghapamwanya mutubalilo twalusekelo. ⁴⁷ Bakukomania inyumba sha bafwile nukwilangisha bakwiputa inyiputo indali. Abandu isa aba bakwisa ukupokela ubulongi ubukulu.''

¹ U Yesu akatesha nukubabona abalisha abakabi babo bakabikagha ifyabupi muchakusopelamo. ² Po akamutesha yumo umupotwe umufwilwe akasopa utukopala tubili. ³ Po akayugha akati, ''Naloli nguyugha ku kwinyu, umupotwe uyu umufwilwe abika ifyingi ukukinda mweboshi. ⁴ Boshi aba bakasobagha ifyabupe ukufuma mufyingi. Lole umufwilwe uyu, pabupina bwake, asopa fyoshi fifyo akaba nafyo ifyakumwafya akikalile.'' ⁵ Mwo bamu bakuyugha isha tempheli, po finoshiwe buleghe nubisa bwamabwe sona nifyakupeleka, akati, ⁶ ''Ukufyana nifindu ifi fifyo mukufitesha, amashiku ghakuya pakwisa papo nalimo ibwe lilyo likuya ukuba pamwanya palinine ukushita kubutuliwa.'' ⁷ Po bakamulalusha yuyo, ukuti, ''Mumanyishi, po ifi fikwisa ukubombewa lighi? Po chikwisa kuba chifwanikisho chiki po fyoshi ifi fikwisa kubombiwanga?'' ⁸ U Yesu akamula, ''Muchewe ukuti manye mwise mushimbuliwe. Po abingi bakwisa kwisa mungamu yangu, nukuyugha, 'Nene une, sona, 'Akabalilo kapalamila.' Manye muye pandashi pabo. ⁹ Pala mukupulika ishi bwite nukwambana, manye mutetemaghe, poin fyoshi fikwisa kubombiwa tashi, pabumalilo fitakwisa kubombiwa papo napapo.'' ¹⁰ Po akati kukwabo, ''Ichisu chikwisa ukung'amukila ichisu ichinine, ubunyafyale pa bunyafyale. ¹¹ Tikukabe utusenyenda utukulu, sona mubuyo ubwingi isala nimbina. Tikukabe ifyakubombiwa ifyakuswighisha nifimanyikkisho ifikulu ifya kufuma kumwanya. ¹² Lole mwo fitabombiwe fyoshi ifindu ifi, tibakabike utukono twabo papinyu nukubafyima, ukubabika kusinagogi namuma jele, ukubuka numwe kubanyafyale na balaghili ba chisu chifukwa cha ngamu yangu. ¹³ Tighukabe mwabi palushimikisho lwinyu. ¹⁴ Polelo mushimikishe mundumbula shinyu ukuti mutakise musenganiange ishakuyugha pakabalilo kalakala, ¹⁵ pakuti tingabape amashu namahala ukuti abalughu binyu boshi tabakakane pamu ukususha. ¹⁶ Lole sona timukapelekiwange naba papi binyu, nabowamwinyu, sona tibakabaghoghe bamu mwa umwe. ¹⁷ Timukabengiwe na aliweshi chifukwa cha ngamu yangu. ¹⁸ Lole nakamu akang'ili ka pamutu winyutikakanangike. ¹⁹ Mukupilila kwinyu timukabwaghe ubwumi bwinyu. ²⁰ ''Pala mukutesha u Yelusalemu ashingiliwe nabashilikali, po mumanye ukuti ukupokiwa kwake kuli papipi. ²¹ Po baleke aba Judeya bakindile ku fighamba, po bali mukaya akakulu bakaleke, po nababo bafumite muchisu manye bingilaghemo mukaya akakulu. ²² Pakuti agha mashku ghakunyosha, pakuti ifindu fyoshi fifyo fisimbiwe fikwanilishiwe. ²³ Mukoshi kubabo bali nifukwe nababo bakongesha mumashiku ghalaghala! Pakuti tikukabe ukuyimba ukukulu mukaya nubukali kubandu aba. ²⁴ Bakwisa pakuwa pobatesha ichilwilo, sona po bali balongosha kuba basha ba fyisu fyoshi, po u Yelusalemu akwisa pakupondeliwa nabakuse mupaka po akabalilo kubakuse kakwanishiwa. ²⁵ Po pasukuba ifimanyikisho mwisuba, mu mweshi, sona na mundondwa, sona namu chisu. Ichisu chikwisa pakutamiwa, ukusulumania chifukwa cha kakutile ka nyanja namayigha. ²⁶ Bakwisa ukubapo abandu babo bakwisa pakushilika ukufuma kubwogha sona nukufuma kufifyo bakwinong'ona ku findu fyondifyise fibombiwe pa chisu. Po amaka ghakumwanya ghakwisa kuyungana. ²⁷ Po bakwisa pakumutesha u Mwana wa Mundu akwisa mumabingu namaka sona nubukulu bwake. ²⁸ Po pala ifindu ifi fyanda pakubombiwa, nyamuka sona nyamusha imitu yinyu, papo umupoki winyu ali papipi pa kwisa.'' ²⁹ U Yesu akababula ichili, ''Tesha ichikokwe icha mafilu, sona nifikokwe fyoshi. ³⁰ Po fyabika ubwesha nutuseke, mukwisa ukutesha mwebene sona nukumanya ukuti ichishiku chili papipi. ³¹ Po sona, linga mukutesha ifindu ifi fikubombiwa timukamanye ukuti ubunyafyale bwa Chala buli papipi. ³² Naloli nyuyugha kukwinyu, ingulile iyi yitakuya pakushilapo mupaka fyoshi ifi fyise fibombiwe. ³³ Kumwanya sona ichisu fikwisa pakumala, lole ishu lya Chala litakwisa pakumala lumo. ³⁴ "Lole upulikishe pawimwene, ukuti indumbula yako manye ying'wamilwe nifyakung'wakung'wa sona nuboching'wela sona nifyakupasha nifyakupasha fya bumi, sona ichiku lila telikabe papipi nuwe lole umwakushishimusha isa kapingo. ³⁵ Po chikuya pakwisa pa mundu wishe yuyo akwikala pa chisu cha pase choshi. ³⁶ Lole mube maso akabalilo koshi, mwiputaghe ukuti mube namaka ukwenelela ukuti mwitishe ku findu fyoshi fifyo tifikabombewanga, sona nukwimilila papipi nu Mwana wa Mundu.'' ³⁷ mukabalilo kalakako akamanyishanga mutempheli, papo pabushiku akufumapo sona akikala pighamba lya Oliva. ³⁸ Abandu boshi bakalabila pangelo ngani ukuti bapulike kukwake mu tempheli.

¹ Po mulusekelo lwa chibama chishita chilungo lukapalamilagha, chicho chikwitishiwa ukuti pasaka. ² Abaputi abosongo nabasimbi bakalondagha mumwo bangamughoghela u Yesu, pakuti bakoghopagha abandu. ³ Po usatana akingila mwa Yudasi, yuyo akitishiwanga Isikaliyoti, yuyo akaba ba bamu bala twelovu. ⁴ U Yudasi akabuka kwa muputi usongo nabalongoshi nukuyughisania nawo mumwo angamubikila u Yesu ku babo. ⁵ Bakahoboka nukwitikisania ukuti bamupe indalama. ⁶ Akitikisha nukulonda ulusako ukuti amupeleke kubabo kubutali nichilundilo. ⁷ Po pakisa ishiku ilya chibama ichishita chilungo, lyo akana ka nang'oshi kakemeshiwa. ⁸ Po u Yesu akamutuma u Peteli nu Yohani, akati, ''Bukagha nukunoshekesha ichakulya cha pasaka, tungalya.'' ⁹ Bakati kukwake, ''Ka mukulonda ukuti iye tunosekeshe kughu?'' ¹⁰ Akabamula akati, ''Tesha, pala mwingilashe mukaya, tiyemukumane numulisha yumo anyamwile ingumbe ya mishi. Mumukonge munyumba yiyo akuya pakwingila. ¹¹ Po muye mumubushe umwene nyumba, 'Umumanyishi akuti kukwako, ''Yilikoki inyumba ya balendo, kuko nguya pakulila u pasaka nafafundiwa wangu?''' ¹² Tiye abalangishe ichipinda ichikulu ichisa icha pamwanya. Iye mutendekeshe mulamula.'' ¹³ Po bakabuka, bakafyagha fyoshi isamumwo akababulila. Po bakatendekesha ichakulya cha pasaka ¹⁴ Mwo akabalilo kakwana, akikala pase nabatumiwa. ¹⁵ Po akababusha akati, ''Nanyenywangani ukuti indye numwe bongali ndatamiwe. ¹⁶ Pakuti ngubabusha umwe, tangalye sona mupaka fise fikwanilishiwe mu bunyafyale bwa Chala.'' ¹⁷ Po u Yesu akegha u kapu, sona mwo apalisha, akati, ''Egha ifi, nukughabana. ¹⁸ Pakuti ngubabusha, ta nise indye sona ifyakulya fya mumughunda wa mafilumupaka ubunyafyale bwa kumwanya bwise.'' ¹⁹ Po akegha ichibama, sona mwo apalisha, akachimenyula, akabapa akati, ''Ughu mubili wangu, ghugho ghukupeghiwa kukwinyu. Mubombe ifi ukuti mungumbukilaghe.'' ²⁰ Akegha u kapu musila isa yiyi mwo alya ichakulya cha namasuwa, akati, ''U kapu uyu lufingo ulupya mwibanda lyangu, lilyo likupunguliwa kukwinyu. ²¹ Lole pulikisha. Inyobe ya yuyo akusambukila yili nune patebulo. ²² Pakuti u Mwana wa Mundu naloli akwendela mumo finokesheliwe. Lole mukoshi ku mundu yuyo akufwima ukusambukila!'' ²³ Bakanda pakuyughisania benebene wini mubabo ingapanga ifindu ifi. ²⁴ Po pala pakanyamuka umukangano mubenebene uwakuti wini yuyo akeghiwanga ukuti wapamwanya. ²⁵ Akababula akati, ''Abomwene ba bandu wa kuse bali namaka papbo, sona bobali namaka papabo bakwitishiwa babombi ba mbombo inyisa. ²⁶ Lole manye fikabange bunobuno numwe. Mubuyo bwake, muleke yuyo wapamwanya pakati pinyu abe isa mukeke ngani, sona muleke yuyo wakulondiwa nganiabe isa yuyo wakubabombela. ²⁷ Pakuti wini wapamwanya, yuyo akwikala patebulo, pamu yuyo akunoshela? Ngimba teweyula yuyo akwikala pa tebulo? Lole ndipakati pinyu isa ne mubombi. ²⁸ Lole mwemwabukilila pakuba nune mukugheliwa kwangu. ²⁹ Ngubapa ubunyafyale, isa mumwo u tata wangu akambila une, ³⁰ ukuti mungalya nukung'wa pitebulo lyangu mu bunyafyale bwangu, sona timukikale pachitengo nukulonga imitundu ya waisilayeli twelovu. ³¹ Simoni, Simoni, chenjela, u satana asumite ukuti ingabasefa isa tiligu. ³² Lole nakwiputila, ukuti ulwtiko lwako manye lupotwe. Pala wanyokela sona uye ubalimbikishe abanyako. ³³ U Peteli akamubusha akati, ''Malafyale, nitendendekeshishe pakubuka nuwe ku jele nakubufwe.'' ³⁴ U Yesu akamwamula, ''Ngukubusha, Peteli ubisa taise abilike umusughu, mwo utanganite katatu ukuti ghumenye une.'' ³⁵ Po u Yesu akati kukwabo, ''Po ngabatuma ukushita ichola cha ndalama, ichola cha fyakulondiwa, pamu ifilato, chilipo chicho mukapotwanga?'' Wakamula, ''Nachimochimo.'' ³⁶ Po akababusha akati, ''Lole akabalilo aka, yuyo ali nichola cha ndalama, muleke eghe, sona nichola chafyakulondiwa. Yuyo ata nichipeni aghulishe ichakufwala chake aghule ichipeni. ³⁷ Pakuti ngubabusha, fifyo filembiwe ifya une fikwenela ukukwanilishiwa, 'Akabelengiwa pamupene nabatula nongwa.' Pakuti fifyo fikasakishiwanga ifya une fikukwanilishiwa.'' ³⁸ Po bakati, ''Malafyale, tesha! Tuli nifipeni fibili pano.'' Akababusha akati, ''Fwakukwanila.'' ³⁹ U Yesu akafumapo, isamumwo akabombelagha mukabalilo akingi, akabuka kwighamba ilya Oliva, abafundiwa bakamukongagha. ⁴⁰ Mwo bafika, akababusha akati, ''Iputa ukuti manye mwingilaghe mungelo.'' ⁴¹ Akafumapo pakati pabo ukuyana nubutali bubo ibwe lingenda pala waponia, akafughama nukwiputa, ⁴² akati, ''Nandi ukuulonda, tisha ukapu kukwangu. Nangabuli nashiku mongulondela, lole umwe mo mukulondela mubombe.'' ⁴³ Po umungelo ukufuma kumwanya akamubonekela, akamukasha. ⁴⁴ Pakuti akaba mububafu, akiputa ngani, sona amafuku ghake ghakisa ghaba ngani matonya gha libanda lilyo lkuwa pase pachisu. ⁴⁵ Mwo anyamuka ukufuma ku nyiputo, akabuka ku bafundiwa akabagha bapitile chifukwa cha chitima ⁴⁶ akababukisha akti, ''Choni mupitile? Nyamuka nukwiputa, ukuti manye mwingile mungelo.'' ⁴⁷ Mwo akali akuyugha, tesha, ichilundilo chikafika, nu Yudasi, uwamu twelovu, akabatangilila. Akabuka kupipi kwa Yesu ukuti amufyofyone, ⁴⁸ lole u Yesu akati kukwake, ''Yudasi, ngimba ukumusambukila u Mwana wa Mundu nukumufyofyona?'' ⁴⁹ Mwo babo bakamushungulila u Yesu batesha fifyo fikabombiwa, bakati, ''Malafyale tucheke numupeni?'' ⁵⁰ Po yumo babo akamucheka uwambombo wa muputi usongo, nukucheka ichufyo cha kumwisa. ⁵¹ U Yesu akati, ''Fitakabombiwe sona!'' Akakola ichufyo, nukumuposha. ⁵² U Yesu akati kumuputi usongo, nakumulongoshi wa mutempheli, nakubosongo babo bakamukola u Yesu akati, ''Ngimba mukwisa kokumwifi ni mipeni nindughu? ⁵³ Akabalilo koshi kako ngaba numwe ishiku nishiku mutempheli, mutakabika inyobe papangu. Lole aka kabalilo kinyu, namaka gha chisi.'' ⁵⁴ Wakamukola nukubuka nawe ku nyumba ya muputi usongo. Lole u Peteli akongagha pabutali. ⁵⁵ Mwo bapemba umulilo pakatikati pabuyo bwa bulongi, nukwikala pase pamupene, u Peteli akikala pakatikati palapala. ⁵⁶ Umubomba mbombo yumo umukolo akamutesha u Peteli mu bwelu bwa mulilo akamuketa maso namaso akati, ''Umundu uyuwepe akaba nawe.'' ⁵⁷ Lole u Peteli akakana, akati, ''We mukolo, ndamumenye.'' ⁵⁸ Mwo pakindashe akabalilo panandishe, umundu yumo akamubona akati, ''Nuwe wewabamu.'' Lole u Peteli akati, ''Mulisha, ndakufimanya fifyo ukuyugha.'' ⁵⁹ Mwo pakinda iawala limulyene numundu uyngi akalondelela akati, ''Naloli umundu uyu akaba nawe, pakuti Mugalileya.'' ⁶⁰ Lole u Peteli akati, ''Mulisha, ndakufimanya fifyo ukuyugha.'' Papo napapo, mwo akali akuyugha ubisa akabilikila. ⁶¹ Akasanusha, nukumuteshau Peteli, u Peteli akakumbuka amashu gha Malafyale, po akamubusha akati, ''mwo u bisa atabilikile umusughu tise ungane katatu.'' ⁶² U Peteli akafuma kuse nukulila ngani. ⁶³ Po abndu babo bakamilindilila u Yesu bakamuhoyagha nukumukoma. ⁶⁴ Nukumupinya kumaso nukumubushikisha ukuti, ''Talusha! Wini yuyo akukoma?'' ⁶⁵ Bakayugha ifindu ifyingi ifyakumushusha nukumukosha isoni. ⁶⁶ Mwo kwacha, abosongo songo bakabungana pamupene, abaputi abosongo nabasimbi. Bakabuka nawe ku mphala ⁶⁷ bakati, ''Nadi we Kilisitu, tubushe.'' Lole akababusha akati, ''Nadi nababusha, mutamupulikishe, ⁶⁸ sona nandi nabalalusha mutamwamule. ⁶⁹ Lole ukwanda ipano ukuya mundashi, u Mwana wa Mundu tise ikale kukakono kamwisa aka Chala wamaka.'' ⁷⁰ Boshi bakati, ''Po we Mwana wa Chala?'' U Yesu akabamula akati, ''Mukuyugha ukuti nene.'' ⁷¹ Bakati, ''Choni tukali tukulonda ukamboni? Pakuti utwe twibene twapulika ukufuma kumulomo wake.''

¹ Akagulu kak bandu kakanyamuka nukubuka nu Yesu kwa Pilato. ² Kulakula bakanda pakumupikisha ukuti umundu uyu tukamwagha akusofya abandu bitu, nukubakanisha ukusonga umusongo kwa Kesale, nukwiyugha mwene ukuti wi Kilisitu, u Mwene.'' ³ U Pilato akamubushikisha u Yesu akati, ''Ngimba uwe we Mwene wa ba Yuda?'' U Yesu akamula akati, ''Wayugha wimwene.'' ⁴ Po u Pilato akababusha abaputi abosongo ni chigulu icha bandu chila akati, ''Indakumwagha ninongwa nayimo umundu uyu.'' ⁵ Lole bakisa pakuyugha, nukuti, ''Ifimanyisho fyake akwandisha ifyongo mubandu namutwaya toshi utwa Yudeya, ukwanda ku Galileya nakubuyo buno bubu.'' ⁶ Po mwo u Pilato apulika ishi, akabalalusha linga umundu uyu akaba wa mu Galileya. ⁷ Mwo ashimanya ukuti u Yesu akafuma mukaya kako kakalamuliwanga nu Helodi, amutuma kwa Helodi, yuyo akaba mu yesalemu itamu yilayila. ⁸ Mwo u Herodi amuketa u Yesu, akasekela sana, papoi kapulikaghashe ifya yuyo sona akamulondagha ukwanda kale. Papo akabomba ichiswighisho chimo. ⁹ Po u Helodi akamulalusha u Yesu amalalusho amingi, lole u Yesu atakamula nachimo. ¹⁰ Abaputi abosongo nabasimbi bakabuka pandashi, nukumupikisha ngani u Yesu. ¹¹ U Helodi nabasikali bake aba ngondo bakamobesha u Yesu nukumutuka. Po bakamufwisha ikaza inyisa nukumutuma kwa Pilato. ¹² Mwo fitabombiwe ifi pakati pa Helodi nu Pilato pakaba ubulwani, lole ukwanda ishiku lila lila bakisa paba pa ukamu. ¹³ U Pilato akisa abitisha abaputa abosongo na nabalongoshi sona nabandu boshi ¹⁴ nukubabusha ukuti, ''Mwisite numundu uyu kukwangu ukuti akusofya abandu, sona tesha, namulalusha pamaso ghinyu, lole ndakumwagha ninongwa nayimo pa findu fifyo mukumupikila. ¹⁵ Hagha, Helodi, akamutuma umwene kukwitu, sona keta, chitalipo ichabufwe chicho chabombiwa kukwake. ¹⁶ Kuyana namo fyabela timufunde nukumwabula.'' ¹⁷ Awesa abakulu, apa u Pilati shikamubaghila ukuti abule umuyuda yumuyuywene umukungiwa palusekelo.'' ¹⁸ Lole boshi bakakolela pamupene, ukuti, ''Tilapo nu mundu uyu, sona twabulile utwe u Balabasi!" ¹⁹ U Balabasi akaba mundu yuyo akabikiwe mu jele pa chifukwa icha kusambukila mukaya sona pachifukwa cha bughoghi. ²⁰ U Pilato akafumusha sona, nishakumwabula u Yesu. ²¹ Lole bakakolela, bakati, ''Akomeliwe umwene, akomeliwe umwene.'' ²² Akati kukwabo akabutatu, ''Chfukwa chiki, chochoni ichibibi chicho umundu uyu abombite? Ndamwaghite ninongwa nayimoyimo yiyo yingapangisha ukumupelela ubufwe. Po pala bamufunda, nguya pakumwabula.'' ²³ Lole bakalalamika namashu ghapamwanya, nukughaghila ukuti umwene akomeliwe. Amashu ghobo ghakamupungania u Pilato. ²⁴ Po u Pilato akinong'ona ukuti abombe shisho bakalondagha. ²⁵ Akamwabula yuyo bakamusumagha yuyo akabikiwa mu jele pa chifukwa ichakughaghila sona nu bughoghi. Lole akamubika u Yesu mutukono twabo mubwighane bwabo. ²⁶ Mwo bakubuka nawe, bakakomana nu Simoni wa ku Kileni, akisagha ukufuma mutwaya, po bakamutwika imphinjika ukuti anyamule, nukumukonga u Yesu. ²⁷ Ichilundilo ichikulu icha bandu, sona nicha bakolo babo bakamupelelagha ichisa sona nukumulilila, bakamukongagha. ²⁸ Lole akaghalabuka kukwake, u Yesu akati, ''Mwe bakolo wa mu Yelusalemu, Mutakandilile une, lole mwililile mwibene pamupene nabana binyu ²⁹ Tesha, amashiku ghakwisa ghagho abandu bakwisa ukutingi, 'basayiwa babo batakupapa sona nulufukwe lulo lutapapite lumo, sona namabele ghagho ghatongeshishepo.' ³⁰ Po bakwisa ukwanda ukuyugha ku maghamba, 'Tubile utwe,' sona kutughamba utunandi, 'Tukupikile utwe.' ³¹ Pakuti linga bakubomba ififndu ifi mwo ikokwe libisi, po choni chikwisa ukubombiwa linga lyumila?'' ³² Bakegha nabalisha bamo, abanongwa babili, bakababika nawe ukuti babaghoghe. ³³ Bakati bafika pabuyo bubo bukitishiwanga "Amafupa,'' po kulakula bakamukomela sona nabanongwa -- yumuyuwene kukakono kake aka mwisa umungi kukakono ka shomi. ³⁴ U Yesu akati, ''Tata, bahobokele, pakuti batakufimanya fifyo bakubomba.'' Po bakisa bapanga amayele, nukunyapula imiselekesha yake. ³⁵ Abandu bakimilila nukuketelela bo abalongoshi bakumutuka, ukuti, ''akapoka abangi. Leke ipoke mbene, pala wi Kilisitu wa Chala, yuyo asaliwe.'' ³⁶ Abasilikali bope bakamuseka, pakupalamila kukwake, nukumupa ivinyo, ³⁷ sona nukuti, ''Linga we Malafyale wa bayuda, wipoke wimwene.'' ³⁸ Kukaba sona ichimanyisho pamwanya pake, ''Uyu weyo wi Malafyale waba Yuda.'' ³⁹ Uwanongwa yumuyuwene yuyo wakamukomela pamupeneakamuyughja akabibi ukuti, ''Ka tawe Kilisitu?Wipoke wimwene poka nutwe.'' ⁴⁰ Lole uyughi akamukalipila, akati, ''Utakumoghopa u Chala, pakuti uli pase pabongi panongwa iyi? ⁴¹ Tubaghile ukuti tube pano, pakuti tukupokela ukufwana ni mbombo shitu. Lole umundu uyu atabombite nachimo ichibibi.'' ⁴² Po akati, ''Yesu, ungumbuke linga ukwingila mubunyafyale bwako.'' ⁴³ U Yesu akati kukwake, ''Naloli inguyughja kukwako, umusughu ukuya pakuba nune mupaladazi.'' ⁴⁴ Kakaba kabalilo ka 12, okoloko, ichisi chikisa pa chisu choshi mupaka akabalilo ka 3, okoloko ⁴⁵ kunamasuba. Po umwenda wa mutempheli ghukanyepuka pabili. ⁴⁶ Pakulila amashu ghapamwanya, U Yesu akati, ''Tata, mutukono twako ngubika umbepo wangu.'' Mwo ayugha amashu agha, akafwa. ⁴⁷ Mwo usongo wa silikali atesha fifyo fikabombewa akamukwesha u chala, ukuti, ''Naloli uyu akaba mundu umugholofu.'' ⁴⁸ Bwo ifilundilo fyoshi fyisa pamupene ukuwikila ubumboni pakutesha ifindu fifyo fikabombiwa, bakanyokela uku bakukoma ififuwa fyabo. ⁴⁹ Lole boshi babo bakamumanya sona nabakolo babo bakamukongagha ukufuma ku Galileya, bakimilila pabutali, ukutesha ifindu ifi. ⁵⁰ Tesha, pakabako umundu yumo ingamu yake kaba wi Yosefe, yuyo akaba yumo mwa balongoshi. Akaba mundu umwisa sona umugholofu. ⁵¹ Umundu uyu atakapulikana nulubatiko lwabo sona nimbombo shabo. Akaba wa ku Alimateya mukaya Yudeya, akalondagha ubunyafyale bwa Chala. ⁵² Umundu uyu, pakupalamila kwa Pilato, akasuma umubili wa Yesu. ⁵³ Akamunyamula, nukumuny'wengela mumwenda umwisa, akamubika mwipumba lilyo bakatumula namabwe, kuko batamughonekako nayumo yumo. ⁵⁴ Likaba lishiku ilyakusengania, sona ishiku ilya sabata likaba papipi ukjwanda. ⁵⁵ Abakolo babo bakisa nu Yesu ukufuma ku galileya bakatesha ipumba sona namwo bakamushila umubili wake. ⁵⁶ Bakanyokela nukuya pakusengania utwakunungila namafuta. Po ilya sabata bakatusha nukuyana nindaghilo.

