1
ክራ ሳኦልድዅ ደምቢ፡ ዳዊት ኣማሌቅሲ ቂልሲሶ ወንተሮ፡ ጺቅላግትል ለጛ ኳራ ጨበሩዅ።
2
እን ሲዀር ኳሪልኻ፡ እናሓን፡ ላዅ ግርዋ መስከብ ሳኦልድዅልድ ኒሰረጝሲ ቐደዶ ኒኣዀርልኽር ቝሻ ነስነሶ እንቱዅ፣ ዳዊትል ገእዮሰናኻ፡ ብሪል ሉም ዮ ፍግም ይዅሉ።
3
ዲዊትኻ፡ “ኣወትልድ እንትሩዅን፧” ዮ ወጝቀርዅሉ። ንኻ፡ “መስከብ እስራኤልዱዅልድ ሹልቝራኽር ግን” ዮ ወንተስዅሉ።
4
ዳዊትኻ፡ “እን ጋር ኣውሰና ኣኽዅን፧ ኵዓይብ ድዊለ” ዮ ወጝቀርዅሉ። ንኻ፡ “እን እክ ሓርብልድ እግሩዅ፡ እን እክልድር ገሪው ለብኑዅር ክርኑዅር፡ ሳኦልዲ ዮናታን ኒእዅረድኽ ክርኑዅ” ይዅሉ።
5
እንሲን ዳዊት እን ድወዅሉ ሻሎተስ፡“ሳኦልዲ ዮናታን ኒእዅረዲ ክርነት ኣዋህብርደ ኣለለይርዅን፡” ይዅሉ።
6
እን ድወዅሉ ሻሎታኻ፡ “ይገራሃትድ ጊራ ጊልባዖሩኽሊ እንትዅን፡ እናሕንኻ ሳኦል እኝሽኽሊ ተንከብሶ ደውዮ ዋኑ፡ ሰረገላትዲ ኣፍሩስዲ ለሸክንዅሉ፣
7
ኒገሽ ደምቢራ ግልጭ ዮሰና ቋልዅለ እማ ሽጝዅለ፡ ኣጝር፡ ‘ውራ እሲን’ ይዅንሉ።
22 እኝሽኽ ዮናታንዱዅ ብር እን ሰብስተውልድር፡ ሳዃ እን ፋርሳንዱልድር ደምቢራ ወንተርድላ፣ ሰፍ ሳኦልዱዅዃ ካያ ወንተርላ።
23 “ሳኦልዲ ዮናታንዲ ፊዅትድ ዋኑኑ፡ እኺርኺርሲ እጝከለውዲ ተሰማመዓውዲ እርግኑዅ፣ ክሩኑንሰነክኽር ሲርስጚኒ፡ ንስሪሪልድ ዋወው፡ ገመኒልዳ ሒለቲተው እርግኑዅአ።
24 “ዎ እስራኤልዱቍር! ካብር ሓሪር ቀሚሽ ሰሱኩም እርጋዅድ፡ ደሀብዲ ዘቦርዲሲ ሽኻርዳኸድኩም፡ ሳኦልሲ ስራሉ!
25 “ሓርብ ነበክል ፋርሰን ኣዋህቢነ ለብኑዅን፧ ዮናታን ጊት ዳግል ክውስተ ለቡዅ። 26 “ዎ ይዳን ዮናታን! ኣን ኵሰበትድ ኣቕትራሲክ ሓዝንዅን፡ እንቲ ይድ ትክያዅ እጝከልሱራ እርግሩዅ። ኵእጝከሊ ይድ ፈከርዳዅ እርጉዅ፣ እናሓን እጝከሊ ኣጝቒሩዅልድ ታባዅ እርጒዅ። 27 “ሒለቱ ኣዋኺነ ለብኑዅን፧ ሙዅር ሓርቡ ኣዋኸ ነፍዓገው ኣኺዅን!”
2 እማ ዳዊት ለጛ ኒእኵንዲ ኬብሮትል ፈሪዅ፣ 3 ኒሰናኽር ዳዊት እን ኒዲ እርገው ከውሲ ናኣዳምዲክ ናቕስኽሎም፡ ናውር ከብሮንዱ ዕርዲራታተል ከፍ ይኑዅ። 4 ከው ይሁደሩኽር ከብሮንትል እንትኑዅ፣ ኒልኻ ዳዊቲ ቀብእኖ ይሁደር ልጝል ሰየምንዅሉ። ሶኦልቲ ደበውሉ ከው ያቤሽ-ጊልዓድሩ ግናው ይኖ ዳዊትድ ድዊ ኒዅሉ። 5 ዳዊትኻ ከው ያቤሽ-ጊልዓድሩሊ ንሽቕ እኝሻቖ ንሰና ይዅሎም፡ “እንታ አደራ ሳኦልቲ እንታ ደብነድ እና ብሕልታ እስዲኒነዲን፡ ጃር ባረኽንተት። 6 ኒሰናኽር ጃር እንተዲ ብሕልተዲ እምነትዲ እሲን። ኣንኻ እን እስዲናዅ ጋር ሰበትድ ትክያዅ እስየልኩም ግን። 7 ደአም፡ እንታ አደራ ሳኦል ክሩዅ፡ ኣኽን ግራ ይት ልጝን ይሁደሩ ናሲም ኣኽያ ቀብእብንዅለ እማ፡ እንታ ናንትትሲ ተብዳ፡ ሒለትውር ኣኻ። 8 ኣብኔር ነርድዅራ ኣን ሓለቃ ዓስከር ሳኦልዱዅ፡ ኢሽ-ቦሽት ሳኦልድዅረስ አዶ፡ ማሓናዪምትል ካስዅሉ። 9 ንኽር፡ ጊልዓዲ፡ ኣሹራውያንዲ፡ ይዝርኤልዲ፡ ኤፍሬምዲ፡ ብንያምዲ፡ ናውክ እስራኤልዱልኽር ሰየምዅሉ። 10 ኢሽ-ቦሽት ሳኦልዱዅራ፡ እስራኤል ዱቝርሊ ሰየምሱ እⶖጕሲክ፡ አርብያ አሚሩዅ፣ ለጛ አመራኻ ሲመርሊ እርጉዅ። ልጝን ይሁደሩዅ ካያ ዳዊቲ ተለዩዅ። 11 እን ዳዊት ከብሮንትል ሲም ኣኾ፡ እስራኤልቲ ኒመለካዅላ ለጘታ አመረዲ ወልታ አርበዲ እርጉዅ። 12 ኔር ኣብኔር ድእዅራ፡ ሳኦልዱዅረዲ ኣገልገልደንቲ ኢሽ-ቦሸትሩዲ ኣኾ ማሓናዪምትልድ ጕኖ ጊብዖንትል ፈርኑዅ። 13 ዮኣብ ጽሩያዅረዲ ገኝሺን ዳዊትሩዲ ፍኖ እን ዓይግ ጊብዖዱዅሊ እኺርኺርሲ አርኑዅ፣ ነን እን ዓይግ ላገፉዅድ፡ እንደንኻ እን ዓይግ ላገፉዅድ ከፍ ይኑዅ። 14 እንሲን ኣብኔር ዮኣብቲ፡ ኵዓይብ እና ሻሎት ጕኒን እማ፡ ይና ጃብል ዋዕቢኒን፡ ይዅሉ። ዮኣብኻ ጕኒን፡ ዩዅ። 15 እንሲንኻ ጕኖ ሺብ ቢንያምሩዅዲ ኢሽ-ቦሸት ሳኦልዱዅረዱዲ ሽካ ለጛ፣ ገኝሺን ዳዊትሩልድ ሽካ ለጛ ደኵኑዅ። 16 ናላዅ-ላዅክ ኣዀር ኒጨሪዅሲ ተብዶ ሸኾ፡ ሰፍሲ ክልኦት ኒጨሪዅሊ ሸከትዱዅ፣ እኺርኺር ሻኽኖኻ ላት ለብኑዅ። እማ፡ እን ኣካንኻ ሔልቃት-ሃጽሪም ይስትሮ ሽኝስትቲ፣ ንሪ ጊብዖንትል ህምበቲ። 17 እን ግርጋ እንድሂቲኻ፡ እን ሓርብ ጊሪዅድክ ሒለቲቱዅ፣ ኣብኔርዲ እን ከው እስራኢልዱዲኻ ገኝሺን ዳዊትሩውድ ጃብል ለተቕስኑዅ። 18 ኒልኻ ሰዀርክ ጽሩያቝር ዮኣብዲ፡ ኣቢሻይዲ፡ ዓሳሄልዲ እርግኑዅ። ዓሳሄልኻ እን ከደንሊ መንደርትረሪ ኣንጣውለርሰና ኒልኵክ ስዳወው እርጉዅ። 19 ዓሳሄልኻ ኣብኔርር ጒርጒርበት ተለዩዅ፡ ኒጒርጒርበት ተለይሮሉ ፈሩእⶖሲኻ፡ ላውዲ ሸጝገዲትል ግልጭ ይላ። 20 እንሲን ኣብኔር ኒገሽ ደምቢራ ግልጭዮ፡ እንቲ ዓሳሄልማ ይዅሉ። ንኻ፡ የዋ ኣን ግን፡ ይዅሉ። 21 ኣብኔርኻ፡ ላውር ወሪ ሸጝገብል ገለዲ እማ፡ ላሻሎተስ ሸኺ እማ እን ኒሙዅርሲ አዲ ይዅሉ።ደአም፡ ዓሳሄል ኒጒርጒርበት ተለይኒልድ ገለድሮ እጝከላ። 22 ኣብኔርኻ ሓዲስድ ዓሳሄልቲ፡ “ይት ተለይኒልድ ገለዲ፡ ውሪዅ ግን ብረዲ ተከንዳዅንካ፧ ደምብርንኻ ኣዋህበ ገሽ ኵዳንዱዅሲ መርኪስያ ገረሳዅን፧” ይዅሉ። 23 ኒ፡ ደአም ገለድነስ ጉሹዅ። እንሲን ኣብኔር እን ቝምባ እኝሽኹዅድ ኒጐድጒል ሸከትድዅሉ እማ፣ እን እኝሽኽ ኒጒርበትድ ፊዅ። ኣኾኻ፡ እን ዓሳሄል ለቦ ክራ ኣካንሊ እንታዅክ ኒል ደው ዩ እርጉዅ። 24 ዮኣብዲ ኣቢሻይዲኻ ኣብኔርቲ ተለይኑዅሉ። ኒጒርጒርበ ተለዩኑሉ ጊብዖንትል ኣውከደን ኣኽራሲክ ኣዳዅ ደርብል ጊያሕ ይስታዅድ ገቢል ህምባዅ ኣማ ጊሪ ገቢል ገይእነሪት ኳራ ለብቲ። 25 ብንያምድቝርኻ፡ ኣብኔር ጒርጒርበት እክብስኖ፡ ላዕቝብ ኣኽኖ፡ ላጊሪ ኣዀርሊ ኣኽኖ ደው ይኑዅ። 26 እንሲን ዮኣብቲ ሽጞ፡ “ዲማማ ሓርብሊ መንደርትኖ፧ ኒደምበራ መረራዅ ኣከት አርእለማ፧ እና ከው ናሻንሲ ዳገኒልድ ወንተርድኖ ትእዳድ እዋግራዅ ኣውን ኣኽራሲክ ግን፧” ይዅሉ።
27 ዮኣብኻ፡ “ዋነዅ ጃር ግን፡ እንቲ ጋበግረን፡ እና እክ ኣመሪ ኣኽራሲክ ናሻንሲ ዳገኒልድ ወንተርግኒድ” ይዅሉ። 28 እንሲን ዮኣብ መለከት ጠዓምቡዅ፣ እን እክ ናውክር ደውይኑዅ፡ ኒደምብኻ እስራኤልቲ ዳገነስ ባርኑዅ፡ ወንተስኖኽር ተሓረብኒ። 29 ኣብ ኔርዲ እን ኒዲ እርገው ከውዲ እን ቂሪ ሺረሪትክ ሕዳርድ ፈሩኑ ክኖ ዮርዳኖስቲ ካርኑዅ፡ ንርትክ ቢትሮንቲ ዶኵኖኻ መሓናይምትል ዐርኑዅ። 30 ዮኣብኻ ኣብኔርቲ ዳገነስ ባሩዅ፣ እን እክ ናትክ እክበሰናኻ፡ ገኝሺን ዳዊትሩል ሽካ ሰሳ ግርወዲ ዓሳሄልዲ ነቐስኑዅ። 31 እን ገኝሺን ዳዊትሩኻ፡ ብንያምዲ ኣብኔርዲር ከወልድ ሰዃ ሊኽዲ ወልትረጝዲ ኵኑዅ። 32 ዓሳሄልትኻ አድኖ እን ቤት-ልሄምትል ህምባዅ አርብ ኒኽርዱዅሊ ደቢኒዅሉ። ዮኣብዲ ኒከውድኻ ቒር ሺራዅስክ ፈሩኑ ክኖ፡ ኬብሮንትል ብራ ክስዅሎም።
13 ዳዊትኻ፡ “ትክያዅ፡ ኣን ኵዲ ማእኰት ትውያ ግን፡ ኣኽን ግራ ኲልድ ላጋር ጀረባዅን፣ ይገሺ ቋልቶ እንትረን፡ ሰልፍ ሚካል ሳኦልዱቍረት ናቕሰግረን፡ ይገሺ ቋለለሉ፡” ዩዅ። 14 ኒድ ደምቢ ዳዊት፡ “ኢሽ-ቦሸት ሳኦልዱዅሪል ንሽቕ ፈሶ፡ እን ሊኽ ዕልቦ11 ፍልስጢሙዅድ ሓጨየሪላ ይእዅና ሚካልቲ እዊለ” ይዅሉ። 15 ኢሽ-ቦሸትኻ እኝሸቆ ንርግርዋ፡ ጳልጢኤል ላዪሽዅሪልድ አዲላ ይዅሉ። 16 እን ንር ግርዋኻ፡ ንርዲ ፈሩዅ፡ ፈሩ እⶖጒሲካ ስሩ ባሑሪምትል ኣኽታሲክ ተለይዅላ። እንሲን ኣብኔር፡ “ፈሪ፡ ወንተሪ፡” ይዅሉ። ንኻ፡ ወንተሩዅ። 17 ኣብኔርኻ በህሊል እስራኤልዱሲ፡ “ዳዊት እንተል ሲም ኣኽሮ” ኣማነትልድ ጀረቢድነሉ እርግድኑዅ። 18 ጃርኽር ዳዊትር ሰበትድ፣ ‘ይእክ እስራኤልቲ ናን ፍልስጢምሩዅዲ ናን ናውክ ናኣፋይዱዅዲትልድ፡ ናን ይኝሺና ዳዊቱዅድ ደአንድየሎም ግም’ ዮ እርጉዅ እማ፡ ናን እሰሉ፡ ዮ ጋቢዅሎም። 19 ኒሰናኽር ኣብኔር ብንያብሩሲ ኒላውድ ፈሮ ኒስ ድዊዅሎም፣ ኒደምብኻ እስራኤልዲ ንርውክ ልጝን ብንያብትሪዲ እሲድኖሉ ጀቢነዅ ኒትክ ዳዊትድ ድዊሮሉ ኬብሮንትል ፈሩዅ። 20 ኣብኔር ለጘርጝ ዓስከርዲ፡ እን ዳዊት ህምበሪላ ኬብሮንትል እንቱዅ፣ ዳዊትኽር ኣብኔርዲ እኒዲ ህምበው ከውዲሲ ዕዱመት እሲዅሎም። 21 ኒደምቢ ኣብኔር ዳዊቲ፡“ኵዲ ማእኰት ቱድኖ፡ ኲለበካ ተምነታዅሰና ኒትክ ሓከምቶር መታን እሽሾ ፈሮ፡ ይአደራ ሲምድ ኒርትክ እስራኤልቲ እክብን” ይዅሉ። እማ ዳዊት ኣብኔርቲ ስብድዅሉ፣ ሳላምድኻ ፈሩዅ። 22 ከው ዳዊትሩዲ ዮኣብሩዲ እን ወክት እንድሂሲ ግሪዊ ምርኮ ሻኽኖ ሓርብልድ ወንተርኑዅ። ኣብኔር ደአም፡ ዳዊት ሳላምድ ስምዲሎ ፈርነዲን፣ ኬብሮንትል እርግላ። 23 ዮኣብዲ እን ኒዲ እርገው ዓስከርዲ ኒል ገእይነሰና፡ ኣብኔርድዅራ ኔር ሲምሊ እንቶ እርጉዅ፡ ንኻ ስብዶሉ ሰላምድ ፈሩዅ፡ ይኖ ዮኣብድ ድዊኒዅሉ። 24 እንሲን ዮኣብ ሲምሊ ትዎ፡ “ውረኒ ግን እንቲ እስረዅ፧እናሓን ኣብኔር እንቶካ ሰላምድ ፈርዶ ስብድርዅንሉ፧ 25 ኔርድዅራ ኣብኔርቲ አርእሩዅመሉ፡ ኒ እንታዅ ምሊሮካ ግን፣ ኵፊነዲ ኵቱነዲት አርእሮኽር እንቲ እስራዅ ኒትክ ሰለይሮ መታን ግን።” 26 ዮኣብ ዲዊትልድ ፈሰና፡ ኣብኔር ጒርጉርበት ንሽቕ ፈሱዅ፡ እን እኝሻቕሰውኻ ዓቝ ሲራ ይስታዅል ወንተስንዅሉ፣ ዳዊት ደአም ኣርእላ። 27 ኣብኔር ኬብሮትል ወንተረሰናኻ፡ ዮኣብ ኒቱትል ጋቢሮሉ ጀረበ ደንኣብል ስርግ ሲዅሉ፡ ኒልኻ ዓሳሄል ኒዳንዱዅድ ብር ሰበትድ ኒጐድጉል ሰቦ ኲዅሉ። 28 ዳዊት ኒስ ግጆ ዋሳ ወክት ንሂሰና ዩዅ፡ “ኣን ኣኽን ይሕክም ኔርዱዅራ ኣብኔርዱ ብርልድ ጃር ጃብል ዲማ ዳይምድ ላጭሓን ግን፣ 29 ኒን፡ ዮኣብዲ ኒኽርድ ልጝን ንርትክሊ ለብን፡ ልጝን ዮኣብሩኽልኽር ጀጋል11 ወሪ ሰውደቱዅ ወሪ ግብትል ተንከብሳዅ ወሪ ሰፍድ ለባዅ ወሪ ሳንሰዓ ሹጓዅሉ ካረምጊኒ፡ ዩዅ። 30 ኣብኔር ናዳን ዓሳሄልቲ ጊብዖንትል ሓርብሊ ኵውነዲንሉ፡ ዮኣብዲ ኣቢሳይ ኒዳንዲኻ ኣብኔርቲ ኵንዅሉ። 31 ኒደምብኻ ዳዊት ዮኣብዲ እን ኒዲ እርገው ናውክ ከውዲት፡“እንታ ሰረንሲ ቀደዳ፡ ሰረና ሓዘኑዅኻ ሰራ፡ ኣብነር ጃብጃብልኻ ስራ፡ ይዅሎ፣።” ሲም ዳዊትኻ እን ግናደት ጉርበት ፈሩ እርጉዅ። 32 ኣብኔርትኻ ኬብሮንትል ደቢኒዅሉ፡ ሲምኻ እን አርብ ኣብኔርዱዅሊ ኒ ደሀይሲ ክብሰ ስሪዅ፡ ናውክ እን እክኽር ስሪኒዅ። 33 ሲም ኣብኔርሲ፡ ንሰና ዮ ስሪዅሉ፡ “ኣብኔርኽርማ ክራ ዓወዱዅሰና ክራኵን፧ 34 ኵናንትት እኝሸውስላ፡ ኵልኲክር ሸኻ እኝሸዊሰኒል ቱላ፡ ኣዳም እኲያን ኣዳም ጃብል ለባዅሰና እንትኽር ኒሰና ለብሩዅ።” እን እክ ናውክ ሓዲስድ ሲሪኒዅሉ። 35 ኒደምብኻ፡ እን ከው ናውክ ናብራ ናው ቋና ወክት ገእየሰና፡ ዳዊትል እንትኖ ነብራ ቍሮ ተብድና ሺዊኒዅሊ። ዳዊትኻ፡ “ኳራ ለብግሪ ነብራ ነብራኽን ወሪ ኣሪዅ ታመን፡ ጃር ንሰና እሲን ይት፡ ኒሰናኽር ኰድን ይት” ዮ ሸሩዅ። 36 ናውክ እን ከው ኒስ አርእነሰና፡ ትክያዅ ኣኾ ቋልስትዅሎም። ናውክ እን ከውኽር እን ሲም እሰዅ ኒውክ ትክያዅ ኣኾ ቋልስትዅሎም። 37 እን ክውስትና ኔር ኣብኔርዱዅራ ሲምልድ ኣኽገት፡ ናውክ እን ከውዲ እስራኤልዱዲ እን ግርጋ እንድሂቲ ኣለሌይኑዅ። 38 ሲም ኒገኝሺንሲ ንሰና ይዅሎም፡ “ንኪ እስራኤልትል ላዅ በሀር መልካይዲ ሳብስተዅዲ ኣዳም ላቦ ዋነት አርእድኒማ፧ 39 ኣንኻ፡ ወላ ሲም ኣኽያ ቀብእስተን፡ ሓያም ግን፡ እና ጽሩያቝር ሒል እሲኒዅለ፣ እን ሙቝላ እሳዅሲ ጃር ኒግብርሰና ፈደይኒት፣ ይዅሎም።”
10 ዳዊት ደአም፡ ጃር ኒዲ እርጉዅ እማ፡ ሒለቲቱ ፈሩዅ። 11 ሒራም ሲም ጢሮስሩዅኻ ዳዊትሲ ንሽቕዲ ካን ጽሕዲሩ ሸረበውዲ፡ ክርጝ ሸረበውዲ እሰ ፈስዅሉ። ናውኻ፡ ዳዊትድ ልጝን ገበርኑዅሉ። 12 ዳዊትኻ፡ ጃር እስራኤልትል ሲም እሰ ተብደትሉ፡ ኒሕክምስኻ ኒእክ እስራኤልድውድ ዮ ክብ ሰትላ ኣስተብሀልዱዅ።
13 ዳዊት ኬብሮንትልድ ፈረሪት፡ ወንተሶ እኵን ሸሉዲ እዅንዲ እዮርሳለምትልድ አዱዅ። ዳዊትኻ፡ አሪው ቝራቝርዲ እጝቃቕዲ እዃሩዅ። 14 እን ዮርሳሌምትል እዃረውሎምኻ ናስⶖጝ ነን ግን፣ ሻሙዓዲ ሾባብዲ፡ ናታንዲ ሰሎሞንዲ፡ 15 ይብሓርዲ ኤሊሹዓዲ፡ ነፈግዲ ያፊዓዲ፡ 16 ኤሊሻማዓዲ ኤልያዳዕዲ፡ ኤሊፈለጥዲ። 17 ፍልስጢምኻ ዳዊቲ እስራኤልትል ሰየምስሮ ቐብእነትሉ ዋስነሰና፡ ናውክ ፍልስጢም ዳዊቲ ጀረቢድኖሉ ተረገስኑዅ። ዳዊትኻ ኒስ ዋሰሰና፡ እኒኒልትብታዅ ኣካንሊ ገሙዅ። 18 ፍልስጢምኻ እንትኖ ዓኝቀር ረፋይምሩዅሊ ፋሕ ይኑዅ። 19 ዳዊትኻ ጃርሲ፡ “ፍልስጢምሲ ፌ ተሓረብየሎም ይናንተል ዶኵስሮ ኡተመለ፧” ዩ ወጝቐሩዅ። ጃርኻ፣ “የዋ ፌሪ፡ ፍልስጢምሲ ኵናንተል ዶኵሶ እውየካ ግን” ይዅሉ። 20 ዳዊትኻ በዓል-ጰራጺምትል እንቱዅ፡ ኒልኻ ዲዊት ቒልዅሎም፣ ዓቝ ነደፍሰውሰና፡ ጃር ይኣፋይትስ ይጃብልድ ፋሕሲዅሎም፡ ዩዅ። እማ እን ሱⶖ ኣካንዱዅስኻ በዓል-ጰራጺም ሽጝዅላ። 21 ናጣቆታትስኻ ኒል ባርኑዅሎም፡ ዳዊትዲ ኒኣዳምድኻ ጒድንዅሎም። 22 ፍልስጢምኻ ሓዲስድ ተረገስኖ ዓጝቀር ረፋይምሩዅሊ ፋሕ ይኑዅ። 23 ዳዊት ጃርሲ መጝቀሮሰነክሉኻ፡ ጃርኻ ንሰና ይዅሉ፡ “ተረገስግሎም፡ ናጕርበትድ ጅልዊሎም፡ እን ካርጝ ባምፉዅ ትዊሎም፣ 24 ኣኽሮ ግን፡ እን ባምፍ ኣወይሲ ዳዳኒ ደሀይ ዋስረሰናኻ፡ እንሲን ጃር ዓስከር ፍልስጢሙሲ ታሓረብሮሎም ኵጃብል ፊዅ እማ፡ እንሲን ወለይድሮ ባⶖግሪ፡ ይዅሉ። 25 ዳዊትኻ፡ እን ጃር ኣደዳዅሰነሉ፡ ኒሰና እሲዅ፣ ፍልስጢምስኻ ጌብዕትልድ እን ጌዘርትል ቱስረሪትል ኣኽታሲክ ዳገንዅሎም።
2 ኒሰናኽር ዳዊት ሞኣብሩሲ ቂልዅልም፡ ብሪል በጥሰኻ ገመርድ መተርዅሎም፣ ለጛ ገመድ ክረድ፡ ላገመድኻ ፊዅትድ መከሩዅ። ሞኣብሩኻ ዳዊትሲ ኒገኝሺን ኣኽኖ ርድቕ ናቕስንዅሉ። 3 ኒደምብኻ ዳዊት፡ እን ወረባ ኤፍራጥስሩዅሊ ገቢል እርግረሪ ኒምልክትሪት ወንተስሮላ ፈረሪት፡ ሃዳድ-ዔዘር፡ ሬሖብዱዅራ፡ ሲም ጸባሩዅሲ ቂልዅሉ። 4 ዳዊትኻ ኒልድ ስሕዲ ለጘታ ሊኽዲ ፈርድት፡ ለጘረጝ ስሕኻ ልኵኩድ ፈረው ከው አዱዅ። ዳዊት እን ሊኽ ፈርድት ሰረገሊውሲ ከብሰ፡ እን ከብተው ፈርድት ሰረገሊው ናትክሲ ናሉኵክሲ ቀረጭዅሎም። 5 እን ዳማስቆትል እርገው ሶርያሩኻ ሃዳድ-ዔዝር ሲም ጸባሩዅሲ እልልድኖ እንትነሰና፡ ዳዊት ናልድ ለጘረጝንዲ ለጛ ስሕ ግርው ኵውዅ። 6 ዳዊትኻ ሶርያ ዳማስቆትሪትል ተከወው ገምዱዅ፣ ሶርያሩኻ ዳዊትሲ ኒገኝሺን ኣኽኖ ርድቕ ናቕስንዅሉ። ጃርኻ ዲዊትሲ ንፈራ ኣካንሊ ዓውተ እውዅሉ። 7 ዳዊትኻ እን መርሓይ ሃዳድ-ዔዘርዱዅሊ እርጋዅ መሐገይ ደሀቡዅሲ አድዅሉ እማ፡ ኢዮርሳለምሊ ናቕስዅሉ። 8 ሲም ዳዊትኻ ቤጣሕዲ ቤሮታይዲ ዕርዲታት ሃዳድ-ዔዘርዱልድ፡ ገሪው ናሕስ ናቅሱዅ። 9 ቶዒ ሲም ሓማትሩኻ፡ ዳዊት ናትክ ዓስከር(ደሽ) ሃዳድ-ዔዘርዱሲ ቂለትሎም ዋሰሰና፣ 10 ሃዳድ-ዔዘር ቶዒዲ ታሓረቦ እርጉዅ እማ፦ ዳዊቲ ኒዓፍየት ሰበትድ ወጝቀርዶሉኽር፡ ሃዳድ-ዔዘርቲ ተሓረቦ ቂልነዲንሉኻ ገውርዶሉ፡ ኒእዅራ ዮሩምቲ እኝሻቕዅሉ። 11 ሲም ዳዊት፡ ጃቢሶ ሐክመት እወውሉ ሰላዲዲ ደሃብዲት እሰሰና፡ እና እራኵስኽር፡ ጃርድ ሸተክድዅሎም። 12 እን እወውሉ ሐክመትኻ፡ ኤዶምዲ ሞኣብዲ፡ ዓሞናውያንዲ ፍልስጢምዲ፡ ኣማሌቅሩዲ እርግኑዅ። ኒሰናኽር ሲም ጾባሩዅልድ ሃዳድ-ዔዘር ሬሖብዱዅሪልድ ኣደውሎም መርኮት ጃርድ ሸተክዱዅ። 13 ዳዊትኻ ሶርያሩሲ ቂሎ ወንተረሪት፣ ሽዋ ዓኝቀሩዅ ይስታዅሊ ሽካ ሰዀታ ስሕ ክወሪት፡ ኒሱⶖ ክብዩዅ። 14 ኤዶምትልኻ ተከወው ገምዱዅ፡ ንርውክ ኤዶምትኻ ተከወንቲ እሲዅ። ናውክ ኤዶምሩኻ ዳዊትር ገኝሺን ኣኽኑዅ። ጃርኻ ዳትሲ ኒፈራ ኣካንልክ ዓውተ እዉሉ እርጉዅ። 15 ዳዊትኻ ናውክ ኒእክድ፡ ፍርዲ ጭድቅዲ እሱ ንርትክ እስራኤልትል ሰየምሱዅ። 16 ዮኣብ ጽሩይድዅራኻ ሓለቓ ዓስከሩዅ እርጉዅ፣ ይሆሻፋጥ ኣሒሉድዅራኻ ከትባይ ህድጒዅ እርጉዅ፣ 17 ጻዶቅ ኣሒጡብዅረዲ ኣሒሜለክ ኣብያታርድዅረዲኻ ከዳታት እርግኑዅ፡ ሰራያኻ ከትባይ እርጉዅ፡ 18 በናያ ይሆያዳዅራኻ ሓለቓ ክረታውያንዱዅዲ ጵለታውያንዱዅዲ እርጉዅ። ዲዊትቍርኻ ከዳታት እርግኑዅ።
1
ኒደምብኻ ሲም ዓሞንዱዅ ክሩዅ፡ ኒኣካንልኻ ኒእዅራ ሓኑን ሰየምሱዅ።
2
ዳዊትኻ፡ “ሓኑን ናሕሽዅረስ፡ እን ኒእኽር ብሕልየሰነለ ኣጝር ብሕል የሉ ግን” ዩዅ። ዳዊትኻ ኒእኽር ሰበትድ ኒገኝሺንድ ደፍእድሮሉ ንሽቕ ፈስዅሉ። እን ገኝሺን ዳዊትሩኻ በለድ ዓሞንድቝርሊ ቱኑዅ።
3
እን ዓሞንዱርሲ መርሓው ሲምሲ ንሰና ይንዅሉ፦ “ዳዊት ኵእርሲ ከበርዶ ደፍእደው ፈሰዅካማ ተካዅንካ እⶖኵዅን፧ ዳዊት እና ዕርዲረት መርመርዶላኽር፡ ሰለይሮላኽር፡ ድሂስሮላኽር ኣኽለማ፣ ኒ፡ኒገኝሺንሲ ፈሶልካ ህምባዅ፧” ይንዅሉ።
4
እንሲን ሓኑን ገኝሺን ዳዊትሩሲ አዶ፡ ገፍ-ገፍ ናሸከምስኻ ሊሾ፡ ገፍ-ገፍ ናሰረጝስኻ ናሞኲል ኣኽታሲክ ቀረጮ ፈስዅሎም።
5
ኒስ ዳዊትድ ዲዊነሪትል፡ እን እኝሻቕሶ እርገው ገሪዅድክ ስማርኖ እርግንነዲን ከለብርድኖሎም ንኝሽቕ ፈስዅሎም፡ እን ሲምኻ፡ “እንታ ሸከም ቦኰልዳሲክ ያሪኮትል ግጃ እማ፡ ኒደምቢ ወንተራ” ይዅሎም።
22 ንኻ፡ “እምንድክ፡ እን ዓለታ ርሕድ ዋኑ‘ጃር ብሕል ዮለ እን ዓለታ ርሕድ መንደርትራ’ ዮ ሹምዅጝር፡ ስሪዅጝር። 23 ናን ደአም፡ እን ዓለታ ክሩዅ፣ ውራ መታን ሹማዅን፧ ወንትሶማ ናቕስየሉ ገረሳኵን፧ ኣን ኒል ፈራዅን ግራ፣ ኒ፡ ይል ወንተረላ!” ዩዅ። 24 ዳዊትኻ ኒእዅና ባትሴባት ደፍእድዅላ፡ ንርትል ትዎኻ ንርዲ ገኝጁዅ እማ፡ ቍራኻ እዃርቲ፡ ኒሱⶖስኻ ሰሎሞን ዮ ሽጝዅሉ፡ ጃርኽር እጝከልዅል። 25 ጃር እን ዓለተስ እጝከልነዲንሉ የዲድያ ይስቶ ሽጝስትሮ መታን ነቢራ ናታንድ ቆል እኝሻቝዅ። 26 እን ወክት እንድሂሲ ዮኣብ ራባ ይስትሮ ሽጝስትረሪ ዕርዲራ ዓሞንትሪት ሻኽሮ ተሓረቡዅ፡ እን ዕርዲራ ሲምትሪትኻ አድዅላ። 27 ኒደምብኻ፡ ዮኣብ ንሰና ዮ ዳዊትል ንኝሽቃ ፈሱዅ፦“ራባቲ ታሓረብዅንላ እማ፡ እን ዕርዲራ ዓቝትሪት ሻዅንላ፣ 28 እማ ናን፡ ኣን እን ዕርዲረት ሻኽጊንላ እማ፣ ይሱⶖድ ሽጝስትግሪን፡እን ከብተው ዓስከርሲ እክብሮ፡ እን ዕርዲረት ክልዊላ እማ ሸኺላ” ይዅሉ። 29 ዳዊትኻ፡ ናውክ ኒዓስከርሲ እክቦ ራባትል ፈሩዅ እማ፡ ተሓረቦ ሻዅላ። 30 ኣክሊል ሲሙዅሲኻ ኒኣኾርልድ አድዅሉ፡ ኒሚዛንኻ ሰዀርጝንዲ ኣⶖኳ መዘንሳዅ እርጉዅ፡ ካብራን ዑንቍታትኽር እርግዅሉ፡ ኣዀር ዳዊቱዅሊኻ እሲኒዅሉ።እን ዕርዲረትልድኻ ገሪው ሰልብስተው ፍዱዅ። 31 እን ንርትል እርገው ከውስኻ ፍዶ መሻርድ ቀረጨውዲ፡ ሰረገላታት ሸኺው እሰውዲ፡ ሻኽ ሸኪደውዲ እሲዅሎም፣ ጦብ ፍሩሙልኽር ደኵስዅሎም። ናትክ ዕርዲታት ዓሞንዱስኽር ኒሰንስ እሲዅለን። ኒደምቢ፡ ዳዊትዲ፡ እን ኒዲ እርገው ናውክ ከውዲ፡ ኢዮርሳሌምሊ ወንተርኑዅ።
26 እንሲን ኣቤሴሎም፡ “እማ ይዳን ኣምኖን ይነዲ ፈርን” ይዅሉ። ሲምኻ፡ “እንተዲ ውራ መታን ፈራዅን፧” ዮ ወጝቐርዅሉ። 27 ኣቤሴሎምኻ ኵዓይብ ዮ ሺዊዅሉ፣ እንሲን፡ ኣምኖንዲ አሪው ሲምቍርዲ፡ ኒዲ ፈርድኖ ባርዅሎም።
28 ኣቤሴሎምኻ ኒገኝሺንሲ ቋሎ፡“ቋላ፡ ለበካ ኣምኖንዱዅ ሚድድ ፈርሐሪት፡ እንሲን ለበካ ገምዳ፣ ኣን ኣምኖንቲ ‘ጠዓምበሉ የሪትኩምኻ ጒኢትጋ፡ ኵወሉ፡ ጓቝትጋ፡ ኣማ ኣኽሊ ኣደዳዅኩም፧ ተባ፡ ዳይዓንኻ ኣኻ” ይዅሎም። 29 ገኝሺን ኣቤሴሎምሩኻ፡ እን ኣቤሴሎም ያዅሰነሎም እሲኒዅሉ። እንሲን እን ሲምቍር፡ ላዅክ ኒበኽሊል ጨዓንሶ እግርኑዅ። 30 ናው ደርብል ዋኑኑ፡ “ኣቤሴሎም ናትክ ሲም ቍርሲ ኵውዅሎም፡ ላዅ ከብተዅ እላ” ያዅ ህድግ ሲም ዳዊትል ገእይዅሉ። 31 እንሲን ሲም ጐ፡ ኒሰረጝሲ ደቐዩዅ፡ ብሪልኽር ለቡዅ፣ ናውክ ኒገኝሺጝር ናሰረጝሲ ደቐይኖ ኒዲ ደውይኑዅ። 32 ዳዊትሲ ኒዳን ሺምዓዅራ ዮናዳብኻ ንሰና ዮ ጋቢዅ፦ “ሲምቍርሲ ናትክ ጀለፈትሎም እሰ ይአደራ ሓሰብጊን፡ ኒሻኒ ታማርቲ ቀስብድ ዓመጨንትልድላ ተርሰ፡ ኣቤሴሎምሩዅ አብድ ኰድጝስተ እርጋዅ ግን እማ፣ ኣምኖን ካያ ግን እን ክራዅ” ይዅሉ። 33 እማ ናን ዎ ይአደራ ሲም፡ እን ክራዅ ኣምኖን ካያ ግን ግራ፡ ‘ናውክ ሲምቍር ኵውስትኑዅ’ ያዅ ህድግሲ እምንዶ ሻኽላ ይዅሉ።” 34 እን ወክት እንድሂቲ ኣቤሴሎም እግሮ እርጉዅ። እን ተከዋዅ ግርዋኻ ቋለሰና፣ እናሓን፡ ኒጒርበትድ እን ጊራ ገፍድ ህምብረሪ ደርብድ ዮ ገሪው ከው እንተረው ቋሉዅ፣ ሲምሊ ሱኵሮኻ እን ኒ ቋለው ናትክ ድዊዅሉ። 35 ዮናዳብ ዳዊቲ፡ “እናሓን፡ ሲምቍር እንትኑዅ፣ ኵገኝሺና ያዅሰና ኣኺዅ” ይዅሉ። 36 ኒ፡ ኒሰ ጋበ ድጟሰና፡ ዳዊቱቍር ቱኖ ስረና ተርሲኒዅ፣ ዳዊትዲ ናውክ ኒገኝሺንዲኽር መረራዅ ስረና ስሪኒዅ። 37 ኣቤሴሎምኻ እግሮ ታልማይ ዓሚሑር ሲም ጌሹርዱዅሪል ፈሩዅ። ዳዊት ደአም ኒዅረድ ዲማ ስሩሉ እርጉዅ። 38 ኣቤሴሎምኻ እግሮ ጌሹርትል ፈሩዅ፣ ኒልኻ ሰዃ ኣመራ እሲዅ። 39 ሲም ዳዊት ክራ ኣምኖንዱዅድ ደፍአሪት፡ ኒእዅራ ኣቤሴሎምቲ ሰፍለልትሮሉ ተርሲዅ።
1
ዮኣብ ጽሩያዅራ፡ ለባካ ሲሙዅ ኣቤሴሎምቲ ሰፍለልተት ኣለለዩዅ።
2
ዮኣብኻ ተቆዓትል እኝሻቆ ንርትልድ ላእዂና ኣምሪ ናቕሱዅ፣ ንሰናኽር ይዅላ፡ “እዅና ሓዘንትሪ ተክረ፡ ታኵን ሓዘኑ ሰሪ፣ ደድ ሸመትስግ፡ ክራዅ አዳምድ ገሪ ወክት ሓዘንደሪ እዂናሰና ኣኽሮ ቋልስቲ።
3
ኒደምብኻ፡ ሲምሊ ፈርዶ ንሰና ይሉ።” ኒደምብኽር ዮኣብ እን ንሪ ጋብረው ቆላትሲ ድዊዅላ።
4
እን ተቆዓዊራ እዂናኻ ሲምሊ ቱሮ ጋቢቲሉ፣ ንርብሶትድ ብሪል ፍግ ይቲ እማ፡ “ዎ ሲም! እልሊለ” ይቲሉ።
14 እንሲን ዳዊት እን ኒዲ እርገው ናትክ ኒኣገልገልደንቲት፡ “ጓ እግርንን፡ ኣቤሴሎምትልድ ፍዲሰና ሻኽኒ እማ፡ እሽሻዅድ እንቶ ጠዓምብጊና፡ በዳንኽር ናቕስጊና፡ እና ዕርዲረትኽር ሰፍድ ጠዓምብጊና፡ ኣሸሻ ነትድ ፈርንን!” ይዅሎም።
15 እን ኒኣገልገልደንትኻ፡ “ይናአደራ ሲም ፍሪራዅሲ ኒትክ እሲኖ ይን ኵኣገልገልደንቲ ደለምኖ ህምብነኵ” ይንዅሉ። 16 ሲም ናውክ ኒአዳምዲ ፊዅ፡ እኽን ግራ፡ ሲም ሽካ እኲን ሸሉሲ ልጝንሲ ተከውድኖ ባርዅለን።
17 እማ ሲም፡ ናትክ እክሲ ተለይዶ ፊዅ፡ ግናዪ ፈርኖ ድምቢኻ፡ ላኣካንሊ ደው ይኑዅ። 18 ናውክ ከው፡ ክረታውያንዲ ጵለታውያንዲ፡ ጋትውያንዲ፡ እን ጋትልድ ተለየውሉ ወልታ ሊኽ ከውዲ ተሪትኖ ሲም ጃብድ ዶኵኑዅ። 19 ሲምኻ ኢታይ ጋታዊረስ ንሰና ይዅሉ፡ “ውራ መታን ይነዲ እንትርዅን፧ ወንተሪ እማ ሲም ኣቤሴሎምዲ ኣኺ፣ እንቲ ኵላውድ ኵብሪልድ አስትሮ እንትራኽር ጋሻይ ግን፣ 20 እንጀጚ እንትሮማ፡ ንኪ ይነዲ ኰለል ስየካ፡ ኣን ኣወት ፈረት ድኳ አርእሊ፡ እማ ወንተሪ፣ ኵሻንስኽር ወንተሲሎም፡ ብሕልተዲ እምንዲ ኵዲ ኣኺን” ይዅሉ። 21 ኢታይ ደአም ሲምሲ፡ “ዋነዅ ጃር ግን፡ ይአደራ ሲምኽር ዋነዅ ግን፣ ይአደራ ሲም ህምባ ኣካንሊ፡ ክረድ ወሪ ፊዅትድ፡ ኵኝጂና ኒል ዋኒሮ ግን” ይዅሉ።
22 ዳዊትኻ ኢታይቲ፡ “ፈሪ ጃቢትሮ ካሪ ” ይዅሉ። ኢታይ ጋታዊረዲ እን ኒዲድ እርገው ኒከው ናውክዲ ቆልዕዲኻ ካርኑዅ 23 ናውክ እክ ናደሀይሲ ክብሲነ ስሩኑ እርግኑዅ ናው ደኵኑ እⶖጕሲ፣ ሲምኻ ኒት ተለዩ እርገውዲ ወራባ ቄድሮንዱዅሲ ካርኑዅ፡ ናውክኽር ላት ኣኽኖ እው ከደንሊ ኣኽታሲክ መርሕኑዅ። 24 ካዳ ጻዶቅዲ ኒድኻ ታቦት ሟእኰት ጃሩዅሲ ሙዅረው ሌዋውያንዲ ኒል እርግኑዅ፣ ታቢት ሟእኰቱዅሲኻ፡ ከው ናውክ ዕርዲረት ባሮ ፍራሲክ ኣብያታር ገቢል ገምድንዅላ። 25 ኒደምቢኻ ሲም ጻዶቅቲ፡ “እን ታቦት ጃሩዅሲ ዕርዲረትል አድሮ ወንተሪ፡ ጃር ጃብል ዓመል ኣረረን፡ ወንተስሮለ ግን፣ ኒዲ ኒመስከብዲትኻ ወንተሶ ቋሊስሮለ ግን፣ 26 እጝከለሊካ የንለኻ፡ እናሓን ኣን፡ ኒድ ትክዮ ኣኾ ቋልስታዅሲክሉ እሲሮለ” ይዅሉ። 27 ኒሰናኽር ሲም ከዳ ጻዶቅስቲ ነሰና ይዅሉ፡ “እንቲ ነቢራማ እኽላ፧ ሰላምድ ዕርዲረትል ወንተሪ፡ ኵዅራ ኣሒማዓጽዲ ዮናታን ኣብያታርዅረዲ ለጘርክ እንታቊርኽር እንተዲ ፈሪኒን 28 ኣጝር፡ እን ንኝሽቃ ኣዶ እንተራዅ እንተልድ እንትራሲክለ፡ ኣን ሕዳር ኣውከደኑዅሊ ጨበሪያ ግን” ይዅሉ። 29 እንሲን ጻዶቅዲ ኣብያታርዲ፡ ታቦት ጃሩዅሲ ዮርሳሌምሊ ወንተስንዅሉ፡ ንርትልኻ ኣኽኑዅ። 30 ዳዊት ጊራ ወኸሪዅሲ ዓረጉእⶖጕሲ ስሪዅ፣ ኒኣዀርሲ ኵቶኻ፡ ሻምፍፍ እጝገት ፈሩ እርጉዅ። እን ተለየውሉ ናውክኽር ዓረጉኑ፡ ናኣዀርሲ ኵትኖ ስሩኑ እርግኑዅ። 31 ዳዊትኻ፡ ኣሒቶፌል እን ሸረውድ ነበክል ሕበርሰ ኣቤሴሎምዲ ህምባኵ፡ ይኑዅሉ። ዳዊትኻ፡ “ዎ ጃር! ኰድጛ ኣሒቶፌልዱዅሲ ዓወድናርሊ ለወቶሉ፡ ሺወኵንካ!” ዮ ጠለዩዅ። 32 ኣኾኻ፡ ዳዊት እን ጃርሲ ኣምለክዳ ኣካንሊ ገእያ ወክት፡ ሑሳይ ኣርኪዅራ ኒሰርጝሲ ቀደዶ ቍሻኻ ኒኣዀርሊ ነስነሶ ከለብርዶሉ እንቱዅ። 33 ዳዊትኻ፡ “እንቲ ይት ተለይሮ ፈርደን፡ ደምቢራ ከብሲቶና ግን፣ 34 እንቲ ይትካቢቶለ ገርሰራዅ፡ እን ዕርዲረትል ወንተርዶ ኣቤሴሎምቲ፡ ኵእኽርቲ ኣገልገልደሰና ኵትር እምንሶ ኣገልገልድየካ ግን ይሮ ድውረንሉ ግን፣ ኒሰናኽር ኣሒቶፌል እዋዅሉ ኰድጘስ ናፍዓጋዅ እስረን ግን፣ 35 ከዳታት ጻዶቅዲ ኣብያታርድኽር ኒል ህምበናኵ፣ ልጝን ሕኩመቱዅሊ ወስረውሲ ናትክ ናድ ድዊሎም። 36 ናድኽር ናቍር ኣሕማዓጽዲ ዮናታንዲ አረርሰናኵ፣ እን ዋስደናዅ ህድግ ኒትክሲኻ ናድ ሀብዲነ እኝሻቕትኖለ ገረስደናዅ።” 37 ሑሳይ ዳዊትር እጝከለንታ ዕርዲረትል ትዉዅ፡ ኣቤሴሎምኽር ኒድ-ኒድ ዮርሳሌምሊ ገእዩዅ።
1
ዳዊትኻ እን ጊራ ኣወይስልድ ግናዪ ዶኵ የሪት፣ እናሓን፡ ጺባ ገጂና መፊቢሸትሩዅ፡ ለጛ ሊኽ ሳንሰዓዲ፡ ሊኽ ንሽዋ ደቢቡዅዲ፡ ሊኽኻ ሕምባሸራ በልሱዅዲ፡ ላዅ ሃወት ሚድ-ዲ ጨዓንሰው ለጛ ድዃራ ሸኾ ከለብርዅሉ።
2
ሲምኻ፡ “እና ነስ ናትክ ውራ መታን ናቕስርዅንሎም፧” ዮ ወጝቀርዅሉ።
ጺባኻ “ዎ ሲም! እን ድቋልሲ ኵአዳም ጨዓንስድኖለን፡ እን ሳንሰዓዲ በለስዲትኻ ሻሎት ቍድኖሎም፡ ሚድ ወይኒሩስኻ እን ኣው ከደንሊ ቂልሰው ጅእድኖሎም ዮ ግን” ይዅሉ።
1 ኣሒቶፌል ኣቤሴሎምቲ ንሰና ይዅሉ፡ “ሽካ ለጛ ስሕ ግርው ፍሪሮ፡ ንኪ ቂር ኵእኽርሲ ሳደድየሉ ኣጃ ይለ ኵዓይብ፣ 2 ቂልሶ ሳዳ ቀበጮ ምልዮ ዋኑ እንቶ በኸኽድየሉ እማ፣ እን ኒዲ ህምበው ከው ባርኖሉ እግርድኖ፡ እንሲን ኣንኻ ሲምሲ ኒቱ ኣሮ ክውየሉ ግን፣ 3 ሱርጕ ንርግርዊል ወንተርድረሪሰና ኒት ተለዩ እርገው ናውክ ኵል ወንተርኖ እንተረነሰና እስያ ግን፣ ደአም እንቲ ጀረብራዅ ላኣዳትምቲ ኵቶ ግን፡ እን ከብተው እክኻ ሰላም መንደርትድኖ ግን።” 4 ኒኰድጛኻ ኣቤሴሎምዲ ናውክ መርሓት እስራኤልዱዲሲ ትክያዅ ኣኾ ቋልስትዅሎም። 5 ኣቤሴሎምኻ፡ “እስከ ናንኻ ሑሻይ ኣርኪሩዅሲ ሽጘሉ፣ ኒየውስ ዋስኖ” ይዅ። 6 ሑሻይ እንተሰና ኣቤሴሎም፡ “ኣሒቶፌል እዋዅና ኰድጛ ኒን ግን እማ፡ ኒትማ ተለይኒን ወሪ ውራ እሲኖ ክምነት እንትኽር ድውራዅና ዋኒረካ፧” ዮ ወጝቀርዅሉ። 7 ሑሻይኻ ኣቤሴሎምቲ፡ “እና ወክትኒሲ ኣሒቶፌልዱዅ ኰድጛ ትክያዅ ኣኽላ፣ 8 ኵእኽር ዳዊት እን ኒዲ ህምበው ከውዲ ንርቍርሲ ባሪሰውላ ድቢሪሰና ናፊዅት መረረውሎም ኣኽነ እንቲ እንቲ አርእሩዅ። ኵእኽርኻ ሓርቡዅ ግርዋ ግን እማ፣ እን እክዲ ካላ፣ 9 እናሓን ናን ድኳ ላጎቕሊ ወሪ ላኣካኒ ትብቶ ዋኒራ፣ ዳዊት ጃቢቶ ምልሰ ጠዓምበንኵም እማ ኵልድ ገለ ክረነን ኒስ ዋሰው ናውክ፣ ኒድ-ኒድ ኵዓስከር ለተቕስነ ሃቢነ ውሪስድኖ ግን፣ 10 ኵእኽር አርእስታዅ ተሓረባዅ፣ እን ኒዲ ህምበውኻ ፈርሳን ኣከነት እስራኤል ንርውክ አርእረውድ፣ ኒለበካ ገመኒዅሰና ጒኢታጋዅ ግን ይስታዅ ዓስከራ ድኳ ጓቂሲ ታንትሮ ግን። 11 “እማ ኣን ኰድⶖሳዅካ ኒን ግን፡ ቊሻ ባሓራዅሰና በጀኽድኖ መታን፡ ናውክ እስራኤልዱ ዳንትልድ ብኤር-ሸባዕ ኣኽታሲክ ኵል እክብስድኖ፡ እንቲ ኵላውድር ሓርብሊ መርሕቶሎም ግን፣ 12 ኒደምብኻ፡ ኒ፡ ትዋ ኣካን ኒትክሊ ቱኖ አርኖሉ ግን፣ በርድ ብሪል ገመሰና ግምኖሉ ግን፡ ኒኣኽን ኒት ተለየው ላኽ ድኳ ፊዅትድ ከብቲሮ ኣኽላ። 13 ላዕርዲረትል ትወንኻ፡ እንሲን እስራኤልዱቍር ገመትድ እን ዕርዲረት ላክርጛ ከብተጋሰና እስነ፡ እንር ዓጝቀይሊ ህምባዅ ዓጝቀርሊ ወተርኖ ቱስኖላ ግን።” 14 እንሲን ኣቤሴሎምዲ ከው እስራኤልዱዲ ናውክ፡ “ኰድጛ ኣሒቶፌልዱዅልድ ሒሻይዱዅ ኰድጛ ኪዳዅ” ይኑዅ፣ ጃር ኣቤሴሎምሊ ድዳ ናቕስሮ መታን ትክያዅ ኰድጛ ኣሒቶፌልዱዅሲ ከለብርስጋሰና እሲዅ። 15 ኒደምብኻ ሑሻይ፡ እን ከዳታት ጻዶቅዲ ኣብያታርዲት ንሰና ይዅሎም፡ “ኣሒቶፌል ኣቤሴሎምዲ ከው እስራኤልዱዲት ንሰናዲ ንሰናዲ ዮ ኰድጚዅሎም፣ ኣንኻ ንዲ-ንዲ ዮ ኰድጚዅንሎም። 16 እማ ናን፡ ሲምዲ እን ኒዲ ህምበው እክዲ ዋሓጥስግኒን፡ ሃብረዅስክ ሃብረ ካሪ ግራ እና ቂርድ እን ካሲሰጝ ከደⶖዅሊ ኪግ፡ ይኖ ድዊድኖሉ፡ እሽሽድኖ እኝሻቃሉ” ይዅሎም። 17 ዮንታንዲ ኣሒማዓጽዲኻ ዔን-ሮጌትል ደው ይኖ እርግኑዅ፣ ዕርዲረትል ቱኖ ቋልስትድኖ ገረስኒ እማ፡ ላዓጝቂ ገኝሺና ፈሮ ድዊቲሎም፡ ናውኻ ሲም ዳዊትል ፈርኖ ድዊኒዅሉ። 18 ኣኾኻ ላሻሎታ ቋልዅሎም እማ ኣቤሴሎምድ ድዊዅሉ፣ ናው ደአም፡ ለጛረክ ኣሻሻዅድ ፈርኑዅ፣ ባሑሪምትልኻ ልጝን ላግርዊዅሊ ቱኑዅ፡ እን ግርዋ ኒልጝን ገቢል ኣባ እርግቲሉ፣ ንርትልኻ ቱኑዅ። 19 እን እዅናኻ፡ ኣዳም ቋልጊንሎም ኵሲሳና አድሮ እን ኣብር አብሲ ኒድ ኣበድቲሉ፡ ኒኣኾርልኻ ከትከትሰው ስክም አድሮ ወድቲ እማ፡ ላዅ ድኳ አርእስትኒ። 20 ከው ኣቤሴሎምሩኻ እን እዅነትል እንትኖ “ኣሒማዓጽዲ ዮናታንዲ ኣወት ህምበናኵን፧” ይኑዅላ። እን እዅናኻ፡ “ወረበስ ካርን ፈርኑዅ” ይቲሎም። 21 እን ጀረቡሎም እርገው ፈርነሰናኻ እን ኣበትልድ ፍኖ ፈርኑዅ፡ ሲም ዳዊትኻ “ኣሒቶፌል ኵል ንሰናዲ-ንሰናዲ ዮ ኰድጘ ህምባዅ እማ፡ እሽሻዅ ጒሮ ወረበስ ካሪ!” ይኑዅሉ። 22 እንሲን ዳዊትዲ እን ኒዲ እርገው እክዲ ናውክ ጒኖ ወራባ ዮርዳኖስሩዅሲ ካርኑዅ፣ ብራ ክሰሪት ካርጊ ከብተዅ ላአዳምር እርግላ። 23 ኣሒቶፌል ኒ ኰድጘስ ተለይግነት ቋላ ወክት፣ ኒድዃረስ ጨዓኖ፡ ጐ ኒዕርዲረትል ኒልጝል ፈሩዅ። ኒልጝንሲ ጠፍሕደሪት ሸናቕሶ ክሩዅ፣ አርብ ኒኽርዱዅልኻ ደብስቲዅ። 24 ኣቤሴሎምዲ ከው እስራኤልዱዲ ዮርዳኖስቲ ካርና ወክት፣ ዳዊት ማሓናይም ይስትሮ ሽጝስትረሪ ግናዪ ዕርዲረትል ገእዮ እርጉዅ፣ 25 ኣቤሴሎም ዮኣብሩዅ ኣካንሊ ዓማሳት ኒዓስከር ኣወይሲ ሰየምዅሉ፣ ዓማሳ ዪትራ ይስታዅ እስራኤላዊራዅራ ግርዋ እርጉዅ። ኒ፡ ኣቢጋል ናሓሽቍራ፡ ጽሩያሲ ኒሻኒ ዮአብር ገና፡ ቱሶላ እርጉዅ። 26 እስራኤልዲ ኣቤሶልምድኻ ጊልዓድ ብሪል ከፍ ይኑዅ። 27 ኣኾኻ ዳዎት ማሓናይምትል ትዎሰና፣ ሾቢ ናሓሽዅራ ወራባ ዓሞንድቍሩዅልድ፡ ማኪር ዓሚኤልድዅራኻ ሎ-ድባርትልድ፡ ባርዚላይ ጊልዓዳዎራኻ ርግሎምትል፣ 28 ገኝጂሰን ወሸቕዲ፡ ጥሕሎታትዲ ጭቀድ ከደምሰው እራኵዲ ሸኽኖ እንትኑዅ፣ ኒሰናኽር ጀሩጒዲ ስክምዲ፡ ላቅዲ ሸዊት ተኰድሰውዲ፡ ባልደንጓዲ ብርስንዲ፣ 29 ሰኻረዲ ርግኦዲ፡ ልዊሩዅ ሰናዲ ቝድኖ፡ ዳዊዲ ኒእክዲሲ ናቕስንዅሎም፣ ኒስ ናእስናኻ፡ “እን እክ ኣው ከደንሊ ከኣርትኑዅ፡ ቂልስኑዅ፡ ስቛንትኑዅ” ይነድ
1
ዳዊትኻ፡ እን ኒዲ እርገው እክሲ ሺብዅሎም እማ፡ ናአወይሲ ሓላቓ ስሑዲ ሓላቓ ሊዅዲ ሰየሙዅ።
2
ዳዊትኻ እን እክሲ፡ ወልትረጝንሲ ናን ዮኣብሩዅሊ፡ እን ወልትረጝንስኻ ናን ኣቢሻይ ጽሩያዅራ ዮአብድ ዳንሊ፡ እን ወልትረጝንስኻ ናን ኢታይ ጊታዊረዲ ሃበ ፈስዅሎም። ሲም፡ “እጝር እምንድክ እንተዲ ላት ፍያ ግን” ይዅሎም።
3
እን ከውኻ፡ “እንቲ ይነዲ ፋግረን ኪዳዅ ውረድ፡ ይንጝ እግርኖ ቀሰብስነን፣ ናው ይና ሰበትድ ሓሰበኒ፡ ይና ገፍ ክረነጝር ሓሰበኒኒክ፡ እንቲ ደአም ይነልድ ሽካ ስሕድ ኪድራዅ እማ ዕርዲረትል ኣኽሮ እልልደና ኪዳዅ” ይኑዅሉ።
4
ሲምኻ፡ “ትክያዅ ኣኾ ቋልስታዅሲኵኩም ኒትክ እስያ ግን” ይዅሎም። እማ፡ እን እክ ናውክ ሊኽዲ ስሕዲሲ ኣኺነክ ተሪትኖ ተረገሱኑ፡ ሲም ባብ ደንአቡዅሊ ደውዮ እርጉዅ።
5
ሲምኻ ዮአብዲ፡ ኣቢሻይዲ ኢታይዲት፡ “ይማታን ይድኖ ሻሎታ ኣቤሴሎምቲ ሃሽከብገሉ” ይዅሎም። ሲም ኒእዅራ ኣቤሴልምሲ ቋላዅድ ዓስከርሲ ኣደደውድ ትእዳድ እዉ ናውክ ዓስከር ዋስኑዅ።
6
እን እክኻ፡ እስራኤልቲ ታሓረብሮሉ ሕዳርሊ ፊዅ፡ እን ሓርብኻ ገርበት ኤፍሬምሩዅሊ ኣኺዅ።
7
ኒልኻ እክ እስራኤልዱ ከው ዳዊትሩ ጃብሊ ለተቕስኑዅ፣ እን ግርጋ እንድሂስኻ ተባዅ ድዳ ኣኹዅ፡ ለጘረጝን ስሕ ኣከው ከውኻ ክርኑዅ።
8
እን ሓርብኻ ንርውክ ብሪል ዳሕ ዩዅ፣ እን ግርጋ እንድሂሲ፡ እን ሰፍድ ድደውልድ እን ገርበት ዋሓጠውሎም በጀኻናዅ።
9
ኣቤሴሎም ከው ዳዊቱሲ ናጃብድ ጎፍ ይዅሎም፣ ኣቤሴሎምኻ በኽሊል ጨዓንሶ እርጉዅ፡ እን በኽላኻ ገርው ለጝክክ ሻዅ በሀር ድዋ ዓጝቀይ ቱቲ፣ ኒኣዀርኻ እን ድዋትል ሻኽስቱዅ እማ፡ ሰመዲ ብረዲር ነበክሊ ጠልጠልዩዅ፣ እን ኒሱቓይሲ እርግረሪ በኽላኻ ደኵቲ።
10
ላግርዋ ቆሎሉ ዮአብቲ፣ “እናሓን፡ ኣቤሴሎም ላድዋትል ጠልጠልዮ ቋልዅንሉ፡” ዮ ድዊዅሉ።
11
ዮአብኻ እን ድወዅሲሉ፡ “ውራ ይራዅን! ቋልድዅሉ፧ እማ ውራመታን ጠዓምብሮ ብረዲ ተከንድለሉ፧ ሽካ ሲቃል ወርከትዲ ተሓረበው ደበልተናዅዲ እውሪድካ ሻዅ ግን” ይዅሉ።
12
እን ግርዋኻ ንሰና ይዅሉ፡ “ላስሕ ወርኰ ድኳ ይናንሊ እውረንለ፡ ይናንሲ ሲምዅራ ዳግሊ ገምደሊ፣ ሲም ኵዲ ኣቢሻይዲ፡ ኢታይዲት ‘ይድ ይዱኑ ሻሎታ ኣቤሴሎምሊ ክሪል ገእሳዅ እሲገሉ’ ዩ እዋዅኩም ትእዳድሲ ይን ናውክ ዋስንዅን፣
13
እማ ኣን ትእዳድ ሲሙዅሲ ደኰ ኣቤሴሎምቲ ኵዋዅሉ ኣከን፣ ሲም ኒትክ ዋሰዅሰና ኒስኽር ኒዋስና ከብተላ፡ እንትኽር ኣክረን ይት ደአንድቶ ገበበለለ።”
14
ዮአብኻ፡ “ደአም እና ነወያዅድ ኵዲ ይወክትሲ ድሂስያ ጀረበሊ” ይዅሉ እማ፡ ሰዃ እኝሽኽ ኒናንተል እርገውሲ ኣዶፈሮ ኣቤሴሎም ኒርሕድ ድዋትል ጠልጠልዮ ዋኑ፣ ለበካ ኣቤሴሎምሩዅሊ ቱስዅለን።
15
ሽካ ሻሎት ዮአብሩ፡ ኣቤሴሎምቲ ክልውኑዅሉ እማ፣ ጠዓምኖ ኵኑዅሉ።
16
ዮአብኻ እን ሓርብ ደው ይሮ መታን መለኸት ጠዓምቡዅ፡ እንሲን እን ዓስከር እስራኤልቲ ሳደድኒልድ ወንተርኑዅ።
17
ኣቤሴሎምትኻ፡ አድኖ እን ገርበትሊ ኣረርሳዅ ጎቝሊ ማልኑዅሉ፣ ኒዳግልኻ ገሪው ክርጝ ኰመርኑ። እና ወክት ኒስኻ፡ እስራኤል ላዅክ ኒልጝንሊ እግሩዅ።
18
ኣቤሴሎም ኒሱⶖሲ ሽጚሳዅ ቍራ እዅራ እርግለሉ፡ እማ ኒርሕድ ዋኑ “ዓጝቀር ሲሙዅ” ይስቶ ሽጝስታዅሊ ኒሹሺ ሓወልቲ ከደሞ እርጉዅ፣ ኒሹር ሱⶖድ ሽጞሉ እርግነዲን ንኪ ኣኽታሲክ “ኣቤሴሎምሩዅ ሓወልቲ” ይስቱ ሽጝስታዅ።
19
እን ወክት እንድሂሲ ጻዶቅዅራ ኣሒማዓጽ፡ “ጃር ኒኣፋይትል ደአንደትሉ፡ እና ብሽራትሲ ድወይሉ ሲምሊማ ጋጝይን” ይዅሉ።
“” ‘’
15 እንሲን ሲምወንተሮ ዮርዳኖስትል እንቱዅ፣ ከው ይሁደሩኻ ፈርኖ ሲምሲ ከለብርኖ ወረባ ዮርዳኖስሩዅሲ ካሲስድኖሉ፡ ጊልጋልትል እንትኑዅ። 16 ሺምዒ፡ ጌራ ብንያማዊራ ባሔሪምዱዅድ እዅራኻ፡ ከው ይሁደሩዲ ኣኾ ሲም ዳዊቲ ከለብርዶ ኣሸሻዅድ ገሙዅ። 17 ብንያምሩልድኻ፡ ላስሕ ግርው ኒዲ እርግኑዅ፣ ጺባ ገጂና ሳኦልዱዅኻ፡ ሽካ ኣⶖኳ ኒቍርዲ ለጘረጝን ኒገኝሺንዲ ኒዲ እርግኑዅ እማ፡ ሲም ጃብል ዮርዳኖስቲ ካርኑዅ። 18 ናውኻ፡ ሲምዲ እን ኒት ተለዮ እርገው ከውዲት ባኽረትድ ካርጝሊ ክልውኖሎም ካስድኖኽር፡ ሲም ጀረባዅ ኒትክ እሲድኖኽር ወረባ ዮርዳኖስሩዅሲ ካርኑዅ። ሲም ወረባ ዮርዳኖስሩዅሲ ካርዶ ዩ፡ ሺምዒ ጌራዅራ እንቶ ኒጃብል ለቦ ንሰና ዩዅ፣ 19 “ዎ ሲም! ዮርሳሌምልድ ፈሮ ፈርዳ ግርገድ እሰዅ ዓገብሲ ኵዓይብ ብሕል ይለ፣ ኵሙዅልድር ፍዲሉ። 20 ኣን ኵኣገልገልደንታ ሓራም እሰት አርእዅን፡ ንኪ ደአም ይአደራ ሲምሲ ከለብርያ ልጝን ዮሴፍሩዅ ኒልክልድ ሰልፉዅ ኣኾ እንቶ ህምበኵን።” 21 ኣቢሻይ ጽሩይዅራኻ፡ “ሺምዒ ቕቡእ ጃሩዅሲ እሺዅ እማ፡ እና ንድ ክርዶማ ኣስተሀላለሉ፧” ዩዅ። 22 ዳዊትኻ፡ “እንትን ጽሩያቍር፡ እንተዲ ይዲት ውራ አረሪሳዅ ጋር ህምበዅንና፧ ንኪ ኣፋይቲ ኣኽድኒዅለ! ኣኻዅክ ኣኺን፡ ንኪማ እስራኤልትል አዳም ክራዅን፧ ኣን እስራኤልትል ሲም ኣከት አርኣ ግርጋማ ኣኽላ፧” ዩዅሎም። 23 ሲምኻ ሺምዒት “ክረላኒክ” ይዅሉ። ኒስኻ፡ ሲም ሸርነድ ተብድዅሉ። 24 ሳኦልዱዅራ መፊቦሸትኽር ሲምሲ ከለብርዶ ገሙዅ፣ ሲም ዮርሳሌምልድ እግረንትልድ ወንተርዳሲክ ኒሉኵሲ ተጋባኣዅሰና ተንከባከብለላ፣ ኒሸከምስኽር ሊሽላ፡ ኒሰናኽር፣ ኒሰረጝሲ እጝቃስጊ እርጉዅ። 25 ሲምሲ ከለብርዶ ዮርሳሌምሊ እንቶሰና፡ ሲም፡ “እንቲ መፊቦሸት፣ ውራመታን ይዲ ፈርድላ፧” ዩዅሉ። 26 መፊቦሸትኻ ንሰና ይዅሉ፡ “ዎ ሲም! እንቲ አርእራዅሰና፡ ኣን ሙጕዱር ግን፣ ኵዲ ፈርያ ጀረበ ይገጂነስ ‘ይበኽሊል ጨዓኒለ’ ይዅንሉ፣ ደአም ኒ፡ ከሓዶለ ፈሩዅ፣ 27 ይአደራ ሲም ጃብልኻ ሱⶖ ኵገጂኒዅሲ ጂብዱዅ፣ እማ፡ ይአደራ ሲም መልኣክ ጃሩዅሰና ኣኸውድ፡ ትክያዅ ኣኾ ቋልስታዅሲክካ ኒትክ እሲ። 28 ይእኽርድ ልጝን ናውክ ይአደራ ሲምልድ ክራ ግራ አሪዅ ወጀባዅሉ እርግላ፣ እንቲ ደአም፡ ኵገጂነስ መኣዲራ ኵዅሲ በንሰውዲ ከፍሲሪዅ፣ ኒድ ኣወይሲ እሲንለ ዮ ሲምሲ ወጝቀርየሉ ውራ መሰል ሻዅን፧” 29 ሲምኻ፡ “ኒድ ኣወይሲ ገሪው ጋቢቶ ጀረብደለካ፣ ኲዲ ጺባዲ ሶኦልዱዅ ኪድጝሲ በንስጚትኖ ኰድጘ ህምበኵን” ይዅሉ።
30 መፊቦሸትኻ፡ “ይአደራ ሲም ዋዲክ ሰላምድ ወንተረትለ ግራ፣ ኒ፡ ኒትክስኽር አድንሉ” ይዅሉ። 31 ባርዚ፡እን ጊልዓዊራኻ ሮግሊምትልድ ገሞ፣ ዮርዳኖስር ካርጝሊ ኣኽታሲክ ስብድሮሉ ዮ፡ ሲምዲ ወረባ ዮርዳኖስሩዅሲ ካሩዅ። 32 እን ወክት እንድሂሲ፡ ባርዚል ሰዀትረጝን አመሪዅ ሽማግለራ እርጉዅ፣ ኒ፡ ገሪዅድክ ርዱቅ እርግነዲን፡ ሲምቲ መሓናይምትል ዋኑ ነብራ ስኵሱሉ እርጉዅ። 33 ሲምኻ ባርዚላይቲ፡ “እንቲ ይዲ ካሪ እማ፣ ዮርሳሌምሊ ይዲ ቍስየካ ግን” ይዅሉ። 34 ባርዚላይኻ ሲምቲ ንሰና ይዅሉ፡ “ዎ ሲም! ናንዲ ደምቢ ገሪ ኣመታት መንደርተሊ እማ፣ ኵዲ ዮርሳሌምሊ ፈርድያ ውሪዅ ጀረብዲዅንለ፧ 35 ኣን ንኪ ሰዀትረጝን ኣመሪዅራ ግን፣ እማ-ኻ፡ ትክያዅዲ በዳንዲትማ ሲድያ ገረሳዅን፧ ናንዲ ደምቢ፣ ኵኣገልገልደንታ ቝስታኽዲ ጅእስታዅዲት፡ ውራ ታመትማ ሲድሮ ገረሳኽን፧ ሓለየው ቍራቍርዲ እጝቃቕዲትማ ንጝር ናድሀይሲ ዋስያ ገረሳዅን፧ እማ፡ ኵኣገልገልደንታ ይአደራ ሲምድ ውሪዅ ኰሳ መዅር ኣካዅን፧ 36 ኵኣገልገልደንታ ወረባ ዮርዳኖስሩዅሲ ካሮ ሲምዲ ከለላዅ ደርብ ፈርዶ ግን፣ ኣኽን ግራ፡ ሲም እና ነወያዅድ ውረታ ዋንሳዅለ ውሪዅ ግን፧ 37 ይሹር ዕርዲረትል፡ ይኽርዱዅዲ ይገነሩዅዲር ኣርፍፍ ገቢል ደምስትያ፣ ኵኣገልገልደንተስ ስምብዲሉ እማ ወንተርን፣ ኵኣገልገልደንታ ኪምሃምኻ እናሓን፡ ይአደራ ሲምዲ ካርን፣ እጝከልዳዅስኻ ኒድ እሲሉ።” 38 ሲምኻ፡ “ኪምሃም ይዲ ካርዶ ግን፣ ኵት ፈርሕዳዅሲካ ኒትክስኽር እስየሉ ግን፣ ኵድኽር ይልድ ጀረብዳዅሲካ ኒትክ እስየልካ ግን” ይዅሉ። 39 ኒድ ደምብኻ፡ ሲምዲ ኒት ተለየውዲ ናውክ ወረባ ዮርዳኖስሩዅሲ ካርኑዅ፣ ዳዊትኻ፡ ባርዚላይቲ ሰለምዅሉ እማ፡ገውርዅሉ፣ ባርዚላይኻ ወንተሮ ኒልጝል ፈሩዅ። 40 ሲም ጊልጋትል ካሩዅ፡ ኪምሃምኽር ኒዲ ካሩዅ፣ ናውክ እክ ይሁደሩዲ ገፍ እክ እስራኤልዱዲ ኣኽኖኻ ሲምቲ ካስንዅሉ። 41 ኒደምብኻ፡ እክ እስራኤልዱ ሲምሊ ስኵርኖ “እና ይናሻን ይሁደሩ ሲምቲ ትብታንድ ናቱ ሻኽኖ ኒዲ ኒኣዳምዲ፡ ኒት ተለዩ እርገውዲት ውሪዅ ወረባ ዮርዳኖስሩዅሲ ካስንዅን፧” ይኑዅሉ። 42 ከው ይሁደሩኻ እስራኤልቲ፡ “ኒስ ይን እስነዅ ሲም ይነት ሱኵራዅ ኣኽነዲን ግን፣ እማ-ኻ፡ ኒን እንተት ቀጠብዳዅማ-ኒ፧ ይን ሲምልድ ከለብርኖ ቍኖማ፧ ይናሹሽኻ ውራ አድናዅ ሻኽንዅን፧” ይኑዅሎም። 43 ከው እስራኤልዱኻ፡ “ይን ድኳ ሲምልድ ሽከር-ናን ገእያዅን ሻኽንዅን፣ ኒልድ ኪዳዅ-ዃ ዳዊትልድ እንተልድ ኣወይሲ መሰል ሻኽኑዅን፣ እማ፡ ይነት ቃበብድናዅ ውሪ መታን ግን፧ ይናሲም ወንተርዶ ሰልፍድ ወጝቀረው ይን-ማ ኣኽኒ፧” ይኑዅሎም። ደአም፡ ከው ይሁደሩ ኡናዅ ውንትሳ፣ እክ እስራኤልዱ ኡናዅ ውንትሲልድ ተባዅ
1
ኒልኻ ላዅ ቢልያልዱዅ፡ ሸባዕ ይስታዅ ቢክሪርዱዅራ፣ ብንያማዊራ ግርዋ እርጉዅ። ንኻ፡ ይን ዳዊትል በና ሻኽኒ፣ እሴይዅሪልኻ መራስ ሻኽኒ እማ፣ ዎ እክ እስራኤልዱ፡ ላዅክ ኒልጝንሊ ወንተርን ዮ መለከት ጠዓምቡዅ።
2
ናውክ እክ እስራኤልዱኻ ዳዊቲ ተለይኒልድ ወንተርኖ፡ ሸባዕ ቢክሪርዱዅረስ ተለይኑዅ፣ እን ከው ይሁደሩኻ ናሲምሊ ተከኖ ወረባ ዮርዳኖስሩዅልድ ዮርሳሌምትል ኣኽታሲክ ተለይኑዅሉ።
3
ዳዊትኻ፡ ዮርሳሌምሊ ኒልጝን ሕክሙዅሊ እንቱዅ፣ እንሲን ሲም እን ኒልጝን ሕክሙዅሲ ተከውድኖ ባሮለን እርገው ሽካ እኲን ኒሸሉሲ አድዅለን፣ ተከውስድኖኻ፡ ልጝንሊ እሰ፡ ቝሱለን እርጉዅ ግራ፣ ናል ቱላ። ናውኻ መፍልታን ኣኽኖ፡ ክርድናሲክ ኣበድስኖ እርግኑዅ።
4
ሲምኻ፡ ዓማሳት “ከው ይሁደሩ ናትክሲ እና ሰዃ ኳሪል፡ ይል እንትድኖ ሽጚሎም፣ እንቲኽር ናዲ እንቲ” ይዅሉ።
5
እንሲን ዓማሳ ከው ይሁደሩሲ ሽጝሮ ፈሩዅ፣ ኣኽን ግራ ሲም ኣደዳዅሉ ግርጋት ኣወይሲ ግጁዅ።
6
እንሲን ዳዊት ኣቢሻይቲ “ናን ሸባዕ ቢክሪርዱዅራ ኣቤሴሎምትልድ ጂብሮና ግን፣ ትብቲሰን ዕርዲታት እርጊን እማ፡ ይና ዕልድ ሹልቝርጊን፡ እንቲ ዓስከር ኵአደሪውሲ ኣዲ እማ ሳደዲሉ” ይዅሉ።
7
እንሲን ከው ዮአብሩዲ፡ ክረታውያንዲ ጵለታውያንዲ፡ ናውክ ፋርሳንዲ ኒጉርጒርበት ተለይኑዅ፡ ሸባዕ ቢክሪርዱዅረስ ሳደድኖኻ ዮርሳሌምልድ ፍኑዅ።
8
እን ጊብዖንትል ህምብዅ በሀር ክርጚል ገእይነሰናኻ፡ ዓማሳ አርዅሎም፣ ዮአብኻ፡ ዓስከሩዅ ኒሰረነስ ሰሮ ኒኣወይስኻ ሰፍ ኒመስከብዲ ኒየውሊ ደበልቶ እርግዅ፣ ኒገሽ ጃብራ ፈረሰንኻ፡ እን ሰፍ ኒምስከብልድ ፌ ለቡዅ።
9
ዮአብኻ ዓማሳት፡ “ዎ ይዳን፣ ውራ ህምብራዅን፧ ይዅሉ፣ ኒደምብኻ ዓማሳት ሰለማዅሉ ተከ ኒልው ናንድ ኒሸከምሲ ሻዅሉ።
10
ዓማሳኻ ናን ዮአብሩዅሊ ሰፍ እርገት ለበካ ግምድላ እማ፡ ጠንቐቕስላ፣ እማ ዮአብ፡ እን ሰፍሲ ኒጐድጕል ሸከትዅል፣ ኒጅልልኻ ብሪል ቡቍቲዅ፡ ሊጘር ወክት ሰብግሉኻ ክሩዅ፣ ዮአብዲ ኣቢሻይ ኒዳንድኻ ሸባዕ ቢክሪርዱዅረስ ሳደድኑዅሉ።
11
ግናደት ዓማሳሩዅ ገቢል ደውየው ላዅ ከው ዮአብሩልድ፡ “ዮአቲ እጝከላዅ፡ ዳዊትሩዅ ኣኻዅ ኒውክ ዮአብቲ የለይን!” ዩዅ።
12
እን ወክት እንድድ ግናደት ዓማሳይሩዅ ብርድ መጝከልሶ ደርብ ነበክሊ ለቦ እርጉዅ፣ እን ኒድ ደከው ዓስከር ናውክ ናደው ይነስ እና ግርዋ ቋሉዅ፡ እን ግናደትሊ ገእያዅክ ዓስከራ ደውይነት ፋሃማ ወክት፣ ግናደት ዓማሳይሩዅሲ ደርብልድ ሸሊሶ ታዊንድ ኵስዅሉ።
13
ግናደት ዓማሳሩዅ ደርብልድ ጌሰና፡ ናውክ እን ከው ዮአብቲ ተለይኖ ሸባዕ ቢክሪርዅረስ ሳደድድኖ ፈርኑዅ።
14
ንኻ፡ ናውክ ፈራዕ እስራኤልድዉዅድ እሰ ኣቤልዲ ለጝ-ማዓካንዱዅዲሲ፡ ናውክ በርያውያንዱውዅድ ደኵኑዅ፣ ናውኻ እክብስኖ ኒጉርጒርበት ፈርኑዅ።
15
እንትኖኻ ኣቤል ልጝን-ማዓካሩዅሊ ክልውኑዅሉ፣ እን ዕርዲረትኻ እን ንር ሐጠትዲ ድውያዅ ካሲሰና ገበርኑዅ፡ እን ዮአብዲ እርገው ናውክ ከውኻ እን ሐጠትሲ ለብድድኖሉ ሃገግድኑሉ እርግኑዅ።
16
እንሲን፣ ላሪ ኣስተብህልድረሪ እዅና፡ “ዋሳ! ዋሳ! እንታ ዓይብ ዮአብቲ ድዋዅሉ ጋር ዋነውድለ ናራ ሱክርዶ ድወል” ይቲሎም።
17
ዮአብኻ ንርትል ሱኵርዅ፣ ንርኻ፡ “ዮአብ ይስትርራኽር እንቲማ፧” ይሩ ወጝቀርቲሉ፣ ንኻ፡ “የዋ ኣንግን” ይዅላ፣ ንርኻ፡ “ይአደራ፡ እስከ ዋሲለ” ይቲሉ፣ ንኻ፡ “እናሓን ዋሳዅንኪ እⶖኵዅን” ይዅላ።
1 ጃር ዳዊቲ ሳኦልዲ፡ አሪው ኒኣፋይትዲትል ደአንደሉ ወክት፡ እና ሕላይሲ ጃር ክብርድ ሓለዩዅ፣ 2 “ጃር ይሸሻዲ ይጊረዲ፡ ኒደአናዅ ሒልዲ፡ ተባዅ መሐገይዲ ግን። 3 ይጃር፡ ተንከብሳዅሉ ሸሻዲ፡ ይወልተዲ ይደአኒዅ ጊኽዲ ግን፣ ኒ፡ ተባዅ ይመሐገይ ግን፣ ተንከብሲነዲ ደአንዱረዲ ግን፣ አዳም ሒለቱርድ ደአንድራዅለ። 4 ሓምደ ኣስተሀላዅሉ ጃርሲ ሽጛኵን፡ ንኽር ይኣፋይትልድ ደአንዳዅለ። 5 “ኣፍሉት ክሪው ክልውዅለ፣ ኵራ ድዲዅር ተራቝድዅለ። 6 ገመት ኣርፍፉዅ ሎለይስዅለ፣ ሸረክ ክሪዅኻ እስቲዅለ፣ 7 ጅርበት ገእየለ ወክትድ ጃርሲ ሽጝዅኑሉ፣ እልልዶለኽር ይጃርሲ ሺዊዅኑ፣ ኒልጝን ሻትክሊ ኣኾ ይደሀይሲ ዋሱዅ። 8 “ጃር ቀጠብስነዲን ብራ ተናወጥትኽር ውልቅትኽር፣ መሱን ሰሚውር ናሹር-ናሹ ደረረክስኑዅር ውልቅኑዅር። 9 ኒቍምፍፍልድኻ ቀጥቡዅ ትዳ ፊዅ፣ ኒኣብልድር ቋዅ ለኻ ሓውዩዅ፣ ኒጅዊልድኽር ጋጋእያዅ ገኣ ፊዅ። 10 ዓስተርሲ በጢሶ ሱቖት ገሙዅ፣ ኒሉኲኵ ሱቖይስኻ ቡኳና አረባ እርጉዅ፣ 11 ኪሩቤል ዳግል ኣኾ ዋዉዅ፡ ካምፍፍ ውልዋሉሊኻ ቋልስቱዅ። 12 ጭልም ኒላው ሸጝገብድ ክልውሮሉ፣ አረባ ኣኻዅ ሰሚዅ ስዋ ብኳናኻ ኵስሮሉ እሲዅ። 13 ኒገሽሊ ህምባዅ በርህልድኻ፣ ምርኲዅ ተልዋሕታ ፊዅ። 14 ጃር ሰሚልድ ጓⶖጕዅ፡ ጃር ጻበኦት ኒደሀይሲ ዋሲሱዅ። 15 ኒፍላጸስ ማሎ፡ ኒ ኣፋይትስ ፋሕሲዅሎም፣ ኒ፡ ምርክሲ እኝሸቆኻ ሳደድዅሎም። 16 ተግሳጥ ጃሩዅድር፡ ኒ ቍምቢልድ ፋዅ ትንፋስድር፡ ቆር በሓሩዅ ቋልስቱዅ፡ ሰረት ብሪዅር ገልህስቱዅ። 17 “ወይልድ ኒናንሲ መደዶ ሻዅለ፣ ዓቍ በህሊንልድር ፍድዅለ። 18 ይልድ ሒለቲተው እርግኑዅ እማ፣ እን ሒለቱዅ ይኣባይልድር፡ እን እንጠርውለትልድር ደአንድዅሉ። 19 ይጅርበትድ ግርገድ ምልዮ ዋኑ እንትኑዅለ፣ ጃር ደአም ተከውዅለ። 20 ኣካን እዳናዅሊ ፍድዅለ፣ ይድ ፍርሕነዲንኻ ደአንድዅለ። 21 “ጃር ይጭድቅሰና ወንተስዅለ፣ ይናን ላጭሕሰናኽር ፈደይዅለ፣ 22 ደርፍፍ ጃሩሲ ተከውዅን እማ፣ ይጃርልድ ዓገብድ ሲርሊ።
1 ጃር ክብ ክብሰዅሉ፡ ያእቆብር ጃርድ ቐብእስታዅ፡ እስራኤልድ እጝከልሱራ ዘማሪራ/ሓለየንታ ኣኻዅ፣ እሴይዅራ ዳዊትር ደⶖጐቢዅ ቆል ኒን ግን። 2 “መንፈስ ጃሩዅ ይድ ሃበ ጋቢዅ፡ ኒቆልኻ ይላጝቂል እርጉዅ፣ 3 ጃር እስራኤልዱዅ ጋቢዅ፣ ሸሻ እስራኤልዱዅ ንሰና ይዅሉ፣ ከውሲ ጭድቅድ ገዝኣዅ፡ ጕኢ ጃሩዅድ ኣማሕደርዳዅ ሲም፣ 4 ኒ፡ እን ቡኳና እጝግጋዅ፡ ብራክስናድ ኳራ ፍራ ወክትድ ህምባዅ በርህሰና ግን፣ ኒሰናኽር፡ እን ስዋ ደምቢ ጭሮርሕድ ብሪልድ ሻጝካ በኰልዳዅሉ፡ በርህ ብርክስጚዅሰና ግን።” 5 “ይልጝን ጃርሊ ራትዒማ ኣኽላ፧ ኒትክሲ ደለምዶኽር ተከዎኽር፣ ይዲ ዲመሩዅ ሟእኰት እሰዅ ኣኽለማ፧ ይደአነስ ደንጐቢል ገእሳዅሉ፣ ኒትክ ኣን ጀረባዅሲክ እዋዅለ ንማ ኣኽላ፧ 6 ደአም፡ እን ብልያል ድቍር ናውክ፣ ናንድ እክብሰገውሰና እክክምሰና ማልስድኖ ግን። 7 እክክምሲ ተመዳዅ ኒውክ፡ ሸኻ ወሪ እኝሽኽ ሓርቡኽ ሻካዅ፣ እን ኒል ህምበና ኣካንልኻ ኣቕትራሲክ ለኸድ ሓውየናኵ። 8 ፋርሰን ዳዊትሩውድ ሱጙⶖ ነን ግን፡ ታሕክሞንዱዅ ዮሼብ-ባሸቤት ሰዃሩዅ ሓለቃ ኣኲ፣ ኒ፡ እኝሽኽድ ሓርብሊ ሰዀታ ሊኽ አዳም ክዋዅ ግን። 9 ኒልድ ተለዮኻ፡ ኣልኣዛር ዶዶ ኣሖሓዊሪዅራ፣ ኒ፡ እን ሰኻ ዳዊትዲ እርገው ፋርሳንልድ ግን፣ ናው እን ኒል ታሓረብድኖ እክብሰው ፍልስጢም ቃየርናሰንክሎም፣ እን ከው እስራኤልዱኻ ደምቢራ እግርናሰና፡ 10 ኒ፡ ደአም እን ኒል ደውያ ኣክንልድ ላው ሸጝገብ ይላ፣ ኒናንሰፍሊ ተከንዳሲክ ፍልስጢምሲ ኲዅሎም። ጃርኻ እን ግርጋ እንድሂቲ/ሲ በሀር ደአና እሲዅ፣ እን እክኻ ገፈፍድኖ ካያ ኒጉርጒርበት ወንተርኑዅ። 11 ኒልድ ተለዮኻ፡ ሻማ ኣጌ ሃራራዊሪዅራ እርጉዅ፣ ፍልስጢምሩኻ ሌሒ ይስትረሪ ኣካንሊ ብርስን እንታኽተሪላ ላኪድጚትል፣ ላት እክብስኖ ዋኑኑ፡ ዓስክር እስራኤልዱ ፍልስጢምሩ ገሸልድ እግርኑዅ፣ 12 ሻማ ደአም፡ እን ኪድጚ ነበክል ደውዮ ደአንድዅላ፣ ፍልስጢሩስኽር ቂልዅሎም። ጃርኻ በሀር ደአና እሲዅ። 13 እን ሰኾረጝን ኣሕሉቕለድኻ ሰዃ ገምኖ፡ እሽርና ወክትድ ዳዊትል ጋኻ ኣዱላምሩዅሊ እንትኑዅ። ደሽ ፍልስጢምሩኻ ዓጝቀር ረፋይምሩዅሊ ፊዅኖ እርግኑዅ። 14 እና ወክት ኒሲ ዳዊት መሐገይሊ እርግዅ፣ ደሽ ፍልስጢምሩኻ እንሲን ቤት-ልሄምትል እርግኑዅ። 15 ዳዊትኻ፡ “እና ቤት-ልሄምሩዅ ሔጠቱዅ መራብ ገቢል ህምብረሪ ኣቢልድ ኣውኒ ዓቝ ጅእስረለ!” ዮ ሸንሕስቱዅ። 16 እንሲን እንሰኻ ፋርሳን፡ ደሽ ፍልስጢምሩውድ ነበክድ በጥስኖ ደኵነድ፣ መራ ቤት-ልሄሩዅድ ገቢል ህምብረሪ ኣቢልድ ዓቝ ገለልኖ ዳዊትድ ናቕስኑዅሉ። ዳዊት ደአም ጅእሮ ጀረቢላ እማ፡ ጃር ጃብል ሰደቀት እሰ ቡቝሲዅሎም፣ 17 “ዎ ጃር! እና ዓቝሲ በታተን ጀአሊሎም! ኣን፡ ነስ ጅአን፣ ናፊዅትሲ ቀበጭኖ ፈርነው እና ፋርሳን ብርሲ ጀኣሰና ሺብስታዅ!” ዩዅ፣ እን ዓቝሲ ጅእሮኻ እምቢ ዩዅ። እማ፡ እን ሰዃ ፋርሳን ዓስክር እስነዅሉ ንሰና እርጉዅ። 18 ጽሩይዅራ ኣቢሻይ ዮኣብሲ ኒዳንኻ፣ ኒ፡ እን ሰዃ ፋርሳንድ ናሓላአቓ እርጉዅ፣ ንኻ እኝሽኽ አዶ ሰዃ ሊኽሲ ክዉዅሎም። እን ሰዃ ነበክልኻ ሸጝስታ/አርእስታዅ እርጉዅ። 19 ኒ፡ እን ሰዃትልድ ኪዳዅማ እርግላ፧ ናልድ፡ ናላዅሰና እርግገጝር ናሓለቓ እርጉዅ። 20 ቀብጽኤልዱዅ ኣኻዅ በናያ የሆያዳዅራ በሀር ጋር ከደማዅ፣ ኒ፡ እን ለጛ ኣሪኤልዱቍር ከው ሞኣብሩሲ ኵውዅሎም፣ ኒሰናኽር፡ በርድ ወክትድ ግብሊ ትዎ ገመና ክዉዅ። 21 ኰዶኽር፡ ላዅ አርእስታዅ ምስሩዅሲ ክዉዅ። እን ምስሩዅ ናንልኽር እኝሽኽ እርጉዅ፣ ኒ፡ ደአም ግቢ አዶ ኒል ገሙዅ እማ፣ እን እኝሽኽሲ እን ምሱሩዅልድ መንተሎ ኒሹር እኝሽኽድ ኵውዅሉ። 22 በናያ የሆያዳዅራ እና ጋርኒስ እሶ እርጉዅ እማ፣ እን ሰኻ ፋርሳን ነብክል ሽጝስታዅ/አርእስታዅ እርጉዅ። 23 እን ሰኹርጝንልድ ሳብስታዅ እርጉዅ፣ እን ሰኻ ሰልፉሊ ደአም ገእይላኒክ። ዳዊታኻ ኰድጝሳዅ እሲዅሉ። 24 ዓሳሄል ዮኣብሲ ኒዳን እን ሰዃረጝንልድ ላዅ ግን፣ ቤት-ልሄምሩዅ ኤልሓንስን ዶዶዅራ፣ 25 ሓሮዳዊራ ሻማዲ፡ ሓሮዳዊራ ኤሊቃዲ፣ 26 ጳልጣዊራ ሔለጽዲ፡ ተቆዓዊራ ዒራ ዒቄሽዅረዲ፣ 27 ዓናቶታዊራ ኣቢዔዘርዲ፡ ሑሻታዊራ ሜቡናይዲ፣ 28 ኣሖሓዊራ ጻልሞንዲ፡ ነጦፋታዊራ መሓራይዲ፣ 29 ነጦፋታዊራ ሔለብ ባዓናዅራዲ፡ ብንያም ገፍልድ ጊብዓሩዅ ኢታይ ሪባዅራዲ፣ 30 ጲርዓቶናዊራ በናያሓደዲ፡ሂዳይ ወርፍ ጋዓሽሩዅዲ፣ 31 ዓርባታዊራ ኣቢ-ዓልቦንዲ፡ ባርሑማዊራ ዓዝማወት ይስታዅዲ፣ 32 ሻዓልቦናዊራ ኤልያሕባዲ፡ ብኔያሸዲ ዮናታንዲ፣ 33 ሃራራዊራ ሻማዲ፡ ሃራራዊራ ኣሒያም ሻራርዅረዲ፣ 34 ላዅ ማዓካታዊራ ኤሊ ፈለጥ ኣሓስባይዅረዲ፡ ጊሎናዊራ ኤሊዓም ኣሒቶፌልዅረዲ፣ 35 ቀርሜሎሳዊራ ሔጽራይዲ፡ ኣርባዊራ ጳዓራይዲ፣ 36 ጾባሩዅ ዪጋል ናታንዅረዲ፡ ጋታዊራ ባኒዲ፣ 37 ዓሞናዊራ ጸለቅዲ፡ ጽሩይዅራ ዮኣብድ ኒእኝሽኽሲ ሙዅራዅ ብኤሮታዊራ ናሓራይዲ፣ 38 ዪትራዊራ ዒራዲ፡ ዪትራዊራ ጋሬብዲ፣ 39 ሔታዊራ ኡሪያዲ፡ ናውክ ላትኻ ሰዀረጝንዲ ለጛታ እርግኑዅ።
1
ሓዲስድ ጃር እስራኤልት ገሪዅድክ ቀጥብሱዅ፣ እማ፡ ዳዊቲ “ፈሪ፡ እስራኤልዲ ይሁደዲት ሺቢ” ይዅሉ።
2
ሲምኻ ዮኣብዲ ኒዲ ህምበው ዓስከርሲ ኣደደውዲት፡ “ዳንትልድ ብኤር-ሸባዕ ኣኽታሲክ ሀምበው ፈራዕ እስራኤልዱሊ ናትክሊ ፈራ፡ ናብጅኽ ውሪከው ኣከነት አርእያ መታን ተሓረበውሲ ሺባ” ይዅሎም።
3
ዮኣብ ደአም ሲምቲ፡ “ኵአደራ ጃር ኵዓስከርስኪ ሊኽ እሽባ እሲናት፣ ዕልል ይአደሪውኻ ኒስ ቋልኒል ገእይኒን፣ ይአደራ ሲም ኒስ እሲሮ ጀረበዅ ውሪ መታን ግን፧” ዮ ወጝቅርዅሉ።
4
ደአም ሲም ዮኣብዲ ዓስከርሲ አደደውዲት ትእድድሲ እሲድኖ ቀሰብነዲንሎም፣ ኒጃብል ፍኖ ደሽ እስራኤልዱሲ ሺብድኖ ፈርኑዅ።
5
ዮርዳኖስቲ ካርነሰና፡ ዓጝቀርሊ ህምብረሪ ዕርዲረር ላው ሸጝገብድ ህምብርሪ ዓሮዔርትል ፊዅኑዅ፣ ኒልድኻ፡ ጋድድ ሃቢነ ያዕዜርትል ፈርኑዅ፣
6
ጊልዓድትል እንትኖኻ ብራ ታሕቲም-ሖድሺትል ቱኑዅ፣ ኒልድኻ፡ ዳን-ያዓንድ እሲነኻ ጅልውኖ ሲዶንትል ፈርኑዅ።
7
ኒሰናኽር ትብቲሰና ጢሮስሩዅድ፡ ሃዋውያንዲ ከነኣናውያንዲትል እንትኑዅ፣ ግብልት ይሁደሩዅድ ብኤር-ሸባዕትል እንትኑዅ።
8
ንርውክ ብረስ ጅልውኖ ሰሳ አርበዲ ልጘረጝን ኳራዲር ደምቢ ዮርሳለምሊ ወንተርኑዅ።
9
ዮኣብ እን ተሓረብውድ ሺብሲ ሲምድ አእሲሱዅ፣ እስራኤልትል ሰዃታ ሊኽ ስሕ፣ ይሁደትልኻ ኣⶖኳ ሊኽ ስሕ ሰፍ ሻኽድኖ ገረሰው ታምማን ዋኒነት ድዊዅሉ።
10
ዳዊት እን ተሓረበውሲ ሺበሰና ኒለበካ ወቀስነዲንሉ ጃርሲ፣ “ኣን ኒስ ይእስነድ በሀር በደል ከደምዅን፣ ዓወድናሩዅ ክድመት ከደምነዲን ኵዓይብ ብሕል ይለ!” ዩ ሺዊዅ።
11
ዳዊት ክሰራ ጐሰና፡ ቆል ጃሩዅ ነቢራ ጋትል፡ እን ዳዊትሩዅ ቋላዅሊ እንቱዅ፣
12
ንሰናኻ ይዅሉ፡ “ፈሪ እማ ዳዊቲ፣ ‘ጃር ንሰና ያኵ፡ ሰዃ ጋራት ፍሪርቶ ሱክስየልካ ግን፣ ናልድ ላሪት ፍሪሪ እማ፡ ንርቲ እስየልካ ግን’ ያኵ እⶖኲዅ ይሮ ጋቢሉ”።
13
ጋድኻ ዳዊትል እንቶ፡ “ኵብሪል ሰኻ ኣመራ ከአር እንትሮከማ ጀረብራክውን፧ ወሪ ሰዃ አርባ ኵኣፋይታ ገሸልድ እግርቶ፧ ወሪ ይኼ ኵብሪል ሰዃ ኳረድ ዕድር እንትሮ ጀረብራዅን፧ እማ ናን እን እኝሻቃዅሰለ ውራ ወንተሰትሉ ሓሰብሮ ኰድጚ” ይዅሉ።
14
ዳዊት ጋድቲ፣ “ገሪዅድክ ጨነቅሶ ህምበኵን፣ ደአም፡ ኒብሕልታ ገሪዅ ግን እማ፣ ናን ጃሩዅሊ ለብና ግራ፡ ናን አዳምሩዅሊታዲ ለበሊ” ይዅሉ።
15
እንሲን ጃር ብርክስኒልድ ተርሰ እን ኒ ኰድጘ እራጋዅ ወክት ኣኽታሲክ እስራኤልትል ዕድር ፈሱዅ፣ እን እከልድኻ ዳንትልድ ብኤር-ሸባዕ ኣኽታሲክ፡ ለጘትረጝን ስሕ ከው ክርኑዅ።
16
መልኣክ ጃሩዅ ዮርሳሌምቲ ድሂስሮ ኒናንሲ መደዶሰናኻ፣ እን ገእያዅ እኪትድ ጃር ጥዒሱዅ፡ እን እክሲ ድሒሳዅ መልኣክስኻ “በቃ! ኵናንሲ ወንተሲ” ይዅሉ። እን ወክት እንድሂስኻ፡ እን መልኣክ ጃሩዅ ወረና ኣራውና እን ይቡሳዊሪዅ ገቢል እርጉዅ።
17
ዳዊትኻ ኣን እክሲ ድሂሱ እርጋዅ መልኣክሲ ቋለሰነክሉ፡ ጃርሲ “እናሓን፡ ሓራም ከደማኽርዲ ከተኽርዲ ኣን ግን፣ ነን ደአም በግ ግንናው፣ ውራ እሲኒዅን፧ ኵናን ይዲ ይኽርድ ልጝንዲትል ኣኽርን” ይዅ።
18
እን ግርጋ እንድሂስኻ ጋድ ዳዊትል እንቶ፡ “ወረና ኣራውና እን ይቡሳዊሪዅሊ፡ ጃርድ ሰደቒሰና ከደሚ” ይዅሉ።
19
እማ፡ ዳዊት ጃር ጋድድ እሰ ያዅሰነሉ ፊዅ/ተረገሱዅ።
20
ኣራውናኻ ሱቖት መኸልተሪት፡ ሲምዲ ኒኝሺንዲ እንተሩኑ ቋሉዅ፣ ኒልድ ፈኻ ሲምድ ብሪል ፍግም ዮ ክብር ኡዅሉ።
21
ኣራውናኻ፡ “ይአደራ ሲም ኒገጂኒል/ኒኣገልገልደንቲል እንታዅ ውራ መታን ግን፧” ይዅሉ። ዳዊትኻ “እና መቕዘፍቲ እከልድ ገበብስሮ፡ ጃርድ ሰደቒሰና ከደምየሉ እና ኲወረነስ ጅብያ ግን” ይዅሉ።
2 “ቂሪስ ፍርስሩዅ ንሰና ያኵ፡ ‘አደራ ጃር ሰሚዅ ናትክ ሕክም ብሪውሲ ኡዅለ፣ ንኻ እን ይሁደትል ህምብረሪ ዮርሳሌምሊ ልጝን ከደምየሉ ኣደድዅለ፣ 3 ኣኻዅክ ኣኽን ኒእክልድ እንታ ነበክል ህምባዅ ኒጃር ኒዲ ኣኽኒ፣ እን ዮርሳሌምሊ መንደርታዅ ጃር፡ አዳራ ጃር እስራኤልዱዅ፣ ልጝን ከደምሮሉ እን ይሁደትል ህምብረሪ ዮርሳሌምሊ ፊን፣ 4 እን ህምበናዅ ኣካንሊ ከብተው ኣዪ ኣካንሊ መንደርተው ከው ናውክ ዮርሳሌምሊ ኣረርስዅ ጃር ልጝንድ እውን ኣኽሮ መታን፡ ናምራድድ እወነው ሞባእ ኰሲ ዳግ፡ ደሃብዲ ወርከዲ፣ እራኵዲ ማልዲ ኡነድ ካቢኒንሎም።” ’ 5 ኒልድኻ፡ ጃር ናመንፈሲ ጉድድጘዅ ይሁደሩዲ ብንያምሩዲ፡ እሕሉቕዲ ከዳታትዲ፡ ሌዋውያንዲ ናውክ ፈርድኖኽር ዮርሳሌምሊ ኣረርሳዅ ልጝን ሻትክ ጃሩዅሲ ከደምድኖ ደለምኑዅ። 6 እን ናገብገቢል መንደርተው ናውክ፣ እን ምራድድ ኡነውድ ንኻ፡ እራኵዲ ደሀብዲ ወርከዲ፡ ሰላዲዲ እንሱስዲ፡ ካብራን እውንዲ ኡነድ ካቢኒዅልም። 7 እን ነቡካነጻር ዮርሳሌምልድ ፍዶ ኒልጝን ጃሩዅሊ ገምዶሎም እርገው እራኵ ልጝን ጃሩሲኻ፣ ሲም ቂሮስ ፍድዅሎም። 8 ቂሮስ ሲም ፋርስሩዅኻ፡ ናን ሚትራዳት እን ማል ገማዅሲ ሻካዅድ ፍዶ ሲም ይሁደሩዅድ፡ ሽሽባጻርድ፣ ሺቦ እውዅሉ። 9 እን ሺብ ማላዃ ነን ግን፣ ሻሓናት ደሀቡ ሰዀረጝን፡ ሻሓናት ወርኪውኻ ላስሕ፡ ኣሪውር ናትናቱሩ ሻሓናት ኣኸው ለጘረጝንዲ ሰሳ፣ 10 ጽዋእ ደሀቡ ሰኾረጝን፡ ወርከድ ከደምሰው ጽዋእ ሰጃ ሊኽዲ ሽካ፣ እራኵ አሪውር ስሕ፣ 11 ናውክ እራኵ ደሀቡዲ ወርኪውዲ ኣⶖኳ ስሕዲ ሰጃሊኽዲ እርጉዅ። እን ሰልብስተው ባቢሎንትልድ ዮርሳሌምትል ፉኑ እⶖጉሲ፡ ሸሽባጻር ነስ ናትክ ፍድዅሎም።
1
ኣፋይቲ ኣይሁዱዲ ብንያምሩዲ ሰልብስትኒል ወንተረው ከው አደራ ጃር እስራኤልዱዅድ ልጝን ሻትክ ከደመነትሉ ዋስኖሰና፣
2
ዘሩባቤልዲ ኒኣዳምዲትል ኣሕሉቅ እንትኖ፣ “ይጝር እንተሰና እንታ ጃርሲ ጀረብናኽር ግን፡ እን ኤሳርሓዶን ሲም ኣሲርዱዅ ናራ ናቕሳዅና ወክትልድ ተርሰ፣ ኒድ ሰደቕኑ ግጅንዅን፣ እማ ናን፡ እንተቲ ከደምኖ ጀረብንናዅን” ይኑዅሎም።
3
ዘሩባቤልዲ እያሱዲ፡ እን አሪው እስራኤልዱ አዳምድ ናእሕሉቅ ደአም፡ “ይና ጃርድ ልጝን ሻትክ ከደምትኖ ይነዲ አረሪሳዅኩም ወላ ላጋርድኳ እላ፣ ይን እን ቂሮስ ሲም ፋርስሩዅ ኣደዳዅሰነና ይነቱ አደራ ጃር እስራኤልድዅድ ልጝን ሻትክ ከደምኖሉ ግን” ይኑዅሎም።
4
እንሲን፡ እን ከው ብሪው እክ ይሁደሩሲ ሳዳ ቀበጭድኖ፡ እን ክድመትኻ ከደምስጊን ጒእሲስጝና ተርሲኒዅ።
5
እና ኰድጘስ ፋሕሲድኖኻ ኰድጛ ኰድጘው ጅቢኒዅ፣ ኒንኻ ኒውክ ወክት ቂሮስ ሲም ፋርሱዅልድ ሕክም ዳርዮስ ሲም ፋርስሩዅሊ ኣኽታሲክ ኣኺዅ።
1
እን ነበዋትኻ፡ ነቢራ ሃጌዲ ዘካርያስ ዒዲንዱዅረዲ፡ ይሁደዲ ዮርሳሊምዲትል መንደርተው ያሁድሲ፡ ናት ሱⶖ ጃር እስራኤልዱዅድ ነበይስኑዅሎም።
2
እንሲን ዘሩባቤል ሸኣልትኤልዅረዲ እያሱ ዮጻድቅዅረዲ ጒኑዅ፣ ዮርሳሌምትልኻ ልጝን ጃሩዅሲ ከደምድኖ ተርሲኒዅ። ናዲ ኣኽኖኽር ነበዋት ጃሩ ከቡኑሎም እርጉኑዅ።
3
እን ወክት እንዲሲ፡ እን ካርጝ ወረባ እንደረዱዅሊ መልካይ እርጋዅ ታትናይንዲ፡ ሽታር-ቦዝናይንዲ፡ እን ናጨርዲ እንትኖ ንሰና ይኑዅሎም፣ “እና ልጝን ሻትክሲ ከደምትኖሉ፡ እና መንደቕሲኻ ሓዲስድ ከደምትኖ አዊ ኣደድዅኑኩም፧” ይኖ ወጝቀርኑዅሎም።
4
ኒሰናኽር “እና መንደቅ ኒስ ነደቐው ከው ናሱⶖ ኣውረው ይስተናኵን፧” ይኖ ወጝቀርኑዅ።
5
እን መርሓት ያሁዱሲ ጃር ተከዉሎም እርጋዅ ኣኽነዲን፡ እን ጋር ዳርዮስትል ገእዮ ንሽቃ ክቱቡዅ አርድናሲክ ናክድመትሲ በኾርድኒኒክ።
6
ካርጝ አፍራጥሩዅሊ መልካይ እርጋዅዲ፡ ሽታር-ቦዝናይንዲ፡ እን ካርጝ ወረቢዅሊ እርገው ናጨር ኣፋርሳካውያንዲ፡ ሲም ዳርዮስትል እኝሻቕናዅ ዳብዳበራ ኒን፣
7
ኒል ዳብዳበራ ፈስኑዅ፣ ኒልኻ ነዋያዅ ክቱ ከተብሶ እርጉዅ፣ ኒውክ ሰላም ሲም ዳርዮስድ።
8
ይን ምልክ ያሁደሩዅሊ ልጝን በሀር ጃሩዅሊ ፈርነት፡ ሲም አርእን፣ እን እክ ልጝን ሻትክሲ ክርጝ በህሊልድ ደቕኑ እን መንዳቕስኽር ዓካይክ መሱንድ ከደማናኵ እⶖኲኑዅ፣ እን ክድመትር ተውሃትድ ናመርሓትድት ኣሸሻዅድ ከደምሳዅ እⶖኵዅ።
1 እንሲን ሲም ዳርዮስ፡ እን ባቢሎትል ክቱብ ገሞላ እርግረሪ ልጝን ኣክትበታዅሊ ጀረቢድኖ ኣደዱዅ። 2 ምልክ ሜዶንዱዅሊ ኣረርስረሪ ዕርዲራ ኣሕመታ ይስትሮ ሽጝስትረሪትል ላክታብ አርሱዅ፣ ኒልኻ ክቱብ ንሰናያዅ ከተብሶ እርጉዅ፣ 3 “ኒኣመራ ሰልፍሪትል ሲም ቂሮስ፡ እና ትእዳድ ኒስ ኣደዱዅ፣ እን ዮርሳሌምትል ህብረሪ ልጝን ጃርትሪ፣ እን ሳደቐት ሰደቕሳዅላ ኣካን፡ እን ልጝኒ ከደምስርን፣ ንር ሰረትስናኻ ተባዅ ኣኽኒ። ንርሺርጝ ለጘረጝንዲ ለጛታ ምትር፡ ንርፈያሓትኻ ለገረጝንዲ ለጘታ ምትር ኣኽርን። 4 ሰዃ ጅልዋናኻ በህሊል ክርጝድ፡ ላጅልዋናኻ ካንልድ ከደምስን፣ ናኣራኻኻ ልጝን ሲሙዅልድ ፈደይስን። 5 እን እራኵ ልጝን ጃሩ ደሀብዲ ወርካዲ ነቢክነጻር ልጝን ሻትክ ዮርሳሌምሩዅልድ አዶ ባቢሎንትል ናቕሰውሎምስኽርል፣ ልጝን ሻትክ ዮርሳሌሙዅሊ ናኣክንሊ ወንተርን፡ ልጝን ጃሩዅልኻ ገምድዅሎም። 6 እንሲን ዳርዮስ ንሰና ያዅ፡ “ኤፍራጥ ካርጝሊ መልካይ ድውላቱ ኣኽራኽር ታትናይዲ፡ ሽታር-ቦዛንይዲ፡ እንትጝር እኒል ህምበው ደገጊትል ህምብደናኽር ናጨር ኣኽድናኽርዲ፡ ልጝን ሻትክልድ ሺራ፣ 7 እን ክድመት ሻትክ ልጝን ጃሩዅሲ ከደምስሮ ባረሉይ፣ እን መልካይ ያሁዱዅዲ መርሓት ያሁዱዲ እን ልጝን ጃሩዅሲ ኒኣክንሊ ከደሚኒንሉ። 8 እን መርሓት ያሁዱሲ እሲትኖሎም አስተሃላዅሲኩም፣ እን ልጝን ጃሩዅ ከደምስሮ፡ እን ክድመትር ደው ይጊን፣ እን ከፈልሰው ወረቢ ካርጝልድ ፈው ወርኮትልድ፣ ማል ሲሙልድ እን ከውድ እውስትሮ ኣደድዅን። 9 ጃር ሰሚዅድ ሰደቐት ሓውያዅ ኣኽሮር ጀረብደውሎም፡ ቲምትዲ፡ መደፍዲ፡ ኒሰናኽር ጀሩኵዲ ሽዋዲ፡ ወይኒዲ ደዲ፡ እን ዮርሳሌምትል ህምበው ከዳታት ናው ይነውሲኵኩም ካረምግድኒ ግርግል እውስትንሎም። 10 ኒን ኒኣካዅኻ፣ ጃር ሰሚዅሲ ባህሳዅ ሰደቐት ሱክስድኖ፣ ሲምዲ ኒቍርዲሲኻ ጠለይድኖ ግን። 11 እና ትእዳድ ኒስ ለወታዅ ኣዳምትኻ፡ ኒልጝንልድ ጉንዳይ አዲኒን እማ ተከልኖ ኒል ከርከርዲኒንሉ፣ እና ጋር ንድ ሰበትድኻ ኒልጝን ድግድግ ኣኽሮ ኣደዶ ህምበኵን። 12 እና ትእዳድ ኒስ ፋሕሲሮ ወሪ እን ዮርሳሌምትል ኣረርሳዅ ልጝን ሻትክሲ ፋሕሲሮ ኒናንሲ ጉዳዅ ኣኻዅክ ኣኽን ሲም ወሪ እክ፣ ኒሱⶖ ኒል መንደርትሮ እሰዅ ጅር ድሂስኒት። ኣን ዳርዮስ ኣደድዅን፣ ጠንቀቕስነድ እሲኒንሉ። 13 እንሲን ሲም ዳርዮስ ኣደዳዅሰና ካርጝ ኤፍራጥስሩዅሊ መልካይ ደውለቱዅ እርጋዅ ታትናይዲ፡ ሽታር-ቦዝናይዲ፡ ናጨርዲ እን ክድመትሲ ተውሃትድ ከደምሶ ተመምሮ እሲኒዅ። 14 እማ መርሓት ያሁዱ ነቢራ ሃጌዲ ዘካርያስ ዒዶዅረዲር ነበይነድ ደፍእነድ ከደምነስ ተለይድኑዅ፣ እን ክድመት ልጝን ሻትኵዅኻ ትእዳድ ጃር እስራኤልዱዅዲ ሰየም ፋርስሩ ቂሮስዲ፡ ዳርዮስዲ፡ ኣርታሕሻስታዲ ኡናዅ ትእዳድ ከደምኖ ተመምድኑዅ። 15 እን ልጝኒኻ ወልተር አመራ ሕክም ዳርዮስሩኵድ፣ አርባ ኣዳርዱዅልድ ሲዀር ኳሪል ተመምቲ። 16 እስራኤዱቍርዲ፡ ከዳታትዲ፡ ሌዋውያንዲ ናውክ እን ከብተውዲ ሰልብስተውዲ ኣኽኖ፣ ገውራ ልጝን ጃሩዅሲ ፈርሓትድ በዓልድኑዅሉ። 17 ገውራ ልጝን ጃሩዅድኻ፡ ሊኽ ትምዲ፡ ለጛሊኽ መደፍዲ፡ ሰጃሊኽ ዓያዊዲ፡ እን ሺብ ፈራዕ እስራኤዱሰናኻ ናውክ እስራኤልድውድ ሰደቐት ሓራሙዅድ ስካ ለጛ ዓምብላ ሱክስኑዅ። 18 እን ክታብ ሙሴሩዅሊ ከተብሶ ህምባዅሰናኻ፣ እን ከዳታትር ናፍትሕሰና፡ እን ሌዋውያጝር ናበናሰነክ፣ ዮርሳሌምትል ጃርሲ ኣገልገልድድኖ የመምኑዅሎም። 19 እን ሰልብስትኒልድ ወንተረውኻ፡ እን አርባ ሰልፍሪትል ንርሽካ ሰጃ ኳሪል ፋጅኸስ በዓልድኑዅ። 20 ከዳታትዲ ሌዋውያንድኻ ላኣዳምሰና ኣኽኖ፣ ለጭሕኖ እርግኑዅ እማ፣ ናውክ ለጭሕኑዅ። እን ሰልብሰትኒልድ ወንተርው ናውክ ናሻን ከዳታትዲ ናሹትኽር ፋጅኸድ በረኽኑዅ። 21 እን ሰልብስትኒልድ ወንተረው እስራኤልድቍርዲ፡ እን ጃር እስራኤልዱዅሲ ጀረቢድኖ ሮዀስኒል ሲረው ናውክዲ ቊኑዅ። 22 ጃር ኒላውድ ሲም ኣሶርዱዅሊ እጝከሊ አርኖ ጃር እስራኤልዱዅ ሓመድሳዅሉ ልጝን ሻትክ ሓድሲድ ከደምና ገረስድኖ መታን፡ ናክድመትን ኒድክድ ካቢሮሎም እሲነዲንሎም፣ በዓል ቅጨሪዅሲ ለጘታ ኳራ ፈርሓትድ በዓልድኑዅ።
1
እና ጋርት ደምቢ፡ ሕክም ኣርታሕሻስታሩዅድ ሲም ፋርስሩዅ እዝራ ሰራያዅራ፡ ሰራያ ኣዛርያዅራ፡ ኣዛርያ ሒልቂያዅራ፣
2
ሒልቂያ ሻሎምዅራ፡ ሻሎም ጻዶቅዅራ፡ ጻዶቅ ኣሒጡብዅራ፣
3
ኣሒጡብ ኣማርያዅራ፡ ኣማርያ ኣዛርያዅራ፡ ኣዛርያ መርዮትዅራ፣
4
መርዮት ዘራሕያዅራ፡ ዘራሕያ ዑዚዅራ፡ ዑዚ ቡቂዅራ፣
5
ቡቂ ኣቢሹዓዅራ፡ ኣቢሹዓ ፊንሃስዅራ፡ ፊንሃስ ኤልዓዛርዅራ፡ ኤልዓዛር ኣሮን ከዳ ኣዋዅራ።
6
እዝራኻ ባቢሎትልድ እንቱዅ። ኒ እን ጃር አደራ እስራኤልዱዅ እዋዅ ፍትሕ ሙሴሩዅሲ ገሪዅድክ አርኣዅ ክንሱራ ፍትሑዅ እርጉዅ። ኒአደራ ጃሩዅ ናን ኒዲ እርጉዅ እማ፣ እን ኒትክ ኒጀረበዅሲ ሲም ኡዅሉ።
7
እስራኤልዱቍርልድር፡ ከዳታተልድር፡ ሌዋውያንልድር፡ ዘመረውልድር፡ መረስ ተከወውዲ፡ ልጝን ሻትክሲ ኣገልገልደውዲ ኣኽኖ ለጘተር አመሪል ሲም ኣርታሕሻስታዲ ኣኽኖ ዮርሳሌምሊ እንትኑዅ።
8
እዝራ ለጘተር አመራ ሲሙዅሊ ኣⶖከር አርቢል ዮርሳሌምትል እንቱዅ።
9
እን በኪቲ ናኒ ጃርትሪ ኒዲ እርግርነዲን፣ ባቢሎትልድ አርባ ሰልፍሪሲ ሰልፍ ኳሪል ጐ፡ እን ኣⶖኰር አርቢል ሰልፍ ኳሪል ዮርሳሌምትል እንቱዅ።
10
እዝራ ፍትሕ ጃሩዅሲ ነበብድነዲ እስነዲሲ፣ እስራኤልድውድኻ ፍርዲ ፍትሕዲት ክንሲሮ ኒሹቲ ደኵሶ እዎ እርጉዅ።
11
ጃር እስራኤልድውድ እዋዅሎም ፍትሕዲ ትእዳዲት አርኡ እርጋዅ ከዳዲ ክንሰረዲ እዝራሲ ሲም ኣርታሕሻስታ እዋዅሉ ዳብዳበራ ኒን ግን፣
10 ኒልድ ከዳ እዝራ ጐ ንሰና ይዅሎም፣ “እንትን ዓመጭ እስራኤልዱሲ በጀኽድትኖ፡ ገፍር እኲን እንታ ቱስነድ ዓገብድኑዅ። 11 ናጝኻ ጃር እንታ እክላዅሊ ተናዘዛ፣ ኒምራድስኽር እሳ፡ እክ እና ብሪውልድር ገፍር እኲንልድር ሲራ ይዅሎም።” 12 እንሲን ናውክ እን እክብስኖ እርገው ናቆልሲ ክብሲነ ንሰና ይኖ ወንተስኑዅ፣ “እምን ይሩዅ፡ እን እንቲ ይራክውድሰነና እንሲኖ አስተሀላዅና። 13 ኣኽን ግራ እን ኒል እክብስኖ እርገው እክ ገሪው ግናው፣ እን ወክት ሽቕ ግኒ እማ በራ ደውይኖ ገረስነሊ፣ እና ጋርንድ ገሪዅድክ ዓገብኑዅን እማ፡ እንጋር ላኳሪል ወሪ ለጛ ኳሪል ድⶖስታዅ ኣኽላ። 14 እን እሕሉቕ ይነው እና ዮርሳሌምዱዅ ጋርድ መመዪኒን፣ ኒደምቢ ገብራ እዅና ቱሳዅክ ኒውክ እን እውስታዅሉ ኲሽራ ግርጋድ እን ኒ መንደርታ ዕርዲረሩ መርሓትዲ ፈረደውዲትል እንቶ እን ይስታዅስክ ከለብን፣ ቀጥብ ጃሩዅ እና ጋርንድ ቀሽቀሽሮ ግን።” 15 ዮናታን ዓሳህኤልዅረዲ ያሕዝያ ቲቅዋንዅረዲ ካያ እና ጋርኒስ ተጣረርኑዅሉ፣ መሹላምዲ ሾብታይ ሌዋዊረዲኻ ካቢኒዅሎም። 16 እን ሰልብስተውኻ እን ይስታዅሰነሎም እሲኒዅ፣ ከዳ እዝራኻ ላግርዋ መርሓይ ዕያሉዅ ኣኻዅ ላዅ-ላዅ ዕያልድክ ፍሪሩዅ፣ ናውክር ላዅክ ኒሱⶖድ ከተብሱዅ። ኒልድ ሽከር አርቢል እን ጃበራ ግርገትል እና ጋርኒስ መመይድኖ ከፍ ይኑዅ። 17 እን ጃበራ አርባትል ጃበራ ግርገትልኻ እን ገፍር እኲን ቱሰው ናትክ ከውሲ መመይኖ ዱⶖኑዅ። 18 ከዳታትቍርልድኻ ገፍር እኵን ቱሰው አርስኑዅ፣ እያሱ ዮጻድቅቍርዲ ኒሻንድኻ፡ ማዓሰያዲ ኤሊዔዘርዲ፡ ያሪብዲ ገዳልያዲ፡ 19 ነን ናውክ ናእኵንሲ እጝክድኖ ቆል ቱነድ ናንትትሲ ኡኑዅ፣ ዓገበንቲ ኣኽኖኻ፡ ናዓገብድ ላዅክ ድዑል ሰደቝዅ። 20 ኢመርቍርልድኻ፡ ሓናኒንዲ ዝባድያዲ፣ 21 ሓሪምቍርልድኻ፡ ማዓስያዲ ኤልያንዲ፡ ሸማዕያዲ የሒኤልዲ፡ ዑዚያዲ። 22 ጳሽሑርቍርልድር፡ ኤል-ዮዔናይዲ፡ ማዕሰያዲ እስማዔልዲ፡ ንታንኤልዲ ዮዛባድዲ፡ ኤልዓሳዲ። 23 ሌዋውያንልድኻ፡ ዮዛባዲ ሺምዓዲ፡ ቄላያን ይስታዅ ቅሊጣዲ፡ ጴታሕያዲ ይሁዳዲ፡ ኤልዔዘርዲ። 24 ዘመረውልድኻ፡ ኤልያሺብ፣ መራብሲ ተከወውልድኻ፡ ሻሎምዲ ጠለምዲ፡ ኡሪንዲ። 25 እስራኤልትልድኻ ፋርዖሽቍርልድ፡ ራምያዲ ዩዝያዲ፡ ማልክያዲ ሚያሚዲ፡ ኤልዓዛርዲ ማልክያዲ፡ በናያዲ። 26 ዔላምቍርልድኻ፡ ማታንያዲ ዘካርያዲ፡ የሒኤልዲ ዓቢዲዲ፡ ይሬሞትዲ ኤልያዲ። 27 ዛቱውቍርኻ፡ ኤልዮዔናይዲ ኤልያሺብዲ፡ ማታንያዲ ይሬሞትዲ፡ ዛባድዲ ዓዚዛዲ። 28 ቤባቍርልድኻ፡ ይሆሓናዲ ሓናንያዲ፡ ዘበይዲ ዓትላይዲ። 29 ባኒቍርልድኻ፡ መሹላምዲ ማሉክዲ፡ ዓዳያዲ ያሹብዲ፡ ሸኣልዲ ይራሞትዲ። 30 ጳሓት-ሞኣብቍርልድኻ፡ ዓድናዲ ክላልዲ፡ በናያዲ ማዓሰያዲ፡ ማታንያዲ ብጻልኤልዲ፡ ቢኑኢዲ ምናሴዲ ግን። 31 ሓሪምቍርልድኻ፡ ኤልዔዘርዲ ዮሺያዲ፡ ማልኪያዲ ሸማዕያዲ፡ ሽምዖዲ፣ 32 ቢንያሚንዲ፡ ማሉክዲ ሽማርያዲ ግን። 33 ሑሹምቍርልድኻ፡ መትናይዲ ማታትዲ፡ ዛባድዲ ኤልፈለጥዲ፡ ይሬማይዲ ምናሴዲ፡ ሺምዒዲ ግን። 34 ባኒቍርልድኻ፡ ማዓዳይዲ ዓምራምዲ፡ ኢኤልዲ፣ 35 በናይዲ፡ ቤድያዲ ክሉሂዲ፣ 36 ዋንያዲ፡ መሬሞትዲ ኤልያሺብዲ፣ 37 ማታንያዲ፡ ማትናይዲ የዓሳውዲ፣ 38 ባኒንዲ፡ ቢኑኢንዲ ሺምዓዲ፣ 39 ሸለምያዲ፡ ናታንዲ ዓዳያዲ፣ 40 ማክናድባይዲ፡ ሸሻይዲ ሻራይዲ፣ 41 ዓዛሬልዲ፡ ሸለምያዲ ሽማርያዲ፣ 42 ሻሎምዲ፡ ኣምራያዲ ዮሴፍዲ ግን። 43 ኔቦቍርልድኻ፡ ዮዒኤልዲ ማቲትያዲ፡ ዛባድዲ ዘቢናዲ፡ ያዳይዲ ዮኤልዲ፡ በናያዲ ግን። 44 ነን ናውክ ገፍር እኵን ዔስኖ እርግኑዅ፣ ናልድር እዃረው እኵን እርጉኑዅ።
5 እና ግርጋት ነን ደኵናሰና፡ ሲም እን ኣደራሽ ሱሳንዱዅሊ እርገው ከው ናድክድ፡ ናግናይልድ ናበሀርሊ ኣኽታሲክ ኒልጝን ሕኩመቱዅ ነበክሊ ኒልው ሸጝገብ ኣትክልቲሲ ክልውሳኽ ሕዳርሊ ለጘታ ኳረድ ድያዅ ዕዱመት እሲዅ። 6 ጫዕዳዅዲ ኣሸለዲ፡ ሰመያዊረዲ ኣክረት፡ ጫዕዳዅዲ ሰራዅዲ ገመርድ እኝሸውሶ፡ ካትም ወርከትዅድ ጠልጠልዮ እርጉዅ፡ ኣልባስጥሮስድር፡ ጨዕዳዅ ክርጛ-እኻኺዅድር፡ ሉልድር፡ አረባ ክርጛ-እኻኺዅድር፡ አበድሳዅ ብራ ልጝኑዅሊ፡ ኒል ከፍሲሰን ደሀቡዲ ወርከሩዲ እርጉዅ። 7 እን ጅእስተውስኻ እራኵ ደሀቡውድ ሱኵስኑዅ፡ እን እራኵኻ ናትናቱሩ እርጉዅ፣ እን እውናር ሲሙዅልድ ጐዅ፡ እን ልጝን ሕኲመቱ ሚድኻ ገሪው እርጉዅ። 8 ሲምኻ ላዅሲክ ኒጀረበዅድ ኰት ሱክስድኖሉ እን ሚድሲ ላምሰውሲ ናትክ አደዶሎም እርግነዲን፣ ትእዳድ ሲሙዅድ ላዅክ ኒጀረበዅድ ኰት ጅእሮ ፈቀድሶሉ እርጉዅ።
9 ሲሚ ዋሽትኽር ሲም ኣሓሽዌሮስሩዅ ልጝን ሕኩመቱዅሊ ኒሰና እጝቃቕድ ዕዱመት እስረ እርግቲ።
10 ለጘትር ኳሪል፡ ሲም ሚድ ጅኦ ፈርሖሰና፣ መሁማዲ፡ ቢዝታዲ፡ ሓርቦናዲ፡ ቢግታዲ፡ ኣባግታዲ፡ ዜታርዲ፡ ካርክስዲ ነን ሲም ኣሐሽዌሮስ ጃብል ኣገልገልደው ለጘታ ሰልብስተውሲ፣ 11 ሲሚ ዋሽቲ ሽኻርዲ እርግቲ እማ፡ ንር ሽኻርሲ እክዲ ስየምዲሲ ቋሊስቶ፡ ኣክሊል ሲሙዅሲ እስረ ሲም ጃብል ናቅስድኖላ ኣደድዅሎም። 12 ሲሚ ዋሽቲ ደአም እን ሰልብስተው ድዊናዅላ ትእዳድ ሲሙዅድ እንትነስ ጉሽቲ፣ እንሲን እን ሲም ገሪዅድክ ቀጠብሱዅ።
13 ፍትሕዲ ዓዳትዲት ቋላዅድ ኣምራንድ ኳድጛ ወጝቀርና አርእስታዅ እርጉዅ እማ፡ ወክት ሰበትድ አርእን ህምበውሎም ልውሩዲ ጋብስትጚ፣ 14 እን ኒገባ ሱኵሩኑ እርገውኻ፣ ካርሽዲ ሼታርዲ፡ ኣድማታዲ ተርሺሽዲ፡ ሜረስዲ ማርስዲ፡ ምውካንዲ፡ እን ገሽ ሲሙዅሲ ቋለው፡ እን ሕኩመትሊኻ ጃብረድ ከፍዩኑ እርገው ለጘታ ስየም ፋርስሩዲ ሚዶንሩዲ ግናው። 15 ሲምኻ፡ “እን ሰልብስተውድ እኝሻቅሳዅሲላ ሲም ኣሓሽዌሮስሩዅ ትእዳድሲ እሲግረውድ፣ እን ፍትሕ ሰበትድ ሲሚ ዋሽቲትል ውራ ኣኺን፧” ይዅሎም።
“” ‘’
16 ኒደምቢ መሙካኻ፡ ሲምዲ መኳንቲር ጃብል ንሰናዩዅ፡ “ሲሚ ዋሽቲ ማኳንቲዲ ናውክ ምልክ ሲም ኣሓሽዌሮስሩዅ ዓጝቀይሊ መንደርተው እክዲት ግራ፡ ሲምሲ ካያ ኣኽላ ንሪ ዓገብራዅ ዩዅ። 17 እና ሲሚ እስረዅ ጋር ናውክ እኲንሊ አርእስትሮ ግን እማ፣ ናራንትትሲ ናገሸል ቃበብኖ፡ ‘ሲም ኣሓሽዌሮስ ሲሚት ኒል ናቅስድኖላ ኣደዱዅ፣ ደአም ንሪ እንትላ፡’ ይድኖ ግን። 18 ንክኻ እኲን ፋርስሩዲ ሜዶሩዲ ሲሚ እስረዅ ጋብሲ ዋስነሰና፣ ናውክ መኳንንቲ ሲሙሲ ኒሰና ይድኖሎም ግን እማ፡ ግሪዅ ቃበብነዲ ዋኸዲ ኣኽሮ ግን። 19 “ደአም፡ እን ጋብ ሲምሲ ፈርሕዳዅሉ ኣከን፡ ዋሽቲ ሲም ኣሓሽዌሮስሊ ናንዲ ደምቢ በታተን ትውግሪን ኣዋጅ ሲሙዅ ፊን፣ ኒንኻ ለውትሰጋዅ ኣኾ ፍትሕ ፋርስሩዅዲ ሜዶንዱዅዲትል ከተብስኒ፣ ኒሰናኽር ሲም ንር ሕክምሲ አሪሪሲ፡ ንርትልድ ኪድረሪሲ እውን። 20 እና ኣዋጅ ኒን ሲምድ ኒውክ ኒሕክምሊ ዋስስተሰናኻ፣ ጊናዪትልድ በሀሪትል ኣኽታሲክ ህምበና እኲን ናውክ ናራንትትሲ ከበርድድኖ ግን።” 21 እና ኳድጟ ኒን ሲምዲ መኳንንቲዲት ፈርሕድዅሎም እማ፣ ሲምኻ ጋብ መሙካሩውሰና እሲዅ። 22 እን ድወል ሲሙልኻ ድውለቲትክ ናክታበትሰና፡ እን እክስኻ ላዅሲክ ናጋብሰና እሰ ጀዋብ እኝሻቝዅ፣ እን ኒ እኝሸቓ ጀዋብድኻ፡ ናላዅ ላዅክ ኒዕያሊ መልካይ ኣኽሮ፡ ኒእክ ጋበና ጋብድኻ ጋቢን ያዅ፣ ናትከል ገእዩዅ።“” ‘’
5 እን ወክት እንድድ ላዅ ማርዶካይ ይስታዅ ኣይሁዳዊራ ግርዋኣደራሽ ሱሳንዱዅሊ መንደርቱ እርጉዅ፣ ኒ፡ ያኢርዱዅራ፡ ሽምዒዅራ፡ ቂስዅራ፡ ፈራዕ ብንያምሩዅልድ እርጉኽ። 6 ኒ፡ ባቢሎንዱዅ ሲም ነቡክዳነጸር ሰልበውሎም ይሁደር ሲም ኢኮንያዲ ዮርሳሌምልድ ሰልብስትነድ አስተውልድ ናልድ ላዅ እርጉዅ። 7 ማርዶካይሲ ላሪ ሃዳሳ ይስትረሪ ኒኣግድቍራ እርግቲሉ፣ እኽርዲ ገንዲ እርግገውድላ፡ ለገዳዅላ ኒ እርግዅ፣ ኣስቴር ይስትሮ ሽጝስትረሪ እና አይኢ ንር ብጥረትዲ ንርፊዅትዲ ኣኺን ንርሽኻርዲ ገሪዅድክ ምልምሊ እርግቲ። ንርኽርዲ ንርጘናዲ፡ ክርነሪት ማርዶካይ ኒቍረርሰና ሃበ ኣድዅላ።8 ኣዋጅ ሲሙዅ ፋ ወክትድ፣ ገሪው እጝቃቅ ደናግል ኣደራሽ ሱሳንዱዅሊ አስትኖ እን ተከወንታ ሄጋይድ እውስትኑዅ፣ ኣስቴርኽር ልጝን ሕኩመቱዅሊ አስትሮ፡ ተከውንታ እጝቃቅዅ ሄጋይድ እውስትቲ። 9 እን አይእኻ ባህሲቲሉ፡ ኒገሽልኻ ዓመል ኣርቲ፣ ንኻ ደለምቶ ጀረብዳዅለዲ አስትሀላዅላ ነብረዲ ኒድኒድ ኡዅላ፣ ልጝን ሲሙዅልድኻ እውስተውላ ለጘታ ገኝሺን እሽሻዅድ እውዅላ። ንርዲ ንርጝኝሺንዲትኻ እን ልጝን እኲናዅልድ እንትክያዅ ልጝንሊ ቱስዅለን።
10 ማርዶካይ ድወግ ዮ ኣደዶላ እርግነዲን፡ ኣስቴር ንርእክዲ ንርፈራዕዲት ድዊላ። 11 ማርድካይኻ ኣስቴር ዳሕና ዋንቲረትኽር ውራኻ እስነትላኽር አርእሮ መታን፣ ግርጊ ሺባ እጝቃቅ ተከውስናዅ ሕዳር ገቢል ኣወት ሱቆት ወንተተሩ እርጉዅ።
12 ላአይኢ ሲም ኣሔሽዌሮስትል ቱቶ ንር ተሪ ገእየሰና፡ ዓዳት እኲናዅድሰና ሽካ ለጛ አርባ እስረሪት፦ ኒሰና ግርጋት ናው ደለመናዅ ድⶖስታዅ፣ ወልታ አርባ ደድ ከርበርውድ፡ ወልታ አርበኻ ናትናቱር ታሚተው ቂረድ ሸመትስነዲ ኒሰናኽር ናትንቱር ገሽሊ ሸመትሰውዲሲ፡ እኲንድ ደለም ድኖ ናድ ጀረብደውለን አርውድኽር ሸመትሰናዅ፣ ኒድ ደምቢ እን እጝቃቅ ተርተሪሲ ሲም ኣሔሽዌሮስትል ትወነት እስታዅ። 13 ሲምሊ ናው ትዋናዅ እና ደርብ ኒድ ግን፣ እን እጝቂ እን እርግራዅ ኣካንልድ ልጝን ሕኲመቱዅሊ ቱራ ወክትድ፣ ሰርቶሉ ጀረብርዳዅ ሰረና እውስቱላ እርጉዅ። 14 ንሪ ኵንጝ ፈርዱ እርግቲ፡ ብራ ክሰሪትኻ፣ እን ሊጘር ልጝን እኲናዅሊ፡ ሻዕሽጋዝ ስሉብ ሲሙዅ ተከወንታ እኵን ሸሉዅሊ፣ ፈርዱ እርግቲ። ንርድ ፈርሓገን ኒሰናኽር ንር ሱⶖድ ሽጛገና ወንተርዶ ሲምሊ ትወላ።
15 ማርዶካይ ኒቍረርሰና ሃበ ለገደሪላ ኒእኽርዳን ኣቢሻቍራ ኣስቴር ሲምሊ ቱቶ ንር ተሪ ገእየሰና፣ እን እኲናዅ ልጝንሲ ተከዋዅድ መርሓይ ኣኻዅ ሄጋይ ድወዅሲላ ግራ፣ አሪዅ ላዅር ወጝቀርድላ። ኣስቴር እን ቋልውድላ ናድካ ጃብል ዓመል አርቲ። 16 ኣስቴርትኻ ሽከር አርቢል፡ ንርኻ አርባ ጤቤትሪ፣ ለጘተር አመራ ኒሕክሙዅሊ ሲም ኣሓሽዌሮስትል፡ ልጝን ሲሙዅሊ አድንዅላ። 17 ሲምኻ ኣስቴር ናድካ እጝቃቅልድ ኪዳዅድ እጝከልዅላ፣ ኒዕል ጃብልኻ ናድካ እጝቃቀልድ ኪዳዅድ ሳቡርዲ እጝከሊዲ አርቲ፣ ንር ኣኾርልኽር ኣክሊል ሕክሙዅ እሲዅላ፣ ዋሽቲር ኣካንልኻ ሰየምዅላ። 18 እንሲን ሲም ኒስየምዲ ኒግኝሺንዲሲ በሀር ምድ እሲዅልም፣ እን በዓልኻ ናውክ ደገጊተል ከበርድድኖል ኣወጁዅ፣ ሲሙዅ እውንድኽር እውን እዉዅ። 19 እን ደናግል ሊጘር ወክትድ እክብስኖ ዋንቱኑ፣ ማርዲካይ መራብ ሲሙዅሊ ከፍዮ እርጉዅ። 20 ኣስቴር ደአም እን ማርዶካይ ድወዅድሰነላ፡ ኣውድሪ ኣክረትኽር ኣወትልድ እንትረትኽር ትብስሮ እርግቲ፣ ኒስ እስረዅኻ፡ ማርዶካይ ለገዱላ እስሩ እርግራዅድሰና ኒውክ፣ ናጝር ኒኰድጛስ ተለይሩ እርግረውድ ግን።
21 እን ግርጋት እንደስኻ፡ ማርዶካይ መራብ ሲሙዅሊ ከፍዮ ዋኑ፣ መራብሲ ተከወውልድ ኣሕሉቅ ዓስከሩ፡ ቢግታንዲ ቴረሽንዲ፡ ሲምሊ ቀጠብስኑዅ እማ፣ ጒኖ ኵድኖሉ የመምኖ እርግኑዅ። 22 እና ኰድጛ ማርዶካይሊ ገእይነዲን፣ ሲሚ ኣስቴርድ ድዊዅላ/ወድሕድዅላ፣ ንርኻ ኒስ ማርዶካይትልድ አርደትሉ ወድሕድሮ ድዊቲሉ። 23 እን ጋር መርመርሶሰና እምን ኣኾ ኣርሱዅ፣ ለጘርክኻ መሱኒል ከርከርስኑዅ፣ ኒን ኒውክ ሲም ጃብል ክታብ ህድጉዅሊ ከተብሱዅ።
7 ሲም ኣሓሽዌሮስ ሰየምሶ ኒሽካ ለጛ ኣመሪል ኒሳን ይስታዅ አርባ ሰልፉዅሊ፣ ግርገዲ አርበዲት ፈለይድኖ ጲር ይስታዅ ቅሻ ሃማን ዋኑ ማልኑዅ፣ እን ቅሻኽር ኣዳር ይስታዅ ሽካ ለጘር አርቢል ለቡዅ።
8 ኒደምብኻ ሃማን ሲም ኣሓሽዌሮስቲ ንሰና ይዅሉ፡ “ቆምያት ነበክል ኵሕክሙ ደገጊተል ፋሕ ይኖ መንደርተው ላእክ ህምባኵ፣ እና እክ አሪው እክልድ ናቱር ክኒ ህምባዅዲሎምዲ ፍትሕ ሲሙሲ ኣደድሰገውዲ ግናው፣ ደአም፡ እና እክሲ ትም ይና ናፍዓላ። 9 እና ጋር ሲምሲ ፈርሕዳዅ ኣከንን፣ ናው ድድኖ ኣዋጅ ፍን፣ ኣንኽር እና ጋርሲ ከደመው ከውድ ኣካዅ ሰዃ ሊኽዲ አርብያ ስሕ ኪሎ መዘንሰው ወርኮ ደምብተር ሲሙዅሊ ቱስያ ግን፣” ይዅሉ።
10 እንሲን ሲም ካትምሲ ኒናንልድ ፍዶ ሃማን፡ ሃማዳታዅራ እን ኣጋጋዊረድ፡ ኣባይ ያሁድዅድ ኡዅሉ። 11 ሲምኻ ሃምንቲ፡ “ትክያዅ ኣኾ ቋልስታዅሲካ እሲቶ፡ እን እክዲ ወርኮዲ ኵድ እውስቶ ህምባኵ” ይዅሉ።
12 ኒደምብኻ፡ እን ሰልፋ አርበትል ሲኾር ኳረትል ካትበን ሲሙ ሽጝስትኑዅ፣ ናውኽር ትእዳድ ሃማንዱዅ ኒትክሲኻ ስየም ሲሙዲ ደውለትሊ ህምበው መልከትዲ፡ እሕሉቅ እኵዲ ድወልዲትል ላኵዲክ ናሹር ጋብዲ ናሹር ቆላትዲ፡ ናሺር ዓዳትዲሰና፡ እን እክድኽር ናሹር ጋብድ ከተብኑዅ፣ ኒን ከተብሳዅር ኒላውድ ሱⶖ ሲም ኣሓሽዌሮስድ ኣኵ፣ ሓተምሳዅር ኒሹር ካትምድ ግን። 13 ላኳረድ ሽካ ለጛ አርበድ፡ ንርኻ አርባ ኣዳርትሪ፣ ናውክ ያሁድሲ፡ ኣባጥሕዲ በህሊንዲት፡ ቆልዕዲ እኲንዲት፣ ድሂስድኖሎምኽር ኲድኖሎምኽር፡ እርግግነሰናኽር እሲድኖሎም፡ ናርድቕስኻ ሰልብድኖሎም፡ ጀዋባትሲ ኣሻሸው ኣፍሩስድ ናውክ ድወል ሲሙሊ ፈስኑዅሎም። 14 እና ግርገድ ደለምኖ ዲድኖ መታን፡ ናውክ ድወሊ ትእዳድ እውስትሮ፡ ናውክ ቆምያት ቋልድኖ ገረሰናዅ ኣካናትሊ ተከንድድኖሉ ኣወጅሱዅ። 15 እን ፈርድቱኻ ትእዳድ ሲሙዅድ ወለይዳኽጅውድ ፊኑዅ፣ እን ትእዳድኻ ኣዳራሽ ሱሳዱዅሊ እውስቱዅ፣ ሲምዲ ሃማንድኻ ከፍ ይኖ ጅኡኑ እርግኑዅ፣ እን ዕርዲራ ሱሳንትርኻ በኻኽርቲ።
4 ገኝሺን ኣስቴርዱዲ ስሉባትዲኻ እንትኖ ኒስ ድዊኒዅላ፣ እንሲን እን ሲሚ ገሪዅድክ ጓሀይቲ፡ ማርዶካይቲ እን ታዊና ሓዘኑዅሲ ኒዳግልድ አድኖ ይሮ፡ ሰረን ፈስቲሉ፣ ኒ ደአም፡ ከለብርለሎም። 5 እንሲን ኣስቴር ሃታክቲ ሽጝቲሉ፣ ኒ ላዅ እን ስሉባንልድ፡ ሲም ኣገልገድድኖላ እዋዅላ እርጉዅ፣ ማርዶካይቲ ውራ ጨገም ገእየትሉኽር ውራማታን ኒሰና ኣኸትኽር አርእሮ መታን እኝሻቅቲሉ። 6 ሃታክኻ ማርዶካይትል፡ እን መራብ ሲሙዅ ጃብል እርጋዅ ሕዳርሊ ፊዅ። 7 ማርዶካይ እን ገእያዅሉ ጋር ኒትክዲ፣ ኒሰናኽር ሃማን እክ ያሁዱሲ ድሂስሮር መታን መዝገብ ሲሙዅሊ ቱስሮር መታን ቆል ትዋዅዲ ሺብ እሰላዲሪውዲት ከብቲጊ ድዊዅሉ። 8 እን ያሁድሲ ድሂስድኖ ሱሳንትል እውስታዅ እን ትእዳዱዅ ወረቀትሲ ኣስቴርድ ቋሊስሮላኽር እን ፈሀምድሮላኽር ኡዅሉ፣ ሲምሊኻ ቱሮ ንር እክ መታን ብሕልታ ወጝውርቶኽር ሺዊቶኽር ተብዶ ድዊሮላ መታን ሺዊዅሉ። 9 ሃታክኻ ወንተሮ፡ እን ማርዲካይ ድወዅሲሉ ኒትክ ኣስቴርድ ድዊዅላ። 10 እንሲን ኣስቴር ማርዶካይድ ንሰና ዮ ድዊሮሉ ኣደድቲሉ፣ 11 “ግርዋ ኣኺን እዅና ሽጝስትግሪ ሲምሊ ጅው ትዋዅክ ክርዶ ፍትሕ ዋነት፣ ናውክ ከድመት ሲሙዲ እክ ድወል ሲሙዲ አርእኑዅ፣ እን ሲም ኒግምቢ ደሀቡዅሲ መደዳዅሉ ካያ ግን እን ደአናዅ፣ ኣጝኻ ሲምሊ ትውያ ሽጝስትጊ፣ ኒኒ ይሲኾር ኳራ ግን፣” ይቲሉ።
12 ጋብ ኣስቴርዱሲ ማርዶካይድ ድዊኒዅሉ። 13 ማርዶካይኻ ኣስቴርቲ ወንተስኖ ንሰና ይድኖላ ሺዊዅሎም፣ “እንቲ ልጝን ሲሙዅሊ ኵኣክነድ ካያ እክ ያሁድሩ ድዱኑ እንቲ ከብትራኽር ተኪጊንኪ፣ 14 እና ወክት ንድ እንቲ ትም ይረን፣ ያሁድድ ከበነዲ በሪ-ፍነዲ አሪ ኣካንልድ እንትሮሎም ግን፣ ኵዲ ኵዅርድ ልጝን ደአም ድትኖ ግን፣ ኒሰናኽር እን ሲሚ ኣኽቶ በቕዕራኽር እና ወክት ኒሲ ኣከን ኣዊ አርእዅን፧”
15 እንሲን ኣስቴር ማርዶካይቲ ንሰና ይኖ ወንተስድኖሎ ሺዊቲሎም፣ 16 “ፈሪ እማ ሱሳትል ህምበው ያሁድሲ እክቢሎም እማ፣ ሰዃ ኳረድ ቂርዲ ገርክዲ ቂግድንኽር ጅእግድንኽር ይድ ሹመለ፣ አንኻ ይገኝሺንዲ ኒሰና እስያ ግን፣ እንሲን ፍትሕሰና ኣከገጝር፣ ሲምሊ ትውያ ግን፣ ድደጝር ድድን።” 17 ማርዶካይኻ እን ኣሲቴር ይራዅድሰነሉ እሲሮ ጐ ፈሩዅ፣ እን ኣስቴር ይራዅድሰናኻ ኒሰና እሲዅ።
4 ኣስቴርኻ፡ “ሲምሲ ፈርሕዳዅሉ ኣከን፣ ንኪ ደለምዶሉ ህምባዅ ዕዱመትሊ ሃማንዲ እንትን” ይቲ። 5 ሲምኻ፡ “ኣስቴር ይራዅሲ እሲኖ መታን፡ ወለይዳዅድ ሃማንቲ ሽጘሉ” ዩዅ። እማ፡ ሲምዲ ሃማንዲ፡ እን ኣስቴር ደለምድራዅ ዕዱመትሊ ፈርኑዅ። 6 ሚድ ወይኒሩ ጅኡኑ እⶖጒሲክ ሲም ሊጘር ወክት ኣስቴርቲ፣ “እስከ እንቲ ጀረብርዳዅ ውራኒ ግን፧ እውስትሮኪ ግን፣ ኒሰናኽር እን እንቲ ወጝቐርዳዅ ውራኒ ግን፧ በና ይሕክሙዅ ድኳ ኣከን እውስትሮኪ ግን” ይዅላ።
7 ኣስቴርኻ ንሰና ይሮ ወንተስቲ፣ “ይሺዋንዲ ይውጝቅረዲ ኒን ግን፣ 8 ሲምሊ ዓመል አርን፣ እን ኣን ጀረባዅ እውስትሮለ ይሺዋንስኽር እሲሮለ ሲምሲ ፈርሕዳዅሉ ኣከን፣ ሲምዲ ሃማንዲ፡ አመሪ ናድ ደለምዳዅሉ ዕዱመትሊ ኣረርሲኒን። ኒድምኻ አን ውጝቅራ ሲሙዅድ ውንትሳ እውያ ግን።” 9 ሃማን እን ግርጋ እንድሂሲ ባህዮሉ፣ ኒለበካኻ ፈርሖ ፊዅ፣ ደአም፡ ሃማን ማርዶካይቲ መራብ ሲሚዅሊ ጕጊ ኒልድር ስቆት ኣወት ይጊ ከፍ ዮ ቋሎሰነክሉ፣ ኒቀጥብ ማርዶካይትል ሓውዩዅ። 10 ሃማን ደአም ኒኣኾርሲ ደፍእዱዅ፣ ኒልጝንሊ ትዎሰነክኻ፡ እኝሻቆ ኒት እጝከለውዲ ኒእዅና ዘረሽዲት ናቅስዅሎም። 11 ሃማንኻ ቅድና ኒርድቍዅዲ ብጅኽ ኒቍሩዅዲ፣ ሲም ኒድክድ ኣዋህበ ኣሕሉቅ ኣወይሲ በሀርደትሉ፡ ከድመት ሲሙልኽር ክብሰትሉ ድዊዅሎም። 12 ሃማንኻ ኰዶ ንሰና ዩዅ፡ “ሲሚ ኣስቴር እን ደለምድራዅ ዕዱመትሊ ሲምዲ ይንኻ አሪዅ ሽጝላ፣ አመርኽር ሲምዲ ዓደምሮል ህምበቲ፣ 13 ኒን ኒውክ ደአም፡ ምርዶካይ እን ኣይሁዳዊራ መራብ ሲሙዅሊ ከፍዮ ቋልዲስክሉ ባህ የለለንክ” ይዅሎም።
14 ኒእዂና ዘረሽዲ እን ኒት እጝከልውዲ ናውክ “ኒሺርጝ ኣⶖኳ ኣመት ኣካዅ ከረከርሲሰና ተከሊ እማ ማርዶካይ ከርከርስሮሉ ክሰራ ሲምድ ድዊሉ፣ ኒደምብኻ ፈርሕሮ ሲምዲ ዕዱመትሊ ትዊ” ይንዅሉ። እና ኰድጛ ሃምንቲ ኣቅትራሲክ ፈርሕድዅሉ፣ ከርከርሲሰነስኽር
4 ሲምኻ “ሕዳርሊ ኣውኒ ህምበኵን፧” ዮ ወጝቀሩዅ፣ እና ወክት ኒሲ ሃማን ማርዶካይቲ እን ኒተከላዅ ካኒል ከርከርዶሉ ሲምሲ ጋቢሮ ከደን ገፍድ ኣረርሳዅ ሕዳር ልጝን ሕኲመቱዅሊ ኒገእይኒል እርጉዅ። 5 እን ኒኣገልገልደንትኻ፡ “እናሓን፣ ሃማን ሕዳርሊ ድውዮ ህምበኵ” ይኑዅሉ። ሲምኻ “ትዊ የሉ” ይዅሎም።
6 ሃማን ትዎሰና ሲምኻ፡ “ሲም ከበርድሮሉ ጀረበዅ ኣዳምድ ውራ እስቲሮሉ አስተሀለኵን፧” ዮ ወጝቀርዅሉ፣ እንሲን ሃማን “ሲም ይልድ ኣወይሲ ከበርዳዅሉ ኣውኒ ህምበኵን” ዮ ኒለበከድ ሓሰቡዅ።
7 እማ ሲምድ ንሰና ዮ ወንተስዅሉ፣ “ሲም ከበርድሮሉ ጀረበዅ ኣዳምድ፣ 8 ሲም ሰራዅ ሰረና ሕክሙዅዲ፡ ሲም ጨዓንስረሪዲ ኣክሊል ሲሙዅ ኒኣኾር ዳግ እስቲን ፈርዳኽር እንትርንሉ። 9 እን ሰረጝዲ ፈርዳዲኻ ገሪዅድክ ከበርው ክብየው ስየም ሲሙልድ ላዅድ ኒናንሊ እውስትን፣ ሲም ከበርድርሉ ጀረበኽ ኣዳምድ ሰስኒንሉ፣ ፈርዳትል ጨዓኖ፡ እን ዕርዲረር አርእስተው ደርፍፈል መርሑኑ፣ ‘ሲም ከበርድሮሉ ጀረበዅ ኣዳምድ ኒን እስቲዅሉ’ ይኒን” ይዅሉ።
10 ሲምኻ ሃምንቲ፡ “ደአም፡ ኣሻሻዅድ ፈሪ እማ፣ እን ሰረነዲ ፈርዳዲት ኣድሮ፡ እን መራብ ሲሙዅሊ ከፍያዅ ማርዶካይድ እን እንቲ ይራዅድሰና እሲሉ፣ እን እንቲ ጋብረውልድ ላሪ ከብቲግሪን” ዮ ኣደድዅሉ።
11 ሃማንኻ እን ሰረናዲ ፈርዳዲት ኣዶ ማርዶካይቲ ሰስዅሉ፣ እን አርእስተው ደርፍፈል መርሑ፣ “ሲም ከበርድሮሉ ጀረበዅ ኣዳምድ ኒን እስቲዅሉ” ዩ ኒጃብል ኣወጁ እርጉዅ።
12 ኒድ ደምቢ ማርዶካይ መራብ ሲሙዅሊ ወንተሩዅ፣ ሃማንኻ ጓሃዮ ኒኣኾርሲ ኵቶ ኣሸሻዅ ኒልጝንሊ ፈሩዅ። 13 እን ገእያዅሲሉኻ ኒእዂና ዘረሽዲ እን ኒት እጝከለውዲት ድዊዅሎም፣ እን ኒት ኰድጚሰውዲ ኒእዂና ዘረሽዲኻ፡ “ኒጃብል ለብቶ ተርስረዅሩሉ ማርዶካይ ኣይሁዳዊራ ኣከን፣ በታተን ገበብቶሉ ገረሰላ፣ ሸክ እጝገት ድቶግን” ይኑዅሉ። 14 ኒዲ ጋብስⶖኑ እⶖጒሲክ፣ ስሉባን ሲሙ እንትኖ ሃማንቲ እን ኣስቴር ደለምድራዅ ዕዱምትሊ ኣድኖሉ ፈርኑዅ።
5 ሲም ኣሓሽዌሮስ ሲሚ ኣስቴርቲ፡ “እና ጋርኒስ እሲሮ ደይዓዅ ኣውኒ ግን፧ እና አዳምኻ ኣወት ህምበኵን፧” ይዅላ።
6 ኣስቴርኻ፡ “ይና ኣባይዲ ክረዲ፡ ፈረዳዅና ደአም እና ሃማን ይስታዅ እኵይ አዳም ግን!” ይቲሉ። እንሲን ሃማን ሲምዲ ሲሚር ጃብዲትል ገሪዅድክ ፈጥፈጡዅ። 7 ሲም እን ከፍዮ እርጋዅልድ ቀጠብሶ ጒዅ፣ ሚድ ወይኒሩሲ ባሮኻ ልጝን ሕኲመቱዅሊ እን ካን ኣካንሊ ፈሩዅ። ሃማንኻ ሲም ድሂስሮሉ ኰድጘ ጐት አርእነዲን፣ ሲሚ ኣስቴር ኒርሕሲ ከብሲቶላ ሺዊሮላ ኒል ከብቲዅ። 8 ሲም እን ልጝን ሕኩመቱዅ ካን ኣካንልድ ዳስ ዕዱመቱዅሊ ወተረሪት፣ ሃማን እን ኣስተር እርግራዅ ዓራትሊ ለቦ እርጉዅ፣ ሲም “እማ፡ ይልጝንልማ ሲሚት ይጃብል ዓመጭሮላ ጀረቢዅን፧” ዩዅ። እና ቆል ኣብ ሲሙዅልድ ፈሰና፣ ሃማንቲ ኒገሽሲ ኲስንዅሉ። 9 ሓርቦና፡ ላዅ እን ስሉባንልድኻ ሲም ጃብል፣ “ሃማን ማርዶካይድ፡ እን ሲምድ ትካያዅ ጋበዅድ ዮ ደለምዳዅሉ ኣⶖኵረጝን ኣመት ኒሺርጝ መሱና እናሓን፣ ልጝን ሃምንዱዅሊ ተከልሶ ህምባኵ፣” ዩዅ። ሲምኻ “ኒት ኒል ከርከረሉ” ዩዅሎም።
10 እማ፡ ማርዶካይድ ደለማዅ መሱኒል ሓማንቲ ከርከርንዅሉ፣ ኒደምቢ ቀጥብ ሲሙዅ ቀሽቀሹዅ።
3 ኣስቴርኻ ሓዲስድ ሲም ጃብል ጋቢቲ፣ እኪት ሃማን ኣጋጋዊሪዅ ያሁድ ኣወይሲ ኣምርድ እሰዅ ደውይሮር መታን ሺዊቲሉ። 4 እንሱን እን ግምቢ ደሀቡዅሲ መደድዅላ፣ ኣስቴርኻ ጕሮ ሲም ጃብል ደውይቲ። 5 ንሰናኻ ይቲሉ፣ “ሲም እጝከለን፡ ኒጃብልኻ ዓመል አረን፣ እና ጋር ኒንኻ ኒጃብል ትክያዅ ኣኾ ቋልስተን፣ ኣጝኻ ኒዕል ጃብል እጝከልሳኽር ኣከን፡ ሃማን ሃማዳታዅራ እን ኣጋጋዊራ፡ እን ናትክ ድወል ሲሙሊ ህምበው ያሁድሲ ድሂስሮ የመሞ ከተበው ጀዋባት ለወትስሮ ከተብስውን። 6 ይእክሊ ዓመጭ ገሙ ቋሉ ኣዋህበ ሰብር እስያ ገረሳውኽን፧ ይኣዳሙ ድደስ ቋሉኻ ኣዋህበ ገረስየሉ ገረሳዅን፧”
7 እንሲን ሲም ኣሓሽዌሮስ ሲሚ ኣስቴርዲ ማርዶካይ ኣይሁዳዊረዲት ንሰና ይዅሎም፡“ እናሓን ሃማን ያሁድሲ ድሂስሮ ሓሰብነዲን፣ ኒልጝንሲ ኣስቴርሲ እዎላ ህምበኵን፣ ኒትኻ፡ መሱኒል ከርከርኑዅሉ። 8 እን ሲም ሱⶖድ ከተብሳዅዲ ኒካትምድኻ ከተምሳዅዲ ለወትስሮ ገረስተጋዅ ኣኸውድ፣ እንትንኻ ያሁድሲ ቋላዅድ ትካያዅ ኣኾ ቋልስታዅሲኵኩም ኣሪዅ ኣዋጅ ሱⶖ ሲሙዅድ ከተብድኖ ኒካትምድኻ ከተመሉ።”
9 እን ወክት እንድሂሲ፡ኻ ሲዀር አርቢል፡ ንርኻ አርባ ሲዋንትሪ፣ ልጘረጝንዲ ሰኻ ኳረትል፡ እን ካትበን ሲሙ ሸጝስትኑዅ። ናውኻ ትእዳድ ማርዶካይሩዅድ ናውክ ያሁድድ፣ ኒሰናኽር ህንዲትልድ ኢትዮጵያ ኣኽታሲክ፡ ላሊኽዲ ለጘረጝንዲ ለጘተትል አረርሰው ኣማሕደርደውዲ ድወለትሲ መለከውዲ፡ አሪው መርሓትል እኝሻቅሰው ጀዋባት ከተቢሱዅ። እን ጀዋባትኻ እን ደወልድ ላዅድክ ናሹር ጋብዲ ክታበዲሲ፡ ኒሰናኽር ጋብ ኣይሁድዅድ ናክታበዲሲ ተለይድኖ ከተብድኖ እስቲዅ። 10 ማርዶካይ እን ትእዳድሲ ሲም ኣሓሽዌሮስ ሱⶖድ ከተቦ ካትም ሲሙዅድ ከተምዅሉ/ሓተምዅሉ፣ ኒደምብኻ፡ ሲሙ ፈርድትሲ ጋጝሰው ኣሸሸው ናንድ እኝሻቅዅሉ።
11 ኣዋጅ ሲሙዅኻ፡ ዕርዲራታትሊ መንደርተው ያሁድ እክብስድኖኽር ናሹቲ ክርኒልድ ተከውድኖ ኒሰናኽር፡ ናእኲንዲ ናቍርዲትል ጅርበት ናቅሰውሲ ኒደውለት ኣኻዅዱዅ ኣኽን ዓስከራ ድሂስድኖሎምኽር፣ ኩድኖሎምኽር፡ ደምሰስድሎምኽር፡ ናርድቅስኻ አድኖ ፈቀድንዅሎም። 12 ላኳረድ፡ ናውክ ድወል ሲም ኣሓሽዌሮስሩዅሊ፡ አርባ ሽካ ለጛትል፡ ንርኻ አርባ ኣዳርትሪትል፡ ሽካ ሰኻ ግርጋትል። 13 ያሁድኻ እና ግርጋ ንሂሲ ናኣፋይትል ናተሪት ፈደይድኖ ደለምድኖ ቅዳሕ እን ክቱቡዅ ናውክ እን ድወሊ ትእዳድ እውስትሮ፡ ከው ናድክድ ድውስቲዅ። 14 እን ልጝን ሕኩመቱ ፈርድትሊ ጨዓንሰው ንሽቕ፣ ሲሙዅ ኣሸሻዅ ትእዳድድ ወለይዳዅድ ፊኑዅ፣ እን ኣዋጅኽር ኣደራሽ ሱሳንዱዅል ድውስቲዅ።
15 ማርዶካይ ሰመያዊረዲ ጫዕዳዅዲ ልጝን ሕኩመቱዅ ሰረና ሰሮ፣ በሀር ኣክሊል ደሀቡዅ ኒኣኾርሊ እሰ፡ ቃፍፍ እንጣጢዕዅድ ከደምሳዅ ታዊና ሰራዅዲ፡ ጫዕዳዅዲ ሰሮ፣ ሲም ጃብልድ ፊዅ፡ ዕርዲራ ሱሳንትርኻ እልል ይሩ ፈርሕቲ። 16 ያሁድድ በርህዲ ፈርሓትዲ፡ ደስታዲ ሳቡርዲ ኣኺዅሎም። 17 ናውክ ድወልዲ ዕርዲረታትዲትል ቆል ሲሙዅዲ ኒትእዳዲ ገእያዅለን ኣካናትሊ ያሁድድ ፈርሓዲ ደስታዲ፡ ቍነዲ ጅእነዲ ግርጋ ኣኺዅሎም። እን ከው ብሪውልድኻ፡ ያሁድሲ ናጓቝትኒልድ ጐዅ፣ ገሪው ናልድ ያሁድ ኣኺኒዅ።
6 ኣደራሽ ሱሳንዱዅሊ ያሁድ ኣⶖኳ ሊኽ አዳም ኵኑዅሎምር ድሂስንዅሎምር። 7 ጳርሻንዲ ዳታንዲ፡ ደልፎንዲ ኣስጳታዲ፡ 8 ጳራታንዲ ኣዳልያንዲ፡ ኣሪዳታዲ፡ 9 ጳርማሽታዲ ኣሪሳይዲ፡ ኣሪዳይዲ ዋይዛታዲ፡ 10 ነስ ኣፋይቲ ያሁድሩ ኣኸው ሃማን ሃመዳታዅርድ ቍርሲ ኵኑዅሎም፡ ናው ሽካ ቍራቝር እርግኑዅ። እን ሰልብስተውሊ ደአም ናናንሲ ገምድኒ።
12 ሲምኻ ሲሚ ኣስቴርቲ፡ “ያሁድ ኣደራሽ ሱሳንዱዅሊ ኣⶖኳ ሊኽ አዳምዲ ሃማንዱቍርዲት ኵኑዅሎምር ድሂስኑዅሎምኽር፣ እን ከብተው ድወል ሲሙሊ ደአም ውራ እሲነው ኣኽድና፧ ናንኻ ውራኒ ግን ኵሺዋን፧ እውስትሮኪ ግን፡ ውራኒ ግንኻ ኵጅርብ፧ እስቲሮልኪ ግን፣” ይዅላ።
11 እን ግርጋ እንዲሲ፡ እን ኣደራሽ ሱሳንዱዅሊ ክረውድ ሺብ ሲምድ ድውስቲዅ። 13 ኣስቴርኻ፡ “ሲምሲ ፈርሕዳዅ ኣከን፣ ሱሳንትል መንደርተው ያሁድ እና ንኪሩዅ ኣዋጅሲ ኣመርኽር ድምድኖሉ ኵፍቃድ ኣኽን፣ እን ሽካ ሃማንድቍር ቍራቍር ካኒል ከርከርሲኒን” ይቲሉ። 14 ሲምኻ ኒን ኣኽሮ ኣደዱዅ፣ ሱሳንትል ኣዋጅ ድውስቲዅ፡ እን ሽካ ሃማንድቍርስኻ ከርከርንዅሎም። 15 ሱሳንትል መንደርተው ያሁድ ኣዳር ይስታዅ አርቢል ሽካ ሰጃር ኳሪል ላት እክብስኖ እንትኑዅ፣ ሱሳንትልኻ ሰዃ ሊኽ አዳም ኵኑዅ፣ እን ሰልብስተውሊ ደአም ናናንሲ ገምድኒ።
16 እን ድወል ሲሙሊ መንደርተው አሪው ያሁድኻ እክብስኖ ናርሕሲ ተከውንዅላ እማ፣ ናኣፋይትል ፊዅኑዅ። እን እንጠውሎምልድኻ ለጘትረጝንዲ ኣⶖኳ አዳም ኵኑዅ። ናናንትትሲ ደአም፡ እን ሰልብስተውሊ ገምድኒ። 17 ኒን ኒ ኣኻዅኻ ኣዳር ይስታዅ አርቢል ሽካ ሲዀር ኳሪል እርጉዅ፣ ሽካ ሰጃ ኳረትል ፊዅኑዅ፡ እን ግርገትኻ ፈርሓትዲ ደስተዲር ግርጋ እሲነ እርግኑዅ።
18 እን ሱሳንትል እርገው ያሁድ ደአም፣ እን አርባ እንድሂትል ሽካ ሰዃ ከርዲ ሽካ ሰጃ ኳረዲት ኒል እክብስኑዅ። ሽካ ኣⶖኳ ኳረትኻ ፊዅኑዅ፣ ንርቲ ግርጋ ጅእትሪዲ ፈርሓትሪዲ እሲኒዅላ። 19 እማ፡ እን ደገጊተል መንደርተው ያሁድ፡ አርባ ኣዳርትሪ ሽካ ሰጀሪ ግርገት ጅእድሪዲ ፈርሓትሪዲ፡ ናሹር ናሹ እውን እውስተና ግርጋ እሲነ በዓልደናዅላ ኒልድ ጐዅ ግን። 20 ማርዶካይኻ እና ጋርኒስ ከተቦ ናልክ ድወል ሲም ኣሓሽዌሮስሩሊ፣ ሺራዅዲ ተኻትዲትል ህምበው ናልክ ያሁዲትል ጀዋባት ፈሱዅ። 21 እን እኝሻቃዅሉኻ አርባ ኣዳሩዅሊ ሽካ ሰጃ ኳረዲሩዅሊኽር ሽካ ኣⶖኳ ኳረዲሩዅልኽር ኣመራ ሺባ በዓልድድኖለን ኣደድዅሎም። 22 እን ያሁድ ናፋይትልድ ፊዅና ግርጋት፣ እና አርባ ንሂሲ ናጨናቅስና ፈርሓትሊ፡ ናሓዘን ትክያዅ ግርጊል ለወትሳዅሉ፡ እን ግርጋት እንደስ ግርጋት ጅኡዲ ፈርሓትሩዲ እሲድኖለ፣ ናሹር ናሹትልኻ እውን እኝሻቅድኖ፣ ጭጉማንድኻ እውን ኡድኖ ድውስቲዅሎም። 23 እማ ያሁድ፡ እን ማርዶካይ ከተባዅሲሎም እሲድኖኽር፡ እን ተርሲነዅ በዓልሲ ከበርድድኖኽር ተዋፈግኑዅ።
24 ሃማን ሃመዳታዅራ እን ኣጋጋዊራ፡ ናድካ ኣባይ ኣይሁዱድዅ፡ ያሁድሲ ድሂስሮሎም ዮ ጐርሑዅሎም፣ ኒዀርስክ ድሂስሮሎም ዮ ቅሻ ገምድዅሎም። 25 ኒን ሲም ጃብል እንተሰናኻ፣ ኒ፡ ጃዋብድ እሰ እን ሃማን ያሁድሊ ጐርሓዅሎም ሙቝላ ጓርሓት ኒኣኾርሊ ወንተርኒ፡ ኒዲ ኒቍርዲትኻ ጉንዳይሊ ከርከርሲኒን፣ ዮ ኣደዱዅ። 26 እማ እና ግርጋት ነስ፣ እን ሱⶖ ጱር ይስታዅሰና “ጱሪም” ይኖ ሽጝኑዅለን። እና ዳብዳበ ኒል ከተብሳዅ ኒውክ፡ እን ቋልናዅዲ እን ገእያዅሎም ጋር ኒውክዲት፣ 27 እን ያሁድኻ ናሹትኽር ናፈደንድር ኒውክ ናል ጨግዕስታዅዲሲ፡ እና ለጛ ግርጋት ነስ፣ እን ከተብሶ ህምባዅሰና፡ አመራ ሺባ ካረምግኒ በዓልድድኖ ከለብርኑዅሉ። 28 እና ግርጋት ነን ኒልክ ወለዶታትዲ ጅንስዲትል፡ ደወልዲ ዕርዲራታትዲትል፡ እልብርስሮኽር በዓልስሮኽር፣ እና ግርጋት ጱሪምሩ ነን ያሁድ ነበክል ናበዓልስና ከብቲሮ ኣኽላ፡ ናእልብርሰናኽር ኰዶ ናፈደንልድ ወላ ድድሮ ኣኽላ።
29 ሲሚ ኣስቴር ኣቢሓይልንድቍራዲ ማርዶካይ ያሁዳዊራዲ፣ እን ጱሪም ሰበትድ ጋብረሪ ሊጘሪ ዳብዳበራ ናሒልድክ ተብድኖላ ይኖ ከተብኑዅ። 30 እን ዳብዳበታትሲ ናልከል ያሁድሊ፣ እን ሊኽዲ ለጘረጝንዲ ለጛታ ድወል ሲም ኣሓሽዌሩስሩሊ፡ ጋብ ሰሙዅዲ እምነቱዅዲሲ እሰ፣ እኝሻቃኽለን፡ 31 እና ግርጋት ጱሪምሩ፡ እን ማርዲካይ ያሁዳዊራዲ ሲሚ ኣስቲርዲ ይናዅሰና፣ እን የመምሳዅ ወክትሊ ኣኽራሲክ ተብድኖ፣ እን ናሹሽኽር ናፈደንድር ሹምዲ መህልልዲሲ የማምንዅሰና ተብድኖ ዮ ግን። 32 ኣዋጅ ኣስቴርዱዅ ጱሪም ሰበትድ ፈዅ ኰድጛስ ተብዱዅ፣ ኒንኻ ክታብሊ ከተብሱዅ።
4 እንሲን እን ብልሀቱ ጋብ ኣራማይኵውድ ሲምሲ፡ “ዎ ሲም፣ ዲመሲ ሓከምራኽር ኣኺ! ኵነበኺት ኵገኝሺንድ ድዊና እማ፣ ይንኻ፡ ኵነበኺት እጝክኖካ ግን” ይንዅሉ።
5 እን ሲምኻ እን ብልሀቱሲ ንሰና ይዅሎም፣ “እን ነበኺዲ ኒ ውሪናዲት ድወግደነንለ፡ ሰፍድ ቀረጭስትኖ ግን፡ እንታ ልጝንትኽር ድግድግ ቀጨጭዅ ኣኽሮ ግን። 6 እን ነበኺዲ ኒ ውሪናርዲት ድውደነንለ ደአም፡ እውንዲ በሀር ኮት ክብርዲሲ ሰርገይየኩም ግን፣ በጋ፡ እን ነበኺዲ ኒ ውሪናርዲት ድወለ።”
7 ናውር ወንተስኖ፡ “ሲም ኒነበኺት ኒገኝሺንድ ድዊንና፣ ይንኽር ኵነበኺት እጝክኖካ ግን” ይንዅሉ።
8 እን ሲምኻ፡“እን ነበኺት ምኺረትሉ አርእድኖ፡ ወክት አርትና ጀረብደነት አለለዮኩም ህምበኵን፣ 9 እን ነበኺት ድወግደነንለኻ፡ እንተድ ጨበራዅኩም ፍርድ ላዅ ግን፣ እን የመምሳዅ ለወትስራ ይድኖ፡ ከቲሰውዲ ምቝል ጋራትዲት ድዊትኖለ ኰድጝዲነ ህምብደነኵ፣ እማ እን ነበኺት ድወለ፣ እን ኒ ውሪናርሲ ድውደነትለኻ ንድ አርእያ ግን።” ዮ ወንተስዅሎም። 10 እን ብልሀቱኻ ሲምሲ ንሰና ይኖ ወንተስንዅሉ፣ “እን ሲም ወጝቀራዅ ወጝቀረስ ወንተስሮ ገረሳዅ ኣዳም ብሪል አረርሰላ! ኣኻ ሲም ገሪዅድክ ደኳ ሒለቱዅዲ በሀርዲ ኣካን፣ እን ጠንቆለውዲ ሰርደትዲ ብልሀቱዲት ነዋ ያዅ ጋር ወጝቀራዅሎም እላ፣ 11 እና እንቲ ወጝቀርዳዅ ገሪዅድክ ጨገምዳዅ ጋር ግን፣ እን ከዋ ነበክል መንደርተገው ጃርትት ንኻ፡ ሲምድ እና ጋር ኒስ እጝክሮሉ ገረሳዅ ላዅ እላ።” 12 ንድኻ፡ እን ሲም ቀጠብሱዅ፣ ሓረቕሩዅር እማ፣ እን ባቢሎንሊ ህምበው ብልሀቱ ናውክ ኵውስትድኖ አደዱዅ፣ 13 እን ብልሀቱ ናውክ ኵውስትድኖኻ እን ትእዳድ ድውስቲዅ፣ ዳኒኤልዲ ኒጨርዲትኽር ጀረቢነ ኵድኖሎም ከው እጝሻቕስኑዅ። 14 እንሲን፡ እን ሲምሲ ተከወውድ ሓለቓ ኣኻዅ ኣርዮክ፡ እን ባቢሎንዱ ብልሀቱስ ኵሮሎም እንተሰና፡ ዳኒኤል ልውርዲ ላጝቂ ትክያዅዲሲ ጋቢዅሉ። 15 ኒ፡ ኣርዮክቲ፡ እን ተከወንቲ ሲሙውድ ሓለቐስ፣ “ሲም ውሪዅኒ ነወያዅ ትእዳድ ሒለቱዅ ኒ ፍዳዅ?” ዮ ወጝቀርዅሉ፣ ኣርዮክኻ እን ጋርሲ ዳኒኤልሲ ፈሀምድዅሉ። 16 እንሲን ዳኒኤል ሲምሊ ትዎ፡ እን ኒነበኺት እጝክሮሉ ወክት እውሮሉ ሲምሲ ወጝቀርዅሉ። 17 ኒድ ደምቢ፡ ዳኒኤል ኒልጝል ወንተሮ፣ ኒጨር ሃናንያዲ ሚሻኤልዲ ኣዛርያዲሲ እን ጋርሲ ድዊዅሎም። 18 ኒዲ ኒጨርዲ እን ከብተው ባቢሎንዱ ብልሀቱዲ ኵውስትግኒን፡ ጃር ሰሚዅ ራሕመት እሲሮሎምኽር እን ስቱርሲ ወድሕድሮሎምኽር ጠለይድኖ ኰድጚዅሎም። 19 እን ስቱርኻ ዳኒኤልሲ ቂር ራእይሲ ወድስትዅሉ፣ ዳኒኤልኻ ጃር ሰሚዅሲ ሓመዱዅ፣ 20 ንሰና ኰዶ ይዅ፣
21 ኒ፡ ወክትዲ አርፍፍዲት ለወተኵ፣ ሰየምሲ፡ ሰየመኵር ገምደኵር፣ እን ብልሀቱውድ ልውር፡ እን ፈሀመውድኻ አምር እውኵ። 22 ኒ፡ ቆርሊ ህምባዅዲ ትብታዅዲት ወድሕደኵ፣ እን ጭልምሊ ህምባዅሲ እርኡዅ፣ በርህኽር ኒዲ መንደርተኵ። 23 ዎ ጃር ይእክላዅ፣ ብልሀትዲ ሒልዲ ኡራኽርለ ኣኽርነዲ፡ እን ኣን ሺዋዅሲካ አርእሲስርነዲንለኽር እን ነበኺ ሲምዅሲ ወድሕድርነዲንለኽር ሓመድኵንካ፡ ከበርደኵንኻኽር እⶖኵዅን።” 24 ዳኒኤልኻ፡ እን ሲም ባቢሎንዱ ብልሀቱስ ድሂስሮሎም አደዳዅሉ ኣርዮክትል ፈሩዅ እማ፡ “እን ባቢሎንዱ ብልሀቱስ ኵውግሎም፣ እን ሲምሊ አድሮ ፈሪለ፣ ኣንኽር እን ሲምሲ ኒነበኺት እጝክየሉ ግን” ይዅሉ።
25 ኣርዪክኻ ዳኒኤልቲ ኒድ-ንድ ሲምሊ አዶ ቱስዅሉ እማ፡ “እን ነበኺዲ ኒ ውሪናርዲት ሲምድ ድዊሮ ገረሳዅ ኣዳም፡ እን ሰልብስተው ያሁድ ነበክልድ አሮ ህምበኵን” ይዅሉ። 26 ሲምኻ፡ እን ቤልጥሻጽር ይስቶ ሽጝስታዅ ዳኒኤልቲ፣ “እን ኣን ነባኽረዅ ነበኺዲ ኒ ውሪናርዲት ድዊቶለ ገረስረዅማ?” ዮ ወጝቀርዅሉ። 27 ዳኒኤልኻ ንሰና ይዅሉ፣ “ብልሀቱዅ ኣኽን፡ ሰርዳይ ኣኽን፡ ጠንቆላዅ ኣኽን፡ አመር ሻዅ ኣኽን፡ እና ሲም ወጝቀራዅ ስቱርሲ ሲምድ ወድሕድሮሉ ገረሳዅ እላ፣ 28 ደአም፡ እን ሰሚል ህምባዅ ላዅ ጃር ካያ ግን ስቱርሲ ወድሕዳዅ፣ ኒ፡ እን እንተራ ወክትሊ ኣካዅሲ ሲም ናቡካድነጾርድ አርእሲስዅሉ። እን ኵገጝጅጝሊ ዋንትሩ ቋልዳዅ ነበኺዲ ራእይዲ ኒን ግን፦ 29 “ዎ ሲም፣ ኵገጝጅጝሊ ዋንትሩ፡ ኵምዅ እን ንደምቢ ኣኽሮ ፈረው ጋራትሲ ኣትዋየንዱ እርጕዅ፣ እን ስቱርሲ ወድሕዳዃ እን ንደምቢ ኣኽሮ ፈራዅሲ አርእሲስዅካ። 30 እና ስቱር ይድ ወድሕስታዅ፡ ናድክልድ ኪዳዅ ብልሀት ሻኻኽር ኣኾ ኣኽሊ፣ ደአም፡ ዎ ሲም፡ እንቲ ውረኒ ኣከት አርእቶኽር እን ኵምዅድ አትዋየንድሩ እርግራዅ ጋር ውረኒ ኣክት ፈሀምቶዅር ግን።
31 “ዎ ሲም፣ ኵገሸል በሀር ኮት ኣኻዅ፡ ብርቕርቕ ያዅዲ ጕኢሳዅዲ ምስሊራ በህር ቋልዱዅ፣ 32 እና ምስሊራ፡ ኒኣዀርኻ ደሀብ ጫርያንድ፡ ኒናሓርዲ ኒከረሽምዲኻ ወርከድ፡ ኒጎድጕዲ ኒየውድኻ ኣስራዲሪልድ፣ 33 ኒመጋባትኻ ሸኺልድ፡ ኒልኵክኻ ናበልጝ ሸኺልድ፡ ነበልጛ ደረቚልድ ከደምሰው እርጕዅ። 34 እንቲ ኒስ መርኪስሩ እⶖጕሲ፡ ላ ክርጛ ናን ኣዳምሩዅ ተመድጊሉ እን እርጋዅልድ ገለበስትዅ፣ እን ሸኻዲ ደረቛዲሲ ከደምሰው ልኩኵ ምስሊሩሲኻ ጣዓምብዅርሎም፡ ሀርተትዅርሎም። 35 እንሲን፡ እን ሸኻዲ ደረቛዲ ኣስራዲራዲ ወርከዲ ደሀብዲ ሀርተትሱዅ፣ እን ወክት መሽውዅሊ ወረኒል ድየው ጕርድ ሰና ኣኹዅ፣ ውልዋልኽር ላሪ ባርጊ አድዅሎም፣ እን ምስሊረስ ጣዕምባዅ ክርጛኻ በሀር ኮት ጊራ ኣኹዅ፣ ብረስክር እንሳኹዅ።
36 “እን ነበኺ ኒን ግን፣ ናጛ፡ እን ነበኺ ውረኒ ኣከት ሲምድ ድዊኖሉ ግን። 37 ዎ ሲም፣ እን ጃር ሰሚዅ ሲመርዲ ስልጠትዲ ሒልዲ ክብርዲት እዋዅካ፡ ሲም ሰየሙዅ እንቲ ግን፣ 38 ኣዳምንድቝርዲ ዋኒን ከደኑዲ ጀከል ሰሚውዲት ኵናንተል እውዅካ፣ ናው ህምበና ኣካንልክ ኰዶ፡ ናድካ ኣዀርሊ ሓከምረት እሲዅካ፣ በጋ፡ እን ኣዀር ደሀብድ ከደምሳዅ ኣንቲ ግን።
39 “ኵደምብኻ፡ ኵልድ ሽጓዅ ሲመር ጕሮ ግን፣ ኒደምቢ ኰዶ፡ ኣስራዲሪዅ፡ ብራ ኒትክሊ ሓከማዅ ሲዀር ሲመር ጕሮ ግን። 40 ደጝጎባኻ፡ ኒትክሲ ከትከታዅዲ ከራዅዲርሰና፡ ሸኺሰና ተባዅ ኣኻዅ ሲመር ጕሮ ግን፣ ሻኽ ናትክሲ ከረ እትሳዅሰነሎም፡ እን ኒጃብ እርገው ሲመር ናትክስኽር ከርርጘ፡ እትስሮም ግን። 41 ኒልኩኵዲ ኒዓጫብዕዲ፡ ናበልጝ ደረቛ፡ ነበልጛ ሸኺልድ ከደምሰው ቋልዳዅሰነሎም፡ ኒሰና ንርሹር-ንርሹትልድ ሲርስትጝረሪ ሲመር ኣኽቶ ግን፣ ደአም፡ እን ሸኸዲ ደረቛዲ ሕበርሰ ቋልዳዅሰነሎም፡ ኒበልጛ ተባዅ ሻኺልድ ዋኒሮሉ ግን። 42 እን ዓጫቢዕ ኒልኵከው ናበልጝ ሻኺልድ፡ ነበልጛ ደረቚልድ ከደምሰውሰና፡ እና ሲመርኽር ኒበልጛ ሒለቱዅ ነበልጛኻ ሓዋን ኣኽሮ ግን። 43 እን ሸኻዲ ደረቛዲ ሕበበርሰ ቋልዳዅሰና፡ እን ከውር ናውክ ሕበበርሰው ኣኽድኖ ግን፣ ሸኻዲ ደረቋዲ እኺርኺርሊ ተከነጋዅሰናኽር፡ እን ከውር ላት ኣኽኖ መንደርትድኖ ኣኽኒ።
44 “እን ወክት እና ሰየም ነድዅድ፡ ጃር ሰሚዅ ዲመሲ ድደጋዅዲ እክ አሪውድ እውስተጋዅዲ ስመር ጕድሮ ግን፣ ኒ፡ እን ሲመር ናትክሲ ዳድሮሎምኽር ድሂስሮሎምኽር ግን፣ እና ሲመር ኒንኻ፡ ዲማ ተቦ መንደርትሮ ግን። 45 እን ክርጛ ናን ኣዳምዅ ተመድጊሉ ጊሪልድ ገለበድሶ ገሞ፡ እን ሸኻዲ ኣስራዲረዲ ደረቛዲ ወርካዲ ደሀብዲት እትሱ ቋልዳዅ፡ ኒ ውሪናር ኒን ግን፦
“እን በሀር ጃር እን ንደምቢ ኣኽሮ ፈራዅሲ ሲምድ ቋሊስዅሉ፣ እን ነበኺኻ እምን ግን፣ እን ኒውሪናርኽር እምንሳዅ ግን።”
46 እንሲን፡ ሲም ነቡካድነጾ ኒብሶትድ ፍግም ዮ ዳኒኤልትል ሰገዱዅ፣ ከበርድዅሉኽር፣ ሰደቐትዲ ልባነዲ ስኵስድኖሉኻ አደዱዅ። 47 እን ሲምኻ ዳኒኤልቲ፡ “እንቲ እና ስቱር ኒስ ወድሕድቶ ገረስራኽር፡ እምንድክ እንታ ጃር፡ ጃር ጃርትታዅዲ ሰየማ አደረዲ ስቱርሲ ወድሕዳዅዲ ግን” ይዅሉ። 48 እንሲን፡ እን ሲም ዳኒኤልቲ ኵብ ሲዅሉ፣ ገሪ እውንኽር እውዅሉ፣ እን ባቢሎንዲ በለድ ኒልክልኻ ሐክማይ እሲዅሉ፣ ናውክ እን ባቢሎንዱ ብልሀቱውድ አወይስኽር ሓለቓ እሲዅሉ። 49 ኰዶኽር፡ ዳኒኤል ሲምሲ ሺወ፡ ሲድራቅዲ ሚሳቅዲ ዓብዲ-ኔጎዲት እን በለድ ባቢሎንዱዅሊ መርሕእት እሰ ሰየምዅሎም፣ ዳኒኤልኻ እን ልጝን ሲምዅሊ እርጕዅ።7 ንድኻ፡ ደሀይ መለከቱዅ፡ እምብልቲዅ፡ ዕንድሩዅ፡ በገኒዅ፡ ሕኖኒዅዲ ኒውክ ደሀይ ሙዚቂዅዲት ዋስኖሰና፣ ኒድ-ኒድ ናውክ ገባይልዲ ናት-ናቱሩ ጋብ ጋበው ከውዲ፡ እን ሲም ነቡካድነጾር ደውሰዅ ምስሊራ ደሀቡዅሊ ፍግም ይኖ ሰገድኑዅ። 8 እን ውክት ንድ፡ ከው ላው ባቢሎንዱ ስኵርኖ፡ እን ያሁድሲ ሸከይንዅሎም፣ 9 ናውኻ ሲም ነቡካድነጾርቲ ንሰና ይንዅሉ፣ “ዎ ሲም፣ ዲመሲ ሓከሚ! 10 ዎ ሲም፣ እንቲ ንሰና ያዅ ትእዳድ ፍድሮ እርግሩዅ፣ ደሀይ መለከቱዅ፡ እምብልቲዅ፡ ዕንድሩዅ፡ በገኒዅ፡ ሕኖኒዅዲ ደሀይ ሙዚቂዅዲት ዋሳዅክ ኒውክ፡ እን ምስሊራ ደሀቡዅሊ ፍግም ዮ ሰገድሮ ሻኵ፣ 11 ፍግም ዮ ሰገድጋዅክኻ፡እቶን ላኻ ድይድያዅሊ ማልስትሮ ግን። 12 ኣኽን ግራ፡ ዎ ሲም፣ እን ባቢሎንዲ በለድሊ ስልጠት ኡራኽርሎም ያሁድ ህምበነኵ፡ ሲድራቅዲ ሚሳቅዲ ዓብድ-ኔጎዲ፣ ናው ኵሕስር ሻኽኒ፣ እን ኵጃርትትስኽር ኣምለክደኒሎም፣ እን እንቲ ደውስረዅ ምስሊራ ደሀቡዅልኽር ሰገድኒ።”
13 እንሲን ሲም ነቡካድነጾር ገሪዅ ሓረቕሮ፡ ሲድራቅዲ ሚሳቅዲ ዓብድ-ኔጎዲት ነቕስድኖሎም አደዱዅ፣ ነቕስኖሎምኻ እን ሲም ጃብል ደው ሲኒዅሎም፣ 14 ሲም ነቡካድነጾርኻ ንሰና ይዅሎም፣ “እንትን ሲድራቅዲ ሚሳቅዲ ዓብዲ-ኔጎዲ፣ እን ኣን ደውሰዅ ምስሊሪል እንታ ሰገድና ብነዲ እን ይጃርትትሲ እንታ ኣምለኽና ብነዲ፡ እምን መኒ? 15 ናን፡ ደሀይ መለከቱዅ፡ እምብልቲዅ፡ ዕንድሩዅ፡ በገኒዅ፡ ሕኖኒዅዲ ኒውክ ደሀይ ሙዚቂዅዲት ዋስድነሪት፡ እን ኣን ደውሰዅ ምስሊራ ደሀቡዅሊ ፍግም ይድኖ ሰገድትኖ ደለምድኖ ዋንትደነን ትክዩዅ። ሰገደግደነንኻ፡ ኒድ-ኒድ እን እቶን ላኻ ድይድያዅሊ ማልስትትኖ ግን፣ እን ይናንተልድ ደአንድሮኩም ገረሳዅ ጃርኻ አውንኒ?” 16 ሲድራቅዲ ሚሳቅዲ ዓብድ-ኔጎዲኻ ሲምሲ፡ “ዎ ሲም ነቡካድነጾር፣ እና ጋር ንድ ይነት ቋላዅድ ወንተስኖልካ ጀረብነሊ። 17 ዎ ሲም፣ እን ይን ኣምለክድናዅ ጃር እና እቶን ላኻ ድይድያዅልድ ደአንድሮና ገረሰኵ፣ ኵናንተልድር ደአንድሮና ግን። 18 ዎ ሲም፣ ኒ ደአንደገንና ድኳ፣ እን ኵጃርትትሲ ኣምለክደግነትር እን እንቲ ደውስረዅ ምስሊሪል ሰገደግነትር አርኢ።” ይኑዅሉ።
19 እንሲን፡ ነቡካድነጾር፡ ሲድራቅዲ ሚሳቅዲ ዓብዲ-ኔጎዲሲ ገሪዅ ሓረቕሩዅ፣ ወጅህ ኒገሹዅር ለወትሱዅ። እን እቶን ለኺዅሲ እማና እርጋዅልድ አወይሲ ለጘታ እሽባ ሓውሲድኖሉ አደድዅሎም፣ 20 ሲድራቅዲ ሚሳቅዲ ዓብድ-ኔጎዲት እኝሸውኖሎም፡ እን እቶን ላኻ ድይድያዅሊ ማልድኖሎም፡ እን ዓስከርልድ እን ሒለቱ ኣኸውሲ አደዱዅ። 21 ናውኻ፡ ናቓማይሽዲ ናታኲንዲ ናሻሻትዲ ናው ሰርኖ ህምበነውዲክ እኝሸውስኖ፡ እን እቶን ላኺዅ ድይድያዅሊ ማልስትኑዅ። 22 እን ትእዳድ ሲምዅ ኣሸሻዅ ኣርግነዲን፡ እን እቶን ላኺዃ መራ ድይድዩ እርጋዅ ኣኽነዲን፣ እን ለኺዅ ሀልሀልታ፡ ሲራቅዲ ሚሳቅዲ ዓብዲ-ኔጎዲት ማለውሲሎም ዓስከርሲ ኵውዅሎም። 23 እን ሰዃ፡ ሲድራቅዲ ሚሳቅዲ ዓብዲ-ኔጎድኻ እኝሸውስኖ ዋንቱኑ እን እቶን ላኻ ድይድያዅሊ ለብኑዅ። 24 ኒደምቢ፡ ሲም ነቡካድነጾ ፈከርሶ፡ ኒ ከፍ ዮ እርጋዅልድ ጒዅ እማ፡ ኒት ኰድጚሰውሲ፡ “እኝሸውኖ ለኺል ማልነውሎም ሰዃ ግርዋ ኣኽገውማ?” ዮ ወጝቀርዅሎም።
ናውኽር፡ “ዎ ሲም፣ የዋ ናው ግን” ይንዅሉ።
25 ኒኻ፡ “እነሓን፣ ኣን ሰጃ ግርዋ እንክስተው፡ ሃሽከብስገው፡ እን ለኻ ነበክሊ ወንተተርውሲ ቋለኵን እⶖኵዅን፣ እን ሰጀርኻ መልኣክ ተከኵ” ይዅሎም።26 ነቡካድነጾር፡ እን እቶን ለኻ ድይድያዅድ መሪል ስኵሩዅ እማ ክብያዅ ደሀይድ፡ “እንትን እን ጃር ክብያዅዱ ገኝሺን፡ ሲድራቅዲ ሚሳቅዲ ዓብዲ-ኔጎዲ፡ ፋ፡ ነራ ለዃ” ይዅሎም።
እንሲን፡ ሲድራቅዲ ሚሳቅዲ ዓብዲ-ኔጎዲ እን ለኺልድ ፍኑዅ፣
27 እን መኳንንቲዲ መርሓትዲ እን በለድሊ ሓከመውዲ ኰድጚሰውዲ ኒላው ሸጝገብሊ እክብስኑዅ፣ እን ለኻ እን ግርውሲ ላሪ ሃቢሮሎም ገርስገት ቋልኑዅ። ናሽብክልድ ላሪ ሓውይላ፣ ናሰረጝር ለወትስላ፣ ቂራ ለኺዅር እርግለሎም። 28 እንሲን ነቡካድነጾር ንሰና ይዅ፣ “ኒመልኣክሲ እኝሻቖ፡ ኒገኝሺንሲ ደአንዳዅ፡ ሲድራቅዲ ሚሳቅዲ ዓብዲ-ኔጎዲር ጃር ሓመድስኒ፣ ናው ኒድ እምንስኖ እን ትእዳድ ሲምዅሲ እስነስ ጕሽኑዅ፣ ናጃርሊ ኣኽገትክ፡ ኣሪው ጃርትትሲ ኣምለክድጝኒጝር ናል ሰገድግኒጝር ናፊዅትሲ ደኵስኖ ኡኑዅ። 29 በጋ፡ ኒሰና ደአንዳዅ ጃር ዋኒጋዅ ኣኸውድ፡ ሲድራቅዲ ሚሳቅዲ ዓብዲ-ኔጎዲር ጃርሊ አይዪ ምቝላ ጋባ ጋባዅክ፡ ገባይልድ ኣኺኒ ናት-ናቱሩ ጋብ ጋበው ከውልድ ኣኽኒ፡ ኣኻዅክ ቀረረጭስሮ ግን፣ ኒልጝንኽር ቀጨጭ ቡቝሲሰና ድግድግ ኣኽሮ ግን ዮ አደዶ ህምበኵን።” 30 ኒድ ደምቢ፡ ሲድራቅዲ ሚሳቅዲ ዓብዲ-ኔጎዲት እን በለድ ባቢሎንድዅሊ ሰየምዅሎም።9 ንሰናኻ ይዅንሉ፣ “ዎ ሓለቃ ብልሀቱዉዅ ቤልጥሻጽር፣ መንፈስ እን ሻትካን ጃርትታዅ ኵል ዋነት አርእዅን፣ ኵት ጨገምዳዅ ስቱር ዋኒገትር አርእዅን፣ እን ኣን ነበኽረዅ ነበኺ ኒን ግን፣ ይነበኺት እጝኪለ። 10 ይገኝጅኝሊ ዋንቱ እⶖጕሲ ቋላዅ ራእይ ኒን ግን፦ እነሓን፡ ይጃብል ካና ሺረሪ ብራ ነበክሊ ደው ይሮ ህምብረሪት ቋልዅን። 11 እን ካና ለገትኽር ዓከክትኽር፣ ንር ሺርጝኻ ሰሚል ገእዩዅ፣ ብሪ ግንድል ኣኽታሲክኻ ቋልስትሩ እርግቲ። 12 ንር አሽ ሽኻሩ ግን፡ ንር ፍርርኻ ገርው፣ ንር አወይስኽር ናትክድ ኣቕተው ነብራ እርጕዅላ። ኣራዊት ብሪውኽር ንር ሻማ ዓጝቀይሊ ፊዅኑ እርጕኑዅ፣ ንር ለጝክከልኻ ጀከል ሰሚው መንደርቱኑ እርጕኑዅ፣ ናውክ መሀድሰውር ንርትልድ ቍኑ እርጕኑዅ።
13 “ይገኝጅኝሊ ዋኑ ቋላዅ ራእይሲ፡ ላ ሻትክ ንሽቃ ሰሚልድ ገሙⶖጕሲ ቋልዅን። 14 ኒኻ፡ ኒደሀይሲ ክብሰ ንሰና ዩዅ፣ ‘እን ካነት ቀረጨላ፣ ንር ለጝክክስኻ ቀረጫ፣ ንር አሽስኽር ከፍከፋ፣ ንር ፍረስኽር ፋሕሳ፣ እን ሻማ ዓጝቀይሊ ህምበው እስሱስዲ እን ንር ለጝክክሊ ህምበው ጀከልዲ እግሪኒን። 15 እን ጕንዳይዲ ኒስርዲኻ፡ ስልስል ሸኺዅዲ ኣስራዲራዲሲ እጝሸውድኖ፡ ሻጝካ ከደኑውድ ነበክሊ ባረሉ።
“ ‘ቍጣ ሰሚዅድ ጠበስኒ፣ እን ካን ዓጝቀይልኽር ኣራዊት ከደኑዲ መንደርትኒ።
16 ኒለበካ ኣዳምር ለበኪሰና ኣክኒልድ ለወትስኒ፣ ለበካ ሕያይትዃ እውስትኒት፣ ለጘታ አመራኽር እንዳኸ ዋኑ ደኵኒት።17 “ ‘እን ኒኰድጛ እን ንሽቕ ኒውድ እስተ ድውስቲዅ፣ ኒሻትካጝር ኒፍርድሲ ድወነኵ፣ ንድኻ፡ እን ክብያዅ ከዋ ሲመር ናድካ አወይሲ ሓከመት፡ ኒጀረበዅድኻ እወትሉ፡ እን ቃበብሳዅስኻ ናዳግ ሰየመትሉ፡ እን ዋነው ናውክ አርእድኖ መታን ግን።’
18 “ኣን፡ ሲም ነቡካድነጾር ነበኽረዅ ነበኺ ኒን ግን፣ እንቲ ቤልጥሻጽር፣ ውረኒ ኣከት ድዊለ፣ እን ብልሀቱ ይሲመርሊ ህምበውልድ ይነበኺት እጝክሮለ ገረሳዅ አርስላ፣ እንቲ መንፈስ ኵጃርትት ሻትካናዅ ኵል ዋነውድ ይነበኺት እጝክቶለ ገረስረኵ።
19 እንሲን እን ቤልጥሻጽር ይስታዅ ዳኒኤል ከለላ ወክትድ ገሪዅ ረበሽቱዅ፣ እን ሓሳብኽር በኻኽድዅሉ። እን ሲምኻ፣ “ዎ ቤልጥሻጽር፣ እን ነበኺዲ ኒውሪናርዲ በኻኽድጊⶖኵት” ይዅሉ።
ቤልጥሻጾርኻ ንሰና ዮ ወንተስዅሉ፣ “ይአደራ፣ እን ነበኺ ኵኣፋይትድ ኣኽኒ፣ ኒውሪናርኽር ኵዓዶውርድ ኣኽኒ!
