To view a copy of the CC BY-SA 4.0 license visit
http://creativecommons.org/licenses/by-sa/4.0/
Matthew
Chapter 1
1
अब्राहामा पोयरो, दाउद पोयरो, ईसु ख्रिस्त ईया (वंशावळवी)
2
पिढी..अब्राहामाल इसहाक वेयो, इसहाकाल याकोब, याकोबाल यहुदा आने तिया पावु वेये.
3
यहुदाल तामारेपने पेरेस, आने जेरह वेया, पेरेसाल हेस्त्रोन, हेस्त्रोनाल अराम वेयो.
4
अरामाल अम्मीनादाब, अम्मीनादाबाल नहशोन, नहशोनाल शल्मोन.
5
शल्मोनाल राहाबेहून बवाज, बवाजाल रूथापने, ओबेद, आबेदाल इशाय वेयो.
6
आने इशायाल दाऊद वेयो, उरीया को अवालीपेने (पत्नी) दाऊदाल शल्मोन वेयो. ७) शलमोनाल रहाब, रहाबाल अबीया, अबीयाल आसा वेयो.
7
शलमोनाल रहबाम, रहबामाल अबीया, अबीयाल आसा वेयो,
8
आसाल यहोशाफाट, यहोशफाटाल योराम, आने योरामाल उज्जीया,
9
उज्जीयाल योथाम, योथेमाल आहाज, आहाजाल हिज्कीया
10
हिज्कीयाल मनश्शे, मनश्शेल, आमोन, आमोनाल योशीया.
11
आने बाबेल देशाम गुलामीन गिये. तिया फासला (समय) योशीयाल यखन्या आने तिया पावु वेया.
12
बाबेल देशाम गुलामीम गिये तिया फासला यखन्याल, शल्तीएल वेयो, शल्तीएलाल जरूब्बाबेल वेयो.
13
जरूब्बाबेलाल अबीहूद, अबीहुदाल एल्याकीम, एल्याकीमाल अज्जुर वेयो.
14
अज्जुराल सादोक, सादोकाल पाखीम, पाखीमाल एलीहूद वेयो.
15
एलीहूदाल एलाजार वेयो, एलाजाराल मतान, मतानालाको. याकोबाल योसेफ वेयो.
16
आन तो मरीयम कौअवाला आथो तियुइने ( तियुपेन) ख्रिस्त आखवाम आलालो, तो ईसु जन्माल आलालो.
17
ईयाप्रमाणे अब्राहामाने दाऊदाहुद आख्यान (बादाज) मिलन चौदा पिढया, दाऊद हयमे बाबेल देशांम गुलामीम गिया तियान लिन ख्रिस्ताहुदी चौदा पिढया.
18
ईसु ख्रिस्ता जन्म, ऐहकी वेयो. तियायाहकी मरीया तियुओ साखरपुडो योयुफा आरी वेलो आथो. तोओ मिलयो नाहा तिया पेलाज तीयुल पवित्र आत्माकी गर्भवती हाय ऐहकी तियान देखयो.
19
मरीयमु कौअवालो योसेफ ओ तियायाहकी नीतीमान आथो. पेन समाजाम तियु बदनाम ( अपमान) नेयवेए ऐहकी तिया इच्छा (विचार) आथो. तियाहाल तियाय थांकेज (दोबीन) (गुप्तपणे) तियुआरी वेलो साखरपुडो तोडा विचार केयो. (निर्णय)
20
तोओ ईसु गोठी विचार केअतालो, ताहा तियाल होपनाम (स्वप्नाम) प्रभुह दुताय दर्शन दिईन
आख्यो. "योसेफ", दाऊदा पोयरा, तु मरीयाल तोओ कौअवाली (पत्नी) मानीले, बियोहो माआ, काहालका तिल जो गर्भ (दिही) रेहलो हाय, तोओ पवित्र आत्माकी हाय.
21
"पोयराल जन्म दि, आने तु तिया नाव येशु थोव. तो आपु माहान तु तिया पापामेने तारीली" (सोडवी)
22
प्रभू वचन (संदेष्याव्दारे) जो आखलो आथो तो परीपुर्ण (पुरो) वेराजोजे, ईयाखातुर ईबादो वेयो एहकी.
23
"वेरा कुवारी दिहीरीईजाय (गर्भवती ) आने पोयराल जन्म दिई आने तियाल इन्मानुएल ई नाव थेवी", इया नावा अर्थ "आमाआरी देव."
24
ताहा तो नीदीमेने उठी, प्रभु दुताहाय आज्ञा देदली आथी, तेहकी योसेफान केयो. तियाय तील तिया अवाली (पत्नी) मानी लेंदी.
25
तेबी पोयरा संबंध नाहा राख्यो आने तियाय तीया नाव ईसु थोव्यो.
Chapter 2
1
हेरोद राजा दिहाम, यहूदीया देशाहाम बेोलेहेम ( गावाम) ईसु देवा जल्म वेयो, तिया फासे ( दिही उगवता) देशामिने ज्ञानी (लोक) यरूशलेम शहराम आवीन, एक विजाल पूछा लाग्ये, काहाका,
2
"यहूदा राजा जन्मलेदलो हाय तो किही हाय. ? आमुह दिही उगता तिया तारो वेयोहो आने तिया पागे पडा आलेहे. (नमन).
3
जाहा हेरोद राजा ई उनायो, ताहा ता आने तिया आरी आखेज यरूशलेम सहर बी गियो.
4
हेरोद राजा आख मुख्य याजकांन आने नियमशास्त्रा हिकवुनारा मास्तरून तिया हान एक जागे टोलवीन तियाहान पुछा लाग्यो का ख्रिस्ता जल्म किही वेनारोओ हाय?
5
ते तियाल आखा लाग्या, "यहूदीया देशाम, बेथलेहेम (गावाम्) काहालका संदेष्ट्याहान ऐहकी लिखी देदलोच हाय का,
6
"ओ बेथेलहेमा, यहूदा देशा, तु यहूदा आखाज अधिकारीयाम सरदाराम हातो ऐहकी नाहा हाय.काहालका तोमने ऐहदो (सरदार) निघी, जोओ माआ इस्त्राएल (लोकाआ) सांभाली..
7
फासे हेरोदा राजाय ज्ञानी लोकाहान दोबीन हादीन, तिया पेन तारो खेरोज किघीही देखायो. तिया वेल पूछी लेदो.
8
तियाय तियाहन बेथलेहेमाल मोकलीन आख्यो, "तुमु जायन तिया पोयराबदल हारकी माहिती केरा, तो तुमाल मिली ताहा, मान आखा काहालका मायभी आवीन तिया पागे पोडेहे"
9
राजा जो आख्यो तो उनायन तेओ तिया वाटील निघी गिये, जो तारो तियाही उगवता वेयो आयो तियाही बेथलेहेम गावाम हुदी तियान देखावता गियो आने ज्ञानी (लोक) हाना बालकाही हुदी पोहची तालुगतिया आगला चालतले.
10
तोओ तारो विना ज्ञानी महान (लोकास) खुब आनंद लागी.
11
फासे ते तिया कौम गिये असने तोओ पोयरो तिया याहकी (माता) मरिअम तियुआरी आयो ऐहकी तियाही यो ताहा निचे विईन तिया पागे पोडे, तियाही तिचा द्रव्या थेल्या उघडवीन होनो (सोनों) उद आने गंधरस ई दाने अर्पन ये..
12
देवाय तियान होपनाम हेरोदाही फासा जाहा मा ऐहकी आख्यो तेसे बिहरी वाटी की तिया देशाम निघी गये मिस्त्र देशाम गिये.
13
तेओ गिये तिया पाचे, प्रभु दुत योसेफाल होपनाम दर्शन दिईन आख्यो, "ऊठ पोयराल आने तिया याहकील (माता) लीन मिसर देशाम नाही जो असने आय तुल आखुताव तिहीज रेओ. काहालका पोयरा घात (नाश) केराखातुर हेरोद राजा तिया होद केनारो हाथ "
14
तियु राती तो उठ्यो, आने पोयराल आने तिया याहकील तियुल लिईन रातमारात ( रातीज) मिसर देशाम निघी गियो.
15
तो हेरोद राजा मृत्यु पावला गियो तावनुग तिहीज रियो, "माय माआ पोयराल मिसर देशामेने हादलो हाय" ऐहकीज जो प्रभु संदेष्टया (भविष्यवक्ता) आखलो तो पुरो वियो.
16
ताहा ज्ञानी माहे आमाने ढोग्यो ई विन, हेरोद राजाल खूब रोग आली. आने जो वेळ तियाय ज्ञानी माहापेने नीट माहिती काडीलेदली आधी, तिया प्रमाणे तियाय बेथलेहेमाम आने आजुबाजु बादान देशामेने, जेओ बेन वराहा आने तियाने कमी वया मोठे महान पोयरे आधे तियान बादाज तियाय माहे मोकलीन तियामपेने माय टाक्ये.
17
यिर्मया (संदेष्टयां)जो आखलो आधो तोओ तिया वेळी पुरो वेयो ते ऐहकी.
18
"रामाही रडुलु आने दुःखीभरी शब्द उनायाम आलो, राहेल तियु पोयरा खातुर आने तिया मानीन तिल सांत्वना नाहा मिले, मिसर देशामने फासा फिरुलु
19
आगला हेरोद राजा मोयगियो तिया फासे वेरा प्रभुह दुत मिसर देशाम योसेफाल होपनाम दर्शन दिईन आख्यो.
20
"उट, पोयराल आने तिया ग्राहकील लिन, इस्त्राएल देशाम जोओ काहालका पोयराल मानारो जिवला जो तलो तो आधो तोओ मोय गेहलो हाय"
21
ताहा तोओ उठ्यो, आने पोयराल तिया याहकील लिन, इस्त्राएल देशाम आलो.
22
फासे अर्खेलाव,ओ तिया बाहका हेरोद तिया, जागाप यहुदीया देशा राज्य केअतालचे आथो, ऐहकी उनायो तो तीही जाओ भिई आने होपनाम देवाय निधी गियो.
23
ताहा नासरेथ नावा गावुम जाईन तोओ (राआ लग्यो) काहालका,"तियाल पासोरी आखी," ई जोओ संदेष्टया आखलो तोओ पुरो वेयो.
Chapter 3
1
बापतिस्मा केनारो योहान तिया दिहाम, यहूदी देशाम जंगलाम अविन, ऐहकी घोषणा केरा लागलो की,
2
"पस्तावो केरा, काहालका स्वर्गा राज्य पाही आलो हाय"
3
काहालका यशया संदेष्ाकी तिया बारेमे ऐहकी आखलो आधो, कोई "जंगलाम घोषणा आखनारा आवाज यो, 'तिया वाट नीट रा.
4
तिया योहाना पोतडे उंटाडा चोटया आथे. तिया कमरात चाबडा पोटो आथो. तिया मांडो तिडे आने जंगलामने रानमध आधो.
5
लाहा यरुशलेम सहरा,आखेज यहूदी देशाआ लिया चादैन खाडीई आनु बाजुओ होगोज जागहामेने मा बेला आले.
6
ते नियालिया पाप कबुल केलला ताहा, तियान लिया हालाकी यार्देन खाडीम बापतिस्मा देतलो.
7
फासे परूशी आने सदुकी ईयामेने अलग अलग नाही तियात्रेला बापतिस्मा खातुर तिया पाही आनता विईन,"तो तियान आखतलो,"ओ विषारी हापड़ा पोयराहा, आवनारो क्रोधामिने तुमनेहाल चतुर केये ?
8
ताहा पस्तावों किन तुमान योग्ये लागी ऐहके काल द्या.
9
आने अब्राहाम "आमा बाहको हाय, ऐहकी एक बिजाल आखा विचार जियातिया मनाम केरा माआ, काहालकी आय तुमाल आजुहु,देवल ईया दगडामेने अब्राहामा खातुर पोयरे उत्पन्न केरोवु शक्ती हाय,
10
आने चाडवा धुबाई आमीज कुवाडो थवलो हाय, जोओ दरएक चाडवो फल देतो नाहा, तेओ शेंडी टाकवा आबी आने आगीम टाकाम आबी.
11
आय तुमा बापतिस्मा पस्तावो केरा खातुर पायाकी कीईहु पेने माआ फासला आवनारो हाय. तोओ आपेक्षा
खुब शक्तीशाली हाम आने तिमा चापले उचलीन चाला खातुर नाय योग्य नाहा, तोओ तुमा बपतिस्मा पवित्र आत्मा के व आगीके केनारो हाय.
12
तिया हाताम तिया हुपडों हाय, तोओ तिया खोलो खुब हारो केरी, आने तिया गहू बोधडीम हेगलावी; पेन भुसो किधीज नेय ओलबानारी आगीम टाकीन बालीदीई योहाना आथा की ईशु देवा बाप्तिस्मो.
13
तिया फासला ईसु गालील देशामेने यार्देन खाड़ीम, योहाना हातावाय बापतिस्मो लाआ खातुरतियापाही आलो.
14
फासे योहान्न तियाहाल उभारे आखतलो, माल तोओ हाता बापतिस्मा लेबुलो गरज हाय, ऐहकि हाय, तेभी तु माझपाही आवतो ई केहकी ?
15
ईसु तिमालआखी देतो, "आमी ई बिईगा दे, काहालका ईयाप्रकारे आखान न्यायीपणा पुरेपुरा केईलये ई आमाल योग्य हाय, " साहा तियाग तो बेरा देदो.
16
फासे ईसु देवा बापतिस्मा लिन, ईसु पायामेने बाअरें आलो आने वेरा तीया खातूर आकाश उघडीगियो ताहा
तियाय देणाआ आत्मा कबुतराहोय उतता आने तियाडले आवता देखयो.
17
आने आकाशामेने आवाज वेयो कोई, "ओ माआ प्रिय पोयरी हाय, ईयाकी आय खुब प्रसन्न हाय"
Chapter 4
1
फासे भुतडावाय ईसुअ परिक्षा वेरा खातुर देवा आत्मा तियाल जंगलाम जिई गियो.
2
चालीस दिही आने चालीस रात, उपवास केयी तिया बादमे ईसुल पुख लागी.
3
ताहा भुतडावाय ईसुअ परिक्षा केराखातुर तियावेला आलो. तो आखालाग्यो. "तु जो देवा पोयरो हाय. तो ईया दगडालं मांडो वेराखातुर आज्ञा के "
4
फासे ईसुअ आख्यो ऐहकी लिखलो हाय काआ, "माहू केवल मांडाकीज जीवी नाहा शकतो ताहा देवा
मुयामेने निघणारो हरऐक वचना वाय जिवी शेकेहे. "
5
फासे भुतडोअ तियाल यरूशलेम तिया पवित्र शहराम लिई गियो, आने परमेश्वरा देवळा टोकाप उभो केयो.
6
आने तियाल आख्यो,"जोर तुअ देवा पोयरो हाय, तर निचे कुदी पड, काहालका शास्त्राम ऐहकी लिखलो हाय. काआ "देवा तिया दुताहाअने तो खातोर आज्ञा केरी, आने तोओ पाग दगडाप पोडे नेय तिया खातुर तोओ तुल तियायाह घताकी चेलीली. "
7
ईसुअ तियाल आख्यो, ऐहकी लिखलो हाय का "तो देव जो प्रभु तिया परिक्षा लेया मा"
8
फासे भुतडाय तियाल एका खुब उंचा डोंगराआप लिई गियो, ताहा तियाल गजतुम आखे राज्ये तियामेने आखे खुबहारे हारे जागा देखव्ये.
9
आने तो तियाल आख्यालागो जाहा तु माआ आगला पागे पाडोताहा, आन माआ उपासना केहयो ताहा इ आखोज आय तुल दिही."
10
ईशुई तियाल आख्यो."ओह सैताना माआपाहीने दूर विई जोओ..! काहालका ऐहकी लिखलो हाय.
11
फासे सैतान ईसुल छोडीन जातोरीयो. देवदूत आवीन तिया सेवा केरा लाग्यो, देव जो तोओ प्रभु तियाज उपासना केओ, आने तियाज पागे पडा".
12
योहानाल जेलुम कोंडी देदोनो हाय, ईअ जाहा ईसुअ उनायो, ताहा, तोओ गालील देशाम तिघी गियो.
13
नासरेथ सोडीन जुबुलन आने नफताली तिया सीमामेने गालीललु फुगाराम राखीन कफर्णहुमाम तोओ जाईन रिईयो
14
यशया भविष्यवक्ता पेला जोओ आखलो आधो, तोओ पूरो वेरा जोजे, तिया खातुर ईअ वेयो जोओ ऐहकी आयो का.
15
"जुबुलून आने नफताली ओ देश, फगारा किनारापेने, यादॅन खाडी तियुवेला प्रदेशाम आने परराष्ट्रीय गालील,
16
जेओ माही आंधाराम बंधले आथे, तियाही, मोटो उजवाडो वेयो, मयजाऊलू देश सावलीम आधे दव प्रदेशाम रेनारे माहाप, "उजवाडो वेलो हाय,"
17
तिया सममुपेने ईसुय उपदेश केरा सुरू केयो, आने तोओ आखा लाग्यो कि, "पस्तावो केरा, काहालकका होरगा राज्य तुमा पाही आलालो हाय." पेला चलाहाने हाद्या.
18
19
20
फासे तो गालीललुम फुगारा पाहीने जातलो आयो, पेत्र आखताल तोओ शिमोन, आने तिया पावु अंद्रिया तियाहन बेन्याहान तियान जालो टाकता देख्यो, काहालका तेओ मासे तेरना आधा. ईसुअ तियान आख्यो, "माआ फासला आवा, काहालका आय तुमने माहे तेनारे बनवेहे. "
21
ईसुअ तिहीने आगला चालतो जातलो आयो ताहा तियाय बिहरे बेनी पावु, जब्बीई पोयरो याकोब आने तिया पावु योहान तियाहने तिया बाहको जब्दी तिया आरी उडीम वेयो, तेओ जाले नीट हारकी केअतला आथा, ताहा तियाय तियाहान हाद्या.
22
ताहा तेअ बेनीभी तुरत तिया उडी आने तिया बाहको तियाल सोडीन तिया फासला गिया ईसुअ बिमार माहान हारे केले.
23
गालील देशाम आखा फिरीन ईसुअ तिया देवळाम जायन हिकव्यो देवाआ राज्य हारी गोठ आखी, आने माहान होगाज प्रकारे रोग, होगाज प्रकार मांदवाडामे बिमारी कमजोरी मेने हारे केये.
24
ईसुअ बदल हारी गोठ आखाज सिरीया देशाम फैलाय गिर्द, फासे जेओ बिमारीमेने खुबी प्रक रोगामेने पिडाले आधे, जियाहान भुतलागलो आयो, जेओ फेफरेकटी आने लखवो वेलो आथे, ऐहकी आखान माहान तियावेला लाआलो आने ईसुअ मियाहान हारे केये.
25
फासे गालील देश, दकापलीस गाव यरूशलेम सहर, यहूदी देश, आने यार्देन खाडी तियुवेला आने आलले माही मोठो टोलो तिया फासला चाला लाग्यो.
Chapter 5
1
जहा ईशुई तियाल माहा टोलाला वेयो ताहा तो उचे डोगापे चढीन तो तिह ऐटा बोटो आयो तिया चेला लिया पाही आला.
2
तियाय तिया मुय उगडाव्यो आणे तियाल हिकव्यो तियाय आख्यो.
3
जे आत्म्याकी लीन ते धन्य हास काहाकी होरगा राज्य तिया हाय,
4
जे शोक केता, ते धन्य हाय काहाकी तिया सांत्वन केराय आवी,
5
जे सौम्य ते धन्य हाय काहाकी तोरती वतनतियन मीली.
6
जे न्यायनिवाडाआ पुखे व पायपीलाग ते धन्य हाय काहाकी ते शामादीनी वेरी,
7
जे दयावान ते धन्य हाय, काहाकी तियाप दयाकेराम आवी.
8
जे अंत करणाआ शुध्द ते धन्य हाय काहाकी ते देवाल वेरी
9
जे शांती केरी ते धन्य हाय, काहाकी तियाल देवा पोयरो आखी.
10
न्यायनिवाडाकेता तिया वोखो वेलो हाय ते धन्य हाय काहाकी होरगा राज्य तिया हाय,
11
जहा लोक माकेता तुम्हा अपमान केला आणे वोखो केरावता आणे तुम्हा विरोध बाठा प्रकारा वाईट लबाडीकी गोगताहा ताहा तुमा धन्य हाय,
12
आंनंद व उतशाह केरा, काहालकी तुमाल होरगाम मोडो तिया फल हाय काहाकी तुम्हा आगला जे संदेष्टे विन गिये तायाहा लोकहाल याच प्रकारे वोखो केयो.
13
तुमा या तोरती खारो हाय, पेन जर खाररङ खारटपण गियो ते फासे केहकी खारूटो केअता आवी, ते तर आगला केल्लाच कामाम नेय आवणारो आणे तो टाकाम आवणारे माहा पागा ऐडा पोडनारो या केतारीह.
14
तुमा या जगा उजवाडो हाय, डोगापे बोठली वोहती दोबावता नेय आवे,
15
आणे दिवो लागवीन तो केडो सीबली ऐटा दोबावतो नाहा उलटो तो दिवो उच्चे भागाम धोवते तेहकी की तो दिवो कोमेने बाठाहाल उजवाडो देहे.
16
तुमा उजवाडो हुबुर या केता उजवाडो द्या की जेहकी ते तुमा हारी कामे वेरा जोजे आणे तुमा बाहको जो होरगाम हाय तिया गौरव केरा जोजे,
17
नियमशास्त्र व संदेष्ट्यआ लेखलो पुस्तक रद केरा आय आलो ऐहकी विचार क्याहा माहा आय ते रद केरा ना पेन ते पुरो केरा आलो,
18
काहाकी आया तुम्हाल खेरो आखु, आकाश आणे तोरती ई नाश वीजाय पेन बाटोकाय पुरो वेयाशिवाय नियमशास्त्रामने ऐकबी काना आणे मात्रा रद वेनारो नाह
19
हा जो केडो याल हानी आज्ञा मेने ऐकदी रद केरी व तिया सारखो लोकहाल हिकवी तियाल होरगा राज्याम तियाल हानो आखी, पेन जो केडो तो पाली आणे हिकवी तियाल स्वर्गाराज्यात मोडो आखी.
20
काहाकी तियाकेता होरगाम आपुकेता संपत्ती थोवा, तियाल आय तुम्हान आखुहू शास्त्री आन परुशी यांआ न्यायीपणापेक्षा तुमा न्यायीपण वाद वेयाशिवाय सोर्गा राज्याम तुमा पेवेश वेणारोच नाहा.
21
खुन केहो माआ ओन जो केडो खुन कहे तो न्यायसभेम शिक्षाल पात्र वेहे’ एहेकी जुना लोकाहान आखलो हाय इ तुमा उनाया हाय.
22
आय तुमान आखुहू जो केडो आपु पावाहाव (हुन्नेज) रोग केहे ता शिक्षाल पात्र वेहे जो आपु पावाल ‘अरे गांडा’ एहेकी आखेहे तो मोडाहा सभेम पात्र वेरी आने जो केडो त्याल ‘अरे मुर्खा’ ऐहेकी आखेहे तो नरका अग्नीम शिक्षेस पात्र वेहे.
23
24
२३) पेन जर तुमा डोवा दोषी वेरी तर तुमा बाटो शरीर आधाराम वेरी, जर तुम्हाकेता वेअनारो उजवाडो ओ काहाकी आधारो हाय, तर खेरोच आधारो कोतह बेरी
25
तो फिर्यादी तो आरी हाय तावुज तीया आरी समेट के, नायता कदाचित फिर्यादी तुल न्यायाधिशा हाथी दी टाकी, न्यायाधीश तुल शिपायांहा आथाम दी आन तु कोंडवाय रेहो.
26
आय तुल खेरो आखुहू सेवटी पोयसा फेकोहो तावलुगू तु तीयामेने सुटणारो नाहा.
27
व्यभिचार मा केहो” ऐहकी आखलो आथेा इ तुमाही उनाले हाय.
28
आय ता तुम्हाण आखुहू, जो केडो एकदा थेयी होवे कामवासनाकी वेहे तीयाय आपल्या अंतकरणाम तीयी आरी व्यभिचार केयोहो.
29
तो हुदो डोवो तुल पाप केरा लागवुतो वेरी ता तो उपटे आन फेकी दे, काहाका ता आखो शरील नरकाम टाकाम आवी तीया पातऱ्यो तो अवयवा नाश वेणु इ तो खातोर हारो हाय.
30
तो हुदो आथ तु पाप केरा लागवुतो वेरी ता तो तोडी टाक काहाका तो पुरो शरीर नरकाम पोडा पातरी तो अवयवा नाश वेणु इ तो खातोर हारो हाय.
31
केडो थेय सोडी देहे तर तीयाय तियुल सुटपोत्रो देवणु आख्योहो.
32
आय तर तुमहान आखुहू , जो केडो आपु थेयील व्यभिचारा कारणासिवाय टाकी देहे, तो तियुल व्यभिचारी केहे आन जो केडो एहेडी टाकली थेयीआरी वोराड केहे तो व्यभिचार केहे.
33
आजी ‘खोटी शोपथ लेहो मा’ तर आपु शोपथा पेरमश्वरा होवे खेऱ्या केअ, ऐहकी जुना कालामेने लोकाहांय आखलो हाय, इ तुमा उनायेहे.
34
आय तुमाहान आखुहू शोपथ ल्याहाज मा, होरगो नाय, काहाका तो देवा आसन हाय.
35
तोरतीबी शोपत मा ल्याहा, काहाका तो तिया पाग थोवणू जागो हाय, यरुशलेमा शोपथ मा ल्याहा, काहाका ती थोर एहेंडा राजांहा नगरी हाय.
36
आपु मुनका शोपथ मा ल्याहा, काहाका तु आपु एकबी किही उजलो नायता कालो की शकतोहो.
37
ता तुमा गोगणु, हा तोर हा आन नाय ता नाय एहकी जोजे, इया पेक्सा वाद तो दृष्टाकी हाय.
38
‘डोवा बोद्दल डोवो आन दाता बोद्दोल दात’ एहेकी आखलो आथो, इ तुमा उनाये वेरी.
39
पेन आय तुमाहान आखुहू दु्ष्टाल ओडवाहा मा, जो केडो हुदा गालाव ठोकेहे, तीया हुंबूर उलटो गाल क्याहा.
40
जो तुमाहाप आरोप लागवीन तुमा पोतडे लीजाई केहे तीयाल तुमा फांगरुबी द्या.
41
आन जो केडो तुमाहान जोबोरदोस्ती की एक कोस ली जाहे तीया आरी तुमा बेन कोस जो.
42
जो केडो तुमाही कावीही मागेहे तो तीयाल द्या, आन जो केडो तो ही उदार मागा केहे तीयाल बोडो देखावोहो मा.
प्रेम व सर्वांगपूर्ण शील
43
आपो शेजाऱ्याहावे प्रेम के आन आपु दुष्मना द्वेश के’ ऐहकी तुमाहान आखलो हाय, ऐहकी तुमा उनाले हाय.
44
आय तुमाहान आखुहू, तुमा आपु वैऱ्याव प्रेम केरा आज जु तुमाहान वोखो केरावतेहे तीयांहा खातोर प्रार्थना केरा.
45
इया खातोरा का तुमा आपु होरगामेने बाहाका पोयरे वेरा जोजे, काहाका तो दुष्टांव आन हारामांहान दिही देखावेहे आन नीतीमानांव आन अनीतीमानांव पांय पाडेहे.
46
काहाका जे तुमाहाव प्रीती केतेहे तीयाहांव तुमाय प्रीती केये ता तुमाहान काय प्रतीफोल मीली ? जकातदार बी तेहेकीज केहे का नाहा ?
47
तुमा आपु पावाहांन जर सलाम केतो वेरी ता तीयाम नोवय तो काय ? विदेसी माहान बी तेहेकीज केतेहे ने ?
48
इया खातोर जेहेकी तुमा होरगामेरे बाहोको परीपुर्ण हाय तेहेकी तुमा परीपुर्ण वेरा.
Chapter 6
1
लोकाही आफ न्याय निवाडो वेरा जोजे काहाकी तुम्हा तुम्हा न्यायनिवाडाआ केलेकाम तियाहुबर केरा नाहा याविषयी राखा, आणे तुम्हाल तुमा होरगामेन बाहकापेन प्रतिफळ मिलनारो नाहा,
2
ताहा तु ज्या टॉईमाप दानधर्म केतो ताहा लोकाहाय आप स्तुती केरा जोजे काहाकी ढोंगी सारखो सभास्थानाम बरोडा आपु आगला तुतारी वाजवते तेहकी केरूलो नाहा, आय तुम्हाल खेरो आखु तियाहाल प्रतिफळ मिललोच हाय,
3
काहाकी जाहा तुमा दान केरा ताहा ते दबाविन केरा तुम्हा हुदो आथ काय केहे ई तुम्हाल उलटो आधाल मालुम पोडा नाहा द्याहा.
4
जेहकी तो दान देतो दबावीन दा जोजे काहाकी तो होरगा आहको जो गुपीत हाय, तो तिया प्रतिफल तुल दिई
5
जाहा तुमा प्रार्थना केतहा ताहा ढोंग्याहोस एहानाहा काहाकी लोकहाल देखाया काहाकी ते सभास्थानामे व रोडा कोपराप उभीरीन प्रार्थना केरा तियहाल पोटे, आय तुम्हाल खेरो आखु की तियाहाल आपु प्रतिफल मिल्लो हाय.
6
पेन तुजाहा प्रार्थना तो ताहा आपु खोलीम जाईन बानो लागवीन ले जो तो ताहा बाहाको गुप्तवासी हा तिया प्रार्थना के ताहा तो होरगा बाहाका जो गुप्तदर्शी हाय तो तुल प्रतिफल दिई.
7
आणे जाहा तुम्हा प्रार्थना केतेह ताहा परराष्ट्रीया लोकहोस चालूच बडबड केरा नाहाकाहाकी आप खब गोगल्याकी आप आखलो उनाय जाई ऐहकी होमजुते.
8
तर तुम्हा तियाहोस नाहा स्थाहा काहाकी तुमाहाल केंडा गरज हाय हे तूमा तियापे मांगा आगला मालुम हाय,
9
ताहा तुम्हा प्रार्थना केते ताहा तुम्हा ऐहकी या प्रकारे प्रार्थना केरा जो जे हे आमा होरगा बाहका तो नाव पवित्र माना जोजे,
10
तो राज्य आवे जेहकी होरगाम तेहकी तोरतीपे तो इच्छा प्रमाणा होस वेरा जोजे,
11
आमा राज्यो मांडो आज आम्हाल दे, जेहकी आमा आमआ ऋण्यास तियाहा ऋणे सोडयो हाय,
12
तेहकी तु आमाआ ऋणे आम्हाल सोड.
13
आणे आम्हाल परीक्षाम लावो नाहा तर आम्हाल तिया दुष्टापने सोडव, काहाकी राज्य सामर्थ्य आणे गौरव बाटो काल तोच हाय."
14
काहाकी जर तुम्हा बीहरा आपराध माफ केहा तर तुमाबी होरगा आबो तुम्हालबी माफ केरी.
15
पेन जर तुम्हा बीहरा आपराध माफ केयो नाहा तर तुम्हा आबो तुमा अपराध माफ केनारो नाहा,
16
जाहा तुम्हा उपास केला ताहा तुम्हा ढोंगी लोकाहोस उदास चेहन्याहा राहा नाहा काहाकी आप उपवास केला हाय ई लोकाहाल देखाडो ते आपु मुख उदास केतेह, आय तुम्हाल खेरो आखु तियाहाल तिया प्रतिफल मिली गीयो.
17
तु जाहा उपवास केतो ताहा आपु मुनकाल तेल लागुव आणे आपु मुय तोव,
18
या केता की, तु उपास केतो ई लोकाहाल देखायानेय जोजे तर तुमा गुप्त आबो वेरा जोजे. ताहा तुमाआ गुप्त बोह तुम्हाल उगडावीन प्रतिफल दीई
19
तुमा तोरतीपे शोताकेता संपत्ती हेगलावीन थोवा नाहा काहकी ओई कसर व जंग लागीजाई तिया नाश वेरी आणे बांड को तोडीन ती चोयन लिजाई होरगा राज्याम महान आखी,
20
हा आय तुम्हाल आखू पंडीत व परूशी याहा न्याया पेक्षा तुमा न्याय पण जाहको वेयाशिवाय होरगा राजु तुमा जानारा नाहा,
21
खुन केहु नाहा आणे जो केडो बी खून केरी तो न्याय निवाडा सभा शिक्षा मीली, ऐहकी जुनालोकही आखलो आई तुमा उनले हाय,
22
आय ते तुम्हाल आखू, जो केडो आपु पाऊपे ऐडोंच रोग केतोवेरी तो न्यायसभाआ शिक्षा वेरी, जो केडो आपु पाऊल गांडा ऐहकी आखी तो मोडा सभाआ मान मिली आणे जो केडो तियाल ऐहकी मुर्खा, ऐहकी आखी तो नरगा कोली शिक्षा पात्र कमली.
23
ताहा तु आपु मानतो ताहा वेदी आगला भोवा लालोवेरी ताहा आपु पाऊहु मोनाम आपुविरूध्द काय हाय ऐहकी तुल तिह ईत आलीका.
24
ताहा आपु मानतो वेदी आगला थोव आणे तु जेहकी आलो तेहकी जो व पेला आपु पावा आरी मिल आणे माफ के ताहा तु आवीन आप मानतो वेदीपे चोडाव,
25
तीयाल आय तुमाहान आखुहू का तुमा आपु जीवनुबोद्दोल कालजी क्याहा नाहा का आपुय काय खाहू आन काय पियुहू का आपु शरिला विषयुम आपु काय फांगू ऐहकी चिंता क्याहा मा. जीव मांडासे आन शरील पोतडोसे वाद महत्वा हाय का नाहा ?
26
वादलामेने पोक्षान व्या, ते पोंअते नाहा, वागरुती नाहा आन ते टोलोबी नाहा केते तेरी तुमा होरगीय बाहााको तीयांहान खांआ देहे. तुमा तीयाहीने खुब मोलवान हाय का नाहा ?
27
आन चिंता कीइन आपु आयुष्या लांबी हाथपोय वादवुणु तुमहामेने केडाल शक्य हाय का ?
28
आन तुमा पोतडांहा विषयाम काहा कालजी केतेहे ? जोंगलामेने फुलांहा विषयी विचार केरा, तें केहेकी वादतेहे ? ते काम केते नाहा आन ती पोतडे विंते नाहा,
29
तेबी आय तुमाहान आखुहू का शलमोन राजो तिया कालाम इयाहोच पिडायो नाहा.
30
तर अल्पविश्वासी लोकाहां जी जोंगली फुले आज हा ती आन हाकाल भोट्टीम टाकाम आवी ते ऐहेंडांन देव बाहाको एहेकी पोतडे पोवेहे ता तीया पेक्सा हारे पोतडे तुमाहान पोवे नाय का ?
31
आमाहाय काय खाहू आन काय पियुहू आन आमही काय फांगूहू एहकी कालजी क्याहा मा.
32
काहाल का इ वाद्या गोठ्या मिलवुणू लगबग परराष्ट्रीय केताहा, काहाका तुमा होरगामेने बाहाकाल तुमा गोरज मालुम हाय.
33
तर पेहेलाने तुमा देवा राज्या आन नीतीमत्वाता मिलवूणू कोशीश क्याआ म्हणजे तीया आरी बाद्या गोठ्या तुमाहान मिली.
34
म्हणुन हाकाला चिंता मा क्याहा काहाका प्रत्येक दिही काय ना काय चिंता लीनुज उजाडेहे, तियाल हाकाली चिंता हाकाल सोताहा केरी, जीया दिहा दुखो ता तीया दिहा खातोर खोब हाय.
Chapter 7
1
बिहरा दोष काडा नाहा ताहाज तुमाहा वी दोष काडाम नाहा आवी.
2
काहाका जेहकी तुमा बिहरा दोष काठते तेहकीच न्यायाकी तुमाहा वी दोष काडाम आवी आने ज्या मापला की तुमा की मोजी देते हे तिईयाच मापलाकी पाछी तुमाल मोजी दा आवी,
3
तु आपो डोवामाने कोचरो नाहा वेअता आपो पाऊ डोओवामने कोचरो काहा वे अतो ?
4
तियाल तोओ डोवामने कोचरो माल काडा दे, ऐहकी तु तो पावाआल केहेळी आखो ? वेओ, तोच डोआवम ते कोचरो हाय.
5
ओ ठोग केअनारा, पेहेले तो डोआमने कोचरो काडी टाक, ताहा तुल तो पावाआ डोआमने कोचरो काठलिओतआ हारो देखाई.
6
जो पवित्र हाय तो हुणाल नाहा टाका आने आपो मोती डुकराआगला नाहा टाका. टाकाहा ते ती तिया पागाथुले चुडीहीकी आने पाछी ती आविन तुमाहान फाडी आकी.
7
मागा ते तुमान देवाम आवी. होदा ते तुमान सापडी कोला ते तुमाहा खातोर उगडाम आवी.
8
काहाका व्हीग्गाम जे मागतेहे तियान मिली जो होदे तियाल सापडी जाय आने जो ठोकेहे तियाखातोर वाआनो उगडाम आवी.
9
तमाम केडो अहडो माआवु हाय, जो आपो पोयरो माडो मागी तियाल दोगडो दी ?
10
नायते तियाई मासो माग्यो आने, तियाई वोदलाम हापडो दी ?
11
तुमा हारा नाहा तेवी तुमाआ पोयरान हायगोठया तुमाआ दा तुमाल होमजाय, ते तुमाहा होरगामने वाहका तुमाहा जो मागते, त्या गोठ्या तुमान कोत्या हाय रि तुमान पुरवी ?
12
ईयाखातोर ज्या गोठ्या लोकाही तुमा खातोर केरा जोजे अहकी तुमान लागेहे त्या होग्ग्या गोठ्या तुमाहा तियाईके अताआ केरा, काहाका नियमशास्त्रा आने सोंदेष्टा हिकवुनु भाग ओच हाय.
13
हाकडा वाआनाकी माजमे जा काहाका नाशापाही जावनु वाआनो मोडो आने सोपो हाय.
14
पेन जिवनुपाही जावनु वाआनो हाकडी वाट दुःखा हाय. आने जिईयाल ती सापडे तो खुप थोडा हाय.
15
खोटा संदेष्टयांईने सावध रा, ते मेंढा रूपाम तुमाहा पाही आवते. पेन खेय आखतो तो ते कोला होस क्रूर हाय.
16
तिईया फोलापने तुमाहा तिईयान ओहखा. काटावाला चाडवाला द्राक्षे लागतेहे का ? आने वेंगा चाडवाल ओजिर लागतेहे का ?
17
तेहकी हारो चाडवो हारो फोलवो देहे, पेन माठो वाडवो माठोच देही.
18
हारा चाडवालो माठे फोलवे नाहा आवनारे आने माठा वाडवाल हारे फोलवे नाय आवनारे.
19
जो चाडवो हारो फोलवो देतो नाहा तो तोडाम आवी आने आगीम टाकी देवाम आवी.
20
ईयाखातोर तियान तुमाहा तिया फोलवापेन ओदखा.
21
माल प्रभु,प्रभु, आखणारे होग्गे होरगाम जाई अहकी नाहा, ते माआ होरगामने वाहका इच्छाकी रिई तियान प्रवेश होगा राजाम वेओरी.
22
तिदी माल खुप लोक आखी, प्रभु, आमाही तो नावाकी संदेश देदो. तो नावाकी पुतडे काडे आने तो नावाकी खुप चोमोतकार के ओया नाहा का ?
23
ताहा माआयु तियान आखेहे, माआयु तुमान ओहखुतो नाहा. अरे खारावगोठया केओनारे, माआ आगलाने चालते माडा.
24
जो केडो माआ आखाला सारखो जिवेहे तो माआहु हारा माहा सारखे हाय, अहडो हारो माआहु आपो को खोडकाप वाधे.
25
पाछी जोरपे पाय पोडयो आने खाडी आली. जोरपे वारो आलो. आदुलाम को सापडी गीयो, तेवी तो पोडया नाहा काहाका तिईया पायो खेडकाप वाधलो आथो.
26
जो केओडो माआ वोचने उनाईन तिईयाप चालतो नाहा, तो माआहु केडा एका मुर्ख माआहासारखो हाय, तिईयाई आपो को रेटाप वादयो.
27
ताहा जोरपे पाय आलो. आने खाडी आली. जोरपे वारो सुटयो. वादलामवाराम तो को सापडी गिईयो आने खेलाय पोडो. इशुही ई होग्ग्या गोठ्या पारवाईन वेया ताहा ओहकी वेयो का, माआहा टोलो हिकवुनी उनाईन चोकीत वी गिईया.
28
काहाका ईशु तिईयान तियाई नियमशास्त्रा शिकवुन नाहा ते अधिकारा वाणी हिकवुन देतलो.
29
कारण येशु तीयाहा तिया नियमशास्त्र हिकवुणारांप्रमाणे नाहा ता अधिकार वाणी की हिकवुतो आथो.
Chapter 8
1
ईशु डोगुलीपने ओठा उततुलो ताहा खुप टोलो तिईया पाछला जा लाग्यो.
2
ताहा वेरा, एक कोडलो रोगी ईियापाही आलो आने तिईयाल पागेपोडीन आख्यो, "प्रभु, तो ईच्छा वेअरी ते माल शुध्द केओरा खातोर तु समर्थ हाय"
3
ताहा ईशुई आपो हाथ आगला कीईन तिईयाल स्पर्श केओयो आने आख्यो, "माआ ईच्छा हाय, शुध्दवी जो, " आने ताहाज तिईया कोडलो हारो वी गियो.
4
पाछी ईशुही तिईयाल आख्यो, केओडाल नाहा आखो; जाईन याजकाल देखाव आने तिईयान सत्या साक्ष पोटा जोजे तिईयाल तो शुध्दीकेअता, मोशेई नेमिदेदली मानतोके
5
ताहा ईशु कफर्णहुम गावाम आलो ताहा एक अधिकारी तिईयाई आलो आने तिईयाल विनंती कोईन आखा लाग्यो.
6
"मासतुऱ्या, माआ नोकर लोखवा की खूप आजारी हाय. आने कोमे पोडी रिईयो . "
7
सुई तिईया आख्यो, माआयु आविन तिईयाल हारो के अहे.
8
ताहा अधिकाऱ्याई उत्तर देदो, "मास्तुऱ्या आप माआ झोपडीम आवा अहका योग्यताआ माअयु नाहा, पेन आपो शब्दच गोगा तेवी माआ नोकर हारो वी जाई.
9
काहाका माई वी एक अधिकारी हाय माआ आथाओठा शिपाई हाय. माआयु एकाला जा आख्यो ते तो जाहे, विहराल आव आखु ते तो आवे, आने माआ दासाल ई केओ' आख्यो की तो केओह "
10
ई उनाईन ईशुल आश्चर्य वाटयो आपोपाडला आवनारा लोकान तिईयाय आख्यो, मायु तुमान खेरो आखु, माल इस्त्राउलाम ओडो विश्वास नाहा सापडयो."
11
माआयु तुमान आखु, पुर्वईने आन पश्चिमेईने खुप लोक आवी. आने होरगा राजाम अब्राहाम, इसहाक आने याकोव ईया पागांतीम वोई ;
12
पेन राजाहा पोअयरे आदाराम टाकी देवाम भावी आवी तिही रोडनु दात किकंडावनु चाली.
13
ताहा ईशुही अधिकाऱ्याल आख्यो, जा, तो विश्वास जेहकी थोव्यो तेहकी तुल मितलो हाय आने तिच घेडी तिईया नोकर हारो वी गिईयो.
14
पाछी ईशु पेत्रा कोमे गिईयो तिईया हावडी वोराकी विमारी पोडली हाय अहकी तिईयाई वेओयो.
15
ताहा तिईयाई तिईयो हाथुल स्पर्श केओयो आने तिईयो वोरो निईगी गिईयो ; पाछी ती उठीन तिईया सेवा चाकरी केओरख्झ लागी.
16
ताहा वाअतीवेल वेओईताहा माआहाई खुप दुष्ट आते लागलो अहडे तिईयापाही लि आले. ताहा तिईयाई पुतुले आपो गोगुलाकीन काडी टाके आने होग्गी विमारी हारी केओई.
17
"तिईयाई स्वतः आमा विमाऱ्या लेद्या आने आमा रोग काडी टाके," अहकी यशया संदेष्टयाई आखला प्रमाणे पुरो वेओरा जोजे तिईयाल अहकी वेओयो.
18
ताहा ईशुही आपो आहीपाही लोक हाय अहकी विईन तिईयान गालीला दोऱ्यातिकानी जा आज्ञा केओई.
19
ताहा केओडो एक शास्त्री आवीन तिईया आख्यो, "मास्तुऱ्या, आपो जिही किही जा तिही मायु तो पाछला आहे."
20
ईशु तिईयाल आख्यो," कोलात दोरे आने वादलामने चिडान कोरू हाय, पेन माआहापोराल आपो मुनको टेकुवन जागो नाहा."
21
पाछी तिईया चोलाईन आणि एक तिईयाल आखा लाग्यो, "मास्तुऱ्या माल मा वाहका मोअनुलागु तिईया पाही रिईन, तिईयाल तिईया मोअनुपाछी वुदिन आवा दे."
22
ईसुई तियाल आख्यो, "तु माआ पाछला आव जे मोय गिईये हाय तिईयान आपो मोअला माआहान अजा दे."
23
पाछी तो उडयामचोडयो ताहा तिईया चेलावी तिईया पाछला चोडी गिईया.
24
ताहा वेरा, दोरयाम मोडो तुफान आलो उडी पायाकी पोराया लागी; ताहा ईशु ते हुतलो आथो.
25
ताहा आविन तियाल उठवीन आखा लागे " मास्तुऱ्या, आमन वाचाड, आमा वुडी जा लाग्या.
26
तो तिईयान आखा लाग्यो, " ओ कमविश्वाश्या तुमाआ काहा वि गिईया ? पाछी तो उठयो आन तिईयाई वाराल आने दोरयाल धोमकाव्यो ताहा ते होग्गे ठाके रिये.
27
ताहा त्या माआहान खुप आश्चर्य वाटयो तिईयाई आख्यो, " ओ केओहडो माआहु हाय वारो आने वादुलोभी ईया गोठया मानते हे.
28
पाछी ते तिकाणी गदरेकरां देशाम गिईये ताहा तिईयान वेन पुतडेलागले कवरामने निगिन आवता मिले; ते खुवुच भयंकर आथे तिईयाल त्या वाटीकी केडालवी जाताना आलो.
29
ताहा वेअराख ते वोवलीत आखा लागे, "हे देवा पोयरा, तु माजमे काहा पोतहो ? नेमीदेदला समयाआगलाच तु आमाल पिडा दा आलो हाय का ?" ३०) तिही तिईयाहीने थोडे दुर डुकरा मोडो टोलो चोअतुलो.
30
तिही तिईयाहीने थोडे दुर डुकरा मोडो टोलो चोअतुलो.
31
पाछी तो दुष्ट आत्मे तिईयाल विनवनी केरा लागे तु आमान काढतो वेओरी ते त्या डुकरा टोलाम मोकली दे.
32
तिईयाई तिईयान आख्यो, "जा" ताहा ते निगीन डुकराम विही गिईये, आन वेओरा तो पुरो डोगाला कोडीपने दौवडुता जाईन दोरया पायाम वुडीन मौय गिईये.
33
ताहा ते डुकरा चारनारे गावाम नाहीपोडे आने तिईयाई जाईन पुतडालागला माआहा गोठाहीने होग्गी गोठ आखी देखाव.
34
ताहावेरा, होग्गो नगर ईशुल मिलाखातोर निग्यो आने तिईयाल गावावारे जाकेता विनंती केओई.
Chapter 9
1
ताहा ईशु उडयाम वोहीन ती तोडी गयो आने पाछी आपो नगराम आलो.
2
ताहा लोकांही लोखवो लागला केओडाएक माआहाल ईशुही लिआले. तो माआहु खटलाप पोडीन आधो ईशुही तिईया विश्वास विईन त्या लोखवा लागलो माहाला आख्यो, पोयास धीर ते तो पाप माफ केओराम आलो हाय.
3
नियमशास्त्राहा मास्तुऱ्याही ई उनामा आने ते एकविजाआरी आखा लाग्या, ओ माहु ते देवा विरूध्द खोटया गोठया की रीईयो हाय.
4
ईशुल तिईया विचार मालुम पोडया तो तिईयान आख्या लाग्यो. तुमाहा मोनाम वाईट विचार काहाल के ओताहा ?
5
काहाका, तुमा पापा क्षमा केराम आली हाय, अहकी आखनु आने उठीन चाला लाग, अहकी आखनु ईयामने केल्ली गोठ सोपी हाय ?
6
पेन माआहा पोयराल तोरतीवने पाप क्षमा केअनु अधिकार हाय, ही तुमान मालुम जोजे तिईयाल, " पाछी ईशुही त्या लखवा लागला माआहाल आख्यो, "उठ ! आप खाछलो उखलीन को जो. "
7
ताहा तो उठीन आपो को गिईयो. ई विईन लोकाटोलो चोकीत विई गिईयो आने ज्या देवाई माआहान ओडयो अधिकार देदो तिईया तिईयाई गौरव केओयो.
8
ताहा ईशु तिहीने आगला निग्यो, ताहा तिईयाई मत्तय नावा माआहाल, व्याजाकी पौसा टोलो के ओतेहे त्या नाकाप वोठलो देख्यो.
9
ताहा ईशुही तिईयाल आख्यो,"माआपाछला आव" ताहा तो उठयो आने तिईया फाचला गीईयो.
10
ईशु मत्तया को मांडो खातुलो ताहा, खुप जकातदार आने पापी तिही आला आने ईशु तिईया चेला तिईया आरी मांडो खा वोठे.
11
जाहा परुश्याई ई वेओयो ताहा निईयाई ईशु चेलान फुस्यो, तुमाहा मास्तु जकातदा आने पापी लोकाहा आरी काहा माडो खाय ?
12
ईशुई तिईयान ई गोगता उनाय लेदो, ताहा तो तिईयान आखा लाग्यो, डाकदुरा गोरोज हारा माआहान नाहा हाय ते जे विमारी हाय तिईयान हाय,
13
मायु तुमान आखु, जा आने ईया अर्थ काय हाय तो हिक ; माल दया जोजे पुजा नाहा काहाका माआयु नीतिमानान नाहा, ते पाप्याल पश्चतापा खातीर हादा आलो हाय.
14
ताहा योहाना शिष्य तिही आला आने तिईयाई फुस्यो, " आमा आने परूशी खुप उपास केओते. पेन तो शिष्य उपास नाहा के अताहा का ?
15
ईशुई तिईयान उत्तर देदो, जाहा वोडलो आरि रेहे ताहा तिईया वोराडयान दुःखाम केहकी रेहता आवी? पेन अहडा वेल आवि जाहा वोडलाल तिईयाई दुर केराम आवी ताहा ते उपास केओरी.
16
केडो नोवा पोतडाव ठिगलो जुना पोतडान लागवुतो नाहा, काहाका तो ठिगलो. पोतडाल काडीटाकेहे नायता मोडो खाड्डो वी जाये.
17
तेहकी नोवो द्राक्षारोस जुना कातडी थैलीम पोतो नाहा, पोरा ते थैली फाटी जाय आने द्राक्षारोस वेराय जाय, तेहकीज नोवो द्राक्षारोसो नोवा कातडी थैलीमुज पो काका वेनीवी टिकीन रिई. "
18
ईशु ई गोठया आखतलो ताहा यहुदद्या सभास्थाना एक अधिकारी तिईयाई आलो आने ईसु पागे पोडीन आखा लाग्यो, मा पोयरी आमीच मोय गिई हाय. पेन अनि आप हात तिईथेप थेवा ते ती पाछी जिवती वी जायई."
19
ताहा ईशु उठीन आपो शिष्याआरी तिईयापाछला जा लाग्यो.
20
ताहा वेरा, वासटीम वारा वर्षाईने रोगतनिगनु अहंडी एक वाई ईशु पाचला आवीन तिईया पोतडाव कोरील हायथ लागव्यो.
21
काहाका तो आपो मोनाम आखतुली, माआयु ईया पोतडानुज हाथ लागवे तेवी हारी वी जाय."
22
ताहा ईशुही पाछला बोलीन तिईयोल विईन आख्यो," वायु धीर ते ! तो विश्वासाकी तुल हारो केओयो हाय." आने ती वाई त्याच टाईमाल हारी वी गीई.
23
पाछी ईशु यहुदी सभास्थाना अधिकाऱ्या को आलो. ताहा तिईयाई पावरी वाळुवणारा आने रोडीन वोलुवणारा टोलाल वेओयो.
24
तीईयाई आख्यो," वाट सोडा, काहाका पोयरी मोअली नाहा, ती हुतली हाय." ताहा ते तिईयाप ओहा लागे.
25
ताहा त्या टोलाल वारे मोकलीन तिईयाई कोमे जाईन तीयो हाथ आपो हाथाम लेदो आने ती पोयरी उठी गिई.
26
आने ई वातमी होग्गा देशाम पोहची गिई.
27
ताहा ईशु तिहीने जातुलो ताहा बेन आदले तिईयापाचला बोबुलुते जातुले आखा लागे, " हे दाविदा पोयरा, आमाप दया केओ."
28
ईशु त्या कोओमे गिई ताहा ते आदले ताईया पाचला माजमे गिईये. तिईयाई तिईयान पोच्यो, माआयु तुमान दृष्टी देहे अहकी तुमा विश्वास हाय का ?" हा मास्तुऱ्या" तिईयाई उत्तर देदो.
29
फासे तीयाय तीया डोहान आथल्यो आन आख्यो, “तो विश्वासाप्रमाणे तो आरी वेय.”
30
आने तिईयान डोवाण देखाया लागी गिईयो. ईशुई तियान आख्यो केडाल आखा नाहा. '
31
पेन ते वारे गिईये आने तिईयाई होग्गा प्रदेशाम तिईया केओला गोठी मोडवाई केओई
32
ताहा ते बेनी तिहीने निगी जातले लोकाई एक मुला, पुतडालागला मा आहाल ईशुई लि आले.
33
जाहा ईशुही पुतडो काडी टाक्यो ताहा तो मुको पेहले मुको आथो तो माआहु गोगा लाग्यो. लोकाहाल तिईया आश्चर्य वाटयो ते आखा लागे, इस्त्राएलाम ईयाआगला अहकी कीदीच वेराम आलो नाहा.
34
पेन परूशी आखा लागे, ओ पुतडा अधिपती मदतीकी पुतडे काडेहे.
35
ईशु तिईया सभास्थानाम हिकवुन देतुलो आने राज्या सुवार्ता घोषना केअतुलो, आने होग्गा प्रकारच्या रोग आने विमारी हारो केअतुलो, होग्गा नगराम आने होग्गा गावाम फियो.
36
आने ताहा तिईयाई लोकाहा टोलो वेओयो ताहा तियाल तिईया किवा कि आली. काहाका ते चिंताकी पोराले आने मेंढरावखल्यो नाहा अहंडा मेंढाहोस ते दुर - दुर वेओले अहडे आथे.
37
तिईयाई आपो शिष्यान आख्यो," पाकलो खेरोखे आहे, पेन कामारे थोडे हाय.
38
तिईयाल पीका मालकाल प्रार्थना केरा, तिईयाई आपो पीका केओता कामारे मोकलावा जोजे.
Chapter 10
1
पेन ईशुय तिया वारा चेलाहान तिवाही हाद्या आन तियाय तिईहान पुतडे काडी टाकनु आन बादी जाती रोग दुःख हारे केअनु अधिकार दे दो.
2
त्या वारा प्रेषिताहा नावे ई आथे पेअलो शिमोन जियाल पेत्र आखतले तो आन तिया पावुहु अंद्रिया जल्दी पोयरो याकोव आन तिया पावुहु योहान.
3
फिलीप्प वर्शलमय थोमा आन करपट्टी उकलनारो मत्तय अल्फी पोयरा याकोव आन.
4
तहय " शिमोन कनानी आन जियाय ईशुल तिई देदलो तो यहूदा इस्कायत.
5
ईशुई तिया बारा चेलाहान एहकी आखीन मोकल्यो का, जे माहे परमेश्वराल बोखुते नाहा तियाहाम जाहा मा. आन शमरोनी माहा केल्लाज शेहराम जाहा मा.
6
ता इस्त्राएला कुडलामने मेढाहा होच टाकाय गेहला लोकाहाम जा.
7
तुमा जाहा ताहा तियाहान ऐहकी आखीन संदेश या, " का होरगा राज पाही आलोहो.
8
दुख्याहान हारे केअंजा, मोअलाहान जिवते केओजा, कोडलाहान हारे केओजा, पुतडाहान ओडी काडजा, तुमहान फुकट मिल्योहो ईयाखोतोर तुमाली फुकट देजा.
9
तुमा होना चांदी नेता तांवा पोयसा केारामेने पटाम माअ लेता.
10
आन तुमा जाहा ताहा जे पोवले पोतडे आन पागुमेने चापले तोतेहेज ली जाजा. आजी बिहरी पोतडे चापले पिशवी आन लाकडी ल्याहा मा. काहाका काम केल तिया मोजर मिलीज.
11
तुमा जाहा केल्लावी सेहराम गावाम जाहा ताहा तीही केल्लो माहु हारो हाय ईया होद काङजा आन विहरा गाबुल जावन टाईम आवे तावलुगू तिईयाहीज रेजा.
12
जाहा तुमा ती कोअमे जाअहा ताहा शांती एहकी आखजा.
13
जर ती कोअमेने मसही तो शांती योग्य वेरी ता तुमा नाय बेरी ता तुमा शांती तुमाही फासे फिरि आवी.
14
आन जो केडो तुमाहान हादे नाय आन तुमा आखल्या गोठया उनाय नाय तहा तियाहा गावामने नेता शहरामने वारे निगाह ताहा तुमा पागालने उदलो पोटकी टाकजा.
15
आन आय तुमाहान खेरो आखुहु त्या न्याया दिहया दिहि त्या शेहरापेक्षा सदोम आन गमोराल खुव सोपो जाय.
16
जेहकी तोरसां मिचमे मेढाल मोकलुलो तेहकी आय तुमाहान मोकली रियोहो, ईया खातोर तुमा हापडा होच चतुर आण करता होच चोख मोना वेअजा.
17
पेन तिया माहाहीने हाचबिन रेजा ते तुमनेहेम न्याय केअनारा लोकहान तीई दी आन तुमनेहन ते भक्ती केअनु जागाप चापकाहाकी ठोकी.
18
आन तुमा मा चेला हाय ईया खातोर ते तुमनेहेन अधिकारी आन राजा हुंवुर लि जाय. आन तुमा तियाहा आगला आन विहिरी माअहा आगला मा वोद्दल साक्षी आखाहा.
19
जाहा तुमहान तिई देवृलाम आबि ताहा काय गोगु आन केहकी गोगु या चिंता मा केराहा. काहाका तुमा काय गोगा जोजे तो तुमनेहेन ताहाज होमजाय जाय.
20
काहाका गोगनारा तुमा नाहा पेन तुमा परमेश्वर वाहका आत्मो तुमहाम रिईन गोगी.
21
पाबहु पावाहा विरूध्द आन वाहको कतिया पोयरा विरूध्द उठीन मांय टाकाखातार विहिरा लोकाहा होपो दी पोयरें बाहाकी आन वाहका विरूध्द उठीन तियाहान माय टाकावी.
22
मा नावा खातोर वादा लोक तुमा विरूध्द करी पेन शेवटीवलुग जो विश्वासाम टिकी रिई तो वाचाय जाय.
23
एका गावाम तुमाहान जाहां तारास दी ताहा तुमा विहिरा गांवाम नाही जाजा, आंय तुमाहान खेरोज आखहुं, माअहा पोयरो फाचें आवहें ताबलुगु इस्त्राएल देशामेने गांवाहांम तुमा फिरी नांव पारवानारा.
24
" चेलो तिया गुरूसे मोडो नाहा, आन आवायो तिया मालकासे मोडो नाहा.
25
चेलो तिया गुरू हो वेरांज जोजे. मालिकाल तियाहाय बालजबुल एहेंकी आख्याता तिया कोअने बिहिरा माअहान ते केहेंकी नाय आखनारा !
26
तुमा तियाहान वियाहा मा. काहाका उगडो नाय वे एहन्डो कायुज बुजलो नाहा हाय. आन मालुम नय पोडे एहन्डो काविहीज दोवलो नाहा.
27
जो आय तुमाहान आंदाराम आखहु तोअ तुमा उजबाडाम आखजा आन जो तुमा कानाहांकी उनाताहा, तोंअ तुमा उँचा जागावे उनी रिईन आखजा.
28
जे लोक शरिराल माय टाकताहा पेन आत्माल माहा नाहा सेकता तियाहान वियाहा माअ. तियाहासे जो परमेश्वरा आत्माल आन शरिरल नासकी सेकहे, तियाल बिड़जा.
29
वेन चिडे एका रूप्या वेचतेहे का नाय ? ते बी तुमा परमेश्वरा वाहका मोरजीवाची तियामेने एक वी चिडो तोरतीवे टुटी नाहा पोडतो.
30
आन तुमा मुनकापेने चोअट्टो बी मोजले हाय. ''
31
खुप चिडाहासे तुमा किंमती हाय. इयाखतोर बीयाहा मा.
32
जो केडो वी मान माअहा आगला मानी ली तियाल आय बी मा होरगामने वाहका हुंबुर मानी लेहे.
33
पेन जो केडो वी मान माअहा हुंबुर माने नाव तियाल बी आय मा होरगामने वाहका हुंवुर नाय बोअखु.
34
तुमा एहकी मा होमजा हा का माय तोरतीप शांती लीन आलोहो. आय शांती पÎस्थापीत केरा नाहा पेन आय तारवा चालवा आलोहो.
35
आय एकी कोअने माअहान जुदे जुदे केराखातार आलोहो. पोयराल तिया वाहका विरूध्द. पायरिल तियो वाहकी विरूध्द बोबडील तीयु हावडी विरूध्द केरावा खातोर आलोहो.
36
सोवताहा कोअनेज माअहे तिया दुष्मन वीजाय.
37
जो केडो मांसे तिया याहकी आन बाहको बाद मोया केअहे. तोअ मां खातोर काबिज काम्यो नाहा. आन तेहकीज जो केअडो मा से बाद तियाहा पोयराप आन पोयरिप बाद मोया केअहे तो मा खातार कायज काम्यो नाहा.
38
जो केडो सोबताहा क्रुसखांव निईन मा फाचाडी आवतो नाहा, तो मा खातार काबिज काम्यो नाहा.
39
जो केअडो सोवताहा जीव वाचावेहे तोअ तिया जिव गोमावी, पेन जो मा खातार जीव गोसावी तो तिया जिव वाचवी ली.
40
जो माहु तुमाहाल मानी लेहे तो मान मानी लेहे, आन जो मान मानी लेहे तोअ तिया परमेश्वरा वाहाकाय मान मोकल्याहो तियाल मानी लेहे.
41
जो केडो परमेश्वरा निरोप्याल, परमेश्वरा निरोप्यो हाय एहकी जायन मानीली, तियाल परमेश्वरा निरोप्या फल तिली, तियाल धर्मा माअहाल फल मिली.
42
आंय तुम्हाल खेरीज आखहु, केडो वी ईया हानाम हानाल मां चेलो हाय एहेंकी जायन एकुज गिलास पांय पाजी तेवी तियाल तिया फल नक्कीज मिली."
Chapter 11
1
जाहा ईशु तिया वारा चेलान ऐ गोठया आखी पारवाया, ताहा तोअ तिहीने निग्यो आन गालील प्रांतामेने सहेराहांम फिरिन परमेश्वरा हाय गोठया आखीन हिकवा लाग्यो.
2
पांयाहाकी वाप्तीस्मा देनारो योहानाल जेलुम कोंडलो आथो, तिही तियाल ख्रिस्ता कामा वोल मालुम पोड्यो, ताहा तियाय तिया चेलाहान ईशुही मोकल्या.
3
तियाहांय तियाल फुच्यो, "जीया ख्रिस्ता आमा वाट जोवताहा तो तुज हाय का, का आमा विहीरा बाट बेअजी "?
4
ईशुई तियाहान आख्यो, " जो तुमा उनाताहा आन वेअताहा तो जायन योहानाल आखजा.
5
आंदले वे अतेहे, पांगले चालतेहे, कोडले हारे वे अतेहे, बेरे उनातेहे, मोअले माहि जिवते वेअतेहे, गरीब माअहान परमेश्वरा गोठया आखतेहे.
6
जो माअहु मा वादल गोठया उनायन मोनाम विहीरा विचार नाहा केअतो तो सुखी हाय."
7
''फांचे ते आगाडी जाहला तांहा ईशुई लोकाहान योहाना बोहल आखा लाग्यो, "तुमा डोगाम काय बेरा गेहला? बारो ओहवे तांहा आलहे तोंअ पाथडो वेरा का ?
8
तुमा काय बेरा खातोर गेहेला ? हारम हारो पोतडो पोवलो माअहाल वेराखातोर गेहला का ? हाराम हारे पोवले माही राजा मेहलाम रेतेहे.
9
तुमा काहाल डोगाम गेहला ? परमेश्वरा निरप्याल बेरा का? हा, आंय तुमाहान आखहु, "परमेश्वरा वाद निरप्याहांसे तो मोडो हाय."
10
तिया बोहल एहेकी लेखलो हाय." तो तोअ खातोर बाट तियार फेरि.
11
आय तुमहान खेरोज खाऊहु. इया दुनियाम वाईपेटे जोल्मुलो जो वाप्तीस्मों देनारो योहान इयासे मोडो माहांम केडोज नाहा पेन स्वर्गाम जो वादासे हानो हाय तो तियासे मोडोहाय.
12
जो वाप्तीस्मो केनारो योहान आधो ती दयाहालने ता आज लुगू स्वर्गा राज्याप आक्रमन वि रियोहो. आन आक्रमन केअनारे ते पेंदी लेते हे.
13
काहाका पेहला नेज योहान आलो ताव लुगु परमेश्वरा संदेष्टा आन नियमशास्त्रा या भविष्य आखलो.
14
जर तुमा ते गोठया माना तियार बोई ता जो आवनारो एलिया तो ओज हाय,
15
तियाल कान हाय तो उनाय
16
इ पिढी लोकाहान आय केडा होच एहकी आखु ? जे पोयरे वाजाराम वोहीन तियाहा हेंगात्याहान हात केअतेहे, तियाहां होच इ पिढी हाय.
17
ते पोयरे आखतेहे, आमाहितुमा खातार खुषी की बाजंत्रे बाजवे जेवी तुमा नाच्या नाहा. आन तुमा खातोर आमाही दुःखा गिते आख्ये तेवी तुमा रोडया नाहा.
18
योहान कायुज खायन पिइन नाहा आलो तेवी ते आखताहा याल काल्यो पुथ लागलो हाय.
19
माहा पोयरो खातो पितो आलो इयाखातार लोक आखताहा. "देखा ओ खादाड आन पिड़नारो हाय, ओ करपट्टी उकलावनाराहा आन पापी लोकाहा हेंगात्या हाय, पेन ओखाल आपू कामांहाकी हारो हाय का. माठों हाय, तिया पुरावा देहे."
20
ताहां तिया सेहेराम ईशुई वादाहासे बाद चमत्कार केअला. तिया संहरामने लोकाहांय पासतावो नाहा केअयो इयाखातार तियाहान दोष देदो.
21
ओ खोराजिना सेहरामेने लोकाहांय तुमाहान हाय हाय, ओ वेध सैदा सेहेरामने लोकाहांय तुमाहान हाय हाय, काहाका तुमाहाम जे चमत्कार केया ते आय फिनीशीया देशामेने सोर आन सिदोन सेहेरामने लोकाहाम केअतोता. तिहिने लोक ताहाज तुरूतुज डिलापसे फाटले पोतडे वेटाली लिईन, खाआवा ठेराप वोहिन पासतावो केअता.
22
पेन आय तुमाहान आखुहु."न्याया दिनी सोर आन सिदांन सेहेरामने लोकाहान सोपो जाय.
23
ओ सेहेरा जुग जोतोहो उँचो हाय तोअतो तु उँचो वेरा मागातोहो का ? तु ता पातालाम निचे उती जाहोका ! जे चमत्कार मायुव इही केअया ते जर आंय सदोम सेहेरामने केअतोता. तो आजलुगु टीकी रेतो.
24
आ तुमहान आहु, न्याया हयाहा दिही तुमा से सटोम सेहेरामने लोकाहांन सोपो जाय."
25
फाचे ईशुई ऐहकी प्रार्थना केअहे." ओ परमेश्वर वाहका. जुग आन तारती प्रभु, आय तो आभार मानुहु काहाका तुंयुय ऐ गोठया खुव हिलला आन ओकलीवाला लोकाहांहीने दोवावी थोवीन. तुयुंय जियाहा मान हाना पोयराहा होच हाय तिवाहान देदया.
26
हा ओ वाहका. तुयुय ई खुव हारो केअयो काहाका तुल ई गोमलो.
27
फाचे ईशुई आख्या मां परमेश्वरा वाहकाय वाटोज मान होपी देदला हाय, वाहका सिवाय पोयराल केडोज वोअखुतो नाहा, आन पोयरा पाची केडोज वाहकाल वोअखुतो नाहा,
28
ओ थाकला आन वोजाहाकी दावला लोकाहांय. तुमा आदे माईही आवा. आय तुमहान आराम देहे.
29
आंय नंम्र आन गरीव मोना हाय. तुमा मा जुहरो ली लेजा आन मापने हीकी लेजा ताहा तुमाहान आराम तिली.
30
काहाका मां जुहरो सोपो आन मां बोजो ओलको हाय.
Chapter 12
1
जाहा ईशु आन तिया वारा चेला शव्वाथ दिही एका खेतामने जाहला. तांहा तिया चेलाहान पुख लागी आन ते खेतामने कोअहे तोडीन खां लाग्या.
2
तो विईन यहुदी जाती लोकाहामने परूशी लोक तियाल आखा लाग्या, " देख शव्वथ दिही जो नाय केरा जोजे तोअज तो चेला की रिवाहा.
3
तियांय तियाहांन फुच्या; दाविद राजाल आन तिया आरी माहीं आथे तियाहांन पुख लागली तियाय काय केअला ? इ तुमांहाय शास्त्राम नाहा वाच्यो का ?
4
तो परमेश्वरा मंदीराम गियो आन मंदीन अर्पन केला मांडो जो याजका शिवाय केडालुज खावुलो अधिकार नाव आधा त्या तियाही केहकी खाद्या.
5
तुमाहाय नाहा वाच्या का, शव्वाथ दिया दिही मंदिराम सेवा केअनारो याजक मंदिराम काम केअहे, तो नियम तोडहे ते वी तोअ केहेंकी दोषी नाहा रेतों.
6
पेन आय तुमहान आखुहु मंदिरासेवी मोडाम मांडो हाय तो ईही हाय.
7
शास्त्राम लेखलो हाय. मान अर्पन नाय (जनावरे माअवीन तिया रोगांत पाडुलाकी मान खुशी नाहा मिलती) पेन मान दया गोमेहे. ईवा अर्थ तुमा होमजी लेताता. तियाहा चुक नाहा तियाहा हारा लोकाहान दोष नाय लागवुता.
8
काहका माअहा पायरो शव्वाथ दिहया वी प्रभु हाय.
9
फांचे ईशुई तिहीने निगीन यहुदी लोकाहा भक्ती कॅनु पाँगाम गियो.
10
तिही एक आअहु आथो तिया आथ हुकाय गिहिलो आथो. ताहा यहुदीलोक ईशुल चुकीम सापडावा खातार तियाल फुचताला? दुःखी माहाल शव्वाथ दिया दिही हारो केअनु इ नियमाहाकी हारो हाय का नाहा ?"
11
ईशुई तियाहान आख्या. तुमाहावेने केडाप वी एकुज मेंढा हाय आन शव्वाथ दिया दिही तो खाडांम पोडी गियो ता, तुमा तियाल खाडांमने वारे नाय काडाका.
12
मेंढा से वी माअद्दु कोओतावी किंमती हाय, तियाहाल दुःखी माहाल शव्वाथ दिया दिही हारो केअनु नियमशास्त्र परवानगी देहे."
13
फाचे ईशुई आथ लांवो केअ; तियाय तोअ आथ लांवो केअयो ताहा तिया विहीरा आथा होच ओ आथ वी एकदम हारो बी गिया.
14
ताहा परूशी लोक वारे जायन ईशुल केहेकी माय टाकूहु इया वद्दल तिया तियाहांज ठाकज विचार केरा लाग्या.
15
परूशी लोक काय वी रिया इ ईशुल मालुम आथो, तियाखातोरे तोअ भक्ती केअनू पाँगामेने निंगीन जाहलो ताहा खुवुज लोक दुःखी आधा तिवाहान तियाय हारे केअये.
16
आन तियाय तियाहान हारकी होमजावीन आख्यो, तुमा मा वादल गोठया विहिरान मा आखाहा.
17
परमेश्वरा निरप्या यशया की जो वचन आखलो आथो. तोअ पुरो वेरा खातोर एहकी आख्यो.
18
'' देखा ओ मा सेवक झ्याल मायुय निवडूला हाय, आय इयावे माया किअहु. इयाकी आय खुश हाय, आय मा तियावे मोकलेहे, तोअ दुन्यामेने लोकाहान परमेश्वरा न्याया गोठया आखी.
19
तोअ केडआरी चुलानोरो नाय. वॉवलुनारो नाय, तिया आवज वाटिपने माअहे उनायनारे नाय.
20
तोअ न्यायाल हारी ली तांबलुग. वुरू काठकी मुडनारी नाय. आन वाय वोलनारा दिवाल ओलवुनारो नांय.
21
विहरे माहे तीयाप आशा थोवी. ईशुप जो सामर्थ हाय तो परमेश्वरापणे हाय.
22
ताहा लोक एका माआहाल ईशुही ली आला. तियाल पुतडाय आंधलो आन मुको केअलो. तिवाल हारो केअयो ताहा तो गोगा आन वेरा लाग्यो.
23
तो विईन वादा लोकाहान नांवाय लागी ते आखां लाग्या, " दाविदा जातीमेने जिया आपु वाट जोवताहा तो ख्रिस्त ओज नाय का?"
24
लोक ऐहकी आखताला तो उनायन परूशी लोक आखा लाग्या काल्योपुत (वालजवुल) पुतडाहा मोडो अधिकारी हाय, तिया आधाराकी ईशु पुतडे काडी टाकेहे. "
25
ताहा तियाल विचार जाय लिईन तियांय तियाहान आख्यो, केललो वी फुट पोडली राज्य उजाड वी जाहे आन केललो वी फुट पोडलो सेहेर नेता पोंगा टिकतो
26
आन जर काल्यापुत पुतडाहांन काडी टाकहेता. तीया तियाहांमुत विरोध वी जाणारि फाचे तियाहा राज केंहकी टिकणारो.
27
आय 'काल्यापुता अधिकारांकी पुतडे काडी टाकुहुता. तुमा पोयरे केंडा आधाराकी पुतड काडते हैं? इयाकी तुमा लोकुज तुमा चुक्या काडी.
28
पेन आय परमेश्वरा आत्माकी पुतडे काउहुंता परमेश्वरा राज तुमाही आवी गियोहो इ नक्कीज होमजी लेजा.
29
तेहकज केडो वी केलला वी पेलवान (सोकतीवाला माअहा) कोअ चोरी केरां गियांता, पंअला तिया पेलवानाल वांदी टाक पोडनारो ताहाज तोअ तिही चोरी की सेकनारो.
30
जो केडो वीमा आरी नाहा तोअ मा विरूध्द हाय, आन जो केडो वीमा आरी हेंगलावतो नाहा तोअ खागा वागा केअनारो हाय.
31
इया खातार आंय तुमाहांन आखहु, मांअहु वादी जाती पाप आन निंदा केरी तिया माफी मिली पेन पवित्र आत्मा विरूध्द जो माअंहु निंदा केरी तिवाल माफी नांय मिलनारी.
32
एगदो माअहां पोयरा (मा) विरूध्द निंदा केरी तियाल तिया माफी मिली जाय, पेन केडो वी पवित्र आत्मा विरूध्द निंदा केरी तियाल तिया माफी नाय मिलणार या युगावी नाही आन आवनारा युगाम बी नाहा.
33
हारा चाडवा हारो फल, माठा चाडवा माठों फल एहेंकी तुमा चाडो हारो केअरा काहाका चाड तिया फलापेने ओअखायेहे.
34
ओ हापा पिलकाहांय, तुमा खोडा हायता हाच्या गोठया केहंकी आखी सेकनारा? जो मोनाम पोअलो हाय मुवावाटे निंगहे.
35
हारो माअहु मोनामने हाच्या गोठया का अहेडे. आन खोटो माअहु, तिया खोटा मोनामेने खोटया काडहे.
36
आजी आय तुमाहांन आखंहु का केलाले वी माअहु जे खोटया गोठवा गोगी. तिया हिसाव तियाल न्याया दिही दां पोडी.
37
काहाका तु तो गोगुलापेन निर्दोष होमजावह आन तु तो गोगुलापणेज दोषी वी होमजाव.
38
जाहा शास्त्री आन परूशी लोकहाय ईशुल आख्या, " ओ गुरू, तु ख्रिस्त हाय तियाल आमाहांन पुरावा देखाव."
39
ताहा तियांय तियाहान आख्यो, "इया पिठी खेटा आन परमेश्वरा आरी तियाहां संवध हारो नाहा एहेंडा लोक चतत्काराकी पुरावा मागताहा, पेन तियाहान परमेश्व निरोप्यो योना निशाणी शिवाय, विहिरी निशाणी देता नाय आवणारि.
40
योना जेकी तीन दिही आन तीन रात मांडा मासा डेडीम आथो तेहकीज, मरअहर पायरो (आय) वी तारती देडीम तीन रात आन तीन दिही रहे.
41
परमेश्वर जाहा इ दुनिया न्याय केरि. ताहा निनवे सेहरा माहि उठीन तुमा विरूध्दाम गोगी ते तुमनेहेन दोष लागावी काहाका योना आखल्या गोठ्या मानीन तियाहाय पश्चताप कीन मोन फिराव्या. पेन आमी तुमाहाम योना से वी मोडो केडो तेवी हाय.
42
न्याया दिही शवा राणी इयां पिठी लोकाहां आरी उठीन इयाहा विरोधाम गोगी.काहाका शलमोन राजा ओकली गोठया उनाय खातार ती तोरती शेवटया सेडहिंन आलली. देखा, इही जो हाय तो शलमोना से वी मांडो हाय.
43
पेन जाहां दृष्ट आत्मो माअहामेने वारे निंगी जाहे. ताहां तो जिही पाय नाहा रेतो एहेंडा जागाहांम आरामा जागो होदतो फिरहे जागो तियाल मिलतो नाहा.
44
ताहा दृष्ट आत्मों आखहे, जिहीने आय निंगी आलोहा, तिहीज मा कोअमें आय फाचे जाहाय, जाहा तिही तो आलो ताहा. तो पाँगो तियाल हारो साफसुफ केअलो, रिकामा आन सोवतो केअलो देखायो.
45
फाचे तो वारे निंग्यो आन तीवासे वी खाराव एहंडे सात पुतडें आरी ली आलो. आन ते वादा आविन तिया माअहांम रेतहां तांहा तिया माअहा दशा पेअला से खुवुखाराव वी जाहे. तेहकीज इयो खोटी पिठी वेरि.
46
ईशु लोकहान गोठया आखतोलो ताहा तिया याहकी आन पावहु तियाआरी गांठया केराखातार आललें, ते वारे रेअले आथें,
47
ताहा केडाय तेवी तिवसाहान आख्यों तो याहकी आन पावहु आरी गोठया केरा खातारे वारे इवले हाय, "
48
पेन तियाय तियाल आख्यो; केळी हाय मा याहकी ?
49
फाचे तियाय तिया चेलाहांवेल आय आगाडी किइन आख्यो," देख मा याहकी आन पावहु इंज हाय.
50
काहाका जो केडो मां होरगामेने परमेश्वरा वाहका मोरजीकी चालेहे तोज मां पावहु, मां बोअही आन मा याहकी हाय, "
Chapter 13
1
तिदिहीज ईशुई कोमेने निगीन फुगारा तोडीप जायन वोठो.
2
ताहा लोकाहा टोला तियाही पाही टोलवाया; ताहा तो उडीम जायन वोठो आन वाटा लोका फुगारा तोडीप उवारिया.
3
ताहा तियाय दाखला दिइन खुवुज गोठया तिवाहान आख्या, तियाआख्याव्या पोअनारो पारा खातार निग्यो;
आन तो पातलो ताहा थेडोलो वीयारो वाटीप पोडया, आने चिडे आलेतेखाय गिये.
4
थोडोक खेडकापे पांडया, तिही वाद काटु नाय आशा,
5
आने काटु बाद नाय आशा तिवाखातार तोअ माहारू उग्यो.
6
पेन हिदी निग्या, ताहा तो कोमाय गियोआने वउट मुले नाय आथे तियाहाल तो हुकाय गियो.
7
थोडो काटाहा चाडवाहाम पोडयो; आने काटाले चाडे वादीन तीया वाद खुटावी.
8
थेडोक हारा जागाम पांडयो; आने तिया कीही होवपट, कीही साठपाट, आने कीही तीसपट रहेकी पाक्यो;
9
जियाल उनाया कान हाय तो उनाय ले.
10
हाती चेला पाही आवीन तिवाल आखे, तु तियाहा आरी दाखलाबाई काहा आखतोहो.
11
तियाय तियाल आख्यो, होरगा राज्या खास गोठया जानुलो ओकोल तुमाहान देवली हाय, पेन तियाहान नाहा देवली,
12
काहाका तियावे केडावे हाय तियाल देवाम आवी, आने तियाल भरपुररिहीकी बेरी; जियापे कावीज नाहा तियावेने जावेरी तांवी तियापने काडी लेवाम आवी.
13
इयाखातोर आय तियाहाआरी दाखलो दिइन गोगुहु; काहाका ते वेतेहे पेन तियाहान देखावतो नाहा आने उनातेहे पेन उनाता नाहा आने तियाहाम होमजातोवी नाहा.
14
यशया आखली गोठया पुन्या विरीयाहा, ते एहेकी का, तुमा उनायाहाता खेरो पेन तुमहाल होमजानारो नाहा. आने वेराहा खेरो पेन तुमहाल देखानारोज नाहा.
15
काहाका इयाहा लोकाहा मोन कठीन बीगियेहे, ते कानाहाकी उनाताहा आने तीवाहाय डोआ मिची लेटला हाय; इया खातार का तियाही डोआकी वे नाय, कानाहाकी उनाय नाय. मोनाकी होमजे नाव आने फाचे फाचला फिरे नाय आय तियाहाल हारो किंव नाय.
16
पेन तुमा डोआ धन्य हाय, का ते वेअताहा. आने तुमा कान काहाका ते उनाताहा.
17
आय तुमाहान खेरोज आखुहु का तुमा जे वेतेहे ते वेरा खातार खुवुज निरोप्या आने धर्मलोक आधा तेवी तियाहान वेरा तिल्या नाहा; आने तुमा जो उनाताहा तो उनाया खातीर ते वी तियाहान उनायाहा मिल्यो नाहा.
18
आमी तुमा पोनारां दाखलो उनायल्या
19
पोनारो तो इहाय का, केडो राज्या वचन उनातेहे पेन तीयाहान होमजतो नाहा तो दुश्मन आवीन मोनामेने जो पोअलो तो काडी लेहे.
20
दोगडापेन्यो पोलो ताई हाय का, तो बचन उनाहीनेतो तुरूतुज खुशी की मानी लेहे.
21
पेन तिया मुलउडे नाहा तियाखातारे तो थोडोहोज टाईम टिकेहे आने वचनाहा खातार संकट आलो नेते तारा देदो ताहा तो तुरूतुज सोडी देहे.
22
काटाला चाडाहाव पोअलोतो इज हाय का, तो वचन उनाही पेन संसारा कालजी आन धन दौलती लोक इ वचनाम बाटुलो कमी की देहे आने तो निकामी वेहे.
23
हारा जागाम पोलेला तो इज हाय का, तो वचन उनाय तो होमजेहे; तो फल देहे ; केडो होव पट केडो, साठपट, केडो तीसपट, एहेकी दे.
24
तियाय तिया आगला विहरी एक दाखला आख्यो.
25
केडा एक माहाय तिया खेताम हारो वीवारो पोयो तियाहोच स्वर्गा राज्या हाय. लोक हुवी ताहा तियाहा दुश्मन आवीन गोवाहाम खोड कोचरो पोईन निगी गियो.
26
पेन जाहा पालो फुटयो आने वाला आला ताहा खोड कोचरावी देखाया लाग्यो.
27
ताहा तिया को धोन्याल आवताम आवीन तीवाल आख्या, महाराज आपुही आपु खेतामता हारो वियारो पोयाहो ने? आन तीयामखेड कोचरो कीहीने आलो?
28
तियाय तियाहान आख्यो इ कामता केडा दुश्माना हाय. आवत्याही तियाहान आख्या हाती आमा जायन तो काडी टाकजी एहकी तो मोरजी हाय का?
29
तियाय आख्यो, नाहा तुमा खोड टोलो क्याहाताहा तियाआरी तुमा गोव बी उपटी लीहा.
30
वाडणी तावलुगु आरीज वादा द्या; वाडणी टायमावे आय वाडणाऱ्याधन आखे का, पेला खोडको चरोटोलो केरा आने वाला खातार तिया पुला वादा; पेन गोव मा गोदामामथोवा.
31
तियाय तियाहा आगला आजी एक दाखला आख्यो का स्वर्गा राज्य राईदाना होस हाय. तो केडा एक माहाय लिआववीन तिया खेताम लागव्यो;
32
तोता वाट दाणहा हाना हाय; तेवी तो वादेहे ताहा आजीपालाहायना मांडा विन तीया एहेडा चाडो वहे की, जुगामने चिडे तिया डागीप कोराहा केतहे आने रेतेहे.
33
तियाय तियाहान आजी एक दाखलो आख्या का स्वर्गां राज्य खमिराहोच हाय, तो ऐक वायीय लिइन तीन मापले लोटामे दोवाबीन थोबो, नाहा तो वाटो नोट फुगी गियो.
34
ए बादया गोठया ईशुई दाखलाहाकी लोकाहान आख्या आने दाखला वाचीन तो तियाहा आरी काय गोग्यो नाहा.
35
इयाखातोर का संदेष्टयाहाय जो आखलो आथो तो पुरो बेरा जोजे. तो एहेकी का दाखला आखाखातोरे आय मा मुय उघडेहे, दुनिया उवजाबी तेहे दोवल्या गोठया आय आखी देखावेहे.
36
हाती तो लोकाहान मोकली दिइन कोमे गियो; ताहा तिया चेला तियाही आवीन आख्या खेतामने खेडकांचरा दाखला आमाहाल होमजावीन आख.
37
तियाय उत्तर देदों का, हारां वीवारां पांणारां ओ माहाआ पोयरो हाय.
38
खेत इ दुनिया हाय; हारो वीवारो इ राज्या पोयरो हाय, खोडकोचरो इतिया दुश्मना पोयरो हाय,
39
तो पोनारां दुश्मन ओकाल्यापुत हाय; आने वाडणारे इ देवदुत हाय.
40
ताहा जेलकी खोडकांचरो टोलो किईन आगीम वालतेरे तेरकी इ दुनीया पारवानु टेम बेरी.
41
माअहा पोयरोतिया देवदुताहान मोकली आने ते तीया राज्यामेने वाद्या ठोकरावनान्या वस्तु आन खोटेकाम केअनाराहान टोलो केरी.
42
आने तियाहान आगी कुंडामउ टाकी दी, तिही तेअ रोडी आने दात पिही.
43
ताहा धार्मीकलोक आपो वाहका राज्याम दिहाहांस पिपली. तियाल कान हाय तो उनाय.
44
स्वर्गा राज्य खेताम दोवावी थांवली मिलकतीहोच हाय, तो केडा एका माअहाल सापडया आने तियाय ती दोवावीन थोवी आने खुशीमाराम तिवाय जाइन, तिया बादी मालमत्ता बेची देदी आने तो खेत बेचतो लेहे.
45
आजी, स्वर्गा राज्य हारामांती होद केनाच्या एका वेपाया होच हाय.
46
तियाल एक खुवुज किमती मोती देखायो, ताहा तियान जाईन तीया जांवी आशां तो वादां बेची देदों आने तो बेचतां लेदो.
47
आजी स्वर्गाराज्य दोन्याम टाकल्या एका जालाहांस वांदीजाती जीती जीव एककेज सापडुतेहे तियाहांच हाय.
48
तोअ पोरामा आहाही तोडीपे ताई काडयो आने वाहीन जेहारे ते वारानाहाम टोलव्याने जे खारावते फेकी देदे.
49
तेहेकी दुनिया दाखुनु टेमावे उहेकीज वेरी, देवदूत आवीन धार्मीक लोकाहामने खोटाहान जुदो केरी.
50
आने तियाहान आगी भोट्टीम टाकी, तिही रोडुलो ने दात खावुलो चाली.
51
तुमाहाल ए वाद्या गोठ्या होमजाया का ? तियाही तियाल आख्यो हा.
52
ताहा तियाय तियाल आख्या हरेक नियमशास्त्र हिवुनारा स्वर्गा राज्या चेला बेला हायजो आप भांडारामेने नोव्या जुन्या वस्तु काडेहे त्या माहाहोस हाय.
53
आने ऐहकी बियो का, ऐ दाखला आखुलो पारवीन ईशु तियाहाहीने निग्यो.
54
आने तो तिया गावाम आवीन तियाहा भोक्ती केरूला ठिकाणी तियाहा एहेकी हिकव्यों का तियाहान नोवाय किईन आख्यो इ ओकॉल आनें सोक्ती कामे केलो इसोक्ती इया माहाल किहीने मिलेहे?
55
ओ हुताच्या पायरो ने ? तिया याहाकील मरीया आखतेहे ने? याकोव, योसे, शिमोन आने यहुदा ए तिया पाऊ ने?
56
इया वोअयाहा त्या वाद्या आपु आवीज रेहत्याहाकने, ता तोवाद्या झ्याल केहेकी मिल्या ?
57
आने तिही तियाहो अविश्वास इहिमं तियाय खेल नोवाय लागे एहेडेकाम नाहा केये.
58
एहकी ते तिया वद्दल ओटक्या. ईशुई तियांन आख्या, संदेष्टयाहान आपु कोअम मान पान मिलतो नाहा.
Chapter 14
1
तिया दिहाम चौथाई देशा राजो हेरोदाय ईशु वोद्दल उनायो.
2
ताहा तियाय तिया आवत्याहान आख्यो, ईशु ओ वाप्तिस्मा केनारो योहान हाय. तोअ मोअलामेने देखु उठलो हाय तिया खातोरूज तोअ नोवायलागे एहेडे कामे केअहे.
3
हेरोदाय तिया पावुह फिलिप तिया थेअ हेरोदीया अयोखातोर योहानाल तिइन कचरीम कॉडी देवलो आथो.
4
काहाका योहान तियाल आखतुला, तु तियाल थेअ राखीलेटीइ देवा नियमशास्त्राहा विरूध्दाम हाय.
5
हेरोद तिवाल मांय टाकनारो आयो पेन तो लोकाहान धाकातलो काहाका लोकाहा एहेडो भोरूसा आशो का, योहान संदेष्टा आशा.
6
हेरोदा जोल्मा दिही हेरोदिया पोयरीय राजमेहेलाम नाची देखावील हेरोदाल खुश केअयो.
7
तियाकी तियाय शपत लिइन वचन देदो. ती जो
8
तियु याहाकीय जेहेकी आख्या, तेहकी तीयुव आख्यो वाप्तिस्मा केनारा योहाना मुनको थालीम थोवीन माल इही लावी द्या.
9
हेरोद राजाल खुव दिलगीर वेयो. पेन तियाय तिया आरीजी शपत खायन वचन लेटलो आयो आने पागातीम लोकाहाहुवुर तो दिदा आखी देदो.
10
आने तियाय कचरीम माअहे मोकलीन योहाना मुनको तोडी टयाक्यो.
11
आने तियाय तिया मुनको थामील थोवीन ती पायरील लावीदेदो. तीयुय तो तियु याहाकील लावी देदो.
12
ताहातिया चेला आवीन तियामुरदो विसीली जायने तिवाल टाटी देदो आन तीयाही जायन जी बेअयो तो ईशुल आखी देखाव्या
13
ताहा तो उनायने ईशुल तिवाहीने उडीम ओहीन दुजा जागावे निगी गिया. इ उनायने आने लोकाहा टोलो सहैरामने तिया फासला पागे- पागे गिया.
14
फासे जाहा तियाय खुव लोकाहागर्दी वेड़यी. ताहा तियाल कीव की आली आन जे दुःखी आथे तियाहान तियायहसरे केअये.
15
जाहा वाअतो पोडयो ताहा चेला तियाही आले आने आख्यो, ओ ता जोगंला जागा हाय आने खाऊला टेम आवी गीयोहो. लोकाही गावाम जायने जियातिया खावनु बेचतोली तीयाल तियाहान मोकलीदे.
16
पेन ईशुय तियाहान आख्यो, तियाहान जावनु गोरोज नाहा. तुमाज तियाहान काय खावनु द्या."
17
तियाहान तियाल आख्यो आमाहावे काय" पाच माडा आने वेन मासे हाय"
18
तियाय आख्या ते माआइहीली आवा
19
ताहा लोकाहान चारावे वोहा आखी देदो. तियाय त्या पाच माडा आन वेन मासे लिइन उच्चे जुगावेल विड्न तियाय तियावे आशिर्वाद माग्यो तियाय माडा मुडीन चलाहान देदो आने चेलाही लोकाहान वाटी देदा.
20
तें वादे खायन ताराये गिये. आने त्या बादी गेहला मांडा तियाय वारा सिवले पोराय गिये.
21
मांडा खानारे पाच हाजार आदमहज आथा. आने तिहीम वाया पोयरेवी आथे.
22
आय लोकाहान मिलीन वाटे लागवुतलो तो तुमा उडीन वोहीन माआ आगला तियो तोडी जा एहेकी आखन तियाय तुरूतुज चेलाहान मोकली देदे.
23
लोकाहान मोकलीन देदा ताहा तो प्रार्थना केराखातार एकीहोवे एखलोज डोगापे चांडीन गियो आन रात वीगियी ताहा तो तिही एकलोज आथो.
24
पेन दडी फुगाराम आधी आने तिही वारो हुवुरने चालतुलो आयो ता उडील पाआया लाफाकी उचे एठा आलतुला आने तीयाखातारे ते तियावे आवरीनाय सेकतुला.
25
ताहा राती मोठा पाहाटा आरी ईशु तियाहाहोब आलो. तो पाआयापे चालतुल आथो.
26
चेला तियाल पाअयापने चालातो देखीन विगीया आने आखा लाग्या ओ "पुत हाय." आने तेअ वियान वोवल्या.
27
पेन ईशु तुरुतुज तिवाहान आख्या हिंमत केरा आय हाय; वीवाह ना.
28
पेत्राय आख्यो, प्रभुजी तु हाय ताहा माल पाअयावेने चालीन तो पाही आवा आख.
29
ईशुई आख्यो,"आव" ताहा पेत्र उडीमेने उतीन तरे पायापे चालतो ईशुई जा लाग्यो.
30
ताहा तोअ पाअयापने चालतुलो ताहा जोराहाकी वारो आलो तोवीड़न वीया गियो आन वुडालाग्यो ताहा वोवलीन आख्यो "प्रभुजी माल वाचवे."
31
आने तुरुतुज ईशुई तिया आथ आगला किएइन तिवाल तेअयो आने आख्यो ओ कोमीविश्वास्या तुयु काहा तेयो.
32
आने ईशु आने पत्र उडयाम गिया ताहा वारो वोंद वेअयो.
33
ताहा जे चेला उडीम आथा ते तिवाल पागे पाडीन आख्या लाग्या, " तुज खेरोज देवाज पोअयरो हाय."
34
फाचे ते फुगारा तिवेल गनेसरेत भागाम गियो.
35
तिहीने लोकाहाय ईशुल ओखीन ताहा तियाहाय पाही पाहीने बांदा गावाहाम वातमी आखी मोकली, आने माहा वादा प्रकारा वीमारी लोकाहान तियाही ली आले.
36
आने आमाहाल तोअ पोतडा कोराल आथलीला दे, एहेकी विनती केएई, ताहा जोताहाय तियाल आथाल्यो तोतेहे हारे वेये.
Chapter 15
1
ताहा यरूशलेम शहरामेने थोडाक परूशी आणे नियमशास्त्रा विरूध्द ईशुई आला आणे आख्यो.
2
तो शिष्य वाड - वडीलांये लागुवला नियम काहा पालता नाहा कारण तो शिष्य मांडोखा आला पेहेला आथतोवता नाहा."
3
ईशुई त्याल उत्तर देईन आख्या तुमा तुमाआ परंपारा चालवा केअता देवा आज्ञा काहा मुउताहा.
4
काहाका देवाये आखाला हाय का, तोअ याहकी वाहका मान राख आणे जो केडो आपु याहकी -वाहका वद्दल खारावे गगेहे त्यालामाय टाका जोजि.
5
पेन तुमा आखता जो केडो वाहाकाले आणे याहाकील आखी का माल तो केहता जो भी देअलो आथो तो देवाल अर्पन किदेदला हाय.
6
ते देवा नियमशास्त्रा मुळेरिया हा का आपु वाहका आणे वाहकी सन्मान केराने जोजे या प्रामाणे तुमा आपु अहेडा रूडीपरंपरा देवा वचन वाद केअला हाय.
7
ओ ढोंग्याहा तुमा विषयी यशया संदेष्टयांये खेरो आख्योहाय तो आखे.
8
हे लोक ओठांकी माआ सन्मान केहता पेन तीयाहा अंतः करण माहायीन दूर हाय.
9
आणि ते माहा नियम आपृ धर्मातत्वे म्हणून हिकवृता आणे व्यार्थमाआ भक्ती केहता.
10
ताहा लोकांहाले हादीन त्याये आख्यो उनाया आणि होमजी ल्या.
11
जे मुया वाटे माज जाये तो माहाल अशुध्द नाहा. पेन जो मुयामेने वारे निघे ताज माहाले अशुध्द केले.
12
पासे शिष्य पाही आवीन त्याले आख्यो "परूशांही इ उनाया ताहा तीहाले रोग की आली ई तृलो होमज्या का?
13
पेन त्याये उत्तर दिईने आख्यो, प्रत्येक रोप जो माआहोरगामेने वाहकाय लागवुलो नाहा तो उपटुलौ जाय."
14
त्याहाले जाओ दया ते आंदला वाटया आही जर एका आंदल्या वीहीरा आंदलाचे वाट देखावा प्रयत्न केओयो ते वेनीवी खड्डाम पोडी.
15
पेत्राय आख्यो आमाआ केअता ओ दाखलो खुलो किहीन आखा.
16
तुमा आजीवी नेयहोमजूनारा हाय का ? ईशुई त्याहाल फुच्या.
17
जो कायभी मृयाम जाये तो वाठो डेडीमं जाये आणे हाती आगीन वारे टाकाम आवे ई आमीलाग तुमाल होमजू तो नाहा का ?
18
परंतु ज्या गोठया मुयामेने वारे निघत्याहा त्या गोठया अतः करणाम ओवत्याहा आणे त्याच गोठया माहाले अशुध्द केहत्या.
19
काहाका खराव विचार खून सिनालो, जारकर्म खेटया साक्षीनिंदी ई अतः करणामेनी वारे निघतेहे.
20
महालो अशुध्द केणान्या जे गोठया आही पेन नेय तावला आयाकी खादो ते माहावू अशुध्द वेतो नाहा.
21
फासे ईशु तिहाने निगीन सोर आणे सिटोन या भागामे गियो.
22
ताहा एके कनानी थेअ त्या भागामेनी ईशुहोवे आली, तीथेय वोवलीन आख्या प्रभु दावीदा पोहअरा, माआपे दया कये. माआ पोयरी भृथडा की खूव पिडाली हाये.
23
पेन ईशुई एका शब्दाकी वी उत्तर देदो नाहा ताहा त्याआ शिष्याये त्याही आवीने विनती केअयी तीले मोकली दे काहाका ती आमा फाचला वोवलूती आवे हे.
24
पेन ईशुई उत्तर देदो माल देवामे इस्त्राएला टाकालाहा त्या मेंढा होवे मोकलुलो हाय.
25
हातीतीथेय फाचे ईशुही आली ती ईशुई पागो पोडी आणे आख्या प्रभुजी माल मदत केरा.
26
पेन त्याये आख्या पोअरा माठो लिने कुत्राल टाकुलो वरांवर नाहा.
27
तीय आख्या हा प्रभूजी पेन तेरीवी कुत्रेवी आपु तोणारा वाटामेने पोडला चूरो खातेहे.
28
ताहा ईशई तिल उत्तर देदो वाय तो विश्वास मोडो हाय तु ओ इच्छा प्रोरमाने तुल मिली जाये आणे त्याच वेले तीई पोयरी हारी वेअरी.
29
फासे ईशु तोहीनी तिगीने गालीला फुगारा पाही आलो आणे ईशु डोगांप चोडीने तीही वोठा.
30
हाती खुव लोक तीयाही आला त्याही आपु आरी लुलो, पांगले, आंधले, वेरे आणे वीहीरे अनेक लोकाले ली आला आशा आणे त्याये त्या वीमाच्याल ईशु पागाउ थोव्या ताहा त्यावे त्याले हारे केये.
31
मुके गोगा लाग्ये लुले आथे ते हारे व्येअये लेंगडे चाला लाग्ये आंदले वेरा लागे ई वेईन लोक दोंग वेअया आणे त्याही इस्त्राएला देवाआ गौरव केओया.
32
हाती ईशुई आप शिष्याले हादीने आख्यो, माल लोकांहा किवा आवेहे काहाका ते आज तीन दिहापने माआरी हाये आणे त्याहापे खाऊला काच नाहा आ त्याहाने पुखे मोकलुलो ओहेकी माआ इच्छा नाहा काहाका ते वाटे कदाचे थाकीपोडी.
33
शिष्य त्याले आख्यो " ओहा मोडा लोक टोलाले ताराये ओत्या मोठा इया दूर जांगलाम आमाहापे किहीन वेरी.
34
ताहा ईशुई आख्यो तुम्हापे कोता मांडा हाये ? तियाये आख्यो आमाहापे सात मांडा आणे वायेके हाणे मासे हाये.
35
हाती त्याचे लोकाल ऐठा जागापे वांहा आज्ञा केअयी.
36
हाती त्या सात मांडा आणे मासे लिईने देवाआ प्रार्थना (उपकार) (मान्या) आणे त्या मांडा मुडया आणे शिष्याल देदया आणे शिष्याये लोकाहाले देदया.
37
ताहा ते वाठे ताराये गीवे आणे त्याये उरला मांडा तुकडाकी सात सिवले टोला केओये.
38
आणि मांडी खाणारे भैया आणे पोयरे सोडीन चार हजार माहाये आथे.
39
हाती गोदीले निरोप दिने वाटे लागने तो तारुावे वोहीन मगदाना प्रदेशाम गियो.
Chapter 16
1
परूशी आणे सटुकी लोकाहाले ईशुई परीक्षा बेरूलो आधो म्हणुन ते ईशुई आले आणे आमहाले वादलामेने चिन्हा देखाव एहेकी मागनी त्याये केअई.
2
पेन ईशुई तियाहाले उत्तर देदो तुमा वातीवेल वेड़ ताहा आखता हवामान हारो वेरी काहाका वदलो तांवडो हाये.
3
आणे तुमा हाकालीवेल आखता आन बादलो बेरी काहाका वादलो तांवडो आने जाहको जाडो हाये. तुमाहाले वादला रूप वोहकुता आवेहे पेन कालवेल लक्षणे ओहकुता आवतो नाहा का ?
4
दुष्ट व दुवाआरी इमानदारीनेय रेनारी पीढी चिन्हे (साबुत) होदेहे पेन त्याहाले यांना संदेष्टया शिवाय वीहरो चिन्ह (सोवुत) देवाम आवणारो नाहा हाती तो त्याहाले सोडीन गीयो.
5
ईशु आणे तिया शिष्य फुगाराती तोडी गीया ताहा मांडा लीला विहाराया.
6
ताहा ईशु त्याहाले आख्यो परूशी आणे सटुकी याहा खमीरा विषयी सावध रेजा (हुशारीम रेजा)
7
ताहा ते तिहामे विचार कीने आख्या लाग्या आपु मांडा नाहा लेटा तिया ते एहेकी आखताहा.
8
पेन ईशुई ओहकीन आख्यो ओ वाय कोमी विश्वाश्या आपु मांडो लेदो नाहा रहेकी तुमा आपसाम काहा केएहताहा.
9
आमीलाग तुमाहान इत नाहा का पाच मांडा पाच हजार लोकाहाले खावाडीन ते आले त्या फासे तुमा कोताहा सिंवले उचलीलेटे इ तुमाहान इतव्यो नाहाका.
10
तेहकीज चार हाजाराहाले खावडा सात मांडा आणे तुमा कोतेहे सिंवले उचलीलेदे इ तुमाले इत नाहा का?
11
आय मांडा विषयी तुम्हाले आख्यो नाहा तर परूशी व सटुकी यांहा खमीरा विषयी सावध राआ एहेकी आख्या ई तुम्हाले केहकी होमजुतो नाहा.
12
ताहा त्याहाले होमज्योका त्याहाले मांडा खमीरा विषयी सावधराहा आख्यो नाहा ते परूशी आणे सटुकी त्याहा हिकवनु विषयी सावध राहा आख्या आयो...
13
ईशु फिलिप्पाया कैसरीया या भागा होवे गियो. तो तिया शिष्याहाले आख्यों मा पोयराल लोक काय म्हणुन आखताहा.
14
आण त्याई आख्या काईके वाप्तिस्मा केअनारो योहान तेरकाताक एलीया आणे वीहरा काम यिर्मया किवा संदेष्टयापैकी एक एहेकी आखतेहे.
15
हाती ईशुई तिहाल आख्यो पेन तुमा माल केडो म्हणुन आखताहा.
16
शिमोनपेत्राये आख्यो तु ख्रिस्त जिवता देवा पायरो हाये.
17
ईशुई आख्या, शिमोन वार्यांना तु धन्या हाये काहाका रोगोत आपे माहाया आकी तुले उलगडो केयो नाहा. ते मा वाहको हारेगामे हाय त्याये तुले इ उलगडो केयो.
18
आजी आय तुले एहेकी आखुका, तु पेत्र आहे आणे इया खोडकापे आमा मोंडली उवजावेहे आणी तिया आगला मोला माहा वाअनाहा काड्जे चालनारो नाहा.
19
माय तुले होरगा राजा कुच्या देहेओ आणे तोरतीपे जो काम तु सुटो केहेव तो होरगामे सुटोकेराम आवी.
20
ताहा तीयाये शिष्याहाले होमजावीन आख्यांका आय ख्रिस्त हाय ई तुमा केडालुज आखाहा नाहा.
21
तोहीनेज ईशु ख्रिस्त आपु शिष्याहाले आखा लाग्यो का आपु यरूशलेम शहेराम जाआवु, वडील, यदुदी नेता आणे मुख्य याजकलोक आणे नियमशास्त्रा शिक्षक याहाकी खुवुज तारास भोगावी आणे मायेटाकावी आणे तीसरे दिही फासो जिवता उठालो जाय इया जरूरी हाय.
22
ताहा पेत्राये त्याले एकीवेले निईन मनाकिईने आख्या प्रभु तोओवेन ई दूररिओ ऐहेकी तुले किधीज वेणारो नाहा.
23
पेन तो वोलीवीन पेत्राले आख्यो " अरे सैताना" माआफाचला वे तू माले अडथडो हाये काहाका तू देवा गोठीहोवे ध्यान लागवृतो नाहा ते माहा गेठी होवे ध्यान देतेहो.
24
जाहा ईशुई आपूवृ शिष्याले आख्या जो केडो मा फासलाआवा इच्छावेरी ताहा त्याये सोताहाले ऐकीवेले थोवीन आणे आप मोतीखांवे (स) उखलीने माफासला आवा जोजे.
25
काहाका जो केडो आपु जीव वाचावेहेकेहे इच्छाकेहे तो त्याले गोमावी पेन जो मा केओता आपु जीव गोमावी तो त्याले मिलावहलिई.
26
जे महाये वाठी दुनिया मिलवीलेटो आणे आपु जीव गोमाव्या तेर त्याले काय फायदो. ?.
27
काहाका माहापोयरो आपू वाहाका कैमवाकी स्वर्गदूताआरी आवी. त्या वेले आणे ताहा तो प्रत्येकाचे ज्या कामाप्रमाणे मोजरी देणारा.
28
माय तुयाहाल खेरो आखु का इही उवी रेनारा राहाम जो काही लोक एहंडा हाय का ते मनुष्या पोयराल तिया राज्याम आवी ताहा वी तावक हुद तियाहाल मोजु आवनरो नाही.
Chapter 17
1
सोब दिही वी गिया ताहा ईशुई पेत्र, याकोव आन याकोवा पावहु योहान ईयाहान आरी हादी लेदो आन तो तियाहान उचा डोगावे हुना जागाम लीगियो.
2
तिहीतियाहां हुवुर तिया रूप वादला गियो, तिया मुंय दिहा हास चमका लाग्यो आन तिया पोतडे उजवाडाहोच उजले वी गियें.
3
ताहा तो मोशे आन एलीया इयाहा आरी गोठ्या केअता तियाहान देख्यो.
4
ताहा पेत्रांय ईशुल आख्या, आने प्रभु, आपू इहिज रेवनु कोतो हारो हाय, मोरजी हायता आय इही तीन मांडवा बनावेहे, एक तोय खातोरे, एक मोशे खातोर, एक एलिया खातो.
5
पेत्र तिया आरी गोठया केअतलो, ओतामुज खुवृज उनला वादलाय तियाहावे सांय की देवी आन तिया वादलामेने आवाज आलो " ओ मा मोयालो पायरो हाय इवाकी आय खवुज खुश हाय, इया तुमा उनाया"
6
ईशु आरी आथा ते चेला इ गोठ उनाया ताहा ते खुव वीड़ गेहेला तियाखातार तारतीवे उवडू पोडी गेहला.
7
ताहा ईशु तियाहाही आवीन तियाहान आयाहांन आथलीन आख्याहे उठा! विवाहा मां.
8
तियाहाय उसावीन वेअयो, ताहा तियाहान एखलो ईशुज देखया, विहरो केडोज देखालो नाहीं.
9
जाहा ईशु आन तिया चेला डोवावेने निचे उतीन आवताला, ताहा ईशुई तियाहान हुकुम दिइन आख्यो जांवलूग माअहां पायरे मोअलामेन फाचे जीवतो विड्न नाय उठी तांवजुगु तुमाहाय डोगावे जो काम देख्यो, तोंअ केंडाजलुज आखहा मा.
10
फाचे तिया चेलाहांय तियाल फुच्यो, " एलियावे अलो आवां जोजे एहेंकी शास्त्री काहाल आखताहा?
11
ताहा तियाय तियाहान आख्यो, एलियो आवी आन वादोंज हुदरावी इ खेरो हाय.
12
आय तुमाहान आहुं का एलियो आललो हाय, पेन तियाहांय ओअख्या नाहा, तिवाहान जेहेकी लाग्यो तेहेकी तिवाहांय तियाल तारास देदो, एहेंकीज माअा पोयराल वी ते तारास दी, तोंअ तो वेही.
13
ताहां तीवाहाय होमजी लेदो का तियांय आमाहान वाप्तिस्मा देनारा योहान वोद्दल इ आखलो हाय.
14
जाहां ईशु आन तिया चेला, खुवुज लोक आशा तिही आला, ताहां एक माअद्दु ईशुही आवीन, पागे पोडीन आखील लाग्यो.
15
ओ गुरू, माअ पोयरावे दया केअ, तियाल मिरग्यो बी आवहे, ताहा तोअ खुवुज तकलीत केअहे एक सारखो आगीम आन पांअयाम टूटी पोडे..
16
आय तियाल तोअ चेलाहाही ली आलालो, पेन झ्याल तेअ हारो नाहां की सेक्या.
17
ईशुई आख्यो, ओविश्वास नांय केअनारा आन उलटी पिठी लोकाहाय, आय तुमा आरी कोतेलुग रींव ? कोतेलुग आय इ बहू? तियाल मांअ इहीली आवा.
18
ईशुई तिया पोयराम आयो तिया पुताल कडक रितीकी धमकाव्या, ताहां तोअ पुत तियाहामेने निगी गियो आन तुरूतुज तोंअ पोयरों हारो वी गिया.
19
ताहा ईशु चेला हाकाज तियाही आवीन फुचताहा, आमा आमा तियामेने पुत काहाल काडी नाय सेक्या.
20
ताहा तियाय तियाहान आख्यो, तुमा विश्वासाम नावला हाय तियाल, आंय तुमाहान खेरोज आखंहृ तुमाहाम राई दाना ओहडो विश्वास रेतो, ता, तुमा झ्या डोगाल आखीसेकता. इहीने होरकीन तिही जो, एहेकी आखतांज डोगो होरकी जातो, तुमा खातार काय वी नांय वे एहेकी वेअनारोंज नाय.
21
तेवीवी प्रार्थना आन उपास केअया वाची इया जाती निंगतो नाहा.
22
जाहां ईशु आन तिया चेला गालील प्रांताम आला नाहा तो तियाहान आखा लाग्यो माअहां पोयराल लोकाहा आधाम तिड़ दी.
23
तेअ लोक तियाल मांय टाकी आन तिसरे दिही तोअ जीवतो विइन उठी तांहा चेला सुवून निरास वी गिया.
24
जाहां ईशु आन तिया चेला कफणहुम सेहेराम आवी ताहां मंदीरा कर पट्टी वसुल केअनारा लोक आला. ते पेत्राहीं आवीन फुचताहां तुमा गुरू कर-पट्टी वसुल नाहा देतो का?
25
तियांय तियाहान आख्या हा देहे फांचे पेत्र कोअमे आवीन ती गोठ आखनारो आथो तिया आगलाज ईशुई आख्यो, शिमोन तुल केहेकी लागहे ? तोरतीपेने राजा लोक कर पट्टी केडापेने लेताहां तियांय पोयराहा बने लेताहा का विहिराहा वेने ?
26
जाहा तियांय आख्यो पारकाहा वेने " ताहा ईशुई तियांल आख्या पोयरे तां सुटेजं री गिये.
27
तेवीवी आपु तियाहांन ठोकरावजी नाव इयाखातार तु फगारा तेडीपे जायन पांअयाम गोलाय टाकजे आन पेकालो मासो लागी, तोअ तिन तिया मुंब उगडीन वेअजे, तिया मुंयाम तुल चांदी रोडो रूपया मिली. तोअ लिइन मांअ आज तोअ खातार तियाहान दि देजे.
Chapter 18
1
तिया टेमावे ईशु चेला ईशुही आला आन फुचां जाग्या होरगा राज्याम वादाहां से मोडो केडो ?
2
ताहा तियाय एक हाना पोयराल तियाही हादीन तियाहाम उवा केअयो.
3
आन आख्यो, आंय तुमाहांन खेरोज आखंहु, तुमा मोन वदलीइन इया पोयराहोच वेअया वाची तुमाहांन होरगा राज्याम जावानारोज नाय."
4
इयाखातार जो केडो माअंहु सांवताहा इया पोयराहोच नंम्र मोना वेअहे, तॉज हारेगा राज्याम वादाहां से मोडाम मोडो उवजी.
5
आने जो केंडो माअहु एहंडा एका हाना पोयराल मांय नावाकी हादी लेहें, तोअ मान हादी लेहे.
6
पेन जो केडोवी माअद्दु माअवे विश्वास थोवनाराहांमने एकाल विश्वास थोवून से दुर की, दी, तियाल वेअनारी विहिरी मोडाम मोडी शिक्षा से तिया कोगीम मोडो डोगडो वांदीन, तियाल फुगाराम डंडा पांअयाम वृडवी देवनू इं हाराम हारे हाय.
7
प्रभुवे विश्वास थोवजाहान विश्वासामेने दुर ली जातहे, तियाकी वाकी दुन्या वे पीडा आवी काहाका विश्वासाहान विश्वासामेने दुर केअनारा नक्कीज हाय, पेन जो माअहुं विश्वसाहान विश्वासामेने दुर केअहे तियावे वी पीडा आवी.
8
तोअ आथाकी नेता पागकी खोटं फाम किइन तु विश्वासामेने दुर वी जातो वेरी ता, तु तिवाहान पाडीन फेकी दे! तोअ वेन आथ वेन पाग हाय आन तु नरका आगीम टाकाम जाहो, इया से ठोठयो नेता लेंगडो विइन होरगा जावनु इं तोअ खातार हारो हाय.
9
तोअ डोआकी तु विश्वासामेने दुर वी जातो वेरीता तियाल काडीन फेकी दे, वन डोआ रीइन नरक आगीम टाकाय जावनु इया से, काण्यो विइन होरगाम जावनू तोअ खातार हारों हाय.
10
देखा, इं हाने पोयरे कावींज काम्ये नाहा, एहेकी मं होमजाहा आंय तुमाहान आखंहु. इया हाना पोयराहा दुत होरगाम सादा मांआ होरगामेने वाहका आरी रेतांहा.
11
जें लोक टाकाय गेहला हाय, तियाहान वाचावा खातार मा अहा पोयरो आलाले हाय.
12
तुमाहांन काय होमजायेहे जर एगदा माअहांवे (१००) होव मेंठे हाय. आन तिवाहामेने एक मँठो टाकाय गियोतां तोअ काय केअनारो ? (९९) नांव्यानांवे मँठे तिहिज दिन, डोगाम जायन टाकाय गेहला. मेंढाल नाय होदनारो का ? ''
13
आन तिहिनं माअहाल तोंअ टाकाये गेहलो मेंढो सापडयोता, तोअ किदिहीज टाकाये नाय तिया (९९) नांव्यानांवे मेंढा खातार जी खुशी तियाल वेअहे, तिवासे वाद खुशी तियाल टाकाय गेहला एका एका मेंढाखातार वेअनारी.
14
एहेकीज, इया हाना पोयराहा मेने एकावी नाश वेरा नांय जोजे एहेकी तुमा हारेगा वाहका मोरजी हाय.
15
जर तोअ विश्वासी पावहाय तोअ विरूध्द पाप केअयोता तुं तियाही जो आन तुमा वेनी एखलाज रिहा तांहा तु तियाय केअलो पाप आखी देखाव, जर तियाय तो अ आखली गोठ मानी लेदी ता तुयुंय पावाहाल मिलवी लेदों.
16
पेन तियांय तोअ गोठ नांव मानी ता तुं आजी एक नेता वेन लोकाहांन आरी लहइन तियाही जों," ती गोठ खेरी सावून बेरांखातार वेन नेता तीन साक्षीदाराहां जरूरी हाय.
17
पेन तोअ तियाहावी नांय उनायीता मंडळी लोकाहान आखी देखाव आन तोअ मंडळी लोकाहा वी नांय उनायीन तो तुल दुन्यामेने अविश्वासी लोकाहा होच आन करपट्टी लेनाराहां होच बेरी.
18
आंय तुल खेरोज आखेहुंका जो काय तुमा तोरतीवे मान लेताहा तोअं होरगाम मानाय जाय आन जो काय तोरतीवे नांय तोअ होरगाम वी नांय मानानारो.
19
आजीआय तुमाहान आखंहु का तोरतीवे तुमाहांमेने जा एका मोनाकी काय वी वस्तु मिलवांखातार प्रार्थना करीता, मांअ होरेगामने वाहको तियांहान ती वस्तु दी देनारो.
20
काहाका तिही वेन नेता तीन जां मांय नांवाकी एखहे वे अतेहे, तिही आय तियाहाम रिंहु.
21
तांहा पेत्रांय तियाही आवी तीयाल फुच्यो, ओ प्रभु मांअ विश्वासी पावहु माअ विरूध्द गेनो केअतो रियो ता आंय तियाल कोती दाव माफ किवं? सात उबलुग का ?
22
ईशुई तियाल आख्यो " सात दाव एहेकी आंय तुल आखतो नाहा पेन साता सत्तर दाव लुग माफी केअजे.
23
इयाखातार होंरंगा राज एका राजाहोय हाय, तियाल तिया आवत्यांहा बेने इसाव लेवन एहेकी तिया मनाम विचार आलो.
24
ताहां राजा हिसाव लां लाग्यो ताहां तिया एका आवत्या वे लाखे रूप्याहां कोजों निंग्या, तियाल तियाही ली आले.
25
पेन तोंअकर्जाे सुहांखातार तियावे कावीज नाय. आशा, तियाखातार तिया मालिकांय आख्या तियाखातार तिश मालिकांय आख्या का "तियाल आज तिया थेअ - पोयरे आन तिया जी वी मिलकत हाय ती वादी बेचीन कज पुरो की लेवनु "
26
ताहा तोअ आवत्यो, तिया पागें पोडीन तियाल आखा लाग्यो, ओ मालीक वायज धीर ते, आयं तोअ वाटो कजों पुरो केअहे.
27
ताहां तिया मालीकाय आवत्या वे दोया केअयी आन तियांय तियाल सोडी देदो आन तिया कजॉ वी माफ किदेदो.
28
पेन ओ आवत्यो वारे गियो, ताहां जियावे तिया होव रूप्या लेवनु आथा तोअ आवत्याहां मेने एक जां तियाल तिल्यो, ताहां तियांय तीया वोचीम तिझ्न आख्यो . तो वे मां काज हाय तोअ आवीन आमीज दे.
29
ताहां तिया जोडीदार तिया पागे पोडीन आखां लाग्यो, धीर तेअ, आय तोअ कजों पुरो की देहे,
30
तेवी तियांय तिया आखली गोठ नाय मान्यो आन तिया कजॉ जांबलुग तियाय पूरो नाहा केअयो, तांबलूग चरीम कॉडी देवो.
31
फाचे ड्यांय जो काम केअयो तॉअ तिया जोडीदारआवत्याहाय वेअयो, तांहा तेअ खुवुज निरास वी गिया आन तियांहाय जो काय वेअयों तांअ वादो मालीकाल खुलो आखी देखाव्यां
32
ताहा मालिकाय तिवाल तियाही हादीन आख्यो, ओं खोटा आवत्या, तुयुंय मान रांअव्या (विनती) केअरी तियाखातार माय तोअ वादो कर्जा माफ की देवो.
33
जेहेकी मांय तोअवे दोया केअयी तृयूंय वी तोज जोडीदारावे दोया केरा नाय जोजे का ?
34
आन मालीकाल तिया वोद्दल रोग की आली आन तियांय तिवाल तिया वदो कर्जा पूरो केरी तांबलुग तियाय तियाल शिक्षा के अनाराहा आथाम दि देदो.
35
जर तुमा बी पूरा मोनाकी आप पावहाल माफी नाय क्याहां ता मांअ होरगामेने वी तुमाहान तेहेकीज केरी.
Chapter 19
1
ईशुई आंख्या गोठया आखिन तो गालील मे जो जाता रीया आने वादॅनखाडी पारकीन विहिरीवेला यहूदीया देशाम गीयो.
2
ताहां खुव मोडो टोलो तिया फासाडी गियो आने तिहिनि खुव आजारी माहान तियांय हारे केये.
3
आरदे परूशी ईशु पाही आलें ईशु कारवी गलत गोगा जोजे आखीन ते चाल केरा लाग्या. तियांय ईशुल फुच्यो, कायवी कारणा की ऐगा माहाय तिया थेड्रल सोडाय का?
4
ईशुई उत्तर देदो," पवित्रशास्त्राम एहकी लिखलो हाय तुमाय खेरेज वाच्योवेरिता जाहा देवाय जग वोनबुला.
5
आने देवाने आख्या, तीहाल माहूव तिया वाहकी - वाहकाल सोडीन आने थेई आरी ते वेनी एक सरिरा रि."
6
तिहाल वेन माही वेन नहा पेन एक हाय. देवाय तिया वेन्याल आरीज जोडले हाय. तियाल फेला वी माहाय तिवान दुर केएनुनाहा.'
7
पूरश्याय फुस्यो,' एहकीज हाय, ता, माहीम फारगुती लिखिन दिन आनेतिया थेईल सोडी देवनु दुर केलु आज्ञा मोशेय काहा देदी. ?
8
ईशुई उत्तर देदो,"तुमा अंतकरणा कठोरपणा विड्न मोशेय तुमा श्रेया सांडी देवनु आखला. पेन पेहला पारगुती एहकी नाय आथो.
9
माय तुमाल आखु, जो माहुव तिया स्वता थेई सोडी दे आने विहरी थेई आरी वोराड केहे तो व्यभिचार केहे. तियाल. थेईल सोडनु एकच कारण हाय. आने जो वीि सोडली थेई आरी वोराड केहे तो वी व्यभीचारी री.
10
फासे तिये शिष्य तिया आख्या लाग्या, " जर कोअवाला आने थेई परिस्थिती एहनडी रे ता वोराड नाय केनु हारो रे."
11
ईशुई उत्तर देदो,"एहनडी अक्कल आखाज नाहा हाय. जियाल हारी शिकवण हाय एहकी नाव के.
12
कारण याहकी गर्भामनुज जन्म नपुंसक एहकी हाय आने माहा केल एहकी नपुसंक हाय आने स्वर्गा राज्या खातोर तियाय आपुहुल नपुसंक की लेटलो हाय. जियाल ई स्वकारता आवे तो स्वीकारे. "
13
फासे ईशु आप पोयराप आथ थोविन प्रार्थना केरी तिया खातार माकी तिया पोयरे तिया पाहीति आले. पेन ईशु शिष्याय पायरान पाही लावा नाहा देदे.
14
पेन ईशुई आख्यो, '" हाना पोयरान मा पाही आवा दया, तिहान मना नाहा केरा.काहाका स्वर्गाराज्य तिया सारखाज हाय."
15
पोयराहाप आथ थोवीन ईशुई तिहने रातोरिया.
16
फासे बेरा, केडातेवी एक माहु ईशु पाही आलो आने फुसा लाग्यो, "गुरूजी सार्वकालीक जीवन मिला जोजे तिया खातोर माय काय केहु ?
17
ईशुई आख्यो," काय हारो हाय एहकी मान काहा फुसा.? फक्त देव एखलोज हारो हाय पेन जर तुल सार्वकालीक जीवन जोजे ता आख्या आटण्या पाल."
18
तियाय फुस्यो, "केल्या आज्ञा ?" ईशय उत्तर देदो, "खून नाहा केरो, व्यभीचार केरो नाहा, चोरी नाहा, खेटी साक्षी देव नाहा.
19
आपु याकी वाहकाल मान दे आने जेहकी स्वताल प्रेम केतो तेहकीज वी प्रेम के. "
20
तो पायरो आखालाग्यो." ऐ आख्या आज्ञा माय पालतो आला हाय. माय आजी काय करू ?"
21
ईशुय उत्तर देदो." तुल जर पिरपूर्ण वेरा हाय ते तो जो कावी तो बेची दे आने पायसा गरीवान वारीदे. म्हणजे तुल स्वर्गाम मोडी संपत्ती मीली आने चाल मा फासाडी. "
22
पेन जहा तिया. जुवान पोयराय ई उनाया, ताहा नियाल खुव दुःख वाटयो काहाका तो खुव मालदार आशा, आने तो ईशुल सोछीन जातो रियो.
23
ताहा ईशु तिया शिष्यांन आख्यो," माय तुम्हाल खेरे आखु, धनवान महाल स्वर्गा राज्याम प्रवेश केरा खुव कठीन रेहे.
24
माय तुमाल आखु का, मालदाराल स्वर्गा राज्याम प्रवेश वेरा म्हणजे उंटाल हुई मेने नीगुल होस."
25
जाहा शिष्याय जे गोठया उनाया ताहा खुव आश्चर्यचकीत वेया. तियाय ईशुल फुस्यो," हाती केडा तारण वेरी?"
26
ईशुय शिष्या वेला वेयो आणि आख्यो," महान इ अशक्य हाय, पेन देवाखातार आखा गोठया शक्य हाय."
27
पेत्र ईशुल आखे," वेरा, आमाय आखो काय सोडी देटो आणे तुमा फासाडी आला. हाती आम्हाल काय मिली."
28
ईशु आखे," माय तुम्हान खेरे आखु, नव्या युगाम जहा महा पुत्र गौरवी राजासनावर वोही ताहा तुमा जे आवाज मा फासाडी आला ते आखाज वारा राजासनाव वहा आने इस्त्राएला वारा वंशा न्याय केहा.
29
जियाय जियाय मां फासाडी आवा आपु कोवो, पावु, वाही, याहकी वाहको, पोयरो, खेतीवाडी सोडी बेरी तर तिया तिया पेक्षा जास्ती मिली आने तियाल सर्वकालीक जीवन मिली.
30
पेन खुव जे आमि आले ते शेवटी वेरी आने जे शेवटी आले ते पेहले वेरी.
Chapter 20
1
तियाल स्वर्गा राज्य ई खेतमालकाहोस हाय. जे खुव वेग्यो तीया द्राक्षवाडी मोलम मजुर लाखातोर गियो.
2
तिया ताहाय एक पिडा खातार हरेकाल एक चांदी पोयसा दा कवुल केयो आणे तियाय द्राक्षा मळया कामा खातार पाडव्या.
3
वेगवेले नऊ वाजे माहा वाजारा मे गीये ताहा तिहाये माहे ऊवले वेये त्या लोकांते कसजे काम तेये आथो.
4
आणे तीयाये तीयाने आख्यो, तुम्हा वी मा द्राक्षावडीमे कामाप जा जी मजुरी हाय ती माये तुमाने देहे.
5
आणे ते काम केरा वाडीमे गये आणे तो माहु (१२) बारा वाजे आणे (३) तीन वाजे वाजारामे गयो आणे तीया काम केनारा. माहा खातोरे (२) बेन ढाये जायने
मोजुरी देती (५) पाच वाजे तो माहु फासु एक ढाय वाजारामे गीवो आजी तीवाये माही उवले वेये.
6
आणे तीयाये तीयाने फुस्यो, "तुमा कामना केता आखुदीही काहा उवी रीया ?
7
तीया माहीय उत्तर देदो, ' आम्हाल केडाय काम देदो, तो माह तियाल आखा लागयो,' हाती तुमा जा आने मा द्वाखवाडीम काम केरा.'
8
वातीवेला द्राक्षवाडी मालक मुकादमाल आखे, मजुरांन हाटा आने तियाय तिया मजुरी दि दया जिया वामेनी कामे लालो तियान पेहना पोयसा दया, हात वीहरान दया, माय कामव रोजगार वेयो हाटलान आखा सेवट पोयसा दया.
9
जे माही पाच वाजे कामय आले ते पोयसाला गीये ताहा तियान चांदी एक पैसा देतो.
10
आने जियान पेहला काम केरा लि आले ते मजुरी ला आले. ते हॉमजे का आखासे जास्ती पैसा मिली, पेन तियान वी चांदी एक पैसा मजुरी मिली.
11
तीयाय ते पैसे लेटा आने मालकाल लगेज तक्रार केरा लाग्या. आमय आखु तोपाम काम केयो. '
12
ते आखा लाग्ये जीवान सेवट काम केरा लागे फक्त एक तास काम केयो. तियान तुमाय आमा वरावर मजुरी देती.
13
पेन मोला मालीक तियामने एकाल आखे मित्र माय तुमाम काय अन्याय नहा केतो. माय तुमाल एक चांदी पैसा दे गोठ वेली ने?
14
हा तो ले आ आगला चाल, तुल देदी तोतीज इया शेवटया महान दा हाय.
15
आय मा पैसा वापर मान पोटीतेहकी वापर की नाहा सेकतो का? माय माहा आरी हारो तीहाल, तुल हेवा वाटे का ?
16
तीहाल जे शेवटी हाय ते पेहला वेरी आने पहले शेवटी वेरी."
17
ईशु यरूशलेम शहर मे जातुलो ताहा तिया शिष्यान एक सायटीम लेदो आनेतियान आख्यो,
18
बेरा, आपु यरूशलेम शेहरा बेल जाय रिया महा पोयरोल तीन मुख्य सेवक लोक आने नियमशास्त्रा शिक्षक तिया आधाम तिन दा आवी ते तियाल माय टाकी एहडो दंड टी.
19
आने थट्टा केराखातोर, फटके ठोकी आने वधस्तंभाप खिलाकी तियाल विहरा देशा आशाम दी आने तीन दियाम जिवता वेही. "
20
ताहा फासु जव्दी पोयरा वाहाकी, तीयु पोयरा आरी तीया तीही आली. ती तीया पागे पोडी आणे तियु तिवाले एक विंनती केवी.
21
तियाये तीयुले फुस्यो," तुल काये जोजे?" ती आख" मा एक पोयरो तो राज्यामें तो हुटी वेला वोही आणे वहरो पोयरी उलटा हाथा वेला वाहे वचन दे."
22
तो तियुले आखा लाग्या, " तु कार्य मागती तो तुल होंमजुतो नाहा.! जो प्यालो माये पिनारो हाये तो तुमाने पिता अडवी का?" ते आख्ये.,हा,"वाहको आवी!"
23
ती ईशु ती याने आख्यो, तु ती मा खेरेजे मा प्यालांमे ते पीया खेरे, पणे मा हुदा आणे उलटा हाथा वोहोनु मान आथा मे नाहा, तो मान मा वाहकाले हाय केटाले वाहावावनु.,
24
ताहा विहरा दहा शिष्याये इ उनाया ते वेनी पावु नाराजे वेया.
25
फासे ईशु तीयाने हादीती आख्यो," विहरा राष्ट्रामे ने लोकां राजाहा लोकांपे आपु माही हाये. इ बेरा आणे तीया डावा पुढारी आपु अधीकार वाटी.
26
पेन तुमा वागनुक केहकी नेये. रां जोजे जर तुमामने केडाले मोडो बेनु हाय तर तो सेवक बेरा जोजे.
27
आणे जो पहलो वेरा हाय तो दास वोना जोजे.
28
म्हणजे तुमा माहा पोयरा होस जोजे, जेहकी तो विहरापने सेवा केरा खातारे नाहा आलो ते इतर लोकां सेवा केरा खातोर आणे अणेक माहे तारण वेरे इया खातार तीया जिव दा आलो.,,
29
तें यरीयो शहरे सोडतला ताहा खुपे लोक तीया फासाडी आला....
30
रस्त्याबेला वने आदले वोठले आथे आणे उनाया का,, ईशु इहती जाये रीवोहो, ताहा ते खुप जोराम वोवला लाग्यो, "प्रभु ईशु दाबुदा पोयरा आमापे दया के,"
31
इतर लोक तीयाने गायदा लाग्ये चुप रेहत्या आणे तीयाने ठाकाच्या आणे ते आजी खुप जोरामे वोवलालाग्ये, प्रभु दावीदा पावरा आमापे दया के."
32
आणे ईशु उभी रियो आणे तीया, आरी गोठया केरा लाग्यो, माये तुमा खातार काय केरू एहकी इच्छा हाय'"?
33
त्या आदला माहाये उत्तर देदो, "प्रभुजी आमाने देखाये एहकी इच्छा हाय.
34
ईशु तया दया आली तीया डोवा आथल्यो, आणे ते तुरूते हारे वीगीये; आणे ते तीवा फासडी गीये.
Chapter 21
1
ईशु आन तिया चेला यरूशलेम शेहेरूपाही आलाताहा ते जेतुनडोंगाप बेथफगे इयाजागाप रोकायाशुतिया बेन चेला हाल मोकल्यो,
2
तियाहाल ऐहकी आख्योका, तुमा हेाबुऱ्या गावाम जा आन एक फुरक्यो बांधतो देखाय तिया आरी एक फुरक्यापिलको तुम्हाल देखाय तियाल सोडीन मापाही लिआवा.
3
ऐगोहो तुमाल फुची, ताहा तियाल आखजा प्रभुल इया गोरज हाय तोलो गेय मापा ही मोकली.
4
इया खातोर वेयो कासेवकांहा जोआखलो आथों तो पुरोवेरा जोजेका
5
सियोना पोयरील आखा तो राजोली नवीन गोदडाप म्हणजे पिलकाप बोहीन तो इही आहे.
6
ताहा चेला जायने ईशु आज्ञा प्रमाणे केयो.
7
चेला गोदडा पिलकाललाल आन तियाप तियाय डोगल्या फांगाव्या आन ईशु तियाप बोठो.
8
खुब लोकाहाल तियाहा पोतडे वाटीप फांतये बिहरा चाडवाडल फ्यातोडया आन त्यारो सतापफेलाव्या.
9
ईशु आगला चालणारा लोकाहा टोलो आन फांचला चालता मोडा आवाजाकी बोंबला लाग्या.
10
ताहा ईशुय रूशलेम शेहेराम गियो ताहा बाठो शेहेर गजबुजननिंग्या आज लोक फुचालाग्या ओ केडोहाय?
11
लोकांहाय आख्यो ओगलील तुनासरततु भविष्य वक्तो ईशु हाय.
12
ईशु परमेश्वराभवनाम गियो ताहा भवनाम जेवेचतेलेणारा आनदेणारा जे व्यवहारकेतुला तियाहाल बारे मोकलालाग्यों आन पोयसाहा व्यवहार केनारा जागो विसकाडी टाक्यो आन कबुतरे वेचनाराहा जागो विसकाडी टाक्यो.
13
आन तियाहान आख्यो, शास्त्राम ऐहेकी लेखलो हायमा पोंगो प्रार्थना पोंगो आखाय पेन तुमावाह रेजागो वनाव ताहा.
14
तियाल फांचे आंदले लेगडे माअही मंदीराम तियाइही आलें. तियाय तियाहान हारेके अये.
15
पेन जाहा मोडा आयकाहान आन नियमशास्त्रा हिकवुनारा जनोवाय लागे एहेंडे कामे जेंतियाय केअयेते आज पोयराहा जमंदीराम दाविदा पोयराल होसान्ना एहेंकी आखता देख्ये ताहा तियाहान रोगकी आली.
16
आन ते ईशुल आखां लाग्या तु नाहा उनातो का काय आखते हें. ईशुई तियाहान आख्योहांवाच्यो कातुयंय पोयराहा आन हुदखानाराहा नापोयराहां मुंयाकी स्तुती केरावी ही हाय इतुमा वाचाम कधीही आलो हो का.
17
फांचे ईशु तियाहाल सोडीन सेहेरावारेवेथानीसाम गियो तो आखी ति हीरियो.
18
बिहीरो दिहीवेगीवेले तो सेहेराम फाचे आवतुलो ताहा तियाल पुखलागी.
19
तिया वाटी एकी वेला एकअंजीरा चाडवो देखायों. तो विन तो जागे गियोपेन तियाल पाना शिवाय तियाल एकबी अंजीर देखयो नाहा ईशु तियाचाडवाल आख्यो आमीने तोअ कायमुज फल नांय लागनारों ताहा तो चाडवो तुरूतुज हुकाय गियों.
20
चेलाहाय इवेयो ताहा तियाहान खुप नोवाय वाटयो, तियाहाल फुच्यो इअंजीरा चाडवो ओतीमाहारा हुकाय केहकी गियो ?
21
ईशुई तियाहान आख्यो माय तुमहाल खेरोज आखुंहु जो मोनाम शंका नांय केअता विश्वास क्याहांता जो मायुय इया अंजीरा चाडवाल केअयों तो तुमाक्याहा ओतों जनाय पेन इया डोगाल आखाहाका इही ने उठीनदोऱ्याम जायन पोडतावीवी जाय.
22
आन जो काय तुमा तुमा विश्वासाकी जो प्रार्थनाम मागाहा तो बादों तुमाहान मिली जाय.
23
ईशु मंदीराम जायन हारी गोठ आखतलो ताहा मोडा याजक आन यहुदी लोकाहांडाया तिया इही आला आन फुचा लाग्या तुंई कामे केडा अधिकाराकी केअतो हो? तुल ईकामे केअनु अधिकार केडांय देदलो हाय ?
24
ईशु तियाहान आख्यो मायवी तुमाहान एक गोठ फुचुहु जोर तुमाहाय माल उत्तर देदो तोर माय केल्या अधिकारा की ऐ गोठया कीहु इतु माहान आखेहे.
25
योहाना बाप्तिस्मो कीही नोथो स्वर्गाम नोकामाअ हाइहीने ईशु इया प्रश्नाप ते विचार केरा लाग्या ते आखा लाग्या ते आखा लाग्ये योहाना बाप्तिस्मा देवाही तो आथो एहकी आखा ता ईशु आखीफाही आखाता ईशु फाचे तुंमाय तिया पविश्वास काहा थोव्यो नाहा.
26
पेन तो मनुष्याहाय नो आथो एहकी आपु आखता आपुल लोकांहा थाकहाय काहाका ते वादें योहानाल एक सेवक हाय एहकी बाठा मानतुला.
27
इया खातर तियाहां ईशुल आख्यो आम्हाल मालुम नाहा. ताहा ईशुय आख्यो फाचे माय केलल्या अधिकारा की एगोठया किहु व इ तुमाहान माय आखुनाय.
28
इया गोठी की तुमाहान काय लागेहे ? तो माल आखा एक माअहा वेन पोयरा आथा तोमा अद्दुतिया मोडा पोयरा इहीं गियो
29
आन आखा लाग्यो ओपोयरा आज द्राक्षामोलाम जायन कामके अजें, तिया पोयरांय आख्यो आय नाय जानारो पेन फाचे तियांय मोन वोदल्यो आन तो गियो.
30
फांचे तो मा अद्दुतिया बीहिराहाना पोयरा इही गियों आन जेहकी मोडा पोयराल आखलो तेहेकी ज आयोताहा पोयरांय तियाल आख्योहा वाहका आंय जाहें पेन तो नाहा गियो.
31
इया बेनी पोयराहांमें ने केडांय बाहका गोठ मानी तियाहांय आख्यो मोडा पोयरांय ईशुय तियाहाल आयो
मायखेरो आखुहु करपट्टी उकलावनारा आनवेश्या कामकेअनाऱ्या वाया तुमा पेहला स्वर्गा राज्याम जाय.
32
योहान जीवना खेरी वार देखा वाखा तोरतुमाही आलो, पेन तुमा तियाप विश्वास थोव्यो नाहा पेनकरपट्टी उकलावनारां हाय आन वेश्याकामकेअनारी बायीहींय तियाप विश्वास थोव्यो आज तो तुमा हाय वेयो तेबी तुमा मोन बोदल्यानाहा तियाप विश्वास थोवा तियार नाहा.
33
आजी एक गोठ उनाया एक माअहु आथो तियाय द्राक्षाहांमोलो उवजाव्यो, तिया चारीवेल बाडकेअयी आन मोलाम द्राक्षाहांरस काडा खातोर कुंडोखोद्यो आन मोलाम देखरेख केरा खातोर उचो मालोवोनाव्यो ताहां फाचे तो तिया मोलो बिहिरा खेती केअनारा लोकाहान सांवालाठेको दीन फाचें तो बीहीरा देशांम निंगी गियो.
34
जाहा द्राक्षेकानु टेम पाही आलो तांहा मालिकांय तिया आवत्याहांय तिया आवत्याहाम द्राक्षेलां खातोर मोलो सांबालानाराहां इही मोकल्या
35
आन तिया खेतावाला हाय तियाहाज ठोक्या आन एकाल मार देदो आन बिहराल मांय टाक्यो फाचे तिसराल छोगडाकीटोकीन मांय टाक्यो.
36
फाचें मालीकाय बिहीरा असवत्याहान मोकल्या तेपेअहला मोलुलातिया हांसे वाद आथा तिया हाजवी तियाहान तेहेंकीजके अयो.
37
फाचें तियाय तिया पोयराल तियाहाय मोकल्यो, आन तियाय आख्यो तेमा पोयरा तेवीमान थोवी.
38
पेन मोलोसांवालानारा खेतावाला हाय पोयरालवीन तिया तियाहां विचारकीन आख्यो ओतावरीसहाय आवाआपुझ्याल मांय टाकीन इयाबादी मिलकतली लीहु.
39
तियाहांय तियालते अयोआन द्राक्षाहांमोला मेने बारेफेकीदेदो आन तियाल मांय टाक्यो.
40
फाचें द्राक्षाहांमोला मालीक आवी तांहा ठेकोलेनारा खेतु वालाहा काय केअनारो ?
41
यहुदी मुख्ययाजक लोक आन पुढारी आखा लाग्या तो तिया लोकाहांल खात्रीकी मानुदंडदी काहाका तेंखरख्झ्व आथा फाचें तो तिया द्राक्षाहांमोलो बिहीराल खंडाकी देहे द्राक्षे काडनु टेमा वेहारीरि ती की द्राक्षे दीदेनारें एहेंडाहाज तो दीदेनारो.
42
ईशुई तियाल आख्यो तुमा शास्त्राम लेखलो हाय! तो किधीही वाच्यो नाहाका ?
43
तियाहाल तुमाहाल आखुहुं का देवाराज्यो तुमाहाप जो काडीलेहे आन जो राष्ट्र तियाम जो फोलवीदी तियाल तो दिदेहे.
44
इया डोगडा पोडी तोटुकडेटुकडेवी जाय वेन जोरओ डोगडो एगाहा उंचेपोडीते तिया चुरोचुरोवी जाय.
45
ईशुय मोडो याजक आन परूशी लोक इ गोठ येशु काय आखेहे तोहोमजी गिया.
46
ते ईशुल ती लेनारा आथा पेन लोकाहा बीतुला काहाका लोक ईशुल भविष्यवक्तो मानतुला.
Chapter 22
1
ईशुय फाचें तियाहान दाखलो विईन गोठ्या हिकव्या.
2
होरगा राज्य एका राजाहोस हाय, तियाय तिया पोयरा वोराडा मांडो खा निमत्ते देदलो.
3
तियाय जिया लोकाहान वोराडा निमत्ते देदलो, तियाहाल आमी मांडो खा हादा खातोर नौकरान मोकल्या पेन ते लोक नाहा आला.
4
फाचे तियाय बिहिरा नौकरान एहेंकी आखीन मोकल्यो, वोराडाम आवनाराहांन एहेकी आखजा, की राजाय तियाहारामने हारेडोगरे, आनेहारामेने हारेवासडे, वाडीन हारोमांडो तियार केलो हाय तामा हारी वोराडाम मांडो खाआवा.
5
पेन ते नौकरा गोठया नाहा उनाया आन जिया तिया कामा केरा खातोर बाकी खेताहाम आनवाकीवेपार केरा खातर निंगी गियां.
6
आन तिया हाम ने जे बाकी रीगेहेला तियाहाय राजा नौकरान तिइन मार देदो आनमा यटाक्यो.
7
ताहा राजाल रोग किआली आन तियाय, तिया सिपाहान मोकल्या, ते गिया आन तियाहाय नौकरान मायटाकनाराहान तिनमाय टाक्यो, आन तियशहासेहेराल वाली टाक्यो.
8
ताहा राजाय तियानौकरान आख्यो, वोराडाम मांडो तियार हाय, पेन जियालोकाहान मांडो खाआ खातोर तेलायकी नाय आथा.
9
इया खातोर वाटी ही पेजा आन जे लोक तुमाहान सापडी तियाहान बादाहान वोराडाम मांडोखा आखा तोहा दीली आवा.
10
ताहा तिया नौकर तिया वाटीहीपे जाईन हारा आन माहा एहेंडा जे लोक मिल्या, तिया वादाहान मांडो खावावुन जागापे टोलव्या, ताहा तो जागो पोराय गियो.
11
जा हारा जो मांडो खानारा हान वेरा खातोर आलो, ताहा तियाय तिही एका माहाल देख्यो, तियाय वोराडा पोतडे नाय पोवले आथे.
12
राजाय तियाल फुच्यो, ओमा आहेंगात्या, तु वोराडा पोतडे पोव्या शिवाय केहेंकी इही आवी गियो ? ताहा तो कावीज नाय गोग्यो.
13
ताहा राजाय नौकरान आख्यो आय पाग वांदीन झ्यालवारे आंदाराम टाकीद्या, तिही रोडनु दात पिहनुहाय.
14
काहाका हादले ता खुबुज हाय पेन निवडुले वायज हाय.
15
फाचे परूशी लोक टोलवायन तिया तियाहाज विचार केरा लाग्या, का ईशुल केलली गोठीहीम डोगी लेजी.
16
इया खातोर तियाहाय तिया हांवे लाहान आन हेरोदी लोकाहान एहेंकी आखा मोकल्या, ओ गुरू आमा मानताहातू खेरो हाय, परमेश्वरा वाट खेरापणाकी हिकवु तोहो, तु केडा पारवानाहा केअ तो आन तुमाहा मुय विइन गोठया नाहा केलो.
17
इया खातोर तु माहान आखिदे, तुल काय लागे हें ? कैसर राजाल करपट्टी देवनु हारो हाय का नाहा ?
18
ईशुय तियाहान खोटा विचार मालुम आथा, तियाल तो आखा लाग्यो, ओ ठोग्या लोकाहा मान काहाल पार खुहाता?
19
कर-पट्टी पोराखातोर जे पोयसा तुम्हा वापरूतेहे, ते पोययसा मान देखावा, ताहा ते तिया हाय तियाल एक चांदी पोयसो देदो.
20
तियाय तियाहान फुच्यो, इयापआने नाव केडा हाय?
21
लोकाहाय ईशुल आख्यो, कैसर राजा, ताहा तियाहान आख्यो, जो कैसर राजा हाय तो कैसराल आन जो परमेश्वरा हाय तोपरमेश्वरां हाय तो परमेश्वराल द्या.
22
इ उनाईन तियाहान नोवायलागी, आन ते तिहीने निंगी गिया.
23
ति दिही जसदुकी लोक ईशुई आला, तियाहा पंयालोक होम जुतला, मोलो माहु फाचे जीवतो उठनारो तिया हाय तियाल फुच्यो.
24
ओ गुरू, परमेश्वरा निरोप्या मोशेय आखलो आयो, केडोबी माहु तियाल पोयरो नाय वेता तो मोय गियोता. तिया थेयील तिया पाहायराखी लिइन जो मोय गियो तिया पिडी आगला चालवा जोजे.
25
आमी आमाहाम सात पावु आथा, पेहलाय वोराड केयो आन तो मोय गियो, तिया पोयरे नाय आथे तिया खातोर तिया थेयील तिया पावहाय राखी लेदी.
26
एहेकीज तिसराय आन चौथाय भी केयो, सात्याहाय एहेंकीज केयो आन सातीपावहुभी मोय गिया.
27
आन ती भी मोय गियी.
28
फाचे ती जीवी उठी ताहा, सातीपावहामेने केडा थेय रेनारी? काहाका तियुल बादाहांय राखी लेदली आथी.
29
ईशुय तियाल आख्यो, तुमा परमेश्वरा वचन आन पोक्ती नाहा मालुम, तिया खातोर तुमा खोटा विचार केता हा.
30
फाचें मोलामने जीवी उठीन वोराड वेनारोज नाय, पेन ते होरगाम परमेश्वरा दुताहाहोच रेनारे.
31
पेन जीवते विइन उठी तिया हावोद्दन परमेश्वराय तुमाहान आखलो वचन तुमाहाय वाच्यो नाहा का?
32
आय आब्राहामा, इसाहाका आन याकोबा परमेश्वर हाय, ओतामोलाहानाय पेन जीवता लोकाहा परमेश्वर हाय.
33
ईशुई हिकवुनु की लोकाहान नोवाय लागी.
34
ईशुई हिकवुनु की सदुकी लोकाहान ठाकाजराखी देदा, तो उनायीन परूशीलोक टोल वाया.
35
आन तियामने एक जो नियमशास्त्र जांनारो आथो, तियाय ईशु परीक्षा वेरा खातोर तियाल फुच्यो,
36
ओगुरूजी, नियमशास्त्राम केललो हुकुम मोडाम मोडो हाय?
37
ईशुई तियाल आख्यो, तू तो प्रभुपरमेश्वराप पुरामोना की, पुरा जीवाकी आन पुरा अंतःकरणाकी मायाके.
38
इपेहलो आन मोडाम मोडो हुकुम हाय
39
बिहीरो हुकुम भी इयाहोचुज हाय, तू जेहेकी सोताहापे माया केतोहो तेहंकी तु बिहीरा पेभी माया के.
40
इवुनीहुकमे बादा नियमशास्त्रा आन परमेश्वरा निरोप्याहा आधार हाय.
41
जाहा परूशी लोक टोलवाया आथा, ताहा ईशुई तियाहान फुच्यो,
42
ख्रिस्ता बाबतीम तुमाहान काय लागेहे? तो केडा पोयरो हाय? परूश्याहाय तियाल आख्यो, दावीदा पायरो.
43
ताहा ईशुई तियाहान फुच्यो, तो दावीदा पोयरो हाय ता दावीद आत्मा की पोराय गियो ताहा तो ख्रिस्ताल प्रभु, एहेकी काहाल आखेहे? परमेश्वराय मा प्रभुल आख्यो,
44
आय जाव लूग तो दुश्मनाहान तो पागाथुले नाय की देहे तावलूग. तूमा हुदीवेल वोहो.
45
देखा दावीद तियाल प्रभु; आखेहे, ता ख्रिस्त केहेकी दावीदा पोयरो वेनारो ?
46
परूशी लोकाहामने केडाय इया प्रश्ना उत्तर नाहा देदो, तिहीने फाचे केडायज तियाल प्रश्न फुचनु हिंमत नाहा केई.
Chapter 23
1
ताहा ईशय खुबुज लोकाहान आन तिया चेलाहान आख्यो,
2
शास्त्री आन परूशी एलोक परमेश्वरा निरोप्यो मोशे इया गादीपे बोठला हाय.
3
इया खातोर ते तुमाहान जेहेंकी आखी तेहेंकी केजा आन मानजा पेन ते केताहा तोकाममा क्याहा, ते आखताहा पेन सोव नाहा केला नाहा.
4
उसलायनाय ओतोवो जो ते वादताहा आनतोवो जो लोकाहान खांदाहा पेउखलावताहा, पेन तेतिया बोजाल उखला खातोर आकडी भी नाहा लागता.
5
ते तियाहा काम लोकाहान देखावा खातोर केताहा, आन ते; चांवडावोनावलो; तावीते मोडेवो नाव ताहा आन पोरडाहा कोरवादवु ताहा.
6
काही भी मांडा खा आखा तोर हाद्यो ताते मानपाना जागो होदताहा आन सभाथी हीमभीते हेंकीज.
7
बाजाराम लोक तियाहान सलाम ला जोजे आन गुरूजी एहेंकी आखा जोजे, इतियाहान खुबपोटे.
8
पेन तुमा गुरूजी एहेंकी माआखावता, तुमा एकुज गुरू हाय आन तुमा बादा पावहु हाय.
9
तोरती पे केडाल ओमा बाहको एहेंकी मा आखाहा काहा का तुमा एक जबाहको हाय, आन तो होरगा महाय.
10
आय मालीक हाय एहेंकी मा आखावाहा काहाका तुमा एकुज मालीक हाय आन तो ख्रिस्त हाय.
11
जो तुमाहाम सेवक बोनिन सेवाकेहे, तो तुमाहाम मोडो हाय,
12
जो सोवताहाल मोडो केरी, तो हानोकेराय जाय आन जो केडो सोवताहाल मोडो केरी, तो मोडो केराय जाय.
13
ओ ढोंगीपरूशी आनशास्त्रीलोकाहा, तुमा खुबमोडी पीडा हाय, तुमा होरगाराज्यावानो लोकाहाखातोर बोनव केताहा आन तुमा सोवताहा तियाम जातानाहा आन जे तियाम जाते, तियाहानभी जा नाहा देता.
14
ओ ढोंगीपरूशी आनशास्त्री, तुमा खुबमोडी पीडा हाय, तुमा विधवा बायाहीन लुटताहा आन लोक तुमाहान वेरा जोजे, इयाखातोर खुबवी प्रार्थना ताहा, खातोर तुमाहान खुबुज शिक्षा वेरी.
15
ओ ढोंगीपरूशी आन, शास्त्रीलोकाहा, तुमा पीडाखुब मोडी हाय, एका जाआलसोबताहा नौकरबोनावा खातोर दोऱ्याम आन तोरतीपे वादेजहोदता फिरताहा आन तोजाहासापडेहे ताहा तियाल तुमा सेवेनपट नरकशिक्षाबारी सवोनावीदे ताहा.
16
ओ आंदला पुढाऱ्या हांय तुमाहां पेखुब मोडी पीडा आवी, तुमा आखताहाकेडया मंदिरानां वाकी शपथ लेदीता, तियाय ती नाय पाली तेमी चाली पेन मंदिरा होना शपथ लेदीता, तीतियाल पालांज पोडनारी.
17
ओ मूर्ख आंदलाहा होनो आन मंदिरइयामेने केलो मोडो हाय? होनो का जिया मंदिरा की होनो धोखो वेहेतो.
18
तुमा आखताहा केडया भीवेदी शपथलेदीता, तियाय तीनाय पाली तेभीचाली पेनकेडायभी वेदीपेचोढवली वस्तु तियु शपथ जेदीता, तीतियाल पालाज पोडी.
19
तुमाहा आनदला हाय, केललोमोडो हाय? चोडवली वस्तुका, जियो वेदीकी चोडवलीवस्तु चोखी वेहेती ?
20
इयाखातोर जो वेदी शपथलेहेतो वेदी आन तियापे जो बादो हाय, तिया बादाज शपथ लेहे.
21
आन जो मंदिरा शपथलेहे तो तिया मंदिरा आन तियाम रेनारा परमेश्वरा भी शपथ लेहे.
22
आन जो होरगा लेहे, तो परमेश्वरा राजगादी आन तियापे बोहनाराभी शपथ लेहे.
23
ओ ढोंगी,परूशीआनशास्त्रीलोकाहाय तुमा पीडा खुबमोडीहाय, तुमा पुदिना, जिरा, आन ओराजली इया दाहावो भाग परमेश्वराल देताहा पेन न्याय की चालदोयाकेअनु आनखेरापोणाकी चालनु ऐनियमशास्त्रामेने मोडयाममोडे गोठया तुमा सोडी देताहा ऐ गोठया तुमा पालता ताहा रेपेनते मोडया गोठया तुमाहाय सोडनु नाय आथा.
24
तुमाहा आंदला पुढाऱ्या हाय, तुमा पिवनु पायामने मोग्याल काडी टाकताहा, पेन उटडाल पायाआरी गिइ लेताहा.
25
ओढोंगी, परूशीआनशास्त्रीलोकाहा, तुमापीडाखुबमोडी हाय, तुमा बासनेचोलीन साफकेताहा, ते बासनेबारेने हारेदेखातेहे पेन माज मेने खराबवस्तुहुंकी पोरालेहाय, तुमा भी तिया बासनाहा होचहाय.
26
ओ आंदलापरूशीलोकाहा, तुमा पेहलो बासनेमाजने चोलीन साफ केरा, ताहा उपेने भीपोखेवेरी.
27
ओढोंगी, परूशीआनशास्त्रीलोकाहा तुमापीडाखुबमोडी हाय, तुमा चूनो लागवलीकवरी होच हाय, तीकवरउपेनेताखुवहारी देखयेहे, पेन तीमाजमेने मोला माहा आटकाहा कीपोराली हाय.
28
ऐहेकीज, आमाधार्मिक हाय, इलोकाहान तुमा उपेने देखावताहा पेन तुमाहाम ढोंग आन खोटेकामे पोराले हाय.
29
ओढोंगी, परूशीआनशास्त्रीलोकाहा तुमापीडाखुबमोडी हाय, तुमा परमेश्वरानिरोप्याहा कवरावांध ताहा आन जे लोक धार्मिक जीवन जीव गिया तियाहा कवरासोजवु ताहा.
30
आन आखताहा आम आगला कालामडायाहा आरीरेताता परमेश्वरानिरोप्याहान तेहेकीनाय केरा देता.
31
इयाकी तुमा सोवता साक्षी देताहा का, तुमा परमेश्वरानिरोप्यान मायटा कनाराहाज पोयरा हाय.
32
तातुमाजा आन तुमाहावा हाय सुरूकेले खोटे कामे सोबताहा पुरेकरा.
33
तुमाहा हापडे आने हापडा पिलके हाय, तुमा नरका शिक्षेमने केहेंकी वाचायाहा. ?
34
देखा आय तुमाही परमेश्वरा निरोप्याहान, ओकलिवालाहान, आने वचने हिकवुनाराहान मोकलुहु, तुमा तियाहामने बक्याहान मायटा काहा, वाक्याहान कुरूस खांवापे चोडवाहा आन वाक्या हान सभायीहीम चावुकाकी मार दयाहा आन इया सेहेरामने विहीरा सेहेराही लुगओडता फिराहा. इया खातर धर्मी माहु हावेला हीने तावरख्या पोयरो जखऱ्याल तुमा हाय मंदिर आन वेदी वोचमे माय टाकलो तियाही लुग जो धर्मी लोकाहान तोरती माय टाक्या तियाहा पापहा शिक्षा तुमाहापे आवी.
35
आय तुमाहान खेरोज आखुहु, ऐबादया गोठया इयोपिढी लोकाहापेज आवी पोडी, ओयरूशलेम, यरूशलेम तूपरमेश्वरा निरोप्याहान माय टाकतोहो आन जियाहान तो इहीमोकल्या तियाहान डोगडाहाकी ठोकतोहो.
36
जेहेंकी कुकडी तियु पिचलाहान फाकडा हामटोलवेहे तेहेंकी मायभी तोपोयराहान टोलवुनु माआखुवुज मोरजी आथी पेन तोमारे जीनाय आथी.
37
“हे येरुशलेम, येरुशलेम, संदेष्ट्यांहान माय टाकनारा, देवाय तोही मोकलुल्यांहान डोगोडमार केणारा, कुकडी जेहेकी आपु पिचलाहान फाकडा थुली लेहे तेहेकी तो पोयराचावरांहान एखटे करुला मा इच्छा आथी, पेन तुमा इच्छा नाय आथी.
38
वेरा, आमी तुमा पोंगे तुमा खातोर उजाड वी जाय.