¹ Pangelo ngani pishiku lyabwandilo ilya sabata, bakabuka kwi pumba, nifyakungila fifyo bakanosha. ² Bakaghe ibwe lisembukitepo pipumba. ³ Bakingila mukati lole batakawagha umubili wa Yesu. ⁴ Fikachituka ukuti, mwo bakali bapusanikite ni fya ifi, abalisha babili bakimilila papipi nawo bakafyala imyenda iyakunyikisila. ⁵ Pakuti abakolo bakaba nilyogha bakasinamila paseifyeni fyabo, bakababusha abakolo bala, ''Choni chicho mukulonda ubabumi mubafwe? ⁶ Ata panu, lole ashushiwa! mukumbuke mumwo akayughila kukwinyu po akaba akali ku Galileya, ⁷ akayughagha ukuti u Mwana wa Mundu akwenela ukubikiwa mutukono twa batula nongwa nukukomeliwa, sona pisiku ilyabutatu akwisa ukushuka sona.'' ⁸ Abakolo bala bakakumbukila amashu ghake ⁹ bakanyokela ukufuma kwipumba ukuya pakubabusha fyoshi ifi bala leveninabanine boshi. ¹⁰ Po u Maliya Magadalena, Johana, u Maliya ung'ina wa Yakobo, nabakolo abangi babo bakaba nabobakaya bababusha ifindu ifi abatumiwa. ¹¹ Lole amashu agha ghakaba isa tatakukola ukubabusha abatumiwa, sona batakasubila abakolo bala. ¹² Lole u Peteli akanyamuka akakinda ukuya kwipumba, po sona, akima nukutesha mukati, akatesha utwenda utwelu twene. Po u Peteli akanyamuka akaya ku nyumba yake, nukuswigha fifyo fikabombiwa. ¹³ Tesha, abafundiwa babili bakabukagha ishiku lilalila kukaya kako kakitishiwangaEmasi, ko kakawa sikisite kilomitaukufuma ku Yelusalemu. ¹⁴ Bakayughisanianga benebene pafindu fifyo fikabombiwa. ¹⁵ Fitakachitika ukuti mwo bakuyughisania nukubushikisania, u Yesu mwene akisa kupipi nukwenda nawo. ¹⁶ Lole amaso ghabo ghatakilukagha ukuti bamumanye. ¹⁷ U Yesu akababusha akati, ''Mashu ghaki ghagho umwe babili mukuyughisania po mukwenda?'' Bakimilila palapala bakaboneka bachitima. ¹⁸ Yumo mubabo, ingamu yake kiliyopasi, akamwamula akati, ''We wimwene mu Yelusalemu yuyo atakumanya ifindu fifyo fyabombiwe kulakula amashiku ghagha?'' ¹⁹ U Yesu akati kukwabo, ''Findu fiki?'' Wakamwamula wakati, ''Ifindu ifya kuyana nu Yesu uwa ku Nazaleti, yuyo akaba mukunguluka, wapamwanya mumbombo na mumashu pamaso pa Chala napa bandu woshi, ²⁰ namumwo abaputi abosongo nabalaghili bitu bakamubikila pabulongi ukuti aghoghiwe nukumukomela. ²¹ Lole tukusubila akaba wa bamu wo bakayanga pakumuponesha u Isilayeli. Inga, pakongelesha pa ifi, pakabalilo kak lishiku lya butatuukufuma po ififndu ifi fikabombiwa. ²² Lole sona, abakolo bamu babo tukaba nawo pamupene bakatuswighisha, bakaya kwipumba pangelo ngani. ²³ Mwo batawagha umubili wake, bakisa, bakati batesha abangelo bobakababushaukuti babwumi. ²⁴ Abaalisha bamu babo bakaba nutwe bakabuka kwi pumba, po bakagha fili mo abakolo bala bakayughila. Lole batakamubona. ²⁵ U Yesu akababusha akati, ''O mwe bakonyofu mwebandu umwe sona bakalolo mundumbula pakusubila fyoshi fifyo abakunguluka bakayughagha! ²⁶ Ngimba chitakaba chakulondiwa ukuti u Kilisitu atamiwe ku findu fyoshi ifi, nukwingila mulughindiko lwake?'' ²⁷ Po pakwandila pa Mose sona namubukunguluka boshi, u Yesu akabang'anamulila ifindu ifya kuyana nayuyo mumasimbo ghoshi. ²⁸ Mwo bakupalamila kukaya kuko bakayanga, u Yesu akabomba isa akulonda ukupitilila. ²⁹ Lole bakamukakamisha, bakati, ''mughone nutwe, pakuti kwaya pakwila sona ishiku lyope lyamala kale.'' Po u Yesu akingila nukwikala nawo. ^{30 31} Fikabombiwa ukuti, mwo ikala nawo ukuti alye, akegha ichibama, akachimenyula akabapa. Po amaso ghabo ghakighuka, wakamumanya, po akasobanika ukushita ukumubona. ³² Bakati uyu kumunine, ''Indumbula shitu shitakapyanga mukati mwitu, po akayughagha nutwe musila, po akatwighulila amasimbo?'' ³³ Bakanyamuka akabalilo kalakala nukunyokela ku Yelusalemu. Bakabagha bala leveni babunganite pamupenena boshgi babo bakaba nabo, ³⁴ bakati, ''U Malafyale ashukite naloli, sona amubonekila u Simoni.'' ³⁵ Po bakayugha fifyo fikabombiwa musila, namumo bakamumanyila u Yesu pakumenyula ichibama. ³⁶ Mwo bakuyugha ifindu ifi, u Yesu umwenecho akimilila pakati pabo, akababusha akati, ''Ulutengano lube numwe.'' ³⁷ Lole bakatetema sona bakisula nubwogha, bakinong'onagfha ukuti batesha ichishuka. ³⁸ U Yesu akababusha akati, ''Choni mukutamiwa mundumbula? Choni amasho ghakunyamuka mundumbula shinyu? ³⁹ Tesha utukono twangu nifilindu fyangu, nene une. Ngole nukungeta. Pakuti ichishuka chita numubila nafupa, isamumwo mumo mukumbonela une indinafyo. ⁴⁰ Mwo ayugha ifi, akabalangisha utukono twake nifilundu fyake. ⁴¹ Pope batakasubilagha chifukwa cha buhoboke, sona bakaswighagha. u Yesu akababusha akati, ''Muli nacho chimo ichakulya?'' ⁴² Bakamupa akamenyu kaswi imbiye, ⁴³ akegha nukulya pamaso ghabo. ⁴⁴ Akati kukwabo, "Agha mashu ghangu ghagho ngababusha mwo indi numwe, ukuti fyoshi fifyo filembiwe mundaghilo sha Mose nabakunguluka na munyimbo fikwenela fikwanilishiwe.'' ⁴⁵ Po aghila imutu yabo, ukuti bingapulikisha amasimbo. ⁴⁶ Akababusha akati, ''Filembiwe, ukuti u Kilisitu atamiwe nukushuka sona kubufwe pishiku ilya butatu. ⁴⁷ Ukupinduka nukuhobokela imbibi kulumbililiwange mungamu yake ku fyisa fyoshi, ukwandila ukufuma ku Yelusalemu. ⁴⁸ Mwe bokamboni wa findu ifi. ⁴⁹ Tesha, ngubatumila chicho u Tata wangu akambanga nune. Lole mwikale mukaya kakaka tashi mupaka mufwikiwe amaka ukufuma kumwanya.'' ⁵⁰ Po u Yesu akabatangilila ukufuma mula mupaka wakaba kupipi ku Betane. Akakwesha utukono twake nukubasaya. ⁵¹ Fikachitika ukuti, mwo akubasaya akanyamuliwa ukuya kumwanya. ⁵² Po bakamwiputa nukunyokela ku Yelusalemu nuluhoboko ulukulu. ⁵³ Bakabukilila ukuba mu tempheli, nukumusaya u Chala.

¹ Ifundo yabwandilo yiyo ngasimba, Teyofilasi, akayugha shoshi shisho u Yesu akanda pakubomba nukumanyisha, ² Mbaka pishiku lilyo akeghiwa kumwanya, bwo abapa ululaghilo ukwendela mwa mbepo mwikemokubatumiwa babo bakasaliwa. ³ Mwo akabalilo kakutamiwa kapululila, akisa alangisha mwene ukuba mwumi kubabo ukwendela mufyakushimikisha ifyingi. Lole akabonekela kukwabo pamashiku fote nukuyugha isha ubumwene bwa Chala. ⁴ Mwo akukomana pamupene nabo, akabalaghila ukuti manyi bafumaghemwo mu Yelusalemu, lole balindilile ilaghano ilya Tata, lilyo akayugha, "Mupulikite ukufuma kukwangu ⁵ ukuti u Yohani naloli akoshanga namishi, lole pamashiku ghalululu timwise mwoshiwange nu mbepo mwikemo." ⁶ Mwo babungana pamupene bakamubushikisha, "Mwene, ngimba akabalilo aka koko ungapa ubumwene kuba Isilayeli?" ⁷ Akayugha kukwabo, "Shitabaghile umwe ukuti mumanye isha kabalilo pamu utubalilo tutwo u Tata atubikite mubulaghili bwake. ⁸ Lole mukwisa kupokela amaka linga umbepo mwikemo isa pa[inyu, po mukwisa kuba mwe bakamboni bangu ukwandila mu Yelusalemu namu Yudeya namu Samaliya, po mbaka ku bumalilo bwa chisu. ⁹ Mwo umwene u Yesu ayugha ifindu ifi, mwo bakali bakutesha kumwanya, akisa anyamuliwa, po ibingu likisa lyamufifa mumaso ghabo. ¹⁰ Mwo bakutesha umwakulolotela kumwanya bwo akubuka, papapo napapap, abandu babili bakisa bimilila papipi nabo babo bakafwala imyenda imyelu. ¹¹ Bakati, "Mwe bandu bamu Galileya chonin chicho mwimilile panu mutesha kumwanya? U Yesu uyu yuyo eghiwa ukufuma kukwinyu ukuya kumwanya, akuya kwisa sona isa mumwo mwamuteshekesha akabuka kumwanya." ¹² Po bakanyokela ukuya ku Yelusalemu ukufuma kwighamba ilya Olivazi, lilyo lili kupipi ni Yelusalemu, bakuba balendo ba pasabata. ¹³ Mwo bafika, bakaba kuchipinda ichakwighulu, kuko bakikalagha. Pakaba u Peteli, Yohani, Yakobo, Andileya, Filipu, Tomasi, Batolomewu, Matayi, Yakobo umwana wa Alufeyo, Simoni uwa Zeloti, nu Yuda umwana wa Yakobo. ¹⁴ Boshi bakipa nindumbua yimuyene munyiputo, pamupene nabakolo, numaliya ung'ina wa Yesu, nabobamwabo. ¹⁵ Amashiku ghalaghala u Peteli akimilila pakati pa bowamwabo, pamupene wakaba 120 abandu, po akati, ¹⁶ "Bo wamwitu, chibaghile ukuti amasimbo ghakwanishiwe, ukuti umbepo mwikimo akayugha nganila mumulomo wa Davidi ukufyana nisha Yuda, yuyo akabalongoshanga babo bakamukolagha u Yesu. ¹⁷ Papo akaba wa bamu mukati mwitu yuyo tukabombelanagha pamupene imbombo." ¹⁸ (Po umundu uyu akaghula umughunda nindalama shisho akapokela ukufuma mububibi, po palapala akisa awila umutu, po umubili wake ghukisa wa punda, po fyoshi ifya mukati fikisa fyafumila kuse. ¹⁹ Bosi babo bakikalagha mu Yelusalemu bakisa bapulika ishi, po umughunda ghula bakaghupa ingamu yiyo munjugha yabo bakati "Akeldama," chicho chikusanusha, "Mughunda wa libanda.") ²⁰ "Papo shisimbiwe mwibuku lya Masimbo, 'Leke umughunda wake ghushale chitengele, sona mutakitikishe ukuti umundu yumo ikalaghemo'; 'Sagha yumo eghe ubuyo bwake ubwabulongoshi.' ²¹ Chindu chakwenelela, ukuyana nukuti, yumo uwa bandu babo twababanga pamupene akabalilo koshi kako umwene u Yesu akingilagha nukufuma mu mwitu, ²² Ukwanda pakabalilo ka lwosho lwa Yohani ukwisa kufika pishiku lilyo akeghiwanga ukufuma papitu, yoyo abe wikamboni pamupene nutwe mushakushuka." ²³ Bakabatangisha abandu babili, u Yosefe yuyo bakamwitishanga Banabasi yuyo akakoleliwanga sona nilya kuti Jasitasi nu Matiyasi. ²⁴ Bakiputa nukuti, "umwe, Malafyale, umenye indumbula sha bandu boshi, po tufumbulile babo baliko pakati pa babili aba babo ubasalite ²⁵ ukuti beghe ubuyo bwa mbombo nubutumiwa bubwo u Yudasi akabuleka nukubuka kubuyo ubwake." ²⁶ Bakapanga ubulaghushi papabo, po ubulaghushi bukamuwila u Matiyasi, po akisa abikiwa pachibukutila cha batumiwa leveni.

¹ Mwo isiku lyambepo lyisa, boshi wakaba pabuyo bumubwene. ² Mwakunyomosha pakisa ichgongo ukufuma kumwanya ngati mbepo iyakunangania, sona yikabisila munyumba mobakilkala mulamula. ³ Mukaboneka indimi ku kwabo ngati mulilo ghugho bakabayabila, sona shikikala pa weshi pa mwene pamwene. ⁴ Boshi bakisula nu mbepo mwikemo sona bakanda pa kuyugha mundimi ishingi, ngati mumo umbepo mwikemo akabitikishanga. ⁵ Popaba abayuda bakiokalagha muyelusalemu abandu bakwiputa, ukufuma ku chisu chili choshi icha pase. ⁶ Mwo ichiwawa chapulikiwa, ichilundilo chikisa pamupene sona chikafulungani chifukwa weshi akabapulikagha bakuyugha munjugha yabo. ⁷ Bakaswigha; bakati, ''Naloli, ka boshibaba babo bakuyugha taba Galilayi? ⁸ Koni kako tukubapulika aliweshi munjugha yitu yiyo tukapapiwa nayo? ⁹ Payani, Namedesi na Elametisi, naboshi babo bakwikala Mumesopotamiya, muyudeya namu Kapadosiya, mu Ponthusi namu Asiya, ¹⁰ Falagiya namu Pafiliya mu Igipito namutubuyo utwa mu Libiya ukuyila ku Keleni, na bagheni bakufuma ku Roma, ¹¹ Abayuda naba puloselayiti, kiletasi naku Alebiya, tukubapulika bakuyugha munjugha yitu isha mbombo inguluisha Chala.'' ¹² Po boshi bakashigha nukuyubana; bakayugha uyu kumunine uyu kumunine, ''ngimba ishi shikusanushaki chonicho?" ¹³ Lole bamu bakayughagha kabibi bakatingi, "Bang'wile bwalwa. ¹⁴ Lole u Peteli akimila pamupene nabanine Leveni, akakwesha amashu, nukuti, "Mwebandu ba muyudeya na mweshi mwemukwiokala ku Yelusalemu, leke ishi shimanyikwe kukwinyu; teghelesha ku mashu hangu. ¹⁵ Pakuti abandu aba batang'wile isa mumo mukwinong'onela, papo kabalilo ka nayini okoloko pangelo. ¹⁶ Lole ishi shosho shikayughiwa ukwendela mumukunguluka u Joyelo: ¹⁷ 'Tighakabe mashiku ghakubumalilo,' u Chala akuti, 'Nguya nguya pakupungulila umbepo wangu pabandu boshi. Abana binyu ablumyana naba lindu tibakakughulukaghe, abosongopo bakuya kuteshanga ifisetuka, po abaghemo bakuya pakulotagha ifilota. ¹⁸ Naloli pababombi wangu nabakolo mumashiku ghaghagho ngwisa kukupulira umbepo wangu, po wakwisa kukungulukagha. ¹⁹ Ngwisa kulangishanga ifiswigho kumwanya nififwanikisho pa chisu cha pase panu, ibanda umuliro nilyoshi. ²⁰ Isuba likuya kusanuka chisi nu mweshi libanda bwo likuti pakwisa ishiku ikulu ilya malafyale. ²¹ Tishikabe umwakuti weshi yuyo akwitisha ingamu ya malafyale akwisa kuponagha. ²² Bandu ba mu Isilayeli, pulika amashu agha, U Yesu uwa munazaleti akaba mundu yuyo akapegiwa ku kwinyu nu Chala pamupene ni mbombo inulu ifiswigho nifimanyikilo fifyo u Chala akabombagha ukwendela mumwake pakati papinyu, isa papo yu mwemwe mushimenye. ²³ U mundu uyu akapeghiwa nu Chala ukufwana na mu mwo akabatikila nganila isa mumwo akamanyila po umwe, ukwendela mutukono twa bandu basita ndaghilo baka mughogha pakumukomela pa chipingika. ²⁴ Lole Uchala akamususha, akamusatula kububafu ubwa bufule, papo chikaba chikafu kukwake, ukuti apinyiwe nubufwe. ²⁵ Papo u Daniel akuti nisha yayo, ''ngumutesha umalafyale akabaliro koshi pandashi pamaso ghangu papo ali palubafu lwa kakono akakumwisa ukuti manyi ishembukaghe. ²⁶ Popapapo umwoyo wangu ghukahowoka sona nululimi lwangu lukahowoka. Sona, umubili wangu ghukwisa kwikala mu lusubilo. ²⁷ Papo tabise utaghile ubwumi bwangu bubuyo ubwa Hadesi, sona tabise wifikishe umwikemo wako ukuti abole. ²⁸ Wamanyisha isila iya bwumi; tibise umbele une ukwisula nu lusekero pandashi pacheni chako. ²⁹ Bowamwitu,chakubaghila ukuti imbabule umwakushimikisha nisha sekulu witu u Devedi, ukuti akafwa sona akashiliwa, po ilipumba lyake lilipo pamupene nutwe mbaka kumusughu. ³⁰ Papo akaba mukunguluka sona akashimanya ukuti u Chala apanganite nukulapa kuyuyo abaghile ukumubika pamupando uwa luko lwake. ³¹ Akafitesha fifyo fikwisa kubombiwanga mundashi nukuyugha isha kushuka kwa Kilisitu, ukuti atakisa ataghiwa ku Hadesi, sona umubili wake ghutakabola. ³² U Yesu uyu u Chala akamususha, shishotweshi twe baketi. ³³ Po papapo mwo akweshiwa abikiwa kukakono akakumwisa aka Chala sona nukupokela u mbepo yoyo likaba lilaghano ukufuma kwa tata, amupungulira isa weyo mukumutesha nukumupulika. ³⁴ Pakuti u Devedi atakakwela ukuya kumwanya, lole ukuti, 'umalafyale akayugha kwa mwene wangu'' ikala kukakono kangu akawmisa. ³⁵ Mbaka papo nabapela abalughu bako ukuwa tutengu twa kukanyapo utulundi twako.'' ³⁶ Po papapo, leke boshi abanyumba ya Isalayeli bashimanye ukuti u Chala amubikite ukuwa wi mwene sona wi Kilisitu, u Yesu yuyuyu yuyo mwamukomelite.'' ³⁷ Po bwobapulika shishishi, wakisa bafulashiwa mu ndumbula shabo, po bakayugha kwa Peteli na kubatumiwa abanine, banyitu tukosheki? ³⁸ Po u Peteli akayugha kukwabo, '' pinduka sona mwo shiwe, weshi uwa umwe, mungamu ya Yesu Kilisitu ukuti muhobokeliwe imbibi shinyu, po mukwisa kupokela ichabupe icha mbepo mwikemo. ³⁹ Papo ilaghano lyanyu pamupene nabana binyu na boshi abakubutali ukufwana namumo umwene witu u Chala isa aabakolelera. ⁴⁰ Namashu amingi akabashimikisha nukubalimbikisha, akatingi, '' mwipope ukufuma kungulilo iyi yiyo yitagholokite.'' ⁴¹ Po wakaghapokela amashu ghake bakisa boshiwa, po wakisa wongeleshiwa isiku lilalila abandu fivi sabusandi. ⁴² Bakipa kufimanyisho fya bafundiwa namubulila ni, mukumenyania ichibama namu nyiputo. ⁴³ Ubwogha bukabagha abandu boshi, po ifiswigho ni fyaka ifwingi fikabombiwanga naba tumiwa. ⁴⁴ Boshi babo bakitika bakabanga pamupene sona bakabombelagha fyoshi pamupene. ⁴⁵ Po wakaghulishanga ifindu fyabo nifyuma fyabo nukuba yabila boshi, ukufwana nukusobelwa kwa mundu. ^{46 47} Po pishiku nishiku bakipa bene nifundo yimuyene mukati mwa tempeli. Bakalyanga nichibama munyumba shabo, bakayabanagha nifyakulya pamupene numwoyo wa kuhoboka nukwipa, Bakamupalagha u Chala sona bakalyagha ipyana kubandu boshi, po ishiku lyoshi umalafyale akongeleshanga inambala ya babo bakapindukagha ku kwabo.