20 እን ለገድሮ ዓከክሮ ቋልደሪላ ካና፣ ንር ሺርጝኻ ሰሚል ገእየሪ፡ ብራ ኒልክሊ ቋልስትረሪ፣ 21 ንር አሽ ሽኻሩ፣ ንር ፍርርኻ ገሪው፣ ነብራ ናድክድ ኣከው ሻኽረሪ፣ ኣራዊት ከደኑ ንር ዓጝቀይሊ ሻሚተነሪዲ ንር ለጝክከልኻ ጀከል ሰሚው ናልጝንትትሲ ከደምኖ ህምበነሪዲ፣ 22 ዎ ሲም፣ እን ካና እንቲ ግን፣ በሀርዲ ሒለትዅዲ ኣኽሩዅ፣ ኵኩⶖንትኽር ክብዮ ሰሚል ገእዩዅ፣ ኵሕክምኽር ብሪ ግንድል ኣኽታሲክ እዳኑዅ። 23 “ዎ ሲም፣ እንቲ፡ ‘እን ካነት ቀረጨላ፡ በረስደላኽር፣ እን ጕንዳይዲ ኒስርዲኻ፡ ስልስል ሸኺዅዲ ኣስራዲራዲሲ እጝሸውድኖ፡ ሻጝካ ከደኑውድ ነበክሊ ባረሉ፣ ለጘታ አመራ ደኵራሲክ፡ ቍጣ ሰሚዅድ ጠበስኒ፣ እን ካን ዓጝቀይልኽር ኣራዊት ከደኑዲ መንደርትኒ፣’ ዩ ሻትክ ንሽቃ ሰሚልድ ገማዅሲ ቋልዱዅ።24 “ዎ ሲም፣ እን ውሪናር ነበኺሩዅ ኒን ግን፣ እን ክብያዅ ይአደራ ሲም አወይሲ ፈዅ ትእዳድ ኒን ግን፣ 25 ከወለድ ሲሪቶ ግን፣ ኣራዊት ከደኑድኻ መንደርትቶ ግን። ቢሪሰናኽር ሻጝካ ቍቶ ግን፣ ቍጣ ሰሚዅድር ጠበስቶ ግን፣ እን ክብያዅ ከዋ ሲመር ናድካ አወይሲ ሓከመት፡ ንጀረበዅድኽር እወትሎም አርእታሲክ፡ ለጘታ አመራ እንዳኽረ ግጅቶ ግን። 26 እን ጕንዳይ ካኒዅዲ ኒስርዲ ግጅን ይስታዃ፣ ስልጠት ሰሚልድ ኣከት አርእሮሰና፡ እን ኵሕክም ኵል ወንተርዶካ መታን ግን። 27 በጋ፡ ዎ ሲም፣ ይኰድጘስ ዋሲ፣ ሓራም እስነስ ባርዶ፡ ትክያዅ እሲ፣ ምቝለስ ባርዶ፡ጭጉማንሲ ረሀይዲ፣ አዊ አርእዅ፡ እን ኵርድቕ በጀዅ ፈርዶ ኣኽራ።” 28 ነን ናውክ ሲም ነቡካድነጾርሊ ገእዩዅ፣ 29 ሽካ ለጛ አርባ ደምቢ፡ ሲም እን ባቢሎንድ ልጝን ሲመርዅድ ንሕስ አወይሲ ወንተተሩ እⶖጕሲ፣ 30 “እን ይሒል በሀርድ፡ እን ዓደድ እጝጋዅ ክብር ይዅድ፡መስከብ ሲምዅ ኣኽቶ ገበራኽርላ፡ በህሪ ባቢሎን ኒኒ ኣኽግረርማ?” ዮ ጋቢዅ። 31 ጋብ ኒውሲ ድⶖጊኻ፡ ንሰና ያዅ ደሀይ ሰሚልድ እንቱዅ፣ “ዎ ሲም ነቡካድነጾር፣ ኵሰበትድ ንሰና ይስተኵ እⶖኵዅ፣ ሲመር ኵዅ ኵልድ አስቱዅ፣ 32 ከወልድ ሲሪቶ ግን፣ ኣራዊት ከደኑድኻ መንደርትቶ ግን፣ ቢሪሰናኽር ሻጝካ ቍቶ ግን፣ እን ክብያዅ ከዋ ሲመር ናድካ አወይሲ ታምም ምልክ ክመት፡ ኒ ጀረበዅድኻ እወትሎም አርእታሲ፡ ለጘታ አመራ እንዳኽረ ግጅቶ ግን።” 33 ኒድ-ኒድኻ፡ እን ይስተው ናውክ ናቡካድነጾርዲ ዳግል ኣኹዅ፣ ከወልድ ሲሪዅ፣ ቢሪሰናኽር ሻጝካ ቊዅ። ኒሽብክ ንስርዱውሰና፡ ኒኣጫፍር ጀከሉውሰና ሺርዳሲክ፣ ኒገሮብ ቍጣ ሰሚዅድ ጠበሱዅ። 34 እን ወክት ደኮሰና፡ ኣን ነቡካድነጾር ይዕልልሲ ሰሚል ቋሕ ሲዅን፣ ይምዅር ወንተርዅለ፣ እን ኵብያዅስኽር ሓመድዅንሉ፣ እን ዲማ መንደርታዅሲ ሳቢዅንሉ፡ ኵⶖድዅንሉኽር።
ኒሕክም ዲመር ሕክም ግን፣ ኒሲመርኽር ውልዲ ወለዶ ኣኽታሲክ መንደርተኵ።
35 እን ብሪል መንደርተው ናውክ፡ ኒገሸል ላሪ ኣኽኖ ቋልስተን፣ ኒ፡ እን ሰሚል ህምበው ሒለቱዲ እን ብሪል መንደርተውዲትል ኒምራድስክ እሰኵ፣ ኒናንሲ ገበብሮ ገረሳዅ ወሪ “ውሪዅ ኒስ እስራዅን?” ይሮሉ ገረሳዅ እላ።36 እን ወክቲ እንድሂሲ፡ ይምዅ ወንተሩዅለ፣ እን ክብር ይሲመርዅድኻ፡ ኵⶖንቲ ይዅዲ ክብር ይዅዲ ወንተርዅለ። እን ይት ኰድጚሰውዲ ፈራዶ ዩዲ ጀረቢኒዅለ፣ ይቂጦሪልኽር ወንተርዅን፣ እን ጃብሪልድ ኪዳዅ ክብርኽር ኰስትዅለ። 37 ናንኻ፡ ኣን ሲም ነቡካድነጾር፡ እን ሲም ሰሚዅሲ ሓመደኵንሉኽር ኵⶖደኵንሉኽር ከበርደኵንሉኽር እⶖኵዅን። ኒክድመት ኒውክ እምን ግን፣ ኒደርፍፍር ናውክ ሓቕ ግን፣ እን ከበርሶ ፈረውሲኻ ጀርበት ቋሊስሮሎም ግን።
8 እንሲን፡ እን ሲምድ ኒብልሀቱ ናውክ ቱኑዅ፣ ደአም፡ እን ክታበትሲ ነበብዶ፡ ውራ የት እን ሲምድ ድዊሮሉ ገረሳዅ አርስላ። 9 ሲም ቤልሻጽር ጃበሪዅልድ አወይሲ ገሪዅ ጒኢቱዅ፣ ኒገሽር ገሪዅ ለወትሱዅ። እን መኳንንቲ ኒውኽር ሃበነው ከስተሎም ሳደድስኑዅ። 10 እን ሲሚኻ፡ ደሀይ ሲምዅዲ ኒመኳንንቲሩዅዲት ዋስሮ፡ እን ምድ ሱኵሮ እርጋዅ ኣካንሊ ቱቲ፣ ንሰናኻ ይቲ፡ “ዎ ሲም፣ ዲመሲ ሓከሚ፣ በኻኽርግ፣ ኵገሽር ለወትስጊኒ! 11 ሻትካን ጃርትታዅ መንፈስ ሻዅ ላ ግርዋ ኵሲመርሊ ህምበኵ፣ እን ኵእኽርድ ዳለትሊ፡ኒ፡ እን ጃርትትሰና ልውርዲ አስተብሀልድነዲ አምርዲሲ እንታኽታዅ ኣኾ አርሱዅ፣ ኵእኽር ነቡካድነጾርኽር እን ጠንቆለውዲ ሰርደትዲ ሽጝግርው ሺበውዲ ኣቕሩ እሰውዲር ዳግሊ ሓለቓ እሲዅሉ። 12 ሲም፡ ቤልጥሻጽር ዮ ሽጛዅሉ ዳኒኤልትል፡ ሓይስ መንፈስዲ አርእንዲ አስተብሀልድነዲ ነበኺት እጝክነዲ ስቱርሲ ወድሕድነዲ ጨገምደው ጋራትሲ ጠፍሕድነዲር ግርስ አርሱዅ። እማ ዳኒኤልቲ ሽጚሉ፡ ኒኽር እን ክታበቱዅ ውሪናርሲ ድዊሮካ ግን።” 13 እንሲን ዳኒኤልቲ ሲም ጃብል አድኖ እንትንዅሉ፣ ሲምኻ ነዋ ይዅሉ፣ “እን ይእኽር ሲም ያሁዳ ብሪልድ ሰልበ ነቕሰውልድ ኣኽራኽር ላዅ ዳኒኤል እንትማ? 14 ሻትካን ጃርትታዅ መንፈስ ዋነትካ፡ ኰዶ አርእንዲ ፈሀምነዲ ኒቱሩዅ ኣኻዅ ልውርዲ ክምረት ዋሶ ህምበኵን፣ 15 እን ልውሩዲ ሰርደትዲ፡ እን ክታበት ውራ የት ድዊድኖለ መታን ይጃብል ስኵርኖ እርግኑዅ፣ ደአም ውራ የት ድዊድኖለ ግረስኒ። 16 ናንኻ፡ እንቲ ኒውሪናርሲ ወድሕቶኽር ጨገምዳ ጋራትሲ እጝክቶኽር ገረስረት ዋሶ ህምበኵን። እና ክታበትሲ ነበብድሮ ኒውሪናርሲ ድውረንለ፡ ሰራዅ ሓሪር ሰርቶ ግን፣ ኒክርሚልኻ ደሀብ እስቲሮካ ግን፣ እን ይሲመርልኽር ሲዀር ሐክማይ ኣኽቶ ግን።” 17 ዳኒኤልኻ እን ሲምሲ ንሰና ዮ ወንተስዅሉ፣ “እን ኵእውን ኵድ ኣኽን፣ ኵሰርጎትኽር ኣዳም ኣሪዅድ እዊ፣ ኣን ደአም፡ እን ክታበትሲ ሲምድ ነበብድየሉ ግን፣ ውራ የትር ድውየሉ ግን።
18 “ዎ ሲም፣ እን ክብያዅ ጃር ኵእኽር ነቡካድነጾርድ ሲመርዲ ኵⶖንቲዲ፡ ክብርዲ ሽኻርዲት እውዅሉ። 19 እን ኒ እዋዅሉ በሀር ኮት ስልጠትልድ ጐዅ፡ ገባይልዲ ሲመርዲ ናት-ናቱሩ ጋብ ጋበነውዲ ናውክ ረጀፉኑዅር ጓቚቱኑሉኽር እርግኑዅ። ሲምኻ፡ እን ኵሮሉ ጀረበዅሲ ክዉ፡ እን ደአንድሮሉ ጀረበዅስ ደአንዱ፡ ሰየምሮሉ ጀረበዅስኻ ሰየሙ፡ እን ለተቕሲሮሉ ጀረበዅስኽር ለተቕ ሱሉ እርጕዅ። 20 ደአም፡ ኒለበከድ አዊ ይኮት የሰና፡ ከበርስነድኽር ተበሰና፡ ኒቂጦሪልድ ገሙዅ፣ እን ክብር ኒዅር ኒልድ አስቱዅ። 21 ከወልድ ሲሪዅ፣ ምዅ እንሱስዅ እውስትዅሉ፣ ድቋል ከደኑድኽር መንደርቱዅ፣ ቢሪሰናኽር ሻጝካ ቊዅ፣ ኒገሮብር ቍጣ ሰሚዅድ ጠበሱዅ፣ እን ክብያዅ ናድካ ከዋ ሲመር አወይሲ ሓከመት፡ ንጀረበዅድኽር እወትሎም አርእራሲክ።
22 “ደአም እንቲ፡ ዎ ቤልሻጽር ኒእዅራ፣ ነስ ናትክ አርእሮ ዋንትሩ ድኳ፡ ኵሹት ለተቕ ሲላ፣ 23 እን ሲሚዅ ጃር አወይሲ ከበርስነድ፡ ኵሹት ክብ ስሪዅ። እን ልጝን ሻትኵ እራኵሲ ነቕሰሎም ይሮ፣ ኵዲ ኵመኳንንቲዲ፡ ኵእኲንዲ እን ኵእኲን ሸሉዲ፡ ናድ ወይኒ ጅእድኑዅ፣ እን ደሀብዲ ወርከዲ አስራዲረዲ ካናዲ ክርጛዲሲ ከደምሰው ጃርትት ዋሰገውዲ ቋለገውዲ ላሪ ፈሀመገውዲት ኰዶ ሓመድሩዅ። እን ኵፊዅትዲ ኵደርፍፍዲት ናትክ ኒናንተል ሸኻዅ ጃርስኻ ከበርድለሉ። 24 ኒኻ፡ እና ክቱብሲ ከተብረሪ ናኒት እኝሻቝዅ።
25 “እን ከተብሳዅ ክቱብኻ፡ ‘መኔ፡ መኔ፡ ቴቄል፡ ፋሬስ’ ያኵ።
26 “ኒ ውሪናርኻ እና ተለያዅሰና ግን፣ ‘መኔ’ ጃር እን ወክት ኵሲመሩዅሲ ሺብዅሉ፡ ደⶖጎቢልኽር ገእሰሉ ህምበኵ ይና ግን። 27 ‘ቴቄል’ ቀየሲሰነድ ቀየስትሩዅ እማ፡ ስዳውሮኻ አርስሩዅ ይና ግን። 28 ‘ፋሬስ’ ኵሲመር በንሲዅ፡ ከው ሜዶኑዲ ፋርሱዲሲ እውስትቲ ይና ግን።”
29 ኒድ ደምቢ፡ ቤልሻጽር ኒገኝሺንሲ ዳኒኤልቲ ሰራዅ ሓሪር ሰስድኖሉ፡ ኒክርሚልኻ ደሀብ እሲድኖሉ አደድዅሎም፣ ኒሲመርልኽር ሲዀር ሐክማይ እሲዅሉ። 30 እን ቂሪ እንድሂሲ ሲም ባቢሎንዱዅ ቤልሻጽር ኵውስቱዅ፣ 31 ዳርዮስ ሜዶኑዅ ወልትረጝንዲ ለጛ አመሪዅራ ኣኵⶖጕሲ እን ሲመርሲ አድዅሉ።
6 እን መርሓትዲ ስልጠቱዲኻ ላት ሲምሊ ፈርኖ፡ ንሰና ይንዅሉ፣ “ዎ ሲም ዳርዮስ፣ ዲመሲ ሓከሚ! 7 ዎ ሲም፣ ሰዀረጝን ኳራ ኣኽራሲክ ሲምሊ ኣኽገትክ፡ ኣይዪ ኣዳም ኣኻ ኣዳምሊ ኣኽን ወሪ አሪ ጃርሊ ጠለያዅ፡ ጎቝ ገመንዅል ማልስትሮ ሲም ተምብህሮ፡ እን ትእዳድ ኵዅር ተመምሮ፣ ናውክ፡ ኵሲመሩ መርሓትዲ ፈራዶዲ ስልጠቱዲ ኰድጚሰውዲ ሐክመትዲ ኰድጚነ ህምበነኵ። 8 ዎ ሲም፣ እና ትእዳድ ኒስ ተምብሂ፣ እን ዳድስተጋዅር ለወትሰጋዅር ፍቲሕ ሜዶንዅዲ ፋርስሩዅዲርሰና ኣኽሮ ከተቢሉ።”
9 ንድኻ፡ ሲም ዳርዮስ እን ትእዳድ ተምብህሳዅሲ ከተብዅሉ። 10 ዳኒኤል እን ትእዳድ ተምብህሰት ዋሶሰና፡ እን ሸባቢክ ኒው ኢየሩሳሌምሊ ግልጭየው ብስታዅ እን ንሒስ አወይሲ ህምባዅ ኒልጝንሊ ፈሩዅ፣ እን እማና እሱ እርጋዅሰናኻ አብረኮ ግርግል ሲዅን ጠለየዅ፣ ኒጃርስኽር ሓመዱዅ። 11 ናውር እክብስኖ ኒል ፈርኑዅ፡ ዳኒኤልትኻ ኒጃርሊ ጠለዩዅር መህልላ እሱዅር አርኑዅሉ። 12 ሲምሊ ፈርኖኻ፣ “ዎ ሲም፣ ኣይዪ ኣዳም እና ሰዀረጝን ኳሪል ኵል ኣኽጋዅክ፡ ኣኻ ኣዳምሊ ኣኽን ወሪ አሪ ጃርሊ ጠለየን፡ ጎቝ ገመንዅል ማልስትሮ ግን ይሮ ትእዳድት ፍድሮ እርግግራኽርማ?” ይኖ እን ንፍዳዅ ትእዳድ ሰበት ወጝቀርንዅሉ።
እን ሲምኻ፡ “እን ትእዳድ ለወትሰጋዅ ፍቲሕ ሜዶንዅዲ ፋርስሩዅዲርሰና ተባዅ ግን” ዮ ወንተስዅሎም።
26 “እን ኣካን ሺባ ህምባዅ ይሲመር ዓጝቀይሊ ህምበው ከው ናውክ፡ ዳኒኤልዲ ጃርሲ ጒኢትድኖሉኽር ከበርድድኖሉኽር፡ እና ትእዳድሲ ተምበሀኵን እⶖኵዅን።
“ኒ፡ ዲማ ዳይም መንደርታዅ፡ ዋነዅ ጃር ግን፣ ኒሲመር ድድሮ ኣኽላ፣ ኒሕክምር ደⶖጎባ ሻኽላ።
27 ኒ፡ ኣንገፍደኵር ደአንደኵር፣ ሰመዲ ብረዲትልኻ እሻራትዲ ፈከርዳ ጋራትዲት እሰኵ፣ ኒ፡ ዳኒኤልት አብ ገመንዅልድ ደአንድዅሉ።”28 ንድኻ፡ ዳኒኤል፡ ዳርዮስሩዅ ሲመር ወክትዲ ቂሮስ ፋርስሩዅ ሲመር ወክትዲትል ኒውክ ጠፍሕዅሉ።
4 “እን ሰልፉዅ ገመና ተከኵ፣ ንስሪሪው ካንፍፍ ኰዶ እርግዅሉ፣ ኒካንፍፍ ምኵርዳሲክኻ መርኪስዅንሉ፣ ኣድምሰና ለጛ ልኵድ ደውይሮ ብሪልድ ክብ ዩዅ፣ ለባ ኣዳምሩዅር እውስትዅሉ።
5 “እነሓን፣ እን ሊጘር ኣራዊትኻ ድቢራ ተከኵ፣ ኒ፡ ኒስምጥድ ጒዅ፣ ኰዶ ሰዃ ናሽሽ ሰጠቱ ኒአብሊ፡ ኒእርኩኵ ዓጝቀይሊ እርጕዅ። ኒኻ፡ ‘ጒ እማ፣ ብታሲክ ስኻ ቊ!’ ይስቱዅ።
6 “ኒድ ደምቢ፡ መኸልትዅን፣ ኒጃብል ይባ ተካዅ አሪዅ ኣራዊት እርጕዅ፣ ኒየውሊ ካንፍፍ ጀከለውሲ ተከው ሰጃ ካንፍፍ እርጕዅሉ፣ እና ኣራዊት ሰጃ ኣዀር ሻኵ፣ ሓከምሮኽር ስልጠት እውስትዅሉ።
7 “ኒድ ደምቢ፡ ቂር ራእይ ቋልዅን፣ ይጃብል ጒኢሳዅዲ በኻኽዳዅዲ ገሪዅ ሒለቱዅ ኣኻዅዲ ኣራዊት እርጕዅ፣ ኒ፡ በህሊል እርኩኵ ሸኺው እርጕዅሉ፣ ገርጀጀክ ቍ እርጕዅ፡ እን ከብተውስኻ ኒልኩኵድ ረገሹሎም እርጕዅ። ኒ፡ እን ኒጃብ እርገው ኣራውት ናድከልድ ኒቱሩዅ ኣኻዅ ግን፣ ሽካ ጊክክር እርግዅሉ።
8 “ኣን እን ጊክክ ሰበት ኣትዋየንዱ እⶖጕሲ፡ ይጃብል ናነበክልድ አሪዅ ላ ጊኽ ግናይ ፊዅ፣ እን ጊክክ ሰልፉልድኻ ሰዃ ጊኽ ምኵርኑዅ፣ እና ጊኽ ዕልል ኣዳምሩ ተከው ዕልልዲ ብድዐሲ ጋባዅ አብዲ እርጕዅሉ።
9 “ኣን መርኪሶሰና፡
“እን ቂጦታት ናኣካንሊ ገሙዅ፣ ግርጋት እማኒውድዅዱዅ ኒቂጦሪል ከፍ ይዅ፣ ኒሰረን እኻኺሰና ጫዕተው፡ ሽብክ ኒኣዀሩኻ ጕጥንሰና ጫዕተው እርጕዅ፣ ኒቂጦራ ለኺሰና ሀልሀልያዅ፡ ኒስረገሊዅ ከፍርኻ ፈገጭገጭያዅ ግኢሰና ግን።
10 ኵራ ለኺዃ ኒጃብልድ ፈ ኵሪቱ እርጕዅ፣ ሲሕ፡ ሲሕ ዶል ኣከው አገልገልዱኑሉ እርግኑዅ፣ ሽካ ሲሕ፡ ሽካ ሲሕ ዶል ኣከውኻ ኒገሸል ደው ይኖ እርግኑዅ። እን ፍርዲ ተርዩዅ፣ ኣክትበትኽር ብስቱዅ።
11 “እንሲን ኣን፡ እን ጊኽ ብደዐሲ ጋቡ እርገው ቆላት ሰበትድ፡ መርኪስነስ ተለለይድዅን፣ እን ኣራዊት ኵውስትራሲክር ኒገሮብ ሃርተትሶ ለኺል ማልስትራሲክር መርኪስነስ ባርሊ። 12 እን አሪው ኣራዊትኽር ናስልጠት ናልድ አስቶ እርጕዅ፣ ደአም ከለላ ወክትድ ፊዅትድ መንደርትድኖ ወክት እውስትዅሎም። 13 “እን ቂር ቋላዅ ራእይሲ፡ ኣዳሚንድዅራ ተካዅ ብኳን ሰሚውዲ እንተሩ እⶖጕሲ ቋልዅን፣ እን ግርጋት እማኒውዱዅዱዅሊኻ እንቱዅ፣ ኒጃብልኽር ስኵስኑዅሉ። 14 ኒ፡ ስልጠትዲ ክብርዲ ሒል በሀርዲ እውስትዅሉ፣ ጋብ ናት-ናቱሩ ጋበው ከውዲ ቆምያትዲ ገባይልዲ ሰገድንዅሉ፣ ኒሕክም ዲማ መንደርታዅ ግን፣ ኒሲመርኽር ኒዀርስክ ድደጋዅ ግን። 15 “ኣን ዳኒኤል ይመንፈስ ረበሽቱዅ፣ እን ኣን ቋላዅ ራእይኽር ገሪዅ ሳደድዅለ። 16 እን ኒል ደውዮ ህምበውልድ ላዅሊ ስኵሮ፡ እምንዱዅ ውሪናር እና ነን ናድካዅ ውረኒ ኣከት ወጝቀርዅንሉ።
“ኒኻ ወንተስዅለ፣ እና ጋራት ነዱዅ ውሪናርስኽር ድዊዅለ፣
17 ‘እና ሰጃር ኣራዊት በህሊል ብሪልድ ጓው ሰየም ግን፣ 18 እን ሻትካን ክብያዅዱኻ ኒሲመርሲ አድኖሉ ግን፣ ዲመሲ ሻኽድኖሉ ግን፣ የዋ፣ ዲመሲ ሻኽድኖሉ ግን።19 “ኒድ ደምቢ፡ እን ሃርጀጆ ቋዅ፡ ከብተውስኻ ናትክ ኒልኵድ ረገሻዅ፡ እርኩኵ ሻኺውዲ ኣጭፋር ኣስራዲሪውዲ እርጋዅሉ፡ እን ኣራዊት አሪውልድ ኒቱሩዅ ኣኻዅዲ ገሪዅ ጒኢሳዅዲ፡ እን ሰጀር ኣራዊት ሰበትድ አርእያ ጀረቢዅን። 20 ኰዶኽር፡ እን ሽካ ጊክክ ኒኣዀርሊ ህምበውዲ እን ናነበክልድ ፈዅ ጊኽዲ እን ኒጃብል ምኵረው ሰዃ ጊክክዲ፡ ኒሰናኽር እን አሪውልድ ኪዳዅ ኣዳምር ዕልል ተከው ዕልል ሻዅዲ ብደዐሲ ጋቡ እርጋዅ አብዲር ሰበትድ አርእያ ጀረቢዅን። 21 እነሓን፣ እና ጊኽ እን ሻትካንዲ ሓርብ ተምብሆ፡ ለታቕዅሎም፣ 22 እና ኒን ኒኣኻዅ፡ እን ግርጋት እማኒውዱዅዱዅ እንትራሲክር እን ክብያዅ ፍረድራሲክር ግን፣ ኒደምቢ፡ እን ክብያዅድ ሻትካን ኒሲመርሲ ለወና ወክት እንቱዅ።
23 “ኒኻ ንሰና ይዅ፡ ‘እን ሰጀር ኣራዊት ብሪል ጕሮ ፈራዅ ሰጀር ሲመር ግን። እን ሲመር አሪውሰና ኣኽሮ ኣኽላ፣ ብራ ንርትክ ዳዱኽር ረገሹዅር ቍሮላ ግን። 24 እን ሽካ ጊክክኻ፡ እና ሲመርልድ ፋው ሽካ ሰየም ግን፣ ነድ ደምብኻ፡ ናሰና ኣኽጋዅ አሪዅ ሲም ጕሮ ግን፣ እን ሰዃ ሰየምሲኻ ያዕይሮሎም ግን። 25 እን ክብያዅድ አወይሲ ቆል ብደዐሩዅ ጋቢሮ ግን፣ እን ክብያዅዱ ሻትካንስኽር ጀረብድሮሎም ግን፣ እን ፍቲሕዲ የመምሳ ወክትዲት ለወትሮኽር ወጠንሮ ግን፣ እን ሻትካንኽር ወክትዲ ኣውካትዲ ገፍ ወክትዅዲ ኣኽራሲክ ኒድ ደኵኖ እውስትድኖ ግን።
26 “ደአም ፍርድ ተርይሮ ግን፣ ኒምልክኽር ኒልድ ኣስትሮ ግን፣ ዲመስኽር ድድሮ ግን። 27 ኒድ ደምቢ፡ ሰማ ዓጝቀይሊ ህምበው ሲመርዲ ሕክምዲ ኵⶖንቲ ሲመርዅዲ፡ እን ክብያዅዱ ሻትካንድ እውስትሮ ግን። ኒሲመር ዲመርዅ ሲመር ኣኽሮ ግን፣ ናውክ ሐክመት ኰዶ አምለክድድኖሉ ግን፣ አደድስድኖሉኽር ግን።
28 “እን ደⶖጎባ ኒዅ ኒን ግን፣ ኣን ዳኒኤል ይሓሳብድ ገሪዅ ሳደድስዅን፣ ይወጅህኽር ለወትሱዅ፣ ኣኽን ግራ፡ እና ጋር ኒስ ይለበኪል
14 ኒ ይኸ፡ “ለጛ ሲሕዲ ሰዃ ሊኽ ኵንጝዲ ክሰረዲ ኣኽራሲክ ግጅሮ ግን፣ ኒደምቢ እን ልጝን ሻትክ ነገይሮ ግን” ይዅለ። 15 ኣን ዳኒኤል፡ እን ራእይሲ መርኪሱኽር ፈሀምየሉ ወጠኑኽር እⶖጕሲ፡ እነሓን ወጅ ኣዳምሩዅ ሻዅ ይጃብል ደው ይዅ፣ 16 ኡላይዲ ነበክልድኻ፡ “ዎ ገብርኤል፣ እና ኣዳም ንድ ውሪና እን ራእይሩዅሲ ድዊሉ” ዮ ኣዳም ጨርሓዅዱዅ ደሀይ ዋስዅን። 17 ኒ፡ እን ኣን ደውዮ እርጋዅሊ ስኵሮሰና፡ በኻኽሮ ይብሶት ክብርዅን፣ ኒ ይኸ፡ “እንቲ ኣዳምንዱዅራ፣ እና ራእይ እን ወክት ደⶖጎቢዅዱዅ ኣከት አስተብሀልዲ” ይዅለ።
18 ኒ፡ ጋቡⶖጕሲክለ፡ ይብሶት ብሪል ክብሮ፡ ጅሙዅ ገሪዅ አዶለ እርጕዅ፣ ኒ ይኸ፡ ተመድዅለ እማ፡ ይልኩኵድ ደውሲዅለ። 19 ንሰናኽር ይዅለ፣ “እን ራእይ ደⶖጎባ ወክትሊ ኣኽሮ ፈራዅሲ ሓበራዅ ኣኽነዲን፡ ደምን እን ወክት ሓርቕርቖቱዅሊ ውራ ኣኽሮ ኣኸት ድወኵንካ እⶖኵዅን፣ 20 እን እንቲ ቋልዳዅ ለጛ ጊክክ ሻዅ መደፍ፡ ሰየም ሜዶኑዲ ፋርሱዲት ሓበረኵ። 21 እን ሸጎራ ዓምብላኻ ሲም ግሪኵዅ ግን፡ እን ኒዕልል ነበክል ህምባዅ ጊኽ በሀርኻ እን ሲም ሰልፉዅ ግን። 22 እን ጊኽ ከርተዅ ኣካንሊ በኰለው ሰጃ ጊክክኻ፡ እን ከዋ ነበክልድ ጓው ሰጃ ሲመር ግን፣ ደአም ሒልድ ኒእኵላ እንተረኒ።
23 “ናሲመር ወክት ድⶖስትሮ ስኵሮሰና፡ እን ዓመጨንቲ ገሪዅድክ ጂቡው ኣክኖሰና፡ ገሽ ጒኢሳዅ ሻዅ ምለንታ ሲም ጕሮ ግን። 24 ገሪዅ ሒለቱዅ ኣኽሮ ግን፣ ደአም፡ ኒሹር ሒልድ ኣኽላ። ሰክሕዳዅ ድዳ እሲሮ ግን፣ ኒውክ ኒ እሳዅር ጠፍሕሮሉ ግን፣ እን ከው ሒለቱዲ ሻትካንዲትኽር ድሂስሮሎም ግን። 25 ብንድ ረደቕሮ ግን፣ ኒሹት ይኸ፡ በሀር ሃበ ቋልዶ ግን። ዳሕነድ መንደርትነኵን የው ከውልድ ገሪውሲ ድሂስሮ ግን፣ እን ክብየውድ አወይሲ ክብያዅ ኣኻዅሊ ጕሮ ግን፣ ኣኽን ግራ፡ ኒ ድድሮ ግን፣ ደአም፡ ኣዳምር ሒልድ ኣኽላ።
26 “እን ራእይ ኵንⶖዅዲ ክሰሪዅዲ ኵድ እውስተዅካ እምን ግን፣ ደአም፡ ገሪ ወክት ደምቢ ኣካዅሲ ሓበራዅ ኣኽነዲን፡ እን ራእይት ከተቢሉ።” 27 ኣን ዳኒኤል፡ ይሒል ድⶖስቶ እርጕዅ፣ ገሪ ግርጋትር ሽዅሽቶ ገኝጆ እርግዅን። ኒደምቢ፡ ጐ እን ክድመት ሲሚዅሊ ፈርዅን። እን ኣን ቋላዅ ራእይሲ ፈከርሱ እርጕዅ፣ ውራ ኣካትኻ ፈሀምስለለ።
“ዎ አደራ፣ እን ኵት እጝከለውካዲ ኵትእዳድሲ ተከወውዲሲ ናድክድ ኵቆል መእኰቱዅሲ ተከውራኽር፡ በሀርዲ ጒስትራኽርዲ፣
5 ይን ሓርም እስኒዅን፣ ዓገብንዅንኽር፣ ኰዶ ምቝልዲ ዓመጨንትዲ ኣኽንዅን፣ ኵትእዳድዲ ኵፍቲሕዲትልድኻ ገለድንዅን። 6 ይና ሰየምዲ መርሓትዲ እክልዲ እን ብሪል መንድርተው እክዲ፡ ኵስⶖድ ጋበው ኵንሽቕ ነበዋትሲ ዋስኒሎም።7 “ዎ አደራ፣ እንቲ ጫድቕ ግን፣ ይን ደአም ኵድ እምንሰው ይና ኣክና ብነድ፡ እን እንቲ ይነት ዳሕስረና ህምብራዅ በለድ ኒልክሊ፡ እክ ያሁዱዱ ኢየሩሳሌምሊ መንደርተውዲ፡ ናውክ እክ እስራኤልዱ ሽራዅዲ ተኸትዲትል ህምበውዲ ግርጋ ኒስ ስማርና ኵትኖ ህምብነኵን። 8 ዎ አደራ፣ ይና ሰየምዲ መርሓትዲ እክልዲ ዓገብናኽርካ ኣኽነውድ፡ ስማርና ኵትኖ ህምብነኵን። 9 ይን ዓመጭናኽርሉ ድኳ ኣክነን፣ ይና አደራ ጃር፡ ብሕል የንተዲ ራሓመንተዲ ግን። 10 ይና አደራ ጃርድ አደድስኒሉ፣ እን ኒንሽቕ ነበዋትድ እሰ እዋዅና ፍቲሕስኽር ተከውኒ፣ 11 ናውክ እስራኤልዱ ኵድ አደድስና ናብነድ፡ ኵፍቲሕሲ ዳድኑዅ፡ ኒልድኽር ገለድኑዅ።
“ኵት ዓገብናኽር ኣኽነውድ፡ እን ንሽቃ ጃሩዅ ሙሴር ፍቲሕሊ ከተብሳዅ እሸነዲ ሸርነዲ ይናዳግ ገምዅ።
12 ይነል ድዳ በሀርኮት እስነድ፡ እን ይነዲ ይነት ሓከመውዲር አወይሲ ድውስተዅ ቆልሲ ተመምድርዅሉ፣ ሰማ ዓጝቀይሊ፡ ኢዮሩሳሌምሊ እስተዅሰና ኒዀርስክ እስተ አልላ።13 እን ፍቲሕ ሙሴርዅሊ ከተብሶ ህምባዅሰና፡ እና ድዳ ኒውክ ይነል ገእዩዅ፣ ደአም፡ ይና ሓራምድ ወንተርነድር ኵእምንሲ ተለይነድር ይና አደራ ጃርልድ ራሕመት ሺዊኒ፣ 14 ይና አደራ ጃር፡ ኒ ወራት ኒድክድ ጫድቕ ግን፣ ጃር ይነል ድዳ እስኒልድ ፊዅላ፣ ይንኽር ኒድ አደድስኒሉ።
15 “ናጝር፡ እን ኵእክሲ ምስር ብሪልድ ኵናን ሒለትዅድ ፍድራኽርዲ ንኪ ቂር ኣኽራሲክ ኵስⶖ አርእስተት ሃብረኽርዲ፡ ዎ ይና አደራ ጃር፣ ይን ሓራም እስኒዅ፣ ኵትኽር ዓገብንዅን። 16 ዎ አደራ፣ እን እማና እስረዅ ወራት ጨዳቐትዅሰና፡ እን ኵዕርዲራ ኢዮሩሳሌምትልድ፡ እን ጊራ ሻትክ ኵዅልድ ኵቀጥብሲ ወንተሲ፣ ይና ሓራምዲ ይና እክላ ሓራምዲር ሰበትድ፡ ኢዮሩሳሌምዲ ኵእክዲ፡ እን ንር ላው ሸጝገብል ህምበውድ እⶖቋሲሰና ኣኽኑዅ።
17 “ናጝር፡ ዎ ይና ጃር፣ ኵገጝጂኒዅ ጠሎትዲ ሺዋንዲት ዋሲ። ዎ አደራ፣ ከስⶖ መታን ይሮ ኵገሺ እን ሀገጋዅ ኵልጝን ሻትክሊ ወንተሲ። 18 ዎ ይና ጃር፣ ኵⶖቍወስ ሉምስረ ዋሲ፣ ኵዕልልሲ ብርሲ እማ፡ በረስና እን ዕርዲራ ኵስⶖድ ሽጝስትራዅዱዅሲ ቋሊ። ይን ኵጃብል መህለልስናዅ ይና ሸታከት መታን ኣኽጊ፡ እን ዓደድ እጝጋዅ ኵራሕመት መታን ግን። 19 ዎ አደራ፣ ሸኑሪ! ዎ አደራ፣ ብሕል ዪ! ዎ አደራ፡ ዋሲ! እስኽርእ፣ ኵእክዲ ኵዕርዲረዲ፡ ኵስⶖድ ሽጝስተው ኣኽነውድ፡ ዎ አደራ፡ ኵስⶖ መታን ይሮ አደግግ። 20 ኣን ይኸ፡ ጋቡዅር ጠለዩኽር፡ ይሓራምዲ ይእክ እስራኤልዱ ሓራምዲት ተናዘዙኽር፡ እን ሻትክ ጊራ ኒዅ ሰበትድ ይአደራ ጃርሲ ሹዉዅር፣ 21 ጠለዩ እⶖጕሲኻ፡ እን ሰልፍድ ራእይሲ ቋሎሉ እርጋዅ ግርዋ ገብሬል፡ እን ኵርⶔሪዅ ሰደቐት ስኵራ ወክትሊ ዋዉ እⶖጕሲ ይል እንቱዅ። 22 ንኻ፡ ነዋ ዮ ፈሀምድዅለ፣ “ዎ ዳኒኤል፣ ናን ኣን እንቶ ህምባዅ፡ ፈሀምነዲ አስተብሀልድነዲ እውየካ መታን ግን። 23 ጠሎት ተርስረሰና፡ ኵጠሎት ወንተርዅካ፡ ኣንኻ እንቲ ገሪዅ እጝከልስራኽር ኣኽርነዲን፡ ኒስ ድውየካ እንቶ ህምባዅ። በጋ፡ እና ቆሊ ለበካ ገምዲ፣ እን ራእይትኽር አስተብሀልዲሉ።
24 “ዓመጭሲ ደውሲቶ፡ ሓርምሲ ሺሽድቶ፡ ዓገብሲ ብሕል ይቶ፡ ዲመር ጨዳቐት ነቕስቶ፡ እን ራእይዲ ትንቢትዲት ሓተምቶሎም፡ እን ገሪዅ ሻትክ ኣኻዅሲ ሸመቶሉ፡ ኵእክዲ እን ኵዕርዲራ ሻትክዲሲ ለጘትረጝን አመራ የመምሶ ህምበኵ። 25 “ኒስ አርእኽር አስተብሀልድኽር፣ ኢየሩሳሌም ሓደስትቶኽር ገበርስቶኽር ቆል ፈንትልድ፡ እን ሓክም መሲሕ እንተራ ወክትሊ ኣኽታሲክ፡ ለጘታ ኡናርዲ ወልትረጝንዲ ለጛ ኡናርዲ ደኵሮ ግን። ንሪ፡ ንር ደርፍፍዲ ንር ከለብዲ ሓዲስድ ገበርስሮ ግን፣ ኒን ኣካዅ ጅርበት ወክትሊ ግን። 26 ወልትረጝንዲ ለጛ ኡናር ደምብኻ መሲሕ ኵውስትሮ ግን፣ ላርኽር ከብቶሮሉ ኣኽላ። እን ኒደምቢ እንተራዅ ሐክማይኻ፡ እን ዕርዲረዲ ልጝን ሻትክዲት ድሂስሮሎም ግን። እን ደⶖጎባ ኵሪሰና ኣኾ እንትሮ ግን፣ እን እኝሽኽር ደⶖጎባ ኣኽታሲክ ተለለይሮ ግን፣ እን ድዳኽር የመምሳዅ ግን። 27 ኒ፡ ገሪውዲ ላ ኡናርድ መእኰት ቱሮ ግን፣ እን ገፍ ኡናሩዅሊ ሰደቐት በርኺዅዲ ሰደቐት ነብሪዅዲት ገበብሮ ግን። እን የመምሳዅ ፍርድ ኒአወይሲ ገምራሲክ፡ እን ልጝን ሻትክሊ ድዳ ነቕሳዅ ረዀስና እሲሮ ግን።
7 እን ራእይት ቋላኽርሉ ኣን ደኒኤል ይቱ ግን፣ እን ይዲ እርገው ከውኻ ቋልኒሉ፣ ደአም፡ በሀር ኮት ጒኢ ገምነዲንሎም፡ እግርኖ ትብትኑዅ። 8 ኣንኻ እና ራእይ ኒስ ቋሉ ይቱ ካብቲዅን፣ ላሪ ሕልኽር ከብቲለለ፣ ይወጅህኽር ጂብራሲክ ለወትሱዅ፣ ሒልኽር ቢዅን። 9 ኒድ ደምቢ፡ ኒደሀይ ዋስዅን፣ ዋሰሰነክሉ፡ ይብሶትድ ብሪል ክብርዅ፡ተቓዅ ጅሙዅር አድዅለ። 10 እነሓን፡ ላ ናን ተመድዅለ፣ ይናንትትዲ ይግርፍፍዲ ረጀፉ እⶖጕሲኻ ደውሲዅለ፣ 11 ንኻ፡ “እንቲ ዳኒኤል ገሪዅ እጝከስራኽር፡ ኣን ናን ኵል እኝሻቕሶ ህምበኵን እማ፡ እን ኣን የውሊካ ኣስተብሀልዲ፣ ናዕ ይሮኽር ደውዪ” ይዅለ። እንሲን ንሰና ዮሰነክለ፡ ረጀፉ እⶖጕሲ ጐ ደው ይዅን።
12 ኰዶኽር ንሰና ይኸለ፣ “ዎ ዳኒኤል፣ ጒኢትግ፣ አስተብሀልድቶኽር ኵጃር ገሸል ኵሹት ለጥሲቶኽር የመምራዅ እን ግርጋ ሰልፉኽልድ ተርዮ ኵቆላት ዋስስቱዅ፣ ኣንኽር፡ እን ኵቆላታ ወንተሰስ አዶ እንቶ ህምበኵን። 13 እን ሓለቓ መንፈስ ሲመር ፋርሱዅ ደአም፡ ለገረጝንዲ ላዅ ኳራ ተጣረርዅለ፣ እን ኣዀር ኣኸው ኣሕሉቕልድ ኣኻዅ ሚካኤልኻ ካቢሮለ እንቱዅ፣ ውረድ፡ ኣን ኒል ይቱ እን ሲም ፋርስዅዲ ከብተ እርጋኽር ኣኽነዲን። 14 ናን፡ ኣን እንቶ ህምባዅ፡ እን እንተራዅ ወክትሊ ኵእክሊ ገእይሮ ፈራዅሲ አርእሲስየካ ግን፣ እን ራእይ ተመምሮ ገሪ ወክት ከብተሉ ህምበኵ።”
15 ኒስ ድዉለ እⶖጕሲ፡ ይገሽሲ ብሪል ሉምሲዅን፣ ኣን የውኽር ድድዅለ። 16 ኒድ ደምቢ፡ ኣዳሚንድዅራ ተካዅ ይካናፉትሲ ተመድዅለ፣ ኣንኽር፡ ይአብ ብስቱዅ እማ፡ ጋብያ ተርሲዅን፣ እን ይገሸል ደውዮ እርጋዅስኻ ነሰና ይዅንሉ፣ “ዎ አደራ፣ ኣን እና ራእይ ሰበት ጀረብዅን፣ ሒልኽር ቢዅን፣ 17 ዎ አደራ፣ ይሒል ድⶖስቱዅ፣ ፊዅትያኽር ቂልስዅን፣ ኣን ኵገኝጂና ኵዲ አዋህበ ጋብያ ገረሳዅን?”
18 ሓዲስ ኰዶ፡ እን ኣዳም ተካዅ ተምድዅለ፣ ሒለቲስዅለኽር። 19 ኒ ይኸ፡ “እንቲ ገሪዅ እጝከልስራኽር ኣዳም፣ ጒኢትግ፣ ሰላም ኵዲ ኣኽኒ፣ ክኺንቲ፣ ተብኽር” ይዅለ።
ገበሰነለ፡ ሒል አርዅን፣ “ዎ አደራ፣ ሒል ኡሩዅለ እማ ጋቢ” ይዅንሉ።
20 ንኻ ንሰና ይዅለ፣ “ኣን ውሪዅ ኵል እንቶ ዋነት አርእርዅማ? እን መንፈስ ፋርስርዅሲ እኝሽኽርያ ወለይዶ ወንተርያ ግን፣ ኣን ፈሮሰናኻ ሓለቓ ግሪክዅ እንትሮ ግን። 21 ጃቢሶ ደአም፡ እን ክታብ እምኑዅሊ ከተብሶ ህምባዅሲ ድውየካ ግን፣ ነስ ተጣረርኒል፡ እን እንታ ሓለቓ ሚካኤልድ ንኻ፡ አሪዅ ካባዅለ እላ።
ኒሲመር ኒልድ አስትቶ ግን፡ አሪውድር እውስትቶ ኣኽርነዲን፡ ኒፈደንሊ ደኵቶ ኣኽላ፣ ኒሒልኽር እን ሰልፍዅሰና ኣኽሮ ኣኽላ።
5 “እን ሲም ግብለቱዅ ሒለቱዅ ኣኽሮ ግን፣ ላዅ እን መርሓት ኒደሹልድኻ ኒድ አወይሲ ሒለቱዅ ኣኽሮ ግን፣ ኒሕክምኽር በሀር ኮት ኣኽሮ ግን። 6 ከለለው አመታት ድምብኻ፡ ላ ናን ኣኽድኖ ግን። እን ሲም ግብለትዅድ እቝራ፡ ላዅ ኣኽድኖ መታን፡ እን ሲም ስሐርዅል ፈርቶ ግን፣ ደአም፡ ንር ሒልሲ ተብድሮ ሻኽሮ ዲቶ ኣኽላ፣ ኒዲ ኒሒልድኽር ተብሮ ኣኽላ። እን ግርጋት እንደል፡ ንርዲ እን ንርቲ ክልወውዲ ንርእኽርዲ እን ካቡላ እርገውዲ፡ ደኵኖ ኡውስትድኖ ግን።
7 “ላዅ ንርወንድትልድ ንርኣካንሲ ሻኽሮ ጕሮ ግን፣ ኒ፡ እን ደሽ ሲም ስሐሩዅዱዲ ተሓረብሮኽር ናመሐገይሊ ቱሮኽር ግን። ኒ፡ ናዲ ተሓረብሮ ግን፣ ቂልዶሎምኽር ግን። 8 ናጃርትት ኣኸውሲ፡ እን ሸዅ ምስልታትዲ ካብራን እራኵ ወርከዲ ደሀብዲትልድ ከደምሰውዲት ሰልበ፡ ምስር ብሪል አዶ ፈርዶሎም ግን። ከለለው አመታትድኻ፡ ሲም ስሐሩዅዲ ተሓረብጊ ግጅሮ ግን። 9 እን ሲም ግብለቱዅ፡ እን ብራ ሲም ስሐርዅድዅሲ ወረርዶ ግን፣ ደአም፡ ኒበልድሊ ወንተርዶ ግን። 10 ኒእቝር እኝሽኽሊ ደለምድኖ ግን፣ መሐገይሊ ኣኽታሲክ ስኵርኖ እኝሽኽረውዲ ኒገሸል ደውይድኖ ገረሰግናዅ ኵሪሰና ገሰሳውዲ፡ ደሽ ገሪው እክብድኖ ግን።
11 “ኒደምቢ፡ እን ሲም ግብለቱዃ ሓርቕርቖት ፍሮ ግን እማ፡ እን ሲም ስሐርዅዲ እኝሽኽርዶ ግን። እን ሲም ስሐርዅ ደሽ ገሪው ድኳ እክበን፡ ለተቕስሮ ግን። 12 እን ሲም ግብለቱዅ ደሽ ገሪውሲ ሰልበሰና፡ ኒለበካ ክብርድ እንታኽትሮ ግን፣ ኣሰሓት ኣከውስኻ ኵሮ ግን፣ ደአም፡ ዓገብ እሱⶖጕሲ ፈርዶ ኣኽላ። 13 እን ሲም ስሐርዅ እን ሰልፍ እርገውልድ አወይሲ ደሽ ገሪውሲ እክብሮ ግን፣ ገሪ አመታት ደምብኻ፡ ወንተሮ፡ ትክሰ ደበልቶ ህምበው ደሽሲ አዶ እንትሮ ግን።
14 “እን ወክት እንድድ፡ ገሪው እን ሲም ግብለትዅድ አወይሲ ጕድኖ ግን፣ እን ራእይ ተመምሮ መታንኻ፡ ኵእክ ነበክልድ ዓመጨንቲ ኣኸው ከው ጕድኖ ግን፣ ደአም ዓውቲድኖ ኣኽኒ። 15 እንሲን፡ ሲም ስሐሩዅ እንትሮ ግን እማ፡ ከለብ ገበርዶ ግን፣ እን ከለብስረሪ ዕርዲረትኽር ሻኽሮላ ግን። እን ደሽ ግብለቱ ቃብሊድኖሎም ሒል ብድኖ ግን፣ እን እኝሽኽሊ ፍሪርሰው ድኳ ተብኖ ተሓረብድኖ ኣኽኒ። 16 እን ወረረዃ ኒጀረበዅስክ እሲሮ ግን፣ ላዅ ድኳ ኒቅብላ ደውይሮ ገረሳዅ እላ። ኒ፡ እን ብራ ትክያዅሊ ሓከምሮ ግን፣ ንርቲ ድሂስሮኽር ሒል ዋኒሮሉ ግን። 17 እን ኒሲመርሊ ህምበው ደሽ ናትክሲ አዶ እንትሮ የመምሮ ግን፣ እን ሲም ግብለቱዅድኽር ተዋፈቕሮ ግን፣ እን ሲመርሲ ድሂስሮኻ ኒእቝረት ክኻንዲሮሉ ግን፣ ኣኽን ግራ፡ እን ኒይማም ጠፍሓለሉ፣ እን ኒ ሓሰባዅ ጋርኽር ነፍዕሮሉ ኣኽላ። 18 ኒድ ደምቢ፡ እን በሓር ሸሊ ህምበውሊ ኒገሺ ወንተስነድ፡ ገሪውሲኽር ሻኽሮ ግን፣ ደአም፡ ላዅ መርሓይ ደሽዅ እን ኒከበርስነስ ግምሽዅ እሲሮሉ ግን፣ ኒዳግ ወንተስሮሉ ግን። 19 ኒድ ደምቢ፡ እን ኒበልድሊ ህምበው መሐገያትሊ ኒገሺ ወንተስሮ ግን፣ ደአም፡ ዓጝቀፍሶ ለብሮ ግን፣ ኰዶኽር ቋልስትር ኣኽላ። 20 “እን ኒኣካንሊ ጓዃ፡ እን ክብር ሲመርዅሲ ተከዊስሮ፡ ዌርኮ እክባዅ እኝሻቕሮ ግን፣ ከለለው አመታት ነበክሊኻ ኵውስትሮ ግን፣ ደአም፡ ሓርቕርቖትዲ ሓርብዲሲ ኣኻላ።
21 “ኒአብልክኻ ክብር ሲመርዅ እውስትጋዅሉ ላዅ ቃበብሳዅ ጕሮ ግን፣ እን ከው ዳሕና ኣኽኖ መንደርቱኑ፡ ምለነድ እን ሲመርሲ ሻኽሮሉ ግን። 22 እን ዓደድ እጝገው ደሽ ኒገሽልድ ድድኖ ግን፡ እን ሓለቓ ቆል መእኰቱዅ ድኳ ከብቲሮ ኣኽላ። 23 ኒዲ መእኰት ቱነሪት፡ ምለነድ ኒወራትሲ እሲሮ ግን፣ ከለለው ከውድኻ ስልጠት ከለብርዶ ግን። 24 እን ርዱቕ ብራ እን በለዱዅሊ ህምበው ደሕና መንደርቱኑ ወረርዶሎም ግን፣ ኒእክልዲ ኒአንትትዲ እሲግናዅስኻ እሲሮ ግን፣ እን ኒ ወረረውዲ ሰልበውዲ ማልዲት እን ኒት ተለየውድ በኒሮሎም ግን፣ ኰዶ እን መሐገያትሲ ከሪሮ ሓሰብሮ ግን፣ ኒን ኒኣካናኻ ከለላ ወክትድ ካያ ግን።
25 “ደሽ ገሪውሲ እክቦ፡ ኒሒልዲ ሓጠርዲት ሲም ግብለቱዅድ አወይሲ ጕድሮ ግን፣ እን ሲም ግብለቱዅ ኰዶ ደሽ ገሪውዲ ሒለቱዲት እክቦ፡ እኝሽኽሊ ጕሮ ግን። ኣኽን ግራ፡ እን ጋር ምቝላ ኒድ የመምሳዅ ሰበትድ ናቅብላ ደውይሮ ገረስሮ ኣኽላ። 26 እን መአዲራ ሲሙዅሊ ቍ እርገው፡ ድሂስድኖሉ ወጠንድኖ ግን፣ ኒደሽልድር ገሪው ክርድኖ ግን፣ እን ሽኝሽኽልኽር ገሪው ለብድኖ ግን። 27 እን ለጛ ሰየም፡ ናለፍክድ እከይ ሓሰብድኖ ግን፣ ላ መአዲሪል ከፍ ይኖኻ፡ እኺርኺርሲ ብን ጋብቢድኖ ግን፣ ደአም፡ እን የመምሳዅ ወክት ገእይጋዅ ኣኸውድ፡ ኣኽሮሎም ኣኽላ። 28 ሲም ስሐሩዅ ርድቕ ገሪው ሸኾ ኒበልድሊ ወንተርዶ ግን፣ ኣኽን ግራ፡ ኒለበካ እን ሻትክ መእኰት ዓዶ ጕሮ ግን፣ ምቝላኽር እሲሮሉ ግን፣ ኒድ ደምቢ፡ ኒበልድሊ ወንተርዶ ግን።
29 “እን የመምሳዅ ወክትድኻ ሓዲስድ ግብለትሲ ወረርዶ ግን፣ ወክት ንድ፡ እን ጃበሪዅሰና ኣኽሮ ኣኽላ። 30 ዶንክ ኪቲምሩ ተጣረርድኖሉ ግን፣ ኒለበካኽር ረበሽትሮ ግን። እንሲን፡ ደምቢራ ወንተሮ፣ ኒሓርቕርቖትሲ እን ሻትክ መእኰት አወይሲ ገምድሮ ግን፣ ወንተሮኻ፡ እን ሻትክ መእኰትሲ ባረውሲ ዋስሮሎም ግን።
31 “እን ደሽ ኒውኻ፡ ልጝን ሻትክዲ ኒከልብዲት ረዀስድድኖ ግን፣ እን ግርግል ስኵራዅ ሰደቐትስኽር ደውሲድኖ ግን፣ ኒልኻ፡ ድዳ ነቕሳዅ ጋር ፈንፈንዳዅ እሲድኖ ግን፣ 32 እን መእኰትሲ ዳደውሲ፡ ምለነድ ከቲሲሮሎም ግን፣ እን ናጃርሲ አርአው እክ ደአም፡ ተብድኖ፡ ቃብሊትድኖሉ ግን።
33 “እን ልውሩ፡ ከለላ ወክትድ ሰፍድ ወሪ ለኸድ ለበነን፡ ወሪ ይኸ፡ ሰልብስተነን ወሪ ወረርሰናን ድኳ፡ ገሪውሲ መሀርድድኖ ግን። 34 ለብነሰናኻ፡ ከለላዅ ካበና አርድኖ ግን፣ እምንዱ ኣኽገው ከው ገሪውኽር ናዲ ሕበርሲድኖ ግን። 35 እን የመምሳዅ ወክት ገእይጋዅ ኣኸውድ፣ እን ከው ልውሩ ኣኸውልድ ላውላው ዓጝቀፍስድኖ ግን፣ ኒንኻ፡ እን ወክት ደⶖጎቢዅሊ ኣኽታሲ፡ ጨረይድኖኽር ለጭሕድኖኽር ዓመቓ እጝገው ኣኽድኖኽር መታን ግን።
36 “እን የመምሳዅ ኒውክ ኣኽሮ ዋነውድሉ፣ እን ሲም ኒጀረበዅስክ እሲሮ ግን፣ ናድክ ጃርትት አወይስኽር ኒኣዀርሲ ክብ ስነድ፡ እን ጃርትታ ጃር ኣኻዅድ አወይስ፡ ንድጃብክ ዋስስትጋዅ ጀኸን ጀኺሮ ግን፣ እን ወክት ቀጥብዅ ተመምራሲክኽር ዓውቲትሮ ግን። 37 ኒ፡ እን ጃርትት ኒእክለውዲ እን እኲን እጝከለናዅዲሲ ክብሪ ኡሮ ኣኽላ፣ ኣኻ ጃርስኽር ከበርድሮ ኣኽላ፣ ደአም፡ ኒሹት እና ነልድክ ክብ ሲሮ ግን። 38 ናአብልክ ኰዶ፡ እን ጃር መሐገይዅሲ ከበርድሮ ግን፣ ኒእክል አርእግናዅ ጃርስኽር፡ ደሀብዲ ወርካዲ ካብራን ክርጝዲ ካብር እውዲሲ ከበርድሮሉ ግን። 39 እን ካበና ገብሪዅ ጃሩዅድ ተበው መሐገያትዲ ተሓረብሮ ግን፣ እን ኒድ ሓከምሰውስኻ ገሪዅ ከበርድሮሎም ግን፣ ከው ገሪው አወይሲ ኰዶ ሐከመነት ሃቢሮሎም ግን፣ እን ብረስኽር አረኸድ በኒሮሎም ግን።
40 “እን ወከት ደⶖጎቢዅልኻ ሲም ግብለቱዅ ኒዲ ተሓረብሮ ግን፣ ሲም ስሐሩዅር፡ ኒአፍሩሰውዲ ሰረገላታትዲ ገሪው ዶንክታትዲሲ ደሃፋት ውልዋሉውሰና ኣኾ እንትሮሉ ግን፣ ገሪ በለድስኽር ወረርዶ ግን፣ ኵሪሰናኽር ገፈፉ እⶖጕሲ ናነበክድ ደኵሮ ግን። 41 እን ብራ ትክያዅሲ ወረርዶሉ ግን፣ ገሪ በለድኽር ኒናንሊ ለብድኖ ግን፣ ደአም፡ ኤዶምዲ ሞኣብዲ መርሓት ዓሞንዱዲ፡ ኒናንተልድ ሽልቍርድኖ ግን። 42 ኒሕክምሲ ገሪ በለድሊ እዳንድሮ ግን፣ ምስርኽር ሽልቍርቶ ኣኽላ። 43 ኒ፡ እን እንድባ ደሀብዲ ወርካዲሩዅዲ፡ እን ምስሩውድ ርድቕ ናትክዲት ሻኽሮ ግን፣ ከው ሊብዪውዲ ኢትዮጵዪውዲኽር ሓከምስድኖሉ ግን። 44 ኣኽን ግራ፡ እን ብሪ-ክስጘዲ ስሐዲር ገፍድ ሀደግሳዅ ረበሽሮሉ ግን እማ፣ ገሪውሲ ድሂስሮኽር ጨነትድሮኽር፡ ገሪ ቀጥብድ ጕሮ ግን። 45 ኒ፡ እን ኣፍሉት ኒውሲ፡ እን ኣብሑር ነበክል፡ እን ምልምል ሻትክ ጊራ ይዅሊ ተከልዶሎም ግን፣ ደአም፡ ደⶖጎቢል ገእይሮ ግን፣ ላዅር እልልዶሉ ኣኽላ።
5 ኣን ዳኒኤል መርኪስዅን፣ እንሓን፡ ይገሸል ለጛ ደው ይኖ እርግኑዅ፣ እን ላዅ ወረቢ ነረሲ፡ እን ሊጘርኻ ወረቢ እንደረሲ። 6 ናልድ ላዅ፡ እን ዓቝ ወረቢውድ አወይሲ እርጋዅ፡ ሰረን ብልታውረው ሰራዅ፡ “እና ፈከርደው ጋራት ነን ናድⶖጎባ ኣውን ኣኽሮ ግን?” ዮ ወጝቀርዅሉ። 7 እን ዓቝ ወረቢውድ አወይሲ እርጋዅ፡ ሰረን ብልታውረው ሰራዅ፡ ኒናን ላውዲ ሸጝገብዲት ሰሚል ኣኽታሲ ክብሰ፡ “ወክትዲ ኣውካትዲ ገፍ ወክትዲሲ ኣኽሮ ግን፣ እን ከው ሻትካናዅ ሒል ደⶖጎባ ከርተሰና፡ እና ጋራት ነን ናውክ ተመምሮ ግን” ዮ እን ዲማ መንደርታዅድ ሸሩ እⶖጕሲ ዋስዅንሉ። 8 ኣን ዋስዅን፣ ደአም አስተብሀልድሊ፣ ንድኻ፡ ዎ አደራ፣ ደⶖጎባ ንዱዅ ውረኒ ኣኽራ?” ዮ ወጝቀርዅን።
9 ንኻ ንሰና ይዅለ፣ “ዎ ዳኒኤል፣ እና ቆል ደⶖጎባ ወክትሊ ኣኽታሲክ ኣበድሳዅዲ ሓተምሳዅዲ ኣኽነዲን፣ ፈሪ፣ 10 ገሪው፡ ነገይድኖኽር ለጭሕድኖኽር ዓመቓ እጝገው ኣኽድኖኽር ግን፣ እን ምቝልኻ ናምቝልናርሊ ተብድኖ ግን። እን ምቝልድ ላዅ ናልድ ድኳ አስተብሀልድሮ ኣኽላ፣ እን ልውሩ ደአም፡ አስተብሀልድድኖ ግን።
11 “እን ግርግል ስኵራዅ ሰደቐት ደውየንትልድር እን ድዳ ነቕሳዅ ፈንፈንዳዅ ጋር ተርያዅ ወክትልድር ተርዮ፡ ሲሕዲ ለጛ ሊኽዲ ሰስረጝንዲ ግርጋት ኣኽሮ ግን። 12 እን ሰብር እሳዅዲ፡ ሲሕዲ ሰዃ ሊኽዲ ሰዀረጝንዲ ግርጋት ኣኽታሲ ጨበራዅዲ፡ ገውርሳዅ ግን።
13 “እንቲ ደአም፡ ደⶖጎቢል ኣኽታሲ ፈሪ፣ ፊዅቶ ግን፣ እን ግርጋት ደⶖጎቢውልኻ እን ኵድ ደለማዅ ርስቲት ከለብርቶ ጕቶ ግን።”
3 ለጛ ኣዳም ላት ፈርድኖ ኰሸረጝነን ላት ፈርድኖ ገረሳናዅማ፧ 4 ገመና ኒት ቋዅ ኣርጊ፡ ድባዕ ኣጝቐይሊ ህድራዅማ፧ ላሪ ቃጨዎ ሻኽጊ ኒ ኒል ህምባ ኣካንሊ ኒደሀይ ዋሲሳኵማ፧ 5 ሸረክ እጝገት ጀኸላ ሻክስተትማ፧ ሸርክኻ ላዅ ተመድጊሉ ሻካዅማ፧ 6 ደሀይ መለኸቱዅ ዕርዲሪል ዋስተን፡ ገው በኸኽረኒማ፧ ጃር ኣመርጊ ዕርዲሪል ሙቝላ ጋር እንተራኵማ፧ 7 አደራ ጃር ኒስቱርሲ ኒት ኣገልገልደው ነበዋትድ ጃቢሶ ድወጊ ላጋር እሰላ። 8 ገመና ህድራዅሲ ዋሶ ጕኢታጋዅ እውኒ ህምበኵን፧ አደራ ጃር ኒስቱርሲ ድወሉ፡ ነበይሰጋዅ ኣዊ ህምበኵን፧ 9 ኣሽዶዲ ምስርዲትል ኣረርሰው ትብቲሰንሊ መንደርተው ናትክሲ ንሰና ይድኖ ተምበሃ፣ "ጊራ ሰማርዪዅሊ እክብሳ፡ ኒል ኣከው ዓምጭዲ ረብሸትዲት መኸልታ።" 10 ጃር ንሰና ያኵ፦ "እና ከው ትክያዅ እስና አርእኒ፣ ዕምጭዲ ገፍዕነዲሲ እስተው እራኵድ ናትብቲሰንሲ እንሳኻናኵ፣ 11 እማ ኣባይ ናብርስ ክልውሮ ግን፣ ናትብቲሰንሲ ፋሕሰ ናልጝንትትሲ ወረርዶ ግን።" 12 ጃር ንሰና ያኵ፦ "ምቓቓ ነከክ ገመኒዅልድ፡ ለጛ ንሽሽ ልኵኰው ወሪ እⶖቅዋ ቕራጫ ደአንዳዅድሰና። ኒሰናኽር ሰማርዪል ናዓራት ሸሊ፡ ደማስቆትልኻ ናወሸቒል ከፍየው፡ እስራኤልድእቊር ደአንድኖ ግን።" 13 ኒትክ መለካዅ አደራ ጃር ንሰና ያኵ፦ "እናሓን ኒስ ዋሳ፡ ፈደን ያእቆብሩሊ ሰምዕዳ። 14 እን ከደምናዅ ሓራም ሰበትድ እክ እስራኤልዱሲ ቀጥዓ ግርገድ ቤት-ኤልትል ህምበው ሰደቂሰንስኽር ፋሕስየሎም ግን፣ እን ጊክክ ሰደቂሰንኽር ከርትትጘ ብሪል ለብሮ ግን። 15 ሽቕዲ ሓጋይዲ ኒል ደኵሰናዅ ናልጝንትት ናትክሲ ዋኒገውሰና እስየሎም ግን፣ እርኵክ ጃኒውድ ሽኻርቶ ከደምሰው ልጝንትት ናውክ ፋሕ ይሮ ግን፣ በህሊል ልጝንትት ናውክርኽር ባደምሮ ግን።
3 አደራ ጃር፡ “እን ግርጋ እንድሂሲ መዝሙር እን ልጝን ሻትክዅ መውዒታትሊ ለወትስሮ ግን፣ ከው ገሪውዱ ግናደትኽር ኣኻ ኣካንሊ ለቦ አርስሮ ግን፣ ኰዶ፡ በሀር ትምይና ኣኽሮ ግን” የኵ። 4 እንትን ጭጉማንሲ ዳድደናኽርዲ ድቡራን እና ብሪል ህምበውሲ ጨነትድደናኽርዲ ነስ ዋሳ፣ 5 ኰዶ ንሰና ይትኖ ግን፣ “መከሪሰነስ ሽጕድኖ፣ ኣረኸስኻ ኰድኖ፣ ሚዛን ብንዅድ ምልነ አር ክድኖ መታን፣ እን አርባ ትብረሪሩዅ በዓል አውንቶክ ደኵሮ ኣኽራ? ጀርጕሲ ኰዶ ዕዳጊል ገምድኖ፣ ሰምበር አውን ደኵራ? 6 ንድኻ፡ እን ድቡርሲ ወርከድ፡ እን ጨገምሳዅስኻ ለጛ ሻንፍድ ጅቢኖሉ ግን፣ ጕርድ ጀርጕስኻ ክድኖ ግን።”
9 “እን ግርጋ እንድሂሲ” አደራ ጃር ንሰና የኵ፦ “ኣዳሓ ጫዕዳዅሊ ኳራ ለብረት ሃብያ ግን፣ ገርክ ኣኵ ኰዶ ብረስ ጭልም እስያ ግን። 10 እንታ በዓል አመሪዅሲ ስረኒል፣ እንታ ገወሊትስኻ መውዒታተል ለወትየሎም ግን፣ እን ላዅ ናእዅራ እርጋዅሎም ክሮሎም ስረው ዋልደንሰና፡ እንታ ሽብክሲ ሊሽትድኖ ማቕ ሰርደነሰና ሃብያ ግን፣ እን ግርጋ እንድሂሩዅ ደⶖጎባ መረራዅ ኣኽሮ ግን።
11 አደራ ጃር ነዋ የኵ፡ “እነሓን፡ እን ግርጋ እንተረቲ እⶖኵቲ፣ ብሪል ከአር ነቕሳ ወክት እንትሮ ግን፣ እን ወክት እንድድ ከው ናው ከአርተናዅዲ ስቛንተናዅዲ፡ ነብረዲ ዓቝዲት ኣኽጊ፡ ቆል ጃሩዅሲ ዋስና ግን። 12 ከው ናውክ ግብለትልድ (ደቡብ) ኣኽራሲ፡ ኰዶ ብርክስጚልድ ኳራ ለብ ኣኽራሲ ኒትከል ቆል ጃሩዅሲ አርድኖ ኮለል ይድኖ ግን፣ ደአም አረረኒሉ። 13 እን ወክት እንድድ ደናግል እጝቃቕ መለምልዲ ቍራቝር ኣባጥህዲ ስቛነድ ለብድኖ ግን፣ 14 እን ጣቖት ሰማርየሩውድ ሸረው፡ ወሪ ‘ጃር ዳንሩዅ’ ወሪ ይኸ ‘ጃር ቤርሳቤሩዅ’ ዩኑ ሸረው ናውክ ለብድኖ ግን፣ እን ናው ኒል ለብናዅልድኻ ኒዀርስክ ጕድኖ ኣክኒ።”
1 2 1-2. ዮናስ ኣሚታይ ዱዅሪል ጒ እማ፡ ነነወትል እን በህሪ ዕርዲረትል ፈሪ፡ እን ከዋ እኪት ይጃብል ነት ገእዩዅ እማ፡ ናኣንጻር ሰምዕዲ፡ ያዅ ቆል ጃሩዅ እንትዅሉ። 3. 3 ዮናስኻ ጃር ገሽልድ ተርሰስ ኣኽታሲክ እግርዶ ዮ ብርፍ ዩዅ፡ ያፋ ይስታ ኣካንልኻ ገሙዅ፡ ንርትልድ ተርሰስ ኣኽታሲክ ደኵረሪ ባክራትኻ ኣሩዅ። ናዲ ተርሰስ ኣኽታሲክ ፈርዶኻ ኣረኻ ከፈሎ ባኽረትሊ ትዉዅ፡ ጃር ገሽልድኻ ሺሩዅ፡። 4 4. ጃር ይኸ እን ባሓርሊ ውልዋልዲ ሸማልዲ እንሻቁዅ፡ እን ባኽረት ከርቲታሲክ እን ባሓርሊ ሒለቱዅ ኣፍሉት እስቲዅ። 5 5. እን ባኽረትሲ መርሑ እርገዋ ጒኢትኑዅ፡ ላዅክ ናልዳ ናጃርሊክ ማህለልስጚኒዅ። ስዳውይሮሎምኻ፡ እን ባኽረትሊ እርጋ እራኲሲ ባሓርሊ ማልንዅሎም። ዮናስ ደኣም እን ስቛዅ በና መርከቡዅል ገኝጆ እርጉዅ። 6 6. እን ሹም ባኽረቱዅ ይኸ ኒል ስኲሮ፡ እንቲ ገኝጅራኽር፡ ውራ እስራዅን እንኩርዅን ጒ፡ ኣዊ ኣርእዅን እን ኲጃር ድድግኒን ሺበና፡ ኲጃርሊ ማህለልሲ፡ ይዅሉ። 7 7. ናሹር ናሹ ይኸ፡ እና ጅርበት ኒን ኣውር ሰበትድ ኣረትና ኣርእኖር ማታን፡ ላዃ ቕሻ ገምድንን፡ ይስትጚኒዅ። ቕሻኻ ገምድኑዅ፡ እን ቕሻኻ ዮናስትል ገእይቲ። 8 8. እኝሲጝ ናዋ ኲዓይብ ድዊና፡ እና ኣሮና ህምባዅ ኣውር ሰበብድ ግን፡ ኲ ክድመታ ውራንግን ኣወትልዳ እንትሩዅን ኣዊልኻ ግን ኲበለድ ኣወን እክልድ ግንኻ እንቲ ፡ ይኑዅሉ። 9 9. ንኻ ኣጝ እብራዊራ ግን፡ እን በሓርሲ ኢዲሳዅ ጃር ሰሚዅሲ ጓቚታዅንሉ፡ ይዅሎም። 10 10. እንሲጛ እን ከው ኒ ኒላውድ ድወዅሎም ኣኸውድ፡ ጃርልድ ሺሮ እግረት ኣለላይኑዅ፡ ገሪ ጒኢኽር ጒኢትኑዅ እማ፡ ውራ መታን ኒሂሰና እስሪዅንኻ ይንዅሉ። 11 11. እን ባሓርኻ ኒ ኣፍሉት በጀዅ እርግንነዲን፡ ናውኻ፡ ባሐር ደፍእሮር መታን ውራ እስኒን፡ ይንዅሉ። 12 12. ንኻ እና ሒለቱዅ ኣፍሉት ይሰበብድ ገእየትኩም ኣራኦ ህምበኲን እማ፡ ኣድኖ ባሐርሊ ማለለ እማ ፡ እን በሓር እንሲን ደፍእሮልኩም ግን፡ ይዅሎም። 13 13. እን ከውኻ ብሪል ወንተርድኖ ናህምባ ሒልድ ለመላም ዩኑ እርግኑዅ፡ ደኣም እን ባሓር ኒኣፍሉት ትክሰ ሒሊቱ ፍርንነዲን፡ ገረስትለሎም። 14 14. እንሲጛ፡ ዎ ይናኽር ጃር ፡ እና ግርዋር ርሕ ሰበብድ ድሂስግሪና ሺውናኲንካ እንኲንዅን ። እንቲ ዎ ይናኽር ጃር ፡ እን እንቲ እንከልደሰና እስሩዅ እማ፡ ላጪሕ ብርሲ ይናዳግ ገምድግ፡ ይኖ ጃርሊ መውዒ እሲኒዅ። 15 15. ዮናስቲኻ ኣድኖ ባሐርሊ ማሎኖሉ ደንቢ፡ እን በሓር ደፍኡዅ። 16 16. እን ከዋ ጃርሲ ትክሲነ ጒኢትንዅሉ፡ ጃርድር በዳ ስኩስኑዅሉ፡ ቆልር ትውኑዅ። 17 17. ጃር ዮናስቲ፡በሀር ስጛዅ ዓሳ ደለምድዂሉ። ዮናስኻ ዓሳ ጐድጒል ሰዃ ኳራዲ ሰዃ ቂርዲ እሲዅ።
1 1. ዮናስ ጐዱግ ዓሲዅል ኣኾ ፡ ኒ ጃርሊ ጠለዪዅ። 2 2. ይጅርበትሊት ጐዅ፡ ጃርሊ ዋዕዩዂን፡ ኒኻ ዋንስዅለ። ስኦል ጐድጐል ኣኾ ዋዕይዅን፡ ኣንትኻ ይደሃይሲ ዋስሪዅለ ዩዅ። 3 3. እንቲ እን ቆርሊ፡ ለበካ በሓር ነበክል ማልድዅለ፡ ኩርር ክልውዅለ፡ ናውክ ኣፍሉት ይዳግድ ገምፈሎ ደኩዂ። 4 4. ኣንኻ ነዋ ይዅን፡ ኩዕልል ጃብልድ ዳገንስዅን፡ ደኣም ድሞ ኩልጝን ሻትክሊ መኸልትያ ግን። 5 5. ዓቚ ይፍዂተል ኣኽራሲክ ክልውርዅለ፡ ቆር ይገብሊ እርጉዅ፡ ሻጝኪ በሓሩ ይኣዅርሊ ለዋለይስዂለ። 6 6. መሰረት ጊታዂሊ ገምዅን፡ ስሪር ብሪው ድመሲ ይዳግል ኣኹዅ። እንቲ ደኣም፡ ዎ ይኽር ጃር፡ ይርሕሲ ግብልድ ፍድሪዅላ። 7 7. ይፊዅት ይጅዊል ቅልስሮሰና፡ ጃርሲ እልብድዅንሉ። ይጠሎት ኲሊጝን ሻትክሊ ትውዅ። 8 8. እን ብጒትሊ ቀልብ ገምደው፡ ናገድ ኣስተኲ። 9 9. ኣጛ ደሃይድ ሓምደ ስኲስየካ፡ እን ተመባጽዓዅሲኻ ሃብየሉ ግን፡ ደኣና ጃርልድ ግን። 10 10. ጃር እን ዓሰስ ኣደድዅሉ፡ ንኻ ዮናስቲ ብራ ዳፍፍሊ ፍድዂሉ።
1 2 1-2. ዮናስትልኻ ጕ እማ፡ ነነወትል እን በህሪ ዕርዲራትል ፈሪ፡ እን ኣን ኣደዳዅሲካ ሰምዕሲኻ ሰምዕዲልዕም፡ ያዅ ቆል ጃሩዅ ሊጘር ወክት እንትዅሉ። 3 3. ዮናስኻ እን ቆል ጃሩዅ ያዅሰናሉ ጔ፡ ነነወትል ኣኽታሲክ ፈሩዅ። ደኣም ነነወ ኣቕትራሲክላ በህሪ ዕርዲራ፡ ሰኻኳራ ደርብ ግንሪ። 4 4. ዮናስ ደኣም እን ዕርዲረትል ቱሮ ላግርጋ ደርብ ተርሲዅ እማ፡ ነነወ ኣርብያ ኳራ ዲይሮ ገለበትስቶ ግን ዮ ፡ ሰምዕዱዅ። 5 5. ከው ነነወሩኻ ጃርድ እምኑዅ፡ ሹም ሹምድኖኻ ሰምዕ ሰምዕድኑዅ፡ ናብሀርልድ ናግናይል ኣኽታሲክ ዕዳፍ ሰርኑዅ። 6 6፡ እና ህድግ ኒን ሲም ነነወሩዅል ገእዩዅ፡ ኒቒጦሪልድ ጔኻ፡ ኒሰራጝሲ ፍዱዅ፡ ዕዳፋ ሰሮኻ ሽባርሊ ኮፈ ዩዅ። 7 7. ነነወትል ትእዳድ ሲሙዅዲ ኒ መኳንንቲዲ ነዋ ዩዅ ሰምዕ ሰምዕሱዅ፡ ኣዳም ወሪ ማል (ሞጋሰ) ወስ ወሪ ይኸ (ሞጋሰ) በግ ላሪኽር ታምግኒን፡ ሰገርግኒንኽር፡ ዓቁር ጅእግኒን። 8 8. ኣዳምዲ ማልዲ ዕዳፍ ሰሪኒን፡ ዋዕ ይኖኽር ጃርሊ መውዒ እሲኒን፡ ላዅክ እን በዳን ኒደርብልድር እን እንኒናተል ህምባ ዓመጭልድር ጥዒስን (ወንተርን)። 9 9. ኣዊ ኣርእዅን ጃር ጥዒሰጝር ወንተረጝር፡ ይጝ ድድግኒንኻ እን ኒጋእጋያዅ ሓረቕርቆትልድ ወንተረን፡ ኣዊ ኣርዅን። 10 10. ዳኣም ጃር እን እኩይ ደርብልድ ወንተርነት፡ ና ግብርሲ ቋሉዅ፡ ጃርኻ እን ገምድሮሎም ዮ ጋባ ማዓትሲ ጥዒሱዅ እማ፡ እሲለሉ።
1 1. ደኣም ኒን ዮናስቲ ትክሰ ጓሃይድዅሉ፡ ሓረቁዅር። 2 2. ነወዮ ጃርሊ ጠለዩዅ፡ ዎ ይኽር ጃር ሺወኩንካ እንኩዅን፡ እን ይበለድሊ ዋኑ ጋበዅሉ ኒንማ ኣኽላ፡ ብሕል ይራኽርዲ ሩሕሩሕዲ ሓረቅርናድ እሽሸግራኽር በሀር እንከሊሩዅ፡ በዳንድ ጥዒስራኽር ጃር ኣክረት ኣርኣዅ ኣኸውድ፡ እና ንድ ሰበብድ ግን ጃቢሶ ተርሰስ ኣኽታሲክ እግራኽር። 3 3. ዎ ይኽር ጃር፡ ደኣም ናን ይርሕድ መንደርትኒልድ ክራ ኪዳኵለ እማ፡ ይርሕሲ ይልድ ኣቶላ ሺውኵንካ እኝኵዅን። 4 4. ኵሓረቅርነድ ትክያዅማ እስረኵን እንኩርዅን፡ ይዅሉ። 5 5. ዮናስኻ እንዕርዲረትልድ ፌ፡ እን ዕርዲራ ኳራ ለብና ገፍድ ኮፍዩዅ። ኒል ኒድ ዳስ ከደሙዅ። እን ዕርዲራትል ገማዅሲ ቋልዶር ማታጛ፡ ሻም ዓጝቀይል ኮፍዩዅ።። 6 6. ይና እኽር ጅርኻ፡ ዮናስቲ ኒኣኻርሲ ሻሚስረሪ ኒእኪትልድር ወአንተስረሪ፡ ጒልቋ ደለምዱዅ፡ ኒ ኣወይሲኻ ለገድዅላ፡ ዮናስኻ እን ጒልቋ ሰበትድ ትክሰ ፈርሑዅ። 7 7. ኒ ኣመሪትኻ ብራ ክሰሪት፡ ጃር ቅሻ ደለምዱዅ፡ እን ቅሻኻ ጒልቋት ቊዅላ፡ እማ ኢድቲ፡ 8 8. ኳራ ፍርደሪትኻ፡ ጃር ውልዋል(ሸማል) ብራዅ ኳራ ለብና ገፍድ ደለምዱዅ፡ ኳራኻ ዮናስቲ ቂልስራሲክ ኒኣዃርሲ ጠዓምብቲሉ፡ ኒኻ፡ ርሕድ መንደርትኒልድ ክርና ኪደኵለ ዮ፡ ኒርሕድ ክራ ሺዊዅላ። 9 9. ጃርኻ እና ጒልቋድማ ሓረቕርቶ ወጀባኵንካ ይዅሉ፡ ኒኻ፡ የዋ ክርና ኣኽታሲክር ሓረቅርድያ ተገባኣኵለ፡ ይዅሉ። 10 10. ጃርኻ ነወይዅሉ፡ እንቲ እን ቂልሰግረሪትልር በሀርድግረሪትልር፡ ላቂርድ ለገድረሪ ላቂርድኻ ድረሪ ጒልቋድማ ሓረቅርደኵን። 11 11. ኣጝኻ እን በህሪ ነነወትሪት፡ ናላውሲ ናሸንግብልድ ፈለይድኖ ገረሰጋው፡ ሊኽዲ ለጘርጝንዲ ስሕልድ በጀኻው፡ ከውዲ ገሪ ማልዲ ህምብረሪትላማ፡ ብሕል የሊላ።
6 “በጋ፡ ሰማርየት ኵምራ ክርጝ ከርትትጝዲ ኪድጝ ወይኒሩዅዲ እስየላ ግን፣ ንር ክርጝሲ ዓጝቀርሊ ገምድየሎም ግን፡ ንር ሰረትስኻ ካያ እስየሉ ግን። 7 ናውክ ንር ጣቖት ከርትትጚሮ ግን፣ እን ንርቲ ኒል አምለክደናዅ ልጝንድ ስኵረው እውንኻ ለኸድ ሓውይሮ ግን፣ ናትክ ንር ምስሊትኽር ድሂስያ ግን፣ እን ንር እውን አረኻ ንር ቀሓብኒዅ ኣኽነዲን፡ ናንኽር አረኻ ቀሓብኒዅ ኣኽሮ ግን። 8 ንድ ሰበት ስርያ ግን፣ ትኦይኽር ይያ ግን፣ ልኩኵ ካያ ኣኾ፡ ሰረን እጝገት ካይቶ ፈርያ ግን፣ ቆኝሸሊሰና ስረኵን፡ ሰገንሰናኻ ደሀይ ጎሀይኒዅ እሰኵን እⶖኵዅን። 9 ሰማርየር ለኸን እቢረጋዅ ግን፣ ያሁዳ ብሪል ለዓዮ ህምበኵ፣ እን መራ ይእክዅሊ ኣኽታሲ፡ ኢየሩሳሌምሊ ድኳ ገእዮ ህምበኵ። 10 ጋትሊ ወሪስገሉ፣ ኒዀርስክኽር ስረጋ፣ ቤት-ኣፍራትል ብቲል ኣጝገርገራ። 11 እንትን ሻፊርሊ መንደርትደናኽር፡ ካያ ኣኽድኖ፡ ስማርዱኑ ደኳ፣ ጾኣናንሊ መንደርተው ኒልድ ፍድኖ ኣኽኒ፣ ቤት-ኤጽል ሓዘንሊ ህምበቲ እማ፡ መሐገይ ኣኽቶም ገረሰላ። 12 መራ ኢየሩሳሌምሩዅሊ ከብተጊ ጨዓት ጃርልድ እንቶ ህምበኵ እማ፣ እን ማሮትሊ መንደርተው ካበና ጨበሩኑ፡ መጨትድ ገለበበድስድኖ ግን። 13 እንትን ላኪሽሊ መንደርትደናኽር፡ ኣፍሩሲ ሰረጌላታትዲ ቀረነሎም፣ እን ጽዮድቝረር ሓራም ሰልፍ እንተድ ተርዩዅ፣ ሓኵር እስራኤልዱዅር እንተል አርሱዅ። 14 ንድ እንትን፡ ሞሬሸት-ጋትድ እውን በንዲነ ኡትኖላ ግን፣ ዕርዲራ ኣኽዚብትርኻ ሰየም እስራኤልዱ ምልሰውላ ኣኽቶ። 15 እንትን ማሪሻትል መንደርትደናኽር፡ እንተት ለተቓዅሲኩም ነቕስየልኩም ግን፣ ክብር እስራኤልዱኻ ኣዱላምሊ ኣኽታሲ ገእይሮ ግን። 16 ናው ኵልድ ሰልብስቲነው ኣኽነውድ፡ እን ኵእቝር መታን ሓዘንሩ ኵኣዀርሲ ሊሽቲ፡ ኣሞሪሰናኽር ኵኣዀርሲ ጕልሓይሲ።
ምልክ ናናንተል ኣኽነዲን፣ ብራ ክሶሰና፡ ጕራብድ እሰነኵሉ።
2 ኪሽጝ ተምነተነኵ፡ ሻከነኵሎም፣ ልጝንቲ ተምነተነክ፡ አደነኵሎም፣ ልጝንቲ ኣዳምሩሲ ምሊነ አደነኵ፡ ናርስቲትኽር ወረረነኵሎም። 3 በጋ፡ ጃር ንሰና የኵ እⶖኵዅ፣ “እነሓን፣ እና ከው ዳግል ጨዓት ገምድያ ግን፣ ኒልድ ሽልቝርትኖ ገረስደኒ። ንድ ደምቢ፡ ጅርበት ኣኽሮ ኣኸውድ፡ ከበርስዱኑ ወንተተርትኖ ኣኽድኒ። 4 እን ግርጋ እንድሂሲ፡ እን ከው ንሰና ይኖ ቃየርድኖኩም ግን፣ ንሰና ዩኑኽር ትኦይ ይድኖልኩም ግን፣ ‘ናውክ ድድንዅን፣ እን ርስቲ ይከዋዅር በንስስጝሲዅ፣ ይልድ አዶ፡ እን ኪሽጝሲ ዓመጨውድ በኒዅሎም።’5 ንድ ሰበትድ፡ እን ዕግሎ ጃሩዅሊ፡ ቅሻ ገምዶ ብረስ በናዅ ወላ ላዅ ዋኒሮ ኣኽላ። 6 ናነበዋትኻ፡ “ነበይስጋ፣ እና ጋራት ሰበትድ ነበይስጋ፣ ጅርበት አርዶና ኣኽላ” የነኵ። 7 እንትን ፈደን ያዕቆብሩ፣ ንሰና ይስትሮ አስተሀለዅማ?
“መንፈስ ጃሩዅ ሰብር እጝጋዅማ ኣኾ?
እና ጋራት ነስ ተከውስኻ እሰዅማ?”
“እን ኪዳ ደርብድ ወንተተራዅድ፡ ቆላት ዩ ኪሰሪሩ ኣኽለማ?”
8 ይእክ ደአም ከለላ ወክትልድ ተርሲነ አፋይትሰና ኣኽኖ ጕኖ ህምበነኵ፣ ሓሳብ ሓርቡዅ እጝገው፡ ሰላምድ ደኰው ከውሲ፡ ናሰረጝሲ ባሪስድንዅሎም። 9 እን እኲን ይከወውሲ ናልጝንቲ ታሚተውልድ ፍድንዅለን፣ ይክብርስኽር ናእቝርልድ ዲመሲ አድኑዅ። 10 እና ኣካን ኒን፡ ረዀስዅ፡ ገሪዅኽር ጂብዅ እማ፣ እና ኣካን እንትን ኒል ፊዅደናዅ ኣኽላ፣ ጓ፣ ነትድ ፈራ! 11 ብጟዲ ምለንተዲ ኣኻዅ እንቶ፡ ‘ኣን ገሪ ወይኒዲ ሸከርደው ጅእዲር ሰብትድ ነበይስየልካ ግን’ ያዅ ዋነን፡ ኒ እና ከውድ ነቢራ ኣከኵ።12 “ዎ ያዕቆብ፣ እምንድክ ኣን ናትክሲ እክብየኩም ግን፣ እን እስራኤልዱልድ ከብተውሲ እምንድክ እክብየሎም ግን፣ እን በግ እጝግል ህምብረሪዲ ሸፈልስሮ ህምብረሪዲርሰና ላት እክብየሎም ግን፣ እን ኣካንኻ ከውድ እንሳኽስሮ ግን። 13 እን ከሬ ፈራዅ ናጃብ ጃብል ፈረኵ፣ ናውር መረስ ከሪነ ፍኖ ፈረነኵ፣ ናሲም ናጃብ ጃብል ፈረኵ፡ ጃርኻ ናአወይሲ ኣከኵ።
9 ውሪዅ ደአም ናን ኵደሀይሲ ክብስረ ዋዕይራዅን? ሲም እጝግግራኽርማ? ምሕጭ ሸኾላ ህምበሪ እዂነርሰና እንቲ ሳደድስራዅ፡ ኰድጛዅኵማ ብሮ? 10 እንቲ ጽዮን ድቝራ፣ ምሕጭ ሸኾላ ህምበሪ እዂነርሰና ሳደድሲ፣ ናን እን ዕርዲረትልድ ፍሮ፡ ከደንሊ ሰከንቶ ግን፣ ባቢሎን ኣኽታሲክር ፈርቶ ግን፡ ኒልኻ ኵኣፋይቲ ናንተልድ ደአንቶ ግን፣ ኒል ጃር፡ ኵኣፋይቲ ናንተልድ ደአንድሮኪ ግን። 11 ናንኻ ገሪው ቆምያት ኵል እክብስኖ ህምበነኵ፣ ናውር፡ “ረዀስርንሪ፣ ይና ዕልልኽር ጽዮንትል መርኪስናው” የነኵ። 12 ናው ደአም ሓሳብ ጃሩዅሲ አርእኒ፡ ኒኰድጚልኽር ለበካ ገምደኒ፣ ኒታዲ፡ መከልሰና ወረኒል እክበኵሎም እⶖኵዅ። 13 እንቲ ጽዮን ድቝራ፣ ኵጊኽሲ ሸኻ፡ ኵሰዀንንስኻ ኣስራዲራ እስየሎም ግን እማ፣ ጕሮ፡ ወረኒል ጅልዊ፣ ቆምያትስኽር ከርርጚቶሎም ግን።” እን ዕምጭድ አርነውስኻ ጃርድ፡ ናርድቕስኽር አደራ ኒውክ ብሪዅድዅድ ስኵስቶ ግን።
3 ንድኻ፡ እስራኤል ባርስትቶ ግን፡ ኒገና ማሕጭሮ ቍራ እዃርተሪሲክ፣ እንሲን እን ከብተው ኒሻን ወንተርኖ እስራኤልዱዲ ሕበርሲድኖ ግን። 4 ኒ፡ ሒል ጃሩዅዲ ካብር ስⶖ ጃሩዅዲሲ ድውይሮኽር ምቓቕሪሮኽር ግን። እንሲን፡ ኒ ብሪ ግንድል ኣኽራሲክ በሀር ኣኽሮ ግን እማ፡ ናው ዳሕነድ መንደርትድኖ ግን። 5 ኒ፡ ናኪሰሪ ኣኽሮ ግን።
እን ኣሶርዱዅ ይና ብረስ ወረሩ፡ እን መሐገያት ይነውልኽር ዳዶ ትወን፡ ለጘታ ምቓቕዲ ሰዀታ እሕሉቝዲ ኒዓዶ ጕድኖ ግን።
6 ብራ ኣሶርዱዅሲ ሰፍድ፡ ብራ ኒምሮድሩዅሲኻ ሰፍ ወርወርሳዅ ሓከምድኖሉ ግን፣ ኣሶር ይና ብረስ ወረሩ፡ ግንዲ ይና ብሪዅልኻ ኒልኵሲ ገምደሰና፡ ኒ፡ እን ኣሶርዱልድ ደአንድሮና ግን። 7 እን ያዕቆብትልድ ከብተው፡ እን ከው ገሪው ነበክል፡ ቍጣ ሓምዳ ጃርልድ ገአማዅሰና፡ ሻኪል ጢቕና እሳዅሰና፡ ኣዳምቲ ጨበረገውሰና፡ ኣዳሚንድቝርልኻ ሳዳ እሰጋዅ ኣዳምርሰና ኣኽድኖ ግን። 8 እን አው ከደንሊ ህምበው ኣራዊት ነበክል ህምባዅ ገመኒሰና፡ ኒልኵኵድ ዳድድⶖ ፈራዅሰና፡ እን ኒ ከረዅስኻ ላዅ ኒልድ አድሮሉ ገረሰጋዅሰና፡ በግ ነበክ ህምበው ገመኒቝርሰና፡ እን ያዕቆብትልድ ከብተው፡ ቆምያታ ነበክሊ፡ እን ገሪ ከው ነበክሊ ኒሰና ኣኽድኖ ግን። 9 ኵናኒ ኵኣፍይቲ ዳግሊ ክብ ይቶ ግን፣ ናውክ ኵኣፋይትኽር ድድኖ ግን። 10 ጃር ንሰና የኵ፡ “እን ወክት እንድድ፡ ኵኣፍሩሲ ኵነበክልድ ድሂስየሎም ግን፣ ኵሰረጌላታትስኻ ከርርጝያ ግን። 11 እን እንታ በለድሊ ህምበው ዕርዲራታትሲ ድሂስየሎም ግን፣ እን መሐገያት እንተውስኽር ሀገግድየሎም ግን። 12 ጠንቆልነስ እንተልድ ድሂስያ ግን፣ ናንዲ ደምቢ ሰረደው ዋኒድኖኩም ኣኽኒ። 13 እን ሸረብሰው ኵምስልታትዲ ኣምልክድደነው ደውየው ክርጝዲት እንታ ነበክልድ ድሂስየሎም ግን፣ ኒድ ደምቢ ኰዶ፡ እን ኵናንድ ከደምረውሊ ሰገድቶ ኣኽላ። 14 እን ደውያዅ ምስሊ ጣቖት ኣሸራሩዅሲ እንታ ነብክልድ ምኵድየሉ ግን፣ እን ዕርዲራታትስኽር ድመን እስየለን ግን። 15 እን ይድ አደድስገውለ ቆምያትሊኽር፡ ቀጥብዲ ጨዓትዲሲ ይተሪ ፈደይስያጃር ኒእክዲ ላ ጋር ሻኵ፣ እስራኤልድኻ ከሓስጚሮ ግን።
3 “እንትን ይእክ፣ ውራ እሲዅንኩም? አወያዅድኻ ምዅር ኣዅንካ? እንደ ወንተሲለ! 4 ኣን፡ ምስር ብሪልድ ፍድዅንካ፣ እን ገኝጂና ኣኽሮ እርግራዅ ብሪልድኽር ደአንድዅንካ፣ ሙሴዲ ኣሮንዲ ማርያምዲትኻ መርሒድኖካ ኵል እኝሻቕዅንልካ። 5 ዎ ይእክ! ጨዳቐት ጃሩዅሲ አርእቶ፣ እን ሲም ሞኣብሩዅ ባላቅር ኰድጛዲ እን በልዓም ቤዖርድዅራ ወንተሳዅሉዲት ሺጢምትልድ ጊልጋልትል ኣኽራሲክ ኣኻዅሲ እስንደ እልብዳ! 6 ጃር ገሸል ውራ ሻኾ ስኵርን፣ ኣዋህበኻ እን ክብያኵ ጃር ጃብል ሰገድያ ግን? ሓውያዅ ሰድቐትዲ ላ አመሪዅ ገልዲት ሸኾማ ኒገሸል ስኵርን? 7 ጃር፡ ስሒ መደፍዲ ሽካ ስሕ ቡቝተው ደድዲሲ ባህ ይረመሉ? ይዓገብ አብልክ ይእዅራ ይበኽርሲ፡ ሓራም ይርሒዅድኻ ይጅርስማ እውን? 8 እንቲ ኣዳም፣ ኒ፡ ትክያዅስክ አርእሲስዅካ፣ ጃር ኵልድ ውራ ጀረባዅን? ትክያዅ እሲቶ፡ ራሕመትኻ እጝከልቶ፡ ጃር ገሸልኻ ለጥይሮ ወንተተርቶ ኣኽጋዅማ? 9 ኵስⶖሲ ጒኢትና ልውር ግን፣
“ኒግምብስ እልብዳ፣ እን ኒት ደለምዳዃ አውኒ ኣካት እልብዳ።
10 እንትን ልጝን ተካላን፣ እን ዕመጭድ አርድነው ማልዲ እን መከሪሰና ብንዅድ እክብድነው ፈንፈንደው ጋራትዲት ምኺሮመሎም ዋነ? 11 ኣን ኣዋህበ እን ብኑዅ መደኒሰንዲ መከሪሰንዲት ነፍዕስታዅሲ ብሕል የሉ? 12 እን ንርትል መደርተው ርዱቓን ዓመጨንቲ ግን፣ ብጝር ጋበነኵ፣ ናላጝቅኽር ምለንታ ግን። 13 ንድኻ፡ ኵሓራም ሰበትድ ድሂስየካ ግን፣ ከርርጝየካኽር ግን። 14 ቍቶ ግን፣ ደአም ብቶ ኣኽላ፣ ኵጎዱጕ ካያ ከብቲሮ ግን፣ እክብቶ ግን፣ ደአም ከብሲቶ ኣኽላ፣ እን እንቲ እክብረውሲ ሰፍድ እውየሎም ግን። 15 ፈዲቶ ግን፡ ደአም እሽሪቶ ኣኽላ፣ ፍራ ወይኒሩሲ ደቝደቝቶ ግን፡ ደአም ናደድሲ ሸመስቶ ኣኽላ፣ ዓለቕ ደቝደቝቶ ግን፡ ደአም ወይኒ ጂእቶ ኣኽላ። 16 ዓደት ኦምርዱዅዲ ኒትክ ወራት ልጝን ኣክኣብሩዅዲት ተከውረኵ እⶖኵሩዅ፣ ናፈለኸስኽር ተለይሩዅ። ንድኻ፡ ኣን ኵት ሰክሕዳዅድ፡ ኵእክስኻ ወረርስድኖ ደኵሶ እውየኩም ግን፣ ጀኸን ይከዋዅስኽር ምዅርትኖ ግን።”15 “እን ወክት ምስር ብሪልድ ፍናዅሰና፡ እን ኣምራት ዩሲ ቋሊስየሎም ግን።”
16 ቆምያት ኒስ ቋልኖ፡ ናሒል ኒውክሲ ናብነድ ስማርድኖ ግን። ናናንሲ ናኣብሊ ገምድድኖ ግን፣ ናእⶖቍቝኽር ጨመምሮ ግን። 17 ምራዊሰና ብታ ላኝሽድኖ ግን፣ እን ብሪል ለምም የውሰና፡ ናመስከብልድ ረጀፉኑ ፍድኖ ግን፣ ጒኢትነድር ይና አደራ ጃርሊ ወንተርድኖ ግን፣ እንተትር ጒኢትድኖኩም ግን። 18 እን ከብተው ኒርስቲሩ ሓራምሲ ባራዅዲ ብሕልያዅዲ ኵሰና ያዅ ጃር አውኒ ህምባዅን? ብሕል ኵይነድ ባህ የኵካ፡ ዲመስኻ ቀጠብስሮ መንደርተላ። 19 ውንተሮ ብሕል የኵና፣ ይና ሓራምስኻ ኵልኵክ ዓጝቀይሊ ዳደድረኵ፣ ይና ዓገብስኽር ቆር ባሓርዅል ማለደኵ። 20 እን ወክት እማኒዅልድ ተርስረ ይና እክልድ ቆል ቱራዅሰና፡ እምንኻ ያዕቆብሲ፡ ራሕማትኻ ኣብራሃምሲ እሲቶ ግን።
4 “እነሓን፣ ኒ ከበርሱዅ፣ ኒተምነትኽር ትክያዅ ኣኽላ፣ ጫድቕ ደአም እምነትድ መንደርተኵ። 5 እምንድክ፡ ወይኒ ከቲሲዅሉ፣ ኒ ዕቡይ ግን፡ ወላ ፊዀላ፣
ኒ ሲኦልሰና ህሩፍ ግን፣ ክሪሰናኻ ብተላ፣ ቆምያትሲ ኒል እክበኩሎም፣ ከው ናትክስኻ ሰልበ አደኵሎም።
6 “ናውክ እና ነወያዅ ኣዳምቲ ቃየርነድር መሰልድር ንሰና ይድኖሉ ግን፣
“ስውስተው እራኵሲ ኒሹሺ እክባዅ፡ ኒሹሺ ማል ዕምጩውድ ረደቓዅ መላሉ! ኒጛ አውን ኣኽራሲክ ግን ንሰና ኣኵ ኒጨበርና?”
7 እንቲ እን ናድ ኣዳኽድረውሎም ከው ስድፈትድ ጓንመካ? ጕኖ በኻኽደንመካ? እንሲንኻ ናናንትተል ለብቶ ግን። 8 እንቲ ገሪ ከውሲ ወረርዳኽር ኣኽረውድ፡ እን ከው ከብተው ናውክ፡ እን እንቲ ቡቝስረው ኣዳምር ብርዲ እን ብረዲ እን ዕርዲረዲትል ናትክሊ እስረው ዓመጭዲር ሰበትድ ወረርድኖካ ግን።9 “ኒማል ኣኽገውድ ኒልጝንሲ ገበራዅ፡ ኰዶ ኒ ኣባይልድ ደአንዶ ኒልጝንሲ ክብያዅሊ ገበራዅ መላሉ! 10 ድዳ ከው ገሪውድዅሊ ኰድጝሪዅ፣ ኵልጝንሊ ኣከጃህ፡ ኵሹትልኻ ድዳ ነቕስሩዅ። 11 ክርጛ ኳኒል ኣኾ ጨርሕሮ ግን፣ እን ካና ልዳቱኻ ወንተስሮሉ ግን።
12 “እን ዕርዲረት ብር ቡቕስነድ ገበራዅላዲ ዓመጨድ ሰረታዅላዲ መላሉ! 13 ተዓብ እን ከው ለኸድ ኣኽሮ፡ ቆምያትኻ ግምሽ ተዓብድኖ፡ ጃር ጻባኦቱዅ የመምጋዅማ? 14 እን ዓቝ በሓርሲ ኵሳዅሰና፡ ብራኽር አርእን ክብር ጃሩዅድ እንታኽትቶ ግን።
15 “ሕፍረት ኒጨሪዅሲ ቋልዶ፡ ኒጨረስ ጅእሳዅ፡ ሸከርዳሲክኻ ወይኒ ቀደኻዅሉ መላሉ! 16 እንቲ ክብር አበልክ ስማርቶ ግን፣ ናን ኵተሪ ግን! ጅኢ፣ ኵሕፍረትር ቋልስትሮ ግን፣ እን ላው ናን ጃሩዅሊ ህምባዅ ጽዋእኽር ኵል ወንተርዶ ግን፣ ኵክብርኽር ኣከጃህድ ኵትሮ ግን። 17 እን ሊባኖስሊ እስረዅ ዓመጭ ኵዳግ ቡቝቲሮ ግን፣ እን እንሱሲ ኵዲህስናኽር በኻኽድሮካ ግን፣ ኣዳምር ብርሲ ቡቝስሪዅ፣ እን በለድ ገሪውዲ ዕርዲረታትዲትል መንደርተው ከው ናትክስኽር ድሂስሩዅ።
18 “እን ኣዳምር ናንድ ከደምሳዅ ጣቖትዲ እን ብን መሀርዳዅ ምስሊረዲ ወሪ ነፍዓዅን? 19 እን ካነስ፡ ‘ሓሶሰዪ!’ እን ፊዅት እጝጋዅ ክርጘስኻ ፡ ‘ጒ!’ ያዅ መላሉ፣ ኒ መሀርድሮ ገረሰኵማ? እነሓን፣ ደሀብዲ ወርከዲሲ ለለክሶ ህምበኵ፣ ትንፋስኽር ሻኽላ። 20 ጃርኻ ኒልጝን ሻትክ ህምበኵ፣ ብራ ንርውክር ኒጃብል ሰቖብርን።
3 ጃር ቴማንትልድ፡ እን ሻትክኻ ጊራ ፋራንዱዅልድ እንቱዅ። ሴላ
ኒክብር ሰመስ ኵሱዅ፣ ብራኻ ኒሓምደድ እንታኽትሮ ህምበቲ።
4 ኒተልዋሕርና በርህ ኳሪዅሰና ግን፣ ኒናንልድ ጭሮርሓ ኳሪዅ ፊዅ፣ ኒሒልኽር ኒል ትብቱዅ። 5 ኒጃብ ጃብል ጨዓት ፈረኵ፣ ሽዅዳኽር ኒፈላኸስ ተለዩ እርጕዅ። 6 ደው ዩዅ፣ ብራኽር ውልቍዅ፣ ቋሉዅ፡ ቆምያትስኻ ደወሽዅሎም፣ እን ጊት እማኒው ከርትትጚዅ፣ እን ጕርዕ እማኒውር ሀገጕዅ፣ እን እማና ኒ ናድ ወንተተሩ ሰጘው። 7 አፍሉት ኢትዮጵዪው ሳደድሱ፡ መሳክብ ሚድያንዱኻ ደወሽቱ ቋልዅን። 8 ዎ አደራ፣ ወረፍሲ ቀጠብስሮመሎም? ኵጨዓትኻ ወርፍ ዳግ ገሞማ? ኣፍሩስዲ እን ዓውቲተው ኵሰረጌላታትዲሲ ጋለብራካክ፡ እን በሓርሲ ቀጠብስሮመሉ እርግሮ? 9 ቀስት ኩዅሲ ደለምዲ፣ ቍምባ እኝሽዅኽስኽር ነቕስድኖልካ ድዊሎም፣ ሴላብረስ ወረፍድ በንሪዅ፣
10 ጊት ቋልንዅካ እማ ሳደድስኑዅ፣ ፉሪተው አፍሉት ዓቖው ደኩዅ፣ እን ቆር ደሀይ እሲዅ፡ ደሃፋትስኽር ጕዱዅ። 11 እን ሕንጭልሰው ፍላጸዲ ተልዋሕራዅ እኝሽኽዲር ሰበትድ፡ ኳረዲ አርበዲ ናኣካንሊ ደው ይኑዅ። 12 ብሪል ሓርቕርቖትድ ወንተተርዱዅ፣ ቀጥብድኻ ቆምያትሲ ዳድርዅሎም። 13 ኵእክዲ እን እንቲ ሸመትራዅዲት ደአንድቶ ፍሩዅ፣ እን ብራ ምቝለስ መርሓዅሲ ከትከትሩዅሉ፣ ኒኣዀርልድ ኒልኩኵል ኣኽታሲክ ካይስርዅሉ። ሴላ 14 እን ደሃፋትሰና ዳሕ ሲድኖና እንተውዲ እን መስኪንሲ ትብታንድ ናወሓጥነድ ፈርሓውዲት ናመርሓይሲ ኒኣዀርሲ ኒሹር እኝሽኽድ ሰብርዅሉ። 15 እንቲ ኵኣፍሩስድ በሓርሲ፡ እን በህሊል አፍሉት ዓቖው ዳድሩዅ። 16 ዋስዅን እማ፡ ይለበካ በኻኽሩዅ፣ ይከነፉትኻ እን ደሀይድ ረጀፉዅ፣ ጒኢኽር ይናሽሸል ኣኽታሲክ ትውዅለ፣ ይልኩኵር ረጀፉዅ። ኣኽን ግራ፡ እን ግርጋ ጨዓትሪ ከዋ አወይ ገመሪትል ኣኽታሲ ሰብር እሰ ጨበርያ ግን። 17 በለሳ ካና ፍሪተግረን፡ ካን ወይኒሩልኻ ፍራ አረርሰገን፡ ካና ወኸራኽር ፍሪተግረን፡ ኪሽጝር ቊስታዅ እወገን፡ በግር መስከብልድ ድድረን፡ ወስኽር መስከብል አረርሰግረን ደኳ፡ 18 ኣን ደአም ጃርድ ፈርሕያ ግን፣ አደራ ይደአንዱረድኽር እልል ያ ግን። 19 አደራ ጃር ይሒል ግን፣ ኒ ይልኩኵሲ ኣንጣውለር ልኩኵሰና ሃበኵሎም፣ እን ኣካን ክብያዅል ኰዶ ወንተተስሮለ ግን።ሓለቓ እን ዘመረውዱዅድ፣ ዕንድርድ እስተ ዘመርሳዅ።
2 “ኣን፡ ኣኻዅስክ ብሪ ደግልድ ድሂስያ ግን” የኵ ጃር።
3 “ከውዲ ማልዲት ድሂስያ ግን፣
“ከው ናትክሲ ብሪ ዳግልድ ድሂስየሎም ግን” የኵ ጃር።
4 “ይናንሲ፡ ያሁዳ ብረዲ
እና ኣካን ኒልድ፡ እን በዓልሲ 1 አምለክደውልድ ከብተውዲ
5 ዓስከር ዓስተሩሲ አምለክድድኖ፡
እን ጃርሊ ሰገደውዲ ኒስⶖድ ሸረውዲ፡
6 ጃርሲ ተለይኒልድ ደምቢራ ወንተረውዲ፡
7 እን ግርጋ ጃሩዅ ስኵሮ ዋነውድ፡
ጃር ሰደቐት ደለምዶ ህምበኵ፣
8 እን ግርጋ ሰደቐት ጃሩዅድ፡ ስልጠቱዲ ሲም ቝርዲ ሰረን አሪውዱሲ ሰረውዲት ቀጽዕየሎም ግን።
9 እን ግርጋ እንድሂሲ፡
10 ጃር ንሰና የኵ እⶖኵዅ፣
11 ናውክ እን ሰቀጠንቲ ድድኖ ግን፣
12 እን ወክት እንዲል፡ ኢዮሩሳሌምቲ
13 እንታ ርድቕ ወረርስሮ ግን፣
15 እን ግርጊ እንድሂኒ፡ ግርጊ ሓርቕርቖትሪዲ፡
16 እን ግርጋ እንድሂሲ፡ እን ከለብ ሺራዅድ ከለብሰው ዕርዲራታት፡ ደሀይ መለከትዅዲ ሓርብዅ መውዕታትዲ ዋሰነላ ግርጋ ግን።
17 እን ከው ጃርሲ ዓገብንነዲ፡ ሽብውድየሎም ግን፡ ዓርፍሰና ኰዶ ወንተተርድኖ ግን።
ናብር ብቲሰና ብቝቲሮ ግን፣ ናስኻኽር ቀጨጭሰና ማልስሮ ግን።
18 እን ግርጋ ሓርቕርቖትሪ ጃርድሪሲ፡ ናወርካ ኣኽን ናደሀብ ደአንድሮሎም ገረሰላ፣
4 በጋ፡ ጋዛ ባርስትቶ ግን፣ ኣስቃሎንኻ ድመን ኣኽቶ ግን፣ ኣሽዶድር ኣዳሓ ጫዕዳዅሊ ካይትቶ ግን፣ ኤቅሮንኽር ምኵርቶ ግን። 5 እንትን እን በሓር ሸሊ መንደርትደናኽር ከው ክረቱ መላልኩም፣ ከንዓን ብሪ ፍልስጥኤምዅ መላልካ፡ እን ኵዳግ ድውስተዅ ቆል ጃሩዅ ኒን ግን፡ “ናትክ ድሂስያ ግን፣ እን ንርትል መንደርተውልድኻ ከብታዅ እላ።” 6 እን በሓር ሸሊ ህምባ ብራ፡ መቓቓዲ በግዲር መስከብ ኣኽሮ ግን፣ 7 እና ብራ ኒን፡ እን ከብተው ከው ያሁዱውድ እውስትሮ ግን፣ ናውር ኒል ምቓቕርሰናዅ ኣካን አርድኖ ግን። ኵንⶖ ልጝንቲ ኣሽከሎንዱሊ ክድኖ ግን፣ ናአደራ ጃር ተከውሮሎም ግን፡ እን ናልድ ወረርሶ እርገውስኽር ወንተስሮሎም ግን። 8 “ጀኸን ሞኣብዅዲ ቃየርና ዓሞንድዅዲት ዋሶ ህምበኵ፣ ይእክሲ ጀኺኒዅ፣ ናብሪ ግንድል ኣኽኖኻ ናኣዀትሲ ክብሲኒዅ። 9 እማ ኣን ዋነኽር ግን” የኵ ጃር አደራ ጻብኦቱዅ፡ ጃር እስራኤልዱዅ፣ “እምንድክ፡ ሞኣብ ሶዶምሰና ኣኽቶ ግን፡ ኣሞንድቝርኻ ጎሞረርሰና ኣኽድኖ ግን፣ ኣካን ኳታኵቱርዅዲ ጎቝ ሽዊዅዲ ዲመር አው ከደንዲ ኣኽድኖ ግን። እን ይእክልድ ከብተው ወረርድኖሎም ግን፣ እን ዩ ኣኸውልድ ከብተውኻ፡ ናብረስ ለውድኖ ግን።” 10 እን እክ አደራ ጃራ ጻብኦቱሲ ጀኺኒዅርሎም፡ ከበርስንዅርሎም፣ እና ኒንኻ እና ናው ሃቢነዅ ሰበት ናዳግ ገምሮ ግን፣ 11 ጃር እን ብሪል ህምባ ጣቖትሲ ድሂሳ ወክትሲ፡ ናድ ጒኢስትሮ ግን፣ እን በሓር ሸሊ መንደርተው ከውር እን ናው ህምበና ኣካንሊ ኣኽኖ ኒል ሰገድኖ ግን።
12 “እንትን ኢትዮጵዪው፣ እንትንኽር ሰፍድ ኵውስትትኖ ግን።”
13 ኒናንሲ ግብለትሊ ኣኽራሲክ መደድሮ ግን እማ፣ ኣሶርቲ ድሂስሮ ግን፣ ነነዌትኻ ድመንዲ ሰቦት አው ከደንዲርሰና እስሮላ ግን። 14 በግዲ ወስዲ ኣይዪ ጅንስ መሀድሰውዲ ንር ዓጝቀይል ክድኖ ግን፣ ጕምጕመረዲ ግራሸዲ፡ ናኳና ኣዀርሊ ክድኖ ግን፣ ናደሀይ ሕጎድ ዋስስትሮ ግን፣ እን ልጝን ሰሮ እርገው ካን ሊባኖሱ ግልህስትሮ ግን እማ፡ እን ኳና ሃገግሮ ግን። 15 እን ሀድእሮ መንደርትሩ እርግረሪ፡ ፋርሒ ዕርዲራ እና ኒኒ ግን፣ ንሪ ንር ለበከድ፡ “ኣን ካያ ግን፣ ይንኻ ላዅ እላ” ይሩ እርግረሪ፣ አዋኽረ ደአም ኣራዊት ከደነዉድ መስከብዲ ድመንዲ ኣኽቲን?
ናውክ እን ንር ገበድ ደኮው፡ ተርጀክሰነኵላ፣ ቅበስኽር ናናንድ ንርትል ሓበረነኵ።
6 “እን ከውሲ ድሂስዅንሎም፣ እን ናመሐገስኽር ፋሕ ሲዅንሉ፣ ላዅ ድኳ ናድ ደኵጊና፡ ናደርፍፍሲ ጂብድዅንሎም፣ ናዕርዲራታትስኽር ላ ኣዳም እጝገው፡ ከው መንደርቱለን ሰጘገውሰና ኣኽኖ ድድንዅ። 7 ኣን ይኸ፡ እን ዕርዲረት፡ ‘እምንድክ ጒኢቶለ ግን፣ ኵከቲንልድር ወንተርቶ ግን’ ይዅንላ፣ ንድ ሰበት፡ ንር መስከብ ድድሮ ኣኽላ፣ እን ይጫዓትኽር ንርትል ገእየላ።
ናውኻ እን ምቝላ እስኒል ኰዶ እምንድክ ጂብኑዅ።
8 ጃር ንሰና የኵ እⶖኵዅ፡ “ብራ ንርኾርክ ለኻ ይቀንአትዅድ ወሓጥስታሲክ፡ ጨዓትዲ በሀር ይሓርቕርቖትዲት ናአወይሲ ብቝስያ፡ ቆምይትዲ ሲመር ብሪውዲት እክክብየሎም ግን እማ፡እን ኣን ፈረዳ ግራጋ ኣኽራሲ ጨበረለ።9 “እን ወክት እንድድ፡ ከው ናውክ ስⶖ ጃሩዅሲ ሽጝድኖኽር ላት ኣኽኖ አገልገልድድኖሉኽር፡ ናአብሲ ነገይድያ ግን። 10 እን ወረፍ ኢትዮጵዪውድ ካርጝሊ ኣኽኖ አምለክደውለ፡ እን ፋሕ የው ይእክ፡ ሞባእ ነቕስድኖለ ግን። 11 እንሲን ኣን እን ኵከበርስነድ ባህ ዩሎም እርገውሲ ኵነበክልድ ፍድየሎም ግን፡እንቲ ኰዶ ኒድ ደምቢ እን ሻትክ ጊራ ይዅሊ ከበርስቶ ኣኽላ፣ እን ግርጋ እንድሂሲ፡ እን እንቲ ይት ዓገብራዅ ኵግብር ስማርቶ ኣኽላ። 12 ኵነበክል ሕጉድዲ ድቡርዲ ባርያ ግን፣ ናው ይኸ፡ስⶖ ጃርዅሊ እምንስድኖ ግን። 13 እን እስራኤልዱልድ ከብተው፡ ዓገበንኽር ብⶔተንኽር፣ ናአብልኽር ምለንታ ላንቂ ኣርስሮ ኣኽላ። ቍድኖኽር ገኝጅድኖኽር ግን፡ ጒኢሳዅሎም ኰዶ ላዅ ድኳ እላ።”
14 ዎ ጽዮንድቝራ፣ ዘመሪ፣ ዎ እስራኤል፣ እልል ዪ፣ ዎ ኢዮሩሳሌም፣ ኵለበከዲክ ፈርሒ፡ ረይሕስትኽር። 15 ጃር እን ኵል ገምርድ ሻዅ ቀጥብሲ ኵልድ ሺሽድዅ፣ ኵኣፋይትስኻ ዳገንዅሎም፣ ጃር እን ሲም እስራኤልዱዅ ኵዲ ግን፣ ናንዲ ደምቢ፡ ላዅ ጒኢሳዅ ሻኽላ። 16 እን ግርጋ እንድሂሲ ኢዮሩሳሌምቲ ንሰና ይድኖላ ግን፣ “ዎ ጽዮን፣ ጒኢትግ፣ ኵናንትትር ገረርጊ። 17 ኵአደራ ጃር ኵንበል ህምበኵ፣ ኒ ሒለቱዅ ደአንዱራ ግን፣ኵድ ገሪዅ ባህ የኵሉ፣ ኒእጝከሊስኽር ፊዅድሮኪ ግን፣ መዝሙርድር ኵል ኒከበርነድ ባህ ይሮሉ ግን።”
18 “እን በዓላታ ኣኽርድ ሸኸው ናኣክና ብነድ ጎሀይራዅስኽር እን ኵምዅር ጀኸንዅስኽር፡ ኵልድ ሺሽድያ ግን። 19 እን ወክት እንድድ፡ እን ሽብውደውሲኪ ቀጽዕየሎም ግን፣ እን ደልጓሳንስኻ ደአንድየሎም ግን፣ እን ፋሕየውስኻ እክብየሎም ግን፣ እን ናው ኒል ጀርበት ብትናዅ ብራ ኒልክ፡ ሓመድሰውዲ ከበረውዲ እስየሎም ግን። 20 እን ወክት እንድድ፡ እክብየኩም ግን፣ እንታ ኮልኽር ወንስየኩም ግን፣ እንታ ዕልል ቋሉⶖጕሲ እን እንተልድ ወረርኖ አድኖ እርግነውሲ ውንተሶሰና፡ እን ከው ናድካ ነበክል ክብርዲ ሳቡርዲ እውየኩም ግን” የኵ ጃር።
2 ጃር ጻብኦቱዅ ነዋ የኵ እⶖኵዅ፣ “እና እክ፡ ‘ልጝን ጃሩዅ ከደምሳ ወክት ገእዮ እላ’ የነኵ።”
3 ነዋ ያዅ ቆል ጃሩዅ ነቢ ሃገሲ እሰ እንቱዅ፣ 4 “እና ልጝን ሀገጎ ዋኑ፡ እንትን ልጝንቲ ሽኻሩውድ ዓጝቀይሊ ኣኽድኖ መንደርትትኖ ኒወክትመኒ?”
5 እማ ጃር ጻብኦቱዅ ንሰና የኵ እⶖኵዅ፣ “እንደ እንታ ለበከድ እንታ ደርብሲ አትዋየንዳ፣ 6 ገሪው ፈድዲኒዅ፣ እቝቱኻ ከብድኑዅ፣ ቍድኑዅ፡ ብትድንኽር፣ ጅእድኑዅ፡ ተርእድንኽር፣ ሰርድኑዅ፡ እምብላውድንኽር፣ ከደሙ እርጎ ኒመህየትሲ አደሰና፡ ቍሽታዅ እንድቢል ገምዳዅሰና ግን።”
7 ጃር ጻብኦቱዅ ንሰና የኵ እⶖኵዅ፣ “እንደ እንታ ለበከድ እንታ ደርብሲ አትዋየንዳ፣ 8 ጊተል ፋ እማ፡ ካን ነቕሳ፣ ይልጝንስኽር ገበረሉ፣ ኣን ይኸ፡ ኒድ ፈርሕያኽር ከበርያኽር ግን።” 9 “ገሪው ሳድኑዅ፣ እንትን አርድነዋ እቝቱ ግን፣ ልጝል ቱስድነሰነሎምኻ፡ ኣን ኡፍ ይዅንሎም፣ ውረድ ተካዅንኩም?” የኵ ጃር ጻብኦቱዅ። “ይልጝን ሀገጎ ዋኑ፡ ላዅክ ኒልጝንሲ ገበርዶ እንታ ጋጝነድ ግን፣ 10 ንድኻ፡ እንታ ሰበትድ ሰማኻ ኒቍጠስ ገቡዅ፣ ብራኻ ኒፍረስ ኡላ። 11 ኣንኽር፡ ኪሽኝዲ ጊትዲ፡ አርዲ ወይኒዲ፡ ደድዲ ናውክ ብራ ፍሪተውዲ፡ ከውዲ ማልዲ፡ ክድመት ናንትታዅዲር ዳግል ኢድና ናቕስያ ግን።”
12 እንሲን፡ ዘሩባቤል ሰኣልቲኤልዱዅራዲ እን ከዳ አዋዅ ኢያሱ ኢዮጻዳቅዅረዲ እን ሰልብስተግኒ ከብተው ከውዲ፡ ደሀይ ጃሩዅዲ ቆል ነቢ ሃገሩዅዲት እን ጃር ናል እኝሻቓዅሰነሉ ሀቢነ ዋስንዅሉ። እን ከውር ጃርሲ ጒኢትኑዅ። 13 ሃገ ንሻቃ ጃሩዅ፡ እን እክሲ እና ንሽቃ ጃርዅሲ ድዊዅሎም፡ “ኣን እንተዲ ግን” የኵ ጃር ይዅሎም። 14 ጃርኻ፡ እን ሐክማይ ያሁዱዅ ዘሩባቤል ሰኣልቲኤልዱዅሪዅ መንፈስዲ እን ከዳ አዋዅ ኢያሱ ኢዮጻዳቅዅሪዅ መንፈስዲ እን ስልብስተግኒ ከብተው ከዋኻ መንፈስዲት ጕድድጚዅ፣ ናውር እንትኖ፡ ልጝን አደራ ጻብኦቱዅሲ ከደምድኖ ተርሲኒዅ። 15 ኒንኻ፡ ሲም ዳርዮስ ሰየምሶ ኒለጛ አመረዲ ወልታ አርበዲ ለጘረጝንዲ ሰጃ ኳረዲትል ኣኹዅ።
6 “ጃር ጻብኦቱዅ ንሰና የኵ እⶖኵዅ፣ ‘ወክት ተኸትሊ፡ ሰመዲ ብረዲ፡ በሓርዲ ብራ ኢዳዅዲት ላ ወክት ውልቅድየሎም ግን። 7 ናትክ ቆምያትሲ ደወሽየሎም ግን፣ እን ቆምያታ ርድቕ ናውክር ነት እንትሮ ግን፣ እና ልጝን ኒስኽር ክብርድ እንሳኽየሉ ግን’ የኵ ጃር ኒትክ ገረሳዅ። 8 ‘ደሀብዲ ወርከዲ ዩ ግን’ የኵ ጃር ኒትክ ገረሳዅ፣ 9 ‘ክብር እና ልጝኑዅ፡ ኒጃበሪልድ ኒደምበራ ኪድሮ ግን’ የኵ ጃር ጻብኦቱዅ፣ ‘እና ኣክን ኒል ሰላም እውያ ግን’ የኵ እን ኒትክ ገረሳዅ ጃር።”
10 ዳርዮስ ሰየምሶ ለጛ አመረዲ፡ ሰዀታ አርበዲ፡ ለጘረጝንዲ ሰጃ ኳረዲትል፡ ቆል ጃሩዅ ንሰና ያዅ ነቢ ሃገሲ እሰ እንቱዅ፣ 11 “ጃር ጻብኦት ንሰና የኵ፣ ‘እን ፍቲሕ ውራ የት ከድሲ ወጝቀሪሎም፣ 12 ላ ኣዳም ኒታዊኒል፡ ሻትክ ስኸስ ኰሸረን፣ እን ኵሽራኻ፡ ሳንሳዓ ወሪ ሻቝ፡ ወይኒ ወሪ ደድ፡ ወሪ ኣኻ ነብረስ ተመደን፡ ነስ ሻተክድሮሎም ገረሳዅማ?’ ” እን ከድ ይኸ፡ “ሸተክድሮሎም ገረሰላ” ይኖ ወንተስኑዅ።
13 እንሲን ሃገ፡ “ላ ኣዳም ግናደትሲ ተመዶ ረዀሳዅ፡ እና ነልድ ላዅሲ ተመደን፡ ረዀስድረመሉ?” ዮ ወጝቀርዅሎም። እን ከድ ኰዶ፡ “የዋ፡ ረዀስድረሉ” ይኖ ወንተስንዅሉ።
14 እንሲን ሃገ ንሰና ይዅሎም፣ “ ‘እና እክዲ እና ከው ነዲ ይጃብል ኒሰና ግን’ የኵ ጃር፣ ‘ክድመት ናናንትታዅዲ ናው ስኵሰናዅዲ ኒውክ ረዀሳዅ ግን።
15 “ ‘ናን፡ እን ጃር ልጝል ክርጛ ክርጚ ዳግ ገምጊር ጃብ እርጋዅ ኣዋይንሲ እልብዳ። 16 ላ ኣዳም ለጘርን ምክራ ኣከው አር ነቕሰሪት፡ ሽካ ካያ ኣኹዅ፣ አⶖኵረጝን ቀደኽሮ ወይኒ ደቝደቚሰኒል ፈረዃ፡ ለጘረጝን ካያ ኣኹዅ፣ 17 ክድመት እንታ ናንትታዅስኻ፡ ዋግዲ ውልዋልዲ እኻኻዲሲ ጣዓምብዅንሉ፣ እንትንኻ ይል ወንተርድኒ’ የኵ ጃር፣ 18 ‘እና ግርጋ ንሂትልድ ተርስዲነ፣ እን ሰሰር አርባ፡ ለጘረጝንዲ ሰጃ ኳሪልድ ተርስዲነ፡ እን ሰረት ልጝን ሻትኵዅ ሰረርሳ ግርጊል ኣኽታሲ ህምባ ወክትሲ ሓሰባ፣ 19 ቀፎሪል ከብተው አር ህምባዅማ? ካን ወይኒሩዲ በለሱዲ ሮማኑዲ ወኸሪውዲ ንኪ ኣኽታሲክ ፍራ ኡላ። “ ‘እና ግርጋ ንሂትልድ ተርሰ፡ ገውርየኩም ግን።’ ” 20 እን አርቢዅ ለጘረጝንዲ ሰጃ ኳሪል፡ ንሰና ያዅ ቆል ጃሩዅ ሓዲስድ ሃገትል እንቱዅ፣ 21 “እን ሐክማይ ያሁዱዅ ዘሩባቤልቲ፡ ኣን ሰመዲ ብረዲት ውልቅደት ድዊሉ፣ 22 ቂጦታት ሰየሙሲ ገለበድያ ግን፣ ሒል ሲመር እን ቆምያትዅሲ ድሂስያ ግን፣ ሰገላታትዲ እን ናት ፈሰውዲት ገለበድያ ግን፣ ኣፍሩስዲ እን ናል ጨዓንሰውዲ ናሻና ኣስያፍድ ድድኖ ግን።
23 “ ‘እን ግርጋ እንድሂሲ’ የኵ ጃር ጻብኦቱዅ፣ ‘ዎ ዘሩባቤል ይገኝጂና ሰኣልቲኤል ድዅራ፣ ኣን አድየካ ግን’ የኵ ጃር፣ ‘ኣን ፍሪራኽርካ ኣኽነዲን፣ መርወድ ሓተሚሰኒዅሰና እስየካ ግን’ የኵ ጃር ጻብኦቱዅ።”
“ናው ጥዕስትኖ፡ ‘ጃር ጻብኦቱዅ፡ እን ይና ደርብዲ ይና ወራዲርሰና እሲሮና የመማዅሰና፡ ኒሰና እሲዅና’ ይኑዅ።”
7 ዳርዮስ ሰየምሶ ኒ ሊጘር አመሪል፡ ሸባጥ ይስታዅ ሽካ ላዅ አርቢል፡ ለጘረጝንዲ ሰጃ ኳሪል፡ ንሰና ያዅ ቆል ጃሩዅ ነቢ ደካርያስ በራክያዅሪል እንቱዅ፣ 8 ቂር ራእይ ቋልዅን፣እነሓን፡ላ ግርዋ ኒል ይጃብል ጣላ ፈርዲል ጨዓንሳዅ፣ ኒ ይኸ፡ ለጥ ያዅ ኣካንሊ እን ካን ጸጾሩ ነበክል ደውዮ እርጕዅ፣ ኒጕርበትድኻ ኣፍሩስ ጣልዲ መኸትዲ ዋልውዲ እርግኑዅ። 9 ኣንኻ፡ “ዎ ይአደራ፣ ነን ውረኒ ግን?” ይዅንሉ።
እን ይዲ ጋቡ እርጋዅ መልኣክኻ፡ “ነን ውረኒ ኣከነት ቋልስየካ ግን” ይዅለ።
10 እን ካን ጸጾሩ ነበክል ደውዮ እርጋዅ ግርዋኻ፡ “ነን፡ ጃር ብረስ ጅልውድኖ ዮ እኝሸቐውሎም ግን” ዮ ወንተስዅ። 11 ናውኻ፡ እን ካን ጸጾሩ ነበክል ደውዮ እርጋዅ መልኣክ ጃሩዅሲ፡“ብራ ኒልክ ጅልውንዅን፣ እነሓን ብራ ኒውክ ፊኾ ሰላም ህምበኵ” ይኖ ወንተስንዅሉ። 12 ኒድ ደምቢ፡ እን መልኣክ ጃሩዅ፡ “ዎ ጃር ጻብኦትዅ፣ እና ለጘትረጝ አመሪል ቀጠብስረውለን፡ዕርዲራ ኢዮሩሳሌምትሪዲ ዕርዲራታት ያሁዱዲት አውን ኣኽራሲክ ግን እንቲ ብሕል የግራኽርለን?” ይዅሉ። 13 ጃር ኰዶ፡ እን ይዲ ጋቡ እርጋዅ መልኣክሲ ባህሰውዲ ፈርሕደውዲ ቆላትድ እሰ ወንተስዅሉ። M&B 14 ኒድ ደምቢ፡ እን ይዲ ጋቡ እርጋዅ መልኣክ ንሰና ይዅለ፣ “ጃር ጻብኦቱዅ ንሰና የኵ እⶖኵዅ ይሮ፡ እና ቆል ኒስ ድሪሲ፣ ‘ጽዮንዲ ኢዮሩሳሌምዲር ሰበትድ ገሪዅ ረቐቦ ህምበኵን፣ 15 እን ዳሕና ግን የው ቆምያትድኻ ገሪዅ ሓረቕሮ ህምበኵን፣ ኣን ከለላዅ ሓረቕሮ ዋኑ፡ ናው ደአም እን እርጋዅድ አወይሲ ጂበት ሃቢኒዅ።’
16 “በጋ፡ ጃር ንሰና የኵ እⶖኵዅ፣ ‘ኢዮሩሳሌምትል ራሕመትዲ ወንተርያ ግን፣ ይልጝን ኰዶ ኒል ሓዲስድ ገበርስሮ ግን፣ገመር ዓቀኒሰናኽር ኢዮሩሳሌምዲ አወይሲ ጠለቕስሮ ግን’ የኵ ጃር ጻብኦትዅ።
17 “ጃር ጻብኦትዅ ንሰና የኵ እⶖኵዅ ይሮኽር ድሪሲ፣ ‘ይዕርዲራታት ልሳዕ ርድቕድ እንሳኽስድኖ ግን፣ ጃር ኰዶ፡ ጽዮንቲ ሓዲስድ ደፍእድሮላ ግን፡ ኢዮርሳሌምትኽር ሓዲስድ ፍሪርዶላ ግን።’ ”
18
ኒድ ደምቢ፡ ይገሽ አወት ቋልዅን፣ ይጃብልኻ ሰጃ ጊክክ ቋልዅን፣
19
ኣን ይኸ፡ እን ይዲ ጋቡ እርጋዅ መልኣክሲ፡ “እና ነን ውረኒ ግን?” ዮ ወጝቀርዅንሉ።
ኒኽር፡ “እና ነን፡ ያሁዳ ብረዲ እስራኤልዲ ኢዮሩሳሌምዲት ፋሕሰው ጊክክ ግን” ይዅለ።
6 “ለዃ! ለዃ! ብሪ ግብለትልድ እግራ” የኵ ጃር፣ “ኣን፡ እን ሰጃ ወላውል ሰሚውሰና ዳሕ ሲዅንኩም” የኵ ጃር።
7 “ዎ ጽዮን፡ እን ባቢሎንድቝረዲ መንደርትራኽር፣ እግሪ።” 8 ጃር ጻብኦትዅ ንሰና የኵ እⶖኵዅ፣ “እን ካብር፡ እን እንተት ወረረውሊኩም እኝሻቖለ ደምቢ፡ እን እንተት ተመዳዅ ኒይዕልዅ ስርጒት ተመደኵ፣ 9 እነሓን፣ ኣን ይናንሲ ናል ጕድያ ግን፣ ናገኝሺጝር ወረርድኖሎም ግን፣ ኒድ ደምቢ፡ ጃር ጻብኦትዅ እኝሸቐትለ አርእትኖ ግን።
10 “ዎ ጽዮንድቝራ፣ ኣን እንተረኵን እⶖኵዅን፣ ኵነበክልኻ መንደርትያ ግን እማ፣ እልል ዪ፣ ፈርሕኽር” የኵ ጃር። 11 “እን ግርጋ እንድሂሲ ገሪው ቆምያት ጃርሊ ጨግዕስትድኖ ግን፣ ይእክኽር ኣኽድኖ ግን። ኣን ኰዶ እንታ ነበክል መንደርትያ ግን፣ ጃር ጻብኦትዅ እኝሻቓትለኽር አርእትኖ ግን። 12 ጃር እን ብሪ ሻትክሊ፡ ብራ ያሁዱዅሲ ኒርስቲርሰና ሃበ ለውሮሉ ግን፣ ኢዮሩሳሌምትኻ ሓዲስድ ፍሪርዶላ ግን። 13 ጃር ኒመስከብ ሻትክልድ ጐ ህምበኵ እማ፣ ስኻ ሰራዅ ኒውክ ኒጃብል ሰቖብን።”
3 ኢያሱኻ ሰረን ዓማቕረው ሰሮ እን መልኣክ ጃብል ደውዮ እርጕዅ። 4 እን መልኣክኻ እን ኒጃብል ደውዮ ርገውሲ፡ “እን ሰረን ዓመቕረውሲ ኒልድ ፍደሎም” ይዅሎም።
ኢያሱትኻ፡ “እነሓን፣ ኵሓራምሲ ኵልድ ሺርድዅን፣ ሰረን መለምልኽር ሰስዅንካ” ይዅሉ።
5 ኣን ይኸ፡ “ኒ ኣዀርሊ ሻሽ ላጭሕ እሰሉ” ይዅን። ናውር፡ ሻሽ ላጭሕ ኒኣዀርሊ እሲኒዅሉ፣ እን መልኣክ ጃርዅር ኒገቢል ደው ዮ እርጕዅ። 6 እን መልኣክ ጃርዃ ኢያሱት ንሰና ዮ መዀዅዅሉ፣ 7 “ጃር ጻባኦቱዅ ንሰና የኵ፣ ‘ይደርብድ ወንተተርደን፡ ይትእዳዳትሲ ኰዶ ተከውረን፡ይልጝንሲ መንገድቶ ግን፣ እን ይደሪበትልኽር መድ አርቶ ግን፣ እና ነት ደውዮ ህምበውድ ነበክል ኣካን እውየካ ግን።8 “ ‘እማ ዎ ኢያሱ ከዳ አዋዅ፣ ዋሲ፣ እን ኵጃብል ደውየው ኵጨርኽር፡ እን ንደምቢ እንትሮ ፈረውድ እሻራት ግን፣ እነሓን፡ እን ይገኝጂና ላጝከስ ነቕስየሉ ግን። 9 እነሓን፡ እን ኣን ኢያሱር ገሻል ገምዳዅ ክርጛ፣እና ላ ክርጚል ለጘታ ዕልል ህምበኵ፣ ንርትል ይኸ፡ወቀጦ ሰአልያ ግን፣እና ብሪዅ ሓኵርሲ ላኳሪል ሺሽድየሉ ግን’ የኵ ጃር ጻባኦቱዅ።
10 “ ‘እን ግርጋ እንድሂስ፡ እንተልድ ላዅክ እንታ ካን ወይኒሩዲ በለሱዲ ዓጝቀይል ኒጨረስ ሽጝሮ ግን፣’ ” የኵ ጃር
ኣን ይኸ፡ “እነሓን፡ ደሀብድ ከደምሳዅ ቲዃ ገምዲሰና ኒኣዀርሊ ደድዅ እራኳ ሻዅዲ ለጘታ ቲዃ ለጘታ ቱቦታት ሻውዲት ቋልዅን።
3 ኒገቢልኻ ለጛ ካና ወኸቱ ህምበነኵ፡ እን ላሪ እን እራኳ ደድዅድ ላው ገፍድ፡ እን አሪርኻ ኒሸጝገብ ገፍድ፣” ይዅን።4 እን ይዲ ጋቡ ግጃዅ መልኣክስኻ፡ “ይአደራ፣ ነን ውረኒ ግን?” ዮ ወጝቀርዅንሉ።
5 ኒ ይኸ፡ “ውረኒ ኣከነት አርእለማ?” ይዅለ።
ኣንኻ፡ “አርእሊ ይአደራ!” ይዅንሉ።
6 እንሲን ኒ ንሰና ይዅለ፣ “እና ኒን ዘሩባበልትል እንታዅ ቆል ጃሩዅ ግን፣ ‘ይመንፈስድ ግራ፡ ሒልዲ ደቕብዲሲ ኣኽላ’ የኵ ጃር ጻባኡቱዅ።
7 “ዎ ጊራ በሀር፣ እንቲ አውኒ ግን? ዘሩባበልዲ ጃብል ሸካ ኣኽቶ ግን፣እን ክርጛ ስንጥትሪት ፍዶሰና፡ ‘ጃር ገውርኒት! ጃር ገውርኒት!’ ይኖ ጨርሕድኖ ግን።”
8 ንሰና ያዅ ቆል ጃሩዅ ኰዶ ይል እንቱዅ፣ 9 “ሰረት እና ልጝን ሻትኵዅ ናንትት ዘሩባቤልዱ ሰረትንዅሉ፣ ኒናንትት ኰዶ ተመምድድኖሉ ግን። እንሲን እንትን ጃር ጻባኦቱዅ እንተል እኝሻቐትለ አርእትኖ ግን። 10 “እን ግናቲት ጋራት ግርጉሲ ቃበባዅ አውንኒ? እን ብራ ኒልክሊ ጅልወው ዕልል ጃሩ፡ እን ዘሩባቤልዲ ናንተል ህምባዅ ኳና ቀየሲሰነስ ፈርሓትድ መኸልትድኖሉ ግን።”
11 ኒድ ደምቢ እን መልኣክሲ፣ “እን ቲዃ ገምዲሰና ላው ሸጝገብሊ ህምበው ካን ወኸቱ ውረኒ ናው?” ይዅንሉ።
12 ኰዶኽር፡ “እና ለጛ ቱቦራ ደሀቡውድ ገባ ህምበው፡ ለጛ ለጝክክ ደሀቡ፡ ደድ ደሀብ ጅብረው ውረኒ ናው?” ይዅንሉ። 13 ኒኻ፡ “ወረኒ ኣከነት አርእለማ?” ይዅለ።
ኣንኻ፡ “አርእሊ ይአደራ!” ይዅንሉ።
14 እንሲን ኒ፡ “እና ለጛ፡ እን ብሪጃር ኒትክዅ አድረስ አገልገልድድኖ ሸመትሶ ህምበው ግን” ይዅለ።3 ኒ ይኸ፡ ንሰና ይዅለ፣ “እና ኒን ብራ ኒውክሊ ገምሮ ፈራዅ እሸና ግን፣ ስዋዅክ፡ እን ገሽ ላዅሊ ከተብሶ ህምባ ዓደድ ድድሮ ግን፣ እን ብንድ ሸርውኽር፡ እን አሪዅ ገሽሊ ከተብሶ ህምባዅሰና ድድኖ ግን። 4 ጃር ጻባኦቱዅ፡ ‘ኣን እሸና ነቕስያ ግን፣ ኒኻ፡ እን ልጝን ስዋኒዅዲ ይስⶖድ ብንድ ሸራዅዱዅዲት ቱሮ ግን፣ ንርትልኻ ኣኽሮ ግን፣ እን ልጝንዲ ካንዲ ክርጝዲትር ድሂስያ ግን የኵ።’ ” 5 ኒድ ደምቢ፡ እን መልኣክ ይዲ ጋቢ እርጋዅ ይል እንቶ፣ “ኵገሽ አወት መኸልቲ፣ እና እንተራዅ ውረኒ ኣከት ቋሊ” ይዅለ።
6 ኣን ይኸ፡ “ውረኒ ግን?” ይዅንሉ። ኒኻ፡ “ከየሊሰና ኤፉ ግን” ይዅለ። ኰዶኽር፡ “ኒን እን ከው ብራ ኒልክሊ ህምበውድ ሓራም ግን” ይዅለ።
7 ኒድ ደምቢ፡ እን ኤለሙነድ ከደምሳዅ እብዳና ብስቱዅ፣ እን ከየሊሰና ኤፉሩዅ ዓኝቀይሊኻ ኢዂና ከፍ ይሮ እርግቲ።
8 ኒኻ፡ “ኒኒ ቀሓብና ግን” ዮ እን ከየሊሰና ኤፉሩዅሊ ወንተሶ ቱስዅላ፣ እን ከየሊሰና ኤፉሩዅስኽር፡ እን እብዳና ኤለሙኒዅድ ጨቐጦ አበድዅሉ።
9 ኒደምቢ፡ ይገሽ አወት መኸልትዅን፣ እነሓን፡ ለጛ እኲን ፍኑዅ፣ ናካንፍፍሊኻ ውልዋል እርጕዅ፣ ናካንፍፍኻ ካንፍፍ ራዛሩሲ ተኵ እርጕዅ፣ ናው፡ እን ከየሊሰና ኤፉሩዅሲ ሰመዲ ብረዲር ነበክል ክብሲኒዅሉ።
10 እን ይዲ ጋቡ እርጋዅ መልኣክስኻ፡ “እና ከየሊሰና ኤፉሩዅሲ አዊል አደናዅንሉ እⶖኵንዅን?” ይዅንሉ።
11 ኒኻ፡ “ልጝን ከደምድኖሉ ባቢሎን አደኖ ፈረነኵሉ እⶖኵኑዅ፣ እን ልጝን ገበርሶሰና፡ ኒል ቱስድኖሉ ግን”
5 እን መልኣክኻ ንሰና ይዅለ፣ “እና ነን፡ እን ብራ ኒድክዱዅ አደራ ገሸል ደውዮ እርጎ ፈው ሰጃ መንፈስ ሰሚው ግን። 6 እን አረባ ፈርዳ ሻዅ ግብለትል ኣኽታሲ፣ እን ዋልዋ ፈርዳ ሻዃ ኳሪ ለብ ኣኽታሲ፣ እን መኽት ኣፍሩስር ደቡብ ብሪል ኣኽታሲ ፍድኖ ግን።” 7 እን ኣፍሩስ ሒለቱ ፍነሪት፡ ብራ ኒትክ ጅልውድኖ ጥቢጢ ዩኑ እርግኑ። ኒኻ፡ “ኒልክ ብሪል ፈራ!” ይዅሎም፣ ናውር ኒልክ ብሪል ፈርኑዅ። 8 እንሲን ኒ፡ ሽⶖዅለ እማ፣ “እነሓን፣ እን ግብለትሊ ኣኽታሲ ፋው፡ እን ብሪል ይመንፈሲ ሀድእድኑዅ።” 9 ንሰና ያዅ ቆል ጃሩዅ ኰዶ ይል እንቱዅ፣ 10 “እን ባቢሎንልድ ወንተረው ሰልብስቲነ እርገው ሔልዳይዲ ጦብያዲ የዳዕያዲትልድ ደሀብዲ ወርከዲ አዳ፣ እን ግርጋ እንድሂሲ ኰዶ፡ ዮስያ ሰፎንያስዅሪ ልጝል ፈራ። 11 እን ደሀብዲ ወርከዲት አዲ እማ፡ ናልድ ሻሽ ከደሚ፣ አድሮኻ፡ እን ከዳ አዋኻ ኢያሱ የሆጻዳቕዅራ ኣዀርሊ እሲሉ፣ 12 ኒትኻ ጃር ጻባኦቱዅ ንሰና የኵ እⶖኵዅ ይሮ ድዊሉ፣ ‘እነሓን፣ እን ኒስⶖ ለጝካ ይስታዅ ግርዋ፣ ኒ፡ ኒኣካንልድ ለጝክክ ፍድሮ ግን፣ ልጝን ጃሩዅስኽር ገበርዶ ግን። 13 ኒ፡ልጝን ሻትክ ጃሩዅሲ ገበርዶ ግን፣ ክብርኽር ደበልትሮ ግን፣ ኒቂጦሪል ከፍ ዮ ሓከምሮ ግን፣ ኒቂጦሪል ኣኾ ኰዶ ከዳ ኣኽሮ ግን፣ እን ለጘርትካ ነበክልር ተዋፈቕና ዋኒሮ ግን።’ 14 እን ሻሽር፡ ሄሌምያዲ ጦብያዲ የዳዕያዲ ሄን ሰፎንያስዅራዲሲ ልጝን ሻትክ ጃሩዅሊ እልብርሳዅ ኣኽሮ ግን። 15 እን ሺራዅል ህምበው እንትድኖ ግን እማ፡ ልጝን ሻትክ ጃሩዅ ገበርሱ እⶖጕሲ ካቢድኖ ግን፣ እንትጝር ጃር ጻባኦቱዅ እጝሻቐትለ አርእትኖ ግን። እንታ አደራ ጃርሲ ኒትክድ አደድስደነንሉ፡ ነን ናውክ ኣኽሮ ግን።”
4 ኒድ ደምቢ፡ ንሰና ያዅ ቆል ጃር ጻባኦቱዅዱዅ ይል እንቱዅ፣ 5 “እን ከው በለዱ ናትክዲ ከድዲት ነወይሎም፣ ‘እን ደኰው ለጘትረጝን አመታትሊ፡ እንትን ሹምድናዅዲ ጎሀይድናዅዲ እምንድክ ይድመኒ? 6 እንትን ቍዱኑዅር ጅእዱኑዅር እርግድናዅ እንተሹሺ ኣኽጋዅማ? 7 ኢዮሩሳሌምዲ ንር ላው ሸጝገብሊ ህምበው ዕርዲራታትዲ፡ ሰላምዲ ተባብዲሲ መንደርቱኑ፣ ግብለትዲ እን ኳሪ ለብ ገፍድ ህምበው ጊታ ዕቅጭዲትል ከው ሰከኑ እርጋ ወክትሊ፣ ጃር እን ጃበር ነበዋትድ እሰ ጋበዅ ቆል ኒን ኣኽጋዅማ?’ ”
8 ንሰና ያዅ ቆል ጃሩዅ ኰዶ ሓዲስ ዘካርያስሊ እንቱዅ፣ 9 “ጃር ጻባኦቱዅ ንሰና የኵ፣ ‘እምንዱዅ ፍርድ ፈረዳ፣ እንተሹር-እንተሹትልኻ ራሕመንትዲ ሰኸንተንትዲ ኣኻ፣ 10 መብልዳነዲ የቲምዲ ሰደተንያዲ ድቡርዲት ዓመጭጋ፣ እንታ ለበከድር እኺርኺርሊ ምቝላ ሓሰብጋ።’
11 “ናው ደአም ዋስድኖ ጀረቢኒ፣ ናተቢ ዓደድኻ ናየውሲ ይል ጅልውድኑዅ፣ ናእⶖቍቕስኽር ኣበድኑዅ። 12 ናለበከስ ሸሺሰና ተብድንዅሉ፣ ጃር ጻባኦቱዅ እን ጃበር ነበዋትድ ኒመንፈስድ እሰ እኝሻቓዅ ቆልሲ ወሪ ፍቲሕሲ ዋስኒ፣ ንድኻ ጃር ጻባኦትዅ ገሪዅ ቀጠብሱዅ።
13 “ ‘ኣን ሹⶖሎም ዋስኒ፣ ኣጝር ሽጘነንለ ዋሰሊ’ የኵ ጃር ጻባኦቱዅ። 14 ኣንኻ፡ ናው አርእግነው ቆምያታ ነበክል ውልዋልድ ዳሕ ሲዅንሎም፣ እን ብራኽር ናደምቢ ላዅ ድኳ ኒድ ደኳጋዅዲ ኒድ ወንተረጋዅዲ ኣኽራሲክ በረሱዅ፣ እን ብራ ታሚታዅሲ እና ነወያዅድ ግን ናው በረስድናዅሉ።’ ”
3 ጃር ንሰና የኵ፣ “ጽዮንትል ወንተርያ ግን፣ ኢዮሩስሌምትልር መንደርትያ ግን፣ ኢዮሩሳሌምኽር እምንዲ ዕርዲራ ይስትቶ ግን፣ እን ጊራ ጃር ጻባኦትሩዅር ሻትክ ጊራ ይስትሮ ግን።”
4 ጃር ጻባኦትዅ ንሰና የኵ እⶖኵዅ፣ “ግርው በህሊልዲ እኲን በህሊልዲ ደርፍፍ ኢዮሩሳሌምዱሊ ከፍ ይድኖ ግን፣ ናላዅክ ኰዶ፡ ቕድንትልድ ጐዅ ምርኵስ ሻኽሮ ግን። 5 እን ደርፍፍ ዕርዲረሩኽር፡ ኒል ማዕበው ቍርዲ እጝቃቕዲሲ እንታኽስሮ ግን።”
6 ጃር ጻባኦቱዅ ንሰና የኵ እⶖኵዅ፣ “እን ወክት እንድድ፡ እን ከብተው እክ እስራኤልዱውድ ፈከርዳዅ ኣኾ ቋልስትሮሎም ገረሰኵ፣ ይት ደአም ፈከርድሮለ ገረሰኵማ?” የኵ ጃር ጻባኦቱዅ።
7 ጃር ጻባኦቱዅ ንሰና የኵ፣ “ይእክሲ፡ እን ብሪክስጘዲ ኳሪ ለብዲር ገፍድ ህምባ በልደልድ ደአንድየሎም ግን። 8 ኢዮሩሳሌምሊ መንደርትድኖ ወንተስየሎም ግን፣ ናውኻ ይእክ ኣኽድኖ ግን፣ ኣጝር እምንዲ ጨዳቐትዲሲ ናጃር ኣኽያ ግን።”
9 ጃር ጻባኦቱዅ ንሰና የኵ፣ “እነሓን፡ እና ቆላት ነስ ዋሳ፡ ‘ልጝን ሻትክ ገበርስሮ፡ እንታ ናንትትሲ ሒለቲሳ።’ እን ሰረት ልጝን ሻትክ ጃሩዅ ሰረርሱ እን ኒል እርገው ነበዋት ጋቢነዅ ግን ኒን። 10 ንድ ጃብ፡ ኣዳምሲ መህየት፡ እንሱስድኻ እጃር ከፈልሱ እርግላ፣ ኣፋይቲ እርግነው ኣኽነውድኻ፡ ላዅ ድኳ ኒክድመትሲ ሰላምድ ድⶖሮ ገረስላ፣ ኰዶ ላዅክ ኒጎር ዳግ ጓት ሃበ እርግዅን። 11 ናን መላኪን፡ እን እማና እሰዅሰና እና ከብተ ህምበው ይእክሊ ኒሰና እሰሊ” የኵ ጃር ጻባኦቱዅ።
12 “ናፈደንሲ ሰላምድ ፈዲድኖ ግን፣ እን ካን ወይኒሩኽር ፍራ ኡሮ ግን፣ እን ብራኽር ንር ፍረስ ኡቶ ግን፣ ሰማኻ ስዋ እሲሮ ግን፣ እና ነስ ናትክ እን ከብተ ህምበው ከውድ ርስቲርሰና ሃበ እውየሎም ግን። 13 እንትን ያሁድዲ ኢስራኤልዱዲ! እን ቆምያታ ነበክል እሸና ኣኽድኖ፡ ርእያ ኣኽድኖ እርግድናዅሰና፣ ኒሰና ደአንድየኩም ግን፣ እንትንኽር በርከት ኣኽትኖ ግን። ጒኢትጋ፣ እንታ ናንትትስኽር ተብዳ።”
14 ጃር ጻባኦቱዅ ንሰና የኵ፣ “እንታ እክል ሓረቕድነሰነለ፡ ሰኸንትጊ፡ ናአወይሲ ጨዓት ገምድያ የመማዅሰና፣” የኵ ጃር ጻባኦቱዅ፣ 15 “ናን ደአም፡ ኢዮሩሳሌምዲ ይሁዳ ብረዲሲ ትክያዅ እስያ የመሞ ህምበኵን፣ ጒኢትጋ። 16 እን እንትን እሲትኖ ኣስተሀላዅኩም ጋር ኒን ግን፣ እንተሹር-እንተሹ እምን ጋባ፣ እንታ ኣፍያተልኽር ራትዕዲ እምንዅዲ ፍርድ ፈረዳ፣ 17 እኺርኺርሊ ምቝላ ሓሰብጋ፣ ብንድር ሸርነስ እጝከልጋ፣ ነስ ናትክ ፈንፈንተኵንሎም” የኵ ጃር።
18 ሓዲስ ኰዶ፡ ንሰና ያዅ ቆል ጃር ጻባኦቱዅ ይል እንቱዅ፣ 19 “እን ሹም ሰጀር አርቢዅዲ ኣⶖኰር አርቢዅዲ ለጘተር አርቢዅዲ ሽከር አርቢዅዲ፡ እን ከው ያሁዱውድ ፈርሕዳዅዲ ባህሳዅዲ ራይሓትዅዲ በዓል ኣኽሮሎም ግን፣በጋ፡ እምንዲ ኪሰሪዲት እጝከላ።”
20 ጃር ጻባኦቱዅ ነዋ የኵ፣ “ቆምያትዲ ገሪ ዕርዲራታተል መንደርተው ከውዲ ልሳዕ እንትድኖ ግን፣ 21 እን ዕርዲራ ሓዲሲትል መንደርተው፡ እን ዕርዲራ አሪሪትል፣ ‘ላዃ አሸሻዅድ ፈርንን፡ ጃርሊ ሺዊኖ፡ ጃር ጻባኦቱዅሲ ጀረቢኖ፣ ኣይ ይላውድ ፈረኵን እⶖኵዅን’ ዩኑ ፈርድኖ ግን። 22 ከው ገሪውዲ እክ ሒለቱዲ ጃርሲ ጀረቢድኖኽር ኒል ሺዊድኖኽር ኢዮሩሳሌምሊ እንትድኖ ግን።” 23 ጃር ጻባኦቱዅ ንሰና የኵ እⶖኵዅ፣ “እን ግርጋት እንደል፡ አይዪ ጋብዲ ብረዲትልድ ኣኸው ሽካ ኣዳም፡ ላ ያሁዲዅ ሰረና ቍጭንሲ ሻኽድኖ ግን እማ፣‘ጃር እንተዲ ዋነት ዋስኖ ህምብነኵን፡ ላት ፈርንን’ ይድኖሉ ግን።”
14 ጃር ናአወይሲ ወድሕስትሮ ግን፣ እን ኒእኝሽኻ ምርክሰና ተልዋሕርዶ ግን። አደራ ጃርኽር መለከትሲ ጣዕምብሮ ግን፣ እን ውልዋል ግብለቱዅል ዓኝቀይል ኣኾኻ ፈርዶ ግን። 15 ጃር ጻባኦቱዅ ክልውሮሎም ግን፣ ናኣፋይትኻ ድድኖ ግን፣ ክርጝ ወጝሺቢውድር ለተቕስድኖ ግን። ጅእድኖ ግን፡ እን ወይኒ ጀኦ ሸከራዅሰና ጨርሕድኖ ግን፣ ዋንጫ እን ሳደቒሰና ቍጪንሊ ነጨግስሮ እንሳኽሳዅሰና፡ ናውር ኒሰና እንሳኽስኖ ህምበነኵ። 16 እን ግርጋ እንድሂሲ ጃር እን እክ ኒውሲ፡ እን ማል ኒውሰና ሃበ ደአንድሮሎም ግን። እን ሸሺሊ ህምበው ከብሰና፡ እን ብሪል ተልዋሕዋሕ ይድኖ ግን። 17 አወይው መለምልዲ ረቐብደውዲ ኣኽድኖ ግን! እን አር ኣባጥሕሲ፡ እን ወይኒ ሓዳይስኻ እን መለምል እጝቃቓሲ፡ መለምል እሲሮሎም ግን።
3 “ይሕርቕርቖት እን ምቓቓ ኣዀርሊ ሓውይዅ፣ ናመርሓትስኽር ቀጽዕየሎም ግን። ጃር ጻባኦቱዅ፡ እን ኒእጝጊ ኣኸው ያሁድሲ ተከውሮሎም ግን፣ እኝሽኽ ወክትልኽር ፈርዳ ኒክብሩዅሰና እሲሮሎም ግን። 4 ያሁዳ ብሪልድ፡ ክርጛ ስምጡዅዲ ኣብሉሪዅ ተንደትዲ ኒድ እኝሽኽረናዅ እኝሽኽዲ ፍሮ ግን፣ ኣኻ ሐክማይኽር ኒልድ ፍሮ ግን። 5 እኝሽኽሊ፡ ናኣባይሲ ድርብል ኣምባ ጭቂሰና ዳድድጘነው ፋርሳንሰና ኣኽድኖ ግን፣ ጃር ናዲ ኣኽነዲ፡ ተሓረብድኖ ግን፣ እን ኣፍሩስሊ ጨዓንስኖ እኝሽኽረውር ስማርድኖ ግን።
6 “ኣንኻ፡ እን ጅንስ ያሁደሩሲ ሒለቲስየሎም ግን፣ ጅንስ ዮሴፍሩስኻ ደአንድየሎም ግን። ሰኸንትነዲንሎም፡ ናብሪል ወንተስየሎም ግን፣ ናውር ከው ኣን ባርጋኽርሰነሎም ኣኽድኖ ግን፣ ኣን ናጃር ኣኽነዲን፡ ናጠሎትስኽር ዋስያ ግን። 7 ኤፍሬምዱ እን ከው ሒለቱውሰና ኣኽድኖ ግን፣ ናለበካኽር እን ወይኒ ጀኣዅሰና ፈርሕሮ ግን። ናእቝርኻ ቋልድኖሉ ግን፣ ፈርሕድኖኽር ግን፣ ናለፈክር ጃርድ ፈርሕሮ ግን። 8 ፊቝሮ ሽጝየሎም ግን፣ ላትር እክብየሎም ግን። እምንድክ ደአንድየሎም ግን እማ፣ እን እማኒሰና በጀኽድኖ ግን። 9 እን ከዋ ነበክል ዳሕሰንሎም ድኳ፡ ብራ ሺራዅሊ ኣኽኖ እልብድድኖለ ግን፣ ናዲ ናእቝርዲ ፊዅትድ ከብቲድኖ ግን፡ ወንተርድኖኽር ግን። 10 ምስርዲ ብሪልድ ወንተስየሎም ግን፣ ኣሶርትልድኻ እክብየሎም ግን፣ በለድ ጊልዓድሩዅ ሊባኖስሩዅዲት ነቕስየሎ ግን፣ ናድ ኣቕታዅ ኣካንኽር አርስሮ ኣኽላ። 11 ጅርበት በሓሩዅድ ዓጝቀይድ ደኵድኖ ግን፣ ኣንኻ፡ ደሃፋት በሓሩሲ ገንሕያ ግን፣ እን ቆር ወረባ ኒልድዅዱዅር ሻምሮ ግን። ኣሶር አዊ ይኮት ኒይና ግምሽ ኣኽሮ ግን፣ ሒል ምስርዱዅር ድⶖስትሮ ግን። 12 ጃርድ ሒለቲስየሎም ግን፡ ኒስⶖድር ወንተተርድኖ ግን፣” የኵ ጃር።
7 እንሲን ኣን፡ እን በረኽስቶ ፍሪርስሮ ህምብረሪ በግሲ፡ ኒትከስጝ እን ዓመጭሰውሲ ምቓቕርያ ግን። ለጛ ግምቢ ኣዶኻ፡ እን ላሪት “ገድ” እን ሊጘሪትኻ “ላናር” ዮ ሽጝዅንለን፣ እን በግስኽር ምቓቕሪዅነን። 8 ላ አርቢል ሰዃ ምቓቕሲ ዳገንዅን። እን በግ እንጠርንዅለ፣ ኣጝር መሸግዅን ምነን፣ 9 ኣንኻ፡ “ምቓቓረሊኩም፣ ክረዋ ክሪኒን፣ ድደዋ ድዲኒን፣ እን ከብተዋ እኺርኺራ ስኸን ቊኒን” ይዅን። 10 ኒድ ደምቢ፡ ናውክ ቆምያትዲ ትዋዅ መእኰትሲ ህያ፡ “ገድ” ዮ ሽጞላ እርገሪ ይግምብት አዶ ከርየላ ግን። 11 እን ግርጋ እንድሂሲ እን መእኰት ፋሕዩዅ፣ እን መኸልቱ እርገ ዓመጭሰው በግር ቆል ጃሩዅ ኣከት ኣለለይኑዅ።
12 ኣንኻ፡ “ትክያዅ ኣኾ ቋልስታዅኩም ኣከን፡ ይአረኸስ እወለ፣ ኣከላ ይደነንኻ ባረሉ” ይዅንሎም፣ ናውኻ ሰዀረጝን ቅርሽ ወርኪው ኡንዅለ። 13 ጃርኻ እን ናው ከፈልድኖለ የመምናዅ ካብር ኣረኸስ፡ “እን ልጝን ሻትኵ እራኵ ገማዅሊ ገምዲሉ” ይዅለ፣ ኣንኻ እን ሰዀረጝን ቅርሽ ወርኪውሲ አዶ፡ እን ልጝን ጃርዅሊ ህምባዅ፡ እን ልጝን ሻትኵ እራኵ ኒል ገማዅሊ ገምድዅንሎም። 14 ኒድ ደምቢ፡ እን ሻናር እስራኤልዱዅዲ ያሁድዅዲት ፋሕስያ፡ “ላናር” ዮ ሽጞላ እርገሪ ይግምቢ ሊጘሪት ከሪዅንላ። 15 ጃርኻ፡ “ሓዲስድ እን እራኵ ዓወድ ምቓቒውዱሲ አዲ እማ፣ 16 እነሓን፡ እን ብሪል ምቓቓ ጕድያ ግን፣ ኒ፡ እን ድድረሪትል ሓሰርስጋዅ፣ እን ፋሕ የውስኻ እክበጋዅ፣ እን ከርትረሪትኻ ጀነነጋዅ፣ እን ሽርውስኻ ቊሰጋዅ ኣኽሮ ግን፣ ደአም፡ ስኻ ሳዀስ ቍሮ ግን፣ እን ጭፍር ማላዅሲኻ ከንተልዶ ግን።
17 “እን ኒማልሲ ምቓቕረጋዅ ነፍዓጋዅ ምቓቓ መላሉ! ኒሰፍ፡ ግርብ ኒናንድዅዲ ኒላው ዕልዲር አወይሲ ኣኽኒ፣ ኒናኒ ትክስረ ኢድርንሪ፣ ኒላው ዕልኽር
“እን እክ ያሁዱሲ ይዕልልሲ ቋሕሰ ተከውየሎምግን፣ እን ኣፍሩስ ቆምያቱሲኻ ዓረብድየሎም ግን።
5 እን እክ ያሁዱሲ መርሓው ናለበከድ፡ ‘ከው ኢዮሩሳሌምሩ ሒለቱ ግን፣ ናአደራኻ ጃር ጻባኦቱዅ ግን’ ይድኖ ግን።6 “እን ግርጋ እንድሂሲ፡ እክ ያሁዱሲ መርሓውሲ፡ እን ካን ኰመርሰውድ ዓጝቀይል ህምባዅ እቶንዲ እሰር ዓጝቀይል ህምባዅ ቲዃዲርሰና እስየሎም ግን፣ እን ንር ላው ሸጝገብል ህምበው ከውስኽር መዅሲድኖሎም ግን፣ ኢዮሩሳሌም ደአም፡ ንር ኣካንልድ ውልቅቶ ኣኽላ።
7 “ክብር ልጝን ዳዊትሩዅዲ እን ኢዮሩሳሌምሊ መንደርተውዱዅዲ፡ እን ያሁዳ ብሪል መንደርተውድ ክብልድ ኵⶖጊን፡ ጃር ሰልፍ እን መሳክብ ያሁዱሲ ደአንድሮሎም ግን። 8 እን ግርጋ እንድሂሲ፡ ኢዮሩሳሌምሊ መንደርተውሲ ጃር ናመሐገይ ኣኽሮ ግን፣ እን ናልድ ሓዋን ኣኻዅ ዳዊትርሰና ኣኽሮ ግን፣ ልጝን ዳዊትሩዃ ጃርሰና፡ እን ናጃብ-ጃብል ፈራዅ መልኣክ ጃርዅሰና ኣኽሮ ግን። 9 እን ግርጋ እንድሂሲ፡ ኢዮሩሳሌምቲ እን ንርትል ናናሲ ጕደውድ ዳግል ጕድየላ ግን።
10 “ልጝን ዳዊትሩዅዲ እን ኢዮሩሳሌምሊ መንደርተውዲር ዳግል፡ መንፈስ ገድዅዲ ምህለሊዅዲ ገምድያ ግን፣ ናውኻ ይል መርኪስድኖ ግን፡ እን ናው ሰብናዅሲ፣ እን ላ ውላድድ ስረነውሰና ስሪድኖሉ ግን፡ እን በኽርድ ገሪዅ ተኦይ የነውሰና ገሪዅ ተኦይ ይድኖ ግን።” 11 እን ግርጋ እንድሂሲ፡ መጊዶንዲ ሸኪል ሃዳድ-ሪሞንሲ ስርስቴዅሰና፡ ኢዮሩሳሌምስኽር ኒሰና ገሪዅ ስርስቲሮ ግን። 12 እን ብሪል ህምበው ጪዋ ናት-ናቱ ኣኽኖ ስሪድኖ ግን፦ ነገድ ዳዊትሩዲ ናእኲንዲ፡ ነገድ ናታንሩዲ ናእኲንዲ፡ 13 ነገድ ሌዊሩዲ ናእኲንዲ፡ ነገድ ሽምዒሩዲ ናእኲንዲ፡ 14 እን ከብተው ነገድኽር ናእኲንዲ።
2 “እን ግርጋ እንድሂሲ፡ ስⶖጝ ጣቖቱሲ እን ብሪልድ ድሂስያ ግን፣ ናንዲ ደምቢ፡ እልብርስድኖ ኣኽኒ” የኵ ጃር ጻባኦቱዅ።
“ነበዋትዲ መንፈስ ምቝለዲት እን ብሪልድ ያዕየሎም ግን።
3 ኣኻ ኣዳም ነበይሰን፡ ኒእኽርዲ ኒገነዲ፡ ‘ስⶖ ጃሩዅድ ብን ጋብረኽር ኣኽርነዲን፡ ክራ አስተሀለኵካ’ ይድኖሉ ግን። ኒዋልደን፡ ኒእኽርዲ ኒገነዲ፡ ነበይሱ እⶖጕሲክ ሰብድኖሉ ግን። 4 “እን ግርጋ እንድሂሲ፡ ኣይዪ ነቢ እን ኒ ነበይሳዅ ራእይ ትንቢቱዅ ስማርዶ ግን፣ ምሊሮ ዮኽር፡ ሸጎራ ዒዶራ ነበዋቱዅሲ ሰርዶ ኣኽላ። 5 ኒ፡ ‘ኣን አረሳ ግን ግራ፡ ነቢ ኣኽሊ፣ ይሽጕልድ ንድ ግን ኣን ለገዳዅ’ ይሮ ግን። 6 ላ ኣዳም፡ ‘እና ኵገሮብሊ ህምባዅ ለኸን ውሪዱዅኒ?’ ዮ ወጝቀረንሉ፣ ‘ልጝን ይማሳዅል ዋኑ ጎስታዅ ግን’ ዮ ወንተስሮሉ ግን። 7 ጃር ጻባኦቱዅ ንሰና የኵ እⶖኵዅ፣ “ዎ ሴፍ፣ እን ይምቓቓ፡ እን ይማዳ ይሽጝክሪዅድ ዓዶ ጒ! እን ምቓቐስ ጣዓንቢሉ፣ እን በገኽር ፋሕ ይቶ ግን፣ ኣንኽር ይናንሲ እን ግናቲትሊ ወንተስያ ግን። 8 ጃር ንሰና የኵ፣ “ሲዀር አብ ኒውክ ብሪዅልድ እን ሊጘር አብ ድድሮ ግን፣ እን ላ አብ ካያ ከብቲሮ ግን፣ 9 እን ሰዅንል ላ አብሲኻ ለኺል ቱስየሉ ግን እማ፣ ወርከሰና ጨረይድየሉ ግን፣ ደሀብሰናኻ ወጠንየሉ ግን። ናው ይስⶖሲ ሽጝድኖ ግን፣ ኣንጛ ዋስየሎም ግን። ኣን ይኸ፡ ‘ይእክ ግን’ ይያ ግን፣ናውር፡ ‘ይና አደራ ጃር ግን’ ይድኖ ግን።”6 እን ግርጋ እንድሂሲ፡ እኻኻዲ ግፍዕዲ ብሪህዲ እኽሮ ኣኽላ። 7 እን ግርግኻ በሪህዲ ጭልምዲ እጝጋዅ ኣኽሮ ግን፣ እን ግርጋ ኒኒ ጃርድ አርእስትረሪ ኣኽቶ ግን፣ ኵንጝ ኣኾሰናኻ በሪ ኣኽሮ ግን። 8 እን ወክት እንዲስ፡ ዓቝ ፊዅቱ ኢዮሩሳሌምልድ ጅብርዶ ግን፣ በልጛ ብሪ-ክስጛ ገፍድ ህምባዅ በሓርሊ ቡቝትሮ ግን፡ እን በልጛ ኳሪ-ለብ ገፍድ ህምባዅ በሓርሊ ብቝቲሮ ግን፣ ኒጛ፡ ትጟዲ ሽቕዲር ወክትሊ ኣኽሮ ግን። 9 ጃርኻ ብራ ኒልክሊ ሰየምስሮ ግን፣ እን ግርጋ እንድሂቲ፡ ጃር ላዅ ኣኽሮ ግን፡ ኒስⶖር ኒሰና ላዅ ኣክሮ ግን።
10 ብራ ኒውክ ጌባዕትልድ ተርዮ፡ ኢዮሩሳሌምልድ ግብለት ገፍድ ህምብረሪ ሪሞንትል ኣኽታሲክ ህምባዅ ሸካ ጣፊሕ ኣኽሮ ግን፣ ኢዮሩሳሌምኻ መራ ብንያምሩዅልድ እን ሰልፋ መሪል ኣኽታሲክ፡ እን መራ ስምጡዅሊ ኣኽታሲክ፡ እን ኳና አወይሲ ህምባዅ ልጝን ሃናንኤልዱዅልድ እን ደቝደቚሰና ሲሙዅሊ ኣኽታሲክ፡ ክብ ይሮ መንደርትቶ ግን። 11 ኒል መንደርትድኖ ግን፣ ንድ ደምብኽር ኒዀርስክ ሀገግቶ ኣኽላ፣ ኢዮሩሳሌምኽር ጒኢ ኣጝገት ሰላምድ መንደርትቶ ግን። 12 ጃር እን ኢዮሩሳሌምቲ ተሓረበውሲ ናትክ እና ጨዓት ንድ ቀጽዕሮሎም፣ ደው ይኖ ዋኑኑ እⶖጕሲ ናስኻ ምሽምሽሮ ግን፣ ናዕልልር ናኣካንሊ ዋኑ ምሽምሽሮ ግን፣ ናላጝቅኻ ናአበል ዋኑ ምሽምሽሮ ግን። 13 እን ግርጋ እንድሂሲ፡ ጃር ዕግርግር በሀር ኮት ናዳግሊ ገምድሮሎም ግን፣ ናውኻ ናልድ ላዅክ ናን ኒጨሪዅሲ ሻኽሮ ግን እማ፡ እን ላዅ ላዅሲ ሰብሮሉ ግን። 14 ይሁዳኻ ኢዮሩሳሌምዲ ተሓረብሮ ግን። እን ንር ላው ሸጝገብል ህምበው ቆምያቱ ርድቕ ናትክሲ፡ ገሪ ደሀብዲ ወርከዲ ሰረንዲት እክብሮ ግን። 15 ኒስ ተካዅ ጨዓት ኰዶ፡ እን ኣፍሩስዲ በክልዲ ግሚልዲ ድቛልዲ እን ኣኻ ኣካንሊ ህምበው ማልዲት ናትክ ጎትሮሎም ግን። 16 ኒድ ደምብኻ፡ እን ኢዮሩሳሌምዲ ተሓረቡ እርገውልድ ከብተው ቆምያት ናውክ ሲምድ፡ ጃር ጻባኦቱዅሊ ሰገድኖኽር አመራ ሺባ በዓል ዳሱዅሲ በዓልድድኖኽር ፍድኖ ግን። 17 እን ብሪል መንደርተው ከው ናውክ ሲምድ፡ ጃር ጻባኦቱዅሊ ሰገድኖ ኢዮሩሳሌምሊ ፋግነን ናድ ስዋ እሲሮሎም ኣኽላ። 18 እን ከው ምስሩዅር ኒል ፋግነን፡ ስዋ እሲሮሎም ኣኽላ፣ ኒን፡ እን ጃር በዓል ዳሱዅሲ በዓልድድኖ ፍገው ቆምያትሊ ገምዳዅ ጨዓት ግን። 19 እና ኒን፡ እን ፍኖ በዓል ዳሱዅሲ በዓልደገው ከው ምስሩዲ ቆምያትዲሲ ናድክድ የመምሳዅ ጨዓት ግን። 20 እን ግርጋ እንድሂሲ፡ እን ደወል አፍሩስ ክርሚል ኣካዅሊ፡ “ሻትክ ጃርድ” ያዅ ክቱባ እስቲሮሉ ግን፣ እን ልጝን ጃሩዅሊ ህምበው ግፍት እን ሰደቒሰና ጃብል ህምበው ኣድያሰና ሻትካን ኣኽድኖ ግን። 21 ኣይዪ ድስ፡ ኢዮሩሳሌምዲ ያሁዳ ብረዲትል ጃርድ ሲረዅ ኣኽሮ፣ እን ሰደቕት ስኵስድኖ እንተረውር ናውክ፡ ድስሲ ኒልድ አድኖ ጊስድኖ ግን፣ እን ግርጋ እንድድ፡ ልጝን ጃር ጻባኦቱዅል ካነኣንዱዅ ኣኻዅ ኒል ኒዀርስክ አርስሮ ኣኽላ።
ጃር ንሰና የኵ እⶖኵዅ “ውራ ኤሳው ያዕቆብር ዳን ኣኽጋዅማ? ደአም፡ ያዕቆብቲ እጝከልዅን፣
3 ኤሳውትኻ እንጠርዅንሉ፣ ኒጊትሲ በረስድዅንሎም፣ እን ኒበነስኻ፡ ቖኝሸል ከደኑውድ ኡዅን።”4 ኤዶምኻ፡ “ወላ በረስነጝር፡ ወንተስኖ ገበርኖሉ ግን” ያዅ ኣኽራ።
ጃር ጻብኦትዅ ደአም ንሰና የኵ፣ “ናዋ ከደምድና ኣኽድና፣ ኣንኻ ፋሕ ስየሉ ግን፣ ብራ ምቝላ፡ ጃር ዲመሲ ቀጠብሳዅሎም ከው ይስትኖ ሽጝስትድኖ ግን።
5 ኒስ እንታ ዕልድ ቋልትኖ ግን፣ እንትን ኰዶ፡ ‘ጃር፡ ግንዲ እስራኤልዱዅድ እንደረሲ ድኳ በሀር ግን!’ ይትኖ ግን። 6 ጃር ጻብኦትዅ ንሰና ያዅ፣ “እዅራ ኒእኽርሲ፡ ገኝጂናኻ ኒአደረስ ከበርደኵ፣ እማ ኣን እኽር ኣከን፡ አዊል ህምባዅን ይክብር? አደራ ኣከንኻ፡ አዊል ህምባዅን ይጕኢስና?“እንትን ከድ፣ እንትን ግን ይስⶖሲ ስዳውድድኖ ህምብደናኽር።
“እንትን ደአም፡ ‘አዋሃብነ ግን ይን ኵስⶖሲ ስዳውድናዅ?’ ይደነኵለ።
7 “ይሰደቒሰኒል ነብራ ረዀሳዅ ስኵስድኖ፣ ‘ውረድ ረዀስድንዅንካ?’ ይደነኵ።
“መዲራ ጃሩዅሲ እንታ ቓበብነድ ግን።
8 እንሱስ ዓረብሲ ሰደቐት ኣኽሮ እንታ ስኵስነድ፡ ኒን ዓገብ ኣኽለማ? እንሱስ ሽዅሽታዅሲ ወሪ ደልጓሲ ሰደቐት ኣኽሮ እንታ ስኵስነድ፡ ኒንኻ ዓገብ ኣኽጋዅማ? እና ነስ እንታ ሐክማይድ ስኵስደነንሉ፡ እንተድ ፈርሕርድማ? ወሪ ከለብርድድመኩምኻ?” የኵ ጃር ጻብኦቱዅ።9 ጃር ጻብኦቱዅ፡ “እማ ናን ረሓምሮና ጃርሊ ሺዋ፣ ነዋ ያዅ ሰደቐት አድኖ ስኵርደነን ከለብርደመኩም?” የኵ።
10 “ይሰደቒሰኒል ለኻ ግምሽ ሻኽስጋ፡ ውራ ህምባዅንሉ እንተልድ ላዅ እድ ልጝን ሻትኵዅሲ አበደን! ኣን እንተድ ፋሪሕ ኣኽሊ፣” የኵ ጃር ጻብኦትዅ። “እንታ ናንተልድር ላዅዱዅ ሰደቐት ከለብረሊ። 11 ይስⶖ ብሪ ክስጚልድ ኳሪ ለብ ኣኽራሲክ፡ እን ከዋ ነበክሊ በሀር ኣኽሮ ግን፣ ኒልክሊ ይስⶖድ ልባነዲ ላጭሕ ሰደቐትዲት ስኵስድኖ ግን፣ ይስⶖ እን ከዋ ነበክል በሀር ኣኸው” የኵ ጃር ጻብኦቱዅ።
12 “እንትን ደአም፡ መአዲራ ጃሩዅ፡ ‘ረዀሳዅ ግን’ እን ኒነብራኽር፡ ‘ግምሽ ሩዅ ግን’ እንታ ይነድ ስዳውድደናዅሉ እⶖኵድኑዅ። 13 ኰዶኽር፡ ‘ኒን ውራ የና ተዓብ ግን’ ይድኖ ተቕየንስድኑዅ፡ የኵ ጃር ጻብኦትዅ።
3 “እንታ ሰበትድ፡ እንታ ፈደንሲ ገንሕየሎም፣ እን እንታ ሰደቐቱዅ ሸቖስኽር እንተ ገሸሊ ዳሕ ስየሉ ግን፣ ኒዲ ኰዶ ፍድኖኩም ግን፣ 4 እን መእኰት ሌዊዲ ትዋዅ ተብሮ መታን፡ እና ትእዳድ ኒስ እኝሻቓኽርኩም ኣን ኣከት አርእትኖ ግን” የኵ ጃር ጻብኦትዅ። 5 “እን ኣን ኒዲ ትዎ እርጋዅ መእኰት ፊዅትዅዲ ኪሰሪሩዅዲ እርጕዅ፣ ኒስኻ ጒኢትሮለ ዮ ኡዅንሉ፡ ንኽር ከበርድዅለ፣ ይስⶖስ ኒጒኢትነድኽር ይጃብል ተቡዅ። 6 ምህሮ እምንዱዅ ኒአብል እርጕዅ፣ ብን ይስተወክ ኒዀርስክ ኒአብልድ ዋስስትላ፣ ይዲ ኰዶ፡ ኪሰሪዲ ለበካ ላጭሕዲሲ ወንተተሩ እርጕዅ፣ ገሪውስኻ ናሓራምልድ ወንተስዅሎም።
7 “እን ከዳ ንሽቃ ጃር ጻብኦቱዅዱዅ ኣኸውድ፡ ኒከነፉት አርእን እⶖኵርዶ ሻኵ፣ እን ከውር ኒአብልድ ምህሮ ጀረቢድኖ አስተሀለኵሎም፣ 8 እንትን ደአም፡ ኒደርብልድ ገለድኑዅ፣ እንታ ምህሮስኽር ገሪውሲ ዓጝቀፍሰነት ሀብዲኒዅ፣ መእኰት ሌዊዲ ትዋዅስኽር ፋሕስዲኒዅ” የኵ ጃር ጻብኦቱዅ። 9 ይደርብድ ወንተተርድኒ፡ መሀርድዱኑዅር ኣዳምር ገሽ ቋለድ መሀርድደነኵ፣ ንድኻ፡ ከው ናድካ ጃብል ቃበብሰውዲ ማልሰውዲ እሲዅንኩም።
10 ናድክድ ላእኽር ኣኽጋዅማ ህምባዅና? ላዅ ጃር ኣኽጋዅማኻ ይነት መሀዳዅና? ውሪዅ ደአም፡ እኺርኺርሲ በረይነድ፡ መእኰት ይና እክላዅስ ረዀስድናዅ? 11 ያሁድ እምንሰው ኣኽኒ፣ እስራኤልዲ ኢዮሩሳሌምዲትል ስማሳዅ ጋር እስቲዅ፣ ያሁድ ናጃር ገብራ ኣኸው እኲንሲ ዔስኑዅ እማ፡ እን ጃር እጝከላዅ ሻትክ ልጝንሲ ረዀስድኑዅ። 12 ጃር እና ንሰና እሳዅ አይዪ ኣዳምቲ፡ ጃር ጻብኦትዅድ ድኳ ሰደቐት ስኵሰን፡ ጃር ኣብሉራ ያዕቆብርዅልድ ምኵድሮሉ ግን።
13 ኰዶኽር አሪዅ ንሰና እስዲኒዅ፡ ሰደቒሰና ጃሩዅሲ እሩⶖዲ ስረነዲ መውዒታትዲሲ ኵስድኑዅሉ እማ፣ ንድ ደምቢ፡ ኒ፡ እንታ ሰደቐትሲ መርኪስሮሉ ኣኽላ፡ እንታ ነንተልድር ባህዮሉ ከለብርዶ ኣኽላ። 14 እንትን ይኸ፡ “ውሪዅ ንሰና ኣዅን?” ይደነኵ እⶖኵድኑዅ። ኒን ኒኣኻዃ፡ እን ኵጨረ፡ እን ኵእዂና ኵመእኰትሪት ምልደኽርላ ኣኽረው፡ ጃር ኵዲ ኵእዂና ኵሽጕድሪር ነበክል ህምባዅ መእኰትሊ ሰሚዕ ኣኸውድ ግን። 15 ላዅ ጃር ኣኽጋዅማ ነስ ላዅ እሰዅ? ስኸዲ መንፈስዲሲ ኒው ግን። ውሪዃ ላዅ እሲዅንሎም? ኒት ጒኢተው ፈደን ጀረቢነዲን ግን። በጋ፡ እንተሹቲ ተከዋ፣ እን ኒእዂና ኒሽጕሪት ላዅ ድኳ በረይጊን። 16 “ድቕረዲ ኒሰረነስ ዕምጭድ ኵታዅዲት እንጠረኵን፣” የኵ አደራ ጃር እስራኤልዱዅ።
እማ በረይግድኒን እንታ መንፈሲ ተከዋ።
17 ጃርሲ እንታ ጋብድ ላሕ ስዲኒዅሉ። ኰዶኻ፡ “አዋህበና ላሕ ስነሉ?” ይደነኵ፣ “ምቝላ እሳዅክ ጃር ገሸል ትክያዅ ግን፣ ንኽር እን ምቝል እሰውድ ባህ የኵሉ፣” ወሪ “እን ፈረዳዅ ጃር አዊል ዋነ?” እንታ ይነድ ግን።2 ኒ፡ ሸኪዳዅ ለኸዲ እኝቃሳዅ ሰቡነዲር ሰና ግን፣ እን ግርጋ ኒ ኒድ እንተራዅሲ አውኒ ገረስሮሉ ግን? ኒ፡ ወድሕስታ ወክትስኻ፡ አውንኒ ኒጃብል ደውይሮ ገረሳዅ? 3 ኒ፡ እን ወርከስ ሸኪዳዅዲ ለጭሕዳዅዲ ኣዳም ዲር ሰና ከፍ ይሮ ግን፣ ሌዊቝርሲ ነገይድሮሎም ግን፡ ደሀብዲ ወርከዲርሰናኽር ለጭሕድሮሎም ግን፣ ኒድ ደምቢ፡ ጃር፡ ኒድ ጨዳቐት ሰደቐት ስኵሰው ከው ዋኒድኖሉ ግን፣ 4 እንሲን፡ ሰደቐት ያሁዱዅዲ ኢዮሩሳሌምድዅዲ፡ እን ደኮው ግርጋዲ እን ወክት እማኒዅ ዲርሰና ጃርሲ ፈርሕዳዅ ኣኽሮ ግን።
5 “እማ ኣን ፍርድ መታን እንተል እንትያ ግን፣ ሰርደትዲ ቀሓበውዲ ብንድ ሸረውዲ፡ እን ከዳማዅሲ ኒስድቝሲ እወገውዲ፡ መፍልታንዲ የታይምዲት ዓመጨውዲ፡ እን ጋሻይሲ ኒመሰልሲ ገበውዲ ይት ጒኢተገውዲትል ሰሚዕያ አሸሸኵን እⶖኵዅን” የኵ ጃር ጸብኦቱዅ። 6 “እንትን ያዕቆብቝር፡ ኣን ጃር ለወትሰጋኽር ኣኸው፡ ድድኒ። 7 እንታ እክላ ዳለትልድ ተርስዲነ፡ ይትእዳዳትልድ ገለድኑዅ፡ ተከውድኒሎምኽር፣ ይል ወንተራ፣ ኣንኽር እንተል ወንተርያ ግን” የኵ ጃር ጸባኦቱዅ።
“እንትን ደአም፡ አወያዅድ ግን ይን ወንተርኖ ይደነኵ?”