39
आय तुमाहाल आखुहू, प्रभु नावाम आवणारो धन्यवादीत री. ऐहकी आखे हुदू तु मान वेणारो नाय हाय.
Chapter 24
1
फांसे ईशु परमेश्वरा भवनामनुबारे आविन आगाडी जातुलु तिया शिष्यातिया होवे तियाल परमेश्वरा भवन देखावा आला,
2
पेन तियाय तियाहान उत्तर दिन आख्या तुमा एआख्या गेठया वेता ने, आमी माय तुमाहान खेरो आखु ईही एक दगडो बीहीरा दगडाप रादेवलो नाहा,
3
फांसे तो जैतुना डोगुपे बढलो आथो ताहा तिया शिष्य तिया आरी एखलाज आविन आखा लाग्या आमान आखकाए गोठया कीधी वेरी, तो आवुलो आण जगा शेवट वेरा समय पाही आलों हाय ई केंला विन्हापनु ओखुनारा,
4
ईशुय तियाहाल उत्तर देदो सांमालजा केडोबी तुमाहान फोसवानेय जोजे,
5
कारण मानावी कीपाक्के माही आविन आखीमाय ख्रिस्तहाय आण ते पाक्का लोकान फोसावी,
6
तुमाल डायां बद्दल आण लढाय केणाऱ्या अफवा बद्दल उनाया पेन तिया खातोर तुमा तियाहान बिया नाहा, ए गोठया वेराज जोजे तेबी ओतामुज शेवट पाही आवे नय,
7
काहाका एक राज्य बिहरा राज्या पउठीहरेक जागा भुकंप आण दुष्काळ आवी,
8
पेन ए आखा गोठया पिळा देणारी सुरवात एहेडी हांय,
11
ते तुमा छल केरा खातोर ती दि आन तुमाहान माई टाकी आन मा नावाकेता बाठे राष्ट्रे द्वेश केरी.
9
फांसे खुब लोकान अडथळावेरी ते एकमेकां विरूध्द उठी आण एकमेकां चुक्या काडी,
10
खुब खोटा सेवक उठी आण ते खुब लोकांन फोसवी,
12
सुरूजवादण्याऱ्या दुष्ट लोकांकी खुबरितियालुज तारण मिली.
13
पेन जो माहोव शेवटलुग टिकिनरि तियालुज तारण मिली.
14
आख्या राज्यांम साक्षी वेरी तियाहाल राज्याम नुई सुवार्ता आख्या जगाम गाजवाम आवि आण फासें शेवटया दिह आवी,
15
दानिएल सेवकाय आखलो आथो उजाड केनारी सोबेनेय एहेडया गोठया पवित्र जागाप परमेश्वरा भवनाम उभीरेहेली तुमा वेरा (वाचनाराई ध्यानाम थोवुलो)
16
ति याटाईमाल यहुदीया शेहेरामनु डोंगाप नाहाय पडुलो,
17
जो केडो उंचे वेरी तियाहाल कोवामनु सामान लाखा तोर ऐठा आवुलो नेय,
18
जर केडो खेताम वेरीताहा तियाय तिया पोतडेला खातोर फाचाडीवली जाऊलो नेय,
19
तिया दिहाम दिहीवालीवेरी का दुध पाजनारी वेरी एहेडी बाईन खुब कठीन जाई,
20
जाहा ए गोठया वेरी ताहा तियाला दिही एहेडो शब्बाथ दिह नेयरा जो ईयाकेता प्रार्थना केजा,
21
काहाका जगा सुरवातीहीनीकीणी जवेयी नाहाआण्ण फासें किधीवरे नेय एहेडो मोडो संकट तिया दिहाम आवी,
22
आजी देवाय ते दिही जर थोडाज थोवला नेय रेता केडोज माहाव वाचलो नेय रेतो पेन तिया निवडुला खातोर तो ते दिही थोडा केरी,
23
तिया टाईमाल जर एगदो तूमान आखी वेरा, ख्रिस्त ईहीहायका तिही हायता तियापे विश्वास थोवा नाहा,
24
खोटे ख्रिस्ती आण खोटा सेवक आवी ते मोडा चमत्कार देखावी देवा निवडुला लोकांहान ते चमत्कार देखावी आण लोकांहान ओतहोज नाहा ता देवानिवडुला हान फसवुनूकामे केरी.
25
ए गोठया वेणु पेहेला जमाय तुमाहान आखी थोव्यहो,
26
एगोहो माहु तुमाहान आखी वेरा ख्रिस्त जंगलाम हाय ताहा तेहेजाहानामा जमेखलीम हाय ताहा तियाहापे विश्वास थोवा नाहा,
27
माय एहेकी आखुहु काहाकावीज जेहेकी पूर्वा होवने पश्चिमा होवे चमके ताहा आख्यान देखाय तेहेकीज पोयरो आवुलो देखाय जाय,
28
जिही मोअलो शरिर वेरी तिही गिध जमा वेरी,
29
तिया दिहाम संकटाम फासें तुरूत एहेकी वेरी सुर्य अधांरो गुडुकवी जाय आण चाँद उजवाडो देय नेय आकाशामनु तारे आन नक्षत्रे टुटी पोडी, आकाशामनु आखी ताकत आलीजाय आकाश गुसवालाहो सगुसवाय जाय,
30
ताहा माहा पोयरा आवुलो चमत्कार आकाशाम देखाय ताहा जगामनु आख्खी जाती लोकं रोडीपोडी, माहापोयराल आकाशामनु वादलाप (ओहीन) सामर्थ्याकी आण मोडा गौरवा की आवता वेरी,
31
माहा पोयरो तुतारी मोडा आवाजाम आपु देवदूत पृथ्वी सोमकी मोकलीदी. ते पृथ्वी चारी कोपरामनु आकाशा एकाकोपराहीनू बिहीराकोपराहीलुग निवडुलाहान टोलोकेरी,
32
अंजिराचाडापनु हिका अंजिर चाडाफांद्या जाहा निल्या आणकोवल्या रेहत्या आण पाने फुटा लागते, ताहा उन्हांला पाही आलोहो एहेकी तुमाहान होम जे हे ,
33
तेहेकींज तुमा एआंख्या गोठ्या वेराताहा एहेकी होंम जा का तो दरवाजापाही हाय,
34
मायतुमाहान खेरो आखु एआख्या गोठया पुऱ्यावेरी तावलुग ईपिडीतावहुग पारवाय नेय,
35
आकाश आण पृथ्वी टोलीजाय पेन मा वचने किधिज पारवाय नेय,
36
पेन तिया दिहाबद्दल आणतिया समयाबद्दल बाहका शिवाय केडोज काय ताजों नाहा, स्वर्गामनु देवदूतबी जातूलानेय आण खुद पोयरोबी जातुलो नेय,
37
नोहा कालुमवेला तेहेकी माहा पोयरा आवुलो समयालबी वेरी,
38
ताहा जेहेकी महापुर आवुलो आगुदर लोक खातुला पितुला लोक वोराड केतुला वोराडकी देतुला, नाहा उडयाम जायतावलुग लोक एगोठया केतुला,
39
आण महापुर आविन तियाहान लीगियो तावलुग तियाहान मालुमबी नाहा पोडयो तेहेकीज माहा पोयरा आवुलो वेरी,
40
बेनी माही खेताम एकुज जागो काम केरीता तियाहामनु एकाल उंचे लीलेवाम आणि आण बिहीराल तिहिज रादी,
41
बेनबाया चाक्की पदोतुल्या ताहा तियहू बेनीमनु ऐकील उंच्चे लीले वाम आणि आण बिहीरिल तिहीज रादी,
42
तियाहाल तुमा जागतेऱ्या काहाका तुमान मालुम नाहा का केल्ला दिहाम तुमा देव आवी,
43
ईध्यानाम थोवा चोर केहेडी वेल आवी ईजर कोवा मालकाल मालुम रेतोता तिया खातोर तियारिमुजरे तो आण चोराल कोनुज नाहा नेय देतो,
44
ई गोठी खातर तुमा बि तियार वेरा जोजताहा तुमाहान अपेक्षा नेय वेरी ताहा पोयरो आवी,
45
ता जियाल तियामालकाय तिया कुटुंबाल तियाहान तिया मांडो टायमाप दा खातोर थेवलो हाय तो विश्वासु आण विचार केणारे दास केडो हाय,
46
सेवक तिया मालकाल तो आवे ताव तेहेकी केतादेखाय तो धन्य हाय,
47
मान खेरो आखा मालक तिया आख्खी धनदोवलत तिया चाकरी केनाराल होपी देदली,
48
पेन जर तो दुष्ट सेवक तिया मोनाम एहेकी आखी का मा मालकाल वाट जो वीरीयोहो,
49
तो चाकरि केनारो बीहीरा चाकरि केनाराहान ठोक मार केतोलोआण तिया होस लोकांआरी मांडो खाईन आण होरो पिनमस्तवेरी,
50
आण तोचा करीके नारो तिया रिम नेयरेय ताव मालक आविजाय.
51
फासें मालक तिया चाकरी केनारा तुकडेकेरी तिया चाकरि केनाराल मालक ठोगलोकां आरी राखतोर मोकली आण तिया जागाप रडुलो आण दातकाडुलो चाली,
Chapter 25
1
ताहा निवा दिहाम स्वर्गा राज्याम दाहा कुवारी होस वेरी तियुहीय तियुह दिवा लेदा आण बोर राजाल मिला गिया,
2
तियुमनु पाच मुर्ख आध्या आण पाच हुशार आथ्या,
3
मुर्ख कुवारिहीय तियुहु दिवा लेापेन दिवास थका खातोरतेल माघ लेदो,
4
हुसार कुवारिहीय दिवा आरी तियुहू बासनाम तेल लेदलो.
5
जाहा वर राजाल वा वी गीयी ते आख्या जोपा लाग्या आणनेहुवी गिया,
6
आरदी राती केडाय तेबी आवज केयो वरराज्यो आवीरियो बारे निगिन तियाल मिला,
7
आख्या कुवाप्या उठीचल्या आण नियुठीय तियुहू दिवा तियार केया.
8
ताहा मुर्ख हुसारूहुन आखा लाग्या तुमा तेलामनु आमाहान दया आमा दिवा खोलाय रियाहा,
9
पेन हुसार आख्या तियुहीय आख्यो तो तुमाहान आण आमाहान कदाचित पुरे नेय. तिया खातोर तुमा वेचनाराही जा आण तुमाखातोर वेचतो ल्या,
10
ते तेल वेचतो ला गिया वर राजो आलो जे तियार आथ्या ते वराडकेरा तिया आरी कोमे गिया फासे दरवाजो बंद वि गियो,
11
फासे बिहि-या बी आल्या आखा लाग्या हे प्रभु आमा खातोर दरवाजो उघडाव,
12
पेन तियाय आख्यो माय तुमाहान खेरो आखु माय तुमाहान ओहकुतो नाहा.
13
तियाहाल सदा तियार–या काहाका माहा पोयरो कीधी आवी तो दिही आण तो टाईम तुमाहान मालुम नाहा,
14
काहाका ई परदेशाम जाणारा माहाहोस हाय जियाय कानी जावुलो पेहेलातिया चाकरिकेनारा हादीन तिया धन दौलत तियाहान होपी देदी,
15
तियामनु एकाल तियाय पाच हजार होना थैल्या सिक्का बिहराल तियाय बेन हाजार होना सिक्का थैल्या आण तिसराल तियाय एक हाजार होना सिक्का थैल्या देद्या प्रत्येकाल तिया तिया मानेाकी तियाय पैसा देदा फासे तो तिया प्रवासाल निगी गियो,
16
जियाल पाच हजार होना सिक्का थैल्या देदल्या आथ्या तियाय तिया मनाकी काम केरा सुरवात केअई. आण आजी पाच हाजार होना सिक्काहा थैल्या कामाव्या,
17
मेहेकीज जियाल बेन हाजार होना सिक्का थैल्या तियाया मिलल्या आथ्या तियाय आजी बेन हाजार होना सिक्का थैल्या कोमाव्या,
18
पेन जियाल एक हाजारा होना सिक्काहा थैल्या मिलल्या आथ्या तियाया तरतीम एक खाडो खोदीन आण मालका सिक्का तियाम देाबावला,
19
थोडाक दिहाकी चाकरी केनाराहा मालक आलो आण तियाय तियाहा हिसाब ला चालु केयो,
20
जियाल पाच हाजार होना सिक्का थैल्या मिलल्या आथ्या तियाय मालकाप आजी पाच हाजार लावीन देदया तो आखा लाग्यो मालक तुयुय देदल्या सिक्काप माय आजी पाच हाजार सिक्का कामाव्या,
21
तिया मालक आखा लाग्यो शाब्बास हारो आण विश्वासु सेवक तु भोरोसो थेवेएहेडो चाकरी केनारो हाय, तु थोडा सिक्का खातोर इमानदारहोस वाग्यो तियाल माय कासयम तुल होपी देहुव माज जो आण तो मलका खुशीम सहभागी वी जो,
22
फासे जिया माहाल बेन हाजार होना सिक्का थैल्या मिलल्या आध्या तो मालकाहाय आलो आण अखा लाग्यो मालक तुयुय मान बेन हाजार होना सिक्का थैल्या देदल्या आथ्या माय आजी बेन हाजार कामाला हाय,
23
मालक आखा लाग्यो शाब्बास हारो आण विश्वासु सेवक तु भोरोसो थेवेएहेडो चाकरी केनारो हाय, तु थोडा सिक्का खातोर इमानदारहोस वाग्यो तियाल माय कासयम तुल होपी देहुव माज जो आण तो मलका खुशीम सहभागी वी जो,
24
फासे जियाल एक हाजारा होना सिक्का थैल्या मिलल्या आथ्या तो मालिापाही आलो आण आखा लाग्यो, मालक मान मालुम आथो का तूमा एक कठीन नियमा माहुव हाय जिही पोओलो नाहा हाय तीही तुमा कापणी केताहा आण तिही बिया पोअल्या नाहा तिही पिक लेताहा,
25
माल तो धाक आथो तियाल माय जाईन तुमा एका हाजारा होना सिक्का थैल्या तोरतीम दोबावी थेावल्या ए ले ऐ तोज हाय,
26
मालकाहाय उत्तर देदो ओ वाईट आण आल्योहा चाकरी केनारा माय जिही पोओलो तिही कापणी केतोहो आण जिही जिही पोओलो नाहा तिही पिक लेतोहो ई तुल मालुम आथ्यो,
27
ता तु मा सिक्का सावकाराही थोवले रेने फासे माय को आवतो याहा मान व्याजाआरी मिलतो रेतो,
28
तियाल मालकाय बिहीरा चाकरी केनाराहान आख्यो ईयाप एक हाजार होना थैल्या हाय ते तियाल दया,
29
काहाका आपुहुपे जो हाय तिया वापर केनाराल आजी देवाम आवि आण तियाप खुब वेरी पेन जो आपुहुपे रेहेतेबी उपयोग केतजा नाहा, तियाप जो काय वेरी तो आख्यो तियापनु लेवाम
30
आवी, फासे मालक आखा लाग्यो ईया आल्याहा चाकरिकेनाराल बारे आंधाराम टाका तिही रोडुलोक आण दात खदुलो चालेहे माहा पोयरो आख्याहा न्याय केरी,
31
माहा पोयरो जाहा तिया स्वर्गा गौरवाकी तिया देवदुताआरी आवी ताहा तो तिया गौरवी एहेडो राजासनाप बही,
32
फासे आख्खे राष्ट्रे तिया हुबुर एकुज जागे टोलवाय तियाहान तो एक बिहीरायनु अलग केरी, जेहेकी मेंढेवारनारो मेंढे बोकडाहीनु दुर केरेहे,
33
तो मेंढहान तिया हुदीवेल भोवाडी पेन बोकडाहान तों उलटीवेल भेवाडी,
34
फासे राजा जे तिया हुदीवेल हाय तीयाहान आखी जे तुमा मा भाका धन्यवाद केनारे हाय, ई राज्य जगा स्थापनालुग तुमाखातोर तियार केलो हाय तिया राज्या वतनदार वेरा,
35
ई तुमा राज्या हाय काहाका जाहा माय पुखो आथो ताहा तुमाय मान खा खातोर मान पाय पिलागली ताहा तुमाय मान पाय पिया देदेा, माय बिहीरा देशामनु आथो आण तुमाही मान कोमे हादयो,
36
माया उघडालो आथो ताहा तुमाय मान पोतडे देदे माय बिमार आथो ताहा तुमाय मा कालजी लेदी, माय झेलुम आथो ताहा मापाही आले,
37
फासे जे ईमानदार हाय ते उत्तर दी प्रभु आमाहाय तुल केहेडी वेल पुखोज आण पायपी वेला आण तुल खा खातोर आण पिया देदलो,
38
आमाहाय तुल पार गावचो आचखी कीधीही वेलो आण तुल कोमे कीधी हादलो का आमाहाय तुल कीधीही उगडो वेलो आण पोतडे देदले,
39
आण तु बिमारी आथो ताहा तुल किधी वेरा आल्ला, आण किधी झेलांम आथो ताहा तो पाही आल्ला,
40
फासे राजो तियाहान उत्तर दी माय तुमाहान खेरो आखु ईही हाय ते मा बांधवामनु एकाल केरा ता तो तुमाय मानुज केयो,
41
फासे राजो तिया उलटीहोवपे बोहलो तियाम आखी माहिनु दुर जा तूमा शापित हाय,सदाकाल अग्निसिध्द केलो तियाम जा आगीम सैतान आण तिया दुताखातोर तियार केलो हाय,
42
ई तुमा शिक्षा हाय काहाका माय पुखो आथो पेन तुमाय मान कायज खातोर देदो नाहा, मायपायपी लेवालो आथो पेन तुमाहाय मासन कायज पीयाखातोर देदो नाहा,
43
माय पारायो आथो ताहा मान कोमे हादयो नाहा माय उघडालो आथो पेन तुमाहाय मान पोतडे देदे नाहा, माय बिमार आण झेलुम आथो पेन तुमाहाय मा चाकरी केरी नाही,
44
फासे ते लोकसुध्दा तियाल उत्तर दी प्रभु आमाय किधी वेलो, का पोतडे नेय आथे बिमारी आण झेलुम किधी वेलो आण तो मदत केयी नाहा,
45
फासे राजो तियाहान उत्तर दी माय तुमाहान खेरो आखुहु का ईया खातोर एगा हानलबी केयो नाहा तो मान केयो नाहा ,
46
ते ता सदाकाल शिक्षा भोगा जाय आण हारो माहुव सार्वकालीक जीवन जीवा खातोर जाय,
Chapter 26
1
फासे इशुय इ आख्यो परानपे आखथा तो तिया शिष्यान आखा लाग्यो.
2
बेन दिहाकी पडला सण हाय इ तुमाहाल माहीत हाय आणी माहा- पाधरा खीला ठोकीन मारानारो हाय, मारा खातोर तोरावी दि,
3
फासे मुख्या याजक लोक आन वडील वर्ग, महायाजकाहा मेहलाम जोम्या, मुख्या याजका नाव कयफा आथो.
4
समामे मिलीन तियाहाय मसलत केये युशुल पकडा अटकावी जीया मारताहा.
5
तेवी ते आखा तुल जा दिही रादे नेता मारामे मोडो राडो वी जाय
6
तहा इशु बेथानी गावाम शिमोन जो कृष्ठरोगी आथो तिया कोओ मे गीयो.
7
येशु तिहा हाथेा ताहा एक थेय तीयही आली, खुब किमती ऐहडी मोलवान गुंदाय ऐहेडी अलाबास्त्र तेला कुपी तियी पाहे आथी आन येशु मांडोखां खातोर टेकीन बोठलो आथो ताहा तीयुय ती कुपी तीया मुनकावे टाकी देदी.
8
पेन तिया शिष्याय तो वेयो ताहा तियाल रोग आली शिष्या पुछा लाग्या ऐहडो नाय काहा ?
9
तोह पाकां पैसा की आने तेह पौसा अरिवाल दी सेकतुली.
10
पेन इशुल तेह काय आखतुला तोह मरलुम आथो तियाय तिहाल फुस्यो तूमा ऐपली थेयीले काहा तारास दी रिया तियाये मा खातोर खूब हारो काम केयो,
11
गरिब माहाये तुमा आरी कामय रि पेन माय तुमा आरी कायम रेनारो नाहा.
12
काहाका तियुय मा डिलाव सुगंधी तेल टाक्यो तोह माले पुरा खातोर तियारी केयी,
13
माय तुमाल खेरो आखू आखा जगाम जी सुवार्ता आखाम आवी तीह तीही ई थेयीय जो केयो तिया काम आने तिई ईत म्हणुन आखाम आवी.
14
बारा शिष्या केहता एक यहुदा इस्क्ार्याेत मुख्या याजकाय गियो.
15
यहुदाय आख्यो माय यिाशुल तेरावी देदो ताहा माल काय दया ताहा तियाल चांदी तिस िाका देदेा.
16
ताहा यहुदाय यीशुल तेरावी दा संधी वाट जोवतुलो.
17
बेखमीर माडा सणा पेहला दिह यीशु शिष्य तियाय आला तिया आख्यो. आमा आपु खातोर वल्हाडन सणा मांडो कीह केरा जोजे ऐहकी तोह ईया काय हाय,
18
यीशुय आख्यो तुमा गावामे ऐंगा माहाय जो आने तियाल आखा गुरूजी आखे का मा समय जागे आलो हाय तोह को मा शिय्याआरी माय वलांडनसण केनारो हाय.
19
यीशुय जो आखलो आथो तोह तिया शिषया केयो आने तियाय वलांडनसण जेवण तियार केयो.
20
वातीवेले यीशुय तियाहा शिष्याआरी जेवण केरा बोठो.
21
खाता खाता यीशुय आख्यो माय तुमाहाल खेरो आखुहू तुमामने एक जाह माह आरी विश्वासघात केरी.
22
ते खुब दु:खी वेया आने तियाणु आखा जाहा तितियाणे पुछा लाग्या प्रभुजी तोह मायता नाहा का ?
23
फासी यीशुय जावाब देदो जियाये माह टाटाम हाथ टाकलो हाय तोज हाय, विश्वासघाती हाय.
24
जेकी माहापोयरा बाराम पवित्रशास्त्रामे लिखलो हाय ते की तोह जहय खेरो पेन जो तिया विश्वासघात की रियो तियाल दिखार हाय तो माहाव जर जन्मणे लेतो ़तिया खातर हारो रेतो.
25
फासी योहुदा जो तियाआरी विश्वासघात केनारो हाथो तो यीशु होवा वलीन गोग्या तोह मायता नाहा का ?
26
ते जेवण केहतुला ताहा यीशुय माडो लेदो तिया देवा आभार मान्यो आने ती तियाये तो माडो शिष्याल दे दो तियाआख्यो ले आने खा ओ मा शरीर हाय.
27
फासी यीशुये लोटो लेदो तियाबददल देवाय आभार मान्यो आने तो तिया शिष्या देदो यीशुय आख्यो तुमा आखा यामने पिया.
28
काहाका ई मा शरारा रक्त हाय इ पाप माफी केहता खूब लोकाखातर टाटाम टाकलो जाय.
29
माय तुमाल आखू माय देवा राज्याम तुमाआरी नवो द्राक्षरसा पिण ति दिहालुगे द्राक्षरस माय पिनारोज नाहा.
30
फासी तिया एक स्त्रोतो मानो आखीन जेनतुना डंगापे निधी गिया.
31
यीशुय आख्यो आज राती तुमा आखा चकीत काहका ऐकी लिखलो हाय का माय मेंढपाळाण मारे आणे टोलामणे मेडें सुठे पोटी जाय.
32
पेण माय मोलामणे उूठे ताहा तुम्हा केहताज पेहलाज गालील शराम जाय.
33
जवाब देताज पेत्राय आख्यो ई आखा जर आपु बाराम जर चूकी तेभी आये चुकनारेा नाहा.
34
यीशुय तियाण आख्यो माय तुल खेरो आखू आज राती कुकडो गागाय तिया पेहला तु तिन दाव माहा नाकार केरो.
35
पेत्राय आख्यो माल तो आरी मोरा पोडी ते बी माय नेय नकार बिहिरा शिष्याय तेहकिज आख्यो,
36
फासी गेथशेमान नावा जागाप यीशु तिया शिष्याआरी गियो यीशुय तियान आख्यो माय थोडोके आगला जाय प्रार्थना किईवे ताव तुमा ईहिज –या.
37
यीशुय पेत्र आने जब्दी बेन पोयराने तिया आरी आवा आख्यो फासी यीशु मनामूज खूब दु:खी वेयो आने कागावागा वेरा लाग्यो.
38
यीशु पेत्राल आने जब्दी बेनी पोयरान आख्यो मा जीव खूब दु:खी आने मोरा होस वी गियो ई रोकाया आने मा आरी जागता –या.
39
तो थोडेक आगला गियो आने पुये पोडीन प्रार्थना केरा लाग्यो ओ मा बाका तो कि वेता वेरीता ओ दु:खा समय मा आगलाने जा दे ते बी मा ईछया की नाहा पेण तो ईछया कि वेरा दे.
40
फासी तो शिष्याय फासो गियो ताहा ते उतला हाय लोकाहाले मा आरी ऐगो ताज बी जागतो नाहा रेवातो का ?
41
तुमा परीक्षाम नेय पोडा तियाल जागता –या आने प्रार्थना केता –या आत्मा खेरेज उतावलो हाय खेरे पेण शरीर कमजोर हाय.
42
फासी बीरी दाव जाय यीशु प्रर्थना केरा लाग्यो ओ मा बाका जर दु:खा ओ समय माय वेया शिवाय टोली नेय जाय ता तो ईछया वेरी ऐहकीज दे.
43
फासी यीशु तियाय फासे गियो ताहा तियाल ऐहकी वाटयो का तियाहा डोवा जउ वी गिया आने हूवी गिया काहाका तियाय कि जागतो नेय रेवातलो.
44
फासी याीशु तियान फासी यीशु शिष्यान तेहकीज सोडीन आगला गियो आने तिसरी दाव प्रार्थना केयी.
45
या फासी यीशु आजी शिष्याय गियो आने तियान आख्यो तुमा आजी हूवीरीया का आजी आरामूज की रिया वेरा माहा पाुयरो पापी लोका हाथाकी तेराय रियो.
46
उठा चाला वे माल तेरावनारो माहा जागो आलो
47
यीशु ऐकी गोगतोवेळी तोतामुज बारा शिष्यामेने एक जो योहूदा हाथो तो ती आलो तिया आरी लोक आथो मुख्य याजक आने वडलाय तियाय मोकलुलो हाथो ते लोक तलवार आने होटा ली आला आथा.
48
आने तियाले तेराविदेणाराये तियाले लालुच दि आखलो आथो का माय जियाले चूमो तोज तो हाय तियाल मुम्हा तेजा.
49
फासी यहुदा यीशुय गियो आने आख्या हे राब्बी आने यहूदाये यीशुल चूमे हे.
50
यीशु तियाल आख्यो हेगात्या जो केरा आलो तो के फासी यीशु जागे आला तियाय यीशु वे हाथ टाक्यो आने तियाल तेयो.
51
इ्र वेता यीशु आरी एका जाये तलवार हाथाम लेदी आने ति काठी आने तियाये एक महायाजका सेवका कान वाढी टाक्यो.
52
यीशुय ति माहाल आख्यो तो तलवार म्यानाम थेावी दे जे तलवार वापर केता ते तलवारीकीज मोहना.
53
माय याहा बाकाल आख्यो ता तो देवदूता साहा हजार सेनिकाल एक ऐहंडा वारा केहतां वादार पोलटन मोकली ई तुम्हाल होमजूतो नाहा का ?
54
पेण ई ऐहंकीज वेरा जोजे ऐहकी जो शास्त्रलेख आखे तो केंहकी काय पुरो वेरी
55
या फासी यीशु आखा लोकाहा टोलाल आख्यो जे की का माय एओ गुणेगार हाय ऐहंडी रित की तुम्हा तलवार आने होटा आथाम ली माल तेरा माये चाल की आला का माय रोज दी परमेश्वरा मंदीरामे शिक्षण देतुलोे ताहा तुमाय माल नाहा तेयो.
56
पेण या आखी गोठी आशा केहंता वेया का संदेष्टयाय जो लिखलो आथो तो पुरो वे फासी यीशु आखा शिष्यातियाल सोडीन नाय पोडया .
57
ती लोकाहाये यीशु तेयो तियाय तियाले महायाजक या को ली गिया तीह नियमशास्त्रा शिक्षक आने वडील जाय वेगा वेला आथा.
58
पेत्र यीशु थेाडेक फासला चालो आथो पेत्र यीशु फासला महायाजका आगनाम लुग गियो आने हेखातो बोठो का काय वे तो वेरा खातर कामदाराआरी बोय गियो.
59
यीशुल मारा खातोर मुख्याजक लोक आने आखा यहूदीअधिकारी सभा तिया विरोध आवी खोटो आरोप केहंता आवी या प्रयत्न केरा लाग्या खोटी साक्षी देणारा लोक सापडूता का होद केरा लाग्या.
60
खुब खोटी साक्षी देणारा आला आने यीशु बारामे खोटी साक्षी दा लाग्या पेण यीशुले जिवे मारा कायज कारण नाहा यहूदीसभा नाहा, सापडया शेवट बेन माहाव आगला आला ते आखा लाग्या.
61
या माहाय ऐहकी आख्यो का देवा भ्वन माय पाडी सेके आने तिन दयाहाम फासे बांदी बी सेकू
62
ताहा महायाजक उटीन यीशुल आख्यो अे लोक तो विरोध साक्षी दी रिआ तो विरोध जे आरोप हाय तिया बारामे तु कावी आख्णू हाय का ऐ आखा.
63
पेण् यीशुय काय जवाब नाहा दे दो आजी एक दाव महायाजकाय यीशुल पुच्यो जिवता देवा नावा शपथ माय तुले खेरे आखु का माय तुले शपथ दी आखू का खेरो काय माल आख तु देवा पोयरो ख्रिस्त हाय काय?
64
यीशुय तियान आख्यो होव माय हाय जे की तुय आख्यो ते बी माय तुमाल आखू माहा पोयराल तुमा सामर्थ्या जेवना आधार बोठलो आने आकाशामने आवता वेरा.
65
जहा महायाजकाय ई उनायो ताहा तो खूब दु:खी वेयो तिया स्वत: पोतडे फाडी टाक्ये आने आख्यो यान देवा विरोध निंधा केयी आमाल साक्षीदार गरज नाहा रियी याले देवा निंधा केता तुमा उनाया .
66
तुमाल काय वाटे यहुदाय उत्तर दे दो तो गुनेगार हाय आने अेपोलो मराज जो जे.
67
ताहा ते तियाव धुक्या तियाय ठोक्यो आने बिहिराय उनावीन ठोक्यो.
68
तियाय आख्यो ख्रिस्ता आमाहा केहंता भविष्यवाणी आख तुल केहडाय ठोक्यो
69
या टायमाल पेत्र वडाआगमनाम बोठलो आथो महायाजकाहा दासी मे ने एक दासी पेत्राय आली तिया आख्यो तु वी गालीलाम यीशु आरी आथो.
70
पेण पेत्राय आखाहा हूमूर नेय मान्यो तियाय आख्यो तु काय आखती तो माल मालूम नाहा.
71
फासी तो आगनामनू निधींन फाटकाय गियो फाटका हूमूर बिहिरी दासी तियाल वी लेदो तिह आथा ति लोकाहाल आखा लागी नासरेथा यीशु आरी ओ आथेा.
72
आजी एक दाव पेत्राय शपथ लीन यीशुल नकारीन आख्यो माय तियाल नाहा आखुतो.
73
एक घेडी फासी तिह आथा ते लोक पेत्रा होवे वोल्या आने आखा लाग्या तू खेरे यीशु शिष्यामने एक ई आमाल मालूम हाय तो गोगणूपणे आमाल स्पष्ट देखाय रियो.
74
फासी तरे सोताल शाप दा लाग्यो तियाय मोठेणे आख्यो माय देवा शपथ आखू यीशु ओ माहाव केठो हाय तो माल नाहा मालूम पेत्राय ऐहंकी आख्यो ताहा कुकडो वाहायो.
75
फासी यीशुय काय आखलो आथो तो पेत्राल ईत की आलो का कुकडो वाहा तिया अगोदर तु माल तिन दाव नकारे फासी पेत्र तिहीने बारे निघि गियो आने मोडा दु:खा रोडयो.
Chapter 27
1
ताहा उजाडो वेयो ताहा आखा मोडा याजक लोग आण डाया हा ईयाय यीशूल केहकी मारला ईया विचार केयो.
2
तीयाय यीशुल हाकली बादीन ली जाईने रोमी सैनीकाहा अधिकारी पिलाता आथुम होपी देदो.
3
ताहा तीयाय यीशुल गुन्हेगार टरवी देदो ई विने तीया शत्रु आथुम यीशुल होपी देणारे यहुदा पासतायो तीयाल तीयाय चांदी तीस नाणे लिन मोडा याजक लोक आणे डाया पासे आलो.
4
तीयाय आख्यो मायु जीया काय चुक नाहा काय तीयाय माई टाका वाटो दिन पाप केयो. यहुदी लोकाय आख्यो ईयाम कामा काय केनी तो तुल माहिती आथेा.
5
ताहा यहुदाये ती चांदी नाणे परमेश्वरा मंदीराम फेकी देदा आणे तो नीगी गीयो पासे बारे जाईने सोताल फासी लागवी लेदो
6
मुखयाजक चांदी ते तीस नाणे लेदया आणे आरबा लाग्यो ऐ पोईया परमेश्वरा मंदीराम खजानाम ठोवता कावे नाय ई कामा नियमा विरूध्द हाय काहाका ऐ पौईसा केडाल तेबी माई टाकावा खातुर देदला आथा.
7
ताहा तीया विचार कीने तीया पौईसा कुंभारा खेत वेचतो लेदो आण तीयागाम माहान बोनावा जागो लेदो.
8
तीया खातोर आज बी तीया जागेल रोक्ता खेत एहकी आखता हे
9
ताहा यिर्मया संदेष्टया हा जो आखलो तो पुरो वेयो तीयाय आख्यो का इस्त्राएलस यहुदी लोकाय जे चांदी तीस रूपया माहाल माय टाका खातेार ठोरवी देदला ते ली लेदा.
10
माल प्रभु परमेश्वराय आज्ञा देदी तेहकिी चांदी त्या तीस पोईसा की तीया ते कुभांर खेत वाठो देदो.
11
ताहा यीशु राज्यपाल पिलाता हुबुर उबो रीयो ताहा पिलाताये तियाल फच्यो तु यहुदी लोकाहा राजो हाय का… यीशुय आख्यो हा माय हाय जेहकी तुमा आखी रीया हा.
12
पेन ताहा मोडा याजकाय आन डायाय तीयापे चुक्या काडा लागया तो तो काईज नाय काय गोग्यो.
13
तीयाय पिलाताय यीशुल आख्यो ऐ लोक तोपे चुक्या काडी रीया तो चुक्या देखावी रीया तो तु उनाय रीयो ने तातु का हाय आरबी नाहा रीयो.
14
पेन यीशुय पिलाता ले कावीज नाय काय गोग्यो आणे पिलाताल नोवाय लाग्यो.
15
वलांडन सना वेल दरी वोरी लोक खातोर राज्यपाल ये तीया निवडीकी जेलुमेने केडालबी एकाल सोडी देवना रीत आथी.
16
ता तीही एक बरब्बा नावु खुप मोडो बांड आथो
17
तीयाल जाहा लोक टोलवाया ताहा पिलाताये तीयान फुच्यो तुमा काय मोरजी हाय तुमा बाटो माय केडाल सोडु बरब्बा ल का जीयाल ख्रिस्त आखतेहे तीया यीशूले.
18
काहा का तीयाल होमजी गेहलो तीयाय तीयाल ठोगीन ती देदलो हाय.
19
तो न्याय केरूला जागावे बोठलो आथो ताहा तीया थेईये तील एक गोठ आखी मोकली ईया माहावेल होमजीले आणे हारकी वीचार के काहाका तीया काय चुक्या नाहा तीयाकेता होवनाम मान आज दिही पोय खुप दु:ख वेयो हो
20
पेन पिलाताये बरब्बाल सोडी दिवुला आण यीशुल माय टाकुला का नाहा ऐहकी लोकाय विचार आवा जोजे तीयाय मोंडा याजकाय आण डायाय ईयाय आखालोका हा मोने वोलवे.
21
राज्यापाल ये लोकान फुच्यो माय ईया बेन्यामने तुमा वाटो केडाल सोडी दिव ऐहकी तुमा ईछा हाय लोकाय आख्यो बरब्बाले.
22
पिलाताय फच्या आने जीयाल ख्रिस्त आखता ईया यीशु आमी आय काय कीव आखा लोक बोबलीन आखा लाग्या ईयाल वधस्तंभावे खिल्या ठोकीन ताई टाका
23
पिलाताय आख्यो काहा ईयाय काय खोटी काम केयो पेन आखा लोक बोबलीन बोबलीन आखालाग्या तीयाल वधस्तंभावे चोडवा.
24
लोक हुबुर मा कावीज नाय चाली ई पिलाताले जोमजाये पेन उलटा लोक जास्तीज बोबला लाग्या, तीयाय पाई लेदो आण लोका हुबुर तीयाय आथ तुव्या.
25
आखा लोक आखा लाग्या ईया रोक्ता दोष आमापे आण आमा पोयरापे रे.
26
पासे पिलाताय बरब्बाले सोडी देदो आण यीशुल चबकाय फटके ठोक्या आण वधस्ंतभाप खिला टोकीन मारा वाटो तीयाय तीया माहान होपी देदो.
27
फासे पिलाता शिवाय यीशुल राज्यपाला वाडीम ली आला आण तायाय तीयाय तीया वाटो आखा शिपाया टोलो मागाव्यो.
28
तीया कपडे काडी लेदे आण तीयाल एक लाल रेंगा कपडे पेावा देदो.
29
पासे एक काटाहा मुकुट तयार कीन तोयाय यीशु मुनकाम पोवावी देदो केहकीज तीयाय तीया उजवा आथुल एक दा ठोक्या पासे शिपाय तीया आगला गुउगे वालीन तीया मजाक उडवा लाग्या आन आखा लाग्या यहुदा राजा तुल सालाम.
30
आण तीयाप शिपाय खुपा लाग्या आण तीयाल पाये यीशु मु नकाम ठोक्यो.
31
यीशु निंदा पारवाया ताहा तीयाय तीयाल जे कोपडे पोवा देदले आथे ते काडी लेदे आन तीया जे कोपडे आिो ते पासे पोवी देदे पास तीयाय वधस्तंभापे चोडवा ली गिया.
32
ताहा ते बारे जातला ताहा तीयान बारे एक शिमोन कुरनेकर नावु माहु मिल्यो तीयाय तीन तीयाल वधस्ंभ वोरा लागव्यो.
33
जाहा ते गुलगुथा (कवटी नावा पे) आला.
34
ताहा तीयाय यीशुल पिया द्राक्षारस देदो पेन तीयाय तो चाखीन पीया नाया आखी देदो.
35
तीयाय तीयाल वधस्तंभापे खिल्ला ठोक्या पासे तीयर यीशु कोपडे पाडीने तीयर कोपडा चीथक्या कीन वाटी लेदया.
36
शिपाय तीयी यीशु नोजोर थोवा लाग्या आन आखा लाग्या.
37
आण ओ यहुदा राजो येशु हाय ऐहकी लिखलो आरोप लेखीन पाटी यीशु मुनका उजवया आजुल लागवी देदी तीही बेन चोरान बी क्रुस खांबापे उलटीवेल क्रुसखंबापे चोडव्या
38
बेनी चोरांहान एकाल हुदीवेला आन एकाल उलटीवेला ऐहेकी तिया आरी कुरुसखांबाव खिलाटा आलो.
39
जे जागापे जातले ते वोलीवीम तीया निंदा केरा लाग्या आखा लाग्या.
40
आन आखा लाग्या ऐ परमेश्वरा मंदीर तोडीन तीन दिहाम पासे उभो केनारा सोताल वाचोव जर तदेवा पोयरो वेरी ता वधस्तंभापेने नीचे कावी जो.
41
तेहकीज मोडा याजकाआरी नियमशास्त्रा शिखक आन यहुदी लोक तीया चेष्टा केतलाे आन आखा लागे.
42
ईयाय बीहजान वाचावे पेन ओ सोताल वाचवी शकतो नाहा ओ इस्त्राएला राजो हाय ऐहकी वेरी ता तीयाय वधस्तंभापेने नीचे आव ताहा आमा आखे तायापे भाुरूसो ठोउवु.
43
तो देवापे भरोसो ठोवे हे देवाल तो जो तो वेरी देवाय ईयाल वाचवा जोजे काहाका तेा आखे माय देवा पोयरो हाय.
44
तेहकीज तीयर आरी क्रुस खांबापे चोडउला चोर बी तीया आरी यीशु निंदा केरा लाग्या.
45
ताहा दुपारी बारा वाजे .ने ती वाजे लुग आखा देशाम आंधारो पोडलो आथो.
46
अंदाजे नवव्या तासाकी यीशु मोडा आवाजाम बोंबलीन आखा लागयो (एलोई एलोई लमा सबख्थनी) इया अर्थ मा देवा मा देवा तुयु मान काहा सोडी देदो.
47
जे लोक तीही उबला आथा तीयाय ई उनाय आखा लागया तो एलीयाल हादी रीयो हो.
48
तीयामेने ण्क माहु माहरी धेउतुतो गीयो आन तीयाय एक कापडा गोळो लेदो आन तो द्राक्षरसाम बुडवीन तो ऐका होटीप थेवीन यीशुल चुहीन पीया वाटो देदो.
49
पेन तीयामेने आरदा लोक आखा लाग्या तीयाल एखलो रा द्या एलीयो आवीन तीयाल वाचवतो का नाहा आपु तो विहु.
50
पासे एकवारी यीशु जोरमे बोंबली उठयो आन तीयाय तीया जीव सोडी देदो.
51
ताहा परेमेश्वरा मंदीरामने पडदा उचेने नीचे लुग बेन भागुम फाटी गीया तोरती कापी उठी मोडा दोगडा फटी गीया.
52
कबरी उघडी गीया आन मोला आधा ते जीवी उठया.
53
ते लोक कबरीमेने बारे नीग्या यीशु मोला मेने जीवी उठयो ताहा ते लोक पवित्र नगराम गीया आण खुप लोकाय तीयान वेयो.
54
ताहा मोउा अधिकारी आन तीया आरी यीशु पे नोजोर थोवतला ते शिपाय आथा तीयाय तोरती आली उठी तो आखो जो वेयो तो वीन ते खुप बी गीया ते आखा लाग्या ओ खेरोज देवा पोयरो आथो.
55
तीही आरदया बाया जे दुर उब्या रेहल्या ते जे यीशुसेवा केत्या ते बाया गालील प्रांतामेने यीशु फाचला फाचला आल्या आथ्या.
56
तीयाम मगदालीया नगरी मरीया याकोब आन योसेफ ईया याहकी मरीया आन जब्दी पायरो याकोब आन योहान ईया याहकीऐ बी तीही आथ्या
57
ताहा वातीवेले योसेफ नावु अरिमथई एक मालदार माहु तीही आलो तो यीशु चेलो आथो.
58
तो पिलाता ही गीयो आन तियाय यीशु शरीर मागयो ताहा पिलाताये तो देउुला हुकुम केयो.
59
ताहा योसेफ ये तो शरीर लेदो आन हारा नोवा कापडाम तो गुंडाली लेदो.
60
आन तीयाय एक खडकाम खेदीली नोवी कबरीम यीशु शरीर थोवी देदो पासे कबरी बानाप एक मोडो दोगडो बानो लागवीन कबर बोन्द कीन ता गिनगी गीयो,
61
मग्दालीया नगरी मरीया आन याकोब योसेफ तीया याहकी मरीया ते कबरी हुबुर बोही रोहल्या आथ्या
62
जो शब्बात दीही आखजले ताहा बीहीजा दीही मोडा याजक आण परूशी लोक पिलाता ही गीये.
63
ते आखा लाग्या महाराज आमान ईत हाय का तो ठोग जीवतो आथो ताहा आखतोलो का माय ती दिहाकी पासे जीवतो वी जाहे उठेहे.
64
तीया वाटो तीन दिहालुग कबरीपे हारकी नोजोर थोवा वाटो आखा काहाका तीया चेला आवीन तीया शरीर चोई लीजा वाटो पासे तो मोमामेने फासे उठयो ऐहकी लोकान आखी ई शेवटी ठोगुला पहिला ठोगलो आथो तीया पेने जाहको ठोगी ता हारी नाय गोठ वी.
65
पिलाताय आख्यो तुमान जेहकी वाटे तेहकी तुमा शेनीकान ली जायेन कबरी पे कडक नोजोर थोवा.
66
ताहा ते गीया आन कबरीपे कडक नोजोर थेावा लाग्यसा आन कबरी जो दोकडा बानो आथो तीयापे सरकारी शिक्को मारीन तीही नोजोर ठोवा शिपाई थोवी देदा.
Chapter 28
1
शब्बाथ दिही नंतर आठोडया पहिला दिही वेगीवेल मग्दालीया नगरी मरीया याकोब आण योसेफ ईया याहकी मरीया कबर वेरा तीही गीये.
2
ताहा तीही खुब जोरमे तोरती कापी उठी परमेश्वरा दुत स्वर्गामेने उतीने तीही आलो तीयाय कबरी बानो होरकावीन तो तिया डोगडा बनापे बोठो.
3
तो चोरकुनारा विजो होस देखावतलो आन तीया पोतडे बोर्फा होस उजले आथे.
4
तीही ते नोजर थेावनारा शिपाई खुप बी गीया ते थरथर कापा लाग्या तीया मोला माहा होस तीयर हालत वी गीई.
5
देवदुताय त्या बाईन आख्यो बीया मा काहाका मान माहीती हाय का ज्या वधस्तंभा पे चोडउूलो त्या यीशुल तुमा होदी रीया हा.
6
पेन तो तीही कायनाहा काहाका तीयाय आखलो आथो तेहकीज तीयाय मोलानेमे जीवतो वेयो आवा आत ईही तीयाल ठोकलो आथो तो जागो वेरा.
7
अरमी माहारी जा आन तीया चेलान आखा तो मोलामेने जीवी उठयो आन वेरा तो तुमा आगला गालील प्रांताम जाय रीयो हो आज तुमा तीही तीयाल वेरा हा मायु तुमान आखी देदेा
8
ताया ते बाया धाकाय गोहया आन मोडी खुशीकी पोराय माहरी माहारी कबरी जागेने निग्या आन तीया चेलान इ्र हारी गोठ आखा खातोर दोवडुतया गीया.
9
पासे वेरा यीशु तीयान मिल्यो आन तो तीयान आखा लागयो शांत वेरा तया बाया तीया जागे आल्या तीयान यीशुल तीयाय आथ जोडी पागे पोडया.
10
ताहा यीशुय तीयान आख्यो बीया मा जा मा पाउून आखा की तीयाय गालील प्रांताम जा आखा ते तीही तुमाहान मीले हे.
11
ते बाया तीया चेलान आखा खातोर गीया ताहा कबरी नोजोर थेवनारा शिपायामेने आरदा शिपाय नगराम गीया आन तीया जो वेयो तो आखो मोडा याजक लोकान आख्यो.
12
पासे याजक जाईन मोडा लोान जाईन मिल्या आन तियाय एक ठराव केयो तीयाय तीया चेलान खुबुज पोईसा दीन ऐहकी आखा लागाव्यो.
13
ते आखा लाग्या का लोना ऐहकी आखा का आमा राजी हुतला आथा ताहा यीशु चेला आला आन तीयाय यीशु शरीर चोईली गीया.
14
इ जर पिलाताल राज्यपालाल माहिती पोडी तेबी आमा तीया साबालीलीहु आन तुमान केलीज गोठी चुकीम आवा नाय देजी.
15
ताहा शिपायाय ते पोईसा लेदा आन याजकांय जो आख्यो तेहकी तीयाय केयेा आन तीयाय यहुदी लोकान तेहकी आखा लाग्या.
16
ताहा अकरा शिष्य गालील प्रांताम यीशूय मीयान आखलो त्या डोंगरापे ते निगी गीया.
17
आन ते यीशुल तीही मील्या आन तीयाय यीशुल वेयो आन ते तीयर पागे पोडया पेन आरदान विचार केरा लाग्या ओ यीशुज हाय का नाहा.
18
ताहा यीशु तीया जागे आलो आन आखा लाग्यो स्वर्गाम आन तोरतीप मान आखो अधिकार देदलो हाय.
19
तीयाल तुमा आखा जा आन आखा जोगाम राष्ट्रामेने लोकान मा शिष्य केरा पिता पुत्रा आन पवित्रा आत्मा ईया नावा की बाप्तीस्मा द्या.
20
आन जे हाऱ्या गोठया मायु तुमान आख्या हीकव्या ते लोकाहा हिकवा आन पाला खातोर हिकवा आन ई दुनीया पारवाय तांवलुग शेवटीलुग माय सदा तुमा आरीज हाय.
Mark
Chapter 1
1
देवा पोयरो येशु देव तिया जिवना गोठ्या आखनु सुरवात हाय.
2
जेहकी यशया भविष्य केणारो तिया चोपडीम लीखलो, “व्या, आय मा देवदुतांहाल तो आगला मोकलुहू, तो तो खातेर वाट तियार केरी”
3
“परमेश्वरा रस्तो तियार केरा, तिया वाटा निट क्या.”
4
ताहा योहान आलो, ताे जंगलाम बाप्तीसमो देहलो, आन पापांहा माफी मिलवा पश्चातापा बिप्तिस्मा घोषणा केतलो.
5
बादा यहुदी आन यरुशलेमाम रेनारा बादा लोक निगिन तियाही गिया, आन सोताह पापा कबुली किन यारर्देन खाडीम बाप्तीस्माे लेदो
6
उटडांहा केहांकी तीयार वेले पोतडे पोवतलो, तिया कोंबराल चामडा पोट्टो आथो आन तो टोळ आन रानमध खाहालो.
7
तो बोबलीन आखतलो, "माहाईने मोडो एक माफासला आवेहे आन आय तिया खाडांहा टोंगे पोडीन दौड्या सोडुला लायकी नाहा.
8
आय तुमा बाप्तिमो पायाहाकी किहु पेन तो तुमा बाप्तिस्तो पवित्र आत्माकी केरी."
9
तीदिहाम ऐहेकी वेयो का, येशु गालील प्रांतामेने नासरे नगरामेने आलो आन योहाना आथाकी यार्देन खाडीम येशुय बाप्तिस्मो लेदो.
10
येशु पायांमेने उच्चे आवतलो ताहा, वादलो उगड्यो आन पवित्र आत्मो तियाप कबुतरहोस उतुतलो, ऐहकी तियाहा देखायों.
11
ताहा वादलामेने आवाज वेयो का, "तुमा प्रिय पोयरो हाय, तोबारामे आय संतुष्ट हाय." येशुची परीक्षा
12
फासे आत्माई तुरुतूज तीयाल जोंगलाम मोकल्यो.
13
सैतान तिया परिक्षा वेतलो ताहा तो जंगलाम चालिस दिही रीयो, तो जोंगीलामेने जनावाराहा आरी आथो आन देवा दुत आविन तिया सेवाचाकरी केतला. येशु सेवाकार्या सुरवात
14
योहानाल तिलेदो तहा फासे येशु गालील प्रांताम आलो आन देवाहीने आल्ली सुवार्ता आखी.
15
तियाय आख्यो, " आमी खेरो सोमय आल्लो हाय, देवा राज्य पाहे आल्लो हाय, पश्चाताप केरा आन सुर्वातावे विश्वास थोवा. पेला चेलांहान हाद्या
16
गलीला पायांहा मोडों डाबा तेडीप जाता जाता, शिमोन आन तिया पावुहू आन्द्रीया ईयाहान खाडीम जाले टाकता वेयो, काहाका ते मासेमानारा आथा.
17
आन येशुय तियाल आख्यो, “ मा फासला चाली आवा, माय तुमनेहेन माहि तेनारो बोनवेहे !”
18
ते तुरुतूज जाले फेकीन तिया फासला जाला लाग्या.
19
आन वायज आगला चाली जायन, जब्दी पोयरो याकोब आन तिया पावुहू योहान इयाहान उडीप जाले हुदरावता वेयो, तियाय तुरुतूज तियाहान हाद्या.
20
आन तुरुतूज इसुय तियाहान हादी लेदा ताह ते तियाहां बाहकाल (जब्दील) आन मजुराहान उड्याम रा दिइन तिया आरि गिया.
21
फासे ते कफर्णहुम गांवाम गिया, आन माहारुज शब्बाथ दिह्या दिही (शनिवारी यहुदी लोकाहां भोक्ती दीही) भोक्ती पोंगाम जायन तो हाऱ्या गोठ्या हिकवा लाग्यो.
22
तिया हिकवूनुकी बादा लोकाहान नोवाय लागी, तो तियाहान शास्त्री लोकाहां नाय पेन खेरा मिलला अधिकाराकी हीकवूतलो,
23
ताहा तिही तियांहा भोक्ती पोंगाम पुथडो लागलो एक माहु आथो,
24
तियाय बोंबलीन आख्यो, “ओ नासरेथवाला इसु आमाहान तो काय काम ? तु आमा नाश केरा केअता आलो हो का ? तु केडो हाय इं मान मालुम हाय, पोरमेहेरा चोखो माअहु तो तुजं “.
25
इसुय तिया पुथडाल धमकावीन आख्यो “ठाको रे, आन इया माअहामेने निंगी जो,”
26
ताहा तो पुथडो तिया माअहाल आवलावीन-आवलावीन तोडी पाडीन तियामेने बोंबलुतो निंगी गियो,
27
तोंअ विइन बादा लोकाहान खुब नोवाय लागी आन ते एक बिहीराल फुचा लाग्या, “इही काय वि रियोहो
28
इं ता नवीनुज हारि गाेठ हाय.” इ गोठ माहारुज गालील प्रांताम चारी ओरी बादाहाल मालुम पोडी गियी."
29
फाचे इसु तुरुतूज भोक्ती पोंगामने निंगीन याकोब योहान इयाहां आरी शिमोन आन आद्रिया इयाहा कोअ आलो.
30
ताहा शिमोना हावडी खुब बोरावली आथी, शिमोनाय तुरुतूज तियाल आख्यो,
31
ताह इसु ति बाेरावली बायीही गियो आन तीयुल आथाल तिइन उठविन बोहती केअयी आन ताहाज तियो बोरो निंगी गियो, आन ती तियाहा सेवा चाकरी केरा लागी.
32
वाअतीवेला दिही बुडी गियो ताहा लोक बादा दुख्याहान आन पुथडे लागलाहान इसुही ली आला,
33
बाद्दो नगर बाअनापाही टोलवाये.
34
ताह इसुय जाती-जाती दुखे लागला माअहान हारे केये आन खुबूज पुथडान तांगाडी काड्ये आन तियाहान गोंगा नाहा देदा काहाका ते इसुल ओखुतले,
35
फांचे तो चुनख्योज उठीन तिहीने निंगीन डोगाम गियो आन तिही तो प्रार्थना केरा लाग्यो
36
ताहा शिमोन आन तिया हेंगात्या तियाल होदता होदता गिया
37
जाहां इसु तियाहान सापड्यो, ताहा तियाहाय तियाल आख्यो, “बादा लोक तुल होदताह,
38
ताहा इसु तियाहान आखहे, “ चाला, बिहीर गावांहाम बी आपु वचन आखा खातोर जाहु, काहाका आय इयाज खातोर निंग्योहो.”
39
तो बादा गालील प्रांताम यहुदी लोकाहां भक्ती पोंगाहाम जायन लोकाहान वचन आखतलो आन लोकाहांमेने पुथडाहान ओडी काडतलो. येशु कोडलांन हारो केतलो
40
एक कोडलो माअहु तियाही आलो, तो तिया हुंबूर आवीन रांव्या किइन पागे पोडीन आखा लाग्यो “तो मोरजी हाय ता, तु मान हारो की सेकनारो.”
41
ताहा इसुल तिया तियालमांहावे दोया आली आन आथ आगाडी किईन याल आथलिन आख्यो, माअ मोरजी हाय तु हारो वी जो,”
42
ताहां तुरुतूज तिया मांहा कोड हारो वी गियो.
43
ताहां इसुय तियाल हारकी होमजावीन तुरुतूज माकली देदो.
44
आन तियाल एहेकी आख्यो, देखे केडालुज कावींज मां आखहो, पेन जायन सोवताहाज याजकाल देखाव आन तो तुल तापासी ली, आन तुं हारो वेयोहो एहेकी तियाल होमजाय. कोडला दुखामेने हारा वेलाहा खातोर मोशे भविष्यावक्तांय ठरवुली चोखोपणा अर्पन विधी केजे.
45
पेन इ गोठ तिया मांहाल बादा लोकाहान खुलीरीतीकी आखी देखावी, ती गोठ बाद्दान मालुम पोडी गियी तियाखातोर इसु फाच्चें खुली रितीकी सेहराम नाय जाय सेकतला, तिया खातोर इसू डोगामुज रिया तेबी बी चारी सोमकीने लोक तियाही आवतला.
Chapter 2
1
“ताहा येशु कफर्णहूम नगराम आलो आन तो को आलो एहकी माहांन मालुम पोड्यो.
2
ताहा ओते माहे टोलवाये का कोमे जागो बी नाय आथो, ओतोहोज नाहा ता बाना बारे बी जागो नाय आथो, आन ताहा तो तियाही देवा वचन आखतोलो.
3
फाचे थोडेहेक माहे एकापांगला माहाल तियाहाइ ली आले, ती पांगला माहाल चार मांहि ऊसलीन ली आल्ले,
4
खुबूज गोरदी आथी, तीयाहाल ती माहाल येशुही ली जाता आवतोलो नेय, ताहा तिया कोवाप चोडिन येशू जीही आथो तिहीने कोवलें फेडी टाकीन, खाटलामेन ती पांगला माहा खाटलो एठा उताव्यो.
5
येशु ति माहा भोरुसो देख्यो आण आख्यो, “ऐ मा पोयरा तो पापा माफी वी गियी,”
6
तीही नियमाशास्त्र हिकवुनारा बोठला आथा ते तियाहा मोनाम एहकी विचार केतला,
7
“इ माहू एहकी काहा गोगी रियोहो खोटों गोगेहे देवा शिवाय पापा माफी केउालु नाहा देवाती,”
8
आण ते तियाहाल मोनाम एहकी विचार की रियहा ऐहकी येशुय आत्माद्वारे जाय काड्यो, आण तियाहान आख्यो “तुमा तुम्हा मोनाप एहकी काहा इतवुता
9
तो पापाहा क्षमा वी गियाीही, एहकी या पांगला माहाल आखनु सोपो हाय का उठ आण तो खाटलो विसीन चालतो वे ऐहकी आखनु बेन्याहाम केल्लो सोपो हाय,”
10
तियाहान होमजाय जोजे माहा पोयराल तोरतीप पापा क्षमा देवूलो अधिकार हाय तियाल तीयाय त्या पांगला माहाल एहकी आख्यो.
11
माय आखु तुल “उठ तो खाटलो उसलीन को जो”
12
आण तो तुरुतूज उठ्यो, आन बाठ्ठा हुंबूर तिया खाटलो विसीन बारे निग्यो आन ते बाद्दान नोवाय लाग्यो, आन देवा गौरव केताे आखा लाग्ये “आम्हांय एहंडो कीदिहीज वेयो नाहा.” लेविल हादणु
13
येशु फाचो खाडी होवे गियो आण खुब माही तियाजागे आले आण तियाय तियाहान हाऱ्या गोठ्या आख्या,
14
फाचे तो जा लाग्यो ताहा तियाल अल्फी पोयरो लेवी याल जकात नाकाप बोठलो वेयो, आण येशुय लेवील आख्यो “मा फाचला आव” आण लेवी उठीन येशु फाचला गीयो,
15
फाचो एहकी वेयो का येशु लेवी को मांडो खा बोठो, तिही येशु आण शिष्य मांडो खातला ताहा तियाहा आरि खुबूज जकातदार आणि पापीमाही बी आथे काहाका ते खुब आथा आण तीया फासला आला आथा.
16
ताहा शास्त्री परुशी पंथा लोकाहाय ही विइन तिया चेलाहान आख्यो “ओ पापी माहे आने कर वसूल केनारा आरी केहकी मांडो खाहाये ?
17
इ उनायन येशूय तियाहान आख्यो ”हारा माहान डॉक्टरा गरज नाहा रेती ता जो दुखी माहु हाय तियालुज डॉक्टरा गरज रेहे” आय ता धर्मी माहान नाह ता पापी माहान तारा खातोर आलोहो.
18
जाहा योहाना चेला आण परुशी पंथा लोक उपास केतुला ताहा थोडाहाक माहाय आवीन येशूल आखा लाग्ये “योहाना चेला आण परुशी पंथालोक उपास केताहा पेन तो चेला काहानाहा उपास केता ?
19
येशूय तियाहान आख्यो “जावलुगू वोराड्या आरि वोवडो हाय तावलुगू ते केहेकी उपवास केरी ? जावलुगू वोवडो तियाहा आरि हाय तावलुगू त उपास केनारा नाय,
20
पेन एहंडो दिही आवी जाहा वोवडो तियाहामने काडी लेवाम आवि ताहा ते उपास केरी
21
केडोज बी नाेवा पोतडा ठीगलो जुना डोगलील लागवुते नाहा जर केडो एहकी केतो वेरी ता नोवा पोतडा ठिगलो जुना पोतडाल फाडी टाकनारो आण तो सिंडो मोडो वी जाणारो.
22
केडोज बी नोवो दाराक्षा रोहो जुनी चांबडा पिशवीम थोवतो नाहा, जर केडो एहकी केतो वेरी तां दाराखारोहो ती पिशवील फाडी टाकी आण तो रोहो वेराय जाय, आन पिशवी बी फाटी जाय. तियाहाल नोवो दाराखारोहो नोवी चांबडा पिशवीमुज थेवतेहे.
23
ताहा एहकी वेयो का, येशु शब्बाथ दिही खेतामने जाहलो, ताहा तियाचेला कौंहे मुडा लग्या.
24
ताहा परुशी लोकाहाय तियाल आख्यो, वेरा शब्बाथ देहा दिही एहंडो काम केअनु नाहा तो काम ए कामा केताहा ?
25
येशुय तियाहाल आख्यो, “तुम्हाल शास्त्रामनाह वाच्यो का जाहा दावीद राजो आन तिया आरि आथे ती माहान पुख लागी तियाहान खा जोजतोला ताहा तियाहाय काय केया ?
26
अब्याथार आ माडो माहायाजक आथो ताहा आन तो देवा मंदीराम केहेकी गीयो , आन देवाल चोडवूलो मांडो जो याजका शिवाय केडोज नाहा खाय सकतोला तो तियाय केहकी खादो, आन तिया हेंगात्याहान बी देदो इ तुमाहाय नाहा वाच्यो का” ?
27
आन येशुय आजी तियाहान आख्यो, “शाब्बाथ ओ माहाकेता नाहा बोनाव्या, मा माहाल शब्बाथा केता बोनवूलाम आलोहो ?”
28
या खोतो आय माहा पोयरो शाब्बाथा बी मालीक हाय”
Chapter 3
1
फाचे येशु एका सभास्थान गियो, तिही एक माहु आथो तियाएक आथ हुकाय गिहीलो आथो.
2
शब्बाथा दिहा दिही येशू त्या माहाल हारो केहे का नाहा इ विन तियाप दोष लागवा केता तिया विरोधी लोक तियाव नजर थोवी रेहला.
3
त्या एका आथा हुकाला माहाल येशुय आख्यो “उठ आन इ माहा हुबूंर उबी रे.”
4
ताहा येशुय तियाहाल आख्यो शाब्बाथा दिहा दीही हारो काम केनु का माठो केनु, जिव वाचवुनू का जीव लेवनू यामने केल्लो काम हारो हाय ? पेण ते ठाकाज रिया.
5
तियाहा मोने खाराब हाय इ विन येशु निराश वि गियो, आन तियाय बाठ्ठाहान रोगमेवेयो वेयो, आन त्या माहाल आख्यो, “ तो ओ आथ लांबो के” तियाय आथ लांबो केयो आन तो हारो वी गियो.
6
ताहा परुशी पंथा लोक बारे जाईन तियाल (येशुल) आपु केहकी माय टाकुहू या बाबत चर्चा केरा हेरोदीयांही तिया विरुध्द टोलवाया.
7
येशु तिया चेलाहां आरी गालील फूगारावेल निंगी गियो, ताहा गालील प्रांतामेने खुबूज लोक तिया फाचाडीने निग्या.
8
यरुशलेम शेहर, इदोम प्रांत, यार्देन खाडी तियीवेलाने प्रदेशमेने, सोर व सिदोन शेहरा इया पाहील्या प्रदेशामेने खुप मोडो टोलो, जे मोडे मोडे कामे येशु केतुलो तो उनायन तियाही आला.
9
तिही खूबूज गोर्दी आथी तियाहा की येशू चूंदाय नाय जा जोजे तिया खातोर तियाय एक उडी तियार की थोवा, एहकी तिया चेलाहान आखी देदो,
10
काहाका तियाय खुबूज दुखारे माहान हारे केले आथे, तियाल जे दुखी माहे आथे ते तियाल आथ लागवा तिया उपे पोडतले.
11
ताहा पुथडो लागले माहे येशुल विन तिया हुंबूर एठा पोडीन मोडाकी बोंबलीन आखतोले “ तु देवा पोयरो हाय”.
12
ताहा येशूल ती दुख्यान ताकीत दिन आख्यो “मा बोद्दल केडालुज आखाहा मा.” बारा चेलाहां निवड
13
फाचे येशू डोगावे चोडी गियो आन जे तियाल जोजतला तियाय हाद्या ते इसूही आला.
14
ताहा येशूय तिया आरी रा खातोर आन पोरमेहेरा हाऱ्या गोठ्या आखा मोकला केला बारा जावान निवाड्या.
15
आन तियाहावे पुथडे काडनू अधिकार रा जोजे,
16
ताहा येशूय बारा जावान निवड्या जो शिमोन या पेत्र इ नाव देदो.
17
जब्दी पोयरो याकोब आन याकोबा पावुहू योहान (तिहान तियांय बोआनेर्गेश, इया अर्थ "गाजनु पोयरा" एहेकी नाव देदो.)
18
आंद्रिया, फिलीप, बर्थलमय, मत्तय, थोमा, अल्फीइ पोयरो याकोब, तद्दय, शिमोन (जो कनानी आथो)
19
आन जियाय येशुल ति देदो तो यहुदा इस्कार्योत.
सैताना मदतीकी येशु आपु कामे केहे इया आरोपाल तियाय देदलो उत्तर
20
आन फाचे येशू को आलो, आन फाची ओता बाठ्ठा लोक टोलवाय गिया का तियाहान मांडो खा बी बोखत नाहा मिल्यो.
21
येशू मुनको फीरी गियोहा एहकी माही आखतले तीया खातोर तिया कोमेने माहे तो उनायन तियाल तेरा खातोर तिग्ये.
22
तेहकीज यरुशलेम शहरामने आल्ला शास्त्री लोक बी आखा लाग्या का तियाय कालो पुथ लागलो होय ति या खातोर (बालजबुल) तो काल्यापुथडा मदतीकी पुथडे काडेहे.
23
ताहा येशूय तियाहान पाही हादीन आख्यो पुथडाल पुथडो केहकी काडी.
24
जर एका राज्याम फुट पोडी गियाी ता तो राज्य केहकी टिकी सके.
25
एहकीज जर एका कोमे फुट पोडी ता ता कोअ केहकी टीकी सेकनारो ?
26
जर सैतान सोतालुज विरोध करा लाग्यो आण तियामुज फुट पोडी ता तो टिकी नाय सकणारो आण तो पारवाय जाणारो.
27
खेरोंज केडालुज एगदा (पेलवान) शक्तीवान माहा कोमे विहीन चोरी नाय केता आवनारी तिया कोमे चोरी केरा बेरी ता पेहला ती (पेलवान) शक्तीवाला माहाल बांदा पोडी.
28
आय तुमाहाल खेरोज आखुहू लोक केताहा तिया केहेंडा बी पापाहा आन पोरमेहेरा निंदा बी माफी मिली.
29
पेन जो केडोबी पवित्र आत्मा निंदा केरी, तियाहाल किदीहीज माफी नाहा मिलनारी तो जोलो मजुग्या पाहाहा गुनालो वी जाहे.
30
येशूय एहकी आख्यो काहाका ते एहकी आखताह का येशुल पुथ लाग्यो
31
ताहा येशु याहकी मरीया आण तिया पावुहू तिही आले आने बारे उबी रिन बिहीराल हादा मोकल्यो.
32
आन येशू आरी खुबूज लोक आथा तियाही तियाल आख्यो तो याहकी आन पावुहू बारे वाट जोवी रियेहे.
33
मायाहकी आण मा पावुले केडे काय ? एहकी तियाय तियाहान आख्यो.
34
तिया आरी चारी सोमकी बोठला आथा तिया लोकाहान देखाविन आख्यो, “वेरा मा याहकी आन मा पावू.”
35
जे मा पोरमेहेरा माेरजीकी चालतेहे, तेंज माआ पावुहू, आन बोअही आन, माअ याहकी.
Chapter 4
1
फाचे येशू खाडी ताेडीप हिकवा लाग्यो, ताहा ताे खाडी ताेडीप जाईन बठो आन बाद्दा लोक बिहरी तेडीप आथा.
2
तो तियान दाखलो दीन काहिक गोठ्या हिकवा लाग्यो, आन तो तियाहान आखा लाग्यो.
3
एक पोनारो बीयारो पोरा खातोर निंग्यो.
4
आन तो पोतुलो ताहा एहेकी वेयोंका थोडो बीयारो वाटीम पोडलो तो चिडाहाय आविन खाय लेदो.
5
थोडो बियारो खाेडकाली जमिनम पोड्यो तिही तियाल हारी जमिन नाय आथी, कादु उंचेज आथो तिया खातोर ताे माहारुज उगी वोल्ये.
6
पेन दिही उंचे आवताज तोपांकी कोरपाय गिये आन मुले नाय आथे तियाल हुकाय गिये.
7
थोडोक बीयारो काटाला चाडाम पोड्या आण काटाला चाडा, होसाटाम वादीन तियांहा ते कोमी वाद्ये आन तियाल तियाहान कायज पिक आलो नाहा.
8
थोडोक बीयारो हारी जमिनीम पोड्या तें उगी आलाें मोडे विइन तियान पिक आलाें आन तिया तिसपट साठपट शंभरपट आतोंहाें पिक आलोंं.
9
तो आखा लाग्यो जियान (उनानु) कान हाय ते उनाय,
10
तो ऐखलोज आथो ताहा जे तिया आरी बारा जांआ आथा तियाही तियाल दाखलाबाराम फुच्छो,
11
तो तियान आखा लाग्यो, देवा राज्य रहस्यदान तुम्हान देलेलो हाय, पेन बारेनाे माहांन बाठ्ठ्या गोठ दाखलाकी आखता आवेहे,
12
इया केता का तियान, डोवा देखता देखायेहे पेन तियान देखाय नाय, अन उनातेहे ते उनाय, पेन होमजाय नाय, नेय ता कदाचित ते फिरी आन देव तियान माप केरी,
13
तो आखा लाग्यो, ओ दाखलो तुम्हान हाेमजोयाे नाहा का ? हाथी बिहरा दाखला तुम्हान केहकी होमजी.
14
पोनारो वचन पोओहें.
15
वाटीप वचन पोअलों जाहे ते लोक ए हाय का, तियाय उनाताज सौतान आविन तियामेने पोअलों वचन बुअची लेहे,
16
तेहकीज खडकाळ जमीनुम पोअलों हाय ते, वचन उनाताज ते खुशीकी पालन केतहे.
17
थोडा खातोर तियाम मुले नाय आथे तियाल ते थोडेज टिकतेहे, वचना खातोर संकट आलो, वोखो आलो ता ते तुरुत ओटकूतेहे,
18
काटांम पोअलों हाय ते वचन उनाय लेतेहे,
19
पेन जगा चिंता, पैसा, लोभ आन बिहरी गोठीबी लोभ तियाहाम विहीन वचनाले दाबावी देहे, आन तो बिगर कामा ऐहेडो वि जाहे,
20
आन जो हारा जागाम पोअलों हाय तो ते वचन उनाते खेरे, पेन केडो तीसटोका केडो साठ टोक्का केडो शंभर टोक्का फोलवो देतेहे.
21
आजी येशूय तियान आख्यो, दिवो मापाथुले नायता खाटलाथुले थोवा लावताहा का ? दिवीप थोवा लावतेहे ने ?
22
प्रत्येक गोठ्या दोबावल्या ते उगड्या पडी आन प्रत्येक गुप्त गोठ्या आखाम आवि,
23
जियाल कान हाय ते उनाया
24
तो तियाहान आखा लाग्यो “तुमा जे काय उनातेहे तियु गोठिन हासविन ऱ्या, ज्या आदालाकी तुमा मोजीन द्या, तियाज आदालाकी तुमान मोजीन देवाम आवे. .”
25
आन जियाप हाय तियाल आजी देवाम आवी, जान जियाप नाहा हाय तियापेनाे ले लेवाम आवी.
26
आजी तो आखा लाग्यो देवा राज्याम एहेकी हाय का, जेहेकी का एगदो माहाव तोरतीम बीं टाकेहे,
27
राती हुवी जाहे आन वेगीवेले उठेहे आन ते बिंया उगत्याहा आण वादत्याहा, इ केहंकी वेरेहे, तो तियाहान होमजातो नाहा,
28
जमिन तिया तिया पिक देहे, पेहेलाे मोवर फांसे, कोहें आण कोहांम पोराला दाना.
29
पिक तियार वेरेहे ताहा तियाल तरुतुज दाहोलो लागवुतेहे काहाकी वाडुलो वाेखाेत आवी गियोहो.
30
आजी तो आखा लाग्यो, आपु देवा राज्या तुलना केडा आरी की शेकताहा किंवा केल्ला दाखलाम तियान माडूंलो,
31
तो राई दाना होस हाय, जो तोरतीम पोनुवेला पृथ्वीपनु आख्यामेन्यो हानो दाना देख हानो वेरी तेबी,
32
तो पोईन उगेहे ताहा आख्या चाडाहा देख मोडो वेहे, तियाल मोड्या डांग्या आवत्याहा आण आखा वादलामेने चिडे तियाप कोरुवो बनवी शेकतेहे,
33
एहेडो खुबुज गोठ्या दाखला दीन जेहेकी तियाहा की उनावले, तेहकी तो तियाहान वचन आखतुलो,
34
आण दाखला वाची तो तियांहा आरी गोगूतलो नाय, पेन एखलाम तो तिया शिष्याहान आख्या गोठ्या होमजाविन आखतुलो.
35
त्याज दिहीज वातोपोड्याताच तो तियाहान आखा लाग्यो, “आपु तेसलीमेर जाता”.
36
फोसे तियाय गर्दील सोडीन जेहेकी तो आथो तेहेकीज ते तियाल बी आरी लि गीये, तियाआरी बिहीरे बी उड्या आथ्या.
37
ताहा वाराआरी मोडो वादुळो सुट्यों आण पायालाठा उड्याप आवा लाग्या का तो पायावाय पोराया लाग्यों
38
पेन येशु उड्या फासला जागाप हुतलो आथो ते तियाल उठविन आखा लाग्या, “गुरुजी आपु बुडी रियाहा तेबी तुल कालजी नाहा का ?”
39
फांसे तो उठ्यो आन तियाय वादुळाल धमाकाव्यो आण दोरीयाल आख्यो “शांती राख आण ठाको रे” फांसे वादुळो बोंद बेयो आण तिही मोडी शांती आली,
40
तियाय तियाहान आख्यो “ तुम्हा काहा बिताहा, तुम्हापे आजीबी विश्वास केहकी हाय नाहा का ?”
41
फांसे ते खोब बी गिया आण एक विहीराल आखा लाग्या, “ओ हाय तेबी केडो ? वारो आण दोरीयो बी इया उनाताहा. ऐहंडो ओ हाय तेबी केडो. ”
Chapter 5
1
फासो देव आन तिया चेलाहा फुगारा तियुवेला गीया गरसेकर नाव गावावेला गिया.
2
तो उडीमेने उतत्ताच एक अशुद्ध आत्मो लागलो एक माहू माहनामेने निगता तीयाल मिल्यो.
3
तो माहानाम रेतालो आने तियाल हाकली की बांधलो आथो. आने तियाल गाठवुलो केडालुज हिम्मत नेय आथी.
4
कारण तियाल खुब दाव हाकलीकी आन दोडाकि बांधीन थोवतले. आने तो हाकलया आने दोडान तो टूकडा टुकडा किन तोडी टाकतलो.
5
तो लेगासम राज आन दिही माहाळाम आने डोगाम रिन बोंबलुतो फिरतलो आन तो तिया डिलाल चिंदला डोगडावाय ठोकतलो.
6
येशु देवाल दुरने वेताच तो माहु दौवडूतो आलो आन इसु देवा पागे पोडा लाग्यो.
7
आने खुब मोडाकी बोबलीन तो आखा लाग्यो, “हे इसू देवा जीवना देवा पोयरा तु वचमे काहा पोडतो हो ?” आय तुल देवा शपथ लेवाहु, मान वोखोमा केरावो.
8
काहाकी इशू देव तियाल आखतलो “ओ पुथडा ईया माहामेने निगी जो.”
9
यियाल तियाय फुच्यो ? ”तो नाव काय हाय?” तियाय तियाल आख्यो “मा नाव सेन्य हाय.”
10
आने आमाहने ईया देशामेने काढोमा. एहेकी तो तियाल कालावाला किन आखतलो.
11
तिही डोगा तेडील डुकरा एक मोठो टोलो चरतलो.
12
ताहा तियाल पुथडाय कालावाला केयी आन आमुहू तिया डुकराम विहीजाजी आम्हान तियावेला जा दे.
13
फासो तियाल (ईसु देवाय) तियहान आदेश देदो. तहा ति पुथडा आत्मा तियामे निधीन डुकरामे विही गियी आने तीही सुमारे दोन हजार डुकरा टोलो तु ताहा ति पुथडा आत्मा तुरुत दौडतेच जायने डोगा कोरीलने फुगारा मे पोड्ये.
14
डुकरा सांबालनारे नाही गीये आन गावा मे आन खेताम मोलाम रेणारा लोक तिया आख्यो नाहा काय वेयो वेरा लोक तिही आला.
15
तो ईसू देवा पाही आलो ता तो पुथडाय तेलो माहू आने जिया माहाम जे सैन्य आथे आने पुथडे पाविन तो माहु हारो बरोबर देखायो ताहा यिा लोकाहान भिख लागी.
16
जियान तीयाल वेला तियान पुथडा लागला माहाल काय वेयो तियाहा आने डुकराबारामे खेरी गोठ खुब लोकाहान आख्यो.
17
ताहा तिहीने माही “आमा गावामेने तिगी जा” खातुर ईसु देवाल कालावाला केरा लाग्या.
18
फासो ईसू मेने हारो वेलो माहु ईसू पाही जायन तियाल कालावाला केतलो की मान भी तुमा आरी लि जा.
19
काहा की तिया माहाल आमाआरी आवोमा ऐहकी आखीन तियाल हाद्यो नाहो. फासो तियाल आख्यो तु तो खाजगी को जातुलाही जो आने इसू देवाय तो जीवनाम कौअती मोठो चमत्कारा कामे केयहै आन तो उपे केहकी दया/माया केयी ती तु तियान आख.
20
तो तिहीने निघी जायने ईसु देवाय तिया जीवनाम जे काय मोठे कामे केयेह आथे ते दकापलीस तिया गावाम आखतो फिरतोलो. ताहा तिहीने लोकाहाल खुब नवाय लागी.
21
आने ईसू देव उडीम बोहीन फासो गियो ताहातिया पाही खुब मोठो माहा टोलो तिही भेगो वेयो आने तो फुगारा पाही आथो.
22
फासो तिही याईर नावा एक सभास्थाना अधिकारी तिही आलो ताहा येशू देवाल विन तिया पागे पोडा लाग्यो
23
तिया कालावाला किन तियाल आख्यो कि, मा हानी पोयारी मोयजाय इयु अवस्थाम हाय ति हारी वीन जीवन जीवाजोजे तियहाल तु आवीन तियुपे आथ थोव.
24
ताहा तो तियाआरी निघ्यो, ताहा खुब माही तिया फासला चालतले आथे अन तियासमई आवी गेहलो आथे.
25
तिही एक बाई आथी तियुल बारा वर्षे लुग रगत पडा बिमारी आथी.
26
तियु खुबकाही दावादुरी वालाही खुब दावो खादो आने खुब वोखो की लेदो. तियुप जो काही आथो तो होगोज पारवावी टाक्यो. तियाकी तिया दुख नेय इुदरी अने तियु दुख (बिमारी) खुब काय वाधी गियी.
27
इसु दवा विषयी गोठ्या उनाई आने तिही खुब मोठो माहा टोलो आथो तिहीम ती विही गियी आने तिया फासला आवीन तिया पोतडाने आथली लेदे.
28
काहाल ती आखतीली कि ईसु देवा पोतडाने आथल तेबी आये हारी वि जायेहे. ओतो तियु विश्वास आथो.
29
ताहा तियु बायु रगत पडलु बिमारी मेने तुरुतूज हारी वी गिई. आने तियुल (बाईल) माआबिमारी मेने आयहारी वि गियीही ऐहडो तियु जीवनाम अनुभाव वियो.
30
मा शरीरामेने शक्ती (सामर्थ) निगी ऐहकी ईसु देवाल लाग्यो.( जाय लेदो.) ईसु देव फासला फिरीन माहा टोलाम विन आखतोलो की “मा पोतडाने केडाय आथल्यो ?”.
31
ईसू देवा चेला ईसु देवाल आतला खुब माही तो सोमकी टोलवाइन रेहला हायी. तोओ तु वि रेहलो हाय तेबी तु आखतोहो मान केडाय आथल्यो ?
32
जी बाईन ईसू देवाल पोतडे आथलुले तो बेरा खातुर ईसू देव चारी सोमकी वेतलो.
33
ताहा ती बाई जीवनाम काय काय वेयो, माआ जीवनाम काय वेयो तो हमजीन ती बिख राखीन कापती कापती ईसू देवा पाही आली, आने तिया पागे पोडीन तियुय आखज सत्य गोठ आखी देखावी.
34
ईसु देव तियू बाईल आखतलो “बाई तो विश्वासाकी तु हारी वि गीयी ही, शांती वाय जो आने तो बिमारी (दुख) की तु हारी वि गीयीही.
35
ईसू देव आखतलो, अतामुज सभास्थाना त्या अधिकारी को ने माहे आवीन तियाल आखतले “तो पोयरी मोय गियीही. आमी गुरुजील वोखो मा देखावो.”
36
फासो ईसु देवाय तिया गोगुला वेले ध्यान नाय देदो सभास्थाना अधिकाऱ्याल आखतलो “बियोह मा विश्वास अतोज के.”
37
तियाय पतरस, याकुब आने याकुबा पावुहू याहान तियाहा सोडीन बिजाल केडाल नेय हाद्या.
38
फासो तो सभास्थाना अधिकारी पोंगा पाही आला तीही रडते आथे आने खुपच दुखी तिन बोंबलुतले आथे तिया माहा गडबड तियाल वेयो .
39
तोओ कौवा माजमे जायन आखतालो तमा काहा रोडतेहे आने बोबलुतेहे ? ति पोयारी मोयी नाहा तर हुवी गियीही.
40
ताहा तिहीने माहे ईसू देवाल ओहा लागे माहान तियाये तिहीने आखाा माहान बारे काडी देदे, आने पोयरी बाहकाले आने तिया आरी आथा तिया चेलान तो पोयरी आथी तीही ते माजमे गिया
41
फासो पोयरी आथाल तीन तियुल आख्यो “तलीथा कुम” ईया अर्थ पोयरी आय तुल आखुहू उठ.”
42
फोसो तुरुतूज ती पोयरी ऊठीन चाला लागी. (ती बारा वर्षा आथी) तिया माहाने खुब खुब नवाय लागा लाग्यो
43
इ गोठ केडालोच मालुम पोडा मा द्या. ऐहडी तियाय तियान कडक (आज्ञा) आदेश देदेा. आने तियुल (पोयरी) खावुलो द्या ऐहकी तियाल तियान आख्यो.
Chapter 6
1
ताहा येशू तिया नासोरी गावूम आलो आने तिया फासला फासला तिया चेला बी आला. शब्बाथ दिहाल येशु देवलाम परमेश्वरा हाऱ्या गोठ्या हिकवुतलो ताहा बाद्दा माहान नोवाय वाट्यो
2
ताहा ते आखा लाग्या की ईयाल ऐ गोठ्या काहीने मालुम पोड्या ? ईयाल ओती ओक्कोल काहीने आली आने ईया आथुकी ओता मोडा चमत्कार केहकी वेताहा.
3
ओता तोज हुताऱ्यो कने, जिया याहकी मरियम हाय आने इया पावुहू याकोब, योसे, यहुदा, शिमोन हाय आने इया बाहको हुताऱ्यो हाय आने आपु आरी हो ऐ तियाज भोया हाय कने ?
4
फासे येशुय तियान आख्यो, “जे भविष्यवक्ता हाय तिया सन्मान जातूलाम नाहा वेता ऐहकी नाहा हाय, पेने तिया नगराम आने जातुलाम तिया कुटूंबाम तिया सन्मान नाहा वेतो.”
5
आने तिरहाम थोडाचे लोकापे आथ थोविन हारे केये बास तिया शिवाय तियाल बिजे महत्तवा काय नाहा केता आलो.
6
तिया भोरुसो विन तिया नोवाय वाट्यो फाचे येशु परमेश्वरा हाऱ्या गोठ्या आहील्या पाहील्या गावून हिकवुतो फिऱ्यो.
7
फोचे येशूय बारा चेलाहान दादे आने तियान बेन बेन जुवानू जोडी की मोकला लाग्यो. तियाय तियांन पुथडे काडुला अधिकार देदो.
8
आने तियाय तियान आख्यो की “जाहा तुमा जाहा लाकडी शिवाय बिजो काहिज नाय लेवूला नाहा मान्डो लेवूला, नाहा झोकी लेवूला आने पाेयसा बी नाय लेवूला.
9
पेन चापले पोविन निगजा आने बेन डोगल्या नाहा पोवा.
10
आने तियाय तियान आख्यो जि कोवाम तुमा जा तिहीाने नगर हुदरुतो नाहा तावक लुग रेजा.
11
आने जिही तुमा जाहा तिही तुमा स्वागत नाहा केयो आने तुमा गोठ्या नाहा ऊनाया गी नाही लाग्या तिहीने निगीन जाती वेला तियान साक्ष देवुला ती इकी आपु पागु ऊदलो तिहीज फोकडी डेऊला.
12
फाचे चेला तिहिने निगी गिया आने लाकाहान पापाहा बद्दल पासतावो केरा ऐहकी आखता फिरा लाग्या.
13
आने तियाहाय खुबूज पुथडान लोकाहामने ओडी काड्या आने खुबूज दुखाहान तेल लागवीन हारे केये.
14
हेरोद राजाल येशू बद्दल मालुम पोड्यो, काहाका येशू बद्दल बादहा लोकोहान मालु आथो, ते आखतला बाप्तिस्मा देनारो योहान मोलामेने फाचे उठ्योहो, तिया खातोरुज तियाकी इ नोवाय लागे एहेंडे मोडे मोडे कामे वेतेहे.
15
बाकी लोक आखतला “येशू ओ एलिया हाय" बाकी लोक आखतला आगला जे भविष्यवक्ता आथा तियामेरोज ओ बी भविष्यवक्तो हाय.
16
पेन इ उनाइन हेरोदाय आख्यों जिया योहाना मुनको माय तोडी टाकावलो तो जिवतो वेयोहा.”
17
हेरोदाय तिया पावहु फिलीप इया थेयील राखी लेदली आथी इ गोठ तियमा विरुध्द हाय एहेंकी योहानाय हेरादाल आख्यालो तिया खातोर हेरोदाय माहू मोकलावीन योहानाल तिइन आवीन कोंडी देदलो.
18
इ तियाय तिया पावहा थेय हेरोदिया खातोर केया काहाका तो पावाहा थेयील राखुनू इ तो चूक हाय एहेंकी योहानाय हेरोदाय आखलो.
19
इया खातोर हेरोदिया योहाना आरी दुश्मनी किइन तियाल माय टाका आथो पेन तेहकी नाय वी सेक्यो.
20
काहा का योहान धर्मी आने चोखो माहू हाय इ जाईन हेरोद बितलो आने तियाल सामभालतलो. योहान जाहा हेरादाल गोठ्या आखे ताहा हेरोद काबराय जातलो पेन तेबी खुशीकी गोठ्या उनाय लेतलो.
21
फाचे एक खुबूज आनंदा दीही आलो तो हेरोद राजा जोन्मा दिही आथो तिया खातोर तिही तियांय तिया माेडा अधिकाऱ्याहान माेडा सिपाडाहान आने गालील देशुमने पुढारी लोकांहान मांडो खाआ खातोर हादले.
22
ताहा हेरोदिया पोयरीय माज जाईन नाच काम केयो, तो विन हेरोद आने तिया आरी जे लोक आथा तिया बादाहान खुश केये, हेरोद राजाय तिया पोयरील आख्यो आज तुल जो मानगुला हाय ती तुमा आय आय तुल तो देहे.
23
हेरोद तिया पोयरील शपथ लिन आखेहे, तु जो बी मां वे मागहो तो आय तुल देहे, मापे आरदो राज्यो मानगोहो तेबी आय तुल देहे.
24
ती बारे गिई तियु याहकिल फुचा लागि, “आय काय मांगु ?” तियु याहाकिय आख्यो कि “तु बाप्तिस्मा केनारा योहाना मुनको मागे.”
25
ताहा राजो निराश वी गियो, पेन तियांय शपथ खादली आथी तियुकी आन आरी जे लोक बोठला आथा तियांहाकी ती गोठ तियांय पुरीज केरा पोडी.
26
ताहा ती पोयरी तुरुतूज माज राजाही जाइन आख लागी “मान बाप्तिस्मा केदनारा योहाना मुनको एकी थालीम थोविन आमीज मागावी दे.”
27
राजांय तुरुतूज योहान मुनको वाडीन ली आवा खातेार एक सिपाडाल हुकूम दिइन जेलाम मोकल्यो, सिपाडो जेलाम गिया आने याहाना मुनको वाड्यो.
28
तोज मुनको थालिम थोविन ली आविन राजा पोयरील देदो, आने पोयरीय याहाकील देदो.
29
इ उनाईन तिही योहाना चेला आला आने तिया डिल उखलिन माहाणाम थोवी देदो.
30
फाचे प्रेषीत लोक येशुय टोलवाया, आने तियाहांय जो काम केयो, जो हिकव्यो तो येशुल आखी देखाव्यो.
31
ताहा येशूय तियाहान आख्यो, “चाला आपे जोंगलाम शांत जागावे जाईन थोडोक आराम किहू, काहाका तिही खुब लोक आवतला आने जातला तिया खातोर तियाहान मांडो खावुला बी वोखोत नाय मिलतलो.
32
ताहा ते उडीम बोहीन जोंगला नीगी गिया.
33
पेन खुबूज लोकाहाय तियाहान जाता देखीन ओखी लेदो आने तिया बादा गावूमने लोक चालतांज निग्या, ते दोवडीन येशु आने तिया चेलाहा पेहलाज तिही जाय पोच्या.
34
येशू उडीमने उतेहे ताहा तियांय खुबूज लोक टोलवाला देख्या, तियाहान विइन दोया की आली काहाका पालनारा नाहा रेता एहेंडा मेडाहां होच ते आथे. आन तो तियाहान खुबूज गोठ्या हिकवा लाग्यो.
35
जाहा वाअतो पोड्यो ताहा येशू चेला येशूय जाईन आखताहा, “आपे जोनगलुमने जागो हाय आने वाअतो पोडी गियोहो.
36
तु लोकाहान आखी दे ताहा ते गावाहाम आने खेतुम जाइन तिया तियाहांज खावनु बेचातों ली आवी.”
37
येशुय चेलाहान आख्यो, तुमाज, तियाहान काय तेबी खावुला द्या. “आमा बेत होव चांदी रुप्याहा मांडा बेचाता ली लावीन देजी का ?”
38
येशुय तियाहान आख्यो, तुम्हा जा आने लोकाहान फुचा तुम्हाप कोता मांडा हाय जाइन लोकांहान फुच्यो ताहा तियाहांप बाय पाच मांडा आने बेन मासे ओतेज आथे.
39
येशूय तियाहान आख्यो, लोकाहा चारापे टोला वोलीन बोही जा.
40
ताहा लोक होव - होव आने पाच्हा-पाच्हा ऐहकी टोलाम बोठा.
41
ताहा येशुय ते पाच मांडा आने बेन मासे आथाम लेदे आशिर्वाद मागीन मांडा मुड्या आन वाटी खावावा खातोर चेलाहान देदा, ते मासे बी बांदाहान वाटी देदे.
42
ताहा बादा लोक खाइन ताराया,
43
आन वादला मांडा तुकडाहा की बारा सिबले पोराये आने थोडेक माये बी वादी गेहले.
44
मांडो खानाराहाम आदमीज पाच हाजार आथा.
येशु पायाप चालेहे
45
येशुय तुरुतूज तिया चेलाहान आख्यो आय लोकाहान वाटे लागवूहू तांव तुमा उडीम बोहीन फुगारा ती तोडीपे बेथसैदा गावाम जा.
46
आन तो लोकाहान वाटे लागवीन एखलोज डोगापे प्रार्थना केरा गियो.
47
वातो वी गियो ताहा तियांहा उडी फुगरा भोर वोचमे आथी आने येशू एखलोज तोरतीप आथो
48
जाहा वारो हूंबूरने खुबूज चालतलो तिया खातोर ते पाटला ठोकी-ठोकींन थाकी गेहला, इ येशूय देख्यो ताहा वेगरे तीन ते सोव वाज्ये वेरी येशू पांयापने चालीन तियाहांही आलो, तो तियाहांसे आगाडी निंगी जानारो आथो.
49
पेन चेलाहांय तियाल पायावे चालता देखीन “आ पुथ हाय एहेंकी होमजीन खुबूज बोंबली उठ्या काहाका ते बादा तियाल विइन काबराय गेहला.
50
पेन येशूय तुरुतूज तियाहा आरी गोठ्या केरा लाग्यो “हिंमत तेरा आंय हाय, बियाहा मां”
51
तो उडीम चोडी गियो ताहां बारो ठाको रियो,इ विइन चेलाहान खुबूज नोवाय लागी.
52
काहाका तियाहान मांडा गोठी ओर्थ होमजायो नाहा. काहाका तियाहा मोने कठीण वी गेहले आथे.
53
फाचे ते तिया तोडीपे गनेसरेत सेहेराही जाय पोच्या, आने उडी तोडीपे बांदी थोवी.
54
आन ते उडीमाने उततांज लोकाहाय येशू आख्यी लेदो.
55
आन ते लोक पाहीने बादा येशू जिही हाय एहेंकी मालुम पोडतलो तिही ली जा लाग्या
56
आन येशू गांवाहाम, खेताहाम जिही बी जाहलो, तिही लोक दुख्याहान बाजारा वेसला जागाम ली आवीन थोवतला आन येशूल राव्या किइन आखतला, तु तियाहान तो पोतडाहा कोर तेबी आथली ला दे आने जोता दुखी लोक तिया पोतडा कोराल आथलुतला ते बाद्दाज हारा बी जाहला.
Chapter 7
1
एक दिही थोडाक परुशी लाेक आन शास्त्री लाेक यरुशलेमने आलाल ते टोलवायन येशूय आला.
2
तियाहाय येशू चेलाहांमने थोडाक चेलाहान आथ नाय तुवता मांडो खात देख्यो.
3
काहाका परुशी लोक आन बादा यहूदी लोक डायाहा रीती रीवाज पालतला, ते हारकी आथ तुव्या वाशी मांडो नाय खातला.
4
बाजारामने लाल्ली केल्ही बी वस्तु ते तुव्या शिवाय खाता नाहा आने ते डायाहा रिती रिवाज पालतला आने तेहेंकीज गिलास, वेंडे, पितला बासने चोलीन तुवनू एहकी खुब नियम ते पालतला,
5
इया खातोर तिया माहांय येशूल फुच्यो, “तो चेला आथ नाय तुवता मांडो खाताहा, ते डायहा रित्या काहाल नहा पालता ?”
6
येशूय तियाहान आख्यो, “तुमा ढोंग केताहा, यशया भविष्यवक्ताल परमेश्वराय तुमा बाबतीम आगलोज भविष्य एहेकी लेखाव्यो
7
‘ते लाेक मान मुयाकी मान-पान देताहा, पेन तियाहा मोने मां इहीने दुर हाय, ते मां भक्ती नाेकामा केताहा, काहाका ते माहाय ठरवूला नियम धर्मा तियाम हाय एहेंकी किइन हिकवुताहा.
8
काहाका तुमाहाय परमेश्वरा नियम सोडी देदाहा आने माहा रित्या पालताहा.’
9
आजी तियाय तियाहान आख्यो, ‘ तुमा डयाहा रित्या पाला यखातोर परमेश्वरा नियम केहेंकी हारी रितीकी सोडी देताहा.’
10
काहाका मोशेय आख्यो, ‘तु तो याहाकी-बाहाका मान राख, जो याहाकी-बाहाकाल हारो नाय गोगतो बेरी तियाल नक्कीज माय टाका जोजे.’
11
पेन तुमा आखताहा, ‘केडो बी तिया याहाकी-बाहाकाल आखी जो काय आय तुमाल दाआ आथो, तो माय परमेश्वराल दाना की देदो.’
12
ता याहाकी बाहाकाल देवनु गोरज नाहा एहेंकी किइन तुमा तियाल तिया आहाकी-बाहाका सेवा केरा देताज नाहा.
13
ऐहंकी किइन तुमाहाय तुमा रिताहीकी परमेश्वरा नियम तोडी टाकाव्या, तेहेंकीज एहेंडे बिहीरे खुबूज कामे केताहा.”
14
ताहा येशूय लोकाहान तियाही हादीन आख्यो, “ तुमा बादे माउनाया आन होमजी ल्या.”
15
एहेंकी केललीज वस्तु नाहा जी माहाम बारेने जाइन अपवित्र केहे, पेन जी वस्तु माहामने निंगेहे तोज माहाल अशुध्द केहे जियाहा उनानु खातोर कान हाय, तियाहांय हारकी उनाय ल्या.
16
17
तियांय लोकाहान तिहीज रां देदो, आने कोमे गियो ताहा तिया चेला तियाल दाखला बोद्दल फुच्यो,
18
येशूय तियाहान आख्यो, “तुमाहान आती बी आकल नाहा हाय का ? जी वस्तु माहा माजमे जाहे ती माहाल अशुध्द केतो नहा इ तुमाहान नाहा होमजातों का ?
19
खावनु वस्तु मोनाम नाय पेन डेडीम जाहे, आन फाचे तियाहाल ओगी टाकतेहे, एहेंकी आखीन येशूय बादी खावनु वस्तु चोखी हाय इ आख्यो.”
20
आजी तियांय आख्यो, “जो माहा अंत:करणामने बारे निंगेहे तोंज माहाल अशुध्द केहे.”
21
काहाका माजमेने म्हणजे अंत:करणामने खाराब विचार बारे पोडताहा जेहकी, खारोब कामे, चोरी, खुन,
22
सिनालों, लोब, खोटोपोण, ठोगबाजी, हुनाटाय, हेवा, खोटी नजरीकी वेअनू, निंदा केअनु, अभिमान केअनु, मुर्खता इ. बांदो निगेहे.
23
ए बाद्या गोठ्या माहामनेज निगत्याहा, आन माहाल अशुध्द केत्याहा,
24
फाचे येशू तिहीने निगीन सोर आन साीदान प्रांताम आलो आन तो तिही एका कोवाम गियो इ केडाल मालुम नाय पोडा जोंजे एहेंक तिया बिचार आथो पेन तो दोबी नाहा सक्यों.
25
ताहा तुरुतूज एकी बाई पोयरील पुथ लागलो आथो, ती येशु बोद्दल गोठ्या उनायन येशूय आली आन तीया पागे पाडी.
26
ती बाई ग्रीक आथी आने सिरीयामने फिनीशीया इही जन्म वेली आथी, तियुय येशूल रांव्या किइन आख्यो,”मा पोयरीमने पुथडो काडी दे.
27
येशूय तियुल आख्यो, ”पोयराहान पेहली तारायन खाय ला दे काहाका पोयरांहा मांडो लिइन कुतराहान टाकनु इ हारो नाहा हाय”
28
ताहा ती बाईय येशूल आख्यो, “इ खेरीज हाय प्रभु, पुन कुतरे बी ता टेबला थुले पोयराहा वेने टाकाय जाहे ती मांडो विसीन खातेहे,”
29
ताहा येशूय बाईल आख्यो, “तो आखनु हारो हाय, तु जेा, तो पोयरीमाने पुथडो निगी गियोहो.”
30
जाहा ती बाई तियु को गियी ताहा तियुय ती पोयरील खाटलापे हुतली देखी, आन तियुमने पुथडो निगी गेहलो आथो.
31
फाचे येशू सार आने सिदान प्रांतामने निगीन दकापलीस प्रांताम लुगीन गालील पुगाराही जाय पोच्यो.
32
ताहा लोक एका बेरा आने तातऱ्या माहाल येशूय ली आवीन रावया किइन आखालग्या तो आथे इया पे थोव
33
ताहा येशू ती माहाल लोकाहा टोलामने बारे ली जाइन तिया कानाहाम आकड्या काल्या आन फाचे आकडीपे थुकीन तिया जिभील आथल्यो.
34
आने होरगावेल विइन हां टाकी आने आख्यो, “इफ्फाथा” (इया अर्थ खुली जो.)
35
ताहा तो माहु उनाया लाग्यो आने तिया जिभी गाठ तुरुतूज सुटी वी गियी आन तो हारी रिते गोगा लाग्यो.
36
ताहा येशूय तीया लोकाहान हारकी होमजावीन आख्यो, इ गोठ केडालुज आखाहा मां, पेन येशू जियाहान आखलो ते वादुज तिया गोठ्या आखा लाग्या.
37
तिया लोकाहान खुबूज नोवाय लागी आन ते आखा लाग्या “तियाय जो बी काय केयो तो हारो केयोहो, बेराहान उनानु आन मुकाहान गोगनु सोकती देदी.”
Chapter 8
1
त्या दिहाम फासे लोका माेडो टोलो हेगलायो पेने तीया जागे खाऊला कायने काय आथो. येशूय तीया आखान हाद्यो आने तीयाने आख्यो.
2
‘माने इया लोकापे किव की आली काहा का तीन दिही वी गीया ते मा आरी हाय आने तियापे खाऊला काइज नाहा काय ?
3
आय जर तीयाहान पुखा कोओ मोकलेहे ता वाटीमुज पुखीकी पोडी जाय आन तियामेने काहक ता खुप दुरने आल्ला हाय.,
4
तीया आऱ्याय आख्यो इया जोगलाम इया मोने ताराय ओतो भोडा काहीने लाऊले !
5
तीयाय तीयाल फुच्यो का, ‘तोपे कोतो मांडो हाय ? आने तीयाये आख्यो साते.
6
तीयाय माहान नीचे भा आख्यो, आने तीयाय सात मांडाे लेदा आने आभार मान्यो आने तिया मांडाे मुड्या आने तियाय माहान वाट्यो.
7
आजी तीया जागे वाहीके हाने मासे आथे तीयाय तीयापे आशिर्वाद मागीने ते वाटा लागवे.
8
तीया मांडो खाय ने मोन पोरायो आने रेहाला मांडा तुकडा सात सीबले पोराये.
9
तीही कोमीत कोमी चार हजार माहे आथे. तीयान येशूय को मोकल्यो.
10
तुरुत तो तीया आऱ्या आरी ऊडीम बोठो आने दल्मनुथा प्रदेशाम गीयो.
असमंजसपोणाबोद्दोल शिष्याहा निषेध
11
फासे वाहीक परुशी लोक आवीन तीया आरी चुलाया लाग्या, तीया परिक्षा वेरा खातोर तीयायेने होरगामेने निशाण्या माग्या,
12
तीया तिया आत्माल दुरावीन तीया आख्यो, इ पिढी निशानी काहा मागे माय तुमान खेरो आखु का या पिढील निशाण्या देता आवे नाय.
13
पासे तीयाय तियान सोडीन पासे ती ऊडीयाम जाइन बोठो पासे तो हुबूरच्या तेसलीवेला गीयो,
14
ताहा तिया आऱ्या माडो लावनु विहीराय गीया आने ऊडीम तीयापे ऐकुज मांडो आथो.
15
येशुय तीयान होमजावीन आख्यो,”सांभालजा परुश्यां खमीर आने हेरोदा खमीर इ पेने साबालीन रेजा.”
16
वोचे ते तीया तीयामे गोगा लाग्यो, का आपू जागे मांडो नाहा तीयाल तीयाय आख्यो का?
17
ते काय गोगतले इ तो होमजीज येशुये तीयान आख्यो, आपु पाही मांडो नाह इया बाराम गोगतला हा आजी तुमाने होमजायो नाहा का ? तुमनेहे होमजीने बी होमजातो नाहा का ? तुमा मोन कोठीन वी गीयो का ?
18
डोवा रीने बी तुमनेहे देखातो नाया का ? कान रीने बी तुमनेहे ऊनाया आवतो नाहा का ? तुमान इत नाहा रीयो का ?
19
मायु पाच हजारा लोकाहान पाच मांडा वाटी देदा, ताहा तुमाय तुकडामेने कोत्या सीबले हेगलावे , तीया आऱ्या आखेय सात
20
आजी चार हाजारा वाटो मायु सात मांडा मुड्या ताहा तुमाय तुकडा कोत्या सीबले हेगलावे तीया आऱ्याये आख्यो, "सात".
21
पासे येशू तीयान आख्यो, आजी तुमान होमजुतो नाहा का ?
22
ते बेथसैदा तीही आले ताहा लोकाहाय तीया जागे एका आधलाल लाले आने तु तीयाल आथे लागवे एहकी तीयाय आख्यो.
23
पासे तीयाय त्या आधला आथ तीने हाय आने तीयापे आख्यो साते, तीयाल गावुबारे लाले पासे येशू ये त्या आधला डोवापे आथ फिरवीन तीयापे आथ थोवीन तीयाय पुसा लाग्यो तुल कावी देखाय का ?
24
तीयाय ऊचे वेयो आने आख्यो माने माही देखाय रीये हे ऐहकी वाटे हे काहा का मान ते चाडा होस देखाय रीये हे तेबी ते चाली रीयेहे एयाकी.
25
फासे येशु ये तीया आथ तीया माहा डोवापे थोव्यो तीयाय डोवा उगाड्या ताहा तीाय नोजर आली ताहा तायाल आखो हारकी देखाया लाग्यो.
26
येशू ये तीयाल आख्यो तीय गावुमे पाग बी नाहा टाकोहो ऐहकी आखीन तयाल को मोकली देदो.
27
फासे येशु आने तीया आऱ्या फिलीप्पा केसरीया गावु प्रदेशाम जा निग्या तीयाय तीया आख्यो ‘लोक मान काय होमजुजाहा’ ?
28
तीयाय तीयाल आख्यो, ‘आरदेमाही आखतेहे तु बाप्तीस्मा केणारो योहान आने आरदे एलीया होमजुतेहे, आने आरदे आखतेहे तुमा संदेष्टा तीयामेने एकदो होय ऐहकी आखतेहे.’
29
पासे येशूय तीयान फुच्यो तुमान माय केडो हाय ऐहकी वाटेहे, पेत्राय आख्यो “माय केडो हाय, ऐहकी वाअेहे, पेत्राय आख्यो तु “ख्रिस्त” हाय.
30
येशू ये तियाल आख्यो, ‘माय केडो हाय इ केडालुज आखा नाहा’
31
तो तियान हीकवा लाग्यो, लोकाहा पोयरा पे खुबूज तारास बी बाहको मुख्यायाजक लोक नियमशास्त्रा हिकवुनारा अेया पेने नाकारले जाई, तीयान जिवते मारा जाई, आने तिसरे दिही तीयामेने पासे उठा जोजे ऐहकी वी.
32
तीयाय इ हारकी होमजावीन आखी देदो, ताहा पेत्राये येशूले बाजुमे लेदो आने तीयाले आखा लाग्यो
33
पासे येशुये तीय आऱ्यावेल वोली वेयो आणे पेत्राले धोमकावीन आख्यो, अरे सैतान मा हुबूरने निगी जो, काहा का तु देवा गोठीवेल लक्ष लागवेतो नाहा, आने माहा गोठीवेल लक्ष लागवुतो.
34
पासे तियाये तिया आख्या आरी लोकाहाने हाद्यो आने तीयान आखा लाग्यो, ‘जायाल बी माफाचलो आवुला हाय ता तीया सोता गोठ्या सोडीन आपु वधस्तंभ उसलील्या आने मा फाचला आवा
35
जो केडो बी तीया जीव वाचवा फाचला री तो जीव गोमावी आने जो केडो मा खातोर आने परमेश्वरा जीव गोमावी तो तियाहा जीव वाचवी.
36
माहाने आख्यो, “जोग मिलव्यो आने आपु जिवाहा नाशकी लेदो ता तीया काय मिल्यो.”
37
जीवु बोदलाम लोक काय दी शकताहा ?
38
देवा आरी हारीरीती नाहा आणे पापी पिढीमे जे केडो बी मां आने मा वचना लाज तेहे माहा पोयरो ही जाहा तो तिया पित्या हा महीमा की आने तिया दुतां हा आरी आवी ताहा तियाहा पोयराहा लाज की आवी.
Chapter 9
1
ईसु हीा त्या लोकाहान आख्यो, आय तुम्हाल खोरो आखु इही उभे रिाहीले जे बाकी अेहडे होय जिआल देवा राज्या सामर्थाकी आवनु देखाय तावलुग तियान मोअनु अनुभव नाय आवे.
2
फाची खोब दिहानंतर इसुही पेत्र, याकोब आने योहान याहान लिन तो डोगाप गियो तियाहा हुबूर तिया रुपांतर वियो.
3
तिया पोतडे खुब चोमकुनारे आने उजले आथे, आते उजले आथे पोगाम केल्लाज गाठील नाय की शकी ऐहेडे बी गिहले.
4
ताहा माशे आने एलिओ तिइया आरी प्रोगाट विइओ, बेनी येशू आरी गाठ्या केतुला.
5
पेत्राय येशूल आख्यो देवा तुमाहा इही हाय इ हारो हाय आपु तिय माडवा बोनवु एक तुमा वाटो, एक मोशे वाटो आने एक एलिया वाटो.
6
पेत्र ऐहकी गोठ्या तियाल काय गोगनु तो होमजालो नाय, काहाका ते बी गिइले आथे.
7
ताहा एक वादलो तिइआऊचे आलो आन तियाआन सावली केअेई. पासी वादलामाने आवाज आलो “ओ मा मेरालो पोयरो हाय इया तुमा उनाया”.
8
अचानक तियाई सोमकी वेयो ताहा तियान येशु सिवाय केडोच नाय देखायो
9
ते डोगापने अेठा उततुला ताहा येशू तियान आज्ञा केयी तुमाही जो वेअलो हाय तो येशू मोलामेने उठे ताव लुग कडालुज मा आखाहा.
10
तिआला ती गोठ तियाही तियाआमुज थोवी, पेन ते मोअलामाने उठनु अर्थ काय हाय तियाआरी एक बिजाआरी गोठ्या केअतला.
11
येशुय तियाल फुच्यो ‘पेहलादाव एलीयाआवा जोजे ऐहकी नियमशास्त्रामने मास्तुर काहा आखता.
12
तो तियान आखे हो एलिओ पेहलादाव आवीन होग्या गोठ्या हारी रीती कहे, पेन माआहा पोयरा कहेता तियाआय खुवे त्रारास केरा पोडी, आने तियाल नाकाराम आवी ऐहेकी पवित्र शास्त्राम लिखला हाय ?
13
आय तुमाहान आखे एलीओ आलोच हाय आने तियाआबाराम लिखाबाराम तिआन जेहकी जोजे तेहकी तियाई तिया केअयो.
14
फासी ते लोक शिष्यांपाही आले ताहा तीयाहाने तिया सोमकी खुब लोक हाय आने नियमशास्त्रा हिकवीना तिआ आरी वाद केहतो हाय ऐहकी तियान देखायो.
15
होग्गा लोक येशुल विन चामकाय गिया आने ते तिया स्वागत केरा केअता दोवडी गिया
16
येशू ही शिष्यान फुच्यो तुम्हा तिया आरी काहा वाद केअता बोहता ?
17
ताहा ओलामने एकाही तियाल उत्तर देदो, गुरुजी मा याहाकीय पोयराल तोही लिइ आलेा तियाआम पुथडो होकाय गियो होय आने तिआन गोगता नाहा आवतो.
18
आने जाहा तो तिआल तेहे ताहा तो इसीन आसाटी देहे, आने मुयाल फबदे लावी टाकेहे. दात किकडावे फासी लाबो सोडाक विही जाहे. मायु तो शिष्याल काडा आख्यो पेन तियान काडता नाहा आलो.
19
येशूय तियान आख्यो, “तुमा कोमी विश्वास केअनारा पिठी मायु तुमहआरी कोते लुगू रेणारो ? तुमाआरी कोतेलुगू सहन केअेवु ? पोयराल इही ली आवा.”
20
फासी तियायी पोयराल येशू पाही लि आले, आने पुथडाई येशू होवे वेअयो ताहा तरुतूज त्या पोयराल मोहडो देदो, आने तो पोयराी तारतीवे उडला लाग्यो तिया तुयामने फवदे तिगा लागे.
21
फाचे येशूय तियल बाहकाल फुच्यो, “ कोते काळ ओ अेहडो होय ?” बाहकाय तियाल आख्यो, “हानापने आ अहकीच हाय ?”.
22
खुपच दाव तियाल मारा खातुर आगीम नाय ते पायाम तियाल टाक्यो हाय, तुमाहाकी काय वेअतो वेरी ते आमाप दया केरा आने आमा मोदत केरा.”
23
येशुय तियान आख्यो “शक्य वेरी ते एहकी काहा आखतोहा ? जिआल विश्वास हाय तिया खातोर होगो वि शकेहे.”
24
येशुय वेअयो की माआहा टोलो तिया होवे दोवडुतलो आवी रीयेहे हाय ताहा येशुय पुथडाल बिथालीन आख्यो “ऐ पोयरामेने पुथडा आय तुल आज्ञा की रीयोहो इयामेने बारे निगी जो आने कोदीच इयाम विओ मा.”
25
फाचो तो बोबलीन तिआल मोअलीन बारे निग्यो आने तो पायरो मोअला होस वी गियो, आन माहान लाग्यो तो मोय गियो हाय.
26
फासी यतो बोबलीन तियाल पीअलीन बारे निग्यो आने तो पोयरो मोअला होस वि गीयो आन माहान लाग्यो का तो मोइय गीयो.
27
पेन येशुय तियाय तिया हातुल तिइन तिआल उठव्यो आने तो अभी री गीयो.
28
पासी येशू कोमे गियो ताहा शिष्याय तिया चेलाही ऐखालाम तियाल पुच्यो, आमाही तिया पुथडाल काहा नाहा काडी शक्या ?
29
इशुही आखे “मायु तुमान खेरो आखु, जियाई जियाई माखातुर आज सुवार्तेखातुर कोंबा, पाऊ-बोही, याहकी-बाहको, पोयरे खेतीवाडी सोडली हाय
30
30. तिहीने निगीन ते गालीलाने जातुला ह केडालु नाय मालु पोडा जोजे इ ईशु इच्छा आथी.
31
काहाका तो तिया चेलाल हिकवुतलो तियाई तियान आख्यो “माआहा पोयऱ्यो विश्र्वासघात केअनारा माआहा हातीकी तेराम आवी ते तिआल माय टाकी पेन मारणामने तो तिसरे दिही तो जिवी उठी.
32
पेन इया गोगणु अर्थ तियान होमजायो नाहा आने ति गोठ पुछाखातोर ते बितला.
33
फाचे ते कफर्णहुमाम आले इशु कोमे आथो ताहा तियइ्र तियाल फुच्यो वाटीप तुम्हा केहडा गोठी आखा आथे.
34
पेन ते ठाकेच रयिा काहाका वाटीम ते गोगतलाकी होग्गाम मोडो केडो हाय.
35
फाची ईशु एठा बोठो तियाई बारा चेलान हादन आख्यो, “जियाल केअडाल पेअलो बेअरा वेरी तियाई होग्गा पाठला वेअनु हाय आने होग्गा नौकर वेरा जोजे.”
36
फाची ईशुइ एक हाना पोयराल हादीन तिया माजमे उबी केअयो आने तिआन आख्यो.
37
जा केडो मा नावकी इ पोयराल मानीला ले माल मानीली आने जो कडो माल माने तो मालुच नाय ते जिआई माल मोकल्या तियाल् बी मानी ली.
38
योहानाही ईशुल आख्यो, “मास्तुऱ्या, आमाहाई एकाल तो नावाकी पुथडे काडता देख्यो, आने आमाही तियाल नाहा केरा देदो, काहाका तो आपोमने नाय आथो.”
39
पेन ईशुय आख्यो, “तियाल नाहा केरा ऐहकी नाहा आखा, काहाका जो केडो मां नावे की चोमत्कार केअरी फाची तो मांविरुध्द माठ्या गोठ्या गोगी नाय शकी.
40
आपुविरुध्द जो नाहा तो आपोकेअता हारो हाय.
41
माय तुमाल खेरो आखु, ‘तुमा ईयु होय ऐहकी आखन जो कडो तुमाल पाई पिया दिई तो खेरोज आपो हारा कामाल सोडी नाय.
42
माआप विश्वास थोवणारा केडा हाताल जो केडो इेवाईन दुर केरी तिया बोचीम मोडो दोगडो बादन दोऱ्याम टाकी देवाम आवी इ हारो हाय.
43
44
तुल तो हुदो हाय पाप केरा खातोर आखे ते तो तु तोटी टाक. बेन हाथ रिन नरका आगिम जाऊलो तिठयाकेअता हारो एक हाथ नय रिअन होरगाम जाऊला होरो.
45
46
आने तुल तो पाग पाप केरा लागवेहे ते ता काडाी टाक बेन पाग रिअन तुल नरकाम फेकीदि तिईयासन हारो तु लोगडो बिन होरगाम जाऊलो हारो.
47
48
तुल तो हुदा डावे पाप केरा लागवे ते तु तियाल काडी टाक बेन डोवा रिअन तियान मोअते नाहा अहके किडो खाई आने आग आलति नाहा अेहडा नरकाम फेकी दिई. इयामने तुल एकुच डोवो रिअन देवाराज्याम जावनु हारो
49
काहाका होग्गा पोरिक्षा आगी की वेनाआरो हाय
50
खारो हारो हाय, आने खराही तिया खाऱ्योरेअनु पारवाय गिअयो ते तो पाछी केहकी खारो केरा तुमा एकबजा आरी प्रमाकी ऱ्या आने एकबिजाआरी शांतीकी ऱ्या.
Chapter 10
1
पाछी ईशुही तो जागो सोडाीन आने यहुदीया देशाम यार्देन खाडी तिवेला गियो. लोक एकजागे आविन तिईयाई आले आने तियाई तियाहा चालीरितीकी तियाहान हीकवे.
2
थोडा परुशी ईशुही आल तियाई तियाल पुच्यो “ माटीही थेयील सोडनु ही कायदाकी हारो हाय का ? ईते तियाई तिया पोरीक्षाला खातोर फुच्यो,
3
ईशुही तियान आख्यो, ‘ मोशेही तुम्हाल काय आज्ञा देलीही.’
4
तिईयाई आख्यो, ‘मोशेही माट्याल फारगुती दा ओन आपु थेईल सोडणु आख्यो हाय.’
5
ईशुय आख्यो, ‘ तुमाहा मोन खुप कठीण हाय तिया केअतो मोशेही ई आज्ञा तुमाखातोर लिखी थोव्या.
6
पेन जुग बोनाव्यो तिहणे देवाय तियान माहु आन थेय अहेडे बोनावे हाय.
7
इयाकातोर माआवु आपो याहाकी बाहकान सोडाीन आपो थेई आरी जोडाय रीई. आने ते बेनी एकुज वी जाय.
8
तिआल इहीने आगला ते बेन नाहा एकुच हाय.
9
ईयाखातोर देवाय जोड्यो हाय, तो माआहाई तोडुलु नाहा हाय.
10
पाछी ईशु आने तिया चेला कोमे आथा ताहा चेलाही ति गोठील फाछी फुच्यो.
11
तिआई तियान आख्यो, ‘जो केडो आपो थेईल सोडाी इेहे ओने बिहरी थेय राखेहे तो आपो थेइ्रविरुध्दा सिनालो केहे.
12
आने थेबी आपो माट्याल सोडी देहे आने बिहराल राखेहे ते तीबी सिानालो केहे.
13
पाछी तिआई हाना पोयराव आथ थोवा जोजे आने तिआन आशिर्वाद हा जोजे तिया खातोर लोकाही पोयराहान तीयापाही लिआले. पेन चेलाही लावणारान गाय देदो.
14
ईशुय ई वेअयो ताहा तियाल रोग आली आने तियान आख्यो, ‘हाना पोयरान माही आवा द्या. तियान नाय आखा नाहा काहाकी देवा राज ईया होस हाय अेहडाच हाय.’
15
माआयु तुमाहल खेऱ्यो आखु जो कडो हानापोयरा होस देवा राज्याम नाहा मानतो तिया आवनु तियाम हायुच नाहा.
16
ताहा तियाई हानापोयराल उखलीन पाही लेदो, आपो आथ तियाप थोवीन आने तियाल आशिर्वाद देदो.
17
ईशु बिहरुस जा निग्यो ताहा एक माआवु तिया पाही दोवडुतो आलो आने तिया आगला गुडगाप आविन आख्यो “हारा मास्तुऱ्या, सार्वकालिक जीवन मिला खातोर काय केरा पोडी ?”
18
ईशु तियाल आख्यो, ‘ तु माल हारो काह आखतोहो ?’ बाहका शिवाय केडोच हारो नाहा.
19
तुल आज्ञा मालुमुच हाय ने, खुने नाहा पाडो, सिानालो नाहा केअवो, चारी नाहा केअवो, कडो विरुध्द खोटो नाहा गागो, ठोगावो नाहा, आपो बाहका-याहाकी आरी हारी हिती राखनु.
20
त्यामाआहाई आखे “मास्तुऱ्या, आय जुवानोपणे ई गोठ्यापालणी केअतो आल्लो हाय.”
21
ईशुय तिया होवे विईन तियाआप माया केअठ्र तियाई तियाल आख्यो, तोअम एक गोठी कोमी हाच जो तोप जो काय वेरी तो होग्गो वेचेदे आने गरीब लोकान दि दे. ताहा तुल होरगा संपत्ती मिली जाय आने मा फाचला आव.
22
ही होग्ग्या गोठ्या उनाईन तो मांहु खुबे दुखी वी गियो आने निराश विअन निगी गियो काहाका तियाआप खुप संपत्ती आथी.
23
ईशुय आपो होमकी सोमकी वेअयो तियाअय आपो चेलाल आख्यो, ‘देवा राजाम आवनु पोयसावाला लोकाहाल कोतो कठीण होय.’
24
तियाय गोठ्या उनाईन ठाकला वि गिया पेन फाची ईशुय तियान फाची आख्यो, ‘मांआ पोयरा, देवा राजुम जावणु खुप कठीन होय.’
25
पौसावाला लोकाहान होरगा राजाम जावनु देयासने सोपे उटडाल हुई नाकलाम जावनु कठीण नाह हाय.
26
ते लोक जाहका चोमकाय गिया, आने एक बिजाल आखाल लाग्या, ‘हाती केडो तारण वेअनु शक्य हाय ?’
27
तियाई विईन ईसुही आख्यो, ‘माआहाल ही गोठ अशक्य हाय पेन देवाल नाहा काहाका देवाल होग्ग्या गोठ्या शक्य हाय.’
28
पेत्राम तियान आखे वेरा आमाही होग्ग्या सोडी देदो आने तो पाचला आले हाय.
29
ईशुय आख्यो, ‘मायु तुमाण खेरो आखु, जियाई जियाई माखातुन आने सुवार्तेखातुर कोंबा, पाऊ, बोही, याहकी-बाहको, पोयरे खोती – वाडी सोडली हाय.
30
हेहडा होग्गान सेल्लो वेले वोखोवेरी होवपटीने को बाही, पाऊ, याहकी, पोयरे खेते आने आवणारा जुगाम सार्वकालीक जीवन मिल्याशिवाय रेवाय नाय.
31
तेबी आगले जे ते सेल्ले आने सल्ले जे ते आगला, अहकी खुबुज जा वेअरी.
32
पाछी ते उठे यरुशलेम गावा वाटीईने जातुला ताहा ईशु तियाआल आगला चालतुलो.. तियाआ कोला वि गिला आने तिईयाफाछला आवणारे बी गिईले आथे. फाचे येशुई बारा चेलाहान एककाई लिईन आपुबद्दल काय वेअणारो हाय इ आखा लाग्यो.
33
“वेरा ! आपु उच्चे यरुशलेम गावाम जाय रिया हाय आने माआहा पोयराल तिइ्रन मुख्य याजक लोक आने नियमशास्त्रा हिकवुनारा ईया आथम देवाम आवी. ते तियाल मारुनु शिक्षा दी आने तियाल बिहरा जाती लोका हाथाम दी.
34
ते तिया माजाक केअेरी, तिइयाउपे थुपी, तियाल ठोकी, माआई टाकी, आने तिन दिहाम तो फाची उठी.
35
याकोब आने याहान जेा जोब्दी पोयरा तियाआजागे आला आने तियाल आख्यो, “मास्तु:या, आम्हा तोही जो मागणारा हाय तु आमाहाकेता कअेजे अेहकी आमा इच्छा हाय.”
36
इशुही तियान आख्यो, “माआयु तुमाहा खातुर काय किईव अेहकी तुमाहा इच्छा हाय?”
37
तियाठ आख्यो, “तो वैभवाम आमाहा बेन्यामने एकाल तो हुदी होवे आन बिहीराल उलटी होव बोहणु अधिकार देजे.
38
ईशुही तियान आख्यो, “तुमाहा काय माबता आजी तुमाल होमजातो नाहा. मायु जो प्यालो पिणारो हाय, तो तुमाहाकी पिवनु शक्य हाय का ? मायु जो बाप्तिस्मो लेणारो हाय तो तुमाहाकी लेवाणु शक्य हाय का ?”
39
तियाई आख्यो , “आमाहान शक्य हाय.” हाती ईशुही तियान आख्यो, मायु जो प्यालो पिणारो हाय तो तुमाहा पिया आने जो बाप्तिस्मो मायु लेहे तो तुमाहा लेणारा,
40
पेन माआ हुदीवेल आने उलटीहोवे बोहा देवणु माआ आथाम नाहा. जिईया खातुर तो जागो तियार केअलो हाय, तिईया खातुरुज ते राखी थोवल्या हाय.
41
दाहो चेलाई ई विनंती उनाया ताहा याकोबाय आने याहानाय खुप रोग केअई.
42
ईशुय तियान पाही हाद्यो आने आख्यो, “तुमान मालुम हाय बिहरादेशा जे पुढारी तिया उपे अधिकार चालवा होदता.
43
पेन तुमाहाबाबतीम तेहकी नाहा, तुमामने जो केडो मोडो बेरा हेदि तियाई तुमहा नोकर (सेवक) वेरा जोजे.
44
आने जो केडो पेहलो वेऊन इच्छा होय तिआई होग्गा सेवोक वेरा जोजे.
45
काहाका माआहा पोयरा सोवा की लाआ खातोर नाहा ता सेवा केअरो आलो हाय, खुप लोका पांपा खंडणी केअेरो आपो जीव दा केअता आल्लो हाय.
46
फाची ते यरीहो गावाम आले ईशु तिईया चेला आने ठोलाहा आरी यरीयोह सोडीन जातुलो ताहा तीमया पोयरो बार्तीमय ओ ऐक आंदलो भिकारी वाटीही बोठलो आथो.
47
जाहा तो उनायो, नासोरी ईशु जाय रिईयो हाय ताहा तो मोडाकी बोंबला लाग्यो, “ईशु, दाविदा पोयरो माप दया के.”
48
ताहा तियाई ठाको राआ जोजे तियाल ठाको राहा खातोर धेमकाव्यो. पेन तो आजी जोर मे बोंबला लाग्यो, “ईशु, दाविदा पोयरो माप दया के.”
49
पाछी ईशु उबी रेईओ आने आख्यो, “तियाल हाद्यो, ताहा तियाई आंदला माहाल हादिन आख्यो इशु तुल हादी रेयो हाय.
50
आंदला माहाय आपु पोतडे एठा टाकी देदे, कुदीन तो ईशु पाही आलो.
51
ईशुय तियाल आख्यो, “ माआय तो खातोर काय किव एहकी तो इच्छा हाय ?” आला माहाइ तिया आख्यो, “मास्तुऱ्या, माल पाठी देखाया लागी जा जोजे.”
52
पाछी ईशुय तियाल आख्यो, “जो, तो विश्वासाई तुल हारो केअयो हाय.” तुरुत तो वेरा लाग्यो तियाल देखाया लाग्यो आने उठीन ईशु पासला तो चाला लाग्यो.
Chapter 11
1
ताहा ते यरुशलेम शेहरु पाही जैतुन डोगा पाही ब्ेथफगे आन ब्थानी गावापाही आला ताहा येशु ये तिया बेन चेलाहान एहेंकी आखीन मोकल्यो,
2
“हुंबऱ्या गावाम जा तिही तुहान एक फुरक्या पिलको बांदलो देखायी तियापे आमीलुग केडोज बोठो नाहा, तियाल सोडीन ली आवजा.
3
आने एहेंकी एगदांय फुच्यो तुमा इयाल काही ली चाल्याहा ताहा तुमा एहकी आखजा. “प्रभुल इया गोरज हाय.” तो इयाल माहारुज इही ली मोकली.
4
ताहा तिहीने निंगीन गिया ताह वाटीप एका कोवा बाणाय चौठाम पिलको बांदलो सापड्यो आने ते पिलकाल सोडा लाग्या
5
तिही उबले माहे आथे तियाहाय फुच्यो फरक्या पिलकाल सोडीन तुमा काय केताहा
6
येशू य आख्यो तेहकी तियाहा आख्यो, ताहा तियाहाल जा देदो.
7
फाचे तो फुरक्या पिलको येशु पाही लाला तियाहाल तिया पोतळे तियाल फांगाराव्यो ताह येशू तियाप बोठो.
8
खुप माहे यिाहा पोतळे रोसताप फातये आने फाचे बिहरा माहाय खेताम जो डालफे तोडीन वाटीप फात्ये.
9
आगला चालणार आने फाचला आवणारे बोंबला लाग्या “होसान्ना, प्रभु नावाम आवनारो धन्यवादीत वे.”
10
आमा पुर्वज दाविद इया आवनारो राज्य धन्यवादीत वे .
11
फाचे येशु यरुशलेम शहराम गियो ताहा फाचे तो परमेश्वरा भवनाम गिया ताहा चारी वेलेनो वी लेदो. ताहा वातो वेलो वी गीयो फाचे तो तिया बारा चेलाहाल लीन बेथनीसा होवे निगी गियो.
12
बिहीरो दिहाल, ते बेथानी नो निंग्या ताहा येशु ल पुख लागी.
13
तियाहाल पानां की पोरालो अंजिरा एक चाडवो दुर नो देखायो. तियाप कावीही मिली इया आशाकि तो वेरां गियो आन तियाल पानांहा सावाय काय नाहा मिल्यो. कारण तो अंजिरा हंगाम नेय आथो.
14
फाचे तीयाय तियाहाल आख्यो, इया आगला तो फलवो कोडोज नेय खानारो हाय,
15
फाचे ते यरुशलेम शेहराम गिया, आने येशू परमेश्वरा भवनाम गिया ताह भवनाम जे जे वेचतो लेनारा देनारा व्यवहार केतुला तियाहाल येशु बारे मोकाला लाग्यो, तियाय सराफाये चौरंग आन जे कबुतरे वेचा बोहतुला तियाहाल जागो विसकाडो टाक्यो.
16
तियाहाल केडा लुज कल्ली बी वोस्तु पेरमेश्वरा भवना मने ली आवा जान ली जा नाहा देदी.
17
फाचे येशु तियाहाल हिकवा लाग्यो, तियाहा आख्यो,
18
मुख्य याजक आने नियमशास्त्र शिक्षकाय तो उनायो आन ते तियाल मारा खातुर वाट होदा लाग्या, काहाका बाठा लोक तिया हिकवु लाप नोवाय केतुला ते तियाल बितुला माआ कावाले बाठा देशा हा प्रार्थना कोअवो एहेकी आखी ऐहकी पवित्रशास्त्राम लेखलो नाहा काय ? पेन तुमा तियाल लुटमार कनारा कोअवो बोनाव्याहो.
19
तिज राती येशू आने तिया चेला शेहरु बारे गिया,
20
वेगऱ्या येशू आने तिया चेला जातला ताहा तियाय तो अंजिरा चाडवो मुलाम नो हुकालो तियाय वेयो.
21
पेत्राल ईत आलो तो येशुल आख्यो, “रब्बी, वेरा जिया अंजिरा चाडवाल आपुय साराप देदुलो तो हेकाय गियोहो.
22
येशुये तियाल आख्यो, “देवाप विश्वास थोव.
23
माय तुमाल खेरो आखुका जो केडो या डोंगाल उपडीन समुद्राम टाकाय, ऐहकी तो यिा मनाम शंका तेनारो नाहा आपु जो आखु तेहकी तिजाय ऐहकी विश्वास तेराहा ताहा तिया शब्दा प्रमाणे वेनारो.”
24
तियाहाल माय तुहाल आखु तो जोकावी तुमा प्रार्थनाम मागहा तो मिली ऐहकी विश्वास तेरा आन तो तमहान मिली.
25
जाहा तुमा प्रार्थना केअता उभा रेताहा ताहा तुमा मनाम जर केला विरुध्द कावी वेरी तर तिया क्षमा केरा इया खातुर का तुमा स्वर्गाम बाहा काय तुमा पापा क्षमा की,
26
काहाका तुमा जर क्षमा केनारा नाहा तर तुमा स्वर्गाम जो बाहको तुमा अपराध क्षमा केनारा नाहा.
27
ते फाचे यरुशलेम शेहराम आला आन येशु पेरमेश्वरा भोवनाम फिरतुला ताहा मुख्य याजक लोक नियमशास्त्र शिक्षक आन बाहको तियाय आला.
28
आन तियाल आख्यो, आपु केलाल अधिकारुकी गोठ्या केताहा, तो केरा केडाय अधिकार आपुल केडाय देदो.
29
येशुय तियाहान आख्यो, “माय बी तुमान एक प्रश्न फुचूहु आन जर तुमाय माल तिया उत्तर देदो ता माय गोठ केल्ला अधिकाराकी कीहु तो तुमहाल आखेहे.
30
याहाना बाप्तिस्मो स्वर्गामनो माहा सारखो आथो तिया उत्तर दे.
31
तिया विषया तियाय एक जागे टोलवान विाचार केयो आन आखा लाग्या “आपु तो स्वर्गामनो हाय ऐहकी आखाताहा तो आखी ताहा तियाय तुम्हा विश्वास काह थोव्यो नाहा.
32
काहाका जाहा आपु तो माहाप नो हाय ऐहकी जर लोक आपुप रोगवाली तिया लोकांहाल बितुला काहका आखा लोकांहा विश्वास आथो का योहान खेरो सेवक आथो.
33
फाचे तियाहाय येशुल उत्तर देदो, “आमाल मालुन नाहा” ताहा येशुय तियाहाल आख्यो, “फाचे माय ए गोठ्या केल्ला अधिकारुकी केतुलो इ तुमाल आखतो नाहा.”
Chapter 12
1
येशु तियाहाल दाखलो आखीन हिकवा लाग्यो ऐका माहाय द्राक्षा वाडी लागवी आने तिया बारे सोमकी वाडांग केअयी. तियाय द्राखारसा केअता खाडो खोद्यो.
2
आने राखवाली केअता मालो बांद्यो. तियाय ति वाडी खुहता खुहताले भाडे वे आने तो दुर प्रवासाल गियो. पीका समयावे मजुराप द्राक्षा वाडीमने फळ समयाव तियाले पुरतो हीस्सो मीले मजन तियाय ऐका नोकराल मोकल्यो.
3
पेन तियाहावे नोकराल खुब ठोक्यो आने रिकामोज मोकल्यो.
4
फाचे तिये बिहरो नोकराल मोकल्यो, तियाहाय तिया मुनको फोड्यो आने तिया आरी मस्करी केयी.
5
फाचे तियाय वार सेवकान मोकल्या पेन बाक्यान तियान मार देदो तर बाक्याहान खेताऱ्याही माई टाक्या.
6
मालका मोकला खातर आमी फक्त तिया प्रिय पोयरो बाकी आथो तीयाय आख्यो, ‘आमी ते मा पोयरा मान थोवी’ तो त्या एखाले पोयरो आथो, तियाल तियाय खेताऱ्याही मोकल्यो.
7
पेन ते एकबिजाल आखा लाग्या ‘ओ तर खेता वारीस हाय, चाला इयाल आपु जिवे माई टाकुहू म्हणजे ओ जागो आपु वि जाय.
8
फाचे तियाय तियाल तेयो आने माईन द्राक्षावाडी बारे फेकी देदो.
9
ताहा द्राक्षावाडी तोनारो काय केरी ? तो आवी आने खेताऱ्याहा जीव ली आने द्राक्षावाडी बीहीराल दी.
10
तुमाहय ओ शास्त्रलेख वाच्यो नाहा का ? जो डोगडो बांदणारायु नाकाऱ्यो तो कोनशिला वेये.
11
इ परेमेश्वराकी वेयो, आने ते आमहा खातोर नोवायी गोठ वेयी.
12
फाचे ते येशुल तेरा खातुर वेअतुला, पेन तीयाहाल बिख लागतुली. तीयाल तेणु तीयाहा इच्छा आथी काहालका तीयाहाल मालुम आथो का, ओ दाखलो तीयाय तियाहा खातोरुज आख्योहो. फाचे ते तिहीने निगी गिया.
13
फाचे तीयाही तीयाल काही खोठो गोगता तेरा खातोरमहाही परुशी आन काही हेरोदी लोकांहान तीयाही मोकल्या.
14
ते तीयाही आला आन आखालाग्या, गुरुजी, तु प्रामाणीक हाय आन भेदभाव नाय केता आपु देवा मार्गो बाराबर हीकवुताहा इम आमान मालुम हाय, ते पासी कैसराल कर देवनु बोराबर हाय का नाहा? आमाहाय तो देवुला की नेय ?
15
पेन येशुय तिहाय ठोग पारखे आन तिहाल आख्यो, तमा मा परीक्षा काहा लेता ? माही एक सीक्को लावा आथी माय बी.
16
फासे तियाय तिहा हुमार ऐ सिक्को ली आलो तियाय तिहाय फुच्यो या सिक्कावे इ केडा चित्रो, आन ई नाव केदा हाय, तियाय तियाल आख्यो कैसरा हाय,
17
पासे येशु तिहाल आख्या जे कैसरा हाय ते कैसाराल द्या आने जो देवा हाय ते देवाल द्या. ताहा तिहाल तिहा गोठीय पाक्की नोवाय लागी,
18
फासी जे पुनरुस्था हायज नाहा ऐहकी माननारा थेडाक सदुकी तियाय तियाल पुच्यो,
19
गुरुजी, मोशे आमा खातर रे अेकी लीखलो हाय का, जर एगोहा पावु मोयो तर त्या थेय रियी पेन तियाल पोयरे नेय आथे आपु पावु पीडी आगला चाले इया खातुर तिया माहाये तिही आरी वोराड की लेवो आने मोला पावु पिडी वादावो,
20
हाथी केडा सात पावुहू आथा पेलया थेय केयाी आने तो विबर पोयराहा मोय गीयो,
21
दुसाराय तिया आरी वोराड केयो तेा बी बिकर पायराहा मोय गिया
22
तिसराय तेहेकीज केयो ते साप पावुमने ऐकालबी ती थेयीपणे पोयरे नाहा वेये, सेवाट ती थेय बी मोय गियी,
23
साती पावुये ती आरी वोराड केयो, हाथी पुनरुत्थाना बोखत जहा लोक मोलामने उठी ताहा ती केडा थेय आखाय, काहाका साती पावाहाय तीय आरी वोराड केलो आथो,
24
येशुय तियाहान आख्यो, ‘ खातरीने वचन आने देवा सामर्थ्य तुमाल मालुम नाह तियाल तुमाह ऐहकी चुक केताहा.
25
काहाका जाहा लोक मोलामने उठी ताहा ते वराड नेय के आने की बी नेय दे, पेन तीही ते स्वर्गमेने देवदुत होस री,
26
पेन मोअला फाची उठणु बाराम मोशे पुस्तकामणे बोलत्या चाडीविषयी वाच्योहो का ? तिही देव मोशेल आखेहे, माय अब्राहामा देव, इसहाका देव आने याकोबा देव हाय.
27
तो मौला मांहा देव नाहा तर जिवता मांहा देव हाय. तुमा चुकता हा.
28
फाचो एका शास्त्रीमेने ऐकाय आवीन तिहान विवाद केता उनायो, येशुय तिहाल कोत्या हारी रीते उत्तर देदो तो तिहाय वेयो. तिहाय फुच्यो, आखा तियमा पैकी महत्वा ऐहडी पेहली आज्ञा केल्ली हाय.
29
येशुय तियहान उत्तर देदो, ? पेहली महत्वा आगना ई हाय, हे इस्त्राएला एक प्रभु आपु देव देकूच प्रभु हाय,
30
तोह आपु बाठा मनाकी पुरा जिवा की पुरा मना की आने पुरा शक्ती की तोह देव प्रभु यवेह प्रेम केहे.
31
दुसरी आगना ई हाय का जेहकी सोहता वे तेंहकी आपु पडोसीव प्रेम केंह या विहरी केहलीज आगना मीठी नाहा.
32
ताह माह्य जवाब दे दो, देव ऐकूज हाय गुरुजी आने तिया शिष्या शिवाय केहणे नाहा ऐहकी आपु आखता तोह खेरो गोगता.
33
तिहावे पुरा अंन्तकरणाकी, पुरा बुध्दी की पुरी शक्ती की आने जेहकी आपुवे तेहकी आपु पडोसीवे माया केहनू ई आखो यज्ञ व अर्पण जोआपलो केरा आगन्या देधली हाय.
34
यीशुय वेचो का तिह माहाय माहाये हुसारी की उत्तर दे दो, ताहा तियाय तिहाल पुछ तु देवा राज्ययने दुर नाहा हाय. फासे तिहाल कायबी फुसा केहठाय हिम्मत नाहा.
35
यीशु परमेश्वरा भवनाम मे हिकवुतलो ताहा तियाय आख्यो, दावीदा पुत्र हाय ऐहकी नियमशास्त्र शिक्षक आखता तोह केंहकी शक्य हाय,
36
दावीद दे सोताह पावित्र आत्मा की भरपुर वी नेह गोग्यो.
37
दावीदेये सोताह ख्रिस्तालले प्रभु आखे तर फासी ख्रिस्त दावीदा पोयरो केंहकी ? आने मोठा लोकसमुदाय तियायले खुशी की उनातला ? प्रभु देव माहा प्रभु ले गोग्यो, माय तोह दुश्मनाले तोह पागातुले पाडु ताहावलुगे तु माह उजवी हाताय बोह.
38
हिखवुत तियाय आख्यो, नियमशास्त्रा शिक्षका बारामें वाची रेजा !
39
आने देवळाम आने मुख्य मुख खुरशी आने मुख्य मुख्य जागा होता.
40
विधवा कोवे खय जाता, आने देखावा खातर रे लांबी लांबी प्रार्थना केंहता याह लोकाहले खुब कडक शिक्षा दी,
41
41. यीशु दानापेटी हुबूर बोयने लोकाहले पेटीमे पैसा टाकता बेहतुलो आने पाक्के धनवान लोकेह पाक्का पैसा टाकतुला.
42
फासी एक गरीब विधवा आली आने तिहीय बेहेन ताबा सिक्का म्हणजे एक दमडी टाकी,
43
यीशु ये तिया शिष्या एक जागे आध्या आने आख्यो, माय तुमाल खेरो आखु की आखाय ती पेटी मे जो दान टाक्योह, तीयाह आखाह ने ई विधवाये वादार टोक्योह.
44
माय तुमाल खाहु काहाका तिया वे जी काय हातो तिया धनामणू वादार दान दे दो. पेन ति गरीबाये तिईये जो आथो तो आखोज टाकी दे दी, तो आख्यो तियी आखा जिवना कामाय आथी.
Chapter 13
1
आने येशू परमेश्वरा मंदिरा मे ने निगिन जातुलो ताहा तिया शिष्यामाने एक जाआ त्याले आखा लाग्यो, ‘गुरुजी, वे इ केहेंडो नोवाय हाय डोगडाकी जाने केहकी कोओ बादलो हाय,
2
येशु तियाल आख्यो “तु इया मोडो कोवो वेतो ने ? इही न्या एक बी डोगडो एक बीहीरा डोगडापे नै रेणारो तीयामेने होगाजे जेगडा ऐठा पोडि जावामे आवी.
3
येशू परमेश्वरा मंदीरा हुमूर जेतुना डोगाप बोठलो आथो पेत्र, याकोब, योहान आने आंद्रिया इया त्याले ऐखलो आथेा ताहा फुच्यो.
4
“ई गोड्या किधी वेरी तो आमाल आख आने जाहा ईया गोठ्या पुऱ्या वेरुलो वेल आवी ताहा कैली चिन्हो वेरी,
5
आने येशू तियात आखा लाग्यो, “तुमाल केडो ठोग नाय तिहाय तुमा साभालिन रेजा.
6
खुब माही मा नाव लिन आवि आने आखि का, ‘माय तो हाय’ आने ते खुबे काहाल ठोगी.
7
ताहा तुमा भानगोड्या आने भानगोड्या खोट्यागोठी बाबत उनाय ताहा बिया नाहा आने खेरोज वेजारोज हाय. आने आताहाम शेवट वेणारा नाहा.
8
एक राष्ट्र बिहरा राष्ट्रापे उठी, आने एक राज्य बिहरा राज्यवे उठी, जुदी-जूदी जागाप भुकंप वेरी आने काल पोडी पेण इ आखो बास नाश वेल सुरवात हाय.
9
तुमा सावध वेरा ते न्यायसभाले होपी केरा आने सभास्थान तुमाल ठोकी-तिहान खेरो आखतो तुमा राज्यकर्ते आने राजे तिया हमोर अभि रा पोडी.
10
इ वेरा पेहला आखा राष्ट्रान देवा वचन पोचा जोजे.
11
आने ते तुमान अडकाविन होद पुछ केरा लिी आवि ताहा पेहलाज काय गोगा तो मा इतवा पेन ताहा जो मनाम आवी तो गोगा, काहाका गोगनारे तुमा नहा पवित्र आत्म तुमा खातोर गोगी.
12
पावु पावाल आने बाहाको तिया पोयराल मोरा खातोर दोगोलबाजी की तहा वि दी, आने पोयरे आपु याहाकी-बाहकाव उठी आने ते त्याहाले मारी.
13
आने मा नावा खातोर बादे माहे दुरकेरी चुका काडी, पेन जो शेवट हुग टिकी तोच निवडाम आवी,
14
जाहा तुमा नाशाले जोड देणारी ऐहंडी बिख लागे ऐहंडी गोठ दानियेल संदेष्ट्याय आखली ‘हेना खराब जागा खराब वस्तु जो-जिही नाय रा जोजे तिया जागाप वेरा, ताहा जे यहुदी प्रांतामे हाय ते डोंगुप जाता रेजा.
15
आने जो केडो कोवा उच्चे बोठो वेरी तो कायबी ला निचे ना उता.
16
आने एगो खेताम वेरी ता तो तिया जागो केरा खातोर फासाडी नाहा जाहा
17
तिया दिहाम जि हाणे दुध पिते पोयराली बाई आने जि दुध पाजनारी बाई रि ती दिहाम तीइयी खुब खारबा रि.
18
आने प्रार्थना केते रेजा का ई हियालाम नाय वे.
19
काहा की त्या दिहाम जो बोखो वेरी तो देवाय जग उबजावलो त्यापेलेनी ते आज ने ते किधी नाहा वेया आने किधी नाय वेराी तिया होस.
20
परमेश्वराय जो ते दिही कोमी केला नाय रेता ते केडोज जिवतो नाय रतो पेन जियान तियाय निवडुले हाय तिया.
21
काहाका थोडाक लोक आपु खोटा ख्रिस्त आने खोटा संदेष्टा हाय ऐहेकी आखिली तेहकी वेरी ता ते निवडुला लोकाहाल ठोगावा केअेता.
22
कहा का आरदे माही खोटे ख्रिस्त नेता खोटे संदेष्टे तिगी टाकाय आने वेरे ते निवडुला लोकन बी डोगा खातोर चमत्कार देखावी.
23
वेरा ताहा तुमा धान दिन रेजा माय तुमाल पेहलावुज आखो आखि भोवलो हाय,
24
पेन तिया दिहाम बी ई संकटे आविन जाय ताहा.
25
आकाशामेने तारे पोडी आने आकाशामेने ताकोत डोगमोगोय जाय.
26
ताहा माही माहा पोयराल खुब सामर्थ आने महिमा की वादाम आवतो वेरी.
27
फासे तो तिया देवदुतान मोकली आने चारी होवेनी मोकलिन पृथ्वी ई कोपराम ने ता तीया कोपराम हुग वादला इ वेला ने ता ती वेला हुग तिया निवडुले माहान माहान डोलवी दिही काला पोडी जाय, चांद उजवाडो नाय दे.
28
अंजीरा चाडवापनो हीका जाहा तिया पाने हुकाते आने पोडते ताहा तुमा उनालो आवि गियो होमजुते.
29
तेहकीज इ आखो वेरी ताहा तुमा होमजी जाहा का, ते दिही खुबूज बानाय आविन उबला हाय.
30
माय तुमाल खेरे आखु, का जाऊक हुग ऐ गोठ्या नाय वेरे ताऊक हुग इ पिडी जाती नाय रे !
31
बादलो आने पृथ्वी पारवाय जाय पेन मा वचने नाश नाय वेणारो.
32
तीया दिही आने ति वेल केडाल नाहा मालुम, नाहा स्वर्ग दुताले नाहा पोयरो नाहा पेन फक्त बाहकाल मालुम हाय.
33
वेरा, जागते ऱ्या ! आने प्रार्थना केते रा, काहा का तुमाल नाहा मालुम तो वेल किधी आवी.
34
तो वेल ऐहकी हाय का, एक माहु आपु कोओ सोडीन प्रवासामे जायुलो वेले कोवो सोडे हे नोकराल काम होपी देवनु आने राखवालयाल जागतो रा आखे तेहकीज हाय
35
तिहाल जागतेऱ्या, काहा का तुमाल नहा मालुम तोनारो केहनडी वेला आवी,तो पारगा वेला आरदी राती वेगीवेला कुकडो वाहाय ताहा नेता वेगी वेला केहनडी वेला आवे तुमाल नाहा मालुम.
36
आने तो एकदामसे आलो आने तुमाल निदारीम वेयो ते.
37
माय तुमाल आखु इ आखान आखु जागते ऱ्या.
Chapter 14
1
बेन दिहीकी वल्हाडण सण आने बेखमीर मांडा सण वेअनारो आथो मोडा याजक आने शास्त्री लोक येशुल कपाटा की सापडावीन माय टाकाणु तोअ होदतला.
2
पेन से ऐहकी आखतला आपु इयाल इया सणा बोखताव नाय तेअता नेता लोकाहाम दंगो वी जाय.
3
जाहा येशु बेथानी गावाम शिमान नावा एक कोडलो माअहु आथों तिया कोअमे मांडो खाअ बोठलो आथो, ताहा तिही एक बाय खुब मोअबे आस्तर तेला लिईन तियाही आली आने तियाय ति शिची उगडावीन आस्तर तेल येशु मुनकावे रिचवी दे दो.
4
तोअ विईन बाकी माहाल रोग की आली आने ते आखला इ आस्तर ते काहाल नंकामा नुकसान केयो.
5
काहाका इ तेल ता तीन होव चांदी रुप्याहासे बी वाद किमतीम बेचाते आणे ते पोयसा गरीब लोकाहान देाता आवता . ऐहेकी आखीन तियो बायील काय काय आख्यो लाग्या.
6
ताहा येशु तियाहान आख्यो तीयो बाथील राद्या तियोल काहाल सोतावताहा ? तियाय माअ खातोर खुबूज हारो काम केअयो.
7
गरीब लोक ता सादाज तुमा आरी रेताहा आने तुमा मोनाम जाहा आवना ताहा तुमा तियाहान मोदात की सेकनारा पेन आय तुमाआरी सदाज नाहा रोनारो,
8
तियाल जो काम केअता आलो तो आ तियोय केअयोहो, तीयोय मांअ डाटाय जावन तयारी केअन पेअलाज इयोय माअ आगाल आस्तर तेला की मालीश केअयोहो.
9
आय तुमहान खेराज आखुहू दुन्यामेने बादा लोकाहान जीही काही येशु देवा हाऱ्या गोठ्या आखय जाय तिही इयो बायीम जो काम केअयो तोअ तियो इतवा खातोर आखाम आवी.
10
ताहा बारा चेलाहामेने एक चेलो यहूदा इस्कर्योत आथो येशु तीइ दा खातोर मोडा याजकाहा इही गियो.
11
जाहा याजकाही ती गोठ उनाया ताहा तीयाहील खुब खुशी वेअयी आने यहहुदाल पोयसा देवनु बोली केअयी, ताह यहुदा येशुल तिई दा खातोर सधी होदा लाग्यो.
12
बेशमीर मांडाहा सोणा पेयलो दिही जाहां वल्हांडण सोणा मेडा पाटडो माअतले तिदीही ताहा येशु चेला तियाल फुच्यो, ‘आमा जायन वल्हांडण सोणा मांडा तयारी केतेहे आमी कीही जयने तीयारी किहु ऐहकी तोअ काय विचार हाय ?
13
ताहा येशु तिया चेलाहान ऐहकी आखीन मोकल्या तुमा सेहेराम जाहा ताहा तिही एक माउहु पाअया वेंडो लिईन जाता तुमाहान मिली तिया फाचाडीने जाजा.
14
तसे मांआहु जिया कोअमे जाय तिया कोंआ मालिकाल आखजा “गुरुजीय आख्यो का आय मांअ चेलाहां आरी वल्हांडण सोणा मांडो खाय सेकजी ऐहेंडाी खोली किही हाय.”
15
ताहा तो तुमाहान एकी ओवालीवने हारी तयारी केअली खोी देखावी दी, तीही आपु खातोर तयारी केअजा.”
16
फाचे चेला तीहीने तिगीन सेहेराम गिया, ताहा येशुय आखला नेहेकीज तियाहान सापड्यो आन तिहीज तियाहाय वल्हांडण सोणा मांडा तियारी केकेअयाी,
17
फाचे वाअतो पोड्याताहा येशु तिया बारा चेलाहा आरी तिही आलो.
18
आने ते बाहीन मांउा खताला ताहा येशुय आख्यो, “आय तुमाहान खेरीज आखुहू, ‘तुमाहांमेन एक जां मोले दुशमनाहा आथाम तीइ दी.’ तो माआ आरीज मांडो खय रियोही .
19
ताहा चेला निरास वी गीया एका फाचाडाी एक तयाल फुचताहा, तो आय हाय का ?
20
तीयाय तियहान आख्यो, “ बारो चेलाहामने एक जा हाय ता माअ आरी थालीम आथ टाकी रियोहो तोज.
21
आन तिया बोद्दल पवित्र शास्त्राम जेहेकी लेखलो हाय तेहकीज जाई खेरो पेन जीया माअहा आथीकी माअहा पोयरो तेराम जाय तिया नाश वेरी तिया जोल्मोज नय वेअतो ता तिया खातोर हारो आथो.”
22
जाहा ते मांउा खातला ताहा येशुय मांडो आथाम लिईन प्रार्थना किअर्न मुड्यो आने चेलाहान दिइन आख्यो, “ल्या आन खा, इ माअ शरीर हाय.”
23
फाचो येशुय दाराक्षाहां रोहो आथाम लेदा आन ेप्रार्थना केईयाी, तो चेलाहान दिइन आख्यो, ‘तुमा बादे इयामेन पीया,
24
तहा येशुय आख्यो, “इ माआ नवा करार रोगोत हाय. तो खुबूज लोकाहा खातोर पोडनारो हाय.”
25
आय तुमाहान खेरोज आखुहू आय देवा राज्याम नोवो दाराक्षाहा रोहो पियेहे तावलुग आय आजने दाराक्षाहा रोहो पिइनारेाज नाय’
26
तहांती तीयाय उपकारस्तुती गीत आख्यो आने तु जैतुना डोगाहोवे निगी गिये.
27
येशुय चेलाहाल आख्यो, ‘तुमा बादा मांडा बाबतीम ठकराय जाहा, काहाकी एहेकी लेखलो हाय आय माअ मेढे पालनाराल माय टाकदे आने बांदे मेढे जेहेतेहे नाही पोडी”
28
पेन आय जीवी उठेहे आने तुमा आगेलाज गालीलप्रांताम जाहे.
29
पेत्राय आख्यो, “ए वादाज तोअ बाबती ठोकराय जाय पेन आय किदीहीज ठोकरायु नया.”
30
ताह येशुय पेत्राल आख्यो, “आत तुल खेरोज आखुहू आज कुकडे बेन दाव वाहाया लागी तहा तु मान तीन दाव नाकारोहो.”
31
पेन पेत्र तियाय आजी हिमतीकी जोर दिईन आख्यो, “तो खातोर मान मोरा बी पोडी, तेबी आय तुल किदिीीज नाकारु नया एहकीज बांदा बी आख्यो.”
32
फाचे ते गेथ्शेमनी नावा जागाही आला आने येशुय तिया चेलाहान आख्या, ‘आय वायज दुर जायन प्रार्थना केहें ताव तुमा एहीज बोहजा.’
33
येशुय त्याआरी पेत्र, याकोब आने योहान तियाल लेदे. तो खुबूज दुखाम आने विग्नाम तीया मोन पोराय आलो.
34
ताहा तीयाय आख्यो, “माअ जीव खुबूज काबराय गियोहो आमीज जनिगीजाय ओतोहो मारास वी रयिोहा तुमा इहीज रेजा पेन हुवी मा जाहा.”
35
फाचे तो वायजे जायने तोरतीवे उबंडू पोडीन प्रार्थना केरा लाग्यो, ‘की बी सेकेता वेरी ता ओ बोखत माअ इहीने दुर बी जाय.”
36
आने आजी तीयाय आख्यो, आब्बा-बाहाका तो अकी बांदोज बी सकेहे ओ प्यालो माअ इहीने दुर होरकावाीले तेबी बी इ माअ मोरजी नाय पेन तोअ मोरजी काय वेअ.”
37
फाचे येशु तियाही आलो ताहा ते हुतला आथा तोअ विइन तियाय पेत्राल आख्यो, “तु हुवी गियोहो का ? वाय बी तुल जागतो नाहा रेवातो का ?”
38
जागते रेजा आने प्रार्थना केअतो रेजा तुमा परिक्षाम पोडा नाय. आत्का ता तियार हाय पेन शरीरा तोबलो हाय.
39
फाचे येशु तिहीने दुर गियो आन तेहेकिज प्रार्थना केअयी.
40
आने तो फाचे आलो ताही ते तियाल हुतलाज सापड्या, काहाका ते खुबूज नीदवाय गेहला आथा, आने तियाय काय आखजी तोंअ तियाहान होमजातलो नाय.
41
फाचे तिसरीदाव आवीन तियाहान आख्यो, ‘तुमा आजीबी हुतलाज हाय का आने आराम केअता का ? पुरो वेअयो, टेम आवी गियोहो.
42
आने येशु गोठ्या केतलो ओलामुज बारा चेलाहामेने एक जा जो यहुदा तीही आलो. आने तिया आरी मोडो याजक आने लोकाहाल डाआया आने खुबूज
43
लोक तारवाय आने डेंगारा लिइन तुरुतूज आवी पोच्या.
44
तीया दोगो देनाराय तिया एहेकी आखी थोवलो आथो का जियाल आय मीली गुआ देहे तो तोज हाय, तियालुज तेअजा आने सांबालीन ली जाजा.” ताह यहुदा आलो आने तुरुतूज
45
येशूही जायन आख्यो, “ओ रब्बी” आखीन गुआ दाअ लाग्यों.
46
ताहा तिया लोकाहांय त्यावे आिा टाक्यो आने तिई लेदो.
47
तियाहामेनेज जे लोक पाहि उबा आथा तियाहांमेन ऐका जावायन तारवा काडी आने मोडा याजका आवत्याल तारवायाी की ठोक्यो आन तिया कान तोडी टाक्यो.
48
ताहा येशुय तियाहान आख्यो “काय तुमा मान बांड होमजीन तेरा खातोर तारावाय आन डेंगारा लिइन आलाहा का ?”
49
आयता दिनेरोज तुमा आरिज रिईन मंदिाम हिकवुतलो ताहा तुमाहाय मान नाहा तेअयो. पेन शास्त्रलेखाम जो लेखलो तो पुरा वेरा जोजे.”
50
ताहा तिया बादा चेला तीयाल रा दिईन नाही पोड्या.
51
ताह एक माअहु आथे तोअ मलमोली पोतडो फागीन तिया आरी चालतुले तीयाही तीयाल बी तेअयो.
52
पेन तो माअहु मलमली पोतडो टाकी दिईन उगडालोज नाही पोड्यो.