¹ Po u Peteli nu Yohani bakabukagha ku Tempheli pakabalilo akanyiputo, pa kabalilo aka fili okoloko. ² Po umundu yuyo akalemala ukufuma mulufukwe lwa ng'ina akanyamuliwa pamulyango wa Temphile lilyo likitishiwanga ilikemo. Bakamwikashagha papo ishiku lyoshi ukuti asumaghe ku mundu weshi yuyo akingilagha mutempheli. ³ Bwo amuketa u Peteli nu Yohani ali papipi ukwingila mu Tempeli, akabasuma ifyabupe cha ndalama. ⁴ U Peteli, ukumuketelesha namaso ghake, nu Yohani, akati, ''Tukete utwe.'' ⁵ Umundu umulemale yula akabaketa, ukuti tiapokele fimo kukwabo. ⁶ Lole u Peteli akati, ''U siluva nu godi ndanawe, lole cho ndinacho, tingupe uwe. Mungamu iya Yesu Kilisitu wa kunazaleti nyamuka.'' ⁷ Pakumukola nakakono kamwisa, u Peteli akamunyamusha, nakalingalinga ifilundi fyake nupungunguno twake tukaba namaka. ⁸ Ukunyelela mumwanya, umundu umulemale yula akimilila nukwanda ukwenda; nukwingila nu Peteli nu Yohani mu tempheli, ukwenda, kunywla, nukumupalisha u Chala. ⁹ Abandu boshi bakamutesha akwenda nukumupalisha u Chala. ¹⁰ Bakashimanya ukuti umundu umulemale yula yuyo akasumagha ifyabupe pa mulyango umumoghi uwa temphile; bakisula nubwogha nukuswigha chifukwa cha fyo fifyo fikumubonekela umiundu yula. ¹¹ Bwo amukolelile u Pauli nu Yohani, abandu boshi pamupene bakakindililagha ku babo mu pochi ghagho ghakitishiwa gha Solomoni, nukushigha ngani. ¹² Bwo u Peteli aketa ifi, akabamula abandu, ''umwe bandu ba Isilayeli, choni chicho mukuswigha? choni cho mutulolotile namaso ghinu, ngati plo twetwe twapangisha ukuti umundu uyu endaghe mumaka ghitu pamu abo chala abingi. ¹³ U Chala wa Abulahamu, nuwa Isaki, nuwaYakobo, u Chala uwabotata, amukwesha umubombi wake u Yesu. Weyo mukamwika nukumukana pandashi pa Pilato, bwo alonda ukuti amwabule. ¹⁴ Mukamukana u mwikemo nu mugholofu sona mumalo mwake mukasuma mukasuma ukuti bababulile umughoghi. ¹⁵ Mukaghogha yuyo akandisha ubwumi, yuyo u Chala akamushusha kufuma kubafwe------sona twebokamboni. ¹⁶ Pakufuma pa bwimilili bwalitiko lwa mungamu yake, ingamu yake yikamupanga umundu uyu, yuyo mukumutesha nukumumanya, uwamaka. Ulwitiko lulwo lwendela mwa Yesu lwamuposha umundu uyu pamaso pa mwebandu mweshi. ¹⁷ Po, banyitu, ngumanya ukuti mukubomba ukushita ukumanya, isa mumwo abalongoshi binyu bakabombela. ¹⁸ Lole ifindu fifyo Uchala akayugha kale numulomo wa bakunguluka, ukuti u Kilisitu atamiwe, po ulu akwanilisha. ¹⁹ Pinduka, po ulu, sona ng'anamuka, ukuti imbibi shinyu shifufutiwe, ukuti twise utubalilo utwakutusha utwisa ukufuma mukwaghiwa kwa Malafyale; ²⁰ sona ukuti utume u Kilisitu yuyo aseliwe chifukwa cha wewe, Yesu. ²¹ Weyo mwene kumwanya kubaghile ukumupokelela mupaka akabalilo ka kunyoshekeshiwa kwa findu fyoshi, kufifyo u Chala akayugha kukabalilo ka kale nimilomo ya bakunguluka abikemo. ²² U Mose akayugha ukuti, 'u Malafyale u Chala akwisa ukunyamusha umukunguluka ngati nene ukufuma pakati pabobamwinyu. Mukwisa ukupulikisha kufyoshi fifyo tise ayughe kukwinyu. ²³ Tishikabombiwe ukuti umundu weshi yuyo atakupulikisha ku mukunguluka akwisakukomanika nganila pakati pa mwebandu.' ²⁴ Inga sona abakunguluka boshi ukufumila pa Samuyeli naboshi babo bakisa panyuma pake, bakayugha nukufumusha kusha mashiku agha. ²⁵ Mwebana ba bakunguluka nipangano lilyo u Chala akabapangila abosekulu binyu, isamumo akayughila kwa Ablahamu, ''Mumbeyu yako inyumba shoshi isha pachisu shikwisa ukusayiwa.'' ²⁶ Bwo u Chala akanyamusha umubombiwake, akamutuma kukwinyu tashi, ukuti ise abasaye pa kubang'anamula weshe wa umwe ukufuma kumbibi shinyu.''

¹ Po u Peteli nu Yohani akayughagha ku bandu, umuputi numulongoshi wamutempile sona na wasanduki wakisa kukwawo. ² Bakawa bakusokonekela ingani mundumbula chifukwa u Peteli nu Yohani wakamanyishanga abandu nukufumusha mwa ifyakushuka kubafwe. ³ Bakabika utukono nukubabika mu jele{gadi} mupaka pangelo pake pakuti kakabakabalilo kanamasuba. ⁴ Lole abandu abingi bo wakapulika amaashu bakasubira sona ubwingi bwa nambala ya balisha bobakasubira baka muma 5,000. ⁵ Pakisa ishiku ilyabuwiri ukuti abalaghili abosongo nabasimbi bakabungana pamupene mu Yerusalemu. ⁶ Anasi umuputi usongo akaba kulakula nu Kayafasi, nu Yohani, nu Alekizanda, naboshi bo bakaba bakamu bamuputi usongo. ⁷ Mwo bamwimika u Peteli nu Yohani pakati pabo bakabalalusha, '' Namaka ghaki, pamu mungamu yiki, yo mwapangila ifi?'' ⁸ Po u Peteli, yo akisubila nu mbepo mwikemo akati kukwabo, ''mwebalaghili ba bandu, nabosongo. ⁹ Linga tuli pakugheliwa, sona musilaki yiyo umundu uyu akaposhiwa, ¹⁰ Kukwinyu mweshi nakubandu boshi abaku Isilayeli shileke shimanyikwe ku boshi naku wandu baku chisu choshi cha mu Isilayeli ukuti u mundu uyu akwimilira pandashi pinyu mungamu ya Yesu Kilisitu uwaku Nazaleti, yomukamukomelera lole weyo u chala akamususha kubafwe. ¹¹ U Yesu libwe lilyo abasengi wakalikana lilyo likasanuka ukuba lyakulondiwa. ¹² Pata sona ubupoke ubungi mumundu, pakuti patalipo sona ingamu iyingi pase pa chisu yo yipeghiwe pakati pa bandu iyakuti tupokiwemo.'' ¹³ Mwob baketa bukifu ba Peteli nu Yohani sona wakisa winongóna ukuti wasitakumanya, na wasita kumanyila. Bakuswigha bwowa shimanya ukuti u Peteli nu Yohani wakaba poka nu Yuse. ¹⁴ Chifukwa wakamuketa umundu yo akaposhiwa imilile nawo watakaba nacho nachimo ichakuyugha ukususania nifi. ¹⁵ Bwo balamula ukuti awafundiwa wafumemwe mulukomano lwo bakikalanawo, bakanda kuyughisania bene. ¹⁶ Bakati ''Tubombe choni nabandu aba'' fundo yakuti ichifwanikisho ichikulu chabombiwa ukwisila mumwabo sona chamanyikwa ku bandu boshi mu Yerusalemu tutangasikana. ¹⁷ Lole ukuti manye fibukilile ukufumushiwa ku bandu atubasokeshe ukuti manye bayughe sona ku mundu aliweshi mungamu iyi. ¹⁸ Po wakisa bawifisha mkati, mukuwalamula ukuti manye bayughaghe pamu u kumanyisha ku wandu mungamu ya Yesu. ^{19 20} Po u Peteli nu Yohani wakamula wakati, kukwawo, '' kali chakwenelera pamaso gha Chala pakupulikira umwe m'malo gha yuyo, mulamule mwemwe. tutangaleka pakuyugha ifindu fyo tukafiwona nu kupulika.'' ²¹ Mwo bawasokesha ingani u Peteli nu Yohani, bakisa bababusha ukuti ba bukaghe. Batakachagha chimo fundo yakwitetela ukuti babape ulufundo chifukwa awandu woshi wakamukweshanga u Chala pa fyo akabomba mbela. ²² U mundu yo akapokera ichifwani cha kuposha akaba ni fyinja fote. ²³ Po mwo bawafumya, u Peteli nu Yohani bakisa kuwandu wawo nukuwabusha woshi ukuti abandu bapamwanya nawosongo wayughite kukwawo. ²⁴ Mwo wapulika wakakwesha amashu ni fundo yimuyene kwa Chala nukuti, ''malafwale, ukapela kumwanya, napase, ninyanja sona na fyoshi fyo fikawa mu mwabo. ²⁵ Mukayugha nu mbepo mwikemo, pamulomu ukwendela muwambombo winyu, utata u Devede. Chifukwa chiki awandu wakuse bakakalipa, sona abandu wakwinongóna ifyindu ifyamwalwe? ²⁶ Mukayugha mukati, '' Awomwene wa chisu bakikala nabalaghili bakabungana pamupene. nukulimbana numalafyale, sona nukulimbana nu kilisitu. ²⁷ Naloli, u Herodi nu Poutius Pilato, pamupene nawapase kuse na bandu ba mu Isalayeli,bakabungana pamupene mukaya nukulimbana numuwombi wako u Yesu yuyo ukamwimika. ²⁸ Wakabungana pamupene ukuti babombe fyoshi fyo utukono twinyu ni mbatiko shinyu shinongóna nganila ukuti shibombiwe. ²⁹ Po umalafyale tesha fyoshi fyo bakutusoka ,sona umupe umuwambi wako ukuti ayughe ishu mubukifu woshi. ³⁰ Gholosha akakomo kako nukuposha nu kupa ichimanyishikisho ni nifiswigho ukwendela mungamu ya mu wombi wako u mwikemu u Yesu.'' ³¹ Mwo wiputa, m'buyo bwo wowakawunganapo pamupene pa katetema, sona woshi bakisula nu mbepo mwikemu nukwanda ukuyugha amashu gha Chala nuwukifu. ³² Inambala ya bandu abingi wowakasuwila wakaba ndumbula nu moyo ghumuwene. Nayumo yo akayugha ukuti choshi cho alinacho chake nulwake, fyoshi bakabombelagha pamupene. ³³ Namaka ghoshi abatumiwa bakafumushinga isimishikisho shabo sha kushuka kwa malafyale u Yesu, sona ichisa ichikulu chikaba pawo woshi. ³⁴ Patakabapo nayumo pakati pawo yo akasowagha akandu, pakuti woshi bo nimighunda pamu nyumba bakaghulisha nukwisa ni ndalama sha findu fyo bakaghulisha. ³⁵ Sona bakabika pase pafilundu fya bafumiwa, 'po wakayabagha ku weshi pamwene pamwene ukuyana na fyo bakalonda pamu bakafisoba ³⁶ U Yosefe, yuyo abatumiwa bakamwitishanga Banabasi { cho chochikusanushiwa ukuti mwana wa kubakasha}, u munya Levi, umundu wa ku Siyipulasi, ³⁷ Akaghulisha u mughunda wake nukubuka ni ndalama, nukubika pase pa filundi fya batumiwa,

¹ Po umundu yumo yuyo akitioshiwa Ananiya, poka nu Safila umukashi wake, bakaghulishako ukatundu bawo yumo, ² sona akisa asungako indalama shimo (umukashi wake wepe akashimanya), sona akisako nafyo fimo nukubika pase patulundi twa batumiwa. ³ Lole u Peteli akati, ''Ananiya, koniko usatana akwingila mundumbula nukushimbula umbepo mwikemo nukusunga imbali ya fimo fyo ukaghulisha umughunda? ⁴ Bwo chikali ukughulishiwa, chitakaba chako, sona mwo chaghulishiwa chitakawa pase pa bulaghilo bwako? Wini yuyo abikamwo imbombo iyimundumbula yako? Utashimbula abandu hagha, lole u Chala.'' ⁵ Ukupulika amashu agha, u Ananiya akawa pase nukweshela ilyabumalilo, po ubwogha ubukulu bukawila abandu boshi babo bakapulika ichi. ⁶ Abalisha abachikeke bakanyamuka nukumunienga mumwenda, nukumufumia kuse nukumushila. ⁷ Mwo penda amaawala matatu, popo umukashi wake akisagha, ukushita ukumanya fifyo fyabombiwa. ⁸ U Peteli akayugha kukwake akati, ''Mbushe linga mukaghulisha umughunda numutengo.'' Akati, ''Inga, pamutengo umukulu.'' ⁹ Po u Peteli akati, ''Shili buleghe ukuti umwe mwapulikana pamupene nukumughela umbepo wa Malafyale? Keta, ifilundi fyabandu bobafuma ukumushila umulume wako pamulyango, sona nuwe tibakufumye.'' ¹⁰ Nakalinga akmuwila mufilundi fyake nukweshela ilyabumalilo. Mwo ablisha abachikeke bisa, bakamwagha afwile, nukumufumya kuse nukumushila pambali nu mulume wake. ¹¹ Ukoghofya ukukulu kukisa pa chalichi choshi napabandu boshi babo bakapulika ifindu ifi. ¹² Ifyakoboneka ni fyakuswighisha fikanda ukubombiwa pakati pa bandu kwenda mutukono twa batumiwa. Boshi bakaba pamupene mumbenu ya Solomoni. ¹³ Lole patakaba nabamu abingi abakifu ukuba nabo pamupene; po bule, pakisa baghindikiwa leka nabandu. ¹⁴ Popeshe abakusubila abingi bakongeleshiwa kwa Malafyale, ichiwukutila icha balisha na bakolo, ¹⁵ po bakanyamuka nababine pakubabika mumisebu mufitala namumipando, ukuti po u Paulo akwenda kupipi, ichisheshe chake chibawile abandu. ¹⁶ Pope kukisa pamupene inambala ingulu iya bandu ukufumila mutwaya tutwo tushungulile u Yelusalemu, ukwisa nabavine nababo bakoliwe nembepo imbibi, sona boshi bakapola. ¹⁷ Lole umuputi usongo akimilila, nabo babo bakaba nawe (lulyo luko lwa ba Sadukayi); sona bakisula nakabini ¹⁸ sona nukubika inyowe pa batumiwa, nukubabika mu jela ya boshi. ¹⁹ Pakuti pabushiku uwandumi wa Malafyale akighula ifyighi fya ku jela nukubafumya, nukuti, ²⁰ ''Buka, imilila mutempheli nukuyugha kubandu amashu ghoshi aghabumi ubu.'' ²¹ Bwo bapulika ishi bakingila mutempheli kupipi kubuche nukumanyisha. Lole umuputi usongo bwo isa, naboshi babo bakanawe, akitisha abalongoshi boshi, abosongo ababandu ba Isilayeli, nukubatuma ku jela ukuti baye bise nabatumiwa. ²² Lole abosongo abobwana babo bakabuka batakabaghamo mu jela, po bakanyokela nukwisa nukuyugha, ²³ ''Twaghite ijela bighalile nabomalonda babo bakimilila pamulyango, lole bwotwighula, tutamwagha nayumo mukati.'' ²⁴ Po umulongoshi uwa tempheli nabaputi abosongo bapulika amashu agha, bakaswigha na bandu aba ukuti chochoni chicho chikwisa. ²⁵ Po yumo akisa nukubabusha, ''Abandu mukababika mu jele bimilile mu tempheli nukumasha abandu.'' ²⁶ Po abalongoshi bakabuka pamupene nabobwana, nukwisa nabo ukushita ukupoma, papo bakoghopa ukuti bangabalasa namabwe. ²⁷ Bwo bisa nabo, bakabikasha pamaso pabosongosongo. Umuputi usongo akabalalusha, ²⁸ akati, ''tukabalaghila nululaghilo lwakuti manye bamanyisha mungamu iyi, sona mwisusha u Yelusalemu nifimanyisho fyinyu sona nukulonda ukwisa nibanda ilya mundu uyu pautwe.'' ²⁹ Lole u Peteli nabatumiwa bakamula ukuti, ''Tubaghile tumwoghope u Chala pakulusha abandu. ³⁰ U Chala babotata bitu akamunyamusha u Yesu, yuyo mukamughogha pakumupayika pikokwe. ³¹ U Chala akamukwesha kukakono kamwisa ukuba wi Malafyale sona ukuba mupoki, nukubaghobokela imbibi. ³² Utwe twe bokamboni pa findu ifi, sona pamupene numbepo mwikemo, u Chala apile kubabo bakumupulikila.'' ³³ Bwo abalongi bapulika ifi, bakakalala nukulonda ukubaghogha abatumiwa. ³⁴ Lole umufalisayi yuyo akitiwanga ukuti Gamaliyeli, umumanyishi uwa ndaghilo yuyo akaghindikiwa nabandu boshi, akimilila mubulongi nukulamula abatumiwa ukuti bafume pase pakabalilo akanandishe. ³⁵ Po akati kukwabo, ''bandu ba Isilayeli mupulikishe ingani kufifyo mukubinong'ona kubabombela abandu aba. ³⁶ Pakuti kunyuma kwamashiku agha, Tehodasi akanyamuka ukuti wepe mundu yumo, sona inambala ya bandu abakukwana folo handiledi bakisa baghona nawe. abandu boshi bakamupulikilagha bakanyambana ukushita ukupindula nachimochimo. ³⁷ Panyuma pa mundu uyu, u Yudasi uwa ku Galileya akanyamuka mumashiku gha kulembesha nukughusa abandu bamu ukuti bamukonge. Wepe akisa akomanika, nababo bakamupulikilagha bakanyambana. ³⁸ Po nguyugha ku umwe, mwipahule ku bandu aba nukubaleka bene, pakuti linga ulubatiko ulu pamu imbombo iyiya bandu, yikuya pakuwa pase. ³⁹ Lole linga ya Chala, tase mubawishe abandu abo; tise mwayiwe ukuti mukulwa nu Chala.'' Po abalongi bakitikisha. ⁴⁰ Po bakitisha abatumiwa ukuti bingile mukati nukukomiwa nukulamuliwa ukuti koma ukuyughila sona mulyita lya Yesu, nukubaleka babukaghe. ⁴¹ Bakisa bafumapo pabalongi bala bahowokite sona bakawelengiwa ukuti bakwenela ukutamiwa ukuleka ukughindikiwa chifukwa cha ngamu. ⁴² Ukufuma apo ishiku lwoshi, mutempheli sona ukwenda inyumba ni nyumba, bakendelela ukumanyisha nukulumbilila inongwa inyisa ukuti u Yesu wi Kilisitu.

¹ Po mumashiku agha, bwo inambala ya bafundiwa yikongelela, idandabulo lya ba yuda abaku Gileshani likanda ukususania naba Hebuluzi, pafundo yakuti abafwilwe bakabibwanga pakabalilo koshi akakuyabania ifya butuli. ² Bala twelovu bakachitisha ichilundilo cha fafundiwa ukuya kukwabo sona bakati, ''Tachisa ukuti utwe tughaleke amashu gha Chala nukuya pakughaba ichakulya. ³ Mubaghile ukusala, abalumyana, abalisha seveni ukufuma mumwinyu, abalisha abakayilo akisa, babo biswile numbepo sona namahala, bvabo bangasaliwa ukubomba imbombo. ⁴ Lole utwe, tukuya pakubukilila akabalilo koshi munyiputo nukulumbilila ishu.'' ⁵ ubuyughi bwako bwakuhobosha ichilundilo. Pobakamusula u Sitefani, umundu yuyo akisula nu lwitiko sona numbepo mwikemo, nu Filipu, u Pulokolusi, Nayikano, Timoni, palimenasi, nu Nikolusi, ubakuchighaba cha Anthiyoko. ⁶ Abitiki bakisa na bandu aba kubatumiwa, babo bakiputa sona bakabikagha inyobe shabo papabo. ⁷ Po ilishu lya Chala likabukilila ukusata, sona ubwingi bwa ba fundiwa aba mu Yelusalemu bukongelela ngani, sona abaputi abingi ngani bakisa babanulusubilo. ⁸ Po u Sitefani, ukwisula nichisa sona namaka, akanda pakubomba ifiswigho ifikulu nifimanyisho pakati pa bandu. ⁹ Lole bakanyamuka bamu abandu babo bakaba ku Sinagogi yiyo yikitishiwa ukuti Sinagogi ya bandu ababuke, aba ku Sileniani naba Elekizandiliyani, naba kufuma ku Silisiyta naku Asiya. Abandsu aba bakasusania nu Sitefani. ¹⁰ Lole batakaba bakuti bimilile pakususania na mahala sona nu mbepo yuyo u Sitefani akayughilagha. ¹¹ Lole bakabahonga abandu bamu ukuti batingi, ''Tupulikite u Sitefani akuyugha amashu gha bumyashi agha kususania nu Mose sona nu Chala.'' ¹² Bakabakologhania abandu, abosongosongo, na basimbi, po bakafika kwa Sitefani nu kumukola sona bakabuka nawe kuchilundilo. ¹³ Bakisa nubwokamboni bwa bumyashi, bo wakati, ''umundu uyu atakuleka pakuyugha amashu ghakususania nu buyo ubwikemoubu ni ndaghilo. ¹⁴ Pakuti tupulikite ukuti u Yesu wa kunazaleti akuyab pakukomania indaghilo shishi u Mose akatulekela utwe. ¹⁵ Umundu weshi yuyo akikala mu chilundilo akatesha amaso ghabo papake sona bakatesha ichenichake chikaba ngati cheni cha bandumi