8 “ኣዳም ጃርልድ ስዊሮ ገረሳዅማ?” እንትን ደአም ስውዲኒዅለ።
“እንትንኻ፡ ‘አዋህብነ ስውኒዅንካ?’ ይደነኵ፣
“ሽከርዲ መባእዲሲዋ ስውዲኒዅለ፣
9 እንተዲ ናውክ እንታ እክዲ ይልድ ስውደናኽር ኣኽድነውድ፡ እሽትዲነኽር ግን። 10 ይልጝንሊ ነበራ ኣኽሮ መታን፡ እን ሽከር አብሲ ይልጝል ነቕሳ እማ፡ ንድ ወጠነለ” የኵ ጃር ጸባኦቱዅ፣ “ባባት ሰሚውሲ ብደገንኩም፡ ዓደድ እጝጋዅ በርከትሲ ብቝሰገንኩም፡ እንሲን ቋልትነለ። 11 እንታ መታን ዮ እን ወሓጣዅሲ ገንሕየሉ ግን፣ ኒኻ፡ እን ፈደና እንታ ብሪዅሲ ድሂስሮ ኣኽላ፣ እን እንታ ኪሽጝሊ ህምበው ካን ወይኒሩዅር ፍሪትና ብሮ ኣኽላ” የኵ ጃር ጸባኦትዅ። 12 “ኒድ ደምቢ፡ እንታ ብራ በርከት ሻዅ ኣኽሮ ግን እማ፡ እን ከው ናውክ ገውርሰው ይድኖኩም ግን” የኵ ጃር ጸባኦቱዅ።13 “ይል ቆላት ደይዓቱ ጋብዲኒዅ” የኵ ጃር።
“እንትን ደአም፡ ‘እማ ይን ኵከይተን ውራ ጋብኒዅን?’ ይደነኵ።
14 “ንሰና ኰዶ ይድኑዅ፡ ‘ጃርሲ አገልገልድና ግምሽ ግን፣ ኒትክ ኒምራድሲ ይና እስነድር ጃር ጸባኦቱዅድ ጃብል ጎሀየው ኣኾኖ ይና ወንተተርነድር ውራ ነፍዕስትንዅን? 15 ናን ደአም፡ እን ክቡራንሲ ገውርሰው ይነኵንሎም፣ እን ምቝላ እሰውኻ ርድቓን ኣኽድኖ ግን፣ ጃርሲ ወጠነውሉኽር ኒልድ ሽልቍርድኖ ግን።’ ”
16 እንሲን፡ እን ጃርሲ ጒኢተው ናሹር- ናሹ ጋብስትጚኒዅ፣ ጃር ሸኑርዅሎም እማ፡ ዋስዅሎም።
እን ጃርሲ ጒኢተውዲ ኒስⶖሲ ከበርደውዲሲ ኒገሸል እልብርሳዅ ክታብ ከተብሳዅ።
17 “እን ኣን ከደማ ግርገድ፡ ናው ይሹር ማል ኣኽድኖለ ግን” የኵ ጃር ጻብኦቱዅ። “ኣንኻ፡ እን እኽር ኒት አገልገልዳዅ ኒእዅረስ ደአንዳዅሰና፡ ደአንድየሎም ግን። 18 እንሲን እንትን፡ እን ጫድቕዲ ሓራሙዅዲ፡ ጃርሲ አገልገልዳዅዲ አገልገልደጋዅዲር ነበክል ህምባ ፈርግሲ ቋልትኖ ግን።
1 ክቱበ ኢክ ዳዊትኹራ ዳዊት ኣብራሃምኹረድ እኽርስከው። 2 ኣብርሃም ኢሳቅቲ እዃሩኹ ኢሳቅኻ ያዕቆብቲ ያዕቆብኻ ይሁዳዲ ኒሻንዲት። 3 ይሁዳ ትእማርትልድ ፋሬስዲ ዳራድት እዃሩዅ ፋሬስ ኤስሮምቲ እኳሩዅ ኤስሮም አራምቲ እኳሩዅ። 4 4 አራም አሚናዳብቲ እዃሩዅ አሚናዳብኻ ነኣሶንቲ ነኣሶንኻ ሰለሙንቲ እዃሩዅ። 5 ሰለሙንኻ ራኬብትልድ ቦኤዝቲ እዃሩዅ ቦኤዝኻ ሩትልድ እዮቤድቲ እዃሩዅ።እዮቤድ እሰይቲ እዃሩኽ። 6 እሰይ ንጉስ ዳዊቲ እዃሩዅ ንጉስ ዳዊትኻ ኡርያ ቊትልድ ሰለሙንቲ እዃሩኹ። 7 7 ሰለሙን ሮብዓምቲ እዃሩዅ ሮብዓምኻ አብያት እዃሩዅ አብያኻ አሳፍቲ እዃሩዅ። 8 8 አሳፍ ዮሳፊትቲ ዮሳፊት ኢዮኣራምቲ ኢዮኣራምኻ ኣዝያትቲ እዃሩዅ። 9 ኣዝያን ኢዮኣታምቲ እዃሩዅ ኢዮኣታምኻ ኣካዝቲ እዃሩዅ ኣካዝኻ ሕዝቅያስቲ እዃሩዅ። 10 ሕዝቅያስ ምናሴት፡ምናሴኻ ኣማንቲ ኣማንኻ ኢዮስያስቲ እዃሩዅ። 11 ኢዮስያስኻ ባቢሎንር ህረብ ሁመትሊ ኡኮንያንዲ ነሻንዲት እዃሩዅ። 12 ባቢሎንዲ ህረብ ደምቢ ኡኮንያን ሰላትየልቲ እዃሩዅ ሰላቴልኻ ዘሩባቤልቲ እዃሩዅ። 13 ዛሩባቤል ኣብዮድቲ ኣብዮድኻ ኤልያቄምቲ እዃሩዅ ኤልያቄምኻ ኣዛርቲ እዃሩዅ። 14 ኣዛር ሶዶቅቲ ሳዶቅኻ ኣኪምቲ ኣኪም ኤልዮድቲ እዃሩዅ። 15 ኤልዮድ ኣልኣዛርቲ ኣልኣዛር ማታንቲ ማታን ያዕቆብቲ። 16 ያዕቆብኻ እንማርያምር ሕጩይ ዮሴፍቲ እዃሩዅ።ንርትልድኻ ክርስቶስ ይስታኹ ኢዮሱስ እዃርሱዅ። 17 እማ ገድም ኒዉክ ኤሰል ኣብርሃምትልድ ዳዊትል ኣኽታሲክ ሽካ ሰጃ ኣሰል ኣከናኩ ዳዊትልድ ባቢሎንዲር ህረብሊ ኣኽታሲክ ሽካ ሰጃ ኣከናኩ ባቢሎንዲር ህረብልድ ክርስቶስትል ኣኽታሲክ ሽካ ሰጃ ኣከናኵ። 18 18 ኢየሱስ ክርስቶስር እዃርስና ንድሰና ግን፡ኒገና ማርያም ዮሴፍትል ሐጨይስሮ ዋንትሩንሲክ እኺርኺልሊ ሸኤግኒ መንፈስ ቅዱስ ሒልድ ሐነንዶ ኤርስቲ። 19 19 ዮሴፍ ንር ሕጩይ ግርዋ እካኹራ እርግነዲን ኒስተካ ወራትሲ ቋሎሰና ፈይሕል ፍድሮላ ጀረቢላ ትብታንድ ባርዶላ ዮ ገሪ ሀመትሊ ትዉዅ። 20 20 ነዋዮ ኒስቁብድ ኮድኞ ቁርቁርቱኻ እናሓን ነበኺሲ ንሽቃ ጃሩኹ ቋ ልስትኹሉ እማ “ዮሴፍ ዳዊቱኹራ ማርያም ኩሕጪት ኩዲሻክነስ ላሪጉኢትግ ንሪ ሐነንዶ ህምብራዅ መንፈስ ቅዱስ ሒልድ ግን። 21 21 ቁራ እዃርቶግን ኒሱኝስዃ ኢየሱስ ፍድቶሉ ኒ ኒከውሲ ናዓገብልድ እልልዶ ግን። 22 23 22-23 ኒን ኒኣክናኻ እንጃር ኣን ነቢረድ እናሐን ዓንቂ ድንግሊ ሐነንቶ ግን ቁራኻ እዃርቶ ግን ኣማኑኤል ይኖኻ ሱኙ ፍድኖሉ ግን ንኻ ጃር ይነዲ ይና ግን” ዮ ጋበ እርጋኹ ኣኽሮር መታን ኣኻዅ ግን። 24 24 ዮሴፍ ገንጂልድ ጌሰና እን ንሽቃ ጃሩኹ ያኹድ ሰናሉ ኒ ሕጪቲ ኒዲ ኣዱኹላ። 25 25 እኺርኺርሊ ስኩርግንኻ ቁራ ንር በኽርሲ እዃርቲ።ኢየሱስ ዮኻ ሱኝ ፍድኹሉ።
1 1 ኢየሱስ ንጉስ ሄሮዱስር ወክትሊ ቤትልሄም ይሁዳትሪትል እኽ እዃርሰሰና እናሐን ከው አርአው ብርክስኚልድ ኢየሩሳሌምትል እንትኖ ኣይሁድ ንጉስ ኤዊል እዃርሶ ዋንተት ወንቀርኑዅ። 2 2 ውረድ ብርክስኚል “ኒሽንግርወስ ቋልንነዲን ወጅህስትኖሉ እንትኖ ህምብናኽር ግን” ይኖ ጋቢኒኹ። 3 3 ነስ ዋሰሰና ንጉስ ሄሮዱስ ረገስቱዅ ንርዉክ ኢዮርሳሌምር ታንትኝድ ኒድ ኮሰስትቲ። 4 4 ናትክ አምራን አቅሽታ በህሊንዲ ክታበን ክወው ዲት ሽኘኻ መሲሕ አወት እዃርሰት ወንቀሩዅሎም። 5 6 5-6 ናዉኻ “ቤተልሄም ይሁደትሪትልዋ” ይንኹሉ፡ውረድ እን ነቢ “እንቲ ኦቤተልሔም ይሁደር ብራ እንደገጊት በህሊን ይሁዳር ብሪውልድ እንትኽር ላሪ ሽጐላ ኩልድ ሲም ይእስራኤልቲ ተከዋዅ እዃርስሮ ግን” ያዅ ከተብሶ ህንበኲ ይንኹሉ። 7 7 እንሲን ሄሮዶስ ነስ ዋሶሰና እንከው አርአውሲ ናቱ ሽኘ እን ሽንግርዋ ውሪ ሁመትሊ ቋልስተትሎም ትክሰ ደለይዶ ወንቀሮሎም ደንቢ ፈራ ቤተልሄምትል ኒላ ወንቀራኽር ፈጠንድኖ ደለይዳኽር። 8 8 ኣርድኖሰናኻሉ ይኸ ወንተርድኖ ድወልለ አኝር ወጅህስትየሉ ይኹሎም ። 9 9 ናውኻ ንጉሲ ዋስኖ ብርፍ ይኑዅ እናሐና እንሽንግርዋ ብርክስኘድ ቋልስታኹሎም ናጃብጃብል ፈሩ እርጋዅ ሐዲስድ ቋልስትኹሎም እንዓለታ ህንባኹል ገእዮኻ ኣንጦጦልኹ። 10 10 አቅትራሲክኻ ፈርሕኑዅ። 11 11 ጋኺል ቱኖኻ ዓለታዲ ኒ ገና ማርያምዲት ቋልኑዅ እማ ኒ ጃብል ሐርበጥኖ ና እንድባትሲ እንክኖኻ ደሃበዲ ልባናዲ ኰርበራዲ ስኲስንኹሉ። 12 12 ሄሮዱስትል ወንተርግኒንኻ ነባኺሲ ገልህስቶሎም ኤሪ ጉግድ ይኖ ና ኮል ወንተርኑዅ። 13 ምስሪትል ህረብርና 13 ናው ፈርኖሰና ንሽቃ ጀሩዅ ዮሴፍቲ ነባኺሲ “ጒ ዓለታዲ ኒ ገነዲት አድሮ ምስሪትል እግሪ አንይሪሲክካ ኒል ጨበሪ ውረድ ሄሮዱስ ዓለተስ ኩሮ የመሞ ህንበኲ” ይዅሉ። 14 14 ንኻ ቂር ከርተፍዮ ዓለታዲ ኒ ገነዲት አዶ ምስር ብሪል እግሩኹ። 15 15 ሄሮዱስ ክርዳሲክኻ ኒል ህንቡኑኹ።ኒንኻ ጃር እን ነቢር አብድ “ ይኹረስ ምስር ብሪልድ ሽኝኹንሉ” ያኹ ተመምሮር መታን አኻዅ ግን። 16 16 ሄሮድስ ከው አምራን ምሊነትሉ አርእስተሰነሉ አቅትራሲክ ቀጠቡዅ እማ አምራን ድዊነ ዃሪልድ ተርሰ ቤተልሄምዲ ኒገቢል ህምባ ደገጊሩ ግናቲትሲ “ለኛ አመሪውሊ አኽታሲክ ናትክ ክዋ” ዮ ንሽቃ ደኲሱዅ። 17 18 17-18 ናኸ እንኤርምያስ ነቢ “ራመትል ደሃይዲ ገሪ ስረናዲ መውዒታትዲ ዋስስቱዅ ራሄል ንርቁርድ ስሪቲ ናዋ ዋኒገው አኸንነዲን ትምይነስ ጉሽቲ” ዮ እርጋዅ እንሲን ተመሙዅ። ኢየሱስር ህረብልድ ወንትራ 19 19 ሄሮዱስ ክሮሰና ንሽቃ ጃሩዅ ነባኺሲ ዮሴፍትል ተለው ዮ፡ 20 20 “ጒ ኤብልዲ ኒ ገናዲት አድሮ እስራኤልዲ ብሪል ወንተሪ ውረድ እንቁሪ ፊዅትሲ ጀረቡ እርገው ክርኑዅ” ይኹሉ። 21 21 ንኻ ቁረስ ኒገነዲ አዶ እስራኤልዲ ብሪል አተዪዅ። 22 22 ደአም አርኬላዎስ ኒኽር ሄሮዱስር ኤብሊክ ሰየምሰት ዋስነዲን ኒል አተይነስ ጓቊቱዅ ነበኺሲ ቋልስቶሰነሉኻ ገሊለር ድሪል አተዩዅ። 23 23 ኒንኻ እን ነቢሲ “ናዝሬትሩዅ ይስቶ ሽኝሰትሮ ግን” ዮ እርግእዅ ኒውክ ተመምሮር መታን ናዝሬት ይስታ ድገትል ዐሩዅ።
1 2 1-2 እንሰከር አውካትሊ ዮሕንስ ጠመቕደንታ “ሲመር ጃሩኹ ሱኩሩዅ እንታ ለፈክሊ-ወንተራ” ዩንሲክ አውከደንሊ ያሁድ ብሪል እንቱዅ። 3 3 ውረድ እንነቢ እሳይያስሲ “ጉግ ጃሩኹሲ ጠፍሕዳ መለዋሊትሲ ጠለቃ እሮትሲኽር ተኳእሳ” ያኹ አውከደንሊ ዋስስቶ እርጋ ደሃይ ግን። 4 4 ዮሐንስ ኒ ሰረና ዓዶራ ግሚሊዅ ኒ ከቦረሳ ማጨይድ ደበልቶ ኒ ነብራኻ አንበጠዲ ሳኻራ ጪደኒ ኹድ እርጉኹ። 5 5 እንሲን እየሩሳሌምትልድ አከኝር ኒውክ ይሁዳትል ህንባ ደገጊትልድር ኒል ደነክሱኑ እርግኑኹ። 6 6 ናውካ ና ዓገብ ባርስትሮሎም ዮርዳኖስር ወርቢል ኒድ ተመቕሱኑ እርግኑኹ። 7 7ፈሪሳንዲ ሰዱቃንዲ ከላእ ኒል ጠመቅስድኖ እን ተረውሲ ቋሎሰና፡ “አጀዋ ነበንቲ አሰል አፍዖቱ እንተትኻ እና እንታ አወይሲ ገምራ ፈራ መሀግልድ እግርነስ አውኒ ድወኩም” ይኹሎም። 8 8 እንታ ከተስ ባሪሰውኩም ኪዳ ፈደን ፍሪታ። 9 9 እንተለፈክድ ይን አብርሃምቁር ግን ይዲነክ ጀመርገኩም፡እምንዲክ ድውየኩም ጃር አብርሃምሲ እና ክርኝልድ እቁር ኡሮሉ ገረሰኩ። 10 10 ሰንኮታ እማና ስሊ ገሞ ህንበኲ ትክያ ፈደን ፍሪታጋ ካነክ ቀረጭሶ ላኺል ማልስሮ ግን። 11 11 አን እንታ ዓገብ ባርስትሮኩም ዓቁድ ጠመቕደኩንኩም እንኩኹን እንይደምቢ እንተራዅ ሐይስ ይልድ ሒለታዅ ኒ ሻንፍፍሲ ምኹርድያ ድኳ ወጀበጋኹለ ኒ መንፈስ ቅዱስዲ ላኻዲሲ ጠመቅድሮኩም ግን። 12 12 ኒ ወረነስ ገሰስሮ መጨለይሲ ኒናንተል ሻኾ ህንበኲ፡አርሲ ኒሐበሲተል ጉድሮ፡ጉርድስኻ ኒድማ ስንተጋ ላኺል ማልዶ ግን። 13 “ ይናደራ ኢ-ክርስቶስር ጥምቀት ” 13 እንሰከር ግርጋትልኻ ኢየሱስ ገሊለትልድ ዮርዳኖስትል ዮሐንሲ ጠመቕስሮ እንቱዅ። 14 14 የሐንሲኻ “አን ግን ኩድ ጠመቅስያ ወጀበኩለ ግራ እንቲማ ይድ ጠመቕስቶ እንተርዳኹን” ዩንሲክ ከሐድስኚኹሉ። 15 15 ኢየሱስኻ “ገድም ናና ዓደትሲ እሲኖ ባሪ” ይኹሉ።እንሲን ኒ ምራድሲክ እሲኹሉ። 16 16ኢየሱስ ጠመቅሶ ዓቁልድ ፈሰና እናሐን ኒ አወይሲ ዐስተር ብስቱዅ ኒ አዀርሊኻ መንፈስ ቅዱስ ኳትራ ተኩንሲክ ገሙ ቋልስትዅ። 17 17 ኒዳግይኸ ጋባ ዐስተርልድ “ኒን ይኩራ አን እንከላዅ ኒድ ባህ ዮለ ህንባዅ ግን” ያዅ ዋስስቱዅ።
1 1 ንደምብኻ ኢየሱስ ሰጣንድ ወጠንስሮ መንፈስ አው ከደንሊ አድኹሉ። 2 2 አርብያ ኳረዲ አርብያ ቂርዲ ሹመስናኻ ከአርትጼ። 3 3 ሰጣን እንቶ ኒል ስኩር ዮኻ “እንደ እምንድክ ጃርኹራ አክረን እናክርኝሲ ሳንስዒል በደሊ” ይኹሉ። 4 4 እዮሱስ “አዳምር መናብረት እንጋባ ጃር አብልድ ፍረሪሲ ግራ ሳንስዓድ ካያ ኣከላ ያዅ ክቱብ ህምባኲ” ዮ ወንተስኹሉ። 5 5 ንደምቢ ሰጣን ድገ ሻትክል አዶኹሉ እማ እን ጸሎት ልጝሊ ትካ ሺራ አካንሊ ዓረግድኹሉ ሸልሊ ደው-ሰሉኻ፡ 6 6 ናን ዋሲና “እንደ አበዲ ጃርኹራ አክረን ኩሉክ ክርኝል ጐለቄምስጊንካ ኒ ንሽቕሲ ናናንትተል ከለብርድኖካ አደድሮ ግን ያኹ ክቱብ ህንበኩ እማ እንደ ንድ ትንኩሪር” ይኹሉ። 7 7 ኢየሱስኻ ኮዶ “ኩአደራ ጃርሲ ወጠንግ ያኹር ከተብሶ ህንባኲ” ይኹሉ። 8 8 ሰጣን ይኸ ኮዶ ጊራ ሺራኹል ፍዱኹሉ ኒትክ ብሪል ዋንተ ሕክምስኻ ቋሊስኹሉ። 9 9 እንቲ “ይጃብል ሐርበጥሮ ወጀህረንለ ነስ ናትክ ኡሪካ” ይኹሉ። 10 10 እንሲን እየሲስ እን ሰጣንሲ “ፈሪ እንደራ ነዊ ይልድ ኩጃርሊ ካያ ሰገድቶ ሻኽሩዅ ያዅ ጹጳዶ ንጨዱኲ” ዮ ኒልድ ሺሽድኹሉ። 11 11 ሰጣን ኒልድ ፈሮሰናኻ መላእኽቲ እንትኖ እንሻቅስንኹሉ። ይናደራ ኢየሱስር ኒሰልፋ ሰብከት 12 12 ኢየሱስ የሐንስር እንሸውስነስ ዋሰሰና ገሊላትል ፈርኹ። 13 13 ናዝሬት ባሮኻ ዳብሎንዲ ንፍታሌምዲር ብሪል እንቶ እንደራ ቅፍርናሆምድ ደገጊታ ገፍል ካርዅ። 14 15 16 14—16 ኒን ኒአክነኻ ኣንነቢ ኢሳያስ “ዳብሎንዲ ንፍታሌምዲር ብርቲ ዓይግ ሸልላት ዮርዳኖስር እንደረሲ ህንባ ደገጊት ገሊላ አረሜን ዱከው ጭልምልር ክሪዉድ ሻሚልር መንደርቱ ሰጘው ቲዃ ከላእኮት ቋልኑኽ” ያዅ ተመምሮር መታንእኻዅ ግን። 17 17 ንደምቢ ኢየሱስ “ሲመር ጀርዅስኲርዅ እማ እንታ ለፈክሲ ዓገብልድ ለጭሕዳ” ዩንሲክ ሰበክሮ ተርሲዅ። 18 18 ኢየሱስ ገሊለር በሐር ሽልድ ደኩ ለጋ ሻን እን በጥሮስ ይስታዅ ስምዖንዲ ኒዳን እንድርያስዲት ዓሳ ሻከው አኽንነዲን ናሰቀሊትሲ በሐርሊ ማሉኑ ቋልኹሎም። 19 19 ኢየሱስ “ጓ ይዲ ለዃ ተለየለ ንደምቢ ከው ሻከውእስየኩም ግን” ይኹሎም። 20 20 ናውኻ ንርድንርድ ናሰቀሊትሲ ባርኖ ኒዲ ፈርንኹ። 21 21 ኒልድ መደት ደኩኖሰና ያቆብዲ የሐንስዲ ለጛ ሻን ናኽር ዘብዲዎስዲ ታንኳትል ናሰቀሊት ሸረቡኑ ቋሎ ሽጝኹሎም። 22 22 ናዋ ንርድንርድ ታንኳዲ ናኽርዲት ባርኖ ናዲ ብርፍ ይኑኹ። 23 23 ኢየሱስኻ ናጸሎት ልጝንታ አካናትሊ ኪሰሪር ብሽራት ወንጌል ሲመር ጃርኹሲ መሀርዱንሲክር አኸ ሸኹዲውሲክር እቢሱ ኒልክ ገሊለር ብሪል ጅልውኹ። 24 24 ኒልክ ሶርይልኻ ድሪስትኹ እማ ናትክ ምግዱራንዲ ምጨትድ አላላ የውሲ ትልልኹ መጃኒን ሻውሲኽር ናቅስንኹሉ እማ ናትር እቢሱኹ። 25 25 ገሊለትልድኽር ሽካ ደገጊትልድኽር ኢየሩሳሌምትልድኽር ይሁዳትልድኽር ዮርዳኖስ ካርጝንድኽር ቅብሊ ህንባ ደገጊትልድኽር ከላእ ተለይንኹሉ።
1 1 ከው ገሪዉሲ ቋሎሰና ጊሪል ተረገሶ ከፍ ይኹ ኒታለይቱትር-ኒል ስኩርንኹ። 2 2 አብሲ ብዶኻ ነዋዮ መሃርደኹሎም። 3 3 እን ናለበከዲክ ድቡራን ሻትካን ግን ውረድ ሲመር ጃርኹ ናድ ግን። 4 4 እን ቁርቁርተው ሻትካን ግን ውረድ ነገስድኖ ግን፡ 5 5 እን ናስሐን ሽትካን ግን ውረድ ብረስ ለውድኖ ግን። 6 6 እን ሻታከት መታን ከአርተውዲ ሱቋንተውዲ ሻትካን ግን ውረድ ብትድኖ ግን። 7 7 እን ብሕል የው ሻትካን ግን ውረድ ብሕል ይስትሮሎም ግን። 8 8 እን ለፈክ ላጭሐነው ሻትካን ግን ውረድ ጃርሲ ቋልድኖሉ ግን። 9 9 እን አረከው ዕሹራን ሻትካን ግን ውረድ ጃር ቁር ይስትድኖ ግን። 10 10 እን ሸታከት መታን ጋይተው ገዱ ግን ውረድ ሲመር ጃሩዅ ናዲ ግን። 11 11 ይሰበትድ እንጠረነንኩምር ጃኸነንኩምር ውሪይኸ ብንድ እንተ አወይሲ ሙቅል የነን እንትን ገዱ ግን ውረድ እንተበና ዓስተርሊ በሄርኮት ግን። 12 12 ፈርሐኽር ነገሳኽር ውረድ እምንእምንድክ እንታ በና ከላእ ግን፡እንታ ጃብ ነብያታትስኸር እንዳ ሀቢነ ዳገነውር ህረብደውርግን። 13 ታለይቱት ሽዋ ከወውዲ ቲዃ ብሪውዲ 13. እንትን ሽዋ ብር ግን፡ሽዋ ኒ ታሚትሲ ድሂሰን ውረድ ግን ኒ ታሚትና ከውድ ዳድስትሮ ድግድግል ማልሰገን ላሪ ነፍዓላ። 14 14.እንትን ቲኳ ብሪው ግን ጊሪል ገበርሳ ድገ ሔገይስሮ አከለሉ። 15 15.ኒሰና ይኸ ቲጋ ኒ ቲኹስታኹ ናትክ ልጝሊ ህንበውሲ በርህድሮር መታን ክብ ያኹል ገምዲስተኩ ግራ ሕንኩል ዓንቀይሊ ገምድስተላ። 16 16.እማ ኒሰና፡እንትጝር እንታ ጋር ትክያኹሲ ቋልኖ እንታኽር ዓስተርሊ ህምባኹሲ፡ሐመድድኖሉ፡እንታ ቲዃ ከዋ ጃብል በርህኒ። 17 17.አን ኦርትዲ ነቢታትዲት ጠሐስያ እንቶ ህንባኽር ተከጊንኩም፡ኒሰና አኽላ ሐደሲየሎም እንቶ ህንባኽር ግራ ያዕየሎም አኽሊ። 18 18.እምን እምንድክ ይየኩም ዓስተርዲ ብረዲ ደኩራሲክ ኒው ክር አኽራሲክ ትእዳድልድ ላሪ ግናይሩራይቲ አክረጝር ደኮግረት አርአኩም። 19 19.ሽኑርድንኹማ እናትእዳድ ግናቲትልድ ላሪ ቃበባኹስኮት ክመን ይኸ እንዳሀበኽር አሪውድ ክንሰን ሲመር ጃርኹል ግናይ ሽጝስትሮ ግን።እንትእዳዳትሲ ተከዋኹዲ ትክሰ ክንሳኹዲ ደአም ሲመር ጃርኹል ብሄር ይስትሮ ግን። 20 20.እንተትክ ከታበንኹልድር ፈሪሳንኹልድር ትክሰ ኪዳገን ሲመር ጃርኹል ትወግደነት አርአኩም። 21 ትእዳድ ሐዲስ 21.እማኒውሰኢ ኩውግ ኩዋኹክ ፈረድስሮ ግን ይስቶ ዋንተት ዋስድኖ ህንብደነኩ። 22 22.እን ደአም የኩንኩም ኒ ዳንድ አወይሲ ቀጠባኹ ስኮት ክመን እማ “ነበንታ ሃስስ” ዮ ጅኸኹስኮት ክመን ዲቢል ፈረድስሮ ግን ፡ይኸ እንዳሃበ “ነበንታ ግኑኹ” ያኹስኮት ክመን ላኹል ፈረድስሮ ግን የኩንኩም። 23 23.ይኸ፡ከዶ ሰደቀት ገምዱቶ ታቦትሊ ስኩርዱንሲክ ኩዳንዲ ዋኺትሮ ዋንትረት እልብድረን፡ 24 24.ኩሰደቀትሲ ታቦት ጃብል ባርዶ ፈሪ በደርዶ ኩዳንዲ አረክሲ ንደምቢ ኩሰደቀት ሱክስረን ወጀ በኩካ። 25 25.ኩዋኺኹዲ ኮዶ ጐግል ዋንትሩ ኣሸሽኹድ አረክሲካ ውረድ ሕክምድ ሻኺስጊንካ ኒንኻ ተከወውድ ናንተል ላምስጊንካ እማ ንሽዊል ማልጊንካ። 26 26.እምንድክ የካ ሶልዲራ ግናይሊ አኽታሲክ ፈደይግሪ ኒልድ ፈግረት ኤርኢካ። 27 27.ደነይግ ይስቶ ዋነት ዋስድኖ ህንብደነኩ። 28 28.አንደአም የኩንኩም ላኹ አኻኹክ አኽኒ ኡሰሪት ሸንሀትድ መኸልታኹስኮት ክመን ኒ ለበከድ ንርዲ ደነዮኹ። 29 29.ኩዕሊ ላውሪ ከቲስረንካ ኩልድ ቆቀልዶ ፍድሮ ማሊላ ኩገሮብ ኒውክ ላኺል ትወውልድ ላኹ ነቀሰን ኪደኩካ። 30 30.ይኸ ኩናን ላውኩ ከቲሰንካ ኩልድ ነተፍሮ እን ደራ ማሊሉ ኩገሮብ ኒውክ ላኺል ትወውልድ ነቀስሮ ደኤንደን ኪደኩካ። 31 31.ኒ እኹነት ደቀራኹክ ንርፍትሕ ድቅሩሩኹሲ እዎ ስብድንላ ይስቶ ዋንተት ዋስድኖ ህምብደንኩ። 32 32.አንኻ የኩንኩም ደነይና ሰበትድ አከገን ላኹ ኒእዂነት ደቀራኹ ደነይደኩላ እን ንርትል ትዋኹር ንርዲ ደነዮክ። 33 33.እማኒውሲ ኩሸርነስ ጅርድ ባሪ ግን ግራ ብንድ ሽርግ ይስተት ዋስድኖ ህንብደነኩ። 34 34.አን ደእም ኒ ኾርሲክ ውሪ ዓስተርድ ሸርጋ ውረድ ቂጦራ ጃሩኹ ግን። 35 35.ውሪ ይኸ ብረድ ሸርጋ ውረድ ድኩር ኒልኩካኹ ግን፡ውሪ ይኸ ኢዮሩሳሌምድ ውረድ ድገ በሄርቱኹ ግን የኩንኩም። 36 36.ኩአኹርድር ሸርግ ውረድ ኩአኾር ሽብከልድ ላሪ ጫዕደሪስቶ ወሪ አረቢስቶ ገረሰላ። 37 37.እንታ ጋብ ወሪ የዋ ወሪ ይኸ አኽላ አኽላ አኽኒ ግን ግራ ኒልድ በጀኸን ምቁሊልድ ግን። 38 38.ዕልሲ-ዕልድ እርኩስ-እርኩድ ይስተዋነት ዋስድኖ ህንብደነኩ። 39 39.አጛ የኩንኩም ምቁለዲ ለመለም ይጋ፡ ቃሽ ላውኹሲ በርግዓኹሲካ ቃሽ ሸንገቡኹሲኽር ሱኩሲሉ። 40 40.እንሸከይሮካኽር ቀምሺ ባሪስሮካኽር ጀረበኹሲ ታዊነስር እዊሉ። 41 41.ይኸ ላኹ ኒዲ ላስብዳ ፈርቶ ጀረበንካ ኒዲ ለጛ ስብዳ ፈሪ። 42 42.ሺወኹድካ እዊ፡ይኸ እድኹ ጀረባኹድካ አደኽዲ። 43 43.ኩጨረስ እንከሊ እንጠራኹሲካኻ እንጠሪ ይስቶ ዋነት ዋስድኖ ህንብደነኩ። 44 45 44-45.አጛ የኩንኩም እንጫ ዓስተርሊ ህንባ እንታ ኽርድ እቁር አኽትኖ ጀረብደነን እንጠረውሲኩም እንከላ፡እንምቑላ እሰውድኩምር ትክያኹ ሺዋ ውረድ ጃር ኒ ኳረስ ምቁልዲ በካይትዲር አወይሲ ፍደሰና በርህደሰና ኒሰና ስወስር ሻትካንዲ ዓገቡዲር አወይሲ እሰኩ። 46 46.እንታሻሙሲ እንከልደነን ላሪ በና ሻኽድኒ ኒ ሰንስ ወርኮት ፍደውር እሰነኩሉ። 47 47.ይኸ እንተሻንሲ ወርካማ ይደነን እስዲነኹ እስዲነኹ ሻኽድኒ ኒሳ አረመጝር እንደሃበነኩሉ። 48 48.እማ እንታኽር ዕስተርሊ ህንባኹ እምንድክ ወርካ ግን እማ ኒ ሰና ወርኪታ።
1 1.እንታ ሸተክና ከው ቋሎ ጀንጀንዶኩም ይድኖ እስደናዅ አኽጊን ፈጠነኩም፡ንድሰና አከን ዓስተርሊ ህንባኹ ኣንታኽርልድ ላሪ በና ሻኽድ። 2 2.ኮዶ ይኸቱኒ ሺዋነድ ኡሩንሲክ ኣንፋሻተው ከው ቋሎ ሳቢሮሎም ይኖ ቤት ጸሎታትልኽር ጉጋትልር እሰነሰና ኩጃብል ዕንድር ፊቁርዱ ፈርግ እምንድክ ነን ነት ብሪል ናስድቅሲ ከለብርኑዅ። 3 3.እንቲ ደአም ወሽ ይሩንሲክ ኩላውናን እሳዅሲ ኩሸንገብ ናን አርእጊኒት። 4 4.እንኩኽር ሰሚል ህንባዅ ትብታኒኹሲ ቋላዅ ፈይሕል ፈደይሮከር መታን ወሽ ይሩንሲክ ትብታንድ አኽኒ። 5 5.ጸሎት እስዱኑይኸ እንፋሻተውድሰና ከውቋልዶሎም ልጝንቲ ጸሎታቱዲ ቃዕረትልኽር ደርፍፍ ሸልኽር አኪነክ ጠለ የውድሰና አኽጋ።ነን እምን እምንድክ ይየኩም እማና ብሪልናስድቅሲ ከለብርኑዅ። 6 6.እንቲ ደአም ሺውሩንሲክ ኩልጝሊ ቱሮ እድሲ አበድሮ ወደንሊ አኽሮ እንኩኽር ትብታኑዅሲ ሺዊሉ እን ስቱርሲ ቋላዅ ኩኽርኻ ኡሮካ ግን። 7 7.ይኸ ሺውሩ አረመንሰና ጋብ ብጅኽድ ዋስሰተው ተከዉሎም ጋብ በጀኽድጋ። 8 8.እንታኽር እንትን ይግድኒሉ ውራ ጀረብደትኩም በደሮ አርኡኹ እማ ናሰና አኽጋ። 9 9.እንትን ነሃብዲነ ሺዋ። 10 10.ይንኽር ዐስተርሊ መንደርትራኽር(ህንብራኽር) ኩሱጝ ሸተክኒ ኩሲመር እንትኒ ኩምራድ ዐስተርሊ አኸሰና ብሪልር አኽኒ። 11 11.ይና ሳንሰዓ ግርጊኹሲ ንኪ ናኽና። 12 12.ይን ይነት ጂብደውሲና ብሕል ይነሰና። 13 13.እንትኽር ይና ጂብድነስ ብሕል ይና ምቊሊል ቱስግና ሸርልድር እርግሲና። 14 14.ውረድ እንትን ጂብደውሲኩም ናጂበስ ባርድነሰነሎም ኒሰና ሀበ እንታኽር ዕስተሩኹ ባርዶኩም ግን። 15 15.እንትን እንተት ጂብዳኹሲ ባረግደነን ኒሰና እንታኽር ዓስተሩኹ ባረለኩም። 16 16.ሹምድኑ ይኸ እንፋሻተውድሰና ከውድ ቋልስትድኖ ገሽሺ እንሸወውድሰና እንሸውጋ ውረድ ነን እምንድክ ድውየኩም ብሪል ና በነስ ከለብርኑዅ። 17 17.እንቲ ደአም ሹምሩንሲክ ኩኽር ዐስተርሊ ህንባኹ ቋልዶካ ካያ ከው ቋልጊንካ አዀርሲ ሸመቲ(ቋሪ)። 18 18.ገሽሺ ጀለጥሲ እንኩኽር ትብታንድ ቋለዅ ኡረካ። እንድባ ገዱኹዲ ቲዃ ገሮቡኹዲ 19 19.እና መናበረት ብሪኹል ኒል ፍርፍርዲ ልኽንጅዲ ቋኹሉኽር ሱኳን አረረና አካንልኽር እንታ ርድቅሲ እንኩልኩልጋ። 20 20.ፍርፍርዲ ልኽንጅዲ ቊሮሎም ገረሰጋ አካንሊ አወት ዐስተርሊ እንኩልኩላ።ኒሰና ይኽ ስኳን አርድኖሉ ገረሰና አካንሊ እንታ ገድሲ ኒል እንኩልኩልጋ። 21 21.ውረድ ኩገድ ህምባ አካንሊ ኩለበካ ኒል አኸት አርኢ። 22 22.ኩገሮብ ቲዃ ኩዕልል ግን ።ኩዕልል ሽርዊተን ኒውክ ኩገሮብ በርህሮ ግን። 23 23.አከገጛ ኩዕል ምግዱር አከን ኒውክ ኩገሮብ ጨልመትሮ ግን እንኩል ህምባ ጭልምኻ ኒ ጨልመትና እምንድክ ጂብሮ ግን። 24 24.ለጛ አርደትድ ወቀይሮ ገረሳዅ ላዅ ድኳ እላ ውረድ ወሪ ላኹሲ እንጠሮ እንላኹሲ እንከልዶ ግን ወሪይኸ እንላዅሲ አጃ ዮ እንላዅድ ጉሽሮ ግን።ጃርዲ ገድዲት ላት ከደምትኖ ወጅሃለኩም። 25 25.ንድ ሰበትድ ውራ ቊኖ ውራ ጅእኖ ውራ ሰርኖ ይድኖ ጐሄይጋ የኩንኩም።ፊኹት ሳንሲዒልድ ገሮብኻ ሰረኒልድ ኪደለማ ? 26 26.ጀከል ዕስተሩሲ መኸልታ ነን ፈደንኽር አረመንኽር ሐበሲትልኽር እንኩረኒ እን ዐስተርሊ ህምባ እንታኽር ዓየሸኩሎምር፡ዓወነኩሎምር።እማ አለማ ናልድ እንትን ትክስዲነ ኪደነት አርእድኒማ ? 27 27.አወኒኒ እንተልድ ኒቊርቊርትነድ ኒ ዕቁብሊ ላስድር ኰድሮ ገረሳኹ። 28 28.እማ ውሪኹ ናአኽዲነ ውራ ሰርደነት ጐሄይድናዀን እንደ ዓራይበል በኰሎ ህንባ ዕንቦብሲ ፈስተገውር አረምሰገውር ናው አኾ በኰለውዲ ዓንበበውዲት ቋለውር። 29 29.ሰለሙን ድኳ ኒ ንስካ ሲመርዲ ኒኾርሲክ ናሰና ሰርገይስላ የኩንኩም። 30 30.እማ ገድም ጃር ሻንካ ጊሪኹሲ ንኪኻ ህምባዅ አመሪኻ ሞሪል ማልሳኹሲ ናሀበ ሰርገያዅ አለማ እንተት ከው ከለላ አማነቱ ትክሰ በጃኽዶ ሰስጊድማ ተካኹንኩም። 31 31.እማ ውራ ቁኖ ውራ ጅእኖ ውራ ሰርኖ ይድኖ ግምሽድ እንታዐቅል ሽብውድጋ፡ 32 32.ኒስ ኒትክ አሬንኽር ጀረበነኩሉ።እንትንኻ እንተት ጀረብዳኹሲኩም እንታኽር ዐስተርሊ ህምባኹ ትክሰ አርእኹ። 33 33.እንትን ሰልፍ ሲመርዲ ኒ ሸታከድትዲት ጀረባ ኒደምቢ እን ከብተኹካ ኰሲሰና እውስትረኩም። 34 34.እማ አማሪሲ ይዱኑ ሳደድስጋ ግርገስክ ኒ ማሕገድ አቅንሉ።
1 1.እንትን ፈረድና ፍርድድ ፈረድስትኖ ግን። 2 2.እን ምክራ መከርድናኹድኻ መከርስሮልኩም ግን እማ ፈረድጋ የኩንኩም። 3 3.አበዲ ውሪዅ እንቲ እን ቀበር ኩዳንድ ዕሊ ህምባኹሲ መኻልትራኹን ውራ በደርዶ እንጫ ኩዕሊ ህምባ ኩርማድሲ ቋለላ። 4 4.አበዲ ኩዕሊ ኩርማድ ከላእኮት ዋኑንሲክ አወሃብረ ኩዳንሲ ግጂ ኩዕሊ ህንባ ቀበርሲ ፍድያካ ይራኹንሉ። 5 5.ነበንታ ብጛ በደርዶ ኩዕሊ ህምባ ኩርማድሲ ፍዲ ኒ ደምቢ ኩዳንድ ዕሊ ህንባ ቀበርሲ ፈጠንዶ ቋልዶ ፍቶሉ ግን። 6 6.ሻትክ ሰንዓታስ ግሽጝድ ኡጋ።ይኸ እንታ ሰርጎት ወንኪሪ ጃብል ገምድጋ ናት ዳድድጘ እንተል ግልጭዮ ነጀርጊንኩም። ሒል ጸሎቱዅ 7 7.ሺዋ እውስትሮኩም ግን ጀረባ አርትኖ ግን እድሲ ቀርቅሓ ብስትሮኩም ግን። 8 8.ኒውክ ሺዋኹክ እውስትሮሉ ግን ጀረበዃ አርዶ ግን ቀርቅሓኹዳ ብስትሮሉ ግን። 9 9.እንተልድ አወያዅ እኽር ግን ኒኹራ ሳንሳዓ ሺወሰነሉ ክርጛ እዋኹሉ። 10 10.ወሪ ይኸ ዓሳ ሺወሰነሉ ምራዋ እዋኹሉ። 11 11.እማ እንትን ድኳ ምቁል አክዱኑ እንታቁርድ ትክያኹ ኡና አርእድናኽር እግዳ እንታኽር ሰሚኹ ሺወውድሉ ትክያኹ እዋጋኹማሎም ተካኹንኩም። 12 12.እማ ገድም እን አዳም እንተድ እሲሮኩም ጀረብደናኹድሰና እንትጝር ኒሰና እሰሉ።ውረድ ነት ግን ኦሪትዲ ነብያዲ ናው አረርሳኹ። 13 13.መራቢ ሽብዊሲ ትዋ ውረድ እን ድዲል አድረሪ መራቢ እዳንደሪ ግን ንር ጉግኻ ፋይሕ ግን ንርድ ፈረውኻ ገሪው ግን። 14 14.እን መራቢ ደኤንድረሪኻ ሽብዊ ግን ጉግኻ ሕንጣነሪ ግን እንንርቲ አረረዋ ከለለው ግን። ነቢታት ቡኑ 15 15.ነቢያት ብኑልድ ፈጠናና እውስትጋ ናጐስኩድ በቁጨው ትኹል አኩኑንሲክ ዒዶራ በጉኽ ሰርኖ እንተረው ግን። 16 16.ሃመልስጋ ናፍርርድ ፈረግትኖሎም ግን።ቀጠብልድ ፍርር ወይኒሩ ወሪ ይኸ ሕንጉልድ ባምፊ ቀንጠሽትሮ ገረስታኹማ ተካኹንኩም ? 17 17.እማ ኒሰና ግን ካና ትክይረሪ ትክየ ፈደን ፈደን እወቲ ካና ክያውረሪኻ ፈደን ክያወው እወቲ። 18 18.ካና ትክይረሪ ፍርር ክያወው ፍሪተላ፡ኒ ሰና ይኸ ካና ክያውረሪ ትክያ ፍርር ፍሪተላ። 19 19.ትክያ ፍርር ፍሪተግረሪ አኽራ ካነክ ቀረጭሾ ለኺል ማልስሮ ግን። 20 20.እማ ኒሰና ና ፍርርድ ፈረግትኖሎም ግን የኩንኩም። 21 21.እን ዓስተርሊ ህንባዅ ይኽርድ ምራድሲ እሳኹ ግን ግራ እን ዎ ያደራ ዎ ያደራ ያኹ አኽላ ሲመር ጃሩኹሊ ትዋዅ። 22 22.እን ኒ እንተራ ግርጋትሊ ገሪው ዎ ይናደራ ዎ ይናደራ ይን ኩስጝድ ተንብህንማ ይን ኩስጝድ መጂኒንሲ ፍድኑ ሰጝነሊማ ይን ኩስጝድ ትአምራት እሰኑ ሰጝነልማ ዩኑ እንትድኖ ግን። 23 23.አጛ እንትን ቲስ ምቁል ጋራት እስደናኽር እንደራ ነወያ(ስርግያ) ይልድ አን አርእሊኩም ይየሎም ግን። ለበኪኹዲ ዓወዲ 24 24.አኻኹክ ይጋበት ከለብሮ ትክያኹል እርግሳዅ ግርዋ ለበኪኹ ኒ ልጝንሲ ሸሺል ገበራኹሲ ተከኩ። 25 25.ስዋ ሒለቱኹ ለቡኹ ኒውካ ኩርዲርኩር አኹዅ መታዊኻ እንልጝንሲ ገንፈልኹሉ(ብርግዕድ ኹሉ) ደአም ሸሺል ገበርሶ ዋንቲነዲን ላሪ አኽላ። 26 26.እን ይጋበት ዋሶ ከለብረጋኹ ኒውክ ደአም እን ግርዋ ዓወድ ኒ ልጝንሲ ቁሺል ገበራኹሲ ተከኩ። 27 27.ስዋ ሒለቱኹ መታዊ ከላእዲክ ለቡኹ ኒውካ ኩርድ ኩር አኹኹ።እን ልጝንሲ ገነፎ ባሮሰነኸሉ ፍልውይኹ ኒ ለብናኻ አቅትራሲክ ክያውኹ። 28 28.ኢየሱስ ነዋዮ ጋበሰና ከውኒጋብድ ፈከርስኖ “አላ ጋዶ ግን” ይኑኹ። 29 29.ናት ፈከርዳዃ ና ከታበንሰና አኽጊ ላኹ አደሪሰና አኾ ክንሳኹሲ ቋልንነዲን ግን።
1 1.ጊሪልድ ገመሰናኻ ከው ከላእ ተለይንኹሉ። 2 2.ግርዋ በርሰትድ መግደራዅ “ዎ ያአደራ እንቲ ጀረብረዶልክ ነገይድቶለ ገረስራኩ” ዩ ኒ ጃብል ሐርበጡኹ። 3 3.ኢየሱስኻ ኒ ናንሲ ኒልአኽታሲክ ጠለቆ፡ተመዶሉኻ “የዋ ይምራድ ግን ነገዪ” ይኹሉ።ንርድን ንርድኻ ነገይዅ። 4 4.ኢየሱስኻ ፈሪ ቀሺሪል ቋልስቲ እን ሙሴ መዃዃኹድሰና ሳምዕ አኽሮልካ ሰደቀት ገምዲ ላኹድኻ ድወግ ሰተሪ ይኹሉ። ግርዋ ሊኽ አደራ 5 5.ኢየሱስ ቅፍር ናሆምትል ዔረሰና ግርዋ ሊኽ አደራ ኒል እንቶ፡ኒ ጃብል ሐርበጥዅ እማ “ዎ ይአደራ እልሊለ ይኹራ መግደሮለ መግደሮለ ላሪትል እላ አርግል ማልሶ ምጨትድ አላለ የኩ” ዩንሲክ ሺዊኹሉ። 6 7 6-7.ኢየሱስ “እጃ ኒል እንቶ እቢስየሉ ግን” ይኹሉ። 8 8.እንሊኽ አደራኻ ክልብርሰ “ይአደራ እንቲ ይልጝሊ ቱቶ ወጀበለለ ነት ዋንትሩ ላጋባ ካያ ዪ ይኹራኻ እቢርደለ”። 9 9.ውረድ አጝር ከዋ ሲመር ስቆይሲ ህንባ ግርዋ ግን።ይስቆይሲ ዓሰከር ሻኹን ናልድ ላኹሲ ፈሪ የኩንሉ ንኻ ፈረኩ፡ይኸ ላኹ የኩን ንኻ እንተረኩ ይገንጀነስ ይኸቱነ ኒስ እሲ የኩንሉ ንኻ እሰኩ ይኹሉ። 10 10.ኢየሱስ ነስተካ ጋብሲ ዋሰሰና አቅተራሲክ ፈከርሱኹ እማ እን ኒል እርጋ ከወል ግልጭዮኻ “እምን እምንድክ የኩም ንስካ እምነት እስራኤልትል ድኳ ቃሊ” የኩንኩም። 11 12 11-12.ብርክስጚልድር ኳራ ለብልድኽር ከው ከላእ እንትድኖ ሲመር ጃርኹል አብርሃምዲ ይስሐቅዲ ያዕቆብዲ ዲ መአዲሪል ዓገልስድኖ ግን እን ሲመር ቁርኻ እንደራ ከደን ጭልምሊ ማልስድኖ ግን ኒልኻ ስረናዲ እርኩክ ሐርቀቅነዲ አኽሮ ግን የኩንኩም። 13 13.እንሲን ኢየሱስ እን ሊኽ አደሪል ግልጭዮ “ፈሪ ኩእምነተሰና አኹንኩት” ይኹሉ፡እን ወክቲትልኻ እን ኒኹራ እቢርኹ። በጥሮስር ተንሺኒዲ ገሪው አሪውዲት እቢሰት 14 14.በጥሮስር ልጝሊ ቱዎሰናኻ ቤጥሮስር ተንሺኒ ሻማ ሻኾላ አርግል ዲዊቲሉ። 15 15.ንኻ ናንሲ ተመድኹላ ንርድንርድ ሻማ ባሮላኻ ጉሮ ዓወንቲሉ። 16 17 16-17.ኩንጝ አኾሰነኻ ገሪው መጃኒን ናቅስንኹሉ ናትካ ላጋበሲ እቢስኹሎም።ይኸ ኒሰና ገሪ ምስ ምስድ መግደረው ናዕስንኹሉ ነስር እቢስኹሎም።ኒንኻ እን ነቢ ኢሰያስ “ይና ሕይምንተዲ ይና ሽኹደዲት ኒሹትል አድኹ ” ዮ እርጋኹ አኽሮር መታን አኻኹ ግን። 18 18.ኢየሱስ ከው ከላእ ከለልኖሉ እንደራ ወረበስ ካርዶ ጐና ይኹሎም። ኢየሱስቲ ተለይና ተባተክና ጀረብደት 19 19.ላ ከታባኻ ኒል ስኩር ይኹ እማ “መምህር እንቲ ፈርዳኹልክ አን ኩዲ ፈርያ ግን” ይኹሉ። 20 20.ኢየሰስኻ “ቈንሸል ናግፍፍሲ ሻኽንኹ ጀከልር ናልጝንቲ ሻኽንኹ አዳሚንድኹራኻ ኒ አኾርሲ ድኩርታኹ አካን ድኳ ሻኽላ” ይኹሉ። 21 21.ኒ አጋርልድ ላኹ ይኸ “ዎ ይአደራ ሰልፍ ይኽርሲ ደቢያ ባሪለ” ይኹሉ። 22 22.ኢየሱስ “ተለዪለ ክሪውሲ ክሪው ደቢድኖሎም ባሪ” ይኹሉ። ደሃፈት በሐሩሲ ሀንእደት 23 23.ታንኳትል ቱዎሰና ኒታለይቱት ተለይንኹሉ። 24 24.እናሐና ወላውል ሒለቱ ታንኩተሲ ኩስራሲክ አፍሎት ከላአንሲ እሰኹ፡ኢየሱሳ ጅምኹ አዶሉ ቀምሰ ግጅኹ። 25 25.ኒ ታለይቱታ ኒል ስኩርኖ “ዎ ይና አደራ ድድንኹን እልሊና” ዩኑ ጉድንኹሉ። 26 26.ኒኻ “ነበንቲ ከለላ አማነቱ ውሪኹ ንስኮት ጓቚደናኹን” ይኹሎም።እንሲን ጐኻ እን ወላውልዲ በሐርዲት ዋኺትኹሎም ኒውካ ድግ ይኹ። 27 27.ኒል እርጋ ከው ነስተካ ወራትሲ ቋልኖሰና “ኒን አወያኹኒ ወላውልዲ በሐርዲ ዋሰውሉ አላ ጋዶ ግን ኒና” ዩኑ ፈከርስንኹ። መጃኒን 28 28.ገርጌሶንዲ ብሪል እንደራ ወረበስ ካሮሰነኻ ለጛ ግርው መጃኒን ሻዉ አርፍልድ ፍኖ ጋጙኑ እንትንኹሉ ነን ገሪኹ ምቑልዲስኖ ሰጘው ግን እንናው እርግና አካንድ ላኹ ደኩሮ ገረሱ ሰጘላ። 29 29.ነን ኢየሱስር ጃብል አኽነሰና “እንቲ ኢየሱስ ጃርኹራ እንቲ ይነዲ ውራ ሻኽርኹን ይና ወክት ገእይጊ ነሀብረ ሳደድርኹና” ዩኑንሲክ ዋዕ ይድኖ ተርሲኒኹ። 30 30.ናልድ ስርግ ይሮኻ ወንኪር ሸፈልስሮ ቊሩ እርግቲ። 31 31.እንሲን እን መጃኒን “ፍቶና አክረን ኩዐይብ እንጫ ወንኪርሊ ቱስቶና ” ይንኹሉ። 32 32.ኢየሱስ “ፈራ ቱዋ” ይኹሎም ናዋ እን ግርዊልድ ፍኖ እን ወንኪርሊ ሩኑኹ።ናውኻ ገለብሮ በኸረድ ትንኩሪርዶ በሐርሊ ሸመምስቲ። 33 33.እን ምቓቕ ኒልድ እግረው ኮል ዔርኖ ኒትክ ድሪስንኹ። 34 34.እንኮቕርኻ ነስተካ ወራትሲ ዋስነሰና ኢየሱስቲ አርድኖሉ እን አካንሊ ፈርንኹ ናኮልድ ወረቢልድ ዓጨጭስሮሎም ሺዊኒኹሉ።
1 1.ታንኰትድኻ ኒራ እንደራ ወረበስ ካሮ ኒኮል እንትኹ። 2 2.ኒልኻ ዓቀልሶ ህምባ ግርዋ ዓራትሊ ምኹርኖ ናቕስንኹሉ ኢየሱሳ ና አማነትሲ ቋልነዲን እን ምግዱርሲ አረጊ ይኹራ ኩሓራም ባርስትኹካ ይኹሉ። 3 3.ኒስ ዋስነሰና ላው ኒል ዲወው ከታበንልድ “ኒን አበዲ ውራያኹን ጃርሲ ጀኸኩ እንኩኽ” ዩኑ ናለፈክድ ምቊል ሀመትኑኹ። 4 4.ኢየሱስኻ ናለበካ ምቊልናርሲ ቋልነዲን “ውሪኹ እንታ ለፈክድ እከይ ሐሰብድናኹን።”አበዲ ይኹሎም። 5 5.አዊን ስዳዋኹን ኩዓገብ ባርስትኹካ ይናማ ወሪ ጉ ፈሪ ይና። 6 6.እማ አርእትኖ አዳሚንድኹራ ብሪል ሓራምሲ ባርዶ ሒል ክመት አርእትኖ ዮ።እማ እን ምግዱርሊ ግልጭዮ፡ጒ ኰዓራትሲ ምኹርዶ ኩልጝሊ ፈሪ ይኹሉ። 7 7.ንኻ ጌ ኒ ዓራትሲ ከስል ምዅሮ ኒ ልጝል ወንተሩዅ። 8 8.ከው ነስ ቋልነሰናኻ ታንቲኒዅ፡ጃርሲ ነወያ ሒል አዳምሲ ኒ ኡነድ ሐመድንኹሉ። ማቴዎስር ሽጝስትና 9 9.ኢየሱስ ኒልድ ላመደት ደኰሰና ግርዋ ማቴዎስ ይስታዅ ወርኮር አካንሊ ከፍዮ ህንባዅሲ ቋልዂ “ጒ ይዲ ለሄኪለ” ይኹሉ። 10 10.ንኻ ጌ ኒዲ በገስቱዅ ኢየሱስ ኒልጝል ቱዎ ኒዲ ቁሮ ዓገልሱዅ ይኸ ገሪው ወርኮ ፍደንቲዲ ሓራሙዲ እንትኖ ኢየሱስዲ ኒአጋርዱ ድኻ ዓገልስኑዅ። 11 11.ፈሪሳን ኔስተካ ጋርሲ ቋልነሰና ኒ አጋርሲ አበዲ ውሪኹ እና እንታ መምህር ወርኮ ፍደውዲ ሓራሙዲ ሕበርሰ ቋኹን ይንኹሎም። 12 12.ኢየሱስ ዋሶሎምኻ ትልላዅሲ ጀረበው ሽኹሽተው ግን ግራ ሽርው አኽኒ ይኹሎም። 13 13.አን ብሕል ጀረበኩን ግራ ሰደቀት ጀረበሊ ያዅሲ ውራ አኸት ፈራ ክንታ አን ይእንተርና ድደውሲ ጀረብያ ግን ግራ ሻትካንሲ አኽሊ ይኹሎም። 14 14.ላግርጋ የሐንስር አርጋ ኒል እንትኖ ኤበዲ ውሪ ምስምስድ ይነዲ ፈሪሳንዲ ገሪዅ ሽምናኽር ኲ አጋርኻ ሹመገው ይኑኹሉ። 15 15.ኢየሱስ ማስ መርዓዊራ ናዲ ዋንቱ ቊርቊርትድኖ ገረስትሮሎም ተካኹመኩም መርዓዊራ ናልድ አስታ ግርጋ እንትሮ ግን እንሲን ሹምድና ይኹሎም። 16 16.ትከባ ሐዲስ ታዊና ባልይዲ ተከብሰላ አከገጛ እን ትከባ ታዊነስ ትክሰ ሔቅሰኩሉ እን ኒ ሐቅይነኻ አቅትራሲክ ጂበኲ። 17 17.ሚድ ሐዳይሲ ሐርብ ባልይሊ ኣሰለሉ አከገጛ ሐርብ ቀደስሮ ግን ሚድ ከደንሲ ብቊቲሮ ግን ሚድ ሐዳይስ ሐርፍፍ ሐዳይሰል አኽሮ ሻኲ እንሲን ኒውክ ትክዮ እንኩርሰኩ። 18 18.ኢየሱስ ናኸ ጋቡ እንሐን ናልድ ላግርዋ ልጝ ጸሎትሲ ተከወውልድ ኒል እንቶ ኒ ጃብል “ይቊራ ናንናን ክርቲ ላዅ ኲናንሲ ገምዲላ እቢርቶለ” ዮ ሺዊኹሉ። 19 19.ኢየሱስ ኒ አጋርዲክ ጌ ኒዲ ፈሩዅ። 20 20.ፈሩኻ ላ እዅና ብር ፈስሩ ሽካ ለጛ አመራ እስረሪ ኒጉርበትድ ቃጨውሩ እንትሮ ኒታዊና ቊጭንሲ ትምድሲቲ። 21 21.ንርለበከድ “ኒታዊና ቊጭንሲ ተመደን ግን ግራ እቢርድያ ግን” ይሮ ሳዳ እስሩ እርግቲ። 22 22.ኢየሱስ ግልጭዮ መኸልትኹላ እማ “አረጊ ይቊራ ኩእማነት እቢስኹኪ” ይኹላ።እንሲንትልድ ተርስረኻ ብር ሻጝኹላ። 23 23.ኢየሱስ እን ልጝ ጸሎት አደሪ ላጝሊ ገእየሰና ከው ስረውዲ ሄቦ የውዲ ውጭጨውዲት ቋሎዅ። 24 24.ኒኻ “ስርግያ ስርጋ እና ዓንቂ ክርዶ እልላ ገጝጅሮ ህንበቲ” ይኹሎም።ነዋዮ ጋበሰናኻ እንቋሪኒኹሉ። 25 25.ከው ልጝልድ ፈሰናኻ ትውዅ እማ ናንሲ ሻኹኹላ ንርኻ ጉቲ። 26 26.ኒንኻ እንኮል ድሪስቱኹ (ወሪስቱኹ) ። ለጛ ዓረፍ 27 27.ኢየሱስ ኒልድ ደኮሰና ለጛ ዓርፍ ዎ ዳዊትዅራ ሳኸንቲና ይኖ ጨርሑኑንሲክ ኒ ጉርበት እንትኹሉ። 28 28.ልጝሊ ትዎሰናኻ ኒል እንትንኹሉ ኢየሱስኻ “እና እንትን ጀረብደናኹሲ እስየልኩም ሒል ክመት እምንደናኹማ” ይኹሎም።ናውኻ “የዋ ይና አደራ” ይንኹሉ። 29 29. እማ እንታ እማነትሰና አኽንተት ዮ ናዕልልሲ ተመድኹሎም። 30 30.እንሲን ናዕልል ብስትኹሎም፡ ላኹድ ድወግኒጛ ተብዶ መኾኹኹሎም። 31 31.ደአም ኒልድ ፍኖ ኒልክ ድሪስኑዅ። 32 32.ነን ፈርነሰና ላዅ ልጉም ጅኑን ሻኹሲ ናቅስንኹሉ። 33 33.ጅኑንሲ ፍደሰነኸሉ ጋቢዅ ኒል እርጋ ከዋ ኒስተካ ወራትሲ ቋልነስና “እስራኤልትል ነዋያዅ ኒኾርሲክ ቋልስቶ አርእላ” ይኑ ፈከርስኑዅ። 34 34.ፈሪሳን ኒን አበዲ ሸዋጢና አደራድ ግን ሽዋጢንሲ ንፍዳዅ። 35 35.ኢየሱስኻ ና ልጝ ጸሎታትልኽር ናደገጊትልኽር ጅልልወክ ናምግዱራንሲኽር ትልሉ ሲመር ጃሩኹሲኽር ክንሱሎም ሰጘኲ። 36 36.ከው ገሪውሲ ቋሎሰና በግ ምቃቅ እንግግረሪርሰና አኽኖ ቋልስትንኹሉ እማ እምንድክ ሰኻንዲስንኹሉ። 37 37.እንሲን ኒአጋርሲ “ኪሽጝ ካብስተው ገሪው ግን አረስኻ ኡቊቱግን እማ፡ 38 38.ኪሽጝ አደረስ ሺወሉ አረስ ኰድሮ” ይኹሎም።
1 1.እን ሽካ ለጛት ኒል ሽጞ መጃኒንሲ ፍድኖኽር ምግዱራንሲ እቢስድኖኽር አኻ ሽዅ ዲውሲክ ትልልድኖ ሒል እዎ እንሻቕኹሎም። 2 2.እንሽካ ለጛር ስጙጝጛ ነን ግን፡ሰልፍ እን ቤጥሮስ ይስታዅ ስምዖንዲ ኒ ዳን እንድርያስዲ ያዕቆብ ዘብዴዎስዅራዲ የሐንስ ኒ ዳንዲ ግን። 3 3.ፍሊጶስዲ በርተሊሞስዲ ቶማስዲ ማቴዎስ ወርኮሩዅዲ ያዕቆብ እልፍዮብኹረዲ ታዲዎስዲ። 4 4.ስምዕን ቃና ሩዅዲ እን ደኲሶ እዋዅሉ ይሁዳ አስቆሮታዊራዲ ግን። 5 5.ሽካ ለጛ ነስ ኢየሱስ እንሻቅኹሎም፡ነዋዮኻ መኾኹዅሎም አረመዲ ጉጋት ፈርጋ፡ኮዶ ይኸ ደገጊት ሳምራውኮልዱልኽር ዔርጋ። 6 6.እን እስራኤልዲ ፈራዕልድ ድድራ በገሊ ካያ ፈራ። 7 7.ፈርዱኑንሲካ ሲመር ጃሩዅ ስኲሩዅ ይዱኑ ሰበከሎም። 8 8.ሽዅሽተውሲ እቢሳ ክረውሲ ጉዳ በርሰቱሲ ለጭሕዳ መጃኒንሲ ፍዳ ካየድ እውስታዅሲኩም ካየድ እዋ። 9 9.እንታ ማሕፈዳትሊ ደሃብዲ ወርካዲ እስራዲራዲ አድጋ። 10 10.ዋቕይድ ኒበና ህንበኩሉ እማ ደርብድ አኽሮኩም ይድኖ ሊኳ ውሪ ለጛ ታዊና ውሪ ሻንፍፍ ውሪ ይኸ ግንቢ አደጋ። 11 11.አተይድኖ ኮልክ ግርዋ እካዅራ ዋነን ወንቀራ እማ ኒል አተያ ፈርትናሲክኻ ኒል አኻ። 12 12.እንልጝሊ ቱደነሪት ሰላም የላ። 13 13.እንልጝን እንታ ገውራ ወጀበኹሉ አከን ገእይሮሉ ግን አከገጛ እንታ ገውራ እንተል ወንተርደኩም። 14 14.ከለብረግነንኩም ወሪ ይኸ እንታ ጋብሲ ዋሰግነን እንልጝንልድ ወሪ እንድገትልድ ፋ እማ እንታ ሻንፍፈውሲ ከፍከፍድኖ ፈራ። 15 15.ፍርድ ወክተል እንድገትልድ ሶዶምዲ ገሞራዲሲ ስዳወት ድወኩንኩም እንኩኹን። 16 16.እናሐን አን በግሰና ቱኹል ዓንቀይል ፈሰኩንኩም እንኩኹን።በሳረን ምራውሰና ናሰሐንኻ ኳትሪ ሰና አኻ። 17 17.ከው ናዲቢል ገምድድኖኩም ግን ናልጝን ጸሎታትልኽር አድኖ ቀለጥድኖኩም ግን እማ አዳምትልድ ምልይጋ። 18 18.ናድር አረመንድር ሰማዕ አኽሮ ይሰበትድ በሄሊልዲ ሰየምዲር ጃብል ገወድኖኩምር አድኖኩምር ግን። 19 19.ዲቢል ደው ይድኖሰና ውራይኖ ጋቢኖ ግን ይዱኑ ሳደድስጋ። እንሲን ውራ ጋብደነት እውስትሮኩም ግን። 20 20.እንሲን እንትን አኽድኒ ጋብደናኽር እን መንፈስ ጃር እንታኽርዱኹ ግን እንተድ እሰ ጋባኹ። 21 21.ዳን ዳንሲ እኽርኻ እኹረስ ክሪል ደኩሶ ኡሮ ግን፡እቊር ና እክልዲ ና ገንዲር አወይሲ ጉኖ ኩድኖሎም ግን። 22 22.ይሱጝ ሰበብድ ናውክ እንጠርድኖኩም ግን።እን ደንጎቢል አኽራሲክ ዓቅል እሰኹካ ደአንዶ ግን። 23 23.ላ ድገትል እንጠረነንኩም ኣሪ ድገትል እግራ እምንድክ ይየኩም አዳሚንድኹራ እንትራሲክ እስራኤልዲ ደገጊትሲ ናልክ ገእይደኒለን። 24 24.ኒ መምህርልድ ኩጛኹ ተመሃራይ ኒ አደሪልድ ኩጛኹ ገንጂና እላ የኩንኩን። 25 25.ተመሃራይ ኒ መምህርስና አከን ገንጄናኻ ኒ አደሪ ኮት አከን አቅትረሉ።ልጝን አደረስ ብዔል ዘቡል ይኖ ደንቢ ኒ ዕያልሲ ኒልድ ጂባኹ ይድኖሎም ግን። ኩእምነትሲ ጓቊትግሪ ቋሊስና 26 26.ላኹ ስቱር ቀልዕስተጋኹ እላ ይኸ ትብታኹ ፈይሕል ፋጋኹ እላ። 27 27.እን ጭልምሊ ኩሩኩ ያኹሲኩም አድሐ ጫዕዳኹል ጋበሉ ይኸ እንቊዊል ሕሽኩሽኩ ይስታኹ ሲኩም እራሪል ዓረግድኖ ሰበከሉ። 28 28.እንፊኹትዲ ስኻዲት ድሂስሮ ገረሳኹሲ ጓቚታ ግራ እንስኻስ ኩሮ ፊኹትስኻ ላሪ ሄቢሮ ገረሰገውሲ ጓቚትገሎም። 29 29.ለጛ ጀከል አንኳ ሳንቲምድ አኽለማ ናክስትና እንታኽርድ ምራድ አከገን ላሪ ድኳ ናልድ ብሪል ለበላ የኩንኩም። 30 30.እንታ አኾርሊ ህንባ ሽብክር ላሪ ከብተግሪ ሺብስተው ግን። 31 31.እማ እንትን ላሪ ጓቊትጋ ውረድ እንትን ጀከልድ ትክሲዲነ ኪደነኲ። 32 32.ላዅ ከዋ ጃብል አምነንለ አጝር እን ዓስተርሊ ህንባ ይኽርድ ጃብል እምንየሉ ግን፡ 33 33.ላዅ ከዋጃብል በረያዅስኮትለ ከመን አንኽር እን ዓስተርሊ ህንባ ይኽርድ ጃብል በረይየሉ ግን። ክርስቶስቲ ተለይና ሻግራይ አክና ጀረብደት 34 34.አን ብሪል ነት እንቶ ህንባዅ እንሽኽ ተከልድያ ግን ግራ ወርክናይ ናቅሰያ አኽሊ። 35 35.ውረድ እዅረስ እኸርልድ እቚረት ገነትልድ ስርጒት ንዃዅትልድ ሲድያ ግን ይእንትና። 36 36.አዳምቲ ኒት እንጠረው ኒ ከው አኽድኖ ግን። 37 37.ኒኽርዲ ኒገነዲት ይልድ ክብሰ እንከላዅ ይድ ወጀባዅ አኽላ ኮዶ ይኸ ኒዅረስ ውሪ ኒቚረት ይድ አወይሲ እንከላዅ ይድ ዋጅብ አኽላ። 38 38.ኒመስቀል ደንደኖ ተለየጋዅክለ ይድ ኣከዅ አኽላ። 39 39.ኒ ፊዅትሲ እንከላዅ ድሂስሮላ ግን እን ኒፊዅትሲ ይመታን ዲሂሳዃ ደኤንድሮላ ግን። 40 ክርስቶስቲ አወሃብረ ከለብርደትሉ 40.እንተት ከለብራዅ ይት ከለብረኲ እንይት ከለብራዃ እንይት እንሻቃዅሲ ከለብራኲ። 41 41.ነቢራስ ነቢራ ስጝድ ከለብራዅ ኒበና ነቢሪዅድ ሰና አኽሮ ግን። 42 42.ሻትክሲ ሻትክ ስጝድ ከለብራዅ ኒ ገፍሲ ሻትኲዅድ ከለብርዶ ግን።
1 1.ኢየሱስ እን ሽካ ለጛ ኒ ታለይቶትሲ ትእዳድ ኡዎ ደምቢ ክንሲሮኽር ኒልድ ና ደገጊትል ደኲዅ። 2 2.ዮሐንስ ንሽዊል ዋንቱ ኢየሱስር ጋርሲ ዋሱዅ እማ ለጛ ኒ አጋርልድ ኒል እንሻቆ፡ 3 3.እንትሮ ህንባዅ እንትማ እማ ኤሪዅ ጨበርኖ ፈርናኽር ይዅሉ። 4 4. ኢየሱስ ፈራ ወንተርድኖ እና ዋሰደነውስኽር ቋልደነውስኽር የሐንስሲ ድወሉ። 5 5.ዓረፍ ቋለነኲ ደልጓሳት ፈረነኲ በርሰቱ ለጭሐነኲ ጨማማን ዋሰነኲ ክረው ጓነኲ ድብራንድኻ ኪሰሪ ድውስተኩሎም። 6 6.እን ይድ ኰለፍሰጋዅካ ሻትክ ግን ዮንሲክ ወን ስዅሉ። ኢየሱስ ዮሐንስ መጥመቅቲ ሳበትሉ 7 7.ናው ፈርኖሰና ኢየሱስ እንከውሲ የሐንስሩዅድ ነዋ ይዅሎም ውራ ቋልትኖ ግን እንትን አውከደንሊ ፍድናዅ፡ወላውልድ ነነይ ያዅ ሻንብቆራማ። 8 8.እንደ አበዲ ውራ ቋልትኖ ፍድንዅን ደበላናት ሰሮ ህንባ ግርዋ ቋልትኖማ አኽለባ ሐራይር ሰረው አስያማ ልጝንትተል ግን ናው አረርሰናዅ። 9 9.እማ ውሪዅ ግን እንታፍና ነቢራ ቋልትኖማ የዋ እለማ ነቢሪልድ ድኳ ክብያዅ ግን የኩንኩም። 10 10.ኒን እን ኲ ጉግሲ ደለምደዅካ ኲ ጃብል ይንሽቀስ ፈስያ ግን ይስቶ ከተበሳኹሉ ግን። 11 11.እምን እምንድክ ይየኩም እኲንልድ እዃርሰውልድ የሐንስ መጥምቅልድ ላዅ ግርዋ ኲጛዅ እላ ደአም ሲመር ጃሩዅል እንሽጓዅ ኒልድ ኲጛዅ አኽሮግን። 12 12.የሐንስ መጥምቅትልድ ንኪ አክራሲክ ሲመር ጃሩዅ ሒልድ ትውስተቲ እንኲቲ፡ሒለቱውክኻ ሸተፈነኩላ እንኲኑዅ። 13 13.ውረድ ናውክ ኦሪትዲ ነብያትዲ የሐንስትል አኽራሲክ ተንብህኑዅ። 14 14.ከለብርትኖሉ ጀረብደናኽር አክደነን እን እንትሮ እርጋዅሉ ኤልያስ ኒ ግን። 15 15.እንዋሳ እንቁው ሻዅክ ዋስኒ። ሻኪሰና እንጋ ከው 16 17 16-17.አበዲ እና አሰል ነስ አውዲ መጢስንሎም ነን እንግናቲት ቃዕረትሊ እንኲልኲልስኖ ና መስዋትሲ ሽጝው እማ ዕንድርሲ ጠዓምብንኹን እንትጛ ጐሊትድኒ ይኸ መውዒት ሄበብንኹን እንትጛ ስርዲኒ የውሲ ተከነኲ። 18 18.ቋጋኹር ጅአጋኹር የሐንስ እንትዅ ኒን ሸጣን ሻኲ ይኑዅ። 19 19.ቋዅዲ ጅአዅዲ አደሚንዱዅራ እንትዅ እናሐን ከላእ ቋንታዲ ጅኤንታዲ ወርኮ ፍዲሰውዲ ሐራሙዲር ማዳ ይንዅሉ።ደአም አምር ንር ውራታትድ ወርኪትቲ(ሸተክቲ)። 20 20.ንድደንቢ ኢየሱስ እን ገሪ ተአምራት እሰ ደገጊትሲ ናሐራምድ ጥዕስና ብንነዲን ቀጠቦ ነጨጉኹለን። 21 21.ነዋኻ ይኹለን አጀዋ ኲራዚ አጀዋ ቤተ ሳይዳ እንተል እስተው አምራት ጢሮስዲ ሲዶናዲትል አኸው አከን እማና አክያስ ሰርኖ ሽባር ቋርኖ ብሕል ሺዊድንድ ሻው ግን። 22 22.ንድሰበትድ ፍርድ ግርግል እንተልድ ጢሮስዲ ሲዶናዲሲ ስዳውሮ ግን የኩንኩም። 23 23.እንትኻ ቅፍርናሆም ዓስተርሊ አኽታሲክማ ክብይቶ ተካኹንኪ አኽላ የውመላልኪ ገሃነብሊ አኽታሲክ ኲልኲልትቶ ግን፡ውረድ ኩል አኻ አምራት ሶዶምትል አከን ናን አኽታሲክ ዋንቲትድ ሻኽረሪ ግን። 24 24.አጃና ፍርድ ኳሪል ኲልድ ሶዶምር ድገሲ ስዳውርዶ ግን የኩንኪ። ወንጌል ናስሐንድ 25 25.እንሰከር ግርጋትሊ ኢየሱስ ነዋዬ ጋቢዅ ዎ ኣበ ብረዲ ዓስተርዲር አደራ እና ጋራት ነስ አረአውዲ ለበኪውዲትልድ ትብስሮ ግናቲትድ በርህድራኽር ሐመደኲንካ። 26 26.የዋ ኣቤ ኩምራድ ኒሰና አኽነዲን ግን። 27 27.ይኽርልድ ኒውክ እውስቶለ ህንበኰ እዅረስ እኽር እኽጋዅ ላዅ ኤርእለሉ እኽርሲ ይኸ እዅራዲ እን እኽር ኒድ ጋሊህድሮሉ ጀረባዅዲክ አከገን ላዅ አርእለሉ። 28 28.እንትን ናውክ ሐገስትድናኽርዲ ምኹርሲ ቂልስድናኽርዲ ይል ላዃ አን ፊዅዲያኩም ግን። 29 29.አን በኪትዲ ምእክር ለበኪዅዲ ግን እማ እንታ ፊዅትድ ፊዃ አርትኖ ይል ለዃ።ይወኽደምሲ ሙኹራ ይልድ ኪንታ። 30 30.ውረድ ይወኽደምኻ ታሚታዅ ይምዅራ ስዳዋዅ ግን።
1 1.እንሰከር ወክታትል ሰንበርድ ኪሽጛ ነበክድ ደኩ ኒታለይቱት ከአርትኖ ሱር ሸልዒነክ ናናንትትድ ሐሰዪነክ ቊድኖ ተርሲኒዅ። 2 2.ላው ፈሪሳንልድ ነስ ቋልነሰና ውራ ቋለለማ እንቲ እና ኲታለይቱት ሰንበር ግርገድ እስተጋ ወራት እሰውሲ ዩኑ ሸከይንኹሉ። 3 3.ንኻ ውራ ዳዊት ከአርተሰና ኒ ጨርዲ አኾ እሰዅሲ አምበብድግድናኽርማ። 4 4.ቤት ጸሎትሊ ኒ ጨርዲ ቱዎ ካህናት ካያ ቋና ሳንሳዓስ ቄት። 5 5.ወሪ ይኸ ካህናት ሰንበርድ ቤት ጸሎትሊ ቱወነት ከታ ሺብስተገትሎም ኦሪትል አምበብድግድናኽርማ። 6 6.እማ እርእኖ እናሐን ነት ቤት መቅደስልድ ኲጛዅ የኩንኩም። 7 7.እን አን ብሕል ጀረበኩን ግን ሰደቀት አኽላ ያዅሲ ፈሀምደናኽር አክደነን ላሪ ከታ እንጋ ከውሲ ምቊልዲኒዅ ይግድኒድ ሻኽድናኽር ግን። 8 8.እማ አርእትኖ አዳሚንድዅራ ሰምበር አደራኽር ግን ይኹሎም። ላግርዋ ኒ ናን ኢዳዅሲ እቢሰት 9 9.ኒልድ ደኮሰናኻ ሰንበርድ ናቤት ጸሎትል ትዉዅ። 10 10.ኒላ ግርዋ ኒ ናን ኢዳዅሲ ናቅስንዅሉ።ኒድ ሸከየና ምስምሳ ጀረቢነኻ ሰንበርድ አዳምቲ እቢስና ገረስታዅማ ይንዅሉ። 11 11.ኒኻ አውኒ እንተልድ ላ በጋ ሻዅ እማ ሰንበርድ ጎቊል ለብረን ፍደጋዅላ። 12 12.እማ በጋትልድ አዳም ትክሰ ኪደለማ ኒን አኾ ደንቢ ሰንበርድ ትክስና ወርካ ግን ይኹሎም። 13 13.እንሲን እንግርወስ ኩናንሲ ጠለቂ ይኹሉ ንኻ ጠለቊዅ ኒዳ እን ንርጨረርሰና እርዊቲ። 14 14.ፈሪሳን ኒስ ቋልኖሰና ኒልድ ፍኖ አወሃቢነ ኲወነትሉ ኰድጚኒዅ። 15 15.ኢየሱስ ናኰድጛ አርእስቶሉ ኒልድ ስርግ ይዅ ገሪው ምግዱራንኻ ተለይንኹሉ ናትካ እቢስኹሎም። 16 16.ላዅድ ድወግኒንኻ ተብዶ መኾዅዅሎም። 17 17.ኒንኻ እንነቢ ኢሳይያስ ነዋዮ እርጋ ጋብ አቅትሮር መታን አኻዅ ግን። 18 18.እናሐን ይዅራ አን ፍሪራዅ ኒድ ይፊዅት ቀሽቀሻኲ ይመንፈሲ ኒል ገምድያ ግን።ኒ አረመንድ ፍትሕ በሸርድሮ ግን ያዅ ግን። 19 19.ኒ ዋኺትሮኽር ኒጋበት ዲቢል ላዅድ ዋሲስሮ አኽላ። 20 20.ፍትሕ ሄለልይራስክ ሻምብቆራ በጢራዅሲ ከረላ ቲዃ ትድጛዅሲ ስንስደላ። 21 21.አረመን ከዋ ኒ ሱጝድ ሳዳ አርድኖ ግን። ላዅ ጅን ሻዅድ እቢርናዲ መንፈስ ቅዱስ ጀኸንዲ 22 22. ላ ግርዋ ዓረብዲ ልጉምዲ ጅኑን ሻዅዲ ናቅስንዅሉ።ንኻ እቢስዅሉ።ዓረብዲ ልጉምዲ እርጋዃ ቋልዶኽር ጋቢሮኽር ገረስዅ። 23 23.ከው ኒስ ቋልኖሰና ፈከርስኖ ዋሃ ጋዶ ድዋ የሄው ኒን አውአርእዅን እንዳዊቱዅራ ክርስቶስ አኽርድ አኽላማ ዩኑ ገሪዅ ከሐሐሲጚኒኹ። 24 24.ፈሪሳን ደአም ነስ ዋስነሰና ኒን መጃኒንሲ ብዓል ዘቡል መጃኒና አደራ ሒልድ ግን መጃኒንሲ ንፍዳዅ ዩኑ ልኺኒኹሉ። 25 25.ኢየሱስ ናለፈካ ምቊልናርሲ ፈጠኖ ነዎዩ ዋኺትኹሎም “አኻ ሲመር ኒሹር ኒሹትል ጓን ኒ ድዳግን፡ ኒሰና ይኸ ኣ ድገ ወሪ ዕያል እኺርኺርሊ ጓዶኲ ኒድዳ ግን የኩንኩም። 26 26.እማ ገድም ሰጣን ሰጣንሲ ዳገናዅ አኾ ደንቢ እኺርኺርልድ ፈተታሕ ዩዅ ማለት ግን።ኒን አኾ ደምብኻ ሲመር ናዅ ጠፍሕራማ ተካዅንኩም። 27 27.አንሸጣንሲ ብዓል-ዘቡል ሒልድ ፍደኸር አኾ ደምቢ እንታቊር አውርሒልድ ግን ናው ፍዳናኹሎም እማ ገድም ናው ፈረድኖኩም ግን። 28 28.እማ አን ሰጣንሲ ጃር ሒልድ ፍዳኽር አከጛ ሲመር ጃሩዅ እንተል ገእዩዅ የኩንኩም። 29 29.እንደ እበዲ አወያ ግርዋ ግን እንልጝን አደራ ሒለቱዅሲ በደሮ እንሸውጊ ኒ ልጝልትዎ ኒ እራኲሲ ረሰይሮ ገረሳዅ ኒት እንሸዎ ደምቢ ግን ኒ ጃሕጃሕና። 30 30.ይዲ አኽጋዅ ይአባይ ግን፡ይዲ አኾ ለከመጋዅ (እክበጋዅ) ድሂሰኲ የኩንኩም። 31 31.እማ የኩንኩም አኻ ዓገብዲ አኻ ጀኸንዲ ከውድ ባርስትሮሎም ግን ደአም መንፈስ ቅዱስ አወይሲ ጋበዅክ ነትኽር ኒራኽር ባርስተለሉ። 32 32.አኻዅክ እዅሪ አወይሲ ምቁላ ጋበዅስኮት ክመን ባርስትሮሉ ግን መንፈስ ቅዱስ አወይሲ ጋበዅካ ነት አከጝር ኒራ አከጝር ኒኾርስክ ባርስተለሉ። 33 33.ካና ትክይረሪ አክረን ንር ፍርር ትክየው ግን በዳኒ አክረጛ ንር ፍርር በዳናን ግን ውረድ ንርፍርርድ ግን ንርፈረግሰና። 34 34.ነበንታ አሰል አፍዑቱ እንትን ምቁል አክዱኑ አወሃብዲነ እንታለፈክልድ ጋብ ሽርው ፍድትኖ ገረስደናዅን ውረድ አብ ጋበው እንለበኪ ትክልድ ግን። 35 35.አዳም በኪት ኒትክያ እንድቢልድ ትክየው ፍደኩ ምቊላኻ ኒ እንዲባ ምቊሊልድ ምቊል ፍደኩ። 36 36.እምንድክ ይየኩም አኻጋባ ጥመሐት ጋብዲነሪክ ፍርድ ኳሪል ሺብስትቶኩም ግን። 37 37.ውረድ ኩጋብድ ፈረድስቶ ግን እማ ወሪ ደኤንት ግን ወሪ ድቶ ግን። ዮናስር ሻሮት 38 38. ኢየሱስኻ፡ኣውንኻ ይገና ኣውሮውኻናው ይሻን፧ ዮ ወንቀርዅሉ እንድወኹሲሉ። 39 39.ኒኻ “እና ምቁልዲ ዳንያንዲር አሰል ሻርት ቋልድኖ ጀረበነኩ እንኩኑዅ ደአም ነቢ ዮናስሩዅልድ ኩጛዅ ሻሮት እውስትሮሎም ወጀበለሎም” ዮ ወንተስኹሎም። 40 40.ኒንኻ ዮናስ ዓሲ ጐድጉል ሰዃ ቂርዲ ሰዃ ግርገዲ ግጃዅድሰና ኒሰና አደሚንዱዅራኽር ብሪ ስቚይሊ ሰዃቂርዲ ሰዃ ግርግዲ ግጅሮ ግን። 41 41.ነነዌር ኮቁር ዮናስር ስብከትሲ ዋስኖ ና ለበኪል ወንተረው ፍርድ ደንጐቢዅል እና አሰል ነዲ ጉድኖ ግን እማ ፈረድኖሎም ግን።ውረድ ናው ዮናስር ስብከትድ ናለፈክል ወንተርው ግን።እናሐንኻ ነት ዮናስትልድ ኩጛዅ የኩንኩም። 42 42.ንግስቲ ብርክስጚሪ ፍርድ ወክትል እናአሰል ነዲ ጉቶ ግን እማ ለተቅቶሎም ግን።ውረድ ንሪ ሰለሙንዲ ለፈኲ ጋብሲ ዋስቶር መታን ብሪግን ድልድ እንትረሪ ግን እናሐን ነት ሰለሙንትልድ ኲጛዅ ህንበኩኩም። 43 43.መንፈስ ምቊላ አዳምትልድ ፈሰና ኒል ትዋዅ ጀረበ ከራብድ ጅልወኩ ደአም ላሪ አረረላ። 44 44.በሰናኻ እን እማና ሰጛ ልጝሊ ወንተረን ኪዳኲለ ዮ ወንተረሰና ገሰስትሮኽር ሰርገይስሮኽር አረረኩላ። 45 45.እንሲን ፈሮ ኒ ልድ ጂበው አሪው ለጘታ ሽዋጢን አዶ ኒልትወኲ እማ እን አዳም ኒ መናበረት ጃበሪልድ ደንበራ ጂብሮሉ ግን እና አሰል ምቊልድሪ ኒሰና አርዶላ ግን። ኢየሱስር ወንዲ 46 46.ናኸ ከውዲ ጂጝስቱ ኒ ገናዲ ኒ ሻንዲ አርድኖሉ እንትኑዅ እማ ጭምድሊ አኽኖ ጨበርንዅሉ። 47 47.ላ አዳም-ኻ “ነት ኲገናዲ ኩሻንዲ ጭምድል ጋቢድኖካ ጨበረነኩካ” ይኹሉ። 48 48.ኢየሱሳ “አውኒኻ ይገና አውሮውኻናው ይሻን”። 49 50 49-50. ኒ ናንሲ ኒ ታለይቶትሊ ኣኽታሲክ ሐበሮኻ፡ ይገነዲ ይሻንዲ ነን ግን። ውረድ ዓስተርሊ ህንባ ይኽርድ ምራድሲ እሰው ካያ ግን ይዳንዲ ይሻኒዲ ይገነዲ ይኹሎም።
1 1.ኢየሱስ እንስከር ግርጋትሊ ልጝልድ ፈ ባሐር ሸሊ ፈሮከፍዮዅ። 2 2.ከው ከላእኻ እንኲልኲልስኖ እንትንኹሉ።እንሲን ታንኳትል ትዎ፡ከፍይራስክ እንከውናውክ ባሐር ሸሊ እንኲልኲልስኑዂ። 3 3.ድግምድ እሴኻ ገሪ ወሪታትድ ጂጝስቲኹሎም። 4 4.ፈደንታ ግርዋ አረሳ፡ጐዲሮ ሰገሩዂ፡ፈዱንሱካ እንፈደንልድ ላው ደርብል ለቡዅ፡ጀከል እንቶኻ አባበይኹሎም። 5 5.ላዋ ብታ እንጋ ተርኰሪል ለቢዅ፡ወለይዶኻ በኰሉዅ። 6 6.ኳራ ፍሮሰናኻ ንርድ ንርድ ሰዋሰይስጚዅ፡ብታ ብናዲጛ ኢዱዅ። 7 7.ላው ይኸ እክክማ ነበክል ለቡዅ፡እማ እክክምድ ለለቅሶ ክሩዅ። 8 8.ላውኻ ትክያ ከረመኒል ለቡዅ እማ፡ሊኽ ፍሪተውልድ፡ወልትረጝን ፍሪተውልድ፡ሰዀረጝን ፍሪተውልድ አዅኲ። 9 9.ዋሳእ ንቊዋ ሻዅክ ዋስኒኻይኹሎም። 10 10.ኒ ታለይቱት ስኲር ይኖ “አበዲ እንቲ ውረድ ግን ድግምድ ካያ ጋብራኹንሎም” ይንኹሉ። 11 11.ኒኻ ነዋዮ ወንተስኹሎም፡ “ስቱር ሲመር ጃሩዅሲ አርእርኖ እንተድ ካያ ግን እውስቶ ህንባዅ ግን ግራ ናድ እውስቶሎም እላ። 12 12.ውረድ ክመዅድ እውስትሮሉ ግን፡ገድኻ ተበብሮ ግን፡እን እንጋኹድ ደአም እን ከለለው ህንበውስኽር አስትሮሉ ግን። 13 13.ነን ቋሉኑኻ ቋለገው፡ዋሱኑኻ ዋሰገው አኽነውድ ሰበትድ ግን አን ድግምድ ጋባኹሎም። 14 14-15.እን ነቢ ኢሰይያስ “ዋስነሳኻ ዋሰድኖ ግን ደአም ላሪ ድኳ ፈጠንድኖ አኽኒ፡ና ዕልልድ መኸልትድኖ ግን፡ደአም ላሪ ፈሃምድኖ አኽኒ ውረድ ናዕንቊቁውድ ዋሰግኒን፡ናዕልልድኻ ቋልግኒን፡ና ለበከድር ፈሃም ግኒን እማ ወንተርግኒን፡አንኻ ትልል ጊኒልም ና ዕንቊቁውሲ አበድኑዅ፡ናዕልልስኻ ሽጙስኑዅ፡እናለበካ ከውነዱኽው ገሪዅ ሒለቱዅ ግን” ያዅ ና አኾርሊ አቅትሮር መታን ኒን አኹዅ። 16 16.ደአም እንትን እንታ ዕልልኻ ነስ ቋለው፡እንታ ዕንቊቁውኻ ነስ ዋሰው ገዱ ግን። 17 17.ውረድ ገሪው ሻትካንዲ ነቢያትዲ እና እንትን ቋልደናዅስኽር ዋስደናዅስኽር፡ቋልድኖኽር ዋስድኖኽር ሸንህስቱኑ ሰጘነኲ አክለሎምኻ። እንክና ድግም ኤረሲዅሲ 18 18.እማ ገድም ስቱር እና ድግሙዅሲ በርህድያኩም ሸኑረለ። 19 19.ላዅ እን ጋባ ሲመር ጃርኲዲት ዋሰኩላ፡ደአም ላሪ ድኳ ፈጠነለላ።አባይ እንቶኻ እን ጋበት ሸተፈኩላ፡ኒኒ እንፈደና ደርብል ለብረሪር ድግም ግን። 20 20.እንተርኰሪል ለብረሪ ፈደናኻ ላዅ እንጋበት ዋሶሰና ንርድ ንርድ ፈርሐትድ ከለብራዅላ ግን። 21 21.ደአም ሰልወሻኻ ውረድ እን ጋበር ሰበትድ ማሕገዲ ህርብዲ አረርሰነሉ አሸሾ ከየነኲ። 22 22.እን እክክመል ለብራ ፈደናኻ፡እን ግርዋ ጋበት ዋሳዅ ግን ደአም ኒ ቀልብ ብሪዅድ ካያ ግን።ሃመት ገዲ ተባብዲሩዅድ እን ጋባ ለለቅስሮ ፍግሪ ከብተቲ። 23 23.እን ከረመና ሳዅል ለብራ ፈደናኻ እን ጋበት ፈጠኖ ዋሳዅዲ ፈሃማዅዲትሪ ግን።ኒን እምንድክ ሊኽልድ፡ወልትረጝንልድ፡ሰዅረጝንልድ ፍሪሰኩላ። 24 ድግም ጀርጉዅዲ ክርዳዲዅዲ(ቊልላሕዲ) 24.ይኸ ነዋዮ ኤሪ ድግም ኮዶ ጂጝስቲኹልሎም፡ “ሲመር ጃሩዅ ላአረሳ ኒ ከረመኒል ፈደን ትክየው ፈደዅሲ ተከኲ። 25 25.ደአም ቂር ከው ገንጁ ኒ አባይ እንቶ ትክያ ፈደን ነበክል ክያወውሲ ፈዲኹሉ። 26 26.በኰሎ ሱሪቶሰናኻ እንሲን እን ክያወውር ና ነበክል ቋልስቱዅ። 27 27.አረስ ነስ ቋልኖሰና፡እን ኪድጝ አደሪል እንትኑዅ እማ “ድዊና እንቲ ኲኪድጝሊ ትክያ ፈደን ፈዲግራ ኽርማ፡ነን እና አሪ ድክር አዊልድ እንተው ናው” ይንኹሉ። 28 28.ኒኻ “ነስ ሃበ ህንባዅ ይአባይ ግን” ይኹሎም እን ኤረስኻ “እማ ኲምራድማ ምኲድኖሎም፧” ይንኹሉ። 29 29.ኒኻ “ኢፋልኩም ህምባ ግጃ፡ክያወውሲ ያዕይትኖ ይዱኑ ትክየውሲ ናዲ ለከምግድኒን(ምኲድግድኒን)። 30 30.መሹው አኸራሲክ ላት ለገድሮ ባራ ክብኒ ወክት አኾሰና እን አረስሲ በደርድኖ እን ኤሪ ድክርሲ ከባ፡እማ ላት ኰመረሎም፡ሐውይሮር መታን።ደንበረድ እን ትክየውሲ ከባ እማ ሐበሲተል ዔሰሎም ይያሎ ግን ይኹሎም። እድሪ ፈደነዲ መኮት ዐቊዲ 31 31.ይኸ አሪ ድግም ነወዮ ጂጝስቲኹሎም፡ሲመር ዓስተርዅ ላ አረሳ ኒ ኪድጝል ፈደሪት ፈደና እድሪሪት ተከኲ፡ 32 32.እምንድክ ኒኒ ናድከልድ ሽጉረሪ ፈደና ግን በኮልደሰና ደአም ጀከል እንቶ ንር ለንክከል ከፍ ይራሲክ ካና ከላእኮት አከቲ። 33 33.ይኸ ኮዶ ሲመር ጃርዅ፡ላ እዅና፡እቅቱገ መኮት አቊአድሮ ሰዃ ርብዒት ላቅሲ ቊጥድራኲሲ ተከኲ። 34 34.ነሀበ ኢየሱስ ኒትክ ድግምድ ካያ ጋብሎም ሰጝኲ። 35 35.ኒንኻ ነቢያትድ “ይ አብድ ድግም ጋቢያ ግን እርድ መሀድ ሰንትልድ ንኪትል አኽታሲክ ትብቶ ሰጛዅሲ በርህድያ ግን” ያዅ አኽሮር መታን ግን። 36 36.ኒድ ኒድ ከውሲ ስብዶኻ ልጝል ትዉዅ።ኒ ታለይቱት ኒል ስኲር ይኖኻ እና ፈደን ኪያወውድ ድግምሲ እንኪልና ይንዅሉ። 37 37.ንኻ ፈደን ትክየውሲ፡ፈደዅ አዳሚንድዅራ ግን። 38 38.ኪድጛ እርድግን፡ፈደን ትክየዋ ጀነት ቊር ግን፡ፈደን ኪያወዋ ሸጣን ቊር ግን፡ 39 39.ፈደን ኪያወውሲ ፈዳዅ እን አባይ ሸጣን ግን፡ከብና ወክት፡ደንጎባ እርድ ግን አረስ ከበንቲኻ መላአኽቲ ግን። 40 40.እን በዳናንሲ እን ኩልኲልኖ ሐውይሮ ላኺል ማለውሰና፡ደንጎባ እርድሊኽር ኒሰና አኽሮ ግን። 41 41.አዳሚንድዅራ-ኒ መለክሲ እንሸቅራ ናዋ ናትክ እን አንቃራ ከውዲ ሀሽከበውዲ እን ኩልኩልድኖሎም ግን። 42 42.መለለዖት ትክሰ ሐውያዅላ ማልድኖሎም ግን፡ኒላ ስረነዲ እርኩኳ ሕርቂቅርነዲ አኽሮ ግን። 43 43.እንሲን እንሐላል ቊር ሲመር ናኽር ጃርድኹል ካኒ ሰና ትልጭይድኖ ግን፡እን እንቊዋ ዋስረሪ ክመዅክ ሰኑርኒ። 44 ጘዲ ከባ ሶሚተዲ 44.ሲመር ዓስተሩዅ ገድ ላግርዋ ኪድጝል ትብትሮ አራኹ ድሰና ግን፡ኒን አረሰነላ ትብሰኲላ እማ ፈርሐትድ ኒሻኻ ርድቅሲ ክዶ እንብረስ ጅባዅሲ ተከቲ። 45 46 45-46.ኮዶ ሐዲስድ ይዅሎም ሲመር ዓስተርዅ፡ላሰቃጣ፡ሶሚት (ከብ) ሸኻሩ ጀረቡ ፈራኲሲ ተከቲ፡ላሶሚት ምልምሊት አሮሰናኻ ኒ ሻውሲክ ክዶ ጅባዅሲ ተከቲ። 47 47.ኮዶ ይኾ ሲመር ዓስተሩዅ ሰቅለት ባሐርሊ ማልሶ ገሪ ጅንስ ዓሳታት አባባያኲ፡ 48 48.እማ እን ሸቕሌጥ እንታ ኻሰና፡ከደመው በሐር ሸሊ አኽኖ ፍሪርኖ ትክየው ሲክ ና እራኮል እሰው በዳናንስኻ ከደን ማለውሲ ተከቲ። 49 49.ደንጎቢ እርድሊ ኒሰና ኒሰና አክሮ ግን፡ማላእኽቲ እን ምቚልሲ፡በካይታ ነበክልድ ሲዲድኖሎም ግን። 50 50.መለለዖ ሐውያዅሊኻ አጎድኖሎም ግን።ኒልኻ ስረነዲ እርኩኳ ሐርቀቀምንርዲ አኽሮ ግን። 51 51.ነስናትክ ፈጠንድኖማ፡ህንብደናዅን፡ይኹሎም ናዋ የዋ ይንዅሉ። 52 52.ንኻ “ኒውክ ሲመር ጃርዅድ መሃርሳዅ ከታባ፡እን ኒ እንድቢልድ ሐዳይስዲ ገዳይምዲ ፍዳዅልጝን አደረስ ተከቲ ይዅሎም። ኢየሱስቲ ኒኮቕር ቃበብነትሉ 53 53. ኢየሱስ እና ድግም ነስ ዮሎም ደምቢ ኒልድ ፈርዅ፡ 54 54. ኒ ኮል አተየሰናኻ ና ቤት ጸሎትሊ ቱዎ ክንሲሮሎም ተርሲዅ፡ናዋ ፍክር አኾሎም፡ “ነስካ አርእጝዲ ለበኪትነዲ፡ኒን አዊልድ ክንተው ናው ? 55 55. አበዲ ኒን፡እን ካን ሸረበንታ አኽለማ ኒ ኽር? ኒ ገና ኻ ማርያም አኽግረሪማ ንርስጙ፡ኒ ሻጛ ያዕቆብረው ዮሰፍረው፡ስምዖንደው ይሁደረው አኽገውማ ናው? 56 56. ኒ ሻን እንቃቓ ናውክ ነት ይነዲ አልኒማ ? እማ ኒን ንስካ ለበኪትነስ አዊልድ ናቅሶሉ ይንዅ። 57 57.ንድኻ የናዅሲክ አርእንብስቲዅሎም።እንሲን ኢየሱስ ና አማነት፡ሽጉ፡ፈከርዶሉ “ነቢ ኒኮልር ኒ ልጝንሊኽር፡ካያ ቃበብሰኲ”ይኹሎም። 58 58.ና አማነት ነቀስነድኻ ከለላ አምራት ካያ እሲዂ።
1 1.እንሰከር ግርጋትሊ ንጉስ ሄሮድስ ሰጀር ሲመርዅ ኢየሱስር ሳብርሲ ዋስዅ እማ፡ 2 2.ኒ ሐይሳንሲ ሽጘ ኒን የሐንስ ጠመቅደንታ ግን።ኒን ንግን ክሪልድ ጐ አምራት እሰኲ እንኲዅ ዩንሲክ ጂጚስቲዅሎም። 3 3.ሄሮድስ የሐንስቲ ኒ ዳን ፍሊጶስቊ ሄሮዲያደር ሰበትድ እንሸዎሉ ሰጘኲ። 4 4.ኒንኻ የሐንስ ኩዳን ድቊት ለውቶ ወጀበከካ ያኹሉ አኽነዲን ኩሮሉ ጀረቡ ሰጘኲ። 5 5.ደአም ከው የሐንስቲ ነቢርሰና ከለብሩኑ ሰጚኒነዲን ናት ጓቊቱኽ። 6 6.ሄሮድስ ኒ እዃርሳ ግርጊላ በዐል እሲዅ፡ኒላ ሄሮዲያዳሲ ንርቊራ ካተርዶ ገቢለታ ጃብል ሰስዕርዶ ሄሮዱስቲ ፈርሕድቲሊ። 7 7.ንድኻ ንሪ ጀረብራኹሲክ ኡሮላ፡ወላ ኒ ሲመር ገፍ አከጝር ሸክኹላ፡ 8 8.ንርኻ ንርገነር ኰድጘስ ዋስሮ፡ “የሐንስ መጥምቅር አኾርሲ ነት እና ግባርሊ እስረ ነኸለ” ይቲሉ። 9 9.ንጉስ ገሪኹ ቊርቊርትዅ ደአም፡ኒ ሸርኒ ሰበትድኽር ኒገ ቢለትሲስማርነድር፡ ንሪ ጀረብረሰነክ አኽሮላ አጃ ይዅ። 10 10.እን ኒ እንሸውሳ እርጋ አካንሊ እንሸቆኻ፡የሐንስቲ በረኺስኹሉ። 11 11.እንበረኸውኻ አኾርሲ፡ግባርሊ እሲነ ነቅስንዅ እማ እን አኢሲ ኡንኹላ፡አይኢኻ ንርገነሲ ኡቲሉ። 12 12.ኒ አጋር ዋስነሰና ኒ ግናደትሲ አድኖ ደቢኒኹሉ።ፈርኖኻ ኢየሱሲ ድዊኒኹሉ፡ ይና አደራ ኢየሱስ ኒ ሰልፍ ወክት ሳንሳዓስ በጀኽደት 13 13.ኢየሱስ እና ወራት ኒስ ዋሶሰና ታንኳትል አኾ ኒልድ ዕጭጭ ይሮ አው ከደንሊ ፈርዅ።እን ከው አዊል ዋንተት ዋስንነዲን ደገጊተልድ ናል ኲኩድ ገሪው ለሄክንኹሉ። 14 14.ብሪል ገሞሰናኻ ፡ጨበረውሲሉ ቋለሶና ሰኸንድንኹሉ።ናትክ ና ምግዱራንሲካ እቢስዅሎም። 15 15.ዐመቅረብ አኾሰና ኒ ታለይቱት ስኩር ይኖ፡ “እና ይን ህንብናዃ ከደን ግን፡ኳራኻ ለበቲ ውራ እንቲ እና ከውሲ ደገጊተል ዔርኖ ሙነት ጀረቢድኖ ስብደለሎ ይንዅሉ። 16 16.ኢየሱስኻ ላሪ ስብድና ጀረብደለሎም እንትን ቊሰሎም ይዅሎም። 17 17.ናዋ ይናዲ አንኳ ሳንስዓዲ ለጛ ዓሰዲ ካያ ህንባኲና፡ነዲክ ውራ አቅትሮሎም ገረሳኹን ይንኹሉ። 18 18.ንኻ እንደ ነት ይል ነቅሰለ ይኹሎም። 19 19.እንሲን ከውሲ ሻንኪል ከፍ-ያ ዮኻ፡እን አንኳ ሳንሳዓዲ ለጛ ዓሰዲት አዶ፡ዕልልሲ ዓስተርሊ አኽታሲክ ሰምሰ፡ገውሮ ሳንስዕሲ ሸረፎ ኒ ታለይቱትድ እውዅሎም፡ናውኻ እንከውድ ስኩስንዅሎም። 20 20.ናውክ ቊኖ ብትኖኻ፡ሽካ ለጛ ሰባ ከብተው እንሰኽኖ ጉድንዅ። 21 21.እን ቄው እኲንዲ ግናቲዲት ሺብግሪ ግርው ካያ አንኳ ስሕ አከው እርግንዅ። ኢየሱስ አቊድ አቊ ፈረት 22 22.እንሲን ኢየሱስ እንከውሲ ስብድራሲክ ኒ ታለይቱሲ ፈራ ወለይዳ ታንኳትድ በሐርሲ ካርድኖ ዲየለ ይኹሎም። 23 23.ከውሲ ስብዶኻ ጸሎት እሲሮ ኒቱ ጊሪል ተረገስዅ፡አመቅረብ አኽራሲካ ኒል ኩንዅ፡ 24 24.እንታንኳኻ ወላውል ጃብረድ እሲነዲስ ሒል እሰላ ደንቢራ ወንተርስኹላ፡ብሪልዳ ሺሽድሮ፡እንደራ በሐር ነበክል እርግቲ። 25 25.ኢየሱስ ሰዓት ሰጃ ቂራኹድ አቚ ፈሩ ናል አኽታሲክ እንትኹሎም። 26 26.ኒ ታለይቱት፡አቊድ አቚ ፈራዅሲ ቋልነሰና ሸጣን ተከሎም በኻኽርንዅ፡ጓቊስኻ መውዒታትሲ ትብልንዅ። 27 27.ኢየሱስኻ እሽሽዮ አረጋ ጓቊትጋ አን ግን ይዅሎም። 28 28.በጥሮስኻ ክልብርሰ “እማ እንቲ አክረን ይአደራ እንደ አቊድ አቚ ኩል እንትያ ሽጚለ” ይዅሉ።ኢየሱሳ “ላዅ” ይኹሉ። 29 29.እንሲን በጥሮስ ታንኳ-ትልድ ገሞ አቚደቚ፡ኒ ል አኽራሲ ፈርዶ ተርዩዅ። 30 30.ፈሩኻ ወላውል ከለአንሲ እሲዅ እማ ተረቅሮ ጉዅ፡እንሲን ታንተ “ዎ ይአደራ እልሊለ” ዩንሲክ መውዒት ሄበቡዅ። 31 31.ኢየሱስኻ ንርድ ንርድ፡ናንሲ ጠለቆ ለመጭሲኹሉ እማ “ኣማነት እንጋ ግርዋ፡ውሪዅ ተሐደብርኹን” ይኹሉ። 32 32.ታንኳትል ቱውነሰነኻ እንወላውል ድግ ይዅ። 33 33.እንታንኳትል እርገዋ ኒስተካ ጋርሲ ቋልኖሰና፡ “እንቲ እምንድክ ጃር ኹራ ግን ዩኑ ኒ ጃብል ሐርበጥንኹ፡ 34 34.በሐርሲ ካርኖሰነኻ፡ገንሳረትር ብሪል እንቱዅ። 35 35.ኮቊር ኒ እንተር ነስ ዋስኖሰና ደገጊተል ናልክ እንሸቅኖ ዋንተ ሽኹሽታኹሲክ ነቅስንኹሉ። 36 36.ቊጭን ኒ ታዊኒ ኹሲ ካያ ተመድኖኻ ሸንሁኑ እርግኑዅ፡እን ተመደውካ ናውክ እቢሩኑ እርግንኹ።
1 1.ላው ኢዮሩሳሌምትልድ እንተው ከታበንዲ ፈሪሳንዲ ኢየሱስትል ስኩር ይኖ፡ 2 2.“አበዲ ውራ ማዕነትድ ግን እና ኩታለይቱት፡ናንትትሲ እንቃርግኒ፡ቊነድ እኽርስኮ ዕደትሲ ዳደናኹን” ይንኹሉ። 3 3.ኢየሱስ ክልብርሰ ፡እንትን 4 4.ውሪ ማዕነትድ እንታ ስርዕትሲ እሲትኖ ይድኖ ትእዳዳት ጃሩሲ ዳደናኹን። 5 5.ውራ ጃር “ኩኹርዲ፡ኩገነዲት ከበርዲ ይጋዅማ፡ይኸ ኒኽርዲ ኒገነዲት እሸዅክ ክውስትኒ ይስቶ እለማ፡ደአም እንትን “አኻኹክ ይድ ሰደቀት ሽትክ አኽሮለ ግን” ያዅ ኒኽርዲ ኒገነዲት ከበርድሮ እለሉ፡ይደነኲ። 6 6.ንድኻ እንታ ስርዕ መታን ፡ጃር ጋበት ዳደነኲ(ዐበስድደነኲ)። 7 7.ነበንቲ ካይናን፡ነቢ ኢሳያስ ኒእምንለ፡ 8 8. “እና ከው ነን ና አብድ ሳበነኩለ ግራ፡ና ለፈክድ ይልድ እንደራ ሺሮ ህንበው ግን። 9 9.ነን ከዋ ስርዕ ካያ ክንሱኑ ይት ግምሽድ ሳበነኩለ ዩንሲክ እንተድ ግርም ጋበ ህንበኲ። 10 10.ከውሲ ኒ ሹትል ሽጘኻ “ናን ሸኑራኽር ፈጠናኽር፡ 11 11.ከውሲ አማቅዳዅ አብድ ትዋዅ አኽላ፡እን አብድ ፋዅ፡ግን ኒት አመቅዳኹ”፡ይኹሎም። 12 12.ኒታለይቱት እንሲን ኒል ስኩር ይኖ “እንቲ ኩላንቅድ ፈሪሳንድ አንቋራ አኽሮ ዋንትረት አርእስቶማካ ህንባኹን”፡ይንኹሉ። 13 13.ንኻ “ዓስተርሊ ህንባ ይኽር ተከልጋ ካነክ ኒውክ ኒ ስርልድ ምኩርስሮ ግን። 14 14.እንደራ የሎም፡ ዓረብ ዓረብሲ ዋለየው ግን፡ዓረብ ዓረብሲ ዋለየን ለጛክ ጎቅል ግን ና ለብና። 15 15.በጥሮስ “እንደ በርህዲና”፡ይኹሉ 16 16.ኢየሱስ “እንትጝርማ ናን አኽራሲክ ለበኪድኖ እልድኒ፡ 17 17.እን አብል ትዋዅክ ጎድጉል፡ደኮክ ጎድጉልዳ ድግድግል ፈረት አርእድንማ ? 18 18.እን አብድ ፋዅ ለበኪልድ ፋዅ አኽነዲን፡ ኒን ግን አዳምቲ አማቅዳዅ። 19 19.ውረድ አበኪልድ፡ሀመት ምቊላዲ፡ተነኽነዲ፡ኩነዲ፡ነፈስነዲ፡ስዋንዲ፡ብንድ ሽርነዲ ጃኸንዲ ልኽነዲ 20 20.ነን ናውክ ለበኪልድ ፋው ግን።ነን ግን አዳምቲ አመቅደው ግን ግራ ናንትትሲ እንቃርግሪ ቊና አኽላ ይኹሎም። እዅና ከነንትሪ 21 21.ኢየሱስ ኒልድ ጐ ጢሮስዲ ሲዶና ዲር ብሪል ገለድዅ። 22 22.ኒልኻ እና ሐን፡ላ እዅና ከንአንትሪ እንትሮ “ዎ ይአደራ ዳዊትዅራ፡ይቊረት ጅኑን ሻኾላ ገሪዅ ሐተር ደኩላ እንኩዅ እማ ሰኸንቲለ” ይሩንሲክ ኒ ጃብል መውዒት እስረ ሐርበጥቲ። 23 23.ኢየሱሳ ላሪ ወንተስላላ።ኒ ታለይቱት ኒል ስኩር ይኖ “ይና ጉርበትል አኽሮ ጀረብድረሪትና ውራ ስብደለላ” ይንዅኩ። 24 24.ንኻ “አን እስራኤልድ ኮልድ ድድሮ ህንብረሪ በግሲ ካያ ጀረቢያ እንሻቅሶ ፡ህንባኽር ግን”ይዅሎም። 25 25.ንርኻ “ዎ ይአደራ እልሊለ” ይሩ ኒ ጃብል ለብቲ። 26 26.ናኻ “ሳንስዓ እቊርልድ ባሪስሮ ግሸጝድ ኡና ትክያኹ አኽላ”፡ይዅላ። 27 27.የዋ ኩ እምን ግን ይአደራ ግሽጝኽር ና አደርታ ግባርልድ ላባዅሲ ቋነኲ ይቲሉ። 28 28.እንሲን ኢየሱስ ንርጋብድ ፈከርሶ “እንቲ፡እዂና ኩ እምነት ንሄር ኮት ግን ፈሪ እንቲ ጀረብራዅ ሰና አኹንኩት” ይኹላ።እንሲንጛ ንርቊራ እቢርቲላ። ኢየሱስ ሊጘር ወክት ሳንስዓ በጀኽደት 29 29.ኢየሱስ ኒልድ ጐ ገሊለር ባሐር ሸሊ አኽታሲክ ፈሮ ጊሪል ተረገስዅ። 30 30.ኒላ፡ከው ከላእ ዓቀልሰውዲ ደልጓሳንዲ፡ዐረፍዲ፡ጨማማንዲ፡ልጉማንዲ፡ኤሪው ገሪ ሽዅዳ ሻውዲ ናቅስንዅሉ እማ ኒ ጃብል ስኩስንዅሉ፡ንኻ፡ናትክ ትልልዅሎም። 31 31.እን ከውኻ ልጉማንኻ ጋበው ደልጓሳንኻ ጠለቅሶ ፈረው፡ዕቊላንኻ እርወትል ዳደው፡ዐረፍኻ ቋለው፡ኒስ ተካ ብሽራትሲ ቋልነሰና፡እምንድክ ፈከርስንዅ እስራኤልዲ ጃር ስኻ ሐመድንዅ። 32 32.ንደምቢ ኢየሱሳ ኒ ታለይቱትሲ ሽጘ “እና ከው ሰኸን ደነኩለ ና ሲኾር ኳራ ግን ናው ይዲ ናው ህንበናኹ ላሪ ቊስታዅ፡እንገት ና አብድ ፈሲያሎም ጀረበሊ፡ደርብል ቂልስግኒን” ይኹሎም። 33 33.ኒ ታለይቱታ “ይን ህንብናዃ ከደን ነዲክ አቅታ ሳንሲዕ አዊልድ ነቅስኖሎም” ይንኹሉ። 34 34.ኢየሱስ “ውሪካ ሳንሲዕ ሻኽድንዅን” ይኹሎም። 35 35.እንሲን ከውሲ ብሪል ዓገሊስዅሎም። 36 36.እን ለጘታ ሳንስዓዲ ከለላ ዓሰዲት አዶኻ ጃርሲ ሐመዶ ሸረረፎ ኒ ታለይቱትድ እውኹሎም፡ናዋ ከለብርኖ፡ከወድ በንንጚኒዅሎም። 37 37.ናውኻ ናውክ ብድናሲክ ቊኖ ከብተው (ባረንሲ) ለጘታ ሰባ እን ስኽኖ ጉድኑዅ። 38 38.እን ቄው እኲንዲ ግናቲዲት እንገት፡ሰጃ ስሕ እርግንዅ። 39 39.ከውሲ ስብዶኻ ታንኮድ፡መግደለር ሸሊ እንቱዅ።
1 1.ፈሪሳንዲ ሰዱቃንዲ ኒል እንትኖ፡ቀየስድኖሉ ይኖ ዓስተርልድ ላሻረት ቋሊስሮሎም ሺዊኒኹሉ። 2 2.ኒኻ “እንትን ኲርጚረድ ብርጃር ሰረራዅሲ ቋልድነን ንኪ ወክት ምልምል አኽሮ ግን፡ይደነኲ። 3 3.ጉራብድ ብኳን ሰረውሲ እሰን ንኪ ስዋ ሒለቱዅ፡ለብሮ ግን ፡ይደነኲ።ንድሰና ሃብዲነ እንትን ትክስዲነ ሐለት ዓሰተሩዅሲ ፈረግደናኽር፡እሻረት ውክቱዅ አዋኸ አርእንብስታኹንኩም። 4 4.ነበንቲ አሰል ጠራራንዲ ናፍሳንዲ እሻረት ሺወነኲ እንኲኑዅ፡ላኪን ዮናስር እሻረት ንኻ ኤሪዅ እውስተለሎም፡ዮ ባሮሎም ፈሩዅ። 5 5.ኒራ እንደራ ወረበስ ካሮሰናኻ ኒ ታለይቱት ሳንሰዓ አድነስ ምኺርኑዅ። 6 6.ኢየሱስኻ “መኰት ዓቊ ፈሪሳንዲሩዲ ሰዱቃኑዲትልድ ፈጠናና፡እውስትጋ” ይኹሎም። 7 7.ናዋ ሳንሳዓ ምኽርንነዲን ግን ኒ ነስ ያዅና ይኖ ናሹርናሹ ሕሽኲሽኲ ይኑዅ። 8 8.ኢየሱስ ና ሐሳብሲ ፈሃሞ “ነበንቲ ከለላ እምነቱ፡ውራ አኽዲነ ግን እንተሹር እንተሹ ሳንሳዓ አድግናኽር አኽንነዲን ይድኖ ጉድዕድዕ ይደናኹን ? 9 9.ናን አኽራሲክማ ለበኪትድኖ እልድኒ ምኺርድኖማ እን አንኳ ሳንስዓ አንኳ ሲሕ ግርወድ አቅተድ ውሪኮ ሰበኻ እንታኾ ከብተት። 10 10.ወሪይኸ እን ለጘታ ሳንሳዓ ሰጃስሕ ግርወድ አቅተድ ውሪኮ ሰባ እንሳኽድኖ ጉድነት ? 11 11.መኰት ዓቊ ፈሪሳኑልድኽር ሰዱቃኑልድኽር የንኩም ሳንስዓድ አኽገት አን ጋበኹኩም ፈሃመግደናኽርማ ? ይኹሎም። 12 12.እንሲን ና ምህሮትልድ ግን ግራ ና ሳንስዕልድ አኽገት አርእስትኹሎም። በጥሮስር እምነትዲ-ሲመርዲ 13 13.ኢየሱስ ቂሳርያ ፍሊጶስሩዅል ዔረሰናኻ ኒ ታለይቱትሲ ነዋዮ ወንቀሩኹሎም “ ከው አዳሚንድዅረስ ኤውኒ ግን የናኹንሉ” ይኹሎም። 14 14.ናዋ “ላዋ የሐንስ መጥምቅ ግን የነኩካ፡ላዋ ኤልያስ፡ላዋ ይኸ ኤርምያስ ወሪ ነብያትልድ ላዅ ግን የነኩካ” ይንኹሉ። 15 15.”እንትጛ ኤውኒ ግን ይደናኹንለ?” ይኹሎም። 16 16.ቤጥሮስ ክልብርሰ “እንቲ ክርስቶስ መሲሕ ጃር ዲማ ዳይም ህንባኹዲ እዅራ ግን” ይኹሉ። 17 17.ኢየሱሳ ነዋ ይኹሉ፡ “ስምዖን ዮናዅራ እንቲ ገዱዅ ግን፡ስኻኽር ብርኽር አኽላ ኒስ አርእሳኢሳኹካ፡እን ዓስተርሊ ህንባ ይኽር ግን”። 18 18.አጛ የኹንካ እንቲ ሸሻ ግን፡አና ሸሻ ኒልኻ ይበክስታንሲ ገበሪያግን፡ሰጣጝር አባይር ቂልዶላ፡ላሪ ዓቅም እለሉ። 19 19.መፈትሕ (መርሖራ) ሲመር ዓስተሩዅሲ እውየካ ግን።እን ብሪል እንሸውራዅክ ኒ ውክ ሰሚል እንሸውስሮ ግን፡እንቲ ብሪል እንክራዃ ሰሚልር እንክሰትሮ ግን” ይኹሉ። 20 20.ንደምቢ ኒ ታለይቱትሲ ኒ ክርስቶስ አኸት ላዅድ ድወግኒን ተብዶ ገቢኹሎም። 21 21.ኢየሱስ ኒ ታለይቱትሲ ኢየሩሳሌምትል ፈርዶ ዋነትሉ፡ኒልኻ ከዋ በህሊንድኽር-አምራን አቅሽትድ አከጝር ከታበንድር፡ገሪማሕገድ አርዶሉ አኸት፡ክርዶኽር አኸት፡ደአም ኒ ሲዀር ኳሪል ጓት በርህዶ ጋቢሮልም ተርሲዅ። 22 22.ብጥሮስ ኒቱ ዕጭጭሰሉ “ዎ ያደራ ኒስተካ ጋራዲ ኩል ገእይጊን” ዩ መዀኹኹሉ። 23 23.እንሲን ኢየሱስ ኒል ግልጭዮ ቤጥሮስቲ “ነበንታ ሸጣን ስርግዪ እንደራ ይልድ፡እንቲ ይድ አንቄራ ግን፡ውረድ ስኻ ወራት አኽጋኹ ጃር ደርብ እንግግራኽር ግን” ዩንሲክ ሀለትኹሉ። 24 24.እንሲን ኒ ታለይቱትሲ ነዋ ይኹሎም፡ “እን ይት ተለይሮ ጀረባዅክ ኒሹት እንጠርን ኒ መስቀል ደንደኖ ለሄክንለ። 25 25.ውረድ ኒ ፊዅትሲ ደኤንድሮ ጀረባዅክ ድሂስሮላ ግን፡እን ኒ ፊዅትሲ ይመታን ድሂሳኹኲላኻ አርዶላ ግን። 26 26.ግርዋ እርድሊ ዋነ ገድስክ ኒ ናንተል ሻከን፡ኒ ፍዅትስኻ ድሂሰን ውራ አኽረሉ?ውሪ ይኸ ኒፈዅት አብልክ ውራ ኡጊድ ሻዅ? 27 27.አድእሚንድዅራ ኒ መላእኽትድክ ኒ ኽርድ ሒልድኽር ሳብርድኽር እንተራካክ ላዅሲክ ኒ ወራትሰነክ ኒበነስ ኡሮሉ ግን። 28 28.እምንድክ ይየኩም እና ነት እንተዲ ህንበውልድ አዳሚንድዅረድ ሳቡርሲ ቋልግኒ ክረግነት ፡እምንድክ የኩንኩም”።
1 1.ወልታ ኳራ ደምቢኻ ኢየሱስ በጥሮስዲ ያዕቆብዲ የሐንስ ኒ ዳንዲት አዶ ታቦትር ጊሪል አዶ ፊኹሎም። 2 2.ኒልኻ ና ጃብል ኒ ቋላ በደልስዅ፡ኒ ገሽ ኳሪሰና በርህዅ፡ኒ ታኲንዃ በረድ ሰና ብልታውርዅ፡ 3 3.እናሐን እንሲን ሙሴዲ ኤልያስዲ ኒዲ ጋቡኑ ቋልስትንዅሎም። 4 4.በጥሮስኻ “ዎ ይአደራ ይነድ እምንድክ፡ነት አክና ወርካ ግን፡ኩምራድ አከን ሰዃ ዳስ ላዅሲ ኩድ ላዅሲ ሙሴሲ ላዅሲኻ ኤልያሲ ተከልኖ” ይዅሉ። 5 5.ነሀበ ጋቡኻ ብኳና ባርህ ኩስዅሎም፡እን ብኳኒ ልድኻ “ኒን ይዅራ አን እንከላዅ ኒድ ነገሶ ህንባዅ ግን ፡ኒት ዋሰሉ” ይዅ፡ጋባ እንትዅ። 6 6.ኒ ታለይቱት፡ ኒስ ዋስነሰናብሶትድ ብሪል ክብር ኑዅ። 7 7.ደአም ኢየሱስ ናል ስኩርዮ ተመድዅሎም እማ “ጓ አረጋ ላሪ ጓቊትጋ” ይዅሎም። 8 8.ጉኖ መኸልትነሰነኻ ኢየሱስርንኻ ላሪ ቋልኒ። 9 9.ጊሪልድ ገሙኑኻ አዳሚንድዅራ ክሪልድ ጉራሲክ እና ቋልድና ወራትሲ ላዅድ ድወጋ ይ ዅሎም። 10 10.ኒ ታለይቱታ “እማ ውሪዅ ከታበን ሰልፍ ኤልያስ እንትሮ ግን ያናዅን” ይንዅሉ። 11 11.ንኻ “የዋ እንታ እምን ግን፡ሰልፍድ ኤልያስ ኒትክ ጠፍሕድሮ፡እንትሮ ግን። 12 12.እማ አን ድውየኩም ኤልያስ እማና ጃቢቶ እንትዅ ናዋ ኒ ኦወይሲ ና ምራድ ሰነክ እሲኒዅ።ኒሰና አዳሚንድዅረስ ና ሰበትድ ገሪ ማሕገድ አርዶሉ ግን የኩንኩም” 13 13.እንሲን ኒ ታለይቱት የሐንስ መጥመቅድ አኸት አርእስትዅሎም። ግርዋ ጅን ሻዅሲ እቢሰት 14 14.ኒደምቢ ከወል ገእይኖሰና ላግርዋ ኢየሱስትል እንቶ፡ኒ ጉርብል ለቦ፡ 15 15.”ዎ ይአደራ ይዅራ ሽዅዳ አርቢዅ ሸኾሉ አቅትራሲክ፡እምንድክ፡መጭጭ፡ ይኩሉ፡ላዶንትክ ላኺል ላዶንትካ አቆል ማለኲሉ እማ፡ሰኸንቲለ፡ 16 16.ኩታለይቱትሊ ነቅስኹንሉ ናዋኻ እቢስድኖሉ ገረስኒ”። 17 17.እንሲን ኢየሱስ “ዎ እንትን አሰል ምእክር እንገውዲ ና ደንዲ አውን አኽራሲክ እንተዲ መንደርትያ፡አውን አኽራሲክ ሰብር እስየኩም ግን፡እንደ ነት ይል ነቅሰሉ” ይዅሎም። 18 18.እንሲን ኢየሱስ ቀጡበትድ ጋበሰነሉ፡እንጅን ቊሪልድ መጭዮ ፊዅ፡ኒልድ ተርሰኻ፡እን ቊራ ሽርዊቱኽ። 19 19.ኒ ታለይቱትኻ ኢየሱስቲ ላገፍድ እጭጭ ሲነ አድኖሉ፡ “አበዲ ይን ውረድ ግን ኒ ፍድነስ ቂልስንዅን” ይንዅሉ። 20 20.ንኻ “እንታ አማነት ሽጉነድዋ፡እምን እምንድክ የኩም፡እድሪ ፍሪኮት አኽረሪ አማነት ዋንተንኩም፡እና ጊረስ ጒ እንደራ ስርግ ዪ ፡አር አካንሊ አኺ ይደነንሉ አኽርድኩም ገረሰተጋዅኩም ወራት ዋነገት እምንድ የኩንኩም እንኩዅን 21 21.በደሮ ይኸ ኒሰተካ ጅኑን፡ሹምዲ ጸሎትዲሲ አከገን፡አሪዅድ ፋላኒ” 22 22.ገሊላ አክራሲ ላት ፈሩኑ ኢየሱስ “አዳሚንድዅራ፡ካዋ ናንተል ደኮ እውሰታ ግርጋ ስኩረኲ እንኲዂ። 23 23.ናዋ ኩድኖሉ ግን፡ደአም ኒ ሲኾር ኳሪል ጉሮ ግን”ይኹሎም እማ ገሪዅ በኻኻርኑኹ። ወርኮ ቤት - ጸሎትድ 24 24.ቅፍርናሆምትል ዔርነስና፡እን ወርኮታት ቤት ጸሎት ፍዲስው፡በጥሮሰትል ስኩር ይኖ “ውራ እና እንታ መምህር ወርኮራ ቤት ጸሎትዅሲ ፍደጋዅማ” ይንዅለ። 25 25.ንኻ “ፍዶኲባ” ይዅሎም።ልጝሊ ትዎሰና ኢየሱስ በደሮ “ድዊንደ ስምዕን፡እንደ አበዲ ውራ ተካዅንካ፡አስያም ብሪው፡ወርኮትሲ ናቊር ልድማ አደናዅን፡እማ ገፍርልድ? ዩ ወንቀርዅሉ”። 26 26.በጥሮስኻ፡ “ገፍርልድባ” ይዅሉ።ኢየሱስኻ እማ ናቊራዲ ልላ ግን። 27 27.እማ እምጨደት እንቄራ አኸግኒን ኩሰቕሌት አድሮ ፈርዶ በሐርሊ ማሊ፡እን ሰልፍ ሸኸራ ዓሳ አብል ላሶውልዱራ ወርኪኹ አርቶ ግን ኒት አድሮ፡ይዲ ኲዲሲ እዊሎም ይዅሉ።
1 1.ኒ ታለይቱት ኒል ስኩር ይኖ “ድዊንደ መምህር ሲመር ዓስተርዅል አወያዅ ግን ቅዳዅ አካዅ” ይንዅሉ። 2 2.ኢየሱስ ላቊራ ግናይሲ ኒ ሹትል ሽጐ ናነበክል፡ደውሲዅሉ እማ፡ 3 3. “እምንድክ የኩም እና ግናቲትሰና አከግደነን ሲመር ዓስተርዅል ትወግደነት ይእምንድክ የኩንኩም። 4 4.ናድክልድ በሄር አካዅ ሲመር ጃርዅል እና ግናቲት-ሰና ኒሹት ለጥሰዅ ግን። 5 5. እና ነወየው ቆልዕሲ ይሱጝድ ከለብራዅ፡ ይትግን ንከለብራዅ። 6 6. ደአም ኣኻዅክ አኽን እና ግናቲት ይድ እምነውሲ አንቆሪሰን፡ መጥሓን ድዃሪዅሲ ጉርጕሚል እንሸዎ እንደራ በሐር ነበክል ማለነንሉ ኪድርድሉ። 7 7.አጅዋ እርድ፡አንቆራ እንትሮ ከብተጋዅ ግን ደአም እን ግርዋ ኒ ሰበትድ አንቆራ እንተራዅ ማላሉ። 8 8.ኩናን ወሪ ኲልኲ ከቲሰንካ ነተፍሮ ኩልድ እንደራ ማልዶ ባሪ፡ኩለጛ ናንትትድ ኩለጛ ልኩኩዲዲ ላኻ ዲመዳይምዅል ቱኒልድ ኲቁሩጭድ ወሪ ኩሐንካስድ ሲመር ጃርዅል አተይረን ኩደኩካ። 9 9.ይኸ ኩዕሊ ከቲስረንካ፡ኩልድ ቆቆልዶ ፍድሮ ማሊላ፡ወረድ ኩለጛ ዕልልዲ ላኽሊ ቱረውልድ ላዕሊዲ ጨላሕ አኽሮ ሲመር ጃርዅል ቱና ኪደኩካ። 10 10.እና ግናቲልድ ላዅሲ ቃበብግድኒን ፈጠነኩም ውረድ ዓስተርሊ ናመላእኽጢ ዲማ ዳይም፡ይኽርድ ገሺ ዓፈየው ግን፡የኩንኩም። 11 11.ውረድ አርእትኖ፡አደሚንድኹራ፡ኒ እንቶ ህንባዅ ድዶውሲ እልልዶ ግን። 12 በጋ ድድረሪር ድግም 12.እንደ ዋሳ ውራ ተካዅንኩም፡ላግርዋ ሊኽ በግ ሰጘቲሉ ፡ናልድኻ ላሪ ድድረንሉ፡ንሂት ጀረቢሮዮ፡እን ሰስረጝንዲ ሰሰት ባሮ ፈርጊድማ ? 13 13.አረስነኻላ እን ሰስረጝንዲ ሰሰትልድ ንርድ ፈርሕሮ ግን የኩንኩም። 14 14.እማ ኒሰና እና ግናቲትልድ ላዅ ድኳ ድድሮ፡እን እንተኽር ዓስተርሊ ህንባዅድ ምራድ አኽላ፡ ኩዳንሲ መኾዅና 15 15.ኩዳን ደመለንካ ኒቱ አድሮ መኾዅሉ። 16 16.ዋስንካ ኩዳን አርድዅ፡አበዲ ዋስነስ ጉሸንካኻ፡ኲዲ ላዅ ውሪ ለጛ አድሮ ጋቢሉ፡ውረድ ውል ለጛ ወሪ ይኸ ሰዀር ጃብል አኾ ድጙስትሮ። 17 17.ነስር ዋስነሰ ጉሽን በክስታንድ ድዊ፡ይኸ በክስታንሲኽር ጉሸን፡ምእክር እንጋዅሰና ሀብረ ቋሊሉ። 18 18.እምንድክ ድውየኩም፡ኒውክ ብሪል እንሸውድናዅክ ዓስተርሊኽር እንሸውስሮ ግን፡ኒውክ ብሪል እንክድናዅካ፡ዓስተርሊኽር እንክስትሮ ግን። 19 19.ይኸ ለጛ እንተልድ ላለበከድ አኽኖ እና ብሪል፡እን ዓስተርሊ ህንባ ይኽርሲ ሺወነን ኡሮሎም ግን። 20 20.ውረድ ለጛ ወሪ ሰዃ ይስጙድ ዲቢተነን፡አን ናነበክል ህንበኲን። ደመላዅሲካ ብሕል ይና ጀረብደት 21 21.በጥሮስ ኒል ስኲርዮ፡ “ድዊ መምህር ይዳን ደለመንለ፡ውሪካ ዶል ብሕል ይየሉ፡ለጛታ ዶልማ” ይኹሉ። 22 22.ኢየሱስ “ለጛታ ዶል የሊካ፡ለጘታ ዶል ለጘትረጝን፡አኽታሲክ የኩንካ። 23 23.ንድ መታን ሲመር ጃርዅል ላሲም ዕሹር፡ጅልውድሮ ዮ ገንሺንሲ እንሸቃዅሲ ተከኲ። 24 24.ሺብሮ ተርሰሰና ላዅ ሸካ ሲሕ መክሊት አወዳዅሲሉ ሰኲስንዅሉ፡ኒልድ ፈደያዅሲ በሰናኻ ኒ እዅነዲ ኒ ቊርዲ ኒ ውክ ኒሸኻ ማልዲ ክስቶ ኒ እድዅ ገንጂስሮ አደድዅ። 25 25.ደአም እንሲን፡እን ገንጂና፡ ኒጃብል ለቦ “ዎ ይአደራ ደለሚሲል ግን ግራ ናትክ፡ፈደይየካ ግን ዩ” ሺ ዊኹሉ። 26 26.እንሲን እንኒአደራ ሰኸንዲሶሉ፡ናትካክ ኒ እድኹት ባርዅሉ። 27 27.እንገንጂና ጠራር ኒልድ ፈሰና ላዅኒጨራ፡ሊኽ ዲናር አወዳዅሲ አርዅ እማ፡ጉርጉመድ ለመጭ-ሰሉ “እን አን አወደውሲካ ይማክልሲ መንተሲለ” ይዅሉ። 28 28.ንኻ ኒ ልኲል ለቦ “ይሀ ደልም ነኽለ፡ናትክ ፈደይየካ ግን” ዮ አቅትራሲክ ሺዊዅሉ። 29 29.ንኻ ጋዕ ዮ ጉሾ ናትክ ፈደይራሲክሉ፡እንሸዊ ስዅሉ። 30 30.ኒጨራ ኒስ ተካ ምክርሂነስ ቋልነሰና፡እምንድክ በኻኽርኖ ናአደሪል ፈርኖ፡እን አኻ ጋርሲ ድዊኒዅሉ። 31 31.እን አደረኻ ነስ ዋሰሰና እን ገንጂና ጠራርሲ ኒልሽጘ፡ “ድዊና እንቲ ነበንታ ገንጂና ጥረትዅ፡አን ሺሪነዲ ንለ፡ኩ እድኹት ባርኹንካ፡ 32 32.ውራ እንቲ እን አን ሰኸንድሮለ፡ኲ እድንዅት ባረዅሰነካ፡እንደሃብረ ኩጨረስ ሰኸንተላማ?”ይኹሉ። 33 33.እንሲን እን አደራ፡ሐረቅሮ ናትክ ኒ እድዅት ፈደይራሲክ ሳደደውድ ናትተል ደኲሶ እውዅሉ። 34 34. እንሲን እን አደራ፡ሐረቅሮ ናትክ ኒ እድዅት ፈደይራሲክ ሳደደውድ ናትተል ደኲሶ እውዅሉ። 35 35. ኒሰና ይኸ እንተን፡እንታ ለበከዲክ እንታ ዳንሲ ብሕል የግደነን፡እን ይኽር ዓስተርሊ ህንምባዅር እንተት እንዳሀቢሮኩም ግን።
1 1.ኢየሱስ ነሀበ ጋበ ደምቢ ገሊለት ባሮ ዮርዳኖስር እንደረሲ ይሁዳር ብሪል እንቱዅ። 2 2.ከው ከላእ ተለይንዅሉ ናትካ ናው ሻኽና ሸዅዲ ልድ እቢስዅሎም። 3 3.ፈሪሳንልድ ላው ኒል ስኩር ይኖ፡ቀየስድኖሉ ጀረቢነ “ግርዋ አኻ ሰበብዲክ ኒ እዅነት ደቀርዶ ዋጅብመሉ” ይንዅሉ። 4 4.ንኻ “እን መሀደንታ እማና መሀዱ ነሳዅዲ ኡሰሪዲ ሀበ መሀደት ቀርዕ ግድናኽርማ? 5 5.ንድ መታን ግርዋ ኒኽርዲ ኒገነዲት ባሮ ኒ እዅነዲ ሕበርሰ ለጛ አኩኑንሲ፡ላ ስኻ አኽድኖ ግን። 6 6.ንድ ለጛ ስኻ አኩኑ ላስኻ አክድኖ ግን እማ፡ጃር እንሸዋኲሲ ግርዋ እንክጊኒት ይዅሎም። 7 7.ናዋ “እማ ውሪኹ ሙሴ ንርፍትሕ ድቅሩርዅሲ እዎ ስብድንላ ዮ አዘዝዅንሎም” ይንዅሉ። 8 8.ኢየሱስኻ “እንታ ለበካ ተብድ እንደዋ ይዅኩም ግን ግራ እማናት ሂሰና ሰጘላ”። 9 9.አን ላኪን ላዅ ኒ እዅነት ደቀረን ኤሪሪኻ ክኻንተን ነፈደኲ፡ይኸ እን ደቀርስረሪት ክኻንታዅር ነፈደኲ ይኹሎም። 10 10.ኒ ታለይቱት ነስ ተካ ጋብሲ ዋስነሰና፡ “ንሰና አከና ግርዋዲ እኲነዲ ስሪዕ፡ክኻንተግሪ ከተትና ኪደኲ” ይንዅሉ። 11 11. ንኻ፡ “እና ጋባ ንሂት፡እን እዋኲልድ እውስቶሎም ህንበው ካያ አከግነን ናውክ ፈሀምድኖሉ ገረሰኒ። 12 12.ውረድ ላው ናገነር ጎድጉልድ እንገው አኽኖ እዃርሰው ህንበነዅ፡በልጛ አዳም መለኮሎም ህንበው ምሉካን ህንበነኲ፡በልጛ ሲመር ጃርዅድ መታን ናሹት መለኮ ህንበው ምሉካን ህንበነኲ፡እና ኒስ ፈሀምሮ ቀደራዅክ ፈሀምኒት”። ኢየሱስ ግናቲትሲ ገውረት 13 13.እንሲን ኢየሱስ ገውርዶሎም ይኖ ግናቲትሲ ኒል ናቅስንኹሉ።ዳአም ኒ ታለይቱት ዋኺትንኹሎም። 14 14.ኢየሱስ “ሀበገሎም ግናቲትሲ ይል እንትድኖ ባራ፡ውረድ ሲመር ጃርዅ ናሰና የውዱዅ ግን”፡ይዅሎም። 15 15.ናንሲ ና አኾርሊ ገምዶ ገውሮሎም ደምቢኻ ኒልድ ፈሩዅ። 16 16.ላቊራ በጥሕ ኒል እንቱዅ እማ “መምህር ሲመር ጃርዅሲ ለውያ አውያ ወራት እስያ ጀረብዳዅንለ?” ይኹሉ። 17 17. “ውሪዅ ትክያዅድ ወንቅርዳኹንለ፡ላዅ ጃር ካያ ግን ትክያዅ።ደአም ሲመር ጃርዅሲ ለውቶ ጀረብረን ትእእዳዳትሲ ተከዊ” ይኹሉ። 18 18.ንኻ “አወን ናው”፡ይኹሉ።ኢየሱስ “ኩውግ፡ነፈድግ፡ብንድ ሰምዕግ፡ 19 19.ብሪል ኲዕለት ሺርዶ ኲዅርዲ ኲገናዲት ከበርዲ፡ይኸ ኲጨረስ ኲሹር ሰና ሃብረ እንከሊ” ይኹሉ። 20 20.እንቊራኻ “ነስ እማና ይሽጉድክ ተርሰ ተከውንሲክ ግን፡አሪው ውራ ከብተውለ ህንባዅን?” ይኹሉ። 21 21. ኢየሱስ “እማ እምንድክ ሸተክቶ ጀረብረን ፈሪ ክምረ ገድሲ(ርድቅሲ) ክድሮ ድቡራንድ በንዶ ዓስትርሊ ገዲቶ ጒ ተለዪለ” ይዅሉ። 22 22.ነስተካ ጋብሲ ዋሰሰና ቊራ ገሪ እርግነዲንሉ ኒልድ ቊርቊርቱ ፈሩዅ። 23 23.ኢየሱስኻ ኒ ታለይቱትሲ “ይእምንድክ ይየኩም ገድ ሻዅ ጀነትሊ ቱሮ ገሪዅ ተባዅ ግን፡የኩንኩም። 24 24.ወኮዶ ወንተሶ እምንዲክ ይየኩም ገሪ ገድ ሻዅ ጀነትሊ ትዋዅልድ ግሚላ መርቢ-ዕልድ ደኲሮ ስዳውኲ”፡ይኹሎም። 25 25.ኒ ታለይቱት ነስ ተካ ጋብሲ ዋስነድ ገሪዅፈከር ስኑዅ “ንድሰና አኾ ደንቢ አወያዅ ግን ደኤንዶ ገረሳዅ” ይኑዅ። 26 26.እየሱስ ተንሰ መኸልቱሎም እማ ኒን ከውድ ገረስተላ ግን ግራ ጃርድ ኒውክ ገረስተኲሉ” ይኹሎም። 27 27.በጥሮስኻ ክልብርሰ “ይን እናሐን ኒትክ ባርኖ ተለይንኹንካ፡ውራቶክ አርኖ ግን፡” ይኹሉ። 28 28.ኢየሱስ “እምንድክ ይየኩም እንትን እና ይት ተለይድኖ ህንብደናኽር፡ደንጐቢ እርድሊ አዳሚንዱዅራ ኒ ሳቡርዲ እንቶ ኒቂጦሪል ከፍዮሰና እን ትጝር እንሽካ ላጛ እስራኤል ድቁርሲ ፈረድትኖር መታን ሽካ ለጛ ቂጦታተል ከፍ-ይትኖ ግን፡የኩንኩም። 29 29.አኻዅክ ይመታንዮ ኒ ልጝንዲ፡ሻንዲ፡እኽርዲ፡ገናዲ፡እቊርዲ፡ከረመናዲት ባራዅ፡ ሊኽ እሽባ አርዶ ግን፡ኒ ድምብኻ ዲመዳይም ሲመር ዓስተሩዅሲ ለውሮ ግን። 30 30.ሰአም ገሪው ሰልፍ ሰጘው ደምቢትድኖ፡ግን፡ገሪው ደምቢራ ሰጘዋ ሰልፍል አኽድኖ ግን”።
1 1.ሲመር ጃርዅ ግርዋ ኒ ከረመኒል ኤረስ ጃረቢሮዮ ጉራብድ ልጝልድ ፋዅሲ ተከኲ። 2 2.ከደመው አሮሰናኻ፡ግርግል ላዲናር አሮሎም ዋስስትጘ ኻ ሰገስኹሎም። 3 3.ሰዓት ሰዃ ፈሰና ይኸ ላው ክድመት እንገት ዕዳጊል ሰሰው ዩኑ አርዅሎም እማ “ፈራ እንትጝር ይከረመኒል ሰገራ፡እንታ ስድቅሰነክ ኡሪኩም ይኹሎም፡ 4 4.ናውኻ ሰገርኑዅ። 5 5.ከዶ ሐዲስድ ሰዓት ቀልታዲ ሰዓት ሰሳዲሲ ፈኒሰና እሲኹ። 6 6.ሰዓት ሽካ ላዅ ገቢል ኤርው ላሪ ክድመት እንገት ድጌር ነበክል እንጎገየውሲ ቋልዅ እማ፡ውሪዅ ግርግስክ ላሪ እሰግዲኒ አንጦጠል ደናኹን ይኹሎም። 7 7.ናዋ-“ላዅ ሰገሳኹና ብንኹን” ይንኹሉ ናኻ “ፈራ እንትጝር፡ይከረመኒል ሰገራ” ይኹሎም። 8 8.ኲንጝ አኾ ሰና፡እን ከረመኒ አደራ ናዲ ሰገሮ እርጋዅሲ ሽጘ “ደንበርልድ ተርስረ ጃበርሊ አኽታሊክ ናስድቅሲ እዊሎም” ይኹሉ። 9 9.እን ሰዓት ሽካ ላዅ ሰገረው ሰልፍ እንትኖ ላዅክ ላዲናር ናዅ ከለብርኑዅ። 10 10.እን በደሮ ሰገሮ እርገው ናተሪሲ የአይ በጀኽድኖ ከለብርድኖ ተኪኹሎም።ደአም ናውር ላዲናር ካያ ከለብርኑዅ። 11 12 11-12.ከአብርኖሰና “አበዲ ነን ደንቢረድ እንትሮ ላ ሰዓት ከደምኖ አወሃቢነ ግን ይን ግርግ ሺራዅሲክ ከደምናኽርዲ ይና እርዋ ኡርኹንሎም” ዩኑ እንከረመኒ አደራ አውይሲ ጉድዕድዕ ይኑዅ። 13 13.ንኻ ናልድ ላዅሲ ሽጘዅ እማ “ውራ እንቲ ይዲ ላ ዲናርድ አኽጋዅማ ዋስስትጝረ እርግራዅ፡አን ላሪ ሃበኹካ ሻኽሊ። 14 14.ኩድ አካዅሲ አድሮ ብርፍ ዪ፡እና ደምበርሲ ኲውስከው እውያሎም ይምራድ አኸነዲን ግን፡ 15 15.ይማልሲ አን ጀረበሰነክ እስያ ገረሰጋኽርማ?ውሪ አን እንጅቢና ይአክነድማ ኲዕል እዳንዅን? 16 16.እማ ኒሰና ጀበር ደምቢትድኖ ግን፡ደንጎባኻ ጃቢትድኖ ግን።ውረድ ሽጝስተውኻ ገሪው ግን፡ፍሪርሰውኻ እቊቱ ግን። 17 17.ኢየሩሳሌምትል አኽራሲክ ፈሩኻ ኢየሱስ እን ሽካ ለጘት ላ ገፍድ ናቱ ዕጭጭሰሎም ነዋ ይኹሎም፡ 18 18. “እናሐን ኢየሩሳሌምትል አኽራሲክ ተረገሰነኩን እንኲን፡ኒል አዳሚንዱዅራ አቅሸታ በህሊንዲ ከታበንዲር ናንተል መጠይስሮ ግን። 19 19.ናዋ ክሪል ፈረድኖሉ ግን፡እማ አረመንድ ሻኺስድኖሉ ግን ነጛ ቃበብድኖሉኽር፡ኒዳግ ማዕቢድኖኽር ግን፡ኒ ደምብኻ ቀለጥኖ ስቀልድኖሉ ግን፡ደአም ሲዀር ኳሪል ጉሮ ግን” ይኹሎም። ዘብዴዎቊርድ ሐበን 20 20.ዘብዴዎስቊርድ ገናኻ ንርቊርዲ ኒል እንትሮ ላዅሲክ ሺዊቶሉ ይሮ ኒጃብል ውጅህስትቲ። 21 21.ኢየሱስኻ “ውራ ጀረብራኹን?”ይኹላ።ንርኻ “ እና ለጛ ይቁርሲ ኲሲመርሊ ኩላውዲ ኲሸንገብዲትል ጠፍሕድቶሎም ሸንህዲለ” ይቲሉ። 22 22.ኢየሱስኻ “እንትን ይደነውሲ ላሪ አርእድኒ፡እን አንጅእያ ፈራ ዋንጨስ ጅእትኖ ገረስትናማ” ይኹሎም።ናውኻ “ገረስና” ይንኹሉ። 23 23.ንኻ “ይዋንጨስኻ የዋ ጅእትና፡ደአም ይላውዲ ይሸንገብዲትል ጠፍሕድየኩምታ ይት ቋላ ጋር አኽላ፡እን ይኽር ደላምዶ ህንባዅድ ግን ግራ”፡ ይኹሎም። 24 24.እንሽካ ነስ ዋስነስና፡እን ለጛ ሻን አኾርሊ እንጠርንኹሎም ገደብኹሎም። 25 25.ኢየሱሳ ናቱ አዳሎም ነዋ ይኹሎም፡ “ሰየም ከዋ አወይሲ ሰየምሰነት አርእድኑዅ ናምራድሰነካ ሃበነኩሎም። 26 26.እንተል ኒሰና አኽጊኒ፡እን እንተልድ ሰየምስሮ ጀረበዅ-ክ እንታ ገንጂና አኽኒ፡ 27 27.ይኸ እንተልድ ላዅ ጃብራ አኽሮ ጀረበን እንታ ገንጂና አኽኒ። 28 28.አዳሚንዱዅራ ኒ እንቶ ህንባዅ እንስቅስሮኽር ኒፊኲትሲ ገሪውድ መታን ደኲሶ ኡሮ ኽር ግን ግራ፡እንሳቅሮ እንትላ”። ለጛ ዓረፍ አያሪሆሩ 29 29.ያሪኮትልድ ፈኻ ከው ገሪው ለሄክንኹሉ። 30 30.እና ሐና ለጛ ዓረፍ ደርብ ሸሊ ከፍይኖ ዋንቱኑ ኢየሱስ ንድ ዶኰኲ እንኩዅ ይነሰነሎም “ዎ ይና ደራ ኢየሱስ ዳዊቱዅራ ሳኸንቲና” ዩኑ ጨርሕዅ። 31 31.ከዋ ትምይድኖ ዋኺትንኹሎም።ኰዲነካ “ዎ ይናአደራ ዳዊትዅራ ሰኸንቲና ዩኑ” ዋዕይንዅ። 32 32.ኢየሱሳ ኒል ሽጘሎም “ውራ እሰየኩም ጀረብደናዅን” ይዅሎም። 33 33.ናዋ “ዎ ይናደራ ይናዕልልሲ ብቶና” ይንኹሉ። 34 34.ኢየሱስኻ ሳኸንድኖሰነሉ፡ናዕልልሲ ተመዱኹሎም ንርድ ንርድኻ ቋልኑዅ እማ ተለይንዅሉ።
1 1.ኢዮሩሳሌምር፡ገቢል ቤት ፋጊ፡ጊራ ዋኸትኹድ ገቢል አረርስረሪ ድጌትል ገእዮሰና፡ኢየሱስ ለጛ ኒ ታለይቱትሲ ሸጞ፡ነወዩ እንሸቅዅሎም። 2 3 2-3. “እን ጫ እንታ ቅብሊ፡ህንባ ድገትል ፈራ፡ኒል ድዃራ ኒር ዕሉረዲ እሸውስሮ አርትኖ ግን፡እን ክድኖ ነት ይል ናቅሰላ፡ላዅ ወራሀብደናዅን የንኩማ ይናደራ ጀረበኩሎም፡ናኻ ላሪ የለኩም፡አሸሽእዅድ ወንተስሮሎም፡ግን፡የሉ” ይኹሎም። 4 5 4-5.ኒንኻ፡እን ነቢይ ዮ-እርጋኹ ተመምሮር መታን አኻዅ ግን፡ኒጛ ንሰና ግን “ጽዮን ድቊረት የላ፡ኩሲም በኪት ናድከልድ ሽጓዅ ድዃራ ዕሉሪል ጨዓንሶ እንተረኩኪ ያኹ ግን” 6 6.ኒ ታለይቱት ፈርኖ ኒ ያዅሰነሎም ሀቢኒዅ። 7 7.ድዃራ ንር ዕሉረዲ ናቅስንኹሉ፡ናታዅንሲ ዓደፍድኖ ኒዳግ ጨዓንዅሉ። 8 8.እን ከወልድ ላዋ ኒ ጃብጃብል፡ናታኲንሲ ወሸቅዱኑ፡ላዋ ይኸ፡ካነልድ ሸለሽልሲ(ለንክክሲ) ሸልዒነክ ኒጃብል ወዱኑ እርግንዅ። 9 9.ነበኪስኖሉኻ፡ኒጃብዲ ኒጉርበዲትል፡ፈሩኑ “ሆሳዕና ዳዊትኹረድ፡እን ጃር ስጙድ እንተራኹክ ገውርሳዅ ግን፡ሆሳዕና ዓስተርሊ አክታሲክ” ዩኑ፡ሆርያ እሱኑ፡እርግኑኽ። 10 10.ኢየሱስ ኢዬሩሳሌምትል ዔርሰና ናውክ ኮቊር “ኒን አውንኒ፡” ዩኑንሲክ፡ረወጭስንዅ። 11 11.ከዋ “ኒን ኢየሱስ ነቢይ ናዝሬት ገሊለርዅ ግን”፡ይንዅ። 12 12.ኢየሱስ ናቤይ ጸሎትሊ ቱዎኻ፡ኒል ክደውዲ ጅበውዲት ናትክ ዳገንዅሎም፡እን ሰናዱቅ፡ሰላዲ በደለውዱሲ ክብስዱዅ፡እን ኳትርክዱ እርገው ስኽር፡ና መናብርሲ ክብሶ ዳገንዅሎም። 13 13.እን ይልጝን፡ልጝን ጸሎትዅ ይስትሮ ግን፡ያዅ ክቱብ ህምንባኵ፡እንትጛ ጋኻ ስኳንዅ ሀብዲኒዅሉ፡ይኹሎም። 14 14.ልጝን ጠሎትዅልኻ ዓረፍዲ ደልጓሳንዲ እንትንዅሉ ናትካ እቢስዅሎም። 15 16 17 15.አቅሸታ በህሊንዲ ከታበንዲ፡እን ንእሰ አምራትዲ፡እን ግናቲት ልጝን ጠሎትሊ ክብሲነ፡ “ሆሳዕና ዳዊትዅረድ” ዩኑ ጀን ጀነውሲ:ቋልንነዲስ ቀጡበትድ ሐውይኖ። 16.እንቲ እና ናው የነውሲ ዋሰግራኽርማ፧ይንዅሉ።ኢየሱስኻ “የዋ እን ግናቲዲ ዓለትዲር ሐምዳ ስኩስሩኽ ያዅሲ አንበብድግድናኽርማ፧” ይኹሎም። 17.ባሮሎምኻ ድገትልድ ፌ ቢታንያትል ፈሩዅ፡ኒልኻ ኪዅ። 18 19 18.ጉራብድ ዕርዲረትል ወንተሩዅ ከአርቱዅ፡ 19. ደርብ ሸሊ ላ በለሳ ቋልዅ እማ፡ ፍርር ዋንተንላ ዮ፡ ንርትል አኽራሲክ፡ ገለዱዅ። አሽ ንኻ ላሪ አርለላ። የድቦ ዲመድ ፍሪትግ ዮኻ እሺዅላ። ንርድ ንርድኻ ኢድቲ። 20 21 22 20. ኒታለይቱት፡ኒስ ቋልነሰና “ቋላ አዋኽረ ንርድ ንርድ ኢድቲን”ይስቲጚኒዅ። 21-22. ኢየሱስስኻ፡እምንድክ የኵም አማነት ክምደነጝ ተሐዳበግደነጝር፡እና በለሰት እሰዅሰና ኒልድ ኩጛዅ እሲትንድ፡እና ጊረስ ጒ፡ነትድ በሐርሊ ማልሲ ይደነንሉ፡አኽርድኵም።ኒውክ እምነትድ ሺውደነኲክ እውስትሮኵም ግን ይኹሎም። 23 23. ልጝን ጠሎትዅል ክንሱኻ፡ከዳታት አወውልዲ ሽማግለ ድገሩዲ ኒል እንትኖ፡አበዲ እንቲ አውር ምራድድ ግን እና እንቲ ሀብረውሲ አውሲ ግን ኩድ እና ምራድ ኒስ እዋዅ፧” ይንዅሉ። 24 24. ኢየሱስ አጝኽር ላሪ ወንቀርድየኵም፡ንሂትል ወንትስደነንለ፡አጝኽር አውር ምራድድ ነስ እሰት ድውየኩም ግን። 25 25. የሐንስር ጥምቀት አዊልድ ግን፧ ዐስተርልድ መኒ እማ ብሪልድ፧” ናውኻ ናሹር ናሹ ኰድጚነ፡ “ዓስተርልድ ይነጛ፡እማ ውሪዅ ደአም ከለብር ግድኒሉ ይሮና ግን። 26 26. ብሪልድ ግን ይነጛ ከውሲ ጓቊትነኲን፡ውረድ ከው ናውክ የሐንስቲ ነቢር ሰና ከለብርኖሉ፡እርግንዅ። 27 27. ንድኻ ከንዶ ይንታ ላሪ አርእኒ” ይንዅሉ።ንኻ “አንኽር አውር ምራድድ ነስ እሰት ድወሊኩም” ይኹሎም። 28 28. ውራ ተካኹንኩም፡ላግርዋ ለጛ እቊር ሰጘነኩሉ፡እንቅዳዅሲ ሽጞ “ላዅፋ ንኪ እንቲ ኪድጝል ፈሪ” ይኹሉ። 29 29. ንኻ “ፈረሊ” ዮ ጉሹዅ፡ደምብርጛ ጥዕሶ ሰገሩዅ። 30 30. እን ሊጘርሊ እንቶሰነኻ ኒሰና ይኹሉ፡ንኻ “አጃ ፈርዲ” ዩዅ፡ደአም ሰገርጊ ከብቲዅ። 31 31. እና ለጘርድከልድ አውኒ ግን ናልድ ኒኽርድ ምራድሲ እሰዅ፧ ይኹሎም።ናዋ “እን ጃበራዋ” ይንዅሉ።ኢየሱስኻ ነዋ ይኹሎም፡እምን እምንድክ ይየኩም ዓገብዲ፡ናፍሳንዲ ሲመር ጃሩዅል በደርድኖኩም ግን። 32 32.የሓንስ ደርብ ሸታከትኹድ እንትኹኩም፡ደአም ዓገቡዲ ናፍሳንዲ ካያ እምንኑኹሉ ግን ግራ እንትን ከለብርድኒሉ።ናት ቋልድኖኽር አምንግኒሉ ወሪ ይድኖ ደምበረድር ጥዕስድኒ። 33 33. እና አሪሲ ድግምሲ ሸኑራ፡ላ ግርዋ ኒኪድጝል ጭንድቅ እሲዅ።ቅፍጥንሰኻ ምዃዅኹሉ፡ኒል ሚድ ደቍደቍሰና ልጝን በሄር ገበሩዅ፡እማ አረሰድ ላምሶሉ ሺሽዶ ኤሪኮል ጋሺቱዅ። 34 34. መሽው አኾሰና ኒ ገፍሲ ናቅስድኖሉ ዮ ኒ ገንሺንሲ እን አርስሊ እንሻቅኹሎም። 35 35. ደአም እን አረስ እንሽቅሲ አድኖ ላዅስኻ ግንፍፍድ የዓምብኑኹሉ፡እን ሊጘርስኻ ኩንኹሉ፡እንሲዀርስኻ ክርጝድ ለኸንድንኹሉ። 36 36. ሐዲስድ ኮዶ ጀበርልድ በጀኸው አሪው ፈስኹሎም፡ነስር አድኖ እንጃበርሰና እሲኒኹሎም። 37 37. ናድካ ደምብኻ፡ገድም ይዅረስታ ስመርድነሉ ዮ ኒዅረስ ፈሱዅ። 38 38. ደአም እን አረስ እንደራ ቅብለድ እንተራዅሲ ቋልነሰና፡ናሹር ናሹ ኒን ግን እን ለወንታ፡ላዃ ናኒ ከረመነስ ለውኖ ኩንንሉ፡ይስቲጚኒዅ። 39 39. ሻኽኖኻ እንደራ ጭንድቅልድ ፍድኖ ኩኑኹሉ። 40 40. እን አደራ ወንተራካ ክውራሃቢሮሎም ተካ ኹንኩምሲን አረሲ፡ይኹሎም። 41 41. ናዋ እን አርስ ጠራራንሲ ምቍለድ ድሂሶ ኒ ጭንድቅሲ አሪው ኒወክወክትሊ ኒምህርሲ እውውድሉ ኡሮሉ ግን፡ይንኹሉ 42 42. ኢየሱስኻ ነዋ ይኹሎም፡ እን በናየን ቃብብኖ ማልነሪ ክርጛ፡ላመሔገይድ ድኩር አኽቲ፡ኒንኻ ጃርድ አኻዅግን።ይና ዕልላ ጃብላ ፈከርዳዅ ግን፡ያዅሲ እን ሻትካን ክቱ ባንሊ አንበብድግድናኽርማ፧ 43 43. ንድ ሰበትድ ሲመር ጃሩዅ እንተልድ አስትሮ ግን፡ትክያ ፈደን ፍሪሳ ከውድኻ እውስትቶ ግን የኩንኩም። 44 44. እና ክርጛኒል ለባኹካ ከርቲሮ ግን፡እን ክርጛ ለብሩኹሉኻ ኮዶ ሃርጀክስሮ ግን፡የኩንኩም እንኩኹን። 45 45. ከዳታት አወውዲ ፈሪሳንዲ እን ድግም ኒዅሲ ዋስነሰና፡ናት አኸት አርእስትኹሉም እማ ሸኽድኖሉ ጀረቢኒዅ። 46 46. ደአም እንከው ኒቢርሰና ከለብርኖሉ እርግንነዲን፡ናት ጓቍትኑዅ።
1 1.ኢየሱስ ኮዶ ሐዲስዲ ድግምድ ጅጝስቲሮሎም ተርሲዅ፡ነዋኻ ይኹሎም፡ 2 2. “ሲመር ጃርዅ ላሲም ኒዅረድ ክኻንዳዅሲ ተከኲ። 3 3.እን ኰሸረውሲ ሽጝድኖ ኒ ገንጂንሲ እንሻቁዅ፡ናዋ እንተርነስ ጉሽኑዅ። 4 4.ኮዶ ሐዲስድ እን ሽጝስተውስ” እና ሐን ቢልሳቊዲ ቲምትዲት በረኾ ኒውክ ምድ ደለሞ ንባአኲ ላዃ ይክኻንሊ ይድኖሎም ኤሪ ገንጂንሲ ፈሱዅ። 5 5.ናዋ ኒሕስር እሲኒሉ፡ላዋ ና ኪሽጝል፡ላዋ ናው ጀረብና ጋርልከ ፈርኑዅ። 6 6.እን ከብተውኻ እን ገንጂንሲ አድኖ ጠዓምብንዅሎምር ኩኑኹሎምር። 7 7.እንሲን እን ሲም ቀጠቦ ኒ ክራውሲ ፈሶ እን ከውሲ ድሂሶ ና ደገጊት ሐውሲዅ። 8 8.ንድ ደምቢ ኒ ገንጂንሲ “ክኻን ደለሙዅ፡እን ሽጝስተውኻ ጉሽኑዅ እማ ታሚሰለሎም። 9 9.ፈራ ቁምሺባ፡መሔገይያትልኽር ደርፍፈልር አርድነውሲክ ሽጛ” ይኺሎም። 10 10.እንሲን እን ገንጂን ኒልክ ደርፍፈል ፍኖ አርነውሲክ ሽጝንዅ፡እን ዳስኻ ትክየውዲ ምቊልዲሲ እንትኽ ይዅ። 11 11.እን ሲም ሽጝስተውሲ(እንተውሲ) ቋልዶ ዮ ዳስሊ ትውዅ፡ኒላ ግርዋ ታዊና ክኻኑዅ ሰርጋዅ ቋሎዅ እማ፡ 12 12. “ድዊና ይማዱ እንቲ አበዲ አወሃብረ ግን ታዊና ክኻኑዅ ሰርግሪ ዳስል ቱሮ ህምብራኹን?” ይኹሉ።ንኻ ወንተሳዅሲክ ኤርእምበ ትም ዮዅ። 13 13.እንሲን እንሲም ኒ ገንጂንሲ ነዋ ይኹሎም፡ “እና ግርወስ አድኖ ሉኩኲዲ ናትትዲት እን ሸውድኖ እንደራ ከደን ጭልምሲ ማለሉ፡ኒላ ስረናዲ እርኩካ ሐርቀቅነዲ እኽሮ ግን። 14 14.ውረድ ሽጝስተው ከላእ ግን፡ ፍሪርሰውኻ ከለለው ግን”። ቄሳርሲ ወርኮት ኡና 15 15. ንድ ደምቢ ፈሪሳን ፈርኖ አውሀቢነ ኒጋብድ ከቲሰነትሉ ኰድጚኒዅ። 16 16.ና አጋርሲ ሄሮዲሳንዲ እን ሻቅኖኻ ነዋ ይንኹሉ፡ “መምህር እንቲ ላሪ ጓቊትግሪ እምን ጋብረት ይኸ ላዅሲ ጉኢትግሪ ጃር ደርብሲ ክንስረት አርእንኹን።ውረድ አዳምር ገሽ ቋልዶ ስማረላ። 17 17.እማ እንቲናን ኲት ተካዅሲክ ድዊና፡ቄሳርሲ ወርኮት ኡና ወጀባኹማ እማ ወጀበላ”። 18 18.ኢየሱስኻ ናምቊልናርሲ ኤሌለዩዅ እማ “ነበንቲ ብጙት ውሪዅ ወጠንደናዅንለ? 19 19.እንደ እን ሶልዲራ ወርኮትዅሲ ቋሊሳለ” ይኹሎም ናዋ ላዲናር ናቅስንኹሉ። 20 20.ንኻ “እና ገሽዲ እና ክቱብዲ አውሩ ናው” ይኹሎም። 21 21.ናዋ “ቄሳርዱዋ” ይንኹሉ።ንኻ “እማ ቄሳርዱዅሲ ቄሳርሲ፡ጃርዅሲኻ ጃርድ እዋ” ይኹሎም። 22 22.ነስተካ ጋብሲ ዋስኖሰና ፈከርዶሎም ባርኖሉ፡ፈርነዅ። 23 ሰዱቃንዲ ክሪልድ ጉናዲ 23.ናደምቢ እርድ ደንጐቢ ግርገድ ጉና እላ የው ሰዱቃን ኒል እንትኑዅ። 24 24.ነዋይኖኻ ወንቀር ንኹሉ፡ “መምህር ሙሴ ላዅ ክኻንተ እዃርጊ ክረን፡እን ባይኦረት ኒዳንለዎ፡ኒዳንድ ፈደን ባርንሉ” ዮ ህንበኲ። 25 25.እና ሐና ይና ነበክል ለጘታ ሻን ሰጘነኲ፡እንቅዳዅ ክኻንቲዅ፡ላሪ ባርግኻ ክሩዅ፡እንባይ ኦረታ ኒዳን ለውኹላ። 26 26.ኒሰና ለጘርዲ ሲዀርዲ ናውክ ለጘተክ። 27 27.ና ደምቢ እን እዅናኽር ክርቲ። 28 28.ናውክ ክኻንቲነላ እርግኑዅ እማ፡ደንጐቢል ክሪልድ ጉና ወክትሊ አውኒ ግን ንራጝ አኽሮ ህንባኹ?” 29 29.ኢየሱስኻ ነዋዮ ወንተስኹሎም፡ “እንትን ክቱብስኽር ጃር ሒልሰኽር ኤርእምብነድ ከትደነኲ እንኲድኑዅ፡ 30 30.ክሪልድ ጓናካክ ዓስተርሊ መላእኽቲ ጃሩውድሰና አኽድኖ ግን ግራ ክኻንደውር እላ ከኻንሰውር። 31 32 31-32.ክሪውድ ጉና ይኸ እንጃር ሙሴሲ “አን ጃር አብራሃምሩዅዲ፡ይስሐቅሩዅዲ፡ያዕቆብሩዅዲ ግን” ዮ እርጋዅሲ አንበብድድኒማ? እማ ገድም ጃር ህንበውዱዅ ግን ግራ ጃር ክሪውዅ አኽላ” 33 33.እንከው ነስተካ ጋብሲ ዋስኖሰና ኒ ምህሮሲ ገሪዅ ፈከርስንዅ። ትእዳድ በሄር 34 34.ፈሪሳን ኢየሱስ ሰዱቃንሲ አብሲ አበደት ዋስነሰና፡ገለልስጚዅ እማ ላት አኽኑዅ፡ 35 35.ላዅ ናልድ ሕጊ መሄርሳዃ ቀየስሮሉ ዮ፡ 36 36. “መምህር ኦሪትል ናድ ከልድ ኩጛዅ ትእዳድ ኤውን ግን” ዮ ውንቀሩዅሉ። 37 37.ኢየሱስኻ ነዋ ይኹሉ፡ “ኲአደራ ጃርሲ ኲለበካዲክ ኲፊዅትዲክ፡ኲሒለትዲክ እንከሊ። 38 38.ኒን ግን ናድ ከልድ ኩጛዅዲ፡ትእዳድ። 39 39.እን ሊጘር ኒት ተካዃ ኲጨረስ ኲሹርሰና እንከሊ ያዅ ግን። 40 40.ኦሪትዲ ነብያትዲ እና ለጛ ነል አረርሰኲ”። ክርስቶስ ዳዊቱዅራ አኸት 41 41. ኢየሱስ፡አሪሳን ዲባ ዓገልስኖ ዋኑኑ አሮሎም ንዋዮ ወንቀሩኹሎም፡ 42 42. “እንትን መሲሕድ ውራ ተካኹንኩም፡ ኒ አውዅራኒ” ይኹሎም።ናዋ “ዳዊቱዅራዋ” ይንኹሉ። 43 44 43-44. ንኻ “እማ ዳዊት አዋህበ ግን አደራ ያደረስ አንኲት እንጣረውሲ ድኩር ኲልኩኮው እሲሪስክ ይላውል አኺ፡ዮ መንፈስድ ይአደራ ሽጛኹንሉ? 45 45.እማ ዳዊት ያደራ ዩንሲክሉ አዋኸ ግን ኒዅራ ኒአከና” ይኹሎም። 46 46.ላዅ ናልዳ ጋባ ወንተሳኹሉ ቢስቱዅ።ንድ ደንቢ ላዅ ረደዮ(ደይዎ) ወንቀሪኹሉ እርግላ።
1 1.ንድ ደምቢ ኢየሱስ ከውዲ ኒታለይቱትዲት ነዋ ዮ ጋቢኹሎም፡ 2 2. “ከትታበንዲ ፈሪሳንዲ ሙሴር ቂጦሪል ከፍይኖ ህንበነኲ እማ። 3 3. ናው ይና ዅሲክኩም እሳኽር ተከዋኽር።ደአም ና ወራታትስና እሰጋ ወረድ ነን የነኲ ግራ ላሪ ድኳ እሰኒ። 4 4. ክብየጋ ምዅርሲ ለደድና (እንሸውኖ) ኒከሰል ምቊሰነኩሉ ፡ ናው ላኪን ጭብዖሲ ተመድኖሉ ጀረበኒ። 5 5. ይኸ ናጋርክ ህንቡክ ከው ቋልዳሎም ካያ እሰነኩ። 6 6. ክታበት እንሸውነዲ ቊጨን ቀማይሸውሲ እዳን ድነዲ ፡ ሙነትሊ ሽጝስትነ ሰና ቂጣታት ሰልፈሊ በደ ራረጝይነዲ፡ ኒሰና ይኸ ቤት ጸሎትሊ መናብር ላቡሩ ዲትል ኣክነስ እንከለነዅ፡ 7 7.ኮዶ ይኽ ደርፍፈል ሀደፍ ይረንሎምር ዲቢል ኣከጝር፡ ሰላም ይድኖሎምር ፡መምህራን ሽጝስትድኖኽር እንከለነኩ። 8 8. እንትን ደኣም መምህር እንታዅ ላዅ ግን እማ መምህራን ሽጝሰትትኖ ጀረብጋ ። እንትን ና ዀርክሻን ግን ። 9 9.ካዶ ይኸ እንታኸር ዓስተርሊ ህምባኹድ ንኻ እናብሪል ላዅሲ ድዃ ኣብ ይጋ። 10 10.ይኸ ኒኻርሲክ ኣርደት ይስትትኖ ጀረብጋ ፡ ውረድ እንታ ኣደራ ላዅ ግን ፡ ንኻ ክርስቶስ ግን። 11 11. እን እንተልድ ቅዳዅክ እንታ ንሽቃ ኣኺኒ ። 12 12. ውረድ ኣኻዅክ ኒሹት ክብሳዅክ ለጥ ይሮ ግን፡ እን ኒሹት ጀረብዳኹካ (ለጠቅሰኹካ) ክብ ይሮ ግን፡ 13 13.ኣጀዋ ከታበንዲ ፈሪሳንዲ ብጘት ከውድ ጃር ዶርብሲ ኣበድደናኽር፡ ሲመር ጃሩኹል እንትጝር ቱደኒ ኣረውስኽር ቱድኖ ባር ደኒ። 14 14.ኣጀወ ከታበንዲ ፈረሳንዲ ብጙት ፡ ባያኦታታ ልጝቲ ማነይደናኽር ፡ ቋልስትትኖ ይድኖ ይኸ ጸሎትሲ ሺሽደናኽር ግን እማ ፍርድ ተባዅ ክለብርትኖ ግን። 15 15ኣጀዋ ከታበንዲ ፈረሳንዲ ብጙት፡ ላዅሲ እንታ እምነትሊ ተለይሮኩም ባሓርዲ ብራዲሲ ደላህ ይደነኩ፡ ላዳን ትዊሰናኻ እንታ እሽባ ድዲዅ ራእስደነኩሉ። 16 16.ኣጀዋ እንትን ዓረፍ፡ ላዅ ቤት ጸሎትዲ ሸረጛላረ ኣኽላ ይደናኽር፡ ኒል ህምባ ደሃብዲ ወርካዲሲ ኣከጛ ከታ ኣከኩሉ ይደናኽር። 17 17.ነበንቲ ዓወዲ(ገድኣንዲ) ዓረፍዲ ኣዊን ኩጛኹን እን ደሃብማ እማ እን ደሃብሲ ሸትክዳዅ ቤት ጸሎት፡ 18 18.ኮዶ ይኸ ላዅሰደቀትዅድ ሸረን ላሪ አኽላ፡እን ሰደቀትል ገሞ ህምባዅድ አከጛ ሸርና አከኩሉ ይደነኲ። 19 19.ነበንታ ዓረፍ አዊን ኩጛኹን?እን ሰደቀትማ እማ እንታቦት ሰደቀትሲ ሸተክዳዅ። 20 20.አጀና ታቦትድ ሸራዅ ሸሩንሲክ ኒል ገሞ ህምበ ውድር ሸረኲ። 21 21.እን ቤት ጸሎትድ ሸራዅ እን ኒል መንደርታዅድር ሸረኲ። 22 22.እን ዓስተርድ ሸራዅ ቂጦራ ጃርኹድር እን ኒል ከፍዮ ህንባኹድር ሸረዅ። 23 23.አጀዋ ከታበንዲ ፈሪሳንዲ ብጙጥ፡ናና ዓዲ ጨና አዳም ዲትልድ ሽከር ፍዲስደናኽር፡እን ትእዳድ ብሕልዲ ፍ-ትሕዲ እምነትዲትኻ ባርደናኽር፡ እን ደስ ባርግድኒ በደሮ ነስ ተከውትኖ እርግኹኩም። 24 24.ነበንቲ-ሻንሹትስኻ ቀምዕደናኽር-ግሚለስኻ ስጙደናኽር ዓረፍ አርደት. 25 25.አጀዋ እንትን ከታበንዲ ፈሪሳንዲ ብጙት፡ግባርዲ ጣሕሊራዲት ከደንድ ለጭ-ሕደናኽር፡ዓንቀይ ረድኻ ስዋንዲ ድብጥናርዲዲ እንትኽዮ ዋኑ ባርደናኽር፡በሪ እንተልድ። 26 26.ነበንታ ፈሪሳዊራ ዓረብ በደርዶ ግባርዲ ጣሕሊራዲት ዓንቀይረድ ትክስረ እንቃሲ፡እን ከደንደድኻ ለጭሕሮ ግን። 27 27.አጀዋ ከታበንዲ ፈሪሳንዲ ብጙት አርፍ ሽኻሩሲ ተክደናኽር ከደንድ ቋልድንሲክሎም ሽኻሩ ዓንቀይረዳ ናሽሽዲ ዓመቅዲሲ እንታኾ ህንበውሲ ተክደነኲ። 28 28.ኒሰና እንትጝር ጐስኲድ ብንዲ፡አመቅዲ፡ሙቊልናርዲሲ እንታኽድኖ፡ዋንትዱኑ፡ከደንዳድ ከውድ በካይትዲ ሻትካንዲ ተክደነኲ። 29 30 29-30.አጀዋ ከታበንዲ ፈሪሳንዲ ብጙት፡ነብያታ አርፍፍ በነይደናኽር፡ሻትካና ሐወ ቲትሰኻ(ሰዋርስኻ) ሰርገይደናኽር።ይና እክላ ወክትሊ ሰጝናኽር አክነን ኒቢያታ ብር ብቊስኒል ሕበርስግኒድ ሻኽናኽር ግን፡እማ በሪ እንተድ። 31 31.እንደዋ ይዱኑ እን ነብያትሲ ክዎውድ እቁር አኽድነት እንተ ላውድ ሰምዕደነኲድኑዅ። 32 32.እንትጝር እንታ-ክል ምክረስ መልእዳ 33 33.ነበንቲ ምራው፡አፍዖቲቊር፡አወሃብዲነ ግን ገሃነብልድ እንተ እግርና፡ 34 34.ንድ ግን አን ነብያትዲ፡ለፈኩዲ፡ከታበንዲ፡ፈሰኩንኩም፡እንትጛ ነልድ ላውሲ ኩይኖ ሎም፡ላውሲ ካነል ሰቀልትኖሎም፡ላውሲ ይኸ እንታ ቤት ጸሎታተል ቀለጥትኖሎም፡እማ ድገትልድ ድገ ድገንይኖሎምግን። 35 35.እን ብር ሻትክ አቤል ዱልድ ተርሰ፡ዘካርያስ በራክያስዅሪ ብር ቤት ጸሎትሊ አኸታሲክ ናውክ እንታ ወይሊ ለብሮ(ገእይሮ) ግን። 36 36.ነን ናውክ እና አሰል ነድ ዳግል ገመት ይእምንድክ የኩንኩም። 37 37. ዎ ኢየሩሳሌም፡ኢየሩሳሌም ነብያትሲ ኩራኽር፡እንኩል እንሻ-ቅሰውስኽር ክርጝድ ጨፍጨፍራኽር፡አጀዋ እንቲ ዲርዋ ንርጫቊትሲ ንርካንፍፋ ዓንቀይሊ እን-ኩልኩል-ደሪርሰና አንኽር ኲቊርሲ ውሪካዶል እንኩልኩልድየልም ጀረቢኹን(ሕንግይኹን)፡እንትኻ ጋዕ ይሮ ጉሽሩኹለ፡ 38 38.እና ሐንዋ ናን እንታ ድገ ድምነት አኾ ከብቲሮ ግን። 39 39.ንድ ደንቢ እንጃር ስጙድ እንተራዅ ገውርሳዅ ግን ይትናስክ ይገሽሺ ቋልደኒኒ የኩንኩም እንኩኹን።
1 1.ኢየሱስ ቤት ጸሎትልድ ፈ ፈርዅ፡ኒ ታለይቱትኻ ግብራ ቤተ መቅደስዅሲ ቋሊስድኖሉ ይኖ ኒል ስኲር ይንዅ። 2 2.ኢየሱሳ “ኒስ ኒትክ ቋልደናዅማ፡ክርጛ ክርጚዳግል አኾ ከብተላ ኒን ኒውክ ድምነት አኽሮ አኸት ይእምንድክ የኩንኩም፡ይኹሎም። 3 3.ጊራ ዋኻትኩል ተረገሶ ከፍ ዬሰነኻ፡ኒታለይቱት ኒል ስኲር ይንዅ እማ፡ “እማ እንደ ድዊና፡እና እንቲ ይራ ጋር አውን ግን ኒ አኽሮ ህንባዅ?እን ኩእንተርነዲ፡ደንጎባ እዲነዲ ውረኒ ግን-እሸረት? ዩኑ ወንቀርንዅሉ። 4 4.ኢየሱስ “ላዅ ከቲሰጊንኩም፡ፈጠና፡ 5 5.ውረድ፡አን ግን፡ክርስቶስ ዩኑ ይስጝድ፡ከላእ እንትድኖኩም ግን፡ገሪውስኻ ከቲስድኖ ግን። 6 6.እንሽኽዲ ጂጛ እንሽኹዅድ ጋባውዲ ዋስትኖ ግን፡አረጋ ላሪ ታንትጋ፡ውረድ ኒን ኒውክ፡አኽሮ እሙን ግን።ደአም ኒደንጎባ አኽላ። 7 7.ከው እኺር ኺርሊ ጉሮ ግን፡ሲመር ሲመር፡አወይሲ ጉሮ ግን፡ኒልክ ብሪል ትግርዲ ሽዅደዲ፡ብሪውልእነዲ አኽሮ ግን። 8 8.ኒን ኒውክ ማሕገድ ሰልፍ ግን። 9 9.እንሲን ከያነትድ ኩድኖኩም ደኩስኖ ሻኺስድኖኩም ግን፡ይሱጝ ሰበብድ ናውክ እንጠር ድኖኩም ግን። 10 10.ገሪው ከቲድኖ ግን፡እኺር ኺርሲ ከየንድኖኽር፡ እንጠርስጚድኖኽር ግን። 11 11.ገሪው ከቲድኖ ግን፡እኺር ኺርሲ ከየንድኖኽር፡እንጠርስጚድኖኽር ግን። 12 12.ምቊልናር(ዐመጭ) ብጅኽድ ገሪውል ውፋቅ ቀሽቀሽሮግን። 13 13.ደአም እንደንጎቢል አኽራሲክ ሀናእ ያዅክ ኒን ደአንዶ ግን። 14 14.ደአም በደሮ፡ወንጌል ሲመር ጃሩዅ፡አረሜንድ ሳሚዕ አኽሮር መታን፡ኒልክ እዲኒል ዋስስትሮ ህንበኩሉ። 15 15.እንዳንኤል ነቢይ ያዅሰና፡ምቊል፡ነፈሰአኩ፡ሻትክ አከንሊ ደውዬ፡ህንባኲሲ ቋልድነሰና፡አን በብደዅክ ፈሀምኒ። 16 16.እንሲን ያሁድ ብሪል ዲወውክ ጊተል እግሪኒን። 17 17.እን እራሪል ድየዅክ፡እራኳ አድሮ ዮ ልጝል ቱጊኒ። 18 18.ኪድጝል ድየዅር ኒታዊና አድሮ ዮ ድምቢራ ወንተርጊን። 19 19.እን ግርጋት ኒል እኲን ሐነኖ ህንበውዲ ነብሰውዲሲ መላለን። 20 20.እንታ ህረብ ሽቅዲ ሰንበርዲሲ አኸጊን ሺዋ። 21 21.እዲና መሀድሰንትልድ ተርሰናን አኽራሲክ፡ንደምቢኽር አካጋዅ፡ቋልስትጋ ማሕገድ አኽሮ ግን። 22 22.እን ግርጋት እንደን ድርጝገን፡ስኻ ሰረኲልድ ላኲ ደአንጊድ ደአም እን ግርጋት ፍሪርሰውድ መታን ድርጝሮን ግን። 23 23.እንሲን ላዅ ክርስቶስ ናሐን ነራ ውሪ እንጫሓኒ እንጨደት የነንኩም እምንጋ። 24 24.ውረድ እንግርጋትሲ ብጝት መሲሕንዲ ነብያትዲ ጉድኖ ግን።አከንሎምር እን ፍሪርሰውሲ ከቲስድኖ አምራትዲ ፈከርዳ ወራታትዲ እሲድኖ ግን። 25 25.እናሐን በደሮ ድወኩም ህንበኩን ፈሀማኩም። 26 26.እንጨሐኒ ክርስቶስ፡አው ከደንሊ የነንኩም ፈርጋ፡ወሪ ይኸ እናሐኒ ነት እና ንጝንሊ የነንኩም ዋስገሎም። 27 27.አዳሚንድዅሪ እንተርና፡እን ምርክ ብርክስጘድ ተልዋሕዮ ኳራ ለቢል ቋልስታኹሰና ኒሰና አኽሮ ግን። 28 28.በድን(ግናደት) ህንባ አካንሊ ግን ዓይ ናው እንኩልኩልሳዅ። 29 ደንጎባ እዲነዲ ክርስቶስር ወንተርነዲ 29.እን ግርጋት ማሕገዱውድ ደምቢኻ፡ኳራ ጨልምቶ ግን፡አርባኽር፡ንበርህሲ፡ኡቶ አኽላ፡ሽንግርው ዓስተርልድ ለብሮ ግን። 30 30.ዓስተር ሒል ኒውክ ለለክስሮ ግን፡እንሲን አዳ ሚንድኲሪ ዱመት ዓስተርሊ ቋልስትሮ ግን።ከው ናውክ ብሪል ህንበው ስሪድኖ ግን።አዳሚንድዅረስ ሒል በሄርዲ ሳቡርዲ ግን።አዳሚንድ ዅረስ ሒል በሄርዲ ሳቡርዲ ብኳና ዓስተርዅድ ክልውርሶ፡እንተሩ ቋልድኖሉ፡ግን። 31 31.እንሲን ኒድ ፍሪርሰውሲ ሰጃ ወላውልድ እን ኩልኩልድኖሎም፡ኒ መላእኽቲት፡ዕንድር ከላእ ኮት ሲ፡ዓንደሩኑ እን ሽቅሮሎም ግን። 32 32.ኒ እሻረትሲ ካና በለሲዅልድ ፈሀማሉ፡ውረድ ጠጥዕሮ ተርሰሰና ሐጋይ ሰኩረት አርእድንዅ። 33 33.ነስተካ ብሳረትሲ ቋልድኖሰና ምል ይገኲም አዳሚንድዅራ ጭምድሊ ስኲሮ ዋንተት ፈሀመኲም። 34 34.እምን እምንድክ፡የኩም፡በደሮ ነን ናውክ ከኽጊ እና አሰል ነን ደኮግነት። 35 35.ሰመዲ ብረዲ ደኩሮ ግን ይጋበኻ ኒ ኾርሲክ ደኮላ። 36 36.እንግርጋት አውት አኸት መልአኽቲ ዐስተርሩ አከነጝር አዳሚንድዅራ አከጝር፡አርእኒላ፡እክር ካያ ግን ንርቲ አርአዅ። 37 37.አዳሚንድዅሪ፡ እንተርና ኖህር ግርጋትስና አኸሮ ግን። 38 38.እን ስዋ ሒለቱኽ ናዳግ ለብራሲክ እን ከው ላሪ ድኳ ፈሀምግኒ ቁኑኽር ጅኡኑኽር፡ክኻንዱኑኽር ክኻንቱኑኽር እርግኑዅ። 39 39. ኒትክ ዱሂስራሲክ አርእግኒ ዲወ ውሰና፡አዳሚንድዅሪ እንተርናኽር ኒሰና አኽሮ ግን። 40 40.እንግርጋትሊ ለጛ ግርው ኪድጝል ዲዊድኖ ግን፡ላዃ አስትሮ፡ግን፡ላዃ ባርስትሮ ግን፡ 41 41.ለጛ እኲን ላት ላመጥቃንሊ ተእኑኑ፡ዲዊድኖ ግን፡ላሪት አድኖ ናላሪት ባርድኖ ግን። 42 42.እንታ አደራ ውሪ ሁመት እንተረት አርእድኒኒ እማ ሐሶሰያኽር ተርሃኽር። 43 43.እንደ ኒስ አትዋየንዳ፡ልጝን አደራ ስዋና ቂር ውሪ ወክትድ እንተረት አርአን፡ደለሞ ዲርድ፡ኒልጝን ጓሕጉሕስራሲክ ሀመልስጊድ። 44 44.አደሚንድዅራ፡እንትን አርእግድና ወክትል ግን ኒእንተርና እማ እንትጝር ደለምድኖ ድየሉ። 45 45.ኒ አደራ ፍሪራዅ ገንጂና፡ምእክርዲ ተውሀዲሲ፡ወክትድ ኒ እዕያልድ ናነብራ ግርጊዅሲ ኒ ወክወክትል፡እዋዅ አወያዅኒ? 46 46.እን ገንጂና፡እንዳህቡንሲክ፡ኒ አደራ ውንትሪል አረራዅሉ ቅስምዅ ግን። 47 47.እምንድክ የኩም ኒልክ ኒማላ አወይሲ ሰየምሮሉ ግን። 48 48.ደአም፡እንገንጂና ምቊላ ኒ ለበከድ ይ አደራ ሺሽሮ ግን ዮ፡ 49 49.ኒጨር ገንጂንሲ ጠዓንብሮ፡ሸከሮ ህንበውዲ ቊሮኽር ጅእሮኽር ተር ሰን፡ 50 50. አደራ እን ገኝጂኒዅ ኒጨበርጋ ግርገዲ ኒሐሰብጋ ሰዓዲትል እንትሮ ግን። 51 51. ለጘትል በጥስሮሉግን፡ ኒበኽትኻ፡ እን ምቁልዲ አኽሮ ግን። ኒልኻ ስረነዲ እርኵክ ሓርቀምነዲ አኽሮ ግን።
1 1.ሲመር ጃሩዅ ሽካ ደናግል ናቲዅቲዃስ አድኖ መርዓዊሪስ ከለብርድኖ ፈረውሲ ተከቲ። 2 2.ናልድ እን አንኳኻ ዐውስ፡ኣን አንኳ ደአም ለፈኩ እርግኑዅ። 3 3.እን፡ዓወስ ቲዀስ አድኖ ደድ አድኒ። 4 4.እን ለፈኩ ደአም ናቲዀዲ አቅታ ደድ አድኖ እርግኑዅ። 5 5.መርዓዊራ ሺሾሰና፡ናውክ ህርግት ይኑዅእማ ገንጅኑዅ። 6 6.ቂራ ነበክ እኾሰና “እናሐን መርዓዊራ እንቱዅ ጓ ከለብረሉ” ያዅ ድሪስ ዋስስቱዅ። 7 7.እንሲን እን ደናግል ናውክ ከርተተፍ ይኖ ናቲዅሲ ሽኸስድኖ ተርሲኒዅ። 8 8.እን ዓወስኻ እን ለፈኩሲ “ይናቲዅ ስንትሮ ፈረኲ እማ እና እንታ ደድልድ ወሸና” ይንኹለን። 9 9.እን ለፈኩ ጸአም “ይነድር እንተድር አቅትና ብጊንና፡ፈርድኖ እን ክደውልድ ጅብደነን ኪዳኩክን” ይንኹለን። 10 10.ናው ክብድኖ ፈርኖሰና፡መርዓዊራ ኣንቱዅ፡እን ደለሞ ድየውኻ ከለብርኖሉ ኒዲ እን ክኻንኹል ቱኑዅ እማ እድ አበስቱዅ። 11 11.ግጅኖሰና እን ከብተ እርጋ ደናግልኽር እንትኑዅ እማ፡ “ዎ ይና አደራ፡ዎ ይና ደራ ኲዓይብ ብዲና” ይንኹሉ። 12 12.እን መርዓዊራኻ “ ይእምንድክ ግን አን ያኹክን አርእሊክን” ይኹለን። 13 13.እማ ኒወክትስኽር ኒ ግርገስኽር አርእድኒኒ እማ ገድም ተውሃ ሐሶሰያኩም። ድግም ምክሊቱዅ 14 14.ግርዋ ደርብ ሺሽዶ አመማኹድሰና እማ ኒ ገንጂንሲ ሽጘ ኒ ገድሲ ኡዎ ባራኹድሰና ግን። 15 15.ናትክ ናዓቅምሰነክ ላዅድ አንኳ መኪሊት፡ላዅድ ለጛ መኽሊት፡ላዅድ ላ-መክሊት ኡዎሎም ብርፍዩዅ። 16 16.እን አንኳ መኽሊት ከለብራዅ ንርድ ንርድ ፈሮ አሪው አንኳ ከሰቡዅ። 17 17.እን ለጛሩዅር ኒሰና አሪው ለጛ ከሰቡዅ። 18 18.እን ላመኽሊቱዅ ደአም ፈሮ ጎቚ ግኽደ እን መክሊትሲ ኒል ትብስኹላ። 19 19.ገሪ አመታት ደምብኻ ኣንማላ አደራ ኒማል አድሮ ዮ ናልወንተሩዅ። 20 20.እን አንኳ አዶ እርጋዃ ኒልስኲርዮ “ዎ ያደራ አንኳ መክሊት ኡሮለ እርግሩዅ፡እናሐን ኤሪው አንኳ ኲድኹንለን”ይኹሉ። 21 21.እን አደራኻ “ውሃ ገንጂና ታውህ ኡቅቱትል መአኰቱዅ አኽሮ አርስራኽር ግን እማ ገሪውሊ ሰየምየካ ግን፡ፈርሐትድ ኲ አደሪዅሊ ትዊ’ ይኹሉ። 22 22.እን ለጝሩዅር እንቱዅ እማ “ዎ ያደራ ለጛ መክሊት ኡሮለ እርግሩዅ፡እና ሐን ለጛ ኰድዅንለን” ይኹሉ። 23 23.እን አደራኻ “አጃና ዋሃ ገንጂና ታውህ፡እቊቱትል መአኰቱዅ አኽሮ አርስራኽር ግን እማ ገሪውሊ ሰየምየካ ግን፡ኴደራ ፈርሐትሊ ትዊ” ይኹሉ። 24 24.እን ላመክሊት አዶ እርጋኹር ስኲሩዅ እማ “ዎ ያደራ እንቲ ግርዋ ተባዅ፡ጐዲግራ ኪሽጝ አተይስራኽርዲ ከብራኽርዲ፡እንኩልኲልዳኽርዲ አኽረት አርኦ፡ 25 25.ጓቊትኹን እማ ኲመክሊትሲ ብሪል ደፈኖሉ ሰጘኩን፡እናሐኒ ኲማል” ይኹሉ። 26 26. እን አደራኻ “ነበንታ ገንጂና ሐዋን እንቲ ፈዲ ገውዲ አረሚገውዲ እክባኽር አርእርሩንሲክ፡ 27 27.ውራ ሰረፍዲውድ (ኤሪውድ) ኡግሪሉ አን ዪ ወንተር ኒልኻ እሽባአርዲድ ሻኽር ግን። 28 28.አኾ ደምቢ ላዃ ኒልድ አድኖ እንጫ ሽካ መክሊቱዅድ እወሉ፡ 29 29.ውረድ እን ሻዅ እውንስትሮኽር ኰስትሮኽር ግን።እን እንጋዅ ደአም፡እን ኒሻውስክር ባሪስድኖሉግን። 30 30.ኣንጫ ገንጂና ሐዋንስኻ እንደራ ጭልምሊ ማለሉ፡ኒልኻ ስረናዲ እርኩካ ሐርቀቅነዲ አኽሮ ግን” የኩንኩም። ደንጎቢ ፍርዲ 31 31.አዳሚንዱዅራ ኒመላእኽትድ ዓጀብሶ፡ኒሳቡርድ እንተራካክ ኒቂጦራ ሲመሩዅል ከፍይሮግን። 32 32.ናውክ ከው እዲኒውኻ ኒጃብል እንኲልኲልስድኖ ግን።ምቃቃ በግሲ ፍንጢረልድ ዓደገሰና፡ንኽርና ገፍገስድ ሲዲሮሎም ግን። 33 33.በግሲ ኒ ላውል ፍንጢርስኻ ኒሸንገብል እሲሮ ግን። 34 34.እንሲን እንሲም ኒላውሊ ህንበውሲ ነዋ ይሮሎም ግን፡ “እንትን ይኽርድ ገውርስድናኽር ላዃ እርድ መሄድስጊ ተርሰ እንተድ ደለማ ሲመር ጃሩዅሲ ለዋ፡ 35 35.ውረድ ከአርቶ ቊስድንኹለ፡ስቋንቶ ጅእስድንኹለ፡ጋሺቶ ከለብርድንኹለ፡ 36 36.በሽቶ ሰስድንኹለ፡ሽዅሽቶ ዓደድንኹለ፡እንሸውሶ ገእይድንኹለ”። 37 37.እን ሻትካንኻ “ድዊይና አደራ አወካ ካአርትሮ ቊስንኹንካ 38 38.ወሪ ስቋንትሮ ጅእስንኹንካ፡አወካኻ ጋሺትሮ ከለብርንኹንካ፡ወሪይኸ በሸትሮ ስስንኹንካ፡ 39 39.አውጛ ሽዅሽትሮ ወሪ እንሸውስሮ ገእይንኹንካ ይድኖሉ ግን። 40 40.እንሲምኻ “እምንድክ ይየኩም እና ይሻን ግናቲትድ እስዲነኹክ ይድ እስዲነኹድሰና ግን” የኩንኩም። 41 41.ንደምቢ ኮዶ እንሸንገብድ ህንበውሲ “እንትን ምቊል እሽትዲነኽር፡ፈራ እንደራ ስርግያ ይልድ፡እን ሰጣንዲ ኒት ተለየውዲሲ ደለሞ ህምባ ላኻ ዲማሲስ ንተጋኹል ቱዋ። 42 42.ውረድ ከአርቶ ቊስድኒለ፡ስቋንቶ ጅእስድኒለ፡ 43 43.ጋሺቶ ከለብርድኒለ፡በሽቶ ሰስድኒለ፡ሽዅቶኽር እን ሸውሶኽር ገእይድኒለ”። 44 44.ናዋ “ድዊና ይና አደራ አውን ከአርትሮኽር፡ስቋንትሮኽር፡ጋሺትሮኽር፡ሽዅሽትሮኽር፡በሸትሮኽር፡እን ሰውስሮኽር፡ቋልኖካ ዋንትኑ ዓወንግናኽርካ” ይድኖሉ ግን። 45 45.ንኻ “እና ይሻን ግናቲትድ አከጝር ላሪ ትክያ ወራት እሲግድናኽር፡ይድ እሲግድናኽርሰና ግን” ይሮሎም ግን። 46 46.እንሲን እና ነን ምጨት ዲመሩዅል፡እንሻትካጛ ዲመር መናበረትሊ ፈርድኖ ግን።
1 1.ኢየሱስኻ ነስ ጋበ ደምቢ፡ኒታለይቱትሲ ነዋ ይኹሎም፡ 2 2. “ልጛ ኳራ ደምቢ ፋጅኻ አከት አርእድኑዅ።አዳሚንድዅረስ ሰቀልስሮ ደኲስኖ ኡድኖሉ ግን፡”። 3 3.እንሲን አርአው አቅሽትዲ፡በህሊን ከወውዲ፡ቀያፋ ይስታዅ አቅሸታ በሄርድ ልጝሊ ዲባ ዓገልንዅ። 4 4.ኢየሱስቲ ምልሲነ ሻኽኖ ኩድኖሉኻ ኰድጚኒዅ። 5 5.እና ወራት ኒጛ ከዋነበክል ሐንቀልቀልና ጉጊን በዓል ግርገድ አኽጊን የመምኑዅ። 6 6.ኢየሱስ ቢታንያትል ስምዖን በርሰቱዅድ ልጝሊ ዋንቱኻ፡ 7 7.ላእዅና ኒአረኻ ካላእ ዕጥር ኒቂራ አቅትራሲክ ምልምል ግባተትልድ አድሮ እንትሮ፡ምድሊ ዓገልሶ ዋንቱ ኒ አኾርሊ ቋስቲሉ። 8 8.ኒታለይቱት ኒስ ተካ ጋርሲ ቋልነሰና ቀጠብኖ፡ 9 9. “አበዲ ውሪ ሰበብድ ግን ነስተካ ዕጥር ግምሽትል ድዳኹን፡አረኻ ገሪውድ ክስቶ ድቡራንድ እውስትርድ ሻው አኽለማ?” ይኑዅ። 10 10.ኢየሱስኻ ናለፈካ ሃመትሲ አለለዮ “እንትን እና እዅነት ትክያወራት እስረ ዋንትሩ ውሪዅ ግን ነሃብዲነ ሃለትደናዅንላ? 11 11.ድቡራን ዲማ እንተዲ ግን፡አንኻ ዲማዳይም እንተዲ እልሊ። 12 12.እና ዕጥር ንኪ ይአኾርሊ ብቊስረው አመሪ ይኤርብል ብቊሲቶ ፈርደው ግን። 13 13.እምንድክ ይየኩም እና ወንጌል ብሽራት ገእያ አካንሊክ ንር ስጙ ጉሮግን የኩንኩም”። 14 14.ላዅ ይሁዳ አስቐሮታዊራ ይስታዅ፡እን ሽካ ለጛትልድ በህሊን፡አቅሸተውል ፈሮ፡ 15 15. “እንታ ናንተል ደኩሶ እውየኩም ውራ ኡትነለ” ይኹሎም።ናዋ ሰዀረጝን ቅርሽ ዓርበንዅሉ። 16 16.እንሲን አንበታዃ ምልሰ ሸኺስሮሉ ደልማ ወክት አትቋመቱ እርግዅ። ፋጅኻ ሙነት 17 17.ኢየሱስቲ ኒታለይቱት ኒል ስኩር ይንዅ እማ “ፋጅኸስ አዊል ቊቶ ጀረብራዅን” ይንዅሉ። 18 18. ንኻ “ፈራ ድገትል፡አተይድኖ፡ፍላን ይስታዅ፡ግርወስ፡መምህር ገድም ይወክት ስኲርዅ እማ፡ይታለይቱዲ፡ፋጅኸስ፡ኲዲ ደኲሲያ ግን፡የኲካየሉ” ይዅሎም። 19 19. ኒታለይቱትኻ፡እን ኢየሱስ ያዅድሰነሎም፡ፈርኖ፡ፋጀኸስ፡ደለምድንዅሉ። 20 20.ኩንጝ አኾሰና ኒሽካ ለጛ ታለይቱዲ፡ሙነትሊ ዓገልስዅ። 21 21.ቊኑኻ “እምንድክ፡የኩም፡እንተልድ ላዅ፡ከየንዶለግን”፡ይዅሎም። 22 22.ናዋ፡ኒ-ኰርሲክ፡በኻኻርኑዅ። “እማ፡አኽሪዎይ አደራ”፡ዩኑኻ ላዅላኹድ ወንቀርኑዅሉ። 23 23.ንኻ “እን ናንሲ ግባርሊ ይዲ ገምዳዅ ግን እን ከየናዅለ፡ 24 24.አዳሚንድዅራ እን ኒድ ከተብሳዅድሰና ፈረኲ፡እንኲዅ፡ዳአም፡እን አዳሚንድዅረስ፡ደኲሶ እዋዅ አጀዋ፡እዃርስጋዅ፡አከን ኪድርድሉ”፡ይዅሎም። 25 25.ይሁዳ እን ካይንኻ “መምህር አንቶክ አኽሪ” ይዅሉ የሱስኻ “እንቲ ኲላውድ ይረኲ፡እንዅሩኲ”፡ ይዅሉ። 26 ኢየሱስ ቅዱስ ቊርባንሲ እሲዅ(ሰርዕዅ) 26.ቊኑኻ ኢየሱስ ሳንስዓስ አድዅ እማ፡ገውሮ፡ሸረፎ፡ኒታለይቱትሲ “እህና-ቋ ኒን ይስኻ፡ግን” ዩንሲክ፡እውዅሎም። 27 28 27-28.እንዳሀበ ይኸ ዋንጨስ አዶኻ፡ሐመዶ ደንቢ “እህና፡ናውክ ጀኣ፡ነን ገሪውድ ናዓገብ ብሕል መታን፡ፍዳ ቡቊተው ይብር ግን” ዩንሲክ ኣውዅሎም። 29 29. “እምንድክ ይየኩም ሲመር ጃርዅል፡ሐዲስድ እንተዲ አኾ ጅእሪሲክ፡ንደምብክ፡ሚድ ጀአሊ” ይዅሎም። 30 30.ማእኮት ሳብርዅሲ ሐለይኖኻ፡አካን ዋኻቱኲል አኽራሲክ ፈርኑዅ። ኢየሱስ በጥሮስ በረየትሉ ተንብህዅ 31 31.ኢየሱስ “አን ንኪር ቂርሊ፡ኣንተድ፡እንቋራ አኺየኩም ግን።ኒንኻ፡እን-ክቱብ “ምቃቀስ ጠዐንብያ ግን በግኻ፡እንጊትል ገለብቶ ግን”፡ ያዅሲ አልብዳ። 32 32.ደአም ክሪልድ ጐሰና ገሊለትል በደርድየኩም ግን” ይዅሎም። 33 33.በጥሮስ “ናውክ ኩድ፡ዓንቀፍሰንጝር፡አን ኩልድ ሲረሊ” ይዅሉ።ኢየሱሳ፡ “እምንድክ የካ ንኪርቂርሊ፡ዳርዋ ኳየጊ፡ሰዃ ዶል በረይቶለ ግን የኲንካ። 34 34.በጥሮሳ “አን ንኪ ኲዲ ክርዲ ግን ግራ ኒዀርሲክ በረየሊካ” ዩንሲክ ጀመርዅ።እንታለይቶት፡እንደጝር፡እንደዋ ይንዅ። ኢየሱስ ጌተሰማኒትል 35 35.ንድ ደምቢ ኢየሱስ ኒታለይቱትዲ ጌተሰማኒ ይስታኹል ፈሩዅ እማ ኒታለይቱትሲ “እንጨደት ፈሮ ጸሎት እሲሪሲክ ነት ግጃ” ይኹሎም። 36 36.ኒዲ ቤጥሮስዲ ለጛ ሻን ዘብዴዎስቊርዲት አዶኻ ቊርቊርትሮ ተርሲዅ። 37 37. “ይፍዅት ክሪልአኽታሲክ ሃመትሊ ቱሮ ህምበቲ እማ ነት ይዲ አኽድኖ ተርሃ” ይኹሎም። 38 38.ናልድ ስርገዮ ብሶትድ ብሪል ክብሪኻ “ዎ አበ፡ገረስታዅ አከን እና ዋንጫ ኒን ይልድ ደኲኒ፡ደአም ኲምራድ አኽኒ ግን ግራ ዩዅ አኽጊኒ” ዩ ሺዊዅ። 39 39.ኒታለይቱትሊ ወንተሮሰናኻ ገንጅኖ ዲዊኒኹሉ እማ ቤጥሮስቲ “ነሃብዲነ ላዶን ይዲ ተርህነስማ ቂልስ-ድንኹን?” 40 40.ሸርሊ ቱግድኒን ተርሃኽር ሺዋኽር፡ስኻ ሐያም ግን፡ፊዅት ደአም ዲማ ደለምሮ ህንብረሪ ግን”፡ይኹሎም። 41 41.ኮዶ ወንተሮ ናልድ ስርግዮ “ዎ አበ፡እና ዋንጫኒን አን ጅእጊሉ ደኲሮ ገረስተጋዅአከን ኲምራድ አኽኒ” ዩ ሺዊዅ። 42 42. ሐዲስድ ናል ወንተሮሰና ናዕልል ጅምዅድ ሽጙቶ ገንጅኖ ዳዊኒኹሉ። 43 43.ባሮሎምኻ ኒእማኒሰና ሲዀርወንትሮ እን እማና ያዅ ጸሎትሲ ድሙዅ። 44 44.ንድ ደምቢ ወንትሮ ኒታለይቱትሲ “ገድም ገንጃ ፊዃ እናሐን አዳሚንዱዅራ ዓገብውድ ናንትተል ሻክስታ ወክት ገእዩዅ። 45 45.ጓ ፈርንን እን-ካይን እናሐን-ኒ እንተረኲ እንኩዅ” ይኹሎም። ኢየሱስቲ ሻኽነትሉ 46 46.ናኸ ጋቡኻ ይሁዳ እን ሽካ ለጛትልድ ላዅ፡ኒዲ አስያፍዲ፡ግንፍፍዲ ሙዅሮው ከው ከላእ አቅሸታ በህሊንድ እንሻቅሰው እንትንዅ። 47 47.እንካይን “እን አን ሰለማዅ ንግን ፈጠንድኖSሻኻ” ዮ ኰድጘሎም እርጉዅ። 48 48.ንርድ ንርድኻ ኢየሱስትል ስኲርዩዅ እማ “ሰላም መምህር” ዩንሲክ ሰለሙኹሉ። 49 49. ኢየሱስኻ “ድዊ ይማዱ እንቲ ንድመታማ ኲእንትና” ይኹሉ።እንሲን ሻኽኖ እንሸውንኹሉ። 50 50. እንሲን እን እየሱስዲ ድየውልድ ላዅ ሴፍሲ ልጝልድ ፍዶ ላገንጂና አቅሽሽታዅሲ እንቁወስ ጨረሙኹሉ። 51 51. ኢየሱስኻ “ህምቢ ሴፍሲ ኒልጝል ወንተሲሉ፡ሴፍድ ድሂሳዅ፡ሴፍድ ግን ኒድድና። 52 52.እንቲ አርእቶ አን ጀረበዶክ ይኽርሲ ገደዪሰውለ ሺዊሪድሉ፡ንኻ ሽካለጛ ሰራዊትልድ በጃኸው ንርድንርድ ፈስርድለ። 53 53. ላገፍዳ ኒሰና አከ-ገን እን ክቱብ ኒስ ዩሰጛዅ አዋኸ ተመምርድ ሻዅ? 54 54.እንሲን ኢየሱስ እንከውሲ “ስዋኒሰናማ አስያፍዲ ግምፍፍዲሲ ሻኽትኖለ እንትድንዅን?ውራ እንታ ነበክል አኾ ዲማ ክንሱኩም ሻኽግድኒለ? 55 55.ኒን ኒውክ እን ክቱብ ነብያተው አቅትሮር መታን አኻዅ ግን”፡ይኹሎም።እንሲን ኒታለይቱት ባርኖሉ-እግርኑዅ። ኢየሱስ ዲቢ ጃብል 56 56.እን ኢየሱስቲ ሻኸው ቀያፋ በሄር አቅሽታኹድ ልጝሊ አድንኹሉ።ኒልኻ ከታበንዲ በህሊን ከወውዲ ዲቢትኖ ዲዊኒኹሉ። 57 57.ቤጥሮስ እንዳራ ስርግዮ ቅብልድ ሮሻን በሄር አቅሽታኹል አኽራሲክ ተለይኹሉ፡ 58 58.ቃዕረትሊ ትዎኻ ውራ ሃበነትሉ አትቋመትሮ ገንሺንዲ ሕበርሰ ከፍዩዅ። 59 59.ኒላ አቅሸታ በህሊንዲ ናውክ ዲብኢቶ እርገውዲ ኢየሱስር አወይሲ ብንድ ሰምዐው ጀረቡኒ እርግኑዅ።ገሪው ብንድ ሸረው ስኲርኑዅ፡ደአም ላሪ ድኳ ከታ አርኒ። 60 60.ደንቢረድ ለጛ እንትንዅ እማ “እና ግርዋ ኒን እና ቤት ጸሎት ጃርዅሲ አን ሰዃ ኳሪል ሐንፈሶ ገበርየሉ ገረሰኩን ዩንሲክ ዋስንኹንሉ” ዩኑንሲክ ሳምዕኑዅ። 61 61.እንሲን አቅሸታ በሄር ጉዅ እማ “ውራ አበዲ እንቲ ናውክ ናሃቢነ ሸከዩኑካ ላሪ ወንተሰለማ” ይኹኑ።ኢየሱስኻ ሰቈቡዅ። 62 62.እንሲን እን አቅሸታ በሄር ከርተፍዩዅ እማ” እንደ አበዲ እንቲ ክርስቶስ ጃርዅራ አክረን ኲዓይብ ጃርድ ድዊቶና” ይኹሉ። 63 63.ኢየሱስኻ “ውራ እንቲ ኩላውድ ደረኲ እንኲላማ?ንድ ደምቢ አዳሚንዱዅረስ ጃር ላውል ጠፍሖ ብኳና ዓስተሩዅሊአኾ፡እንተሩንሲክ ቋልትኖሉ ግን” ዩንሲክ ወንተስኹሉ። 64 64.እንሲን እን አቅሸታ በሄር ነዱበትድ ኒታኲንሲ ሔቅሰ፡ “ይኸ ውሪ ሰሚዕ ጀረብዳኹንና፡ውራ ጃርሲ ጀኻኹሲ እንተ ላውድ ዋስዶነኲ እልድኒማ? 65 65.ናጛ ውራ ይደናኽር” ይኹሎም።ናዋ “ኒን ክራ ወጀበኩሉ” ይንዅ። 66 66. እንሲን ኒገሸል ጥፍ ይንኹሉ፡በርጊዕንኹሉኽር። 67 67.ናበልጛ “ክርስቶስ አክረን እንደ ኤርኢ አውኒ ግን እና ኲትጠዓምባዅ?” ዩኑ ቃሺ ገጨብንኹሉ። ቤጥሮስር ከየና 68 68.ቤጥሮስ ቃዕረትሊ ከፍዮ ዋኑ ላገንጂና ኒልእንትቲሉ እማ፡ “እንቲ ኢየሱስ ገሊላሩዅዲ እርግሩዅ” ይቲሉ። 69 69.ንኻ ናድካ ጃብል “እና እንቲ ይራዅሲ ኤርእሊሉ” ዩበረዩዅ። 70 70. ኒልድ ጐ ጭምድሊ አኽታሲክ ፈሩኻ ኤሪሪ ገንጂና ሃደፍ ይቲሉ እማ እንኒል እርጋ ከውድ “ኒጝር ኢየሱስ ናዝሬትሩዅዲ እርጉዅ” ይቲሎም። 71 71.ንኻ ሐዲስድ “እን ግርወስ ኤርእሊሉ” ዩንሲክ ሸሩዅ። 72 72.ላዶን ግጅናሰኻ እን ኒል ጠጠው ዮ እርገውልድ ቤጥሮስትል ስኲርይኖ “እንትኽር ናልድ አኽረት ኲላንቅድ ኤለለይስረኲ” ይንኹሉ። 73 73. ላዶን ግጅናሰኻ እን ኒል ጠጠው ዮ እርገውልድ ጴጥሮስትል ስኲርይኖ “እንትኽር ናልድ አኽረት ኲላንቅድ ኤለለይስረኲ” ይንኹሉ። 74 74. ንኻ እን ግርወስ ኤርእገትሉ፡ሸርዶኽር፡እሺትጚሮኽር ተርሲኲ።ንርድ ንርድኻ ዲርዋ ኳዪዅ። 75 75. እንሲን ቤጥሮስ “ዲርዋ ኳየጊ ሲዅን በረይቶለ ግን”፡ዮሉእርጋ ኢየሱስር ጋበት እልብዱዅ እማ ኒልድ ከደን ፌ፡አቅትራሲክ ስሪዅ።