53
फाचे तियाय येशुले तियाहाने मोडा याजका ही लिगीये आने तिही बादा मोडा याजक डाआया लोक आने शास्त्री लोक टोलवाया.
54
पेत्र दुरने तियाहा येशु फाचाडा चालीन तो मोडा याजका कोआ चौठाम आने जागल्या सिपाडा आरी हेकातो बोठो.
55
मोडा याजक आने सभायीम टोलवाला यहुदी धर्मा पंच लोक बादा येशुले माय टाका खातोर कैली तेबी चुकी पूरावो होदतला पेन तियाहान सापड्यो नाहा.
56
खुब माअहाय तिया विरुध्दाम खोटी साक्ष देदी. पेन तियाहा साक्षी की कावीज मेल नाहा पोड्यो.
57
ताहा बाकी लोकाहाय उबी रिईन तिया विरुध्दाम खोटी साक्षी दिईदिईन आख्यो,
58
“इ आथाकी बांदलो मंदिर आय पाडा टाकेहे, आने माअहा आिााकी नाय बादलो एहेंकी बिहिरो मंदिर आय तीन दिहाम बाील काडेहे.”
59
पेन इयो गोठीकीबी तियाहा साक्षी मेल नया खाहली
60
ताहा मोडा याजकाय तिअया आगाल उबी रिइया आने तियाहाी येशुल फुच्यों “ पेन तु कावीज नाहा गोगणारो का ? ए लाक ता विरुध्दाम तुल देाष लागवुता इ केहकी ?
61
पेन येशु ठाकोज रियो, तिआय तो कावीज गोग्यो नाहा, ताहा मोडा याजकाय तियाल आजी फुच्यो, “तु मोडाम मोडो पुत्र ख्रिस्त हाय का ?”
62
येशुय तियाल आख्यो, “हां आयज हाय, पेन तुमा माअहा पोयराल बादी सोकती की पोराला देवा हुदी वेला बोठलो आन जुगामेन बादलाम आवता देखाहा.”
63
ताहा मोडा याजकाय सोवताहा पोतडे फाडीन आख्यो, “देखा, आमी आपहुन साक्षीदार काय गोरज ?”
64
तुमाहाय निंदा केअयी ती तुमा उतायाहा, ता तमाहान काय लागहे ? ताहा बांदाहाय आखे इयाल “माय टाकनु इ शिक्षा वेरांज जोजे”
65
ताहा बाकी लोक येशूपे थुका लाग्या, तिया डोआ बंादीन तियाल गंचहीकी ठोकीन आखा लाग्या, ‘तु ओहोके वारु केडाय ठोक्यो ?” सिपाडाहाय तीयाल आथाम लेदो आने तीयाहीबी ठोक्यो.
66
पेत्र जाहा चोवठाम आथोच ताहा मोडा याजकाइही चाकरी केनारी बायी आथी.
67
आने तीयुय पेत्राल हेकाता देखीन, तीययावेल विइन आखेहे ‘तु बी नासरेथवाला येशू आरी आथो.’
68
ताहा पेत्र नाकराीन आणे आखेहे, “तु काय आखतीही इ मान होमजातो नाहा.” पेत्र तीहीने निगीन बाअणाही मांडवाम गियो ताहा कुकडो वाहायो.
69
फाचो बी तिया बायीय पेत्राल तिही देख्यो आन तिही जे लोक उबा आथा तियाहाल आखा लागी, ‘ओ तियाहाज हेंगात्यो हाय.’
70
तहा बी पत्रा नाकार की देदो फाचो वायज वाअ लागी ताहा तियाही जे लाक उबा आथा तियाहांय पेत्राले आख्यो, “ते खेरोज तियाहामेने एक हाय काहा तु बी गालिलामेने लोकाहा बोली गोगतोहो.”
71
पेन पेत्रहाराप दिइन शपथलीन आखा लागयो “तिया माअहा बोद्दल तुमा गोठ्या केअताहा तियाल आय आखुतोज नाहा.”
72
ताहा तुरुतूज बिहीरीदाव केकडो वाहाय उठ्यो, ताहा जी गोठ येशुय पेत्राल आखली ती तीयाल इत की आली कुकडो बेन दावे वाहनु आगलो तु मान ती दाव नाकारी दिहो इ गोठ इतवीन तो रोडा लाग्यो.
Chapter 15
1
माेठी वेगीवेला पहाटे वेताज माठो याजक लाक वडील माहाये नियमशास्त हिकावनारो आने होगी यहुदी मोउली याही एक गोठ ठेरवीन येशुल बांदीने पिलाताआ ताबामे देदो.
2
पिलाता ये त्याले फुच्यो तु यहुद्यांहा राजो हाय का ? येशुय जबाब देदो, “तु आखतोहा तेहेकीच!”
3
मोठो याजकाय खुबुज गोठीही की येशुपे माथे पाड्यो.
4
हाती पिलाताये त्याल फासो पुच्यो, ‘तु जवाब देणारो नाहा का ? ते तेअे कोत्याहा तेबी गोठ्याही तोपे माथेपाडी रेहेला हाय.’
5
पेन तेबी येशुय जवाब नाहा देदो. तिया पिलाताल नोवाय लाग्यो.
6
वल्हांडण सणा वेल ते केंलाबी एक कैदीहा सोडुला मागणी केतुला, त्याहाल रिवाजापरमाने लोकाहा केहता सोडी देहलो.
7
बरब्बा नावा एक माहे लोबाड्या आरी कोचुरीम आथेा त्याये राडीम खून केअलो त्याले तेराम आलो आथो. लोक आला आने पिलाताले तो केअतलो तीहाआ केहता केतले तेहकी केरा लागव्यो.
8
पिलाताय फुच्यो तुमाआकेता यहुदा राजाल सोडुला अेहकी तुमाआ इच्छा काय हाय ?
9
पिलाताय फुच्यो तुमाआकेता यहुदा राजाल सोडुला अेहकी तुमाआ इच्छा काय हाय ?
10
पिलात अेहकी आख्यो कहाका त्याहाले माहिती आथी का द्वेषाकी मोठो याकजाकाये येशुल ती देदलो आथो.
11
पेन पिलाताये तीयाबोद्दलाम बरब्बाल सोडुलो अेहेकी मोठो याजकाय लोकांल चोडव्यो.
12
पेन पिलात तीहा फासे आखेह ताहा हाती तुमा जीयाले यहुदयाहा राजो आखता तीया आय काय कीव ? अेहीकी तुमा मोन होय ?
13
ते फासे मोठेने बोंबल्या ‘तियाल वधस्तंभाव खिलाटा.
14
पिलाताये फासो फुशो का, तीयाये काय गुनो केलो हाय ? ते बाठा खुबूज मोडाकी बोंबल्या ‘त्याले वधस्थांबावे खिलाटा.’
15
पिलाताले लोकांहाले खुश केरवूलेा आथेा त्याखातोर त्याय तीया केहता बरब्बाल सोड्यो आने येशुले चापकावी ठोकीन वधस्तंभावे खिलाटा खातोर सिापाडाहा आथामे होपी देदो.
16
सिपाडाय येशुल राज्यपाल ओवालीम प्रयर्तामाने त्याले कचेरी मे लि गीये आणे त्याहाये सिापाडाहा एक टोलो एकूज जागे हादी लेदो.
17
तीहाय तीया लिापे जांबलो झगो (पोतडो) पोव्यो आने काटाहा टोपो (मुकूट) किन त्याल पोव्यो.
18
ते त्याल मुजरा (कोंबरामेने लोवीन) केरा लाग्या आने आखा लाग्या यहुद्यांहा राजाआ जयजयकार वेअे.
19
त्याहाये बेजु लाकडी की घेडी-घेडी त्याआ मोनकापे ठोका लाग्या त्याआपे थुप्या आने गुडगे टेकवीन त्याले पोगे पोड्या.
20
त्याये त्याआ थिटुली केअयी, आने डिलापने जांबोलो झगो काडाी लेदो आने तीय खाजगी पोतडे त्याल पोव्ये. त्यापासे वधस्तंभावे (मोती खांबाव) खिलाटा हारो पोडे त्याकेहता त्याल बारे ली गीये.
21
वाटे त्यहाल कुरेनेकर शिमान नांवा एक माहु मिल्यो तो आलेक्सांद्र आने रुफ याहा बाहाको आथो आने तीय खेता मेने कोअ फिरी जाहालो आथो. हाती सिापायाहाये त्याले जोबराजोस्ती की येशु वधस्तंभ (मोती खांब) ली जाआ लागव्यो.
22
आने त्याही येशुल ‘गुलगूथा’ त्या अर्थ “कवटी जागो” आखते त्या जागे लाले.
23
तीयाही त्याले कोडवो रोह बेडलो दाराखा रोह देदो पेन त्याये तो लिदो नाहा.
24
त्यांही त्याले वधस्तंभावे (मोतीखाबावे) खिलाट्यों कडो कैले पोतडे लाजोजे या केहता त्याही चिठ्ठ्या टाक्या आने त्या पोतडे वाटी लेदे.
25
त्यांही त्याले वधस्तंभावे (मौतीखांबाव) खिलाट्यो ताहा दिहा तिहोरो पोर (हाकाल्या नऊ) वेलो आथो.
26
आने त्यावे दोषलागवुलो लेख “यहुद्यांहा राजो” अहेकी हिखलो आथो.
27
28
त्याये तीहा आरी बेन बांडाले, एकाल तीय हुदा आथा वेल आने बिहीराल त्याआ उलटी होवे वधस्तंभाव खिलाट्यो.
29
जागेनी जाणारा लोक तीया ढिटुली केअतला आथा ते आपु मुनको आलवीन आखताला की अरे “ओरा परमेश्वरा कोअ पाडीन तो तिन दिहामे बांधणारो तो तुच ने !”
30
वधस्तंभावेने अेठा आव आने सोताहाल वाचाड.
31
तेहेकीज मोठा याजकाये तियमशास्त्रा मास्तराये येशुल ढिटुली केअई आने तिहाय तिहालुज आख्या “तियाय बिहीरा तारण केअयेा पेन त्याले सोताआ बचाव केहता आलो नाहा.”
32
या मसिहाले इस्त्रायला राजो ख्रिस्त याले वधस्तंभाबेने अेठा आवा द्या हाती आमा तो वेहू आने त्यावे विश्वास थोवू आने जे त्याआ आरी बधस्तंभावे खिलाटला आथा त्याही बी तोचा आपमान केअयो
33
माजनापे वेल वेअयाी होगा देशाम आंधारो पोड्यो, तो आंधारो माजनापे तीन वाजे ताव रीयो,
34
हाती तीन वाजेल येशु मोठेकी बोंबलीन आखा लाग्यो, “एलोई एलोई लमा सबकथनी !” इया ओर्थे “मा देवा मा देवा माले तुय काहा सोड्यो ?”
35
तिया जागे जे उबला थोडाक जावाये इ उनाया ताहा तीयाही आख्यो, ‘उनाया का ओ एलीयाल हात की रियोहो.”
36
एक जाआ दोवडुतो गीयो त्याये वेटलो आंबबूला मे बुडवीन पोअयो बेजु लाकडाी वे थोव्यो आने तो युशूल पिया देदो आने आख्यो, ‘एलियो आविन त्याले ऐठा उतावेहे का इ आपु वेअता’.
37
हाती मोठेनी बोंबलीन येशुय जीव देदो.
38
ताहा परमेश्वरा कोअमेनी पडदो उचेनी अेठा हुद फाटी गीयो आने बेन टेकडा (भाग) वेया.
39
येशु आगाडी उबा आथा त्या सायबाये जाहा त्याआ बोंबलमो तो उनायो आने तो केहेकी मोअयो इ वेअयो ताहा तो गोग्यो ‘खेरोखेर आ माहु देवा पोयरो आथो.’
40
तिही आथे ते थेण्या दुरने वेएतुल्या तीहीम मग्दालीया गावा मरीया, याकोब आने मोसे इया याहाकी मरीया जे सलेमी ए आथ्या.
41
जाहा तो गालीलाम आथो ताहे ते तिया फाचला चालीन तिया सेवा केएतुल्या आथ्या, आने आजी मुक्त्या थेएयाबी जे जे तिया आरी यरुशलेमामने आल्या ते ऐकतुल्या आथ्या.
42
वाअती वोखोत वियी ने ओ तियारी दिही म्हणजे आरामा आगलाच्यो दिही आथो.
43
जे येक नांवातो न्यायसभासद म्हणजे आरामथाई योसेफ आलो जो जाते पेन भोगवाना राजा वाट हेएतुलो आथा तियोय हिमंत तिईन पिलाता पाही जायन येशु शरीर मांग्यो.
44
तो ओतो माहारी मोई गीया इ उनैण पिलाताल नवल लाग्यो, ने तियांय जोमादाराल हादीन तियाल फुच्यो का, काय तियाल मोरान काय वाआ वियीही ?
45
आने जोमादारापने एंहकी खोबोर मिलवीन तियांय योसेफाल शरीर देदी.
46
तियांय तागा पोतडो वेचातो लाविन तीयाल उताव्यो आने तियाय ती पोतडांम चोंडाल्यो आने खोदकाम खेदलो पुयांरो आथे तिहीम तियाल थोव्यो, ने पुयांरा मुयांप डोगडो उंढलावी देदो.
47
आने तियाल कांही थोवाहो इ मरीया मग्दालिया ने योसेफाल याहकी मरीयाही देख्यो.
Chapter 16
1
हाती जांहा आरामादिही विती गियो ताहा मरीया मगदालीयाय याकोबा याहकी मरीया आने सालोमी इयाही सुगंधी चिजा वेच्यात्या लेद्या. इया खातोर का ते आवीन तिया शरीरावे लागवे.
2
आने आठुड्या पेहेले दिही माडी वेगऱ्यो दिही निंगा बोखताव ते पुयारापाही आलया
3
आने तियाही एक बिजाल आख्यो, आपु खातोर पुयांरा मुयापुने डोगडो केडो काडी ?
4
पेन हेएयाप तियीन मालुम पोड्यो का डो गडो एकी होवे ठेपुलो हेय, तो खुब मोडो आथो.
5
आने तियीही पुयाराम विहान वेयो ता हुदी होवे बोठलो, उजलो झगो पोवलो ऐक जुवानाल देख्यो, आने ते काबराय गीया.
6
पेन तो तियांन आखेहे ‘काबरायाहा मां, क्रुसाप चोडवुलो येशू नासरेथकराल तुमा होदत्याहा, तो जीवी उठलो हाय, तो इही नाहा, जी जागे तियाल थोवलो आथेा तो जागो वी ल्या.’
7
पेन तुमा जा, तिया चेलान ओन पेत्राल आखा का तो तुमा आगला गालीलांम जाहे, जेहंकी तियाय तुमनेल आखलो तेहंकी तिही तुमा तियाल देखाय.
8
ताहा ते बारे तिग्या आन ते बी गेहल्या तीयाल ते तीहीने नाही पोड्या, आन केडालुज काअव्ही आख्यो नाहा.
9
आढवुडा पेहला दिही येशु उठो त्या पासे मग्दालीया शोहरामने मरीया, जीयेमेने तियाय सात पुथडे काडली आथी तियोल दर्शन देदो.
10
ती गियी आने रोडीन, श्योक कीन तीया चेलाहान इ गोठ आखी.
11
ते उनायो का तो जीवतो हाय आन तियोय तियाल वेअलो हाय, ताहा ते तियाही तियो आखुलाव विश्वास थोव्यो नाहा.
12
फाचे तियाहा मेने बेन जा, जाहां ते गावावेल जातला ताहा बिहीरा रुपाम तियाहान मिलो,
13
ताहा ते पासे पिरी आला आने त्याबाराम तीयाही बिहिरान बी इ गोठ आखी पेन तीयाही त्याव विश्वास थोव्यो नाहा.
14
फाचे जाहा आकरा जां मांडो खाअ बोठला आथो ताहां तेा तियाहाम प्रगट वेयो आन जियाहाय तियाल जीवतो विईन उठलो देखलो आथो तियाह विश्वास नाहा थोव्यो इया खातोरा तियाहान अविश्वास आने कठीन मोन केअयो इया खातोर तियाम तियाहान दोष देदो.
15
फाचे येशुय तियाहान आख्यो, “तुमा बादे दुन्याम जायन दुन्यामेने बादा लोकाहान हाी गोठ आखी देखावजा.
16
जो माअहुं इयो हारी गोठीवे विश्वास करी आन बाप्तिस्मो ली तोअ वाचाय जाय, पेन जो विश्वास नाय केरी तो दोषी ठरवाय जाय.
17
आन ते विश्वास केरी तियाहाम ए निशाण्या वेरी ते मांअ नावाकी पुथडे काडी टाकी.
18
आन तियाहान केललो बी विष पियाय जाय तबी ते मोअनारे नाय ते दुख्याहावे आथ थोविन प्रार्थना केरी आन ते हारे वी जाय.
19
ए गोठ्या तियाहान आखी पारवायो ताहा, प्रभु येशु उचे होगगामे निंगी गियो आन तो पोरमेहेरा हुदिवेल बोठो.
20
फाचे ते तिहींने निंगी गिया आने बादा जागाहांवे इ हारी गोठी आखा लाग्या, ताहा प्रभु तियाहा आरी काम कअती रितो आन जे निशाण्या आखल्या ते वेअतल्या तियोहोंकी वचना सेवा वादती गियी. आमेन.
Luke
Chapter 1
1
जियु गोठी आम्हाल नक्की खातरी हाय, तियु गोठी पेलानेज हुबराहूबर वेनारे आने शब्दा सेवक आथे
2
तियाहाल ते जेहकी आमाल होपी देदो, ते तेहकीज आखा जोजे तिया खातुर विषयवारी (माहीती) उल्लेख एकेक गोठ लिखा खातुर खुब माहाय ई काम हाथाम लेदल आथो.
3
तिया खातुर हारामाहा थियफिला मायुय होगीच गोठी मुलामने हारखी होद कि लोदो तिया खातुर मान ते हाऱ्या लाग्या की ई आख्या वेल्या गोटया मालुम किन आपुन केहकी बरोबर लिखजी ईया मालूम की लोदो
4
तिया खातुर कि जे गोठी शिक्षण (ज्ञान) आपणेन मिलालो हाय तियु नेकीच आपणेन पुरेपुरे माहीती जाय लेवुलु हाय योहानु जन्मा विषय आखाम आललो.
5
यहुदिया देशा राजा हेरोदा तिया दिहामे, जखऱ्या नावा एक याजक आथो, तो अबिया याजुक कौअवामेने आथो, आने तिया कौअवाली अहरोना कुलामने आथी, आने तियु नाव अलिशिबा आथो,
6
ते बेनी माही देवा आगला नितीमान आथे आने प्रभु बाद्या जे आज्ञा/ नियम विधीम खुब हारी रिती चालतले
7
पेन तियान पोयरे नैय आथे, काहालका अलिशिबा वायंटी आथी ते बेनी बी खुब डाये वी गेहेले आथे.
8
फासो ऐहकी वेयोकी, तो तिया कुटूंबामेने ऐकेक देवा आगला याजका काम केअतले आथो.
9
याजका रीतिरिवाजा अनुसार परमेश्वरा देवलाम मे, धुप शिलगावा जा खातुर चिठ्ठी टाकीन तिया निवड केराम आली.
10
तिही बादेज माही टोलवीन धुप शिलगावुनू समय बारे प्रार्थना कालावाला केरा उभेले आथे.
11
ताहा परमेश्वर(देवा) दुत धुपवेदी हुधिवेला तियाल उभलो देखायो.
12
तियाल विन जखऱ्या भी गियो.
13
फासो देवादुतूय तियाल आख्यो जखऱ्या बियोमा काहलका तो प्रार्थना उनायाम आलीही, आने तो कौअवाली अलीशिबा तियुल पोयरा वेरी, तु तिया नाव योहान थोव.
14
ताहा तुल खुब खुशी वेरी, आने तिया जन्मा वाय खुब माहे खुश वेरी
15
काहाका तो परमेश्वर नजरी में माठो वेरी आने तो द्राक्षारस आने मद्य मोद किधीहिच पिये नाय, तो तिया याहाकी डेडीमेच रेताच पवित्र आत्मा कि पोरालो रीई.
16
तो इस्त्राएला पोयरा मैने कौतान प्रभु तिया देवावेल फिरवुलू कारण बनी.
17
आने देवाखातुर निटवेला लाेकान तियार केरी, बाहका मन हृदय अंतकरण पोयरा वेला आने आज्ञा नैय माननारा धार्मिक गोठी वेल फिरवीन प्रभु खातर तियार केली जाती उभी केरी. तो एलिया आत्माकी आने शक्ती (सामर्थ्य) आगला चाली.
18
ताहा जख-याये देवादुताल आख्यो “ ई बतिज ऐहकी आय केहडापेन हमजू? काहाल का आय ढायो माहू हाय आने माआ कौअवाली ढायी वी गेहली हाय.”
19
देवादुताय तियाल आख्यो, आय देवा आगला उभो रेणारो गब्रीएल हाय आने तोआरी गोगा, आने तुल हास्या गोठ्या आखा, मान मोकलुलो हाय.
20
ई पुरोवेरी तावहुदा तुल गोगाय नैय, आने तु मुको रिह्यो काहाल का माआ जे शब्दा समयापे (टामईप) पुरेपुरा खेरा वेनाराहाय, तिया शब्दापे तुयू विश्वास थेयो नाहा.
21
ताहा जख-या वाटजोवनारा लोकान तियाल परमेश्वरा भवनाम ओती वा काहा रियो इया नवाय लागी.
22
तो बारे आलो, ता तिहीने लोकाआरी गोगी नैय शक्यो, ताहा तियान मालुम पड्यो परमेश्वरा भवनाम तियाय दर्शन वैयो, तो तियाम ईशारो केअतलो, पेन तो तेहकीज मुको रियो.
23
फासो ऐहकी वेयो की तिया सेवा केरूलो समय गालो पुरो किन तो फासो कौअ गियो.
24
तिया दिहा फासला तिया कौअवाली अलीशिबाल महीना रिया (दिवस रिया/ डेडआरी आथी) आने ते पाच महिना लुग दोवी रिई तियुय आख्यो.
25
लोकाम माआ वेनारों अपमान/ अनादर दुर केरा खातोर प्रभुय माआ वेला वेयो, आने ताहा तियान माआ खातुर ऐहकी केयो. (येशु देवा जन्मा विषय आखाम आलो)
26
अलिशिबाला साहवो महिनोमे देवाय गब्रिएल दुताल गालील देशु नासरेथ नावु गावा मे
27
एक कुवारी बायुल मोकल्यो तियु दाऊदा कौअने योसेफ नावु माहा आरी साखर पुडो वेलो आथो आने तियु कुवारी बायू नाव मरियम आथो.
28
देवदुताय तियुही आविन आख्यो अभिवांदन तोउपे कृपा वेली हाय प्रभु तो आरी हाय.
29
आने ति शब्द उनायने काभाराई गिई आने इया अभिवादना अर्थ कायवेरी तिया नी नोवाय (विचार/ करालजी) केरा लागी.
30
देवदुताय तियुल आख्यो मरियम बिहोहमा देवाय तोउपे कृपा/दया केली हाय.
31
वे तु गरोदर (डेडीआरी) रियो आने तुल पोयरो वेरी तिया नाव तु ईशू (यीशु) थव.
32
तो महान (मोठे) वेरी आने परम प्रधानु पोयरो आखाम आवी आने प्रभु देव तियाल तिया बाहाका दाऊदा राजगादी दी. (राजासन)
33
तो याकुब कुटूंबाप कायताे राज्यकेरी (अधिकार चालवी) आने तिया राज्य अंन नैयवे
34
माहा मरियमुय दुताल आख्यो ई केहकी वेरी? काहाल मायुय आदमील (पुरूषाल) वेयोनाहा जायो नाहा
35
देवदुतूय तियला आख्यो पवित्र आत्मा तोअपे आवी, आने परमप्रधान देवा सामर्थ्य (शक्ती) तो ऊपे उति तियाहकी जो पवित्र पोयरो जन्माल आवी तियाल देवा पोयरो आखी
36
वेअे तो जातुली अलिशिबा डायापना भी गरोदर (गर्भ, डेडीआरी, दिवस महिना) रेहाला हाय, आने जियुल वायटी आखाम आवतली तियुल आमी सहावो महिनो हाय.
37
काहाल देवाल केललीज गोठ अशक्य नाहा
38
मरियमुय आख्यो, खेरोज आय प्रभु दासी हाय तो आखुलो तेहेकी मान वे, ताहा देव दुत तियुहने विघीन जातो रियो. मरियम अलिशिबाल मिला जाहे.
39
तिया दिहाम मरियम उठी आने उतवालीम यहुदीया देशा डोगुवाला भागुम एक नगरूम गिई.
40
तिही जख-या कौअमे गिई आने अलिशिबाल अभिवांदन केयो.
41
जेहकी मरीयमु अभिवादन अलिशिबा उनाई तियु डेडीमेने पोयरो कुद्यो आने अलिशिबा पवित्र आत्मा की पोराई गिई.
42
तियु माेड शब्दाकी (उचा आवाज) आख्यो (स्त्रीयोमे) बाईम तु धन्य हाय (आर्शिवादीत) आने तो डेडीफल आर्शिवादीत हाय (धन्य)
43
प्रभु याहकी मायही आवे ई मान काहीने.
44
ताहा तुयूय माआ अभिवादना गोठ माआ कानुम पडी, ताहामाआ डेडीमेने पोयराय आनंदा की (खुशविन) कुद्यो
45
जियाय विश्वास थोवलो हाय तो धन्य हाय (आर्शिवादीत हाय) काहाल ज्या गोठ्या प्रभु तियाल आखाल्या ते पुरया वेरी मरीयम केली स्तुती गित.
46
मरियमुय आख्यो माआ जिव प्रभुल मोठाे मानेहे.
47
आनि देव माआ तारणारो इया खातोर माआ आत्मा खुश (आनंदीत) वेलो हाय.
48
का तिया दासी नम्र अवश्या/ परिस्थीती आमीने विन बाद्याच पिढ्या मान धन्य आखी
49
काहालका तो सर्वसामर्थ्य (शक्तीशाली) देव हाय तियाम माआ खातुर खुबमोठो काम केलाे हाय, आने तिया नाव पवित्र हाय.
50
जे तिया भिख राखते है तियापे तिया दया (कृपा) कायम हाय (पिढ्यानपिढ्या)
51
तिया हाता की सामर्थी कामे केले आथे जो घंमण्डी (अभिमानी) अंतकरना आही तियाहान वेर विखेर कि टाकी
52
तिया राज्य केअनारान तिया राज्य गाधी पेने कांडी टाकले हाय, आने गरीबाहाने तियाय उच्चे केले हाय.
53
तियाय पुख्यान हारी वस्तु की तृप्त केले हाय आने धनवानुने (मालदार) खाली हाथा की फासे फिरवुले हाय.
54
दया किन तिया सेवकुल इस्त्राएल तियाल मदत केली हाय.
55
आपु वडीलुन तियाय आख्यो तेहकी अब्राहम आने तिया पोयरान दया कायम याद कायम याद केरावी आने तियाय तियाल आपु सेवक इस्त्राएलने तियान मदत केली हाय.
56
अलिशिबा आरी मरीयम तीन महीना लुग रीई तिया फासे तिई तिया कौअ गीई योहान बापतिस्मा देनारा जन्म
57
अलिशिबा महीना पुरा विया आने तियुय एक पोयराल जन्म देदो.
58
प्रभु तियाप खुब माठी दया केली हाय ई तिया जातीवाले (सगासंबधी) पडोसीवाले (आजुबाजूवाले) उनाये ते तिया आनंदाम (खुशीम) भाग लेदो.
59
फासे ऐहकी वेयो की आठ दिहा बाद पोयरा सुता केरा खातुर आलेले आथे तिया बाहाका नावा प्रमाणे (नावाहोश) तो पोयरा नाव भी जख-या ठोवनारे आथे.
60
फासो तिया याहकीन तियान आख्यो नाहा तिया होश तिया नाव योहान राखवाम आवी
61
तियाही तियुल आख्यो तोओ नातेवाईक (परिवार कुटूंब) ऐहअे केडाज नाव नाहा.
62
फासो तियाही तिया बाहाकाल ईशारो किन पुद्यो कि तु तीया नाव काय थोवनारो ऐहडी तोओ इच्छा हाय.
63
ताहा तियाय लिखा खातुर पाटी लिहादी ताहा तिया नाव योहान हाय ऐहकी तियाय लिख्यो ताहा तिया बादाहान खुपच आश्चर्य (नवाय) लाग्यो.
64
तियाय समयुप तिया मुय उगडी गियो फासे तिया जिभ खुली गिई, आने तो गोगा लाग्यो आने देवा स्तुती धन्यवाद दाआ लाग्यो.
65
ताहा तिया आजु बाजुल रेनाराल भिख लागी आने तियु आखज गोठी चर्चा यहुदीयाम प्रांताआ (देशाम) बादाज डोगाम देशाम लोक ईया बादयाज गोठीबद्दल आख्या लाग्या
66
तियाय केडाय ई उनायो देरक लोक मनाम विचार केअतलो आथो तियाल आख्यो ई पोयरा आगला केडा वेरी ? प्रभु तियाआरी हाय ऐहकी कौतावु लक्षाम (ध्यानाम) आलो.
67
तिया बाहको जख-या पवित्र आत्मा की परायो आने तियाय बी भविष्यवाणी (भविष्या) आख्यो ताहा आखलो
68
इस्त्राएलु देव प्रभु तिया स्तुती वेअे काहाल तियाल तिया लोका भेट लेदी (बातमी) आने लोका किमत वसुल किईन सुटको देदो.
69
तियाय आपु सेवक दावीद तिया कौअवामेने आमा खातुर सामर्थ्याशाली (शक्तीशाली) तारणारो देदोलो हाय.
70
ई देवा तिया पवित्र संदेष्टा युगाच्या (आवनारा दिघ्याम) पेला दिहामेने आखलो आथो.
71
जो आमा विरोधी हाय, आने जो आम थंटामस्करी (निंदा वेयरभाव) केअतलो तिया पने छोडवा खातुर वायदो (अभिवचन) तियान आमाहाल देदो.
72
आमा वाडोवडिलान (पुर्वजा) दया देखावा खातुर तोओ ई केअनारो आथो आने तिया आपु पवित्र करारा याद थवनारो हाय.
73
ई करार एक शंपथ हाय जो तियाय आमावाडवडील आब्राहामाल देदली आथी.
74
ती ऐहकी, तुम्हा आपु शत्रु (विरोधी) हाथुमेने छोडवीन जाहा
75
माआ हुबूर पवित्रविन आने नितीमत्वाने (नियमअनुसर) आयुष्यभर (मरेपर्यंत) माआ सेवा-भक्ती हिंमत के साथ कौअहो ऐहकी आय केअहे.
76
ऐ पोयरा तुल मोडाम मोडा देवा संदेश देनारो आखी काहाल की प्रभु मार्ग सरळ केरा खातुर तिया आगला चालोहो.
77
तिया खातुर की तिया लोकाल तिया पापांहा क्षमा माफी तारणा अनुभव वेराजोजे.
78
देवा दये खातुर होरगा दिहा वाट (पहाट) उजाडेल आने (मोलाल दाटी देवुलू) मोता जाहाकी आंदाराम जे जीवी रेहला हाय उजवाडो वेरी छायेम जो जंग आ हाय तियाप उजवाडो पाडी.
79
तियावेलाने जे उंधाराम हाय आने मरना (छाये) सावली. (अनुभवाम) बोठले हाय तियाम उजवाडो दाआ खातुर आने आमा पागा शांती वाटील लिजाआ खातुर दिध्या उगवी करी आने आमा भेट (तियाल ) मिलहो.
80
फासो तो पाेयरो मोठो वेअतो गियो आने आत्मात सामर्थ्यशाली (शक्तीशाली) वेयो इस्त्राएल लोकाला प्रकट वेरा खातुर दिहाखातुर तोओ वेरूला देहालाग जंगलाम रियों
Chapter 2
1
तिया दिहामें कैसर अगुस्टय ऐहडी आज्ञा केयी का आखा जगतू माहा (लोकाहा) नावे लिखावा आवे
2
ई पेहली नाव नोंदणी आथी, जाहा कीरीनियम पेहली ओ सिरीया देशा राज्यपाल आथो.
3
हरऐक माहू (लोक) नाव नोंदावा (लिखावा) खातुर जिया तिया गावुम गिये.
4
फासो योसेफ भी गालील देशाम, नासरेथ गावाम यहुदीया देशाम दाऊद कुटूंबामेने आने तिया पिढी मैं ने आथो.
5
तोओ नाव लिखावा खातुर जिया आरी तिया साखर पुढो वेलो आथो, तियु गरोदर (महिना) मीरयाल तिया आरी लीई लेदी.
6
आने ऐहकी वेयो का तिहीज तियु दिही पुरा विगिया (प्रसुतीचे)
7
तियुल तिया पहीला पाेयराल जन्म देदो, आने तियाल तियु पोयराल पोतळाम वेटालीन ओखळाम डोंगरा गोवाईम थोव्यो, काहालाका तियाह धर्मशाळाम जागो नाहा मिळ्यो. स्वर्गदुताहा की चारवास्याहान संदेश (बातमी)
8
तिया भागाम, मेढा चारनारा राती खेताम रेतला आपु टोलाल राखता आथा.
9
अचानाक (एकदम) देवा एक दुत, तिया हुबूर आवीन उभो रिया, आने प्रभुअ तेज ऊजवाडो तिया समकी वि गियो, आने ते खुब बिगीया.
10
देवदुताय तियाहन आख्यो, कि बिया मा, जो मोठो आनंद (खुशी) आखा माहान (लोकान) वेनारो हाय, तिया सुवार्ता (गोठ, बातमी) आय तुमाल आखुहू
11
दाऊद नगराम, आज तुमाखातुर तारणारोय जन्म लेदलो हाय, तोओ ख्रिस्त प्रभु हाय.
12
तुम्हा खातुर ई चिन्ह रिई, (निशान) तोओ बालक (पोयरो) बाळं त्याने (पोतळाम) वेटाला वीन (गुडाळीन) गोवाईमे हुवावलाे तुम्हाल देखायई
13
फासो एकाएक आकाशाम सैन्या एक मोडाे टोओ, तिया देवदुता पाही आलो, आने देवदुत देवा स्तुती केअतला आने आखतला.
14
“परम उंचाहाम देवाल गैरव आने पृथ्वीप (धरतीय) जिया महासंबंधी तोओ संतुष्ठ (तुप्त) हाय, तियाहाम शांती”
15
फासे ऐहकी वेयोका देवदुत तिया पाहीने स्वर्गाम गियाे, ताहा मेढाचारवाल्यान एकमेकांना (एक बिजाल) आख्यो, चाला आपु बेथलेहेम हुदी जाहु, आने बनी गेहलीज जे गोठ परमेश्वराय आमाल आखली, ती विहयु.
16
ताहा तेहे माहार माहार गिया आने तियाही मरीया योसेफ आने गोठाईम थोवलो पोयरो तियान देखायो.
17
जाहा मेढाचारवात्याहाय तियाल वेयो, ताहा तिया पोयरा बाराम जो गोठ्या आखल्या आथ्या तेऐ तियाल आखाे, जाहीरात (खुल्लाम) आख्या
18
फासे उनानारे बादेज (होगेज) माही तिया मेढेचारवाह्याही आख्यह्या गोठीप नवाई केयो.
19
आने मरियुम इ आख्या होंग्या गोठ्या मनन केया, आने तेअे आपु मनान अंत:करणाम थोव्या
20
फासे तिया मेढाचारवाह्याहान आखाम आलेलो आथो, तिया प्रमाणे तेअे बाद्याज (होग्याज) गोठया उनायने, आने विईन देवा गौरव आने स्तुती (केअतेज) फासे गिये (यीशु देवा नाव थोवाम आलो)
21
आठवा दिही इया अर्थ सुते दिही आलो ताहा तिया नाव ईसु थोवाम आलो, ई नावताहा उदरात (गर्भधारण) केरा पेलाज देवदुताय थोवलाे आथो देवलाम येशु देवा अर्पण (मंदीर)
22
आगला मोशेनियम शास्त्रा प्रमाणे शुध्दी करण केरुलो दिही पुरावेखी ताहा तियाल उच्चे यरूशलेम शहराम लिई गिये, ताहा इयाखातुर कि, तिया प्रभुल समर्पण (अर्पण) केरावा.
23
काहाल की हरऐक पेलो जल्मो लेदलो नर (पोयरो) प्रभु खातुर पवित्र मानलो जाआ जोजे ऐहकीज प्रभु नियमशास्त्राम लिखलो हाय, तिया प्रमाणे केरावा.
24
आने प्रभु नियमशास्त्राम आखल्या प्रमाणे होव्या (ओलगी बच्या जोड) जोडा आने कबुतरा बेन पिल्ले तिया यज्ञ अर्पण केरूल खातुर तिही लिई आवुलू हाय. शमौनु गाणे (गित)
25
ताहा वेरा, यरुशलोम अने शिमोन नावा तिही एक वेक्ती आथो, तोओ लोक नितीमान आने भक्तीमान (भक्ती केअनारो) आथो, इस्त्राएल सांत्वना (दिलासो) वाट वेयलो आथो, अति प्रवित्र आत्मा तियाप आथो.
26
आने प्रभु ख्रिस्ताल वेयाशिवाय तो मृत्य नैयवे नैय आथो, ऐहकी पवित्र आत्मा तियाल प्रकट (सुचवुलो आथो) केलो आथो.
27
आने तो आत्मा की भरपुर विन परमेश्वरा देवलाम आलो, आने जाहा तिया याहकी बाहाकाय ईसुअ पोयराल, तिया विषय (बदल/ बाराम) नियम शास्त्राम, रितीरिवाजा प्रमाणे केरा खातुर माजमे लिई आलो.
28
ताहा शिमोनाय ईसुल तिया हाताम लेदो आने तियाल देवाला धन्यवाद (आभार) केयो आने आख्यो.
29
ओ प्रभु आमी तोओ वचना प्रमाणे तोओ दासाल शांतीकी जाआ तारण वेलो हाय.
30
काहाकी माआ डोवावाय तोओ तारण वेलो हाय.
31
तुयूल तोअ बादाज राष्ट्रांआ लोका हुबूर तयार केयो.
32
तोओ परराष्ट्रीय (विदेशी/ परदेशी) प्रगट केरा खातुर उजेड,आने तोओ इस्त्राएल लोका वैभव ऐहकी हाय. (गैरव)
33
तिया बदल (विषय बाराम आख्यल्या) गोठ्या तिया याहकी बाहाकाल आश्चार्य नोवाय (ववाय केयो, लाग्यो)
34
आने शिमोनाय तियाल आशिर्वाद देदो, आने तिया याहकी मरीया तियुल आख्यो, वेर इस्त्राएल मेने खुब लोका पडी जाऊलो आने फासे उठुलू, ईया खातुर आने तिया विरूध (गोगी) ईया पुरावो खातुर थोवलो हाय.
35
ईया खातुर खुब लोका मनामेने विचार खोलाम आवी आने तोओ स्वता: जिवाम तलवार खुहूपीली जाय (जिव विदाई जायई) हन्ना साक्षी (गवाही)
36
तिही हन्ना नावु एक वचना आखनारी एक बाई रेतली आथी,पीढीमेने फनुएलू पोयरा आथी, आने तीई खुब डायी (वृध्द) वीई गेहली आथी तियु वोराडा फासाला तीयु कौओवाला आरी सात वर्षे रेहली.
37
तीई चौ-याऐंशी वर्षो विधवा आथी, आने तीई परमेश्वरा देवला (मंदीर) सोडीन नाहा गिई, तिहीज उपवास व प्रार्थना किईन रातदिही सुरूज उपासना केअतली आथी.
38
तियुल तियाज समयूल पाही आवीन देवाला (आाभार स्तुती/ धन्यवाद) मान्यो, जोओ यरूशलोमाम छोडा वाखातुर (सुटके विषयी) वाट वेअतले आथे, तिया आखान (बादाज) तियुल तियाबाराम आख्यो (नासरत शहराम फासो आलले)
39
जाहा तियाय प्रभु नियम शास्त्रा प्रमाणे आखज काही पुर्ण केयो तोओ गालील प्रांतामेने तिया गावाम नासरेथ गावाम फासो आलो.
40
पोयरा मोठो वेअतो गियो, आने ताकदवान वेयो, आने ज्ञानकी वादत गियो, आने देवा दया/ कृपा तियाप आथी पोयरा यीशु मंदिराम (देवळाम)
41
दरएक वर्षो तिया याहकी बाहाको वल्हांडण सणा खातुर यरूशलोम शहराम जातले.
42
जाहा तोओ बारा वर्षा वेयो, ताहा सणा रिती प्रमाणे उच्चे यरूशलेम शहराम जाहलो
43
फासे सणा दिही पुरा तेया, फासे तोओ तिया कौअवेला फासो आवा निघ्यो, आने ईसु (पोयरा) फासला यरूशलोमेज रिई गियो, आने ई तिया याहकील बाहाकाल मालुम नेय आथो
44
तोओ तिया आरी प्रवास केनारा मित्रलोक आरी वेरी, ऐहकी हमजीन तेअ एक दिहा वाट चालते गिये, फासे तियाही तिया नातेवाईक (सगासंबंधी) आने हेगात्याही तीया होद केरा सुरूवाम केयी.
45
जाहा तोओ तियाहान मिल्यो नाहा, आने तिही तेअे यरूशलोम शहराम फासे आले, आने तिही तियाय तिया होध लेदी.
46
ऐहकी वेयो की, तीन दिह्या फासो तियान परमेश्वर देवलाम मिळ्यो (सापड्यो) तोओ हिकवुनारा (शिक्षकामध्ये) बचमे बोहीम तिया उनातलो आथो, आने तियाहन प्रश्न पुछतलो आथो.
47
जियाय तिया उनाया तियाही आखाज तिया समजबुध्दी अनुसार, आने उतरा की नवाय केयो.
48
जाहा तियाल तियाय वेयो, ताहा तियाहा नवाई लाग्यो, तिया याहकी तियाल आख्यो, पोयरा तुअ आमाआरी ऐहकी काहा वाग्यो? ऐक/वेअे तोओ बाहाको आने आय कष्टी करीन (दु:खीवीन) तोओ होद केअते आले.
49
ईशुय तियान आख्यो, तुमूमान होद काहा केहतेहे माय माआ बाहाका कौओरा जोजे ई तुमाहाल माहीती नाहा का?
50
आने तोओ तियाआरी जोओ काय शब्द गोगतलो तेऐ तियान हमजो नाहा.
51
फासो तोओ तिया आरी नासरेतम गियो, आने तोओ तिया आधीन रियो (आज्ञाम) तीया याहकीन तेअे होग्याज गोठ्या तियु मनाम राखी थोव्या.
52
इसु ज्ञानाने (बुध्दीने) आने शरीरा की (देहा) देवा आने लोका कृपाम (अनुग्रह) वादतो गीयो.
Chapter 3
1
आणे तिबिर्य कैसराच्या सत्ताम पंधराव्या वर्षा मे जाहा पंतय पिलात यहुदीया शासना शासक आथो आणे हेरोद राजा चौभा भागा शासना चालक आथो आणे तिया पाऊ फिलीप ओतिया चौथा भागा इतुरीया त्राखोनीती या देशा शासक आथो आणे लुसनिय ओ चौथा अबिलेने या शासक आथो
2
फासे हन्ना आणे कयफा ऐ बेनी मुख्यो सेवक लोक आथे, ताहा जंगलाम देवा वचन जख-या पाेयरा योहान याही आले
3
तो यार्देन खाडी चोमखीवेले आखा भागाम पापाहा. माफिकेता पास्तावो केरा केता बाप्तिस्मा लील्या अेहकी आखातो फिऱ्यो
4
यशया संदेष्ट्या हा पुस्तकाम लेखलो या सारखो ई वेयो जोगंलाम आखतो फि-यो, 'परमेश्वरा वाट तियार केरा, तिया वाटा निट केरा,
5
हरएक खाई पोराम आवी आणे हरएक डोगा आणे बोड्या सपाट केराम आवी वाकडी नीट वेरी आणे उचनिचा वाट सपाट केराम आवी
6
आखो मानव प्राणी देवा आवनारो तारण वेरी."
7
तियापने बाप्तिस्मा केराकेअता आवनारो लोकाहा टोलो योहान आखा लाग्यो; "ओ, विषारी हापडाआ पाेयराह, आवनारो रोगा पेने सुटको किलाकेता तुम्हाल केडाय सावद केयो,
8
फाेस्तोवो केरा केता हारो फोलवे दया आणे आपु मनाम ऐहकी विचार नाहा केरा की, 'अब्राहाम आम्हा बाहकाहास हाय; कारण आय तुम्हाल आखुह आणे, अब्राहामा केता इया दगडापेने पोयरे तियार केरा केता देव समर्थ हाय.
9
आणे आमीच चाडवा थुबाई टोल्यो थोवलो हाय. आणे तिया केता कोते तेबी चाडवे जे हारो फलळे देय नाय ते रोडाम आवी आणे आगीम टाकाम आवी."
10
फासे टोलामने लोकाही तियाल फुश्यो आमा काय केजी.
11
तियाहाय उत्तरम देधो केडाप बेन डिलामने पोतडे वेरी तर केदापे नाहा हाय तियाल एक दिदे आणे केडापे अन्न हाय तियाहाय बी तेहकीच केरा.
12
काही जकातदार बास्तिस्मा किला केता ते आल्ला आथा तियाहाय आख्यो गुरूजी आमा काय केजी?"
13
तो तियाहाल आख्याे, का तुमाल नेमी देदा तिया ऊपे वादार पोयसा नाहा ल्याहा.
14
काही शिपायाही सुध्दा तियाल फुश्यो आणे आख्यो, "आणे आमा बद्दल काय आणे आमा काय केजी? तियाल आख्यो केडापने जोबरीने पोयसा नाहा ल्याहा केडाभी खोटा आरोप ताहा क्याहा, तुम्हाल मिलेह तिया पगार मे समाधानी ऱ्या,
15
ताहा ते लोक खुप खुशी की वाटवेरा लाग्या हरेएक जा आपु मोनाम ओज ख्रिस्त वेरी ऐहकी विचार केरा लाग्या.
16
तियाय आख्याहाल योहानाये उत्तर देदो, "आय तुमाहाल बाप्तिस्मो पायाकी कीऊ पेन एकजां मा केताही तो सामर्थ्याशाली हाय तो आवीरीयो आणे तिया पागा चापलाहा डोड्या सोडा केता आय लायकी नाहा हाय, तो तुमा बाप्तिस्मा पवित्र आत्मा कि आणे आगी की केरी.
17
तिया खोलो एकदम साफ किन आणे गोव तिया बोदडीम थोवा केता तिया हुपडो तिया आथ/ महाय पेन तो कोचरो नेय ओलानारी आगीम सिलगावाम आवी.
18
योहानाय अहेड्या कोत्याहा उत्तेजन देनाऱ्या शब्दा की तियाल खोरा आखानु सुवार्ता आखी,
19
योहानाय चौथा भागा या सरकार हेरोद याआ तियाल हारोज गोठीमे खेचीलेदो काहाका तिया पाऊ कोवाली आरी हेरोदीया इयो आरी लफडो आथो, तेहकी तियाय अनेक खाराब गोठ्या केल्या आथ्या
20
ई बाठो किन सुध्दा तियाय आजी एक खराब काम केयो आणे योहानाल कोचोरीम टाक्यो,
21
ताहा ऐहेकी वेयो का बाठ्ठा लोकाहल बाप्तिस्मा योहान हाथुकी केतुलो, ताहा येशु बी बाप्तिस्मा वीन तो प्रार्थना केरा आथो ताहा वादलो ऊगडी गेहलो
22
आणे पवित्र आत्मा देहरूपाम कबुतरा सारखो तियाऊपे ऊती आलो आणे वादलाम मे ऐहकी आवाज आलो की तु माआ मेरालो पोयरो हाय आय तोपे खुप खुश हाय,
23
ताहा येशुय तिया सेवाकार्यल चालु केयी ताहा तो तीस वोराहा आथो, लोक तियाय योसेफा पोयरो होमजे योसेफ एली पोयरा आथो,
24
एली मत्ताथा आ मत्तय लेवी मल्खीचा मल्खी यत्रयाआ योसेफ आ पोयरो आथो.
25
योसेफ मतिथ्याआ पोयरो आथो, मतिथ्य अमोसाआ अमोंस नहुम हेस्लीआ, हेस्ली नग्गयाआ
26
नग्ग्य महभाआ महथ मत्तिथ्याआ मत्तिथ्याआ मतिथ्य शिमयीआ शिमयी योसेखाआ, योसेख योदाआ पोयरो आथा,
27
योदा योहानाआ पोयरो आथो. योहोनाआ रेशाआ, देशा जरूब्बाबेल शल्तीएलाआ शल्तीएल नेरीआ,
28
नेरी तल्खीआ, मल्खी अदीचा, अदी कोसोमाचा, कोसोम एल्मदायाचा, एल्मदाम एराचा,
29
एर येशुआ, येशु अलिएजराआ, अलिएजर योरीमाआ, योरीम मत्ताथाआ, मत्ताथ लेवीआ पोयरो आथो.
30
लेवी शिमोनाआ पोयरो आथो. शिमोन यहूदाआ, यहुदा योसेफाआ योसेफ योनामाआ, योनाम एल्याकीमाआ,
31
एल्याकिम मल्याआ, मिन्नाआ मिन्ना मत्ताथाआ, मत्ताथ नाथानाआ, नाथाआ दाविदाआ,
32
दाविद इशायाआ, इशाय ओबेदाआ, ओबेद अवाजाआ बवाज सल्मोनाआ, सल्मोन नरशोनाआ पोयरो आथो
33
नरशोन अम्मीनादाबाआ पोयेरो आथो, अम्मीनादाब अदामीनच अदामीन अर्णय हेस्त्रोनाआ हेस्त्रोन पेरेसाआ, पेरेस यहूदाआ,
34
यहुदा याकोबाआ याकोब इसकाआ इसहाक अब्राहामाआ नाहोराआ.
35
नाहोर सरूगाचा सरूग रऊआ, रऊ पेलेगाआ पेलेग एबराआ एबर शेलहाआ पोयरो आथो,
36
शेलह केनानाआ पोयरो आखो शेलह केनानाआ पोयरो आथो केनान अर्पक्षदाआ अर्पक्षद योमाआ नोहाआ नाहा लामेखाआ,
37
लामेख मथुशलहाआ मथुशलह हमोखाआ हनोख यारेद महललेलाआ महललेल केनानाआ
38
केनान अनोशाआ अनोश शेथाआ शेथ आदामाआ देवाआ पोयरो आथो.
Chapter 4
1
येशु पवित्र आत्माआकी पुरो पोरायन यार्देन खाडी मेणे निघीन आलो, आत्माय तियाल जोगलाम लिगीयाे,
2
तिह पुताही तियाल चालीस दिही पीरक्षा लेदी. तिया दिहाम येशुय कायज खादलो नेय आथो आणे तिया पारवायाे आणे येशुल पुख लागी.
3
ताहा पुतडो तियाल आखे, जर तु देवा पोयरो हाय तर या दगडाला माडो उपजीजो ऐहेकी आज्ञा के
4
येशु तियाल उत्तर देदो शास्त्राम ऐहिकी लिखालो हाय की माहुव (फक्त) मांडाकीज नाहा जीवतो जोगणारो तर ऐहकी नाहा.
5
ताह पुत तियाल उचे डोगावे लीगीयाे आणे एक ऐकुच घेडी बाठा राज्ये तियाल देख्याव्यो.
6
पुताही तियाल आख्यो आय तुल या बाठा राज्याहा अधिकार आणे वैभव हेदे आणे ते माल देंदलो हाय आय माआ मर्जीकी ते दिशेकुहू
7
आणे जर तु माआ नावाकी उपास केवह तर बाठ्ठो काही तो वेरी.
8
येशुय उत्तर देदो, "पवित्र शास्त्राम ऐहिकी लिखलो हाय. प्रभु तो देव याच उपास के आणे तियाज सेवाके."
9
फासे पुताहाय येशूल यरूशलेमा शहराम लीगीयो आणे परमेश्वराआ देवला उच्चे चाेडीन उभो केयो आणे तियाज आख्यो, जर तु देवाआ पोयरो हाय तर इहने ऐठा कुदीपोड
10
ऐहकी लेखलो हाय की तो कालजी केरा केता आपु दुताहाल तो आखी
11
आणे तो पाग दगडावे आसाटाय नेय तिया खातुर ते तिया आथाम चेलीली थोवी."
12
येशुय उत्तर देदो पवित्र शास्त्राम ऐहकी बी आखालो हाय तो देव परमेश्वर याआ परिक्षा नाहा लेहव,
13
ताहा पुतढाय जुद्या प्रकारा परिक्षा लेद्या आणे तो तेहेडो वेळ आवे ताक तो येशुल टाकीन निघी गीयो.
14
ताहा पवित्र आत्म्याआ सामर्थ्या की येशु गालीला प्राताम आणे तिया विषयी बाठी होवे माहती वेयो,
15
तियाय तियाल मंदिराम हिकव्या असणे बाठाय स्तुती केयी.
16
ताहा जी तो हानापेने मोडो वेयो तिया नासरेथ या गावाम तो आलो आणे शब्बाथ दिहा तिया रूली प्रमाणे मंदिराम जाईन शास्त्र वांचाकेता उभीरीयो
17
आणे यशया संदेष्ट्याआ शास्त्र तियाल देवाम आलो, तियाय तो पुस्तक उघडावे आणे जो भाग होदी काड्यो तिया ठिकाणी ऐहकी लीखलो हाय.
18
प्रभु आत्मो मापे आलो काहा की याकेता गरिब लोकाहाल हारी गोट आखा केता माल अभिषेक. केराम आलो हाय गुणेगार बोनीन ली लीहील्या तियाल सोडवाकेता आखाम आलाे. आंधलाल नोजरा फासे मिला जोजे तियाल मारठोका केराल आलो तियाल सोडवा केता
19
आणे प्रभु कृपाआ वर्षआ आखा केता तियाय माल अभिषेक केलो हाय माल मोकल्याे.
20
ताहा तियाय शास्त्र बंद केयो मंदीरा सभास्थाना सेवकाल फासे देदो तो ऐठा बोटो, सभास्थाना मेने हरऐक जो तियाय वेरी लाग्ये
21
आपु सुवार्ता उनाये या खातुर आज ई शास्त्रलेख पुराे वेयो.
22
ताहा बाठा लोक तिया बाराम साक्ष दा लाग्या आणे तिया मुखाओइ आवणरा कृपाआ शब्दा बद्दल ते आश्रर्य वेयो आणे तियाय आखो ओ योसेफा पोयरो नाहा काय?
23
येशू तियाल आख्यो, "नेक्की, तुमा मान मन लागु केहा ऐ दवादुरीवाला तु खाझगी हारो के कफर्णहुमाम जे गोटया तुयय केया आमाय उनाया ते गोटया तो खाझगी गावाम जाईन तु केतो आगला आखा लाग्यो,
24
माय तुमाहाल खेरो आखुहू केलोबी संदेष्ट्यो (भविष्यवक्ता) तिया सोताआहा गावाम मानपान मिलतो नाहा.
25
आय तुम्हाल खेरो आखे, इस्त्राएलाम एलीयाआ कालाम खुबज विधवा आथ्या जाहा सोडतीन वोरे वादलामने पाय पोडयो ताहा आणे बाठा देशाम मोडाे दुष्काळ पोडलो आथो,
26
तेबी एलीयाल ऐंड केल्लीच विधवे तियाल मोकल्यो. नाहा तिया सिदोना हीवालाम सारफध किने विधवेहेय मोकल्याम आलो
27
अलिशा संदेष्ट्याआ वेले इस्त्राएलाम कोते तेबी कुष्ठरोगी आथे पेन तियामने केडोच ऐहकी हारो नाहा वियो पेन सुरीया नामान कुष्टरोग हारो केराम आलो.
28
ई गोठ उनायन समास्थामने बाठे माहाल रोग आली
29
ते माही उठ्यो आणे तियाहाल तियाय येशुल शहरा बारे काडी देदो आणे जीया बोडीपे तिया गाव आथो तिया पाही तियाल पोचवी आले.
30
ताहा तो तियामने निघीन आपु वाटीप गीयो
31
फासे तो गालीला हीवालाम कफर्णहुमा गावाम तो शब्बाथ दिही सभास्थाना तियाल हिकवुलो
32
ते तिया हकिवनी वीने ते बोगलाये आणे तिया गोगणू अधिकारी तो गोगुतलो
33
त्या दिही सभास्थाना , अशुध्द आत्माम लागलो एक माहू आथो आणे तो जोरमे गोगी उठ्यो आने आखा लाग्यो
34
ओ नासरेथकर येशू तु आम्हाम काहा पोडतोह? तु आम्हा नाश केरा आलो का तु केडो हाय ई माल माहीती हाय देवाआ पवित्र तो तुच हाय.
35
येशूय तियाय धमकाविन आखे ठोळा रे आणे तियाम ने नीघ जो अशुध्द आत्माय तीया माहाल तोरतीप निश्चे पाडी टाक्यो (शांत/थाके) काईज इजा/घाव नैय केअता तो तीयामेने निघी गियो.
36
ताहा बाठे जाआ बोगलाय गीले आथे एकबीहरा आरी गोगा लाग्या, ई केडा शब्द हाय की अधिकाराकी आणे सामर्थ्या की तो अशुध्द आत्माहाल तो आखो ते बारे निहाते.
37
ऐहकी तिया बाराम सेवा चारी चोमखी देशाम मालुम पोडलो गीये,
38
येशु सभारथामने निघील शिमाेना को गीयो, शिमोना हावली तियील खुप बोरो आथो, तियाय तिईल हारो केराकेता तियाल आख्यो,
39
येशु तिइयी पाही उभी रीयो आणे बोराल तियाय धमकाव्यो आणे तियामने बोरो निघीगीयो चालुच ती उठीन तिया सेवा चाखरी केरा लागी
40
दिही बुडी आरी भीरे भीरे रोगी आणे भीमारी आथे ते बाठे माही तियापाही लिआले तियाय एका एका मुनकापे हाथ थोवीन तियाल हारे केये
41
कोताहामने अशुध्द आत्मे बारे काडये ते अशुध्द आत्मे, बोंबला लाग्ये आणे आखा लाग्यो तु देवा पोयरा हाय पेन तो ख्रिस्त हाय ई तियाल मालुम आथो तियाय तियाहाल बीयावीन कायज गोगा देदो नाहा,
42
दिही नीघताच तो शांत जागाम गीयो, पेन तियाल होदा लाग्ये तो जी आथ्यो तीही ते चालुच आले आणे तियाहामने तियाल निघीनेय जोजे तियाय प्रयत्न केयो,
43
पेन तो तिसाहाल आख्यो, देवाआ देवाआ गाेठ मालभीरा गावाम भी आखाया जोजे आणे या केता माल मोकल्या
44
आणे तो बाठा यहुदीया दिवालाम सभास्थाम हारा गोठ्या आखतो,
Chapter 5
1
आणे ऐहकी वीयो, तो गनेसरेत फुगारा तोडीप उभो आथो ताहा माहे देवा वचन उनाया खातोर येशु चोमखी टोलो वेरा आथा,
2
ताहा तियाहाय फुगाराम बेन नावड्या वेया पेन नावडीमेने मासे तेराने बारे तोडीपे तियाहा जाली तोवऊ तुला
3
तियामने एकनावडीमे येशु गीयो ती शिमोना आथी आणे तियाय तोडीपने जाराक जाराक माजमे ला आख्यो, फासे तो नावडीम बोहीन माहाल शिक्षण दा लाग्यो.
4
तियाय गोगनु पारव्याव्यो तो शिमोनाल आख्यो, नावडी उडां पायाम लिचाल आणे मासे तेराकेत तो जाली ऐठा पायाम टाक,
5
शिमोनानाय उत्तर देदो, "साहेब आख्यी रात आमाय खुप कष्ट लेदो पेन कायच नाहा मासे तेरा ये, तेबी तो आखल्याल आय मा जाली मा जाली ऐटा टाकुह"
6
ताहा तियाहाय तेमहकीज केयो तिया जालीम मासा मोडो टोलो आलो आणे तिया जाली फाटा लागी. ताहा तियाहा बीहरी नावडी वालाहाल आवु कामाच्या हाल मदत केरा केता हाद्ये.
7
ते आला आणे ते बेनी नावडी माशाकी फुल आत्या पोराया की, त्या बुडा लाग्या.
8
ई बीन शिमोन पेत्र येशुल पागे पाडी आख्यो, "प्रभु माहीयने दुर जो आय पापी माहू हाय,
9
काहाला तियाहाय तेले मासा टोलो वीन तो आणे तियाआरी आथा बाठा जाआ बोगलाय गिला आथा,
10
ताहाच शिमोना गोवाद्यो जब्दी पोयरो याकुब आणे योहान ऐबी तिया सारका बोगलाय गिला आथा, ताहा येशु शिमोनाल आख्यो, भियो नाहा आणे ऐहीने आगला तु माहे तेनारो उपझो,
11
ताहा नावडी तोडीप लागवीन तियाय बाठो काम सोडीन तिया फासला गीये.
12
आणे ऐहकी वेयो येशु केल्ला एका गावाम आथो ताहा तिही कुष्ठरोगाकी पोलो एक माहु आथो, जाहा तियाय येशुल वेयो ताहा तो उबडु पोडीम आणे तियाय विनवनी केयी, "प्रभूला जर तोब इच्छा वेरी माल हारो की सेकतो.
13
ताहा येशु आपु आथ लांबो कीन तियाल आथल्या आणे आख्यो मा इच्छा हाय तु हारो वीजो आणे चालुच तिया कोड हारोवीगीय,
14
ताहा येशुय तियाय तागुतो दिन आख्यो तु केडाल नाहा आख्यो, पेन जायन स्वत:ह याजकाल देखाव आणे तियाकेता की साक्ष आख्या केता मोशेय नेमी देदेल आज्ञा हारोवीगीतिया केता तु अर्पण के"
15
ताहा येशु बापतीम बातमी जाहकीज केली गीयी आणे मोडो टोलो तिया गोठ्या उनाया केता आणे आपु रोगहारो वेरा जोजे याकेता माहे गोलो वेतुले
16
पेन येशु जोगलाम जागाप शांत जाइक प्रार्थना केरा आथो.
17
ऐहकी वेयो एक दिही तो शिक्षण दा केता बोठला आथाे ते गालील आणे यहुदी हिवालमने आणे यरूशलेम राहरा या भागामने कोता जागामने आल्ले आथे प्रभु सामर्थ तिया केता आथो तियाखार आथो तिया तो रोग हारे वेतुले.
18
काही लोक एका बिमारी माहाल खटलाम लीन आले आणे तियाय तियाल माजमे लिआवा आणे येशु हुंबर ऐठा थोवाकेता प्रयत्न केयो,
19
ताहा खुप टोलो आथो, तिया टोलाम वाट तियाल सापडुतली नेय तियाल तियाय कोवाउपे चोडीन तिया खाटलो आरी उच्चेने ऐठा उतावे आणे येशु हुंबर सोड्या.
20
तिया विश्वास विने येशुय आख्यो तो पापाहा माफी वीगीयो."
21
नियम शास्त्राआ शिक्षक आणे परुशी तिया तिया विचार केरा लाग्ये," ओ आज्ञा केनारो केडो देवाशिवाय केडो पापाहा माफी किसेतो नाहा
22
नेप येशुय तिया मोना मने विचार जायइन तियाल उत्तर दिन आख्यो, तुमा आपु मोनाम ऐहडो विचार काहा केताहा
23
मो पापाहा माफी वीगीयी उठ आणे चालतो वे या गाठीणेमणे केली आखणु सोपी हाय
24
पेन तुम्हाल ई मालुम वेरी जोजे की मनुष्याआ पोयरोल या तोरतीपे पापाहा माफी केरा केता अधिकार हाय ताहा तो बीमारी वेनाराल माहाल आख्यो आय तुल आखु उठ आपु खाटलो उखलीले आपु को जो."
25
चाल्लुच तो उभी रीयो आणे ज्या खाठ्लाम तो हुतलो आथो तो उसलीन देवाआ गौरव केतो तिया को गीयो,
26
ते बाठे बोगलय गीये आणे देवाआ स्तुती केरा लाग्ये ते खुप बीगीये आणे आख्यो आमाहाल आज किदीह वेल्याना ऐहड्या गोठ्या आमा हुंबर वेयाहा
27
ई गोठ्या वीन येशु बारे गीयो आणे तियाय लेवी नावाआ एक सरकारी माहु नाकाप कर वसुली केनारो नाकाप बोठलो वेयो, येशुय तियाय आख्यो माआ फासला आव
28
ताहा लेवाय बाठो काही तिहीच सोडीन तो उठीन तिया फासला गीयो,
29
फासे लुवीय तिया कोमे येशुकेता जेवना मोडी वेवस्था केयी आणे तो पोयसा वसुली केनारो आणे बीहरे माही मोडो टोलो तिया आरी मांडो खातुलो.
30
फासे परुशी आणे नियमशास्त्राआ शिक्षक यात्यय तिया चेलाहाल तक्रार केयी, ते आखा लाग्यो तुम्ही करवसुल केनारा आणे पापी माहाआरी काहा खायरीआ?
31
येशु तियाहाल आख्यो जे दु:खी नाहा तियाहाल दावा दुरीवाला गरज नाहा, पेन जे दु:ख्ये हाय तियाहाल दावदुरीवालाआ गरज हाय
32
आय देवाल भीन रेनारो याला हादा नाहा आलो तर पापी माहाल पासथावो केरा केता हादा आलो,
33
ते तियाल आखा लाग्यो योहाना चेला कायम उपास गाणे प्रार्थना केता आणे परूश्या चेला भी तेहकीच केताहा, पेन तो चेला तर खातापीता हाय,
34
येशुय तियाल आख्यो केडो ऐहकी केरी वोऱ्हाडावाला आरी वोडलो हाय ताव तुम्हाल तियायहाल उपास आखता आवी काय,
35
पेन ऐहडो दिही आवी ताहा वोडलाल तियापेन तियाल लिजाय आणे त्या दिहापने ते उपास केरी,
36
तियाय तियाल आजी एक गोठ आखी केडो भी नवो पोमडाआ कुटको फाडीन जुनाल लागवुतो नाहा, जर तो तेहकी केतो तर तर नो पोतडाल फाडतो पेन नवा पोतडाआ ठिग्लो जुना पोतडाल तो हारो नाय देखाय.
37
आणे केडो भी नवा द्राक्षारोह जुना द्राक्षारोहा चामंडा पिशवीम भोवतो ताहा जर तो ऐहकी केतो वेरी तर नवा द्राक्षारोह चामंडा पिशवी फुटीन बारे उभराय
38
नवा द्राक्षारोह नवा चामडा पिशवीम थोवा जोजे
39
केडालभी जुनो द्राक्षारोह तियाहाल नवा रोह नेय जोजे आणे लुना द्राक्षरोह रेहे."
Chapter 6
1
फाचे शब्बाथ दिही येशु खेतामने जाहलो,ताहा तिया चेला खेतामने कोअहे मुळीन आथाकी चोलीन खाअला.
2
ताहा परूशी लोकाहाय आख्यो “शब्बाय दिहा दिही जरे केनू हारो नाहा ,तो तुमा काहा केताहा?
3
ताहा येशुय तियाहान आख्यो, तुम्हाहाय वाच्यो नाहा का दाविद आण तिया आरी लोक आथा तियाहान पुख लागली ताहा तियाहाय काय केलो?
4
तो परमेहेरा मंदीराम गियो आन परमेहेराल अर्पन केलो मांडो जो याजका सिवाय केडालुज नाय खावातलो तो मांडो तियाय बी खादाे आन तिया आरी माही आये तियाहान बी खा देदो ?
5
आन आजी येशुय तियाहान आख्यो “माअहा पाेयरो (आय) शब्बास दिहा बी प्रभु हाय”
6
आन आजी एडकी वेयो येशु फाचे एका शब्बाथ दिहा दिही देवलाम जायणे हिकवा लाग्यो तिही एक एहनडो माहु आथो जिया हुदो आथ हुकायगेहलो आअथो.
7
ताहा शास्त्री आन परूशी लोक येशुल चुकीम सापडावा खातोरा शाब्बाथ दिहा दिही केडाल दु:ख्याल हारो केतो का ना अ वेरी केता टेपी रेहला
8
पेन येशु तिया मोना विचार जाअतलो. आन ती एका आधा हुकाला माहाल येशुय आख्यो. “उठीन आख्या हुंबूर उबो रे “आण तो माहू उठीन उबो रियो.
9
येशुय आख्यो “ माय तुमनेहेन फुचुहू शब्बाथा दिही केल्लो काम केरा जोजे?
10
ताहा येशुय सोमकी बादाहान वेयो आन ती माआहाल आख्यो “तु तो आथ लांबो के” ताहा ति माहाआय तेहकीज केयो आण तिया आथ हारो वि गियो.
11
पेन परूशी आण शास्त्र लोकइ येशुप खुब खिजवाया आन या माहाल आपु काय केजी तियाहा गोठ्या केरा लाग्या
12
तिया दिहाम एहकी वेअयो का, येशु प्रार्थना केरा डोगाहाम गियो.आण ती रातपोय तियाय परमेहेरा प्रार्थना केयी
13
आन जाहा निग्यो ता तियाय तिया चेलाहान हाद्यो तियामने तियाय बारा जावान निवड्या आन तियाहान प्रेषित इ नाव देदो.
14
तियाहा नावे शिमोन (इयाय असुय पेतर इ नाव थोव्यो) अंद्रिया ( पेतरा पावहु) याकोब आन योहान आन योहान फिलीप बर्थलमय.
15
मत्तय थोमा अल्वी पोयरो याकोब शिमोन तियाल जिलोत बी आखतोलो.
16
याकोबा पोयरो आन यहुदा इस्कार्योत, जो इसुल तेरावी देणारे तो
17
येशु तियाहा आरी एठा उतीन सपाट जागाप उबी रियो आण तिया चेलाहा खुब मोडो टोलो आण यहुदा प्रांतामने यरूशलेम शहर सो आण सिदोन दरीया ती तोडीने एहडा खुब माहे तीही आल्ले आथे.
18
ते तीही उनाया आन तियाहा दुख्ये हारे केरा खातोर आल्ले आन तियाहान पुतळे लागले आथे तियाहान बी हारो केरूलाम आलो.
19
आन आख्या लोक आथला होदतला काहाका तियामने (सामर्थ) शक्ती निगंतीली आण ते बांद्दे हुदरुतले
20
ता येशुल तिया चेला होवे विन आख्यो तुम्हा जे गरीब हाय ते धन्य काहाका देवा राज्य तुमाम हाय.
21
धन्य तुमा जे आमी पुखे हाय काहाका तुमा ताराय जाहा धन्य तुमा जे आमी रोडते हे काहाका तुमा ओहआ
22
जाहा माहा पायरामुळे लोक तुमनेहेन तारास केरावी आन जाहा ते समाजामने तुमनेहेन दुर केरी निंदा केरी तुमा नाव माठाहोच टाकी दी आन माहा पोयरामुळे तुमनेहेन ते दुर केरी, ता तुमा धन्य.
23
त्या दिही खुब खुष विन कुदा काहाका स्वर्गाम तिया फल खुब मोडो हाय, काहाका कतयाहा पुर्वजाही जे संदेष्टा आथा तियाहान बी एहकीज केलो.
24
पेन मालदार माअहा तुमनेहेन दु:ख वेरी काहाका तुमनेहेन पेहलाज सुख मिली गेहलो हाय
25
आन जे ताराला हाय तुमा केहनडी दशा वेरी का तुमनेहेन पुख लागी गाण जे आमी आअहते तियाहा केहनडी हाय हाय केरा ते बोंबलीन रोडी
26
जा बाद्दा लोक तुमनेहेन हारो आखी ताहा न हाय हाय केरा पोडी, काहाका तियाय आगला डाअया बी खोटा निरप्याहान हाय हाय एहेकीज आखमला.
27
पेन मा गोठया उनानाराहान आय आखहु तुमा दुश्मनावे मोया केजा जे तुमा विरोध केतेहे तियाहा खातोर हारो काम केअजा
28
जे लोक तुमनेहेन हाराप दि तियाहान आशिर्वाद देजा जे तुमा आरी खोटी रितीकी चालतेहे तियाहा खातोर प्रार्थना केअजा
29
जाहा तुमा एका गालाप केडोबी ठोकी तिया आगला बिहीरो गाल बी केअरी जर केडो तुमा डोगजी मांगतो वेरी ता तियाय तुमा फाराक बी खुषी की ली जा देजा,
30
जो केअडो बी कायबी मांगे, तियाय देजे, आन एगदो तोवेने वस्तु जबरदस्ती बुजी तिज तियावेने ती फाचे मांगो नाहा.
31
आन जेहकी माहाय तुमा आरी वेहवार केरा जोजे एहकी तुमनेहेन लागतो वेरी तेहकीज पेहला तुमाऱ्या
32
तुम्हाप जो मोया केहे तियाप तुमा बी माया केराहा ता तियाम केल्लो मोडो काम केयो पापी लोक बी तेहकीज केताहा
33
जो तुमा खातोर हारो काम केतो वेरी तिया खातोर तुमा बी हारो काम केतेहे तियाय केल्लो मोडो काम केयो तुम्हाहाय पापी लोक बी तेहकीज केताहा
34
जीयाहापने फाचे कमली एहकी आशा किइन लोकाहान तुमा उसनो देताहा तियाय तुमा काय हारो केताहा? फाचे कमली इ आशा राखीन पापी लोक बी उसनो देताहा
35
पेन तुमा मोठा केनारावे मोया केजा आन तिया हारोज केजा आन तुमा फाचे मिली इ आशा नेय केता उसनो दया ताहा तुमाहान होरगाम मोडो इनाम मिली आन तुमा जोलामजुग्यो परमेहेरा पोयरे वेराहा पेन तो आभार नेय माननारे माहे आण खोटो काम केनारे माहे तियाहावेबी मोया केहे
36
जेहकी तुमा होरगामने बाहको मोयालो हाय तेहकी तुमा बी मोयाले बोनजा
37
केडा बी चुक्या काअडा मा ताहा तुमा चूक्या बी केडो नाय काडे केडालुज गुनेहगार ठरवाहा मा ताहा तुमपेहेन बी केडो गुनेहगार नाय ठरवे तुमा बिहीरान माफ क्याहा ताहा तुमनेहेन बी माफ की.
38
तुमा बिहीरन क्याहा ताहा तुमनेहेन बी मिली हारा मापाकी दाबी-दाबीन आलवी-आलवीन आन शींग पोयीन तुमा पदराम टाकी काहाका जी मापाकी तुमा बिहीरान मापीन दया त्याच मापाकी तुमनेहेन बी मापीन दी.
39
तियाय तियाहान एक दाखलाक आख्यो, एक आंधलो बिहीरा आंदलाल रस्तो देखावी सकेहे का ? ते बेनी बी खाड्डाम नाय पोअउे का?
40
केल्लो बी चेलो गुरू पेक्षा मोडो नाहा रेतो पेन जाहा तो चेलो पुरो हिकी जाअहे ताहा तो गुरूहोस बोनी जाअहे
41
तु तो डोवामेने कोचरा नाय वेता तो पावुहू डोवाआमने कोचरा केअहकी वेअतोहो
42
एहकीज तु तो डोवामेने कोचरा नाय वेअता तो पावाहाल केअहकी आखोहो का? पावाहा तो डोवाआमने कोचरा मान काडा दे? अरे ठोग तु तो डोवाआमने कोचरो पेअहला काड ताहा तुल तो पावाहा डोवाआमने कोचरो हारो देखाय.
43
कल्लोज चाडो एहन्डो हारो चाडो नाह तियाल खाराब फलवो आवे आन तेहका कल्लोज खराब चाडो का जियाल हारो फलवो आवे
44
केल्लो बी चाडवो तिया फलवाहापने आहकाय काटाला चाडवापने केडोबी अंजीर नाहा तोडतो तेहकीज तोडतो काटला चाडवामने केडोबी दारक्षे नाहा टोलवुतो.
45
हारो माअहु तिया मोनाअमेने हाऱ्या गोठया बारे काअडेहे तेहेकी, खोटो माहू तिया खाराब मोनामेने खाराब गोठ्या काडहे, जो मोनाम पोअलो हाय तोंज तिया मुयामेने निगहे
46
तुमा मा आखली गोठ नाहा मानता आन मान ओ प्रभु ओ प्रभु एहेकी काहाल आखताहा?
47
जो केडो बी माहु मां इही आवेहे आन तो मा गोठ्या उनायन मनिहे तो केडाहोच हाय इ आय तुमाहान आखी देखावुहू
48
तो एका पोंगो बांधणारा होच हाय तियाय पोंगो बांदा खातोर तोरतीम खुबउंडे लुगू खाेदीन खोडकाप पायो बांद्यो, आन जाहा खाडों आलो आन खाडो पोंगाल लागीन गियो तेबी पोंगो नाहा पाड्यो.
49
पेन जो केअडो मा वचने उनाहाय पेन तिया नुसार चालतो नाहा, तो एहन्डा माहा होच हाय जो तिया पोंगो पायो नेय टाकता कादुमूज बांदेहे आन पायपोडीन खाडो आवेहे आन खाडो त्या पोंगा जागेने जाहे आन पोंगो पाडीन चुवाय जाय
Chapter 7
1
जाहा इसु लोकाहान तिया बाद्या गोठ्या आखी पारवायों ताहा तो कपार्णहुम आलो.
2
ताहा एका अधिकाऱ्या मोयालो आवत्यो दु:ख की माय जानारो आथो
3
ति अधिकाऱ्याय इसु बोद्रदल गोठ्या उनायप यहुदी लोकाहा डायाहान आख्यो तुमा जायन रावाया कीन तियाय आखजा ताहा तो आविन मा आवत्याल वाचविली
4
ताहा ते येशूही आविन रावाश कीन आखा लाग्या तु तिया जिव वाचावी ले काहाका तो आवत्यो माहू खुब हारो हाय
5
काहाका तो आमा जातिय मोया केहे आन तिया आमनेहेन भक्ती केरा देवोल बी बांदी देदो हो.
6
आन ताहा येशु तियाहा आरी चाली गियो आन ति अधिकाऱ्या माहा पोंगो जागेज रेहलो ताहा ति अधिकाऱ्याय तिया हेंगात्याल येशु ही मोकलीन आख्यो ओ प्रभु वोखो मा तु मा को आवो ओतिहीमा लायकी नाहा
7
माय तोही आवा बी लायक नाहा तु तो मुयाहाकीज बी आखी देहो तेबी मा आवत्यो हारो वी जाय
8
काहाका मायबी बहिीरा अधिकाऱ्या आथानिचे काम किहु आन मा आथा निचे बी बिहारा काम केताहा आन माय तियाहान आव एहकी आखुहू इ काम के आन तो, तो काम
9
जाहा येशु इ उनायो ताहा तियाल खुबूज माेवाय लाग्यो ताहा तिया फाचला फाचला खुबूज माहा टोलो आवतोलो इसुय तियाहाल वेयो आन आख्यो ओडो मोडो विश्वास मायु इस्त्राइलाम बी नाहा वेयो
10
फाची जे मोकलुला आथा ती फिरी आला ताहा तो सेवक हारो वी गियोहो एहकी तियाहा नजरिम आलो.
11
आन फीची एहकी तियाहा का, तो नाईन नावा गावामने जाहलो ताहा शिष्य आण खुब माहा टोलो बी तिया आरी जाहलो
12
जेहकी तो गावा हिंवा जागे केल्ला तेबी मोअला मुर्दोल बारे ली आवतले, तो मोलो मुर्दो तिया याहकी एखलोज पोयरो आथो आन ति बाय विधवा आथी आन गावामने खुबूज माहे तियु माहे तियु आरी आथे
13
आन ति विधवा बाईल विन प्रभुल तियी दया आली आन तियील आख्यो “रोडोहो मा”
14
आन जागे याजने तियाय तिरडील आथल्यो “ताहा जे माहे खांदा देनारे आथे ते ठाकेज जागाप उबे री गिये आन तियाय आख्यो पोयरा माय तुल आखुहू उठ!
15
आन तों माअलो उठीन बोठो आन गोगा लाग्यो ताया येशुल तियाल तिया याहकील होद्यो
16
ताहा बांदाहान खुब बिख लागी आन तियाही देवा गौरव केअता आख्यों, आमाहिमे मोठी भविष्यवादी प्रकट वेयोहो, आन देवाय आपु लोकाहा भेट लेदीही.
17
येशु बद्दल/ बाराम हि बामती यहुदीया देशाम आने आजु बाजू ब गावाम पोहची गिई.
18
ताहा योहान शिष्याही इ बादो योहानाल जायन आख्यों
19
ताहा योहानाय तिया बेन चेलाहान तियाही फुचा मोकल्यो क्या, जो आवरोनाराे तो तुज हाय का आमा बिहीरा वाट जोवजी
20
जाहा ते माअहे तियाही आले, आन तियाही आख्यो बाप्तीस्मो केअनारा योहानाय आमाहान होअरी इ फुचा मोकल्योहो का, जो आवनारो तो तुज हाय का आमा आजी बिहीरा वाट जोवजी?
21
त्याज टाईमाप येशुय खुब माअहा रोग आजार दु:खे हारे केअये खुब माअहा मेने पुथळे काड्ये आंधलान देखते केअये
22
आन येशुय तियाहान आख्यो, “जा आन जो तुमाही वेयो आन उनाये तो योहानाल जायन आखा, आंधले वेअतेहे लगडे चालते हे, कुष्टो रोगी हारे मेतेहे बेरे उनातेहे मोले माहीजीवते वेतेहे आने गरीब लोक सुर्वाता उनातेहे
23
आण जो केडो बी मा बाबतीम ठोकरातो नाहा तो धान्य
24
योहानाय तिया लोकाहान मोकलुला, ते चालु पोड्या ताहा इसु योहान बाबतीम लोकाहान आखा लाग्यो, तुमा डोगाहाम काय वेरा गेहेला ? वाराकी आलेहे तो पाथडो का?
25
तुमा काय वेरा बारे गिहीला ? हाराम हारे पोतडे पावले माहाल का? खुब तेज रंगा पोतडे पाविन मज्या केनारे माहे रावाढाम रेतेहे
26
अजी काय वेरा गिहीला ? एगदा भविष्य वक्ता वेरा का? बिहीरो मोडो हाय तियाल हा आय तुमाहान आखुहू भविष्यवक्ताहांसे बी जो मोडो हाय तियाल.
27
देख आय मा निरोप्यो तो आगाडी मोकलुहू तोअ आगाडी वाट्या हुदरावी तो इही हरय जिया बोद्रदल नियम शास्त्राम लेखलो हाय
28
आय तुम्हाल आखुहू जे बायीही की जोल्मुला, हाय तियाहाम बाप्तीसी देणारो केडोज मोडो नाहा, केडी पेन जो केडो पोरमेहेरा राज्याम बादाहा से हानो हाय, तो तियासे बी मोडो हा."
29
इ उनाएन बांदा लोकाहाय आण कर पट्टी वसुल केनाराय बी योहान आथुकी बाप्तीस्मो लिन परमेहेराल खेरो मानी लेदो.
30
पेन परूशी आन शास्त्री लोकाहाय योहाना आथाकी बाप्तीस्मो नाहा लेदो आन परमेहेरा गोठ्या नाय मान्या
31
परमेहाराय आखे आय इ पिढीमाहाल केहेंनडा होच आखु इ केहेंन्ड हाय
32
जे पोयरे बाजाम बोहीन इया तियाय हातकेताहा तिया होच ते हाय, आमहाय तुमा खातोर गीते आख्ये तेबी तुमा नाच्या नाहा दु:खा गीते आख्यो तेबी तुमा रोड्या नाहा एहकी तक आखताहा.
33
काहाका बास्तीस्मो केनारो योहान ओ मांन्डो न खाता आन दाराक्षा रोहो न पिता आलोहो तेबी तुमा आखतहा का याल भुत लाग्योहो
34
माअहा पोयरो (आय) खातो पितो आललो हाय उआन तुमा आखताहा देखा ओ खादाड आन पिदाड माअहु हाय कर पट्टी उगरावणाराहा आन पापी लोकाहा हेंगात्यो हाय.
35
पेन ओक्कल आपु बादा पोयरोहा से खेराम खेरी ठरवाय गेहेली हाय जर ओ भविष्यवक्तो रेतो ता जाय जी तियाल आथलेहे ती केहेंन्डी आन केलली बाय हाय ? इ ता पापी बाय हाय.
36
फाचे एका परुशी माहाय इसुल मा कोअ मांडो खा चाल एहकी राअव्हा किइन आख्यो ताहा तो तिया आरी कोअमे जायन मांडो खा बोठो
37
ताहा देखा, इसु तिया परूशी माअहा कोअहे मांडो इ बोठोहो इ जाआयन तिया गावामेने एक पापी बाय गुंदालो तेल लिन आली.
38
ताहा ती बाय तिया फायला पागाही उबी रिन तियु आहवाकी परमेहेरा पाग पिजवीन तीयु मुनंका चोथ्याहा की पाग पुसीन पागाहान खुब गुरू दिन पागाहान तो गुंदालो तेल लागवुतली.
39
इ विईन परुशी मांहु जियाय असुल मांडो खा खातोर हादलो तो तिया मोनाम विचार केरा लाग्यो जर ओ भविष्यवक्तो रेतो ता जाय लेतो जी तियाल आथलेहे ती केहेडी आन केलली बाय हाय?
40
येशुय तियाल आख्यो शिमोना मान तुल एक गोठ आखुन हाय तियाय आख्यो गुरूजी आख.
41
येशुय आख्यो एका सावकारापणे बेन जाअवाही कर्ज नंदला आया एकाय पाच होव चांदी रुप्या आन बिहीराय पन्नास चांदी रुप्या लेदलो.
42
तिया बेन्याहावे बी कर्ज सुटा केता काविहींज नाय आथो तियाहा खातोर तियाय तियाहा कर्जो माफ की देदो आमी तुल काय लागेहे ती बेन्याहामेने केडो तियावे वाद मोया केरी.
43
आख्यो “मान एहकी लागेंहे, जिया वाद कर्जो माफ की दकदाक तो.” ताहा येशुय तियाल आख्यो, “तुयूय खुब हारो विचार केअयो
44
ताहा यीसुय बायीवेल फिरी विइन शिमोनाल आख्यो, “तुयूय इयो बायाल देखी का? आय कोअ आलो ताहा तुयू मान पाग तोवा केअता पाय नाहा देदो पेन इ बायीय तियु बायीय तियु आहवाकी मा पाग पिजण्या आन तियु चोटयाहाकी मा पाग पुस्टा
45
तुयू मान गुरू देदो नाहा पेन इ बाइय मा पागाहान गुरू देवुल सोड्यो नाहा.
46
तुयू मा मुनकाल तेल लागव्यो नाहा पेन इ बाईय मागाहान गुंदालो तेल लागव्यो,
47
आय तुल आखहु “इयो खुब पापेआथे माफ वी गीये काहाका इयोय खुब मोया केअयीही पेन जीया थोडाहाज पापा माफह वेअयीही तो वायज मोया केअनारो”
48
ताहा येशूल तियुल आख्यो “बाई तो पापाहा वी गीयीही
49
ताहा तीया आरी मांडो खा बोअहाणारा तियाय तियाहा गोठ्या केरा लाग्या “पापाहा बी 1 माफी देणारे ओ केडो हाय
50
ताहा तीयाय ती बाईल आख्यो “तो विश्वासाकी तु वाचाल गियीही शांती की जो,
Chapter 8
1
फाछी माहारीज ऐहकी वेअयो, देवा गोठ्या अने देवा राज्या हाऱ्या गोठ्या तो गावा गावाम आने आखतो फिऱ्यो ताहा बारा चेला तिईया आरी आया.
2
पुतडे दुष्ट आत्मा आने दुखामने मुक्त केअल्या थेयया तिईया आरी आथ्या. जेहकी मल्दालीया नगरा मरीयामने सात पुथडे काडले हाये ती
3
हेरोदा कारभारी जो आथो तिया थे योहान्ना तेहकीज सुसान्ना आने आजह बिहऱ्या थेया, तिया सेवा आपु द्रण्याकी केहतल्या
4
आने मोडो लोकाहा टोलो एकजागे आलो आथो आने गावागावामने लोक तिईयापाही आले ताहा तियाई ताहा तियाई दाखला दिन आख्यो.
5
“पोरणारो आपो दाणा पोरा निग्यो आने तो पाेअतलो ताहा थोडा दाणा पागवाटीप पोड्या आने ते पागुअेठा अविन दाबाय गिये आने बादलामने विडाही ते खाई लेदा.
6
आने बा दाणा खोडळाप पोड्या ते उग्यापेन कोमाय गिया, काहाळी मिही पिजालो जागो नाहा आथो.
7
आने बाकी दाणा काटावाला घाडाम पोड्या काटावाला चाडाई तियाल मोडे नाहा वेरी देदे तेद हारा रीती मोडे नाहा वेभे
8
आने बा दाणा हारा जागाम ते हारा रिती मोडे वेअेये होवपटीळी पाव्यो” अेहकी आखीन तो ओडाकी गोग्यो, “जियाल उनाया कान हाय तियाई उनाया”
9
ताहा तियाई चेलाई आख्यो, देवा राजाम उोपल्या गोठ्या तुम्हाल ओहका खातुर दाण देदलो आहे.
10
पेन बाकी लोकांन ती दाखला की आखनु आखाली हाय, ईमाकातुर की तियाई बी तियाई वेरा नाय जोजे आने तियाई उनाईन बी तियान होमजा नाय जोजे.
11
दाखलो ओ हाय दाणो ओ देवा वाचन हाय
12
आने जे वाटीपने हाय ते उनानारे हाय पेन पाछी सैतान आवे आन तियाई विश्वास तिईन तारण तिला नाय जोजे तिया खातुर तिईया मोनामने वठण काठी टाकेहे.
13
आने खोडकापने जे हाय, ते उनाते ताहा वचन आनंद की मोनाम लोतेहे पेन तियान मेले नाहा रेतेहे. थोडाच टाईमा लुगू विश्वास तेअते पाछी परीक्षा आवे ताहा विश्वासामने बारे वी जातेहे.
14
आने काटामपोडणारो दाणो ओ उनानारो हाय, पेण आगला जाईन पिता धन जीवनामने सुख ईयाकी जाहके कोलवे नाहा देते.
15
पेन हारा तोरतीय पोडणारो दाणे हे अेळडो हाय ते वचन उनाईन हाऱ्या आने मोनाम पाळवगे तिईन थोव आने धीर तिईन फोलवे देहे.
16
केडो दिवो लागवे ताहा बासणकी बुजतो नाहा तियाय खाटला अेटा थोवतो नाहा ता आवणाराल उजवाडो देखाया जोजे तिया खातुर उचे थोवतेहे.
17
माहाळी प्रोगोट वेअनारो हाय तो बुजलो नाहा हाय, आने होतजाय नाय उगडो पोडी दोवणारो नाहा.
18
तियाला तुमा काय उनाते तो हारकी होमजा, काहाका तियापाही वेअेरी तियाल देवात आवी आने हाेलवाय नाहा तियापाही जो हाय अेहकी तियाल वाटेहे तोबी तियापाने काडाम आवी.
19
ताहा तिया याहकी आन पावु तिईयपाही आले खुपगोर्दी आथी तियाखातुर तिईयापाई तियान जाता आले नाहा
20
ताहा केडाई तेबी तियाय आख्यो, तो याहकी आने पावु तुल मिला खातुर बारे उभे रिये हाय.
21
आने तियाई तियान आख्यो, देवा वचन उनानारे जे हाय तेच माआ पाऊ आने याहकी की हाय.
22
त्या दिहाम अेहकी वेयको, तो आपो चेलाआरी उडिद बाेठ्यो आने आपु दोरया पार जाजी अहेकी तियाई तियान आख्यो आने उडी चालवा लागे.
23
फाछी उड्यो चालवा लागे ताहा ईशु हुवी गियो, ताहा दोऱ्याम वादुळो आलो उड्यामपाय विहा लाग्यो आने ते संकटाम पोडी गिया.
24
ताहा ते ईशु पाही आला तियाल उठवा लाग्या मास्तुऱ्या, आपु बुडा लाग्या ताहा तियाई निदीमने उठीन वाराल आने पायाला धोमकाव्यो फाछी तो विअन गोयो.
25
ताहा तियाई तियान आख्यो, तुमाहा विश्वास किही हाय? ते बीगीया आने ठाकाच रिइन एकबिजाल आखा लाग्या, ओ केअेडो हाय? बाराल आने पायाल बी आज्ञा केहे तेबी तिया गोट्या मानतेहे
26
ताहा ते गालील दोऱ्या हुमूर गरसेकरा देरा हाथे तिही गिया
27
ताहा तो तारतीवे उत्यो तिही गावाम केडोएक माऊहू तियाल मिल्यो; तियाल पक्के पुतूडे लागलो हाथे तियाई खुप दि पोतडे पोवले नाय हाथे तो कोमे नाहा रेतलो तो माहणाम रेतलो.
28
ताहा ईशुला विअन तो खुप बोबल्यो तिया आगला पोडीन मोडांकी बोबल्यो, ईशु देवा पोयरा, तो मा काय संबध? मायु तुल पागे पोडु माल माय तुम पागे पडुहू माल त्रासमा दोहो
29
काहाकी तो तिया दुष्ट आत्माल त्या माहामने निगीजा आज्ञा केअतुलो काहाका तियाई तियाल खुप दा तेअलो हाथो लोक तियाल पाघराम योवीन हाकलीकी आने बेडीकी बाधी तोवतला तेबी तो ताेडीन पुतूडाकी खेताम जातो रेतलो.
30
येशु ही तियाल पुछ्यो तो नाव काय हाय? तियाई तियाल आख्यो सैन्य काहाकी तियाम खुप पुतडे पोराले आथे.
31
आने आमाल आगीकुढाम जा आज्ञा नाहा केअेवो, अेहकी ते पुतडे तियाला विनंती केअतले
32
ताहा तिही खुपच डुकरा टोलो चोरतुले आने तियाम पोराया तु आमाल ल आज्ञा दे अेहकी तियाई विनंती केअेई ताहा तियान आज्ञा देदो.
33
ताहा ते पुतडे त्या माहामने निगीन डुकराम विही गिये आने तो टोलो दोवडुतो आवीन दोऱ्याम पोडी गियो आने गुरकाईन मोय गियो.
34
पाछी चारवाले ई विईन नाही पाेड्या आने तियाई जी गोठ वेई ती गावाम खेताम जाईन आखी
35
ताहा जी गाेंठ वेअई ती वेअरा लोक बारे आला आने येशुपाही आला, ज्या माहामाने पुतडे निगलो आथे तो माआहु पोतडे पोवलो शुध्दीप आथो आने आने ईशु पागापाई बोठलो तियाई वेअयो आने ते बी गीये.
36
पाछी जिमाई ती गोठ वेअली आथी तियाई तो पुतडो लागलो केहकी हाये वेअयो ती गोठ तियाल आखी.
37
ताहा गरसेळरा आहीपाही बादा लोकाही तियाल विनंती केअेई तु आहिपाही दुर जातो रे काहाका ते लोक खुप बी गिअला आथा पाछी तो उडीम बोहीन तिईन पाछला आलो.
38
आने जो माआहुमने पुतडे निगलो आथे तो, माल तुमाआरी रा दया, अेहकी ईशुपाही विनंती केअतलो, पुन तो तिईयाल तो तिईयाल सोडीनदीन आख्यो,
39
तु को जो आने देवाई तोखातोर केअेहेडे मोडे कामे केअथे हाय ते आख पाछी तो जाईन ईशुई तिईयाखातुर केअडे मोडे कामे केअले आथे. त्या गोठ्या गावाम जाईन तिईयाई आख्या.
40
पाछी ईशु पाही आलो ताहा लोकाई तीया खुशीकी स्विकर केये काहाका ते बाद्दे तिईया वाट वेअतले.
41
ताहा वेअरा, याईर नावा केअडो एक माआह आलो, तो ते सभास्थाना मोडो अधिकारी आथो; आने तियाई ईशु पागे पाेडीन, तु माआ को आव, ऐहकी तियाल विनंती केअेई.
42
काहाका तियाल बार बोराहा एकुच पोयरी आथी ती मोअरा आथी. पाछी तो जाअतुलो ताहा टोलो आवीन तिईया आगला पाचला गोर्दी केअतला.
43
आने बारा वोरेओ अेहडी केडीएक थे जी (आपो होग्गा पोयसा टोक्का केअडाईनबी हुदरूई नाहा.
44
तिईया तिईया पाचला आवीन तिईया पाेतडाल हात लागव्याे आने तोतामुच तिईयो रोगोत निगुलो पारवाई गिईयो.
45
ताहा ईशुही आख्यो, माल केअेडाई हाथ लागण्यो? ताहा होग्गे नारहा आखतलो पत्रे आने जे तिईया आरी आथे ते तिईयाल आखा लागे,मास्तुऱ्या टोलो खुब हाय तो तुमाल चिपली रेईयो
46
ताहा इशुही आख्यो केअडाई माल लागव्याे काहाळा मआमने शक्ती निगी ही माल हाेमजायो.
47
पाछी ती स्त्री आपोल दोबाय नाव ई विअईन, थुर थुर कापती आली आने तिईया आगला उपडु पोडीन माआये काहा आथुलुले हाय लागव्यो आने तुरुत आय केहकी हारी वि गिई ई होग्गा लोकाहा तिईयोई आख्यो.
48
ताहा तियाई तिईल आख्यो, पोयरो तो विश्ववासाही तुला तारी लोदो शांती कीजो.
49
तो आजी गोगतलोज तोतोमुअज सभास्थना अधिकाऱ्याहीने केडो एक आलो आने तियाई आख्यो, तो पोयरी मोअम गिई मास्तुऱ्याल आजी तारास नाहा दमा दयो
50
पेन इशुय उनाईन तियान उत्तर देदो, बिया नाहा विश्वास तेरा, ती हारी बी जायई.
51
पाछी कोमे पत्रे योहान आने याकोब आले ताहा पोयरी बाहको आने याहकी तियाशिवाय केडालुच माजमे आवा देदे नाहा.
52
आन तियो खातोर रोडतलो आने शोक केअतुले, तियाई आख्यो, रोडी ताहा काहाका ती मोअई नाहा ती निदीम हाय.
53
तेबी ती मोअय गिई हाय जाईन ते तियाप ओहा लागे.
54
पेन तियाई तिमो हाथ तिया हाथाम लिन तियोल हाद किन आख्यो पोयरी ऊठे.
55
ताहा तियो आत्मो पाछी आलो ती ताहाच उठी गिई फाछी तिईल खा दया अेहकी तियान आज्ञा देदी.
56
आने तियो याहकी बाहकाे चौकाय गिये पेन ज्या गोठ्या वेयो ते केडाल आखा नाहा अेहकी तियाई ताकीद दिन आख्यो.
Chapter 9
1
ताहा तिमाई बारा शिष्याला हादीन होग्गान होग्गा पुतडाल आने रोगे हारे केराआ सामर्थ अधिकार देदो
2
आने तियाई तियान देवा राजु संदेश आखा खातुर आने रोग हारे केअेरा मोकले.
3
तियाई तियान आख्यो वाटाम जा खातोर काई बी मा ल्या नाहा लाकडी आने पिशवी आने माडो आने पौयसा ल्या नाहा आने बेन-बेन पोतडा जोड ल्या नाहा.
4
आने केलाबी कोओमे तुमाहा जा, तिईज ऱ्या आने तिहीने निगी जा.
5
जितेहे तुम्हाण अंगिकार नाहा केअते तोताहा विरुध्द तुमादा साक्षी वेअेरा जोजे तियाल तुमाहा नगरामने निगतीवेले तुमाहा पागा उदलो झोटककीन निगा
6
ताहा ते निगे बाद्दी ठिकाणे देवा गोठ्या आने रोग हारा केबते गावा गावाम फिरी गिया.
7
ज्या गोठ्या वेअतुल्या त्या उनाईन हेरोद राजो खुप घोटालाम पोडी गियो, काहाका “योहान मोअलाअमने उठ्यो” अेहकी खुप लोक आखतुला;
8
आने खुप लोक आाखतले “ ऐलीयो प्रागोट विईयो” आने बिहरे आखतुलो “जुना संदेष्टामाने अेडोएक उठ्याे”
9
ताहा हेरोदाई आख्यो, योहाना मुणको आय वाडी टोकेहे पेन जिईया गोठ्या आय उनाय रिईयो हाय ओ केअेडो हाय”? आने तो तिईयान तिला वेअेयतलो
10
फाछी प्रेषिताई फाछी आविन ज्या गोठ्या वेअेल्या त्या पुऱ्या आख्या ताहा तियाई तियान आरी लिईन बेथसेवा नावा गावाय एकवेले ली गोईओ.
11
पेन त्यागोठील उनाईन ते विईयापाछला गिये. ताहा तिईया तो स्वागत लिईन तो तिईयान देवा राज्या गोठ्या आखा लाग्यो आने जिईया हारो वेअनु गरज आथी तियान तियाई हारे केअेये
12
दिही बुडा आलो. ताहा बारा प्रषित आविन तियाल आखा लागे, लोकान वाटे लागवा दे, काहाका ते आहीपाही गावाम जाईन रिई दाने खावनू सोय केअेरी, काहाका आचु खेताम हाय.
13
पेन तिईयाई तियान तियान आख्यो “तुमाहा तियान खावनु दया. तियाई आख्यो आमाही जाईन ई लोका वाटो खावुन कायबी नाहा ली आला, पेन आमाहा पाही पाच माडा आने बेन मासल्या हाम बिहरो कायबी नाहा”
14
काहाका ते पाच हजार पुरूष आथा. ताहा तिईयाई चेलाला आख्यो, पाचास पाचास लोका पंक्ती तियान बाहाका”.
15
फाछे तिईयाई जेहकी होग्गान बोहावे.
16
तिईयाई पाच माडी बेन मासल्या लिईन उचे होरगा होवे विईन आर्शिवाद देदो. आने तिईया तुकडा किईन लोका टोलान दा खातुर चेलाल आख्यो.
17
ताहा हाेग्गा लोक माडो की ताराईन आने तिईयाई रिई गिईला माडा तुकडाकी बारा सिबल्या पोराई गिईया.
18
आने अेहकी विईओ तो अेखलो प्रार्थना केअतलो जाहा तिईया वेलो तिईया आरी आथा ताहा तिईयाई तियान पुछीन आख्यो, टोलामने लोक माल केडो हाय आखताहा?
19
पाछे तिईयाई उत्तर दिन आख्यो, बास्तिस्मा केअेनारो योहान पेन कोताक लोक आखता ‘ऐलियो’, आने कोताक आखता जुणा संदेष्टामने केडोएक पाछी उठ्यो.
20
तियाई तियान आख्यो पेन पुन तुमाहा मान केअेडो आखताहा? ताहा पेत्राई तिईयाल उत्तर दिईन आक्ष्यो “देवाहा ख्रिस्त”.
21
पेन ई गोठ केअेडाल आखा नाहा अहेकी तिईयाई तियान आज्ञा देदो.
22
आने आख्यो “माआहा पाेयराई खुपच दु:ख वेठी आपु उचे लिईन मोडालोक आने मुख्य याजक लोक नियमशास्त्रा मास्तुऱ्या ईयाईने मायटाकाम आवी. आने तिसरे दिही पाछे उठावाम आवी ई विईनु हाय?
23
आने तिईयाई होग्गान आख्यो “केडाल माआपाछाला आवनु इच्छा वेअेरी तिईयाई आपु बधंस्तभ (उचलीन) माआ पाछला चाला
24
पेन जो केडो आपो जिव वाचावा होदेहे तो तियाल गोमावी दि पेन जो केडो मा केअेता आपो जीव गोमावी तो तियाल वाचाकी
25
काहाका माआहाई होग्गो जुग मिलबीन आपो जिव गोमाव्यो आने आपो नाशा कई लेदो ते काय हारो विई?
26
कोडोबी माआ आने माआ वोचना लाज तेरी, तिईयाकेअता लाज जाहा माआहा पोयरो तिईया बाहका आरी आने पोवित्र दुताआहा गौरवाकी आवी ताहा तेरी.
27
आने आय तुमाल खेऱ्यो आखु, ईयामने ईही उभे रेअनारे अेहडी बी हाय, ते देवा राज वेअरा शिवाय तियान मोअनु नाय आवी?
28
आने ई गोठ्या आखा फासला आठ दिहाकी अेहकी वेयो, पेत्र आने योहान याकोब ईयान लिईन तो प्रार्थना केअेरा डोगाप गीयो.
29
तो प्रार्थना केअतलो ताहा तिईया मुया रूप बोदली गियो आने तिया पोतडे पाढे चोमकुनारे वी गिये.
30
आने ताहा, बेन माआहे तिईयाआरी गोठया केअतले ते मोरो आने एलीया आथे.
31
ते तेजस्वी देखातला आने ज्या गोठ्या तो युरूशलोमा देशाम केअनाणो आथो त्या गोठ्या ते गोगतला.
32
ताहा पेत्रो आने तिईयाआरी आथे ते गोगतला. ताहा पेत्रो आने तिईयाआरी आथे ते निदीकी पोराय गिईला पेन दे पुरा उठी गिईया ताहा तिईयाई तिईय तेज आने बेन माआहे तिईयाआरी उभे आथे तियान वेअेये.
33
ताहा अेहकी वेअेयो की तिईमाईने दुर वेअतला ताहा पेत्रााल ईशुही आख्यो. “ मास्तुऱ्या इही रेअवनु ओेतोल हारो हाय ताहा आमा तीन माडवा पाडु ताओखातोर एक आने मोशेखातोर एक आने एलीया खातोर एक” आपो काय गोगीरिईया तियान होमजुतलो ताय.
34
तो ई गोठ्या केअतलो ताहा एक बादलो अविन तिईयाउचे सावाडीकेरा लाग्यो आने ताहा ते वादलाम तिही गिईया ताहा ते बी गिईया.
35
आने वाआदलामने आवाज आलो तियाईआख्यो “ओ माआ निवडलो पोयराे हाय ईया तुमाआ उनाया”
36
आने अेहकी विईयो तियामने केडालच त्या दिहाम आख्याे नाहा.
37
आने केहकी विईयो बिहरा दिही ते डोगापने अेया उत्या ताहा माडो टोलो तियान मिला आलो.
38
ताहा वेरा टोलामने एका माआहाई मोडाकी बाेबलीन आखा लाग्यो मास्तुऱ्या माआयु तुल पागे पाेडु माआ पायराल बे काहाका तो मा एकुच पोयरो हाय.
39
आने वेअरा, केडो पुतडो तियाल तिईलेहे आने ओ बोबलेहे ताहा ईयाल तो अेहकी मोअडी देहे तिया मुयामने फेवदयो आवी जाय तो ईयाल खुप त्रारास देखाडे आने खुप टाईमाई ताहासोडीन लिगी जाय.
40
आने तियामने तो काढाम आवा जोजे तियाल आय तो चेलाल विनंती केअई पेने तियाईकी नाहा निग्यो.
41
ताहा ईशुही उत्तर दिईन आख्यो, अे अविश्वास्य आने विपरीत पिढी, माई तुमाहा आरी कोअतेलुगू रेवु आने कोतोक तुमाल आखु ? तु तो पाेयराल इही ली आव.
42
ताहा तो पाही आवा लाग्यो तोतामुज पुतडाही तियाल अेठा पाडटाके आने खुब मोअडी टाक्यो, पेन ईशुही त्या अशुध्द आत्माला धोमकाव्यो आने त्या पोयराल हारो किईन तिईया बाहकापाही मोकल्यो.
43
ताहा देवाही ई माहान सामर्थ्य विईन होग्गा लोक चकीत बी गिईया आने तो जी कामे केअेतलो त्या होग्गया गोठीप होग्गेलोक नोवाय केअेतलो ताहा तिईयाई आपो शिष्याण आख्यो.
44
ई गोठ्या तुमरहर हाऱ्या इतकी थोवा काहाका माआहा पोयराल माआहा हाताम देवाम आवी.
45
पेन ही गोगणु तिईयान होमजुयो नाह आने तिईयान होमजाया नाय जोजे तियाल तिईयाईने गुत्प थोवाम आल्या. आने तेई गोठील पुचा बीतला.
46
पाछी आपोमेने केअेडो मोडो हाय इयाललिन तियाम वादविवाद आलो.
47
ताहा इेशुही तिईया मोनामेने गोठ्या जाईन एका हानापोयराल पाही हादीन पाही उभे केअेयो.
48
आने तियाई आख्यो, जो केअेडो माआ नावा की ई बालकाल स्विकारी तो माल मानिली, आने जो केअेडो माआला मानिलीई तो तिईयाई माल मोकल्यो तिईयाल मानिलीई; काहाका तुमाहा होग्गामने जो होग्गाईने हानाे हाय तोज माडो हाय.
49
ताहा योहानाही आख्यो हे मास्तुऱ्या, आमाही केअेडो ऐकाल तो नावाकी पुतडे काजाडता देख्यो, आने आमाही तिईयाल तेहकी केअेरा नाहा आख्यो काहाका तो आमाआरी तो पाछला नाहा चालतो.
50
ताहा ईशुही तियान आख्यो तिईयाल मना नाहा केअेरा काहाका जो तुमाला अनुकूलहाय .
51
आने अेहकी वेअयो तियाल उचे लिई जावनु टाईम पाही आलो ताहा यरुशलेम गावाम जा खातोर तिईयाई आपो जावणु मान किईन आपो मुय वोलण्यो.
52
ताहा तिईयाई आपो आगला निरोप कमळलाण्यो, ताहा ते गिघीन तिईया खातोर तियारी केरा खातुर शोमरोना गावाम गिईया.
53
पेन तिईयान तिईयान माने नाहा, काहाका यरुशलोम गावाही जावणु तियान बंदी आथी.
54
ताहा तिईया चेला याकोब आने योहान ई वेईन तियाल आखा लाग्या, हे मास्तुऱ्या ऐलीयाई केअेयो तेहकी बादलामने आग पाडीन इया नाश केयेरा तु आम्हाल आज्ञा केअे, अेहकी तो मोन हायका?
55
पेन तिईयाई वोलीन तियान धोमकावीन आख्यो, तुमाहा केल्ला आत्मा हातुमान मालुम नाहा का
56
काहाका माआहा पोयरो माहाआ जिवनु नाश केअेरा नाहा, ते तियाला ताआरा आलो हाय” पाछी ते बिहरा गावम गिये.
57
आने ते वाटीपने चालतले ताहा एक केडो तियाल आख्या लाग्यो, “तिही बी तु जाहो तिही तो पाचला आय आवेहे”
58
ताहा ईशुही तिईयाल आख्यो “आने वादलामेले विडाल कोरू हाय, पेन ताआहा पोयराल मुनको थवा केअता जागो नाहा”
59
ताहा तिईयाई बिहरा एकाल आख्यो, “माआ पाचला आव, “पेन तियाई आख्यो, “हे मास्तुऱ्या पेहेले माल जादे आने माआ बाहकाल बुजा दे,”
60
ताहा ईशुई तियाल आख्यो, मोअलाल आपो मोअलान बुजा दे, पेन जाईन देवा राजुखातोर घोषणा केअे
61
ताहा आजी एक आथालाग्यो, हे मास्तुऱ्या, माआयु तोपाछला आवेहे पेन पेहेलो माल माआ कोमेऱ्यान मिलीन आवा दे
62
पेन ईशुही तियान आख्यो जो केअेडो आवेताल हाथ लागविन पाछली गोठीही वेअतो रेहे अेहडो केअेडोच देवा राजु केअता उपयोगी नाहा.
Chapter 10
1
फासी प्रभु ये आजी सत्तर जाहले होदीन जी जी गावामे आने जी जी ठिकाणी तोह स्वत: तोह स्वत: जाणारो आथो बेण जाहल आगला मोकल्या.
2
तियाय तिहाल आख्यो खेतामे खुब पिक हाय पेण मजुर थोडा हाय याह केहता का पिंका प्रभु ये आपु में मजुर मोकले म्हणुन तुम्हा प्रार्थना केरा
3
जा वेरा आने माय तुम्हाल मेढा होसे मेढा ठोली मे मोकलू
4
पिशवी आने झोलो आने चापले, ल्याहम आने वाटीम जाता केहठाल नमस्कार केरा नाहा
5
तुम्हा केहलीबी कोमे जो तिह पेहला तुम्हा शांती तिहायव वेरी ता ती तुमावे परत आवी,
6
जर तीह अेगो शांत आहव वेरीता तुम्हा शांती तियावरी पेण तो नेय वेरी ता ती शांती तुम्हावे फासी आवी.
7
तुमा तीयाल को रीने ते जी काय दी तोह तुम्हा खाजा पिता रेजा काहाका मजरयाने तिहा मोजरी मिला जोजे आने की को फिरा नेय पोडे
8
आने तुम्हा केला बी गावाम जो आने तिहने लोक तुम्हाल स्वीकारे आने ते जे काही तुम्हाल खा दी तोज खाजा.
9
आने तिहाम केडो बिमार, दुखी वेरी राज्य तुम्हाव पाही आलो हाय,
10
पेन तुमाह केला बी गामे जो आने तीह तुमाह स्वागत नेय कू तर बाजारोम जायण अेकी आखा
11
तुमा गावामणे काइ बी जर आमा पागाल लागी वेरी ता अमा तुमा हुइूर झटकी टाकजा ते बी ई हमजी लेजा देवा राज्य पाही आलो हाय.
12
माय तुमाह आखु का तिधी सदोमाल ती गावाहायने वादारे सहन केनु होस री.
13
ओ खोराजिना तुल हाय ओ बेथसैदा तुल हाय काहाका तुमामणू जि सामर्था कामो वेते ते जर सारे आने सिदोन याम वेते तर तियाय कोतला डिलावे टाकीन खाहामे बोयण पश्चताप की लेते
14
या केहता न्यायाकाळ सारे आने सिदोन या ले बादार ओलको पोडी.
15
ओ कफर्णुहूम तो आकासहुग उुचो वी जाव का? तु नरकामलुगलुग पोचो.
16
जो शिष्या गोठ उनाय आने जो शिष्या गोठ तो माल नेारे आने जो माल नकारे तो तियाय माल नकोर तो तियाय माल मोकल्यो तियाल नकारे
17
ते सत्तर लोक खुशी की फिरी आला आने तियाय आख्यो प्रभु तो नावा की पुते बी आमा कबजाम वेते.
18
ताह तियाय तिहाल आख्यो आयुय शैतानाय आकासामनु विजलीसारखो पोडतो देख्यो.
19
वेरा माय तुमाल हाप आने विंचू याहले पागा की चुधा आने दुश्मना पुरी ताकताप अधिकारी देदो आने तुमाल केलीज वस्तु की लुकसान नेय वेय.
20
तेबी तुम्हा ,खुश नाहा व्याह का आत्मा तुम्हा ताबाम हाय पेण या गोठी आद पेण या गोठी आपेद केरा का तुम्हा नाव स्वर्गाम लिखलो हाय.
21
तोतामुज पवित्र आत्मा की भरपुर वीन खुशी की पोरायो हे पिता स्वर्ग आने तोरती प्रभु माय तोह माय तोह स्तुती केरु काहाका तुयूय ऐ गोठ्या ज्ञानी आने बुण्दीमान लोका की दोबारा राखल्या हाय आने हाने पाेयरामे बुध्दीमान लोका की दोबावी राखल्या हाय आने हाने पाेयरामे प्रगट केले हाय हा पिता काहाका तुल जो योग्य लाग्यो तो तुय केयो.
22
मा बाहाका ये आख्यो गोठ्या माखातर दे दल्या आख्या आने पोयरा केढो हाय ही बाहाको केठो हाय इज मालुम नाहा आने जो केठाले तो प्रगट केनु पाेयराईण्या वेरी तर तियाजुल मालुम हाय.
23
आने शिष्यावे वोलीण तियाये तिहाल आख्यो तुम्हर जरे वेता तो वेणारा डोवा धन्य
24
माय तुम्हाल आखे का राजाय आने भविष्यवक्ताय तुम्हा जो वेता तोह वेरा खातुर तिहाण ईष्या वेयी पेण तिहाण तो नाहा मिल्यो आने तुम्हा जो उनाहता तो तियाय उनाया ईष्या केया पेण तिहाल तोह उनाया नाहा मिल्यो.
25
फासी एक नियमशास्त्र शिक्षक उभो वेयो आने तियाय यीशु परीक्षा वेरी खातर कोशिश केयी. तियाय आख्यो गुरूजी अंतकाला जिवन मिलवाखातर माल काय केरा पाडी?
26
ताहा यीशुय आख्यो निश्मशास्त्राम काय लिखलो हाय ? तु तिहाम काय वाचतो?
27
तियाय आख्यो तुजा देव प्रभु परमेश्वर या वे पुरा अन्तकरणा की पुरा आत्मा की पुरा शक्ती की प्रेम के आने स्वत: वे जेहकी माया राखतो तेहकी पडोसीव प्रेम के.
28
ताहा यीशु तिहाल आख्यो तुय बरोबर जवाब देदो हेहकीज के काहोका तु जिवो.
29
पेण तियाय बरोबर प्रश्न पुछ्यो ऐ की बिराेध देखवाखातर रे यीशुल पेछ्यो का मा पडोयी केडो.
30
यीशु जवाब दे दो एक माहव यरूशलेम शहरामने यरीहरेले निगलो आथो, आने तो चोरणे चोस सितसमे सापड्यो तियाय तिहा पोतडे काडी येदे आने तियाल ढेक्यो तियाय ओरदो मोअलो किईन टाकीन तिगी गीया
31
तो ताम एक याजक तीज रस्ताम जातुलो याजकाल तियाल वेयो तो रस्ता बीहीरी वेलेने तिघी गियो
32
तिज रस्ताल एक लेवी ती ठिकाणाप आलो लेवी तियाल देख्यो आने तोबी रस्तापेने ती मेरेन निघी गियो
33
फासी एक शोमरोनी तिज रस्तापेने वे फिरतो तीह माहय आलो आने तियाल वीन तियाल किईवा आली
34
तो तिया हुबूर आलो तिया जखमाय तेल आने द्राक्षरस लागव्यो आले तियाव पाटो बाद्यो आने तियाल तिया फुखऱ्या गोदडावे बोहावीन तियाल झोरमे सालामे तिया हारखी सेवा केया.
35
बिरादिह तियाय बेन चांदी होवाया काठ्या आने मालकाप दे दा आने आख्यो या आरखी देख-बाल केजे आने तु तिया से बी वादार खोरचो केरो ता आय फासी आवे ताहा तुल दी दे
36
लुटारावे जो माहण सापडुलो आधो तियामणे ते तिनी पेक्षा केणे खेरो शेजारी आथो हेअकी तुल लागे?
37
तो नियमशास्त्रा शिक्षकाय आख्यो जियाय तिया वे दया तो ताहा यीशु तिहाल आख्यो जा आने तुबी तेहकीज केजे
38
फासी यीशु आने तिया शिष्य तिया रस्ताकी जाहाला एका गावुम आला. तिह एक मार्था नावा बाई ये तिया स्वागत किन हाथ्यो आथी.
39
तियी ले मरीय नावा एक बाही आथी ती, प्रभु पागाय बोहीण तो काय आखतुलो तो उनातली.
41
पेण मार्था वादार कामा केता काटाळली आथी ती यीशुही आली आने यीशुल आख्यो प्रभु मा बोयी आखो काम माल हाण्यो या तुल चिंता नाहा का? हाथी तीयील आख का माल काम कीई लाग के
40
प्रभुय जवाब दे दो मार्था मार्था तु खुब गोठी बाराम मे खुब कच कच केती.
42
पेण एकुच गोठ महत्वा हाय आने आय आखु मरीया से तियीहारो वाटो निवडयोहो ते यी तो तियी पणे काढी लेवाम आवणारो नाहा
Chapter 11
1
फासी ऐकी वेयो का तो एक जागे प्रार्थना केहतुलो तो पारवाक्यो ताहा शिष्यमंणू एक जाये यीशुल आख्यो “प्रभु” जेहकी योहनाये तिया शिष्यणे हिकव्यो तेहकी तुम्हा आम्हाल प्रार्थना केहता हिकवा.
2
फासी तियाय तिहाल आख्यो जाहा तुम्हा प्रार्थना केहंता ताहा ऐहकी आखा. ओ आमा स्वर्गामेणू देवबाहाका तो नाव पवित्र मानाय आणे तो राज्य आवा दे
3
आमा रोजी माडो तु आम्हाल तु आम्हाल दे
4
आमा पापा आम्हाल माप के काहाका आमाबी आमा बाखा गून्हा तिया गुन्हा माप केहता आमाले परिक्षणाम लावे ना पेण आम्हाल खराब गोठी मे ने सोडाव
5
फासे यीसु ये तियाल आख्यो होमजीले तुमा मे ऐडो केडो हास जिया हेगात्या हाय आणे तो तियाय आरदी रात्री गियो आने तियाल आख्यो हेगात्या माल तिन माडा उसणा दे.
6
काहाका मा हेग्यात्यो आमीज दुरणे मा को आलो आणे तियाले खातर माये कायज नाहा हाय.
7
आणे तिह माहय काेमेनुज आख्यो माल वोखोना देखेवो ताहा माये पेहलाज दरवाजो लागवी देधलो हाय आणे मा पोयरो मा उगाम हुतले हाय. माय तुल माडो दा खातर उठी नाहा सेकतो.
8
माय तुम्हाल आखु का जर तो उटीण तियाल कावी दा खातोर खटखट केहतो वेरा ते बी तिया हेगात्या मानीन वा नकी उठी आणे तियाले जोता माडा गरज वेरी तो ता माडा तियाल दी.
9
आणे तियाल माय तुम्हाल आखे मागा म्हणजे तुम्हाल दी हाेधा म्हणजे तुम्हाल सापडी आणे ठोका म्हणजे तुम्हा केहता उगडावी
10
काहाका जो केडो मागे तियाल मिली जो केडो होधे तियाल सापडी आणे जो केडो ठोकेहे तिया काेता दाेरवाजो उगडावी.
11
तुम्हामे ऐंडो कडों बाहको हाय का, तुम्हा पोयराल मासो मागी ताहा तियाले हापडो दी ?
12
ने ता जर पोयराे हाकवो मागी ताहा केंलो बाको तियाल पोयराल विंचू दी?
13
जा तुम्हा खराब हाेस तेबी तुम्हा पोयराल हारो हारो देवणु कोते ते फासा स्वर्गामणे देवबाकाय जे मागता तियाल तो कोहजो मागेतो खास पवित्र आत्मा दी?
14
यीशु एक भुत काडतुलो, ते मुका आथा फासी ऐंहकी वेयो जो माहव गोगीज नेय सेकतुलो तो भुत बारे निग्या ताहा गोगा लाग्यो आणे लोका भडाल नवाय लाग्यो.
15
पेण त्या लोकाह भीडामणु काही लोकाय आख्यो का भुता राजो बालजबुल (शैतान) या मदता या की तो भुताल काडे.
16
आणे थोडाये तिया परिक्षाला खातरे तियाले स्वर्गाबारामे कावी निषानी मागा लाग्या
17
पेण तियाह मनाम काय आथो तोह यीशु जाआतलो तियाल तियाये तिहाल आख्यो जि जि राज्या मे भाग पोडता तो राज्य बरबाद वी जाये आणे जि कोवाम भाग पोडता तोह नाश वी जाहाय
18
आणे तुम्हा आखता तेकी जर भुताहामे फुट पोडी ता तियाह राज्य के की ठिकी ? माय तुम्हाल फुसुहू काहाका तुम्हा आखुता कामाय बालजबुजा (शैतान) मदताकि भुताहान काठुहू.
19
पेण माय जर बालजबुला शैतानाप मदताकी काठतो ता तुम्हा शिष्य केहढा मदताकह भुताहान काठता हा? तियाले तेज तुम्हा न्याय केरी
20
पेण माय जर देवा मदताकी भुत काढतो ता फासी यापणू स्षस्ट हाय का देवा राज्य तुम्हा हुबूर होवे आलो हाय.
21
जा एक ताकमवालो माहव तिंया हारो साबांलेहे केह ताह तिया धनसंपती सुरक्षीत रे
22
पेण ऐगो तिया केहतरे वादार ताकतवार तियावे लढीने तिया सुपती जिहीलेहे. ताहा तिया जे हत्यार आथा तियापणू तियावे विश्वास थवलो आथे तोह ली जाहाय आणे तियाले जो जिकलो आथो तो तिया हेगंत्यान वाटी दे
23
जो मा हेगाल्यो (होवेतीनाहा) नाहा तो मा विरुधाम हाय आणे जो मा आरी टोलो केअेतो नाहा तो उबलावी दे.
24
जाहा अशुध्द आत्मा माहा शरीरामणु बारे निघे ताहा रा खातरे सुखी जागो होदतो फिरे, पेण तियाले शांती नाहा मिलती ताहा तो आखे माये ज्या कोवामणे बारे निग्यो तिज काओमे फासो जाये.
25
तोह ती कोवाल फासो जाय ताहा तो कोवो बार छुड किन चोखो केहलो रेहे.
26
फासी तो जाय आणे तियापेक्षा वादार ताकतवार आणे दुष्ट ऐहडा सात आत्माहान ले आणे तेहे ति काैवाम जाता आणे तिहीज रेताहा. ताहा तिह माहा पेहला केहता खराब हालत वी जाहाय
27
तोह ऐ गोठया आखतुलो ताहा ऐहंडो बनाव बोयोका गरदीमणे एक बाय मोडेणे बोबलीन तिहान आख्यो धन्य ताह गर्भ तियाय तोह वोजो दखल्यो आणे धन्य ती बुजला जो तुय चुबज्यो
28
पेण तियाय आख्यो जो देवावचन उनाते आणे पाळते तेज खेरे धन्य हाय
29
जेकी जेकी लोक टोलवाल्या लाग्या ताहा तोह आखा लाग्यो ई पिढी दुष्ट पिढी हाय. ति निशानी मागे आणे योना निशानी शिवाय केलीज निशानी तियाल देवाय नेय आवे.
30
काहाका जेकी योना निनवे लोकाहा केहता निशानी आथो तेहकी माहा पोयराबी शेली पिढी खातुर निशानी वेरी
31
दक्षिनामणे रानी न्यायादिह या पिढीआरी उटी आणे तियाहान चुकीम ठेरवी काहाका तीह पृथ्वी छेढापाणे शलमोना ज्ञान उनाया खातर आली आणे वेरी हीई ही शलमोना केहता बी मोगे ऐहडो ई हाय
32
न्यायादिह निनवेमणे लोक ई तिढीआरी उभीरीन तील चुकीम ठरवी काहाका योनासंदेश उनायन तियाहाय पश्चताप केलो आणे वे योनापेक्षा बी मोटो ऐहंडो ई एक हाय
33
केहडो बी दिवो शिलगावीन तोलकोअेमे नेहते बासनस थुले नाहा थेवतो.पेण कोमे माज आवणराणे उजवाळो देखाय तियाले ठेपलापे थोवते.
34
डोवो ओ तुम्हा शरीरा दिवो हाय जर तुम्हा डोवाहारा हाय तर तुम्हा शरीर बी उजवाळा की पोलो हाय
35
पेण तेह जर खराब हाय तर तुम्हा शरीर अंधाराम हाय तियाल तुम्हामणे उजवाळो अंधारोतोह नाहाने या काळजी लेजा.
36
जर तुम्हा आख्यो शरीर उजवाळो हाय आणे तियामणे केलोबी भाग आधाराम नाहा. ताहा जेकी दिवा उजवाळा किरणे तुल प्रकाश देते तेहकी तेंह तुल आखी रिते प्रकाशित केरी.
37
यीशुय तिया गोगणु पारव्यो ताहा परूश्याये तियाल तिहा को आवीन तियाआरी ताडो खातुर हादयो तोह कोमे गियो आणे तियाजागायेखा बाहा गियो
38
पेण तियाये खा पेअला हाथ नाहा तोव्या तोह वीन परुश्याल खुब नोवाय लागे.
39
ताहा प्रभुय तियाल आख्यो तुम्हा परुशी गिलास आणे ठाली बारेणे साप केहता पेण तुम्हा माजणे लोबाकी आणे दुष्टता की पोराला हाय
40
ओ बीन बुध्दीमाहय जियाये बारेने बोनव्यो तियाये माजमेणे नाहा बोनव्यो का?
41
पेण जो माजहाय तोह गरीबाल दे आणे फासी आखो तुम्हा केहता शुध्द वेरी.
42
पेण तुम्हा परुश्याल हाय काहाका तुम्हा फुधीना जीरो आणे आखी भाजीपाला दशमाश देता पेण तुम्हा न्याय आणे देवा प्रेम ई गोठीव दुरलक्ष केता तुम्हा नियमाकी जीवा आणे देवावे माया केहनू या गोठीव पेहला केरा आवश्यक हाय तिह समयाये बिहीरी गोठीवे दुरलक्ष ना केरा.
43
तुम्हा परुशी करेहती दक्षावेरी काहाका तुम्हा सभास्थानाम महत्वा जागो बोहा खातर होता आणे बाजाराम सलामला पाटोहे.
44
तुम्हा कोहती दक्षावेरी काहाका तुम्हा नाहा नेमदेव्यानारी कबरा सारखा हाय ऐहठो कबर तियापेलोक बुलमे पाग थोवी जाता.
45
एक नियमशास्त्रा शिक्षकाये यीशुल आख्यो गुरुजी तुम्हा ऐहकी गोगता ताहा तुम्हा आमा बी अपमान केहता.
46
ताहा यीशुय आख्यो नियमशास्त्रा शिक्षकाहा तुम्हा बी धीकार वेरी काहाका तुम्हा लोकाल वाया कोठीन वोजो तियावे उसलावता आणे तोह उसलाखातरे तुम्हा ऐगीही आकडीबी तुम्हा मदत केहता नाहा.
47
तुम्हा धीकार हाय काहाका तुम्हाय पुर्वजाय माय टाकला संदेष्टाखातोरे तुम्हा कबर बानता.
48
ऐहंडो किन तुम्हा पुर्वजाहा केला कामाल तुम्हा समर्थन केहता.
49
या केहता देवा ज्ञानायसुध्दा ऐंहकी आख्यो माये प्रषित आणे संदेष्टे तियाय मोकलावे तियामणे ते काही लोकाहाने मारी टाकी आणे काहा लोकाहा ते ओही.
50
ता संदेष्ट्या जो रक्त जगा पेहलापासुन जो रक्तपालो हाय त्याबदल ई पिढीन दंड पोरा पाेडी.
51
होव माय तुम्हाल खेरोखेरो आखु का हाबेला रक्तापणु देवाभवन आणे वेदी या मे मारालो जखऱ्या या तक्तालुग ई पिढील जबाबदार तेराम आवीन.
52
तुम्हा नियमाशास्त्रा शिक्षकाहा कोहंती खराब दक्षावेरी काहाका तुम्हा ज्ञाना कुचीलीन गिया. तुम्हा स्वता: माज नाहा गिया आणे जे माज जावणू कोशिश केहतंला तियानबी जाहा नाहा देदो.
53
यीशु तिहणे निधी जातुलो ताहा नियमशास्त्र सेवकाय आणे परूशी तिया विरोध केरा लाग्या आणे तियाल बिऱ्या गोठ्या फुसा लाग्या.
54
तोह जो गोगी तियाल शब्दाम तेरा खातर टेपी रेहेला
Chapter 12
1
ओतामुज हाजारो लोक टोलवाया गिया, आन जाहा लोक तियाल तो ठेपला ठेपली केतला ताहा पेहलो येशुय तिया चेलाहान आख्यो “परुशी पंथा लोकाहा खमीरा बाबतीम तुमा हाेच वीन रेजा, ते ढोंगी हाय,
2
जो खुलो नाय वेनारी एहेंडो काविज बुजलो नाहा आन मालुम नाय पोडे एहेंडो कावीज दोबलों नाहा.
3
जो काय भी तुमा आंदाराम आखहा तो उजवाडाम उनायी आन जो काय मी तुमा केडाल भी कोमे ठाकाज दुदरीन आखाहा तो मोयापे चोडीन बोंबली दी.
4
“ओ मा हेंगात्याहा आय तुमाहान आखुहू जे लोक माहाल माय टाकताहा ते फाचे कावीज नाहा की सेकता तियाहान बियाहा मा.
5
तुमा केडाहाल बिया जो जे इ आय हारकी होमजावीन आखुहू मोला माहाल नरकाम टाकनु जियाल अधिकार हाय तियाल विजा हा आय तुमाहान आखुहू तियालुज बिजा.
6
पाच चिड्या बेन रुप्याहाम वेचात्याहा का नाहा? तियाहामने एकी चिडील भी परमेश्वर विहीरातो नाहा.
7
ओतोज नाहा पेन तियाय तुमा मुनकापेने चोटे भी गोअले हाय, बियाहा मा तुमा चिडीहीसे भी खुब किमती हाय.
8
आय तुमाहान आखुहू, जो केडोमी माहु मान लोकाहा हुबूर मानी लेतो, तियाल पोयरो भी परमेश्वरा दुताहा हुबूर मानी लेहे.
9
पेन जो माहु मान लोकाहा हुबूर नाहा मानी लेतो तियाल तियाल तो परमेश्वर दुतांहा हुबूर मानी नाय लेनारा.
10
आन जो केडोभी माहु माहा पोयरा विरुध्द कांवी गोगी तिया माफी तियाल तिली पेन जो केडो पवित्र आत्मा विरुध्द खोटो गोगी तिया माफी तियाल नाय मिलणारी.
11
जहा तुमाहाल देवलाम, आने सारकारी अधिकाऱ्याहा हुंबूर ली जाय, ताहा तियाहा हुंबूर केहेंकी आन काय आखाहा, इया चिंता माआ क्याहा.
12
काहाका तुमा काय गोगा जोजे, तो पवित्र आत्मों जियाज टेमापे तुमाहान हिकवी”
13
फाचे तिही टोलवाला लोकाहामने एका जाहाय जाहाय येशुल आख्यो “ओ गुरूजी मा बाहाका मालमोला हिस्सो वाटा मा पावाहाल आखी दे.”
14
ताहा येशुय तियाल उत्तर दिईन आख्यो, “दादा मान तुमा न्याय केनारो आन मिलकत वाटी देनारो केडील नेम्यो?
15
आजी तियाय तियाल आख्यों, “बादी जाती लोबाहीने दुर रा खातोर हाचवीन रेजा काहाका केडाल भी तिया तिया खुब मिलकती की जीवन नाहा मिलतो.
16
येशुय तियाहान एक गोठ आख्यी “एका मातला माहा माहा खेताम खुब हारो धान्य पाक्यो,
17
ताहा तो मोनाम विचार केरा लाग्यो आमी आमी आय काय किवु ? काहाका माल थोवनु जागो नाहा.
18
फाचे तो आखा लाग्यो ,आमी आय एहेंकी केहे, मा गोदामे तोडीन मोडे बांदेहे, आन तिही आय मा बादोहे, आन तिही आय मा बादो माल थोवहे.
19
फाचे आय मा जीवाल आखेहे, ओ जीवा तुल खुब वोरेहे पुरी ओतो माल मायुय थोवलो हाय आराम के खो-पी आने मोज्या के
20
पेन परमेश्वराय तियाल आखो ओ मुर्खा आज राती तो तो जीव तोमेने लेवाय जायता तुयू जो हेंगलावली हाय तो केडा वेनारो?
21
जो माहु स्वत: खोतोर मिलकत हेंगलावी थोवेहे तो परमेश्वरा नजरूम मालदार नाहा पेने तो तिया मुर्ख माहा होच हाय
22
ताहा येशुय तिया चेलाहान आख्यो, इया खातोर आय तुमाहान आखुहू आपु काय खाहु, केहकी जीवुहू आने आपु केहडे पोतडे पोवुहू इ बाठ्ठा चिंता मा क्याहा.
23
काहाका मांडा से जीव आन पोतडाहा से शरीर वाद किमती हाय.
24
कागडाहान वेजा ते पोअते नाहा आन वाडते भी नाहा तियाहा कणग्या आन गोदामे भी नाहा ते बी परमेश्वर तियाहान पोहे, तुमा ता चिडाहा से कोता ते भी वादकिमती हाय.
25
तेहेकीज चिंता किइन आपु जीवन आथ पोय वादावा खातोर सोकतीवान एहेंडो आपुहूम एगदो हाय का?
26
इया खातोर वायहानी गोठ भी तुमाहाकी वेअती नाहा ता बिहीरी गोठीही खातोर काहाल चिंता केता बोहताहा?
27
जोनगलुमने फुलाहान वेजा, ते केहेकी वादतेहे ते काम नाहा केअते आन पोतडे भी नाहा हीवते तेभी आय तुमाहान आखुहू शलमोन राजाय भी तियाय राज केयो तिया टेमापे तियाहामने एका फुलाहोच भी पोतडे पोव्ये नाह.
28
जो आज हाय आन हाकाल आगी की बाली टोलेंहे, तियाल जर परमेश्वर ओते हारे पोतडे पोवावेहे ता ओ अल्प विश्वासु लोकाहा तों तुमाहान फुलासे भी हाराम हारे पोतडे नाय पोवावी का?
29
आमा काय खाहु आन काय पिहु इ गोठी मोनाम विचार आन वाय भी चिंता माआ क्याहा.
30
काहाका दुन्यामने लोक ए बाद्या वस्तु होदता फिरताहा पेन तुमाहान तिया वस्तुहू गोरज हाय इ तुमा होरगा बाहाकाल मालुम हाय.
31
पेन तुमा तिया राज मिलवा प्रयत्न केजा ताहा तुमाहान ए बादद्या वस्तु मिली जाय.
32
ओ मेढाहा होच वाय हानी टोली, तुमा बिहाय मा काहाका तुमाहान तिया राज्य देवनु तुमा बाहाकाल हारो लाग्यों.
33
तुमा जी मालमत्ता हाय, ती गोर गरीबाहाल दान की देजा आन जुन्या नाय वेनाऱ्या थैल्या तुमा खातोर तियार की थोवजा, तिही बांड नाहा जाय सेकता आन किडे भी नाहा खाते.
34
“काहाका जिही तुमा मालमत्ता हाय, तिही तुमा मोन भी लागलो री”
35
तुमा कंबर बांदीन तियारीम रेजा आन दिवा वोलता रा देजा
36
जे नोकर तियाहा मालिक वोराडामने केहडीवेल आवी तिया वाट जोवता रेताहा आन जाहा तियाहा मालिक आवीन बानो ठोकेहे, ताहा तियाखातोर तुरूतूज उगडी देताहा तियाहा होच वेजा.
37
जाहा मालिक आवी ताहा जे नोकर तियारीम सापडी ते आशिर्वादीत हाय, आय तुमाहान खेरोज आखुह तिया मालिक आवीन तिया कंबर बरंदीन तियाहान मांडो खा बोहावी आन तियाहा सेवा चाकरी केरी.
38
तो मालिक राती केहेडी वेला भी आवी आन तियाल जे नोकर जागता सापडी ते आशिर्वादीत हाय.
39
पेन आजी इ होमजी लेजा इयाज टेमापे बांड आवी एहेंकी कोमेने मालिकाय मालुम रेतो ता तो तिया तिया कोमे चोरी नाय वेरा देतो.
40
तुमा भी तियारीम रेजा काहाका जो टेम तुमाहान मालुम नाहा तियाज टेमापे माहा पोयरो आवी जाई
41
ताहा पेतराय आख्यो ओ प्रभु गोठ तु आमाहानुज आखतोहो का होग्गान ?
42
प्रभुय आख्यो “ जिया मालिकाय तिया नोकराहान टेमापे खावनु दर जियाल होप्योहो एहेंडो खेरो विश्वासु आन ओकलीवालो कारभारी केडो हाय?
43
तिया मालिक आवी तांवलुग जो नोकर तेहेकी काम केअतो सापडी तो आशिर्वादीत हाय.
44
आय तुमाहान खेरीज आखुहू मालिक तिया आदी मालमत्ता तियाल होपी दी
45
पेन मां मालिक माहार नाय आवनारो एहेंकी मोनाम विचार किइन तो थेय वेरी नेता पुरूष वेरी तीयान ठोकतो वेरी आने खाय-पिइन मोज्या केतो री.
46
तो वाट नाय जोवनारो तिया दिह्या-हदही आन तियाल मालुम नाय तिया टेमावे तो मालिक आवी आन तियाल खुब मार दी आन तियाल अविश्वासी लोकाहा आरी जागो दी.
47
तिया मालिक मोरजी काय हाय इ होमजीन भी, जिया नोकराये तियारी नाहा केयी, आन तिया मोरजी की नाहा चाल्यो तो खुब मार खाय.
48
जियाल काविंज मालुम नाहा तो मार खावनु एहेडो काम केरी तो बायज मार खाय जियाल बाद देदलो हाय तियापने वाद मागी आन तियाल वाद होपलो हाय तियापने वाद हिसाब मागी.
49
आय तोरतीपे आग लागवा आलहो पेन ती पेहलाज लागली वेरी ता कोतो वेतों.
50
मान बाप्तिस्मो लेवनू हाय, तो लेहे तावलुग आय खुब विचाराम हाय.
51
तुमाहान केहेकी लागेहे आय तोरतीपे शांती दा आलोहो? ऐहेडी नाहा आय शांती दा नाय पेन फाटाफुट केरा आलोहो
52
काहाका आजने एहेंकी कोमेने पाच जाहाम विरुध्द बी जाय, तीन जाआ बेन जाहा विरुध्द आन बेन जाआ तीन ताहा विरुध्द
53
बाहको पोयरा आन पोयरो बाहाका विरुध्द केरी, याहकी पोयरी आन पोयरी याहाकी विरुध्द केरी, हावडी बोवडीही आन वोवडीही हावडी विरुध्द केरी,
54
फाचे येशुय लोकाहान आख्यो, जाहा तुमान वादंलो दिही बुडलो वेलने आवता देखायेहे ताहा तुरुतूज आखताहा आमी पाय पोडी आन तेहेंकीज वेहे.
55
जाहा दक्षिणावेलने वारो सुटेहे ताहा खुब तोपी एहेंकी आाखताहा आन तेहेंकीज वेहे.
56
ओ ढोंगी लोकाहा तोरतीपे आने आकाशाम काय वेहे तो तुमा होमजी लेताहा पेन इया टेमा निशाणी काहाल नाहा होमजी सेकता?
57
इयाखातोर काय हारो हाय तो तुमा केहेकी नाहा होमजी लेता?
58
तु तो विरुध्द केनारा आरी अधिकाऱ्याही जातोहो ताहा वाटीनुज तिया आरी होमजी जाजा नेता तो तुम्हान न्याय केनारा अधिकाऱ्याही ली जाय आन ते तुल सिपाडाहा आथाम होपी दी आन सिपाडा तुल जैलुम टाकी दी
59
आय तुम्हाल आखुहू तुम्हा तावलुग बादा पोयसा नाय पोहा मावलुग तिहीने तुम्हा सुटनारा नाहा.
Chapter 13
1
तियाज टेमापे येशुल तिही आथा तिया लोकाहामने बाकी लोकाहाय जिया गालील प्रांतामने पिलात राज्यपालांय यरूशलेम मंदीराम बलीदान केअनु टेमापे लोकाहान माय टाकावुला ती गोठ आखी देखावी.
2
ताहा येशुय तियाहान आख्यो तुमाहान एहेंकी लागेहे इया गालील प्रांतामने लोकाहाय एहेडो दु:ख भोग्यो इयाकी बाकी गालील्याहा से ते वाद पापी आथा का?
3
आय तुमाहान आखुहू, एहेंकी नाहा पेन जर तुमाहाय केला पापाहा पासतावो नाय केयो ता, तुमा बादे ते मोये तिया होच तुम्हाभी मोराहा
4
तेहेकीज तिया आठरा लोकाहांपे शिलोह सेहेरामने उचो पितडो पोडीन दाबाय मोय गिया ते यरुशलेम सेहेराम रेनारा बादा लोकाहा से वाद पापी आया, एहेंकी तुमाहान लागेहे का?
5
आय तुमाहान आखुहू, एहेंकी नाहा पेन जर तुमाहाय भी पापाहा पासतावा नाय केयो ता, तुमा बादाहा तिया तिया होचुज मोराहा.
6
फाचे येशुय इ गोठ आखी, “ एका माहाय दाराक्षा मोलाम एक अंजीरा चाडवाे लागव्यो तिया चाढापे फलवे लागेकनाहा इ वेरा तो आलो पेन तियाल एक भी फलवो नाहा मिल्यो.
7
ताहा तियाय दाराक्षाहा राखवाल्याल आख्यो, तीन वोरेहे बी गियेहे, तेहे आय इया अंजीरा चाडवापे फलवे वेरा आवुहू पेन मान काविज सापडुतो नाहा, तो चाडवी रोंडी टाकजे तो नाकामा जागो गेरवी रियोहो?
8
ताहा राखवाल्याय तियाल आख्यो मालिक ओतोहो वोरोहो रा दे आय तिया चारी सोमकी खोदीन खत पोय देहे.
9
फाचे आगल्या वोराहाल फलवे लागेता ठिक आने नाहा लागे ता आपु तियाल रोंडी टाकुहू
10
शब्बाथ दिहा-दिही येशु एका देवालाम परमेश्वरा हाऱ्या गोठ्या हिकवुतलो.
11
ताहा देखा तिही एक बाय बाठी जियुल कमजोर केनारो पुथडो लागीन आठरा वोरेहे बी गेहले ती कोमबरामने वाकडी वी गेहेली इया खातोर तियुल नीट उभो नाय रेवातली.
12
येशुय तियुल विन, पाही हादीन आख्यो, “ ओ बायी , बायी तु तो दु:खामने हारी बी गिईही.
13
तियाय तियुप आथ थोवतांज ती नीट उबी वी गियी आन परमेश्वरा स्तुती केरा लागी.
14
येशुय शब्बाथ दिहा-दिही तियुल हारी केयी, इयाखातोर देवलामने अधिकाऱ्यान खुबूज रोग की आली काहाका शब्बाथ दिहाल केलेभी काम नाय केरुला एहडा नियम यहुदिया हाय, आन ते लोकाहान आखा लाग्या “ जे सोव दिही काम केनू खातोर हाय तिया दिहयाहाम आवीन हारे विइन जाजा पेन शब्बाथ तिहयाल नाहा.
15
इ उनाइन येशुय तियान आख्यो “ ओ ढोंगी लोकाहा, तुमाहामने केडोभी शब्बाथ दिहाल तुमा बोयलाल नेता फुरक्याल ओखडामने सोडीन पाआय पाजा नाहा ली जाता का?
16
इ बाय ता आब्राहामा पोयरी हाय देखा इयुंल सैतानाय आठरा वोरेहे बाअदी थोवली आथी शब्बाथ दिहाल इयुल बंधनामने सोडवुनू इ काम हारो नाहा का.?
17
जाहा तियाय ए गोठ्या आख्या ताहा ते विरुध्द केनारा लाजवाय गिया आन, तियाय जे नोवाय लागे एहेंडे कामे केये ते विइन बादा लोक खुश बी गिया
18
फाचे येशुय आख्यो “ परमेश्वरा राज्य केहेडी होच हाय? आय तियाल केलली गोठी आरी साराबरी किंव?
19
तो रीई एका दाणा होच, एका माहाय तो राई दाणो ली जाईन तिया मोलाम पोअयो, ताहा तो वादीन एक मोडो चाडवो वी गियो आन आकाशामने चिडे आवीन तिया डाहागीपे कोवुरे बांधे
20
फाचे येशुय बिहरी गोठ आखा लाग्यो, आय परमेश्वर राज्याल केलली गोठी आरी साराबरी किंव?
21
तो खमिरा होच हाय, जो लोट नेता बिज्या वस्तु फुगवा खातोर वापरूतेहे, एकी बायीय तीन मापले खमिर लोटुम टाके आने खमिराकी बादो लोट फुगी गियो
22
येशु गावाहाम आन खेड्यापाडाहामने लोकाहान हाऱ्या गोठ्या किहवुतो-हिकवुतो यरुशलेम सेहेरावेल जाहालो.
23
ताहा एका माहाय फुच्यो, ”ओ प्रभु तारण थोडो लोकाहानुज मिली का?
24
तियाय तियहान आख्यो, “ हाकडा बाणामने परमेश्वरा राज्या माज जा खातोर प्रयत्न केजा, काहाका आय तुमाहान आखुहू खुबूज लोक माज जा होदी, पेन ते नाय जाय सेकनारा
25
कोवा मालिक उठीन बाआणो बुजी दी, ताहा तुमा बारे उभीरीन बाआणो ठोकीन आखाहा ओ मालिक आमा खातोर बाआणो उगडी दे ! ताहा तो तुमाहान आखी, तुमा काहीने हाय आय ओखुतो नाहा.
26
ताहा तुमा आखाहा, आमाहाय तो आरी बोहीन मांडो खादलो, आन आमी गावा गाव आवीन इसहाक आवीन हिकवुतली.
27
पेन तो तुमाहान आखी, आय तुमाहान आखुहू, तुमा काहीने हाय आय ओखुती नाहा ओ बादे खोटे कामे केअनाराहा तुमा मां इहीने दुर निंगी जा.
28
तिही रोडनु आन दात पिहीनु वेरी, जाहा तुमा आब्राहाम, इसहाक, याकोब आन बादा निरोप्याहान परमेश्वरा राज्याम व्याहा पेन तुमा बारे काडी देदेला देखायाहा.
29
चारी ओरीने लोक आवीन परमेश्वर राज्याम मांडो खा बोही
30
आन देखा, जे लोक पेहला हाय ते रोवट्या वेरी आन जे शेवट्या हाय ते पेहला वेरी.
31
ताहा थोडाक परुशी लोक येशुय आवीन तियाल आखा लाग्या “ तु इहीने निंगी जो काहाका हेरोद राजा तुल माय टाका खातोर होदेहे
32
येशुय तियाहान आख्यो “ तिया कोलाल जाईन आखजा आय आज आन हाकाल पुथडे काडेहे आन दु:ख्याहान हारे केहे पेन तिसरा दिही आय मा काम पुरो केहे.
33
तेभी भी मान आज हाकाल नेता पोरू दिही आगाडी जावायांज जोजे काहाका यरूशलेम सेहेरा बारे परमेश्वर निरोप्याहान माय टाक्यों एहेंकी वेरा नाय जोजे.
34
ओ यरुशलेम ओ यरुशलेम मायुय मोकलुला परमेश्वर निरोप्याहान तुमा डोगडाहा की ठोकताहा आन तियाहान माय टाकताहा जेहेंकी कुकडी तियु पिलकाहान फाकडाहा तुले खुबूज दाव तुमाहान टोलवुन मा इच्छा आथी पेन तुमा इच्छा आथी.
35
देखा तुमा कोवे हुने वी जाय, आय तुमाहान आखुहू जावलुग “परमेश्वर नावाकी आवनारो तो आशिर्वाद हाय एहेंकी तुमा नाय आखाहा तांवलुग आय तुमाहान किदीहीज देखानारो नाय”
Chapter 14
1
एक शब्बाथ दिहा दिही परुशी अधिकाऱ्या एका कोअ मांडो खा खातोर गेहेलो. ताहा तिही टोलवाला लोक तियाप येशुप नोजर थोवला आथा.
2
आन तिही तिया हुंबर डेड फुगा लो माहु आथो,
3
येशुय नियमशास्त्रा हीकवु नाराहाल आन पारुश्याल फुच्यो शब्बाथ दिही हारों केअनु नियमशास्त्राम हारो हाय का नाहा?
4
ते ठाकाज रीया पेन येशुय ती दुखी माअहाल उचे आथ थोव्यो आन तियाल हुदराव्यो आन तियाल मोकली देदो
5
फाचे तियाहाल आख्यो तुमाहा मेने केडा बी पोयरो नेता बोइल हाय तो वेअयीम टुटी पोड्यो ता शब्बाथ दिहा दिही तुरूतुज बारे काडनारा नाहा का
6
ताहा तियाहान तिया प्रश्ना उत्तर देता नाह आलों
7
ताहा हादला लोक मोड मोडा जागा केहेंकी नीवडी लेताहा, तो वीज तियाहान तियायहान एक दाखलो आख्यो तियाय आख्यो
8
जाहा एगाहाय तुमाहाल वोराडाम हाद्यो ताहा मोडा जागाप बोडोव मा काहका तुमा पनो मोडा हारा माहालाल तियाय हादयो वेरी
9
पेन तियाय तुमा बेनी महाल हादलो हाय तो आवी आन तुमाहाल आखी इयाल इही बाहा जागो दे ताहा नाजवायन तुमाहाल ऐठाहा बाहा पोडी.
10
पेन तुल हादयो ताहा फाचाडी ने जागाप जायन बाहा जोजे ताहा तियाय तुल हादलो तो आवीन तुल आखी हेंगात्या आगाडी आवीन बोहेा ताहा तो आरी आलला ताहा हुबर तुल मानपान तिली
11
काहाका जो केडो स्वतहाल मोडो की तो एहेंकी होमजी तियाल तो हानो बोना वी
12
फाचे तियाय हादलो आथो तियाल तो आखेते ताहा तु दिहा नेता वाती वेल मांडो खा हादों हो माहा तो हेंगात्याहान पावाहान जातुलाहान नेता पोयसा वाल लोकाहान हादो मा काहका तुल फाचे ते तुल हादी एहकी तुल तोअ वालनो वाली देनारे
13
पेन तु जाहा लोकाहान मांडो खा खातोर हादोहाे माहा गरीब तुला लेंगडा आन आंदलामाहान हादजे
14
ताहा तु आशिर्वादीत वेअहो काहका तियाहा वे तुज वालनो वाली दां खातोर कावील नाहा पेन धर्मी लोक फाचे जीवी उठी ताहा तुल तिया मोजरी मिली
15
फाचे तियाहा आरी मांडो खा बोठला लोकांहा मेने एका जाहांय ए गोठ्या उनायन येशुल आख्यो जो देवा राज्याम मांडो खाई तो एक एक माहु आशिर्वादीत हाय!
16
फाचे येशुय तियाहाल आख्यो एक माहु मोडा वाअती वेता मांडो खावावा खातोर तीयारी केडायी आन तियाय खुब लोकाहान हादला
17
मांडो तीयार वेअयो ताहा तियाय तिया एका सेवकाल तियाहान मांडो खा हादला तियाहान चाला बाठों तीयार हाय एहेकी आखा मोकल्यो
18
ताहा ते बादा बाहानो काडीन एहेकी आखा लाग्या एकांच तियाल रात्या किन आख्यों माय खेत वेचातो लेदोहो आन मान जायन तो वेरा जो जेहे मान माफ केअजे
19
बीहीरो आखा लाग्यो माय बोयला पाच जोडा वेचात्या लेदयाहा आन तियाहाल माय पारखा चाल्यो हो मान माफ केहाजे
20
आजी तिसरो आखा लाग्यो माय वोराडा केअयो हो आन तिया खातुन माय नाहा आवा
21
तो नौकर फाचे आलो आन तियाय त्या मालकाल ए गोठ्या आख्या फाचे कोवा मालकाल रोग आली आन तो नगराल आख्यो मनो गोराग, आंधल, लेगडा माहान मा इही लि आव,
22
नोकराय आख्यो मालक तुयू जेहेकी आख्यो तेहेकी माय केयो आन तेबी आजी जागा रिकाम्याज हाय,
23
मालकाय नोकराल आख्यो सोडकीप जो आन खेताहाम बी जायन लोकाहान राला की पोराय जांय
24
काहाका आय तुमाहान आखुहू तियाहान मायुय मांडो खां हादला तियाहा मेने एकाल बी मांडो साकी वेरी नाय मिलनारो
25
फाचे खुब लोक येशु आरी जाहाला ताहा तो फाचाडी फिरीन तियाहान आखेहे,
26
जो केडो बी मा इही आवी तो तिइया याहाकी-बाहाका प थेया प पोयराप पाहुप बोअयीरीप आन तिइया जीवाप माचलो वाद माया केअहे तो मा चेलो नेय वे नारो,
27
जो कडो बी तिया स्वता:हा क्रुस खांब लीन मा फाचाडी ने नाहा आवतो तो मा चेलो नाहा वी सेकतो
28
जोर तुमाहान नो केडाल बुरूज बांधा वेरी ता अगलो बोहीन खोरचो अंदाज पुरो केरा तियाय पोयसा हाय कानाहा इ वे नारो
29
नेता जर पायो बांदीन तियाल पोंगो पुरों नाय केअता आलो ता आखी
30
इया माहाय पोंगो बादतुलों पेन इयाल तो पुरो नाहा बांदायों
31
एहेंडो एगदो एहेंडो राजो हाय तो बिहीरा विचार नाय केअनारो का? मापे दाहा हाजार सैनिक हाय इयाहा कि जो मा आरी लडनारो राजो हाय तिइयापे विस हाजार सैनिक हाय तियाहा आरी लडाय केअता आवी का नाहा
32
जर तो तियाहाल लडी नाहा सेकतो ता ते हर हाय तांव तिइया निरप्यो मोकलीन होमजावीन ठाको वीन गोगा सुरूवात कि दी
33
इया रितीकी तुमा मेजे बी तिइया बाठी मिलकत नाय सोडतो वेरी ता तो मा चेलो नेय नारो
34
खारों इ खुब हारी वस्तु हाय पेन खारा मेजे चोव जाती रीयी ता फाचें तिइया चोव केहेंडा की की ली आव नारा
35
तो तोरतील खोता खातुर बी कामा नाहा लोक तियाल बारे फेकी दी तियाल बारे फेकी दी तिइया उनानु खातुर कान हाय तो हारकी उनाय ले
Chapter 15
1
जाहा बादे करपेट्टी लेनारा आणे पापी लोक येशु गोठ्या उनाया आवतला.
2
ताहा परूशी आणे नियमशास्त्रा गुरुजी कुरकूर केरा लाग्या ते आखा लाग्या ओ पापी लोकान जागे किते तीया आरी माडो खाहे.
3
पासे येशूये तियान बी गोठ्या आख्या
4
तुमापने केडा एका जागे शंभर मेढे हाय आणे तियाम ने एक मेढाे गोमायो ता तो नव्यान्नव मेढान जोगलाम सोडीन गोमाला मेंढाे पाचला तो सापडुतो नाय तावुकलुग जाय नाय का?
5
आणे जाहा तियाल तो सापळे ताहा तो खुशीकी तीयाल खादापे ली लेहे.
6
आणे जाहा तो को आवे ताहा आप्यापे आणे कोवा जागप्याने आरी कीने आखे हे आरी खुशीया मोनावा काहा मा गोमालो मेंढरो सापडी गीयो हो,
7
तीयाल आवा तुमान आखु हु जीयाने पासतावो केरुलो गोरोज नाहा हाय ऐहदाय नव्यान्नव धर्मी लोकाहा बदल वेनारा खुशी की पासतावे केनारा एका पापी लोकाहा बोदल स्वर्गामे खुबूजे खुशी बी ई माय तुमाहाने आखु
8
जेहकी का एका बाई पे चांदी दहा पोईसा हाय आणे तीयाम ने एक पोईसा गोमाय गीयो ता ती दीवो लागवीन कोवे बाईने तो मीलतो नाहा तावुक लुग मोनलागवीन ती होदेनाय का?
9
आणे तुयूल जाहा तो पोईसा मिल्लो ताहा ती तीये आरीने आणी कोवा जागण्याने हादीने आखी माआरी खुशी केरा काहा का मा गोमाला पोइसा मान तिली गीया.
10
इयाहोच पासतावो केनारा एका पापी माहा बोदल देवा हा दुता हुबूर खुशी वी ईमाय तुमाहान आखु हू
11
पासे येशु आख्यो एका माहा बेन पोयरे आथे
12
तीया बेन्यामने एक हाना पोयराय आख्यो बाबा मान मीलकत मेने मा हिसो बाहाकाय मान दिदे आणे पासे तीया बाहाकाय तिया मीलकत बेनी पोरया ने वाटी देदी.
13
पासे वाहीक दिही वेया ताहा हानो पोयरो तिया आखो टोलवीन तो बिहरा देशुमे नीगी गियो.
14
तीया आखा पोईसा खोरची टाक्या आणे तीया देशुम खुप मोडो दुष्काळ पोड्यो आणे तो पुखो मोरा लाग्यो.
15
तीया देशुम एका माहा जागे तो गीयो आणे तीया साहारो लिन तो तिया जागे रा लाग्यो तीया माहाये तीयाल तिया खेतुम डुक्करे चारा मोकल्यो.
16
जाहा केडो तीयाल हाय खा नाय देतलो ताहा डुकरे जे हेंग्या खातले त्या हेंग्या खाईने तेबी आपु डेठ पोऊ ऐयकी तीयाल वाटा लाग्यो
17
पासे तीयाल होमजाया लाग्यो आणे तो ईतवा लाग्यो आणे आखा लाग्यो, मा बाहाका दको कोता जोहुर वेरी तिया डेड तायाये ओतो माडो आणे आरदो री जाटे ओतो माडो रेहे आणे माय ता ईही पुखो माेई रीयो हो
18
आमी माय ई सोडीन मा बाहका जागे जाहे आणे आखेहे ओबा माय आखा विरुध्द देवा विरुध्द आणे तुमा विरुध्द पाप केयो हो
19
तुमाहा पोयरो होमजुनो बी मा लायकी रीई नाहा ता माने तो रोजीपे रेनाऱ्या एका मोजऱ्या होस तेबी थोवीले
20
पासे तो हानो पोयरो तीया बाहका जागे जा गीयो ताहा ता तिया कोवा दुरूज आथो ताहाज तीया बाहका ये तियाल वेथो आणे तियाल तीयापे किवा आली आणे धोवळुतो तीया जागे जाइने तिया गाेले लागव्याे आण तीयाल चुंबन दा लाग्यो.
21
पोयराय आख्यो ओबा मायु स्वर्गा विरुध्दाम आणे तुमा विरुध्दाम पाप केयो हो आणे मान तुमा पाेयरो होमजीन रेवुला बी मा लायकी नाहा रीई
22
पेने तिया बाहकाल मोजप्यान आख्यो माहार माहार जा आणे ईया आरो हारे पोतडे ली आवा आणे तियाल तयार केरा आणे आथुम मुप्दी पोवी दया आणे पागाम चापले पाेवी दया
23
आणे मोडो भाडारो दया आपु खाईने खुशीया मोनाऊ हुं
24
काहा का माओ पोयरो मोई गेहलो तो जीवतो वी आलो तो गोमाई गेहलो आथो तो सापडी गीयो हो तीयाल आवे खुशीया मोनावा लागे.