¹ Umuputi usongo akati, '' ka ifingu iyi fyanaloli?'' ² U Sitivini akati, '' bobamwitu na batata, pulika kukwangu; U Chala wa maka akabonekera kwa tata witu u Abulahamu po akawa mu mesopotamia, bo akali atikile mu Harani; ³ Akati kukwake, 'Leka ubuyo bwako, nabakamu bako, nukubuka mu chisu cho tingulagishe. ⁴ ''Po akfuma mu chisu cha chadeyani nukuya pakwikala mu Harani; ukufuma kula mwo u wise afwa, u Chala akisa nawe ku chisu ichi, cho mukwikalamo akawalilo aka. ⁵ atakamupa nayumo ukuti amupyane, nashiku, atakabaghila ukuti ingakanyamo ni filundi. Lole akafinga napapo u Abulahamu atakaba nu mwana akabaliro kalakala ukuti takamupe ichisu ngati chake nabo tibakapapiwange kunyuma. ⁶ U Chala akamubusha bunobuno, ukuti abanyenya bake tiwakikale ku chisu cha chilendo pakabalilo akanandishe, sona ukuti awenecho wakulakula tiwakawawombeshaghe imbombo sona tiwakawanyashange ifyinja folo handiledi. ⁷ 'Lole tingalone ichisu cho wakuchiwombela; u Chala akayugha, 'sona pabumalilo tiwakasumemo nukunyiputa mu buyo uwu. ⁸ Po u Chala akamupa u Abulahamu akisa aba wi wise wa Iseki nukumutumula pishiku lya eyiti, u Isaki akisa aba wi wise wa Yakobo sona u Yakobo wi wise wa mitundu twelufu. ⁹ ''Chifukwa aba patiliyakisi wakaba nakabini nu Yosefe; wakamughlisha ku Igiputo; Lole u Chala akaba nawe. ¹⁰ Sona akamupoka kundamyo shake shoshi. Akamupa u Yosefe ulusako namahala pamaso gha Falawo, umalafyale na ku Igipito, yo akamusala ngati mulongoshi wa Igipito ni mbumba yake yoshi. ¹¹ Pakabalilo kalakala pakisa Isala ku Igiputo koshi na ku Kenani, sona kukawa indanyo, abapapi bitu batakachagha ichakulya. ¹² Lole bo u Yukobo apulika ukuti kukaba ichakulya ku Igiputi, akabatuma abapapi bitu uwulendo bwa bwandilo. ¹³ Nu bulendo bwawo ubwa buwiri u Yosefe akibonesha mwene ku bo bamwabo, sona imbumba ya Yosefe yikisa yamanyikwa kwa Falawo. ¹⁴ U Yosefe akatuma abo bamwabo bake ukuti iye wamubushe u Yakobo u wise wabo ukuti ise ku Igiputo, pamupene nabakamu boshi, sevenite fayivi{75} pamupene boshi. ¹⁵ Po u Yakobo akisa abuka ku Igiputo, nukufwa kulakula, yuyo na batata bitu. ¹⁶ Bakabanyamula nukubuka nawo ku shekemu nu kubashila mwipumba lyo u a Bulahamu akaghula pamutengo wa siluva kubana ba Hamo mu shekemu. ¹⁷ ''Mwo akabalilo ko bakapangana kapalamira, ipangano lyo u Chala akapanga nu a Bulahamu, abandu bakakula nukupapana mu Igiputi. ¹⁸ Mpaka mwo bimika umalafyale uyungi mu Igiputo, u malafyaa yo atakamanya ifya Yosefe. ¹⁹ Akabashimbula abandu bitu sona akabakakamisha aotata bitu ukulangisha abo bolonda ukuti manye babe nubumi. ²⁰ ''Pa kabalilo kalakala u Mose akapapiwa,'' Akaboneka akisa sana pamaso gha Chala sona bakamusungilira pa mweshi mitatu munyumba ya wise. ²¹ Mwo bamubika kibe, u mwana wa Falawo umukolo akanda pakumusungilila nukumukusha ngati mwana wake. ²² U Mose akamanyishiwa namahala ghoshi agha bandu ba mu Igiputo sona akaba wamaka munjugha na mumbombo shake. ²³ ''Lole mwo aya pakukwanisha ifyinja fote, akisa inongóna mundumbula yake ukuti iye abendele abowamwawo bake bawo wakafuma ku Isilayeli. ²⁴ Mwo akutesha umu Isilayeli akunyashiwa nu yumo aba ku Igiputo, u Mose akamwafwa pakumunyoshekesha ububibi nukumukoma. ²⁵ Akinongóna ukuti abobamwawo bake tibapulikishe ukuti ukwendela mu nyobe ya Chala akabapokagha, lole batakapulikisha. ²⁶ Pishiku lyabubiri akabagha abalisha babiri bakulwa akeghela ukuti abike ulutengano akati, '' mwe bandu, muli pabunungúna koni mukufulasania?'' ²⁷ Lole yo akamunangira umupalamane wake akamusungira akati,'' wini yo akakusala ukuti uwe mulaghili sona mulongi kukwitu. ²⁸ Kulonda ukungogha , isamuno ukaghoghela u mu Igiputo mumasuba?'' ²⁹ Mwo u Mose apulika amashu agha akakinda, akusa aba mugheni mu chisu cha Midyani, kulakula akisa aba wi wise wa bana ablisha babiri. ³⁰ Mwo ifyinja fote fyakwana, u mungelo akamubonekera muchitengele cha kwighamba lya Sinayi, mumulilo gho ghukakagha muchitengele. ³¹ Mwo u Mose aghuwona umuliro, akaswigha, mwo akuwuka kupipi akuti ateshe, akapulika amashu ukufuma kwa malafyale, ukuti, ³² Ne Chala wa wotata winyu, u Chala wa a Bulahamu, wa Iseki, nu wa Yakobo. U Mose akatetema atkalonda sona ukuti atesheko. ³³ U malafyale akmubusha akati, 'fula amasanda ghako kufilundi, pakuti ubuyo bwo wimitepo wusayiwa. ³⁴ Natesha kale indamyo sha bandu wangu bo bali ku Igiputo; napulika ukukuta kwabo, ponisa pase ukuti imbapoke; pa kabalilo aka, sakuno tingutume ku Igiputi.' ³⁵ ''Uyu weyo wi Mose yo bakamukana, po bakati, '' wini yo akakusala ngati mulongishi sona mulongi.' weyo u Chala akamutuma ukuba mulongoshi sona mupoki. U Chala akamutuma ninyobe ya mungelo yo akamubonekera mu chitengele. ³⁶ U Mose akabatangilira pakufuma mu Igiputi, mwo apanga ifiswigho nifimanyikwiro mu Igiputi napa nyanja ingesamu, na mulungalangala pa fyinja fote. '' ³⁷ Wi Mose yuyo yo akabawusha abandu ba ku Isilayeli, u Chala takanyamushe umusololi winyu mukati mubowamwinyu, u musoli ngati nene! ³⁸ Uyu weyo mundu yo akaba pamupene nu mungelo muchitengele yo akayugha nawe pighamba lya sinayi, yo akaba nabotata bitu, sona yo akapokela amashu ghabwumi ukutupa utwe. ³⁹ Lole abatata witu bakakana pakumupulikira, wakamukisha, sona mundumbula shawo bakanyokela sona ku Igiputo. Pa kabalilo kalakala bakati kwa Aroni, 'Tupangile uto chala to titutulongoshaghe. ⁴⁰ Pakabalilo aka u Mose yo akatulingosha ukufuma mu chisa cha mu Igiputo, tutakumanya cho chipangiwe kukwake ⁴¹ Pamashiku ghalaghala bakapanga akawata ngati chabupe ku fifwani, bakahoboka chifukwa cha mbombo sha tukono twawo. ⁴² Lole u Chala akabasanukila nukubaleka ukuti biputaghe kundondwi isha kumwanya, isamumo shisimbiwe mwi buku lya wakunguluka, Gimba mukisagha nafyo ifinyamana fifyo mutekite nu kwikemesha pa fyinja fote mu chitengele, nyumba ya isilayali? ⁴³ Mukitikisha ichitembe icha ba Moleki ni ndondwi isha Chala wa Refani, nififwani fifyo mukapanga ukuti mufyiputaghe; po ngwisa kubanyamulira kubutali ukulira ku Babeloni. ⁴⁴ 'Abotata bakaba nichighano cha lushimikisho muchitengere, ngati mumwo u Chala akalaghilila po akayughagha kwa Mose, ukuti tise achipange ngati mbali fya fifyo akafitesha. ⁴⁵ Mwo pakinda akabalilo, abotata, pase pa Joshua bakapokela ichighemo nukwisa nacho pamupene nabo po bakachikabagha ichisu . U Chala akegha ichisu ukufuma ku fyisu nukawafumyamo pamaso pabotata. Ichghemo mo muchisu chilachila mupaka pakabalilo ka Devedi. ⁴⁶ Yuyo akachagha ichisa pamaso pa Chala po akasuma linga ingabwagha ubuyo bwa kwikala abanyumba ya Jakobu. ⁴⁷ Lole akaba wi Solomoni yo akasenga inyumba ya Chala. '' ⁴⁸ Napo buli, umwene maka atakwikala mu nyumba shisho sishengiwe nutukono, isamumo umukunguluka akuyughila, ⁴⁹ 'Kumwanya koko chtengu changu ichisa cha pase chitengu chakubikapo inyayo shangu. Nyumba ya luko luki yiyo mugasengela? Mo akuyughila umalafyale, pamu buyo buki bwubwo ningatushapo? ⁵⁰ Ngimba takakono kangu kako kapelite ifindu fyoshi? ⁵¹ ''Mwe bandu bashingo ingafu, mwemutatumuliwe mu myoyo na mufyufyo akabalilo koshi mukumukana u mbepo mwikemu; mukubomba isamumo abo ghuso bakabombelagha. ⁵² Mukunguluka yuki yuyo abaghuso batakamufwima? bakaghagha abakunguluka babo bakatangila pakwisa mwo atisile umugholofu; po numwe mwawa mwe bakusambukira nukumughogha sona; ⁵³ Umwe mwebandu mwe mukapokera ululaghilo lulwo awandumi wakalusaya, lole mutakalukonga.'' ⁵⁴ Mwo awalongoshi wapulika ifindu wakafula shiwa mundumbula po bakashimika amino pa Sitefani. ⁵⁵ Lole umwene, mwo iswile numbepo mwikemo akisa atesha mwakulolotera ku mwanya nuku buwona uwushisha bwa chala; po akamubona u Yesu imite kukakono aka kumwisa aka chala. ⁵⁶ U Sitefani akati, '' Tesha, natesha kumwanya kwighukite, nu mwana wa mundu imilile ku kakono akisa akamwisa aka Chala,'' ⁵⁷ Pa ichi awachilundilo wakashindila ifyufwo fyawo nukukolela namashu agha pamwanya, wakaghulukira kukwake ni fundo yimuyene. ⁵⁸ Bakamukakamisha ukufumamo mukaya kala nukwanda pakumutisa namabwe. bokamboni bala bakafula imyenda yuwo iyakuse nukuyibika mutulundi twa mulunyana ilita u Sabuli. ⁵⁹ Mwo bakumutisa u Sitefani akakolelagha kwa malafyale akatingi, 'malafyale Yesu, pokera indumbula yangu,'' ⁶⁰ Akafughamila nukukolela namashu agha pamwanya, '' malafyale, utakababelengele imbibi ishi,'' mwo ayugha amashu agha akisa apitila utulo.

¹ U Sauli akupulikana nubufwe bwake. Po bakanda ishiku lilalila pakufwimiwa nukulimbana ni chalichi cho chikaba Muyelusalermu; sona nababo bakasubilagha bakanyambana muchikaya choshi icha Muyudeya naku Somaliya, kufumiako abafundiwa. ² A bandu wowakipa ingani pakwiputa bobo bakashila u Sitefani nukulila ingani umwakukuta. ³ Lole u Sauli akaghesha ukukomania ichalichi. Takingile nyumba ni nyumba, nukubafumya boshi abalisha nabakolo, nukubabika mu nyumba ya bapinyiwa(jele). ⁴ Po bule abasubiliwa bobakunyambana bakabukilisha nukulumbilila amashu. ⁵ U Filipu akabuka mukaya ka Samaliya nukufumusha kubandu ifya Kilisitu. ⁶ I chilundilo cha bandu chikateghelesha ingani kufifyo u Filipu akayughagha; ninyinong'ono yimuyene bakamupulika, sona bakatesha ichimanyishikisho chicho akabomba. ⁷ Imbepoi imbibi shikafuma mubingu abingi bakoliwa nasho, nukulila mwakukuta ingani, sona abingi abamambombo na balemawe bakapolagha. ⁸ Po kukaba ukuhoboka ingani mukaya kala. ⁹ Lole pakaba umundu yumo mukaya kala ingamu yake Simoni, yuyo pabwandilo akabombagha ifyamayele; akaswighishanga abandu aba ku Samaliya po akifumushanga ukuti umundu wapamwanya ingani. ¹⁰ Boshi aba Samaliya, ukufuma koshi kubapanya, bakamupulikisha; bakayugha ukuti, ''umundu uyu maka gha Chala ghagho ghakumwitisha ukuti wa pamwanya.'' ¹¹ Bakamupulikisha chifukwa akaba bakuti abaswighisha akabalilo akatali namayele ghake. ¹² Lole mwo basubila u Filipu po akafumusha amashu ghabunyafyale bwa Chala ningamu ya Yesu Kilisitu bakoshiwa, boshi abalisha nabakolo. ¹³ Nu Simoni wepe pamwene akasubila, sona mwo oshiwa akanda pakwikala nu Filipu kushita kuya nakumo nakumo. Mwo aketa ichimanyishikisho namaka ghakubomba, akaba wakuswigha ingani. ¹⁴ Mwo abafundiwa bamu Yelusalemu bakapulika ukuti aba Samaliya bapokelite amashu gha Chala, Bakabatumila u Peteli nu Yohani. ¹⁵ Mwo bisa kukwabo, bakabiputila, nukuti bangapokela umbepo mwikemo. ¹⁶ Pa kabalilo koshi kala, umbepo mwikemo atakisa kukwabo; bakoshiwa mungamu ya Malafyale Yesu. ¹⁷ Po u Peteli nu Yohani bakababika utukono papabo, sona bakambilila umbepo mwikemo. ¹⁸ Mwo u Simoni atesha umbepo mwikemo mwikemo akupelekiwa ukwendela mutukono twa bafundiwa, akabapa indalama. ¹⁹ Akati, ''Mbange une ululaghilo, nune ukuti yuyo namubika utukono twangu apokaghe umbepo mwikemo.'' ²⁰ Lole u Peteli akasmubusha akati, ''Indalama yako yimale pamupene nuwe chifukwa ukwinong'ona ukuti ichabupe cha chala tukughula ni ndalama. ²¹ Utanubuyo nawumo pamu ichighaba pafindu ifi chifukwa indumbula yako yitanubwelu nabumo nu Chala. ²² Lole ulape imbibi shako, nukwiputa kwa Malafyale, ukuti angakuhobokela imbibi sha miundumbula yako. ²³ Pakuti natesha ukuti uwe uli nubukali ubwakubabiwa nukupinyiwa ukwamundumbula.'' ²⁴ Usimoni akamula nukuti ''nyiputile nafimo manye fimbombele une.'' ²⁵ Mwo washimikisha nukuyugha amashugha malafyale,upeteli nu yohani bakaghalukira ku yelusalemu, kafumushange amashu kubandu abingi aba musamaliya. ²⁶ Po abandumi aba Chala akayugha kwa Filipu sona akati, ''kwela bukagha kulufafu kumusebu wawukalika kufumaku yelusalemu ukubuka ku gaza''.(musila ya mululangalanga.) Akisa anyamuka nukubuka. ²⁷ Po umundu yumo. ²⁸ Bwo akunyokela nukwikala mungolo yake, nukuwelenga umukunguluka u Yesaya. ²⁹ Umbepo akayugha kwa Filipu ukuti, ''bukagha uye wikale papipi kungolo yake.'' ³⁰ Po u Filipu akamukindilila, nukupulika ukuwelenga mwa Yesaya umukunguluka, po akati, ''Wapulika fifyo wabelenga?'' ³¹ Po akati, ''ningamanya bule, penepapo yumo andongosha?'' Akamwitisha u Filipu kwisa mungolo nukwikala nawe. ³² Po ighaba cha masimbo chicho uwaku ku Ethiopia akawelengagha chikaba cho ichi, ''Akalongoshiwa isa wi nang'oshi yuyo bakuya pakumughogha, sona ngati kana kang'oshi kokali pandashi pawakupala ameya kalimye, sona atakighula umulomo wake. ³³ Ukwiyisha kwake ubwanaloli bukamufumilapo. Wiwini yuyo angalingania abanyenya wake? pakuti ubwumi bwake bwakufuma ku chisu.'' ³⁴ Po umalafyale akamulalusha u Filipu, ukuti, ''ingukusuma uwe , umbule une ka umukunguluka yuyo akuyughiwa wiwini, weyuyo, pamu munine?'' ³⁵ U Filipu akanda ukuyugha, nukwanda namasimbo ukufumusha amashu gha Yesu kukwake. ³⁶ Bwo bakwenda musila, bakisa pa mishi pamu sona umufule akati, ''keta pali amishi panu. Chochoni chicho changanisha ukuti noshiwe?'' ³⁷ U Filipu akati, ''linga ukusubila nindumbula yako yoshi, ungoshiwa.'' Uwaku Ethiopia uyu akamula, ''ingusubila ukuti u Yesu Kilisitu mwana wa Chala.'' ³⁸ Po uwaku Ethiopia akalamula ingolo yake ukwimilila. Bakingila mumishi, boshi u Filipu nu mufule, po u Filipu akamosha. ³⁹ Bwo bafumamo mumishi, umbepo wa Malafyale akamufumyapo u Filipu, po umufule yula atakamubonapo sona, lole umwene akendelela nukusekela. ⁴⁰ Lole u Filipu akaya abonekela ku Azotasi nukwingila mughaba, ukufumusha ishu kutwaya toshi mupaka ku Kesaliya.

¹ Lole usauli, bwo akali akuyugha ukoghofiwa kwa kughoghiwa kwa bafundiwa ba Malafyale, bakatuma kwa muputi usongo ² sona bakamusuma abokalata ba masinagogi mu Damasika, pakuti pala abagha yo akaba musilayiyi, kali mulisha pumu mukolo, abapinye nukuya nabo ku Yelusalemu. ³ Bwo akwenda, chikaboneka ukuti apalamila ukufika ku Damasika, kukaboneka ubwelu ukufuma kumwanya nukumushunguli; ⁴ akawa pasi nukupulika ishu likayugha kukwake, ''Sauli, Sauli, kufwimaki?'' ⁵ U Sauli akamula, ''we wini, Malafyale?'' U Malafyale akati, ''ne Yesu, yuyo ukumufwima; ⁶ lole nyamuka, ingila makayaya tise ubushiwe chicho ubombe.'' ⁷ Abandu babo bakenda nu Sauli bakimilila nukusoba ichakuyugha, ukupulika ishu, lole ukushita ukumuketeta yumo. ⁸ U Saulo akanyamuka, mwo ighula amaso ghake, atakaketagha nachimo; po bakamulongosha ninyobe nukubuka nawe ku Damasika. ⁹ Pamashiku matatu ukushita kutesha ukutwsha, atakalya nu kung'wa. ¹⁰ Po kukaba umufundiwa yumo uwa ku Damasika ingamu yake Ananiya. Umalafyale akayugha nawe muchisetuka, ''Ananiya!'' Akati, ''tesha, ndipano, Malafyale.'' ¹¹ Umalafyale akayugha akati, ''nyamuka, buka mukasila kokakwitishiwa kakugholoka, panyumba ya Yudasi mulalushe umundu uwa kutasasi yuyo ingamu yake wi Sauli, pakuti akwiputa. ¹² Aketa ichisetuka umundu yuyo ingamu yeke wi Ananiya nukwisa pakawuka utukono papako,ukuti ande pakutesha sona.'' ¹³ Lole u Ananiya akati, ''malafyale, napulika abingi bakuyugha isha mundu uyu, ububibi ubwingi bubo abomba ku bikemo bako mu Yelusalemu. ¹⁴ Ali nubulaghili bwakufuma kubaputi abosongo ukupinya weshi yula yuyo akukola pangamu yake.'' ¹⁵ Lole u Malafyale akamubula akati, ''buka, paqpo chibombelo changu ichisayiwa, nyamula ingamu yangu pandashi pabakuse bobomalafyale nabana aba Isilayeli.'' ¹⁶ Ngwisa ukulangisha mwotiatamiliwa pa chifukwa cha ngamu yangu.'' ¹⁷ Po u Ananiya akabuka, nukkwila munyumba. nukubika utukono papake, nukuti, ''wewamwitu Sauli, umalafyale u Yesu, yuyo akakubonekela uwe musila'bwo ukwisa, anduma une ukuti uwe wande pakutesha nukwisula nu mbepo mwikemo.'' ¹⁸ Paponapapo fimo isa makalalamba ghakawila mumaso gha Sauli, sona akapokela ukutesha; akanyamuka nukoshiwa; ¹⁹ akisa alya nukukaba amaka. Akikala ku Damasika amashiku amingi. ²⁰ Papo napapo akanda ukufumusha u Yesu mu masinagogi, ukuti mwana wa Chala. ²¹ Boshi babo bakamupulika bashigha nukuti, ''Tamundu yuyo akakomania abandu boshi mu Yelusalemu yuyo akitishiwa ingamu iyi? Isa kuno ukuti apinye abandu aye nabo kubaputi abosongo.'' ²² Lole u Saulo akakulagha ngani namaka, akapeleka ubwogha kubayuda bobakila mudamasika ukushimikisha ukuti u Yesu wi Kilisitu. ²³ Bwokwenda amashiku amingi, abayuda bakababatika pamupene ukuti bamughoghe. ²⁴ Lole ulubatiko lwabo lukamanyikwa kwa Sauli. Bakaketeleshanga pamilyango pamusi napabushiku ukuti bamughoghe. ²⁵ Lole abafundiwa bake bakamwe pabushiku nukumusolongesha pachibwashi, nukumwingisha mwa basiketi. ²⁶ Bwo isa ku Yelusalemu, u Sauli akaghesha kuba pamupene nabafundiwa, lole boshi bakamoghopagha, nukushita ukusubalila ukuti mufundiwa. ²⁷ Lole u Banabasi akamwegha kuya nawe kubafundiwa, nukubabula mumwo u Sauli akamuteshekesha u Malafyale pasila nukuti umalafyale akuyugha nawe. ²⁸ Akaba nabo, ukwingila sona nukushungulila ukufuma muyelusalemu. Akayugha mubukifu mungamu ya malafyale u Yesu. ²⁹ Sona bakasusania na bayuda aba ku Giliki; lole bakendelela ukuti bamughoghe. ³⁰ Bwo abowamwabo bashimanya ishi bakisa nawe ku Saliya nukumutuma ku Tasasi. ³¹ Po palapala, ichalichi cha Yudeya, Galileya,nnu Samaliya chikaba numutende sona chikasengiwa; sona,chikendagha mubwogha bwa Malafyale nukusuwashiwa numbepo mwikemo, ichalichi chikakula ninambala inyingi. ³² Shikisa shamanyikwa bwo u Peteli akwendela muchighaba choshi, akisa sona kuwikemo abandu ba Chala bo bakikalagha mukaya ka Lida. ³³ Kula kukayika umundu yumo ingamu yake Eniyasi, yuyo akaba pachitala chake imyaka eyiti(8), pakuti akafya imbafu. ³⁴ U Peteli akayugha akati, ''Eniyasi, uYesu Kilisitu akuposha. Nyamuka njukuyania ichitala chako, '' nakalinga akanyamuka. ³⁵ Po weshi yuyo akikalagha mu Lida namu Shaloni bakamutesha umudu sona bakang'anamukila kwa Malafyale ³⁶ Po ku Jopa kukaba umufundiwa yumo ingamu yake Tabita(lyo likafumila kungamu ya ''Dolikasi''). Umolo uyu akisula nimbombo inyisa sona ni mbombo isha chisa sho akabombelagha abapina. ³⁷ Bwo kwafika mumashiku ghala akabina nukufwa; bwo bamosha bakamughoneka ku chinda chakumwanya. ³⁸ Pakuti u Lida akaba kupipi nu Jopa abafundiwa bakapulika ukuti u Peteli alikulakula, bakatuma abandu babiliku kwake, nukumusuma, ''wendelele ukushita ukukaba.'' ³⁹ U Peteli akanyamuka nukubuka nawo.Bwo afika, bakaya nawe kuchipinda cha pamwanya,abafwilwe boshi abakolo bakimilila papipi nawe nukulila, ukumulangisha ifya kusona ni myenda yiyo u Dolikasi akapanga bwo ali nabo. ⁴⁰ U Peteli akabafumya boshi kuse, akafughamila nukwiputa; po, akang'anamukila kumubili akati, ''Tabita, nyamuka.'' Po akighula amaso ghake, nukumutesha u Peteli akikala. ⁴¹ U Peteli akamupa akakono kake nukumunyamusha; bwo itisha abandu ba Chala abikemo na bakolo abafwilwe akisa amubika wabwumi kubandu. ⁴² I fundo iyi yikisa yamanyikwa mukaya koshi aka Jopa, nabandu abingi bakasubila kwa Malafyale. ⁴³ Fikaboneka ukuti u Peteli akikalako amashiku amingi mu Jopa nu mundu yuyo ingamu yake ya Simoni uwa ku Tana.