1 1.ብራ ክሶሰና ናኰርክ፡ በህሊን አቅሸተውዲ ከወውዲ፡ኢየሱስቲ ኩዳኖሉ፡ ላት አኽሮ ኰድጚኒዅ። 2 2.እንሸውኖሉኻ፡ጲላጦሲ፡እንሲምድ ደኲስኖ ኡንዅሉ። 3 3.ይሁዳ እን ደኲሶ እዋዅሉ፡ክራ፡ፈረድሳዅሲ ቋሎአና፡ጥዒሶ፡እን ሰኾረጝን ቅርሽ አቅሸታ በህሊንዲ፡ከው ሀህሊንዲትል አዶ እንቶ “አን ኪቲዅን ውረድ ብር ናስሐን ብቊሰ ህንባኽር ግን” ይኹሎም።` 4 4.ናዋ “ኲላውድ አርእሩዅ ይን ውሪ ፈሮና”ይንዅሉ፡ 5 5.ንኻ እን ሰኾረጝን ቅርሺ ቤት ጸሎትሊ ማሎ፡ፈሮ ገመር እሰ፡ክሩዅ። 6 6.እን አቅሸታ በህሊጛ፡እን ሰኾረጝን ቅርሺ አድኖ፡ “ነን ብር አራኻ ግን፡እንድባ ሰደቀትዅል እን ኲርኖሎም ወጀበለና ይኖ፡ 7 7.ኰድጚነ፡ጋሽድ አርብ አካ ብራ ጅቢኒዅሉ። 8 8.ንድ ግን እን ብራ ናን አኽታሲክ ብር ብራ ይስታዅ። 9 9.ናንኻ እን ነቢይ ኤርሚያስ “እስራኤልድቊር እን ሰኾረጝን ቅርሽ፡አረኸድ ክስታዅአድኖ ሺብኖ፡ 10 10.ደረቋ ብሪ አደረድ ኡንዅሉ፡ዮ እርጋዅ ናኸ ተመምዅ። 11 11. ኢየሱስ፡እንሲም ጃብል ደውይዅ፡እንሲምኻ “እን አይሁድ ንጉስ እንቲማ” ዮ ወንቀርዅሉ።ኢየሱሳ “ወራ ኲላውድ እንቲ ይረኲ እንኲላማ”። 12 12.አቅሸታ በህሊንዲ፡ከው በህሊንዲ፡ገሪዉድ ሸከዩኑሉ ላሪ ድኳ ወንተስላ። 13 13.ጲላጦስኻ “ውራ እንቲ ናው ሸከዩንካ ላሪማ ወንተሰላ?” ይዅሉ። 14 14.ኒ-ደአም፡እንሲም ፈከርስራሲክ ወንተስለሉ። 15 15.እን እንሸውሰውልድ፡ጲላጦስ በዓልድ በዐልላዅ ናው ፍሪርናዅሲክ እንክሮሎም ክኒ ሳጘኩሎም። 16 16.እን ወክት እንዲላ፡ላግርዋ በርባን ይስታዅ ኒ-ገሪ ምቊልንናርድ፡አርእስታዅ መሕቡስሊ እንሸውሳዅ ሳጘኲ። 17 18 17-18. ጲላጦስ ኢየሱስቲ ተነክነድ ሻኺስነትሉ፡አርኡ እርግነዲን፡እን ከው እንኩልኲልሶ ህንበውሲ፡ “እና ለጛ ነልድ፡አዊስ እንክየኩም፡ጀረብደናዅን በርባንቲማ፡ኣማ እና ክርስቶስ ይስታዅ ኢየሱስቲ” ይዅሎም። 19 19. ኒቂጦራ፡ፍርድዅል ከፍዮ ዋንቱኻ? ኒ-እዅና፡ “አን ንኪ ነባኺሲ፡እና፡ግርዋ ሐላልዅሪ ሰበትድ ሳደድሶ ገንጅጊ ኪዅን እማ እና ወራት ኒኹል ኲናንሰኢ ገምድግ” ይሮ እንሻቅቲሉ። 20 20.አቅሸታ በህሊንዲ ከው በህሊንድኻ በርባንቲ እንክሮሎም።ኢየሱስትኻ ሰቀልዶሎም፡ከውሲ አጃሲሲኒኹሎም። 21 21.እንሲን እንሲም “ለጘርትልድክ፡አዊስ እንክየልኲም እንከልደናዅን” ይዅሎም። 22 22.ናዋ “በርባንትዋ” ይንዅሉ።ጲላጦሳ፡ “እና ክርስቶስ ይስታዅሲኻ ውራ፡ሀቢየሉ”፡ይዅሎም። 23 23.ናውኻ ናኾርክ “ሰቀሊሉ ይኑ፡ጨርሕንዅ።ጲላጦስኻ “ኒደአም ውራ ምቊላ እሰ፡ይዅሎም።ናው ደአም “ሰቀልስኒ” ዩኑንሲክ ኮዲነክ ረገስ ትንዅ። 24 24.ጲላጦስ ድልቅልቅ አኽጋዅ ላሪ እሲሮ አከገት፡አትዋየንዶ፡ከዋ ነበክል፡ “ኣን እና ብር ሻትኩልድላጭሕ ግን እንታ ላውድ አር እድንዅ” ዩንሲክ ናንትትሲ እን ቃርዅ። 25 25.እን ከዋ ናኾርክ “ኒብር ይነዲ ይናቊርዲር አኾርሊ፡አኸኒ” ይንዅ። 26 26.እንሲን፡በርባንቲ እንኩዅሎም፡ኢየሱስትኻ፡ቀለጢሶ፡ሰቀልድኖ፡ናናንትልተ ላምስዅሎም። 27 27. ንደንቢ እንዓስከር ሲሙ፡ኢየሱስቲ ዲባ ፍርዅል፡አድንዅሉ፡ናትክ ዓስከርሲ ሽጘሎም፡እንኩልኩልንኲሉ(ከለብንዅሉ)። 28 28.ኒ-ሰረንሲ ካይስኖሉኻ፡ታዊና ሰራዅ ሰስንዅሉ። 29 29.እክክምሲ ላት እንሸሸውኖኻ፡ሻሽስና አኾርሊ ገምድንዅሉ።ኒናን ላውልኻ ሽንክረስ ሻኺስንኹሉ።እማ፡ኒጃብል እብርክ ይነክ፡ “ኦ አይሁድ ንጉስ ወርካማ”፡ ይነክ፡ቅበሲ ዋዕቡኑሉ እርግንዅ። 30 30.ኒዳግል ጡፍ ይንኹሉ፡እንሽንክረስ ኒልድ ባሪስኖኻ አኾርሲ ጠዓምብኑኹሉ። 31 31.ና ሃቢነ ማዕቢነሉ ደምቢ፡እን ታዊና ሰራዅሲ ህይኖሉ ኒታኲንሲ ሰስንኹሉ እማ ሰቀልድኖሉ።አድኖ ፈርንኹሉ። 32 32.ፈሩኑኻ ግርዋ ስምዖን ይስታዅቀሬኔሩዅ ደርብል ሃደፍ ዮሎም መስቀልሲ ሒልድ ሙቅሲስንኹሉ። 33 33.ጐልጐታ ማዕነት ናሽሽ አኾር የና አከንሊ ገእይኖ ሰና፡ 34 34.ሚድ መንሸው አሙዲ ሕበሪነ ጅእሮ ኡንኹሉ፡ንኻ ታሞ ጉሽኹሎም። 35 35.ሰቀልኖሰነሉ፡ኒሰረንሲ ቅሻ እሲነ በንስጚነኹሎም። 36 36.ኒል አኽኖኻ ተከውኑሉ እርግንዅ። 37 37.ኒከተስ ድዋዃ “ኒን ኢየሱስ አይሁድ ንጉስ ግን” ያዅ ከተብኖ ኒኤወይሲ እሲኒኹሉ። 38 38.ኒድኻ ለጛ ስኳን ላውዲ ሸንገብዲሲ ሰቀልኑዅ። 39 39.እን ደርብድ ደኰውኻ ናአዀትሲ ነክነኪነክ ጀኹኑሉ እርግኑዅ። 40 40. “እንቲ ቤት ጸሎትሲ ሐንፈስሮ ሰዃ ኳሪል ገበርዳኽር፡እንደ ኲሹት ደኤንዲ እምንድክ ጃርኹራ አክረን እንጫ ጣልይሮ ህምብራዅልድ ገሚ”፡ ዩኑሉ እርግኑዅ። 41 42 42.ኒሰና ይዅ አቅሸታ በህሊንዲ ከታበንዲ ፡ከዋ በህሊንዲ ሐበርሲነ አንደዋ ዩኑሉ አርግኑዅ ። 43 43. “ኤሪውሲደኤንዱ ሰጘላማ ውራ ናን ኒሹት ደኤንዳጋዅ?እንደ እስራኤልዲ ንጉስ አከንናን ቋልኖ ኒድ እምኖ እንጫ ሰቀልሶሉ ህንባዅልድ ገምን። 44 44.ውራ ጃርድ እምኖ ጃርኹራ ግን ዩ እርግለማ፡እንደ ናን ጃር አንከላኹሉ ርከን ደኤንድንሉ ይነካ ቅበሲ ጃኹኑሉ እርግንዅ። 45 45.እን ኒዲ ሰቀልሶ እርገውሲ እንደዋ ይንክ ጃኹኑሉ እርግኑዅ። 46 46.ግርግ ገፍልድ ተርሰ፡ሰዓት ሰዃ ኲርጚዅል አኸ ትሲክ እርድ ኒውክ ጨልመቱዅ። 47 47.ሰዓት ሰዃ አቅቶሰናኻ ኢየሱስ ደሃይሲ ክብሰ፡ “ኤሎሄ፡ኤሎሄ ላማ ሰበቅታኒ” ዩንሲክ ጨርሑዅ (ገዓሩዅ)፡ኒንኻ “ዎ ይኽር ጃር፡ዎይኽርጃር ውሪዅይቱ ባርድኹንለ” ይና ግን። 48 48.ላውኒል እርገውልድ፡ኒስ ዋስነሰና “ኒን ኤልያስቲ ሽጘኲ እንኩዅ” ይስትጚኒዅ፡ 49 49.ናልድ ላዅ ጋጙ ፈሮ መንሸው ጅእስተው ቀጢንሊ እሰ ሽንክሪል እንሸዎ ጅእስኹሉ። 50 50.ላው “እንደ ባሪ ኤልያስ እንቶ ደኤንዳኹሉ አከን ቋልኖ” ይኑዅ። 51 51. ኢየሱስ ኮዶ ደገሶ ደሄይሲ ክብሰ ዓዕዮ ደምቢ ኒፍዅትሲ እውዅ። 52 52.እንሲን ከራር ቤት ጸሎቱዅ እዋዅልድ ስቋኹል አኽታሲ ለጛትል ሔቅ ዩዅ፡ብራ ውልእዅ፡ሸሽሽ በጥትጚሪዅ፡ 53 53.አርፍፍ ብስቱዅ፡እን ሻትካን ክሮ እርገው ገሪው ናበድጛትዲ ጉኑዅ። 54 54.ኒ ጉኒ ደምቢ፡አርፍፈልድ፡ፍኖ፡እንደገጊትል፡አተይኖ፡ገሪውድ ቋልስትኑኽ። 55 55.እን ሊኽ አደራ፡እን ኒዲ አኽኖ ኢየሱስር አርብሲ ተከው እርገውዲ፡ብሪ ውልእነዲ፡ድልቅልቅዲት፡ወራታት አኸውዲት ቋልኖሰና፡ገሪዅ ጉኢትንዅ፡ኒ-ን እምንድክ ጃር ዅራ ግን፡ዩኑ ታንቲኒዅ። 56 56.ኒልኻ፡እኲን ኢየሱስቲ፡ዓወኑሰጘው ገሊለትልድ ተርሲነ እንሻቅሰው ሺራዅል፡አትቋመቱኑ፡እርግንዅ።ናልድኻ ማርያም መግደላዊዲ፡ማርያም ያዕቆብዲ፡ዮሴፍር ገነዲ ዘብዴዎስቊርድ ገነዲ እርግንዅ። 57 57.ኩንጝ አኾሰና፡ላግርዋ ዮሴፍ ይስታዅ ገሪ ገድ ሻዅ አርማተርዅ እንቱዅ። 58 58.ኒን ትብታንድ ኢየሱስር ታላይቱራ ሰጛዅ ግን፡እማ ጲላጦስትል ፈሮ ኢየሱስር በድንሲ ሺዊኹሉ፡ጲላጦሳ እወሉ ዮ እንሻቁዅ። 59 59.ዮሴፍኻ እን በድንሲ ደበላንድ ትብሎሉ ኒሹሺ ዮ ሽሺል ግኽደ እርጋ ጐቅሊ ቱስኹሉ። 60 60.እን ጎቅ አብስኻ ክርጛ ከላእኮትድ አበዶሉ ፈሩዅ። 61 61.ኒቅብልኻ ማርያም መግደላዊትዲ፡እን ላሪ ማርያምዲ አርብሲ ቋሉኑ እርግኑዅ። 62 62.ኒክሰረት በዓል ደለምኒ ግርጋ አኽነዲን አቅሽታ በህሊንዲ፡ፈሪሳንዲ እንኲል ኲልስኖ ጲላጦስትል እንትኑዅ። 63 63. “ዎ ይና አደራ እን ምለንታ ይና ነበክል ዋኑ አን ክሮሰና ሰዃ ኳሪ ደምቢ ጉያግን ዮ እርገት ናን አልብድንኹን። 64 64.እማ አውኒ አርእኹን ኒታለይቱት ቂር እንትኖ በድጝሲ ስውኖ ከውሲ ጉዅ ይኖ ከቲሰግኒን፡ሰዃ ኳራ አኽራሲክ ኤርብሲ ተከወውእሲ ውረድ ጃበሪ ምለኒልድ ድምበሪ ምለና ጃብጊን” ይንኹሉ። 65 65.ጲላጦስ “ተከወው እንተው ህምበነኩኩም፡ፈረድኖ እንታ አምርሰነክ (ምራድሰነክ) ተከዋ” ይኹሎም። 66 66.ናዋ ፈርኖ እን ክርጛ ጐቅሲ አበዶ ህምባኹድ አወይሲ አርእስትሮር መታን ሽሮት እሲነ ተከወው እሲኒዅሉ።
1 1.ሰንበር ደኮሰና እን ግርጋ ጃበሪል እን ኡናሩኹል፡ማርያም መግደላዊትዲ፡እን ሊጘሪ ማርያምዲኻ ኤርብሲ ቋልድኖ ጉራብድ ፈርንኑዅ። 2 2.እናሐና እንሲን ብራሒልድ ሐንቀልቀሉዅ፡ውረድ መልአኽ ጃሩዅ ዓስተርልድ ገሞ እን ክርጛ ጎቊሲ አበዶ እርጋዅሲ ገለበዶ ኒዳግ ከፍዩዅ። 3 3.ኒቋላ ምርክሰና፡ኒሰረንኻ በረድሰና ጫዕተው እርጉዅ። 4 4.እን ተከወው ኒሰቋልነስና በኻኻድር ጓቊስኽር ናለፈክ ድዶሎም ክረውድሰና ብሪል ማልስኑዅ። 5 5.እንሲን እን መልአኽ እን እኲንሲ ነዋይኹለን፡ 6 6. “እንትን እን ሰቀልሳዅ ክርስቶስቲ ጀረብደነት አርኦ ህምበኩን፡ኤረጋ ላሪ ጓቊትጋ፡እን ኒዮ እርጋኹድሰና ጉዅ ነት እላ። 7 7.ላዃ እን ኒደብተ እርጋ አካንሲ ቋላ፡ወለይዳ አሸሽኹድ ፈርድኖ ኒታለይቱትሲ “እናሐን ክሪልድ ጉዅ ገሊላትል በደርዶኩም ግን፡ኒል ቋልትኖሉ ግን” የሎም፡እናሐን ድወክን ህንበኩን”። 8 8.ናውኻ ላገፍዳ ታንትጝድ ላገፍዳ ፈርሐትድ ኒልድ ኒ ታለይቱትሲ በሸርድድኖሎም ጋጚኒዅ። 9 9.ናኺነ ፈሩኑ-ኻ እናሐን ኢየሱስ ሃደፍ ይኹለን፡ “ሰላም ወርክማ” ይኹለን።ናዋ ስኲርይኖ ኒልኩኲሲ ሻኽኖ(ለብኖ) ሰለምንኹሉ። 10 10.ኢየሱስኻ “አርጋ ላሪ ጓቊትጋ ፈርድኖ ይሻንሲ ገሊላ ደኳ የሎም፡ኒልኻ ቋልድኖለግን”ይኹሎም። 11 11.ናው ፈርኖሰና እን ተከዉ እርገውልድ ላው ኮል አተይኖ ኒትክ እን አኻ ጋራትሲ አቅሽታ በህሊንድ ጂጝስቲኒኹሎም። 12 12.ናዋ ከዋ በህሊንዲ ዲቢል ዓገልስኖ ኰድጚነ እን ተከዉ እርገውድ ሰላዲ በጃኸድኖ ኡንኹሎም። 13 13. “ቂር ገንጅኖ ዋንትኑንሲክ ኒታለይቱት እንትኖ ቂር ስዊኒኹሉ” ይዱኑ ድሪሳ(ወሪሳ)፡ 14 14. ነስ ተካ ጋራት እን መሪ ዋሰን ይና ላውድ ፈሃሚስኖሉ ግን” ይንኹሎም። 15 15. ነጛ ናሰላዲት ከለብርኖ ናው ኰድጚነሰነሎም እሲኒዅ።እና ጋር ኒን ናን አኽታሲክ አይሁድ ብሪል ጋብስተኲ እንኩዅ። ታለይቱት እንሻቅስነት 16 16.እንሽካ ላዅ ታለይቱት፡ኢየሱስ ሐበሮሎም እርጋኹድሰና፡ገሊለር ጊሪል ፈርኑዅ። 17 17.ኒል ቋልነሰነሉኻ ብሶትድ ኒጃብል ለብኑዅ፡ደአም ናልድ ላው ተሐደብኑዅ(ተዓነንኑዅ) 18 18.ኢየሱስኻ ናል ስኲርዮ “ኒልክ ጃርዲ ብራዲትል ሕክም እውስቶለ ህምበኲ፡ 19 19.እማ ፈራ ከውሲ ናትክ ሱጝ እኽሩዅድ፡እዅሪዅድ፡መንፈስ ቅዱስዅድ ጠመቅድዱኑ ይት ተለየው እሰሎም። 20 20.እን አን ድወዅሲኩም ኒትክ ተከውድኖ ክንሰሎም።እናሐን አን ደንጎቢ እዲኒዅ አኽራሲክ ዲማ እንተዲ ህንበኩን” ይኹሎም።
1 ኒ ጃበራ ኢየሱስ ክርስቶስ ጃርዅሪዅ ወንጌል ኒን ግን። 2 እናሐን ኢሳያስ ነቢትል “ጃር ጉግ ደለምዳ ኒደርፍፍሲ ጠለቓ”። 3 ያዅ አውከደንሊ ጨርሐዅ ላጋባ ኩጃብጃብል ኲጉግሲ መለዋልይዲ ጋባያንዲት ጠልቓኽር እርውሳኽር ያዅ ከተብሳኹድ ሰና፡ 4 .ዮሐንስ ዓገብሲ ብሕልሲሳዅ ጥምቀት ጢዒሱዅሲ ሰበኩ አው ከደንሊ እንቱዅ፡ 5 ይሁዳ ብሪውዲ ዮርሳሌሙዲ ኒል እንተሪነክ ናዓገብ እምኒነክ ብሕል ይስትሮሎም ዮርዳኖስር ወረቢል ኒድ ጠመቅሱኑ እርግኑዅ። 6 ኒሰረና ግሚሊ ዒዶራ እርጉዅ፡ኒ ሕቀቅል ማጨይሲ ደበልቶ ሰጘኩ፡ 7 “ይልድ ሒሊታዅ እካዅራ አን ኒጃብል ሉምዮ አስርከት ኒሻንፍፈውሲ ወጨልየሉ ወጀበጋዅለ ይደንቢ እንተሮግን” ዩንሲክ ሰበኩ ሰጘኲ። 8 .ኣን ዓቑድ ጠመቕደኩንኩም እንኩኹን ኒኻ መንፈስ ቅዱስድ ጠመቕድሮኩም ግን ዩ ሰጘኲ። 9 .እናሐና እንሰከር ግርገትል ኢየሱስ ናዝሬትልድ ገሊለትል እንቶ ዮርዳኖስትል ዮሓንስትልድ ጠመቕሱዂ። 10 ፋኻ ንርድ ንርድ ዓስተር ብስቱዅ መንፈስ ቅዱስ ኳትራ ተኩ ኒ አወይሲ ገሙ ቋልስቱዅ። 11 “እንቲ ይኹራ እን ፈርሕድራኽርለ ኣን እንከላዅ ግን” ያዅ ደሀይ ዋስስቱኹ፡ 12 .ንርድ-ንርድኻ መንፈስ ሙቁላ ኣው ከደንሊ ፍድኹሉ። 13 ሸጣንድ ወጠንሱ አርብያ ኳራ ጨበሩዅ።ዋኒንዲ ዋንቱኻ መላእኽቲ እንሻቕሱኑሉ እርግኑዅ። 14 .ዮሓንስ እንሸውሶሰና ኢየሱስ ሲመር ጃርዅሲ አበሸርዱ ገሊለትል እንቱዅ። 15 “ወክት አቅቱዅ ሲመር ጃርዅ ሱኩሩዅ እንተለፈክሲ ወንተራ ወንጌል እምና” ዮ ሰበኩ ሰጘኲ። 16 .ገሊለር ዓይግድ ሸልድ ደኩኻ ስምኦንዲ ኒዳን እንድርያስዲ ናውራት ዕሳ ሻክና እርግነዲን ናሰቀሊትሲ ዓይግል ማለውሲ ቋሉዅ። 17 “ላዃ ጓ ለሄከለ አን ከው ሻከው እሲየኩም ግን” ይኹሎም። 18 ና ሰቀሊትሲ ባርኖ ኒዲ ብርፍ ይኑዅ። 19 ላመደት ደኮሰናኻ ያቆብ ዘብዴዎሱኹረዲ ዮሓንስ ኒዳንዲት ታንኳትሊ አኽኖ ናሰቀሊትሲ ትክሱኑ ቋልኹሎም እማ፡ 20 ሽጙኹሎም።ናዋ ናኽር ዘብዴዎስዲ ናት ካበውዲት ታንኳትሊ ባርኖ ኒዲ ብርፍ ይኑዅ። 21 . ቅፍርናሆምትላ እንቱዅ ብራ ሰንበር እርግነዲጛ ኒድ-ኒድ ቤት ጸሎትሊ ትዎ ትክሰ ክንሲኹሎም። 22 ና ከታበንሰና አኸጊ አደሪሰና አኾ መሀርዳኹሲሎም ቋልነሰናኻ ፈከርስኑዅ። 23 ጸሎት ልጝሊ ላግርዋ ሸጣን ሻዅ እርጉዅ። 24 “ኦ ኢየሱስ ናዝሬትሩዅ ኩዲ ይነዲት ውራ ዋንተና እንቲ ድሂስቶና እንትሮ ህምብራኽር ግን አዊ አኽረት አርእኑዅንካ እንቲ ሻትክ ጃርዅራ አኽረት” ዮ ዋዕዩዅ። 25 ሰቖቢ ኩአብ ሻኽሮ ፊ ኒልድ ዩ ዋኺትኹሉ። 26 እን መንፈስ ሙቁላ ረግረጎሉ ደምቢ መውዒት ሸደቦ ኒልድ ፊዅ። 27 እን ኒል እርገዋ ፍክር ኣኾሎም ናሹርናሹ ኒን ውራ ተካ ወራትኒ ሒልድ ሐዲስ፡ክኒ ክንሳኹ ሸዋጢንሊ አኽራሲክ ኒምራድሰነክ እሳዅ ዩኑ ኣላ ጋዶ ግን ኒና ይኑዅ። 28 ገሊለር ብሪል ኒ ገእያ አካናትሊክ ዋስስቱኹ። 29 ጸሎት ልጝልድ ፈሰናኻ ኒድ-ኒድ ኒዲ ያቆብዲ ዮሐንስዲት አዶ ቤጥሮስዲ እንድርያስዲር ልጝሊ ቱውዅ። 30 ስምኦንዲ ተንሺኒ ሻማ ሻኾላ አርግል ዳዊቲሎም ንርመታጛ ሺዊኒኹሉ። 31 ንርትል ናንድ ሻኾ ጉድኹላ ንርድ-ንርድ እቢርዶ ከርተፍይሮ ዓወንቲሎም። 32 ኳራ ለብሮሰና ናትክ ሹኹሽተውሲኽር ሸዋጢን ሻኸውሲኽር ናቆስኑኹሉ። 33 ድገሩኻ ጭምድሊ እንኩልኩልስኑዅ። 34 ናትክ ናሽዅዲልድክ እቢሱዅሎም ገሪው ሸዋጢንኽር ፍዱዅ ኒን አውኒ አኸት አርኡኑሉ እርግኑዅ ኒ ደአም ኒሰበትድ ጋበግኒን ተብዶ ገብዅሎም። 35 ጭልግልግል ጐኻ ጭምዊታ አካንሊ ጸሎት እሲሮ ኮልድ ፊዅ። 36 እን ኒዲ እርገውዲኻ ጀረቢድኖሉ ፈርኑዅ። 37 “ናውክ ጀረበነኩካ እንኩኑዅ” ይኑዅሉ። 38 “እናይና ገቢል ህምባ ደገጊትልኽር ጐና ውረድ ናድር ሰበክያ ግን አን እንቶ ህንባዅ” ይኹሎም። 39 ጸሎቱዅል ኽር ሰበኩ ሸዋጢንስኽር ፍዱ ንርትክ ገሊለትኻ ጅልውኹላ። 40 ግርዋ በርሰቱዅ እንትኹሉ ኒጃብል ብሶትድ ሐርበጦኻ እንቲ ኩምራድ አከን ላጭሕድቶለ ገረስረኲ ዩንሲክ ሺዊኹሉ። 41 ሳኻንድኹሉ እማ ናንሲ ኒል አኽራሲ ጣለቆ ተመድኹሉ እማ “የዋ ይምራድ ግን ላጭሒ” ይኹሉ። 42 እንበርሰት ላጭሕኹሉ። 43 የሱስ ላኹድ ድወጊን ተብዶ መኾኾሉ ደምቢኻ፡ 44 እቢርደት ሳምዕ አኽሮካ እን ሙሴ አደዳኹሲና ቀሺረድ ቋልስቲ ዮ ስብድኹሉ። 45 ኒኻ ኒልድ ፈሮ ኒልክ አኻ አካንልክ ወሪሱዅ ንድኻ ኢየሱስ ትብታንድ ኤኤገን ደገጊተል ዔርና ገሪዅ ጅርበት አኩሉ እርጉዅ ንድ ሰበትድኻ ከደንድ ከደን ጭሙዊታ አካናትሊ ትብቱ እርጉዅ።ኒልር ዋሳኹክ ኣኻኮልድ እንተሩኑሉ እርግኑዅ።
1
1 ጸሎት ልጝሊ ትውዅ ኒላ ግርዋ ናንኒዅ ዓቀልሳዅ እርጉዅ። 2 እቢሰንሉ ሻከይድኖሉ ይኖ አትቋመቱኑሉ እርግኑዅ፡ 3 ግርዋ ናን ኒኹ ዓቀልሳዅሲኻ “እንደ ነራ ላዅ ነበክል አኺ” ይዅሉ። 4 “ሰንበርድ ትክያዅ እስነማ ኪዳዅን ሙቁላ፡ፊኹት ደኤንድነማ ወጀባኹን እማ ኩና” ይኹሎም ናዋ ላሪ ወንተስኒሉ። 5 ምቁልናርድ ሐሩቀትድ ማኻልቶሎምኻ እን ግርወስ ናንሲ ጠለቂ ይኹሉ።ንኻ ጠለቁዅሉ እማ እቢሩዅ። 6 ፈሪሳንሲኻ ኒድ-ኒድ ኒልድ፡ፍኖ ሄሮያንዲ አዋሃቢነ ኩወነትሉ ገለልስጚኒዅ፡ 7 ኒታለይቶትዲ ዓይግል አኽራሲክ ፈሩኽ፡ኒላ ከው፡ገሪው፡ገሊላትልድ ልሄክኑዅሉ። 8 ይኸ እን ንእሰ ጋራት ኒልክ ዋስሰነዲ ይሁዳትልድኽር ኢዮሩሳሌምትልድኽር ኤዶምያትልድኽር ዮርዳኖስር ካርጛትልድር ጢሮስር ሸልላትልድር ሲዶናትልድር ኔን ይስትጋ ከው እንትኑዅሉ። 9 ከው ብጅኽ ቋለሰና ደረክግኒንሉ ዮ ኒታለይቶትሲ ታንኳት ስኩሰለ ይኹሎም። 10 ሽኹሽተውሲ እቢስነዲጛ እን ሽዅዳ ሻውክ ከለልኖሉ ተመድኖሉ ይኖ ኒዳግ እንተሩኑሉ እርግኑዅ፡ 11 ሸዋጢን ሻውር ቋሊነክሉ ሺባ እንቲ ጃርኹራ ግን ይኖ ዋዕዪነክ ኒጃብል ሐርበጡኑ እርግኑዅ። 12 አርእሲስግኒንሉ ተብዶ ገቡሎም እርጉዅ፡ 13 ፌኻ እን፡ ኒ-ጀረበውሲክ ሽጙኽ ናዋ ኒል እንትኑኹሉ፡ 14 አኽኖ እንሻቕሮሎም ሰበክድኖ ሽካ ለጛፍሪሩዅ 15 ፍድኖኽር ሒል እውዅሎም 16 ሽካ ለጛር ስጙጙ ኔን ግን ስምዖንዲ ኒሱጝሲ ቤጥሮስትል በደልዅሉ፡ 17 17.ያዕቆብ ዘብዴዎስዅራስ ኒዳን ዮሐንስዲት ናሱጝሲ ቦኦርነርስቚር ይኹሎም።ንድ መታንኻ ጓንጉቊር ይና ግን፡ 18 18.እንድርያስዲ ፍሊጶስዲ በርተሌሞስዲ ማቴዎስዲ ቶማስዲ ያዕቆብ እልፍዮሱኹሪዲ ታዲዎስዲ ስምዖን ቃና ሩዅዲ፡ 19 19.እንደኲሶ እዋዅሉ ይሁዳ አስቆሮታዊራዲ ግን 20 ልጝሊ ወንተሮሰና ነብራ አድነስ ሐገድራሲክሎም፡ከው ሐዲስድ፡እንኲልኲልስዅሉ፡ 21 ወንድኻ “ኒን ለበከዲ እላ ኒ-አኾር ጅለዎሉ ህምባዅ ግን የውሲ ዋስነሰና አድኖሉ እንትኑዅ። 22 እንተው ከታበንኽር “ኒስ ብኤል ዜቡል ሻኲ እን ሸዋጢን ስጙድ ግን ሸዋጢንሲ ኒ-ዳገናዅ”፡ዩኑ ጀኺኒዅሉ። 23 ኒል ሽጝዅሎም እማ ነዋ፡ይኹሎም እንደ አበዲ ሸኑራ “ሸጣን አዋሃበ ሸጣንሲ ፍድሮ ገረሳኹን” ይኹሎም፡ 24 ኒ-ሹር ኒሹትል በንሰን ላሪ ተብሮ ገረሰላ። 25 ላ-ልጝኑ እኺርኺርሊ ጋጘነን ላሪ እሲድኖ ገረሰኒ። 26 ኒሰና ግን ኒ-ሹት እንጠረን ደው ይሮ ገረሰላ ኒ-ድዳ ስኲሩዅ ማለት ግን። 27 ልጝን ሒለቱዅ ድኹል ትዎ ኒእራኲሲ፡ስዊሮ ገረሳዅ እላ።ሰልፍ በደሮ እን ልጝን፡አደረስ እንሸውሮ ህምበኩሉ እንሲን ሱዊሮ ገረሰኲ። 28 እምንድክ ድውየኩም ድውየኩም አዳሚንድቚርድ ኣኻ ዓገብዲ ጀኸንዲ ይናዅክ ኒ-ውክ ባርስትሮሎም ግን። 29 መንፈስ ሻትክድ አወይሲ ዓገባኹስኮት ክመን ድአም ነትር ኒራኽር ዲማሲ፡ብሕል ይስተለሉ 30 30.ኒንኻ መንፈስ ሙቚላ ሸኾሉ ህምበኲ ይንነዲንሉ ግን። 31 ኒገናዲ ኒሻንዲ ኒል እንትኖ ጭምድል አኽኖ እን ሻቕኖ ሽጝኑኽሉ 32 ገሪው ከለልኖሉኻ ከፍይኖ እርግኑኽ ናዋ “ኩገናዲ ኩሻንዲ ነት ጭምድሊ አኽኖ ጨበረነኲካ እንኩኑኽ” ይኑኽሉ። 33 “አውረው ናው ይሻንዲ ይገናዲ፡ዮ”ወንቀሩዅሎም 34 ኒ ጅልዋነል፡ህምበውሲ መኸኸልቶኻ “ኔን ግን ይገናዲ ይሻንዲ፡ 35 እንጃር ምራድ እሰው፡ግን ይድ ይሻንዲ ይገንዲ”ይኹሎም።
1 ይኸ ዓይግ ሸልሊ አኾ ክንሲሮሎም ተርሲዅ፡ከው ከላእ እንቶኻ ኒ-ዓቕልሲ ሽብውድኖሰነሉ ታንኰትል ትዎ ከፍ ዪዅ እንከዋ ዓይግ ሸልሊ አዅዅ፡ 2 ሀበ ትክሰ ክንሲዅሎም፡ 3 ይኹሎም “ሸኑራ አረሳ ጐዲሮ ኪድጝል ሰገሩዅ 4 እን ፈደንልድ ላው ጉግ ሸሊ ለቡዅ እማ ጀከል እንቶ ቊዅሎም። 5 ተርኮሪል ለቡዅ እማ ወለይዶ በኰሉዅ ብታ ሽጉነዲንሎምኻ፡ 6 እሰሰና አስሉል እርግገውሎም ኣኾ ወለይዶ ኢዱዅ። 7 ይኸ እክክመል ለቡዅ እማ ናዲ በኰሎ ለለቕ ነዲንሎም ፍሪትጊ ከብቲዅ 8 ብታ ሻዅል ለቡዅ እማ ፍሪቱዅ።ላውኻ ሶኾረጝን፡ወልትረጝን ዕበላ እወውልድ ሊኽ ዕበላ እወውልድ አዅኽ። 9 እንቊዋ ሻኹክ ዋስኒ፡ይኹሎም 10 አኾሰናኻ እን-ኒል፡እርገውዲ እን ሽካ ሌጛዲ እን ድግምሲ ወንቀሩኑኹሉ። 11 ስቱርጃር ሲመርሲ አርእትኖ እንተድ ካያ እውስቶ ህምባኲ እንጫ ሰኪል ህምበውድኻ 12 ቋልድኖ ደአም ላሪ ፈረግኒን ዋስነስር ዋሰድኖግን ድአም ላሪ ፈጠንድኖ ናለበኪል ወንተርኖ ናዓገብ ብሕል ይጊንሎም ግን አን ኒትክ ድግምድ ጋባዅሎም ይዅሎም 13 “እና ድግም ኒሂት አርእግድናኽር እን፡አሪ ድግማትሲ አዋሀብዲነ ፈጠንትኖ። 14 ጋበታ ፈደዅ 15 ጉግ ሸልሊ ለብራ ፈደና እንጋበት ሸኑረውግን ድአም ሸጣን ንርድ-ንርድ እንቶ እንጋበት ናለበኪልድ ሸተፈኩላ 16 ፈደና ተርኮሪል ለብረሪ ንድሰና ግን እን ጋበት እንሲንሲ ፈርሐትድ ከለብረነኲላ ድአም እንሲንቲ ግን። 17 ከለላ ግርጋትድ ግን እን ጋበር ሰበትድ ማሕገድ አረሰነሎም ንርድ-ንርድ እንቄራ፡አከኖኲ 18 18.እን፡እክክመል ለብረሪር፡ድግም ነወያዅ ግን እን ጋበት ሸኑረው ግን። 19 19.ሃመት ብሪ ተባብዲ ገዲር ሰውሄትድ እንጋባ ለለቕስሮ ፍሪተላ። 20 20.እን ትክያብሪል ለብረሪር ድግም ንድሰና ግን እን ጋበት ከለብርኖ ትክያዅል እርግሰው ግን።ላው ሰኾረጝን ላዋ ወልትረጝን፡ላው ይኸ ሊኽ ፍሪተውግን። 21 ኮዶ ይዅሎም።ቲዃ ሻክስታዅ ሕንኲል ዓንቀይሊ ወሪ፡አርግ ስቆትል ገምሮ አኽላ ክብያ ርካንሊ ገምሮር መታን ግን 22 እላ፡ትብታዅ ቀልዕስተጋዅ ላሪ ይኸ፡ሕሽኲሹኲ ይስታዅ ፋይሕል ፋጋዅ እላ። 23 ሸኑራዅ ክመዅክ ዋስኒ ይኹሎም። 24 እና ዋስደነውሲ ፈሃማ እን ምክራ መከርድናኹድ መከርስሮኩም ግን ኮስትሮሎምር ግን 25 እን ሻዅድ ኰስትሮሉግን እን እንግጋኹድኻ እን ኒ ሻውስኽር አስትሮሉግን። 26 ይዅሎም ሲመር ጃሩዅ አረሳ ኒ ፈደንሲ ብሪል ፈዳዅሲ ተከኲ። 27 ቂር ገንጃኲ ገርካ ጓዅ ኒ ላሪ ፈጠንጊኻ እን ፈስተው በኰለኩር ለገደኩር። 28 ብራኻ ኒውድ በደሮ ሻንካ ፍደኲ ኒ-ደምቢ፡ጨረረኩር ሱሪተኩር እዃረኲር፡እን ሱራኻ ሱሪትሮ አርድ እንታኸቲ። 29 29.መሽው ከብኒ ወክት አኽነዲን አረሳ ኒከብኒል ትዎኲ። 30 ይዅሎም ሲመር ጃሩዅ ውራ ተካኹንኩም ኤውያ ድግምድኻ ጂጝስቲንኩም 31 ፈደን ተከኲ ኒኒ አኻ ፍርርልድክ ሹጐቲ። 32 ናድካ ኤምሪ ፍርርልድክ ሽጉሩ በኮልደሰና ጀከል ዓስተሩ ንርለንክክሊ ናልጝንትስ ገበርድናሲክ ክትል ከልአን እስቲ። 33 ናው ፈጠነነሰነክ ሃበ ድግማትድ ጋቡሎም ሰጘኲ 34 ታለይቶትዳ ናቱ አኽኖሰና እንድግማትሲ ናትክ እንኩሎም ሰጘኲ። 35 ኩንጝ አኾሰናኻ ኒታለይቶትሲ “ጐና እንደራ ወረበስ ካርንን” ይዅሎም። 36 ስብዶሰናኻ ታንኳትድ አድኑኹሉ ኤሪውር ታንኳት ግናቲትድ ኒዲ ብሩፍ ይኑዅ። 37 ወልወል ሒለቱዅ እሲነዲን ታንኳቲ ዓቚድ እንትኽ ይታሲክ ኤፍሉት ከለአንሲ፡እሲኲ 38 ላዅስክ፡ዱከርቶ ጉርበትድ ገንጆ እርጉዅ።ናዋ “ዎ ይናአደራ ይን ድድነን ኩት ላሪ ሐገደለመካ” ዩኑ ጉድኑዅሉ። 39 ሲን ጐ-ወልወልሲኽር ዋኺቱዅ ይኸ ዓይግስኽር ህምቢ ድግዪ ይኹሉ።እንሲን፡ወልወልዲ፡ዓይግዲ፡ድግ ይኑዅ፡ኒውካሃናእ ዪዅ። 40 ውረድ ንሰኮት ታንትደናኹን፡ውራ ኣማነት እንግግድናኽርማ፡ይኹሎም። 41 እምንድክ ጓቁትኑዅ ናሹር፡ናሹኻ “ኒን ኤውንኒ የሃው ወላውልዲ ዓይጉትዲ አደድሳኹሉ” ዩኑ አስደመምኑዅ።
1 ካርግልኻ ብራ ጌርጌሴንርዅል እንትኑኹ። 2 ገሞሰናኻ ላግርዋ ሸጣን፡ሻዅ ኤርፍፈልድ ፌ-ጋጙ ሃደፍ ይኹሉ። 3 ኤርፍፈል ሰጘዂ ኚጥ ጠብድዕ እንሸዋዅ ኒኾርስክ ገመር ትሩድ ሰጘላ። 4 ገመትዲ መዓጪዲሲ፡ተብድኖ ከረውሲነ እንሸዉኑሉ ሰጘነኲ፡ድአም ናትክ ከተተቦ ባሩ ሰጘኲ እን ኒ-ህምባ ኣካንድኻ ላዅ ኣዊ ይኮት ያዅ ደኩሮ ገረሳዅ ሰጘላ። 5 ቂርዲ ገርክዲ፡አርፍፈልኽር ጊትልኽር አከክ መውዒታት እሱ ኒፊዅትሲኽ ሕንጩንድ በጠኢሱ ሰጘኲ። 6 ኢየሱስቲ ቋለሰና ጋጙ እንቶ ኒጃብል ሐርበጡዅ። 7 “እንቲ መንፈስ ሙቁላ ፈሪ ፊ እና ግርዊልድ ዩሉ፡ 8 ጋብሲ ክብሰ “ኦ ኢየሱስ ጃርኹራ ይዲ ኩዲር ነበክል ውራ ዋነና።ጃር ጨጊር ምጨትድ ኣላላ እሲስግል” ዩንሲክ መውዒታትሲ ትቡሉዅ። 9 ኮዶ ኩስጝ ኤውኒ ግን ዮ ወንቀሩኹሉ ኒኻ ገሪው ኣኽንነዲን ይሱጝ “ለጌዎን ግን” ይኹሉ። 10 ኮልድ ፈስጊንሎምኻ ገሪዅ ሺዊኒኹሉ። 11 ጊሪ ቃሽል ወንኪር ሸፈልስሮ እርግቲ። 12 “እንጫ ወንኪርሊ ቱኖ ፈስቶና ኲ-ዓይብ ይኖ ሺዊኒኹሉ፡ኒኻ ፈራ ቱዋ ይኹሎም። 13 እን ግርዊልድ ፍኖ ወንኪርሊ ቱኑዅ፡ናውኻ ገለብሮ ቅራርድ ትንኩሪርዶ ናውክ ዓይግል ለብሮ ተረቅቲ እን ወንኪርኻ ለጛ ሊኽልድ በጃኽሩ እርግቲ። 14 ንምቃቅልድ ኒልድ እግረው ድገትል ኒትክ ድሪስኑዅ ኮቁርኻ ውራ ተካ ወራት አከት ቋልድኖ እን ኩልኩልስኖ እንትኑኹሉ። 15 እን-ግርዋ ሸዋጢኑዅ፡እቢሮ ኒታኲን ሰሮ ኢየሱስዲ ከፍ-ዮ ህምባኲሲ ቋልነሰና ጓቑትኑዅ። 16 ኢየሱስ ሃበውዲ እንወንኪርሊ፡አኾ ብሲራትዲ እን ኒል ዲወው ትክሲነ ጂጝስቲኒዅሎም። 17 ናኮልድ ፈርዶሎም ሺዊኒኹሉ፡ 18 ተር-ዮ-ሰና እን ሸዋጢኑኹ ሰጛዅ ኒዲ ፈርዶ ሺዊዅሉ። 19 ኢፋልካ፡ፈሪ ኩልጝል አተይሮ ኒትክ እንጃር ኩድ እሰ በሺርሲ ኩከውድ ድዊሎም ይኹሉ፡ 20 ወንተሮ ሽካ ደገጊተል ኒትክ ኢየሱስ ኒድ እሴዅሲሉ ድሪሱዅ። 21 ኮዶ ታንኳትድ ኒራድ ቅብልሊ ካሩዅ፡ኒላ ከው ገሪው እንኩልኩልሱዅ ኒኻ ዓይግ፡ሸልሊ ደውዩኹ። ያኢሮሱቕረት እቢሰት ንርድኽር ብር ፈሩላ ሰጘሪ እዅና እቢሰት 22 ላግርዋ ያኢሮስ ይስታዅ እን ጸሎት ልጝሊ አደራ ቋለሰነሉ ኒልኩል ለቡዅ እማ፡ 23 ግናዪ ክርቶለ ፈረቲ ላዅ እንትሮ እቢርቶ ኩናንሲ ገምዲላ ዮ-ሺዊኹሉ። 24 ብሩፍ ዩዅ ከው ብጅኽድ ደረኩኑሉ ተለይኑዅሉ። 25 ከውዲ ሕበበርስረ ላእዅና ብር ፈሩላ ሽካ ለጛ አመራ እስረሪ እርግቲ፡ 26 ትልለውሊ ንር-ማል ገሪውሊ ድሂስረሪ ግን ድአም ጂባ አከገን ላሪ ኪድለላ፡ 27 ጋበውሲ ዋስርነዲጛ ከውዲ ሕበርስረ እንትቲ እማ ጉርበትድ አኽሮ ኒታዊነስ ትምድሲቲ። 28 ኒታዊናስ ተመድን ግራ እቢርድያ ግን ይሮ ሳድሩ እርግቲ 29 እን-ላኸን ብር ኒድ ጀበብ-ዩላ ሰጛዅ እቢሩዅ እቢርደትኻ ንር ገሮብሊ አርእስቱኹላ። 30 ኒሹትልድ ሒል፡ፈት፡ዋስስቱኹሉ፡እማ ከውሲ ማኸኸልቶ “ኤውንኒ ይታውይነስ ተመዳዅ” ይኹሎም። 31 ኒድክድ ከው ትንክበውሲ-ካ፡ቋልዱ ኤዊ፡ተመድኹንለ ይሮ ወንቀርዳኹን” ይንዅሉ። 32 እን ተመድረሪትሉ ኤርዶ-ዮ ኒ-ጂልዋንል መኽሽልቱዅ። 33 እን እዅና አርሱዅን ይሮ ጉኢሲ አልኮተቲ፡ውረድ፡እን ንርትል አኻ በሽር ኤርእሰቱኹላ።ሲንኒ ጃብል እንትሮ ገሽድ ሐርበጥሮ ኒትክ ድዊቲሉ። 34 “ኩአማነት ግን ኩት እቢሳዅ፡ይቊራ፡ፈሪ፡ንኪትልድ ተርስረ ኩሹዅዲልድ እቢርዱዅ” ይኹላ። 35 ጋቡ ላው እን ቤት ጸሎት ልጝልድ እንሸቕስኖ ኒል እንትኖ “መምህርሲ ግምሽ ተዓብድግሉ ኩቊራ ክርቲ” ይኑኹሉ። 36 36.ኢየሱስ ና ጋብሲ ዋሱዅ እማ እን ጸሎት ልጝን አደረስ “ላሪ ጓቊትግ እምኒ ካያ ይኹሉ። 37 ያዕቆብዲ ዮሐንስ ያዕቆብሲ ኒዳንዲት ኒዲ አዶኻ ኤሪውሲ ተለይድኖሉ፡ጀረቢላ። 38 እን፡ጸሎት ልጝን፡አደሪ ልጝሊ ገእዮሰና ከው የዉ-የውዲ ስረውዲት ቋሉዅ፡ 39 39.ልጝሊ ትዎኻ “ውሪዅ ስርደናዅን፡እና ኤኢ ክርዶ እልላ ገንጅሮ ህምበቲ” ይኹሎም፡ 40 .ናዋ እንቋሪኒኹሉ ናትክ ልጝልድ ፍዶኻ፡ኤኢር እኽርዲ፡ገነዲ ኒዲ እርገውሲ ኤዶኻ-እን-ኤኢ ሕምብርእ ኣካንሊ ቱውዅ። 41 41.ናንሲ አዶኸላ፡ጣቢታ ቁሚ ይኹላ፡ንኻ አዪ ኤኢ ጒ የኩንኪ ይና ግን። 42 42.ንርድ ንርድ እን ዓንቂ ሽካ ለጛ አመሪሪ እርግቲ እማ ጉሮ ፈርቲ።እን ኒል እርገዋ ገሪዅ ፈከርስኑዅ። 43 43.እና እስተዅሲ ላዅ ድኳ ዋስጊንሉ ተብዶ አደድዅሎም፡እን ኤኢስኻ ቊስታዅ እወላ ይዅሎም።
1 ኒልድ ጐዅ ኒኮል ፈሩዅ ኒታለይቶትኻ ለሄክኑኹሉ፡ 2 አኽነዲጛ ጸሎት ልጝሊ ቱዎ ክንሲሮሎም ተርሲዅ።ገሪዋ ዋስነሰነሉ ፍክር አኾሎም ኒን አዊልድ እንትኹን ንስኮ ለበኪትነዲ ንስኮ ሒለትዲ ኒና ንድ እሳዅን ይኖ ፈከርስኑኹሉ። 3 ኒን እን ካን ሸረበንታ ማርያምሲ ንርኹራ አኽለማ ኒ ሻንኻ ያዕቆብረው ዮሴፍረው ይሁዳረው ስምኦንረው አኽኒማ እን ኒሻን እንቃቅኻ ነት ይነዲ እልንማ እንቋራ አኾሎም ያኣይ ጉድዕድዕ ዩኑ እርግኑዅ። 4 ሲን ኢየሱስ ነቢ ኒኮልር ኒፈራዕልኽር ኒልጝሊኽር ቃበብሰኲ ይኹሎም። 5 ሰበትድኻ ከለለው ሽዅሽተውሊ ናንሲ ገምዱኹ ግራ ላሪ በሽር እሲላ። 6 አማነት ብነድ ፈከርሶኻ ና-ገባ እርጋ ደገጊተል ጅልልወክ መሀርዱ እርጉኹ። ታለይቶታ እንሻቅስና 7 ሽካ ለጘት ኒል ሽጞኻ ብሽራት ሒል ኡዎሎም ለጝ-ለጘሲ እንሻቁኹሎም፡ 8 ደርብልኻ ግምቢ አኽገት ማረኽን ሳንሰዓ ኣኽን ወሪ ሰወልዲራ እንታ ማሕፈደትሊ ኤድጋ ዮ ተብዶ መዀዅሎም። 9 ሻፍ እሳ።ለጛ መስደርየትኻ ኮዶ ሰርጋ ይኹሎም። 10 ልጝልክ ፈርትናሲክ ኒል አኻ። 11 ላድገትል ኤተይድነሰና እን ኮቁር ከለብርነስር ዋስነስር ጉሸነንኩም ኮልድ ፍድኖ ሳምዕ አኽሮኩም እንታ ሻምፍፈል ተከኖ ህምባ ዕባስሲ ናኤወይሲ ከፍከፋ ይኹሎም።ፍርድ ግርገድ እንጫ ድገ እንጨዲልድ ሶዶምዲ ጎመራዲሲ ስዳውሮ ግን የኩንኩም። 12 ከው ናውክ ናለፈክሊ ወንተርድኖ ሰበክኑዅ። 13 ሸዋጢንኽር ፍድኑዅ ሽኹሽተውሲኽር ደድሽመቲነክ ትልሉኑ እርግኑኹ። ሄሮድስ ዮሓንስ ጠመቅደንተስ ኩወት 14 ኒልክ ድሪስትነዲጛ ሄሮዶስር ዋሱዅ ዮሓንስ ጠመቅደንታ ክሪልድ ጉነዲን ኒሒል ኒል ካርነድን ግን ኒን በሽራት ኒ እሳኹ ዩ እርጉዅ። 15 ኤልያስ ግን ዩኑ ላዋ እን ነበዋትልድ ላዅ ግን ጐ ህምባዅ ዩኑ እርግኑኹ። 16 ሄሮዶስ ነስ ተካ ወረታትሲ ዋሶሰና ኒን ዮሐንስ እን አን ኩዊሳኹ ኒን ንግን ክሪልድ ጐ-ህምባዅ ዩዅ። 17 ሄሮድያዳ ኒዳን ፍሊጶስቊት ዔሶ እርግነዲን፡ 18 ኩዳንድቊት ለውቶ ወጀበለካ ዮ ዋኺትነዲንሉ ዮሓንስቲ ሄሮድያደር ሰበትድ እንሻቆ አድኹሉ እማ እንሸዊሳሉ እርጉዅ። 19 ሄሮድያዳ ነዓልዶሉ አክና በላ ግን ግራ ኩቶሉ ጀረብሩ እርግቲ። 20 ዮሓንስ ግርዋ ሐላልኹራኽር ሻትክር አኸት አርእነዲን ጉኢቱሉኽር ኒአመትር እሱ ሰጘኲ። 21 ኒ እዃርሳ አመሪል በዓል እሲሮ ዮ ሽማገለዲ አስያም ገቢለት ገሊለሩዲት ምዳስሮ ሽጝኹሎም። 22 ሄሮድያዳሲ ንርቁራ ቱቲ እማ ካተርቲ ንድኻ ሄሮድስዲ ኒገቢለዲት ፈርሕድቲሎም እምንድክ እማ ንጉስ እን፡ኤኢት እንቲ ጀረብራኹሲክ ኡዊየኪ ሺዊለ ይዅላ። 23 ገፍ ድኳ አኽኒ ኡውሪኪ፡ዮ ሸንህዱኹላ፡ 24 ኒልድ ፍሮ ንር-ገነት “ውራ ሺዊንሉ አደ” ይቲላ።ንር-ገናኻ “ዮሓንስ ጠመቅደንቲ አኾርሲ ናኽለ ይሉ” ይቲሉ። 25 ንጉስሊ ወንተርዶ “ናን-ናን ዮሐንስ ጠመቅደንታ አኾርሲ ግባርሊ እስረ ኡቶለ ጀረበኩን” ይቲሉ። 26 ገሪዅ ቊርቊርቱዅ፡ደአም ሸርነዲጝር፡እን-ኒል እርጋ ገቢለትሲ ስማርነድር ገብሮላ ጀረቢላ። 27 ሲም ንርድ-ንርድ ላዅ ዓስከሪራስ እንሸቆኻ ፈሪ ዮሐንስር ኣኾርሲ ናቅሲላ ይኹሉ።ኒኻ ሐብስኹል ፈሮ አኾርሲ ቀረጮኹሉ። 28 አኾርሲኻ ግባርሊ እሰ ኤዶ እንቶ እንኤኢሲ ላምሱኹላ ንርኻ አድሮ ፈርዶ ንር-ገናሲ ኡቲላ። 29 ኒስ ዋስነሰና ሐብሱኹል እንትኖ ኒበድንሲ ኤድኖ ደቢኒኹሉ። ኣንኳ ሲሕ ከውሲ ብሰት 30 ኒታለይቶት ኢየሱስትል እንትኖ እን ናው እሲነዅ ሲኽር ሰበክናዅሲኽር ድዊኒክውሉ፡ 31 ነብራ አድነስ ደልም ብድናሲክ ከው ከላእ ወንተተሩሎም እርግነዲንኻ “ላዃ ጓና አካን ጭምዊታኹል ላዶን ፊዅትኖ” ይኹሎም። 32 32.ብራ ክሰሰናኻ ታንኳትድ ናቱ አዶሎም ፈሩኹ። 33 ከው ገሪው ፈሩኑ ቋልኑኹሎም እማ ኤዊል ፈረነት ኤለለይኖኻ ናልኩኩድ በደርኖም ደኩኖ እንኩልኩልስኖ ዲዊኒኹሎም። 34 ታንኳትልድ ገመሰና ከው ከላእሲ ቋሉዅ እማ ሳኻንድኑኹሉ።በግ ምቃቃ እንግግረሪሰና አኽኖ ቋልስትኹሉ እማ አቅትራሲክ መሄርድኹሎም። 35 አኾሰና ኒታለይቶት ኒል ስኩር ይኖ “እና ይን ህምብና ኣካን ከደን ግን ኳራኻ ለብቲ። 36 ይና ገብገቢል ህምባ ደገጊትል ፈርኖ ሙነት ጀረቢድኖ እና ከውሲ ውራ ስብደለሎም” ይንኹሉ። 37 “ኒኻ ቊስታዅ እንትን እወሎም” ይኹሎም፡ናዋ “ለጛ ሊኽ ሶወልዲረድ ይን ፈርኖ ሳንስዕ ጅብነ ቊስኖሎም ይአይ!” ይንኹሉ። 38 “ውራካ ሳንሰዓ ሻኽድኑዅን እንደ ፈራ ቋላ” ይኹሎም።ናዋ ፈርኖ ቋልኖ “አንኳ ሳንሰዓዲ ለጛ ዓሰዲ ዋ” ይኑኹሉ። 39 ከውሲ ናትክ በንንጝዲነ እና ማሕረጥሊ ዓገለሎም ይኹሎም። 40 ሊኽ ሊኽድር አጝአንኩረጝንድር ዓገልስኑዅ፡ 41 አንኳ ሳንሳዓዲ ለጛ ዓሰዲት አዶ ኻ ዓስተርሊ ናዕሰ ዕልልሲ ጃርሲ ሐመድዱዅ እማ ሳንሲዕሲ ሸረረፎ ከውድ ስኲስድኖሎም ኒታለይቶትድ እውኹሎም።እን ለጛ ዓስስር እንዳሃበ ናድክድ በኒኹሎም። 42 ቁኖ ብትኑዅ። 43 ሽካለጛ መሶባት እንሳኽኖ ጉድኑዅ፡ኒሰና ዓሲልድኽር ጉድኑዅ። 44 ቈው ግርው ካያ አንኳ ሲሕ አኩኑ እርግኑዅ። ኢየሱስ ዓቊድ ዓቊ ፈረት 45 ኒታለይቶትሲ “ወለይዳ አሸሽድኖ አን ከውሲ ስብድሪሲክ ታንኳትድ ኒራ እንደራ ቤት ሳይዳር ካርጝል በደርድኖለ ዲዋ” ይኹሎም። 46 46.ከውሲ ስብዶሰናኻ ጸለይሮ ጊሪል ተረገሱዅ። 47 ለብሮሰናኻ እን ታንኳ ዓይግ ነበክል እርግቲ ኒኻ ኒቱ ዓይግ ሸልሊ እርጉዅ። 48 ጃብረድ ሒል እሰሎምኻ ፈርነስ ገቦሎም ገሪዅ ለጨጭሶ ህምበውሲ ቋሉዅ።ወክት ሰጀር-ሰዓት ቂራኹድኻ ዓቁድ ዓቊፈሩንሲክ ናል አኽታሲክ እንትኹሎም ደኩሮሎምኻ ዩዅ። 49 ዓቋ አወይሲ ፈራኹሲ ቋልነሰና ሸጫን ተከሎም መውዒታት እሲኒዅ፡ 50 ናውክ ቋልንነዲንሉ ሳደድስኑዅ።ደአም ኢየሱስ ንርድ ንርድ “አረጋ ታንተጋ አን ግን” ይኹሎም። 51 ታንኳትሊ ዓረጉዅ።እንሲንኻ ወልወል ሃናእ ዩኹ ናሹር ናሹ ናጐሱኩድ ውራ በስር ግን ኒን ይስትጊኒዅ። 52 በስር ሳንስዒዅ ናለበኪል ላሪ ፈሄምሶሎም እርግላ፡ 53 ካርኖኻ ጌንሳሬጥር ብሪል እንትኑዅ። 54 ገሞሰናኻ ንርድ ንርድ ኮቁር ኤለለይኑኹሎም። 55 ወረቢልኻ ኒ እንተርና ዋስስቱኹ እማ ኒህምባ ኹሊክ ናሽኹሽተውሲ ዓራታተል ምዅሪነክ ናቅስኑኹሉ። 56 እንታ ድገትል አከጝር እጝጊታተል አከጝር ዕርዲሪል አከጝር ኒ ደኳኹሉክ ሺኹሽተውሲ ምኹሪነክ ናቅሲነክ ኒጃብል ገምዱኑሎም እርግኑዅ።ናዋ ኒ-ታዊነስ ተመድኖ ሺዉኑሉ እንግኑዅ ተመደውክኻ እቢሩኑ እርግኑዅ።
እማኒውድ ስሪዕ 1 ኢየሩሳሌምትልድ እንተውዲ ላው ከታበንዲ ኢየሱስቲ ናነበክል እሲነሉ እንኩልኩልስኑዅ፡ 2 ላዋ ኒታለይቶትልድ ናንትትሲ እንቃርግኒ ቋውሲ ቋልኑዅ፡ 3 ያሁዲ ስርዕ እማኒውዱዅ ተክውድኖ ይኖ ና ናንትትሲ እንቃርግኒ ቁኑ ሰጘኒ። 4 ወንተርኖሰና ኰዶ እንቃርግኒ ነብራ አዱኑ ሰጘኒ።እኽርስኮ ስሪዕሲ ተመምድድኖ ኒድ ጀአና ጀንትትዲ ግፋትዲ ኤርግ እንቃስነዲ ይኸ ናህቢነክ ኤር ወራት ገሪው እሱኑ ሰጘነኲ። 5 ፈሪሳንዲ ከታበንዲ “ውሪዅ እና ኩታለይቶት እኽርስኮ ስርዕድ ፈረገው ውሪዅ ናን ትትሲ እንቃርግኒ ቋናኹን” ይኖ ወንቀርኑኹሉ። 6 7 6-7.ኒኻ “ነበንቲ ሃፋፋን እን ነቢ ኢሳያስ “እና ከወነን ናአብድ ጀንጀነነኩለ ግን ግራ ናለፈክዳ ይልድ ሺሮ ህንበውግን፡ከዋ ስርዕ መሀርዱኑ ግምሽድ ጀንጀነነኩለ” ዩንሲክ እንተድ ተነበሃዅ እምን ግን ይኹሎም። 8 ጃሩሲ ባርድኖ ከዋ ስርዕሲ ተብድኖ ተከውደነኲ እንኩድኑዅ። 9 እንታ ስርዕሲ ተከውትኖር መታን ትእዳድ ጃሩዅሲ ታሕሰስድኑዅ፡ 10 “ኲ-እኽርዲ ኲ-ገነዲት ከበርዲ ኒኽርሲ ወሪ ኒገነት ጃዅዅ ክራ ክርኒ ዮ ህንበኲ”። 11 “ላዅ ኒኽርሲ ወሪ ኒገነት እን እንቲ 12 አድቶ ጀረብዳኹካ ሰደቀት ግን ይደነኲ።ኒኽርድ ነገነዲሲ ላሪ ድኳ 13 ባርድኒሉ።ናሀብዲነ እኽርስኮ ስርዕ መታን ጃር ጋብሲ ምንኮር ሃብዲኒዅ፡ነስ ተከው ይኸ ከላእ ሃብደነኲ”። 14 ኒል ሽጞኻ “ናዀርክ እንደ ይት ፈጠንድኖ ሸኑረለ፡አዳምቲ ጂብዳዅ 15 አብድ ቱዋዅ አኽላ እን ለበኪልድ አብድ ፋዅ ግን ምቊልዳዅሉ፡ 16 ዋሲው ክመኹክ ዋስኒ ኻ” ይኹሎም። 17 ሲረ ልጝሊ ትዎሰና ኒታለይቶት እንድግም ውራ ይና አኸት 18 “እንትጝርማ ላሪ ለበኪትድኒ ውራ ላሪ ፈሃምድንማ ኒውክ ከደንልድ አብድ ቱዋዅ አዳምቲ ክያውደለሉ። 19 እን አብድ ጐድጉል ቱዋዅ ጐድጉልድ ፈከደን ድግድግል ፈረኲ 20 .ግን ግራ ኒለበኪል ላሪ እሰለሉ።አዳምር ምቁሊሰው እን ለበኪልድ 21 ምቁልናርግን፡ውረድ ኣዳምር ለበኪል ሃመት ሙቁልናሩዅ ናፍዳንዲ 22 ኩነዲ ፋኲ።ኮዶ ይኸ ዳነይና ህርፋንዲ ድብጥናርዲ ምለናዲ ተነክነዲ ጂብድናዲ፡ሐበንዲ፡ልኽናዲ፡ብጝትነዲ ሀሳሰትዲ ግን። 23 ናውካ ለበኪልድ ፍልፍሎ ምቁልናርድ፡አኻ ጋራት ግን፡አዳምቲ ጂብደው ኮዶ ናው ግን። 24 ላእዂና ሲሮፊኒቅሳዊትር እምነት ጐኻ ጢሮስዲ ሲዶናዲር ገፍድ ፈሩዅ።ኮል ገእዮሰናኻ ላኹድ ቋልስትጊ ሽሉቊ ዮ ልጝሊ ትዉዅ።አርእስትሮ ጀረቡ እርግላ ደአም፡ 25 ገረስላ።ላእዅና ንርቁረት ሸጣን ቃባ ሻኻሪ ኒእንተርነስ ዋስቲ እማ ንርድ ንርድ ኒል እንትሮ ኒልኩል ሐርበጥ። 26 ግሪካ አክሩ ንርአሰል ሲሮፈኒቃ እርጉዅ፡ንርቁረትልድ ጅንሲ ፍድሮላ ሺዊቲሉ። 27 ይኸ “ባሪ ሰልፍ እቁር ብትድኖ፡ውረድ እቁር ብትግኒ ሳንሰዓስ ናልድ አድሮ ግሽጝድ ማልና ታሚተላ” ይኹላ። 28 ክልብር ስረ “የዋ ይደራ ኩእምንግን ደአም ግሽጝር እን እቁራ ግባርልድ ብሪል ለባ ሽርፍራፍሲ ቋነኲ” ይቲሉ። 29 “ፈሪ እና ኩጋበሲ እን ጅን ኩቁረትልድ ፊዅ” ይኹላ። 30 ወንተርዶሰናኻ ንርቁራ እን ጅን ባሮላ እቢርዶ አርግል ከፍ ይሮ ዲቲላ። ላዅ ሽሙምዲ ጨማምድት እቢሰት 31 ጢሮስትልድ-ፌ ሲዶናሲ-ዮ ሽካ ደገጊር ነበክድ፡ደኮ ገሊላር ዓይግል እንቱዅ። 32 ሽሙምዲ ጨማምዲ ናቅስኑዅሉ።ናንሲ ገምድሮሉኻ ሺዊንዅሉ። 33 ከወልድ ኒቱ ዕጭጭሰ ኤዶሉ ዓጫብዕሲ እንቊቐል ትውሱዅሉ። 34 ላንቅስ ተመድዅሉ፡ዕልልሲ ዓስተርሊ፡አኽታሲክ ብርሰ “ኤፈታ” ዩዅ፡ኒንኻ “ብስቲ” ይናግን። 35 ኒእንቁቚ ብስትኹሉ፡ኒላንቅኽር እንክስትዅሉ ጠላቖ ጋቢሮ፡ 36 ድወግ ዮኻ ተብዶ ጋቢዅሉ፡ድወጊኒን ገበንሎም ወንተተሪንክ ድሪስኑዅ። 37 “ጨማማንሲ ዋሲሳዅ ሽሙማንሲ ጋብሲሳኹ ኒትክ ትክሳዅ” ዩኑ አቅትራሲክ ፈከርስኑዅ።
1 ግርጋት እንድላ ከው ገሪው ኮዶ እንኩልኩልስኖ፡እንትኑኹሉ፡ላሪ አብል 2 ኒታለይቶትሲ ሽጞ “እን ከው ሰኸንዲሰነኩለ እንኩኑዅ፡እንግግነት-ናሲዀር ኳራ ግን ነት ይዲ ህንበው 3 ቊግኒ ናኮል ወንተስኖሎም ናልድ፡ስጙትልድ እንተው ህምበነኲ፡ጉግሊ ቂልስድኖ ግን፡ይኹሎም። 4 “ይን ህምብናዃ ከደን ነስክ፡ዓቅታ ሳንስዕ ኤዊልድ ናቅስኖሎም”፡ይኑኹሉ። 5 “ውሪኮ ሳንሲዕ ሻኽድኑኹን?” ዮ ወንቀሩኹሎም፡ናዋ “ለጘታ ዋ” ይኑኹሉ። 6 እንሱን ከውሲ ከፍያ ይኹሎም።እን ለጘታ ሳንሰዓስ አዶ ሐመዶ ሸረረፎ ኒታለይቶትድ እውኹሎም፡ከለብርኖኻ ከውድ በንንጚኒኹሎም። 7 ይኸ ከለላ ዓሳ እርጉኹሎም ነስር አዶ ገውሮ በኒድኖሎም እውኹሎም፡ 8 ቁኖኻ ሽርፍራፍ ከብተውድ ለጘታ ስግርፍኦታት አንሳኽኖ ጉድኑኹ። 9 ቈዋ ሰጃ ሲሕ አከነኲ ንድ ደምቢ ስብድኹሎም። 10 ንርድ ታንኳትድ ኒ ታለይቶትዲ ደልማነትር ብሪል ካሩዅ። ሻሮት ዓስተሩዅ 11 እንትኖኻ ወጠንድኖሉ ይኖ ሻሮት ዓስተርልድ ቋሊስሮሎም ጉድዕድዕ ይድኖሉ ተርሲኒዅ። 12 ለበከስ ለለክሶ ቀጡበትድ አኾርሲ ነድነዶ “ውሪዅ እና አሰል ነን ሻሮት ሺወናዅን እምንድክ የኩም እና አሰል ነድ ላሪ ሻሮት ሺወናዅን እምንድክ የኩም እና አሰል ነድ ላሪ ሻሮት ይስታዅ ኒኾርሲክ እውስተለሎም” 13 ታንኳትል አኾ ባሮሎም እንደራ ቅብሊል ካሩዅ። 14 ታለይቶት ሳንሰዓ አድነስ ምኺርኑዅ ናዲ ታንኳትል ሳንሰዓ ካያ እርግለሎም። 15 “ፈሪሳንዲ ሄሮድስዲር መኮት ዓቈልድ ፈጠና ምል ይጋ” ይኹሎም። 16 ናሹር ናሹ “ሳንሰዓ አድግናኽር አኽንነዲን ግን ነዋ ያዅና” ይስትጚኒዅ። 17 ውራ የነት አስተብሃልዱልዅ እማ “ውራ አኽዲነ ጉድዕድዕ ይደናኹን?እንተቱ ሳንስዓ አድኒ ውራ ናን አኽራሲክ ፈሃሙግደናኽር ናጝርማ ዓወስ ህምብደናዅን ለበኪትደኒማ? 18 ክምዱኑ ቋልደኒ እንቁቁው ክምዱኑኽር ሸኑርደኒማ፡ 19 ሳንስዓ አንኳ ሲሕ ግርውድ በናካ ሽርፍራፍድ ውሪካ ስግርፍኦታት እንሳኽድኖ ጉድኑዅን?” ይዅሎም።ናዋ “ሽካ ለጛ ዋ፡” ይንኹሉ። 20 . “እን ለጘታ ሳንሰዓስ ሰጃ ስሕድ በናካኻ ውሪኮ ስግርፍኦታት ሽርፍራፍ ጉድንን፧” ይኹሎም። 21 “ውራ ናን አኽራሲክ ፈሀምደኒማ?” ይኹሎም። ዓረብ ቤተ ሳይዳሩዅ 22 ሳይዳትል እንትኖሰናኻ ላዅ ዓረብ ናቅስኑኹሉ ተመድሮሉኻ ሺዊኒኹሉ። 23 እን ዓረብሲ ናንድ ሻኾ ከወልድ ከደን አዶ ፈርኹሉ ብጭቅድ ዕልልሲ ቋሶሉኻ ናንትትሲ አኾርሊ ገምድኹሉ እማ “ቋልደኩማ ዮ” ወንቀሩኹሉ። 24 ዕልልሲ ብርሰ “ከው ቋለኩን እንኩኹን ደአም ካን ውልቀውሲ ተከነኲ” ይኹሉ። 25 ናንትትሲ ዕልላ ዳግ ገምድኹሉ ኒኻ እንሲን ፈጠኖ ማኻልቱዅ እማ እቢሩዅ ኒእማኒሰናኻ ኒትክ ሺራኹልድ ትክሰ ቋልዶ ቃደሩዅ። 26 ፈሪ ኩልጝሊ፡ድገትል ላኹድ ድወግ ዮ ተብዶ ጋቢኹሉ። ጴጥሮስር አማነት 27 ኢየሱስ ኒታለይቶትዲ ቂሳርያ ፊሊጶስር ደገጊተል አኽራሲክ ፈሩዅ። ፈሩኑኻ ኒታለይቶትሲ ነዋ ዮ ወንቀሩኹሎም “ከው ይት አውኒ ግን የናኹንለ” ይኹሎም። 28 “ላዋ ዮሓንስ ጠመቅደንታ ግን የነኩካ ላዋ ኤልያስ ግን የነኲ ላውኻ ኮዶ ኒን ነበዋትልድ ላዅ ግን የውርካ ህንበናኲ” ይንኹሉ። 29 “እንቲጛ አውኒ ግን ይደናኹንለ?” ይኽሎም።ቤጥሮሳ ክልብርሰ “እንቲ ክርስቶስ ግን” ይኹሉ። 30 ላኹድ ድወግኒን ተብዶ ፈሀምዲሱኹሎም 31 “አዳሚንዱኹራ ገሪጼ ከዋ በህሊንድኽር አቅሽሽቲ በህሊንድኽር ከታበንድኽር ማሕገድ ገምሮሉ ግን ቃበብስሮኽር ግን ኩዉስትሮኽር ግን ደአም ሰዃ ግርጋ ደምቢ ክሪልድ ጉሮ ግን” ዩንሲክ ጋቢኹሎም። 32 ጋር ኒሳ ላሪ ትብስጊ ጂጝስቱሎም ሰጘኲ።ላግርጋ ቤጥሮስ ኒቱ አድኹሉ። 33 ኒታለይቶትሲ ግልጭ ዮ ቤጥሮስቲ “ነበንታ ሸጣን ስርግ ዪ ይልስ ፈሪ፡እንቲ ስኻ ወራት ንኻ ጃሩዅ ሻክላ” ዮ ዋኺትኹሉ። ኢየሱስቲ አውሀብረ ተለይረት 34 ኒታለይቶትዲት ሽጞ ይጉርበት እንትሮ ነየታኹክ ኒፊዅትሲ በረዮ ኒመስቀል ምዅሮ ተለይንለ፡ 35 ኒፊኹትሲ ደኤንድሮ ጀረበዅክ ኒፊኹት ድሂስሮ ግን፡ኒፊኹትሲ ይመታንዲ ወንጌል መታንዲ ድሂሳኹካ ደኤንድሮላ ግን። 36 አዳም ኒትክ ብረሲክ ሻኾ ኒፊዅትስኻ ድሂሰን ውራ ውርኪትረሊ? 37 አዳም ኒፊኹት አብሊ ውራ ኡሮ ገረሳዅን፡ 38 ይልድኽር ይጋብልድኽር ስማረን እና አሰል ናፍዳንዲ ዓገቡዲ፡አዳሚንዱዅራኽር ኒኽርድ ሳቡርድ ኒሻትካን መላእኽቲዲሲ እንተራካክ ኒድ ስማርዶ ግን የኩንኲም።
1 እና፡ነት ህምበውልድ፡ሲመር ጃሩዅሲ፡ኒሒለትዲክ እንተሩንሲክ ቋልግኒ፡ክራ ተመደለሎም” ይኹሎም። 2 ደምቢኻ፡ኢየሱስ፡ቤጥሮስዲ፡ያዕቆብዲ፡ዮሐንስ ኒዳንዲት ናቱ ኒዲ አዶሎም፡ላ ጊራ ሺራዅል ፍድዅሎም።ኒልኻ ናጃብል ኒቋላ በደልሱዅ። 3 ብልታውሩኽ፡ላዅ እንቃ ሰንታ ብሪል፡እንደሀበ በልተውድጊድሎም። 4 ኤልያስዲ ሙሴዲ፡ኢየሱስዲ ጃጝሰተውሲ፡ቋልኑዅ 5 ቤጥሮስ ኢየሱስቲ ረቢ “ይነድ፡ነት አክና ትክያዅ ግን እማ ሰዃ አብሉራ፡ላዅሲ ኩድ፡ላዅሲ ሙሴሲ ላዅሲ ኤልያስሲ እስኒን” ይኹሉ። 6 ጓቊትንነዲንኻ ኒያዅሲ አርእምብስተሉ እርጉኹ። 7 ብኳና እሰ ኒሻመድ ሰስኹሎም እንብኳኒልድኻ “ኒን አን፡እንከላዅ ይኹራ፡ግን፡ኒት ሸኑራ” ያዅ ጋባ ዋስስቱዅ። 8 ግልጭ ይኖ ላውዲ ሸንገብዲሲ መኸኸልትኖሰነካ ኢየሱስር ንኻ ላሪ ቃልኒ። 9 ገሙኑኻ ኢየሱስ እንቋልናዅሲ ላዅድ ድወግኒን፡ተብዶ መኾዅዅሎም። 10 እንቋልና ጋርሲ ናለበኪል ሰተርንኖ፡ሻኽኑዅሉ። 11 ኢየሱስቲ “እንደ ሸኑሪና እማ ውሪኹ ግን ከታበን በደሮ ኤልያስ እንትሮ ህንበኲሉ የናዅን” ይንኹሉ። 12 “የዋ እንታ እምንግን ኤልያስ ሰልፍ እንትሮ ሻዅ ኒትክ ጠፍሕድሮር መታን ውረድ እን አዳሚን፡ድኹራ ገሪ ጅርበትዲ ማሕገድዲ ቃበብስናዲ አርዶሉ ግን፡ያዅ ከተብሶ ዋነሰና ግን። 13 ድውያኩም ነቢ ኤልያስ እማና እንቱዅ፡እን ኒድ ከተብሶ ህንባዅሰናኻ፡ኒ አወይሲ ናምራድሰነክ ሀቢኒዅ”፡ይኹሎም። 14 ቁራ ጅን ሻዅሲ እቢሰት 15 እንቶሰናኻ ከው ገሪው፡ነበኪስኖሎም ኒድኻ ላው ከታበን ጉድዕድዕ ዩኑ ቋልዅ። ኮው ናውክ ቋልኖሰነሊኻ በኸኽርኑዅ ጋጚነኻ ሰላም፡ይንኹሉ። 16 “ውረድ ግን እንትን ጉድዕድዕ ይደናዅ” ዮ-ወንቀርዅሎም። 17 .ከዋ-ነበክልድ ላግርዋ እንትኲሉ እማ መምህር ይዅራ ጅን ሻኾሉ ህንባዅሲ፡ኲል ናቅሶሉ፡ህንበኩን። 18 አካንልክ ሻኾ ለብደኩሉ ፈንሽሽሲ፡ፍዶ እርኩኲሲ ሕርቂቅሰ ኒጎሮብ ኢድራሲክ ሀበኲሉ።ኩታለይቶትሲ ፍድኖሉ ድዊዅንሎም አክናኻ ቢዅሎም፡ 19 “ነበንቲ፡እምነት እንጋ አሰል አውን አኽታሲክ እንተዲ መንደርትያ አበዲ?አውን አኽታሲክ ምዅርድየኩም? እንደ ነት ይል፡ነቅሰሉ፡” ይኹሎም። 20 ጃብል ነቅሰነሰነሉኻ ብሪል ትብሎ ባርኹሉ፡እንሲን አንበታዅ ፈንሽሽ ፍድራሲክ አንገር-ገርድዅሉ። 21 ኒኽርሲ “አውንሱክ ግን እነሃባዅሉ” ዮ ወንቀርዅሉ።ኒኻ “ኒሻጉድ ተርሲዅሉ”፡ ይኹሉ። 22 “ገሪ ግርጋትሊ፡ኩሮሉ፡ዮ፡ለኺል ወሪ ዓቖል ማለኩሉ።ናን እንቲ ገረስራኽር አክረን ሰኸንትሮ አንገ ፍዲለ” ይዅሉ። 23 ኢየሱስ “አምናዅድ ኒውክ አከክሉ” ይኹሉ። 24 እኽርኻ፡ “ዎ የደራ አን አምነኩን ይእምና ብነስኻ እንቲ ኩላውድ ካቢለ” ዮ ጨርሑኽ። 25 ከው እንኩልክልሶ፡ኒል እንተረውሲ ቋሎሰና እንጅንሲ “እንቲ ልጉምዲ ጨማምዲ አን የኲንካ ፊ-ኒልድ ንደምብኻ ድምሮ ኒል ወንተርግ” ይኹሉ። 26 እንጅን፡ቊረስ ብሪል፡ረግረጎሉ ደምቢ ባርዅሉ።ገሪው “ኽሩዅ” ይኑዅ፡ቊራኽር ክራዅ ተኪዅ። 27 ናንድ ሻኾ ክብሰ ጉድዅሉ። 28 ልጝሊ ትወሰና ኒታለይቱት ከወልድ ዕጭጭ ሲነሉ፡ “ውረድ ግን ይን ፍድኖሉ፡ገረስግናዅ”፡ ይንዅሉ። 29 “ነወየው መጃኒን ጸሎትዲ ሹምዲሲ አከገን አሪዅድ ፋኒኒ” ይኹሎም። 30 ጉኖኻ ገሊለሲ ደኩኑዅ ኒታለይቶትሲ መሀርዱሎም እርግነዲንኻ ላዅ አርእሮሉ ጀረቢላ። 31 “አዳሚንድኩረስ፡ከዋ ናንተል ደኲስኖ ኡውድኖሉ ግን፡ናዋ ኩድኖሉ ግን፡ደአምኒሲዀር ኳራል ክሪልድ ጉሮ ግን” ዮ ፈሀምዲስዅሎም። 32 እን ጋብሲ ላሪ ድኳ ፈጠንኒ ወንቀርድኖሉኻ ጓቊትኑኽ። 33 ቅፍርናሆምትልኻ አተይኑኽ፡ልጝሊ ቱውነሰነኻ “ፈርዱኑ እንተሹር እንተሹ ውረድ ግን፡ጉድዕድዕ ይዱኑ እርግድኑዅን?” ዮ ወንቅርዅሎም። 34 ወንተስግኒሉ ሰቆብኑዅ፡ውረድ “አውኒ ግን፡ናልድ፡ብሄር አኽሮ ህንባዅ?” ዩኑ፡እርግኑዅ። ምእክርነዲ ትክያ ወራትዲ 35 ከፍዮ ሰና እንሽካ ለጘት ኒገቢል ሽሎምኻ ነዋ ይኹሎም፡ “እንቅድሮ ጀረባዅክ፡ናድካ፡ደንጎባኽር ንሽቃ-ኽር አኽኒ” 36 ግናይሲ አዶኻ ናጃብል ደውሲዅሉ፡ንደም ቢኻ ኒሕብጥሊ እሰሉ፡ 37 “እና ግናቲትልድ ላዅ ይስጙድ ከለብራዅስኮት ክመን-ይት ከለብራኹሰና ግን፡እን ይት ከለብራዃ፡ይት አኽላኒ ኒከለብራዅ፡እን ይት እንሸቓዅሲ ግን፡ 38 38.የሐንስ “መምህር ላግርዋብ ኩስጝድ መጃኒንሲ ፍዳዅ ቋልንዅን።ይጛ ይነውልድ አኽጋዅ አኽነዲን ገብንዅንሉ” ይዅሉ፡ 39 “ህንባ ሀበገሉ ውረድ ላዅ ይሱጙድ አምራት እሱ ይአወይሲ ሙቕላ ጋቢሮ ገረሳኹ ላዅ ድኳ እላ። 40 40.ንኻ ላዅ ይነት እንጠረጋዅ ይነዲ ግን የኩንኩም። አንቋራ አካዅ መላሉ 41 የኩም ላዅ ክርስቶስሩ ግን ዮ ቀጢንድ ዕቑ ጅእሳኹኩም ኒበነስ ባገት ድወኩንኩም። 42 እና ግርናቲት ይል እምነውልድ አንቋራ አካዅስኮት ክመን አጀ-ዋ መጥቃን፡ድዃሪዅሲ ኒክርሚል እንሸውኖ ዓይግሊ ማለነንሉ ኪድርድሉ። 43 ኩልድ ነተፊሉ፡ 44 ለጛ ናንዲ ኒለኻ ዲማሲ ድደጋ፡ገሀነምሊ ትውኒልድ ቅሩጭ አኽሮ መናብረት ዲመሩኽሊ አተይረን ኪደኲካ። 45 ኩሉክ ከቲሰንካ ቀረጪሉ። 46 ኩለጛ ሉኲ-ዲ ገሀነምሊ ማለስረውልድ ደልጓስ አኽሮ ጀነትሊ ትውረን ኪዳኩካ። 47 47.ኩዕሊ ከቲስረንካ ምኲዲላ። 48 48.ኲ ለጛ ዕልዲ እን ኒ ቅሻኻ ክረጋዅ፡ኒለኻኻ ስንተጋዅ ገሃነብሊ ማልስኒልድ ላዕልዲ ሲመር ጃሩዅል ቱረን ኪደኲካ። 49 ኒውክ ላኻድ ታሚተኲ። 50 ትክ ያዅግን ኒታሚትሲ ድሂሰን ውራድ ታምራ ተካዅንኩም? እማ እንታ ጋብሊ ሽዋ ዋንቲኒ እኺርኺርልኽር ወርክናር ዋንቲኒ።
1 ኒልድ ጐ ይሁድ ብሪል ኒራ ዮርዳኖስር ካርጝል እንቱዅ ኮዶኻ ከው ገሪው እንትኑኹሉ፡ኒኻ ኒ እማኒሰና ክንሲሮሎም ተርሲዅ። 2 ኒል እንትኖኻ ወጠንድኖሉ “ግርዋ ኒእዂነት ደቀርዶ ገረሳዅማ” ይኖ ወንቀርኑዅሉ 3 “ሙሴ ውራ መዀኾኩም ህምባዅን” ይኹሎም። 4 “ግርዋ ንርድቅሩርዅ ፍትሕ እዎ ደቀርዶላዋ” ይንኹሉ። 5 እንታለፈካ ምቊልናርድ ግን ኒስ ንከተባዅልኩም። 6 ሰልፍ መሀዱ ግርዋዲ እዂነዲ ሀበ ግን ኒመሀዳዅሎም። 7 መታን ግርዋ ኒኽርዲ ኒገነዲት ባሮ ኒ እዂነዲ ለጛ ስኻ ኣኩኑ ላስካ አከነኲ። 8 ደምቢኻ ላስኻ አከነኲ ግራ ለጛ አኽኒ፡ 9 ጃር እንሸዋዅሲ አዳም ሲደጊንሉ ይኹሎም። 10 ቱኖሰና ኰዶ ኒታለይቶት ወንቀርንኹሉ። 11 “ግርዋ ኒእዂነት ደቀሮ ኤሪሪ ክኻንተን ንርዲ ደነዩዅ። 12 ኒሰና እዂና ንራጝሲ ባርዶ አሪ ግርዋል ቱረን ደነየቲ” ይኹሎም። 13 ናንሲ ገምድሮሎም ኒል ናቅስንኹሎም፡እን ናቅሰውሲ ደአም ኒታለይቶት ዋኺትንኹሎም። 14 “ይገሎም ባራ ግናቲት ይል እንትድኖ፡ሲመር ጃሩዅ ናሰና የውዱዅ ግን” ዮ ዋኺትኹሎም። 15 “እምንድክ የኩም ሲመር ጃሩዅሲ ናሰና አኾ ከለብርጋኹክ ትወለሉ”። 16 ኒ ናሓርሊ አደክ ላዅ ላኹድ ኒ ናንሲ ገምዴክ ገውርኹሎም። ኢየሱስትልድ ገድሲ ፍሪራዅ መንደላይ 17 ጉግድ ደኩኻ ላ-መንደላይ እንቶ ኒጃብል ሐርበጡዅ እማ “ዎ መምህር ደባኑዅ ዲመር መናበርትሲ ለውያ ውራ አሰን ኪዳኹንለ” ዮ ወንቀሩኹሉ። 18 “ውሪዅ ደባኑዅ ይራኹንለ፡ላዅ ካያ ግን ደባኑዅ ንኻ ጃር ግን፡ 19 ትእዳድሲ አርእሩዅ ደነይግ፡ኩውግ፡ስወግ፡ብንድ ሸርግ፡ከየንግ፡ኩኽርዲ ኩገነዲት ሳቢ፡ሃሽከብግ” ይኹሉ። 20 ኒኻ ‘መምህር ነሳ እማና ይሽጉድ ተርሰ ተከውኹንሎም” ይኹሉ። 21 ትግሰ መኸልትኹሉ እማ እንከሉኹሉ “ ፈሪ ላሪ ከብትረካ ህምበቲ ክምረውሲክ ክድሮ ድቡራንድ በንደ ጒ ኩመስቀል ምኹርዶ ተለዪለ ዓስተርሊ ገድ ተበብቶ ግን” ይኹሉ። 22 22.ኒኻ ገዱዅ እርግነዲን ነስ ተካ ጋብሲ ዋሰሰና ገሪዅ ቊርቊርቶ ኒልድ ስርግዩዅ። 23 እን ኒል እርገውሲ መኸኸልቶ ኒታለይቶትሲ “ገድ ሻዅ ሲመር ጃርኹል ቱሮ ገሪዅ ተባዅ ግን” ይኹሎም። 24 ነስ ተካ ጋብሲ ዋስነሰና ፍክር አኾሎም ባኻኽርኑዅ ኢየሱስ ኰዶ ወንተሶ “እንትን ይቚር ተባብ ሻው ሲመር ጃርዅል ቱድኖ ገሪዅ ተባዅ ግን። 25 አደራ ሲመር ጃርዅል ትዋዅልድ ግሚላ ዕል መርቢዅድ ደኲሮ ስዳወኲ ይኹሎም። 26 ኮዶ ትክሲነ ባኻኽርኑዅ እማ እኺርኺርሲ “ንሰና አከን አውኒ ግን ደአንዶ ገረሳዅ” ይስትጝኒዅ። 27 ትክሰ መኻልትኹሎም “አዳምሲ ገረስተላ ግራ ጃርድ ኒውክ ገረስተኩሉ” ይኹሎም። 28 “እናሐን ይን ኒትክ ባርኖ ተለይንኹንካ” ይኹሉ። 29 29.ኢየሱስ እምንድክ ይየኩም ይመታንጝር ወንጌል መታጝር ልጝንዲ ሻንዲ እኽርዲ ገነዲ እቊርዲ ኪሽጝዲ ባራዅ፡ 30 30.እና ብራ ኒልድ ተርሰ ማሕገዲ ጅርበትዲ አከጝር ገነዲ እቊርዲ ኪሽጝዲ ሊኽ እሽባ ከለብርዶ ግን፡እን እንተራወክትልድኻ መንብሮ ዲመሩዅ እውስትሮ ግን። 31 31.ደአም ገሪው ጃበር ሰጘው ደንቢትድኖ ግን፡ገሪው ደምበር ሰጘዋ ጃበር አኽድኖ ግን የኩንኲም። 32 አኽታሲክ ተረገሱኑኻ ኢየሱስ ናጃብ ጃብል፡ገንደላዅሲ ቋልነሰና ፈከርስኑዅ እን-ኒ-ጉርበት ፈሩ እርገዋ ጓቊትኑዅ፡እን ሽካ ለጘት ናቱ ዕጭጭሰሎም ሐዲስድ፡እን ኒል እንትሮ ፈራ ጅርበትድ ጂጝስቲሮሎም ተርሲዅ። 33 “እናሐን ይን ናን ኦየሮሳሌምትል ተረገስነኩን እንኩንዅን።ኒል አዳሚንድዅራ አቅሸታ፡በሀሌንድኽር ከታበንድኽር ሻኽስትሮ ግን፡ናዋ ክራ ፈረድኖ፡አረመንድ ደኩስኖ ኡድኖሉ ግን። 34 ማዓቢድኖሉኽር ጣዓምብድኖሉኽር ኒዳግ ብርጪቕ ይድኖሉኽር ግን፡ኒደምቢኻ ኩድኖሉ ግን፡ደአም ኒሲኾር ግርግል ጉሮ ግን”። ዘብዴዎስቊርድ ሐበን 35 ዮሐንስዲኻ ኒል ስኩር ይኖ “እና ሺውናዅሲካ፡ኡቶና ሸንህዲና” ይኑኹሉ። 36 “ውራ እስየልኩም ጀረብደናዅንለ” ይዅሎም። 37 “ኩሲመርሊ ይነት ይነላዅሲ ኩላውል ይነላዅሲኻ ኩሸንገብል አኽኖ ኩምራድ አኽኒ” ይንኹሉ። 38 “እንትን ሺውደናዅሲ ላሪ፡አርእዲኒ፡እን አን ጅኢያፈራ ዋንጨስ ጅእትነማ፡ወሪ ይኸ እን አን ኒድ ጠመቅስያ ፈራ ጥምቀትድር ጠመቅስትነማ”፡ይኹሎም። 39 “የዋ፡ገረስና” ይንዅሉ። 40 እና አን ጅኢያ፡ፈራ ዋንጨስር ጅእትና፡እን አን ጠመቅስያ ህምባ ጥምቀትሲኽር ጠመቅስትና ደአም ይላውዲ ይሸንገብዲትል አክና፡እን እማና ናድ ደለማ ህንበውድ ግን፡አን አኽሊ እዋኽር” ይኹሎም። 41 ሽካ ነስ ዋስኖሰና ያዕቆብዲ፡የሐንስዲር አኾርሊ ሐረቅርኑኹ። 42 ኒገቢል ሽጞሎም “እን ከወል ሰየምሰው ሒልድ ሻከነትሎም፡ናአወይሲ፡አኽኖኽር፡ናምራድሰነክ ሀበነትሎም አርእድኑዅ። 43 ኒሰና አኽሮ አኽላ፡እን እንተልድ ቅድሮ ጀረባዅ እንተንሽቃ አኽኒ፡ 44 እንተልድ ሽጙሮ ሰውሀዅክ ናድክ ንሽቃ፡አኽኒ፡ 45 እንሻቅሮ አኽላ-ኒ እንቶ ህንባዅ እንሸቕስሮኽር ገሪውድ ፍዳ ኒ-ፊዅትሲ፡ደኩሶ እውሮኽርግን ኒ-እንቶ ህንባዅ የኩንኩም” ይኹሎም። በርጢሜዎስ፡ ዓረብሲ እቢሰት 46 ኒታለይቶትዲ ከው ገሪውዲ ድገትል ፋኻ በርጢሜዎስ ጢሜዎስዅራ ይስታዅ ዓረብ ሺዊሮ ጉግ ሸሊ ከፍ ዮ እርጉዅ። 47 ኢየሱስ ናዝሬትሩዅ ንድ ደኮኲየው ዋሰሰና “ኦ ኢየሱስ ዳዊትዅራ ሳኻንቲለ” ዩንሲክ ዋዕ ዩዅ፡ 48 ሰቆቢ ዩኑ ገሪዅ ዋኺትንዅሉ።ኒኻ “ኦ ዳዊትዅራ ሳኻንቲለ ዮ ኮደክ ኮደክ መውዒታትሲ ትብሉዅ። .ኒኻ ኒታዊነስ ማሎ የሱስትል እንቱዅ። 49 ደው ዪዅ እማ “ነራ ሽጘሉ” ይዅ እንሲን ዓረብሲ ጒ ላዅ አረጊ ሽጘኩካ እንኩዅ ይንኹሉ። 50 ኒታዊነስ ማሎ የሱስትል እንቱዅ። 51 “ውራ እስየልካ ጀረብራዅን” ዮ ወንቀርዅሉ።ኒኻ “መምህር ቋልድያ ጀረበኩን” ይኹሉ። 52 “ፈሪ፡ኲ፡አማነት እቢስኹካ” ይኹሉ።ኒኻ ንርድ-ንርድ፡ኒዕልል፡ብስትዅሉ።ኢየሱስር ጉርበትኻ ተለይዅ።
1 ኢየሩሳሌምትል፡ስኩሮሰና ቤት ፋጊትልር፡ቢትንያትልር ጊራ ዋኻትዅድ፡ገቢል ገእይነሰና ለጘት ኒታለይቶትልድ እንሻቆ፡ 2 “ፈራ እንጫ፡እንተጃብል ህንባ፡ድገትል ገእይድኖሰነ ድዃራ ጌንብ ላዅ ጨዓንስጋዅሉ እንሸውሶ አርትኖ ግን እንክድኖ ይል ናቅሰሉ። 3 ውራ ሀብደናኹን የንኩም፡ይና አደራድ ጀረብደኲሉ የሉ፡ንኻ ንርድ-ንርድ አሸሾ ወንተስሮሉ ግን፡የሉ” 4 ፈርኖ እን ኒየስነሎም ላድዃራ፡ጌንብ ደንኤብል ጉግ ሸሊ፡እንሸውሶ ዲዊዅሎም፡እማ እንክንዅሉ። 5 እን፡ደውዮ እርገውልዳ “ውራ እስደናዅን ጌንብሲ ውሪዅ እንክደናዅን” ይንዅሎም። 6 እን ኢየሱስ ዮሎም እርጋዅሰና፡ይንዅሎም። 7 አድኖኻ ኢየሱስትል፡ናቅስኑዅሉ፡ና-ሰረንሲ ዓደፍድኖ ሰነኻ ኢየሱስ ጨዓንስዅሉ። 8 ና ታኲንሲ ጉግሊ ወሸቅስኑዅ ላዋ ካነልድ ሸልሸልሲ ሰልዒነክ ጉግሊ ወድወዱኑ እርግኑዅ፡ 9 ኒ ጉርበትዲትል ፈሩ እርገዋ “አውሳዕና አውሳዕና ጃርስጙድ እንተራዅ ገውርሳዅ ግን” ዩኑ ሆርያ እሱኑ እርግንዅ። 10 “ይና እኽር ዳዊትር ሲመር፡ጃር ስጙድ እንተራዅ ገውርሳዅ ግን አውሳዕና ዓስተርሊ አኽራሲክ” ዩኑ በረጁኑ እርግንዅ፡ 11 ኢዮሩሳሌምትል ዔሮሰና ቤት ጸሎትል ትውዅ ኒትክ መኸኸልቶኻ ዓመቅረብ አኽነ ዲን ኒታለይቶትዲ ቢታንያትል ፈሩዅ። በለሳ እሽትረሪ 12 ኢየሱስ ቢታንያትልድ ፈሰና ከአር ቱዅ። 13 ላበለሳ፡ኤሺትሮ ህምብረሪ ቋልዅ እማ፡ቊስታዅ አረረንላ ዮ ንርትል ገለዱዅ፡ደአም አሻ-ንኻ ላሪ አርለላ፡ይኸ ላገፍድ በለስ ወክትር እርግላ። 14 “የድቦ ዲመዳይምድ ኲ-ፍርርሲ ላዅ ቊጊኒ” ይዅላ ነዋዩንኻ ኒታለይቶት ዋስንዅሉ። 15 አተዮሰናኻ ቤት ጸሎትሊ ቱዉዅ።እንሲን ኒል ክደውዲ ጅበውዲት ዳገንዶሎም ተርሲዅ።ሰላዲ በደለውሲኽር፡ኳትር ክደውስኽር ናመናብርድክ ክብሰ ጉድዅሎም። 16 ቤት ጸሎትሊ እራኳ ምዅሮ፡ቱጊንኻ ገብዅሎም። 17 “ይልጝን ናድካ፡ጸሎት ልጝን ያዅ ከተብሶ እለማ ? ደአም እንትጛ፡ስኳን ጋኻ ሀብዲኒዅሉ” ዮኻ መሄርድዅሎም። 18 በህሊንዲ ከታበንዲኻ ዋስንዅሉ እማ አወሀቢነ፡ድሂሰነትሉ አርእምብስተሎም፡እርጉዅ፡ውረድ ከው ናውክ ኒትምህርቲሲ ፈከርሱኑ እርግንነዲን ጓቊቱኑ፡ሰጘነኲ። 19 ኮልድ ፍኑዅ። 20 ክሶሰና ኒድ ወንተሩኑኻ፡እን በለሰት ንርአስሉልዲ፡ኢድሮ ህምብረሪት ቋልኑዅ። 21 ቤጥሮስ እን ጋበት እልብዱዅ እማ “ረቢ ቋሊ እንጫ፡በለሳ እንቲ እሽረሪ ኢድቲግራ” ይዅሉ። 22 ነዋዮ ወንተስዅሉ፡ጃርድ አምና፡ 23 ኒለበከድ ተሐድብጊ ኤምኖ ሺወዅድ ኒውክ አከኩሉ፡እና ጊረስ ጉ ኒልድ ባሕርሊ ትዊ የንሉኽር አኽርድሉ የኩንኩም። 24 የኩንኩም ኒውክ ጸሎትሊ ሺዊዲነዅክ አርትኖ አምና። 25 እስዱኑ እን እንታኽር ዓስተርሊ ህምባዅ እንታ ዓገብሲ ብሕል ይሮኩም ላዅሲ እንጠርጋ ብሕልያ። 26 ብሕል የግደነን፡እን ዓስተርሊ ህምባዅ እንታኽርር እንተት ብሕል የለኩም። 27 ኮዶ ዮርሳሌምትል እንትኑኽ፡ኢየሱስ ቤት ጸሎትሊ ጅልዉኻ አቅሸታ በህሊንዲ ከታበንዲ ሽማገለዲ ኒልስኩር ይኖ 28 “እንቲ እና እስረውሲ አውር ምራድድ ግን አውንኒ ነስ እሲ ያዅካ” ይኖ ወንቀርኑዅሉ። 29 እንተት ወንቀርየኩም ነስ አውር ምራድድ እሰት ድውየኩም እና ወንቀራ ይሪትል ቀንተሰለ፡ 30 ጥምቀት ዓስተርልድመኒ እማ ብሪልድ እንደ ወንተሰለ ይኹሎም፡ 31 ናለፈክድ አስተንተኖ ዓስተርልድ ይነጛ እማ፡ውረድ ከለብርድኒሉ ይሮና ግን ብሪልድ ይነጛ ኮዶ ጂባዅ፡ከውሲ ጓቊትነኩን። 32 ናውክ ዮሐንስቲ ነቢ አኸት ከለብርኖሉ፡እርግኑዅ። 33 “ከንዶ፡ላሪ ኤርእኒ ይና” ይንዅሉ።የሱሳ “ኣንኽር ነስ አውር ምራድድ እሰት ድወሊኩም” ይኹሎም።
1 ኢየሱስ፡ድግምድ ጋቢሮሎም ተርሲዅ፡ላግርዋ፡ጀቢባ ካና ተከሉዅ እማ ኬለብዅሉ፡ደቅዶቊሰ ናኽር ጎቕ ግኽዲዅ ልጝን ሺራዅ ገበሮኻ፡ተከወውድ ምዳሶሎም ሺሽዶ ፈሩዅ። 2 አኾ ሰነኻ እን፡ ኒ ምዳሰውድ፡ኒገፍሲ ናቅስሮሉ ኒ ገንሺነስ ፈስኹሎም፡ 3 ሻኽኖሉ ግምብድ ጠዓምብኖ ናን ካያ ወንተስንዅሉ። 4 ይኸ ሐዲስድ ገንሺና ኤሪዅ እንሻቕዅሎም።ናውኻ ኒስርስ ክርጝድ መድኖ ጀኺነ ዳገንኑዅሉ። 5 ኤሪዅ፡እንሻቕዅሎም ኒስር ሻኽኖ፡ኩኖ ባርንዅሉ።ኤሪው ገሪውር እንሻቅዅሎም፡ነስር ኤድኖ ላውስኻ፡ኩነዅ፡ላውስኻ ጠዓምብኑዅ። 6 ላዅ ኒዅራ ትክሰ እንከሉ ሰጛዅሲ ኒ ለበከድ “እንደ ይዅረሳ ስማርድነሉ” ዮኻ፡ደንቢረድ ኒት እንሻቕዅሎም። 7 እን ኤረስ “ኒን እንለዋዅ ግን፡ለዃና ብረስ ይነሹሺ ለውኖ ኩንንሉ” ይኖ ኰድጚኒዅ እማ አድኖ ኩኑዅሉ። 8 ጭንድቅልድ ፍድኖ ከደን ማልንዅሉ። 9 አደራ ናን ውራ እሲራ ተካኹንኩም?ኒላውድ ፈሮ እን ኒምዳሰውሲ ድሂስሮ ግን ጭንድቅ ስኻ ኤሪውድ ምዳስረሉ። 10 በነየንቲ ቃበብኖ ማልነሪ ክርጛ መሔገይድ ድኩር አኽቲ። 11 ጃርድ አኻዅ ግን ይና ገሸል ሽኻርቶ ቋልስቱዅ ያዅክቱብሲ አንበብድግድናኽርማ ይኹሎም። 12 እና ድግም ናድ አኸት አርእስትኹሎም ሻኽድኖሉኻ ጀረቢኒዅ ደአም ከወልድ ጓቊትንነዲን ባርኖሉ ፈርኑዅ። ወርኮራ ቄሳርሲ 13 ፈሪሳንልድር ሄሮድሳንልድር ኒጋብድ ከቲስድኖሉ ይኖ ኒል እንሻቅንኹሉ። 14 እንትኖኻ “መምህር እንቲ ነስር እንደስር ይኖ ጎለልግሪ ላዅሲ ስማርግሪ አምር ገሽ ማኻልትግሪ ጃር ጉግሲ መሄድረት አርእንኹንካ።ናን ኩድ ውራ ተካኹንካ ቄሳርሲ ወርኮራ ፍድና ዋጅብማኒ አኽላ ዩኑ ወንቃርንኹሉ። 15 ናኰድጛ ምቊልናሩዅሲ አስተብሀልድነዲን “ውሪዅ ኰለፍድደናኹንለ እንደ ላሰወልዲረስ ናቅሰለ ቋልድያ” ይኹሎም። 16 ናዋ ናቅስኑኹሉ ኒኻ “እና ክታብዲ ገሽዲ አውሩ ኹኒ?” ናዋ “ቄሳርዱኹ ዋ” ይንኹሉ። 17 “እማ ኒን አኾ፡ደምቢ ቄሳርድዅሲ ቄሳርሲ ጃሩዅሲኻ ጃርድ እዋ” ይኹሎም።ንድኻ አስደመምኖ አላ ጋዶ ግን-ኒና ይኑዅ። ክሪውድ ጉና 18 ላው ክሪልድ ጉና እላ፡የው እንትኖሉኻ ነዋይኖ ወንቀርኑኹሉ፡ 19 ሙሴ ላዅ ዳን ሻዅ ክኻንተን እዃርጊ ክረን ኒዳን ኒዳንድ ፈደና ጉድሮ እን እዅነት ለውሮ ህምበኩሉ ዮ ከተቦ፡ባሩዅና። 20 ናን ለጘታ ሻን ሰጘነኲ እን ቅዳዅ ክኻንተኻ እዃርጊ ክሩዅ፡ 21 ሊጘራ፡እን ባይኦረት ለውዅላ ኒንኽር ባርጊ ክሩዅ። 22 ሲዅርር ዔስዅላ፡ና ሃቢነ ለጘተክ ትውኑዅላ፡ናውካ እዃርግኒ ክርኑኽ። 23 እን እዅናኽር ክርቲ ክሪልድ ጓናከክ ለጘተክ ክኻንቲነላ ሰጚኒነዲን ናልድ አውኒ ግን ንራጝ አኽሮ ህምባዅ ይንዅሉ። 24 ነውዮ ወንተስኹሎም ክቱብሲኽር ጃር ሒልሲኽር አርእምብነድ፡እንትን ከትደነኲ እንኩድኑዅ። 25 ክሪልድ ጓናከክ ዓስተርሲ መላእኽቲ ጃሩሰና አኽድኖ ግን ግራ ክኻንተውር እልኒ ክኻንሰውር 26 እንትን ክሪውድ ጉነድ ሙሴር ክቱብሊ እን ጃር ገርበትሊ አን ጃር ክሪውኽ አኽሊ ዮ ጋቤዅሲ አንበብድድኒማ? 27 እማ ኒ ጃር ህምበውዱኽ፡ግራ ክሪውዅ አኽላ፡ንድ ገሪዅ ከትደነኲ እንኩድኑዅ ይዅሎም። ናድከልድ ኩጛዅ ትእዳድ 28 ከታበንልድ ኒል፡ዲወዅ ኢየሱስዲ ጉድዕድዕ ዩኑ ዋስዅሎም ኒኻ ትክሰ ወንተሱሎም ዋስነዲን፡ነዋ ዮ ወንቀርዅሉ፡ “ናድከልድ ኩጛዅ ትእዳድ አዊንግን”፡ ይኹሉ። 29 ነዋ ዮ ወንተስዅሉ፡ናድከልድ ኩጛዅ ታእዳድ ጃበራ ኒን፡ግን ዎ እስራኤል ሸኑሪ ይነአደራ ጃር ላዅ ንካያ-ግን ኒንኻ አሪዅእላ። 30 ጃርሲ ኩለበከዲክ ኩፊዅዲክ ኩሒልዲክ እንከሊ ያዅ ግን፡ኒን ግን፡ጃበራ ትእዳድ። 31 ሊጘርር ኒተካዅ ግን ኩጨረስ ኩፊኹትሰና፡ሀብረ እንከሊ ያዅ ግን።ኒልድ ኩጛዅ አሪ ትእዳድ እላ ይዅሉ። 32 ከታባኻ ትክስረ ጋብሪዅ መምህር እምንድክ፡ጃር ላዅ ግን ኒንኻ አሪ ጃር እላ። 33 ኩለበከዲክ ኩፊዅትዲክ ኩሒለትዲክ እንከልና ኩጨረስኽር ኩፊዅትሰና ሀብረ እንከልና፡ኒን ናድከልድ ቊርባንልድር ሰደቐትልድር ፍረኢርሳኹ ግን፡ 34 ፈጠኖ ወንተርሰትሉ ቋልነዲን “እንቲ ሲመር፡ጃቱዅልድ ሺርዶ እልላ” ይኹሉ።ንድ ደምቢ ላዅ ደይዖ ወንቀርዶሉ ገረስላ። መሲሕ ዳዊቱኹራ 35 ቤት መቅደስሊ ክንሱንሲክ “ከታበን፡አዋ ሃቢነ ግን፡ክርስቶስቲ ዳዊትዅራ፡የናኹንሉ’ ዮ ወንቀርዅሎም። 36 ኒ ላውድ መንፈስ ቅዱስድ ትንክብሶ፡ “አደራ ይአድረስ” ኲኣፋይትስ ኲልኩኳ ስቘይሲ እሲሪሲክሎም ዪላውል ጀጋሕ ዪ ይኹሉ፡የኲ። 37 ዳዊት ኒላውድ ያደራ ዮሉ ዋኑ አዋኸ ግን ኒ እዅራ አካዅን እን እክ ከላእ ኻ ፈርሕዶሎም ሸኑራኑሉ፡እርግኑዅ። 38 39 38-39.መሀርዱኹሎም ነዋ ይኹሎም እንጫ ቃማትሽ ሺረው ሰሪነርክ ደላህ መላህ የው ከታበንልድ ፈጠነና ዕርዲሪልር ደባንማ ይስትድኖ እንከለው ቤት ጸሎትሊ አከጝር ነብሪል ቂጦታተል በደራሪጝ የው 40 ነበንቲ ባይኦት ልጝንትትሲ ቋው፡ቋላዅክ ጀንጀንዶሎም ቃዕረታትሊ ጸሎታት ሺረው እሰው ነስ ፍርድ ሒለቱዅ ጨበረኩሎም። ባይኦራ ድቡሪር ሞባእ 41 እን ኒል ሞባእሲ ገምደናዅ እን ድቢዅል ጀጋሕዮ ከው ሞባእ እንድቢል ገምደውሲ መኸልቱ ግጁዅ፡ገሪው ገድ ሻዋ በጃኽዲነክ፡ሞባእ ገምደውሲ ቋሉዅ። 42 ባይኦራ ድቡሪ እንትሮ ለጛ ሰንትም አከው ገምድቲ። 43 እንሲን ኒታለይቶትሲ ኒል ሽጎ “እምንድክ ይየኩም እና ባይኦራ ናድከልድ በጃኽድሮ ገምድቲ የኩንኩም፡ 44 ናው ክሚነ አወይሲ ከብተውልድሎም ገምድኑዅ።ኒንኻ ንሪ ክምረውልድ ንር ሙነትሲ ኡቲ” ይኹሎም።
1 .ቤት መቅደስልድ ፌ ላዅ ኒታለይቶትልድ “መምህር ማኻልቲንደ! ውራ ተካ ክርጝድ ገበርሶ ህምባዅን” ይኹሉ። 2 ክልብርሰ “እና እንትን ቋልደናዅ ግብር ከላእኮት ክርጛ ክርጚ ኤወይሲ ከብተጊ ኒውክ ድምነት አኽሮ ግን” ይኹሉ። 3 ዋኻትዅል መቅደስሲ ቋሊሳ ቅብሊ ከፍዮ ዋኑኻ ቤጥሮስዲ ያዕቆብዲ ዮሓንስዲ ናቱ ዕጭጭሲነ አድኖሉ፡ 4 “ድዊና መምህር እና እንቲ ይራ ጋባ አውን ግን ንአክና ኒ ሻሮትኻ አወያዅ አኽሮ ህምባዅ አከት እንደ ድዊና” ይንኹሉ። 5 “ሃያ እውስትጋ ፈጠና።ኣኻኹክ ከቲሰጊንኩም 6 ገሪው ይስጙድ አን ግን ክርስቶስ ዩኑ እንትኖ ገሪውሲ ክቲሲድኖ ግን። 7 እንሽኹዅዲ ዋስድነሰና ሀለክስ ጋኽር ከተጋኽር ነን እንትሮ ህምበው ግን ደአም ደንጎባ አኽላ። 8 8.ውረድ ከው እኺርኺርሊ ጉሮ ግን ሲመር ሲመር አወይሲ ኒልክ ብሪ ውልቅነዲ ትግርዲ አኽሮ ግን ኒን እን ጂቢ ሰልፍ ርገስትና ግን። 9 ሳምዕ አኽያ ይመታን ዲቢል ደኲስኖ ኡድኖኩም ግን ና ቤት ጸሎትሊ ጠዓምብኖኩምኽር ቀለጥድኖኩምኽር ግን፡ይኸ ኮዶ አስያማ ጃብል ገወድኖኩም ግን እማ እንተሹቲ ተከዋ ፈጠና። 10 ነን እንትጊ በደሮ ወንጌል ንልክ ሰበክስሮ ህምብኲ። 11 በደራሪጝ ይድኖ ውራ ይኖኻ ጋቢኖ ይድኖ ረገስትጋ፡ውራ ጋብደነት እንሲንትል እውስትሮኩም ግን።እንሲን እንትን አኽድኒጋብደናኽር መንፈስ ቅዱስ ግን። 12 ግርጋትሊ ዳን ኒዳንሲ እኽር እዅረስ ደኲሶ፡ክሪል ኡሮ ግን፡እቊር፡ናእክላዳግ ጉድኖ ግን ኩድኖኽርልም ግን። 13 ሱጝ ሰበትድ ናውክ እንጠርድኖኩም ግን እን ደንጎቢል እኽታሲክ ዓቅል እሰዅክ ደኣም ደኤንዶ ግን። ኢይሩሳሌምትል ገማ መዓት 14 ዳንኤል ነቢ ያዅ ደነይ ስማሳዅ፡ኚ እኽእኝ አኽጋዅል አኾ ህምባዅሲ ቋልደነሰና፡ኣምበብዳዅክ ፈሀምኒ እንሲን ይሁዳትል ዲወው ጊተል እግሪኒን። 15 ልጝል ዓረጎ፡ዲወዅ ገምጊን እራኳ አድሮዮ ኮዶ ልጝል ትውጊን። 16 ዲወዅር ሰረና አደሮዮ ኮል ወንተርጊን 17 ግርጋት እንደል እኲን፡ሕኖቱዲ ነብሰውዲ መላሎም 18 ሽቕ አኽጊንኩም፡ሺዋ። 19 ግርጋት፡እንደል ጃር መሀርደንትልድ ንኪትል ኣኽራሲክ አኾ አርጋዅ ንድ ደምቢኽር ኒዀርሲክ አከጋዅ ጅርበት በሀር ኮት አኽሮ ግን። 20 ግርጋትሲ ጃር ኒ ፍሪረውድ ፈክድ ድርጝደገንሎም ላዅ ስኻ ሰራዅ ደኤንጊድ። 21 ላዅክ ክርስቶስ እነሐኒ ነት፡እንጨሐኒ እንጨደት ህንበኲ የንኩም እምንገሉ። 22 እንሰከር ግርጋትሊ ክርስቶስ ብጙትዲ ነቢታት ብጙዲ ጉድኖ ግን፡አካዅሎም አከን እንፍሪርሰውሲኽር ከቲስዲኖ አምርርፈ፡ፈከርዳ ወራትር እሲድኖ ግን። 23 በደሮ ኒትክ ድወኩም ህምበኲን፡ፈጠነኩም። እዲኒ ደንጎባዲ ዳሚንድዅሪ እንተርነዲ 24 “እንግርጋትሊ እን ጅርበት ደምቢኻ ኳራ ጨልመቶት፡ግን አርባ ኽር ንር በርህሲ ኡቶ አኽላ ብርሲ ኩትቶ ግን። 25 ዓስተርልድ ለብሮ ግን፡ዓስተርሊ ህምባ ሒለት ረመጭስሮ ግን። 26 አዳምንዱዅራ ብኳነዲ ኢሒልዲኽር ኒሳብርድኽር እንተሩ ቋልስትሮ ግን። 27 እንሲን፡ኒንሽቃኢ ፈሶ፡ፍሪርሰውሲ ሰጃ መሔገያትልድ ብሪ ግንዱልድ፡ዓስተር ግንድል አኽራሲክ እንኩልኩልድኖሎም ግን። ደንጎቢ ሻሮት 28 ደንጎባ እርድ አዋኽ ንንተረት፡ኒ ሻሮትሲ፡ካና በለሲሪትልድ ፈሀመሉ፡ንርለንክክ አሺትሮ ተርዮሰና ሸበላ ስኩረት አርእድንዅ፡ 29 ሰና እንትጝር ይኸ ነስ ተካ እሻሮትሲ ቋልድነሰና ይናደራ እንተ ደንአብሊ ገእዮ ዋንተት ፈሀመኩም። 30 ይየኩም ኒን ኒውክ አኽራሲክ እና አሰል ነን ደኮግነት። 31 ብረዲ ደኩሮ ግን ይጋባኻ፡ደኮግረት የኩንኩም። ተውሀት ጀረብደት 32 ግርጋ ወሪ እንወክት አውን አኸት ኒቱ እኽርድ ንኻ፡መላእኽቲ ዓስተሩ አከነጝር እዅራ አከጝር ላዅ ድኳ አርእለሉ። 33 ግርጋት አውን-አኸት አርእድኒ፡እማ ፈጠናኽር ተውሃኽር ሺዋኽር። 34 ግርዋ ኒልጝንሲ ባሮ ሺሽዶ ፈርዶየሰና ኒገንሺንሲ ሽጞ ላዅሲክ፡ኒመድሲ ኒልጝሊ ሻኺሶ እንደአብሲ ተከዋዅሲኽር ገንጅጊን ተውህሮ፡መኾኾ፡ደንቢ ፈራዅሰና ግን። 35 እማ ገድም ምል ይጋ እንልጝን አደራ ውሪ ሁመትሊ ወንተረት አርእድኒ፡ኒወንተርና ኩንጝመኒ?ቂራ በልጝመኒ?ዲርዋ ኳይኒል መኒ? ጃህራይ ፈሰናመኒ?ላሪ አርእስተላ እማ ሐሶሰየኩም። 36 ዮ፡እንቶ ገንጅድኖ ዋንትዱኑ አርጊንኩም ብርያ። 37 እንተት ድዋዅሲኩም፡ናድክድ ግን፡አንድዋዅ እማ ተካሕያ ሐሶሰየኩም።
1 ፋጅኺዅዲ በዓል ቀጨጩታዅዲት፡ለጛ ኳራ ከብተ ዋኑ አቅሽታ በህሊንዲ፡ከታበንዲ ኢየሱስቲ ተሐቲትድ ምልሲነ ሻኽኖ ኩድኖሉ ጀረቡኑ እርግኑዅ። 2 ከዋ ነበክል ረብሸት ጉጊን በዓልድ አኽጊን ይኑዅ። ኢየሱስ ቢታንያትል 3 ቢታንያትል፡ስምኦን እንበርሰትዅድ፡ልጝሊ ምዳቱ ላ እዂና ዕጥር ሕበራ እንገው አድሮ እንትሮ ከባተትሲ ከርደ ኒአኾርሊ፡ብቅሲቲሉ። 4 ኒል እርገውልድ ላው ቀጠብኖ “አበዲ ነስ ተካ ዕጥር ውሪዅ ግምሽ ቡቅታዅን፡ 5 የው፡ዕጥር መለምል ሰዃ ሊኽ አወይሲ ክስቶ ድቡራንድ አኽጊድማ!” ዩኑ ልኺኒዅላ። 6 “እሲቶ ባረውርላ፡ውሪዅ፡ማሕገድደናኹንላ፡እና ንሪ እስራዅ ትክያ ወራት ግን። 7 ህምበነኲ ጀረብደነን ካቢትኖሎም ገረስደነኲ።አን ደአም ዲማ እንተዲ እልሊ። 8 ንርዓቅምሰነክ እሲቲ፡እን አመሪ ዪ በድንሲ ሸመትቶ ህምብራዅሲ ናን በደርዶ እሲቲሉ። 9 የኩንኩም እና ወንጌል ሰበክሳ እርድሊክ እና ንሪ ሀብረዅ ወሪስትሮ ግን። ይሁዳር አየንና 10 አስቆሮታዊራ፡እን ሽካ ለጛትልድ ላዅ ኢየሱስቲ ደኲሶ እውሮሎም አቅሽታ በህሊንሊ ፈሩዅ እማ ናዲ ኰድጚዅ። 11 እምንድክ ፈርሕኖ፡ሰላዲ እውድኖሉ ዱጙኑዅ።ኒኻ ናናንተል ለብድሮሉ ዮ፡አወሃበ ምልሰ ሻከትሉ፡ደልም ጀረቡ እርጉዅ። 12 በጋ ፋጅኸድ በረኽሳዅሲ ሰልፍ በዓል ቀጨጩታዅል ኒታለይቶት፡ “ፋጅኸድ ቊቶ አዊል ፈርኖ ደለምድኖካ፡ጀረብራዅን” ይንዅሉ። 13 ናልድ ለጘት ሽጞ፡ላዃ ፈራ ድገትል ኒል ግርዋ ጀን ዓቋዅ ምዅሮ ፈራዅ ሀደፍ ይሮኩ ግን እማ ኒጉርጉርበት ኮል አተያ። 14 ልጝሊ ትዋ እማ እንልጝ አደረስ መምህር እን አካን ይታለይቶትዲ ፋጅኸስ ኒል ቋዅ ልጝን አዊን ግን ይዅካ የሉ። 15 በሄርኮት ልጝን ኒወሸቕዲ ጠፍሖ ህንባዅ ቋሊስሮኩም ግን እማ ኒል ደለምደለ ይኹሎም። 16 እን ድገትል ዔርኖ ፋጅኸስ ኒያዅሰንሎም ደለምድኑዅሉ። 17 አኾሰበኻ ኢየሱስ ንሽካ ለጛ ታለይቶትዲ ኒል አተዩዅ። 18 ዓገልስኖ ቁኑኻ ኢየሱስ “እምንድክ ይየኩም እንተልድ ላዅ ይዲ ቋዅ ሻኺስሮለ ግን” ይዅሎም። 19 በኸኽርኖ ቊርቊርትኑዅ ላዅ ላድኻ “አዊ አርእዅን አንቶክ አኽሪ” ዩኑ ወንቀርኑዅሉ። 20 “ሽካ ለጘትልድ ኒናንሲ ይዲ ግባርሊ ገምዳዅ፡ግን። 21 ኒድ ከተብሶ ህንበሰና ፈረኲ እንኩዅ፡አጀዋ እንግርዋ አዳሚንድዅረስ ደኩሶ እዋዅ እዃርስጋዅ አከን ኪድርድሉ” ይዅሎም። ኢየሱስ ቅዱስ ቁርባንሲ እሲዅ 22 ኢየሱስ ሳንስዐስ አዶ ጸሎት እሰ ገውሮ ሸረፎ “እህና ኣዳ-ቋ ኒን ይስኻ ግን” ዮ እውዅሎም። 23 አዶ ጃርሲ ሐመድዶ እውዅሎም፡ናውኻ ኒልድ አድኖ ጅእኑዅ። 24 ይኹሎም “ነን ይብር ዓደት ሐዲሱ ገሪውድ መታን ቡቕተው ግን። 25 ጃርዅል ሐዲስድ ጀአ ግርጋ እንትራሲክ ንድ፡ደምብክ ሚድ ጨመምሰውልድ ጀአገት እምንድክ የኩንኩም” ይዅሎም። 26 ሐመድኖ ደምቢኻ ደድ ጊሪል ተረገስኑዅ። ቤጥሮስር በረይና 27 ኩየሉ ግን እን በግኻ ፈተታሕ ይቶ ግን ያዅ ክቱብ ህምበኲ እማ ንኪ ቂር ናውክ ይድ አንቈሪትኖ ግን 28 ደአም ገሊለትል በደርድየኩም ግን ይኹሎም። 29 “ናውክ አንቈሪተነጝር አን ኒኾርስክ ኲድ አንቈሪተገት ደበት” ይኹሉ። 30 “እምንድክ ይየካ እንቲ ንኪ ቂር ዲርዋ ለጛ ዶል ኳየጊ ሲዅን በረይቶለ ግን” 31 “ኩዲ ክራ አከጝር ክርዲ ግን ግራ በረየሊካ" ዬክ ወንተተረክ ጀመሩዅ፡እንደንኽር ናውክ እንደዋ ይኑዅ። ኢየሱስ ጌተ ሰማኒትል 32 ሰማኒ ይስታዅ አካንሊኻ ፈርኑዅ።ኢየሱሳ ኒታለይቶትሲ “አን ጸሎት እሲሪሲክ እንትን ነት ጨበረለ” ይኹሎም። 33 ያዕቆብዲ ዮሓንሲዲት ኒዲ አዶኻ ሳደድስሮኽር ረበጭስሮኽር ተርሲዅ። 34 “ይፊኹት ክሪል ገእይሮ ህምበቲ ነት አኽድኖ ገንጅጋ ሐሶሰያ” ይኹሎም። 35 ግናዪ ዕጭጭዮኻ ብሪል ብሶትድ ክብሮ እን ወክት አካዅ አከን ደኲሮሉ 36 “ዎ አበ እንቲ ኒትክ ገረስራኽር ግን ኩምራድ አከን እና ዋንጫ ጅርበቱዅ አን ጅእጊሉ ደኲሮ አካዅ አከን ይልድ ደኩኒ፡ደአም ኩምራድሰና አኽኒ ግን ግራ ይምራድሰና አኽጊኒ” ዩ ሺዊዅ። 37 ወንተሮሰናኻ ገንጅኖ አርኹሎም እማ ቤጥሮስቲ እንቲኽርማ ላዶን ድኳ ተርህነስ ቂልስሩኹን? 38 ሐሶሰያኽር ሺዋኽር ሸርሊ ቱግድኒን፡ፊኹት ደለማዅ ግን ስኻ ደአም ሐየሞ ህምባዅ ግን። 39 ኒእማኒሰና ሺዊዅ። 40 ናል ወንተረሰና ገንጅኖ ዲኒኹሉ ጅሙዅ ታቆሎም እርግነዲጛ ጋበናዅክ አርእምብስቲኹሎም። 41 ወክት ወንተሮኻ “ዓቅትራ ገድም ገንጃ ፊዃ ኽር አዳሚንድዅራ እንሙቑላ ናንትተል እውስታ ወክት ዓቅትሮፈረኲ። 42 እን ካይን ሻኪሳኹለ ስኲሩዅ ጓ ፈርንን” ይዅሎም። ኢየሱስር ሻክስትና 43 ኒ ነስ ጋቡኻ ይሁዳ እን ሽካ ለጘትልድ አቅሸታ በህሊንድኽር ከታበን አህሊንድኽር ሽማገለታት ልድኽር እንሻቅሰው አስያፍዲ ግንፍፍዲ ደበልትኖ ኒዲ እንትኑዅሉ። 44 ካይን ነዋ ዮ ፈጠኒሱሎም እርጉዅ “ከተጋና እን አን ሰለማዅ ኒ ግን ተብድኖ ሻኻሉ እማ ተከውዱኑ አደሉ” ዮ ኰድጘሎም እርጉዅ። 45 ስኩት ዮኻ “ዎ መምህር ደባንማ” ዮ ሰለምኹሉ። 46 ለመጭሲነ ሻኽንዅሉ። 47 ኒዲ እርገውልድኻ ላዅ ሴፍሲ ኒልጝልድ፡መጭሰ ላገንጂና አቅሽታዅሲ፡እንቅወስ ለደዶ ጨረምዅሉ። 48 “ስዋኒሰነማ አስያፍዲ ግንፍፍዲ ሻኽድኖ፡እንትድንዅን ኤትኖለ? 49 እንተዲ ቤተ መቅደስሊ መሄርዱ ሰጘሊማ ፡እንሲን ሻኽግድኒለ ውራ ናጛ ኒን እንክቱብ አቅትሮር መታን አኻዅ ግን። 50 ባርኖሉ፡እርግኑዅ። 51 መንደላያ መቅጠን ክዪል ታዊና፡ወንደፍሮ እርጋዅ ካያ ተለይዅሉ። 52 ሀንተር ይኖሰነኻ ታዊነስ ናናንተል ባሮ ካያ-ማያ እግሩዅ። ኢየሱስ ዲቢ ጃብል 53 አቅሽታ ብሄርሊ አድንዅሉ።ኒላ አቅሸታ በህሊንዲ ከታበንዲ ሽማግለታትዲ ዲቢትኑዅ። 54 ስርግዮ ኒጉርበት እንተሩ አቅሸታ ከለብል፡አኽታሲክ ተለይዅሉ።ኒልኻ ገንሺንዲ ሕበበርሰ ካውርዶ ጀጋሕ ዩዅ። 55 በህሊንዲ ናውክ እን ዲቢል እርገውድኻ ኢየሱስቲ ሸረው(ሰምዐው) ጀረቡኑ እርግኑዅ ደአም ብኑዅ። 56 ብንድ ሸርኑዅ ፡ደአም ሽርና እኺርኺርልድ ዋስስትጚኒ። 57 ጉኖኻ ብንድ ነዋ ይኖ ሸርኑዅ 58 “አን እና መቅደስ ከዋ ናንድ ገበርሳዅሲ ሐንፈሶ ሴዃ ኳረድ ከዋ ናንድ ገበርስጋዅ ገበርያ ግን ዩንሲክ ዋስንኹንሉ” ይኑዅ። 59 ኮዶ እኺርኺርሊ ዋስስትጝና ብኑዅ። 60 እን አቅሸታ በሄር ነበክል አኹዅ እማ ኢየሱስቲ “ውራ እንቲ ላሪ ወንተሰለማ ነስከው ኩአወትሲ ሸኡኑ” ይኹሉ ። 61 ላሪ ድኳ ወንተስለሉ።እን አቅሸታ በሄራ ኮዶ “አበዲ እንቲ ክርስቶስ እን ገውርሳኹድ እኹራማ፧” ይኹሉ። 62 “የዋ አን ግን፡አዳሚንድዅረስ ኒሒልድክ ላውል አኾ ብኳን ዓስተሩውድ እንተሩ ቋልትኖሉ ግን” ይኹሎም። 63 አቅሸታ በሄራ ነስ ተካ ጋብሲ ዋሰሰና ኒታዊነስ ሔቕሲዅ እማ “ናንኻ ውሪ ሸርና ጀረብዳኹንና፡ 64 ጃኻዅሲ ዋስደኒማ እንትን ናንኻ ውራ ተካኹንኩም” ይኹሎም።ናዋ ክርዶ ህምበኩሉ ይኑዅ እማ ክራ ፈረድንኹሉ። 65 ብርጭቅ ይድኖሉ ተርሲኒዅ ገሽሲ ጀርመምኖሉኻ ጠዓምቢነክ “እንደ አርኢ አውኒ ግን ጠዓምባኹካ” ዩኑሉ እርግኑዅ።እን ገንሺጝር ድርቁስዲነክሉ “እንደ አርኢና አውኒ ግን ደርቈሳዅካ”ዪነክ ማዓቡኑሉ እርግንዅ። ቤጥሮስር በረይና 66 ቃዕረትሊ ዋኑ ላሪ አቅሸታ በህሊንድ ንሽቃ እንትቲሉ። 67 ተጝስረ መኸልትቲሉ እማ ፈረግሮሉ “እንትኽር ኢየሱስ ናዝሬትሩዅዲ እርግሩዅ” ይቲሉ። 68 “እና እንቲ ይራዅሲ አርእሊሉ እንቲ ይረውር ፈሃምሰለለ” ዩ በረዩዅ።ኒልድ ጐኻ መራብሊ አኸታሲክ ስርግ ዩዅ።እንሲጛ ዲርዋ ኳዪዅ። 69 ንሽቃ ኮዶ ተጝስረ መኸልትቲሉ እማ እን ኒል እርገውሲ “የሀው ኒጝር ናልድ ግን” ይቲሎም። 70 ኮዶ በረዩዅ።ግናዪ ግጅኖኻ እን ኒል እርገው ልድ ቤጥሮስቲ “ውራ እንቲ ገሊለሩዅ አኽረት ኩላንቅድ አርእስትረኲ እልለማ እምንድክ እንቲ ናልድ ግን” ይንኹሉ። 71 “እና እንትን ይደና ግርወስ እምንድክ አርእሊሉ” ዩ ሸርዶ ተርሲዅ። 72 ንርድ ንርድ ዲርዋ ሊጘር ኳዪዅ፡እንሲን ቤጥሮስ እን ኢየሱስ “ዲርዋ ሊጝን ኳዪጊ ሲዅን በረይቶ ለግን” ዮ ጋበሉ እርጋ ጋበት እልብዱዅ እማ ትክሰ ስሪዅ።
1 .ኒድ ኒድ ብራ ክሶሰና አቅሽታ በህሊንዲ ሽማገሌታትዲ ከታበንዲ ዲቢትኖ ኮድጚነኻ፡ኢየሱስቲ እንሸውኖ ጲላጦስትል አድኖ ፈርንዅሉ። 2 “እንቲ ንጉስ አይሁድሩዅማ” ዮ ወንቀርዅሉ።ኢየሱሳ “ውራ ኩላውድ ይረኲ እንኩለማ” ይዅሉ። 3 በህሊጛ ገሪው ወራትድ ሸከይንኹሉ፡ኢየሱሳ ላሪ ድኳ ወንተስለሎም። 4 .ጲላጦስ ሐዲስድ “ውራ እንቲ ላሪ የግራኽርማ፡ውሪከውድ ሸከየነትካ ዋሰግራኽርማ” ይኹሉ። 5 ጲላጦስ ፈከርስራሲክ ሰቆቡዅ። 6 በዓል ሺባ እንሸውሰውልድ ላዅ ናው ጀረብናዅሲክ እንኩሎም፡ሰጘኩ። 7 ረብሸት እሲነ ግርዋ ኩወውልድኻ ላግርዋ ባርባን ይስታዅ እንሸውሶ ሰጘኩ። 8 ከውኻ፡ናክኒርሰና እሲሮሎም ጲላጦስቲ ወንተተሪነክ ሺዊኒዅሉ። 9 10 ጲላጦስ አቅሸታ በህሊን ተነክነድ ሻኽነትሉ አርኦ እርግነዲን፡ “ንጉስ አይሁዱዅሲ እንክየኩም ጀረብደናዅማ?” ዮ ወንቀርዅሎም። 11 በህሊጛ፡ ከውሲ ባርባንቲ እንክሮሎም ሺዊድኖ ወሳወስንኹም። 12 ወንተሶ “እና ንጉስ አይሁዱዅሲኻ ውራ ሀብየሉ ጀረብደናዅን?” ይዅሎም። 13 “ከርከርዲሉ” ዩኑ ሐዲስድ ረገስትኑዅ። 14 “ኒ ደአም ውራ ሙቊላ እሰኩም” ይዅሎም፡ናዋ “ካኒል ከርከርዲሉ” ዩኑ ጨርሕኑዅ። 15 እንሲን ፈርሕድሮሎም፡ባርባንቲ እንኩዅሎም ኢየሱስትኻ ቀለጢሶሉ ደምቢ፡ከርከርድድኖሉ ናናንተል ደኩሶ እውዅሎም። 16 ፈረድስሮ፡ቃዕረትልድ ዲቢል አድንዅሉ፡ኒላ ናትክ ሽጝኖ ዲቢልትኑዅ። 17 ሰራዅ ሰስንዅሉ፡ይኸ እክክምሲ አድኖ ላት እንሸሸውኖ ሻሽ ሰና አኾርሊ ለዋለይንዅሉ። 18 “ዎ አይሁድር ንጉስ ደባንማ ህንብራዅን?” ዩኑ ምሊድኖሉ ተርሲኒዅ። 19 ሒልዅድ አኾርሲ ጠዓምቡኑሉ፡ብሶትልኽር ብርጪቕ ዩኑሉ ኒጃብል እብርክ ዪነክ መዓቡኑሉ እርግኑዅ። 20 መዓቢነሉ ደምብኻ ታዊና፡ሰራዅሲ ያዕይኖሉ፡ኒውሲ ሰስኖሉ፡ከርከርድድኖሉ አድኖ ፈርንዅሉ። ኢየሱስር ከርከርስና 21 ግርዋ ስምዖን ቀረንዱዅ፡እስክንድሮስዲ ሩፎስዲር እኽር ጉግድ፡ደኳዅ ሀደፍዮሎም፡ከረፍኖ፡ሻኽኖሉ ሒልድ መስቀልሲ ካቢሮ ሙቕስንዅሉ። 22 “ሐምሐም አዀር” ይስታ አካንልኻ አድንዅሉ። 23 ሕበሪነኻ ሚድ፡ጅእሮ እውንዅሉ፡ኒኻ ጅእነስ ጉሽዅሎም። 24 ከርከርድኖሉ ደምቢኻ ኒታኲንሲ አድኖ ቅሻ ማልኖ ላኹክ ኒበና አዱዅ። 25 እን ወክት ሰዓት ሰዃ እርጉዅ። 26 ከርከርድነትሉ ኒዓገብሲ ድዋዅ ክቱብ “አይሁድ ንጉስ” ያኵ እርጉዅ። 27 ለጛ ስኳን ለዅስኻ ኒላውድ ላዅስኻ ኒሸንገብድ ከርከርድኑዅ። 28 “እን ምቊልዲ ሺብኑኹሉ” ያዅ ክቱብር እንሲን ድጙስቱዅ። 29 ኒድ ደኩ ኣርገውር “ነበንታ እንቲ ቤተ መቅደስሲ ሐንፈስሮ ሰዃ ኳረድ ገበርዳኽር፡ዪነክ ናአኾትሲ ነክነኩኑ ጃኹኑሉ እርግኑዅ። 30 “እንደ ናን ኩሹት አንገፍዲ እና ከርከርስሮ ህምብራኹልድ ገሚ” ዩኑሉ እርግኑዅ። 31 ይኸ አቅሸታ በህሊንዲ ከታበንዲ እንደዋ ዩኑሉ እርግኑዅ ናሹኻ ኒን አሪውሲ ደአንዱ ሰጛዅ አበዲ ውራ ናን ኒሹት ደኤንደጋዅ ዩኑ እርግኑዅ። 32 “አላ ክርስቶስ ንጉስ እስራኤልዱዅ ግን ኒና ከርከርዶ ህንብራዅልድ ውራ ናን ቋልኖ አምኖካ ገመላ” ይስትጙኑ እርግኑዅ፡እን ኒዲ ከርከሮ እርገውር እንደዋ ዪነክ ጃኹኑሉ እርግኑዅ። ኢየሱስር ክራ 33 ገፍልድ ሰዓት ሰሳ አኽራሲክ ብራ ኒውክ ጨልመቱዅ 34 ሰሳትላ ኢየሱስ “ኤሎሄ፡ኤሎሄ ለማ ሰበቅትስኒ” ዮ ዋዕዩዅ።ኒጛ “ዎ ይኽርጃር ዎ ይኽርጃር ውሪዅ፡ባርዶለ” ይና ግን። 35 ኒል እርገውልድኻ ላው “ዋሳ እነሐን፡ኤልያስቲ ሽጘኲ” ይኑዅ። 36 ጋጙ ፈሮ ጢነስ፡ሚድ መንሸውድ እንሰኾ አዶ እንቶ ሽንክራ ሽራዅል እንሸዎ፡ “እንደ ባራ ኤልያስ እንቶ ከርከርሶ ህምባዅልድ ገምደንሉ ቋልና” ዩ ጅእስዅሉ። 37 መውዒታት ከላእኮትሲ፡እሰ ደምቢ ክሩዅ። 38 ቤተ መቅደሱዅ፡አወይልድ ስቄት፡አኽታሲክ፡ለጛትል ሔቕ ዩዅ። 38.ክራር ቤተ መቅደሱዅ፡አወይልድ ስቄት፡አኽታሲክ፡ለጛትል ሔቕ ዩዅ። 39 እን ሊኽ፡አደራ ኒ ቅብልሊ እርጋዅ ኢየሱስር፡ፊዅቲ፡ናኽረ ፍረሪት ቋለሰና “እምንድክ ኒን ግርዋ ጃርዅራ፡እርጉዅ” ዩዅ። 40 ይኸ እኲን ሺራዅልድ ቅብሊስኖ፡መኸልቱኑ እርግኑዅ፡ናዲ ማርያም መግደላዊትዲ፡ማርያም ያቆብር ገነዲ፡ዮሳንዲ ሰሎሜዲ እርግኑዅ። 41 ዋኑ ተለዩኑኽርሉ እንሸቕሱኑሉኽር፡እርገው ግን።ይኸ ገሪውር ኤሪው ኢየሩሳሌምትልድ ኒዲ እንተው እርግኑዅ። ኢየሱስር ኤርብ 42 ኩንጝ አኾሰናኻ አመሪትል በዓል ሰንበሩዅል ደለምና፡እርግነዲን፡ 43 አርማትያስሩዅ ግርዋ እከዅራ ናዲቢል ስማርሳዅዲ፡ሲመር ጃሩዅ ሳደንታ፡ኮልድ እንቶ ላሪ ጓቊትጊ ጲላጦስትል ፈሮ፡ግናደትሲ እውሮሉ፡ሺዊዅሉ። 44 እናኸ ወለይዶ ኒክረድ ፈከርሶ እን ሊኽ አደረስ ሽጞኻ እምንድክ ክርዅማ? ዮ ወንቀሩዅሉ። 45 እንሲን ነሃበ ደለይዶ ደምቢኻ ዮሴፍሲ የሱስር ግናደትሲ እውዅሉ። 46 የሱስቲ ከርከርሶ ህምባዅልድ ገምዶ ደበላንድ ትብሎ፡ኒሹሽዮ ሽሺል ግኽደ፡እርጋ አርብል ትውስዅሉ።እንጎቊ፡አብሲ ኻ ክርጛ፡ከላእኮትሲ ገለበዶ አበድዅሉ። 47 መግደላዊትዲ ማርያም ዮሳር ገነዲ አዊል ደበነትሉ አትቋመቱኑ እርግኑዅ።
1 .ሰንበር ደኮሰነኻ ማርያም መግደላዊትዲ ማርያም ያዕቆብር ገናዲ ሰሎሜዲ፡ፈርኖ ኒግናደትሲ ሸመትድኖ ይኖ ዕጥር ጅቢኒዅ። 2 .ጉራብኖኻ ጃበራ ግርጋ እውናርዲትል፡ኳራ ፍሩ አርብል ፈርኑዅ። 3 ፈሩኑኻ ናሹር ናሹ “እንክርጘሳ እን ጎቊ አብልድ አውኒ ያዕይሮልና” ይስትጙኑ እርግኑዅ። 4 እንክርጛኻ እምንድክ በሄር እርጉዅ። 5 .ፈጠንኖ መኸልትኖሰናኻ እን ክርጛ ገለበስቶ ህንባዅሲ ቋልኑዅ። 6 .ኤርብል ትውኖሰናኻ ቊራ መንደላይ ታኲን ብልታውረው ሰራዅ ኒላው ገፍድ ከፍዮ፡ህንባዅሲ ቋልኑዅ፡እማ በኸኽርኑዅ። 7 .ኒኻ “አርጋ በኸኽርጋ እንትን እን፡የሱስ ናዝሬትሩዅ ከርከርሳዅሲ ጀረብደናኽር ግን እማ ነት እላኒ፡ጒዅ እነሐን እን ኒ ደብተ እርጋ አካንሲ ቋላ።ፈርድኖ ኒታለይቶትዲ ቤጥሮስዲት ገሊላትል፡በደርዶኩም ግን ኒል እን ኒዮኩም እርጋዅድሰና፡ቋልትኖሉ ግን፡ይድኖ ድዋ” ይኹለን። 8 .ናዋ ታንቲነኽር በኸኽርኖኽር ወለይድኖ ፍኖ እግርኑዅ።ጓቊትኖ እርግነዲጛ ላዅድ፡ድዊኒ። 9 ኢየሱስ ጐ ገሪውድ ቋልስተት ኢየሱሳ ጐሰና ጃበሪ ግርጋ እውናርዲትል በደሮ፡እንለጘታ መጃኒን፡ፍዶላ እርገሪት ማርያም መግደላዊርሲ ቋልስቱዅ። 10 .ንርኻ ፈርዶ እን ኒዲ እርገው ቊርቊርተውድኽር፡ስረውድኽር፡ድዊቲሎም። 11 ናዋ ጐትር ንርድ ቋልስተትላኽር እምንኒላ። 12 .ንድ ደምቢ ለጛ ናልድ ኮል አኽታሲክ ፈሩኑ ጉግሊ አሪ ገሽድ ቋልስትዅሎም። 13 .ነጛ ደንቢራ ወንተርኖ እንደድ ድዊኒዅሎም።ናዋ ነስር እምንኒሎም። 14 .ደንጎበድ እንሽካ ላዅድ ምድሊ ዓገልኖ ዋኑኑ ቋልስትዅሎም፡እማ እን ጌ ቋልንዅንሉ የውድሰና አምና ብነድ ናለፈካ ተብድ ዋኺትኹሎም። ታለይቶትሲ እንሻቀትሎም 15 .ንድ ደምቢ ኢየሱስ ፈራ ብርጃርልክ ናትክ መሃርዳ ወንጌልሲ በሸርዳ። 16 .እን እምናዅዲ ጠመቅሳዅዲ ደኤንዶ ግን።እን እምንጋዃ ድድሮ ግን። 17 .እን እምነውድ እና አምራት ነን ተለይሮሎም ግን፡ይስጙድ ሸዋጢንሲ ፍድኖ ግን ሓዳይስ ጋብድ ጋቢድኖ ግን፡ምራውሲ ሻኽድኖ ግን፡ 18 .ይኸ ሕምጥ ጀኤነጝር ላሪ አደየለሎም።ሽዅሽተውሊ ናንትትሲ ናዳግ ገምዲነክ እቢስድኖሎም ግን ይኹሎም። 19 .ይና አደራ ኢየሱስ ነዋ ዮ ጋበሎም ደምቢ ዓስተርሊ ፌ ጃር ላውል፡ጣፍሑዅ።ናዋ ኒልድ ፍኖ ኒልክ ሰበክሉዅ። 20 .ይና አደራኻ ናዲ አኾ ናጋበት አምራትድ ተብዱሎም ሰጘኲ።
ብሽራት ሉቃስሩዅ Luke ፊዃ-1 1 እና ይና ነበክል አኻ ጋራትሲ ገሪው ከተብድኖ ተርሲኒዅ 2 አን ደአም ኒአንፍልድ ሻኾ እን ናዕልድ ቋለውዲ ቆል ንሽቅ አኽኖ ይነል ዶክሶሰና፡ 3 4 ዎ ሐይስ ቲዎፍሎስ እና ደኳ ግርጋትል እና ጋር ኒስ ኒትክ ኒ ሰልፍልድ ሻኾ ፈጠኖ ዋንቃሮ መመዮ ደምቢ፡እንጫ እንቲ ከለብርዶ ሻኽሮ ህምብራ ምህሮት ትክስረ አርእቶ ጣፍሕዶ ላዅ ላዅድ ከተብየልካ ትክ ያዅ አኾ ቋልስትዅለ። ብሽራት ዮሓንስ መጥምቅድ እዃርስና 5 ንጉስ ይሁዳሩዅ ሄሮድስር ወክትሊ አብያርዲ ፈንክልድ ዘካርያስ ይስታዅ ግርዋ ቀሺራ ሰጘኲ፡ኒ-እዂናኻ ኤልሳቤጥ ይስትረሪ አሮንድካ እንቃቕልድ እርግቲ። 6 ላጘካ ጃር ጃብል ኒጉግድ ፈሩኑ ላዅድ ልኽስተግኒ ሻትካን እርግኑዅ። 7 ደአም ኤልሳቤጥ ኩሪርዲ እርግርነዲን እዅራ እርግለሎም።ለጛካ ቅድኖ እርግኑዅ። 8 ዘካርያስ ተሪ ኒፈራዑዅ እርግነዲን አቅሸታ ክኒርሰና መቅደስ ጃሩዅል ትውዅ። 9 ጃር ጃብል ኒወራት ቀሺሪዅ እሲሮኻ ቅሻ ገእይኹሉ፡ልባነስ ትድጝድሮ። 10 እን ልባኒ ትድጝኒ ወክትላ ከው ናውክ ከደን አኽኖ ጸሎት እሱኑ እርግኑዅ። 11 እንሲን እን ሰደቃቱዅድ ላው ገፍድ ንሽቃ ጃሩዅ አንጦጠላዅሲ ቋሉዅ። 12 ዘካርያስ ቋሎሰነሉ ባኻኽሩዅር ታንቲዅር። 13 እን ንሽቃ ጃሩዅ “ዘካርያስ አረጊ ላሪ ጓቊትግ ኩጸሎት ዋስስቱዅ ኩእዂና ቁራ እዃርቶ ግን ኒስጝኻ ዮሓንስ ይሮ ሽጝቶሉ ግን። 14 ኒኻ ፋርሐትዲ ንግስዲ አኽሮካ ግን።ኒ እዃርስነዳ ገሪው ፋርሕድኖ ግን። 15 ውረድ ኒ-ጃር ጃብል ብሄር አኽሮ ግን ሚዲ ሸከርደውዲ ኒኾርስክ ጂእሮ አኽላ ኒገነር ካድልድ ተርሰ መንፈስ ሻትክ እንታኽሮሉ ግን። 16 ገሪውሲ እስራኤልዱርልድ ናጃርሊ ወንተስሮ ግን። 17 ኒ-ጃርድ ወጀበው ከው ደለምድሮ ይኸ እክላ ለፈክሲ ናቁርሊ ወንተስሮ ግን እን ጉሸውሲኽር ሻትካና ጉግሊ ግልጭሲሮ ኤልያስር መንፈስዲ ሒልዲሲ ኒጃብ ጃብል ገንደልዶ ግን፡ይኹሉ። 18 ዘካርያስ “አንኻ ቅዶ ህምባኽር ይእዅናኽር ንርግርጋት ደኰው እና ወራት ኒን አዋኸ አካዅን” ይኹሉ። 19 እን ንሽቃ ጃሩዅ አን እን ጃር ጃብል አንጦጠላኽር ገብርኤል መልአኽ ግን።እና ጋር ኒስ በሸርድየካ ኩል እንሸቅሶ ህንበኩን። 20 እናሐን ናን እንቲ ይጋብሲ ኩ አምንና ብነድ እና አን በሸርዳዅካ ወራ አኽራሲክ ልጉም አኽቶ ግን ይኹሉ። 21 እን ከዋ ዘካርያስቲ ጨበሩ እርገው ቤት መቅደስ ዓንቀይሊ ኒ ሺሽነድ፡ 22 ፈከርስኑዅ።ፈሰናኻ ጋቢሮሎም ገረስላ።ቤት መቅደስሊ ላ ወራት ቋልስተትሉኻ አርእስትኹሎም።ኒኻ ናንድ ሃንተር-ተር ይኹሎም፡ለጐምሶ እርግነዲን፡ 23 ዘካርያስ ኒተሪት፡ድጞ ኒልጝል ወንተሩዅ። 24 እንሰከር፡ግርጋትሊኻ ኤልሳቤጥ ሐነንቲ። 25 ጃር ቋሉኹለ፡ከዋ ጃብል ስማሱለ ሰጛ ዑረትሲ፡ናሃበ ይልድ ሺሽዳኹለ ይሩንሲካ አንኳ አርበስ ትብትቲ፡ ብሽራት ኢየሱስር ኡዃርስና 26 ኒ-ወልተር አርቢላ፡ንሽቃ ጃሩዅ ገብሪኤል ጃርድ እንሸቕሶ፡ 27 ናዝሬት ይስትረሪ ላድገ ግሊላትሪትል ዓንቂ ድንግሊ ግርዋ ዮሴፍ ይስታዅ ዳዊትካ ፈራዕልድ ሐጨይስረሪትል እንትዅ፡እን ዓንቂኻ ንርሱጝ ማርያም ግን። 28 ንርትል እንቶኻ “ገድ እንተኸረሪ ደባንማ፡ጃር ኩዲ ግን፡እንቲ እኲነልድ ገውርስራኽር ግን”ይኹላ። 29 ንርኻ ቋልደሰነክሉ፡እን ኒጋብድ በኸኽርቲ፡እና ደባንማ ይና፡ኒን ውራ አኽሮ ፈራዅ ግን ይሮኻ፡ገሪ ሀመትል ትውቲ። 30 እን ንሽቃኻ አረጊ ማርያም፡እንቲ ጃር ጃብል ገድ አርዱዅ እማ፡ጓቊትግ፡ 31 እንሕን ሐነንቶ ግን፡ቊራኽር እዃርቶ ግን፡ኒስጛ ኢየሱስ ይቶሉ ግን። 32 ኒ-በሄር፡አኽሮ ግን፡ክብያዅድ፡ዅራ ይስትሮ ግን፡ጃርኻ ኒኽር ዳዊትር ቂጦረስ እውሮሉ፡ግን። 33 ያዕቆብር፡ፈራዕሊኻ ዲመስ ሰየምስሮ ግን።ኒ-ሕክም ግንዲ እንግጋዅ አኽሮ ግን። 34 ማርያም እን ንሽቀስ አን ድንግሊ ግን፡አርአ ግርዋ ሻኽሊ፡እና ወራት ኒን አዋኸ ግን ኒአኽና ይቲሉ። 35 እን ንሽቃ ጃሩዅ መንፈስ ሻትክ ኲአወይሲ ገምሮ ግን፡ሒል እን ክብያዅዱዃ ሻሚስሮኪ ግን፡እን ኩልድ እዃርሳዅኽር ሻትክ ጃር ዅራ ይስትሮ ግን። 36 እናሐን “ኲወንዳ፡ኤልሳቤጥር ኩሪርዲ ይስትሩ ሰጝረሪ ንር ገኒትሊ ቁራ ሐነንዶ፡ንር ወልተር አርባ ግን። 37 ውረድ፡ጃርድ ላሪ ቢስታዅሉ እላ ዮ ወንተሱዅላ። 38 ማርያማ “እናሐን፡አን ጃር ገንጂና ኲጋበርሰና አኽን ይት፡ይቲሉ እንሲን እን ንሽቃ ጃሩኹ ንርትልድ ፈሩዅ። 39 40 41 ማርያም ኤልሳቤጥትል ገእይቶላ ፈርቲ 39.እንሰከር ግርጋትሊኻ ማርያም ኤሸሽሮ መቃጥን እሮቱውድ ይሮ ላድገ ይሁዳትሪትል ተረገስቲ። 40.ዘካርያስ ልጝሊ ቱሮኻ ኤልሳቤጥቲ ሰላም ይቲላ። 41.ኤልሳቤጥ ማርያምር፡ሰላምተስ ዋስረሶና እን ዓለታ ንር ጐድጉል፡ፈርሐትድ ባንጉሩዅ።እንሲን ኤልሳቤጥቲ መንፈስ ሻትክ እንተዅዅላ። 42 ጋብሲ ክብስረ እንቲ ኡኲነልድ ገውርስራኽር ግን፡ኲካድ ሕኖትር ገውርሳዅ ግን፡ 43 ያደሪ ገና ገእይቶለ እንተርደሪ ኒን ኤዊልድ እንተረለ ብሶት ኒን። 44 እነሐን፡ቋሊ፡ኩጋባ ሰላሙዅ፡ይ እጝቁዊል ዋስስተሰና እን ዓለት ይካድሊ ንግስድ በረጅዅ። 45 እን ጃርድ ድውስተኪ ጋባ አከት እምንዳኽር እንቲ ሻትኪ ግን ይቲላ። ማርያም ጃርሲ ሐመድቲ 46 ማርያማ ይፊዅቲ ጃርሲ ጀንጀነቲ። 47 ኒ-ገንጂነር ምእኺርሲ ቋልነዲንኻ፡ይርሒ፡ይኽር ጃር ይት፡ደኤንዳዅድ፡ነገስቲ። 48 እናሐን፡እን ሒለቱዅ ይል በሄርኮት ወራት እሲነዲን 49 ንደምብክ ናውክ አሰል ገድሪ ይድኖለ ግን፡ኒ ሱጝ ሻትክ ግን። 50 ኒ ብሕልታኻ፡እን ጓቊተውድሉ ናአሰል አሶል አኽሮ ግን። 51 ኒ-ኒክርሽምድ ኒ-ሒልሲ ቋሊሱኽ፡አውኒ ግን፡ይኮት የውሲ ናለፈካ ሀመትሲ ፈተታሕ ሲዅሎም። 52 ሒለቱሲ ናቂቶታልድ፡ገለበድዅሎም፡ምእክራንሲኻ ክብ ሲዅሎም። 53 ድቡራንሲ ኒገውረድ ብትስዅሎም፡ገዱስኻ ናንካያ ፈስዅሎም። 54 እን ይእክልድ አብርሀምዲ ኒአሰልዲት ዲመሲ፡ሳዲሶሎም እርጋዅድሰና። 55 ኒ ብሕልተሲ ኤልብድነዲን፡እስራኤል፡ኒ-ገንሺነስ እልልዅሉ፡ይቲ። 56 ማርያም ንርድ ሰዃ አርባ እስረ ንርልጝል ወንተርቲ። ዮሓንስር ኡዃርስና 57 ኤልሳቤጥ፡ንር-አርባ ገእየሰና ቁራ ኡዃርቲ፡ 58 ንርአግዋርዲ ንርወንድዲኻ፡ጃር ገሪዅ ሰኸንተትላ ዋስነሰና፡ንርዲ ፈርሕኑዅ። 59 ኒ-ሰኾተር፡ኳሪልኻ ዓለተስ ሰመተርድኖ እንትኑዅ፡ኒኽርድ ስጙድ ዘካርያስ ይኖ ሽጝድኖሉ ጀረቢኒዅ። 60 ኒገናኻ ኢፋልኩም ኒሱጝ የሐንስ ይስትሮ ግን፡ይቲሎም። 61 ናዋ ኲወንድልድ ሱጝ፡ኒስ ሻዅ ላዅ እላ ይኑዅላ። 62 ንኽርስኽር አውኒ ዮ ሽጝሮሉ ጀረበት፡ሸረትድ፡ወንቀርንኹሉ። 63 ኒኻ ኒል ከተባዅ ካና ሐምላ ናኻለዮ “ዮሓንስ ግን ኒሱጝ” ዮ-ከተቡዅ ናውካ ፈከርስኑዅ። 64 ንርድ፡ንርዳ ኒ-ላንቂ እንክስትዅሉ፡ጃርሲ ገሪዅ ሐመዱዅ። 65 ና-አግዋርሊኻ ጓቊ ትውኹሎም፡ኒልክ ይሁደር እሮሪሊኻ ኒድ ወሪስቱዅ። 66 ሒል ጃሩዅ፡እን ዓለታዲ እርግነዲን፡ነስ፡ዋሰውክ እና፡ዓለታ ውራ አኽሮ ግን ዩኑ ናለፈከል እንኩርኩሩኑ እርግኑዅ። ዘካርያስር ሕላይ 67 ኒኽር ደካርያስቲኻ መንፈስ ሻትክ እንታኾሉ ናዋዮ ጃርሲ መኤኰትዱዅ። 68 ጃር እስራኤልዲ አደራ ኒ ከውሲ፡ገእያዅር እልላዅር ገውርስኒ 69 ኒ-ሻትካነ፡ነቢታት ኤብድ፡እማና ጋበ እርጋዅድ ሰና፡ 70 እን ይነት እንጠረውድ ናንተልድ፡እና ሙቁሉናር ጀረበውልድር ናድከልድ፡ 71 ደኤንድሮና ኒ-ሳዲሰና እርጋሰና ይና ከውሲ፡ይኸብሕል፡ይሮልና እን ይናኽር አብርሃምሲ፡ሸራዅድ፡ 72 ይነት እንጠረውድ ናንተልድ ደኤኖ፡ላሪ ጓቊትግኒ፡ 73 ሸተክነድር በከትነድር፡ 74 ዲማ ይና፡መናብረትሊ ትክያዅድ እንሸቅስኖሉ፡ 75 ኒ-ንሽቃ ዳዊትር ልጝልድ ደኤንዳዅ ጉዅና። 76 እንትኽር እና ዓለታ ኒ-ከውድ ናዓገብሲ ብሕልታ፡አርድኖ ኤርእሲስቶሎም፡ 77 ኒ-ጉግሲ ጠፍሕድቶ ጃር ጃብል ፈርቶ ግን እማ ነቢ እንክብያዅድ፡ዅራ ይስትቶ ግን፡ 78 ይና ልኩክሲ ጉግ ጣፍሕዳዲስሮና እንጭልምልኽር ክሪ፡ሻማ ዓንቀይሊ አኾ ህምበውስኽር በርህድሮሎም። 79 ጃር ኒ ሰኸንትነድኽር ኒብሕልተድር፡ዓስተርልድ ኳሪሰና በርሆ ገእይሮና ግን፡ዮ ተምብሁዅ። 80 እን ዓለታኻ ለገዱኽር መንፈስድ ተረዱኽር ሰጘኲእን እስራኤልትል ቋልስተሉ ግርግል፡አኽታሲክ አው ከደንሊ መንደርቱ ሰጘኲ።
ሊጛር ፊዃ(ፊዃ-2) ኢየሱስር ኡዃርስና 1 እና ሰከር ግርጋትሊኻ፡ናውክ ከው ከተብስድኖ አውገስጦስ ቄሳር አወጁዅ፡ 2 ኒጛ ቄሬኔዎስ ሶርዪ ሰየምሶ ዋኑ፡ኒሰልፍ አኻ ክቱብ ግን። 3 ናውክ ከዋ ከተብስድኖ ላዅክ ኒኮል ፈርኑዅ። 4 ዮሴፍር-ዳዊትር ፈራዕልድር አሰልድር እርግነዲን ድገ ናዝሬት ገሊለትሪትልድ፡ 5 ማርያም ኒ ሕጪት ጐድጉሪዲ ቤት ልሔም ይስትረሪ ድገ ዳዊትሪትል ይሁዳር ብሪል ከተብስሮ ዮ ፈሩዅ። 6 ኒል ዋንቱኻ ማርያም ንርአርባ ገእይነዲን፡ 7 ንር ባኽር ቁራ እዃርቲ።ሸለቱትድ ጣብለልዶ መስከብ ጋሻዅል አካን ብርነዲንኻ ሻንኪል ገንጂስቲሉ። ምቃቕዲ ንሽቕ ጃሩዲ 8 እን አካናት ገፍዳ ቂር ናማልዲ ጊትል ካው ምቃቕ እርግኑዅ። 9 ንሽቕ ጃሩኻ እንትንኹሎም እማ ናጃብል አንጦጥልኑዅ፡ጃር በሪህኻ ከለብኽሎም አቅትራሲክሎምኻ ጓቊትኑዅ። 10 እን ንሽቃኻ አረጋ ጓቊትጋ እናሐን ንኪ ናድክዲክ ኣካዅ ፈርሓት በሄርኮት በሸርደኩንኩም እንኩዅን ይኹሎም። 11 ንኪ ዳዊትር ድገትል ላዅ ደኤንዳዅ አደራ ክርስቶስ እዃርሶኩም ህምበኲ ይኹሎም። 12 ፈራ ቋልትኖሉ፡ኒ እላመትኻ ነዋያዅ ግን፡ሸለቱትድ ትብልሶ ህምባዅ ዓለታ፡ሻንካ ማላዅል ገንጆ ህምባዅ ኤርትኖ ግን ይኹሎም። 13 ንርድ ንርዳ ሃደፍድ ሺብስተገው መላእኽቲ ዓስተሩ እን መልአኽዲ ሕበርሲነ፡ 14 ዓስተርሊ ጃርድ መእኰት አኽኒ፡ብሪላ ከው ትክያ ምራድ ሻውድ ሰላም አኽኒ ዩኑ ጃርሲ ጀንጀኑዅ። 15 እን መላእኽቲ ባርኖሎም ዓስተርሊ ወንተርነሰናኻ እንምቃቕ ናሹር ናሹ “የሄው እናጃር አርእሲሶና ህምባ ወራትሲ ቋልኖ ጐና ቤትልሔም አኽታሲክ”፡ ይስትጚኒዅ። 16 አሼሽኖኻ ኒል ፈርኑዅ፡ማርያምዲ ዮሴፍዲ እንዓለታ ሻንኪል ገንጆ ህምባዅዲት ኤርኑዅ። 17 ቋልነሰነሉኻ እን ዓለቲ ሰበትድ ድውስተሎም እርገውሲ ወሪስኑዅ። 18 እን ዋሰውሎም ናውካ፡እን ምቃቅ ወሪሰናዅድሎም ፈከርስኑዅ። 19 ማርያምኻ፡እና ወራት ኒስ ንርለበኪል እንኩርዱሉ እርግቲ። 20 እንምቃቕ፡እንድውስተዅድሎምር፡እንቋልናዅ ድር ጃርሲ ሐመዱኑ ወንተርኑዅ። ስምትራ ኢየሱስሩዅዲ ኒ ቤተ መቅደስል ፈርነዲ 21 ኒ-ሶኾተር ግርግላ ሰመተርሱዅ።እን መልኣኽ ኒ-ገና ሐነንግሪ ድወሎም እርገሰና ኒ ሱጝሲ ኢየሱስ ይኑኹሉ። 22 እን ሙሴር፡ፍትሕሰናኻ፡ከበንናር ደኮሰናኻ፡ 23 እን ፍትሕ ጃሩዅ “ኒውክ ኒገነር፡ካድሲ ብዳዅ በኽር ነሳዅራ ጃርድ እውስታዅ አኽኒ” ያዅ ክቱብ፡ህምባዅድ ሰና፡ 24 እን ፍትሕ ጃሩዅ አደደሰና፡ለጛ ኳትራ ወሪ ለጛ ጫቊት ኳትሩ፡ሰደቀት፡እውድኖ ጃርልኽር ስኩስድኖሉ ኢየሩሳሌምትል፡አድንዅሉ። 25 ኒልኻ ስምኦን፡ይስታዅ ግርዋ እርጉዅ።ኒን እስራኤልዲ ደፍኤት፡ጨበሩ ሰጛዅ መንፈስ ሻትክ ኒል፡ገሞሉ ሰጛዅ ግን። 26 መሲሕ ጃሩዅሲ ቋልጊ ክረገት መንፈስ ሻትክ ጋበሉ እርጉዅ። 27 መንፈስ ሻትክድ፡ትንክብሶኻ ቤተ መቅደስሊ እንቶ ዲዊዅ።ኢየሱስ ዓለተስ እን ፍትሕ፡ያኹድሰና ኒኽርዲ ኒገነዲ ኒል ናዕስነሰነሉ። 28 ናልድ ኒናንትተል ከለብሮሉ፡ዎ አደራ ይዕልል እን፡ከውድ በሪህ አኾ ቋልስትሮሎም፡ 29 ኩእስራኤልዲ ከውዳ፡ሳቡር አኽሮር መታን 30 ይኸ ናድካ ከዋ፡ጃብልኻ ደለምድራዅ፡ደኤንዳዅሲ ኒስ ቋልነዲን፡ 31 እነሐን፡ናን ኩገንጂነስ ትክያዅድ፡ስብዲሉ ዮ ጃርሲ ሐመዱዅ፡ 32 ኒኽርዲ ኒገነዲኻ እን ኒ-ጋብድ ፈከርስኑዅ። 33 እንሲን፡ስምኦን ገውሮሎምኻ ኒገና ማርያምቲ “እና ሐን ኒን፡እስራኤልትል ገሪውድ ናለብነዲ ናጉነዲ 34 እን እንጠረውድሉ ሻሮት ናድዲዅአኽሮ ግን። 35 ኩትኽር ገሪውድ፡ሃመት ለበካ ጋሊህስሮ ኩርሕሲ ሴፍ በጢስሮኪ ግን፡ይኹላ። 36 ኮዶ ኒል ይኸ ሐና ይስትረሪ ነቢራ ፋኑኤልድቊራ፡አሴርዲ አሰልድ እኲና በህሪ ንርወክት ደኮ ህምበሪ ኢዊቲ ኒኒ፡ንርሽጉድ ክኻንስረ ንራጝዲ ለጘታ አመራ፡ካያ መንደርትቲ። 37 ሰኾ ትረጝንዲ ሰጃ አመራኻ ባይኦራ፡ከብትረ ቂርዲ ገርክዲ ሹምሩኽር ጸለይሩኽር ልጝን፡ጃሩዅልድ ሲረ ግሪ፡ 38 ንሪኽር ኒል ዲውረ ጃርሲ ሐመድቲ።እንደኤና፡እየሩሳሌምዱዅሲ ጨበሩ ሰጘውድ፡ጂጝስቲቲሎም። 39 ኒገነዲ ኒኽርዲኻ፡እን ፍትሕ ጃር አደዳዅሲ፡እሲነኻ ገሊለትል ናዝሬት ናኮል፡ወንተሩዅ። 40 እን ዓለታኻ ለገዱዅ ብሰር እንታኾሉኻ ተረዱ ፈሩዅ ገድ ጃሩኻ ኒአወይሲ እርጉዅ። ኢየሱስ ሽካ ለጛ አመሪዅ አኩ ቤተ መቅደስሊ 41 ኒገነዲ ኒኽርዲኻ ኤመራ በዓል ፋጅኺዅድ እየሩሳሌምትል፡ፈሩኑ ሰጘነኲ። 42 ኒኻ ሽካ ለጛ አመራ እሰሰና በዓሊ ናዲ ፈሩዅ። 43 በዓል ደኮሰና ናኮልወንተሩኑ ኢየሱስ ዮሴፍዲ ኒገነዲ፡አርእግኒ ሽልቁሮ ኢዮሩሳሌምትል፡ከብቲዅ። 44 ፈረውዲ ሕበርሰ፡ፈራዅ ተኪሲነኻ ላግርጊ ጉግ ፈርኑዅ፡ብነሰናኻሉ ናወንድስኽር ናው ኤርእነውሲኽር ወንቀርኑዅ። 45 ብንሰነኻሉ፡ጀረቢድኖሉ እየሩሳሌምትል ወንተርኑዅ። 46 ስዃ ኳራ ደምቢኻ ቤተ መቕደስሊ ጸሎት ልጝሊ አምራና ነበክል ከፍዮ፡ሸኑሩንሲክሎምኽር ወንቀሩንሲክሎምኽር ኤርኑዅሉ። 47 እን ዋሱሉ፡እርገዋ ኒለበኪትነድ አከጝር ኒፈጠኖ ወንተስነድ አከጝር ፈከርስኑዅ። 48 ኒ-ገነዲ ኒኽርዲኻ ቋልነሰነሉ ባኻኽርኑዅ፡ኒገናኻ “ድዊ ይዅራ፡ውሪዅ እና ሃብሪዅንና እነሐን፡ይዲ ኩዅርዲ ሳደድስኖ ጀረብኑካ ሐቀፍንዅን” ይቲሉ። 49 ኒኻ “ውሪዅ ጀረብዲነለ፡እን ይኽርድ ወራትሲ እስያ አኸት አርእምብዲነ ማ” ይዅሎም። 50 ናዋ እን ጋብኒው ፈሀምስለሎም። 51 ናዲ ወንተኦ ናዝሬትል እንቱዅ ናው ይናዅሲክሉኻ እሱ ሰጘኲ።ኒገናኻ ነስ፡ናትክ ንርለበኪል እንኩርዶሎም ሰጘቲ። 52 ኢየሱስ ጃርዲ ከውዲር ጃብል ለበኪትነድር በስርድር ሺርጝድር ገድድር ለገዱዅ።
ሲኾር ፊዃ (ፊዃ-3) ዮሓንስ-ጠመቅደንታ 1 ሽካ አጝኳ፡ጢቤርዮስዲ ሲመርዲ ሲመር፡አመረድ፡ጲላጦስ ጴንጦስ ጴንጤንሩዅ ይሁዳትል ሰየምሶ ዋኑኻ ሄሮዱሳ ገሊለትል ኒዳን፡ፍሊጶስ፡ኢጡርያስዲ ጥሪኮንደትል ሊሳንያሳ ሰቢላኒስትል ሰየምስኖ ዋንቱኑ፡ 2 ሐናዲ ቀያፈዲ አቅሸታ፡በህሊን፡ዋኑኑ ጋባ ጃሩዅ ዮሓንስ ዘካርያስኹራ አውከደንሊ እንቱዅ። 3 እን፡ዓገብሲ፡ብሕልሲሳዅ ጥምቀትሲ ዮርዳኖስር፡ገቢል፡ህምባ ኣካናትሊ ጅልወክ ሰበኩዅ። 4 ኒ-እን ክቱብ ኢሳያስ ነቢርዅል፡ህምባ ጋበ ሰና “ጉግ ጃሩዅ ደለምዳ፡ኒደርፍፍስኽር ጠፍሕዳ”። 5 ለጥ ያ አካናት እንተኽትን፡ጊትዲ እሮትዲ ጠፍሕን፡መለዋልይ ጠለቕስን፡ክብ ለጥ ዮ ህምባዅ ሕዳር አኽን። 6 ስኻ ሰራዅ ኒኾርክ ጃርድ ደኤንድነስ ቋልዶ ግን ያዅ ጋባ፡ግን። 7 ንዳ ዮሓንስ እን፡ኒል ጠመቅስሮ እንተሩ እርጋ ከውሲ ነበንቲ ኣሰል ምራዉ እን እንተራ ማሕገድልድ እግርነስ አውኒ ግን ፈሄምዲሳዅኲም። 8 እማ ብሕል ሲሰውኲም፡ትክያ ወራት እሳ ግን ግራ እንተለፈክድ አብርሃም ይናኽር ህምበኩና ይዱኑ ጀመርጋ ውረድ ጃር አብርሃምሲ እና ክርጝልድ እቁር ጉድሮሉ ገረሰት፡ድወኩንኩም እንኩዅን። 9 ሰንኮታ እማና ካና አስሉሊ ገሞ ህምበኩ ፡ትክያ ፍርር ፍሪተጋ ካናክ ቀረጭሶ ለኺል ማልስሮ ግን ይዅሎም። 10 እንሲን፡ከዋ ውራ እማ ሃብኒን፡ይንዅሉ። 11 ለጛ ሰደርየት ሻዅ እን እንጋኹድ እውን፡ቊስታዅ ሻዅር እንጋዅድ፡በኒንሉ፡ዮ ወንተስዅሎም፡ 12 ዓገቡኽ ጠመቕስድኖ ኒል እንትንዅሉ እማ፡መምህር ይጛ ውራ ሃብኒን ይኖ ወንቀርኑዅሉ። 13 ኒኻ እን እውስታዅልድኩም ኒድ ኤወይሲ ጀረበጋ ይዅሎም። 14 ላው ዓስከርር ኒል እንትኖ ይጛ ውራ እስኒን ይንዅሉ።ኒኻ ላዅሲ፡ሃሽከብጋ እንታ ስድቅ ኣወይሲኽር ጀረበጋ ይዅሎም። 15 እን ከዋ ጨበርኒል እርግንነዲን ናውክ ዮሓንስቲ፡ኒን ክርስቶስ፡ቶክ አኾ ይኖ ናጐስኲድ ተሓደቡኑ እርግኑዅ። 16 እንሲን፡ዮሓንስ ናትክ “የዋ ኣን ጠማቅደኩንኩም፡እንኩዅን፡ይልድ ሒለታዅ አን ኒሻንፍፋ ኤስርከትሲ እጝክያ ወጀበጋዅለ እነሓን፡እንተረኲ እጝኲዅ፡ኒ-መንፈስ ሻትክድር ላኻድኽር ጠመቅድሮኩም ግን። 17 ኒ-ናንሊ ኒወረነስ ገሰስሮ ገደንተስ ሻኾ ህምበኲ።ኒ-ጀሩጉሲ፡ሐበሲተል ኣተይስሮ፡ጉርድሲ ዲመሲ ድደጋ ላኺል ሐውሲሮ ግን፡ይዅሎም። 18 ነዲ-ናት፡ተከውዲሲ፡መዀዅሎምር፡አበሸርዱሎምር ሰጘኲ። 19 ሄሮዱስ ቴትራርካ ሄሮድያዳ ኒዳንድቁር ሰበትድኽር እንጠሩሉ ሰጘኲ። 20 እን ገሪ ኒምቊልናርሊ ይኸ ኮዶ ዮሓንስቲ ሐብስሊ እን ሸውዅሉ። ኢየሱስር ጥምቀትዲ-ኒአሰልዲ 21 እን ከው ጠመቕስኖሰና ኢየሱስር ጠመቕሱዅ፡ጸሎት እሱኻ ዓስተር ብስቱዅ። 22 መንፈስ ሻትክ፡ኳትራ፡ተኲ ኒኤወይሲ ገሙዅ፡እን አንኲድ ነገሳዅ እንከልሳዅ ይዅራ እንቲ ግን፡ያዅ ድሪስ ዓስተርልድ ዋስስቱዅ። 23 ኢየሱስ ስብከትሲ ተርሱ ሰኾረጝን አመራ፡እርግዅሉ።ዮሴፍዅርእኻ ተኩሎም ሰጘኲ።ኒንኻ ኤሊዅራ፡ 24 ማቲዅራ ሌዊዅራ፡መልኪዅራ ዮናስዅራ ዮሴፍዅራ፡ 25 ማታትዮሱዅራ፡ኣሞጹዅራ ናሆሙዅራ፡አሊምዅራ ናጊዅራ ማኣትዅራ፡ 26 ማታትያሱዅራ፡የመይዅራ ዮሴፍዅራ፡ይሁዳዅራ 27 ዮናስዅራ ራሳዅራ፡ዘሩባቤልዱዅራ ሰላቲ ኤልዱዅራ ኔሪዅራ፡ 28 ሚልክያዅራ ሓዲዅራ ዮሱስዅራ ቆሰሙዅራ፡አለመደሙዅራ ኤርዱዅራ 29 ዮሴዑዅራ፡አልአዛርዱዅራ፡ዮራምኹራ ማጣቱኹርእ ለዊኩርእ፡ 30 ሽምኦንዱዅራ ይሁዳኹራ ዮሴፍዅራ ዮናንዱኹራ ኤልያቄምዱኹራ 31 ሚልያኹራ ማይናንኹራ ማጣትዅራ ናታንድኹራ ዳዊትውራ፡ 32 እሰይድኹራ ዮብየዱኹራ በዔዱዅራ ሰለሞን ዱዅራ ናኦሶንዱዅራ 35 33 አሚናዳአብኹራ ኣራሙኹራ ኣሮንዱኹራ ኤስሮምዱኹራ ፈሬሱዅራ ይሁዳዅራ 34 34-35.ያዕቆቡኹራ፡ኢሳቊኹራ አብርሃምኹራ፡ናኮርዱዅራ ስሮሕዅራ፡ራጋውኹራ ፍሊቂውዱኹራ ኣቤርዱዅራ ሳላዅራ፡ 36 ቀይናሙኹራ፡አርፋክ ጎዱኹራ፡ሴሙኹራ፡ኖሆኹራ፡ላማሕኹራ 37 ማቱሱላዅራ ሄኖኩዅራ፡ያሬዱኹራ፡መላልኤዱኹራ፡ቃይናንዱኹራ 38 ሄኖስዅራ ሴቱዅራ አዳሙዅራ ጃርኹራ።
ሰጀር ፊዃ (ፊዃ-4) ኢየሱስ አው ከደንሊ 1 ኢየሱስ መንፈስ ሻትክ እንተኾሉ፡ዮርዳኖስትልድ ወንተሩዅ መንፈሳ አው ከደንሊ አድዅሉ። 2 ሸጣንድ ሹርሱኻ አርብያ ኳራ፡ዲዊዅ፡እን ግርጋት እንደላ፡ላሪ ቁላ።ናት ድጞ ሰነኻ ካኣርቱዅ። 3 እንሲን፡ዲያብሎስ ኒል ስኲሮ “እንቲ ጃርዅራ አክረን እነደ እና ክርጘስ ሳንስዒል፡በደሊሉ፡ይዅሉ። 4 ኢየሱሳ “አዳም ሳንስዓድ ካያ አኻላ ኒመናብረት ያዅ፡ክቱብ ህምበኲ ይዅሉ። 5 ኮዶኻ ድያብሎስ ክብያ አካንሊ ፍዱዅሉ እማ ምርከሰና እርድሊ፡ህምባ ሲመርሲ ቋሊሱዅሉ። 6 እና እንቲ ቋልዳ ሕክም ኒሳቡርዲክ ይድ እውስቶለ ህምባዅ፡አን-ጀረባዅዲካ እውየሉ ግን። 7 እማ እንቲ፡ናን ይጃብል፡ብሶትድ ለብረንለ፡ኒስ ኒትክ ኩድ እውሪካ ይኹሉ። 8 ኢየሱሳ ኩአደራ ጃርሊ ካያ ፍግም ዪ ያዅ ከተብሶ፡ህምበኲ ይኹሉ። 10 9 ኢየሩሳሌምትል፡አደዅሉ፡እማ ቤት መቅደስሊ ገፍ ሺራዅል ፍደሉ ጃር፡ተከውድኖካ፡ኒ ንሽቕሲ፡ፈስሮካ ግን። 11 ክርጛ ኩሉኩክሲ ጐለቄምጊንካ ናናንትተል ከለብርዶኖካ ግን ያዅ ክቱብ፡ህምበኲ እማ፡እንደ ንድ ትንኩሪሪ ይኹሉ። 12 ኢየሱሳ፡ኩጃርሲ ወጠንግሉ ያዅ ክቱብ ህምበኲ፡ይኹሉ። 13 ኒትክ ኒውጣንሲ ድጞኻ ዲያብሎስ፡ኒልድ ፈሩዅ። ኢየሱስ-ናዝሬትል 14 ኢየሱስ መንፈስ ሒልድ ገሊለትል፡ወንተሩዅ ኒወረኻ፡ገሊለር ድገትል ኒልክ ወሪስቱዅ። 15 ናውክ ሐመድኑሉኻ ናጸሎት ልጝንተል፡መሄርዱ ሰጘኲ። 16 እን ኒ-ለገደሪ ናዝሬትል እንቱዅ ኒክኒርሰነካ ሰንበርድ፡ጸሎት ልጝሊ ቱውኽ። 17 ክቱብ ነቢ ኢሳይያስሩዅሲኻ፡ኡኑዅሉ።ብዶሰነሉኻ፡ 18 “መንፈስ ጃሩዅ ገሞለ ህምበኲ ንድኻ ቀብእነዲኒለ ድቡራንዳ፡አበሸርድያ እንሸውስውሲኻ እንኪያ ዓረፍስኻ ናዕልልሲ ብድያ፡ማሕገዱውድኻ ናማሕገድልድ ረትዕድያ ብሽራት ይየሎም፡ 19 ጃርድ ፍሪርሳ አመራስ ድውያ እንሸቊዅለ” ያዅ፡ክቱብሲኻ ኤሩዅ። 20 እን፡ክቱብሲ ትብሎኻ እን፡ንሽቃድ፡ላምሶሉ ከፍ ዩዅ።ናውክ-ኒል፡እርገዋ፡ዕልልሲ ተጝሲነ መኸልቱኑ፡እርግኑዅ። 21 ኒኻ፡ንኪ “እና ክቱብ እንትን፡ዋስድናዅ እንተል፡ድጙስቱዅ” ይኹሎም። 22 ናውኻ ሓመድኑዅሉ፡ኒጋብድ ፈከርስኖኻ “ውራ፡ኒን ዮሴፍዅራ አኽለማ” ዩኑ እርግኑዅ። 23 ንኻ እምን፡ግን እንድግም ያዅድሰና፡ትልለንታስ ኩሹት ትልሊ፡እን ቅፍርናሆምትል እስረውሲ ዋስናዅድሰና ውራ ኩኮል፡ኒሰና እሰላ፡ይትኖለ ግን። 24 ኮዶኻ ነቢራ ኒ-እዃርሳ ድጌትል ኒኾርሲክ ከለብርሰገት እምንድክ፡የኩንኩም ይዅሎም። 25 ኤልያስር ወክትል፡ዓስተር ሰዃ አመረዲ ገፍዲ አበስቱዅ፡ኒልክ ብሪል ትግር፡ሒለቱዅ፡ገሙዅ እስራኤልትላ ገሪው ባይኦት ሰጘነኲ። 26 ኤልያስ፡ደአም እንሰራጲጣ፡ሲዶነትሪትል እርግረሪ ላባይኦራትል ካያ እንሸቕሱዅ ግን ግራ ኤሪውሊ እንሸቕስላ። 27 ኒሰናኻ ኤልሳዕ ነቢራ ወክትልር፡እስራኤልትልር ከላእ በርስቱ ሰጘነኲ።ደአም ኣማን ሶርያዊራ፡አኽገትክ ናልድ ላዅ ለጭሕላ፡ይዅሎም። 28 እንሲን፡እንጸሎት ልጝሊ እርገው ነስ፡ተካ ጋብሲ፡ዋስነሰና ሐረቕርኑዅ። 29 ጉኖኻ እንድገትልድ ፍድኑዅሉ፡እንድገር ገበድ እርጋ በኸረድ፡ትንኲሪስድኖሉ፡ኤድኑዅሉ። 30 ኒ-ደአም ናነበክድ ደኮ ባሮ ፈሩዅሎም። ኢየሱስ ላዅ ጅን ሻዅ ቅፍርናሆምሩዅሲ እቢሲት 31 ንደምቢ ቅፍርናሆምትል፡ድገ ገሊለትሪትል ገሙዅ ሰንበርዳ መሄርዱሎም እርጉዅ። 32 ኒ ጋብና ሕክምድ አኽነዲጛ ኒምህሮሲ ፈከርስኑዅ። 33 እን፡ጸሎት ልጝሊኻ ላግርዋ ሰጣን ሓከሞ ህምባዅ እርጉዅ። 34 ኒኻ “ኦ ኢየሱስ ናዝሬትሩዅ ኲዲ ይነዲት አረርሲሳዅ ውራክምነ፡እንቲ ድሂስቶናማ እንትሩዅን እንቲ ኤውኒ፡አኽረት ኤርእዅንካ እን ሻትክ ጃሩዅ ግን” ዩንሲክ ጋብሲ ክብሰ ጨርሑዅ። 35 ኢየሱሳ “ስቆቢ ኒልድ-ፊ” ዩንሲክ፡ዋኺትዅሉ፡እንሰጣጛ ና ነበክል ለብድዅሉ ላሪ ሃሽከብጊሉኻ ኒልድ ፊዅ። 36 ናውካ ፈከርስኖ ናሹር ናሹ “ኒን ውረኒ ግን፡ሸዋጢንሲ ሒልድ አደዳዅ ናዋ ፋውሉ” ይስትጚኒዅ። 37 ኒ-ውሬኻ ኒልክ ኒ-መሄርዱ እርጋ ደገጊትል ዋስስቱዅ። ቤጥሮስር ተንሺኒዲ ገሪው ኤሪውዲት እቢሰት 38 ኢየሱሳ ልጝን፡ጸሎቱዅልድ-ፌ ስምኦንዲ፡ልጝሊ ቱውዅ ስምኦንዲ ተንሺኒኻ፡ሻማ ሻኾላ፡አርግል ዲዊቲሉ እቢስሮላኻ ሺዊኒኹሉ፡ 39 ኒኻ ንርትል ሉምዮ እን ገብኢት፡ዋኺትኹሉ ንርድ-ንርድ እቢርዶኻ፡እንሽቅስቲሎም። 40 ኳራ ለብሩኻ ገሪ ሽዅደድ ሽዅሽተው ምግዱራን፡ናቕስኑኹሉ፡ናትካ እቢስዅሎም። 41 ሰዋጢንኽር “እንቲ እን ክርስቶስ ጃርዅራ ግን”ይኖ፡ጨርሑኑ ገሪውልድ ፋኑ፡እርግኑዅ።ናውኻ ኒ-ክርስቶስ አኸት ኤርኡኑ እርግንነዲን እንደዋ ይኖ ጋበግኒን ዋኺቱሎምር ጋቡሎምር እርጉዅ። 44 42 ብራ፡ክሶሰናኻ ጭምዊታ ኣካንሊ ፈሩዅ፡እን ከዋ ጀረቡኑሉ፡እርግኑዅ፡አርነሰነሉኻ ባሮ ፈርጊንሎም ሺዊኒዅሉ። 43 ኒኻ ኤሪ ደገጊትልር፡ሲመር፡ጃሩዅሲ አበሸርድያ ጀረብደኩለ፡ንድ መታን ግን ይእንተርና ይዅሎም። ይሁዳር ጸሎት ልጝንተልር ሰበኩ እርጉዅ።
ኣንኰር ፊዃ (ፊዃ-5) 1 ከው ገሪውኻ ጃር፡ጋበት ዋስድኖ እኺርኺርሲ፡ትንክቡኑ ካክሪትንዅሉ፡ኒኻ ጌንሳሬጥር ዓይግ ሸልሊ አንጦጠሎ እርጉዅ። 2 እን ዓይግ ሸሊኻ ለጛ ታንኰት ቋሉዅ እን ዓሳ ሻከዋ ገምኖ ና ሰቀሊትሲ እጝቃሱኑ እርግኑዅ። 3 እን ታንኳትልድ እን ስምኦንትሪትል ዓረጉዅ፡ብሪልድ ብንሲ ስርግሲሮሉኻ ሺዊኹሉ።ንርትል አኾኻ እን እክሲ ክንሲሮሎም ተርሲዅ። 4 ድጞሰናኻ ስምኦንቲ “አካን ሺራዅል ስኩሲላ እማ ዓሳ ሻክትኖ ሰቀሊትሲ ማላ” ይኹሉ። 5 ስምኦንኻ “መምህር ቂር ሺራዅሲክ ጀረብኒኹን ላሪ ሻኸናዃ ሻኽኒ ደአም እን ይረሰና ሰቅሎትሲ ማልዲ” ይኹሉ። 6 እንዳ ሃበሰናኻ ሰቀሊትናው ከተብስራሲክ ገሪ ዓሳ ሻዅኑዅ። 7 እን ናጨር ታንኰት ሊጘሪትል እርገውስኻ ካቢድኖሎም ሽጝኑዅ ናዋ እንትኖ እን ለጛ ታንኰትሲ ሸመምስሮ ከለላዅ ከብቲራሲክሎም ዓሰድ እንታኽንኹሎም። 8 ስምኦን ቤጥሮሳ ኒስ ተካ ወራትሲ ቋለሰና “ዎያደራ አን ግርዋ ሐራሙዅ ግን እንቲ ይልድ ስርግዪ” ዩንሲክ ኢየሱስር ጃብል ገሽድ ሐርበጡዅ። ሰልፋ ኢየሱስር ታለይቶት 9 ኒዲ እን ኒዲ እርገውዲ ናውክ ዘብዴዎስቁር ያዕቆብዲ ዮሓንስዲ እን ዓሲ ብጅኽድ ፈከርስኑዅ። 10 ኢየሱሳ ስምዖንቲ አረጊ ጓቊትግ ንድደምቢ ከውሻኸቶ ግን ይዅሉ። 11 ናዋ ናታንዃትሲ ብሪል ፍድኖ ኒትክ ባርኖ ተለይንዅሉ። ኢየሱስ ላዅ በርሰቱዅሲ እቢሰት 12 ኢየሱስ ላድገትል ዋኑ ግርዋ ላዅ ኒገሮብ ኒውክ በርሰትድ ላኻንቶ ህምባዅ ኒል እርጉዅ።ኒ ኢየሱስር ጃብል ገሽድ ሐርበጦ “ዎ ያደራ እንቲ ጀረብረን ላጭሕድቶለ ገረስረኲ”ይዅሉ። 13 ኢየሱሳ ኒ ናንሲ ኒል አኽራሲክ ጠለቆ ተመድኹሉ እማ የዋ “ይምራድ ግን ላጭሒ” ይኹሉ።እንሲጛ ኒበርሰት ባርኹሉ። 14 “ላዅድ ድወግ እን ሙሴ ማዃዃዅድ ሰና ፈርዶ ቃሺረድ ቋልስቲ ላጭሕረት ናድ ሳምዕ አኽሮካ ሰደቀትዅል ኩፍዳ ገምዲ ላዅዳ ድወግ” ይኹሉ። 15 ኒ ወሬኻ ኒልክ ዋስስቱዅ፡ከዋ ዋስድኖሉኽር፡ናሹዅዲልድኽር እቢስሮሎም፡ኒል እንኩልኩልስነዅ። 16 ኒኻ ጭልዊታ አካንሊ ጸለይሮ ዕጭጭ ዮ እርጉዅ። 17 ላዶን መሃርዱ ናድካ ደገጊትልድ ገሊለትልድኽር ያሁዳትድኽር ኢየሩሳሌምትልድ አከጝር እንተው ያኸ ፈሪሳንዲ ከታበንዲ ኒል እርግኑዅ።እን ኒ-ኒድ እቢስሮ ገረሳዅ ጃር ሒል ኒዲ አርጉዅ። 18 ግርው ላዋ ዓራትሊ ምኹርኖ ግርዋ ኒገሮብ ዓቀልሶ ህምባዅ ናቅስንኹሉ ኒ ጃብላ ገምድድኖሉ ጀረቢንዅ 19 ደአም ከዋ ብጅኽድ ልጝል ኒድ ትወናዅ ብኑዅ እንሲን ንሕስሊ ዓረግኖ ሖሽ ብድኖኻ ኒዓራትዲክ ትካ ኢየሱስር ጃብሊ ገምድንኹሉ። 20 ን እምነትሲ ቋሎኻ ፈከርሶ “እንቲ ግርዋ ኩዓገብ ብሕል ይስትኹካ” ይኹሉ። 21 ከታበንዲ ፈሪሳንዲኻ “ኒን አውቲ ግን ናሃበ ጃኻዅ፡ጃር ንኻ አውኒ ህምባኹን ዓገብሲ ባርዶ ገረሳዅ” ይስትጚኒዅ። 22 ኢየሱሳ ናሃመትሲ ፈጠነዲን “ውሪዅ እንታ ጐስኩድ ሙቑል ሃመትደናኹን። 23 ኩዓገብ ባርስቱኹካ፡ይናማ ስዳዋዅን ወሪ ጉ ኩዓራት ምኹርዶ ፈሪ ይና። 24 እማ አዳሚንዅራ ቢሪል ዓገብሲ ባርዶ ሒልክመት ፈሄምትኖዮ እን ምግዱርሲ ጉ ኩዓራት ጉድሮ ኩልጝሊ ወንተሪ የሉ ዮ እን ምግዱርሲ እንደዋ ይዅሉ። 25 ኒኻ ንርድ ንርድ ናጃብል ጐ ኒዓራት ሙኹሮ ጃርሲ ሐመዱ ኒ ልጝሊ ወንተሩዅ። 26 ናውካ ፈከርስኖ ጃርሲ ጀንጀኑኑ ንኪ አምር አኻ ወራት ቋልንኹን ይንዅ። 27 ኒልድ ፈሰናኻ ግርዋ ሊዊ ይስታዅ ወራኮታት ፍዲሰውድ አደራ እንወርኮታትኹል ጀጋሕዮ ቋሉዅ፡ “ጒና ይነዲኻ” ይኹሉ። 28 ኒኻ ኒትክ ባሮ ጔ ኒዲ ፈሩዅ 29 ሌዊኻ ኒልጝሊ ምድበሄርኮት ደለምድዅሉ፡ናዲኻ ገሪው ወርኮታት ከለብረውዲ ኤሪውዲ ዓገልስኑዅ። 30 ፈሪሳንዲ ከታበንዲኻ “አበዲ ውሪ መታን ግን ወርኮ ታትዲኽር፡ዓገቡድኽር ቊደናዅጝር፡ጅእ ደናዅጝር” ዩኑኻ ኒታለይቶት ኣወይሲ ጉድዕድዕ ይኑዅ። 31 ኢየሱሳ “ትልለንተስ ጀረብደው ሽዅሽተው ግን፡ግራ ሽርው አኽኒ 32 አን፡እንቶ ህምባዅ ከቲል ህምበውሲ ጀረቢያ ግን፡ ግራ ሻትካንሲ አኽሊ” ዮ ወንተስዅሎም። ሹም 33 ናዋ “ዮሓንስር፡ታለይቶት ዲማ ሹመነኩር ጸለየነኩር እንፈሪሳኑኽር ኒሰና ሃበነኲ እና ኩታለይቶት ድአም ቋነኩር ጅኤነኩር” ይንኹሉ። 34 ኢየሱስ ክልብርሰ “ማስ መርዓዊራ ናዲ ዋኑ ሹምድኖ፡ወጀባዅመሎም? ተካኹንኩም 35 ደአም መርዓዊራ ናልድ፡አስታ ግርጋ እንትሮ ግን እንሲን ሹምድኖ ግን” ይኹሎም። 36 ድግምድኻ ነዋ ዮ ጂጝስቲዅሎም፡ “ታዊና ጭራምስ ኤዶ በሎ ህምባዅል ሸፈጣዅ፡እላ፡አከገጛ እን ሓዲስ እን ባልይሊ ተከብና፡ሽካርደለሉ። 37 ኒሰና ኮዶ ሚድ ሓዳይስ ሓርፍፍ፡ድክንሊ እንኩራዅ ላዅ እላ፡ርከገጛ እን ሚድ ሓዳይስ እን ሓርፍፍ ድክንሲ፡ሔቅሰ ብቊተኲ።እን ሓርፍፍ ስኽር ማነየኩሎም። 38 እን ሚድ ሓዳይስል እንኩርና ጀረብደኲ። 39 ሚድ ገሪዅ፡እንኩርሰውሲ ጀኣዅ ሚድ፡ገዳይም ታሚተዅ የኲ፡ሚድ ብልኲገውሲ ጀኣዅር ፈንፈንተኩሎም” ይኹሎም።
ወልተር ፊዃ (ፊዃ-6) 1 ሰንበርድ ኪሽጛ ነበክድ ደኲኑኻ ኒታለይቶት ሱር ስክሙሲ፡ቀንጠሺነክ ሓሰይኖ ቊኑ እርግኑዅ። 2 ፈሪሳንልድ ላው ቋልነሰነሎምኻ “አበዲ ውሪዅ ሰንበርድ እስተጋወራት እስደናዅን” ይንዅሎም። 3 “ኢየሱስካ ውራ እንዳዊት ከአርተሰና ኒጨርዲክ ውራ ሃበት ኤርእግድናኽርማ? 4 ልጝን ጃሩዅል ቱዎ አቕሸት፡ካያ ቊድኖ ገረሰነው ኤሪዋ ቋግነው ሳንስዕ ቊርባኑሲ ኤዶ ቈት፡ኒጨርድር እወትሎም፡አምበብድግድናኽርማ” ዮ ወንቀርዅሎም። 5 እማ አደሚንዱዅራኽር ሰንበር አደራ ግን፡ይዅሎም። 6 ኤሪ ሰንበርድ ይኸ ጸሎት ልጝሊ ትዎ መሄርዱ እርጉዅ፡ላዅ ኒናን ላዉዅ ኢዳዅ ኒል እርጉዅ። 7 ከታበንዲ ፈሪሳንዲኻ ሰንበርድ እቢሰንሉ ሸከይድኖለ ይኖ አትቋመቱኑሉ እርግኑዅ። 8 ኒኻ፡ናለፈክ ሃመትሲ ቋልነዲን እን ኒ-ናን ኢዳዅሲ “ጒ ነበክል ደው ዪ” ይዅሉ፡ኒኻ፡ጔ ደውዩዅ። 9 እንሲን፡ኢየሱስ “እንደ ላሪ ወንቀርየኩም ሰምበርድ ትክያዅ እስነማ እማ ሙቊላ እስና፡ርሕ ኩነማ እቢስና ኪዳዅን፡” ይዅሎም። 10 እንሲን ኒት ኬለቦ፡ዲቢቶ ህምበውሲ መኻኸልቶ እን ግርወስ “ኩናንሲ ጠለቒ” ይዅሉ።ኒኻ እንዳሃቢዅ እን ኒናንኻ እቢሩዅ። 11 ናዋ ሓሩቐትድ ሓው ይኖ ኢየሱስቲ ውራ ሃበነትሉ አርእምብስቲዅሎም፡ውራ እሰነትሉኻ ኮዶ ጚኒዅ። ኢየሱስ ሽካ ለጛ ታለይቶት ፍሪረት 12 እንሰከር ግርጋትላ ጸሎት እሲሮ ጊሪል ፊዅ ቂርስካ ጃርሊ ጸለዩ ኪዅ፡ 13 ብራ ክሶሰና እን ኒታለይቶትሲ ኒል ሽጝዅሎም፡እማ ናልድ ሽካ ለጛ፡ፍሪሩዅ። 14 ናዋ እን፡ቤጥሮስ ዮ ሽጛዅ፡ስምኦንዲ ኒዳን፡እንድርያስዲ ያዕቆብዲ ዮሓንስዲ ፍሊጶስዲ፡በርተሌሞስዲ፡ 15 ማቴዎስዲ ቶማሲ ያዕቆብ ኢልፍዮስዅራዲ፡እንቀናእ፡ይስታዅ ስምኦንዲ፡ 16 ይሁዳ ያዕቆብዅራዲ እን ደኩሶ እዋዅሉ ይሁዳ አስቆሮታዊራዲ ግን፡ 17 ናዲ ገሞኻ ሸኪል፡ኒታለይቶትዲ ጠጠው ዩዅ፡ከው ገሪው ይሁዳትልድር ኢዮሩሳሌምትልድር፡ጥብርያዶስር ዓይግ ሸልላትልድር፡ሲዶናትልድኽር ዋስድኖሉኽር ናሽዅዲልድ እቢስሮሎምኽር ኒል እንትኑዅ። 18 እን፡መጃኒንድ ሳደድሱ ሰጘውስኽር እቢስዅሎም። 19 ኒልድ፡ሒል-ፌ፡ናትክ እቢሱ ሰጚነዲጛ ከው ናውክ፡ተመድኖሉ፡ሰውሁኑ ሰጘነኲ። ሻትካን 20 ኒታለይቶትሲ ተጝሰ፡ማኻልቱኽማ ነዋ ዩዅ “እንትን፡ድቡራን፡ሲመር ጃሩዅ እንተድ ግን እማ፡ሻትካን፡ግን፡እንትን፡ 21 እንትን ናን፡ካአርትደናኽር ብትኖ ግን እማ ሻትካን ግን፡ 22 እንትን ይሰበትድ ከው እንጠረነንኩምር፡ጎሰሰንክምር፡ጃኸነንኩምር እንታሱጙሲኽር ጂብደነንኩም፡ሻትካን ግን እንትን። 23 እነሓን ዓስተርሊ እንተበና ገሪዅ አኽሮ ግን እማ ፈርሓኽር ነገሳኽር ውረድ ናእኽልር ነቢታትሲ እንደሃቢነ ጀረብዱኑሎም ሰጘነኲ። 24 እንትን ገዱኻ እንታፈርሐት ድጙድኑዅ እማ አጀዋ። 25 እንትን ናን ብትደናኽር ከአርትትኖ ግን እማ አጀዋ፡ 26 ናውክ ከው ጀንጀነነንኩም አጀዋ፡ውረድ፡ናክልር እን ነቢታት ብኑሲ እንደሃቡኑሎም ሰጘነኲ። እንጠረውሲኩም እንከላ 27 አን ደአም እና ነት ዋስደናኽርሲ እንጠረውሲኩም እንከላ እን እንጠረውሲኩምኽር ትክያዅ እሰሎም የኩንኩም። 28 እሸውሲኩምር ገውራ እን ጃኸውድኩምር ጸሎት እሳ። 29 ቃሽሊ በርጋዓዅሲካ ሊጝር ቃሽሲኽር ስኲሲሉ፡ኩታዊይነስ ወረራዅሲካ መስደርየትሲኽር ገብግሉ። 30 ሺዌዅድካ እዊ ኩማልሲ አዳዅሲካ ወንተሲለ ይግሉ። 31 እን ከው እንተድ እሲሮኩም ጀረብደናዅሲ እንትጝር ኒሰና እሰሉ። 32 እን እንከላዅሲኩም እንከልደነን ላሪ በና ሻኽድኒ ውረድ ዓገቡኽር እን እንከላዅሲሎም እንከለነኩለ። 33 ትክሳዅሲኩም ትክስደነን ላሪ በና ሻኽድኒ ዓገቡኽር እንዳሃበነኲ። 34 ወንተስሮኩም ሳድደናዅድ ኣዳኽድደነን ላሪ በና ሻኽድኒ ዓገቡኽር እን ወንተስሮሎም ሳደናዅድ ኣዳኽደነኩሉ። 35 እንትን ድአም እንጠረውሲኩም እንከላኽርሎም ትክሳኽርሎም፡ወንተስሮልና ግን ይድኖ አደኽድጋ እንተ በና ገሪው አኽሮኩም ጃር ቁር አኽትኖ ግን ውረድ ኒ እን ሓመድደገውድር ምቚልድር በኪት ግን። 36 እንታኽር ጃር ሳኻንታንታ ግን እማ እንትጝር ኒሰና አኻ። 37 ፈረድጋ ፈረድ-ስግድኒን ይኸ (ደለምጋ ደለምስግድኒን) ኩጋ ኩውስትግድኒን ብሕልያ ብሕል ይስትሮኩም። 38 እዋ እውስትሮኩም ግን ይኹሎም። 39 ነዋ ዮኻ እና ድግም ኒስ ጂጝስቲኹሎም “ዓረብ ዓረብሲ ታተ ይሮ ገረሳዅማ፡ለጘክ ጎቑል ለበኒ ማ? 40 ኒመምህርስጝ ኪዳዅ መሄርሳዅ ላዅ እላ ላዅክ ትክሰ መሄርሰን ድአም ኒመምህርኮት አከኲ። 41 አበዲ እንቲ ውረድ ግን ኩዕሊ ህምባ ኩርማድሲ ቋል ግሪ እን ኩዳን ዕሊ ህምባ ቀበርሲ መኻልትራዅን። 42 እን ኩዕሊ ህምባ ኩርማድሲ ቋልግሪ አዋሃብረ ግን፡እንኩዳንሲ ግጂ ኩዕሊ ህምባዅ ቀበርሲ ፍድያካ ይራዅንሉ።ነበንታ ቡጛ ሰልፍ እንደ እንጫ ኩዕል ህምባዅሲ ፍዲ ኒደምብኻ ትክስረ ቋልዶ እን ኩዳንዲ ዕሊ ህምባ ቀበርሲ ፍድቶ ግን። ካና ንርፍርርድ አርእስትረሪ 43 በዳናን ፍርር ፍሪትረሪ ካና ትክይረሪ ወሪ ትክያ ፍርር ፍሪትረሪ ካና በዳኒ እልላ። 44 ካና ንርፍርርድ አርእስተቲ ውረድ በለስ እክክመልድ ቀንጠሽትሮ ገረሰላ፡ኒውክ ካና ኒፍርርልድ ፈረግሰኲ፡ 45 አብ ለበኪ እንተኽልድ ጋበሰና ኒሰና ግርዋ በኪት ኒ እንድባ ትክያዅልድ ትክየው ፍደክ።ግርዋ ምቅላኻ እን እንድባ ክያዋዅልድ ጋብ ክያወው ፍደኲ። ጃር ጋበት ትክያ ወራትሊ እርግስና ጀረብደት 46 እን አን ያዅሲኩም እሰግደናኽር አኽድኖ ደምቢ፡ ውሪዅ ግን ይናአደራ ይናአደራ ይድኖ ሽጝደናዅንለ። 47 እን ይል እንተራዅር ይጋበት ዋሶ ትክሳዅር አውቲ ተከት ድውየኩም። 48 ላዅ ኒልጝ ገበርዶ ዮ ሸሺል ጐቕሲ ትክሰ ግኽደ ሸሺል ገበራዅሲ ተከኲ፡ኩራ እንቶ እን ልጝሲ ትንክበኩሉ ደአም ትክዮ ገበርሳዅ አኽነዲን ውልቅድሮሉ ገረሶላ። 49 እን ይጋበት ዋሶ ትክያዅሊ እርግሰጋዅ እን ግርዋ ኒልጝንሲ ቁሺል ገበራዅሲ ተከኲ ኩራ እንቶ እንልጝንሲ ትንክቦሰነሉ ንርድ-ንርድ ለብኲ ኒለባኻ ዓቕትራሲክ ክያዋዅ ግን።