25
तीया ताईमुल तीया मोडो पोयरो खेतुम आथो तो तीया कोवा वेल आवतलो आणे कोवा जागे आलो आणे तीयाय गाणे वाजुला ने नाचुला आवाज तीयाय ऊनायो.
26
तीयाय एका मोजऱ्याल हाद्यो आणे फुचा लाग्यो ई आखो काय चाली रियोहो,
27
तीया मोजण्याय आख्यो तो पावु आलो हो तो तुमा बाहकाल हारीरीत फाये मिली गीयो तीया खातोर मोडाे भाडारो देदाे हो
28
ताहा तीयाल रोग की आली आणे तो कोमे नाय जा लाग्यो ताहा तिया बाहको बारे आलो आणे तीयाल होमजावा लाग्यो.
29
तीयाय तिया बाहकाल आख्यो वे आते वोरेहे माहु तो सेवा चाकरी केई आणे मायु किदीज मायु तुमा आज्ञा मुडी नाया आण मा हेगात्या आरी आनंद मोणवा तुमाय मान किधी साधो भाडारो बी नाहा देतो.
30
आणे जीयाय तुमा आखी मीलकत वेश्या वे उडवी ताकी तो तुमा पोयरा फासे आलो ताहा तुमाय तीया वाहो मोडो भाडारो देदो.
31
ताहा बाहकाल तियाल आख्यो मापोयरा तु सादरन मा आरी हाय आणे जो मा हाय तो आखो तोज हाय.
32
पेन आपु आज आनंद किडु खुशीया मानाका जोजे काहा का तो पाऊ मोई गेहलो तो जीवतो वेयो तो गोमाय गेहलो तो सापडी गीयो.
Chapter 16
1
येशुये तिया चेलान एक गोठ आखी एक मालदार माहु आथो तीया एक कारभारी आथो माहाये मालीकुल आख्यो तो पोयरा मोज्या मारीन खोरची टाके हे.
2
तियाल त्या मालदार माहाये तीया कारभाऱ्याले होद्यो आण आख्यो तो बदल माय काय ई काय काय ऊनाय रीयो हो तीयाल तु मान तो कामु हिसाब दे काहाका माय तुल ईया आगला कारभारी नाहा थोऊला हाय.
3
ताहा तीया कारभारीय मोनाने विचार केयोमा मालीक मावेने कारभार मागी लेणारो हाय ता माय आमी काय किवु खेतुम काम केरुला ओती मा डीलाम शक्ती नाहा आणे भीक मागुला मान लाज आवे.
4
मान कारभाऱ्या कामापेने मान काडी टाकी तेबी माहाय मान तीया कोमे ला जोजे तीया वाटो मान काय केरा पोडी तो मान माहीती हाय.
5
पाचे कारभाण्याये तीया मालकावेने जीयाय कौरजो लेदोहो तीयान आखान हादे पहीलाल तीयाय आख्यो तुयू मा मालीकावेने कोतो कौरजो लेदाहो तो तुल फेडुणू हाय
6
तीयाय आख्यो तीन हजार लिटर तेल तीयाय तीयाल आख्यो ई तो हिशाबा वोही आणे माहरी बोटीन ईयावे दीड हजार लिख.
7
नंतर बीहराल आख्यो तुल कोता देऊला हाय तीयाय आख्यो वीस हजार किलो गोव तीयाय तीयाल आख्यो तो हिशोब तिही ले आणे सोला हाजार लिख.
8
खोटो काम केणाऱ्या कारभाण्याये ओकली की काम केयो इ तोवीन तीया मालीकाय वा वा केई काहाका या जोगामने लोक आपु सारखा बोदोल होरो आखनारा लोका हेने खुपे शाहाने रेताहा.
9
पासे येशुये आख्यो माय तुमान आखु तुमा वाटो तुमाहा कामावली मालकती तुमा हेगात्या होदी काडजा ईया खातोर का जाहा ती मिलकत पारवाय ताहा तीयाय तुमाने तीऊला खातो तीया गावुम रा हादी ली.
10
एखाधापे थोवो भोरुसो थोऊला शक्य रेहे आणे जो केडो थोड्या गोठीम बी मुरखो रेहे तो जास्ती गोठीय बी मुरखो रेहे.
11
इयाखातोर तुमा दुनीयामेने कामावली मिलकत खातोर विश्वासु नाहा ताजह खेरी मिलकत खातोर तुमापे केडो भोरुसाे थोवी
12
जो बिहरा हाय तिया खातोर तुमा विश्वासु नाहा ता जो तुमा हाय तो तुमाल केडो दी?
13
केलला बी मोजऱ्याल बेन मालका सेवा केता आपली नाहा एकाल तो रोग की आणे बीहरापे तो माया की नेता एकाल तो मानीन चाली आणे बीहराल हारो मानीन नाय चाली तुमा एकाच टाईमुल तुमा देवा आणे पोईसा सेवा की नाहा साकता.
14
परुशी लोक जे पोइसा लोबी आथा तीयाय ये आख्या गोठ्या ऊनाय ने तीयाय येशु निंदाकेरा लाग्या.
15
येशु तियाय आख्यो तुमा सोताल लोका हुबूर धर्मी काय ऐहकी देखावता पेन देव तुमा मोने ओखेहे जीया लोकाहान तीया नोजरीम मोडो मानेहे ते देवा नजरेम बाटालो हाय.
16
योहानालुग नियमशास्त्र आणे संदेष्टे आथे आणे तेहेन देवा राज्या गोठ्या आखतेहे आण बादेमाहे तीया विहुला जोरमे प्रयत्न केताहा.
17
नियमशास्त्र एक बी कानो नेता मात्रो नाहीसो वेरुलापेक्षा आकाश आणे पृथ्वी ताहीसो वेरला सोपो हाय.
18
जो केडो आपु थेईल सोडी देहे आणे बीहरी आरी वोराड केहे तो व्याभिचार केहे आणे जो केडो माहाय तीया सोडली आरी वोराड केहे तो व्यभिचार केहे
19
एक मालदार माहु आथो तो जाभंळा रोगा माेजाम ने मोगे कोपडे वापरुतलो रोज दिही तो माेजा मारीन आरामा की रेतलो
20
तीया बाना जागे लाजर नावु एक गरीब माहु पोडी रेतलो आणे तीया डीलापे फोड आलला आथा.
21
तीया मालदार माहा माडो खाऊला टेबलापेने जो कावी नीचे पोडी तो तेबी मान खा मिली ऐहकी अरखा केतजाम वोतोज नाहा पेन कुत्रे आवीन तीया फोड चाटतले.
22
पासे ऐहकी वेयो का तो गरीब माहु मोई गियो आ देवादुताय तीयाह अब्राहामा उगाम लावीन थोव्यो, पाये मालदार माहु बी मोई गीयो आणे तीयाल पुरी देदो.
23
मालदार माहु नाेरकाम दु: ख भोगा लाग्यो तीहीने तीयाय ऊचे वेयो आणे तियाय आब्राहामाल आणे लाजराल तिया उंगाम वेयो.
24
तो बोबालीन आखा लाग्यो हे आब्राहामा बाहाका मापे दया के आणे लाजराल मोकले ईया वातो का तो तीया आकड्या पायाम बुडवीन मा जीभ हेली की काहाका या आगीम माय खुबुजे दु:ख भोगी रीयो हो.
25
मावे आब्राहामाय आख्यो मा पोयरा ध्यानुम ले की तो जीवनाम जेहकी तुल हाण्या गोठ्या मिल्या तेहकी लाजराल खाराब गोट्या तिल्या तीयाल आमी तीयाल आराम मिली रीयो हो आणे तु दु:खाम हाय
26
आणे या आख वाटो तुमच्या आणे आमा वोच्चे एक माेडो उडो खाडो थोव्यो हो यावाटो का ईहीने तुमा जागे केडाल जाता आवा नाय जोजे आणे तुमायने केढाल आतालूग आवता आवे नाय
27
तिया श्रीमंत माहाय आख्यों, फाचे आय तुल विनंती किहु,ओबा लाजराल ता बाहाका को मोकले
28
लाजराल मा पाच पावुय जाईन सावध केरा दे म्हणजे ते तेभी ईया दु:खा जागाप नाय आवे
29
अब्राहामाय आख्यो तो पाऊहू जागे मोशे आणे संदेष्टे हाय तीयाहा तियाय ऊनाया जोजे
30
तीया मालदार माहु आख्यो नाहा हे पित्या आब्राहाम मोई गीयोहो ने केडो मा पाऊला जागे गीयो ता ते पायमावो की
31
अब्राहामाय तियाल आख्यो जर ते मोशे आने संदेष्टा हा उठीन जाई तेबी तिया नाय माननारा.
Chapter 17
1
हाती येशु तीया शिषांले आख्यो जीयाकी माहाये पाप केरी ते आवीज पेण जीयाकी ते आवते त्याआ कोती खराब दशा वेरी.
2
त्याये ईया वायहाना मेनी एकाले पाप केरावा लागवा पेन तिहा कोगीमे कोहटी पुडको बादीने त्याले दोऱ्यामे टाकी दये आमेज फायदो हाये
3
खाजगी धान देजे जर तो पाहु पाप केहतो वेरी ते त्याले ताबलुने आणे जो जरा पश्चाताप केअतो वेरी ते त्याल माफ केअेजे.
4
जाहा तो दिहामेने सात वाऱ्या तो विरुध पाप केहतो वेरी आणे सात वाऱ्या ताओ वेले आवेहे आणे आखे आये पाश्चाताप केहीवु तेबी तु त्याले माफ केअेजे
5
हाती प्रेषित (शिष) प्रभु येशुले आख्यो आमा विश्वास वाहोव.
6
प्रभु येशुये आख्यो जर का तुमा विश्वास बारीक दाना (मोहरी) आनो वेरी ते तुमा या तुती झाडाले आखी शकतो मुला कार उपरीन दोऱ्यामें टाकाय जो तेबी तो चीड तोबउनाये.
7
तुम्हामेने अेहेडों केडों हाय का तीया खेत नागरनारो नेते मेंढे चाआनारो आवत्यों खेतामेने आलो का तो त्याले आखी आमी आवताजे मांडो खा बोह मा वाटो मांडो राद.
8
उलटो मा मांडो तीयार के अे आमे खाय उठे ताबे कोंबोर बादीने माआ चाकरी केअे आणे हाती तुखा ओ पीजे अेहेकी तो त्याले आखी नेय का?
9
ज्या गोठ्या केअरा केअता तुमा आवत्याले आखता (हुकूम) ते तो केअी पाड्यो का तुमा त्याला धन्यवाद आखता का?
10
तुमा बाबत बी तेहकीज हाय जहा तुम्हाले आखाले आलो बादे कामे पारवावेन तुमा अेह की आखा जोजे आमा केलाज.
11
हाती अेहकी वेयी का तो येरूशलेम शहरा होवे चालतलो ताहा शमरोन व गालील प्रांता हिवाळा मेने गोयो.
12
तो अेगा खेडागांवाम जाहालो तहॉ तीही त्याले कोडले बीमारी वेले दस माहाये मिले.
13
आणे ते दुर उभी रिहीने मोठमोठाकी बोबलीन आखा लाग्या येशु स्वामी आम्हावे दया केअे अेहकी आखीन त्याही त्याही बोंबली वोल्या
14
तहा येशुये कोडला बीमाऱ्याले वेअेयो ताहा तो त्याहाल आख्यो जा आणे खुदस्वता:ले याजकाले देखावा ते याजका होवे जाहला ताहाज हुदरी गीये.
15
ताहा एकाये वेअयो का आमा हारा वेअलो हाय ताहा तो पासे आलो आणे तो मोठा ने बोबलीत देवा गौवरव केरा लाग्यो.
16
तो येशु पागा पाही अेठी पोंडमो आणे त्याले पागे पोड्यो. आणे तेहकीज त्याये त्याआ उपकार मानी लेदो. तो एक शोमरोनी आथो.
17
येशु त्याले आख्यो दोहो जाआ हारा (शुध्द) वेअेल नेका? बाकी नऊ जाआकिही हाये?
18
ईया पारका माहा शिवाय केठोबी नहा देवा गौरव केरा कहेता फासो आलो नाहा?
19
तो त्याले आख्यो उठ आणे जा तो विश्वासाये तुल हारो केलो हाय.
20
परूश्यांये येशुल फुस्यो देवाराज किधी आवी येशूये त्याहाले आख्यो देवा राज देखातामे आवतो नाहा
21
व्याआ तो इही हाय का तीही हाय अेहेकी आखणारो नाहा काहाका देवा राज तुम्हा मे हाये.
22
शिष्यांने त्योये आख्यो माहा पोयरा आवुलो दिहा मे एका दिहीआ तुमा खुबे वाट जोवते हे पेण तो दिही तुमा वोई शकणारे नाहा अेहेडो दिही आवी.
23
आणे लोक तुम्हाले आख्यी वेजा तो ते ईही हाम की वेजा तो तीही आहे ताहा तुमा माल वेरा केहता त्याहा फाचला नाहा कोठलाले याजक की व्होलीनेज समाजामे आवा देहेले.
24
काहाका वीज जेहकी वादलामे एका जागा मेने बीहीरा जागे हुंद चोमकुती जामे तेहकी माहाआ पोअरा आवुलो त्या दिहीयामे वेरी.
25
पेण पेहला तियाय खूप दु:ख भोगा दोजे आणे इया पिढीद्वारे नाकारो जाय इ खुप-गोरजे हाय.
26
जेहेकी नोहा दिहीयामे वेअेलो तेहेकीज माहा पोयरा दिहामाने बी वेरी
27
नोहाले उड्याने प्रवेश केअेयो आणी हाती महापुर आलो आणे त्यहा बाठा नाश वेअयो त्या दिहीलागे ते खातले पीतले वोराड लागवी लेहेले आणे वोराड लागवी देहेले आथे.
28
त्या परमाने लोटा दिहा मे वेलो तेहे की वेरी ते खातला पीतला विचतो लेतला विचतो देतला, देतला लागवाड केअेतला बाधतला आथा
29
पेन ज्या दिहीयाम लोट सदोम सोडीन बारे निग्यों दिहीयामे बादलामे आग आणे गंधळ याआ पायाहोस पोड्यों आणी बाठांहा नाश वेअयो
30
माहा पोयरा प्रगट वेरुला दिहीयामे अेहेकीज वेरी
31
त्या दि ही अेगोंहो पोंगा पाहावे वेरी आणे तीया त्यामान पोंगामे वेरी तर त्याये तो बारे काढा केहता कोहोमे जाय नेय लाच प्रस्माने जो खेताम वेरी त्याये फासे नेय.
32
लोटा थेअई ईत केरा.
33
जो केडो आपु जीव वाचावा वेहे तो आपु जीव शोमावी आणी जो केडो आपु जीव गोमावी तो त्याल बाचावी.
34
तुम्हाल आखु तीया राती फातारीपे बेनी वेरी तीयामेने एक लेवामे आवी आमे बीहीराले थोवाम आवी.
35
बेन थेअेमा दोअनो दोत्यावेरी ते त्यामेने एक लेवामे आवी आणी बेहीरी थोवामें जाय
36
खेतामे बेनी वेरी ऐकाले लेवामें आवी आणे बेहीराले थोवाम आवी
37
शिष्याये त्याल फुच्यो किही प्रभु? येशुये उत्तर देदो जो मुरदो वेरी तीही गीद जमा वेरी शिष्यांये त्याले फुच्यो किही प्रभु?
Chapter 18
1
निराश नेय वेता नेहमी प्रार्थना केहकी केरा जोजे ई शिष्याये हिका जोते त्या ला केहता त्याये त्याहाले एक दाखलो आख्यो
2
त्याय आख्यो एका नगरामें एक न्यायधीश आथो तो देवाल बीतलो नेय आणे लोकांहाल बी मान देतलो नेय
3
त्या नगराम एक रोडेबाई आथी ती सुरूज आ न्यायाधिशाल आखती रेय माआ विरूध्द- विरूध्द माआ न्याय निवाडाे केजे.
4
तीया मोनाम इच्छा थोडोके घेल नाम आथी पेन सेलै तो मोनाम आखे आय जे देवाल बीतो नाह आणे लोकांकं मान तो नाहा
5
तेबी विधवा माले वाेखो देहे तीया आय तीई न्याय केहे नेय ते ती फाचे-फाचे आवीन माले काटालो लावी टाकी
6
हाती प्रभुये आख्यो ध्यान दया अन्याया ( नाडणारो/ लुच्यो) न्यायाधीश काम आखे
7
आणे हाती जे देवाआ निवडुला लोक रातदिही त्याआ हातकहेता त्याहा तो न्याय केनारो नेय का? तो त्याहाल मदत केरा आवा लागवी का?
8
आय तुम्हाल आखुहू तो तीयाहा न्याय माहार केरी तेबी जहा महा पोयरो आवी ताहा तोरतीवे त्याले विश्वास सापडी
9
आमण नितीमान आही अेहेकी जे कोताहाक स्वत: विषयी विधान तीअीने बीहाराले कोमी (तिय) मानतला आथा त्याहाले बी त्याम दाखलो आख्यो तो अेहेकी.
10
बेन जाआ प्रार्थना केर उंचे परमेश्वरा भवनामे गीया एक परुशी आथो आणे बेहीरो जगातदार आथो
11
परुशी उभी रीईयो आवी त्याये अेहेकी प्रार्थना केअयी ओ देवा आन तो उपकार मानुहू कारण आय इतर (बेहीरा) लोकांसारखो म्हणजे चोर (बांड) अन्यायी व्यभिचारी (सिनालो) आणे ईया जकात दारासारखो नाहा.
12
उलटो आय आठु उयामेने बेन दाव उपास केरु आणे आहा बाटा उत्पनामने दहावो भाग (हिस्सो) देहीवे.
13
पेन जकातदार वार देर दभी रेईप उंचे होरगा होवे नोजर लागवा बी हिम्मत केई आपु छाती ठोकीण आख्यो हे देवा मा सारखा पाप्याने दया केअे.
14
आय तुम्हाले आखुहू ओ माहु त्या बीहीराहीना न्यायी ठेरीन कोओ गीयो काहाका जो केठो स्वत:ले मोठोकेहे त्याले कमी (हाणी) केराम आली जो केठो स्वत:ल हानो केहेअे त्याले मोठो केराम आली.
15
आणे लोक आपु पोरांहाने त्याहा ही आथे लागवी या केअेता लावतला. ई शिष्याये वेअेयो तहा लोकोले ताबल्यो
16
पेण येशु हाना पोयराने स्वत:ही हादीन आख्यो हाना पोयराले माआ होवे आवा दया तीयाहाले ओटकावा नाहा काहाका देवा राज्य त्याहा होचुजे हाये.
17
आय तुम्हाले येशु आखुहू जो केठो हानपोयरा होचे देवाआ राज्याआ स्विकार केणारा नाहा त्याआ होरगामे प्रवेश वी शकणारो नाहा
18
एका यहुदी अधिकाऱ्याये त्याले फुच्यो उत्तम गुरूजी सार्वकालीन (जुल्योमजूण) जीवन मिला केअता आय काय किऊ?
19
येशु त्याल आख्ये त्याल उत्तम कहा आख्तो देवाशीवाय केठोज उत्तम नाहा.
20
तुल आज्ञा माहीत हाय शिनालो केहेव नाहा खुन केहेव नाहा चोरी केहेव नाह खोटी साक्षी देहेव नाहा तोह यहाकी बाहाका मान राखजे.
21
तो अधिकारीय आख्यो ईया बाठ्या आज्ञा आय माआ जुवानीपेणी पालतो आलो.
22
जाहा येशूये ई उनाआयो ताहा तो त्याले आख्यो तोअ ते आजी एक गोठी की कोमी हाय तोपे हाय तो बाठ्यो वेचीने तो गोरीबाने बाटी दे हाती होरगाम तुल धोन मिलीई नवी आने मा पासला चाल.
23
पेण जाहा त्या अधिकाऱ्याये ई उनायो ताहा ताे खुब दु:खी वेअयो काहाका तो खुप श्रीमंत आथो.
24
तो दुखी वेअेयो ई जहा येशुये वेअेयो ताहा तो लोकाल आख्यो जीयावे खुब धन हाय त्या लोकांले देवा राज्याम जावुनू कोतो कोतो कठीण आहे.
25
हा श्रीमंत महाले देवा राज्यामे जावुनू यापेक्षा उंटडाले हुयी नाकलामेने जाऊलो सोपो जाय
26
पासे जीया लोकांये इ उनाये ते आखते लाग्यो हाती केढा तारण वेरीई
27
त्याये आख्यो ज्या गोठया माहाले नेय वेणारो तो देवाल वी जानारो हाय.
28
हाती प्रेत्राय आख्यो “ वेअे आम्हापें जो आथो तो बाठों सोडीने आमा तो फासला आलाहा.
29
येशूअे त्याहाल आख्यो आय तुम्हाल खेरो आखुहू देवा राज्या कहेता ज्याये आप कोओ थेअे पाहु याहाकी-बाहाको आने पोयरे चावरे साेडी देदो.
30
त्याहाले या कामामे खुप पटीकी आणे आवनारा युगामे सार्वकालीक जीवन मिलनारो नेय अेहेकी केढोजने रेय
31
येशुये निवडुला बाराजावाले एकी वेले केईन आणे त्याहाले आख्यो उणाया आपु उचे येरूशलेम शहराम जाय रियाहा आणी संदेष्ट्याये माहा विषयी जे काम लिहीले हाये ते वादो पुरो वेरी.
32
म्हणजे त्याले बिहीरा होपी देई त्याआ भिटूली केरी तीया निदा केरी त्यापे थपी.
33
त्याले ठोकी तीया जीव लि आणी तो तिसरे दिही फासे उठी
34
त्याये आख्यो शिष्याले कायजे होमज्यो नहा काहा ई वचन त्याहा पेने दोबावी थोवामे आलो आथो आणे तो केला गोठी विषयी गागेत लो ई त्याहाले मालुम नेय आथो
35
येशु यरीहो पाही आवतो ली ताहा एक आथलो रस्तावे बोहीन भीक मागतो आथो.
36
जाहा तिया आधला माहाल जागेने जागेने जानारे लोका आज ऊनाईन ताहा तियाय फुश्यो कार्ठ केहडा गडबड चालु
37
लोकांहाय तियाल आख्यो कस नासरेथकर येशू जागेने जायरीयो हो
38
तो बोंबलीन आख्यो का ओ येशु दावीदाआ पोयरा माप दया जे तो आजी जोर जोर मे बोंबला लाग्यों आणे आख्यो दाविदाआ पोयरा मापे दया के!
39
जे लोक आगला चालतुला तियाय तियाल ठाकोरा केता आख्यो,
40
येशु उबीरीयो आणे तियाय आंधलाल माहोवे लिआवा ऐहकी आख्यो तो आधला जागे आलो येशुय तियाल फुश्यो
41
आय तो केता काय किव तो इच्छा हाय तियाय आख्यो प्रभु माल फासे मा नजर आवे
42
येशुय तियाल आख्यो तुल नजर आवे, तो ओ विश्वासाकी तुल हारो केयो हो
43
चालुच तियाल देखाया लाग्यो आणे येशु फासला जाआ लाग्यो बाढा लोकाही ई वेयो आणे देवाआ स्तुती केयी
Chapter 19
1
येशु यरीहो सेहेराम पोची गीयो आने तिहीने जातलो आथो.
2
ताहा व्या जक्कत नावा केडो एक माअहुं आथो तो करपट्टी लेनारो आने खुबुज मातलो आथो.
3
येशु केडो हाय तो वेरो खातोर कोशिश केअतलो पेन खुबुज गरदीम तिया काय चालेनेय काहाका तो बोधो आथो.
4
ताहा तो बादाहा आगाडी दोवडुतो गियो आने येशुल वेरा खातोर एक उंबरा चाडावे चोडी गियो, काहका तो तियोज वाटोपेने जानारो आथो,
5
हा येशु तिया जागावे आवताज उंचे विइन तियाल आख्याे, जक्कया माहार निचे उती आव, काहाका आज माल तो कोअ आवुलो हाय.
6
ताहा तो माहार निचे उती आलो, आने खुशीकी तिया आवकार केएये
7
तो विइन बादालोक कारकुर केरा लाग्या की, पापी माअहा कोअओ गोवारो गियोहो
8
ताहा जक्कय उबो रिइन प्रभुले आख्यो प्रभुजी वेअ, मा आरदी मिलकत गरीबाहान हदी दिहु जर मायुंय केडावेने बी ठोगीन कांवी लेदो वेरीतर तोआय चारपट दी देहे
9
येशुय तियाल आख्यो आज इयो तारण वेअलो हाय काहाका ओ बी मांअहु आब्राहामा पोयरो हाय.
10
काहाका माअहा पोयरो गेहलाहाने होदा आने वाचावा खातोर आलो हो.
11
जाहा ते ए गोठ्या उनातला आथा ताहा तियाय येक दाखलोबी आख्यो काहाका तो यरूशलेमा राहरापाही आलो आथो आने देवा राज्या आने राज्या तुरूत आवीन आवनाये हरय, ऐहेकी तीयाहाल होमजात लो.
12
तीयाय आख्यों एक मातालो माअहु तिया राज्य पदवी तिलब.वीन फीचे आवेहे इया खातोर तरे बिहीरा देशाम निगी गियो.
13
तियाय तिया दोहो सेवकाहान हाघा आपने तियहान दोहो माहरी हदइन आख्खे आय आवेहे तावलुग वेपारो केअजा.
14
आने तिया शेहेरोमेने लोक तिया फाचली वकील मोकलीन आख्यो इयान आमाहावे राज नाय केरा एहेकी आता मोरजी नाहा.
15
एहकी वियोका तो राज मिलवीन तो रात तिलवीन फाचो आलो ताहा जिया सेवकाहान माहरी वेपारो केराखातोर पोयसा देदलो आथा, त्याय कोतहो कामव्यो तो फुचा खातोर तियाहान तिया हाघा.
16
ताह पेअलो आगला आने आख्यो का महाराज तुयूल देदलो मोहरा की माअयु आजी दाहा मोहरा कामाव्याहा.
17
तियाय तियाल आख्यो, मा हाऱ्या सेवका खुब हारो केयो तु वाय हानी गोठीम विश्वासु रियो इयाखातोर तुल दोहो सेहेराहावे अधिकारी नेमी दिहु.
18
फाचे बिहीरो आलो आणे आख्यो ओ माहाराज पाच मोहरावे मायु बिहीरा पाचा माहरा कामाव्याहा.
19
तियाय तियाल आख्यो तुल बी पाच सेहेराहावे अधिकारी नेमो दिहु
20
फाचो आजी एक सेवक आलो आणे आख्यो ओ माहाराज तुयू देदलो मोहर मायुय पोतडाम बांदीन थोवी देदलो आथो.
21
तु डांबऱ्यो हाय, जो तु थोवो नाह तो तु काडतोहो आने जो तुयूय पोअयो नाहा तु वाडतोहो इयाखातोर माल बीख लागतुजी
22
माहाराजाय तियाल आख्यो ओ खोटा सेवक आय तो मुयाकी आखली गोठीकी की न्याय कोहू आय डांबऱ्यो हाय, इ तुल मालुम आथो मायुय जो देदो नाहा काडी लिहु आने जो पोअयो नाहा तो पोअयासे नाहा तो वाडतोहो
23
फाचो तुयूयं मा पोयरा बेंकाम काहाले नाहा थोव्या ? आने आय फाचों आवतो ताहा माल त्याजाकी कमली जातो.
24
ताहा तिया पाही उबीरेणाहा तिया आख्यो, इयावेनो तो मोहर मागी लिइन तियावे दोहो मेहर हाय तियाल दी द्या
25
तिहाहाय तियाल आख्यो माहाराज तियावे ता दोहो मोहरा हाय.
26
आय तुमाहाने आखुहू जिया केडीवे हाये, तियाल आजी देवाय जाय आने जियावे नाहा हाय तियावेने जो कांवी हाय तो बी मागी लेवाम जाय
27
आय तियाहावे राज नाय केरा जोजे, एहेकी विचार केअनारा मा दुश्मनाहाने इही जी आवा, आन मा देखता मांय टाका.
28
येशुय एडगोठ्या आखीन तो यरूशलेम सेहेरावेले आगला गियो
29
आने जाहा तो जैतुन नावा डोगाही बेथफगे आने बेथानी आवी पोच्यो ताहा तिया बेन चेलाहान एहेकी आखीन मोकल्या
30
आने आख्या तुमा हुबूरने गावाम जा आने तिही जाय पोचाहा ताहा आमीलुग केडोज तियावे बोठो नाही एहेंडो एक फुरक्या पिलको बांदलो देखाय. तीयाल सोडीने इही ली आवजा
31
आने केडोबी तुमाने फुची इयाल काहा सोडता ? ताहा एहेकी आखजा प्रभुल इया गोरज हाय.
32
जियाहान मोकलुला ते तीही जाय पोच्या ताहा जेहकी आखलो तेहकी तियाहान सापड्यो.
33
आने ते फुरक्या पिलकाल सोडतुला, ताहा तिया मालिकाय तियाहांने आख्यो तुमा पिलकाल काहाल सोडताहा?
34
ताहा तियाहा आख्यो प्रभुल इया गोरज हाय.
35
ते तियाल येशुही ली आला, आने तियाहा पोतडे तिया पिलकावे फांगाव्ये आने तियावे येशुल बाहाव्यो.
36
येशु वाटीपेने जातलो ताहा लोक तियाहां पोतडे वाटीवे फात्तले
37
जाह तो जैतुन डोगा उतुरतीवे आलो, ताहा बादा चेलाहा मा मोडा टोलो हाय ताहाय जे हाऱ्या गोठ्या चमत्काकामे वेईल आथे तीया खातोर तियाहाय मोडाहाकी बोबलीन देवा स्तुती केऱ्या लाग्या.
38
तियाहा आख्यो “प्रभु नावाकी आवनारो राजो आशिर्वादीत हाय! होरगाम शांती आने उचाम उचा जुगांवे गौरव वेअ.
39
ताहा खुब लोकाहामेने बाकी परुशी येशुल आख्यो गुरुजी तो चेलाहान ठाकोजरा आख हाय
40
तियाय आख्यों आय तुमाहान आखु ए ठाकाजरी ताहा तियाता डोगडा बोंबली उठी.
41
जाहा तो पाही आलां ताहा तो शेहरा होवे वेअयो ताहा तियावेल विइन तिया खातोर रोड्यो आने आख्यो.
42
केल्या गोठ्या तुले शांती देणाऱ्या ते आजे होमजी लेतो ता कोतों हारो वेअतो, पेन आमी ते तो डोआहा हुबूरने दोबावी थोवल्या आल्याहा.
43
काहाका उहेडा दिही आवणारा हाय का तो दुशमन आवीन चारी सोमखी टोलवायन तुल कोंडवी ली आने तो माज मे आवा खातोर वाट तियार की ली
44
ते तुल आने तो पोयराहान तो पीतडाम धुलीम मिलवी ने ते तोअमा डोगडाप डोगडो रानेइय देनारे काहाका तु देवाय तोअवे दोया केअयो तो टेम तुयूय ओख्यो नाहा.”
45
येशुय परमेश्वरा मंदीराम गियो आने तिही वेपार केअनाराहान बारे काडी देदे
46
आने तियाय आख्यो एहेंकी लेखलो हाय की मां कोअ प्रार्थना केअनु कोअ वेरी पेन तुमाहाय तियाल बांडाहा कोअ उबजावलो हाय.
47
आने तो हमेशा परमेश्वरा मंदीराम हीकवुतलो मुख्य याजक ने नियमशास्त्रा हिकवुनारा लोकाहा मुख्याबी तियाल माई टाका कोसीस केतलो आथा.
48
पेन तेहकी केराखातोर तियांन सुज्यो नाहा काहाका बांदा लोक तिया लोक आनंदाकी उनामला आथा.
Chapter 20
1
एक दिही येशु परमेश्वरा मंदीराम लोकाहान गोठ्या आखीन हिकवुतला, आने सुवार्ता आखतलो आथो ताहा मुख्य याजक लोक आने नियम शास्त्र हिकवनारा शिक्षक आने वडीला संकट पाही तियाही आल्लाे
2
ते तियाल आखा लाग्या, केलला अधिकारा ऐ गोठ्या केअतो इ आताहाल आख ओ अधिकारा केडाय देदो?
3
ताहा तियाय तियाहान आख्यो आय बी तुमाहान एक गोठ फुचूहू तोमान आखजा
4
योहाना बाप्तिस्मा स्वर्गामने आथो का मांअहापने आथो?
5
तियाही तिया –तियाहाज विचार किईन आख्यो स्वर्गामेने ऐहकी आखुहू ता तो आखी ताहा तुमाहान तियावे भोरूसो काहाना केअयो
6
पेन आपे आखुहू माअहांहीने ता बादा लोक आपुहून डोगोमार केरी काहाका योहान ओ एक देवा निरोप्यो आथो एहेकी ते मानते हे
7
ताहा तो केडाहीने आथो इ आमाहान मालुम नाहा एहेकी तीयाही तीयाल आख्यो
8
ताहा येशुय तियाहान आख्यो ताहा आयबी इ गोठ केलला अधिकारा की केतोहो किहु तो आय बी तुमाहान नाय आखु
9
फाचो तो लोकाहान एक गोठ आखा लाग्यो एका माअहाय दाराक्षाहा दिहीलुग बिहीरा देशाम निगी गीयो.
10
आने दाराक्षे काडुन टेम आलो ताहा तीया सेवकाल खेती केअनाराहाय मोकल्यो खेती केअनारा माने दाराक्षाहा फोलवे दि पेन खेती केअनारा तियाल मार दिइन रिकामोज मोकली देदो
11
फाचो तियाय बिहरा सेवकाल ताहा तियालबी तियाहाय मार दिइन तिया निंदा किइन रिकामोंज माेकली देदो.
12
फाचो तियाय तिसरा सेवकाल मोकल्यो तियाल बी तियाहाय खुब मार दिइन रोडी कुडीन मोकली देदो.
13
ताहा दाराक्षाहा मोला मालीक आखेहे आमी काय किव? आय मा खाजगी मेराला पायराल मोकलेहे तियाल तेबी ते मान देई.
14
जाहा खेती केअनाराहाय तियाल देख्यो, ताहा ते तिया तियाहाज विचार केरा लाग्या ओ ता वारिसदार हाय आपु इयाल माय टाकता बादी मिलकत आपुज वी जाय.
15
आने तियाहाय तियाल दाराक्षाहा मोलामेने बारे फेक्यो आने जायने माय टाक्यो आमी दाराक्षाहा मोला मालीक तियाहान काय केरी.
16
तो आवीन तिया खेतो केअनाराहान माय टाकी आने दाराक्षाहा मोलो बिहीराहान होपी दी इ उनायने तियाहाय आख्यो ऐहकी नायके
17
येशुय तियाहा वेल विइन आख्यो जो डोगडो बादनारा मिस्तीऱ्याय निकामो गोअयो तोज कोपरामेने डोगडो वी गियो ऐहेकी जो नियमशास्त्राम लेखलो हाय तिया आर्थ काय हाय?
18
जो केडोबी तिया डोगडावे पोडी ताहा तुकडा वी जाय आने तो डोगडो केडावे बी पोड्यो ता तीया चुरो वी जाय ताहा जो डोगडो बादनारा हाय नकांता गोअयो तोच कोपरामेने डोगडो वी गियो
19
नियमशास्त्रा शिक्षण देणारा आने मुख्य याजक लोकाही विचार केअतला तियाल तिइदा खातोर पेन ते लोकाहान धांकातला, तियाहा तियाल तेरूलो आथो काहका तियहा मालुम आथो का, इ गोठ तियाय तियाहानुज आखीली आथी
20
ताहा तो काय तेबी चुकीन गोगीता ती चुक होदा खातोर ते तियाही ठाकाज बोठला आने तियाल आधीपती सत्ता आने आदीकारांम होपेने ते धार्मिक वेहे लिईन एहेडा चुक्या सापडरवनारा लोक मोकल्या
21
आने तियाही प्रश्न फुच्या सापडावनारा लोक मोकल्या आने तियाही तियाल प्रश्न फुच्यो तियाय आख्यो गुरूजी आमाहान मालुम हाय का जो तु हारो हिकवुतोहो हारो गोगतेहे आने केडाल पक्षपात नाहा केता पेन हारिरीती देवा मार्ग जो खेरो हाय तोज हकिवुतोहो
22
आपुहूय कैसराल करपट्टी देवनू इ हारों हाय का नाहा ?
23
तियाय तियाहा ढोंग होमजीन ऐ माला फोसावा खातोर हाय इ येशुल मालुम आथो तियाल तो तियाहाल आख्यो माल एक दिनार (रूपयो) देखावा
24
इया वे केडा साप आने नाव हाय? तियाहाय आख्यो “कैसरा हाय”
25
ताहा तियाहान आख्यों “कैसरा तो कैाराल आने देवा तो देवाल द्या
26
ताहा ते लोकाहा हुंबूर तियाल जो काय गोग्यो तियाम तियाहाल तेरुलो जाग्यो नाहा तीयाय जो आख्यो तियाकी तियाहान नोवाय लागी आने ते ठाकाज रिया
27
मोअले माअही फाचे जीवी नाय उठनारे एहेकी आखनारा सदुकी तियाही आला तियाही तियाहान प्रश्न फुच्यो लाग्या तियाय आख्यो
28
गुरूजी मोशेय आमा खातोर ऐहेकी लेखलो हाय का जाहा एगोहो पावुहू मोय जाय आने तिया पावाहा थेअव हाय पोयरो नाहा ती पावाहाय तीया थेअयी आरी वोराड किअन आने पावाहा खातोर पोयरो उबजावा जो जे
29
सात पावुहू आथा पेअलाय वोराड केयो आन तो पाेयरो नेय वेता मोय गियो.
30
ताहा बिहीरा पावाहाम तियोआरी वोराड केयो.
31
ताहा तिसऱ्याय तियोआरी वोराड केयो सातीही पावाहा आरी ताज गोठ उबजीन वेयी केडालबी पोयरो नाय वेअता ते मोय गिया
32
शेवटीवे ती थेअ बी मोय गियी
33
फाचे ते जीवते ताहाती केडा थेअ वेआनारी काहाका तियोय सातीही पावाहाय तियो आरी वोराड केलो आथो
34
ताहा येशुय तियाहाल आख्यो इया जमाना लोक वोराड कि लेताहा आने वोराड कि बी देताहा.
35
पेन जे लोक तिया आवनाऱ्या जमानाम मोलामेने फाचे जिवतो विइने उटी ताहा भाग लाअखातोरा हारो उबजी ते वोराडे केअनारे बी नाय आने वोराडे देनारे बी नाय
36
फाचे ते माअनारे बी नाय, काहाका ते देवदेताहाच हायारी ते मोअलामेने जिवते विइन उठले हाय, पोयरो हाय ते देवा पोयरेबी हाय.
37
बोलता चाडवा गोठ मोशेय निरव्योहो ताहा तियाय परमेश्वराल अब्राहामा देव इसहाका देव आने याकोबा देव ऐहकी आख्यो आने मोअले माअहे जीवी उठतेहे इ देखावलो हाय.
38
देव मोअला नाय पेन जीवता देव हाय वादा लोक तिया हाय ते जीवते हाय
39
ताहा नियमशास्त्रा लोकाहाय आख्यो गुरूजी हारो आख्यो
40
फाचे फिरीन केडाय बी बिहीरो काय फुचनू हिमत्त नाहा केयो.
41
फाचे तियाय तियाहाल आख्यो “ख्रिस्त दाविदा पोयरो हाय एहेंकी ते काहा आखताहा?
42
काहाका दावीद सोताहा स्त्रोत्रा पुस्तकाम आखेहे.
43
आय तो दुश्मनाहान तो पागाहा थुले की देहे तावलुगू हुदीवेले बोहो
44
एहेकी रितीहीकी दाविदा तियाल प्रभु आख्यो ताहाती तो ख्रिस्ता दाविद पोयरो केहकी परमेश्वराम माअहा प्रभुल आख्यो
45
बादा लोक उनातला ताहा तिया चेलाहान आख्यो.
46
नियमखास्त्र हिकवनारा शिक्षकाहाने हाचवीन रेजा, तियाहान लांबा झोगा पोवीन फिरूलो पोटेहे तियाहान बाजाराम नमस्कार केरावनु, सभास्थानाम आन मांडो खाताहा तिही तीया हा मोनापणे जागावे बोहोवुलो पोटेहे.
47
आने ते रोडे वायीही को लुटताहा आने देखावाखातोर लांबी प्रार्थना केताहा त्या माहान खुबूज मोडी शिक्षा वेरी
Chapter 21
1
फाचे इसुंय मातला लोकाहांन तिया –जिया दान दान पेटीम टाकतां देख्या
2
तियाय एकी गरीब रोडे बायाल बी दान पेटीम बेन पोयसा टाकतो देख्या
3
ताहा येसुय आख्यो आय तुमाहांन खेरोज आखहूं इयो गरीब रोंडे बायीय बादाहा से बाद टाकह्यों
4
काहाका इयाहांय तियाहां खुबूज मिलकती मेने थोडो-थोडो दान टाकह्यों पेन इयोंय जोतो कामावलों आथों तो बादोंज टाकी देदहो
5
तिही खुब लोक मंदीरा बोद्दल गोठ्या केअतला इ मंदीर हाराम हारा डोगडाहां की आन हारी हारी वस्तु भेट दिइन खुब हारों तियार केअलों हाय
6
ताहां ईसुआखहे बेअताहा ने ? पेन एहेंडो टेम आवी इया डोगडाहांवे डोगडो नायं री बादोज पाडी टाकी
7
इसु चेला तियाल फुचताहा “ ओ गुरूजी इ बादों किदीही वेरी? आन ए गोठ्या जाहा वेरी तिया काय निशान केनारी?
8
ईसुय आख्यों “ तुमा ढोगायाहा माअ हाचवीन रेजा ते दिही पाही आवी गियाहा काहाका मां नावा की खुब लोक आवीन आखी आय हाय पेन तेहेंडा लोकाहा फाचाडी जावनु नाय.
9
आन तिया दिह्याहाम लढायीही आन दंगाहा बोद्दल तुमा उनायाहा ताहां काबराय माअ जाह ए गोठ्या पेअल्या बेअनाऱ्याज हाय, पेन ओतहा की बादी दुन्या नाश नाय वेअनारी
10
आजी तो तियाहान आखहे, “ एक जाती लोक बिहीरा जाती लोकाहा विरूध्द केरी आन एक राज्य बिहीरी राज्या विरूध्द केरी
11
आन तोरती खुबूज जोर में आली उठी आन खुब जागहावे काल पोडी आन नवा-नवा रोग निंगी आन जुगाम काबरावी देनाऱ्या गोठ्या आन मोड्या निशाण्य देखायी
12
ए गोठ्या वेरी तिया पेअला ते मां नावा खातोर तुमाहावे खोटो आरोप किइन तिइ ली जाय आन तेरावी दी फाचें भक्ती पोंगा अधिकाऱ्याहां आथाम होपी दी ते कचरीम कोडी देवावी आन मां नावा खातोर राजाही आन अधिकारी लोकाहाही ती ली जाय
13
तिही तुमा मा बोद्दल साक्षी दयाहा
14
ताहां तुमा काय आखहा इया बोद्दल आगलोंज मोनाम विचार माअ क्याहा
15
काहाका आय तुमाहान गोगां खातोर एहेंडी ओकल आज शब्द देहें तियाही विरूध्द केंअनाराहान, तुमा विरूध्द कावीन गोगानारो नाय
16
पेन तुमा याहाकी बाहाको, पावहुं जातुले आन हेंगात्ये बी तुमाहान तीइ दी आन तुमाहामेने बाक्याहान मारावी
17
आन मां नावा खातोर बादा लोक तुमा विरूध्द केरी
18
पेन तुमा मुनकामेने एक किही बी नाय वे अनारो
19
पेन तुमा विश्वास टिकी रेवनु की जीव वाचावाहा
20
जाहा यरूशलेम सेहेरा चारी सोमकी दुश्मनाहा सैन्य आवी जाय, ताहा तुमा होतजी लेजा आमी इया नाश वी जावनु टेम आवी गेहेलो हाय,
21
ताहा जे यहुदीया प्रातांम री तियाहाय डोगाम नाही जावुन, जे यरुशलेम सेहेराम री कमयाहाय बारे निगी जावुन
22
काहाका नियमशास्त्रामेन बाद्या गोठ्या पुऱ्या वेरा खातोर ओ बोदलो लेवनु दिही री
23
तिया दिह्याहाम जियु बायाही मोयना री आन तियो बायीही हाने पोयरे दुध खानारो री तियोहोन खुब तारास वेरी काहाका देशावे खुब मोडो संकट आवी आन तिहीने लोकाहांन खुबूज तारास वेरी
24
बाक्याहान तारवायी की माय टाकी आने बाक्याहान तिइन गुलाम बोनावीन बादा देशाहाम ली जाय जावलुग बिहिरी जाती लोकांहा टेम पुरो नांय वेरी तांवलुग बिहीरी जाती लोक यरूशलेम सेहेराल चुंदी टाकी
25
ताहां दिही चांद आन चांदुलीहीम निशाण्या देखायी आन ताेरतीवेने बादा देशाहांवे संकट आवी आन दोऱ्यो डाखरी उठी तियाकी बादें माअहे काबराय जाय
26
आन दुन्याम आवनारा संकटाहा की काबरायन लोक मोअसा होच वी जाय, काहाका जुगामेने सोकतीहीन आलवी दी
27
ताहा ते लोक माअहां पोयराल सोकती की आन मोडी माहीमा की वादलाम आवता देखी
28
ए गोठ्या सुरू वेरी ताहा हारकी उबी रिइन उचे वेअना काहाका तुमा वाचानु टेम पाही आवी गियोहो
29
इसूंय तियाहन एक गोठ आखी, “अंजी्रा चाडवाल आन बादा चाडवाहान वेअजा
30
जाहां ते चाडवें पांगलुतेहें, तियाहांन बिइन तुमा हेामजी लेनाहा आमी उनालेा आवनारो हाय
31
इयोन रितीका जाहा तूमा बी, ए गेाठया वेअतां देखहा ताहा होमजी लेजी, आमी पोरमेहेरा राज पाही आवी गियोहों.
32
आय तुमाहान खेरोज आखुहूं जावलुग ए बाद्या गोठ्या पुऱ्या नाय वेरी तांवलुग इं पिढी पारवानारी नांय
33
जुग आने ताेरती नास वी जाय, पेन मा वचन किदीहीज पारवानारो नाय
34
इयाखातोर तुमा हाचवीन रेजा, नेता खावनु-पिवनु आन दुन्यापेन गोठीही चिंता केअते रिहा आन तो दिही तुमाहांवे एकदोमुंज फांदा होच आवी पोडी
35
काहाका बादा दुन्यामेने लोकाहांवे तो एहेंकीज आवी पोडी
36
तुमा इयो गोडीहीमेने बाचायां आन माअहां पोयरा हुंबर उबी रा खातोर तियार रां जोजे तियाल जागते रिइन सदाज प्रार्थना केअते रेजा”.
37
रोज दिही इसु मंदीराम पोरमेहेरा हाया गोठ्या हीकवुतलो आन राती जैतुना डोगो आखतेहें तियावे जायन रेतलो.
38
बादा लोक तियाहा गोठ्या उनाला खातोर चुनख्या मेदीराम आवतला.
Chapter 22
1
फासे बेखमीर माडा सण वेयो वल्हाडण आखते तो पाही आलो.
2
मोडा दास माही आने नियमशास्त्रा शिक्षक, येशुल केहकी तेअत माता आवी अ गोठी विचार केतुला कहाका तियान माहा बिख आथी
3
ताहा बारा प्रेषिताम नो एक म्हणजे यहुदा इस्काेय माजमे सैतान विठो.
4
यहुदा मोडो दास माही आने परमेश्वरा मंदीरा अधिकारी तिया पाही गिये आने तियाल हिती येशुल केहकी तीन देजी एकेही आखालाव्या
5
तियान खुब हारो पोटी गियो आने तियान पौसा दा आखा लाग्ये.
6
आनेतो मानी गियो आने तो माही नाय रे ताहा येशुल तेरा वाट जोवा लाग्यो.
7
बेखमिर माडा सण, ज्या दिही वल्हाडण बोकडो मानु दिही आलो.
8
ताहा तियाय पेत्राल आने योहनाल आखी मोकल्यो का “जा आने आपुखातोर वल्हांण सना माडो केरा आपु खाता
9
पेत्र आने योहान येशुल आखा लाग्य आमा तिया तियारी केहे केजी एकई तुमा मन हाय?
10
तो तियान आखा लाग्यो “ तुमा गावाम विहताज तुमाल एक माहु पाया बासने तिली जाता देखाय तो जिया कोमे जाय तिही तुमबिजा
11
आने तिया कोवा मालकाल आखा, “गुरूजीय तुम्हाल फुसा आख्यो का मा चेला वल्हांडन सणा मानडो खाता आवे एहनडो कोवो किही हाय
12
तो माहु तुमाल एक तीयार कोवो वेखावी तीही तीयारी केरा
13
ताहा पेत्र आने योहान तिहीनो निगी आला जेहकी येशुय आख्यो तेहकीज वेयो ताहा तियाय वल्हाडणा मानडो बोनाव्यो.
14
टाईम वेयो आने येशु प्रषिता आरी मानडो खा बोठो.
15
तो तियान आखालाग्यो “ माय दु:ख भोगा तुमा आरी वल्हाडणा सणा मानडो खाव एहकी खुब मन आथो.
16
काहा का माय तुम्हाण आखु का देवा राज्याम इ पुरो वेरे ताक हुग माय ओ मानडो फासे नाय केरू
17
ताहा येशुय पेलो आने उपकारस्तुस्ती कीन तो आखा लाग्यो ई ल्या आने वाटी ल्या
18
काहाका माय तुमान आखे का देवा राज्य आवी ताक माय द्राक्षारस पियु नाय
19
फासे तियाय मानडो लिन उपकारस्तुती किन मानडो मुडीन आने तियान दिन आख्यो इ मा शरीर हाय जो तुमाखातोर देदो मा याद आवे आखीन इ केरा.
20
फासे मानडो खांदो आने तियाय प्यालो लेदो आने तियाय आख्यो ई ल्या मा रगुतू नवो करार हाय
21
पेन वेरा ! विश्वासघात केनारा हाय मा आरीज मेज पे हाय
22
काहा का माहा पोयरो तीया खातोर पेन जिया आथाकी तियाल तेरावी तिया माहा हारो नाव वेणारो.
23
आने ते टाेलवायेन एक मेका आरी ठाके ठाके गाेगते आल्ये का आमामंनो इकेडो हाय, जो काम केरी
24
ताहा तियाय तियाल आख्यो “बिहरी जाती राजा तियाप हुकूम चालवुता आने तो उनकार आखाय
25
पेन तुमा तेहकी नाहा जेहकीज तुमामनो आखासे मोडो जो हाय तो हाना हीस रेजा आने जो हाय तो मोडाे होय.
26
पेन तुमा तेहकी नाहा जेहकीज तुमामनो आखासे मोडो जो हाय तो हाना हीस रेजा आने जो हाय तो मोडाे होय.
27
काहा का मोडो केडो हाय जो मानडो खा बाेठो तो का सेवा किरे तो ? जो मानडो खाय रियो तो का? पेन माय तुमाआरी केनारा होस हाय
28
पेन मा पारीक्षाम मा फाचाडी उभीऱ्या ऐहडे तुमाज हाय
29
जेहकी मा बाहकाय माल निवड्यो तेहकीज माय तुमा खातोर राज्य निवडु.
30
तिहाल तुमा मा राज्याम मानडाेव्या घा आने पीया बोहीन तिया आने इस्त्राएला बारा पिडी न्याय केरा
31
शिमोन, शिमोन, उना ! शैतानाय तुमाल माग्ये का गोवा सतरो निगे!
32
पेन शिमोन, तो विश्वास हो नाय, तिहाल माय तो खातोर प्रार्थना केई आने जाहा तु फिरो ता तो पावुहू विश्वास मे मजबुत के
33
पेन शिमोन पेत्र तियाल आखा लाग्या प्रभु माय तो आरी जेलाम आने मोरा भी तीयार हाय
34
पेन येशूय तियाल आख्यो “ पेत्रा माय तुल आखु आज कुकडों नाय वाहाय”
35
येशू शिष्यांन आखा लाग्यो “ जहा माय तुमाल थेली तिशवी आने काय तुमाल एगी वस्तु कमी वेयो? वेयो तीयाय आख्यो केहडाज नाहा
36
तियाय तियान आख्यो “ पेन आनी जीयाय ती थेंली हाय ती ल्या आने पिशवी बी ल्या आले जियाप तलवार नाहा तो तीया पोतडे वेचीन वेचती ल्या
37
माय तुम्हाल आखु, का तो खाराब माहा आरी गोनायो, इ आखाे मा खांतोर मा पुरो वेरा जोजे काहाका मा गोठ्या पुऱ्या वेरी आल्या
38
तीयाय आख्यो, “प्रभु वेरी इही बेन तरवारी हाय” तियाय तियान आख्यो “तोते पुरे”
39
आने तो तिहीआला होस जैतुना बोडा वेला गियो आने शिष्या तीया फासाडी गिया
40
ताहा तिही आवीन तियाय तियान आख्यो तुमा परीक्षाम पोडा नेय तिहाल प्रार्थना केरा
41
तो तियाहनो वाय दुर गियोने गुडगेटेकिने प्रार्थना केई
42
“ बाहका जर तो मन वेरी ता ओ प्यालो मासे दुर के तर मा मनाकी नाहा पेन तो मोनाकी वेरा दे”
43
स्वर्गमेनो एक देव दुत आलो आने तियाल सामर्थ दा लाग्यो
44
दु:खाकी खुप आतो तेबी तियाय खुब जीवलागविन प्रार्थना केयी आने तिया गोजारो रक्ता टिपका होय तोरतीप पोडा लाग्यो
45
आने प्रार्थना किन तो जाहा उठ्यो आने शिष्या पाही आवीन तियान तारासिमजे हुवता वेयो
46
तो तियान आखा लाग्यो “तुमा काहा हुवता? उठा आने परीक्षाम पोडा नाय तिहाल प्रार्थना केरा”
47
तो गोगतुलज का लोका टाेलो आलो आने बारा शिष्याम जो यहुदा इस्कयौत आखतुले एक माहु तिया आगाडी चालतुलो येशू चुंबन ला तो तिया पाही आलो.
48
पेन येशुय तियाल आख्यो “यहुदा चुंबन लिन माहा पोयरा विश्वास घात केतो का?
49
तीया आय पाही जो हाय तो काय वेरी इहकी उनायान तिया आख्यो “प्रभु आमा तलवार चालवुजी का?
50
तियाय ताे एका सेवका नोकराव वार केयो आने तीय हुदो कान तुही गीयो
51
येशुय उत्तर देदो, “ इहकी वेरा दे आने तियाय तिया कानाल आथ लागव्यो आने कान हारो केयो
52
फासे येशु माेडो याजक लोग, परमेश्वरा मंदीरा मोडो अधिकारी आने डायो जो तियाप आखो “ तुमा तलवार माप चालवुता जेहकी कास माय बानड हाय.
53
माय ता रोज तुमा आरी परमेश्वरा मंदीराम गिवाे आने तुमा माप आथ लागवुता नाहा पेन इ तुमा टाइम आने आधारा टोलो हाय”
54
तियाय तियाप अटक केयो आने ते तियाल महायाजकु को लीगीये पेत्र दुरनेज तिया फासाडी चालतुलो.
55
तियाय कोवा हुमूर वोचमेज कोचरो सिलगाव्यो आने तिया चारी सोमके बोठा आने पेत्र बी तिया आरी बाेठो
56
ताहा केली तेबी एक दासीय तिही आगी उजवाडाम तियाय बोठलो वेयो तियुय तिया वेला निवडीन वेयो आने ती आखा लागी “इ माहु बी तीया आरी आथो”
57
प्रेत्र आखाे “बाई माय तियाल नाहा वोखुतो”
58
थोडी वाकी एक माहीय तियाल वेयो आणे आख्यो “तुबी तियाम नोज एक हाय!” पेन प्रेत्र आखे खेरेज माय नाहा!”
59
फासे एक मास जे वेयो आने फासे एक माहु जोरमेज आखे, खेरेज इ माहुबी तिया आरी आथो ओ गलील प्रांता हाय,”
60
पेन पेत्रा आख्ये, “ खेरेज तु काय आखतो मान ताहा होमजुतो ! “तो गोगतुलोज आने कुंकडो.
61
आने प्रभुय वोलीन पेत्रा वेला ताहा पेत्राल प्रभुय फुसली गोठ ईतआली “ आज कुंकडो वाहाय ताक हुग तीन दाव नाय आख्यो” एहकी आखलो इत आलो.
62
फासे तो बारे जायेन मोडा दु:खाकी रोड्यो
63
येशुय नजर थोवनारा लोकाय तिया उपवास केरा आने तियाल ठोका सुरवात केई
64
तियाय तिया डोवा बांद्या आने तियाल प्रश्न केरा लाग्ये ते आखे “वोखे वारु तुल केढाेय ठोक्यो?
65
आने ते तीयाल विसावा खातोर आजी खुब काम गोग्या
66
दिही निग्यो नाहा डाया माहा म्हणजे तियाम बेन प्रकारा माही मुख्य याजक लोग आने नियमशास्त्रारा गुरू ते टोलवाया आने ते तियाक टोलाम लि आला.
67
ते आखे, “ जर तु ख्रिस्त हाय ता आमान आख” येशुय तियान आख्यो, जर “माय तुमाल आखे तेबी तुमा माप विश्वास नाय केरा.
68
आने जर माय प्रश्न विचारे तेबी तुमा माल उत्तर नाय द्या.
69
पेण आमिनोज माहा पोयरो सर्वसमर्थ देवा हुदी वेला बोठलो वेरी”
70
ते आखेज आखा लाग्ये, हाती तु देवा पोयरो हाय काय? तियाय तियाल उत्तर देदो, “तुमा आखता ता माय हाय”
71
आने ते आखा लाग्यो “ आमी आपुन आजी साक्षी काय गरज हाय? आपुय स्वत: तिया मुयाकी उनाया ते”.
Chapter 23
1
फांसे तिया आख्या लोक उठ्या आण तियाहाय येशुल तियामाहान लि गिया,
2
आण ते तियापे आरोप लागवा लाग्या ते आखा लांग्या, आम्हाय ईया माहाल लोकांहान दिशाभुल केता तेयो, तो कैसराल टेक्स दाखातोर विरोध केतुलो आण आंखा लाग्य का तो स्वत: ख्रिस्त एक राजो हाय,
3
फांसे पिलाताय येशुल फुच्यो तु यहुदीया राजो हाय का, येशुय आख्यों तु आखतो तेहकी,
4
फासे पिलाताय मुख्य याजकाने आण लोकांने आख्यो, ईया माहाम माल कायज चुक नाहा देखाती,
5
पेन ते विनंती किन आखा लाग्यो यहुदीया शेहरामुने आखा लोकांन तो आपे हिकवुनु हिकिविन चेतवुतोलो तियाय गालील शेहरामुने सुरवात केई आन ईही लुग आलो हो
6
पिलात ऐहेकी उन्हायो ताहा फुचा लाग्यो का ओ माहुं गालील शेहेरा हाय का,
7
जाहा तियाल होमजो का येशु हेरादा आथा थुलेनु हाय, ताहा तियाय तियाल हेरोदा होवे मोकल्य तो तिया दिहाम यरूशलेम शेहेराम मुज आथो,
8
हेरोदाय येशुल वेयो ताहा तियाल खुप खुशी वेई काहाका तियाय तिया बाबतीम उन्हालं आथो, का तियाल ऐहेकी हमजातुल का तो एगदो हमजातुल का तो एगदो चमत्कार केरी आण तो आपुल वेरी तिली ऐहडी आशा तियान आथी,
9
तियाय येशूल खुबूज प्रश्ने फुचे पेन येशुय तियान उत्तर देदो नाहा,
10
मोडो सेवक लोक आण नियमशास्त्रा हिकवुनारा तिही उभा रिने तिया विरूध्द खुब रोगमे आरोप लागवुतूला.
11
हेरेदाय तिया शिपायां आरी येशूल अपमाना होय वागणुक देदी तिया थट्टा केई, तियाय तियापे एक भोळक पोतळो पवीन आण तियाल तिलाताही फांसे मोकल्यो,
12
तियाज दिहाल हेरोद आण पिलात एक बिहीरा हेगांत्या बोन्या तिया पेहेला ते एक बिहीरा दुश्मन आथा,
13
पिलाताय मोडा सेवकान आण पुढारीन आण लोकांहाल एकजागे हाद्या,
14
ओ माहुं लोकांहान तुम्हा पाही ली आलाहा, आण वेरा जियु गोठीह आरोप तुमा ईयाप थोवताहा तिया खातोर माय तुमा हुबूर होद फुच केई आण माल ईयाल माहाम कायज चुक सापडी नाहा,
15
हेरादालबी चुकी बद्दल कायबी आधार सापड्यो नाहा आण तियाही तियाल फांसे आमा पाही ली आला, तुम्हाबी वी शेकता का मारूलो शिक्षा देवुलो एहेडो तियाय कायज केयो नाहा,
16
तियाय माय ईयाल फटका ठोकीन सोडी देहे,
17
काहाका तियाप ति सणाम तियाल तियाहा केता एकाल सोडा पोडी,
18
पेन ते आखे मिलीन मोडाये बोंबल्ये ईया माहाल माय टाका, आण आम्हा खातोर बरब्बाला सोडा,
19
बरब्बाय शेहेराम दंग मातवुलो आथो तियाय थोडाक लोकांन मायबी टाकले आथे, तियाहाल तियाल जेलुम टाकलो आथो,
20
फांसे पिलात येशुलं सोडा खातोर तिया मोनाकी तियाआरी गोगा लाग्यो,
21
पेन ते बोबुलूतेज रिये तियाल वधस्तंभाप खिला ठोका तियाल वधस्त्ंभाप खिला ठोका.
22
पिलाताय तिनदाव तियाहान आख्यो का ईया माहाय एहेडो केल्लों गुन्हो केलो हाय मारुलो शिक्षा दुवलो ऐहेडो तियाम मान कायज देखायो नाहा, तियाहाल ईयाल माय फोटकाहा शिक्षा दिन सोडी देहे,
23
पेन ईयाल वधस्तंभाप खिलांच ठोका ऐहेकी ते मोडोये बोंबलिन विनती केई आण तियाहा बोंबलुन फांयदो वेयो,
24
ताहा पिलाताय तियाहा मागोलो आथो तेहेकी वेराे जोजे ऐहेकी ठोरव्याे
25
जो माहुंव दंगो आण खुन ईया केता जेलुम टाकलो आथो आण जिया तियाय मागणी केली आथी तियाल तियाय सोडी देदोलो, पिलाताय तिया मोना पासुन केरा खातोर येशूल तियाहा हाताम दि देदो,
26
ते तियाल ली जातुले ताहा कुरेनेकर शिमोन नावा केडोतेबी एक खेता होवेनु आवतलो, तियाहाय तियाल तेयो आण तियाहाय येशू फाचाळी चालीन बधस्तंभ उखली लागा खातोर तो तीयोप थोंव्यो
27
लोंका आण बाई मोडो टोलाे ति फासाळी चालतुले, ते बाईया तिया खातोर साती ठोकिन रोळतुल्या
28
येशू तियाहा होवे फिरीन आखा लाग्यो यरूशलेमा पोयरीही मा खातोर नाहा रोळा पेन आपू स्व्त: खातोर आण तुमा पोयरा खातोर रोळा
29
काहका ऐहेडा दिही आव्ही, ताहा लोक आखी धन्य ते बाया जे वायट्या हाय आण धन्य हाय ती बाई तियुले दिही नाहा रिया आण धन्य ते तियुकी किधी दुध ना पाजों,
30
ताहा ते डोंबुल आख्यी आम्हाप पडा आण ते बोड्या आखी आम्हान बुजी द्या
31
निला चाळाआरी ऐहेकि केताह हुकाला चालाआरी काय काय नेय केनारा,
32
आण बिहीरा बेन माही गुन्हाम आथा तियान बी तिया आरी मारा खातोर ली गिया,
33
आण जाहा ते गुन्हेगारा आरी कवटी आखतुले तिया जागाप आले, तिही तियाय तियाहान आण तिया गुन्हेगाराल एकाल तिया हुदी वेल आण एकाल उलटी वेल ऐहेकी वधस्तंभाप खिला ठोकला.
34
फांसे युशेय आख्यो हे पिता ईयान क्षमा के काहाका ते काय केहेता तो तियान हमजुतो नाहा, तियाहाय चिठ्ठ्या टाकीन तिया पोतोडे वाटी लेदले,
35
लोक तिही वेता उभी रेहेले आण पुढारी थट्टा किन आखा लाग्या, तियाय बिहरांन वाचवुले जर तो ख्रिस्त देवा निवडुलो वेरी त तो स्वत:ल वाचाविली,
36
शिपायांय बि तिया थट्टा केई तिया पाही आला आण तियाहाय तियाल आंबो देदो,
37
आण ते आखा लाग्या जर तु यहुदां राजो हाय ता स्वत:ल वाचव,
38
तियापे ऐहेकी लिखलो आथो ओ यहुदी लोका राजो हाय,
39
तिही खिला ठोकला गुन्हेगाराय तिया निंदा केई, तो आखा लाग्यो तु ख्रिस्त नाहा हाय का स्वत:ल आणआम्हाल बी वाचव,
40
पेन बिहरा गुनहेगाराय तियाल गायदेदो आण आखा लाग्यो, तुल देवा धाक नाहा का तुलबी तीज शिक्षा देदली हाय,
41
पेन आपु शिक्षा खेरी हाय काहाका आपुहूय जो केयो तिया खेरो फोल आपुहून मिली रियोहो, पेन ईया माहाय कैल्लीज चुक केई नाहा,
42
फांसे तो आखा लाग्यो येशु तू तो राज्यांम आवोह ताहा मानबि ईतवुजे,
43
येशु तियाल आखा लाग्यो माय तुल खेरो आखुहू आज तु माआरी सुखलोकांम रेहे,
44
ती टाईमाल पाही पाही पारगा बारा वाजले आथे आण तीन वाजे लुग देशाम आंधारो पडलो आथो तिया टाईमाल सुर्याय बि दिही नाहा देखाड्यो,
45
आण परमेश्वरा मंदीरामनु पडदो वोसमेनुज फाटलो आण तिया बेन भाग विगिया,
46
येशु मोडाये बोबल्यो बाहाका माय मा आत्मा तो हाताम होपी हिदु ऐहेकी आखीन तियाय तिया जिव सोडी देदो.
47
जाहा रोमी शताधीपतीय काय वेलो तो वेयो ताहा तियाय देवा गौरव केयो आण आखा लाग्यो खेरोखेर ओ हारो माहुवे आथो,
48
ऐहेडो दृश्य वेरा खातोर टोलवाला लोकोहाय घडल्या गोठ्या वेया ताहा ते छाती ठोकताज परत गिया,
49
पेन तियाल ओहकुनारा आख्या लोक तो वेरा खातोर दुर उभी रेहेला, तियाहाम गालील शेहेरामनु तिया फाचाली आल्या बाह्या आध्या
50
तिही योसेफ नावा एक माहुव आथो तो यहुदी सभा पुढारी आण हारो आण नितीमान माहुव आथो,
51
तियाय तिया कामाल आण विचाराल संमती नाहा देदी, तो यहुदा शेहरात नु अरिमथाई गावा आथो तो देवा राज्या वाट वेतुलो,
52
ओ माहुव तिलाताय गियो आण तियाय येशू शरीर मागा लाग्यो
53
ते तियाय वधस्तंभापनु ऐठाहा उताव्यं आण चादराम गुडाळीन फांसे तो डोगडाम खोदंलो माहानाम थोवलो, ई महान ऐडोह आथो का तियाम किदिहीज केडाल थोवलो नेय आथो,
54
तो तियारी दिही आथो आण शब्बाथ सुरू वेणारो आथो,
55
गालील शेहरामनु येशू आरी आल्या बाया योसेफा फाचाळी गेहेल्या तियाहाय ती कबर आण तियाहाम तो शरीर केहेकी थोवलो तो वेयो,
56
फांसे ते को गिया आण तियाहाय आज्ञा देहली तेहकी आराम केयो,
Chapter 24
1
आहुवड्या पेहेल्याज दिहाल ते बाया एकदम पाहाटेज कबरा होवे आल्या आण तियुही स्वत: तियार केली हारी हारी वस्तु ली आल्या,
2
तियाहान दोगंडो कबरापनु होरकुलो देखायो,
3
ते माज गिया पेन तियाहान प्रभु शरीर सापड्यो नाहा,
4
ईया खातोर ते चमकाय गिया तोतामुज अचानक चमकुनारे पतोडे पोवले बेन माही तियाहा सायटिम उभी रेहेले,
5
ताहा ऐकदम बी गिया तियाहाय तियाहा चेहेरा तरती हवे केऱ्या आण ते तियाहान आखा लाग्या, जो जिवंतो हाय तिया होद तुमा मोले हाय तियाम काहा केतेहे,
6
तो तिही काय ना हाय तो उठी वाल्य तो गालील शेहेराम रिन तियाय तुम्हाल काय आखोलो तो ईतवा,
7
तो एहेकी माहा पोयराल तीन पापी लोंका हाताम देवनु तियाल वधस्तंभाप खिला ठोका आण तिसरा दिहाल तो उठनारो,
8
फांसे बाईन येशु गोगुलो ईत आलो,
9
तियां कबरुहीने आवत्या रिया आण तियुही ए आख्या गोठ्या जो वेयो तो अकरा सेवकान आण तिही बिहीरा आथा आखान आख्यो,
10
ते बाया मग्दालीया मरीयम योहान्ना आण याकोबा याहाकी मरीया ए आथ्या, ते आण बिहऱ्या बाया सुध्दा जे तीयुहू आरी आथ्या सेवकाहान ते गोग्या आखी देखावतुल्या,
11
पेन सेवकाहान तियुहू आखनु मुर्खपणा हो लाग्यो आण तियाहाय तियुहूपे विश्वास नाहा केयो,
12
पेन पेत्र उठ्यो आण कबरू होवे धवळयो तियाय एठा कुनकिन वेयो वेप तियाले तागा वेटालला पोतडा शिवाय कायज देखा यो नाहा, जो वेलो हाय ति गोठीम तो स्वत:ज तियाल नोवाय किन तो दुर गियो,
13
तियाज दिहाल तियाहाम ने बेनी शिष्या यरूशलेम शेहेरायनु सुमारे उकरा किलोमीटर दुर अम्माऊस नसवस गावाम जातुले,
14
ते एकबिहीरा आरी ए घडल्या आख्या गोठीबाराम गोगतुले,
15
ते गोगतुले ताहा आण ईयु गोठी चर्चा केतुला ताहा येशु स्वत: आलो आण तिया आरी चाला लाग्यो,
16
पेन तिया डोंवा तियाल ओखाखातोर बंद केराम आल्ला आथा,
17
येशु तियाहान आखा लाग्यो चालता ताहा तुमा एकबिहीरा आरी गोगतुला ते गोठ्या केल्लया हाय. चालता चालता ते उभी रिया ते खुब देखाया
18
तियाहामनु एक माहु तिया नाव कलयपा आथो तो तियाहान आखा लाग्यो, ईया दिह्याम घडल्या गोठ्या माहीत नेय वेरी एहेडो यरूशेलेम शेहराम रेनारो तु एखोलज हाय का,
19
येशु तियाहान आखा लाग्यो तुमां आखुलो केल्लया गोठ्या ते तियाल आखा लाग्याे, नासरेत येशू विषययाम आख्या गोठ्या ओज तो माहु जो तियाहा कामाकी आण शब्दाकी देवाहुंबूर आण माहाहुंबूर एक महान संदेष्टो वेयो,
20
आण आमा चर्चा केतुला ताहा केहेकी आमा मुख्य सेवकाय आण अधिकाऱ्या ही तियाल मोनु दंड़ भोगाखातोर स्वाधीन केयो, आण तियाही तियाल वधस्तभाप खिला ठोक्यो,
21
आमाहाय एहेडी आशा केली आथी का तोज एक हाय, जो इस्त्राएला मुक्ती केरी आण ईयाहा आखां शिवाय आख्या वेल्या गोठीन आजनु तीन दिही वी गिया,
22
आण आमाहा कुटूंबामनं थोड्याक बाईही आमाहान आश्रर्य चकीत की देदा आज माहारीज पहाटे ते कबरा होवे गिया,
23
पेन तियाहान तिया शरीर सापड्यो नाहा तियाहाय आवीन आमाहान आख्यो का तियाहान देवदुताहा दर्शन वेयो, आण देवदुताहाय आख्यो का तो जिवतो हाय,
24
ताहा आमामनु थोळाक कबरू होवे गिया आण बाईही जेहेकी आखलो आथो तेहेकीज तियाहान देखाथे पेन तियाहाय तियाल वेयो नाहा,
25
फांसे येशू तियाहान आखा लाग्यो संदेष्टाहाय आखल्या आख्यी गोठीप विश्वास थोवणारा तुमा मोडा मुख आण कमीबुघ्दी हाय.
26
ख्रिस्ताखातोर ए आख्या गोठ्या सेहेन केरा आण तियाहा गौरव केरा जावुलो आवश्यक नेय आथो का,
27
आण तियाहाल तियाय मोशे होवेनु सुरवात किन आण आखां संदेष्टाय लुग आखीन शास्त्रलेखाम तियाविषयाम काय लिखलो हाय तो आख्यो तियाय तियाहान हारकी होमजावीन आखी देखाल्यो
28
ज्या गावाम ते जातला, तिया जागे ते आला ते आला आणे येशुय एहकी विचार केयो की, जेहकी काय तो आगाडी जाणारो हाय.
29
पेन खुप रावाया किण तियाही आख्यो, “ आमाआरी रे कारण वाहतो पोड्यो आणे दिही भी बुडी गियो.” ताहा तो तियाआरी रा-खातुर माज गियो.
30
जाहा तो तिया आरी मांडोखा बोठलो तियाय माडो लेदो आण आशिर्वाद मागीन फांसे तियाय तो मुळ्यो आण तो तियाहान दा लाग्यो,
31
ताहा तियाहा डोवा उगड्या आण तियाय तियाल आख्यो पेन तो तियामनु गायब विगियो,
32
ताहा ते एक बिहीराल आखा लाग्या तो वाटीप आपुआरी गोगतुलो ताहा आण शास्त्रलेखामनु गोठ्या केतोलो, ताहा आनु अंत:करणाम माजमा माज उखलातो जे नेय का,
33
फांसे ते तुरून उठ्या आण यरूशलेम शहराम परत गियो, ताहा तियाहान अकरा सेवक आण तिया आरी आथा बिहीरा एकुज जागे टोलवाला देखाया,
34
सेवक आण बिहरालो आखा लाग्या खरेंज प्रभु उठ्योहो आण शिमोनाल देखालो,
35
फांसे तिया बेन शिष्याहाल वाटीम काय वेलो तो तियाहान आख्यो आण तो माडो मुळतुलो ताहा तियाय तियाल केहेकी वोहक्यो तो आख्यो,
36
ते ए गोठ्या तिहान आखतुलो ताहा येशु तियाम उभी रियो आण तियाहान आखा लाग्यो तुमाहान शांती मिले,
37
ते काबराय गिया आण बि गिया तियाहान केहेकी होमजायो का ताेअ पुथडो वि रियाहा,
38
तो तियाहान आखा लाग्यो तुमा एहेकी बि काहा गिया तुमा मनाम शंका काहा तियार वेयी,
39
मा हात आण पाग वेरा तुमाहान माय देखावु तोज माय हाय माज आथली वेरा आण वेरी का माल हाय तेहेकी आटके आण माहा पुथडाले नाहा रेते,
40
एहेकी आखीन तियाय तियाहान तिया हात पाग देखाव्या तेबी तियाहा खुचीकी तियाहान तो खेरो वाटतुलो नेय,
41
तेबी खुचीकी विश्वास नेय केता आश्रर्यचकित वि गिया ताहा येशु तियाहान आखा लाग्यो तिही तुमाहापे खाखातोर काय हाय,
42
फांसे तियाल रेहलो माशा तुकडो देदोलो,
43
तियाय तो लेदो आण तिया हुबूर खादलो,
44
तो तियाहान आखा लाग्यो तेज ते गोठया जे माय तुमा आरी आथो ताहा आखल्या का मोशे नियमशास्त्र संदेष्टे आण स्त्रोत्रे ईयाम भविषयाम जो आखो हाय,तो आखाे पुरज वेरा जोजे,
45
फांसे शास्त्रलेखं होमजा खातोर तियाय तियाहा मने उगडये
46
फांसे तो तियाहान आखा लाग्यो एहेकी लिखलो हाय का ख्रिस्ताये दु:ख भोगाजोजे आण मोलामेनु तिसऱ्या दिहाल उठीजाे
47
आण यरूशलेम शेहेंरामनु सुरूवात आखा राष्टाम तिया नावाकी पश्चात्ताप आण पापांहा क्षमा प्रचार केराम आवी
48
ईयु गोठी तुमा साक्षी हाय,
49
वेरा मा शपथ लेहली हास तीया माय तुमाहाय मोकलु, तुमा स्वर्गा सामर्थ्याकी नेय पराया तावलुग ईयाज शेहेराम रेजा,
50
फांसे तो तियाहान बारे थोडेक दुर बेथानीलुग लीगीयो आण तियाहान हातउंचेकीन आशीर्वाद देदो,
51
तो आशिर्वाद देतुलो तोता मुज आकाशाम लेवाय गियो,
52
फांसे तियाही तिया उपासना केई आण ते मोडी खुशीम यरूशेमाम फांसे गिया,
53
आण ते परमेश्वरा भवनाम देवा धन्यवाद केताह रिया
John
Chapter 1
1
पेला शब्द आथो शब्द देवाआरी आथो आने शब्द देव आथो.
2
ताओ पेला देवाआरी आथो.
3
आखोज काय तियावाय वेयो आने जो काय वेयो तोअ तियाय केया शिवाय वेयो नाहा.
4
तियाम जीवन आथो आने तो जीवन माहा (लोका) खातुर उजवाडो आथो.
5
तोअ उजवाडो आंधाराम उजवाडो देतलो, तेबी अंधाराई तियाल, अंगीकार केयो, नाहा (मोन्यो नाहा)
6
देवाहाने माकलुलो एक माहु प्रगट वेयो, तिया नाव योहान.
7
तोओ गवाही बनी तिया उजवाडा बारामे गवाही दीई तियाप विश्वास थोवा जोजे.
8
योहान तोओ उजवाडो नेय आथो, पेन तिया उजवाडा बाराम गवाही दाआ जोजे तिया खातुर आलो.
9
जो खोरो उजवाडो हरऐक माहा उजवाडो बनावेहे तोओ जंगाम आवनारो आथो.
10
तोओ जगाम आथो, तोअ जंग तियावाय बनावलो आिाो तेबी जगाय तियाल वोअख्यो नाहा.
11
जे तिया खाजगी आथा तियापाही तोओ आललो तेबी तियाल संगा कुटूबीया तियाल मान्यो नाहा.
12
पेन जताहंबी तियाल मानी लोदो तिया नावाप विश्वास थोव्यो तोओ ताहा देवा पोयरे वेरा खातुर अधिकार देदो.
13
तिया जन्मो रक्तो नैताहा देवा इच्छा नैताहा माहा इच्छा ईयापेन वेया नाहा पेन देवा पेने वेयोहो.
14
शब्द देहे वेयो, आने तियाय आमाहमे वोहती केयी, आहेन आमुहूय तिया गौरव वेयी तोअ बाहाकोपेने आलेलो तिया ऐखलाज गौरव वेरा जोजे. तेहकी कृपा ओन सत्यावाय परिपुर्ण (पोरालो) वेलो आथो.
15
योहान तिया बाराम गवाही देहे ओन माडाआ आवाजा की आखेहे, “जिया बारामे मायुय आख्यो, की माआ फासला जो आवेहे तोओ माआ हुबूर आगलो हाय, काहाल तोओ माआ पेला आथो तोओ आज हाय,”
16
तियामेनेज आपुह बादाज कृपा पे कृपा वेली हाय.
17
काहालका नियमशास्त्र मोशे की देदलो आथो, कृपा ओन सत्यो ईसु ख्रिस्ता वाय वेयी.
18
देवाल किदीहीज केडाय देखलो नाहा, जो दवा एक नौशी एक पोयरो बाहाक आरी आथो. तियाल तियाय प्रगट केलो हाय.
19
आने योहाना गवाही ई हाय जाहा यहुदी अधिकाऱ्या यरुशलेम शहारामेने याजक आने लेवी तियाहान तियाय पुछा मोकल्ये की, “तु केडो हाय ?”
20
तियाय खुलेआम कबुल केया, इन्कार नाहा केयो, “आय ख्रिस्त नाहा” ऐहकी तियाय कबुल केयो.
21
ताहा तियाय तियान पुच्यो “तेबी तु केडो हाय ? का ? एलिया हाय का ?” तियाय आख्यो, “आय नाहा” “तु भविष्य आखनारो हाय का ?” तिया उत्तर देदो “आय नाहा”.
22
तियापेने ते तियाल आख्यो, “तु केडो हाय ? याने जियाय आमाहाल मोकल्यो तियाल आमु उत्तर देहु, तो बाराम तोओ काय आखलु हाय ?”
23
तियाय आख्यो, “यशया भविष्य आखनारा प्रमाणे.”
24
आने मोकलुले माही परुशी मेने आथे.
25
आने तियाय तियाहान प्रश्न किईन पुच्यो, “तु तर ख्रिस्त नहा, कि एलिया नाहा, आने तो संदेश देनारो नाहा तेबी तु बाप्तिस्मा काहा देतो हो ?”
26
योहानुय तियान उत्तर देदो, “आय पायावाय बाप्तिसमो दिहु पेन तुम्हाये तियाले वोअख्यो नाहा ऐहडो एक जाआ तुमामे उभो हाय.
27
तोओ माआ पाछाला आवनारो हाय तिया चापलाहा बांद्या सोडा खातुर आय इया लायक नाहा”
28
यार्देनु तियुवेलाने बेथानीन योहान बाप्तिस्मा केअतलो आथो तिही ई गोठ्या बन्या “पेरमेश्वरा वाट हारी केरा तिया वाट निट केरा ऐहकी रानामाय ऐहडी आवाज आय उनालो हाय.”
29
बिहीरे दिही ईसुल तियावेला आवता विईन योहानाय आख्यो, “ओ वेरा जगता पाप हरण केअनारो देवा कोकरो.
30
जिया बाराम मायुय तुमाहालल आखलो आथो, की माआ फासला एक जाआ आवी रेहेलो हाय तो आ माआ आगला वेलो हाय काहालका तोअेमाआ आगला आथो, तो ओज हाय.”
31
आय तियाल वोखतलो नैय आथो, तेबी तियाय इस्त्राएलाम प्रगट वेरा जोजे तिया खातुर आय पाया पाय बाप्तीस्मो केअतो आललो हाय.”
32
योहानाय ऐहकी गवाही देदी का “ आत्मा कबुतरा होच आकाशमेने उततो आवतलो ताहा तिया उच्चे अभी रिया मायुय वेयो.
33
आय तियाल वोखुतलो नैय आथो, तेबी मायुच पायावय बाप्तीस्मो केरावा खातुर जियाय माल मोकलुलेा तियाय माल आखलो की “तु जिया केडाप आत्मा उताना वेतलो आने स्थिर रिया वेयो तोच पवित्र आम्हा वाय ‘पवित्र आम्हा वाय बाप्तिस्मो केअनारो हाय.’
34
मायुय स्वता वेला हाय आने गवाही देदली हाय की, “ओ देवा पोयरो हाय.”
35
तिया फासला बिहीरे दिही योहान आने तिया चेला मेने बेन्याआरी उभो रेहलो.
36
ईसु जातलो ताहा तियाल विईन आखतलो “ओ वेरा, देवा कोकरो !”
37
तिया ई गोगलु, तिया बेन्याचेलाही उनया आने ते ईसुअ फासला फासला गियो.
38
ताहा ईसुय फासला फिरीन तिया फासला आवताल ई विईन आख्तालो “तुमु काय होदताहा ?” तेअे तियाल आखताला , “रब्बी (गुरुजी) तु काही रेतोहो ?” तोओ तियाहान आखतलो “आवा आने विल्या” फासे तीया जायने तो ओ किही रेतलो
39
तोअे वेयो, आने ते तिया दीही तिया आरी रिया, ताहा तिही चार वाजले आथे.
40
योहान गागता उनाईन तिया फासला जेअे बेन जा गेहेला, तियामेने एक शिमोन पेत्राआ पावु अंद्रिया ओ आथो.
41
तिया तियाल खास पावु शिमोन पेलाने भेटलो, आने तियाय आखा लाग्यो “आमाहाल मसीहा म्हणजे ख्रिस्त सापड्यो.”
42
तियाय तियाहाल ईसुअ पाही लिई आला ईसुय तिया वेला विईन आख्यो, “तु योहाना पोयरो शिमोन हाय, तुल कैफा याने पेत्र नायता खडक (डोगडो) आखी.
43
बिहीरे दिही तियाय गालील शहराम जाआ खातुर कौशीश केयी आने ताहा फिलीप्प तियाल मिल्यो ईसुय तियाल आख्यो, “माआ फासला आव.”
44
आमी, फिलीप्प बेथ्सैदा आने अंद्रिया आने पेत्र ईया नगराम आथो.
45
फिलीप्पाल नथनेल मिल्यो ताहा तोओ तियाल आखा लाग्यो, “जिया बारामे मोशेय नियमशास्त्राम लिखलो आने तेहकीज सदेष्ट्यांय लिखलो तो म्हणजे योसेफा पोयरो ईसु नासरेथकर आमाहाल सापड्यो हो.”
46
नथनेल तियाल आखा लाग्यो, “नासरेथ्मेने काही तेबी हारो निगी का ?” फिलीप्पाल तियाल आख्यो, “आवीन वेरा.”
47
नथनेल तियावेला आवतालेा ई ईसुय वेयो आने तोओ आखा लाग्यो, “वेरा, ओ खेरो इस्त्राएली हाय, इयाम खोटो नाहा.”
48
नथनेल तियाल आखतलो “तुमाहाल माआ ओळख केहकी ?” इसुय तियाहाल उत्तर देदो, “तुल फिलीप्पाय हादलो, तियापेने तु अंजिरा चाडवा निचे आथो, ताहाच मायुय तिल वेलो,”
49
नथनेलाय उत्तर देदो, “रब्बी, तु देवा पोयरो हाय, तु इस्त्राएल राजो हाय.”
50
ईसुय तियाल उत्तर देईन आख्यो, “आय तुल अंजिरा चाडवा निचे वेलो तियाल आख्यो तियालाल तु विश्वास थेवतो का ? तु तिया केअता मोड्या गोठ्या वेयहो.”
51
आने तो तियाल आखतलो “माय तुमाहाल खेरोखर आखुहू तुमा ईया आगला आकाश खुलला आने देव इुतान चाढता ओन माहा पोयरान उतताना पेयाहा.”
Chapter 2
1
फाचे तिसरा दिही गालील शहरा काना नगराम एक वोराड आथो, आने ईसु याहकी तिही आथी.
2
ईसु आने तिया चेलाहान वोराडाम हादला आथा.
3
फासे द्राथारोसो पारवायो ताहा ईसु याहकी तियाल आखलागी, “तियापाही द्राक्षारोसो नाहा.”
4
ईसुय तियुल आख्यो, “ बाई, ईयाकी तो आन माआ काय संबंध हाय ? मा वेल आजी आली नाहा.”
5
तिया याहकी चाकरान आखा लागी “ओ तुमाहाल जोओ आखी तो केजा.”
6
तिही पांया सहा दोगडा गोले, यहुद्या शुध्दी करन कईलो रितीप्रमाणे थोवलो आथो, यिताम बेन-बेन, तिन-तिन मण पांय होमाय ऐहकी तेऐ आथे ?
7
ईसुय तियाहान आख्यो, “गोलाहान पाया की पोय द्या.” आने तियाही ते मुयाही आवे आते पोये.
8
फासे तियाय नौकरान आख्यो, “आमी आमी तियामेने काडीन मांडोओ बानावनाराही ली जा, ताहा तियाही तोओ लि गिया.
9
द्राक्षरोसा बनविलो पाय, मांडो बोनावनाराय जाहा साखी वेयो आने तो किहीने हाय ई तियाल मालुम नाय आथो, पेन जिया नौकराय पांय पोला तियाहान मालुम आथो, ताहा मांडो बोनावनाराय वोर राजाल हाद्यो.
10
तियाल आख्यो, ‘हर ऐक माहु पेला हारो द्राक्षारोसो वाटेहे आने माठो फासे वाटते पेन तु ता हारो द्राक्षारोसो आमी लुग थोवलो हाय.”
11
ईसुअ गालील शहरा मने काना नगराम तियाहान अद्भुत चिन्हां सुरुवात किईन तिया गौरव प्रगट केयो, आन तिया चेलाही तियाप विश्वास थोव्यो.
12
तिया फासला ओते तिया याहकी तिया पावु ओन तिया चेला निचे कफर्ण हुम गिये, पेन तो तिहीज खुब दिही रियो नाहा.
13
फासे यहुदीयांहा वल्हांडण सा पाही आलो ओन ईसु यरुशलेम शहराम उच्चे गियो,
14
ओन तियाय परमेश्वरा मंदिरामेने (देवलामेने) डोगरे, मेडे, आने कबुतर वेचनारा ओन सराफ ऐ बोठला देख्या
15
ताह तियाय दौढा एक चापको बनविन मेढे ओन डोगरे इया आखान परमेश्वरा मंदिरामेने काडी टाक्ये, सराफा पैसा पेटी फेकी देदा, आने चौरगाना उबलावी देदे.
16
ओन तियाय कबुतर वेचनारान आख्यो, “ईयान इहीने काडी टाका, मा होरगा वाहका कौवे बाजारापेट माआ बनावा.”
17
ताहा तोओ मंदिरामेने आवाजा वाय माल खाई नाय रियोह, ऐहकी शास्त्राम लेखलो हाय ऐहकी तिया चेलाहान ईतवी काड्यो.
18
तियापेने यहुदीया तियाहान आख्यो, “तु आमाहा ई केहतो तर आमहाल तुमाहा अधिकार काय चिन्हे देखावता ?”
19
ईसु तियाहान उत्तर दिईन आख्यो, “तुमाहा ई परमेश्वरा मंदिराल तोडी टाका आने आय तीन दिहाम बनवि टाकेहे.”
20
तियापेने यहुदी अधिकारी ई आख्यो, “परमेश्वरा मंदिर बांधा शेहचालीस वर्षे लाग्येहे, ओन तु इ तिन दिहाम बनवि टाकोहो काय ?”
21
तोटो तिया देहाठपी (शरिरारुपी) मंदिरा बारामे गोगतो आथो.
22
फासे तो ओ ऐहकी आखतलो की तोओ मोय गेहलेा मेने उठीन तिया चेलाहान ईत आलो. ओन तियाय शास्त्रलेखाम वेयो, ईसु आखल्या बचना गोठीप विश्वास थोव्यो.”
23
आमीही वल्हांडण सणा वेला तो ओ यरुशलेमा शहराम आथो.
24
तियाय केअले चिन्हे विईन खुब माही तिया नावाप विश्वास थोव्यो. ऐहकी आथो, तेबी ईसुय तियाहान वोखीन तिया स्वता तियाप विश्वास नाय आथो.
25
शिवय माहा बद्दल केडोभी साक्षी दा जोजे ईया तियाल गरज नैय आथी, काहाल माहु काय काय ई तो वाखी लेदलो आथो.
Chapter 3
1
परुश्यामने तिकदेम नावा एक माहु आथो तो यहुदीया एक अधिकारी आथो, तो राती तियाही आलो आख्यो, “रब्बी, देवाईन आला ने शिक्षक हाय इ आमा जातेह,
2
काहाकी आपु जी चिन्हे किरीयेहे ते कडोच माहु तियाआरी देव हाय या शिवय तो की केह,
3
येशुय तियाल आख्यो आय तुम्हाल खेरो खेरो आखु, फासे जोन मलीन केडालबी देवाआ राज वेता नय आवे,
4
तिकदेमाइ तियाल आख्यो, “डायो वेलो माहु केहकी जनमो ली, तियाल आपु याहकी डेडीमने बीहरीदाव जावनो व जनमो लुवनु खरो वेरी काय ?
5
येशुय तियाल उत्तर देदो, आय तुम्हाल खेरो खरो आखु पांयाकी व आत्म्याकी जनमो लेवा सिवाय केउोच देवाआ राजा जाय शकणारा नाहा,
6
शरीरामने जनमो लेदलो देह हाय आणे आत्म्याकी जनमो लेदलो आत्मा हाय,
7
तुमा फासे जनमो लाजो जे ऐहकी आय तम्हाल आखु या नोवाय माना नाहा,
8
वारगो कंगी तो चालेह तिया आवाज तुम्हाल उनातेह, पेन तो कीहनी आवे कीही जाहाय ई तुमनेल होमजातो नाहा, जो केडा आत्म्याकी जनमो देदलो हाय तिया ऐहकीच हाय.
9
निकदेमाय तियाल उत्तर दिन आख्यो, ‘या गोठ्या केहकी वी शेकत्याहा ?
10
येशुय तियाल उत्तर दिने आख्यो, “तु इस्त्राएलाआ गुरु वीन बी या गोठ्या होमज्यात्या नहा काय ?
11
आय तुम्हाल खेरो खेरो आखुहू जे आमाहाल मालुम हाय ते आम्हा आखताह आने आमा जो वेलो हाय तिया साक्ष देताहा, पेन तुम आमा साक्ष मानता नाहा.
12
आये तोरती गोठ्या आखु, पेन तुम्हाल विश्वास थोवता नाहा, ताहा आय होरगा गोठ्या जर तुम्हाल आखु तर तुमा केहकी विश्वास थोवाहा.
13
इहोरगामेने उतलो व होरगाम रेणारो जो मनुष्या पोयरो तियाशिवाय केउो होरगाम चोडीन गीयो नाहा.
14
जेहकी मोशेय जोगलाम पितलाआ होपडो उचे केलो आथो तेहकी मनुष्या पोयरालबी उचे केरा जोजे,
15
या केता की जो केडो विश्वास थोवेहे तियाल तियाकेता कायमने जीवन मिला जोजे,
16
काहाकी देवाय जगापे आते मोयो केयी की, तियाय आपु एकुलतो एक पोयरो देदो याकेता की जो केडो तियापे विश्वास केरी तियाआ नाश नाय वे तर तियाल कायमने जीवन मिले.
17
काहकी देवाय पोयराल जागाम मोकल्यो ते जगा न्याय केरा केत नाहा पेन तिया द्वारे जगा तारण वेरा जोजे तिया तियाल मोकल्यो,
18
जो तियापे विश्वास थोवे तिया न्याय वेनारो नाहा, पेन जो विश्वास केतो नाहा तिया न्याय वेलोंच हाय तियाय देवाआ एकुलमो एक पोयराआ नावाप विश्वास केयो नाहा,
19
आने त्याय ओजे हाय की जगाम उजवाडो आलो हाय पेन मनुष्याय उजवाडाही ने अंधराहा आवड केई काहाकी तिईया कर्मे हारे नाय आथे,
20
काहाकी जो केडो खराब कामे केहे तो उजवाडा नाकार केहे आने आपु कामे उगड्ये पोडा नेय जोजे याकेता उजवाडाम आवते नाहा.
21
पेन जो खेरो माने तो उजवाडाम आवेहे या केता की आपु कामे देवाआ हूंबुर थेवले हाय ई उघडे वेरा जोजे.
22
फासे येशू ओन तिया चेला यहुदिय हिवालाम आला आने तिही तियाआरी रीन तो बाप्तिस्मा केतुलो,
23
आने योहान बी शालिमापाही एनोन इही बाप्तिस्मो केतुलो , काहाकी तिही पांयखुब आथो आने माहें तिही आवीन बाप्तिस्मो लेतुले.
24
तावलागु योहान जलाम थोवायो नाहा,
25
ताह योहाना चेला एक यहुद्याआरी शुध्दीकरण बाराम वादविवाद वेयो,
26
ते योहानाय आवीन तियाल आख्यो, “रब्बी, यार्देन खाडी तिवेले जो आपुआरी आथो आने तुयुय ज्याआ विषयी साक्ष देदी तो बाप्तिस्मो कीरीयो आने तियाहावे बाटे जायरीये,
27
योहानाय उत्तर देदो, माआहाल होरगामने देता हाच कायच मिले नेय.
28
आय ख्रिस्त नाहा तर आय तिया आगला मोकलुलो हाय, याकेता तुमा मा साक्षी हाय.
29
जियाल वोडली हाय तो वोडलो आने जो वोडला जोडीदार उभोरीन तिया गगुन उनाय तियाल वोडला आवाजा की तो खुब खुश वेहे, तेहकी ओ मा आनंद पुरो विगीलो हाय,
30
तिया वृध्दी वे व माआ ऱ्हास वे इ वेनारोच हाय.
31
जो उच्चेने आवे तो बाठाआ उच्चे हाय, जो तोरतीपेने हाय आने तोरतीपेन गोगेह, जो होरगामने आवे तो होरगा वोडलो हाय,
32
जेा तियाय वेलो हाय व उनालो हाय तियाविषयी तो साक्ष देहे आने तिया साक्ष केडो मानतो नाहा.
33
तियाय तिया साक्ष्ज्ञ मानील दली हाय तियाय देव खेरो हाय यापे आपु शिक्को ठोकलो हाय,
34
34. काहाकी तियाल देवाय मोकल्यो तो देवाआ वचन गोगे काहाकी तो आत्मा मोजीन माफीन देतो नाहा.
35
बाहको पोयरापे मोया केहे आने तियाय बाठोकाय तितया आथाम देदलो हाय,
36
जो पोयरापे विश्वास थोवे तियाल सार्वकालक जीवन मिललो हाय, पेन जो पोयरा उनातो नाहा तिया नोजरीम जीवन मिलणारो नाहा पेन देवा रोग तियापे री.
Chapter 4
1
येशु योहानाहीन वादार चेला बोनावे तिया बाप्तिस्मो कीरीआ इ परुश्याहा कानांप गेहली आथी एहकी जाहा प्रभुल मालुम पोड्यो,
2
तेबी येशु सोता बाप्तिस्मो केतुलो नाहा पेन तिया चेला बनाव आथो,
3
ताहा ते यहुदीया दिवाला सोडीन फासे गालीलआ हिवालाम गीयो,
4
आने तिया शोमरोना हिवालामने जापोड्यो,
5
ताहा तो शोमरोआ हिवालाम सुखर नावा वोहतीम आलो, ते याकोबा आपु पोयरो योसेफ याल देदली खेति पाही ते आथे,
6
तिह याकोबा वेय आथी काहाकी चाली चालीन थाकलो येशु तेहकीच तिया वेयी पाही तो बोढो, भारे माजनाप बार वाजले आथे,
7
तिह एक शामरानी बाई पाय काडा आली , येशुय तियील आख्यो, “माल पीया दे,”
8
काहाकी तिया चेल मांडो वेचातो लागीहीला आथा,
9
ताह ती शोमरानी बाई तियाल आख्यो, “ तु ते यहुदी हाय मा सारखी शोमरोनी बाई पेने पिय पाय मागीरीयोहो इ केहकी ?” काहाकी यहुदी शोमरोनी लोकाआरी केहडाच व्यवहार संबध नाय थोवतला.
10
येशुय तियाील उत्तर देदो “देवाआ दान इ काय आने माल पिया दे एहकी तूल आखनारो केडो हाय ई तुल हामजातो तर तु तियापेने मागती आने तियाय तुल जिवतो पांय देतो,
11
ती बाई तियाल आखो, ‘साहेब, पाय काडा तुमापे कायच नाहा आने वेय तर खुब उंडी हाय, तुम्हापे जीतो पाय कीहीनी ?
12
आमा जुनो डायो याकोब याय इ वेय आमाल देदी तो सोता पीतुलो तिया पेक्षा आपु मोडा हाय काय ?
13
येशुय तियील उत्तर देदो, जो केडो ई पाय पीयी तियाल फासे पाय पीलागी,
14
पेन आय देहेतो पाय जो केडा पियी तियाल कीदीहीच पाय पी लागनारो नाहा. जो पायआय तियाहाल देहे ते तियाहाम सार्वकालिक जीवनाकेता गुगालाहोस पाया चिरफो लागी,
15
ती बाई तियाल आख्यो साहेब माल पाय पीनेय लागे आने पाय काडा ओई लागु आवाणे पोडे ऐहडो तो पाय माल दे.
16
येशुय तियील आख्यो, जो तो कोवालाल हादी लाव,
17
ति बाईस आख्यो माल माटी नाहा हाय, येशुय तियील आख्यो तु खेरोच गोगी की माल माटी नाहा,
18
काहाकी तुल पाच माटी आथा आने तोआरी आमी हाय तो तो माटी नाहा ई तु खेरो आख्यो,
19
ति बाई तियाल आख्ये का साहेब आपु संदेष्टे हाय ई माल आमी होय जायो,
20
आमा जुना डायाय याच डोगापे उपास केलो आने तुमा आखताहा की जिह उपास केरा जोज तो जागो यरुशलेम शहराम हाय,
21
येशुय तियील आख्यो पोयरी मापे विश्वास थोव की ऐहकी घटणा आवनारी हाय, तुमा या डोगाऊपे आने यरुशलेम शहरात पेन आबाआ उपास केनारो नाहा.
22
तुमा जियाल वोकुता नाहा ऐहंडा उपास केता, आम्हाल मालुम हाय ऐहडा बी उपास आमा केता काहाकी यहुदामने तारण हाय,
23
तर खेरो उपासक आत्म्याकी व खेरोच होरगा आबो उपास केबी ऐंहडी टायम आवी, किंबहुना आलीचा हाय काहाकी आपु उपासक ऐहडेच रा जोजे एहकी आबा इच्छा हाय,
24
देव आत्मो हाय आने तिया उपासकाही तिया उपास आत्म्याकी व खरोखर जोजे,
25
ती बाई तियाला आख्यो आय जाहु की मसीहा जियाल ख्रिस्त आखते तो आवणारो हाय. माल मालुम हाय तो आवी ताहा तो बाठ्या गोठ्या आखी,
26
येशुय तियील आख्यो तोआरी गोगनारो आयच तो हाय, तो ताहाम तियाचेला आला आने तो एक बाई आरी गोगेह या तियाहाल नोवाय वाट्यो.
27
तेबी केडो एहकी आख्यो नाहा की आपु काय फुसतो आने आपु तियाीआरी काह गोगतो हो
28
ती बाई ताहा आपु पाया डेगडो तिहच टाकीन गावम गीयी आने लोकाहाल आखा लागी.
29
चाला मायुय केले बाढो काय जियाय माल आख्यो तो माहु वेरा तोच ख्रिस्त वेरी काय ?
30
ताहा ते गावामेने तिहीनी आवा लाग्ये तिया हावे
31
तिया चेला तियाल राव्या कीन, ‘रब्बी, काय तेबी खायले,
32
पेन तो तियाहाल आखे तुमाहाल मालुन नाहा का एहडो अन्न माआरी खा केता हाय,
33
यापने चेला एकाबीहराल गोगा लाग्या याल केडाय खाऊनु लावी देदो वेरी काय,
34
येशुय तियाहाल आख्यो, “जियाय माल मोकल्यो तिया इच्छानुसार केरा आने तिया काम तिटलीन चाला केता ईच मा मांडो हाय.”
35
आजी चार मोयना आवकाश हाय ताहा वाडणु आवी वेरा आय तुम्हाल आखु आपु नजर उचे कीन खेते वेरा ते वाडा केता उजले वेले हाय काय ?
36
वाडनारो मजुर मिलेका आने सर्वकालीक जीवना केता पीक टोलो केह याकेता की पोनाराय आने वाडणाराय बी एकदम आनंद केरा.
37
एक पोही ओन बीहरो वाडे ऐहडी जी म्हण हाय ती या बाराम खेरी हाय,
38
ज्याकेता तुम्हाय कष्ट केयो नाहा ते वाडाआ आय तुमाल मोकलु बीहराय कष्ट केलो आथो आन तुमा तिया कष्टा भागेदारी वीगीया,
39
मायुय केले बोठा काय तियाय माल आख्यो एहकी साक्ष देणार ति बाईल गोगनुपने तिया गावामने खुबूजे शोमरोनी लोकाहाय तियाप विश्वास थोव्यो.
40
ताहा शोमरोनी तियाहोवे आले ता तियाय तियाल आपुआरी रा केता विनंती केयी ताहा तो तिह बेन दिही रीयो.
41
आजी कोतातेबी लोकाही तिया वचनापे विश्वास केयो
42
आने ते ती बाईल आख्यो, ‘आमी तो आखल्याप आमा विश्वास केते एहकी नाहा, आहाकी आमाय सोता उनाले हाय ओ खरोखोर जगाआ तारणारो हय ई आमाल होमजायोह
43
ताहा तो बेन दिहा फासे तो तिहने गालील हिवालाम निगी गीयो.
44
काहाकी येशुय सोता साक्ष देदी की संदेष्ट्याल सोता देशाम मान मिलतो नाहा, ताहा तो गालीला हिवालाम आलेा ताह गालीलामने लोकाही तिया मानपान देदो,
45
काहाकी तियाय सणाप यरुशलेम शहराम केल्या बाठ्या गोठ्या तियाय वेल्या आथ्या काहाकी तो बी सणाप गीलो आथो,
46
फासे तो गालीलाआ लिवालाम काना गावाम फासे आलो तिही तियाय पाया द्राक्षरोस केलो आथो, यिता जागाप केडो ऐ सरकारी अधिकारी आथो तिया पोयरो कफर्णहुमाम बिमार आथो.
47
येशु यहुदीया दिवालाम ने गालीला हिवालाम आल्लो हाय ई उनायन तो तियाहोवे गियो आने तियाय ऐठा आवीन आपु पोयरो हारो कीदे ऐहकी तियाय विनंती केयी काहाकी तो मोरां सारखो तो आथो,
48
तियाप येशुय आख्यो तुमा चिन्हे आने अदभुत वेया सिवाय विश्वास थावनारा नाहा.
49
तो अधिकारी तियाल आख्यो प्रभुजी माआ पोयरो मोरालाग्यो, तुमा ऐठा आवा मेहरबानी केरा.
50
येशुय तियाल आख्यो, “ जो तुमा पोयरो वाचायोह ताहा तो मनुष्य तियाल येशुय आख्यो वचनाप विश्वास थोवीन आपु मार्गाम निगी गीयो,
51
आने तो एठा जातुलो ताहा तिया दास तियाल भेटीन आख्यो ‘आपु पोयरो वाचलो हाय.
52
ताहा केंडीवेले तिया तब्येत हुदरा लागली ताहा प्रश्न केया आने ते तियाल आख्यो काल माजनाप एक वाज तिया तोप तिगी गीयो,
53
यापने जिया ताशा येशुय आखलो आथो की तो पायरो वाचलो हाय तिया ताशाल ई वेयो ऐहकी बाहकाय वोख्यो आने तियाय सोता आने बाठा घराणाय तियाप विश्वास थोव्यो.
54
येशु यहुदीय हिवालामने गालील हिवालाम आलेा ताहा तियाय फासे जो दुसरो चिन्ह केया तो ई.
Chapter 5
1
पाछी यहुदीया सण आथो आने ईशु यरुशलेम गावाम उचे गियो
2
यरुशलेम शहराम मेंढरे बाआनापाही एक हानो डाबरो आथो, जीयाल इब्री भाषाम बेथेसदा आखतेहे यिताठ्रयापाही पाच पाडण्या आथ्या.
3
तिईयाम रोगी, आंधले, लेंगडे, लुले ईया मोडो टोलो तिही पोडलो रेअेतलो
4
काहका तिही देवदुत थोडा-थोडा टाईमाकी उतीन त्या डाबरामेने पाई आलवुतले आने पाई आलवुताले ताहा जेा केडो पेहला तिईयाम उते तिईया रोग हारो विई जातुलो.
5
तिही आडो वोराईने बिमारी अेहेंडो केडो एक माआहु तिही आथो.
6
ईशुय तिईयाल तिही पोडलो वेअयो आने तो तिही पोडीन खुप वोओरे बी गिईये ई ओखीन तो तिईयाल आखा लाग्यो. “तुल होरो वेअने इच्छा हाय का ?”
7
ती बिमारी माआहाय तिईयाल उत्तर देदो, मासतुऱ्या, पाई आलवाम आवेहे ताहा माल डाबराम सोडा खातोर माआरी केडोच नाह, आने माआयु जाऊ नेय जाऊ तो मा आगला बहरोच केडोबी उती जाय.’
8
ईशुही तिईयाल आख्यो, “उठ, आपे खाटलो उखलीन चाला लाग.”
9
ताह तो माउहु हारो वी गिइयो आपो खाटलो उखलीन चाला लागी गियो. तो दिही आराम केअनु दिही आथो.
10
इयापने यहुदी त्याहाऱ्या वेअला माहल आखा लागे, “आज आरामा दिही हाय खाटलो उखुलूणो हारो नाहा.”
11
तिईयाई तियान उत्तर देदो, “जिईयाई माने हाारे केअयो तियाईच माल आख्यो का, आपो खाटलो उखलीन चाला लाग.”
12
तियाय तियाल फुच्यो, “आपो खाटलो उखलीन चाल, अेहकी जिईयाई तल आख्यो तो माआहु केडो हाय ?”
13
पेन तो केडो आथो ई त्याहारा बेअला माहाआल मालु नाय आथो, काहाका त्या जागाप खुब लोका टोलो आथो तिईयाम ईशु तिहीने जात रिईलो.
14
तिईयापाछी तो ईशुल देवा मोंदीराम मिल्यो ताहा तो तिईयाल आखा लाग्यो, “वे तु आमी होरो वी गियोहा हाय, आमीने पाछी पाप मा केअतो,” केयो ते पेहलापेक्षा वाईट वि जावो.”
15
तियाय माआहाई जाईन यहुदाल आख्यो, जिईयाई माल हारो केअयो तो ईशु हाय का?”
16
ईया गोठीपणे यहुदी ईशु फाचला लागी गिईया, काहाका तो आरामा दिही अेहेडे कामे केअेतलो,
17
ईशुय तियान उत्तर देदो, “माआ होरगामने बाहाको आमी लुगु काम की रीयोहो आने मायु बी काम केअेतो रेणारो हाय.”
18
इयाखातोर यहुदी तीईयाल मारा केअतो जाहका खटपट केअरो लाग्या, काहाका तिइयाई अरामा दिही मुड्यो आतोच नाहा, पेन देवाल आपो बाहको आखिन देवा समान खुद बोनी गिईयोहो,.
19
इयापने तिइयाई उत्तर देदो, “तुमान खेरो-खरो आखु पोयरो बाहकाल जो बी केअतो वेअेहे तिइयावाचीन कायबी खुद विईन केअेता नाहा आवतो, काहाका तो जोबी केअहे तो पोयराल तेहकीच केअेरा पोडेहे.”
20
काहाका बाहको पोयराप जीव काडेहे आने जो तो खुद केअेहे तो तिइयाल देखावेहे, आने तुमाहा आश्चर्य केअेराहा अेहड्या ईयासने मोड्या गोठ्या तो तिईयान देखावी.
21
काहाका बाहको जेहकी मोओलान उठवीन जीवतो केअहे तेहकी पोयरो तेहकी जीवतो केरी,
22
बाहको केअेडाच न्याय केअेतो नाहा, त्याय केअेनु होग्गो कामे तिईयाई पोयराप होपी देदेहे.
23
इया केअेता जेहकी बाहका सन्मान केअेते तेहकी पोयरा सन्मान होग्गाई केअेरा जोजे, जो पोयरा सन्मान केअेतो नाहा तो हजयाई माल मोकल्यो तिइया सन्मान केअेतो नाहा.
24
माआयु तुमान खेरो-खरो आखु, जो माआ वचन उनाय आने जिइयाई माल मोकल्यो तिईयाप विश्वास थेावेहे तिईयाल सार्वकालक जीवन मिली, आने तिइयाप न्याय वेल आवी नाय, तो मोअलामने जीवनुम पार गिईयो हाय.
25
मायु तुमान खेरो-खरो आखु मोओय गिईलो लोक देवा पोयरा आवाज उनाई जे उनाई ते जिवते वी जाई अेहडी वेल आवी रिई हाय, आमी आवीन गीहीला हाय,
26
काहाका बाहका आरी जेहकी आपो जीवन आहे, तेहकी पोयरा आरी बी आपो जीवन वेअेरा जोजे अेहकी तिइयाई तिईयाल देदो.
27
तो माआहापोयरो हाय, इया खातोरा न्यायनिवाडा केअेरुलो अधिकार तिईयाल देदलो हाय,
28
तिईया आश्चर्य केअेरा नाहा, काहका जाहा कबराम रेणारे होग्गे तिईया आवाज उनाई अेहकी वेल अवी रिई हाय,.
29
ओन जिईयाई हारे कामे केअहे ते जीवना पुनरुत्थाना हायी आने जिईयाई माठे कामे केअेले तिईयाई न्याया पुनरुत्थानाहायी बारे आवी.
30
“माल खुद विईन कायबी केअेता नाहा आवतो, जेहकी मायु उनावु तेहकी न्यायनिवाडो केअेवु आने माआ निवाडो योग्य हाय, काहाका मायु माआ इच्छाकी नाहा ते माल जियाई मोकल्यो तिईया इच्छाकी केअेरा वेअेवु.
31
मायु खुद माआ विषयी साक्षी देदी ते माआ साक्षी खेरी नाहा,
32
माआविषयी साक्षी देणारो बीहीरो हाय आने माल मालुम हाय की माआ विषयी साक्षी देहे तो खेरी हाय,
33
तुमाही खोहानाही मोकलावीन फुच्यो आने तिईयाई सत्याबाजुकी साक्षी देदी,
34
पेन मायु माआहा साक्षी मानतो नाहा, तुमान तारण मिला जोजे तिईयाल मायु ई आखु,
35
तो बालणारो आने उजवाडो देणारो दिवो आथो, आने तुमा काला केअेतो तिईया उजवाडाम आनंद केअेरा खातुर मान्या विगिया.
36
पेन माआप जी साक्षी हाय ती योहाना साक्षी हीने मोडी साक्षी हाय, काहाका जी कामे बाहाकाही माल होपली हाय तेहकीज जी कामे माआयु केअेवु तिच माआ बाजुकी साक्षी दी, बाहकाई माल मोकलुलो हाय,
37
आजी जीया बाहकाई माल मोकलुलो हाय तिईयाईच माआबाजुकी साक्षी देदली हाय, तुमाही कीधीच तिया आवाज उनाले नाहा आने तिइया रुप वेअलो नाहा.
38
तिइया वोचने तुमाइ आपोम दृठ थेावलो नाहा, काहाका जिइयाई तिईयाल मोकल्यो तिइयाप तुमाही विश्वास थोव्यो नाहा ?
39
तुमाहा शास्त्रलेख होदतेहे काहाका तुमाहा अेहकी मोनतेहे तीइयाइने आपोल सार्वकालीक जीवन मिलतो हाय आने तोच शास्त्रलेख माआविषयी साक्षी देणारो हाय.
40
पेन तुमान आपोल जीवन मिला जोजे तिईयाल माआपाही आवनु तुमाहा इच्छा नाहा.
41
मायु माआहा पाहीने प्रशंसा की नाहा लेतो.
42
पेन मायु तुमान ओखी लेदलो हाय, तुमाम देवा केअेता प्रेम नाहा.
43
मायु आपो होरगामने बाहका नावाकी आल्लो हाय पेन तुमा माआ स्वीकार केअेते नाहा, विहरो केअेडो सोता नावाकी आवी ते तुमाआ तिइया स्विकार केअराहा.
44
तुमाआ ऐक विजाईने प्रशंसाा की लेतेहे आने जो एकच देव हाय, तिइयाईने प्रशंसा कीइ्रलेवणु खटपटकेअते नाहा तुमान तिइयाप विश्वास थोवना आवणु केअेहकी शक्य हाय ?
45
मायु बाहका हुमुर तुमाउणे आरोप केअेहे, अेहकी माना नाहा जिइयाप तुमाआ आशा थोवतेहे तो मोशेच तुमाउचे आरो केअनारो हाय.
46
काहाका तुमाही मोशेय विश्वास थोवते ते माआप बी विश्वास थेावते, काहाका तिइयाई माआविषयी लिखलो हाय.
47
पेन तुमाआ तिइया लेखला गोठीप भोरुसो थोवते नाहा, ते माआ बोचनाप केहकी भोरुसो थोवा ?
Chapter 6
1
ए गोठ्या वी गीया तीया फाचो येशु गालील तिबीर्य समुद्रा ती वेल गीयो
2
ताहा मोडो लोकाहा टोलो तीया फाचला फाचला चालतलो काहाका आजारी माहान तो हारो केतलो तो तीया लोकाय वेलो आथो.
3
येशु डोंगु पे जाईन तीही तीया हेगात्या आरी बोठो.
4
येशु वल्हांडण सण ओ यहुदी लोकाहा सण जागे आललो आथो.
5
ताहा येशुय नोजोर चे लीन वेयो ताहा लोकाहा मोडो टोलो तिया होवे आवेहे ऐहकी वीन येशु फिलीप्पाल आखा लाग्यो. आपु ईया लोकाहा वाटो खा खातोर माडो काहीने वेचातो लावु
6
ऐहकी तीया तीया परिक्षा वेरा खातोर आख्यो काहाका तो काय केनारो आथो इ तीयाल मालुम आथो.
7
फिलिप्पाय आख्यो, “तीयामेने थोडो थोडो माहाय माडो लेवो तेवी तेनशो चांदी नाना पोईया माडो पुरे नाय.
8
तीया आख्या मेने ऐ जा शिमोन पेत्रा पाऊ आंद्रीया तीयाल आखा लाग्यो,
9
इही एक हानो पोयरो हाय तीया पे पाच मांडा आने बेन मासे हाय पेन ओता लोकान तो केहकी पुरी
10
येशुय आख्यो, “लोकान बाहा लागवा तीया जागाप खुबूज चारो आथो तीही ते पाच हजार माही आथे ते बोठे.
11
येशुय ते पाच माडा माग्या आन तीयापे उपकार मानीन त्या माडांन बोठला माहान वाठी देदा तेहकी त्या माहान बी लागे ओतो वाटी देदो.
12
जाह ते लाक खाईन ताराय गीया ताहा येशुय तीय आऱ्यान आख्यो, रेहलो आख्यो मांडो टोलवी ल्या काहाका तो वाया नाय जा जोजे.
13
जाहा लोकाहा मांडो खावाय गीयो तीया फाचला रेहलो बारा सिबले पोराय ओतो मांडो हेंगलाय गीया.
14
ताहा येशुय ओ चमत्कार केया तो लोकाय वेयो ताहा लोक आखा लाग्या जगाम जो संदेष्टे आवनारो हाय तो खेरोज आज हाय.
15
ते येशुल जबरदस्ती राजो केरा आखतेहे इ होमजीन येशु एखलोज डोगुपे निगी गियो
16
वातीवेला वेयो ताहा येशु आऱ्या समुद्र वेल गीया.
17
आन ऐका उडीम बोहीन दोर्या ती वेला कफर्णहुम गावुम ते जा लाग्या तोताम आंधारो पोडी गीयो आन ताऊ लुग येशु तीया जागे आलोज नाहा.
18
आन मोडो वारो सुट्यो आन दोऱ्याम मोड्या मोड्या लाटा चाला लाग्या.
19
ताहा ते होऱ्या खुबुज वोचते निगी आला ताहा येशुल तीयाय पाया ऊच्चे चालता वेयो वीन ते बी गीया.
20
ताहा येशुय तीयान आख्यो, “माय हाय बीया नाहा.”
21
येशु हाय ऐहकी तीयान होमयाथो ताहा तीयाय येशुल उडीम बोहावा ते तीयार वेया पेन तोताम तियान जावुला आथो तिया तोडीप उडी आवी जो.
22
बीजा दिही जो लोका मोडो टोलो आथो तो समुद्रा बीहीजा जागाप उबो आथो तीयाय वेयो का हानी उडीम तीया आऱ्या बोठला आथा तीया शिवाय तीही बिहजो उडी नाय आथी आन येशु तीया आऱ्या आरी तीया उडीम चोडलो नाय आथो ता तीया आऱ्या एखलाज नीगी गेहला आथा.
23
पेन येशुय मांडाप उपकार मानलो आथेा माडो खादलो आथो तीया जागाप तिबीर्या वेने बीहजी हानी उडी आललो आथो.
24
तीही येशु आन तीया आऱ्या बी नाय आथा इ लोकाय वेयो ताहा लोकाय बी उड्या लेद्या आन येशुल होदता होदता ते कफर्णहुम गावुम आला.
25
आण तो तीयान समुद्रा बीहीजी वेल मिल्यो ताह ते आखा लाग्या, “रब्बी ! तुमा ऐहे कीधी आले.”
26
येशुय तीया आख्यो, “माय तुमान खेरो खेरो आखुहू तुमाय चमत्कार वेयो तीयल नाहा पेन माडो खाईन ताराय गीया तियाल तुमा मन होदी रीया हाय.
27
पारवाय जानारा मांडा वाटो मेहनत नाहा केरा सार्वकालीक जीवनाम टिकनारो मांडा वाटो मेहनत केरा माहा पोयरो तो तुमान दी काहाका तीयाप देवपिताय तीयाप शिक्को मारलो हाय.
28
ताहा ते तीयाल आखा लाग्या, ‘ आमा देवा कामे केरा जोजे तीया आमा काय केजी.
29
येशुय तीयन आखे “देवा काम ईज हाय का, जीयाल पेरमेश्वराय मोकल्यातीयप तुमा भोरुसो थोवा.
30
ते आखा लाग्यो, “एहडो केललो चमत्कार तु आमान देखावतोहो तो वीन आमा तोपे भोरुसो थोवुहू ?” तु कल्लो केल्लो चमत्कार केतोहो.
31
आमा आगला डायाय जोगलाम मान्ना खादो मोशाय तियान होरगामेने मांडो खा देदो, ऐहकी शास्त्राम लिखलो हाय.
32
ताहा येशुय तीयान आख्यो, “माय तुमान खेरो खेरो आखुहू मोशेय तुमान मा बाहको होरगामेने खेरो मांडा तुमान देहे दी.
33
काहका जी होरगामेने उतेहे आने जगाल जीवन देहे तीज देवा परमेश्वरा मांडो हाय.”
34
ताहा ते आखा लाग्या मा देवा मा मालक ओजे मांडो आमान सदा देजे.
35
ताह येशुय तीयान आख्यो, “मायज तीवना मांडो हाय. मा जागे जो आवेहे तीयाल कीधिच पुख नाय लागे आन जो मावे भोरुसो थोवेहे तीयाल कीधीच पाहापी लागे नाय.”
36
तेबी तुमाह मान वेयो तेबी तुमा मापे भोरुसो ठोवते नाहा, ऐहकी आय तुमान आखुहू.
37
मा बाहाको जो मान देहे तो आखो मा जागे आन मापे जो आवे तीयाल माय कीधीच मोकलु नाय.
38
काहाका माय होरगामेने आल्लो हाय, काहाका आने सोता मोरजी पुरी केरा नाहा आलो पेन जीया य मान मोकल्या तीया मोरजी पुरी केरा आय होरगामेने आल्लो हाय.
39
आन जीयाय मान मोकल्या तीया मोरजी ईज हाय का तीयाय मान जो आखो देदो तीयामेने आय कईज नाय गोमावा जोजे आन तोज शेवट्या दीही माय तीयान उठवे हे,
40
मा बाहका इज इच्छा हाय का, जो केडोबी मान विन तीयावे भोरुसो थोवी तीयाल सार्वकालीक जीवन मिली जाय आन तीयाल आय शेवट्या दिहाम उठवे हे.
41
माय होरगामेने उतालो मांडो हाय ऐही तीयाय आख्यो. तीयाम यहुदी लोका तीया बोपोल कुरकूर केरा लाग्या.
42
ताहा ते आखा लाग्या ओ येशु योसेफा पोयरो नाय का ? ईया बाहकाय आन याहकील आमा ओखतेहे आने ओ ऐहकी आखे का माय होरगामेने उती आलो.
43
येशु ये तीयन आख्यो तुमू तुमातुमाज कुरकूर नाहा केरा.
44
जीयाय मान मोकल्यो हो त्याबाहकाय आखल्या शिवाय केडोच मा जागे आवे नाहा शकतो तीयाल माय शेवतल्या दिली आय तीयान उठवे हे.
45
संदेष्टा ग्रंथाम लीखलो हाय का ते आखज देवाल हिकऊलो हाय ऐहकी बी जो पेरमेश्वरा वेने ऊनाईन हिकलो हाय ता मा जागे आवेते हे.
46
जो देवा होवेने हाय तीयाय परमेश्वराल वेलो हाय तीया शिवाय केडायईज नाय परमेश्वराल नाई देखलो हाय.
47
माय तुमान खेरो खेरो आखुहु जो भोरुसो थोवेहे तीयाल सार्वकाली जीवन मिललो हाय.
48
माईज जीवना माडो हाय.
49
तुमा आगला डायाय लोका हाय मान्ना खादो आन ते मोई गीया
50
आन होरगामेने उतनाारो मांडा ऐहडो हाय का जो केडाय खादो तो आत्माम मोनारो नाय.
51
होरगामेने उतनारा जोवना मांडो मायुज हाय, या माडा मेने जो केडो खय तो सार्वकालीक जीवन जीवी मांडो माय देहे तो मा डील तो जोगा जीवना खातोर हाय.
52
ताहा यहुदी लेकाय आप आपुम गोठ्या केरा लाग्या, ऐलो तीया डील आपुन केहकी खा दी सेकेहे ?
53
तीयाल येशु तीयन आख्यो मा अमान खेरो खेरो आखुहु तुमा लोकाय मा डील आन रोकतो नाय पीदो ता तुमान जीवन नाहा हाय.
54
जीयाय मा डील खादो आने मा रोकतो पिदो तीयाल सार्वकालीक जीवन मिल्यो हो आने माईज तीयाल शेवटल्या दिही फासे जीवतो केहे.
55
काहाका मा डिल खेरो मांडो हाय आन मा रोकतो खेरो पिवनु पेय हाय.
56
जो मा डील खाहे आने मा रकतो पीहे तो माम रेहे आने माय तीयाम रीहु.
57
जेहकी मा जीवता बाहकाय मान मोकल्यो आने माय जेहकी मा बाहका आखलया होस जीवुहू तेहकी जो मा डील खाय आने रोकतो पी तो बी मा आखल्या की जीवी.
58
होरगामेने उतलो मांडो ओच हाय तुमा आगलया डायाय लोकाय मांडो खोदो तेबी ते मोई गीया ई तेहकी नाहा ओ मांडो जो खाहे तो जुग्यो जीवन जीवी.
59
कफर्णहुमाम शिक्षण देते आथो ताहा तियाय सभास्थानाम ई गोठ्या आख्यो.
60
येशु आऱ्याय खुप लोकाय ई उनाईन आख्यो इ बंथन कठीण हाय ई केडो उनाय ली सकहे.
61
आपु आऱ्या ई गोठीप कुरकूर की रीया हा ई येशु होमजायो ताहा येशु तीयान आख्यो ई या गोठया तुमान कठीन वाटत्याहा का ?
62
मनुष्या पोयरो पेहेला आथो तिहीज जर उचे चोडता व्या तर ?
63
आत्मा जीवन देणारो हाय डीलुकी काईज फायदो वेनारा नाहा माय तुमान जो आख्यो ती वचने आत्मा आने जीवन हाय.
64
तेबी विश्वास थोवता नाहा ऐहडो तुमाम लोक हाय काहाका केडो भोरुसो ठोवतो नाहा आने मान केडो ती दी ई येशु आगलावेज होमजाय गेहालो आथो,
65
येशुय आख्यो तीयाल मायु तुमान आख्यो का केडोज माहू तीयाल मा बाहकाय दो देदो तीया शिवय तो मा जागे आवी नाय शके.
66
तीया फासो तीया आऱ्या खुबूज जा फीरी गीया आन फासे किदीही तीया चाल्या नाय.
67
ताहा येशु खुबूज जावान आख्यो तुमा बी जावुला इच्छा हाय का ?
68
ताहा शिमोन आने पेत्राय आख्यो, प्रभु आमा केडाही जाहु सार्वकालीक जीवना वचने ता तुमा जागे हाय.
69
आने आमाय भोरुसो ठोवलो हाय आन आमान माहिती हाय का देवा मोलावलो पवित्र माहु तुमा हाय.
70
येशुय तीयान आख्यो मायु तुमा बारा जावन निवडी लेदलो ताहा का ? तेबी तुमामेने एक जा सैतान हाय.
71
शिमोन इस्कार्योत पोयरो यहुदा बोदल येशु आखतोलो काहाका बारा चेलामेने एक तोज इ येशुल तिई देनारो आथो .
Chapter 7
1
फासो येशु गालील प्रांताम फिरा लाग्यो, काहाका यहुदी अधिकारी त्योल मारा केहता होदता फिरता आथा त्याहाले यहुदीया प्रांतामे फिरा लाग्यो नाहा.
2
यहुदी लोकाहा मंडपा सण पाहे आलो आथो.
3
त्या केता त्या पाऊ त्याले आख्यो, तु इहीनी तिग आने यहुदीया प्रांताम जो म्हणजे तु कहतो ती कामे तोह शिष्यानबी वेरा जोजे.
4
जो केअे प्रसिद्ध वेरा होदे तो दोबीन काहीजे केहतो नहा तु ईया गोठ्या केहेता वेरी ते सोताले देतियामे देखवज
5
काहाका त्यापाहूबी त्यायापे विश्वास भोवतला नहा
6
त्यावेने येशु त्याहाले आख्यो, सणाले जाऊलो मा घेल आजी आली नहा तुमा वेल ते सदा तिमार आहे.
7
जेमाये तुमा द्वेष केरुनु ई नाहा बी शकतो पेन ते माआ द्वेष केअने काहाका आम त्याहा विषयी साक्ष देतोहो का त्या हा काले हारे नाहा.
8
तुमा सणाले उचे जा आथा सणाले आमी जा नाहा काहाका माआ वेळ आजी पुरी वेअयी नाहा.
9
ऐहकी त्याहाले आखीन तो गालील प्रांताम रियो.
10
पेन त्याआ पाहु सणाले उचे गीया ताहा तो बी बाठा देखता नीग्यो नाहा दोबीन उचे गीया.
11
ताहा यहुदी त्याले होदतला आने आखला तो हाय तेबी केहता
12
आने लोकांमे बी त्याआ विषयी खुबूजे कुरकूर वेअई केढा आखतलो ते हारो हाये बाहरे केठे आखतले का नाहा तो लाकांले ठोगतालो.
13
तेबी यहुद्याहा बीखीमुळे केडोज त्याआ विषयी उगाडावीने गोगतलो नेय.
14
हाती सण आथो घी गीयो, येशु उचे परमेश्वरा मंदिरामे जाईन शिक्षण दाआ लाग्यो.
15
हाती यहुदी नोवाय किने आखा लाग्या “हिक्या वाची इयाल विद्या आली केहकी ?”
16
त्यापेन येशुये तीहाले आख्यो, “माआ शिक्षण माआ नाहा तर जयाये माले मोकल्या त्या हाये. ”
17
जो केडो लााआ इच्छाप्रमाणे केरुलो इच्छा केरी त्याले ई शिक्षण देवापेनी हाय किंवा आय माआ मोनाकी गोगले ई हामजी.
18
जी आपु मोनाकी गोगेहे तो सोताहा मोठो केहे पेन आपुले ज्याये मोकल्यो त्याआ गौरव जो बेहेअे तो माहावु खेरो हाय आने त्या मे खराबी नाहा.
19
माशेये तुम्हाले नियमशास्त्र देदो का नाहा ? ते तुमा कोठोबी नियमशास्त्र पालतो नाहा. तु माल काहा माय टाका होसे.
20
लोकाये त्याल उत्तर दिन आख्यो, तुले पुथडो लागलो हय तुले माय टाक केडो वेरी.
21
येशु त्याहाले उत्तर दिईन आख्यो, “ मायु एक काम केअेयो आणे त्याआकी तुमा बाठे नोवाय केअतेहे.
22
मोशेये तुमाले सुता लागवी देदी ती मोसेपनु नेय पेण वाडवडीलापेने आणे तुमा शाब्बाथ दिही मनुष्याहा सुंता केहता.
23
मोश तियमाशास्त्रा मुडा नेय जोजे तीया केहता माहा सुंता जर शाब्बाथ दिही वेहे तर आय शब्बाथ दिही एका माहाले आगी होरो केअयो त्या खातोर तुमा मावे रोग चोडवुताहा का ?
24
मुये विअीने न्याय क्या नाहा तर खेरो नयाय केरा.
25
यापेने तो यरुशलेम वालाने कोताक जाआ आखाल्यागया “जीयाले मारा होदतला तो ओजा हाय ने ?
26
व्या तो खुला कीअेन गोगीीरयो आने तेत्याले कायीज नाहा गोगता आजे ख्रिस्त हाये ई खेरोखेर अधिकाऱ्याले होमजी गीहीले हाय काय ?
27
तेबी ओ किहीनी हाय ई आम्हाले मालुम हाय पेन ख्रिस्त आवी ताहा तो कहीनी हाये ई केडालुज होमजुनारो नाहा.
28
या वे नी येशु परमेश्वरा मंदिरामेनी शिक्षण देतलो ताहा माठा की आख्यो “तुमा माले आहकुताहा आने आय किहीनी हाय ई तुाम जाआताहा तेबी आय सोताहा आलेा नाहा जाये माल मोकल्या तो खेरो हाये त्याले तुमा आहकूता नाहा.
29
आय ते त्याले आहकुहू काहाका आय त्याजपेने हाय ओन त्याय माल मोकलुलो हाय.
30
यावेने ते त्याल तेरा होदतला पेणे केडोज त्याव हात टाक्यो नहा काहाका त्याआ वेल आजी आली नाहा.
31
ताहा लोकाहा टोला मेनी खुबूज लोकाही त्यावे विश्वास थोव्यो आने ते आख्या लाग्ये ख्रिस्त आवी ताहा याये केअेल्या चिन्हा पेखा तो माठो काम केणारा हाय ?
32
लोकांहा टोलो त्या विषयी अेहेकी कुरकूर केअतला ई परुशांहा कानापे गियो ओन माठो याजक लोक आने पुरशांही त्याल तेरा केअता कामदार मोकल्या.
33
यापेने येशु त्याहाले आख्यो, “आय आजी थोडक काला तुमाअरी हाय हाती ज्योय माल मोकल्या त्याआ होवे आय निगी जाणारो हाय.”
34
माल होद काडाहा पेन आय तुम्हाले सापडुनारो नहा आणे जीही आय रेहे तिही तुमा आवी शेकणारा नाहा.
35
त्याकेअता यहुदी आपसामे गोग्या “ओ आपुले सापुडुनारो नाहा अेहेडो जाय तेबी कीही ? ओ ग्रीकमे आपु फेलाला यहुदी लोकाले जाईन त्याहाले हिकवी का ?
36
ओ जो आखे का तुमा माआ होद केअहा आने आय तुम्हाले सापडुनारो नाहा आय रिही तीही तुमा आवी शकणारा नाहा ई आखुलो काय हाय ?
37
हाती सेललया सना दिहामे म्हणजे मोठा दिहामे येशु ये उभो रिआीने मोठा कीा गोग्यो, केडाले पिही लागी वेरी त्याये माआ होवे आने पिये.”
38
जो माआपे विश्वास थोवेहे त्याहा अंत करणामेने शास्त्रालेख मे आखल्याप्रमाणे जिवता पाआया खाड्या वोयी.”
39
जीहाये त्यायापे विश्वास थोवला त्याहाने जो आत्मो मिलणारा आथो त्याआ विषयी त्याये ई आख्यो तावलोगे पवित्र आत्मो देदो नाहा काहाका आजी ताव लुग येशु गौरव वेयो नाहा.
40
लोकाहा टाला मेने काताक जावाये ऐ शब्द उणायने आखता लाग्या, “खेरोज ओ ताज संदेष्टो हाय,
41
कोताकाय आख्यो ओ ख्रिस्त हाय, बिहीरा कित्येकाय आख्यो, “ख्रिस्त गालील प्रांतामेने आवणारो हाय का ?”
42
दावीदा कुडबामेने आने ज्या गावामेन दावीद आथो त्याआ बेथलेहेमामेने ख्रिस्त आवी अेहेकी शास्त्रलेख आखतो नाहा का ?
43
त्यापेनी त्याहामे लोकाहाम फुट पोडी,
44
त्यायाहामेनी कोताक जाआ त्याले तेरा वेतला तेबी केडो त्यावे आथ टाक्यो नाहा.
45
हाती कामदार माठा याजकाही आने पुरशाही आला ताहा ते त्याहाले आख्यो, “तुमा त्याहाले काहा नाहाली आला,
46
कामदाराये उत्तर देदो, “केडोज माहावु तीयाहोच काधीच गोग्यो नाहा,”
47
ताहा परुशांही त्याहाले उत्तर देदो, “तुमा बी ठोगाया का ?”
48
अधिकाऱ्या मेनी आने परुशामेनी कडो त्याआवे विश्वास थोवलो हाय का ?
49
पेन ओ जो नियमशास्त्रा जाआता नाहा ते तियाहापे शाराप हाय.
50
खुब पेहोला त्याही आलोला आने त्याहामेने एक आथो निकेदेम त्याहाले आख्यो.
51
ऐगाहा माहा उणायने आने ता काय केहे या मालुम किईन लेदल्यावाची आपु नियमशास्त्र तीयाआ न्याय केहेक ?
52
त्याये त्याहाले उत्तर देन आख्यो, “तुमाबी गालील प्रांतामेन हाय का ? होदा आने त्या काहाका गालील प्रांतामेने संदेष्टो निगगो नाहा .
53
हाती ते बाठाजाआ आपु-आपू कोअ गिया.
Chapter 8
1
येशु जैतुना डोगाही गिया.
2
आने हाकाली वेला तो फाचो परमेश्वरा मंदिराम आलेा, ताहा बांदा लोक तियाही आले आन तो बाहीने तियाहान हिकवा लाग्यो,
3
ताहा सिनालो केअता तेअली एक बायील नियमशास्त्रा शिक्षक आने परुशी इयाही तियाही ली आला आने तियुल वोचमे उबी किन ते तिया आख्या,
4
“गुरुजी, इ बायील सिनालो केअता तेराम आलीही.
5
मोशेय नियमशास्त्राम आमाहान एहेकी, हुकूम ददलो हाय का एहेडाहान डोगोडझोड केरा, ताहा तु इयुबाबतीम काय आखतोहो ?”
6
तियाये केल्लोतेबी चुक होदा केअता आने परिक्षा वेरा केअता तियाही ऐहेकी आख्यो पेन एठा बोहीन तोरतीपे आकडीकी लिखा लाग्यो,
7
आने ते घेडीघेडी फुसतूला ताहा तो उठीन तियाहान आख्यो, “तुमामने जो केडो पापुज नाहा केअयो तियाय पेअला डोगडो टोका.
8
हाती तो फाचे एठा तोरतीपे निखा लाग्यो,
9
तिया आखनु उनायन ते माअहे बादाहासे डाअयेहायाने सुरवात केअन शेवट्याही हुदु बांदो माअही एका फाचला एक एहेकी निगी गिये. येशु एखलोज रियो आन ती बायी वोचमेज उबी आथी.
10
ताहा येशु उठ्यो आन तिया बायील बोद्दल तिही केडोज नाहा ऐहेकी विन तियुल आख्यो, “बाई, तुल दोष देणारे काही हाय ?” तुल केडाय दोष लागाव्यो नाहा का ?”
11
तियुय आख्यो , “ प्रभुजी, केडायज नाहा.” ताहा येशु तियुल आख्यो, “आयबी तुल दोष देतो नाहा, जो आमी पाप केहो मा.”
12
फाचो येशुय तियाहान आजी आख्यो, “आयज दुन्या उजवाडो हाय, जो मा फाचडी चालेहे तो आंदाराम चालनारोज नाय, ता तिया आरी जीवना उजवाडो रेहे.”
13
इयापेने परुशीय तियाल आख्यो, “तु सोता बोदल साक्षी देतोहो तो साक्ष खेरी नाहा.”
14
येशुय तियाहान उत्तर देईन आख्यो, “ मायु सोता बोद्दल साक्ष देदी तेबी माआ साक्ष खेरी हाय, काहाका आय किहीने आने कीही जाणारो इ माल मालुम हाय, पेन आय किहीने आलो आन कीही जाणारो इ तुमाहान मालुन नाहा.
15
तुमा माआहान विईन न्याय केताहा, आय केडा न्याय नाहा केअतो, आन आय जाहा ऐगाहा न्याय किईहू तो मा न्याय खेरो हाय.
16
काहाका आय एखलो नाहा ता आय हाय आने जीयाय माल मोकल्या तो सुध्दा मा आरी हाय.
17
तुमा नियमशास्त्राम एहेकी लिखलो हाय का बेनी माअहा साख खेरी हाय.
18
आय सोता बोद्दल साक्ष देणारो हाय आन जि ज्या बाहाकाय माल मोकल्याहो ते देखील मा बद्दल साक्ष देतेहे, “
19
इयापेन ते तियाल आख्यो, “तुमा बाहाको किहीने हाय ?” येशुय उत्तर देदो, “तुमा माल ओखुता नाहा मा बाहाकाल बी नाहा ओखुता, तुमाहाय माल आखुता तर माअ बाहाकाबी ओखुता.”
20
तो परमेशरा मंदिराम हिकवुतलो ताहा जामदारखानाम गोगतुलो पेन केडोज तियाप आथ टाक्यो नाहा काहाका तिया टेम आजी आलो नाहा.
21
फाचे तियाय तियाहान आख्यो, “आय निगी जाही आने तुमा म होद क्याहा, आने तुमा सोवताहा पापाम मोशहा आय जिही जाहु तिही तुमा आवी शकनारा नाहा.”
22
इ उनायने यहुद्याही आख्यो ओ सोतोहा जिवदेणारो होय का ? काहाका ओ आखेका आय जीही तिही तुमाहान आवता आवणारो नाहा
23
ताहा तियाय तियाहान आख्यो, “तुमा निचे तोरतीवे हाय, आयता उंचेने हाय तुमा इया दुन्या हाय, आय इया दुन्या नाहा,”
24
तियाहाल आय तुमहान आखुहू तुा तुमाज पापम मोय जाहा, काहाका आय तो हाय एहेकी तुमा विश्वास नेय थोवाहा ताहा तुमा तुमाज पापम मोरहा.”
25
इयापेन तियाय तियाल आख्यो, “ तु केडो हाय ?” येशुय तियाहान आख्यो, “पेलेनेज तुमाहान जो आखतो आल्लो हाय तोज नाहा का ?
26
माल तुमा बोद्दल खुबूज गोगुलो हाय आने नयानिवाडीबी केरुलो हाय पेन जीयाही माल मोकल्योहो तो खेरो हाय आने जे गोठ्या तियाहीने उनायो त्या आय दुन्याल आखतोहो.”
27
ती तियाहाआरी पित्या बोद्दल गोगतुलो आथो तो तियाहान होमजायो नाहा. “
28
ताहा येशुय तियाहान आख्यो, “तुमा जाहा माहा पोयराल उच्चे क्याहा ताहा तुमाहान इ होमजाय का तो आय हाय आने आय सोता काय केअतो नाहा ता पित्याय माल आख्यो तेहेकी आय इ किहू.
29
जियाय माल मोकल्या तो माज आरी हाय, तियाय माल एखलो सोडी देदो नाहा, काहाका आय नेहमीज तियाल पोयरा अेहेके गोठ्या किहू.”
30
येशु इ गोगतुलो ताहा खुबूज लोकाहाय तियावे भोरुसो थोव्यो.
31
जी याहुदीलोकाहय तियावे भोरुसो थोव्यो तियाहान येशुय आख्यो, “तुमा वचनाम रिया ताहा खेरोखेर मा चेला व्याहा.
32
तुमाहाम जो खेरो होमजाय आने तो खेरो तुमाहान बाधलामेने सुटाको केरी
33
तियाहाी तियाहान उत्तर देदो, “आमा आब्राहामा पोयारे आय आने किधीज केडा गुलाम नाहा रीया तुमा आमाहान केहेकी आखताहा का तुमा सुटका केअले जाहा.”
34
येशुय तियाहान उत्तर देदो, “आय तुमाहान खेरोखेरोज आखुहू जो केडो पाप केहे तो पापाज गुलाम हाय,
35
गुलाम सदा कोअमे नाहा रेतो, पोयरो सदा कोअमे रेहे.
36
जाहा जर पुत्राय तुमाहाल बाधलामेने सोडव्या ताहा तुमा खेरोखेर बादलामने सोडवुले जाहा.
37
आय जाहुका तुमा आबगाहाम पोयरे हाय तेबी तुमाही वचनाल जागो नाहा तियाहाल तुमा मल माय टाका वेअताहा.
38
मायुय बाहाका पे जो वेयो तो गोगुहू, तेहेकी तुमा आपु बाहाकाहीने जो उनाये ते केताहा.
39
तियाही तियाल उत्तर देदो, “आब्राहाम आमा बाहाको हाय येशुय तियाहाल आख्यो, तुमा आब्राहामा पोयरा हाय ता आब्राहाम कामे क्याहा.
40
पेने जियाय देवाहीयने सत्य उनायो तुमाहाल आख्यो त्यामाआहा तोज आमाल मारा होदताहा आब्राहामाते एहेकी नाहा केअयो.
41
तुमा आपु बाहाका कामे केअताहा तियाही तियाल ऐहेकी आख्यो, “आय जोन्म्यो सिनाली पोयरे नाय हाय, आमा एकुज बाहाको हाय तो आमा परमेश्वर हाय.
42
येशुय तियाहान आख्यो, “देव जाहा तुमा बाहाको रेतो ताहा तुमाहाय माअवे मायो केअता, काहाका आय देवाहायेने निग्या आने आलो, आय सोवताहा की आलेा नाहा पेन तियाय माल मोकल्यो.”
43
तुमामाअ गोगूलो काहाल होमजी लेता नाहा ? तिया कारण इज हाय का तुमाहा म माआ वचन उनाय नाहा लेता.
44
तुमा बाहाको सैतान यापेनी वेअला हाय तुमा बाहाका खाराब गोठीने केरा होदता तो पेअलानीज माहा घात केनाारो आथो, आने तो खेरोपणामे टिक्यो नाहा काहाका त्यामेज खेरोपणा नहा हाय तो जहा खोरो गोगे ताहा तो सोता गोगे काहाका तो लोबाड आने लोबाडा बाहाको हाय.
45
पेन आय खेरो आखुहू पेन तुमा मावे विश्वास थोवते नाहा.
46
आय पापी हा अेहेकी तुमा पुरावो दिन ठेरवी शकता नाहा आये खेरो आखुहू ताहा तुमा मावे विश्वास थोवता नाहा.
47
देवापेनी हाय तो देवा वचने उनायये तुमा देवा पेनी नहा तीया तुमा उनाता नाहा,
48
यहुद्या हे त्याले उत्तर दिन आख्यो, “तुमा शमरोनी हाय आने ई जे आमा आखता तो बरोबर हाय का नाहा ?
49
येशुय त्याहाले उत्तर देदो, “माल फुथे लागतो नाहा त मा बाहाका सन्मान केहतो आने तुमा माआ अपमान केअता.”
50
आय गौरव केअनारा मागतो, तो वेअणारो आन न्याय निवाडो केअणारो तो एकूज हाय,
51
आय तुमाहान खरोज खेरो आखुहू, जो केडो मा वचने पालीन तियाल मोरुलो अनुभव कीधीन आवनारो नाय.”
52
यहुदी लोकाही तियाल आख्यो, “आमी आमाहाल होमजायो का तुमाहान पुथ लागलो हाय, आब्राहाम मोअय गियो आने भविष्यवादी बी मोअया गिया, आने तुमा आखताहा का कोडो मा वचन पाली तहा तेा कीधीज तियाल मोरुलो आनुभव आवणारेा नाहा.”
53
आमा बाहाको आब्राहाम मोअय गियो, तिया केअता तुमा मोडा हाय का ? आने भविष्यवादी बी मोअय मिया तुमा सोवताहा काय होमजुताहा ?
54
येशुय उत्तर देदो, “जर मायुय मा सोबताहा मान महोमा केअयो ता मान पान कावीज अथे नाहा, मा महिमा केअनारो मा स्वर्गीय बाहाको हाय, तो आपु देव होय एहेकी तुमा तिया बाबतीम आखताहा.
55
तेबी तुमाहाय तियाल आख्यो नाहा, आय तियाल ओखुतोहा आने आय तियाल आखुतो नाहा एहेकी जाहा आय आखेहे, ताहा आय तुमाहाय खोटो ठरीजाही. पेन आय तियाल ओखुतोहो ओन तिया वचन पालुहू.
56
मा दिही आवनु आशा किइन तुमा बाहाको आब्राहाम खुब खुशी केअता तियाय वेअयो व तियाल खुशी वेययी.
57
यहुदी तियाल आख्यो, “तुमाहाल आजी पाचाहा वोरेहे वेअये नाहा आने तुमा अब्राहामाल वेअयो हाय का ?”
58
येशुय तियाहान आख्यो, “आय तुमहान खेरोज खेरो आखु, अब्राहामा जोन्म्यो व्येयो तिया आगाल आय हाय,”
59
इयावेने तियाहाय तियाल ठोकाखातोर डोगड उखल्या पेन येशु परमेश्वरा मंदिरामज ठाकोज निगी गिया.
Chapter 9
1
तो तिहीने आगाल जातलो ताहा जोल्मोमेने आंदलो एक माअहु तियाल देखयो.
2
ताहा तिया चेहाहा तियाल फुच्यो, “रब्बी, केडा पापाकी तो एहेकी आंदलो जोल्मोम आलहो ? तिया की का तिया याहाकी बाहाका की ?”
3
येशुय उत्तर देदो, “इयाय नाहा तिया याहाकी बाहाकय पाप केयो एहकी नाहा, ता तिया इहिमे देवा नाव उच्चो वेरा खातोर तियाल आ एहेकी जल्माम आलो.”
4
जीयाय माल मोकल्यो तिया काम दिही हा तावलुगू आपूहुन केरा जोजे. रात आवणारी हाय, तियाम केडोबी कामे केता आवनारो नाहा.
5
आय दुनियाम हाय तावलुग आय दुनिया उजवाडो हाय.
6
ऐहेकी गोगीन तो तोरतीपे थुपो आने थुपीन तियाय डोरो केअयो, तो डोरो तिया डोवाहाल लागव्यो.
7
आने तियाल आख्यो, “जो शिलोह नावा तालावाम तुवीले.” (अया अर्थ मोकलावलो) आने तिया जायन तुवी लेदा आने तो डोवाहाकी वेरा लाग्यो.
8
आने तिया पाहील्या आने जीयहाय तियाल मागीन खानाराल पेला वेलो आथो तियाही आख्यो, “तो जो बाहिन मागीन खानारो तो आज ने ?
9
केडाय आख्यो, ओ तोज हाय. बिहीराय आख्यो, नाहा ओ तिया होच हाय. पेन तियाय आख्यो, “आय तोज हाय.”
10
इयापेने तियाही तियाल आख्यो, “हाती तो डोआ केल्ली रीते उगड्या ?”
11
तियाय जाबाब देदो, “येशु नावा माहाय डोरो किन मा डोओवाहान लागव्यो, आने तियाय मान आख्यो, “ शिलोहो तालावाम जायन तुवे, मायुय जायन तुव्यो आने मान देखाया लाग्यो.”
12
ताहा तियाल आख्यो, “ तो काही हाय ?” तियाय आख्यो, “मालुम नाहा.”
13
तो जो पेअला आंदलो आथो तियाही तियाल पारुश्यापाही ली गिया,
14
ज्यादिही येशुय डोरो किईन तिया डोअवाहा उगड्य तो दिही शब्बाथ आथो.
15
तियाहाल परुश्याही तिया फाचे फुच्यो, “तुल केहेकी देखाया लाग्यो ?” आने तियाय तियाहान आख्यो , “तियाय माआ डोअहान डोरो लागव्यो, तो मायुय तुवी टाक्यो आन माल देखाया लाग्यो.”
16
ताहा परुश्याहामने थोडाकाहाय आख्यो, “ओ माअहू देवाहायने नाहा, काहाका ओ शब्बाथ पालतो नाहा.”
17
पेन बीहीराय आख्यो, “जो माअहु पापी हाय, तो एहेडे कामे केहेकी किसकेहे ? ताहा फाचे ते तियाल आदलाल आख्यो, “ तियाय जाहा तो डोआ उगडाव्या ताहा तु तिया बोददल काय आखतोहो ?” तिया आख्यो, “तो एक संदेष्टो हाय.”
18
ताहा यहुदी अधिकाऱ्याही जियाल नोजर आलली आथी तियाल तिया याहाकी बाहाकाल हादीन होद फुस केअई तावलुगू तो पेअला आंदलो आथो ओन आमी देखतो वेयो हाय तियावे भोरुसो थोव्यो नाहा.
19
तियाहाय तियाहान फुच्यो, “तुा जो पोयरो आंदलो जल्मामने आथो एहेकी तुमा आखतुला तो ओज हाय का ? आने आमी मियाल केहेकी देखहाय ?”
20
तिया याहाकी बाहाकाय उत्तर देदो, “ओ आमज पोयरो हाय, आने ओ आंदलो जोल्माम आलेलो आथो ऐहेकी आमहान मालुम हाय,”
21
तेबी आमी तियाल केहेकी देखाया लाग्यो इ आमाहान मालुन नाहा काहाका तिया डोआ केडाय उगडाव्या इबी आमाहान मालुन नाहा,” मियालुज फुचा तो उबरीम आलेलो हाय, तो तियाबोद्दल आखी.”
22
तिया याहाकी बाहाकाल यहुदी अधिकाऱ्याहा बीख आथी तियाहाल एहेकी आख्यो काहाका तो ख्रिस्त हाय एहेकी केडो मानी तियाल सभास्थानामेने काडी देवाम आवी एहेकी यहुदृया पेलाज एकुज मत वि गेहेलो आथो.
23
इया खातोर तिया याहाकी बाहाकाय आख्यो, “तो उबरिम आलेलो हाय तियालुज फुचा”
24
ताहा जो माअहु आंदलो आथो तिया तियाहाय बिहीरादाव हाद्यो आने तियाय तियाल आख्यो, “ देवा गौरव केरा, इ माअहु पापी हाय इ आमा जांताहा”
25
इयापेने तियाय उत्त्र देदेा, “तो पापी हाय का नाहा इ आय जांतो नाहा, आय एक गोठ जोहू, आय पेला आंदलो आथो आने आमी माल देखाहाय.”
26
ताहा तियाहाय आख्यो तियाय तुल काय केएयो ? तियाय तो डोआ केहेकी उगडाव्या ?
27
तियाल तियाहान उत्तर देदो, “मायुय तुमाहान आमीज आख्यो तेबी तुमा उनाया नाहा, तो फाचे उनाया काहा होदताहा ? तुमाबी तियाचेला वेरा होदतो का ?
28
ताहा तियाहाय तियाल दोष दिईन आने तियाहाय तियाल आख्यो, “तु तिया चेला हाय, आमा मोशे चेला हाय.”
29
देव मोशे आरी गोगलो इ आमाहान मालुम हाय ओ किहीने हाय इ आमाहान मालुम नाहा.”
30
तिई माहाय तियाहान उत्तर देदो, “ इज तो मोठो खुब नोवाय हाय का ओ कीहीने हाय इ तुमाहान मालुम नाहा, आने तेबी तियाय डोआ उगडाव्या,
31
आपुहूल इं मालुम हाय का देव पापी लोकाहा उनातो नाहा ता जो माअहु देवा भक्ती केअनरा हाय आने जो तिया मोरजीकाही केहे तिया तो उनायेहे,
32
आंदलो जोल्मामेने केडा डोआ उगडाव्या इ दुनिया सुरवातीहिने कीधी केडाहाकी उनायाम आलो नाहा,
33
ओ जर देवाहीने नय रेतो तर इयाल काय केता आवतो नाय,
34
तियाय तियाल आख्यो, “तु ता बिलकुल पापाहिमे जोल्मोहा आने तु आमाहल हिकवुतोहा का ? आने तियाही तियाल बारे काडी देदो,
35
तियाही तीयाह बारे काडो देदो इ येशुय उनायो, आने तियाल तो सापड्यो ताहा तियाल आख्यो , तु ता माअहा पोयरावे विश्वास थोवतो का ?”
36
तिया उत्तर देदो, साहेब आय तियावे विश्वास थोवा एहेकी तो केडा हाय ?”
37
येशुय आख्यो, “ तुयुय तियाला वेलो हाय आने तो आरी आमी गोगीरेहेलो हाय तोज तो हाय,”
38
तियाय आख्यो “प्रभुजी, आय भोरुसो थोवुहू.” आने तियाय तियाल पागे पोड्यो.
39
ताहा येशुय आख्यो, “आय न्यायनिवाडो केरा खातोर इ दुन्याम आलो इयाखातोर जियाहान देखाते नाहा तियाहान देखाया जोजे अने जियाहान देखाहाय ते आंदला वेरा जोजे.”
40
ताहा परुश्याहामेने जे तियआरी आथे तियाहाय अे गोठ्या उनाया, आने तियाय तियाल आख्यो “आमाबी आंदले हाय का ?”
41
येशुय तियाहान आख्यो, “ तुमा आंदला रेता ता तुमाम पाप नाय रेतो, पेन तुाम आखताहा का आमाहान आमी देखाहे तियाहाल तुमा पाप तेहेकीज रेहे.”
Chapter 10
1
माय तुम्हाल खेरो खरो आखु जो मेंढा वाडामे दरवाजोपणे नेय जाता बिहीरी होवे ते चोडी जाय तो चोर आने लुटारु हाय.
2
जो दरवाजामने माज जाय तो मेडाचारणारो हाय.
3
तियाकेंहता राखवाल्यो दरवाजो उगळावे आने मेढे तिया आवाज उनाते तो तिया मेढान जी तिया नावा की हादे आने तियान बारे ली जाय.
4
आने तिया आखे मेंढे बारे काडे ताहा तो तिहीया आगला चालेहे आने मेऐ तिया फासला चालते काहाका ते मेढे तिया आवाज वोखूतेहे.
5
ती मेऐ पारका माहा फासला किधीज नेय जाय पेन ती तियाहावे नाय पोडी काहाका ति मेंढे पारखा माहा आवाज जे वोखूते नाहा.
6
यीशू तियान ओ दाखलो आख्यो ते बी जी गोठ तियान आखी तियान काय मतलब हाय तो तियान होमजो नाहा.
7
तियाले यीशुय आजी एक दाव आख्यो माय तुम्हाल खेरो खेरो आखू का आय मेंढा दरवाजो हाय.
8
जो मा आगला आला आथा ते आखा चोर आने लुटारु हाय मेढाय तिया काय नाहा उनाये .
9
माय दरवाजो हाय माहा द्वारे केंहडो माज आवी ता तिया तारण वेरी तो माज आवी आने बारे जाय आने तियाल खा मिली.
10
चोर ता तो यखाली चोरी केरा मारा आने नाश केरा आवेहे, माय ता तियाने जिवन प्राप्त वे आने हारो वे तियाल आलोहो.
11
माय हाराम हारो मेंढे चारनारो हाय हारो मेंढमापळ मेढा केंहता जिव देहे.
12
जो मेंढपाळ नाहा हाय ता तो मालिक हाय आने जिया तिया सोता मेंढे नाहा तो वाघान आवता वीन मेंढान सोडीन नाही पोडेहे आने वाघतियान जोडपी पोडे आने तियाहा अेंहतेह की देहे.
13
मजुर नाय पोडो काहाका तो मजुर हाय तियाल मेढा कायज काळजी नाहा
14
माय हारो मेंढपाळ हाय आने जकी बाहको तियाहाल मेंढा कायज काळजी नाहा.
15
माय हारो मेंढपाळ हा आने जेहकी बाहाको माल वाहोके आने माय बाहाकाय वाहोकू ते की जे माहाय तियान माय वाहेाकू जे मा हाय ते माल वाहेकूता आने माय मेढा केंहता जिव दी दीहू.
16
या मेढा वाडामने नाहा अेंहेडे मा बिहीरे बी मेढे हाय ते बी माल लि आवा जो जे आने ते बी मा आवाज उनाय फासी एक टोलो आने एकूज मेंढपाळ ऐंहकी वी जाय
17
माय मा जिव परत ला केंता दी रियो तियाल मा बाहाको मावे माया केहे.
18
केंहडोज तो माप ने लि नाहा सेकतो तर माय तो माहाकीज दवी माल तो देवणू अधिकार हाय ई आज्ञा माल मा बाहाकापणे मिलली हाय.
19
तियाले या शब्दापणे यहूदी लोकाहाम पेहला फाटा पोड्या
20
तियामने खूब जाय आख्यो तियाल भुत लागलो हाय आने तो गाडो हाय तुम्हा ऐपला काहा उनाताहा
21
बिहिराय आख्यो इ वचने भत लागला माहा नाहा हाय काहाका भुताले आंधला डोवा उगडावता आवे का ?
22
ताहा यरुशलेम शेहरा स्थापना सन आथो आने हियालो आथो.
23
आने यीशु परमेश्वरा भवनामे शलमोना खोलीम फिरतुलो.
24
तियाले यहुदी लोक तिया सोमकी वि गिया आने तियाल आख्यो, “आपु किधिलुग आमा मनाल बुलमे राखू तुज ख्रिस्त वेरी ताहा आमाल खुला आखी दे.”