¹ Po kukabako umundu yumo mu kaya ka Kayesaleya, yuyo akitichiwanga ingamu ya Koneliyasi, yuyo akitishiwanga ukuti musilikali wa ku Itale. ² Akaba mundu wakwiyipa yuyo akamoghopa u Chala ni nyumba yake yoshi, akabapanga abandu ifyabupe ifyingi nukwiputa kwa Chala ukushita kuleka. ³ Bwo kaya pakukwana akabalilo ka fili okoloko mwishiku lila, akatesha muchisetuka uwandumi wa Chala akwisa kukwake. Uwandumi akati kukwake, ''Koneliyasi!'' ⁴ U Koneliyasi akaketelesha sona akati, ''Chochoni ichi, mughindikiwa?'' U wandumi akati kukwawo, ''Inyiputo nifyabupe fyako fyabikiwa ukuba fya kukumbushikishamo pamaso gha Chala. ⁵ Ulu tuma abandu kukaya ka Yopa pakumwegha yuyo ingamu wi Simoni yuyo akwitiwa ukuti Peteli. ⁶ Yuyo akwikala munyumba ya Simoni umukasa makwela, yuyo inyumba yake yikaba mulubafa lwa nyanja.'' ⁷ Bwo ubandumi yuyo akayugha nawe afumapo, u Koneliyasi akabitisha ababombi bake babili aba munyumba yake, nu musilikali yuyo akamwoghopagha. ⁸ U Koneliyasi akababula fyoshi fifyo fikabombiwa sona nukubatuma ku Yopa. ⁹ Akabalilo kalakala mwishiku ilingi bwo akabalilo kakuya ku fili okoloko, bwo bali pabulendo bwabo sona bwo tibafikaghe mukaya, u Peteli akabuka ku nyumba ya kumwanya pakwiputa. ¹⁰ Isala yikisa yamubaba po akalondagha ifyakya fimo, lole bwo abandu bakupiya ichakulya, akapeghiwa ichisetuka, ¹¹ akaketa kumwanya kwighukite akaketa chimo isa chililo chikikagha, chicho chikaba chikulu icha makona folo chikikagha pase. ¹² Mukati mwake mukaba ifinyamana fya filundi folo nafifyo fikwendela ifukwe pase, ni fiyuni fyamumwanya. ¹³ Po ishu likayugha kukwake: ''Nyamuka, Peteli, ghogha nu kulya.'' ¹⁴ Lole u Peteli akati, ''awe, Malafyale; papo ndalile lumo ifindu fimo fifyo finyali sona fitelushiwe.'' ¹⁵ Lole ishu likisa kukwake ulwabubili: ''Chicho u Chla achelusha, utangatingi chinyali.'' ¹⁶ Ifi fikabombiwa katatu; po ichililo nakalinga chikeghiwa ukubuka kumwanya ¹⁷ Pakabalilo aka bwo u Peteli afulungana nafyo ichisetuka chicho akachibona fifyo chikasanushanga, bakanyomoka, abandu babo bakatumiwa nu Koneliyasi bakamilila pamulyango, bobabushikisha isila yakuya ku nyumba shabo. ¹⁸ Bakitisha nukulalusha pala u Simoni, yuyo akitishiwa ukuti Peteli akaba papala. ¹⁹ Bwo u Peteli akwinong'ona isha chisetuka, umbepo akamubula akati, ''Keta, abandu batatu bakukulonda. ²⁰ Nyamuka sona bukagha nabo. Utakakanaghe pakubuka nabo, papo nene mbatumite.'' ²¹ Po u Peteli akabiuka kubandu nukuti, ''Nene ndipanu yuyo mukulonda. Choni chicho mwisile?'' ²² Bakati, ''umusilikaliyuyo akwitiwa ukuti Koneliyasi, umundu umugholofu sona uwakumoghopa u Chala, sona akayughiwa akisa kuwa kaya koshi akabayuda, akapeyiwa amashu ukufuma kwa Chala, pakwendela muwandumi umwikemo nukubabula ukuti abatumile umwe ukuti mwise kunyumba yake, ukuti ise apulikishe amashu ukufuma kukwinyu.'' ²³ Po u Peteli akabitisha ukuti bingile nukwikala nawe. Bwo kwacha mwishiku ilingi akanyamuka nukwingila nabo, sona abalumyana bamo abakufuma ku yopa bakamukonga. ²⁴ Mwishiku lilyo likakongapo bakisa kwa Kayesaleya.U Koneliyasi akabalindililagha; umwene ababitisha abakamu pamupene nabangali abapapipi. ²⁵ Shikisa shabombiwa bwo u Peteli ingila, u Koneliyasi akakomana nawe nukuwa pase pafilundi fyake nukumwiputa. ²⁶ Lole u Peteli akamwafya pakwimilila, akati, ''Imilila! une nune ne mundu.'' ²⁷ Bwo u Peteli akuyugha nabo, akingila sona akabagha abingi babunganite pamupene. ²⁸ akayugha kukwabo, ''Umwe mwebenecho mukumanya ukuti tachakubaghila pakuti abayuda banganeghe pamupene pamo ukubachulila abalendo. Lole u Chala andangishishe une ukuti ndakamwitishe umundu yumo ukuba munyali atelushiwe. ²⁹ Popo leka ngwisa kwambula kususha, bwo natumiwa. Po ngubusha choni cho ukatuma kukwangu.''' ³⁰ Koneliyasi akati, ''bwo bopakinda amashiku folo mukabalilo kakaka , ngiputagha pakabalilo ka munyumba yangu; po ngaketa ,umundu imite pandasha papangu afwalite imyenda imyelu ngani ³¹ .Akati ,Koneliyasi, inyiputo shako shapulikikwa nu chala, sona ifyabupi fyako fyamukumbusha u chala isha uwe. ³² Tuma yumo ku Yopa, nu kumwitisha umundu yo akwitishiwa ukuti Simoni yo wi Peteli.Akwikala mu nyumba ya Simoni umukasa makwela mulubafu lwa nyanja. ³³ Pabwandilo ngatuma, chikaba chisa pala ukisagha. Ulu, tweboshi tulipanupanu pamaso gha Chala pakupulikisha fyoshi fyo ulaghiliwe nu Chala pakuyugha. ³⁴ U peteli akighula umulomo wake nukuyugha ukuti, ''nubwanaloli, ngushimikisha ukuti u Chala a takusalila muchimanyani. ³⁵ Mubuyo mwake, mutwaya toshi weshi yo akumoghopa nukubomba imbombo inyisa, akwitikishiwa ku kwake. ³⁶ Mukughamanya amashu gho akatuma kubandu baku Izilayeli, bwo akufusha inongwa inyisa ishalutenganio ukwendela mwa Yesu Kilisitu, yo wi malafyale wabosi. ³⁷ Umwe mwebenecho mukufimanya fyo fikabombiwa, fyo fikaboneka mukaya koshim aka Yudeya, ukwanda mu Galileya, panyuma palwasho lwo u Yohani akafumusha; ³⁸ Imbombo shoshikakwafanianga nu Yesu wa muna zaleti, mwo u Chala akamushukisha nu mbepo mwikemo namaka. Umwene akabuka nukubomba imbombo inyisa nukuba posha bo bakabashiwa nu setano. Pakuti u Chala akba nabo. ³⁹ Twebokamboni ba fyoshi fyo u Yesu akabomba, abamukaya ka bayuda na mu Yelusalemu. Bakamughogha pakumupayika pikokwe, ⁴⁰ Lole u Chala akamususha pishiku iyabutatu, nukumupangisha kuti aboneke, ⁴¹ Takubandu boshi,lole kubokamboni bo bakasaliwa nganila nu Chala ku utwe twe tukulwa nukung'wa nawe bwo ashuka ukufuma kubafwe. ⁴² Akatukomelesha pakulumbilila ku bandu nukushimikisha ukuti uyu akasaliwa nu Chala ukuti abe mulongi wa babwumi na bafwe. ⁴³ Kokukwake ko abakunguluka bakushimikisha, ukuti weshi yo akusubila mu mwake akuya pa kupokela uluhobokelo pakwendela mungamu yake.'' ⁴⁴ Bwo upeteli akali akuyugha ishi, umbepo mwikemo akika pa weshi yo akapulikishanga ku mashu ghake. ⁴⁵ Abandu bo bakaba kulubafu lwa bitiki bo babufuliwe boshi bo bakisa nu Peteli bakaswigha, papo ichabupe cha mbepo mwikemo chikapungukila sona napabakuse. ⁴⁶ Po bakapulika abandu bakuse bakuyugha mu njugha shachilendo nukumutufya u Chala. Po u Peteli akamula, ⁴⁷ '''Alipo yumo yo angakanisha amishi ukufuma kubandu aba ukuti manye boshiwe,abandu ababo bambilile umbepo mwikemo ngati twetwe?'' ⁴⁸ Po akabalamulila ukuti boshiwe mungamu ya Yesu Kilisitu. Po bakamusuma ukuti ikale nabo amashiku amangi.

¹ Po abatumiwa na bowamwabo babo wakaba mu Yudeya bakisa bapulika ukuti nabakuse bapokela ishu ilya Chala. ² Bwo u Peteli isa ku Yelusalemu, boshi bobakaba kumbali yakubeghiwa bakamususha; ³ bakati, ''uwe ukawa pamupene nabandu bakushita ukubeghiwa nukulya nabo!'' ⁴ Lole u Peteli akanda pakulingania kubabo umwakufukula, ukuti, ⁵ "Une ngiputagha kukaya ka Yopa, sona ngatesha ichililo chikwika pase, ngati mwenda ukufuma kumwanya amakona folo. Chikanyikila une. ⁶ Ngachilolotela nukuchinong'ona. Ngatesha ifinyamana fya filundi folo pachisu, ifinyamana fya mutengele, nafifyo fikwendela ulufukwe, nifiyuni fya mumwanya. ⁷ Pongapulika ishu likati kukwane, 'nyamuka, Peteli; ghogha nukulya!' I ⁸ ngati, 'tamomumwo, Malafyale; pakuti nachimo ichibibi pamu ichinyali chicho chingile lumo mumulomo wangu.' ⁹ Lole ishu likamula sona ukufuma kumwanya, ''chicho u Chala achipanga ukuba chisa, koma ukuchitisha ukuti chinyali. ¹⁰ Ichi chikaboneka katatu, poi fyoshi fikisa fyanyokela kumwanya. ¹¹ ''Tesha, papapo pakimilila abandu batatu pandashi panyumba potukaba; bakatumiwa ukufuma kukesaliya ku kwangu. ¹² Umbepo akandamulila ukubuka nabo, sona nganyamuka kushita kukaba. Abowamwitu sikisi aba bakabuka nune, nukuya munyamba yamundu uyo. ¹³ Akatubusha utwe mumwo akamuketela umungelo imilile munyumba yake nukuti, 'Tuma abandu ku Yopa nukumunyosha u Simoni yuyo akwitiwa ukuti Peteli. ¹⁴ Akwisa ukuyughagha amashu ghagho tise ghakabapoke-------uwe ninyumba yako. ^{15 16} Mwo nanda pakuyugha ku babo, umbepoi mwikemo akisa papabo, isa mumwo nutwe akatwisila pabwandilo. Ingakumbuka amashu gha Malafytale, mumwo akayughila, 'U Yohani naloli akabosha namishi; lole umwe mukwisa ukoshiwa mwambepo mwikemo.' ¹⁷ Pala u Chala akabapa ichabupi ichakuyana isa mumwo akatupela utwe bwotwasubila pa Malafyale Yesu Kilisitu, une ngaba ne wini, ukuti imusushe u Chala. ¹⁸ Mwo bapulika ifindu ifi, batakamula nachimo, lole bakamukwesha u Chala nukuti, ''u Chala abika ulupinduko ulwa bumi kuba pase bope.'' ¹⁹ Po boshi babo basatana pa kufwimiwa kokunyamuka pa Sitefano kukasata mupaka ku Fonisha, Sayipulasi, naku Anthiyoki, pakuyugha ishu kubayuda bene. ²⁰ Lole bamu, abandu abakufuma ku Sayipulasi naku Silimu bakisa ku Anthiyoki nukuyugha kuba Giliki bope, ukufumusha kubabo inongwa inyisa isha Malafyale u Yesu. ²¹ Inyobe ya Malafyale yikaba nabo; inambala ingulu yikasubila kwa malafyale. ²² Akapango kabo kakisa mufyufwo fya chalichi Muyelusalemu, nukutuma u Balabasi mupaka ku Anthiyoki. ²³ Bwo isa nukutesha ichoisa cha Chala, akahoboka nukubalimbikisha boshi ukuti bikale mwa Malafyale nindumbula yabo yoshi. ²⁴ Pakuti akaba mundu umwisa nukwisula numbepo mwikemo nulwitiko, nabandu abingi bakongela kwa Malafyale. ²⁵ U Banabasi akisa nawe ku Talasasi pakumulonda u Sabuli. ²⁶ Bwo amwagha, akisa nawe ku Anthiyoko. Fikisa fyayiwa ukuti ichinja choshi bakakomana pamupene nichalichi nukumanyisha abandu abingi. Abafundiwa bakisa bitishiwa akabwandilo ukuba bakilisitu mu Anthiyoko. ²⁷ Po amashiku agha abakunguluka bamu bakisa ukufumila ku Yelusalemu kuya ku Anhiyoko. ²⁸ Yumo babo, yuyo ingamu yake Agabasi, akimilila nukulongoshiwa numbepo ukuti isala ingulu tiyiboneke muchisu choshi. Ichi chikaboneka mumashiku gha Kolodiyasi. ²⁹ Po abafundiwa, isa mo weshi akabela, bakatumula ukutuma ifya kusangula ukwafwa abowamwabo muyudeya. ³⁰ Bakabomba ifi; bakatumisha indalama kubosongo ukwendela munyowe sha Balabasi nu Sabuli.

¹ Loshi ulu ukuyana nakabalilo kala u Helodi umwene akabika inyobe pa bamu babo bakaba muchalichi chilachila ukuti abafunde. ² Akamughogha u Yakobo ubamwabo wa Yohani nichilwilo. ³ Bwo aketa ifi ukuti fyabahobosha abayuda, akendelela ukumupinya u Peteli wepe. Pakaba popakabalilo ka chibama chicho chita nifilungo. ⁴ Bwo amupinya, akamubika mu jele, akamubika muchilundilo cha bamu folo abasilikali ukuti bamuketeleshaghe; akinong'onagha ukuti akise nawe kubandu pala upasaka apululila. ⁵ Po u Peteli akasungiwa mu jele, lole aba muchalichi bakamwiputilagha inyiputo kwa Chala ukushita kuleka. ⁶ Mukati mubushiku bwo u Helodi akaya pakufumia ukuti aye alonhgiwe, u Peteli akaghonagha pakati pabasilikali babili, bwo apinyiwe na bocheni, bwo abalindilili bali pamulyangobakaketeleshanga mujele yoshi. ⁷ Keta, ubandumi wa Chala akamuwonekela papo napapo sona ubwelu bukabala mu jele. akamupalamasha u Peteli palubafu nukumunyamusha sona akati, ''Nyamuka lubilo,'' po abocheni bakasatuka. ⁸ Po uwandumi akayugha akati, ''fwala ulamba nifilato fyako.'' U Peteli akabomba mumwo bakamushikisha. Uwandumi akati kukwake, ''Fwala umuselekesha nukungonga.'' ⁹ Po u Peteli akamukonga uwandumi yula nukufumamwo. umwene atakamanya ukuti fifyo fikabombiwanga nubandumi fikawa fyanaloli. Akinong'ona ukuti akuketa ichilota. ¹⁰ Mwo bendapo pa mulindilili uwakwanda nu wachibili, bakafika pamulya wa fyela ghugho ghukaya mjukaya; ghukighuka ukuti bendepo. Bakafuma nukuya mukaya, po uwandumi akamuleka paponapapo. ¹¹ Bwo u Peteli ashaghania akati, ''ulu namanya ukuti u Chala atumite uwandumi wake nukufumia une mutukono twa Herod, pakugfumila ku fyoshi fifyo abayuda baklalindililagha.'' ¹² Bwo ashaghania ishi, akabuka ku nyumba ya Mele ung'ina wa Yohani, yuyo akwitishiwa ukuti Maliko, kuko abandu abingi bakabunganagha sona nukwiputa. ¹³ Bwo akong'osha pamulyango, uwambombo umulindu yuyo wi akisa pakubighulila. ¹⁴ Bwo aghamanya amashu gha Peteli, nu buhoboke akapotwa ukuti ighule kumulyango; mubuyo bwake, akisa nukukinda ukwingila muchipinda; akaya ayugha ukuti u Peteli imilile pa mulyango. ¹⁵ Po bakayugha kukwake, ''ulunganite.'' Lole akashimikisha ukuti mwomwo shibelile. Bakati, ''Wandumi wake.'' ¹⁶ Lole u Peteli akabukilila ukukong'osha bwo bighula kumulyango bakamuketa nukunyomoka. ¹⁷ U Peteli akababula ukuti bawe mwee nakakono kake, nukubabula mumwo u Chala akamufumikisha ukufuma mujele. Akati, ''Muye muyughe ifindu ifi kwa Yakobo nabo wamwabo.'' Akafumapo nukuya kubuyo ubungi. ¹⁸ Po mwo ishiku lila lyisa, patakabako ukukangana napanandi pakati pabasilikikalipa fifyo fikabombiwa kwa Peteli. ¹⁹ Bwo u Helodi amulondalonda nokumwagha, akabalalusha abalindilili nukulamula ukuti baghoghiwe. Po akilomoka ukufuma ku Yudeya nukuya ku Kayesaleya pakwikala kulakula. ²⁰ Po u Helodi akakala ingani nabandu baku Tayile na Sidoni. Bakabuka ninyinong'ono shimushene kukwake, sona mwo bamulambilisha u Bulasitasi, umwimilili wa mwene, ukuti abafwe, bakasuma umutendele papo akaya kabo kakapokelagha ichakulya ukufuma kukaya ka mwene. ²¹ Pishiku lilyo likabikiwa u Helodi akafwala ifyakufwala ifya bumwene nukwikala pachitengo; akayugha kukwabo. ²² Abandu bakakolela, ''Agha ghogho mashu gha ko chala, ghata gha mundu.'' ²³ Nakalinga ubandumi wa Chala akamukoma, papo atakamupanga ulughindiko u Chala; iminyololo yikamulya nukufwa. ²⁴ Lole ishu lya Chala likabukilila nukubala. ²⁵ Po bwo u Banabasi nu Sauli bamalisha imbombo, bakanyokela ukufuma ku Yelusalemu, bakisa nu Yohani, yuyo akwitishiwa ukuti Maliko.

¹ Po muchalichi mu Anthiyoki, kukaba abakunguluka bamu nabamashi. Kukaba u Banabasi Simoni(yuyo akiyishiwanga ukuti Naja), Lusiyasi uwa ku Silini, Maneni(yuyo akikalagha nu Helodi usongo) nu Sabuli. ² Mwo bakumwiputa u Malafyale nukufunga ukulya, umbepo mwikemo akati, ''mumbaghulile u Banabasi nu Sabuli, ukuti bambombele imbombo yiyo nabitishikisha.'' ³ Mwo bafunga, nukwiputa sona nukubabika inyobe pa bandu abo, bakabatuma. ⁴ Po u Banabasi nu Sauli bwo batumiwanumbepo umwikemo bakaya ku Selebusiya; kufuma apa bakaya ku Sayipulasi. ⁵ Mwo bali mukaya a ka Salamisi mukufumusha ishu lya Chala mumasinagogi gha bayuda. Bakaba nu Yohani yuyo akabatulagha. ⁶ Bwo benda ukwingila pa kachisu ka panyanja kuya ku Pafosi, bakanwagha bakamwagha yumo uwamayele, umumyashi umukunguluka uwa bayuda, ingamu yake akaba wi Bala yesu. ⁷ Uwamayele uyu akaba pamupene nu Pulokonso, Sejasi Paulosi, akaba mundu wamahala leka. Umundu yula akisa amwitisha u Banabasi nu Sauli, chifukwa akalondagha apylikishe amashu gha Chala. ⁸ Lole u Elimasi "uwamayele'' (koko ingamu yake yikafumila) akabasusha; akaghesha ukuti amung'anamule u Polokonso ukufuma ku lwitiko. ⁹ Lole u Sauli wakwitiwa ukuti Pauli, akisula nu mbepo mwikemo, po akabalolotela ¹⁰ nukuti, "uwe mwana wa setano, wiswile nuluko lwa bamyashi nububibi. Uwe we mulyani wa baghulofu boshi. Taukaleke lomo ukunhyongania isila ishakugholoka isha Malafyale, tise ukabe? ¹¹ Po keta, inyobe ya Malafyale yili papako,sona tiuwe mufyamaso. Tase uteshepo isuba pakabalilo." Nakalinga fikamuwila u Elimasi ichisi ichikulu; akanda ukshungulila ukulonda yuyo tiamulongoshe ninyobe. ¹² Bwo u Polokonso afitesha fifyo fikabombiwa, akasubila, chifukwa akaswigha ni chimanyisho cha Malafyale. ¹³ Po U Pauli nabanine bakanyamuka ukufuma ku Pafosi nukuya ku Pega mu Pafiliya. Lole u Yohani akanyamuka nukunyokela ku Yelusalemu. ¹⁴ U Pauli nabanine bakanyamuka ukwenda ukufuma ku Pega ukwisa ku Anthiyoko iya Pisidaya. Bakingila mu Sinagogi pishiku ilya nambala seveni nukwikala pasi. ¹⁵ bwo babelenga indaghilo nabakunguluka, abalongoshi ba musinagogi bakatuma indumi ukuti, ''bowamwitu, pala muli nishu ilya chilimbikisho cha bandu aba, yugha.'' ¹⁶ Po u Pauli akimilila nukubimikila inyobe; akati, ''bandu ba isililayeli mwemukumughindika u Chala, pulikisha. ¹⁷ Uchala wa bandu ba isilayeli aba akabasala abotata bitu nukubapanga abandu abingi bwo bakwikala muchisu cha mu Ijiputi, nukwimika akakono nukubalongosha. ¹⁸ Ukufikila ifyaka fote akaba nabo mulungalangala. Ghamu amapepala aghakale ghakuwelenga ukuti, ''pakufikila ifyinja fote ifi akabasungilila mu lungalangala ¹⁹ Bwo anangania uluko lwa bandu seveni muchisu cha Kenani, akisa abapa abandu bitu ichisu chabo ichakwikalamo. ²⁰ Ifindu fyoshi ifi fikanda ukubombiwa ukukila ifyinja 450. Pakuma pa findu fyoshi ifi u Chala akabapa abalongi mupaka pa Samuyeli umukunguluka. ²¹ Po abandu bakasuma umalafyale, po Chala akabapa u Sauli umwana wa Kishi, u mundu wakuluko lwa Benja, ukubva wi malafyale ifyinja fote(40). ²² Bwo u Chala amufumia pa bwo malafyale, akisa amunyamusha u Davite ukuba wimalafyale wabo. Wi Chala yuyo akamushimikisha u Davite ukuti, ''namwagha u Davite u mwana wa Jese ukuba mundu wa pandumbula yangu, yuyo ukubomba fyoshi fifyo ngulonda ukuti abombe.' ²³ Ukufuma uluko lwa mundu uyu u Chala abika ku Isilayeli umupoki, u Yesu, isa mumwo akalaghishikisha ukubomba. ²⁴ Bwo u Yesu atafikite, u Yohani akafumushanga isha lwosho lwakupinduka ku bandu wa Isilayeli. ²⁵ U Yohani bwo akumalisha imbombo yake, akati, 'mukwinong'ona ukuti ne wini? Tanene yula. Lole pulikisha, yuyo akwisa panyuma papangu, ndabaghile ukumufula ifilato fyake.' ²⁶ Bowamwitu, namwebana baluko lwa Abulahamu, nabangi pa umwe mwemukumughindika u Chala, twegtwe twe amashu agha aghabupoki ghatumiwe. ²⁷ Pakuti bwo akwikala mu Yelusalemu nabalongoshi babo batakamwaghania, nukukwanilisha amashu gha bakunguluka ghagho ghakubelengiwa ishiku lyoshi ilya nambala seveni(sabata) nukubapa inongwa. ²⁸ Nanga buli batachagha ichifukwa cha lipanishi lya bufwe, bakamusuma u Pilato ukuti bamughoghe. ²⁹ Bwo bamalisha fyoshi ifindu fifyo fikalembiwa chifukwa chachayuyo, bakamwegha ukufuma kwikokwe nukuya ukumwingisha mwipumba. ³⁰ Lole u Chala akashusha ukufuma kubafwe. ³¹ Akisa abonekela amashiku amingi kubandu babo akafuma nabo ku Galileya kuya ku Yelusalemu. Abandu aba apa bokamboni ku bandu. ³² Po utwe tukubabula inongwa inyisa, nipangano lilyo likisa kubotata bitu. ³³ Akisa akwanilisha ku utwe, abana bake, pakumushusha u Yesu. Isa mumwo fisimbiwe mu Masalimo ghabubili: 'We mwana wangiu,umusughu naba netata wake.' ³⁴ Ukuti akamususha ukufuma kubafwed koma ukunyokela sona, u Chala akayugha musila iyi: 'Tise ingupae umwikemo nifisayio fifyo fikalangishiwa kwa Daveti.' ³⁵ Chocho chifukwa akayugha sona mwa masalimo, 'tewise witikishe ukuti umwikemo wako abole.' ³⁶ Bwo u Daveti abomba ifyakulondiwa ifya Chala mukabalilo kangulile yake, akisa afwa; bakamughoneka pamupene nabotata bake umubili wake ghukabola. ³⁷ Lole yuyo u Chala akamususha atakabola hagha. ³⁸ Poleke fimanyikwe ku umwe, mwebowamwitu, ukwendela mumundu uyu afumushiwa uluhobokelo ulwa mbibi. ³⁹ Mwayuyuyu weshi yuyo ⁴⁰ Polole muchebe ni chindu chicho abakunguluka bakayugha pala chitakuboneka kukwinyu: ⁴¹ 'Tesha, mwebakusula umwe, nukuswigha nukukomanika; pakuti ngubomba imbombo mumashiku ghinu, imbombo yiyo tamukise muyisubile, napapo yumo angabafumukisha ku umwe.''' ⁴² Bwo u Pauli nu Banabasi banyamuka, abandu bakabasuma ukuti bayughe amashu ghamughene ghaghagho usabata yo akwisa. ⁴³ Bwo ulukomano lwa musinagogi lwashila, abayuda abingi nababo bakapindukagha bakamukonga u Pauli nu Banabasi, bakababula nukubakomelesha ukuti bendele muchisa cha Chala. ⁴⁴ Usabata wakukongapo, abandu boshi bakabungana mukaya ukupulika ishu lya Chala. ⁴⁵ Bwo abayuida batesha ichilundilo, bakisula nakabini nukuyugha ifindu ifibibi fifyo u Pauli akayughagha nukumutuka. ⁴⁶ Lole u Pauli nu Banabasi bakayugha nubukifu pa bwelu ukuti, ''shibaghilile ukuti ishu lya Chala libe lyabwandilo ukuyugha kukwinyu. Ukuketa ukuti mukalitagha kufuma ku yumwemwesona yumwemwe mukwinong'ona ukuti mutabaghile kubwumi bwabwilanabwila, tesha, titunyokele kuba kuse. ⁴⁷ Pakuti u Malafyale atulaghila utwe, ukuti, 'nabimika umwe kuba bwelu bwa bakuse, ukuti mwise nubupoki kuchisu cha pase.''' ⁴⁸ Bwo bapulika abakuse ifi, bakahoboka nukukwesha ishu lya Malafyale. Isa abingi mumwo wakimikiwa kubwumi bwa bwilanabwila bakasubila. ⁴⁹ Ishu lya Malafyale likasata ichighawa choshi. ⁵⁰ Lole abayuda bakabatutilisha abomayi abakayilo akapamwanya nukubalongosha abalisha abakaya ako. Bakamunyamukila nukumufwima u Pauli nu Banabasi nukubafumia muchighaba chabo. ⁵¹ Lole u Pauli nu Banabasi bakabataghila ulufumbi ukufuma kutulumdi twabo. Po bakanyamuka ukuya kukaya ka Ikoniya. ⁵² Abafundiwa bakisula nu lusekelo numbepo mwikemo.