ለጘተር ፊዃ (ፊዃ-7) ሊኽ አደሪ እምነት 1 እናሃበ ከውድ ናድክድ ኒጋብሲ ዋሲሶ ደምቢ ቅፍርናሆምትል ዔሩዅ። 2 ኒልኻ ሊኽ አደራ ኒ እንከላዅ ኒ ንሽቃ ሽዅሽቶ ክሪል ገእዮ እርጉዅ። 3 ኒን ኢየሱስር ወራት ዋሱዅ እማ እንቶ እን ንሽቃስ እቢስሮሉ ዮ ሺዊድኖሉ በሄሊን አይሁዱሲ ፈስዅሉ። 4 ናዋ ኢየሱስትል እንትኖ ኒን ይና ከውሲ እንከላዅዲ፡ 5 ይና ጸሎት ልጝንሲ ትክሰ ገበራዅር ግን። እና ኒ ጀረባዅሲ እሲቶሉ ሺውነኩንካ እንኩንዅን ይኑዅሉ። 6 ኢየሱሳ ናዲ ብርፍዩዅ ልጝን ገቢል ገእዮሰናኻ እን ሊኽ አደራ እን እንከለውልድ እንሻቆ “ዎ ያደራ እንቲ ይልጝንሊ ቱቶ ወጀበለለ ግምሽድ ቂልስግ። 7 ንድ ግን አን ይላውድ እንትጋኽርካ ዋጅብ ዋስስተለለ ኒል ዋንትሩ ላ ጋባ ካያ ዪ ይንሽቃኻ እቢርዶለ ይኹሉ። 8 አን ይአወይሲ ሰየምሰውድ ስቈይሲ ሀባኽር ግን ይሱቈይስኽር ዓስከር ሻዅን ናልድ ላዅሲ ፈሪ የኩንሉ ኒኻ ፈረኲ እን ላዅሲ ይኸ ላዅ የኩንሉ ንኻ እንተሮኲ ይንሽቀስ ይኸ ኒስ እሲ የኩንሉ ንኻ እሰኲ ይኹሉ። 9 ኢየሱሳ ነወያ ጋብሲ ዋሰሰና ኒድ ፈከርሱዅ ትክሰ አላ ጋዶ ግን ኒን ዩዅ።እን ኒዲ እርጋ ከወል ግልጭ ዮኻ ንስጝ ኩጛ እምነት እስራኤልትል ድኳ አርሊ ይኹሎም። 10 እን እንሻቅሰው ልጝል ወንተርኖሰና እን ንሽቃ እቢሮ ዲዊኹሎም። ላባይኦሮ እኹረስ ክሪልድ ጉደት 11 ክሰሪት ናይን ይስትረሪ ድገትል ፈሩዅ ኒዲኻ ኒታለይቶትዲ ከው ገሪውዲ ፈርኑዅ፡ 12 እን ድገር ገቢል ገእዮሰናኻ ግናደት ሙዅሮ ህምበው ሃደፍ ይኑዅሉ።ኒንኻ ላባይኦረሲ ላዅ ንርዅራ እርጉዅ።ኮቁር ገሪውኽር ንርዲ እርግኑዅ። 13 ይን አደራ ስርደሪት ቋሎሰና ሰኸንድቲሉ “ኤሪጊ ስረግ” ይዅላ። 14 ስኩርዮኻ ዓራትሲ ትምዲሲዅ፡እን ሙዅሮ ህምበዋ ደውይኑዅ ኒኻ “እንቲ ቁራ መንደላይ ኣን ጒ የኩንካ” ይኹሉ። 15 እን ቁራኻ ከርተፍዮ ከፍዩ ጋቢሮ ተርሲዅ፡ኒገነሲኻ ኡዉዅሉ። 16 እንሲን እን ኒል እርገው ናውክ ጓቊትኑዅ እማ “ጃር ኒከውሲ ቋሉዅሎም፡ይና ነበክል ነቢ በሄር ጉድዅልና” ዩኑ ጃርሲ ሐመድኑዅ። 17 ኒንኻ ኒልክ ይሁዳትልር ኒገቢል ህምባ ደገጊትልር ድሪስቱዅ። ኒንኻ ኒልክ ይሁዳትልር ኒገቢል ህምባ ደገጊትልር ድሪስቱዅ። ዮሓንስ ጠመቕደንቲ-ንሽቕ 18 ዮሓንሲኻ ኒአጋር እን አኻ ወራታትሲ ኒትክ ጂጝስቲኒዅሉ። 19 ኒኻ ኒ አጋርልድ ለጘት ሽጞ “ፈራ ኢየሱሱትል እን እንትሮ ህምባዅ እንቲማ እማ ኤሪዅ ጨበርኖ ህምብናኽር” የሉ ይኹሎም። 20 እን እንሸቕሰዋ ኒል “እንትኖ ዮሓንስ ጠመቕደንታ እን እንትሮ ህምባዅ እንቲማ እማ ኤሪዅ ጨበርኖ ይዅካ” ይንዅሉ። 21 እንሲጛ ከላእ ምግዱራንዲ ምጨቱዲ መጃኒን ሻውዲጥ እቢሱዅ(ገሪው) ዓረፍስኽር ቋለነሰና ሃቢዅ። 22 እን እንሽቕሰውሲ “ፈራ ወንተራ እና ዋስድነውሰናኽር ቋልድነውሰናኽር ዮሓንሲ ድወሉ” ዓረፍ ቋለነኲ ደልጓሳን ጠለቕስኖ ፈርኑኲ፡በርሰቱ ለጭሔነኲ፡ጨማማን ዋሰነኲ፡ክሪው ጓነኲ፡ድቡራንድር ኪሰሪ ድውስተዅሎም እጝኩዅ” 23 እን ይድ አንቈሪተጋዃ ሻትክ ግን የኩንኩም ይኹሎም። 24 ንሽቕ ዮሓንስሩ ፈርነሰናኻ እን ከውድ ነዋዮ ዮሓንስሩዅድ ጋቢዅሎም “አው ከድንሊ ውራ ቋልትኖ ግን እንታ ፍና ሻምብቆራ ወልወልድ ነነይ ያዅማ? 25 አበዲ ውራ ቋልትኖ ግን እንታፍና፡ሓራይርዲ ጀገራትዲ ሰሮ ህምባ ግርዋማ ቋልትኖ ተኩኩም እርግዅን፡አኽላ የኩንኩም ደበላንዲ ጀገርዲ ሰረው ልጝንቲ አስያምዅል ግን ናው ኤረርሰናዅ። 26 እማ ውራ ቋልትኖ ፍድኑዅን ነቢራማ የዋ እለማ የኩንኩም እምንድክ ነቢትልድር ኩጙዅ። 27 እን ኒድ “እናሓን ኩጃብል ጉግ ጠፍሕዳዅሲካ ፈሰኩንካ እንኩኹን ያዅ ክቱብ ኒድ ግን። 28 ላዅ እኲነልድ እዃርሳዅ ግርዋ ዮሓንስ ጠመቅደንቲልድ ኩጛዅ ኒኾርስክ እላ የኩንኩም፡ደአም ሲመር ጃሩዅል ናድከልድ ሽጓዅ ኒልድ ኩጝርዕ ግን፡ 29 ናውክ ዋሱሉ እርገዋ ከውዲ ወርኮታት ከለብረውዲ ዮሓንስር ጥምቀትድ ጠመቅስኖ ጃር ጉግ ሻትክ አኸት ኤምኑዅ። 30 ፈሪሳንዲ ደአም ኒድ ጠመቅስነስ ጉሽንነዲን እን ጃር ሳዲሶሎም እርጋዅሲ ግምሽ እሲኒሉ። 31 እና አሰል ነስ አውዲ መጢስንሎም አውቲኻ ተካነኲ ይንሎም። 32 ኔን ዕርዲሪል እጝኩልኩልስኖ ናሹር ናሹ ሽጝስትጚስትነ ዕንድርሲ ጠዓምብኑዅልኩም እንትጛ ጎሊትድኒ ይኸ መውዒ እስኒዅንልኩም እንትጛ ስርዲኒ ይስትጘው ግናቲትሲ ተከነኲ። 33 ኒንኻ ሳንስዓ ቋጋዅዲ ሚድ ጀኤጋዅዲ ዮሓንስ ጠመቅደንታ እንቱዅ መጃኒን ሻኲኻ ይድንዅሉ። 34 ቋዅዲ ጀአዅዲ አዳሚንዱዅራ እንቱዅ እነሐን ድቡጥ ከላእ ቋንተዲ ጅኤንታዲ ወርኮታት ከለብረውዲ ዓገቡዲሲ ናማዳ ይድኖ ልኽዲኒዅሉ። 35 ብሰር ድኣም ናድክድ ንርቁርድ ሸተክቲ ይዅሎም። እዂና ንር ዓገብ ብሕል ይስትረሪ 36 ፈሪሳንልዳ ላዅ ኒዲ ቁሮ ሽጝዅሉ ኒልጝሊ ቱዎኻ ዓገሉዅ። 37 ኒላ እንድገትል እዂና ዓገብሪ እንፈሪሳዊሪ ልጝል ቁሮ ዓገሎ ዋኔት ዋስርነዲን ከባተትሊ ዕጥር ቂራ ምልምል ሻዅሲ አድሮ እንትቲ፡ 38 ኒጉርበትድ እንትሮኻ ኒሉኲ ገቢል አኽሮ ኒሉኩኲሲ እርጙሲ ጀረው ስሬክ ጠበስድቲሉ ንር ናንትድር ንርሽብክድ ሐሰስሩኽር ሰለምሩኽር ዕጥርድ ሸመትሩኽር እርግቲ። 39 እንሲን እን ሽጛዅሉ ፈሪሳዊሪ ኒስ ቋለሰና ኒለበከድ ኒን ነቢ አከን እና ተመድረሪሉ ውራ ኣኽረት፡ኤውይረሪ ሓራምቁራ አኸረት ኤርእርድ ሻዅ ግን ዮ ልኺኹሉ። 40 ኢየሱሳ ክልብርሰ “ዎ ስምኦን ላጋባ የሪካ ሻዅን” ይዅሉ፡ኒኻ ጋቢ መምህር ዩዅ። 41 “ላግርዋ ለጛ ግርወድ ላኹዳ አጝኳ ሊኽ ዲናር፡እን ሊጘርዳ አጝኩረጝን አዳኽዶሎም እርጉዅ። 42 ኒልድ ፈደየናዅ ብነሰናኻ ለጘርትክ ባሩኹሎም።ናልድ ኤዊን ግን እን ትክሰ እንከልዶሉ ሻዅ? ይዅሉ። 43 ስምኦንኻ “እን ይት ተካኹድለታ እን ገሪው ባርስታዅሉዋ” ዮ ወንተስኹሉ፡ ኢየሱሳ “ትክስረ ወንተስሩዅ” ይዅሉ። 44 እንሲን እን እዅነትል ግልጭዮ ስምኦንቲ “እንቲ እና እዅናት ቋልዳዅማ”፡ይዅሉ።አን ኩልጝሊ ትዎሰና ይልኩክሲ እንቃርድያ ዓቑ እውለለ ንርኻ ይልኩክሲ ንርእሩጝድ ጠበስድሮ ንርሽብክድ ሐሰስቲለ፡ 45 እንቲ ሰለምለለ፡ንሪኻ ትወንትልድ ይልኩክሲ ሰለምኒልድ ባርድላ። 46 እንቲ ዴድድ ይኣኾርሲ ቋስለለ፡ንርኻ ቅዲት ሽርውድ ልኩክሲ ሸመቲለ፡ 47 ንድኻ ገሪዅ እንከልድነዲን ንር ዓገብ ከላእ ባርስቱዅላ የኩንካ እን እቕቱ እንከላኹዳ እቕቱ ባርስቱዅሉ” የኩንካ። 48 ንርትኻ “ኩዓገብ ባርስትዅኪ” ይዅላ። 49 እን ኒዲ ዓገሎ እርገዋ ናሹር ናሹ ዓገብሲ ባርዶ ገረሳዅ ኒን ኤውኒ ግን ይስትጚኒዅ። 50 ንኻ እን እዅነት “ኲ ኣማነት ግን ኩት ደኤንዳኹ ፈሪ ሰላምድ” ይኹላ።
ሰዀተር ፊዃ(ፊዃ-8) ኢየሱስቲ እኲን በካይት ተለይነትሉ 1 ኒደምቢ ሲመር ጃሩዅሲ ደገጊትልኽር ቀዋሺትልኽር ጅልወክ ሰበኩ እርጉዅ።እን ሽካ ለጛኽር ኒዲ እርግኑዅ፡ 2 ኒሰና ይኸ እኲን ላው ኢየሱስ መጃኒንልድር ኤሪሽዅዲልድኽር እቢሰው እን ለጘታ መጃኒን ፍዳዅላ ማርያም መግደላዊት ይስትረሪዲ፡ 3 ዮሐና ኩዛ ቁዲ እን ልጝን ሄሮዱስሩዅሲ ዓወነንታ ሶስናዲ አሪውዲ ናማልድ ካቡኑሉ እርገውር። ድግም ፈደኑዅዲ አረሲዅዲ 4 ኢየሱስ ከው ገሪው እን ኩልኩልስኖሰና ኣኻ ደገጊትልድ እንትነሰነሉ ድግምድ ነዋዮ ጋቢኹሎም። 5 ግርዋ አረሳ ጎዲሮ ዮ ሰገሩዅ ፈዱኻ ላው ጉግ ሸሊ ለቦ ዳድሱዅ ጀከልር እንቶ ለከሚኹሎም፡ 6 እሪው ተርኰሪል ለቡዅ፡በኰለሰነኻ ቁጣ ቢነዲን ኢዱዅ። 7 አሪው ኮዶ እክክማ ነበክል ለቡዅ ላት በኰልነዲንኻ እክክምድ ለላቕሶ ክሩዅ። 8 ላው ይኸ ትክያ ከረመንሊ ለቡዅ እማ በኰሉዅ ሊኽ እሽባ ፍሪቱዅ ነዋዮኻ ዋሳ እንቁዋ ሻዅክ ዋስኒ ዮ ክብሰ ጨርሑዅ። 9 ኒታለይቶታ “እና ድግም ኒን ውራ ዋሲሰት ወንቀርኑዅሉ”። 10 ኒኻ ነዋዮ ወንተስዅሎም “ስቱር ሲመር ጃሩዅሲ አርእና እንተድ ካያ እውስቶ ህምበኲ ኤሪውዳ ቋሉኑ ፈጠኖ መኸልትግኒን ዋሱኑኻ ፈጠኖ አስሃልድግኒን ድግምድ ግን አን ጋባዅሎም። 11 እን ድግም ንስና ግን ፈደን ጃር ጋብግን፡ 12 እን ጉግ ሸሊ ለብራ ፈደና እን ዋስውሲ ደአም ኤምኖ ደአንግኒን ሸይጣን እንቶ እንጋበት ናለበኪልድ ሸተፈሪት አርእሲስኲ። 13 እን ተርኰሪል ለብረሪኻ እን ጋበት ዋስኖ ፈርሓንቲ ደአም ስልል እንገው ግን ውረድ እን ጋበር ሰበትድ ማሕገድ ሃደፍ ዮሰነሎም ናእምነት ከለልደሪ አኽርነዲን ንርድ-ንርድ ከየነነኲ። 14 እን እክክመል ለብረሪ እን ጋበት ዋሰነኲ ደአም ና ሰውሄት እና ብሪል ርዝቕዲ ገዲ ተባብዲ ካያ አኽነዲን ናተምኔትነድ እን ፈደና ለለቕስሮ ክርደሪ ኔስ ተከቲ። 15 እን ትክያ ብሪል ለብረሪኻ እን ለበካ ሓላሉዅዲ ዋስኖ ከለብርኖ ተከዎውዲ ዓቕልድ ፍሪሰውሲ ቋልደሪ ግን። 17 ቲዃ ትብታዅ 16 እን ልጝሊ ትወው እን በርህሲ ቋልድኖ ቲዃስ ትልጭሰ ክብያ ኣካንሊ ገምድስተኲ ግራ ሕንኩል ዓንቀይሊ ዓሩቅሱቐትሊ ገምዳዅ ላዅ እላ። 18 እማ ኣዋሃብዲነ ዋስደነት ፈሀማ ውረድ እንሻዅድ ኰስትሮሉ ግን እን እንግጋዅዳ እን ህንበኩለ ያዅ ሲኽር ባሪስድኖሉ ግን። ኢየሱሲ ኒገነዲ ኒሻንዲ 19 ኒገነዲ ንሻንዲኻ እንትኑዅሉ ከዋ ብጅኽዳ አርድኖሉ ገረስኒ። 20 ጉገነዲ ኩሻንዲ ቋልድኖካ ደንአብል ዓጦጠለንኲ እንኩኑዅኻ ይንዅሉ። 21 ኒ ደአም ይገነዲ ይሻንዲ እን ጋባ ጃርዲት ዋሰውድ ትክያዅል እርግሰውዲ ግን ዮ ወንተስኹሎም። ዓይግሊ ወልወልሲ ሃናእሰት 22 እናሓና ላግርጋ ኒታለይቶትዲ ትንኳትል ትዎ ጐናኒራ ዓይግ ቅብሊ ካርንን ይዅሎም ታንኳትዳ ፈርድኖ ተርሲኒዅ። 23 ፈሩኑኻ ኢየሱስ ገንጁዅ እንሲን ወልወል ነፋፊቶራ ሒሊቱዅ እሲዅ ታንኳትኻ ዓቑድ እንተኽቶ ተርሲቲን እማ ማሕገድሊ አርስኑዅ። 24 ስኩርኖኻ ዎ መምህር ድድንዅን አንገፍዲና ይኖ ጉድኑኹሉ።ኒኻ ጐ እን ወልወልዲ አፍሉትዲት ዋኺትዅሎም ድግግያ ዮ ሃናእ ሲኹሎም። 25 እንሲን እንታ እምነት አዊል ህምባዅን ይዅሎም ናዋ ጓቑትኑዅ።ናሹር ናሹኻ ዓቑዲ ወላውልዲ ዋኺታዅ ናዋ ኒያዅድሰና ሃበው ኒን አውኒ አኾ ይስትጚነ ፈከርስኑዅ። ላዅ መጃኒን ሻዅሲ እቢሰት 26 እን ገሊለር ቅብሊ ህምባ ጌርጌሴዲ ብሪል ካርኑዅ። 27 ብሪል ገመሰነኻ ላዅ ገሪው መጃኒን ሻዅ ግርዋ ድገትልድ-ፌ ሃደፍ ይዅሉ። ኒን ኒሰረንሲ ማሎ ኒልጝልድ ፌ ኤርፍፈል መንደርቱ ገሪ አውካት እሰዅ ግን። 28 ወንተተረክ ሻኩሉ ሰጚነዲጛ ስንሲለትድኽር ዕቆትድኽር ልኩክሲ እንሸውኖ ተከዉኑሉ ሰጘነኲ ደአም ንሽውሲ ከተተቡ እን መጅኑን ከደንሲ ፍሮ ደረኩሉ ሰጘኲ። 29 ኒን ኢየሱስቲ ቋለሰና ዋዕ ዮ ኒጃብል ገፍትእሱዅ ኢየሱስ ጃርዅራ ይዲ ኩዲ ውራ ህምባዅንና ሳደድግሪንለ ሺወኩንካ እንኩዅን ይዅሉ። 30 ኢየሱስ “አውኒ ግን ኩስጙ” ዮ ወንቀሩዅሉ ኒኻ ገሪው መጃኒን ሻኽኖሉ እርግንነዲን “ለጌዎን ግን” ይዅሉ። 31 ናውኻ ሲኦልትል ዳገንጊንሎም ሺዊኒዅሉ። 32 ኒላ ጊሪል ገሪው ወንኪር ሸፈልስሮ እርግቲ ናዋ ኒምራድ አከን ናል ቱውድኖ ሺዊኒዅሉ ንኻ ይምራድ ግን ቱዋ ይኹሎም። 33 እንሲን እንግርዊልድ ፍኖኻ ወንኪረል ቱኑዅ።እን ወንኪራ ቃሽልድ ገለብሮ ዓይግሊ ትጝኩሪርዶ ወሓጥስቲ። 34 ምቃቕ ኒስ ቋልነሰና እግርኑዅ እን አኻ ወራትሲኻ ድገትል አተይኖ ወሪስኑዅ። 35 እን ኮቁር እን ኣኻ ጋርሲ ቋልድኖ ኢየሱስትል እንትኑዅ።እን መጃኒን ፈዅሲሉ ግርወስ ኒታኲን ሰሮ ኒለበኪል ወንተሮ ኢየሱስር ገቢል ጀጋሕዮ ህምባዅሲ ቋልነሰና ጓቊትኑዅ። 36 ናዋ ኒስ ተካ ወራትሲ ቋልኖ እን መጅኑን ፈዅሉ ግርዋኻ አዋኸ እቢረት ዱዊኹሎ። 37 እን ጌርጌሴዲ አጓራ ናውክ እምንድክ ጓቊትንነዲን ኢየሱስቲ ናኮልድ ሺርዶሎም ሺዊኒዅሉ።ኒኻ ታንኳትድ ወንተሩዅ። 38 እን መጃኒን ፌኹሉ ግርዋኻ ኒዲ አኽሮ ሺዊዅሉ። 39 ኢየሱስ ደኣም “ፈሪ ኩልጝሊ ወንተርዶ እንጃር ኩድ እሰዅሲልካ ድሪሲ” ዮ ስብድዅሉ።ኒኻ እን ኢየሱስ እሰዅሲሉ ድሪሱ ንርትክ እንድገትክ ጅልዉዅ። ኢያኢሮስቁረዲ ብር ቡቑቱላ እርጋ እዂነዲት እቢሰት 40 ኢየሱስ ወንተረሰናኻ ከው ናውክ ጨበሩኑሉ እርግንነዲን ፈርሓትድ ከለብርኑኹሉ። 41 እናሓን ላግርዋ እን ጸሎት ልጝንሲ ተከወንታ ሰጛዅ ኢያኢሮስ ይስታዅ ኢየሱስር ሉኩኰል ለቦ ኒልጝሊ እንትሮሉ ሺዊዅሉ። 42 ውረድ ኒ ሽካ ለጛ አመሪሪ ኤኢ ላሪ ልጝልኢ ሰጘቲሉ።ንርኻ ክሪል ገእይሮ እርግቲ።ንርትል ፈሩኻ እን ከው ኒድክድ ከለልኖሉ ትንክቡኑሉ እርግኑዅ። 43 ሽካ ለጛ አመራ እስረሪ ላ እዅናኻ ብር ፈስሩ ትልለውሲ ናትክ ንርማልሲ ድሂስሮ ላሪ ነፍዑላ ሰጘላ። 44 ኒጉርበትድ እንትሮኻ ኒታዊኒ ቁጭንሊ ትምድሲቲ።እን ብርኻ ንርድ ንርድ ደውዩዅላ። 45 ኢየሱስ “አውኒ ግን ተመዳዅለ” ዩዅ።ናውካ ይን አኽኒ ይኑዅ።ቤጥሮስ “መምህር ውራ ናውክ ከውከለብርኖካ ትንክቡኑካ አውኒ ተመድዅንለ ይሮ ወንቀርዳዅን” ይዅሉ። 46 ኢየሱስ “አበዲ ላዅክ ተመዶለ ህምበኲ ውረድ ይልድ ሒል ፈትለ ዋስስትዅለ” ይዅሉ። 47 እንሲን እን እዂን አርእስትረት አርእስቶላ ጓቑሲ ረድረድሩኻ ኒል ስኩርዶ ኒጃብል ለብሮ ናድካ ጃብል ውሪ ሰበትድ ተመድረትሉ አዋኽረኻ ንርድ-ንርድ እቢርደት ድዊቲሎም። 48 ኒኻ “ኲአማነት እቢስኹኪ ፈሪ ሰላምድ ወንተሪ” ይኹላ። 49 ነወዮ ጋቡኻ እን ጸሎት ኤደሪ ልጝልድ ላዅ እንቶ እንቲ ኩቑራ ክርቲ መምህርሲ ግምሽ ቂልሲስግ ይኹሉ። 50 ኢየሱሳ ዋሰሶና “ጓቊትግ አረጊ እምኒ ካያ ደኤንቶ ግን” ይዅሉ። 51 እን ልጝሊ ገእየሰና ቤጥሮስዲ ያዕቆብዲ ዮሓንስዲ ንርኽርዲ ንርገነዲት ካያ ኒዲ ኤዶ ኤሪውልድ ላዅ ድኳ ኒዲ ቱውሮ ባርላ፡ 52 ናውካ ስሩኑላ እርግኑዅ፡ኒኻ “ስረገላ ገንጅሮ ህምበቲ ግን ግራ ክርዶ እልላ ይኹሎም። 53 ናዋ ክርደት ኤርእንነዲን እንቋሪኒዅሉ። 54 ኒኻ ናንድ ሻኾ “ኤኢ ጒ ይዅላ”። 55 ንርኻ ንርፊዅት ወንተሮላ ንርድ ንርድ ከርተፍ ይሮ ጒቲ።ቊስታዅ እወላኻ ይኹሎም። 56 ንርገነዲ ንርኽርዲ ገሪዅ ፈከርስኑዅ።ኒኻ ላዅድ ድኳ ድወግኒን ገቡዅሎም።
ሰሰር ፊዃ (ፊዃ-9) ኒታለይቶትሲ ኪሰሪ በሸርድድኖ እንሸቐት 1 እን ሽካ ለጘት ላት ሽጘኻ መጃኒን አወይሲ ምግዱራን ሲኽር እቢስድኖ ሒል እዎሎም፡ 2 ሲመር ጃሩዅሲ በሸርድድኖኽር ምግዱራንሲኽር እቢስድኖ እንሸቑኹሎም። 3 እን ና ጉግሊ ግምቢ አኽን ሕሽኩልሲ ሳንስዓ አከጝር ሰወልዲራ አከጝር አድጋ ለጛ መስደርያት አከጝር አድጋ። 4 እን ትውድና ልጝሊኻ አኻ ኒልድ ፈርትናሲክ። 5 እንከለብርግነኩም ኮላ እን ድገትልድ ፍድኖ ናድ ሳምዕ አኽሮኩም እንተልኩኮልድ ዕሳሲ ከፍከፋ። 6 ናዋ ድገትልድ ድገትል ጅልዉኑ ኪሰሪ ወንጌሉዅሲኽር አበሸርዱኑ ናትክ ሽኹሽተውሲኽር እቢሱኑ እርግኑዅ። 8 ኒወረ ሄሮዱስትል ገእየት 7 7-8.ሄሮዱስ ቴትራርክ ነስ ናትክ ዋሰሰና ላዋ ዮሓንስ ጠመቕደንታ ክሪልድ ጔ ህምባኽው ላዋ ኤልያስ ቋልስቱዅ የው ዋስነዲን ተሓደቡዅ።እማ 9 ዮሓንስቲ አኾርሲ ቀረጪስዅንሉ እና ኒድ እናሃቢነ ወሪሰው ኣን ዋሰው ደአም አውኒ አኽራዮ ቋልዶሉ ጀረቡ እርጉዅ። አጝኳ ሲሕሲ ቊሰት 10 ኒታለይቶት ወንተርነሰና እን እሲነውሲ ጂጝስቲኒዅሉ።ኒኻ ቤት ሳይዳ ይስትረሪ ድገትል ናቱ ጭምዊትዅል አድዅሎም። 11 እን ከዋ ኒስ ዋስነሰና ለሄክንዅሉ ኒኻ ከለብሮሎም ሲመር ጃሩዅድ ጋቢዅሎም።እንሽዅዳ ሻውሲኽር እቢሱዅሎም። 12 ኩርጚተሰናኻ እንሽካ ለጛ ኒል ስኩር ይኖ ይን ህምብናዅ ከደን ግን እና ይናገቢል ህምባድገትልር ቀሻዊተልር ክድኖ ሙነትር ኤርድኖ ስብዲሎም እና ከውሲ ይንኽውሉ። 13 ኒኻ “ቊስታዅ እንትን እወሎም ይዅሎም።ኔስካ ከውድ አካ ነብራ ፈርኖ ጅበግነን ይነዲ አጝኳ ሳንስዒዲ ለጛ ዓሰዲ አኽገት ላሪ ሻኽኒ” ይንዅሉ። 14 ናዋ አጝኳ ስሕልድ አወይሲ እርግኑዅ እማ አጝ አጝኩረጝንድ ተር ስድነ ዓገለሎም ይኹሎም። 15 15.እንዳኻ ሃቢነዅ። 16 16.ኒኻ እን አጝኳ ሳንስዓዲ ሌጛ ዓሳዲት አዶ ዕልልሲ ዓስተርሊ በልሰ ገውሮ ሸረረፎ እን ከዋ ጃብል ሱኩስድኖሎም ኒታለይቶትድ ላምስዅሎም። 17 17.ናውኻ ቑኖ ብትኑዅ እትኑዅ እንከብተውድኻ ሽካለጛ ስግርፍኦታት እንሰኽኖ ጉድኑዅ። ቤጥሮስር እምነት 18 ኒቱ ጸለዩኻ ኒታለይቶት ኒዲ እርግኑዅ “እና ከውአዊ የናዅንለ” ዮ ወንቀርዅሎም። 19 ናዋ ላው ዮሓንስ ጠመቕደንታ ላውኻ ኤልያስ ላዋትኸ ላዅ እን እሚኒ ነቢታተልድ ጐዅ ግን የነኩካ ይንዅሉ። 20 ኒኻ “እንትጛ አውኒ ይደናዅንለ” ይዅሎም።ቤጥሮሳ “እንቲ እንጃር መሲሕ ግን” ይዅሉ። 21 ኒኻ ላዅድ ድወግኒን ተብዶ ጋቢዅሎም። 22 ኣዳሚንዱዅረስ ገሪጅርበት ኤርዶሉ ግን።በህሊንዲ አቅሸታ በህሊንድኽር ከታበንድኽር አከጝር ቃበብስሮኽር ኩውስትሮኽር ግን ሴዃ ኳራ ደምብኻ ጉሮ ግን ይዅሎም። ኢየሱስር መታን ኩሹት በረይና 23 ናተካ ላዅ ይጉርበት እንትሮ ጀረባዅኽ ኒሹት ግርግሺባ መስቀልኒዅ ምዅሮ ተለይንለ። 24 ወረድ ኒርሒት ደኤንድሮ ጀረባዅ ድሄስሮላ ግን እን ኒርሕት ይመታን ድሂሳዅ ደኤንድሮላ ግን። 25 ላግርዋ ኒርሒት ድሂሰን ኒትክ እርድስኻ አረረን ውራ ነፍዕረሉ። 26 እን ይድር ይጋበሲኽር ስማራዅ ኣዳሚንዱዅራኽር ኒሳቡርድኽር ኒኽርድ ሽኻርድኽር ሻትካን ኒመላእኽትዲክ እንተራከክ ኒድ ስማርድኖ ግን። 27 ዳኣም እና ነት አንጦጠለውልድ ላው ሲመር ጃርዅሲ ቛልግኒ ኒኾርሲክ ክረግነት የኩንኩም። ኢየሱስ ደብረ ታቦር ትል 28 ነዋዮ ጋበ ሰኾታ ኳሪ ደምቢኻ ቤጥሮስዲ ዮሓንስዲ ያዕቆብዲት ኒዲ ኤዶኻ ጸሎት እሲሮ ጊሪል ኒዲ አዶ ፈሩዅሎም። 29 ጸለዩኻ ሕብር ኒገሹዅ በደልሱዅ ኒታኲጝር ጫዕደሪት ብልታውሩዅ። 30 እናሓና ለጛ ግርው ሙሴዲ ኤልያስዲ ኒዲ ጂጝስቱኑ እርግኑዅ። 31 ሳቡርድ ቋልስትኑዅ እን ኢዮሮሳሌምትል አኽሮ ህምባዅ ኒክረድ ጋቡኑ እርግኑዅ። 32 እንሲን ቤጥሮስዲ ኒዲ እርገውዲ ገንጃ ተቖሎም እርግነዲን ጉኖሰና ኒሳቡርዲ እን ለጛ ግርው ኒዲ ህምበውስኻ ቋልኑዅ። 33 እን ግርው ኒልድ ፈሩኑኻ ቤጥሮስ ያዅክ ኤርእም ብስቴሉ ኢየሱስቲ “ዎ ያደራ እና ይና ነት አክና ትክያዅ ግን ሴዃ ኤብሉራ(ዶል) ላዅሲ ኩዱ ላዅ ሲኻ ሙሴሲ ኮዶ ላዅሲኻ ኤልያሲ እስኒን” ይዅሉ። 34 ነስ ይኸ ላቡኳና እንትሮ ሻሚስቲሎም ኒል ቱዉኑኻ ጓቚትኑዅ። 35 እን ቡኳኒልድ “ኒን እን አን ፍሪራዅ ይዅራ ግን ኒት ዋሰሉ ይረሪ ጋባኻ ዋስስትቲ። 36 እን ጋባ ዋስስትሩኻ ኢየሱስ ኒቱ እርጉዅ።ናዋ እንቋልናዅሲ ላዅድ ድወግኒ ሰቖብኑዅ። ላዅ ጅኑን ሻዅ ቁረስ እቢሰት 37 ኒ አመሪትል ጊሪልድ ገምኖሰና ከውከላእ ኒል እንኩልኩልስኑዅ፡ 38 እን ከዋ ነበክልድ ላግርዋ “መምህር ይዅረስ ቋሊለ ላዅ ኒ ግን” ዮ ዋዕ ዩዅ። 39 መጅኑን ሻከኩሉ ንርድ-ንርድ ገዓረዅ ፈንሽሽስኽር ፍዲሰኹሉ ቂልስራሲክ አንገርገርዶኻ ባረኩሉ። 40 ኩታለይቶትሶ ፍድኖሉ ሺዊኹንሎም ናዋ ገረስኒሉ ይኹሉ። 41 ኢየሱስ ነበንቲ እምነት እንግገው አሰል ሸንካያን አውን አኽራሲክ እንተዲ መንደርትያ አውን አኽራሲክ ዓቕል እሲንኩም።ኩዅረስ ነት ናቕሲሉ ይኹሉ። 42 እንተሩኻ እንጅኑን ለብዶ ነግነግድዅሉ እንሲን ኢየሱስ እንጅንሲ ዋኺቱዅሉ እንቁረስ እቢሶኻ ኒኽርድ እውኹሉ። 43 ናውካ ጃር ሒልድ ፈከርስኑዅ። 44 ናውክ እን ኒ እሰውድ ፈከርሱኑኻ ኒታለይቶትሲ 45 ኣዳሚንዱዅረስ ከዋ ናንትተል ደኩስኖ ሻኺስድኖሉ ግን እማ እና ጋበት እንተለበኪል እንኲረላ ይዅሎም። 46 ናዋ እና ጋብነስ ኣስተብሃልድግኒ፡ትብቶሎም እርግነዲን ፈሄምስሮሎም ገረስላ ወንቀርድኖሉኻ ደይዕኒ፡ጓቒትኑዅ። 47 ናልድ አዊ ኩጘታ ሃመትሊ ቱውኑዅ። 48 ኢየሱሳ ናለፈካ ሃመትሲ ኤርእነዲን “ላቁራ ግናይራይሲ አዶ ኒገቢል አንጦጠልድዅሉ። 49 እናጅና ግናይሲ ይሱጝድ ከለብራዅ ይት ከለብረኲ፡እን ይት ከለብታዃ እን ይት እንሸቓዅሲ ከለብረኲ።ውረድ እን እንተልድ ሽጓዅ ኒ ግን በሄር ይዅሎም። 50 ዮሓንሳ “ዎ ያደራ ላዅ ኩሱጝድ መጃኒንሲ ፍዳዅ ቋልንዅን፡ይነልድ አኽጋዅ አኽነዲጛ ገብንዅንሉ” ይዅሉ። 51 ኢየሱሳ ባራ ሃበጋሉ እንተት እንጠራጋዅ አከን እንተዲ ግን ይዅሉ። ሳምሪሩ-ደኩነስ ገብነትሉ 52 እና እርድልድ ፈራ ግርጋ ስኩርነዲጛ ኢየሩሳሌምትል አኽታሲክ ብርፍ ዩዅ። 53 ኒጃብልኻ ኒልካዅ ደለምድድኖሉ ንሽቕ ፈሱዅ።ናዋ ላድ ድገ ሳምሪውዱዅል ኤተይኑዅ። 54 እን ኮቁራ ኢዮሩሳሊምትል አኽራሲክ ፈሩ እርግነዲን ከለብርኒሉ። 55 ኒታለይቶት ያዕቆብዲ ዮሓንስዲ ኒስ ተካ ወራትሲ ቋልነሰና “ዎ ይና አደራ እን ኤልያስ ለኻ ዓስተርልድ ገሞ ድሂስሮሎም ጀረብራኹማ ይንዅሉ። 56 ኒኻ ናል ግልጭዮ “አወያ መንፈስ ክምዲነት አርእግድናኽርማ? አዳሚንድዅራ ደኤንድሮ እንቱዅ ግራ ድሂስሮ እንቶ እላ” ዮ ዋኺትዅሎም፡ 57 ኤሪ ኮላ ፈርኑዅ። እምንዱዅ ታለይቱራ ኢየሱስሩዅ አክና ጀረብደት 58 ጉግድ ፈሩኑኻ ላግርዋ “እንቲ ፈርዳዅልክ ተለየካ ግን ያደራ” ይኹሉ። 59 ኢየሱስ “ቈንሸል ናግፍፍ፡ጀከል ዓስተሩኽር ናልጝንቲ ሻኽኑዅ።ኣዳሚንዱዅራ ደአም ኒአኾርድ ድኩርታዅ ድኳ ሻኽላ” ይዅሉ። 60 ላዅሲኻ ይኸ ጒ ተለዪለ ይዅሉ ኒኻ “ዎ ያደራ በደሮ ይኽርሲ ደብያ ባሪለ” ይዅሉ። 61 ኢየሱሳ “ክሪው ናክረውሲ ደቢድኖሎም ባሪ እንቲ ፈሪ ሲመር ጃሩዅ አበሸርዲ” ይዅሉ። 62 ኮዶ ይኸ ላዅ “ዎ ያደራ በደሮ ይከው ስብድድኖለ ባሪ” ይዅሉ። 63. “እርባነስ ሻኾ ደምቢራ ህምባ ጋራትሲ መኻልታዅ ሲመር ጃሩዅድ ወጀበላ” ይዅሉ።
ሽከር ፊዃ (ፊዃ-10) ለጘትረጝንዲ ለጛ ታለይቶትሲ ኪሰሪ በሸርድድኖ እንሸቐት 1 ንድደምቢ ይና ኣደራ አሪው ለጘትረጝንዲ ለጛ ፍሪሩዅ።እን ፈርዶ እርጋ ኣካናት ደገጊት ሌጝ ሌጛሲ ኒጃብል እንሽቑዅሎም። 2 “ከረመን ከብስተው ገሪው ግን አረስኻ እቑቱ አኽኑዅ ንዳ እንከረመኒ አደርስ ከበው ኤረስ ፈስሮ ሺወሉ፡ 3 እናሓን ፈራ በግሰና አትኳላ ነበክል እንሸቐኩንኩም እንኩኹን። 4 ወሪ ሕሽኩል ወሪ ማር ወሪ ሻፍ አድጋ ይኸ እንታ ጉግል ላዅሲ ሰላም ይጋ። 5 እንትን ቱውድና ልጝልክ በደርድኖ እና ልጝንሊ ሰላም አኽኒ ያ። 6 ኒል ወርኪዅራ ዋነን እንታ ወርክናር ኒል ገምሮ ግን አከገጛ እንተል ወንተርዶ ግን። 7 ከደመንተድ ኒስድቕ ጨበረኩሉ እማ ልጝንተል ደላህ መላህ ይግድኒኻ ፈርትናሲክ ኒል ኣኻ። 8 ኤተይድና ኮልክ ከለብረነንኩም ኡውናዅሲኩም ቋ። 9 ኒል ዲወውሲክክም ምግዱራንሲ እቢሳ ሲመርጃሩዅ እንተል ስኩረኲ እንኲዃ” የሎም። 10 ላኮል አተይድኖሰና ከለብረግነንኩም ቃዕረትሊ ፍድኖ፡ 11 እን ይናሉኩኰል ተከና ዕሳሲ ከፍከፍነኩንኩም ደአም ሲመር ጃሩዅ እንተል ሱኩረት ኤርኣ የሎም። 12 ፍርድ ግርገድ እንጫ ኮልድ ሶዶምሲ ስዳውሮ ግን የኩንኩም እንኩዅን። 13 አጀዋ ኩራዚ ወመላልኪ በት ሳይዳ እን እንተል እስተው አምራት ጢሮስዲ ሲዶናዲትል አኸው አከን እማና አክያስዲ ሽባርዲት ሰርኖ ናዓገብድ ብሕልታ ሺዊድንድ ሻኸው ግን። 14 ፍርድ ኳሪል እንታዅልድ ጢሮስዲ ሲዶናዲሲ ትክሰ ስዳውሮ ግን። 15 እንትኽር “ዎ ቅፍርናሆም ዓስተርሊ አኽራሲክ ማ ክብይቶ? እንቲ ሱቈት ኩልኩልትቶ ግን። 16 እን እንተት ዋሳዅ ይት ዋሱዅ እን እንተት ጉሻዅ ይት ጉሻዅ ግን እን ይት ጉሻዃ እን ይት እንሸቃኹሲለ ግን ኒጉሻዅ ይዅሎም። 17 እን ለጘትረጝንዲ ለጛ ታለይቶት “ዎ ይና አደራ ኩስጝድ መጃኒንኽር ይነልድ እግሩኑ እርግኑዅ” ዩኑ ፈርሕኖ ወንተርኑዅ። 18 ኢየሱስ “እን ሸጣን ምርክሰና ዓስተርልድ ለቡንሲክ ቋልዅን። 19 እናሓን ምራውዲ ሺቑዲ ዳድትኖ ግን ኒልካ እንታ ኣባይ አወይሲ ሒል ኡዎኩም ህምበኩን ላሪ ድኳ ሃሽከበለኩም። 20 ደአም እንታ ሱጙጝ ከተብስት ነገሳ ግን ግራ መጃኒን ይና ምራድሲ እሲኒዅ ይድኖ ፈርሕጋ ይኹሎም። ስቱር ዓስተሩዅ 21 እንሰከር ወክታትሊኻ ኢየሱስ መንፈስ ሻትክድ ፈርሖ “ዎ ኤበ ዓስተርዲ ብረዲር ኤደራ እና ጋራት ነስ ኤርኤውልድኽር ኩመኤኰት አኽኒ።የዋ ኤበ ኩምራድ አኽኔዲን ግን። 22 ይኽርትልድ ኒውክ እውስቶለ ህምበኲ።ደኣም ኡዅራስ አውኒ አኸት እኽር አኸገት ላዅ አርእለሉ እኽርስኻ ኡኽረዲ እን ኡዅራ ኒድ ጋልህድሮሉ ጀረበዅዲ አከገን አርኣዅሉ እላ። 23 እንሲን ኒታለይቶትሲ መኻልቱ “እና እንትን ቋልደናዅሲ ቋላ ዕልል ሻትካን ግን። 24 ውረድ ገሪው ነቢታትዲ ሰየምዲ እና እንትን ቋልደነውሲ ቋልድኖ ሽንህኑዅ ቋልኒኻ እና እንትን ዋስደነውሲኽር ዋስድኖ ተምነተኑዅ ተምነትኑዅ ደኣም ዋስኒ” ይዅሎም። ድግም ሳምራዊራ በኪትሪ 25 እናሓን ላዅ ፍቲሕ መሄርሶ ህምባዅ ወንቀርዶሉ ጔ “መምህር ውራ እሰን ግን ንብረት ዲመሩዅሲ ለዋኽርዮ ወንቀሩዅሉ። 26 ኢየሱሳ ኦሪትል ውራ ከተብሶ ህምባዅን ውራ አንበብድራዅን ይዅሉ። 27 ኒኻ ኩጃርሲ ኩለበከዲ ኩርሕዲ ኩሒልዲ ኩአርእጝድኽር እንከሊሉ።ኩጨራስር ኩሹርሰና እንከሊ ዮ ወንተሱዅሉ። 28 ኒኻ “ትክያዅ ወንተስሩዅ ፈሪ ኒሰና እስ ይዅሉ። 29 እንዲጛ ኒሹት አመክነይድሮ ጀረበ “አውኒኻኒ ይጨራ” ይዅሉ። 30 ኢየሱሳ ነዋ ይዅሉ “ላግርዋ ኢዮሮሳሌምትልድ ያሪሆትል አኽራሲክ ገሙ ስኳን ናንትተል ለቡዅ፡ኒን ኒሻኻ እራኲሲክ ወረርኖሉ ከታከትኖ ክርጋዅር እሲነሉ ባርኖ ፈርኑዅሉ። 31 ሃደፍዳ ኒድ ላቐሺራ ገማዅ ገማዅ እንቱዅ ቋሎኸሉ ሸሊቶ ደኩዅ። 32 ኒሰና ላዅ ሌዋዊራ እን አካንሊ እንቱዅ ቋሎኸሉ ዕጭጭዮ ደኩዅ፡ 33 ላዅ ሳምሪዅ ኒድ ደኩ ቋሎሰነሉኻ ሰኻንዲዅሉ። 34 ኒል እንቶኻ እን ለከንሲ ደዲ ሚዲሲ እጝቃሶ እንሸዎ ኒድዃሪል ጨዓኖ ትልለናዅድ አካንሊ አድዅሉ እማ ዓወንዅሉ። 35 አመሪትላ ለጛ ቅርሽ እን ልጝን ኤድረድ እዉዅሉ እማ እንቲ ዓወኒሉ ይውንትሪላ እንቲ ድሂስረውሲክ ኡውሪካ ይዅሉ። 36 እና ግርዋ ሱኳን ናንትተል ለባዅድ እና ሴዃ ትልድ አዊን ኒወንዳ ተካዅንካ ዮ ወንቀሩዅሉ። 37 ኒኻ እን ሰኸንቶ ትክሴኹሉ ዋ ይዅሉ።ኢየሱስ “ፈሪና እንቲኽር እንዳሃቢ” ይኹሉ። ኢየሱስ ማርታዲ ማርያምዲር ልጝሊ 38 ፈሩኻ ላድጌትል ዔሩዅ፡ላእዂና ማርታ ይስትረሪኻ ንርልጝሊ ከአብርቲሉ። 39 ኒኒ ንርሻኒ ማርያም ሰጘቲላ ንርኻ ኢየሱስር ገቢል አኽሮ ኒ ጋበውሲ ሸኑርዱ እርግቲ። 40 ማርታኻ ወራት በጀኾላ ስቆት ኤወት ይሩ እርግቲ ኢየሱስትል ስኩት ይሮኻ “ድዊ ይአደራ እና ይሻኒ እንሽቕሲየ ስቆትር አወትር ያኽርሲ ባርድሪትለ ኩት ላሪማ ዓጀብደለካ ካቢቶለ ውራ ጉኡኢ የለላ” ይቲሉ። 41 ኢየሱሳ “ዎ ማርታ ዎ ማርታ እንቲ ገሪ ወራትድ ሓገስትረኲር ሃለክስረኲር እንኩሩዅ። 42 ደአም ጀረብዳ ወራት ላዅ ግን ኒታ ማርያም ፍሪርዶ ህምበቲ ላዃ አደለላ” ይኹላ።
ፊዃ-11 1 ኒኻ ላአካንሊ አኾ ጸለዩ ግጁዅ ዱጘሰናኻ ላዅ ኒታለይቶትልድ ድዊ ይናኣደራ አበዲ እንቲ እንጫ ዮሓንስ ኒአጋርሲ ክንሳዅድሰና ውራ ጸሎት ክንሰለና ይዅሉ። 2 ኢየሱስ “ጸሎት እስዱኑ ዎ ይናኽር ኩሱጝ ሸተክኒ፡ 3 ኩሲመር እንትኒ፡ 4 ይናግርጊ ሳንሳዓስ ናኽና ይነት ጂብዳዅሲና ሃብነ ባርናኹሰና እንቲኽር ይናዓግብሲ ብሕል ይና፡ምቁሊልድ ደኤንዲና ግን ግራ ሸርሊ ቱስግና ይድኖ ሺዋ ይዅሎም። 5 ኮዶኻ ኤዊ እንተልድ ኒማዳ፡ 6 ቂራ ነበክ እንቶሉ እንቲ ይማዳ ላዅ አን እንከላዅ እንቶለ ህምበኲ ላሪ ሱኩሳኹሉ ሻኽሊ ኒ እማ ሴዃ ሳንስዓ አዳኽዲለ የንሉ፡ 7 እንዲንኻ ዓንቀይረድ አኾ ፈሪ ዕላጅ አኽግለ እድ መርሖረድ አበስቱዅ ይቑር ይዲ አርግል ገንጅኖ ህንበኑኲ ጔ ላሪ እውየካ ገረሰሊ ዮ ወንተስኹሉ። 8 ኒማዳ አኽነዲን ጔ እውገንሉኽር ገንጃ ገብጊንሉ ጔ ኒጀረበሰነክ ኡወኩሉ። 9 ሺዋ እውስትሮኩም ግን ጀረባ ኤርትኖ ግን ቈርቁሓ ብስትሮልኩም ግን። 10 ውረድ ሺዌኹኲ ከለብረኲ እን ቀርቃሐዅካ ብስተኩሉ። 11 እንተልድ አወያ እኽር ግን ኒዅራ ሳንስዓ ናኽለ የንሉ ክርጛ እዋኹሉ ወሪ ዓሳ ሺወንሉ ምራዋ እዋኹሉ። 12 ወሪ ይኸ ቤጫ ሺወንሉ ሺቛ እዋኹሉ። 13 እማ እንትን ድኳ ምቑል አኽዱኑ እንተቑርድ ትክያዅ እውን ኤርእድናኽር እን ዓስተርሊ ህምባዅ እንታኽር አለማ እን ሺወውድሉ ትክሰ መንፈስ ሻትክ እወጋኹሎም ማ ተካኹንኩም። ኒሕልድ መጃኒንሲ ፍደት 14 ኢየሱስ ላዅ ልጉምልድ ጅኒን ፍዱ ግጁዅ እንጅኑን ፈሰናኻሉ እን ግርዋ ልጉም ጋቢዅ እን ከዋ ፈከርዶሎም። 15 ላው ናልድ ደኣም ብኤል ዘቡኡልድ መጃኒና አደራ ግን መጃኒንሲ ዳገናዅ ይንኹሉ። 16 ኮዶ ላዋ ይኸ ወጠንድኖሉ ዓስተርልድ ላ-እሻረት ሺዊኒኹሉ። 17 ኒኻ ናእከይሲ አስተብሃልዶ ኒሹር ኒሹ ሲሬዅ ሲመር ድደኲ ኒሰና ልጝን ልጝኝ ዳግ ጓዅ ለበኲ። 18 ሸጣን አወይሲ ጓን አዋሃበ ግን ኒሲመር ተብሮ ገረሳዅ? ናን እንትን ኣዋሃብዲነ ግን መጃኒንሲ ቤኤል ዘቡልድ ፍደኲ ይደናኹንለ። 19 ኣን ቤኤልዜቡልድ መጃኒንሲ ፍዳኽር አከን እንታ ቁር ውረድ ግን ናውፍደናኹሎም።ንድ ሰበትድ ፈረድኖኩም ግን የኩንኩም። 20 እን መጃኒንሲ ጃር ናንድ ፍዳኽር አኾደምቢ ሲመር ጃሩዅ እንተል እንቶ ህምበኲ። 21 ግርዋ ሒለቱዅ ደበልቶ ኒልጝን ተከው ኒ እራኲ ድደለሉ። 22 ኒልድ ሒለታዅ ታሓረቦ ሄለል የንሉ እን ኒ ኤምኖ እርጋ ስላሕሲ ባሪሶሉ ኒእራኩሲ ኒዲ በንስጘኲ። 23 እን ይዲ አከጋዃ ይኣባይ ግን እንይዲ አኾ እንኩል ኩለጋዅካ ፋሕ ሰኲ። 24 ሰጣን ላግርዊልድ ፈሰና ፊዃ ጀረበ አክራብድ ጅልወኵ በሰናኻ ይልጚ ንርትልድ ፌሪትል ወንተርያ ግን የኲ። 25 ወንተረሰናኻ ገሰስቶኽር ሰርገይሶኽር ኤረረኩሉ። 26 እንሲን ፈሮ ኒልድ ጂበው ኤሪው ለጘታ ሸዋጢን ኤዶ እንተረኲ ኒል ትውኖኻ መንደርተነኲ።እንግርዊ መናብረትኻ እንጃበሪዅልድ ደምበራ ትክሰ ጂበኲ። 27 ናሃበ ጋቡሎማ እንከወልድ ላእዅና ደሄይሲ ክብሰረ እን ኩት ምኹራ ካድዲ ኩት ነብሳ እንጉግዲ ሻትካን ግን ይቲ። 28 ኒኻ ክልብርሰ “ሻትካንባ እን ጋብ ጃሩሲ ዋሰውዲ ተከወውዲ ግን”ይኹላ። ዮናስር ሻሮት 29 ከው ኒል እርገው በጀኹኑ ፈርነሰናኻ ነዋ ይሮሎም ተርሲዅ “እና አሰል ነን አሰል ምቊል ግን ሻሮትር ጀረበነኲ እንኩኑዅ።ደአም እን ሻሮት ዮናስሩዅ አከገን ኤሪዅ እውስተለሎም። 30 እን ዮናስ ነነዌሩውድ ሻሮት አኻኹድሰነሎም ኣዳሚንድኹራኽር እና አስል ነድ ሻሮት አኽሮ ግን። 31 ንግስቲ አዜብ ሰለሙንዲ ጋብ ለፈኩሲ ዋስቶ ብሪ ግንድልድ እንትረሪ ፍርድ ግርገድ እና አሰል ኒዲጉሮ ሄለል ይቶሎም ግን እናሓና ዮናስትልድ ኩጛዅ፡ 32 ነነዌር ከዋ ዮናስር ስብከትድ ናለፈክሊ ወንተረው እና አሰል ነዲ ጉኖ ለታቕድኖሎም ግን እናሓና ዮናስትልድ ኩጛዅ ነት ህምበኲ የኩንኩም። በሪህ ገሮቡዅ 33 “እን በሪህሲ ቋልድኖ ላኲ ቲዀስ ትልጭሰ መሔገይል ወሪ ሕንኩል ዓንቀይ ገምዳዅ እላ ክብያኹል አከገን። 34 ኩዕል ኩገሮብ ቲዃ ግን፡ኩዕል ሽርዋ አከን ኩገሮብር ባርህ ግን።ኩዕል ሽርዋ አከገጛ ኩገሮብር ጨልመተኲ እማ፡ 35 እን ኩል ህምባ ቲዃ ድድጊን ፈጠኒ። 36 ንድኻ ኒውክ ኩገሮብ ላገፍድ ጭልም እጝጋዅ አከን እንቲዃ ትክሰ በርህዳሰና ኩገሮብር ኒውክ በርህ አከኲ”። ፈሪሳንዲ ከታበንዲት 37 ጋብኻ ላፈሪሳዊራ ኒዲ ምዳትሮ ሺዊኹሉ።አጃ ዮኻ ቱዎ ምድሊ ዓገሉዅ፡ 38 እን ፈሪሳዊራኻ እንቃርጊ ጨመዳዅሲ ቋለሰና ፈከርደዅሉ። 39 እንሲን ይና አደራ “እንትን ፈሪሳን ግባርዲ ኒድጅእደናዅ ጉናዲት አወይረድ እንቃስደነኲ እንታ ዓይቀረዳ እን ሙቑላዲ ሃሽከብነዲሲ እንታኾሰና ግን። 40 ነበንቲ ሃስሳን እንከደኑዅሲ እንዳሃበዅዓንቀይረስ እሰጋዅማ። 41 ዓንቀይረድ ለጭሕዳ ኒውክ ጨረይሮኮም። 42 እንትን ፈሪሳን ኣጀዋ ውረድ ነናዕልድር ጤናኣዳምልድር አኻ አምሪልድር ሽከርሲ ፍደናኽር ፍትሕዲ እንከሊ ጃሩዅዲትላ ሓሰርሰግደናኽር ኒሰ ባርግድኒ እንዲስር እሲትኖ እርጉኹኩም። 43 እንትን ፈሪሳን ጸሎት ልጝንተል ቂጦታት ሽኻሩሲ ፍሪርደናኽር ዕርዲሪል አከጝር ደባንማ ይስትትኖ እን ከልደናኽር አጀዋ። 44 እንትን አርፍፍ ኤርእስተገውሲ ከው አስተብሃልድጊ ዳዶ ደኰሰነሎም ግን፡እማ አጀዋ። 45 ላዅ ፍትሕ መሄርሰውልድ “መምህር እንደዋ ይሩ ይነትር ጀኽረኩና እንኩሩዅ” ይኹሉ። 46 እንትን ፍትሕ መሄርስደናኽርር አጀዋ ከውሲ ክብየጋ ምዅር ምቑስደናኽር ግን እማ አጀዋ።እን ምዅርሲ እንተሹሺ ጭብዕታድር ተመደግደኽርሉ። 47 እንተን እን አርፍ ነቡዋተው እንተክል ኩወውዱሲ ጨይረድደናኽር አጀዋ። 48 እንታክላ ኩኑኹሎም እንትጛ ናኤርፍሲ እንተገበር ነድ ንድ ሳምዓንዲ እን ናጋርሊ ሕበርስዲነኽርዲ ግን። 49 ንድ ሰበትድ ጃር ኤምር ነቡዋትዲ ታለይቶትዲት እንሸቕየሎም ግን።ናውኻ ገሪውሲ ናልድ ኩድኖኽር ዳገንድኖኽርሎም ግን ዩዅ። 50 እን እርድ መሄድሳ ግርጊልድ ተርሰ ቡቕተ ብር ነቡዋተው አቤልዲ ብርልድ እን ጸሎት ልጝንዲ ሰደቐትዲር ነበክል ኩናዅ ዘካርያስር ብርሊ አኽታሲክ እን አሰል ኒልድ ጀረብሲሮ ግን። 51 የዋ እና አሰል ኒልድ ጠርቕ ሺውስቲሮ ግን የኩንኩም። 52 እንትን ፍትሕ መሄርስደናኽር መርሖራ ክኒሩዅሲ አድናኽር እንተሹሺ ትውና ጉሽድኖ ኤሪውስኽር ትውግኒን ገብደናኽር አጀዋ” ይኹሎም። 53 ኒልድ ፈሩኻ ከታንዲ ፈሪሳንዲ ገሪ ጋራትድ ወንቀሩኑ ተብድኑኹሉ። 54 እን ወንተሱሎም እርጋ ጋበላ ከታ ኒድ ሸከየናዅ ኤርድኖሉ አትቋመቱኑሉ እርግኑዅ።
ፊዃ -12 ጃርሲ ግራ ኣዳምቲ ጓቊትና ጀረብደላ 1 እንሲን ከላእ ከው እኺርኺርሲ ደረረኩኑ ኒዲ እን ኩልኩልስኑዅ።በደሮኻ ኒታለይቶትሲ ጋቢሮ ተርሲዅ እማ ፈሪሳና መኰት ዓቁልድ ፈጠና ናወራትልድ ፈጠነና ይኹሎም። 2 ብተጋዅ ወሪ ኤርእስተጋዅ ስቱርድ ትብቶ ከብታዅ እላ። 3 ንዳ ኒውክ ጭልምል ይድናዅ በርህል ዋስስትሮ ግን፡እን ወዳንሊ ሕሹኲ ይድናዃ እራሪል ሰበክሮ ግን። 4 እንተት ይማሲኻ እንስኺ ኩኒልድ ደኩኖ ላሪ ሃቢሮ ገረሰገውሲ ጓቊትገሎም የኩንኩም። 5 አውቲ ጓቊትደነት ድውየኩም እንክዎ ገሃነም ለኺል ማልዶ ገረሳዅሲ ጓቊታ።የዋ ኒት ካያ ጓቊታ የኩንኩም። 6 አጝኳ ጀከላ ሌጛ ሰላዲረድ አኽለማ ናክስትና ደኣም ጃር ጃብል ናልድ ላሪ ድኳ ምኺርሰላ። 7 እንትጝር ሽብክ እንታአኾሩ ከብተጊ ሺብስቶ ህምበኲ አረጋ ላሪ ጓቊትጋ ጀከል ገሪውልድ እንትን ኪደነኲ፡ 8 እን ከዋ ጃብል ኤምናኹለ አዳሚንዱኹራኽር መላእኽቲ ጃሩውድ ጃብል ኤምንዶሉ ግን። 9 እንከዋ ጃብል በረያኹለኻ መላእኽቲ ጃብል በረይስሮ ግን። 10 ኣዳሚንዱኹራስ ልኼኹድ ባርስትሮሉ ግን፡እን መንፈስ ሻትክሲ ጀኸኹዳ ባርስተለሉ። 11 አይሁድ ቤት ጸሎትልኽር ዲቢልኽር አስያመልር አድነሰነኩም “አዋሃብነ ወንተስኖ ወሪ ይኸ አዋሃብነ ጋቢኖ ይድኖ ሳድድስጋ” 12 ውረድ እንሲንዲ ወክትሊ መንፈስ ሻትክ ውራይድ ነት ድዊሮኩም ግን። ህርፋን ላገዱዅዲ ኒሃሳስትዲ 13 ላዅ እን ከወልዳ “መምህር ይዳንሲ ላውሲ ፍድሮለ ጋቢለ” ይኹሉ። 14 ኒኻ “እንታነበክል በነንታ አውኒ ሰየሞለ” ይኹሉ። 15 እን ኤሪውሲኻ ከዋ መናበረት ገድ በጀኽኒልድ አኽላ እማ ህርፋንልድ ፈጠነኩም ይኹሎም። 16 ንድ ደምቢኻ ድግምድ ነዋዮ ጂጝስቲኹሎም “”ላግርዋ ገዱዅ ኒከረመና ገሪዅ ፍሪትኹሉ. 17 እና ይኤርሲ ኒል እክባ አካን ሻኽሊ ውራ ሃቢንዮ ሀመትሊ ቱዉዅ። 18 አን ሃበውሲክ ይላውድ አርእዅን።ይልጝንትስ ፋሕሰናልድ እዳነው እሲሪ፡ናትክ ይኤርዲ ይገድዲት ኒል እክብሪ። 19 ይርሒታ “ዎ ይርሒ ገሪ አመታትድ ዓቕተውኪ ገድ እክብሶኪ ህምበኲ።ፊዅቊኽር ጅኢኽር ፈርሒኽር የላ ግን ዩዅ። 20 ጃርኻ “ነበንታ ሀስስ ኩርሒት ንኪ ቂር አድኖላ ግን እና እንቲ እንኩልኩልዶ ህምብረው አውሲአኽሮ ግን” ይኹሉ። 21 እን ኒሹሺ ገድ እክባዅ ጃር ጃብል ገድ እንግጋኹድ ሰና ግን ይኹሎም። ዓስተርሊ ህምባዅ እኽር ዓወነኩሎም 22 ኒታለይቶትሲኻ “እንታ መናብረትድ ውራ ቁኖ ውራኻ ሰርኖ ይዱኑ ሳዳድስጋ። 23 ውረድ ፊኹት ቊስታዅልድር ሰረኒልድር ትክሶ ኪደኲ። 24 ኳኹርሲ ቋላ ፈደኒኽር ከበኒኽር ሐበሲትኽር ሻኽኒ ጃር ቊሰኩሎም።እንትን ዳአም ትክስዲነ ናልድ ኪደነኩ። 25 አውኒ እንተልድ ሳደድሶ ኒሺርጝል ላሰድር ኰዳዅ። 26 ንድኻ ግናይራይ ወራት እሲትኖ ገረሰግደናኽር አኽድኖ ደምቢ ውሪዅ ነስኮት ሐገስትደናዅን። 27 ዕምቦብ አዋኸ ለገደት መርኪሳ ከደመገውር ሸፈጠገውር ሰለሙን ድኳ ኒሳቡርዲክ ናሰና ሰርላ። 28 ጃር ኔስ ንክኻ ህምበው አመሪኻ መለሊዖትሊ ማልሳሻንካስ እናሃበ ሰሳዅ እንትን አሰል እምነት እጝገው እግዳ እንተት አዋሃበ ትክሰ ሰሰጋኹኩም። 29 እማ እንትጝር ውራ ቁደነትር ውራ ጅእደነትር ረገስትጋኽር ረመጭስጋኽር። 30 ኔስ አረሜን ካያ ጀረበነኩሎም እንታኽር ኔን ናውክ ጀረብደትኩም አርኡዅ። 31 ኒሲመርሲ ጀረባ ግን ግራ ኔን ናውካ ኮስትሮኩም ግን። 32 እንታኽር ሲመር እውሮኩም ኒንግስ ግን እማ “ኦ እቑቱ ሞራ ላሪ ጓቚትጋ። 33 እንታ ጠምዓትሲ ክድኖ ድቡራንድ እወሎም ስዋና አረረጋዅል ቁንቁና ቋጋዅል በለጋ እንድባ ዓስተርኹል ተባብ እሳ። 34 ኩእንድባ ህምባዅል ኩለበካ ኒል ግን። ተግሃኽር-አምናኽር 35 እንታሕቀቅሲ ደበልታ እንታቲዃኻ ትልጭ ይን። 36 እን ና አደራ ክኻንልድ አውን ወንተረት ጨበረውድሰና እንቶ እድሲ ቀርቀሖሰና ንርድ-ንርድ ብደውሰና ኣኻ። 37 እን ናኤደራ እንተሩ ሐሶሰዮ አረርሰው ንሽቕ ሻትካን ግን።ደበልቶ ነብሪል ሱኩስሮሎም እንሻቕሮሎምር እንተራኹድሰና ግን እምንድክ ይየኩም። 38 እን ሊጘርድ ወሪ ሲኾር ሰዓት ቂር ገፍል እንቶ እና ኺነ ኤረረንሎም ሻትካን ግን። 39 እንትን ኒስ ኤርኣ ልጝን አደራ ስዋና ውራ ወክት እንተረት ኤርኤን ሐሶስይርድ ኒልጝን ግኽስቲራሲክ ስቖብጊድ። 40 ኣዳሚንዱኹራ ውሪ ወክትሊ እንተረት አርእድኒ እማ ደለማ። 41 ቤጥሮሳ “መምህር እናድግም ኒስ ይነድ ካያ ማ ይራኹንሉ ወሪ ናድክድ” ይኹሉ። 42 ይናኣደራኻ ኒወክትድ ኡውሮሎም ናምድሲ ዕያል አደራ ፍሪራዅ ንሽቃ እሙንዲ ለበኪዅዲ አውኒ ግን። 43 ኒአደራ እናሃቡ ዲዋዅ ንሽቃ ሻትክ ግን። 44 ናድካ ኒገድ አወይሲ ሰየምደትሉ እምንድክ የኩንኩም። 45 ደኣም እን ንሽቃ ኒለበከድ ይአደራ ሺሸኲ እንኩዅ ዮ እን ንሽቕሲ ጠዓምብሮኽር ቁሮኽር ጅእሮኽር ሸከርዶኽር ተርሰን። 46 እን ኒጨበረጋ ግርግልር ኒአርእጋ ሰዓትልኽር እንቶ ዋኺትሮሉ ግን እን አምነገውዲ ጣልማንዲኻ አኽሮ ግን ኒበና። 47 ኒኤደራ ምራድሲ ኤርኦ ዋኑ ደለመጋዅ ወሪ ኒምራደሰናክ ኒወራት እሰጋዅ ገንጂና ገሪ ሒልድ ወንቀርስሮ ግን ወሪ ትክሰ ጠዓምብስትሮ ግን። 48 ደኣም እን ንሽቃ ላሪ አርእጊ ዋኺሳ ጋር እሰጝር ኒአርእምብነድ ስዳዋ ጣዓምባ ጠዓምብስትሮ ግን።እን ከላእ ኡውስታኹሉኻ ገሪው ወንቀርስሮ ግን ይኸ እንትክሰ ተፋነይሳዅ እሽባ ወንቀርስሮ ግን። ኒትክ ባርዶ ክርስቶስቲ ተለይና ወጀበኲ 49 እና ብሪል ለኻ ገምድያ እንቶህምባኽር ግን።ኣንጀረባዅ ሻኽሮ ግን፡ናን ናን አጐድስረን ውሪኮት ነገስሪድ። 50 አንጠመቕሳዅሉ ጅርበቱዅ ጥምቀት ህምበኩለ ኒል አኽራሲካ ይሰብር ገሪዅ ሽብውደኩለ እጝኩዅ። 51 አን ብሪል ደባን (ሰላም) ገምድያ እንቶ ህምባኽርማ ተካኹንኩም? አኽላ ሲድያ እንቶ ህምባኽር ግን፡ 52 ንደምብክ ላዕያሊ አንኳ ዋንተነንላ ሴዃ ለጛትልድ ሲሪድኖ ግን ሌጛኻ ሴዃትልድ ሲሪድኖ ግን። 53 እኽር ኒእኹረስ ኡኹራኻ ኒኽርሲ ወነንዶ ግን፡ገናኻ ንርቁረት እቑራኻ ንርገነት ወነንቶ ግን።ንዃዂኻ ንርኹረድ ቊትልድ እን ስርጉኻ ንር ንዃዂትልድ ሲሪቶ ግን ዩዅ። 54 እን ከውሲኻ ኳሪ ለብድ ብኳና ቋልድነሰና አሸሽድኖ ስዋ እሲሮ ግን ይደነኲ ኒሰናኻ አከኲ። 55 ኮዲሲ ወልወል እሰጛ ሸበላ አኽሮ ግን ይደነኲ ኒሰናኻ አከኲ። 56 ነበንቲ ቡጙት ዓስተርዲ ብራዲር በደልስነስ ፈረግዱኑ አዋ ሃብዲነ ግን እና ኣኻ ወራታትሲ ኤርእምብደናዅን? 57 ውሪዅ እንተላውድ እምን ፈረድኒ? 58 ኩሸከየንታዲ ፈራዲሪል ፈርዱ እን ፈረዶንታኻ እን ተከወውሊ ደኩሶ እውጊንካ እንተከወንትኻ ዕቆትሊ እንሸውግኒንካ ጉግሊ ዋንትሩ ኒዲ ኤረክስረሰነክ ሃቢ። 59 አከገጛ ዕቆትሊ ትውረሰና ሰላዲራ ግናይሊ አኽታሲክ ፈደይግሪ ፋግረት ድወኩንካ እንኩዅን ይኹሉ።
ፊዃ-13 ጥዕስትና ጀረብደት 1 እን ግርጋት እንዴላ ላው እንትኖሉ እን ጲላጦስ ገሊለሩሲ በረኾ ናብርሲ ናሰደቀትዲ ሐበበሬውድ ጋቢኒኹሉ። 2 ኒኻ ክልብርሰ “እና ገሊለሩ ኒስ ተካ ጅርበት ኤርኹሎም እን ኤሪው ገሊለሩልድ ትክሰማ ጂበው ተካኹንኩም?” 3 ኣኽላ እንትጝር እንታለፈክሊ ወንተርግደነን ናውክ ናሰና ድትኖ ግን የኩንኩም። 4 ወሪ ይኸ እን ሰሊሆምትል ኳና ለቦሎም ክረው ሽካ ሰኾታ ግርዋ ኢዮሩሳሌምትል ህምበውልድ ጂበውማ እርግኑዅ ተካኹንኩም? 5 ኣኽላ እንትጝር እንታዓገብድ ብሕልታ ሺወግደነን ናሰና ናውክ ድትኖ ግን የኩንኩም ይኹሎም። ካና በለሳ 6 እና ድግም ኒስ ጂጚስቲኹሎም፡ላግርዋ ኒጀርዲንሊ ካና በለሲሪ ሰጘቲሉ።ፍርር ጀረበኻ ንርትል እንቱዅ ደኣም ላሪ ድኳ ኤርለላ። 7 እን ጃርዲንሲ ተከወንታስኻ ይሲኾር አመራ ግን እና ካናትል ፍርር ጀረበ ወንተተርዅን ላሪኻ ኤርሊላ።አካንሲ ግምሽ ሻኽሮ ህምብረሪ ግን ቀረጪላ ይኹሉ። 8 ኒኻ “ሸልላትድ ግኽደ ጀኸራ ብቑስየላ ግን እማ ላአመረስ ህምብቶ ባሪላ”ይኹሉ። 9 አማር ፍሪትረጛ ኣጃ ፍሪተግረጛ ቀረጭስርን ዮ ወንተስኹሉ። ኢየሱስ ላእዅና ሓጓቢት እቢሰት 10 ሰንበርድ ጸሎት ልጝሊ ክንሱ እርጉዅ። 11 ኒላ ላእዂና ሽካሰኾታ አመራ ሽኹስትረሪ ዲዊቲሉ።ኒኒ ንርዕድር የውል እርግነዲን ሉምይሮ አኽገትክ ናዕ ይቶ ገረድሩ ሰጘላ። 12 ኢየሱስ ቋለሰነላ ሽጘ ኩሹዅዲልድ እቢርዱዅ ይኹላ። 13 ናንሲኻ ገምዱኹላ፡ንርድ-ንርዳ ናዕ ይቲ፡ጃርሲኻ ሓመድቲ፡ 14 እን ጸሎት ልጝን ኤደራኻ ኢየሱስ ሰምበርድ እቢስነዲንላ ሐረቕሮ እን ከውሲ እንታ ወራትሲ እሲትኖ ወልታ-ኳራ ህምበኩኩም ትልልስትኖ ሰምበርድ እንትጋ ይኹሎም። 15 ኢየሱሳ እንትን ቡጙት ነበንቲ እንተልድ ላዅ ሰምበርድ ኒቢረስ ወሪ ድዃረስ ዕቆትልድ እንኮ ዓቁ ጅእሰሮ ሚጥንሊ አዶወረደጋዅማ አኾ? 16 ነስ ዋስነሰና እን ወነኑሉ ግጅው ስማርኑዅ ከዋ ናውክ እን ኒ እሰ ጋርድ ፈርሕኑዅ። 18 ኮዶኻ “ሲመር ጃሩዅ ውረስ ተካዅን፡ውረኻ ተኪሲንሉ።” 19 ላግርዋ ኒከረመኒል ፈደሪ ፈደና እድሪሪት ተከዅ።ፈደና ኒኒ በኮልደሰና በሄር አኽቲ ጀከል ዓስተሩ ንር ለንክከል ናልጝንትስ ገበርኑዅ። 20 ኮዶኻ ሲመር ጃሩዅሲ ውረድ ተኪሲንሉ፡ 21 እን ላእዂና እቁቱገ ዓቁ መኰቱ ኤድሮ ሰኳ ርብዒት ላቕ ብልኩሮላ ይሮ መጭመጭሮ ሕበርደሪት ተከኲ። ጉግ ዓስተሩዅ ሽብው ግን 22 ኒኻ ኢየሩሳሌምትል አኽራሲክ ፈሩ ደገጊትልኽር ቀሻዊተልኽር ክንሱንሲክ ደኩ ሰጘኲ። 23 ላግርዋኻ ድዊ ያኣደራ እንደኤነው ኡቕቱ መናው ይኹሉ። 24 ኒኻ “እን ደንኣብ ሽብውድ ቱትኖ ለመለም የኩም።ውረድ ገሪው ንርድ ትውድኖ ጀረበኑኩ አከለሎማ የኩንኩም። 25 እን ልጝን አደራ ጔ እድሲ ኣበደሰና ከደን ኣኽድኖ “ዎይናኣደራ ብዲና ይድኖ እድሲ ቆርቊሕትኖ ግን ኒኻ ኣዊልድ እንትን ኤርእሊኩም ይሮኩም ግን። 26 እንሲን እንትጛ ውራኩዲ ቁኑኽር ጅእኑኽር እርግንማ እንትኻ ቃዓሪትል ክንስሩ እርግለማ ይትኖ ተርሲትኖ ግን። 27 ኒኻ እንትን ጂባ ከደምዱኑ ሰጝደናኽር ኒራ ስርግያ ይልድ፡ኤዊልድ እንትድነት ኤርእሊኩም” ይሮ ግን። 28 አብራሃምዲ ይስሓቅዲ ያዕቆንዲት ናትክ ነቡዋትዲት ሲመር ጃሩኹል ቋልድነሰነሎም እንትን ከደንሲ ዳገንስትኖ ግን ኒላ ስረናዲ እርኩኳ ሕርቂቕዲ አኽሮ ግን። 29 ብርክስጚልድር ኳሪ ለብልድር ሰሔትልድር ኮደይድር እንትኖ ሲመር ጃሩዅል ዓገልድኖ ግን። 30 እንሲን እንጃበር ሰጘው ደምቢትድኖ ግን፡እን ደምቢራ እርገዋ ጃቢትድኖ ግን ይኹሎም። ኢየሱስ ኢየሩሳሌምቲ ስሪኹላ 31 ኒል እንትኖኻ ላው ፈሪሳንልድ “ሄሮዱስ ኩሮካ ጀረበኲ እንኩዅ እማ ፈሪ ነትድ ፊ” ይንኹሉ። 32 ኒኻ ፈራ እንጫ ባይሖታስ ንኪዲ አመሪዲ መጃኒንስኽር ፍድያ ግን ሹኹሽተውሲኽር እቢስያ ግን ሲኾር ኳሪላ ድጞ ፈሪያ ግን። 33 ደአም ንኪኽር አመሪኽር አመሪንግራኽር ይወራትሲ ተርስያ ወንተርድያ ግን ውረድ ነቢ ኢየሩሳሌምይልድ ኤሪራ ክርዶ አከጋ ወራት ግን” የላ። 34 ኢየሩሳሌም ነቡዋትሲ ኩራኽር እንኩል እንሻቕሶ እንተውሲ ይኸ ክርጝድ ከትከትራኽር እን ዲርዋ ንር ጫቊትሲ ንርካንፍፍ ዓንቀይ እንኩልኩልደሪርሰና አንውሪከዶል ኩቑርሲ እንኩልኩልያ ጀረቢኹን እንትጛ ጉሽድኑዅለ። 35 እንታልጝን ባርዲልኩም እንትጛ እንጃር ሱጙድ እንተራዅ ገውርሳዅ ግን ይደና ወክት እንትራሲክ ቋልትኖለ አኽድኒ የኩንኩም እንኩኹን።
ፊዃ-14 1 ሰንበርድ ሳንስዓ ቁሮ ፈሪሳን ኤደራዲ ትውዅ፡ትዎሰናኻ አትቋመቱኑሉ እርግኑዅ። 2 ላግርዋ ኒጐድጉ ጓዅድ እንታኸቶ ህምባዅ ኒጃብል አንጦጠሉዅ። 3 ኢየሱሳ እንምሁራን ፍትሑዲ ፈሪሳንዲት “ሰምበርድ አቢስና ትክያዅማ አኽላ” ዮ ወንቀርኹሎሞ። 4 ናዋ ሳቆብኑዅ ኒኻ ኒናንድ ተመዶ እቢሶ ስብድኹሉ። 5 እንደ ሸኑራ አውኒ ግን እንተልድ ኒዅራወሪ ኒቢራ አቢል ለበንሉ ሰምበርድ ፍደጋዅሉ። 6 ላርኻ ወንተስድኖሉ ገረስኒ። ምእክርድ 7 ምድሊ ሽጝስተው ክብያ ቂጦታትሲ ፍሪረውሲ ቋለሰናኻ ነዋዮ ጂጝስቲኹሎም። 8 ድግምዳ ነዋ ይኹሎም “ላ አዳም ክኻንሊ ሽጘንካ ላዅ ኩልድ ኩጛዅ ሽጝስቶ ዋነን 9 እን ኩዲ ኒዲት ሽጛዃ አካንሲ ባሪሉ ይጊንካ እንትኻ ስማርዱ አካን ለጥ ያኹል ፈርግሪን አካን ጃብሪኹል ከፍ ይግ። 10 እማ ሽጝስትረሰና እን ሽጛዅካ ኒላውድ ላዅ ነራ አካን ክብያዅል አኺ ይራሲክካ ለጥያ አካንሊ አኺ። 11 እንሲን ናድካ ጃብል ሳብስቲቶ ውረድ እን ኒሹት ለጥሳዅ ሳብስቲሮ ግን እን ንሹት ክብሰዃ ቃበብስሮ ግን። 12 ይኸ እን ግርዋ ሽጛዅሲሉኻ ምድ እስረን ወሪ በዓል እስረን ኤዊ አርእኹን ናውር ሽጝግኒንካ እድኹር ወንተስና አኽጊንካ ኩት እንከልውሲ ወሪ ኩሻንሲ ወሪ ይኸ ኩወንድዲ ኩአግዋርዲ ገዱዲት ሽጝግ። 13 በዓል እስረን ድቡራንዲ ደልጓሳንዲ ዓረፍዲት ሽጚ። 14 ውረድ ነን ወንተስናዅካ ሻኽኒ ጉኑ ወንተስድኖካ ግን እማ እንሲን ሸተክታ ይኹሉ። ምድ በርከት 15 ላግርዋ ገዱዅ እን ኒል ዓገሉ እርገውልዳ ኒስ ዋሰሰና እን ሲመር ጃሩዅል ሳንሰዓ ቋዅ ሻትክ ግን ይኹሉ። 16 ኢየሱስ ላግርዋ ገዱዅ ምድ በሄርኮት ስኲሶ ከው ገሪውሲ ሽጙዅ። 17 ምድ ወክት አኾሰናኻ እን ሽጝስተውሲ ኒውክ ደለሙዅ እማ ሽጝድኖሎም ዮ ኒንሽቕሲ ፈሱዅ። 18 ደአም እንትግኒን ናውክ ላኰድጝድ ምስምስድኖ ተርሲኒዅ፡እንሰልፍዅ ኪድጝ ጅበ ህምበኩን እማ ምስምስቶለ ሺወኩንካ ይኹሉ። 19 እን ሊጘር ኮዶ እንኳ ሽምር ቢል ጅበ ህምበኩን እማ ወጠንድየሎም ፈርድያ ግን ምስምስቶለ ሺወኩንካ ይኹሉ። 20 እን ሲኾርኽር እዂና እሲነዲን እንትያ አከለለ ይኹሉ። 21 እን ንሽቃ ወንተሮ ኔስ ናትክ ኒ ኣደረድ ድዊኹሉ፡እንሲን እን ልጝን አደራ ሓረቕሮ እን ንሽቃስ ፈሪ ወለይዲ መሔገያተልኽር ደገጊር ቀዓሪተልኽር እማ ድቡራንዲ ደልጓሳንዲ ዓረፍዲ ቀሻይምዲት ናቕሲ ይኹሉ። 22 ኒደምቢ እን ንሽቃ ኒኤደረስ ኩምራድሰነክ እሲኹን ደአም ኣካን ከብተዅ ህምበኲ ይኹሉ። 23 እን አደራኻ እን ንሽቀስ “ደርፍፈልር ኬለባተልኽር ይልጝን እንታኽሮ አርዳ ግርዋስክ ሃብሬኹሲክ ሃብረ ናቕሲሎም” ይኹሉ። 24 ውረድ እንሽጝስቶ እርገውልድ ኒኾርሲክ ላዅ ናልድ ይሳንስዒልድ ታመላ የኩንኩም ይኹሎም። ኩሹ ቃበብሮ ኢየሱስቲ ተለይና ጀረብደት 25 እንሲን ከው ገሪው ኒዲ ፈሩኑ ግልጭዮ 26 “ላዅ ይት ተለይሮ ጀረበን ኒገነዲ፡ኒኽርዲ፡ኒእዂናዲ፡ኒቁርዲ ኒሻንዲት ኒሹት ከብተጊኽር ይልድ ክብሰ እንከላዅ ይዲ አኽሮ ገረሰላ። 27 ኒመስቀሊ ምኹሮ ተለየጋኹለ ይታለይቶራ አኽሮ ገረሰላ። 28 አወያዅ ግን እንተልድ ልጝን በሄርኮት ገበርዶ ጀረበሰና በደሮ ውሪካ ሰላዲ ዓቕተትሉ ሺበጋዅ። 29 አከገጛ ተርሰ ገፍል ባረሰና ናውክ ቋለውክሉ፡ 30 እና ግርዋ ኒን ገበርዶ ተርሰ ገፍገፍል ባራዅ ቀሺም ግን ዩኑ ቃበበነኩሉ። 31 ወሪ ይኸ አወያ ንጉስ ላንጉስዲ ተሓረብሮ ጀረበን እን ለጘረጝን ሲሕ ግርወዲ እንተራኹሲሉ በደሮ ሽካ ሲሕድ ጨመድሮሉ ገረሳዅ አከን ሰልፍ ትክሰ ኰድጘዅ ይኹሎም። 32 አከገጛ ስጙት ዋኑ ንሽቕ ፈሶ አረክ ሺወኩሉ። 33 እን ኒገድሲ ቃበበጋዅ ይታለይቶራ አኽሮ ወጀበለሉ፡ 34 ሽዋ ትክያዅ ግን ደአም ኒታሚትሲ ድሂሰን ውረድ ግን ኒታሚትና፡ 35 ከደን ማልሰኲ ግራ ብረድር ጀኻሪስኒልር ነፍዓላ ግምሽ ግን።ዋሳ እንቁዋ ዋስኒ-ኻ ይኹሎም።
ፊዃ-15 ኒዓገብድ ጥዕሳዅሲ ብሕል የኩሉ 1 ንድ ደምቢኻ ናውክ ወርኮታተውዲ ዓገቡዲ ዋስድኖሉ ኒል እንትኑዅ። 2 ፈሪሳንዲ ከታበንዲኻ አበዲ እናግርዋኒን ውረድ ግን ዓገቡሲ ኒከለብራዅ? ናዲኽር ቋኹን ዩኑ ትርቁምቁም ይኑዅ። 3 ኒኻ እና ድግም ኒስ ጂጝስቲኹሎም። 4 አውኒ ግን እንተልድ ሊኽ በጋ ዋንትረንሉ እማ ናልድ ላሪ ድድረንሉ እን ሰስረጝንዲ ሰሰት ጊሪል ባሮ እን ድድረሪት ኤርዳሲ ክላ ጀረቢሮላ ፈረጋዅ። 5 አሮሰነላኻ ፈርሖ ከስል ሙኹሮላ 6 ኒልጝል ወንተሮኻ ኒማስዲ ኒአግዋርዲት ሽጞ እን በጋ ድድሮለ እርግረሪት ኤርኹንላ እማ ላዃ ይዲ ፈርሓ ይኩሎም። 7 ሲመር ጃሩኹልር ኒሰና ግን ብሕልታ ጀረብደገውሎም ሰስረጝንዲ ሰሳ ሻትካንልድ ላዅ ዓገቡዅ ኒለበኪል ወንተራኹድ በዓል በሄርኮት አኽሮ ግን የኩንኩም። 8 ወሪ ይኸ አወይረሪ እዅና ሽካ ቅርሽ ወርኪው ሻኽረሪ ላሪ ናልድ ድድረንላ ኤርታሲክላ ቲዃስ ትልጭስረ ንር ልጝኝ ገሰሰግረሪ ኤርታሲክላኻ ትክስረ ጀረበግረሪ። 9 ኤርዶሶነላኻ ንርመቀልስኻር ንርአግዋርስኽር ሽጝሮ እን ድድሮለ እርግረሪት አርኹንላ እማ ላዃ ይዲ ፈርሓ የቲሎም። 10 ኒሰናኻ ንሽቕ ጃሩውድ ጃብልር ላዅ ዓገቡዅ ኒላ በኪል ወንተራኹድ ኒሰና ፈርሐት አከኲ የኩንኩም። ቁራ ሐከሎ እርጋዅ ጥዕስቶ ኒኽርሊ ወንተረት 11 ናዋ ዮኻ ጂጝስቲኹሎም ላግርዋ ላጛ እቊር ሰጘነኩሉ። 12 ናልድ እን ሽጓዃ አበ ይበነስ ናኽለ ይኹሉ።ኒኻ ኒ-ማልድ በነ እውኹሉ፡ 13 እን ቁራኻ ኒማል ከለብሮ ሺሽዶ ፈሩዅ ኒላ ፋይቶታትዲ ኒማልሲ ድጙዅ እን ኒ እርጋ ብሪላ ትግር በሄርኮት አዅዅ። 14 ክመውሲክ ከፍከፎሰናኻ ማሕገድል ገሙዅ። 15 እንሲን እን ኮቁርልድ ላዅዲ ምቓቓ አኽሮ ዋስስትጚዅ ወንኪርሲ ምቃቕሪሮሉኻ ኒኪድጝል ፈስዅሉ። 16 እንሲን እን ወንኪር ቋውልድ ሐጅር ገርበሹልድ ቁሮ ሰውሁ ሰጘኲ ደአም ላዅ እዋዅሉ አርላ። 17 እንሲን ኒለበኪል ወንተሮ ይኽርድ አርስ ሳንሳዓስ ብትኖ ማለነኩሉ እንኩኑዅ አንኻ ነት ከአርድ ክረኩን እንኩዅን። 18 ጔ ይኽርሊ ወንተረን ኪደኩለ ነዋኻ ይሪሉ “ዎ ኤበ፡አን ጃር ጃብልር ኩጃብልር ጂብድኹን። 19 ኩዅሪሰና ሃብረ ቋልቶለ ወጀበለለ።ላዅ ኩኤረሰሰና ከለቢለ ይሪሊ” ይዅ። 20 ጔኻ ኒኽርሊ ወንተሩዅ ኒኽርኻ ቅብልድ ሺራዅልድ ቋለሰነሉ ሳኻንተሉ ጋጙ ከለብሮሉ ሻኾ ሰለምኹሉ። 21 እን ኒዅራኻ “ኤበ ጃርጃብልር ኩጃብልር ዲብዶ ህምባኽር ግን ይምቊልናርድር ኩዅራ ይስትያ አከለለ” ይኹሉ። 22 ደአም ኒኽርኻ ኒአረስሲ ሽጞ ታኲን ሽርው ናቅስድኖ ሰሰሉ እና ይኹረስ ኒጭብዕሊ መርወድ፡ኒልኲሊኻ ሻፍ ቱሰሉ። 23 ልዊ ስዀት ኤድኖ በረኻ ቁንጝር ፋርሕንጝር። 24 ይኹራ ክሮ እርጋዅ ጒዅ ድዶ እርጋዅ ኣርስዅ ይኹሎም ፋርሕድኖኻ ተርሲኒዅ። 25 እን ኒዅራ ቅዳዃ ሰገሮ እርጎ ልጝሊ ሱኩሮሰና ከለንፉት ጠዓምበውዲ ፊቑሮውዲ ጎሊተውዲት ዋሱዅ። 26 እን ኤረስልዳ ላዅሲ ኒል ሽጞ “ውራ ተካ ጋርኒ ኒን ብርጃር ዳሕነማ” ዮ ዋንቀሩዅሉ። 27 ኒኻ “ኩዳን ወንተሩዅ እማ ኩኹር ልዊ ሳዃ ባራኹኹሉ” ይኹሉ። 28 ነስ ዋሰሰናኻ ሐርቕሮ ልጝሊ ቱነስ ጉሹዅ። 29 ኒኽራ ቱሮ ሺዊዅሉ ኒኻ ኤበ አን ነስካ ኤመታታ ኩዓንቀይሊ ኣኾ ኩምራድሲክ እሱኽር ኩምራድድ ፈሩኽር ኒኾርስክ ላኳራ ነገልዳይ ኡሮለ ኤርድላ ይማስዲ ፋርሕያ። 30 እና ኩዅራ ኒጛ ፋይቶታትዲ አኾ ማልሲ ማዕበኹድ ወንተሩዅ ይሮ ልዊ ሳዀት በራኽርኹን፡ዮ ወንተስኹሉ። 31 ኒኽራ “ኒሰና ኣኽላ ጠያቡካ እንቲ ዲማ ይዲ ህምብረኲ እን ይማል ናውክ ኩማል ግን፡ 32 እና ኩዳንኻ ክሮ ሰጛዅ እቢሩዅ ድዶ እርጋዅ አርስነዲን ቁኖኽር ፋርሕኖኽር ትክያዅ ግን” ይኹሉ።
ፊዃ-16 እምንሰጋ ሙነሰንታ 1 ኒታለይቶስኻ ላግርዋ ገዱዅ ላ ሙነሰንታ ንሽቃ ሰጘኩሉ።ላዋ እናሙነሰንታ ማልሲ ድሂሰኩካ እንኩዅ ይኖ ድዊኒኹሉ። 2 ኒኻ ሙነሰንተስ ሽጘ እና ኩሰበትድ ዋሰው ውራንግን ንድደምብክ ሙነሰንታ አኽቶለ ጀረበሊካ እማ ላዅ ኩወራትድ ሺብ ስኩሲለ ይኹሉ። 3 እን ሙነሰንታኻ ኒለበከድ “ይአደራ ይወራትልድ ፍድሮለ ግን ናን ውራ ሃቢን ጐድያ ኒሒል ሻኽሊ ሺውያኻ ስማረኩን፡ 4 ነትድ ዳገንሰሰና ናዲቢል ከለብረውለ አርድያ አን እሰውሲክ ይላውድ አርእኹን” ዮ ሃመቱኹ። 5 ንድኻ እን ይኤደሪል እድኹ ሻውሲ ላት ሽጘ እንጃበረስ “እንቲ ወንተስረው ውሪከው ህምባኹን ይኹሉ። 6 ኒኻ ሊኽ ጀን ደድ ይኹሉ።ኒኻ እህኒ ኩወረቀት እድኹሩዅ ኤድሮ አጝኩረጝን ይሮ ከተቢ ይኹሉ። 7 ኒደምቢ እን ሊጘርሲ “እንቲኻ ውሪከው ግን ኩእድኹ” ይኹሉ።ኒኻ ሊኽ ዕበላ ጀሩጉዅዋ ይኹሉ።ኒኻ “ኩወረቀት እድኹሩዅ ኤዲ እማ ሳዀትረጝን ይሮ ከተቢ” ይኹሉ። 8 እን አደራ እና ሙነሰንተስ ኒደይዓትድ ሳቢኹሉ።ውረድ እና እርድ ቁር እን በሪህ ቁርልድ ትክሲነ በሰረነኲ፡ 9 አንኽር ይየኩም ማልሲ ዱጝድነሰና ንዲሚ ልጝንትተል ከለብርየኩም ናድ እስዲነ እንከለውኩም ጀረባ የኩንኩም። 10 እን ከለለውሲ እምንሳዅ ኤርሳዅ እን ገሪውልኽር እምንሳዅ ግን እን ከለለውሲ ሐላል አኽጋዅ ገሪ ውሊኽር ሐላል አረርሰላኒ። 11 እማ ማል ህሽኪቡሊ ሐላሉ አኽገው አውኒ ግን ማል ሐላሉሲ እንታዓይብ ይኹኩም። 12 ማል ኤሪውድውድ አምንሰግደናኽር አኽድኖ ደምቢ እንታማልሲ ኤውኒ ኡሮኩም? 13 ለጛ ኤርደትድ እንሻቅስሮ ገረሳዅ እላ ውረድ እን ላዅሲ እንከሎ እብ ላዅሲ እንጠርዶ ግን ወሪ እን ላኹድ እንሻቅሶ እን ላዅሲ ቃበብሮ ግን።ጃርዲ ገዲት እንሻቅስትኖ አከለኩም። 14 ፈሪሳን ገድ እንከለው ነስ ዋስነሰና ቃበብኑኹሉ። 15 ኒኻ ከዋ ጃብል ሻትካን ተክዲነ ቋልስትደነኲ ጃር ደአም እንታ ለፈክሲ አርኡዅ።እን ከዋ ጃብል ጀንጀንሳዅ ጃርጃብል ፈንፈንሳዅ ግን ይኹሎም። 16 ኮዶኻ ኦሪትዲ ነቡዋትዲ ዮሓንስትል አኽራሲክ ግን ኒደምብክ ደአም ሲመር ጃሩዅ ሰበክሰኲ እንኩዅ።እንትዎዋ ናውክ ሒልድ ግን። 17 ደአም ኦሪትልድ ላሪ ሻሮት ለብረሪትልድ ዓስተርዲ ብረዲር ደኲና ስዳወኲ። 18 እን ኒ እዅነት ደቀሮ ኤሪ እዂና ዔሳዅ ደነየኲ ንራጝልድ ደቀርስረሪት ዔሳዅር ደነየኲ። ላግርዋ ገዱዅዲ አልኣዛር ሓግልዲ 19 ግርዋ ብታዅ ሐራይር ሰረውዲ ጀገራትዲ ሰራዅ ዲማ ታሚትድ መንደርታዅ ሰጘኲ። 20 ኒጭምድላ ኣልኣዛር ይስታዅ ግርዋ ለከንድ እንታኽታዅ ዓጨቢዅ ሰጘኲ። 21 እን ብታኹድ ግባርልድ ለበውሲ ቁሮ ብትሮኽር ሰውሁ ሰጘኲ ግሽጝ እንተረካ እን ኒለከንሲ ላንሹሉ ሰጘኲ። 22 እን ሐግልኻ ክሩዅ መላእኽት አብርሃምር ሕብጥሊ ገእሲኒኹሉ።እን ገዱዅር ኒሰና ክሩዅ እማ ደብቲዅ። 23 ሽኦልትል አላለ ዩኻ ምጨትድ ቀመድሶ ኒዕልልሲ አወት በርሰ እንደራ ሺሽዶ አብርሃምቲ ኒሕብጥላ አልኣዛርቲ ቋልዅ እማ። 24 አብራሃምቲ ሽጞ ሰኻንቲለ ኒአጫብዕሲ ዓቆል ጠቦቕስ ይላንቅስ ቀሽቀሽድሮለ ኣልኣዛርቲ ፈሲለ ውረድ እና ሃልሃልቲል ሓው የኩን እንኩኹን ይኹሉ። 25 አብርሃማ እንቲ ይኹራ ብሪል ዋንትሩ ታሚቶካ ሰጘኲ።ኣልኣዛራ ሓገስቶ ሰጘት አልብዲ ናን ደአም ነት ኒደፍኤት አሩዅ እንትኻ ጀረስትረኲ እንኩሩዅ። 26 ኮዶ ይኸ ነት እንተል ደኩሮ ጀረበው ዋነግኒን እንተልድር ነት ይነል ካርዶ ጀረበው ዋንተግኒን ይና ነበክል ቅራር ከላእኮት ህምበኲ ይኹሉ። 27 እማ ዎ ኤበ አን አጝኳ ሻን ሻኹን። 28 ናውር እና አካን ምጨቱኹል እንትግኒን ፈሀምድኖ ይኽርድ ልጝሊ አልኣዛርቲ ፈስቶሉ ኩዓይብ ይኹሉ። 29 አብርሃማ ሙሴዲ ነቡዋትዲ ህበነኩሎም ናት ዋሲኒን ይኹሉ። 30 ኒኻ “አኽላ ይኽር አብርሃም ክረውልድ ላዅ እንተረገንሎም ኤምነኒ” ይኹሉ። 31 ኒኻ ሙሴዲ ነቡዋትዲት ዋሰግነን ክረውልድ ላዅ ጓጝር ኤምነኒ ዮ ወንተስኹሉ።
ፊዃ-17 ኰድጛ ለበኪሳዅ 1 ኒ ታለይቶትሲ ዓንቆሪትና እንትጊ ከብተጋዅ ግን እን ኒ ሰበትድ ዓንቆሪትና እንተራዅ ደአም፡ 2 መላሉ።እና ግናቲትልድ ላዅሲ ከቲስኒልድ መጥቃን ድዃሪዅሲ ኒክርሚል እንሸውኖ በሓርሊ ማለነንሉ ኪድርድሉ። 3 እንተሹት ፈጠነኩም ኩዳን ዓገበንካ ዋኺቲሉ ጥዕሰጛ ብሕል ይሉ። 4 ግርግል ለጘታዶል ዓገበንካ ለጘታዶላ ብሕል ይለ ዮ ወንተተረንካ ባሪሉ ይኹሉ። 5 ኒታለይቶታ እምነት ኰዲና ይናአደራ ይንኹሉ። 6 ይናኣደራኻ እድሪ ፍሪኮት እምነት ክምደነን እናባንበት ምኩስትሮ ፈሪ በሓርሊ ተከልሲ ይደነንላ አኽርድኩም። 7 ኤውኒ ግን እንተልድ ላዅ አረሳ ወሪ ምቃቃ ዋነንሉ ዔረሰና አሸሽሮ ደኲ ቁቶ ዓገሊ ያዅ? 8 ሙነትሲ ሱኩሲለ አን ቊሪስክር ጅእሪስክር ድበልትሮ እንሽቕሲለ ኒደምቢ እንትኽር ቁታኽር ጅእታኽር የጋኹሉ? 9 ወሪ ኒ እንሽቃስ ኒጀረበሰነክ እሲነዲንሉ ሓመዳኹሉማ ተካኹንኩም? 10 እማ እንትጝር ኒሰና ይስታዅሲኩም እስዲነሰና ይን ላሪ ነፍዓግናኽር ንሽቕ ግንያ እን እሲኖሉ ሻዅ ወራትሲ እስኒኹን ያ ካያ። ኢየሱስ ሽካ ምግዱራን በርሰቱሲ እቢሰት 11 ኢየሩሳሌምትል አኽታሲክ ፈሩኻ ሰማርያዲ ገሊላዲር ነበክድ ደኩዅ። 12 ላድገትል አተዩኻ ሽካ በርሰትድ ዓደረው ሃደፍ ይንኹሉ። 13 ሺራኹል አኽኖኻ “ዎ ኢየሱስ መምህር ሰኸንቲና ዩኑ ጨርሕኑዅ። 14 ቋሎሰናኸሎም ፈርድኖ አቕሸትድ ቋልስታ” ይኹሎም።ፈሩኑኻ እቢርኑዅ። 15 ላዅ ናልድ እቢረት አርእስተሰነሉ ጃርሲ ሐመዱ ደምቢራ ወንተሩዅ። 16 ኢየሱስቲ ሐመዱኻ ኒጃብል ገሽድ ለቡዅ፡ኒኻ ሳምራዊራ እርጉዅ። 17 ኢየሱሳ ክልብርሰ “ውራ እን ለጭሐው ሽካ አኽገውማ?እንሰሳ አዊል ህምበናኹን? 18 እና ኮኹራ አኽጋዅ አኽገት ጃርሲ ሐመድሮ ናልድ ወንተራዅማ አርስላ” ዩዅ። 19 ኒታ ጒ ፈሪ ኩ-አማነት ደኤንድኹካ ይኹሉ። ሲመር ጃሩዅድ እንተርና 20 ፈሪሳን ሲመር ጃሩዅ አውን ግን ኒ እንተርና ይነሰነሉ ሲመር ጃሩዅ ሻሮት ቋልስታኹድ አኽላ ኒእንተርና፡ 21 እናሓን ወሪ እንጨሓን ያኹሉ እላ ሲመር ጃሩዅ እነሓን ነት እንተዲ ህምበኲ ዩ ወንተሱኹሎም። 22 ኒ ታለይቶስኻ ላ-ግርጋ ኣዳሚንድዅረስ ቋልትኖ ሸንህደነው ግርጋት እንትሮ ግን ደአም ቋልደኒሉ የኩንኩም። 23 እነሐኒ ነት ወሪ እንጨሐኒ እንጨደት የነንኩም ፈርገሎምር ዋስገሎምር። 24 ምርክ ብሪ ሸልድ ሸሊ ተልዋሕ ያዅድሰና አዳሚንድዅራኽር ኒ እንተርና ኒ ሰና አኽሮ ግን። 25 በደሮ ደአም ገሪዅ እና አሰል ነድ ሳደድስሮኽር በረይስሮኽር ግን። 26 እን ኖህር ግርጋት ሰና አኽሮ ግን። 27 ኖህ መርከብል ትዋ ግርግል አኽታሲክ ቁኑኽር ጅኡኑኽር ክኻንዱኑኽር ክኻንቱኑኽር እርግኑዅ።ስዋ ብሄርኮት ና አወይሲ ለቦኻ ታረቕድኹሎም። 28 ሎጥር ወክትድር ኒሰና አኹዅ ቁኑኽር ጅኡኑኽር ክዱኑኽር ጅቡኑኽር ተከሉኑኽር ገበሩኑኽር እርግኑዅ፡ 29 እን ሎጥ ሶዶምትልድ ፈ ግርግልኻ ዓስተርልድ ላኻዲ ረመጭዲ ገሞ ኒትክ ድሂስኹሉ። 30 ኣዳሚንድዅራድ እንተርናኽር ኒሰና አኽሮ ግን። 31 እን ግርጋትሊ እራሪል ዲወዅ እራኳ አድሮ ዮ ልጝሊ ገምጊን ሰገሮ ዲወዅር ዔርጊኒ። 32 ሎጥር እዂነት አልብዳ።ኒፊኹትሲ ተከውሮ ጀረባዅ ድሂስሮላ ግን ኒ ፊኹትሲ ድሂሳዃ አርዶላ ግን። 33 እን ግርገር ቂርሊ ለጛ ላ አርግል ገንጁኑ አርስድኖ ግን ላዃ አስትሮ ግን ላዃ ባርስትሮ ግን። 34 ለጛ እኲን ላት ተአኑኑ ዲዊድኖ ግን። 35 ላርኻ አስትቶ ግን ላሪኻ ባርስትቶ ግን የኩንኩም ይኹሎም። 36 ናዋ አዊላ ይና አደራ ይኑኹሉ ዕምቕ ህምባ አካንሊ ጋማት ኒል ግን ና እንኩልኩልስና ይኹሎም።
ፊዃ-18 ጸሎትሊ ተባ ጀረብደኲ 1 ዲማ ቂልስግኒ ጸሎት እሲድኖ ጀረብደትሎማ፡ 2 ድግምድ እናሃበ ጋቢኹሎም።ላድገትል ጃርሲ ጓቊተጋዅ ከወልድኽር ስማረጋዅ ፈራዲራ ሰጘዅ። 3 እን ድገትልኻ ላባይኦራ ሰጘቲ ኒኒ-ኒል ወንተተርደክ እና ይዲ ዋኺቶ ህምባዅዲ ዲቢትሮ ፈረዲለ ይሩሉ ሰጘቲ። 4 ኒኻ በደሮ ገሪ ወክት ጉሹኹላ ደምብርጝ ደአም ኒለበከድ “ጃርሲ ጓቊተገጝር ወሪ ከውሲ ስማረገን 5 እና ባይኦራ ኒ-ኒ ወንተተርደክ ገንጃ ገብግሪንለ ረትዕደንላ” ኪደኩለ ዮ ሃመቱዅ፡ 6 ይና ኣደራኻ “እና ሃሽከበንታ ፈራዲራ የውሲ ዋስድኑዅማ? 7 እማ ጃራ እንቂርዲ ገርክዲ ኒል ዋዕየውሲ ከለብሮ አሸሻኹድ ናፍትሕ እውጊሎም ከብቲሮማ ተካኹንኩም? 8 ወለይዶ ናፍትሕ ኡሮሎም ግን የኩንኩም አከን ደአም ኣዳሚንዱዅራ ብሪል እንተሰና አማነት ኣርስሮማ አኽራ። 9 ኢየሱሳ እን ናሹት ሻትካን ሀበውሲ ኤሪውሲኻ ቃበበውሲ እና ድግም ኒስ ድዊኹሎም። 10 ለጛ ግርዋ ጸሎት ልጝሊ ትውኑዅ።ላዃ ፈሪሳዊራ እርጉዅ እንላዃ ዓገቡዅ እርጉዅ፡ 11 እን ፈሪሳዊራ ኒል አንጦጠሎኻ ኒለበከድ “ዎ ያደራ እንኤሪ ግርውሰና ስኳንዲ ሃሽከበውዲ ደነየውዲርሰና አኽሊ ወሪ እና ዓገቡዅ ንሰና እሲግራኽርለ ሐመደኩንካ፡ 12 እውናሪሊ ለጛዶል ሹመኩን ይማልድ ሽከር አብሲ ኡወኩን ዮ ጸሎት እሲዅ። 13 እን ዓገቡዃ ስርግዮ ገሽድክብሮ “ኦ ያደራ ይት ዓገቡዅሲ ስኸንቲለ ዮ ኒናሓርሲ ጠዓምቡ እርጉዅ ግን ግራ ኒዕልልሲ ዓስተርሊ በርሲሮኽር ረደይላ። 14 እንዲልድ ኒን ሸተኮ ኒልጝሊ ወንተሩዅ።ውረድ እን ኒሹት ሳባዅ ስማርዶ ግን እን ኒሹት ቃበባዃ ሳብስትሮ ግን የኩንኩም። ኢየሱስ ግናቲትሲ ገወረት 15 ግናቲትሲኻ ናንሲ ገምድሮሎም ይኖ ኒል ናቕስንኹሎም፡ኒታለይቶታ ነስ ቋልነሰና ውኺትንኹሎም። 16 ኢየሱሳ ሽጘሎም ግናቲትሲ ይል እንትድኖ ባረሎም ውረድ ሲመር ጃሩዅ ናሰና የውዱዅ ግን። 17 ሲመር ጃሩዅሲ ግናይሰና አኾ ከለብረጋኹክ ትወገትሉ እምንድክ የኩንኩም። ገድ ሻዅዲ ሲመር ጃሩዅዲ 18 ላዅ እን ኒል እርገውልድኻ “ዎ መምህር በኪት ጀነትሲ ውራ እሰን ግን ይለውና?” ዮ ወንቀሩኹሉ። 19 ኢየሱሳ “ውሪዅ በኪት ይራኹንለ? ላዅ ጃር ኣኽጋዅ በኪት እላ። 20 እን ደነይግ ክውግ ስውግ ብንድ ሸርግ ኩኹርዲ ኩገነዲት ሳቢ የው ትእዳዳትሲ ኤርእርዅ” ይኹሉ። 21 ኒኻ “ነስ ናትክ ይሹግልድ ተርሰ ተከወው ግን” ይኹሉ። 22 ኢየሱሳ ነስ ዋሶሰና “እማ ላወራቲ ከብትረካ ህምበቲ፡ፈሪ ዓስተርሊ እንድባ ተበብቶ ዋንተኹሲክኻ ክድሮ ድቡራንድ እውሮ ለሄኪለ ይኹሉ። 23 ኒኻ ዓቕትራሲክ ገድ እርግነዲንሉ ነስ ዋሶሰና ገሪዅ ቁርቁርቱዅ። 24 ኢየሱሳ ቁርቁርተት ቋለሰ፡ “እን ገድ ሻው ሲመር ጃሩዅል ትውድኖ ገሪዅ ሓገዳዅ ግን፡ 25 ገድ ሻዅ ሲመር ጃሩዅል ትዋኹልድ ግሚላ መርቢ ዕልድ ደኩሮ ስዳወኲ ይኹሎም። 26 እን ነስ ዋሰዋ “እማ አወያዅ ግን ደኤንዶ ገረሳዅ?” ይኑዅ። 27 ኒኻ “እን ከውድ ገረስተጋዅ ጃርድ ገረስተኩሉ” ይኹሎም። 28 ቤጥሮስ “እነሓን ይን ኒትክ ባርኖ ተለይንኹንካ” ይኹሉ። 29 ኢየሱሳ “ሲመር ጃሩኹድ መታን ልጝን ወሪ እዂና ወሪ ሻን ወሪ እኽርዲ ገነዲ ወሪ ኮዶ እቁር ባራዅ፡ 30 እና እርድሊ ገሪ እሽባ እን እንተራ ዲመር መናብረትሊኻ ድጙስተጋ መናብረት ለውሮ ግን የኩንኩም” ይኹሎም። 31 ንድ ደምቢ እን ሽካ ለጘት ናቱ ኤድኹሎም እማ “እነሓን ኢየሩሳሌምትል ተረገስነኩን እጝኩኑኹን እን ነቡዋት አዳሚንድኹረስ ቋላ ወራት ከተቡነዋ ኒውክ አኽሮ ግን ይኹሎም። 32 አረሜንድ ደኩስኖ እውድኖሉ ግን።ናዋ ቃበብድኖሉኽር ጀኺድኖኽርሉ ኒዳግር ብርጪቕ ይድኖሉ ግን። 33 ከትከትኖሉ ደምቢኻ ኩድኖሉ ግን።ደአም ኒ ሲዀር ኳሪል ጉሮ ግን ይኹሎም። 34 ናዋ እና ወራታትሲ ላሪ ድኳ ፈሄምኒ፡ጋብነን ናልድ ትብቶሎም እርግነዲን ላሪ ኤርእስትለሎም። ኢያሪሆትል ላዓረብሲ እቢሰት 35 ኢያሪሆር ገቢላ ላዓረብ ጉግ ሸሊ አኾ ሺዉ እርጉዅ። 36 ኒን ከው ደኮውሲ ዋሰሰና “ዳሕነማ” ዮ ወንቀሩዅ። 37 ናውኻ “ኢየሱስ ናዝሬትሩዅ ደኮኲ እንኩዅ” ይንኹሉ። 38 ኒኻ “ዎ ይአደራ ኢየሱስ ዳዊትኹራ ሰኻንቲለ” ዩንሲክ ዋዕዩዅ። 39 እን ጃብረድ ፈሩ እርገዋ “ሰቆቢ” ይኖ ዋኺትኑኹሉ ኒኻ ኮዶ ትክሰ “ዳዊቱዅራ ሰኸንቲለ” ዮ ዋዕዩዅ። 40 ኢየሱሳ ደውዩዅ እማ “ይል ናቕሰሉ” ይኹሎም። 41 ኒል ስኩሮሰነኻ “ውራ እስየልካ ጀረብራኹን?” ዮኻ ወንቀሩኹሉ።ኒኻ “ዎ ይአደራ ቋልያ ጀረበኩን” ይኹሉ። 42 ኢየሱሳ “ኩእማኒሰና ቋሉ ኩአማነት ደኤንድኹካ” ይኹሉ። 43 ንርድ-ንርዳ ቋሉዅ ጃርሲ መእኰትዱኻ ኒጉርበት ፈሩዅ። ናውክ ከው ኒስ ቋለው ጃርሲ ሐመድኑዅ።
ፊዃ-19 ኢየሱስ ዘኬዎስር ልጝሊ 1 ኢየሱስ ኢያሪሆትል አተዮ ኒድ ደኩዅ 2 እናሓና ግርዋ ዘኬዎስ ይስታዅ ግርዋ ገዱዅ ወርኮታት ፍደውድ ኤደራ ኒል እርጉዅ። 3 ኒ ኢየሱስ አውኒ አኸት ቋልዶሉ ጀረቡ እርጉዅ።ድርጛዅ አኽነዲንኻ ከዋ ብጅኽድ አክና ቢኹሉ። 4 ኢየሱስ ኒድ ደኩ እርግነዲንኻ ጃብራ ጋጘ ባምባትል ዓረጉዅ። 5 ኢየሱስ ኒል ገእዮሰና አወት ናዕዮ መኸልቱዅ እማ “ዎ ዘኬዎስ ላዅ ገሚ አሸሺ ንኪ ኩልጝሊ እርግያ ሻኹን ይኹሉ። 6 አሸሾ ገሞኻ ፈርሐትድ ከለብርኹሉ። 7 ናውካ ኒስ ቋልነሰና ኒን ፊዅሮ ልጝን ዓገቡዱዅል ትዋኹን ዩኑ ጉድዕድዕ ይኑዅ። 8 ዘኬዎሳ ጌ “ዎ ይአደራ እና ይማለልድ ድቡራንድ በኒሪ ላዅሲ አደያኽር አከንኻ ሰጃ እሽባ ወንተሰሪሉ” ይኹሉ። 9 ኢየሱስ እንሲን ኒት ንኪ እና ልጝን ኒል ደኤና ገሙዅ ውረድ ንኽር አብርሃምዅራ አኽነዲን ግን። 10 ኣዳሚንዱዅራ ድዶ ሰጛዅሲ እልልድ ግን ኒ እንታዅ። ድግም ማላዅ 11 ናዋ ኒስ ዋስኖሰና ኢየሩሳሌምትል ስኩሮ እርግነዲን እንሲን ሲመር ጃሩዅ ቋልስታዅ ተኪነዲንሉ ነዋዮ ድግምድ ጋቢኹሎም። 12 “ላግርዋ በሀሊናዅራ ሲመር ከለብሮ ወንተርዶ ድገ ሺራኹል ፈሩዅ። 13 ሽካ ኒንሽቕሲ ሽጞ እና ሽካ ምናናትሲ ኣን ወንተርዲሲክ እንተሹሺ ፍሪሰሎም ዮ ፋነይኹሎም። 14 እን ኒኮቊር እንጠሩኑሉ ሰጚንነዲን ‘ኒን ይነል ሰየምስሮ ጀረብነሊ’ ዩኑ ኒጉርበት ግርው ተለይድኹሉ። 15 ሲመር ከለብሮ ወንተሮሰነኻ ላኹክ ውሪከው አረት አርእሮ ዮ እን ኒማልሲ እዎ እርገውሲ ኒል ሽጝድኖሉ አደዱዅ። 16 እንጃበራኻ “ዎ ያደራ ኩምናን ሽካ ፍሪቲለ” ዮ ሱኩርኹሉ። 17 ኒኻ “ወሃግን እንቲ በኪት እቁቱትል ሳብስትረኽር ሽካ ድገትል ሰየምሲ” ይኹሉ። 18 እን ሊጘርር እንቱዅ እማ “ዎ ይአደራ እን ኩምና ናት አሪው አንኳ ኰድቲ” ይኹሉ። 19 ኒስር ኮዶ አንኳ ድገትል ሰየምሲ ይኹሉ። 20 ላዅ ኤሪዅ እንቶኻ “ዎ ይአደራ እነሓን ኲምናን ሽልቱትሊ ኰሸሮላ ሰጘኩን፡ 21 ውረድ እንቲ ገምድግራዅ ጉድራኽርዲ ፈዲግረዋ አተይስራኽር ግርዋ ተባዅ አኽረት አርኡ እርግነዲን ግን” ይኹሉ። 22 ኒኻ “ነበንታ ገንጂና ቅዩር አን ገምድጋዃ ጉዳኽር ፈዲገውኻ ዔሳኽር አኸት ኤርእሩ 23 ውረድ እንይማልሲ ባንከትሊ ገምድግሪሉ? አን ንኪ ይውንትሪል ኒ ፍሪተውዲክ አድሪድሉ ሻኽር ግን” ይኹሉ። 24 እን ኒል እርገውሲኻ እንምናንሲ አድኖ እንጫ ሽካ ሻኹድ እወሉ ይኹሎም። 25 ናዋ “ዎ ይናአደራ እንጫ እንዲን ሽካ ምናን ግራ ሻኹን” ይንኹሉ። 26 ኒኻ ሻዅድ እውስትሮ ግን፡እንጋዅዳ እን እቁቱ ዋነውሉኽር አስትሮሉ ግን የኩንኩም። 27 እን አን ናል ሰየምስያ ጀረቡ እርግገውሲኻ ነት ይጃብል ናቕስድኖ በረኸሎም ይኹሎም። ኢየሱስ ሳቡርድ ኢየሩሳሌምትል ዔረት 28 ነስ ዮ ጋበኻ ኢየሩሳሌምትል ተረገስሮ ናጃብ ጃብል ፈሩ እርጉዅ። 29 ጊራ ደዱዅ ይስታኹል ቤት ፋጌዲ ቢታንያዲትል ስኩሮሰነ ኒታለይቶትልድ ለጘት እንሻቆ፡ 30 “እና እንታ ጃብል ህምባ ድገትል አዳም ጨዓንስጋዅ ጌንብ እንሽውሶ ዲዊሮኩም ግን እንክድኖ ይል ናቕሰሉ ይኹሎም። 31 ውሪዅ እንክደናኹንሉ ዮ ላኹክ ጋበንኩም ይናአደራ ጀረበኩሉ የሉ” ይኹሎም። 32 እን እንሸቕሰዋ እን ኒያኹደሰነሎም ዲዊኹሎም። 33 ናዋ እን ጌንብሲ እንኩኑ ኒአርደት ጌንብሲ ውሪዅ እንክደናኹን ይንኹሎም። 34 ናዋ ይናአደረድ ጀረብዳኹሉ አኽነዲንዋ ይንኹሎም። 35 አድኖሉኻ ኢየሱስትል ናቕስንኹሉ።እን ጌንብል ናታኲንሲ ዓደፍድኖኻ ኢየሱስት ጨዓኑኹሉ። 36 ፈሩኻ ናታኲንሲ ጉግሊ ወሸቅዱኑሉ እርግኑዅ። 37 ጊራ ደዳዅ ኩልኩሊበስ ገምሮ ስኩሮሰናኻ ኒታለይቶት ናውክ እንአምራት ቋልነውድ ፈርሕኖ ደሃይሲ ክብሲነ፡ 38 እንጃር ሱጝድ እንተራዅ ንጉስ ዓስተርሊ ሰላም ብሪላ ሓምደ አኽኒ ዩኑ ጃርሲ ሐመድድኖ ተርሲኒዅ። 39 ከዋ ነበክል ዲወዋ ፈሪሳንልድ መምህር ውራ ኩታለይቶትሲ ዋኺተለሎም ይንኹሉ። 40 ሰቆበነጝር ክርጝ ጨርሕሮ ግን ዩ ወንተስኹሎም። 41 ድገትል ገእዮሰነኻ 42 ዎ ኢዮሩሳሌም እና ንኪር ግርገድ ኲደአነድ አኻ ወራትሲ አርእራኽር አክረን ደአም ኩዕልልድ ሔገይሶኪ ህንበኲዩ ስሪኹላ። 43 ውረድ ኩት እንጠረው ኒድክድ ኬለብኖ ከረፋነኪ ግርጋት እንትሮ ግን።ኒድክድ ኬለብኖ ሳደድኖኪ ግን። 44 ናጸሎት ልጝሊ ትዎኻ ኒል ክደውሲ። 45 ይልጝን ጸሎት ልጝን ግን ያዅ ክቱብ ህምበኲ እንትጛ ጋኻ ስኳኑዅ እስዲኒኹሉ ዮ ዳገንዶሎም ተርሲዅ። 46 ወንተተረካ ጸሎት ልጝሊ ክንሱሎም እርጉዅ።አቕሸታ በህሊንዲ እን ከውዲኻ ኩድኖሉ ኣትዋየንዱኑ እርግኑዅ። 48 47 ከው ናውክ ዋስድኖሉ እኺርኺረዳግ እንኩልኩልሱኑ እርግንነዲን አዋሃብነት ኤርእምብስቲኹሎም።
ፊዃ-20 ኢየሱስር ሒል 1 ልጝን ጸሎቱዅሊ ክንሱኽር አበሸርዱኽርኻ አቅሸታ በህሊንዲ ከታበንዲ ሽማገሌታትዲ ኒል ስኩርኖኻ። 2 “እንደ ድዊና አውር ምራድድ ግን እና እንቲ እስረው አውኒ-ኒ እና ኒሲ ያኹካ” ዩኑ ወንቀርንኹሉ። 3 ኒኻ “አንኽር ላሪ ወንቀርድየኩም እንደ-ወንተሰለ፡ 4 ዮሓንስር ጥምቀት ዓስተርልድማኒ እማ ኣዳምትልድ?” ይኹሎም። 5 ናዋ ናሹር ናሹ ኰድጚነ ‘ዓስተርልድ ግን’ ይነን እማ ውሪዅ እምንግድኒሉ? ይሮና ግን። 6 ከወልድ ግን ይነጛ ናውክ ከው ዮሓንስቲ ነቢራ አኸወድ እምነነኩሉ እማ ክርጝድ ሕንጭልጭሊት ይድኖና ግን፡ይኖኻ ናለፈክ ሀመትኑዅ። 7 አዊልድ አኸት አርእናዅ ሻኽኒ ይንኹሉ። 8 ኢየሱስኻ “አጝር አውር ምራድድ እሰት ድወሊኩም” ይኹሎም። ድግም አረስ ጠራራኑዅ 9 9.ኢየሱስ ከውዳ እና ድግም ኒስ ጂጝስቲሮሎም ተርሲዅ፡ኒከረመኒል ጭንድቕ እሲዅ።አረስድ ምዳሶሎማ ሺሽዶ ፈሮ ኤሪ ኮል ገሪ አሜታት ህምቡዅ። 10 10.ኒወክት አኾሰናኻ እን ኤረስ ፍርር ጀቢቡ እውድኖሉ ኒንሽቀስ እንሻቁኹሉ ናዋ ጠዓምብኖ ካያ ወንተስንኹሉ። 11 ኮዶ ሊጘር ንሽቃ ፈሱኹሎም።ኒትር አድኖ ጠዓምብኖኽር ጀኺነኽር ካያ ወንተስንኹሉ። 12 ኮዶ ሲዀር እንሾቕኹሎም ኒስር መድኖ ከደን ማልንኹሉ። 13 እንጭንድቕ አደራ ውራ እሲን ውራ ሃቢን? እና ይዅራ አንእንከላዅሲ ፈሰን አዊ አርእኹን ኒት ስማርድነሉ ዩዅ። 14 ደአም እን አረስ እንተራዅሲ ቋልነሰነሉ ኒን እን ለወንታ ግን ይነሹሺ ለውኖ ኩንንሉ ይስትትጚኒዅ። 15 ሻኽኖኸሉ ጭንድቕልድ ጔ ሰስኖ ፍድኖ ኩኑኹል።እን አደራ ናን ውራ ሃቢረሎም። 16 እን ኤረስሲ እንቶ ድሂሶ ኒጭንድቕሲ አሪውድ ምዳስራ።ናዋ ኒስ ዋስነሰና ያእ ኒና አኽጊኒ ይኑዅ። 17 ኒኻ ተጝሰ መኸልቶሎም እን ክርጛ ነደቀው ቃበብነሪ ድኩር መሔገይር አዅዅ ያዅ ክቱብ ውሪ ይናግን? 18 እና ክርጛ ንሂትል ለባኹካ ከርትትጚሮ ግን ይኸ ንሪ ኒዳግ ለብራኹር ረጨቕስሮ ግን ይኹሎም። ቄሳርሲ ወርኮት እውና 19 ከታበንዲ አቅሸታ ነሀሊንዲሲኻ እና ድግም ኒን ናት ቋላዅ አኸት አርእስቶሎም ሻኽድኖሉ ሃንተር ይኑዅ ደአም ከውልድ ጉኢትኑዅ። 20 ኒ ጋበል ከታ አርድኖሉ እማ ዲቢል ሸከይኖ ደኩስኖ እውድኖሉ ይኖ ሓላልቁር ተኩኑ ወጠነውሉ ፈስንኹሉ። 21 ናዋ ኒል እንትኖኻ “እማ መምህር እንቲ እምን ጋብረትር ክንስረትር ይኸ ጃር ጉግሲ ትክያኹድ መርሕረትር ይኸ ከው ውራ ይድነለ ይግሪ ምለግረትር ከትነሊ። 22 እንደ ድዊና ቄሳርሲ ወርኮት እውና አካኹማ አከላ?” ዩኑ ወንቀርንኹሉ። 23 ኒኻ ናተሓቲትሲ አርኦ “ውሪ መታን ግን እንትን ወጠንደናኹለ? 24 እንደ ላሰላዲራ ቋሊሰለ እና ሻሮታትዲ ክቱብዲ ኤውሩናውኻ” ይኹሎም።ናዋ ቄሳርዱዋ ይንኹሉ። 25 ኒኻ “እማ ኒን አኾደንቢ ቄሳርዱዅሲ ቄሳርሲ እዋ ጃሩዅሲኻ ጃርድ እዋ” ይኹሎም። 26 ናዋ ከዋ ጃብል ኒጋብድ ከቲሲድኖሉ ገረስኒ እማ ኒወንተስነድ ፈከርስኖ ሰቆብኑዅ። ሰዱቃንዲ ክሪውዲ ጉናዲ 27 እን ክሪልድ ጉና እላ የው ሰዱቃንልድ ላው ወንቀ ርድኖሉ ይኖ ኒል እንትኑዅ። 28 “ድዊ መምህር ሙሴ ግርዋ ክኻንተ ህምባዅ እዃርጊ ክረን እን ባይኦረት ኒዳን ለውንላ ኒዳንድ እዅራ ባርዶ ዮ ከተቦ ህንበኲ። 29 እማ እንቲ ዋስራኹማ ለጘታ ሻን ሰጘነኲ።ንልድ እን ጃበራ እኲና ዔሶ እዃርጊ ክሩዅ። 30 እን ሊጘርዲ ሲዀርዲኽር ቱኑኹላ። 31 ኒሰና ለጘተክ ለውኑኹላ ናውካ እዃርግኒ ክርኑዅ። 32 ደንቢረድ እን እዂናኽር ክርቲ። 33 ናጛ ለጘተክ ለውኖላ ሰጚንነዲን ወክት ጉኒዅድ አውኒ ግን ንርጝ አኽሮ” ይንኹሉ። 34 ኢየሱሳ “እና ብሪል ከው ክኻንደነኩር ክኻንተነኩር። 35 እን እንተራ እርድሊ ጉኒል ደአም ክኻንደንኽር ክኻንሰኒኽር፡ 36 መላእኽቲርሰና ኒዀርሲክ ክረኒ ።ጉነድ እዃርስንነዲጛ ጃር ቁር አኽድኖ ግን። 37 ክሪው ጓነት ይኸ ሙሴት እንገርበት ጳጦስሩኹል ጃር አብርሃምሩዅዲ ኢሳቕሩዅዲ ያዕቆብሩዅዲ ያዅሲ ፈሀማ። 38 ናውክ ኒድ መንደርተው አኽንነዲን ኒ ጃር መንደርተውዱዅ ግን ግራ ጃር ክረውዱዅ አኽላ” ይኹሎም። 39 እን ከታበንልድ ላዋ መምህር ትክየው ጋብሪዅ ይንኹሉ። 40 ንድ ደምቢ ላዅ ረደዮ ወንቀርዶሉ ስኩርለሉ። ክርስቶስ ዳዊትስኽር ኒአደራ አኸት 41 ኒኻ አዋሃበ ግን ክርስቶስቲ ዳዊትኽራ የናኹንሉ። 42 ዳዊት ኒላውድ ኒክቱብል አደራ ይአደረስ ኩት እንጠረውሲ ድኩር ኩልኩከው እሲሪሲክ፡ 43 ይላውል አኺ ዮሉ ዋኑ አዋሃቢነ ደአም ክርስቶስቲ ዳዊትኹራ ግን የናኹንሉ። 44 እማ ዳዊት ይአደራ ዮ ሽጞሉ ደንቢ አዋኸ ግን ኒ እዅራ አካኹንሉ ይኹሎም። 45 ናውካ እን ከው ሸኑሩኑሉኻ ኒታለይቶትሲ ነዋ ይኹሎም። 46 “እን ታኲን ሺረውሲ ሰሪነክ ቀዓሪተል ጅልወው ከውቋልዶሎም ጸሎት ልጝንተልኽር ቂጦታት ሽኻሩሊ አኽድኖ ሙነትል ሽጝስተነጝር ክብያ አካንሊ አኽድኖ ፍሪረው ከታበንልድ ፈተና። 47 ነን ባይኦታት ልጝንትትሲ ቋው ምሊድኖኽር ጸሎታት ሺረው እሰው ነን ፍርድ ሒለቱዅ ከለብርዶሎም ግን የኩንኩም”።
ፊዃ-21 ሰደቐት መብልዳናሩዅ 1 መኸልተሰነኻ ገድ ሻው እንድባ ሞባኡኹል ሰደቀት ገምደውሲ ቋሉዅ። 2 ላባይኦራ ድቡራ ለጛ ሰላዲራ ገምድረሪት ቋሉዅ። 3 እማ “እምንድክ የኩንኩም እና ባይኦራ ድቡሪ ናድከልድ በጀኽድሮ ገምድሮ ህንበቲ። 4 ውረድ ናውክ ኤሪውክ ናጠምዓትል ከብተውልድሎም ግን ናው ጃርድ ገምደናዅ ኒንኻ ንርዓጨቢል ንሪ ሻኽራ ማልሲ እውቲ” ዩዅ። ቤት መቅደስ ዖና አክና 5 ቤት መቅደስ ክርጝ ሽኻሩውድ ኒገበርስነዲ ከው እውነው ማልድ ሰርገይሶ ህምባኹዳ ጋቢኒኹሉ። 6 ኒኻ እና እንትን ቋልደናዅክርጛ ክርጚ አውይሲ ሃገግጊ ከብተጋ ግርጋት እንትጊ ህምበላኒ ይኹሎም። 7 ናዋ “መምህር ኒን አውን ግን ኒአክና ኒሻሮትኻ አወያዅ ግን።ይኖ ወንቀርኑኹሉ። 8 ኒኻ ከተግድኒን ፈጠና ውረድ ገሪው አን ግን ዩኑ ይሱጙድ እንትድኖኩም ግን ደአም ዋስገሎም። 9 እንሽኽዲ ድልቕልቕዲ ዋስደነን በኸኽርጋ ሰልፍ ኒን ኒውክ አኽሮ ህንበኩሉ ደአም ኒድጙስትና ኒድ ኒድ አኽሮ ኣኽላ። 10 ከው ከዋ አወይሲ ንጉስ ንጉስ አወይሲ ጉሮ ግን። 11 ኣኻ አካንሊክ ትግርዲ ዕድር ሒለቱዅዲ ብሪ ውልቅናዲ አኽሮ ግን። 12 ንድጃብ ደኣም ይሱጝ ሰበትድ ሻኽድኖኩምር ረመጭድኖኩምር ግን።ናዲቢልኽር እንሽውኖ ደኩስኖ እውድኖኩም ግን።ንጉስዲ አስያምድር ጃብል ስኩስድኖኩም ግን። 13 ኒስ ኒትክ ሳምዕ አኽትኖ ግን። 14 ውራ ይድኖ ወንተስደነት ሳሀሮትል ትውጋ ኒስ እንታለበኪል እንኩረሉ የኩንኩም። 15 ውረድ አን ናትክ እንተት እንጠረውኩምር ተሐረበውኩምር ሸከየውኩምር ገረሰግነኩም ጋብ እንታ አብል እሰየልኩም ግን። 16 እክልዲ ሻንዲ ወንድዲ እንታሻሙዲ ከብተግኒ ደኩስኖ እውድኖኩም ግን።ላውሲ እንተልድ ኩድኖ ግን። 17 ይሱጝ ሰበትድ ናውክ እንጠርድኖኩም ግን። 18 እንታ አኾርልድ ላ ሽብካ ድኳ ድደላ። 19 እንታዓቕልድ እንታርሒት ደአንድትኖ ግን። ኢየሩሳሌምር ለብነዲ ኒሊጘር እንተርነዲ 20 ኢየሩሳሌም ተሓረበውድ ከረፍስሮ ህምብረሪት ቋልድኖሰና እንሲን ንርለባ ስኩረት አርኣ። 21 ይሁዳትል ዲወው ጊተል እግሪኒን።ድገር ዓንቀይል ዲወውኻ ኒልድ ፊኒን ሰገሮ ዲወው ኣተይግኒን። 22 ውረድ ኒን ኒውክ እንክቱብ አካ ግርጋ ግን። 23 እን ግርጋት እንዴን እኲን ጐስኩዲ ነብሰውዲሲ መላለን ብሪል ሒለቱዅ ማሕገድ አኽሮ ግን።እና ከው ነድ ኣወይሲ መዓት ገምሮ ግን። 24 ሴፍድ በረኽስድኖ ግን ሄለል ይስትኖኻ ኒልክ እርድሊ ኮከይስድኖ ግን ኒውክ ተመምራሲካ ኢየሩሳሌም አረሜንድ ዳድስትቶ ግን። 25 ኳራዲ አርባዲ ሽንግርውዲትል ሻሮታት ቋልስትሮ ግን።ራሐር ህምምነድር ኒኣፍሉት ሐጨፍስነድር ናዓቕል ሽብዎ ሃበናኹክ ድድሮሎም ግን። 26 ሒል ዓስተሩ ረመጭስሮ ግን እማ ከው እን እርድሊ እንተራ ጋራትሲ ጨበርነዲ ጓቁዲሲ ናለፈክ ድድሮሎም ግን። 27 እንሲን ኣዳሚንዱኹረስ ኒ በሄርኮት ሒልዲ ኒሳቡርዲክር ብኳንዲ እንተራዅሲ ቋልትኖ ግን። 28 እና ወራታት አኽሮ ተርዮሰና እንታ ድኤንና ስኩርነዲን እንታአኾርሲ ናዕሳ ይኹሎም። በለሲ ካና 29 ላድግምድኻ ነዋዮ ጂጝስቲኹሎም “ካና በለሲሪትኽር ኤሪ ካንስኽር ማኻልታ። 30 ጠጥዕሮ ተርዮሰና ቱጛን ሱኩረት እንተላውድ ኤርእድኑዅ። 31 ኒሰና ተካ ጋራትሲ ገመውሲ ቋልድነሰና ሲመር ጃሩዅ ሱኩረት አትዋየንዳ። 32 ኒን ኒውክ እንትጊ እና አሰል ነን ደኮግነት እምንድክ የኩንኩም። 33 ዓስተርዲ ብረዲ ድኩሮ ግን ይጋበኻ ደኮላ። 34 እንታለፈክ ድብጥናርድኽር ሽከር ነድር መንብሮ ታሚት ብሪዅ ሃሰው ይዱኑ እን ግርጋ ሃደፍድ እንትግሪንኩም ፈጠና እንተሹ ተከዋ። 35 ውረድ እን ግርጋ ኒልክ እን ብሪል ህምበውሊ መሰሊሰና ሃደፍድ ናዳግ ገምሮ ግን። 36 እማ እን እንተራ ወራታትልድ እግርትኖ ኣዳሚንድዅሪ ጃብል ፍሪርሰው ኣኽትኖ ዲማ ጸሎትሊ ተውሃ” ይኹሎም። 37 ኢየሱስ ገርክ ጸሎት ልጝሊ ክንሱ እርጎ ቂር ፈሮ ጊራ ደዱዅ ይስታኹል ኩ ሰጘኲ። 38 እን ከዋ ዋስድኖሉ ይኖ ጉራብድ ጸሎት ልጝሊ ፈሩኑ ሰጘነኲ።
ፊዃ-22 ኢየሱስቲ ኩድኖሉ ገለልስጚነት 1 ፋጅኻ ይስታዅ በዓል ቅጨሪዅ ስኩሮ እርጉዅ። 2 አቕሸታ በሄሊንዲ ከታበንዲኻ ከውሲ ጓቁትኖ አዋሃቢነ ኩወነትሉ አርእምብስተሎም እርጉዅ። 3 እንሲን ሴጣጛ እን ሽካ-ለጛትልድ ይሁዳ አስቆሮታዊራ ይስታዅል ትውዅ። 4 ኒን አዋሃበ ኢየሱስቲ ተሓቲትድ ደኩሶ እወትሎም አቅሸታ በሄሊንዲ ቤት መቅደሱዲኽር ኰድጚሮ ፈሩዅ። 5 ናዋ ፈርሕኑዅ ሰላዲ እውድኖሉኻ ጋርሲ ድጙኑዅ። 6 ኒኻ ሻኺስሮሉ ናዲ ዋስስትጚዅ እማ ከው እንኩልኩልሰጋ ጭምዋ ግርጋ ጫበሩኑ እርግኑዅ። ሙነት ፋጅኺዅሲ ደለምድና 7 በጋ ፋጅኺዅ በረኽሳ ግርጋ በዓል ቅጨሪዅ ገእዩዅ። 8 ኢየሱሳ ቤጥሮስዲ ዮሓንስዲት በጋ ፋጅኺዅሲ ቁኖ ፈራ ደለምደና ይኹሎም። 9 ናዋ ኣዊል ስኩስኖካ ጀረብራዅን ይንኹሉ። 10 ኒኻ ድገትል ዔርዱኑ ግርዋ ጀን ዓቋዅ ሙዅሮ ፈራዅ ሃደፍ ይሮኩም ግን እማ እን ልጝን ኒ ትዋዅሊ ኒ ጉርበት ፈራ። 11 እን ልጝን አደረሳ መምህር እን ይታለይቶትዲ በጋ ፋጅኺዅሲ ኒል ቋዅ ልጝን አዊን ግን ይኹካ የሉ። 12 ኒኻ ልጝን እዳናዅ ቂጦታት ሻዅ ቋሊስሮኩም ግን ኒል ደለምዳ ይኹሎም። 13 ፈርነሰነኻ እን ኒ ያኹድሰናሎም ኣኾ ዲዊኹሎም።በጋ ፋጅኺዅሲኻ ኒል ደለምድኑዅ። ሻትክ ቁርባን እሲዅ 14 ኒወክት አኾሰናኻ ኣተዮ ሙነትሊ ዓገሉዅ።እን ሽካ ለጛ ታለይቶትኽር ኒዲ ዓገልኑዅ። 15 እን ጅርበት እንተራኹድለ ጃብ እና በጋ ፋጅኺዅሲ እንተዲ ቁያ ገሪዅ ሸንህኹን። 16 ደአም ኒስ ንድ ደንቢ ሲመር ጃሩዅል ተመምጊ ኒኾርሲክ ቋገትሉ የኩንኩም። 17 ዋንጨስ ጉዶኻ ሐመዱዅ እማ ኒስ አድኖ ናውክ በንስጘሉ። 18 ሲመር ጃሩዅ እንትራሲክ ኒዀርሲክ ሚድ ጀቢቡልድ ጀኤገት የኩንኩም። 19 ኮዶ ሳንስዓስ ጉዶ ገውሮ ሸረፎኻ ኒን ሰደቀት ኣካዅ ይስኻ ግን።ኒስ ይታና እሰሉ ዮኻ እውኹሎም። 20 ኒሰና ዋንጨስ ሙነት ደንቢ አዶ “እና ዋንጫ ኒን እንተድ ቡቐተው ይብር ዓደት ሒዲስ ኪዳኑ ግን ዮ እውኹሎም። 21 ደአም እንደኩሶ እዋኹለ እነሓን ሙነትሊ ኒ ናኒ ይዲ። 22 አዳሚንድኹራ እንከተብሶሉ ህምባኹድሰና ፈርዶ ግን።እን ኣዳሚንድኹረስ ሻኺሳዅ ግርዋኻ አጀዋ ይኹሎም። 23 ናዋ እናወራት ኒስ እሳዅ አውኒ ግን ዩኑ እኺርኺርሲ ወንቀርድኖ ተርሲኒዅ። ናልድ አውኒ ኩጘት 24 ናልድ አውኒ ኩጘት እኺርኺርሊ ጉኑዅ። 25 ኒኻ ሰየም ከዋ አወይሲ ሰየምስኖ አርደት ኣከነኩሎም።እና ናአወይሲ ሲመር ከለብረዋ ትክሰነኩሎም ይስተነኲ። 26 እንትን ኒሰና ኣኽትኖ ተከጊንኩም፡እንተ ነበክል በሄር ኣካዅ ሰልፍ ሽጓኹድሰና አኽኒ እን ቅዳዅ ንሽቂሰና አኽኒ። 27 እን ሙነትል ዓገሎ ህምባዅ እማ እን እንሸቅሳዅ አዊን ግን ኩጛዅ ተካኹንኩም?እን ዓገሎ ህምባዅ አኽለማ? እማ አን ደኣም ንሽቂሰና እንታ ነበክል ህምበኩን። 28 እንትን ይማሕገድል ይዲ ተብድኑዅማ 29 እንትን ይሲመርሊ ይዲ ዓገልድኖ ቁትኖኽር ጅእትኖኽር ግን ቂጦሪል ከፍ ይድኖኻ ሽካ-ለጛ አሰል እስራኤልድቁርሲ ፈረድትኖ ግን። 30 እን ይኽር ይት ሲመርሲ እዋኹድሰነለ አንኽር እንተድ እወኩንኩም እንኩኹን። ቤጥሮስዲ ኒጨርዲ 31 ኮዶኻ “ዎ ስምኦን! እነሐን ሸይጣን ጀሩጉሰና ወረውሮኩም ሺዊዅ። 32 ኣን ደአም ኩእምነትሲ በረይግሪን ጸሎት እሰልካ ህምበኩን”።እንቲኻ ወንተርዶሰና ኩሻንሲ ኣረጋ ይሎም። 33 ኒኻ “ዎ ይኣደራ ኣን ኩዲ እንሸውስያኽር ክርድያኽር ደለሞ ህምባኽር ግን” ይኹሉ። 34 34.ኢየሱሳ “ዎ ቤጥሮስ እምንድክ ድውየካ እንቲ ንኪርቂርሊ ዲርዋ ኳየጊ ሴዃ ዶል ኤርእሊሉ ይሮ በረይቶለ ግን” ይኹሉ። 35 ኮዶኻ እንሸቑኩም ሕሽኩልዲ ማርዲ ሽንፍፍዲ እንገት ነቐሳኹኩም እርጉዅማ? ናዋ “ላሪ ድኳ ነቐስለና” ይንኹሉ። 36 ኒኻ “እማ ናን እን ሕሽኩል ሻዅዲ ማር ሻዅዲ ኣዳ ባርገሎም።እንጋዃ ኒታዊነስ ክዶ ሴፍ ጅቢን። 37 ውረድ እን ሃሽከበውዲ ሺብስትኹን ያዅ ክቱብ ኣኽሮር መታን፡ኒዀርክ ይል ኣኽሮ ህምባዅ ግን የኩንኩም። 38 ናዋ ነት ይነዲ ለጛ ሴፍ ህምበኩና ይንኹሉ ኒዃ “ዓቅተው ግን” ይኹሎም። ኢየሱስ ጌተሰማኒትል 39 39.ኒ ክኒርሰናኻ ኒልድ ኒታለይቶትዲ ጊራ ደድኹል ፈሩዅ። 40 40.ኒል ገእዮሰናኻ ሸርሊ ቱውግድኒን ጸለያ ይኹሎም። 41 ናልድ ክርጚ ሕንጭልኮት ሺርዮኻ እብርክዮ ነዋዮ ጸለዩዅ። 42 “ዎ አበ ኩምራድ አከን እና ጅርበትሲ ይልድ ደኩሲሉ ደአም ኩምራድሰና ኣኽኒ ግራ ይምራድሰናታ አኽጊኒ” ዮ ጸለዩዅ። 43 ደፍእድሮሉኻ ዓስተርልድ መልኣኽ ቋልስትኹሉ። 44 ኒ ፊኹት ክሪል ገእዮኸሉ ኒስድቕ ብርሰና ብሪል ጀደድይራሲክ ኒሒልዲክ ጸለዩዅ። 45 45.ጸሎትልድ ጔ ኒታለይቶትሊ እንቶሰናኻ ህርግት ተቖሎም ገንጅኖ አርኹሎም። 46 46.ኒኻ “ውሪዅ ገንጅደናዅን ውራ ጉሰኒ ጸሎት እስደኒ ሸርሊ ለብግድኒን” ይኹሎም። ኢየሱስ ሻኽስተት 47 እናኸ ጋቡኻ እነሓን ከው ከላእ እንትኑዅ፡ይሁዳ ይስታዅ እን ሽካ ለጛትልድ ናጃብጃብል ፈሩ እርጉዅ።ኢየሱስቲ ሰለምሮኻ ስኩሩዅ። 48 ኢየሱሳ “ድዊ ይሁዳ እንቲ አዳሚንድኹረስ ሰለም ነድማ ደኩስሮ እውራኹን” ይኹሉ። 49 እን ኒዲ እርገዋ እንጋር አርእስቶሎም፡ “ዎ ይናአደራ ሴፍድ ጠዓምብንመሎም?” ይንኹሉ። 50 ላዅ ናልድኻ ገንጂና አቅሽታ በሄሊናዅሲ ጠዓምቦ እንጝቋ ላውሪት ነተፍኹሉ። 51 ኢየሱስ “ደአም ህምባ አቕትራ” ይኹሎም።ኒትኻ እንቁዋስ ትምድሰ እቢሱኹሉ። 52 እን ኒል እንተው አቅሸታ በሄሊንዲ ቤተ መቅደስ ተከዎውዲ ሽማገሌታትዲትኻ ነዋ ይኹሎም፡ላዅ ሱዋኒሰናማ ኣስያፍዲ ግምፍፍዲሲ ደበልትድኖ እንተርደናኹን? 53 ውራ ገርክ ቤተ መቅደስሊ እንተዲ ዲማ እርጉ ሰጘሊማ ላዶን ድኳ ሻኽትኖለ ሀንተር ይድኒለ።ንኪ ደአም እንታ ወክትዲ ሲመር ጭልሙዅዲ ግን ይኹሎም። ኢየሱስ ዲቢ ጃብል 54 ሻኽኖኽሉ ኣቅሸታ በሄርድ ልጝሊ ኤድንኹሉ።ቤጥሮሳ እንደራ ስርግዮ ቅብለድ ተለዩሉ እርጉዅ። 55 ቃዓሪታ ነበክልኻ ሞራ ሻኽስኖ ካውሩኒ ቤጥሮስናዲ ጃጋሕ ዩዅ። 56 ላዓንቲ ልሽካ ላኻ ገቢል ጀጋሕዮ ህምባኹሲ ቋልዶሰና ተጝስረ ማኻልትሮ ኒጝር ኒዲ እርጉዅ ይቲ። 57 ኒኻ እንቲ እዅና ኤርእሊሉ ዮ በረዩዅ። 58 ኮዶ ላዶን ግጀሰና ኤሪዅ ቋሉኹሉ እማ እንትኽር ናልድ ግን ይኹሉ ቤጥሮሳ እንቲ ግርዋ ኣኽሊ ዩኹሉ። 59 ላመደት ግጆሰና ኮዶ ላዅ ኤሪዅ ኒጝር ኒዲ እርጉዅ ገሊለሩኽር ግን ዩዅ። 60 ቤጥሮሳ እና እንቲ ይራዅሲለ ላሪ አርእሊሉ ይኹሉ።ንርድ-ንርዳ ኒ ጋቡ ዲርዋ ኳዪዅ። 61 እንሲን ይናአደራ ግልጭዮ ቤጥሮስቲ መኻልትኹል።ቤጥሮሳ እን ይናአደራ እንቲ ዲርዋ ኳየጊ ሲዅን በረይቶለ ግን ዮሉ እርገት እልብዱዅ። 62 ከደን ፈኻ ገሪዅ ስሪዅ። 63 እን ግርው ኢየሱስቲ ሻኾ እርገውኻ ምሉኑኽርሉ ጠዓምቡኑኽርሉ እርግኑዅ። 64 ገሽሲ ጀርመምኖኻ ጠዓምቢነክ እንደ ኤውኒ ግን ጠዓምባኹካ ዪነክ ወንቀሩኑሉ እርግኑዅ። 65 ጀኹኑሉኻ ኒኣወይሲ ኤሪ አከጋ ጋብር ጋቡኑሉ እርግኑዅ። 66 ብራ ክሰሰናኻ ከዋ በሄሊንዲ ከታቤንዲ እንኩልኩልስኖ ናዲቢል አድንኹሉ። 67 “እንቲ እን መሲሕ አክረን ድዊና እንደ” ይኑኹሉ።ኒኻ “ድወንኽርኩም ኤምንደኒለ። 68 ይኸ ወንቀረንኩምኽር ወንተስደኒለ፡ 69 ደአም ኣዳሚንዱኹራ ሒል ጃሩኹድ ላውል ከፍ ይሮ ግን ይኹሎም። 70 ናውኻ “እማ እንቲ ጃር ኹራ ግን ይኑኹሉ?” ኒኻ ኣን ኒሰና አኸት እንትጝር እንተላውድ ይደነኲ እንኩድኑዅ ዮ ወንተስኹሎም። 71 ናዋ “እማ ይን ይነላውድ ሙቁላ ዋስኖሉ ደምቢ ውሪ ሳምዕታት ጀረብዳኹንና ይኑዅ።
ፊዃ-23 ኢየሱስ ጲላጦስር ጃብል 1 እን ዲቢቶ እርገው ናውክ ጉኖኻ ጲላጦስትል ኤድኖ ፈርኑኹሉ። 2 “እና ግርዋ ኒን ይና ከውሲ ከቲስሮ ቄሳርሲኽር ወርኮት እውጋ ይኸ ኣን ክርስቶስ ንጉስ ግንኽር የኩ” ዩኑ ሸከይድኖሉ ተርሲኒዅ። 3 ጲላጦስ “እንቲ ኣይሁዳ ንጉስማ?” ዮ ወንቀሩኹሉ።ኒኻ ወራ ኩላውድ ይረኲ እልላማ” ዮ ወንተስኹሉ። 4 እንሲን ጲላጦስ እን አቅሸታ በሄሊንዲ እንከውዲት “አን እና ግርዋ ኒል ላሪ ከታ ኤርሊሉ” ይኹሎም። 5 ናውኻ “ገሊላትልድ ተርሰ ነት አኽራሲክ ኒልክ ኒ ምህሮሲ ከውሲ በጭበጨዅ ዩኑ ተብድኖ ሸከይኑኹሉ፡ ኢየሱስ ሄሮዱስር ጃብል 6 ጲላጦስ ኒስ ዋሰሰና እን ግርዋ ገሊላሩዅ አከን ወንቀሪሱዅ። 7 ሄሮዱስር ሕክም ገፍልድ አኽት አሌለዮሰነኻ ሄሮዱስትል ፈስኹሉ።ንኽር እን ግርጋትሊ ኢዮሩሳሌምትል እርጉዅ። 8 ሄሮዱስ ገሪ ግርጋትልድ ተርሰ ኤየሱስቲ ቋልዶ ጀረቡ ሰጚነዲን ቋሎሰነሉ ገሪዅ ፋርሑዅ ውረድ እን ንዋሱ እርጋ ጋራትድ ኒድ ላአምር እሰን ቋልዶ ጨበሩ ሰጘኲ። 9 ገሪዃ ወንቀሩኹሉ ኢየሱስ ዳኣም ላሪ ድኳ ወንተስለሉ። 10 አቅሸታ በሄሊንዲ ከታቤንዲ ኒል ኣኽኖ ገሪዅ ሸከዩኑሉ እርግኑዅ። 11 ሄሮዱስኻ ኒዓስከርዲ ሐበርሰ ቅበሲ ጀኸሉኻ ታዊና ብርቕርቕ ያዅ ሰሶ ጲላጦስትል ወንተስኹሉ። 12 ጲላጦስዲ ሄሮዱስዲ እንጠርስጙ ሰጘው እንሰከትል ኤረክሲኒዅ። ክራ ፈረድነትሉ 13 ጲላጦስ አቅሸታ በሄሊንዲ ሽማገለ ከወውዲ እንኩልኩሎ፡ 14 እንትን እና ግርወስ ከውሲ ከቲሰኲ ይድኖ ይል ናቅስድኑኹሉ፡አንኻ እነሐን እንታጃብል ወንቀሮሉ እን እንትን ይድናኹድሰና ኣኽላ ላሪ ከታ ኤርሊሉ ይኹሎም። 15 ሄሪዱስር ላሪ ከታ በሰነክሉ ይነል ዋንሱኹሉ።ላሪ ዓገብ ክሪል ገእሳዅ ድኳ ሻኽላ። 16 እማ ነዋያዅ አኾ ደምቢ ቀለጦ እንክየሉ ግን ይኹሎም። 17 ደአም በዓልድ በዓል እን እንሸውሰውልድ ላዅ እንክስትሮ ክኒ እርግነዲንሎም፡ 18 ናውክ ላት “ኒስ ድሂሲልና ባርባንቲ እንኪልና” ዩኑ ጨርሕኑዅ። 19 ባርባን ድገትል ድርግርግ እሰ ግርዋ ኩዎ እንሸውሶ እርጋዅ ግን። 20 ጲላጦስ ኢየሱስቲ እንክሮሉ ጀረቢነዲን ኮዶ ሐዲስድ ወንቀሩኹሎ። 21 ናዋ ኮዶ ኣቅትራሲክሎም “ከርከርዲሉ፡ከርከርዲሉ” ዩኑ ጨርሕኑዅ። 22 ጲላጦስ ሲዀርድ ወንተሮ “ውራ ሙቁላ እሲኹን ክሪል ገእሳዅ? ላሪ ድኳ ከታ ኤርሊሉ።ኒን አኾ ደንቢ ቀለጦ ጠለቕየሉ ግን” ይኹሎም። 23 ናውኻ ኰዲነክ ካኒል ከርከርስሮ ተብድኖ ሸከይኑኹሉ። 24 እንሲን ጲላጦስ ናምራድሰና አኽሮሎም ዮ ፈረዱኹሉ። 25 እን ናው ሺዉኑ እርግናዅ ሰና እን ግርዋ ኩዎ እንሸውሶ እርጋዅሲ እንኩኹሎም፡ኢየሱስቲኻ ናውጀረብናዅሲክ እሲድኖሉ ደኩሶ እውኹሎም። ኢየሱስ ቀራንዮ አኽታሲክ ፈረት 26 አድኖ ፈሩኑንሲክሉኻ ስምኦን ቀሬናዊራ ይስታዅ ጊሪልድ ዔራዅ ሃደፍ ይኹሎም።ሻኽኖሉኻ እን መስቀልሲ ምቁስኖሉ ኢየሱስር ጉርበት ፈረሰነክ ሃቢኒኹሉ። 27 ከው ገሪው ግርውዲ እኲንዲ ተለይኑኹሉ፡እን እኲንኻ ስሩኑሉ እርግኑዅ። 28 ኢየሱስ ናል አኽታሲክ ግልጭዮ ነዋ ይኹለን “ዎ ኢዮሩሳሌምር እንቃቅ እንተሹዲ እንታ እቁርዲሲ ስራ ግን ግራ ይድ ይድኖስረጋ” ይኹለን። 29 ውረድ ኩሪሩዲ ሕርማት እዃርገውዲ እንጉኲ ነብሰገውዲ ገዲ ግን ይስተነውለን ግርጋት እንትሮ ግን የኩንክን ይኹለን። 30 ውረድ እን ግርጋት እንዴል ጊት ይነዳግ ለበጛ እሮትር ሔገየና ይደና ግርጋት ተር ይሮግን። 31 “እን ካናቁጣዅ እናዳኽ ደምቢ ካና ኢዳዅ ኣዋኺሮ ግን” ይኹለን። 32 ለጛ ሱኳን ምቁልሲኽር ኒዲ ከርከርድድኖ ኤድኑኹሎም ኢየሱስ መስቀሊ 33 ቀራንዮ ይስታ አካንሊ ገእይነሰነኻ ኒል ካንል ከርከርድኑኹሉ።እን ለጛ ሱኳንሲኽር ላዅሲ ኒላውል ላዅሲኻ ኒሸንገብል ሰቀልኑኹሎም። 34 ኢየሱሳ ኒኽርሲ “ዎ አበ እና ናው እሰናዅሲ ሻኽግሎም፡ኤርእምብነድ ግን ብሕል ይሎም” ዩዅ።ኒ ሰረንሲኻ ቅሻ ማልኖ በንስጚኒኹሎም። 35 ኒል እርጋ ከውር ደውይኖ መኸልቱኑ እርግኑዅ እንሽማገለኽር “አሪውሲ ደኤንዱ ሰጛዅ ኒን እን ጃርድ ፍሪርሳዅ ክርስቶስ አከን እንደ ናን ኒሹት ደኤንድን” ዪነክ ምሉኑሉ እርግኑዅ። 36 37 እን ዓስከርር መዓቡኑሉ እርግኑዅ ኒል ስኩር ይኖኻ ሚድ መንሸው እውኖሉ አይሁድ ንጉስ አክረን እንደ ናን ኩሹት ደኤንዲ ዩኑሉ እርግኑዅ። 38 ኒን አይሁድ ንጉስ ግን ያዅ ክቱብ ኒ አወይሲ እሲኒኹሉ።ኒንኻ ጽርኢሲኽር ሮማይስጢሲኽር ዕብራይስጢሲኽር ከተብሶ እርጉዅ። 39 እን ኒዲ ከርከርሰው ሙቁልድ ላዃ “እንቲ አበዲ ክርስቶስ አክረን ኩሹትር ይነትር ደኤንዲ” ዮ ጀኺኹሉ። 40 እን ላዅ ደአም “ውራ እንቲ ኒስ ተካ መዓት ገሞካ ዋንቱኽርማ ጃርሲ ጓቁተላ? ዮ ዋኺትኹሉ። 41 ይነታ ይናምቁልናርድ ይና ናኒ ኤርቲና ኒኻ ውራ ምቁልናር ክመ” ዮ ዋኺትኹሉ። 42 ኢየሱስትኻ “ዎ ይና አደራ ኩሲመር እንተራኹል ኤልብዲለ” ይኹሉ። 43 ኢየሱሳ እምንድክ የኩንካ እንቲ ንኪ ጀነትሊ ይዲ ትውቶ ግን።የኩንካ ይኹሉ። ኢየሱስር ክራ 44 ሰዓት ወልተር ቅያስ አኩ ኳራ ጨልመቲ፡ሰዓት ሰሳትልኻ ኒውክ ብራ ጨልመቱዅ። 45 ሕርበት ቤተ መቕደሱዅ ለጛትል ሒቐ ዩዅ። 46 እንሲን ኢየሱስ ደሄይሲ ክብሶ “ዎ አበ ይፊኹቲት ኩናንተል ገምበኩን” ዮ ፋነዮ ደምቢ ኒፊኹቲ ፍቲ። 47 እን ሊኽ አደራ ኒስ ቋሎሰና “ግርዋ ኒን እምንድክ ሻትክ ግን” ዮ ጃርሲ ሐመዱዅ። 48 እን ኒል ቋልድኖ እንኩልኩልሶ እርገው ከውር አኸውሲ ናትክ ቋልነሰና ና-ነሐርሲ ጠዓምቡኑ ድገትል ወንተርኑዅ። 49 እን ኢየሱስቲ ኣርአውሉኽር እን እኲን ገሊላትልድ ተርሰ ተለየውሉኽር ሺራኹልድ ቅብሊስኖ እን ኣኻ ወራትሲ ኣትቋመቱኑ እርግኑዅ። ኢየሱስር ደብትና 50 እነሓና ግርዋ ሻትክ ዮሴፍ ይስታዅ ዲቢ ኰድጚዅ፡ 51 ይሁዳር ድገ አርማትያስሩዅ ሲመር ጃሩዅሲ ጨበራዅ ናኰድጚልር ናወራትልኽር ኒ ናን ሕበሪጋዅ፡ 52 ጲላጦስትል እንቶ ኢየሱስር በድንሲ ሺዊኹሉ። 53 ካና ጠልዮ እርጋኹልድ ገምዶኻ ደበላንሊ ትብሎ ላዅ ትውጋዅ ሸሺል ከኽሮ እርጋዅ ጎቕሊ ትውሱኹሉ። 54 አመሪትል በዓል ሰንበሩኹል ደለመና ኩንጝ እርጉዅ። 55 እን እኲን ገሊላትልድ ኢየሱስቲ ተለይኖ እንቶ እርገዋ፡እን ኤርብሲኽር እን በድን አዋኸ ገመትር አትቋመትኑዅ። 56 ወንተርኖኻ እጥርዲ ደድ ቂራ ሽኻሩዲ ጅቢነ ደለምድኑዅ፡ደአም ሰምበር ናክኒርሰና ፊኹኑዅ።
ፊዃ-24 ኢየሱስ ክሪልድ ጔ እኲን ላውድ ቋልስተት 1 እን ግርጋ እውናርዲ ሰልፍሪትላ እን ስኩስና እጥርሲ አድኖ ጉራቢሲ ኤርብል ፈርኑዅ። 2 እን ክርጛኻ ጎቕ አብልድ ትንኩሪሮ ዲዊኹለን። 3 ኒል ትውነሰነኻ በድን ይና ኣደሪዅ ዲዊለለን። 4 ንድ ሰሃሮ አኸኖ ዋኑኑኻ ታኲን ብልታውረው ሰረው ለጛ ግርው ናጃብል ደው ይኑዅ። 5 ናውኻ ጓቁሲ ተግ ይኖ ናአዀትሲ ብሪል ሉምሲኒዅ።ናዋ ውሪ ሰበትድ ግን ህምባዅሲ ክሪውዲ ጀረብደ ናኹንሉ? 6 እን ኒ ዮ እርጋኹድሰና ጉዅ ነት እላ። 7 እማና ገሊለትል ዋኑ ኣዳሚንዱኹራ ምቁልድ ናንተል ገምሮግን ናዋ ከርከርድድኖሉ ግን ኒ ሲዀር ኳሪልኻ ጓት ድወኩም እርግላማ? እንትን ኒስ ምኺርድኖማ? ይኑኹለን። 8 እንሲን እን ኒ ጋብሲ ኤልብድኑዅ። 9 ኤርብልድ ወንተርኖኻ ኒትክ እን ወራትሲ እን ሽካ ላኹድር እን ኤሪውድር ኣበሸርድኑኹሎም። 10 እን ነስ ታለይቶትድ ድወው ማርያም መግደላዊትዲ ዮሓናን ማርያም ያዕቆብር ገናዲ እን ናዲ እርጋ እኲንዲ ግን። 11 ደአም እና ጋብነን ሃተምተም አኾ ዋስስቶሎም አምንኒለን። 12 ቤጥሮስ ደለይድሮ ዮ አርብል ጋጙ ፈሩዅሉም ዮ ሰናኻ እን መግነድ ታዊና ኒድ ትብልሶ እርጋዅሲ ኒቱ ገሞ ቋሉዅ ኒ ጐድጉድ ፍክር አኾሉኻ ኒልድ ወንተሩዅ። ኤማሑስር ጉግል ኒለጛ ታለይቶትድ ቋልስተትሎም 13 እን ግርግላ ለጛ ናልድ ኢዮሩሳሌምትልድ ኤማሑስ ይስታ ድገትል ፈሩኑኻ፡ 14 እን አኻ ጋርድ ጂጝስቱኑ እርግኑዅ። 15 እናኺነ ጂጝስቱኑኽር ወንቀርስጙኑኽር ኢየሱስ አሪ ገሽድ ናዲ ሕበርሰ ፈሩ እርጉዅ። 16 ኤርእግኒንሉኻ ናዕልል አበስቶ እርጉዅ። 17 ኒኻ እና እንትን ቁርቁርትዱኑ ጋብደና ወራታት ውረኒ ግን?ይኹሎም። ናውኻ ፍክር አኾሎም ደው ይኑዅ። 18 ቀልዮጳ ይስታዅ ናልድ ላዅ ውራ እንቲ ካያማ ኢዮርሳሌምትል ጋሽይ? እና ግርጋት ነል ኣኻ ወራታትሲ ዋስግራኽርማ? ይኑኹሉ። 19 ኒኻ “ውረኒ ግን? ይኹሎም።ናዋ እን ኢየሱስ ናዝራዊረስ ቋላ ወራታት ኒናን ጃርዲ ከውዲር ጃብል ኒጋብነድ አከጝር ኒወራትድ አከጝር ናድካ ገሸል ግርዋ ቢራ በሄርኮት እርጋዅ ግን። 20 እን አቅሸታ በሄሊንዲ ይና ኣስያምዲ ክራ ፈረድኖሉ ካኒል ከርከርድነትሉ፡ 21 ይን እስራኤልቲ ደኤንድሮ ህምባዅ ኒን ግን ይኖ ሳድኑ እርግንኹን።ኒን ኒውክ ኒአክና ኒሲዅር ኳራ ግን። 22 ደአም እን እኲን ላው ይነልድ ጉራብኖ እን ኤርብል ፈርኖ እርገው ፈከርድኑኹና። 23 ኒበድንሲ አርኒ ደአም መላእኽቲ ቋልስትኑኹና እማ ናዋ ኒርሕዲ ህምበኲ ይኑኹና ዩኑ አበሸርድኑኹና። 24 ይነልድ ላው ፈርንሰናኽር እን እኲን ይናኹድሰና አኹዅ ኒራ ቋልኒሉ ይኑኹና። 25 ዎ እንትን ዓወስ እንታ ለፈክ ደንደዶ ህምበው ናትክ እን ነቢታት ዩኑ ሰጘነውሲ ኤምና ብነድ 26 ክርስቶስ እና ጅርበት ኔስ ከለብሮ ኒሳቡርሊ ትውሮ ወጀቡ እርግለማ? ይኹሎማ። 27 ሙሴትልድ አዶኻ ናልክ ነቢታተል አኽራሲክ እንኒድ ጋበው ክቱባንሲ እንክሮሎም ተርሲዅ። 28 እን ፈሩኑ እርግና ድገር ገቢል ገእይኖሰናኻ ናልድ ሲሪዅ። 29 ናዋ ብራ ዓመቅረብ አኹኽ ኳራ ንርለብኒል ግን ላዅ ይነዲ ኪ ይኑኹሉ።ኒኻ ናዲ ክሮ ገለዱዅ። 30 ሙነትል ናዲ ዓገሎሰነኻ ሳንስዓስ ኤዶ ገውሮ ሸረፎኻ እውኹሎም። 31 እንሲን ናዕልል ብስቱዅ እማ አሌለይኑኹሉ ኒ ደአም ናልድ ድዱዅ። 32 ናውኻ ውራ ጉግሊ ፈርኑ ጂጝስትኑኽር ክቱባንሲ እንኩልናኽር ይና ለፈክ ሐውዮና-እርግለማ ይስትጚኒዅ። 33 ንርድ-ንርድ ኒልድ ጉኖኻ ኢየሩሳሌምትል ወንተርኑዅ። 34 እን ሽካ ላዅዲ እን ናዲ እርገውዲ ላት አኽኖ ይና አደራ እምንድክ ጉዅ ስምኦንሲኽር ቋልስትዅሉ ይስትጙኑ ኤርኑኹሎም። 35 ናውኻ እን ፈሩኒ ኣኻ ወራታትሲኽር እን ሳንስዓስ ሸረፋ ኤለለይሰትሎም ድዊኒኹሎም። ኒ ታለይቶትድ ቋልስተትሎም 36 ናኺነ ጋቡኑኻ ኢየሱስ ኒኣኾርድ ናነበክል ተለውዮ ሰላም እንተዲ አኽኒ ይኹሎም። 37 ናውኻ መንፈስ(ዱሙት) ተከሎም በኸኽርኑኽር ጓቊትኑኽር። 38 ኒኻ ውሪዅ እንታ ዓቅል ኸብውድድናኹን እንታ ለፈክሊኽር ተሐደብደናዅን። 39 ኣን ግን ይአዀርድ አኸት ይናትትዲ ይሉኩኩዲ እመሐን ቋላ ተመዳኽር አስተብሃልዳኽር እና ይት ቋልደናሰና መንፈስ ናሽዲ ስኻዲ ሻኽላ ይኹሎም። 40 ነስ ዮኸሎም ኒ ናንትትዲ ኒልኩክዲት ቋሊስኹሎም። 41 ናው ደአም ንግስድ ኤምና ብኖ ፈከርሱኑ ቊስታዅ ሻኽድኒማ ይኹሎም። 42 ናዋ ድርደረት ስኻ ቀመድሳዅ ዓሲዅዲ ሳንስዓዲ ሰኸራዲ ናቅስኑኹሉ። 43 ኑኻ ኤዶ ናጃብል ቊዅ። 44 ኒድ ደምቢኻ ኔስ ጋቢኹሎም፡እን እማና እንተዲ ዋኑ ሙሴር ፍትሕዲ ነቢታትዲ ሕላያት ዳዊትሩዲ ይት ቋለው ክቱባት ናውክ ዓቕተት ዮኩን እርጋዅ ኒን ግን ይኹሎም። 45 እንሲን እንክቱባትሲ አርእድኖ ናለፈክሲ በርህድኹሎም። 46 ኮዶኻ ክርስቶስ ጅርበት ከለብረትር ኒሲዀር ኳሪልኻ ክሪልድ ጓትር 47 ኒሱጙድኻ ኢየሩሳሌምትልድ ተርሰ ኒልክ እርድሊ ህምባ ከውድ ጥዕስዲ ዓገብ ብሕልዲ ኪሰሪ ብሽርደት ከተብሶ ህምበኩ። 48 እንትጛ እና ወራታትድ ሳምዓን ግን። 49 አን ናን እነሐን እን ይኽርድ ሳደስ ፈስየልኩም ግን እንትጛ ዓስተርልድ ሒል ሰርትናሲክ ድገትልድ ፍጋ ይኹሎም። ኢየሱስ ዓስተርሊ ፊዅ 50 አዶሎም ከደን ቢታንየር ገቢል ገእሲኹሎም።ኒናትትሲ ናአወይሲ ጠለቖኻ ገውሩኹሎም። 51 ገውሮሎምኻ ናልድ ሲረ ዓስተርሊ ዓረጉዅ። 52 ናውኻ ውጅህኖሉ ደምቢ ገሪ ንግስድ ኢዮሩሳሌምትል ወንተርኑዅ። 53 ጃርሲ ሐምዱኑኻ ዲማ ልጝን ጸሎቱኹል እርግኑዅ።
1 ሰልፍ ቆል ሰጞኲ እን ቆልኻ ጃርሊ ሰጞኲ እንቆልኻ ጃር ሰጞኲ፡፡ 2 ኒ በደሮ ሰልፍድ ጃርሊ ሰጞኲ፡፡ 3 ኒውካ ኒድ አኹዂ እን አኸውልዳ ኒት እጞገት ላሪ ድኳ አኽላ፡፡ 4 ኒል ፊኹት እርጉዂ እን ፊኹታ ቲዃ አዳምሩዂ እርጉዂ፡፡ 5 ቲዃኻ ጭልምሊ በርሁዂ ፡ ደኣም ጭልም ከለብርለሉ፡፡ 6 ጃርድ እንሻቅሳዂ ላግርዋ ዮሓንስ ይስታዂ ሰጞኲ። 7 ኒ ናውክ ኒድ ኤምንድኖ ቲኼስ ሳምዕድሮ ሳምዕ ኣኾ እንቱዂ። 8 ኒ ቲኼስ ሳምዕድሮ እንቱዂ ግን ግራ-ኒ ኒ ላውድ ቲዃ እርግላ ። 9 ቆል እርድሊ እንተራኹድ ናትክ ከውሊ በርህዳኹ እምንዲ ቲዃ ሰጞኲ፡፡ 10 ኒ እርድሊ ሰጞኲ እርድ ኒድ አኹዂ እርድ ደኣም ኣርእምቢኹሉ፡፡ 11 እን ኒውሊ እንቱዂ እን ኒውኻ ከለብርኒሉ፡፡ 12 እን ከለብርኖ አምነውሲሉ ደኣም ጃር ቁር አኽድኖ መሰል እዉኹሎም፡፡ 13 ነን ጃርልድ እዃርስኑዂ ግራ ብርልድ ወሪ ሥኺልድ ወሪ ይኸ አዳምር እንከሊትልድ እዃርስኒ፡፡ 14 እን ቂልኻ አዳም አኹዂ ይነልኻ ዔሩዂ፡፡ ይንጝኻ ኒ ሳቡርሲ ሳቡር ላዂ ኒኸርድ ኒኡኹራ አኽነዲን ጸጋድ እምንድክ እንታኾሉ ቋልንኹንሉ፡፡ 15 ዮሓንስ ኒድ እናሃበ ተብዶ ጋቢዂ እን ይደንቢ እንተራዂ ይጃብ እርግነዲን ይልድ ኒ ኩጞኲዮኩም እርጋዂ ኒን ግኒ ዮ ሳምዕዱኹሉ፡፡ 16 ይጛ ናውክ ኒ እንተኽ ጸጊል ፡ ጸጋ ጸጋ አወይሲ ከለብርንኹን ፡፡ 17 ውረድ ኦሪት ሙሴሲ እንቱኹና ጸጋዲ ሸተክነዲኻ ኢየሱስ እውስቱኹና 18 ላዂ ድኳ ጃርሲ ቛላኹ እላ፡፡ እን ላዂ ጃርኹራ ኒ-ኽርድ ንሐርሊ ህምባዂ ኒ-ካያ አርእሲሱኹና፡፡ 19 ዮሓንስ ምስክራ ኒን አይሁድ ኢዮሩሳሌምትልድ አቅሸትዲ ሌዋውያንዲ እንቲ አውኒ ይኖ ወንቀርድኖሉ እንሻቕነሰነሉ፡ 20 አን ክርስቶስ አኽሊ ዮሎም እምን ዩዂ ግራ ላሪ በረይላ፡፡ 21 ናዋ ኮድኖ እማ ኤውኒ እንቲ ኤልያስማ፤ ይኖ ወንቀርኑኹ፡ ኒኻ አኽሊ ይኹሎም፤ ናዋ ነቢማ እንቲ፤ ይኑኹሉ፡ ኒኻ አኽሊ ይኹሎም፡፡ 22 ናወኻ ኮዶ እን እንሸቐውድና ውራ ይንንሎም እንቲ አውኒ ግኒ ኩሱጝሲ ውራይቶና ገረስራኹን፤ ይኑኹሉ፡፡ 23 ኒኻ ክልብርሰ አን እን ኢሳይያስ ነቢራ ያኹድሰና ጉግ ጃሩዂ ጠፍሕዳ ዮ አው ከደንሊ ድሪሳ ጋባ ግን ይኹሎም ፡፡ 24 እን እንሸቅሶ እርገው ፈሪሳንልድ እርግንነዲን፡ 25 እማ እንቲ ወሪ ክርስቶስ ወሪ ኤልያስ ወሪ ይኽ ነቢ አኸግራኽር ውሪዂ ጠመቅድራኹን፤ ይኑኹሉ፡፡ 26 ዮሓንስ አን ዓቂድ ጠመቅደኩንኩም እንኩኹን፡ ደኣም እንትን አርእግድናዂ እንታ ነበክል ህምበኲ፡፡ 27 አን ኒ ሻንፍፋ አስርከትሲ እንክያ ወጀበጋኹሉ እንታ ነበክል አንጦጠሎ ህምበኲ ይጃብ ሰቐዂ ይደምቢ ኒ ግኒ ዮ ወንተስኹሎም ፡፡ 28 ኒን ኒውክ እንደራ ዮርዳኖስር ካርጝል እን ዮሓንስ ጠመቕዱ እርገሪ ቢታንያትል ኣኻዂ ግን፡፡ 29 ዮሓንስ አን ዓቂድ ጠመቅደኩንኩም እንኩኹን፡ ደኣም እንትን አርእግድናዂ እንታ ነበክል ህምበኲ፡፡ 30 አን ኒ ሻንፍፋ አስርከትሲ እንክያ ወጀበጋኹሉ እንታ ነበክል አንጦጠሎ ህምበኲ ይጃብ ሰቐዂ ይደምቢ ኒ ግኒ ዮ ወንተስኹሎም ፡፡ 31 ኒን ኒውክ እንደራ ዮርዳኖስር ካርጝል እን ዮሓንስ ጠመቕዱ እርገሪ ቢታንያትል ኣኻዂ ግን፡፡ 32 ዮሓንስ ናሃበ መስከሩዂ መንፈስ ሻትክ ኳትራ ተኩንሲ፤፤ ዓስተልድ ገሙ ቋልኹን ኒ አወይስኻ ከፍ ዩዂ፡፡ 33 ኣን ይሹሺ ኤርኡሉ እርግሊ ሰኣም እን ዓቍድ ጠመቕድያ እንሸቁዂለ፡፡ እን መንፈስ ሻትክ ኒአወይሲ ገሙ ቛልዳዂ ኒ ግን እን መንፈስ ሻትክድ ጠመቕዳዂ ይኹለ፡፡ 34 ኣንኻ ቛልዂን ኒ ጃርዂራ አኸት ሸርዂን፡፡ 35 ኒኤመሪትል ዮሓንስ ለጛ ኒታለይቶትዲ ደውዮ ዋኑ፡፡ 36 ኢየሱስ ደኳዂሲ ቛሉዂ እማ እነሐኒ እን በጋ ጃሩዂ ዩዂ፡፡ 37 እን ለጛ ኒ ታለይሮቶትታ ኒስ ዋስነሰና ኢየሱስዲ ፈርኑዂ፡፡ 38 ኢየሱስ ግልጭዮሰና ኒ ጉርበት እንተረውሲ ቛሉኹሎም ውራ ጀረብደናኹንካ ይኹሎም፡፡ ናዋ ረቢ (መምህር ይና ግን) አዊል ግን ኲ መስካብ፤ ይንኹሉ፡፡ 39 ንኻ ላዃ ይኹሎም፡፡ ፈርኖኻ አዊል ኣኸት ቛልኑዂ እን ግርግስኻ ኒዲ እርግኑዂ፡፡ ወክትኻ ሰዓት ሰዃ ኣኾ እርጉዂ፡፡ 40 እን ዮሓንስር ጋብሲ ዋሶ ተለየውልድሉ ላዂ እንድርስዲ ኒዳን ስምኦን በጥሮስዲ ግን፡፡ 41 ኒ በደሮ ስምኦን ኒ ዳንሲ አርዂ እማ (-- ክርስቶስቲ) አርንኹንሉ ይኹሉ፡፡ 42 ኢየሱስትልኻ ኤድኹሉ ኢየሱሳ ተጝሰ ማኻልቶሉ፡ እንቲ ስምኦን ዮናዂራ ኬፋ (-ሸሻ) ይስትሮ ሽሽትቶ ግን ኒንኻ ቤጥሮስ፡ ሸሻ ይና ግን፡፡ 43 ኤመሪትል ኢየሱስ ገሊላትል ፈሩ ፊሊጶስቲ አሩዂጉ ለሸኪለኻ ይኹሉ፡፡ 44 ፊሊጶስ ቤት ሳይዳሩዂ እንድርያስዲ ቤጥሮስዲሲ ናኮዂራ እርጉዂ፡፡ 45 ፊሊጶሳ ናትናኤልቲ ኤሩዂ እማ እን ሙሴዲ ነቢታትዲ ኒድ ከተብናዂ ኢየሱስ ዮሴፍዂራ ናዝሬትሩዂሲ አርንኹንሉ ይኹሉ፡፡ 46 ናትናኤላ ናዝሬትልድ ውሪ ትክያዂ አርስሮ ይሮ እንትኽር ይኹሉ፡ ፊሊጶሳ ላዂ ቛሊ ይኹሉ፡፡ 47 ኢየሱሳ ናትናኤልቲ ኒል ኣኽታሲክ እንተራዂሲ ቛለሰና እናሓኒ እምንድክ ምቍልናር ኤርእጋዂ እስራኤላዊራ ዩዂ ፡፡ 48 ናትናኤላ ኣዊል አርእሪለ ይኹሉ፡፡ ኢየሱሳ ፊሊጶስ ሽጝጊካ በለሰር ሱቄይሲ ዋንትሩ ቛልኹንካ ይኹሉ፡፡ 49 ናትናኤላ ረቢ (መምህር) እንቲ ጃሩዂራ ንጉሥ እስራኤልዱዂ ግን ይኹሉ፡፡ 50 ኢየሱሳ ክልብር ሰሉ በለሲ ስቄይሲ ቛልኹንካ ይነዲንካማ እምንድኹን፤ ኒልድ ኩኝዂ ቋልቶ ግን የኩንካ ይኹሉ፡፡ 51 ንድደምቢ እምንድክ ይየኩም ዓስተር ብስቶ መላእኽቲ ጃሩ ኣዳሚንድዂሪ አወይሲ ዓረገውር ገመውር ቛልትኖ ግን የኩንኩምኻ ይኹሎም፡፡
1 ሰዃ ኳራ ደምቢኻ ድገ ቃና ገሊላትል ክኻን እስቲዂ ኢየሱሲ ኒገናኽር ኒል እርግቲ፡፡ 2 ኢየሱስር ኒ ታለየቱትዲ ኒል ሽጝስቶ እርጉዂ፡፡ 3 ሚድ ዱጙስቶሰናኻ ኢየሱስቲ ኒገና፡ ሚድ ግን ሻኽኒኻ ይቲሉ፡፡ 4 ኢየሱሳ እንቲ እዂና ኩዲኻ ውራ ዋነለ ፡ ይወክት ገእዮ እላ ይኹላ ፡፡ 5 ኒ ገናኻ እን ምዳሰውሲ ኒያዂሲክኩም እሳ ይቲሎም፡፡ 6 ና ዓደትሰና ለጭሀናው አይሁድ ወልታ ጀንትት ከልኣን ክርጚው ኒል እርጉዂ፡፡ 7 ኢየሱሳ እን ሙነተውሲ ጀንትትሲ ዓቁድ እንሰኻ ኽሎም ይኹሎም፡፡ ኤብል አኽታሲካ እንሳዂኑኹሎም፡፡ 8 ናን ቀደኽድኖ ዳስ አደሪል አድኖፈረሉ ይኹሎም፡፡ ናውኻ አድኖ እውኑኹሉ፡፡ 9 እን ዳስ አደራኻ ዓቍሚድሊ በደልሰውሲ ታመሰና አዊልድ እንተት ላሪ አርእግኻ እን መርዓዊ ራስ፡ 10 ሽጞኻ ከው ናውክ ሰክፍሚድ መለምልሲ ሱክሰኲ ደምቢረድ ሸከርኖሰነኻ እን ኪያዎውሲ ሱኩሰኲ እንቲኻ እን ሚድሽኻሩሲ ናን አኻሲክ እንኩርዱኽሎም ይኹሉ፡፡ 11 ኢየሱሳ እና ኒ ሰልፍ አምርሲ ድገ ቃና ገሊላሩኹር እሲዂ፡፡ ኒሳቡር ቛሊሱዂ ኒ ታለይቶታ ኒድ አምኑዂ፡፡ 12 ኒደምቢ ኢየሱስ ኒገናዲ ኒታለይቶትዲዲ ቅፍርናሆምትል ገምዂ፡፡ ኒላ ግርጋት ግጁዂ፡፡ 13 13.በዓል ፋጅኻ አይሁዱዂ ስኩሮ እርጉዂ ኢየሱሳ ኢዮሩሳሌምትል ፊዂ 14 14.ቤት መቅደስሊ ኻ ቢልዲ በግዲ ኳትርዲ ሰላዲዲ በደላውዲ ዲኒኹሉ፡፡ 15 15.ገመርድ ሐለንጊራ እሰኻ ቤት መቅደስልድ ናበግዲ ናቢልዲ ናትክ ዳገኑኹሎም እን ሰላዲ በደለውዲ እንድባት ሲኽር ግፍትእዶ ፈተታሕሲኹሎም፡፡ 16 16.እን ኳትር ክደውሲኽር ናሰና ናትክ ህየሎም ይኽርድ ልጝንሲ ዕዳጊ ልጝን እሰጋ ይኹሎም፡፡ 17 17.እንሲን ኒታለይቶት ሕርሳ ኩልጝኑዂ ቍኹሉ ያዂ ክቱብሲ እልብድኑዂ፡፡ 18 18.ንድኻ አይሁድ እንቲ ነስ እስራኽር ውሪ ሻሮት ቛሊስቶና ገረስራኹን ይኖ ወንቀርኑኹሉ፡፡ 19 19.ኢየሱሳ እና ቤት መቅደስሲ ህገግደሉ አንኻ ሰኻ ኳረድ ጉድሪሉ ይኹሎም፡፡ 20 20.አይሁድ እና ቤት መቅደስ አርብያዲ ወልታ አመረድ ገበርሳዂሲ እንቲማ ሰዃ ኳረድ ገበርዳኹንሉ ይኑኹሉ፡፡ 21 21.ኒ ደኣም ቤት መቅደስ ኒጎሮብኹድ ግኒ ኒ ጋበኹሎም፡፡ 22 22.ንድኻ ክሪልድ ጎሰና ኒታለይቶት ነስ ዮሎም እርገት ክቱባትድር እን ኢየሱስ ዮ እርጋ ጋብድ ኤምኑዂ፡፡ 23 23.ገሪዋ እን በዓልድ ኢዮሩሳሌምትል ዋኑ እሰውሲ ቛልነሰና ኒሱጙድ ኤምኑዂ፡፡ 24 24.ኢየሱስ ደኣም ናትክ ኤርኡሎም እርግነዲን ኤምንለሎም፡፡ 25 25.እን ከወል ህምባ ወራታትሲ ኒላውድ አርእነዲን ከው አሪው ድዊድኖሉ ጀረብዱሉ እርግላ፡፡
1 1 ፈሪሳንልድ ኒቆዲሞስ ይስታዂ ግርዋ ላዂአይሁዳ ሲም እርጉዂ፡፡ 2 ኒን ቂር ኢየሱስትል እንቶ፡ መምህር ጃር ኒዲ ህምባዂ አዳም ካያ እሰኲ ግን ግራ እና እንቲ እስራ አምራትሲ ኒላውድ እሳዂ ኒዀርሲክ እላ፡፡ መምህር አኽሮ ጃርልድ እንትረት አርእንኹን ይኹሉ፡፡ 3 ኢየሱሳ ኣዳም ሐዲስድ እዃርሰገን ሲመር ጃሩዂሲ ቛለገት እምንድክ የኩንካ ይኹሉ፡፡ 4 ኒቆዲሞሳ ውራ ኣዳም ገኖ ደምቢ ኣዋኸ እዃርሳኹን ሊጞር ኒገነር እርሕምሊ ወንተሮ እዃርስሮ ገረሳዂማ ይኹሉ፡፡ 5 ኢየሱሳ እምንድክ ይየካ ኣዳም ዓቍዲ መንፈስዲሲ እዃርሰገን ሲመር ጃሩዂል ትወላ፡ የኩንካ፡፡ 6 እን ስኺድ እዃርሳዂ ስኻ ግን እን መንፈስልድ እዃርሳዃ መንፈስ ግን፡፡ 7 ሐዲስድ እዃርስትኖ ህምበኩኩም ይነዲንካ ፈከርስግ፡፡ 8 ወልወል ኒ ጀረባዂሊክ ወልወልደኲ ደኣም ኒ ደሄይሲ ዋስረኲ ግን ግራ ኣዊልድ እንተረትር አአዊል ፈረትኽር ላሪ አርእለሉ እማ መንፈስልድ ኡዃርሳኹ ንሰና ግን፡፡ 9 ዩ ወንተስኹሉ፡፡ ኒቆዲሞሳ ክልብርሰ ኒን አዋኸ ግን ኒኣክና ይኹሉ፡፡ 10 ኢየሱሳ ውራ እንቲ መምህር እስራኤልዱዂ ኣክሩማ ነስ አርእጝ ብራዂን ይኹሉ፡፡ 11 እምን እምንድክ ይየካ ይን አርእናዂሲ ጋብነኩን እንቛልናዂሲኽር መስከርነኩን እንትጛ ይና መስከርነስ ጉሽነኩሉ እንኩድኑዂ፡፡ 12 ብሪ ወራትድ ድወንኩም እምንግድናኽር ዓስተሩውድ ወራትድ ድወንኩም ደኣም ኣዋ ሃብዲነ እምንትኖለ፡፡ 13 እን ዓስተርልድ ገማዂ ላዂ ኣዳሚንድዂራ አኽገት ዓስተርሊ ዓረጋዂ ላዂ እላ፡፡ 14 14. ኣዳሚንድዂሪል እምናዂክ ዲመሲ መናብረት አርዶ ግን፡፡ 15 እን ሙሴ አው ከደንሊ ምራወስ ካኒል ከርከርዳዂድሰና ኣዳሚንዱኹራኽር ኒሰና ከርከርስሮ ህምበኩሉ፡፡ 16 ኒድ አምናዂክ ዲመር መናብረት፡ ኤርዶ ግን ግራ ድድጊን ጃር እርድሲ እንከልነዲን ላዂ ኒዂረስ ኒእንከላዂሲ ሰደቀት ፈሱዂ፡፡ 17 ውረድ ጃር ላዂ ኒ እዂረስ እርድሊ ኒ እንሻቃዂ እርድሲ ኒድ ደኤንድሮ ዮ ግን ግራ ፈረድሮ ዮ ኣኽላ፡፡ 18 እን አምናዂ ድድሮ ኣኽላ እን ኣምንጋዂ ደኣም ላዂጃርዂሪ ሱጝድ ኣምናጋዂ ደኣም ድዳዂግን፡፡ 19 እን ኒ ድዳኻ ነዋያዂ ግን ቲዃ እርድሊ ትልጭ ዩዂ ከዋ ናወራት መቍል ኣኽነዲን በርህልድ ጭልምሲ ፍሪርኑዂ፡፡ 20 ሙቍላ እሳኹክ ኒውክ በርህሲ እንጣሮኲ እንከለላ ኒ ወራት ሙቍልናሩዂ ቛልስጊንሉ ጭልምሲ እንከለኲ፡፡ 21 እን ትክ ያዂ እሰንታ ደኣም ኒወራት ጃር ጃብል ኒ ወርክናር ቃልስትሮሉ ዮ በርህሊ እንተሮኲ ይኹም፡፡ 22 ኒ ደምቢ ኢየሱስ ኒ ታለይቱትዲ ይሁደር ብሪል ፈሩዂ፡፡ ኒላ አኾ ጠመቅዱ እርጉዂ፡፡ 23 ዮሓንስር ሄኖንትል ሳሌም ገቢል ዓቍ ገሪው እርግነዲን ጠመቕዱ እርጉዂ እን ከዋ ኒል እንተሪነክ ጠመቅሱኑ እርግኑዂ፡፡ 24 ውረድ ዮሓንስ እንሸውስጊ እርጉዂ፡፡ 25 እንሲን ዮሓብስር ታለይቶትዲ ላዂ ኣይሁዳዲ ላጭሕኒ ሰበትድ ካሐሐድስጚኒዂ፡፡ 26 ዮሓንስትል እንትኖኻ መምህር እንዮርዳኖስር ካርጝል ኩዲ እርጋዂ እንቲ መስከርዳኹሉ ጠመቅደኲ እንኲዂናውካ ኒል ፈረነዂ ይኑኹሉ 27 ዮሓንስ ዓስተርልድ ኡውስተጋኹሉ አከገን ኣዳም ኒላውድ ላሪ አድሮ ገረሰላ፡፡ 28 ኣን ኒጃብ ጃብል እንሻቅሳኽር ግን ክርስቶስ አኽገት ዮኩም እርገት እንትጝር እንተላውድ ዋስድኑኹሉ፡፡ 29 ስርጉ ሻዂ ኒ ግን መርዓዊራ እን ኒት ዋሳዂ ማዳኻ መርዓዊሪ ጃጝስትነድ ነገሰኲ እማ ኒ ፈርሐት ከላእግን፡፡ ገድም ይፈርሐት አቅትኹለ፡፡ 30 ኒ ክብይሮ አጛ ለጥያ ዋጅብ ግን፡፡ 31 እን ዓስተርልድ እንዂ ናድካ ኣወይሲ ግን እን ብሪልድ እንታዃ ብሪዂ ግን ብሪዂ ኣኸነዲንኻ ብሪዂ ግን ኒጋብር ብሪው ግን እማ ኒሰና ዓስተርልድ እንተራዂ ኒድካ ኣወይሲ ግን፡፡ 32 ኒ ቛለውድ ኒ ዋሰውዲት ሰምዕዶኲ ደአም ኒ ሳምዕ ድነስ ከለብራዂ ላዂ ድኳ እላ፡፡ 33 ኒ ሳምዕድነስ ከለብራኹካ ጃር እምን አኸት እሙር ሃበኲ፡፡ 34 እን ጃር እንሻቃዂ ጋብ ጃርዲት ጋበኲ፡፡ ጃርኒ መንፈስሲ መከሮ እወላ፡፡ 35 እኽር ኒዂረስ እንከለኩሉ ኒትካ ኒ ናንተል ኡዎሉ ህምበኲ፡፡ 36 እን እዂረድ እምናዂ መናብረት ዲመሩዂሲ ለውሮ ግን እን ኡኹረድ ኣምነጋዂ መሃግ ጃሩዂ ኒዳግ ገምሮ ግን ግራ መናብረት ዲመሩዂሲ ቛልዶ አኽላ፡፡
1 እን ግርጋትሊ ፈሪሳን ኢየሱስ ዮሓንስሩልድ በጀኸው ታለይቶት እሰኩር ጠመቅደኩር ዮ ወሪሰውሲ ዋሱዂ፡፡ 2 ኢየሱስ ኒላውድ ጠመቅድጊ ኒታለይቶት ጠመቅዱኑ እርገው አከነጝር 3 ይሁዳር ብረስ ባሮ ገሊላትል ወንተሩዂ፡፡ 4 ሰማርያድ ደኩሮኻ ጀረቢዂ፡፡ 5 እን ያዕቆብ ኒኹራ ዮሴፍሲ እዋ ብሪ ገቢል አረርስረሪ ሲካር ይስትረሪ ድገ ሰማርያትልኻ እንቱዂ፡፡ 6 ኒልኻ ያዕቆብ ግኽደሪ ኤባ እርግቲ ኢየሱስ ቂልሶ እርግነዲንኻ ፊኹ እን አበር ገቢል ከፍ ዩዂ፡፡ ወክታ ግርገፍ እርጉዂ፡፡ 7 ላ እዂና ሳምራትሪኻ ዓቍ ወረድቶ ኒል እንትቲ ኢየሱሳ ዓቍ ጅእሲንለ ይኹሉ፡፡ 8 ኒታለይቶታ ቍስታዂ ጅቢድኖ ድገትል ፈርኖ እርግኑዂ፡፡ 9 እን እዂና ሳምራትሪኻ እንቲ አይሁደዊራ አክሩንሲክ አዋህብረ ግን እንቲ ይት ሳምራዊራት ዓቍ ጅእሲለ ይራኹን ይቲሉ ኒንኻ አይሁዲ ሳምራውያንዲ እኺኺርሊ ሱኩሩኑ ሰጞኒ፡፡ 10 ኢየሱሳ እውን ጃሩዂዲ እን ዓቍ ጅእሲለ ያዂዲኪ አውኒ ኣኸት አርእረን እንቲ ወንተርዶ ሺዊትድሉ ኒኻ ዓቍ ፊኹቱ ኡርድኪ ዩ ወንተሰኹላ፡፡ 11 እን እዂናኻ ዎ ይኣደራ አባኻ ሺረሪ ግን ቀዳኺ ሰናኻ እጝግራኽር ዓቍ ፊዂቱሲ አዊልድ ናቕስቶግረስራኹን፡፡ 12 እንትማ ይናኽር ያዕቆብ እና አበት ኡዋኹ ኒድ ኒቁርዲ ኒማልዲ ንርትልድ ጅኡኑ ሰጞናዂልድማ ኪድሮ ይቲሉ፡፡ 13 ኢየሱሳ እና ዓቍነልድ ጀኣዂ ኮዶ ሱቛንቶዂ፡፡ 14 እን ኣን ኡዋ ዓቍልድ ጀኣዃ ዲመሲ ሱቛተላ እን ኣን ኡዋ ዓቍ ኒርሕሊ ዲመሲ ጅብርዳሪ ዕሊ ዐቄሪ አኽሮሉ ግን ይኹላ፡፡ 15 እን እዂናኻ እማ ያዳራ ደምበር ኳራ ወረድጊን ነትር እንትጊን ውራ እን ዓቍልድ ናከለለ ይቲሉ፡፡ 16 ኢየሱሳ ፈሪ ኩራጝሲ ሽሽ ነት ላዂ ይኹላ፡፡ 17 እን እዂነኻ ግርዋ ሻኽሊኒ ይቲሉ ኢየሱሳ ፍርዋ ሸኽሊ ኲ ይነድ እምን ጋብሪዂ 18 ውረድ አጝኳ ግርው እርግኑኹኪ እና ኩዲ ህምባዂር ኲ ግርዋ ኣኽላ ኲ እምን ግን ሻኽሊ ይቶ ይኹላ፡፡ 19 እን እኹነኻ ዎ ያደራ እንቲ ነቢራ አኽረት ቛለኩን፡፡ 20 ይናእክል እና ጊራ ኒል ጀወሁኑ ሰጞነኲ እንትን ደኣም ጀውህስታ አካን ኢዮሩሳሌም ግን ይደነኲ ይቲሉ፡፡ 21 ኢየሱሳ እንቲ እዂና ይት አምኒለ ነት አከጝር ኢዪሩሳሌምትል ቸከጝር እኽርሲ ጀውሀግና ግርጋት አንትሮ ግን፡፡ 22 እንትን አርእግድናዂሲ ጀውህደነኲ ይን ደኣም አርእናዂሲ ጀውህነኩን፡፡ ውረድ ደኤንና አይሁድልድ ግን፡፡ 23 ደኣም እን እኽርሲ ጀውሀው እምንዱ መንፈስድኽር እምንዲሲኽር ጀውሀነሉ ወክት እንትሮ ግን እን ወክታ ናን ግን፡፡ እኹራ ነስ ተከው ጀውሀው ግን ኒ-ጀረበው፡፡ 24 ጃር መንፈስ ግን እን ኒ ጀረበዋ ኒዋየው ጀውሀው ግን፡ እን ጀውሀዋ እምንዲ መንፈስዲሲ ጀውህድኖሉ ቀጀበኩሎም፡፡› 25 እን እዂናኻ እን ክርስቶስ ይስታዂ መሲሕ እንተረቴ አርእኑኹን ኒ እንተራከክ ድዊሮና ግን ይቲሉ፡፡ 26 ኢየሱሳ እና ኩዲ ጋባኽር አን ኒ ግን ይኹላ፡፡ 27 እንሲን ኒታለይቶት እንትኑዂ፡ እዂናዲ ጋባዂሲ ቛልሰናኻ ፈከርስኑዂ ድኣም ላዂ ናልድ ውራ ጀረብራኹን ወሪ ውሪዂ ንርዲ ጋብራኹን፤ ይለሉ፡፡ 28 እን እዂናኻ ንርጀንሲ ባርዶ ድገትል ዔርቲ እማ እን ኮቄርሲ፡ 29 ላዃ ኒትክ አን እሴዂሲክ ድወዂሲለ ግርወስ ቛልትኖ ኤዊ አርእኹን ኒ ክርስቶስ አኽጊን ይቲሎም፡፡ 30 ድገትልድ ፍኖኻ ኒል እንትኑዂ፡፡ 31 ኒ ታለይቶታ መምህር ውራ ቛላ፤ ይኖ ሺዊኒኹሉ፡፡ 32 ኒኻ እንትን አርእግድናዂ ቍስታ ሳንስዓ ህምበኩሉ ይኹሎም፡፡ 33 ኒታለይቶታ ናሹር ናሹ ውራ ከውማ ገለ ቍስታዂ ናቕስኖሉ ይስትጝኒዂ፡፡ 34 ኢየሱሳ ይቀለብ እን እንሸቃኹድለ ምራድሲ እስናዲ ኒወራትሲ ዱጙናዲ ግን፡፡ 35 እንትን መሽው አኽሮ ሰጃ አርባ ከብተ ህምበዂ ይደኒማ፤ እማ እናሓን እንታ ዕልልሲ በርስዲነ መኽልታ መሽው አኹዂ ኪሽጝ፡ ኒዂ የኩንኩም፡፡ 36 እን ፈዳኹዲ እሽራዂዲ ላት ፈርሕድኖ እን እሽራዂ ኒ ስድቅ ከለብረዂ፡፡ ዲመዳይድ ኒፊኹትድ እካ ምህርኻ እክበኲ፡፡ 37 ውረድ እን ላዃ ፍደኲ እን ላዃ ዔሰኲ ያዂ ድግም እምን ግን፡፡ 38 እን ቂልስግድናኹሊሉ ኤሽሪትኖ ፈሰኹንኩም፡ ኤሪው ስድቅርኑኹሉ እንትጛ እን ናው ስድቅርናኹሊ ቱውድኑዂ፡፡ 39 እን እዂና ኒትክ አን ሃቤኹሲክ ድዊኹለ ይረሰነሎም እን ድገሩ ሳምራውያን ኒድ ኤምኑዂ፡፡ 40 እን ሳምራውያን ኢየሱስትል እንትኖ ናዲ አኽሮ ሺዊኒኹሉ፡ ለጛ ኳረስ ናዲ ኒል ግጁዂ፡፡ 41 ገሪው ናልድኻ ኒድ ኤምኑዂ፡፡ 42 እን እዂነት እና ግርዋ ኒን እምንድክ መድኃኔ ዓለም ክርስቶስ አኸት ይነላውድ ዋስኖኽር አርእኖኽር ኤምኑኹን ግን ግራ ኲጋብድ አኽላ ይን ኤምናዂ ይቡኹላ፡፡ 43 ላጛ ኳሪ ደምቢኻ ኒልድ-ፈ ገሊላትል ፈሩዂ፡፡ 44 ውረድ ኢየሱስ ኒላውድ ዮ እርገሰና፡ ነቢራ ኒኮል ሳብስተላ፡፡ 45 ገሊላትል እንተሰና እን ኢዮሩሳሌምትል በዓሊ እንቶ እርገው ገሊላሩ እን ኒል ኒ-እሰውሲ ቛልኖ እርግንነዲን ፈርሐትድ ከለብርኑኹ፡፡ 46 ኢየሱሳ እን ዓቁሲ ሚድሊ በደለሪ ድገ ቃና ገሊላትሪትል እንቱዂ፡፡ ቅፍርናሆምትላ ኒ እኹራ ሽኹሽታኹሉ ሹም እርጉዂ፡፡ 47 ኢየሱስ ይሁዳትልድ ገሊላትል ኒእንተርነስ ዋሶሰናኻ ኒል እንቶ፡ ኒኹራ ሐወኖ ዋነት ድዊኹሉ፡፡ እንቶ እቢስሮሉ ኽር ሺዊኹሉ፡፡ 48 ኢየሱሳ ኤምራትዲ አስደመምዳ ወራታትዲ ቛለግደነን ኤምንደኒ ይኹሎም፡፡ 49 እን ሹምኻ ዎ ይአደራ ይኹራ ክርጊ ወኑ አሸሺ ገሚ ይኹሉ፡፡ 50 ኢየሱሳ ፈሪ ኩኹራ እቢሩዂ ይኹሉ፡፡ ኒኻ ኢየሱስር ጋበት ኤምኖ ፈሩዂ፡፡ 51 ገሙኻ ኒ ገንሺን ከለብርኖሉ ኒኹራ እቢረት ድዊኒኹሉ፡፡ 52 ኒኻ ኒኹራ እቢራ ወክትሲ ወንቀሩኹሎም፡ ናዋ እንጀጚ ሰዓት ላዂ ሐድ ባሩኹሉ ይኑኹሉ፡፡ 53 ኒኻ እን ኢየሱስ ኩኹራ እቢሩዂ ያሪሉ ወክት አኸት እልብዱዂ፡፡ ኒ ዕያልድ ካ ኤምኑዂ፡፡ 54 ኒን ኢየሱስ ይሁዳትልድ ገሊላትል ወንተረሰና እሰዂሊጞር አምር ግን፡፡
1 ኒደምቢ ኢየሱስ በዓል አይሁዱዂ አኽነዲን ኢዮሩሳ ሌምትል ተረገሱዂ፡፡ 2 ኢዮሩሳሌምትላ በጋ ኬለብ ይስታኹድ ገቢል አይሁድድ ቤተሳይዳ አንኳ ኩርዓርድ ኬለብሳ ዓይግ እርጉዂ፡፡ 3 እን ዓቛ ውልቅነስ ጨበረዋ ከላእ ዓረፍዲ ደልጓሳንዲ ምግዱራንዲ ኒል ገንጁኑ እርግኑዂ፡፡ 4 ውረድ ላዶንቲክ መልአክ ጃሩዂ እንቶ እን ዓቁሲ ሓምረጎሰና (ውልእደሰና) በደሮ ትዋኹኲ ኣኻ ሹዂዲልድክ እቢሩ ሰጞኲ 5 ኒላ ሰዀረግንዲ ሰዀታ እመራ እሰዂ ግርዋ ምግዱር ሰጞኲ፡፡ 6 ኢየሱስ ገንጆ ህምባዂ ቛሎሰነሉ ኮዶ ይኸ ኒል ገሪ ወክታት እሰ ዋነት ዋስነዲን እቢርቶ ጀረብራኹማ፤ ዮ ወንቀሩኹሉ፡፡ 7 እን ምግዱር ዎ ይአደራ ዓቁ ውልቆሰና ዓይግል ትውሳዂ እለለ፡፡ ኣን ትውጊኻ ኤሪው በደርኖለ ገመነኲ ይኹሉ፡፡ 8 እንሲን ኢየሱስ ጒ ኲ ዐራት ምኹርዶ ፈሪ ይኹሉ፡፡ 9 ንርድ-ንርድ እቢሮኻ ኒዓራት ሙኹሮ ፈሩዂ፡፡ እንግርጋኻ ሰንበር እርጉዂ፡፡ 10 ንድኻ እን ግርዋ እቢራዂሲ አይሁድ ንኪ ብራ ሰንበር ግን ዓራት ምኹርቶ አከለካ ይኑኹሉ፡፡ 11 ኒኻ እን ግርዋ እቢሳኹለ ኒ ግን ኲ ዓራት ምኹዶ ፈሪ ያኹለ ዮ ወንተሱኹሎም፡፡ 12 ኲ ዓራት ሙኹርዶ ፈሪ ያኹካ ግርዋ አወ ያዂ ግን ኒ፤ ይኑኹሉ፡፡ 13 እን እቢራዃ ኢየሱስ ኒልድ ፈርነዲን ይኽ ኒላ ከው ገሪው እርግንነዲን ኤዊ አኸት ኣርእም ብስቲኹሉ፡፡ 14 ንድ ደምቢ ኢየሱስ ቤተ መቅደስሊ አሩኹሉ እማ እናሐን ናን እቢርዱዂ ኒልድ ጂባዂ ኣርጊንካ ንድ ሰንቢክ ዓገብ እሰግ ይኹሉ፡፡ 15 እን ግርዋኻ ፈሮ ኢየሱስ አኸት ኒት እቢሳኹሉ አይሁድድ ድዊኹሎም፡፡ 16 ንድኻ ሰንበርድ ነስ እሲነዲን አይሁድ ወነንድኖሉ ተርሲኒዂ፡፡ 17 ደኣም ኢየሱስ ይኽር ናን አኽራሲክ ኒወራት እሰኲ እንኩዂ አንኽር ይወራት እንሰኩን እንኩኹን ይኹሎም፡፡ 18 ንድኻ ሰንበርሲ ደይዕና ዓቅትጊሉ ኒሹት ጃርዲ እርውድኲ፡፡ ጃርሲ ይኽር ኒ ይነድ አይሁድ ኩድኖሉ ጀረቡኑ እርግኑዂ፡፡ 19 እንሲን ኢየሱሳ እምንድክ የኩንኩም እኹራ እን እኽር እሰዂሲ ቛሎ አከገን ላሪ ድኳ እሲሮ ገረሰላ፡፡ 20 ውረድ እን እኽር እሰዂሲ እኹራኽር ኒሰና እሲሮ ወጀበኲ፡፡ እኽር እኹረስ እንከለኩሉ እን ኒእሳዂሲኻ ኒትክ ቛሊሰኩሉ እንትን ፈከርስትኖ ኒልድ ኩጞው ወራታትር ቛሊስሮሉ ግን፡፡ 21 እን እኽር ክረውሲ ጉዳኹሎም ፊኹትር እዋኹድሰነሎም እኹራኽር ኒሰና ኒጀረባውሲ ፊኹት እውሮሎም ግን፡፡ 22 እኽር ላዂሲ ፈረደላ ውረድ እን እኽር ናትክ ሳበነትሉ እኹረስር ኒሰና ሳቢድኖ ፍርድሲ ኒናንተል እዎሉ ህምበኲ፡፡ 23 እኹረስ ሳበጋዂ እን እንሻቓዂሲሉኽር ሳበላ፡፡ 24 24. እምን፡ እምንድክ ይየኩም እን ይጋበት ዋሳዂ እን እንሸቓዂሲለኽር አምናዂ ዲመር መናብረት አርዶ ግን ኒን ክሪልድ መናብረትል ካረኲ ግራ ድደላ፡፡ 25 እምንድክ ድውየኩም ክሪው ጃርኹራ ጋበት ዋሰና ግርጋ እንትሮ ግን ኒኻ ናን ግን እን ዋሰውኻ ዲመር መናብረት አርዶ ግን፡፡ 26 እን እኽር ኒላውድ ፊኹት ዋነትሉ ኒሰና እዂራድ ኽር ኒላውድ ኒ-ፊኹት እዎሉ እምበኲ፡፡ 27 ኣዳሚንዱኹራ ኣኽነዲጛ ፈረድሮ ሒል እዎሉ ህምበኲ፡፡ 28 ናውክ ኤርፍፈል ህምበው ኒደሃይሲ ዋሰና ግርጋ እንትሮ ግን እማ ኒድ ፈከርስድኖ ግን፡፡ 29 እን ትክያዂ እሰው ዲመር መምብሮትል ጉድኖ ግን፡ እን ሙቁላ እሰዋ ዲመር ክሪል ጉድኖ ግን፡፡ 30 ኣን ይላውድ ላሪ እሲያ ገረሰሊ እን ዋሳዂድሰና ግን ይፈረድና ይምራድሰና እሰጊ እን እንሻቃኹድለ ምራድሰና እሳኽር ኣኽነዲን ይፍርድ ወርካ ግን፡፡ 31 አን ይሹሺ ሳምዕደን ይሳምዕ እምን አኽላ፡፡ 32 ኤሪዂ ሳምዕዳኹለ ህምበኲ፡ እን ኒ ይድ ሳምዕዳኹለኻ እምን አኽት አርእኹ፡፡ 33 እንትን ዮሓንስትል እንሻቕድኑዂ፡ ኒኻ እምን ሳምዕዱዂ፡፡ 34 ነስ አን ያኹከም እንትን ደኤንትኖ ዮ ግን ግራ ኣኻ ሳምዕ ከለብራኽር አኽሊ፡፡ 35 ዮሓንስ ሐውያኹር ትልጭያኹር ቲዃ ሰጞኲ፡፡ እንተጛ ከለላ ግርጋት ካያ ኒበርህድ ፈርሕትኖ ጀረብዲኒዂ፡፡ 36 አን ደኣም እን ዮሓንስሩዂልድ ኩጛዂ ሳምዕዳኹ ህምበኩለ፡፡ ኒንኻ፡ እን ይኽር እስያዮ እዋኹለ ወራት ግን፡፡ ኒኻ እናወራት ይኽር እንሸቀትለ ሳምዕድኩለ እንኩዂ፡፡ 37 እን እንሸቃኹለ ይኽር ኒላውድ ሳምዕዲለ ህምበኲ፡፡እንትን ኒዀርሲክ ኒጋበት ዋስድኖ ኣርእድኒ ኒገሽኽር ቛልድኒ፡፡ 38 እን ኒ እንሽቓኹድ እንታ እምና ብነድ ኒጋባ እንተል ኤተይላ፡፡ 39 ፊኹት ዲመሩዂ አረርደነኲ ተከኩም እንክቱባንሲ ላዂ ላኹድ ደኩስደነኲ፡፡ ደኣም ናውር ይድ ሳምዕደው ግን፡፡ 40 ደኣም ፊኹት አርትኖ ይል እንትትኖ ጀረብደኒ፡፡ 41 አን ከዋ ጀንጀና ከለብረሊ፡፡ 42 እንትን ደኣም ጃር ተውፋቅ ዋኒ ገትኩም አርእኹ፡፡ 43 እን ይኽርድ ሱጙድ እንቶ ህምባኽርሲ ከለብርድኒለ አሪዂ ኒሹር ሱጙድ እንተረንኩማ ከለብርትንድሉ፡፡ 44 እንትን እኺረኺርሊ ሳቡር ጀረብደናኽር እን ጃርልድ እንተራ ሳቡርሲ ጀረበግደናኽር አኽድኖ ደምቢ አዋሃብዲነ እምንትኖ ገረስደናኹን፤ 45 አን ይኽርድ ጃብል ሸከይየኩም ተከጊንኩም፡፡ ሸከያኹኩም ኤሪዂ ግን እን እንትን ኒል ሳዳናዂ ሙሴ ግን፡፡ 46 ሙሴት ኤምንድናኽርሉ አክደነን ይትር ኤምንትንድለ ሻኽድናሕር ግን፡ ውራድ ኒ ይድ ከተቦ ህምበኲ፡፡ 47 ንድኻ እን ክቱባንሲ ኤምንግድናኽር አኽድኖ ደምቢ አዋ ሃብዲነ ግን ይጋብሲ ኤምንትኖ፤ ዩንሲክ ጋቢኹሎም፡፡