25
यीशु तियान जवाब देदो, “माय तुम्हाल आख्यो ते बी तुम्हाये विश्वास थोव्यो नाहा.” माये मा बाहाका नाव की जी कामे केरु तती मा बारामे साक्षी देतेहे.
26
तेबी तुमा विश्वास नाह थोवता काहाका तुम्हा मा मेंढा मे ने नाहा हाय.
27
मा मेंढे मा आवाज उनाहाते मा तियान वोहोकू आने मे मा फासला आवते.
28
माय तियान सर्वकालिक जिवन दीहीव तिया किधिहजे नाश वेनारो नाहा आने केंहडो बी तियानेह माहा आथामने लि नाहा जाय सेकतो
29
बाहाकाय माय जो देदो तोह आखासेने माठा हाय आने बाहाका आथामेने ता केंहडोज ओचकीन ली नाहा सेकतो.
30
माय आने बाहको एक हाय.
31
ताहा यहूदी लोकाहाये तियाय डोगडमार केरा आजी डोगडा उसल्या.
32
यीशुय तियन आख्यो माय मा स्वगिय बाहका येने खुब हारे कामे तुम्हाल देखावेहे ति काममने केला कामा केहेता तुम्हा माल डोगड मार केहता.
33
यहूदी लोकाहाय यीशुल उत्तर देदा आमा हारा कामा केंहता तुले डोगड मार नाहा केता पेन दुरभाषणा केहता डोगडमार केहता काहाका तु माहाव आसून सोता देव आखतोह.
34
यीशुय तियान आख्यो, “तुमा देव हाय ऐहकी माय आखू ऐंहकी तुमा शास्त्राम लिखलो नाहा का ?
35
जियान देवा वचन मिल्याह तियान जर तियाये देव आख्यो आने शास्त्रलेखाहा भंग नाहा वेहतो.
36
तर जियाले बाहाकाये पवित्र कार्य केहता पसंत किन जगाम मोकल्या तियाय माले माय देवा पुत्र हाय ऐंहकी आखल्यापेन तुमा खराबगोठी केंहता ऐंहकी तुमा माल आखता का ?
37
माय जर मा बाहाका कामे नेय केंहता मापे विश्वास थोवा नाहा.
38
पेण जर माय ने कामे केरु ता मावे विश्वास नेय थोवा ते बी पेन ती कामाव विश्वास थोवा या केता का मा मे बाकी हाय आने बाहाका मे आय हाय ई तुमा वोहोकी लेजा.
39
ते तिया आजी तेरा केता वारा लाग्या पेन तो तिया आथाम ने लागता निगी गियो.
40
फासी तो आजी येरदना तेसली मेरे जी योहान पेहलाने बाप्तिस्मा केहतुलो ती जागे जाय नाहा रियो.
41
ताहा खूब लोक आथा तियाय आख्यो “योहानाये कायज चिन्ह केया नाहा ई खरो हाय ते बी योहानाय या बारामे काय आखलो आथो तो आख्खो खेरो हाय.”
42
तिह खूब जायये तियाप विश्वास थोव्यो.
Chapter 11
1
आमी बेथानीयामेन लाजर नावा एक माहाव आजारी आथो ई मरीया आने तियी बोहीय मार्था हे बेनी तिज गावा आथ्या.
2
तियूय मोगो तेल लीन प्रभु यीशूल लागव्यो आने तियू चोट्याव्याय तिया पाग तोव्या ती ईज मरीया आथी आने तियू पावू लाजर आजारी आथो.
3
तियाल तियु बोहीय यीशुल आखी मोकल्यो इतव्यो, “प्रभुजी, व्या तु जियापे माया केहतो तो ता बिमार हाय,
4
पेन तो उनाय यीशुय आख्यो, “ई बिमारी मरणा केता नाहा पेन देवा महिमा केहता हाय म्हणजे देवा पोयरा तियाकी महिमा वेरी.”
5
आमी मरीया आने तियू बोय मार्था आने लाजर या वे यीशु मोया केतुलो.
6
म्हणजे तोह बिमारी हाय ऐंहकी तो उनायो ते बी तो आथो ति जागाप आजी बेन दिह तिज गावाम रियो.
7
फासी तिया ताहा तियाय शिष्यान आख्यो “आपु आजी यहूदीया शहराम जाहु का ?
8
शिष्याय तियाल आख्यो “रब्बी, यहुदी लोक आपुल डोगडमार केरा वाट जोवतुला आने आपु आजी तिही जाहु का ?
9
यीशुय उत्तर देदो “दिहा बारा तास हाय का नाहा दिहाम जर केंडो चाले तो ठेचलातो नहा काहाका तो या जगा उजवाडो वेहे.
10
पेन जर ऐगो राती चाले ता तो ठेचलायेहे काहाका तिया आगला उजवाडो नाहा.
11
यीशुय ऐ गोठ्या गोगता तियाल आख्यो आपे हेगात्या लाजर हुतलो हा पेन माय तियाले निदीमेने उठवा जाव.
12
तियाले तिया शिष्याय तियाल पुच्छो “प्रभु जी तियाल निद लागली वेरी ता तो हारो वीजाय.
13
आमी यीशु तिया मोनु विषयाम गोगलो आथो हुतलामने मिलणारो आरामा बारेम गोग्यो ऐंहकी तियान लाग्यो.
14
फासी यीशु खुलो आखी देदो “लाजर मोय गियोहो.”
15
आने माय तिह नेय आथो तियाल तुमा केहता खुशी वाटेहे काहाका मा ऐंहकी ईष्या हाय का तुमा विश्वास थोवा ते बी आू तियाय जाहु.
16
फासी जियाल दिदुम आखता तोह थोमा तियाआरी रेनारा शिष्यान आख्यो, “आपु बी या आरी मोरा जाजी का ?”
17
फासी यीशु आलो ताहा तियाल ऐंहकी वाट्यो का तियाल कबराम थोवीन चार दीही वी गिया.
18
आमी बेथानी शहर यरुशलेम शहरायने जागेज तीन किलोमीटर आथो.
19
आने यहुदी लोकाहामे खूब माहाये मार्था आने मरीया याही तिया मावूल खूब माहाय सांत्वन केरा आले आथे.
20
तियाल यीशु आवी रियो उनाता मार्था तियाल जायन भेटी पेन मरीया कोमेज बोही रियी.
21
ताहा मार्था यीशुल आख्यो, “ प्रभुजी, तुमा जर ई रेता ता मा पावु मोतो नाय.”
22
तेबी आमी बी जो काय आपे देवा हुबूर मागुहू तोह देवा आपूल दी ऐहकी माल मालुम हाय.
23
यीशुय तियील आख्यो “तो पावु आजी उठी
24
मार्थाय यीशुल आख्यो “तो शेवट्या दीही पुनरुत्थाना समयी फासो उठी माल मालुम हाय.”
25
यीशुय तियील आख्यो “पुररुत्थान आने जिवन मायज हाय जो मावे विश्वास थोवेहे तो मोयो वेरी ते बी जागी उठी.”
26
आने जिवता हाय ते आखे माहाय जे मावे विश्वास थोवते ते किधीज मोनारे नाहा या गोठीव तु विश्वास थोवती का ?
27
तियूय तियाल आख्यो, “ हाव प्रभुजी जगाम आवनारो जो देवा पोयरो ख्रिस्त तोह तुज हाय ऐहडो विश्वास माय तेयो.”
28
आने ओतोज गोगीन ती निगी गियी आने तियू बोही मरीया तियूय ऐक होवा हादीन आख्यो “गुरुजी आलो ओन तो तुल हादी रियोहो”
29
मरीया ई उनाहाता ति माहार उठीन यीशुय गियी.
30
आमी यीशु आजी गावाम आलो नेय आथो पेन मार्था तियाल जी मेडवायो तिज जागे आथो.
31
ताहा जे यहुदी मरीया आरी कोमे आथा आन तिईले सांभालतुला मरीया माहारी माहारी उठीन बारे जाता वेगरीज तिह कबराय जायरीई ऐंहकी होमजीन ते तियू फासला गिया.
32
फासी यीशु आथो तिह मरीया आली यीशुल वीन ती तिया पागे पोडी आने तियाल आख्यो “प्रभुजी तु इही रेतो ता मा पावु मोतो नेय”
33
जा यीशु तियाल आने तियु आरी आला यहुदी लोकाहन रोडतुला ऐंहकी वेता तो आतम कालावाला आने दुखी वेयो.
34
आने यीशुय आख्यो “ तमाय तियाल किही थोवलो हाय.” तिहाय यीशुल आख्यो “प्रभुजी, आवीन व्या.”
35
यीशु रोड्यो.
36
यावेने यहुदी लोकाहाय आख्यो, “वेरा या तियावे कोती तेबी मोया आथी.”
37
पेन तियामने कोताहाय आख्यो “जीयाय डोवा उगाड्य तियाये या माहा ओ मोय नेय ऐहेकी केता आलो का ?
38
यीशु आजी तिया अन्तकरणाम उमली आलेा तो कबराय आले तिह एक गुफा आथी ओन ति गुफा मुयापे मोडो डोगडो थोवलो आथो.
39
यीशुय आख्यो “ओ मोडो डोगडो काडा आथाी मोला बोय मार्थाय यीशु आख्यो, “प्रभुजी, आमी तियामणू आमी खाराब गुंदातो वेरी, काहाका तियाल मोयन चार दीही वी गीयाहा.”
40
यीशुय तियुल आख्यो, “तु विश्वास थोवो ता तु देवा गौरवा वी सेकोहो ऐंहकी माय तुल आखलो नेय आथो का ?”
41
ताहा तियाहाय डोगडो काड्यो आने यीशुय डोवा उचे की आख्यो “हे बाहाका तु मा उनायो तियाल माय तो आभार मानुहू”
42
माल मालु हायय का तु मा हमेशा उनातो ते बी जे लोक चोमखी उबला हाय तियाहा केहता मा गोग्यो याकेहता का तुय माल मोकलुलो हाय ऐंहकी तियाहाय विश्वास थोवा जोजे.”
43
ऐहकी आखता यीशुय मोठा आवाजा की आख्यो, “लाजरा बारे निग”
44
ताहा तो मोलो आथेा तो बारे आलो तिया आथ पाग तोला माहा फाडकाकी बांदला आने मुय ताहा रुबालाकी बांदलो आथो. यीशुय तियान आख्यो “याले मोकलो के ओन जा दे”
45
ताहा मरीया यहुदी लोकाहाय यीशुय जो केयो तो वी लेदो आन तियाहामने खुब लोकाहाय विश्वास थोव्यो.
46
पेन कोताहाये परुशी जायने यीशूये केयो आखी देखाव्यो.
47
फासी मुख्ययाजकाहाये आने परुश्याय सभा टोलवीन आख्यो “आपू काय की रीया काहाका तो माहाव खुच चमत्कार की रीयोहो.
48
आपु तियाल ऐंहकीज सोडु ता आखा लोक तियापूज विश्वास थोवी आने रोमी लोक आवी आपू जागो आने राज्य बी हारवी ली जाय.
49
ताहा तियामने कोयफा नावा ऐहगो माहाव जो ती याजक आथो तियाय तियान आख्यो ‘तुमाल कायज होमजुतो नाहा.
50
प्रजा केहता एक माहाय मोनु आने एक राज्यानाश नेय वे ई तुम्हाल कायदो हाय इ बी तुमा मुनकाम आवतो नाहा का ?
51
आने ईता तो तिया मानामने नाहा गोग्यो पेन तिया वर्षीम तो मुख्यायाजक आथो म्हणुन तियाय संदेश देदो का यीशु तिया राष्ट्राकेता मोनारो हाय.
52
आने फक्त ते राष्ट्रा केहता ऐहकी नाहा पेन या केहता का तियाये देवा वैरगाला पोयराले एकजागे किईन एक केरा केहता.
53
यावेणे ति दिहापेन तियाहाय तियाल जिवे माय टाका आपसाम नोक्की केयी.
54
तियाले तिया फासी यीशुय यहुदी लोकाहाम देख्याातो नाहा फियो ताहा तिहीने जंगला हुबऱ्या शहरामने एफ्राईम नावा गावाम गियो आने तिह तिया शिष्या आरी रियो.
55
ताह यहुदा सण पाहे आलो आथेा आने खुब लोक अगोदर सोताल सुध्दकी ला बारे गावमेने उंचेहोवे यरुशलेम शहारावेले गीयो.
56
ते यीशुल होदतुला आने ते परमेश्वरा मंदिराम उभुरीन ऐक बिहीराले आखतुला तुम्हाल काय लागेहे सणाम तो खेरोज नाहा आवनारो का ?
57
आमी मुख्या याजकाये आने परुश्याहाये ताहा तियाल तेरा गोठी की ऐंहकी तियम देदलो आथो का तो किहीबी वेरी ऐहकी जर केडाल मालुम पोड्यो ताहा आखवो.
Chapter 12
1
फासे येशु वलाण्डणा सणा सोववा दिहा गागलो बेथानी गावुम आलो, येशुय जियाल मोलामेने जिवतो केलो लाजर बी तीही आथो.
2
आन तिही तियाह येशु वाटो बाती तेला मांडो तियार केयो आने मारथा गोवारा सेवा चाकरी केतली लाजर तिया आरी मांडो खा बोठलो.
3
ताहा मरीया आरदो किलो जटामांयी खुब मोगो वासवालो ते ली आली आने येशू पागाल लागव्यो. आने तीयु चोट्याकी येशु पाग नुस्या, आने तेलु वासु की कोवेा गुंदाय उठ्यो.
4
पेन येशु चेलामेने शिमोन इस्कार्योता पोयरो यहुदो जो येशुल दुश्मनाहा आथाम ती देनारो तो फुचा लाग्यो.
5
‘ई वासवालो तेल तीनशो चांदी पोयसा वेचीन ते गरीबान का देदो नाहा.’
6
यहुदो गरीबा हा विचार नाय केतलो पेन तो बांड आथो तियाल तो एहकी आखतलो आने पायसाहा खोतली तियापुज रेतली ती खोतलीम जो दान टाकतले तो दन तो चौई लेतलो तिया खातोर तो एहकी आखतलो.
7
ताहा येशुय आख्यो, “मरीयाल तेलाखातोर काविज मा आखो मान तोरतीम डाटी तिया दिहा खातोर इ तेल तियुय थोवी देदलो.
8
गरीब सादाज तुमा आरी रेनारा आने पोटे ताहा तिया मदत की सकता पेन आय सादा तुमा आरी रेतारो नाहा.
9
येशु तिही हाय एहकी यहुद लाकाहान मालुम पोड्यो ताहा ते लोक येशुय ओताज नाहा पेन जियाल येशुय मालामेने जिवतो केलो तिया लाजराल वेरा खातोर आलला आथा.
10
ताहा मोउा याजकाय लाजराल माय टाकुला विचर केयो.
11
काहाका तिया खुबूज लोक याजकाहा उनानु सोडीन येशुय जाहला येशुपे भोरुसो थोवताला
12
बिहीरे दिही सणाम आलला लोकाहाज येशु यरुशलेमाम आवेहे ऐहकी मालुम पोडताज.
13
ते लोक येशुल मिला मान पान दा खातोर खजुरी डाहाग्या लिन मिला गिये आने, होस्साना प्रभु नावा की आवनारो इस्राईला राजो धन्यवादीत असो एहकी आखा लागे.
14
ताहा येशु एक फुरक्या पिलकाप बोठो.
15
ओ सिायोना पोयरी बीयो मा वे तो राजो फुरक्याप बोहीन आवेहे, शास्त्रालेखा प्रमाणे ई वेयो.
16
ए गोठ्या वेया ताहा चेलान कावीज होमजायो ताहा पेन येशु मोईन फाचे जिवतो उठीन होरगाम चोड्यो ताहा चेलाहान होमजायो का ए गोठ्या शास्त्राम लेखल्या आथ्या ऐहकीज आमी वेयो.
17
ताहा लाजराल कबरी मेने हादकीन मोलामेने उठव्यो ताहा जे लोक आथा जीयाय ते वेयो ते येशू बादल साक्ष दा लाग्या.
18
येशुय ओ चमत्कार केयो इ उनाईन खुबूज लोक येशुय मिला आले.
19
ताहा परुशी लोक एक बिहिराल आखा लाग्या, ‘आपु कावीज चालनारेा नाहा इ होमजी ल्या आने वेरा इुनीयातेने आखा लोक येशु फाचला चाल्या.
20
जे माहे सणाम भक्ती केरा आलले तियामेने आरदा लोक ग्रीक आथा.
21
तियाहाम येशु चेलो फिलीप्प जो गालील देशा बंथसैदा गावामेने आथो तियाय आख्यो माहाराज आमा येशुल मिला हाय.
22
फिलीप्पाय आवीन आद्रियाल आख्यो, आंद्रिया आन फिलीप्पय आवी येशुल आख्यो .
23
येशुय तीयान आख्यो मा महिमा वेनु टेम आवी गीयो हो.
24
माय तुमान खेरो खेरो आखुहू गोवा दानो तोरतीम पोडीन मोअयो ताहा एखलोज रेहे आने मोयो ता जिवतो वेहे ताहा खुबूज पीक देहे.
25
जो केडो माहु आपु जीवाव प्रेम केहे तो तियाल जीव गोमावी ओन जो इया दुनीयाम सोवताहा जीव सोंबालेहे तो सार्वकालीक जीवन सांबाली थोवी.
26
जो केडो मा सेवा केहे तो मा फाचाउाी आवा जोजे ताहा जिही हाय तिही मा सेवक बी री जो केडो मा सेवा केहे. तियाल मा बाहको मान पान दी.
27
आमी मा जीव खुब दु:खी वी गियोहो, आय काय गोगू, ओ मो बाहका मान जो वेअनारो हाय तियामेने मान वाचाव ऐहकी का पेन आय इया खातोरुज आलोहो.
28
ओ बाहका तो तावा महीमा के ताहा जुगामेने आवाज आलो मायुय तिया महिमा केयीही फाचे बी तिया महिमा केहे.
29
ताहा जे मोहे तिही उनातले ते आखा लाग्या बादलाम गाजी उठ्यो बिहिरे आखा लाग्ये देवदुत तिया आरी गोग्यो.
30
येशुल लोकाहान आख्यो, “ओ आवाज तुमा खातोर आथो, मा खातोर नाहा.”
31
इया इुनीया लोका न्याय वेनु टेम आवी गीयोहो इया इुनीया राजो बारे टाकाय जाय.
32
आने जाहा आय तारतीवेने फासे उठावाज जाहे ताहा काय आखा माहान माय इही खेची लेहे.
33
येशु केहकी मोनारो हाय तो होजाया केअता तो एहकी तीयाय आख्येहे.
34
तिया खातोर लोकाय येशुय फुच्यो, “ख्रिस्त कायमुज री एहकी आमा पवित्र शास्त्रामेने उनायाहा ता माहा पोयरो मोरा जोजे एहकी काहाल आखतोहो, ओ माहा पोयरो केडो हाय ?”
35
ताहा येशुय तियान आख्यो, “आमी थोडाक टेमालुज मा उजवाडो तुमा आरी हाय जावलुग तुमाहाम मा उजवाडो हाय तावलुग तुमा उजवाडाम चाला आंदाराम तुमा गाठनारा नाहा, पेन जो आंदाराम जाहे तियाल आपु काही जाता ते होमजातेा नाहा.
36
तुमा उजवाडा पोयरे वेरा जोजे तियाल तुमाही उजवाडो हाय तावुज उजवाडावे भोरुसो थोवा.” येशु ए गोग्यो ओन तिहीने निगी गिया, आन फासे तियाहान देखायो नाहा.
37
येशुय यहुदी लोकाहम ओता चमत्कार केया तेबी तियाहामेने खुब लोकाहाय येशुपे भोरुसो थोवो नाहा.
38
इया खातोर का यशया भविष्यवाने वचन पुरो वेरा जोजे तो एहकी ओ प्रभु आमा आरी गोठीपे केडाय भोरुसो थोव्योहो परमेश्वरा गोती केडाल मिलली हाय.
39
तीयाल तियान भोरुसो थोवता आलो नाहा.
40
तियाय डोवाकी वेरा नाय जोजे आन मोनाकी होमजा नाय जोजे आने मा वेला नाय वोला जोजे आने आय तियाहा हारो केरा नाय जोजे तिया खातोर तियाहा डोवा आंदला केयाहा आने मोने कठीन केअलो हाय.
41
यशयाय येशु परमेश्वरा महीमा वेई तियालुज तियाय एहकी आख्यो.
42
पेन बिहीरा खुब पुढाऱ्याहाय येशुपे भोरुसो थोव्यो तेबी परुशी लो कतियाहान प्रार्थना कोमेने बारे काडीदी इया धाकुकी लोकाहा हुबूर तियाय कबूल केया नाहा.
43
काहाका तियान परमेश्वरा मान पान खुबूज हारो लागतलो.
44
फासे येशुय खुबूज आख्यो जो मोपे भोरुसो थेावेहे तो मावेज भोरुसो थोहे एहकी नाहा पेन जियाय मान मोकल्यो हो तियावे भोरुसो थोवेहे.
45
आने जो मान वेहे तो जीयाय मान मोकल्योहो तियाल वेनु सारखोज हाय.”
46
आय उजवाडो उबजीन दुनीयाम आललो हाय इया खातोर का जो केउो मावे भोरुसो थोवेहे तो आत्मीक आदाराम रा नाय जो जे.
47
आन जो केडो मा वचने उनाईन वोलतो नाहा तिया आय न्याय केअतो नाहा काहाका आय दुनीया न्याय केरा नाय पेन दुनीया तारण केरा आललो हाय.
48
पेन जो केउो मन नाकारी देहे आन मायुय जो वचन आख्यो तियाल बी नाकारी देहे तिया न्याय जो वचन माय आख्यो तियाज वचनाकी वेरी.
49
आय मा सोताहा अधिकारा की गोगतो नाहा पेन जी परमेश्वरा बाहाकाय मान मोकल्याहो तियाय जो मान होपलो तोज आय गोगुहू.
50
तीया आशा सार्वकालिक जीवन हाय जो मान मालुम हाय तीयाल जो काय माय आखु तो परमेश्वराय मान आखलो हाय तीया होसुज आय तुमान आखुहू.
Chapter 13
1
वल्हांडण सणा आगलोज येशुय होमजी लेदो का तियाल आमी इ दुन्या सोडीन पोरमेहेरा बाहका कोअ जावनु टेम आवी गियोहो.
2
ताहा वाअती वेल मांडो खावनु टेमावे काल्या पुतांय शीमोना पोयरो यहुदा इस्कार्योता मोनाम येशुल दुश्मनाल आथाम तिई देवुनु विचार पोय देदो.
3
येशुय इ मालुम आथो, परमेहेरा बाहाकाय बांदोज तिया आथाम देदलो, ओन तो पोरमेहे बाहाकयाने आललो आथेा आन तो पोरमेहेर बाहेकाही जाहलेा .
4
येशु मांडो खाहलो तिहीने उठीन तियांय फांगलो पोतडो काडी थोव्यो आने रुबाल लीन कंबराल बांद्यो.
5
आन येशुय बासनाम पांअय लिन चेलाहा पाग तुव्या आन कंबराल बांदला रुबलाकी तियाहा पाग नुसा लाग्यो.
6
जाहा येशु शिमोन पेतराही आलो ताहा पेतर तियाल फुचेहे, “प्रभु, तु मा पाग तोवहो का ?”
7
ताह येशुय आख्यो, “आमी आय काय किहु तो तुल नाय होमजानारो, पेन फाचे होमजाय.”
8
पेतर तियाल आखेहे, “मा पाग तु किदिहीज तोवोहो मा.” ताह येशुय तियाल आख्यो, “मायुय तो पाग नाय तोव्या ता, तुल मा आरी वाटो नाहा हाय.”
9
ताहा शिमोन पेतर येशुल आखेहे, “प्रभु, मा पागुज नाहा पन आथ आन मुनको बी तोवी दे.”
10
येशुय तियाल आख्यो, “जो उगलो हाय तिया फोक्त पाग तुवनुज गोरज हाय.” (पागालुज माहार घाण लागी जाहे) काहाका तो चोखो हाय तुमा आत्माकी चोखा हाय पेन बादाज आत्मीक चोखा नाहा.
11
तियाल केउो ती दी इ येशूल मालु आथो. तिया खातोर चोखा नाहा एहकी येशुय आख्यो.
12
जाहा तो पाग तोवी पारवाये ताहा, तियाय पोतळे पोव्ये आन जागाप आलो आन फुचा लाग्यो, “मायुय इ काय केअयो तो तुमाहान होमजायो का ?”
13
तुमा मान गुरुजी आन प्रभु आखताहा इ हारो आखताहा काहाका आय तोज हाय.
14
पेन आय जो प्रभु ओन गुरु हाय ते बी मायुय तुमा पाग तुव्या तेहकीज तुमा बी एकबिहीरा पाग तो वा जोजे.
15
जेहेंकी मायुय केअयो तेहकी तेमा बी केरा जोजे, तियहाल मायुय इ देखाव्योहो.
16
आय तुमाहान खेरोज आखुहू आवत्यो तोनारासे माठो नाहा रेतो आन मोकलुलो माहू मोकलुनारासे मोडो नाहा रेतो.
17
ए गोठ्या तुमा हेमजुताहा आने तुमाहाय जर एहेंकीज केअयो ता तुमा आशिर्वादीत हाय.
18
माय तुमाहामेने बाठ्ठा केता गोगतो नाहा मायुय जियाहान निवड्याहा तियाहान माय ओखुहू. तेबी जियाहाय मा आरी मांडो खादलो तीयाय मा उचे लात उसल्यो इ शास्त्रलेखाम लिखलो हाय आन इ पुरा वेरा जोजे.
19
इ वेअनु आगलोज आय तुमाहान आखी थेावुहू, इया खातोर का जाहा इ वेरी ताहा तुमाहाय भोरुसो थोवा जोजे का आय मसिह ख्रिस्त हाय.
20
आय तुमाहान खेरोज खेरोज आखुहू आय जियाल मोकलेहे तियाल जो केडो बी मानी ली तो मान मनी ली आने जो कडो मान मानि ली तो माज माकलुनाराल मानी ली.
21
एहकी गोगीन येशु मोनाम दुखी वी गियो आन साक्षी दा लाग्यो, “आय तुमाहान खेरोज खेरोज आखुहू तुमाहामेने एक जा मान दुश्मना आथाम तिई दी.”
22
ता येशु केडाल आखेहे इ होमजा केअता बाद्दा चेला एकबिहीरा वेला वेरा लाग्या.
23
चेलाहामेने ए जां येशु जियवे मोया केअतलो तो येशुय हेकीन हुदिवेल जो मान पाना जागो हाय तिही बोठलो आथो.
24
ताह शिमोन पेतरांय तियाल ठाकोज इसारो किईन आख्यो, “येशु केडोल ऐहकी आखेहे तो केडो हाय इ फुच.”
25
तो चेलो येशु पाही आवीन तिया सातील टेकीन तियाल फुच्यो, “प्रभु, तो केडो हाय ?”
26
येशुय आख्यो, “आय जियाल मांडा कुटको रोहाम पिजवीन खा देहे, तोज जो हाय. फाचे तियाय मांडा कुटको रोहाम पिजवीन शिमोन पोयरो येहुदा इस्कार्योत याल देदो.
27
तियाय मांडा कुटको लेताज काल्यो पुथ तिया मोनाम विही गीयो ताहा येशुय तियाल आख्यो, “तुल जो केअनु हाय तो माहार के”
28
पेन येशुय एहकी काह आख्यो, इ जे जे मांडो खा बोठले तियायहामेने केडालुज होमजायो नाहा.
29
यहुदावेज पोयसा रेतला तियाहाल बिहीरान लाग्यो का येशु तियाल सणा मांडा केअतो जो जोजी तो लावा खातोर नायता गरीबाहान थेाडक पोयसा दा खातोर आखेहे.
30
आन यहुदा मांडो लेतांज बारे निगी गियो, ताहा रात आथी.
31
तो जातांज येशुय आख्यो, “आमी मा नाव उचो बि गियो. मा महिमा वेअयी आन मामेने पोरमेहेर बाहका महिमा वेअयी ही.
32
आन जर आय तिया नाव रंचो केहेता माहारुज पोरमेहेर मान बी मा महिमाम ली आवी.
33
मा पोयराहाय आजी आय थोडीक वाअ तुमा आरी हाय फाचे तुमा मान होदाहा जेहकी मायु यहुदी लोकाहान आख्यो तेहकी तुमहान बी आखुहू जिही आय जाहू तिही तुमहान आवानारो नाहा.
34
आय तुमाहान नावी आज्ञा हुकवु तुमा एक बिहीरावे मोया केअजा जेहकी मायुय तुमाहवे मोया केअयी तेहेंकीज तुमाबी एकबिहिरावे मोया केअजेा
35
तुमा एक बिहिरावे मोया री ताहांज बादा लोक तुमाहांन ओअखी का तुमा मा चेला हाय”
36
शिमोन पेतराय येशुल फुच्यो, “प्रभु, तु काहि जा हाय?” येशुय आख्यो, “आय जिही जाहु आमी तो की आवानारो नाहा, पेन फाचे तु मा फाचाडी आवोहो.”
37
पेतराय येशुल आख्यो, “मा की आमीज तो फाचाडी काहाल आवानारो नाहा ? आय तो खातोर मोरा बी तियार हाय.”
38
ताहा येशुय आख्यो, “तु खेरोज तो जीव मा खातोर दीहो ? पेन आय खेरोज आखुहू तु मान तीन दाव नाकारी दिहो तांव लुगू हाकाल चुनख्यो कुकडो वाहनारोज नाय.”
Chapter 14
1
येशुय तिया चेलाहान आजी आख्यो, “तुमा मोना मोनाम दुखी मा वी जाहा. पोरमेहेरापे भोरुचो थोवा, आन मावे बी भोरुचो थोवा.”
2
मा बाहाका कोम रेवनु खुब जागो हाय जर जागो नाय रेतो ता आय तुमहान आखतो काहाका आय तुमा केअता जागो तियार केरा जाहु.
3
आन आंय जायन तुमा खातोर जागो तियार किईन फाचे तुमाहान लां आवेहे आने तुमाहोन मा आरी ली जाहे, इया खातोर का आंय जिही रेहे तिही तुमा बी कायक रा जोजे.
4
आय कीही जाहु ती वाट तुमाहान मालुम हाय.”
5
थोाय येशुल आख्यो, “ प्रभुजी, तु काही जावहो तो आमाहान मालुम नाहा, ता ती वाट केहकी मालुम र?”
6
येशुय तियाल आख्यो, “मार्ग, सत्य आन जिवन मायज हाय, केडाल बी मा इही आव्या वाची पोरमेहेर बाहाकाही जावानारो नाय.”
7
पेन तुमा जर मान आखुताहा ता तुमा मा बाहकाल बी आखुताहा आन आमीनेज तुमा तियाल ओखुताहा, आन तुमहाय तियाल देख्योहो.”
8
ताहा फिलीपाय येशुल आख्यो, “प्रभु, आमाहान पोरमेहेर बाहको देखाव ओतोज आमाहान जोजे.”
9
येशुय तियाल आख्यो, “फिलीप्पा, आय आमी लुगू तुमा आरी आथो, तेबी तुयूय मान वोअख्यो नाहा का?” जियाय मान देख्यो, तियाय मा बाहाकाल बी देख्योहो. ता बाहको देखाव एहकी काहाल आखतोहो ?”
10
आय बाहकाम हाय आन बाहाको माअम हाय, एहकी भोरुसो तु थोवतो नाहा का ? जे गोठ्या आय आखुहू ते मा मोनाकी नाहा आखतो, पन माम रेनारो बाहाको तिया सोवताहा काम केहे.
11
आय बाहाकाम हाय आन बाहाको माअम हाय एहकी तुमा भोरुचो थोवा, नाय ता मायुय केअले कामे विईन तेबी माअप भोरुचो थोवा.
12
आय तुमाहान खेरोज आखुहू आय जे कामे किईहु ते कामे माअपे भोरुसो थोवनारो बी केरी आन तियासेबी मोडे कामे केरी काहाका आय पोरमेहेर बाहाकाही जाअहु.
13
जो काय तुमा मा नावाहाकी मागाहा तो आहे देहे इया खातोर का पोयराकी बाहाका नावा उचो वेरो जोजे.
14
तुमा मा नावाहाकी माअप कायबी मागाहा ताहा आय तुमाहाल देहे.
15
माअप तुमा मोया वेरी ता मा आखल्या गोठ्या तुमा पालाहा.
16
आय बाहकाल आखेहे, आन तो तुमाहांन तुमा आरी कायमुज रा खातोर मोदत केअनारो आत्मो दी.
17
तो खेरो आत्मो हाय, तियाल दुनिया अविश्वासी माअही मानते नाहा, काहाका ते तियाल देखी नाहा सेकते, आन ओअखुते नाहा, पेन तुमा तियाल ओअखुताहा काहाका तो आमी तुमाआरी रेअहे आने फांचो तो तुमाहामुंज री.
18
आय तुमाहान आमी अनाथ रा देणारो नाय, आय तुमाही आवीही.
19
अमी आजी थोडाहाज टेमाम दुनिया अविश्वासी माहे मान वेअनारे नाहा , पेन तुमा मान वेअहा, आय जिवतो हाय तियाहाल तुमा बी जिवते रऱ्याहा.
20
तहा तुमाहान होमजाय का आय बाहकाम हाय आन तुमा मां हाय, आय तुमाहाम हाय.
21
जियाप मा नियम हाय आन जो ते नियम पालेहे, तो माअवे मोया केअनारो हाय आन जो माअवे मोया केअहे तियाव मा बाहका मोया केरी आन आन आय बी तियावे मोयाकेअहे आन आय केडो हाय इ तियाल हारी रिती देखावेहे.
22
यहुदा इस्कार्योत नाहा तियाल आख्यो, “प्रभु, एहडो काय वेअयो का आपमेहेन देखाहो आने था दुनिया अविश्वासी माअहान नाय देखाहो .
23
येशुय आख्यो, “जो केअडो माअवे मोया केअहे तो मा वचन पालेहे तियवे मा बाहको मोया केरी आन आमा आविन तिया आरी रीहू.
24
जो माअपे मोया नाहा केअतो तो मा वचन नाहा पालतो आन तुमा जे वचने उनातेहे ते मा नाहा पेन जियाय मान मोकल्योहो त्या पोरमेहेर बाहाका हाय.
25
आय तुमा आरीज हाय ताहा ए गोठ्या तुमाहांन आखल्या हाय.
26
आन जियाल बाहको मा जागो ला मोकली तो मोदत केअनारो पवित्र आत्मों तुमा होमजा जोजे एहड्या गोठ्या तुमाहान हिकवी आन मायुय जो तुमाहान आख्यो तियो गोठीहीमेने जो तुमा विहीराय गेहेला ते गोठ्या बी तो तुमाहान इतवी दी.
27
आय तुमाहान मा शांती दिहू, आय मा शांती तुमाहान दिहू जेहेंकी दुन्यामेने गोठ्या शांती देत्याहा तेहंकी शांती आय तुमाहान देतो नाहा, तुमा दुखी मा व्याहा, आन बियाहा मा.
28
आय जाहु आन तुमाही फाचे आविही, एहकी मायुय जो तुमाहान आख्यो तो तुमा उनाये, माप तुमा मोया रेती ता माय पोरमेहेर बाहकाय जाहू आखिन तुमा खुष वेता काहाका मा बाहाको मा से बी मोडो हाय.
29
आय तुमाहान इ वेरा आगलोज आखहू इया खातोर का जाहा इ वेरी ताहा तुमा मावे भोरुसो थोवा जोजे.
30
आय तुमा आरी आमी वाद नाय गोगू काहाका इया दुनिया अधिकारी काल्योपुत आवेहे पेन मावे तिया काविंज अधिकार ना चालनारो.
31
पेन दुन्यामेने लोकाहान मालुम वेरां जोजे का आय बाहकावे मोया किहु, आय बाहकाय जो हुकूम केअयो तो आय पालुहू चाला आपू आमी इहीने निंगता.”
Chapter 15
1
आय द्राक्षा वेलो हाय आन मा बाहाको खेती केअनारो हाय
2
तो माअमेने फालवे नाय देनाऱ्या बाद्या डाहग्या रोंडी टाकेहे, जियो डाहगीहीन फोलवे आवेते हे तियाहोन बाद फोलवे लागा जोजे तियाल ते डाहग्या उचेने वाडीन साफ केअहे.
3
जो वचन मायुय तुमहान आख्योहो तियावे तुमाहांया भोरुचो थोव्यो तियाल तुमा आमी पापामेने चोखा बी गियाहा.
4
तुमा आरी जोडायन रेजा, आन आय तुहाम रेहे. जेहेंकी डाहगी वेलाम रियावोगर फल देती नाहा तेहेंकी माआम रिया वोगर तुमाहांन फल देता आवतो नाहा.
5
आय द्राक्षा वेलो हाय आन तुमा डाहग्या हय जो माअम रेहे आन तियाम आय रिहूं, तो खुब फोलवे देहे काहाका माहिने जुदो रिईन तुमाकी कायज केअता आवतो नाहा.
6
जो माआम रेतो नाहा, तियाल डाहगी होज रोंडीन बारे फेकी देवाम आवी आन ते डाहग्या हुकाय जातल्या तहा ते टालवीन आगी की सिलगावी देतेहे.
7
तियाल तुमा मां रिहा आन तुमा मा वचना प्रमाणे चालहा, ताहा जो काय तुमहांन जोजी तो तुमा मावे मागहा तो आय तुमाहान देहे.
8
तुमा वाद फोलवे द्याहा ताहा मा बाहाका नांव उचो वेरी आन ताहा तुमा मा खेरा चेला वी जाहा.
9
जेंहकी बाहाकाय मावे मोया केअयीही तेहेंकी मायुय बी तुमाहावे मोयाकेअयी ही तियाल तुमा मा मोयाम रेजा.
10
जेंहकी आय मा बाहाका आज्ञा मानीन तिया मोयाम रिहू तेंहेंकी तुमा बी मा आज्ञा मानहा ताहा मा मोयाम रिहा.
11
मा आनंदु तुमाहाम रां जोजे आन तुमा आनंद पुरेपूर वेरा जोजे इया खातोर ए गोठ्या मायुय तुमाहान आख्याहा.
12
जेहेंकी मायुंय तुमाहवे मोया केअयी तेहेंकी तुमा बी एक बिहिरावे मोयाकेअजा ईज मा आज्ञा हाय.
13
तिया आऱ्या खातोर जीव देवनु से केडाबी मोया मोडी नाहा
14
जर तुमा मा आज्ञा पालताहा ता तुमा मा आऱ्या हाय.
15
आमी आय तुमाहान आवत्या एहेंकी आखतो नाहा काहाका तिया तोनारो जो केरा तियाल लागवेही तिया आर्थ आवत्याल मालम नाह रेतो पेन आय तुमाहान मा आऱ्या हाय ऐहेकी आखुहू जे गोठ्या आय मा बाहाकाहीने उनायो ते गोठ्या तुमाहन आख्याहा.
16
तुमाहाय मान नाह निवडी लेदो, पेन मायु तमाहान निवडी लेदले हाय, आन तुमा जायन फोलवे दा जोजे तिया खातोर नेहला हेय. तो इया खातोर का तुमा फावलवे टिके आन तुमा मा आधिकाराकी बाहाकाही जो मागाहा बाहाको तुमाहान तो दी.
17
एक विहीरवे मोया केरा तियाल आय तुमाहन इ आशा किहॅू.
18
विश्वास नाय केआनारे तुमा विरुध्द केअतेहे इ तुकाहान मालुमु हाय इतवी लेजी का तियाहाय पेअलो मा बी विरुद्ध केअयीही.
19
तुमा दुन्या रेता ता दुन्या अविश्वासी लो तुमाहवे मोया केअता पेन तुमा दुन्या नाहा मायुय तुमाहन पाी लोकाहामेने निवडी लेदा तियाल ते लोक तुमा विरुध्द केअताह.
20
आवत्यो तोनारा से मोडो नाहा इ वचन मायुंय तुमाहन आख्यालो तिया विचार केरा ते दुन्या लोक मान सोतवतला ता ते तुमाहंन बी सोतावी ते लोम मा वचन पाली ना तुमा बी वचन पाली.
21
पेन तुमा इ बांदो ते मा नावाकी केरी, काहाका जियांय मान इया दुन्याम मोकल्योहो तियाल ओअखुते नाहा.
22
आय आवतो नाहा आन तियाहान आख्यातो नाह ता पेन ते मा नावाखातोर इ बादो तुमाआरी केअरी काहाका जियाय मान मोकल्योहो तियाल ते वोअखुते नाहा. तियाहावे दोष नयारेतो पेन आमी तियाहा पापाल केललो बी बाहानो नाहा.
23
जो मा विरुध्द केअहे तो मा बाहाका बी विरुध्द केअहे.
24
केडांयज केअये नाहा ऐहेंडे चमत्कार कामे जर तियाहाम आय केअतो नाय ता ते दोषी नया रेते पन आमी तियाहाय मान आन मा बाहाकाल ओअखीन बी विरुध्द केअयीही.
25
तियाहाय एहेंडी मा विरुध्द केअयी इ वचन तियाहा शास्त्राम लेखलो हाय, तो पुरो वेरा जोजे तियालुज कावींज कारण नाह ते बी इ विरुध्द वेअयी.
26
बाहाकाहीने जो आवनारो हाय तियाल आय बाहाकाही जायत तुमाही मोकलेहे तो मोदत के अनारो खेरो आत्मो जाहा आवी ताहा तो मा बोद्दल साक्षी दी.
27
मा सेवा सुरु वेअयी तेहे तुमा बी मा आरी हाय तियाल तुमा बी मा बोद्दल साक्षी द्याहा.
Chapter 16
1
येशुय आजी तिया चेलाहान आख्यो, “तुा मरमेश्वरापने भोरुसो सोउीन पुलवाय नाय जा जोजे तियाल तुमाहन मायुय ए गोठ्या आगलोज आखल्या हाय.
2
यहुदी धर्मा पुढारी तुमाहान देवालायामेने बारे काडीदी ते तियाहा परमेश्वरा सेवाज केअताहा ऐहेंकी होमजीन तुमाहन माय टाकी दी एहेंडो टेम आवी.
3
तियाहाय परमेश्वरा बाहाकाल आने मान ओख्या नाहा, तियाखातोर ते तुमाहन एहेंकी केरी.
4
मायु तुमाहान ए गोठ्या इया खातोर आखी थोवल्या हाय का ते गोठ्या जाहा वेरी तहा तुमाहान मा आखलया गोठ्या इत की आवा जोजे, ए गोठ्या मायुय तुमाहान पेहलांज आख्या नाहा काहाका आय आजी थेाडो टेम तुमा आरी रेनारो आथो.
5
पेन जियाय मान मोकल्योहा तियाही आय आमी जाहु पेन तु काही जातोहो एहेंकी तुमामन केडोज मान फुचतो नाहा.
6
आन मायु तुमाहन ए गोठ्या आख्या, तियाल तुमा मोनाम इदगो पोराय गीयोहो.
7
ते बी आय तुमाहान खेरोज आखुहू आय होरग्या बाहाकाही जाहु इ तुमा हारा खातोर हाय, आय नाया गियो ता तुमा मोदत केनारो आत्मो आवे नाय, आन आय जाहा जाये ताहा मोदत केनाराल तुमाही मोकली देहे.
8
आने तो आवीन पाप बोद्दल न्यायीपणा बोद्दल आन न्याय निवाडा बोद्दल दुन्या लोकाहान होमजावी दी.
9
ते लोक मापे भोरुसो थोवता नाहा तियालुज ते तियाहा पापामुज रेताहा.
10
न्यायीपणा बोद्दल तो आवीन तुमाहान होमजावी दी काहाका आय होरग्या बाहाकाही निंगी जाहे, ताहा आय तुमाहान देखानारो नाय,
11
आने न्याय निवाडो बी गियहो तियाखातोर इया दुन्यामन पापी लोकाहा न्याय निवाडो नक्कीज वेअनारो हाय द तो लोकांहान होमजावी दी.
12
मान आजी तुमाहान आखनु सारख्या खुबूज गोठ्या हाय, पेन तु तुमाहान खेटाय नाय,
13
ते बी जाहा खेरो आत्मो आवी ताहा तो तुमाहान वाट देखवीन खेऱ्या हाय ते होमजुनु मोदत केरी काहाका तो आत्मो सोबताहा गोठ्या आवनारी नाहा पेन जो तो बाहाकाही ने उनायी तोंज आखी, आन तिही देखानाऱ्या गोठ्य तुमाहान आखी.
14
तो मा नाव उचो केरी काहाका तो मा गोठीहीमनज तुमाहन आखी
15
जो काय होरग्या बाहाका हाय तो मा हाय इया खातोरुज जी मा हाय तियामने लीन तो आत्मो तुमाहान आखी एहेंकी आय तुमाहान आखतलो.
16
थोडीक वाअकी माय तुम्हान देखानारो नाह पेन फाचे थोडीक वाअकी माय तुमाहन देखयेहे.
17
एहेंकी आख्यो तियाल इसु चेलाहामने थोडाक जा एक बिहीराल फुचा लाग्यो, “थोडीक वाअकी तुमा मान देखानारो नाय फाचे थोडीक वाअकी माय तुमाहान देखय काहाका आय होरग्या बाहाकायही जाहु एहेंकी एपलाय आख्यो, तो तुमाहान होमजायो का ?
18
ते चेला आख्या लाग्या “थोडीक वाअ इ का आखहो ? इ आमाहान काय होमजातो नाहा!
19
ते तिया काय तेबी फुचा हाय एहेंकी होमजीन येशुय तियाहान आख्यो, “थोडीक वाअ तुमा मान देखाहा नाय, आन थोडीक वाअ तुमा मान देखाहा इ जो आय गोग्यो तियाल तुमा एक बिहीराल फुचताहा !
20
मान जो वेनारो हाय तो आय तुमाहन खेरो खरो आखी देखावुहू, तुमा रोहा आन दुखी व्याहा पेन दुनीयाम लोक ताहा आनंद केरी तुमा दुखी व्याहा पेन तुमा दुख जातो री आन तुमाहान आनंद वेरी.
21
जाहा एगदी बाय पोयराल जोल्मो देहे ताहा तियुल खुब तारास वेहे पेन तियुय पोयराल जोल्मे देदो ताहा तियु पोयरो दुन्याम जाल्माल आलो यिाल तियुल आंनद वेहे, आन ती बादो दुख आन तारास विहाराय जाहे
22
तियाज होच आमी तुमहान दुख हाय पेन आय तुमाहान मिलेहे ताहा आनंद क्याहा, आन तुमामने तो आनंद केडोज काडी नाय लेनारो.
23
त्या दिहाल मान काहीज फुचा मा पेन आय तुम्हान खेरो खेरो आखुहू पेन मो नावाकी होरग्या बाहाकाही तुमा जो मागाहा तो तुमहान दी.
24
आमी लुग तुमाहाय मा नावकी कावीज माग्यो नाहा पेन मागाहा ताहा तुमाहान मिली आने तुमा आनंद पुरा बी जाय.
25
ए गोठ्या आय तुमाहान दाखलाहाम आखतलो पेन आमी आय कावीज दाखलाकी नाय गोगू पेन होरग्या बाहाका बोद्दल आम आय तुम्हान खुलली रिते आखेहे एहेंडो टेम आललो हाय.
26
तिदीही तुमा मा नावाकी मागाहा पेन आय तुमा खातोर होरग्या बाहाकाल आखी देखावेहे एहेंकी आय आख्तो नाहा.
27
काहाका बाहको सोवताहा तुमाहापे माया केहे काहाका तुमाहाय मापे माया केयी आने आय बाहाकाहीने आलोहो एहेंकी भोरुसो बी थोव्योहो.
28
आय होरग्या बाहाकाहीने दुनियाम आललो पेन आमी आय दुनिया सोडीन फाचे होरग्या बाहाकाय जाहु.
29
ताहा चेला येशुल आखा लाग्या, “आमी मु आमा रीते गोगतोहो, हाखला आखातो नाहा,.”
30
आमी आमाहान होमजाय गियो का तु बादो जातोहो आन तुल केललीज गोठ फुचनु गोरज नाहा, तियाल आमा भोरुसो केताहा का तु पोरमेशवराहीने आल्लो हाय.
31
इ उनायीन येशुय आख्यो “आमी तुमा भोरुसो केताहा का ?”
32
पेन आमी एहेंडो ऐम आवी, आने आललोज हाय जाहा तुमा फोबजीन खागो-वागा विइन मान एखलोज रा दिइन जियातिया बाटल्याहा तबी आय एखलो नाहा मा होरग्या बाहाको मा आरीज हाय.
33
आय ए गोठ्या तुमाहान इया खातोर आखुहू का तुमाहान मा इहीने शांती मिला जोजे दुन्याम जिवते रेता तुमाहान तारास हाय. पेन तुमा काबरायाहा मा हिंमत राखा मायुय दुन्या सोंकतील जिकी लेदिही.
Chapter 17
1
ए गोठ्या गोगीन येशुय उचे विईन प्रार्थना केरा लाग्यो, “ओ मा बाहाका आमी टेम आवी गियोहो आय तो पोयरो तो नाव उचो केरा खातोर मानाव उचो के.”
2
काहाका तय मान बादा माहापे अधिकार देदहो तुय मान जे देदलो हाय तिया बादाहान जोलाम जुग्यो जीवन दा जोजे.
3
आने एकुज खेरो परमेश्वराल आन जियाल तियाय मोकल्योहो तिया येशु ख्रिस्ताल ओखुनू इ जोलाम जुग्यो जीवन हाय.
4
तुय जो काम मान केरा देदलो तो पावावीन मायुय तोरतीपे तो नवा उचो केयो.
5
तियाल आमी ओ मा बाहाका दुन्या उबजा आगलो तो आरी मान जो मान पोन आथो तेहेंकीज तु आमी तो आरी मा नाव उचो के .
6
जे माहे दुन्यामन तुय मान देदेहे तियाहान मायुय तो नाव आखी देखाव्यो ते तोज आथेा आन ते तुय मान देदे आने तियाहान तो वचन पाल्यो.
7
आमी तियान होमजायो का तो काय तुय मान देदलो ते बादो तो इहिने दान हाय.
8
काहाका जे वचने तुय मान देदे ते मायुय तियाहान देदले हाय आन तियाहाय ते लेदे आय तो इहिने आलोहो इ तियाहाय आअखी लेदे आय तो इहिने आलोहो इ यिताहाय आअखी लेदो आन तुय मान मोकल्योहो एहेंकी भोरुचो केयो.
9
तियाहा खातोर आय प्रार्थना किहू आय दुनिया अविश्वासी लोकाहा खातोर प्रार्थना केता नाहा पेन जे माहे तुय मान देदेहे तियाहा खातोर आय प्रार्थरा किहू काहाका ते तोज हाय.
10
आन जो मा हाय तो तोहाय आन जो बादो तो हाय तो मा हाय तियाहाकी मा मान पान वादेहेच.
11
आन आमी आय दुनिया सोडीन जोहे पेन ते दुतियामुज री आय तोही आवुहू ओ पवित्र बाहाका जो नाव तुय मान देदलो हाय तिया नावाम तियाहान सांभाल इया खातोर की जेहेंकी आपु एक हा तेहेंकी जो भी एक वेरा जोजे.
12
आय तियाहा आरीज आथो, ताहा तुयू तो नाव मान देदलो तियाकी मायुय तियाहान सांभाल्या आन तियाहान कावीज नाह वेरा देदो, तिया बोद्दल शास्त्रलेख पुरो वेरा जोजेतलो तिया खातोर नाश वेअनु मार्ग जियाय निवड्यो तिया केडाज नाश वेअयो नाहा.
13
पेन आमी आय तोही आवुहू आन मा चेलाहाम मा आन पुरो वेरा जोजे तियाल आय दुनियाम ए गोठ्या आख्या.
14
मायुय तो वचन तियाहान देदलो हा जेहेकी आय दुनियानाहा तेहेकी ते भी दुनिया नाहा तियाल दुनिया अविश्वासी माहाय तियाहा विरुध्द केयोहो.
15
तु तियाहान दुनियामेने काडी ला जोजे एहेंकी प्रार्थना कता नाहा पेन तु तियाहान पापामने बाचावज एहेकी प्रार्थना केहू.
16
जेहेंकी आय दुनिया नाहा तेहेंकी ते भी दुनिया नाहा.
17
तु तियाहान खेरा पणाकी पवित्र के काहाका तो वचन इज खेरोपण हाय.
18
जेहेंकी तुय मान इया दुनियाम मोकलुलो तेहेकी आय तियाहान दुनियाम लोकहाम मोकलुहू.
19
तियाहान खातोर आय सोवताहा होपाय जाहु तो इया खातोर का ते भी खेरापणा की पुरेपुर होपाय जा जोजे.
20
आन आय तियाहा खातोर प्रार्थना नाहा केतो पेन ते जो वचन आखी तिया वचनाकी जे मापे भोरुसो केरी तियाहा खातोर भी आय प्रार्थना किहू.
21
इया खातोर का तियाहाय बादाहाय एक वेरा जोजे ओ होरग्या बाहाका आय प्रार्थना केहू का जेहेंकी तु माआम आन आय तोम होय तेहेंकी तियाहायभी आपूहूम एक वेरा जोजे.
22
आन जो मान मान तुय मान देदो तो मायुय तियाहान देदलो हाय इया खातोर का जेहेंकी आपु एक हा तेहेंकी तियाहाय भी एक वेरा जोजे.
23
आय तियाहाम आन तु माम एहेंकी ते बादे एक वेरा जोजे तियापनुज दतिया माहे होमजा जोजे का तुय मान मोकल्योहा आन जेहेंकी तुय मापे माया केयी तेहेकी मायुय भी तियाहापे माया केयी.
24
ओ मा बाहाका जे लोक तुय मान देदलो तियाहाय जिही आय हाय तिही मा आरी रा जोजे एहेकी मा मोरजी हाय इया खातोर का जो मान पान तुया मान देदलो हाय तो तियाहाय वेरा जोजे काहाका देवांय उबजावा पेहलाज तुय मापे माया केयी.
25
ओ पवित्र बाहाका दुनियामने माहाय तुल ओख्यो नाहा पेन मायुय तुल ओख्योहो आन तूय मान मोकल्योहो एहेंकी इयाहाय ओखी लेदोहो.
26
मायुय तियाहान तो बोद्दल आख्योहो आन तो बोद्दल आय आखतोज रेहे इया खातोर का जी माया तुय मापे केयाी ती माया तियाहाम रा जोजे आन आय तियाहाम रा जोजे.
Chapter 18
1
ई आखीन येशु तिया शिष्याआरी किद्रोन वोला तेसली मेर गिया तिही एक बोगिचो आथेा तिही तो आण तिया शिष्या गेहेला.
2
ओ जेागो तियाल ती देणारो यहुदीयालबी माहित आथो काहाका येशु खुब दाव तिया शिष्याआरी तिही जातुला.
3
ताहा सैनिकाहा तुकडी आन मुख्य याजक लोक आन परुशी तिया होवेनु कामदार मिललो याहा दिवा मशाल आन हत्यार लीन योहुदी तिही आलो.
5
येशु तियाप जो काय वेणारो आथो तो आख्यो जाईन बारे आलो आन तियाहान आखा लाग्यो, ‘तुमा केडोल होदी रियाह ?
4
तियाहीं तियाहीं तियाल उत्तर देदो, ‘नासरेथकर येशुल’ तो तियाहन आखा लाग्यो, “तो मायज हाय”
6
तो मायज हाय ऐहेकी आखताज ते फाचाडी होरकी जाईन तोरती पोंड्या,
7
फाचे तियाय तियाहान फासे पुच्छो तुमा केडाल होदताहा आन ते आखा लाग्या नासरेथकर येशुल.
8
येशुय उत्तर देदो, मायज तो हाय एहकी माय तुमाहान आखुहू , तुमा मान होदता वेरी ता इयाहान जा द्या,
9
जो तुय मान देदोहो तियामनु माय एकबी गोमाव्या नाह एहेकी जो वचन तियाय आखलो आथो तो पुरो वेराजोजे तियाहाय इ वेयो,
10
ताहा शिमोन पेत्रापाही तलवार आथी तियाय ती खेची आण महायाजका दासप चालवी आन तिया हुदा कान कातरी टाक्यो , तिया दासा नाव मल्ख आथो,
11
ताहा येशुय पेत्राल आख्यो तलवार माजमे थोव बाहाकाय मान जो पिया देदलो हाय तो माय पियु नेय का ?
12
फासे सैनिकाहा तुकडी आन हाजारा सरदार आन यहुदां अधिकारी ईयाही येशुल तीन बांधलो.
13
आन तियाल हन्नापाही ली गिया काहाका तिया वर्षी महायाजक आथो तिया कयफा ओ हारो आथो,
14
एका माहाय लोकां खातोर मराजोजे इ फायदा हाय एहेकी सल्ला येहुदीयाहान कयफाय देदली आथी,
15
शिमोन पेत्र आन बिहरो एक शिष्य येशु फाचाडी फाचाडी चाल तुलो तो शिष्य माहायका वोहोकात्यो आथेा आन येशु आरी माहायाजका वाडाम गेहोलो,
16
पेन पेत्र बारे दारवाजा आरी उबो रेहोलो आथो तियाहाल जो बिहीरो शिष्य महायाजका वोखात्यो आथो तियाहाय बारे जाईन दरबानाल आखिन पेत्राल माज हादला.
17
इयापुन ती जुवान दरबाना आथी ती पेत्राल आखलागी तुबी इया माहा शिष्या होवेनु हाय का तो आखा लाग्यो माय नाहा.
18
हियालो आथो तिया खातोर दास आन कामदार कोलाहा आग सिलगाीवन हेकाता उभी रेहेला आन पेत्र बी तियाहाआरी हेकातो उभी रेहेलो,
19
ताहा महायाजकाय येशुल तिया शिष्याविषयाम आन तिया शिक्षणा विषयाम प्रश्न केयो,
20
येशुय तियाहान उत्तर देदो, “माय जगाहुबूर उदास गोगलो हाय सभास्थानाम आन परमेश्वरा भवनाम आख्या यहुदी टोलवाता तिही माय रोज हिकवुतोहो आन दोबीन माय कायज गोग्यो नाहा.”
21
मान काहा फासताहा माय काय गोगलो तो जे उनाला हाय तियाहान फुसा वेरा माय जो गोगूहू तो तियाहान मालुम हाय.
22
तियाय एहेकी आकताज बरोबर पाह उभी रेणारो एक कामदार येशुल थापड ठोकीन आखा लाग्यो, ‘तु महायाजकाल एहेकी उत्तर देतो काहा ?’
23
येशुय तियाल उत्तर देदो माय गलत रितीकी गोगलो वरी तो केहेकी गलत गोगलो तो होमजावी देखाड, हारी रीतीकी गोगलो ता मान काहा ठोकतोहो,
24
ताहा हन्नाय तियाल महायाजक कयफा इयातीही बांधलो आथेा तेहेकी मोकल्यो,
25
शिमोन पेत्र हेकाता उभी रेहेला तियाहान बिहीरा आखा लाग्या, ‘तुबी तियाहा शिष्याहामनु हाय का?” तियाहा नाहा एहेकी आखे आन आखा लाग्यो ‘माय नाहा.’
26
पेत्रा याजियाकान कानरुलो आथे तिया जातुलो वेरी मायाजकादासमनु एक आथो, तो तियाल आखा लाग्यो माय तुल तियाआरी बगीचाम नाहा वेयो,
27
पेत्राय फासे नाह एहेकी आखा लाग्यो आन तुरुतुज कुंकडो वाहायो,
28
ताहा तियाहाय येशुल कयफायानु सरकारा वाडाम लीगीया ताहा वेगीवेल आथी आन आपु अशुद्ध नेय वेरा जोजे, पेन वल्हांडण मांडो खा आवा जोजे आखीन ते सोता सरकार वाडांम गेहेला नाहा,
29
ताहा पिलात तियाहा पाही बारे निगीन आखा लाग्यो तुमा इया माहाप काय आरोप थोवताहा,
30
तियाहाय तियाल उत्तर देदो तो दुष्कर्मी नेय रेतो ता आमा तियाल तो आथो नाय देता,
31
पिलाताय तियाहान आख्यो तियाल तुमा तुमाज नियमाकी तिया न्याय केरा यहुदी अधिकारी तियाहान आख्या लाग्या, आमाहान केडोज जीव लेवुलो अधिकार नाहा,
32
मान केडाकी ठोकीन मारी इ होमजावीन येशुय जो वचन आखलो आथो ता पुरो वेरी आखीन एहेकी वेयो,
33
तियाहाल पिलात आजी सरकारा वाडाम गिया आन तियाय येशुल हादिन आख्यो, “तु यहुदींया राजो हाय का?”
34
येशुय उत्तर देदो, “तुमा सोता एहेकी आखताहा का बिहीराहाय तुमाहाल मा बद्दल एहेकी आख्यो.”
35
पिलाताय उत्तर देदो ताय यहुदी हाय का तोज लोकाहाय आन मुख्यासेवकाही तुल मा हामाम देदो तुय हाय केयोहो,
36
येशुय उत्तर देदो, “मा राज्य इया जगा नाहा मा राज्य इया जगा रेतो ता यहुदीया आथाम मान देवुलो नेय आखीन मा सेवक चुलाया खातोर आवता पेन मा राज्य ईहीनु नाहा.
37
तियाहाल पिलात तियाल आखा लाग्यो ता तु राजो हाय का येशुय अत्तर देदो माय राजो हाय एहेकी माय आखु माय इया खातोर जल्म लेदलो हाय आन इया खातोर माय जगाम आलोहो माय खेरी साक्षी दीन जो केडो खेरो हाय तो मा गोठ्या उनाहे,
38
पिताल तियाल आखा लाग्यो सत्य काय हाय आन इ आखीन तो फासे यहुदाहाय बारे गियो अने तियाहन आखा लाग्यो मान इयाम कायज अपराध देखातो नाहा,
39
पेन तुमा केता येशुल सोडनु सोमयाप माय एकाल सोडेहे एहेकी तूता रीत हाय ता तुमा केता माय यहुदीयाहा राजा सोडु एहकी तुमा मन हाय का?”
40
ताहा तियाहाय फांसे बोंबलीन आख्यो, ‘इया सोडाहा मा, ता बरब्बाही ल सोडा.’ आन बरब्बा ओ एक डाखु आथो.
Chapter 19
1
फांसे पिलाताय येशुल ली जाईन फटका ठोकाव्या,
2
ताहा शिपायाही एक कांटा मुकूट गुफीन तिया मुनकाम पेाव्या आन तियाला एक जांबलो पोतळे पोवाव्ये.
3
आन ते तिया हुबूंर आवीन आखा लाग्या “ए यहुदा राजा तो जय जयकार वेरे” फासे तियाहाय तियाल चापका वाय ठोक्यो.
4
तियाहायल पिलाताय फांचे बारे आवीन आखा लाग्यो ‘वेरा माल तियाम कायज गुन्हो देखातो नाहा, इ तुमाहन होमजायाजोजे आखीन माय तियाल तुमापही बारे लावूहू.’
5
ताहा येशु काटाहा मुकूट आन जांबले पोतळे पोवले बारे आलो आन पिलाता तियाहान आखा लाग्यो ‘वेरा ओ माहुव,
6
मुख्य सेवक लोक आन तिया कामदार तियाल विन बोंबलीन आखा लाग्या ईयाल वधस्तंभाप खिला ठोका वधंस्तंभाप खिला ठोका पिलात तियाहान आखा लाग्यो तुमाज तियाल लीजाईन वधस्तंभाप खीला ठोका काहाका माल तियाम कायज गुन्हो देखातो नाहा,
7
यहुदी लोकांही उत्तर देदो आमाहापे नियमशास्त्र हाय आण तिया शास्त्रा हिसाबाकी ओ मोराज जोजे, काहाका तियाय सोताहा देवा पोयरो होमजुतलो.
8
पिलात एहेकी गोगुलो ऊनायलीन जास्तीज बी गीयो,
9
आन तो फासे जाईन आन येशुल आखा लाग्येा “तु कीहीनु हाय ?” पेन येशुय तियाल उत्तर देदो नाहा.
10
पिलाताय तियाल आख्यो, ‘मा आरी तु गोगतो काहा नाहा ? तुल सोउुलो अधिकार मालु हाय आन वधस्तंभाप खिला ठोकुला अधिकार मालुज हाय ई तु मालुम नाहा का ?”
11
येशुय उत्तर देदो, ‘तुल तो अधिकार उच्चेनु देदोलो नय रेतो ता माप चालतो नय तियाहाल जियाय माल तो हाताम देदो तिया पाप खुब हाय,
12
इयापनु पिलातसाय तियाल सोडा प्रयत्न केयो पेन यहुदी बोंबलीन आखा लाग्या ‘तुय जर इयाल सोड्यो ता तु र्केसरा हंगात्याह नहा जो केडो सोताहाल राजो होमजेहे तो कैसराल नाकारेहे.’
13
तियाहाल पिलातया ऐहेकी गोगुलो उुनयलीन येयशुल बारे लालो आन तो फरसबंदी नावा जागाप न्यायसनाप बोठोलो इब्री भाषाम इया जागाल गब्बाथा आकतेहे,
14
तो येशुल तियाहा आताम होपी देवनु दिही आथो ताहा दिहा बारा वाजता समय आथो आन तो यहुदीयाना आखा लाग्यो, ‘वेरा तुमा राजो,
15
इयाप ते बोंबला लाग्या ईयाल माय टाका तियाल वधस्तंभाप ठोका पिलात तियाहान आखा लाग्यो, ‘माय तुमा राजाल वधस्तंभाप खिला ठोका जोजे मुख्या सेवकाय उत्तर देदो आमाहान कैसराशिवाय राजो नाहा जोजतो ,
16
फांसे तियाहाय येशुल वधस्तंभाप खिलाठोका खातोर तिया हाताम देदो,
17
ताहा तियाहाय येशुल तियाहा ताब्याम लेदोलो आन तो तिया वधस्तंभा सोतो उुखलीन कवटी आकतेहे ती जागाप गीयो, ईया जागल इब्री भाषाम गुलगुथा आकतेहे.
18
तिही तियाहाय तियाल आन तियाआरी बिहीरा बेन जाहाल ऐकाल ऐकेमेरे आने बिहीराल बिहीरी होवे आन येशुल बोसमे ऐहकी वधस्तंभाप खिला ठोकला.
19
आन पिलाताय एक पत्र लिखिन मो वधस्तंभाप लागव्यो “यहुदीया राजो ! नासोरी येशु” ऐहेकी लिखलो आथो.
20
येशुल वधस्तंभाप खिलाटलो आथो तो ठिकाण शोहरा पाहेच आथो, तीयाल खुबूज यहुदीयांही तो पोत्रो वाच्यो, तो इब्री, रोमी आने ग्रीक भाषाम लेखलो आथो.
21
ताहा यहुदीया मुख्यायाजकाय आने लोक पिलाताल आखा लाग्या यहुदीया राजे एहेकी लिखो नाहा ता ईयाय आख्यो माय यहुदीयाहा राजो हाय ऐहेकी लिख,
22
पिलाताय उत्तर देदो ‘माय लिख्यो तो लिख्यो’
23
फांसे शिपायाही येशुल वधस्तंभाप खिला ठोकला नाहा तियापोतडे लेदे प्रत्येक शिपायाल ऐकेक वाटा एहकी चार वाटा केया, आन कुरतो बी लेदो ओ कुरतो हिवलो नय आथो तो ऊपेने निचे हुदग विंलो आथो,
24
तियाल तो एक बिजाल आखा लाग्या ‘आपु ईयाल फाडता नेय पेन तो केडाल मिली ई वेरो खातोर चिठ्ठ्या टाकी वेता, ई इया खातेार वेयो का ‘तियाहाय मा पोतडे आपसाम वाटी लेदले आने मा कुरताप तियाहाय चिठ्ठ्या टाक्या’ एहेकी जो शास्त्रलेश पुरो वेरा जोजे आखीन शिपायाय ए गोठ्या केल्या,
25
पेन वधस्तंभा पाही तिया याहकी, तिया मावशी आन क्लोपा थेय मरीया आन मल्दालीया गावा मरीया ए उब्या आथ्या,
26
येशुय जाहा तिया याहकील आन तो जिया शिष्यापा तिया प्रेम आथो तियाल पाही उबो विन ताहा तो तिया याहाकील आख लाग्यो “आया वे तो पोयरो”
27
फासे तो तिया शिष्याल आन आखा लाग्यो वे ई तो याहकी आन तिया शिष्याय तियुल तेवारिज तियाय होव हादी लेदली,
28
पेन आमी आख्यो “पुरो वी गियो एहकी होमजिन येशुय शास्त्रलेख पुरा जोजे आखिन “माल पाहपी लागीही” ऐहकी आख्यो.
29
तिही ऐ कोल्हाहो पोईन थोवलो बासनो आथो, ताहा एका शिपायाय पांय चुही लेहे एहेंकी एक खाटी वस्तु लाकडाव बांदीन पाजवा खाातोर येशु मुयाही लागवी.
30
इशुय अुब खाटो राहो लेलो आन आख्यो “बादो पुरो वी गियो” ताहा तो तिया मुनको नोवावी लीन मोय गियो.
31
तो तियारी दिही आथो आन शाब्बात दिहाल वधस्तंभाप शरीर नेय रा जोजे आखीन काहाका तो शब्बाथ मोडो दिही आथो, तियाहाल यहुदीयाय पिलाताल विनंती कियाी का तिया पाग तोडीन तियाहान काडी ली जाजा.
32
ताहा शिपाया आल्ला ताहा तियाहाय तिया आरी वधस्तंभाप खिला ठोकला वी लीन आन बिहिरा पाग तोडला,
33
पेन ते येशुपाही आविन तो मोय गियोहाक एहकी विन तियाहय तिया पाग तोड्या नाहा,
34
तबी शिपयाहामनु एकाय भालो की तीया खुकीम ठोक्यो आन तुरुतूज रोगत आन पाय बारे आलो.
35
आन जियाय ई वेयो तियाय साक्षी देदी तिया साक्षी खेरी हाय आन आपु खेरो गोगतोह ई तियाल मालुम हाय ईया खातोर का तुमाबी विश्वास थोवा जोजे,
36
काहाका तिया एकबी आटको मुटे नेय ओ शास्त्रलेख पुरो वेरा जोजे आखिन ए गोठ्या वेया,
37
आन बिहिरो ऐ शास्त्रलेख फांसे आखी जियाल तियाही ठोकलो ते तियाहोवे वेरी,
38
ईया फांसे जो अरिमथईनु योसेफ ईयाय तियाल येशु शरीर लीजा खातोर पिलाताल एहेकी विनंती केयी, तो येशु शिष्य आसिन पेन यहुदीयाहा धाखी खातोर गुप्त शिष्य आथो, पिलाताय तियाल परवागी देदली ताहा तियाय जाईन येशु शरीर ली घेलो,
39
आण तियापाही पेहेलाज राती आल्लो निकदेम बी गंधरा आन द्राक्षा इयाहा सुमोर शंभर माप मिश्रण लीन आलो,
40
फासे तियाहाय येशु शरीर लेदो आन यहुदीयाहा उत्तर कार्या रीतीहोस तियाहाय तो सुगंधी मसाला आरी एक पोतडाम वेटालावलो,
41
तियाल जिजागाप वधंस्तीााप यिखला ठोकलो आथेा तिही एक बगीचो आथो आन तिया बगीचाम एक नवी कबर आथाी तियाम केडाल किधीज थोवलो नय आथो,
42
तो यहुदीयाहा तियारी दिही आथो तियाहाल आन ती कबर पाही आथाी तियाहाल तियाहाय येशुल तिही थोवलो.
Chapter 20
1
आठुड्या पेलाआ दिही बोडे वेगऱ्या आंदाराम मग्दालीया नगराआ मरीया कबरा पाहये आली आन कबरामुयावेनी डोगडो काढलो हाय एहेकी तीयुय वेअयो.
2
ताहा शिमोन पेत्र आने तो बिहीरो शिष्य जीयाव येशु प्रिती आथी तिया होवे दौवडूती जायन ती त्याले आख्यो, “तियाहाये प्रभु कबरुमेने काडीन लीगीये आने त्यले कीही थोव्यो आन आमाहाले मालुम नाहा.
3
तीया खातोर पेत्र आने तो बिहीरो शिष्य बारे पोडीन कबरे होवे जाआ केता नीग्या.
4
ताहा ते बेनी जाआ आरीजे दौवडुता गीया पेन तो बिहीरा शिष्य पेलाआ आगला दौडुतो गीयो आने कबराही पेअलो पोच्यो.
5
त्याये टोंगेपोडीन माजे निवडी वेयो आने त्याले ताबा पोतडे पोडले देखाये पेन तो माज गीयो नाहा.
6
शिमान पत्रायी त्याआ फासला आवीन पोच्यो आने तो कबरामे विठो.
7
आने तागा पोतडे पोडले आन जो रुमान तया मुनकाले एकी होवे गंडलावीने थोवले आथो.
8
ताहा जो बिहीरो शिष्य पेअलाने कबरा पाही आलो आथो तोबी माजे गियो आने त्याने विअीने विश्वास थोव्यो.
9
काहाका त्यो मोतीमेनी फासे उठा जोजे ई जरुरी हाय ओ शास्त्रलेख आजी लुग होमजायो नाहा.
10
हाती ते शिष्य फासे आपु कोओ गीया.
11
पेन अेह मरीया बारे कबरापाहाये रोडती उबी आथी, आने तियील रोडता रोडता टोंगेपोडीन कबराम वेअये.
12
आने येशुय डील पेअेला थोवलो आथो तिही ते उजलो पोतडे पोवलो बेन देवदुत एक कुनकाहोवेनी भोगामे आने एक पागा होवेनी भागामे बोठला देखाया.
13
आने ते तीले आख्यो लाग्यो, “बाया तु काहा रोडतीही ?” तिये तीयाहाले आख्यो, “त्याहाये माआ प्रभुले ली गीया आने त्याले किही थोव्याहो ई माल माहित नाहा”
14
अेहेकी आखीन ती फाचला वोली आने तो तील येशु उबो रेहेला देखायो. पेन तो येशू हाय ई तीअने आख्यो नाहा,
15
येशुये तीईल आख्यो, “पोयरी तु काहा रोडतीही ?” तु केडाले होदतीही ?” हुबूंर माली हाय अेहेकी हामजीन तीईयाले आख्यो, “साहेब, तु तीईयाले ईहीनी ली गीयावेरी ते काही थोव्याहो तो माल आख काहाका आय तीयाले जल जाहे.”
16
येशुये तियील आख्यो, “मरीया” तीयीये वोलीन त्याले इब्री भाषामे आखे , “रुब्बानी” म्हणजे ‘गुरुजी’.
17
येशुये तीले आख्यो, “माल आथलो नाहा काहाका आये आजी तावे बाहाका होवे उचे गीयो नाहा ते माआ पावुहू होवे जाईने तीहीयाले आखे का जो माआ बाहाको आन तुमाआ बाहाको माआ देवा ओन तुमा देवाहाये तीया होवे आय उचे जाहुव.”
18
मग्दालीया नगरा मरीया गाट्र आने आपुये प्रभुल वेअये ओन त्याये आपुये ईया गोठ्या आख्या ते शिष्याने आख्या.
19
त्यादिही म्हणजे आठुड्या पेअला दिही वातीवेला शिष्य जीही टोलो वेला आथो तीहीनी बाआने यहुद्याहा बीखी खातुर बोंद आथा, तीहीनी माज आलो आने मोसमे उबो रिईन आख्यो, “तुमाहाल शांती रेअे”.
20
आने ई गोगीने तीयाये तीहीयाले आपु आथ आने खुकी देखावी ओन शिष्याये प्रभुले देख्यो, ताहा ते आनंदामे वेया.
21
ताहा येशु तीहीयाले फासे आख्यो, “तुमाहाल शांती रेअे. जेहेकी बाहाकाये माल माकलुलो हाय तेहेकी आय बी तुमाहाले मोकलुहू.”
22
ओताहो आखीन तीईयामे तीयाहापे फुकी टाक्यो ओन तो तिहीयाले आख्यो, “पवित्र आत्मो आलो ली ल्या.”
23
जीया केडा पापाहा तुमा क्षमा केअेता तीईहा क्षमा वेअली हाय आने जीया केडा तुमा थोवताहा ती तेहेकीजे थोवली हाय.
24
येशु आलो ताहा बारामेनी एक जीयाले दिदुम आखतेहे तो थोमो तीईयाहा आरी नै आथो.
25
तीया केअल बिहीरा शिष्याये तीईयाले आख्यो, “आमाहाये प्रभुल वेअयोहो” ताहा तो तीईयाहाले आख्यो, “आय तीईया आथामे खिलाहा खुण वेअेला शिवाय खिलाहा जागी मा आकडी काल्या शिवय आने तियाहा खुकीम माआ आथे काल्याशिवाय आय विश्वास थोवणारो नाहा’.
26
आने फासे आठ दिहाकी तीईया शिष्य कोओमे आथा ओन थोमो तीईया आरी आथो ओन बाआने बोंद आथे येशु आलो आने मोसमे उबी रिया आने आख्यो , “तुमाहम शांती रेअे”
27
हाती तो थोमाल आख्यो, “तुओ आकडी आमला केअे आने माआ आथ वे, तो आथ आगला के आने माआ खुकीम काल आन विश्वास थोवणारो नै पेन विश्वास केअनारो वेअे.
28
आने थेामाये त्याय आख्यो “मा प्रभु आने माआ देव !”
29
येशुय त्याल आख्यो “तुमाले वेअयो हाय तीया विश्वास थोवलो हाय, वेअेया वाची जे विश्वास थोवणारे हाय ते धन्य.”
30
आने ईया पुस्तकामे लिखलो नाहा एहेडो बिहीरो खुब चिन्हे येशुय आपु शिष्याहुंबूर केअई.
31
पेन ई याकेता लिखलो हाय का येशु ओ देवाआ पोयरो ख्रिस्त हाय एहेकी तुमा विश्वास थोवा आने तुमा विश्वास थोवूलाकी तुमाहाले तीया नावामे जीवन मिलीई.
Chapter 21
1
आने तिया नंतर फासे तिबीरीया फुगारा तुडीप येशुय चेलाहान सोता प्रगट वेयो.
2
शिमोन पेत्र आने जियाल दिदुम आखतले तोओ थोमा, गालील शहराम काना गावाम नथनेल ओन जब्दीई पोयरो आने तियाहल चेलामेने बिहीरे बेन माही ई आरी आथे.
3
शिमोन पेत्राय तियाहान आख्यो, “माय मासे तेरा जातोहो,” तेअे तियाही आख्यो, “आमा बी पेने तोओ आरी आवतेहे” ताहा तोओ निघीन उडीयाम बोहीन आने तियु रात तियाल काहीज तेराम आलो नाहा.
4
पेन आमी वेगऱ्या वेता समय येशुय समुद्रा तेडी पाही आवीन उभो आथो, पेन तो येशु हाय ई चेलाहाम होमजायो नाहा.
5
ताहा येशु तियाहान आख्यो “पेायरा तुमापे काहा खावुलो हाय का ?” तियाहाई तियाल आख्यो “नाहा”.
6
आने तोओ तियाहन आख्यो, “उडी हुदा हाथु वेला जांले टाका ओन तुमा हाल मिली” तियाहाल तियाय टाक्यो आने मासा वोजावाय ते तियाहान खेचता आले नाहा.
7
ताहा जीया चेलाहाप येश प्रेम आथो तो पेत्राल आख्यो “तो प्रभु हाय.” शिमोन पेत्राय उनायो की, “तो प्रभु हाय, प्रभु हाय.” ताहा तो उगडालो आथो तियाखातुर तियाय बाहेरने पोतडे, झगा, नैय पोवुलेा कारण की तयाय तियाकुराम झगा वेटालीन आन फगाराम कुऊदी पोड्यो.
8
आने बिहरा चेला तियाहाने उडीवाय तेअे मासे जाले खेचते खेचते आले, काहाका ते तेडीने खुब दुर नैय आथे पेन सुमाने दोन हाता आते आथे.
9
तहा तेअे तेडीप आवीन तेअे बारे आला ताहा तिही कोलाहाम आग आथी आने तियुप थोवले मासे ओन मांडो
10
येशुय तियहान आख्यो “तुमाही तेअेले मासामेने थोडेक मासे ली आवा.”
11
ताओ शिमोन पेत्राय उडीप चोडीन एकशे त्रेपन्न मोडे मासावाय पोरालो जाले तेडीप खेची काड्यो, तेअ तोअतोअज आथे तेबी जोजे फाट्यो नाहा.
12
येशुय तियाहान आख्यो “ आवा मांडो खाआ” काहाका तो ओ प्रभु हाय ई तियाहान होमज्यो नाहा, तुअ केडो हाय ई तियाहल पुछाा चेलाहान हिम्मत आली नाहा.
13
ताहा येशु मांडोलीन ओन तियाहान देदो तेहकीज मासे बी देदे.
14
येशु मोय गेहलो तिया बादा जिवं उठ्यो तिया चेलाहान प्रगट वेरा ई तिसरी दाव वेयो.
15
फासे मांडो खाईन उठ्या तियानंतर येशुय शिमोन पेत्राल आख्यो “योहाना, पोयरा शिमोना, इयापेक्षा ते मापे खुब प्रेम केअतो का ? तो तियाल आख्यो, “हा प्रभु, तु जांतो की माय तोपे प्रेम कआतो हो” तोओ तियाल आखतोलो “माआ कोकरे चार”
16
तोओ फासो बिहीरी दाव तियाल आख्यो, “योहान, पोयरा शिमाना, तु मापे प्रेम केतो का ?” तियाय तियाल आख्यो, “ओ प्रभु तु जाआतोहो की माय तोप प्रेम केतोहो” तोअ तियाल आख्यो “माआ मेडे राख”.
17
तो ओ तिसरीदा तीयाल फुच्छो, ““योहान, पोयरा शिमाना, तु मापे प्रेम केतो का ?” तो तियाल फुच्छो “प्रभु तुल आखोज जाआतोहो हाय, आन तु जातोहो की आय तोप प्रेम राखुहू.” येशुय तियाल आख्यो “मा मेडे राख”.
18
माय तुल खेरो खेरो आखुहू तु जाहाजुवान आथो ताहा तोओ कमर बांधीन तो इच्छा वेतली तिही तु जातलो पेन तुअ डायो वी न जाहो ताहा हात आगला केहो बिहीरो तो आ कमर बांधी आने तोओ इच्छा नैय वेरी तेबी तुअ तेहे लीई जाय”
19
तो केला मोलावाय देवा गौरव केनारो आथो ई प्रगट केअरा तो ओ तियाल आखतलो आन येशुय आख्यो ताहा “माआ फासला आव”.
20
ताहा पेत्रा फासला फिऱ्या आने वेतलो की जिया चेलापे येशुय प्रेम आथे जो ओ मांडो खावुलो वेला तिया छाती आरी ठेकलो आथेा फासला फिरीन “प्रभु, तुल तिई देणारो तो ओ केडो हाय ? ऐहकी आखतालो आथो तियाल तियाय फासला चालता वेयो.
21
तेहकी तियाल विईन पेत्र येशुल आख्यो “प्रभु, इया काय?”
22
येशुय तियाल आख्यो “माय आवेहे ताव तोओ रा जोजे ऐहकी जर माआ इच्छा वेरी तर तिया तुल काय ? तु माआ फासला आव”
23
ताहा आखा पावुमे ई गोठ फैलाई गिई तोओ चेलो मोरारे नाह पेन इसुअ तियाल आख्यो नाहा आथो की तो ओ मोनारो नाहा पेन माय आवेहे तावलुग एहकी जर माआ इच्छा वेरी तर तुल काय ?
24
जोओ येशु गोठी साक्षी देदे तोओ जियाय ए गोठ्या लिखल्या हाय तोच ओ चेलो हाय आने तिया साक्षी खेरी हाय ई आमाहाल माहिती हाय.
25
आन ईया केअता येशुय केअले खुब काही गोठ्या हाय ती एक एक लिख्यो तर लिखले फुस्तक ईया जागाम बी होमाय नाय एहकी माल वाटेहे.
Acts
Chapter 1
1
ओ थियफिलाआ, ईयु जोओ हिकव्यो आने केयो आने जिया बाराम मायुय पेला पुस्तकाम लिख्यो.
2
तिईया दिही लुग जाहा तोअ उच्चे उठावाय गियाे ई आज्ञा तिईया पवित्र आत्माकीई तिईया निवडूला प्रेरितांन देअद्या.
3
खुब दुख उठाविन येशु तिईयान खुब प्रमाणावाय आय जिवंतो हाय ई सबुत दिईन चालीस दिही हुदी तिईयाय तिईयान दर्शन देतो रिईयो, आन देवा राज्या गोठ्या आखतोओ रिईयो.
4
फासे तोओ तिईयाआरी आथो ताहा तिईया तिईयान आज्ञा केयी की, यरुशलेम शहर सोडीन जाहामाआ तर देव बाहाकाय जोओ आज्ञा केलीहाय तिई पुरी वेरा वाट जोवते रेजा काहाका तुमाआ माआ मुयाकी उनाले हाय.
5
काहाका योहानाय पायाकी तुमाहा बाप्तीस्मो केयो खेरो थोडा दिहाकी तुमाअ बाप्तीस्मा पवित्र आत्मावाय वेरी.
6
फासे बाठे एक वेले आथे ताहा चेलाही येशुल फुच्छो, “प्रभुजी, इया कालाम तुअ इस्त्राएला राज्य फासे स्थापन केहो का ?”
7
तियाई तियाहान आख्यो, “बाहाका सोता अधिकाराम काल आने समय थाेवलो हाय तोओ जाणुला तुमा नाहा हाय.
8
पेन पवित्र आत्मा तुमाहाप आवी, ताहा तुमावे सामर्थ मिली जाय आने यरुशलेम शहराम होगा यहुदीया आने शोमरोन देशाम आने पृथ्वी छेडे हुदी तुमू माआ साक्षी बनाहा.
9
ऐहकी आख्यो, तिइया डोवा हुबूर तोआ उच्चे उठावाय गियो, आन वादालाई तिईयाल नजरे हुबूर नेअ दोबावी देदोओ.
10
फासे तेअे जाहला ताहा आकाशा वेला आथा ताहा उजले पोतळे पोविन आलला बेन लोक तिईया पाही आवीन उभे रियेहे.
11
आने तेअ ऐहकी आखतला ओ गालीलु माहां तुमा आकाशावेला काहा वेताहा उबा रेहला हाय? ओ जोओ येशु तुमा पाहीने उच्चे आकाशाम लिई लेवाम आल्लो हाे, तुमाही तियाल जेहकी आकाशम जाता वेयोहो तेहकी तो फासे आवनारो हाय".
12
फासे यरुशलेम शहरा पाही म्हणजे शब्बाथ दिहा एक किलोमीटर अंतराम आथेा ओते दुर जैतुन डोगापेने तेअे यरुशलेम शहराम फासे आला.
13
आन तेअे आला ताहा जिया कोअमे ते उच्चा मालावाली खोलीम तिही पेत्र, योहान, याकोब, आद्रिया, फिलीप, थोमा, बर्थलामाय, मत्तय, अल्फी पोयरो याकोब, शिमाेन जिलोत, आन याकोबा पोयरो यहुदा तेअे रेतला आथा तिहीई तेअे गिया.
14
तेअे आखे माही आन तिया आरी कोत्याक बाया येशु याहकी मरीया आन तिया पावुहू एकमन विईन एक सारखे प्रार्थना केतले आथे.
15
तिया दिहाम पेत्र खुब पावुहू सुमारे एकशे वीस माही वोचमे उभो रिईन आखतलो,
16
पावुहु, येशु तिई देनारा वाट देखावानारो यहुदा बारामे पवित्र आत्मा दावीदा मुयावाय जिई भविष्यवाणी पेला केली आथी ति पुरी वेरुलु जरुरत आथो.
17
तोओ आपुमेनज एक हाय आन तिईयाल ईया सेवेमेने तिईया लाभु खातुर तियाल भाग मिललो आथो.
18
तिईयाय तिईयाय खोटी रिते कामावला पैसा किई एक खेत वेचातो लेदलो, तोओ उबडु पोडी गियो ताहा तिईया डेअड फाटी गिई आन डेडीमने आतडे बारे निगी पोड्ये.
19
ईयाे यरुशलेम शहराम रेनारा आखा माहांन मालुम पोड्यो, ताहा तिईया भाषेम तिईया खेता नाव “हकलदमा” म्हणजे ‘रक्ता खेत’ ऐहकी नाव पोड्यो.
20
स्त्रोत्रसहीताम ऐहकी लिखलाे हाय की, तिईया कौअ उजाड पोडी, आन तियाम केअडोज नैय रिई शके, आन तिईया जागो बिहिरो लिई शेकीई.
21
तिईयाल, प्रभु येशु आमा वचमे आवतलो आने बाहार जातलो तिईया बादाज समय
22
योहाना बाप्तीस्मा समयुपेन जिया दिही प्रभुअ येशु आपुमेने उच्चे लिइ लेवाम आलाे तिईया दिही हुदी तेअे माही आपु आरी रिईन संगती देहले तिईयामेने एका आपुआरी रिईन तिया फासो जीवना पुनरुत्थाना तिया साक्षी वेरा जोजे.
23
ताहा तिया बेन माहान उभे केये आने एक युसुपाल जोओ बर्सबा आखाम आवेहे तियाआ बिजोनाव युस्त हाय बिहरो मत्थिया ईया बेन्यामेने तिया आगला लाले.
24
फासे तिया ऐहकी प्रार्थना केयी, “ओ होगाज मोने जाआनारा प्रभु,
25
इया सेवकपद आने प्रेरितपद सोडीन आपु जागो गेहलो यहुदा जागाप जियाल मिला जोजे ऐहकी ईया बेन्यामेने तुअ केडाल पंसद केतोहो तेअे देखाव.”
26
फासे तियाही तियाहा खातोर चिठ्ठ्या टाक्या आने तियामेने मत्थिया नावु चिठ्ठी निगी ताहा तियाल अकरा प्रेषीता आरी मोजवाम आलो.
Chapter 2
1
फासे पेन्टेकॉस्ट आने पन्नासावा दिही आलो, ताहा बादेज ऐके जागे आलले आथे ताहा.
2
अकस्मात खुब मोडो वाराआ आधांधुद एक आवाज विईन आने जिया कौअमे ते बोठले आथे तेअ बादेज जागा तिया आवाजा वाय पोराई गिये.
3
आने अलग-अलग वेतत्या आगी जिभा होच जीभ तियाहान देखाया आने हरऐकाप तिया एकाल एक ऐहकी बोठल्या.
4
ताहा तेअे बोदेज माही पवित्र आत्मा वाय पोराई गिये ताहा तेअ माही जेहकी जेहकी पवित्र आत्माय तियाहान भाषा गोगाआ शब्द देदा तेहकी तेहकी ते अलग-अलग भाषाम गोंगा लाग्या.
5
तिया समुयुल आकाशा निश्चेने हरऐक राज्या मेने भक्ति केनारा यहुदी यरुशलेम शहराम रेतले.
6
तोओ आवाज वेयो ताहा माहा मोडो टोलाे एकवीन आवीन नोवाय लागी काहाका हरऐक माहाल जियाल तियाल भाषेम गोगता उनाये.
7
ते होगेज नोवाय कीन ठाकेज रिइन आखालाग्ये “वेरा, इ गोगनारे आखेज गालील शहरामेने नाहा का?”
8
ताहा आपु प्रत्येक जां आपु-आपु जल्मो भाषा उनातेहे ई केहकी ?
9
पार्थी, मेदी, एलामी, मेसोपटेम्या, यहुदीया, कप्पदुकिया, पंत, आशिया
10
फ्रुगिया पंफुलिया, मिसर आने कुराणाआ पाही लिबुवा देश इयाम रेनारा यहुदी आने यहुदी माेतानुसार ऐहकी रोमन प्रवाशी,
11
क्रेतीया, अरब, ऐहकी आपु तियान आपु-आपु भाषाम देवा स्तुती केता उनाये.
12
ताहा ते होगेज नोवाय कीन आन बीन एकबिजाल आखा लाग्ये “ई काय वेयो?”
13
आन कौताक माही एक बिहरा चेष्टा मस्करी कीईन आखतले, “ओ नवीन द्राक्षरसावाय साकी गेहेले हाय.”
14
ताहा पेत्र अकरा प्रेरीतांआरी उभो रीईन तियाहान खुब मोडाहा आवाजा वाय आख्यो, “ओ यहुदी माहा आन यरुशलेम शहरामेने रेणाराहा इया लक्षाम लावा आन माहा गागुलो उनाय ल्या,
15
तुमाहाल लागे की ई खुब हारो हाय, पेन ऐहकी नाहा, काहाका वेगऱ्या नोव वाजले हाय.
16
पेन योएल भविष्य आखनाराये जोओ आखलो आथो तोअ ई पुरो वेयोहो.
17
देवाय आख्यो, “शेवट्या दिहीमाय ऐहकी वेरी, माय माहाउपे माआ आत्मो रिचवीदेहे ताहा तुमा पोयरे आने तुमा पोयऱ्या संदेश दिई तुमा जुवान दर्शन वेरी आने तुमा डाये माही स्वप्ने वेरी.
18
आन तिया दिहामय माय माआ दासापे आन दासी उपे माआ आत्मा रिचवीपाडी देहे, आन तेअे संदेश दिई.
19
आन आकाशाम अदभुत आन निचे पृथ्वीप चिन्हे म्हणजे रक्त, अग्नी आन रक्ता तुवारो ऐहकी आय देखावेहे.
20
परमेश्वरा महान आन प्रसिध्द दिही आवा पेलाआ सुर्य अंन्धारो आन चंद्र रक्तमय विई.
21
ताहा ऐहकी वेरी का, जो केअडो परमेश्वरानावाव आन तियाप विश्वास थोवी तियाज उध्दार वेरी.
22
ओ इस्त्राएला माहां ईया गोठ्या उनाया नासोरी येशु वाय देवाय जी महत्कृत्ये आन अदभुद चिन्हे तुमाहान देखावेहे तिया पेनेदेवाय तुमाहा खातुर माननु योग्य देदलो एहकी तोअ मालुम आथो, तिया तुमाल मालुम हाय.
23
तोओ देवा पेलाज इच्छा प्रमाणे बनविली योजना आन पुर्वाज्ञानावाय भरपुर विईन तुमाल होपाय गियो तुमु तियाल तिईन पापी माहा हाताकी वधस्तंभाप क्रुसाप खिला ठाेकीन माय टाक्यो.
24
तियाल देवाय मरुलुलो तकलीफ पेने सोडवीन तियाल उठाव्यो काहालका तियाल मरना ताबामे रेवुलो अशक्य आथो.
25
दावीद तियाबाराम ऐहकी आखेहे, “माय परमेश्वरा माआ आगला हमेशा वेलो हाय, माय पोडी नैय जाऊ तिया खातोर तोआ माआ हुदीवेला हाय.
26
तियाल माआ मोन खुश आन जीभ उल्लासित वेरी आन माआ देह बीई तियाप आशा राखीन रेहेलो हाय.
27
काहालका तु माअ जीव पातकाम रा देनारो नाहा आने तोओ पवित्र पुरुषाल होडीज जाय ऐहकी अनुभवम जा देनारो नाहा.
28
जीवना मार्ग तुयुय माल देखावलो हाय तेअे तियाल दर्शन दिईन माल खुश किई.
29
पावुहू वाडवडील आपुहू दावीद ईया बारामेने माय तुमा आरी हिंमत्त किईन आय आखुहू तोओ मोयगेहलो आन दाटीई देवांम आलेा तिया कंबर आजी हुदीई आपु वचमे हाय.
30
तोओ संदेष्टो आथो आन तियाल मालुम आथेा की देवाय तियाल अभिवचन केयो. की तो पोयरामेने एकाल तोओ राज्यगादीपे बोहावेहे.
31
इयाल पुर्वज्ञान आथेा तियाखोतार ताआ ख्रिस्ताजिई उठलेबारामे ऐहकी आख्यो का तियाल मृतलोकांहा माहान सोडी देदे नहा आन तियाहान होडीजाऊलु अनुभव आलो नाहा.
32
तिया ईसुल देवाय उठवलो इया बद्दल आमा बादज साक्षी हाय.
33
तियाल तो देवा हुदा हाता वेला बोठलो हाय तियाय पवित्र आत्मा बाराम वचन पिता पेने मिली गेहलो हाय आन तुमा जे वेतेहे आन उनातेहे तियाल तिया वर्षाव केलो हाय.
34
काहालका दावीद राजो होरगाम चोडी गियो नाहा, पेन तो सोताहा आखेहे, “परमेश्वरा माआ प्रभुल आखलो हाय का,
35
माय तोआ दुश्मनुल तोआ पागा तोले ला आवेहे तावलुग तेअ माआ हुदीई वेला बाेही रेअ,
36
तियाल इस्त्राएल बादेज कौआमने माहा ईया खातरी किईन लेवुलो हाय का जीया येशुल तुमाय कुसखांबाप खिला ठोकीन मायी टाक्यो तियाल देवाय प्रभु आने ख्रिस्त ऐहकी किईन थोवलाे हाय.
37
इया उनायने तियाल मोनाम काघावाघा वेरा लाग्यो आन तेअे पेत्र आन कौताक प्रेरित इयाल आखतला पावुहो आमा काय केरा जोजे?”
38
पेत्र तियाहान आखा लाग्यो, “ पास्तावो केरा, मन फिरवा आन तुमा पापाहा क्षमा वेरा जोजे तियाहाल तुमा हरऐक जा येशु ख्रिस्ता नावा की बाप्तीस्मा ल्या म्हणजे तुमाला पवित्र आत्मा दान मिली जाई.
39
काहाका ई वचन तुमाल तुमा पोयरा पोयराहान आन जेअे दुर हाय तियाल बादाज माहाल म्हणजे जोताहान परमेश्वराई तिया देवाअ सोता पाही हाद्ये तोताहान देदलो हाय.”
40
आजी तिया खुब काही गोठ्या आखीईन तियाहान साक्षी देदीही आने उपदेश किईन आख्यो, “ईया खाराब पिढीमेने तुमा जीव वाचाविई ल्या.”
41
ताहा जियाय तिया संदेशाल मानी लेदोहो तिया बाप्तीस्मा वेयो, आने तिया दिह्याम तियाय सुमारे तीन हजार माही मीली गिये.
42
तेअे प्रेरीता आने मिलीन रेवुलो माडो मुडूलाम आने प्रार्थनाम केरुलाम हरसमय तियारी आथे ताहा माहा आरी मिलीन रेहला.
43
ताहा हरएक माहाल बिख लागी आन प्रेरिता हातुकीई खुबकाही अदभुत कामे आन चिन्हे वेतले आथे.
44
ताहा विश्वास केअनारे होगेज मिलीन आरी रेतले आन तिया जो काही आथे तो तिया एकीज जागे आथो.
45
तेअे जिया तिया जागो वेचीन आन माल मिळकत वेचीन जेहकी तियाकी हरएकाल जरुरत पडतोलो तेहकी बादानेज वाटी देतला.
46
ते हररोज एक मोना वाय आने उत्साही वीई परमेश्वरा मंदीराम आवतला कौअ-कौअ मांडो मुडीन खातला आने देवा स्तुती केतला आन खुशी की आन खेरा मनावाय खातला.
47
बादेज माही तियाहान खुश रेतला आने प्रभु उध्दार मिलीवी लेतला आथे तिया माहाकी हररोज मंडळीम मिली जातला आथा.
Chapter 3
1
पेत्र आने योहान एअ प्रार्थना समयुप दिह्यावेला तीन वाजता आगला परमेश्वरा मंदिराम जातला आथा.
2
आने जल्मामेने पांगलो ऐहकी एक माहु आथो, देवला सुंदर नावा बाना आगला देवलाम जाणारा पेने भीख मागा खातुर हररोज तियाल केडो तेबी ली आवीन बोहवी जातलो.
3
पेत्र आने योहान ओ परमेश्वरा देवलाम जातला ऐहकी विईन तियाय तिया वेला भीख मांगी.
4
ताहा पेत्र, योहान आरी तियाल एकदम एकाएक वेतला आने आखा लाग्या “आमा वेला वेऐ”
5
ताहा तियापेने काही तेहबी मिली ऐहडी आशा राखीन तियाय तिया वेला एक मना वाय वेयो.
6
आने पेत्राय आख्यो “रुपे आन सोनो आमाप काहीज नाहा, पेने जो, माप हाय, तेओ माय तुल देतोहो “नासोरी ईसु ख्रिस्ता नावा की उठीन चाला लाग.”
7
आन तियाय तियाल हुदो आथ तिईन तियाल उठव्यो, ताहा लगेच तिया पागाम आन तिया आकडीम शक्ती आली.
8
आन तो कुदीन उभाे रीयो आन चाला लाग्यो, आन तो चालतो आन कुदतोज देवा स्तुती केतलो तियाआरी परमेश्वरा देवलाम गियो.
9
आन बादाज माहाई तियाल चालता आन देवा स्तुती केता वेयो.
10
आन जोओ देवला बाणापाही भीख मागा खातुर बोहतलो तो ओज हाय ऐहकी तियाही तियाल वोख्यो, ताहा तियाल जोओ वेलो आथो तिया पेने तीयाय नोवाय आन तियापेने तीयाय नोवाय आन ठाकाेज रीयाे.
11
ताहा तोओ पेत्रा आने याहानाल तिइन लेदलो आथो ताहा बादेज माही खुब नोवाई किईन शलमानाआ बाणा आगला मंडप आखलो जागे तियावेला दौडीन आले.
12
ई विईन पेत्राय तिया माहान उत्तर देदो, तियाय आख्यो, “ऐ इस्त्राएल माहा इयापने तुमा नोवाई काहा केताहा ?” आने आमु शक्तीकीई आने भक्ती वाय ओ चाला लागलो हाय ऐहकी होमजीन आमा वेला काहा विइ रिइयाहा ?
13
अब्राहामाआ, इसहाका आन याकोबाआ देव आमा वाडवडीला देव, इया आमा सेवक ईसुअ ईया गौरव केलो हाय तियाल तुमुही मरणाल होपीई देदलो आन पिलाता तियाल सोडी दांआ नक्की केलो, तेबीइ तियाल तुमुय तिया हुबूर मानी लेदोहो नाहा.
14
तुमुयही तेबीई जोओ पवित्र आन धार्मिक तियाल मान नाहा आन एक हत्यारो माहा सोडी दाआ मागणी केयी.
15
आन जीवना बनाव नारो तुमाही जिवतोज माय टाक्यो, तियाल देवाप मोलामेने जीवतो उठव्यो ईया आमु साक्षी हाय.
16
आने तिया नावा कीई तिया नावाउपे विश्वास किईन जियाल तुमाही वेता आन वोखुतला तिया ईया माहाल शक्तीवान केलो हाय आन तिया वाय मिलल्लो विश्वासावाय तुमा बादाज देखता ईयाल ई बादांज हाराे केलाे हाय.
17
ताहा आमी पावुहू माय जातोहो कीई अंभानावाय तुमुही तेहकी तुमा अधिकारी ही ई केलो हाय.
18
पेन आपु ख्रिस्ताय दुखे सहन केयाे तियााल देवाय आपुह बादाज संदेष्टा मुयावाय जोओ पेलाज आखलो आथो, तोअ इयाप्रमाणे पुरो केलो हाय.
19
तेबी तुमा पाप पुछाई टाकाई जा जोजे तियाहाल पस्तावो केरा आने तिया वेला फिरा, ईयाखातुर की आरामा वेला प्रभु हुंबूर आवीन उभे रा जोजे.
20
आन तुमा खातुर पेला निवडुलो ख्रिस्त ईयल तियय मोकल्योहो.
21
आखीन गोठीई बरोबर फासे गोठवाय समय हुद हाेरगाम तियाल रेवुलो जरुरी हाय तिया समयु बारामे जगा पेलानेज देवा आपु पवित्र संदेष्टे मुयावाय आखलो आथो.
22
मोशे फासे आख्यो किई “प्रभु देवा तुमा खातुर माआ सारखो संदेष्टो तुमा पावुमेने उठवी, तोओ जे काही तुमाल जोओ आखी तोअ बादेज तिया उनाया.”
23
आन ऐहकी वेयो कि जोओ केडो जीवता संदेष्टा उनाया नाहा तोओ माहामेने एकदम नष्ट केलो जाय.
24
आजी शमुवेलाने लिईन जे संदेष्टा रुढीप्रमाणे वेलो हाय जाेतेहे आखते आले तिया बादेज ईया दिहाबारमे आख्यो.
25
तुमुही संदेष्टा पोयरे हाय आन तोओ पोयरा किई पृथ्वीमेने होगेज कुल आशीर्वादित विईजाय ऐहकी आब्राहामाय आखीन “देवाय तुमा वाडवडीला आरी जो वायदो केलो हाय तिया वायदा तुमु पोयरे हाय.
26
देवाय आपु सेवक ईसुअ ईयाल उठवीन पेला तुमा पाही मोकल्यो इयाखातुर कीई तिया तुमामेने हर एकाल तुमा खाराब कामामेने फिरी ताहा तुमाहाल आशिर्वाद मिल्यो.
Chapter 4
1
पेत्र आने योहान लोकांहा आरी गोगतला ताहा, याजक परमेश्वरा देवाला राखवाली केनारा सरदार व सदुकी ई तियान धमकावा आले.
2
काहाकी ते लोकाहाल शिक्षण देतुला येशु द्वारे पुनरुत्थान एहकी उधडाम ते आखतुला काहाकी तियाल खुप रोग आली.
3
ताहा तियाहाल तेराम आलेा आने आमी वातीवेला वेयी आने वेगीवेला लागु तियाहाल जेलाम थोव्यो.
4
तेबी वचन उनानाराहा कोताहाक लोकांही विश्वास थोव्यो. आने विश्वास थोवनारा आदम्याहा संख्या पाच हजार आथी.
5
ताहा एहकी बीहरे दिह एहकी वेयो का तिया अधिकारी डाया आन नियमशास्त्र हिकुनारा ई यरुशलेम शहराम एकटा वीया.
6
तियाम महायाजक, हन्ना आने कयफा, योहान, आलेक्सांद्र मोडा याजका जे बादे जातुले आथे.
7
तियाय पेत्र आन योहानाल माज उभीकीन फुश्यो, "ई तुमा केल्ला सामर्थ्याकी आन केल्ला नावाकी केताहा.
8
ताहा पेत्र पवित्र आत्माकी पुर्ण वेलो आथो तियाहाल आख्यो ओ लोकाहा अधिकारी आन वडीलधारी ,
9
एक बिमारी माहाप उपकार वेयो याकेता जर आमाहाल चौकशी आज केताहा ?
10
तर तुमाहाल बाठा आन बाठा ईस्त्राएल लोकाहाल ई मालुम वेरा जोजे की जीयाल तुमाय वधस्तंभाव देदो, जियाल देवाय मरणामने उठव्यो, तिया नासोरी येशु ख्रिस्ताआ नावाम ई माहु हारो वीन ईही तुमा हुबुर उभो हाय.
11
जो डोगडो तुमया बाधा खातोर नाकारलो आथो तो काटकोनाम आलो तो ओज हाय.
12
आने तारण बीहरा नाहा काहाकी आपु तारण वेरी एहकी बिहरो कल्लोबी नाव या वादला ऐठा माहाम देदलो नाहा हाय.
13
ताहा पेत्राहा आन योाहनाह हिम्मत वीन आन ई उनफल अन हिकले माही हाय ई जाईन तियाय नोवाय केयो आन ई येशु आरी आथा ई वोखाई गीया,
14
ताहा तो हारो वेलो माहु तियापाही उभो हाय ईवीन यहुदी पुढाऱ्याहाल तिया विरुद्ध कायज गोग्या नाहा.
15
फासे तियाहाल सभा बारे जा केता तियाल आख्यो आन ते तिया तियाहाम विचार फुस केरा लाग्या.
16
तियाय आख्यो या माहाल आपु काय केरा जोजे ? काहाका खेरोज यापने नाेवजालो एहडो चमत्कार वेलो हाय यरुशलेम शहराम रेनाराहाल बादाहाल मालुम हाय आन तो आपु नाकारी नाहा शेकता.
17
पेन ई लोकाम वादार फेलोयाे नेय जोजे, काहाका आपु याहाल ऐहकी धमकी देवणू की या आगला तुमा या नावाम केंडाआरी गोगेता नाय.
18
ताहा तियाय पेत्र आन योहानाल हादीन आज्ञा केयी की तुमा येशु नावाकी कायच गोगा नाह आन हिकवाबी नाहा.
19
काहाकी पेत्र आने योहान याय तियाहाल उत्तर देदो आख्यो, “देवा पेक्षा तुमा उनानु ई देवा नोजरीम हाराे की माठो हाय ई तुमाच ठेरवा.”
20
काहाकी ज्या गोठ्या आमाय वेल्याहाय आने उनाये ते आमा गोगजी नेय ई शक्य नाहा.”
21
ताहा तियाय तियाहाल आजी धमकावीन सोडी देदे काहाकी लोकाकेता तियाहाल शिक्षा केहकी दे ई तियाहाल कायच होमजायनेय काहाका घडली गोठीपे बाठे लोक देवाआ गौरव केतुले.
22
काहाका ज्या माहापे इ हारो केणु चमत्कार घडलो आथो तो चालीस वोराहा पेने तो वाधार वया आथो.
23
ताहा तियाहा सुटका वेयी आने आपु लोकाहोवे आला आन मुख्या याजकाही आने वडिलाही जे आय आख्यो तो बाठो तियाय आख्यो,
24
ई उनाईन ते एकमोन कीन देवाल उच्चा आवाजाकी आखे “हे प्रभु वादलो, तोरती, समुद्र तियामेन बाठे काय जियाय उपजावनाराे तो तुच हाय.”
25
तो सेवक आमा जुनो डायो दावीद या मुखामने पवित्र आत्माकी तुयुय आख्यो, “राष्ट्रे काहा रोगमे हाय आन लोकाही खराब विचार काहा केया ?’
26
प्रभु विरुद्ध आन तिया ख्रिस्ताविरुद्ध तोरती राजा उभा वेला हाय, आन अधिकारी एकटे वेयेहे
27
काहाका खेरोज जियाल तु अभिषेक केयो तो तोच पवित्र सेवक येशु या विरोध या गावाम बीहरे राष्ट्रा आन इस्त्राएली लोक तियाआरी हेरोद आन पंतय पिलात एकठे वेये.
28
या केता की जे काय घडा ताहा तो आथा की आन तो इच्छा की पेलांज नेमलाे आथो तो तियाय केरा जोजे.
29
तर हे प्रभु आमी तु तियाहाल धमकावणारा होवे वे आने तो दास पुरो हिम्मता की तो वचन गोगे ऐहकी दान दे.
30
तु आपु आथ लोका केता हाराकेता आगला के ऐहकी के तो पवित्र चेला येशु या नावाकी चमत्कार व अदभुत घडा जोजे ऐहकी.
31
आने तियाय प्रार्थना केयी ज्या जागाम ते एकठे वेले आथे ती आली उठी आने ते बाठे पवित्र आत्म्याकी पुरे विन देवाआ वचन हिम्मत किन गोगा लाग्या.
32
ताहा विश्वास थोवणारा टोलो एक मोना आने एक जिवाआ आथो आने केडोच आपु मालमत्तातो काय आपु सोता हाय एहकी आखतुले नेय तर तिया बाठो धान्य सारखोच आथो.
33
आने प्रेषित मोडाकी सामथ्याकी प्रभु येशु पुनरुत्थाना विषयी बाराम साक्षी देतुलो आने तिया बाठाप मोठी कृपा आथी.
34
तियामने केडालुच काय कमी नेय आथो, काहाकी जोते जागा किवा कोवा मालक आथे तोताही ते वेचे आने वेचली वस्तु मोल लाले.
35
आने ते प्रेषिता पागापाही लावीन थोवे ताहा जेहकी जेहेंकी केडाल गरज लागी ताहा तेहकी ते एकाएकाल वाठी देहले.
36
आने कृप्र बेटाआ रहिवासी लेवी योसेफ जियाल प्रेषिताहाय बर्णबा काहाकी "उत्तेजन पुत्र" एहकी नाव देदलो आथो.
37
तिया जागे आथो तो तिया य वेचीन तिया पोयसा लावीन प्रेषीताआ पागापाही थोव्या.
Chapter 5
1
ताहा हनन्या नावाआ केडो एक माहु आने तिया कोवाली सप्पीरा याय आपु मालमत्ता वेची.
2
ताहा तियाय तिया किमाेतीमेने काही भाग कोवाली गोठ्या उनायन ते थोवी लेदी आने थोडो भाग लावीन प्रेषिताआ पागापाही थोव्यो.
3
ताहा पेत्राय आख्यो, “हनन्या, तु पवित्र आत्म्याहारी काहा लबाडी केतोहो आने जागाआ किंमतमेने थोडो थोवी ली एहेंकी सैतानाय तो मोनाम काहा पोयो,
4
तो जागो आथेा ताऊलुगू तो सोता आथो का आने ताे वेच्यो तिया आल्ली किमत तोच आथोम आली काय ई गोठ्या तुयुय तो माेनाम काहा लावी तु माहाआरी नाहा तर देवाआरी लबाडी केयी.
5
ताहा हनन्याय ओ शब्द उनाताच ऐठा पोडीन जीव सोड्यो आने ई उनानाराल बाठाहाल खुप बिख लागी.
6
ताहा काहि जुवान्याही उसलीन तियाल गुंडलाव्यो गावा बारे ली जान पुरी देदो.
7
त्याफासे ताहा तिन तासाकी तिया कोवाली माजमे आली पेन जो वेलो आथेा तो तियुल तो हाेमजायो नाहा,
8
ताहा पेत्राय तियाल आख्यो, “माल आख तुमाय ओतामुज जागो वेच्यो का उनायन तियुय आख्यो “होव आतामुच.”
9
पेन पेत्र तियील आख्यो “प्रभु आत्म्याआरी परीक्षा वेतेह का तुमाय ऐहकी काहा केयो?” वे जियाय तो कोवालाल पुरी आलो तिया पाग बाणाप हाय, ते उसलीन बारे ली गीया.
10
ताहा चालुच तियुय तिया पागापाही पोडीन जीव सोड्यो, आने जुवाण टोल्यामाज आला ताहा तीबी मोयगीली आथी ऐहकी तियाहाल देखायो आने तियाय तियील बारे ली जायन तिया कोवाला आरी पुरी देदी.
11
आने बाठे मंडलीम व जियाय या गोठ्या उनाये तियाहाल बाठाहान बिख लागी.
12
ताह प्रेषिता आथाम लोकाहाय खुब चमत्कार व अदभुत कृत्ये वेये, आन ते बाठे एकमोनाकी शलमोनाआ द्वारामंडपाम टोलो वेतुले.
13
आन अविश्वासी लोकामने केडो तियाआरी मिलाआ हिम्मोत नाह तेबी लोक तियाल मोडो मानी लेतुला.
14
ओतोच नाहा तर विश्वस केनारे खुबूज आदमी आने बाया इयाहा टोलो प्रभुल भेट देतुले,
15
ओते चमत्कार वेया का लोकाही दुखी लोकाहाल उचलीन वाटीप लावीन थोवे आने पेत्र पाही आवी नींगे ताहातिया सावलीकी तेबी तियाहामेने केडाप पोडीवी तियाकेता तियाहाल खटलाप आने पालांगाप लावीन थोवे.
16
आजी यरुशलेमाआ शहरा आडाेसी पडाेसी चारीमेरने गावामने लोकाहाल टोलो रोगयाहाल आने पुत लागले अशुध्द आत्म्याकी पिडालान लीन आवतुले.
17
ताहा महायाजक उठयो आन तो आन तियाआरी आथे ते बाठे सदुकी पंचाआ लोक ई दुखी मोनाकी पोराये.
18
आणे तियाय ठोरवीन प्रेषिताहाल कोंडवाडाम थोवे.
19
ताहा तियी राती प्रभु दुताही कोचुरी बाने उघडे आन तियाहाल बारे लावीन आख्यो,
20
“जो आन परमेश्वरा देवालाम उभो रे या जिवना बाठ्या सुर्वाता लोकाहाल आख.
21
ई उनाईन उजालो वेताच ते परमेश्वरा देवलाम गीया आन शिक्षण दा लाग्या. ऐहे महायाजक आन तियाआरी जे आथे तियाय आवीन न्यायसभा आन इस्त्राएल लोकाहा बाठो वडील मंडली ऐकठे वेये आन तियाहाल हादिलावीन कोडवाडा होवे मोकल्यो.
22
पेन तेहे गिहले शिपायाहाल ते कोचेरीम सापडे नहा तियाहाय फासे आवीन आख्यो,
23
‘कोडवाडो हारो रीतीकी बंद केले आथे आन बाणाआरी देखरेख केणारा उभा रीये ते आमाल देखाये पेन कोचुरी उघडावी ताहा आमाहान माज केडोच सापड्यो नाहा.
24
ई बातमी उनाईन याहा काय परिणाम वेरी ह्याविषयी परमेश्वराआ देवलाम सरदार व मुख्या याजक लोक घाटालाम पोड्या.
25
ओताम केडोतेबी आवीन तियाहाल एहकी आख्यो, ‘वेरा जिया माहाल तुमाय कोचेरीम थोवले आथे ते ता परमेश्वरा देवलाम उभेरीन लोकाहाल हीकवी रियाहा.’
26
ताहा सरदारुही शिपायाआरी जाईन तियाहाल कायच ने केता तियाहाल लाले.
27
काहाका लोक आपु दगडफेक केरी एहकी तियाहाल बीया आलो. तियाय तियाहाल लावीन न्यायसभाम उभी केये ताहा महायाजकाय तियाहाल फुच्यो.
28
‘या नावाकी शिक्षण देह्या नाहा एहकी तुमाल आमाही हारकी आखलो आथो का नाहा तेबी वेरा, तुमा आपु हिकवणीम यरुशलेम शहराम पोय टाकलो हाय, आन या माहाआ रक्तपाताआ दोष आमापे लावा हाय काय,’
29
पेन पेत्राय व बीहराे प्रेषिताय उत्तर देदो, ‘आमा माहापेक्ष देवाआ आज्ञा माना जोजे.
30
जिया येशुल तुमाय आडवा उभा लाकडाप टांगीन माया तियाल आपु वाडवडीला देवाय उठव्यो.
31
तियाय इस्त्राएल देशाआ पश्चाताप व पापाहा क्षमा ई देणगी दाकेता देवाय तियाल आपु हुदा आथा होवे अधिपती आन तारणारो एहकी उच्चो पद देदो.
32
या गोठी विषयी आमा साक्षी हाय आने देवाय आपु आज्ञा पालणाराहाल जो पवित्र आत्माे देदो तोबी साक्षी हाय,
33
ई उनाईन तियाल रोगआवी गीयी आने तियाहाल माराकेता विचार केरा लाग्या.
34
पेन बाठा लोकाही नावाजलो मानीन गमलियेल नावा एक परुशी शास्त्राध्यापक आथो, तो न्यायसभेम उबो रीन तिया माहाल थोडो वाआ बारे मोकलीन आख्यो,
35
फाचे तो तियाहान आखेहे , “कायरा इस्त्राएल लाेकाहां तुमा या माहाल काय केराहा या विषयी विचार कीन रेजा.
36
काहाकी काही दिहापेला युदास ओ आगला आवीन आय केडो तेबी हाय , एहकी आखा लाग्यो, तियाल चारशो माहे मिल्ये तो माराम आलो आने जोते तियाल मानतुले तिया बाठा ऐहे तेहे गिये ते दोबीगीये,
37
तियाफासला गालीलकर यहुदा नाव नोंदणी केरा त्या दिही ते आगला आला आने तियाय खुबूज लोकाहाल फिरवीन आपु नादी गेहला , तियाबी नाश वेयो आने जोते तियाल माना आथे ते बाठा खागावागा वेयो.
38
काहाकी आय तुमाल आमी आखु, या माहायने दुर व्या आने तियाल जा द्या काहाका ई कार्य माहा वेरी तर तो नष्ट वेरी.
39
पेन तो देवआ वेरी तर तो तुमाल नष्ट केता नेय आवे तुमा फक्त देवा विरोध वेअरा.
40
ताहा तियाय तिया आखलो मान्य केयो तियाय प्रेषिताहाल हादीन तियाहाल ठाेकमार केयो आन येशु नावा की गोगो नाहा ऐहकी ताकुत दिन तियाल आख्यो.
41
ते तर तिया नावाकेता आपु आपमाना पात्र ठरव्या म्हणुन आनंद कीन न्यायसभाआ आगला ने निगी गीया,
42
आन रोज परमेश्वरा देवालाम को-को हीकवा आन येशु ओच ख्रिस्त हाय ई सुवार्ता गाजवा तियाय सोड्यो नाहा.
Chapter 6
1
तिया दिह्याम येशु चेला बादा लाग्या ताहा ग्रीक भाषा गोगनारा यहुदी लोक इब्री भाषा गोगनारा यहुदी लोकाहाम कुरकुर वेरा लागी का रोज दिही मांडो वाटी खावावतले ताहा यहुद्याहा मने विधवा बाईही पारवा नेय केतला.
2
ताहा बारा प्रेषिताहाय बिहीरा चेलाहान हादीन आख्यो, “आमाहाय परमेश्वरा वचन हिकवुनु सोडीन मांडो वाटी खावावनु ई सोबतो नाहा.
3
इया खातोर मा पावुहू, आपुमनेज चोखा आत्मा की आन ओकली की पोराला हाराम हारा सात लोक निवडी काडा तियाहान आमा ई काम होपी दिहु.
4
आन आमा प्रार्थना आन वचन हिकवुनूम ध्यान दिहु.
5
ई गोठ बादा लोकाहान पोटी तियाहाय विश्वासा की आन चोखा आत्मा की पोराला स्तेफन आन फिलीप्प, प्रखर नीकानुर, तीमोन, पार्मिता आन यहुदी पंथ माननारो नीकलाव जो अंत्यखिया सेहेरामने आथो इया सात लोकाहन निवड्या.
6
आन लोकाहाय तियाहान प्रेषिताहा हुबूर उभा केया आन प्रषिताहाय तियाहापे आथ थोवीन प्रार्थना केयी.
7
आन परमेश्वरा वचन खुबूज लोकाहाम फैलाया लाग्यो आन यरुशलेम सेहेराम खुबूज चेला बादी गिया आन याजकाहां मन बी खुब लोकाहाय विश्वास केयो.
8
स्तेफन परमेश्वरा दोयाकी आने सोकती की पोराईन नाेवाय लागे ऐहेके मोड-मोडे कामे आने निशान्या लोकाहाम केतला.
9
ताहा कुरेन गावामने आलेक्सांद्रिया, किलिकीया सेहेरामने आने आशिया प्रांतामने लीबिर्तीन नावा पंथा यहुदी लोक स्तेफना आरी बोलाचाली केरा लाग्या.
10
पेन स्तेफन चोखा आत्माय देदली ओकली की गोगतलेा तिया विरुध्द केडालुज काविंज गोगी नाह सेकायो.
11
ताहा “आ मोशे भविष्यवक्तो आन परमेश्वरा विरुध्द खोट्या गोठ्या हिकवुतलो तो आमा उनायाहा” ऐहेकी आखा खातोर तियाहाय थोडाक लोकाहान तिया विरुध्द चेतवी देदा.
12
आने यहुदी लोकाहान तियाहा डायाहान आने नियमशास्त्राम हिकवुनारा गुरुहुन खिजवी देदा, ताहा ते स्तेफनाल तिया न्याय सभाम ली आला.
13
आने तियाहाय तिया विरुध्द खोटा साक्षी उभा केया तियाय आख्यो, ‘ ई माहु इया चोखा मंदीर आने नियमशास्त्रा विरुध्द खोटो गोगणु सोडतो नाहा’
14
आने नासाेरी येशु इ चोखा मंदिराल तोडी टाकी आन मोशेय ठरवी देदल्या रित्या बोदली टाकी ऐहेंकी बी इयाय आखलो तो आमा उनाला हाय.
15
ताहा ते न्याय सभायीम बोठला बादा लोक स्तेफनाल ध्यान र्दिन वेअतला ताहा तियाहान तिया मुय होरग्या दुता मुयाआ होच देखायो.
Chapter 7
1
फासे मोडा याजकाय आख्यों “ ऐहकी आखताहा ए गोठ्या खेऱ्या हाय का ?
2
ताहा ताे आखा लाग्यो, “मा पावाहा आन डायाहा उनाया आपु आगलो डायो अब्राहाम हारान प्रांताम जाईन रेतलो तिया पेहलो तो मेसोपटोम्या देशाम आथे ताहा तियाल गौरवी देवाय दर्शन देदो.
3
आन आख्यो ‘ तु तो देश आन जातुलान सोडीन आय तुल देखावेहे तिया देशाम जो.
4
ताहा तो खास्दी लोकाहा देशामने निगीन हारान देशाम जाईन रा लागयो आन तिया बाहाको माेय गियो ताहा देवाया तियाहाल हारान देशामने काडीन आमी तुमा जिया देशाम रेताहा तियाही ली आलो.
5
पेन तिहीने पाग थोवनु भी जागो वोतन एहेकी देदो नाह आन तिया पोयरे नाय आथे तेबी बी देवाय तियाल आन तिया पोयराहान ई देश देवनु बायदो देदलो आथो.
6
आने देवाय तियाल एहेकी बी आखलो आथो ‘तो पोयरे बिहीरी देशाम गुलाम बी नया बीहीने लोक तियाहान आने चार होव बोराहालुग तारास दी.
7
जिया देशात ते गुलामगीरीम री तिहीने लोकाहांन आय शिक्षा केहे ऐहकी देवाय आख्यो, फाचे ते तिहीन आवीन इयाज जागामें मा भक्ती केरी.
8
आने आब्राहामा आरी सुंता केअनु विधी ठोरवी देदी, ई विधी ठोरवाय गियाी तिया फाचाडी आब्राहामांय इसाहाक नावा पोयरो जोन्मो देदो तियातियाय आठवा दिह्या दिही सुंता केयी आने फाचे इसाहाकाहीने याकोब जोलम्यो आने याकोबाहीने बारा पोयरा जोल्म्या ते आपु आगला डाया आथा.’
9
फाचे तिया डायाहांय योसेफा हेवा किईन तियाल मिसर देशाम वेची देदो, पेन देव तियाआरी आथो,
10
आने योसेफाल बादा संकटाहामने सोडव्याे आन ओकल देदी आन फारो राजाय तियाल मिसर देशापे आन तिया बादा राज मेहेलापे अधिकारी बोनावी देदो.
11
जाहा मिसर देशाम आन कनान देशाम काल पोड्यो ताहा बादाहापे खुब मोडो संकट आलो आन आपु आगला डायाहान खावनु नेय मिलतोलो.
12
ताहा मिसर देशाम धान्याे मिलेहे एहकी याकोबाल मालुम पोड्या आन आपु आगला डायाहान मिसर देशाम धान्यो ला पेहेली दाव मोकल्या.
13
फाचे बिहिरी दाव धान्यो ला गिया ताहा योसेफाय तिया पावाहान सोवताहा बोद्दल आखी देखाव्यो, आन फारो राजाल योसेफा कुटूंबाबोद्दल मालुम पोडी गीयो.
14
ताहा योसेफाय तिया बाहोको याकोब आन तिया बादा जातुलाहान तिही हादी लेदे ते बादे पंच्यात्तर माहे आथे.
15
इयुरितीकी याकोब मिसर देशाम गियो तिही योकोब आन आपु डाया मोय गिया.
16
तियाहान शखेमाम ली गिया आन जी कबर आब्राहामाय हमोरा पोयराहापेने पोयसा दिईन वेचाती लेदली आथी तियुम तियाहान पुरी देदा.
17
पेन जाहा देवाय आब्राहामाल देदलो वायदो पुरो केअनु टेम पाही आलो ताहा मिसर देशाम आपु लोक वादा लाग्या.
18
योसेफा बोद्दल काविंज मालुम नाय आथेा ऐहडो बिहिरो राजो मिसर देशापे राज केतलो तांवलुग ऐहकीज चालतलो.
19
तो राजो आपु आगला डायाहा आरी कोपटी माेनाकी रेतला, तियाहा पोयरे बाचाया नाय जोजे इया खातोर तो हाना पोयराहान फेकी देवावतलो, ऐहेकी किई नआपु आगल्या डायाहान तारास देतलो.
20
तिया कालाम मोशे जाेल्मो वेयो तो देवाहा नजरीम खुबूज हारो आथो, तियाल तीन मोहीनालुग तिया याहाकी बाहाकाय तिया कोमेज पोह्यो.
21
फासे तियय तियाल बारे फेकी देदो ताहा फारो राजा पोयरीय तियाल बिसी लेदो आन तियाल साेवताहा पोयराे मानीने पोह्यो.
22
मोशये मिसर देशामने लोकाहा बादी विधी हीकी लेदी, तो गाेगनुम आन बादा कामाहाम खुब हुशार वी गियो.
23
जाहा माेशे चालीस वोराहा वेयो ताहा तियाय तिया इस्त्राएली पावाहान मिलनु विचार केयो.
24
ताहा तियाहामने एका माहाल एक मिसरी माहु मार देता देखीन तियाल मोदत केराखातोर तिया मिसरी माहान माय टाकीन तिया बदलो लेदो.
25
ताहा मोशेल ऐहेंकी लाग्यो का देवामा आथा की तिया लोकाहान सोडवी रियोहो इ मा पावहान होमजायो वरी पेन तियाहान तो होमजायो नाहा.
26
फासे बिहरे दिही ताहा केडा तेबी बेन इस्त्रायली चुलातला
27
ताहा मोशे तियाही जाईन तियाहान होमजावा खातोर आखा लाग्यो, ‘ओ माहाय तुमा बेनी पावुहू पावूहूज हाय आन काहाल चुलाताहा ? ताहा जो तिया पावहा आरी चुलातलो तियाय ठेंअपी दिईन मोशेल आखा लाग्यो, ‘तुल आमावे अधिकारी आने न्याय निवाडो केनारो केडाय बोनव्यो.’
28
तुयूय काल एक मिसरी जाती माहाल माय टाकयो तेहेकी मान बी मारा हाय का ?
29
ई गोठ उनाताज मोशे तिहीने नाही पोड्यो आन मिद्यान देशाम परदेशी विईन रा लाग्यो, अन तिही तियाल बेन पोयरा जोल्म्या,
30
फाचे तिही चालीस वोरेहे वेये ताह तियाल सिनाय डोगा एका बोलता चाडवाम होरगा दुत देखायो.
31
तो विईन मोशल खुब नोवाय लागी आन तो काय हाय वेरा खातोर तो जाहा तिया चाडवाही गियो ताहा प्रभुय तियाल ऐहकी आखता उनायो,
32
“आय तो आगला डायाहा, अब्राहामा,इसहाका, याकोबा देव हाय. इ उनाईन मोशे खुब काबराय गियो आन तियाय फाचे तिया चाडवावेल वेनु हिंमत नाहा केयी,’
33
ताहा आजी प्रभुय तियाल आख्यो, ‘तु तो पागाहामने चापले ले काहाका तु तिया जागावे उभे हाय तो जागो चोखो हाय.’
34
मिसर देशाम मां लोकाहान जो तारास बी रियोहा तो माय देख्योहो आन ते हुंका खाईन रोडतेहे ता आय उनायाहो, तियाहान सोडवा खातेार आय निचे उती आलोहो आमी चाल आय तुल मिसर देशाम मोकल्ये.
35
तिया मोशेल इस्त्रायाल लोकाहाय नाकारीन आखलो, “तुल आमाहावे अधिकारी आन न्याय निवाडो केनारो केडाय बोनव्यो?” पेन तियाज मोशेल होरगा दुतांया बोलता चाडवाम दर्शन देदलो तियाकी देवा फाचे इस्त्राएल लोकाहांपे अधिकार आन तियाहान सोडवुनारो ऐहेकी ठरवीन मोकल्यो,
36
मोशेय इस्त्रायल लोकाहान मिसर देशामने आन लाल दोऱ्यामने बारे काड्या आन डोगाहाम चालीस वोरेंहे लुग मोड मोडे नोवाय लागे ऐहेंडे कामे आन निशाण्या की देखाव्या.
37
तियायज मोशेय इस्त्रायल लोकाहान आख्यो “देव तुमा जातीमने मां होच एक भविष्यवक्तो तुमा खातोर तियार केरी”
38
जो डोगामने मंडळीम सिनाय डोगापे आपु आरी गोगणारा होरगा दुता आरी आन आपु आगला डायाहा आरी आथा, जियाल आपहुन दा खातोर जीवते वोचने मिलले तो ओज.
39
पुन आपु आगला डायातिया गोठ्या नाया मान्या तियाल नाकारी दिइन फाचे ते मिसर देशाम जा ईच्छा केतला.
40
आन तियाहाय अहेरोनाल आखलो, “आमा आगाडी चाली एहेंडो देव आमाहाल तियार की दे काहाका जो मोशे आमाहा होमजातो नाहा ?
41
तिया दिह्याहाम एका वासडा होच मुरती बोनावी आन तियाहाय तियो मुरतीही आगला अर्पण चोडन्यो आन तियाहा आवाहाकी केअला कामाहा बोद्दल विईन आनंद केया.
42
ताहा देवाल रोग की आली आन तियाय तियाहान वादलामने गृह नक्षत्रा भक्ती केराखातोर खुला सोडी देदा, इया बोद्दल भविष्यावक्ताहा पुस्तकाम एहेंकी लेखलो हाय, “ओ इस्राएल लोकाहांय काय तुमाहाय डोगाहाम चालीही वोरेहेलुग जनावराहा आन अन्न धान्या अर्पण मान चोडवुलो का ?
43
तुमाहाय मोलख नावा देवा मांडवो आन रेफान देवा तारो इयाहा भोक्ती केरा खातोर मुरत्या बोनावी लेद्या इया खातोर आय तुमाहान बाबेल देशा तिवेल ली जोहें.
44
देवा साक्षी मांडवा नमुनो ठरवुला आथो तिया होचुज साक्षी मांडवो तियार केरा तियाय आखलो तो मांडवो डोगाम आपु डायाहांवे आथो.
45
तो साक्षी मांडवो आपु आगला डायाहान मिल्यो ताहा जे यहुदी जाती नाय आये तिया लोकाहान देवाय तियाहा हुंबूरने बारे काडी देदा आन तियाहा देरा आपु डायाहा ताबाम लेदो, ताहा तो मांडवो यहोशवा इही ली आलो अन तो साक्षी मांडवो दावीद राजा टेमापेलुग तियाहा रितीकी सांबाली राख्यो.
46
आन देवाय दावीद राजापे दोया केयी आन तियाय याकोबा कोअवो बांदाखातोर विनंती केयी.
47
आन देवा खातोर मंदीर बादनारो शलमोन राजो आथो.
48
पेन मोडाम मोडो देवा आयाकी बांदला मंदिराम रेतो नाहा जेहेंकी भविष्यवक्ताय आखलो हाय.
49
‘प्रभुय आख्यो, होरगा मा राजगादी हाय, आन तोरती पाग थोवनु जागो हाय, तुमा मां खातोर केहेंडो मंदिर बादहा ? मा आरामा जागो केललो बी सेकनारो ?
50
इ बादो मां आथाकी बोनावलो नाहा का ?
51
“ओ कठीन माेना आन मन काहानाहा सुंता नाय वेला लोकाहां जेहकी तुमा आगला डाया चोखा आत्मा कायाेमुंज विरुध्द केतला तेहेंकी तुमा भी केताहा.”
52
तुमा आगला डायाहाय तारास नाहा देदो एहेंडा भविष्यवक्तो हाय का ? एक धर्मी माहु आवनारो हाय एहेंकी भविष्यवाणी केनाराहान तियाहाय माय टाक्या आन आमी तो धर्मी माहु आलो नाहा तियाल तिई देनारा आन तियाल माय टाकनारा तुमांज निग्याहा.
53
देवा तुमाहान होरगा दुताहां आथा की नियमाशास्त्र देदलो आथाे पेन तो तुमाहाय पाल्यो नाहा”
54
तियाहा गोठ्या उनाईन तिही डोलवाला लोकाहान खुब रोग की आली आन तिया खातोर ते दात पिहीतला.
55
पेन तो चोखा आत्माकी पोराईन ऐ सारको वेतलो ताहा तियाय परमेश्वरा गौरव आन येशु परमेश्वरा हुदीवेला उभलो हाय ऐहेंकी देख्यो.
56
ताहा तियाय आख्यो, “देखा होरगो उगडाय गियोहो आन माहा पोयरो परमेश्वरा हुदीवेल उभलो हाय एहेंकी मान देखायेहे”
57
ताहा ते बाद्दाहा लोक खुबूज जोरपे बोमलुता आन कानाप आथा थोवीन तियाहान धोवडी गिया.
58
फाचे ते तियाल सेहेरा बारे ली जाईन डोगडाहा की ठोका लाग्या आन साक्षीदाराहा पोतडे शौल नावा एका जुवान माहा पागही थोवे.
59
आन ते स्तेफनाल डोगडाहां की ठोकतला ताहा तियाय ऐहेंकी प्रार्थना केयी, “ओ प्रभु येशु, मा आत्मो ली ले”
60
आन फाचें तियाय गुडा टेकीन मोडाकी बोबलीन आख्यो, “ओ प्रभु, ओ दोष इयाहापे मां लागवोहो.” एहेकी आखीन स्तेफन मोय गियो.
Chapter 8
1
स्तेफनाल माय टाकनु शौलाबी मन आथो तिदिहीज यरुशलेम सेहरामने मंडळी लोकाहान खुब तारास सुरु वेयो तियाखातोर प्रेषिताहान सोडीन बादा विश्वासी लोक यहुदीया आने शोमरान प्रांताहाम जेहे-तेहे बेरगाय गिया.
2
ताहा धर्मी लाेकाहाय स्तेफनाल माहाणाम पुरी देदो, आने तियाबोद्दल खुबूज दुख केयो.
3
पेन शौल मंडळी लोकाहान खुब तारास देतलो आने तियाहा कोअ कोअ जाईन आदम्यान आने बायीहीन तिई ली आवीन जेलुम कोंडी देतलो.
4
ताहा ख्रिस्तापे भोरुचो केनारा लोक जेहेतेहे वेरगाय गेहला ते ख्रिस्ता हारी बातमी लोकाहान आखता फिरतला.
5
फिलीप्प शोमरोन प्रांतामने एका सेहेराम गियो तिही जाईन तिहीने लोकांन तियाय ख्रिस्ता हाऱ्या गोठ्या आख्यो आने फिलीप्पाय केला चमत्कार तियाहाय वेया.
6
बादा लोक फिलीप्पाय आखल्या गोठ्या उनाया आने जे नोवाय दा लाग्या.
7
काहाका जिया माहान पुथडाे लागले आथे तियाहामने पुथडे बोंबलीन निंगी गिये आने खुबूज लखवो वेले आने पांगले माही भी हारे बी गिये.
8
इ विईन तिया सेहेरामने बादा लोक खुबूज खुश बी गिया.
9
शोमरोन सेहेराम शिमोन नावा एक माहु आथो, तो जादु की देखावतलो तियाकी लोकाहान नोवाय लागतली आन तो सोवताहाल मोडो हाय एहेंकी देखावतलो.
10
तियाखातोर हाने मोडे बादे माहे तिया जादु वीईन आखतले “परमेश्वरा जी खुब मोडी सोकती आखतेहे ती इया माहाम हाय.”
11
तो खुबूज दिही वेया तेहे तिहीने लोकान जादु की देखावतलो, तियाकी तियाहान नोवाय लागतली आन ते बादे तियाल मानतले.
12
तेबी बी फिलीप्प परमेश्वरा राज्याआन येशु ख्रिस्ता नावा हाऱ्या गोठ्या आखतलो, तो उनाईन लोकाहाय भोरुचो केयो आने तिहीने आदम्याहाय आने बायीहीय बाप्तीमो लेदो.
13
ताहा शिमोनाय बी भोरुचो किईन बाप्तीमो लेदो आने तो फिलीप्पा आरी रा लाग्यो आने जे नोवाय लागे एहेंडे मोडे मोडे कामे आने निशाण्या वेतल्या ते विईन शिामोनाल खुब नोवाय लागे.
14
शोमरोन सेहेराम मने लोकाहायदेवा वचन मानी लेदोहो एहेंकी यरुशलेमामने प्रेषिताहान मालुम पोड्यो, ताहा तियाहाय पेत्र आन योहान इयाहान तिही मोकल्या.
15
ते तिही जाय पोच्या ताहा तिहीने लोकाहान भी चोखो आत्मो मिला जोजे इया खातोर तियाहांय प्रार्थना केयी.
16
काहाका इया लोकाहाय प्रभु येशु नावा की बाप्तिमो लेदलो आथो, पेन आमीलुग केडापे बी चोखो आत्मो उतलो नाहा.
17
जाहा पेत्र आन योहान इयाहाय तिहीने विश्वासी लोकाहापे आथ थोवीन प्रार्थना केयी ताहा तियाहान चोखो आत्मो मिल्यो.
18
प्रेषित लोक जाहा विश्वासी लोहकाहांपे आथो थोविन प्रार्थना केताहा ताहा चोखो आत्मो मिलेहे, इ विईन शिमाेन प्रेषिताहांही पोयसा ली आवीन आखेहे.
19
“आय केडापे बी आथे थोवेहे ताहा तियाल चोखो आत्मो मिला जोजे ऐहेंडो अधिकार मान बी द्या.”
20
ताहा पेत्राय तियाल आख्यो, “तो आरीज तो पोयसा बी नास वी जाय, काहाका तुयुंज देवा दान पोयसाकी वेचातो लेवनु विचार केयो.”
21
इया गोठी खातोर तु आमाआरी आवी नाय सेकनारो काहाका देवा हुंबूर तो मोन चोखो नाहा हाय.”
22
इया खातोर तु तो खाराब कामाहा बोद्दल प्रभु हूंबूर पासतावो किईन प्रार्थना केअ वी सेकी ता तो मना मने खाराबा विचाराहां बोद्दल देवा तुल माफी दी.
23
काहाक तु हेवाकी आन पापाहांकी बादालो हाय एहेंकी मान देखायेहे.
24
ताहा शिमोनाय तियाहान आख्यो, “तुमाहाय आखली गोठीपन काविंज मांपे आवा नाया जोजे इया खातोर तुमाज प्रभुल प्रार्थना केजा.”
25
फाचे पेत्र आन योहान इयाहाय साक्षी देदी आन प्रभु वचन लोकांहान आखीन फाचे फिरीन यरुशलेम सेहेराम आवताला ताहा ते शोमरोनी लोकाहा गांवाहांमने जाता जाता देा हाऱ्या गोठ्या आखताहा गिया.
26
फाचे परमेश्वरा दुताय फिलीप्पाल आख्यो, “उठ, जी वाट यरुशलेम सेहेराहीने दक्षिण दिशावेल डोगाम लुगून गज्जा सेहराम जाहे, तियु वाटीपे जो.”
27
ताहा तो निग्यो आन वाटीपे जाहलो ताहा कुश देशामने एक इजडो माहु मिल्यो तो कुरा देशा कांदके राणी मोडो अधिकारी आन तिया बादी मालमोत्ता कारभारी आथो, तो यरुशलेम सेहेराम देवा भक्ती केरा खातोर आल्लो आथो. तो फाचे फिरीन जाहालो ताहा तिया रथाम बोहीन यशया भविष्यवक्ता पुस्तक वाचतलो.
28
ताहा चोखा आत्माय फिलीप्पाल आख्यो, “तु रथु जागे जो.”
29
ताहा चोखा आत्माय फिलीप्पाल आख्यो, “तु रथु जागे जो.”
30
ई उनाईन फिलीप्प दोव्डी गियाे आन जो अधिकारी माहु यशाया भविष्यवक्ता पुस्तक वाचतलो तो उनाईन तियाय तियाल फुच्यो, “तु जो वाचतोहो तो होमजाहे का?
31
ताहा तिया अधिकारी माहाय फिलीप्पाल आख्यो, “मान केहकी होमजाय केडाय तेबी होमजाव्याशिवाय आय केहेकी होमजी सेकनारो ? आन तियाय फिलीप्पाल राव्या किईन आख्यो, “मा आरी रथुम चोडीन बोहो.”
32
शास्त्रामने जा भाग तो वाचतलेा तो एहेंकी आथो, “तियाल मेढा होच मारा खातोर ली गिये, आन जेहेंकी मेढो बुरे कातरुनारहा हुंबूर ठाकोज रेहें, तेहेकी तियाय तिया मुय उगड्यो नाहा,
33
तिया नम्र परिस्थीतीम तियाल न्याय मिल्यो नाहा, तिया पिढी बोद्दल केडो आखी सेकनारो ? काहाका तिया जीव तोरतीपने लेवाय गियो.”
34
तहा तिया अधिकाऱ्याय फिलीप्पाल फुच्यो, “इ गोठ भविष्यावक्तो केडा बोद्दल आखेहे ? सोवताहा बोद्दल का बिहीरा बोद्दल आखेहे ? इ मान होमजावी दे.”
35
ताहा फिलीप्पाय तियाल इया शास्त्रा वचनाहीने सुरु किइन येशु बोद्दल हाऱ्या गोठ्या आखी देखाव्या.
36
आन ते वाटे जाता जाता एका तालावाही आवी पोच्या, ताहा तिया अधिकाऱ्यांय फिलिप्पाल आख्यो, “देख ! इ पाआया हाय, मान बाप्तिस्मो देवनु कांवी अडचन हाय का ?
37
फिलिप्पाय अधिकाऱ्याल आख्यो, “तु जर पुरा मोना की भोरुचो केतोहो ता इ वी सेकेहे तियाय तियाल आख्यो, येशु ख्रिस्ताे परमेश्वरा पोयरो हाय एहेकी आय भोरुचो किहु.”
38
ऐहेकी आखीन तियाय रथ उभो केराव्यो आन ते बेनी पायाम उत्या आन फिलीप्पांय तिया अधिकाऱ्याल बाप्तिस्मो देदो.
39
आन ते पायामने बारे आला ताहा प्रभु आत्मों फिलीप्पाल दुर ली गियो आन तिया अधिकाऱ्याल फिलीप्प फाचे निघ्यो.
40
आन फिलिप्प अजोत सेहेराम आवी पोच्यो, तिहीने तो कैसरीया सेहेराम जाहालो ताह वाटी पाहीने बादा गावाहाम देवा हाऱ्या गोठ्या आखतो गियो.
Chapter 9
1
शौल आजी बी प्रभु येशुह चेलाहान माय टाकणु धमक्या देतलो, आन ताे मोडा याजकाहि गियो.
2
आन प्रभु वे विश्वास थोवणारे ते आदमी रे नेता बाया केंडोबी तियाहान सापडे तियाहान बांदिन यरुशलेम शहराम ली आवा जोजे एहकी तियाय तियाहावेने दिमिष्क शेहेरा सभास्थानामने महायाजकाहापने तेहंन्डो अधिकार लीखी माग्यो.
3
फाचे शौल वाट तिईन जाहलो ताहा एहकी वेयो, तो दिमिष्का सेहरामही आवी पोच्या आन एकदमुज आकाशामने चारीचोमकी उजवाडो पोड्यो.
4
आन तो पुंय तुटी पोड्याे आन एहकी आवाज उनायो का, “शौला, शौला, मान तु काहाल वोखो देतोहो.”
5
शौलाय फुच्यो, “प्रभु , तु केडो हाय ?” फाचे आवाज आलो, “आय येशु हाय, जियाल तु वोखो केरावतोहो ताेज आय हाय”
6
आमी उठ, आन सेहेराम जो, तुल काय केअनु हाय तो तुल तीही केअडोतेबी आखी.”
7
आन तिया आरी जे लोक जाहला ते बाद्दा ठाकाज उबी री गिया, ते बी आवाज उनाया पेन तियाहान कायुज नाहा देखायो.
8
जाहा शौल उठ्यो, ताहा तियाय डोवा उगडाव्या पेन तियाल काविंहीज देखाया नाय लाग्यो, तियाहाल जे तिया आरी लोक आथा तियाही आथ तिईन दिमिष्का सेहराम ली गिया.
9
तीन दिही लुगू तियाल काविंज नाहा देखायोआन तियांय काविंज खादो पिदो नाहां.
10
आन दिमिष्का सेहेराम हनन्या नावा प्रभु येशु एक चेलो आथो, तियाल प्रभुय दर्शन दिइन आख्यो, “हनन्या !” ताहा तियाय आख्यो, “काय प्रभु?”
11
प्रभु हनन्याल आख्यो, “उठ आन नीट नावा वाटीवे जो आन यहुदा नावा माअहा कोअ तार्सस सेहेरा मेने शौल नावा माआहु हाय तियाल होदी काड, तो तिही प्रार्थना कि री यो हो.”
12
आन फाचे शौलाल दृष्टांताम एहकी देखायो का, हनन्या नावा माअहु मा जाग आलोहो आन मा उपे आथ थोवेहे आन मान देखाया लागेहे.
13
ताहा हनन्याय आख्यो, “प्रभु इया माअहाय येरुशलेम सेहेरामेने तोप भोरुसो थोवनारा लोकाहान खुब तारास देदलो हाय, एहकी लोक आखताहा तो आय उनायाहो.
14
आन आमी जे तो नावाप भोरुसो थोवतेहे ती माअहान तिईन बांधीन ली जा केअता मुख्या याजकाहापने अधिकारपत्र लिईन ओ शौल इही आलोहो.”
15
पेन प्रभुय हनन्याल आख्यो, “तु जो काहाका तियाल यहुदी आन यहुदी नाहा ऐहेंडा लोकांहा अन राजाहा हुंबूर मा नाव आखा खातोर खास निवडुलो हाय.
16
आन तियाल मा नावा खातोर कोतोहा दुख वेठा पोडी, तो आय तियाल देखावेहे.”
17
ताहा हनन्या तिहीने निगीन शौल जी कोअ आथो तिही गियो आन तियावे आथ थोविन आख्यो, “शौल, मा पावुहू, तुल आजी देखाया जोजे आन तू चोखा आत्माकी पुरेपुर पोराया जेजे इया खातोर तु वाट तिइन आवतोलो ताह जिया प्रभु येशुय तुल दर्शन देदो, तियाय मान तो इही माेकल्योहो.”
18
ताहा तुरुतूज शौला डोआ वेने मासा पिंगा होच काय तेबी निंगी पोड्यो आन तियाल आजी देखाया लाग्यो, आन तो उठ्यो ताहा तियाल बाप्तिस्मो देवुलाम आलो.
19
आन फांसे तियाय मांडो खादो ताहा तियाल सोक्ती आली, आन शौल दिमिष्क सेहेरामेने चेलाहा आरी थोडाक दिही तिहींज रियो.
20
आन शौल भक्ती पोंगाहाम जाय “येशु ओ पोरमेराहा पोयरो हाय” ऐहकी बोंबलीन आखा लाग्यो.
21
ताहा इ गाेठ उनानारा बादा लोकाहान खुब नोवाय लागी आन ते आखा लाग्ये, “इ नाव लेनारा लोकाहान यरुशलेम सेहेराम मांय टाकनारो ताेज ओ नाहा का ? आन तियाहान बांदी मोडा याजकांही ली जा खातोर ओ इही आललाे आथेा का नाय ?
22
पेन शौल प्रभु सोकती की पोराय गिया आन “येशु आज ख्रिस्त हाय” ऐंहकी पुरावा दिईन लोकाहान आखतोलो, ताह दिमिष्क सेहरामेने यहुदी जाती लोक तिया आरी बोलचाली नाया की सेक्या.
23
फाचे खुबूज दिही वी गिया ताह यहुदी जाती लाेकाहाय शौलाल माय आकनु गोठ्या केया.
24
आन ते तियाल माय टाका खातोर सेहेरा बाअणाही रात ने दिही टेपीन बोठला आथेा इ गोठ शौलाल मालुम पोडी गेहली.
25
शौलय जियाहान हिकवुला आथो ते चेलाहाय एक रातील तियाल सेहेरामने बारे निगा केता मदत केअयी, तिया चेलाय शौलाल एक सिबलाअम बोहाव्या आन कोट बांदलो आथो ति पिथडापने तियाल राती निचे उताव्यो.
26
फाचे शौल यरुशलेम सेहेराम आविन इसुप विश्वास थोवणारा कुटूंबाआरी मिलीन रा कोशिश केअतलो पेन तियाहान तियाप भोरुसो नाय वेअतलो का ओ खेराेंज येशु चेलो हाय आन ते तियाल धाकातला.
27
जाहा बर्णबा शाैलाल हादी लिइन प्रेषितांही आलो आन शौलाल वाटीवे प्रभु दर्शन केहेकी वेअयो प्रभुय तिया आरी केहकी गोठ्या केअया आन तियाय दिमिष्क सेहेराम इसु नावा की हिंमती की गोठ्या आख्यो इ बादो बर्णबाय प्रेषितांहान आखी देखाव्यो.
28
आन तो तियाहां आरी यरुशलेमाम येशु नावा हाऱ्या गोठ्या हिंमती की आखतो जाहलो.
29
आन ग्रीक भाष गोगनारा यहुदी लोकांहान येशु हारी बातमी होमजावीन आखतोलो आन तो तियाहा आरी वादुज गोगबोल केअतलो इया खातोर ते तियाल माय टाका कोशीश केरा लाग्या.
30
इ विश्वासी लोकाहांन मालुम पोडी गियाे ताहा ते शौलाल कैसरिया सेहेराम हादी ली गिया आन तिहीने तियाल तार्सीस सेहराम मोकली देदो.
31
इयो रितीकी बादा यहुदीया, गलील आन शोमरोन प्रांताहामने मंडही लोकाहांन शांती मिली आन आत्मिक रीतीकी प्रभु धाक तिइन चोखा आत्मा की पोरायन तियाहां संख्या वादती गियी.
32
जाहा पेत्र चारी आरी फीरीन आलो ताहा तो लोद नावा गांवाम जे विश्वासी लोक रेतला तियाहांही गियो.
33
तिही तियाल लखवो विइ्रन आठ वोरहेलुगू खाटलाम पोडी रेहलो ऐनेयास नांवा एक माअहु मिल्यो.
34
तियाल पेत्राय आख्यो, “ऐनेयास ! येशु ख्रिस्त तुल हारो की रियोहो, उठ आन तो फातारी विसी ले.”
35
इ नोवाय लागे एहेंडो काम विइन लोद आन शारोन गावाहामेने लोकाहांय प्रभुवे विश्वास केअयो.
36
यापो सेहेराम तबिथा, ( दुर्कस ग्रिक भाषाम इया अर्थ "हरीण) ती बय खुब हारे काम केअतली आण गरीबाहान दानधर्म केअतली.
37
जाहा पेत्र, लोद सेहेराम आथो ताहा तबिथा दुखी पोडीन माअय गिहली ताहा लोकाहांय तियाल उगाविन कोअमेने उचे उपरीवे एकी खोलीम हुवावी थोवली.
38
ताहा यापो सेहेरा इहीने पाहिज लोद गावाम पेत्र हाय, इ चेलाहान मालुम पोड्यो ताहा तियाल हादा खातोर बेन माअहाल माेकल्या, तियाहाय तियाल रांअव्या किईन आख्यो “मेहेरबानी किइन माहार माहार चाल, वाअ मां लागवोहो !
39
ताह पेत्र तियाहा आरी गियो तो तिही पोचतांज ते तियाल उपरिवे खोलीम हादी ली गिया, ता बाठ्या रोंडा बाया पेत्रा चाेमकी सोमकी उबीरीठन रोडतेल्या, जाहा दुर्कस जिवती आथी आन तियुय जे पोतळे हिवले ते पेत्राल देखावा लाग्या.
40
ताह पेत्राय तिया बादाहान बारे काडी देदे आन गुडगा टेकिन प्रभुल प्रार्थना किइन तिया मुरदा वेल विईन आख्यो, “टबीथा उठ!” ताहा तियोय डोआ उगड्या आन पेत्राल विई ती उठीन बोठी.
41
फाचे तिया तियुल आथ दिईन उबिरा मदत केअयी, ताहा फाचे तियत्या रोंडे बायीहीन आन विश्वासी लोकाहान खोलीम हाद्ये, तियाय तबिथाल तियाहान देखाव्या ती जिवती आथी.
42
इ बांदो यापो सेहेरामेने लोकाहान मालुम पोडी गियो, आन तिहीज खुबूज लोकाहाय प्रभुवे विश्वास केया.
43
फासे पेत्र खुबूज दिहीलुगू यापो सेहेराम चांबडाा धंदो केअनारा शिमोन नांवा माअहा कोअ रियो.
Chapter 10
1
कैसरिया सेहेराम कर्नेल्य नावा एक माअहु रेतलो तो इटलीक नाव होव सैनिकाहा मोडो अधिकारी आथो.
2
तो धर्मि माअहु आथेा आन तिया कोअने बादे माअहे पोरमेहेरा धाक तिइन चालनारे आथे तो गरीब लोकाहन दान धर्म कअनारो आन दिने राेज पोरमेहेराल प्रार्थना केअनारो आथो.
3
एक दिहि दिहावेले तीन वाजे टेमुप कर्नेलयाल दर्शन देखायो, तियाय तो स्टष्टपणे वेअयो, त्या दर्शनाम देवा दुत तिया जागे आलो आन तियाल आखा लाग्यो, “कर्नेल्या !”
4
ताहा कर्नेल्या देवदुताहोवे विइन बी गियो आन आखा लाग्यो, “काय प्रभु ?” ताहा देवदुताय कर्नेल्याल आख्यो “देव तो प्रार्थना उनायोहो, जो जो तुयूय गरीबांहान दान केअलो हाय ताे बादो देवाय वेअयोहो, आन देवाल ताे इत हाय”
5
आमी तु यापाे सेहेराम माअहे मोकले आन तिही शिमोन नांवा माअहु हाय तियाल हादी ली आव तियाल पेत्र एहेकी बी आखतेहे.
6
तो चांबडा धंदो केअनारो शिमोन नावा माहा कोअ रेहे तिया काेआ दरीया तोडीवे हाय.
7
एहेंकी आखीन होरग्या दुत जोतो रीयो, आन कर्नेल्याय तिया बेन आवत्यांहान आन तिया आरी एका धर्मी शिपायाल बी हाद्यो.
8
आन तियाय तियाहान बाद्या गोठ्या आखी देखाव्या, आन यापो सेहेराम मोकल्या.
9
बिहिरा दिही ते माअही यापो गावाम आले आन तो दिहुवेल्यो टाईम आथो, तिज टाइमाप पेत्र प्रार्थना केरा खातोर उच्चे धाबाप गेहेलो.
10
ताहा पेत्राल खुबूज पुख लागी तियाल कायतेबी खाव एहकी जिव वेरा लाग्यो आन ते पेत्राकेअता मांडो वाटो केअनु तियारी कअतलेज तातहामुजे तेा बेसद्ध वी गियो.
11
ताहा जुग उगडी गिया आ नचादरा होच चारी सेडा तिईन सोडलो एक चादरो तोरतीवे उती रियोहो ऐहकी तियाल दर्शन देख्यायो.
12
आन तियाम बादीजाती चालणारे, सरपटणारे, आकाशाम उडणारे पक्षी आथे.
13
या फाचे पेत्राल एक आवाज उनयो आलो. “पेत्रा उठ यामेअने केल्लो बी जनावर माअयीन खो.”
14
ताहा पेत्राय आख्यो, “नाय नाय प्रभु, खावनु नाय एहेडो बाटाली वस्तु मायु कीदीज खादी नाहा.”
15
तो आवाज फाचे उनया आलो, “पोरमेराय या वस्तु चोख्या केअलया हाय, तियाहाल तु इ बाटालो हाय एहकी आखोहो मा.”
16
एहकी तीन दाव वेअयो आन तो बासनो तुरुतूज दुगाम लेवाय गियों.
17
जो दर्शन वेअयो तिया अर्थ काय वेरी एहकी पेत्र जाहा विचार केअतलो ताहा देख कर्नेलय मोकलुला,
18
तिया ही फुच्यो “शिमोन पेत्र इहीज रहे का?”
19
जो दर्शन वेअयो तिया अर्थ काय वेरी एहेकी पत्र जाहा विचार केअतलेा.
20
तु उठ आन निचे जो, मोनाम काविंज शंका नाय केअता तियाहां आरी जो , काहाका मायुय तियाहान तोइही माेकलुला हाय.
21
ताहा पेत्र निचे उतीन तिया माअहांही आवीन आखा लाग्यो, “देखा, तुमा जियाल होदताहा तो आयज हाय, तुमा काहाल इही आलाहा?”
22
तियाहाय पेत्राल आख्यो, “सैनिकाहां मोडो अधिकारी कर्नेल्याय आमाहान मोकलयाहा तो धर्मी आन पोरमेहेराल बिइन चालनाराे हाय, बादा यहुदी जाती लोक तिया वेलेने हारी साक्षी देताहा तियाल पोरमेहेरा दुताय ऐहेकी आख्यो का “तु पेत्राल को हादिन तियावेने हारी बातमी उनाजे”
23
ताहा तियाहान तियाय कोअमे हादी लेदा आन तियाहान तिहीज रात राऱ्या आन गोवारचाकरी केअयी, बिहिरा दिही पेत्र तियाहा आरी जा खातोर निग्यो, ताहा यापो सेहेरामेने थोडाक विश्वासी पावूहू तिया आरी गिया.
24
बीज्या दिह्या दिही पेत्र कैसरिया सेहेराम पोचनु आगलाज कर्नेल्य तिया जातुलाहान आन हेंगात्याहान काेअ टोलवीन तिया वाट जोवतोलो.
25
ताहा पेत्र कोअमे जाहालो ताहा कर्नेल्य तिया हूंबूर आलो आन तिया पागे पोड्यो.
26
पेन पेत्रया तियाल आख्यो “उठ, उबी रे, काहाका मायबी तो होसुज माहू हाय.”
27
फाचे पेत्र तियाआरी गोगतो गोगतो कोअमे गिइयो, ताहा माजमे खुबूज माअहे टोलवाले आथे ते तियाय वेअये.