¹ Mwo bafika ku Ikoniyamu u Paulo nu Banabasi bakingila pamupene mu sinagogi iya bayuda nukwanda ukuyugha boshi abayuda na bagiliki bakasubilagha. ² Lole abayuda babo batakapulikilagha bakanyamusha imyoyo ya bakuse sona bakapangisha imyoyo yabo ukubabila abowamwabo. ³ Po bakikala akabalilo akatali, nukuyugha nubukifu namaka gha Malafyale, mwo abapa ubokamboni bwa mashu gha chisa. Akabapa ichishimikisho cha fiswigho fifyo fikabombiwanga nutukono twa Paulo nu Banabasi. ⁴ Lole abandu bamukaya bakaghawanikana; bamu bakaba kulubafu lwa Bayuda, abingi bakaba ku bafundiwa. ⁵ Boshi abakuse na bayuda (pamupene nabalongoshi babo) bakapanga ukuti bagheliwe nukunyasha sona nukubakoma namabwe, ⁶ lole Mwo bamanya ifi, bakakindila ku Layikoniyani akaya ka Lasitilana Delibe nukushungulila ichighaba chila, ⁷ kuko bakabukilila pakufumusha amashu. ⁸ Ku Lisitila umundu yumo akikala, ukushita ukuba namaka mutulundi twake, ukufuma kwa ng'ina, atakendaghapo. ⁹ Umundu uyu akapulika u Paulo akuyugha. U Paulo akamuketelesha sona akatesha ukuti umundu uyu ali nulusubilo bakwitikishiwa ukuti abe akisa. ¹⁰ Po akisa ayugha nawe umwakukwesha amashu, ''Imilila nutulundi twako.'' Po umundu yula akanyela nukwanda ukwenda ukushungulila. ¹¹ Mwo ichilundilo chaketelesha fifyo u Paulo abomba, bakakwesha amashu nukuyugha muchilayikoniya, ''Utwo chala twika pasi nukwisa kukwitu tuto tuli isa mundu.'' ¹² Bakamwitisha u Banabasi ''Zeus'' sona u Paulo ''Heremes,'' chifukwa akaba mulongoshi wakuyugha. ¹³ Umuputi uwaku Zeus yuyo itemphile lyake likaba kuse kwakaya aka, bakegha abokambaku abakufula ningata mumilyango; umwene nichilundilo bakalondagha ukwikemeshewa. ¹⁴ Lelo mwo abafundiwa, Banabasi nu Paulo, bapulika ifi, bakanyepula imyenda sona mwalubilo bakabuka kuko kukaba ichilundilo, nukwanda ukulila, ¹⁵ ''Bandu, choni chicho mukubomba ifindu ifi? Nutwe twebandu, twe fipeliwa isa mwemwe. Tukubabula amashu amisa ukuti mufileke ifindu fyamwalwe ifi nukunyokela kwa Chala ubabwumi, yuyo akapela ichisu chakumwanya nichapase, ninyanja nafyoshi fifyo fili mumwo. ¹⁶ Mufyinja ifyakale, akitikishanga woshi ukwenda isila ishabo nulwabo. ¹⁷ Lole mupaka nulu, takabalekagha bene ukushita bimilili, mu ifi akamupa ifyisa nukumupa ifula ukufuma kumwanya sona mukabalilo akisa, ukumwisusha indumbula yake nichakulya nulusekelo.'' ¹⁸ Pamupene namashu agha, u Paulo nu banabasi bakapangisha ukuti abandu manye bikemeshe. ¹⁹ Lole abayuda bamu abaku Anthiyoki na Ikoniyamu bakisa nukunyengelela ichilundilo. Bakamutisa u Paulo namabwe sona bakamutishamwo mukaya, bakinong'onagha ukuti afwile. ²⁰ Lole mwo abafundiwa bimilila nukumushungulila, akimilila nu kwingila mukaya. Ishiku ilinine, akabuka ku Delibe pamupene nu Banabasi. ²¹ Mwo ba fumusha amashu amisa mukaya kala nukubapela abingi akuba bafundiwa, bakanyokela ku Layisitila, ku Ikoniyamu, naku Anthiyoki. ²² Bakabukilila ukubalimbikisha abafundiwa imyoyo yabo nukubakasha ukuti babukilishe nulwitiko, ukuyugha ukuti, ''tubaghile ukwingila ku bunyafwale bwa Chala ukwendela mukiuyimba ukwingi.'' ²³ Mwo babasala ukuba balongoshi babo mu chalichi chili choshi, sona bakiputagha nukufunga ukulya, bakaba bakusubaliwa kwa Malafyale, yuyo bakamusubilagha. ²⁴ Po bakenda ku Pisidiya nukwisa ku Pamphyliya. ²⁵ Mwo bayugha amashu ku Peliga, bakilomoka ku Ataliya. ²⁶ Ukufuma kula bakalobosania kuya ku Anthiyoki, kuko bakipeleka muchisu cha Chala pa mbombo yo bamalisha. ²⁷ Mwo bafika mu Anthiyoko nukubungana muchalichi pamupene, bakayugha fyoshi fifyo u Chala abomba nabo, namumwo abighulila imilyango ya lwitiko ku bakuse. ²⁸ Bakikala akabalilo akatrali nabafundiwa.

¹ Abandu bamo bakisa ukufuma ku Yudeya ukuya ku Anthioki nu kubamanyisha abo. Wamwabo, ukuti, ''Pene po mwabutiwa ukuyana ni ndaghilo sha Mose, mutangapokiwa.'' ² Ifi fikamupangisha u Pabuli nu Banabasi ukuba munongwa ingulu nukukangana nabo. Po u Pabuli nu Banabasi, pamupene nabanine ukufuma mukati mwabo,bakasaliwa ukuya ko Yelusalemu pakukomana na batumiba nabosongosongo ukuyana ni busho ili. ³ Po lole, pakut bakatumiwa ni chalichi, bakenda nukupululila mu Fonisha namu samaliya sona nukufumusha isha lupinduko lwa ba kuse. Bakisa nulusekelo ulukulu kubobamwabo. ⁴ Bwo bakwisa ku Yelusalemu, bakapokeliwa naba chalichi sona abatumiwa abasongo nukulingania fyoshi fyo u Chala abomba nabo. ⁵ Abandu bamo bo bakasubilagha, bobakaba ba chibukutila cha ba Falisayi bakima nukuyugha ukuti,'' Chakulondiwa ukuti babutiwe nu ku balaghila ukuti basunge indaghilo sha Mose.'' ⁶ Po abatumiwa nabosongosongo bakabungana pamupene ukuti bendemo mumakani ghala. ⁷ Bwo bendamwo, u Peteli akimilila sona akay`ugha akati kukwawo ''Bo wamwitu, Mukumanya ukuti akabaliro akisa kala u Chala akabika ukusala pakati papinyu, ukuti numulomu wangu abakuse bapulike ishu lyawulumbilili, nukusubila. ⁸ Chala, we kumanya indumbula, akishimikisha ku babo pakubapa umbepo mwikemo, ngati bwo akawombela kukwitu. ⁹ Atakabika ubupambane nawumo pakati pitu na pabawo, bwo ashisuka indumbula shawo mu lwitiko. ¹⁰ Ngapo choni cho mukumughela u Chala, pakuti mubaghile ukufwala ichigholigholi mushingo shaba tumiwa cho abapapi bitu pamu utwe tutabaghile ukunyamula? ¹¹ Lole tukusubila ukuti titukapokiwe ukwendela mu chisa cha malafyale Yesu, ngati mwo bakabela.'' ¹² Ichilundilo choshi chikaba myee bwo chikupulikisha kwa Banabas nu pawuli bakulingania isha fimanyikwilo ni fiswigho fyo u Chala akababombela aba kuse ukwendela mumwabo. ¹³ Bwo baleka ukulingania, u Yakobo akamubula, akati '' Bo wamwitu, pulika kukwangu, ¹⁴ U Simoni akalingania mwo u Chala pabwandilo akabatulila nichisa abakuse ukuti eghemo abandu ukufuma mumwabo ukuba bake. ¹⁵ Amashu gha bakunguluka ghakwitikisha ishi, ukuyana namo shilembiwe, ¹⁶ 'Pabumalilo bwa fyoshi ifi nguya pakughalukila, po nguya pakusenga sona inyumba ya Devidi, yo yikaba; nguya pakwisa nukunosha sona ifisami, ¹⁷ Pakuti abandu bo bakashalikila bamulondeleshe u Chala, ukongania boshi aba kuse bo bitishiwe mungamu gangu.' ¹⁸ Ifi fyofyo umalafyale akuyugha, wini yo abomba shishishi sho shikamanyikwa ukufuma mukabalilo kakale. ¹⁹ Polole ninong'onite pakuti manye tubatamyange bo bakuse bobaghalukile kwa Chala. ²⁰ Lole titubasimbile babo ukuti bepukeko kububibi bwa fifwani, ukufuma kukbulowe nu kulya ingama ya finyamana fyo fyaniongiwa pamu ibanda, ²¹ Pakuti u Mose afumukitwe mutwaya twoshi ukwanda mungulilo shabwandilo sona akulumbililiwa mumasinagogi usabata weshi,'' ²² Po fikabaneka ukuba akisa kubatumiwa nakubakulumba, na kubachalichi boshi, pakusala umuyuda yo wi banabasi, nu silasi, bo bakaba balongoshi babo bamwitu, nukubatuma ku Anthioki nu Pabuli sona nu Banabasi, ²³ Pakusimba ukwendela munyobe shabo, '''Pakufuma kubatumiwa nabakulumba, kubobamwinyu,nakubo bamwitu abakuse aba m anthioki,Siliya,namu Sisiliya; Tukubalamuka! ²⁴ Pakuti tupulikite ukuti abandu bamu bafumitemwo mwitu, kwambula kulamuliwa nutwe, sona babangwanishishe umwe namashu gho ghakubalasa mundumbula shinyu, ²⁵ Chikuboneka akisa kukwitu, twe tuli ninyinongóno shimushene, pakusala abandu nukubatuma kukwinyu pamupene nu Banasi nu Pabuli, ²⁶ Abandu bo bakutamiwa nubumi bwawo panongwa ya malafyale Yesu Kilisitu. ²⁷ Po lole twatuma u Yuda nu Sayilasi, bo tibakabatumile umwe ifindu fimufyene munjugha shabo. ²⁸ Pakuti fikuboneka akisa kwa mbepo mwikemo nakukwitu, pakuti manye tubike umushigho papinyu pakulusha ifindu fyofikulondiwa; ²⁹ mwikanishe ku findu fyo fikemeshiwe kufifwani, ibanda, ifindu fyo finiongiwe, nakubulowe. Pala mwikanisha ukufuma kufindu tichikabe chisa. Shala akisa.'' ³⁰ Po bwo, babafumya, bakisa ku Anthioki; bwo bachibungania ichilundilo pamupene, bakababelengela ukalata. ³¹ Bwo babelenga ukalata, bakasekela panongwa ya kubakasha. ³² U Yuda nu Silasi, nabakunguluka, bakabakasha abo bamwabo namashu amingi nukubakasha. ³³ Bwo bataghapo akabalilo pala, bakabatuma mumutende ukufuma kubo bamwabo nakubo bakabatuma. ³⁴ Lole chikaboneka akisa ukuti u Silasi ashale kulakula. ³⁵ Lole u Pebuli nu Banabasi bakikala mu Anthioki, pakakumanyisha nukulumbilila {pamupene nabanine abingi} amashu gha Chala. ³⁶ Bwo ghakindapa amashiku u Pabuli akati kwa Banabasi,'' isagha tunyokele sona nukkuya pakukomana nabobamwabo mukaya koshi ko tukalumbilila ilishu lya Chala, nukubaketa mo babelile.'' ³⁷ Banabasi akalondagha ukuti bamweghe u Yohani yo wi Maliko nukubuka nawe. ³⁸ Lole u Pabuli akinongóna ukuti chitachisa ukumwegha u Maliko, yo akabaleka mu pamphyilia sona atakabukilila nabo mumbombo. ³⁹ Po ishi shikanyamusha ubushita kupulikana ukukulu, po bakalekana umunine nu munine, lole u Banabasi akamwegha u Maliko bakabuka ku Cyprus. ⁴⁰ Lole u Pabuli akamusala u Sayilasi nukubuka bwo basubiliwa nabobamwabo mu chisa cha Chala. ⁴¹ Po akabuka mu syria nu Cilicia, nukufikashs ifyalichi.

¹ U Paulo akisa sona ku Delibe na ku Layisitila, keta umufundiwa yumo ilyita lyake Timoti akawa kulakula, umwana wa mayi wa chiyuda yuyo akawa wakusuwila lole uwise akawa mu Giliki. ² Abowamwabo wawo wakaba ku Layisitila naku Ayikoniyamu bakayugha ifyisa ifyake. ³ U Paulo akalondagha ukuti abuke nawe, po akamwegha nukumutumula papo abayuda bakabako kubuyo bulabula, sona boshi bakamanya ukuti utata wake akaba mu Giliki. ⁴ Mwo bakubuka bakwenda mutwaya, bakendelagha indaghilo shisho shikapinyiwa nabatumiwa pamupene nabosongosongo babo bakaba mu Jelusalemu ukuti bashikongaghe. ⁵ Po amachalichi ghakakachiwanga mu lwitiko sona inambala yikabalagha ishiku lyoshi. ⁶ U Paulo na banine bakenda mu fighaba fya Pulagiya na Galatiya, papo bakakanishiwa nu mbepo mwikemo ukuti bafumushe amashu mu chighawa cha Asiya. ⁷ Mwo bapalamila ukufika ku Masiya, bakalonda baye ku Bisaniya, lole umbepo wa Yesu akabakanisha. ⁸ Mwo bakupululila ku Masiya, bakaya bilomoka muchigha cha Tilosi. ⁹ Ichisetuka chikamobonekela u Paulo pabushiku: U mundu wa ku Masedoniya akimilila palapala, akasumagha kukwke akatingi, ''Wise ku Masedoniya wise utwafweko.'' ¹⁰ Mwo u Paulo atesha ichisetuka, paponapapo tukinong'ona ukuti tuyye ku Masedoniya, nifundo yakuti u Chala akatwitisha ukuti tuye tubalumbilile amashu. ¹¹ Tukati twenda mubwato ukufuma ku Tilosi, tukenda tukaya ku Samotilase, po ningelo lyake tukenda tukaya ku chighawa cha Nepolisi. ¹² Ukufuma kula tukaya ku Filipi, chicho chikaba chighaba cha Masedoniya, ichighaba chicho chikaba chakulondiwa ngani mukaya kalakala na baloma babo bakachilaghilagha, po tukikala muchighaba chilachila amashiku amingi ngani. ¹³ Pishiku lya pa sabata tukabuka kuse ku lupaso kuko tukinong'onagha ukuti kungaba amalo aghakwiputila. Tukikala pase nukubayughisha abakolo babo bakisa pamupene. ¹⁴ Umukolo yumo ingamu yake Lidiya, yuyo akaghulishanga imyenda ya pepo ukufuma ku chighaba cha Tiyatila, yuyo akamwiputagha u Chala, akatuteghelesha. U Malafyale akighula indumbula yake ukuti apulikishange fifyo u Paulo akayughagha. ¹⁵ Mwo oshiwa, akatusuma akati, ''Pala mwandesha ukuti ne wanaloli pamaso gha Malafyale, sakuno mwise mwikalaghe mu nyumba yangu.'' Po akatunyengelela. ¹⁶ Po shikisa shamanyikwa, mwo tukubuka ku buyo bwa nyiputo, tukakomana numulindu yumo yuyo akaba nimbepo sha bulaghushi. Akisa nu malafyale wake yuiyo akapagha ichuma ichingi ngani ukwisila mubulaghushi bwake. ¹⁷ Umukolo uyu akamukonga u Paulo pamupene nutwe akakolela, akatingi, ''Abandu aba babombi ba Chala uwapamwanya ngani. Bakufumusha kukwinyu isila ya kupokiwa.'' ¹⁸ Akabomba ifi amashiku amingishe. Lole mwo u Paulo akalalanawe, akasanuka akati ku mbepo shila, ''Ngukulamula mangamu ya Yesu Kilisituufumemomumwake.'' Po shikafuma pakabalilo kalakala. ¹⁹ Mwo umalafyale wake atesha ukuti ulusubilo lwabo ulwakukabilamo lwatila, bakamukola u Paulo nu Sayilasi nukubaghusila ku malo ghakughulikisha pamaso gha balongoshi. ²⁰ Mwo bamubika ku mulongi wa nongwa, bakati, ''Abandu aba bakutamya akaya kitu. Wayuda. ²¹ bakafumusha inyiho shisho shitakwitikishiwa nindaghilo sha baloma ukuti bapangaghe.'' ²² Po palapala ichilundilo chikamunyamukila u Paulo nu Sayilasi; abalonga nongwa bakanyepula amaselekesha nukughafula nukubalamula ukuti babakamo nifikoti. ²³ Bwo babakoma ngani, bakababika mu jele nukulamula umulindilili wa jele ukuti abasungilile akisa. ²⁴ Mwo apulikila ulaghilo, u mulindilili akabaponia mukatikati mwa jele nukubapinyilila ngani ifilundi fyabo kufiputula. ²⁵ Pakati paushiku u Paulo nu Sayilasi bakiputagha nukumwimbila u Chala inyimbo, abingi babo bakaba mu jele bakapulikishanga. ²⁶ Mwakunyomosha kukawa akasenyenda akakulu, nukuti ulwalo lwa nyumba yabapinyiwa lukaneng'enagha; papo napapo ifyighi fyoshi fikighuka, sona iminyololo ya weshi yoyo yikaba mula yikasatuliwa. ²⁷ Umulindilili akanyamuka ukufuma kutulo, akagha imilyango ya jele yighukite; akegha ichipeni sona akaba papipi ukuti ighoghe mwene papo akinong'onagfha ukuti abapinyiwa bala bafumitemo. ²⁸ Lole u Paulo akakolela amashu aghapamwanya, akatingi, ''Manye wifulashe wimwene, papo tweshi tulipo.'' ²⁹ Umulindilili akisa akolela ukuti kube ubwelu, akingila mukati, nukutetema nubwogha, akawa pamaso gha Paulo nu Sayilasi, ³⁰ sona akabafumya kuse nukuti, ''Baghindikiwa, imbombe sha choni ukuti imbokiwe?'' ³¹ Bakati, ''Subila mwa Malafyale u Yesu, sona timukapokiwe, uwe nawa munyumba yako.'' ³² Bakamuyughila amashu gha Malafyale, pamupene na weshi munyumba yake. ³³ Po umulindilili akabegha pakabalilo kalakala akabushiku, sona akabasukusha utukono twabo po yuyo na boshi munyumba yake bakoshiwa papo napapo. ³⁴ Po mwo akwisa nu Paulo nu Sayilasi munyumba yake akabapa ichakulya, akasekelela ngani na woshi awa munyumba yake, ukuti basubila mwa Chala. ³⁵ Pakabalilo kalakala pamusi, abalongi bakatuma amashu ku mulindilili, nukuti, ''Baleke abandu abo babukaghe.'' ³⁶ Umulindilili wa jele akatuma amashu kwa Paulo, akati, ''Abalongi batuma amashu kukwangu ukuti imbalekele mubukaghe. Pakabalilo aka fuma kuse, nukubuka mumutende.'' ³⁷ Lole u Paulo akababusha akati, ''Patukoma pakati pa chilundilo kushita kutulonga, napo twe Baloma sona bakatuponia mu jele. Po bakalonda ukuti pakabalilo aka batubweshe kubutitu? Awe! Baleke bise bene batulongoshe pakufuma.'' ³⁸ Abalindilili bakaya bababusha abalongi mwo bapulika ukuti u Paulo nu Sayilasi bakaba Baloma, bakoghopa. ³⁹ Abalonga inongwa bakisa nukupepesha nukubegha ukufuma nabo kuse, nukubabusha ukuti bafumemo mukaya kala. ⁴⁰ Po u Paulo nu Sayilasi bakafuma mu jele sona bakaya ku nyumba ya Lidiya. Mwo u Paulo nu Sayilasi babatesha abowamwabo, bakabalimbikisha nukufumamwo mukaya kala.

¹ Po bwo bendela mutwa twa Amfilipolisi nu Apolomya, bakisa kukaya ka kutesalonika kokukaba abasunagogi abayuda. ² U Pauli ngati bwila akaya kubabo nukuyughisania nabo abosabata batatu ukufuma mumasimbo. ³ Akighula amasimbo nukulingania ukuti chikaba chakwenelela ukuti u Kilisitu atamiwe nukushuka sona ukufuma kubufwe. Akati, ''u Yesu yongufuma kukwinyu weyo wikilisitu.'' ⁴ Abayunda bamu bakikutishiwa nukuba pamupene nu Pauli nu Sila, ukongania pamupene nichilundilo ichikulu icha ba Giliki babo bakipeleka sona nabomayi babo abingi bakalongoshanga. ⁵ Lole abayuda bakushita kusubila, wakupitilila ukwenda nakabini, bakegha abalisha ababibi kufuma ku buyo bwakughulishako, bakabungania ichilundilo pamupene, nukukawika akaya kala muchongo. bakuyibunganila inyumba ya Jasoni, nukulonda u Pauli nu Sila bamufumye ukuya kubandu. ⁶ Lole bwotabagha, bakamuwesela u Jasoni nabanine pamu kubalongoshi bamukaya ukulila, ''Abandu awa baching'anamukila ichisu pase bobisa sona kuno. ⁷ Abandu aba bwo u Jasoni abakupokelabakubomba ukususania nindaghilo sha Siza; bakugha ukuti kuli umalyafyale uyungi------ u Yesu.'' ⁸ Bakachitamya ichilundilo nabalongoshi bakaya bobakapulika ifindu ifi. ⁹ Bwo wegha ubusighilili ukufuma kwa Jasoni na boshi, bakabitikisha ukubuka. ¹⁰ Ubushiku bula abowamwabo bakamutuma u Pauli Nu Sila ku Beliya. Bwo wafika kula, bakingila musinagogi ya bayuda. ¹¹ Po abandu aba bakaba ba pamwanya ukulusha aba kutesalonika, pakuti bakapokela ishu nukwisengania ninyinong'ono shoshi, ukwendamwo mumasimbo ukuti bateshe linga ififndu ifin fyamumumwo. ¹² Polole abingi bakasubila, ukongania abakolo ba ku Giliki nabalisha abingi. ¹³ Lole abayuda aba kutesalonika bo bashimanya ukuti u Pauli akufumusha amashu gha Chala wepe ku Beliya, bakabuka kulakula kuchiyubania nukuchitamya ichilundilo. ¹⁴ Po nakalinga abowamwabo bakamutuma u Pauli ukuya ku nyanja, lole u Sila nu Timoti bakila kulakula. ¹⁵ Boshi bakamulongosha u Pauli bakamweghela kubutali mukaya kabundu baku Athens. Bwobamuleka kuko, bakapokela indaghilo ukufuma kuyuyo indaghilo sha Sila nu Timoti ukuti bise kukwake lubilolubilo kushita kupotwa. ¹⁶ Bwo u Pauli akubalindilila ku Athens, umbepo wake akakala mukati mwake bwo atesha akaya kiswile nififwani. ¹⁷ Po akayughisania nabayuda ishiku lyoshi musinagogi nabangi babo bobamwiputa u Chala, nababo wakaba mwobakaghulisha naboshi babo bakayighiwa ukuti bali kulakula. ¹⁸ Lole sona bamu aba ku Epekyaliyamu nabaku Filoyiki abamanyili ngani bakususania nawe. bamo bakati, ''umulumyana uyu akulonda atubule sha choni?'' Bamo sona bakati, ''ali ngati yumo yuyo akukolela abandu ukuti bakongaghe abo Chala abachilendo,'' chifukwa ukufusha ishu ilya Yesu nukushuka. ¹⁹ Bakamwegha u Pauli nukumubika kwa Elopiyasi, ukuti, "twalonda ukuti ka tutangamanya ichimasho ichipya ichi cho akuyugha? ²⁰ Pakuti akutupa ifindu fimo ifya chigheni ku fyufwo fyuitu. Polole, tukulonda tufimanye ifindu ifi fyo chikung'anamula.'' ²¹ (po boshi aba ku Athens nabagheni bobakilagha kulakula bakatagha akabalilo ukushita ukuyugha chimo pamu ukupulikisha kufipya fimo.) ²² Po Pauli akimilila pakati pa Alopegasi nukugha ukuti, "mwe bandu ba ku Athens, ngutesha ukuti mwe bandu bakwiputa pipipi musila shoshi. ²³ Pakuti mwo ngwenda nukuketelesha ifi fyani fifyo mukwiputamo, ngachagha ichighemo chilembiwe ulu, "kwa Chala yuyo atakumanyikwa.'' Po chomjukwiputa kushita kuchimanya, chocho nisa pakubafumukisha umwe. ²⁴ U Chala yuyo akapela ichisu nifindu fyoshi mumwo, pakuti weyo wi Malafyale wakumwanya na pase, atakwikala mumatemphele ghagho tusengite nutukono. ²⁵ Pamu ukubombeliwa nutukono twa bandu, isa po akalonda fimo papo yuyo mwene akupeleka ubwumi ku bandu nukweshela nifindu fyoshi ifingi fyo filimo. ²⁶ Ukufuma kumundu yumuyuwene akapanga abandu abingi bobakwila pa chisu, nukukaghania utubalilo twake two twimikiwe mumbaka mumwo mukwikala utwaya twabo, ²⁷ ukuti bamulonde u Chala pamu bangaba ninyinong'ono yakwisa kupipi nawe nukumwagha. Pobule atakubutali kwa utwe. ²⁸ Papo mumwake tuli nubumi nukwenda nubundu bwitu, isa yumo uwatupango twinyu, 'pakuti nutwe twe mbeyu yake.'' ²⁹ ''Polole, pakuti twe mbeyu ya Chala, tuleke ukwinong'ona ukuti akayilo aka Chala kali ngati wigolide, pamu usiluva pamu libwe -------- ififwani fyofipeliwe nukufyanikisha nu mundu. ³⁰ Polole u Chala akalekelela utubalilo twa kushita kumanya, lole apa akulamula boshi abandu ukupinduka poshi pala. ³¹ Ichi chocho chifukwa abikite ishiku ilya bulongi kuchisu choshi mubugholofu bwa mundu yuyo amwimikile. U Chala akubika nukushimikisha kumundu weshi pakumushusha ukufuma kubufwe.'' ³² Bwo abandu ba ku Athens bapulika ishakushuka kubufwe, bamo bakamwobela u Pauli; lole abingi bakati, ''tukwisa pakumupulikisha sona amashu agha.'' ³³ Ukufuma apo u Pauli akabuka. ³⁴ Lole abandu bamu bakaba nawe pamupene nukusubila, poka nu Donesiyasi uwa ku Alopega, numukolo yuyo ingamu yake Damalisi,nabangi babo akaba nabo.