1 ንድ ደምቢ ኢየሱስ እን ጥብርያዶስ ይስታ ቅብሊ ገሊላር ዓይግሊ ፈሩዂ፡፡ 2 እን ሽኹሽተውድ አወይሲ እሱ እርገው አምራትሲ ቛለዋ ከው ከላእ ኒጉርበት ለሄክኑኹሉ፡፡ 3 ኢየሱሳ ላጊሪል ተርገሶ ኒታለይቶትዲ ጀርሕ ዩዂ፡፡ 4 ፋጅኻ ይስታዂ በዓል አይሁዱኻ ሱኩሮ እርጉዂ፡፡ 5 እንሲን ኢየሱስ ኒዕልልኢ በርሰ ማኻተሰነኻ ከው ገሪው ኒል እንተረውሲ ቛሎሰና ፊሊጶስቲ፡ ነስካ ከውድ አካዂ ሳንስዓ አወትድ ጅቢኖ ግን፡ ይኹሉ፡፡ 6 ኒንኻ ወጠንዶሉ ዮ ግን ግራ ኒ እሰውሲታ ኒላውድ አርኦ እርጉዂ፡፡ 7 ፊሊጶሳ ሳንስዓ ለጛ ሊኽ አረኻ ላሽራፋኽር ገእይጊድሎም ዮኻ ወንተሱኹሉ፡፡ 8 ኒታለይቶትልድ ላዃ እንድርያስ ቤጥሮሲ ኒዳን እንኳ ሳንሲዕ ስክሙዲ ለጛ ዓሰዲ ሻዂ ቍራ ነት ህምበኲ 9 ደኣም ነስከው በጃኽውድ ውራ አቅትሮሎም፤ ይኹሉ፡ 10 ኢየሱሳ ከውሲ ጀጋሕ ሰሎም ኒልኻ ሻንካ ከላእ እርጉዂ፡፡ አንኳ ስሕ ግርዋ አከዋ ጀጋሕ ይኑዂ፡፡ 11 እንሲን ሳንስዓስ ጉዶ ሐመዱዂ ኒታለይቶትዳ እዉኹሎም፡፡ ናውኻ እን ጀጋሕ ዮ ህምበውድ በኒኒኹሎም ዓሲልድ ናው ጀረበነሰነክ፡፡ 12 ብትኖሰናኻ ኒ ታለይቶትሲ እን ከብተ ሽርፍራፍ ልድ ላሪ ድኳ ማልስግሪን ለከማሎም ይኹሎም፡፡ 13 ናዋ እን አንኳ ሳንስዓ ስኩሙልድ እን ቄውልድ ከብተውኻ ሽካ ለጛ ስግርፍኦታት ሽርፍራፍልድ እን ሰዂኑዂ፡፡ 14 እን ከው ኒስ ተካ አምርሲ ቛልነሰና ኒን እምንድክ እን እርድሊ እንትሮ ህምባዂ ነቢራ ግን ይኑዂ፡፡ 15 ንድኻ ኢየሱስቲ ሻኽኖ ሒልድ ሰየምድድኖሉ እን ተረውሲ ቛለሰና ኒቱ ኮዶ ጊሪል ዕጭጭ ዩዂ፡፡ 16 ኩንጝ አኽሰና ኒታለይቶት ዓይግሊ ገምኑዂ፡፡ 17 ታንኳትል አኽኖኻ እንደራ ዐይግ ካርጝል ቅፍርናሆ ምትል አኽራሲክ ፈርኑዂ፡፡ ጨልመቶኻ እርጉዂ፡ ኢየሱሳ እንቶሎም እርግላ፡፡ 18 እን ዐይጋ ወልወል ሒለቱዂ ጉነዲን ለለክሱዂ፡፡ 19 ለጞረጝንዲ አንኳ ወሪ ሰዀረጝን ፊዃ ፈርነሰነኻ ኢየሱስ ዓይግል ዓቁድ ዓቍ ፈሩ ታንኳትሊ ሱኩራዂሲ ቛልነሰነኻሉ ጓቍትኑዂ፡፡ 20 ኒኻ ኣን ግን ቸረጋ ይኹሎም፡፡ 21 እንሲን ታንኳትሊ አድኖሉ ጀረቢኒዂ ደኣም እን ታንኳቲ ንርድ-ንርድ ናው ፈሩኑ እርግና ብሪል ገእይቲ፡፡ 22 ኤመሪትል እን ዓይግ ካርጝል ከብተ እርገው ከዋ ላታ ንኰቲ አኽገት ኒ ታለይቶታ ናቱ ፈሩኑ ኢየሱሳ ናዲ ታንኰትል ዓረግገት ቛልኖ እርግኑዂ፡፡ 23 ጥብርያዶስትልድ ጉኖኻ ታንኳት ኤሪው እን ኢየሱስ ሐመዶ ሳንሳዓ ቍሳኹሎም አካንሊ እንትቲ፡፡ 24 እን ከዋ ኡየሱስትኽር ኒታለይቶትሲኽር ኒል ብነሰነሎም ታንኳትሊ አኽኖ ኢየሱስቲ ጀረቢድኖ ቅፍርናሆምትል ፈርኑዂ፡፡ 25 ዓይግ እንደረሲ አርነሰናኸሉ መምህር አውን ነት እንትሮ ይንኹሉ፡፡ 26 ኢየሱሳ እምንድክ ይየኩም እን ሳንስዓልድ ቍድኖ ብትድንነዲን ጀረብደነኩለ እንኲድኑዂ ግን ግራ አምር ቛልድናኹድ አኽድኒ፡፡ 27 ሳንስዓ ዶኳዂሲ ጀረበግዲኒ እን ሳንስዓ ዲመሩዂሲ ጀረባ ኒኻ እን ኣሚንድኹራ ኡሮኩም ህምባዂ ግን ውረድ እኽር ጃር ኒ ሻሮትድ ዱመት እሰ ህምባዂ ግን ይኹሎም፡፡ 28 ጃር ወራት ሀቢኖ ውራ እሲኖ ጀረብዳኹንና ይንኹሉ፡፡ 29 ኢየሱሳ ጃር ወራት ኒን ግን እን ኒ እንሻቃኹድ አምና ይኹም፡፡ 30 ናዋ እንቲ ውሪ ሻሮት እስራኹን፤ ኒት ቛልኖ አምኖ ውራኒ ግን እንቲ እስራ ወራት፤ 31 ይና እክል ኣው ከደንሊ እን ክቱብ ያኹድሰና ዓስተርልድ ገማዂ ሳንሳዓ ማና ቍኑዂ ይኑኹሉ፡፡ 32 ኢየሱስ እምን እምንድክ ይየኩም ሙሴ አኽላ ዓስተርልድ ሳንሳዓስ ኡዋኹሎም ይኽር ግን ሳንሳዓ እምንዱዂሲ ኡዋኹሎም፡፡ 33 ውረድ ጃር ሳንሳዓስ እን ዓስተርልድ ገማዂ ግን ኒኻ እርድድ ፊዂት ኡወኲ ይኹሎም፡፡ 34 ናዋ ዎ ይናአደራ እና ሳንሳዐ ኒልድ ዲማ ናኽና ይንኹ፡፡ 35 ኢየሱሳ እን ሳንሳዓ ፊዂቱዂ አን ግን ይኹሎም እን ይል እንተራዂ ዲመስ ከኣርተላ እን ይል አምናዃ ዲመሲ ሱቛንተላ፡፡ 36 ኣን ድዊኹንኩም እንትንኻ ቛልድንኹለ ደኣም አምንድኒለ፡፡ 37 ይኽር ኡዋዂክለ ይል እንትሮ ግን እን ይል እንተራዂስኻ ኒኾርስክ ከደን ዳገነሊሉ፡፡ 38 ውረድ አን ዓስተርልድ ገሞ ህምባኽር ይኽርድ ምራድሲ እስየ ግን ግራ ይምራድሲ ኣኽላ፡፡ 39 እን እንሻቃኹድለ ምራዳ ንድሰና ግን እን ኒ ኡዎ ውልድለ ላዂ ድሂስጊ ደምቢሪ ግርገድ ጉድየሉ ግን፡፡ 40 ኒንኻ ኡዂረስ ቛሎ አምናዂክ ዲመር ፊዂት ለውሮ ይኽርድ ምራድ ግን ኣንኻ እን ደንጎቢ ግርገድ ጉድየሉ ግን ዮ ወንተስኹሎም፡፡ 41 ኣይሁድኻ ዓስተርልድ ገማኽር ሳንሳዓ አን ግን ይነዲንሎም ኒአወይሲ ጉድዕድዕ ይኑዂ፡፡ 42 ውራ ኒን ይን አርእናዂ ኒኽርዲ ኒገነዲት ኢየሱስ ዮሴፍዂራ አኽለማ እማ አዋ ሃበ ግን ዓስተርልድ ገማኽር ግን የኹን ይኑዂ፡፡ 43 ኢየሱሳ እንተሹር እንተሹ ጉድዕድዕ ይጋ፡፡ 44 እን ይኽር ወተርጋዂሉ ኣኽጋዂ ላዂ ድኳ ይል እንተራዂ እላ ኣንኻ ደንጎቢ ግርገድ ጉዲየሉ ግን፡፡ 45 ናውክ ጃርድ ክንተው አኽድኖ ግን ያዂ ነቢታትሊ ከተብሶ ህምበኲ እን እኽርሲ ዋሶ ኒ ምህሮት ከላብራኽክ ኒውክ ይል እንትሮ ግን፡፡ 46 እን ጃርልድ ፈዂ አኽገት ላዂ እኽርሲ ቛላዂ እላ እን ጃርሲ ቛላዃ ኒ ግን፡፡ 47 እምንድክ ይየኩም ይድ አምናዂክ ዲመር ፊዂት አርዶ ግን፡፡ 48 ሳንሳዓ ፊዂቱዂ ኣን ግን፡፡ 49 እንታ እክል አው ከደንሊ ማና ቍኑዂ ደኣም ክርኑዂ፡፡ 50 እን ኒልድ ቄዂክ ክርጊን ዓስተርልድ ገማኽር ሳንሳዓ ፊዂቱዂ ኣን ግን፡፡ 51 እን ዐስተርልድ ገማኽር ፊዂት ሻዂ ሳንሳዓ ኣን ግን እና ሳንሳዓ ኒልድ ቄዂካ ዲመሲ መንደርትሮ ግን እና ኣን ዲመር መናብረትዲ ኡዋዂ ሳንሳዓኻ ይ ስኻ ግን ዮ ወንተሰኩሎም፡፡ 52 ንድኻ ኣይሁድ ኒን ኣዋሃበ ግን ኒ ስኸስ ቍኖ ኡዋዂንና ዩኑ ከሐድስጚኒዂ፡፡ 53 ኢየሱሳ እምን እምንድክ ይየኩም ኣዳሚንድዂሪ ሥኻሳ ቋግደነን ኒ ብርስኻ ጀአግደነን ፊዂት ሻኽድኒ፡፡ 54 ይስኸስ ቋዂዲ ይብርሲ ጀአዂዲ ዲመር ፊዂት ህምበኩሉ አንኻ ደንጎቢ ግርገድ ጉድየሉ ግን፡፡ 55 ውራድ ይስኻ እምንድ ነብራ ግን ይብርኻ እምንዲ ጅእ ግን፡፡ 56 ይ ስኸስ ቋዂዲ ይብርሲ ጀኣዂዲ ይል መንደርተኲ ኣንኽር ኒል መንደርተኩን፡፡ 57 ፊዂት ሻዂ ይኽር እንሻቃዂለ ኣንኽር ይኽር ፊዂት ክመት ኒሰና ይት ቋዂ ይድ ፊዂት ክሚሮ ግን፡፡ 58 እን ዓስተርልድ ገማዂ ሳንሳዓ ኒን ግን እን እንታ እክል ቍናዂ እማ ክረው ኒሰና ኣኽላ እና ሳንሳዓ ኒስ ቄዂክ ዲመስ መንደርትሮ ግን ይኹሎም፡፡ 59 እና ጋብ ነን ቅፍርናሆምትል ቤት መቅደስሊ ክንሱንሲክ የው ግን፡፡ 60 ገሪው ኒ ታለይቶትልድ ነስ ዋስነሰና እና ጋብ ነን ሒለቱ ግን ኤዊ ዋስሮሎም ገረሳዂን ይኑዂ፡፡ 61 ኢየሱሳ ኒ ለበከድ አርእስቶሉ ኒ ታለይቶት ጉድዕድዕ ይነት ንድማ አንቄሪትደናዂን፡፡ 62 ኣዳሚንድዂረስ ኒ እማኒ ኣካንሊ አረጉ ቋልደነጛ ውራ ይትንድ፡፡ 63 ፊዂት ኡዋዂ መንፈስ ግን ስኻ ላሪ ሻኽላ እና ይጋብኻ መንፈስ ግን ፊዂትኻ ኡዎኲ፡፡ 64 ደኣም እንተዲ ኣምነገው ህምበነኲ ኒንኻ ኢየሱስ ሰልፍልድ ተርሰ ኤምነገው አወን አኽነት አውኒኻ ከየንዶሉ አከት አርኡ አርኡ እርጉዂ፡፡ 65 ንድ ግን እን ይኽርድ እውስትጋዂሉ አኽገት ላዂ ይል እንትሮ ገረሰላ ይኹሎም፡፡ 66 ንድ ደምቢ ገሪው ኒ ታለይቶትልድ ኒዲ ፈርነስ ባርኑዂ፡፡ 67 ኢየሱሳ እን ሽካ ለጞት እንትጝር ፈርትኖማ ጀረብደናኹን፤ ይኹሎም፡፡ 68 ስምኦን ቤጥሮሳ ዎ ይናአደራ አውትል ፈርኖ ይሮና እንቲ ካያ ጋብ ዲመር መናብረቱ ፊኹ ሻኽሩዂ 69 እንቲ ሻትክ ጃርኹራ ኣኽረት ኤምኖኽር ኤርእኖኽር ህምብነኩን ይኹሉ፡፡ 70 71 70. ኢየሱሳ ኣን አኽሊማ ሽካ ለጞርትክ ፍሪራኽርኩም፤ ደኣም እንተልድ ላዂ ዲያብሎስ ግን ይኹሎም፡፡ 71. ኒንኻ እን ከየንዶሉ ህምባኹድ ይሁዳ አስቆሮታዊራ ስምኦንዱኹራድ እንሽካ ለጛትልድ ላዂ ግን፡፡
1 ንድ ደምቢ ኢየሱሳ አይሁድ ኩድኖሉ ጀረቡኑ እርግነዲን ገሊላትል ወንተሩ እርጉዂ ግራ አይ ሁድ ብሪል ፈርላ፡፡ 2 እን ግርጋትሊኻ በዓል አይሁድሩዂ ስኩሮ እርጉዂ፡፡ 3 ኒሻጛ ኲ ታለይቶት እንቲ እስረውሲ ቋልድኖ ጉ ነትድ አይሁድ ብሪል ፈሪ ይኑኹሉ፡፡ 4 ውረድ ላዂ ቋልስትሮ ጀረባዂ ትብታንድ እሳዂ እላ እንቲ ነስ እስራኽር አኽሮ ደምቢ እርድድ ቃልዕስቲ፡፡ 5 ኒንኻ ኒ ሻጝር ኒድ ኤምኑኑ ሰጞኒ፡፡ 6 እንሲን ኢየሱስ ይወክት አቅቶ እላ እንታ ወክታ ዲማ ደለማዂ ግን፡፡ 7 እርድ እንተት ወነነላ እርድ አን ወራት ንርሙቁልናሩዂሲ መስከራኽር አኽነዲን ይት እንጠረት፡፡ 8 እንትን በዓሊ ፈራ አን ይወክት ገእይጋዂ ኣኽነዲን እና በዓል ኒል ተረገሰሊ ይኹሎም፡፡ 9 ነስ ዮ ደምቢኻ ገሊላትል ከብቲዂ፡፡ 10 እን ኒሻን በዓሊ ተረገስኖሰነኻ ንኽር ትብታንድ እን በዓሊ ተረገሱዂ፡፡ 11 አይሁዳ እን በዓሊ ጀረቡኑሉ እርግኑዂ፡ አዊል ህንባኹን ኒ ይኖኽር ወንቀሩኑ እርግኑዂ፡፡ 12 ከዋ ነበክላ ኒሰበትድ ገሪዂ ጉድዕድዕ ጉዂ ላው በኪት ግን ዩኑ ላዋ ኒን ከውሲ ከቲሰኲ ዩኑ እርግኑዂ፡፡ 13 ደኣም አይሁድ ሰየምሲ ጓቍትንነዲን ላዂ ገሽድ ጋባዂ እርግላ፡፡ 14 እንሲን ኢየሱስ በዓል ገፍሊ ቤተ መቅደስሊ ዓረጎ መሄርድሮ ተርሲዂ፡፡ 15 ንድኻ አይሁድ ኒን መሄርስጊ አውሃበ ክቱባንሲ አርኡኹን፤ ይኖ ፈከርሱኑ እርግኑዂ፡፡ 16 ኢየሱሳ አን ይክኒ እን እንሸቃዂዱኹለ ግን ግራ ዩዂ ኣኽላ፡፡ 17 ኒ ምራድሲ እሲሮ ጀረባዂ ዋነን ደኣም እና አን ክንሳዂ ጃርልድ ወሪ ይልድ አከን አርእኖ ገረሰዂ፡፡ 18 እን ኒሹትልድ ጋባዂ ኒሹር ጀንጀንስና ጀረባዂ ግን፡ እን እንሸቓኹድሉ ሳቡር ጀረባዃ እምንዱዂ ግን፡፡ ኒልኻ ላሪ ሃሽከብና እላ፡፡ 19 ውራ ሙሴ አኽለማ ትእዳዳትሲ እዋኹኩም፤ ደኣም እንተልድ ላዂ ትእዳዳትሲ ተከዋኹሎም እላ፤ ኣከገጛውሪዂ ኩትኖለ ጀረብደናዂን ዮ ወንተስዂሎም፡፡ 20 እን ከዋ ክልብርሲነ አበዲ እንቲ ጅን ሻኽሩዂ ኤውኒ ግን ኩሮካ ጀረባዂ ይንዂሉ፡፡ 21 ኢየሱሳ ላወራት እሲነዲን ናውክ ፈከርስድኑዂ፡፡ 22 ሙሴ ፍትሕ ስምትሪዂ እውኹም ኒንኻ እንታ እክል ግን ኒት ኡዎውኩም ግራ ሙሴ ሳኽላ፡፡ እንትጛ ሰንበርድ ሰመተርደነኲ፡፡ 23 እማ ሰንበርድ ሰመተርደነን ፍትሕ ሙሴሩዂ ዳድ ሰጋዂ ኣኾ ደምቢ ውሪዂ ኣን ሰምበርድ ግርዋ እቢስነዲን ይ አወይሲ ቀጠብደናዂን፡፡ 24 እማ እንከልስትኖ ይድኖ ፈረድግድኒ ትክያ ፍርድ ፈረዳ ዮ ወንተስዂሎም፡፡ 25 ላው ኢዮሩሳሌምሩኻ እን ኩድኖ ጀረቡኒ እርግናዂ፡፡ 26 ውራ ናሃበ አግሀዶ ጋቡ ላሪ የገውሉ እን አስያምኽርማ ኒል አምኖ እምንድክ ኒ ክርስቶስ አኽት፡፡ 27 ይን ደኣም ኒን ኤዊልድ እንተረት አርእንኹን ክርስቶስ ኤወትድ እንተረት ላዂ ድኳ አርእላ ይኑዂ፡፡ 28 ንዳ ኢየሱስ ቤተ መቅደስሊ አኾ ድርሲ ክብሰ እንትን አርእድኑዂለ ይኹ አወትድ እንተትኽር አርእድኑዂለ እን እንሻቃዂ እንትን አርእግድናዂ እምንግን፡፡ 29 አን ደኣም ኒልድ አኽነዲን እንሻቃዂለኽር ኒ ኣኽነዲን አርእዂለ ዩዂ፡፡ 30 ንድኻ ሻኽኖሉ ጀረቢኒዂ ደኣም ኒወክት አኽጋዂ አኽነዲን ላዂ ናን ገምድሮሉ ገረስላ፡፡ 31 ከላእ ከውልዳ ኒድ አምኑዂ ውራ ክርስቶስ እን ተራካክ እና ኒ እሰው አምራትልድ በጃኸውማ እሲሮ ኣኾ፤ ዩኑ እርግኑዂ፡፡ 32 ፈሪሳን ከው ኒድ ና ሃቢነ ጋበውሲ ዋሰነሰና አቅሰታ በህሊንዲ ፈሪሳንዲ ሻኽድኖሉ ይኖ ናንሽቕሲ ፈስኑኹሉ፡፡ 33 ኢየሱሳ ከለላ ግርጋትሲ እንተዲ ህምበኩን፤ እን እንሻቃኹሊለ ወንተርድየ ግን ይኹሎም፡፡ 34 ጀረቢትኖለ ግን ደኣም ኣረርደኒለ እን አን ህምባኹሉ እንትትኖ ገረስደኒ ይኹሎም፡፡ 35 ኣይሁዳ ናሹር ናሹ ኒን ኤዊል ፈርዶ ግን ይን አረረግናኹ፤ እንጫ ግሪኽ ኮል ፈተታሕ ዮ ህምበውሊ መሄርድሮ ፈርዶ ቶክ አኾ፡፡ 36 ጀረቢትኖለ ግን ደኣም አረርደኒለ እን አን ህምባ ኹል እንትትኖኽር አከለኩም ይና ጋብ አበዲ ውሪ ማዕነት ግን ዩኑ ከሐድስጚኒዂ፡፡ 37 እን በዓል ድጙስትኒ ግርጊል ኢየሱስ ደውዩዂ እማ ስቛንታዂ ዋነን ይል እንቶ ጅእን ዮ ጨርሑዂ፡፡ 38 ይል ኤምናኹኲ እን ክቱባት የሰና ኒ-ጎዱጉልድ ኩራ ዲመዳዩዂ ኩሪትሮ ግን ዩዂ፡፡ 39 ኒጛ እን ኒል ኤምነው መንፈስ ሻትክ ከለብርዶ ህምበውድ ግን ኒ ያዂ፡፡ ውረድ ኢየሱስ ኒሳቡርሊ ገእይጋዂ አኽነዲን መንፈስ ሻትክ ገሞ እርግላ፡፡ 40 ነስ ተካ ጋብሲ ወስነሰና ላው እን ከውልድ ኒን እሙር እን ነቢራ ግን ይኑዂ፡፡ 41 አሪዋ ኒን ክርስቶስ ግን ይኑዂ፡፡ ላዋ ውራ ድኣም ክርስቶስ ገሊላትልድማ እንትሮ ኣኾ፤ ይኑዂ፡፡ 42 ክርስቶስ ዳዊትር ፈደንልድኽር እንድገ ዳዊት መንደርቱ ሰጞሪ ቤተልሔምትልድ አኸት ውራ ክቱብ ደወኲ እለማ፤ ይኑዂ፡፡ 43 ኒሰበትድ ከዋ ነበክል ድርግርግ ትዉዂ፡፡ 44 ናልድ ላዋ ሻኽድኖሉ ጀረቢኒዂ፤ ደኣም ላዂ ናን ገምድለሉ፡፡ 45 እን እንሸቕሰዋ አቅሸታ በህሊንዲ ፈሪሳንዲትል ወንተርኑዂ፡ ናዋ ውራ ናቕስግድኒሉ፤ ይኑኹሎም፡፡ 46 እን ንሽቃ እና ግርዋ ንድሰና ሃበ ጋባዂ ኒዀርሲክ ላዂ እላ ይኑኹሎም፡፡ 47 ንድኻ ፈሪሳን ውራ እንትጝርማ ከትዲነ ይኑኹም፡፡ 48 ውራ አስያምልድ ወሪ ፈሪሳንልድ ላው ኒል ኤምነውማ ዋኒነ፤ 49 ከው ነን ፍትሕ አርእገው እሽው ግን ይኖኻ ወንተስኑኹሎም፡፡ 50 ናልድ ላዂ ኒቆዲሞስ ይስታዂ 51 ላዶን ኒል ቂር እንታዂ ክልብርሰ ውራ ይና ፍትሕ ላግርወስ በደሮ ሰልፍ ዋስጉሉኽር እን ወራትሲ ቛልጊሉኽር ፈረዳዂመሉ አኾ፤ ይኹሎም፡፡ 52 ናዋ እንቲኽርማ ገሊላሩዂ አኽሮ፤ ትክስረ ፈጠኒ ገሊላትልድ ነቢራ ጓገት ቛልቶ ግን ይኑኹሉ፡፡ 53 ናውካ ላኹኲ ኒልጝል ወንተርኑዂ፡፡
1 ኢየሱሳ ደብረ ዘይቲትል ፈሩዂ፡፡ 2 ኤመሪትልኻ ኮዶ ቤተ መቅደስሊ ጉራቦ ወንተሩዂ፡፡ ከው ከላእ ኒል እንትነሰነኻ ከፍ ዮ ክንሲሮሎም ተርሲዂ፡፡ 3 ከታበንዲ ፈሪሳንዲኻ ላ እዂና ዳነይኒል አርስረሪት ናቕስኑኹሉ እማ ነበክል አንጦጠልድኖላኻ ፡ 4 መምህር እና እዂናት ናን ደነይኒል አርኑኹንላ፡ 5 ነስ ተከው እውሰውሲኻ ሙሴ ኦሪትል ክርጝ ሕንጭልጭሊትድ ኩውስትድኖ ህምበኩለን ዮ መኾኾና ህምበኲ፡ እንቲኻ ንርድ ውራ ይራኽር፤ ይኑኹሉ፡፡ 6 ኒስ ናይናኻ የኣይ ኒድ ሸከየናኹሉ አርድኖሉ ይኖ ግን፡፡ ኢየሱሳ ሉም ዮ ብሪል ጭብዕድ ከተቡዂ፡፡ 7 ወንተተሪነክ ወንቀርነሰናኻ ሉ ናዕ ዩዂ እማ አዊ እንተልድ ዓገብእግጛ ማልንላ፤ ይኹሎም፡፡ 8 ኮዶኻ ሎምዮ ብሪል ከተቡዂ፡፡ 9 ናዋ ኒስ ዋስነሰና በሀሊንልድ ተርሲነ ላዂ ላዂድ ሕርጥ ሕርጥ ይኖ ፈርኑዂ እን እዂና ነበክል አን ጦጠልዶ ንርቱ ከብቲቲ፡፡ 10 ኢየሱሳ አኾርሲ ክብሰ እን እዂናት አኽጋዂ ላሪ ቛላ እማ እንቲ እዂና እንኩት ሸከየው ኤዊል ህምበናኹን፤ ላዂማ ዓውቲትለኪ፤ ይኹላ፡፡ 11 ንሪኻ ላኹር እላ ያደራ ይቲሉ፡፡ ኢየሱሳ አንኽር ላሪ የሊኪ ፈሪ ንድ ደምቢ ዓገብ እሰግ ይኹላ፡፡ 12 ኮዶ ኢየሱሳ ኣን ቲዃ እርዱዂ ግን ይት ተለያዂ ዲመሲ ጭልምሊ ወንተተረላ፤ ዲመር ቲዃ አርዶግን ይኹሎም፡፡ 13 ፈሪሳንኻ እንቲ ኩሹሺ ሳምዕድራኽር ኲ ሳምዕድናኻ ሐላል ኣኽላ ይንኹሉ፡፡ 14 ኢየሱሳ ይሹሺ ሳምእደን እምን ግን፡፡ 15 ውረድ ኤዊልድ እንታኽር አኽትር ኤዊል ፈረትር አርእዂን እንትን ደኣም ኤዊልድ እንተራኽር አኸትር ኤዊል ፈራኽር አኽትር ላሪ አርእድኒ፤ እንትን ስኺዂድ ፈርደኖኲ አንኻ ላዂሲ ድኳ ፈረደሊ፡፡ 16 ይኽ ፈረደንኽር ይፍርድ ሐላል ግን፡ ውረድ እን እንሻቃኹለ ይኽርድ ግን ግራ ይቱ አኽሊ ኣን ፈረዳኽር፡፡ 17 እንታ ፍትሕል ለጛ ግርዊ ፍርድ ሐላል ግን ያዂ ክቱብ ህምበኲ፡፡ 18 ኣን ይሹሺ ሳምዕደን ይኽር እን እንሻቃዂለኽር ይድ ሳምዕደኲ እንኩዂ ይኹሎም፡፡ 19 ናዋ ኲ እኽር ኤዊል ህምባኹን፤ ይንኹሊ፡፡ ኢየሱሳ እንትን ይጥኽር አርእድኒ ይኽርስኽር አርእድኒ ይት አርእድናኽር አክደነን ይኽርስኽር አርእትንድ ሻኽድናኽር ግን ይኹሎም፡፡ 20 ኢየሱሳ ቤት መቅደስሊ እን እንድባ ሰደቀት ገምደናዂድ ገቢል ኣኾ ክንሱ ግን እና ጋብነስ ኒ ጋበዂ፡፡ ኒግርጋ አኽጋዂ ኣኽነዲን ላዂ ሻኽሮሉ ገረስላ፡፡ 21 ኮዶ ኢየሱስ ኣን ፈረኩን እንኩኹን እንትጛ ጀረቢትኖለ ግን ደኣም እንታ ዓገብሊ ክርትና ግን ግራ እን አንፈራዂሊ እንትትኖ አከለኩም ይኹሎም፡፡ 22 ኣይሁድ ኣን ፈራዂሊ እንትትኖ ገረስደኒ ያኹና ውራ ኒ ሹትማ ኩሮ ኣኾ ይኑዂ፡፡ 23 እንትን ብሪልድ ግን አንኻ ዓስተርልድ ግን እንትን እና እርድልድ ግን ኣንኻ አኽሊ፡፡ 24 ኣን ኤዊ አኸት አርአግደነን እንታ ዓገብሊ ክርትኖ ግን የኩንኩም፡፡ 25 ናዋ እንቲ ኤውኒ ግን፤ ይኑኹሉ፡፡ ኢየሱሳ አን እን ሰልፍልድ ተርሰ ድወኹርኩም ግን፡፡ 26 እንተድ ጋበውድ ሸከየውዲ ገሪ ወራታት ህምበኩለ፡፡ አን እንሸቃኹለኻ እምንዱዂ ግን፤ አንኻ እን ኒልድ ዋሰውሲ ግን አን አርድድ ድዋዂ ይኹሎም፡፡ 27 ናዋ እን ኒ-የው ኒ-ኽርድ አኽት ላሪ ፈሀምኒ፡፡ 28 እንሲን ኢየሱስ አዳሚንድኹራስ ጉድነሰለለነሉ አን አኸት እኳ ይኽር ክንሰኹድለ ጋቡኩም ሰጞት ይላውድር ላሪ እሰገት ኤርእትኖ ግን፡፡ 29 እን እንሸቃኹለ ይዲ ግን፤ አንኻ ኒት ፈርሕዳ ወራት ዲማ እሳኽር አኽነዲን ይኽር ይቱ ባረለለ ይኹሎም፡፡ 30 ነስ ጋበሰና ገሪው ኒድ ኤምኑዂ፡፡ 31 ኢየሱሳ እን አይሁድ ኒድ ኤምነውሲ እንትን ይጋበል ተብደነን እምንድክ ዪ ታለይቶት ግን፡፡ 32 እምንቲ አርእትኖ ግን፤ እን እምንኻ ሓሻ ፍድቶኩም ግን ይኹሎም፡፡ 33 ናዋ ይን ቸብርሃምር አሰል ግን ግራ ላኹድ ድኳ ገንጂን አኽኖ ኤርኒ፡፡ ኣዋሃብረ ግን ሓሻ አኽትኖ ግን፡ ይራኹንና፤ይኑኹሉ፡፡ 34 ኢየሱሳ ዓገብ እሳዂ እምን እምንድክ ይየኩም ዓገብ ገንጂና ግን፡፡ 35 ገንጂና ዲመሲ ልጝንሊ መንደርላ ኡኹራ ደኣም ዲመሲ ልጝሊ መንደርተኲ፡፡ 36 ኡኹራ ሐርነት ፍደንኩም እምንድክ እምንድክ ሓሻ ፍድኑዂ፡፡ 37 አብረሃምቁር አኽድነት አርእኹን፡፡ ደኣም ይጋብ እንተል ከለብርስላ እማ ኩትኖለ ጀረብደነኲ፡፡ 38 አን ይኽርልድ ቛለዂሲ ድወኩንኩም እንኩኹን፡ እንትንኻ እንታ እኽርልድ ቛልድናዂሲ እስደነኲ እንኩድኑዂ ይኹሎም፡፡ 39 እማ እንትን ደኣም እንታናዋ ይና እኽር አብርሃም ግን ይኑኹሉ፡፡ ኢየሱሳ አብርሃም ቁር አክደነን አብርሃምር ወራት እሲትንድ ሻኽድናኽር ግን፡፡ 40 ናንኻ እን ጃርልድ ዋሳ እምንሲ ጋቢነዲንኩም ኩትኖለ ጀረብደነኲ፡ አብረሃም እንዳሃቢላ፡፡ 41 ኽርድ ወራት እስደነኲ እንኩድኑዂ፡፡ ናዋ ይን ደነይናድ እዃርስኒ ይናኽር ላዂ ጃር ግን ይንኹሉ፡፡ 42 ኢየሱሳ ኣን ጃርልድ እንታኽር ግን፡ ኒ ግን ይት እንሸቓኲለ ግን ግራ ይላውድ እንትሊ፡ ንድኻ ጃር እንታኽር አከን ይት እንከልትንድለ ሻኽድናኽር፤ ግን፡፡ 43 ውረድ ግን ይጋብሲ አስተብሀልደግደናኽር፤ ኒንኻ ይጋብሲ ዋስትኖ ጀረበግደናኽር አኽድንነዲን ግን፡፡ 44 እንትን እንታኽር ሰጣን ግን፡ እንታኽር ሸንሀትሲኻ እሲትኖ ጀረብደነኲ፡ ኒ እማነንሱኲ ፊኹት ኩወንታ ግን፡፡ ኒል እምን ዋንትናብነድ እምንሊ ተበላ፡፡ ጋበን ኒሹትልድ አኽነዲን ብን ግን ኒጋብ፡፡ ውረድ ኒ ቡኝ ግን ብንድ ንርእኽርግን፡፡ 45 ይታ እምን ጋባኽር አኽነዲን ኤምንድኒለ፡፡ 46 ኤዊ ግን እንተልድ ሓጢአትድ ሸከይሮለ ገረሳዂ፤ እምን ጋባኽር አኾ ደምቢኻ ውረድ ግን ኤምንደኒለ፤ 47 እን ጃርልድ አኻዂ ጋባ ጃርዲት ሸኑሮኲ፡፡ እንትን ዋስድኑዂማ ጃርልድ አኽግድናኽር አኽድንነዲን ግን ጃር ጋብሲ እንትን ዋሰግደናዂ ይኹሎም፡፡ 48 አይሁድ ውራ ይና እምን አኽኒማ ሳምራዊራ ሰጣን ሻኲ ይኖካ፤ ይኑኹሉ፡፡ 49 ኢየሱሳ አን ይኽርሲ ሳበኩን ግራ ሰጣን እለለ፡ እንትን ግን ዕላጅ እስደናኽርለ፡፡ 50 አን ይሹር ሳቡር ጀረበሊ እን ሳቡር ጀረባዂዲ ፈረዳዂዲ ኤሪዂ ህምበኲ፡፡ 51 እን ይጋበት ተከዋዂ ዲመዳይድ ክራ ቛለገት ኒዀርሲክ እምን እምንድክ የኩንኩም፡፡ 52 አይሁዳ ናን ኤለለይኑኹንካ ጅን ክምረት አብርሃምዲ ነቢታትዲኻ ክርኑዂ፡ እንቲኻ ይጋበት እንኩራዂ ዲመሲ ክረላ ይራኹን እንኩሩኹን ይኑኹሉ፡፡ 53 እንቲማ ይናኽር አብርሃም ክራኹልድ ኩጙሮ፤ ነቢታትር ክርኑኹለ፡ እንቲ ኩሹት አዊ እስራኹን እንኩሩኹ፤ ይኑኹሉ፡፡ 54 ኢየሱሳ አን ይሹት ሳበን ይሳቡር ጉምሽ ግን፡ ይትሳባኹለታ እን እንትን ይነጃር ይደናዂ ይኽር ግን፡፡ 55 እንትን አርእድኒሉ ደኣም አን ኤርእኹንሉ፡፡ አርእሊሉ የዶክ እንተሰና ቡኝ አኽሪድ፡ አን አርእኹንሉ ኒ ጋበትር ተከወኩን፡፡ 56 አብርሃም እንታኽር ይግርጋትሲ ቛልዶ ሸንሁ ሰጞኲ ቛሎኻ ነገሱዂ፡፡ የሰነሎም፡ 57 አይሁድ እንቲ አንኩረጝን አመሪኹ አከግራኽርማ አብርሃምቲ ቛልዱኹን፤ ይኑኹሉ፡፡ 58 ኢየሱሳ እምን እምን ይየኩም አብርሃም ኡዃርስጊ አን ሰጞኩን ይኹሎም፡፡ 59 ንድኻ ሕንጭልጭሊት ይድኖሉ ክርጝ ጉድኑዂ፡ ደኣም ኢየሱስ ትብቱዂ፡፡ ቤተመቅደስልድ ናነበክድ ደኮ ፊዂ፡፡
1 ኢየሱስ ጉግድ ደግድ ደኩኻ ግርዋ ኒ ዓረብድ እዃርሳዂ ግርዋ ቛሉዂ፡፡ 2 ኒታለይቶትኻ መምህር ኒን ዓረብ እዃርሱዂ ኤውር ዓገብ ግን፤ ኒዂማኒ እማ ኒት እዃረው ዱዂ፡ ይነረኹሉ፡፡ 3 ኢየሱሳ ኒን ኒኹር ኒት እዃረውድ ከተድር አኽላ፡ ኒን ጃር ውራት ኒል ቛልስትሮ አኻዂግን፡፡ 4 ላዂ ድኳ ኒወራት እሲሮላ ገረሰገሪ ቂር እንተረቲ እንኩቲ፡ እማ ገርክ ዋኑ እን እንሸቃኹድለ ወራትሲ እስያ ወጀበኩለ፡፡ 5 አን እርድሊ ዋኑ ቲዃ እርዱዂ አን ግን ዮ ወንተስኹሎም፡፡ 6 ነዋዮ ጋበ ደምቢኻ ብሪል ኒ-ብጭቅድ መርጓ እሲዂ፡፡ እን መርጓድገኻ እን ዕልል ዓረቡሲ ሸመትኹሎም፡ 7 እማ ፈሪ ዓይግ ሰሊሆምርኹል ፈርዶ እንቃሪ ይኹሉ፡፡ ኒኻ ፈሮ ጀለጥሱዂ ቛሉኻ ወንተሩዂ፡፡ 8 ኒአግዋርዲ እን እማና ሺዉ ቛሉሉ ሰጞውዲኻ ኒን እን ጉግ ሸሊ አኾ ሺዉ ሰኝዂ አኽለማ፤ ይስትጚኒዂ፡፡ 9 ላዋ ኒ ግን ይኑዂ፡፡ ኤሪዋ አኽላ ኒን ተከኲ ግን ግራ ኤሪዂ ግን ይኑዂ፡ ኒኻ ኣን ግን ይኹሎም፡፡ 10 ናዋ እንቲ ኲዕልል አዋኸ ንስቶካ ፤ ይኑኹሉ፡፡ 11 ኒኻ ግርዋ ኢየሱስ ይስታዂ መርጎድ ይዕልልሲ ሸመቱኹ፡ እማ ፈሪ ዓይግ ሰሊሆምሩኹ እንቃሪ ይኹሉ፡፡ ፈሮ እንቃሮሰነኻ ቛልኹን ይኹሎም፡፡ 12 ናውኻ አዊል ህምባኹን ኒ፤ ይኑኹሉ፡፡ ኒኻ ከንዶ አርእሊ ይኹሎም፡፡ 13 ፈሪሳንሊኻ አድኑኹሉ፡፡ 14 እን ግርጋ ኢየሱስ መርጓድ እሰ ኒዕልልሲ ብዳኹሉ ሰንበር እርጉዂ፡፡ 15 ንድኻ እን ፈሪሳን አዋሃበ ቛልዶ ገረሰት ኮዶ ደገስኖ ወንቀርኑኹሉ፡፡ ኒኻ መርጓ ዕልሊ እሲኹለ አጛ እንቃርኹን ቛልኹንኻ ይኹሎም፡፡ 16 ላው ፈሪሳንልድ እና ግርዋ ኒን ሰንበርሰ ዳዳዂ ጃርልድ አኽላ ይኑኹ፡፡ ላው ደኣም ግርዋ ዓገቡዂ አዋ ሃቦ ግን ነስ አምራት እሲሮ ገረሳኹን፤ ይኑኹ፡፡ ናነበክላ ድርግርግ ጉዂ፡፡ 17 ናው ኮዶ ወንተስኖ እን ዓረብሲ እንቲ ዕልልሲ ብድነዲንካ ኒድ ውራ ይቶ ገረስራኹን፤ ውራ ተካኹንካ፤ ይንኹሉ፡፡ ኒኻ ነቢራ ግን ይኹሎም፡፡ 18 አይሁድ ኒገነዲ ኒኽርዲት ሽሽ ወንቀርድናሲክ እምንድክ ዓረብ ኡዃርሰት ናጛ ቛለት ኤምና ብኑዂ፡፡ 19 ናዋ ኒን እን እንታዂራ ኒዓረብድ እዃርሳዂ ይዱኑ ሰጝደናዂ ማኒ፤ እማ ናን አዋሃበ ቛላኹን እንኩኹን፤ ይኖ ወንቀርኑኹሎም፡፡ 20 ናዋ ኒን ይናእኹራ አኸትር ዓረብ እዃርሰትር አርእንኹን፡፡ 21 ደኣም ናን አዋሃበ ቛለትር አውኒ ብደትሉኽር ኒዕልልሲ ይን ላሪ አርእኒ፡፡ ኒ አሜታት ሻኲ ኒላውድ አርኡዂ ኒት ወንቀራ ይኑኹሎም፡፡ 22 ናዋ ና ነስ ይና አይሁድልድ ጓቍትንነዲን ግን፡፡ ውረድ ኢየሱስቲ መሲሕሰና ኤምናዂሲክ ቤተ መቅደስልድ ዳገንድኖ ኰድጚነ እርግኑዂ፡፡ 23 ንድኻ ኒ-ኣ,አሜታት ሻኲ ኒት ወንቀራ የውሎምኻ ጓቍትንነኒዲን ግን፡፡ 24 እን ዓረብ እርጋ ግርወስ ኢጞር ሽጝኖ እምን ጋብረት ላዂ ጃር ሱጙድ ሸሪ፡፡ ውረድ እና ግርዋ ኒን ዓገቡዂ ኣኸት ይን አርእንኹን ይኑኹሉ፡፡ 25 እንሲን ኒኻ ዓገቡዂ አኸት አርኣኹሉ ሻኽሊ፡ ላወራት ግን አን አርአሪ ዓረቦ ሰጞኩን ናንኻ ቛለኩን ዮ ወንተሱኹሎም፡፡ 26 26.ናዋ ኮድኖ ውራ ተካኹንካ፤ ኩድ አዋሃበ ግን ኒ ዕልልሲ ብዳኹካ፤ ይኑኹሉ፡፡ 27 27.ኒኻ ውራ እማ ድዊልመኩም እንትጛ ዋስድኒለ ውረድ ግን፡ ደገስድኖ ዋስትኖለ ጀረብደናኹ፤ ውራ እንትጝርማ ኒታለይቶት አኽትኖ ጀረብድኖ፤ ዮ ወንተሱኹሎም፡፡ 28 28.እንሲን ናዋ ያድቦ እንቲ አኺ ኒታለይቶራ ይን ሙሴሩ ግን ዩኑ ጃኺኒኹሉ፡፡ 29 29.ይን ሙሴት ጃር ጋበትሉ አርእንኹሉ ኒንኻ አወትድ አኸት አርእኒ ይኑኹሉ፡፡ 28 እንሲን ናዋ ያድቦ እንቲ አኺ ኒታለይቶራ ይን ሙሴሩ ግን ዩኑ ጃኺኒኹሉ፡፡ 29 ይን ሙሴት ጃር ጋበትሉ አርእንኹሉ ኒንኻ አወትድ አኸት አርእኒ ይኑኹሉ፡፡ 30 እን ግርዋኻ ይት ፈከርደኩለ እንትን አወትድ አኸት አርእድኒ ኒ ደኣም ይ ዕልልሲ ብድኹ፡፡ 31 ጃር ኒት ጓቍተውዲ ኒምራድሲ እሰውዲት ናት ዋሰኲ ግን ግራ ሐጠአንሲ ዋሰገት አርእንኹን፡፡ 32 እርድ መሀድሰንትልድ ተርሰ ኣዳም ዓረብ ኡዃርሳዂሲ ዕልልሲ ብድኹሉ ይስታዂ ኒ ዀርሲክ፡ ዋስስቶ እላ፡፡ 33 እና ግርዋ ኒን ጃርልድ አኽጋዂ አከን ላሪ ድኳ እሲሮ ገረስጊስ ዮኻ ወንተስኹሎም፡፡ 34 አበዲ እንቲ ኒውክ ክሪሕ ዐገብሊ ጠበቅ ይሮ እዃርስራኽር ይነትማ ክንሲቶ፤ ይኖኻ ናቤት ጸሎትልድ ከደንሲ ዳገንኹሉ፡፡ 35 ኢየሱሳ ከደንሊ ዳገነትሉ ዋሰሰና፤ አረሰነሉ ኣዳሚንዱኹረድ ኤምንዳኹማ፡ እንቲ፤ ይኹሉ፡፡ 36 ኒኻ ዎ ያደራ ኒድ ኤምንያ አውኒ ግን ኒ፤ ይኹሉ፡፡ 37 ኢየሱሳ ቛልዶሉ ህምብረኲ እና ኩዲ ጋባዂ ኒ ግን ይኹሉ፡፡ 38 ኒኻ ኤምነኩን ያደራ ዮኻ ኒጃብል ሐረበጡዂ፡፡ 39 ኢየሱሳ አን እርድሊ ይእንተርና እን ቛለገዋ ቛልድኖ እን ቛለዋ ዓረብድኖ ፈረድያ ግን ዩዂ፡፡ 40 ላው ፈሪሳንልድ ኒል ደውየዋ ኒዲ ነስ ዋስነሰና ይጝርማ ዓረፍ፤ ይኑኹሉ፡፡ 41 ኢየሱሳ ዓረፍ አክደነን ወርካ አኽርድ ዓገብ ሺብስትጊድኩም፡፡ ናጛ ቛልነኩን ይዱኑ ዓገብሊ ተብደኑኲ ይኹሎም፡፡
1 እምን እምንድክ ይየኩም እን እጝጊ በጋኹል መራብድ ትውጊ አሪኹድ ባንጉሮ ትዋዂ ስዋነዲ ኩወንታዲ ግን፡፡ 2 እን መራብድ ትዋዂ ደኣም ምቃቓ በጉዂ ግን፡፡ 3 ኒድ እንተከዋዂ ማሕሰቢት እንጊሩኹ ብደኩሉ፤ እን በጋ ኒደሄይሲ ዋሰቲ ኒኻ እን በግሲ ላዂ ላኹድ ናሱጙድ ሽጞ ፍደኩለን፡፡ 4 በግሲ ፍዶኸለን ናጃብል ፈረኲ፤ እን በግኻ አለለይርነዲንሊ ኒጉርበት ፈረቲ፡፡ 5 ኤሪዂ አከን ደኣም አርእግረሪሉ አኽርነዲን ኒልድ ገለበቲ ግራ ኒጉርበት ፈረላ ይኹሎም፡፡ 6 ኢየሱሳ እና ድግም ኒስ ጃጝስቲኹሎም ናዋ አስተብሃልድኒ፡፡ 7 ንድ ኮዶ ኢየሱስ ሐዲስድ ደገሶ እምን እምንድክ ይየኩም መራብ በጉዂ አን ግን ይኹሎም፡፡ 8 እን ይጃብ እንተው ናውክ ስኳንዲ ኩወውዲ ግን፡፡ እን በጋ ዋስሩሎም ሰጞላ፡፡ 9 አን ግን መራብ ይድ ደኳዂ ደኤንዶ ግን፡ ቱውራኽር ፍራኽር መሸፈልር አርዳ፡፡ 10 ሱዋና ሱውሮኽር፡ ኩሮኽር፡ ድሂስሮኽር ግን ኒ እንተራዂ፤ አን ደኣም መናብረት አርቶ በጀኽድሮ አርቶ ግን አን እንቶ ህንባዂ 11 አን ምቃቃ በኪት ግን፡ እን ምቃቃ በኪት ኒ በግፍዳ ኒሹት እወኲ፡፡ 12 እን ምቃቃ አኽጋዂ እንበግ ኒ-ማል አኽግረሪ አኽረነዲን ክራይ ምቃቃ አኽነዲን ትኲላ ቛለን እንበግ ኒው አኽግረሪ አኽርነዲን ባሮለን እግረኲ፡፡ ሲን እን ትዂላ ነጀረኩለን ፋሕር ሰኩለን፡፡ 13 ኒ ክራዩዂ አኽነዲን እግረኲ ግን ግራ በግ ሐሰርደለሉ፡፡ 14 ምቃቃ በኪት አን ግን፡ በግዩሲ አርእኹንለን፡ እን በግ ዩኽር አርእቲለ፡፡ 15 እን ይኽር አርኣኹድሰነለ አንኽር ይኽርሲ አርእኹንሉ፡ ይፊኹትስኻ ይበግድ ፍዳ ደኩሰኩንላ፡፡ 16 እና እጝጊ ኒልድ አኽግረሪ በግ አሪውር ህምበቲለ፤ ናትር ላእጝዲ ላሞራዲ አኽቶ ይል ኤድየለን ግን፡ ይደሀይሲ ዋስቶ ግን፡፡ 17 አን ይፊኹትሲ ፍዳ አኽቶ ደኲሶ እወኩን፡ ወንተሶ ኤዳኽርላ አኽነዲን ይኽር ንድ እንከለኩለ፡፡ 18 አን ፍዳ ኡዋኹላ ይላውድ ግን ግራ ይልድ ኤድሮላ ገረሳዃ ላዂ እላ፡ አን ፍዳ እውያላ፡ ኮዶኻ ወንተሶ ኤድየላ ሒል ህምበኩለ፡ እና ትእዳድ ኒስ ይኽርትልድ ከለብራዂ ግን ይኹሎም፡፡ 19 እና ጋብ ነድኻ አይሁድ እኺርኺርሊ ፈተታሕ ትዉኹሎም፡፡ 20 ገሪው ናልድ ጅን ሻዂ ግኒቶ ህንባዂ ግን ውሪዂ ሸኑርዳናኹንሉ ይኑዂ፡፡ 21 ኤሪው ደኣም ነስተካ ጋብሲ ጅን ሻዂ ጋበለሎም ውራ ጅን ሻዂ ዕልል ዓረፋ ብድሮ ገረሳኹማ ይኑዂ፡፡ 22 ኢየሩሳሌምትላ በዓል ተሐድሶ ቤተ መክደስዂ፡ ወክት ሽቕ እርጉዂ፡፡ 23 ኢየሱሳ ልንጎጭ ቤተ መቅደስ ሰለሙንድኹል ጅልዉ እርጉዂ፡፡ 24 አይሁድ እንሲን ከረረፍኖሉ እንቲ አውኒ አኽታሲክ ሳህሮ እሲቶና፤ ክርስቶስ አክረን ድዊና ይኑኹሉ፡፡ 25 ኢየሱሳ ውራ ድዊኹንኩም ግራ እንትጛ አምንድ ኒል፡፡ እን ይኽርድ ወራታት አን እሰው ይድ መስከረኩለ እንኩዂ፡፡ 26 እን አን ያኹድሰነኩም እንትን ይበግልድ አኽግድናኽር አኽድንነዲን ኤምንድኒለ፡፡ 27 እን ይበግ ይደሄይሲ ዋስቲ፡ አንኻ አርእኹንለን፡ ናዋ ይጉርበት ተለየቲ፡፡ 28 አን መናብረት ዲመዳዩዂ እወኩንለን፡ ዲመሲኻ ድደላ፡ ይናንልድ ላዂ መንተላዂለን እላ፡፡ 29 እን ናት እዋኹለ ይኽር ኒትክልድ ኩጙኲ፡ ይኽርልድ መንተላኹለንኻ ላዂ እላ፡፡ 30 ይዲ ይኽርዲ ላዂ ግን ዮኻ ወንተሱኹሎም፡፡ 31 አይሁድ ሕጭልጭሊትድ ኩድኖሉ ይኖ ደገስኖክርጝ አድኑዂ፡፡ 32 ኢየሱሳ ይኽርልድ ከላእ ትክየው ወራታት ቛሊስኹንኩም፡፡ እማ ናልድ አውሂሲ ኪትኖለ ጀረብደናኹን፤ ዮ ወንተሱኹም፡፡ 33 አይሁድ ኩጀኽናሲ አዳም አክሩንሲክ አን ጃር ግን ኩይነድ ግን ግራ ኩወራት ትክየውድ አኽላ ይንክርጝድ ኩኖካ ጀረብናዂ ይንኹሉ፡፡ 34 ኢየሱሳ ውራ እንታፍትሕል እንትን አማልኽቲ ንሽቅ፡ ጃሩ ግን ያዂ ክቱብ እለማ፤ 35 እን ጃር ጋባ ናል ዔርዶ ህምብረሪት አማልኽቲ ንሽሕ ዮሎም ደምቢ እን ክቱብ ድድሮ ገረሰላ፡፡ 36 እን እኽር ገውሮ እርድሊ ፈሳዂሲ አዋ እስዲነ ጀኽረኲ እንኩሩዂ ይደናኹንለ፤ 37 ይኽርድ ወራትሲ እሰገን ኤምንገለ፡፡ 38 እሳኽር አኾ ደንቢ ይል አምነግደነን እን አን እሳወራታትሊ አምና፡ ንድ አርእትናኽር ኤምንትናኽር እኽር ይል አኸት እንኻ እኽርሊ ይኹሎም፡፡ 39 ንድኻ ኮዶ ሐዲስድ ሻኽድኖሉ ጀረቢኒዂ ኒ-ደኣም ና-ናንትተልድ ሽልቁርዂሎም፡፡ 40 ኮዶኻ ደገሶ እማና ዮሓንስ የመቅዱ ሰጛ አካንሊ ዮርዳኖስር ካርጝል ፈሩዂ፡፡ 41 ገሪው ኒል እንትኖኻ ዮሓንስ ላሪ አምር እሲለ፡ እን ዮሓንስ እና ግርዋ ንድ ዮ እርገው እምን አኹዂ ይስትጙኑ እርግኑዂ፡፡ 42 ንዳ ገሪው ኒል ኒድ ኤምኑዂ፡፡
1 ግርዋ ኣልኣዛር ይስታዂ ማርያምዲ ማርታዲር ድገሩዂ ሽኹሽቶ እርጉዂ፡፡ 2 ማርያ እን ይና አደረስ ቅዲትድ ሸመትሮ ሽብክ ንርአዀሩውድ ኒልኩኲሲ ሐሰስረሪሉ ግን፡፡ አልኣዛር እን ሽኹሽታዃ ንርዳን ግን፡፡ 3 ንዳ እን ኒሻን ዎ ይናአደራ እን እንከልዳዂ ሽኹሽቶ ህምበኲ ይኖ ኢየሱስትል እንሸቕኑዂ፡፡ 4 ኢየሱስ ኒስ ዋሰሰና እና ሹዂዳ ኒን ጃር ሳቡርድ ግን ውረድ ኣዳሚንዱዂራ ኒድ ጀንጀንስሮ ግን ግራ፡ ክረድ አኽላ ኒ እንቶ ህምባዂ ፡ ዩዂ፡፡ 5 ኢየሱስ ማርታዲ ንርሻንዲ አልኣዛርዲት እንከሉሎም ሰጞኲ፡፡ 6 ዋሶ ዋኑኻ እን እንኒ እርጋ ኣካንሊ ለጛ ኳራ እርጉዂ፡፡ 7 ንድ ደምቢኻ ኒታለይቶትሲ ጎና ይሁዳር ብሪል ወንተርንን ይኹሎም፡፡ 8 ኒታለይቶታ መምህር ውራ ናን ናን አይሁድ ሕን ጭልጭሊትድ ኩድኖካ ጉኖ እርግኖ ኮዶ ናን ኒል ወንተርቶ፤ ይኑኹሉ፡፡ 9 ኢየሱሳ ውራ ግርግ ሽካ ለጛ ሰዓት ኣኽላማ፡ ገርክ ፈራዂሲ እና እርድ ንድ ቲዃ በርህዳዂሉ አኽነዲን ዓንቀፍሰላ፡፡ 10 ቂር ፈራዂ ደኣም ቲዃ እንግጋዂ አኽነዲን ጎለቆምሰኲ ዮ ወንተስኹሎም፡፡ 11 ነስ ዮ ደምቢኻ አልኣዛር ይነማዳ ገንጆ ህምበኲ እማ ጉድየሉ ፈርድያ ግን ይኹሎም፡፡ 12 ኒታለይቶራ ይናአደራ ገንጆ ዋነን እቢርዳለ ይኑኹሉ፡፡ 13 ኢየሱስ ኒ ክርድ ግን ኒ ጋበዂ፡ ናው ደኣም ፊዃ ገንጂኹድ ጋባዂ ተከሎም እርጉዂ፡፡ 14 ሲን ኢየሱሳ አላኣዛር ክሩዂ፡፡ 15 እንትን አምንትኖ ዋድ ኒል ዲገት ነገስኹ፡፡ ናንኻ ጉና ኒል ይኹሎም፡፡ 16 እንሲን ቶማስ ድዲሞስ ይስታዂ እን ይታለይቶትሲ ጎና ይጝር ኒዲ ክርኖ ይኹሎም፡፡ 17 ኢየሱስ ኒል እንቶሰነኻ አልኣዛር ክሮደብተ ሰጃ ኳራ እሰ ዲዊኹሉ፡፡ 18 ቢታንያ ኢዮሩሳሌምትልድ ሰዃ ኪሎሜትር አከቲ፡፡ 19 ገሪው ኣይሁዳ ናዳንድ ክረድ ደፍእድኖለን ይኖ ማርያምዲ ማርታዲዲ እርግኑዂ፡፡ 20 ማርታ ኢየሱስር እንተርነስ ዋስረስና ከለብርቶሉ ፊቲ፤ ማርያማ ልጝል ጀጋሕ ይሮ እርግቲ፡፡ 21 እንሲን ማርታ ኢየሱስቲ ዎ ያደራ እንቲ ነት ዲውረኽር አክረን ይዳን ክርጊድ ሻዂ ግን፡፡ 22 ደኣም ናንኻር ጃርሲ ሺውረንሉ ጃረብራኹክ እወትካ ኤርኦ ህምበኩን ይቲሉ፡፡ 23 ኢየሱሳ ኩዳን ጉሮ ግን ይኹላ፡፡ 24 ማርታኻ ደንጎቢ ግርገድ ጉኒ ወክትሊ ጓት አርኦ ህምበኩን ይቲሉ፡፡ 25 ኢየሱሳ ክሪልድ ጉናዲ ፊኹትዲ አን ግን፡ እን ይድ አምናኹክ ክረጝር እቢሮ መንደርትሮ ግን፡፡ 26 እን ፊኹቱኹል አምናኹ ዲመሲ ክረላ ኒስ አምን ዳኹማ እንቲ፤ ይኹሉ፡፡ 27 ንርኻ የዋ ይአደራ፡ እንቲ እን እርድሊ እንተራዂ ክርስቶስ ጃርኹራ አኽረት አምነኩን ይቲሉ፡፡ 28 እንደዋ ይሮኻ ፈርዶ ንርሻኒ ማርያምቲ ደፋእ ይሮ መምህር እንቶ ህምበኲ ላዂ ሽጞኩኪ ይቲላ፡፡ 29 ንርኻ ኒስ ዋስረሰና ከርተፍ ይሮ ኒል ፈርቲ፡፡ 30 ውረድ ኢየሱስ እን ማርታ ከለብርዳኹሉ ኣካንሊ እርጉዂግራ ኮል አተይላ፡፡ 31 እን ደፍእድኖላ እንቶ እርገው አይሁዳ ማርያም ጉሮ ልጝልድ ፍረሪት ቛልነሰና ኤርብል ፈርደሪ ተከሎም ለሄክንኹላ፡፡ 32 እንሲን ማርያም እን ኢየሱስ አንጦጠሎ እርጋኹል እንትሮ ቛልደሰነሉ ዎ ይአደራ እንቲ ነት ዲውረኽር አክረን ይዳን ክርጊድ ሻዂ ግን ይሩ ኒልኩከል ኣብረክቲ፡፡ 33 እንሲን ኢየሱስ ስርደሪት ቛለሰነ ላ፡ እን አይሁድር ንርድ ስረውሲ ቛሎሰና፡ ኒኽር ኒጉድጉድ ለለክሱዂ እማ 34 አዊል ደብዲኒኹንሉ፤ ይኹሎም፡፡ ናዋ ላዂ ቛሊ ይናአደራ ይንኹሉ፡፡ 35 እንሲን ኢየሱስ ስሩዂ፡፡ 36 ኣይሁዳ ቛላ የሄው ውሪኮት እንከሉሉ ሰጛኹን፤ ይስትጚኒዂ፡፡ 37 ላው ናልድኻ ውራ ኒን ዓረብድ ዕልል ብዳዂ ኒስር ክሪልድ ጉድሮ ገረስጊድማ፤ ይኑዂ፡፡ 38 እንሲን ኢየሱስ ኒጉድጉድ ለለክሱ ኤርብል ገእዩዂ፡ እን አርብኻ ክርጛድ አበስታዂ እርጉዂ፡፡ 39 እንሲን ኢየሱስ እና ክርጛስ ያዕየሉ ይኹሎም፡፡ ማርታ ክራኹድ ሻኒኻ ዎ ያደራ ክሮ ሰጃ ኳራ እሰዂ ግን እምቃ እኻረ ህምባዂ ግን ይቲሉ፡፡ 40 ኢየሱስ ውራ ኤምንዳኽር አክረን ጃር ሳቡርሲ ቛልቶ ግን፡ ዮኪ እርግሊማ፤ ይኹላ፡፡ 41 እንሲን ክርጛስ ያዕይኑዂሉ፡ ኢየሱሳ አወት ናዕዮ መኽልቱዂ እማ ኦ አቤ ዋሰርነዲንለ ሐመደኩንካ፡ 42 እና ከው ከለሎለ ህምበው እንቲ እንሻቅረትለ ኤምንድኖ ዮ ግን ግራ፡ እንቲ ዲማ ዋስረትለ፡፡ አርኦ ህምበኩን ዩዂ፡፡ 43 ነስ ዮ ደምቢኻ፡ ደሄይሲ ክብሰ አልኣዛር ላዂ ፊ ዩዂ፡፡ 44 እን ክሪዋኻ፡ ናንትትዲ ልኩኲዲት ታዊነድ እንሸውሶ፡ ገሽሲኻ ሽቱትድ ኩቶ ዋኑ ጎቕልድ ፊዂ፡፡ ኢየሱሳ እንከሉ እማ ፈርዶ ባረሉ ይኹሎም፡፡ 45 እንሲን ገሪው አይሁድ ማርያምትል እንቶ እርገዋ እን ኒ እሰዂሲ ቋልኖ ኒድ ኤምኑዂ፡፡ 46 ላው ናልድ ደኣም ፈሪሳንሊ ፈርኖ፡ እን ኢየሱስ እሳ ጋርሲ ሺኒኹም፡፡ 47 እንሲን አቕሸታ በሄሊንዲ ፈሪሳንዲ ዲቢትኖ እና ግርዋ ገሪ አምራት እሰኲ እንኩዂ እማ ውራ እሰ ኒን፤ ይስትጚኒዂ፡፡ 48 እንዳ ሀቢሮ ባርነንሉ ከው ናውክ ኒድ ኤምንድኖ ግን፡ እን ሮሚዋ እንትኖ ይናከውዲ ይናንብረትዲት ድሂስድኖ ግን ይስትጚኒዂ፡፡ 49 ላዂ ናልድ ቀያፋ ይስታዂ እንሰከር አመሪል አቅሸታ ሲም እርጋዂ እንትን ላሪ ድኳ አርእድኒ ዩዂ፡፡ 50 ከው ናውክ ድደውልድ ላ ግርዋ ከዋ ፍዳ ክረን ኪደት ኒዀርሲክ ፈሄምደኒማ፡ ይኹሎም፡፡ 51 ኒንኻ እንሰከር አመትል ኣቅሸታ ሲም እርግነዲን፡ ኢየሱስ ከዋ ፍዳ ክረት ተምብሁዂ ግራ ኒላውድ አኽላ ኒጋበዂ፡፡ 52 ይኽ እንፋሕዮ ድዶ ህምበው ጃር ቁርስኽር ላድ እን ኩልኩልዶናድር ክረት ተምብሁዂ ግን ግራ ኒ ኮቁርድ ካያ አኽላ፡፡ 53 እንግርጋትልድ ተርሲነኻ ኩድኖሉ ኮድጚኒዂ፡፡ 54 ኢየሱሳ ኒታለይቶትዲ፡ ድገ ኤፍርያም ይስትረሪ አው ከደን ገቢል አረርስረሪትል ፈሩዂ፡፡ እንሰከር ደምቢ አይሁድ ጃብል ጋርህስቶ ቋልስቱ እርግላ፡፡ 55 ኢየሱስኻ ጀረቡኑሉ እርግኑዂ፡፡ ቤተመቅደስል አኽኖኻ ናሹር ናሹ ውራ ተካኹንኩም እና በዓሊ እንትራማ ይደናኹን፤ ይስትጚንዂ፡፡ 56 56. ኢየሱስኻ ጀረቡኑሉ እርግኑዅ፡፡ ቤተመቅደስል አኽኖኻ ናሹር ናሹ ውራ ተካኹንኩም እና በዓሊ እንትራማ ይደናኹን፤ ይስትጚንዅ፡፡ 57 57. አቅሸታ በሄሊንዲ ፈሪሳንዲኻ ሻኽድኖሉ ኒ ህምባ አካንሲ ቋላኹክ ድዊሮሎም ፈጠኒስኖ እርግነዅ፡፡
1 ኢየሱስ ፋጅኻ ጃብ ወልታ ኳራ ከብተ ዋኑኻ እን ክሪልድ ጉዳዂ ህምባ አካንሊ ድገ ቢታንያትል ፈሩዂ፡፡ 2 ኒላ ሙነት ደለምድኑኹሉ፡ ማርታኻ ስኲስሩ እርግቲ፡ እን ዓገሎ እርገውልዳ ላዂ አልኣዛር እርጉዂ፡፡ 3 ማርያምኻ ቅዲት ሕበር እንግገው ገባተትል ናቅስሮ ኢየሱስቲ ኒ ሉኩኲሲ ሸመቲሉ እማ ንርሽክዳ ሐሰስቲሉ፤ እን ልጝንኻ ቂራ ትክያኹድ እንታኹዂኹ፡፡ 4 ኒ ታሌቶትልዳ እን ደኩሶ እውሮሉ ህምባዂ ይሁዳ አስቆሮታዊራ 5 ውሪዂ አበዲ ነስተካ ቅዲት ሰዃ ሊኽ ዲናርድ ክስቶ ድቡራንድ እውስጊ ዩዂ፤፡፡ 6 ነስ ኒይናኻ ሱዋና አኽነዲን ግን ግራ ድቡራንድ ሳኽንቶ አኽላ፡፡ እን እንድባ ኒናንሊ አኽነዲን እን እዉኑሎም እርግነውልድር ስዉ እርግነዲን ግን ኒ እነደ ዋ ይና፡፡ 7 እንሲን ኢየሱስ ይደብትኒ ግርገድ ደለምድረው ግን ባሪ ይግላ፡፡ 8 ውረድ ድቡራን ዲማ እንተዲ ግን ይታ ዲማ ኤረርደኒለ ይኹሎም፡፡ 9 ገሪው ኣሁድልዳ ኒል ዋነት ኢየሱስቲ ቋልድኖ ካያ አኽጊ እን ኒ ክሪልድ ጉዳዂ ኣልኣዛርቲኽር ቋልድኖ እንትኑዂ፡፡ 10 ንድኻ ገሪው ኣይሁድልድ ናውሲ ባርኖ ኢየሱስትል ኤምነዲን 11 ኣቅሸታ ነህሊን ኣልኣዛርትኽር ኩድኖ ኮድጚኒዂ፡፡ 12 ኒ ኤመሪታ ከው ባዓሊ እንቶ እርገው ኢየሱስ ኢዮሩሳሌምትል እንቶ ዋነት ዋስነሰና፡ 13 ኣቕሹን አጙኩ አድኖ ከለብርድኖሉ ፍኑዂ፡፡ ሆሳዕና ጃር ስጙድ እንተራዂ ንጉሥ እስራኤዱዂ ገውርሳዂ ግን ዩኑ በረጁኑ 14 ከለብርንኹሉ፡፡ ኦ ጽዮንድቍራ ላሪ ጓቍትግ እነሐን ኲንጉስ ጌንብል ጨዓንሶ እንተረኲ እጝኩዂ ያዂ ክቱብ ዋኒነዲን 15 ኢየሱስ ገንብ ድዃሪዂ አርዂ እማ ኒል ጨዓንሱዂ፡፡ 16 ኒታለይቶት ኒስ ፈሀምኖ እርግኒ እማ ኢየሱስ ጀንጀንሶሰና ደኣም ኒን ኒድ አኸት አልብድኑዂ፡፡ 17 እን አልኣዛርቲ ኤርብልድ ሽጞ ጉዱሉ ቋለው ከውኻ ሳምዕዱኑሉ እርግኑዂ፡፡ 18 እን ከዋ እና አምር ኒስ እሰት ዋስንነዲን ግን ከለብርድኖሉ ናው ፍናዂ፡፡ 19 ፈሪሳጛ ናሹር ናሹ ናውክ ኒል ፈረነኲ ላሪ እስቲሮ ገረስተላ ይስትጚኒዂ፡፡ 20 እን በዓሊ ፈ እርገውልዳ ገሪው ግሪክ እርግኑዂ፡፡ 21 ነን ፍሊጶስ ቤት ሳይዳሩኹል እንትኖ ዎይና አደራ ኢየሱስቲ ቋልኖ ጀረብነኩን ይኖ ሺዊኒኹሉ፡፡ 22 ፈሊጶሳ ፈሮ እንድርያሲ ድዊኹሉ እንድርያስዲ ፍሊጶስዲኻ ኢየሱሲ ድዊኒኹሉ፡፡ 23 ኢየሱሳ ኣዳሚድዂራ ሳብስተሉ ወክት ገእዩዂ፡፡ 24 እምን እምንድክ ይየኩም ጀርጉ ፈደና ብሪል ደፈንስሮ ክርግረን ንርቱ ከብተቲ ክርደጛ ገሪው ፍሪተቲ፡፡ 25 እን ኒ ፊዂትሲ እንከላዂ ድሂሰኩላ እን እና እርድ ኒል እንጠራኹላኻ ዲመሲ ፊዂት ህምበኩሉ፡፡ 26 ታላያኹለ ዋነን ለሄክንለ እን እንሻቕሳኹ እን ኣን ህምባ ኣካንሊ ኣኽሮ ግን፡ እን እንሻቕሳዂሲለኻ ኮዶ ይኽር ሳቢሮሉ ግን፡፡ 27 ናን ይሪሕ ሰህሮ ኣኽሮ ህምበቲ እማ ውራ ይን ዎኤበ እና ወክት ኒልድ ደኤንዲለ ዳኣም ንድ መታን ግን ኣን እና ወክት ኒል ኣን ገእያዂ፡፡ 28 እማ ኦ፡ ኤበ ኩሱጙሲ ሳቢ ዩዂ፡ እንሲን ዓስተርልድ ሳቢኹንሉ ኮዶ ሐዲስድ ሳብየሉ ግን ያዂ ደሄይ ዋስስቱዂ፡፡ 29 እን ኒል ዲወው ከዋ ኒስ ዋስነሰና ጓንጉ ግን ይኑዂ፡፡ ላዋ አኽላ መልአኽ ጋቢኹሉ ይኑዂ፡፡ 30 ኢየሱሳ እና ደሄይ ኒን እንተድ ግን ግራ ይድ አኽላ ኒ እንተርና፡፡ 31 እና እርድ ንድ ፍርድ ናን ግን፡፡ ሲም እና እርዱኹ ከደንሲ ዳገንስሮ ግን፡፡ 32 ኣንኻ ብሪልድ ጉሰና ናትክ ይል ወተርየሎም ግን ይኹሎም፡፡ 33 ነስ ኒ ይናኻ አወያ ክራ ክርዶ አኸት ፈሄሚስሮሎም ዮ ግን፡፡ 34 ንድኻ እን ከው ይን ክርስቶስ ዲመሲ መንደርተት ኦሪትልድ ዋስንኹን ናንኻ እንቲ አዋ ህብረ ግን ኣዳሚንድኹ ብሪልድ ጉሮ ግን ይራኹን፤ እነ ኣዳሚንድዂራኻ ኤውኒ ግን ኒ ይንኹሉ፡፡ 35 ኢየሱሳ ቲዃ ከለላ ወክትሲ እንታ ነበክል ህምበኲ ጭልም ኤርጊንኩም በርሆ ዋኑ ጅልልዋ ውረድ እን ጭልምሊ ጅልልዋዂ ኒ-ዳደዂ ኤርእላ፡፡ 36 ቲዂ ቍር ኣኽትኖ በርሆኩም ዋኑ በርህሊ ኤምና ይኹሎም፡፡ ኢየሱስ ነስዮ ድምቢ ናልድ ፈሮ ትብቱዂ፡፡ 37 ናጃብል ነስካ አምራት እሶ ዋኑ ዳኣም እን ነቢ ኢሰያስ ዎ ያደራ ይና መስከረነስ ኤዊ ኤምንኹንሉ ጃርሒልኻ አውሲ ቃልዕስታዂ ያ ጋባ ተመምቶ ኒድ ኤምንኒ፡፡ 38 38-39. ንድኻ ኢሰያስ ደገሶ ናዕልዳ ቋልኖ ናለበከዳ ፈሄምኖ ወንተርግኒን ኣንኻ እቢስጊንሎም ናዕልልኻ ዓረቡዂ ናለፈካ ደንደዱዂ ዮ ጋበ እርግነዲን ኤምንድኖሉ ጀረቢኒ፡፡ 39 40 ኒ ሳቡርሲ ቋልነዲን ግን ኢሳይያስ ኒ ነስ ዮ ጋበዂ፡፡ 41 ገሪው አስያምልድኽር ኒድ ኤምኑዂ ደኣም ፈሪሳን ጸሎት ልጝልድ ዳገንግኒንሎም ጉኢትኖ ናእምነት ትብታንድ ኣኹዂ፡፡ 42 ኒጛ ሳቡር ጃሩዂልድ ከዋ ሳቡር ፍሪርንነዲን ግን፡፡ 43 ኢአሱሳ ደሄይሲ ክብሰ ይድ ኡምናዂ እን እንሻቃዂሲ ለ ግን ኒ ኤምና ይት ኣኽላ፡፡ 44 እን ይት ቋላዂ ኮዶ እን ይት እንሻቃዂሲ ለ ግን ኒ ቋላዂ፡፡ 45 እን ይት ቋላዂ እን እንሻቃዂሲለኽር ቋልዶ ግን፡፡ 46 እን አምናኹክ ጭልምሊ ፈርጊን ኣን ቲዃ ኣኾ እርድሊ እንቶ ህምባኽር ግን፡፡ 47 እን ይጋበት ዋሶ ተከውጋዂሲ ኣን ኣኽሊ ኒት ፈረዳኽር ውረድ ኣን እርድሲ ደኤንድያ እንቶ ህምባኽር ግን እርድሲ ፈረድያ እንትሊ፡፡ 48 እን ይት ጉሻሻ ይጋበትኽር ከለብረጋዂሲ ኒት ፈረዳዂ ግምበኩሉ፤ እና ኣን ጋበው ደንጎቢ ግርገድ ፈረድሮሉ ግን፡፡ 49 ኒንኻ እን እንሻቃዂለ እኽር ኒላውድ ወራ የትለኽር ይኽ ውራ ጋበትር አደደትለኽር ጋበኩን እንኩኹን ግን ግራ ይኣኾርድ ኣኽሊ፡፡ 50 እን ኒትእዳድ ዲመዳይድ ፊዂትድ ኣኽት ኤርእኹን፡ ኒስኻ እን ኣን ጋበው እን እኽር ድወሰነላ ግን፡፡
1 በዓል ፋጅኺኺድ ጃብ ኢየሱሳ እና እርድ ኒልድ ኒኽርሊ ወንተራ ወክት ገእየት አርኦ እርግነዲን፤ እና እርድ ኒላ እን ኒውሲ ግንዲ እንገት እንከሉሎም እርጉዂ ደንጎቢል ኣኽራሲካ እንከሉኹሎም፡፡ 2 ሙነቱኻ ይሁዳ ኣስቆሮታዊራ ስምኦንድዂራ ኒ መምህርሲ ደኲሶ ኡሮሉ ሰጣን ኒ ለበኪል ሀመት ቱሶሉ እርጉዂ፡፡ 3 ኢየሱሳ ኒኽር ኒትክ ኒናንሊ እወትሉኽር ጃርልድ እንተት ጃርሊኻ ወንተረት አርኦ 4 ሙነትልድ ጎ ኒሰረንሲ ገምዶ ታዊና አዶ ደበልቱዂ 5 ግባርሊ ዓቍ ኤዱዂ እማ ኒታለይቶትሲ ሉኩኲሲ እንቃስሮኽር ደበልቶ እርጋ ታዊነድ ሐሰስሮሎም ተርሲዂ፡፡ 6 ስምዖን ጴጥሮስትል እንተሰና ዎ ያደራ እንቲ ይልኩኲ እንቃስቶማ፤ ይኹሉ፡፡ 7 ኢየሱሳ እንቲ እና ኣን እሳዂ ናን ኤርእስተለካ ደምብርጝ ኤርእስትሮካ ግን ይኹሉ፡፡ 8 ቤጥሮሳ ኒኾርሲክ እንቲ ይልኩኲሲ እንቃሰለለ ዮ ጋዕዮ ገብኹሉ፡፡ ኢየሱሳ ኣን ኲ ልኩኲሲ እንቃሰገንካ እንቲ ይዲ በና ሻኽላ ዮ ዎኺትኹ፡፡ 9 እንሲን ስመኦን ቤጥሮስ ዎ ያደራ ልኩኲሲ ካያ ኣኽጊ ውራ ኣኾርዲ ናንትትዲትኽር እንቃሲለ ይኹሉ፡፡ 10 ኢየሱሳ እን ገሮብሲ እንቃራዂ ልኩኲሲ ኣኽጋዂ ጫርይ ግን እንቃርና ጀረብደለሉ እንትን ጫርያን ግን ድኣም 11 ናውክ ጫርያን አኽድኒ ኒንኻ እን ደኲሶ ኡሮሉ ህምባዂሲ አርኡ እርግነዲን ግን፡፡ 12 ልኩኲሲ እንቃሶሎምኻ ኒ-ታኲን ሰሮ ከፍ ዩዂ፤ እና እሰዂሲኩም ፈሄምደናኹማ፤ ይኹሎም፡፡ 13 እንትን ይት መምህርኽር ይደነኲን ኒሰና ግን አጃይድኑዂ፡ እንታ እምን ግን፡፡ 14 እማ አን መምህርዲ አደራዲ እናሃበ እንታ ልኩኲሲ እንቃሳኻርኩም ኣኾ ደንቢ ችንትጝር እኺርኺራ ልኩኲሲ እንቃስትኖ ወጀበኩኩም፤ እነሐን አን ቋሊስኹንኩም ይኹሎምለ፡፡ 15 እናሐን እን አን እሰኹድሰና እሲትኖ ሕርሳ እዎኩም ህምበኩን፡፡ 16 እምንድክ ይየኩም ኒአደሪልድ ኩኝዂ ገንሺና፡ ኒእንሸቐንቲልድ ኩጛዂንሽቃ እላ፡፡ 17 እነሐን እና ጋር ኒን ፈሄምሶኩም ህምበኲ፤ እስደነንሉ ሻትካን ግን፡፡ 18 እና አን የውኩም ናድክድ አኽሊ አን ጋባዂ፡፡ እን አን ፍሪረውሲ አርእኹንሎም፡፡ እን ይዲ ይሳንስዓስ ቋዂ እንጠሩኹለ ያዂ ክቱብ አኽሮ ዮ ግን ኒን ኒአክና፡፡ 19 አን አውኒ አኽት አርእትኖ ናን አንበታዂ ድወኩንኩም እንኩኹን፡፡ 20 እን ይንሽቀስ ከለብራዂ ይት ከለብረኲ፡ እን ይት ከለብራዃ እን ይት እንሻቃዂሲ ከለብረት እምንድክ የኰንኩም እንኩኹን፡፡ 21 ነስ ዮኻ ኢየሱስ ኒ ጉድጉድ ለለክሱዂለ፡ ስንቕንቕ፡ ዩዂ እምን እምንድክ ይየኩም እንተልድ ላዂ ደኲሶ እውሮለ ግን፡፡ 22 ንድኻ ኒታለይቶት ኤውሲ ጋበት አርእምብስተሎም እኺርኺርሲ ምኸልትጚኒዂ፡፡ 23 ላዂ ኒታለይቶትልድ እን ኢየሱስ እንከሉ ሰጛዂ ኢየሱስር ነሐርሊ ጨግዕስቶ እርጉዂ፡፡ 24 ቤጥሮስ ሕንጉጥሰሎ እንደ ኤውርሰበትድ ግን ኒ ጋባዂ፤ ወንቀሪንደሉ ይኹሉ፡፡ 25 ኒንኻ ኢየሱስር ነሐርሊ ጭግዕ ዮ ዋንቱ ዎ ያደራ ኤውኒ ግን፤ ይኹሉ፡፡ 26 ኢየሱሳ እና ናን አን ሳንስዓ ሻቑሶ እዋዂ ኒ ግን ይኹሉ፡፡ እንሲን ሳንስዒልድ ሽርፍሰኻ ሻቑሶ ይሁዳ ስምኦን አስቆሮታዊራዂረድ እዉኹሉ፡፡ 27 እንሲን እንልቁመቲዲኻ ሸጣን ትዉዂ፡፡ ኢየሱሳ ፈሪና እስራዂሲክ ናን ወለይድሮ እሲሉ ይኹሉ፡፡ 28 እን ኒል ዓገሎ እርገውዳ ውሪዂ እንደወየትሉ ፈሄምስለሎም፡፡ 29 ላው ደኣም ይሁዳ እንድባ ማላዂ ኒዲ አኽነዲን ወሪ በዓልድ አካዂ ጅቢሮ ወሪ ኮዶ ድቡራንድ እዊ ያኹሉ ተኪሲኒዂ፡፡ 30 ኒኻ እን ልቁመትሲ ሱጞሰና ንርድ ንርድ ፊዂ፡ ብራኻ ቂር እርጉዂ፡፡ 31 ኢየሱሳ ይሁዳ ፈረሰና እናሓን ናን ኣዳሚንድዂራ ናን ሳብስቲዂ፡ ጃርኽር ኒድ ጀንጀንሱዂ፡፡ 32 ጃር ኒድ ሳብስተ ደምቢ ጃርኽር ኒላውድ ሳቢሮሉ ግን፡ ኤሸሻኹድር ሳቢሮሉ ግን፡፡ 33 እንትን ይቑር ከለላ ወክት እንተዲ ህምበኩን፡ ጀረቢትኖለ ግን፡ ደኣም እን አይሁድሲ ያኹድሰነሎም እን አን ፈራኹል እንትንኽር እንትትኖ ጀረቢትኖ ግን ደኣም አከለኩም ያኹድሰነሎም እንተትር ናን ያኩንኩም እንኩኹን፡፡ 34 ትእዳድ ሐዲስ እወኩንኩም እንኩኹን፡ እኺርኺርሲ፡ እንከላ፡ እን አን እንከላኹድሰነኩም እንትጝር እኺርኺርሲ እንከልትኖ ትእዳድ ሐዲስ እወኩንኩም እንኩኹን፡፡ 35 እኺርኺር ሻም ዋንተንኩም ናውክ ይታለይቶት አኽድነት አርእድነኩም ይኹሎም፡፡ 36 ስምኦን ጴጥሮስኻ ዎ ይአደራ ኤዊል ፈርቶ ግን፤ ይኹሉ፡፡ ኢየሱሳ እን አን ፈራዂሊ እንቲ ናን ተለይቶለ ገረሰላ፡ ደምብርጝ ግን ኩተለይነለ ይኹሉ፡፡ 37 ቤጥሮሳ ድዊ ያደራ ውረድ ናን ተለይየካ ገረሰሊ አን ኩመታን ይፊኹትሲ ፍዳ ደኩሶ እውሪ ይኹሉ፡፡ 38 ኢየሱሳ ኲፊኹትሲማ ይመታን ደኲስሮ እውቶ፡ እምንድክ ይየካ እንቲ ዲርዋ ኳየጊ ሲኹን በረይቶለ ግን ዮ ፈጠኒስኹሉ፡፡
1 እንተ ለፈክድ ሰንፈላል አኽጋ ጃርድር ይድር ኤምና አረጋ፡፡ 2 ይኽር ልጝሊ ገሪ ኣካናት ህምበኲ፡፡ ኒሰና አከገን ድዊሪድኩም ሻኽር ግን፡ አካን ደለምድየኩም ግን፡፡ 3 ኣካን ደለምደሰነልኩም እንትጝር ዲመሲ እን አን ህምባኹል ይዲ አኽትኖ ወንተሮ ኤድየኩም ግን፡፡ 4 ኣን አዊል ፈረት ይጉግሲ አርእድኑዂ ይኹሎም፡፡ 5 ቶማስ ዎ ይአደራ! እንቲ ኤዊል ፈርደት አርእግኒ እን ጉግሲ አዋሀብነ ኤርእኖሉ፤ ይኹሉ፡፡ 6 ኢየሱሳ እን ጉግዲ፡ እምንዲ፡ ፊኹትዲ ግን፡ ይድ አኽገት ኒዀርሲክ ይኽርሊ እንተራዂ እላ፡፡ 7 ይት ኤርእድናኽር አክደነን፡ ይኽርኽር ኤርእትንድ ሻኽድናኽር ግን፡ ንድ ደምብክ ደኣም ኤርእድኖኽርሉ ቋልድኖኽር ህምብደነኲ ይኹሎም፡፡ 8 ፍሊጶሳ ዎ ይአደራ! ኩኹርሲ ቋሊሲና ግን ግራ አቕትረና ይኹሉ፡፡ 9 ኢየሱሳ ውራ ይራኹን ዎ ፍሊጶስ፤ ንስካ ወክት እንተዲ ዋንቱንሲክማ አርእግሪለ፤ እን ይት ቋላዂ ይኽርሲ ቋላዂ አዋሃብረ ደኣም እንቲ እኽርሲ ቋሊሲና ይራኹን እንኩሩኹን፡፡ 10 አን እኽርሊ ዋነት እኽርኻ ይል ዋነት ኤምነላማ፤ እን አን ጋበው ጋብ ይሹትልድ አኽላ፡ እን ይኽር ይል ህምባዂ ግን ኒትክ ወራትሲ እሳዂ፡፡፤ 11 አን ይኽርሊ ዋነት ይኽርኻ ኮዶ ይል ዋነት ኤምና አከገጛ እና ወራታትድ ኤምነለ፡፡ 12 እምን እምንድክ ይየኩም፡ እን ይኽርሊ ፈረኩን እንኩኹን እማ እን ይድ ኤምናኹክ ንኽር እን አን እሰሰና እሲሮ ግን፡ ኒስጝ ኩጞውር እሲሮ ግን፡፡ 13 እኽር እኹሪ ሰበትድ ሳብስቲሮ ይሱጙድ ሺውዲነዂሲ ኒትክ እሲሮኩም ግን፡፡ ይሱጙድ ሺውዲነዂሲክ ሺውደነን እሲሮኩም ግን፡፡ 14 እንከልደናኽርለ አክደነን ይትእዳድሲ ተከዋ፡፡ 15 አን እኽርሲ ሺውየሉ ግን፡ ዲማ እንተዲ መንደርታዂ ደፍእዳኹኩም ኤሪዂ እውሮኩም ግን፡፡ 16 ኒኻ እርድ ቋልጓኹሉኽር ከለብርዶሉኽር ገረሰጋዂ መንፈስ ሻትክ ግን፡፡ 17 እንትን ደኣም እንተዲ መንድርታዂ አኽነዲጝር እንትል ዋኒነዲጝር አርእድኑኹሉ፡፡ 18 የታይም ባረኩንኩም ወንተርድየኩም ግን፡፡ 19 ከለላ ግርጋት ደምቢ እርድ ኒዀርስክ ቋለለ፡፡ ደኣም እንትን ቋልትኖለ ግን ውረድ እን አን ህምባኹል እንትጝር ዋኒትኖ ግን፡፡ 20 እን ግርጋትሊ አን ይኸርሊ እንትጛ ይል አንኻ ኮዶ እንተል ዋነት ኤርእትኖ ግን፡፡ 21 እን ይትእዳድሲ ከለብሮ ተከዋዂ ኒ ግን እንከላዂለ፡ እን እንከላዂሶለኻ ይኽር እንከለኩሉ፡ አንኽር እንከለኩንሉ ይሹትር ቀልዕየሉ ግን ይኹሎም፡፡ 22 እን አስቆሮታዊራ አኽጋዂ ይሁዳ ድዊ ያደራ ውሪዂ እርድድኻ ቃልዕስተግራኽር ይንድኻ ቀልዕስትራኽር፤ ዮ ወንቀሩኹሉ፡፡ 23 ኢየሱስኻ እን እንከላኹለ ይጋበት ተከውኲ፡ ይኽርር እንከለኩሉ፡ ኒል እንትኖኻ መስከብ እሲኖ ግን፡፡ 24 እን እንከለጋኹለኻ ይጋበት ተከውላ፡ እና እንትን ዋስደና ጋብ ነን ይጋብ አኽላ እን ይት እንሸቃዂ ይኽርድ ጋብ ግን፡፡ 25 እን እንተዲ ዋኑንሲክ ነስ ድወኩም እርጉኽን፡፡ 26 እን ይኽር ይሱጙድ ፈስሮልኩም ህምባዂ ደፍእዳኹኩም መንፈስ ቅዱስ ኒትክ ክንሲሮኩም ግን፡ ኒ ናትክ እን አን ድወውሲኩም ኤልብዲስሮኩም ግን፡፡ 27 ይወርክናርሲ ባረኩንኩም እንኩኹን፡ ይደባንሲ እወኩንኩም እጝኩኹን፡ እና አን እዋኹም እን እርድ እዋኹድሰና አኽላ፡ እንታ ለፈክ ሰንፈላል አኽጊን ጓቍትጋ፡፡ 28 28.አን ፈርድያ ግን እንተልር ወንተርድያ ግን የትኩም ዋስድኖ ህምብደነኲ፡ እማ ይኽር ይልድ ኩጛዂ አኽነዲን እንከልደናኽርለ አክደነን ይኽርሊ ይፈር ፈርሕድርድኩምሻዂ ግን፡፡ 29 29.እን ወራት አኾሰና አምንትኖኻ ናን ኒአክኒ ጃብ ድወኩንኩም እንኩኹን፡፡ 30 30.ንድ ደምቢ እንተዲ ገሪዂ ጂጝስተሊ፡ ሲም እና እርዱዂ እንተረኲ እንኩዂ አከጝር ይአውይሲ ላሪ ገርስ ሻኽላ፡፡ 31 31. ደኣም አን ይኽርሲ እንከለት እርድ አርእሮ እን ኒ ያኹድሰነለ እስያ ግን፡ ሃያ ጓ ነትድ ፈርንን ይኹሎም፡፡ 30 ንድ ደምቢ እንተዲ ገሪዂ ጂጝስተሊ፡ ሲም እና እርዱዂ እንተረኲ እንኩዂ አከጝር ይአውይሲ ላሪ ገርስ ሻኽላ፡፡ 31 ደኣም አን ይኽርሲ እንከለት እርድ አርእሮ እን ኒ ያኹድሰነለ እስያ ግን፡ ሃያ ጓ ነትድ ፈርንን ይኹሎም፡፡
1 ኣን እምንዲ ካና ጀቢብሪ ግን፡ እን ንርቲ ተከላዂ አረሳኻ ይኽር ግን፡፡ 2 ይል ፍሪተጋ ለንክክሲ ቃረጨኩሎም፤ እን ፍሪታ ልንክክስኻ ትክሰ ፍሪትሮ ዮ ጨረይደኩሎም፡፡ 3 እንትን ደኣም እን ጋባ ኣን ድወኹድኩም ናግያን ግን፡፡ 4 እንትን ይል ተብድኖ መንደርታ ኣጝር እንተል ተቦ መንደርትያ ግን፡፡ ለጝካ ካና ጀቢብሪትል ተቦ ተከነገን ኒላውድ ላሪ ፍሪትሮ ገረሰገሰና እንትጝር ኒሰና ይል ተበግደናን ላሪ ፍሪትደኒ፡፡ 5 ኣን ካና ጀቢብሪ ግን፡ እንትጛ ለጝክክ ግን፡፡ እን ይል መንደርታዂ አጝኽር ኒል መንደርተኲን ኒግን ገሪው ፍሪታዂ፡፡ ውረድ ይጥ እንገት ላሪ እሲትኖ ገረስደኒ፡፡ 6 ኒዀርስክ ይል ተቦ መንደርተጋዂክ፡ ለጝካ ኢዳኹሰና ከደን ማልሰኲ እማ ቀሸምሰና ሐው ይሮ ሳኺል ማልሰኲ፡፡ 7 ይል ተብድኖ መንደርትደነን ይጋባኻ እንተል ቱረን ሺውዲነዂክ ኒውክ ኣኽሮልም ግን፡፡ 8 ገሪው ፍሪትደነን ንድ ሰበትድ ይኽር ጀንጀንስሮ ግን፡ እንትጛ ይታሌቶት ኣኽትኖ ግን፡፡ 9 እን ይኽር እንከላኹድሰነለ ኣጝር እንከለኩንኩም እንትጝር ይእንከሊትል ተባ፡፡ 10 እን ኣን ይኽርድ ትእዳድሲ ተከዉ ኒ እንከሊትልር መንደርኹሰና እንትጝር ይትእዳዳትሲ ተከውደነን ይእንከሊትል ተብድኖ መንደርትትኖ ግን፡፡ 11 ይ ፈርሐት እንተል ኣኽሮ እንታ ፈርሐት ኮዶ በሄርኮት ኣኽሮ ኒስ ድዊኹንኩም፡፡ 12 እን ኣን እንከላኹድሰነኩም እንትጝር እኺር ኺርሲ እንከልስጚትኖ ይጥእዳድ ኒን ግን፡፡ 13 ግርዋ ኒማስድ ኒፊዂትሲ ደኲሶ እዋኹድ እንከሊ ትልድ ኩጓዂ እላ፡፡ 14 እንትን እና ኣን ያኹድሰነኩም ኒትክ እስደነን ይማስ ግን፡፡ 15 ንደምቢ ገንሺን የሊኩም፡ ውረድ ገንሺና እን ኒአደራ እሳዂሲ አርእላ፡ ኣን ደኣም እን ይኽርልድ ዋሰውሲ ናትክ ድዊነዲንኩም ይማስ ግን የኩንኩም፡፡ 16 ኣን ግን እንተት ፍሪራኽር ግን ግራ እንትን ኣኽድኒ ይት ፍሪርድናኽር፡፡ እን ይሱጙድ ሺደናዂሲ ኒትክ ይኽር ኡሮኩም ፈርድኖኻ ፈሪው ፍሪትኖ እንታ ፍራኻ መንደርተንታ ኣኽሮ ዮ ፍሪርኹንኩም፡፡ ንድ ይኽ እን ይስጙድ ይኽርሲ ሺውዲነዂሲክ ኡሮኩም ግን፡፡ 17 17. እኺርኺርሲ እንከልስጚትኖ ኒን ይትእዳድ ግን፡፡ 18 እርድ እንጠረንኩም እንታጃብ ይት እንጠረት ፈሀማ፡፡ 19 እርድ ኒው ኣክደነን እንከልድድኩም ውረድ እርድ እን ኒው ኣኽውሲክ እንከለኩሎም፡፡ ዳኣም ኣን እርድልድ ፍሪሮ ኒልድ ፍድነዲንኩም ኒው ኣኽግድናኽር ኣኽድንነዲን እንጠረኩኩም፡፡ 20 ገንሺን ኒአደሪልድ ኩጓዂ እላ የኩም እርገት ይጋበት አልብዳ፡፡ ይት ጀረብድኖ ደምቢ እንተትር ጀርብድድኖኩም ግን፡፡ 21 ደኣም እን እንሻቃዂሲለ ኤርእጝብነድ ይሱጝ ሰብትድ ነስ ናትክ እሲድኖኩም ግን፡፡ 22 ኣን ይላውድ እንቶ ድዊጋኽርሎም ኣክገን ሐጢአት ሺብስትጊድሎም ሻዂ ግን፡፡ ናንኻ ናሐጢኣትድ ላሪ ምስምሳ ሻኽኒ፡፡ 23 እን ይት እንጠራዂ ይኽርስኽር እንጠረኲ፡፡ 24 ና ነበክል ኤሪ ኣዳም እሲሮ ገረሰገው ወራት እሲጋኽር ኣከገን ሐጢኣት ሺብስትጊድሎም ሻዂ ግን፡ ናንኻ ቋልኖ ዋንቱኑ ይዲ ይኽርዲት እንጣርኑኹና፡፡ 25 ሚምኻ እን ናትእዳዳትሊ ላሪ ምስምሳ እንገት እንጠርንኹለ ያዂ ክቱብ ተመምሮ ግን ኒ ኣኻዂ፡፡ 26 እን ይኽልድ ፈሲየኩም ህምባዂ መንፈስ እምንዱዂ ይኽርልድ ፈዂእንተሰና ኒ ይድ ሳምዕድሮለ ግን፡፡ 27 እንትንኽር ሰልፍድ ይዲ እርግድናኽር ኣኽድንነዲን ሳምዕድትኖለ ግን፡፡
1 ነስ ኣን ድወኹኩም እንታ እምነትድ ኣንቁሪት ግድኒን ዮ ግን፡፡ 2 ና ጸሎት ልጝንተልድ ዳገንድኖኩም ግን ይኽ ላዂ ኩወነንኩም ኮዶ ጃርድ ሰደቀት ሱኲሳኹድሰና ተካ ወክት እንትሮ ግን፡፡ 3 ይኽርዲ ይዲት አርእምብነድ ነስ ናትክ እሲድኖኩም ግን፡፡ 4 ሚወክት ኣኽሰና እን ኣን የሰነኩም አልብድትኖ ዮ ግን ኣን ድወኹኩም፡፡ 5 ኣን ናን እን እንሻቃዂሊለ ፈረኩን እጝኩኹን እን ተልድ ላዂ ኤዊል ፈርቶ ዮ ወንቀራኹ እላ፡፡ 6 ናን ነስ ይነዲንኩም እንተለፈክ ሰህሮ እንታ ኸቱዂ፡፡ 7 ደኣም እምንድክይየኩም አንፈረን ኪደኩኩም፡ ውረድ አን ፈረገን እን ደፍእዳዂ እንተረለኩም፡፡ ኣን ፈረን ደኣም ኒት ፈስየልኩም ግን፡፡ 8 ኒ እንቶሰና ሐጢኣትድር ሸተክነድኽር እርድሲ ፍርድድ ዓውቲትሮ ግን፡፡ 9 ሐጢኣትድ ይት ኤምናብነድ ግን፡፡ 10 ሸተክነድ ይኽርሊ ፈራኽር አኽነዲን ንደምቢክ ቋልደኒለ፡፡ 11 ፍርድዳ እና እርድ ሕክም ሲም ፈረድሱዂ፡፡ 12 ናጝር ይውኩም ገሪው እርጉኹለ ዳኣም ዋስስተለኩም ትቕሮኩም ግን፡፡ 13 እን መንፈስ ሻትክ እንቶሰና ኒ ኒላውድ እምንሊ ታተይሮኩም ግን፡፡ ኒ ዋሳዂሲክ ካያ ጋበኲ ግን ግራ ኒ ኒላውድ ያኹኩም ሻኽላ፡፡ እን አኽሮ ህምባ ወራታትሲ ኤርእሲስሮኩም ግን፡፡ 14 ኒ ይልድ ኤዶ ድዊሮኩም አኽነዲን ሳቢሮለ ግን፡፡ 15 ኒውክ ይኽርዱዂ ዩዂ ግን፡ ኒድ ግን ይልድ ኤዶ ድዊሮኩም ግን አን ያኹኩም፡፡ 16 ከለላ ግርጋትሲ ቋልደኒለ ከለላ ግርጋት ደምቢኻ ሐዲስድ ቋልትኖለ ግን፡፡ 17 ላው ኒ ታለይቶትልዳ ናሹር ናሹ አበዲ ውሪ ሰበትድ ግን ከለላ ኳሪስ ቋልትኖለ ግን ኒያኹና፤ ውሪዂ ይኽርሊ ፈርያ ግን ያኹንና፤ ይስትጚኒዂ፡፡ 18 ንድኻ ውረድ ግን ኒ ከለላ ግርጋት ያኹና፤ ኒዀርሲክ ፈሄምሶና እላ ይኑዂ፡፡ 19 ኢሱሳ ወንቀርድኖሉ ጀርቢነት ኤርእስቶሉ ከለላ ግርጋትሲ ቋልደኒለ፡ ኮዶ ሐዲስድ ከለላ ግርጋት ደምቢ ቋልትኖለ ግን ይነዲንኩም ማ፤ እኺርኺርሲ ወንቀርደናኹን እንኩድኑኹን፡፡ 20 እምን እምንድክ ይየኩም እንትን ስሪትኖኽር ቁርቁርትኖኽር ግነ፡፡ እርድኻ ፈርሕሮ ግን፡፡ ቁርቁርትትኖ ግን ደኣም እንታ ቁርቁርትና ፈርሐትሊ በደልስሮ ግን፡፡ 21 እዂና ንር እዃርና ወክት አኾሰና ምሕጮሲ ንርዓቕል ሽብወኩላ፡፡ እዃርደሰነኻ እርድሊ አዳም እዃርስነዲን እን ንርምሕጮ ተባዂሲ ኤልብደለሉ፡፡ 22 ኒሰና እንትጝኽር ናን ቁርቁርትደነኲ እንኩድኑዂ፡ ደኣም ሐዲስድ ቋልድየኩም አኽነዲን እንታ ለፈክ ፈርሕሮ ግን፡፡ እና ፈርሐት ኒስኻ ኒዀርሲክ ላዂ ኤዳኹልኩም እላ፡፡ 23 እን ግርጋትሊ ኒዀርሲክ ላሪ ድኳ ወንቀርደኒለ፡፡ እምንድክ ይየኩም ይኽርሲ ይሱጙድ ጀረብዲናዂሲክ ሺውደነን እውሮኩም ግን፡፡ 24 ናን እኽታሲክ ይሱጝድ ላሪ ድኳ ሺውዲኒ፡ እንታ ንግስ ኩጝሮ ሺዋ እውስትሮኩምር ግን፡፡ 25 እና ወራታትሲ ናትክ ድግምድ ጋቢኹንኩም፡፡ ንድደምቢክ ናንትልድ ተርሰ አግሀድዶ ጋባኹኩም ወክት እንትሮ ግን፡፡ 26 እን ግርጋት እንደል ይሱጙድ ሺዊትኖ ግን አንኻ ይኽርሊ ሺውየልኩም ግን፡፡ 27 ውረድ እንትን አን ጃርልድ እንተት እምንድንነዲ ንለኽር እንከልድንነዲንለኽር፡ ኒላዊሲ እኽር እንከለኩኩም፡፡ 28 እኽርልድ ፈ እርድሊ እንቱኹን፡ ሐዲስድ እርድሲ ባሮ ይኽርሊ ወንተረኩን እንኩኹን፡፡ 29 ሚታለይቶታ ናን በርህድሮ ጋብረኲ ድግማትድ ጋበላ፡፡ 30 ናን እንቲ ኒትክ ኤርእረት ኤርእንኹን ኮዶ ላዂ ወንቀርዶካ ጀረበግረት እንቲ ጃርልድ እንትረትር ኤምነኩንካ ይኑኹሉ፡፡ 31 ኢየሱሳ ናንማ ኤምንድኑኹንለ፤ 32 እናሐን ናን ወክት ጋእ ዩዂ ናውክ ይቱ ባርድኖለ እንተት ነቱ ፋሕ ይትኖ ግን ደኣም ይኽር ይዲ አኽነዲን ይቱ አኽሊ፡፡ 33 ይል ሰላም ኤርትኖ ነስ ጋቢኹንኩም፡ እርድሊ ጅርበት ህምበኩኩም፡፡ ደኣም አረጋ ኣን እርድሲ ዓውቲትኹንሉ፡፡
1 ኢየሱስ ነስ ዮ ጋበ ደምቢ ዕልልሲ ዓስተርሊ አኽታሲክ ብርሰ ዎ አበ! እናሐን እን ወክት ገእዮዂ፡፡ እኹራ ሳቢሮካር መታን ኩእኹረስ ሳቢሉ፡፡ 2 እና እውረውሲሉ ናትክ ዲመዳይ መናብረት እውሮሎም መታን ኒት ከዋ አወይሲ ሰየምድሩኹሉ፡፡ 3 ዲመዳይ መናብረትኻ ጃር ላዂ ካያ እንቲ እምን አኽረትር እን እንቲ እንሸቕራዂ ኢየሱስ ክርስቶስ ቲኽር ኤርእና ግን፡፡ 4 እንቲ እውራ ጋርሲ ተመምዶ እና ብሪል ጀንጅንኹንካ፡፡ 5 እንቲኻ ኦ አበ! ናን እን እርድ መሄድስጊ እንኩል ሰጛኺለ ሳቡርድ ሳቢለ፡፡ 6 እን እና እርድልድ እውረውሲሉ ኩሱጝሲ አርእሲስኹንሎም፡፡ ኩ እርግኑዂ፡ ይድኻ እውሩኹለ ናዋ ኩጋበት ተከውኑዂ፡፡ 7 እን እውራዂሲለ ኒትክ ኩልድ አኸት ናን ኤርእኖ ህምበኑኲ፡፡ 8 ውረድ እን እንቲ እውራ ጋበት እውኹንሎም ናዋ ከለብርኑኹለ፡፡ ኩልድ እንታኽር አኸት እምንድክ ኤርእስትኹሎም እንቲ ፈስረትለኽር ኤምኖ ህምበነኲ፡፡ 9 ናድ ግን አን ሺኹካ ግን ግራ እርድድ አኽሊ አን ሺዋኹካ፡፡ እና እንቲ እውረውለ ኩ አኽንነዲን ናመታን ሺወኩንካ እንኩኹን፡፡ 10 ኒውክ ዩዂ ኩዂ ግን እንኩኹር ዩዂ ግን፡፡ አንኽር ናድ ሳብስተ ህምበኩን፡፡ 11 ንደምቢ አን እርድሊ እልሊ ኩል እንትያ ግነ፡ ናውኻ እርድሊ ህምበነኲ፤ ኦ ይኽር ሻትክ! እና እንቲ አውረውለ ይነሰና ላዂ አኽድኖ ኩሱጙድ ተከዊሎም፡፡ 12 አን ናዲ እርድሊ ዋኑ እና ኩሱጙድ እውረውሲለ ተከውኹንሎም፤ እን ድዲዂራ ክቱብ ተመምሮር መታን ድዳዂሲ አኽገት፡ ናልድ ላዂ ድዳዂ እላ፡፡ 13 ናን ኩል እንተረኩን እንኩኹን፡ እን ይፈርሐት ናል እንተኽሮ እርድል ዋኑ ነስ የኩንሎም እንኩኹን፡፡ 14 አን ኩጋበት ኡኹንሎም፡ እን አን እርዱዂ አኽገሰና ናውር እርዱ አኽኒ እማ እርድ እንጠረኩሎም፡፡ 15 ምቑሊልድ ተከውቶሎም ሺወኩንካ እንኩኹን ግን ግራ እርድልድ ህይቶሎም ዮ አኽሊ፡፡ 16 እን አን እርዱዂ አኽገሰና ናውር እርዱ አኽኒ፡፡ 17 ኩጋብ እምንዲ ግን፡ እማ እምንድ ሸተክዲሎም፡፡ 18 እን እንቲ ይት እርድሊ እንሸቕረሰነለ አንኽር ናት እርድሊ እንሸቐኩንሎም እንኩኹን፡፡ 19 ናው እምንዲ ሻትካን አኽድ አንኽር ይሹቲ ናመታን ሸተክደኩን እንኩኹን፡፡ 20 ናድ ካያ አኽላ አን ሺዋኹካ እን ናጋባሲ ይል ኤምንዶ ህምበውድር ሺወኩንካ፡፡ 21 ናውክ ላዂ አኽድኖ ሺወኩንካ እንኩኹን፡ እርድኻ እንቲ እንሻቕረትለ አርእሮ፡ ኦ አበ! እን እንቲ ይል ዋንትረት አንኻ ኩል ዋንተት ናውር ይነል ላዂ አኽድኖ ሺወኩንካ እንኩኹን፡፡ 22 ይዲ ኩዲ ላዂ አኽነሰና ናውኽር ላዂ አኽድኖ እን እንቲ እውራኹለ ሳቡርሲ እውኹንሎም፡፡ 23 ኣንኻ ናል እንትኻ ይል አኽድኖ እን እንቲ ይት እንከልደሰነለ ናትኽር አን እንከለትሎም እርድ እንቲ እንሸቕረትለ ኤርኡዂ፡፡ 24 ዎ አበ! እርድ መሄድስጊ እንከልዳኽርለ ግን፡ እማ እና እንቲ እውረውለ እን እንቲ እውራ ሳቡርሲ ቋልድኖ እን ኣን ህምባ ኣካንሊ ናውኽር ኒል አኽድኖ ይምራድ ግን፡፡ 25 ዎ ይኽር ሻትክ እርድ አርእለካ አጛ ኤርኦካ ህምበኩን ነጝር እንቲ እንሸቕረትለ ኤርእኖ ህምበነኲ፡፡ 26 እን ይት እንከልዳ እንከሊ ናል ዋንቲቶር መታን፡ አንኽር ናል መንደርትያ ኩሱጝሲ ኤርእሲሶሎም ህምበኩን፡ ኮዶኽር ኤርእሲስየሎም ግን፡፡
1 ኢየሱስ ነስ ጋበ ደምቢ ነታለይቶትዲ ወረባ ቄድሮስቲ ካሮ እን ጀርዲን (ጭንድቕ) ህምባ አካንሊ እርጉዂ እማ ኒታለይቶትዲኻ ኒል ትዉዂ፡፡ 2 ኢየሱስ ኒታለይቶትዲ ገሪ ወክት ኒል ፈሩ ሰጚነዲን እን ደኲሶ እዋኹሉ ይሁዳ እን አካንሲ አርኡሉ ሰጞኲ፡፡ 3 ይሁዳ ይኽ ቲዃ ሻኽውዲ ስላሕ ደበልተውዲ ከላእ ዓስከርዲ አቕሸታ በህሊን ንሽቕዲ ፈሪሳንዲት መርሔሎም እንቱዂ፡፡ 4 ኢየሱስ እን እንተራ ጅርበትሲ ኤርኡ እርግነዲን፡ ኤውቲ ጀረብደናኹን እንኩድኑኹን፡ ዮ ወንቀሩኹሎም፡፡ 5 ናዋ ኢየሱስ ናዝራዊረስ ጀረብነኩን ይኑኹሉ፡፡ ኢየሱሳ አን ግን ይኹሎም፡፡ እን ደኩሶ እዋኹሉ ይሁዳኽር ናዲ እርጉዂ፡፡ 6 ኢየሱስ አን ግን! ዮሰነሎምኻ ወንተርኖ ብሪል ሐጨፍስኑዂ፡፡ 7 ሐዲስድ ኮዶ ኤውቲ ጀረብደናኹን፤ ይኹሎም፡፡ ናዋ ኢየሱስ ናዝራዊራስ ይኑኹሉ፡፡ 8 ኢየሱሳ እንሲን ውራ አን አኽት ድዊልመኩም፤ ይት ጀረብደናኽር አክደነን ነስ ባረሎም ይኹሎም፡፡ 9 ኒንኻ እን እውረውልድለ ላኲ ድኳ ድደላ ያዂ ተመምሮር መታን አኻዂ ግን፡፡ 10 ስመዖን ጴጥሮሳ ሴፍ ዲውሲዂ እማ አቅሸታ በህሊና ገንሺነስ ሴፍሲ ፍዶ ጠዓምብኹሉ፡ እንቁዋ ላውሪትኻ ከልተምኹሉ፡፡ እን ገንሺ ሱጛ ማልኮስ ይስቱ እርጉዂ፡፡ 11 ኢየሱሳ ቤጥሮስቲ ህምቢ ኲ ሴፍሲ ኒ-ልጝሊ ወንተሲሉ፡፡ እን ይኽር እወለ ዋንጨስ ጀኤጋኽርሉማ ተኪኹንካ፤ ይኹሉ፡፡ 12 እንሲን እን ዓስከርዲ ሲሕ አደረዲ አይሁዲ ኤቅሸትዲ ኢየሱስቲ ሻኹኖ እንሸውኑኹሉ፡፡ 13 ሰልፍ እን እንሰካር አመሪል አቅሸታ በሄር እርጋዂ ቀያፋር አንሺን ሃናትላ አድኑኹሉ፡፡ 14 ቀያፋኻ ከዋ መታን ላግርዋ ክረን ኪደኲ ዮ አይሁድሲ ኰድጚሰዂ ግን፡፡ 15 ስመዖን ጴጥሮስዲ እን ኤሪ ታለይቶረድኻ ኢየሱስቲ ለሄክንኹ፡፡ እና ታለይቶራ ኒን ኣቅሸታ ብሄርድ አርእስታዂ ኣኽነዲን ኢየሱስዲ ኬለብል ቱዉዂ፡፡ 16 ጴጥሮሳ መራብ ገቢል ከደን ከብቲዂ፡፡ እንታለይቶራ ኣቅሸታ በሄርድ ኤርእስታዂ ዓንቂ መራብሲ ተከውረሪት ጋቢኹላ እማ ጴጥሮስቲ ቱሱኹሉ፡፡ 17 እን መራብሲ ተከውረሪኻ ጴጥሮስቲ ቋልደሰነሉ እንትኽር ታለይቶት እና ግርዊውልድ ኣኽግራኽርማ፤ ይቲሉ ኒኻ ኣኽሊ ዩኹላ፡፡ 18 እንሲን ገሪዂ ብርድ እሰ እርግነዲን እን ንሽቅዲ ገንጂንዲ ላኻ ሻኽስኖ ካውሩኑ እርግኑዂ ጴጥሮስር ናዲ ካውሩ እርጉዂ፡፡ 19 እን ኣቅሸታ ሲምኻ ኢየሱስቲ ኒታለይቶትዲ ኒምህሮዲር ሰበትድ ገሪዂ ወንቀሩዂሉ፡፡ 20 ኢየሱሳ ኣን እርድሊ ትብታንድ የው ሻኽሊ ዲማ ኣይሁድ እንኩልኩልስናዂ ቤተ መቅደስሊኽር ክንሲኹን ግራ ላሪ ድኳ ስቱርድ ጋቢሊ፡፡ 21 ይት ውሪዂ ወንቀርዳኹንለ እን ኣን ጋቡሎም ሰጞውሲ ውራ ዩሎም ሰጞት ናት ወንቀሪሎም፡፡ ናው እን ኣን ጋቡሎም ሰጞውሲ አርእኑዂ ዮ ወንተስኹሉ፡፡ 22 ነስ ዋሰሰና እን ኒል እርገውልድ ላ ገንጂና እንቲ ኣቅሸታ ሲምድ ነስ ይሮ ወንተስራኹን ዮ ቃሺ በረግዕኹሉ፡፡ 23 ኢየሱሳ ምቁላ ጋበኽር ኣከን ይምቍልናርሲ ድዊለ፡ ትክያዂ ጋበኽር ኣከን ዳኣም ውሪዂ ጣዓምብራኹንለ ይኹሉ፡፡ 24 እንሲን ሃናንያ ኢየሱስቲ እንሸውሶ ዋኑ ኣቅሸታ በሄር ቀያፋትል ፈሱኹሉ፡፡ 25 ስምኦን ጴጥሮስ ደው ዮ ካውሩኻ እንቲ እን ኒታለይቶትልድ ኣኽግራኽርማ፤ ይንኹሉ፡፡ ኒኻ ኣኽሊ ዮ በረዩዂ፡፡ 26 እን ጴጥሮስ ኒ እጝቁወስ ቀረጫኹድ ኒ ወንዳ ኣካዂ ገንጂናኻ ውራ እንደራ እን ጭንድቅሊ ኒዲ ቋሊመካ ይኹሉ፡፡ 27 ጴጥሮስ ኮዶ ሲዀር ወክት በረዩዂ ንርድ ንርዳ ዲርዋ ኳዪዂ፡፡ 28 ኢየሱስቲኻ ቀያፈትልድ ፈረድስሮ ዲቢል አድንኹሉ ብርክስጛኻ እርጉዂ ናው በጋ ፋጅኺዂሲ ቍድኖ አኽነውድ ዓማቅርግኒን ዲቢ ልጝሊ ትውኒ፡፡ 29 እንሲን ጲላጦስ ናል ፊዂ እማ እናግርወስ ውረድ ግን እንትን ሸከይደናኹሉ፤ ይኹሎም፡፡ 30 ናዋ ምቑላ እሲጋዂ ኣከንማ ኩልደኲስንድሉ ሻኽናኽር አኽኖ ይኑኹሉ፡፡ 31 ጲላጦሳ እንተላውድ ኤድኖ እንታ ፍትሕሰነክ ሃብዲነ ፈረደሉ ይኹሎም፡፡ 32 ኢየሱስ አወያ ክራ አርዶ አኸት ጋበ እርጋዂ ተመምሮር መታን፡ አይሁድ፡ ላዂሲ ድኳ ኩኖ አከለና ይንኹሉ፡፡ 33 ጲላጦስ ዲቢ ልጝል ወንተሮ ኢየሱስቲ ሽጞ አይሁድ ንጉሥማ እንቲ ይኹሉ፡፡ 34 ኢየሱሳ እና እንቲ ይረው ኩላውድማ እማ ኤሪው ይሰበትድ ይነውካ ክምረ ዮ ወንተሱኹሉ፡፡ 35 ጲላጦሳ ውራ ኣን አይሁዳማ ኣኾ፡ ኩከውዲ አቅሸታ በሄሊንዲ ይል ሸከይኖካ ህምበው ውራ ሃብረግን፤ ይኹሉ፡፡ 36 ኢየሱሳ ይሕክም እና እርድ ንዱዂ አኽላ፡ ንዱዂ አከን አይሁድ ሻኽግኒንለ ይዓስከር ገደይስድንድለ ሻው ግን፡ ደኣም ይሕክም ንዱዂ አኽላ ይኹሉ፡፡ 37 ጲላጦሳ እማ እንቲ ንጉሥ ግን፣ ይኹሉ፡፡ ኢየሱስኻ አን ንጉሥ አኸት ውራ እንትኽር ኩላውድ ይረኲ እጝኩላማ፡፡ አን እምንሲ ሳምዕድያ ግን አን እዃርሳዂ፡ ኒመታጝር ግን እና ብሪል አን እንቶ ህንባዂ፤ እምንዱኹካ ይጋብሲ ዋሰኲ ይኹሉ፡፡ 38 ጲላጦሳ እምንኻ ውራ ኒ ግን፤ ይኹሉ፡፡ እንደዋዮኻ አይሁድሊ ፊዂ ኮዶ እማ ኣን እና ግርዋ ኒል ላሪ ከታ አረረኩን እልሊ፡፡ 39 እንትን ደኣም ፋጅኻድ ላዂ እንሸውሳዂ እንኪየልኩም እንታ ክኒ ግን እማ እና አይሁድ ንጉሥሲ እንክየልኩም ጀረብደናኹማ፤ ይኹሎም፡፡ 40 እንሲን ናውኻ ሐዲስድ ኒስ ጀረብነሊ ባርባንቲ እንኪልና ዩኑ ዓልበጥኑዂ፡፡ ባርባን ደኣም ላዂ ግርዋ አጎበንታ እርጋዂ ግን፡፡
1 ንድ ደምቢ ጲላጦስ ኢየሱስቲ ቀለጢሲኹሉ፡፡ 2 እን ዓስከርኻ እክክም ለከሚነ እኺርኺርሊ ለዋለይኖ ሻኺስኖ አኾርሊ ገምድኑኹሉ፤ ኮዶ ታዊና ሰራዂስኽር ሰስኑኹሉ፡፡ 3 ኒል ሱኩርኖኻ ዎ አይሁድ ንጉሥ! ደባንማ ውራ ህምብራኹን ዪነክ ገሺ ብርግዕዱኑሉ እርግኑዂ፡፡ 4 ጲላጦስ ሐዲስድ ዲቢልድ ከደን ፈ እና ግርዋ ኒል ላሪ ከታ ድኳ አርገትሉ አርእትኖ እናሐን ከደንሊ ፍደኩንልኩም እንኩኹን ይኹሎም፡፡ 5 እንሲን ኢየሱስ ሻሽ እክክማዂዲ ታዊና ሰራዂዲት ሰሮ ከደንሲ ፊዂ፡፡ ጲላጦሳ እናሐን እን ግርዋ ይኹሎም፡፡ 6 አቕሻታ በሄሊንዲ ናገንጂንዲ ቋልነሰነሉ ካኒል ከርከርዲሉ! ካል ከርከርዲሉ! ይኖ ዓልበጥኑዂ፡፡ ጲላጦስኻ እንተላውድ አድኖ ከርከርደሉ አን ወላ ላሪ ካታ ድኳ አርሊሉ ይኹሎም፡፡ 7 አይሁድኻ ይን ፍትሕ ሸኽንኹን፡ እን ይናፍትሕሰናኻ ኒሹት ጃር ኹራ እሲነዲን ክርዶ ህምበኩሉ ይኑኹሉ፡፡ 8 ጲላጦሳ ነስ ተካ ጋብሲ ዋሰሰና ገሪዂ ጓቍቱዂ፡፡ 9 ሐዲስድ ዲቢል ወንተሮኻ ኢየሱስቲ እንቲ አዊልድ ግን፤ ዮ ወንቀሩኹሉ፡፡ ኢየሱሳ ላሪ ድኳ ወንተስለሉ፡፡ 10 ጲላጦስ ውራ ይዲኽርማ ጋበላ፡ አን ከርከርድየካኽር እንኪየካኽር ሒል ክሜት ኤርእላማ እንቲ፡ ይኹሉ፡፡ 11 ኢየሱሳ አዋዂልድ እውስታኹካ አኾ ግራ እንቲ ይአወይሲ ላሪ ሕክም ዋንተጊትካ፡ ናንኻ እን ይትደኲሶ እዋኹካ ሐጢአት በሄር ኮት ህምበኩሉ ይኹሉ፡፡ 12 ኒድ ደምቢ ጲላጦስ እንክሮሉ ጀረቡ እርጉዂ፡፡ ደኣም አይሁድ ኒስ እንክረዶክ እንቲ ቄሳርዲ ሻሙዂ አኽላ፡፡ ኒሹት ሰየምሮ ጀረባዂ ኒውክ ቄሳርዲ አባይ ግን ይኖ ጨርሕኑዂ፡፡ 13 ጲላጦስ ነስ ተካ ጋራትሲ ዋሰሰና ኢየሱስቲ ከደን አዶ ፊኹሉ እማ ሊጠስትሮትል ዕብራይስጢሲኻ ገበታ ይስታ አካንሊ ኒቂጦራ ፍርዱኹል ከፍ ዩዂ፡፡ 14 እን ወክት እንዲን ፋጅኻ ደለምድና ግርገፍ እርጉዂ፡፡ እን ኤሁድስኻ እናሐን እንተ ንጉሥ ይኹሎም፡፡ 15 ናውኻ እንደራ ይሉ! እንደራ ይሉ! ከርከርደሉ! ዩኑ ጨርሕኑዂ፡፡ ጲላጦስኻ እና እንታ ንጉሢ ከርከርድየሉማ፤ ይኹሎም፡፡ አቅሸታ በሄሊንኻ ይን ቄሳርቲ አኽገት ኤሪ ንጉሥ ሻኽኒ ይኖ ወንተስኑኹሉ፡፡ 16 እንሲን ኢየሱስቲ ከርከርድድኖሉ ናናንተል ደኩሶ እዉኹሎም፡፡ 17 ናውኻ ኢየሱስቲ ጲላጦስትልድ ከለብርኑኹሉ፡ ኒመስቀል ሙኹሮኻ ‹‹ቀራንዮ›› ዕብራይስጢሲኻ ‹‹ጎልጎልታ›› ይስታ አካንሊ አኽራሲክ አድኖ ፈርኑኹሉ፡፡ 18 ኒልኻ ለጛ ስኳንሲ ላዂሲ ኒላው ገፍድ ላዂስኻ ኒ ሸንገብድ ኢየሱስትኻ ናነበክል ከርከርድኑኹሉ፡፡ 19 ጲላጦስ ክቱብ ከተቦ ኒአወይሲ ጠልሲኹሉ፡፡ እን ክቱብኻ ፡ ኢየሱስ ናዝሬትሩዂ አይሁድ ንጉሥ ያዂ ግን፡፡ 20 እን ኢየሱስ ከርከርሳ አካን ድገር ገቢል አኽነዲን ገሪው አይሁድልድ እን ክቱብሲ አንበብድኑኹሊ፡፡ እን ክታበትኻ፡ ዕብራይስጢስኽር ላቲንድር ግሪኽድር እርጉዂ፡፡ 21 ንድ እን አቅሸታ በሄሊን ጲላጦስቲ ውራ ኒላውድ ግራ አይሁዳ ንጉሥ ግን አን ኒ ዩ እርጋዂ አይሁዳ ንጉሥ ግን ይሮ ከተብግ ይኑኹሉ፡፡ 22 ጲላጦስ አን ከተባዂሲ ከተቦ ህምበኩን ይኹሎም፡፡ 23 እን ዐስከርኻ ኢየሱስቲ ከርከርድነሰነሉ ኒሰረንሲ አድኖ ሰጃትል በኒነሎም ላኹክ ኒበና አዱዂ፡፡ እን ቀሚሽኽር ኒሰና፡ ደኣም እን ቀሚሽ አዀርልድ ልኩል አኽራሲክ ንርውክ ሰፍጣ የናዂሲክ እርግለላ፡፡ 24 ኰድጚነኻ ንሂታ ገእያራዂሊክ ገእይቶ ቅሻ ማልንንላ ይስትጚኑዂ፡፡ ኒንኻ እን ይሰረንሲ በንስጚኑኹሎም ይቀሚሽሊኻ ቅሻ ማልኑዂ ያዂ ክቱብ አኽሮር መታን ግን ዓስከር ነስ ናው ሃቢነዂ፡፡ 25 እን ኢየሱስ ከርከርሳኹሉ ኒ ገቢል ኒገነዲ ማርያም ኒሐልቲ ቀለዮጳ ቍዲ ማርያም መግደላዊትዲ ደው ይኖ እርግኑዂ፡፡ 26 ኢየሱሳ ኒገናዲ እን እንከሉ ሰቍዂ ታለይሮራዲት ኒል አንጦጠለውሲ ቋሎሰና፡ ኒገናት እንቲ እዂና እነሐኒ ኩዂራ ይኹላ፡፡ 27 እንታለይቶራስኽር እነሐን ኩገና ይኹሉ፡፡ ኒኻ እንሲንትልድ ተርሰ ኒልጝል አዱዂላ፡፡ 28 ንድ ደንም ኢየሱስ ኒውክ ድጙስተት ቋሎሰና እን ክቱብ ተመሮር መታን ስቋንቱኹን ዩዂ፡፡ 29 ኒልኻ ጉና ሚድ መንሸውድ እንተኻዂ እርጉዂ እንሲን እን ጉነስ ሽነክሪል እንሸውኖ ኤብል ስኩስኑኹሉ፡፡ 30 ኢየሱስኻ እንሚድ መንሸውሲ ታሞሰና ‹‹ ተመሙዂ ›› ዩዂ፡፡ አኾርሱኻ ሉም ሲዂ ኒፊኹትኻ ፊቲ፡፡ 31 በዓሊ ደለምኒ ግርጋ እርግነዲን እን በድናት ኒልእርግጊን ውረድ እን ሰምበር በዓል በሄር እርግነዲን ልኩክሲ ክርጚነ ኒልድ ያዕይድኖሎም አይሁድ ጲላጦስቲ ሺዊኒኁሉ፡፡ 32 እንሲን ዓስከር ፈርኖ እን ኒዲ ሰቀልሶ እርገውሲ ለጞርትክ ልኩኲሲ ከሪኒኹሎም፡፡ 33 ኢየሱስትል እንትነሰና ክሮ ህምባዂሲ ቋልነሰና ልኩኩሲ ከሪኒሉ፡፡ 34 ደኣም ላዂ እን ዐስከርልድ እንሽኽድ ስምጥሲ ሰቡኹሉ ንርድ ንርድ ብርዲ ዓቍዲ ፊዂ፡፡ 35 እን ኒዕልድ ቋላዂ እንትን አምንትኖር መታን ሸረኲ እጝኩዂ፡፡ ኒሸርናኻ እምን ግን፡፡ 36 ኒጛ እን ኒ ናሽሽልድ ላሪድኳ ከረኒሉ የዂ ክቱብ ዱጙስትሮ ኣኻዂ ግን፡፡ 37 ኤሪ ቆል ክቱቡዂ ኮዶ እንሰብናዂሲሉ ማኻልትድኖ ግን ያዂ ህምባኲ፡፡ 38 ንድ ደምቢ ዮሴፍ አርማትያስሩዂ እን ኣይሁድሲ ጓቍቶ ትብታንድ ኢየሱስር ታለይቶራ እርጋዂ ጲላጦስቲ ኢየሱስር ግናደትሲ እውሮሉ ሺዊኹሉ ጲላጦሳ አጃ ይኹሉ እማ ፈሮ ኢየሱስር ግናደትሲ ኣዶኹሉ፡፡ 39 እን ላዶን ኢየሱስትል ቂር እንታዂ ኒቆዲሞስ ቅዲት ሰኾረጝንዲ ላዂ ኪሎራ ኣከው ከርበራዲ ጫብርዲ ሕበርሰ ህምበው አዶ እንቱዂ፡፡ 40 ኢየሱስር በድንሲ አድኖኻ እንአይሁድ ክኒርሰና ቅዲትድ ሸመትኖ ደበላን ሐዲስል ገነድንኹሉ፡፡ 41 እን ከርከርሶሉ እርጋ ኣካንሊኻ ጭንድቅ እርጉዂ፡፡ ኒላ ላዂ ኣዳም ደብቲጋዂሉ ጎቕ ሓዲስ እርጉዂ፡፡ 42 በዓል ስኲሮ እርግነዲጛ እን አርብ ታኸት እርግነዲን ኢየሱስቲ ኒል ደቢኒኹሉ፡፡
1 እን ግርጋ ኡናር ሰልፍሪትላ ማርያም መግደላዊት ጭልግልግል ጉራብሮ እን አርብል ፈርቲ፡፡ እን ክርጛ ጎቕ አብሲ አበዶ እርጋዃ ገለበስቶ ህምባዂሲ ቋልቲ፡፡ 2 ጋጝሩ ወንተርዶኻ ስምኦን ጴጥሮስዲ እን ኢየሱስ እንከሉ ሰጛዂ ታለይቶራዲት እንትሮ ይ አደረስ ጎቕልድ አድንኹሉ አዊል እሲነትሉኻ ከንዶ ይቲሎም፡፡ 3 ቤጥሮስዲ እን ታለይቶራድኻ ላት ተርይኑዂ እን ኤርብልኻ ፈርኑዂ፡፡ 4 ለጞክ ላት ጋጚኒዂ እንታለይቶራ ቤጥሮስቲ በደሮሉ እን ኤርብል ገእዩዂ፡፡ 5 ሉም ዮሰናኻ መግነድሲ ገሞ ቋሉዂ ደኣም ቱላ፡፡ 6 ስምኦን ቤጥሮስ ኒ ጉርጉርበትሲ ለሀኩዂ ቱዎኻ እን መግነድሲ ቋሉዂ፡፡ 7 እን ኣኾርሲ ኩስኖሉ እርግናዂ ሽልቱት ደኣም ላገፍድ ትብልሶ ገሞ እርጉዂ ግራ እን መግነዲ እርግላ፡፡ 8 ኒድ ደምቢ እን ታለይቶራ በደሮ እንቶ እርጋዂ እንሲን ቱዎ ቋሉዂ እማ አምኑዂ፡፡ 9 ውረድ እንሲን ኣኽራሲክ እን ክሪልድ ጉሮ ዋነት እንክቱብዮ እርጋዂሲ ፈሃምኖ እርግኒ፡፡ 10 ንድ ደምቢ እን ታለይቶት ናኣካንሊ ወንተርኑዂ፡፡ 11 ማርያም እን ጎቕ ገቢል አኽሮ ስርዱ እርግቲ፡፡ ስርዱኻ እን ጎቕሊ ሉም ይቲ፡፡ 12 እን ኢየሱስር በድን እርጋዂሊ ለጛ መላእኽቲ ሰረን ሜዕተው ሰረው ላዃ ኒ አዀር እርጋዂሊ ላዃ ኒልኩኲ እርጋዂሊ ቋልቲ፡፡ 13 ናውክ እንቲ እዂና ውራኽረ ስርዳኹን፤ ይንኹላ፡፡ ንርኻ ይኤደረስ አድኑኹሉ ኣዊል እሲነትሉኻ ኤርእሊ ይቲሎም፡፡ 14 ነስ ይሮኻ ደምቢራ ግልጭ ይቲ፡ ኢየሱስትኻ ደውዮ ህምባዂሲ ቋልቲ ኢየሱስ አኽታ ፈረግለሉ፡፡ 15 ኢየሱሳ እንቲ እዂና ውራኽረ ስርዳኹን፤ ኣውቲ ጀረብራኹ፤ ይኹላ፡፡ ንርኻ እን ጭንድቕ አደራ ተከላ፡ ዎ ይአደራ እንቲ ጉድራኽርሉ አክረን አዊል እስረትሉ ድዊንደለ ኣን ኤድየሉ ይቲሉ፡፡ 16 ኢየሱሳ ማርያም ይኹላ ንርኻ ግልጭ ይቲ እማ ዕብራይስጢሲ ረቡኒ ይቲሉ፡፡ ኒንኻ ይመምህር ይና ግን፡፡ 17 ኢየሱሳ ናን አኽራሲክ ይኽርሊ ፈ እልሊ ተመድገለ፡ ደኣም ይሻንሊ ፈርዶ ይኽርሊኽር እንታ እኽርሊኽር ይአደሪልር እንታ ኤደሪልር ፋኩን እንኩኹን ይሮ ድዊሎም ይኹላ፡፡ 18 ማርያም መግደላዊታ ፈርዶ ኒታለይቶት ይአደረስ ቋልኹሉ ነስር ድዊኹለ ይሮ በሸርድቲሎም፡፡ 19 እን ግርጋ ጃበራ ኡናርዲትላ ኣመቅረብ ኣኾሰና ኒታለይቶት ኣይሁድልድ ጓቍትኖ እድሲ አበድኖ ዋኑኑ እን ናው እክብስኖ ህምበናዂ ኣካንሊ ኢየሱስ እንቱዂ ናነበክልኻ ደውዩዂ እማ ሰላም እንተድ ኣኽኒ ይኹም፡፡ 20 ነስ ዮኻ ኒናንትትዲ ኒስምጥዲት ቋሊስኹሎም ኒታለይቶታ አደረስ ቋልነሰና ገሪዂ ፈርሕኑዂ፡፡ 21 ኢየሱሳ ደገሶ ሰላም እንተዲ ኣኽኒ እን ይኽር ይት እንሻቃሰነለ ኣጝር ኒሰና እንተት እንሻቃኩንኩም እንኩኹን ዩኹሎም፡፡ 22 ኒስ ዮኻ ኡፍ ይኹሎም እማ መንፋስ ሻትክ ከለብርኑዂ፡፡ 23 ናሓጢኣትሲ ባርድነውሎም ባርስትሮሎም ግን እን ሻኽድነውሎማ ሻኽስትሮሎም ግን ይኹሎም፡፡ 24 ኢየሱስ እንተሶነሎም እን ዲዲሞስ ይስታዂ ቶማስ እን ሽካ ለጞትልድ ናዲ ዲዊላ፡፡ 25 እን ታለይቶታ ይና አደረስ ቋልንኹንሉ ይንኹሉ ኒኻ ኒናንትተል መሳሚራ ፋላኻሽስ ቋልጊ ይኣጫቢዕስኻ እን መሳሚርድ ሰብስቶ ኣካንሊ ቱስጊ ይናንስኽር ኒስምጥሊ ወንተስጊ አምነሊ ይኹሎም፡፡ 26 ኮዶኻ ሳዀታ ኳራ ደምቢ ኒ ታለይቶት ቶማስር ናዲ ልጝሊ አበስትኖ ዋንቱኑ ኢየሱስ ተለውዮ ናነበክል ደውዩዂ እማ ሰላም እንተድ ኣኽኒ ይኹሎም፡፡ 27 ቶማስቲ ሽጞኻ ላዂ ኩኣጫብዕሲ ነት ገምዲ ይናንትትሲኻ ህኒ ቋሊ ኩናንሲኽር ይስምጥሊ ቱሲ አምነንታ ኣኺ ግን ግራ አምነግራኽር ኣኽግ ይኹሉ፡፡ 28 ቶማስ ዎ ይአደራዲ ይጃርዲ ዮ ወንተስኹሉ፡፡ 29 ኢየሱሳ እንቲ ቋልድነዲን አምንዱዂ፤ ዳኣም እን ቋልጊ አምነው ሻትካን ግን ዩኹሉ፡፡ 30 ኢየሱስ ኒ ታለይቶት ጃብል እና ክቱብ ኒል ከተብስገው ገሪው አምራት እሲዂ፡፡ 31 ደኣም ኒን እና ክቱብሰና እንትን አምንትኖ ኢየሱስ እን መሲሕ ጃርኹራ ኣኸት እምንድኖኻ ኒስጙድ ዲመር መምብሮ አርእትኖ ከተብሶ ህምበኲ፡፡
1 ንድ ደምቢ ኮዶ ኢየሱስ ኒታለይቶትድ ዓይግ ጥብርያዶስሩኹ ገቢል ሐዲስድ ቋልስትኹሎም፡፡ ናኽኻ ቋልስትኹሎም፡፡ 2 ስምዖን ጴጥሮስዲ መታ ይስታዂቶማስዲ ናትናኤል ቃና ገሊላሩዂዲ ለጛ አሪው ታለይቶትዲ ላት ዋኑኑ፡ 3 ስምዖን ጴጥሮስ ኣን ዓሳ ቃይያ ፈርያ ግን ይኹሎም፡፡ ናውኻ ይንኽር ኩዲ ፈርና ይኑኹሉ፡፡ ፈርኖኻ ታንኩትል ዓረግኑዂ፡ ደኣም ቂርሲክ ጀረቢነ ላሪ ድኳ ሻኽኒ፡፡ 4 ብራ ክሰሰነኻ ኢየሱስ ዓይግ ሸሊ እንቱዂ፡፡ ኒታለይቶታ ኢየሱስ አኽት ፈረግኒሉ፡፡ 5 ኢየሱሳ ይቑር ቍስታዂ ሻኽድኒማ፡ ይኹሎም፡፡ ናዋ ላሪ ሻኽኒ ይኑኹሉ፡፡ 6 ኒኻ ሰቐሊትሲ ላው ገፍድ ገምዳ ኤርትኖ ግን ይኹሎም፡፡ እንሲን እንሰቐሊት ዓሰድ እንሰቐሊት ዓሰድ እንተኾ ወተርነስ ቂልስኑኹሉ፡፡ 7 እን ኢየሱስ እንከሉ ሰጋዂ ታለይቶራኻ ቤጥሮስቲ ኒን ይና አደራ ግን ይኹሉ፡፡ እንሲን ቤጥሮስ ይናአደራ ኣከት ዋሶሰና መቅጠን ካያ እርጋዂ ታዊነስ ደበልቶ ዓይግል ባጙገሩዂ፡፡ 8 እን ኤሪው ታለይቶታ ብሪልድ ሊኽ እመት ኣካዂሺርኖ እርግንነዲን እን ዓሰድ እንታኾ እረታኾ እርጋ ሳቀርሲ ገወዱኑ እንትኑዂ፡፡ 9 ብሪል ፍነሰናኻ ዓሰዲ ሳንስዓዲ ገሞ ህምባዂ ገኣ ቋልኑዂ፡፡ 10 ኢየሱሳ እንደ እና ዓሳ ናን ኤድነውልድ ናቕሰና ይኹሎም፡፡ 11 ስምኦን ቤጥሮሳ ታንኰትሊ ዓረጉዂ እማ እን ሳቀርሊኽዲ አንኩረጝንዲ ሰዃ ዓሳ ሻዂሲ ገወዶ ብሪል ናቕስዂሉ፡፡ ነስኮት በጃኸው ሻኾ ዋኑኻ እንሳቀርሔቕ ይላ፡፡ 12 ኢየሱሳ ላዃ ቋ ይኹሎም እንታለይቶታ ይና ኣደራ ኣከት ፈረግኖሉ ላዂ ናልድ ኤውኒ እንቲ ዮ ወንቀራኹሉ እርግላ፡፡ 13 ኢየሱስ ስኩርዮ እን ሳንሳዓስ ጉዶ እውኹሎም፡፡ ኒሰና እንዓሰስር፡፡ 14 ኢየሱስ ክሪልድ ጎ ኒሲዀር ወክት ግን ኒታለይቶትድ ኒ ቋልስታኹሎም፡፡ 15 ቄሰናኻ ኢየሱሳ ስምኦን ጴጥሮስቲ ስምኦን ዮናሱዂራ ነልድ አወይሲ እንከልዳኹመላ ይኹሉ፡፡ ኒኻ የዋ ያአደራ እንከለትካ እንትኽር አርእሩዂ ይኹሉ፡፡ ኒኻ ይዓያዊት ተከዊ ይኹሉ፡፡ 16 ኮዶ ሊጞር ስምኦን ዮናሱዂራ እንከልዳኹመለ ይኹሉ፡ ሊኻ የዋ ያደራ ኣን እንከለትካ እንቲ አርእሩዂ ይኹሉ፡፡ ኒኻ እማ ይበግሲ ምቃቕሪ ይኹሉ፡፡ 17 ሲኾር ኮዶ ስምኦን ዮናሱዂራ እንከልዳኹመለ ይኹሉ፡፡ ሲኾር ወክት እንከልዳዂመለ ይነዲንሉ ቤጥሮስ ቁርቁርቶ ዎ ያደራ እንቲ ኒትክ አርእሩዂ ኣን እንከለትካኽ አርእሩዂ ይኹሉ፡፡ ኢየሱሳ ይበግሲ ተከዊ ይኹሉ፡፡ 18 እምን እምንድክ ድውየካ መንደላይ ኣክሩ ኩላውድ ደበልትሩ ሰጝረኲ ጀረብራዂሊካ ፈረዱ ሰጝረኲ ገንዶ ሰና ደኣም አሪዂ ደበልድሮካ ኩናንትትሲ ጠለቕቶ ግን ኒኻ እንቲ ጀረብግራዂሊኽር አድሮካ ግን ይኹሉ፡፡ 19 ኒስ ኒድ ያዂሉኻ አወያ ክረድ ጃርሲ ጀንጀንዶ ክመት ፈሃሚስሮሉ ዮ ግን፡፡ ነዋ ዮሉ ደምቢኻ ተለዪለ ይኹሉ፡፡ 20 ቤጥሮስ ግልጭ ዮ እን ኢየሱስ እንከሉ ሰጛዂ ታለይቶረስ እንተራዂሲ ቋሉዂ ኒን ኢአሱስቲ እን ሙነቱኑ ኒ ናሓርሊ ጭግዕ ዮ ድዊ ያደራ እንደኲሶ ኡዋኹካ አውኒ ግን ያኹሉ ግን፡፡ 21 ቤጥሮስ ኒት ቋለሰና ኢየሱስቲ ድዊ ያደራ ኒንኻ ውራ ኣኽሮ ግን ይኹሉ፡፡ 22 ኢየሱሳ ኣን እንትሪሲክ ዲወንኻ ኩት ውራ ፈሮካ ይኹሉ፡፡ 23 እንታለይቶራ ክረላ ይስቶኻ ሻና ነበክል ወሪስቱዂ፡፡ ኢየሱስ ደኣም ኣን እንትሪሲክ ዲወን ኩድ ውራ ፈሮካ ግን ኒ ያዂ ግራ ክረላ ኣኽላ ኒ ያኹሉ፡፡ 24 እን እና ወራታት ነስ ሳምዕዳዂዲ ከተባዂዲ ታለይቶራ ኒ ግን፡፡ ኒ ሳምዕኻ እምን ኣኸት ኤርእንኹ፡፡ 25 ኢየሱስ እሰው ኤሪውር ወራታት ገሪው ህምበኲ ናውክ ላዂ ላኹድ ከተብሰን እን ውራቅ እርዱውክ ኣቕትጊድሉ ተከኩለ፡፡
1 1. ዎ ቴዎፍሎስ እን የሱስ እስሮሉኸር መሃርድሮኹር ተርስኽ ኒውክ እን ሰልፍ ታሪኽ ሰበትት ከተቦልካ ህንቡኩን፡፡ 2 2. እን ዓርጋ ግርጋ ኣኸራሲክ እን ፍሪረው ታለይቱት መንፈስ ሻቱኩኹድ እንሻቆሰነሎም፡፡ 3 3. ኒ ስቃይ ደንቢ አረብያ ኳራ ቋልስቱሎምኸር መሪ ጃሩኹድኻ ድውሎምር ገሪኹ ኤርእሲሰነድ ዲማ ዋናዂ አኸት ኒኣኾርሲ ከም ቋሊሰትሎምር ከተቦልካ ህንበኩን፡፡ 4 ናዲ ላድ ዋኑኻ ዮሃንስ ዓቑድ ግን ኒ ጠመቅዳዂ፡ እንትንኻ ከለላ ግርጋድ ደንቢ መንፈስ ሻትኩኹድ ጠመቕድትኖ 5 5. ግን እማ እን ይልድ ዋስድናዂስሉ ሳዳ ይኽርዱኹ ሲ ጨበራ ዮ የርሳሌም ትልድ ፍግኒን አዘዝኩሎም፡፡ 6 6. እንሲን አከብሶም ዋንቱኑ ይናኤድራ አና ኤርፋፋ (ግረጋድ) ናድ ማ እስኤልቲ መሪ ትካሲቶላማ ይኖ ወንቀርኑኹሉ ፡፡ 7 7. ንኻ አኸር ኒምልከድ የመማኹ ሀመትዲ ወከትዲት አርአትኖ እንታኹ ኣኸለኒ፡፡ 8 8. መንፈስ ሻትክ እንተል ገመስናኻ ሓል ከለብረትኖ ዮርሳሌምትል ኸር ገረውካ ይሁዳትልኸር ሰማርያትልኸር ብራ ግዲ ኣኸራሲክ ምስክር ኣኸትኖስ ግን ይኹሎም፡፡ 9 9. ኒሰ ዮሰነከሎም’ኻ ቋሉኑሉ ዓረጉዃ፡ ናዕልልድኻ ብኳና ከለብርቲሉ፡፡ 10 10. ኒ ዓረጉሲ ናውኻ ዓሰተሊ ኣኸራሺከ መርኪሲኑ ጉሲ አነ ሓን ጫዕተው ሰረና ሰረው ለጋ ግርው ናገቢል ዳው ይኖ እርኑኹ፡፡ 11 11. የሃው ከው ገሊለሩ ውረኹ ዓሰተሊ መርኪሰዱኑ ዳው ይድኖ ህንብዳናኹን እና እንተልድ ሰማይል ዓረጉኹ የሱስ እን ሰሚል ዓረጉጉሲ ቋልድ ናኹሉ ኒስና (ናር) ሃበኸር እንትሮ ግን ይንኹሎም፡፡ 12 እንሲን ደብረ ዘይቲ ይስታኹልዱ የሩሳሌምትል ደርብ ሰንበረኻ ልድ ተኸቲታኹ አሮራ የሩሳሌም ወንተርኑኹ፡፡ 13 13. ኤርናስናኻ ሮሻንሊ ዓረግኑኹ ጴጥሮስዲ ዮሃንስዲ ያእቆብዲ አንድርያስዲ ፊልጶስዲ ቶማስዲ በርተሎሜዎስዲ ማቴዎስዲ ያእቆብ እልፍዮሱኹረዲ ስምኦን ቀናእዲ ያእቆብኹረዲ ላድ መንደርቱኑ እርግነኹ፡፡ 14 14. ኒን ናውከ ገሪው እኵንዲ ማርያም የሱስር ገናዲ ኒሸንዲ አኸኖ በኸርድግኒ ለገሸ ጠለየኑ እርግኑኹ፡፡ 15 እን ግርጋድ እንዳል ለኸዲ ለⷘለⷘር አከው ከው ኒል አከብስኖ ዋኑኑ ፡ ጴጥሮስ እንሸን ናበከል ጐይኹ፡፡ 16 16. እንትል ይሸን እን የሱስቲ ሻኸውሉ መርሓይ ደርበኹ አኸውሎም ይሁዳ ሰበትት፡ መንፈስ ሻትኽ እማና ዳውትል እብድ እማና የኹላ ኩቱብ ተመምቶ ግቡእ ግን፡፡ 19 17 ይነዲ ሺብስቶ እርጉኹ እማ፡ እኒ አገልግሎት ኒሲኻ እውለት እርጉኹ፡፡ 18 ኒን እን ኒግብር በደንድ ኪድኝ ጅብኹ፡ ኒአብ ኤርሕምድ ከብሮኸ ለኝትል በንሲኹ፡፡ ህንበውከ ኒጅልልኻ ሊኹ እማ፡፡ 20 - 20 19-20. ኒልጝል ዑና አኹኹ ኒልመንደርታኹኻ ኤርሳጊኒ ኒሲምሲከር ኤጊው ኤደናኩሉ ያኹ ክተብ ሕላይለ ከተብስኹ ግን ማ ኒን እን ኪድጊ እንዲኒ ናጋብድ፡ አካልድማ ማለት ኪድኝ ብሩኹ፡ ይስትታሲክ የሩሳሌም መንደርተው ናድክል ኤርሰቱኹ፡፡ 21 22 21-22. እማ ገድም እና እን ይናኤድራ የሱስ ጥምቀት ዮሃንስ ሩኹልድ ተርሰ፡ እን ይነልድ ዓረጋ ግርጋ ኣከራሲካ ይነል፡ ትዋኩዲ ፋኹዲ እማ ዲማ ወክት ተለየውና ከውልድ ነልድ ላኽ ትንሳኤር ሰበትት ይነዲ ሰምዕ አኽሮ ዋጅብ ግን፡ 23 23. ናዋ እን ባርናባስ ይስታኽ ዮስጦስ ሽኝናዂሉ ዮሴፍዲ ማትያስዲ ነበክል ዶውሲኒ ኹሎም እማ፡፡ 24 25 24-25. ዎ ናድካ ለበከሰ ኤርእራኸር ይና ኣደራ፡ እና ይሁዳ ኣካንሊ ፈርዶ ዮ ባራኹላ አካን አገልግሎት ታይለቱት ኣክና ከለብርዶታ እና ልኝ ነልድ ላዂ ፍሪርዳዂሲ ቓሊሲና ይኖ ጠለይኑኹ ። 26 26. ቕሸኻ ገምድንኹሎም እን ቕሸኻ ማትያስትል ገእይቲ፡ እንሽኻ ላዂ ታለይቱት ዲኻ ሸብሰቱዂ፡፡
1 1. ኤንኩረልጝ ኳሪልኻ ናውክ እክብስኖ ላት እርግኑኽ፡፡ 2 2. ሃንደበትትኻ ሒለቱኽ ደሃፋት ውልዋሉኽ ሰሚልድ ዴሀይ እንቱኽ፡ እን ናው ህንበነሪ ልጝልሲኻ ኒትክሲ እንታኹኹላ፡፡ 3 3. በንስስⷘኹ ላንቂ ለኺኹኽ ተካኹኻ ቋልስትኹሎም ናድኻ አኾሊኻ ገሙኽ፡፡ 4 4. ናድክትኻ መንፈስ ሻትክ እንታኹኹሎም መንፈስ ሻትክት ጋብድኖ እወትሎምኽር እሪጋብድ ጋብድኖ ተርሲኒኹ፡፡ 5 5. ሰማ ዓንቀይል መንደርተው ከው ናድከልድ በካይትከው የሩሳሌምትል መንደር ተውልድ ኣይሁድ እርግኑኹ፡፡ 6 6. እና ደሀይኒን አኸሰና ገሪው ከው እክብሱኑኹ ናጋብድ ጋበውሲ ዋስኖኻ የናኹግ ድድኹሎም፡፡ 7 7. ናውክ ገረሙሎምር ፈከርሱኑኽር ንሰናኻ ይኑኽ፡ እናሓን እና ጋበው ናውክ ገሊለሩ ኣኽኒማ፡ 8 8. አዋሃቢነ ደአም ናውክ እን ይን እዃርስናኹ ጋብድ ጋቡኑ ዋስናኹንሎም እንኩንኹን 9 9. ይንከው ኣርጤንዱ ከው ሜዴንዱ ከው ኤላምንዱ እን ለጛ ወረባ ነበክሊ ይሁዳዲ ቅጲዶቅያዲ ጴንጦስዲ ኤስያዲትል መንደርተው፡ 10 10. ፍርግያጲ ጾምፍልያዲ ግብጺዲ ደገጊ ሊብዩዲ ቀሬንዲ ገብሊድ ሮሚልድ እንተው ነበክ ጅንስ ኣይሁድሩዲ ጴሮሌልታትዲ 11 11. ቀሬናስዱ ከውዲ ዓረብር ከውዲ ይነጋብድ እን በሀር ክድመት ጃሩኹድ ሰበትት ጋቡኑ ዋስነኩንሎም እንኩንኹን 12 12. ናውክ በኸኽርኖ ናሹር ናሹ እና ጋር ኒንኻ ውረኒቶክ ኣኽራ ይስትጝኒኹ የናኹክ ድድኹሎም 13 13. ናበልጝ ኻ ቃየርኑ ነን ሓዲስ (ጉዑሽ) ወይንሩ ጂእኖ (ብትኖ) ግን ይኑኽ 14 14. እንሲን ጴጥሮስ እንሽካ ላኹዲ ጐ ኒደሀይሲ ስክብሰ ጋብኹሎም ንሰነዮ፡ ይሀው ከው ይሁዳሩዲ የሩሳሌምትል መንደርትደናኽር ናውክኽር ኒን እንተነበክል አርእስትኒ የቖልሲኻ ሸኑራ፡፡ 15 15. ግርገስ ሲኾር ሰዓት ግን እማ እና እንተት ተኬኩም ህምባኹ ሰና ነን ሸከረው ኣኽኒ 16 16. ኒን ኻ እን ነብዪ ዮኤልድ ይስታኹ ግን 17 17. እንደበር ግርጋትሊ ኣኽሮግን ይዂ ጃር ሲኻ አወይሲ ህንባኽ ኒውክሊ ይመንፈስ ልድ ብቑስያግን እንተ ቁራቁርዲ እንተእንቃቕዲ ተነበይድኖ እንተ ኣባጥሕካ ቋላ ቋድኖ እንተድኽንኻ ነበኽድኖ ግን፡፡ 18 18. እንግርጋድ እነደልኻ ግርውዲ እኩይንዲ ይገሽንሲ ይመንፈስ ልድ ብቑሲያ ግን፡ ናውኻ ተነበይድኖ ግን፡፡ 19 19. ኣንኻ አወት ሰሚል አምር ስቖት ብርልኻ እሻረትዲ ብርዲ ላኸዲ ጣኸዲሩኽ እስያ ግን 20 እን በሀሪዲ አርስትረሪዲ ግርጋ አደርሪ እንትግሪ ኳራ ጭልምሊ ቀየርስቶግን፡ አርባኻ ብርሊ 21 አኽሮ ግን ኻ ጃር ስጝ ሲ ሽጛኹክ ኒውክ ደአንዶ ግን፡፡ 22 እንትኝ ከው እስራአልዱ እና ቆል ኒስ ዋሳ፡ እንትኝ እንተላውድ ኣርእደናዂድሰና ፡ የሱስ ናዝረትሩዂ እን ጃር እንታ ንበክል ኒድ ሃበ እሰው ሒልዲ ፡ እሻረትዲሲ ጃር ሰምዓዂሉ ግርዋ፡ 23 23. እን ድጙኩስታኽ ኮድጛ ጃሩኽዲ እን እማኒኹ እምርዲ ሰና ዶኩስኖ ኡናኹሉ አድኖ እን ፍቲሕ እንገውድ ነንድ ክርከርድድ ንኹሉኽር ኩዱኑኹሉኽር 24 24. ክራ ሻኾ ተብድሮሉ ገረሰጋኹ ኣኽነዲን ጃር ክራ ንሽዊልድ እንኮ ጉድኹሉ 25 ዳዊት ኒሰበትት ይኹ እማ ጃርሲ ዲማ ይጃብል ቋለኩንሉ ኒላውል ዋኒነዲንኻ አንጀልሃጠልኒ፡፡ 26 26-27 ይፊኹትሲ ሺኦልትል ባረለላኒ ኩሻትኽ ክር ድዳቋልዶ እወለሉኒ እማ ይለበካ ፈርሑኽ ይላንቂኻ እልል ይኹ ይስኻኻ ሳደድ ክሮ ግን፡፡ 27 28 ደርብ ፊኹተኹሲ ኤርእሲስርኹለ ኩገሽ ጃብልኻ ፈርሓትት ብስቶለ ግን 29 እንትን (የሀው) ይነሻን ዳዊትትር ኣኾር እክላዂ ሰበትት ኒ ክምክረት ክምደበተትኽር እንተት ዋድሕድ ድውስቲሮ ግቡእ ግን፡ ንኤርብካ ናን አኽራሲክ ይነነበክል ህንቦክ 30 30 እሞኻ ኒ ነቢ ኣኾ ላዂ ኒፈደና ከርሱኹ ኒ ክብሊ ኮፍ ይሮ ጃር ኒማሕለድ ማሓለትሉ ኤርኣዂ ኣኽነዲ 31 31 ሰልፍ ቋሎ ጕና ክርስቶስሩኹድ ሰበትት ኒፊኹት ሺኦልትል ከም ከብተግረት ኒስኸኻ ድዳ ከም ቋለገት ጋብዂ፡፡ 32 ጃር እና የሱስ ኒስ ጉዱኹሉ ኒድ ናውክ ይኒን ምስክር ግን 33 33. ናንኻ ላው ጃሩኹል ክብ የሰና ሳዳ መንፈስ ሻትኲዃ እክልድ ከለብረሰና እና እንትን ቋልደናኹዲ ዋስደናኹዲ ህንብደናኹሲ ኒ ብቑሲኹሉ፡፡ 34 35 34-35 ዳዊት ኒላውድ ደአም ኤደራ ይአደረስ እንኩኣፋይትስ ኩሉክ ዓንቀይል ዳዲሰሰና እሲሪሲክሎም ይላውል ኣኺ ይኹሉ፡፡ ይንግራ ንታዲ ሰሚል ዓረግላ፡፡ 36 36. እሞ ገድም ጃር እና እንትን ከርከርድደናኹ የሱስቲ ኒድ አደረዲ ክርስቶስዲ እሰትሉ ህንበውክ እስራኤልዱ እምንዲክ ኤርኢኒን 37 እንሲን ኒስ ዋስነሰና ናለበካ ሰብስቱኽ እማ ጵጥሮስዲ እንአሪው ሃዋርያትዲት የሀው እነሻን ውራ እስኒን ይንኹሎም 38 39 38-39 ጴጥሮስካ እንሳዳ እንተዲ እንተቑርዲት እንሽራኹል ህንበው ናትክስኽር ይኽር ጃር ሽጘውሎምድ ናድክት ግን እውስታኹ እማ ነስሕስታ ላዂክ ስጝ የሱስ ክርስቶስድ ብሕልታ ሓሩሙኽ ጠመቕስጝ እውን መንፈስ ሻትኩኽር ከለብርትኖ ግን ይኹሎም፡፡ 40 እና ኑኑይ ጅንስ ኒልድ ደአና ዩኻ ገሪው አሪው ቆል መስከርኹሎምር መኾኹኹሎምር 41 41. እንእንሲን ኒጋብ ባህ ዮሎም ከለብረው ጠመቕስኑኽ፡ እን ግርጋ እንድህትል ሰዃ ሲሕ ኣከው እን ማሕበሊ ከስትኑኽ፡፡ 42 42. ምህሮ ሃዋርያቱኽዲ ስምረትትኽር ሸረፍና ሳንሲዒኹድ ኽር ጠሎትድ ኽር ተብኖ እርግኑኽ 43 ናትካ ርሕሊ ጉኢ ኣኹኽ ገሪው እምርድ ተኣምርዲኻ ሃዋርያትድ እስቲኹ፡፡ 44 44. እን አምነው ናውክኻ ላገሽ እርግኑኽ ህንባኹሲሎም ኒትክሲኻ ላ መቕርሕ እርግኑኽ፡፡ 45 45. ናብረዲ ናሕያይትዲ ክደነኩ ናትክስኻ ጀረብደውሲክሎም በኑኑሎም እርግኑኽ 46 ክሰረት ክሰራ ላገሽ መቕደስ ልጝሊ በኾርድግኒ ተብኖ እክብሱኑ እርግኑኽ፡፡እን ልጝልተል ሳንሰዓ ሸረፍኑ ፍርሓትትኽር ለበካ ጋርህድ ኽር ጃርሲ ሓመዱኑ ላገሽ ኣኽኖ ቁኑ እርግኑኽ፡፡ 47 47. ናድካ ከው ነበክሊኻ እንከልሰንቲ እርግኑኽ፡፡ ጃርካ ደአነው ክሰራት ክሰራ እን ማሕበሊ ኮዱ እርጉኽ፡፡
1 1. ጴጥሮስዲ ዮሃንስዲ ሰሰርሰዓትድ ጠሎት ወክትሊ መቕደስ ልጝሊ ላገሽ ፍኑኽ 2 2. ኒገነር ከርስልድ ተርሰ ኒልኩኽ ክራዂ ግርዋ መቕደስ ልጝሊ ትዎውሲ ሽዊሮር መታን ምኹርኖ ክሰረት ክሳራ እንምልምሊ ይስትረሪ ጭምድ መቕደስ ልጝሉኹል ገምዱኑሉ እርግኑኽ፡፡ 3 3. ኒኻ ጴጥሮስዲ ዮሃንስዲ ጠሎት ልጝሊ ቱውዱኖ ኣኽነት ቋለሰነሎም ኡውድኖሉ ሺዊኹሎም 4 4. ጴጥሮስ ዮሃንስዲ ኣኾ መርክሱኹሉ እማ ይነል መርኪሲ ይኹሉ፡፡ 5 5. ኒኻ ናልድ ገለ ሓጀታ እረራዂ ተኬሉ ፈጠኖ መርኪሲኹሎም 6 6. ጴጥሮስኻ ደሀብዲ ወርከዲ ሻኽሊኒ እን ህንባኹሲለኻ እወኩንካ ስን የሱስ ክርስቶስ ናዝራዊሩኹድ ጒ እማ ፈሪ ይኹሉ 7 7. ኒላው ናንድ ሻኾኻ ጉድኹሉ ኒድ ኒድኻ ኒሉኩክዲ ኒኩርትሕረዲ ተቡዂ፡፡ 8 8. ባንጉሮኻ ደው ዩኽ ጅልዉኽር ጅልልዉኹር ባንጉሪቱኹር ጃርሲ ሓመድዱኽርኻ ናዲ መቕደስ ልጝሊ ትዉኽ 9 9. ናውክ እንእክ ኒ ፈሩኽር ጃርሲ ሓመዱጉሲ ቋልኑኹሉ 10 10. እን እናምልምሊ ጭምድ መቕደስ ልጝሊ ኮፍዮ ሽዉ እርጋዂ ኣኸት ኤለለይኑኹሉ፡፡ እን ኒል ኣኾ ጋራትት በኸኽርነድር ጓቝትነድር እንታኽትኑዂ፡፡ 11 ጴጥሮስዲ ዮሃንስዲትል ተከኖ ዋኑኻ ናውክ እንእክ ፈከርሱ እንጭምድ ሰለሙንድ 12 12. ጴጥሮስዲ ዮሃንስዲትል ተከኖ ዋኑኻ ናውክ እንእክ ፈከርሱኑ እንጭምድ ሰለሙንድዂ ይስታኹልድ ናል ጋጝኹ 13 ጴጥሮስኻ ቋለሰናክሎም እንከውሲ ወንተሰኹሎም (ጋቢኹሎም) ንሰናዮ የሀው (እንትን) ከው እስራኤልዱ ውሪኹ ኒድ ፈከርስደናኹን ይነሹር ሒልድ ወሪ ይና ሸተክነግ ኒን ፈረዶ እስነኹ ሰና ወሪኹ ይነል መርኪስ ደናኹን እንኩድኑኹን፡፡ 14 14. ጃር ኣብራሃም ዱኽ ይስሃቕ ሩኽ ያእቆብ ሩኽ ይነክላ ጃር ኒኹራ የሱስቲ ከበርድኹሉ፡፡ ጲላጦስ እንክስትሮ ፈረደሰነኩሉ እንትን ኒድ ደኩስድኖ ኡዱኑኹሉኽር ኒጃብል ክሓድኑኹሉኽር 15 የዋ እንትን እን ቕዱስዲ ሻትክዲት ከሓድኖታ እን ርሕሲ ዃዂ ግርወስ ምሓርድሮልኩም (እንከርልኩም) ሺዊዲኒዂ 16 16. እን አኾር ፊኹቱኹሲ ኩድኑኹሉ ኒድ ጃር ክሪልድ ጉዱኹሉ ይንንኻ ኒስ ኒምስክር ግን፡፡ 17 ኒስጝድ አምናኻ ኒስጝ እና እንትን ቋልደናኹዲ አርእደናኹዲ ግርወስ ተብድኹሉ፡ እን ኒድ እምነኻ ኒስ ናትካ ጃብሊ ገሪ ዓፈየት እውቲሉ፡፡ 18 18. ናን ኻ ይሻን እን እንተ ሰየምልድ ኒስ አርእምቢነድ እስደነትሉ አርኦ ህንበኹን 19 ኣኽን ግራ ክርስቶስ ጅርበት ከምአረት ጃር ሰልፍድ ኬፋ ናትካ ነብያትድ ድወኹሉ ኒሰና ተመምድኹሉ (እሲ ኹሉ) 20 20. እሞኻ እንተ ሓራም ደምሰስትሮልኩም መታን ጃር ገሽልድ ኻ ፊዃ ወክት እንትሮልኩም መታን 21 እንሰልፍ እንተት ፈሪርሳኽ ክርስቶስትኽር ፈስሮልኩም መታን ነስሕስታኽር ወንተራኽር 22 22. እንጃር ወክት እማኒኹሉ አብ ቅዱሳን ነቢያቱኽድ ጋበኹ ወክት ትክይኒኹ ኒዉክ ሰማይ የሱስቲ ከለብርቶ ግቡአ ግን 23 23. ሙሴኻ እንተኽር ጃር እና ይሰናያዂ ነቢ እንተሻንልድ ጉድሮልኩም ግን እማ ኒያዂሲኩም ኒትክ ዋሳሉ 24 ኣኹሮ ግንኻ እን ነቢ እንዲስ ዋስግረሪ ፊዂት ንርከውልድ ምኩርቶ ግን ዪዂ 25 25. ናውክ ነብያትኻ ሳሙኤልትልድ ተርሲነ እን ናደንቢ ጋበው ናውክ እና ግርጋት ኔስ ግን አበሸርደው 26 26. እንትን ነብያት ቁር እንጃር ኣብርሃምቲ ናውክ እክ ክፈደኒድ ባረኽስድኖ ግን ዮ ይነክልዲ ማእኮት ትዋኹድ ቁር ኽር ግን ጃር እተላዂ ላዂሲ ኒምቑሊልድ (ጂቢልድ) ወንተርዶ ወንተሱ ባረኽሮኩም መታን ኒኹረስ ጉዶ ናድካ ጃብ እንተል እንሻቁኹሉ፡፡
1 1. እንከውሲ ድዉኑጉሲ ካህናት ዲ (ከዳታዲ) ሓለቓ ተከወንቲ መቕደስ ልጝሉዲ ሰዱቃዉያንዲ እንትንኹሎም 2 2. እንከውሲ መሀርድነዲን ጕና ክሪውልድ የሱስድ ይኖ ሰበኽንዲ (ድዉንዲን) ሓረቅርኑኽ 3 3. ናንሲ ጠለቕኖ ሻኽንኹሎም ብራ ጭልም እርጉኹ እማ ኒደንበር ኳረስ ኣኽራሲክ ንሽውል (ማሕቡስሊ) ቱስኑኹሎም፡፡ 4 4. እና ቖልሲ ዋሰውልድ ገሪው አምኑኽ ሺብ እንግርዋኽ ዃ ኣንኳሲሕ ኣኽራሲክ ኣኹኽ 5 ኒብርክስጘድ ኻ ንሰና ኣኹኽ ና መኳንንቲዲ ናበህሊንዲ ናካትባንዲ ናድካ 6 6. ሃና ሊቀ ካህናት (ከዳ ኣዋዅ) ቀያፋዲ ዮሃንስዲ እስክንድርዮስዲ እንጅንስ ኣምራን (ሊቃውንቲ) ትልትኽር ናውክ ካህናትኽር (ከዳኽር) የሩሳሌምትል እክብስኑኽ፡፡ 7 7. ነበክል ደው ሲነኻ አውር ሒልድ ወሪኻ አውር ስምድ ግን ኒስ እስዲነኹሉ ይኖ ወንቀርኑኹሎም፡፡ 8 8. እንሲን ጴጥሮስቲ መንፈስ ሻትክ እንትኹሉ እማ እንትን መኳንንቲዲ እክዲ በሀሊንዲ 9 9. ኒኪ ይን ላዅ ሽኹሽታዅ ግርወስ አዪትክያዅ ክድመትድ ንኽር ንእብርነት መርመር ስኒልድ 10 10. እን እንትን ከርከርዲድናኹሉ ስጝድ እማ ጃር ክሪውልድ ጉዳ ኹሉ የሱስ ክርስቶስ ናዝራዊ ኒድ እና እንተጃብል እቢሮ ደውዮ ዋነት እንተልኽር ናድከል እክ እስራኤልዱሊ ኽር አርእስትኒ 11 እን እንትን በነየንቲ ቃበብድና ኹሉ እማ ርንኩንሊ ኣኻዅ ክርጛ ኒ ግን፡፡ 12 12. ኒድ ደአኖ ኣኩ አሪኹ ስጝ ሰማይ ዓንቀይሊ ከውድ እውስትላዅ እማ ደአና ላዅድ ግራ አሪዅድ በታተን እላ፡፡ 13 ሓጠርና ጴጥሮስኹዲ ዮሃንስሩኹዲት ቋልነስና መሃርሰገው ማሃይም ከው ከም ኣኽነት ፈሀም ነሰና ፈከርሰአኻ የሱስዲ ከም እርግነድኻ ኣለለይኑኹሎም። 14 14. እን እቢራኹ ግርዋ ናዲ ደውዮ ቋልነሰነሉ ጋበነው ብኑኹ፡ 15 16 .እን ዲቢልድ ስርግ ይድኖ ድዊኒኹሎም።እማ ከሐድኖላ ኣከጋኹና ዮሩሳሌምትል ማንደርተው ናድከል በህሪ ኣርእስትረሪ ኣመር ናድ ኣኽቲ እማ፡እና ከው ነስ ውራ እሲኖ ግን ይኖ ኰድጚኒኹ። 17 17.እን ከወል ገሪኹ ወሪስተጊንኻ ፡ገድም ላአዳምድ ድኳ ድወግኒን ተብድኖ ጓቊስንሎም ይኑኹ። 18 18.ሽጝኖኻ የሱስር ስጙድ ላኹድ ድኳ ድወግኒን ወሪ መሄርድግኒን ኣዘዝንዅሎም። 19 20 .ጴጥሮስዲ ዮውሃንስዲኻ ይንታዲ እንቋልናኹዲ ዋስናኹዲት ጋብኒልድ ደውይኖ ኣከለናኒ እማ ጃርልድ እንተድ ኣዘዝትና ጃር ጃብል ትክያኹ ኣከን ታዲ እንተላውድ ፈረዳ ይንኹሎም። 21 22 .እን እቢርኒኹ ተኣምራት እስቴኹሉ ግርዋ፡ኒኣመራ ኣርብዪልድ ኣወይሲ እርግነዲን ናውክ እን ኣኻኹድ ጃርሲ ሓመዱኑ እርግኑኹ እማ እን እክ ሰበትድ አዋህቢኔ ቀጽዓነትሎም ብነሰና ጒኢስኖ ባርንኹሎም። 23 .እንክስትነሰናኻ ኣምራን ከደዲ በህሊን ይስተው ናትክ ጋቢኒኹሎም። 24 24.ኒስ ዋስነሰና ላገሽ ሕበርሲኔ ናሶጥሲ ጃር ጃብል ክብሲኔ ይኑኹ፡ዎ ሰመዲ ብረዲ በሐርዲ ናል ህምበው ናትክሲ እስሬኽር ኣደራ 25 25.እን መንፈስ ሸትክ ኩ ገንጂና ዳዊትር ኣብድ ውሪኹ ቆምያት ሓረቅርንኹን እክኻ ብላሽ ሓሰበናኹን። 26 .ሲምትት ብሪው ጉኑኹን፡እን መኳንንቲኻ ጃርዲ ኒመሲሕዲት ተጻረርድኖ ላገሽ እክብስኑኹ ይራኹሉ፡ 27 28 .እን ኩናንዲ ኩኰድጝናርዲ ኣኽሮ ዮ እማና የመማኹሲ እሲድኖር መታን ሄሮዶስዲ ጴንጥዮስዲ ጲላጦስዲ እክዲ እስራኤልዲ ጅንስዲ ኣኽኖ እን እንቲ ቀብእራኹ ሸትክ ኩኹራ የሱስ ክርስቶስ እና ዕርዲራ ንሂትል ተጻረርድኖ እክብስኑኹ። 29 30 .ናንኻ ይኣደራ ና ጒኢስኒል ቋሊ እን ሸትክ ኩኹራ የሱስር ስጙድ ሽኹሽተው እቢርድኖኽር አምርዲ ተኣምራዲኽር ኣኽሮ ኩናንሲ ጠለቂ፡ኩ ገንጂነድኻ ኒትክ ፈራሰትድ ኩቆልሲ ጋቢድኖ እዊሎም። 31 31.ሺዊነሰናካ እን እክብስኖላ እርግነሪ ኣካን ረበሽስቲ፡ናዉክኻ መንፈስ ሸቲክድ እንታኽትኑኹ፡ቆል ጃሩኹሲኽር ፍልሰትድ ጋቢኒኹ። 32 .እን እምነው ናውክ ላለበካዲ ላሪሕዲ እርግኑኹ፡ኒድክድ ላናን እርግኑኹ፡ግንግራ ላኹ ድኳ ኒማልድ ኒን ይኹግን ያኹ እርግለሎም። 33 33.ታለይቱትኻ ገሪ ሒልድ ጒና ይና አደራ የሱስ ክርስቶስር ሰበትድ መስከሩኑ እርግኑኹ፡ናትከልኻ ብሀር ገድ እርጉኹ። 34 35 .ናውክ ናብራ ናልጝንቲ ህምበውሲሎሲ ክድኖ፡እን ክስታ አረኸስ ናዕሱኑሉ እርግኑኹ እማ እን ታለይቱት ሉኩ ገቢል ገምዱኑሉ ላኹሲክ ንድ ጀረብዳኹሲኩሉ በንስጙኑ እርግኑኹ፡ንድኻ ላኹ ሓግድ ድኳ እርግለሎም። 36 .ዮሴፍ ሃዋርያትድ በርናባስ ይስታኹ ኒትርጒም ድፍእዳዅድዅራ ለዋዊራ ፡ቆጵሮስ ኒጅንስ 37 37.እን ህንበኲሲሉ ኪድጝሲ ክዶ፡እን ሰላዲት ናዕሶ ሃዋርያት ልኩክ ጃብል ገምድኩሉ።
1 1.ሃናንያ ይስታኹ ግርዋ ሰጲራ ይስትረሪ ኒእኲነዲ ኒብረስ ክዶ 2 2.እን ኒኣረኺልድኻ ኒእዂነዲ መቅርሖ በነ ከቢኹ፣እን ላበነስኻ ሃዋርያትል ልኩ ገቢል ገምድኹሉ። 3 3.ጴጥሮስኻ ድዊ ሃናንያ መንፈስ ሸትክሲ ብጚቶ እን ኪድጝ አረኺልድኻ በንዴ ከቢቶ ውሪኹ ሰጣን ኩለበከ እንታኹንሉ። 4 4.ክስትጊኽር ኩኹ እርግላማ ክስተሰናኻ ኩናንተል እርግለማ እዋህበኻ ና ሓሳብ ኒስ ኩለበከድ ሓሰብርኹንሉ፡ጃርሲ ግራ ኣዳምቲ ብጚትላ ይኹሉ። 5 5.ሃናንያ ና ቆል ኒስ ዋሰሰና ለቡኹ፡ኒርሕኽር ፊኹ።እን ኒስ ዋሰው ናዉክኻ ገሪኻኡ ጒኢትኑኹ። 6 6.ኣባጢሕ ጉድኖኻ ገነድንኹሉ፡ምኹርኖ ፍድኖኻ ደቢኒኹሉ። 7 7.ኣኹኽኻ ኒደንቢ ሰዃ ሰዓት ደንቢ ኒእኲና ኣኻኹሲ ደለይድግሪ ቱቲ። 8 8.እንከ ድዊለ እንተብረስ እና ነስከውድማ ክድንኹንሉ ዮ ወንተስኹላ፡ንርኻ የዋ ነስከውድ ግን ይቲ። 9 9. ጴጥሮስኻ አወይድኖኻ መንፈስ ጃሩኹሲ ፈተንትኖ ተሰማምዕድኑኹን፡ልኩክ እን ኩራኑስ ደበው እናሐናው ጭምል ህምበናኹ ኩትኽር ፍድኖኪ ግን ይኹላ። 10 10.ኒድኒድ ኒልኩክ ዓንቀይሊ ለብቲ እማ ንርሒ ፊቲ፡እን አባጢሕ ቱነሰና ኽርዶ ዲቲሎም።ምኹርኖ ፍድኖኻ ንራን ገቢል ደቢኒኹላ። 11 11. እን ማሕበርሊ ህንበውክ ናልድ እና ጋር ኒስ ዋሰውሊ ናድከል ገሪ ጒኢ አኹኽ። 12 12.ሃዋርያታ ናትትድኻ ገሪው እን ከዋ ነበክል እስቲኹ፡ናዉክኻ ላለበከድ ላገስሽ ኣኽኖ ሰለሙንር ጭምድሊ እርግኑኹ። 13 13.እን ኣሪውልድ ሓጥሮ ሕበርሰኹሎም እላኒ፡እን ከውኻ ሓሸምዱኑሎም እርድኑኹ። 14 14.ኪዳኹድ ድኳ ገሪው ግርውዲ እኲንዲ አደረድ እምነው ኰስቱኑሎም እርግኑኹ። 15 15.ጴጥሮስ ደኩንጉሲ ኒሻና ላውሊ ገምርል መታን ይኖ እን ሽኹሽታኹሲ ዓራዲ ባሬለዲትል እሲነ ምኹርንኖ ዲቢል ፍዱኑሎም እርግኑኹ። 16 16.ዮርሳሌምር ከባቢሪል ህምበው ዕርዲታተልድኻ ገሪዉ እክብስኖ ፈሩኑ እርግኑኹ፡ሽኹሽተውዲ እኩያን መጃኒንድ ሳቀይሰውዲኻ ናቅስኑኹ፡ናውክኻ እቢርኑኹ። 17 17.እንሲን እን ከዳ ኣዋኲ እንኒዲ እርገው ናትክዲ ኣኾ ናውኻ ሻራ ሸዱቃውያንዱግን ቀንኤትድ እንተኽትኖ ጉኑኹ። 18 18.ናናትት ጠለቅኖ ሃዋርያትሲ ሸኽንኹሎም፡ማሕቡስ ኣዋኹሊ ቱስንኹሎም። 19 20 19-20.መልኣኽ ጃሩኹ እድ ማሕቡስኹሲ ብዶ ከደን ፍዶ፡ ፈራ ልጝል መቅደሱኽሊ ደውይድኖ እና ኒትክ ቆል ፊኹትኹሲ ከውድ ድዋ ይኹሎም። 21 21.ኒስ ዋስነሰና ብርክስጚል ንጝን መቅደሱኹል ቱኖ መሄርድኑኹ፡እን ከዳ ኣወኹዲ እን ኒዲ እርገውዲኻ እንትኑኹ፡እንዲባዲ በህሪን እስራኤልድቁርዲ እክብስድኖ ሽጝኑኹ፡ማሕቡስልድ ናቅስድኖሎምኻ እንሸቅኑኹ። 22 23 22-23.እን ገንሺንኻ እንትኖሰና ማሕቡስሊ ኣርኒሎምኒ፡ወንተርኖ እን ማሕቡስ ልጝን ኣበስቶ ኒትክድ ተቦ ኣበስተት፡ እንተከወንቲኻ ጭምድሊ ደውይኖ ዲኒኹና ብድኖሰነክሉ ኒጅዊል ላኹ ድኳ አርኒ ይኖ ድዊኒኹሉ። 24 24.እን ሓለቃ ተከወንቲ መቅደስኹዲ ኣምራንዲ ከዳታትዲ እና ጋር ኒስ ዋስነሰና ውራ ቶክ ኣኽራ ኒን ይኖ ናሰበትድ የነውክ ድድኹሎም። 25 25.ላኹ እንቶኻ እን ልጝ ማሕቡስኹል ቱስድነው ከውታ እናሓናው ልጝል መቅደሱኹል ደውይኖ ከውሲ መሄርደናኹ እንኩኑኹ ይኖ ድዊኒኹሎም። 26 26.እንሲን እንሲም ልጝል መቅደሱኹ ተከወንቲሩኹ ኒገንጂስዲ ፈሮ ናቅስኹሎም፡እን ከው ክርጝ ማልኖ ኩጒኒንሎ ጓቂትኖኻ አጋፊዕኒሎም። 27 28 27-28.ናዕስነሰነክሎም እን ዲባ ነበክል ደውሲኒኹሎም፡ኤሊ ከዳ ኣዋኹኻ እና ስጙ ንድ መሄርድግ ድኒን መረርድኖ ጋቢንመኩም፡እናሓንኻ ዮርሳለምቲ እታ ሚህሮሲ እምታኽድኑኹላ።ብር እንግርዋ እንድዱኹሲ ይና እኰርሊ ናዕስትኖማ ጀረብደናኩን እንኩድንኹን ዮ ወንቀርኹሎም። 29 29.ጴጥሮስዲ ሃዋርያዲኻ አዳምትልድ ጃርሲ አዘዝትና ግን ወጀባኹ፡ 30 30.እን እንትን ካኒል ከርከርድድኖ ኩዱናኹሉ የሱስ፡ይና ክላ ጃር ጉድኹሉ። 31 31.እስራኤልቲ ነስሕስትነዲ ባርና ጂቢኹዲ ኣኽሮር መታን ጃር ኒት ኣዀርዲ ደአንደንታዲ ሀቤ ኒላውል ክብሲኹሉ። 32 32.ይንኮዶ እና ጋር ነኒስ ምስከርግን፡ጃር ኒድ ኣዘዝተውሲ እዋኹሎም መንፈስ ሸትክኽር ምስክር ግን ይኖ ወንተስንኹሎም። 33 33.ኒስ ዋስነሰና እን ኣሕሉቅ ኩድኖሎም የመምኑኹ፡ 34 34.ኣኽን ግራ ላኹ እን ናትካ ከወልድ ክቡር ክንሱራ ፍቲሒኹ ገማሊኤል ይስታኹ ፈሪሳዊራ እንዲቢል ጌ ሃዋርያትሲ ላዶን ስርግ ሲድኖሎም ኣዘዝኹሎም። 35 35.ይኹሎምኻ ይሀው ከው እስራኤልዱ እና ከውኔል እሲትኖ ሓሰብድኖ ህምብደናኹሊ ጠንቀቅሰሉ፡ 36 36.እና ግርጋት ነድ ጃብሊ ታዲዎስ ኣን ብሀር ግን ዮ ጒኹ፡ሰጃ ሊኽ እከው ከውኻ ተለይኑኹ ኒ ድዱኹ እንተለየዉሉ ከውኽር ፋሕይኑኹ እርግግነሰናኻ ኣኽኑኹ። 37 37.ኒደንቢ ይሁዳ ገሊለሩኹ እን ግርጋ ክቱብ ግብርድኹድ ጒኹ፡ገሪው ከውኻ ሰሓዱኹ ንኽር ድዱኹ፡እን ኣዘዝተውሉ ናዉክኽር ፋሕይኑኹ። 38 39 38-39.ናንኻ እና መዃኹና ንዲ እና ክድመት ንዲ ከወልድ ኣከን ፋሕይሮግን ጃርልድ ኣከንኻ ናክድመትሲ ፋሕሲትኖሉ ገረስደኒ እማ ጃርዲ ዋኺትዱኑ ኣርስግድኒንታ እና ከው ነስ ባረሎም ገለ ይገሎም ድወኩንኩም እንኩኹን። 40 40.አጃኻሲስኹሎም፡ሃዋርይትሲ ሽጝኖ ከትከትንኹሎም፡ሱጝ የሱስርኹድ ጋበግኒ ኣዘዝኖ ባርንኹሎም። 41 41.ናውኻ ኒሱጝ መታን ጀረብድኖ ኣስተሃለው ኣኽኖ ሺብስትነዲ እንዲባ ጃብልድ ፈርሑኑ ፍኑኹ። 42 42. ልጝን መቅደሱኹሊኽር ልጝ ሺባኽር ብሽራት የሱስ ክርስቶስሩኩ መሀርድነዲ ሰበክነዲ በዀርዱኑ እርግኒ።
1 1.እን ግርጋ እንድሂትል ታለይቱት በጀኽነሰና፡እን አይሁድር እንጠሪ እን ነብራ በኒኹድ ግርጊል ናመብልዳንሲ ሸሊስኖ እርግኑኹ እማ፡እን እብራውያንዱ ጉሪምሪም ይኑኹ። 2 2.እንሲ ሽካ ለጛ ናዉኹ ታለይቱትሲ ኣክብኖ ይኒን ቆል ጃሩኹሲ ባርኖ መአዲሪል ከደምኖ ዋጅብ ኣኽላ። 3 3.እማ ገደም እንትን ይና ሻን እንተልድ ትክያኹድ መስከርሳኹሎም፡መንፈስዲ ጥበብዲ እንተኸው ለጛታ ግርዋ ፍሪራ፡እና ጋር ኒስኻ ሸኺስንሎም። 4 4.ይንኻ ጸሎትዲ ኣገልግሎትዲ እና ቆል ንዲት በኾርድግኒን ሻኽንን ይንኹሎም። 5 5.እና ጋብ ነን ናውክ እንከውሲ ባህ ይኹሎም፡እን እምንዲ መንፈስ ሻትክዲ እንተኻኹሉ ግርወስ እስቲፋኖስዲ ፍሊጶስዲ ኒቃኖርዲ ጢሞንዲ ጰርሜናስዲ እን ጵሮሴሊትዲ ኒቆላዎስ ኣንጾክያርኹዲት ፍሪርኑኹ። 6 6.ታለይቱት ጃብልኻ ደውሲኒኹሎም፡ጸሎት እሱኑኻ ናናንትሲ ገምድንኹሎም። 7 7.ቆል ጃሩኹ ኮዶ ፋሕዩኹ፡ሺብ እን ታለይቱትኹኻ መራ በጀኹፈሩኽ።ገሪዉ እን ካህናተልድኽር እን እምነትሲ አዘዝትኑኹ። 8 8.እስቲፋኖስኻ ገዲ ሖልዲ እንተኹሉ እርጉኹ እማ እንከዋ ነበክል በህሊን አምርዲ ተአምራዲ እሱ እርጉኹ። 9 9.ሊበር ጢኖን ይስትረሪ ልጝን ጸሎቱኹልድ ቄሬኔዎስትል እስክንድርያትልድ ቂልቅያንትልድ ኤስየትልድኻ እስቲፋኖስትል ጉኑኹሉ፡ተኸራኸሩኑሉኻ እርግኑኹ። 10 10.እኒጋቡሉ እርጋ ጥበብዲ መንፈስዲትኻ ተማጐትድኖሉ ገረስትለሎምኒ። 11 11.እንሲንኻ ይን ሙሴዲ ጃርዲትል ቆል ጀኸኒኹ ጋቡ ዋስንኹንሉ የው ኮው ደላብብኑኹ። 12 12.እክዲ በህሊንዲ ካትባንዲት ረበሽኑኹ፡እንትኖኻ መንተልኖ ዲቢል አድንኹሉ እማ፡ 13 14 13-14.እና ግርዋ ኒን የሱስ እን ናዝረትሩኹ እና ኣካን ንሂቲ ፋሕሲየላ እን ሙሴ እዋኹሲና ስርዓትሲኻ ቀየርየሉግን ዩንጒሲ ዋስኖሎ ህምብናኩን እማ፡እና ሻትኪ ኣካኒ ንሂዲ ፍትሕዲት ቆል ጀኸኑኹ ጋብኒልድ በታተን ፊኹላ የው ምስክር ቡጙት ጉድንኹሉ። 15 15.እንዲቢል ኮፍይኖ እርገው ናውክኻ መርኪስንኹሉ እማ ኒገሽ መልኣኹኽ ገሽ ኣኰ ቋልስትኹሎም።
1 1. እን ሊቃ ካህን-ኻ ናንጋር ኒሴኔማኒ ይኹሉ፡፡ 2 2. ኒ ላኪን ዩኽ ፡ እንቱም ይናሻንዲ፡ ይና ክልዲ ዋሳ፡፡ ይናኽር ኣብራሃምቲ፡ ልሳዕ ካራንትል ኮፍይጊ ሞሶጶታምያ ኔቤክል ዋኑንሴኔክ ፡ ጃርዱ ክብር ቃሉሱኹሉ-ማ ፡ 3 3. ኩብሪልድኽር ኩኣዳምትልድ-ኽር ፊ፡ ናኣን ቃሉሳኹካ ብሪል ላኽ ፡ ይኹሉ፡፡ 4 4. እንሲን ብራ ኬላዳውያንል ፎ፡ ካራንትል ኮፍዩኽ፡፡ ኒኽር ክሬሪት-ኻ ፡ ጃር ናናን ህምብዴናኽ ብሪል ጋዓዝድኹሉ፡፡ 5 5. ኒልኻ ዳዳ ልኩኽ አካኽ ርስቲ እውሌሉ ኒክ፡ ውላድ ሻኽጋክ እኩንሴናክ ፡ እንብራስ ኒደ ኒዴምብኽር ኒፌዳንድ ሬስቴዪሴቱሉ ፡ ኣቴስፋውድኹሉ፡፡ 6 6. ጃር-ኻ ንሂሴና ዮ ጋቢኽ ፡ ኩፌዳን ኣሪብሪል ስዴታኛ ኣኺሮግን ፡ ጋዝእስሮ ኣርብያ ኣሜራኽር ሽባድድኖሎምኽርግን፡፡ 7 7. ጃር-ኻ እን ጋዝኣውሲሎም ኬውሲኻ ፡ ኣን ፌራዲዬሎምግን፡ ዩኽ ፡፡ኒዴምብኻ ኒልድ ፍኖ ናኣካን ኒል ኣምላኽድድኖሌጊን፡፡ 8 8. ክዳን ኬሼብኒኽ -ኻ እዉኹሉ ፡፡ ኒሴናኽር ኢሳቅቲ ኣኻሩኽ እማ ሳኼታር ካሪል-ኻ ክሻብኹሉ፡ ኢሳቅ-ኻ ያቆብቲ ኣኻሩኽ ፡ ያቆብ-ኻ እን ሽካ ልና ርስቲ እክልሲ ኣኻሪኹሎማ፡፡ 9 9. እን ርስቲር ኽር-ኻ ፡ ዮሴፍቲ ቄንእኖሉ ግብጺትል ክድኑኹሉ፡ ጃር ላኪን ኒዲ እርጉኽ፡፡ 10 10. ኒትክ ጅርቤትልድ-ኻ ኣርህውድኹሉ፡ ፌርኦን ንጉስ ግብጺሩኽ ሲም ጃብል ኻ ዕድልዲ ኣምርዲ እዉኩሉ፡፡ ንኻ ግብጺ ኒትክሊ ኒንንሊኽር ኣኼር እሲኹሉ፡፡ 11 11. ናትክ ኬንኣንዲ ግብጺዲትል ካኣርዲ ጅርቤትዲ ኣኺኽ፡ይናክል-ኻ ቃናኹሉ ብኑኽ፡፡ 12 12. ያቆብ እንሲን ግብጺትል ኣር ኣርሴት ዋሴሪት፡ ይናክልሲ ስልፍ ዶል እንሻቅኹሎም፡፡ 13 13. ሊንርል-ኻ ዮሴፍቲ ኒሻን ኣሌላይንኹሉ ፡ ኒዓሌትኽር ፌርኦን ኮል ኣርእስቱኽ፡፡ 14 14. ዮሴፍ-ኻ ኒኽር ያቆብዲ እና ላኔትራንዲ ኣንካ ርሕ ኣኬው ናውክ ኒ ኣዳምዲ እንሼቆ ሽንኩሎም፡፡ 15 15. ያቆብኻ ግብጺ ኣኽራሺክ ጌሙኽ፡፡ ኒ ክሩኽ ይና ክልኽር ክርኑኽ፡፡ 16 16. ሼኬምትል-ኻ ፡ ጋዓድንኹሎም ፡ እን ኣብራሃም ኤሞርድ ቁርልድ ዳሃብድ ጅቤኹሉ ኣርብ ሴኬምሊ ዴቢንኹሎም፡፡ 17 17. እን ጃር ኣብራሃምድ ማሓላኩሉ ዝቤን ትስፊክ ሱክሬሪት፡ ግብጺትል እርጌው ይና ህዝቢው ዕልብ ቤጃኩንሴናክ ፌሩክ፡፡ 18 18. ኒዴምቢ ዮሴፍቲ ኣርእጋኽ ሲም ግብጺትል ንጌሱኽ፡፡ 19 19. ኔሲም ኒን ይና ዓሌትሲ ቴታናኮልኩሎም ፡ ይና ክልሲ-ኻ ናቆልዕሲ ሌጌድግኒን ማልድናሲክሎም ጮቆንኩሎም፡፡ 20 20. ናዴብን ኒል ሙሴ ኣኻርሱክ ፤ ጃር ጃብል-ኻ ምልምል እርጉኽ ፡ ሴኻ ኣርባክር ኒክርድ ንሊ ቂኽ፡፡ 21 21. ማልሴሪት ፌርኦንሲ ኒቅራ ጉድቲሉ፡ ንርኹራ ኣኽሮ-ኻ ቤኄርድጺሉ፡፡ 22 22. ሙሴ-ኻ ኒክሩክ ኣምር ግብጺሩስ ማሃርሱክ፡ ኒቆልዲ ኒግብርዲስ-ኻ ባርትዑክ፡፡ 23 23. ኣርብያ ኣሜሪክ ኣኼሪት-ኻ ፡ ኒሻን እስራኢልድቁርሲ ጌይእሮ ሓሳብ ትዉኹሉ፡፡ 24 24. ናልድ ላኽ ኣሜጭሱሴናክ ቃሎሴናክ፡ እን ዓማጭሳክሲ ፌይሮ ዮ እን ግብጻዊሬስ ኩኹሉ፡፡ 25 25. እንኒሻን ላቤካ ጌምድኒሉ ግራ፡ ጃር ኒናንድ እሶ ዴኣንድና እዋትሎም ፡ ሌባካ ጌምዴንው ቴኩሉ እርጉኽ፡፡ 26 26. ኣሜሪትካ ናሹር ናሹር ዋኺቱንሴናክ እንትኹሎም፡፡ ብሕል ይሲስሮሎም ጄራቢክ፡ ያሃው እንቱም ሻንግን ውራማታን እንቴሹርሹር ዓሜጭዴናኩን፡ ይኹሎም፡፡ 27 27. እንኒዳንሲ ዓሜጩ እርጋኽ-ኻ፡ ሙሴት ዴሬኮ ኒሂሴና ዩክ፡ ኩት ኣውኒጊን ይናል ጌዛኢሬዲ ፌራዲሬዲ እሶ ሴያምኹካ? 28 28. ኣውኻ እንጄኒ ግብጻዊርስ ኩራኽሴናክ ይትክር ኩቶሌ ጃሬብራዳኹን እንክሩኩን? 29 29. ሙሴ-ኻ ፡ ናጋብ ኒድ እግሩኽ፡ ሚድያን ይሳኻ ሃጌርሊኻ፡ስዴታኛ ኣኺኽ ኒልኻ ሌና ጅና ኣካሩክ፡፡ 30 30. ኣርቢያ ኣሜራ እንቴኾሴኔክ፡ ቤራኺል ዳብሬሲኒል መላኣክ ሓውያክ እክምድ ኩትኩቱ ቃልስኹሉ፡፡ 31 31. ሙሴ እንቃሌኹድ ሴንዓቴድ ፌካርሱኽ፡እንቃልክሲ ሴንዓቴስ ጬራይድሮ ኒል ስክሬሪት ዳሃይ ኣዴሪክ፡ 32 32. ኣን ኩክልዱኽ ጃር፡ ኣብራህም ዱክ፡ኢሳቅዱክ፡ያቆብዱክዲ ጃር ጊን፡ ዩንሴናክ ዋሱኽ፡፡ ሙሴ-ኻ ጉኢትድ ዋሓጥሱክ፡ ቃልዶክር ጌሬስላኒክ፡፡ 33 33. ጃር ኮዶ፡ ናውርዶላ ህምብረሪ ብራ ሻትኪ ግንሪ እማ፡ ሻፍኩስ ኩሉኩክልድ ፍዲ፡፡ 34 34. ጅርቤት ና ግብጺትል ህምቤው ይእክዱስ ግርም እሴ ቃሎ ህምባኹን፡ እህህታ ናኽሺክር ዋስኩን ፍድዬሎምኽር ጌሞ ህምባኹን፡ ናንኻ ግብጺ ኣክራሲክ እንሻቂዬካ፡ ላክ ይኹሉ፡፡ 35 35. ና ሓሌቃዲ ፌራዲሬዲ እሶ ኣውኒ ሴዬምኹንካ፡ ይኖ ኔቃፍናኹሉ ሙሴ፡ ኒድ ጃር ፡ እና ኩትኩትሊ እክምሊ ቃልሳኹሉ ማልኣክ እሶ፡ ሓሌቃዲ ዳኣንዱራዲ እሶ እንሻቅኹሉሉ፡ 36 36. ንኻ ግብጺዲ ቤሓር ኤርትሪኽዲትል ኣርቢያ ኣሜራ ትእንክርዲ ቴኣምርዲ ኡሱንሴናክ ፍድኹሎም፡፡ 37 37. እና እስራኢል ቁርሲ ፡ ጃር እንቴሻንትልድ ናይሴና ያኻ ኔቢ ጉድሮልኩም ግን፡ኒት ዋሴሉ ያኹሎም ፡ናሙሴ ኒንግን፡፡ 38 38. ማሕቤርሊ ቤራኺር እና ዴብሬሲኒል ጋባኹሉ ይና ክልዲ እረጋኽ፡ ይኔድ እውሮሉ ማታንካ ናህያው ቆልሲ ኬላባኽ፡ ንግኒ፡፡ 39 39. ኒት ይናክል ጉሽንኹሉ ግራ፡ ኣዛዝስድኖሉ ጄሬቢኒኒክ፡ናሌባኬድካ ግብጺ ኣክራሲክ ዋንቴርኒክ፡፡ 40 40. ኣሮንትኻ፡ እን ግብጺትልድ ፍዳኹና ሙሴ ውራ ኣሬትሉ ኣርእኒኒክ እማ፡ ያና ጃባ-ጃብል ፌራዉ ኣማልክቲ እሲ እግልና ይናኹሉ፡፡ 41 41. እን ኡናር እንዲድኻ፡ ጌል እሲኒክ፡ ሴዳቅት -ኻ እንምስሊ ጣኦቱክድ ቤዴይኑክ፡ ግብሪ ናናንትታኹዴ-ኻ፡ ዴስ ይኹሎም፡፡ 42 42. ጃር ላኪን ናልድ ዓጬጭሱኽ፡ና ኣክትቤት ነብየቱክል፡ እንቱም ልን እስራኢልዱ፡ እና ኣርብያ ኣሜራድ ቤሬኺል ፊዴዲ ቤዳዲ ስኩስድኖሜሌ፡፡ 43 ፍግም ይትኖሎም ማታን እስድኔውሎም ቴኬንታት፡ ድካን ሞሎኽዲ ሽንግርዋ ጃር እንታኽ ሬፋንዲ ግን እንቱም ምኹርዴናክ፡ ኣን ካርን ባቢሎንዱክ ጋዓድዬኩምግን፡ያኽ ክቱብ ህምባክሴናክ፡ ሳራዊት ሴሚውሲ ኣምላክድድኖ ትላቆ ባሪኹሎም፡፡ 44 44. እን ሚሴሲ ዱዋኹሉ፡ ቃላክሴና ትራኢተ እሶ ኬዴምሮላ ኣዜዛኩሉ ድካን ሻሃዴቱክ ቤሬኪል ይና ክልዲ እርግቲ፡፡ 45 45. ይና ክል-ኻ ኬላቤንኩላ፡እያሱሲ ማርሕስኖ ዋሬሱኑ እንኩኑንሲክ፡ናጃር ዳቤን ዳዊትኩድ ኣክራሲክ ጌሽ ይና ክሉኽልድ ዳጌናኹሎም ቆሚያት እርግናውላ ዳውለ ቱስንኹላ፡፡ 46 46. ዳዊት-ኻ ጃር ጃብል፡ቤክት ኣሩኽ፡ ጃር ያቆብክት ኣካኽ ማስኬብ ኣርዶ ሺዉክ፡፡ 47 47. ልን ኬዳማኽ እግሉ ላኪን ሴሎሞን ግኒ፡፡ 48 48. ናቢ ይስቴሳና ኣዌያኽ ልን ግን ቤኔይትኖ ዪድ፡ 49 49. ዓስቴር ይዝፋን፡ብራኻ ይሉካ ዳዲሴና፡ኣው-ኻ ኣዊኒ ማስኬብ ግኒ ፊኻኩላ ዪክ ጃር 50 50. ይናን-ማ ኣክላ ኬዴምራሊሉ ኒቲክሲ፡፡ 51 51. እንቱም እንታ ሌባኬዲ እንታ እቁቅዲ ሴሜቴርሴጋኽ፡ ጽሩድ ግርጉሚው፡ማንፋስ ቅዱስቲ ዲማ ቴጻሬድናኩሉ እኩድኑኽ፡፡ ና እታክል እሲኔውሳና እቱምክር ኒሴና እስዳናክ እኩዱኑክ፡፡ 52 52. ናብያትልድ እንታክል ዳጌንጋውሎም ኣውኒ ህባኩን፡ ና እንቴሪ ጻድቃንዱ ዳሃይዳውሲ ኪውንኹሎም፡፡ናንር እንቱም እዌውዲ ክዌውዲሉ ኣክድኑክ፡፡ 53 53. እንቱም ሕጊት ማላክድ ካሌብድኖሉ፡ቴካውድኒሉ፡፡ 54 54. ናኒስ ዋስኖሴናክ፡ናሌባካ ሓውዩክ፡ናእርኩክሲ ሓርጫምጫምኒኩሉ፡፡ 55 55. ንላኪን ማኔፋስ ሻትክ እንታኽኩሉ፡ዓስቴርሊ ኣንቃዕሮሮኻ፡ክብር ጃሩክ ዬሱስ ላው ጃሩኽሊ ዳውዮክር ቃሉክ፡፡ 56 56. ኣሃ፡ዓስቴር ቤድስቶ፡ኣዳሚንዱክራ ላው ጃሩክሊ ዴውዮ ቃላኹን እንኩኹን፡ዪኽ፡፡ 57 57. እንሲን ዋዕ-ይኖ ጬድርኑክ፡ናእንቁቅሲ ዴፋኖ ላጌሽ ዌራርኑኩሉ፡፡ 58 58. ቤራ እን ኬታሚክሊ ኣድኖካ፡ ክርንድ ኩኑኩሉ፡፡እና ሽሃዳ-ኻ ናሴራንሲ ሉክ ሳውል ይስታክ ሻሎቲክ ጌቢል ጌምድንኩሉ፡፡ 59 59. እስጢፋኖስት-ኻ ፋንኪቱ፡ይኣዴራ ዬሱስ ርሕሲ ኬሌቢላ፡ዩንሴና ክርንድ ኩኑኩሉ፡፡ 60 60. ኣብሬኮ ቤሄር ዳሃይድ፡ይኣዴራ፡ናሓራም ኒስ ሻክግሎም፡ዮ-ዋዕዩክ፡፡ ኒስ ዬሪትክል ኪሩክ፡
1 1. ሳውል ኒክዋድ ሴሞሮ እርጉክ፡፡እን ግርጋ እንድድ-ኻ ዮርሳሌምትል ህምብሬሪት ማሕቤር ፡ብርቱዕ ዳጌና ኣኺክ፡፡ሃዋርያት ንኼክ-ኻ ናክሩክ ዩሁዳዲ ሳማርያዲትል ፋሕ ይኑክ፡፡ 2 2. ጃርሲ ጉኢቱ እርጌው-ኻ እስቲፋኖስቲ ዴቢንኩሉ፡ሽዱድ ሴራናክር ስርኒክ እግሉ፡፡ 3 3. ሳውል-ኻ እን ማሕቤርሲ ዲሳክ፡ልንትትሊ ትዎ ግርውዲ ኣኪንዲት ዋቴሬክ፡ ማሕቡስሊ ቱሱሎም እርጉክ፡፡ 4 4. እን ፋሕ ዬው-ኻ፡ ቆል ዋንጌሉክ ድዉኑ ጅልውኑክ፡፡ 5 5. ፊሊጶስ-ኻ፡ላኬታማ ሳማርያትል ጌሞ ክርስቶስቲ ሴባክኽ እግሎም፡፡ 6 እን እክ ፊሊጶስ እሳክሲ ዋስንሪተክር ቃልኔሪትክረ፡ሓቤርኖ እና ንጋቡ እርጋኽ ቆሊ ላቤካ ጌምድኑክ፡፡ 7 7. ና መንፋስ ምቁላ እርጋክሎምልድ ጌሪው ኣዳም-ኻ፡እን ማናፍስቲ ዋዕዩንሰኔክ ፊኑክ፡፡ 8 8. ናካታማ ናኒትል ቤሄር ፋርሓት ኣኺኽ፡፡ 9 9. ስምኦን ይስታኽ ጤንቃሊራ-ኻ ኣሚኒትርድ ሻኾ ናኬቴሚል እርጉኽ፡፡ንኻ ቤሄርግን ዩንሴናክ እክ ሳማርያሩሲ ኣስቴንኬርዱሎም እርጉክ፡፡ 10 10. ና ግናይልድ ና-ቤሄርሊ ኣክራሲክ ናክሩክ፡እን ቤሄር ሂሌት ጃሩክ ይስታኽ ኔኒንግን፡ይኑ ዋሱኑሉ እርግኑክ፡፡ 11 11. ጌሪው ኣሜታት ኒጥንቅልናድ፡ፋካርዳኹሎም ኣኻውድ፡ትም ይኖ ዋሱኑሉ እርግኑክ፡፡ 12 12. ፊሊጶስ ላኪን ሜሪ ጃሩክዲ ዬሱስ ክርስቶስር ስምዲሲ ባሻርኩሎም፡እምኔሪቱሉ፡ግርውዲ፡ኣኪንዲ፡ ጠማቅስኑክ፡፡ 13 13. ስምኦን ኒላውድክር እምኑክ፡ጠማቅሴሪካ ፊሊጶስትል ታኬኑክ፡፡ትእምርቲዲ ቤሄሊን ሒሌታት እስታክ እስታክ ቃሌሪትክር፡ፋኬርሱክ፡፡ 14 14. እና የርሳሌምትል ህምባው ሃዋርያት ሳማርያ ቆል ጃሩክ ካላብኔት ዋሴኔሪት፡ጴጥሮሰዲ ዮሓንስዲት እንሻንኩሎም፡፡ 15 15. ጴጥሮስዲ ዬውሃንስዲ ጌምኖ፡መንፋስ ሻትክ ክሌብድኖ፡ጼሌይንኩሎም፡፡ 16 16. ስም ኣዴራ ዬሱስኩድ ካያ ጤማቅስኖ እርግኑክ ግራ፡ላኽ ናልድ ክር ጌሞ እርግላኒክ፡ 17 17. እንሲን ናናኒትትሲ ጌምድኑክሎም፡ ማንፋስ ሻትክ-ኻ ኬሌብኑክ፡፡ 18 18. እንሲን ስምኦን መንፋስ ሻትክ ናንትት ጌምድና ሃዋርያቱክድ እውሴት ቃሌሪት፡ ሳላዲ ናቅስኩሎም፡ 19 19. ናሂሴና ዩንሴናክ፡ እን ይናን ጌምዳኩሉ ማንፋስ ሻትክ ካሌብርዶ፡ይድኻ ናሲምት ኒስ እዌሌ ይኩሎም፡፡ 20 20. ጴጥሮስ-ኻ፡እን እውና ጃሩክሲ ሴላዲሲ ጌዚቶሎ ሓሴብራክ ኣክርዳውድ፡ዳሃብ ኩክ ኩዲ ድድኒ፡፡ 21 21. ሌባካ ኩክ ጃር ጃብል ራትዕ ኣኽጌውድ፡ና ሴንዓታ ኒል ርስቲ ኣው-ኻ ግዴ ሻኽላኒክ፡፡ 22 22. ድኣም፡ ናእኪት ኩክልድ ናስሕሲ፡ሓሳብ ኩሌቤኪክሲ ባራንልካ፡ጃርሲ ሺዊሉ፡፡ 23 23. ሜሪር ማሬዲ፡እንሽዋ ግፍዒሩክል ዋንትሬት ቃላኩንካ እንኩኩን፡ይኩሉ፡፡ 24 ስምኦንኻ ፡ እና ይዳናክልድ ላኽር ጌይእጊኔ ፡ ጃርሲ ሺዋሌ ፡ ዮዋንታሱኽ ፡፡ 25 ናው-ኻ ቆል ኣዴሪኽሲ ሳቤክኔሪትክል ማሃርድኔሪትክር ፡ ጌሪው ካው ሳማርያ ዋንጌል ሳቤክኑንሲክ ዮርሳሌምትል ኣኽራሲክ ዋንተርኑኽ ፡፡ 26 ማላኢኬት ጃሩኽ-ኻ ፍሊጶስቲ ፡ ጊ-እማ ዮርሳሌምትልድ ጋዝ ኣኽራሲክ ጋምድራሪ ዳርብ ዳቡብድ ይሮ ፈሪ ፡፡ ንርኻ ኢድሮ ህንባቲ ፡ ዮ ጋቢኹ ፡፡ 27 8፡27. ጎኻ ፈሩኽ ፡፡ እትዮጳዊራ ሴመታርሳኽ ግርዋ ህንዳከትል ሲሚ እትዮጲያትሪ ፡ ኣምር ኣዛዚራ ኒትኩኽ ሰላዲሩኽ እርጋኽ ፡ ፍግም ይሮ ዮርሳለምትል እንቶ እርጉኽ ፡፡ 28 8፡28. ዋንታሩንሲክ-ኻ ፡ ኒፋራስሊ ኮፍዮ ትንቢት እስያስቲ ኣንበብዱ እርጉኽ ፡፡ 29 8፡29. ማንፋስ-ኻ ፊሊጶስቲ ፤ ዲኪ፡ እን ፋራስሊ ስክሪ ፡ ኹሉ ፡፡ 30 8፡30. ፍሊጶስ ኒል ኣኽራሲክ ጋዬሪት ፡ ኔቢ እስያስቲ ኣንቤብዱንሲክ ዋስኹሉ እማ ፡ እና ኣምባብድራኽሲ ላባካ ጌምድራኽማሉ እንክሩኹን ፡ ይኹሉ፡፡ 31 8፡31. ናኻ ፡ ላክር ማሃርድጊሌ ፡ ኣዋህበ ኣካኹንለ ፡ ዩኽ፡፡ ፍሊጶስቲኻ ዓረጎ ኒዲ ኮፍይሮ ሺዊኹሉ ፡፡ 32 8፡32. እን ኣምባዱሉ እርጋኽ ክቱብኻ ነኒንጊን ፡ ባጋሴና ቤሬኺስኒል ዋተርሱኽ ፡ ናን ኒባረኻንቲል ትምያኽ ድዑልሴና-ኻ ፡ ኒሴናክ ኒኣብሲ ብድላኒክ ፡፡ 33 8፡33. ኒጃረብናድ ኒፍርድ ቂልቱኽ ፡ ኒርሕ ብሪልድ ናጫብስቲ እማ ፡ ኒኣሴልድ ኣውኒ ዴጌምሮሎም ጌረሳኹ ፡ 34 8፡34. እን ሰማተርሳክ-ኻ ፍሊጶስቲ ፤ እን ናቢ ኣውር ሳቤትድ ጊኒ ኒጋባክ ፡ ኒሰባትማ ወሪ ኣሪክድ ግኒ ኒጋባክ ፡ እስከ ድዊለ ፡ ሺዋኩንካ እንኩኹን ፡ ዮ ውንታስኩሉ ፡፡ 35 8፡35. ፊሊጶስ-ኻ ኒኣብሲ ብዱክ ፡ እና ክቱብ ኒልድ ተርሴኻ ዬሱስ ሳቤትድ ዋንገል ባሻርድኹሉ፡፡ 36 8፡36. ዳርብ ፈርኑንሲክ እንኩኑንሲክ ፡ ዓቀል ጋይ እኑኽ ፡፡ እን ሳመታርሳክ-ኻ ፤ ኣሃ ዓቅ ፡ ጣማቅስጊን ውራኒ ገባኩንሌ ፡ ይክ፡፡ 37 8፡37. ፍሊጶስኻ ፡ ኒትክ ኩለባከዲክ እምንዳን ፡ ጣማቅስቶ ጌራስራኽ ፡ ይኩሉ ፡፡ ንኻ ፡ ዬሱስ ክርስቶስ ጃርኹራ ኣከት እምናኩን እንክኹን ፡ ዮ ዋንታሱክ ፡፡ 38 8፡38. እን ፋራስቲ ደውሲራላ-ኻ ኣዘዙክ ፡ ፍሊጶስዲ እን ሳማታርሳክዲ ልናርክ እን ዓቀል ጌምኑክ ፡ ጣመቅድኹሉኽር፡፡ 39 8፡39. ዓቀሊድ ፊነሪት-ኻ ፡ ማንፋስ ጃሩክ ፍሊጶስቲ ሻተፍኹሉ ፡፡ እን ሳማተርሳክ-ኻ ባህዮሉ ኒደርብሲ ፋሩክ ግራ ፡ ዋንተሶ ቃለሉ ፡፡ 40 8፡40. ፊሊጶስኻ ኣዛጦንትል ኣርሱክ ፤ ቂሳርያትል እንትራሲክ- ኻ ፡ ናትክ ድጌታትሊ ጅልዉንሰናክ ዋንገል ባሼርዱ እርጉኽ፡፡