28
ताहा पेत्राय तियाहांन आख्यो, “तुमाहान मालुमुज हाय, यहुदी जाती माअहांय जे यहुदी नाहा तिया लोकाहां आरी संबंध थोवनु आन तियाहा आरी आन तियाहा आरी कोअ जावनु इ यहुदी नियमांहा विरुद्ध हाय, पेन केलाला बी माअहाल बाटालो नेता खाराब ऐहेकी आखा नाय जोजे, एहकी पोरमेहेराय मान देखावलो हाय.
29
इयाखातोर तुहाय मान हाद्यो ताहा काविज शंका नाय केअता आय आलो पेन आय फुचूहू, तुमाहाय मान केहेंडा खातोर हाद्योहो ?
30
ताहा कर्नेल्याय आख्यो, “ आय चार दिह्या आगला मा काअमे दिह्यावेला तीन वाजा टेमावे प्रार्थना केअतोलेा ताहा देखा अजलेफुल पोतडे पोवले एक माअहु मा हुंबूर उबी रिइन आखा लाग्यो,
31
“कर्नेल्या, पोरमेहेरा तो प्रार्थना उनायोहो आन तुयूय केअलो दान धर्म बी देवाय वेअयोहो,
32
फासे तियाय आख्यो, “ यापो सेहेराम केडाल बी मोकलीन पेत्र आखतेहे तिया शिमोनाल हादी ली आव, तो दाऱ्या तेडीवे चांबडा धंदो केअनारो शिमोना कोअ गोवारो आललो हाय,
33
इया खातोर मायुय तुरुतु माअहे मोकल्ये आन तु तियाहा आरी इही आलो. इ खुब हारो केअयो पेन प्रभुय जो काय आखा खातोर तुमाहान आख्यो तो उनाया केअता आमा बाद्दे पोरमेहेरा हुंबूर आलले हाय.
34
ताहा पेत्र आखा लाग्यो, “खरोज माल आमी इ होमजाय गियोहो का, पोरमहेराल बाद्दे माअहे सारखेज हाय.
35
केल्लो माहु केअलाला देशा हुंबूर जरुल्या नाह पेन केल्ला बी देशामने केल्लाे बी माअहु जर देवा भक्ती कहे आन देवाल जो पोटेहे तो केअहे तियाल देवा जोगे लेहे.
36
येशु ख्रिस्त आज बादांहा प्रभु हाय, इयाकीज पोरमेहेरा शांती हारी बातमी आखी ताहा तिया जो वचन इस्त्राएल जाती लोकाहांही मोकल्या तो इज हाय.
37
जाहा भविष्यवक्तो योहान बाप्तिस्मा बोद्दल प्रचार केअतलो ताह गालील प्रांतामेने सुरु विइन बादा यहुदीया प्रांताम फैलाय गेहली गोठ ता तुमाहान ता मालुमज हाय.
38
नासरेथ गांवामेन येशुल पोरमेहेराय चोखो आत्मो आन सोकती देदी तो हारे कामे केअतलो काहाका पोरमेहेरा तिया आरी आथो.
39
तियाय यहुदीया प्रांताम आन यरुशलेम सेहेराम जो हारो काम केअयो तिया आमा साक्षी हाय पेन यहुदी पुढारी लोकाहाय येशु ख्रिस्ताल क्रुस खांबाव खिला ठोकीन माय टाक्यो.
40
पेन माय प्रगट वेरा जोजे इया खातोर पोरमेहेरांय तियाल तिसरे दिही फाचे जीवतो केअयो.
41
तो बादा लोकाहान प्रगट नाहा वेअयो तो मोअलामेने जिवतो उठ्यो ताहा आमाहाय तिया आरी मांडो खादो.
42
येशुय आमाहान एहेकी हुकूम देदो, लोकाहान हारी बातमी आखा, जीवताहा आन मोअलाहां न्याय निवाडो केराखातोर पोरमेहेराय नेमलो तो आज हाय एहकी आज्ञा देदी.
43
जो केअडो येशुप विश्वास थोवी तियाल क्षमा मिली, येशु नावाहाकी त्या माहाल पाप माफी मिली, ऐहेकी खेरो हाय भविष्यावक्ता तिया बोद्दल देताहा.”
44
पेत्र इ बाद्दो गोगगतोलो ताहाज बाद्दा माहाप चोखो आत्मो उत्यो.
45
जे यहुदी जाती नाहा हाय तियाहावे बी चोखो आत्मो उतलो हाय इ विइन पेत्रा आरी आल्ला यहुदी विश्वासी लोकाहान नोवाय लागी.
46
काहाका जे यहुदी जाती नाह ते लोक जुदी-जुदी भाषा गोगीन पोरमेहेरा स्तुती केअतला इं ते उनाया.
47
ताहा पेत्राया आख्यो, “इयाहा पाअयाहाकी बाप्तिस्मो नाय वेअनारो एहकी केडो आखी सेकणारो नाय, जेहकी आमाहान चोखो आत्मो मिल्याहो तेहकी तियाहान बी मिल्योहो.
48
आन येशु ख्रिस्ता नांवा की तियाहा बाप्तिस्मो वेरा जोजे एहेकी पेत्राय हुकूम देदो, ताहा तु थोडाक दिही इही रेजे एहेकी तियाहांय तियाल राअव्या केअयी.
Chapter 11
1
यहुदी लोकांहे सुध्दा देवा वचना स्विकार केलो हाय ई यहुदीया प्रांतामने प्रेषिताही आन पावुहु उनाया.
2
पेन जहा पेत्र यरुशलेम सेहराम आलो ताह सुंता वेअलो यहुदी विश्वासी गट तीयावे टिका केरा लाग्या.
3
त्याये आख्यो, जे सुंता नाहा वेअला आन परराष्ट्रीय आमी अेहेडा विश्वास थोवणारा ऐहडा लोकांहा कोअ तुमा गीया ओतोज नेय ताे तुमा आरी मांडो बी खादो.
4
ताहा पेत्राय तियाहान बाद्या गोठी सुरवात कीईन खुलासो किईन आख्यो.
5
पेत्राय आख्या, आय यापो सेहेराम प्रार्थना केतलो आथो ताहा मान गंगी आल्यासारखो वेयो आन मायुय एक दर्शन वेयो का मोडो बासना होसे चार कोपरा तिइन सोडली एक चादेरा माही आलो.
6
आन तियाहोवे तिरखिन विइन विचार केतलो आथो, मायुय तियामे पृथ्वीपेन चार पागा जानावरे, जगलुमेन चिडे, डेडीकी होरनारा जीव आन जुगामे उडनारे चीडे तियाम वेअये.
7
एक आवाज मा आरी गागता आथे उनायो, पेत्रा ऊठ, आन माअय रेवो.
8
पेन मायुय आख्यो “प्रभु आय एहेकी कीधीज केनरो नाहा, मायुय खराब आन बाटालो ऐहडो किधीज खादो नाहा”
9
जुगामेने बिहिरी दाव ऐहेकी आवाज उनायो “देवा जी वस्तु चोखी केअली हाय ती बाटाली हाय एहकी मानहो मा”
10
एहेकी तीन दाव वेअयो आन तो बादो फाचो उच्चे जुगाम लेवाय गियो”
11
ओतामुंज देखा ती माअही ज्या कोओमे आमा आथो तिया आगला कैसरीयाने माअही मोकलुले तीन माअही आवीन उबे रीये.
12
ताहा आत्माय मान आख्यो “काविज शंका नाये तेअता तियाहा आरी जोा ऐ सोव पावुहू जे इही हाय तेबी माआरी आथो आमा कर्नेल्या कोओ गिया.
13
कर्नेल्याय तिया काअमे देवदुत उबो रेहलो एहेकी आमाहान देखाये तियाय आख्यो, “देवदुत कर्नेल्याल आख्यो, “थोडेक माअही यापो ही मोकल आने शिमोन पेत्राल हादी ली आवा आख.
14
तो तोज आरी गोगी तो जे गोठ्या तुल आखी तियाहाकी तोअ आन तोअ कुटूंबा तारण वेरी
15
ताहा आय गोठ्या आखा लाग्यो, सुरवातीलुज जेहेकी पवित्र आत्मो आपुवे आले तेहेकीज ते तियाहावेबी आलो.
16
ताहा माल प्रभुय आखली गोठ इत आली प्रभु आखतुलो आथो, ‘योहान माअहा बाप्तिस्मो पायाहाकी केतलो अेहकी तो खेरो पेन तुमा बाप्तिस्तो पवित्र आत्म्याकी वेरी’
17
आपुहीय प्रभु येशु ख्रिस्तापे विश्वास थोव्यो ताहा जेहेकी आपुहूल तेहेकी यिाहानबी देवाय हारकेज दाने देदे, ताहा देवाल अटकावनारो आय केडो ?
18
जाहा तियाय ए गोठ्या उनाया ताहा ते ठाका रिया तियय देवा स्तुती केअयी आन आख्यो, तियाहाल देवाय विदेशानबी पास्तावो केरान संदीहाय का तियाहान जीवन मिले तिया खातोर हाये.
19
स्तेफनाल माअयी टाकलो ताहा जे सताव वेयो तियाकी जे विश्वास थोवनारे यरुशलेम सेहरामने जेहेतेहे वेरगाय गेहला ते फेनीके क्रुप बेटावे आन संत्युखिया सेहराहाय लुग वेरगाय गिया, विश्वास थोवणाऱ्याही इया जागावे यहुदी लोकाहानुज देवा वचन आखाम आलो.
20
तियाहामेने बाकी विश्वास थोवणारे कुप्र आन कुरेने तिही रेणारे आथे, जाहा ते लोक अंत्युखियान आले ताहा तियाही त्या ग्रीक लोकांहान येशु विषयी हाऱ्या गोठ्या आख्या,
21
प्रभु तियापे विश्वास थोवनाराहान मोदत केतलाे आथाे आन खुबूज लोकाही विश्वास थेाव्यो आन ते प्रभुल ओखा लाग्या.
22
इया बोदलाबातमी येरुशलेम सेहेरामने विश्वास थोवनाऱ्या मंडळी लोकाहान बर्णबाल अंत्युखिलाय मोकल्यो,
23
बर्णबा हारा माअहु आथो, तो पवित्र आत्माकी आन विश्वासाहाकी पुरेपुर पोरालो आथो, जाहा बर्णाबा अंत्युखियाल गियो ताहा तियाय वेयो का देवाय इ लोकाहावे खुबूज मोया केअयीही तीया खातोर बर्णबाल खुब खुशी वेअयी अंत्युखियामेने बांदा विश्वास थोवणाराहान तीयाय हारी रिती होमजावी देदो, तियाही तियाल आख्यो, कोधीज तुमा विश्वास गोमावो नाहा, पुरा मोनाकी प्रभुम टिकीन रेजा.
24
तो हारो माअहु आथेा आन तो पवित्र आत्म्याकी आन विश्वासाहाकी पुरेपुर पोरालो आथो, ताहा प्रभुही खुबूज लोक आला.
25
जाहा बर्णबा तार्सासाम गिया ताहा तो शौला होद केतलो आथो,
26
जाहा बर्णबाय तियाल होद्यो ताहा तियाय शौलाल तियाआरी अंत्युखियाल ली आलो, शौलाय आन बर्णबाय बरहोलुग तिही मंडळी आरी रिईन खुबूज लोकाहान हिकव्या अंत्युखियामेन येशु चेलाहान ख्रिस्ती इ नाव पेअली दाव मिल्यो.
27
फासे इयाज दिहामे थोडाक भविष्यवक्ता येरुशलेम सेहेरामने अंत्युखियाम आला.
28
ताहा तियाहामने एका नाव अगब आथो अंत्युखियाम तो उबी रियाे आने गोगा लाग्यो, पवित्र आत्म्याम पोरायान तो आखा लाग्यो खुबूज कोडा काल बादी दुनियावे आवी रेहलो हाय लोकाहान खाआ खातोर मांडो मिलनारो नाहा, क्लौदिया राजो राजकेअतलो आथो ताहा तिया दिह्याहाम इ वेलो.
29
विश्वास थोवनारा लोकाही ठोरव्यो का यहुदीयामेने आपु पावूहू बोअयाीही खातोर जाहाकाम जाहाको मोदत, दान टोलविन मोकला कोसीस केजा बादा चेलाहाय जाहाकाम जाहाकी मदत मोकलवुलो ठेरव्यो,
30
तियाहाय पौसा टोलविन बर्णबा आन शौल तियाहावे देदा, ताहा बर्णबा आन शौल तियाही ते पौयसा याहुदियामने मंडळीमने डायाहान मोकली देदा.
Chapter 12
1
तियायज दिहाम हेराद राज टेमावे मंडळीमेने थेाडाक लाेकाहान तारास दा खातोर तियाहावे आथ टाकयो.
2
योहाना पावुहू योकोबाल तियाय तारवायोकी माय टाक्यो,
3
हेरादाय वेअयो का यहुदी मोडा लोकाहान तो हारो लागयो तियाहाल तियाये पेत्रालबी तिई दा खातोर ठेरव्याे तो बेखमीन माडो दिही आथो.
4
हेरोदाय पेत्राल तिईन कचेरीम कोडी देदो तिया देखरेख केरा खातोर चार-चार सिपाडा थोवी देदा, वल्हाडण सण पारवायो ताहा पेत्राल लोकाहा हुबूर ली आवा एहेकी तिया विचार आथो.
5
आन पेत्राल कचेरीम थोवाम आलो पेन मंडळीमने लोक एक सारखा देवाल प्रार्थना केतले आथे.
6
पेत्र बेन सिपाडा वोचमे हुतलो आथो, तियाल बेन हाकलीकी बांदाम आल्लो आथो, कचेरी बाअणाही आजी थोडा सिपाडा रखवाली केतला आथा, ती राती वेला आन हेरादाय एहेडा विचार केयाे का बिहीरे दिही पेत्राल लोकाहा आगला लि आवुलो.
7
ताहा देखा आगला परमेश्वरा दुत तिही आवीन उबी रिया कचेरी खोलीम मोडो उजवाडो पोड्यो देवदुताय पेत्राल खुकीम आथलीन तियाल उठव्यो, देवदुताय आख्यो “महार उठ” ताहा पेत्रा आथामेन्यो हाकलया नीगी पोड्या.
8
देवदुताय पेत्राल आख्यो पोतडे पोवीले आन तो पागाहाम चापले पोव ताहा पेत्राय पोतडे पोव्ये, आन देवदुताय आख्यो तोअ डोगलो डीलाम पाेअव आन मा फाचला आव.
9
ताहा देवदुत बारे निग्यो आन पेत्र तिया फाचला चाला लाग्यो, पेत्राल हामजातुलो नेय का इ खेरो खेरो काय वी रियोहे, तियाल एहेकी लागतुलो का आये होपनो विई रियाहो.
10
फाचे पेअला आन बिहिरा जागल्या हान उनखालीन पेत्र आन देवदुत लोखुंडा बाअणापाही आवी पोच्या तो तियाहा खातोर तिया तियाज उगडी गियो आन देवदुत बाअणामेन बारे पोड्या, तियाहाय एकवाट उनखाली गिया आन तिहीज देवदुत पेत्राल सोडी दिन निगी गियो.
11
पेत्राल ताह होमजायो का हुदीज काय वेयो तो आन तियाय आख्यो “आमी माले होमजायो का प्रभुय खेरो खेरो तिया दुत माअही मोकल्यो आन तियय माल हेरोदा आथामेने आन यहुदी लोकांहा मा बोदल नाश वेअनु आश आथी तियामेने सोडवी लेदो.
12
इ गोठ होमजायो ताहा पेत्र मरीया कोओ गियो ती योहाना याहाकी आथी (योहानाल मार्क बी आखतुले) खुबूज लोक तिही टोलवाला आथेा ते बाद्दे प्रार्थना केतला आथा.
13
पेत्राया चौवठा बाअणो ठोकताल ताहा रुदा नावा पोयरी फाटको उगडावा आली.
14
तियुय पेत्रा आवाज तुरुतु होमज्यो आन ती खुबूज खुशी वेअइ, ती फाटका बाअणो उगडावा विहीराय गिई ती दोवडीज काअमे गियी आन लोकाहान तियुय आख्यो “पेत्र बाअणाही उबलो हाय”
15
विश्याथोवणारे हाय रुदाल आख्यो, “तु गांडी विइ गियी ही” पेन पेत्र बाअणाही उबलो हाय एहेकी रुदा घेडी घेडी तियाहाल काकलाय आखा लागी ताहा लोकाहाय आख्यो, “तो पेत्रा दुत वेरी”
16
पेन पेत्र बारणे फाटका बाअणो एकसाखो ठोकतो रिया जाहा विश्वास थोवणाऱ्याही फाटका बाअणो उगडव्यो ताहा तियाही पेत्राल वेअया आन तो विईन तियाहान नोवाय लागी.
17
पेत्राय आथा इशारो किइन तियाहान ठाको राख्यो, फाचो तियाय प्रभुय कचेरीमने केहेकी माल लि आलो तो बाद्दो तियाहान आख्यो, तियाय आख्यो, याकोब आन बाकी पावुहून बी इ काय वेअयो तो आखी देखावजा, ऐहेकी आखीन पेत्र तिहीने बिहिरा जागावे निगी गियो.
18
बिहिरे दिही सिपाडा खुबूज कावराय गिया, पेत्रा काय वेअयो वेरी इया ते इतवुता रेहला आथा.
19
हेरोदाय पेत्राल बांदीहोवे होदी वेया पेन तो तियाहान सापड्यो नाहा, ताहा हेरादाय राखवाली केअणाराहान प्रश्न फुच्यो, आन तियाहान माय टाकनु हूकूम देदो, ताहा हेरोद यहुदीया प्रांतामेने निगी गिया तो कैसरीया सेहेराम गियो आन तिही तो थेाडाक दिही रिया.
20
हेराद सोर आन सिदोन देशामेने लोकाहावे खुबूज खिजवाय गेहेलो आथो, ते लाक टोलवायन हेरादाल मिला आलो, ब्लस्तलाल इयाल पाटावीन मिला खातोर राव्याकेअयी ब्लस्त आ राज खास सेवक आथो, लोकाहाय हेरोदाआरी शांतते विनवनी केअयी काहाका तियाहा देश ओनाजधन्य बाबतीम हेरादा देशवे पाल व्यातली आथो.
21
हेरोदाय तियाहान मिला खातोर एक दिही ठोरव्या निदीही हेरोदाय तियाखुब हारा राज गादीवे बोहुलो पेहेराव पोवलो आथे ता रागादीप बोहीन लोकाहा हुबूंर भाषण केरा लाग्यो.
22
लोक मोडाकी बोबलीन आखा लाग्या, ‘इता देवा आवाज हाय’ माआहा नाहा हेरोदाय इ स्तुती अंगीकार केयी.
23
आन तियाय देवाल मान देदो नाहा, तीयाहाल परमेश्वरा दुता तियाल टाकीन पाडी टाक्ये आन तो किडे पोडीन मोय गियो.
24
देवा वचन जाहाका जाहाका लोकाहापाही फेलातो गियो आन लोकाहान चेला बनवुता गिया, विश्वास थोवणाराहा टोलो दिहेन दिही मोडो वेतो गियो.
25
बर्णबा आन शौल तियाहा यरुशलेम सेहेरामेने कामे पारवावीन ते अंत्युखियाल फाचे आला तियाहाय योहान इयालबी तियाहाआरी लेदा.
Chapter 13
1
अत्युखिया सोहेरामेने खिती मंडळीम बर्णबा, शिमोन, तिग्र, कुरेने गावामेने लुक्य आन जो हेराद राजा आरी हानापने मोडो वेलो मानाएल आन शौल भविष्यवक्ता आन हिकवुणारा गेरु आथा.
2
ते आखो प्रभु भक्ती आन उपाय केतलो ताहा पवित्र आत्मा य तियाहान आख्यो “बर्णबा आन शौल इयाहान मायुय जिया कामा खातार हादला हाय तिया खातेार तियाहान जुदा की थोवा.
3
तियाल मंडळीय उपवास अन प्रार्थना केया आन तीया बर्णबा आन शौल इया डोवाप आथे थेावीन प्रार्थना ेया आन तीयान मोकली देदे.
4
इया रितीकी पवित्र आत्माय बर्णबा आन शैल इयाहान मोकल्या ताहा ते सलुकीया सेहेरामने गीये पाय तिहीने समुद्रा मार्गे कुप्र बेटावे गिया.
5
ते जाहा सलमी सेहराम आला तहा तीया यहुदी लाकाहान प्रार्थना कोमे जायन परमेश्वरा बचन आखी देखाव्या आन योहानय बी तीयान मदत केअनारो आथो.
6
ते आखा बेटावेने फिरान पफे सेहेराम पोच्या पफे सेहेराम तयान एक यहुदी माहु मिल्या तो जादे चमत्कार देखावतलो आन तिया नाव बयैयु आथो, तो खोटो संदष्टो आथो.
7
बयैयु सिर्ग्य पैल इया आरी रऊला प्रयत्न केतला सिर्ग्य पोल राज्यपाल आथो तो हुशार आथेा तीयाय बर्णबा आन शौल इयान तीया जागे हाद्ये, तीयाय तियापेने परमेशरा वचन उनानु तिया इच्छा आथी.
8
पेन आयीम जादुगार (तिया नावो अर्थ ओच हाय) बर्णबा आन शौल इया विरुध्द आथेा राज्यापालाल भोरुसो थोवा नाया जाजे तियाल अलीम जादुगाराय तीया मोने फीरवुला प्रयत्न केया.
9
पेन शोल जीयाल पोल बी आखतले तो पवित्र आत्माकी पोराला आथेा पौलाय तीया वेल एक सारखो वीन आखा लाग्यो,
10
ओ सैताना पोयरा तु दुष्टाई की आन खोटो पणाकी पारालो हाय धार्मिक गोठी दुश्मना तु प्रभु नीट वाटील वाकडी केनु सोडनारो नाहा का ?
11
आमी वे प्रभु तुल शिक्षा देनारो हाय तु आंधालो वी जोहो तोडा टेमुकी तुल दिही देखानारो नाहा तुरुतुज तियावे तुवाराहोंच आवी गीयो तीया डोवा आगला आंधारा पोडी गीयो आन तो आंधलो बी गियो ताहा तियाल कडो तेबी आथ तिन ली जो जोजे इयाखातोर तो ऐहेतेहे केडाल तेबी होदा लाग्यो.
12
ताहा वेयो तो बिन अधिकात्याल नोवाय लागी आने तियाय प्रभु बदल हिकवुनुपे भोरुसो केयो.
13
फासे पौल आन तिया हेंगात्या लोक पफे मेने समुद्रमार्गे जहाजाम बोहीन पंफुल्या प्रांतामेने पिर्गा सेहेराम गीया ताह योहान तियाहान सोडीन फासे यरुशलेम सेहेराम गीयो.
14
फाचे ते पिर्गा सेहेरामने निगीन फिरता फिरता पिसिदिया प्रांतामेने अत्युखिय सेहेराम पोच्या आन शब्बाथ दिहा दिही भक्ती पोंगाम जाईन बोठा.
15
निमयशास्त्र भविष्यवक्ताहा पुस्तक वाची पारवाय ताहा भक्ती पोंगा अधिकाऱ्याय पौलआन बर्णबाल तीयान आखी मोकलया मेराला पावुहू तुमा पणे लोकाहान कावी हिकवुनु वचन वेरीता आखा.
16
ताहा पौल उबो रिया आन आथ ेउचे कीन आखा ल्याग्यो आ इस्त्राइल लोकांहा आन परमेरा धाक पारखुनारा लोकाहा उनाया .
17
इस्९ाएलु लोकाहा परमेश्वराय आपु आगला डायाहान निवडी लेदला ते लोक मिसर देशाम गुलाम आथेा ताहा तियाय तियाहान वादाव्या आन तिया सोकती की तिहीने सोडव्या,
18
आन देवाय जंगलाम चालीस वर्षा लुग तीयान सहनशिलता देखावी.
19
20
देवाय कनान प्रदेशामने सात राष्ट्राहा नाश केयो देवाय तिया जमीन तीयाहा लोकाहान देद्या. इ
20
आख्यो साधारणपने चारशेपन्नास वर्षाकी वेया तीया नुतर देवाय शमुवेल संदष्टा लुज न्याय केनारा अध्िाकारी ठरवी ददो,
21
फासे लाकाय राज्या मागणी केई देवाय तीयान किशा पोयरो शौल इयल देदो, शौल आ बन्यामिन जातीमने आथो तो चालीस वर्षालुग राजा आथो.
22
नंतर देवाय शौलाल काडी टक्यो देवाय दावीदाल तीया राजो बोनाव्यो, दावीदा बदल देवय एहकी आख्यो का इशाया पोयरो दाविद मान मा मोना होस मिल्योहो मता मा आखी इच्छा पुरी की.
23
जेहकी परमेश्वराय शपथ लेदली तेहेकीज दावददा जातीमेने इस्त्रायला लोकां खातोर येशुय आ तारनारो मोकलयो.
24
येशु आवुला आगला आख इस्त्रायल लोकाहान योहानुय आख्यो पासतावो किन पायाकी बाप्तिस्मो लेवुला बोदल तियाय आखा लोकाहान आख्यो.
25
योहान तिया काम पुरा केललो ताहा तिययाय लोकाहान आख्यो तुमान आय केडो हाय एहकी तुमहान लागेहे ? आय तो नाहा पेन वेरा जो केडो मा फाचाडाी आवेहे तिया पागा मेने चापलाहा दोरी सोडणारा गुलाम वेरा ओतीबी मा लायकी नाहा.
26
मा पाउुलहा अब्राहामा कफऱ्यामेने पोयरा हा आन यहुदी नाया वेरी तेबी खेरा देवा महीमा केनारा ऊनाया या तारणा बातमी आमाहान आखली गेहली हाय.
27
यरुशलेमेने सेहेराम रेनारा यहुदी लोक आन तीया अधिकारी इयाय येशुल आख्यो नाहा येशु आजे तारणारा आथेा येशु बादाय जो संदेष्टाय लिखलो आथो ते यहुदी लोकाहावातो प्रत्येक शब्बाथ दिही भविष्यवक्ताय वचन वाची देखावलो आथेा पेन तेबी तीयान तो होमजायो ताहा यहुदी लोकाय येशुल गुनेगार ठरऊलयाकी तीयाय भविष्यवक्ता आखलो खेरो वेयो.
28
येशुल काहा मारा जोजे इया खरो कारण केडाल सापड्या नाहा पेन तेबी तीयाय पिलाताल आख्यो का इयाल माय टाका.
29
शास्त्राम येशु बदल या गोठ्या लिखल्या आथ्या का जो तो तीया आरी वेनारो आथेा इ आखो या यहुदी लोकाय केयो फासे तीयय येशुल वधस्तंभावेने नीचे उताव्या आन तीयाल कबरीम थोवी देदो.
30
पेन परमेश्वराय तीयाल मोलामेने फासे जीवतो केयो.
31
तीया नुतर खुप दिहा आगला जे लोक येशु आरी आथा तीयान गालील प्रांतायन यरुशलेम सेहेरालुग येशुय तीयान दर्शन देदो ते लोक आमी तीया साक्षीदार बोनीन लोकाहा हुबूर हाय.
32
जो वचन देवाय आगला डयान देदलो आथेा तो त्या गोठ्या आमा तुमाहान आखताहा.
33
परमेश्वरा येशु ख्रिस्ता फासे जीवतो वेया तो वचन तुमान आमा पोयरा हा खातोर पुरो केलो हाय स्त्रोत्र दुसरा आध्यायाम एहकी लेखलो हाय (तु मा पोयरो हाय, आज मायु तुल जोल्मदेदलो हाय)
34
आतोज नाय पेन तो होडी नाया जा जोजे इयाखातोर परमेश्वराय येशुल मोला मेने जीवतो उठव्य तिया बदल एहेकी लेखालो हाय दाविदाल देदलो पवित्र आशिर्वाद माय तुमाहान देहे.
35
तीयाल आजी एका स्त्रोत्राम ऐहकी लेखालो हाय (तु तो पवित्र माहाल कबरीम होडी नाया जा देनारो)
36
काहाका दावीद राजो दवा इच्छे प्रमाने सेवा कीन मोयो आन तीया आगला डायाहाआरी तीयल पुराी देादे आन कबरीम तीया शरीर होडी गीयो.
37
पेन तीयाल पेरमेश्वराय मोला मेने पासे जीवतो कयो तीयाल होडुला अनुभव आलो नाहा.
38
मा पाऊलाहा आमा जो आखी रीयाहा की तो तुमा होमजील्या इयाकीज तुमाहा पापाहा माफी तुमाहन मिली.
39
मोडो नियम शास्त्र पालनुकी धर्मी नाय वी सकते पेन येशु ख्रिस्तापे विश्वास केनारो केडो बी पापाहामेने सुट्टो वीइन धर्मी वि सेकेहे.
40
संदेष्टाय जो आखले हाय त्या गोठ्या आख्या वी सावध रेजा या गोठया तुमा आरी वेरा नया जोजे तीया खातोर होमजीन रेजा.
41
पेरमेश्वरा निंदा केअनारा लोकाहा वेरा तुमा नोवाय केरा आन नाश वी जाहा काहाका आय तमा दिहाम एक काम किहु तो काम एहकी हाय तुमहान केडो बी होमजावीन आखी तेबी तुमा तियापे भोरुसो केतारा नाहा.
42
पौल आज बर्णबा भक्ती कोवामेने बारे जातला ताह लोकाहा राव्या किन आख्यो “आमाहान आगला शब्बाथा दिही या गोठी बदल आजी वाद आखजा.”
43
आन भक्ती सभा पारवाइ ताहा यहुदी जाती लोकाहामेने यहुदी नियम पालनारा खुबूज लोक पौल आन बर्णबा इया आरी गीया आन तुमा परमेश्वरा दयाम दिकी रेजा एहकी तीयाय तीयान विनंती केयी.
44
बिहरा शब्बथ दिहादिही तीया सेहेरामने आखा लोक परमेशरा वचन उनाया खातोर टोलवाया.
45
पेन खुबूज लोक टोलवाया ऐहकी वीन यहुदी लोकाहान रोग की आली आन पोलाय जे गोठ्या आख्या तीया विरध्द कीईन तिया निंदा केरा लाग्या.
46
ताहा पौलाय आन बर्णबया हिंमत कीन आख्यो, परमेश्वरा वचन पहीलाज तुमान आख्या जोजतलो पेन तुमा तिया विरुद्ध केअताहा आन सोता अनंतकाल जीवना तूमा लायकी नाहा तियाल आमु आमी बिहजा देशामेने बिहजा सेहेरा वेल जाहु.
47
काहाका प्रभुय आमान आज्ञा देदेली हाय मायुय तुल जे यहुदी नाह यिता लोकाहा खातोर उजवाडो होच किन थोवलो हाय इया खातोर का तु तोरती वेने आखा लोकाहान तारणा मार्ग देखावी शकहो.
48
इजी गोठ पौलाय आख ताहा जे यहुदी नाय आथेा ते लोक खुश वी गिया आन तियय परमेश्वरा वचना गोरव केयो, ताहा तीया लोकामने आरदा लोकाय वचनापे भोरुसो थोव्यो आन अनंतकाला जीवना बाठो निवडाय गेहला.
49
आन परमेश्वरा वचन आखा देशाम आखाय गीयो.
50
ताहा यहुदी लोकाहांय तीया सेहेरामेन आरदा धार्मिक बाया आन डायान धमकावी देदे आन तियाहान पौल आन बर्णबा इयाहान तारास दिन तियाहान सेहेरा बारे काडी देदे.
51
ताहा पौल आन बर्णबा इयाय तीया पागावने उदलो झोटक्यो आन ते इकुण्या सेहेराम गीया.
52
इही येशु चेला आनंदा की आन पवित्र आत्माकी पुरा वेया.
Chapter 14
1
फाचे पोल आन बर्णबा इकुन्यासेहेराम यहुदी लोकाहा सभास्थानाम कोमे गिया आन तिही यिताह तीाय लोकाहाआरी गोग्याका तीयामेने यहुदी लोकाय आन ग्रीक लोकाय जो तीयाय आन आरधो मीायप भोरुसो थोव्यो.
2
पेन आरादा यहुदी लोकाय भारुसो थाव्यो नाहा तियाप पराष्ट्रीया लाकाहा मोने भोटकावे आन पावुहू विरुध्द मोन बीगडावी देदे.
3
ते खुबुज दिही तीही रीया आन प्रभु बद्दल हिंमत की गोठया आखातला प्रभुय तिया कृपा वचना बदल निशाथा आन नोवाय लागे एहडे काम किइन साक्षी देदी. परमेश्वरा पोल आन बर्णबा चमत्कार आन अदभुत कृत्ये केरा मदत केइर् ते जो काय आखतला तो खेरो वेयो.
4
ताहा तिया सेहेरामेने लाकहाल वेन भाग वी गीया थेाडाक लोक यहुदी लोकाहा आरी गीया आन थोडाक प्रेषितांहा आरी गीया.
5
ताहा पौल आन बर्णबा इयाहा अपमान किन डोगडा की ठोका खातोर जे यहुदी तहा ते लोक आन यहुदी लोक आन तियाहा पढाऱ्या हि ठाकीज योजना केयी.
6
ऐहकी केनारे हाय इ मालुम पोडला आगल्या तियाय तो शहर सोडी देदो, लुद्रा व दर्बे इया सेरुवातीया देशा नगराम ते गीया आन तीया सेहेराम तीया चारी सोमखी जागाप ते गीया.
7
आन तीही तीया परमेश्वरा वचन आखा लाग्या.
8
लुसत्र सेहेराम एक माहु आथो तिया पाग पांगलो आथो तेा जनमुलो तेहवाऱ्यो पांगलो आथो आन तो कीदीज चाललो नाय आथो.
9
पौल जाहा वचन आखतलो ताहा तो माहु उनातलो पौलाय तयावेल वेया आन माय हायरो वेहे एहेकी भारुसो तीया माहाल आथो.
10
पौलाय आख्यो, “तु उठ आन तो पागाप नीट उबो रे” ताहा तो माहु कुदीन उबो रीयो आन चाला लाग्यो.
11
पौलाय जो चमत्कार केया तो लोकाय जाहा वेयो ताहा ते लोक लुकवनीया भाषेम आखा लाग्या “परमेश्वर माहा रुप लीन आमाहाम उती आल्लो हाय.”
12
तियाय बर्णबा जुपिततर आख्यो, आन पौलाल मुर्क्यरी आखे पौल ओ मुख्या गोगणारा आथो.
13
ज्यपितर मंदिर जागे आथो तिया पुजानारो बौयल आन फलाहा आर बाणाही ली आलो आन लोकाहा आरी जाईन वस्तु अर्पण केरुला एहेकी तिया विचार आथेा.
14
इ उनाईन बर्णबा आन पौल इयाय होमजाव्यो ताह तीयाय पोतडे फाडे आन लोकाम धोवडी जाईन बोंबलीन आखा लाग्या
15
लोहाका या गोठ्या तुमा काहा की रीयाहा आमा देवा नाह जेकी तुमान वाटेहे तेहकी आमहान बी वाटेहे आम तुमान जीवतादेवा वचन आखा आला हा आमा तुमाहन ऐहकी आखता का ते वाया गेहल्या गोठीवेने तुमा मोने वोलवा, खेऱ्या जिवता देवा ही तुमा मोन लागवा, तीयाय आकाश, पृथ्वी, समुद्र इ आखो बोनावुलो हाय.
16
तीयाय लागला वी गेहल्या दिहाम बादा देशामेने लोकाहन तीया तीया मोरजीकी चाला देदो.
17
देवाय ऐहेड्या गोठया केया की तीया वेलान तो खेरो काय इ होमजाया जोजे तो तुमावाटो हारा जो हाय ता केया तो तुमाहान आकाशामेने पाय देहे, टाईमाप तो तुमान पीक देहे तो तुमान खुबूज तुमा खेतुम पाका देहे तो तुमा मोने पोराय आतो आंनद देहे.
18
ऐहेकी आखीन पौल आन बर्णबाय जे लोक अर्पण तीहाय केनारा आथा तियान तियाय कठीन रीती की आटकाव्या.
19
ताहा अंत्युखिया आन इकुन्या इहीने काहीक यहुदी लोक तीही आले तीयाही लोकसमुदाया मोने आपु बाजुम वोलवे आन पोलाल डोगोडमार केयो, तीयाम पोल मोय गियोहो ऐहकी होमजीन तीयाही तीया आचकीन सेहेरा बारे टाकी आले.
20
पेन शिष्य पौला सोमखी टोलवाया ताहा पौल उठीन फासे सेहेराम गीया आन बीहीऱ्या दीही तो दर्बे सेहेराम गियो. अंत्युखियाम फासे आवणु.
21
आन तिया सेहेराल सुर्वाता आखीन वारेक माहान तियाही शिष्य केया, तीया नंतर लुस्त्र, इकुन्या आन अंत्युखिय सेहेराम फासे आले.
22
आन तियाही तीहीने शिष्याहान येशुवेने विश्वासाम बलकट केये. तीयाही आपो विश्वासाम टीकी रां जेजे तीया खातोर तीयाहान उत्साहीत केया तीयाही आख्यो, “खुब दुखान मुय देखावीन आपुय देवा राज्याम प्रवेश केरा जोजे.”
23
पौले आन बणर्बाय मोडलीम वडीलाजाहाल नेमनुक केयी, तीयाही इया वडीलांहाखातोर उपास आन प्रार्थना केया, प्रभु येशुव विश्वास थोवनारे वडील आथेा तियाल पौलाय आन बर्णबाय तीयाहान प्रभु आथाम होप्यो.
24
पोल आन बर्णबा पिसिदीया प्रांताम गिया ताहा ते पंफुलियाही आले.
25
तियाही पिर्गा सेहेराम देवा संदेश देदो आन फाचो ते अत्तलिया सेहेराम गीया.
26
फाचो तीहीने पौल आन बर्णबा सिरीया प्रांतामेनी अंत्युखियाम समुद्रामार्गे गिया, जो काम तीयाही पुरो केलो आथो तीयाहा सुरवात तियाही देवा कृपेकी अंत्युखियामच केयी आथी.
27
v 27 जे जाहा तीही पोच्या, ताहा तीयाही मोंडलील एखटे हाद्ये आन देवाइ तियाहा बाबतीम जे जे गोठ्या केया त्या तियाहाय आख्या तेहेकीज बिहीऱ्या देशामेने परराष्ट्रीय लोकाहांमे देवा विश्वसाकी काय वेयो तो आख्यो,
28
फाचे ते विश्वासनाराहां आरी तिही बारेक दिही रीया.
Chapter 15
1
ताहा थोडाक यहुदी लोक ख्रिस्ती वेअला लोकाहान एहकी आखा लाग्या ‘मोश नियमशास्त्रा रितीकी तुमा सुतेा नाय केयी ता तुमा तारण नाय वे’.
2
एहकी हिकवुणारा लोका आरी पौल आन बर्णबा इया खुब गोगबोल वेयी ताहा पौल आन बर्णबा तियामेने थोडाक लोेकाय यरुशलेमाम जाईन दयु गोठी बोदल सल्लोला जोजे एहकी ठरव्यो.
3
जाहा तिहीने मंडही लोकय तियान मोकल्या आन ते फेनी आन शेमरोनसेहेराम लुगने जाहला आन जे यहुदी नाया आथेा त्या लोकाय परमेश्वरा मानी लेदा इ गोठ आखी देखावी ती उनायाने जिहीने आखा लोक आनंदी वी गीया.
4
फासे ते यरुशलेम सेहेराम आला ताहा तीहीने मंडही प्रेषीत आन डायाय तीया स्वागत केयो ताहा परमेश्वराय तियाआरी रिन जे मोडे मोडे कामे केये ते बोदे तियान आखी देखावे.
5
पेन परुशी पंथामने ख्रिस्तापे भोरुसो थोवणारा थोडाक लोक आगाडी आला आन आखा लाग्या तिया लोक सुंता वेरा जोजे आन मोशे नियमशास्त्रा पालनु तीयन काज्ञा दा जोजे.
6
इया गोठी बोदल प्रेषीत आन मंडळी डाया विचार केरा टोलवाया.
7
जाहा खुबूज गोठ्या वेया ताहा पेत्राय उबो रिन आख्यो “मा पावुलाहा आय ख्रिस्ता हाऱ्या गोठ्या आखेहे तियापे जे यहुदी नाहा तया लोकाय भोरुसो थोवा जोजे इयाखातोर पहीलाज तुमा खातोर परमेश्वराय मान निवडुला हाय.
8
आन मोनामोन विचार होमजुनारा परमेश्वराय जेहेकी आपुहुन पवित्र आत्मो देदलो हाय तेहकीज तियाहान बी देदलो हाय तीया बदल साक्षी देदीह.
9
तियय तियाहा मोने विश्वास की शुध्द किन तियाहान आन आपुहून सारखाज राखला हाय.
10
एहकी हाय तेबी जो जुहरो आपु आगला डायाय आन आपु बी उखली नाय सेकतेला तो चेलाहा बोचीप थोवीन तुमा परमेश्वरा परीखा काहाल वेताहा.
11
पेन आमा एहकी विश्वास केताहा का आपु लोकाहा आन जे यहुदी नाहा तिया लोकाहा तारण प्राीु येशु कृपेकी वेरी.
12
ताहा बादा लोक ठाकाज रीया आन बर्णबा इयाहाकी परमेश्वराय जे यहुदी नाहा तीया लोकाम जे जे निशाण्या आन नोवाय लागे एहडे कामे केये ते गोठ्या प्रेषिताय आन मंडही डायाहाय उनाय लेद्या.
13
जाहा ते गोठ्या आखी पारवाया ताहा याकोबाय आख्यो, “मा पावुलाहा मा गोठ्या उनाया
14
15
यहुदी नाहा तिया लोकाहामेने परमेश्वरानावा खातोर थोडाक लोकाय निवड केरा खातोर तो तियाहान केहकी मिल्यो इ शिमोनाय आखलो हाय आन या गोठी आरी भविष्यावक्ता गोठी ही बी मीलल्या तो शास्त्राम लेखलो हाय.
16
आय फाचे फिरी आवेहे आन दावीद राजा पोडी गेहलो तंबु फाचे उबो केहे आन टुटलो फाटलो हुदरावीन तीयाल फाचे उबो केहे.
17
इयाखाातोर का बाकी रेहेला लोकाय आन जे यहुदी नाह तिया लोकाहाम मा नावा देदलो हाय तिया बादाय प्रभुल होदा जोजे.
18
इ दुनीया जेहे वारी उपजी तेहेनेज ए गोठ्या केनारा प्रभु एहकी आखेहे.
19
“इया खतेर मा विचार हाय जे यहुदी नाहा ते लोक परतेश्वराल मानी नेताहा तियान तारास नाय दा जोजे. पेन नियाहान एहकी लेखीन मोकला जोजे वाईअ कामे आन मुर्तीपुजा अर्पण केअला वस्तु माले जनावरे रोगत इ खावनु नाय.
20
काहाका खुब वोराहा पेहेलाज शब्बाथ दिहा दिही सभायीम मोशे भविष्यवक्ता नियमशास्त्र वाचीन आखी देखावनारा लाक बादा सेहेराम हाय.
21
ताहा पोल आन बर्णबा इशआरी आपु मंडळीमेने निवडुले माहे बर्शब्बा आखतले तो यहुदा आज सीला पुढएरी आथा इयाहान अंत्युखिया सेहेराम मोकल्या ताहा हारो वेरी एहकी वादी मंडहील प्रेषिताहान आन मंडही डायाहान हारा लाग्यो.
22
तियाहान तियाय एहकी लेखीन मोकल्या अंत्युखिया सेहेरामने आन सुरीया किलीकिया प्रांतामेने यहुदी नाय आथा जियामेने विश्वासी पावुलाहान प्रेषित तयान मंडळी डायाहायने सलाम.
23
आमा मेने थेाडाक लोकाहय जाइ्रन काय तेबी आखीन तुमाहान काबरावीन तुमा मोने खागावागा किन तारास देदलो हाय एहकी आमान मालुम पोडलो हाय पेन तियाहान आमाय तेहकी हिकवुनु अधिकार देदलो नाहा.
24
तियाल आम एकमत वेयो ताहा आमान जो हारो वाट्यो का
25
आपु प्रभु येशु ख्रिस्ता नावा केता जे मोगबी तयार वेला आपु वेती पावुहू बर्णबा आन पौल इयाहा आरी थेाडाक निवडुला लोक तुमाही मोकलुहू इ आमन हारा लाग्यो.
26
इयाखातोर आमाहाय यहुदाल आन सीलासाल तुमाही मोमलुला हाय ते तुमाहाय ए गोठ्या आखी देखावी.
27
काहाका जरुरी गोठीही शिवाय तुमापे जास्ती बोजो टाकणु नाय एहकी शुध्द आम्हाल आन आमान बी हारा लाग्यो.
28
पेन तुा धंदे काम मुर्तील पुजली वस्तु खावला वस्तु कोगी दाबीन माले जनावरे खा ताहा तुमा सुखी वेरा आन तुाम बादान सलाम.
29
तियान मोकल्या ताहा ते अंत्युखिया सेहेराम गीया आन बादो मंडळी लोकान टोलवीन तो पत्रो देदो.
30
तिया पोत्रामेन हुसरावाणऱ्या गोठ्या वाचीन ते खुश वी गीये.
31
यहुदा आन सीाल ए बेनी भविष्यवक्ता आथो इयाखातोर तियाहाय खुबूज गोठ्या आखीन तियाान दिव्यिाआन विश्वासम मोजबुत केये.
32
ते तिही थोडाक दिही रिय आन जियाहान तियाय मोकलुला तियाही जा खातोर ते तियार वेया ताहा तिहीन विश्वासी पावुलाह तियाहान शांती की मोकली देदो.
33
पेन सालासाल आजी तिही रेवुन खुब हारो लाग्यो.
34
आन पौल आन बर्णबा अंत्युखिया सेहेरा रिन खुबूज लोकाहन प्रभु वचन हिकवतला आन ख्रिस्ता हारी बातमी आखतला.
35
फासे थोडक दिहाकी पौलाय बर्णबाल आख्यो जियाजिया सेहेराम आपुया प्रभु वचन आख्योहो तीही आजी जाईन लिहीने पावुलान मिलीन ते केहकी हाय तो विहु.
36
जिया योहानाल मार्क बी आखतेहे तियाल तियाहा आरी हादी लेवनु बर्णबा विचार आथो.
37
पेन पौलाल लाग्यो पंफुल्या सेहेरामेने तो आपुन रा दिइन निगी गेहलो आन आपु आरी प्रभु येवा करा आलो नाह तियाल आपु अरी लेवनु हारो नाहा.
38
इया गोठी की तियाम बोलाबोल वी गीइ आन ते जुदा जुदा बी गीया आन बर्णबा तिया आरी मार्काल हादीलीन जहाजाम बोहीन कुप्र बेटावे गीया.
39
पेन पौलाय सीलासाल निवडी लेदो आन विश्वासी पावुलाय तियाल प्रभु कृपाम होपी देदो आन तिहीने नीगी गीयो.
40
आन ते सुरीया आन किलीकिया प्रांतामेने बादी मंडळीन विश्वासाम
41
मोजबुत केता केता गीया.
Chapter 16
1
फासे तो आ दर्बे आन लुस्राम बी गियो आन वेरा तिहीइ तिमथ्यी (तिमथ्य) नावा केडो एक माहु सेवक आथो तोओ विश्वास थोवणाऱ्या केडाआ एक यहुदी बाई पोयरो आथो तिया बाहाका हेल्लेणी आथो.
2
तिया लुस्त्रामेने आन इकुन्यामेने पावुमेने एक हारा नाव आथो.
3
तिया आपुआरी आवा जोजे एहकी पौला इच्छा आथी ताहा तया ठिकाणाप जेअे यहुदी आथे तियाखातुर तिया तियाल लिईन तिया सुंता केयी काहालका तिया बाहको ग्रीक हाय इ बादाहान माहिती आथो.
4
ताहा तिया गावागावाम जाईन यरुशलेम सेहेरामेने प्रेषित आन डाया हाय जेअ ठराव केलो आथो तेअे तियाहान मानाखातोर नियुक्त केयो.
5
इयापेने मंडळ्या विश्वासाम स्थिर वेया आन दिह्याम दिही वादत्या गिया.
6
फासे आशिया देशाम वचन आखा खातुर तियाहान पवित्र आत्माय मनाई केयी तियाखातोर त फ्रुगिया आन गलतिया इया देशामेन गिया.
7
आन मुसिाय देशाहुदी आलो ताहा बिथुनिया देशाम जाआ तियाया कोशीस केयी पेन येशु आत्माय तियाहान जाआ मनाई केयी.
8
फासे तो मुसिाय पाहीनेअ जाईन त्रोवसा सेहराम गियो.
9
तिहु राती पौलाल ऐहकी दर्शन वेयो की मोसेदारनियाम केडो एक माहु उबो रिईन आपनेहेन विनुती केतो हायत का “इयु वेला मासेदोनियाम आवीन आमालाल मदत केअ”
10
तियाल ऐहकी दाखलो वेयो तिया फासे तिया माहान हाऱ्या गोठ्या आखाखातोर देवाय आमाहान हादले हाय, एहकी अनुमान किइ्रन आमा मोसेदानियाम जाआखातोर तरुतुज विचार केयो.
11
तहा त्रावासमेने जाहाजाम बोहीन आमु सिांध समथ्राकेस बेटाल गियो आन बिहिरे दिही नियापुलीस सेहेराम गियो.
12
तियाहान फिलीप्पे सेहराम गया ते मोसेदोनीया इया भागामेने पेलोज सेहेर आथो. तिही रोमन माहा वहतीई हाय तिया सेहेरामआमु कोअताक दिही रीया.
13
फासे शब्बाथ हिदी आमा बाणा फाटकूबारे खाडी तेडीप तिही प्रार्थना वेतीइ वेरी एहकी आमाहाल लाग्यो तिही जायन बोठला आन जियु बाई तिही खुप हारी आखला आथो तियुआरी तो गोगतलो आथो.
14
तिही लुदिया नावा केडीएक बाई आथाी र्ती थुवतीरा गावा आथी तीयुये आमा भाष उनाया तियु मोन प्रभु ऐहकी उत्साहीत केया कीइ पौला आखुल वेला मन लागव्यो.
15
फासे तियाु आने तियु कौअने माहा बाप्तिस्मो वेयो ताहा तियुय ऐकी विनंती केयी का, “माय प्रभुप विश्वास थोवनारी हाय ऐहकी जाहा तुमूह मानता ताहा माआ कौअ आवीनइ्रन ऱ्या” तियु नम्रविंन र्ती विनंती आमाहाल माना पाड्यो.
16
फासे ऐहकी वेया का आमा प्रार्थना ठिकाना वेला जातला ताहा केडो एगोहो एक पुथडो लागला पोयरी आमाहान मिली तिया शारीराम पुथडो आथो, तीही दैव प्रश्न जीवना बाराम आखीन खुप पौसा कामावीन तिया तोनाराला देतली.
17
तीही पौला आन आमा फासला आवीन खुब मोडा आवाजावाय बोबलुतली आन आखतुली कि “इ माही परात्पर देवा दास हाय आन इया आमाहान तारणा वाट देखावताहा”
18
एहकी तीइ खुब दिही लुगत आखती रीयी आन पौलाल खुब दुख लाग्यो, आन फासला फिरीन तो तियाल पुथडा आत्माल धमकावीन आख्यो “येशु ख्रिस्ता नावा की आय तुल आज्ञा दीहु की तु इयो बाई मेने निगी जो” आन तो पुथडा आत्मो तुरुतुज निगी गियो.
19
फासे तियु बायी पोयसाकामावलु धंदो बोंद विइ यिा ऐहकी तीयु तोराराल मालुम पोड्यो ताहा पौलाल आन सीला इयाहान तिईन चोकुम अधिकारी पाही खुचीन ली आलो.
20
आन यिताय तियाहान अधिकारी माह आगला उभे किइन आख्यो, “इ माही यहुदी हाय आन आमा नगराम तकलीफ दिई रेहला हाय.”
21
आन आमाहाल रोमन माहाल जोआ रीतीरीवाज जोओ माननु आन पालन केरुला योग्य नाहा, तेअे ऐ हिकवुताहा.
22
ताहा माही तियाप उठ्यो आन अधिकारी तिया पोतडे फाडीन काडी टाक्ये, आन तियाहान चापका वाय टोक्यो आन आज्ञा देदी.
23
फासे खुब फटकाआ टोक्या आन तियाहान जेलुम लिइन कोंडी देदो. आन तियाहा जेलुल चौकी केनारा शिपाइ तिया देखरेख केरा हुकूम केयो.
24
तियाहान एहेडो हुकूम मिल्या ताहा तिया तिया हान माजमेने खोलीम कोंड्या आन तिया हातुम आन पागुम बेड्या टाकीन तियाान कोंडी देवाम आला.
25
जाहकी राती विई गिइ ताहा पौल आन सिलास प्रार्थना केतला आन गीत भजन आखीन देवा स्तुती केअताला आथा ताहा जेलुमने माह आन शिपाई तिया उनातला.
26
ताहा एकाएक एहडो मोडो भुकंप वेयो का जेलु पायो आली यिा बादेज बाअणे तुरुत उघडी गियो आन बोदोज बंधन आथो तोओ सुटी गियो.
27
ताहा जेलु रखवाली केअनारेा शिपाई जागी उठ्याआन जुलु बाणे उघउुले विईन आन जेलुमेने कौदी नाही गिया ऐहकी होमजीन तो शिपाइ्र तिया कररामेने थोवली तलावरीकी सोताल माय टाका आथो.
28
ओताम पौलाय मोडो आवाज किइन बोबलीन आखे का, तु सोताल हाकी नुकसान पोचवोहो माआ काहाका आमुहू बादेज जाआ इहिंज हाय.
29
फासे दिवा लिइन तो माजमे दौवडुतो आलोआन कांपतो कांपता पौलाल आन सिलासा पागे पोड्यो.
30
आन तियाहान बाहेर काडीन आख्यो, “साहेब, माआ तारण वेरा खातोर आय काय केरा जोजे ?”
31
तियाय आख्यो, “प्रभु इसुअप विश्वास थोव आन तोओ कौआने माहा उध्दार वेरी”
32
तियाय तियाहान आन तोआ कौअने वादाज माहाल प्रभु वचन आख्यो.
33
फासे रातीज तियाय लिई जाईन तियुज वला तियाय तियाहान पाय लिईन तिया जखम तोव्या आन तियाज समयुप तियाही आने तिया कौअने माहा बाप्तिस्मा लेदो.
34
फासे तियय तियाहान कोअ लावीन निपहान माडो खातोर देदो. आन देवाप विश्वास थोविन तियाय आन तिया कोअन मंडळी खुब खुशी मनावीइ.
35
दिही निघ्यो, ताह अधिकारी चोकीईदाराल मोकलीन आख्यो, “तिया माहन सोडी द्या”
36
ताहा लोक अधिकारी पौलाल ऐहकी बातमी देदीइ्र का “तुमाहाल सोडा खातोर अधिकारी माहाही मोकलया ताहा आमी तुमा शांतीवाय जाआ”
37
पेन पौलाल तियान आख्यो का, “आमुहू रामन माही हाय तेबी आमाहान गेनेगार ठरवीन तियाय आमान उघडकीश चापका की टोकीन जेलुम टाक्या, आन आमी तेज आमाहन ठाकाज काहा सोडताहा ? इ चालनारो नाह तेबी तियाम खुद आवीन आमान बारेलीन जाआ जोजे.”
38
फासे चौकीदारांन ए गोठ्या अधिकाऱ्यान आख्या तहा ते रोमन हाय इ उनाया ताहा तियान बीख लागी.
39
फासे तियाही आवीन तियाआरी हमजहमजी केयी आन तियांन बारे लावीन गावामेने निघी जाआ विनंत केयी.
40
फासे तेअ जेलुमने निधीन लुदिया कोअ गिया पावुहू मिलीन तियांन तियान धीर देदो, आन ते तिहीने निगी गीया.
Chapter 17
1
फासे ते अंफिपुली आन अपुल्लोनिया इया सेहेराम जाइन थेस्सलनीकास सेहेराम गिया तिही यहुदी लोकांहा भक्तीस्थान आथो.
2
तिही पौलाय तियारीतीकी तियाहान जाइन तिन शब्बाथ दिहीलुग तियाआरी शास्त्रालेखावेने वाद विवाद केया,
3
तियाय शास्त्रलेखा मने वचने होमजावीन एहेकी आख्यो ख्रिस्त दुख होमजिन आन मोनामेने फासे जिवी उठणु इ नक्की ठोरवुलो आथो, आन जिया येशु प्रचार आय तुमाहान किहु तेाज तेा ख्रिस्त हाय.
4
ताहा तियाहामने खुबूज लोकाहा खातरी किन पौल आन सिाला इयाहान आविन मिल्यो, आन ग्रीक भाषा गोगणारा इयाहा मोडो टोलो तियाहान मिल्यो, तियाहाम प्रमुख बाया केल्लया थोड्या नेय आथ्या.
5
पेन यहूदी लोकाहाय तियाआरी बाजारामने थोडाक गुंडा लीजायने आन गर्दी किन सेहेराम दोंगो केयो, आन यासाना कोअनु लोकांहा आरी भानगड किन तियाहान लोकांहा हुबूर बार काडीन ली आवनु कोशिस केयी.
6
पेन तियाहान ते नाहा सापड्या ताहा तियाहाय यासोन आन खुबूज विश्वासी पावुहून सेहेरा अधिकाऱ्यांहा आचकीन ली जायन बोंबलीन आख्यो “जियाहाय दुनिया उलटी सुलटी केयी ते इहीबी आल्ला हाय,
7
तियाल यासोनांय तिया को हादलो आन ए आख्ये लोक कैसर राजा हुकूमान बाद्दा विरुध्द केताहा, आन येशु नावा केडो तेबी बिहिरो राजो हाय एहकी आखताहा”
8
ऐहेकी आखीन तियाहाय लोकाहान आन सहेरा अधिकाऱ्याहान खिजवी देदा.
9
फाचे तियहांय यासोना आन बाकी लोकाहा जीमन लीन तियाहान सोडी देदा.
10
फासे विश्वासी पावुलाही पौल आन सिलासाल रातीज बिरुया मोकली देदो ने तिही पोच्या तहा यहुदी लोकांहा भक्ती कोवम गिया.
11
तीहीने लोक थेस्सलनी लोकाह केता हारा मना आथा तियाहाय खुशीकी वचने मानी लेदले आन ए गोठ्या खेऱ्याज हाय का, इया बद्दल ते दिनरोज पवित्र शास्त्राम होदतुला.
12
इयामने खुबूज लोकाहांय आन जे यहुदी नाय केनारे आथे तियाहा मेने खुबूज बायीहीय आन आदमयाहांयबी विशवस थोवलो.
13
तेबी पौल परमेश्वरा वचन बिरुया सेहेराम बी आखी रेहोलो इ थेस्सलनी सेहेरामने लोकाहान मालुम पोड्यो ताहा तियाहाय तिहीबी जायन लोकांहान चेतवी देदला.
14
ताहा विश्वसी पावुलाही पौलाल तुरुतुज दोरीयावेला मोकली देदो आन सिलास आन तीमथियुस तीहींज रीया.
15
ताहा पौलाल पोचवुनारा तियाल अथेनै सेहेराही लुग ली गिया, सिलास आन तीमथियुस ए तियाही माहारुज आवा जेजे तियाय देदलो हुकूम उनायन ते फासे निग्या.
16
पौल अथेनै तियाहा वाट जोवतुलो तो सेहेर मुरती की पोलो हाय एहेकी विन तिया मनाम खुबूज रोग की आली.
17
इयाखातोर तो भक्ती कोवाम यहुदी लोकाहा आरी आन ग्रिक भाषा गोगणारा भक्तलोकाहां आरी आन बाजाराम जे लाक तियाल मिलतुला तियाहां आरी रोजदिही गोठ्या केतुलो.
18
ताहा एपिकुर पंथा मेनु आन स्तोयिक पंथा मेनु इयाहाआरी खुबूज गुरु लोकाहाय तिया विरुध्द केयो खुबूज लोक आखा लाग्या, ओ बडबड्यो काय आखेहे बोकी लोक आखा लाग्या, ओ बिहिरा देवाहा प्रचार केनारो मालुम पोडेहे, काहाका येशु फांसे जिवी उठी इया बद्दल हाऱ्या गोठ्या तो केतुलो.
19
फासे तियाहाय तियाल तीन अरिथ्पग टेकडापली जाईन आख्यो, तु देदली इ नवी शिकवण काय हाय आमाहान होमजावीन आखोहो का,
20
काहाका तु आमाहान मालुम नाहा ऐहेड्या गोठ्या उनावतोहो इया इर्थ काय हाय इ होमजाीव दे एहेकी आमा इच्छा हाय.” काहाक तुाम आमाहान होमजुत्या नाहा ऐहड्या गोठ्या उनावाता हा इया अर्थ काय हाय इ होमजावी द्या एहेकी आमा इच्छा हाय.
21
काय तेबी नव्या गोठ्या आखलया उनाया शिवाय आख्या अथेनैकर आन तिही रेनार पारका लोक इया टाईम जातुला नेय.
22
ताहा पौल अरिथपग सबाम उबो रिन आखा लाग्यो, “ओ अथेनै सेहेराम रेनारा लोकाहो तुाम बादी रितीहीकी देवी देवाताहा केनाराहाय एहकी मान देखायेहे.
23
काहाका माय फिरतो फिरतो तुमा पुजनु वस्तु देखायो ताहा एक वेदी लाम देखाइ, तिया तुमाहान कावींज मालुम नाहा तेबी तिया भक्ती केताहा तिया बद्दल आय तुमाहान आखुहू,
24
जिया परमेश्वरा दुनिया आन तिया मेने वस्तु उबजावी जो होरगा आन तोरती मालिक हाय तो आथाकी बांदला मंदिराम नाहा रेतो.
25
आन तियाल कावी कमी पोड्यो इया खातोर माहायं तिया सेवा चाकरी केरा जोजे एहेकी बी नाहा, काहाका जीवन श्वास आन बांदो काय तो सोताहा बादाहाने देहे.
26
आन तियाय एकाहीने माहा आख्खी दुनिया उबजावी तियाहाय पृथ्वी बांधी फाचाळी रा जोजे एहेकी केलो हाय, आन तिया होपलो टाइम आन तिया रेवनु देशाहा हिंव्या तियायज ठारवुल्या हाय.
27
इयाखातोर का तियाहाय परमेश्वरा होद इया आशाकी केरा जोजे आन तियाल होदीन केहेकी तेबी मिलवी ला जोजे, तो आपुहूमेने केडाहाय नुबी दुर नाहा.
28
काहाका आपु तियामुज जिवताहा चालताहा आन हाय पेन तुमाहांमेने कावी लोकाहांय आखलो हाय, का आपु खेरा तियाज पोयरे हाय,
29
यिताहाल आपु परमेश्वरा पोयरे हाय ता माहा चतुराई की आन तिया हा मानामेने विचाराहांकी कोडला होना चांदी नेता डोगडाहा बोनावल्या मुरत्या परमेश्वरा हाय एहेंकी तुमा नेया होमजा जोजे.
30
ओकल नाहा ऐहंडा लोकांहा वेल परमेश्वर वेता नाह पेन आमी बदाहाय फासतावेा केरा जोजे एहेकी तो लोकाहन हुकूम देहे.
31
तियाय ऐहेंडो एक दिही होपलो हाय का जिया दिलाल तो आपुहून तियाय तियायल मोलामनु उठविन तियाबद्दल प्रमाण आख्खान पाटावलो हाय.
32
ताह मोलामनु फांसे जिवी उठनु गोठ उनायान खुबूज लोक निंदा केरा लाग्या खुबूज आखा लाग्या, ‘तुमा आखताहा इयु गोठी बद्दल आमा आजी फांसे उनायुहू.’
33
इ गोठ बी गियी ताहा पौल तियाहायनु जातो रीयो.
34
तेबीबी बाकी लोकांहाय तिया आरी रीन विश्वास थोव्यो तियाहाम दिओनुस्य, अरीयपग आन दामारी नावा एक बाय आन तिया अरी बिहिरा खुबूज लोक आथा.
Chapter 18
1
पौल अथेनै सेहेरामने निंगीन करींथ सेहेराम गियो.
2
करींथ मे पौल एक यहुदी माहाल मिल्यो तिया नाव अक्विला एहेडो आथो तो पंतय प्रांतामेने रेणारो आथो, तिया कोवाली प्रिस्किल्ला इयुआरी निसमो ताो इटलीनु आल्ले आथेो काहाका यहुदी लोक रोम सेहेर सेाडीन जाता रा जोजे एहेकी कलौदय काडलो आथेा, पौल तियाहान अक्विला आन प्रिस्किल्ला मिला गेहेलो.
3
पौलाहोस ते तंब बनवुनो काम केतला तो तियाहा आरी रियो आन तियांहा आरी काम केरा लाग्यो.
4
प्रत्येक शब्बाथ वराल पौल भक्तीकोवाम यहुदी लोकांहा आरी आन ग्रीक लोकांहा आरी गोगतुलो, आन यहुदी आन ग्रीक लोकांहा मने फिरवुनु काम केतुलो.
5
जाहा सिलास आन तीमथियुस मासेदोनिया प्रांतामने आला, येशु आजे ख्रिस्त हाय एहेकी पोल यहुदी लोकाहन साक्षी दा लाग्यो.
6
पेन यहुदी लोकाहाय पौलाल विरोध केयो तियाल यहुदी लोक वाईट रितीकी गोग्या ताहा तिया खेरो गोगलो देखावा खातोर पौलाय तिया डिलापनु पोतडे झेटक्ये, तो यहुदी लोकाहान आखा लाग्यो जर तुमा तारण वेयो नया ता तो तुा दोष हा तुाम रोगत तुमाज मुनकाप पोडे मा मन खेरो हाय इहीनु आगडी काय जे तुल बोहकुला नाहा तिया लोकाहाय जाहे.
.
7
पौल तिहीनु निग्यो आन भक्ती कोवापाही रेनारो तित युस्त नावा परमेश्वरा भक्ती केनारातिया को गेहलो.
8
तिया भक्ती कोवाम क्रिस्प ओ पुढारी आथो क्रिस्पसाय आन तिया कोवामन आख्खाय परमेश्वराप विश्वास थोव्यो.करींथमेने खुबूज लोकांहाय पौला गोगुलो उुनाया आन विश्वास केया आन तियाहान बाप्तिस्तो केराम आलेा.
9
एक दिही राती परमेश्वराया होपनाम पौलाल आख्यो, बीयो नाह गोगतो रे ठाको रेहेव नाह,
10
माय तो आरी हाय आन तोप केडोज नुकसान केरे नेय आन तुल इजा केनारो नाहा काहाका इयासेहेराम मा खुबूज लोक हाय.
11
तियाहाय पोल तिही डोळ वोरोहो लुग परमेश्वरा वचन हिकवुतो रिया.
12
जाहा गल्लियो अखया प्रांता अधिकारी आथेा ताहा यहुदी लोकाहांय पौला विरुध एकजुट कीन आला आन तियाल न्याय सबाम उभो केयो.
13
यहुदी लाक आखा लाग्या “ओ माहुव इयु रीतीकी लोकाहान परमेश्वराा भक्ती किकवुतलो का जे नियमशास्त्रा विरुध्द हाय.
14
पौल कायतेबी गोगणारे आथे ओतामुंज गल्लियो यहुदी लोकाहान आखा लाग्यो एगदो गुनो नेता खोटी गोठ रेती ता उनाय लेतो आन खेरो मानी लेतो.
15
पेन इ बोलचाली शब्दाहा नावाहा आन तुमा नियमशास्त्रा हाय इयाखातोर इ गोठ तुमांज मिठवी लेजो इयु गोठीही आय न्याय नाय केअनारो.
16
फासे गल्लियाय तियाहान न्याय सबाबमनु बारे काडी देदो.
17
फासे तिया आख्खाय भक्तीकोंवा अधिकारी सोस्थनेस इयाला न्याय केनु जागा हूंबूर मार देदो, पेन गल्लियाय तियाहोवे ध्यान नाहा देदो.
18
पौल विश्वासी पांवाहाआरी खुबूज दिही रियो फासे तो निंग्यो आण सिरीया देशाम समुद्रामार्गे गियो आन तियाआरी प्रिस्किल्ला आन अक्विल्ला ए बेनी आथे. पौलाल किख्रिया सेहेराम तिया मुनको बोडी लेदो काहाका तियाय मानतो केलो आथो.
19
फासे ते इफिस सेहेराम आले पौलाय प्रिस्किल्ला आन अक्विल्ला तियाहाय तिही सोडले तो भक्तीकोवाम गियो आन यहुदी लोंकाआरी गोठ्या केया.
20
v 20 जाहा तियाय तियाल तिही आजी थोडाक दिही रा आख्यो ताहा तो राजी नाहा वेयो.
21
फासे जाता जाता तो आखा लाग्यो परमेश्वरा इच्छा वेरी ता आय तुमा इहि फासे आवेहे फासे ता समुद्रामार्गे इफिससेहेरामम निंग्या.
22
जाहा पौल कैसरीया इही आलो ताहा तो तिहनु उपे यरुशलेम सेहेराम गियो आन मंडळीले भेट्यो फासे ता एठा अंत्युखियाल गियो.
23
तिही तो थोडाक दिही तो रिन गियो आन गलतीया आन फ्रगिया इया प्रांतामने हिकहिकानाप प्रवास केतो गियो. तियाय येशु चेलाहान विश्वासाम मजबुत केया.
24
अपुल्लो नावा एक यहुदी आथो तो आलेक्सांद्र सेहेराम जन्म वेलो तियाय मोडो शिक्षण लेदलो आथो तो इफिस इही आलो तियाल शास्त्रलेखा खुबूज ज्ञान आथो.
25
परमेश्वरा मार्गाकी शिक्षण तियायल देवाम आल्ला आथो तो आत्मा की पोरालो आथो येशुबद्दल हारी रितीकी हिकवुतलो आन गोगतुलो तेबी तियाल फोक्तो योहाना बाप्तिस्मोंज मालुम आथो.
26
तो भक्तीकोवाम हिंमतकी गोगो लाग्यो ताहा प्रस्किल्ला आन अक्विल्ला इयाहाय तियाहा भाषण उनायान तियाल जागे हादी लेदो, आन तियाल परमेश्वरा मार्गा बद्दल आजी वाद आखी देखाव्यो.
27
अपुल्लो आख्या देशाम जावुलो आथो ताहा विश्वासी पावुहूय तियाल हुशरावी देदो आन तिहुनु येशु चेलाहान तियाहा स्वागत केरा बद्दल लिखलो, जाहा तो पोच्यो ताहा जियाहाय कृपाकी येशुप विश्वास थोव्यो तियाहान तियाय खुप मदत केयी.
28
आखनु गोठ्या तियाय यहुदी लोकाहान खुप मोडाहाकी हाख्या, आन पवित्रशास्त्रालेख आधारे येशु आज ख्रिस्त हाय एहकी आख्यो.
Chapter 19
1
ताहा एहेकी वेयो का आपुल्लोस करींथ सेहेराम आथो ताहा पौल गावा गावाहाम फिरीन इफिस सेहेराम आलो तिही तियाल थोडाक चेला मिल्या.
2
पौलाय तियाहान फुच्यो जाहा तुमाहाय विश्वास थोव्यो ताहा तुमाहान पवित्र आत्मो मिल्यो का ? तियाहांय तिया आख्यो, “पवित्र आत्मो काय हाय इ आम उनाया बी नाहा”
3
v 3तो आखा लाग्यो ता काहाल बाप्तिस्मो देतलो ताहा लाग्या योहाना बाप्तिस्मो.
4
पौल आखा लाग्यो योहाना पासतावा बाप्तिस्मो देतलो आन तो लोकाहान आखतुलो का मा फाचडी जो आवनारो हाय तियाप लोक विश्वास थोवा जोजे, तो आवनारो म्हणजे येशु हाय.
5
जाहा तियाहाय इ उनायो ताहा तियाहाय प्रभु येशु बाप्तिस्मो लेदो.
6
आन जाहा पौलाय तिया आथ तियाहाप थोव्यो ताहा पवित्र आत्मा तियाहाप आलो आन ते बिहऱ्या बिहऱ्या भाषाम गोगा लाग्ये आन भविष्य आखा लाग्या.
7
इया गटामनु आख्या मिलीन बारा लोक आथा.
8
पौल यहुदी भक्तीकोवाम जातुलो आन ती मोयना हिंमतीहीकी गोगतुलो परमेश्वरा राज्याबद्द गोठ्या केतुलो आन यहुदी लोकाहा मन फिरवुतलो.
9
पेन तियाहामनु थोडाक लोक कठिन मना वेया आन तियाहाय विश्वास थोवा नाकार केया, आन परमेश्वरा मार्गाबद्दल खोटा गोगा लाग्या फाचे पौल तियाहमनु निंगी गिया आन चेलाहानबी तियाहामनु जुदा केया आन तुरन्ना शाळाम रोजदिही तियाआरी गोठ्या केया.
10
ऐकी बेन वोरेहे लुग चाल्यो ताहा इया परीणाम एहकी वेया का आशिया प्रांताम रेणारा बाद्दा यहुदी आन ग्रीक लोकाहाय लुग प्रभु येशु वचन पोचव्यो.
11
परमेश्वराय पौला आथाकी खुब मोडा चमत्कार केराव्या.
12
पौला शरीरा वेने रुबाल नेता पोतडे ली आवीन काहीक लोक एक गोठ्या बिमारी लोकाहाप थोवतुला जाहा ते एहेकी कतुला ताहा आजारी लोक हारा वि जातुला आन तियाहामेन पुथडे बी निंगी जातले.
13
v 13 थोडाक यहुदीबी आख्खुसे प्रवास केतुला आन लोकाहामनु दुष्ट आत्मे काडतुला, ते दुष्ट आत्माहाकी पोराला लोकाहामनु प्रभु येशु नावाकी दुष्ट आत्मे.
14
ते आखतुमा पौल जिया इसु नावाहाकी आखतुला तिया माय तुल हुकूम किंहूव स्किवा नावा यहुदी लोकाहा मोडा सेवकाहा सात पोयरा आथा ते एहकी केअतुला.
15
पेन एकदाव एक दुष्टआत्मा तियाहान आखा लाग्यो माय येशुल वोहकुहू पौल मान मालुम हा पेन तु केडो हाय.
16
ताहा जियामाहाल दुष्टआत्मो लागलो आथो तो तियाहापे कुदी बोठो आन तियाहान खुब मार देदो, ताहा ते बेनी उगडाला आन रोक्ताला वीन कोमेनु निंगी नाठा.
17
इफिस इही रेणारा आख्खा यहुदी लोक आनग्रीक लोकाहान होमजायेा ताहा आख्खाहान बीख लागी आन लोक प्रभु येशु नाव आदर केरा लाग्या.
18
खुबूज विश्वास थोवणार पाप कबुल केरा लाग्या आन जे खोटे कामे केले आथे ते आखा लाग्या.
19
थोडाक विश्वास थोवणाराही जादु कामे केले आथे इया विश्वास थोवणारा ही तियाहा आखे जादु पुस्तुके लोकाहा हुबूंर लाला आन बाली टाक्या तिया पुस्तका किमन पन्नास हजार चांदी रुप्या ओती पोराली.
20
इया रितीकी प्रभु वचना दुर दुर प्रचार वेयो आन तो खुब फेलाय गियो.
21
ए गोठ्या वेया ताहा पौलाल पवित्र आत्माय होमजाव्यो का मासेदोनिया आन अखया इया प्रांतामनु प्रवास कीन आगडी यरुशलेम सेहेराम जावुलो हाय, तो आखा लाग्यो माय तिही जाही ताहा माल रोम सेहेरामबी पोचाडा पोडी.
22
फांसे तियाल सेवायीम मोहत केनाराहा मेने तीमथीयुस आन एरास्ताल मासेदोनियाम मोकली देदो आण तियाय आजी थोडाक दिही आशियाम रियो.
23
तिया टायमाम खेरा मार्गाबोद्दल खुबूज विरुध्द वेरा लाग्यो.
24
देमेत्रिया नावा एक माहुव आथो तो होनाप्यो आथो तो अर्तमा मंदिरे बनवुतलो, जे कारागीर आथा तियाहान इयाखातोर खुब पोयसा मिलतुला.
25
तिया आख्खाहान आन इया धंदाम संबंध आथो तियाहान आख्खान तियाय एकजोगे हाद्यो आन तो आखा लाग्यो, ‘लोकांहा तुमाहान मालुम हाय का इया धंदामनु आपुहून खुब बाहरी पोयसा मिलताहा.
26
पेन ओ ता पौल नावा माहुव आय केरेहे आन तो काय आखेहे तो उनाया पौलाय खुब लोकाहान पाटावला हाय आन बदलुला हाय तियय इ इफिसाम आन आख्खा आशियाम केलो हाय तियाय आख्यो माहा आथोकी बोनवुलाे देव ओ खेरो देव नाहा.
27
इया खातोर आपु धंदा बदनामी वेरुला धोको हाय ओतोज नाहा ता जी महादेवी अर्तमी पुजा आख्खी आशिया प्रांत किंगहुना जगाम बी केरेहे तियु मंदिर नक्काम वी जाय आन तिया नाव मानपान पारवाय जाय.
28
जाहा तियाहाय इ उनाया ताहा ते खुब खिजवाया आन खुब मोडाकी बोंबलीन आखा लाग्या इफिस सेहेरामनु लोकाहा अर्नमी देवी मोडाम मोडी हाय.
29
सेहेरामने लोकांहाम दंगो बी गियो आन लोकाहाय गायस आन अरिस्तखिया ए पौला आरी हेंगात्या आखीन प्रवास केणारा मासेदोनिया रेनाराहान ती लावीन नाश कोवाम लाला.
30
v 30 पौल लोकांहा आगाडी जा आथो पेन येशु अनुयायी तियाल एहकी केरा देतुला नेय.
31
पोला थोडाक हेंगात्या जे प्रांताधिकारी आथा तियाहाय निराप मोकल्याका तियाय नाट्यगृहाम जाहव नायाऐहेकी आखीन विनंती केयी.
32
ताहा बादा लोक काय काय आखीन बोंबला लाग्या सबाम खुबूज बोंबाबोंब वेरा लागी आन ते काहा टोलवायाहा इ खुबूज लोकाहान मालुम बी नाहा पोड्यो.
33
यहुदी लोकांहाय आलेकसाद्र नावा एक माहाल गोचालता लावीन आख्खा हुबूर उबो केयो, तो तिया आथाकी तियाहान होमाजावाखातेोर प्रयत्न केरा लाग्यो.
34
पेन जाहा लोकांहान होमजायो का तो एक यहुदी हाय ताहा पाही पाही बेन तार आरीज ते एका आवाजाम बोंबलुता रिया, ‘इफिससेहेरामने लोकाहां अर्तमी देवी मोडाम मोडी हाय’
35
सेहेराअधिकारी लोकांहान ठाकाज राखीन आखा लाग्या इफीस सेहेराम रेनारहा अर्तमी देवी मंदीरा आन जुगा मेने पोडली मुरतील इफिस सेहेरा.
36
37
तुमा इेया बेन्यान गायस आण अरिस्तार्ख इही लीन आलाहा वस्तुता तीयाहाय मंदिरामनु केल्लीज चोरी केया नाह का आपु देवा बी निंदा केयी नाहा.
38
जर देमेत्रिय आन तियाहाआरी आथा ते कारागीर काय तेबी भानगड वेरी ता तिया खातोर न्याकेनु कोवे उगडेज हाय तिही ते एकमेकांप आरोप लागवी शेकताहा.
39
पेन जर तुमाहान एगदी गोठी चौकशी केनु वेरी ता नियम सोबाम विचार केराम आवी.
40
आज इही काय वेलो हाय तिया तिया बद्दल खेरो तो काहाका आपुन आकता आवे नाय तिया खातोर आपुहीज ओ दंगो चालु केयाहो एहेकी आरोप आपुहूवे लागीव ऐहकी बीख हाय.
41
ऐहेकी आखिन पारवायो ताहा तियय जमावाल जावलो आख्यो.
Chapter 20
1
जाहा गोर्दी मिटाइ ताहा पोलुयाही येशु चेलान मिला हाद्यो अन फाची तिाइयान हात्या गोठ्या आखीन निराम लेदो आन मासेदोनियाल निगी गियो.
2
मासेदोनियाल जातुलो तातिा तिइयाहइ जुदी जुदी जागाप जाइन येशु चेलान गोठ्या आखिन धीर देदी फाची पौल ग्रीसाल आलो.
3
तिजागाम तो तीन मोयना रीयो, पौल सिरीया प्रांताम देशावाटीने निग्यो ताहा, यहुदी लोकाही तिइयाखातुर इ विइन तियाही मासेदोनियामन फाची फिरनु ठेराव्यो.
4
तिइयाआरी आजी लोक आथे जे अे आथा, बिरुया नगरर पुर्राआ पोयरा सोपत्र थेस्सलानीका इहीने अरिस्तार्ख आन संजुद दर्वे इहीने गायस आनत तीमथ्य, तुखिक आन त्रफिम इ आशिया देशामने आथा.
5
इ माहे आमाआगला गिइये आन त्रोवस गावाम आमाआ वाट वेअरा लागे.
6
बेखमीर मांडाआ यहुदी सोन पारवाईन आमाहा फितीप्पे इहीने दोऱ्यामार्गे निगे, आन पाच दिही हाकी त्रोवस इही जाइैनतिइयान मिले आन तिही सात दिही रीइये.
7
फाचे आठुवड्या पेहला दिही आमा बोदे मांडो मुडाखातोर एकजागे गोला वेअतुला ताहा पौल तियाहारी गोगा लाग्यो काहाका बिहरे दिही तीइया निगनु तिइयारी आथो तो रावीगीयी ताहा गोगतो रियो.
8
माडीपने जी खोलीम आमा गोलो वेअले आथे तीही खुप दिवा आथा.
9
खुतुख नावा एक पोयरा खिडकीम बोठलो आथो, पौलुस गोगतलो ताहा तिइयाल आती निंद लागी आली का तो तिसरा मेजलापने अेठा तुटी पोड्यो जाहा तियाल उखल्यो ताहा तो मोअइ गिहीलो अेहकी तियाहान देखायो.
10
पौल अेठा गिइयो आन तियाप उबडो पोड्यो आन तियाल आपो आथाकी कोवाटीन आखा लाग्यो, “चिंता नाहा केराहा, तियाम आजी जीव हाय”
11
फाची पोल उचे गियो तियाही मांडो मुड्यो आन तो खादो, वेगीवेला विइ ताऊलुग तो तियाहा आरी गोगतो रीयो, फाची ता जातो रीयो.
12
पोयराल तियाही जीवतो को ली गिइये, होग्गा लोकाहान हारो पोट्यो.
13
तिहीने आमाआ आगला निगे आन फाची अस्सा इ नगरामने दोऱ्यामार्गे निगी गिये, तिही आमा पौलाल आथा तियाय इरीते योजना केअली आथी ती अेहकी आथी पागे जावनु.
14
जाहा तो आमान अस्सा इही मिल्यो, ताहा आमाही तिइयाल उडीम लेद्यो आन आमा मितुलेने सेहेराम गिये.
15
बिहीरे दिही आमआ उड्याम मितुलेनाआमेने निगे आन खियास बेटाप आले, ताहा बिहरे दिही सामा बेट अनुखालीन पाची एक दिहापासी मिलेत सेहेराम आले.
16
काहाका पौलुस वायदो केअलो आथो का इफिसाम रोकानु नाय, आशियाम तियाल जाहको टाइम रोकानु नाय आथेा तो उतवाल केअतुलो काहा तियाल पोनासावा दिह्या केता सोणा खातोर यरुशलेम रेवणु आथो.
17
मितेलाआमेने इफिस पोलाय तिहेन मोडली वोडीलालोकान हादी मोकलुया.
18
जाहा ते आले ताहा तो तियान आखा लाग्यो, “आशियाम माअयु जिधीने आलो हाय तिदीने तुमाआ आरी केअहकी रेअतुलो इ तुमान मालुम हाय.
19
मायु प्रभु सेवा पुरा मोनाकी आन रोडीन केअयी यहुदी लोकाही देदलो त्रारासाका मुय दिन माअयु तीठया सेवा केअली हाय.
20
तुमआ केअेता ज्या हाऱ्यागोठ्याहा ते तुमान आख्यो खातोर माआयु केल्लज कसन थोवी नाहा, इ तुमान मालुम हाय आन इ गोठ्या माआयु उगड्या किइन को-को आखा खातोर आगला पासला किदीच वेअयो नाहा.
21
पश्चाताप किइन देवाही वालो खातेर आन आपो प्रभु जे येशु विश्वास केअरा खातोर माआयुइ यहुदी ग्रीक लोकाहा हारकीच साक्षी देदली हाय.
22
आमी माअयु आत्माआ आज्ञाकी यरुशलेम गावाम जाय रिइलो हाय, तिही आमाआरी काय वेअरी इ माल मालुम नाहा.
23
माल एकुच गोठ मालुम हाय केल्लाबी गावाम माल पवित्र आत्मो सावध केअेहे, जेलुमजावनु आन संकटे मा वाट जोवी रीइले हाय अेहकी तो माल आखेहे.
24
माआयु आमा जीवलाखातोर कालजी नाहा केअतो होग्गायने मोहत्त्वा गोठ माआ काय पुरो केअनु प्रभु येशुही जो काम माल दिदलो हाय तो माल पुरो केअेरा जोजे तो काम देवाआ कृपा (दयाकेअेनारा बद्दल) सुर्वाता लोकान आखाया जोजे.
25
देवा राज्यागोठ्या (घोषणा) केअतो माआयु लोकान आखतो फिऱ्यो तो तुमान केअेडालुच पाची किदीबी तुमान माआयु देखानारो नाहा.
26
तियाल माआयु तुमान होग्गा हुमुन आखु, होग्गा रोगुता संबधाकी माआयु निर्दोष अेहडो हाय.
27
देवाआ पुरी इच्छा काय हाय ही प्रोगोट केअेरा माआयु किदीच आगला पाछला वेअयो नाहा.
28
तुमाआ देवा होग्गा लोकाहा जिइयाहा देवाही तुमान देदलो हाय, तिया कालजी ल्या टोला (देवाआ लोकाआहा) कालजी लेवणु काम पवित्र आत्माही तुमान देदलो हाय, तुआ मोडली खातोर पाखाला होस राहा जोजे, ही मोडली देवाही आपो रोगोत रिईन वेअचाती लेदली हाय.
29
माआल माआलुम हाय माआयु गिइया नंतर तुमाम भयंकर अेहेडे हुने आवी ते टोलवाण नाय सोडी.
30
तुमामनेबी लोक उठीन चेलान खोट्या गोठ्या हिकवीन तिइयापाछला ली जाई.
31
इयाखातोर सावध ऱ्या, तुमामने गिईया तीन वोराम माआयु किदीच तुमान डोवाय आहवे लावीन सावध केअेरा खातोर माअयु उबीऱ्या अेहकी आख्यो नाहा ही इतवा.
32
आमी माअयु तुमान देवाआ आन वोचना कृपा आधीन किई रिइलो हाय, तुमाआ वाढ केअरा खातोर समर्थ हाय आन होग्गा पवित्र केअला वतनाम दा खातोर समर्थ हाय.
33
आमायु केअेडाचा सोना चांदी आन पोतडा लोभ तेअलो नाहा हाय.
34
माआयु मा आन माआरी रेअणारा होग्गया गोरजा मा हाथाकी पुऱ्या केअेल्या हाय इ तुमान हारारीती मालुम हाय.
35
इ रीतीकी माआयु तुमान उदाहराणा देदलो हाय जे दुर्बल हय अेहडाल आपो मेहनत किईन मोदोत केअरा जोजे, प्रभु येशु गोठ्या लक्षाम थोवा जोजे, तियाही आखलो हाय “लेवणुपेक्षा देदलो जाहको हारा हाय”
36
ओतो आखीन पौलाही गुडगा टेकीन प्रार्थना केअयी.
37
ताहा होग्गाम रोडवा कि आली ते पौलाल विइगी गिइया आन तिइया मिली लेअेदो.
38
फासी किदीच तिइयाल देखानारा नाह इ गोठीकी तिइयान खुपच दुख वेयो फाची तिइयाल उड्यालुगु थोवा खातोर ते गिइये.
Chapter 21
1
तिया निराम लीन आमा दोऱ्यामार्गे निग फाची प्रवास केआत कोस बेटाई आले बिहीरे दिही आमा रुद बेदाही गीये आमा पातरा सेहेराम गिये.
2
तिही फेनीकेला जाऊलो उ्यो आमान मिलयो ताहा उड्याम बोहीन आमा आगला गिये.
3
ताहा कुप्र आमाआ नोजरीम आले पेन तिइयल उलटा बाजुल टाकीन आमा पादरेज सिारीया गावाम जाते रीये.
4
तीही आमान येशु चेला मिल्या आमा तियाहा आरी सात दिही रीये, पोवित्र आत्माही तियाल आख्यो का तु येरुशलेम सहेराम नाहा जातो.
5
आमाआ मिलनु दिही पारवाता आला ताहा आमा तिहीने निगीन आगला प्रवास केरा लागया ताहा तिहीने पाऊ तिइया पोयरे आमाआरी गावाबारे आले. ताहा आमा दोऱ्यातोडीप गुडा टेकीन प्रार्थना केयी.
6
ताहा आमाही एकबिजा निराप लीन उड्याम बोठा आन बादे लोक आपो-आपो का गिया.
7
सेाराईनके आमाही प्रवास केअरा लागे आन पोलेमा ही उत्या आन तिहीने पावुन मिल्या तियाआरी एक दिही रीय.
8
बिहिरे दिही आमा तिहीने नगीन कैसरीयाम आले आन सुर्वाता आखनारा फिलीप्प इयाही जाइन रीया, तो निवडला सात जावामने एक आथो.
9
तियाल चार पोयारा आथा तियो वोराड वेअलो नाहा आथो इ पोयरीन देवाआ गोठ्या आखनु दान आथो.
10
त्या पावाआआरी खुबूज दिही रीइन अगब नावाआ संदेष्टो यहुदीयामने तिही आलो.
11
तियाही आमाआ भेट लिइन पौअला कोअरुमने पहो मागी लेदो, तियाही तियाया हात पाग बाधीन तियान आखा लाग्यो, “पवित्र आत्मो अेहकी आखे, ओ पोहो जिया माआहा कोमरामने हाय.” तियाल यरुशलेम गावामने यहुदी लोक अेहकीच बांधी आन परराष्ट्रीया हाथाम दि टाकी.
12
आमा आन तिहीने होगगोही ते शब्दा उनाये,ताहा आमाही आन बिहरा लोकही पौलाल विंनती केअेत त येरुशलेम गाव सोडीन नाहा जोवो.
13
पेन पौलही आख्यो, “तुमाहा इ काय की रीहायेाहाय, अेहकी रोडीन तुमआ माआ मोन दुखी क रीया हाय का ? माआयु बाधीन लाच खातोर नाहा ते प्रभु येशु नावा खातोर यरुशलेम गावाम मोओराबी तिइयार हाय.
14
यरुशलेम गावाहीने इुर राअकिअतो आमाआ तिया मोन केलबी नाही शक्या, तियााल आमाही तियाल विनंती केअनु सोडी देदो आन आख्यो, “प्रभु इच्छाआकी वेअरी”
15
ताहा आमा तिइआरी वेअये आन यरुशलेम सेहेराम जा खातोर निगे.
16
कैसरीया इहने येशु शिष्य आमाआरी आला आन आमान मासोन नावाआ माआहाही ली गिइया, काहाका तिइयाही आमा रेअनरो आथो तो कुप्र आरी ने आथो आन पेहेलान पेहलो शिष्यापैकी तो एक आथो.
17
आमाआ जाहा यरुशलेम गावाम गिइया, ताहा तिहीने पाआवु मोडा आनंदाकी आमाआ स्वागत केअरा लाग्यो.
18
बिहरादिही पौल आमाआरी याकोबाल मिइला.
19
पौल तियान मिल्यो फाची तिया हाथाकी देवाही बिहराजातीम लाकाम केहकी केहकी सेवा की लेदी इ माहिती लीअन इही आखली हाय.
20
जाहा तीयाही इ उनाये ताहा तियाही देवा गौरव केअयो आन ते तियाल आखा लागे, “पाक तु वेअवो हजारो यहुदी विश्वास थोवणारा विइ गिइया, पेन अेहकी लागी रियो, मोशे नियाम पालनु खुबूज माहोत्वा हाय.
21
इया यहुदी लोकाही तोबाराम उनाया हाय, जोताबी यहुदी हाय जे बिहरा देशाम रेताहा तिइयान तु अेहेकी आखतोहो मोशे नियम पाला नाहा, तेहकी आपोही पोयरा सुंता केअतो मा अेहेकी आखताहो आन आपो चालीरतिी पाला नाहा अेहेकी आखतोहो.
22
हाती आमी काय केअरा जोजे ? तु इही आलो हाय इ तियायान आमी मालुमज पोडी जाय.
23
तियाल आमा आमी जो आखुहू तो तु केअे आमामने चार माआहारी मानतो केअयो हाय.
24
चारीबी माआहान आरी ले आन तुबी तीइया आरी शुद्ध कि ले, चारीबी माआहा मुनको कातरा खोर्चो बी तुच केअेजे हाती होग्गाज इ होमजाय का तिइयाइ तोबद्दल उनाया हाय तो खेरो नाहा, उलटो तिइयान तु नियमशास्त्र पालतो अहेकी देखाइ.
25
जोताबी परराष्ट्रीय विश्वास थोवणारे हाय तियान आमाही पोत्रो लिखलो हाय, ते अहेकी मुर्तील चोडुवलो मांडो खावेा नाहा, रोक्तालो आन आन सिनालो केरुलो नाय,
26
पौलाइच त्याचार माआहान आपोआरी लेदे विहरेदिही शुध्दीकरणा विधीम तो सहभागी विइयो, फाची तो परमेश्वरा मंदिराम गियो, शुध्दीकरणा दिही किधी केहेडो वेल पारवाइ इ तिही जाही केअयो शेवटी दिही होग्गाखातोर अर्पण देवाम आवी.
27
सात दिही पाही पाही पारवाता आल्ला आथा पेन आशियामने यहुदी लोकांही पौलाल परमेश्वरा मोंदीराम वेअतले तिइयाइ लोकांन रोगचोउवी देदी आन पौलाल ती देवाम आलो.
28
ते मोंडली बोंबलीन आखा लाग्या, “इस्त्रायलाआ लोकाहा, मोदोत केअरा , होरगा तो माअहु हाय, होग्गो लोकान आपो लोकाविरुध्द आपो नियमविरुध्द आन इया जागा बद्दल हिकवी रिइयो हाय. आन आमी ग्रिक लोकान बी पारतेशरा मोंदीराम लिआलो हाय आन इ पवित्र जागो गोंदो केअलो हाय.
29
ते अेहकी आखालाग्ये , काहाका इफिस प्रतिमाल तिइयाम पौलाआरी यरुशलेम सेहेराम वेअेलो आथो, प्रिुम यहुदी नाहा आिाो तो ग्रीक आिाो लोकांन वाट्यो पौलाआहीच तियाल परमेश्वरा मोदिराम लिई गिइयो.
30
होग्गा सेहेर रोगीकी पोराय गिइयो होग्गा लोक ताइ्रन काड्यो ताहाच दरवाजा लागवाम आला.
31
ते लोक तिइयाल माआई टाका केअता वेअतुला तोतामुच रोमी सैन्या सरदाराई इ गोठ गिइ होग्गा यरुशलेम सेहेरा होग्गीवेले बोबो उठ्यो.
32
तुरुतुज तियाही शिपाई आने थोडा मोडा शिपाई लेदा आने तो यहुदी जिही पौलाल ठोकुलो तिही दौडुता गिइया. जाहा यहुदी लोकान रोमी सरदाराल आन सैन्याला वेअयो ताहा तियाही पौलाल ठोका बोंद केअयो.
33
ताहा सरदार पौलापाही आलो आन तियाल ती लेदो आन तियाल हाकलीकी बाधाकेअता आज्ञा केअेई, ताहा सरदाराही पौल केअडो हाय आन तियाही काय केअलो हाय इगोठ फुचा लाग्यो.
34
टोलामने जुदा जुदा जाती आवाज उनाया आवा लाग्या, गोगुलाकीआन बोंबलुलाकी सरदाराल खेरी गोठ काय हाय इ आजी लुगू होमजुतली नाही, तियाखातोर सरदाराही शिपायांन हुकूम केअेयो, पौलाल कोमे ली जावम आवी.
35
जाहा पौल कोवाआ ही चोडा लाग्यो ताहा शिपायान तियाल उखली माजमेन ली जो पोड्यो
36
काहाका जमा खुब हिंसक बोनतो चाललो आथो, माहे तीया फासला फासला जाहा आन बांबलुतला “तीयाल माय टाका”
37
v 37 शिपाई पौलाल कोअमे लि जातलो तोतमुज पौल सरदाराल आखा लाग्यो, ‘माय काय गोगी शकु का ? तो सरदार आखा लाग्यो, “तुल ग्रीक गोगता आवे का ?
38
तियाल माल लागेहे, तु तो माआहु नाहा, माल लागेहे जो मिसरी मजुर खुप दिईहा पेहेल सरदार आरी चुलाइ्रन तिइयान त्रारास दा कअतुलो, तो तुच हाय, तिइया मिसरी माआहाइ चार हजार दहशतवाद्याल जोगलाक लिई गियो.”
39
पौल आखा लाग्यो, “किलकिया प्रांताआमने तार्सस नगराम रेअणारो माआयु एक यहुदी हाय, माआयु एकका मोहत्त्वा सेहेरा माऊहू हाय, माअयु तामन विनंती केयी माल तिया आरी गोगा द्या”
40
जाहा सरदाराही तियायाल गोगा खातोर आख्यो, ताहा तो पायथुरीही उबो रिइयो, आने आपो हातुकी तियान ठाकेरा खातोर आखालाग्यो, जाहा होग्गाही शांतता वी गिई ताहा पौलुस इब्री भाषाम गोगा लाग्यो.
Chapter 22
1
पावु बोही आन मंडहीमने वडील माय आमी तुमाहल जो होमजावु तो उनाया.
2
तो आपु आरी इश्वरी भाषाम गोगीरीया एहकी उनाहाता ते वादर ठाका री गिया फासी तियाहाय आख्यो,
3
माय यहुदी हाय मा जनमो किलकियातीम तार्स सेहेराम माय या सेहेराम गमचियेला पागाचरणाम हानो ते मोठो वीन माल हानामोडो नियमशास्त्रा शिक्षण कठीण कठीन रीती की मिलयो आन जेहकी मतुा आखा त्ये विषयीम भरपुर जाहाता तेकी माय बी आथो.
4
आदमी आन थेया याने बांधीने जेलाम टाकीन याहा माहाले आतो सोताव्यो का तियाहाल मारावी बी टाक्यो.
5
या बाराम महायाज आन आखा वडील वर्ग बी मा सााक्षी हा माये तियापणे माहाले चिठ्ठीलीन दिमिष्काम जातलो या केहता का ते तीह आथा तियाहा बी बांधीन येरुशलेम सेहेराम लावीन माय दा केता लावुलो.
6
फासे ऐहकी वेयो का जाता जाता मय दमिष्का सेहेहुबूर पोच्यो ताहा दुपारचो समस आकाशामने मा चारी सोमकी एकदोम मोडो उजवाडो चोमक्यो.
7
तहा माय जमीनीप पोडी गीयो आन शाउल् मा निंदा काहा केहमो ऐहकी वाणी मा आरी माय गोगता उनयो,
8
माय पुच्छो प्रभुजी तु केडो हाय, तियाय माल आख्यो जा नासरी येशु निंदा केतोहो तोज माय हाय.
9
तहा माआरी जे आथा तियायन उजवाडो देखायो खेरो पेन मालुज आखली वाणी तियान उनाया नाहा आली.
10
फासी माय आख्यो प्रभुजी माल काय केरा पोडी प्रभुय माय आख्यो उठन दिमिष्काम जो फासे तु जो काय केरा पोडी तो इरवाम आलो तियहा आखा बाराम तुल तिही आखाम आवी.
11
ते उजवाडा मोठा की माल देखाया नाहा लागयो तियाय मा हेंगात्या मा आथ तिइ्रन दिमिष्काम ली गिया.
13
फासी हनन्या नावा ऐगो माहाव आथो तोह नियमशास्त्रा बाराम नितिमान आथो आन तिह रेनारा आखा यहुदी तिया बाराम हारोज गोगतुला.
12
तो माहाय आला आन हुबूर उबोरीन माल आख्या शाऊल दादा, हे होमेवे हिदोज माय तियाहा होवे वेयो.
14
फासी तियय आख्यो आपु पुर्वजा देवाये तो बारामे एहकी ठरव्याका तिया ईच्छा हकाय हाय इ तु होमजी लेजा आने अला नितिमान माहाले वेजे आने तियाहा मुयाकी गोगलो उनाजे.
15
काहाका जो तुया वेयो आन उनायो तिया बारामे तु आखा लोकाहुबूर तिया साक्षी बोनी जाव.
16
हाती आमी वाअ काहा लागवुतोहो उठ तिया नावा की बाप्तिस्मो ले आन तो पापाहा फेडी टाक.
17
फासी ऐहकी वेयाका माय यरुशलेम सेहेराम मोसमे आले ताहा परमेश्वरा भवनाम प्रार्थना कहमा मा मोना ताबो सुट्यो.
18
ताहा मायुय तियाल देख्यो तो माल आख उतवाले के यरुशलेम सेहेराम माहारी निघी जो काहाका तु माआ बाराम देदली साक्षी ते मान्यानेय के.
19
ताहा माय आख्यो प्रभुजी तियाले मायलुम हाय का तोच विश्वास थोवणारो माय जेलाम टाकीन प्रत्येक सभास्थानाम हारहान केतो वेरी.
20
तोह साक्षी स्तेफन याल मायो ताहा माय सोताहा हुबूर उबीरीन नाडोज कडवुतालो आन तियाल टोखाणारा पोतडे साभातुलो.
21
ताहा तिया माल आख्यो जेा माय तुल बिहीरेदेशाम दुर मोकलुहू.
22
या गोठी लुग लोकाहा तियहा उनाये फासे तो बोंबलीन आखा लागयो जगामने याले काहा ओ या जिवनु लायक नाहा हाय.
23
ते बोबलुता आन तियाहा पोतडे डिलापने काडी टाकीन वादलाम कादु उडवुताला.
24
सरदारये सिपाडान आख्यो पौलाल चाबुका की ठोका एहेकी अे लोक पौला विरुध्द काहा बोबली रीया एहकी सरदाराल जाय ला जोजे.
25
v 25 फासी तियये तियाहान बोधाकी बाद्या ताहा पाही उबलो एक सिपायाल पौलुसाल आख्यो रामी माहाल आन जियाल खोटो नाहा मान्यो एहेडाल तुमाहाय ठोकनुम कायदेशिर हाय का ?
26
इ उनयो सिपाय सरदाराय जायन आख्यो आपु इ काय की रिय ता माहावे रोमी हाय.
27
ताहा सरदार पौलाय आला आन आखे माल आख तु रोमी हाय का तियाय आख्यो “होव”
28
सरदाराय उत्तर देदो मायुय या नागरीका खुब मोल नि वेसतो लेदलो हाय पौलाय आख्यो माय ता जन्मते रोमी हाय.
29
यापने जे तिया तपास केनारा आथा ते तुरुत तियायन निगी गीया शिवय रोमन हाय एहकी सरदाराल मालुम पोड्यो ताहा तियाल बी भिख लागी काहा पौलाय तियान बांधलो आथो.
30
यहुदी लोकाय तियापे जी चुक लाला ति काय हाय ऐहकी खेरो खेरे जानी ला एहेकी सरदारा मनाम आथो, तिया खातोर बिहिरा दिही तियाय तियाल सोडी देदो, आन मुख्यायाजक लोक आन आखी न्या सभा तियाहन एक जो बेगा वेनु हुकूम किन पौलाल ऐहडा लावाीन तियाहा हुबूंर उबो केयो.
Chapter 23
1
फासी पौल न्यासभाहोव एक थावीन आख्यो पावु माय आजलुग देवाआरी पुरा खोरामानाकी चाली आलो.
2
ताहा माहायाजक के हनन्या याय तियाहुबूर उबारेनारा तिया मुयावे ठोकनु आज्ञा केयी.
3
ताहा पौलाय तियान आख्ये आ चुना लागवुलो पितडा तुल देव मारी तु नियमशास्त्राविरोध माल मान आज्ञा देतो का ?
4
ताहा पाही उबोरणाराय आख्यो “तु देवा माहायाजकाहा निंदा केताहो का ?
5
पौलाय आख्यो, पावु ओमहायाज हाय एहकी माल मालुम नेय आथो काहाका तु आपु लोकाहा अधिकारा विराध खोटो आखवो नेय ऐकी शास्त्राम लिखलो हाय.
6
ताहा तियाम एक भाग सदुकी आन एक भाग परुशी हाय एहकी जाय पौल न्यायसभाम मोडो ने आख्ख्यो, “पावु माय परुशी आन परुष्या पोयरो हाय आमा आशा आन मोय गेअेलाहा पुनरुत्थान या संबधाम मा चौकशी बी रिई.
7
तो ऐहकी गोगी रिया ताव परुशी आन सदुकी तीया जोगडो वेया आन लोकाहाम फाटफट वेयी.
8
काहाका पुनरुत्थान जाहा आन देुअन आतमा नावा ऐहकी सदुकी अखता आन परुशी ताह हे गोठ्या मान्य केताहा.
9
ताहा मोठी गडबड वेयी आन तियामशास्त्र हिकवुनारा पुरश्या पक्शा आथा तियाहाम जाह उठीन आखे या महाम आमाहाले कायजे खोटे देखातो नाहा.
10
ऐहकी तिा तियाहा जोर मे
11
तिज राती प्रभु तियाआला उबो रीन आख्यो धि तेज काहाक तु यरुशलेम सेहराम मा बाराम साक्षी ददी तेहकी रोम सेहराबी तुल साक्षी दा पोडी.
12
फासी दिह उगता यहुदी एक जट वीन सपथ लेदी आन आख्यो पौलाल माजी नेय नाव आमा खानारा पिनारा नाहा.
13
एहकी विचारानारे माहाय चालीससाही ने बी वादर आथे.
14
ते मुख्यायाजक लोक आन वडील याहावे आवी आख्यो पौला जीव लीव तावलुग आमा वी मांउाल आथलुनारा नय मुयामन नेय टाकजी एहकी कडक शपिाा की आपु आपु मे बांदी लेदो.
15
ताहा आमी तियाबाराम आजी कावी बारीकायकी विचरने हाय या रिती की तियाल आपुय लावनु ऐहकी तुमा न्यायसभा बी सरदारले होमजावजा म्हणजे तो जागे आवे नेय आवे तेबी तिया जीव ला तियार हाय.
16
ताहा ते एक गोठ कीन बोठला आथा ताहा पौलाल बोयी पोयराल उनाया आन जोयन तियाय पौलाल आखी देखाव्यो.
17
ताहा पौलाय एक शताधिपतील हादीन आख्यो या पोयराल सरदाराय ली जो याल पोयराल तियाल कावी आखणु हाय.
18
ताहा तियाय पोयराल सरदारा ली जायन आख्यो, ‘बांधलो पोल याहाय माल हादीन विनंती केयी का या जुवानाले आपुया ली आव तियाल आपु आरी कावी गोगनु हाय’
19
ताहा सदरदारये तिया आथतिन ऐकी होवे ली जायन पुछो, “तुल काय आखुन हाय ?
20
यहुदाय एहेंकी ऐको केया का पौला बाराम आजी कावी बारीकाय की होद पुछ केनु रीती की तियाल हाकाल अेठा सभाम लावणु ऐहकी तुल निंती केरी,
21
ताहा तु तियाय उनाव नाह काहाका तियामे चालीस केंहता बादारा माहाये तिया केहता मारा दोबला हाय तियाहाय शपथ लेदी का तियाले जिवे मान ताव आप खानारा पिनारा नाहा, आन आमी ते तियार वीन आपु संमती वाट जोवी रीयाहा.”
22
ताहा तुयुय इ माल आख्यो एहकी केडाल आख्यो नाहा ऐहकी ती जुवानाल ठाकोज हारखी आखीन सरदाराय तियाल निरोप देदो.
23
फासे तियाय बेनी सत्ताधिपतीने हादन आख्यो ‘कैसरीया जा केहता बेनसोव शिपाय सत्तर सवारी आन बेनसोव भावाला रात्रीपहारा तियार थोवा.
24
आन पैलुसा सवारी केहता कोडो तियार थोवा तियावे पौला बोवाबीन फेलक्स सुबेदाराय साबालीन ली जाजा.
25
या शिवाया तियाय ऐहकी चिठ्ठी लिखी.
26
महाराजा फेलिक्स याल सबेदार क्लोध लुसिया या सालाम
27
“या माहल यहुदीयाये तेला आथो, आन तियावेने यिताल मानरा आथा, ओताम ओ रोमी हाय ऐहकी मालुम पोडता माय शिपाय लि जायन यिताल सोडव्यो,
28
आन यावे आराप लावनु काय कारण आथो इ होमजि लेवनु इया की तियाल तियाहा न्यायसभामे एठा ली गिया.
29
ताहा तियाहा नियमशास्त्रामेन वादविवाद गोठीम तियावे चुक काडली आथी पेन मानु नेयता जेला शिकसा देवनु होस चुक तियावे नेय आथी ऐहकी माल देखाय आलो.
30
याहा माहा विरोध कावी खोटा वेनारो ऐहकी माल मालुम पोडताच माय तियाल तुमाही ली आलो.
31
शिपायाये हुकूमाकी पौलाल रात्री अतिपत्रिसामे ली गिया
32
आन बिहिराहा दिह तियाय आरी जाहा केहता सवारी थोवीन ते फासे वोली आला.
33
कैसरीयाम जाता खराय सुबेदाराय चिठ्ठी दीन पौलाल तियाहा आगला उभो केयो.
34
चिठ्ठी वाचीन तियाय पुछो “ओ केली जाती हाय तो किलीकियाहा हाय ऐहकी होमजी गियो.
35
तियाय आख्यो तुल सोडवुनारा आवी ताहा माय तो आखनु उनाया आन तियाल हेरोदा राजवाडाम थोवे एहकी तियान हुकूम देदो.
Chapter 24
1
पचा दिही वी गिया ताहा माहायाजक हनन्या, थोडाक डाअया लोक आन तिर्तुल्ला नवा एक वकीलाल तिइन तिही आले. आन तियाहायी राजपालाही पौला विरुध्दाम फिराद केअयी.
2
जाहा पौल राजकेनाराहा हुबूर उबी रीयो ताहा तिर्तुल्ल तियावे दोष आरोप किइन आख्यो “फलिक्स महाराज तुमाहाकी आमाहाल खुबू खुशी मिलीही अन भविष्या बोद्दल विचार किइन इया दुरदर्शी पणावाई तुमाहाय आमा राजयाम हारे कामे केअले हाय.
3
इयाखातोर तिया आमुहू पुरा मोनाकी बादा गोठभ् की आभारा मानतेहे.
4
तेबी तुमा जाहाको टेम नाहा लेता विनंती किहू का मेहेरबानी किइन आमा थोड्याक गोठ्या उनाया ल्या.
5
इ माहु हेहेकीका एक पिडा देणारो ऐहडो हाय एहकी आमाहान देख आलोहो आन दुन्योने बादा यहुदी लोकाहयम भानगड लागवुनारो हाय. आन ओ नासो पंथा पुढारी हाय.
6
इयाय परमेश्वरा मंदिराबी बाटावुनु कोसिस केअयी. तियाल आमाहाय तेअयो , आन आमा नियमशास्त्रा रतिीहीकी इया न्याय केरा आमा केअतला.
7
पेन लुसिया अधिकाऱ्याही आवीन माड्या जर जस्तीहीकी इयाल आमा आथामेने सोडविन लिई आले.
8
आन तिया होदफुस तुमा क्याहा ताहा ज्या गोठी दोषआरोम आमा तियावे केअतहा तिया बादाहापेनेज आपुहूल होमजाय.
9
ताहा अेबांद्या गोठ्या अेहेड्याज हाय एहकी बिहीरा यहूदी लोकाहाय तियायल साथ देदी.
10
ताहा पौलाल गोगो खातोर इशारी केयो तिहा तियाय उत्तर देदो, “तुमा खुबूज वाराहायने लोकाहा न्याय केअनारा अधिकारी हाय इ माल मालुम हाय, इयाखातोर आया खुशीकी माआ इ गोठी बोद्दल उत्तर दिहु,
11
तुमाहाल पुरा होमजाय आलेा का माल यरुशलेमा मेदिराम भक्ती केरा जायने बारा दिहासे वाददिही नाहा वेअया.
12
आन परमेश्वरा मंदिराम सभास्थानाम का शेहकराम केडा आरी बी वादविवाद केअता आन लोकाहाम बंडाली मातबुता आय तियाहान देख्याायो नाहा.
13
ज्या गोठी ते माआपे दोषारोप केताहा ती गोठ तियाहान तुमा आगला साबुता केता आवतो नाहा.
14
तेबी आय तुमा आगला ओतोह कोबुल जिया मागील आखताहा तियामार्गाहास जो निमशास्त्रामेने हाय आन ज्या गोठ्या भविष्यवक्ताहाय लेखलो हाय तिया बादाहापे विश्वास थोवीन आय आगला आयाहा देवा सेवा किहू.
15
आन धर्मीने अधर्मी लोक मोतामेने फाचे जीवी उठी ऐहेकी जी आशा ते तेहे तीज आशा अय देवाहोवे विइन तिहू.
16
इयाखातोर देवा आन लोकाहा हुबूर मा मोन सादा चोखो राखनु आय कोसिस केअतो रिहू.
17
खुबूज वोरहे विगीये मायु माआ लोकाहान दानधर्म केरा आन यज्ञापणे केरा खातोर आलोहो.
18
इ काम कअता ता आय परमेश्वरा मंदिराम सापड्यो ताहा आय चोखोज आथो मा आरी खुबूज लोकाहा टोलो नाय आथो आन दंगो बी नाया आथो पेन तिही आशिया प्रातांमेने थोडाक यहुदी लोक आथा.
19
जर मा विरुध्द तियाहाी कांवी वेरीता तियाहाय तुमा हूबूर आवीन माअवे आरोप केनु आथो.
20
जायता आथ न्याय सबायी हुबूर उबो आथेा ताहा माअ केल्लो गुना इयाहाले देख्यायो आलो तो इयाहाय तेबी आखा जोजे.
21
इयाहा मिसम उबो रिइने ताहा माअलाहा फासे जिवेत विइन उठनु बाबतीम माआ न्याय आजुज तुमा आगला विइरियोहो अे गोठ्या मायु मोडाहाकी आख्या ओ ओताहो गुनो वेरीता वेरी.
22
फलिक्साल तिया मार्गा हारी माहिती आथाी तीया लो जो कोर्टा खटलो राखी थोवीन आख्यो, “लुसिया सरदार आवी ताहा इया प्रकरणा निकाल केरी.
23
आन तियाय मोडा अधिकाऱ्याल हुकूम केयो का इयाले देखरेखीम थोवा जोजे, तेबी तियाल सुटोज रा दा आन तिया जातुलाहान तिया सेवा केरा केता रोकाय जाहा.
24
हाती थोडा दिहीाकी फलिक्स तीया थेअय ती यहुदी आथाी ती नाव द्रुसिल्ला तियु आरी तो आल्लो हाती तियाय पौलाल हादीन ख्रिस्त येशुवे विश्वासाबाबतीम तियावेने उनाया लेदो.
25
ताहा नीतीमान इंद्रियदमन आन आवता दिहाम वेनारो न्याय या बाबत तो देवा गोठ्या आखतुलो ताहा फेलिक्साय तो बिइयजाने आख्यो आमी जाहा टेम सापडी ताहा तुल हादीलीहु.
26
आजी आपुहून पौलापेने पौयसा मीलीका एहकी आशाबी तियाल आथी तियाकेता तो तियाल घेडघेडी हादीलिन तियाआरी गोठ्या केतलो.
27
आगला बेन वोराहाकी फुलिक्सा जागावे पुर्क्य फेस्त ओ आलो, ताहा यहुद्याहा मोर्जी केअता अहेकी इच्छा फेलिक्साय पौलाल कोचेरीम थोवीन गियो.
Chapter 25
1
फासो फेस्त आपु नेमनुकी जागा देशाम आवीन तीन दिहा की कैसरीयाइने यरुशलेम सेहेराम गियो.
2
ताहा मुख्या याज आन यहुद्यामेने मोडा डाया लोक तियाही पौला विरुध्दाम फिर्याद ली गीया.
3
आनु मेहरबानी किइन तियाल यरुशलेम सेहेराम हादी ला जोजे एहमी तियाहाय तियाल विनंती केअयी, काहाका वाटीवे दोबीन तियाल माय टाकनु तियाहा विचार आथो.
4
फेस्माये उत्तर देदो, “पौलाल कैसरीयाम कचेरीम हाय, आय सवताहा माहारुज तिही जाणारा हाय.
5
तिया मांआहा कावीज गुनो वेरीता तुमामने मोडा पुढाऱ्याहाय मा आरी आवीन तियापे फिर्याद केरा जोजे.
6
ताहा तो तियाहाआरी आठ दाहा दिही रिईन कैसरीया सेहेराम गियो आन बिहिरे दिही न्याय केअनु ठिकानी बोहीन तियाया पौलाल ली आवनु हूकूम देदो.
7
तो तिही आलो ताहा यरुशलेम सेहेरामेने आलला यहुदी लोकाहाय तिया चारी सोमखी उबी रिइन जो पुरावे तियाहान देता आलो नाहा एहेडो खुबूज मोडा मोडा आरोम तियावे थोव्या.
8
पौलाय तिया आरोपाहान नाकार किइन आख्यो “मायु यहुदी नियमशास्त्रा नेता मुदिरा नेता कैसरा काय गुनो केलो नाहा.
9
ताह युहूद्याहा मोर्जी जिका केता फेस्ताय पौलाल आख्यो, “यरुशलेम सेहेराम जायने तीही मा हुबूर इयो गोठी बाबतीम न्याय वेरा जोजे एहकी तोअ तीयारी हाय का ?
10
ताहा पौलाय आख्यो, “कैसरा न्याय केरुला जागा हुबूर आय उबोहाय, तिहीज मा न्याय वेरा जोजे, मायुय यहुद्यांहा काय गुना केअयो नाहा, इ तुमाबी हारो होमजुताहा.
11
मायुय गुनो केअयो वरी नेता मारुलो सारखो ऐहेडो काय केअयो वेरी ता आय मोरा केअता तयार नाहा एहकी नाहा. पेन तियाहाय मापे जो गुनो थोवलो हाय तियामेने एक बी जाहा खेरो ठेऱ्या नाहा ता ताहा माल तियाहान होपुलो अधिकार केडालुज नाहा आय कैसरापे न्याय मागुहू.
12
ताहा फेस्ताय सभायीमेने सल्ला मसलम किइन उत्तर देदो, “तुयुय कैसरापे न्याय मागलो हाय, ताहा कैसरा आगला जाहो”
13
ताहा थोडाक दिही वेअया अग्रिफा राजो आन बर्णीका ऐ बेनी कैसरीयाम आवीन फस्ताल मिल्या.
14
तिही ते खुबूज दिही रिया, ताहा फेस्ताय रा आगला पौला प्रकरण काडीन आख्यो, “फिलीक्साय बंदिम थोवलो ऐ माअहु इही हाय.
15
आय यरुशमेल सेहेराम गेहेलो आथो ताहा यहुद्या मख्या याजकाही आन वडील लोकाहय फिर्याद किइन तिया विरुध्द ठराव वेरा जेजे ऐहेकी तियाहान विनवती केअली.
16
तियाहान मायुय उत्तर देदो, आरोपी आन विरुध्द केअनारा लोकाहा हुबूरा हुबूर आवीन आरोपा बोद्दल जाबाब दा सांधी आरोपील जावलुग मिलती नाह तावलुगम केडाल बी शिक्षा दा खातेार होपनु रोमी लोकाहा रित नाहा.”
17
पेन ते दिही आवी पोच्या ने काय वाआ नेया लागवुता बिहिरे दिही न्याय केअनु ठिकाणी बोहीन मायुय तिया माआहाल लीा आवा खातोर हुकूम देदो.
18
तियापे आरो केअणारा जाहा तिया विरुध्दाम गोगा खातोर उबी रीया, ताहा माआ मोना प्रमाणे केल्ली बी बुना बाबतीम तियाही तियावे रोप केअयो नाहा.
19
उलटो आपु धर्मा बाबतीम आने केडाएका माआहाबाबतीम जीय नावा येशु हाय, तियापेने यहुदी लोकाहाम तिया माअहा बाद विावद केयो येशु ओ मोय गेहेलो आथो तेबी पोला खेरो आखुलो आथो का येशु जीवतो हाय.
20
इ प्रश्ना होद फुस केहेकी केरुला इ माल होमजातलो नया ताहा तिया यहुदी माअहा विरुध्दाम यहुदी लाकाहामुज जे आरोप हाय तिया बाबतीम तियाल यरुशलेम सेहेराम जायने तिया न्याय केलो जो जोजे हेकी तियाहा इच्छा हाय का, एहकी मायुय तियाहान फुच्यो,
21
सम्राटाहीने आपु न्यानिवाडो वेरी तावलुगु आपु जेलामुज रिहु एहकी जाहा पौलाय आख्यो, ताहा मायुय आज्ञा केअयी का कैसराहोवे मोकलुलो वेरीता तियाल जेलामुज थोवा जोजे.
22
इयापुने अग्रिपाया फेस्ताल आख्यो, “माल सवताहा ल इया माआह जो आखुलो हाय तो उनाय लीव ऐहकी होजाहाय, फेस्ताय तियाल उत्तर देदो “काहाल” तिया आखुला काय हाय तो तुमा उनाय ल्याहा.
23
ताह बिहीरे दिही अग्रिपा आन बर्णिका मोडो पिडायने आला आन सैनिकाहा आरी आन सेहेराम मोडा लोकाहा आरी राजदरबाराम जा लाग्या ताहा फेस्ता हुकूमाहकी पौलाल तिहीली आवाम आलो.
24
ताहा फेस्ताय आख्यो, “अे राज अग्रिपा माहाराज आन आमाआरी तिही होग्गा जाआ आरी आथो इया माअहायल व्या तियाहा बोद्दल यरुशलेम आन कैसरिया तिहीने बांदा येहुदी लोकाहाय मापे अर्ज देदलो हाय इयाल जिवतो रा देवुलो नाह ऐहकी बोबबो ते किई रियाहा.
25
पेन तियाय मोरन देवलो एहेंडो तियाय कायज केयो नाहा एहेकी माल देखायाम आलो आन तियाय सवताहा सम्राटापे आन कैसरापे न्याय मिला जोजे एहेकी मागणी केअयाी तिया मेता आय कैसरा हुबूर न्याय केता मोकला खातोर ठरव्योंहो.
26
पेन सम्राटाल तियाखातोर नक्की ऐहकी आखी मोकल्यो, ऐकी मापे कायज नाह तियाकेअता मायुय इयाल तुमा आगला आन विशेष म्हणजे राजो अग्रिपा आगला लावीन उबो केलो हाय, तो एहेडा खातेार का इया होइपुस वेरी ताहा माल इया माअहा बोद्दल कय तेबी लिखता आवे.
27
सेवोट एगाहा कैद्याल केल्लोबी आरो नेय थोवता कैसराही मोकलुला माल बरोबर लागतो नाहा.
Chapter 26
1
अग्रिपा राजांय पोलाल आख्यो, “तोअ काय आखनु हाय तो आखी सेकतोहो” ताहा पौलाय आगाडी आथ किइन आख्यो,
2
“अग्रिपा राज, आय सोता धन्य होमजु काहाका यहुद्याय तुमा हुबूर माआ विरुध्दा केल्लो त्यो आरोपां बचाव केरा संधी आज मिली.
3
यहुदी लोकाहा चालीरीत्या तुमाहान हारी रितीकी मालुक हाय ,ती याहा तर इ हारकी उनाय ल्य एहेकी मा विनंती हाय.
4
आय हानेने पेअलेनेज मां देशाम आन यरुशलेम सेहेराम ताहा केहेकी जीवतलो इ बादो यहुदी लोकाहान मालुम हाय.
5
ते पेअलेनेज मान ओखुताहा इयाखातोर आय आमा धर्म खुबूज कठीण परुशी पंथा आथो तियाहा मोरजी वेरीता गोठी साक्षी दी.
6
पेन परमेश्वराय आपु डायाहान जो वायदो देदलो तियावे मायुय आशा केअयी तिया बाबतीम माआ न्या वेराखातोर आज आय इही उबो हाय.
7
तो वायदो पुरो वेरी इं आशा किइन आमा बारा जाती लोक परमेश्वरा सेवा रातने दिही खेरा मोनाकी केअता ओ राजा मायुय तियायज वायदावे आशा केअली हाय तिया खातोर यहुदी लोकाहाय माअवे आरोप लागव्योहा.
8
मान बी एहेकी तुमाहाय काहाल कठीण लागेहे ?
9
मान बी एहेकी लागतलो नासोरी येशु ख्रिस्ता नावा विरुध्द खुबूज काय की सेकू
10
आन तेहेंकज मायुय येरुशलेम सेहेराम बी केअतो आन मोडा याजकाहांवेने अधिकार मिलवीन खुबूज चोखा लोकाहांन कचेरीम कोंडी देतलो आन जाहां तियाहांन माय टाकातले ताहा मायु तिहा विरुध्द किइन तियाहान माय टाकांखातोर मतदान केअलो.
11
आय ऐकेक सभायी पोंगाहाम तियाहांन शिक्षा केरावतलो येशु ख्रिस्ता निंदा केरावतलो आन खिजवायन गांडालोच विइन बिहिरा देशाही लुग तियाहंन ओडी लागतालो.
12
इ एहेकी चालु आथो ताहा आय मोडा याजकाहांवे परवानगी आन अधिकार पत्र मिलवी दिइन दिमिष्क सेहेरावेल जाहलो.
13
तहा ओ राज बोपीवेल वाटीवे दिहा सेबी वाद उजवाडो जुगामने मां अवे आन माअ आरी चालतला तियाहांवे चमकुता मायुय देख्यो.
14
आन जाहां आमा बादा तोरतीवे टूटी पोड्या ताहा इब्री भाषाम मा आरी एहेकी गोगता उनातो शौला, शौला तु मान काहाल तारास देतोहो ? पाराणी आरीवे ताताकी ठोकनु इ तुल कठीन हाय.
15
ताहा मायुय फुच्यो , प्रभु तु केडो हाय ? जिया येशुल तु ताjjरस देतहो तोज माय हाय.”
16
पेन तु आमी उठ आन उबी रे, जो तुयूय माअ बाबतीम वेअलो हाय आन जे गोठ्या आय तुल आजी देखावनारा हय, तियो गोठीही सेवक आन साक्षी एहकी नमी दांअ खातोर मायुयु तुल दर्शन देदलो हाय.
17
तोअ लोकाहाहीने आन जे यहुदी नाह तियालोकाहाआयतुल सांबालेहे.
18
तियहां डोआ उगडावा तियाहांन आंदारामेने उजवाडाम आवा आन कालयापुता नामामेने सोडवीन परमेश्वरावेल फिरवा आन तियाहाया मांअवे विश्वास किइन तियाहांन पापाहां माफी मिले आन तियाहान चोखा वेअला लोकहाम हक्कमिले इया खातोर आय तुल मोकलुहू.
19
इयाखातोर ओ राजा अग्रिपा मायुय तो होरग्यो दर्शन पुरेपूर मानी लेदोहो.
20
आन पेअलो मायुय दिमिष्क सेहेरामेने लोकाहांन यरुशलेम सेहेराम आन बादा यहुदीया देशाम आन जे यहुदी नाहा तिया लाकाहाय पासतावो किइन परमेश्वराही फिरा जोजे आन परमेश्वराल सोबे ऐहेडे कामे केरा जोजे एहेंडो प्रचार केअतलो.
21
इयो गोठी खातोर यहुदी लोकाहांय मान मंरिाम तेअयो आन माय टाका कोशिस केअताला.
22
पेन परमेश्वराय मान मोदत केअयी तियाकी आय आजलुग हाना मोडाहान साक्षी देतो रियोहो आन जे गोठ्या वेअनाऱ्या हाय एहककी भविष्वक्ताहाय आन मोशय आखल्या हाय, ते सोडीन सोडीन बिहीरो कांवीज आखतो नाहा.
23
ते गोठ्या ऐ हाय, ख्रिस्ताय दुख वेहां जोजे आन तोज पेअलाम पेअली मोतामने फाचे जिवी उठीन आमा लोकाहांन आन जे यहुदी नाहां तिया लोकाहांन उजवाडाबोद्दल गोठ आखी.
24
एहेकी पोल आखतलो ताहा फेस्तांय बांबलीन आख्यो “पोला, तु गांडो हाय, तो शिक्षण वाद वेअलो हाय, तियाकी तु गांडो वी गियोहो,”
25
ताह पौलाय तिया आख्यो, “फेस्त महाराज, अय गांडो नाह हाय पेन आय खेऱ्या आन ओकली गोठ्या आखुहु.
26
ऐ गोठ्या राज अग्रिपाल मालुम हाय, तियाहां हूबूर अय खुली रितीकी गोगुहू, ऐ बाद्या गोठ्या राजीहीने दोबल्या नाह एहेकी मा खातरी हाय.”
27
ओ राज अग्रिपा, भविष्यावक्ताहावे तो विश्वस हाय का नाय ? तोअ विश्वास हाय इ मान मालुम हाय.
28
ताहा अग्रिपाय पौलाल आख्यो “तु थोड्याक गोठ्या आखीन मान ख्रिस्ती बोनावी सेकेहे एहेकी तुल लागेले का ?
29
ताहा पौलाय आख्यो, “गोठ्या थोड्या रे नेता वाद रे केहेकी बी रे एखलो तुज नाा पेन आज ए जे बादा लोक मा गोठ्या उनाताहा तियाहांय बेड्या सोडीन मा होच वेरा जोजे, एहेकी मा पेरमेश्वराही प्रार्थना हाय.”
30
ताहा राजा,, राज्यापाल, बर्णीका आन तियाहा आरी आथा ते उठ्या.
31
आन बारे जायन तिया तियाहांज आखा लाग्या, “इया माअहांय मोता शिक्षी नेता कचेरीम कोंडी देवनु ऐहेंडो कावींज केअयो नाहा”
32
ताहा अग्रिप्पांय फेस्ताल आखे “इ माअहु केसराही न्याय नांय मागतो ता आपु इयाल सोडी सेकताला.”
Chapter 27
1
ताहा आमा दोऱ्यामाने इटलील जाऊला ठेरव्याताहा पौलाल आन बिहीरा थोडाक केद्यान युल्य नाव शताधिपती हाथामे होपी देवाम आलो युल्य ओ अगस्तस सैन्याआ ऐ अधिकारी आथो.
2
अद्रमुत्तिय इहीने जहाजोमेन आमा जानारा आथो इ जाहा आशिया तोडीपेणी जहाजे उबी रेवुनु जागा होव नी आगला जाणारे आथे. आमा इया जाहाहामेनी प्रवासाले निग्या ताहा मासेदोनियामेनी थेस्सलेनिका काहीनी रेणारो अरिस्तार्ख आमा आरी आथो.
3
बीहीरे दिही आमा सिंदान नगराले जोय पोच युल्य पौला आरी खुब हाराकी रिया पोला हेगातहा आरी गोवाराचाकरी वेरा केअता केअता त्याय रजा देदे.
4
तीहीनी आमा दोऱ्यामेने आगला निग्या आन कुप्र बेटा ऐकीवेला तोडी तोडीने निगया काहाका वारो हुबूरनी आथो.
5
किलकीया आन पंफुलिया प्रांताजागेनी दोऱ्याले पार किइन लुक्या प्रांतामेनी मुर्या जाहाजे उबी केरुला जागावे पोच्या.
6
तीही इटलींली जाणारो आलेक्साद्री सेहेरा एक जहाज तीया अधिकाऱ्यांल मिलयो तयाये आमाल तिया जहाजामेन बोहाव्यो.
7
आमा खुबूज दिही बागे प्रवास केइन कनिदा सेहेराम आवा केअता खुबूज मेहनत केरा पोड्यो काहाक हुबूरने वारो आतो आथो का आमाले आगला जो नेय देहलो तीया केहता क्रेताइने तोडी तीईन सलमाने सेहेराम हुबूर गीया.
8
या आगला जहाज खुप मोठाअउचणीमेने क्रेत बेटा तोडीतीइ हारीरीतीकी जहाजे उबी केरुला जागावे पोच्यातीया पाहीज लतया नगर आथो.
9
ताहा खुबूजदिही निगी आणे तीतामे यहुद्याहा उपासाम बी नीगी आगलो प्रवास खुबूज कठीण वेलो आथो तीया पौलाये त्याहाले होमजावीन आख्यो.
10
अरे लोकांहा माल ऐहेकी लागेहे का आपु ओ दोऱ्यामेने प्रवास मे जहाजामेने माल आणे जहाजालुज नेय ते आपु जीवाले खुबू हाल विइन मोठो नुकसान वेरुला धोको हाय.
11
पेन जहाज चालवु नारो आन जहाजा मालक इयाये पोला गोठी होवे बिलकुल ध्यान नाहा देदो उलटो जहाज चालवुनारेा आने जहाजा मालका गोठी वे अधिकाऱ्याबी जहाको विश्वास आथो.
12
पेन या हारी रिती जााजे उबी रेउुला जया जागाल आखतेहे या बेदरावे रेवुलो सारखे हारा नेय आथो तीया केहता खुबूज आजे फिनीकेले जाऊला कोसीस केरुला आने जोमी गीयो ता हियालो तिहीज रिअीने काडुला अेहेकी ठेरव्यो.
13
ताहा दक्षिणावेलेनी वाय बोगे वरो आवा लाग्यो, ताहा ते जहाज उबी राखुलो सागर उचे उसलीन क्रेताआ तोडी तोडीजहाजा चालवीन जाआ लाग्या जहाजा मने लोकांले अहेकी लागयो का प्ररभाषेज वारो आमाले जोजेतोलो आन तेहेकीज ते वारा आरी वोगाच जा लाग्या.
14
पेन क्रेसबेटावणे माहारुज इशान्य आखतेहे अेहेडो वाइुलो वारो आवा लाग्यो.
15
आने जहाज वादुळ्या वारामे सापडी गीयो हाती त्या जहाजाले आगला जावाया नेया लागयो ताहा आगला जाऊलो कोशीस सोडीन वादुला आरी जहाज केहेबी नोयातो जाय केहेत सोडीदेदो.
16
हाती कौदा नावा वाय हामा बेटा तोडी तोडी आमा जाआ लागया थोडीके खटपट केहीन फासे जीवन रक्षक हाणी उडीउचे जहाजामे उसली लेदी.
17
v 17 जहोजामे जीवन रक्षक हाणी उडी लेदी ताहा लोकांये होओडे जहाजाले हारकी आवलीने बांदले सुर्ती नावा निंडा जगावे रेआ मे जहाज जाय झोडायो या बिखे लिदे जहाजाले चालवुलो फोडदो अेठा उताव्यो ताहा बाइुळा आरी अेहेतेहे वोयाया लाग्या.
18
खुप जोरपे वादुहा वारा ताडाखो खा पोड्यो बीहीरे दिही लोकाहा जहाजामेने मालसामान बारे फेकी देदो.
19
तीसरे दिही जहाजा बाकी सामान आपुआथुकी बारे टाकी देदो.
20
वादुलो खुबूज जोरपे आथो तिया खुबूज दिही चांदुल्या आन दिही देखाया नाहा आमाले आमा जीव वाचानारो नाह बाइी आशा सेडी देदली आमा मोइज जाहावु ऐहेकी आमाले लाग्यो.
21
खुबूज दिही लोकाले पुखा आथा हाती पौल तीयाहुबूर उबी रीइन आख्यो का ओ लोकांहा माआ आखुलो तुमा उनाया नाहा क्रेतावेनी आपु वोहती सोउुलो नेय आिाो आती वोखो आननुकसान आपु वेहेतो नेय.
22
पेन आमी आपुले हाथेजोडीन आखु आपु धिर केअता काहाक तुमाहामने एका बी जीवाले धोको पेलनारो नाहा, आपु जहाज पेण गोमावी बेहु.
23
आय जीया देवा सेवक हाय आन जीया भक्ती आय किहु तीया दुत काल राजीमाआ ऐकीवेले उबो रीअलो.
24
आन त्यादुताये आख्यो, “तो आरी प्रवास केणारे होंगालोक देवये तीया दोयाकी तुलुजे देदलो हाय पौला बीयों नाहा काहाका तुल क्सरा आगला उबी रा पोडी.
25
ताहा तुमा बांदा धीर काडा माआ विश्वास हाय का देवाये जेहेकी माल आख्यो तेहेकी वेरीज मा विश्वास हाय.
26
पेन आपुले अेगाहा निडापाआया जगावे जाय ठोकाया पोडी.
27
चौदाव्या राती आमा जहाज अद्रिया दोऱ्यामेनी तोरगुतलो जहालो ताहा जहाज चालवुनाराले हाचवायो का जहाज ऐगाहा दोऱ्या काराडा पाही जाय लाग्योहो.
28
त्याही पाये कोतो उंडो हाय तो मोजी वेयो ताहा चालीस मिटर देखावे, आजी थोडाक टायमाकी तयाही फासे एकदाव दोऱ्यो उडे मोजुलो आसडो टाकयो ताहा तो तीस मिटर पोरायो,
29
आपु जहाज खोडकाला जागावे जाय ठोकाये या बीख लागी आन तीया त्याचे चार बिलाड्या (जहाज उबो करुल साधन) जहाजा फाचाडी होवे टाकी देदो आन उजालो वेरा केहता प्रार्थना कीहीने वाट वेरा लागयो
30
तीहाये जहाजा आगला होवेने बिलाड्या टाकुलो नाट किइ्रन हान्या उड्या दोऱ्याम टाकीन जहाज चालवुनारा नाहाये पोड्या कोसीस केअतला.
31
पेन पौलाय सिापाडासायबाले आन बीहीरा सिपायाल आखे “जर का अे लोक जहाजामे नैय रिया ता तुमा वाचानारा नाहा.
32
ताहा हाणा उड्या दोअडे सपिायाये वाटीने तोडी देदा आन उड्या दोअडे सिापायाये वाठीने तोडी देदा आन अेठा पायाम तोडा देदो.
33
v 33 पाहारो वेरा पेअला पौलाय त्या बाठान काय तेबी खा केहता आखी वयो आज चौदावे दिही हाय तुमा खुबूज वा वेता वेता कायजे खोदोपाीदो नाहा ओना वाय तुकडो खा दो.
34
तुमा वाय तेबी खायलया काहाका तुा बाची जोआ तुमाले खाऊलो गोरोज हाय तुमा खायला ऐहेकी मा हात जोडीन विनंती हाय तुमा मेने केडाजे किहाले कायजे वेनारो नाहा.
35
ऐहेकी गोगीने पौलाय मांडो लेदो आन बांठा देखता देवा उपकार मानीन तो मांडो मुडीन खा लाग्यो.
36
तीओ बिहीने बाठाले धीर आलो आने ते मांडो खा लाग्या.
37
आमा बाठा मिलीने जाहाजमे बेनहोव शहात्तर लोक आथा.
38
त्या बाठाम जोजे तोतोहो तारायने मांडो खायने पिइन फासे धान्यो दोऱ्यामे टाकी देदो आन जहाजा मेनी वोजो कोमी केअयो.
39
उजालो वेरा ताहा त्याहाले देशा जागो वेाहोकायो नाह पेन तीही तोडी काराडो आरी हाना दोऱ्या जागो देखाये हाती बोणी जाया ते तीही तोडील लागवुलो ऐहेकी ठेरव्यो.
40
तीया केहता त्याही बीलाड्या दोओडे वाटीटोके आन दोऱ्यामे पोडा ददे तयाआरी जहाजा थालवुलो पोडदो आला भागा वे वारो फुगवीने उबो कययेा आन जहाज वोय जायन तोडीवे जायने लागयो.
41
पेन बेन दोऱ्या वोचम वोय आल्ला कादु ठेरावे जाहजा जोरमे जायने ठोकायेा ताहा जहाजा आगलो भाग कादु ठेरामे गुती रियो आन जहाज फासलो भाग पायाआ लाफाा ताडाकाने फाटा लाग्यो.
42
ताह कैद्याले सिपायाय मारा ठेरव्या या केहता का त्याहामिनी केडोज तोरन नायाय पोडा जोजे.
43
पेन सिपायाय पौलाल वाचाउलो आथो तीया तयाही तो विचार सोडीदा आख्यो, आन जीयाल तोरया आवतो वेरी त्याय जहाजामेने पायामे कुदी पोडीन जावुलो आज्ञा केयी.
44
बाकी लोकांमे लाकडा पाटवे नेते जाहाजा तुटला लाकडा आधार लीन तोउी जागो आतडावा अेहकी आख्यो ऐहेकी रितीकी जहाजा मेनी बाठाजाआ सुरी समालीने तोडी जागावे पोच्या.
Chapter 28
1
जाहा आमा पाग सुखी समालमतीके तीहीनी जागावे लागयो ताहा आमाहाले होमजायो का त्या बेटा नाव मिलीता अेहेकी हाय.
2
तहीनी रेणारा लोकाही आमाल खुबूज मोया की वाबवणुक देदी.
3
पोलाये काटके टोलो कीइन तेत्या आखट्यामे टाका लाग्यो, ताहा हेकाटा की हापडो नीग्यो आन त्याये पौलाल वेटालायो.
4
इ विइन तेही रेणारा लोकांमे एक बीज्याम गोठ्या वेरा लाग्या इ माहु खुनी वेरा जोजे दोऱ्यामेनी वाचायो तेबी न्याय देवता इयाले जीवा देती नाहा.
5
पेन पौलाय ता हापडो आखटामे झेटकी देदो आन पौलाल कायज इजा नाहा वेअयो.
6
त्या बेआवेनी लोकाले ऐहकी लागयो का पौल दिले हुज आवी नेता पौल ऐकाएकी मोय पोडी एहेकी वट जोवतला खुब वाट जोवीन पौलाल कायज बाद्यो नाहा ताहा त्याय लोकाये विचार बोदलाया पौल देवज हाय अेहककी त आखता लाग्या,
7
तेहीने जागेज पुब्ल्य नावा माहा खेती आथाी पुब्ल्य ओ त्या बेटा मुख्याअधिकारी आथो, त्याये आमा बाठाले तीया कोअ गोवारो हाद्यो आन तीन दिही आम मोठी गोवारचाकरी केयी.
8
पुब्ल्य बाहाको बोराकी आन डेडखाराबी की बिमारी आथो, तयाकी खाटलाम पोडी रेहेलो त्या बीमारी माहाल भेटा गिया, पौलाये प्रार्थना कीइन त्यायापे आथ थोव्यो आन तो माहावु हारा वी गीयो.
9
अेहकी वेयो ताहा त्या बेटावेनी बीहीरे बिमारी माहाये पौलाही आले आन हारे वी गीये.
10
त्याही आमले खुशालीकी खुप मोठा भेट देद्या आन जाहा आमा फासे प्रवासाले निग्याताहा आमाल लागणाऱ्या खुबूज गोठ्या लावी देद्या.
11
आमा तिही हियालामे रीया आलेक्सांद्रा सेहेराम एका जहाजामेनी आगलो प्रवासाल निग्या, ता जहाजे आख्यो हियालो त्या बेटोव मुक्कामाल आथे, त्याजहाजा हुबऱ्या जागावे जळबा पावाहा चित्र आथो.
12
हाती आमा सुराफुस इही जाय पोच्या आन तीही तीन दिही रिया.
13
तहीने जहाज चालवुनु पोडदो अबीकिइन आमा निग्या आन रेगियोन नगराम गिया तही एक दिही मुक्काम केयो. फासेा दखिणे वेलेनी वारा सुट्यो ताहा बीहीरे दिही पुत्युलास गिया.
14
तयासेहेमे आमाले थोक पावहु मिलया तीयाहा विनंती केअेयी त्यावेनी आमा तीही सात दिही रिया आमा फासी रोम इेही जायन रीया.
15
तीहीने पाहुही आमा बाबत गोठ्या उनाया आथा ते आमाल भेटा केहेता अप्पिया बाराजाहुद आन ती धर्मशास्त्राइ हुदु आला, पौला आरी तियाहा भेट वेहेयी त्याही देवा उपकार मान्या आन त्याहाले धीर आलो.
16
आमा रोम इही पोच्याताहा पौलाले एखले राहा परवागी मिली पेन त्याआ वे देखेरेख केरा केहेता एक सिपाय थोवाम आलो.
17
तीन दिही विती जायने होगा यहुदी पुढाऱ्याने एकजागे हाद्या ताहा बादा जाहा एकठा वेअयो ताहा पौल त्याहाले आख्यो “पावुलाहा, आपु पाहुला विरुध्द मा काहीज नाह केयो तेबी माल येरुशलेम इेही तहीने रोमी लोकाहा हाथे कैदीम आखी तही देवाम आलो.
18
त्याही माहा चौकशी केअइ ताहा तयाही माल सोडी दाआ मोनाम लेदो काहाका माता देांडा मिले ऐहेकी केल्लोज गुनो माय केअयो नाहा.
19
पेन यहुदी लोकांय जहा माआ सुटका हरकत लेदी ताहा कैसरा होव न्या माल मागा पोड्यो, या अर्थ अहेकी नाहा का यहुदी लोका विरुध्द माआ गुनो देखावुला माआ इच्छा हाय.
20
या केअता का तुमाहाल भेटा आन तुमाआरी गोठ्या करुलो माआ इच्छा देखावी काहाका इस्त्राएला आशा विश्वासाकी आय या हाकलीकी बादालो गिये हाय.
21
यहुदी पुढारी पौलाल आयो “आमाले तुमा बद्दल यहुदीयोने केल्लोज पत्र आलो नाह आन तेहककी आणारा पाहुमेने ऐगाहा बी पावुहूये तोओ बाबत केलीज बीहीरी गोइ आज लाग्य आखी नाहा.
22
पेन तुाम मान काय आय इ होमजी लाआ आमा इच्छा हाय काहाका लोक होगी जागे इ पंथा उलटो गोगतेहे ता आमा जाअताहा.
23
ताह यहुदी लोकाये एकदिही एकटा आवुलो जीही पौल बोहतील रेतलो तही ते खुब जाहाका ओलो वेया ताहा पौलाय त्याहाले होमजावीन आख्यो आन देवा राज्याबाबत आपु साक्षी देदी मोशनियमशास्त्रापेनी आन संदेष्ट्यांहुद गोठ्या गेाठवीन येशु बाबत त्याआया खात्री पोटावीदा कोसीस वेगीवेलाने ता वातीवेला हुद पौल केतलो.
24
त्याये गोठ्या गोठवीन आखल्या गोठीबाबत काही थोडाक जावाहाले. खालीपोटी पेन थोडाक काय ता जे गोठ्या गोगतलो त्यावे विश्वास थोव्यो नेय.
25
पौला आगला फासे एक गोठ आखी तीयापेनी फाटाफुट वेअेयी त्यामेनी थोडाक जाआ उठ्या आन तीहीने तिगीजाआ लागयो पौलाय आख्यो यशया संदेष्ट्याहा आरी पवित्र आत्यय तुमा वाडवाडीला आरी जो गोग्यो, तो खेरोज कोतोहो खेरो हाय यशयाये आखलो आथो.
26
या लोकांहोव तुमा जा आन त्याअले आखा तुमा उनयाहा पेन खेरो तो तुमाले होमजुनारो नाहा तुाम वेद्या तुमाले देखाय पेन काय वेअता इ तुमाल होमजुनारानाहा
27
काहाक इया लोकाहा मन जड वी गीयोहो तीयाहा कानाकी त्याहाले उनाया आवतो नाहा त्याहाय अपु डावाहा की वेहता आले अपु कानाकी उनाहा केअल आन माआ होवे वोलता रेता आन आय त्याहाले हारो केहतो रेतो.
28
काहाका देवा इ तारण परराष्ट्रीय लोकाहोवे मोलाम आलो हाय इ तुमा यहुदी लोकाले होमजा जोजे ते उनाये.
29
तो अेहेकी गोग्यो त्यावे यहुदी आपु आपु मुजे खुब गोगता लाग्या.
30
पुरे बेन वोरेहे तो तयाआ पाडा कोअम रिया जे त्याल भेटा आवतला त्यांआ तो स्वागत केअतलो.
31
त्याये देवा राज्याकेअता प्रचार केअयो त्याये प्रभु येशु बाबत शिक्षण देदेा तो इ काम खुप जोरपे केहेतलो आन केडोबी त्याले गोगलो ओटकावी शकलो नाय.
Romans
Chapter 1
1
प्रेरित वेरा हादला ईसुअ ख्रिस्ताआ दास हारी गोठी खातुर आलग केला, पौल ईयापेने.
2
देवाय हारी गोठी बारेम, आपु संदेष्टयांवाय पवित्र शास्त्रलेखाम पोलापेन भविष्य देदलो आथो.
3
तीई हारीगोठ तिया पोयरा ईसु, आपु प्रभु इयाबद्दल हाय, जो देह संबधाम दावीदा पिढीम जल्माल आलो.
4
व पिवत्रतेअ आत्मा नजरी प्रमाणे मालामेने फासे उठयो, तोओ सामर्थ्यवाय देवाआ पोयरा नियुक्त केराम आलो. तो ईसुअ ख्रिस्ता आपुअ प्रथु हाय.
5
तियावाय आमाल कृपा व प्रेरितवेरा ई मिलीली हाय, ईयावाय कोई बादेजं राष्ट्रामं तिया नावाखातुर विश्वासावाय आज्ञापालन केरा जोजे.
6
तियामेने तुमान भी ईसुअ ख्रिस्ता वेरा खातुर हादला हाय.
7
रोममेने तुमा होगाज देवाअ प्रियांल पवित्रजान वेरा हादलान देव आपु बादाल कृपा व शांती मिलती रिई.
8
आय तुमामेने बादाखातुर पेला ईसुअ ख्रिस्ताअ किई, माआ देवाअ उपकार मानतो काहालका, तुमाआ विश्वास जगाम फैलाय रहलो हाय.
9
माअ जिया पोयराआ हारीगोठीम माआ आत्मावाय तिय सेवा केतो हाय तोआ आत्मावाय तिया सेवा केतो हाय, तोअ देव माआ साक्षी हाय. किई माय हरसमर माआ प्रार्थनेम तुमा याद केअतो हो.
10
आने ऐहकी विंनती किहूकी , आमी शेवटी विई सेके की देवाअ इच्छेकीई तुमावेला ताआ आवुलु वेरा जोजे. ईयाखातुर माआ मार्ग खुललो वेरा जोजे.
11
काहालका तुमा निट विईजा तिया खातुर तुमाहाल कोत्याक आम्तीक कृपादान मिला जोजे इयाखातुर माआ तुमाल भेटा खातुर उसली हाय.
12
काहाका आपु एकबिजाआरी तुमा व माआ विश्वासाकीई , मान तुमाआरी उश मिला जोजे.
13
पावुहू माल जेहकी काही परराष्ट्रियाम फळ मिल्यो, तेहकीज तुमाम काही फळ मिला जोजे, तियाखातुर माय तुमा पाही आवु ऐहकी खुपवाया योजना केला आथा. पेन आमीलुग खुब अडचण आली इयाबदाल तुमाआ अज्ञानी –याआ ऐहकी माआ इच्छा नाहा.
14
माय ग्रीक आने बर्बर ज्ञानी आने अज्ञानी इया देवुलु रेहलो हाय.
15
काहालका माय माआपेने रोमामेने तुमाआरी हारी गोठ आखा खातुर हाय.
16
काहालका माल सुवार्ते हारी गोठ आखा लाज नाहा लागी काहालका विश्वास थोवणा-या हरेएकाल तारणा खातुर तीई देवाअ सामर्थ्य हाय, पेला यहु्द्याल आने ग्रीकांनभी.
17
काहालका तिया वाय देवाअ नितीमतव विश्वासा खातुर प्रकट वेयो काहालका ऐहकी शास्त्रलेख हाय कीई नितिमान विश्वासावाय जीवीई जेह.
18
जेए माही अभक्ती सत्य दावीदेता ऐहकी लोकान अनितीवाय देवा क्रोध स्वर्गामेने प्रकट वेयो.
19
काहालका देवाबारामे प्राप्त मिलनारो ज्ञान तियाम देखाय आलो काहालका देवाय स्वत: तियान तोओ प्रकट केलो हाय.
20
काहालका जगा उत्पत्ती पेने केराम आलली गोठीपेने तिया आदाज समयेमे सामर्थ्य आने देवभी याआ तिया अदृश्य गोठी हमनुष्या आथ्या स्पष्ट दिखात्या तियाल नियाम काही सबब नाहा.
21
काहालका तियाय देवाल वोखुलो रेतो ताहा तियाय देव बनविन गौरव केयो नाहा , किंवा काहालका उपकार मान्यो. नाहा पेने तोओ स्वता मना कलवी विचार शुध्द मन अंधकारमय वेयो.
22
स्वताल ज्ञानी हमजीन हमजीन तोओ मुर्ख बन्यो.
23
आने अविनाशी देवाअ गौरव ऐवजी तियाय नाश्वंत माहा तेहकीज पक्षी आने चतुष्पाद पशु आने सरपटणारे प्राणी तिया स्वरूपाअ मुर्ती केयी.
24
काहालका तियाय आपु शरीरा तियाय तियामेने उपयोग केराखातुर देवाय अमंगळपणा वेरा देदो.
25
तियाय देवाआ सत्यावाय याने असत्य लेदो आने उत्पन्न केनारा जगापे निमिती उपासना आने सेवा केयी तोओ युगायुगु धन्यवादीत देव हाय.
26
इया कारणावाय देवाय तियान दुर्वासनाल होपी देदो काहालका तिया वायान सोडीन अनैसर्गिक प्रकार मानी लेदो.
27
आने तेहकीज पाहुहीभी बायु नैसर्गिक उपभोग सोडीन तेअ आपु वासनाम एकबिज बदल कामसंतत्प विईन दादाही दादाआरी पाउु आरी अयोग्य कर्म केयो आने तियाही आपु योग्य प्रतिफल आपनेन मिली.
28
आने तियाही देवाल स्मरण थवुलोकी नाहा पसंद आलो तियाखातोर देवाय तियान अनुचित गोठया केअने राहखातुर विपरीत मनाले होपी देदे.
29
तेअ बादेज प्रकारा अनितीवाय, दृष्टतेत,लोभा वाय आने कुवृत्तीवाय पोअले आथे. मत्सर, खुन,कलह,कपट दुष्ट भाव, इयावाय पुरीरिती पोराले कानगोठी केनारे.
30
निंदक देवदेष्टे, ख्यालखोर, प्रौढी पोराले, होदी काडणारे, याहकी-बादहाल अपमान केनारे,
31
निर्बुध्द, वचनभंग केनारे दयारहीत आने निर्दय वेये.
32
आने इया गोठी केनारे दंन्डा पात्र हाय, हो देवा न्याय तियान मालुम हाय. तेभी तेअे केअताहा ओनेज नाहा पेण ऐहकी गोठया केनारान सुध्दा मान्यता देताहा.
Chapter 2
1
ताहा एक बिजाप दोष लागुवुणाऱ्या ओ पाहु तुअ केडोबी वेरी तेभी सबब नाहा काहाका तुअ स्वत:ल दोषी बनवुतोह काहालका दोष लागवुनारो तुभी तिया गोठया केनारो.
2
पेन आपनेह मालुम हाय काआ ऐहकी गोठया केनाराविरूध्द देवा सलानुसार न्यायनिवाडा हाय.
3
ताहा ऐहकी गोठया केअनारान दोष लागवुनारा आने आपुह स्वत: तीया गोठया केनारा ओ पावुहू तुअ स्वत: देवा न्यायनिवाडामेने सुटीजाय ऐहकी मानतो का?
4
काहा देवा द्या तुल पश्चतापवेला लिन जातेहे हेअ वोखीन तुअ तिया ममने क्षमाशीलूम आने सहनकेरूलो तुअ तिया ममते क्षमाशील आने सहन केरूलो.
5
पेन तु आपु हाट्टीपनाके आन आपो पश्चाताप न केनारा मनाकी आपो सोता देवा रोगाल आने यथोचित न्याया प्रगटीकरणा दिहाकेता रोग हेंगलावी थोवतो हो.
6
तो जिया तीय कामाप्रमाणे प्रतिफोल देअी.
7
म्हणजे जे धिराकी हारे कामे किईन गौरव, सन्मान आने अक्षयता इ मिलवाजोजे आखीन तीयाहाय तो सार्वकालीक जीवन देईज.
8
पेन जे तट पाडणारे सत्याल मानते नाहा आन अनीतील मानताहा तीयान भयानक रोगा आन भरयानक कोपा, संकटा आने क्लेश आवी.
9
म्हणजे दुष्कृत्य केनारा माआहु प्रथम यहुदी आन फासे हेल्लेणी ऐहड्या बादांहा जीवाप तोओ आवी.
10
पेन हरेक हारे केअनारा पेला यहुदील आने फासे ग्रीकाल गौरव शांती आने सन्मान ई मिली.
11
काहालका देवापाही भेदभाव वैरभाव नाहा.
12
काहाल नियमशास्त्रावगर जोहताही पाप केले हाय तोताही नियमशास्त्रावगर नाश वेअरी आने नियमशास्त्रा मिल्यो तेबी पाप केअयो तिया नियमशास्त्राप्रमाणे न्याय वेरी
13
काहाल नियमशास्त्रा उनानारे देवा नजरूम मिली मान हाय ऐहकी नाहा पेन नियमशास्त्राआ पालन केअनारान नीतिमान बनी.
14
काहाका तियान नियमशास्त्र नाहा मिल्यो ऐहकी परराष्ट्रीय विदेशी अन्यजाती जाहा तिया स्वभावावाय नियमशास्त्रामेने गोठया केअनारा ताहा तियान नियमशास्त्र नाहा तेबी तेअ स्वत: स्वत:खातुर नियमशास्त्र वेअनाहा
15
आने एक बिजामेने तिया विचार नाहा एक बिजाल दोष लागवुताहा किंवाहा एक बिजाल समर्थन केअनाहा आने तिया विवेकही तिया जोडील साक्षी देता ताहा जोडील तेअ तिया ह-दयाप लिखलो नियमशास्त्राआ परिणाम देखावताहा.
16
देव माआ वचनाप्रमाणे जाहा माआहा गुप्त् गोष्टी ख्रिस्त यीशुपेने न्याय वेअरी तिया ई देजाय
17
आमी जाहा तुअ स्वत:ल यहुदी आखतेहो नियमशास्त्राआ आधार लेतोहो, आने देवा आपेने अभिमान मिलकुतोहो.
18
तुअ तिया इच्छा जाअतोहो आने हा-या गोष्टीन पसंद केअतोहो काहाका तुल नियमशास्त्रामेने शिक्षण मिलवुलो होय.
19
आने तोअ खातरी हाय कोई तुअ आंधला आगला लि चालनारो हाय. जोओ आंधाराम हाय तिया उजवाडो.
20
जियाल कमी बुध्दी हाय तिया माआहा शिक्षक आने हाना पोयरा हाय काहाल तोओवाही नियमशास्त्रामेने ज्ञान आने सत्याआ स्वईप हाय.
21
ताहा फासे जोओ तुअ बिजाल हिकवुतोहो तोअ तुअ स्वत:ल हिकवु तोअ नाहा का चोरी केयो माआ ऐहकी जोओ तुअ प्रचार केअतोहो का ?
22
व्यभिचार क्योहो माआ ऐहकी जाहा तुअ आखतोह तोअ तुअ व्यभीचार केअनाहो का ध्रुणा केअनारो तोआ तुअ देवलाल लुटीलोवोहो का ?
23
जाहा तुअ नियमशास्त्रा अभिमान मिलवीईलोतोहो ताहा तुअ नियमशास्त्रा उल्लंघन किईन देवाआ आपमान केअतोहा का?
24
काहालका शास्त्रलेखाम लिखलाप्रमाणे देवाआ नावाआ परराष्ट्रीयाम तोअ लिदे निंदा विई निंदा रियीईही
25
काहालका जाहा तुअ नियमशास्त्रा पालन केअतोहो ताहा सुंता खेरी खेरी उपयोगी हाय ताहा तोओ सुंता वेअली हायतेबी तीई नाहा वेअली सारखी हाय.
26
तियाह केडो माअहु ताहा तिया सुंता नाहा वेअयी तेबी नियमशास्त्राल तियाम मानी ताहा तिया सुंता नाहा वेअरूलो ई सुंता ऐहकी मानुलो आवी नाहा काय?
27
आने देहोबाय युध्दीकला ना वेअला कअं जाहा नियमशास्त्रामानी वेरी तर जिया तुल शास्त्रलेख आने सुंताविधी मिलली हाय तेबी तुअ नियमशास्त्राआ उल्लंधन केअतोहो ताहा तोअ तोअ न्याय किअनारो नाहा का ?
28
काहाका बाहरेने यहुदी हाय तेाओ यहुदी नाहा आने बाहेरेने देघत सुंता हाय तीई खेरी खेरी सुध्दीकला नाहा.
29
काहाका जोओ अंतरी श्हुदी हाय तोओ यहुदी हाय आने जीई आध्यात्मीक पालन नाहा एकेहकी जोओ अंतकरणा सुंता हाय तोओ सुंता होय आने तिया प्रशंसा माआहोपेने नाहा पेन देवापेन वेरीई.
Chapter 3
1
फासे यहुदी रेअवुलो फायदा तोआ काय आने सुंताविधीमेने काय लाभ.
2
हरएक गोठी खुबकाही हाय पेला ई हाय कोई तियाल देवाअ वचन होवलो हाय.
3
पेन कोअतो अंकाही विश्वास थेाव्यो नाहा तियाल काय वेयो तिया अविश्वास देवाआ विश्वासुपणा व्यर्थ केहयो का ?
4
किदीही नाहा देव आने हरऐक माअहु खोटो ठहरणारो शास्त्राम ऐहकी लिखलो हाय की तोअ गोगुलो तुअ नितीमान थरहो आने तोओ न्याय वेअतो हाय तिया जित वेअरा जोजे.