¹ Mwo fyenda ifi u Pauli akafuma ku Afenizi ukuya ku Kolinthi. ² Kula akakomana numuyuda yuyo ingamu ingamu yake Akila, umwenikaya wa Ponthasi yuyo akufuma ku Itale numukashi wake Pulinsiya, chifukwa u Kolodiyasi akalaghila abayuda boshi ukufumamwo muloma. U Pauli akaya kubabo. ³ Pachifukwa ichi bakabomba ibizinesi yimuyene, akikala nabo nukubomba, papo bakaba bakupanga amatenthi mubizinesi yabo. ⁴ Po u Pauli akayughisania nabo musinagogi isabata yiliyoshi. Akabanyengelela boshi abayuda naba Giliki. ⁵ Bwo u Silasi nu Timoiti bika ukufuma ku Makidoniya, u Pauli aktutilishiwa numbepo ukushimikisha kubayuda ukuti u Yesu wi Kilisitu. ⁶ Lole bwo abayuda bamususha nukumutuka, u Pauli akabakung'undila akafumbi nukuyugha kakwabo, ''leka ibanda lyinyu libe pa mitu yinyu; une nda ninongwa. ukufuma pano timbuke kuba kuse.'' ⁷ Akafumako kula nukuya kunyumba ya Titasi Jasitasi, umundu yuyo akamwiputagha u Chala. Inyumba yake yikaba kundashi kusinagogi. ⁸ U Kilisipasi, umulongoshi wa sinagogi akasubila mwamalafyale, pamupene nabandu boshi babo akikalagha nabo munyumba yake; abokolishani abingi babo bakapulika ishi bakasubila nukoshiwa ⁹ U Malafyale akayugha kwa Pauli ubushiku muchisetuka, ''koma ukoghopa, lole yugha sona koma ukubamya. ¹⁰ Papo ndinuwe nayumo yuyo tise akunange, indi nabandu abingi mukaya aka.'' ¹¹ U Pauli akikala kula ichinja nimyeshi sikisi, ukumanyisha ishu lya Chala pakati papabo. ¹² Lole mwo u Galiyo ababa mulongoshi wa Achayi, abayuda bakamunyatukila ukususania nu Pauli nukumubika pandashi pabulongoshi; ¹³ Bakuyugha ukuti, ''umundu uyuakutunyengelela ukuti tumwipute u Chala yuyo akususania nululaghilo." ¹⁴ Lole bwo u Pauli ali papipi pakuyugha, u Galiyo akayugha kubayuda, "mwebayuda umwe, linga kuli ififukwa fimo ifyakunanga pamu nongwa, chali chakupulikikwa ukumalana numwe. ¹⁵ Lole pakuti ifindu ifi fyamabusho ghamashu ningamu iyingi nululaghilolwinyu, po ifindu ifi mufigholoshe yamwemwe. Ndakulonda nise ne mulongi wa fifukwa ifi.'' ¹⁶ U Galiyo akisa abafumyapoi pachitengo chabulongi. ¹⁷ Poboshi bakalimbana nu Sositenizi, umulaghili wa sinagogi, nukumukoma pandashi pabulongi. Lole u Galiyo atakapasha fifyo bakabomba. ¹⁸ U Pauli bwo ikala amashiku amingi kulakula, akaleka abobamwabo nukuya ku siliya nu Pulisika nu Akwila. Bwo atanyamukite po isitima yikwimila, Senthiliya, akisa amwa iching'ili chake chifukwa chakulapa kuko akalapa. ¹⁹ Bwobisa ku Efeso, u Pauli akamuleka u Pulinsila nu Akwila kulakula, lole akabuka mwene kusinagogi nukuyughisania nabayuda. ²⁰ Bwo bamusuma u Pauli ukuti ikale nabo akabalilo akatali, akakana. ²¹ Lole abatililapo, akati, ''ngusukwisa sona kukwinyu linga bwighane bwa Chala.'' Po akanyamuka ubulendo bwa ku Efeso. ²² Bwo u Pauli afika ku Kesaliya, akakwela nukulamuka ichalichi cha ku Yelusalemu po akika ukuya ku Anthiyoko. ²³ Bwo atayapo akabalilo kamu kulakula, u Pauli akanyamuka nukwingila mufighabafya Galatiya na Filigiya nukubakasha abafundiwa. ²⁴ Po umundu yumo umuyuda ingamu yake Apolosi, yuyo akapapiwa ku Alekizanda, akisa ku Efeso. Akaba munthu wa kuyugha leka sona wamaka mumasimbo. ²⁵ U Apolosi akisa amanyishiwa mufimanyisho fya Malafyale. Bwo bakwipeleka mwambepo, akayugha nukumanyisha ifindu fyanaloli ukufana nu Yesu, lole akamanyashe ulwosho lwa Yohani. ²⁶ U Apolo akanda ukuyugha nubukifu mu Sinagogi. Lole bwo u Pulinsiia nu Akwilabamupulika, bakamweghela pambali nukumulingamia isila iya Chala umwakupulikikwa akisa. ²⁷ Bwo alonda ukuti endele ukuya mu Achaia, abobamwabo bakamulimbikisha nukubalembela abafundiwa abaku Achaia ukuti bamupokele. Bwo afika, akabatula ngani babo bakasubilagha muchisa. ²⁸ U Apolo akaba namaka ghoshi ukubakanisha abayuda pachilundilo pafyakuyughisania, ukubalangisha ukwendela mumasimbo uktui u Yesu wi Kilisitu.

¹ Shikisa ukuti u polosi akali ali ku Kolinti, u Pauli akapululi muchisu cha mumitu nukwisa mukaya ka Efesasi, po akabagha abafundiwa wamu kulakula. ² U Paulo akat kukwabo, ''Mukapokela umbepo mwikemo po mukitikagha?'' Wakati kukwake, ''Hagha nukupulikashe tutakapulika isha mbepo mwikemo.'' ³ U paulo akati, ''Po mukoshiwa mungamu ya wini?'' Wakati, ''Mungamu ya Yohani umwosho. ⁴ ''Po u Paulo akabamula akati, ''U Yohayani umwosho akoshanga ulosho lwa lupinduko. Akababushanga abandu ukuti basubile mu yuyo akwisa munyuma ukukinda umwene, kokuti, mwa Yesu.'' ⁵ Mwo abandu bapulika ifi, bakoshiwanga mungamu ya Malafyale Yesu. ⁶ Mwo u Paulo abika utukono twake papabo, umbepo mwikemo akisa papabo nukwanda ukuyugha injugha ishingi nukukunguluka. ⁷ Woshi pamupene bakaba tweluvu abalisha. ⁸ U Paulo akabuka ku Sinagogi nukuyugha mwabukifu imweshi yitatu, ukubamanyisha sona nukubanyengelela ifya bunyafyale bwa Chala. ⁹ Lole mwo abayuda bamo baba bakafu sona batakapulikila, bakanda ukugha amashu aghabibi pandashi pachilundilo. Po u Paulo akabaleka nukwegha abafundiwa pamupene nawe, ishiku nishiku akabamanyishanga muchiyumba cha Tilayinasi. ¹⁰ Ishi shikabukilila kwa finja fibili, nukuti boshi babo bakikala ku Asiya bapulike amashu gha Malafyale, woshi abayuda naba Giliki. ¹¹ U Chala akababombeshanga utukono twa Paulo pkupanga ifindu fifyo fitakabako lumo kale, ¹² chicho chikapangisha ukuti nutumyenda utwakwipukutila pamu utumyenda utungi tutwo u Paulo akafyalagha abandu bakabeghelagha ababine sona imbina shikafumagha po sona nimbepo imbibi shikafumagha mumwabo? ¹³ Lole na bayuda babo bakenda kendagha muchikaya. Bakitishanga ingamu ya Malafye Yesu ukuti bangaba namaka pa mbepo imbibi linga bakuyugha, ''Mwa Yesu yuyo u Paulo akufumusha, ingubalamula ukuti mufumemwo.'' ¹⁴ U muputi usongo uwa chiyuda, yuyo ingamu yake akaba wi Sikeva, akaba nabana seveni babo bakabombagha ifi. ¹⁵ Imbepo imbibi yikabamula ukuti, ''U Yesu imumenye, nu Paulo imumenye; lole umwe mwebowini?'' ¹⁶ Imbepo imbibi yiyo yikaba mumundu yikabanyengelela nukubapota sona nukubakoma. Po bakafumamwo sona bakaba ngule nukufulala. ¹⁷ Ifi fikamanyikwa kuboshi, boshi abayuda naba Giliki babo bakikalagha ku Efesasi. Bakisa baba nubwogha, sona ingamu ya Malafyale Yesu yikaba yakughindikiwa. ¹⁸ Nabanine, abingi abitiki bakisagha nukulapa sona nukulongosola ifibibi fyoshi fifyo bakabombagha. ¹⁹ Abingi babo bakapangagha ifyamayele bakegha amaboma pamupene nukupemba pamoso ghaboshi. Mwo babelenga ifyuma fyabo, fifyo fikaba amasiluva fifite sabuzandi. ²⁰ Po amashu gha Malafye ghakasata pabukulu mwa maka ngani. ²¹ Mwo u Paulo amalisha imbombo yake ku Efesasi, akatumula mwa mbepo wake ukuti apululile ku Masedoniya naku Akaniya nukubuka ku Yelusalemu; akati, ''napapo nali kulakula, imbaghile ingakete sona ku Roma.'' ²² U Paulo akabatuma ku Masedoniya babili babo bakamubombelagha, u Timoti nu Elasitasi. Lole umwene akikala tashi ku Asiya pakabalilo akapimba. ²⁴ Pakabalilo kalakala patakaba ichakutangwanisha nachimo mu Efesasi ukukwafania nisila. ²³ Umundu yumo ingamu yake Demetiyasi mupondayi wa filebe, yuyo akapanga ichifwani cha Siluva, utwa ko chala akanandi alatemisi, akisa nifyakughulisha ifyingi ifyakubisa. ²⁵ Po akabungania abakubisa abambombo yilayila nukuti, ''Mwe bandu mukumanya ukuti ubukabi bukufumila pa mbombo shisho tukubomba. ²⁶ Mukutesha nukupulika ukuti, takoku Efesasi kwene, lole namufighaba fyoshi ifya ku asiya, uyu u Paulo akanyengelela nukupindula abandu abingi. akayughagha ukuti utwo chala tutwo tupangiwe nukono tabo Chala. ²⁷ Apo patali ububibi bwene ubwakuti amalonda ghitu tighakomanikaghe, lole ni temphile ilya Chala umukolo Atemisi wepe tabe bambombo, sona ubughindikiwa bwake bukwisa kuba nachimo chimo, yuyo abandu boshi abaku Asiya bakumwiputa na pachisu choshi icha pase." ²⁸ Mqo bapulika ishi, bakisula nubukalale nukulila ukuti, "Umukulu wi Atemisi weyo bapamwanya kutwe ba mu Efeso." ²⁹ Akaya koshi kakisula nukufulungana, sona abandu bakakinda naminong'ono ghamughene muchipinda cha lwangalo. Bakabakola abamanyani babo bakangalagha nu Paulo, Gayasi nu Alisitakasi bwo bakufuma ku Masedoniya. ³⁰ U Paulo akalondagha ukwingila muchilundilo cha bandu, lole abafundiwa bakamukanisha. ³¹ Bope, bamu abaloshi babo bakafumagha ku Asiya babo bakaba bamanyani bake bakamutumila indumi nukumusuma ukuti manye ingilaghe mulwangalo. ³² Abandu bamo bakatukanagha, ichindu chimuchene, abingi ishingi, pakuti ichilundilo chikafulungana. Abingi mumwabo batakamagha nichifukwa chicho bisile pamupene. ³³ Ichilundilo chimo chikamulingania u Alekezanda, yuyo abayuda bakamututilagha ku ndashi. Po u Alekezanda akabatengania abandu nutukono, akalondagha ukuti ayughe amashu aghakwitetela ku bandu. ³⁴ Lole mwo bashimanya ukuti Muyuda, woshi bakakolela ama awala ghabili namashu ghamughene ukuti, "Mughindikiwa u chala Atemisi uwa ba Efeso.'' ³⁵ Mwo umusimbi bamukaya achisumbisha ichilundilo, akayugha ukuti, ''Mwe bandu ba ku Efeso, mundu yuki yuyo atashimenye ukuti mukaya ka Efesaniya kuli umusungilili wa temhpile umughindiwa Alatemisi sona nishifwanikisho chake chikawa ukufuma kumwanya? ³⁶ Mwo batesha ukuti ifindu ifi tafyakukaniwa, mwabaghile ukuba myee nukushita kubomba shimo umwakupulughana. ³⁷ Papo mwisa nabandu aba kubulongelo babo tabaghoghi ba temhpile sona tabakusamula u chala witu umukolo. ³⁸ Po lole, linga u Demetiliyasi nu mubisayi bobakaba nawe bali ninongwa nawe yumo, kubulongelo kuli bwashi sona abalongi baliko. Baleke balongane bene. ³⁹ Lole pala pali fimo ifyakuyughisania, po tuye tukomane kubuyo kuko tukukomanagha bwila. ⁴⁰ Papo naloli tuli pabuyo ubwakuti tungadandabuliwa ukufwana nimiyubayuba. Patalipo nachimo chicho chingandisha ubushita lubatiko, sona tatukakwanishe ukulongosola ifi.'' ⁴¹ Mwo ayugha ishi, akighalila ulukomano.

¹ Bwo umuyubayuba washila, u Pauli akabitisha abafundiwa nukubalimbikisha, akayugha amashu aghakulaghana nabo nukunyamuka ukuya ku Makidonia. ² Bwo endela ifighaba fyoshi nukuyugha amashu ghachimbikisho,akisa ku Gilisi. ³ Bwo ikalako imyeshi mitatu, akagu ka bayuda kakapangiwa aka kusushania nawe bwo alipapipi ukuya Siliya, po akatumula ukunyokela ukwendela ku Makidonia. ⁴ Bo bakwenda nawe pamupene ukufikila ku Asia akaba wi Sopata umwana wa Filasi uwaku Beliya; Alisitakasi nu Sekadasi, boshi babili wakafumila ku bwitiki waku tesalonika; u Geius uwa Debe; u Timoti; nu Tikikasi nu tulofimasi uwa ku Asiya. ⁵ Abandu aba batangile kundashi kukwitu bakutulindilila ku tiloyasi. ⁶ Tukenda ukufuma kui Filipi bopakinda amashiku ghakulya ichibama, sona mu mashiku fayivi(5) tukisa ku tiloyaasi.Kulakula tukikalako amashiku saeveni(7). ⁷ Ishiku ilyabwandilo mwasabata, bwo twabungana pamupene ukumenyula ichibama, u Pauli akayugha ku bitiki. Akabalika ukunyamuka ishiku ilingi, po akendele pakulumbilila mupaka pabushiku pakati. ⁸ Kukaba inyali inyingi muchipinda ichakumwanya kuko tukabungana pamupene. ⁹ Pabwindo pakikala umulumyana yuyo ingamu yake Yutikasi, Akisa apitila ngani. Bwo u Pauli ayugha akabalilo akatali, umulumyana uyu, bwo akali mutulo, akawa pase pakufuma ichipinda ichabutatu nukufwa. ¹⁰ Po u Pauli akisa pase, akisa akupama pamwanya pala, sona nukumofwela. po akati, "koma ukutangwanika sona, pakuti wabumi.'' ¹¹ Akakwela sona akuya kumwanya nukumenyula ichibama nukulya. Bwo ayugha nabo akabalilo akatali mupaka kubuche, akabuka. ¹² Bakisa numulumyana yula wabwumi po sona bakalimbikishiwa pabukulu ngani. ¹³ Utwe tukatangila pandashi pa Pauli nisitima pakuya ku Asosi, kuko tukabatika ukuti tuye tumweghe u Pauli ukwenda nawe paulendo. Ichi chocho wepe akabatika ukuti ende pasi. ¹⁴ Bwo akumana nutwe ku Asosi, tukamwegha nukumwingisha musitima pakuya ku Mitilini. ¹⁵ Tukenda ukufuma kula tukafika ishiku ilingi kulubafu ulungi kukachisu ka panyanja ku Chiyosi. Ishiku lya kukonga tukaya twafika kukachisu kapanyanja ku Samosi, po bwopenda ishiku limulyene kukaya mukaya ka MIletuse. ¹⁶ U Pauli akatumula ukuya ku Efelo, ukuti manye aye atayeko akabalilo mu Asiya; papo akakindililagha kuya mu Yelusalemu pishiku lya Penkhekositi, linga fikaba fipepe ukuti abombe isabubwo. ¹⁷ Ukufuma Miletuse akatuma abandu ku Efeso nukwitish abosongoba chalichi. ¹⁸ Bwo bisa, akayugha nabo, ''umwe mushimenye ukufuma pashiku lya bwandilo bwo ngunyamuka pakuya ku Asiya, namumwo ngutayila akabalilo bwila numwe. ¹⁹ Ngamubombelagha u Mulalafyale nukwiyisha koshi nukulila amashoshi,namungelo shisho shikanaghagha chifukwa cha lubatiko ulubibi ulya ba yuda. ²⁰ Mumenye mumwo ngabukililagha ukubabula ukushita ukupotwa, kufyoshi ifyisa isa mumwo ngabamanyishikisha pa chilundilo na nyumba ni nyumba, ²¹ Ukushimikisha boshi babili abyuda naba Giliki kushakupindukila kwa Chala nulyitiko mwamalafyale. ²² Potesha, ngubuka ku Yelusalemu, ngutumiwa numbepo, ndakamanya chicho chikuya pakunjitila nune, ²³ ukutishako shisho umbepo ukumushimikisha mukaya ukuti iminyololo nindamio fikundindilila. ²⁴ Ndakusaghila ukuti ubwumi bwangu bwakulondiwa ponamalisha ulubilo nukumalisha ububombeli bwongapokela kwa Malafyale u Yesu ukushimikisha ubulumbilili bwa chisa cha Chala. ²⁵ Potesha, imenye ukuti mweshi, kumwe nguibuka ukufumusha isha ubumi, batakwisa ukuchitesha sona icheni chako. ²⁶ Po lole ingubashimikisha umwe kwishiku ili, ukuti ndaninongwa yalibanda lya mundu yumo. ²⁷ Papo ndakuleka ukubabula umwe bwoshi ubwighane bwa Chala. ²⁸ Polole muchebe pamwibene, ning'oshi shisho abapile nukubimika umwe kuba baketeleshi. Muchebe pakutima akisa ichalichi cha Chala, chicho akaghula nibanda lyake. Mumalo mwake nibanda lyake, amapepala aghakale ghakuyugha ukuti, nibanda lya mwana wake. ²⁹ Ishimenye linga nafumapo, abombila abakali bakwisa pakati pinyu batakwisa ukuleka ing'oshi nayimo. ³⁰ Ngumanya ukuti ukufuma pakati pinyu abandu bakwisa ukunyamuka nukuyugha amashu aghabibi nukubaghusa ukuti babakonge babo. ³¹ Po muchebe, mukumbuke ukuti pa fyinja fitatu ndalekite lomo ukubasoka weshi wa umwe pabushiku napamusi namashoshi. ³² Po ngubabika kwa Chala nakwishu lya chisa chake, chochibaghile pakubasenga umwe nukubapa ichilingo pakati paumwe nakuboshi babo belupite. ³³ Ndalilepo indalama ya mundu, pamu ugolide pamu ichakufwala. ³⁴ Umwe mwiwene mushimenye ukuti ngabombagha nutukono twangu nifyakulondiwa fya bandu boshi babo bakaba nune. ³⁵ Mufindu fyoshi ngabapa ichifwanikisho mumwo mungabatulila abafwoke pakwiyula, sona mumwo mungakumbukila amashu ghamalafyale u Yesu, amashiu ghagho umwenecho yuyo akayugha, 'kwalusayo ngani ukupa ukulusha ukupokela.''' ³⁶ Bwo ayugha musila iyi,akafughama nukwiputa nabo pamupene. ³⁷ Kukaba ukulila ukukulu nukumofwela u Pauli nukumufyofyomba. ³⁸ Bakaba nichima leka boshi chifukwa cha fifyo akayugha, ukuti tase bamuteshe sona icheni chake. Po bakamushindikila kusitima.