1 2 9፡1-2. ሳውል-ኻ ጉኢስናዲ ኩናዲ ታለይቱ ኣዴሪውሊ ነዳሮ እርጉኽ እማ ኣኸኹክ ኣኺን እና ዳርብ ነኒዲ ህንባውሲ ግርው ዋሪ ኣኪን ኣሬን ፡ እን ሻወክ ዮርሳለምትል ናቅስሮሎም ማታን ፡ ሊቃ ካህናትል ፈሮ ዮርሳለም ኣክራሲክ ፋሮ እን ደማስቆትል ህንባው ልንትት ጸሎቱትል ጌስእራሪ ዳብዳበ ኒልድ ሺዊክ ፡፡ 3 9፡3. ፌሩንሲክ-ኻ ፡ ደማስቆትል ስክረሪት ፡ ሃንዳበትድ ሻማ ብርሃኑክ ሰሚልድ ኒካባቢትል ብልጭ ዩክ ፡፡ 4 9፡4. ብሪል ክር ላቡክ ፤ ሳውል ፡ ሳውል ፡ ውራማታን ዳጌንዳኩንለ ፤ ያኩሉ ዳሃይኻ ዋሱክ ፡፡ 5 9፡5. ንኻ ፡ ይኣደራ ፡ ኣውኒ እንቲ ፤ ዩክ ፡፡ ኣዴራኻ ፡ እን እንቲ ዳጌንዳኹሉ ዬሱስ ጊን፡፡ ቅንባ ጡም ጡም ያክሊ ዳንቢራ ዋንተርዴን ፡ ኩርሕድ ጂብሮካ ጊን ፡ ይኩሉ ፡፡ 6 9፡6. ንኻ ራጀፉንሲክኽር ጉኢቱንሲክኽር ፡ ይኣደራ ፡ ውራ እስያ ጃሬብራኩን እንኩሩኹን ፡ ይኩሉ ፡፡ ኣዴራኻ ፡ ጊ- እማ ታንታርዊል ትዊ ፡ ውራ እሲቶ ተጋቤኣትካ-ኽር ፡ ኒል ድዊድኖካ ጊን ፡ ይኹሉ ፡፡ 7 9፡7. እን ኒዲ እርጋው-ኻ ፡ ዳሃይ ዋሱኑንሲክ ላኽር ቃልኒ ፡ ፋከርስኖ ዳወቅ ይኑክ ፡፡ 8 9፡8. ሳወል ብሪልድ ጎ ኒዕልልሲ ቅሊሕ ሴሳና ፡ ላክር ቃላ ፡፡ ኒናንድ ማርሕኖሉ ደማስቆትል ቱስኑኹሉ ፡፡ 9 9፡9. ቃልጊኽር ቂግኽር ጅእጊኽር -ኻ ሰኻ ካራ እሲክ ፡፡ 10 9፡10. ደማስቆትል ሃናንያ ይስታክ ታለይቱክራ እርጉኽ ፡፡ ኒት ኣደራ ራኢሲ ፡ ሃናንያ ፡ ይኩሉ ፡፡ ንኻ ፡ ህን ባኩንላካ ይኣደራ ፡ ዪክ ፡፡ 11 9፡11. ኣደራኻ ፡ ጊእማ እን ቅንዕቲ ይስታክ ዶክሲሰኒል ፈሪ ፡ ሳውል ይስታኽ ግርዋ ጠርሴሱክ ፡ ጸለያክ እንኩክ እማ ፡ ልን ይሁዱሊ ጃረቢሉ ፡ 12 9፡12. ንኽር ሃናንያ ይስታክ ግርዋ ትዎ ፡ ቃልዶ ማተን ኒናንሲ ገምድሮሉ ራኢድ ቃሎ ህንባክ ፡ ይኩሉ ፡፡ 13 9፡13. ሃናንያ -ኻ ፤ ይኣደራ ፡ እና ግርዋ ነኒድ ዮርሳለምሊ ኩሻትካንሲ ውሪካ ባዳን እሳትሎም ፡ ገሪውልድ ዋሶ ህንባኩን ፡፡ 14 9፡14. ናንትል-ኽር ኩሱንሲ ሻናው ናትክሲ እንሻውሮ ፡ ኣምራን ካሃናትልድ ስልጣን ህንባኩሉ ፡ ዮ ዋንተሱክ ፡፡ 15 16 9፡15-16. ኣደረኻ ፤ እና ግርዋ ነኒን ጋሽ ቆሚያትዲ ኣስያምዲትል ጋሽ እስራኢልዱቁርሊ ይስንሲ ምኩርዶ ፡ ይድ ፍሪርሳክ እራካ ጊን እማ ፡ ይስንድ ውሪካው ገሪ ጅርባት ማካረዲ ተጋባኣትሉ ቃሊስያሉጊን ፡ እማ ናናዲ ፈሪ ፡ ይኩሉ ፡፡ 17 9፡17. እንሲንቲ ሃናንያ ፋሩክ እማ ልንሊ ትዉክ ፡ ኒናንሲ ኒዳግ ጌምደ-ኻ ፤ ሳውል ይዳን ፡ እን እንታርዱንሲክ ደርብል ቃለሰኹካ ኣደራ ዬሱስ ፡ ቃልቶክር ማንፋስ ሻትክ እንታክያካክር ፡ ኩል እንሻቅኹለ ፡ ይኩሉ ፡፡ 18 9፡18. ኒድኻ ኒዕልልድ ቃፍሰና ለቡክ እማ ቃሉክ ፡ ጎኽር ጣመቅሱክ ፡፡ 19 9፡19. ናብራ ቀሪትክር ፡ ባርትዑኽ ፡፡ ሳውል-ኻ እን ደማስቆ ህንባው ታለይቱዲ ኻ ጌሪው ግርጋት ኮፍ ዩክ ፡፡ 20 9፡20. ኒድ ኒድ-ኻ ልንትድ ናጸሎቱሊ ዬሱስ ሳበትድ ፡ ኒ ጃርኹራ ኣከት ሳበኩክ፡፡ 21 9፡21. ዋሴውኩሉ ናውክ-ኻ ፋከርስኑክ እማ ፡ እን ዮርሳለምሊ እና ስም ኒስ ሽናውሲ ዲሱ እርጋኽ ፡ ነኒማ ኣኽላ ፤ እንሻወክ ኣምራን ካህናትል ኣድሮልም-ኻ ፡ ናራማ እንትላ ፤ ይኑክ ፡፡ 22 9፡22. ሳውል ዳኣም ሒሊቱ ፈራክ ፡ እን ደማስቆትል እርጋው ኣይሁድሲ ዬሱስ ኒ ክርስቶስ ኣከት ዋድሕናድ ናኣብሲ ሻኺሱሎም እርጉኽ ፡፡ 23 9፡23. ጌሪ ግርጋጽ ዶኮሰና-ኻ ፡ ኣይሁድ ኩድኖሉ ላት ኣክኖ ኮድኒስኑክ ፡፡ 24 9፡24. ሳውል ናኮድኒስናስ ኣለላዩክ ፡፡ ኩድኖሉ ማታን-ኻ ፡ ቂርዲ ገርክዲ ባብትትሲ ታከዉኑሉ እርግኑክ ፡፡ 25 9፡25. እን ታለይቱቅር ኻ ፡ ቂርድ ኣድኖ ካፈርሊ እስነ ፡ ሐጣትድ ገምድንኩሉ ፡፡ 26 9፡26. ዮርሳለምሊ እንተሳና-ኻ ፡ እን ታለይቱ ትል ሕበርስሮ ፈታኑክ ፡ ናው-0ኻ ፡ ታለይቱክራ ኣክጋት እምናግናውሉ ኣኸውድ ፡ ናክርክ ጉኢትኑኽ ፡፡ 27 9፡27. በርናባስ-ኻ ከሌቦ ሃዋርያትል ናቅስኹሉ ፡ ኣደራ ዳርብል ኣውህበ ቃልሰትሉኽር ገቤትሉኽር ፡ ደማስቆትል ስም የሱስኽድ ኣዋህበ ትብዓትድ ማሃርዴትክር ድዊኩሎም ፡፡ 28 9፡28. ዮርሳለምሊ-ኻ ተብዖ ስም ዬሱስክድ ጋቡንስክ ፡ ናዲ ትዉክር ፉኩር እርጉኽ ፡፡ 29 9፡29. እን ጵርኣውያን እርጋው ኣይሁዲ ኻ ጋቡክር ተከራክሩክር እርጉኽ ፡ ናው -ኻ ኩድኖሉ ጃረቢኑክ ፡፡ 30 9፡30. እን ሻን ኣርእነሪት-ኻ ፡ ቂሳርያትል ገምድኑኩሉ ጠርሴስ ኣክራሲክ -ኻ ፋስኑኩሉ ፡፡ 31 9፡31. ኒሳናካ እን ኒትክ ይሁዳዲ ገሊላዲ ሳማርያዲ እርግራሪ ማሕበር ንርኩርክ ሳላም ኣኪኩላ ፡ በሄርትሩንሳናክር ጉኢ ጃሩክድ ዋንታተርዱንስክር ታረድእስና ማንፋስ ሻትክድ በሄርትሩ ፋርቲ ፡፡ 32 9፡32. ኣኮ-ኻ ፡ ጴጥሮስ ኒርትክሊ ጅሉዉ ዋኑንንሲክ ፡እን ልዳትል እርጋው ሻትካንሊ ገሙክ ፡፡ 33 9፡33. ኒልድ-ኻ ኤንያ ይሳታክ ፡ ሰኻታ ኣመራ ዓራትል ጋንጃክ ልሙስ ግርዋ ኣሩከጅ ፡፡ 34 9፡34. ጴጥሮስ-ኻ ፡ ኤንያ ፡ ዬሱስ ክርስቶስ እቢሳኩካ እንኩክ ፡፡ ጊ ፡ ኩላውድወ ዋሼቅዲ ፡ ይኩሉ ፡፡ ኒድ ኒድ-ኻ ጊክ ፡፡ 35 9፡35. ልዳንዲ ሳሮንዲትል እርጋው ናውክ-ኻ ነኒስ ቃልኖ ኣዴሪል ዋንታርኑክ ፡፡ 36 9፡36. ዮጴትል ጣቢታ ይስትራሪ ክንቱራ እርግቲ ፡ ኒትርጉም-ኻ ዶርቃስ ጊኒ ፡፡ኒርኻ ትክያክ ግብር እርጋኩላ እውን ክር ጃር እውራሪ ግንሪ ፡፡ 37 9፡37. ኣኮ-ኻ ፡ እን ኡናር እንዲድ-ኻ ሽኹሽትሮ ክርቲ ፡፡ እንቃስኖ-ኻ ክብያክሊ ገምድኑኩላ ፡፡ 38 9፡38. ልዳ እዮጰሲ ስኩርድራሪ እርግራሪ ኣኸውድ ፡ እን ታለይቱቅር ጰጥሮ ንርትል ዋነት ዋስኑክ ፡ ሌና ግርዋ ኒል እንሻቅኖ ፡ ኣዴክጊ ናል እንትሮ ሺውንኩሉ ፡፡ 39 9፡39. እንሲን ጰጥሮስ ጎ ናዲ ፈሩክ ፡፡ ኒል እንተሪት-ኻ ፡ እን ክብያክሊ ዓረግድኑኩሉ ፡፡ ናክሩክ እን ማፍልታን ስሩኑ ፡ እን ጣቢታ ናዲ ዋንትሩንሳነክ እስረዊሎም ቃሚሽ ቃሉኑንሲክ ክልውኖሉ ዳው ይኑክ ፡፡ 40 9፡40. ጴጥሮ-ኻ ናትክሲ ካዴን ፍድኩሌን ፡ ኣብሮኮ ጼላዩክ ፡ እን ግናዳትል ግልጭ ዮኻ ፡ ጣቢታ ፡ ጊእ ፡ ይኩላ ፡፡ ንርዕልልሲ ካ ቅልጭ ሲቲ ፡ ጴጥሮስቲ ቃልደሳኔሉ-ኻ ኮፍ ይቲ ፡፡ 41 9፡41. ኒናንሲ እዎካ ጉድድኹላበ ፡ እን ሻትካንዲ ማፍልታንዲት ሽኖካ ፡ ንርሕድ ናጃብል ዳውሲኩላ ፡፡ 42 9፡42. እናኒን ኒትክ እዮጴትል ኣርእስቱኽ ፡ ጌሪው-ኻ ኣዴራድ እምኑኽ ፡፡ 43 9፡43. ንኻ ጌሪው ግርጋት ፡ ስምኦን ቆርቤት ማለጣኽዲ እዮጴትል ኮፍ ዩኽ ፡፡
1 10፡1. ቂሳርያትል ቆርመሊስ ኒስን ግርዋ እርጉኽ ፡፡ ኒ እን ኢጣልያዊራ ይስታኽ ጭፍራ ሓለቃ ሚእቲ ግኒ ፡፡ 2 10፡2. ጻድቅ ፡ ናክሩክ ኒ ዒያልዲ-ኻ ጃር ጉኢታክ እክድር ገሪ እውን እዋክ ፡ ዲማኻ ጃርሲ ሺዋክ ግኒ ፡፡ 3 10፡3. ሰሳር ሰዓትድ ግርካኹድ ዮኻ ፡ ቃልዕድ ታካ ማላኢከት ጃሩክ ኒል ትዉኽ ፡ ዎ ቆርኔሌዎስ ፡ ዮንሳክሉ ቃሉኽ ፡፡ 4 10፡4. ንኻ ቃሎሉ በኻኹክ ፡ ውራኒ ግኒ ፡ ይኣደራ ፤ ዩክ ፡፡ ንኻ ፤ ኩጸሎዲ ኩእውንዲ ጃር ጃብል ማዘካርተድ ዓረጎ ህንባክ ፡፡ 5 10፡5. ናን-ኻ ፡ ኣዳም እዮጴትል እንሻቅሮ እን ጴጥሮስ ይስታኽ ስምኦንቲ ናቅሲሉ ፡፡ 6 10፡6. ኒ እን ፡ ኒልን ሻል በሓሩክሊ ህንብራሪ ስምኦን ፡ ቆርበት ማለጣኽዲ ጋሻ ኣኾ ኮፍዮ ህንባክ ፡ ይኹሉ ፡፡ 7 10፡7. እን ጋቡሉ እርጋኽ ማላኢካት ፈሬሪት-ኻ ፡ ኒካዳምትቲልድ ሌና ፡ እን ፋለይሳገውሉ ሊድ-ኻ ላክ መስኪን ዓስካራ ሽኑክ እማ ፡ 8 10፡8. እን ኣኸክሲ ኒትክ ዳገሞ-ኻ እዮጴ ኣኽራሲክ እንሻኩሎም ፡፡ 9 10፡9. ኒኣመሪት ናው ደርብ ፈሩኑንሲክ ፡ ታንታረቲል ስኩርነሪት ፡ ጴጥሮስ ዋልታር ሳዓትድ - ዮ ጸላይሮ ናሕስሊ ዓረጉክ ፡፡ 10 10፡10. እንሲን ክኣርቶ ቂሮ ጃረቢክ ፡ ስክሱኑሉ-ኻ ፡ ፋከርሱኽ ፡፡ 11 10፡11. ዓስተር ብድስቶ እራካ - ኻ ብሄር ሰራናሳና ሳጃ ማኣዝንድ ሻኽስቶ ጌሙንሳኔክ ፡ ብሪልክር ጌይኡንሰናክ ቃሉኽ ፡፡ 12 10፡12. ኒልኻ ሴጃ ክንፍፍ ( ) ሻው ናክርክኽር ብሪል ላመምዬውዲ ጃካል ሳሚውዲ እርግኑኽ ፡ 13 10፡13. ጴጥሮስቲ ፡ በራኽርዶ ቂ ፡ ያኽ ዳሃይ እንትኹ ፡፡ 14 10፡14. ጴጥሮስ-ኻ ፤ ይኣደራ ፡ ሙቅላ ፋንፋንዳኽ ተካኽ ዋላ ቆ ኣርእሊኒ እማ ኣካላኒ ፡ ዩኽ ፡፡ 15 10፡15. ሓዲስድ-ኻ ፡ ሊኔር ዶል ፡ እን ጃር ላጭሕዳኽሲ ፡ እንቲ ምቅላ እሲግሉ ፡ ያኽ ዳሃይ እንትኩሉ ፡፡ 16 10፡16. እና ንሂን ሶኽን ዶል ኣኺኽ ፡ ኒድ-ኻ እን እራካ ሳሚል ኣድሱኽ፡፡ 17 10፡17. ጴጥሮስ እን ቃላኽ ራኢ ፤ ውራ ኣምር ኣኽራ ፡ ኒላበካድ ፋካርሱንሴናክ ፡ እን ቆርኔሌዎስልድ እንሻቅሳው ኣዳም ፡ ልን ስምኦኑክ ዋንቀሩኑ እን ባብሊ ዳው ይኑክ ፡፡ 18 10፡18. ሽንኖ-ኻ ፡ እን ጴጥሮስ ይስታኽ እምኦን ኒል ጋሻ እኾ ኮፍዮ ዋነን ፡ ዋንቃርኑኽ ፡፡ 19 20 10፡19-20. ጰጥሮስ እን ራኢሲ ሓሰቡንሳኔክ ፡ ማንፋስ ሻትክ ፤ ኣሃ ሴኻ ግርዋ ጃረበናኹካ እንኩኑክ ፡ እማ ፡ ኣን እንሻቅኩንሎም እማ ጊሮ ገሚ ፡ ሳካፍስግሪኽር ናዲ ፈሪ ፡ ይኹሉ ፡፡ 21 10፡21. እንሲንቲ ጴጥሮስ እንካውሊ ጌሞ ፤ እን ጃሬብድናኩሉ ኣንጊን ፡ ውራ ሰባትድ ጊኒ ናራ ዳውይድኖ ህብዳናኽ ፡ ይኩሎም ፡፡ 22 10፡22. ናው-ኻ ፡ ቆርኔሌዎስቲ ፡ እን ሓላቃ ሊኩክሲ ፡ ናትክ እክ ኣይሁድውድ ማስካርሳኩሉ ፡ ጃርሲ ጉኢታኽ ሻትክ ግርዋ ፡ ኒልንሊ ሽንሮካ ኩልድኽር ቃል ዋስሮ ፡ ሻትክ መላኢካትድ በርሆሉ ህንባክ ፡ ይኑክ ፡፡ 23 10፡23. እንሲንቲ ቱሶ ኪስኹሎም ፡፡ ኒኣማሪት ጎ ናዲ ፈሩኽ ፡ እዮጴትልድ-ኻ ጌሪ ሻን ታለይኑኹሉ ፡፡ 24 10፡24. ኒኣሙሪት-ኻ ቂሳርያትል ትዉኽ ፡፡ ቆርኔሌዎስ-ኻ ኒኣዳምዲ ስክራውሉ ኒእንካልትንዲ እክቦ ጫበሩሉ እርጉኽ ፡፡ 25 10፡25. ኣኾ-ኻ ፡ ጰጥሮስ ትዉ ዋኑንሲክ ፡ ቆርኔሌዎስ ከላብኩሉ ፡፡ ኒልኩክሊ ክብሮ ፍግም ይኽ ፡፡ 26 10፡26. ጴጥሮስ-ኻ ፤ ኣን ክሴና ኣዳም ግን ፡ ጊ ዮ ጉድኹሉ ፡፡ 27 10፡27. ኒዲ ጋቡንሴናክ ትዉኽ ፡ ኒል-ኻ ጌሪ ካው እክብስኖ ኣሩኽ እማ ፤ 28 10፡28. ኣይሁዳዊራ ግርዋ ኣሪው ካውዲ ሕበርሲሮ ኣው-ኻ ቱሮ ተጌባኣጌትሉ ፡ እንቱም ኣርእድኑኽ ፡፡ ይድ ላኪን ፡ ላኽ ኣዳምሲ ፋንፈንትጊን ኣው-ኻ ሙቅላ ጊን ይጊን ፡ ጃር ቃሊስኹለ ፡፡ 29 10፡29. ኒድ-ማታንካ እንሻቅድኔሪትለ ሳጋእ ይጊ እንትኹ ፡፡ ናንካ ውራ ሰባትድ እንሻቅድንኩለ ፡ ዋንቃራኹኩም እንኩኹን ፡ ይኹሎም ፡፡ 30 10፡30. ቆርኔሌዎስ-ኻ ፡ ሳጃ ካራ ጃብ ሴሳር ሳዓትድ ይንሊ ኣኾ ጸሌዩ እርጉኹ ፡፡ በርህዳኽ ሴረና ሴራኽ ግርዋ ይጃብል ዳው ዩኽ እማ ፡ 31 10፡31. ቆርኔሌዎስ ፡ ኩጸሎት ዋስስቱኽ ፡ እውን ኩኽር ጃር ጃብል እልብርሱኽ እማ ፡ 32 10፡32. እዮጴትል እንሻቅሮ ፡ እን ጴጥሮስ ይስታኽ ስምኦንቲ ሽኒሉ ፡ ኒ ባሓር ሻሊ ልን ስምኦን ቃርበት ማለጣክዲ ጋሻ ኣኾ ኮፍዮ ህንባክ ፡፡ ኒ እንቴሪት ድዊሮካ ጊን ፡ ይኩለ ፡፡ 33 10፡33. እንሲንቲ ኒድ ኒድ ኩል እን ሻኹን ፡ እንትኻ ኩእንታርናድ ግርም እስሪኽ ፡፡ ናን-ኻ ኣደሪልድ ኣዘዝስራኽሲ ዋስኖ ማታን ፡ ናውክ ጃር ጃብል ናራ ህንብናኩን ፡ ይኩሉ ፡፡ 34 35 10፡34-35. እን ሲንቲ ጴጥሮስ ኒኣብሲ ብዶ ዪክ ፡ ኒትክ እክሊ ጃርሲ ጉኢታክ ቅንዕና እሳኽ ዋነን ፡ ኒል ካለብርሳኽ ግራ ፡ ጃርሊ ኣዳለውድና ክም ዋነጌት ፡ እምንድ ቃልኹን ፡፡ 36 10፡36. እና እስራኢል ቅርሊ ዬሱስ ክርስቶስድ ፡ ንኻ ኣደራ ናትካኽ ፡ ሰላም በሸርዱሎም እንሻሳኽ ቆል ፡- 37 10፡37. እና እን ዮህንስ ሴባካክላ ጥምቃት ዳንቢ ገሊላትልድ ተርሶ ኒርትክ ይሁዳትል ጌይኣኽ ቆል ፡ 38 10፡38. ማለት ዬሱስ ናዝረትኩራድ ፡ ጃር መንፋስ ሻትክትዲ ሒለትድ ቃብኣኹሉ ፡ ጃርኒዲ ኣኸውድ ፡ ጅልዉ ትክያኽ እሰት ፡ እን ሸጣን ቂለትውሎም ናትክሲ እቢሳኽ ፡ እንቱም ኣርእድኑኽ ፡፡ 39 10፡39. እን ድዋል ኣይሁዱዲ ዮርሳለምሊ እሳ ግብር ኒክሩክ ይንኽር አባ ጊን ፡፡ 40 10፡40. ኒት ጃር ሲኻር ካሪል ጉድኹሉ ፡ ቃልዕስሮ-ኻ እዉኹሉ ፡ 41 10፡41. ይነት-ኻ ፡ ኣባ ኣኺኖ ማታን ፡ ጃር ጃቢቶ ፍሪረኹና ፡ ይናት ፡ ክሪልድ ኒጉና ደንቢ ኒዲ ቂናኽር ጂእናኽር ግራ ፡ ኒትክ እክድ ቃልዕስላኒክ ፡፡ 42 10፡42. ጃር ክራወዲ ክራጌውሲ ፈራዲራ ኣኺሮ መደባኽሉ ፡ ኒ ኣኬት እክድ ሰባክኖኽር ማስከርኖኽር ኣዘዝኹና ፡፡ 43 10፡43. ኒድ እምናኽ ኒክሪክ ኒስኑድ ባርና ሓራሙኽ ኣሬት ፡ ናክራክ ናብያት ማስካረናክ እንኩኑኽ ፡፡ 44 10፡44. ጴጥሮስ እን ቆልሲ ጋቡ ዋኑንሰናክ ፡ እን ቆልሲ ዋሰውሉ ናትክሊ መንፋስ ሻትክ ገሙኽ ፡፡ 45 10፡45-46. እን ጌፍ ሰማተርሲውልድ ኣኸው ፡ ጴጥሮስዲ እንታው ኣመንቲ ቃንቃታትድ ጋቡኑ ጃርሲ ሓመዱኑ ዋስንኹም እማ ፡ ቆምያትሊኽር እውን መንፋስ ሻትክ ቦዕተኽ ኣኸውድ ፋከርስኑኽ ፡፡ 46 47 10፡47. እንሲንቲ ጴጥሮስ ፤ እነኔን ይናሰና መንፋስ ሻትክ አከናውድ ፡ ጠማቅስግኒን ዓቅ ጌበባክሎም ኣውኒ ህንባኩን ፡ ዮ ወንተሱኽ ፡፡ 48 10፡48. ስም ዬሱስድ ጠማቅስድኖ-ኻ ኣዘዙኽ ፡፡ ኒዳንቢኻ ጌለ ጊርጋት ናዲ ሓቀፍሮ ሺውኒኩሉ ፡፡
1 11፡1. ሃዋርያዲ እናነን ይሁዳትል ህንበናው ሻንዲ ፡ ቆምያትክር ቆል ጃሩኽ ከለብናት ፡ ዋስኑኽ ፡፡ 2 3 11፡2-3. ጴጥሮስ ርሳለምሊ ዓረጎሳና ፡ እና ኔን ሰማተርስኒልድ ኣኸው ፡ ሰማተርስጋውሊ ካውሊ ቱሩኽ ናዲኻ ቂሩኽ ፡ ይኖ ዋኺትንኹሉ ፡፡ 4 11፡4. ጴጥሮስ-ኻ ቴርሴ ድዊሮሎም ተርሱኽ ፡ ኒሂሰና ዮ ፡ 5 11፡5. ኣን ታንታሮ እዮጴትል ጸለዩ ዋኑንሲክ ፡ ፋከርስኹን እማ ሴጃ መዝናድ በሄር ሰራና ተካኽ እራካ ፡ ሰሚልድ ገሙንሳናክ ፡ ራኢሲ ቃልኹን ፡ ይልኽር እንቱኽ ፡፡ 6 110፡6. ኒል ቃሉ ኣስተብሄልደሪትኻ ፡ ሴጃ ማሓዊር ሻው እንስሳ ብሪውክር ኣራዊት ለማም ያውዲ ጃካል ሰሚውዲ ቃልኹን ፡፡ 7 10፡7. እንሲን-ኻ ፤ ጴጥሮስ ፡ ጊ ፡ በራኽርዶ ቂእ ፡ ያኩለ ዳሃይ ዋስኹን ፡፡ 8 11፡8. ኣን ላኪን ፡ ይኣደራ ፡ ሙቅላ ዋሪ ፈንፋንዳኽ ዋላ ይኣብሊ ትዎ ኣርእላኒክ እማ ፡ ኣካላኒክ ፡ ይኹ ፡፡ 9 11፡9. ሊነር ዶል- ኻ ፡ እን ጃር ለጭሕዳኽሲ እንቲ ሙቅላ እሲግሉ ፡ ያኽ ዳሃይ ሰሚልድ ዋንተስኹለ ፡፡ 10 11፡10. እነኒን ሲኽንዶል ኣኺክ ፡ ሓዲስድ ኮዶ ኒውክ ሰሚል ዋተርሱኽ ፡፡ 11 11፡11. ኣሃ ፡ ኒድኒድ ሴኻ ጊርዋ ቄሳርያትልድ ይል እንሻቅስኑክ ፡ እን ኣን እርጋሪላ ልን ጃብል ዳው ይኖ እርጉኑኽ ፡፡ 12 11፡12. መንፋስኻ ተዋላወልጊ ናዲ ፈሪያ ድዊኩለ ፡፡እና ኔን ዋልታ ሻንኻ ይዲ ፈርኑኽ ፡ ልን እንጊርዊክሊኽር ቱኑኽን ፡፡ 13 14 11፡13-14. ንኻ ማላኢከት ኒልንሊ ዳውዮ ፡ እዮጴ ኣኽራሲክ እንሻቂ እማ እን ጴጥሮስ ይስታክ ስምኦንቲ ሽንሮ ናቅሲሉ ፡ ኩዲ ናክሩክ ኩኑንዲ ዳኣንድራኹሉ ቆል ፡ ኒድዊሮካ ግን ፡ ዩንሰናኩሉ ቃለት ድዊኩንልና ፡፡ 15 11፡15. ጋቢያ ተርሴሪት ኻ ፡ መንፋስ ሻትክ ፡ እን ሰልፍ ይናል ጌማሳና ፡ ናል ኽር ጌሙኽ ፡፡ 16 11፡16. እን ሲን ዮሃንስ ዓቅድ ጠማቅዱኽ ፡ እንትንኻ ማንፋስ ሻትክድ ጠማቅስትኖጊን ፡ ያኩሉ ቆል ጃሩኽ እልብድኹን ፡፡ 17 11፡17. ዳኣም ጃር ይናት እና ይና ኣደራ ዬሱስ ክርስቶስድ እምናውድ እዋሰናክና ፡ እክላ ይናክ እዋትሎም ፡ ኣን ጃርሲ ጌቢዬሉ ገረሳኽር ኣዌያኽር ጊን ፡፡ 18 11፡18. ነኒስ ዋስነሪት ዳፍእኑኽ እማ ፡ ዳኣም ጃር ቆሚያትድ ሂወትድ ብሕል ይኒኽ እውኹሎም ፡ ይኑንሰናክ ጃርሲ ሓመድኑኽ ፡፡ 19 11፡19. እና ኔን እስቲፋኖስል ጋይኣ ሰባትድ ፋሕያው ላኪን ፡ ፌንቄስዲ ቆጵሮስዲ ኣንጾክያዲ ኣኽራሲክ ጅልውኑኽ ፡ እን ቆልሲኻ ኣይሁዲድ ንኻክ ላክድ ኽር ድዉኑ እርግኒኒክ ፡፡ 20 11፡20. ቤጃኻው ናልድ ላኪን ካው ቆጵሮስሩዲ ቄረኔንዲ እርግኑኽ ፡ እናነን ኣንጾክያትል እንትናሰና ፡ ወንጌል ይናደራ ዬሱስ ሰባኩኑ ፡ እን ጽርኣውያንድር ድዊኑኩሎም ፡፡ 21 11፡21. ጃረድ ናን ናዲ እርግቲ ፡ ጌሪው ካው -ኻ እምኖ ኣዴሪል ዋንተርኑክ ፡፡ 22 11፡22. እና ዳሃይ ነንሂን-ኻ ናሴባትድ ዮርሳለምሊ ህምብራሪ ማሕበርሊ ዋስስቱኽ ፡ በርናባስቲ-ኻ ኣንጾክያ ኣኽራሲክ እን ሻቅንኹሉ ፡፡ 23 24 11፡23-24. ኒእንተሪት ፡ ጋድ ጃሩኽሲ ቃሉኽ እማ ፈርሑኽ ፡፡ ኒመንፋስ ሻትክድ እምናዲ እንተክሳኽ ትክያኽ ግርዋ ጊን እማ ፡ ኒትክ ናለቤካድ ኣደሪል ቴብኖ መንደርትኖ ኮኒኩሎም ፡ ጌሪው ካው-ኻ ኣደሪል ኮድሱኽ ፡፡ 25 11፡25. በርናባስ ኒልድ -ፎ ሳውልቲ ጃረቢሮሉ ጠርሰስ ኣክራሲክ ፌሩኽ እማ ኣረሪትሉ ፡ ኣንጾክያ ኣኽራሲ ናቅስኹሉ ፡፡ 26 11፡26. ኣኮኻ ፡ እን ማሕቤርሊ ኣመራ ካምል ላት እርጉኑክ ጌሪው እክሲኽር ማሃርድኑኽ ፡፡ እን ታሌይቱቅር-ኻ ሳልፍ ኣንጾክያትል ክርስትያን ሽንሱኑኽ ፡፡ 27 11፡27. እን ግርጋት ኒድ-ኻ ነብያት ዮርሳለምልድ ኣንጾክያ ገምኑኽ ፡፡ 28 11፡28. ላኽ ናልድ-ኻ ኣጋቦስ ኒሲን ጎው ፡ ኒትክ እድንዪል ተባኽ ካኣር ኣኬት ፡ መንፋስድ ጋቢኽ ፡፡ ኔኒን ዘባን ቄሳር ቅላውዴዎስድ ኣኺኽ ፡፡ 29 11፡29. እን ታለይቱቁር ላኽድክ ናና ዓቅምሴናክ ይሁዳትል ህንባው ሻን ካቤና እንሻቅድኖሎም ማከርኑክ ፡፡ 30 11፡30. ኒሰና እሲኔኻ ናን በርናባስዲ ሳውልዲት እን ሽማግለታትል እንሻቀቅንኹም ፡፡
1 12፡1. እን ዘቤንድ ሄረዶስ ጌሪው እን ማሕበርልድ ባዳን እሲሮሎም ኒናንሲ ማደዱኽ ፡፡ 2 12፡2. ያቆብ ዮሃንስድ ኒዳሲ-ኻ ሰያፍድኹሉ ፡፡ 3 12፡3. ናኒን ኣይሁድድ ባህሰትሎም ቆሎሳና-ኻ ፡ ኮዶ ጴጥሮስቲ ሻኽሉ ፡፡ ኡናር ቅጫሪኽ -ኻ እርጉኽ ፡፡ 4 12፡4. ሻኼሪትሉ-ኻ ፡ ልን ማሕቡሱኽሊ ቱስኹሉ ፡፡ ፋሲጋ ዴንቢ እክሊ ፍድሮሉ ጃሬበ ፡ ሳጃ ጌፍድ ታከውድኖሉ ማታን ሳጃ ዓሽካረድ ደክሶ እዉኹሉ ፡፡ 5 12፡5. ጴጥሮስ ናኸ ማሕቡሱኽ ልንሊ ታካውሱ እርጉኽ ፡ እን ማሕበርኻ ኒማታን ዲማ ጃርሊ ጸሌይሩ እርግቲ ፡፡ 6 12፡6. ሄረዶስ ስክስሮሉ ሓሰቤሪት ፡ እን ንርጃብድ ህንብራሪ ቂርድ ፡ ጴጥሮስ ልና ሞቂሕድ እንሻውሶ ልና ዓሽካራ ናበክል ጌንጆ እርጉኽ ፡፡ እን ታከዌው-ኻ ባብሊ ኣኽኖ ተኬዉኑ እርግኑኽ፡፡ 7 12፡7. እማ ገዲም ፡ መላኢኬት ጃሩኽ ኒጌባ ደውዩኽ ፡ እን ልን ማሕቡሱኽሊ ቤሪህ በርሁኽ ፡ ጴጥሮስትኽር ኒስምጥሲ ታመዶ ፤ እሽሽይሮ ጊ ፡ ዮ ጉድኹሉ ፡፡አን መቃውሕ ኒናንትድልድ ለቡኽ ፡፡ 8 12፡8. እን መ፣ላኢከት-ኻ ፤ ኪሻፍሲ ቱሲ ፡ ይኹሉ ፡፡ ንኻ ኒሴና እሲኽ ፡፡ እን መላኢከት-ኻ ፤ ኩሰራንሲ ሴሪ እማ ተላዪለ ፡ይኹሉ ፡፡ 9 12፡9. ኒኽር ፎ ተሌይኹ ፡፡ ላኪን ራኢ ቃላኽ ተኩሉ እርጉኽ ግራ ፡ እን መልኣኽድ አኬኽ ፡ እምን አከት ኣስታውዓልድላኒክ ፡፡ 10 12፡ 10. እን ጃቤራዲ ሊኔር ባብሲ ቴካዋውሲ ዶኬሪት ፡ እን ታንታሮትል ቱሳኽ ባብሻኺኽሊ ጌይእኑኽ ፡ ኒላውድኽር ብድሱኩሎም ፡፡ ፍኖ ላኣደባባይ ዶክኔሪት ፡ እንሲን እን መላኢኬት ኒልድ ሰዋርሱኽ ፡፡ 11 12፡11. ጴጥሮስ ኒላበኪል ዋንተሬሪት -ኻ ፤ ጃር ኒማላኢካትሲ እንሻቆ ፡ ናን ሄሮዶስክሊድ እን እክ ኣይሁዱ ጨቤሩኑሉ እርጋኽሊድ ኒትክልድ ዳኣንደትሌ ፡ እምንድ ናን ኣለላይኹን ፡ ዩክ ፡፡ 12 12፡12. እን ሳንዓታስ ትቦሰናኩሉ ፡ ልን ማርያሙክል ጌና ማርቆስ ይስታኽ ዮሃንስ ኩል ፡ እንቱክ ፡፡ ኒልኻ ጌሪው እክብስኖ ጸለዩኑ እርግኑክ ፡፡ 13 12፡13. ጴጥሮስ እን ባብ ከዴኑክሲ ቃርቅሐሪት ፡ ሮዳ ይስትራሪ ጉዝኢ ዋስቶ እንትቲ ፡፡ 14 12፡14. ንርኻ ድሃይ ጴጥሮሱክ ኣኼት ኣሌላይሬሪት ፡ ፋርሓትድ ጅዋ ጋንይቲ ፡ ጴጥሮስ ባብሊ ዳውዮ ዋኔት ፡ ድዊትግራ ፡ እን ባብሲ ብድላሉ ፡፡ 15 12፡15. ናው-ኻ ፤ ጊኒትሩኽ ፡ ይንኹላ ፡፡ ንርኻ ኒሰና ኣኼት ተብድቲ ፡፡ እንሲ ፤ ኒማላኢኬት ግራ ኣኽራ ፡ ይኑኽ ፡፡ 16 12፡16. ጴጥሮስ-ኻ ቄርቁሑ አርጉኽ ፡፡ ብድኔሪት-ኻ ቆልኖሉ ፋኬርስኑኽ ፡፡ 17 12፡17. ኒኻ ትም ይድኖ ኒናንድ ኣሼርኹም ፡ ጃር ማሕቡስልድ ኣዋህቤ ፍዳትሉ -ኻ ፡ ደጌምኹሎም እማ ፤ እና ሰንዓታ ኔኒን ያቆብዲ እን ሻንዲት ድዋሎም ፡ ይኹሎም ፡፡ ኒልድ ፌኻ ኣሪ ኣካንሊ ፌሩኽ ፡፡ 18 12፡18. ብራ ክሴሪት ኻ ፡ እን ዓስኬር ፤ ጴጥሮስ ውራ ኣሬኹሉ ኣኽራ ፡ ይኖ ጌሪኽ ጫነቅስኑኽ ፡፡ 19 12፡19. ሄሮዶስ ጃሬቤ በሳንኩሉ ፡ እን ታኬዋውሲ ማርማርኖ ኩድኖሎም ኣዘዙኽ እማ ይሁዳትልድ ቂሳርያ ጌሞ ኒል ሓቀፉኽ ፡፡ 20 12፡20. ሄሮድስ እክ ጢሮስዲ ሲዶና ሩስ ጌሪ እንጠሮሎም ዋኪቶሎም እርጉኽ ፡፡ ተሳማምዕኖኻ ኒል እንትኑኽ ፡፡ ናብራ ናድውላቱኽ ምልክ እን ሲሙኽልድ እርጋኽ ኣኼውድ ፡ ብላጦስቲ ስሕ ሓለቃስ ዝፋን ልን ሲሙክሲ እንካሊስኖ ኣሬክና ሺዊኑክ ፡፡ 21 12፡21. ሄሮድስ-ኻ እን ግርጋ ቆጸሪኹድ ሴራን ሜሪሩኽ ሴሮ ዝፋንሊ ኮፍዩኽ ጋቢኩር ፡፡ 22 12፡22. እን እክ ኮዶ ፤ ናኒን ዳሃይ ጃሩኽ ግራ ፡ ዳሃይ ኣዳሙኽ ኣክላኒ ፡ ይኖ ውጭጭ ይኑኽ ፡፡ 23 12፡23. ሓምዴ ጃርድ እዋጋኽ ኣኼውድ መላኢኬት ጃሩኽ ኩውኹ ፡ ቅሺቶ -ኻ ክሩኽ ፡፡ 24 12፡24. ቆል ጃሩኽ-ካ ቤሄርቱኽር ፋሕዩንሲክ ፈሩኽ ፡፡ 25 12፡25. በርናባስዲ ሳውልዲ ኮዶ እን ካቤናስ ጌስእኖ ፡ ዮርሳለምሊድ ዋንተርኑኽ ፡፡ ናዲኻ እን ማርቆስ ይስታኽ ዮሃንስቲ ናዲ ኣድንኩሉ ፡
1 1. እንኣንጾያትል እርግራሪ ማሕቤር-ኻ ናብያትዲ ኩንሱክዲ እርግኑክ፡በርናባስዲ ኔጌር ይስታክዲ ስምኦንዲ ሉክዮስ ቄሬኔንዱክዲ ናሄሮዶስ ርብዓሩክዲ ሲሜትዲ ቤሄልታክ ማናይን ሳውል፡፡ 2 2. ነኔን ጃርሲ ኣጌልጋልዱኑክር ሹሙኑክር ማንፋስ ሻትክ፡ባርናባስዲ ሳውልዲ፡እን ሽንሳክ ክድማትድ ሲዴሌ ይኩሎም፡፡ 3 3. እንሲን ሹምኑኩር ጻላይኑክር፡ናናንትትሲክር ጌምድኑኩሎም እማ ፋስንኩሎም፡፡ 4 4.ናውኻ ንሳና ይኖ፡ማንፋስ ሻትክድ፡እንሻቅስኖሴሌውቅያ ጌምኑክ፡፡ኒልድ-ኻ ማርካብድ ቆጵሮስ ኣክራሲክ ፌርኑክ፡፡ 5 5.ሳላሚስ ጌይእናሴና-ኻ፡እን ኣይሁድክ ልን ጻሎቱክሊ ቆል ጃሩክ ድዊኑክ፡፡ዮሃንስትካ ኣጌልጌልድሮሎም ኣድኖሉ እርግኑክ፡፡ 6 6. እን ዴሴቲ ህምብራኩድ ጳፎስ ኣክራሲክ ጅልውናሴና፡ላክ ጣንቃላይ፡ኔቢ ቢና ባርየሱስ ይስታ ኣይሁዳራ ኣርኑክ፡፡ 7 7. ንኻ እን ምስሌኒራ፡ሰርግዮስ ጳውሎስ ፡ፋሂም ግርዋ፡ማንዴርቱ እርጉኻ፡፡ንኻ ቆል ጃሩክ ዋስሮ ጄሬቤ፡ሳውልዲ ባርናባስዲት ኒል ሽኑኩሎም፡፡ 8 8. ኮዶ ኤልማስ ይስታክ ጣንቃሊራ፡ኒሳና ቴርጎሙኩሉ እማ፡እን ምስሌኒሬስ እምኔትልድ ዋንቴስሮሉ ጃሬቤ ቴኼራኼርኩሎም፡፡ 9 9. እን ጳውሎስ ይስቶ ሽንሳኽ፡ማንፋስ ሻትክድ፡ እንሳክሶ ማርኪስኩሉ እማ፡ 10 10. እንቲ ዋኔ ታንኮልዲ፡ዋኔ ምቁልናርዲ እንሳሽሮ ህምብራር ዴያብሎስኩራ፡ኒዊክ ጫዴቅኔስ እንጣራክ፡እን ጣፍሕ ጃር ዴርብሰሲ ጮጬይኒለልድ ዋላማ ፊኻላ፡፡ 11 11. ናን-ኻ እናሓን ይና ዴሪትሪ ናን ኩኣዋይሲ ጌን፡ዓሬብቶጊን፡ኒዌክት ኣክራሲ ካራ ቃልቶ ኣክላኒክ፡፡ኒድ ኒኻ፡ጣቄዲ ጭልምዲ ጌምኩሉ፡ናራ እንዴራ ዋንቴሩንሲካ ኒናንሲ ሻኾ፡ማርሓኽ ጃሬቢክ፡፡ 12 12. እንሲን እን ምስሌኒራ፡እና ኣኻክሲ ቃሎ፡እንምህሮ ይና ኣዴሪኩድ ቃሎ ጌሬሚኩሉ እማ ኣሜኑክ፡፡ 13 13. ኒዴምብ-ኻ፡ ጳውሎስዲ ኒጬርዲ፡ጳፎሽጽልድ ማርካብድ ፍኑኽ፡ጴርጌ ጵምፍልያ ኣኽራሲክ እንትኑክ፡፡ዮሃንስኻ፡ ናትክልድ ፋሌይሶ፡ዮርሳሌምሊ ዋንታሩክ፡፡ 14 14. ናው ኮዶ፡ጴርጌ ዶክኖ እንኣንጾክያ ጵሲድያሩክሊ እንቱኑክ፡ሳንቤር ግርጋስ ኮዶ፡እን ልን ጻሎቱክሊ ቱኖ፡ካፍይኑክ፡፡ 15 15. እን ሕጊዲ ናብያዲት ኣንቤብድና ሴና፡እና ማራሕቲ ላን ጻሎቱ፡እንቲን ይኔሻን፡ኬዊድ ጌሌ ዴውሳክ ቆል ፋሌይኒክ ዋናንኩም ድዋ ይኖ እንሻቅንኩሎም፡፡ 16 16. እንሲን ጳውሎስ ኒናንድ ሓቤሩ ፡ዩኽ፡እንትን ካው እስራኢልዱ፡ጃርጉኢዴናኽር ዋሳ፡ 17 17. እን እስራኢልዱ እክድ ይና እክልሲ ፍሪርኹሎም፡ናእካ ኔስ-ኻ፡ ኒሲዴትሊብራ ግብጺሩክሊ ክብሲኩሎም፡እን ክብራሪ ኒናንድ ፍድኩሎም፡፡ 18 18. ጌሌ ኣርብያ ኣማራ ኣክራሲክ ኮዶ፡እን ካዴንሊ እኽርሳና ኣኾ ምኹርኹሎም፡፡ 19 19. ሌናታ ቆሚያት ብራ ኬንኣንልድ ዲሱክ፡ብራ ናክሲኻ ዋሬስድኩሎም፡፡ 20 20. ኒዴምቢኻ፡ሳጃሊኽዲ ኣንኩራን ኣክራሲክ እሴካ፡ኔቢ ሳሙኤል፡ሲም እዉኩሎም፡፡ 21 21. ኒዴምብ-ኻ ሲም ሺዊኑክ፡ጋር ኮዶ ኣርብያ ኣሜሬድ፡ጌርዋ ላጊርዋ ነጌድ ብንያብክሊድ፡ሳውል ቂሱኽራ እዉኩሎም፡፡ 22 22. ቂሎሴናኩሉ-ኻ፡ ዳዊቲ ሲም ኣኽሮ ጉድኩሎም፡ዳዊት እሴይኩራ ኒዊክ ይፍቃድሲ እሳኽ ይሌቤኪሴና ኣርኹን፡ዮኻ ማስኬርኹሉ፡፡ 23 23.ጃር ኒሳዴድኮዶ፡ኒፌዳንልድ እስራኢልድ፡ዴኣንዳኽ ንኻ ኮዶ፡እዬሱስቲ ጉዱክ፡፡ 24 24.እን ኒኢንቴርኒ ጃብ፡ ዮሃንስ ኒትክ እክ እስራኢልዱድ ጥምቄት ጣዕሲኽ ሰቤኩክ፡፡ 25 25.ያውሃንስ-ኻ ኒጋግናስ ቴማምድሮ ዩ፡እን ኣውኒ ቴካኹንኩም ዮ፡ ኣናዲ ኒ ኣኽሊኒክ፡እናሓን ኣን፡ኒሻምፍፍሲ ኒሉኩኬሊድ ፍድናስ ባቅዓጋኽር፡ኒይጉርቤትል እታራኽ እንኩክ ዩኽ፡፡ 26 26. እንትን ይና ሻን፡ጅንስ ኣብራሓምዱ እንታ ኔባክል ህምባው፡እን ጃርሲ ጉኢትው፡እና ቆል ዳኣንዱክ ኒን ይናልግን እንሻቅሳኻ፡፡ 27 27. እን ዮርሳሌምሊ ማንዴርቴው፡ናሴዪምዲ፡ኒት ሳቤት ኣርእግናቱሉ፡እን ሳንባር ሳንቤር ኣምባብዳናኻ ቆል ናብያቱክ ናፍርድድ ቴማምድኑኩሉ፡፡ 28 28. ክሪል ጌእሳኽ፡ምስምሳ ላሪ ድካ ብኔሳኔሉ፡ኩሮሉ ጲላጦስቲ ሺዊንኩሉ፡፡ 29 29. እን ኒሰባትት ኬቴብሳኽ፡ቴምድናሴና፡ካኒልድ ጌምድኖ ኣርብል ቱስንኹሉ፡፡ 30 30. ጃርኻ ክሪልድ ጉዱኹሉ፡፡ 31 31. እና ጌሊሌትልድ ኒዲ ዮርሳሌም ኣኽራሲክ ፌው፡ናን ናኬውኔል ኒምስክር ኣኽኖ ህምባናክ፡ጌሪ ግርጋት ቃሉስትኹሎም፡፡ 32 33 ኮዶ እን ሊንር ማዝር፡እንቲ ይኹራ ግን፡ንኪ ኣኻሩኹንካ፡ያኽ ክቱብ፡ህምባክ፡ጃር ዬሱስቲ ጉዱኹሉ እን ይና እክልድ እዉስታኽ ሳዳ፡ኒቁርድ ይናድ ታማምዳትሉ፤ይን ኮዶ ባሻርድናኩንኩም እንኩኑኩን፡፡ 34 34.ሓዲስድ እን ድዲል ዋንታርግኒን-ኻ፡ክሪልድ ጉድኹሉ፡እማ እን ሻትክዲ እምንሳኽዲ ባርኬት ዳዊቱክሲ እዊዬሎምግን፤ዩኽ፡፡ 35 ኮዶኻ ሊኔር ሜዝሙር ላኽ፡እን ሻትኻ ዲዳ ቃልዶ፡ባሬሌሉኒክ፡ያኩሉ፡፡ 36 36.ዳዊት ኒዌክትድ ፍቃድ ጃሩኽሲ ኣጌልጌልዶሳና፡ኒክሊ ሕቤርሲኽ፡ድዳ ቃሉኽ፡፡ 37 37. እን ጃር ጉዳኹሉኻ፤ኒሙቅላ ቃላኒክ፡፡ 38 39 ድዋ እንትን ይና ሻን፡ኒድ ሓራም ባርና ድውስቴትኩም ፡እን ህጊ ሙሴሪኹድ፡ጫዴቅትኖሉ ጌሬስታጋኹም ኣኩንሲክ፡ማዕናታ ኣኼኩክ ኣኽን፡ኣማኒራ ኒድ ክም ጫዴቃት እንቴል ኣርእስታኽ እኽኒ፡፡ 40 41 ማላኪን ናብያትድ፡እንትን ቄባት፡ቃላ፡ላኽ ድካ፡ድዋንኩ፤ም ዋላ፡እምና ግድነሳኹሉ ጌብር እንታ ዋክትሊ እስያግን እማ፡ፋኬርሳኽር ድዳኽር፡ ጌይእጊንኩም ጤቄቅሳ፡፡ 42 ናው ፉኑ ጉሲኻ እንቴርዴሪ ሳንቤርሲኽር እንቆልሲ ድዊሮሎም ሺዊንኹሉ፡፡ 43 43. እን እክብሳው ፋሕ ዬናሴና-ኻ፡ኣይሁድልኽር እን ጃርሲ ጉኢቴው ጵሮሴሊታትክር ጌሪው ጳውሎስዲ ሲላስዲት ታሌይኑኽ፡ናው ድዉኑ እጉሲክሎም-ኻ ጌድ ጃሩኽድ ቴብድኖ ፋሌይኑኩሎም፡፡ 44 እን ሳንቤር ታላያኽስ-ኻ፡ናውክ ዕርዲሪው እክ ቆል ጃሩ ዋስድኖ እክብስኑክ፡፡ 45 45. ኣይሁድ እን እክ እክብሶ ህምቤውሲ፡ቃልኖ-ኻ፡ቅንኣት እንታኹኩሎም፡ዋኣቱኑክር ጃኩኑክር-ኻ፡እን ጳውሎስ ያኽ ቆልሲ ካሕስኑክ፡፡ 46 47 ጳውሎስዲ ባርናባስዲ-ኻ፡ክኺርናርድ ኒሳና ይኑኽ፡ቆል ጃሩክ ሳልፍ እንታድ ድውስቲሮ እርጉኩሉ፡ናጬግ ድናዲንሌሉከካ፡ዲማሩክ ሓዮቱኩት ቡቃዓን ኣኬክዳኔት-ኻ፡ እንታላዊድ ፋሬድኖ ዴምብኻ፡ጃር ብርሻል ኣክራሲክ፡ዳኣድኔድ ኣክሮል ማታን፡ቆሚያትድ ብርሃን እሲኖ-ኻ፡ዮ ኣዜዝኹና እማ፡ እና ሓን ቆሚያትል ዋንታስናኩን እንኩኑኹን፡፡ 48 ቆሚያት-ኻ፡ ኒስ ዋስናሴና ፌርሕኑክ፡ጃር ቆልሲ ሃሜድኑክ፡እን ሂዌትሊ ያሜምሴው ናውክ እምኑክ፡፡ 49 49. ቆል ጃሩክ ኒልክ፡እነ ድውላትሊ ጌይኡክ፡፡ 50 ኣይሁድ-ኻ፡ እን ጃርሲ ጉኢቴው፡ስማሬንቲ እኪንዲ እን ቤህሊን ዴጌጊትዲት ዕግርግር እሲኒኩሎም፡ጳውሎስዲ ባርናባስድል-ኻ፡ስዴት ጉድኑክ፡ናብራ ሼርልድክር ዳጌኑኩሎም፡፡ 51 51. ናው-ኻ ዕሳስ ናሉኩካስክር ካፍካፍኑኩሎም እማ እቆንያትል ፋርኑክ፡፡ 52 52. እን ታሌይቱ-ኻ ፋርሓትዲ መንፋስ ሻትክዲ እንታኽኑክ፡፡
1 1. ኒሳና ኮዶኻ ኢቆንዩም ኣክን፡ላት ኣክ ጻሎት ኣይሁዱክሊ ቱኖ፡እን ኣይሁድልድር ጽርኣውያንልድር ጌሪው እክ እምንድናሲክ ጋቢኑክ፡፡ 2 2. እን እምን ጋው ኣይሁድ-ኻ፡እን ላቤካ እን ቆምያቱክሲ እን ሻንሊ ኔክናክኑክረ፡ኣካፍእድኑክር፡፡ 3 3. ኒል ጌሪው ኣርፍፍ ካፍ ይኑክ፡፡እን ትእምርቲዲ ታኣምርዲት ናናንትትድ እሱኑንሲክ፡ኒቆል ጌድሲ ምስክር እዋክ ኣዴራስ እምኖ፡ ሓጤርድ ጋቢኒክ፡፡ 4 4. እን ታንታሪው ብሪው-ኻ ፡ሌናትል ባንሲኑክ፡ናቤሊን ኣይሁዲ ናቤሊን ሃዋርያዲ ኣክኑክ፡፡ 5 5. እን ቆምያትዲ ኣይሂዲ ናማካንንቲዲ ኣክኖ ጅርቤት ብስድኖሎምክር ክርን ማልኔድ ኩዱኖሎም ጉናሴና፡ 6 6. ናው ኮዶ ኒስ ኣርእኖሳና፡እን ታንቶሮታትልክር ሊቃኦንያዲ ሊስጥራ ኮዶ ዴርቤን፡ንር ኣግዋርሊ ህምባው ዳውሌትሊ እግርኑክ፡፡፡ 7 7. ኒልክር ዋንጌል ሳቤኩኑ እርጉኑክ፡፡ 8 8. ላኽ ግርዋ፡ልኩክ ኒው ክሬው፡ኒጌናር ካርስልድ ቴርሴ ማሴኖ ህምባክ፡ጅልዎ ኣርእጃክ፡ሊስጥራትል ኮፍዮ እርጉክ፡፡ 9 9. ኒ ጳውሎስ ጋቡ ዋሱክ፡፡ጳውሎስ-ኻ ኣቴኮርዶ ማርኪስኩሉ እማ እቢርዶ እምኔት ክም ዋኔትሉ ቃሌሳነና፡ 10 10. ኒዳሃይሲ ኪብሴ፡ቴክይሮ ኩሉኩኩድ ዴውዪ፡ ይኩሉ፡፡ካርቴፍ ዮካ ጅልዌክ፡፡ 11 11. እንሲ እን እክ ጳውሎስ እሴክሲ ቃልና ሴና፡ናዴሓይሲ ክብሲኔ፡ጋብ ሊቃኦንያ ውድ፡ኣማልክቲ ቆልዱ ካው ይናል ጌምኑክ ፡ይኒክ፡፡ 12 12. ባርናባሰቲ ድያ፡ ይኒኩሉ፡ጳውሎስት-ኻ፡ጋብ ማርሓክ ኣክኔዲን፡ሄርሜስ ይኑኩሉ፡፡ 13 13. ከዳ እን ካርን ዕርዲሪር እርጋክ፡ ሻትክ ድያ-ኻ፡ቢልዲ ኣክሊል ዕምቦዲ እን ዴንኣፍሊ ናቅስኖ ኬውዲ ኣክኖ ቤዳ እሲድኖ ናድ ጃሬቢኒክ፡፡ 14 14. ላኪን ጳውሎስዲ ባርናባስዲ፡ሃዋርያት ዲ፡ኒስ ዋስናሴና ናታኪንሲ ቃዴድኑክ፡ኣንጫርጫሩኑ ኬዋል ጋይኑክ፡፡ 15 15. እንትን እክ ውሪክ እና ኒስ እስዳናኩን፡ይንክር እንቴሳና ፋጥርስና እክ ግን፡እንትን ካው ውሪክ ንኣኬጋክሲ እስዳናኩን፡ይኑኩሎም፡ሴማዲ ብሬዲ፡ባሓርዲት ኒህምባውዲት ኒቲክሲ ፋጣራክ ዲማ ዋንቴክ ጃርሊ ዋንቴርትኖ ባሻርድናኩንኩም እንኩኑኩን፡፡ 16 16. እን ዳካክ ዋሌዶ ኒትክ ቆምያትሲ ናዴር ዳርብድ ፌርድኖ ባርኹሎም፡፡ 17 17. እኒሳና ኣኮሳና፡ትክያክ እሱንሲክ፡ሳሚልድ ስዋዲ ዋክድ ፍርያቱክዲ እዉንሲግኩም እንቴላቤካስክር ቂሳክዲ ፋርሓዲሲክር ብትሱኩም፡ኒኣኬርሲ ምስክር እንጌት ባርላኒክ፡፡ 18 18. ኒስ ዮሎም-ኻ፡ቤዳ እሴግኒንሎም-ኻ፡ቆምያትሲ ሜራርዶ ሒልድ ጋቢኩሎም፡፡ 19 19. ኣይሁድ ኮዶ፡ኣንጾክያትልድክር እቆንዩምንትል እንትኑኽ፡እን ቆምያትሲ እድጋባብዕድኖ ጳውሎስቲ ክርንድ ጫፍጫፍንኩሉ፡ክራክ ትኪሲኔ፡እን ዕርዲሪልድ ካዴን ኣክራሲክ ጎሴንኩሉ፡፡ 20 20. እንታሌይቱትኻ፡ክልውኖሉ ዋኑኑንሲክ፡ካርታፍ ዮኻ፡ እን ዕርዲሪር ትኽ፡፡ኒክሳሬት-ኻ ባርናባስዲ ዳርቤ ኣክራሲክ ፋሩክ፡፡ 21 21. እን ዕርዲሬትል-ኻ፡ዋንጌል ሳባኩንሲክ ጌሪው፡ታሌይቱት እሲኔሳና፡እንሊስጥራዲ ኦቆንዩንዲ ኣንጾክያ ኣክራሲክ ዋንታርኑክ፡፡ 22 22. ፊኩት እንታላይቱሩክሲ ኣዳፍድኑክ፡ሜሪ ጃሩክሊ-ኻ፡ውሪካ ጅርባትድ ቱኖ ኣስታሃላኩና፡፡ዩኑ እንጉኒሲካ-ኻ፡ እን እምናትሊ ታብድኖ ኮድኑንሎም እርጉኑክ፡፡ 23 23. እን ናማሓብርሊ ሽማግሌታት ፍሪርናስሎም-ኻ፡ሹምዲ ጻሎዲ፡እን ኒድ እምናክ ኣዴሪል ዳክስኖ እውኑኩሎም፡፤ 24 24. ጲስድያድ ዶክኖካ ጵፍልያት እንቱኑክ፡፡ 25 25. ኮዶ ጴርጌትል ቆልሲ ድዊኔሳና፡ጥልያን ብሪል ጋምኑክ፡፡ 26 26. ኒልድ-ኻ፡ናው ታምድናክ ዋራትል ኣንጾክያ ጃርሊ ኣዋፌይድናው ኣንጾክያ ማርካብደ ካርኑክ፡፡ 27 27. ኒል ጌይ እና ሴና፡እን ማሕባርሲ እክብኖ፡እን ጃራ እሴውሲ ናትክ፡እን እኬላኻ፡ዳንኣብ እምናቱክ ክም ብድሳትሎም፡ህዴግኑኩሎም፡፡ 28 28. እን ታሌይቱድ-ኻ፡ ግርጋት እሲኒክ፡፡
1 1. ይሁዳትል ገማው፡ጌሪው ኮዶ ሻንሲ፡ስርዓት ሙሴሪክሴናክ ሳማቴርስግዴናን፡ዳኣንትኖ ጌሬስታሌኩምኒ፡ ይኖ ማሃርድናኩሎም፡፡ 2 2. ናኔቤክዲ ጰውሎስዲባርናባስዲል ናቤክል፡ጌሪው ሲርክስናዲ ክትዕዲ ኣኾሴናኻ፡ጰውሎስዲ ባርናባስዲ ናልድክር ጌሪው ኣሪውክር ኣና ወኻሳቤትድ፡ሃዋርያ ሽማጌለሌዲ፡ዮርሳሌም ኣክራሲክ ፍድኖ ዱግኑክ፡፡ 3 3. እንሲን ናው፡ማሕቤርሊድ ሲብድሰትና ፡ዎንቴርና ቆምያቱክሲ፡ጂግንስትኑሎም፡ፊንቄዲ ሰማርያዲት ዶክኑክ፡፡ናክሩክ ሻንሲ ኮዶ ጌሪው ፌርሕድኑኩሎም፡፡ 4 4. ዮርሳሌምሊ ጌይእና ሴና ኮዶ፡እን ማሕቤርዲ ሃዋርያትዲ ሽማግሌታትዲ፡ኬሌቤኑኩሎም፡፡ናውኮዶ ጃር እሴክሲሎም፡ኒትክሲክ ድምኑክሎም፡፡ 5 5. እን ናልድ እምናው ፋሪሳውያን ጌሪው፡ሳታርድኖሎም ሕጊ ሙስዬሪኽሲ ኣዜዝድኖሎም ቴጋባኣክ፡ይኖ ጉኑኽ፡፡ 6 6. ሃዋርያዲ ሽማግሌታትዲ፡ናጋር ንድ፡ማርማርድኖ፡እክብስኑክ፡፡ 7 7. ጌሪው ካሓስና ኣኻሳና፡ጴጥሮስ ጌኻ፡ ንሳና ይኹሎም፡እንት ይናሳን፡እንቃክት ጃቤሪልድ ቴርሴ ቆምያት ይኣብድ ቆል ዋንጌሉኽኋሽድኖሕር እምንድኖኽር፡ጃር እንተልድ ፊሪራትሌ እንትኽር ኣርእድኑኽ፡፡ 8 8. እን ላባካስ ኣርኣኽ ጃር-ኻ፡ይኔድ እዋሴናና ናድር ኮዶ፡ማንፋስ ሻትኩኽ ኒእውንድ ማስካርኹሎም፡፡ 9 9. ናላቤካስ እምናድ ጫሬይዳሳና፡ይናዲ ናዲል ናቤክል፡ ላሪ ድካ ሲድላኒ፡፡ 10 10. እማ ጌድም፡እን ይናክልዲ ይናዲ፡ምኹርኖ ጌርስናጋኩሉ ማኽዳም ክርማ ታሌይቱቱኽሊ እንቴጋምድኔድ፡ውሩኽ ጃርሲ ፋቴንዳናኹን፡ 11 11. ይናዲ ናሴናክ ጌድ ይናኣዴራ ዬሱስሩኽድ ዴኣኔት እምናኩን እንኩኑኩን፡፡ 12 12. ናውክ እኬው ኮዶ ትም ይኑኽ፡ባርናባስዲ ጰውሎስዲ ውራ ቴካኽ ቤሄር ትእምርቲዲ ታኣምራዲ፡ጃር ናድ እሴ ቆምያትሊ፡እሴኽሲ ድዉኑሎ-ኻ፡ሻኒሩኑ እርግኑኻ፡፡ 13 13. ናው ትም ይናሴኻ፡ያቆብ ኒሴና ዮ ዋንቴሱኽ፡እንትን ይና ሻን፡ዋሴሌ፡ 14 14. ጃር እን ቆምያትልደ፡ኒሱንድ ካው ፍድሮ፡ሴልፍ ኣዋህቤ ጋይኣትሎም፡ስምኦን ሓሴቢሶ ህምባክ፡፡ 15 16 17 18 15-18. ኒናንድ ኮዶ፡ቆል ናብያቱኽ ቴሳማማዓኽ፡እን ኬቤቴውሳና ካውዲ ሱን ዩኽ ናል፡ሽንስቱኽ ናውክ ቆምያት እን ኣዴራስ ጃሬቢድኖ፡እን ላብሮ ህምቤራሪ ልኒ ፡ዳዊት ሓዲስድ ካዴምሮላ፡እን ባዴሞ ህምባኽሲ ሓዴስሮ፡ሓዲስድ ኮዶ፡ ቄንዕድዬሉጊን፡እና ጋር ኒስ እና ዲማ ዴማይም ኣርኡ እሴኩሎ ይና ኣዴራ የክ እኩኽ፡ያክ ክቱብ ጊን፡፡ 19 20 21 19.21 እን ጃቤር ዌሎዶትልድ ቴርሴ፡ልን ጻሎቱክል ሳንቤርድ ሳምቤር ሙሴት ኣምባብዱኑሉ፡ናዕእርዲሪል ሰቤካናኹሉ ህባኩሎም እማ፡ርኩሳት ጣኦታትልድክር ክራውልድክር ላለቅሴውልድር ብርልድር ጌቢስትትኖ፡እንሻቅንንሎም ግራ፡እን ቆምያትሊድ ጃርሊነ ዋንቴራውሲ ቴቅድግኒንሎም ቃልስታኹሌ፡፡ 22 እንሲን ሃዋርያዲ ሽማግሌታትዲ እን ህምብራሪ ማሕቤርዲ ኣክኖ፡ጰውሎስዲ ባርናባስዲ እን ኣንጻክ ፋስናውሎም ካው ናኔቤክሊድ ፊሪድኖ ትክያኽ ኣኾ ቃሉስትኹሎም፡፡ና በርሳባ ይስታኽ ይሁዳዲ ሲላስዲ፤እኔባክ ሻኑክሊ ሕቡናን እርጋው ኬው-ኻ እንሻቅኑኽ፡፡ 23 23. ናዲ ኮዶ እን ካትብ ኒስ ፋኽ፡ይን ሃዋርያዲ ሽማግልዲ ሻንር ኣንጾክዬዲ ሶርያዲትል ቂልቅያዲትል ቆሚያትልድ ህምብዴናኽር ሻን ሳላ ይናኹንኩም እንኩኑኩን፡፡ 24 ይን ኣዝዝግናው፡ጌሌ ይኔሊድ ፍኖ ሳቴርስትኖኽር ሕጊ ቴካውተኖኽር ይኖ፡ናቆልድ ክም ሃዋኬናትኩም እንቴ ላቤካስ ዓጌርጌርዴና ሳቤት ዋስናት፡ 25 26 25-26. እና ይን እንኬልናው፡ባርናባስዲ ጰውሎስዲ፡ይና ኣዴራ ዬሱስ ክርስቶስር ማታን ናርሕሲ ዴክስኖ እዌው፡እትል ኣኽራሲክ ፋስናውሎም ካው ፍሪርኖ ሳሜርኒኹን፡ላት ኣኽኖካ ማዴብኑኩን፡፡ 27 ኮዶኻ ይሁዳዲ ሲላስዲ፡ኔስ ናኣብድ ድዊድኖኩምግነ፡ይን ፋስኖኩም ህምብናኩን፡፡ 28 29 28.-29. እን እስታኽ ንኼክ፡ጣኦታት ቤድይሳክ ብርልድር፡ላላቅሶክራልድር ዛኔይኒልድር ጌቤብስትኖ ግራ፡ጌሌ ምኩር ምቅስኔሊኩም፡ማንፋስ ሻክዲ ይናዲሲ ቃልሰትኩና እማ፡እንታ ፊኹሲ ኒልድ ታኬውዴናን ትክያኽ ኣርትኖግን፡ዳሕና እውንቴት፡፡ 30 ናው እንሻቅስኖሴና፡ኣንጾክያትል ጌምኑኽ፡እን ማሕቤርሲ እክብኖኻ እን ዳብዳቤራስ እውኑኩሎም፡፡ 31 31. ኣምባብድናሴኔኻ፡እን ናዴፍእድናድ ፋርሕኑኽ፡፡ 32 32. ይሁዳዲ ሲላስዲ-ኻ፡ናው-ኻ ናብያት እርጉኑ-ኽ፡እን ሻንሲ ፡ጌሪው ጋብ ማሖክንኩሎምክር ኣታባብዕድኑኩሎምክር፡፡ 33 ጌሪ ግርጋት ናዲ ፡ሓቄፍኖሴና እንሻንልድ፡ሳላምድ ስብድስኒኖ፡እንሻቃውል ዋንቴርኑኽ፡፡ 34 34. ሲላስ-ኻ ኒል ካብቲሮ ጃሬቡኽ፡ 35 35. ጰውሎስዲ ባርናባስዲ-ኻ፡ ኣንጾክያትል ሺሽኑኽ፡ጌሪው ኣሪውዲ ኣክኖ፡ቆል ጃሩኽ ማሃርዱኒኽር ኣቤሻርዱኑክር እርግኑኽ፡፡ 36 ጌሪው ግርጋት ዴምቢ፡ጰውሎስ ባርናባስቲ ላኽዋንቴርኒን እማ፡እንጃርቆል ማህርድናኹል ዕርዲራታት፡ሻንሊ ጌይእንንሎም፤ኣዋኺኔ ክም ዋንቲኔት-ኻ፡ ቃንንሎም፡ ይኑኽ፡፡ 37 37. እንሲን ባርናባስ እን ዮሃንስ ይስታኽ ማሪቆስቲ፡ናዲ ኣድኖሉ ጋሬቢኑኽ፡፡ 38 38. ጰውሎስ ና ናልድ ጵምፍላያትል ፌሌይሴኽ፡ናዲ ኮዶ ክድማትል እንትጋኽ ኣኽኔዲን ኣዴፌርድኖሉ እንኬሊኒ፡፡ 39 ኒሴቤትድ ናሹር ናሺር፡ሲርስትኒድናሲክ ናኔባክል ዋኻ ኣኹኽ፡፡በርናባሽ ማሪቆሽጺ ኣዶ ቆብሮስ ዶናክድ ፌሩኽ፡፡ 40 40. ጳውሎስኻ ሲላስቲ ፍሪሩኽ፡እንሻን ጌድ ጃርድ ዶክሶ እዎንክትሎም ፌሩኽ፡፡ 41 41. እን ማሕቤርሲ ኣቴባብዕዱኑ ሶርያዲ ቂልቅያዲትል ጅልውኑክ፡፡
1 1. ዴርቤንዲ ልስጥሬዲትል እንቱኽ፡፡እናሓን ፡ጢሞትዎስ ይስታክ ታሌይቱራ፡ላሪ ኣማኒት ኹራ ኣይሁዳዊራ እኺና ኒክርትሪ-ኻ፡ ጽርኣዊራ ኒል እርጉኽ፡፡ 2 2. ኒትኻ፡እን ልስጥራዲ እቆንዩምድ እርጌው ሻን ትክያኽ ማስኬርኖሉ እርግኑኽ፡፡ 3 3. እንሲን ጳውሎስ ኒዲ ኣድሮሉ እንካሉኽ፡ኒኽር ጽርኣዊራ ኣኬት ናውክ ኣርእኖ እርግኑክ እማ፡እኒል ማንዴርቴወ ዴጌጊት ህምባው፡ኣይሁድድ ማታን ኣዶ ሴማቴርኹሉ፡፡ 4 4. ናው ኒልቱና ዕርዲራ እን ሃዋርያትክር ሽማግሌታትክር፡ ዮርሳሌምሊ ሓጌግናክ ሕግታት፡ታኬውድኖ ኣዜዝኑኩሎም፡፡ 5 5. ኮዶ እን ማሕቤር፡ኒሴና እምኔትድ ቴቡኑ እርግኑክ፡ናሺብ ኮዶ ብራክሳኽሲክ ኮዱ እርጉክ፡፡ 6 6. ኤስያትል እንቆልሲ ድዋግኒን፡ማንፋ ሻትክ ጌቤቤሪትሎም፡ዴውሌት ፍርግያዲ ጋላትያዲድ ዴክኑኽ፡፡ 7 7. ሚስያ ጌይእና ሴና፡ቢታንያ ኣክራሲክ ፌርድኖ ፋቴኑክ፡ማንፋስ ዬሱስሩኽ-ኻ ፋቄድሌሎም፡፡ 8 8. ሚስያድ ዶክናሴና-ኻ፡ኮዶ ጢሮስ ጌምኑክ፡፡ 9 9. ጳውሎስ-ኻ፡ቂር ራኢ ቃልስትኹሉ፡መቆዶንዩክ ጊረዋኻ ዴውዮ፡ማቄዶያ ኣኽራሲክ ዴኪ፡ እማ እልሊና ዩንሲክ ሺዉሉ እርጉክ፡፡ 10 10. ኒ ራኢ ቃሌሳና፡ዋንጌል ሴቤክኖኩም፡ጃርክም እንሻቄትና ኣርእስትኹና፡፡ኒድኒድ መቆዶንያ ፌርኖ ጄራብኒኩን፡፡ 11 11. እንሲን ጢሮስትልድ ማርካብድ ፋርናሴና፡ትክይኖ-ኻ ሳሙትራኬ ቄንዕድኒክ፡፡ኒኣሜሪት-ኻ ንያጶሊስ ኣክራሲክራሲክ ፌርንኩን፡፡ 12 12. ኒልድ-ኻ ፊሊጲ ኣክራሲክ፡ንርኻ እን ቤና ዳውሌት ማቅዶንያ ጃቤራ ዕርዲራ ሓዲሴ ምልክ፡ሮማትሪ ግን፡፡እን ዕርዲሬትር ጌሪግርጋት ሓቄፍንኹን፡፡ 13 13. ሴምባር ግርጋኻ፡እንሻል ዕርዲሪኽ ፍንኹን፡እን ጼሎት እስታኹል ጋባ ዋራባ ጋባ ኮፍ ይንኹ፡ እን እኪን እክብሶ እርጋውሲ ጋብ ኒኩንሌን፡፡ 14 14. ሊድያ ይስትራሪ ኣኹና፡ጃርሲ ጉኢትራሪ፡እን ዕርዲሪር ትያትሪሪ፡ሴራኽ ሓሪር ትራ ክድሬሪ፡ሼኑርዱና እርግቲ፡፡እንጳውሎስ ዩእርጋውሲ ኣሳታብህልድቶኻ፤ ጃር ንርላቤካስ ብዱኹላ፡፡ 15 15. ንሪ ንርዕያልዲ፡ጤማቅስሮሴኔ-ኻ፡ክም ጃር ኣማኒት ኣካት ቃልድናኽርሌ ኣክዴናን፡ይንል ቱዱኖ ኮፍያ፡ይሮ ሺዊትና እማ፡ቃሴብቲና፡፡ 16 16. ኮዶ እን ጼሎት አካንሊ ፌርኑንሲክ፡ማንፋስ ጥንቃሊኽ ህምብሬሪላ፡ንርኣርዴድሲ ትንቁሌድ ጌሪኽ ሬብሕድሩሎም እርግሬሪ፡ ማሌክስሬሪ ካሌቤቲና፡፡ 17 17. ንርኻ እና ካው ኔን፡ ጋንሺን ክብያኽ ጃሩጉን፡ ዳርብ ዴኣኒክሲ ማሃርድድኖኩም እንኩኑኽ፡ ይሮ ጫርሕሩ፡ጳውሎስር ጉርጉርቤክር ይና ጉርቤዲ ቴላይቲ፡፡ 18 18. ኒሴና ይሩንሲካ-ካ ጊርጋት ጌሪው እሲቲ፡ ጳውሎስ ጎሃዮ ግልጮ እን ማንፋሲ ንርትልድ ፍሮ፡እዬሱስር ስምድ ኣዜዛኩንካ፡ እንኩኹን ይኹሉ፡፡ እማ እንማንፋስ ፊኽ፡፡ 19 19. ንር ኣርዴት ኮዶ፡ናኔፍዕሴና ኬታብሳና ቃልናሴና፡ ጳውሎስዲ ሲላስዲት ሽኑኩሎም፡እን ሴይምሊ ኣክራሲክ ዕዳጊል ዋቴርንኩሉ፡ እማ 20 20. ና ኬው ኔን ኣይሁድ ግናው፡ ይና ኬታማት-ኻ ኬዋቴናኽ እንኩኑክ፡፡ 21 21. ይን ሮማውያን ኬሌብርኖሉክር እሲኖሉክር ፋቄድስጋኩልና ሴርዓት ሴቤካናክ እንኩኑክ፡ ይኖ ሓላቁትል ናቅስኑኩሎም፡፡ 22 22. አን እክብሶ ህምባው-ካ ጉኑኩሎም፡እን እሕሉቅ-ካ ሴርናውሲ ጌፌፍኖ ሴናፌድ ክትካትድኖሎም ኣዜዝኑክ፡፡ 23 23. ጌሪው ጣምብናሴኔሎም-ካ፤ ማሕቡስሊ ቱስኑኩሎም፡እንታኬዋንታ ማሕቡሱክሲ ቴብዶ ቴካውሮሎም ኣዜዝኑኩሉ፡፡ 24 24. ኒ እና ትእዛዝ ኒስ ኬላብሬሳካ፡ እን ማሕቡስ ልና ዓንቃይሊ፡ ቱስኑኩሎም፡ ናልኩክሲ-ካ ጉንዳይሊ ቴብዶ እንሻውኩሎም፡፡ 25 25. ቂራ ቤሊን ኣኾሴና ጳውሎስዲ ሲላስዲ፡ ጃርሲ ሺዉኑ ዜማድ ሓሜዱኑ እርግኑክ፡፡ እን እንሻውሶ እርጌውካ ዋሱኑሎም እርጊኑክ፡፡ 26 26. ሃንዳቤትት ኮዶ እን ማሰተራት እን ልን ማሕቡሱኽ፡ ቴናዌጹክ፡ እን ብራ ጌሪክድ ሓንቄልቄሉክ፡ ኒድ ኒድ-ኻ እን እስስ ቤድሱኽ፡ ኒድኻ ንሽው ኻ እንክድሱክ፡፡ 27 27. አን ሓቤድሴውሲ ቴካዋኽ፡ ቴቤራቤሩክ ፡እን እስስ ልን ማሕቡሱ ብድሶ ቃሉኽ፡ እን እንሻውሴው ሽልቁራው ቴኪሴኻ፡ ሴፍሲ ፍዶኻ ኒርሕሲ ኩሮ ጄቢኽ፡፡ 28 28. ጳውሎስ-ኻ፡ናውክ ኔት ህምብናኩን እማ፡ ኩፉኩትሊ ሙቅላ እሴግ ዩ፡ ኒዳሃይሲ ክብሴ እንጫርጫሩክ፡፡ 29 ማብራህቲሬስ ናሕሌ ዮ፡ ጋኑ ትዉክ፡ ሬጃፉንሲክ ጳውሎስዲ ሲላስድድ ፍግም ይኩሎም፡፡ 30 30. ዴንኣብሊ ፍዶኻ፡ ይኣርዴት ድኣንያ ውራ እስያ ኣስታሃላኩንሌ ይኹሎም፡፡ 31 31. ናውካ ይና ኣዴራ ዬሱስድ እምኒ ኩዲ ኩልንዲ ዳኣንትኖግን ይኑኩሉ፡፡ 32 32. ኒዲ ኒንሊ ኒዲ እርግውዲት ናትክሲ ቆል ጃሩ ድዊንኩሎም፡፡ 33 33. እንሳዓት እንዲካ ቂርድ ኣዶ ናሌካንሲ ኣቃስኩሎም፡፡ እንሲ ኒዲ ኒዕያልዲ ጣማቅስኑክ፡፡ 34 34. ኒንሊ ፍዶሎም-ኻ ማኣዲራ ስክሱኩሎም፡ ጃርድ እምናዲን-ኻ ኒዕያልዲክ ፋርሕኑክ፡፡ 35 35. ብራ ክሴሳና-ኻ፡ እን ሑሉቅ ፡አን ካውሲ እንክሮ ፋሲሎም፡ ይኖ ንሽቃ እንሻቅኑኩሎም፡፡ 36 36. እን ሓቤስቴውሲ ታካዋክ፡ እን እሕሉቅ እንክድስትኖ እንሻቅኖ ህምባናክ፡ ናና ፋ ሳላምድ ካ ፌራ ዮ፡ ጳውሎስድ ናቆል ኒስ ድዊኩሉ፡፡ 37 37. ጳውሎስካ ይን ሮማውያን ኣክኑንሲክ፡ ፍርድ እንጌት ጉሁድድ፡ ኬትካትኖ ማሕቡስሊ ቱስኑኩና፡ ናኻ ትብታንማ ፋስድኖና፡ ናላውድ እን ትኖ ፍዲኒና ግራ ፡ ኒና ዋላ ኣኬጋኩን ይኩሎም፡፡ 38 38. እን ንሽቃ-ኻ ናጋርኒስ እሕሉቅድ ድዊኩሎም፡፡ ናውካ ሮማውን ኣኬናት ዋስኔሪት ጉኢትኒክ፡፡ 39 39. እንትኖካ ኣትሓሌይድኖ ፍድኑኩሎም፡ ዕርዲሬትልድ ፍድኖ ካ ሺዊንኩሎም፡፡ 40 40. እንሲን ማሕቡስልድ ፍኖ፡ ሊድዬር ልንሊ ትዉኑክ፡፡ እን ሻንሲ ቃልና ሴና፡ ማኻክኑኩሎ ኒልድክር ዶክኑክ፡፡
1 1. ኣምፊጶሊስድ ኣጶሎንያድ ይኖካ ተሰሎንቄ ትዉኑክ፡፡ ኒልካ ልን-ጾሎጽ ኣይሁድሩክ እርግቲ፡፡ 2 2. ጳውሎስኻ ኒኢማሴና ሴኻሴንቤር ክቱባንድ ናዲ ጋብስትኒክ፤ 3 3. ክርስቶስ ሳቄይሮኪርክሪልድ ግሮኪር ክምታግባኣትሉ፡ ናሴባካክልኩም ህምባክ ዬሱስ ክርስቶስግን ዬክካ ፡ቴርጎሜክ ባርህዱሎም እርጉክ፡፡ 4 4. ናልድ-ኻ ጌሪው እምኑኽ፡ ጳውሎስዲ ሲላስዲትል ሕባረርሲኒክ፡ ጌሪው ናጃርሲ ጉኢቴው ጽርኣውያዲ፡ እን ቤህሊን እኪንልድ እቅቱ ኣኽጋው ኒሴና እሲኒክ፡፡ 5 5. እን እምንጋው ኣይሁድ-ካ ቄንእኖ፡ እን ዕዳጊልድ ሙቁል ካው ኣድኑክ፡እክ እክብኖካ እን ዕርዲራት ካዌትንኩላ፡፡ ልን ያሶትካ ሓዳጋ ጌምኖካ፡ እን እክሊ ፍድኖሎም ጃሬቢኒክ፡፡ 6 6. ብኖሴንሎም ካ፡ያሶንዲ ጌሪው ይናሻንልድ እን ማካንንቲ እን ታንታሪው ዋንቴርኖ፤ ናኔን ኒትክ ዓሌምሲ ካዌታው፡ ናራኻ እንትኑክ፡፡ 7 7. ያሶን-ካ ጌሻሴና ካሌብሮሎም ህምባክ፡ ናው ናውካ-ኻ ኣዋጅ ቄሳርዱክዲ እንጣርሳክ እሳናክ፡ ዬሱስ ይስታክ ኣሪክ ሲምክር ህምባክ ያናክ፡ ይኑ ዋዕ ይኑክ፡፡ 8 8. ናው ኒስ ዋሴው ኬውዲት ማካንንቲድ እን እርዲሪውሲ ዳዌሽንኩሎም፡፡ 9 9. ዮሶናዲ ኣሪውዲት፡ ኣባ ቴካስኖ ካ፡ ሓዴግዎም፡፡ 10 ሻን-ኻ፡ ጳውሎስዲ ሲላሽዲጽ ኒድኒድ ቤር ኣክራሲክ ፌስንኩሎም፡፡ ኒል ጌይእኖሴና-ኻ ጼሎት ኣይሁዱክሉ ቱኑክ፡፡ 11 11. ናውኻ እንቴሳሎንቄ እርጋውልድ፡ ኪዳው ኣምራን እርግኒክ፡፡ናውኻ ጋር ንሴና ኣኬን፡ ኪሴራድ ኪሳራ እን ኩቱባንሲ ማርማሩኑካ፡ እን ቆልሲ ናቄልብዲክ ካላብርኑኩሉ፡፡ 12 12. ኮዶካ ግሪው ናልድ፡እን ካብራን እኪንልደ ጽርእን፡ ግርውክር ፡ ዕቅቱ ኣኽጌው እምኑክ፡፡ 13 13. ተሰሎንቄ እርጌው ኣይሁድ-ኻ፡ ጳውሎስ ካ፡ ቤርያትል ኮዶ ጃር ቆል ዲዌት ዋስናሴና፡ እን አክሲ ዜራግዶኖክር ካዌድኖክር፡ ኒል እንትኑክ፡፡ 14 14. እንሲን እንሻ ጳውሎስቲ፡ ባሕርሊ ኣክራሲክ ፋርዶ፡ እሽሽኖ ፡ ፋስኑኹሉ፡ ሲላስዲ ጢሞትዮስዲ ኒል ኬብቲኒክ፡፡ 15 15. ጳውሎስቲ ኣዴውኻ፡ ኣቴና ኣኽራሲክ ጌእሲኒኩሉ እማ፡ሲላስዲ ጢሞትዮዲ እሽሽኖ ሌኪንኑ፡ ያኽ ትእዛዝ ንል ሻኽኖ ዋንቴርኑክ፡፡ 16 16. ጳውሎስ-ኻ፡ ጫቤሩንሺክሎም፡ እን ዕርዲራ ጣኦትት እንሳክስረሮ ቃሎሴና ማንፋስ ኒክ ፡ሓውዩክ፡፡ 17 17. ኮዶ ጼሎት ልን ኣይሁዲ፡ ጃር ጉኢቴውዲ፡ ጌርግሺባ ኮዶ ዕዳጊል ኣሬሬክለም ሺባ፡ ጋብስትኑ እርጉክ፡፡ 18 18. ጌሪው ፊሎሶፋት (ኣምራን)ኮዶ፡ ኤጲቁሬዎስዲ እስጦይኮስዲ ኒዲ ጫሜድኑክ፡፡ ናቤሊን-ኻ፡ እና ዓጃው ውራ ቶክ ይሮ ጃሬባኩን ፡ ይኑክ፡፡ ቤሊና ኮዶ ዬሱስድ ጉኔድ ሳቤካኩሎም ኣኬዊድ፤ ሐዴይስ ኣማልክቲ ማህርዳክ ግራ ታካኹን ፡ ይኑኽ፡፡ 19 20 19-20. ጋር ጋሻይ ይና ዕንቁቅሊ ዋሲስራኩና ህምብራክ እማ፡እንቲ ጋብራክ ሓዲስ ምህሮ ዌራ እኬት ኣእኖሉ ጌራስናኩን፡ ና ጋር ዌራ ኣኬት ኣርእኖ ጋሬብናኩን እንኩኑኩን፡ ዩኑንሲካ ሻኽኖ ኣርስፋጎስ ኣክራሲ ኣድንኩሉ፡፡ 21 21.ናውክ ካው ኣቴናሩዲ ኒልእርጋው ጋፍርዲ ጋር ሓዲስንካ ጋብናዲ ዋስናዲ ኣኽጌት፡ እሪክድ ዋክት እርግሌሎምኒክ፡፡ 22 22. ጳውሎስካ ናቤክ ኣርዮስፋጎስ ዳው ዮኻ ዪክ፡ እንትን ካው ኣቴናሩ፡ ኒትክ ጋርሊ ኣምላክድና ኣማልክቲሩ ባጃክድድናት፡ ቃላኩንኩም እንኩኩን፡፡ 23 23. ጅልዉ ማቅዴስእንታክሲ ቃሉ እኩንሲክ፡ እርእስቴጋ ጃር ያክ ካቴብሳክኩሉ ቤዲክ ኣርኩን፡፡ እና ኣርግድግኒ ኣምላኽድዴናኽ፡ ኒት ኣን ድዋኩንኩም እንኩኩን፡፡ 24 24. እን እድንያዲ ኒርትል ህምባውዲት እሴኽ ጃር፡ ኒ ብራዲ ሴሜዲር ኣዴራጊን እማ፡ ናንድ እስቴክሊ ማንዴርታላኒክ፡፡ 25 25. ኒ ሂዌትዲ ትንፋስዲ ኒዊክሊ ኒውክ እዋኽ ግን፡ ጌሌ ቤኹስቴና ኣዳምር ናን ኣጌልጌዳሌሉኒክ፡፡ 26 27 26-28. እን ታቃኔዬውልድኩም-ኻ፡ ጌሪው ፡ ይን ጅንስ ጃሪግን ይኖ ዋኒኔት፡ ኒድክር ማንዳርትናኽር፡ ቴዋሳዌስናኹር፡ኒድግን ኮዶ ይን ህምብናክ፡ ኒኻ ላኽ ኣዳም ብራ ኣዌይሲ ኒልክ ማንዳርትሮዮ፡ ኒትክ ጅንስ ኣዳምሩክሲ ፋጤሩክ፡፡ ኒኻ ላክ ይናልድ ሺራጋኽ ዋኑንሲክ፡ ኣዉኣርእኩን ሃሴስይኖ እሬራኔሉ፡ ጃርሲ ጃሬቢድኖ ማታን፡ ናማናባብሮትካ ዋሴንሳክ ዋክዲ፡ ጌቤታክ ግንድዲ እሲኩሎም፡፡ 28 29 29. እማ ጌዲም ጅንስ ጃሩ አኽና ዴምቢ፡ ጃር ኣምር ኣርእንዲ ሓሳብዲ እስቴኽ፡ ዋርካዲ ዳህብዲ ዌሪ ክርና ታካኽ ይኖ ሓሴብኖ ኣስቴሃላናኒክ፡፡ 30 31 30-31. ጃር ዋክድ ዓዌድናሩክሲ ዶክሶካ፡ እን ክሪልድ ጉዳኩሉ እማ ኒትክ ኒድ እምናት ዉንሲክ ማዴባክ ጌርዋ፡ እድንያት ጭድቂሲ ፋሬዳኽላ ግርጋ ድኖ ዋኔት፡ናን ኒትክ ኣካንሊ ኣዪ ኣዳምክ ኒውክ ጥዒስሮ ድዋኽ እንኩክ፡፡ 32 32.ክራጊናድ ዋስናስና፡ናቤልን ቃቤብኑኩሉ፡ናጌሌኻ፡ናኒሳዲ ሓዲስድ ዋስኖሉ ጃሬብናኩን እንኩኑኩን፡፡ 33 33. ኮዶኻ ጳውሎስ፡ ናኔቤክሊድ ፊኽ፡፡ 34 34. ጌሪው ኬውኻ ቴሌይኑኩሉ እማ እምኑክ፡ናልድኻ እን ኣርዮስፋጎሱኽ ማኮንን፡ ድዮኒስዮስዲ ዳማሪስ ይስተሬሪ እኺና፡ ኒሴናኽር ኣሪው ናዲ እርግኑክ፡፡
1 1. ኒልድኻ ጳውሎስ ኣቴናትልድ ጌ ቆሮንጦስ እንቱከል፡፡ 2 2. ቅላውዴዎስ ናውክ ኣይሁድ ሮማትልድ ፍድኖ ኣዜዙክ ዝኣ ዋክድ እንዲስ፡ኒ ኣኺናዲ ጵሮስኪላ ጥልያንብራድ እንቱኽ ፡ ኣኪላስ ይስታኽ ኣይሁዳዊራ፤ ጶንተስኹ ኣሪኽ ኒልኻ ሕቤርሲክ፡፡ 3 3. እን ናክድማት ላእርጋኽ ኣኬውድ፡ ኬዴሙንሴናክ ናዲ ኮፍኽ፡ እን ናክድማትካ ሴኽና ኣብሉሪክ እርጉኽኽ፡ 4 4. ሳንቤርድሳንቤር ናጾሎትልንሊ ጋብስኑትኑ እርግኑክ፡ ኣይሁዲ ጽርኣውያንዲት ኣሬድእዱሎም እርጉክ፡፡ 5 5. ሲላስዲ ጥሚጥዮስዲ ፡ ሞቅዶዪልኻ ጌምኖሴና፡ ጳውሎስ ፡ እን ዬሱስ ክርስቶስ ኣኬት ፡ ኣይሁድድ ማስኬሩ፡ እን ቆል ክድማትድት ቴቦ እርጉኽ፡፡ 6 6. ናው ቴኻራኼኖሴናኩሎምኽር ጃኪኔሪትሎምክር፡ ኒሴሬንሲ ኬፍኬፎ፡ እንታብር እንታ ኣኸኣኼርሊ ኣኽኒ ኣን ላጪሕ ግን፡ ናንትልካ፡ ቆምያትል ፌሪያግን፡ ይኹሎም፡፡ 7 7. ኒልድ ፌኻ ፡ እን ቲትዮስ ዮስጦስ ይስታኽ፡ ጃርሲ ጉኢታኽ ግርዋ፡ኒልንኻ እን ጼሎት ልን ጋባ እርግሬሪትልኻ ትዉኽ፡፡ 8 8. ክሪስጶስ እን ማራሒራ ጼሎት ልኑክ፡ ናውክ ኒዕያልዲ ይና ኣዴራድ እምኑኽ፡፡ እንካው ቆሮንጦሱሊድር ጌሪው ዋስኖ እምኑኽር ጣማቅስኑኽር፡፡ 9 10 9-10.ይና ኣዴራኻ፡ ጳውሎስቲ ዋናብድ ቃልስትኹሉ እማ፡ እና ዕርዲሪል ካው ጌሪው ህምባናኩሌ እማ ጋቢ ትም ዪግ፡ ኣን ኩዲ ግነ እማ፡ ሙቅላ እሲሮካ ሱክራኩካ እላኒክ፡ ጉኢትግ፡ ይኹሉ፡፡ 11 11. ኒል ጃር ቆል ማሃርዱንሴናክ ኣሜሬዲ ዋልታ ኣርባዲ ኒላ ኮፍ ዩኽ፡፡ 12 13 12-13. ጋልዮስ ኣካያትል ምስሌኒኔትት፡ ሴያምሶ ዋኑንሲክ፡ ኣይሁድ ላተ ኣኽኖ፡ ጳውሎስትል ጉኑኽ እማ ሕጊ እንጌት ጃርሲ ኣምላኽድትኖ ካውሲ ምላክ እንኩክ ይኖ፡ ፍርድ ኣካንሊ ናቅስኑኩሉ፡፡ 14 14.ጳውሎስ ኒኣብሲ ብደሮ ጃሬቤሳና፡ ጋልዮስ ኣይሁድሲ፡ እንትን ኣይሁድ፡ ጌሌ ዓማጭና፤ ዋሪ ጋሌ ባዳን እሴኽ ኣካን፡ ሃዴኦውስያኩም ኣስታህሉሌ እርጉኽ፡፡ 15 15. ካሓድስና እንታክ ቆልዲ ሲናዲ፡ሕጊዴ ኣኬን ፡ኣን ናጋርኒል ፋራዲራ ኣኺያ ጃሬብሊ እማ ፡ እንታላውድ ኣርእድኑክ ይኩሎም፡፡ 16 16. እን ፍርድ ኣካንልድ ዳጌንኩሎም፡፡ 17 17. ናውካ ሶስቲኖስ እን ማራሒራ ጼሎት ልንሲ፡ ሻኽኖ ላት ኣኽኖ ፍርድ ኣካንሊ ጤዓምብኑኩሉ፡፡ ጋልዮስኻ ኒስ ዌላኬባር እሲሌሉኑክ፡፡ 18 18. ጳውሎስካ ኒዴምቢ ጌሪው ግርጋት ኮፍዮ ዴምቢ ፡ኒሻንልድ ስብርሱኽ፡፡ ጼሜባጽዕና እርጋኩሉ ኣክናዲን፡ክንክሬኣትል ኒኣኬርሲ ሊሽቴሳና፡ ጵርስቂላዲ ኣኪላስዲ ማርካብድ ሶርያ ፌርኑኽ፡፡ 19 19. ኤፌሶን ጋይእናሴናኻኻ ናት ኒል ባሮሎም፡ዶ ጼሎት ልን፡ ኣይሁዲ ጋቢሱ እርጊኽ፡፡ 20 ናውካ ጌሪው ግርጋት፡ ግጅሮ ሺዊንኩሉ፡ ንኻ ጉሹኩሎም፡፡ 21 21. እና እንታራኽ ባዓሊ፡ ሃቤኽስክ ሃብ ዮርሳሌምትል እርግያ ቴጋባኣኩሌ፡ ጃርዬን እንቴል ዋንታርያጊን፡ ዮኻ ስብድስትኒኹሎም፡ እፌሶንትልድ ማርካብድ ፌሩኽ፡፡ 22 22. ቄሳርያትል ጌይኡኽ፡ ኒልድ ፌ፡ ማሕቤርሲ ሳላም ዮሴና፡ ኣንጾክትል ጌሙኽ፡፡ 23 23. ጌሪው ጌርጋት ኒል ሓቅፋሴናኻ፡ ኑልድ ቴርዮካ ናትክ እን ታሌይቱትሲ ኣጼናንዕድኹሎም፡ ድውሌት ጋላትያዲ ፍርግያዲ ቴርቴሪሲ ጅልዉኽ፡፡ 24 24. ላኽ ኣምር ኣጵሎስ ኒሱን ኣይሁዳዊራ ፡ እስክንድርዩኽ፡ ክቱብድ ስልጡን ግርዋ፡ ኤፌሶንሊ እንቱኽ፡፡ 25 25. ጃር ዴርብሲ ማሃርሳኽ እርጉኽ፡ ጥምቃት ዮሃንስሩኽ ካያ ኣርኣኽ ዋኑንሴናክ፡ ማንፋስድ ብሮ፡ እዬሱስር ኔጌርድ ትክሴ ማሃርዱ እርጉኽ፡፡ 26 26. ንኻ ጼሎት ልንሊ ትብዓትድ ማሃርድሮ ቴርሲኽ፡፡ ጵርስኪላስዲ ኣኪላስዲ ዋስናሴናኻ ፡ኣድኖ ጃር ዳርብ ቲክሲኔ ኣሬድእድኑኩሉ፡፡ 27 27. እን ኣካያተትል፡ ዴክሮ ጄሬቤሳካ፡ እንሻን ኣታባብዕድኑኩሉሉ፡ እንታሌይቱካ ካብርድኖሉ በካቴብንኩሎም፡፡ ኒል ጌይእናሴናኻ እን ኣሜንቲት፡ ጌድ ጃሩኽድ ጌሪኽ ናፍዕኑኹሊም፡፡ 28 28. እዬሱስ ኒ ክርስቶስ ኣኬት ኩቱባኒድ ቋሊሱ፡ ኣይሁድሲ ግሁድድ ናትካ ጃብል ትክሴ ቂሉሎም እርጉዅ፡፡
1 1.ኣኽን ግራ ኣጵሎስ ቆሮንጦስትል ዋኑ፡ጳውሎስ እን ኣዋኹ ዱለትድ ዶኰ ኤፌሶንትል እንቱኹ፡ብጅኽየው ታለይቱት ኣሩኹ እማ። 2 2.እምንድነሰና መንፈስ ሻትክማ ከለብርድኑኹን ይኹሎም ? ናዋኻ ኢፋልና መንፈስ ሻትክ ዋነት ድዃ ዋሲኒ ይኖ ወንተስንኹሉ። 3 3.ንኻ ኣወያኹ ጥምቀትድ ደአም ጠመቅስድኑኹን ይኹሎም ? ናውኻ የውሃንስር ጥምቀትድ ይንኹሉ። 4 4.እንሲን ዮውሃንስ ታዲ እንኒደንቢ እንተራኹድ ማለት ዮሱስ ክርስቶስድ እምንድኖ እን እክሲ ድዉ ጥምቀት ንንሕስትኒኹ ድግን ንጠመቅዳኹሎም። 5 5.ኒስ ዋስነሰና ስጙ ይናደራ ኢየሱስ ክርስቶስርኹድ ጠመቅስኑኹ። 6 6.ጳውሎስ ኒናናሲ ገምደሰነክሎምኻ መንፈስ ሻትክ ናል ገሙኹ።እንሲን ኣሪ ጋብድ ጋቢኒኹር ተነበይኑኹኽር። 7 7.እን ከው ናውክኻ ሽከለጛ ኣከው ኣርግኑኹ። 8 8.ጾሎት ልጝንሊ ዔሶ ሜሪ ጃሩኹ ሰበትድ ድዊኹሎምኽር ፈሀምድኹሎምኽር፡ሰዃ እርበስ ሓጠርድ ጋቡሎም እርጉኹ። 9 9.ገለ ብጂኽየው እንደርብሲ እን እክ ጃብሊ ጂብዱኑኽር ተብኖ እምና ጉሽነሰናኽር ናልድ ሸሊቱኹ።እን ታለይቱትሲ ፈለዮ ክሰረድ ክሰራ ልጝን ሚህሮሩዅ ጢሮስትል አዀ ጋቡሎም እርጉኹ። 10 10.ኒን ኤስየትል እርገው ናውክ ኣይሁዲ ጸሪኣውያንዲ እን ቆል ጃሩኹሲ ዋስድናሲኩሉ ለጛ አመራ ካምል ተለለዩ ፈሩኹ። 11 11.ጃርኻ ጳውሎስር ናናድ ገሪው ናት ናቱ ተኣምር እሲኹ። 12 12.ኒዳግልድ ኒሰረነስ ኣድኖ እን ሽኹሽቶ ህምበውሊ ገምደናኲሎም እማ ናሹኹዳ ባረኩሎም፡ሙቁል መናፍስትኽር ናልድ ፉኑ እርግኑኹ። 13 13.እን ጥባስ እሱኑ ጅልወው ኣይሁድኻ ገሪው እን መንፈስ ምቁሊኹ ሃደረውልምሲ እን ጳውሎስ ሰበካኹሉ የሱስድ ሸሪስነኩንኩም እንኩንኹን ይኖ፡ሱጝ ይናደራ እየሱስ ክርስቶስሩኹሲ ሽጚስድኖሎም ፈተኑኹ። 14 14.እን ኒስ እሰውኻ፡ለጛታ ቁር ላኹ ኣስቄዋ ይስታኹ ኣይሁድሩኹ ከዳ አዋዅድ ቁር ግን። 15 15.እን መንፈስ ምቁሊኹኻ የሱስቲ ኣርእኹንሉ ጳውሎስትኻ ከተሊሉ፡እንቲንኻ ኣውረው ግን ዮ ወንተስኹሎም። 16 16.እን መንፈስ ሙቅሊኹ እርጋኹሉ ኣዳምኻ ኣዶ ጋጚኹሎም፡ካያ ኣኽኖ ለኸንትኖ እን ልጝልድ እግርድናሲ ለጛ ናልድ በደራሪን ዮ ቂልሲስኹሎም። 17 17.እና ጋር ኒን እን ኤፌሶንትል መንደርተው ኣይሁዲ ጸርኣውያንዲ ናትከል ኣርእስቱኹ፡ናትከልኽር ጒኢ ገምኹሎም፡ስጙ ይናደራ የሱስ ክርስቶስሩኹኻ ሐመድሱኹ። 18 18.እን እምነውልድኻ ገሪው እን እሲነውሲ እምኑኑኽር ድዉኑኽር እንትኑኹ። 19 19.ገሪው ጠንቋሎ ናክታባትሲ እክብኖ ናትካ ጃብል ሓውሲኑኹሉ።ናኣረኻ ሺብስተሰና፡ኣንኩረጝን ድሪም አኸ አርሱኹ። 20 20.ቆል ጃሩኹር ናኸ ሒልድ ኩጝኹር ተቡኹኽር። 21 21.እና ጋርኒን ድጙስተሰና ጳውሎስ መቆዶንየዲ ኣካየዲሲ ደኮ፡ዮርሳሌምትል ፈርዶ ኒ መንፈስድ ሓሰቡኹ እማ፡ኒል ጌየሰናኽር ሮሜትኽር ቋልየላ ሸኹን ዩኹ። 22 22.ለጝ ኒካበንቲልድ፡ጢሞቴዎስዲ ኤራስጦስንዲት መቆዶንያትል ፈስኹሎም።ንኻ ኤስየትል ገሪ ኣርፍፍ ድዩኹ። 23 23.እን ወክት እንዲል እና ጋር ንድ ገሪኹ ዕግርግር ኣኹኹ። 24 24.ዲሜጥሮስ ይስታኹ ላኹ አርጤመሲ ኣከኹ መቅደስ ወርኪኹ ከደማኹ እን ሸኻ ከደመውሲ ገሪው ከሰብዱሎም እርጉኹ። 25 25.ነዲ እን ናክድመትድ ሕበርሰውሎምኽር እክቦ ንሰና ይኹሎም፡ይሀው ይን ነፍዕስትናኹ ና ክድመት ኒልድ ኣከት አርእድኑኹ እንኩድኑኹ። 26 26.እና ጳውሎስ፡እና ናንድ መሀድሰውሲ ኣማልኽቲ ኣኽኒ ዮ ኤፌሶንትል ካያ ኣኽጊ ንርትክ ኤስየትል ገሪው ከውሲ ከም ሰሓደትኺር ከም ለብደትኽር ቋልደነኩር ዋስደነኩር እንኩድኑኹ። 27 27.እን ንርውክ ኤስያዲ ንርውክ እድንየዲ ኣምለኽደውላ በህሪ ኣርጤምስ መቅደስ ብላሽ ሺብስትጊን ንር ክብርኽር ለተቅ ይጊንኽር ጋራ፡ይነ ኪድመት ቀንጠብስጊን ካያ ኣኽላ ጒኢሶና ህምበዅ። 28 28.ኒስ ዋስነሰና ሰቑደምስነድ እንተኽትኑኹ እማ ናደሀይሲ ክብሲነ ኣርጤምስ ኤፌሶን ድኮውሲ በህሪ ግን፡ዩኑ ውጭጭኑኹ። 29 29.እን ዕርዲረትልኻ ዕግርግር ኣኹኹ።ጋይዮስዲ ኣርስጠርኮዲ መቆዶንየሩ ጳውሎስር ጨርሲ ጐሰሱኑ ላገሽ እን ጐልያ ኣካንሊ ጋጚኒኹ። 30 30.ጳውሎስ እን እክ ነበክል ቱሮ ጀረበሰና እን ኣለይቱት ገብንኹሉ። 31 31.እን ኒእንከለንቲ እርገውልድ በህሊን አስዪውልድ በልጝኻ እን ኣካን ጐልዪኹል እንትጊን እንሸቅኖ ሺዊኒኹሉ። 32 32.እን ዲባ ዕግርግር ዩኑ እርግኑኹ እማ እና ብጅኽር ውራ ሰበትድ እክብስኖ ዋኒነት ኣርኡኑ እርግኒ እማኻ ናበልጝ ንሰና ናበልኝ እንድሰና ዩኑ እርግኑኹ። 33 33. አይሁድ እስክንድርዮስቲ ጃብራ ኣኽራሲ ደረክነሰነሉኻ፡እንደን እንከው ነበክልድ ወተርንኹሉ።እስክንድርዮስኻ እን እክሲ መጐትሮሎም ጀረቤ ኒናንድ ሓበርኹሎም። 34 34.ኣይሁድሩኹ ኣኸት ኣርእነሰናኻ ኤፌሶንዱር ከው ኣርጤሞስ በህሪ ግብ ዩኑ ናውኩ ላቆሉድ ኣኽኖ ለጛ ሰዓት ኣከኹ ውጪጭኑኹ። 35 35.እን ዕርዲሪኹ ካትባይ እን ኣክሲ ሃዳእያ ይኹሎም፡የሀው ኮው ኤፌሶንሩዲ ዕርዲራ ኤፌሶንሩዲ እን መቅደስ በህሪ ኣርጤምስርኹ እን ሰሚልድ ገማኹ ንምስሊዲ ከም ተከውረት ኣርእጋኹ ኣዳም ኣወያኹ ግኒ። 36 36.እማ ገድም ኒን በረይሰጋኹ ጋር ኣዀ ደንቢ፡ሃዳእይትኖ ሃወክስድኖኽር ላጋር እሲትኖ ተገበኣኹኩም። 37 37.እና ከው ነን እንታ ሻትክ ልንሲ ስወግኒን እንታ ጃርሲኽር ጀኸግኒ ግን ናዕስድኖሎም ህምብደናኹ። 38 38.ዲመጥሮስዲ እን ኒዲ ከደመውዲ ጋር ክመነን ግርጋ ዲቢኹዲ ምስሌናታተኹዲ ህምበኩሎም ናሹናሹ ሸከዪኒን። 39 39.እና ጉድናኹሉ ጋብ ኣሪ ጋርድ ኣከንኻ እን ሰርዕስቶ ህምባኩ ዲቢል ቀረጭስኒ። 40 40.እና ዕግርግር ንድ ሰበብ ሻኽግናኽር እኽነውድ እና ንኪ እስነኹ ታዕታዕድኽር ሽከይስግኒን ጒኢትናኩን እንኩኹን። 41 41.ንሰና ዮ እንዲበስ ፋሕሲኹሉ።
1 1.እን ታዕታዕ ደኮሰና ጳውሎስ እን ታለይቱትሲ ሽጞ መዀኹዅሎም፡ተፋነዮሎምኻ መቀዶንየትል ፈርዶ ተርዩኹ። 2 2.ገሪው ቆልድ መዀዅሎምኻ እን ዕርዲረት ጅልዎ ጼርኢትል እንቱኹ። 3 3.ንርትል ሴኻ ኣርባ እሴሰና ሶርየትል ዶናክድ ፈርዶ የመሞ ዋኑ ኣይሁድ ሰብብ እስውድሉ ኣኸውድ መቆዶንየሲ እሰ ወንተርዶ የመሙኹ። 4 4.ኤስያ ኣኽራሲክ፡ሰጳጥሮስ ጲሮስ ኹራ ቤርያ ሩኹ ፡ኣርስጠርኮስዲ ሴኮንዶስዲ ተሰሎንቀሩ፡ጋይዮስ ደርበንድኹዲ ጢምቴዎስዲ፡ኤስያትልስድኻ ቲኪቆስዲ ጢሮፊሞስዲ ተለይንኹሉ። 5 5.ነን ይና ጃብድ ደክኖ ጢሮስትል ጨበርንኹና። 6 6.ይንኻ በዓል ቅጨሪኹድ ደንቢ ፊሊጲትልድ ዶናክድ ጉኖ ኣንኳ ካረድ ጢሮስትል ናል ጌይንኹን።ንርትል ኮዶ ለጛታ ኳራ ሓቀፍንኹን። 7 7.እንሰልፍ ኳራ ኡናሩኹሲ ሳንሰዓ ሸረፍኖ እክብስኖ ዋኑኑ ጳውሎስ ኒኤመሪት ብርፍይሮ ሐሰቦ ጋቡሎም እርጉኹ።ኒ ጋቡን ጒሲኻ ቂረበልጝ ኣኽታሲ ሺሽድኹ። 8 8.እን እክብስኖሉ እርግናኹሊ፡እን ኣዋኹ ሮሻንሊ ገሪው ቲዃ በርሁ እርጉኹ። 9 9.ኣውጢኮስ ይስታኹ በጢሕ ሕጒል ኮፍዮ ዋኑ ተቃኹ ጅሙኹ ኣድኹሉ።ጳውሎስ ኒጋብሲ ሺሽደሰናኻ ጅምኹ ቂሎሉ ሲዀር ሮሻንልድ ስቆት ለቡኹ፡ክሮኻ ጉድንኹሉ። 10 10.ጳውሎስ ገሞ ኒዳግል በጥይኹ፡ሐቆፎኻ ኒፊኹት ኒዲ ህንበቲ እማ ዋጭዋጭ ይጋ ይኹልም። 11 11.ዓሮጐኻ ሳንሰዓ ሸረፎ ቂኹ፡ብራ ክስራሲክ ገሪው ጋበሰነክሎምኻ፡ኒልድ ብርፍይኹ። 12 12.እን ቁረስኻ ኒሽርወድ ናዕስንኹሉ እማ ገሪኹ ደፍእኑኹ። 13 13.ንጝ ሰልፍድ ዶናክሊ ቱኑዅን፡ጳውሎስ ብረድ ብራ ፈርዶ ጀረበ ኒት ከለብርኖሉ ሓሰብንኹን። ኒሰና ኣዘዞና እርጉ እማ ኣሶስንድ ይኖ ደኩንኹን። 14 14. ኣሶስትል ኣረርስነሰና ከለብርኖ፡ከለብርኖሉ ሜጢሌኔትል እንትንኹን። 15 15.ንር ኣመሪትኻ ንርትልድ ዶናክድ እስኔ ክዮስር ቅብሊር ገይእንኹን።እን ሊጘር ኳሪልኻ እንዶናክሲ ሳሞስትል ደውስኒኹንላ።ኒአመሪትኻ ሚሊጦስትል ቱኑኹን። 16 16.ኣከነሉታ ጳውሎስ ባዓል ኣንኲረንድኹሲ ዮርሳለምትል ኣብዓልድሮ ኣሸሾ እርጉኹ እማ ኤስየትል ኣደጊን ዮ ኤፌሶንትል ቲጒን የመሙኹ። 17 17.ሚሊጦስትልድ ኤፌሶንትል እንሸቆ እን ሽማገለታት ማሕበሩስ ኒል ሽጙኹሎም። 18 18.ኒል እንትነሰኻ ፡ይኹሎም እን ኤስያትል ትወሪላ ሰልፋ ካረትልድ ተርሴ ዲማ እንተዲ ኣውሰና እርገት እንትን ኣርእድኑኹ። 19 19.ኒድክ ሃዳአትድኽር ገሪ እርጙድኽር ኣይሁድር ሰበብድ ጌይኣኹለ ፈተነዲ ይኣደረስ ኣዋህ ኣገልገልደትሉ፡ 20 21 20-21.ኣይሁዲ ጸርኣውያንዲ ጢዒስኖ ኣዋህብቢኔ ጃርሊ ወንተርድኖ ይና ኣደራ የሲስ ከርስቶስድኻ እምንድኖ መስከሩ፡ነፍዓኹሲክኻ ሰበኩሎም ዲቢል ኣኽን ልጝንሊ እኽን እንተት መሄርድኒልድ ወላ በዀርሊ። 22 23 22-23. ናንኻ ነሓን ኣን መንፈስድ እንሸውሶ ዮርሳለምትል ፈረኩን እንኩኹን፡እን መንፈስ ሻትክድ ንሽወዲ ጅርበዲ ዲሮካ ግን ዩንጉሲ እንታ ታንታርዋትሊ ድውስቴኹለ ህምባኹ ኣከገን ዮርሳሌምትል ውራ ኣረረትለ ኣርእሊ። 24 24.ይጋጝነዲ ይነአደራ የሱስትልድ ከለብረሪላ ንሽቃ ተመምድያ፡ወንጌል ገድ ጃሩኹ ድዉ ይርሕሲኽር ይገፍድ ይርሕሲ ሑሹሚርሰና ሀበ ቋለሊላ። 25 25.ናንኻ ናሓን ጅልው እንተድ ናትክድ ሜሪ ጃሩኹ ድዊኹንኩም።ገድም ንደምቢ ይገሺ ከም ቋለግደነት ኣርኦ ህምበኩን። 26 27 26-27.ኒዉክ ኮድና ጃሩኹሲ ድዊኹንኩም ድራ ከብሰኹኩ ሻኽሊን እማ ናትካ ብርልድ ላጪሕ ኣኸት ድዋኹንኩም እንኩኹን። 28 28.እማ ገድም እንተሹሺኽር እን ኒብርድ ተበባኹላ ኒማሕበር ይና ኣደሪኹሲኹር ምቃቅርትኖ መንፈስ ሻትክ አጲስቆጶሳት እሰ ኒል ሲማኹኩም ኒትክ ምቃቅርሰውሲ ምቃቂ። 29 29.ኣን ፈረሰና እን ምቃቅሲ በርኣገው ተኰሊት ከም እንተረነኩም ኣርኦ ህምበኩን። 30 30.ኒታለይቱት ኒጉርጉርበት ፈርድኖር መታን በዳን መሄርደው እንተልድ ጉድኖግን። 31 31.እማ ገድም ሴኻ ኣመራ ካምል ቂርዲ ገርክዲ እታላኹ ላኹዲሲክ መዀኹና ከም በኾርድገትኹም እልብርዱኑ ሓየምስጋ። 32 32.ናንኻ ጃር እን ከደምኹኩም ናዉክ ሻትካንዲ ለውሮኹም ገረሳኹ ኒቆል ገድኹድ ዓየብደኩንኩም እንኩኹን። 33 33.ወርካ ኣኽን ወሪ ደሀብ ወሪ ሰረና ላኹልድ ድኳ ጀረቢሊ። 34 34.ይዲ እን ይዲ መንደርተውዲ እና ይናናትት ከም ከደምነት እንተላውድ ኣርእድኑኹ። 35 35.እን ይናደራ የሱስ ኒላውድ ከለብርኒልዳ ኡና ገሪኹ ኮዳኹ ይእኩሉ ቆልሲ እልብድዱኑ ፡ናህብርደ ከደምነዲ ቂልሰውሲ ናበይነዲ ከም ጀረብደት ኒድክድ ቋሊስዅንኩም። 36 36.ኒስ ዮሰናኻ እብርኽ ዮ ናትክዲ ሕበርሰ ጠልዩኹ። 37 37.ናዉክኻ ገሪኹ ስሪኒኹ፡ጳውሎስቲኻ ኒከስድ ልልቅሲነ ሰለምንኹሉ። 38 38.ኒድክልድኻ እንወንተርድኖ ይገሺ ቋልደኒኒ ያኹሎም ቆልድ ገሪኹ ጐሃይንኹ፡እን ዶናክትል ኣኽራሲክ ስብድኑኹሉ።
1 1.ኣኹኽኻ ናልድ ፈለይስኖ ዶናክድ ብርፍይነሰና፡ይና ደርብ ቀንዕድኖ ቆስትል እንትንኹን።ኒብርክስነድ ሮዳስ፡ኒሰናኽር ጳጥራስትል ጌይንኹኝ። 2 2.ፊንቄትል ፈርደሪ ዶናክ አርነሰናኻ ንርድ እስነ ብርፍ ይንኹን። 3 3.ቆጵሮሲ ቅብሊስኖ ቋልነሰነላ፡ይና ሸንገብድ ባርኖላ ሶርየትል ኣኽታሲ ይንኹን።ሙኹር እን ዶናክሮኹ ጢሮስትል ገማኹ እርጉኹ እማ ንርትል ቱኑኹ። 4 4.ታለይቱት አርንኹን እማ ንርትል ለጛታ ኻራ ሓቀፍንኹን።ናው መንፈስ ሻትክድ መርሕስትኖ ጳውሎስቲ ዮርሳሌምትል ፈርጊን ድዊኒኹሉ። 5 5.ኣኹኹኻ እን ግርጋስ እንደስ ደኩስነሰና፡ብርፍይኖ ፍንኹን።ንዉኩኻ ናእኲንዲ ናቊርዲ ኣኽኖ እን በራ ዕርዲሪኹሊ ኣኽራሲ ስብድንኹና።እን ሸልል በሐርሊ ኣኽኖክእ እብርክ ይኖ ጠለይንኹን። 6 6.ይነሹርሹ ኣጀርጋ ይንትጝነኻ እንዶናክሊ ዓረግንኹኑ፡ናውር ናልጝንሊ ወንተርኑኹ። 7 7.ይንኻ ዶናክድ ፈርነስ ድጝነሰና ጢሮስትልድ ጲተልመዮስትል ጌይንኹን።እን ሻንሲ ሰላም ይኖኻ ኣዲ ላግርጋ እርግንኹን። 8 8.ኒብርክስጛድ ንርትልድ ፍኖ ቂሳርያትል እንትንኹን።ፍሊጶስ ወንጌላዊረል ልኝሊ፡እን ለጛተትልድ ላኹ እርጋኹሊ ቱኖ ኒል ሓቀፍንኹን። 9 9.ኒ ትንቢት ጋበው ሰጃ ደናግል እንቃቕ እርግንኹሉ። 10 10.ገለ ግርጋት እስነሰና ጋይዮስ ይስታኹ ነቢ ይሁደትልድ ገሙኹ፡ 11 11.ይነል እንቶኻ ቅናት ጳውሎስሩኹሲ ኣዶ ኒናንትዲ ኒልክክዲት ኒድ እንሸዉኹ እማ እና ቅናት ንሂር ኣደረስ ኣይሁድ ዮርሳሌምትል ንህቢነ እንሸውኖ ቆምያት ናንሊ ድኩስኖ ኡድኖሉግን ያኹ መንፈስ ሻትክ ይኹሎም። 12 12.ኒስ ዋስነሰና ይነዲ እድገቁርዲ ዮርሳለምትል ፈርጊን ሲውኒኹንሉ። 13 13.እንሲን ጳውሎስ የሀው ስርደነኽርኽር ይለበከስ ከርደናኽርኽር ውራ እስደናኹን እንኩድንኹን፡ስጙ ይናደራ የሱስ ክርስቶስርኹ ሰበትድ ዮርሳሌምትል ክረድኽርግን ግራ ንሽወድ ካያ ኣኽሊኒ ደለሞ ህንባኹ ዮ ወንተስኹሎም። 14 14.ዋስና ጉሸሰነክናኻ ጃር ፍቓድ ኣኽኒ ይኖ ሃዳእ ይንኹን። 15 15.እና ግርጋ ንደንቢ ደለምኖ ዮርሳሌምትል ፍንኹን። 16 16.ገለ ብጅኽየው ታለይቱትኻ ቂሳርየትልድ ይነዲ እንትኑኹ፡ምናሶን ቆጵሮስዱኹ እማኒኹ ታለይቱረትል ቱኖኻ መርሕንኹና። 17 17.ዮርሳሌምትል እንትኖሰናኻ እን ሻን ፈርሐትድ ከለብርንኹና። 18 18.ኒብርክስነድ ጳውሎስ ይነዲ ያቆብትል ገይኡኽ።ናውክ እን ሽማገለታትኻ ኒል እክብስኑኹ። 19 19.ሰላም የሰነክሎምኻ ፡ጃር ኒኣገልግሎትድ ቆምያትሊ እሰኹሲ ላኹ ላኹድ ጠለለይድ ድዊኹሎም። 20 20.ኒስ ዋስነሰና ጃርሲ ሓመድኖ፡ይንኹሉ ዎ ይናዳን ኣይሁድትልድ ውሪከው ፍላሳ ከም ደኣነት ቋልዳኹ እንኩሩኹ ናውክኻ ፍትሕድ ቀንአት ሸኽኑኹ። 21 21.ቆምያት ነበክል ህምበው ናውክ ሙሴትልድ ሺርድኖ ናቁር ሰመተርስግኒ ናፍትሕድኽር መንደርትግኒን ከም መሀርድረት ዋስኖልካ ህንበነኩ። 22 22.ኩእንተርነስ ዋስኖ ናዉኩ እክክብስግኒ ከብቲድኖ ኣኽኒ እማ ውራ እስቲን። 23 23.እማ ናይን ይናኹሲካ እሲ፡መብጸዓ ሻው ሰጃ ግርዋ ህንበነኩ፡ 24 24.ኩዲ ኣዲሎም እማ ናዲ ነስሕስቲ። ናኣዀርሲ ሊሽትድኖ ናአብሊክ እንቲ ኣደኽዲሎም።እንሲን እንቲ ኩላውድ ድኳ ፍትሕሲ ከም ተከዉ ወንተተርደትኽር እን ኩሰበትድ ዋስናኹሲ ኒዉኹ ብላሽ ኣኸት ናዉክ ኣርእድኖግን። 25 25.እን እምነው ቆምያት ሰበትድኻ ኮድጙነ ጣዖትድ በረኽሳኩዲ ብርዲ ለለቕሰኹዲ ፋይትነዲትልድ ሓረምስድኖ ኣዘዝኖሎም ህምብናኹ። 26 26.እንሲን ጳውሎስ እን ከውሲ ሸዀ ኒብርክስጛድ ናዲ ነስሕስተሰና፡ላኹኩ ኒሰደቀት ስኩስሮ ናለጭሕና ግርጋ ከም ተመመት ድዊሮ ሻትክ ልጝንሊ ትዉኹ። 27 27.እን ለጛታ ኳራ ተመምሮ ስኩረሰናኻ ኤስየትልድ እንተው ኣይሁድ ሻትክ ልጝንሊ ቋልነሰነሉ፡ናዉክ እን እክሲ ዕግርግርሲነ ናናትትሲ ጠለቅኖ ሸኽንኹሉ እማ፡ 28 28.የው ኰው እስራኤልዱ፡ላኻ ካበና።እን ኣዪ ዱለትሊ እና ኣክንዲ እና ፍቲሕ ንዲ እና ኣካን ንሂዲ ተሰማማዓገኹ ናትክ እክሲ መሄርዳኹ ግርዋ ኒን ግን።ኒድ ኣወይሲኻ ጸርኣውያንዱስ እና ሻትክ ልጝንሊ ቱሶ እና ሻትክ ልጝንሲ ረኸስዳኹሉ ይኖ ጨርሕኑኹ። 29 29.ስልፍ ጥራፊሞስ ኤፌሶንዱኹ ናዲ ዕርዲረትል ቋልኖሉ እርግኑኹ እማ ጳውሎስ እን ሻትክ ሊጝንሊ ቱሳኹሉ ተከሎም እርጉኹ። 30 30.ንርዉክ እንዕርዲራ ዓገርገርኑኹ፡ኣኹኹኻ እክብስኖ ጳውሎስቲ ሻትክ ልጝንልድ ከደን ወተርንኹሉ።ኒድ ኒድኻ እን እድሲ ኣበድንኹሉ። 31 31.ኩድኖሉ ጀረቢነሰናኻ ንርውክ ዮርሳሌም ከም ረበሽትረት እን ሲም ስሑኹሊ ጋብ ጌይኹሉ። 32 32.እንሲን ጭፍራ ናሓላቁዲክ ሸኾ ናል ኣኽራሲ ጋጚኹ።እን ሲም ስሒኹዲ ኒጭፍረዲት ቋልነሰነኻ ጳውሎሲ ጣዓንብነስ ባርኑኹ። 33 33.ኒደንቢ እን ሲም ስሒኹ ስኩሮ ሸኺስኹሎም፡ለጛ ሙቁሕድ እንሽውድኖሉኻ ኣዘዙኹ፡ኣውኒ ኣከትኽር ውረኒ እሰትኸር ወንቀሩኹ። 34 34.እን እክ ናሶጥሲ ክብሲነ ናበልጝ ንሰና ናበልጝኽር ንሰና ዩኑ እግኑኹ።እን ጭራሕ ሰበተብ እን ኣኸውሲ ዋስና ብነሰናኻ እን ኣካንሊ ጌሲድኖሉ ኣዘዙኹ። 35 36 35-36.ገሪው እክኻ እንደረይሉ ይኖ ጨርሑኑ ተለዩኑሉ እርግኑኹ እማ እን ዓረጊሰኒል ጌዮሰና እን እክብሰው እክ ጐድግኒኒ መታን ይኖ እን ጭፍራ ምኹርንኹሉ። 37 37.እን ኣካን ሕክሙኹሊ ቱስድኖሉ ጀረቡነሰነካ ጳውሎስ እን ሲም ስሒኹሲ ጋብያካ ፍቓድ ኡተመለ ይኹሉ፡ንኻ ጸርኢ ጋብማ ኣርእሮ፡ 38 38.እና እርፍፍ ነድ ጃብ ደውሸት እስረ ሰጃ ሲሕ ኹወንቲ ሩሑ ከደንሊ ፍድራኽር ግብጺሩኹ ኣንቲ ኣኽለማ ይኹሉ። 39 39.ጳውሎስኻ ኣናዲ ኣይሁድሩኹ ግርዋ ጠርሰስ ቀርያሩኹ እን አርእስትረሪ ታንታርዋ ግን፡እና እክሲ ጋብያ ፍቓድ ኡቶለ ሺወኩንካ እንኩኹን። 40 40.እንሲን ጳውሎስ ፍቓድ እውስተሰና እን እክሲ ኒናንድ ሓብረ እዉኹ፡ትምይነሰናኻ እብርእይሽእጢር ጋብድ ጋቢኹሎም።ነወዮ፡
1 22:1. ዬሃው ይክልዲ ሻንዲ እና ናን ተመጻሬያኩሉ ጋርሲ ዋሰሌ ፡፡ 2 22፡2. እብራይስጢሩ ጋብድ ጋበ-ዋስናሰነሉ ትክሲኔ ትም ይኑኽ ንኻ ይኹሎም፡፡ 3 3. ኣናዲ ጠርሴስ ቂልቅያትሪትል ኣኻርሳኽር ኣይሁድሩኽ ግርዋጊን ፡ ፍትሕ እንካላኽ ትክሰ መሄርሳኽር-ኻ ፡ እና ዕርዲራ ኒሂትል ፡ ጌማኒኤል ዓንቃይሊ ኣኾጊን ለጌዳኽ፡፡ እና ናውክ ንኪ ህንብዳናኽሰና-ኻ ጃሩኽድ ቀንኣኩን እንኩኹን ፡፡ 4 22፡4. ግርውዲ እኪንዲ እንሻዌክ ፡ ማሕቡስሊ ዶክሶ እዉኩን ፡ እና ደርቢ ኒቲ ክሪል እኽራሲክ ዳጌንኹንላ ፡፡ 5 22፡5. ቃጽዕስድኖ ማታንኻ ፡ ናት እንሻዌክ ዮርሳለምትል ናቅስያሎም ፡ እን ካዳ እዋክዲ ፡ ናትክ በህሊን ናልድ እሽሽድ ጃዋባት ከሌብሮ ዳማስቆትል ይፈርናስ ማስከርድኖሌ ጊን ፡፡ 6 6. ኒን ኣኾካ ፌሩ እንጉንሲክ ዳማስቆትል ስኩርናሴና ፡ ኣዴሓ ሃንዴባትድ ሴሚልድ ቤሄር ባርህ በርሁኽለ ፡፡፡ 7 22፡7. ብሪልኻ ለብኩን ፡ ሳውል ፡ሳውል፡ ውሪኽ ዳገናራኩንለ ፡ ያክ ደሃይ ዋስኩን ፡፡ 8 22፡8. ኣንኻ ይኣደራ እንቲ ኣውኒ ጊን ዮዋንተስኹሉ ፡ ንኻ እን እንቲ ዳጌንዳኹሉ ህንብራክ ዬሱስ ናዝራዊኽ ጊን ይኹለ ፡፡ 9 9. እን ይዲ እርጋው ፡ እን በርህሲ ቃልኑኩሉ፡ እን ጋቡለ እርጋኽሲ ዳሃይሲ ላኪን ዋስኒ፡፡ 10 22፡10. እንሲን ይኣዴራ ውራ እሲን ይኩኑሉ ፡፡ ይኣደራኻ ጉሮ ዳማስቆትል ዔሪ፡እን እሲቶሉ ዳለማኹካኻ ኒል ድዊሮካ ጊን ይኹለ ፡፡ 11 22፡11. እን ምርክና በርህኩድ ቃልናስ ግሽኹ ፡ እን ይዲ እርጋው ማርሕኖ ዳማስቆትል ዐስንኹለ፡፡ 12 12. ሃናንያ ይስታኽ ፍትሕሰና እሰ ጃርሲ ፡ ጉኢታኽ ፡ኒርትል ማንዳርተው ናውክ ኣይሁድ ትክያኽ እሻሬት ኣሻናኩሉ ግርዋ ፡፡ 13 22፡13. ይል እንቶ ይገቢል ደውዮ ሳውል ይዳን ቃሊ ይኹለ ፡ ኣንኻ ኒድኒድ ቃልኹን እማ ማርኪስኹንሉ ፡፡ 14 15 14-15. ንኻ ጃር ይና እክላኽ ፡ ቃልዳኹሰናኽር ዋስራኹናኽር ፡ ናዲካ ከዋል እሻረት ኣኽቶሉኺር ኒፊቃድ ኣርእቶኺ እን እሻክሲ ኻ ቃልቶሉኺር ፡ ኒኣብሊድኽር ቆል ዋስቶ ፡ ሰልፍድ ሓረይኹ ፡፡ 16 22፡16. ናንኻ ውሪኽ ሺሽራኹ ጉሮ ጠማቅሲ ፡ ስን ኣደሪኽሱ ሽንሮ ፡ ኩሓራምልድ ለጭሒ ይኹለ ፡ 17 17. ኣኾኻ ዮርሳለምትል ዋንተሮ ሻትክ ልንሊ ኣኾ ፡ ጠላዩ እንጉንሲ ፈካርስኹን እማ ፡፡ 18 22፡18. እን ይሰባትድ ኣሻርድራኽሲ ከለብረኒካ እማ ፡ ዮርሳለምትል ወላይድሮ ፊ ፡ ዩእንጉንሲክለ ቃልኹንሉ ፡፡ 19 19. ኣንኻ ይኣደራ እን ኣን ኩድ እምናውሲ ፡ እንሻዋኽሎምክር ጠሎት ልንሊ ከትካቱለምኽር ፡ እርጋት ናላውድ ኣርእኑኽ ፡፡ 20 22፡20. ብር እስቲፋናስሩ፡ ኣሸራንታ ብቅሱኑ እንጉኑሲክ ይላውድ ናዲ ሕባርሰ ፡ ኒል ደውዮ እርጉኹን ፡ ሰራን እን ኒትኩዋዉሩስኽር ተካውኹን፡ ይኹንሉ ፡፡ 21 22፡21. ንኻ ፡ እን ሺራኩል ቆምያትል እንሻኹካ እንኩኩን ፡ እማ ፈሪ ኩለ ፡፡ 22 22. እና ቆል ኒል ኣኽራሲክ ዋስንኹሉ ፡፡ ኒዳቢኻ ናዳሃይሲ ክብሲነ ፡ ንሳና ያኽ ኣዳም ኒርሕዲ ማንዳርትሮ ፡ ተገቤኣለሉ እማ ፡ እና ብሪልድ ሺሪኒ ይኑኽ ፡፡ 23 22፡23. ናውካ ውጭጭ ዩኑ ፡ ናሰራንስኽር ማሉኑ ፡ ብታ ኣወት ኣኽራሲክ ዋረዉኑ ፡፡ 24 22፡24. እን ሲን ስሑኽ እን ውጭጫናኹሉ ሰባብሲ ኣርእሮ ማታን ፡ ካትካትናድ ማርማርዶ እን ኒኣካንሊ ቱስድኖሉ አዘዙኽ ፡፡ 25 25. ከትካድኖሉ ባጥሲነሳነሉኻ ፡ ጳውሎስ እን ዳውዮሉ ህባክ ላክ ሲምሲ ፡ ሮማዊር ግርዋስ ፍትሕ እንጋት ካት ካትኖማ ፍቃድ እውስትኹንልኩመው ይኹም ፡፡ 26 22፡26. እን ሲም ሊኹኽ ኒስ ዋሰሳና ፡ ፌሮ እንሲም ስሑኽሲ እና ግርዋ ኒን ፡ ሮማዊራ ግኒ ፡ እማ እና እንቲ እስራኽሲ ኣርኢ ዮ ድዊኹሉ፡፡ 27 27. እንሲም ስሑኻ ፡ እን እንፋእ ፡ ሮሚኽመ ኣኽሮ ፡ እከ ድዊለ ይኹሉ ፡ ንኻ ዬዋ ይኹሉ ፡፡ 28 22፡28. ኣን ይሹቲ ሮሚኽ ኣኽያ ጌሪው ሳላዲ እዎ ህንባኩን ፡ ዮ ዋንተስኹሉ፡፡ ጳውሎስኻ ኣናዲታ ኣኻርስኹሉ ፡ ይኹሉ ፡፡ 29 22፡29. እን መርማርድድኖሉ ዩኑ እርጋው ፡ ኒሊድ ዋለይድኖ ስርግ ይኑኽ ፡፡ እን ሲም ስሑኽካ ኮዶ ሮሚሩኽ ኣኸት ኣርኣሰና ፡ እን ሻዋኹሉ ሰባትድ ጉኢቱኽ ፡፡ 30 30. ኣይሁድ ውራ ሰባትድ እንሻውናትሉ ዋድሕድ ፡ ኣርእሮሉ ጀሬበኻ ፡ ኒብርክስናድ እንክኹሉ ፡ ኣምራንዲ ካዳታትዲ እን ህንባውክ ፡ ዕግሎትዲኻ እክብስድኖ ኣደድኹሎም ፡ ጳውሎስኻ ገምዶ ናጃብል ዳውሲኹሉ ፡፡
1 1. እንሲን ጳውሎስ ፡ እን ዕግሎትሊ ማርኪሶ ፡ የሃው ይሻን እናህ ግርጋ ኒትል ኣኽራሲክ ጃር ጃብል ኒድክድ ላጪሕ ሕልናድ ጊን ዋንተታራኽ ይኹም ፡፡ 2 23፡2. ሃናንያ እን ከዳ እዋኽ እን ኒጋቢል ዳውዮ ህንባውሲ ፡ ኒኣብሲ ጠዓብድኖሉ ኣዘዝኹም ፡፡ 3 23፡3. ጳውሎስኻ ኒት ፡ እንፋ ለላክሳኽ ዶሳ ጃር ጠዓምብሮካ ጊን ፡ እንቲ እን ፍትሕሰና በያንቶለ ኮፍ ይሮ ህንብራኽ ፡ እማ ፍትሕሲ እንክሮማ ጠዓብቶለ ኣዘዝራኹን እክሩኹን ይኹሉ፡፡ 4 4. እኒገቢል ዳውይኖ ህንባው-ኻ ፡ እን ከዳ እዋኽሲ ጃርሲማ ጃኽራኩንሉ እንኩሩኹ ይንኹሉ ፡፡ 5 23፡5. ጳውሎ -ኻ ይሻን እንሲም ኩእኩኽሲ ጃኸግ ከቴብሶ ህንባክ እማ ፡ ከዳ እዋኽ ኣከት ኣርአሊ ይኹሎም ፡፡ 6 6. ጵውሎስ-ኻ ናበሊን ሶዶቃውያሩ ናበልንኻ ፈሪሳውያንሩ ኣኽት ፡ ኣርኣሴና ፡ ኒሶጥሲ ክብሴ ፡ የሃው ይሻን ኣን ፈሪሳዊ ፈሪሳዊራኽራጊን ፡፡ ሳደዲ ጉና ክሪኽዲ ፈረደናኩለ እንኩኑኽ ፡ዩኽ ፡፡ 7 8 23፡7-8. ሰዱቃውያን ጉና ኣኽን ፡ መልኣኽ ኣኽ ፡ መንፋስ ኣኽን እላኒ ዬናኽ ፡፡ ፈሪሳውያን ላኪን ኒስ ኒትክ እምኑኑ እርግኑኽ ፡ እማ ኒስ ጋቤሳና፡ ፈርሳውያንዲ ሰዲቃውያንዲር ናበክል ዋኻ ኣኩኽ ፡ እን ዲባክር በንስስኒኽ ፡፡ 9 9. ገሪኽ ውጭጭናኽር ኣኹክ ፡ ፈሪሳውያንትልድ-ኻ ብጅኽዬው ካትባንልድ እና ግርዋ ኒን ገሌ ሙቅላ ድካ ኣርኒ ፡ መንፋስ ወሪ መላኢከት ጋበኩሉ ኣከንኻ ኣውሰና ኣኽን ይኖ ፡ ጉኖ ክርክር እሲኒኽ ፡፡ 10 23፡10. ጌሪ ዋኻ ኣኻሰና ፡ እን ሓለቃ ስሒኽ ናው ጳውሎቲ መንተልግኒሉ ፡ ጋቂቶ እን ዓስካር ገምኖ ናኔባክልድ ኣድኖ እን ኣካን ኒእርጋኽሊ ገስኢድኖሉ አዘዝሱክ፡፡ 11 11. ጃርኻ እን ንርጉርበትድ ህንብራሪ ቂሪትል ፡ ጳውሎስ እን ዮርሳለምት ይሳበትድ ማስካርደሳና ፡ ኒሰናኽር 12 12. ብራ ክሳሰናኻ ፡ ኣይሁድ ጳውሎስቲ ፡ ኪድናሲክሉ ቁግኒንኽር ጅእግኒንኽር ላት ኣኽ ማሓልሲኑክ ፡፡ 13 23፡13. እን ኒስ እሲድኖ ማሓልሴነው-ኻ ፡ ኣርብዪልድ በጀኻ እርጉኑኽኽ፡ 14 14. ናውኻ ኣምራንዲ ፡ ካዳታዲ ፡ በህሊንዲትል እንትኖ ፡ ይኒን ጳውሎስቲ ኩግኒሉ ገለ ታምግኒን ፡ እሻነድ መሓልስነ ህብናኹን፡፡ 15 23፡15. ናንኻ እንትን ዕጉሎትዲ ፡ ኣኽድኖ እን ሓለቃ ስሑኽሲ ፡ እንታል ፍድሮሉ ኒሴባትድ ፡ ትክስዲነ ማርማርትድኖሉ ክም ጃረብደናት እስዲነ ድዋሉ ፡ ይንኻ እንታል ገይእጊ ኩኖሉ ደበልትኖ ህንብናኩን ይኑኹም ፡ 16 16. ጳውሎሲ ኒሻኽራኻ ፡ እና ናኮድናስ ዋሶ ፡ እን ኣካንደሊ ፌሩኽ እማ ፡ እን ኣካን ጳውሎስ ህንባክሊ ትዎ ፡ ጳውሎስቲ ድዊኩሉ፡፡ 17 23፡17. ጳውሎስኻ እነ ሓለቃ ሊኹልድ ላኽሲ ሽኖ ፡ እና ቁራ ኒን ሓለቃ ስሑኽሲ ድዋኩሉ ጋባ ህምባኩሉ እማ ፡ ኒልቱሲለ ይኩሉ፡፡ 18 18. ንኻሻኾ ኒዲ ኣዶ ፡ ሓለቃ ስሑኽሊ ቱስኩሉ እመ ፡ ጳውሎስ እን እንሻውሶ ህንባክ ኒል ሽኖ እና ቁራ ኒን ድዋኩካ ፡ ጋባ ክመትካ ኩል ቱስዬሉ ሺዊኹለ ፡ ይኹሉ፡ 19 23፡19. እን ሓለቃ ስሑኽካ ኒናንድ ሻኾ ፡ ኒቱ ሸሊሶኻ እን ድዊቶለ ጀረብራኽ ውራኒጊኒ ዮ ዌንቃሩኹሉ፡፡ 20 20. ንኻ ኣይሁድ ጳውሎስቲ ፡ ኒሳበትድ ትክሲረ ዋቃርዳኽርሰና ተኪስረ ኣሜሪ ፡ ዕግሎትሊ ፍቶሉ ፡ሺድኖካ ኮደንነ ህንበናኽ፡፡ 21 23፡21. ናልድ ኣርብያ ግርዊልድ በጃኻው ፡ ትብትኖ ቃጨዋናውሉ ህንበናክ ፡፡ ኒት ኪግኒሉ ቅግኒኽር ጅእግኒኽር ናኣኾርድ ማሐልሲነ ህንበናክ እማ ፡ ናን ደበልትኖ ክልድ ሳዳ ጨቤራናክ እንኩኑክ፡ እንትኻ ኣጃ ይግሎም ዮ ዋንተስኹሉ፡፡ 22 22. ኒዳንቢ እን ሓለቃ ስሑኽ እን ቂራስ ኒስ ይድ ከም ኣርሲሰረትለ ፡ ለኽድ ድካ ድዋግ ዮኣዘዝኹ እማ ፡ ፈስኹሉ፡፡ 23 23፡23. ለና ሓለቃ ስሑሲ ሽኖኻ ፡ ቂሳርያ ኣኽራሲክ ፈርድኖ ፡ ለና ሊኽ ዓስካር ፡ ለናትራን ፈራስ ፡ ለና ሊኽ መንዱቅ ፡ ቂር ሽካር ሳዓትሊ ደላምዳ ይኹም ፡፡ 24 23፡24. ጳውሎስቲ ጨዓንድኖሉ በኽላ ኣድኖሉ እንትድኖ ፡ ኒዳሕናድ ፍሊክሰትል እን ኣኻሪሊ ጌስእዲኖሉ ኣዘዙኽ፡፡ 25 ንሳና ዮኻ ጀዋብ ከታቡኽኽ፡ 26 23፡26. ቅላውድዮስ ሊስያስ ፡ ፌሊክስዲ ፡ እን ሓይስ ርኢስ ሰላም ዬኹኩም እንኩክ ፡፡ 27 23፡27. እና ኣዳምኒስ ኣይሁድ ፡ ሻኽኖ ኩድኖሉ ጀሬቢነ ዋኑኑ ሮማዊራ ኣኸት ኣርኣሴና ፡ ኣን ዓስካርዲፌ ደኣንድኹሉ ፡፡ 28 28. እንናው ሻከዬናኩሉ ሰባብሲ ኣርእያ ጃረቤኻ ፡ ናዕግሎትሊ ገምድኹሉ ፡፡ 29 23፡29. እንሲን እና ሕክምሊ ክርክረሊ ሰባትድ ፡ ክም ሻከይናትሉ ኣርኡኹን ግራ ፡ ክሪ ዋሪ ንሽል ገስኣኽ ሕክም ወላ እርግሬሉኒ ፡፡ 30 23፡30. እና ግርዋኒል ሰባብ እስናድ ፡ ዋሴሳናኻ ወላ ይዳኹድ ኩል ፋስኹንሉ ፡ እኒት ሻያውሲሉኽር ኩጃብል ሻከይድኖሉ ኣዘዞሎም ህንባኩን፡ ዳሕና ኣኺ፡፡ 31 31. እን ዓስከርኽር ፡ ኣዘዝስና ጳውሎስቲ ቂርድ ኣድኖ ፡ እን ኣንቲጳጥሪስትል ፡ ገስኢኒኩሉ፡፡ 32 23፡32. ኒኣማሪት እን ፈራሴያታትሲ ኒዲ ፈርድኖ ፡ በርንኹሎም ፡ ናውኻ ናኣካንሊ ዋንተርኑኽ ፡፡ 33 22፡33. እንዴን ቂሳርያትል ቱናሰናኻ ፡ እን ጃዋብሲ ፡ እን ርኢስድ እውንኹ ፡፡ ጳውሎስትኽር ኒጃብል ደውሲኒኩሉ ፡፡ 34 34. እን ጃዋብሲ ኣንበብድሰናኻ ፡ ኣውዲ ድውላቱኽ ኣኸት ዋንቀርኹ ፡ ቂሳርያሩኽ ኣኸት ኣርኣሰነክ ፡ 35 23፡35. ኩሸከያንቲ እንትናሰና እን ሲን ዋሲዬካ ጊን ይኹሉ፡፡ ሄሮዶስር ኣዳራሽ ቱስኖ ተከውድኖሉኻ ኣዘዙኽ፡፡
1 1. ኣንካ ካራ ደንቢ ሃናንያ ፡ እን ሓለቃ ከዳክ ፡ ገለ ብጅኽዬው በህሊንዲ ፡ ጠርጠሮስ ይስታኽ ጋበንተዲ ገሙኽ ፡ ናውኻ ጳውሎስቲ እን ርኢስ ጃብል ሻከይንኩሉ ፡፡ 2 24፡2. ኒሽንሰናኻ ፡ ጠርሜሎስ ንሰና ዮ ሸካይሮሉ ተርሲኽ ፡፡ 3 24፡3. ዎሓይስ ፍሊክስ ፡ ኩድ ገሪ ሰላም ኣርነት ፡ ኩክድማትድኻ እና እካሲ ፡ ገሪ ትክይና ኣኸ ትሉ ፡ ኒድክድ ናድካ ድዋሊ እምንድክ ፡ እምንሱኑ ሓመዳኩንካ፡ እንኩኹን ፡፡ 4 4. ገሪኽ ሺሽድጊንካ ፡ ድርንያኩድ ሰብርድ ዋስቶ ሺዋኩንካ እንኩኹን ፡፡ 5 24፡5. ይንን እና ግርዋ ኒስ ፡ መራሒራ ናዝረቲር ገፍልድ ኣኾ ፡ እድንዪልክ ህንበው ኣይሁድ ናድክድ ፡ ሙቅለዲ ረባሽናዲ ኣኾ ኣርንኩንሉ ፡፡ 6 24፡6. ሻትክ ልንሲኻ ፡ ጂብድሮ ጀሬቢክ እማ ሻክንኩንሉ ፡ ይና ሕክምሴናኻ በዬኖሉ ጀሬብኒኩን ፡፡ 7 ኣኽንግራ ሲስያስ እን ሓለቃ ስሑኽ ፡ አንቶ ገሪ ሒልድ ይና ናንትድልድ ኣድኹሉ፡፡ 8 24፡8. ኒሻይቲትኻ ፡ ኩል ደክድኖ ኣዘዙኽ ፡ እና ይን ሸካይናኽ ሰባትድ ኒውክ-ኻ ፡ ክላውድ ኒት መርማርዶ ፋሃምቶሉ ገረስታኹካ፡፡ 9 24፡9. ኣይሁድክር እን ሻከይናስ ተሰማምዕኖ ፡ዬዋ እና ጋር ኒን ኒሰናጊን ይኒኽ ፡፡ 10 10. እን ርኢስ ጋቢሮ እሻረት እሴሳናካ ፡ ጳውሎስ ዋንተሱኽ ፡ ገሪው ኣመታትልድ ተርስረ እና እክሲ ፈረዳኽር ኣኽረት ኣርእኩን እማ ፡ ገዲም ይሹቲ ሓጠርድ መስከራኩንላ እኩኩን ፡፡ 11 24፡11. ፍግም ያ ዮ ፡ ዮርሳለምትል ፈራኽልድ ሽካለና ካራልድ ፡ በጃኸው ክም እሲጋት ፡ ኣርእቶሉ ጃረብዳኩለ፡፡ 12 24፡12. ሻትክ ልንሊ ፡ ላኽዲ ድካ ጋብያ ወሪ እክሊ ዋኻ ጉዲያ ፡ ጸሎት ልንሊ ኣኽን ፡ ታንታርዊል ኣኽን ኣርኒለ፡፡ 13 24፡13. ናንኽር እና ሸከያናኹሉ ጋር ፡ ኩግርብሊኺር ራትዕድኖለ ገረሴኒኒ ፡፡ 14 14. ናንኻ እን ፍትሕዲ ናብያዲትል ከተብሶ ህንባክ ፡ ናትክ እምናኽር እናው ማናፍቅናት ዬናኹላ ደርቢት ፡ ኒሳናዮ ጃር ይክልዱክሲ ከም ኣምላክደት ኒስ እምንሳኩንካ እንኩኩን ፡፡ 15 24፡15. እን ናው ጫድቃንዲ ሓራሙዲ ጉና ኣኽሮ ጨበራውሰና ፡ ኣንኽር ጃርሊ ሳዳ ሻኩን ፡፡ 16 24፡16. እማ ገዲም ፡ ጃርዲ ኣደምር ጃብሊ ሓኩር እንግጋኽ ሕሊና ዋኒሮለ ፡ ዲማ ጨዓራኹን እንኩኩን፡፡ 17 17. ጌሪ ኣሜታት ደንቢ ይኣክሲ ሞባእ ገእሲያክር ፡ ፍዳ ስክሲያክር እንትኩን፡፡ 18 24፡18. እንሲንክር አስያትል እንተው ብጅኽዬው ኣይሁድ ፡ ዲባ ኣኸኽ እን ካድክር ፡ ደወሽ እንጋትክር ሻትክ ልንሊ ለጭሖ ኣርንኩለ፡፡ 19 24፡19. ናው ይል ገለ ዋነንሎምታ ፡ ኩሉ እንትኖ ሻከይድነለ እርገለሎም ፡፡ 20 21 20-21. ወሪ ይኸ እና ዕግሎት ጃቢል ፡ ዳው ዋኑ እና እንታ ነባክል ፡ ዳውዮ ዓውዮ ንኪ እን ጉና ክሪልድ ፡ እንታጃብል በያንሳኩን እንኩኩን ፡ ዬሪላ ላጋባ ኣከግረንታ ዐገብ ኣሪው ኣከን ነን ድዊኒን፡፡ 22 22. ፍሊክስ ኒስ ዋሰሳና ፡ እና ደርቢ ኒቲ ትክሰ አርእናዲን ፡ ሊስያስ ፡ እን ሓለቃ ሱሑኽ ገመሳና እንሲን ድዊንኩሉ ፡ ትክሰ ማርማርያጊኒ ዮ እና ጋርሲ ግጅሮ ባረሉ ፡፡ 23 24፡23. እን ሓለቃ ሊኹኽሲካ ጳሎስቲ ተከውድኖሉ፡ ንሽስ ስዳውድኖሉ ፡ ኒከውልድ እነሻቅስድኖሉ ጀራበናንር ፡ ላክድ ድካ ገብግኒን ኣዘዝኩሉ ፡፡ 24 24. ገሪ ግርጋት ዳንቢካ ፍሊክስ ፡ እን ኣይሁድሪ ዱሩሳሊ ኒኣክናዲ እንቶ ጳውሎስቲ እንሻሶ ሽኖ ፡ እምናት ክርስቶስ ዬሱስር ሰባትድ ኒልድ ዋሱክ ፡፡ 25 24፡25. ጭድቅዲ ቅድስናዲ ፡ እን እነተራኽ ፍርዲር ሰባትድ ድወሳናክሎም ኻ ፡ ፍሊክስ በኻኽሮ ናንታዲ ኩዳርብድ ፈሪ ፡ ይድ ታሚታኩለ ግርጋድ እንትቶለ እንሻቂስያልካጊን ዮ ዋንተስኩሉ፡፡ 26 26. ንድካ ጳውሎስትልድ ሰላዲ ኣርዶ ፡ ሳዳ እሱ እርጉክ ፡ገሪክ ግርጋት ሽነት ናቅሶ ጋብሱሉ እርጉኽ፡፡ 27 24፡27. ሌና ኣመራ ዳካሴና ፡ ጰርቅዮስ ፊስጦስ ፍሊክስ እብሊ ሸያምሱክ፡፡ ፍሊክስኻ ኣይሁቲ ባህ ሲሮ ጃረቤ ጳውሎስቲ ማሕቡስሊ በሩኩሉ፡፡
1 1. ፊስጦስ እን ሲማትሲ ሻኻሳና ፡ ሰኻ ካራ ደንቢ ቂሳርያትልድ ዮርሳምትል ፊኽ ፡፡ 2 25፡2. ሊቃውንቲዲ ካህናዲ ኣስያም ኣይሁዱዲ-ኻ ፡ ጳውሎስቲ ሰባብ ጉድኑኩሎ ፡፡ 3 25፡3. ደርብል ትብትኖ ቃጨውኖ ኩዱኖሉ ጀረቢኑክ ፡ ዮርሳለምትል ፈሮሎም ሺዊኑክ ፡፡ 4 4. ፊስጦስኻ ጳውሎስ ቂሳርያትል ተካውሳክ ዋነት ፡ ንኻ ኒል ጋምሮ ዋነት ወንተስኩሎም፡፡ 5 25፡5 እማ ገዲም እንተልድ ፡ እን ኣርኣውክ ይዲ ገሚኒ እማ እን ገርዋ እንዲል ዓጌብ ዋነን ከሴሲንሉ ይኩሎም ፡፡ 6 6. ናዲ ኻ ሰኻታ ወሪ ሽካ ኣከው ፡ ካራ እሰሳናካ ፡ ቂሳርያትል ገሙክ ፡ ኒብርክስናድ ቂጦራ ፍርዱኩር ፡ ኮፍዮ ጳውሎሲ ናቅስድኖሉ ኣዘዙክ ፡፡ 7 25፡7. ጳውሎስ እንተሰናኻ ፡ እን ዮርሳለምትልድ ገማው ኣይሁድ ከላላኖሉ ዳው ይኑክ ፡ ረትዕድኖሉ ገረሴግናክ ገሪውዲ ተቃውዲ ፡ ሻከይና ኻ ሸካይንኩሉ፡፡ 8 25፡8. ጳውሎስካ እን ፍቲሕ ኣይሁድሩክሲ ፡ ኣኪኒ ልን ማቅደሱክሲ ዋሪ ቀሳርቲ ኣኽን ዓገብሊ ዮ ፡ እምንድግ ዓገብ እንግጋት ሞጎቱክ ፡፡ 9 9. ፊስጦስኻ ኣሁድቲ ባህሲሮ ዮ ፡ ጳውሎስቲ ዮርሳለምትል ፍቶማ እማ እና ጋርንድ ፡ ኒል ይጃብል ፈረድስቶማ ጀራብራኩን ፡ ዮዋንተስኩሉ፡፡ 10 25፡10. ጳውሎስካ እን ቂጦራ ፍርድኩር ጃብል ዳውያኩን እንኩኩን ፡ ኒል ፈረድስያጊን ፡ ይድ ወጃባክ ፡ እንቲ ትክሲረ ኣርእረሳናኻ ኣይሁድሲ ዓጌብሊሎም ፡፡ 11 11. ዓመጮ ክሪል ገስኣክ እሰክር ኣከንክር ፡ ክራጊን ድካ ሺወሊኒ ፡ እና ሸከየናኩለ እንዳከት አከናካ ናድ ደክሶ እውሮለ ጋሬሳክ ዋላ እላኒ ፡ ኣን ቄሳርትል ይግባይ ዮ ህንባኩን፡፡ 12 25፡12. እንሲን ፊስጦስ እን ኮድኒሴውዲ ጋቢክ ፡ ቀሳርትል ይግባይ ይሮደንቢ ፡ ቀሳርትል ፈርቶጊን ዮ ዋንተሳኩሉ ፡፡ 13 13. ገሪ ግርጋት ደኮሰናካ ፡ ሲም ኣግሪጳዲ ባርኒቄዲ ፊስጦስዲ ፡ ገይእድኖሉ ቀሳርትል ገምኑክ፡፡ 14 25፡14. ኒል ገሪው ገርጋ እሲነሳናካ ፡ ፊስጦስ እን ንጉሲ ጳውሎስር ድውላት ንሳነጊን ዮ ጂንዲስኩሉ ፡ ፍሊክስ እንሻዎ በረኩሉ ግርዋ ነት ህንባክ ፡፡ 15 25፡15. ዮርሳለምትል ፈሮ ዋኑካ ፡ ኣምራንዲ ከአዳታትዲ ፡ ኣይሁዲ ናበህሊንዲ እንትኖ ኒት ፈረድሮሉ ሺዊንኩሉ ፡፡ 16 25፡16. ሽኩይ እን ኒደ ሻከዬውዲ ፡ ገሺድ ጌሽ ዳውሰግሪሉ ፡ እን ሻየየናኩድ ኣጫረይድሮ ዋክድ እውግሪሉ ፡ በዳሪን ይሮ ላኩድ ደክስሮ እውና ፡ ሕክም ሮማውያኑክ ክም ኣኽ ገትካ ድዊኩሎም፡፡ 17 17. እማ ገዲም ናት እክብስና ሰና ፡ ሺሽግኒ ኣመሪት ቂጦራ ፍርድኩል ፡ ኮፍዮ እን ግርዋስ ናቅስድኖሉ ኣዘዝኩን ፡፡ 18 19 25፡18-19. እን ኒት ሸከዬው ዳውይና ሰናኻ ፡ እን ናው ኣምላክዳነውድ ካያ ግራ ፡ ኣሪክ ዋካ ላክ ክራክ ሰባትድ ፡ ጳውሎስካ ጉክ ጊን ያኩሉ ዬሱስ ኣከጋን ይድ ተካሰኔሌ ገለ ደባን ሸካይና ናቅስኒለ ፡፡ 20 25፡20. ንኻ እና ጋብ ኒድ ፡ እሰኩሉ ጫናቅሰላ ፡ ዮርሳለምትል ፍቶ እንካልዳክር ኣክርደን ኒል ፍቶ ይኩንሉ ፡፡ 21 25፡21. ጳወሎስካ ቀሳርያትል ማርማርስራሲክ ፡ ተካውስሮ እግባይ ዬሳና ፡ ቄሳርትል ፈርዳሲክ ተካውስሮ ኣዘዝኩን ፡፡ 22 25፡22. ኣግሪጳኻ ፊስጦስቲ እና ግርዋ ኒስ እንኽር ዋሲዬሉ እንከላኩን ፡ ናኻ ኣሜሪ ዋስተሉ ይኩሉ ፡፡ 23 23. ኒኣሜሪትካ ኣግሪጳዲ በርኒቄዲ እን ኣሕሉቅ ሽሑዲ በህሊን ፍርዱዲ ፡ ገሪኽ ዓጀብድ ፡ ኣዳራሽ ፍርድክሊ ቱኑክ ፡ ፊስጦስኻ ጳውሎስቲ ናቅስድኖሉ ኣዘዙክ ፡፡ 24 25፡24. ፍሊጳስኻ ዩ ኽ ፡ ዎሲም ኣግሪጳ ፡ ዬሃው ይናዲ ህንብደናክር ናውክ እና እንትን ቃልደናኩሉ ግርዋ ፡ኒፊኩትድ ማንደርትሮ ፡ ዋጀቤገትሉ ናውክ ኣይሁድ ዮርሳለምትል ኣኽን ናት ፡ ጠርዑኑ ሺዊንኩለ ፡፡ 25 25. ኣንኻ ክሪል ገስኣኽ ዓገብ ኣርሉሉ ፡ ኒላውድ ቀሳርትል እገባይ ዬሳናኻ ኒፋስናድ ኣመሞ ህንባኩን ፡፡ 26 25፡26. ኒሰባትድ ይኣደሪል ከተባኩሉ ኪዳክ ነጌርካ ሻክሊኒ ፡ እማ ገዲም ኒማርማርሰሳና ከተባኩሉ ነጋር ኣርዬሉ ማታን ፡ እንታል ምናዳኻ ፡ ዎሲም ኣግሪጳ ኩል ናቅሳኩንሉ ህንባኩን ፡፡ 27 25፡27. ማለት ኒ ንሽዋ ሰባብሲ ድዋጊ ፡ ሓበስቶ ህንባክ ኣዳምቲ ፈስና ብህማት ኣኾ ቃሉስታኩለ እንኩክ ፡፡
1 1. ኣግሪጳኻ ጳውሎስቲ ፡ ክሹርኽድ ጋቢቶ ፍቃድ እውስቶ ካ ህንባክ ፡ ይኩሉ ፡ እንሲን ጳውሎስ ኒናንሲ ተለቆ ፡ ኒኣካርሲ ተመጻረይሮላ ዋንተሱክ ፡፡ 2 3 26፡2-3. ዎንጉስ ኣግሪጳ ኒውክ ፍትሕ ፡ ኣይሁድሩክዲ ናዕግር ጊርዲ ፡ ኣርእሩክ እማ ንኪ ምናዳ ክጃብል ኣይሁድድ ከትሳኩሉ ሻከይሳሉ ጋርሊ ፡ ኣን ኣጫሬይዲያ ፍቃድ እውስታኩለ ኣኽነዲን እና ይፊኹትሲ ሓመድስረሪ ሃበ ቃላኩንላ እንኩኩን ፡፡ እማ ገዲም አማንድ ዋስቶለ ሺዋኩንካ እንኩኩን ፡፡ 4 4. እማ ገዲም ይሺግሊድ ተርሰ ፡ ይካዋ ነባክል ዮርሳልምትል እርጋኩሉ ይመናብረት ኒውክ ኣይሁድ ኣርእንኩሉ ፡፡ 5 26፡5. ማስከርድኖ ጃረባነን ፡ እን ኒድክድ ጃማልሳክ ይና ኣምሎኮል ገፍሊድ ፈሪሳዊራ ፡ ክም ኣኸት ናው እማነትልድ ተርሲነ ኣርእንኩለ ፡፡ 6 26፡6. ናንካ እን ጃር ይናክልድ ኣዘዛክሎምሰና ፡ ፈሬድስያ ሳደድ ጨበሮ ዳውዮ ህንባኩን ፡፡ 7 26፡7. እነ ጨባርና ኒስኻ ፡ እን ሽካ ሌና ይና ጅንስ ቂርዲ ጋርክዲ ተግሃትድ ፡ ኣጌል ጋልዱኑ ኒል ገይእድኖ ፡ ሳዳ እሳኩን እንኩኩን ፡ ዎንጉስ ኣግሪጳ እና ሳዳ ኒን ሰባትድ ጊን ኣይሁድድ ሻከይሶ ህንባክ ፡፡ 8 26፡8. ጋር ክራውሲ ከም ጉደትሎምኻ ፡ ውሪክ እምንሰጋኽ ሰና እስዲና ቃልደናኩንሉ እንክድኑኩን ፡፡ 9 26፡9. እን ይኣኮርሲ ስን ዬሱስ ናዝራዊሩክዲ ተጻሬራክ ፡ ናጌር እስያ ዋጃባክ ኣኾ ቃልሱለ እርጉኽ ፡፡ 10 26፡10. ኒስኻ ዮርሳለምትል እሲኩን ፡ ኣምራንዲ ከዳታዲትል ስልጣን ኣዶ ፡ ገሪው ሻትክንልድ ማሕቡስሊ ቱስኩንሎም ፡ ኩኑ እንጉሲክሎምኽር ሕባርሲኩን ፡፡ 11 26፡11. ናዲካ ልንትድ ጸሎቱክሊኻ ፡ ገሪ ካራ ቅጽዑ ጂባድ ጃኽስድኖ ሽብውዱሎም ሳናኩን ፡፡ እን ከዳን ህንባው ዕርዲታተል ዳገኒስኩሎም ፡ ገሪኽ ረበሽንሎ ፡፡ 12 12. እና ጋር ንድ ኣምራንዲ ካዳታትዲር ትእዛዝድ ፡ ናፍቃድድ ዳማስቆትል ፌሩ እንጉንሲክ ፡፡ 13 26፡13. ዎ ሲም ኣዳሓ ዴርብል ዋኑ እንጉሲክ ፡ ካሪልደ በርሃኽ በርህ ፡ ሰሚልድ ይላው ሻገብሊኽር እን ይዲ ፈሩ እርገው ላውሻንገብሊ ኽር ፡ በርሁ ቃልኹንሉ ፡፡ 14 26፡14. ናውክ ብሪል ላብናሰናካ ፡ እብራይስጢር ጋብድ ሳውል ሳውል ውራክርደ ዳገንዳኩንለ ፡ እን እቡራክሊ ድሕር ሕር ይሬን ኩድ ጂባጊንካ ያክ ደሃይ ዋስኩን ፡፡ 15 15. ኣንኻ ኣውኒ ጊን ይኣደራ ኩንሉ ፡ ይኣደሬኻ ይኩለ ኣን እን እንቲዳገንዳኩለ ዬሱስ ጊን ይኩለ ፡፡ 16 26፡16. ዳኣም ጊ እማ ኩሉኪድ ዳውዪ ፡ እን ቃልዳክሲክር እን ንዳንቢ በርህድዬልካ ህንባክሲክር ፡ ኣጌልጋሊራዲ ምስክርዲ ኣኽቶ ዬመሞካ ህንባኩን ፡ ንድጊን ኮዶ በርሃኹልካ፡፡ 17 26፡17. ኩካውልድኽር እን ናል እንሽቃኹካ ህንባው ቆምያትል ኮዶ ፡ ኣናገፍድዬካ ጊን ፡ 18 26፡18. ይድ እምናድኻ ፡ ባርና ሓራሙኽዲ ሻትካንዲክር ላውድኖጊን ፡ ጭልምሊድ በርህር ፡ እን ምልክ ሸጣንክሊድካ ጃሩክል ዋንተርድኖ ፡ ናዕሊልሲ ብድቶሎም እን ሻቃኩንከ እንኩኩን ፡፡ 19 20 19-20. ዎ ሲም ኣግሪጳ ፡ ነኒድ ሰባትድ ጣዕሰድ ኣካኽ ክድማት እሱኑ ፡ ጢዒስድኖክር ጃርሊ ዋንተርድኖኪር ፡ ሰልፍ ዳማስቆትል ዮርሳለምትልኽ ደቢን ኮዶ ናውክ ይሁዳር ድውላትሊ ማንዳርታውዲ ፡ ቆሚያትዲ ፡ ብሽራ ኣበሻርድኹን ፡ ጊን ግራ እን ፡ ሰማያዊራ ቃለስ ጉሽሊሉ ፡፡ 21 26፡21. ኒድ ሳበትድ-ኻ ፡ ኣይሁድ ሊን ማቅድሱኹል ሻኽኑኩለ ፡ ኩድኖለኽር ዬማምኑኽ ፡፡ 22 23 26፡22-23. ኣኽንግራ በህሊንዲ ግናቲዲት ፡ እና ግርጋ ኒቲ ኣኽራሲክ ዳውዮ ሰባኩ ፡ ጃርልድ ረድኤት ከሌብሮ ህንባኩን ፡ እን ሙስዬዲ ናብያዲ ፡ ኣኽሮ ኣከት ጋቢነውሉ ኣከጋን ፡ ማለት ክርስቶሰ ጂባዲ ጅርባዲ ክም ኣረራት ፡ በኽር ክሪውልድ ኽር እክዲ ቆሚያትዲት ፡ ብርሃን ኣበሻርዳት ዮ ላካራ ድካ ጋቢሊ ፡፡ 24 24. ንሰና ዮ ኣማጸሬይዱኻ ፡ ፊስጦስ ዓውዮ እንፋ ጳውሎስ ግኒትሩኽ ፡ እን ገሪው ኩምህሮ ግኒትኒል ፋስኩካ ይኩሉ ፡፡ 25 26፡25. ጳውሎስኻ ፡ ዎ ሓስ ፊስጦስ ቆል እምንዲ ኣምሩሲ ጊን ኣን ጋባክ ጊን ግራ ፡ ግኒትሊ ፡፡ 26 26፡26. እና ኣን ኒጃብል ፍርሳትድ ጋበኩሉ ፡ ሲምካ እና ጋብ ኒስ ኣርእኩሉ ፡ ዋደንሊ እስቲላ እማ ፡ እነ ጋብኒልድ ላኽድ ክም ድዳጌትሉ ፋሃሞ ህንባኩን ፡፡ 27 27. ዎ ሲም ኣግሪጳ ፡ ናብያሲ እምንዳኩመሎም ፡ ክም እምንደት ኣርእኩን ዪክ ፡ 28 26፡28. ኣግሪጳኻ ፡ ጳውሎስቲ ክርስትያን ኣክናድ ፋሃሚስቶለ ጊናዪ ካብቲትካ ፡ ይኩሉ ፡ 29 26፡29. ጳውሎስኻ ፡ ኣን ዕቅቱሲ ኣኪን ገሪውድ ኣክን ፡ እና ይንሽዋ ኣክጌት ኣነ ይሰና ኣኽትኖ ፡ ንኪ ዋሰውድለ ናትክሲኽር ግራ ኩት ካያ ኣኽሊ ጃረድ ሳዳ እሳኽ ፡ ይኹሉ ፡፡ 30 30. እንሲን እነ ሲምዲ እን ኣኻር ባርኒቄዲ እን ኒዲ ኮፍዬውር ጉኑክ ፡፡ 31 26፡31. ኒልድ ጉናሰናኻ ፡ እና ጊርዋ ኒን ክሪል ግስኣኽ ፡ ወሪ ማሕቡስትል ገስኣኽ ሻኽላኒ ይኖ ናሹር ናሹ ጋብስኒኑክ ፡፡ 32 26፡32. ኣግሪጳኻ ፌስጦስቲ ፡ እና ግርዋ ኒን ፡ ቄሳርትር ይግባይ ዬጋኽ ኣከጋን ፡ እንክስትሮ ጉቡእ እርጉኽ ፡ ይኹሉ ፡፡
1 27፡1. ኢታልዬቲል ፡ላዳናትድ ፈርኖ ዬመምናሰናኻ ፡ ጳውሎስዲ ኣሪው ገሪው እንሻውሶ እርጋውዲት ፡ ዮልዮስ ይስታኽል ቀሳርዱ ሰራዊት ሓላቃ ልኩሊ ደክስኑኩሎም ፡፡ 2 27፡2. ኤስይር ድውላተሊ ፈረዴሪ ዳናት ፡ ኣድራሚቲስድ እስነ ተርይኑኩን ፡ ኣርስጠርኮ ፡ መቄዶንዬሩክ ተሰሎንቄትልድ ይናዲ እርጉኽ ፡፡ 3 3. ኒብርክስናድ ሲዶናትል ጌይእንኩን ፡፡ ዩዮስኻ ጳውሎስቲ ጌሽምልምልድ ቃልኹሉ ፡ ኒጨርሊ ጌይእሮ እማ ናሊድ ካቤና ኣርዶ ፡ ፍቃድ እውኩሉ ፡፡ 4 27፡4. ኒርትልድ ጉኖኻ ፡ውልዋል ይና ጃብድ ኣኽናዲን ቆብሮስ ዓንቃይድ ደክኑኹን ፡፡ 5 27፡5. በሓር ሸሊድ ፡ ሸል ቂልቂያዲ ጶሚፍልያዲ ዶክኖ ፡ ሚራ ብራ ሉቅያትል ዶክንኹን ፡፡ 6 27፡6. እን ሲም ሊኹኽካ ፡ ኒል እታልዬትል ፈርዳሪ ዶናት ፡ እስክንርያትሪ ኣሩኽ እማ ንርትል ቱሱኹና ፡፡ 7 7. ጌሪው ካራ ገፋፍ ዩኑ ፈርንኹን ፡ ጅርባትድ-ኻ ክኒዶስር ቅብሊል ገይእንኹን ፡፡ ኒርትል ስክርግኒን ውልዋል ግባንኽር ፡ ቅሬጥስ ዓንቃይድ ሰልሞናር ቅብልድ ደክንኹን ፡፡ 8 27፡8. ውሪካ ለማሌምድ ኒር ቃሽድ ዶክናሰናኻ ፡ ምልምል ዋደብ ይስትራሪትል ኣካንሊ እንትንኩን ፡ ንርተል ዕርዲራ ላስያ ተኻትግን ፡፡ 9 10 9-10. እና ንስናድ ገሪ ካራ ዶኮሳና ፡ ሹማ ዋክት ዛጊት ደኮ እርገህናዲን ፡ ዳናትር ፈር ጉኢሳክ ኣክናዲን ፡ ጳውሎስ ዬሃው ይና ፊክስክር ግራ ፡ ይና ምኹርዲ ዶናክዲት ካያ ኽር ኣክጋኽ ፡ ይና ደሪብ ጅርባዲ ጌሪኽ ጎስናዲሲ ኣኽሮ ኣኸት ቃላኩን እንኩኩን ፡፡ 11 27፡11. እን ሓላቃ ሊኹኽካ ፡ እን ጳውሎስ ዬው ጋብሊድ እን ዲናክሲ ማርሓክዲ እን ኒር ኣደሬዲት ገሪኽ እምኑሉም እርጉኽ ፡፡ 12 12. እን ዋደብሊ ኒል ሽቅድኖ ታሚታጋኹም ኣኽናዲ ፡ ናብጅኽ ኒልድ ግድኖ እማ ፡ ዓቅታኽ ኣከንታ ፍንቄትል ንኻ ሊባንትል ባሓርሊ ኣኽራሲ ቃላኽ ፡ ቅርጠስ ዋደብል ቱኖ ፡ ሽቅድኖ ማምኑክ ፡፡ 13 27፡13. ሃዳእ ያክ ውልዋል ፡ ደቡብክ እንተሳናኻ ፡ ናሓሳብሴና ኣኸኽሎም ተኪሲኔ ፡ ማልህቅሲ ጉድኖ ፡ ቅርጠስ ሻልድ ዶክኑኽ ፡፡ 14 14. እንሲንኻ ገሪኽ ሺሽጊ ፡ ኤውሮክሊዶን ጥስታክ ሒላቱኽ ጋህፋት ውልዋሉኽ ፡ እን ደሴትል ጊኽ ፡፡ 15 27፡15. እንዶናክሲ ማንተሎ ኣደስናላኻ ፡ ኒሪ እንውልዋልሲ ዋንተስቶል ገረስጊራሪ ኣኽርናዲን ገባባኽ እንጋት ፈርቶ ባርንኹ ፡፡ 16 27፡16. እን ጫግዕ ከላውዳ ይስትራሪ ደሴትሊ ገይእናሴናኻ ፡ ጅርባትድ እን ጃሌባት ዳናቱኽሲ ዳኣንድኖ ጌራስንኹን ፡፡ 17 17. ዋንተርኖ ፍናሰናላ ፡ ስቃይሲ ጋመሪድ እንሻውኖ ግጂሰና እሲኒኽ ፡፡ ቶማስ ቂሺኽሊ ለብግኒን ጉኢትኖኻ ፡ እን ሰቄርሲ ትበልኖ እንዳኸት ፈርቶ ባርንኹና ፡፡ 18 27፡18. ኒብርክስናድ ማዕበል በጃኹ ፈራሴናኻ ፡ እን ምኽርልድ ባሓርሊ ማልንኹን ፡፡ 19 19. ሲኻር ካሪል ኻ እን እራክ ዳናቱሲ ናናንድ ማልንኩሎም ፡፡ 20 27፡20. ገሪ ግርጋት ካራ ኣኽን ሽንግርው ኣኽን ቃልግኒ ፡ ማዕበል ቂሉና ፈራሴና ፡ ኒውክ ሳዳ ደኣነ ይና ፊኹቱኽ ትክሲነ ቃበጭንኹን ፡፡ 21 21. ናብራ እንጋት ገሪው ግርጋት እስነሳናኻ ጳውሎስ ናኔባክል ዳው ዮ ፡ ይኹሎም ፡ ዬሃው እን ቅሬጥስ ጉግድኒ ዋስድኛኽርለ ኣክዳናን ፡ እና ጨባባዲ ኮታ ንዲ ኣርጊድኩም ፡፡ 22 27፡22. ናንኻ እና ዶናት ጊን ግራ ፡ እንታልዳ ላፊድ እካ ድዳላኒክ እማ ፡ ሰቢር እሲትኖ ሺዋክንኩም እንኩኹ ፡፡ 23 24 23-24. እና ቂሪ ኔኒሲ እን ማልኣኽ እን ኣን ኒኽዲበ ኣጌልጋልዳኹሉዲኽር ጃር ይጋቢል ዳውዮ ፡ ጳውሎስ ፡ ቂሳር ጃብል ዳው ይቶጊን ፡፡ እናሓን እን ኩዲ ካረው ናትክሲኽር ጃር እዎካ ህንባክ ፡ ጉኢትግ ይኹሌ ፡፡ 25 27፡25. ዬሃው ኣን እን ኒ ያኽሰኔለ ክም ኣኬት ፡ ይርጃርሲ እምናኩንሉ እማ ኣራጋ ፡፡ 26 27፡26. ኣኽን ግራ ላዶሳትል ጌጫብስኖጊን ፡፡ 27 27. ሽካ ሰጃ ካሪል ፡ ቂር ባሓር ኣድርያ ዋተቴርኑ እንጉሲ ፡ እን ሸቃሎ ዳናትሩ ቀላበሊንሊ ብሪል ስክራው ተኪኹሎም ፡፡ 28 27፡28. እንሲን ዓቀኒሰና እስኔ ፡ ዓቀና ሴና ፡ ለሬን ብጥሬት ኣዳሙኽ ኣርኑኽ ፡ ኒልድ ብንሲ ዳክኖ ፡ ሊኔርኻ ዓቀኒሴና እሲነ ዓቀኑኽ እማ ፡ ሽካ ኣንካ ብጥራት ኣዳሙኽ ኣርኑኽ ፡፡ 29 27፡29. ሻሻህንባክሊ ለብግኒን ጉኢትኖ ፡ እን ዶናክል ጉርባትል ሰጃ ማልህቅ ገምድንኽ ፡ ኣዳሓ ኽሮሎም ኻ ቴምነትኑኽ ፡፡ 30 27፡30. እን ሻቃሎ ዶናትሩኻ ፡ እን ዶናትልድ እግርድኖ ጃረቢነኻ ፡ ጃብሬድ ተለያት ማልህቅ ገምዳው ተኪነ እንጃልባትሲ ባሓርሊ ገምድንኩላ ፡፡ 31 27፡31. ጳውሎስኻ እን ሓላቃ ሊኹኽሲ ፡ እን ከዳምቲትሲኽር ፡ ኔን ዶናትሊ ግጃግናን እንቲን ዳኣንደኒኒክ ይኹሎም ፡፡ 32 27፡32. እንሲን እን ታካዌንቲ ማሕበሩ ፡ እን ጃልባትሲ ተብኖ ለብቱ ባርንኩላ ፡፡ 33 33. ጳውሎስኻ ፡ ጫበርዱኑ ጌለ ታምግድኒ ፡ እንታ ኣብድ ንኪ እንታ ሽካ ሴጃ ካራ ጊን እማ ፡ ሳንሳዓ ቃዮ ብራ ክስራሲክ ናክሲ ሺዊክሎም ፡፡ 34 27፡34. እማ ጌዲም ኒን እንታ ዴኣኔድ ፡ ኣኽናዲን ላኽ እንቴሊድ ኒሽብካ ኣኻሩኽ እካ ፡ ድዳላኒ እማ ፡ ቂትኖ ሺዋክንኩም እንኩኹን ፡ ይኩሎም ፡፡ 35 27፡35. ኒስ ዬሳና ሳንሳዓ ጉዶ ጃርሲ ሓሜዶ ፡ ናድካ ጃብሊኻ ሸሬፎ ቅሮ ቴርሲኽ ፡፡ 36 36. ናውኻ ሃዳእይናኖ ፡ ሳንሳዓ ቅኑኽ ፡፡ 37 27፡37. እን ዶናትል እርጊናኽር ናውክኻ ሌና ሊኽዲ ላናትራንዲ ዋልታ ፊኹት እርግንኩን ፡፡ 38 27፡38. ቅኖ ብትኖሰናኻ ፡ እን ጃሩክሲ ባሓርሊ ማልኖ ፡ እን ዶናትሲ ስዳው ድንኩንላ ፡፡ 39 39. ብራ ክሰሳናኻ ፡ እን ብረስ ኣሌላይኑኽር ፡ ቅብሊስኖ ሸላዪል ሻኽ ላንቂ በሓሩኽ ቃልኑኽ እማ ጌረስተነሎማኻ እን ዶናቲ ኒል ናቅስድኖላ ጃረቢኑክ ፡፡ 40 27፡40. እን ማልህቅሲ እንክኖኻ ፡ ባሓርሊ ማልንኩሉ ፡ ኒዳንቢ እን ንሽዋ እስካኒክሲ እንክኖ ፡ እን ግናዪ ጋንጥላ ፡ ውልዋሊ በር ሲኒኹሉ ፡ እን ሸላይሊ ኣኽራሲክ ፈርኑኽ ፡፡ 41 27፡41. ላላንቂ ብሪክሊ ገይእናሴናኻ ፡ እን ዳናኬት ክብሲኒኩላ ፡ ኒርጋሽ ጃብራድ ኻ ፡ ሻኽስትቲ እማ ፡ ውልቃግሬሪ ኣኽቲ ፡ ንርዳንቢሬድ ላኪን ፡ ማዕባል ቂሎላ ካርቲቲ ፡፡ 42 42. እን ተካወንትኻ ፡ እን እንሻውሴውሲ ላኽ ድካ ሓንቤሶ እግርጊን ይኖ ኩድኖሎም ኮድኒኑክ ፡፡ 43 27፡43. እን ሓለቃ ሊኹኽካ ፡ ጳውሎስቲ ዴኣንድሮ ጀራቤ ፡ እና ኮድንናስ ከላብረሪሉ ፡ እን ሓንበስና ኣርኣውሲ ፡ ሴልፍ ጌምኖ ብሪል ፍድኖ ኣዜዙክ ፡፡ 44 27፡44. እን ካብቴውሲኻ ፡ ናበሊንሲኻ ሉሕድ ፡ ናበሊንስኻ ፡ እን ካርትና ዶኒቱክድ ፊኒን ዩክ ፡፡ ኒድ ሳቤትድኻ ናውክ ዳኣኖ ብሪል ፍኑኽ ፡፡
1 1. ድኣናሳናኻ ፡ እን ዳሴት መሊጠ ይስትራ ኣርእኑኩን ፡፡ 2 28፡2. እን ድገቁርኻ ጌሪ ራሓምንኹና ፡ ስዋ እሱ እርግናዲንኽር እን ብርድ ሳበትድኽር ላኻ ሻኽስኖ ናትክሲ ፡ ካለብርንኩና ፡፡ 3 3. ጳውሎስኻ ፡ ገሪው ቃሼም እክቦ ላኺል ቱሱ እንጉንሲክ ፡ ምራዋ እንብርና ሳቤትድ ፌ ፡ ኒናንሲ ናካቶ ጠልጣልዩኽ ፡፡ 4 28፡4. እን ድጌቁርኻ ፡ እን ምራዋ ኒናንሊ ጠልጣልዮ ቃላናሴናሉ ፡ ናሹር ናሹ እና ግርዋ ኒን ፡ እምንድክ ኣዳምር ክዋንታጊን ፡ በሓርልድ ዴኣናንኽር ፡ እን ኒታሪት ፋዳያኹሉ ጃር ኒርሕድ ማንዳርትሮ ባርላሉ ይስትኒኑክ፡፡ 5 5. ንኻ እን ምራዌስ ላኺል ናጫግኹ ፡ ጌላ ድካ ጎትሌሉ ፡፡ 6 28፡6. ናውኻ ዓቄሪሮ ዋሪኻ ፡ ኒድኒድ ፡ ክሮ ላብሮጊን ይኖ ጫቤሩንሉ እርግኑከጅ ፡፡ሺራኽ ዋክት ጫቤርናሰና ፡ እማ ላኽ ድካ ጎትጋትሉ ፡ ቃልናሴናኻ ፡ ኒንታ ጃርጊን ይኖ ናቆል ቃዬርኑኽ ፡፡ 7 7. እንኣካን እንድሂር ጋቢልኻ ፡ ጱብልዮስ ይስታኽ ኣውራ እን ዳሴትል ጌሪው ኪሺን እርጉኑክ ፡፡ ንኻ እንካሊሲ ካላቦ ሴኻ ካራ እምንቲሲኹ ፡፡ 8 28፡8. ኣኾካ ጱብልዮሲ ኒኽር ሻማዲ ፍጋር ጌዱጉኹድ ሻኽስቶ እርጉኽ ፡ ጳውሎስኻ ኒል ትዎ ጠላዩኽ እግሉ ፡ ኒናንትሲ ጋምዶኻ እቢስኹሉ ፡፡ 9 28፡9. ኒን ኣኻሰናኻ ፡ እን ኣሪው ሽኽሽተው እን ደሴቲር ቁር ፡ ኒል እንታሪኔክ ፡ እቢርኑክ (ትልልስኑክ ) ፡፡ 10 28፡10. ጌሪኽ ክብርድ ካበርድኑኩና ፡ ብርፍዩኑክር ጃሬብዳኹድና ሳንዓተድ ሊኪስኒኩና ፡፡ 11 11. ሴኻ ኣርባ ዴንቢኻ ፡ እን ነእና ዴሴት ከሪማትል እርጋኽ ፡ ድዮስቆሮስ ህንባክሊ እስክንድርያር ዶኒካድ እስነ ታር ይንኩን ፡፡ 12 28፡12. ሲራኩሳትል ገይእነሴናኻ ፡ኒርትል ሴኻካራ ግጅንኹን ፡፡ 13 13. ኒርትልድ ዴክኖኻ ፡ ረግዩምትል ቱንኹ ፡ ኒኣሜሪት ውልዋል ደቡቡኽ ፡ ጋንኻ ሊኔር ካሪል ጱተዮሉስትል ቱኑኹን ፡፡ 14 28፡14. ኒርትል ሻን ኣርንኹን ፡ ናዲ ሌናታ ካራ ሓቀፍኖኽር ፡ ሺዊኒኩና ፡ እና ንሴናድ ሮመትል ቱንኩን ፡፡ 15 28፡15. እን ሻን ይናካበርሲ ዋስናሳናኃ ፡ ኣጵዩስዲ ፎሩስዲ ስኻ መስካብ ኣኽራሲክ ካለብርድኖና እንትኑኽ ፡፡ ጳውሎስኻ ቃላሴናሎም ጃርሲ ሓመዱኽ ኒላቤካኽር ሃናእ ዩኽ ፡፡ 16 16. ሮመትል ዔርናሰናኻ ፡ እን ሓላቃ ሊኹኽ እን ሓቤስተውሲ ፡ ሓላቃ ሴራዊትክሊ ዴክሶ እውኩሉ ፡ ጳውሎስኻ ላኽ ኒት ታካዋኽ ዓስከሪራዲ ፡ ኒቱ ኣኽሮ ፍርድ እውስትኹሉ ፡፡ 17 28፡17. ኣኾካ ሴኻ ካራ ዴንቢ ፡ ጳውሎስ እን ኣርእስታው ኣይሁዱሲ ሽኖ እክብኹም ፡ እክብስና ሰናኻ ፡ ይኹሎም ያሃው ይሻን እን ይናካውዲ ፡ ዋሪ ስርዓ ይናክልዱኽዲ ዋኺሳኽ ናጌር ድካ እሲጋኽርታ ፡ ዮርሳለምትልድ ይንሽዋድ ሮማውያንድ ናንተል ፡ ዲክስኑኩለ ፡፡ 18 28፡18. ናው ማርማርኖ ፡ ክሪል ጌእሳኽ ሰባብ ብናሴኔሌኻ ፡ እንክድኖለ ጃሬቢኑክ ፡፡ 19 19. ኣይሁድ ተብናሴናኻ ፡ ይካውሲ ሸካዬናኩሉ ፡ ናጌር ሻኽጌኽር ኣኩ እንጉንሲክ ፡ ጫነቆሌ ቄሳርትል ይግባ ይኩን ፡፡ 20 28፡20. እማ ጌዲም ፡ ሳዳ እስራኢልዱኽዱር ሳቤትድጊን ፡ እና ንሽዋኒስ እንሻውሶ ህንባክ እማ፡ እና ጋር ኔድ ቃሊዬኩምኽር ጋቢዬኩምኽር ሽናኩኩም ፡፡ 21 21. ናውኻ ፡ ይንን ኩሰባትድ ድውላት ይሁዳትልድ ጃዋብ ካብርኒኒክ ፡ እን ሻንልድ ፈኻ ኣካቤርዳኹ ፡ ዋሪ ኩሳቤትድ በዳን ድዌኩን እላኒ ፡፡ 22 28፡22. እና ጋብ ኒድ ሴባትድ-ኻ ፡ ብሪልክ ክም ተጫረራነትኩም ኣርእንኹን ፡ እማ እን እንቲ ሓሴብራኹሉ ጋርሲ ክልድ ዋስኖሉ ፡ ጃረብናኩንሉ እንክኑኩን ፡ ይንኩሉ ፡፡ 23 23. ግርጋኻ ኮሾርንኹሉ ፡ ገሪው ኣኽኖኻ እን ኒማንዳታ ልንሊ እንትኑክ ፡ ጉራብድ ተርሲን ኩኒን ኣኽራሲክ ኻ ፡ ፍትሕ ሙሴሩኽልድ ተርሲነ ፡ ናብያትር ዬሱስር ሳበትድ ፡ ፋሃሚሱ ማሪ ጃሩኽድኻ ማስከጃሩ ፡ ተርጃምኹሎም ፡፡ 24 28፡24. ናቤሊን እንእስታኹ እምንኹ ፡ ናበሊንኻ ጉሽንኹሉ ፡፡ 25 25. ናሹር ናሹ ተሰማምዕና ብኖ ፡ ፈሌይስኑኽ ፡ ጳውሎስ እና ቆሊ ኒሂቲ ጋበሳና ፡ ማንፋስ ሻትክ ናቢ እሴያስድ እንታክልሲ ምልምል ጋቢኩሎም ፡፡ 26 28፡26-27. ንሳና ዩኽ ፡ እና እክሊ ፋራ እማ ድዊሎም ፡ናዕንቁቅድ ዋስግኒን ናዕልልድ ቃግኒን ፡ ናዕንቁቅሲ ጫማምድኑኽ ፡ ናዕልልሲ ጫፋኑኽ ፡ናለበካት ኣስታብሃልድግኒን እማ ዋንተርግኒን ፡ እንኽር እስጊንሎምኽር ፡ ላባካ እና እክኔዱኽ ተቃኽጊን እማ ዋስናሳ ዋሴናኽ ወላ ፌራገኒኒ ፡ ቃልናሳ ቃልዳናክ ዋላ ማርኪስደናኒ ፡፡ 28 28. እማ ጌዲም እና ዳኣና ጃሩኽ ፡ እክሊ ክም እንሻቅሴት እንተል ኣርእስታኽ ኣኽኒ ፡ ናውኻ ዋስድነቦሉጊን ፡፡ 29 28፡29. ኒስ ጋቤሳናኻ ፡ ኣይሁድ ፡ ናሹር ናሹትል ገሪኽ ካሓድስኑኑ ፍኑኽ ፡፡ 30 30. ጳውሎስኻ ፡ እንተካሬያኹሉ ልንሊ ፡ ለኣሜራ ኮፍ ዩክ ፡፡ እን ኒል እንታሬው ናትክሲኽር ካለቡሎም እርጉኽ ፡፡ 31 28፡31. ገቢስቲጊኻ ሜሪ ጃሩኽሲ ጌሪ ሓጠርድ ፡ ይና ኣዴራ ዬሱስ ክርስቶስር ሳቤትድ ማሃርዱ እርጉኽ፡፡
1 ጳውሎስ ገንሺን የሱስ ክርስቶስሩኹ ሃዋርያ ኣኽሮ ሽጝስታዅ ወንገል ጃሩዅድ ፈለይሳኹ። 2 ጃቢሶ ነብያትድ እንሻትካን ክቱባንሊ ሳዲሳዅሉ፡ 3 ኒዅራ ሰበትድ ስኸድዳዊትር ፈደንልድ እዃርሳዅ፡ 4 ኒ እየሱስ ክርስቶስ ይና አደራ ክሪልድ ኒጉነድ፡መንፈስ ሻትክድ ጃርዅራ አኸት ሒልድ ወድሕስታዅ፡ 5 ኒሱጙ ሰበትድ ናድካ ቆምያተል አዘዝትና እምነቱዅ ተከልኖ ኒድ ገዲ ሃዋርያዲ ከለብርናኽር። 6 እንትንኻ ናዲ እየሱስ ክርስቶስድ ሽጝስትድናኽር ግን። 7 ሮሜትል ህምብዳናኽር ሽጝስትድናኽር፡ሻትካንዲ እንከልስዳናኽርዲ ጃር ናትክሲ ይናኽር ጃርልድኽር ይናደራ የሱስ ክርስቶስዲ ገዲ ሰላምዲ ዋኒንተት። 9 10 8 እንተ እምነት ኒድክ እድንየትል ወሪስትነዲ ናድካ ጃብ ናድካ ሰበትድ ይጃርሲ የሱስ ክርስቶስድ ሓመደኩንሉ እንኩኹን። 11 - 12 እንተት ሃናእስነድ ገለ እውን ምንፈሳዊሪዅ በንየኩም፡ቋልየኩም ሰፍለልታዅን እንኹዅን።ማለት እን ይናሹር ይናሹትል ህምብረሪ እምነት እንተሪዲ ይሪዲ እንተልኽር እንተዲኽር ደፍእኖል መታን ታዲ ደው እንገት ከም ሓሰበትኩም ጃር ፍቓድድ ጠፍሓንታ አዪ ደርብድ ደንጎባ እንተል እንትያ ይጠሎዲ ዲማ ከምሓሰበትኩምኽር እን ወንጌል ኒዅሪዅድ ይመንፈስድ አገልገልዳዅሉ ጃር መስከርዶለ ግን። 13 እንትን ይሻን እን አሪው ቆምያተል እሰሰና እንተልኽር ፍራ አሪያታዲ እንተል እንትያ ይኮድጛስ ቀረጨት ናን ኣኽራሲክኻ ገብስተት አርእትኖ ጀረበኩን እንኩኹን። 14 ጸርኣዋንዲ አሪው ቆምያትዲ ለበኪውዲ ሃስሳንዲት እድዅ ሻዅን፡ 15 እማ ገድም ይሹሩዅድ ሮሜትል ህምብደናኽርሲ ወንጌል ድውየኩም ደለሞ ህምባኩን። 16 ወንጌል ሰልፍድ አይሁድሩውድ ኒሰናኽር ጸርኣውያንዱውድ እምናኹድኽር ኒትክ ሒልጃሩዅ እምናኹድ ግን እማ ወንጌልድ ስማረሊኒ። 17 እን ክቱብ ጫድቕ ላኪን እምነትድ ግን ኒ መንደርታዅ ይዅሰና እን ጫድቕ ጃሩኹ እመትልድ እምነትል ኒድ ወድሕስታዅ ግን። 18 ሓርቆት ጃሩዅ ሰሚልድ ዓገብል ኒድክል ዓመጭነዲትልኽር እን እምነትሲ ዓመጭድ ሰሰው ከውሊ ወድሕስታዅ። 19 ጃር በርህድዅሎም እማ እን ጃር ሰበትድ አርኣኹ ናል ዋድሕ ግን። 20 መሰምስ እሰናዅ ብድኖር መታን እንእድጛ መሀድስሩንጉሲ ተርሰ ኒክድመትድ አርእስታዅ ቋልስታዅ ኒባህሪኻ እንዲመሩኹ ኒሒልዲ ኒ መለኮትዲ ትክሰ ቋልስታዅ፡ 21 ኣኽንግራ ጃርሲ አርኡኑሉታ ጃርሰና ሀቢነ ከበርድገውሉኽር ሓመድገውሉኽር ኣኽነውድ ናምኹድ ብላሽ ኣኽኑኹ፡እን ፈጠናጋኹ ናለበካኽር ጨልመቱኹ። 22 - 23 ለበኪው ግን ዩኑ ሀሰስኑኹ እማ እን ደኳጋዅ ክብር ጃሩኹሲ ተካ ደኳዅ ኣዳምሩኹዲ ጀከልዲ ሰጃልኩክ ሻው ሕያይትዲ ለመም የውዲ ሻውሊ ቀየርንኹሉ። 24 - 25 እን እምንዱኹ ጃርሲ ብንሊ ለወትንኹሉ፡መሀዳኹ አብሊ ኒ ዲመሲ ገውርሳኹ ግን ኣሜን።ምሁድሲ ኣምላኽድነዲንኽር አገልገልድናዲንኽር ካርኻ ስኻ ናሹር ናሹሩኹሲ ጂብድድኖ ናለበካ ምራድድ ምቁለድ ደኩሶ እውኹሎም። 26 እማ ገድም ጃር ጂብኻ እንከሊሲ ደኩሶ እውኹሎም፡ናኡሰው እንጉቡእ አረሪሰና ናኹሲ ጉቡ እንጋዅ አረሪሰኒል ለወትንዅሉ። 27 እን ናነሰኸውኽር ኒሰና እን ናጉቡእ አርስና ኡሰሪዲ ባርኖ ናሹር ናሹትል ናኣኾር ምራድድ ሓውይኑኹ፡ግርው ግርወል ስርዕ እሲኒኹ፡አጅር ና ከትኒኹሲኻ ናኣኾርሊ ከለብርኑኹ። 28 እን ጃርሲ ናአምርሊ ሻኽድኖሉ ሓሰብገውሉ፡ጃርኽር ኒሰና ጉቡእ ኣኽጋኹ እሲድኖ ጂባኹ አምርድ ደክሶ እውኹሎም። 29 ዓመጭዲ ጂበዲ ሀርገፍገፍ ይነዲ ምቁሊትና እንተኻኹሎም ገሪው ቀንአት ኩና ዋኻ ተንኮል እከይ 30 ሕሹኹሽኹ የው ፡ልኸው፡ጃርሊ እንጠርሰው፡ገፍዐው፡ከበርሰው፡ጀሀርሰው፡እከይ መሀደው፡ናዋልደንሲ አዘዝተገው፡ 31 ደንቆሮታት፡ጠለመው፡ሻም እንግገው፡ሰኸንተገው፡ 32 ነን-እን ነስ ተከው እሰውሲ ክራ ወጀበትሎም እን እምንዱዅ ፍርድ ጃሩኹሲ አርኡኑሉታዲ እን እሰውሲሉድኽር ሕበርሰውሲክር ግራ እሰውሲሉ ካያ ኣኽላ።
1 እማ ገድም እንቲ ፈረድራኽር አዳም አኽረኽርክ ኣክረን ፡እን ፈረድራኹሉ እስራኹሉ አኽርነዲን እን አሪውድ ፈረድራኹድ ኩሹቲ ኮነንዳኹሉ እንኩሩኹ እማ ሰበብ ሻኽላ። 2 ይንታዲ እን ነወያኹ እሰውድ እን ፍርድ ጃሩኹ እማና ኣኸት አርእንኹን። 3 እንፋ እን ነስ ተከው እሰውሊ ፈረድራኽር፡ኩላውድኽር እስራኹሉ ኣዳም እን ፍርድ ጃሩኹልድ ሽልቁርዳኹርማ ተካኹንካ እንኩኹን። 4 ወሪኸ በከት ጃሩኹ፡ኑዛዘትል ወንተረትካ አርእን ብነድ ኒተጀርና በከቱኹዲ ምኹረንታ ኒኣክነዲ ኒዓቅልዲትማ ቃበብራኹን እንኩርኹን። 5 ኣኽን ግራ ኩተብዲ ኩተናዘዝና ለበኪኹ ብነዲ እን ግርጋ ሓሩቆትሩኹዲ ወድሕስትና እምንዱኹ ፍርድ ጃሩኹዲ ገማኹ ሓሩቆት ኹኣኽርሊ እክብራኹ እንኩሩኹ። 6 ኒ አዪ ኣዳምቲ ኒግብርሰና ኡሮሉ ግን። 7 ማለት እትክያኹ እሱኑ ሰብር እሲነ ግርመዲ ክብርዲ ድሂስና እንገት ጀረበው ዲመር ርሕ ኡሮሎም ግን። 8 እን ዓመጭነስ አዘዝተው ግራ እምንሲ አዘዝተገው ቀየርሰውሲ ላኪን ሓሩቆትዲ አምርዲ ገምሮሎም ግን። 9 እከይ እስረሪ ኒውክ ሪሕ አምሩኹ ጭንቀትዲ ጅርበትዲ ገምሮላ ግን፡ሰልፉ አይሁድድ ኒሰናኽር ጸርኣዊረድ፡ 12 10 ትክያኹ እሰኹድ ላኪን፡ግርመዲ ክብርዲ ሰላምዲ እውስትሮሉ ግን።ሰልፍ አይሁዳውረድ ኒሰናኽር ጸርኣዊረድ። 11 ፈለለይና እላኒ። 13 - 14 ጃር ጃብል እን ፍትሕ እሰው ግን ደአነው ግን ግራ ፍቲሕሲ ዋሰው ጫድቃን ኣኽኒኒ እማ እን ፍቲሕ እንገት ሓራም እሰውክ ፍትሕ እንገት ድድኖ ግን።እን ፍቲሕ ክሙኑ ሓራም እሰውክ ናዉክኻ እን ፍትሕድ ፈረድስድኖግን። 15 እን ፍቲሕ እንገው ቆምያት ናሕልና ሰምዕዱሎ ናሓስብኽር ኒሹር ኒሹ ሸከዩ ወሪ ገበቡሎም እን ክድመት ፍትሕሑኹ ናለበኪል ክቱብ ኣከት ቋሊሰነኩ እንኩኑኹ እማ እን ፍቲሕሊ ህምባኹ ናምራድድ ቀሰብስኖ እሰገው ኣኽኖ ደምቢ፡ ናውክ ፍቲሕ እንገው ኣከነንኽር ድኳ ናሹቲ ፍቲሕ ግናው። 16 እን ይወንጌልሰና እሰ ጃር ምስጢሪ ኣዳምሩኹሲ እየሱስ ክርስቶስድ ፈረዳኹላ ግርገድ ኒሰና ኣኽሮ ግን። 17 ኣኽን ግራ፡ይሁዳ ይስትረን ፍትሕድ እምንደን ጃርድኽር ሓበንስረን፡ 18 ኒ-ፍቓድ አርእረን እን ኒፍትሕልድ መሄርስሮኽር እን እምንሲ መርመርዶ ፈለይረን፡ 19 መርሓይ ዓረበውድ ጭልምሊ ህንበውሲ ቲኳ ኹኣኽኘድክር እምንስረን፡ 20 እንቲ ሃስሳንሲ ለበኪሰንታ ቆሊዕድ ክንሰንታ እንፍትሕልኽር መሰል አምርዲ እምንዲ ህምባኹካ ግን። 21 እማ ገድም እንፋ አሪውሲ መሀርድራኽር ኩሹቲኻ መሀርደለማ፡እንፋ ስዋጋ ይሮ ድውራኽር ኩላውድማ ስውራኹን። 22 እንቲ ፋይትጋ ይራኽር ኩላውድማ ፋይትራኹን።እንቲ ጣኦትሲ ፈንፈንትራኽር ኩላውድማ ሻትክ ልጝን ስውራኹን። 23 - 24 እን እንታ ሰበት ሱጙ ጃሩኹ ቆምያታ ጃብሊ ጃኽስታኹ ያኹ ከተብሶ ህምባኹ፡እንፋ ፍትሕድ ዋርዲትራኽር ፍቲሕሲ ፋሕስነድማ ጃርሲ ጀረብድራኹኑሉ። 25 ሰመተርስና ፍቲሕሲ ተከውረን ነፍዕረሪ ግን እማ ፍቲሕሲ ዳድረንኻ እን ሰመተርስና ሰመተርስና ብና ግን ኣካኹ ። 26 እማ ገድም እን ሰመተርሳኹ እን ፍቲሕ ጀረባኹ ስርዓትሲ ተከወኑ እን ኒሰመተርስና ብና ሰመተርስጋኹሰና ኣኾ ሺብተለሉ። 27 እን ኒስልፍልድ ሰመተርስጋኹ ኣኩ ፍቲሕሲ ተከዋኹ፡ኩት ፊደልድኽር ሰመተርስነድኽር ፍቲሕሲ ፋሕስራኽር ፈረድሮካ ግን። 28 ቋልስታኹድ አይሁዳዊራ ኣክና ይሁዳ ኣኽላ እማ እን ቋልስታኹድ ስኺል እስትረሪ ሰመተርስረሪ ሰመተርስናኽር ሰመተርስና ኣኽላኒ። 29 እን ኒ-ጅወድ አይሁዳዊራ ኣኻኹ ላኪን ኒ አይሁዳዊራ ግን፡እን ሰመተርስናኻ ሰመተርስና ለበኪኹ መንፈስድ ግን ግራ ፊደልድ ኣኽላኒ።እን ሳቡርኽር ጃርልድ ግን ግራ ኣዳምትልድ ኣኽላኒ።
1 እማ ገድም ይሁዳ ውረንኒ ኒመኽሰብ ሰመተርስና ውሪል ነፍዓኹን ። 2 ኒድክድ ገርኹ ግን፡ሰልፍድ ቆል ጃሩኹ ናድ ፋነይነድ እውስትኹሎም። 3 ናብጅኻን ናልድ እምንሰው ኣከግነንኻ ውረንኒ፡እን እምንሰገው ናኣክነማ እን ጃሩኹ እምነሲ ብላሽ እሳኹሉ ኣኾ። 4 ያእ ኢፋሉ፡እን ኩቆልድ ጨደቅቶ ፈረድሰንካኽር ረትዕቶ ግን ያኹ ክቱብሰና ጃር እምንዱኹ ኣኸት ኒውክ ኣዳምኻ ቡጛ ኣኸት አረርሰኩ። 5 እን ይና ዓመጭ ጭድቂ ጃብል ቋሊሳኹ ኣኾ ደንቢ ውራ ይንን፡ጃር ኒሓሩቆትሲ ገምደሰና ዓመጨንተመኒ፡ አዳምር ጋብሰና ጋበኩንኩም እንኩኹን። 6 ኢፋሉ፡ኣዋህበ ደአም ጃር እድንየት ፈረድሮላ። 7 እን እምኑኹ ጃር እንይብንድ ኒክብርድ ኮዶ ደምቢ ውሪኹ ደአም ኣን ሓራሙኹሰና ኣኾ ፈረድሳኹን። 8 ኣውሰና ደአም እንገለ ናልድ ጀኸነውድሰነና እን ገለኻ ትክያኹ እንትሮር መታንታ ምቁላ እስኒን ይናኽርሰና የውና እሰግናኽር፡ነድ ፍርድ ትክያኹ ግን። 9 ውረንኒ ደአም ናልድ ክድናኹሉማ ህንባኹንና፡ላሪ ድኳ ይሁድ ኣኺኒን ጸርኣውያን ናውክ ሓራም ኣንቀይሊ ኣኽነት ሰልፍ ሸከይኖ ህንብናኹን፡ 10 ኒሰናኽር ከተብሶ ህንባኹ “ላኹ ድኳ ጫድቕ እላ” 11 ላኹ ድኳ ፈጠናኹ እላ ላኹ ድኳ ጃርሲ ጀራባኹሉ እላ። 12 ናውክ ጀወሉኹ፡ናውክ ላገሽ ኣኽኖ ነፍዓገው ኣኽንኹ፡ትክያኹ ኣሳኹእላ። 13 ናጉርጉማ ብስታኹ አርብ ግን፡ናላንቅድ ምለናኹ ና ክንፉር ምጨተ መንደላዩኩ ሕንበኩሎም። 14 ና አብ እሸነዲ ምረትዲ እንታኽቶ ህምባኹ ግን። 15 ና ልኩክ ብር ብቅስኒል አሸሻኹ ግን። 16 ናጉግሊ ድደዲ ጅርበትዲ ህንበኩ። 17 ጉግ ሰላሙኹሲ አርእኒሉ። 18 ናዕል ጃብልኻ ጃርሲ ጒኢትና እላ 19 ኣኽን ግራ ኒው አብ አበስትሮ ንርዉክ እድንያኽር ጃር ፍርድ ኣንቀይል እንቶታዲ እን ፍትሕ ያኹሲክሉ እን ፍቲሕ ዓንቀይል ህንበውሲ ከም ጋበትሎም አርእንኹን። 20 ፍትሕታዲ ሓራምሲ ግን ኒ አርእሲሳኹ እማ፡ስኻ ሻኹክ ኒውክ ኒጃብል ፍትሕ ደርብድ ጨደቓዅ እላኒ። 21 ናን ላኪን ፊትሕዲ ነብያዲሲ ሰምዕሳኹ ጭድቅ ጃሩኹ ፍትሕ እንገት ወድሕስቱኹ። 22 ማለት ጭድቕ ጃሩዅ እምነድ የሱስ ክርስቶስድ እምነውድ ናድክድ ግን።ንድ ፈለለይና እላኒ እማ ። 23 ናውክ ሓራም እሲኒኹ ክብሪ ጃሩኹኽር ብኑኹ፡ 24 እን የሱሱ ክርስቶስድ አረርሳኹ በዳ ደኩና እንዳኸድ ገድድ ጨደቀናኹ። 25 ንድኻ እን እማና ሰብር ጃሩኹ እስተኹ ሓራምሲ ደክሮ ባርነዲንሉ ጃር ኒ ጭድቕሲ ቋሊስሮ መታን እምነትድ ኒክብርድ አረኪሰና እሰ ደውሲኹሉ። 26 ኒ ጫድቕ ኣኽሮ እምነት የሱስርኹልድ ኣኻኹሲኽር ጨደቕ ድሮ ናን እና ወክት ኒል ጭድቂ ወድሕድሮ ግን። 27 ሓበንስናኻ አዊል ህንባኹን ከብቲኹ፡አውር ፍትሕድ፡ክድመት ፍትሕድማ፡ኣኽላ፡ፍትሕ እምነትድ ደአም ግን ። 28 እማ ገድም አዳም ፍትሕ ክድመት እንገት እምነትድ ከም ጨደቕት ይነኩን እንኩንኹን። 29 - 30 ወሪ ይኸ ጃር ሁድር ጃር ካየማ ኣኾ፡ጃር ቆምያታኹር ኣኽጋኹማ።እን ሰመተርሳኹሲ እምነትልድ እንሰመትርስጋዅሲኻ እነትድ ጨደቐድኻ ጃር ላኹ ኣኽነዲ የዋ ቆምያታኹር ግን። 31 እማ ገድም ፍቲሕሲ ማ እምነትድ ፋሕስናኹኑ እንኩንኹን፡ያእ ይፋልና ፍትሕስታ ተብድናኹንሉ እንኩንኹን።
1 እማ ገድም አብራሃም ይናኽር ስኸድ ውራ ኣሮ ይኖግን፡ 2 አብራሃም ግብርድ ጨደቐኹ ኣከንታዲ ገለ ዋርዲታዅሉ አርድድ ሻኹ ግን፡ጃር ጃብል ላኪን ኣኽላኒ። 3 እን ክቱብኻ ውራ ያኹን፡አብራሃም ጃርድ እምንኹ እማ ኒንጭድቒ ኣኾ ሺብስትኹሉ። 4 እን እሰኹሲኻ ኒፈክ አዳኹሰና ኣኾግን ግራ ገድሰና ኣኾ ኣኽላ ሺብስታኹሉ። 5 እን ሓራሙኹሲ ጨዳቕዳኹድ እምናኹድ ግራ እሲጋኩድ ላኪን እን እምነት ጭድቕድ ሺብስተለሉ። 6 ዳዊትኻ እን ጃር ግብር እንገት ጭድቕ ሺብስታኹሉ አዳም ገድኹ ግን ያኹ ሰና ፡ 7 እን ናዓመጭ ባርስታኹሎም ናሓራምኽር ሰስታኹሎም ግዱ ግን። 8 ጃር ኒሓራምሺ ሺባጋኩሉ ኣዳም ገዱኹ ግን። 9 እማ ገድም አብራሃምቲ እን ኒእምነት ጭድቕድ ኣኽሮ ሺብስትቲሉ ይነክኩን እንኩንኹን እማ እና ገድናር ኒን ሰመተርሰውድ ካየማ ንር እማ ሰመተርስገውድኽር ግን። 10 ኣዋሃብረግን ሺብስትረሪሉ ሰመተርሶ ዋኑመንሪ እማ ሰመተር ስጊ፡ሰመትርስጊ ዋኑግን ግራ ሰመተርሶ ዋኑታ ኣኽላ። 11 እን ጭድቒ ሺብስትሮሎም መታን ይኖ ሰመትርስግኒ ዋኑኑ እምነውድ ናድክድ ናኽር ኣኽሮር መታን ታዲ እን ማሕተም ሰመተርስጊ ዋኑ አረረሪላ ጭድቕ እምነትሪ ሰመተርስኒኹ አርእሲስና ከለብሩኹ ። 12 እኽር ሰመተርሰውዱኹር ኣኽሮ መታን ማለት፡እን አብራሃም ይነኽር ሰመተርስጊ ዋኑ አረሪላ እመንት ንር ፈለኺል ፈረውድኽር ግራ ሰመተርስኒልድ ፈረው ካያ ኣኽላ። 13 እን አብራሃምቲ ወሪ ኒፈደንሲ እዲነት ለዋኹ ኣኽሮር መታን እውስትረሪሉ ሳዳ፡ጭድቕ እምነትኹድ ግን ግራ ፍትሕድ ኣኽላ እማ። 14 እን ፍትሕልድ ኣኸው ወረስነን እምነት ብላሽ ኣኽርድ እን ሳዳኽር ጠለምስርድ። 15 እን ፍቲሕ ሓሩቆትግን ናዕሳኹ እማ እን ፍትሕ እንጋኹሊ ላኪን ኒል ፋሕ ስናኽር እላኒ ። 16 እማ ገድም አብራሃምር እምነትልድ አኻኹ ኒውክ ኒፈደንኽር ግን ግራ ፍትሕልድ አኻኹ ካያ ኣኽላ።እን ሳዳ ተብቶ ገድድ ኣኽሮር መታን እምነትድ ግን ኣኻኹ።አብራሃምኻ ናድካ እኽር ግን። 17 እን ገሪው ቆምያተር እኽር እሰካ ህምባኹን ያኹ ክቱብ ህምባኹ እን እምንድኹድ ጃብል ክሪውሲ ጉዳኹሎም እን ዋኒገውስኽር ህንባኹድሰና እሰ ሽጛኹሉ ጃር። 18 እን ይስታኹድሰናኽር ኹፈደን ንሰና ኣኽሮ ግን ሳዳ ዋኒጋኹሊ ገሪው ቆምያትድ እኽር ኣኽሮ ሳደድ እምኑኹ። 19 ሊኽ አመሪኹ ኣኩ ክራ ኒፊኹትኹዲ ክራ መህጸን ሳራሩኹዲት ቋሉ እምኒል ቂልስላ። 20 ላኪን ጃርሲ ሞሳ እዉ እምኒል ሒሊቱኹ ግራ እንሳዳ ጃሩኹሲ ኒእምና ብነድ ሰጋእጋ ይላ። 21 እን እዋኹሲሉ ሳደድ እሲሮሉ ከም ገረሰት ትክሰ ፈሀሞ እርጉኹ። 22 እማ ገድም ጭድቕድ ሺብስትኹሉ። 23 - 24 ኒንኻ ይና መታንኽር ግን ግራ ኒመታን ካያ ከም ሺብስትገትሉ ከተብስላ።ይነድ ናን እየሱስ ይናደረድ ክሪልድ ጉደትሉ እምናኽርስኻ ሺብስተኩና። 25 ኒን ይና ሓራም ሰበትድ በዳ እውስቱኹ ይና ጭድቕድኻ ጊኹ ።
1 እማ ገድም እምነትድ ጨደቕኖ ደምቢ ጃርዲ ይና አደራ የሱስ ክርስቶስድ ሰላም ዋንቲን ይነድ፡ 2 ንድኻ እና ህንባኹ ገድሊ ቱና አርናኽር ሳዳ ክብር ጃርኹድኽር ዋርዲትናኹንኽር እንኩንኹን፡ 3 ላኪን ጅርበትድኽር ተመክሕናኹን ግራ እን ጅርበት ሰር ከም ናዕሰት አርእድነዲን ኒድ ካያ ኣኺኒኒ። 4 ሰብርኻ ፈተንስና፡እን ፈተንስናኻ ሳዳ፡ 5 እውስታኹድና መንፈስ ሻትክድ እንከሊ ጃሩኹ ይና ለበኪል ብቕቲነዲ እን ሳዳኽር ስማሰላኒ። 6 ልሳዕ ቂልሰው ኣክኑ ክርስቶስ ወክትድ ዓመጨውድ አብል ክሩኹ። 7 ላኹ ጫድቕ አብሊ ክራኹ ድኳ አረርሳኹ ተከለለ-ከንዶእ እን ትክያኹ እሰኹድሉ አብሊ ክርዶ ደይዓኹ ቢስተጋኹ ኣኽራ። 8 ላኪን ይኒን ልሳዕ ሓራሙ ኣክኑ ክርስቶስ ይና አብሊ ክሩኹ እማ ጃር እን ኒእንከሊት ይነድ ንድ ቋሊሳኹና እንኩኹ። 9 እማ ገድም ናን ኒብርድ ጨደቕነሰና ደአም ውሪኮት እን ጅርበትልድ ኒድ ትክስነ ደአነግናኹን። 10 ኒእንጠረንቲ ዋንትኑ ጃርዲ ኒኹራ ክረድ አረክስኒኹን አረክስነ ደምቢ ደአም ውሪኮት ኒርሕድ ትክስነ ደአነግናኽር። 11 እማኻ ይናደራ የሱስ ክርስቶስድ ኒድ ናን አረክስና አርናኽር ጃርድኽር ዋርዲትናኩን እንኩንኹን ግን ግራ ኒን ካያ ኣኽላ።ኒሰናኽር ላአዳም ሰበትድ ሓራም እድንዪል ትዋኹድሰና ሓራምድኽር ክራ ናውክ ዓገብንነዲንኽር ክራ ናድካ ከውሊ ደኩኹ። 12 ፍቲሕ እንትራሲክ ሓራም እዲኒል እርጉኹ እማ እን ፍትሕ እንግጋኹል ላኪን ኒል ሓራም ሺብስተላኒ። 13 ክራ ላኪን አዳምትልድ ተርሰ ሙስየትል ኣኽራሲክ እን እኩላ ዓገብ አዳምሩኹ ሓራም እሲጋኹድኽር ለኸሙኹ።ኣዳምኻ ተካ እን እንተራኹ ድኹድ ግን። 14 ክራ ላኪን አዳምትልድ ተርሰ ሙስየትል ኣኽራሲክ እን እኩላ ዓገብ አዳምሩኹ ሓራም እሲጋኹድኽር ለኸሙኹ።ኣዳምኻ ተካ እን እንተራኹ ድኹድ ግን። 15 ኣኽን ግራ ገድ እውን እን ዓገብሰና ኣኽላ፡ላ-ኣዳምር ዓገብድ ገሪው ክርኑኹ እማ እን ገድ ጃሩኹዲ ኒእውንዲ ገድ ላግርዊኹድ ማለት የሱስ ክርስቶስርኹድ እን ገሪውሊ ትክሰ በጀኹኹ። 16 እን እውንኻ እን ሓራም እሳኹድ ላግርዋ ኣኽላ ፍትሕ ላኹድ ኩነነት እንቱኹ እን እውን ጃሩኹ ላኪን ብሪኹ ሓራምልድ ጨደቕድሮር መታን እንቱዅ። 17 ክራ ዓገብ እን ላዅ እን ላኹድ ሓኮሞ ደምቢ እን ከብተው ገዲ እውን ጭድቑዅዲ ከለብረውኻ እን ላኹድ የሱስ ክርስቶስ ርሕሊ ትክሰ ገሪኹ ሓከምድኖ ግን። 18 - 19 ደአም እን ገሪው ላኣደም ኣዘዝትና ብነድ ሓራም ክም ኣኽነት ኒሰናኽር እን ላግርወድ አዘዝትነድ እን ገሪው ጫድቓን ኣኽድኖ ግን እማ እን ላዓገብድ ናድካ ከውሊ ኮነንስና እንቱኹ፡ኒሰናኽር ላግርዋ ብር ጭድቕድ እን ጭድቕ ፊኹትድ ንድካ ከወል እንቱኹ። 20 ዓገብ በጀኽሮታ ፍቲሕ ትዉኹ ፡እን ሓራም በጀኻኹሊ ላኪን ገድ ትክሰ በጀኻኹ። 21 እን ሓራም ክረድ ሓከማኹ ገድኽር ኒሰና የሱስ ክርስቶስ ይና አደረድ ጭድቕድ ዲመር ፊኹትድ ሓከምሮ ግን።
1 እማ ገድም ውራ ይኖግን፡ገድ በጀክሮታ ሓራምሊማ ተብንን ፡ 2 ያእ ይፋልና፡ይን ሓራምልድ ክርናኽር ኣዋሀብነ ናን ኒሰና እሲኖ። 3 ውሪይኸ የሱስ ክርስቶስድ ጠመቅስናኽርክ ናውክ ኒክረድ ከም ጠመቅስነት ማ አርእድኒኒ። 4 እማ ገድም እን ክርስቶስ ክብር ኒኽርዱኹድ ክሪልድ ጔኹድሰና ኒሰናኽር ይንን ሓዲስ ርሕድ ወንተተርኖር መታን ክሪልድ ጥምቀትድ ኒዲ ደብስትኒኹን። 5 ይና ክራ ኒክረስ ተከ ኒዲ ሕበርስናኽር ኣክነን ኒሰናኽር ኒጉነድ ሕበርሲኖሉ ግን። 6 - 7 እን ክራኹ ሓራምልድ ለጭሑኹ እማ ኒን ወንተሮ ሓራምሊ ገዝእስትጊን እን ሓራሙኹ ስኻ ድድሮር መታን እን ገናኹ ይና ፊኹት ኒዲ ከም ከርከርሰት አርእኖ ህንብናኩን። 8 - 9 እን ክሪልድ ጔኹ ክርስቶስቲ ወንተሮ ከም ክረገት ክራኽር ኒል ከም መለከገት አርእንኹን፡ይን ክርስቶስዲ ክርኖ ደምቢ ኒድኽር ይናፊኹትድ ከም መንድርትነት አርእኖ ህንብናኹን። 10 ማለት ኒክራ ላዶን ዲመሲ ሓራምልድ ግን ንክራኹ፡ኒፊኹት ላኪን ጃርሲ ግን ኒ-መንደርታኹ። 11 ኒሰናኽር እንትን ሓራምልድ ከምክርድነት ክርስቶስ የሱስድኻ ጃርሲ ዋነው ከም ኣኽድነት እንተሹቲ ሺባ። 12 እማ ገድም ኒምራሲ አዘዝትጋ፡እና ክሪዋ እንታ ስኺል ሓራም ነገስጊኒ። 13 - 14 ገድ ኣንቀይሊ ግራ ፍቲሕ ኣንቀይሊ ኣኽግድናኽር ኣኽድነዲን ሓራም መለክጊንኩም።እማ ክሮ ጔውሰና እንታ ሹቲ ጃርሲ እዋ ግራ እታ ፊኹትሲ ምኹር ዓመጩኹ ሓራምሲ እሰገሉ።እንታ ፊኹስታ ምኹር ጭድቑዅ ጃርሲ ደአም እሰሉ። 15 ውራንኻ ይንን፡ገድ ኣንቀይልግራ ፍቲሕ ኣንቀይሊ ኣኽግናኽር ሓራማ እስኒን፡ያእ ይፋልና። 16 ንድ አዘዝትነድ ገንሺን ኣኽትኖ እንተሹቲ አደናኹሉ ሓራምድ ኣከን ክረድ አዘዝትነድ ኣከንኻ ጭድቕድ ግን፡እን አዘዝትድናኹ ኒገንሺን ከም ኣኽድነት ማ አርእድኒን። 17 - 18 እማና ገንሺን ሓራሙ ዋንትዱኑታ ሓራምልድ ለጭሕድነሰና ጭድቕድ ገዝእስትድኑኹ፡እን እውስታኹሲኩም መስል ምህሮሩኹድ እንታ ለበኪል አዘዝትድነዲ ላኪንጃርድ ሞሳ ኣኽኒት። 19 እንታ ቂልስን ሰበትድ አዳምር ጋብድጋበኩን እንኩኹን፡እን ጂበዲ ገፍዕነዲ ፍቲሕሲ ፋሕ ስነዲ እንታ ፊኹትሲ ገንሽናርሊ ደክስድኖ ኡድናኽር ኒሰናኽር ናን ጭድቕድ ሸታከትድ ገዝእስትሮ እንታ ፊኹትሲ እዋ። 20 ገንሺን ሓራሙ ዋንትዱኑታ ጭድቕልድ ናጻ ፍድናኽር ግን እርግድናኽር ፡ 21 ኒኣኽር ክራ ኣኽነዲ እና ንኪ ሲመርደናኹድ ኣከገን እን ወክት እንድድ ውራ ፍራ አርሶኩም። 22 - 23 መህየት ሓራሙኹ ክራ ግን እውን ገድ ጃሩኹ ላኪን ክርስቶስ እየሱስ ይና አደረድ ዲመር ርሕ ግን።ናን ላኪን ሓራምልድ ናጻ ፍድነዲን ጃርሲኽር ገዝእስትድነዲ እንታ ፍራ ሸታከትድ ኣኾ ህምባኹ።ኒ-ደጎባኻ ዲመር ርሕ ግን።