5
पेन आमा अवीती जाहा देवाअ न्यायीपणा स्थापना केयी ताहा आमा काय आखाजोजे जोओ देव आमापे आपु लावेहे तोओ अन्यायी हाय काय ?
6
किधीही नाहा ऐहकी वेयो ताहा देव जगाहा न्याय केहकी केरो.
7
काहाका जाहा माआ लबाडीवाय देवाआ खेरापणा अधिक प्रकट विईन तिया गौरवा खातुर वेयो ताहा माआ पापा लिदे न्याय काहा वेरा जोजे.
8
आने आपु हारे वेरा जोजे तियाखातुर खोट केरा इया ऐहकी काहा हितयाखातुर नैय आमा ऐहकी आखतले ऐहकी आमा निंदा कौअताक लोक केअते हाय ऐहकी माआहा तियान यथान्याय शिक्षा हाय.
9
फासे काय आपुहु यहुदी खुब हारे हाय का कायज नाहा काहालका बादेज यहुदी आने ग्रीक पापी हाय ऐहकी पेलानेज आपुह याप दोष लागवुलो हाय.
10
शास्त्राम ऐहकी लिखलो हाय का ?
11
जियाल हमजे ऐहकी केडोज नाहा जोओ मनवाय देवाल हादे केअतो नाहा ऐहकी केडोज नाहा.
12
तेअ बादेज पुलवाले हाय तेअ बादेज उपयोगी नाहा ऐहकी तेअ वेले हाय सत्कर्म केअनारे केडोज नाहा एकभी नाहा.
13
तिया गलो एक खुली गेहली कबुर होच हाय तेअ आपु जीकीवाय खोटो विचार केअतहे तिया होडानिचे हापडा जेहर हाय.
14
तिया मुय शापादेवाक आने कडवास पणावाय पोरालो हाय.
15
तिया पाग रगतू पाडलू खातुर उतावली केहे.
16
नाश आने विपत्ती तिया वाधीत हाय.
17
शांती वाट तियाय वेअली नाहा.
18
तिया डोवाआ हुबुर देवाआ बीवु नाहा.
19
आमी आपुहु ई जाअतेहे कि नियमशास्त्र जोअ काय आखेहे तोओ नियमशास्त्राम हाय ऐहकी आखेहे ऐहकी हरेक मुंय बंद विई जाआ जोजे आने बादेज जग देवाहुबुर अपराधी हाय. एकेहकी होमजीन आवे.
20
काहालका देवानजहू हुबुर नियमशास्त्रा कृतीमेने केडोज माअहु नितीमान ठहरलो नाहा काहालका नियमशास्त्रामेने पाप ज्ञान वेअहे नितीमान केडाज नाहा एकभी नाहा.
21
पेन नियमशास्त्रामेने आने भविष्यवक्तामिने साक्षी देअदली हाय तीया प्रमाणे नियमशास्त्रावाय देवअ नितीमान, आमी, प्रगट वेलो हाय.
22
पेन इया देवाआ नितिमत्व यीशुअ ख्रिस्तापेने विश्वासावाय विश्वास ठवणा-या बादाखातुर हाय काहाका तिही केअलोज फरक नाहा.
23
काहालका आखाहींज पाप केलो हाय आने ते अे देवा गौरवाहीन गेहले हाय.
24
देवाआ कृपावाय ख्रिस्त यीशुअ किंमत पोयण आमाल मिलवुलो हाय मुक्तीवाय तेअ किंमत चुकविन नितिमान बनतेहे.
25
तिया रगतुवाय विश्वासाकी प्रायश्चित वेराखातुर देवाय तियाल आगला थोव्येा देवाअ फासला वेला पाप माफी की सहनशील पणा आने तियाय आपुहु नितिमत्व प्रगट वेरा जोजे.
26
तियाय इया आमीने समयाम आपुहु नितिमत्व प्रगट केरा जोजे काहाका तियाय नितिमान वेलो जोजे आने यीशुप विश्वास थोवलो तियाल नीतीमान वेअनारो जोजे.
27
फासे आपुहु अभिमान काही हाय तोओ बाहरे थोवलो गेहलो हाय कैआला नियमावाल कर्मा काय नाहा पेन विश्वासा नियमावाय.
28
काहालका नियमशास्त्राअ कार्मावाचून माअहु विश्वासावाय नितिमान बनेहे ई आपु वेअतेहे.
29
काहाकी देवा ओ यहुदाअ देव हाय का परराष्ट्रीयांकीभी हाय.
30
जाहा शुध्दीकरण वेअला विश्वासाय आने सुंता नाहा वेअला विश्वासाय आने सुंता लाहा वेअला विश्वासावाय जोओ नितिमान ठरवुतेहे तोआचे एक देव हाय.
31
ताहा पासे आपुह विश्वासावाय नियमशास्त्र व्यर्थ केअहे काय तेहकी नाहा वेरा जोजे उलटो आपुहु नियमशास्त्राल स्थिर केअतेहे.
Chapter 4
1
ताहा आपु जुन्या डायाहा अब्राहामा याम दैविक नोजरीकी तियाल काय मिल्यो ऐहकी आपु आखु.
2
काहाका अब्राहामा आपु कर्माकी तो इमानदार तो रेतो ताहा तर तियाल अभिमान मिला काणर आथो पेण् देवा आगला नाहा.
3
काहाका शास्त्रलेख काय आखे ? अब्राहामाही देवाप विश्वास थेाव्या आणे तो तिया होवे नितिमत्वाकी तो गोणाय गियो.
4
आमी तो केडो काम केहे तिया वेतन कृपाम गोणाय जातो नाहा, पेण देवनु गोणाय जाय,
5
पेण जो केडो काय केतो नाहा, पेण जो धर्माचारण नेय केनाराहा नितिमान हेरे तियाप विश्वास थोवे, तिया विश्वास तिया होवे नितिमत्व म्हणुन गोणाय जाय,
6
देव जिया होवे कर्माशिवाय नीतिमत्व गोणे एहेडा माहा आशिर्वाद दावीद शुध्द तिया गोण्या आखे तो ऐहकी आखे का?
7
जिया आपराधाआ माफी मील्ली हाय, जिया पाप धोबावाम आले हाय ते धन्यहाय.
8
जिया हिशाबाम परमेश्वर पाप गोतो नाहा तो माहु धन्य हाय,
9
फासे ओ आशिर्वाद सुंता वेलोहाय तिया केता हाय का, सुंता नाहा केता हाय, काहाकी आपु ण्ेहकी आखु की विश्वास ओ आब्राहामाप नितिमत्व ऐहकी गोणायाम आलो आथो.
10
फासे तो केहकी गोणय गियो तिया सुंता वेयी ताहा कि सुंता वेरा आगला, सुंता वेयीताहा नाहा, पेण सुंता वेराआगला.
11
आणे तो सुंता नाहा वेंलो आथो ताहा विश्वासाकी तियाल मिलनारो नीतिमत्वाल शिक्का म्हणुन तियाल सुंता ई खुण मिली. जो केडो विश्वास थोवे ते सुंता नेय वेलेरीये तेबी तियाहाय तियाहा बाहको वेरा जोजे. ताहा तियाआरी तियाहोवे नीतिमत्वा गोणाय जाय.
12
आणे जे सुंता वेले हाय ते एक सुंता वेलो नेयआथे ताहा तियाहाम रेणारेा विश्वासाल मानीन चालनारो तियाबी तियाय बाहको वेरा जोजे,
13
काहाकी तु जगाआ वारीस बोनो, ई वचन आब्राहामाआ तिया पोयराहाल नियमशास्त्रा प्रमाणे नेय आथो, पेण विश्वासाआ नीतिमत्वा केता आथो.
14
काहाकी नियमशास्त्रा हाय ते वारीस हाय तर विश्वास निरर्थक आणे वचनाल उपयोग नाहा केयो.
15
काहाकी नियमशास्त्रा रोगकी आनारा कारण हाय,पेण जि नियमशास्त्र नाहा तिह नियमबी नाही,
16
आणे ई वचन विश्वासाव्दारे कृपेकी देदलो हाय. ते याकेताकी नियमशास्त्राकी जे हाय ते याकेताकी नियमशास्त्राकी जे हाय तियाल ते रा जोजे एहकी नाहा, पेण अब्राहामाआ विश्वासाकी जो हाय तियालबी बाठा पोयराहाल ते खेच रा जोजे तो आपु बाठाआ आबो हाय.
17
काहाकी एहकी लेखलोक हाय की आय तुल कोते राष्ट्राआ आबो केयो. जियाय तियाय विश्वास थोव्या, जो मोरणामने जिवतों केहे आणे अस्तित्वात नाहा हाय तियाल हाय सारखो तो हादे तिया देवा नजरी आगला तो एहकी हाय,
18
ताहा तो संतान वेरी, या वचनाप्रमाणे तियाय अनेक राष्ट्राहा पिता वेरा जोजे एहकी आशा नेयआथी आशेकी विश्वास थोव्यो.
19
आणे विश्वासामे मजबुत नेय आथे तियाखातुर तो तियाल शंभर वोरोहा आथो तियाय आपु निर्जीव शरीराहोवे व सारेच्या उदराच्या वांझपणा होवे लक्ष देदो नाह.
20
तो विश्वासाम मजबुत आथो तिया खातुर देवाल गौरव देतुलो,
21
आणे तिया पूरे माहिती वेयी का, देव आपु देदलो अभिवचन पुरो केराकेता तो तियार आथो,
22
आणे ताहा ते तिया होवे नीतिमत्वायाम गोणाम आले,
23
आमी ते तिया हिशोबाम गोणाय गियो,ई काय तियाकेताच लेखलो नाहा,
24
पेण काय तियाकेताच लेखलो नाहा, पेण आपु प्रभु ख्रिस्त याल जियाय मरणामने उठव्यो तर तियाय आपु विश्वास थोव्ये तर तो ते आपु हिशेाबाम गोणाय जानारे हाय,
25
तो प्रभु येशुं आपु पापाकेता तेराम आलो व आपु नीतिमान हेरावाजोजे ताहा तो जिवतो केराम आल्लो हाय,
Chapter 5
1
आमी आपु विश्वासाम नीतिमान ठेरवाय गिले हाय ताहा आपु प्रभुख्रिसत तियाकी देवाआरी शांती हाय.
2
आपु उभीरीये तिया कृपाम तियाकी विश्वासाम आपुल प्रवांगी मिल्ली हाय व आपु देवाआ गौरवाकेता आशाम अभिमान मिल्लो हाय,
3
आणे ओतोच नाहा तर आपु संकटामबी अभिमानकेता काहाकी आपु जाताहा की संकट धीर उत्पन्न केहे.
4
आणे धीर प्रचीती व प्रचीती आशा उत्पन्न केहे.
5
आणे आशा लाजववातिनाहा काहाकी आपु अंत:करणाम आपुल देदलो पवित्र आत्म्याकी देवाआ प्रेम टाकाम आवेह,
6
काहाकी आपु कमजोर आथे ताहाच ख्रिस्त एक दिही तिया चेंलाकेता मोय गियो,
7
काहाकी ऐगा नीतिमान माहाकेता कौवचित केडो माहु मोरी काहाकी ऐकदो हारा माहाकेता कौवचीत केडो मोराकेता धाडस केरी.
8
पेण आपु पापी आथा ताहा ख्रिस्त आपुकेता मोयो आणे ताहा देव तिया आपुपेणे मोया देखावे,
9
फासे आमी आपु तिया रक्ताकी नीतिमान ठरवुले हाय तर तियापेक्षा जाहके हाय की तियाकी आपु देवाआ क्रोथाकी तारले जांहु.
10
काहाकी आपु दुसमन आथे ताहाजर आपु देवाआरी तिया पोसरा मोनुमने तियाआरी जाते ताहा तिया पेक्षा जाहको ई ऐहकी हाय की, आपु तियाआरी अर्पण चोडी गिया तिया जीवनाकी आपु खेरोज तारण विजाय.
11
ओताच नाही पेण आमी जियाकी आपु समेट स्वीकारकेलो हाय तो आपु प्रभु येशु ख्रिस्त तियाकी आपु देवाआल अभिमान किहु.
12
ताहा एक माहामुळे जगाम पाप आलो व पापाकी मरण आलो आणे बाठाय पाप केलोहाय याकेता बाठा माहाप मरण आलो.
13
काहाका नियमशास्त्रापेला जगाम पाप आथो, पेण नियमशास्त्र नेय आथो ताहा पाप हिशाबाम आवतो नाहा.
14
तेबी मरणाकी आदामाहिने मोशे हुद राज्य केयो, आदामा उल्लंघना रुपाहोस जीयाही पाप केयो नाहा तीयाहाप बी राज्या केयो आन जो आगाडी वानणारो आथो तीया नमुनो आथो.
15
पेण अपराधाआ गोठ हाय तेहकी कृपादानाआ गोठ नाहा,काहाका एक अपराधाकी जर खुबे मोय गिले, तर तिया पेक्षा खुब हाय की देवाआ कृपा व येशु ख्रिस्त या एका माहांकी कृपा देणगी कोता विपुल वेयी.
16
आणे पाप केनारा एकाकी जेहकी परिणाम वेयो, तेहकी देणगी गोठ नाहा काहाका एका अपराधाकी दोड आज्ञा आणे न्याय आलो, पेण कोते अपराधाकी निर्दोषीकेरा केता कृपादान आलो.
17
काहाका मरणाकी एका अपराधाकी, एकाआ की राज केयो तिया पेक्षा खुब ई हाय की जि कृपा व नीतिमत्वाआ देणगीई विपुलता स्वीकारता ते तिया एकाच की यीशु ख्रिस्ताआ व्दारे जीवनाम राज केरी.
18
काहाका जेहकी एका माहा अपराधाकेता बाठा माहाल दंडआ ठरवाम आलो, तेहकी एकच निर्दोषीकेनाराकेता माहाल जीवनाकेता नीतिमान ठेरवाम आलो.
19
काहाका जेहकी एका आज्ञा मोडी कोतातेबी जाआ पापी ठेराय गिया,तेहकीच एका आज्ञापालन केयो आणे कोते जाआ नीतिमान ठेरवाय जाय,
20
ताहा अपराध वादा जोजे काहाका नियमशास्त्र माजामे आलो.पेण जिह पाप वादयो तिह कृपा वादार विपुल वेयी.
21
काहाका जेहकी पापाय मोनुकेता राज चालव्यो तेहकी पापाय मोनुकेता राज चालव्यो तेहकी कृपाय बी नीतिमत्वातिया की प्राप्त वेणारा जलमजुग्य जीवनाकेता आपु प्रभु यीशुख्रिस्त तियाकी राज चालवा जोजे.
Chapter 6
1
ताहा आम्ही आपु काय आखजी कृपा जाहकी वेरा जोजे तिईयाल आपु पापम रा जोजे का ?
2
किदीज नाय आपु जे पापाम माय गिईले हाय ईया आगला तिईयाम केहकी रेनारे हाय.
3
तेहकीज आपु बादाकी ख्रिस्त यीशुम बाप्तिस्मो लेदलो हाय आपु तिईया मोरणाम लेदालो हाय ई तुमा नाहा जाआते का ?
4
तिईयाल आपु तिईया मोअला बाप्तिस्मा की तिईयाआरी पुराले हाय, ईयाकेता की जेहकी ख्रिस्त बाहका गौरवाखातोर मोअलामने उठवलो हाय तेहकीच आपोबी जीवना नोवाम चाला जोजे.
5
काहाका जेहकी तिईया मोअला रूपाम आपु तिईया आरी जोडाय गिईले हाय.तेहकीज तिईया पाची उठुवुला रूपाम आपु तिईयाआरी जोडले रेवा.
6
आपु जाअते की आपुमेने जुनो माआहु तिईआरी क्रुसखांबाप खिलीही गिईलो हाय, तेहकीज पापहा शरीर नष्ट विईन आपु आगला पापा गुलामगिरी केअजी नाय,
7
काहाका जो मोअय गिईलो हाय तो पापामेने मुक्त विईन न्यायी टोरवाय गिईलो हाय.
8
पेण आपो ख्रिस्ताआरी मोअय गिईले आथे, ते आपो तिईयाआरी जिवते रिहु अेहंडो विश्वास आपु थोवेयेहे.
9
काहाका आपु ई जाअते, माअलामेने उठलो ख्रिस्त पासे मोअनोरो नाय. तिईयाप मोरणा सत्ता रिईलीच नाहा.
10
काहाका तो मोयअ गिईलो तो पापाखातोर एकुचदा मोअलो हाय, पेण जिवतो हाय तो देवाखातोर हाय.
11
तेहकीज आपो ख्रिस्त येशुम खेरोखेर पापाल मोओय गिईले पेण देवाल जिवते हाय. अेहकी तुमाआ माननु हाय.
12
तिईयाल तुमा आपु मोअलाआधिन शरीराम तिईया खाराब गोठीम पोडीन पापाल राजा चालवा नाहा द्या.
13
आने तुमाआ आपु अवयव खाराब गोठीम वापरीन लीन पापाल समर्पण वेअरा नाहा, पेण तुमाआ आपो मोअलामेने जीवते एहेंडे देवाल समर्पण केअेरा. आने तुमाआ आपो अवयव हारा केअता देवाल समर्पण केअरा.
14
तुमाप पापाआ सत्ता नाहा चालणारी काहाका तुमाहा नियमशास्त्रा बांधाले नाहा, पेण कृपाअेठा लि आलेहे.
15
ते काय हाती काय आपु नियमशास्त्राअेठा नाहा ते कृपाअेठा लि आवणारे हाय,तिईयाल आपु केअरा जोजे काय कीदीच नाहा.
16
तुमाआ जिईयाल आपोकेता खुद दास आखिन आज्ञा पालाकेअेता समर्पण केअता, तुमाआ जिईया आज्ञा पालतेहे तिईया तुमाआ दास हाय. ते मरणाखातोर पापाहा आने नितिमाणाखातोर आज्ञापालनाआ, ई तुमाआ होमजुता नाहा का ?
17
पेण देवाल धन्यवाद केअरा काहाका तुमाआ पापाआ दास आसीन बी शिक्षणाआ दिळवुनी अेठा थोवाई गिया तिईया तुमाआ मोनाकी आज्ञा पालनु,
18
आने पापाईने मुक्त विईन तुमाआ नितिमाना दास वेअले हाय,
19
मायु तुमाआ शरीला कमजोरखातोर माआहा व्यावाहाराल लिन आखु, काहाका जेहकी तुमाआ शरील माठया गोठया आने खेाटया गोठया लीन तिईया दास वेअरा केअेता समर्पित केअेते.
20
तेहकीज आमी तुमाआ अवयव हारोजीवन पवित्रालिईन दास वेअरा खातोर समर्पन केअेरा. काहाका तुमाहा पापाहा दास आथे, ताहा तुमाहा हा-यागोठीही बाराम स्वतंत्र आथे.
21
आमी तुमान जीया लाज कि आवतुली ती गोठीपेने तुमान काय फोल मिलतलो काहाका ती गोठ शेवोट मोरण हाय.
22
पेण आमी तुमाआ पापाहीमेने मुक्त किअले आसीन देवा दास वेअलाखातोर, आमी तुमान पवित्रकरण ई फोल आहे आने थैल्लै सार्वकालीक जीवन हाय.
23
काहाका पापाहा मोबदलो मोरण हाय, पेन आपो प्रभु यीशु ख्रिस्त ईयाव्दारे सार्वकालीक जीवन ई देवाईने कृपादान मिललो हाय.
Chapter 7
1
पावुलाहा (नियमशास्त्रा माहिती रेनाराआरी माय गोगी रीयो) माहु जाउुक लुग जीवतो हाय तावकलुग तीयाये नियमशास्त्रा सत्ता हाय ई तु होमजातो नाहा का ?
2
काहाका जी थेईल मारी हाय जाउकलुग तीयु माटी जीवतो हाय तावलुग ती नियमशास्त्र बांधलेली हाय पेण तीयु माटी जर मोई गीयो ता ती तीयु माटी तियामेने ती तुक्त वी जाहे.
3
तीयाल माटी जीवतो रेहे तेबी जर ती बीहजा माहा ती वीगीई ता तीयुल व्यभिचारीन ई नाव मिलेहे पेन तीयु माटी मोई गीयो ता ती तीया मुक्त नियमामेने मुक्त वेहे पासे जर ती बीहजा माहा बुरी वी गीई तर ती व्यभिचारी वेती नाहा.
4
तीयाम आखु मा पावुलाहा तुमा बी ख्रिस्ता सेवा शरीराव्दारा नियमशास्त्र मरण पावला होय काहाका तुमा बीहीजा जो मरण पावलामेने पासे जीवतो वेयो तीयर वेरा म्हणजे आपु देवाल फल दीहु.
5
काहाका आपु देहाधीन रेताहा नियमशास्त्रा उभ्दवलेल्या आपु पापा भावना आपु शरीराम मरणाल फल देवुला कार्य केतल्या
6
पेण आपु जीया बंधनाम आथा तीयाय आपु जीवन निगी गीयो तीयाम आपु आमी नियमशास्त्रामेने मुक्त वीगीया तो इयावाटो का आपु आत्मा नवापना की सेवा केरा जोजे शास्त्रलेखा जुनापणा की नाहा
7
फासे काय होमजुला नियमशास्त्र पाप हाय का कीधीच नाहा, पेन मान नियमशास्त्रा शिवाय पाप होमनातोज नाय. काहाका लोभ् केरा ताहा ऐहकी नियमशास्त्राय आखल्या शिवाय मान लोभ काय हाय ई होमजातोज नाय.
8
पेन पापाय आज्ञा संधी लीन मामोनाम आखा प्रकारू लोभ आवी गीयो काहाका नियमशास्त्रा शिवाय पाप निर्जीव आथो.
9
काहाका माय एकदा नियमशास्त्राशिवाय जीवलो पेन जाहा आज्ञा आली ताहा पाप सजीव आथो आन माय मोय गीयो.
10
जीवना वाटो देदली आज्ञा मरणा कारण कप्यो ई मान देखायो.
11
पेन पापाय आज्ञा संधी लेदी आन मान ठोगाव्यो आन तियु योग्य मान ठरव्यो.
12
तीयीम नियमशास्त्र पवित्र हाय, तेहकीज आज्ञा पवित्रा न्याय आन हारो हाय.
13
जी हारा हाय तो मान मरणा वेला ली गीयो का तेहकी नाहा पेन जो हारो हाय तीया योगे पापई पापप्रकट तीयाल मामे ती मरना परिणाम घडवे हे म्हणजे पाप ई आज्ञा पराकोटीचे पापिष्ट वेयो.
14
काहाका आपुज ई माहिती हाय का नियमशास्त्र ई आत्मीक हाय पेन माय दैहिक हाय पापाल वेचलो हाय.
15
काहाका माय काय की रीयो तो मान माहिती नाहा माय जीया इच्छा कीहु तो माय केतो नाहा पेन माय जीया व्देष कीहु तो नाय कीहु.
16
जीया मान ईच्छा नाहा ते जर माय किहु ता नियमशास्त्र चा हारो ई माय मानुहु.
17
आमी माय तो केतो नाहा आमी मामोन रेणारो पाप तो केहे.
18
काहाका मान माहिती हाय की मामे कावीज हारो रेतो नाहा काहाका इच्छा केरूला मा जागे हाय पेन हारो रेवुला नाही.
19
काहाका माय जो हारो केरूला इच्छाकीहु तो मा केता नाहा पेन माय जीया इच्छाकेतो नाही तो चाोतो जाय कीहु.
20
माय हारो केरूला इच्छा रेहे ताहा खोटो केरूला बी मा जागे रेहेज, ओ नियम आरी रेहे.
21
फासे आय हारो केरा इच्छा असता माढो मा पाहे रेहे ओ नियम हाय.
22
काहाका माय मा अंतर्यामी देवा निमाकी आंनदी वीहु.
23
पेन मान मा शरीराम एक बीहजो नियम देखाय तो मा मनामेने नियम आरी चुलायने मान मा शरीराम रेनारा पापा नियमा आथाम देहे
24
माय केतो कष्टी माहु मान मरना शरीराम ने केडो सोवडी.
25
माय आपु प्रभु यीशु ख्रिस्त ईया व्दारा देवा उपकार मसनु माय सोता मनाकी देवा नियमा दास्य कीहु पेन मोनाकी पापा नियम दास्य कीहु.
Chapter 8
1
इयांखातोर ख्रिस्त यीशुम हाय. तियाहान शिक्षा वेअनारी नाहा काहाका ते शरीरा इच्छा की नाहा पेन आत्मा की चालतेहे.
2
काहाका ख्रिस्त यीशु मेने जीवन देनारा आत्मा नियमा की माल पाप आन मोता नियमा इहीने सोडवी लेंदे.
3
आपु पापा स्वभावा की नोअला वेअला नियमशास्त्र की जो काम नाहा वेअतो तो तिया की नाहा वेयो.
4
जे आपु शारिरीक रिती की नाय पेन आत्मीक रिती की चालतेहे, आपुहूम नियमशास्त्रा धार्मिकता पुरी केरां खातोर एहेंकी केअओ.
5
काहाका जे शारिरीक हाय ते शरीरा गोठीही वे मोन लागवीन जीवतेहे , पेन जे आत्मिक हायते आत्मिक गोठीही वे मोन लागवीन जीवतेहे.
6
आत्मिक गोठीही वे मोन लागवुनु की जीवन आन शांती हाय, पेन शारिरीक गोठीही वे मोन लागवुनु की मोत नक्कीज हाय.
7
आतोज नायं, पेन शारिीक मोन लागवुनु इ देवा आरी विरूध्द केअनु हाय, आन ते नियमशास्त्र पालते नाहां आन तेहकी की बी नायं सेके.
8
जे शारिरीक हाय तियान देवाल खुश केअता नाहां आवतेा.
9
पेन तुमाहाम देवा आत्मो हाय ता तुमा शारिरीक नाहां आत्मिक हाय जर केडाल बी ख्रिस्ता आत्मो नांय मिल्यो वेरी ता, तो ख्रिस्ता नाहा.
10
जर ख्रिस्ता तुमाहाम हाय ता, पापाहा की शरिर मोअनारो हाय तेबी बी धार्मिकता की पवित्रा आत्मो जीवन देहे,
11
पेन यीशुल मोंता मेने जीवतो उठाव्यो तिया आत्मा जर तुमाहाम वास केहे ता जियाम ख्रिस्त यीशुल मोताम तो उठयो तो तुमाहाम रेनारो आपु आत्मा की तुमा बी मोते शरिर जिवतेा केरी.
12
एहेकी हाय ता ता पावहुलाहा आपु कर्जदार हाय, पेन शरिरा पापी स्वभावा की जीवना आपु कर्जदार नाहा.
13
काहाका जर तुमा शरिरीक रिती की जीवते वेरी ता नक्ककीज मोंअनारे , पेन जर तुमा आत्मा की शरिरा कामे माय टाकते वेरी ता तुमा जीवते रीहा.
14
काहाका जोताहान देवा आत्मो चालवेहे ते बादे देवा पोयरे हाय.
15
फांचे आजी धाकायां जोजे ऐहेंडेा गुलामी आत्मो तुमाहान नाहा मिल्यो पेन जिया की आबा, बाहका ऐहेकी आपु हाद केअतेहे ऐहेंडो बालक बेटा आत्मो तुमाहान मिल्लो हाय.
16
तो पवित्र आत्मो सोवताहा आपु आत्मा आरी मिलीन साक्षी देहे, आपु देवा पोयरे हाय.
17
जर आपु देवा पोयरे हाय तता खेरोंज़ तिया वारीसदार बी हाय. आन आपुहुन तिया आरी महिमा मिला जोजे इयाखातोर आपु तिया आरी दु:ख बी वेहुहु तांहाज,
18
काहाका आपुहुंम जो महिमा प्रगट वेअनारी हाय हितया कावचीज नाहा ऐहेकी जे दु:खे हाय, ते कावीज नाहा एहेंकी आय मानुहु.
19
बादी सृष्टी खुबुज आशा कीन देवा पोयरे आवी तिया वाट जोवेहे.
20
काहाका सृष्टी सोवताहा इच्छा की नांय, पेन जियाय तीयोल होपी देदी तिया इच्छा की नाराज पोडीन नाशा खातोर होपाय गियी पेन तियो इ आशा हाय.
21
काहाका सृष्टी सोवताहा नाशा गुलामी मेने सुटीन तियोल पोयरा महिमावालो सुटको मिली.
22
आपुहुन मालुम हाय, का बादी सृष्टी आज लुग प्रसव पिडा होच काही रीयीही.
23
ओतोज नाय पेन आपु जियाहान पवित्र आत्मो इ पेअलो फल एहेकी मिल्लो हाय ते आपु बी बालक वेरा खातोर आपु शरिरा सुटको मिलनु वाट जोवीन मोना मोनाम काहांतेहे.
24
आन आश केअनु कीज आपु तारण वेअलो हाय पेन जी आशा देखायेहे ती आशाज नाहा जो देखायेहे तिया आशा केडो केरी.
25
पेन जसे देखातो नाहा तिया जर आपुहुय आशा केअयीही ता, धीर राखीन तिया वाट बी जोवतेहे.
26
तेहकीज आत्मो बी आपु नोबलायीम आपुहुन मोदत केअहे, काहाका आपुहुंय केहेडा खातोर प्रार्थना केरा जोजे इ आपुहुन मालुम नाहा, पेन आत्मो सोवताहा काही काहीन आपु खातोर प्रार्थना केअेहे.
27
आन आपु मेने पारखुनाराल आत्मा इच्छा काय हाय इ मालुम हाय काहाका तो आत्मो पवित्र लोकाहां खातोर देवा मोरजी की प्रार्थना केअहे.
28
जे पोरमेहेरा वे माया केअतेहे, जे तिया मोरजी की हादले हाय, तियाहा खातोर बादया गोठया फायदा खातोर वेअत्याहा इ आपुहुंन मालुम हाय.
29
जिशहान देवा पेअलाज ओअय्या तियाहान तियाय तिया पोयरा होच वेरा खातोर पेअलेनंज नेमी थोवा इयाखातोर का तो तिया खुबुज पावाहान पेहलोज पावुहु वेरां जोजे,
30
आजी तियाहान पोरमेहेराज पेअलेनंज नेमी थोवलातियाहान तियाय हादी लेदा, आन तियाहान तियाय हादी लेदा तियाहान तियाय धर्मी ठेरव्या आन जियाय तियाहान धर्मी ठेरव्या तियांहा तियाय बी केअयी.
31
एहेकीं हाय ता इया गोठी बददल आपु काय आखनारा देवाआरी आ-यो हाय ता आपु विरूध्द केडो वी सेकनारो.
32
तियाय तिया सोवताहा पोयराल राखी नाय थोवता तियाल आपु बादाअ खातोर आर्पण की देदो तो तिया कृपा की आपुहुंन बादोज भरपुरी की केहेंकी नाय देनारो.
33
देवा नीवडुला लोकाहा वे दोष केडो थोवी सेकनारो देवा तियाहान धर्मी ठेरवुनारो.
34
शिक्षा हुकुम देनारो केडो खेरोज केडोज नाहा जो ख्रिस्त यीशु मोय गियो ओतोजं नाय पेन मेाता मेने जीवी उठयो तो आमी देवा हुदी वेल हाय आन तो आपु खातोर प्रार्थना बी केअहे.
35
ख्रिस्ता माया इहीने आपुहुन केडो जुदो की सेकनारो संकट , तकलीफ, तारास , निंदा पुख, गरीबी मानत इ जुदो केरी का ?
36
शास्त्राम लेखलो हाय तोअ खातोर आमा आखोा दिही मोय रोयेहे मारा खातोर ली जातेहे तिया मेडा होच आमाहान गोय लेदले हाय.,
37
पेन जियाय आमाहा वे माया केअयी तिया की बादी गोठीहीम आपु विजयी हाय.
38
मां खातरी हाय मोत, जीवन, होरगा देवदुत जुगा मेने अधिकारी वर्तमान नेता भविष्य केहेडी बी सोकती.
39
उचाय, उंडाय नेता केहली बी उबावली वस्तु आपु प्रभु ख्रिस्त यीशु की देवु की माया केअंली हाय तिया इहीने आपुहुन जुदो नाय की सेकनारे
Chapter 9
1
आय ख्रिस्तोमे खेरो आखु आपु खोटो गोगतो नाहा आणे माआ मोन पवित्रा आत्मामे साक्ष दि रियो.
2
का माल मोडो दु:ख वी रियो आणे माआ मोना मे सारखो दु:ख हाय.
3
काहाका दैहीकामे जे माआ जातूले हाय त्याआा माआ पावुहु केहता आय स्वत: ख्रिस्ताहोवनी शापीत अेहेकी आम होमजु.
4
ते इसायली हामे तीया केहता दत्तकपण गौरव, करार, नियमशास्त्र भक्ती आणे चवने होयजे.
5
वाडवडील त्याहा होमे त्याहामेने दैहीक वेअता ख्रिस्ता आलो तो होगापे हाय ओहेडी देव युगानुयुग धन्यवादीत आहे, आमेन
6
पेण देवा वचन वायबार वेयो अेहकी नाहा काहाका जे इस्त्राएलामेने हाय ते होगाज इस्त्राएली नाहा .
7
आणे ते आब्राहामा कुठबो आहे तिया होगा पोयरेहाय अेहेकी नाहा ते इसाहाकालुजे तो अइो आखामे आवी देहेकी चवन हाये
8
काहाका डीला पोयरे अे देवा पोयरे अेहकी नाहा पेण वचना पेायरे अेजे कुटुंबामे गोणाय गेऐले हाय.
9
काहाका वचना ऐहेकी हाय का आयईया ओखोत आवेहे आणे साराबाईले पोयरो वेरी.
10
आणे आतोज नाहा पेण एकापेनी जेहकी आपु बडा इसहाक याआवेनी रिबेका दिहीरेहेता ताहा.
11
आणे पोहरा जन्मलो आले नाहा काहीके हारो आणे खाराब केठाम बी नाहा केअेयो निवडुलाहा केहेजा देवाआ मोजना कायम राआ जोजे कामापरमाणे नेय पेण गोगण्एााराहा मना प्रमाणे,
12
तील आखाम आल्लो आयो का मोडो हाणाआ सेवा केरी.
13
काहाका शास्त्रा मे अेहेकी लिखलो हाय का, याकोबाअे आश् मो केलेहे ऐसावा पे रोग केअेयो.
14
हाती आपु काय आखु देवाही नीती नाहा की तेहकी नेयवेअे.
15
काहाका ता मोशेल आखेहे आय ज्यावे दया केअेतो तयावे दया किईव आणे आया ज्यावे उपकार किईवे त्यावे उपकार किईव.
16
ते हाती जो इच्छा तेहेअे त्यायाकी नाहा का जो दौवछेहे तीयाकी नाहा , पेण जो देव दया केअेहे त्याकी ई हाय,
17
हाती तीयाकी फारेाले शास्त्रलेख आखेहे आयतुले याकेअता मोठो केअयो का तोओ वेअजी आय माआ ताकते देखावा हाय आणे होगी तोरतीवे माआ नाव मालुम पोडा जोजे.
18
काहाका परमेश्वरा इच्छा वेरी त्यावे तो दया केअेहे आणे त्याआ इच्छा वेरी त्याले कठीन केअहे.
19
तु इयावे आखोका, तो तेबी दोष काहा लागवे हे तीया योजनेले ऐयाये विरध्द केअेलो हाय.
20
पेण उलटो अरे पावूहू , तू जो देवाले उलटावीन गोगतो हो तू केठो हाय तू माल अेहेकी काम केअेयो, अेहेकी वस्तू केअेणारो आखी सेके.
21
कुभोराले एकाच गोलामेनी एक बासणो मामनाणकेअनो आणे बीहीरो नेय मानपाणा केअना कादूवे अधिकार नाहा का ?
22
हाली आय माआ रोग देखावा आणे आपु ताकोत देखदा अेहेकी देवाल जर का केरा इच्छा केरी तेबी त्याये जर का नाशा केअमा तीयार केअलो क्रोधा माहाले सहनककिईने वागव्यो.
23
आणे गौरवा केअता पेहेलाज तयारी केअली दया माहापे आपूहू गौरवाधन देचखावा केएच त्याचे अेहेकेअयो तो काय?
24
त्याये ज्यामे एकूज का यहुदयामेने नाहा पेण बिहीरा लोकामने बी हादले हाये. ते आपू तोच उया केअला माहामे हाय
25
काहाका तो होशयोपुस्तकामे अेहेकी बी आखकेहे का जे माआ प्रजा नेय आथा त्याहाले माआ प्रजा आखे आणे जे माआ पोरणारी नेय आथे त्याहाले आये आमा पोरणारी आखेहे.
26
आणे अइेहेकी वेरी का ज्या ठिकानापे तुमा माहा प्रजा नसहस अेहेकी आखलो आथो त्याहाकी जीवना देवा पोयरे आखाम आवी,
27
याशयाबी इस्9ाएला केअता बोबलीन आखे का इस्त्राएला पायरा संख्याजीबी हो-यारेअरा होस वेरी तेबी एक कायबी वाचाकाम आवी.
28
काहाका बादों पावावीन उभीरेहे त्याहोचे आपु तोरतीवे वचन पूर्ण केरीई.
29
आणे यशयामे पेअलाजे आखल्याप्रमाणे सौन्याआजभयेगाका आपू केअेला बीज थोवलो होय रेतो ता आमा सदोमासारखो वेअतोरेले.
30
हावी आपू काम आखूहू जे का बीहीरा लोक नीती पासला कागला नाहा त्याही नीती मिलवीली नीती पाचला लागता नाहा त्याही नीती मिलवीली हाय तेहकी का विश्वासा की मिलनारो नीती मिलवुती हाय.
31
पेण जे इस्त्राएल नीमी नियम पाचला जाहला ते तया नियमा पाही पोच्या नाहा.
32
आणे का काहाका ते विश्वासकी नाहा पेण कामा की त्याआ वाचला जाहाला काहाका तीयाले ठेच लागुला डोगछाले ठेचाये.
33
काहाका अेहेकी हाय का , व्या आमा सिमोनामे एक ठेच लागुलो डोंगडो, एक ओटकावूलो खोडबो थोवेहे. आणे जो केडो त्याहापे विश्वास थोवे हे ते लाजेनआव्यो नेय वेअणारो.
Chapter 10
1
पावुह मा मोना इच्छा हाय , की देवाय तियाहा खातोर प्रार्थना किहु बादयाहा तारण वेरा जोजे.
2
काहाका आय साक्षी देहु की तियाम उेवा हेवो हाय, पेन ते ओकलीकी नाहा.
3
आने ते देवा न्यायीपणाल नाहा, िोमजूता जो परमेश्वराहीने मिलेहे आने ते सोताहा न्यायीपणा उपजावा होदताहा तियाहाल तियाहीय देवा न्यायीपण नाहा लेदो.
4
ख्रिस्तान नियमशास्त्रो पारवाव्यो काहाका जो केडो भरूसो थोवी तो परमेश्वराम धार्मिकवी.
5
मोशेय नियमशास्त्राम न्यायीपणा बोददल ऐहेकी लेखलो हाय की, जो माहु नियमशास्त्रा वचना आरी चाली तो माहु तेहकी जिवन जिवी.
6
पेण भारूचा मिलनारो न्यायीपण एहेंकी आखेहे की, तू मोनुम एहेंकी विचार नाहा केहो की होरगाम केडो जाय.
7
आने नोरकाम केडो जाय.
8
पेण नियमशास्त्र एहेंकी आखेहे, तो वचन तो मोनुम हाय, तो विश्वासु वचन इज हाय जो आमहा तुमाहान आखता फिरताहा.
9
यीशुज प्रभु हाय एहेकी तु मानी लेहे आने देवाय तियाल मोलामेने फाचे जिवतो केयो एहेकी तु खेरा मोनाकी भेरूचो थोवहो ताहा तो तारण वी.
10
काहाका जो खेरा मोनाकी भोरूचो थोवेहे तो धार्मिक रेहे, आन जो गोगल्या गोठया मानेहे तिया तारण वेहे.
11
बाइबलाम एहेंकी लेखलो हाय की, जो केडोभी तियाप भोरूचो थोवेहे तो किधी निराश नाय वे.
12
यहुदी आने हेल्लेणी इया वाहीक भी फोरक नाहा, काहाका बाददा प्रभू ता एकुज हाय आने तो बाददाप दोया केहे.
13
आने जो केडोभी प्रभु नाव लेहे तिया तारण वी.
14
पेण जे भोरूचो नाहा केते ते प्रभू केहेकीली आने जियाहाय तिया बददल उनायोज नाहा तियाप केहेकी भोरूचो थोवी आने जावलुग तियाहान देवा हा-या गोठया आखता नाहा तांव लुग ते केहेकी उनाय.
15
आने संदेष्टयाय सेदंश एहेकी वी जावलुग तियाहान मोकल्याज नाहा , जेहकी बाइबलाम लेखलो हाय जे हा-या गोठया हिकवुताहा तियाहा पाग केाता सुंदर हाय.
16
पेने बाददया हा-या गोठया दनाया नाहा, गोठीप केडाया भरूचो थोव्योहो.
17
हा-या गोठया उनाईन भारूचो वेहे, आने हा-या गोठया ताहा उनाया पोडत्याहा ताहा ख्रिस्ता वचना विषयाम ते हा-या गोठया वेरी.
18
पेन आय आखुहु ते उनाये नाहा का हा खेरोज उनायेहे इ तासेरतीप बाददसे तिया आवाज आने एसल्या ठोकाने ता तेसल्या ठोकाय लुग तिया वचन पोचलो हाय.
19
इया खातोर आय तुमाहान फुचेहु इस्त्राएला लोकाहान कोलतो नाहा का मोशे आखेहे, जो देश हायज नाहा तिया आय तुमाहान आठयो देहे एका निर्बुध्द देशा बोददल तुमाहान रोग चोडवेहे.
20
फाचे यशया आखेहे , का माने एहेडा लोकुय होदीलेदो जे मान नाय होदतांले आने माय एहेंडा लोकुन मीली गियो जे मान फुचतला मी नाय.
21
पेन परमेश्वराय इस्त्राएला बोददल आखलो हाय,माय मा गोठया नाय उनानारा आने विरोध केनारा हुमबुर आय पुरो दिही रावाया केतो रीयो.
Chapter 11
1
तहा आय आखहुका, देवाय आपु लोकाहान नाहा नाकागोकेअयो काय किधीज नाये काहाका आयबी इस्त्राएली हाय, आब्राहामा वंशा बन्यामिना कुलामेने हाये.
2
देवाल पेलानेज मालुम आथो तियालोकाहान तियाय नाका-यो शास्त्रलेख एलियाबाबतीम काय आखहे इ तुमा जातानाहा काय देवापाही इस्त्राएला विरूध्दाम अेहडी विनवणी केतेहे का,
3
प्रभु, तियाय तो भविष्यबादान माअय टाकले हाय आने तोओ वेअद्या खोदी ठाकल्या हाये. आने एखलो रियलो हाये, आने ते माआ जान लाआने वेअताहा
4
पेण देवा उत्तर तियाहान काय मिल्यो जीयाही बआला मूर्ती आगला गुडगे टेके नाहा, एहेउे बाददे सात हाजार लोक मायु माआखातोर राखी थोवले हाय.
5
आने तियाहोस इया चालु दिहामपेन तिया कृपाकी निवडुले कोतेहे बाकी हाय.
6
आने जाहा कृपावाई , ताहा करणीवाई नाहा, तेहकी वेरी ता कृपा इ कृपा वेती नाहा.
7
ताहा काय इस्त्राएल मिलवा वेताहा हाय ताे तियाल मिल्यो नाहा, पण निवडुलाहान तो आने थोडाहान आंदले केराम आले.
8
काहाका नियमशास्त्र एहेकी लिखलो हाय का, देवामतियाहान इया दिहीहुद स्तुती आत्मो देदलो हाय, तियाहाय वेअनेय एहेडा डोआ आन तियाहान उनाया नेय आवे एहेडा कान देदला हाय.
9
तिया खातोर दावीद आखे का, तियाहामेज तियाहाखातोर जालो आने कादो आने आडफाटो आने फलवंत वेहो.
10
तियाय वेअे नाय तियाल डोआ आंदलाहोच वेअ, आने तु तियाय बोओडो तु हमेसा वाकडो वालो.
11
ताहा आयु फुचुका इस्त्राएलाम पोडा जोजे तियाखातोर तियाहान आडथोडो हाय का तेहकी नाय वेअ. पेन तियाहा पोडुलाहाकी तियाहान इर्ष्याल चोडवा विदेशाम तारण आललो हाय.
12
आमी तिया पापामे इ जहा जोग धोनवान वेयो आने तियाहा कोमी वेरूलो इ जाहा विदेशाहा धोने वेअयो, ताहा तियाहा अपाुरूको वेनु इ तियाहीने कोतोहो जाहाके वेरी.
13
पेन तुमा जे विदेशा हाय, तियाल तुमाआरी आय गोगी रेहेलो हाय जियाकेता आय परराष्ट्रायाहा प्रेषित हाय त्याकेता आय माआ सेवाल मोडो मान दिहुं.
14
यहुदी ऐअता मा कुडबामने तीयाहान आय वेरीतोताहा मानाचोडी अन तियाहामने थोडाकाहान तरण केरावेहे.
15
काहाका तियाहाल सोडी देदेा ता जगा आरी बादाज जाउलो हाय ताहा तियाहा आमा आरी जोडी लेदांतेक मोतीमेने जीवन अेहेडो हाय.
16
काहाका आथामेने पेअलो उडोंजाहा तो पवित्र हाय ताहा तेहकीज होग्योज गोलो हाय, आने मुलो जाहा पवित्र ताहा तेहकीज फागरा हाय.
17
आने जैतुना थोडा फागरो जाहा तोडी टाक्या आने तु जंगली जैतुन रेतो तिया वोचमे कोजम किन जोडाय गियो आने तु तिया जैतुना हारा रोहा मुलाआरी जोडाय जाहो ताहा.
18
तिया ढरगीपे मोडवाय नाहा केहे आने मोडवायकेइता ताहा तू मुलाहाय उसल्यो नाहा ता मुलाहाय तूल उसलुलो हाय.
19
ताहा तु आखेो का माल कोलम कोइन जोडा केता ते फागरे तोडाम आले.
20
हारो तो कमी विश्वासाकेता तोडाम आलो, आने तुअ विश्वासाम हारो हाश्, इ गोठोवे मोडवाय नाहा केहो. पेन धाक राखजे.
21
काहाका देवाय आसकी खेरी डागील राख्योनाहा ता तो तुलबीरा नाय देणारो ताहा देवादोया आणे कडक पानाले व्या. जे पोडी गिया तियापे ता कडकपणा आने तु तिया मेहरबानीम रेहोता तोपे दया नेता तुबी रोडाय जाहो.
22
ते तु देवा दया आन वाडणु वेय, जे पोड्ये तीयाहांव वाडणु पेन तु ता देयेकी रियो तर तोप दया वेरी नाय ता तुबी वाडाया जाहो.
23
आने तेजाहा कोमजोर विश्वासाम जे रिये नाहा तेब कोलम किइन जोडाव जाणारे , काहाका देवालतियाहान फाचे कोलम किईन जोडुलाम ताकोत हाय.
24
काहाका तुल जंगली जैतुनामेने तोडीन निसर्गाविरूध्द हारा जैतुनाल केालमकिन ओछलो हाय, ताहा जे नैसर्गिक डाग्या हाय ता त्याहा जाआख्याकी आपु जैतुना चाडाम कलमरूप फाचे जोडाई जाई.
25
पावुहु तुमा स्वत:ले शहान होमजा तियाल माआ एहकी इच्छा नाहा का तुमा इया गुपतीगोठीकी ओजाझ्याराआ केता तो एहेकीका पारायालोकाहा भरती देवा राज्याम वेरी तावलाग इस्त्राएलाम थोडाक तोताहाने होमजुनारे हाय.
26
आने हाती बादा सियोनामने वाचावणारे आवी आने याकोबामेने अभक्तीकाडी टाकी.
27
आने आय तियाहा पापे दुर केहे. ताहा मा तियाआरी ओ करार वेरी,
28
ते सुवार्ता केअता तुमता आरो दुश्मनो हाय पेन देवाहानी निवडुलाहा केता डामावली केता मोयाला हाय.
29
काहाका देवा कृपादाने आने हादावा केता बदालानारो नाहा हाय.
30
काहाका जोयाप्रमाणे पेअला देवाले मानुतुला नाय आमी इस्त्राएल लोकाहा आज्ञा तोडुलाकी तुमापे दोया केराम आल्ली हाय.
31
तिया प्रमाणे आमी तेबी मानता नाहा, काहाका तुमाहापे दयापने तियाहा दोया वेरा जोजे.
32
काहाका देवाय बादापे दोया केरा जोजे तियाकेता बादाहाल आज्ञा तोडुलो एकुज जागे कोडी थोलेहे.
33
आदाहा देवा बुध्दी ने ज्ञानाने धोन इया उडो कोते हाय तीया न्याय कोतेहे गहन आने तिया मार्ग होमजनारो नाय हाय,
34
एहेकी नियमशास्त्राम लिखलो हाय. काहाका प्रभुमोन केडाय आखवेलोक हाय. का तिया हिकवुनारो केडो हाय
35
ते तियाल केडाय काय देदो आने तियाल फिरवी देवाम आवी.
36
काहाका बादया गोठया तियापेने जे तिया खातोर हाय तियाले सुगानयुग महिमा वेअे आमेन.
Chapter 12
1
तियाल पाउहु देवा दोया इतविन आय तुमाहाल विनणी किहुका तुमा आपु डिला पवित्र आने देवाल खुषी देणारे जीवतो पोटणारो अर्पण अेहेडे दाआ जोजे. इ तुमा आध्यात्मीक सेवा हाय.
2
अने या दुनिया होस चाला नाहा पेन तुमा नोवो मोनाकी तुमा बोदल वेरा दया, काहाका देवा हारी आणे तियाले पोटणारी पूरी इच्छा काय हाय , ती तुमा ओहखी ल्या.
3
काहाका माले देदल्या कृपेमने आय तुमाहामेने एक एक जावाहाल अेहेकी आखुकां, तियाय सवताहाले जेहकी मानताहा तियाहीने खूब मोडोआने नाहा, पेन एक एक जावाहाल देवाय देदला विश्वासाकी उमजे तिया होस जाआयने सवताहाल मानवो.
4
तेहेकी आपु एक डिलामे जेहकी खुब अवयव हाय आने बांदा अवयवाहां कामे एक नाहा.
5
तेकी आपु खुब विईन ख्रिस्ताम एक डिल हायता, आने आपु एकामेकाआ अवयव हायता.
6
सेवा आपुहुले जि कृपापुरवुली हाय अपुहुल तेहेकी जुदा जुदा वरदान हाय, परमेश्वरा भविष्य आखा ऐहकी ताहा आपु विश्वासामापा होच देवुलो,
7
सेवा वेरीता ताहा सेवा केरूलसम माने लागवीन किेते रेतुले हाय, जो शिक्षक वेएहे तियाय शिक्षण देवुलाम लागी रेतुलो हाय.
8
जो उपदेश केहे तियाय उपदेश केरूला लागी रेवुला, जां दान देहे तियाय उदारपणावाई देवनु, जो कारभार चालवेहे तियाय तो कारभार हारीरितीका चालुलो जों दोया केएहे तियाय खुषिकी दोया केरा जाजे
9
मोनाम कपट नाया राजोजे खराब गोठीहीने दुर रेजा, जो हारो हाय तियाले विगिन-या.
10
पावुहु मेहेर कीईन येकमेकाप माया क्या मान दीअन एकबिहीराल मोडो माना.
11
काम आलसाय जा जाहा ता आम्ताम आवेशी विईन प्रभु सेवा केरारेव्या.
12
आशाम खुशी केणारे , संकटाम धीर रखणारे प्रार्थनाम मोजबुत रेणारे,
13
पवित्र लोकाहा गोरोज भागवी देणारे, गोवाराहा चाकरी केरा आगला जाणारे अेहेरे व्या.
14
जे तुमाहाल सोतावतेहे तियाहाले आशिर्वाद द्या हाराप द्या मा.
15
खुषी केणाराआरी खुषी केरा आने रोडणाराआरी रोडा.
16
अेरालओ एकमोन व्या, मोडी गोठीपे मोन थोवा नाहा. पेन दीन गोरगोरीबान ऐहेडा लोकाहोव मिलीन रेजा. सोवताहाल होंमजाय तोताहान शहाणे व्याहा मा.
17
खाराबलोकाहाआरी खाराब ऐहेकी केडाल फेड क्याहा नाहा. बादा लोकाहा नोजरीआगला हा-या गोठीवे नोजोर ठोवजा.
18
शक्य वेरीता बादा लोकाहां आरी तुमा आपुहोवेने शांतीहीकी रेजा.
19
मोयाला पावुहु बादलोल्याहा मा . पेन कोणखातोर जागोसोडा काहाका ऐहेकी लिखलो हाय का बोदलो माआवे हाय, आय फेड केरेहे, ऐहकी परमेश्वर आखेहे.
20
पेन तो दुष्मन पुखो वेरीता तियाल खा दे, तियाल काअफी लागीवेरी ता तियाले पाय पिईया देजा, काहाका एहेकी केयांता तुयु तिया मुनकावे आरा टीग केएहो.
21
खराबगोठीकी जिकाय जाहुमां पेन हा-या गोठीकी खाराबाल जिके.
Chapter 13
1
हरेक माअहाय मुख्य अदिकारा ताबामं रेवो काहाका परमेश्वराई नाम वेय एहंडो कांय अदिकार नाहा, जे अदिकारी हाय ते परमेश्वराय ठोवूला हाय.
2
तीयाह जो मुख्य अदिकारी विरूध्द केहे तो परमेश्वरा योजना विरोध केहे, आणे जे विरूध्द केएणारा तियाल आपोआप दंड आवी.
3
तीयाहा हारा कामांम अदिका-या भीक नाहा पेण खोटा कामा बिक रेहे, ताहा तुल आदिका-या बिक नेयलागे एण्हकी तो इच्छा हाय का. हारो तो तु के ताहा तो प्रशंसा किई.
4
तोअ हाराखातोर देवा दास हाय, पेण तु जाहा खोटो केतोओ ताहा बिक राखजे काहाका बिगरकामा तलवार तेतोनाय काहाका खोटो केनाराप रोगकाढे आणे शिक्षा देनारो देवा सेवक हाय.
5
तुमा फक्त रोगी बिखीवाजय नाय ता पेन जीवना साक्षी केअता बी आासाम रेवुलो जरूरी हाय.
6
इया खातोर तुमा करपटटी बी दया काहाका ते परमेश्वराय थोवला सेवक हायं., आन ते तिज कामा लागला रेताहा,
7
होरगाहान तियाया जो हक्क हाय तो दया, जियाल करपाटटी तियाल करपटटी तियाल जकात तियाल जकात जियाल दिया जोजे जियाल दिया जियाल मान दा.जोजो तियाल मान दया.
8
एकबिहिराप प्रिती केअनु इयासिवाय केडाज बांदालो मा रेअहो काहाका जो बिहिराम प्रिती केअहे पवित्रशास्त्राम लिखलो पुरो केअयोहो.
9
काहाका सिनालो केअहो मा, खुन केअहो ना, चोरी ना केअहो, लालुच ना केअहो आन तेहकीज एकदी बिहरी आज्ञा वेरीता ती इ जेहकी तु स्वत:प तेहकी तो शेजाराप प्रिति केअजे इ एक वचनामुज बाददो अललो हाय.
10
प्रिती इ आपु शेजा-या माेठो केअती नाहा तियाहाल प्रिती राखलो म्हणजे नियमशास्त्र पुरो केरूलो हाय.
11
आन वोखत ओखीन इ आमिज केअरा इया खातोर का तुमा निंदीमने उठनु वोखत आवी गियोहो काहाका जि वोखताम आपुही विश्वासकेलो ति वोखता विचाराहाकी आपु तारण पाही हाय.
12
रात पारवाती आलीही आन दिही जागेज आलोहो , तियाल आपुहु आंधारा कामे टाकी दिईन उजवाडा हाथियार पोवी लिहु,
13
जेहकी दिहया सोबे तेहन्डो आपु रिअहु, चैनबाजी ने दारूआजी नेता सिनालोकेअनु नेता भानगोडीम, इया रेवो नाय.
14
ता तुम्हा प्रभु यीशु ख्रिस्ताल परीधान की ल्या. आन शरीरा वासना पु-या केरा केअता काय काय उपाय मा केअराहा.
Chapter 14
1
जो विश्वासाम कमजोर हाय तियाल पाअही केअरा, पेन तियाआरी वादविवाद मा केअराहा.
2
केडो केडो एहन्डो विश्वास धोवेहेका आपु बादोज खा जोजे आण बिहिरो जो कमजोर हाय तो साकभाजीय खाहाय.
3
देवाय तियाहान स्विकार केअलो हाय तियाहाल जो खाहाय तियाय नेय खानारो कापिहीज नाय आखा जोजे आन जो नाहा खातो तियाय खानाराल कायज नाय आखा जोजे.
4
तु केअडो हाय बिहिरा चाकराल अपराधी ठरवूनारो तो री का पोडी इ तिया धनी आथुम हाय काहाका तिया धनी तियाल उबी राख सामर्थी हाय,
5
केडोऐक एघदा दयाहाल बिहिरा दयाहादेख हारो माने हे, केडोऐक बादा दिही हारकोज मानेहे हरएक माहाय आपु मोनाकारी खातरी वेरा देअवो.
6
जो दिहयाल पालेहे तियाय परमेश्वरा केता पाला जोजे आन तो खाहाय तो परमेश्वरा केअता खाहाय, काहाका तो देवा उपकार मानेहे, तेहकीज जो खातो नाहा तो परमेश्परा केता खातो नाहा आन उपकार मानेहे.
7
काहका आपुहुमेने केअडो बी स्वत्: केअता जिवमो नाहा ने केडो स्वत: केता मोअतो नाहा.
8
काहाका आपु जिवहु तेबी परमेश्वरा केअता जिवहु आन मोअहु ते बी परमेश्वरा केअता माउहु तियाल आपु जिवहु तेबी आन मोअय जाउहु तेबी परमेश्वरा हाय.
9
या केअता मोअलामेने जिवी उठयो काहाका तो मोअला आन जिवता परमेश्वर हाय.
10
तु तो पावुहुल दोषी काहा लागवूतोहो तु तो पावूहुल तुच्छका लेखतोहो , काहाका आपु बादे परमेश्वरा न्यायासनाहुंबुर उबे रेणारे हाय.
11
काहाका एहकी लेखलो हाय का, प्रभु आखेहे माय जिवतो हाय तियाल हरएक गुडगोक मा हुंबुर टेकी आन हरएक जीभ देवा स्तुती केअरी,
12
इया खातोर का आपु बादाहान हीसोब देवाल दा पोडी.
13
तियालहाल आमीने आपु एकबिजाल दोष नाय लागवूते पेन एहकी ठरवुहु का, पेन केडोबी स्वत: पावुहुल पाडी टाके नेय ता तिया केअलला बी कामाम आडवो आणे एहन्डो केललोज नाय केअजी.
14
प्रभुयीशु मान मालुम हाय का केलली बी गोठ बाटडली नाहा हाय, पेन केडो तिया मोनाम ती गोठ बाटडाली मानी लेहे ती बाटडाली हाय.
15
पेन जर तो पावुहु तो मानडाहाकी दु:खी वेअतो वेरी ता तु मोयाहाकी नाहा चाली रियोहो ऐहकी देखाहाय, जिया खातोर यीशु मोयो तो , तो मान्डाहाकी नाश मा केअहो.
16
तियाहाल तुमाहाय जो हारो निवडी लेदोहो तिया निंदा मा वेरा दया.
17
काहाका खाउला पिउला याम देवाराज नाहा हाय पेन धार्मिकपणा, शांती आण पवित्र आत्मा आनेद याम हाय.
18
काहाका जो एहंडी सेवा केअहे तो देवाल पोसोंद आन माअहे तिया प्रशंसा केअरी.
19
तियाहाल आपु ज्या गोठया शांतीकेअता आन एकबिजा हारो वेअ एहन्डी गोठ फाचला लागुहु.
20
माअन्डा केअता देवा काम खाराब मा केअहो., बादया वस्तु खेरोनज खावूला केअता हा-या हाय पेन जो माअहु बिहिराल अडखळण कोईन खाहाय तियाल तो खाराब हाय.
21
तो खावुलाहाकी आन द्राक्षासर पिउलाहाकी तो पावुहुल तारास वेहे ता तु एहिमेने कायुज मा केअहो.
22
तोअम जो विश्वास हाय तो देवाहुंबुर तोअपुज थोव जो स्वत: पोसंद केअल्या गोठी बोददल स्वत:ल दोषी नाहा ठरवूतो तो धन्य हाय.
23
पेन एगदा माहाय खादो पेन तियाय संशय तेअयो ता तो दोषी हाय, काहाका तो विश्वासाकी नाहा हाय काहाका जो विश्वासाकी केअलो नाहा तो पाप हाय.
Chapter 15
1
तियाले आपु शक्ती की जो अशक्ती हाय तिया अशक्तपणा भार उसलूणू आने शोताल खूषी केरा नाहा.
2
आपुमने परते जाहाये पाडोसील जो हारो हाय तियामे तिया हारा केहता नेहतां फायदा केहता खुषी केरापणू
3
काहाका ख्रिस्ताय सोताहा आखुश नाही केयो पेण तो निंदा केनारा आखी निंदा माप आवी आने ऐहकी नियमशास्त्राम लिखलाक हाय तेहंकी वेरा दे दो.
4
काहाका जे गोठया पहिलाम लिखवाम आल्या ते आपू हिखा केहता लिखल्या तियाल आपू धिरज की शास्त्रलेखामने मिलनारा उतेजना आशा तेरा जोजे
5
आमी जो धिर व उत्तेजन देहे तो देवा तुमाहान ऐहकी दे का तुमा ख्रिस्त येशु होस एकबिहीरा आरी एकमोनाकी व्या.
6
म्हणजे जो आपु प्रभु येशू ख्रिस्त इया देव आन बाहाको हाय तिया आपुही एकमोनाकी आन एकामुयाकी गौरव केरा.
7
परराष्ट्रीय म्हुणन देवा गौरवा केता जेहकी ख्रिस्ताइ आपो स्वीकार केया तेहकीच तुमा ऐकबिजा स्वीकार केरा.
8
काहाका आन आखुहू का, ख्रिस्त देवा सत्याकेता सुंता वेला सेवक वेयो, म्हणजे पुर्वजांहा देदल्या तिया वचनाकी तीयाहान प्रमाण मिले
9
आन देवा दयेकेता परराष्ट्रीयान तीया गौरव कराय, कारण अेहेकी नियमशास्त्राम लेखलो हाय का, “तियाल आय राष्ट्राम तो स्तुती किईही, आन नावा स्तोत्रे गाईन आखेहे.”
10
आमी जो धिरज आने उतेजन देह तो देव तुम्हाल ऐहंकी दी का तुम्हा ख्रिस्त यीशुप्रमाणे उेकमेका आरी एक मना वी जा.
11
तियाले जो आपु प्रभु यीशु ख्रिस्त या देव आने बाको हाय तिया तुम्हा एकमना की आने एक मुया की महिमा केरा.
12
तियाले देवा महिमा केहंता जेहकी ख्रिस्ताय बी आपू स्विकार केयो तेहकी तुम्हा बी एकमेकाहा स्विकार केरा.
13
काहाका माय आखू का ख्रिस्त देवा केहंता सुनहत वेला सेवक बन्यो म्हणजे पुरवजा देधल्या तियाय तियाहान प्रमाण दे.
14
आने देवा दया केहंता परराष्ट्रा तिया माहिमा के काहाका नियमशास्त्रा ऐहकी लिखलो हाय का.
15
पेन आन तुमाल इत की दा जोजे तियाहाल तुमा काही ठिकाणी खुबूज धैय लेखलो हाय काहाका मल देवाय पोचवुल्या दयेखातेार आय लिखता हाय,
16
ती कृपा इयाखातोर हाय का तिया सारखो आय पर राष्ट्रांहाखातोर देवा सुवार्ते याजकपन केहे, येशु ख्रिस्ता सेवक वेरा जोजे तियाल परराष्ट्रीयांहान इ अपर्ण पवित्र आत्म्याकी पवित्र विइन मान्य वेरा जोजे.
17
तियाल माल देवाबोद्दल गोठी, ख्रिस्ता की अभिमानाल कारण हाय,
18
काहाका परराष्ट्रीयांन आज्ञा दा जोजे तियाहाल ख्रिस्ताय मा वेने घड्यो नाहा एहकी शब्दाकी आन कृतीकी काही आखा खातोर आय फासाडी नाय हारकु.
19
चिन्हांकी आने अद्भुत कृत्याहा सामार्थ्याकी, पवित्र आत्म्या सामार्थ्याकी, इयाप्रकारे आन यरुशलेम शहरा सोमकीकानी इल्लुरिकम प्रांताहुद ख्रिस्ता सुर्वाता पसरावली हाय.
20
पेन बिहरांहा पागाव बांधनारो वेय नाय इयाखातोर ख्रिस्ता नाव जिही लेदलो जातलो नाय, अहड्या जागे सुर्वाता आखा खातोर आय गियो.
21
तियाल शास्त्रलेखाम लिखल्याहोस, ‘जियाहान तियाविषयी आखाम आल्लो नाय आथो ते माही वेरी आने जीयाही उनाले नाय आथे ते तीयाहा मालुम पोडी.
22
आन तियाल तुमाही आवा खातोर मान खुप तोकलीफ आली.
23
पेन इया भागाम काहीच नाय हाय तियाल आन तुमाही आवणु खुप दिहीरी मा इच्छाकी
24
आय स्पेन देशाहोवे प्रवास केहे ताहा तुमाही आवेहे, काहालका आय आशा किहू का ओहो जाहे ताहा तुमान मिलेहे आन तुमा पेहेला तृप्त वेरा आन ताहा आहो जाहे.
25
पेन पवित्र जहां सेवा केरा खातोर आय आमी यरुशलेम शहाराम जाय रेहलो हाय.
26
काहाक मासेदोनियाल आन अखयाला इ हारो नाहा वाट्यो, यरुशलेम शोहराम रेनारा पवित्र पावुहूम ते गोरीब हाय, इयाखातोर काही भाग केरा.
27
इ खेरोज हाय तियाहान हारो वाट्यो नाहा आन ते तियाहा आभारी हाय, काहाका आत्मिक गोठीम जर परराष्ट्रीय भागीदार वेले हाय तर दैहिक गोठीम तियाहा सेवा करुलो तिया कर्तव्य हाय.
28
तीयाल आय हे पुर्ण कीईन इ पिक तीयाहान शिक्को कीईन दिईन तुमाहीने स्पेनम जाहे.
29
आन आय पाक्को आखुहू का आय तुमाही आवेहे ताहा ख्रिस्ता आशिर्वादा वोजो ली आवेहे, प्रार्थना केरा खातोर विनंती.
30
पेन आय आपु प्रभु येशु ख्रिस्त इया केता व आत्माहा प्रीती केता, पावुहू तुमाल विनंती कीहु का, मा लोढाईम तुमा मा केता देवाल प्रार्थना केणुम मा भागीदार व्या.
31
म्हणजे यहुदाम जे अवमान केनारे लोक हाय तियाहा आथामेने मा सुटका वेरा जोजे आन यरुशलेमाखातोर जी मा सेवा हाय ती तेहीणे माहांना कबुल वेय.
32
म्हणजे देवा इच्छेकी आय आनंदाकी तुमाही आवु आने तुमाहा आरी माल फाच्छो उत्तेजिम वेराजोजे.
33
आमी शांती देव तुमा बाठ्ठा आरी रेय. आमेन.
Chapter 16
1
किख्रिया मंडळी सेवका आन आपु विश्वासी बोंही फिबी इयो बददल आय विंनती किंहु,
2
तुमा पवित्र लोकाहान सोबेहे तेहकीं प्रभुम तियोल मानी लेजा केल्ला बी कामाम तियोल तुल गरज पोउी ताहा तियोल मोदत केअजा , काहाका तियोय मान आण खुबुज लोकाहांन मोदत केअली हाय,
3
ख्रिस्ताम मा आरी काम केनारे प्रिस्किल्ला आण अक्विला ईयान बी सलाम देजा,
4
जियाहाय मा जिवा खातोर आगाडी गेहेले तियाहां फोक्तो आंयज आभार मानुहु, ऐहेकी नाहा पेन जे यहुदी नाहा तियाह बाददाहान मंडळया बी आभार मानत्याहा,
5
तिया खातोर तिया कोवांम टोलवाणारा मंडळीलबी समाल देज्या आण म मेराला अपनतलाल सलाम देज्या तो ख्रिस्ताहा खातोर आशियामेने पेहेलो विश्वासी हाय,
6
मरियाल बी सलाम देज्या तियोल तुमा खातोर खुबुज मेहेनत केईही.
7
मा जातुला आण मा हेंगात्या केही अंद्रोनीक आण युनिया इयाहान समाल देज्या, प्रेषिताहाम तियाहा नाव आण मासे पेहेला तो ख्रिस्ताम वी होहेलो,
8
प्रभुम मा मेराला आप्लियाताल बी सलाम देज्या,
9
ख्रिस्ताम आमा आरी कांम केअनारो उर्बान आण मा मेरालो स्ताखु इयाल बी सलाम देज्या,
10
ख्रिस्ताम टिकी रेहेलो अपिल्लेस तियाल सलाम देज्या अरिस्तुबुला कोअने बादाहान सलाम देज्या.
11
मा जातुलो हेशेदियोनाल सलाम देज्या नार्कीसा कोअनु जे लोक प्रभु हाय नियाहान बी सलाम देज्या.
12
प्रभु मेहेनत केना-या त्रुर्फेना आण त्रुफोसा तियाहोन सलाम देज्या. मेराली पर्सिस इयुल सलाम देज्या तियोय प्रभुम मेहेनत केईही,
13
प्रभुम नीवडुलो रूफ इयाल आण तिया याहकील सलाम देज्या., ती मा याहकी होच हाय,
14
असु्क्रित फलगोन हरमेस पत्रबास आण हरमास ईयाहान आण तियाहा आरी रेणारा विश्वासी पावुहुलाहान सलाम देज्या,
15
फिललोगस आण युलिया नीरिया आण तिया बोअंही आण ओलुंपास आण तिया आरी जे पवित्र लोक तिया आदाहान सलाम देज्या.
16
पवित्र गु दिन एक बिहिरा आरी सलामी लेजा ख्रिस्ता बांदयामंडहया तुमाहान सलाम आखल्याहा,
17
मा पावुलाहा आमी आय तुमाहान राव्याकीन जो तुमाहाय हिकी लेदोलो हाय तिया विरूध्द जे फुटया पाडताहा आण अडचण्या उब्या केताहा, तियाहांसे हाचवीन आणतियाहा आरी रिहयामां,
18
काहाका तेहेंडाज जे लोक हाय जे आपु प्रभु यीशु ख्रिस्ता सेवा नाहा केता आण हारो हारो गोगणु की ते भोला लाकाहा मोन पुलवुताहा,
19
तुमा वचन पालनारे हाय एहेंकी बादा लोकाहान मालुम पोडलो हाय इयाखातोर आय तुमा बददल आनंद किंहु.तुमा बददल हुचार आण खाराबा बददल भोले रेजा ऐहकी मा इच्छा हाय,
20
शांती देनारेा परमेश्वर सैतानाल तुमा पागा थुले माहारूज चुवी दी, आपु प्रभु यीशु खिस्ता कृपा तुमा आरी हाय, आमेन,
21
मा हेंगाल काम केअनारो तीमथियुस आण मा जातुलु लुकियस यासोन आण सोसिपत्तेर ए तुमाहान सलाम मोकलावताहा,
22
इं पोत्रो जियाय लेखलो हाय तो तर्तिय तुमाहान प्रभुम सलाम मोकलावे.
23
मा आण बादी मंडळी चाकरी केअनारो गायस तुमाहान सलाम मोकलावी रीयो, शेहेरा कारभारी एरास्त आण
24
आपु विश्वासी पावहू कुर्तएबी तुमाहान सलाम मोकलावताहा, आपु प्रभु यीशु खिस्ता कृपा तुमा बादाहा आरी रे (आमेन)
25
आमी मा प्रचार बददल आण यीशु खिस्ता आखलो आथो तेहेकी जे जुन्या गोठी कासाकी युगाम दोबावी थोवाम आली,
26
पेन आमी ती खुली वेअली हाय,आन सेवकाहा सेवकाहा शास्त्रलेखानपु ,खेरा खेर परमेश्वरा आज्ञे प्रमाणे विश्वासा आज्ञापालना खातोर आख्या राष्ट्राहान होमजावलो हाय, तिया दोबावल्या गोठीही भवीष्य केनारा होस जो तुमाहान स्थिर केरूलो समर्थ हाय,
27
तो अदभुत बुध्दीमान देवाल यीशु ख्रिस्ताव्दारे युगानयुग गौरव वेरे, आमेन.
1 Corinthians
Chapter 1
1
देवाआ इच्छा की ख्रिस्त यीशुअ नीवडोलो चेलो वेरा केता हादयो तो पौल आणे पौल सोरूचन या होवेने,
करिंथ शहराम रेणारी देवाआ मंडली, ताहा खिस्त यीशु पवित्र जाआ वेरा केता हादले हाय तियाहाल आणे आपु प्रभु यीशु ख्रिस्त.
2
तेहकीज तिया व आमा प्रभु या नाव बाठा जागे लेनारे बाठा माहाय,
3
देव आपु आबो आणे प्रभु यीशु ख्रिस्त यापने कृपा व शांती रे.
4
ख्रिस्त यीशु तुमाहापे वेनारी देवाआ कृपाकेता आय केहडाबी वेल तुमाकेता माआ देवाआ उपकार आय माने,
5
तियाय तुम्हाल गोठी बाबतीम बाठो गोगणू बाठा ज्ञानाम आणे भरपुरी की केले हाय,
6
जेहकी ख्रिस्ता विषयाम साक्ष खेरी हाय या खात्री तुम्हाम वेयी तियाय होस तियाय तुम्हालबी पुरे केले हाय,
7
ताहा तुम्हाल केल्ला बी आत्मिक दानाआ कमी नाहा तर तुम्हा आपु प्रभु यीशु ख्रिस्ताआ आवणु वाट वेरा.
8
तोच तुम्हाल शेवटलुग विश्वासाम मजबुत राखी जाहाकी आपु प्रभु यीशुअ ख्रिस्ताआ दिही आवी ताहा तुमा निर्दोष रा जोजे.
9
जियाय आपु पुत्र यीशु ख्रिस्त आपु प्रभु याआ आरी तुम्हाल हादले आथे, तो देव विश्वासु हाये. तर आमी पौल प्रभु यीशु ख्रिस्ताआ नावम आय ताहा तुम्हाल विनंती किहुं की, तुमा बाठे एक बिहिरा आरी एक सारखा मोनाकी एकठेव्या आणे तुम्हामा मोनाम वाईट विचार नेय जोजे, तर तुमा एकाच हेतु की परिपूर्ण व्याहा.
10
काहाका माआ पाउ खलोवेआ माहापने माल एहकी आखाम आलो केी तुमामुच भानगुडया हाय,
11
आमा आखणु एहकी हाय की तुम्हामने प्रत्येक माहु आखे.
12
आय पौलाआ हाय आय अपुल्लोआ हाय, आय केफाआ हाय, आय ख्रिस्ताआ हाय,
13
ख्रिस्त जुदो जुदो वेलो हाय का पौल वधस्तंभापे तुम्हाकेता खिलाटलो आथेाका पौलाआ नावाकी तुमा बाप्तीस्मा वेलो हाय का
14
आय देवाआ आभार माणु की, क्रिस्प व गायह या शिवाय मायुय केडाच बाप्तिस्मा केयो.
15
याकेता की माआ नावाम तुमा बाप्तिस्मा केरा. आत्मे एहकी केडोच आखा नाहा.
16
स्तेफना को-या सुध्दा मायुय केडालच बाप्तिस्मा केलो हा तिया शिवाय बिहराल केडालुच बाप्तिस्मा केलो माल ईत नाहा हाय,
17
काहाका ख्रिस्ताय माल बाप्तिस्मा केरा केता नाहा तर हा-या गोठया आखा केता माल मोकल्यों ते सुध्दा मानवी ज्ञानाकी नाहा याकेता की ख्रिस्ताआ आडवा आने उभा लाकडापने मरणाआ सामर्थ्य वाया वेरानेय जोजे.
18
काहाका जिया नाश वीरीयो तियाकेता वधस्तभां विषयी संदेश मुर्खपणाआ हाय पेन जिया तारण वीरीयो तिया केतां तो देवाआ सामर्थ्य हाय.
19
काहाका ऐहकी नियमशास्त्राम लिखलो हाय शाहानाआ शाहाणपण आय नष्ट केहे आणे बुध्दिवंताआ बुध्दि आय व्यर्थ केहे. ज्ञानी माहा की हाय विद्वान की हाय.
20
याजकाल वाद विवाद केनारे की हाय का नाही.
21
ताहा देवाआ ज्ञान रीन बी या जगाल स्वताआ ज्ञाना देवाल वोखी नाहा लेदो. ताहा आमा जो मुर्खपणाआ संदेश आखताह तियाकेता जे विश्वास थोवणारे हाय तिया तारण केराकेता देवाल हारो वाटी,
22
काहाका खुबुज यहूदी लोक ज्ञानाआ होद काडी.
23
पेन आमा आडवा आणे उभा लाकडाप खिलाटे ख्रिस्त गाजवा केता ओ संदेश यहुदी लोकाकेता अडचन हाय आणे ग्रीक लोका केता मुर्खपणा एहडो हाय.
24
पेन जियाल हादलो हाय एहडा केता यहूदी व ग्रीक लोकाहाल बेण्या केता ख्रिस्त ओ सेदंश हाय तो देवाआ ज्ञान ऐहकी हाय.
25
तियाकेता जिया तुमा देवाआ मुर्खपणा आखता तो माहा जाती शहाणआ तर जाहको शहाणो हाय, आणे जिया तुम्हा देवाआ कमीपणा कमीपणा होमजुते तो माहा जाती सक्तीमेने ते जाहकेा शक्तिशाली हाय,
26
तर आमी देवाय तुम्हाल निवडुले हाय या विचार केरा माहा नोजरीकी तुमामने कोतेतेबी शहाणा सामर्थ्यशाली, उच्चे कुलामने नेय आथे,
27
तिया केता जगामने जे मुर्ख तियाल देवाय निवडयेा याकेता की शहाणा माहाल फजितीम पाडा केता
28
काहाका जगामने देवाय बगरीव आणे जियाल कायच इजत नाहा हाय ते उगडचे तियाल निवडुले हाय की या केता की जे कायतेबी हाय तियाहाल उगडये केराकेता.
29
याकेता की केडोबी माहु देवाआगला मोडायकी केरा नेय जोजे,
30
काहका तो ख्रिस्त यीशुम तुमा जीवनाआ उपजावनारो हाय आने देवाआ देणगी ई आपु ज्ञान आपु नीतिमत्व, आपु पवित्रकरण आणे आपु सोडवुनारो एहकी वी गीयो.
31
याकेता की नियमशास्त्राम एहकी लेखलो हाय, जो अभिमान केह तियाय परमेश्वरा विषयी अभिमान केरा जोजे.
Chapter 2
1
ओमा पाहु जाहा आय तुमापाही आलो ताहा आय देवा विषयी खेरो दबलो माहा ज्ञाना आणे खुबहारो भाषण कीन आखतो आलो एहकी नाहा हाय,
2
काहाका तुमा आरीरीन तोच यीशु ख्रिस्त आणे तोसुध्दा क्रुसखांबाप खिलाटलो, या शिवाय माल केडाच ज्ञान माल नेय जोजे मायुय एकुच गोठी निर्णय केलो हाय,
3
आणे आय तुमापाही अशक्त खुबबीन व थुरथुर कापतो आलो.
4
माआ भाषण व घोषणा ई मनवालीलेनारो एहडो माहा ज्ञानाकी देदलो नेय आथो पेन तो आत्माआ आणे तिया सामर्थ्य की आथो.
5
जेहकी तुमा विश्वास माहा ज्ञानापे नेय तर देव सामर्थ्यापे रा जोजे
6
तेबी बी जे आत्मिकाम पाक्का हाय तियाहाल आ तियाहाल ज्ञान हिकवता पेन तो ज्ञाना या जगा नाहा हाय आणे या युगाआ नष्टवेनारो जे अधिकारी तियाबी नाहा हाय,
7
तर देवाआ दबीनरेनारो ज्ञान आमा आखाता तो गुपीत थोवलो आथो. तो देवाय या युगापेला तुमा आमा केता गौरवाकेता तियाय नेमीन देदलो आथो.
8
ईज्ञान या युगामने केडालबी अधिका-याल मालुम नेय आथो काहाका जर तियाहाल मालुम रेतो, तर तियाय गौरवी प्रभुल क्रुसखांबाप खिलाटते नेय.
9
पेन ज्यारीतीकी पवित्र शास्त्र आखे डोवाकी वेयो नाहा कानाकी उनाओ नाहा आणे माहा मोनाम जे आलो नाहा तो देवाय तियायपे मोया केराखातुर तियार केले हाय.
10
तो देवाय आत्माकी आपुल प्रकट केले हाय काहाका ओ आत्मो प्रत्येक गोठी व देवाआ माजमेने गोठीई होद काडे,
11
काहाका माहाआ आत्मा शिवाय माहा गोठया ओखुनारो बिहरो केडो माहु हाय , तियाकेता देवाआ आत्मा शिवाय देवाआ माेना विचार केडोच ओकुणारो नेय.
12
पेन आम्हाल जगा आत्मो मिलो नाहा, तर देवापणे आत्मो मिल्लो हाय याकेता की देवाय आपुल जो कृपाकी देदलो हाय तो आपु ओखुणु हाय.
13
माहा ज्ञानाकी हिकवुला शब्दाकी आमा या गोठया आखता नाहा, तर आत्माकी हिकवुला शब्दाकी आत्मिक शब्द आाखीन आध्यात्मिक गोठया स्पष्टीकरण केता हा
14
जर शहाणो माहु देवाआ आत्म्याआ गोठया तो मानतो नाहा काहाका ते तियाल मुर्खपणा वाटे आणे तो ते गोठया मानतो नाहा. काहाका ते गोठया आत्म्याकी होमजुनु रेत्या
15
जो आत्माकी पोलो हाय तो तर बाठया गोठया होमजीले तेबी स्वत:आ पारख केडाकी वेती नाहा.
16
काहाका पवित्र शास्त्र आखे प्रभुअ मोन केडो जाही जो तियाल हिकवी शके.
Chapter 3
1
पावहु आत्मिक माआहाआरी गोगतो तेहकी आय तुमाआरी गोगी शक्यो नाहा, पेन तिया फासे माल तुमाआरी दैहीक माआहा होच आने खिस्तामेने हाना पोयरा होच गोगा पोडयो.
2
माय तुमाआह पियाखातुर दुध देदो, जाेड अन्नआने देदो नाहा, काहाका तुमा जड अन्न खाय शकते नाहा आने आमी बी तुमा खाय शकते नाहा.
3
तुमा आजीभी दैहिक हाय, काहाका तुमाम मत्सर आने भांडणे चालू हाय तोओ तुमा दैहीक नाहा काय आने जगामेने माआहा होच चाकते नाहा काआ.
4
काहाका जाहा एक आखेहे माय पौला हाय आने बिहरो आखेहे माय अपुल्लोसा हाय ताहा तुमाहा साधारण माही हायकी नाहा.
5
तोओ फासे अपुल्लोस केहे हाय आने केडो हाय जियाप तुमा विश्वास थोवलो हाय तो सेवक हाय हरएकाल प्रभुय जोओ काम होपलो हाय तिया प्रमाणे तेअे हाय.
6
मायुय बीयारो लागव्यो आपुल्लोसाय तियाहान पांय पाज्यो पेन देवाय तियान वादव्ये.
7
ताहा फासे लागवुणारा काय नेय, आने पांय देणाराबी काहीज नेय पेन वादवुनारो देव ओच काय तेबी हाय
8
जोओ बियारो लागंवेहे आने पांय पाजे हे तोअ एक आने दरेकाल जियातिया कामा प्रमाणे आपु आपुं मजुरी मिली.
9
काहाका आपुल्लोस आने माय देवा सेवाकार्यात सहकर्मी हाय.तुमा देवा खेत हाय आने देवाआ इमारत हाय
10
देवाआ कृपावाय जो माल देदलो हाय प्रमाणे माय सुज्ञ कुशल बाधंणाराप्रमाणे पायो टक्यो आणे बिहरा तियाप बांधतोअ हाय, ताहा तियापेने बांधकाम आपु केहकीकेअते हाय इयाबारेमे बाठये काळजी लाआ जोजे.
11
यीशु देव ओ जो टाकलो पायो हायु, तिया शिवाय बिहरो पायो केडोबी टाकी शकतो नाहा.
12
जाहा केडो तिया पायाप सोने, चांदी, मौल्यवान दगडो, लाकडो, चारो, आने पेंढा की बाधिंहे.
13
आने बांधनारा बादाहा काम उघडो वेरी दरआ काम उघडो वेरी , काहाका तो दिही तेअे उगडावी दिही लावी , तो दिही आगीवाय प्रगट वेरी आने तियु आगीम दरेकाआ काम केहेडो हाय तिया फरक वेरी.
14
जिया केंडा तिया पायाप बांधलेा काम टिकीई, तियाल प्रतिफल मिली.
15
पेन केडाऐका काम बोली जाय, आने तिया नुकसान वेरी तेबी काय आगीमेने बारे पडलाहिच तारण वेरी.
16
तुमा देवा मंदीर हाय, आने देवाआ आत्मा तुमाम वास केहे तुमाल मालुम नाहा काय.
17
जाहा केडो देवा मंदीराल नाश केहे , ताहा देव तिया व्यक्तील नाश केरी काहाका देवा मंदीर पवित्र हाय आने तोओ तुमा हाय.
18
केडोबी स्वताल फसवुलु नेय स्वताल इया जगतानजरीमेने ज्ञानी वेरूलो मुर्ख वेरा जोजे.
19
काहाका इया जगतु ज्ञान देवा नजरूम मुर्खपणा हाय काहाका ऐहकी पवित्र शास्त्राम लिखलो हाय की.
20
आने फासे देव ज्ञानान तियाज फुसवुवुक तेहे परमेश्वर जीहि कीई ज्ञानवानु विचार व्यर्थ हाय,
21
तियाहल माहाबारामे केडोबी हुशारपणा केहयोमा काहाका बादयाज गोठया तुमा हाय.
22
तर तो पौल आने अपुल्लोस आने केफा, जगतुम जीवन आने मरण हाय. हा आमीनेज गोळयारा जोजे आथवा आपणा-या गोठया राजोने ई बादोज तुमा हाय.
23
तुमा खिस्ता हाय, आने खिस्त देवा हाय.
Chapter 4
1
होग्गाई माना जोजे की आमाहा खिस्ता सेवक आने देवाआ रहस्या कारभारी हाय.
2
ई दृष्टीकोनाकी कामाआ हाय की जोबाबदार वेअला कारभा-याई विश्वासु राआ जोजे.
3
पेन तुमाआहिने आने केडा मानवाआहीने माआ न्याय वेअरा जोजे ई माल हानी गोठ लागेहे. माआयु माआ न्याय स्वताबी नाहा केअेतो.
4
काहाका माआ मोन माल दोष नाहा देतो तिईयाखातोर माआयु निर्दोष ठोरू अेहकी नाहा, प्रभु ओज माआ न्यायनिवाडो केअनारो हाय.
5
तिईयाल हारो समय आवितावलुगु तेहकीज प्रभु आवी तावलुगु न्यायपिवाडो केअराज नाहा, तो आदारामने गोठीप उजवाडो टाकी आने मोनामने गोठ काडावी टाकी, ताहा देवाहीने होग्गा प्रशंसा वेअेरी.
6
आमी,पावुहु, तुमाआकेअता , माआयु ई गोठया माआकेअता आने अपुल्लोसाकेअेता उदाहरणे लागु केअयाे हाय. ईयाकेअता की,शास्त्र लेखामेने केडोच आपुल माना नाय जोजे ई तुमाआ आमाहीने हिका जोजे,तिईया खातोर तुमाईने केडाहीने केडोच गर्वाकी पोराय नैय जाजाजो तेहकीज हारी वागणुक दीन बिहरा विरोध केरा नाय जोजे.
7
काहाका तोम आने बिहराम फरक वेअेहे तो केडो हाय आने तुल मिल्यो नाहा अेहडो तोपाही काय हाय जिईयाअर्थी तुल होग्गाे मिललो हाय, ते तुल मिल्यो नाहा अेहकी तु काहा वोडाई केअतोहो.
8
तुमान जिईने गोरोज हाय तो हग्गी गोठ आगलाच तुमाहाई हाय, तुमाआ पेलाच श्रीमंत वेअले हाय,तृप्त वेअला हाय, तुमान अेहकी वाटेहे तुमाआ आमाशिवाय राजा बोनी गिईला हाय आने तुमाआ राजा वेयो वेअता तें ठीक वेयो वेतो, काहाका आमाबी तुमाआरी राजा बोनी जाता.
9
काहाका माल वाटेहे देवाही आमान मोरायाखातुर शिक्षा देदली हाय अेहडा लोकाहाेच शेवटुले प्रषित केअेये काहाका आमाआ तोरतील देवदुता तेहच माआहान आमा तामाशो अेहेडे वेअले हाय.
10
आमाहा खिस्ताखातोर मोडे, ते तुमा खिस्ताम हारे हाय, आमाहा कमजोर हाय, पेन तुमाआ बलवान हाय तुमाआल मान हाय, पेन आमा तुच्छ हाय.
11
आमा ई टायमालुग पुखे आने पियाहाले, उघडे हाय, टोकलो, आमा बेघर हाय
12
आने आमाआ मेहनत केअेते, आमाआ आपो हाताकी काम केअेते, आपाआ की तु तेअेहे तेबी आमा आशिर्वादुच देतेहे.
13
जाहा आमाआ निंदा केअेहे ताहा आमा आशिर्वाद देतेहे नाहा आमा काल वेअेहे ताहा आमाआ सहन केअतेहे जाहा आमाआ निंदा वेअेहे, ताहा आमाआ तिईयाहारी दयाकी गोगतेहे, इया टायमालुग आमाआ तोतरीकेअता डोरो आने कोपोरो अेहडे वेअले हाय.
14
माआयु तुमान लाजवुनु केअता ई नाहा लिखी रेईयो, उलटो माआयु तुमाआन माआ मोयाले पोयरा सारखो हा-या गोठी जाणिव किई दि रिईलोक हाय.
15
काहाका तुमान खिस्ताम दोहो हजार गुरू वेअरी तेबी खुब बाहका नाहा, काहाका खिस्त यीशुम देवा हारी सुवार्ता माआयु तुमान जन्म देदलो हाय.
16
इयाखातोर माआयु तुमान होमजावु की, तुमाआ पाछला आवा.
17
इयाखातोर तिमथ्थील तुमाही मोकलुलो हाय प्रभुम तो मेरालो पोयरो आने विश्वासुं पोयरो हाय. जेहकी माआयु होग्गीवेलो मोडलीम होळवु , तेहकीच तो ख्रिस्ताम माआ हिकवुनी ईत किई दि.
18
पेन जेहकी माआयुं तुमाआही आवनारो नाहा, तेहकीज थोडेलोक गोवाळी फगाले हाय.
19
तेहकीज प्रभू इच्छा वेअरी ते माआयु माआरीज तुमाई आवे आने तहा माल होमजाई, ई जे गर्वाकी फुगाय गिईलें अेहडे कोतेक हाय ई वेंअराखातुर नाहा ते केअते समर्थ्याकी पोराले हाय ई माआयु वेअेहे. काहाका
20
देवाआ राज गोगणुप नाहा ते सामर्थ्याप रेहे .
21
तुमान काय जोजे माआयु तुमाआरी तुमान शिक्षा केअराखातोर लागडी ली आवा जोजे, का मोयाले आने शांती आत्माकी आवा जोजे.
Chapter 5
1
माय अेहकी बातमी उनायो हाय का तुमाम सिनालो लालुज हाय. तो अेहकी की, आपेाम केडो आपो बाहका बिहरी थे आरी खाराब संबध ठोवला हाय. अेहडया बिह-य लोकामबी नाय मिलणा-या.
2
आने तेबीबी तुमाआ गर्वाकी फुगाला हाय, पेन तुमान गोठी शोक वेअरा नाय जोजेतुलो का ज्या केडाई ई खाराब गोठया केअेल्या हाय तियाल तुमामेने काडी टाका जोजे.
3
काहाका माआयु शरीराकी तूमाम नाहा तेबी आत्माकी आयु हजर हाय, आने हजर वेअलाकी तिईया माआयु आगलाने न्याय केअेलो हाय.
4
जिईयाई खाराब गोठ केअेली हाय. जाहा तुमाआ प्रभु यीशु नावाआकी एकजागो आवाहा आने ताहा आपोहो प्रभु यीशु ईया सामर्थ्याकी माआ तुमाआरी रिई.
5
तुमाआ अेहडा माआहाल शरीराल नाशकेअता सैताना ताबाम दया, काहाका प्रभु दिही आवी ताहा तिईया आत्मा तारण वेअेरा जोजे
6
तुमाआ अभिमान हारो नाहा थोडो खमीर होग्गो गबोलो फूगवी देहे, इतुमान मालुम हाय ने,
7
तिईयाल तुमाआ जुनो जीवन काडी टाका, इयाकेअता की जेअहकी तुमाआन नोवोजीवन मिललो हाय ते तुमाआ एक नाेवा गोला होस वेअरा जोजे, काहाका आपो वल्हांडणाआ पिलको जो ख्रिस्त हाय तिईया अर्पण वेअले हाय.
8
ताहा आपाे जुनो जिवन आने माठया गोठया आने सिनालो की नाहा,पेन हारीगोठी आने खेरापणाआ माआहाकी सण पालु.
9
माआयु तुमान माआ चिठठाम लिखलो आथो की सिनालो केअनाराआरी संबध नाहा थोवा.
10
तेहकीज ताेरतीपने केअेनारे, लोभी, खोटेगोगणारे आने मुर्तीपुजा केअनारे ईया संगत केरा नाहा. अेहकी माआ आखनु नाहा, काहाका हाथी तुमान ई तोरतीवने बारे पोडा पोडी.
11
पेन आमी, माआयु तुमान लिखलो हाय का, खिस्ताम पावुहु आखलो अेहेडो केडो जर सिनालो केअनारो लोभी, मुर्तिपुजनारो, निंदा केअनारो, पिणारो आने लुभाडणारो वेअरी ते तिईयाआरी संबध थोवा नाया इेहडा माआहा आरी माडोबी खा नाहा.
12
काहाका जे मोंडलीबारे हाय तिईया न्याय केअनु मा िाम संबध , तियापेक्षा जे मोंडलीम हाय तिईया न्याय तुमाआ केअेते नाहा का,
13
पेन देव बाआरे देनारा न्याय केअेहे तिईयाल, तुमाआ आपोमने त्या दृष्ट माआहाल बारे काडा.
Chapter 6
1
जाहा तुमाहामने एगाहा बिहीरा आरी फिर्याद वेअ, ता ती फिर्याद पवित्र लोका आगला नाहा ता तो माअहु ती फिर्याद न्यायालयाम जे धर्मि लोक नाहा, लोकाहा आगला ली जावुलो हिम्मत काहा केअतो हो ?
2
पवित्र लोक दुन्या न्यायाकेरी इ तुमाहान मालुम नाहा का ? आने जाहा तुमाहाकी दुन्या न्याय वेअनारे हाय ओडी गोठी विचार केरूका तुमा आयपत नाहा का?
3
आपु देवदुताहा न्याय केअणारे हाय, इ तुमाहान मालुम नाहा का ताहा? इ जीवनाबाबतीम न्याय केअतोहो हारी रीतीहीकीज की शकणारा नाहा?
4
तेबी जाहा रोज रोज जीवनाबाबतीम प्रकरणे तुमा निकालाम काडा वेरी , ताहा जीया मंडळीम काय गोणता नाहा, एहेडा माअहा न्याय केरा केता काहा बोहवाव ताहा?
5
तुमाहाल लाज कि आवा जोजे तियाहाल आय ऐहेकी आखुहु, जियाल पावुहु न्याय निवाडो केअता आवी, ऐहेडो एक बीहुशार माअहु तुमाम नाहा काय ?
6
पेन इयाल नेता, ओ बिगर विश्वास्या आगला पावुहु पावाहापे फिर्याद केहे इं केहकी?
7
तुमा एक बिहिरावे फिर्याद केअताहा इयामे बादी प्रकारे तोज नुकसान हाय तिया पेक्षा तुमा अन्याय काहा सहन केअता नाहा, तिया पेक्षा तुमा नुकसान काहा सोसता नाहा.
8
पेन उलट तुमा बिहिरापे आने सवताहा पावुहुपे अन्याय केअताहा आने ठोगताहा.
9
काय तुमा जाअता नाहा का? जे धार्मीक नाहा, तियाहान देव राज्या वेतन मिलणारोज नाहा, ठोगाया नाहा. केडो छिनालो ने मुर्तिपुजक,
10
ने चोरी, लोबी, दारूदये निंदा केअणारे ने ढोगणारे इयाहाल देवा राज्या वेनत मिलणारोज नाहा.
11
आने तुमा कोताहाक लोक ऐहेडा आथा, पेन तुमाता तोवाय गियाहा, तुमाहाल पवित्र केराम आल्लो हाय आने प्रभु यीशु ख्रिस्ता नावामे वे आपु देवा आत्मावाई तुमा नितीमान ठोरवाम आला?
12
बादया गोठयामाल नियमाम चालत्याहा पेन बादया गोठया माल हा-या नाहा बादया गोठया माल चालत्या हा, पेन आय केल्लीज गोठी आधीन वेणारे नाहा.
13
आने डेडी खातोर डेड ओना खातोर हाय पेन देव तियाहा बेन्याहावी नाश केरी, पेन छिानालो केणाराहा केअता डिल नाहा, ताहा डिल प्रभुखातोर हाय आने डिल खातोर प्रभु हाय.
14
आने देवाय प्रभुल उठव्यो आने तो तिया सामर्थ्याकी आपुहुलबी उठवी.
15
तुमा डिल ख्रिस्ता अवयव हाय इं तुमाहाल मालुम नाहा का? ताहा आय खिस्ता अवयव लिईन तोअ किसबुनी अवयव किहु काय? तेहेकी वेरा नेय जोजे.
16
काय तुमा नाहा जाता का रांडी आरी जो जोडाही तो तियोआरी ऐकडील विई जाही? काहाका तो आखे ते बेनी एक डील वेरी.
17
पेन जो प्रभु आंरी जोडालो जाही तो तियाआरी आत्माहाकी एक मिलाय जाते हे
18
छिनालापेने दुर रेजा जे बिहीरे होग्गे पापे केल्लो बी माअहु केहे तो डिलाबारे हाय पेन छिनालो केअणारो आपु डिलाल उलटो पापकेएहे.
19
काय तुमा नाहा जाता का, तुमा डिल इं देवाहाय ने मिललो ने तुमाम रेणारो पवित्र आत्मा मंदिर हाय?
20
आने तुमाहाल मोलवाई वेचतो लेदलो हाय तियाकेता तुमा आपु डिलामेने देवा गौरव केरा
Chapter 7
1
आमी तुमाही माल गोठया लिख्याहा लिखल्या गोठीबोददल आय लिखी रिइयोहो, थेअयील आथले नाय इं आदमी खातोर हारो हाय.
2
तेंबीबी छिनालो वेअहे तियाखातोर हरेक आदमील सवताहा थेअयरा जोजे आने हरेक थेअयील सवताहा माटी रा जोजे.
3
माटयाय थेअयील तियु हक्क दा जोजे, आने तीयाहोच थेअयुम बी माटयाल दा जोजे,
4
थेअलगुल तियु सवताहा डिलापे अदिकार नाहा, पेन माटयाल हाय, आने तियाहोच माटयालबी तिया सवताहा डिलापे अदिकार नाहा, पेन थेअयील हाय.
5
तियाहा सुखा खातोर एक बिहिराल जुदो वेवार क्याहा नाहा, तुमाहान प्रार्थनाखातोर टाईम देता आवा जोजे तियाहाल एक बिहिरा विचारावाई थेाडक टाईम केता दुर रेजा, आने फासे एक वेजा इयाखातोर का सैतान तुमा असंयमा खातेार तुमाहाल मोहान पाडे?
6
पेन आय गोठ मानिन इयाखातोर आखुहु आज्ञा खातोर नाहा.
7
मा इच्छा ऐहकी हाय का, बादा लोक मा होच रा जोजे पेन हरेक माअहाल तियाल सवताहा ऐहेकी देवाहायने कृपादान हाय. एकाल एक खातोर रेवुलो आने बिहिराल बिहिरा खातोर रेवुलो.
8
तियाहाल आय बादया वोराड नाय वेलो आने राडाली ने ऐहेकी आखुका तुमा माहोच याहाता ताहा तो तुमा खातोर हारो हाय.
9
तिया खातोर जाहा तीयाहाल मोनाप ताबो केअता आवतो नेय वेरीता तियाही वोराड किला जोजे, काहाका वासनाहाम वोखोकेरा वोराड केरूलो हारो
10
आने वोराड वेअयोहो तियाहाल आय आज्ञा दिहु, आय नाहा पेन प्रभु दि रियोहोका थेअयील ने माटयाल सोडा नेय जोजे.
11
पेन जाहा तियुय माटयाल सोडी देदो ता वोराड नाय केअता तेहकीज रा जोजे काहाका आपु माटयाकी आरी एक जुट केरा जोजे आने माटयाय थेअयील सोडा नाय जोजे.
12
पेन बिहिराहान इं प्रभु आखतो नाहां, पेन आय आखुका, जाहा अेगाहा पावुहु थेअय विश्वास थोवनारा नाहा आने तिया आरी रा खातोर तियु तयाआरी वेरिताहा तियाय तियुल सोडुलो नाय.
13
आने अेगाेहाे माटी विश्वास थोवणारो नाय वेरीता अने तियुआरी रेवुलो तयारी वेरी ताहा तियुय तियाल सोडा नाय जोजे.
14
काहाका विश्वास नाय थोवणारो माटी तिया थेअयीपेने पवित्र वेअय तियु माटीपेने पवित्र वेअहे. नाहा ता तुमा पोयरे अशुध्द रेते पेन ते आमी पवित्र हाय.
15
पेन सवतांहा विश्वास थोवते नेय वेरीता केडो सोडी जातो वेरीता तियाल जा दया, काहाका केडो पावुहु का बोही ऐहेडी बाबतीम बादाले नाहा. पेन देवाय आपनेहेल शांतीम राआ खातोर हादले हाय.
16
काहाका थेअय तु इं केहेडापेने जातो होका तु तो थेअयील तारो का नाहा
17
ताहा जेहकी प्रभुय हरेकाल वाटी देदलो हाय, जेहेकी देवाय हरेकाल हादलो हाय, तेहेकी तियाय चाला जोजे, आने इया खातोर आय बाधा मंडळीन आज्ञा दि रियो हो.
18
सुंता वेल्या हरेकाल विश्वासाखातोर निवडुलो हाय का ताहा तियाय सुंता इं निसानी काडी टाका नाहा.
19
बेसुंता वेल्याहान केडाल विश्वासा खातोर निवडुलो हाय तियाहाय सुंता किई नेय लेवुलो.काहाका सुंता वेअले ता कायज बादा का बेसुंता वेअले कायमज नाहा, पेन देवा आज्ञा पावुलो तोज बादयो हाय.
20
जियाल जेहेंकी रीती निवड वेअली हाय तियाहाय तिज परिस्थितीम राआ जोजे.
21
काय तु दास विईन हादाम आलो का तिया पारवा तु केअहो मा, पेन तु मोकलो वेअता आलो ताहा तू तिया वापर के.
22
काहाका जो दास विईन प्रभुम हादाम आलो तो ख्रिस्ता दास हाय.
23
देवाय तुमाहाल मोलावाई वेचते लेदले हाय, तियाहाल तुमा माअहा दास व्याहा नाहा.
24
पावुहु जो जियाल जेहेकी हादाम आललो हाय तियाहाय तिया तेहकी देवा आरी रा जोजे.
25
आमी कुवारी बादोल माल प्रभुहिने काय आज्ञा नाहा, पेन विश्वासाम रेता आवा खातोर जियापे प्रभु दोया केली हाय एहेकी आय एक हाय तियाहाल आय मा मत देइहु.
26
काहाका माल ऐहेकी लागेहे का, आमी परिस्थितीम इं हारो हाय, काहाका जो जिया तेहेकी वेरी तेहेकीज तियाय राआ जोजे इं खातोर हारो हाय.
27
तुयुय तो थेअयील वोराडा वोचनाम बदलो हाय का ताहा तु सवता सुटो वेरा खातोर विचार केहे नाहा. तु थेअयी हिने सुटो विगियो का ताहा तु थेअय केरा खातेार वेअयो नाहा,
28
पेन ऐहेडाल तिया संसाराम डिलाहान डिलाहान दु:खं वेरी आने ऐहेडा दु:खाम तुमाहाल वेअरा नाय जोजे ऐहेकी मा इच्छा हाय.
29
पेन पावुहु आय इं आखुहुका ओ समय थोडोहो हाय. आमो जियाहान थेअया हाय तियाही थेअय ऐहेकी रा जोजे.
30
जे रोडतेहे तियाही रोडते नाहा तेहेकी जे , खुशिम हाय तियाय खुशी केअता नाय तिया होच आने जो वेचतो लेदलो तियाहा तो आपु सवताहा नाहा हाय तिया होच रेवनु.
31
जो इया दुन्या वापोर केअताहा तियाहाय इया वापोर नेय केअणारा होच वेअरा जोजे, काहाका इंया दुन्या जो रूप हाय तो पारवाय जाय.
32
पेन तुमा नक्की वेरा ऐहेकी मा इच्छा हाय. जीया वोराड वेअलो हाय ते प्रभु गोठील, कालजी केहे का प्रभुल पोटे ऐहेडी कालजी केअहे.
33
पेन जिया वोराड वेलो हाय तियाल जगामने गोठी की थेअयुल केहेकह खुश केरूलो इया कालजी केअहे.
34
जीयु वोराड नाहा वेअलो आने कुवारी हाय ती आपु डिलाहाकी आने आल्याहाकी पवित्र वेरा, ऐहेकी प्रभु गोठीबोददल चित्तकेते हे, पेन जीयु वोराड वेलो हाय ती जगा गोठीम तियुं माटयाल केहेकी खुश केरूलो इया कालजी केहे.
35
इं आय तुमा हारा केअता आखुहु, तुमाहावे बंधन टाकय ऐहेकी नाहा, पेन तुमा मोन हे ऐहे तेहे नाय वेता प्रभु सेवा केरा जोजे तियाहाल आखु.
36
जाहा एगाहाल ऐहेकी होमजा हाय का, तो तिया कुवारी मान नाहा थोवतो, आने वोयाम आली हाय, आने तेहेकी वेराज हाय, ताहा जेहेकी इच्छा वेअेय तेहेकी तियाय केअर, तो पाप केअतो नाहा, तियाय वोराड किदला जोजे.
37
पेन जिया वोराड नेय केरूलो ठोरतुलो हाय, जियाल केहेडाय गोरोज नाहा पोडती जिया मोनाप ताबो रेहे एहेकी जियाय मोनाम ठोरवुलो हाय तो हारो केहे.
38
तियाहाल जो वोराड की देहे तो हारो केहे, पेन वोराड की देतो नाहा तो खुबुज हारो केहे.
39
वोराड वेअली थेअयी माटी जिवतो हाय तावलुग ती नियमाम बांदली हाय, पेन तीयू माटी मोअय गियो ता, तो प्रभुमे वियवासी रियो ता तियु मोन वेरीता तिया आरी वोराड केरा ती मोकली हाय.
40
पेन ती जाहा वोराड केअलो वेरी ताहा मा विचाराकी ती खुबुज आशिर्वादित वेरी आने आय मानुहुका मागवी देवा आत्मो हाय.
Chapter 8
1
तुमा आमी माल लिखला गोठी केअता आय लिखीरिहीयो आपून बाठान माहिती हाय मूर्तीले देदल्या गोठीकेअता आपु जाअता, ज्ञानफुगवेहे पेण प्रिती उभी केअहे.
2
आपु ऐघी गोठ जाअता अेहेकी केडाले होमजुता वेरी ता ती जेहेकी होमजा जोजे तेहकी आजीबी तो जाअतो नाहा.
3
पेण केडो देवावे प्रिती केअतो वेरी तो त्याआ माहाते देवा वोहवेहे.
4
या केअता आमी मुर्तीले देदला वस्तु खाउलेा की आपु जाअनाका जगाम मुर्तीई काय बी नाहा आणे एका शिवाय बीहीरो देव नाहा.
5
काहाका होरगामे आणे तोरती वे देव आखीतेदला खुप वेरी काहाका खूब आणे खूब प्रभु वेरी.
6
पेन आमा केहता एकुज देव जो पिता तीया खातोर आमा जीवता आणे जीयोपेणे होगो दबजीगीयो आणे एकुज प्रभु जीया की आपु जीवतेहे.
7
बाठोजे माहाल ई ज्ञान वेरी अेहेकी नाहा काहाका कोताहाक जाआ लाग ते मूर्ती जे मानपान भोवताहा आणे त्याहा मानपान ओलको हाय ते ते अशुध्द वेहेता.
8
पेण माडा की देवा आगला आपु लायकी ठरती नाहा आपु नैय खाउलाकी की वेअता नाहा आणे खाउलाकी जाहाके ठरते नाहा.
9
पेण तुमा ई खातेय कमी वेरीता केलली प्रकारे अडखडनवेरा नै जोजे तीया कालजी ल्या.
10
काहाका मालूमान वेलोहाय जर तुल मुर्ती जागे मोडोता ऐघाम देखीलेदो आणे तोओ कमी थोलको वेरी तीया मोन मूर्तीले पुजलो वस्तु खावूला तीमरी वेरी का.
11
आणे जीया केअता मोय गीयो ऐहेडो कोमी ओलकोवेरी तो पाहुले तोओ या मालुमाता की नाश वेरी.
12
पेण तुमा जाहा ईया प्रकारे पाऊ विरूध्द पाप वीईन तीहाले कोमी ओलको मोनकहाय तुमाले दुखावला हाय ताहा तुमा ख्रिस्ता विरूध्द पाप केअता.
13
हाती जाहा पऊले खाऊलाकी अडचण वेतो वेरी ता माआ पाऊल अडथळो वेरा खातूर आय तीया अडखळण वेरानेय जोजे याखातूर आय माहा खाणारो नाहा
Chapter 9
1
आय स्वतंत्र नाहा काय आय प्रेरित नाहा का आय आपू प्रभु यीशुलो वेयो नाहा काय प्रभु ई हीमे तुमा माआ काम हाय ने,
2
आय बीहीरा केअता जर प्रेषित नैवेरी तेबी आय तेमा केहेता हाय आमे संशय नाहा तुमा प्रभुमे माआ प्रेषित पणाआ शिक्को हाय.
3
माआ चौकशी केअनाराने ई माआ उत्तर हाय.
4
आम्हाले खाऊलो पिवूलो अधिकार नाहा का?
5
बीईरा प्रेषित प्रभु पाऊ नेते केया अे केअेता त्या प्रमाणे आम्हाले अेघी विश्वासी बोही थेअे कीई लीने आरी लीजाआ अधिकार नाहा का ?
6
आजी एक माल आणे बगेबाले काम नेय केरूला अधिकार नाहा का
7
स्वत: खर्चा की सैनिक आखीन सेवा केणारो ऐहेडो केडो हाय केडो द्राक्षामोलो लागवेहे आणे तीया फोल खातो नाहा तेहकीज केडो टोलो राखेहे आणे टोलमेने गावडा दूध पीतो नाहा.
8
आयईया गोठया माहा चालीरीती की आखु का नियमशास्त्र ईज आखतो नाहा का ?
9
काहाका मोशेअे नियमशास्त्रामे लिखलो हाय की मोलबी केअतो वेरी त्या बोयलाल हिव्या बांधा नाहा देव बोयलाज कालजी केहे का?
10
का बादो काय आपु केअता तो ई आखे ई आपूज केअता लिखलो हाय यामे शौसो नाहा काहाका जो नांगरेहे तो आपु भग आवे ई आशा केअजो.
11
आमा तुमावे जर का आत्माकी गोठया पोसल्या हाय ते आमा तुमाअ जगीक गोठया वाहुणी केऐये ते काम मोडाहाका
12
जे बीहीरे तुमापेनी ईया अधिकार वाटो लेता ते आमा खेरे वाटा लेणारे काहा वेराने जोजे आणे ते बी आय या अधिकारा वापर केअेयो नेय पेण खिस्ता हारीगोठ ले आमा एडचण केरूलो नाय काहाका आमा खूप बादया सहन केअले.
13
जे मंदिरामेनी पवित्र वस्तु सेवा केअेने ते भवनामेरी ओन खातेहे आजे जे वेदी आगला उभे रेहेते ते वेदी भागीदार वेअेते ई तुमा जाअते नाहा का?
14
प्रभुये त्या होच आज्ञा देदली हाय का जे सुवार्ता वे हिकवुतेहे ते सुवार्तावे पोहते वेरी
15
पेण मामेनी केलाज गोठी आय किकधही वापर केयो नाहा तेबी माआ केअेता तेहकी करा म्हणून आय ईया गोठया लिखल्या नाहा काहाका ई माआ मोठेपण देखावा केडो नेय केरा पेक्षा माल मोरूलो हायेा पोटी.
16
काहाका आमे जेबी सुवार्ता आखुई तेबी अभिमान देखावुले माल कायजे नाहा काहाका माल ई केरूलो भाग हाय आय सुवार्ता आखनारो नाहा ते माल हाराप हाय.
17
काहाका ई माय मा मनोकी केअेयो तर माल मोरजी मीली पेण मा विरूध्द वेरी ते माये ओ कारभार होपी देवाम आलो हाय.
18
ते माय मोजरी काम ओतोज का , आय सुवार्ता आखु ताहा तो फुकट आखा जोजे आणे सुवार्ता विषयी मा अधिकारा खोटो वापर केहो नाहा
19
काहाका आय बादांहायने स्वतंत्र हाय तेबी खूब लोक मिला जोजे म्हणुन आय बादांहा मोजूर वेंयो.
20
आम यहुमान मिलवाखातोर यहुदयाने यहुदयासारखो वेयो आय विमशस्त्र नेय तेबी आय नियमशास्त्रामे हाय ने. मिलवाखातोर नियमशास्त्रा हाय अेहेडो वेअयो.
21
आय देवा नियमा बारे नाहा पेण खिस्ता नियमशास्त्रामे नैय त्याहाले नैयरीया सारखो वेयो.
22
आणे आय कोमजोर आही त्याहाचे मिलदा खातोर कमजोर राहाने कमजोर सारखो वेयो आय होणाले होंगा होद वेअयो हाय म्हणने होगेा किईन आय जाहाकाले तारण केरा जोजे.
23
आणे आय ई होगो काय सुवार्ता केहेता किईहु आय बी तियामे रीईन हाये.
24
बादी दौवडफनारे होंगंज दौवडुतेहे पेण एकालुज बक्षीस मिलेहे तुमा जाआल नाहा काय आती तुमा ऐहेडा दौडा का तो तुमाले मिलवाहा.
25
बादी केअेय मेहनत केहेणारा कोताक लोक कोतीक गेाठी मे ताीयारीम केअेहे तो पारवाणारा मुकुट मिलवाकेअता केअल पेण आमा नैरपारवाणारो मुकुट मिलवाकेअेता केअहु.
26
तीया केअेता तेहकी आय दौवडुहू वायबार नाहा आय तेहकी मुष्टी प्रहार केहु वारगामे ठोवुलो केरूलो सारखो नाहा.
27
पेण आय माआ डिले दाबाविईन दोडपी थोवुहु नै ते बीीहराणे आखुलो किईन आय सोतो काय केअेनारो पारजावुलामे उतलो वेरी.
Chapter 10
1
पाऊहु तुमान इ मालुम रा जोजे एहेकी मान वाटे, की आपु जे आगला डाया आथा ते वादला सावलीम रिन लाल समुद्रामेने तेसली वेल हारी रोती गेहला.
2
मोशे अनुयायी आखीन तीया बाठ्ठाय वादलाम आन समुद्राम बाप्तिस्मो लेदो.
3
तियाहाय एकुच आत्मिक मानडो खादो.
4
आने तियाहांय एकुच आत्मिक पाय पीदो काहाका तियाहा फाचला चालनारो दोगडामने निघनारो पायी ते पीतले काहाका तो दोगडो ख्रिस्त आथेा.
5
पेन तेबी खुब लोक आथा तियाकी जियाहोी देव खुश नाय आथो, तियाल तियाहान माई टाकी देदो.
6
ए गोठया एहेंकी वेया का तुमा खातोर उदाहरण हाय का तुम्हा जे गोठया हा-या नाय वेरी तियुहु विचार मा केराहा जेहकी तियाहाय केली केहली.
7
तियाहामने वाहीक लोक मूर्ती पुजा केतला तियाहा होच नाहा बोनाहा पवित्र शास्त्राम लेखलो हाय की लोक खा पिया खातोर एठा बोठो आने ते मुर्ती हुमबुर नाचा खातोर उठे.
8
तियाहाल आपुभी व्यभीचार मा केराहा केराहा जेहकी तियाहामने वाहीक लोक केतला तियाहाल तिया परिणाम एहेकी वेयो का तियामने तेवीस हजार लोक मोयी गेहला.
9
आने आपु देवा परिक्षा मा त्याहा जेहकी तियामने वाहीक लोकाय लेदली तियाहाल तिया परिणाम ऐहेकी वेहलो का तियाहान हापडो चावलो तियाहाल ते मोयी गिया.
10
कुरकुरो मा केराहा जेहकी तियामने वाहीक लोक केतला,तियाहाल तियाहा परिणाम एहेकीं वेयो की तियाहान मायीटाकनारा दुतायहीने तियाहान मायी टाक्यो.
11
ए गोठया एहेकी वेया का तुमा खातोर उदाहरण वेरी तियाल ए गोठया लिखाय गिया काहाका आम्ही जियाहाप जगु शेवट आलोहो तिया खातोर वेरा जोजे.
12
तियाहाल जो एहेंकी विचार केहे की तो नाय बिता उभलो हाय, ता तियाय सावधान रा जोजे काहाका तो पोडा नाय जोजे.
13
तुमा एहडी परिक्षाम नाहा पोडज्ञ जि माहा खातेार साधी नाहा.
14
ओ मा हेगात्याहा तियाल माय आखुहु मूर्तील पुजा मा.
15
तुमाहान होमजायेहे एहेकी होमजीन आय तुमाहान ए गोठया आखुहु ते उनाईन तुम्हा सोवता होमजील्या.
16
जो आशिर्वादु प्यालो आम्हा आशिर्वादीत केरा लागवुताहा, तो ख्रिस्ता रोगतु सहभागिता प्यालो हाय का नाही आने ज्या मानडा आपु केहता त्या मानडाय ख्रिस्ता डिलु सहभागिता हाय का नाहा.
17
मानडा एहडो अर्थ वेहे की आपु बाददे एकुज डिलीमेने हाय काहाका आपु त्या मानडाम भागीदारी हाय.
18
तुमा इस्त्राएला राष्ट्रा बोददल विचार केरा, ते चोडवुली वस्तु खातेहे ता ते वेदी भागीदार नाहा का ?
19
इ गोठ आखुला अर्थ काय हाय का माय इ आखुहु जी मूर्तीव मानडेा चोडवुताहा ता तो मानडो कावी हाय का मूर्ती कावी हाय.
20
नाहा पेन उलटो मा आखुला अर्थ एहेडो हाय का जे अधर्मि लोक चडावेा चोडवुताहा ता जो देवाल नाहा पेन खराब पुथडान चोडवुताहा, तियाल इमान नाहा पोटतो का तुमा पुथडाहा भागीदार वेराहा.
21
तुम्हा देवा प्याला आने पुथडा प्याला बेन्ही नाहा पि सेकता आने तुम्हा प्रभु मानडोम आने पुथडा मानडाम भागीदार नाहा वि सेकता.
22
आपु प्रभुल चिडवा होदताहा का आने जोतो सेक्तीसाली तो हाय तो ता तुम्हा नाहा तुमाहान जी सुट मिलीही ती देवा हा-या गोठया आखनु उपयोगाम लावा.
23
तुमाहान काय भी केरूला सुट हाय, पेन आख्यो हितकरीत नाहा, आपु काय भी केरूला सुट हाय पेन तेभी बाददया गोठया लोकान सामर्थ्ययुक्त वेरा खातोर मोदत ता नाहा केत्या.
24
किधिभी सोता विचार नाहा केरूला बिजाहाबी हाराे केरूला.
25
माहा वेचनारा बाजारांमने केलोभी प्रश्न मा याहा.
26
काहाका पवित्र शास्त्राम एहेकी लेखलो हाय तोरतीप जो काय हाय तो देवा हाय.
27
पेन तुम्हान किधी अविश्वासी लोकामने एगदाय तुमान मानडो खा हादयो आने जावनु होस वाटयो ता जा आने. तुमाहान जो खावलो तो काहीज विचार केता आने फचाता खाई लेजा.
28
पेन तुम्हान केडाय आख्यो का इ देवाल पुजलो हाय ता तीया आखुलाकी नेता तिया मोन योवा खातोर या नाहा.
29
आने जाहा माय विचार केरा आखुहु ताहा तो मा हाय एहेकी माय नाहा आखतो ता बिजा हाय बास इज एक कारण हाय काहाका मा खुलोपोन बिजा माहा आखल्या गोठीकी केहकी वी.
30
पेन जाहा माय देवाल प्रार्थना किनमानडो खाहु ती गोठी खातोर आय देवा आभार मानुहु ता तिया खातोर मा निंदा वेरा जोजे.
31
तियाल तुमा खा पिया नेता कायभी केरा बास जो केरा तो देवा महिमा खातोर केरा.
32
यहुदी लोक ग्रीक आने देवा मंडळीमले मुम्हा किधि ओडचोन मा बोनाहा.
33
जेहकी माय बाददन खुश थोवुला प्रयत्न केहु आने मा खातोर काय हारो हाय इया विचार केहु काहाका ती बाददा तारण वेरा जोजे.
Chapter 11
1
तुम्हा मा होच केरा, जेहकी आय ख्रिस्ता होच किहु.
2
आय तुम्हा वाहवा केहु काहाका तुम्हा मान केहडीवेला मी इतवुताहा, आने जो मायु तुम्हान हिकव्यो तो तुम्हा सावधानीकी पालता हा.
3
पेन मान वाटे तुम्हा ई होमजी ल्या का, थेईयु मुनको आदाम्या हाय, आदम्या मुनको देव हाय आने देवा मुनको परमेश्वरा हाय,
4
एहडो केलो माहु मुनको बुजिन प्रार्थना केहे नेता परमेश्वरा हा-या गोठ्या हिकवेहे ता तो देवा अपमान केहे
5
पेन तेहकी केलीभी थैय जि मुनको नाय बुजता प्रार्थना केहे नेता लोकाम देवा हा-या गोठया आखतेहे, ति मुनका अपमान केहे आने ति थैय तियु होच हाय जियुय आपु किही कातरी लेदाहा.
6
पेन जाहा थेय तियु मुनको नाहा बुजती ता ति तियुय आपु किही कातरी लेवुलो, पेन कीही कातरुनु नायता टाली केनु थैयील नाजवानु होस हाय, तर तियोय आपु मुनको बुजूनु.
7
पेन आदमीय मुनको बुजुला हारो नाहा हाय काहाका तो देवा होच आने महिमा सावली हाय पेन एक थेय तियु आदम्या महिमाल प्रतिबिंबित केहे.
8
माय इया खातोर आखुहु का माहु थेयीय ने नाहा बोन्यो ता थेय माहामने बेानिही.
9
आने माहु थेयी खातोर नाहा बोन्यो ता थेय माहा खातोर बोनिही.
10
तियाल देवाय जो तियुल अधिकार देदोहो ति चिन्हा रूपाकी थेयीय तियु मुनको बुजा जोजे, तियुल होरगा दुताहा कारणा की भी अेहकी केरा जोजे.
11
तेभी प्रभुम नाहा थेय माहामने स्वतत्र हाय आने ताहा माहु थेयीहीयने स्वंतत्र हाय.
12
पेन तेभी जेहकी थेय आलीही तेहकी थेयीय माहाल जोन्मो देदो पेन तेभी बाददो देवायने आवतेहे.
13
आम्ही तुमाज निर्णय ल्या का थेयुय मुनको नाय बुजता देवा प्राथना केरूला इ हारो का नाहा.
14
आने तुम्हान निसर्ग नाहा हिकवुतो का एगदा माहाय तिया चोटे वादवे ता तियाल लाज वाटनारी कानाहा. पेन एघी थेयुय चोटे वादवे ता ते तियु खातोर गौरव गोठ हाय.
15
आय तियुल ते चोटे निसर्गाय ओडणी होच मुनको बुजा देदले हाय.
16
आमी केडो इ गोठीप वाद विवाद केरूला वेरी ता मान आखा पोडी का आम्हाम ऐहडी केलीज रिती रिवाज नाहा आने देवा मंडळीम हाय.
17
आमी आगलो आज्ञा देतीवेला आय तुम्हा वाहवा नाहा की रियो काहाका तुम्हा माठो वेहे.
18
आखस पेहला इ का जाहा तुम्हा मंडळीम टोलवाताहा ताहा तुम्हाम वादविवाद रेहे इ गोठीप मान भोरूचो भी हाय.
19
सेलिप तुम्हाम वादविवाद वेनाराज काहाका तुम्हामने जो निवडाय आलो तो हुमबुर आवे.
20
पेन जाहा तुमा टोलवाताहा ताहा प्रभु भोजना खातेार नाहा टोलवाताहा.
21
काहाका जाहा भोजन केरा जाताहा ताहा आरदा आगला चालीन मानडो खा टुटी पोडताहा पेन काही माही पुखे रि जातेहे आने काही माही डेड पोइनन खाय पि लेतेहे.
22
तुम्हाप खा पिया खातोर तुम्हा कोवे नाहा का, आ तुम्हा इ गोठीकी देवा मंडळी आपमान नाहा केता आने तुम्हा गोरिब माहा चिडवुता नाहा का आम्ही आय तुम्हान काय आखु , इ गोठी खातोर आय तुम्हा वाहवा नाहा केतो.
23
जो माय तुम्हान हिकव्यो तो मान प्रभुय ने मिललो आथो, आने ज्या राती प्रभु यीशुल माय टाका खातोर तेरावी देदलो तिधी तिया एक मानडो लेदो.
24
आने धन्यवाद दिने तियाय तियु बेन तुकडा केया आने आख्यो इ मा टिल हाय, जो तो खातोर हाय तुम्हा मान इतवा खातोर उेहकीज केजा.
25
जाहा तिया मानडो खाईन बिगीयो ताहा तियाय प्यालो उखल्यो आने आखा लाग्यो ओ प्यालो जो हाय ओ मा रोगोतु नोवो नियम हाय, जोतीवेला तुमा ओ पियाहा तोती बेला मान इतवा खातोर केजा.
26
काहाका जोती वा-या तुम्हा जाव लुग तो आवी नाहा जातो तुम्हा प्रभु मोरूला प्रचार केताहा.
27
तियाल जो केडोभी माठा रितीकी खाहे,पियेहे ता तो प्रभु डिलु आने रोगुतु बाबतीम तो दोषी रि.
28
तियाल पेहला माहाय सोता पारखा जोजे ताहा प्रभु भोजन आने प्यालो पिया जोजे.
29
आने जो केडो प्रभु भोजन केहे आने प्यालो पियेहे पेन तियाल प्रभु डीलु अर्थज नाहा मालुम ता तो सोताप दंड हादी लेहे.
30
इज गोठी खातोर तुम्हामने आरधा लोक दु:खा-या हाय आने आरधा लोक माई गिया.
31
पेन तुम्हा सोताल हारकी पारखाहा ता तुम्हाप प्रभु दंड नाय आवे.
32
पेन जाहा आपुप दंड आवेहे ताहा आपुन प्रभु दंड नाय आवे.
पेन जाहा आपुप दंड आवेहे ताहा आपुन प्रभुय शिक्षा मिलेहे ती इ गोठी खातोर का आपुन तोरतीपने लोकांहा आरी शिक्षा नाय मिला जोजे.
33
तियाल माय आखुहु मा पावहा आने बोयुहु जाहा तुम्हा मानडो खा खातोर टोलवायहा ताहा जो नाय आलो वेरी तिया वाट जोवजा.
34
पेन जर केडाल खेरोज पुख लागी वेरी ता तियाय कोज खाई ला जोजे काहाका तुम्हा टोलवावनु तुम्हा खातोर दंड गोठ नाय बोना जोजे आने बिजा गोठया जाहा माय आवेहे ताहा वेहे.
Chapter 12
1
पावुहु अत्मिक दानाबोदल तुमा ओजाने रा जोजे ऐहकी मा इच्छा नाहा.
2
जाहा तुमा परराष्ट्री आथे, ताहा जेहेकी चालवुले जातले आथे तेहकी तुमा इया मुक्या मूर्तीहोवे लिजातले आथे इ तुमाहाल मालुम हाय.
3
तियाहाल आय तुमाहाल आखतोहोका देवा आत्म्याकी गोगणारो केडोबी माअहु एहेकी आखतो नाहा का, यीशु शापित हाय आणे पवित्र आत्म्याबोददल केडोबी यीशु प्रभु हाय ऐहकी आखी शकतो नाहा.
4
आमी कृपादाना जुदेजुदे प्रकार हायज पेण आत्मो एकुज हाय.
5
तेहकी सेवा करूला जुदा जुदा प्रकार हाय, पेण प्रभु एकुज हाय.
6
आणे कार्यकेरूला जुदा जुदा प्रकार हायज पेण बाददाम बादो कार्यकेणारो तो देव एकुज हाय.
7
पेण आत्म्या प्रकटीकरण इं बाददाल उपयोग केरा खातोर एकएकाल देदलो हाय.
8
काहाका एगाहाल आत्म्याहाकी ज्ञाना वचन मिलेहे, आणे ऐगाहाल तिया आत्म्याइच्छा होच विद्या वचन देदली जाहे.
9
बिहिराल तिया आत्म्यापेने,आजी एगाहाल तिया आत्म्याहाकी हारो केरूलो कृपादान.
10
आजी एगाहाल चमत्कार केरमलो शक्ती ने बिहिराल भविष्य आखुलो शक्ती, ताहा बिहिराल आत्मा आमामेने फद आखुलो, आजी एगाहाल जुद्याजुद्या प्रकारा भाषा गोगुलो,आजी एगाहाल भाषांतर किईन अर्थ आखुली शक्ती देदली हाय.
11
पेण इया बाददाम तो एकुज आत्मो कार्य केहे.तो आपु इच्छाहाकी बाददा जाहाल कृपादाने वाटी देहे.
12
काहाका शरिर जियाप्रमाणे एकुज रिईन तिया अवयव खुबुज हाय आने एक शरिर अवयव खुब विईन एक शरिर हाय तियाहोचुज ख्रिस्त् हाय.
13
काहाका आपु शहुदी का ग्रीक आथा, गुलामम का सुटटा आथा तेबी एकाज आत्म्याकी आपु बाददाहा एकुज शरिराम बाप्तिस्मो वेलो हाय आणे बाददाहान एकुज पवित्र आत्माम पोरायाम आलेहे.
14
तेहकीज शरिर इं एकुज अवयव नेय खुबुज अवयव मिलीन एक हाय.
15
नाहा पाग अरवी, आय आथ् नाहा तियाहाल शरिर नाहा, ताहा तियापेने तो शरिरा नाहा ऐहकी नाहा.
16
आणे कान आखीका, आय डोओवो नाहातियाहाल शरिरा नाहा, ताहा तिया पेने तो शरिरा नाहा ऐहेकी नाहा.
17
बाददो शरिर डोओवो रेतोता ताहा ऊणायुलो किही रेतो आणे बाददो ऊणायुलो रेतो ताहा वास लेवुलो किही रेतो.
18
पेन शरिरामने एक एक अवयव देवाय इच्छापेने लागवी योवाला हाय.
19
ते बाददेज मिलीन एकुज अवयव वेते ताहा शरिर केहेडे रेतो.
20
पेण आमी खुबुज अवयव हायता तेबी एकुज शरिर ऐहेडो हाय.
21
आने डोओवो आथाल आखी शकणारो नाहा का, माल तो गोरोज नाहा, तेहेकीज मुनको पागाल आखी शकणारो नाहा का,माल तुमा गोरोज नाहा.
22
ताहा ऊलटो, शरिरा जो अवयव खुबुज कोमजोर देखाहाय तो बिआपु जोजे.
23
आणे शरिरा जो भाग आपु कोमी माना होमजुतेहे तियाहान खुबुज जाहाको माना कोवोर पोवतेहे आणे आपु कुरूप भागाल खुबुज जाहाको हारी शोभा मिलेहे.
24
काहाका आपणे हे शोबेहे एहेजे देखाणारा अवयव गोरोज नाहा, पेन जी भागाले गोरोज हाय तियाहाल खुब जाहाको मानपान दिईन देवाय शरिर उबजावलो हाय.
25
काहाका शरिराम केल्लोबी मतभेद नेय रा जोजे, ताहा अवयवाय एकबिहिरा सारखोज कालजी केरा जोजे.
26
आणे एक अवयव दुखतो वेरीता ताहा तियाआरी बादा अवयवाहाल दुख वेहेआणे एका अवयवा गौरव वेअयो ताहा तियाआरी बाददा अवयव आनंद केताहा.
27
आमी तुमा ख्रिस्ता शरिर विईन आने स्वोताहा केता अवयव हाय.
28
आणे देवाय मंडळीम एहेडे काय नेमले हाय पेअला प्रेषित बिहारा संदेष्टे तिसरा शिक्षक, तीयाआरीचमत्कार, तियाआरी रोग काडवु कृपादाने, हेगाव्याम सेवा, व्यवस्था आणे जुद्याजुद्या प्रकारा भाषा गोगणारे उेहेडे नेमले हाय.
29
बादेाज प्रेषित हाय का बादेज संदेष्टे हाय का बाददेज शिक्षक हाय का बाददेज चमत्कार केणारे हाय का?
30
बाददाहालुज रोगे काडुलो कृपादाने मिलीह का बाददेज अन्य भाषा गोगतेहे का बाददेज अर्थ अखते का ?
31
पेन तुमा खुब मोडे कृपादाने मिलावाखातोर इच्छा केरा आने काहाका आय तुमाहाल ऐ खुब हारो मार्ग दाखावतेहो.
Chapter 13
1
माय माहा आन दुवदुता बोली गोगतो वेरी पेन माअम माया नाय वेरी ता, माय वाजणारी थाली आण झंणझंण केअणारी झांजी होच हाय,
2
माअम देवा गोठया आखणु शोक्ती वेरी माअम बाअदी गोअठी ग्यान वेरी, आन डोगुहु आलवी दिईव एहंडों विश्वास माअम वेरी, पेन जर माअम माया नाय वेरी ता माअय कायुज नाहा.
3
आन माय मा बांददा पोयसा गरीबाहान मांन्डो खा केअता दी दिईव, आन मा जिवतो शरिर बाअला केअता दी दिईव, पेन माअम मोंया नाय वेरी ता माअन कायज फायदो नाहा.
4
मोया माहन केअनारी हाय, ती केअला उपकार इतवुती नाहा, मोया हेवो केअती नाहा, मोया बोकाय नाहा केअती , ती फुगती नाहा.
5
मोया गैर रितीहीकी चालती नाहा, माअज हारो वेअरा जोजे एहकी नाहा, माअज हारो वेअरा जोजे ऐहकी इतवुती नाहा, चिडती नाहा, केअला उपकार आखी नाहा देखावती.
6
मोया खाराब गोठीम खुष नाहा वेअती, ता हारी गोठीम खुष केअहे,
7
मोया बादया गोठया सहन केअहे , बाददी गोठीप भोरूसों थोवेहे, बाददी गोठी आशा तेअहे, बादया गोठीम धरी तेअहे.
8
मोयाकीदीही खुटती नाहा,हा-या गोठया वेरी तेबी ते पारवाय जाअय,वेरी तेबी ते पारवाय जाअय आन ज्ञान वरी तो पारवाय जाअय,
9
काहाका आपु आपुरो जाअता आन , अपुरो भवीष्य आखताहा,
10
पेन जांहा पुरो तो आवी ताहा आपुरो पारवाय जाअय.
11
जाहा आय हानो पोयरो आथो ताहा हाना पोयराहां होच गोगतोलो, आन आय पोयरा होचुज विचार केअतलो पोयराहा होचुंज होमजुतलो, पेन जाहा आय मोडो वेअयो ताहा हाना पोयराहा ते गोठया मायुय सोडी देदया.
12
आपनेहेम आमी आरसाम चाेखो चाेखो देखहाय, पेन ताहा हुंबुर हुंबुर विअहु आमी मान होमजायहाय पेन आपुरोज, पेन फाचे माल जेहकी रितीहीकी ओअखुलाम आललों हाय, तेहकी आय बी पुरी रितीकी ओअखेहे,
13
आन आमी , विश्वास, आशा, आन मोया इ तिनी टिकणा-या हाय पेन इयामेने मोया मोडी हाय,
Chapter 14
1
माया थोविन चालजा आण आत्मीक कृपादान आन खास कीन तुमाहान संदेश देता जोजे एहेंकी मनाहाकी इच्छा केअजा,
2
जियाहांन बिहिरी भाषाम गोगुलो दान मिललो हाय तो खेरो वेराजाय ता माहाआरी गोगतो नाहा, ता देवाआरी गोगेहें काहाका तो काय गोगहे तो केडालुज होमजुतो नाहा पवित्र आत्माहाकी तो हा-या गोठया गोगेहे,
3
पेन जो हा-या गोठया आखेहे तो मांहा आत्मीक सोक्ती खातोर आन शांती गोठया आखेहे,
4
जियान बिहिरी भाषाम गोगुलो दान हाय तो सोताहाज जीवन हुदरावेहे, पेन जियाल संदेश देवुलो दान हाय तो आख्खी मंडळील मोजबुत केहे,
5
तुमा आख्खे बिहिरी भाषाम गोगा जोजे पेन खासकी तुमा संदेश दा जोजे एहेंकी मा इच्छा हाय काहाका जो केडो बिहिरी भाषांम गोगेहे, तिया देख जो संदेश देहे तो मोडो हाय ईया खातेार का मंडळी वाढ वेरा जोजे,
6
आमी पावुहु जर माय तुमा इहीं बिहिरी भाषा गोगा खातेार आलो ता तुमा केहेकी फायदो वेरी, तुमा फायदो वेरा जोजे आखीन माय तुमा पाही प्रकटीकरण ओक्कल संदेश बुददी परमेंश्वरापनु हिकवुनू लावुलो नेय का,
7
ई निर्जिव वस्तु उदाहरण पावी आण कांगलीईया होस आवाज काडनारी वस्तुहु आवाज जूदो जुदो नेय रियो ता, पावी आवाज केल्लो ई केहेंकी होमजुनारो,
8
आण जर तुतारी आवाज हारकी नेय वाज्यो ता लडायी खातोर केडो तियारी वेरी,
9
तेहेकीज तुमा हारकी होमजुनारी भाषाम नेय गोग्या ता, तुमा गोगता हा तो बिहिराहान केहेंकी होमजुनारो, तुमा वारा आरी गोगनारा होस वेरा,
10
खेरोज दुनियाम खुब जाती भाषा हाय पेन एक बी भाषा अर्था वोगर नाहा,
11
तियाहाल जर माल भाषा अर्थ होमजोनाहा ता जो गोगलो हाय तिया खातोर ओजाण्यो ठरणारो, आण जो गोगणारों हाय तो माखातोर ओजाण्या वेरी,
12
नक्की तेजं तुमाआरी लागु पोडेहे जर तुमा आत्मीक कृपादाने मिलवुता तियाल हुशराला हाय, ता मंडळी वादवुनु खातोर मंडळील आत्मीक मजबुती आवाखातोर खुद कोशिश केजा,
13
तियाहाल जो बिहरी भाष्याम गोगेहे तियाय तो जो गोगलो हाय तिया अर्थ आखता आवा जोजे.
14
काहाका जर माय बिहरी भाषाम प्रार्थना केयी ता मा आत्मो प्रार्थना केहे पेन मा मन काम नाहा केतो,
15
फाचे काय केरूलो माय मा आत्माहाकी प्रार्थना केरेहे पेन तेहेकींज मा मोनाहाकी प्रार्थना केरेहे,
16
काहाका जर तु तो आत्माहाकी परमेश्वरा धन्यवाद केरोहो ता जो उनानारो आजान्यो माहु तिहि बोठलो वेरी ता तो उपकारस्तुती प्रार्थनाम आमेन केहेकी आखी, काहाका तु काय आखतोहो तो तियाल होमजातो नाहा,
17
काहाका तु उपकारस्तुती हारी केतोहो खेरो इ हारो तेबी तियाम बिहरा फायदो नाहा वेतो,
18
माय पेरमेश्वरा उपकार मानुहु काहाका माय तुमा बादाहा से वाद भाषा गोगुहू.
19
पेन माय मंडळीम बिहरी भाषाम दाहा हाजार शब्द गोगनु आय बिहरांल हिकवां खातेार, पाच शब्दा मा मोना की गोगुनु इं मान हारो लागेहे,
20
पावुहु तुमां विचार पोयरा होच नाहा वेराहा पेन खोटा कामांहा बाबतिम हाना पोयरा होस आन होमजुनु सोमजदार माहां होस वेजा,
21
नियमशास्त्र आखेहे बिहिरी भाषा गोगनारा उपयोग किन आण बिहिरी भाषाम माय ईयश लोकांआरी गोगेहे तेबी ते मा उनाय नेय, एहेंकी परमेश्वर आखेहे,
22
इयाखातोर बिहीरी भाषाम गोगुलो दान विश्वास थोवणारा खातोर नाहा पेन अविश्वासी लाकाहां खातोर चिन्हादाखल हाय,
23
तियाहाल जर बादी मंडळी लोक टेालवाया आन ते बादा बिहिरी भाषाम गोगा लाग्या आन तीही ओजण्येा नेता अविश्वासी माज आलो ता ते तुमाहान गांडे हाय एहेंकी नेय आखनारे का,
24
पेन तुमा बादाहाज संदेश दा लाग्या आण जर अविश्वासी नेता बारेनु माहुं माज आलो,ता आख्खेज जे गोगते वेरी तियाखातोर तिया उनाणाराल तिया पाप होमजाही ते आख्खे तिया न्याय केतेहे,
25
तिया अंत:करणामनु दोबावल्या गोठया माहित पोडत्याहा आण फांसे तो उबडु पोडीन परमेश्वराल पागे पोडेहे आण आखेहे, खेरोंज परमेश्वर तुमाहाम हाय तुमा मिलुलोकी मंडळील मदत वेरी,
26
पावुहु फासें काय तुमा एकजागे टोलवाता ताहा तुमा हामेने बादाज केडो गीतें आखा खातोर केडो हिकवांखातोर केडो गोठया खुल्या कीन आखा खातोर केडो बिहिरी भाषाम गोगा खातोर आन केडो तेबी तियु भाषा अर्थ होमजावीन आखा खातोर तियार रेहे बादोंज मंडळीवादां खातोर रां जोजे,
27
जर केडो बिहिरी भाषाम गोगणारो वेरी ता बेन नेता जास्तीत जास्त तित गोगां जोजे,एकदाव एकुज गोगा जोजे आण एक बिहिरो तिया गोगला अर्थ आखा जोजें,
28
जर मंडळीम अर्थ आखनारो केडो नेय वेरी ता बिहिरी भाषा गोगणारो सभाम ठाकोज मा जोजे तिया तिया नेता परमेश्वरा आरी गोगा जोजे,
29
बेन नेता तिन संदेश दा जोजे आण बिहिरांय तो काय गोगेहे तिया गोठया पारखा जोजे.
30
बोठला आथा तियाहामनु एगदा माहाल जर कावी प्रगट वेयो ता पेहेंलाे संदेश देणारो हाय तो ठाकोज बाेहा जोजे,
31
जर तुमा आख्खान संदेश देता आवेहे ता एकदाव एकुज गोगा जोजे इया खातोर का आख्खेमाही हिकणारे, आख्खाहान शांती आण मार्गदर्शन मिली,
32
जे आत्मे संदष्टाहान प्ररणा देते हे ते तिया संदेष्टाहा ताबाम रेहे,
33
काहाका परमेश्वर ओ खागावागा केनारो नाहा पेन तो शांती लावनारो परमेश्वर हाय, तेहकी आख्ख्या मंडळया परमेश्वरा पवित्र लोकाहा रेत्याहा,
34
बायमाहु मंडळीम ठाकोंज बाहा जोजे काहाका तियुन मंडळीम गोगुलो परवानगी देवाम आल्ली नाहा, काहाका नियुमशास्त्रसुध्दा एहेंकीज आखेहे,
35
तियुय जर कांवी हिकवुलो वेरी ता तियुय कोवालाले फुचा जोजे काहाका बाईहिन गोगुलो सोबतो नाहा.
36
परमेश्वरा वचन तुमामनु निगलाक हाय का फक्त तुमाइहिज आल्लो हाय का ?
37
एगदोहो जर स्व:ताले संदेश देणारो होमजुतो वेरी ता जर ताेअ आत्मीक माहु वेरी ता तीयाय ऐहकी वोहकाजोजे का, जो माय तुमाहान लिखी रियोहो तो परमेश्वरायनु देवाम आल्ली आज्ञा हाय,
38
पेन जर केडो नेय मानतो वेरी ता नाहा मानहा,
39
तियाहाल मा पावुहु संदेश दा खातोर तियार रेजा बिहरी भाषाम गोगणाराल नाहा एहेकी आखा ना,
40
ता आख्ख्या गोठया हारी रितीहीकी बरोबर रा जोजे,
Chapter 15
1
मा पाऊलाहा माय आमी तुमान इतवी दिहु जो शुभवर्तमान माय तुमान आखी जो तुमा मानीलेदो हो आन जीयाय तुमा स्थिर हाय.
2
जीया व्दारा तुमान तारण मिललो हाय ता शुभवर्त्मान माय तुमान आखुहु ज्यां वचना नुसार तुमाआरी शुभवर्तमान आखी त्या वचना नुसार ते तुमा दृढ तेलो तीयर योग तुमा तारण बी वेहे आन नयता तुमा विश्वास व्यर्थ हाय,
3
काहका जोक मान पहिलीनदा आखुलाम आलो तो मान तुमान आखी टाक्यो.तीयमिने महला ई हाय का शास्त्रलेखा प्रमाणे ख्रिस्त तुमा कामा पावा वाटो तिायाय जीव देदो.
4
तीयाय पुरूलाम आलो आन शास्त्रलेखा प्रमाणे तिस-या दिही तो पासे जीवतो वी उठयो.
5
आन तो केफालाल देखायो फासे तीया बारा प्रेषितांन देखायो.
6
फासे तो एकाच टाईमुन पाचशे ता जाहका लोकाहान देखायो तीया मेने आमी लुग खुब लोक आमी बी जीवता हाय आन आरदे मोइ गींया हे,
7
फासे तो याकोबाल देखायो फासे आजी तो आखा प्रषितान देखायो
8
आन शेवटी माय जो अवेळी जन्मुला मान बी तो शेवटी देखायो.
9
काहाका माय प्रेषितामने कनिष्ठ हाय माय प्रेषित आखुला लायकी नाय काहाका देवा मंडळी मायु केयो
10
पेन देवा कृपाकी माय जो हाय तो माय प्रेषित हाय आन तीया माव केली कृपा वाया गीई नाहा उलटो तीया आखावेने जाहका कष्ट मायु केलो हाय, केनारो माय नाहा का देवा जी कृपा मा आरी आथी ती केतली.
11
तीयाल माय रीव का ते रे आमु जेहकी घोषणा केता तुमा एहकी भोरूसों थोवा
12
आमी ख्रिस्त मोलामेने फासे जीवतो वेयो ऐहकी तीया घोषणा वी रीई ही जा मोलाहा पुनरूत्थान नाहा एहकी तुमामेने केाता जाआ आखताहा एहकी केहकी.
13
जर मोलामेने पुनरूत्थान नाहा तर ख्रिस्त बी जीवतो वेयो ऐहकी बी नाहा.
14
आन जर ख्रिस्त उठवुलो गेहलो नाहा तर आमा घोषणा व्यर्थ हाय आन तुमा विश्वास बी व्यर्थ हाय
15
आन आमा देवा खोटासाक्षी देदी काहाका परमेश्वराय ख्रिस्ताल मोलामेने ऊठव्यो ऐहकी आयुय तीया बदल साक्ष देदी जर मोलाज उठवुलो जातो नाहा ता तीयन बी तीयाय मोलामेने उठव्यो नाहा.
16
आन जर मोलान उठवुलो जातो नाहा ता ख्रिस्ताल बी मोनाला मेने उठवुलाय आलो नाहा.
17
आन जर ख्रिस्त उइवुलो गीयो नाहा तर तुमा भोरूसो थोवलो व्यर्थ हाय आन तुमा आमी बी पापुम हाय
18
हा आन जे ख्रिस्ताम मोया हा तीया नाश वेयो.
19
जर ख्रिस्ताप रेहली तुमा आशा बी फक्त जीवना वाटोज हाय ता आखा लोकापेक्षा आमु लाचार हाय
20
पेन ख्रिस्त मोलामने उठवुलो गेहलो हाईज जे मोले हाय तीयामने तो प्रथमफळ हाय.
21
काहाका मनुष्या हारे मरण हाय त्या प्रमाणे मोलाहा बी पुनरूत्थान बी हाय.
22
काहाका जेहकी आदामा हारे आखान मरण हाय जेहकी ख्रिस्ताम आखे जीवते केरूलाम आवी.
23
पेन प्रत्येक जाआ तीया क्रमा नुसार ख्रिस्त जो प्रथमफळ हाय आन फासे ख्रिस्त आवुला टाईमुल तीया रेहला लोकान जीवतो केरूलाम आवी.
24
फासे शेवट वी प्रत्येक अधिपती प्रत्येक सत्ता आन प्रत्येक अधिकारी प्रत्येक सामर्थ्य जाहा ख्रिस्त नष्ट की ताहा देवपित्याल राज्य होपी दी.
25
काहाका आपु पागा नीचे आखा शत्रा ठेवुला लुग तीयाल राज्य केरा जोजे.
26
जो शेवटल्या शत्रुल नाहीयो केरूलाम आवी तो मरण हाय
27
पवित्र शास्त्र आखे काहाका देवाय तीया पागु नीचे आखा गोष्टा अकिंत कीन थोव्या पेन जाहा तो आखे का आख्ख्या गोटया तीयाअंकित केल्या हाय ताहा जोयाप आख्यागोठया अंकित केया तो सोता वारे हायई उघड हाय.
28
आन जाहा आखा गोठी तीया वश वी ताहा पुत्र सोता त्या आख्या गोठी आपु वशर केणारा वश वी म्हणजे देवपिता ओज आखाम आखो वी
29
30
ताहा ता लोक मोला वाटो बाप्तिस्मा लेतेहे तीया वी जर जे मोई गीये तीयान उठऊलो जातो ताहा ता ते लोक ती गोठी वाटो बाप्तिस्मा काहा लेतेहे. आन आमु बी प्रत्येक संकटाम काहा पोडते हे.
31
मा पाऊलाहा यीशु ख्रिस्त आपु प्रभु इया ठायी मान विषयी रेनारा अभिमान शपथ लीन ऐहकी बाखु का माय रोज मोहु.
32
माहा स्वभाव प्रमाणे इफिसाम माय जंगली जनावरा आरी चुलायो ता मान काय मील्यों जर मोलान उठवुलो जातो नाहा ता चाला आपु खाऊ पीऊ काहाका हाकाल मोरूला हाय.
33
ठोगाया मा वाईट संगतुकी हाव्याहोवाय बिगकुत्या हा.
34
नीतिमत्वा संबधा की शुध्दीप आवा आन पाप केता जाहा मा काहाका तुमामते आरदा लोक देवा गोठीकी मरण हाय अज्ञानी हाय इ माय तुमान होमजाया वाटो आखुहु
35
पेन केडाय तेबी आख्यो जे मोई गीये तीयाव केहकी उठवुते हे केलल्या रीतीकी केलला शरीरा की ते आवतेहे.
36
तु ओतो मुर्ख हाय का तु जो पोतोहो तो मोतो नाहा तीया शिवाय तो जीवतो वेतो नाहा
37
आन तु जो पोतो हो तो मोना होस आनी तेहकी पोतो नाहा ता नुसतो दानो तु पोतोहो तो फासे गोऊरे का जुवाई.
38
आने फासे देवाय तीयाय निवर्डुल्या प्रमाणे तीयाल आकार देहे जो प्रत्येक दानाल तीया सोता शरीर देहे.
39
जिवता जानवरा आखा शरिर सारखो नाहा रेतो माहा शरिर जुदो रेहे जनावरा शरिर जुदो रेहे पक्ष्या शरिर जुदो रेहे आन माहा शरिर जुदो रेहे.
40
तेहकीज स्वर्गीय शरिर हाय आन पेन शरिर हाय पेण स्वर्गीय शरिर अलग प्रकारू हाय आन पृथ्वीपेन शरिर बीहजो प्रकारू हाय.
41
तेहकीज सुर्या ऊजवाडो जेदो रेहे ता चंद्र ऊजवाडो जुदो रेहे आन तारा ऊजवाडो जुदो रेहे आन ऊजवाडा गोठीम एक तारो बीहजा तारो जुदा रेहे.
42
तीयाल मेाला माहा पुनरूत्थान ऐहकी वेरी जो शरीर तोरतिम पुरलो हाय तो पारवाय जानारो हाय आन जो ऊठवुलो जाणारो शरिर हाय तो किदीज नाय पारवानारो हाय.
43
जो ऊपमानाम पुरलो जाहे तो गौरवाम उठवुलो जाहे आन जो अशक्तपणाम पुरलो जाहे तो सामर्थ्याम उठवुलो जाहे.
44
जो जमिनीम पुरलो जाहे तो नैसर्गीक शरिर हाय आन जो उठवुलो जाहे तो आत्मीक शरिर हाय जर नैसर्गीक शरिर हाय ता आध्यात्मीक शरिर बी हाय.
45
आन तोज पवित्र शास्त्र आखे, पहिलो माहु आदाम ओ जीवतो वेयो पेन ख्रिस्ती जो शेवटचो आदाम वेयो तो जीवन देनारो आत्मो वेयो.
46
पेन जो आत्मिक तो पहिलो नाहा जो नैसर्गीक हाया तो पहिलो हाय ता जो आध्यात्मिक हाय फासे तो
47
पहिलो माहु जो कादु की बनवुला गीयो आन जो दुसरो माहु तो स्वर्गामेने आलो.
48
ज्या प्रकारे पहीला माहु कादुकी बनवुंलो गीयो तेहकीज लोक बी कादुकी बनवुले गीये आन तेहकी स्वर्गामेने तेहकी बोनवुले गीये.
49
आन जो कादु माहु बोवव्यो तीया शरिर आवुय धारण केयो तेहकी जो स्वर्गीय शरिर हाय तो बी आपु धारण कीहु.
50
मा पाऊलाहा माय एहकी आखु का माहा आन रोक्ताल इयान देवा राज्या वतन मीली शकतो नाहा आन विनाशिपणाला अविनाशीपणा वतन मिली सकतो नाहा.
51
वेरा माय तुमान एक रहस्यमय सत्य आखु आपु आखे मोनारे नाहा आपु आखे बोदलाय जाहु
52
एक घेडीम डोवा मीच्याना मीच्या सारखोज वेता शुवटुल्यों कर्ना वाजी ताहा, कर्णा वाजी मोई गेहले ते अविनाशीपणात उठवुले जाय आन आपु बोदलाय जाहु.
53
काहाका जो विनाशी हाय तीयाय अविनाशीपणा परिधान केरा जोजे जे मरणाधीन हाय तीयाय अमरण परिधान केरूला इ गरजेचो हाय.
54
ई जो विनाशी हाय तीयाय अविनाशीपणा धारण करा जोजे आन जे मरणाधीन हाय तीयाय अमरत्व धारण केरा जोजे एहकी जाहा वी ताहा पवित्र शास्त्राम लेखला प्रमाणे विजयाम मरण गीलो गेहलो हाय,
55
अरे मरणा तो विजय काही हाय अरे मरणा तो नांगी काही हाय.
56
मरणा नांगी पाप हाय आन पापा सामर्थ्य नियमशास्त्रामेने आवेहे.
57
पेन देवाल धन्यवाद जो प्रभु यीशु ख्रिस्ताहारे आमान विजय मीलेहे
58
तीयाल मा पाऊहु आन बोईही प्रभु मे स्थिर आन अचल रेजा आन तेहकी स्वत:हाल प्रभु कामाम तयार रेजा तुमान माहिती हाय का प्रभु मे तुमा काम व्यर्थ नाहा.
Chapter 16
1
आमी पवित्र जावा केहता खातुर वर्गणी फालो जमा केरा बारामे, जेहकी माय गलतीयामेने मंडळील आज्ञा केयी, तिया प्रमाणे तुमाबी तेहकी केरा जोजे.
2
तुमामेने हरएकाय, तियाहान यंश मिली तिया मनावाय, दरेक आठवडया पेहिला दिही पोयसा टोला कीने थोवा जोजे.
3
आने माय आवे जाहा तुमा पत्रे दिईन, तुमाय स्वीकार केला माहा तुमा देणगी थईशलेम शहराम लिईन जाखातुर मोकलो.
4
आने जाहा माआ शुध्दा जाऊलो योग्य लागी ताहा तोओ माआआरी आवी.
5
माय मासेदोनीया प्रांतापेने जावी, ताहा तुमाही आवेहे, काहाका मासेदोनियामेने जाऊलो माआ योजना हाय.
6
आने बनेशके तो माय तुमाआरी आवीन रेहे. आने हियाला समय इहिज रिव्यु, काहाका माय जा इच्छा राखु तेहे माय तुमा वाटे लागवा.
7
काहाका आमी थोअे वाआलाग तुमाल मिलुलु माआ इच्छा नाह, काहाल जाहा प्रभु इच्छा वेरी , ताहा तुमाआरी रिईन कोतोक दिही रिईन जाऊ ऐहंकी मा आशा राखुहु.
8
पन्नासावा दिहया सणापर्यंत माय इफिसात रेहे.
9
काहाका माआखातुर बाने उघ्ज्ञडावले हाय. आने ऐहकी खुबकाही हाय. जो केडज्ञे माआ विरोध केनारा.
10
जाहा तिमथ्य आलो, ताहा तो तुमा पाही निर्भयपणे केहकी रिई, इयावेला लक्ष द्या काहाका तोसुध्दा माआहोच प्रभु कार्य केअतलो आथो.
11
इया खातोर केडोबी तियाल तुच्छकोमी माना माआ, ताहा फासे तियाय माआपाही आवीन काहाका तिया शांतीवाय मोकला, काहालका कोताक पाहूआरी तिया आवुलो माय वाट वेअतो हाय.
12
पेन पाहू आपुल्लोबाराम ऐहकी हाय का, तियाय कौताक पाहूआरी तुमापाही आवी ऐहकी माय तियाल खुब काही विंनती केरा पेन तियाय आमी आवुलो संधी मिली नाहा तो आवी.
13
सावध राआ तुमा विश्वासाम मजबुत राआ, हिम्मतवान व्या, उत्साहीत व्या.
14
हरऐक गोठ तीई तुमा क्याहा, ती प्रितीत केरा.
15
आमी , पाहूहा स्तेफना कौअवाबारामे तुमाहाल हारी माहिती हाय. तोओ अखया प्रांतातील पैलो फल हाय, आने पवित्रजना सेवाखातुर तियाय स्वत:ल सर्मपण केलो हाय, माय तुमाल विंनती केअतो की.
16
हरऐक जान जो इया कार्याम सामील वेहे आने प्रभुखातोर मेहनत केहे, ऐहकी माहा तुमासुध्दा आधीन राआ
17
स्तेफन, पुर्तुनात आने अखायिक इही आलो ताहा माल आनंद वेयो, काहालका तियाय माआखातुर जो, केयो तो तुमा किई शकते नाहा.
18
काहालका तियाय माआ आने तुमा आत्मा उस्ताहीत केलो हाय, ऐहकी माहान माना व्या,
19
आशियामेने मंडळया तुमाल नमस्कार आखतेहे,अक्किला प्रिस्कील्ला आने जोई मंडळी तिया कोंअमे भेगा वेअतेहे. ती प्रभुम तुमाल नमस्कार आखतेहे.
20
बादोज पाहू तुमाल नमस्कार आखाताहा, पवित्र चुंबनावाय एकबिजाल अभिवादन केरा.
21
जाहा पौल स्वत: माआ स्वत: हातावाय ई सलाम लिचालो हाय.
22
जाहा केडो प्रभुप प्रेम केअतो नाहा, ताहा तोअ शापित वेअ मारानाथा हे प्रभु ये,
23
प्रभु ईसुअ कृपा तुमाआरी रिई.
24
ख्रिस्त ईसुम माआ प्रेम तुमा बादाज आरी रीई. आमेन.
Hebrews
Chapter 1
1
देव खुप पेअला जुना कालामे आपु डामा आरी संदेष्टा मार्फत खुब वेलाआ जुदा-जुदा मार्गाकी गोग्यो
2
पेन ईया शेवट्या (सेल्ला) दिहयामे तो आपु आरी तीया पोयरा मार्फत गोगलो हाय त्याये पोयरोले बांदी गोठीही वारसा अहेकी नेग्योहो देवामे पोयरो कीज जगत उपजाव्यो हो.