¹ Bwo twatilako kukwabo nukwanda ubulendo, tukagholoka ukuya kukaya aka Cosi,po pishiku ilingi tukaya mukaya ka Rhodes, po ukufuma pala po mukaya ka patara. ² bwo tukuyagha isitima yikuloboka ukuya ku Fonicha{phoenicia}, tukendelela nubulendo. ³ Bwo ba kabona akaya {cyprus} sayipurasi, baka koleka kukakono aka Shemi akabwato, tukendelela nu bulendo ukuya ku Silya po tukaya twafika ku Tayira, kuko isitima yikayanga pakwisha ifyombo. ⁴ Bwo twabagha abafundiwa, tukikala kulakula pamashiku seveni. Ukwendela mwa mbepo ba kendelela ukumusuma u Pabuli ukuti manye abukeko ku Yelusalemu. ⁵ Bwo amashiku kula ghashila, tukatilako nukubukilila nubulendo, po boshi pamupene nabakashi na bana, bakatukongesha ukufuma mukaya. Po tukisa twafumaghila pa lubafu, nukwiputa. ⁶ Nukwanda nukwanda ukulaghana nabanine, po bakakwela isitima nukunyokela kukaya. ⁷ Bwo twamalisha ubulendo ubwa kufuma ku Tayira, tukisa twafika pa Pitolimasi. Kulakula tukabalamuka abo bamwitu nukwikala nabo ishiku limulyene. ⁸ Pashiku ilingi tukanyamuka nukubuka ku kaisareya. Tukingila munyumba ya Filipu, umulumbili,yuyo akaba wa bamu bala seveni, po po tukikala nawe. ⁹ Po u mundu uyu akaba nabana folo abalindu babo bakakungulukagha. ¹⁰ Mwo tukwikala kulakula amashiku ghamo, akisa isa umundu yumo ilamuka ukufuma ku Yudeya yuyo akaba mukunguluka ingamu yake akaba wi Agapasi. ¹¹ Akisa kukwitu nukwegha ulamba wa Pabuli. nulamba yuyuyu akisa ipinya mutulundi nutu kono nukuti, mwomumwo akuyughila umbepo mwikemo, mwomumwo aba yuda ba mu Yelusalemu bakulisa kumupinyila u mwinecho wa lamba ,po bakwisa kumubika mutukono twa ba kuse.'' ¹² Mwo twapulika ifindu ifi, utwe pamupene nabandu babo bakikalagha mukaya kala kala bakamu sumagha ukuti atakabukagheko ku Yelusalemu. ¹³ Po u Pabuli akamula,''chonicho chicho mukubomba, ukulira nukufulasha indumbula yangu? Papo nitendekeshishe, koma ukupinyigwa kwene lore nukufwila mu Yerusalemu pangamu yamwene u Yesu Kilisitu,'' ¹⁴ Papo u Pabuli atakaba wakuti bangamupusika, po tukabashe mye nukwanda ukuti,'' Leke ubwighane bwa Chala bubombiwe,'' ¹⁵ Mwo amashiku ghapululira, tukanyamula ifyola fyitu nukubuka ku Yerusalemu. ¹⁶ Po kope kulakula tukabuka nabafundiwa bamu ukufuma ku Kayisareya{caesarea}. Bakisa pakatingi Mnasoni, umufundiwa uwa bwa ndilo, yuyo tukabaghila ukwikala nawe. ¹⁷ Mwo twafika mu Yerusalemu, abowamwitu bakatwambilila ni lusekelo. ¹⁸ Pishiku ilingi u Pabuli akabuka nutwe kwa Yakobo, po nabosongo boshi bakabapo. ¹⁹ Mwo abalamuka akababusha chimo chimo ifindu fifyo u Chala abomb mubakuse ukwendela mububombeli bwake. ²⁰ Mwo bapulika, bakamukwesha u Chala, po bakati ku kwake, '' ebe tesha, wamwitu, masabusandi malinga ghagho ghasubila mu ba Yuda. Boshi babikiwo ukuti basungilire indaghilo. ²¹ Bakabushiwa nishako, ukuti kumanyisha aba Yuda boshi babo bakwikala mukati mubakuse ukuti bamuleke u Mose, sona kubabula ukuti manyi babatumulaghe abana babo, sona manyi babombaghe isa mumwo inyiho shikuyughila. ²² Tubombe sha choni? Papo tibapulike pakuti wisa. ²³ Po ubombe shisho tukukubula uwe. Tuli nabandu folo babo bapanganite nukulapa. ²⁴ Mubeghe abandu aba sona mwiyelushe mwibene pamupene nabo, sona mubalipilire, ukuti baye bamwe kumitu yabo. Po weshi akwisa kumanya ukuti ifingu fifyo babushiwe ifya umwe fya bumyashi. Tise bamanyile ukuti numwe mukwikala akisa, mukukonga indaghilo. ²⁵ Lore ukufwana nabakuse babo bitikite tukisa twa basimbila shisho twatumula ukuti biungilire kufindu fifyo bikemeshishe kufifwani, nakwi banda,nakufifyo fifwile fyene, nukufuma ku bwo malaya.'' ²⁶ Po u Pabuli akabegha abalisha, po ishiku lilyo likakonga ikisa iyalusha mwene pamupene nabo. Po bakingila mwa tempeli, nukubalishiwe nukuti ifyabure fibaghile ukubikiwa na aliweshi uwa babo. ²⁷ Mwo amashiku seveni ghaya pakushila, aba Yuda bamu ukufuma ku Asia, mwo bamutesha u pabuli mwa tempeli, bakapembelesha ichilundilo choshi po ba kabika utukono twabo pa pake. ²⁸ Bakakilelagha,'' Bandu bamu Isiliyeli, twafwe. Uyu yomundu yuyo akumanyisha abandu boshi koshi nakoshi ifindu fifyo fikususania na bandu, ni ndaghilo, nubuyo. Palubafu, isile sona naba Giriki mukati mwatempeli po anyasha ubu yo ubu ubwikemo.'' ²⁹ Papo bakamubonapakwanda u Tirofimasi uwaku Efeso ali nawe pamupene mu kaya, po bakinong'onagha ukuti u Pabuli amwingishishe mwa tempeli. ³⁰ Itabuni yoshi yikahoboka, po abandu bakakinda pamupene nukuya pakumukola u Paulo. Bakamufumya ukufuma mutempheli, po imilyango yikighaliliwa papapo napapapo. ³¹ Bwo bakumughesha ukuti bamughoghe, akapango kakisa kamwagha usongo wa balindilili ukuti i Yerusalemu yoshi yili mumu Yuda yuba. ³² Kishita kukaba akegha abashilikali pamupene naba lindiliri nukukinda ukwilamuka ku chilundilo. Mwo abandu bamutesha umulongoshi usongo pamu pene nabasilikali, bakaleka pakumukoma u Pabuli. ³³ Po umulongoshi usongo akapalamila nukumukola u Pabuli, nukulaghila ukuti bamupinye ni minyololo mibili. Po akamubushikisha ukuti winiwe sona choni chicho abomba. ³⁴ Bamu mukati muchilundilo bakakolelagha chimu chene abangi ichingi. Po umulongoshi atakamanya ubwanaloli chifukwa cha muywegho. Akalaghila ukuti u Pabuli bise nawe mukati. ³⁵ Bwo afika pafikanyilo, akisa anyamuliwa na basilikali chifukwa cha mu Yuda wa chilundilo. ³⁶ Po ichilundilo cha bandu chikakongagha mu nyuma nukwendelela ukuywegha ngani, ''malana nawe!'' ³⁷ Bwo u Pabuli bakulonda ukuya nawe kubuyo bwa ba shilikali, akayugha ku mulongoshi usongo, ''ngimba shitikishiwe ukuti ningayugha shimo kukwako?'' Po umulongoshi akati, kuyugha ichigiriki? ³⁸ Ngimba tawewa mu Igiiputi babo akabalilo kamu bakanda ukusambukila nukubalongolela abandu folo sabu sandi babo bakabaghoghela mu lungalangala? ³⁹ Po u Pabuli akati, ''nemu Yuda, ukufumila mu kaya ka Tarsus mu Cilicia, Ne mupapigwa wa kufuma mukaya kako katamanyikiwe akisa. Ngukusuma, nyitikishe ukuti injughe ku bandu.'' ⁴⁰ Mwo umulongoshi amwitikisha, po u Pabuli akimilira pafikanyiro nukubatengania nukubabula abandu ukuti babe mye. Mwo kwaba myee, akayugha kukwabo munjugha ya chi Heberi; Akati,

¹ ''Balumyana nabotata, pulikisha kubutuli bwo nguya pakubapa umwe lululu.'' ² Bwo ichilundilo chapulika u Paulo akuyugha kukwabo munjugha ya chihebeli bakaba myee. Po akati, ³ ''Ne muyuda, mbapiwe mu Talisasi uwa ku Sisiliya, lole manyile mukaya kakaka pafilundi fya Gamaliyeli. Ngamanyishiwa musila ingafu isha mundaghilo sha botata bitu. Nipile kwa Chala, isa mumwo numwe mubelile umusughu. ⁴ Ngafwimiwa musila yiyiyi mupaka kubufwe, ukupinyiwa nukubuka nabo ku jele boshi abalisha na bakolo, ⁵ isa mumwo boshi abalongoshi bapamwanya nabosongosongo bangashimikisha. Ngapokela abokalata ukufuma kukwabo abakufuma kubowamwitu aba mu DSamasika, po ngubuka kula ukuti inje mbeghe nise nabo mu yelusalemu bwo ba[injiwe ukuti bise balangiwe. ⁶ Shikabombiwa mwo ngwenda ukubuka kupipinaku Damasika, pakati pa musi umwakunyomosha ubwelu ubukulu bukabala ukushungulila une. ⁷ Ngawa pase nukupulika ilishu likuti kukwangu, 'Sabuli, Sabuli, choni chicho ukufwima une?' ⁸ Ngamula, 'Wewini, Malafyale?' Akati kukwake, 'Ne Yesu wa ku Nazaleti, yuyo uwe kumufwima.' ⁹ Boshi bo bvakaba nune bakaketa ubwelu, lole batakapulika ishu lya yuyo akayughagha nune. ¹⁰ Ngati, 'Mbombe choni, Malafyale?' Umalafyale akati kukwangu, 'Nyamuka buka ku Damasika kulakula koko kuya pakubushiwa fyoshi fifyo fibatikiwe ukuti uwe ubomnbe.' ¹¹ Ndakaketagha papo ubwelu bukabala ngani, pakulongoshiwa ninyobe sha babo ngaba nabo, ngafika mu Damasika. ¹² Mula mwo ngakumana nu mundu yuyo akitishiwa ukuti Ananiya, uwakwiyipa ukuyana ni ndaghilo sona akayughiwa nabayuda babo bakikalagha mulamula. ¹³ Akisa kukwangu, akima papipi nune, akayugha akati, 'Wamwitu Sabuli, keta sona.' Mukabalilo kalakala ngamuketa. ¹⁴ Po umwene akati, 'U Chala wabotata akusalite uwe ukuti umanye ubwighane bwake, ukuti ukabakete abagholofu, nukupulika ishu ukufuma mumulomo wake. ¹⁵ Pakuti tiukabe we kamboni wake ku bandu boshi ukuyana nafifyo wafiketa nukufipulika. ¹⁶ Ngimba ukulindila ichoni? Nyamuka, oshiwa, nukusuka imbibi shako, pakwitisha ingamu yake.' ¹⁷ Bwo nanyokela ukuya ku Yelusalemu, sona bwo ngwiputa mutempheli, shikabombiwa ukuti nambilile ichisetuka. ¹⁸ Ngamubona akuyugha kukwangu, 'Endelela sona fumamwo mu Yelusalemu nakalinga, papo tebakupulike ubushimikishi bwako ubwa une.' ¹⁹ Ngayugha ngati, 'Malafyale, bope abenecho bakumanya ukuti ngabapinya nukubakoma bala bo bakasubilagha mumwako muma Sinagogi ghoshi. ²⁰ Bwo ibanda lya Sitefani ukamboni wako lyakupuka, nune ngimilila nukwitikisha, sona ngusungililagha ifwalo shabo babo bakamughogha.' ²¹ Lole akayugha kukwangu, 'Buka, papo tingutume kubutali ngani kuba kuse.''' ²² Bakamupulikisha mupaka pabumalilo. Po bakakwesha amashu bakati, ''Mutishemo uyu mu chisu, papo atabaghile ukuti abe kubwumi.'' ²³ Po bwo bakolela, nukutaya imyenda yabo, nukuponia imifumbi mumwanya, ²⁴ u kapitagho usongo akalamula u Paulo ukuti bise nawe kubuyo bwakwikalako abasilikali. Akalaghila ukuti abaghile alalushiwe nukukomiwa ukuti umwenecho mwene amanye choni chicho bakamupomelagha isa bulabula. ²⁵ Bwo bamupinya ningoye, u Paulo akayugha ku mulongoshi yuyo akimilila palufafu, ''Ngimba chakubaghila ukuti umwe mumutamyange umundu yuyo mu Roma sona yuyo atabikiwe lumo pabulongi?'' ²⁶ Bwo umulongoshi apulika ishi, umwene akabuka ku mulongoshi usongo nukumubula, ukuti, ''Tiubombeki? Papo umundu uyu mwenekaya wa Roma.'' ²⁷ Umulongoshi usongo akisa nukuyugha kukwake nukuti, ''Mbushe une, we mwenekaya waku Roma?'' U Paulo akati, ''Inga.'' ²⁸ Umulongoshi usongo akamula, ''ngalipila indalama inyingi ukuti imbe ne mwenekaya.'' Lole u Paulo akati, ''une ngapapiwa mwomukaya ka Roma.'' ²⁹ Po abandu babo bakayanga pakumushikisha bakamuleka nakalinga. Umulongoshi usongo wepe akapasha, bwo apulika ukuti u Paulo akawa mwenekaya wa ku Roma, papo akamupinya. ³⁰ Mwishiku ilingi, umulongoshi usongo akalondagha ukuti amanye ubwanaloli akuyana nubulongi bubwo abayuda bakaba nabo kwa Paulo. Akamusatula ingoye nukulaghila abalongoshi abosongo nichilundilo ukuti bakomane. Po akisa nu Paulo nukumwikasha pakati papabo.

¹ U Paulo akabaketelesha abosongosongo akati, ''Bobamwitu, nikala na malwilwi amisa pamaso gha Chala mupaka ishiku ili.'' ² U muputi usongo u Ananiya akalamula boshi babon bakimilila palapala ukuti bamuchapule pamulomo. ³ Po u Paulo akati, ''U Chala takabakome, umwe mwe mushunguliwe nichibumba icha penthi umwelu. Mukali mukundonga nu lulaghilo, lole mukulamula ukuti ingomwe, umwakususania nululaghilo?'' ⁴ Boshi babo bakimilila palapala bakati, ''Ka momo ukumutukila umuputi usongo uwa Chala?'' ⁵ U Paulo akati, ''Ndakamanya , bobamwitu, ukuti akaba wisongo wabaputi. Pakuti shisimbiwe, manye uyughaghe ifibibi ifyamulongoshi wabandu bako.'' ⁶ Mwo u Paulo ashaghania ukuti ichighaba chimuchene chabosongosongo bakababa kusaduki chimu chikaba chaba bafalisayi, akayugha mwakukwesha mubosongosongo, ''Bowamwitu, nemufalisayi, umwana wabafalisayi. Chifukwa chakuti ndinulusubilo lwakushuka kubufwe ndipakulongiwa.'' ⁷ Mwo ayugha ifi, ukususania kukanda pakati pabafalisayi na basaduki, sona ichilundilo chikaghabingana. ⁸ Pakuti abasaduki bakutyi ukushuka kubufwe kutaliko, abangelo bataliko, sona imizimu yitaliko, loli abafalisayi bakwitika fyoshi ifi ukuti filiko. ⁹ Po ichiwawa ichikulu chikanda, abasimbi bamo babo bakaba muchighaba cha bafalisayi bakimilila nukususha, bakati, ''tutakumwagha nawe nachimo ichibibi umundu uyu. shingaba bule linga umbepo pamu umungelo ayughitekukwake?'' ¹⁰ Mo palapala panyamuka ukususania ukukulu umulongoshi umukulu akoghopa ukuti u Paulo tibamunyapulanie mutughaba, po akalamula abasilikali ukuti bike pasi nukumwegha pamaka ukufuma pakati pabosongosongo nukwisa nawe. ¹¹ ubushiku bulabula u Malafyale akimilila papipi nawe akati, ''utakoghopaghe, isa momwo ukashimishikisha ifya une mu Yelusalemu, po ushimikishe sona mu Roma ¹² Mwo kwacha, abayuda bamu bakayughisania kubutitu bakayugha bakati tabalyange pamu ukung'wa chimo mupaka bamughoghe u Paulo. ¹³ Abandu babo bakapangana kubutitu bakapululila pa fote. ¹⁴ Bakabuka kubaputi abosongo na bosongo bakati, ''twalumbila pabukulu ukuti manye tulya nachimo mupaka tumughoghe u Paulo. ¹⁵ Po panupanu, abosongosongo basume u mulongoshi usongo ukuti ise nawe kukwinyu, isa mumwo mungatumulila inongwa yake akisa ngani. ku utwe, twitendekeshishe ukumughogha mwo akali atisite pano.'' ¹⁶ Lole umwana wa muyemba wa Paulo akapulika ukuti wakughona nukulindilila, po akabuka nukuya ku buyo bwa basilikali nukumubusha u Paulo. ¹⁷ U Paulo akamwitisha yuyo umusilikali usongo akati, ''mweghe umulumyana uyu kwa mulongoshi usongo, pakuti ali nasho shimo ishakuti akubushe. ¹⁸ Po umusilikali usongo yula akamwegha umulumyana yula nukubuka nawe kwa mulongoshi usongo akati, ''U Paulo umupinyiwa anyitishishe kukwake, nukumbusha ukuti nise numumyana uyukukwako. Ali nifyakuyugha fimo kukwako. ¹⁹ U mulongoshi usongo akamukola pakakono nukubuka nawe kubuyo bwabushefu nukumubushikisha, ''Choni chicho ukulonda umbushe une?'' ²⁰ Umulumyana akati, ''abayuda bapulikana ukuti bakubushe uwe ukuti wise nu Paulo ningelo ku bosongo, ngati bakabuka pakumubusha akisa ifya nongwa yake. ²¹ Lole manye wibike kukwabo, chifukwa pali abandu fote babo bali pakumulindilila . Walumbile pabene, ukuti manye balye pamu ukung'wa mupaka bamughoghe. Napakabaliloshe aka bitendekeshishe, nukulindilila ukuti ubitikishe.'' ²² Po umulongoshi usongo akamwitikisha umulumyana yula ukuti abukaghe, mwo amulingania, ''manye umubusha yumo ukuti wisa wambusha ifindu ifi.'' ²³ Po akabitisha babili mu basilikali abosongo akati, ''Egha abasilikali 200 witendekeshe pakubuka kubutali ku Kesaliya, nabandu bambunda sevenite, nabangwebo 200. Tise munyamuke pa kabalilo ka nayini okoloko pabushiku.'' ²⁴ Akabalamula sona ukuti bapeleke ifinyamana fifyo u Paulo angakwanisha pakwendesha, nukumunyamula akisa mupaka kwa Felikisi umulongoshi pamu umulaghili. ²⁵ Po akalemba ukalata isa ulu: ²⁶ Kulodiyasi Layisasi kwa mughindikiwa ngani mulongoshi Felikisi, ngulamuka. ²⁷ Umundu uyu akapinyiwa na bayuda sona bakaba papipi ukuti bamughoghe ngabuka nabasilikali kukwabo ukuti imupoke, pakuti ngamanya ukuti akaba mundu wa ku Roma. ²⁸ Ngalonda imanye ichifukwa chicho bakamupila inongwa, po ngabuka nawe kubosongo. ²⁹ Ngisa namanya ukuti bakamulongagha ifya mabushikisho aghakuyana nindaghilo shabo. Lole patakaba nachimo chicho bakamulonga chicho chikamwenelesha ukuti afwe pamu bamupinye. ³⁰ Po bakisa bambusha ukuti bakapangana ukuti bamughoghe, papo napapo ngamutuma kukwako nukubalingania babo bakamupa inongwa ukuti wise nififukwa fyabo pamaso pako. Mushale.'' ³¹ Po abasilikali bakapulikila fifyo bakalamula. Bakamwegha u Paulo nukubuka nawe pabushiku kwa Anthipatilisi. ³² Pishiku lyabubili, abasilikali abingi bakabaleka abingi babo bakendeshanga imbunda ukuti babuke nawe sona abene bakanyokela ku buyo bwa basilikali. ³³ Mwo bobakendesha imbunda bafika ku Kesaliya nukubika ukalata kwa mulongoshi u Felikisi, bakamubika nu Paulo kukwake. ³⁴ Mwo umulongoshi awelenga ukalata, akababushikisha kuko u Paulo akafumilagha. Mwo ashimanya ukuti akafumagha ku Silisiya, ³⁵ akati, ''Tise ngupulike pala babo bakukulonga bisa panu.'' Po akalamula ukuti asungiwe pakatikati muchisu cha Helodi.

¹ Bwo pakinda amashiku fiyivi, u Ananiya umuputi usongo nabosongosongo bamu nayo akukola ubumi utetulasi bakanda ukumususha nu kuti kwa songosongo chifukwa cha uwe tuli bakufwasa ngani nukuteta kwako kwapandashi kukusa nukuchenja ngani muchisa chitu. ² Bwo u Pabuli anyamuka pamaso gha mulaghili, u Tetulasi akanda ukumulongelela akati kwa mulongoshi,''chifukwa chakuti muli palitengano ulukulu,sona ifyakwinongóna fyinyu fikwisa pakuchenja ku chisu chitu; ³ Nukupalisha koshi tukupokela fyoshi fyo mukubomba, wabomba akisa ngani Felekisi. ⁴ Ukuti manye mbimike mwakubukilila, ngubasuma ukuti mutupulike mwalubiro. ⁵ Pakuti twamwagha umundu uyu ukuti mubibi, weyo akupangisha aba Yuda boshi mu chisu choshi chapasi ukuti basmbukire mulongishi wa chighawa cha Nazareni. ⁶ Sona akaghela pakuyuyula itempeli, po tukamukunga.'' ⁷ Lole u Lasyas, usongosongo akisa nukumwegha pamaka ukufuma mutukono twitu. ⁸ Pala mukumubushikisha u Pabuli pa fya findu fyoshi ifi, tisemumanye ifindu fyoshi fyo tukumulonga. ⁹ Aba Yuda bope bakaba nawo pamupene pakubalonga bakashimikisha ukuti inongwa ishi shikaba shanaloli. ¹⁰ Lole bwo umulongoshi amwitikisha i Sabuli ukuti ayughe, usabuli akamubula akati,'' ngumanya ukuti mu fyinja ifyingi ngani mwali balongi ku chisu ichi, po ngubabusha nusekelo. ¹¹ mungamanya mwibene ukuti patakindite amashiku twelofu ukufuma pongaya pakwiputa ku yelusalemu. ¹² Bwo banyagha mutempeli, ndakasusania nawe yumo, sona ndakapembeleshapo ichilundilo, pamo mu Sinagogi, pamo mukaya. ¹³ Batangapeleka ubumboni kukwinyu ubwa nongwa sho bakundonga. ¹⁴ Lole ngulapa kukwinyu,ukuti musila yo bakwitisha akachalichi ku mupatuko, musila ngati yiyo ngumubombela u Chala wa botata bangu. Ngusubila fyishi fyo fikukolelana ni ndaghilo na fyo fisimbiwe mu bakunguluka. ¹⁵ Indi nu lusubilo lulo ngati bandu aba, ukuti tikukabe ukushuka kwa bandu abisa na babibi {watulanongwa}. ¹⁶ Po ngughesha akabalilo koshi ukuti manye imbe namalwilwi gha bunange pamaso gha Chala na bandu. ¹⁷ Bwo pakinda ifyinja ifyingi ngisa pakupa ifyabupe ku chisunchangu nu kubika ifya kwikemekesha. ¹⁸ Bwo nabomba ifi, umu Yuda yumo awa ku Asia akanyagha ngupanga u lwiho lwa kwiyelusha mu tempeli, atakaba nichilundilo pamu ichiwawa. ¹⁹ Abandu aba ngali bali papipi panu ukuti wandongelele une, pala balinasho shimo. ^{20 21} Pamu, abandu aba bayughe ububibi bwo bakabwagha mu mwangu po ngimilila pakati pa walongoshi ba chi Yuda. Penepo chingaba chifukwa ichi chimuchene ichakuti ngakolera ngani pakati pabo, shakufwana nisha kushuka abafwe sho indi panongwa pakati pinyu. ²² Po u Ufelekisi, yo akamanya ngani isila, akandula ishiku lya nonwa, akati.'' linga u lasiyasi usongo wa bulwe isa ku Yelusalemu, tise indumule inongwa yako. ²³ Po akamulamula umulongoshi wa basilikali ukuti u Pabuli asungiwe mu gadi, lole abe nubwabuke ykuti manye u mumanyani wake yumo akanishiwe pakumwafwa fyo akulonda. ^{24 25} Bwo amashiku ghamu ghakinda u Felekesi akanyokela nu mukashi wake u Drusika, yo akaba mu Yuda, sona akamwitisha u Pabuli nukupulika kukwake ifya lwitiko mwa Yesu Kilisitu. Lole mwo u Pabuli ayughisania nawe ifya bughalofu, ukwikola ,nukwisa kwa bulongi, u Felekesi akisa oghopa sona akati,'' pakabalilo aka bukagha, lole pandashi, pala nakagha akabalilo, tingakwitishe.'' ²⁶ Po akabalilo akasubila ukuti u Sauli ndi amupe indalama yuyo, po akamwitishanga apapipipapipi nukuyughisania nawe. ²⁷ Polelo bo pakinda ifinja fibiri u Poshasi Fesitasi akisa aba mulongoshi{gavana} bo u Felikisi aleka lole u Felikisi akalonga ukuti aghaniliwe naba Yuda, po akamuleka u Pabuli apinyiwe.