3
पोयरो ओ देवा गौरवा तेज हाय तो देवा आ स्वभावा आ बोरोबर प्रतीरुप उजवाडो हाय पोयरो आपु सामर्थ्यशाली शब्द की बाठ्या गोठ्या राखेहे पोयरामे लोकांहा तिया पापा गेनी शुध्द (चोखे) केअेयो फासो लो होरगामेनी बांठाहीनी मोठा देवाआ हुदा आथा वेले बोठो.
4
तो देवदुता हीनी मोठो वेअेयो तीयाआ नाव बी जो वारसा त्याले मिल्योहो तो तीया नावाहीने मोठो हाय.
5
देवाय केलाज देवदुताले आख्यो नाहा का “तु माआ पायरो हाय आज तु बाहाको वेअेलो हाय? “ आणे फासे आय तीईया बाहाका वेअेहे आणे तो माआ पायरी वेअेरी?
6
आणे फासे देवा जाहा तीया पोयराले जगामे लावेहे तो आखेहे “देवाआ बादा देवदुत त्याले नमन केरी”
7
देवदुता केअेता देव अेहेकी आखों, “तो त्याला देवदुतांने वांरो बोनवेहे आणे ज्याआ सेवकांने तो अग्नी जाल बोनवेहे.
8
पोयरो केअेता ते तो अेहेकी आख्यो अे देवा तोओ राजासन सादाजे बादा काला केअेता हाय आणे तोओ राज युगानयुगा केअेता हाय “तुझा राजदंड न्याय केअेणारो अेहेडो हाय.
9
नितीमत्व तुले दसा (नेहमी) प्रिय हाय अनिती ई तुले पोटतो नाहा तो देवाये तोओ हेगात्या हीने तुले आनंददायी तेलाआ अभिषंक केअेलो हाय
10
आणे हे प्रभु सुरवातील तु तोरती पायो टाक्यो आणे वादलो तो आथा आ काम हाय
11
ते पारवाय जाई वेण तु सदाजे रेहेवे ते फाडका होसे जुने वेअेरी
12
तु त्याहाले फागुला फाडका होसे चोहोडढावोही, तु त्याहाले फाडकाहोसे बोदलोहो पेण तु सदाजे सारकोजे रेहेवे आणे तो वोओरे हे कोधीज पारवाणारे नाहा
13
तो केल्लाज दुताल अेहेकी आख्यो नाहा तोओ दुसमोनाले तोओचागाही बोंही ताव लागे तु माआ हुदी वेले बोदो.
14
बांदे देवदुत देवाआ सेबामेनी आत्मा नाहा का? आणे तारणाआ अधिकार (मोको) जीहाले गिली त्याहाये मोदत केरा मोकलु ते का नाहा?
Chapter 2
1
ईया केअेता का जीया सत्याकेअेता आपु उनाला हाय, तीया होवे आपु कालजी धान दा जोजे या केअेता का आपु त्या पेने भोटकाय ने जा जोजे
2
काहाका नियमशास्त्र जो देवदुताकीने आखामे आलो तो ओतोहो प्रभावी आथो आणे जर प्रत्येक आज्ञा मुकूला की आणे प्रत्येक नै मानुला कामाले योग्य ती शिक्षा वेअेहे.
3
ते आपु अहेडो महान मारणाहोवे धान नै देदो, हाती आपु शिक्षा मेनी केहेकी सुदूहू? ईया तारणा पेअेली घोषणा (माहीती) प्रभु ये केअेयी जीयाही प्रभु उणायाहा तीयाहापेनी ईया खात्री पोटीही
4
देवाय बी चिन्हा की, उद्भुत कामाकी, आणे जुद्या जुदा चमत्कार की त्यायाआ साक्षीले भर त्यायाआ इच्छेनुसार पवित्र आत्माआदाने वाटी देदेहे
5
आमा जीया आगला आवी तीया जगा (दुनिया) केअजा आखता हा तीया अधिकार म्हणुन देवाये दुवदुताहा निवड केअेयी नाहा.
6
पवित्र शास्त्रामे एका जागावे अेहेकी लिखलो हाय माहावु अेहेडो केडो हाय जीया चिंता तुल लागेहे
7
थोडा कालाकेअेता तु त्याले देवदुता बी कोमी केअेयो हो तु त्याले गौवर आणे सन्माना तीया मुकूट पोवलो हाय
8
तु बादो काय तीया पागा अेठा थोव्यो हो, देवाये बाढो कामा त्याआ अधिकारा हेठा दाथी थोवुला सोडी नाहा पेण आमी आजलाग बाठोकाम तीया अधिकारा अेठा थोव्यो आणे केली बी गोठी तीया अधिकारा हाभी थोवुला सोडी नाहा पेण आमी आजलाग बाठोकाम मीया अधिकारा अेठा थोव्यो ऐअेकी आपु नोजरी मे पोडतो नाहा.
9
पेने आपु येशुल वेअेनाहा जीयाले बायजे काळा केअेच देवदुता नेबीवाय कोअी कोअेलो आथो आमी आमा त्याले त्याये सहन केअेला मरणा की गौवर आने सन्मान मानपान यांआ मुकूट पोवलोकी वेअेत हा काहाका देवा कृपा की येशूये बाठा मानव जाती केअेता भरण सहन केअेयो.
10
देव जीयाये बाठ्या गोठ्यो उबजाव्याहा केअेयाहा आणे जीया गौरवा भागीदार वेरा केअता खुबूज पोयरो आणे पोयऱ्या लावा केअेता देवाये येशुले दुख:सहन की पुरा-पुर केईन लोकाहा तारणारो बोनव्योहो.
11
जो लोकाले पवित्र केअेहे आणे जीईहाले पवित्र केराम आलो हाय ते बाठे एकुज कुटूंबाआ हाये या केअेता तो त्याहाले बंधु (पावुहू) आखाआ जालवानो नाहा.
12
तो आखेहे, आय तो ओ नावा गोठवाय माआ पावुहमल आखेहे आये मोडली हुबूर तोओ स्तुती आखेहे
13
ता आजी आख्यो “आय माआ विश्वास त्यावे थोवे है आणे तो फासे आखे ईही आय आणे माआ आरी देवास देदले पोयरे हाय.
14
काहाका पोयरो रोगोत आणे माहा याकी बोनली हाय तेबी तीयाहा होचे रोगोत आणे माहा वेअेयो येशूये ई या केअता का ज्याआ वे मरनाआ सत्ता (राज) हाय अेहेडा सैताना (काल्यो वुयाहा) मरणा की पारवाव्यो केअेयो
15
आणे जे लोक त्याहा बाठा आयुष्यामे (जीवनामे) धाक थोवीन त्याआ आवत्यो (दास) हाय अेहडो जीवा आथो त्याहाले मोकनो (मुक्ता) केरा आथो जोजे
16
काहाका खेरो वेता, तो देवदुतांहा मोदात्यो नाहा ते आब्राहामा जे वंशज हाये तीहाले तो मदत केअे
17
या केअेता का देवाआ सेवामे दयालु आणे विश्वासु अेहेडो महायाजक वेरा खातुर आणे लोकांहा पापा केअेता प्रायश्चित केरा केअता येशूले होंगी गोठी मे आपु पावाहा सारखो वेअेरा खुबे गोरोज आथो.
18
काहाका जा पोड्यो केअेता येशुले स्वता: परिक्षामे (परिशानीमे)आणे वोखो सहन केरा लाग्यो तीया केअता जीयाहाले आमी परिक्षामे पोडी रियो त्याहाले मदत केरा केअता तो समर्थ हाय.
Chapter 3
1
तीया केअेता पवित्र पावुऊ, जे आणु होरगा केअेता हादले ते भागीदार हाये, त्याही येशु केअेच विचार केअेजा तो देवाआ प्रषित आणे आमा विश्वास केअेला महायाजक हाय.
2
देवा पुर घराणामे जेहेकी मोशे देवा आरी विश्वासु आथो तेहेकी जीया देवाये त्याआले प्रषित आणे महायाजक आखीन नेम्यो हो तीया आरी तो विश्वासु आथो.
3
जेहकी का कोओवा हिने कोओ बांधनाराले खुब मान देहे तीया होच येशू आ मोसेहीने खुबूज जाहाको मान पानामे अेहेडो गोगाम गियो.
4
काहाका हर एक कोओ बांधनारो केडो तेबी रेहे पेण बांदो कायबी देवाय बांधलो हाय.
5
देवा आपुरा घराणामे मोशे ओ सेवक आखीन खुबूज विश्वास आथो. देवाआ गोठ्या आगला काळामे घ्या वेणाऱ्या आश्या त्या विषयी त्याये लोकाले साक्ष देदी.
6
पेण ख्रिस्त ओ पोयरो आखीन देवा कोओ ये विश्वासु हाय आणे जर आमा आणु विश्वासु आणे आशा यांआ अभिमान केअता आणे धीर तेहता हा तेर आपु बी त्याआ कोअ हाये आपु सदाजे देवाचाला जोजे.
7
तीया केअता पवित्र आत्मो शास्त्रामे आखे त्याप्रमाणे “आज जर तुमा देवा आवाज उनायाहा”
8
तेर आपे मोने कठीण केरा नाहा, जीया प्रमाणे इस्त्राइल लोकाहाये जोंगलामे देवा परिक्षा वेअेरा केअता देवा विरुध बंडखोरी केअयी.
9
जीही तुमा वाड वडीलाये माआ परिक्षा वेअेयी आणे माल पारख केरा लागव्यो ती ही त्याही चालीस वोरेहे माआ कामे वेअेये
10
त्याकेअेता आय पिढीवे रोब की आली आणे आय आख्यो “ ईया लोकांहा अंत:करणामे (मोनामे) सादाजे चुकीचा (खाराबे) विचार आवताहा या लोकांही आमा मार्ग (वाट) कोधीज वोहोकी नाहा.
11
तिया केअेता आय रोग मे शोपत लिईन आख्यो “लोक आय देदला रेऊला जागावे किधी जे प्रवेश केअणारा नाहा.
12
पावुहू “जिवता देवाले सोडी देवुलो ओतो हो विश्वास नै थोवुलो दुष्टमोन तुमाहीईमे केडाबी नेय वेरा जोजे तीया केअता सामालजा
13
जावलाग “आज आखलो वेळ हाय ताव लाग एक एका दिहाले एक बीहीराले होमजावीन आखा या केअेता का तुमा हीमे केडाबी पापामे ठोगाय जायने तुमा अंत:करणे (मोने) कठीण (वातडे) वेरा नैय जोजे
14
काहाका जर आपु आपु पेअेलो विश्वास शेवट हुग पाक्को तेअेयो ताहाज आपु ख्रिस्ता मे बेठाले हाय
15
पवित्रशास्त्रामे अेहेकी आखलो हाय “आज जाहाका तुमा आवाज उनायाहा, ताहा इस्त्रायल लोकांये देवा विरुध्द बंड केअेयो तेहकी आपु अंतकरणे (मोने) कठीणे (वातडे) केअया नाहा.
16
जीहाये देवा आवाज उणाया पेण तीया विरूध्द बंड केअेहे केअेयो ऐहेडा केडा आथा? तेज लोक नै का जीहाले माशेय मिसर देशामेने बारे लीने गेलो आथो.
17
आणे तो केडा ने चालीस वोरेहे रोग केअेतलो आथो ते होगा तेज नै का, जीहाये पाप केअेये आणे ज्याहा मुरदे जोंगलामे पोडले आथे
18
केडा केअेता देवाये अेहडी शपथ केधी का ते माआ रेवुला जागावे प्रवेश केणारा नाहाज? जीहाये तीया आज्ञा मुउमा तेज नै का ?
19
ईया वेणी आपु वेअेता का, ते लोक देवा देऊला जागावे तीयाहा विश्वास नै तीया आवी शेके नाहा.
Chapter 4
1
तीया केअेता देवा रेवुला जगावे प्रवेश केरा केअता देवापेने लेदलो अभिवचन आजीबी हाय आणे याकेअेता तुमा मेनी केडोज तो चुकवा नाहा त्याकेअेता कालजी ल्या.
2
काहाका आमाले बी सुवार्ता आखाम आली हाय, जीया होच ती इस्त्रायल लोकांहाले आखामे आली आथी पेण जो संदेश तीहाये उनाया तीयापेणे त्याहाले फायदो वेअेयो नाहा काहाका तो संदेश तीहाये उनाया पेण त्याहामे विश्वासाकी लेदो नाहा.
3
जे आपु विश्वास थोवला ते पवित्र शास्त्र मे लिखला प्रमाणे (होच) तीया रेवुला जागावे प्रवेश केअेणारा हाय अेहेकी देवाय आखलो हाय, “ तीया केअेता आम माआ रोगी ईहीमे अेहेडी शोषत लिईन आख्या” ते माआ रेऊला जागावे किधीजे प्रवेश केअेणारा नाहा जगाले उबाजावुलाहीने तीया काम पारवालो आथो ते भी तो अेहेकी आख्यो.
4
काहाका पवित्र शास्त्रा मे तो सातवा दिहा बाबत अेहेकी गोगलो हाय का, “आणे सातवा दिही देवाये तीया होगा कामामेने विश्रांती लेदी.
5
आणे फासे तो आख्यो, “ ते माआ रेवुला जागावे किधीजे प्रवेश केअेणारे नाहा.
6
जीहाले पेलाज सुवार्ता आखामे आलली आथी तीयाहा विश्वास नै आथो तीयाआ तीईयामे प्रवेश नाहा वैयो, तेबीईखेरो हाय का, कायके जावाहा तीया रेवुला जागावे प्रवेश वेणारो हाय.
7
तीयाहा केअेता देवाये फासे एक वेल नेक्की केमली हाय त्याहाले तो “ आज” ओ एक ऐहेडो दिही ठेरवोहो आणे पेअेलाजे आखल्या प्रमाणे ओताहा काळा नंतर तो दावीदा द्वारे अेहेकी आखे “आज” जर तुमा त्याआ आवाज उनायाहा तर आपु अंत: करणे (मोने) कठीण (यातके) क्याहा नाहा.
8
काहाका जर यहोशवा देवाये देदला रेवुला जागावे ली गेलो, तेर देव बीहीरा दिहा बद्दल फासे गोगतो नेय.
9
म्हणुन देवाआ लोकांकेअता आजीबी रेवुला (शब्बाथ) दिही हाय.
10
काहाका जो केडो देवा रेवुला जागावे प्रवेश केहे तो तीया आ स्वत:आ कामामेने थाक मुळे हे जीयाप्रमाणे देवाये त्याया कामा मेने थाक मुळूलो आथो.
11
तीया केअेता तीया रेवुला जागा वे प्रवेश केरा केअेता आपु ये वेतो वेरी तोतो प्रयन्त केरुलो
12
काहाका देवा वचन जीवतो, काम केणारो बकनी होवे धार रेहे तलवारी ने बी खुबूज जाहाको चिदलो हाय, जीव सांदा आले माहा योहाने सिरकावीन आरपार जाणारो आणे मनोमेनी विचार आले हेतु ईमा पारख अेहेडो हाय
13
आणे केल्लोभी उबजावाली गोठ तीया पेनी दोबली नाहा आणे जीयाये आमाले होगी गोठी हिशोब देवुलो हाय देवा हुबूर होग्या गोठा उगड्या व स्पष्ट अेहेड्यो हाय
14
म्हणुन जीया केअेताका आमाले येशु उेवा पोयरो ओ महान माहायाजक मिल्लो हाय आणे जो होरगामे गेअलो हाय, अेहेकी जो विश्वास आपु गाजवुताहा तो सदाजे मजबुत तीईन रिईव.
15
काहाका आपुले मिल्लो माहायाजक अेहेडो नाहा आपु कोमजोरी बाबत मदत देखावणार कमजोर हाय पेण आपुले ऐहेडो याजक मिल्लो हाय क जो आमा होयुजे बांदा प्रकारच्या लोभ (मोह) मेने गीयो तेबी तो पुरापुर पापमेने दुर रियो.
16
तर हावी आपु देवाआ कृपा राजासना पाहाये किम्मत केईन जाआहु या केताका आमा गोरजा वेले सहारो जोजे म्हणुन दया आणे कृपा तिला जोजे.
Chapter 5
1
प्रत्येक यहुदी महायाजक निवड लोकागते वेहे आने लोका होवेने तिया पापा वाटे यज्ञ आन दाने ई बेनी देवाय अर्पन केरा जोजे तीया कामुवाटो महायाजक नेमलो रेहे
2
जे चुका केते आण जीयान होमजोता नाहा तीयाआरी प्रत्येक मुख्य याजक सौम्यपने री यकेहे काहाका तो सोता दुर्बल रेहे
3
आन त्या दुर्बलपणा की तीयाय तिया पापवाटो तेहकिज लोकाहा पापावाटो अर्पण केलो जोजे.
4
ओ मान केडोज तिया तिया ली शकतो देवा पाचारण आथो तेहकी तियाल बी देवा पाचारण रेवुला गरजेचो हाय
5
जेहकी ख्रिस्ताय महायाजक वेरुला गौरव सोतापाय तियाप लेदो नाहा पेन देवाय खिस्ताल आख्यो “तु मा पोयरो हाय आज मायु तुल जन्मो देदलो हाय
6
बीहजा शास्त्रा भागाम तो एहको आखे का मलकीसदेका संप्रदाया प्रमाणे तु युगानुयुग याजक हाय
7
येशूय तिया देहा हिहाम देवाही खुप जोरमे बोमलीन आन रोडीन प्रार्थना जियाय ने वाचणे शकतलो आन देवा विषयी तिया यदभक्ती वजेसे येशु प्रार्थना ऊनालुम आला.
8
तो देवा पोयरो बी आथो तेबी जीयाय जो दु:ख सोताय लेदो तीयाय ने तो आज्ञा धारकपणा तीयाय हिक्यो
9
आन नंतर तीयाय परीपुर्ण तो वेयो तीया जो तीया आज्ञा पाकेहे तीया वाटो सार्वकालीन तारणकती तो वेयो.
10
तीया नंतर मलकीसवेका संप्रदायास अनुसरीन देवा होवेने तो महायाजक होमजीव नियुक्त वेयो.
11
ईया विषयी आखुला सारखो खुप हाय पेन तुमान जो होमजाराला खुप कढीत हाय काहाका तुमा ऊतावुलाम मंद वेला हाय.
12
आमीलुग तुमा शिक्षक बोनी जा जोसतला देवा शिक्षणा धडा आजी तुमाण केडाय तेबी हिकवुला तुमान गरजेचो हाय तुमान दुधा गरज हाय जाडा माडा नाहा ऐहकी तुमा वेले हाय.
13
काहाका जो केडो आजीबी जो दुधापेज रेहे तो नितीमत्वा वचना की जो दुरूज
14
पेन जीयान ज्ञानेंद्रियान वाईवाटीकी हारो नान खोटो काय तो होमुजला होमजाय गीयो हो ऐहडो प्रोढावाटो जाडो माडो हाय.
Chapter 6
1
तियाल आपु ख्रिस्ता विषयी प्राथमिक बाबी संबंधी गोगतो रेऊला सोडी दिहु आन प्रोढतेप्रत जाहु पासे एकदा देवा ऊचने विश्वास निर्जीव गतजीवना पश्चाताप
2
बाप्तिसमा मुनकाम आथ ठोऊला मालाहा पुनरूस्थान आन सार्वकालीन न्याय निवाडो शिकवण या मुलभुत गोठी ही पायो आपु फासे सोडजी नाये.
3
देव वेरा दी ता आपु ई किहु
4
काहाला जीयान एकदा प्रकाश मिल्वो जीयाय स्वर्गाय दाना अनुभव लेदो
5
आने जीयाय देवा वचना मान आवनाण्या जगा सामर्थ्या रुची अनुथवली हाय.
6
तीया नंतर ख्रिस्ता पासुन जर ते दुर गीये ता तीयान पश्चतापा होवे वोलुला गरजेचो हा काहाका तीया सोताहा चुकी वाटो देवा पोयराल फासे वधस्तंभावे खिळता आन लोका उवकृपे हुबूर तियाल लावतांहा
7
काहाका जी जमीन घेडीघेडी पोडणाऱ्या पाया पाई विये आन ज्या लोका होवेने जो पोमेहे तीया वाटो धान्य ऊगवेहे तियुल देवा होवेने आशिर्वाद मिले हे
8
पेन जी जमीन काटे उगावेहे ती काय कामु नाहा तीयुल शाप मिलुला बीख रेहे तियु आगीकीनाश वेहे
9
मा पावुलाहा आमु तुमान या गोठ्या आखी रीया हा पेन आमा खेरी तुमापणे खुप हारो केरूला आशा केता हा आमान ऐहडी खात्री हाय का जे तारण हाण्या गोठ्या हाय ते तुमा केराहा.
10
काहाका तुमाय केली पवित्र जाहा सेवा तुमाय केलो काम लोकान वरगर्वा की मदत केई आन तुमाय तीया नावाप कोपी प्रीती इ आखो विहराय नाय ऐहडो अन्यायी देव नाहा
11
पेन आमा ऐहडो इच्छा हाय का तुमा पेकी आखाय आशा विषयी पुरी खातरी किन तेहकीज सेवटीलुग मोने बोनवी थोवा जोजे.
12
आमान ऐहडो वाटे का तुमा आल्याहा बोना नाय जोजे जे लोक विश्वायाद्वारे धीराद्वारे देवाय देदल्या अभिवचना वारसा मिलवुताहा ऐहडो लोकाया अनुकरण केनारे तुमा बोना जोजे.
13
जाहा देवाय आब्राहामाल वचन देदो ताहा तीयापेक्षा केडो नाहा तीयाकी देवाय सोताहा नावा शपथ लेदी .
14
आन तीयाय एहकी आख्यो का माय तुल खुबच आशिर्वाद देहे आज माय तो वंशजाहा मोड्यो रीतीकी बहुगुणित केहे
15
तीयाल धीराकी वाट वेया नंतर देवाय जो वचन तीयाय देदलो तो पुरी वेयो.
16
लोक किदीबी लेताहा ताहा तीयापेक्षा जो मोडो रेहे तीया नावाका शपथ लेता हा काहाका शपथ ई सत्या खात्री होमनावी देऊला आखा वादा शेवटी केरुला ईया वाटो रेहे.
17
आपु योजेने किधीही नाय बोदलुनारा स्वरुप वचना वारसा दारान होमजाहा जोजे ऐहकी देवा इच्छा हाय तीयाय तीयाय लेदली शपथ द्वारे याबाबतीम हमी देदी.
18
देवाय ऐहकी केयो काहाका ज्या विषयी खोटो केरुला देवा वाटो अशक्य हाय एहड्या बेन नाय बोदलुणाऱ्या गोठी मुळे जे आपु आश्रया वाटो निग्या हा त्या आपुन त्या आशे संबधाकी खुबूज उत्तेजन जीला जोजे.
19
आमा वाटो आशा काय मजबुज सुरक्षित ऐहडा नागरा होय आत्माल हाय ई आशा परमेश्वरा भवना पडधा वाचलाने माचमे प्रवेश केहे.
20
तीही आमा आगला धोवडुतो येशु आमा वाटो वोचे गेहलो हाय तो मलकीसदेका प्रमाणे युगानुयुगा वाटो महायाजक बोनलो हाय.
Chapter 7
1
ओ मालकी संदेश शालेमा राजो आणी तो देवा मोढो याजक आथो आणी परमर्पधान परमेश्वर याजक सादाकाल तो याजक बोनलो रेहे जाहा अब्राहीम राजाले माईने जातुलो मलकी संदेश तीयाले मेढवायो मलकी संदेशाये तीयाले आर्शिवाद देदलो.
2
आणी अब्राहाम आपु आख्खी वस्तु दाहावो भाग मलकी संदेशाले देदो मलकीसंदेशा नावा अर्थ “ नितीमत्त्वा राजो” तीयालुजे शालेमा राजो आथो तीया अर्थ “शांती राजो” एहकी आथो.
3
मालकी संदेशा याहकी बाहको नेते तिया ढाये तियाह जन्म आणे ते मोले तो दहिी मालुमे नाहा देवा पोयरो होत आथो अनंतकाला खातुरे याजकुजे रेनारो हाय
4
तुमा मुतकामे ल्ये, मलकीसंदेश, कोतो माहावे माहु आथो ! कुलपती अब्राहमाये तिया हारामेने माला लुट केलो तियामने बी दहावो भा देदो.
5
लेवी पोयरामेने जो याजका पद लेहे तिया मोशा नियमशास्त्रा आज्ञेपामत इस्त्रालाई लोकापने मजे अब्राहमापने जन्म लेदलो आपु पाहुपणे नियम शास्त्राताप्रमाणे दशांश ठोलवा
6
मनकी सदेशकलेण्या पीढीमेने नेये आथो, तेबी तीय ये अब्राहमापने दशांश लेदलो आने जीयाले देवा पेन अभिवचन मिलो आथो, तियाल तियाल (अब्राहामाला) तियाये आर्शीवाद देदो.
7
तीयामे किलीजे गोटी शके नाहा का, हारोमाहु कनिष्ठाले आर्शीवाद देहे.
8
एक गी गोष्ठी मजे जो माहु मीहो तो दंशामाश टोलो केरेहे, पते बीहीरी गोष्टी मजे मलकी संदेशा पबतीमे, पवीर्तशास्त्रामे लिखलो हाय तीया र्पमाने दंशामाश ऐहटा माहाये टोल्यव्या का जो आजीबी जीवतो हाय
9
ऐगो ऐहकिबी आखी शेके का, लीवी जो दंशामा अब्राहमा दावारे मलीक संदेशकाले दंशमाश देदवे.
10
काहाका जाहा मलीक संदेशक अब्राहमाले मिललो ताहा लेवी म्हणजे तिया डाया अब्राहामा शरीराम तीयामुज आथो.
11
लेवी पिडी याजकी पध्दती की माहान नीयमशास्त्र देदे पेन ती रितीकी याजकी पध्दती की माही धार्मिकदृष्ट्या परिपुर्ण वी नाय सेकते तीहाल आजी एक याजक जरुरत आथी तो अहरोनाहोस नाह पेन मलकिसदेसका होस जोजे.
12
काहाका जाहायाजक बदले तहा नियम बी बोदला ता
13
काहाका ऐ आख्या गोठ्या जीयाबद्दल आखल्या हाय तो लेवी पीडी से बी बीहरी पीढी हाय आने तिया (लेवी) पीडीमने केडायज महनडी याजकी सेवा केली नाहा.
14
इ खेरो हाय का, आमा प्रभु यहुदा वंशामने आथो आने इ पिडीसंबधी याजकपनाबइल मोशेय कोयज आख्यो नाहा.
15
आने जाहा बीहरो नवीन याजक मलकिसदेसकोहोस आवे नाहा आख्या गोट्या आरकी आवल्या.
16
मानवी नियमशास्त्रा हुकूमाम तियाल याजक बोनवाम आलो नाय तर अक्षय जीवना सामार्थ्या आधारे तियाल बनवाम आलो.
17
कारण इयाजद्वारे तियाबदंल शास्त्रवचन साक्ष देते “तु मलकी सदेकाहोस युगानुयुगा खातोर याजक हाय”
18
जुनो नियम सायडाम थोवाम आलो काहाका जो पातलो ने निरुपयोगी आतो.
19
काहा का नियमशास्त्रा लिधे केलिज गोट पुरी नहा वेयी आने आमि खुब हारी आशा आम्हाल दा आली तिया खातोर आमा देवा पाही आवते.
20
इ आखाज महामा याय का देवाय येशुल बी मुख्य याजक केरा खातोर शपती शिवाय केय नसहस.
21
जहा बिहरान याजक बीनवाम आलो ताहा ते शपत आखिन याजक बोनवाम आलो ताहा ते शपत आखिन याजक बोमले हाय पेन येशू जहा याजक बोण्यो, पो शपति कि बोण्यो तियाय तियरल आख्यो का प्रभुय शपत वाहीली हाय आने आपु मन बदले ताय, तु युगानयुब याजक हाय.
22
इया अर्थ एहकी का, येशू , खुग हारा करारा खात्री हाय.
23
तेहकीज तिही खुब मोडा याजक बी आथा पेन ते मरणामुळे याजक पद चालबी सेक्यो नाहा.
24
तिया याजकदाद कायमा हाय, काहा तो युगानयुग रेहे.
25
तिहाल जो केडो तिया द्वावारा देवा पाही आवे तियान जसे अनंतकाळा खातोर समर्थ हाय तियाखातोर मध्यस्थी केरा तो सर्देव जिवतो हाय.
26
तिहाल इहडोत महायाजक आपुण जोजे तोज येाग्य हाय तो पवित्र, निष्कपट आने निष्कलंक हाय, दोषीनाहा आवे शुध्द हाय तो पापा दिनी दुर हाय तियाल वादलासे बी उंच केले हाय.
27
जे मुख्य हाजक पहिलीदा तिया स्वता: पावाखातोर आने पासे माहा पापाखातोर गेहकी अर्पण तेहकी तियाल केणे गरज नाहा तियाय जाहा स्वता:ल अर्पण केये ताहाज एकडोयेजे आने कायमचोच अर्पण केल हाय
28
काहका नियमशास्त्र मानवी दुर्बलजा रेणाऱ्या माहा मुख्य याजक तिहाल नेमणुक केरे पेण नियमशास्त्रा नंतर शपथेचे वचन “ युगान युग” दाम आलासे देवा पोयरो ओ अनंतकाळा खातोर परिपुर्ण एहकी मुख्य हाजक वेय.
Chapter 8
1
आमा जे आखते ति गोठ इहकी हाय का जो स्वर्गाम देवा राज्याम हुदा वेल बोधेय इहडो महायाजक गिल्यो.
2
तो पवित्रस्थाना आने केलो भी माघ बोनवुलो नहा तर प्रभु परमेश्वराये बोनवुलो खेरो येभामंडला सेवक हाय.
3
प्रत्येक महायजका नेमणुक दाने आने अर्पण सादर केरा खातर केहे, तिहाल तियाल बी अर्पण काय तेबी जरूरी हाय
4
जर ख्रिस्त पृथ्वीप रेतो तर तो याजक बी बोनतो नाय काहाका तिही वेहलागुज नियम शास्त्राप्रमाणे दाना अर्पण केनारे आथे
5
ते जो काम केहते, ती स्वर्गामणी गोटी नक्कल आने सावली महगे हाय परमेश्वरा मंडव घालीत हाय देवाय मोटोल जो आदेश देदो, तेहकी सेवा हाय काहाका देव आखे, “ तुल डोगुप माय जो नमुणो देखाव्यो तेहकी तु आख्या गोट के”
6
पेन आनि जो करारा मध्य ख्रिस्त हाय तो खुब हाऱ्या अभिवचना स्थापित हाय तो अधिक घरो हाय, ति प्रकारे हारी सेवा तियाल मिली.
7
जर पुर्वी करार निर्दो इहकी का तिया जागाप बिहरो करार होवनु गरज माडा.
8
परंतु देवाल माहाम दोष देखायो तियाय आख्यो परमेश्वर महकी आखे, वेरा महडा दिही आवता, जहा माय इस्त्रायला कावे आणे महदा कोवे इयाआरी नोवो करार केरे.
9
जेहकी माय तिया गया आरी केलो तेहकी ओ करार रे नाय ती दिही माय तिया आथ तिन मिार देशांमने आरे लि आलो ते माआंरी केल्या करार विश्वासु रिये नाहा तीया खातोर नाय तियान लक्ष देदो नहा कहको प्रभु आखे
10
ती तियापायुन इस्त्रायल लोका आरी एहडो करार केरे, तो हा माय मा नियम तिया अंत: करणाम घालीन, तिया हृदयांप तो निखे, माय तिश देव वेरे ,ते मा माही वेरी
11
तुमा परमेश्वराल वोहका एहकी एकदा माहाय मिया पाहील्या मनजे आपु पाहुल आखनु गरज पडेणाय कारण तियाआरी कनिष्टापासुन वरीष्टापर्यत आखे माही मान वोहकी.
12
काहाका माय तिया अनि कृत्यविषय दयाशील वेरे आने तिया पापे गाय तिया फासे वेरेचनाय.
13
इया करारात नविन करार आखी पेहलो करार जुनो वेरी आने जीर्ण हाय नाहा वेणात्या बेतात आले हाय.
Chapter 9
1
आमी पेल्या कराराबी उपसीसंबंधी कायकेनियम आथा आने एक पवित्र जागो आथो पेने ते पृथ्वीफुजे आथो.
2
कारने मुडपामेने खोल्या तयार केल्या आथ्या, बास्या खोलीन पवित्रजागो ऐहकी आखते तियामे दिव्या खडवो मेज आने समर्पित माडो आथो.
3
आने बिहरा पोडदा फासाडी एक मंडप आथो, तियाले पवित्र सस्थान आखते.
4
तियामे ऊजवाडो केरा खातोरे होना पोडदा आने चारी सोमकी बुजलो करारा पेटी आथी तियामे माडाकी पोलो बासनो आने, हारुना लाकडी जियामे फुले माने फालवे आले आथे आने करारा दोगडा पाट्या आथ्या.
5
तिया ऊचे बेने गौरवाकरुबीन दयासत्रनासावली केतुले आमी एक एक किने होमजावनु दिहीनाहा.
6
ऐ वस्तु इया व्यवस्थेनुसार याजकलोक ऊफास्या केरा पेहला विहीतुला.
7
पेन फक्त ऐखलो माहायाजके वोरसामे ऐकुजे डाये बिहरा मंढपामे जाये, तो स्वत: खातोर आने लोकां आज्ञाकी वेला पापांबद्दल जो रक्त अर्पण कतुले, तो ल्येन्यसीवाये माजमे जातलो नेये.
8
इयाकी पवित्रआत्मा ऐहकी देखाविका, पेहलाक मंडपे ऊबो हाय तावेहुगे परमपवित्र जागा वाट खुली हा.
9
तो मांडवो फासला दिहामे दृष्टांन्त हाय इयाअथे देवाले देदला दाना आने तियाले बलीदान अर्पण मिया खातोरे ऊपास्या केनारा विवेकभाव पुरो केा खातोरे पुरो नाहा तो तियालो अर्पण केते.
10
तो, खाली खवुतुपिवनु वस्तु खातरे आने एहकी तेहकी ऊगतु विधी आधारापे खुब नियम तो खाली हारो वेरे ति तावुकेहुगे आखामे आलो हाय.
11
पेण आमी ख्रिस्त ओ वेनाऱ्या हारी गोटी महायाजक बनी आलो आने खुब मोठो आने अधिक पुरू महा हाथा कि नाहा म्हणजे इ पृथ्वीपणे नहा इहडा मंडपाद्वारे.
12
बोकडा नेता हाना पाठडा इया रक्त लिन नहा, पेन तिया स्वत:ज रक्त लिन आने तियाय सार्वकालिन छुटकारालिन एकुचडाय परमपवित्रस्थानाप गीयो.
13
काहा का बोकडा आने डोगरा ईया रक्त तेहकीज कालवडी खा इ अशुध्द विजाय फासे शायकी जर सरीरा शुध्दी वेरे आतो पवित्र केरे.
14
तर तियाय सार्वकालीक आत्मापेने निष्कलंक इहकी तिया सरीराल देवाल दिदेदो, तिया ख्रिस्ता रक्त तुमा विवेभावाम बिगडुला कामापेने काहानेय शुध्द केरी तुमा जिवता देवा सेवा केरा खातोर?
15
ख्रिस्त इयाखातोर नवा करारा मध्यस्थ हाय का, पेहला करारासंबंधी काहा का तिया मृत्यु द्वारा जो पेहला काठा करारा उपराधा से छुटंकारो वेरा खातोर वेयी, तिया हादयो तियान सार्वकालीक वतला वचन मिले.
16
जिह मृत्युपत्र केलो हाय तिही तो कियो ना कियोवनारा माय गियोह ई सिध्द वेणु जोरुरी हाय
17
काहाका मृत्युपत्र केनारो जिवतो हाय तावलागु मृत्युपत्र ध्यानाम आवी शेकतो नाहा.
18
काहाका पेला कराराआ स्थापनस रगुताकी वेयी नाहा
19
काहका नियमशास्त्राआ हेरेएक आज्ञा बाठा हुबूर आख्यों आणे मोशेय पायाआरी वासडा आणे बोकडा रगुत तेकीज रेशमी पोतडा आणे एजोवाआ डाग्या ई बाठो आरी लेदो. आणे तो तियाय नियमशास्त्राआ पुस्तकाप आणे बाठा लोकाहाप हिपडयो.
20
तियाय आख्यों का जो करार पालाकेता देवाय तुम्हाल आज्ञा केली आथी तिया करारा ई रगुत हाय.
21
तेहकी तियाय माडवाप आणे भक्ती आरधाना केता वापराम आवनाराबाठा सामानाप तो रगुत हिपडयो.
22
खेरो वेराजाय ते नियमशास्त्रा प्रमानाकी रगुतू कि बाठो काय शुध्द वेहे आणे रगुत पाडल्या सिवय पापक्षाम वेती नाहा.
23
काहाका होरगामने गोठ्याआ नमुनाप्रमाणे आत्या ते वस्तु यज्ञाआ की शुध्द केरुली जरुरी हाय 23.1पेण तियाआ केता हारो जाहको हारऱ्या यज्ञाकी होरगा गोठ्या सावली की शुध्द केते है.
24
काहका ख्रिस्ताय मानवा आथाकी केलो पवित्रस्थानाम पाग थोवतो नेय. ताहा तो जागो खेरी वस्तुअ एक पाटली हाय देवा हुबूर अभीरा केता खाता होरगाम तियाय प्रवेश केयो.
25
जेहकी महायाजक वोराहा वोरी स्वत:आ नाहा ई रगुत लिन परमपवित्रस्थानाम जाआथो तियाल घेडी घेडी स्व्त:आ तियाल अर्पण चडुवनू नेये आथो.
26
तेहकीचरेताे तर ख्रिस्ताल जगरअर स्थापनापेणे स्व्त:आ अर्पण कोता तेबी दाव केरा पोडतो. पेण आमी युगा शेवट आपु स्व्त:आ अर्पणकिन पाप नुसाकेता तो उकदाव प्रकट वेयो.
27
जिया की लोकाहाल एकुचदाव मरण व फासला न्याय वेराकेता नेमी थोवलो हाय
28
तेहकीच ख्रिस्त भी कोतातेभी पापे उसलीन जाकेता उकचदाव तो अर्पण वी गीयो आणे तिया वाट वेणाराआ पापकेता नाहा तर तारणकेता बिहराआ देखायो.
Chapter 10
1
आगला वेअनाऱ्या गोठया हाय तियाहा नियमशास्त्राम छाया, पेन तिया खेरो स्वरूप नाहा तियाहाल ते दरवोरीही देवाल चोडवुताहा त्याज ज्याज अर्पनाहाकी जागे आवा वेअताहा तियाहान पुरो वेरा खातोर किदीहीज समर्थ नाहा,
2
जर नियमशास्त्र माअहान पुर्ण केअतो त यज्ञ आण अर्पन केअनु बोप्द माय वि जातो का? काहाका सेवा केअणारा सादाखातोर शुध्द वि जाता, आन मोनाम पापा भावना नाय रिइन ते दोषी नाय ठेरता,
3
पेन त्या यज्ञाहाकी दरवोरीही ति पापाहा इत आवती रेहे,
4
काहाका डोगरा आन बोकडा रेगताहाकी पाप दुर विजाअय एहकी शक्य नाहा,
5
जाहा येशु देव इया दुनियाम आलो ताहा तियाय परमेश्वर बाहकाल आख्यो, बलिदान आन भेट इया तुयूय इच्छा नाहा केयी, पेन मा खातोर एक शरीर तियार केअयो,
6
होतार्पणांकी आण पाप बद्रदल अर्पनाहांकी तुल खुषी नाहा मिली
7
इयाखातोर मायुय आख्यो, हे देवा पवित्र शास्त्राम मा बोद्रदल निखी थोवालो हाय, तियाहाल तो इच्छेनुसार केरा आय आलो हो,
8
उचे तियाय आखलो हाय तिया प्रमाणे, नियमशास्त्रानुसार इ अर्पणे कुरूलाम आवतेहे तेबी बलीदान भेट होमार्पणे आन पापा बोद्रदल देदले अर्पने इयाहा तुल अच्छा नाय आथी आन तियाहांकी तुल खुषी बी नाय वेअतली,
9
फाची तियाय आख्यो, हा माय हाय तो अच्छा पुरी केअरा खातोर माय आललो हाय, बिहीराल तिही बोहावा खातोर तो पेहलाल तिहीने उठवी देहे,
10
देवा इच्छेहेकी येशु ख्रिस्ता शरिरा एकदाज बलीदान वेरुलाहाकी, आपु बाद्रदे पवित्र केअरुलाम आलेहे,
11
बाद्रदा याजक रोज आन रोज सेवा केअताहा आन एकुज जाती बलिदान घेळी घेळी देवाल चोडवुताहा तियाहाकी पापे दुर नाहा वि सकते.
12
पेन आपु पापाहां खातोर येशु ख्रिस्त सदाकादाकेता एकदावुज बलिदान वेअयोहो आन आमी तो देव बाहका उजवी बाजुल बोठलो हाय.
13
आन त्या समयापणे तिया वाट जोअवी रियेंहे का तिया वैरी तिया पागु थुलेने पिढी बोने,
14
काहाका एकुज बलिदानाहाकी सदासर्वकाळाकेअता तियाहान शुध्द केरुलाम आवी रियोहो
15
पवित्र आत्मो बी आपनेहेन इ साक्षी देहे पेहलीदाव तो एहकी आखेहे.
16
परमेश्वर आखेहे त्या दीहया फाची आय तियाहाआरी करार केअहे, तो ओ माय मा नियम तियाहा मोनाम टाकेहे आन ते तियाहा हृदयाप लिखेहे,
17
आन आय तियाहा पाप आन खोटा कामाहान किदीहीज नाय इतवु,
18
जिही इ पापा माफी वेअली हाय, तीही पापाहा खातोर अर्पने वेरा नाय जोजे,
19
तियाहाल पावुहू येशु ख्रिस्ता रोक्ताहांकी आपुहून परमपवित्रस्थानाम जावनु धैर्य हाय,
20
तियाय परदामेने म्हणजे आपु स्वता शरीरामने आपु खातोर नोवी आन जिवती वाट तियार की देदी ही
21
काहाका देवा कोअवा केअता आपवोहेन एक महान याजक मिललो हाय
22
ता आवा आपु खेरा मोनाहाकी आन पुरा विश्वासाहाकी आन विवेका दोष दुर केअरा खातोर आपु हृदयाप छिडकाव लिइन आन शरीराल शुध्द पाअयाहाकी तोअवीन परमेश्वरा पाअही जाअहु
23
आपुहून जी आशा हाय, तियुलूज आपु घट्ट तिइन रिऊन काहाका जियाय आपनेहेन अभिवचन देदोहो तो विश्वासु तो हाय,
24
आपु एकबिजाल होमजी लिअहु मोया आन हारे कामे केअराकेअता एकबिजील उत्तेजीत किइहु
25
आपु कित्येका रितीहीकी एकुज जागे आवु लो नेय सोडता ऐकबिजाल हाऱ्या गोठ्या हिकवुला, आन देवा दिही जागे आवी रियोहो इ विइन ते गोठ्या अधिका अधिक आखा,
26
आन खेरो काय हाय इ मालुम पोडी गीयोहो तेबी आपु जानी बुझीन पाप केअते वेरी ता पापा खातोर फाचे बिहीरो बलिदान नाहा.
27
पेण जे देवाल विरोध केअतेहे तियाहा भयंकर एहडो न्यायनिवाडाकी आन भयंकर एहंडी बालीटाकणरी आगी शिवाय बिहीरो कायुज बाकी रीइयो नाहा,
28
जो मोशे नियमशास्त्र नाकारेहे, तियार बेन्याहा नेता तिन्याहा साक्षी आधाराहाकी केल्लीज दया नेय देखावता मरणदंड वी,
29
तियाहाल विचार कि ल्या का ते कोताहातेबी कठीन दंडा पात्र वि, जियाहाय परमेश्वरा पोअयराल पागुहुकी चुंदयो, आन, करार ज्या रोगोताहाकी तियाल पवित्र केअयो त्या रोगोताल अपवित्र आख्यो, आन कृपे आत्मा उपमान केअयो.
30
कारण तियाल जो ओअखे तो आखेहे, “बोदलो लेवनु मा आथुम हाय, माय परफेड केहे, फाचे तो एहकी आखेहे, “प्रभु आपु माअहा न्याय केरी,
31
जिवता देवा आथुम सापडुनू कोतोहो भयानक हाय.
32
ते पेहलाऱ्या दिही इतवा जियाम तुमाहान सुवार्ता उजवाडो मीलतोलो ताहा दु:खा मोडा संकटाम बी स्थिर रिया.
33
खुब दाव बाद्रदा हुबूर तुमाहान अपमानीत केअये आण तुमनेहेन खाराब खाराब शब्द गोग्य आन खुब दाव एहनडा माहाम तुमनेहेन सहभागी वेरा पेड्या तियाहान बी एहनडीज वागणुक कमलली
34
जे जेलाम आथा तियाहा आरी तुमा दु:खाम साराबोर वेअया, आण जो तुमाहाप आथो तो तुमाहाप ने मागी लेवुलाम आलो, तेबी तुमा खुषीम आथा काहाका तुमाहाप तीयासेबी हारी आन सादान कादा टिकणारी संपत्ती हाय इ तुमनेहेन मालुम आथों.
35
तियाहाल धैर्य मा सोडाहा तिया प्रतिफल मोडो हाय.
36
तुमा धिर तेअनु, खुब गरजे हाय काहाका जाहा देवा इच्छा तुमा पुरी किइन तियाय तुमाहान देदल्या तिया वचनाप्रमाणे तुमाहान प्रतीफल मिला जोजे,
37
पवित्र शास्त्र एहकी आखेहे; कारण खुब कोमी टाईम रियोहो “जो आवणारो हाय तो आवी तो वा नाय लागवे.
38
पेन मा धर्मी माअहु विश्वासा कि जीवी
39
पेन जियाहा नाश वेरी एहंन्डा फाचला होरकुणारामंने आपु नाहा हाय ता जीवा तारणाखातोर भोरुसो थोवणाराहामने हाय आण जर तो फाचला होरकी, ता तियाखातोर मा जीवाल खुषी नाय वेअणारी”
Chapter 11
1
विश्वास जो आशा तेअली गोठीई भोरुसो, आन नेय देखाणाऱ्या गोठी खात्री एहन्डो हाय.
2
विश्वास बाबतीम आमा आगला डायाहा साक्षी देवुलाम आली.
3
विश्वासाकी आनपेहेन होमजाहाय का देवा शब्दाकी दुनिया बोनी म्हणजे ज्या गोठ्या देखात्याहा त्या देखात्या गोठीहीपने वेअयो नाहा
4
विश्वासाकी हाबेलाय काईनासेबी खुब हारो बलीदान देवाल अर्पन केअलो तियाहाकी तो नितीमान हाय एहंन्डो साक्ष देवुलाम आली, काहाका देवाय तिया अर्पना बाबतीम साक्ष देदी, आण तिया खातोर तो मोअय गीयो तेबी आजी बी गोगेहे.
5
हनोखाल मुत्यू अनुभव आवा नाय जोजे आखीन, तियाल विश्वासाहाकी आद्रदोर उसली लेवुलाम आलो आन तो केडालुज कीही सापड्यो नाहा, काहाका तियाल आद्रदोर ऊच्चे उसली लेवुलाम आलो तीयाल आद्रदोर उसली लेवुलाम आलो तियासे पेहला तिया बोद्रदल एहकी साक्षी देवुलाम आली का, तो देवाल पेटे एहंडो काम केअतलो.
6
पेन विश्वासा सिवाय तियाल खुब केअनु अशक्य हाय, काहाका जो तिया पाही आवेहे तियाय विश्वास थोवा जोजे का, तो हाय आन जो तियाल खेरा मोनाहाकी होदेहे यिताल तो प्रतीफल देणारो हाय.
7
विश्वासाहांकी नोहाय पेअला किदीहीज नेय देखाणाऱ्या एहंडी गोठी सुचना मिली तियाप्रमाणे आदराहाकी बिख थोविन आपु कुटबो वाचावा खातोर विश्वासाहाकी उड्यो बोनव्यो आणी तियाहाकी तियाय दुनियाल दोषी ठरव्यों आण विश्वासाहाकी मिलनारो नितीमत्तवा तो वारस बोन्यो.
8
आब्राहामाय विश्वासाहाकी तियाल जो जागो वतन म्हणुन मिलणारो आथो तो केअहन्डो हाय आन तो किही जाणारो आथो तो केअहन्डो हाय आन तो किही जाणारो आथो तो केअहंन्डो हाय आन तो किही जाणारो आथो इ बी तियाल मालुम नाय आथो तेबी तियाय आज्ञा पाली आन निगी गियो
9
विश्वासाहाकी तो प्रतीज्ञा देशाम जेहकी परदेशाम गोवारांहा होच रियो; आन तिज वतना देशाम तिया जोडी वारीस इसहाक आण याकोब ह्याहा आरी डेऱ्याम वस्ती किइन रेतला.
10
काहाका जियाल योजनारो आण बांधणारो देव हाय एहंन्डा नगरा आब्राहाम वाट जोवतोलो.
11
विश्वासाकीज सारा डायी तेबी दिही रेवनु क्षमता मिली काहाका जियाय तियुल आखलो तियाल तियुय विश्वासालायकी मानलो.
12
तियाहाल फोक्तो एकापणेज आन तो बी मोअलाहा होच आथो तेबी तियापणे आकाशामने जोतेहे तारेहाय तियाहा होच, दारीया तोळी जोतोहो रेअको रेहे तियाहा होच मोजता नाय आवे ओतिही संतती बोनवी देदी.
13
इ बाद्रदे विश्वासाम टिकी मोअय गिये तियाहान वचन मिललो नाय आथो पेन तियाहाय दुरनेज विइन खुष वेअये आन तियाहाय मानी लेदो का आपु इ पृथ्वी प पारके आन प्रवासी हाय.
14
काहाका एहडो जो आखेहे तो स्वता देश मिलवा होदेहे इ तो देखवेहे,
15
आन खेरोज ते ज्या देशामने निधी आलले आथे ते ती देशा फाचे विचार केअते ता तिही फाचे फिरी जावनु संधी तियाहान मिलती.
16
पेन आमी ते या सेबी हारी दुनिया म्हणजे होरगा देशा इच्छा केअतेहे हया खातोर तियाहान आपु देवा आखी ला केअता देवाल तियाहा लाज नाहा आवती. तियाल तियाहा खातोर तियाय एक नगर तिया केअयोहो.
17
आब्राहामा परिक्षा वेअली ताहा विश्वासाहाकी इसहाका अर्पन केअलो म्हणजे जियाय वचना स्वीकार केअलो तियाय तिया एकुलतो एक पोयरो अर्पन केरा निगलो.
18
तिया बोद्रदल एहकी आखलो आथो का इसहाकाज वंशाल तुमा पोयरे आखी.
19
तेबी देव मोअलामने बी तियाल उठवा समर्थ हाय एहकी तियाय मानलो आथो तो तियाल तिहीने एहकी न्याकअणी अर्थाकी फाचे मिली गेहलो,
20
इसहाकाय, याकोबाल आण एसावाल आवाणाऱ्या गोठीही बोद्रदल विश्वासाहाकी आशिर्वाद देदो,
21
याकोबाय मोअनु टाइमाप योसेफा बाद्रदा पोयराहान विश्वासाहाकी आशिर्वाद देदो, आन आपु डिनकी टोकाप टेकीन पागे पाड्यो
22
योसेफ जाहा मोअणारो आथो ताहा विश्वासांकी इस्त्राएला संतानाहा निगी जावणु गोठ्या केअया आन सोअताहा आटकाहा बोद्रदल आज्ञा केअयी,
23
विश्वासाहाकी, मोशे जन्मवेअयो ताहा तिया याहकी बाहकाय तियाल तीन मायना दोबावी थोव्यो काहाका पोयरो खुब बाहरी देखाहाय इ तियाहाय वेअयो आन तियाहान राजा हुकूमा नाहा लागी.
24
मोशेय विश्वासाहाकी तो मोडो वेअयो ताहा फारो पोयरो आखावुलासे ना कबुल केअयो
25
तियाल पाप किइन तातपुरतो मिली तिया पेआ देवा लोकाहाआरी दु:ख भोगणु तियाय पसंद केअयो
26
आन ख्रिस्ताखातोर दु:ख भोगंणु इ मिसर देशा भांडारासेबी मोडो धन होमज्यो काहाका तिया डोअवा फल मिलवुनू होवे लागलो आथो
27
विश्वासहाकीन तियाय राजा रोगील नाय बिअता मिसर देश सोडी देदो जेहकी काय नाय देखनारी गोठी तियाल देखाय रियीही तेहकी तो ठाम रिइयो,
28
विश्वासाहाकी तियाय वल्हाडंन आन रोगोत हिपडुनू विधी पाली, तो या खातोर का पेहलो जन्माल आललाल माअणाराय तियाहान आथ नाय लागवा जोजे.
29
विश्वासाहाकीज ते लाल समुद्रमेने एहकी चाली गीये जेहकी हुकाली वाटीपने आन जाहा मिसरी बी तेहकीज केरा गिया ताहा ते बुडी मोअया
30
विश्वासाकीज ते सात दिही यरोहो तिथडा सोमकी फिऱ्या आण पिथळो पोडी गीयो.
31
विश्वासाहाकीज राहाब वेश्या आज्ञा नेय माननाराहा आरी नाश वेअवी काहाका तियुय शांतीहीकी हेराहान सामालीन थोव्यो.
32
आण आमी आजी जास्ती काय आखु? गिदोन बाराक शमशोन आण इप्ताह तेहकीज दावीद शमवेल आण संदेष्टा, याविषयी आय आखा लाग्यो ता माल टाइम नाय पुरे.
33
तियाहाय विश्वासाहांकी राज्ये जिक्यो हारे कामे केअले वचने मिलव्ये सिंहा मुअयें बोंद केअये
34
तियाहाय आगी शक्ती पारवावी तालवारी धारीहीयने वाचाय निग्ये अशक्तपणाम शक्तीपाला वेअया. युध्दाम पराक्रमी वेअया तियाहान बिहीरा सैन्याहान ठोकीन नाहवावी देदे.
35
केत्याहा तेबी थेयीही तीयुहू मोअलाहान फासे जिवावीन मिल्ये. कोतेहेता मार खाय खायन मोअय गिये पेन छुटकारो नाहा माग्यो, काहाका हारा पुनरुत्थाना भागी विहु आखीन.
36
कोताहा ठठ्ठा उडवी आन जाबका मार खाहान बांधाया पाड्यो, आन कैदीम पोडु लाहाकी ओअखाय आला.
37
तियाहान दोगडाहाकी ठोकुलाम आलो तियान करवतीहीकी वाडया, तियाहान पारखुलाम आलो ते तारवारीकी मोअय गिया, ते दुरकेला कोमीकेला तारासाम पोडला वीइन ते मेडाहा आन बोकडाहा चांबडो फांगीन भोटक्या.
38
जग तियाहा लायकी नेय आथो ते जोंगलामने डोगाहामेने गुफामेने आन तोरतिमेने खोडकामने फिरता रिया.
39
विश्वासाहांकीज इयाहा बोद्रदल हारी साक्षी देऊलाम आली तेबी तियाहान प्रतिज्ञा केअली वस्तु नाहा मिली.
40
मिली तो आपुसिवाय पुरो नाय वेरा जोजो काहाका देवा नोजरीम तियासेबी हारी वस्तु आपुकेअता हाय.
Chapter 12
1
तियाहाल आपु ओताहामोडा साक्षीरुपी वादलाहाकी घेरले हाय तियाहाल आपु बी बाद्रदो वोजो आन एहन्डोंज ओहकावणारों पाप टाकीन, आपुहून नेमी देदलो हाय घोवडुनु तीही बागेज घोवडुहू
2
जो विश्वासा कर्तो आन पुरो केअणारा येशू होवे आपु विइहु, तिया ती खुषी केअता जी तिया आगला आथी, लाज नाय थोवता क्रुसा दु:ख सोस्यो आन परमेश्वरा सिंहासना सिदी वेला जायन बोठोहो,
3
इया खातोर इयाप ध्यान द्या का, जियाय आपु विरोधाम पापी माहा ओतोहो विरोध सही लेदो, का तुमा निराश विइन हिंमत नाय आराय जा जोजे,
4
तुमा पापा विरुध्द चुलातला ताहा एहंडी नाहा चुलाया का तुमा रोगोत निंग्यो.
5
आन तुमाहाल पोयरो होच हिकवुल्या गोठ्या विहीराय गियाहा का? मा पोयरा प्रभु हिकवुल्या गोठी अनादर मा केअहो आन तियापणे दोष उंगुम आवे ताहा दु:खी मा वेअहो.
6
काहाका जियाप परमेश्वर मोया केअहे तियाल तो शिक्षा केअहे आण जियाहान तो पोयरे बोनवीन जाअगे लेहे ती बाद्रदाहान तो शिक्षा केअहे.
7
ओ कठीन समय हाय तियाहान शिक्षा सहण केरा तो ,एहकी देखाविहे का देव तुमाहाल पोयरा होच वागणुक देहे, काहाका एहंडो केअल्लों पोयरो हा तियाल बाहको शिक्षा नाहा केअतो.
8
पेन जी सिआ बाद्रदाहान वेअता वेअरी आन तुमनेन नाय वेअरी वेरी ता तुमा बिहरा पोयरे हाय आज तुमा देवा खेरे पोयरो नाहा,
9
आन दुनियामने बाहकाय आमनेहेन शिआ किइन शिस्त लागवी आन आपुहूय तिया आदर केअयो ता आपुहूय आपु आध्यात्मीक बाहका कोतोहो तेबी प्रमाणाम अथिन रिइन जिवन जिवा जोजे?
10
थोडाहा समया केअता आपु जगमेने बाहकाय खुब हारी एहंडी शिस्त लागवी पेण देव आपुहून आपु हारा केअता शिस्त लागवेहे या खातोर का तिया पवित्रपणाम आपु बी भागीदारी वेरा जोजे.
11
केअल्ली बी सीमा तुरूत हारी नाहा लागती ता दु:खा लागेहे तेबी इया अनुभव मिल्योहो तियाहान आगला, नितीमत्व इ शांती प्रतीफल देहे
12
तियाहाल ठिल्ला आथ उंचे केरा आण तुमा कमजोर गुडगे सीधे केरा.
13
आन आपु पागु केअता सिधो मार्ग बोनवा का लंगडो भोटकी नाय जाय, पेन हारो विइन जाय.
14
बाद्रदा आरी मोयाहारी रेजा आन ती पवित्रता होदणाराहामने ऱ्या जिया सिवाय प्रभु केडोज नाहा वि सकतो.
15
ध्यानाकी वेअता रेअजा एहकी नाय वे का तुमा देवा कृपाहारी दुर वि जाहा ने एगदो कोडवो मुलो फुटीन तुमाहान दु:खे दे केअनारो परमेश्वर देव आण पुरो नितीमाना आत्मे.
16
केडोज बी व्यभिचारी नाय रा जोजे, आन एका समया मांडा केअता आपु मोडो पोयरो रेवनु जागो वेची देदो तेहकी एसावा होच जागेक विचार नेय रा जोजे इ ध्यानाम थोवजा,
17
आन तुमनेहेन मालुम हाय जाहा आशिर्वाद देवनु समय आलो ताहा तो अयोग्य मानाय गियो, तियाय रोडी रोडी आशिर्वाद मिलवा कोशिश केअयी, तेबी पश्चतापाकी तिया बाहका मोन तो बोदली नाहा सेक्यो.
18
जि डोगाहा डोगाहाल आथाकी आथलुता आवेहे जो आगीहीकी सिलगुलो हाय, जो आंधारो दु:ख आन वादुळो इयाहाकी पोरालो हाय, एहंडा पर्वता होवे तुमा आला नाहा, ता एक नोवा जागाप आलाहा,
19
आन तुरही आवाज आन गोगणारा एहंडा शब्दा तिया पाही नाहा आला, जिया उनानाराहाय रावाया केअया का आमी मा आरी आजी गोठ्या नाहा केअरा.
20
काहाका जि आज्ञा देवाय केअली ती तायाहान सहन नाहा वेअयी, जर एगदा जगावराय बी पर्वताल आथल्यो तेबी तीयाल दगडझोड केरुलाम आवा जोजे .
21
आन तो दुश्य ओतोहो भयंकर आथो तियाहाल मोशे आखे हे, माय खुब बीइन कापुहू
22
पेन तुमा सीयोन पर्वताजागे आन जिवता देवा नगर म्हणजे होरगो यरुशलेम लोखो देवदुत
23
आन ती पेहला पोयराहा साधारण सभा आन मंडळी तियाहा नावे स्वर्गाम लिखले हाय आन बाद्रदाहा न्याय केअनारो परमेश्वर देव आण पुरो केले नीतीमाना आत्मे.
24
आन तुमा नोवा करारा मध्यस्थ येशु इया जागे आलेहे आन तुमा हिपडुलाम आललो रोगोताही आलेहे जो हाबेला रोगोता सेबी हारो आखेहे
25
सावध ऱ्या आन ती आखणाहीने मुअय मा फिरवाहा काहाका ते लोक दुनियामने चेतावणी चेताराहीने मुअय फिरवीन बी नाय वाचाया, ता आपु होरगामने चेतावणी देणाराहीने मुअय फिरवीन केहकी वाचाहु,
26
ती सतयाल तिया शब्दाय तोरतीय आलवी देदी, पेन आमी तियाय इ शपथ लेदी ही का, “आन आजी एक दाव माय तोरतीज नाहा ता आकाश बी आलवेंहे.
27
“फाचे एकदाव” इ गोठी अर्थ एहकी वेहे का ज्या गोठ्या बोनवुल्या हाय ते काडी टाकुलाम आवी आन ज्या गोठ्या आलवुता आवत्या नाहा ते तेहकी री.
28
तियाहाल आपु इ राज्य विइन कृतस विहु काहाका तो आलणारो नाहा भक्ती आन बिख थोविन परमेश्वरा एहंडी भक्ती किहु जियाहाकी तो खुष वेहे.
29
काहाका आमा परमेश्वरा बाली टाकणारी आग हाय,
Chapter 13
2
पावुहू बायुहूप मोया सादानकादा रे
1
गोवारांहा चाकरी केरा ना विहरायाहा, काहाका खुब दाव एहकी केअरुलाहाकी देवदुताहा आदर सत्कार माअहाय केअयोहो.
3
जे जेलाम हाय तियाहान एहकी इतवा का जेहकी काय तुमा बी तीयाहा आरी जेलाम हाय आय जियाहा आरी खाराब वेहवार तेअतेहे तियाहा बी एहकी आठवण केअजा का तुमाज शरीर हाय.
4
बाद्रदाही वोराळा आदर केरा जोजे फामारी निर्दोष रा जोजे काहाका परमेश्वर सिनालो केअनाराहा आन परस्त्रीगामी माअहा न्याय केअरी.
5
आपु जिवन पोयसा लालचुसे दुर थोवा आन तुमाहाप जो हाय तियामुज समाधान माना काहाका देवाय एहकी आख्यों हो माय किदीहीज तुल सोडु नाय माय किदीहीज टाकु नाय.
6
तियाहाल आमा हिम्मतीहीकी आखी सकतेहे, प्रभु मा साहाय्य केअणारो हाय, माय बियु नाय माअहे मा काय कि ली,
7
जियाय तुमनेहेन देवा वचन देदो ती डायाल तुमा इत थोवजा आन तिया जिवना चालचलणुक वेरा आन तिया विश्वासा होच तुमाबी तेहकीज केरा.
8
येशु ख्रिस्त काल आज आण सादानकादा जिवतो हाय,
9
जाती जाती हिकवुनिहीकी ना बेहकाय जाहा, काहाका मोना अनुग्रहाम पाक्को रेवनु हारो हाय पेन नाय ती खावनु वस्तुकी जियाहाकी ते काम थोवतेले कायज लाभ नाय वेअयो
10
ज्या वेदीपणे मांडो खावनु अधिकारी मंडपाम सेवा केअणाराहान बी नाहा हाय, देहंडो वेदी आपुहूप हाय,
11
यहुदी मुख्य याजक जनावराहा रोगोत पवित्रस्थानाम पापाहा अर्पना केअता ली जाताहा, पेन तियाहा डिल छावणी बारे लि जायन सिलगावतेहे.
12
तियाहाल येशुय बी स्वता रोगोताहाकी माहान पवित्र केअरा केअता गावा वेशी बाअरे मरणा दु:ख वेठ्यो.
13
तियाहाल आपुबी छावणी बारे जाअहु आन येशु अपमाना वाटेकरी विइहु.
14
काहाका स्थायी एहंडो गाव आपुहून इही नाहा पेन आवणारा दिह्याम आवणारो नगर हाय तियाहोवे आपु वेअतेहे.
15
तियाहाल तिया नाव माननारे ओठा फलवो एहंन्डो स्तुती बली आपु येशुद्वारे देवाल नेहमी अर्पन केअनु.
16
आन बिहीराकेअता हारो तो केअरा आन दानधर्म केअरा विहराहा नाहा काहाका एहंन्डा अर्पनाहाकी देव खुष वेअहे
17
आपु अधिकांऱ्या गोठ्या माना, आन तिया मानीन चाला जियाहाल हिशोब देवनु रेअहे, तियाहोस तुमा जिवासंबधाहाकी ते जागरुक रेतेहे, तियाहा गोठ्या माना या केअता का, तियाहाय तियाहा काम दु:ख कि नाहा ता आनंदाहाकी केअनु.
18
आमा खातोर प्रार्थना केअरा आमा विवेक बुध्दी शुध्द हाय, या बोद्रदल आमा खात्री हाय, आन बाद्रदी गोठीम जो हारो हाय, तेहकीज सादा हारे चालते रेजा एहकी आमा इच्छा हाय,
19
आय तुमाहान विनंती कोअहु का, देवाय मान माहरुज तुमाहाय मोकला जोजे इया खातोर कालावाला किईन प्रार्थना केअरा.
20
जी शांती देवाय आपु मेंढी मेंडपाळाल आपु प्रभु येशु ख्रिस्त याल रोगोता सार्वकाला नोवा काराराद्वारे उठव्यो,
21
तिया इच्छा पुरी केरा केअता हारी गोठी की तुम्हाल सिध्द के आन येशु ख्रिस्ता द्वारे तियाल खुष केअनारो काम आपुहूम के, तियाल सादानकादा गौरव मिले, आमेन
22
पावुहू, या मायुय टुकया पेन हाऱ्या गोठया तुमाहान लिख्याहा, ते तुमा धीर तिइन उनाया एहकी आय विनंती किइहु,
23
आपु पावुहू तिमथ्थ ओ जेलामने सुटी गियोहो, जर तो माहार माअही आलो, ता जाहा आय तुमाहान मिला आवेहे ताहा तो माअही आवी,
24
तुमा बाद्रदा डाआयाहान आन बाद्रदा देवा पवित्र माहान सलाम आखा, इटलीने विश्वास थोवणारे माअहे तुमाहान सलाम आखतेहे,
25
देवा कृपा तुमा बाद्रदा आरी रे, आमेन
Revelation
Chapter 1
1
ई येशु ख्रिस्ता प्रोगोटीकरण हाय तो देवाई.
1
1
1
1
1
1
1
Chapter 2
1
2
इफिस ईहने मोडली दुताल लिख “जो आपो हुदाे आथाम सात तारे ती राखे आने सात हाेनाआ समयामने चालहे तीईया अे शब्द हाय. तु काय केअेहो तो माल मालुम हाय, तो काम, कष्ट आने सहनकेरुली शक्ती ई माय जावुहू, माल इ मालुम हाय का दुष्ट तुल हारे नाहा लागते आने जे आपोल प्रेषित होमजुतेहे पेन जे तेहडे नाहा तीईया तु पोरीक्षा केअेई आने ते खोटे हाय ई तुल देखाय आले हाय.
3
माल मालुम हाय का तोअम सहन केरुली शक्ती हाय, माआ नावकेअता तु दुख सहन किईन आन तु थाक्यो नाहा.
4
तेबीबी तो विरुध्द माआ आखणु हाय तु आपो पेहली मोया सोडली हाय.
5
तिईयाल तु किहीने पोड्यो ईया इत केअे, पश्चाताप केअे आन पेहलो जी कामे केअली ती पाठे केअे, तु पश्चाताप केअेयो नाहा ते ते माअयु आवेहे आने तो समई (दिवो) तिईया जागापने काडी टाकेहे.
6
पेन अहेडो काय हाय जो तु केअेतोस, तु तिळलाईताहा माठ्या गोठ्या नाकार केअतो , मायु बी तिईया गोठ्यानकार किईहु.
7
आत्मा मंडळ्यांन काय आखेहे इ जियाहान कान हाय तो उनायेहे आन उनाय ! जो विजय मिलवेहे तीयाल देवा बोगीचाम जीवना चाडा फोल खावणु अधिकार देवाम आवी.
स्मुर्णा ईहीने ख्रिस्ती मंडळील पोत्र
8
स्मुर्णा इहीने मोंडली दुताल इ लिख : जो पेहलो आन शेवट्यो हाय तिईया अे शब्द हाय, जो मोअलो आथेा पेन पाछी जिवतो वेअयो, तो ई आखेहे,
9
माल तुमाहा दुख आन गरीबी मालुम हाय (पेन तुमा पौसावालो हाय !) माठ्या गोठ्या ज्या लोक गोगतेहे तिईयागोठी माल मालुम हाय, ते आखतेहे आमाआ यहुदी हाय, पेन तेहेडे ते नाहा, ते सैताना सभास्थानाम हाय.
10
जो दुख तु भोगापोडी तीईया तु तीयो नाहा, वेअे ! माआयु तुल आखु, सैतान तुमाआमने केडालबी पोरीक्ष वेराखातोर तुरुंगाम टाकी आने तुमाआ दोहो दिही छोल सहन केरा, पेन तेबी बी मोऊनुहूग विश्वासी ऱ्या काहाक माआयु तुमान जीवनाआ मुकूट जो आनंत जीवन हाय तो देअेहे.
11
पोवित्र आत्मो मोडलीन काय आखेहे ई जिइयाल कान हाय तो ऊनाय, जो विजय मिलवेहे तिईयाल बिहरा मोरणा बाधा वेअेणारी नाहा.
पर्गम ईहीने ख्रिस्ती मंडळील पोत्र
12
पर्गम ईहीने मोंडली दुतान लिख : जीईयापाही बेनी बाजुकी धार रेणारी तारवाल हाय तिईया ई शब्द हाय.
13
माल मालुम हाय जिह सैतानाआ राजासन हाय तिईही रेअतेहे तेबीबी तुमाआ माआ नाव हारीरीते तीन रिईले हाय, जिही सैतान रेहे तिही माआ विश्वासु साक्षीदार अंतिपा जो तुमाम जिवाळी मोओयो तिईया दिईहामबी तु माआपेन विश्वास नाकाऱ्या नाहा.
14
15
पेन तो विरुदाम माआपाही गोठ्या हाय काहाआकी मुर्तील अर्पण केअेलो खावुलो आन सिनालो केअेनु इ ओडचोन इस्त्राएलाआ पोयराआगला थोवणु पोयरान जिईया हिकव्या त्या बलमाआ हिकवुन तिईयाय लेदीली हाय एहेंडे लोक तोपाही हाय. तेहकीच निकलाईता हिकवुन केअनारे बी काही लोक तुमाम हाय.
16
तिईयाल पाछतावो केअरी ! नाय ते माआयु माआहरीचे तुमाआ पाही आवेहे आन आपो मुऊयामने तारवारी की तिईयाआरी लोढाई केअेहे.
17
पोवित्र आत्मो मेडलीन काय आखे ई जिइयाल कान हाय तो उनाय, जो विजय मिलवेहे तिईयाल माआयु गुप्त थोवला होरर्गीय माडामने तेहकीज मान्नामने कायबी देहे, माआयु तीइयान पाडो खोडो देअेहे तिइयाप नावो नाव लिखलो वेअेरी जिइयाल तो देवाम आवी तिईया आलुच तो होमजाई.
थुवतीरा ईहीने ख्रिस्ती मंडळील पोत्र
18
थुवतीरा ईहणे मोडली दुताल लिख : जिइया डोओवा आगी होस हाय, आन जिइया पाग चोमकुणारा होना पितला होस हाय तो देवाआ पोयरो इ आखी रीईलो हाय,
19
माल तुमाआ काम तुमाआ मोया आन विश्वास तुमाआ सेवा आन सहनकेअेनु मालुम हाय अन तो सेल्ली कामे पहेलाने जाहकी हाय इ माल मालुम हाय.
20
पेन तुमआ विरुध्द माआ आखणु हाय ईजवेल नाव थेय जी आपोल संदेष्टी आखावेहे, आन ती तिइया हिकवुणीकी माआ दासान बेरा नाहा अेहेकी सीनाला पाप आन मुर्तील देदलो मांडो खा खातोर पुलवी दी तेबीबी तुमआ तिल तेहकी केअेरा देतेहे.
21
माआयु तिईयुल पश्चाताप केअेरा खातोर टाईम देदलो हाय, पेन ती आपो सीनालाल पासतावो केरुला इच्छा नाहा हाय.
22
वेअेरा, तिईयाल मायु तियील पातारीप खिलाटी टाकेहे आन जे तियोआरी सीनालो केअेतेहे ते आपो कामआ पाचतावो नाहा केअणारे ते माआयु तिईयान मोडा संकआम टाकेहे.
23
माआयु तिईयाल माननारा पोयरान मरीकी माआय टाकेहे, ताआहा होग्गा मोउलील ई जाई ली का जो मोन आन अंतकरण पारयखी लेहे तो माआयुच हाय, मायु तुमा होग्गान तुमाआ कामादीट प्रोतिफोल देअेहे.
24
पेन थुवतीरा ईहने मोडलीमने जे बिहरे लोक हाय जे तीइयो हिकवुन मानते नाहा तिईयान मायु आखु का जीईयाल सैताना ओड्या गोठ्या अेहकी आखतेहे त्या गोठ्या जिइयाल मालुम नाहा त्या तुमाआउपे माआयु बिहरो योझो देणारी नाहा.
25
माआयु आवेहुगू जो तुमाआपही हाय तिईयाल मेाजबुत किज तिईन ऱ्या.
26
जो विजय मिलवेहे आन शेवुटलुगू माआ कामे केअेतो रेहे.
27
आन जेहकी कादु भाआसणा चुरो केअेहे तेहकीच तो लोखुंडा तिईयाउपे अधिकार केअेरी.
28
जेहकी बाहकाहीने माल अधिकार मिललो हाय तेहकीच माआयु बी तिईयाल देहे, माआयु बी तिईयाल वेगीवेली तोरेा दहे, तियाल मायु राष्ट्राउपे अधिकार देहे.
29
आत्मो मोडलीन काय आखेहे इ जिईयाल कान हाय ते उनाय ले.
Chapter 3
1
सार्दीस इहीने मोडली दुतान लिख : जीईयापाही देवाआ सात आत्मे आने सात तारे हाय तिईया इ शब्दा हाय. माल तुमाआ कामे मालुम हाय तु जिवतो हाय अेहकी तो किर्ती हाय पेन तुमआ मोय गेले अहडे हाय.
2
जागीजा आने जे मोरणा पाही जाणरे हाय तिइ्रेयान हारकी तीले काहाका माआ देवाहुबूंर तुमाआ कामे पुरे वेअेले माल देखाय नाहा आल्ले हाय.
3
तिईयाल जे तुमाआ स्विकारले हाय आने उनाले इया इत केअेरा तिईयाहोस बागा आन पासतावो केरा, पेन तुमाआ उठते नाहा ते मायु भाठाहोस आवेहे आन माआयु केअहडी वेला तुमापाही आवेहे इ तुमाल मालुम नाह पोडे.
4
तेहकीच जिईयाही आपो पोतडे मोलवालो नाहा केअेले अेहडे थेाडे नावे सार्दीसाम तोपाही हाय, ते आमाआरी उजले पोतडाम चाली काहाका ते लायक हाय.
5
जे विजय मिलवेहे तो अेहडा रितीकी उजले पोतडे पोओवी ली, माआयु तिईया नाव जीवनाआ पुस्तुकामेन काडणारोज नाहा पेन माआ बाहकाहुबूंर आन तिईया दुताहुमुर तिईया नाव स्वीकारी लेहे.
6
आत्मो मोडलील काय आखेहे ई जिईयाल कान हाय तो उनाय.
फिलदेल्फिया ईहीने ख्रिस्ती मंडळील पोत्र
7
फिलीदिलफीया इहीने मोडली दुताल लिख : जो पोवित्र आने सत्य हाय तिईया ई शोब्दा हाय, जीईयापाही ‘दाविदा कुची हाय, जो तो उगडावेहे तो केडोच बुजी शकणाराे नाय’ आने जो तो बुजेहे तो केडोच उगडावी शकणारो नाहा.
8
माल तुमाआ कामे मालुम हाय, वेअेरा माआयु तेमाहुबूर बाआने उघडावी थोवले हाय, जो केडोबी लागवी शकतो नाहा, माल मालुम हाय का तुमाल शक्ती कोमी हाय, तेबीबी तुमाई माआ शब्द पाललो हाय आने माआ नाव नाकाऱ्यो नाहा.
9
वेरा जे सैताना कोमुरे हाय, ते खुद यहुदी होमजुते पेन ते यहुदी नाहा ते खोटे हाय, माआयु तिईयान तुमाही लावीन तुमाआ पागे पोडा लागवेहे आन तिइयान होमजाय की माआयु तुमाप मोया केअेली हाय.
10
धीराकी सहन केअेरा खातोर तुमाआ माआ आज्ञा पालली हाय, तिइयाल होग्या तोरतीप जो संकटा समय आवणारो हाय तीइयाहीने माआयु तुमान बाचावे, ओ तारास जे लोक ईया जुगाम रेतेहे तीईया पोरीक्षा वेराखातोर आवी.
11
माआयु माहारी आवी रीहीलो हाय, जो तोपाही हाय तीइयाल हारकी तीन रेअे ईयाखातोर का केअेडो बी तो मुकूट ला नेय जोजे.
12
जो विजय मिलवे हे तीइयाल माआयु माआ देवाआ मोंदीरा खांब बोनावेहे ओन तेा किदीच बारे जाणारो नाय, माअयु तिइयाप माआ देवाआ नाव आन माआ देवाहीने होरगामने उतणारे नोवे यरुशलेम, तेहकीच माआ देवाआ ‘नगरी तिईयो नाव’ आन माआ नोवो नाव लिईन.
13
आत्मो मोडलीन काय आखेहे ई जियाईयाल कान हाय तो उनाय.
लावदिकिया ईहीने ख्रिस्ती मंडळील पोत्र
14
लावदीकिया इहीने मोंडली दुतान लिखे : जो आमेन ‘विश्वासु आन खेरो साक्षीदार हाय, देवाआ निर्मितीउपेने सत्ताधिश हाय तिईया ई शब्द हाय.
15
माल तो कामे मालुम हाय ती अेहकी हाय का, ते हेलो बी नाहा आन उनाे बी नाहा ते हेलाे आने उनाे रेतो ते हारो वेअेतो.
16
पेन तु तेहेडा नाहा, थोडो हेला हाय तु हेलो आन उनो नाहा, तिईयाल माआयु तुल आपो मुयामने उलटी टाकीणारो हाय.
17
तु आखतो का मायु कामावलो हाय, मायु पोयसो कामावुलो हाय, आन माल केहडाच गोरोज नाहा पेन तु मेहनती द्योयावालो, गोरीब, आंदलो आन नागडो हाय ई तुल कोलतो नाहा.
18
माआयु तुमान होमजाक दीव का, आगीमने शुध्द केअेलो होनो माआहीने वेचातो ले, काहाका तु मोडो वेअेरी आन तुमाआ लाजवुनारी नगनता देखाई नाय तिईयाल नेसाखातोर पाढे पोतडे वेचाते ले आन, हारो देखाया जोजे तिईया डोआम लागवाखातेार अंजन वेचातो ले.
19
जीईयाम माआयु मोया केअेवु तियान हीकवु आन तिईयाइ केहकी राहा जोजे ईया शिस्त लागवुहू , तिईयाल खुप प्रयत्न केअेरा आन पोसतावो केअेरा.
20
वेअरा, माआयु बाआणाही उबलो हाय आन बाआणो ठोकी रिईलो हाय, जो केअडो माआ आवाज उनाय आन बाआणे उघडावे, तेा माआयु माजमे आवे आन तिईयाआरी माडो खाई आन तेबी माआ आरी मांडो खाई.
21
जेहकी माआयु विजय मिलवुलो हाय आन माआ बाहका राजासनाप बोठलो हाय, तेहकीच जो केडो विजय मिलवी तिईयाल माआयु माआ राजोसनाप बोहणु अधिकार देअेहे.
22
आत्मो मोडलीन काय ओखेहे ई जिईयाल कान हाय तो उनाय.
Chapter 4
1
इया फासला मायुय वेला तो वेरा होरगाम एक बाणाआ माआ हुबूर उघडालो देखायो आन पेहलेा जेहकी आवज मायुय माआ आरी गोगता उनालो आथो, तेहकी आवाज माय उनायो तो आवाज “तुतारी (कर्ण्या)” आवाज होच आथो, तीयाय आख्यो “इही उच्चे आव आने माय तुल इयाफासला जो वेनारो हाय तो देखावुहू”
2
तिया वाेखोत आत्माय माआ ताबो लेदो, तिही होरगाम “माआ हुबूर राजासन आथो, केडो एक तियाप बोठलो आथो.
3
तियाप जो बोठलो आथो तो यास्फे व सार्दी इया रत्नाहोस आथाे आने राजासना सोमकी पाचुहोच देखानारे “मेघ धनुष्य” आथो.
4
राजासनासोमकी चोवीस आसने आथे आन तिया आसनाप उजलो (शुभ्र) पोतडे पोवले आन मुनकाप हाेना मेकूट पोवले चोवीस वडील बोठले आथे.
5
राजासनामेने विज आवाज आन मेघगर्जना निघतल्या, राजासनाहुबूर सात दिवा शिलगुता आथा, ते देवा सात आत्मे आथे.
6
तेहकीज राजासनाहूबूंर काचा समुद्राहोच काई तेबी देखातो आथो, ते “स्फटीका होच” हारो आथो, वोचमे आन राजासनासोमकी चार जिवते प्राणी आथे आन ते फासलाने आगलाने डोवाहांकी पोराले आथे.
7
पेलो जिवते प्राणी “सिंहाहोच आथो”, “बिहरा बैला होच आथो, तिसरा मुय माहाहोच आथो, आन चौथाआ उडणारा गरुडाहोच आथो.”
8
तिया हर एक जिवता प्राण्याल सहा फाकडे आथे आन तियान होगुसेज डोवा आथा, तिया फाकडाप आन मोजमेने डोवा आथो दिही आन रात नाय उभा रेतलो ते आखतले आथो “पवित्र, पवित्र, पवित्र, ओ प्रभु देवा होगोज सामर्थ्य जो आथे जो हा आन जो आवनारो हाय.
9
जो राजासनाप बोठलो हाय तो अनंतकाळ हुदी जिवतो रेनारो हाय, तिया जाहा जाहा ते चार जिवता प्राणी गौरव, सन्मान आन उपकार स्तुस्ती केअतलो आथा.
10
ताहा ताहा ते चोवीस वडील जो राजासनाप बोठला हाय तिया आगला उपडु पोडी जाहला, आन जो युगानयुन जिवतो हा तियाल पागे पोडतला आन आपु मुकूट राजासनाहूंबूर ठोवीत आखतला.
11
“हे प्रभु, आमा देवा, तु गौरव, सन्मान आन सामर्थ्य मिलवी ला खातोर योग्य हाय, तुयू होग्गीज गोठ्या उपजाव्या, काहाका तुयु होग्गोज काय बोनावी लेदाे आने तो इच्छावाय तो वेयो आन उपजाव्यो.”
Chapter 5
1
फासे माय, जो राजासनाप बोठलो आथो तिया हुदाे हाताम माय एक पुस्तक वेयो, पुस्तकाम बेने वेलाने लिखलाे आथो, आन तीय पुस्तकाल सात शिक्का मारीन बंद केलो आथो.
2
आन माय एक सामर्थ्यशाली देवदुत मोडा आवाजाम आखा लाग्यो, “पुस्ताका शिक्के तोडीन ती उघडावा खाातेर केडो योग्य हाय ?”
3
पेन होरगाम, तोरतीप आन तोरती निचे केडोबी तो पुस्तक उघडावा नायता तियाल वेराखातोर सामर्थ्य नाहा.
4
ती पुस्तक उघडावा खातोर आन तियुल वेराखातोर लायक ऐहडो केडोज देखायो नाहा, तियाहाल मान खुब रडुलो आलो.
5
पेन डायामेने एक जाया माल आख्यो, “रोडो माआ ! यहुदा कुलामने सिंहो, दावीदा अंकुर तो विजय मिलवी लेदलो हा तो पुस्तक उघडावाखातोर आन तिया सात शिक्का उघडावाखातेार सामर्थी हाय.”
6
राजासना आन चार जिवता प्राण्या आन तिया डायांहा वचमे “कोकरो” उभो हाय ऐहकी मायुय वेयो, तो विधला होच (माइटाकला होस) आथो, तियाल सात हिनके आन सात डोवा आथा, आन ई तो होगोज तरतीप मोकली देवाम आल्लो देवा सात आत्मे आथे.
7
तो गियो आन तियाल जो “राजासनाप बोठलो आथो तिया हुदा हाताम तो पुस्तक लिलेदो.
8
आन जाहा तियाय तो पुस्तक लिलेदो ताहा चार जिवता प्राणी आन चोवीस डायामाही कोकऱ्या हुबूर उबडु पोड्या हरऐक जाआप वीणा आन हरऐक हाताम शुध्द “धुपावाय” पोअल्या हाेना वाटक्या आथ्या, वाटक्या म्हणजे पवित्र लोकांहा “प्रार्थना” आथ्या.
9
आने तियाही “नव गाणो आख्यो” तु पुस्तक लाखातोर आन तिया शिक्के उघडावा खातोर लायक हाय काहाका तुल माइयटाकाम आल्लो आने तुयूय प्रभु यीशु रक्ता किंमत पोईन प्रत्येक कुलामन अलग अलग भाषा गोगनारे लाेका आन राष्ट्रामेने देवा खातोर माहान वेचाते लेदले हाय.
10
तु तियाहान आमा देवाखातोर एक “राज्य” आने “याजक” बनीव लेदे हे आने फासे ते ताेरतीप राज्य केरी.
11
फासे मायु वेयो राजासन आन चार जिवना प्राणी आन वडील लो इया आरी अगणित देवदुता आवाज उनायो तिया संक्ष्या “अयुता आयुते (लाखो करोडो) आन हजारा हजार आथी.
12
देवदुत मोडा आवाजाम आखा लाग्या जो वधकेलो कोकरा, सामर्थ्य, धन, ज्ञान, बल, सन्मान, गौरव, आन उपकारस्तुती ई ला खातोर योग्य हाय.
13
हरऐक बनविली वस्तु वादलाम आन तरतीप तरतीनिचे आन समुद्रामेने बनवुली वस्तु ऐहकी आखता उनाया की, “राजासनाप बोठलो तियाल आने कोकऱ्याल स्तुती, सन्मान, गौरव आन सामर्थ्य युगानुयूगा हुदी वेअे.”
14
चार जिवता प्राणीय आख्यो, “आमेन” फासे वडील लोकाही निचे पोडीन तियाल अभिनंदन केयो.
Chapter 6
1
फासे कोकऱ्या सात शिक्कामेने एक शिक्को फोड्यो तो माय वेयो आन तिया चार प्राण्यामेने एकाय मेघगर्जने होच आवाजावाय “आव” ऐहकी आखताहा उनायो.
2
माय एक उजलो कोडो (घोडा) वेयो, तियाप जो बोठलो आथो तियाप धनुष्य आथो आन तियाल मुकूट देदलो आथो तो जिकीईन विजयाप विजय मिलवी ला निघ्यो.
3
जाहा कोकऱ्याय बिहरो शिक्को उघड्यो ताहा बिहरा जिवना प्राण्याल “आव” ऐहकी आखता उनायो.
4
फासे बिहरो कोडो (घोडा) निघ्यो, तो “आगबोले तियाहोच लाल आथो,” तियाप जो बोठलो आथो तियाल तरतीपेने शांती नाश केरा खातोर अधिकार देदलो आथो, इया खातोर की, लोकाही एक बिहराल मायटाके, तियाल मोडी तरवार देवाम आल्ली आथी.
5
जाहा कोकऱ्याय तिसरो शिक्को उघाड्यो तिसऱ्या जिवना प्राण्याल “आव” ऐहकी आखता उनायो, ताहा तियाप जो बोठलो आथो तियाहाताम तराजो आथो.
6
माय चार प्राण्यावचमेने निघली आवाज उनायो, ती आखतली आथी एक चांदी नाण्याल शेरभर गहु आन एका चांदी नाण्याल तीन शेर जव, पेन तेल आन द्राक्षारोसो इया नुकसान माआ केयोहो. .
7
कोकऱ्याय जाहा चौथो शिक्को उघाड्यो, ताहा मायुय चौथ्या जिवना प्राण्या आवाज “आव” ऐहकी आखता उनायो.
8
फासे माय पिवलो कोडो (घोडा) वेयो, तियाप जो बोठलो आथो तिया नाव मरण आथो, आन मृतलोक तिया फासला फासला, तियाआरी चालतले आथे, तियाहान तारवारीवाय दुष्काळवाय, शेगावाय आने तरतीपेने श्र्वापदाने लोकांन जिवते माय टाकुलो अधिकार ताेरतीप चौथ्या भागामे दिई देवुलाम आल्लो आथो.
9
जाहा कोकऱ्या पाचवा शिक्को उघड्यो ताहा मायुय वेदीनिचे आत्मे वेये ते आत्मे देवा वचनाखातोर आने तियाही जी साक्षी देदली आथी तियाखातोर जिवतेज मायटाकले लोकांहा आत्मे आथे.
10
ते मोडो आवाज काडीन, बोबलीन आखतले, “हे स्वामी तु पवित्र व सत्य हाय, तु कोअतेबु हुदू न्यायनिवाडो केअनारो नाहा आन तरतीप रेअनारा लोकाहीने आमा रक्ता बदलो लेनारो नाहा?”
11
तिहा तिया हरऐकाल एक एक उजलो झगो दि देवाम आल्लो आन तियाल ऐहकी आखाम आल्लो की, तुमाआ आरी रेअनारा दास व तुमा पाहू तुमाखातोर जिवते मायटाकम आवी तिया संख्यापुरी वेरी तावहूद तुमा आजी थोडीक वाेखोत आराम केरा.
12
तिया सहावा शिक्को फोड्यो, तो माय वेयो , ताहा मोडो भुकंप वेयो, “सुर्य” चोट्याह बाेनवुलो उबडा हाेस कालो वेयाआन पुरो चांद रक्ताहोच वेयो.
13
“अंजिरा चाडवो” मोडा वारावाय आल्लो म्हणजे तिया काच्चे फल जेहकी निचे पोडतेहे तेहकी आकाशा मेने तारा तरतीप पोड्ये.
14
एघा गंडाळी होच आकाश होरकी जाईन निघी गियो आन होगोज डोगु आने बेटे आपुआपु जागापेने होरकी गीये.
15
तरतीपेने राजे आन मोडे अधिकारी, सरदार, धनवान आन बलवान लोक, होगेंज दास व स्वतंत्र लोक पुयारो आन डोगुमेने डोगडाम दोबी गिये.
16
आने ते ढोगाल आने खडकाल आखतले “आमा उपे पोडी जो, राजासनाप जो बोठलो हाय तिया नजरेने दुर आन कोकऱ्या क्रोधानेय आमाहाल दोबाव”
17
काहाक तिया “क्रोधा मोडो दिही आल्लेा हाय. आने तियाआमाहान केडो टिकीई ?”
Chapter 7
1
आन ताहा फासे माय चार होरगामने दुत तोरतीप चार कोपराहाप उबी रियाहा वेया, तियाहा तोरतीमने चार बाराल ओतोहा घट्ट तीन थेावला आथाे ता तोरतीपने आने समुद्राव आने केलाज चाडाप वारा वोयाय नेय.
2
माययु बिजो एक होरगामने दुत दिहीउगता होवने उच्चे चोडता वेयो तियापाही जिवतो देवा शिक्को आथो ज्याचार होरगामने दुतांहाप तोरतीप आने समुद्राराल नुकसान केनु होपी देदलो आथो तियाहान तो मोडाहाकी बोबलीन आख्यो,
3
“आम्हाहा देवा दास इयाहा कपालाप आमा शिक्को मारजीतावलुग तोरतील आने समुद्राल आन चाडालही नुकसान केरा नाहा”
4
जियाहाल शिक्को थोकनुम आल्लो तियाहा आकडो माय उनायो: इस्त्राएल माहा आख्या वंशामने एकसो शेहेचालीस हाजारांहान शिक्को थोकनुम आलो.
5
यहुदा वंशामने बारा हजाराहान शिक्को थोकनुम आलो, रऊबेन वेशामने बारा हजाराहांन, गाद वंशामेने बारा हजारांहान,
6
आगेर वंशामेने बारा हजारांहान, नफताली वंशामेने बारा हजाराहान, मनश्शे वंशामने बारा हजाराहान,
7
शिमोन वंशामेने बारा हजारांहान, लेवी वंशामेने बारा हाजाराहान , इस्सदार वंशामेने बारा हजाराहान,
8
जबुलून वंशामेने बारा हजाराहान, योसेफ वंशामेने बारा हजारांहान, बन्यामीन वंशामेनी बारा हजाराहान शिक्का थोकनुम आला.
9
तिया फासे मायुय वेयो ते आखेज राष्ट्र, वंश, माही आन भाषा ईयाहमने केडालुज मोजलो जाय नाय अेहेडो मोडो समुदाय, तो राजासना आगला आन कोकराहुबूर उबो आथो, उजलो झगो पोवलो आण तियाहा आथुम झावळे आथे.
10
ते मोडाकाही बोंबलीन आखतुले “राजासनाप बोठोहो आमाहा देवाहोवेने आन कोकरा होवेने तारण हाय.”
11
ताहा राजासन आन डाया पुढारी आन चार जिवता जनावर तियाहा साेमकी आथा होरगामने दुत उबले आथे आण ते राजासनाहुबूर उबुडू पोडीन देवाल नमन कीन.
12
आखा टेके, आमेन, स्तुती, गौरव, ज्ञान, उपकारस्तुती, सन्मान, सामर्थ्य व बळ ही युगानयुग आपु देवा हाय, आमेन.
13
ताहा डायामन्यो एकाय माल फुच्यो का , “उजलो झगो पोवलो हाय ई केडो हाय आन तो किहीने आल्लो हाय?” मायु तीयाल आख्यो, “प्रभु तुलुच मालुम हाय”
14
आने तियायी माल आख्यो, मो मोडा "संकटामेने" आवताहा तो ओ हाय, तीयाही "आपु झगाे" कोकऱ्या हुंबूर समर्पणा रोक्ताम तुविन शुध्द केला हाय.
15
तियाहायल ते देवा राजारसनाहुबूर आही आने ते रातेनदीही तिया मोंदीराम सेवा केतेहे आने जो राजासनाप बोठलो हाय तो तियाप आपु मांडवो टाकी.
16
ते आजी पुख्खे आने आजी फापीले रेणारे नेय, तियाहाल सुर्य नेता केल्लीबी उष्णता लागणारो नाहा.
17
कारण राजा सनाप वोचमेने भाग आथलो कोकरो स्वत: तिया मेंढपाळ वी, आने तो तियाहाल जीवना पाया झरापाही ली जाही, आने देव सोता तियाहा डोवामन्यो होगे आहावे नुसी टाकीही.
Chapter 8
1
जाहा कोकराय सातवो सिंक्को उगड्यो, ताहा लगबग आरदो तास हुग हाेरगाम शांतता आथी.
2
फासे देवाहुबूर सात होरगामेने दुत अभा रेहला मायुय देख्या आने तियाहान सात कर्णे देवुलाम आले.
3
बिहीरो एक होरगामेने दुत आवीन ‘वेदी आगाडी उबी रियो तियापाही होना धुपाटणे आथे, राजासना हुबूरणे होना वेदीप खुब पवित्र जाहांव ‘धुप’ देदल्या आथो.
4
होरगामने दुता आथुमन्यो, ‘धुपा’ तुवारो पवित्र जावांहा प्रार्थनाआरी देवाहुबूर उच्चे चोडले.
5
ताहा होरगामेने दुताही धुपाटणे लीन तियाम वेदिप अग्री पोयान तोरतीप टाकलेा आन वाद्या करकडात वीन आवाज वेयो, विज चोमकया आन भुमिकंप वेयो.
6
ज्या सात होरगामेने दुतांहाप सात कर्णे आथे ते जियातीया कर्णे वाजवुनू तियारी वेले.
7
पेहला होरगामेने दुताय कर्ण वाजवुताज ‘रक्तीमिश्रीत’ गारा आने आग ई आली तो ताेरतीप टाकनुम आल्ली इयाखातोर का तोरती तिसरो भाग आने चाडाहा तिसरो भाग बोली गियो, आने आख्ये निलो चारा सिलगी गियो.
8
दुसरो होरगामेन दुताय कर्ण वाजव्यो आने ताहा आगीहीकी सिलगुलेा मोडो डोगु होय काय तेबी समुद्राम टाकुलाम आलो आने समुद्रा तिसरो भाग रक्त वेयो.
9
समुद्रामेने तिसरो भाग जिवते प्राणी मोयगीये आन तेहकीज तिसरा भाग जहांजाहा नाश वेयो.
10
तिसरो होरगामेने दुताय कर्ण वाजव्या ताहा मशालोहोस बोललो मोडो तारो वादलामेने निचे पोड्यो तो खाडीही आने झऱ्याहा तिसरो भाग पायुप पोड्यो.
11
तिया तारा ना कडुदवणा आन पाआया तिसऱ्या भागा कडुढवणा वेयो, आने तिया पायाहाकी माहापैकी खुबूज माही मोय गीये, काहाका तो पाआय कडवो वेलो आथो.
12
चौथा होरगामेने दुता कर्ण वाजाव्यो, ताहा सुर्या तिसरो भाग, चांदा तिसरो भाग आने तारांहा तिसरो हिस्सो पारवाय गियो, तियाहा तिसरो भाग अंधकारमय वेयाेआन दिही आने राती तिसरो भाग उजवाडो वेयो नाहा.
13
आने मायुय वेयो ताहा एक कुडो वादलाम वोचमे उडतुलो, आने मायुय तियाल मोडाहाकी ऐहकी आखता उनायो का जे तीन होरगामेने दुत कर्णे वाजवुनारे हाय तियाहान कर्णाहा वेनाऱ्या आवाजाहाकी तोरतीपने रेनाऱ्या माहांप अनर्थ, अनर्थ, अनर्थ आवे !
Chapter 9
1
फासे पाचव्या होरगामेने दुताय कर्ण वाजव्यो, ताहा एक तारो वादलामेने तोरतीप पोडलो मान देखायो, तिया ताराल अगाधकुपा कुची देदली आथी.
2
तियाय अगाधकुपा उगडाव्यो, ताहा मोड्या चुलामेने तुवाराहोस तुवारो कुपामेने निगीन उच्चे चोडलो आने कुपा तुवाराहाकी सुर्य आने अंतराळ ई आंधारेागुडुक वेयो.
3
त्या तुवारामेने टोलो निगीन तोरतीप आले आने तोरतीप विंचवास शक्ती हाय तेहकी तिया हाल शक्ती देदली.
4
ईयाहान ऐहकी आखलो का, तोरतीपणे चारो आने केल्लेबी निले चाडे, ईयाहान नुकसान केरा नाहा, पेन “जिया माहाप निंडाप देवा शिक्को नाहा” तीयाहान फक्त वोखो केरावा.
5
त्या माहांन जिवे मायनु परवानगी तियाहन देदीली नाय आथी, ता फक्त पाच मोयना वोखो देवनु आखलो, विसुलो माहाल नांगी वेचेहे ताहा तियाल जो वोखो वेहे तिया वोखा होस तो आथो.
6
त्यादिहाम माहि “मोत होदी, पेन तो तियाहान मिले नाय, ते मोतुखातोर खुब उत्सुक री पेन मोत तियाहासने सेटै नाही.
7
टोला आकार लाढाईखातोर तियार केल्या कोडाहोस आथो, तियाह मुनकाप जेहकी काय होनाहोस ताज आथो आने तियाहा मुय माहा मुयाहोसुच आथो.
8
तियाहा चोटे थेईही चोट्याहोस आथो आने तियाहा दात सिंहा दाताहोस आथा.
9
तियाहान उरस्त्राणे आथी ती लोखुंडा उरस्त्राणाहेास आथी आने तियाहा फाकडाहा आवाज लढाईम धोवडुणाऱ्या खुब कोडांहा रथा आवाजा होस आथी.
10
तियाहान विसुलाहोस सेपटी आने नांग्या हाेच आने माहान पाच मोयना वाेखो केरावनु तियाहा शक्ती तियाहा सेपटीम हाय.
11
अगाधकुपा दुत तो तियाहाप राजो हाय, तिया नाव इब्री भाषाम अबद्दोन हाय, आन ग्रीक भाषाम तिया नाव उपल्लुओन हाय.
12
पेहला अनर्थ वी गियो, वेरा, ईयाआगला आजी बेन अनर्थ आवनारा हाय.
13
फासे सहावा देवदुतांय कर्णो वाजव्या ताहा देवाहुबूरच्या होना वेदी चार कोपरामने हींगामने एक आवाज माय उनायो,
14
जीया सहावा देवदुतापाही कर्णो आथो तीयाल ती वाणी आखा लागी का, “फरात खाडीपाही” बांदी थोवला जे चार दुत तियाहान मोकला केअ.
15
तहा मनुषांमने तिसरो भाग माय टाकाखातोर ताे नेमलो तास आने दिही आने वर्षे याखोतोर जे चार दुत तीयार केले आथे ते सोडवाम आले.
16
कोताहा संख्या वीस कोटी आथी, तीयाहा संख्या माय उनायो.
17
तीया दृष्टांताम केडा आने तीयाप बोठला सवार मायु वेया ते एहकी, तीयाहान अग्नी आने नील आने गंधक इयासारखे उरस्राणे आथे आने तीयाहा कोडांहा मुनके सिंहाहोस आथे आने तीयाहा मुयामने आग, तुवारो आने गंधक इय निगते आथे.
18
तीयाहा मुयामने निगणाऱ्या तुवारा, अग्नी आन गंधक या तीन पीडांकी माहां तिसरो हिस्सो मोय गियो,
19
काहाका तीयाहा केडाहा शक्ती तीयाहा मुयाम आन सेपटीम आथी, तीयाहा शेपट्या हापाडाहोस आथ्या आन तीयाहान मुनके आथे आन तीयाही तीया माहांन जोखमा दीन पीडा देतल्या.
20
तीया पीडांकी जे मोये नाहा ऐहडा बाकीच्या माहांय आपु केल्या कृत्याहां पाशतावो केयो नाहा, म्हणजे पुतडांहा आन जीयाहान वेता, उनामा आन चालता आवतो नाहा ऐहडा होना, रुप्यांहा, पितला, डोगडा आन लाकडा मुर्तीही पागे पोडणु तियाही सोड्या नाहा,
21
आन तीयाही केला खुनाबोद्दल ‘जादुटोना, व्यभिचार आन चोऱ्या इयाबोद्दल पश्चाताप केयो नाहा.
Chapter 10
1
फासे माय शक्तीशाली एक ऐवदुताल होरगामेने उतता वेयो, तियाय वादलो फांगलो आथो. आने तिया मुनकापे मेघधनुष्य आथे, आन तिया सुर्याहोचे मुय आथो.
2
आन तिया आथुम एक उगवुलो हानो पुस्तुक आथो, तिहा तियाय तिया दिदोपाग समुद्राम आन उलटो पाग तोरतीप थोव्यो.
3
ताहा सिंहगर्जना होच मोडाहांकी आवाज केयो आने जाहा तियाय आवाज केयो, जाहा आवाज केयो ताहा सात आवाज उणायवुम आला.
4
जहा साती मेघ गर्जनाम तिया शब्द निह्या, ताहा माय लिखाआथो पेन आताहाम होरगामने आल्लो शब्द माय उणायो आने ती ऐहकी आथो सात मेघ गर्जनाय जे शब्द काड्या ते गुपीन थोव ते तु नाहा लिखोहो.
5
ज्यादेवदुताल माय समुद्राप आने तोरतीप उबी रेता माय वेयो तियाहाय तिया हुदो आथ होरगावेल उचे केयो.
6
आने जो युगानयुगा जिवतो हाय आने वादलाम जो हाय तोरती आने तोरतीप जे हाय, आने समुद्रा तीहीम जे हाय ते निर्मान केयो, तिया शपत लिन आख्यो, आजी वा नाय वे.
7
पेन सातवा देवदुता आवाज वी ताहा त्या दिहांम ताहा तो देवदुत कर्णा वाजवुला तियारीम री ताहा देवाय तियादास संदेष्टे दयाहान जो आखलो हाय तो पुरो वी.
8
आन होरगाम जो आवाज वेलो तो माय उणालाे ताहा मा आरी गोगता माय उणायो तियुय आख्यो का, “आने जे समुद्राप, तोरतीप उबीरेणारे जे देवदुत हाय, तियाहा आथुमने जो उगडुलो हानो पुस्तक हाय तो ली आव.”
9
ताहा जायन माय ती देवादुतापणे ताहा माय तो हानो पुस्तक दे ऐहकी आख्यो, ताह तियाहाय आख्यो, “इ ले, आने खाय जो, जाहा तु इयाल खाव ताहा तो डेडील कोडवो लागी पेन तो मुयाल मोदाहोचे गुलो लागी.”
10
ताहा माय देवदुता आथामने तो हानो पुस्तक लीन खाय लेदो, ताहा तो मा मुयाल मोदा होचे गुलो लाग्यो, पेन खादोताह डेडील कोडवो लाग्यो.
11
ताहा तियाय मान आख्यो, “जाहांका माहान, राष्ट्रांन अलग अलग भाषा गोगणारा लोकांना आने राजे इया बाबतीम तुयुय फाचे संदेश दा जोजे हे.
Chapter 11
1
फाचे मान मोजमांप केरा केता लाकडी होचे बोरु देवुलाम आलो आने मान आखुलाम आलो का उठ आने देवा मंदिराम वेदी आने तियाम जे उपासना केतेहे तीयाहा मोजमाप ले.
2
पेण मंदिरा बारेने चौवठो सोडी देजे तीयामान नाहा लेवह काहाल की तो बीज राष्ट्रान देदलो हाय, तो पवित्र नगर बेचाळीस मोयना चुराडो की.
3
आने माय मा बेन साक्षीदारांन अधिकार देहे आने त तरट वस्त्रे पोवीन ताहा ते एकहजार दोनशे साठ दिही देवा संदेश दि.
4
इ बेन साक्षीदार म्हणजे तोरती बोनवुणारा प्रभु हूंबूर उबी रेणारे बेन जैतुना चाडे हाय, आने बेन समया ते ऐ हाय.
5
जर एगी वेक्ती साकक्षीदांराल लुकसान की वेती वेरी ता तियाहा मुयामने आग निघीन तियाहा शत्रुन खाय टाकेहे, आने जो केडो तियाहान दुखावुनू प्रयत्न केतो वेरी तीयहान इयाप्रमाणे मारा जोजेहे.
6
साक्षीदार संदेश देवुला दिह्याम पांय नाा पोडा जोजे आखीन तियाहान बादलो बोंद केरुला अधिकार देदलो हाय तीयाहान पाया रोक्तो केणु अधिकार देदलो हाय आने तिया इच्छा वेरी तोताहां दिही, पृथ्वीप हरेक प्रकारचा रोगराई की वोखे केरावुला अधिकार तियाहान देदलो हाय.
7
तियाहा साक्ष पुरी वि ताहा अथांग कुपामने जो पशु बारे आवी तो तीया आरी लडाई की तियाहान जिकीली आने तियाहान माय टाकी.
8
तीही मोडा नगरा रस्तापे तियाहा प्रेते पोडी री, आत्मीक रित्या सदोम आने मिसन इयाहान आखलो हाय, आने जाही तिया देवाल क्रुस खांबाप टोकलो आथो.
9
हरेक समाजामने, वंशामने अनेक भाषा गोगणारे साडेतिन दिही तियाहा प्रेते बी तियाहा प्रेते कबरुम नाय थोवा दे.
10
आन जे तोरतीप रेणारे हाय, ते आनंद उल्लासा की आने एकमेकांन भेट मोकलावी काहाका की ते बेन संदेष्ट्याय तोरतीप रेणाराहान रोगराई की सतावले हाथे.
11
फाचे साडे तिन दिहांकी जिवना आत्मो देवापने आवीन तियाहाम विठो ताहां ते तियाहा पागुप उबे रीये ताहा तियहाय तियान वेये ताहा ते खुप बी गीये.
12
आने तियाय होरमने एक मोडो आवाज उणाये तीयाय तियाहान आख्यो, ऐहे उच्चे आवा ताहा तियाहान वादलाप बोहीन होरगाम जाता तियांहा दुष्मनाय तियाहान वेयो.
13
आने त्याच समयाप मोडो भुकंप वेयो ताहा नगरा दाहावो भाग पोड्यो आने भुकंपाम सात हजार लोक मोय गिये ताहा जिया जीव वाचालो आथो ते बी गीये, ताहा तियाय होरगामेने देवा गौरव केयो.
14
जाहा बिजो सकंट आवी गियो ताहा आने वेरातिसरो संकट माहारीच आवी रियो हो.
सातवो कर्णो
15
ताहां सातवा देवदुताय कर्ण बाज्यो, ताहा होरगाम मोडो आवाज वेया तिया बोल ऐहेकी आथो का, “जगामने राज्य ई आमा प्रभु हाय आने तिया ख्रिस्ता हाय, आन तो युगानयुग राज्य की”
16
ताहा देवा हुबूंर तियाहा जागाप बोहणारे चौविस वडील उपडे पोडीन देवाल नमन किन आख्या लागे.
17
“हे प्रभु देवा, हे सर्व समर्था जो तु हाय आने आथा तिया आमा उपकार मानतेहे काहाल का तो महान सामर्थ तुई लेदो हो, आने राज्य चालवा सुरुवात केईही.”
18
राष्टे खिजवाले हाय पेण तो क्रोधा समय आलो हो आने जे माले हाय तियाहान न्यायनिवाडो केणु आन तु जे तो दास हाय तो संदेष्टान पवित्र लोकांन आन जे तो नावु बिख तेतेहे तियाहान ऐहेनडा हाना मोडांन तिया वेतन देवुला समय आल्लो हाय. आन जियाहाय तोरती नाश केयोहो, तियाहा नाय केनु समय आल्लो हा.
19
ताहा होरगामने देवा मंदिर उगडुलाम आल्लो आन तिया मंदिराम तिया उरारा कोश डोवा हुंबूर देखायो आने विजा चोमक्या आवाज वेयो गाजीन भुकंप वेयो ताहा मोट्या गारा पोड्यो.
Chapter 12
1
होरगाम एक खुप मोडो चिन्ह देखायो, सुर्य पोवली एक थेय आने तिई पागु थुले आने तिई मुनकाप बारा ताराहां ताज आथो.
2
आने ती थैईल दिही आथा पोयराल जन्मदेता वेनाहाकी बोंबलुतली.
3
ताहा होरगाम बीजो एक चिन्हो देखायो, आने वेरा ताहा तीही एक मोडो लाल अजगर तीयाल सात मुनके आथे, आने दाहा हिंगे आथे आने तिया मुनकापे सात ताज आथा.
4
तीयाय तिया शेपटीही की वादलामने तिसरो भाग ताराहा ओचकी काड्यो आने तियाहान तोरतीप पाड्यो. आने जी थैय पोयराल जन्म देणारी आथी आने ति जाहा तियु पोयराल जन्म दी ताहा तियु पोयराल गिला आखिन अजगर तियु हुबूंर उभो रिगीयो.
5
आने ताहा भाठाहा राष्ट्रापे लोहदंडा अधिकार एहडां पोयराल तियीई जन्म देदो ताहा तीयी पोयराल देवा पाही आने राजासना हुबूंर उसलीन ली गिये.
6
ताहां ती थेय जंगलोम नाहीय गियी, आने तिही एक हजार दोनशे साठ दिही तियी कालजी ला जोजे आखिन देवाय तियी केता ठिकाण तियार केयो.
7
ताहा होरगाम युध्द वेयो मिखाएल आने तिया दुत ई तिया अजगरा आरी लढाई केई आने अजगर आने तिया दुत देखिल तियाहा आरी लढाई केई.
8
पेन अजगर आतो हो ताकतवर नाय आथो का तो जिकी जातो आने तियांहा आगाडी तियाहान आने तियाहां दुतांन होरगाम जागो नाहा रियो.
9
जियाल सैतान आखते हे तो माेडो अजगर तोच तो जुनो हापडो हाय तोच आखा दुनियाल ठोगावेहे, आने तिहापडाल तिया दुताहान आरी तोरतीप टाकी देदे.
10
ताहा माय होरगाम एक मोडो आवाज उनायो तिया बोल ऐहेकी आथी का, आने आमी आमा देवा तारण, सामर्थ, राज्य आने तिया ख्रिस्ता अधिकार हुंबूर आल्लो हा काहाका की आमा पावाहान दोष देणारा आमा देवा आगाडी होरगाम जो रातनेदिही दोष तियाल निचे तोरतीप फेकुलाम आलो.
11
आने तियाय मेंढरा रोक्ताकी आपु साक्षी वचनाहा की तियाल जिकी लेदो हो, आने तियाहान मोरा लाग्यो तेबी तियाहाय तियाहा जिवुप प्रेम नाहा केयो.
12
आखिन होरगाम आने हाराम रेणाराहा तुमा आनंद काहाल का तोरतीप आने दरियाप संकट आलो हो काहाका सैतान खुप रोगमे तुमा केता निचे आले हो, आपु समय थोडो बाकी आय ई तो जायनु हाय.
13
ताहा अजगराय वेयोहो का तियाल तोरतीप टाकी देदो हो ताहा जि थैईय जी पोयराल जन्म देदलो ती थैईय तो फासाडी फासाडी गीयो.
14
ताहा ति थेय ति हापडा आगाडीने उडीन जाय तिई जो जंगलामेने ठिकान हाय तिही निघी जाय आखिन तिईल बेन मोडा गरुडा फाकडे देवुलाम आले आने ति तीही हापडा की सुरक्षीत रेती वेला, एक समय, बेन समय, आर्धो समय तियी पोषण केणुम आलो.
15
ताहा ती थैय पुराम वोयाय जा जोजे आखिन ताहा हापडाय ती थैईय फासाडी तिया मुयामने खाडी होचे पाय वोयांयो.
16
पेन तोरतीय ती थेई मद्दत केई ताहा अजगाराय जी खाडी पांये ती थैई फासडा सोडलो आथो, तो पाय तोरतीय मुय उगडीन पि लेदो.
17
ताहा तो अजगर ती थेईप खिजवायो, ताहा तिई संततीमने जे वाचाले आथे देवा आज्ञा पालन केणारे आने देवा साक्ष देणारे तियांहा आरी लढाई केरा गियो.
18
ताहा तो अजगर समुद्रा कादुप उबो रियो ताहा अजगराये जी खाडी पाथे ती थैइ फासाडी सोडलो आथो तो पाय तोरतीय मुय उगडीन पि लेदो.
Chapter 13
1
आने माय वेयो का एक जनावार समुद्रामने बारे आवता देख्यो तिया दाहा हिंगे आने सात मुनके आथे तिया हिंगाहा पे दाहा मुकूट पोवलो आथा आने तिया मुनकाप परमेश्वरा निंदा केनारे नावे लेखले आथे.
2
आने मायुय जो जनावार वेलो तो बिबट्या वागा होच आथो तिया पाग आसाला पागाहा होच आथा आने तिया मुय सिंहा मुया होच आथो, तियाल अजगरांय तिया सोकती आने राज्य होपी देदी आने मोडो अधिकार तियाल देदो,
3
तिया जनावरा एका मुनकाल मोय जाय ओतो लागलो आथो तिया खातोर तो मोय जाय एहेंकी होमजायो पेन तिया लागलो हारो वि गियो आन आखी दुनियालनोवाय लाग्यो आने तिया जनावारा फाचाडी गियी.
4
आन तियाहाय ती अजगरा भक्ती केरा लाग्या काहाका तियाय तिया बादो अधिकार तिया जनावाराल देदलो आथो, आने तियाहाय तिया जनावरा भक्ती किन आखा लाग्या इया जनावरा होचे केडो हाय इया आरी केडो लडी सेकनारो,
5
आने तिया जनावराल मोड्या गर्वा गोठ्या आने अपमान किन गोगनारो मुंय देदलो आथो, आने तियाल इ केरा खातोर बेचालीस मोयना अधिकार देदलो आथो.
6
तिया जनावराय परमेश्वरा विरुध्द तिया नावा बद्दल तिया मंदीरा बद्दल आने होरगाम रेणाराहा बद्दल आने निंद केरा खातोर मुय उगडाव्या,
7
आने पवित्र लोकाहा आरी चुलायन तियाहान हारवा खातोर तिया जनावराल अधिकार देदलो आथो, आने बादा लोकाहा पे आने बादा कुळापे जुद्या जुद्या भाषा गोगनाराहा पे आने बादा देशाहांपे तियाल अधिकार देदलो आथो.
8
दुन्या उबजावी तेहे जिया लोकाहा नावे अर्पण केला मेडाहां जीवन पुस्तकाम लेखले हाय ते तोरतीपे रेनारा बादा लोक इया जनावरा भक्ती केरी.
9
तियाल उनाया खातोर कान हाय तो हारकी उनाय ले,
10
जो कचुरीम कोंडानु खातोर जियाल ठोरवुलो हाय तो नक्कीज कोंडाय जय आने जियाल तारवायी की मारा खातोर ठोरवुलो हाय तियाल तारवायी की माय टाकाम आवी.
तोरतीमेने उच्चे आल्लो कुत्रो
11
आन माय वेयो का आजी एक जनावर तोरती मेने बारे निगता देख्यो, तियाल मेडा हिंगाहा हाच बेन हिंगे आथे पेन तो अजगरा होच गोगतलो,
12
तो पेहेला जनावरा बादो अधिकार तियाखातुरुज तो सोता चालवुनेला जिया पेहेला जनावराल ठोकलो आथो तो हारो वी गेहेलो, तियाल तोरतीया आने तोरतीप रेणारा बादा लोक भक्ती केरा जोजे ऐहेकी तो केरावेहे,
13
तो मोअ मोडा चमत्कार केतुलो लोकांहा नजरी हुबूर वादलामनु तोरतीप आग उते एहेंडे कामे तो केतलो,
14
आने तियाल तिया जनावरा देखाम जे चमत्कार कीदेखावनु अधिकार हाय तो की देखाविन तो तोरतीप रेणारा लोकाहान ठोगावतलो आने तिया जनावराल तारवायी की ठोकलो आथो जो जिवतो हाय तिया तियाहाय मुरती बोनवाजोजे एहेंकी तो तरतीप रेनाराहान आखेहे,
15
बिहीरा जनावराल पेहेला जनावरा मुरतीम जीव पोय देवनु अधिकार आथो, तियाहान ती जनावारा मुरती गोगा जोजे आने एहेंकी केरा जोजे का जोताहाबी लोक तिया जनावरा मुरतील पांगे पोडे नेय तियाहान माय टाकावनु.
16
आने तो एहेंकी केरे का हाने हाण मोडे पैसा वाला आने गरीब आजाद आने गुलाम इयाहांय तियाहा हुदा आथो पे नेता निंडा पे एक निशाणी की ला जोजे,
17
आने ती निशाणी अर्थ तिया जनावरा नाव नेता तिया नावा ठरवुली संख्या हाय, तियो शिवाय केडाल बी काय बी वेचातो लेवाय नेय नेता वेचता नेय आवा जोजे.
18
इही ओकली काम हाय जियाल ओकल हाय तियांय तिया जनावरा नाव तियु संख्या पेने हिसाब केजा, काहाका ई एका माहां संख्या हाय आने तिया संख्या सहाशे साहासष्ट हाय.
Chapter 14
1
फांसे माय वेयो ताहा सियोन डोगा पे एक मेडो उबो आथो आण जियाहा निंडाहाम तिया आण तिया बाहाका नाव लेखते आथो, ऐहकी तिया आरी एक लाख चौरेचालीस हजार लोक तियाआरी आथा,
2
आन खुबूज मोठो जला तोडीपे पाया लाठाहा आवज आन वादलाम गाजेहे तिया आवाजा होस होरगा मेने आवाज आलो तो माय उनायो आन जेहेकी विणा वाजणारा तियाहो विना वाजताहा तिया होस आथो.
3
ते लोक राजगादी हुंबूर आन चार जनावराहां आने हायाहा हुंबूर एक नवो गीत आखतला, तो गीत ताेरती पेने वेचातो लेदलो एक लाख चौरेचालीस हाजार लोकाहांशिवाय केडोज हिकी नेय सेकतला,
4
थेअेई आरी रिने बारलाम नाहा जीये ते अजे हाय ते चोखे हाय जीही तीही मेढा पाठडो जाय तीयाहा फाचला चालणारे ते हाय माहाजातीमेने बोदला दिईन सोडवुले ऐ देवाल आने मेढापाठलोच पेअलो फोल अेहेडे हाय.
5
तियाहा मुया की ते खोटो नाहा गोग्या ते निर्दोष हाय,
6
फासे मायुय आजी एक देवदुत वादलाम वोचमे उडता देख्यो, तियाप तोरतीप रेणारा केल्लाबी देशाहाम जुदी-जुदी भाषा गोगनाराहान आन हरेक समाजाल परमेश्वरा वचना हाऱ्या गोठ्या आखा खातोर जोलम जुगी हारी बातमी आथी,
7
तो मोडाये बोबलीन आखा लाग्यो परमेश्वराल बीन चालजा आन तियाल मानपान देजा काहाका न्याय केनारो टाईम आवी गेहेलो हाय, आन जियाय जागे तोरती आण समुद्र आन पाया खाड्या उबजाव्या तिया पागे पोडा.
8
फासे आजी एक देवदुत तिया फाचाडी फाचाडी आलो आण आखा लाग्यो टुटी पोड्यो मोडो बोबल टुटी पोड्यो काहाका तियुय बादा देशाहां मेने लोकाहान तियु सिनाला धुंद, होरो पितेहे तेहेकी पाजलो आथो.
9
आण तिसरो देवदुत बिहीरा बेन देवदुतांहा फाचाडी आलो आण आखा लाग्यो जर केडो तिया जनावरा नेता तिया मुरती पागे पोडेहे आन तिया निंडाम नेता आथा पे तिया निशाणी गोंदी लेहे,
10
तेबी परमेश्वरा खिजवाय उठनु ई पियालाम फुल होरा होच हाय आन तो तियाल पियी आन तो पवित्र दुताहा हुंबूर आन मेडा हुंबूर आगी आण सिलगुनारा गंधका पिडाम पोडी.
11
तियाहां पिडा तुवारो युगानयुग उचे चोडतोज री तिया जनावराल आन तिया मुरती पागे पोडणाराहान आण जो केडो तिया नावा निशाणी गोंदी लेहे जियाहान दिहीन रात आराम नेय मिलनारो.
12
जे परमेश्वरा हुकूम मानीन चालणारा आन येशु ख्रिस्ता पे विश्वास ते पवित्र लोकाहाय सहन सोकतीम रेवनु खुब गरज हाय.
13
आय माय होरगामनु एक आवाज उनायो ती माल आखेहे इ लिख आमीलुग प्रभुम मोया ते आशिर्वादीत हाय आत्मों आखेहे खेरोज तियाहाल तियाहान तियांहा कष्टामनु सुटीन आराम मिला जोजे काहाका तियाहा कामे ता तियाआरी तियाहा फाचाडी जातेहे.
हंगाम आने तोरती नेदणी
14
ताहा माय वेयो आण वेरा एक उजलो वादलो आन माहा पोयरा होच केडो तेबी वादलाप बठोलो आथो, तिया मुनकाप होना मुकूट आन तिया आथाम एक कोडावलो दाहलो आथो.
15
फासे परमेश्वरा कोमेनु आजी एक देवदुत बारे आलो आन जो वादलाप बोठलो आथो तियाल तियाय मोठो आवाजाम आख्यो, इाहलो चालव आन वाडा चालुक काहाका वाडनु टेम आवी गियोहो काहाका तोरती पीक पाकी गियोहो,
16
फांसे जो वादला प बोठलो आथो तियाय तरतीप चालव्यो आन तोरतीपेने पिकांहा वाडणी वी गियी.
17
फांसे आजी एक देवदुत होरगामनु परमेश्वरा कोमेनु बारे आलो तियाप बी कोडावलो दाहलो आथो.
18
फासे आजी एक देवदुत वेदीमनु बारे आलो तियाल आगीप अधिकार आथो आन जियाप कोडावलो दाहालो आथो तियाल तियाय मोडा आवाजाम बोंबलीन आख्यो, तो कोडावलो दाहलो ले आन तोरतीपने दाराक्षा घुड पाकी गियाहा ते टोलो की ले,
19
ताहा तिया देवदुतांय तोरतीप हादलो चालव्यो आन तोरतीपनु द्राक्षा वेलालनु घुडा टोलो कीन परमेश्वराल रोग की आवेहे तिया मोडा दाराक्षा कुडांम टाकी देदो,
20
फासे तो दाराक्षाहा कुंडाम शेहेरा बारे पागाहां की चुव्ये आन दाराक्षाहा कुडामनु रोत उप्पे आलो, तो कोडाहां लगामील लागे ओती उचे लुग चोडी आलो आन शंभर किलो मीटर लुग वोय गियो.
Chapter 15
1
फासे मायुय होरगाम आजी एक महान आण नोवाय लागे एहेकी निशाणी देखी तियाहा पे सात पिडा आथ्या एहेकी सात देवदुत माय वेया, ते सेवट्या पिडा आथ्या काहाका परमेश्वराल रोग इया फासे पुरो वेनारो आथो,
2
फासे माय वेयो का जेहेंकी काय आगीम मिललो काचा होस समुद्र वेयो आण जियाहाय ति जनावराप आन तिया मुरतील आन तिया नावा संख्याल बी जीकी लेदलो आथो, ते तिया काचा समुद्रा पाही परमेश्वराय देदलो दाहालो लीन उभा आथा.
3
4
परमेश्वरा दास मोशे इया गानो भान मेडा गानो आखतुला सर्वसमार्थ परमेश्वरा तो कामे मोडाम मोंडे आन नोवाय लागें एहेकी हाय, हे प्रभु परमेश्वरा तु आख्याप लोकाहोप राज केतोहो तोअ मार्ग धर्मी आन खेरो हाय. हे परमेश्वरा तुल केडो बिनारो नेय आन तो नावा महिमा केडो केनारेा नेय काहाका तु एखलोज पवित्र हाय, काहाका बादा देशाहा लोक तो इही आवीन तो पागे पोडी काहाका तो नितीमत्वा आन धर्मी कामे प्रगट वेअले हाय.
5
फांसे माय वेयो आन साक्षी मांडवा परमेश्वरा होरगामने मंदिर उघडी गियो.
6
आन तिया मंदिरामनु सात देवदुत बारे आला तियाप सात पिडा आश्या तियांय चोखे चमकुनारे ऐहडे होणा पोतडे पोवले आथे आन सातीप सोमकी होना पट्टा बांदला आथा.
7
ताहा तिया चार जनावरामेनु एकाय तिया सात देवदुताहांन जो युगानयुग जिवतो हाय तियापरमेश्वरा रोगीहीकी पोल्या सात होना वाटक्या देख्या.
8
आने परमेश्वरा सामर्थ्या की आन उजवाडाहाकी जो तुवारो निग्यो तियाहाकी मंदिराम पोयराय गिया, आने तिया सात देवदुताहा सात पिडा पुरो वे तावलुग केडोज माज जाय सेक्यों नाहा.
Chapter 16
1
मायुय पवित्र जागामने एक मोडाकी आवाज उनायो आन ते तिया सात देवदुताहान आख्यो, जो आन देवाआ रोगोआ या सात वाट्या तोरतीप रीशव”
2
ताहा पेलो देवदुत गियो आन तियाय आपु वाटी तोरतीप रीशवी आने जिया लोकाहाप जिया जनावारा छाप आथो व जे तिया मुर्तील पागेपोडे तियाहाल खुब कायजाती आण त्रास देणारो एहडो फुडुल्या तियाल उपज्या.
3
फासे बिहरा देवदुताय आपु वाटी समुद्राम रीसवी आन तिया मोयमिलो माहा रगता सारखो रगत वेयो आन समुद्राम जिवनारे बाठे जिव माेय गिया.
4
तिसरा देवदुताय आपु वाटी खाडीम व पायाआ हाना वोल्याम रीसवी, आने तिया रगत वेयो.
5
आने मानाप उनाया आलो का , पाया देवदुत आखे “तु जो पवित्र हाय आने आथो तो तु नीतिमान हाय. काहाका तु ऐहकी नयाय केयो.”
6
काहाका तिया पवित्र जाआ आने संदेष्ट्याआ रगत पाड्यो आने तु तियाहाल रगत पिया देदो, काहाक ते यााच लायकी हाय.”
7
वेदय उत्तर देदो, तो मायुय उनायो का “इ बाठो सामर्थ्य देवा परमेश्वरा तो न्याय खेरो आने नीती हाय.”
8
चौथो देवदुताय आपु वाटी सुर्याउपे रीसवी आने तिया लोकाहाल आगी की सिलगावी टाका केता परवानगी देवाम आल्ली आथी.
9
लोक खुब तोपाकी हेकाये व तियाय या पिडाप जियाल अधिकार हाय तियाल देवाआ नावा निंदा केयी आने तियाल गौरव दाकेता तियाय पश्चाताप केयो नाहा.
10
पाचव्या देवदुताय आपु वाटी तिया पशु राजगादीप रीसवी आन तिया राज्या आंधारमय वी गीयो.
11
आन तिया क्लेशाम लोकाय आपु जीभ्या चाव्या.
12
त्याहाय आपु वोखाकी आन आपु फोडाकी होरगामेने देवा निंदा केयाी आन आपु कृतीई पश्चाताप केयो नाहा.
13
सहाव्या देवदुताय आपु वाटी महान फरात खाडी रीसवी आन पुर्वेहीने राजाहा वाट तियार केयी काहाका तिई पाय आटवाम आल्लो.
14
आन मायुय वेया की तिया अजगराआ मुयामने तिया पशु मुयामने आन तिया खोटा संदेष्टा मुयामनु डेडकाहोस तीन अशुध्द आत्मे बारे आले.
15
काहाका इ चमत्कार केनारे दुष्ट आत्मे हाय ते बाठो समर्थ देवाआ तिया महान दिहाआ लढाईकेता जगामने राजाल एकठे केया तियापाही जाय रीयहे.
16
वेरा आय चोराहोस आवे जो जागृत रेहे आन आपु पेतडे सामाले तो धन्य हाय, नेय तर तो उघडो फिरी आन ते तिया लाज वेरी, आन तियाय हर्यगिदोन एहकी इब्री भाषाम नाव रेनारे एका जागाप एकठे वये.
17
सातव्या देवदुताय आपु वाटी अंतरालाम रीसवी व परमेश्वरा मंदिरामने राजगादी होवेने एक मोडो आवाज आलो तियाय आख्यो वेयो.
18
आन विजा कडाकडा आवाज व गडगडाटा वीन मोडो भुकंप वेयो, तोरतीप लोक वेयो ताहा पत्र कीधी वेयो जाह ओतो मोडो भुकंप वेयो.
19
तिया महान नगराआ तीन भाग वेया, राष्ट्रे, नगरे पोडीगीये अन तो महान बाबेल तिया तियाल कोपाआ रोगा द्राक्षारसाआ प्याला लााजोजे काहाका देवाहुबूंर स्मरणाम लावी देदी.
20
आन हरेक बेट पोडीगीये व डोगा कीहिज नगर देखातो.
21
आन एक मण वजना मोड्या गारा वादलामने ऐठा लाेकाहा उपे पोड्या, आन तिया गाराआ पीडाकी लाेकाही देवाआ निंदा केयी काहाक तिया पीडा खुब मोडी आथी.
Chapter 17
1
फासे तिया सात वाट्या लेणारा जे सात देवदुत आथा तियाहामने एक आवीन माआरी गोग्यो, आने आख्यो, “ते तिया कोतेतबी जलाप बोठले हाय तिया महावेश्येआ न्यायनिवाडाआ आय तुले देखावुहू.
2
तोरतीपुन राजाहाई तिया आरी जारकर्म केये आने तोरतीप रेणारे तिया जारकर्माआ द्राक्षारसाकी मस्त वेये.
3
ताहा दुताय माल पवित्र आत्म्याम जोगलाम ली आलो आने माल एका किरमीजी रंगआ पशु बोठलो देखायो, तो देवनिंदात्क नावाकी पोरालो आथाे आने तियाल सात मुनके आने दहा हिंगाडे आथे.
4
तिया बाईस जांभला व किरमिजी पोतडे नेसीन होना व मोलवान रत्नाआ मोते याहा साज पोवीन आथे, तियी आथाम अमंगळ गोठ्या व व्यभिचारकी पोलो एक होना प्यालो आथो.
5
तियी निंडाप लेखलो नाव एक रहस्य आ महान बाबले तोरतीपने वेश्याआ आने अमंगळ गोठीई याहाकी.
6
आने मायुय वेयो की ती बाई पवित्र जावाहा रोगताकी आने येशु केत मायगीले तियारगत पिन मस्त वेयी आने तियाल वेताच आय मोडो नोवाईम पोड्यो.
7
ताहा तो देवदुत माल आखे तु नोवाय काहा वेया? आय तुल या बाई आने जो पशु तियील डीलाप उचे लिचालेहे जियाल सात मुनके आने दहा हिंगाडे हाय तिया पशुअ रहस्य आखुहू.
8
आने अतु जो पशु वेलो हाय जा आथो आने जाहा जो अगाधकृपाम आवी आण नाशम जाई आने स्थापनापेने जिया नावे जीवनाआ पुस्तकाम लीखले नाह एहेंडे तोरतीप रेणारे तिया पाशुल वेरी आने तु आश्चर्य केरी काहाका तो आथेा नाह आने आज हाय.
9
इही ज्ञानी महानाआ काम हाय ते सात मुने ई बाई जियाप बोठली हाय ते सात डोगा हाय.
10
आन सात राज हाय पाच पोडला हाय एक आन बीहीरो आजी आलेा नाह आन तो आवी ताहा तियाल खुब थोडो टाईम रापोडी.
11
आने तो जो पशु आथो आन नाहा तो आठवो राजो हाय तो सातामने वेलो हाय आन नाशाम जाय रीयोहो.
12
आन तुयुय वेलीहायती दाहा हिंगाडे दाहा राजा हाय पेन तियााल जिया पशुआरी एक घेडी राजासारखो अधिकार मिले.
13
तें एक मोताहाय ते आपु सामर्थ आन आपु अधिकार पशुल देतेहे.
14
ते मेढाआरी युध्द केरी आन मेढे तियाहाल जिकीली काहाका तो प्रभुअ प्रभु आन राजाहा राजो हाय आन जे तियाआरी हाय ते हादले आन निवडुले आन विश्वासु हाय.
15
आन तो माल आखेहे “तु जे पाया प्रवाह विरीयोहो जीयाप ती वेश्या बोठली हाय, ते जुइेजुदे समुदाय आन राष्टे आन जुद-जुदे भाषा गोगणारे हाय.
16
आने तुयुय वेयो की ती दहा हींगडे आने तो तिया वेश्येआ नाकार केरी, तियुल हुणाट आने नागरी करी तियु मांस आने तियुले आगीम सिलगावी.
17
काहाका तियाय मोनाआ वीन देवा वचन पुरो वे तावहुदू तिया इच्छा पुऱ्या केरा केता आपु राज्य पशुल दाजोजे ई देवाय तिया मोनाम टाकलो हाय.
18
आन जी बाई तुल देखाई ती तोरतीपेने राजाहाप राज्य केणारी मोडी नगरी हाय.
Chapter 18
1
तिया फासे मायुय बीहरा एका देवदुताल होरगामने ऐठा उत्ताम वेयो. तियाल मोडो अधिकार आथेा आने तियाआ तेजाकी तोरतीपे उजवाडो वेयो.
2
तो खुब ताईन आवाजाम बोंबलीन आख्यो “पोडीले ती महान बाबेल पोडली हाय. ती पुतडाहा वहती वेयी ही बाठा अशुध्द आत्मेल आने बाठा अशुध्द आन जोंगली चिडाहा आसरो वेलो हाय.”
3
कहाका तियु व्यभिचाराआ मद्याजो वेद लागलो हाय ते बाठा राष्ट्रहाल प्याली हाय आने तोरतीही राजाही तियाआरी व्यभिचार केलाे हाय ति शक्तीशाली संपत्तीकी व ऐषो आरामाकी तोरतीप व्यापारी मालदार वेले हाय.
4
ताहा मायुय होरगामने आजी एक आवाज उनायो.
5
काहाका तियी पापे वादलाहुदू टेकीजाय आन तिया वाइट कृतीही देवाई इतव्यो.
6
तियीय तुम्हाल देदेा तहकीज तियल परत दे तियुय जो काय केलो हाय तिया केता बेन पट तुमा तियुकेता केरा.
7
तियीय सोताहा जातोह गौरव व ऐशोआराम देदो तो तहो प्रमाणाम तियील छळ आने दुख दष्या काहाका ती सोताहा जोतो गौरव व ऐषोआराम देदो तो तज प्रामणाम तियुल छळ आन दुख द्या. काहाका ती सोताहा मनाम आखे आय राही वीन बोठली हाय आय विधवा नाहा दुख वेणारी नाहा.
8
याकारणाकेता तियुप एकुज दिही पीडा आवी, मरी, शोक आन दुष्काळ. ती आगीकी पुरी शिलगावी जा काहाका तियु केणारो परमेश्वर देव सामर्थ्याशाली हाय. ई म नगरी ई पराक्रमा नगरी बाबेल काहाका एकाम तो न्याय केराम आल्लो हाय.
9
आने ज्याहाय तियुआरी जारकर्म केयो, जे तियुआरी विलासाम रीये, ते तोरती राजातियु शिलगुणू तुवारो ते वेरी ताहा तियुकेता ते रोडी आने उर काडी.
10
ते तियु पीडाआ बीन दुर उभे रीन आखी “ती आखतुली माआ लोकाहा तियुमने बारे आवा काहाका तुमा तियी पापाहा भागीदार वेरा नेय जोजे आने याकेता की तिया केल्लीबी पीडा तुमाहाप आवा नेय जोजे.
11
आने तोरती व्यापरी तियुकेता रोडी आने शोक केरी काहाका आमी तिया माल केडाेज वेचातो लेणाराे नाहा हाय.
12
हाेनो रुपो हिराआ आने मोत्याआ माला तेहकीज तलम तागाआ कापड जांभ कापड, रेशमी कापड, आने किरमिजी कापड आने बाठा प्रकाराआ सुगंध लाकडे आने बाठा प्रकारआ हस्तिदंती तेहकीज बाठा प्रकाराआ खुब किमिती लाकडे पितलो, लोखंडा आने संगमरवरी पात्रे.
13
दालचिनी आने कुटणु मसाले, धुप सुगंघ तेल आन ऊद, द्राक्षारोसो, तेल, सपीठ, आने गहु आने जनावरे, मेढे, कोडे आन रथ आने दास माहाजीव आके माल तिया केडो वेचातो लेणारो नाहा.
14
आन जिया फोलवा तो जीवाल वसना हाय ती तो आगला वीन गहिली हाय बाठा स्वादिष्ट आन विलासाआ पदार्थाआ तो पाहीने दोबी गीले हाय ते या आगला केडाल फासे मिलणार नाहा.
15
आने चिलतीज साधन वेला तिया व्यापाऱ्या ई तियु पीडाई धाकाम दुर उभोरीन रोडीन शोक केरी.
16
आने आखी, ‘हाय ! ई मोठी नगरी ! इ जांभली आने किरमीजी पोतडे पोवीन होना आने हिरामोत्यांहा साज पोवुतली.
17
‘कोता खुब मालमत्ताआ एकुच तासाम नाश विगीलो हाय’हाय ई माहान नगरी समुदाय जिया गलबत आथी ते बाठा ईयु मालमत्ता बुडी गीले हाय, काहाका ई एका घटकाम उजाड वीगीयो.
18
आन तियाय तियाी शिलगुणू तुवारो वेयो ताहा बोबलीन आखलाग्या, ‘केल्लीनगरी इया मोडी नगरी सारखो हाय.’
19
आन तियय आपु मुनकाम उदलो टाक्यो, ते रोडीन आने शोक केरा लाग्या, बोबलीन आखा लाग्या ‘ हाय ई माेडी नगरी ई जांभा आने किरमीजी पोतडे पोवहीन आने हिरा माेत्याहाेसज पोवीन ती
20
ओ होरगा आमा पवित्र जाहा प्रेषिताआ आन संदेष्ट्याआ तियीपने आनंद केरा काहाका देवय तियुल दंड दिन तुमा न्याय केलो हाय.
21
ताहा एका ताकतवार देवदुताय माेठा जातीई तळादास एका डोगडो लेदा, ता समुद्राम फेक्यो आने तो आखा लाग्यो, “एहकीज ती माेडी नगरी बाबेल जारमे ऐठा टाकाम आवी आने फासे किदीज सापडे नाय.”
22
ताेम वीणा वाजवुनारा आवाज, संगीतकार, पावी आने तुतारी वाजुनारा आवाज या आगाडी कोधीच उणाया आवणारो नाहा. तुपे केल्लोज धंद्याहा कारागीर आयागाला कीधीज तुल सापडे नेय आने तुपे जात्याहा आवाज या आगला कीधीज उणाया आवे नाय.
23
आने तुपे दिवाआ उजवाडो या आगला कीधीज देखाणारा नाह तुपा बोडला आने वोडली आवाज यागाला उनाया आवणारा नाहा. काहाका तो व्यापारी ई तोरती मोडा लोक आने तो काली विद्या की बाठा राष्टे फसवुले हाय.
24
आने तियी संदेष्टाहा पवित्र जाहा आने तोरतीव जे वधकेले तिया बाठा रक्तो सापड्योहो.
Chapter 19
1
ई गोठ पाछला मायुय एक मोडो टोला मोडो आवाज स्वर्गाम उनायो, ते आखेहे “ हालेलुया” आपु देवुल तारण माहिमा आने पराक्रम हाय”
2
काहाल का तिया न्याय खेरो आने नीतीमान हाय काहालका जी महावेश्या (मोडी वेश्या) तियुय व्याभिचार किने तरतील भ्रष्ट केयी, तियाय तियु न्याय केलाे हाय आने तिया सेवका रगतु बदलो तियपने लेदलो हाय.”
3
ते बिहीरी दावा आखेहे “हालेलुयाहा, तियु तुवारो कायम (युगानयुग) उच्चे चढतो जाहे.
4
ताहा ते चोवीस वडील आने चार प्राणी उबडु पोडीन “राजासनापे बोठलो देवाल नमन केअता आखतुला आमेन, होलेलुयाहा” .
5
आन राजासनापेने एक आवाज (वाणी ) वेयो आखेहे, “ओ आमा देवा बीख राखनरा बादा हाना मोडा सेवकाह तीया स्तुती केरा.”
6
आन मायुय मोडा टोलो मोठो आवाज उनायो आने आवाज आवेहे तेहकी मेघा मोडो गडगडाट आवाजा होस आथेा ती आखेहे “हालेलुयाहा, तारण महिमा आन पराक्रम आपु देवा हाय.”
7
आवा आपुहु आनंद किहु हर्ष किहु आने तियाल महिमा गौरव दिहु काहालका कोकरा वोराडुल तेलाे हाय आने तिया वोवडीही तियुय पोते तियारी केअली हाय.
8
तियुल तेजस्वी आने शुध्द बारीक राणा कपडे पोवा देदले हाय ते बारीक राणा कपडे तेता पवित्र लोकाहा नीतिमान कामे हाय.
9
आने तोअ देवदुत मान आखेहे लेख कोकरा वोराडा मोडो हादला तीयाहान धन्य हाय, तोअ मान आखेहे ई देवा सत्यवचन हाय.
10
आने माय तियाल नमन केअरा तिया पागाही उबडु पोड्यो पेने तियाय मान आखे ऐहकी माआ केहो.” माय तोअ आऱ्यो आने येशु साक्षी ज्याप हाय तोआ पावुहू हेगात्यो हाय. देवाल नमन केअे काहाल येशु बाराम साक्षी ई भविष्यवाणी आत्मा हाय.
विजयशाली ख्रिस्त
11
ताहा मायुय वेयो की स्वर्गो उघडी गीयो आने वेरा एक उजलो कोडो आन तीयाप जो बोठलो आथो तीया नाव “विश्वासु आने खेरो हाय.” तोअ नीतीवाय न्याय केअेहे आने युद्ध केअहे.
12
तीया डोवा आगी होच आगीमेने निघणारा या जीभी होच आथ्या आने तीया मुनको खुब मुकूट आथा आन तीया एक नाव लिखलो आथो तो तीया शिवाय केडो जाअतला नैय.
13
तीयाय एक रगतावाय पिजवुलो झब्बो झगो पोवलो आथो, आन “देवा शब्द, ई नाव तीयाल देवाम आललो आथो.
14
आने होरगामेने सेना उजला कोडाप बोहीन उजले चोख्खे (शुभ्र) बारीक तलम तागा पोतडे पोवीन तिया पाछला पादाल जातला आथा.
15
आन तियाय राष्ट्राप प्रहार केरो जोजे काहाका तिया मुअयामेने एक धारदार तरवार निधी “ तो तियाप लोखुंडाछोडी वाय सत्ता केरी तो सर्व सामर्थ्य देवा भयानक कोप दाराक्षाहां कुडाम आलीई.
16
तिया झब्बाप आने तीया मांडीप “राजाआ राजा आने प्रभु प्रभु” ऐहकी नाव लिखलो हाय.
17
आन मायुय वेयो की एक देवादुत सुर्याम उभलो आथो तो आकाशाम उडणारा सर्व पक्षाल मोडो आवाजावाय बोबलीन आख्येहे, आने “देवा मोडा भोजनाखातोर जमा वेरा.”
18
म्हणजे तुमा राजा सेनापती मांस खांआ बलवान पुरुषांहा मांस खाआ, केडो आने तियापा बोहणरा मांस खाआ, स्वतंत्र आने दास, हाने अने मोडे ऐहकी होगाज मास खाआ.”
19
आने मायुय वेयो की तो जो कोडाप बोठलो आथो तियाआरी आने तिया सेनेआरी लढाई केरा तो पशु आने “तरती राजे” आने तिया सेना एकठे आलले हाय.
20
फासे तिया पशुल आन तियाआरी तिया खोटा संदेश देणाराल तेअराम आलो तिया तियाहुंबूर चिन्हे किईन तिया पशुय शिक्का लेनारा व तिया मुर्तील नमन केअनाराल ढोगलो आथो तिया बेनाहान “गंधकावाय बोलणारा” आगी खाईम जिवते टाकाम आले.
21
बाकी लोक जो कोडाप बोठलो आथो तिया मुयामेने बारे आवनारी तरवारीवाय माय टाकाम आले आने तिया “मासावया होगेज पक्षी तृप्त वेये.”
Chapter 20
1
आने माय वेयो की एक देवादुत आकाशा मेने निचे आलो तिया हाताम आगाधकुंडा कुच्या आने एक मोडी हाकल आथी.
2
आने जियाल “दियाबल" / अजगर / हापडो आने “सैतान” आखतेहे तिया जुनमिने “हापडो” म्हणजे तीया अजगराल तियाय तेयो, एक हजार वर्षा खातोर तियाल बाध्यो.
3
आने अधाहाकुडाम टाक्यो, आने तियाम बोद किन तिया उच्चे शिक्को लागव्यो म्हणजे तीन हजार वर्षे पुरे वेरी हुद तियाय देशाहान ठाेगावे नेय, फासे तियाल थोडो टॉईम सोडुलो जरुरी आथो.
4
ताहा “माय राजासने वेयो” आने तियाप जो केडो बोठलो आथो “तियाप न्याय निवाडा देवुलाम आलो.” आने येशु साक्षीखातोर आने देवा व खातोर जिया स्वच्छेने तोडी टाकाम आललो आथो, अन तिया पशुल आने तिया मुर्तील जियाय पागे नाहा पोड्ये आने निडाम आने हाताम तिया शिक्को नाहा लेदो तिया आत्मे माल देखाये ते फासे जिवंते वेये व तियाय ख्रिस्ताआरी माल देखाये ते फासे जिवते वेये व तियाय ख्रिस्ताआरी एक हजार वर्षे राज्य केयो.
5
पेने तीन हजार वर्षे पुरे वे ताव हुदी बाकी मोय गेहले फासे जिवते वेये नाहा ई वेयो पुनरुत्थाना हाय.
6
जियाल पेला पुनरुत्थानाम भाग हाय तो धन्य आने पवित्र हाय ऐडाप बिजो मृत्यु अधिकार नाहा तर ते देवा आने ख्रिस्ता “याजक” वेरीई आने तियाआरी एक हजार वर्षे राज्य केरीई.
सौतानाल मुक्त केअनु आने शेवटूली झोटापट
7
जाहा तीन हजार वर्षे परवाय ताहा सैतानाल तिया कैदु मेने सोडाम आवी,
8
आने तो तरतीप चारीहोरी कोपरामने गोग आने मोगोम इया देशांन लढाई खातोर एकत्र केरी आने तो तियान ठोगाखातोर बारे निगी, तीया संख्या समुद्रामेने रेटाअ ओती हाय.
9
तो तरतीप “फैलाई” गीये आने तियय पवित्र लाेकान कौआबान आने तिया “प्रिय” गावाल वेटाली लेदो “ताहा होरगामेने आग उती आने तीयाय “तियाहान” गिई लेदे.
10
आने तियान फसविलेदला सैतानाल “आगीम आने गंधका खाईम टाकाम आलो ता पशु आने खोटा संदेश देणारा हे तिहीच हाय तीही रातीआने दिही सदासर्वकाळ पीडा भोगीई.
होग्गा सामान्य माहां पुनरुत्थान आने शेवटलो न्याय
11
ताहा मायुय एक मोडो उजलाे राजासन आने तियाप जो “बोठलो” आथे तिया वेयो, तिया उपस्थितीमेने तरती आने आकाशबी निघी गिये आने तियान किहीज जागो मिल्यो नाहा.
12
फासे मायुय मोलान (मोई गेहलाहान), हानान आन मोडाहान इयान राजासना हुबूर उभी रेहले वेये ताहा पुस्तके उघउावाम आले, फासे आजी एक मोडो “पुस्तक” उघडाम आलो ते “जीवना” पुस्तक आथो, आन तिया पुस्तकाम लिखलया गोठीवेने जियातिया कामाप्रमाणे मोअलांहा न्याय केराम आलो.
13
समुद्रामेने आपुमेने मोय गेहले आथे ते देदे आने मोअले आन मोय गेहले आथे ते देदे, तिया कामाप्रमाणे तिया हरऐकाल न्याय केराम आलो.
14
आन मरण आन मृतलोक आगी खाईम टाकी देवाम आले ई बीजो मरण (दुसरो मरण) हाय, आगी निचे म्हणजे बिजो मरण.
15
अन जिया केडा नाव “जीवना” पुस्तकाम लिखलो मिल्यो नाहा, यिताल आगी खाईम टाकाम आलो.
Chapter 21
1
आने मायुय नवो आकाश आने नवी तोरती ई वेयो, काहाल पेलो आकाश आने पेली ताेरती ई निघी गेहली आथी आने समुद्रबी रीयो नाहा.
2
आने मायुय ती “पवित्र नगरी, नवो यरुशलेम देवाही ने स्वर्गामेने निचे आवाता ऐहकी वेयी ती वोल्ला खातोर साज सामान पाेवीन तीयार वेली वोल्ही होच देखातली आथी.
3
आन मायुय राजासनामेने एक मोडी वाणी उनायो, आखतलो “वेरा, देवा मांडवो, माआहाम हाय तो तियाआरी वोहती केरी, ते तीया लोक वेरी आन देव सोता तियाहाआरी रीई.”
4
तो तिया डोवामेने होगेज आहावे पुसी आने इयाआगला मरणु रेनारो नाहा, “दुख, आक्रोश आन क्लेश वेनारो नाहा काहाल वेल्या गोठ्या विई गेहल्या हाय.”
5
ताहा राजगादीप बाेठलाई आखा लाग्यो, “वेरा, मायुय होगोज काय नाेवो किई दीहु आन तियाय माल आख्यो लिख, काहाका ई वचनेविश्वास केईला सारखे आन खेरो हाय.”
6
आन तियाय माल आख्यो, “इया गोठ्या वेल्या हाय, माय अल्फा आन ओमेगा, पेहला आन सेल्लो हाय.” जो फाहाप्यो वेरी तियाल माय जिवना झऱ्या पाय मोफत देहे.
7
जो जीत मिलवीलेहे तो इया होग्याज गोठी वारस विईन मिलवी लिई, माय तिया देवा वेअहे आन तो माआ पोयरो वेरीई.”
8
पेन बिनारा, अविश्वासु, अमंगळ, खुनी, जारकर्मी, चेटकी, मुर्तीपुजक आने लोबाड इयान आगीम आन गंधकावाय बोलणारी खाईम वाटो मिली ई बिहरो मरण हाय.
9
फासे जे सात देवदुतांही तिया सात शेवट्या पीडावाय पोरालयासात वाटक्या लेदल्या आथ्या तियामेने एक आवीन माआआरी गोग्यो, आने माल आख्यो, “ऐहे आव, माय तुल वोल्ही, कोकरो देखावुहू”.
10
ताहातियय माल आत्माम एका मोडा रंचा ढोगावे लिई गियो आने तियाय माल ती पवित्र नगरी यरुशलेम दवा फाहीने स्वर्गांमेने निचे उतता देखावी.
11
यरुशलेम तियामेने “देवा तेज” आथो आन तिया तेज अतिमुल्यावान खुब किमती खोडा होच स्फटीका होच चमकुणाऱ्या यास्फे(हिरा) रत्ना होच आथो.
12
तियाल मोडो आन उच्चो तट आथो तियाल वारा वेशी आथ्या, आन वेशी आगला बारा देवादुत आथा आन तियाप “नावे” लिखलो आथे ती इस्त्राएला बारा वंशजाहा नावे आथे.
13
“पुर्व दिशा वेला तीन वेशी, उत्तरेवेला तीन वेशी, दक्षिणावेला तीन वेशी आन पश्चिमेवेला तीन वेशी आथी.”
14
आन नगरी तटाल बारा पाग आथा, तियाप कोकरा बारा प्रेषितांहा नावे आथे.
15
आन जो माआआरी गोगतलो आथो, तियापाही तियु नगरी तियु वेशी व तियु तटाच माप लाआ एक होना “वोही” आथी.
16
ती नगरी चौकोनी बांधली आथी, आन तियु लांबी जोअती आथी तोतीज रुंदी आथी, आने तियाय बोईवाय माप लेदाे ते साडे सातशे कोस पोरायो, तियु लांबी, रुंदी आने उंची इया समान आथो.
17
आने तियाय “तटा माप लेदो,” ते माआहा म्हणजे तिया दुता हाताहोच एकशे चौरेचालीस हात पोरायाे.
18
तियु तटा बांधकाम यास्फे रत्ना आथो, आन नगरी स्वच्छ काचा होच शुध्द होना आथी.
19
आन नगरी पायो आने प्रकारा “मोलवान डोगडांहा” लागवीन तियाकली आथी पेला पायो यास्फे, दुसरा निलमणी, तिसरा शिवधातु, चवथा पाचु,
20
पाचवा गोमेदा, सहावा सार्दी, सातवा लसव्या, आठवा वेडुर्य, नववो फुष्कराज, दहावा सोनलंसणी, अकरावो याकीथ, आने बारावो पद्यराग.
21
आने बारा वेशी बारा मोत्या आथ्या, हर एक वेश एका माेती केली आथी नगरी रस्ते शुध्द होना पारदर्शक काचे होच आथो.
22
आने माय तिही भवन वेयो ताहा काहाका सर्वसमर्थ प्रभु देव आने कोकरा होच तियु भवन आथो.
23
आन तिया नगरील उजवाडो दाआ खातोर सुर्य किंवा चंद्रगरज नैय आथी काहाका “देवा तेज तियाल उजवाडो देहे आन कोकरा तियु दिवो हाय.”
24
राष्टे तियु उजवाडाम चालीई अन पृथ्वी राजे आपु वैभव तिवुम लावीई.
25
तियु वेशी दिहा किदीबी बंद केलो जानारो नाहा, आन तिही रात रेअनारी नाहा.
26
तिया राष्ट्रपेने वैभव आने मानपान तियाम लावी.
27
तिही केलीबी अशुध्द गोठ नेयता अमंगळपणा कृती केअनरो अथवा लाेबाडी केअनारे केडोबी माअहु केलाबी प्रकारे प्रवेश केअनारो नाहा, पेन कोकरा जीवना पुस्तकाम जिया नाव लिखवाम आल्लो हाय तियान प्रवेश मिली आने माज जाता आवी.
Chapter 22
1
फासे देवाताय माल जीवना पांया एक खाडी देखावी, ती खाडी स्फटीकाहोच साफ आथी, ती खाडी देवा आन कोकरा राजासनामेने निगे आन नगरा सोडका मिसमे वोयाय.
2
खाडाी बेनी वे बारा जातीही फोले देणारे जीवना जाडे आथे, ते हरऐक मोईनाम आपु फोले दे. चाडा पाने राष्ट्रांहा आरोग्या खातोर खुब उपयोगी पोडे.
3
त्या नगराम इया आगाडी केल्लोबी शाप नाय रे, तीयाम देवा आन तीया कोकारा राजासन री, माआही तीया सेवो केअरी.
4
आन “ते तिया मुये वेरी” आन तीया निंडावा देवा नाव लेखलो री. तीया नगराम इया आगाडी कोधीच आंदारो वेय नाय.
5
लोकाहान उजवाडो मिलवा खातोर केल्लाबी दिवा आन सुर्या गोरोज पोडणारी नाय. काहालका प्रभु देव आपु उजवाडो तियाहा पाडी आन ते युगानयुग राज्या केरी.
समाप्ती
6
फासो देवदुताई माल आख्यो, “ इ शब्द विश्वासयोग आन खेरे हाय. संदेष्ट्यांहा आत्मा देव जा प्रभु हाय, तीयाय जीया गोठ्या माहारुज वेरा जोजे, तीया आपु दासांहान आखा खातोर आपु दुत मोलुलो हाय.
7
“ वेरा आय माहार आवेहे. इया पुस्तकामेने संदेश वचनांहा जो पालन केहे, तो धन्य हाय.”
8
जीया माहांई ए गोठ्या उनाया आन वेयाहा तो माहु आय हाय, योहान हाय. जाहा मायु ए गोठ्या उनाया आन देख्या, ताहा ए गोठ्या मान देखावणाराे देवदुता पागाही नमन केरा आय पोड्यो.
9
पेन देवदुत मान आख्या लाग्यो, “ ऐहकी मा केतो, आय तो बराबर हाय आन तो पावुहू जे संदेष्टे, जे या पुस्तकाम नमुद केल्या वचनांहा पालन केतेहे, तीयाहा आरी काम केअनारो देवा एक दास हाय, देवा पागे पोडा.”
10
फाचे देवदुताय मान आख्यो, “तु या वचना शिक्को मारीन बोनद मा कि देहो भविष्यवाणी या पुस्तुकामने वचने दोबावी मा थोवोहो काहाहका ए वेरुला दिही पाही आवी गेहला हाय.
11
जो माहु अनीतीमान हाय तो अनीतीमान रे जो अपवित्र तो अपवित्र रे, जो धर्मी हाय ते धर्मी ही केता री, जो पवित्र हाय तिया आजी पवित्र पोणाकी चाला दे.
12
माय माहारीज आवेहे आने बाद्दान जित तिया कामु हिसाबाकी दा खाेतार माही वेतन हाय.
13
मायज अल्फा आने ओमेगा हाय, मायूज पेहलो आने सेल्लो हाय, हायज सुरवात आने मायज अंत हाय.
14
धन्य हाय ते जे तिया पोतडे तुवी लेतेहे तियाहान जीवना चाडवा फलवो खावुला अधिकार आने ते दारवाजामेने विहीन नगराम जावुला अधिकारी वी.
15
पेन “कुत्रे, डाकने, जादुटोणा केअनारे, व्यभिचारी, मुर्तीपुजा केणारे, आने वाणी वाणी रीत्या लबाडो पोटणारे आने ठोगऱ्या गोठ्या गोगणारे इ बारे री.
16
आने साेता मान येशुय तुमा खातोर आने मंडळी खातोर ए गोठी साक्षी दा खातोर तिया होरगादुत मोकलुलो हाय, माय दाविदा कुटूबांमने एक वंश आने वेगऱ्यो चोकमुनारे तारो हाय.
17
आत्मो आन वोल्ली एहेकी आखतेहे का “आव आन जो केडाबी इ उनातो वेरी तो एहकी आखेहे का “आव” आन जीयाल फापी लागली हाय तो आवी आन जीयाल बी जोसतो वे तो फुकट्यो मिलणारो जीवना पायी पी.
18
इ पुस्तका भविष्यकालुमने लेखले वचने जो उनाये तियाल माय गंभिरपोणाकी सावधान किहु पेन जाहा एगदो इ पुस्तुकाम भर लागवी ता ई पुस्तकाम लिखल्या पीडा देव तियाप लावी.
19
आन जो केडोबी भविष्यकालुमने गोठी संदेश देणारो इ पुस्तुकामने काडी टाकी ता ज्या गोठीबाबतीम इ पुस्तुकाम लेखलो हाय त्या जीवना चाडवा आन पवित्र नगरा वाटो देव काडी ली.
20
जो येशु ई गोठी साक्षी देहे, तो आखेहे “हा मा माहारीज आवेहे” आमेन. आव प्रभु येशु आव.”
21
प्रभु येशु कृपा देवा बाद्दा पवित्र लोकाहो आरी रे.