1 ወሪ ይሻን አን ፍቲሕ አርአውሲ ግን አን ጋባኹ እማ ኣዳም ኒርሕድ ዋኒራሲክ ኒውክ ኒዕምርሊ ፍቲሕ መለከትሉማ አርእድኒኒ? 2 እዂና ንራን ኒርሕድ ዋኒራሲክ ፍትሕድ ኒል እንሸውስረሪ ግን፡ንራን ክረንኻ እን ፍቲሕ ንራንዱኹልድ እንክስትረሪ ግን። 3 እማ ገድም ንራን ኒርሕድ ዋኑ አሪ ግርወድ ኣክረን ፋይቶራ ግን ይስተቲ።ንራን ክረንኻ እን ፍቲሕልድ ናጻ ፋቲ እማ አሪ ግርወድ ኣክረን ፋይቶራ ኣኽላኒ። 4 ኒሰናኽር ይሻን እንትን ጃር ፍራ ፍሪትኖ መታን አሪውድ እንሪልድ ጔዅድ እኽትኖ ስኻ ክርስቶስርዅድ እን ፍትሕልድ ክርድኑዅ። 5 ስኸር እራኳ ዋንትኑክረድ ኣካዅ ፍራ ፍሪትያ ፍትሕድ ደረረክሶ ይና ፊዅትሊ ምራድ ሓራሙኹ ከደሙ እርጉዅ፡ 6 ናን ላኪን ገናዅ እራኳ ፊዴሉዅ ኣኽጊ ሓዲስ እራኳ መንፈስኹድ ገዝእስትኖ እን ሸኾና እርጋዅ ፍትሕልድ ክርኖ ኒልድ እንክስትንዅን። 7 ውራ ደአም ይኖግን እን ፍትሕማ ሓራምኒ-ያ ያእ ዪፋሉ፡ፍቲሕ እንገት ላኪን ሓራምሲ ርእጊድሉ፡እን ፍቲሕ ተምነትግ የገንታ እንተምነትሲ አርእጊድሉ። 8 ሓራም ፍቲሕ እንገት ክራዅ ግን እማ እን ሓራም ትእዛዝ ሰበትድ አዶ ትምነትሲ ጉድድጙዅሉ፡ 9 እማ ና ፍቲሕ እንገት ኣን ዋነዅ እርጉዅን፡ፍቲሕ እንተሰና ላኪን ሓራም ዋአዅ ኣኹኹ ኣንኻ ክርዅን። 10 ሓራም ሰበብ አሮ ትእዛዝድ ሰሓድዅለ ንድኽር ኩውዅለ እማ እን ርሕድ እውስታዅ ትእዛዝ ይድ ክረዳ ኣኾ አርዅንሉ። 11 12 እማ ገድም እንፍቲሕ ሻትክ ግን፡እን ትእዛዝኽር ሻትክዲ ጫድቕዲ ኪሰሪዲ ግን። 13 14 እን ኪሰሪማ ይድ ክራ ኣካዅለ፡ያእ ይፋሉ፡ሓራም ግን ክራ ኣካዅለ ግን ግራ ሓራም እን ኪሰሪሲ እሰ ክራ ናዕሳኹ ሓራም ኒኣክና ወድሕስትሮታ ሓራም ትእዛዝድ እሰ ትክሰ ሓራም ኣኽሮግን። 15 እን እንጣራኹሲ እሰኩንሉ እንኩኹን ግራ እን ጀረባኹሲሉ ኣኽሊ አን እሳዅ እማ እን ኣን እሳዅሲሉ አርእሊሉ።ፍትሕ መንፈሳዊራ ኣከት አርእንኹንሉ ኣን ላኪን ሓራም ኣንቀይል ክስታኽር ስኺኹ ግን። 16 እን ኣን ጀረባኹሲ እሰጋኽር ኣከን ላኪን ኣን ፍቲሕ ኪሰሪ ኣኸት ሕበርሰኩንሉ እንኩኹን። 17 እማኻ እን ይል ሓደሮ ህምባኹ ሓራም ግን ግራ ኣን ኣኽሊ እሳኹሉ። 18 ምራድታ ህምባኩለ፡ኪሰሪ እስነስኻ ቢስቶለ ህምባኩ እማ፡ እን ጀረባጋኹ እከይሲ እሰኩንሉ እንኩኹን ግራ እን ጀረባኹሲሉ ኪሰሪት ኣኽላኒ አን እሳዅ፡እማኻ ይል ማለት ይስኺል ኪሰሪ ከም ዋኒገት አርኦ ህምበኩን። 19 20 ኣን ጀረባዅሲ እሰገን ላኪን፡ንደምብታ እን ይል ሓደሮ ህምባኹ ሓራም ግን ግራ ኣን ኣኽሊኒ እሰኩሉ። 21 እማ ገድም ኣን ኪሰሪ እስያ ጀረባኽር እን እከይ ከም ተከነትለ ፍትሕ ኣኾ አርኹንሉ። 22 ይጅዋ ፍኹትድታ እን ፍቲሕ ጃሩኹድ ባህ የኩለ እንኩኹ። 23 እኽን ግራ ይስኺል ፍቲሕ መንፈሱኹዲ ዋኺታኹ እን ይስኺል ህምባኹ ፍቲሕ ሓራሙኹሊ ኣኽታሲ ኣዳኹለ ኣሪኹ ፍቲሕ ቋለኩን ኣንኩኹን። 24 ኣበራ ኣን ድኑስ ኣዳም፡እና ክሪኹ ስኺልድታ ኣውኒ ቶክ ደአንድሮለ ግን። 25 ጃርሲ ይናደራ የሱስ ክርስቶስድ ሞሳ ኣኽኒት።እማ ገድም ኣን ይላውድ ይሙኹድ ፍቲሕ ጃሩኹድ፡ይስኸድኻ ፍቲሕ ሓራሙኹድ ገዝእስታኹን እንኩኹን።
1 እማ ገድም ናን እን ክርስቶስ የሱስ ህምበውሲ ኮነንሰኒ። 2 እን ክርስቶስ የሱስትል ህንባኹ ፍቲሕ መንፈስ ፊኹትኹ እን ፍቲሕ ሓራሙኹዲ ክሪኹዲትል ናጻ ፍድኹለ እማ፡ 3 ፍትሕሲ ስኸድ ቂልስነዲ እሲሮሉ ገረሰጋኹታ ጃር ኒኹረን ሓራሙውድ መሰል ስኻድር በዳሓራምድር እሰ እንሻቁኹሉ።እን ሕራምሲ ስኸድ ኮነንኹሉ። 4 ይነንል መንፈስድ ግራ ስኸድ ወንተተረግናኽርሊ እን ምራድ ፍትሑኹ እንዳኸ እንታኽትሮ ግን። 5 ስኸድ ህምበው እን ስኺኹሲ ግን ናው ሓሰበናኹ፡መንፈሳውያንኻ እን መንፈሱኹሲ ግን ናው ሓሰበናኹ። 6 - 7 እን ሓሳብ ስኺኹ ጃርዲ እንጠርሳኹ ኣኸት እን ፍቲሕ ጃሩኹሲ ገዝእስተላኒ ኮዶ ኣከለሉ፡እማ እን ኮድጛ ስኺኹ ክራ ግን፡እን ኮድጛ መንፈሱኹ ላኪን ፊኹትዲ ሰላም ግን። 8 እን ስኸድ ህምበው ጃርሲ ባህሲድኖሉ ኣከለሎምኒ። 9 እንትን መላኪን መንፈስ ጃሩኹ ገኦኩም ዋነን መንፈስድ ግራ ስኸድ ኣኽድኒን እንትን ህምብዳናኹ።እን መንፈስ ክርስቶስሩኹ እንግጋኹ ኣዳም ላኪን ኒን ኒኹ ኣኽላ። 10 ክርስቶስ እንተል ዋነን ላኢን፡እን ስኻ ሓራም ሰበትድ ክራኹግን፡እን መንፈስኻ ጭድቕ ሰበትድ ርሕ ግን። 11 እን የሱስቲ ክሪልድ ጉዳኹ መንፈስ እንተል ኬ ዋነን ላኪን ፡እን ክርስቶስ የሱስቲ ክሪልድ ጉዳኹሉ ኒ እን ክረንታ እንታ ስኸስኽር እን እንተል ሓደሮ ህምባኹ ኒመንፈስድ እሰ ዋነኹ እሲሮሉ ግን። 12 - 13 እማ ገድም ይሻን ስኸድ መንደርትደነን ክርትኖ ግን።እን ክድመት ስኺኹሲ መንፈስድ ኩደነንሉ ላኪን እንታ ርሕድ መንደርትትኖ ግን እማ ስኺሰና መንደርትትኖ እን ስኸስ ኒ እድኹሩ ኣኽድኒ። 14 - 15 እንትን ታዲ እን ኒድ እስነ አበ አበ ይኖ ሽጝናኹንሉ፡መንፈስ እዃርስኒኹ ግን እንትን ከለብርድናኹ ግን ግራ መንፈስ ገንሺኑኹ ሓዲስድ ጉኢሳኹድ ከለብርድኒ እማ እን መንፈስ ጃሩኹ መርሕስተውክ ናዉኩ ጃር ቁር ግን። 16 ጃር ቁር ኣክነት ኻ እን መንፈስ ኒላውድ ግን ይና መንፈስዲ ኣኾ መስከራኹ። 17 ኒቁር ኣኽንነዲኻ፡ለወንትኽር ግን።ጃርሲ ለውና፡ክርስቶስትኻ ኒዲ ለወንቲ ግን።ኒዲ ጂበዲ ጅርበትዲ ብትነን ኒዲኽር ክብ ይኖ ግን። 18 - 19 ሰፈላል ምሁዳኑኹ እን ወድሕስትና ጃር ቁርዅሲ ጨበረናኹሉ እንኩንኹ እማ ኒሰናኽር አን እን ምጨት እና ወክት ኒስ እን ይነል ወድሕስትሮ እንተራኹ ክብርሲ ከም ዋርዲተገትሉ እምነኩን እንኩኹን። 20 እን ምሁድ ኣከጋኹድ ገዝእስቶ ህምባኹ፡እንሳዳ ሰበትድ ገዝእስታኹ ግን ግራ ኒምራድድ ኣኽላኒ እማ፡ 21 እን ምሁድ ኒሹቲኻ ገንሺኣር ምሁድልድ ሓርነት ክብር ጃር ቁሩኹ ሲ ናጻ ፍድሮ ግን። 22 ህምበውክ ምሁዳን ናን ኣኽራሲክ ይነዲ ኣኾ ቁርቁርታኩ።ምሕጫ ከም ሸኸትሉኹር አርእነኹን እንኩንኹን እማ። 23 ስንካያ ኣኽላ ይኒን በኽርትና መንፈሱኹ ሻኽናኽር መሰል እዃርስኒኹ ማለት ደአና ይና ስኺኹ ጨበርኑ ይና ጅወድ ቁርቁትናዅ እንኩንኹ። 24 እን ቋላኹሲሉ ሳዳ እሳ ኣውንግን? ሳደድ ግን ይን ደአኖ ህምብናኽር።እን ቋልስታዅሲ ሳዳ እስና ኒን ሳዳ ኣኽላ። 25 እን ቋልግናዅሲ ሳዳ እስነንሉ መላኪን ሰበር እስነ ጨበርነኩንሉ። 26 መንፈስኽር ኒሰና ይና ቂልስጝሲ ካበኩሉ።ኣዋሃብነ ጠለይኖ ከም ሻኽነት አርእኒኒ እማ እን መንፈስ ኒላውድ ግን ድውስታጋኹ ምህልለድ ሺዋኹንልና። 27 እን ለበከስ መርመራዅ ኒ እን ሻትካን አብሊክ ጃር ፍቓድሰና ሀበ ሺወኩ እማ እን ሓሳብ መንፈሱኹር ውረኒ ኣኸት አርእኹሉ። 28 እን ጃርሲ እንከለው ኒምራድሰናኽር ሽጝስተውኽር ንውክ ና ኪሰሪሲ ክም ካበትሎ አርእንኹን። 29 እን እማና አርአውሲሎም ኒ ገሪው ሻንሲ ና ባኽር ኣኽሮር መታን ኒኹረር ተካ ተኪድን እማና ደለምድኹሎም። 30 እን እማና ደለምደውሲ ናትኻ ሽጝኹሎም።እን ሽጘውሲ ናትክ ጨደቕድኹሎም እን ጨደቕ ደውሲሎም ነትክ ከበርድኹሎም። 31 እማ ገድም እና ጋር ንድ ሰበትድ ውረይኖ ግን።ጃር ይነዲ ኣኾ ደምቢኻ ኣውኒ ግን ሸከያኹና። 32 እን ኒኹረስኽር ናድካ ሰበትድ ደኩሶ እዋኹሉ ግራ፡ኩሪርጋኹሉ፡ኣዋህበ ደአም ኒትክ ኒዲ እዋጋኹና። 33 እን ጃርድ ፍሪርሰውሲ ሸከያኹሎም ኣውንኒ?ጃር ግን እን ጨደቕዳኹ። 34 እን ኮነናኹኻ ኣውኒኒ? ክርስቶስ የሱስ፡እን ክራኹ፡ክሪልድኽር ጔዅ፡ጃር ላውል ኣኾ ይና መታን ሺዋኹር ግን። 35 - 36 እንክርስቶስር እንከሊልድ ሺሽዳኹና ኣውኒኒ?ግርግ ሺራኹሲክ ኩውስትናኩን እንኩንኹን።በራኽሰው በግሰናኽር ሺብስትናኹን ክቱብ ህምባኹ ጭንቀትማ፡ሽብውነማ፡ስደትማ፡ከአርማ፡ካይትናማ፡ጒኢማ ወሪ ሰፍድ በረክስና። 38 37 - 39 ኣኽን ወሪ ርሕ፡መላእኽቲ ኣኺኒን ወሪ ሕኩማን፡ህምባኹ ኣክን ወሪ እንተራኹ ወሪ ሒሊተው፡ክብያኹ ኣኽን ወሪ ለታቕያኹ።አሪኹ ምሁድኽር ኣከን እን ክርስቶስ የሱስ ይናኣደሪል ህምብረሪና እንከሊትልድ በታተን ሺሽድሮና ክም ገረሰገት ትክሰ አርኦ ህምበኩን ፡እና ኒድክድ እንከላኹድና ትክስነ ቂልኖ ግን።
1 - 2 አን ገሪኹ ጓሃይነዲ ደውያጋኹ ምጨትዲ ይለበኪል ከም ዋነትለ ይሙኹ መንፈስ ሻትክድ መስከራኹለ እንኩኹ።ክርስቶስድ እምን የኩንኩም እንኩኹን ቡጚተሊ። 3 ኣን የኣኾርድ እን ስኸድ ይሻንዲ ይኾውዲር መታን ወገድሳኹ ኣኾ ክርስትልድ ፈለይስያ ጀረቢሪድ። 4 እንራኤልድቁርግን እማ እዃርስነዲ ክብርዲ ማእኮትዲ ፍቲሕ ፈትሕነዲ ጃርሲ አገልገልድነዲ ሳደዲ ናኹ ግን። 5 እን እክልኽር ናዉክ ናው ግን።ክርስቶስኽር ስኸድ ናልድ ግን ኒዲመሲ ገውርሳኹ ጃር ናድካ አወይሲ ግን።ኣሜን። 6 ላኪን እንስራኤልዲ ገፍልድ ኣኸውክ ናዉክ እስራኤዱ ኣኽኒ እማእን ቆል ጃሩኹ ብላሽ ኣኾ ከብቲላኒ። 7 ፍደን ኢስሃቅድ ሽጝስትሮካ ግን ግራ ኣብርሃምር ፈደን ኣኽንነዲ ናውክ ኒቁር ኣኽኒ። 8 ማለት እን እቁር ሳዲው ግን ፈደንሊ ሺብስተው ግን ግራ እን እቁር ስኺውታ ጃር ቁር ኣኽኒ። 9 እን ቆል ሳዲኹ ፡እማር ንድ ሁመት እንትያግን፡ሳራኻ ቁራ እኻርቶግን ዩኹ እማ። 11 10 ኒንካያ ኣኽላ፡ርብቃኽር ላኹልድ ማለት ይናኽር ይስሃቅ ትልድ ጎድጕ እስረሰና ኒሰና ኣኹኹ። 12 - 13 እን ሽጛኹልድ ግን ግራ ወራትል ኣኽላኒ እማ፡እን ጃር ሓሳብ ቋልነድ ተብሮር መታን እን ያእቆብቲ እንከልዅን አሳውቲኻ እንጠርኹን ያኹ ክቱብ ህምባዅ እንቆል ልሳዕ እዃርስግኒ ዋንቱኑ ትክያኹ ኣኽን ምቁላ እሰግኒ እን በሀር እን ግናሹ ገንሺንትሮሉ ግን ይስትኹሉ። 14 እማ ገድም ውረይኖ ግን፡ጃርልማ ዓመጭና ዋነ ያእ እላኒ። 15 ሙሴየት ኒ ማሓራኹሲክ ማሓርዶ፡ራሓማኹሲክ ረሓምሮ ግን ይኹሎ እማ። 16 ገድም እን ማሓራኹ ጃሩኹ ግን ግራ፡እን ጀረባኹዲ ጋጝየኹ ዲሩኹ ኣኽላ። 17 እን ኩቱብ ፈርኡንቲ ይሒል ኩል ቋሊስያ ይሱጙስኽር ንርዉክ እድንያትል ዋስስትሮ፡ ንድ መታን ግን ጉዳኹካ ይኹሉ እማ። 18 እማ ገድም ጀረባኹሲሉ ማሓራኹሉ፡ጀረባኹሲሉኽር ተብዳኹሉ። 19 እማ ውሪኹ ደአም ናንኽር ሃደደኹን፡እኒፍቓድሲ አውኒ ተጫረረኹንሉ፡ክትብል ኢኻ። 20 ምንኮር፡እንፋ ኣዳም ጃርሲ ሸከይራኽር እንቲ ኣውኒ ግን?ገበርሳኹማ እንቲ ገበራኹሲ ውሪኹ ናህብራ ገብረዳኹንለ ዮ ያኩመሉ ኣኸ። 21 ወሪ ሓበጣ ከደማኹ እን ላሓበጣ ብሪኹልድ በልጛስ ትክያኹል፡በልጛስኻ በዳንሊ ኣካኹ እራኳ ከደምሮ እን ሓበጢል ምልክ እንግጋኹማ። 22 ጃር እን ኒሓሩቆትሲ ቋልስሮር መታን፡ኒሒልኽር አርእሲስሮ ጀረበታ እን ድዲል ደለመው እራኲ ምቁሊውሲ ኒገሪኹ ሰብርድ ምኹረኩሎም። 23 ኒንኻ እን እማና ኒክብርሊ ደለምደውሎምሲ እራኩ ምሕረቱ እንተጀርና ኒክብረቱ አርእሲስሮሎም መታን። 24 ይናኽር ማለት ቆምያተልድኽር ግን ግራ ይሁድልድ ካያ ኣኽግናኽርሲ ሽጛኹና። 25 - 26 እን ሆሴእትል ያኹሰና፡እን ይእክ ኣኽጋኹሲ ኒት ይእክ የሉግን።እን እንከልስግረሪትኽር እንከልስረሪ የላ ግን።እንትን ታዲ ይእክ ኣኽድኒኒ ይስተውሉ ኣካንልኻ ንርትል ዲማ መንደርታኹ ጃር ቁር ክም ይስተነት ኣኽሮ ግን። 27 - 28 ጃር ኒቆልሲ ልክዕዲ ሓሰብሳኹዲ እሰ ብሪል እሲሮሉ ግን እማ፡እሰያስ እስራኤልዱ ሰበትድ፡ሺብ እስራኤልዱ ቁሻ ባሓሩኹሰና ኣከንኽር እን ባረና ካያ ግን ደኣናኹ ዮ ዋዕ ዩዅ። 29 እን እሰያስኽር ጃቢሶ፡ጃር ጻባኦት ፈደን ባረገንነታ ሰዶምርሰና ኣኽንድ፡ጎመረትኽር ተኪንድ ያኹሰና ግን። 30 ገድም ውረይንን፡እን ጭድቕ ጀረበገው ቆምያት ጭድቕ አርኑኹ፡ኒንኻ እን እምነትልድ እንተራኹ ጭድቕ ግን። 31 እስራኤል ላኪን ፍቲሕ ጭድቑ ጀረቡኑታ እንፍቲሕ ጭድቑኽሊ ገእይኒ። 32 - 33 ውሪኹኻ እናሓን ጽዮንትል ክርጛ ዓንቀፊሰና ሸሻ ሸተትሲሰናዲ ገምደኩን እኩኹን።ኒድ እምናዅኻ ሸኽስተለሉኒ ያኹ ክቱብ ህምባኹ ክድመትልድ ግን ግራ እምነትልድ ጀረቢገው ኣኽንነዲን ክርጛ ዓንቀፊሰነድ ዓንቀፍስኑኹ።
1 - 2 ይሻንጌ፡አምርድ ኣኽላኒ ግን ግራ ጃርድ ቀንአት ከምዋነትሎም ኣን መስከረኩንሎም እንኩኹን እማ፡ናው ደአንድኖር አታን ይከበኪኹ ምራዲ ይጃርሊ ይጠለይናዲ ግን። 3 ክርስቶስ እን እምናኹሲክ ኒትክ ደንጎባ ፍትሒኹ ግን እማ ጭድቕ ጃሩኹሲ አርእን ብነዲን ጭድቕ ናሹሩኹ ተከልድኖ ጀረቢነዲን ናሹቲ ጭድቕ ጃሩኹድ ዓንቀይሊ ገዝእስትኒ። 4 5 ሙሴ እን ፍቲሕ ጃሩኹልድ እንተራኹ ጭድቕ ሰበትድ እን እሰኹሉ ኣዳም ኒድ ኒርሕድ መንደርትሮ ግን ይስቶ ከተብሱኹ እማ፡ 6 እን እምነትልድ እንተራኹ ጭድቕ ላኪን ነወያኹ፡ኩለበከድ ኣውኒ ሰሚል ዓረግሮ ግን ይግ፡ነወይና ክርስቶስቲ ገምድሮሉ፡ 7 ወሪ ይኸ ቆርሊታ ኣውኒ ገምሮ ግን ?-ንሰና ማለት ክርስቶስቲ ክሪልድ ፍድሮሉ፡ 8 ውረኒ ደአም የኩን፡እን ቆል ኩኣብዲ ኩለበከዲ ኩገቢልኽር ግን።ንሰና ይኖ እን ይን ሰበክናኹ ቆል እምነቱኹ ግን። 9 - 10 እን ክቱብ ኒድ እምናኹክ ስማረላ ግን ያዅ።እማ ኣዳም ኒለበከድ እምኖ ጨደቓዅ፡ኒአብድ ተኣመኖኽር ደአናዅ እማ ፡ኩኣብድ የሱስ አደራ ኣኸት ድውረን ኩለበከድኽ ጃር ክሪልድ ጉደትሉ እምንደን ደአንቶ ግን። 11 12 - 13 ማለት ኣዪ ኣዳም ስጝ ጃርኹሲ ሽጛዅክ ደአንዶ ግን።ኒ ላኹ አደራ ግን እን ሽጘውሲሉ ናውክሲኽር ተጅርግን እማ ይሁዲ ጸርኣውያንዱ ነበክል ፈለለይና እላኒ። 14 ላኪ ንእን ኒድ እምንገው እዋህቢነ ሽጝድኖሉ ግን፡ኒሰበትድ ዋስግኒ ኻ ኣዋህቢነ እምንድኖ?ሰበካዅ እንገትኻ ኣዋህቢነ ዋስድኖ? 15 እን ትክያኹ ኣበሸርደውር ልኩክ ውሪኮት ትክያኹን፡ያዅ ክቱብ፡እንሻቕስግኒ ኣዋህቢነ ሰበኽድኖ ኣኽኖ? 16 ላኪን ኢሰያስኽር፡ይኣደራ ይና ሰምዕሲ ኣውኒ እምኖሉ ይዅ እማ፡ናውክ ወንጌልሲ አዘዝስትኒሉ። 17 እማ ገድም እምነት ዋስኒልድ ግን፡ዋስናኻ ቆል ክርስቶስሩኽልድ ግን። 18 ኣን ላኪን፡በታተንማ ዋሰኒኒ የኩን እንኩኹን፡ናደሀይ ኒድክ ብሪልክ ፊዅ፡ናቆልኽር አርድ ሸሊ ኣኽታሲክ ገእዩኹ፡እምንድክ እባ ዋስኑኹ። 19 ኣን ላኪን እስራኤልኻ ዋስጋኹማ የኩን እንኩኹን፡ሰልፍ ሙሴ እን እክ ኣኽጋኹድ ሕሊጥስየኩም ፡አምር እንግጋዅ እክድኽር ቆንደፍድየኩም ግን ይኹ። 20 ኢሰያስኽር ሓጠሮ እንጀረቢገውሲለ አረርሰኩንሎም፡ወንቀሪስገውሲለኽር ወድሕስተኩንሎም የኲ። 21 እስራኤልድ ሰበት ላኪን፡ኣዘዝትጋዅዲ ተቋወማዅዲ እክሊ ግርግ ሺራዅሲክ ይናንሲ ጠለቕዅን ግን ያዅ።
1 እማ ገድም የኩን እንኩኹን፡ጃር ኒ-እክሲ ማሎመሎም፡ያእ ዪፋሉ።እንኽር እስራኤልዱኹ ኣብርሃምር ፈደንልድ፡ቢንያምር ፈደንልድ ግን። 2 - 3 ጃር እን እማና አርአው ኒ-እክሲ ማለሎም።ወሪ እን ክቱብ አልያስር ሰበትድ ፡ኒ -ያናደራ ኩነብያሲ ኩኑዅሎም፡ኩሰደቓ እሲሰነስኽር ፋሕ ሲኒዅ፡ኣን ይቱ ግን ከብተ ህምባኽር።ይሪሕሲኽር ጀረበናኩላ እንኹኑዅ ይዅ።እስራኤልድ ትክሰ ጃርሊ ጠዑ ውራኒ ከም የት አርእድኒ ? 4 ጃርኻ ውረኒ ከም ወንተሰትሉ፡ባዓሊ ፍግም ይገው ለጘታ ስሕ ግርዋ ይሹቲ ከብሰ ህምበኩን። 5 እማ ገድም ኒሰናኽር ናን እና ወክት ንድ ፍሪሰና ገድኹድ ከብትና ህምብኹ። 6 ገድድ ኣኸ ደምቢ ላኪን ግብርድ እማ እላኒ።ንድ ኣኽግታ እን ገድኽር ገድ ኣኽላኒ።ግብርድ ኣኸ ደምቢ ላኪን እማ ገድ ኣኽላኒ።ኣከን ታዲ እን ግብርኽር ግብር ኣኽላኒ። 7 - 8 እማ ገድም ውረንኒ፡እን ክቱብ ናዕልል ቋልግኒን ናእንቁቕኽር ዋስግኒንታ ጃር ንኪ ኣኽታሲክ መንፈስ ባዕገግኒኹ እውኹሎም ፡ያኹ ህምባኹ እን ፍሪርሰው እርግኑኹ እማ እስራኤል እንኒጀረባኹሲሉ።እን ከብተውኽር ተብኑኹ። 9 ዳዊትኽር እና ናዕግሎት መፈንጠራዲ ደፈንስነዲ ዓንቀፍስናዲ ወንገልዲ ኣኹኹሎም። 10 ቋልግኒን ናዕልል ጨለምኒ፡ናየውኽር ዲመሲ ሓጎብኒ የኲ ግን። 11 እማ ገድም የኩን እንኩኹን፡ለብድኖር መታን መኒ ዓንቀፍስናዅ፡ያእ ይፋሎም፡ትክሲሮሎም መታን ባእ።እና ለብና ቆምያሲ ደአነድ ኣኹዅሎም። 12 እና ለብና ተጀርና እዲኒዅ እና ነቐስናኻ ተጀርና ቆምያታኹ ኣኾ ደምቢ ላኪን ናእንታኽትናኻ ወሪ ናትኽይና ደአም ውሪኮት ትክይሮ ግን። 13 - 14 እንትን ቆምያት የኩንኩም እንኩኹን፡አዊ አርእዅን እን ኣን ይከውሲ ኣከውሲ ሕሊጥሰን እንተትኽር ደአንደንታ እን ቆምያትሲ ናሃዋርያ ግን እማ ይንሽቀስ ከበርዳኹን እንኩዅን። 15 እና ማልስና አድጝየድ አረክስና ኣኾላ ደምቢ ናከለብርስና ደአም ክሪልድ ርሕ አረርና ኣከገን፡አሪዅ ውረኒ ኣኽጊን ሻዅ ኣኾ። 16 እን ሰልፋ ሻትክ ኣከን እን መኮታኽር ሻትክ ግን።እን ስር ሻትክ ኣከንካ ላንክክኽር ሻትካን ግን። 17 እንላንክክልድ ገለ ብጅኽየው ከርተነን፡እማ እንቲ ወኻራ ከደኑኹ ኣክሩ ናነበክል አከልስረን፡እን ስልድ ማራ ወከሪኹልድኻ በንሰንታ ኣክረን፡ 18 እን ላንክክሊ ከበርስግ።ከበርስረንኻ እንስርግን ኩት ምዅሮካ ህምባዅ ግን ግራ እን ስርሲ እንቲ ኣኽላ ምኹርዶሉ ህምብራዅ። 19 ኣዊ አርእዅን፡ኣን ተከልስያ መታን ግን እን ላንክክ ከርተው ይራኽር ኣኽታ። 20 ትክዩኹ ናው ናእምና ብነድ ከርቲኒኹ፡እንቲ ላኪን እምንዳኽር ኣኽርነዲ ደውይሮ ህምብራኹ፡ጓቂቲ ግን ግራ ኩለበከድ ከበርስግ። 21 ጃር እን ናሰፍልድ ላንክክ እርገውሲኽር በርእጋ ደምቢ፡ኩትኽር በርአለካኒ። 22 እማ ገድም፡ጃሩኹ ለውሃዲ ጨከነዲት መርኪሲ፡እን ለበውሊ ኒጨካነት እንቲ ላኪን እን ኒለውሃትሊ ተብረን ለሃት ጃሩኹ ኣከገን እንትኽር ቀረጭስቶ ጎን። 23 ናው ናእምና ብኒል ተበግነን፡ላኪን ጃር ሓዲስድ ተከልዶሎ ገረሳኹ እማ፡ተከልስድኖ ግን። 24 እን ኣን ሰልፍልድ ወኻራ ከድንዲትልድ ቀረጭስሮ፡ሰልፍሪ ደርብ ኣኽግረሪ እንትክይረሪ ወኻራትል ተከልስሮ ደምቢ እና ሰልፍልድ ላንክክ እርገውሲ ደአም ኣዋህበ እን ካና ወኻሪትል ትክሰ ተከላጋኹሎም። 25 ዎ ይሻን እንታ ኣኾርድ ጋርሃን ኣኽድናክር ተከጊንኩምታ ፍርስና ቆምያቱኹ ኣኽራሲክ ገለ ብጅክየው እስራኤልዱሲ ተቢ ለበኪኹ ከም ገየትሎም እን ምስጢር ኒስ አርእግደናኽር ኣኽትኖ እንከልነሊኒ። 26 - 27 እን ክቱብ በደይሳኹ ጽዮንትልድ እንትሮግን ያቆብትልድኻ ምቁለስ ሺሽድሮግን ናሓራምሲ ሺሽዶሰና፡ይማእኮት ናዲኒን ኣኽሮ ግን፡ያኹሎ ኒውክ እስራኤልዱ ደአንድኖ ግን። 28 - 29 እውን ገድ ጃሩኹዲ ኒሽጝነዲት ናቕስጋኹሉ ኣኽነዲን ወንጌልድ እንታ መታን እንጠርሰው ግን፡ፍሪርስነድኻ እክል ሰበትድ እንከልሰው ግን። 31 30 - 32 ጃር ናድክድ ማሓርዶር መታን ናትክሲ አዘዝትና ብኒል ሃበ ኣበድኹሎም እማ እን እማና እንት ጃርሲ አዘዝትግድናኹሉ ናን ላኪን እን እንደን ናኣዘዝትና ብነድ ማሓርስድናኽር፡ኒሰናኽር እን እንትን ማሓርስድናኽርሉ ምሕረትድ መሓርስድኖር መታን ናን አዘዝትኒኒ። 33 ኣውስኮት ፈከርዳኹ ግን።ምጅዋ ተጀርና ጃሩኩዲ ኒ ጥበብዲ፡ ኒ-አምርዲ ውሪኮት መርመርሳጋኹ ግን።ኒፍቲሕ ወሪኮት ፈለኸድ አረሰጋኹ ግን ኒደርብ። 34 ሓሳብ ጃሩኹሲ አርኣኻ ወሪ ኣውንኒ ኮድጚሳኹሉ። 35 ኣውኒኻኒ እማና ገለ ሓጀታ እዋኹሉ እማ ወንታሳኹሉ። 36 ኒውክ ኒልድ ግን፡ኒድ ኒሹቲ ግንኽር እማ ኒድ ዲማ ደማይሲ ክብር ኒድ ኣኽኒ።ኣሜን
1 እማ ገዲም ይሻን ፡ እንተስኸስ ዲመሩኹዲ ፡ ሻትክዲ ጃርሲ ባህሳኽዲ ከዳ ሃብዲነ ስኩስትኖሉ፡ ጃር ምሕረትድ መኾኾኹንኩም እንኩኹን፡፡ ኒን ማለት እን ኣምሩኽ መንፋሳዊራ እንታ አገልግሎት ግን፡፡ 2 እን ትክያኹዲ ባህሳኹዲ፡ እንታኻኽ ፍቃድ ጃሩኽ ውረኒ ክም ኣኸት መርማርትኖር መታን፡ ሓዲስ ሓሳብድ ቃይስ ግን ግራ፡ እና እዲና ኒሂቲ ተካገላ፡፡ 3 እን ጃር ላኽ ላኹድ ዓደላኹሉ፡ መንፋስ እምናቱኽ፡ እሰ ዳኣም ኒሹሩኹድ ትክሰ ሓሰብኒ ግን ግራ ፡ እኒ ጉቡእሊድ በጃኽዶ ሓሰብጊንታ፡ ላኽ ላኹድ እንተ ነበክል ህምባኽሲ፡ እን እውስታኹድለ ገድድ፡ የኩንሉ እንኩኹን፡፡ 4 ናን ላስኺል ገሪ ኣካላት ህምባኩና፡ እማ እን ኒውክ ኣካሊኻ ኒክድማት ላኽ ኣኽጋኽ፡ 5 ይንን ክሪውኻ፡ ኒሰና ክርስቶስድ ላስኻ ግን፡፡ ላኽ ላኹድ ላኪን ይነሹር ይነሹ፡ ላኣካላት ግን፡፡ 6 እን እዉስታኹና ገድሰና፡ ኒት ኒቱ ኣኻኹ፡ እውስትና ገዱኽ ዋነና ደንቢ፡ ትንቢት ኣከን ፡ ልክዕ ይና እምናትድ ኣኽን፡፡ 7 ኣገልገልድና ኣከን ፡ ይና ኣገልግሎትድ ተብንን፡ መሄርዳኽ ኣከን ኒመሄርድነድ ተብን፡፡ 8 መኾኻክ ኣከን፡ ኒመኻኽነድ እዋኹድ ኒገርህድ እውን፡ መርሓይ ኣከን ተግሃትድ መርሕኒ፡ እን ረሓማኹር ፈርሓትድ ራሓምኒ፡፡ 9 ሻን ዋርዲትና ኣኽኒ፡ ጂበስ ፈንፈንተሉ፡ ትክያኹሊ ተካና፡፡ 10 እንተሸር እንታሹትል ፡ ክበርድነድ በደራሪን ዩዱኑ ፡ እንከሊ ሻኑኹድ እንተሸር እንታሹቲ፡ ላውሃትድ እንካልስጛ፡፡ 11 ታግሃን ኣክኒል ፡ ሃከይስጋ፡ መንፋስድ ሐውያ፡ ጃርሲ ኣገልገልዳ፡፡ 12 ሳደድ ፈርሓ፡ ጂበድ ሰብር እሳ፡ ጠሎት ዲማ እሳ፡፡ 13 ጀረብዳኹሰነሎም ሻትካንድ፡ በኔሎም፡ ጋሻይ ከለብርናድ በደራሪን ያ፡፡ 14 ዳገናነውሲኩም ገውራ፡ ገውራ ግን ግራ እሻጋ፡፡ 15 እን ፋርሓውዲ ፋርሓ፡ እን ስራውዲ ስራ፡፡ 16 እንተሹር እንተሹትል ፡ ላፍክራት ፋከራ፡፡ እን ለታቅያውዲ ለተቅያ፡ ግን ግራ እንክብያኽ ሳንዓቲል እንታ ፍክራሲ ገምድጋ፡፡ ኣምራንግን ይድኖ እንታ ኣኹርድ ፈካርጋ፡፡ 17 እን ናድካ ከው ጃብል፡ ትክያኽ ኣኻኽሲክ ደኣም ፈካራ፡ ግን ግራ ላኹድ በዳን በዳን ኣብሊክ ፈደይጋሉ፡፡ 18 ገረስታኹ ኣከንታ እንታሰበትድ እንታኹ ፡ ናድካ ከወዲ ሳላምድ መንደርታ፡፡ 19 ይእንከልሰንቲ ገዳይና ዩኽ ጊን፡ ኣን ፈደዪየሉ ጊን ያክ ጃር ክቱብ ግን እማ፡ እን ኣምርሲ ኣከን ባረሉ ግን ግራ፡ እንታላውድ ገደያ ወንተስጋ፡፡ 20 ኩኣባይ ከኣርተን ላኪን፡ ቂሳሉ ሱቃንተንኽር ጅእሲሉ፡ ኒስ ኩእስናድ ገጋእያኽ ላኻ ኒኣኻርሊ እክብቶ ግን፡፡ 21 እን እከይሲ ትክያኹድ እስረ ቂልሲሲሉ ግን ግራ፡ እን እካይድ ቂልሲስትግ፡፡
1 ጃርልድ ኣኽጋኽ ስልጣን እላኒ፡ እን ህንባውክ ሕኩማን ጃርድ ሰርዕስታው ግን እማ፡ ላኹክ እን ኒኣወይሊ ስልጣን ህባኹሉውድ ገዝእስትንሉ፡፡ 2 እማኻ እን ስልጣኑኽሲ ተቃዋማኽ፡ እን ስርዐት ጃሩኽሲ ግን ኒታቃዋማኹሉ፡፡ እን ተቃወመውሉኻ ፡ ናላውድ ፍርድ ከለብርድኖ ግን፡፡ 3 - 4 እን ሓከመው እኩይ ግብርድ ግን ግራ፡ ትክያኽ ግብርሊ ጉኢሰው ኣኽኒ፡ እን ስልጣንሊ ህምባኽሲ ጋቂትግሪንሉ ጀረብርዳሑን፡ ኒ ኩድ ትክያኹ ዮ ጃርድ ኣጋልጋሊራ ግኒ እማ፡ ትክያኽ እሲ፡ ንኽር ሳቢሮካ ግን፡ እከይ እስረን ላኪን ፡ ጃርሲ ኣገልገልዳኽ እን እከይ እሳኹሲ መቅጻዕቲ ናቅሳኹሉ፡ ገደዪሳኽ ኣኽነዲን ሰፍሲ ብላሽሊ ደበልተላሉ እማ፡ ጋቍቲ፡፡ 5 እማ ገዲም ሕልናድ ይድኖ ግን ግራ፡ መቅጻዕቲሲ ይድኖ ካያ ኣኽላ፡ ገዝእስትኖሎም ህምባኹኩም፡፡ 6 ገንሺን ጃሩ ግን እማ፡ እና ጋር ንድ፡ በኮርድግኒ ኣገልጋልድናኹን እንኩንኹን፡ ንድ ሰባትድ ግን ኮዶ፡ ግብር ኣዳናኽ ህንብደናኹ፡፡ 7 እማ ገድም ግብር ተገበኣኹዱሉሲ፡ ግብር ፡ ቃራጽ ተገበኣኹዱሉሲ ቀራጽ፡ ጉኢ ተገባኣኹዱሉሲ ጉኢ፡ ክብር ተገበኣኹሲሉ ክብር፡ ኒትክ እን ጀረብዳኽሺኩሉ እዋሉ፡፡ 8 እን ኒጨረስ እንከላኽ ፡ እን ፍትሕሲ እሲኹሉ እማ፡ እን እንተሸር እንተሸቲ እንከልስጝና ኣከጋን፡ ላኹድ እካ እድኹ ዋኒጊንኩም፡፡ 9 9. ኒን ፋይትግ፡ ኩውግ፡ ስዋግ፡ ብንድ መስከርግ፡ ተምነትግ፡ ይስታኽ ኣሪው ትእዛዝ አከንኽር እና ኩጨራስ ኩሹሰና እንከሊሉ ያኽ ቆልድ ጠቅለልሳኽ ግን፡፤ 10 10. እንከሊ ንርጫረስ እከይ እሰላሉ፡ እማ ገዲም እንከሊ ፍትሑኹ ኣኺራ ግን፡፡ 11 ደኣና ይን እምና ግርጊልድ፡ ናን ትክሰ ይነል ስኩሮ ህምባክ፡ እማ ናን ይና ጅሙኽሊድ ተበራበርናኹሉ ወክት ክም ገእየት እና ወክትሲ ኣለለያላ፡፡ 12 ቂር ዶኮ ገርክ ሱክሩኽ እማ ፡ ግብር ጭሉሙኽሲ ይነሊድ ማልኖታ፡ ምኹር በሩሁኽሲ ሰርንን፡፡ 13 ኣደሓሰና ቅንዕነድ ወንተተርንን፡ ጎልያዲ ጅእናዲሲ ኣኽላ፡ ፋይትናዲ ዓበድናዲሰሲ ኣኽላ፡ ዋኻ ሕሊጥ ይናዲሲ ኣኽላ፡፡ 14 ይና ኣደራ የሱስ ክርስቶስ ደኣም ሰረሉ ግን ግራ፡ እን ሓለይና ስኹክሲ ምራድሲ ጉዲሰና እሰገሉ፡፡
1 እን እምነትድ ቂልሳኹ ተጠራጠርናድ ተኸራኸርግድግኒ ከለብረሉ፡፡ 2 ኒትክ ቁና ፡ ፈቀድሰትሉ እምናኹ ህምባክ፡ እን ቂልሳኽ ላኪን፡ ኣምራ ግን ኒቃኽ፡፡ 3 ጃር ከለብራኹሉ ግን እማ፡ እን ቃኽ እንቃጋኽሲ ቃበብጊንሉ፡ እን ቃጋኹር እንቃኹሊ ፈረድጊኒ፡፡ 4 እንቲኻ ኣሪ ገንሺንሊ ፈረድራኽር ኣወይራኽር ግን፡ ኒ ኒኣደረድ ግን ኒዳውያኽ፡ ወሪ ለባኽ፡ ላኪን ጃር ዳውሲሮሉ ገረሳክ እማ ደው ዪሮግን፡፡ 5 እን ላኽ ላካራት እን ኣሪሪትልድ ትክሰ ፈላየኩላ ፡ እን ላኽካ ናትክ ግርጋትሲ እርዋድ ግን ኒቃለኹለን፡ ላኹክ ኒፍክረትድ ኣርእስታኽ ኣክና፡ 6 እን ግርጋት ጠንቃቅሳኩላ ኒኣደረድ ዮ እሰኩሉ፡ እን ቃኹር ኒጃርሲ ሓመዳኽ እማ፡ ኒኣደረድ ዮ ግን ኒቋኽ ጃርስኻ ሓመዳኹሉ፡፡ 7 ይነልዳ ላኽ ድካ ኒሹቲ ዮ መንደርታኽ እላኒ እማ፡ ኒሹቲ ክራኽ ኮዶ ላኽ እላኒ፡፡ 8 ይናርሕድ መንደርትናን፡ ይናኣደረድ ግን መንደርትናኽ፡ ወሪ ክርናን ይና ኣደራድ ግን ክርናኽ እማ፡ ይና ርድ መንደርትናን ወሪ ክርናን፡ ይና ኣደሪው ግን፡፡ 9 ንድ ሰበትድ ግን ኮዶ ክርስቶስ ኣደራ ክሪውዲ ህምበውዲር ኣኽሮ ዮ፡ ክራኽዲ ገኽዲ፡፡ 10 - 11 ኣን ዋነኽር ግን ያክ ጃር፡ ኒውክ ግርፍፍ እብርክ ይሮለ ፡ ኒውክ ላንቅኽር ጃርድ ሓመድሮ ግን፡ ያኽ ክቱብ ግን እማ፡ ናውክ ቂጦራ ፍርዱኽ ጃሩኹድ ጃብል ደው ይድኖግን፡፡ ውሪኹ ደኣም እንቲ ኩዳንሊ ፈረድራኹን፡ ወሪ ውሪኹ እንቲ ኩዳንሲ ቃበብራኹን፡፡ 12 እማ ገዲም ላኹክ ኒሹሩኹድ፡ ጃርሲ ጠብጣብ እውሮግን፡፡ 13 እማ ንሹር ይናሹትል፡ ፈረድግኒን፡ ላኽ ድካ ኒዳንድ ዓንቀፊሰና ወሪ ሓንኮሊሰና እሰጊንሉ፡ ደኣም ኒስ ፈረዳ፡፡ 14 እን ሙቅሊኹድሰና ሀበ ቃላኹሉ ደኣም፡ ንድ ግን ሙቅሊኹ ኣከኹሉ ግን ግራ፡ ኒኣኸርድታ ገለ ሙቅላ እካ ክም እንግጋትሉ ይና ኣደራ የሱስድ ኣርእኹክ ፈሃሞሉኹር ህንበኩን፡፡ 15 ኩዳን እን ኩቁናድ ጋሃያን፡ እማ እንከሊሲ ኣኽላኒ እንቲ ፈርዳኽ ህንብራኽ እማ፡ እን ክርስቶስ ክራኽሲሉ ኩቁናድ ድሂስግሉ፡፡ 16 - 17 ሕክም ጃሩኽታ መንፋስ ሻትክድ ጭድቅዲ ሰላዲ፡ ፈርሓዲ ግን ግራ፡ ቁናዲ ጅእናዲ ኣኽላኒ እማ፡ እን እንታ ትክያኹሲ ጀኺስጋሉ፡፡ 18 እን እና ንሰናድ ክርስቶስቲ ፡ ኣገልጋልዳኹ ጃርሲ ባህሳኹሉ፡ ከውድኽር ፈተንሳኽ ግን፡፡ 19 እማ ገዲም ሰላምር ፈለኺር ኽር ፡ ይናሹር ይናሹትል ኮዳኽዲት፡ ፈለኺር ተለላይንን፡፡ 20 እን ጃርድ ክድመትሲ፡ ቁኒኹድ ሰበብድ ፋሕሲጋሉ፡፡ ኒውክ ላጭሕ ግን፡ እን ነግ ፈረግ ዮ ቃኽ ኣዳምድኻ ሙቅላ ግን፡፡ 21 ኩዳን ዓንቀፍሰኹሉ ሓጀታ፡ እስቲጊኒ፡ ስኻ ቁና ብና ወሪ ወይኒ ጅእና ብና ትክያኽ ግን፡፡ 22 እንቲ እምነት ሸኽረኽርር ጃር ጃብል ክሹቲ እን ትክያኹድ ዮ ፈተናኹሉ ሓጀተስ፡ ኒኣኺርሊ ፈረዳኽ ከለብርሳኽ ግን፡፡ 23 ላኪን እምናትልድ ኣኽጋኹክ ኒውክ፡ ሓራም ግን እማ፡ እን ነግ ፈረግ ዮ ቃኹ፡ እምነትድ ቁጋኹ ኣኽነዲን ኮነንሳኽ፡፡
1 2 እማ ገዲም ይን ፋሳን ኣኽነኽርር ቂልስጝ እን ሓያማኑኽ ሙኹርና፡ ይናሹትኽር ባህሰግኒን፡ ወጀባኹንና፡፡ 3 እን ክቱብ ጀኸን ጀኸውሲክ ይል ገሙኹ ያኹሉ፡ ክርስቶስኻ ኒሹቲ ባህሰኩሉ ጀረቢላ እማ፡ ላኹክ ነቢጨረስ ትክሲሮሉ፡ ትክያኽ ሓጀታትድ ባህሲንሉ፡፡ 4 ሰብርዲ ዳፍኣንዲ፡ ክቱባትዲ ሳዳ ኣኽሮና መታን፡ እን እማና ከተብሰኹክ፡ ኒውክ ይነድ መሀርድሮር መታን ግን ከተብሳኽ፡፡ 5 - 6 ላኪን ላገሽ ላኣብድ፡ ኣኽድኖ ጃርሲ ኒኻ ኣኽር ኣደራ እየሱስ ክርስቶስ ከበርድትኖር መታን፡ እን ሰብርዱኹ ዲ ደፍእዳኹዲ፡ ጃር እንተሸር እንተሸትል፡፡ እን ክርስቶስ የሱስሩኹድ ሰና ሃብዲነ ላፍክረት ፈከርትኖ፡ ዋኒንኩም፡፡ 7 ክርስቶስ እንሳዳ እክላኽሲ ተብድሮሉ መታን፡ እምን ጃሩኹድ መታን አገልጋሊራ ሰመተርኒኹ፡ ክም ኣኸት የኩን እንኩኹን፡፡ እማኻ እን ክርስቶስ ጃር ክብርድ ከለብራኹኩም፡ እንተሹር እንተሹትል እኺርኺርሊ ከለብራ፡፡ 8 9 ቆምያት ላኪን እን ክቱብ፡ እማ እን ቆምያት ነበክል ሓመደኩንካ፡ ኩስጝስኽር ዘመራኹን እንኩኹንያኽ ጃርሲ ኒምሕረት ሰበትድ ሓመዳሉ፡፡ 10 ሓዲስድኽር እንትጝ ቆሚያት ፡ ኒእክዲ ኣኽድኖ ፈርሓ ያኲ፡፡ 11 ወንተሶኻ ናውክ ቆሚያት ይና ኣደራስ ሓመደሉ፡ ህንበውክ እክታትኽር ፡ ወደሲኒንሉ ያኹ፡፡ 12 እሰያስ ኮዶ ወንተሶ፡ እን ስር እሰይሩኹ ኣኽሮ ግን፡ ቆሚያተል ሓከምሮ ጋኹ፡ ኒድኽር ቆሚያት ሳዳእሲድኖ ግን ያኩ፡፡ 13 ሒል መንፋስ ሻትኩኹድ ትክስዲነ፡ ሳደድ ተጀርትኖታ፡ ሳደር ጃር ኒውክ ፈርሓዲ ሰላምዲ እምነድ፡ እንታኽንተት፡፡ 14 ይሻን እንታ ሰባትድ፡ ትክያኹድ እንታኽትድናኽር እኽድነት፡ ኣምርድ ኒውክ፡ ክም እንታኽተትኩም እንተሸር እንተሹትል መኹኩና ክም ኣኸትኩም ኣን ይላውድ ፋሃሞሉ ህምባኩን፡፡ 15 - 16 ላኪን እን መንፋስ ሻትክድ ቀደስታኽ ሰዳቀት፡ ሰደቃት ቆሚያቱኽ ከለብርሳኽ ኣኽሮር መታን፡ ወንገል ጃሩኹድ ኣገልገልዱ፡ እየሱስ ክርስቶስር ኣገልጋሊራ ኣኽየር መታንታ፡ እን ጃርልድ እውስታኹለ ገድድ እልብደኹሰናኩም ኣኾ ፡ ላገፍድ ትክሰ ደየዖ ከተብኹንልኩም፡፡ 17 18 19 እማ ገዲምሒል መንፋስ ሻትኩኹድ፡ ሒል ኣምርዲ ታኣምራትዲ፡ ኣዘዝስና ቆምያቱኽ ዲ፡ ክርስቶስ ቆልዲ ግብርዲሲ እሰገትሉታ፡ ጋቢየሉ ድካ ደይዓሊ እማ ጃሩድ እየሱስ ክርስቶስድ ሓበንሳኹሉ ህምባኩለ፡፡ ንሰና ዮርሳለምትልድር ንር ከባቢሪልድኽር ተርሰ፡ ኢሊሪኮን ኣኽራሲክ እን ወንጌል ክርሰቶሩኹሲ ኒትክ ሰበክኹንሉ፡፡ 20 - 21 እን ኒድ ድውስቲገውሎም ቃልድኖሉጉን፡ እን ዋስገውኽር ፈጠንድኖጊን ያኹ ክቱብ ጊን ግራ አሪ ኣዳምር፡ ሰረታኹሉ ኣኽሊ፡ ከዳምስጊን መታንታ እን ክርስቶስ ሽጝስታኹሉቲል ወንጌል ሰባኽስጊን ይክብር እሰሉ ህምባኹን፡፡ 22 - 23 እማ እንተል እንጊን መታን፡ ገሪ ግርጋት ገብስትኹን፡፡ 23. ናን ላኪን እና ድውላት ኒል፡ ኣከን እንግጋኺር ኣኽነዲን እንተል እንተርነስኽር፡ ገሪው ኣመታትልድ ተርሰ፡ ሰፍለልትናዲን፡ 25 24 ስጳንያትል ፈሩ እንጉሲ፡ እንተል እንትየ ጊን፡ ደኩ እንጉሲ ቃሊየኩም ሰልፍድ ብንሲ እንተ ቃለድ ብተሰና ኒድ እንደራድ ኮዶ እንተድ ስብድስትያ ሳዳ እሳኹን እንኩኹን፡፡ 26 ናን ላኪን መቆዶንያዲ ኣካያዲ ፡ እን ዮርሳለምትል ህምበው ሻኽገውዲ ሐግላንዲ፡ ሳላዲ ፍድኖ እንከልኖ ዋኒነዲን እን ሻትካንሲ ኣገልገልዱ ዮርሳለምትል ፈራኹን እንኩኹን፡፡ 27 ሕበርሲኒኹሉ እማ፡ አዶምዱ ኽር ግን፡ እን መንፈሳዊረድ ኣረርሳኹ እን ቆምያት በንስጚኖሉ ደምቢ፡ ናውር እና ስኻስ ጀረብዳኹድ ኣገልገልድኖሎም ዋጅብ ግን፡፡ 28 እማ ገዲም ኒስ ድጝኖሰና እና ፍረ ኒስኽር፡ ሓተምስኖሎም እንተድ እሰ፡ እስጳንያትል ፈሪያ ግን፡፡ 29 እን እንተል ይእንተርናድኻ ፡ ምሉኡድ በረኻት ክርስቶሳሩኽ ብጅኽድ ክም እንተረትኩም፡ ኣርኦ ህምበኩን፡፡ 30 31 32 ይሻን እን ይሁዳትል ህምበው እምነገውልድ ደኣንያ፡ ይኣገልግሎት ዮርሳለምትል ኽር እን ሻትካንሊ እርዋ ኣኽሮር መታን እንታዲ ፊኹያ መታንዲ፡ ጃርፍቃዲድ ፈርሓትድ እንተል እንትያ ይና ኣደራ የሱስ ክርስቶስዲ፡ እንከሊ መንፈስ ሻትኩኹድ ኽር፡ እንተ ጠሎትድ ይመታን ይዲ ጃርሊ ተሓረብትኖ መኾኾኩንኩም እንኩኹን፡፡ 33 ጃር ሰላሙኹ ፡ ናትክዲ አኽን፡፡ ኣሜን፡፡
1 ይና ሻኒ ፈቫንቲ፡ እን ኣገልጋሊት መሕበር ክንክርኤስ ደኣም፡ ዓይብዳኩንኩም እንኩኹን፡፡ 2 ንርኻ ገሪውዲ ይት ይፊኹት ኽር ኣንገፍድሩ እርግቲ እማ፡ ሻትካንሲ ወጀባኹሰና እስዲነ ከላብረላ፡፡ ንሪ ጃረብራኽ ክድመትድ አንገፍዳላ፡፡ 3 እን ክርስቶስ የሱስድ ይከዳመንቲ፡ ጵርስኪላዲ ኣኪላስዲ፡ ሰላም የሎም፡፡ 4 ናው ይኣብሊ ናክርማስ ደክሰው፡ ህምበውክ መሕበር ቆምያተውኽር ፡ ሓመደውሎም ግን ግራ ኣን ካያ ኣኽሊኒ ሓመዳኹሎም ህምባኹ፡፡ 5 እን ናልጝንሊ ህምብራሪ መሕበርሲኽር ፡ ሰላም የላ፡፡ ኤጴኔጦስ ይእንከላንታ ንኻ ክርስቶስድ በኽር አስያሩኽ ኣኻክ ሰላ የሉ፡፡ 6 እን እንተድ ገሪ ጨዓርድረሪ ማርያምቲ ሰላም የላ፡፡ 7 እን ሃዋርያተል ኣርእስተው ይጃብኻ፡ ክርስቶስትል እንተው ፡ ይዲኽር እንሸውሰው፡ ይወንዲ ኣንድሮኒቆስዲ ዩንያንዲ ሰላም ያ፡፡ 8 ኣምጵልያስቲ ይኣደራድ እንከልሳኹሲ ሰላም ያ፡፡ 9 ኡርባኖስቲ ክርስቶስድ ይከደሚሰንታዲ እስጣኩስ ይእንከላንታ ሰላ ያ፡፡ 10 እን ክርስቶስድ ፈታንሳኹ ኣጵሌስትኽር ሰላም ያ፡፡ ኣርስጦቡሎስር ዕያልስኽር ሰላም ያ፡፡ 11 ሄሮድዮን ይወንደስ ሰላም ያ፡ እን ይኣደራድ ህምበው ናርቂሶስር ዕያልድ ሰላም የ፡፡ 12 እን ይኣደራ ጨዓረው ህምበው ጥሬፌናዲ ጥሬፎሳንዲ ሰላም ያ፡፡ እን ይናኣደራድ ገሪ ጨዓርደሪ ጰርሲስ እንከልስረሪ ሰላም ያ፡፡ 13 እን ይናኣደራድ ፍሪርሳኹ ሩፎስዲ ኒጋነዲ ይናገናዲት ሰላም ያ፡፡ 14 ሰንቅሪጦንዲ ፍሌጎንዲ ሄርሜስዲ ጳጥሮባስዲ ሄርማስዲ ናዲ ህምባው ሻንዲ ሳላም ያ፡፡ 15 ፊሎሎጋስዲ ዩልያዲ ኔርዮስዲ ኒሻንዲ ኦልምጳስዲ እን ናዲ ህምበው ናትክ ሻትካንሲ ሰላም ያ፡፡ 16 እንተሸር እንተሸትልኻ ሻትክ ሰላም ይስና ሰላም ይስትጛ፡፡ ናውክ መሕበር ክርስቶስሩ ሰላም የናኹኩም እንክኑኹ፡፡ 17 - 18 ላኪን ይሻን ፡ እን መሃርስድናኽ ምህሮትልድ ፈለላይስናዲ ዓንቃፍስናዲ እሰውሲ ፈጠንትኖሎም ፡ መኾኾኩንኩም እንኩኹን፡፡ እን ነሰና ተካው ናጎሱኩድ ግን ግራ፡ ይና ኣደራ የሱስ ክርስቶስቲ ኣገልገልደኒሉ፡፡ ታሚታኹ ጋብድ ገውርናዲሲ ለባካ እን ጋርሃኑኹሲ ሰሓደናኽ እማ፡ ናልድ ሺራ፡፡ 19 እንተ ኣዘዝስና ናትከል ዋስስቱኹ፡ እማ እንተድ ፈርሓኹን እንኩኹን፡ ትክያኹደ ብልህታት ፡ እክይድ ላኪን ጋርሃን ኣኽትኖ ጀረባኩን እንኩኹን፡፡ 20 ጃርሰላኹ-ኻ ሰይጣንሲ እሽሽድ እንተ ልኩክ ዓንቃይሊ፡ ከትከትሮሉ ግን፡፡ ገድ ይና ኣደራ የሱስ ክርስቶስሩኹ እንታዲ ኣኺኒ፡ 21 ጢሞቴዎስ እን ይከደሚሰንታ ሰላም የኩኩም እንኩኹ፡፡ ሉክዮስዲ ያሶንዲ ሶሲጳጥሮስዲ ይወንድድ ሰላም የናኩኩም እንክኑኹ፡፡ 22 ኣን ጠርጥዮስ ፡ እና ንሽቃ ኒሂቲ ከተባኺር ይናኣደራድ ሰላም ያኩንኩም እንኩኹን፡፡ 24 23 እን ይዲ እን መሕበር ኒውርክዲት ጋሻይ ከለብራኹ ጋይዮስ ሰላ ያኩሎም እንኩኹ፡ ኤራስጦስ፡ እን ሰላዲ ታንታርዊኹ ሻከንታ ቁኣርጦስ ይናዳንዲ ሰላም የናኩኩም እንኩኑኹኹ፡ 25 እን ይወንጌልዲ ስብካት የሱስ ክርስቶስ ዋድሕድ ስና፡ እን ዲመትልድ ሰወርሶ እርጋኹ ናን ላኪን ዋድሕድሳኹ፡ ምስጢር እን ክትበት ናብያቱኹድ ኽር ፡ እን ዲመር ጃሩኹድ ኣዘዝና እምናት ናትክ ቆምያትድ ድውስተኹ ምስጢር፡ እን ተብድሮኩም ገረሳኹ፡፡ 26 እን ኒቱ ጥበቡኹ ጃርሲ ፡ እየሱስ ክርስቶስድ ዲመሲ ክብር ኣኽኒት፡ ኣሜን፡፤ 27 ገድ ይና ኣደራ የሱስ ክርስቶስሩኹ ናትክዲሲ ኣኽኒ፡፡ ኣሜን፡፡
1 1፡1. ጳውሎስ ፍቃድ ጃሩኽድ ፡ ሃወርያ ዬሱስ ክርስቶስሩኽ ኣኽሮ ሽጝሳኽ ፡ ሶስቲኖስኻ ይናዳን ፡፡ 2 1፡2. እን ቆሮንጦስርሊ ህንብራሪ ማሕበር ጃርትሪ ፡ ክርስቶስ ዬሱስድ ሻተካው ፡ ሻትካን ኣክናድ ሽጝሳው ፡ ኒትክ ማዳይሊ ፡ ይናዲ ናዲትል ፡ ስጝ ኣዴራ ዬሱስ ክርስቶስ ሽጛው ናትክዲ ፡ 3 1፡3. ይና ኽርጃርዲ ይና ኣደራ ዬሱስ ክርስቶስዲ ገዲ ሳላምዲ እንታዲ ኣኺኒ ፡፡ 4 5 6 1፡4-6. ኣን ፡ እና ምስክር ክርስቶስሩኽ እንተል ታበሰና ፡ እን ዬሱስ ክርስቶ ሳበትድ እውስታኹኩም ፡ ገድ ጃሩኽ ኒትክ ቆልድ ኒትክ ኣምርድ ኒትክድ ኒድ ታጃርትኖ ፡ ዲማ ዳይም እንተ ሳበትድ ይጃርሲ ሓመዳኹን እንኩኹን ፡፡ 7 1፡7. ገሃድስና ይና ኣደራ ዬሱስሩኽሲ ጫበርድኑንሰናክ ፡ ላእውን ገድድ ናቀስግድኒ ፡ 8 1፡8. ንኻ ፡ ግርጋ ዬሱስ ክርስቶስድ ዓገብ እንጋት ኣኺትኖ ፡ ደንበራድ ኣኽራሲክ ተብድሮኩም ጊን ፡፡ 9 1፡9. እን ዕግሎ ኒኽራ ዬሱስ ክርስቶ ይና ኣደሪል ሽጛኹኩም ጃር እምንሳኽ ጊን ፡፡ 10 11 1፡10-12. ላኪን ይሻን እንተል ክትዕ ክምዋነት ፡ እንታ ሰባትድ ካው ቆሎአሩ ድዊኖለ ህንበናኽ ፡፡ ነኒንኻ ፤ ላኹክ እንታልድ ፡ ኣን ጳውሎስሩኽ ጊን ፡ ኣን እባ ኣጵሎስሩኽ ጊን ፡ ኣን ከፋሩኽ ጊን ፡ ኣን እባ ክርስቶስሩኽ ጊን ፡ ይደናት ፡ ናኒስ ጊን ኣን ያኽ ህንባኽ ፡፡ ይሻን ፡ ናክሩክ ላጋብ ጋቢትኖ ፡ ላለባከድ ላሓሳብድ ትክድኖ እንሻሻውስትኖ ግራ ፡ ፍልልይ ዋኒጊንኩም ፡ ማዓዳኹንኩም እን ኩኹን ፡፡ 12 13 1፡13. ክርስቶስ-ማ በንትስኒክ ፤ ዋሪኻ ጳውሎስ-ማ ሳቀልስኹንኩም ፡ ዋሪኻ ሽም ጳውስኹድ-ማ ጠማቅስድኑኹን ፡ 14 15 1፡14-15. ላኽር ይስጝድ ጠመቅስኹን ይጊን ፡ ክርስጶስዲ ጋዮስዲ ንኻክ ላኽ እንታልድ ድኳ ጠማቅድጋኽ ኣኸውድ ፡ ጃርሲ ሓመዳኹን እንኩኹን ፡፡ 16 1፡16. ዕያል እስጢፋኖስሩኽር ጠማቅዶ ህንባኹን ፡ እና ነኔን ንኻክ ላኽር ኣሪኽ ጠማቅደት ፡ ኣርእሊኒክ ፡፡ 17 1፡17. እን ማስቃል ክርስቶስሩክ ከንቱ ኣኺን ፡ ኣምር ጋብድ ኣኽጊን ፡ ክርስቶስ ወንገል ማስከርያ ግራ ፡ ጠማቅድያ እንሻቅለሌ ፡፡ 18 19 1፡18-19. ኣምር ኣምራንዱስ ዲስያ ግን ፡ ኣስተውዓልድና እን ኣስተውዓልደውዱሲ ፋረስድሮ ግን ፡ ያክ ክቱብጊን እማ ፡ ቆል ማስቃሉኽ እን ድዳውድ ሃሳሰት ጊኒ ፡ ይናድ እን ዳኣናውድ ሒል ጃሩኽ ጊኒ ፡፡ 20 1፡20. ኣምር ኣዋት ህንባኩን ፡ ምሁር ክቱቡኽ ኣወት ህንባኩን ፤ ማርማሪራ እና ዓለሙኽ ኣወት ህንባኩን ፡ ጃር-ማ ኣምር እን እድንዩክሲ ሃሳሰት እሲላሉ ፡፡ 21 1፡21. እድንያ ንር ኣምርድ ጃርሲ ኣምር ጃሩኽድ እስሮ ኣለላይግራትሉ ፡ ጃር እን እምናውሲ ስብካት ሃሳሰትኹድ እሶ ዳኣንድሮሎም እንካሉኽ ፡፡ 22 1፡22. ኣይሁድ እሻረት ሺዋናኽ ፡ ጽርኣውያን ኮዶ ኣምር ጃረባናኽ ፡፡ 23 1፡23. ይን ላኪን እን ኣይሁድድ ዕንቅፋት ፡ ቆምያትድ ሃሳሰት ኣኸኽ ሰቃልሳኽ ክርስቶስ ሰባክናኩን እንኩንኹን ፡፡ 24 1፡24. ኒን እን ሽጝሳውድ ፡ ኣይሁድድ ኣኺን ጽርኣውያንድ ኣኺን ፡ ክርስቶስ ፡ እን ሒል ጃሩኽዲ ኣምር ጃሩኽ ግን ፡፡ 25 1፡25. ኣዳምልድ ሃሳሰት ጃሩኽ ኣምር ኪዳክ ፡ ኣዳምልድኻ ቂልሲጝ ጃሩኽ ተባኽ ፡፡ 26 1፡26. ይሻን ፡ እን እንታ ሽጝስኒል እማ ቃላ ፡ ገሪው ኣርኣው ሽጝስኒኒክ ፡ 27 1፡27. ጃር ላኪን ፡ እን እምራንሲ ስማሲስሮ ፡ ሃሳሰት እን እድንዩክሲ ፍሪሩኽ ፡ እን ተበውሲ ስማሲስሮኻ ፡ ጃር ቂልስና እን እድንዩክሲ ፍሪሩኽ ፡፡ 28 29 1፡28-29. ስኻ ይስታኽ ጃር ጃብል ማክሕስጊን ማታን ፡ ጃር እን ፡ ኣን ሰንዓታ ጊን ፡ ያክሲ ካንቱ እሲሮ ማታን ፡ እን እድንያድ ሕሱርዲ ቅቡብዲ ገሌ ኣኽጋኽሲ ፍሪሩኽ ፡፡ 30 31 1፡30-31. ላኪን እን ክቱብ ፡ ማክሕሳክ ጃርድ ማክሕስን ፡ ያክሉ ኣኪሮ ማታን ፡ እንቱም ኒልድ እን ጃርልድ ኣምርድ ጭድቅድ ሽትክድ ዳኣናዲ ኣኻኹና ክርሰቶስ ዬሱስልድ ግን ፡፡
1 2 2፡1-2. ይሻን ፡ ኣንኻ እንታ ነባክል ዋኑንሰናክ ፡ ዬሱስ ክርሰቶስ ንኻክ ፡ ንኻ እና ሰቃልሳኽ ላኽር ኣርእገት ማደብኩን እማ ፡ እንተል እንተሩንሰናክ ፡ ኣባ ጃሩኽ ትክያክ ጋብድ ዋሪ ኣምርድ ድውያኩም እንትሊኒክ ፡፡ 3 2፡3. ኣን-ኻ ቂልስንድ ጉኢትድ ገሪ ጉኢትድ ግኒ እንታል እርጋኽ ፡፡ 4 5 2፡4-5. እንታ እምና ስልጣን ጃሩኽድ ግራ ፡ ኣምር ኣዳሙኽድ ሰራስጊን ፡ ይጋብዲ ይስብካዲ ኻ በርህድና መንፋስዲ ስልጣንድ ግራ ፡ ጉኢሳኽ ጋብ ኣምሩኽድ እርግላኒክ ፡፡ 6 7 2፡6-7. ዳኣም ፡ ታማን ነበክል ኣምር ጋብናኩን ፡ እን ጃር ኣሜታት ጃብ ይና ክብር ማታን ዳለውዳኹሉ ፡ እን ጃሩክ ትብታክ ኣምር ግን ጋብናክ እንኩንኩን ግራ ፡ ኣምር እና እድንዩክ ዋሪ እና ዳካው ፈራዶ እን እድንያ ናኒድሩሲ ጋብናሊኒክ ፡፡ 8 2፡8. እን ፋራዶ እና እድንዩውልድ ላኽር እና ኣምርሲ ኣርእለሉኒክ ፡ እርኣነኑ ኣደራ ክብሪሪክሲ ሰቃልግኒድሉ እርግኑክ ፡፡ 9 2፡9. ላኪን እን ክቱብሰና ፡ እን ዕል ቃልግራኩሉ ዕቋ ዋስግራኩሉ ለበካ ኣዳምኹሊ ሓሰብስጋኽ ፡ ጃር እን እንካለው ድልውድ ዳለውድኩሎም ፡ ያክ ፡ 10 2፡10. እን ማንፋስኻ ቆር ጃሩክሲ ከብቲጊ ኒትክሲ ማርማራክ ግን እማ ፡ ይናድ ጃር ኒማንፋስድ እሶ በርህድኹልና ፡፡ 11 2፡11. እን ኒል ህንባክ ማንፋስ ኣከጋን ፡ ኣዳምሊ ህንባኽሲ ኣርኣክ ኣዋያክ ኣዳምጊኒ ፡ ኒሰናኽር ማንፋስ ጃሩክ ኣከጋን ፡እን ጃርሊ ህንባክሲ ላኽር ኣርእለሉኒክ ፡፡ 12 2፡12. ይን ላኪን ፡እን ጃርድ እውስታኹና ኣርእኖ ማታን ፡ እን ጃርልድ ኣኻኽ ማንፋስ ግራ ፡ ማንፋስ እድንዩክ ከላብኒኒክ ፡፡ 13 2፡13. ይን ላኪን ማንፋሳዊራ - ማንፋሳዊራድ ኣሰማምዕድኑንሳናክ ፡ ማንፋስ ሻትክ ማሃርዳኹድ ቆል ግራ ፡ ኣምር ኣዳምኹድ ማሃርዳኹድ ቆል ኣኽላነቢክ ጋብናክ እንኩናኽ ፡፡ 14 2፡14. እን ስኺኽ ኣዳም እን ማንፋስ ጃሩኽሊ ህንባክሲ ከላብረላሉኒክ ፡ መንፋስድ ማርማርሳኽ ኣኻውድ ፡ ኒድ ሃሳሰት ግኒ እማ ፡ ኣስተውዕልድሮሉ ገራስተላሉኒክ ፡፡ 15 16 2፡15-16. ጃርሲ ማሃርድሮሉ ዮ ፡ ሓሳብ ኣርኣኽ ኣዋያኽ ግኒ ፡ ይን ላኪን ሓሳብ ክርስቶስሩክ ህንባኹና ፡፡ ዳኣም መንፈሳዊራ ኒትክሲ ማርማራክ ፡ ኒ ላኪን ላኽድ-ኳ ማርማርሰላኒክ ፡፡
1 ፡1. ይሻን ኣንኻ ፡ ስኺውሰና ፡ ቃልዕሰና ክርስቲስድ ግራ ፡ መንፋሳውያንሰና ጋብዬኩም ኣኽላ ይድ ፡፡ 2 3፡2-3. ልሳዕ ሲኺው ኣኽድናውድ ፡ ሻብ ቂስኩንኩም ፡ ተባኽ ቅና ኣኽኒ ፡ ልሳዕ ገረስደኒሉ ፡ ናን ኣከንኽር ገረስደኒሉ ፡፡ ቅንኢዲ ዋኻዲ ህንባኹኩም ኣኸውድ ፡ ስኺው ኣኽድነትማ ኣኽላ ፡ ዓዋዲ ኣዳሚንድቁርዱሰናማ ፈርደናኹን እንኩድኒን ፡፡ 3 4 3፡4. እን ላኽ ፡ ኣን ጳውሎስሩኽ ፡ ኣን እባ ኣጵሎስሩኽ ግን ፡ ይደናኽ ኣኽድነውድ ፡ ስኺው ኣኽዲነትማ ኣኽላ ፡፡ 5 3፡5፡ ዳኣም ፡ ኣጵሎስ ውራኒግኒ ፡ ናድ እሲድኖ እምናትል ጌይእድናኽ ኣገልገልቲ ግናው ፡ ነኒንኻ ጃር ላኽሲ እወሳና ግን ፡፡ 6 3፡6. ኣን ተካልኹን ፡ ኣጵሎስ ጅእሱኽ ፡ ጃር-ኻ ቦኮልዱኽ ፡፡ 7 3፡7. ዳኣም ፡ እን ቦኮልዳኽ ጃርጊን ፡ እን ተከላኽ ዋሪ-ኻ 8 3፡8. እን ተከላኽ እን ጅእሳኽዲ ላኽ ጊናው ፡ ላኽክ -ኻ ኒክድመትሰና ኒስድቅሲ ከለብርዶጊን ፡፡ 9 3፡9. ይን ከዳሞ ጃሩጊን ፡ እንቱም-ኻ ጃሩ ኪዲን ግን ፡ ሕንጻ ጃሩጊን ፡፡ 10 11 3፡10-11. እን ሱር መሳረት እንገት ፡ ንኻ እዬሱስ ክርስቶስ ፡ ሊነር መሳረት ላኽር ሰራትሮ ገረሳላኒክ እማ ፡ እን ኣን እውስታኹለሳና ጋድ ጃሩኽ ኣምር በናዬንተሳና ኣኾ እን መሳረትሲ ሰራትኹን ፡ ላኽ ሊነርኻ ኒዳግሊ በናያኽ እንኩኽ ፡፡ ላኽክ ኣወህበ በናዬት ጠንቃቅሲን ፡፡ 12 3፡12. ላኽር እን መሳረት ዳግ ዳሃብ ፡ ወርካ ፡ ክቡር ክርና ፡ ካና፡ ሻንኪ ዋሪኻ ፡ ቀሻም ከዳመን ፡፡ 13 3፡13. እን ግርጋ እንዲድ ቃልዕስሮጊን እማ ፡ ቃልዕቶሉጊን ፡፡ ግብር ላኽድክ ቃልስትሮጊን ፡ ግብር ላኽዲኩኽ ኣወያኽ ኣኸት እን ላኻ ፈተንዶሉጊን ፡፡ 14 3፡14. ኣዳም ፡ እን ኒዳግል በናይሳኽ ተባነሉ ፡ ኒርዝቅሲ ካለብርዶጊን ፡፡ 15 3፡15. እን ኒክድመት ሓውያን ፡ ኒርዝቅሲ ቢሮግን ፡፡ ኒርሕሲ ዳኣንድሮጊን ፡ ዳኣም እን ለኻድ ደኮ ደኣናኽሰና ግኒ ፡፡ 16 3፡16. ልን መቅደስ ጃሩኽ ኣኽድናት መንፋስ ጃሩኽ እንተል ኮ ዋነወተትወማ ኣርእድኒን ፡ እንቱም ፡፡ 17 3፡17. ላኽር እና ልን መቅደስ ጃሩኽሲ ጃግለበን ፡ ጃር ጃግለብሮሉጊን ፡፡ ልን መቅደስ ጃሩኽ ሻትኪ ጊንሪ ፡ እን ልን መቅደስክር እንትን ግን ፡፡ 18 19 20 3፡18-20. ላኽር ኒርሕሲ ምሊጊን ፡፡ እን ኣምራንሲ ናአምርድ ሻኹሎም ፡ ያኽ ክቱብግን እማ ፡ ሓዲስድ ፡ ጃር ሓሳብ እን ኣምራኑኽ ከንቱ ኣኸት ኣርኣኽ ፡ ያኽ ክቱብ ህንባኽ ፡፡ ኣምር እና እድንዩኽ ጃርሊ ሃሳሰት ጊኒ እማ ፡በሊን እንተልድ እና እድንዩል ኣምር አኸት ተከንሉ ፡ ኣሚር ኣኽሮ መታን ሃስስ ኣኺን ፡፡ 21 22 3፡21-22. ጳውሎስ ዋሪኻ ኣጵሎስ ፡ ከፋ ኣኺን እድንያ ኣኺንድንሪ ፡ ዋንትና ኣኺን ክርና ፡ ህንባኽ ኣኺን እንተራኽ ፡ ኒክሩክ እንታኽ ጊነ እማ ፡ ላኽር ኣዳምድ ማክሕስጊን ፡፡ 23 3፡23. እንቱም ክርስቶሱጊራ ፡ ክርስቶስኻ ጃሩኽ ጊን ፡፡
1 4፡1. ኒሰናኽር ከወው ይነት ኣገልጋልቲ ክርስቶስሩሰና መጋብቲ ምስጢር ጃሩሰና ሺብኒና ፡፡ 2 4፡2. ኒሰና ኽር ነኒን መገብቲትልድ ላኽክ እሙን ኣኾ ኣርስሮ ጀረብሳኽ ፡፡ 3 4 4፡3-4. ይዳዲታ እንታድ ወሪ ግርጋ ፍርድኹድ ኣዳሙክ ፈሬድሰንኽር ፡ ቀሲብ ሻኽኒክ ፡፡ ይኣኻርሊ ላሪኽር ኣርእሊኒክ ፡ ፈረዳኹለ ጃርግራ ፡ ነኒድ ጫደቅሊ እማ ይኻርሲ ይላውድ ፈራደሊኒክ ፡፡ 5 4፡5. ዳኣም እና ጭልምሊ ትብታኽሲ በርህሊ ናቅሳኽሲ ፡ ሓሳብ ለባኪውሲ በርህዳኽ ኣደራ እንትራሲክ ፡ ጊዝዬሪ ጃብ ላኽስክር ፈሬድጋ ፡፡ እን ሲንኻ ላኹክ ነኒ ሓምደስ ጃርልድ ከለብርዶግን ፡፡ 6 4፡6. ይሻን ፡ ናፍዕስና እን ላኹድ ፡ ጎታ እንላኽድ ይድኖ ናፍሕስግድኒን ፡ እን ክቱብ ኣወይሲ ሓሰብግድኒን ፡ ይናድ መሃርስቶኖ ማታን ፡ ነኒስ እንተ ሳበትድ ይኣኾርሊክር ኣጵሎስትልኽር ማሰሎሉ ህንባኩን ፡፡ 7 4፡7. ኣሪውልድ በለጥዳኹካ ኣውኒ ግን ፡ ከላብርግራኹሉ ውራ ህንባ ኹንካ ፡ ከለብርዳኽ ኣክርደንኻ ፡ ውራ ማታን ከላብርጋራኽርሰና ፎጀጅስራኹን ፡፡ 8 4፡8. ኣሃ ብድኑኽ ፡ ኣሃ ተጃርድኑኽ ፡ ይና እንጋት ሰያምስድኑኽ ፡፡ ይንኽር እንታዲ ፡ ሰየምስኖ ፡ ኣልሀ ሴየምስትንድ ፡፡ 9 4፡9. ጃር ይናት ሃዋርያትሲ ፡ ናትካ ደንቢ ኣኺንኩን ፡ እና ክርና ፈረስውሎምሰና እሰትና ፡ ተካኹ እንኩኽ ፡፡ እድንያዲ መላኣኽቲዲ ኣዳምዲሲ እንቃራ ኣኽ ኖ ህንብናኩን ፡፡ 10 4፡10. ይን ክርስቶስ ማታን ሃሰን ግን ፡ እንቱም -ኻ ክርስቶስድ ኣምራንጊን ፡ ይን በዳናን ፡ እንቱም ኻ ሒለቱ ፡ እንቱም ሓይሳን ፡ ይን ኻ መሊሰው ግን ፡፡ 11 4፡11. ናንሱክ ካኣርትናኹክር ፡ ስቃንትናኹንክር ፡ ካያ ኣክርናኹክር ካፌፍስናኩንክር እንኩንኹን ፡ ኪሲስና ሻኽኒኒክ ፡ 12 4፡12. ይና ናንትትድ ከደምኑንሲክ ኻ ጫዓርናኹን እኩንኹን ፡፡ ጃኹኑና ገውርናኹን ፡ ዳገኑኑና ሰብርእስናኹን ፡ 13 4፡13. ልኽስኑንሲክ ፋለይናኹን እንኩንኹ ፡፡ ናንሱክ ጉማመት እድንዩክሰናዲ ናትካ ጉዱፍሰና ኣኽኖ ህንብናኩን ፡፡ 14 15 4፡14-15. ክርስቶስድ ፍላሳታት በሀርዴው ዋነናኩምኽር ፡ ኣን ክርስቶስ ዬሱስድ ዋንገሊድ ኣኻርኹንኩም እማ ፡ ገሪው እክል ሻኽድኒኒክ ፡፡ ነኒስ ከተባኹሉኩም ፡ እንከልሱን ይቁርሰና እሶ ፈለየኩም ዮግራ ፡ ስማሲስዬኩም ዮኣኽሊኒክ ፡፡ 16 4፡16. ደኣም ይታለይቱት ኣኻ ፡ ዮ ፋለያኹንኩም እንክኹን ፡፡ 17 4፡17. እና ሰባብ ኒድኻ ፡ ኒትክ ኣካንሊ ፡ ፍቃድ መሕበሩክ ኣዋህቦ መሃርደት ፡ ይደርብሲ ክርስቶስ ዬሱስድ እልብዲስዬኩም ፡ እን ኣደራድ እንከልሳኽዲ እምንሳኽዲ ይኽራ ጢሞቴዎስ እንሻቆልኩም ህንባኹን ፡፡ 18 4፡18. ገሪው ላኪን ፡ ኣን እንተል እንተረጋኽ ተኬሎም ፡ ነፍሕሰው ህንብናኽ ፡፡ 19 20 4፡19-20. ሕክም ጃሩክ ሒልድ ግራ ፡ ገብድ ኣኽላ ህንብራሪ እማ ፡ ጃር ፈቃደኑ ፡ እሽሻ እንተል እንትያ ግን ፡ እንሲን ሒል እንናፍሕሰዉሲ ኣርእያጊን ግራ ፡ ናቆልሲ ኣኽላኒ ፡፡ 21 4፡21. ግብድ-ማ እማ እንከሊሲ መንፋስ ለውሃትድማ እንትዬኩም ውራ ጀራብደናኹን ፡፡
1 5፡1. ምንዛርና ዋላ ፡ ኒሰና ተካኽ ምንዝርና እን ቆምያትሊኽር ህንበጋኽ ፡ ማለት ፡ ላኽ እንተልድ ኣኺና ኒኽርትሪት ቱሰት ፡ ወረይሳኹልኩም እንኩኽ ፡፡ 2 5፡2.ነንሂዲኻ ናፍሕስድኖ ህንብደናኽ እማ ፡ እና ነኒሰና ክድማት እሳኽ እንታ ነበክልድ ሺርዶ ማታን ይድኖ ፡ ዋላ ጋሃይድኒ ፡፡ 3 4 5 5፡3-5. እንኻ ስኻድ ሺሮ ዋኑንሰናክ ፡ ይማንፋስድ እንተዲ ጊን ፡ እንታዲ ይመንፋስዲ ስን ይናደራ ዬሱሱኩድ እክብስኖ ዋንትኑንሲክ ፡ ሒል ይናደሪክ ዬሱስድ እና ነኒሰና እሰክሲ ፡ ኒመንፋስ እን ግርጋ የናደራ ዬሱስ ደኣንሮ መታን ፡ ድድና ኒሲኺክድ ሸጣንድ እውስቲሮ ፡ እንተዲሰና ኣኾ ጃቢቶ ፈረዶሉ ህንባኹን ፡፡ 6 5፡6. እንታ ሓበንስና ትክያኽ ኣኽላኒክ ፡፡ እቅቱ ሞኮታ ዓቁ ኒትክ ሞካተስ ቦክዕደትሉ-ማ ኣርእድኒን ፡፡ 7 5፡7. ዕንብላ ፋጂኺኽ ፡ እንትራኽ ፡ ክርስቶስ በዳይሱኽ እማ፡ እን መንሻኽ ኣኽግደናሰና ፡ ሓዲስ ዓቅ ሞኮቲው ማታን ኣኺትኖ ፡ እና ምሽምሻኽ ሞኮታ ዓቀውሲ ለጭሕድኖ ፍደሉ ፡፡ 8 5፡8. ዳኣም ጋርህናት እምኑኽዲ መንሻጋኽ ሳንሳዓድ በዓል በዓልድንን ግራ ፡ እን እማኒው ማኮታ ዓቀውሲ ዋሪ-ኻ ዓቅ ሞኮቱው ምሽምሻውዲ በዳናንዲ ኣኽላኒ ፡፡ 9 5፡9. ኣምንዝረታዲ ሕበርስጋ ዮ ከታበልኮኩም ህንባኹን ፡፡ 10 5፡10. ልሳዕ ኣመንዝራታት እና እድዩውዲ ዋሪ-ኻ ፡ ጉሁፋንዲ ጨዋዬውዲ ዋሪ-ኻ ጣኦት ኣምላክዳውዲ ዮ ኣኽሊኒክ እንከተባኩልኩም ፡ ኣከገን ፡ እና እድንያትልድ ፊትኖ ተገብእርድኩም እርጉኽ ፡፡ 11 5፡11. ናን-ኻ ላኽ ዳን ይስታኽ እማ አመንዝራ ፡ ወሪ ግሁፍ ፡ ዋሪ ጣኦት ኣምለኽዳክ ፡ ዋሪ-ኻ ጃኽስናኽ ፡ ዋሪ ሸካራኽ ፡ ዋሪ ስዋኽ ኣከን ፡ ኒዲ ሕበርሲጋ ፡ እና ነኒሰና ተካኽዲ ዋላ ቂግድግኒን ፡ ከተቤልኮኩም ህንባኩን ፡፡ 12 5፡12. እን በሪል ህንባውሲ ይፈራድና ውራ ቱስኩንለ ፡ እና ጅዊል ህንባውሲ ፈረደናኽር እንቱማ ኣኽድኒ ፡ 13 5፡13. እን በሪል ህንባውሲ ጃር ፈራድሮሎም ጊን ፡፡ እን በዳንሲ እንታልድ ፍዳሉ ፡፡
1 6፡1. ላኽ እንተልድ ኒጨራዲ ገሌ ዋነኑ ፡ ሻትካን ጃብል ኣኺጊ ፡ ዓመጭቲ ጃብልማ ፈሬድሮሉ ደፈራኩን ፡፡ 2 6፡2. ዋሪኻ ፡ እን ሻትካን እድንያት ፈሬዳነትላማ ኣርእድኒ ፡ እድንያ እንተድ ፈርድስራሪ ኣክርደን ፡ ጊናቲት ሰንዓተስ ፈራዶ ኣኺኖማ በቅዕደኒ እንቱም ፡፡ 3 6፡3. መላኣክቲት ፈራድናትሎማ ኣርእድኒኒ ፡ ኣዋህብኖ እና እድንያ ነኒሂዱሲ ፈራድናሪሉ ፡፡ 4 6፡4. ዳኣም እና ዓለም ኒሩ ሰንዓታስ ፈረዳክ ዋነንኩም ፡ እና ቃበብሰውሲ መሕበርሊ ፈረዳው እስዳናኩኖም እንቱም ፡፡ 5 6 6፡5-6. ስማሲስዬኩም መታን ጊን ነኒስ ያኹንኩም እንኩኹ ፡ ዳን ኒዳንዲ ፋረድሳኽ እንኩኽ ፡ ነኒንኻ እን እምንጋው ጃብል ፡ ነኒሰናማ እን ሻን ነባክልማ ፈረድሮ ቃደራኽ ላብብ ላኽር ሻኽድኒ ፡፡ 7 6፡7. እምንድ ፡ እንተናበክል ፋሬዳኽ ዋነድ እናኒን እንታ ቂልስንጊን ፡፡ ውራ ዓመጭስደኒ ፡ ውራኻ ገፍዕስደኒ ፡ 8 6፡8. ኣወይሲ እንቱም ዓመጭዴናኽ ገፍዕዴናኽ እንኩድኑኽ ፡ ነኒንኻ እን ሻንሲ ፡፡ 9 6፡9. ዓመጫው ሕክም ጃሩ ወራሰግኔትላ ኣርእድኒን እንቱም ፡ ኬትጋ ፡ ኣመንዝራታት ፡ ዌሪ-ኻ ፡ ጣኦት ኣምላክደው ፡ ዘማዋው ፡ ዌሪ-ኻ ሕንቁቃት ፡ ዌሪ ክድመት ሲዶሙ እሰናው ፡ 10 6፡10. ስካን ፡ ዌሪ-ኻ ግሁፋን ፡ ዌሪ-ኻ ሸካሬው ፡ ጃኻንቲ ፡ ዓመጫው ሕክም ጃሩክሲ ወራሰኒኒክ ፡፡ 11 6፡11. እንታ በሊን ናሴናክ እርግድኑኽ፡ ላኪን ስም ይናደራ የሱስ ክርስቶስዲ መንፋስ ጃሩኽዲ እንቃርድኑኽር ሻተክድኑኹር ጫደቅድኑኽር ፡፡ 12 6፡12. ኒኽርሪክ ፋቀድስኹለ ፡ ላኪን ኒውክ ናፍዓላኒክ ፡፡ ኒውክ ፋቀድሶለ ህንባኽ ፡ ኣን ደኣም ላኽር መላክሮለ ፌቃደሊኒክ ፡፡ 13 6፡13. ቅና ገድጉድ ፡ ጎድግኻ ቂናድ ጊን ፡ ጃር ላኪን ነኒዲት እንዲዲት ዲስሮሎም ጊን ፡፡ ስኻ ኣደራድ ፡ ኣደራኻ ስኻድ ግን ግራ ፡ስኻ ምብዘርናድ ኣኽላኒክ ፡፡ 14 6፡14. ጃር-ኻ እና ይናደራስ ጉዴሳና ፡ ይናትኽር ኒሒልድ ጉድሮና ጊን ፡፡ 15 6፡15. እን እንታ ስኻ ክርስቶስሩኽ ኣከትማ ኣርእድኒን ፡ ደኣም ኣካል ክርስቶሱኽሲማ ኣዶ ኣካል ኣመንዝሪኽ እስዬሉ ጊን ፡ ላእ ኣኽላኒ ፡፡ 16 6፡16. እን ለና ላስኻ ኣኺድኖጊን ፡ ስታኅ ጊን እማ ፡ ኣመንዝራዲ ተኬናኽ ንርዲ ላስኻ ኣኬትማ ኣርእድኒን እንቱም ፡፡ 17 6፡17. እን ኣዴራዲ ተከናኻ ኒዲ ላሜንፋስ ጊን ፡፡ 18 6፡18. መንዛርኒልድ እግራ ፡፡ ኣዳም እሳኩላ ሓራም ኒውክ ኒሲኪልድ በራ ጊን ፡ መንዘራና ላኪን ኒሹር ስኽሊጊን ሓራም እሳኽ ፡፡ 19 20 6፡19-20. ኣረኻድ ጅብስድኒኽ እማ ፡ እንታ ስኻ ልን መቅደስ እን እንተል ህንባኽ ፡ ጃርልድ ከለብድናኽሉ መንፋስ ሻትክ ኣከትማ ፡ እንተሹሪኽር ኣኽደናትማ ፡ ኣርእድኒን እንቱም ፡ ዳኣም እንታ ስኻድ ጃርሲ ከባርደሉ ፡፡
1 7፡1. እን ኬታብድናኹሉ ሰባትድኻ ኒሂሰና ጊን ፡ ግርዋ ኣኺንትል ስክራጋን ትክያኽ ጊን ፡፡ 2 7፡2. ምዘርኒልድ ሺርናድ ላኪን ላኽክ ግርዋ ኒሹር ኣኺና ዋንቲርኑ ፡ ላሪክ ኣኺና ኒርሹር ግርዋ ዋኒና ፡፡ 3 7፡3. ግርዋ ኒኣኺናት ተገባኣኽሲላ እሲንላ ፡ ኒሳናኽር ኣኺና ንርግርዋስ ኒሰና እስሪንሉ ፡፡ 4 7፡4. ኣኺና ፡ ንርግርዊል ግራ ፡ ንርሹር ስኺል መላካላኒክ፡ ኒሰናኽር ግርዋ ፡ ኒኣኺናትል ግራ ኒስኺል መላካላኒክ ፡፡ 5 7፡5. ጸሎትድ ግዚዬ ኣርትኖ መታን ፡ እንሲንሲ ስምምዕ ሌናርትኹድ ግራ ፡ ላኽ እን ላኽልድ ፈላይሰጊን ፡፡ ኒሰባትድ እ እንታ ፊኽሲ መላክና ብናድ ሼጣን ፈታንጊንኩም -ኻ ፡ ሓደፊስድ ኣሬርሳ ፡፡ 6 7፡6. ነኒን ላኪን ፡ ፍቃድሰና ያኩን እንኩኹ ግራ ፡ ትእዛዝ ኣኽለኒክ ፡፡ 7 7፡7. ኒውክ ኣዳም ኣና ይሰና ኣኽሮ እንካልዲድ እርጉኹን ፡ ላኪን እንላኽ ነኒሴና እን ላኽር እንጫዲሰና ላኽክ ጃርልድ ጌዱኽ እውን ህንባኹሉ ፡፡ 8 7፡8. ካኻንስጋውዲ ፡ መፍልታንዲ ላኪን ፡ እና ይሰና መንደርተናን ፡ ትክያኽ ግን ፡ ያኹን እንኩኹን ፡፡ 9 7፡9. ናፊኽሲ መላክድኖ ገራሴግናን ላኪን ፡ እንካሊሲ ሓውይኒልድ ክኻንትና ኪዳኽ እማ ፡ ክኻንትኒን ፡፡ 10 11 7፡10-11. እን ክኻንተውሲ ላኪን ፡ እን ኣዘዛኽ ኣዴራጊን ግራ ፡ ኣን ኣኽሊኒክ ፡ እን ኣኺና ንርግርዊልድ እንክስግሪን (ደቃርስግሪን ) ፡ እንክስራን ኻ ፡ ንርቱ መንዴርትርን ወሪ ንርግርዋዲ ኣረክስሪን ፡ - ግርዋ ኒኣኺናት እንክጊና ፡ ዮ ኣዘዛኹን እንኩኹን ፡፡ 12 13 14 7፡12-14. እን ኣሪውሲ -ኻ ፡ ኣን ያኩን እንኩኹን ፡ ኣደራ ኣኽላኒክ ፡ እን እምናጋኽ ግርዋ እን ኒኣኺኔድ ሻተኩኽ ፡ እን እምናግራሪ ኣኺና እን ዳኒድ ሻተክቲ እማ ፡ ኒሰናክ ኣከጋን ፡ እንታ ቁር ምቁል ኣኺድንድ ፡ ናንላኪን ሻካን ግናው ፡፡ ላክ ዳን እምናግራሪ ኣኺና ዋንትራኑ ፡ ንርኻ ኒዲ መንደርትቶ እንካልደን ፡ እንክጊና ፡ ኣኺናክር እምናጋኽ ግርዋ ዋኔና ፡ ንኻ ኒርዲ መንዴርትሮ እንካለን ፡ እንግርዋስ እንክግሪኑ ፡፡ 15 16 7፡15-16. እንቲ ኣኺና ፡ ክግርዋስ ደኣንድራኑ ፡ ውራ ኣርእርኹን ፡ ዌሪ እንቲ ግርዋ ፡ ኩኣኺነት ደኣንድሬና ፡ ውራ ኣርእሩኹ ፡ እን እምናጋኽ ፈላይሰን ላኪን ፡ ፋለይሲን ፡፡ ዳን ዋሪ ሻኒ እና ነኒሴና ተካኹድ በርኔት እንቃይ ኣኽኒ ህንባው ፡ ጃር ሰላምድ መንደርትኖ ሽኖና ህንባኽ ፡፡ 17 7፡17. ከብታኹድ ፡ ላኹክ እን ጃር እዋክሴናኩሉ ፡ ላኹክ እን ጃር ሽናኩሉሴና ኣኾ ወንተታርን ፡ ናትክ መሕበራሲ ኒሴናክ ጊን ኣዘዛኹን እንኩኹን ፡፡ 18 7፡18. ሰማትርሶ ዋኑሰናክማ ሽሳክ ህንባክ ፡ ሰመቴርስጋኽ ኣኺሮ ጃሬብደለሉኒክ ፡፡ ሰመታርስጊ ሽንሳኽማ ህንባኹን ፡ ሰማተርስጊን ፡፡ 19 7፡19. ትካውና ትእዛዝ ጃሩኽ ጊን ናፍዓኽ ግራ ፡ ሰመታርስና ፈዳን ሻኽላኒክ ፡ ሰመተርስና ብናኽር ፈዳን ሻኽላኒክ ፡፡ 20 7፡20. ላኽክ እን ሽንሳኹድ ሽናድ መንደርትን ፡፡ 21 7፡21. ባርያ ዋንትሩንሲክማ ሽንስሩኹን ፡ ጎሃይግ ፡፡ ሓራ ፊቶ ገራስሬን ላኪን ፡ እሲ ፡፡ 22 7፡22. እን ባርያ ዋኑንሰናክ ጃር ሽኩሉ ፡ ጃሩኽ ሓራ ፌኽ ጊን ፡፡ ኒሴናኽር ሓራ ዋንቱሲክ ኽንሳኽ ፡ ባርያ ክርስቶሱኽ ጊን ፡፡ 23 7፡23. ኣረኻድ ጅብስድኒኽ እማ ፡ በርያ ኣዳሙ ኣኺጋ ፡፡ 24 7፡24. ይሻን ላኹክ እንሽሳኹድሉ ኣኾ ጃር ጃብል መንደርትን ፡ 25 7፡25. ዳናግልድ ላኪን ፡ እምንሳኽ ኣኺያ ጃርልድ ምሕራት ከላበሳና ፡ ይሓሳብሲ ያኩን እንኩኩን ግራ ፡ ጃርሊድ ትእዛዝ ሻኽሊኒ ፡፡ 26 7፡26. ዳኣም ኣዳምቲ ኣና ንኪ ህንባኽ ምክንያትድ እን ህንበሳናክ ኣኾ መንዴርትሮ ትክያኽ ፡ ተካኹለ ፡፡ 27 7፡27. ኩኣኺድማ እንሻውስራኽር ጊን ፡ ፍትሕ ጃረቢግ ፡፡ ኩኣኺናድማ እንሻስላ ፡ ኣኺካና ጃረቢግ ፡፡ 28 7፡28. ላኪን ክኻንትራን ፡ ሓራም እሲላ ፡ ድንግልኽር ክኻንስራን ፡ ሓራም እሲላኒክ ፡፡ እን ነኒስና ያው ላኪን ስኻድ ጅርበት ኣሬናኽ እማ ፡ ኣን ሓሰባኹልኩም እንኩኹ 29 7፡29. ይሻን ፡ ነኒን ላኪን ድዋኹን እንኩኹ ፡ እን ዘመን ድርናኽ ጊኒ ፡ እን ኣኺን ሻው ንዳምቢ ሻኽገውሴና ኣኺንን ፡፡ 30 7፡30. እና ስራው ስራገውሳና ፡ እና ፋርሓውኻ ፈርሓገውሰና ፡ እና ጅባውኽር በጃኽደጋውሴና ኣኺንን ፡፡ 31 7፡31. እራክ እና እድንዪው ደካኽ ጊን እማ ፡ እና እናዓለምድ ናፍዕሳነው ነፍዕሳጋውሴና ኣኺንነ ፡፡ 32 7፡32. ኣን ላኪን ምኹር እንጋት ኣኺትኖ እንክላኹን ፡ እን ክኻንቲጋኽ ኣዋህበ ኣዴራስ ፍርሕዳኹኑ ዮ ኣደሪኹድ ሓሴባኽ ፡ 33 7፡33. እን ክኻንታኽ ኒኣኺናት ኣዋህበ ፈርሕዳትላ እና እድንያ ነኒርኹድ ሓሰባኽ ፡፡ 34 7፡34. ክኻንትራሪዲ ድንግሊዲሩኽድ ኒት ኒቱጊን ፡፡ እን ክኻንቲግራሪ ፡ ንር ስኻዲ ንር መንፋስዲ ሻትክሮ ማታን ይሮ ፡ ኣደሪኹ ግንሪ ሓሴብራኽ ፡ እን ክኻንቲራሪኻ ፡ ኣዋህብርዶ ንርግርዋስ ፈርሕዳኹኑ ይሮ እና እድንዩኽድ ግን ኒሪሓሰብራኽ ፡፡ 35 7፡35. ተገባኣኽ ሰንዓቴድክር ታብናድክር ናቅናቅስግድኒ ኣዴራ ተብትኖ ግራ ፡ መፋንጠራድ እስዬኩም ዮኣኽሊኒክ ፡ ናኒን ራብሓ እንታኹ ጊን ያኹኑ እንኩኹ ፡፡ 36 7፡36. ላኪን ላኽ እና ድንግሊ ኒቅራድ ሲማራኽ ህንበት ተካኑ ፡ ገይእራሪኻ ኣኽርዳን ፡ ኒሂሳና ኣኺሮኻ ቴጋባኣኽ ኣከን ፡ ጃራባክሲ እሲን ፡ ሓራም ሻኽላኒክ ፡ ግርዋድ እውና ፡፡ 37 7፡37. ልሳዕ እና ኒላቤካድ ድኖሉ ታባኽ ፡ ቃስብ ኣኽጊ ፡ ኒሹር ፍቃድሊ ምልክ ሻኽ ፡ እና ኒቅራ ንር ድንግሊድ መንዳርትቶ ኒላቤካድ ቃሬጫኽ ፡ ትክያኽ እሳኽ ፡፡ 38 7፡38. ዳኣም እን ኒቅራት ግርዋድ እዋኽ ትክያኽ እሳኽ ፡ እና እዋጋኻ ኒልድ ኪዳኽ እሳኽ ፡፡ 39 7፡39. ኣኺና ንርግርዋ ኒርሕድ ዋንቲራሲክ እንሻውስራሪግንሪ ፡ንርግርዋ ክራን-ኻ ፡ ጃርድ ካያ ኣኺንግራ ፡ ንርጃረብርዳኹሊ ኪኻንሲቶ እንክስራሪጊንሪ ፡፡ 40 7፡40. ይሓሳብሳናኻ ፡ ንርእርግራኽሳና መንደርትራን ፡ ትክይሮ ብጽእቲ ኣኺትድ ፡ ኣንኽር መንፋስ ጃሩኽ ህንባኹለ ተካኹለ ፡፡
1 8፡1. ጣኦትድ በዳይሳኽድ ላኪን ናውክ ኣርእን ዋኔትና ፡ ኣርእኹን ፡፡ ኣርእን ናፍሓኽ ፡ እንካሊኻ ለጋዳኽ ፡፡ 2 8፡2. ላኹር ገሌ ኣርኣኽ ተካኹሉ ዋነን ፡ እን ኣርኣኽሲ ልሳዕ ጃራብርሳናኩሉ እሶ ልሳዕ ኣርእላሉኒክ ፡፡ 3 8፡3. ጃርሲ እንካላኹሉ ዋነን ላኪን ፡ ኒ ኒድ ኣርእሳኽጊን ፡፡ 4 8፡4. ዳኣም እን ጣኦታትድ በዳይሳኽ ቂናድ ፡ ጣኦት እድንዪል ገሌ ኣኽጋት እና እንላኽ ኒቱ ንኻክ ኣሪኽ ጃር ዋነጋት ፡ ኣርእንኹን ፡፡ 5 8:5. ሰሚል ወሪ -ኻ ብሪል ኣማልክት ይስታው ዋነናን ፡ እና ገሪው ኣማልክቲሰና ኒሰናክር ጌሪ ኣርዳት ህንባውሳና ፡ 6 8፡6. ይናዳቲታይ ኒትክ ኒልድ ኣኻኽ ይንኽ ኒድ ኣኽናክ ላኽ ጃር ካያ ፡ ህንባኹና ፡ ኒትክ ኒድ ኣካኽ ይን-ኻ ኒድ ኣኽናክ ላኽ ላኣዴራኺር ፡ የሱስ ክርስቶስ ህንባኹና ፡፡ 7 8:7. እና ኣምር ኒን ኒትክ ኣዳምሊ ኣሬርሰላኒክ ፡፡ ገሪው እና ጣኦትሲ ንኪ ኣኽራሲክ ኣማል እሲኖ ፡ ጣኦትድ በዳይሰሳና እሲኖ ጊን ናው ቃናው እማ ፡ ናሕልና ቂልሳኽ ኣኾ ሚቅሊታኽ ፡፡ 8 8፡8. ቂና ላኪን ጃርሊ ገይእሰላኒክ ፡ ቂኖኽር ኮድነሊ ፡ቃግናንኽር ናቃስድናሊ ፡፡ 9 8፡9. ልሳዕ እን እንታ ሓርናት እና ቂልሳውሲ ዕንቅፋት ኣኺግኖም ፡ ጠንቃቅሳ ፡፡ 10 8፡10. ላኅ ኣዳም ኩት ኣምር ሻኽርኻርሲ ፡ ልን ጣኦቱኹሊ ኮፍይሮ ቃንካ ፡ እና ቂልሳኽ እን ጣኦትድ በዳይሳኽሲ ቂሮማ ፡ ኒሕልና ተበላ ፡፡ 11 8፡11. ናኒሰና እን ኒማታን ክርስቶስ ክራኹሉ ዳን ፡ ኩኣምር ሰባትድ ድዳኽእንኩኽ ፡፡ 12 8፡12. ነኒሰናክ እና ሻንሲ ዓገብድኑ ፡ እን ቂልሰንታ ኒሕሊና ናኽሲክር ለኻንድኑሲክ ፡ ክርስቶስቲ ዓገብደናኹሉ እንኩድኑኽ ፡፡ 13 8፡13. እማ ደኣም እን ቂና ይዳንሲ ዓንቀፋኽ ኣከን ፡ ይዳንሲ ዓንቀፍጊኑ ማታን ፡ ዲማሲ ዋላ ስኻ ቃሊኒክ ፡፡
1 9፡1. ሓራማ ኣኽሊ ፡ ሃዋርያማ ኣኽሊ ፡ ኣደራ የሱስ ክርስቶ ቃሊማሉ ፡ እንቱማኻ ኣደራድ ይክድማት ማ ኣኽድኒ ፡ 2 9፡2. ማሕተም ይሃዋርናቱኽ ኣደራድ እንቱም ግኒ እማ ፡ ኣሪውድ ኣካ ሃዋርያ ኣከጋን ፡ እንታድ እንታ ሃዋርያ ግን ፡፡ 3 9፡3. ይጨራይና እን ማርመራውድ ነኒንጊን ፡፡ 4 9፡4. ቂኖኽር ጅእኖኽር - ማ መሳል ሻኽኒ ፡፡ 5 9፡5. እና ኣሪው ሃዋርያትሰና ሻን ይና ኣደሪውሰና ከፋ እሰናውሉ ፡ እምናትድድ ይናሻኒ ኣኽርድራሪ ኣኺና ይናዲ ጅልውድኖ መሰል ሻኽኒ ፡፡ 6 9፡6. ዋሪ - ኻ ይዲ በርናባስዲ ካያማ ክድማትሲ ባርኖ ሻኽነውግን ይን ፡፡ 7 9፡7. ኣዊን ከድማይ ግን ኒሰላዲሲ ቁንሰናክ ተላያኽ ፡ ዘቢብ ቴካሎ ኒርፈዳንሲ ቃጋኽ ፡ ኣውኒ ግኒ ፡ ወሪ- ኻ ተካዉንሲክ እና ኒተካዋውሊድ ሻብ ጅኣጋኽ ኣውኒ ግኒ ፡፡ 8 9፡8. ነኒን ጋብ ኣዳሙክሰናማ ጋባኩን እንኩኹ ፡ እን ፍርድኽርማ እንደዋያላ 9 9፡9. ኣብ ፌራኽ ቢሪኽሲ እንሻውግ ፡ ያኽ ሕክም ሙስዬሩኽሊ ከተብሶ ህንባኽ እማ ፡ ጃርማ ቢሬድ ሓለዮ ፡ 10 9፡10. ዋሪ - ኻ ይናድማ ኣኽላ ያኩሉ እንኩላ ፡ እና ጎዳኽ ተስፋድ ጎድሮ ፡ እን ፈራኽክር ኒበናስ ኣርዶ ማታን ተስፋድ ፈርዶ ተጌባኣኹሉ ኣኸውድ ይናማታን ግኒ ኔኒንከታብሳኽ ፡፡ 11 9፡11. ይንን እንተድ ናማንፋሱክሲ ፈድናንኩም ፡ እና እንታ ስኺኽሲ እሽርናን ባጄኹና ፡ 12 9፡12. ኣሪ ናመስል ኒልድ ባንሰው ኣኽነውድ ፡ ይን ማ በጃኻ ሻኽኒን ፡ ይን ላኪን ወንጌል ክርስቶስ ገበብስና እሲጊን ፡ ኒትክድ ሰብር እስናኹ ፡ናመሳል ናኒስ ኣድኒሉ ፡ 13 9፡13. እና ሻትክ ኣገልግሎት ኣገልጋልዳው ና ልን መቅደሱኽሊድ ቃናን ፡ ናኔን ቤዲኽሊ ኣገልግልዳው በዲክዲ በንሰናት ማ ፡ ኣርእድኒን 14 9፡14. ኒሳናኽር ኣደራ እነኔን ወንጌል ሳባኻውሲ ወንገሊድ ቂድኖ ሰርዖሎም ህንባኽ ፡፡ 15 9፡15. ኣን ላን ናኒስ ታከውልድ ላርኽር ኣድሊኒክ ፡ ኒሰናኽር ኣኽሮለ ዮኅር ኣኽሊኒክ ናኒስ ከታባኹሉ ፡፡ ናትምክሕቲት ላኽር ኮንቱ እሳትላ ክርና ኪድርድለ ፡ እርጉኽ ፡፡ 16 9፡16. ኣን ወንጌል ሰባኻን ፡ ግዲሲ ጌእኹለ እማ ፡ ዋርዲታኹሉ ሻኽሊኒክ ፡፡ ወንጌል ሰባኻ ጌን ላኪን ማላልዬ ፡፡ 17 9፡17. ነኒስ እንከሎ እሳንሉ፡ ዓስቢ ሻኹን ፡፡ እንካልጊ እሳንሉ-ኻ ፡ እና ቂስና ነኒን ኣኻኹድ ሕድሪ እውስትኹለ ፡፡ 18 9፡18. ዳኣም ይዓስቢ ውራንግኒ ፡ ወንጌል ሰባኹንሰና ፡እና ወንጌልድ ህንባኹ መሳሲ ኣድጊ ፡ ወንጌል ካዬድ ድዋን ግኒ ፡፡ 19 9፡19. ኒትክልድ ሓራ ዋኑንሴናክ ፡እና ገሪውሲ ረብሕያ ማታን ፡ ይኣኻርሲ ባርያ ናትኩ ኣኺኹን ፡፡ 20 9፡20. እና ኣይሁድ ረብሕድኖ ማታን ኣይሁዲ ኣይሁዳዊራ ሰና ኣኺኹን ፡፡ እና ሕጊር ስቃይሲ ህንባነው ራብህድኖ ማታን ኻ ፡ እን ኽጊር ስቃይሲ ህንባው - ይላውድ እካ ሕጊር ስቃይሲ ኣኽጋኽ ዋኑንሱክ ፡ እና ሕጊር ስቃይሲ ህንባክሰና ኣኺኹን ፡፡ 21 9፡21. እና ሕጊ ሻኽጋው ረብሕድኖ ማታን ፡ እና ሕጊ ሻኽገውዲ ፡ - ሕጊ ክርስቶስሩክድ ግራ ፡ ሕጊ ጃሩኽ ንኻ ኣኽጊ ዋኑንሰናክ ፡ - ናሕጊ ሻኽገውሰና ኣኹን ፡ 22 9፡22. ኣን እና ቂልሳውሲ ካብያ ማታን ፡ እና ቂልሳውዲ ቂልሳኽ ኣኺኩን ፡፡ ኒትክድ ደርብድ ናበሊንሲ ዳኣንድያ ማታን ፡ ናትክድ ኒትክ ኣኺኹን ፡፡ 23 9፡23. ነኒን ኒትክ ወንጌል ማታን ፡ ደንበራድ ኒልድ በንስያ ዮ ጊን እሳኹኑ እንኩኹን ፡፡ 24 9፡24. እና ኣካን ጋኑክሊ ጋኔው ናውክ ጋንዬናት ፡ እን ዓስቢ ዓውተሩክሲ ላክ ኣደትላማ ፡ ኣርእድኒን እንቱም ፡ እንቱም ኣርትኖላ ማታን ፡ ኒሳነክ ጋንያ ፡፡ 25 9፡25. እና ለማሌም ያክ ኒትክድ መጣኖ ኒፊኹትሲ ጋበባኽ ፡ነኒን እና ደካኽ ኣኽሊልሲ ካለብርድኖ ማታን ግናው ፡ ይንን ላኪን እና ዳኮጋክሲ ፡፡ 26 9፡26. ዳኣም ኣን ጋንየኩን እንኩኹን ላኪን እን ኣርእሳጋኽድ ጋንያክ ሰና ኣኽሊኒክ ፡ ለማለም ያኩን እንኩኹን ላኪን እና ሻማልሲ ጣዓምባክሴና ኣኽሊኒክ፡፡ 27 9፡27. ኣሪውሲ ሰባኩንሰና ፡ ይኣካርሲ ማልሳኽ ኣኽጊን ፡ ይስኻሽ ኣሳቃይዳኩንሉኪር ጋዝእዳክኑሉኪር እንኩኹን ፡፡
1 10፡1. ይሻን ፡ ናውክ ይናክል ብካና ዓንቀይ እርግናት ፡ ናውክኽር ባሓር ካርናት ፡ ኣርእግዳነው ኣኺትኖ እንከላሊኒክ ፡፡ 2 10፡2. ናውክ-ኻ ብካናዲ ባሓርዲትል ሙሰትል ጠማቅስኑኽ ፡፡ 3 10፡3. ናውክኽር ላመንፈሳዊራ ናብራ ቂኑኽ ፡፡ 4 10፡4. ናውክ እና ላመንፈሳዊራ ጅእና ጅእኑኽ ፡፡ እን ተላዩሎም እርጋኽ ሻሺልድ ጅእኑኽ እማ ፡ እና ሸሻኒንኻ ክርስቶስ ግኒ ፡፡ 5 10፡5. ናልድ እን በጃኻው ጃርሲ ፈርሕድኒሉ ፡ እማ ከዳንሊ ድኑስኑኽ ፡፡ 6 10፡6. እና ኒሂን-ኻ ፡ እና ናው ተምነትናኽሰና ይን እን በዳንሲ ተምኔትግኒኑ ጊን ፡ ለበካ እስኒክ ኣኺኽና ፡፡ 7 10፡7. ዳኣም ፡ እን እክ ቂድኖኽር ጅእድኖኽር ኮፍዩኑኽ እንቃርድኖኹር ጊኑኽ ፡ ያኽ ከተብሳት ፡ እን በሊንሰና ጣኦት ኣምላክዳው ኣኺጋ ፡፡ 8 10፡8. እና ናበልን ማንዘራውሳና እማ ላግርግሊ ለራንዲ ሰኻ ስሕ ለበውሳና ፡ መንዛርግኒን ፡፡ 9 10፡9. እን በሊን ፌተኖሉ ምራው ክራው ፡ ክርስቶስቲ ፈተንግኒኑ ፡፡ 10 10፡10. እና ናገሌሳና ዓዘምዘማው እማ እን ዲሳኽ ዲሳናክሎም ፡ ዓዘምዘምግኒን ፡፡ 11 10፡11. ናኒን ኒውክ ለባኪስና ኣኽሮ ማታን ግኒ ጋይእኹሎም ፡ ይን እና ዳንጎባ ዋክት ለካኹናድ ተግሳጽድ ኣኺሮና ማታን ግኒ ከታብሳኽ ፡፡ 12 10፡12. ዳኣም እን ዳውዮ ታካኹሉ ፡ ለብጊን ገባብሲን ፡፡ 13 10፡13. ኣዳም ምኹርዶሉ ገራሳጋኽ ጌኣለኩምኒክ ፡፡ ጃር እምንሳኽ ግኒ እማ ፡ እን እንታ ፈታነዲ ምኹርና ኒክ ገራስትኖ ፡ ፍዲሰና እሶልኩም ህንባክ ፡፡እንታ ዓቅም ኣወይሲ ፈታንስትኖ ባረለኩምኒክ ፡፡ 14 10፡14. ይእንካልሱን ፡ ዳኣም ጣኦት ኣምላክድኒልድ እግራ ፡፡ 15 10፡15. ኣስታውዓልዳውሰና ግን ጋበኹን ፡ እን ኣንያኽሲ እንታላውድ ፈራደሉ ፡፡ 16 10፡16. እን ይን ባረክነሪላ በራኸትሪ ጽዋእ ብር ክርስቶስሩዲማ ሕብራት ህንብራሪላ ኣኽላን ፡ እን ቃረስናሪ ሳንሳዓ ስኻ ክርስቶስዲማ ሕብራት ሻኽራሪማ ኣኽላ ፡፡ 17 10፡17. ላሳንሰዒልድ በንትትስኒኩን እማ ፡ ላሳንሳዓ ኣኽርዳውድ ፡ ይንንር ገሪው ዋንትኑሰናክ ላስኻ ግን ይን ፡፡ 18 10፡18. እስራኢልቲ ስኻድ እማ ቃላ ፡ እን በዳልዲ ቃው እን በዳልዲማ ሕብራት ሻኽኒን ናው ፡፡ 19 10፡19. ውራ ያኹን እንኩኹን ፡ ጣኦትድ በዳይሳኽማ ገለ ሳንዓታ ግኒ ፡ ዋሪ-ኻ ጣኦትማ ገለ ሳንዓታ ግኒ ፡፡ 20 10፡20. ኣኽላኒ ፡ እክ በዳዬናውሉ ኣጋንንቲሲ ግን ፡ ጃርድ ኣኽላኒክ ፡፡ ኣጋንቲዲ ሕብራት ዋኒሮኩም እንካለልኒክ ፡፡ 21 10፡21. ጽዋእ ኣደሪኽዲ ኣጋንቲሩኽዲ ጅእትኖ ጋረስተለኩምኒክ ፡ ማኣዲራ ኣደሪኽዲ መኣዲራ ኣጋንቲሩኽልድ በንትስትኒቶ ገረስተላኩምኒክ ፡፡ 22 10፡22. ዋሪ-ኻ ኣራስማ ቃንእትኖሉ ማታንማኒ ፡ ኒልድማ ይን ሒሊትናኹን ፡፡ 23 10፡23. ኒውክ ፋቀድስኹለ ፡ ኒውክ ጠቃመላኒክ ፡ ኒውክ ፋቀድስኹ ኒውክ ላኪን በሄርዳላኒክ ፡፡ 24 10፡24. ላኽር ናፍዕስና ኒሹርኹድ ጃረብጊን ፡ ናፍዕስና ኒጫሪኹድ ግራ ፡፡ 25 26 10፡25-26. ብራዲ ንርትል እንሳኽሶ ህንባውዲ ጃሩግናው እማ ፡ ዕዳጊል ክድሳው ይሳኽ ኒውክ ፡ ሕሊናድ ይድኖ ገለ ማርማርግድኒ ቃ ፡፡ 27 10፡27. እና እምናውግልድ ላኽ ሽኑኹካ እማ ፈርትኖ ጃረብድናን ፡ ሕልናድ ይድኖ ገለ ማርማርግድኒ ፡ ሳክሳናክሲሉ ኒትክ ቃ ፡፡ 28 10፡28. ባሊን ፡ ናኒንታ ጣኦትድ በዳይሳኽ ግን ፡ የናንኩም ላኪን ፡ እን ድዋኽድኩም ማታንክር ሕሊናድ ይድኖኽር ቂጋ ፡፡ 29 10፡29. ማለት ፡ ሕልና ኩጫሪክድ ግራ ፡ ሕልና ኩኽ ይሊኒክ ፡፡ ወራማታን እን ይሃርናት ኣሪኹድ ሕልናድ ፈራሳኹን ፡፡ 30 10፡30. ኣን ሓምደሲ በናኑ ኣከን ካ ፡ ውራ መታን እን ኣመስጋንዳኹድ ጃኺሳኹን ፡ 31 10፡31. ዳኣም ቂዳናንኽር ፡ ዋሪ-ኻ ጅእዳናን ፡ ዋሪ-ኻ ኣካሲ እስዳኔን ፡ ኒትክሲ ክብር ጃሩኽድ እሳሉ ፡፡ 32 10፡32. ኣይሁድ ኣኺኒን ጽርኣውያን ፡ ዋ-ኻ ማሕበር ጃሩውድ ኣኺን ዕንቅፋ ኣኺ ፡፡ 33 10፡33. ዳኣንድኖ ማታን ናፍዕስና ገሪዉድ ግራ ፡ ናፍዕስና ይሹሩኽድ ጃረቢሊ ፡ ኒሰናኽር ኣን ኒትክድ ኒትክ ኣዳምድ ፋርሕዳኹን እንኩኹን ፡፡
1 11፡1. እና ኣን ክርስቶስቲ ታካኹሉሳና ፡ እንቱም ይት ተካ ፡፡ 2 11፡2. ናን-ኻ ኒትክድ ኒትክድ እልብድናትለትለኽር ኣን መሃርዳኩልኩም ሰና እስዲነ ፡ እና ትምህርቲት ሻክድናኩሉ ኣኽድናኩድ ናኣዳኩንኩም እንኩኹን ፡፡ 3 11፡3. ላኪን ኣኻር ግርዊኽ ክርስቶስ ፡ ኣኻር ኣኺናሩኽ - ኻ ግርዋ ፡ ኣኻር ክርስቶስሩኽ ኻ ጃር ኣኸት ፡ ኣርእትኖ እንከላኹን እንኩኹ ፡፡ 4 11፡4. ግርዋ ይስታክ ጸሌዩ ዋሪ ትንቢት ነባይሱንሰናክ ፡ ኒኣኻርሲ ኩተን ፡ ኒኣኻርሲ ሓሳርዳኽ ፡፡ 5 11፡5. ኣኺና ይስትራሪ ናውክ ጸላይሩ ዋሪኻ ትንቢት ነበይስሩንሳናክ ፡ ንርኣኻርሲ ኩታግራን ፡ ነኒኒ ሊሽትራሪሰናግንሪ እማ ፡ ንር ኣኻርሲ ሓሰርዳቲ ፡፡ 6 11፡6. ኣኺና ኩተግራሪ ኣክርዳን ፡ ዳኣም ንር ኣኻርሲ ቀራጭስሪን ፡፡ ልሳዕ ኣኺና ቀራጭና ዋሪኻ ሊሽና ሽብክ ንሩስስማሲሳኽ ኣኸውድ ፡ ኩትርን ፡፡ 7 8 11፡7-8. ኣኺና ግርዊልድ ግራ ፡ ግርዋ ኣኺናትልድ ኣኽ እማ ፡ ግርዋ ክብሪ ጃሩኽዲ ተካዲ ኣኻውድ ፡ ኒኣኻርሲ ኩትሮ ተጋበኣለሉኒክ ፡፡ ኣኺና ላኪን ክብር ኒር ግርዊትርጊን ፡፡ 9 11፡9. ኣኺና ግንሪ ግርዋድ ፋጠርስራሪ ግራ ፡ ግርዋ ኣኺና ማታን ፈጣርስላኒክ ፡፡ 10 11፡10. እን መላእክቲ ማታን ኣኺና ንር ኣኻርሊ እሻረት ምልኩኽ ዋኒሮላ ተጋባኣኽ ፡፡ 11 12 11-12. እና ኣኺና ግርዊልድ ኣኽርዳሰና ፡ ኒሰናኽር ግርዋ ኣኺናድ ግኒ ፡ ኣደራድ ላኪን ኣኺና ግርዋ እንጋት ፡ ግርዋ ኣኺና እንጋት ዋላ ኣከላኒክ ፡ ኒውክ ላኪን ጃርልድ ግኒ ፡፡ 13 11፡13. እስከ ፡ እንተላውድ ፈራዴሉ ፡ኣኺና ኩትግሪ ጃርሊ ጸሌይቶማ ተጌባኹና ፡፡ 14 11፡14. ዋሪኻ ፡ ግርዋ ኒሽብክሲ ሺርደን፡ ኒሕስራን ኣኬት እን ባህሪ ኒላውድማ መሃርደላኩም ፡ 15 11፡15. ኣኺ ንርሽብክሲ ሺርድራን ላኪን ፡ ሽብክ ኒርኩተና ኣካንሊ እውስቱኹ ላ እማ ፡ ንርድ ኒር ክብረትግኒ ፡፡ 16 11፡16. ገለ ኣዳም ዋኻ እንከላኽ ኣከን ፡ ይናዲ እና ማሕበር ጃሩዲ ነኒሂሴና ክኒ ሻኽኒኒክ ፡፡ 17 11፡17. ላኪን ነኒስ ኣዘዙንሰናክ ፡ እንታ እክብስና ገዳዳኹድ ግራ ፡ ኪዳኹድ ኣኽጋውድ ፡ ሓመዴሊኩም ፡፡ 18 11፡18. ኒትክ ጃብኻ መሕባርሊ እክብስዲነሪት ፡ ፍልልይ እንታ ነቤኪል ዋኔት ፡ ዋሳኹን እንኩኹን እማ ፡ ኒልድኽር በኖ እምናኹን ፡፡ 19 11፡19. እና እንታ እምኑ ኣርእስድኖ ማታን ፡ እንታ ነቤክል ዋኻ ኣኺሮ ቃስብድ ግኒ ፡፡ 20 21 11፡20-21. እንታ ቂና ዋክትድ ላኹክ ጋንዮ ኒድራርሲ ቃኽ ፡ እንላኽ ካኣርታኽ እንላኽ-ኻ ብታኽ(ሸከራኽ ) እንኩኽ እማ ፡ ኒሰክ እን እንታ እክብስና ቂና ሙኔት ኣዴሪኹድ መታን ኣኽላኒክ ፡፡ 22 11፡22. ቁደናኹሉክር ጅእደናኩሉክር ልንተትማ ሻኽድኒን ፡ ወሪኻ መሕቤር ጃሩኽሲማ ቃበብድኖ ግን ፡ ውራዬኩም ግን ፡ ነኒድማ ሓመድዬኩም ፡ ሓመደሊኩም ፡፡ 23 11፡23. ኣን ኣደሪልድ ከላበኩሉ ግን እማ ፡ እንታድኽር ድዋኹሉ ፡ ኣደራ ዬሱስ እና ሻክስኻላ ኩኒንድ ሳንሳዓ ጉዱኽ ፡ 24 11፡24. ሓመዶ ቆሮሱኽ እማ ፡ ኣዶ ፡ ቃ ፡ ናኒን እንታ ማታን እውስታኽ ይስኻ ግኒ ፡ ነኒስ ይመዛኬርታ መታን እሰሉ ፡ ዪኽ ፡፡ 25 11፡25. ኒሳናኽር ፡ ሙናት ደንቢ ጽዋዕ ጉዶኽ እማ ፡ ይብርድ ሓዲስ ክዳን ግንሪ ፡፡ ጅእደናኩድ ዋክት ይመዛከርታ ማታን እሰሉ ፡ ዩክ ፡፡ 26 11፡26. ማላት ፡ እና ሳንሳዓ ኔኒት ቂዳናኩድ ፡ እና ጽዋዕ ኔኒተስ ጅእድናኽድ መጠን ፡ ኣዳራ እንትራሲክ ኒክርናስ ድዋ እንቱም ፡፡ 27 11፡27. ዳኣም ፡ ተገብእጊሉ እና ሳንሳዓ ኔኒስ ቃኽ ዋሪኻ እና ጽዋዕ ኣደሪኽሊድ ጅኣኽ ፡ ኒ ኣደሪኽ ስኻዲ ብርዲትል ግኒ ኒዓገባኽ ፡፡ 28 11፡28. ልሳዕ ኣዳም ኒኣኻርሲ መርማሪን ፡ ኒሳናኽር እን ሳንስዒልድ ቂን ፡ እና ጽዋዕ ነኒልድኽር ጅእን ፡፡ 29 11፡29. እና ቃኽዲ ጃኣኽዲ ስኻ ኣለላዬጋን ፡ ኒኣኻርኹድ ፍርድድ ግኒ ቃኽር ጅኣኹር ፡፡ 30 11፡30. እና ሴባብ ነኒድ ግኒ እንታነበክል ገሪው ሽኹሻውዲ ቂልሳውዲ ህንባው ፡ ጋንጃውኽር ገሪው ግናው ፡፡ 31 11፡31. ልሳዕ ይና ኣኻርሊ ፈራድነን ፡ ፈራድስግኒድ እርግኑኹን ፡፡ 32 11፡32. ፈራድኑንሲክ ላኪን ፡ እድናያዲ ፈራድስግኒን ፡ ኣደራድ ቃጽዕሥናኩን እንኩንኹ ፡፡ 33 11፡33. ዳኣም ፡ ይሻን ፡ ቂናድ እክብስዱ እንኩድኑንሲክ ፡ እንታ ሹርሹር ጨባራ ፡፡ 34 11፡34. እንታ እክብስና ፍርድድ ኣኽጊን ፡ገለ ኣዳም ከኣርተን ፡ ኒልንሊ ቂን ፡፡ እን ከብቴኽሲኻ እንተሪት ፡ ሰርዕዬሉጊን ፡፡
1 12፡1. ይሻን መንፋሳዊራ እውንድ ላኪን ፡ ኣምር እንጋት ኣኺትኖ ጃረባሊኒክ ፡፡ 2 12፡2. ኣርማውያን ዋንትድኑንሲክ ፡ እና ጋበጋውሊጣኦትሊ ዋተርስዱኑ እርግዳነት ፡ ኣርእድኑኽ ፡፡ 3 12፡3. ላኽር መንፋስ ጃሩኽድጋባኽ ፡ ዬሱስ እሽተኽጊን የጋት ፡ መንፋስ ሻትክድ መርሕሳኽ ፡ ዬሱስ ኣደራግን ላኽድክር ገረስተላሉኒክ ፡ ኣርኢሳኹንኩም እንኩኹን ፡፡ 4 12፡4. እውን ኒትኒቱጊን ፡ መንፋስ ላኪን ላኽ ኒጹግን ፡፡ 5 12፡5. ኣገልግሎት ኒትኒቱጊን ፡ ኣዳራ ላኪን ላኽ ኒቱግኒ ፡፡ 6 12፡6. እስና ሒለቱኽር ኒት ኒቱጊን ፡ እን ኒትከል ኒትክ እሳኽ ላኽ ጃርግኒ ፡፡ 7 12፡7. ላኹድክ በርህና መንፋስሱኽ ናፍዕስናድ እውስታኹሉ ፡፡ 8 12፡8. ላኽድ ቆል ኣምሩኽ መንፋስ እውስታኹሉ ፡ እን ላኹድካ ቆል ኣርእን እን ላኽ መንፋስድ እውስታኹሉ ፡፡ 9 12፡9. ላኽድ እምናት እንላኽ መንፋስድ እውስታኹሉ ፡ ላኹድካ መንፋስ እቢስኒክ እውስትና እውስታኹሉ ፡፡ 10 12፡10. ላኽድ እስና ሒላቱኽ እስሮ እውስታኹሉ ፡ ላኽ ትንቢት ፡ ላኹድ ኣለላይና ኣጋንንቲሩክ ፡ ላኽድ ኒት ኒቱ ቃንቃ ህንባው ፡ ላኽድ ታርጋምና ቃንቂኽ እውስታኹሉ ፡፡ 11 12፡11. እናሃኒኒን ኒክሩክ-ኻ እና እን ላኽ መንፋስ ኒጃሬባሴና እሶ ላኽድክ ኒባና በኑ ግኒ እሳኹ ፡፡ 12 12፡12. እን ስኻ ላኽ ዋኑንሴናክ ፡ ገሪው ኣካላት እንባኽሰናኩሉ ፡ ህንባውክ እና ኣካላት ስኺውኻ ፡ ገሪው ዋኑንሰናክ ፡ ላኽ ስኻ ኣኻና ፡ ክርስቶስ-ኻ ኒሰናክ ግኒ ፡፡ 13 12፡13. ኣይሁድ ዋሪ ጵርኣውያን ፡ ባሮት ዋሪኻ ኣርኣው ኣኺኒን ፡ ይን ናውክ ላስኻ ኣኺኖ ማታን ፡ ላመንፋስድ ጠማቅስኑኹን እማ ፡ ላመንፋስ ጅእንኹን ፡፡ 14 12፡14. እን ስኻ - ኻ ገሪው ግራ ፡ ላኣካል ኣኽ እማ ፡ 15 12፡15. ሉክ ፡ ናን ኣከጋን ፡ ስኺክ ኣኽሊኒክ ፡ ይረን ፡ ኒድማ ስኺኽ ኣከት ከብታኹኑ ፡ 16 12፡16. እቃኽር ፡ ዕል ኣከጋን ፡ ስኺክ ኣኽሊኒክ ይረን ፡ ነኒድማ ስኺክ ኣክርዳት ካብታኹና ፡ 17 12፡17. ህንባክ ስኻ ዕል ኣከን ፡ ዋስና ኣወት ኣርስርድ ፡ እን ስኻ ኒውክ ዋስና ኣከን እማ ፡ ኣኻርና ኣወት ኣርስርድ ፡ 18 12፡18. ናን ላኪን፡ ጃር ፡ ኒጃረባሳና እሶ ፡ እና ኣካላትሲ ህባክሲክ ፡ እን ስኺል ሰርዕኹሉ ፡፡ 19 12፡19. ኒውክ ኣካላት ላኣካል ኣከን ፡ እን ስኻ ኣወት ዋንቲርድ ፡ 20 12፡20. ናን ላኪን ኣካላት ገሪው ፡ እን ስኻ ኻ ላኽ ግኒ ፡፡ 21 12፡21. ዕል ናንሲ ጃረባሊኪ ይቶላ ገረስተላላኒክ ፡ ዋሪኻ ኣኻር ሉክሲ ፡ ጃረባሊኩም ይቶሎም ገራስተላላኒከ ፡፡ 22 12፡22. እን ናፍዓገው ታካው ይና ኣካላት ስኺው ፡ ናውግናው እባ ትክሰ ጃረብሳው ፡፡ 23 12፡23. እን ስኺል ህንባኽ ናፍዓጋኽ ተካኽ ንኻ ፡ ክቡር ሰንዓተድ ኩስናኹኑ ፡እን ስማሲሳኽሲክር ክቡርድ ኩስንኹኑ ፡ 24 25 12፡24-25. እን ክቡር ይና ኣካላትኻ ነኒሰና ጃረብደላሎምኒክ ፡፡ ላኪን እን ኣካላት ናሹር ናሹር ላሓሰብና ዋኒሮሎም ግራ ፡ እን ስኺል ፍልልይ ዋኒጊኖም ፡ ጃር እን ክቡር ናቃሳኽሲ ኣካልሲ በጃኻኽ ክብሪ እዉ ፡ እን ስኻስ ተካንድኹሉ ፡፡ 25 26 12፡26. ላኣካል ሳቃይሰን ፡ ኒውክ ኣካላት ሳቀይሳኽ ፡ ላኣካ ከባረን ኒውክ ኣካላት ላት ፋርሓኽ ፡፡ 27 12፡27. ዳኣም እንቱም ስኻ ክርስቶስሩግን ፡ ላኹክ ኻ ነኒበናሰና ኒኣካላትግን ፡፡ 28 12፡28. ጃርኻ መሕባርሊ ፡ ሳልፍ ህዋርያት ፡ ሊናር ነብያት ፡ ሲኻር ክንሱት ፡ ዳንብርንኻ ሒለቱ እስና ፡ ዳንብርንኻ እውን እቢስኒኽ ፡ ኣረድእድና ቂልሳውሲ ፡ መርሕና ፡ ኒት ናቱ ቃንቃታት ሰርዑኽ ፡፡ 29 12፡29. ናውክማ ህዋርያት ግናው ፡ ናውክ ማ ናብያት ግናው ፡ ናውክማ ክንሱት ግናው ፡ ናውክማ ተኣምር እሳው ግናው ፡ 30 12፡30. ናውክማ እውን እቢስኒክ ሻኽኑኩን ፡ ናውክማ ቃንቃታት ጋበናኹን ፡ ናውክማ ታርጋማናኹን ፡ 31 12፡31. እን በህሊን እውንሲ ጃራባ ፡ ናን-ኻ ኪዳኽ ዳርብ ሓበሪዬኩም ግኒ ፡፡
1 13፡1. ቃንቃታትድ ኣዳምዲ መላእክዲሩውድ ጋበን ፡ እንካ ዋነጋነ ፡ ዳህይዳኽ ኣስራዚራሰና ዋሪኻ ጭልጭል ያኽ ጸናጽል ኣኺርድ ፡፡ 2 13፡2. ትንቢት ዋነኔ ፡ ኒትክ ምስጢር ኒትክ ኣምር ኣርኣን ፡ ጊክ ጉድሪስክ ኻ ኒውክ እምናት ዋኔነ ፡ እካሊ ዋነግረኔ ፡ ናፍዓጋኽ ኣኺርሪድ ኣርጉኹን ፡፡ 3 13፡3. ኒውክ ይሳላዲት ሓግላንድ እዋን ፡ ይስኻስኽር ሓውይናድ ዶክሶ እዋን ፡ እንካ ዋጋኔ ላኽር ናፍዓላኒክ ፡፡ 4 13፡4. እንካሊ ዓቅሊ ግንሪ ፡ እንካሊ መሰኪኒ ግንሪ ፡ እንካሊ ቃንኣላኒክ ፡ እንካሊ ፈካራላኒከ ፡ ናፍሕሳላኒከ ፡፡ 5 13፡5. ስማሲሳላኒክ ፡ ንሩኽሲ ጃራባላኒክ ፡ ኣማራርዳላኒከ ፡ ቃጠብሳላኒክ ፡ 6 13፡6. እምንድ ፋርሓቲ ግራ ፡ ዓማጭናድ ፋርሓላኒክ ፡፡ 7 13፡7. ኒውክሲ ምኹቲ ፡ ኒትክሲ እምናቲ ፡ ኒትክሲ ተስፋ እሳቲ ፡ ኒትክሲ ሃድኣቲ ፡፡ 8 13፡8. እንካ ዋላ ኣቃራጥደላኒክ ፡፡ ትንቢት ዋነን ኒ ደክሮጊን ፡ ጋብና ቃንቃታትድ ዋነን ኒ ዶክሮጊን ፡ ኣምር ዋነንኽር ዶክሮጊን ፡፡ 9 13፡9. ላበና ኣርእንኹን እማ ፡ ላበናስኻ ናበይስናኹን ፡፡ 10 13፡10. ልሳዕ እን እንታኽና እንተሪት ፡ እን ባና ቂልትሮጊን ፡፡ 11 13፡11. ቆልዓ ዋኑንሰናክ ቆልዓሳና ጋቢኹን ፡ ላባካ ቆልዒክ እርጉኹ ፡ ቆልዓና ሓሳብኹን ፡ ግርዋ ኣኸሪት-ኻ ፡ እን ኣማል ቆልዒኽሲ ባርኹን ፡፡ 12 13፡12. ናን ላኪን ማዓፋይሳና ዋግዋጎ ቃልናኹን እንክኑኹን ፡ ደንብሪን ላኪን ጋሽ ጋሽ ቃልስኖጊን እማ ፡ ናን ጋፍ ኣርኣኹን ፡ እንሲን ላኪን እና እንኣርእሳኹሉሳና ኣርእየሉጊን ፡፡ 13 13፡13. ናን ላኪን እምነ ፡ ሳዳ እንካሊ ፡ እና ሰኻርክ መንዳርታናኽ ፡ ኒልድ በሄርትረሪ ላኪን እንካሊ ግንሪ ፡፡
1 14፡1. እንካሊ ተላያላ ፡ እውን መንፈሳዉ ፡ ሃማሺ-ኻ ተናበይትኖ ሃራር ያ ፡፡ 2 14፡2. እን ቃንቃታት ጋባኽ ምስጢር መንፋስድ ጋባኽ እንኩኽ ፡ ላኹር ኣስታውዓልዳለሉኒክ እማ ፡ ጃርሲ ግራ ኣዳምዲ ኣኽላ ኒጋባኽ እንኩኽ ፡፡ 3 14፡3. እና ትንቢት ናበይሳኽ-ካ ፡ ኣዳምሲ ህናጻኽ ማዓዳኽ ኣጻናንዕዳኽ ግን ንጋባኽ ፡፡ 4 14፡4. ቃንቃታትድ ጋባኽ ኒኣኻርሲ ሃናጻኽ ፡ ትንቢት ናበይሳኽ መሕባርሲ ሃናጻኽ ፡፡ 5 14፡5. እማ ገዲም ናውክ ቃንቃታት ጋቢትኖ ፡ ምናዳ ናበይስትኖ እንካላኹን እንኩኹን ፡፡ እን መሕበር ሃናጽስቶ ማታን ፡ ተርጋማኽ ዋነጋን ፡ እን ቃንቃታት ጋባኽልድ ናበይሳኽ በሄርታኽ ፡፡ 6 14፡6. ይሻን ፡ ናን ላኪን ቃንቃታትድ ጋቡንሳናክ እንታረንኩም እማ ራኢሲ ፡ ዋሪ - ኻ ኣምርድ ፡ ዋሪ- ኻ ትንቢትድ ፡ ዋሪ-ኻ ትምህርቲሲ እሰ ጋባጋንኩም ፡ ውራ ናፍዕያኩም ግን ፡ 7 8 14፡7-8. እን መላካት ኣርእጋኽ ዳሃይ ደሃይዳን ፡ ኣውኒ ግኒ ሓርብድ ታሪታኽ ፡ እን ሂወት ሻኽጋኽ እማ ዳሃይ ዳሃይዳኽ እንብልታሳና ዋሪ-ኻ መሳንቆራሳና ታካው ፍሉይ ቃናታት ኣድሃይዳንጋን ፡ እን እምብልታድ ዋሪ-ኻ መሳንቆ ቃናይሳኽ ኣዋህበ ኣርእኹን ፡ 9 14፡9. ኒሳና-ኻ እንቱም እና ቃንቃታትድ ኣስታውዓልሰው እስዲነ ጋበግዳኔን ፡ ሻማልዲ ጋበውሳና ግኒ ኣኽዳናኽ እማ ፡ እና ይዳናኹሉ ኣዋህበ ኣርእስሮጊኒ ፡ 10 14፡10. እድንዪል ናትናቱ ኣኻው ገሪው ቃንቃታት እንባኽ ፡ እምንድ ዳሃይ ሻኽጋኽ ላኪን እላኒክ ፡፡ 11 14፡11. ዳኣም ሓሳብ እን ዳሃይኹሲ ኣረኣጋን ፡ እና ጋባኽሲ ባርባር ሰና ኣኺዬሉጊን ፡ እና ጋባኽር ይድ ባርባር ሰና ግኒ ኣካኹለ ፡፡ 12 14፡12. ኒሰናኽር እንቱም መንፋሳዊራስ እውንሲ ቃንእድናው ኣክዳናውድ ፡ መሕበር ህናጽናድ እንተኻው ኣኽትኖ ጃራባ ፡፡ 13 14 14፡13-14. ቃንቃታት ገፍርውድ ጸላዬን ፡ ይማንፋስግኒ ጸላያኽ ፡ ይኣእምሮ ላኪን ፈዳን እንጋት ግኒ ፡ እማ እን ቃንቃታትድ ጋባኽ ፡ ኒተርጎምስና ገረስትሮሉ ፡ ጸላዪን ፡፡ 15 14፡15. ውራኒግኒ ዳኣም ፡ መንፋስድ ጸላዩ ፡ ልሳዕ ይኣእምሮሲኽር ጸላዪጊን ፡ መንፋስድ ዘማርያ ፡ ልሳዕኻ ይኣእምሮሲ ኽር ዘማርያ ግኒ ፡፡ 16 14፡16. ኣከጋን መንፋስድ ባረኻንካ ፡ እና እንኣካን እንዲል መሃርስጊ ኮፍዮ ህንባኽ እና እንቲ ይራኽሲ ኣርኣጋኑ ፡ ኣዋህበ ሓመድናድ ኣሜን ይሮ ገራሳኹን ፡፡ 17 14፡17. እንቲ ግርም እስረ ሓመድራኽ እንኩሩኽ ፡ እና ላኻ ሃናጽስላኒክ ፡፡ 18 14፡18. ናትካ ኣወይሲ ቃንቃታትድ ጋባኽ ኣኸውድ ጃርሲ ሓምደ ኣኺኒት ፡፡ 19 14፡19. ኣሪውሲኽር መሃርድያ ማታን ፡ መሕበርሊ ኣሻሓት ቃንቃታት ጋብኒልድ ኣእምሮድ ኣንካ ቆላት ጋበን እንካላኹን እንኩኹን ፡፡ 20 14፡20. ይሻን ፡ ኣእምሮድ ግርው ኣኻ ፡ በዳንድ ቆሊዕ ኣኻ ግራ ፡ ኣእምሮድ ዲታ ግራው ኣኻ ፡፡ 21 14፡21. ሕጊትል ፡ እና እክሲ ኣሪው ናቃንቃድ ከውድ ካናፍርድ ገብርድ እሰ ጋቢዬሎም ጊኒ ፡ ዋላ ኒሳና ኣከንኽር ዋሰኒኒክ ፡ ያኽ ጃር ፡ ያኽ ክቱብ ህንባኽ ፡፡ 22 14፡22. እን ቃንቃ እን እምናጋው እሻረት ግኒ ግራ ፡ እን እናውድ ኣኽላኒክ ፡ ትንቢት ላኪን እን እምናውድ እሻረት ግኒ ግራ ፡ እና እማናጋውድ ኣኽላኒክ ፡፡ 23 14፡23. ዳኣም ናውክ መሕበር ላት እክብስራን ፡ ናውክኻ ቃንቃታትድ ጋበናን እማ መሃርስጋው ዋሪ እምናጋው ኒል ትዋናን ፡ ጊኒትኑኽማ ዬኒኩም ፡፡ 24 14፡24. እማ ናውክ ነበይስናን እማ ላኽ እምናጋኽ ዋሪኻ መሃርስጋኽ ትዋን ፡ ናውክ ጋንሓናኹ ፡ ናውክኽር ፈራደናኹሉ ፡፡ 25 14፡25. እን ኒላበኪል ትብታኽ ቃልዕሳኽ እማ ፡ ኒሳናኽር ጃር እንታነባክል ዋነት ድዉንሳናክ ፡ ኒጋሽድ ፍግም ጃርድ ሳገድሮ ግን ፡፡ 26 14፡26. ይሻን ፡ ውራንግኒ እማ ፡ እክብስዲኑ እንክድኑሳናክ ፡ ላኹክ እንታልድ መዝሙር ህንባኹሉ ፡ ትምህርቲ ህንባኹሉ ፡ ራኢ ህንባኹሉ ፡ ቃንቃ ህንባኹሉ ፡ ትርጉም ህንባኹሉ ፡ ኒውክ ላገድናድ ኣኺ ፡፡ 27 14፡27. ቃንቃታትድ ጋባኽ ዋነን ፡ ሌጛ ፡ ባጃኻንኻ ሰኻ ኣኺን እማ ተርቴሪሲ ጋቢኒን ፡ ላኻ ተርጋምን ፡፡ 28 14፡28. ታርጋሚራ ዋነጋን ላኪን ፡ እና ቃንቃታትድ ጋባኽ መሕበርሊ ትም ይን ፡ ኒኣኻዲ ጃርዲ ጋብን ፡፡ 29 14፡29. ናብያትኻ ለጛ ዋሪ ሰኻ ኣኽነ ጋቢኒን ፡ እን ኣሪውኻ መርማርኒን ፡፡ 30 14፡30. እን ኮፍዮ ህንባውልድ ላኽ ራኢ ቃልዕሳንሉ ላኪን ፡ እን ጃቢታኽ ትም ይን ፡፡ 31 14፡31. ናውክ ማሃርስድኖ ማታን ናውክር ማዓስድኖ ማታን ፡ ናውክ ተርታሪሲ ነበይስትኖ ገራስታኹኩም ፡፡ 32 33 14፡32-33. ጃርታ ሰላሙኽ ግራ ፡ ፍልልዩኽ ጃር ኣኽላ እማ ፡ እን መናፍስቲ ናብያቱኽ እና ናብያትሲ ጋዝእሰናኹሎም ፡፡ 34 14፡34. እና ናትክ መህበራት ሻትካንሊ እስታ ህንባሰና ፡ ኣኺና መሕበርሊ ጋቢቶ ፋቀድሳላ እግላ እማ ትም ይርን ፡፡ እና ሕጊ የሳናኻ ገዝእስርን ፡፡ 35 14፡35. ኣኺናድ መሕባሊ ጋብና ዓጋ ግኒ እማ ፡ ገለ ማሃርስድኖ ጃራበናን ፡ ልጝንሊ ናግርውሲ ዋንቃሪኒን ፡፡ 36 14፡36. ዋሪ-ኻ ቆል ጃሩኽማ እነታልድ ፊኹን ፡ ዋሪኻ እንታል ካያማ ጋይእኹ ፡፡ 37 14፡37. ላኽ-ኒ ኒኣኻር ነቢ ዋሪ መንፋሳዊራ ኣከት ታከንሉ ፡ እና ካታባኹልኩም ጃሩኽ ትእዛዝ ኣኼት ኣርእን ፡፡ 38 14:38. እና ኣርእሮሉ ጃረባጋኽ ፡ ኣርእጊኑ ፡፡ 39 14፡39. ይሻን እና ፡ ተናበይትኖ ሃራር ያ ፡ ቃንቃታትድ ጋብና -ኻ ገብጋ ፡፡ 40 14፡40. ላኪን ኒውክ ኣጋባብዲ ስርዓትድ ኣኺን ፡፡
1 2 15፡1-2. ይሻን ፡ ናፍዓጋኹድ እምንድናኽ ኣኽግዳግናን ፡ እና ኣና ሳበካሳና እስዲነ ሻኽድኖ ዋንትዳነንታ ፡ እና ሳባካኹኩም ካላብርዳናክዲ ኒል ታብድኖ ህንብዳናኽዲ ኒድር ዳኣንዳናኩሉ ወንጌል ኣርኢሳኹንኩም እንኩኹን ፡፡ 3 15፡3. እና ኣን ካላባክሲ ናትካ ጃብ ድዊኹንኩም ፡ እና እን ክቱባን ያነውሉሳና ፡ ክርስቶስ ይናሓራም ማታን ክሩኽ ፡ 4 15፡4. ደብሲኻ ፡ እና ክቱባን የናውሱሉሳና ፡ ሲኻር ኳረድ ጊኽ ፡ 5 15፡5. ከፋድ ፡ ኒዳንብኽር እና ሽካ ለጛድ ቃልስቱኽ፡ 6 15፡6. ኒዳንቢ ፡ ባጃኻው ናልድ ንኪ ኣኽራሲክ ህንባው ፡ ናበሊን ላኪን ጋንጆ ህንባው ፡ ኣንኳ ሊኅ ባጃኻው ሻንድ ላዶኒድ ቃሊሱኽ ፡፡ 7 15፡7. ኒዳንብክ ያቆብድ ፡ ኒዳንብኻ ናውክ ሃዋርያድ ቃሊሱኽ ፡፡ 8 15፡8. ናትካ ዳንቢኻ ይድ ፡ ቆልዓ ታካኹድ ፡ ቃሉሱኹለ ፡፡ 9 15፡9. ኣናዲ እን መሕበር ጃርትሪት ኣሳጋግዳኹላ ኣኻውድ ፡ ናትካ ግናይ ግን እማ ሃዋርያ ሽጝስያ ብቁዕ ኣኽሊኒክ ፡፡ 10 15፡10. እና ህንባኹሉ ጋድ ጃሩኹድ ግኒ ኣን ህንባኽ ፡፡ ናትክልድ ባጃኻክ ጫዓርኹን ግራ ፡ እን ይድ እውስታኽ ጋድ ካንቱ ኣኽላኒክ ፡፡ እና ይዲ ህንባኽ ጋድ ጃሩኽ ግራ ፡ ኣን ኣኽሊኒክ ፡፡ 11 15፡11. ዳኣም ኣን ኣካን ፡ ናው ኣካነን ፡ ናሃብርነ ሳባክናኹን እንኩንኹን ፡ እንትጝር ኒሳና እምንድኑኽ ፡፡ 12 15፡12. ክርስቶስ ክሪልድ ጋት ሳባኽሰት ዳኣም ፡ ኣዋህቢነግን እንታልድ ባጃኻው ፡ ጊና ክረዉዉ እላኒክ ያነው ፡፡ 13 15፡13. ክራው ጋገው ኣከናን ፡ ክርስቶስኽር ጊላ ፡፡ 14 15፡14. ክርስቶስ ጊጋኅ ኣከን ፡ ዳኣም ይና ስብካት ከንቱ ግኒ ፡ይና እምናትኽር ካንቱግኒ ፡፡ 15 15፡15. ጃር ክርስቶስ ጉድኹሉ ይኖ መስከርኖ ህንብናኹን እማ ፡ ክርስቶስቲ ጉድጋኹሉ ኣከን ፡ ክርውኽር ጋገው ኣከናን ፡ ይን ብጚት መሳኻኽር ጃሩ ኣኽኖ ኣሬርስኖ ህንብናኹን ፡፡ 16 15፡16. ክራው ጋጌናን ፡ ክርስቶስኽር ጊላ እማ ፡ 17 15፡17. ክርስቶስ ጊጋኽ ኣከን ፡ እንታ እምና ኮንቱግኒ ፡ እንትጝ ልሳዕ እንታ ሓራምሊ ህንብዳናኽ ፡፡ 18 15፡18. ዳኣም እንክርስቶስድ ጋንጃው ፡ ድዳው ግናው ፡፡ 19 15፡19. እና ሂወትኔኒትል ካ ክርስቶስድ ሳዳ እስናን ፡ ናትክ ኣዳምልድ ባኻኽዳው ኣኺንድ እርጉንኹን ፡፡ 20 15፡20. ናን ላኪን ክርስቶስ ፡ ቅዳኽ እና ናነን ጋንጆ ህንበው ኣኾ ፡ ክሪልድ ጊኅ ፡፡ 21 15፡21. እን ክራ ላኣዳምድ እንታሰና ፡ ኒሳናኻ ጉና ክርኒው ላኣዳምድ ግኒ እንታኽ ፡፡ 22 15፡22 እና ናውክ ኣዳም ክርናሳና ፡ ኒሳናኽር ናውክ ክርስቶስድ ክራጋው ኣኺድኖጊን ፡፡ 23 15፡23. ላኪን ላኹክ ስርዓትድ ግኒ ፡ ክርስቶስ ቅዳኽሳና ፡ ዳንብርኻ ኣነን ክርስቶሱ ኒእንታርናድ ፡፡ 24 25 15፡24-25. ክርስቶስ እና ኒኣፋይቲ ይስታውሲክ ኒሉክ እንቃይ እሲራሲኩሎም ፡ ሳያምስሮ ህንብኹሉ እማ ፡ ኒውክ ሲመትዲ ምልክዲ ስልጣንዲ ቂሌሪት ፡ እን ሕክምቲ ጃርድ እዋሳናክላ ፡ እንሲንግን ዳንጎባ ኣካኽ ፡፡ 26 15፡26. እና ዶንጎቢል ቂልታኽር ክራ ግኒ ፡፡ 27 15፡27. ጃር ፡ ኒሉክ እንቃይ ኒትክ ጋዝእድኩሉ እማ ፡ ኒውክ ገዝእሱኽ ፡ ዪእንኩንሲክ ፡ እና ኒትክ ኒድ ጋዝእሳኩሉ ኒኻ ኣኼት ኣርእሳኽ ግኒ ፡፡ 28 15፡28. ኒውክ ማለክሴሪትሉ ፡ ጃርኽር ኒትክ ኒትክሊ ኣኺሮ ማታን ፡ እንሲን እን ኒኹራ ኒላውድ እና ኒትክ ጋዝእዳኽድ ጋዝእስሮጊን ፡፡ 29 15፡29. ኣካገን ላኪን ፡እና ክራው ኣካንሊ ጠማቅሳው ውራ እሳናኹን እንኩንኹነ ፡ እና ክራው ጋገው ኣከናን ፡ ውራ ማታን ጠማቅሰናኩሎም ፡፡ 30 15፡30. ውራ ማታን ግኒ ይን ዲማክ ጉኢትሊ ቱናኹን ፡፡ 31 15፡31. ይሻን ፡ ኣን እና ክርስቶስ ዬሱስ ይናኣደራድ እንተል ህንባኹድለ ትምክሕቲ ጊረጋ ሺበክ ክራኹን እንኩኹን ፡፡ 32 15፡32. ኣን ግእዚ ኣዳምሰና እፈሶንትል ኣራዊትዲ ገጣመን ፡ ውራ ጥቅም ሻኹንክራው ጋገው ኣከናን ፡ ኣማሪ ክርኖጊን እማ ፡ ቂንን ጅእንን ፡፡ 33 15፡33. ምልሳጋ ፡ ባዳን ጨሪትና ትክያኽ ክናስ ዲሂሳኹ ፡፡ 34 15፡34. ናበልን ኣምር ጃሩኽ ሻኽኒ እማ ፡ ትክያኹድ ተባራቤራ ሓራምኽር እሰጋ ፡፡ ርኒስ ስማርትኖ ዮጊን ያኹኑ እንኩኹነ ፡፡ 35 15፡35. ገለ ላኪን ፡ ክራው ኣዋኺኖ ግን ናው ጋው ፡ ኣዋያኽ ስኻድ ግኒ ናው እንተራው ፡ ያኽ ዋነቲራ ፡፡ 36 15፡36. እንፋ ሃስስ ፡ እና እንቲ ፋድራኹሉ ክርጊ ርሕ ኣራረላኒክ ፡፡ 37 15፡37. እን ፋድራኹ ፈዳና ስርናዪኽ ዋሪኻ ኣሪ ዓይነትቱኽ ፈዳና ካያ ግኒ ግራ ፡ እን ስኻ ኣካኽሲ ኣኽላኒክ ፈድራኹ ፡፡ 38 15፡38. ጃር ደኣም ኒጃረባሰና እሶ ግኒ ስኻ እዋኹሉ ፡፡ ላኽ ፋደናክ ናኒ ሲኻስ ጊን እዋኹሉ ፡፡ 39 15፡39. ስኻ ኣዳሙኽ ኒቱ ፡ ስኻ እንስሲኽ ኒቱ ፡ስኻ ጃኬሉኽ ኒቱ ፡ ስኻ ዓሲኹር ኒቱግራ ፡ ኒውክ ስኻ ላዓይነት ስኻ ኣኽላኒክ ፡፡ 40 15፡40. ሰሚኽ ስኻ ህምባኽ ፡ ብሪኽ ስኻ ህንምባኽ ፡ ክብሪ እን ሰሚኽ ኒቱ ጊን ፡ ክብሪ እን ብሪኽር ኒቱግኒ ፡፡ 41 15፡41. ክብርድ እካ ሽንግርዋ ሽንግርዊልድ ኪዳኽ እማ ፡ ክብሪ ኳሪኽ ኒቱ ፡ ክብሪ ኣርቢኽ ኒቱ ክብሪ ሽግርዊኽር ኒቱ ግኒ ፡፡ 42 15፡42. ጉና ክርኒኽር ኒሳናጊን ፡ ዳኳኽድ ፋድሳኽ ፡ ደኳጋኹድ ጋኽ ፡፡ 43 15፡43. ውርዳትድት ፋድሳኽ ፡ ክብርድ ጋኽ ፡፡ ቂልስንድ ፋድሳኽ ፡ ሒሊድ ጋኽ ፡፡ 44 15፡44. ፊኹቱኽ ስኻ ፋድሳኽ ፡ መንፋሳዊራ ስኻ ጋኽ ፡፡ ፊኹቱኽ ስኻ ዋነን ፡ መንፋሳዊራ ስኻ ህንባኽ ፡፡ 45 15፡45. ኒሳናኽር እን ሰልፉኽ ኣዳም ርሕ ሻኽ ኣኺክ ፡ ያኽ ክቱብ ግኒ ፡ እና ዶንጎቢኽ ኣዳም-ኻ ህያው እሳኽ መንፋስ ኣኺኽ ፡፡ 46 15፡46. ልሳዕ ሰሊፍ እን ፊኹቱኽ ግኒ ግራ ፡ እን መንፋሳዊራ ኣኽላኒክ ፡፡ ዳንብርን እን መንፋሳዊራ ግኒ ፡፡ 47 15፡47. እና ሰሉፉኽ ኣዳም ብሪልድ ኣኺኽ ብሪኽ ግኒ ፡ እን ሊጜር ኣዳም ሰሚልድ ግኒ ፡፡ 48 15፡48. እና ብሪኽሰና እነኒንኽር ብሪው ግናው ፡ እና ሰሚኽሸና እንጨደንኽር ሰሚው ግናው ፡፡ 49 15፡49. እና ተካ ብሪኽ ሰርናሰና ፡ ተካ ሰሚኽር ሰርኖጊን ፡፡ 50 15፡50. ልሳዕ ፡ ይሻን ፡ ስኻዲ ብርዲ ሕክም ጃሩኽ ውርስሮ ገራሰላኒክ ፡ እና ደኳኽ እን ደኳጋኽሲ ወረሰጋትሉ ፡ ያኹንኩም እንኩኹን ፡፡ 51 15፡51. ዳኣ ፡ ምስጢር ድዋኹንኩም እንኩኹን ፡ ናውክ ቃዬርስኖ ጊራ ፡ ናውክ ጋንጅነሊኒክ ፡፡ 52 15፡52. ላጌሽ ፡ ቃማጭና ብድናሰና ፡ እና ሚትካ ደንቢሪኽ መላከት ፡ እን መላከት ናፍሕስሮጊን እማ ፡ እና ክራው ደኳጋድ ጊድኖ ጊን ፡ ይንኽር ቃዬርስኖጊን ፡፡ 53 15፡53. መለት ፡ እን ደኳጋኽ ሰርዶ ተገባኣኹሉ እማ ፡ እን ክራኽ-ኻ ክረጋኽ ሰርዶጊን ፡፡ 54 15፡54. እና ዳኳኽ ደኳጋኽ ሰሬሪት ፡ እንሲን እን ክቱብ ፡ ክርና ዓውተሲ ዋሓጥሱኽ ፡ ያኽ ቆል ፋጸምስሮጊን ፡፡ 55 15፡55. እንቲ ክርና ፡ ኣወት ህንባኹን ኩ ጡሚትና ፡ እንቲ ሺኦል ፡ ኣወት ህንባኹን ኩ ዓውተ ፡፡ 56 15፡56. ጡሚትና ክርኒኽ ሓራም ግኒ ፡ ሒል ሓራሙኽር ሕጊ ግኒ ፡፡ 57 15፡57. እና ይና ኣደራ ዬሱስ ክርስቶስድ ሃቤ ዓውተ እዋኹልና ጃርድ ሓምደ ኣኺት ፡፡ 58 15፡58. እማ ፡ እንከልሱን ይሻን ፡ እንታ ጫዕሪ ኣደራድ ናፍዓጋኽ ኣኽጌት ኣለላይድኖ ፡ ክድማት ኣደሪኹድ ተባው ፡ ናቃናቅስጋው ፡ ዲማክ በጃኻ ኣኻ ፡፡
1 16፡1. እና ሻትካኒድ ኣኺሮ ፋው ሳላዲ ላኪን ፡ እና መሕበር ጋላትያሲ ሰርዕሳኽሰና ፡ እንትንኽር ኒሰና እሳ ፡፡ 2 16፡2. ኣን እንተሪት ፡ ፍድና ሰላዲሩኽ እንሲን ኣኺግን ፡ ኡናር ኡናርሊ እንዳንበራ ግርጊል ላኹክ እንታልድ ኣዋህላልዲን እንእንታ ዓቅምሰና እንታዲ ጋምዳ ፡፡ 3 16፡3. ኣን እንተሪት-ኻ ፡ እን እውን እንታኽሲ ርሳለምሊ ማታን ገስእይሎም ፡ እና ጉቡኣ ኣኽኖ ተካውኩም ኣዳም ፡ ጃዋብ ሸኺሶ እንሻዬሎም ጊን ፡፡ 4 16፡4. ኣሪውኽር ፈርዶ ጃረባኽ ዋነን ፡ ይዲ ፋርዳ ፡፡ 5 16፡5. መቆዶንያድ ደኲያ ግን እማ ፡ ማቆዶንያድ ዶከሪት ፡ እንተል እንትያ ጊን ፡፡ 6 16፡6. እን ፈሪዬሉ ጃረባኽሊ ሳሪሕትኖለ ማታን ፡ ምናልባት እንታዲ ድያ ዋሪ-ኻ ሽቃኽ ኣኽሪ ፡፡ 7 16፡7. ጃር ፈቃደኑ ፡ ገለ ዋክት እንታዲ ጫበሪያ ሳዳ እሳኹን እንኩኹን እማ ፡ ዳርብድ ዳካንታሳና ኣኾ ቃሊዬኩም እንካለሊኒክ ናንታ ፡፡ 8 9 16፡8-9. ብሄርዲ ሒለቱኽዲ ዳንኣብ ብድሶለ ህንባኽ ይተቃናቀንቲ-ኻ ገሪው ግናው እማ ፡ ባዓል ኣንኩራኑኽ ኣኽራሲክ ኤፌሶንቲል ጫበሪያጊን ፡፡ 10 16፡10. ጢሞቴዎስ እንታንኻ ፡ እና ይሳና ክድማት ጃሩኽ ከዳማኽ ጊኒ እማ ፡ እንታዲ ጉኢ እንጋት ኣኺሮ ጠንቃቅሳሉ ፡፡ 11 16፡11. እን ሻንሲ ጫበራኹን እንኩኹን እማ ፡ ይል እንትሮ ማታን ፡ ሳላሚድ ሳሬሓሉ ፡ ላኽር ቃበብጊኑ ፡፡ 12 16፡12. ላኪን ጳውሎስ ይናዲኒድ እን ሻንዲ እንተል እንትሮ ገሪ ፋለይኹኑ እማ ፡ ናን እንትሮ ፍቃድ ይስታኽ ሻኽላኒክ ፡ ታሚቴሪትሉ ላን እንትሮጊን ፡፡ 13 16፡13. ናቅሓ ፡ እንታ እምናትሊ ታባ ፡ ግርው ኣኻ ፡ ሒሊታ ፡፡ 14 16፡14. ኒውክ እንታ ክድማት እንካሊሰሲ እስትን ፡፡ 15 16 16፡15-16. ይሻን ፡ ልጝን እስጢፋኖስሩኽ እና ብክር ኣካያትሪ ኣኺርዳት ፡ ናርሕስኽር ኣገልጋልዲና ሻትካኒድ መዳብናት ፡ኣርእድኑኽ እንቱም ፡ እንትንኻ እና ነኔሳና ያውሲእና ይናዲ ከዳመው ጸዓረውዲት ኣዘዝስትኖሎም ፡ ሺዋኹንኩም እንኩኹን ፡፡ 17 16፡17. እንትና እስጢፋኖስዲ ፈርጡናጦስዲ ኣካይቆስዲ-ኻ ፡ እና እንታሊድ ካብተኽሲ ናው እንታኽኑኹ እማ ፡ ባህ ያኹለ እንኩኽ ፡፡ 18 16፡18. ይመንፋስዲ እንታ መንፍስዲት ቀሰንድኑኽ እማ ፡ እና ናወያው ተካውሲ ኣዳምሲ ኣርኣሎም ፡፡ 19 16፡19. እና መሕቤራት እስያሩ ሳላም ዬናኹም እንኩኑኽ ፡፡ ኣኪላስዲ ጵርስኪላዲ እና ናልጝሊ ህንብራሪ መሕባርዲ ኣኽኖ ፡ ኣዴራ ሳላም ዬናኹኩም እንኩኑኽ ፡፡ 20 16፡20. ናውክ እና ሻን ሳላም ዬናኹኩም እንኩኑኽ ፡፡ ሻትክ ሳላምድ እንታሹር ሹር ሳላም ይሳ ፡፡ 21 16፡21. እና ሳላምታ ኔኒኒ ይላውድ ጳውሎስ ከታበኽርላ ጊን ፡፡ 22 16፡22. ይናኣደራስ እንከላጋኽ ዋነን ፡ ኒ እሽቴኽ ኣኺን ፡፡ማራን ኣታ ፡፡ 23 16፡23. ጋድ ይናዴራ ዬሱስ ክርስቶስሩኽ እንታዲ ኣኺኒ ፡፡ 24 16፡24. ክርስቶስ ዬሱስድ ይእንካሊ ናውክዲ ኣኹኒ ፡፡ ኣሜን ፡፡
1 1፡1. ጳውሎስ ፍቃድ ጃሩክድ ሃዋርያ ክርስቲስ እዬሱስሩክ፡ ጢሚቲዎስ ይናዳንር፡ እን ኣካን ቆሮንጦስሊ ንብራሪ ማሕቤር ጃሪኽ፡ ኒዲ ህንብራሪ ኣካያ ህንቤው ናውክ ሻትካን፡ 2 1፡2. ይንኽርጃርልድክረ ይናኣዴራ ዬሱስ ክርስቶስር ጋዲ፡ ዳሕኔዲ እንቴዲ ኣኽን፡፡ 3 1፡3. ጃር፡ እኽር ይናዴራ ዬሱስ ክርስቶስ፡ እኽር ራሕመቱኽዲ ጃር ኒቲክ ዳፍእዳኽዲ ሓመድስኒ፡ 4 1፡4. እንይን ጃርልድ ዳፍእናኽ ዳፍኣት እን ሽብዎሎም ህምቤውሲ ኣዳፍእድና፡ ጌሬስኖ ማታን ይነድ ሽብዎና ዋኑንሲክ፡ ኣዳፍእዳኩና ንግን፡፡ 5 1፡5. እን ክርስቶስር ሳቄይኒሲና፡ ይናል ዓዜዛሴና፡ ኒሰናኽር ዬሱስር ሳበትት ኣኸትና ጌሪኽ ዳፍእና ባጃኻኹና፡፡ 6 1፡6. ወላ እካ ሽብወንና፡ እንታ ዳፍእነዲ እንታ ዳሕኒኽዲ ግን፡፡ ይን ዳፍእናን ኮዶ፡ እና ይን ሳቄይናክ ህንብናኽ ስቃይ እንታ ዓቅልድ ላመላም ያኽ እንታ ዳፍእናግን፡፡ 7 1፡7. እና ስቃይ ቤንሴንቲ፡ ኒሴናኽር ባንሴንቲ ዳፍኣቱክ ኣከትኩም ኣርእኑኹን፡ ይናታስፋ እንተል ታብሬሪግን፡፡ 8 1፡8. ይናሻን እን አሲዪል እርጋኹና ጫገም ይና ርሕሲ ቃበጭናሲክ፡ ይናዓቅምልድ ኣዌይሲ ሳበት ኣኸትና ድዊኖኩም እንከልኒኒክ፡፡ 9 1፡9. ኣና እንክሪልድ ጉዳኽ ጃርሊ ዋከልስኖግራ፡ ይና ሹትል ዋከልስግኒን፡ ክራ ሓከምሴትና ይና ጅዊል ዋስሰቱና እርጉኽ፡፡ 10 1፡10. ንኻ ኒስ ታካ ክሪልድ ዳኣንዳኹና፡ ዳኣንዳኩና ኮዶ እንኩኽ፡ ዳንበሪልል ክም ዳኣንደትና ሳዳ ሻኽኑኹን፡፡ 11 1፡11. አንትንር እንተ ጸሎትድ ካብደናኹና እንኩድኑኽ፡፡ ኒሲናኽር ጌሪው ካዌ ሳቤትድ ኣርናክ ጌድ ጌሪው ካው ይናሳቤትድ ሓሜድድኖግን፡፡ 12 1፡12. ይና ዋርዲትና፡ ኣምር ስኺኽ ዲሲ ኣኽጊ፡ ጋድ ጃሩኽድ ማርሕስኔት፡ ይን እና እድንዪል፡ ኮዶኻ እንቴል፡ ሻተክና ጃሩኽዲሲ ላጭሓትትዲ ከም ዋንተተርናት፡ ነኒን ይናሕልኒኽ ምስክር ግን፡፡ 13 14 1፡13-14. እን ኣንበብዳግዳናኽዲ እን ኣስታውዓልደግዳናኽዲ ንኸክ ኣሪክ ካቴብኔሊኩምኒ እማ፡ ይና እንተት ዋርዶ ኣክኔት ላጌፍድ ላበካ ገምድድኖ ዋንትድኔት፡ ኮዶኽር እንቱም ግርጋ ያና ኣደራ ዬሱስሩክድ ይና ዋርዶ ኣክዴናት፡ ደንቤራ ኣኽራሲክ ኮዶ ክም ኣስታውዓልድደናት፡ እንተል ሳዳ እሰኩን፡፡ 15 1፡15. ገሪ ጌድ ኣርትኖ ማታን፡ ነኒድ እምንሶ ሰልፍ እንተል እንትያ ጃረቢኹን፡፡ 16 1፡16. እንተድ ዮኾ ኮዶ ማቅዶንያ ደኪያ፡ ሓዲስድ ኮዶ ማቅዶንያትልድ እንተል እንትያ እማ እንትን ይሁዳትል ስብድትኖለ ጀረቢኹን፡፡ 17 1፡17. እማ ገድም ኒስ ሓሰቤሴና፡ ስድውድማ እሰኽርሉ ኣኽሪ፡ ወሪ ይል ዬዋ ዬዋ፡ ወሪ ኣኽላ ኣኽላ፡ ኣኺሮ ማን-ማ፡ እን ኣንኮድነኽ ስኻድማ ኣኽራ እን ኣን ኮድና ኮድኔኽ፡፡ 18 1፡18-19. እን ይነድ ፡ እና ይዲ ስልዋኖስ ጢሞቴዎስዲ፡ እንተ ናበክል ሰቤክሳኽ ጃርኩራ፡ የሱስ ክርስቶስ ኒድ ዬዋ ግኒ ግራ፡ ኣኽላኒክ እርግላ እማ፡ ጃር እምንሳኽ ኣከት፡ እን እንተድ ድውኔኽ ቆል፡ ዬዋዲ ኣኽላኒክዲ እርግላኒ፡፡ 19 20 1፡20. ጃርሊ ሳዳ ህምባኽ ኒዊክ ዬዋ ግን፡ እማ ገድም ጃር ይኔድ ካበርዶ ማታን፡ ኒድ ኣመን ግን፡፡ 21 22 1፡21-22. ኮዶ-ኻ እና ክርስቶስ እሴ እንተዲ ታብዳኹናዲ ቃብኣኽዲ እና ሓተማኽዲ ይናለበኪል ዕርቡን ማንፈሱኽ እዋኹና ጃርግን፡፡ 23 1፡23. ኮዶኻ እን ቆሮንጦስትል እንተርና ብና ቀቅዬኩም ዮግን፡ ጃር ይምስክርግን-ዮ ይፊኽጽሊ ሽናኹን እንኩኹን፡፡ 24 1፡24. እምነትድ ደውይድኖ ህን ብዴናኽ እማ፡ እንታፌርሓቱ ካቤንቲ ጊን ግራ፡ እንትእምነትሊ ኣርዴት ኣኽኖ ኣክኒኒ፡፡
1 2፡1. ሓዲስድ ኮዶ ፡ ጎሃዮ እንተል እንትያ፡ ኒስ ኮዶ ይኣኸርድ ሓሰብኩን፡፡ 2 2፡2. ኣው ኣርእኹን ጋሃይዳኩርኩም ኣከን፡ እን ይሰባትድ ጋሃያኽ ኣከጋን ኣዊኒ ፈርሕድሮለ፤ 3 2፡3.ይፌርሓት ናትካኽ ፋርሓት ኣከት ናትክሲክ እምኑኩም፡ እን ፋርሓት እርድዬሎም ገርስውልድ፡ ጋሃይዳኽ ኣርጊን ግን ኣኒስ ካታባኹልኩም፡፡ 4 2፡4. እን ኣን እንከላኹኩም እን ካሊ ኮዶ ገዳዳኽ ኣኬት እርእትኖ ማታን ግራ፡ ግሪው ጅርበዲ ሽብውናዲ ጭንቄት ለብኪኽዲ ጌሪው ስሩንሲክ እን ካታበኹልኪም፡ ጎሃይድዬኩም-ዮ ኣኽሊኒክ፡፡ 5 2፡5. ላኣዳም ጋሃያኽ ዋኔን፡ ጌሪኽ ታቅድጊንሉ፡ላጌፍዲክ ናድክድ ግራ፡ ይትካያ ኣኽላኒ ኒጋሃይዳኽ፡፡ 6 2፡6. እና ንሴና ያኽ፡ እን ገሪውልድ ኣረራኽ ማኾኽና ኣቅትረሉ፡፡ 7 2፡7. እማ ገድም እና ንሰና ያኽሲ፡ ገሪ ሃመትድ ዋሓጥስጊን፡ ብሕል የሉክር ኣዳፍእደሉኽር፡፡ 8 9 2፡8-9. ኒትክት እዙዛን ኣክደናን ጋረብድናኽር ኣክዴናን ኣርእያ ዮግን ኣን ከታባኹልኩም፡፡ ከዶ-ኻ እናታ እንከሊትል ታብትኖ ማኻኸኩንኩም እንኩኩን፡፡ 10 11 2፡10-11. ኮዶ-ኻ ሼጣን ዳለምጊንና ኒግብርሲ ከቲኒሉኒ፡ እን ጌለት ብሕል ያኽር ኣከን እንተ ሳበትድ፡ ክርስቶስ ጃብል ብሕል ይኹኩን፡ ዳኣም እን እንትን ብሕል ይድናኽሲ ኣንር ብሕል ይኹኑ፡፡ 12 2፡12. ወንጌል ክርስቶስኽሲ ማሃርድያ-ዮ ጥርኦስ እንተሳና፡ ባብ ክርስቶስ ብዶለ ዋኑ፡ 13 2፡13. ቲቶስ ይዳንሲ ሳቤት ኣርገትሉ፡ ናው ስብድኖሌ ማቅዶንያ እንትኹን ግራ፡ ይማንፋስሊ ፊኻ እርግለሌ፡፡ 14 2፡14. እማ ጋድምእን ክርስቶስ ዲማ ዓውተ ኣረርና ደርብድ ዲማ ማርሓኩና፡ ይናድኽር ታሚት ኒኣምሩኽሲ ኒውክ ኣካንሊ ባርህዳኽ ጃር ሓሜድስኒ፡፡ 15 2፡15. ኮዶ፡ እንነባክ ዳኣነውዲ ድዳውዲ ጃር ጃብል ማቀርት ክርስቶስሩግን፡፡ 16 2፡16. ነኔስ ክሪልድ ክሪል፡ እንዴስ-ኻ ሂወትልድ ሂዌትል ጌእሴንቲ ቂራ ግን፡፡ እና ግርስ ኒስ ሻኽ ኣውኒኒ፡፡ 17 2፡17. ጃርድ ደሬክስኖ ጋርሃትድ፡ ጃር ገሻል ክርስቶስል ኣኽኖ ጋብናኩን እንኩኑኩን ግራ፡ እና ጌሪውሰና ጃርቆልሲ ሓባበሬውሴና ኣኽኒኒ፡፡
1 3፡1. ሓዲስድ-ማ ኒሹቲ ጨግዕስና-ማ ጀሬብናኹን፡ ውሪኽ ላውሰና ጨቅዕድረሪና ዳብ ዳበ ወሪ እንተልድ ጃረብዴማና፡፡ 2 3፡2. ይና ለቤኪል ካተብስሬሪ ፡ ኒውክ ኣዳም ኣርኣሪኺ ፡ ኣንበብደሪኺር ዳብ ዳበ ይናው እንትን ግን፡፡ 3 3፡3. እንትን ማንፋስ ዲማሩኽ ጃሩግራ፡ ቃለምድ ከተብስግራሪ፡ ለባካ ስኺኽል ግራ፡ ጽላት ክርኒኽሊ ካተብስግረሪ ይና አጌልጋልድናድ ዳብዳቤ ክርስቶስሩ ኣክዳኔት ብሩህግና፡፡ 4 3፡4. ክርስቶስቶስደ-ኻ ጃርሊ ናዌያ እምና ህንባኹና፡፡ 5 3፡5. ይና ቅድረት ጃርልድ ግራ ይና ሹርትልድ፡ ገሌ ይና ኣኻርልድ ናቅስናኽ፡ ላኽር ሓሴብኖ ገሬስነሊኔ፡፡ 6 3፡6. ፊደል ኪዋኽ፡ መንፋስ-ኻ ዋኔኽ እሳክ፡ እማ ንኻ ኮዶ ማንፋሱስግራ፡ ፊዴሉ ኣኽጊ ኣጌልጋልቲ ሓዲስ ክዳኑ ኣኽኖ ጌራሴው እሲኹና፡፡ 7 3፡7. እማ-ኻ እን እስራኢልድ ቁር፡ እን ምስምሳ ኒድ ደካኽ ክብር ኣኩ፡ ማርኪስና ሙስዬር ጋሺ ብድናሲክ፡ እና ፊድላትድ ክረንሊ ካተብስረሪ ኣጌልገልድና ክርኑኽ ክብርድ እንተ ዳምብታ፡ 8 3፡8. ውሪከው ዲካ ኣገልግሎት መንፋስድ ክብርድ ኪድረሪ ውራ ኣካጌቲን፡፡ 9 3፡9. እን ኣጌልግሎት ፍርዱኽ ክብሩኽ ኣኾ ደንቢ፡ ኣውስኮት-ኻ ዴኣም እን ኣገልግሎት ጭጥቂሩኽ ክብርድ ኣክጋኽ፡፡ 10 11 3፡10-11. እን ዳክረሪ ክብርድ እንትሮ ዴንቢ፡ ውሪኽ ዴኣ እን ማንደርትሬሪ ውሪኽ-ኻ ክብርድ ኪዴጋቲን፡ እና ጋፍ ንድ እን ካብሪ እካ እን ሰበት ዓዜዛኽ ክብሪሴ ካቢሬ ኣኽላኒ፡፡ 12 3፡12. እማ ጋዲም ኒሂቴ ታክሬሪ ታስፋ ሰቤት ዋንትሬትና፡ ጌሪ ሓጠርድ ጋብናኹን እንኩኑኹን፡፡ 13 3፡13. እን እስራኤል ድቁር ሴና ደንጎባ እን ዳካኽሲ ቃልግኒን፡ ሙሴ ኒጋሼ ኩታና እሱ እርጋኹሳና፡ እስለኒን፡፡ 14 3፡14. ኮዶኻ እን ብሉይ ክዳንሲ ኣንበብዱኑንሲክ፡ እን ክስርስቶስድ ቃንጣጥሳኽ ክራር ኒኪትል ኣኽራሲክ፡ ቀልዕስቶሎም እላኒ፡ እማ ናሓሳብ ደንዜዞ ህንባኽ፡፡ 15 3፡15. ንኪ ኣኽራሲክ ሙሴት እንበብዱኑሲክ ናን ኣኽራሲክ ናለቤኪል ዋሻቅርሶ ህንባክ፡፡ 16 3፡16. ይና ኣዴሪርነ ዋንተርናሴና፡ እንክራር ቃንጠጥስሮጊን፡፡ 17 3፡17. ይና ደራ ማንፋስጊን፡ እን ይናዴሪክ ማንፋስ ህንባ ኣካንሊ-ኻ፡ ኒል ኮዶ ኪዳኽ (ሓርነት)፡፡ 18 3፡18. ይን ናውክ እን ጋሽ ብስታኽድ እን ክብር ይና ኣድሪኽሲ፡ ማዓፈይሰና ማርኪስኑሉ፡ ማንፋስ ይና ዴሪኽሊድ ሴና ክብርልድ ክብር እን ታካ ኣርእዪኽሊ ቃዬርስናኹን፡፡
1 2 4፡1-2. ጃር ጋሼል ሕልና ኒክሩክ ኣዳምድ እን እምንሲ ገለጥኒክሲክሉ፡ ይና ፊኺትሲ እክብናኽን ግራ፡ ካባሴትድ ዋንተቴርግኒ፡ ጃር ቆልሲኽር ብዋ እግኒኑ፡ እና ዐባት ትብታኽ ጋርሲ ባርኖ ህብናኩን፡፡ ራሕማት ክም ጋመትና፡ እና ኣገልግሎት ነኒኒ ዋንትሬና ዳንቢ፡ ቂልስለኒኒ፡፡ 3 4፡3. እን ወንጌል ትብታኽ ኣኬን፡ እና ድዳውሊ ግን ኒትብታኽ፡፡ 4 4፡4. እን ብርሃን ወንገሊኽ ክብር ክርስቶስሩኽ ፡ ኒኻ ታካ ጃሩኽ፡ በርህድጊንሎም ፡ ጃር እና እድንያ ነኒሩኽ እንሓሳብ እና እምንጋዉሲ ዓረብድኹሎም፡፡ 5 4፡5. ማለት ክርስቶስ እዬሱስ ክም ኣዴሪሳና፡ ይና ሹሽኻ ዬሱስር ማታን እንታ ጉዙኣን ሰና እስኒኹን ግራ፡ ይና ኣኸርሲ እኽኒኒ ይን ሳበኽናክ፡፡ 6 4፡6. እንጭልምሊ ብርሃን በርህኒ፡ ያክ ጃርጊኒ እማ፡ ብርሃን ኣምሩኽሲ ጃሩክ ክብር ጋሽ ዬሱስ ክርስቶስሩኩድ ይና ለቤኪል በርህድኩሉ፡፡ 7 4፡7. እንማ ቅያስ እንግኽ ሒል ጃርልድ ግራ፡ ይንልድ ኣኽጊን ማታን፡ እና ማዝጌብ ኔኒን እራካ ዴሬቂኽል ግን ንህንባኽ፡፡ 8 4፡8. ኒትክ ኣካንድ-ኻ ጫቄጥስናኹን፡ እማ-ኻ ሽበዌላና፡ እስናኹሉ ድዳኹና፡ እማ-ኻ ሳዳ ቃበጭልኒኒ፡ 9 4፡9. ዳጌንሴናኩን፡ ማልስናኽር ኣኽኒኒ፡፡ ዳረካናኹና፡ ልሳዕ-ኻ ድድናሊኒክ፡፡ 10 4፡10. ርሕ ዬሱሱክ ይና ስኺል ቃልስሮል ማታን፡ ዲማ ክራ ዬሱስሩኽ ይና ስኺል ምኩርናኩን እንኩኑኩን፡፡ 11 4፡11. ዬሱስሩኽ ሂዌት እና ክራኽ ይና ስኺል ቃልስቶር ማታን፡ ይን ሂዌትድ ህንብናኽርሲ ዲማ ዬሱስር ማታን ይኖ ክሪል ዳክሴናኹና እንኩኑክ፡፡ 12 4፡12. እማ ገድም ክራ ይናል ካደማክ፡ ሂዌትካ እንተል ከዴማክ፡፡ 13 14 4፡13-14. እማካ እን እዬሱስቲ ጉዳኽ ይናትር ዬሱስዲ ጉደትና እማ እንተዲ ኒጃብል ዳውሴትና ኣርእኑንሲክ፡ እና፡ እሚንኹን እማ ጋቢኩን፡ ጽሑፍ ህንባኩሴና እን ላክ ማንፋስ እምኔት ወኔና ዳንቢ፡ ይን ኮዶ እምናኩን፡ ኮዶ-ኻ ጋብናኩን እንኩኑኩን፡፡ 15 4፡15. እና እና ጌሪውድ በጀኻ ጌድ፡ ክብር ጃሩኽድ ሓሜድና በጃክሮ፡ ኒዊክ ኣካኽክ እንታ ማታን ግን፡፡ 16 17 4፡16-17. እን እንሲን ደካክ ጅርባት ይናክ ቅያስ እንግጋኽ ኒትክልድ ኪዳኽ ዲማሩኽ እንታክታኽ ተቃኽ ክብር ዴላምዳኩና እማ፡ እና ኬዴንድ ህንባክ ኣዳም ምሽምሻንኽር እን ይና ጅዋ ህንባክ፡ ክሴሬድ ክሳራ፡ ሓደስታኽ፡ እማ ቂልስንሊኒክ፡፡ 18 4፡18. እን ቃልስታክ እንሲንሲ ጊን፡ እን ቃልሳጋኻ ዲማሩክ ግን፡ ይን እና ቃልሳጋኽሲ ግረሰ፡ እን ቃልስታክሊ ማርኪስነሊኒ፡፡
1 5፡1. እና ብሪሪ ይና ልን ኣብሉራ ፋሕ ይሬንር፡ ላሪ ጃርልድ፡ ኣዳምር ናንድ እስቲግራሪ፡ ዲማር ልን፡ እን ሳሚል ክም ዋንትሬትና ኣርእኖ ህንብናኩን፡፡ 2 3 5፡2-3. ዋላ ሰርኖ ሰረንቲ ኣክንኒ፡ ካይትናኽር ኣኽኖ ኣርስግኒን እን ሳሚል ህንብራሪ ይና ልኒ፡ ሰርኖ ሳፍላልትኑንሲክ ፡ ኒትል ጫቄትስና ኩን እንኩኑኩን፡፡ 4 5፡4. ይን እና ኣብሉራ ኒል ዋንትኑን ሲክ፡ እና ክሬንታ ሂዌትት ዋሓጥስሮ፡ ኒዓዌይሲ ሴርኖግራ፡ ቃንጠጥስኖ ሳቤት እንክለግንት፡ ታቆና ቅርቁርትናኩን እንኩኑኩን፡፡ 5 5፡5. እና ንኒሲ ዳለምዳኩና፡ ዕርቡን መንፋስ ሻትኩኽ እዋኩናካ ፡ ጃርግን፡፡ 6 7 5፡6-7. እማ ገዲም ዲማ እምናት ህንባኩና፡ እምናትድ ግራ፡ ቃልናድ ኣኽኒኒ ይን ዋንተታርናኽ እማ፡ ስኺል ሰካኖ ዋንትኑንሲክ፡ ይና ኣዴሪል ሺርኖ ዋንትኔት፡ ኣርእኖ ህንብናኩን፡፡ 8 5፡8. እማ-ኻ እምና ህንባኩና፡ ስኺልድ ጋዓድኖ ይና ኣዴረዲ ማንደርትኒ ፡ ባህጊ ህንባኺና፡፡ 9 10 5፡9-10. ኣኸኹክ ኣኽን እን ስኻድ ዋኑንሲክ እሴኽ፡ ትክያክ ኣኺን ባዳን፡ ከላብርዶል ማታን፡ ናውክ ቂጦራ ፍርድ ክርስቶስሩክ ጃብል ቃስብድ ጋሃድስኒ፡፡ እማ ጋድም ይና ኣካንሊ ዋንትናን ዋሪ ከደንሊ፡ ኒት ፈርሕድኖ ጫዓትናኩን እንኩኑኩን፡፡ 11 5፡11. እማ ጌዲም ጃር ጉኢት ኣርእኖ፡ ከውድ ፋሃምድናኩን እንኩኑኩን፡ ይና ጃርድ ግሁዳን ግን፡ እንታ ሕልኒል ጉሁዳን ክም ኣክነት ሳዳ እሳኩን እንኩኩን፡፡ 12 5፡12. እና ጌሽድ ግራ፡ ለባኬድ ኣኽጊ፡ ተማከሓውድ ዋንተስዳናክ ዋኒሮኩም፡ ይናድ ታመክሕትኖ ምስ ምሳ እዉናኩንኩም እንኩኑኩን ግራ፡ ሓዲስድ ይና ኣኮርሲ ዓይብድኖኩም ኣክኒኒ፡፡ 13 14 5፡13-14. እማ ላኽ ናድክ ፍዳ ኣከክ፡ እማ ናውክ ክርኑኽ፡ ይኒልዳዲ፡ እንካሊ ክርስቶሱክ ደራክኹና እማ፡ ግኒትነንር፡ ጃርድ፡ ይና ቃልብድ ኣክነን፡ እንተድ ግን፡፡ 15 5፡15. ናንድ ደንቢ እን ህንበው ናመታን ክራኽዲ ገክዲር ማታን ግራ፡ ናሹሺ ማንዴርትግኒን፡ ኒ ናትኬር ማታን ክሩኽ፡፡ 16 5፡16. ናንዲ ደንቢ ስኻ ዳርብድ፡ ዋላ ላኽሲ ኣርእኒኒ፡ክርስቶስትክር ዋላ ስኻ ዳርብድ ኣርእናኩሉ ኣክናን፡ ናን ኒሰና እስኖ ኣርእኒሉኑክ፡፡ 17 5፡17. እማ ገዲም ላኽ ክርስቶስድ ዋነን፡ ኒ ሓዲስ ፍጡርግን፡ እን ጋናኽ ደኮኻ፡ ኒውክ ሓዲስ ኣኹኽ፡፡ 18 5፡18. ናኒውክር ኒላውድ ክርስቶስድ ኣረግሰኩና፡ ኣጌልጋልድና ኣረኩኽ እዋኹና ጃርግን፡፡ 19 5፡19. ጃር ዓለምሲ ኒኣኮርዲ ኣረኩላ እንኩንሲክ፡ ክርስቶስል እርጉኽ እማ፡ ናዓጋብሲ ሻኽለሎምኒ፡ ይናልኻ ቆል ኣረኩኽ ገምዱክ፡፡ 20 21 5፡20-21. እማ ጋዲም ይን ክርስቶስር ኣብሊ ንሽቅ ግን እማ ጃር ይነድ እሴ ማኮኻክ እንኩኽ፡፡ ይን ኒድ ጭድቂ ጃሩ ኣኽኖ ማታን፡ እና ሓራም ኣርእጋኽሲ ሓራም እሲኩሉ፡፡ ጃርዲ ኣረግሳ፡ ይኑንሰናክ ክርስቶስር ኣካንሊ ኣኽኖ ሺውናኩንኩም እንኩንኩን፡፡
1 6፡1. ገድ ጃሩኽ ሳክት ካለብርድግኒን፡ ይን ከደሚሳንቲ ኣኽኖ፡ ማሓክናኩንኩም እንኩኑኩን፡፡ 2 6፡2. ክላብርስና ዋክትድ ዋስኩንካ፡ ዳኣና ግርጋድኻ እልልኩንካ ያኽ እንማ፡ እናሓን ከላብርስና ዋክት ናንግን፡ እንደኣና ግርጋ-ኻ ናንግን፡፡ 3 6፡3. ይና ኣጌልግሎት ጀኽስጊን፡ ላክድ እካ ላጋርድ ዓንቀፍና እውነሊኒክ፡፡ 4 4. ኒድክድ ኣግልጋልቲ ጃሩሰና ይናኻርሲ ቃሊስናኹን እንኩኑኩን ግራ፡ ገሪ ትዕግስቲዲ፡ ግርበዲ፡ ጭንቃዲ፡ ሽብውናዲሲ፡ 5 6፡5. ጣዓብስናዲ፡ እንሻውስናዲ፡ ከወስናዲ፡ ጸዕሪዲ፡ ነቅሕነዲሲ፡ሹምዲሲ፡ 6 6፡6. ለጭሕናዲ፡ ኣርእንዲ፡ ዓቅልዲ፡ ለውህናዲ፡ሻትክ ማንፋስዲሲ፡ ካባሴት እግረሪ እንከሊዲ፡ 7 6፡7. እምንዲ ቆልዲ፡ ስልጣን ጃሩኽድ፡ ምኩር ጭጥቂሩክ ላውዲ ሻንጌብዲ፡ 8 6፡8. ካበርናድር ከላርናድር፡ ወሪስቴና ትክያኽድር በዳንድር፡ እንሳሓደውሰና፡ ይና ከው እምንዱ ጊን፡ 9 6፡9. ኣርእስተጋውሰና፡ ላኪን ትክስነ ኣርእሴትናክር ግን፡ እን ክረውሰና፡ እናሓንኻ ህንብናኩን፡ ቀጽዕሰዊሴና፡ ክረድ ለኪን ኣመርስኒኒ፡ 10 6፡10. ገሃዬዉሰና፡ ጊን ዲማ ፋርሓንግን፡ ሓግላንሴና፡ ጌሪውድ ላኪን ጌዲስናኹን፡ ኒውክ ዋንቱና ዋኒጌውሰና፡ ቃልስናኩን እኩኑኩን፡፡ 11 6፡11. እንቱም ካው ቆራንጦስሩ፡ ይናኣብ እንተድ ብድሳኽ ጊን፡ ይናለባከ ኽር እዳኑክ ግን፡፡ 12 6፡12. እንተላበኪልጊነ ሽብውኩንኩም ግራ፡ ይነልታ ሽብውለኩምኒክ፡፡ 13 6፡13. እማ ሓምድ ዋንተስትኖ፡ - ይቁርቲ ጋቤሰና ኣኮ ጋበኩን እንኩኩን፡ - እንትንር እንተላበከስ እዳንዳ፡፡ 14 6፡14. እን እምናጌውዲ ላ ዋኽደምሊ ቃረንስጋ፡ ጋድም፡ ጭድቂዲ ሓራምዲ ውራ ኣረርሲኩንሎም፡ ወሪ-ኻ በርህዲ ጭልምዲ ውራ ሕሬት ህንባኩንሎም፡፡ 15 6፡15. ክርስቶስ ቢልልዲ ውራ ሴምምእ ህንባኩንሎም፡ ወሪ እምናክዲ እምናጋኽዲ ውራ ጊድ ሻክኑኩን፡፡ 16 6፡16. ማቅዴስ ጃሩክ ጣኢዲ ውራ ስምምዕ ህንባኩንሎም፡ ጃር፡ ንል ማንደርቲያክር ናል ወንተቴሪያክር ግን፡ ናውካ ይእክ ኣክድኖግን፡ ሳቤት የት፡ ይን ማቅዴስ ልን ጃሩግነ፡፡ 17 6፡17. እማ ጋዲም፡ ናነበክልድ ፋኽር ሺራኽር ርኩስ ታመድጋ፡ እንር ካለብዬርኩምጊነ፡ ዩክ ጃር፡ 18 6፡18 እኽርኽር ኣኪዬኩም ጊን፡ እንና ይቁራቅርዲ እንቃቅዲ ኣኽትኖሌጊን፡ የክ ኒውክ ጌረስታኩሉ ይና ኣደራ፡፡
1 7፡1. እማ ጋድም ኣን እንካለውሎም፡ እና ሳዳ ኒን ዋነና ደንቢ፡ ጃር ጉኢትናድ ጋድ እንሳኽስኑ፡ እን ስኻዲ ፊኩዲት ራካስዳክሊድ ኒትክል ይና ኣኻርሲ ለጭሕድንን፡፡ 2 7፡2. እንታ ለበኪል ኣካን እዳንደልና፡ ይን ላኽሲክር ዓመጭኒኒ፡ ላኽሲ እካ ጎድኒኒ፡ ላኽሲ እካ ተቤለጽኒሉ፡፡ 3 7፡3. ይናዲ ክርናዲ ሂይወትድ ማንደርትናድኽር ይና ለበኪል ዋንትድኔት፡ ንጃብክር ዮ እርጉኩን እማ፡ እማ ኒስ ኣን ያኽ እንተት ካያ ኣክሊኒክ፡፡ 4 7፡4. እንተል ገሪኽ ታብና ህንባኩለ፡ ዋርዲትና ዩኽ ገሪኽግን፡፡ አማንድ እንታክቶ ህንባኩን፡ ይና ሽባናድ ኣከንር ይፋርሓት ገሪክጊን፡፡ 5 7፡5. መቄዶናያ ጌይእናሰና-ኻ፡ ከደንልድ ሕራቤት፡ ይና ጅዊልኽር ጉኢ እርጉኹና እማ፡ ኒውክድ ጨናቅኹና ግራ፡ ይና ስኻ እካ ፊኻ ኣርላኒክ፡፡ 6 7፡6. እን ታዓበውሲ ኣጸናንዕዳኽ ጃር-ኻ እንተርና ቲቶስርኹ እሰ ኣጸናንዕዱኹና፡፡ 7 7፡7. ንኻ ኮዶ እንታሰፈላልዲ እንታ ስረናዲ እንታ ቃንኣዲት ይማታን ዳጌመሪትልና፡ እና እንተድ ኒ ተጸናንዓኽ ምጽንናዕ ግን ግራ፡ ኒእንተርናድ ካያ ኣኽኒ ኣን ፋርሓኽ፡፡ 8 7፡8. እን ዳብዳበሲ ጎሃይዳኹኩም ኣክና እካ፡ ጥዒስታኽ ኣኩንሲክ ጣዓስተሊኒክ፡፡ እን ዳብዳበራ እንዲኒ፡ እንሲንሲ ካያ ኣካን እካ፡ ጎሃድሬትኩም ቃላኩን እንኩኹ እማ፡ 9 7፡9. ይናልድ ገለ ጎስና ኣርግድኒን፡ ጃር ፍቃድሰና ግን እንትን ጎሃይድናኽ፡ ንሳሓድ ሰባት ጎሃይድናት ግራ፡ ናን ጎሃይድናሴና ኣክሊኒ እና ፋርሓኽ እንኩኹን፡፡ 10 7፡10. ማለት፡ ጋሃይና ጃር ፍቃድሰና ዳኣንድናድ ኣካኽ ጢዒስጋኽ ነስሓ ንቅክሳኽ፡ ጎሃይና ዓለሙኻ ክራግኒ ናቅሳኽ፡፡ 11 7፡11. እናሓን ፡ እና ጃር ፍቃድሰና ጋሃይድናኹኩሉ ውሪከው ጫዓት ናቅሰጋኹኩም፡ ውሪካ ተጫረይና፡ ውሪካ ቆጫውጫው ይና፡ ውሪካ ጉኢ፡ ውሪካ ሰፋላል፡ ውሪካ ቃንእና፡ ውሪካ ኣሰስና ናቅስጋኩንኩም፡፡እና ጋር ንድ ኒትክድ ላጭሓን ሰቤት ኣኽድናት እንታ ኣኻርሲ ቃሊስድኑክ፡፡ 12 7፡12. እማ ጋድማ ከተበንኩም-ኻ፡ አን ጫዓት እንታኽ ይና ማታን እንታል ጃር ጋሸል ጋለጥስሮ ማታንግራ፡ ባደላኽዲ በደልሳኽዲ ዮኣኽሊኒ ኣን ጸሓፋኽ፡፡ 13 7፡13. እማ-ኻ ተጸናንዕኑኹን፡፡ እና ተጸናንዕና ዳግ-ኻ ፋርሓት ቲቶስሩኹድ፡ ኒማንፋስ ናትክድ ሰበት ቃሰናት፡ ገሪኹድ ትክስነ ፋርሕኑኹ፡፡ 14 7፡14. ኒጃብል እንተሳበትድ ገለ ላኽዲሲክ ዋርዲታኽር ኣከንር፡ እና ኒትክ እምንድ ድውነኩኩም፡ ኒሰንኽር እና ይና ተማክሕና ቲቶስር ጃብል እምን ኣኾ ኣርሱኽ እማ፡ ስማርሊኒ፡፡ 15 7፡15. ኣዋህብዲኔ ጉኢትናድር ራዕራዕ ይናድር ካለብርድናትሉ፡ ማላክስና ናድካኽሲ እልብዱንሲ፡ ኒላበካኒኽ ገሪኽ እንተል ማርኪሶ ህንባክ፡፡ 16 7፡16. ኒድክድ እንተል እምነት ህንባኩለ እንማ ፋሪሕጊን፡፡
1 8፡1. ይሻን፡ እና እን ማሕበራትል መቄዶዩውሊ እውስታኽ ገድ ጃሩኽ ኣርእሲስናኩንኩም እንኩንኩን፡፡ 2 8፡2-3. ናዓቅምሰናኽር ናዓቅም ኣወይስኽር ናለውድ እንከልኖ እውናድ፡ ማስከራኩኑሎም አንኩኩን እማ፡ ጌሪ ማከራ ዋጠንስኑክ፡ ዶካ ፋርሓት ናኹር ቆር ኣኸኽር ሓጋለት በጋኽድና እንጅቢናርድ ገሪኽ ባጃኩኽ፡፡ 3 4 8፡4. እና ገድ ኒን ሕብረት ኣገልጋልድና ሻትካንድ ግሪ ሺዋን ሹዉኑና፡ 5 8፡5. ፍቃድ ጃሩኽድ ሰልፍ ጃርድ ደብንኻ ይናድ ናኣኮርሲ እዉኑክ ግራ፡ እን ሳድናኹሰና ካያ ኣኽኒኒ እማ፡ 6 8፡6. ቲቶስቲ፡ እን ሰልፍ ተርሰኽሰና ኒሰናኻ እና ገድ ኒን እንተልኽር ተማምሮ፡ ማኾኽኖሉ እንብናኩን፡፡ 7 8፡7. እማ-ኻ ኒትክድ፡ እምንዲ ኣምርድር ቆልድር ታዓብናድር እንታ እከሊስኽር ይናድኽር ባጃኸት፡ እና ጋድ ኒድ-ኻ ገሪኽ በጃኽሮ ማታን ጠንቀቅሳ፡፡ 8 8፡8. እና ኣን የኹኩም ህንባኽ-ኻ እን ጫዓት ኣሪውዱውድ እን ታጫረይና እንታ እንከሊሩኽ ተዓዘቢያ ዮግራ፡ ሕክምሰና ዮ ኣኽሊኒክ፡፡ 9 8፡9. ገድ ይና ኣደራ ዬሱስ ክርስቶስሩኽሲ ኣርእድኑኽ እማ፡ እንቱም እና ኒሓጋለትድ ራዛቅትኖ፡ ሩዙቅ ዋኑ እንተማታን ሓገሉኽ፡፡ 10 8፡10. ነኒን ናፍዕሮኩም ግን እማ፡ ንድኻ ኮዶ ኮድና እዋኩንኩም እንኩኹን፡ እንትን ፍቃድድር ግራ፡ እስነድ ካያ ኣኽድኒኒ ኣማርልድ ሻኽድኖ ሰልፍር ተርስዲነኽ፡፡ 11 8፡11. ናና ኣጃ ይናድ ደለምድኖ እስዲነኽሰና፡ እንዳ ህብዲነ እንተ ዓቅምሰና ኒተማምድናትኽር ግብርድ ታመምዳ፡፡ 12 8፡12. ጃሬብና ለቤኪልድ ዋነን፡ እና ዋነኹድ ዓደድ ካለብርሳኽግን ግራ፡ እንግጋኹድ ኣኽላኒ፡፡ 13 8፡13. እኩል እክላ ኣኽሮር ማታን ዮግን ግን ግራ፡ ኣሪውድ-ኻ ራሃይና፡ እንተድ-ኻ ሽብውና ኣኽሮ ዮ ኽሊኒ፡፡ 14 15 8፡14-15. እን ገሪው እክባኽ-ኻ ከብሲላ፡ ዕቅቱ እክባ-ኻ ጎደልድላ፡ ያኽ ክቱብ ህምበክ፡ እና ዋክት ኒል እንታ ባረና ከብተኽሲኩም እና ናጎዶሎት መልእድሮ እማ፡ እኩ እክላ ኣኽሮ ዮ ግን እና ኒስ ኣን ያኽ፡፡ 16 17 8፡16-17. እማ ቲቶስ ይና ማኾኽናስ ዋሶ፡ ጫዓተንታ ኣኾ ግን ኒሚራድድ ግን እነተል ንፋራኽ እማ፡ እማ እና እንታማታን ዮ፡ ለባካ ቲቶስሩኹል እና ምራድ ኒስ ኒለቤኪል ክሳኽ ጃር ሓሜድስኒ፡፡ 18 8፡18. ኒዲኽር እና ናትካል ማሕበራትሊ ወንገሊድ ሳብስተኽ ዳን ፋስኖ ህንብናኩን፡፡ 19 8፡19. ጃር ካበርዶር ማታን፡ ይና ፍቃድ ለበኪኽ ቃልስሮል ማታንር እና ይን ኣገልጌልድናኽ ጋድ ኒ ይናዲ ጅልውሮ ይኖ፡ እን ማሕበር ፍሪሪኩሉግራ፡ ኒን ካያ ኣኽላኒክ፡፡ 20 21 8፡20-21. ኣዳምር ጃብል ካያ ግራ፡ ጃር ጃብል ካያ ኣኽጊ፡ ኪሴሪ ዪስታኹድ ግን ይን ዳራይናኽ እማ፡ እና ይና እገልገልድና ሰበትደ ፍድድንሰው ብርክት የው ሳላዲ ላኽ እካ ናቃፍጊኒና፡ ጠንቀቅስናኹሉ እንኩንኹን፡፡ 22 8፡22. ገሪ ወክድ ገሪ ሳበብር ጫዓት ሰባት ዋነትሉ፡ ናንር እንተል ገሪ እምናት ሰበት ዋነትሉ፡ እን ገሪ ጫዓቱኽ ይናዳንሲ ናዲ ፋስኖሉ ህንብናኩን፡፡ 23 8፡23. ቲቶስር ሰበትር ኣከንኻ፡ ይድ ይጫራ እንተድ-ኻ እንተል ይዲ ከዳማኽ ጊን፡ እን ይናሻን ኣከነንኽር፡ ንሽቅ መሕበሩዲ ክብር ክርስቶስሩጊን፡፡ 24 8፡24. እማ ገዲም ቃልስታኽ እንከሊ እንታኽር ዋርዲትና ይናኽ እንተድ እና ማሕበራት ጃብል ናድ ቃሊሰሎም፡፡
1 2 9፡1-2. ኣካይያ እንቁኒትልድ ተርስረ ክም ዳለምሬር እንተድ መቀዶናውያን ሓበንስና ምራድ እንታ ለበኪኽዲ እንተ ቃንኣዲ ገሪው ከውሲ ጉብሬት፡ እርእኹን እማ፡ ኣገልግሎት ሰባትድ ከተብዬልኩም ጃረብደላኒክ፡፡ 3 9፡3. ይና ዋርዲትና እንተድ እና ግብር ኒድ ግምሽ ኣኽጊን እማ፡ እና ኣን ዬሰና፡ ዳለምድኖ ዲትኖ፡ እን ሻሲ እንሼቆሎም ህንባኩን፡፡ 4 9፡4. ኣከጋና፡ መቅዶናውያን ይዲ እንተሬናን፡ ዳለምግድኒ ኣረራንኩም፡ እንተት ይግኒን፡ ይንን እና ይና እምንቶሲ ስማርግኒን እንሻቅኹኑሎም፡፡ 5 9፡5. እማ ጋድም እን ሳልፍ ሳዲሳኹኩም በርኬት፡ ንክም ዓቅታክ ኣኽ ኣኽገት ፡ በርከትሰና ደለሞ ዲሮ፡ እን ሻንሲ ጃብረድ እንተል ዶክኖ ደልምድድኖ ሞኾኽዬሎም ቃስብ ኣኹኽለ፡፡ 6 9፡6. እማ-ኻ ኒስ ያኹን እኩኹን፡ እን ሹግዶ ፈዴኽ ሽግዶ ካባክ፡ እን በርከትድ ፈዳኽ-ኻ በርከትድ ግኒ ኒእሽራኽ፡፡ 7 9፡7. ጃር እውን ፋርሕጊን ኒ እንካላኽ እማ፡ ለኹክ ጎሃዩ ወሪ ቀስብድ ኣኽ፡ እን ኒለበካድ ሓላናኽሰና እውን፡ 8 9 9፡8-9. እና ክቱብሰና፡ ወራውኽ ሓግላንድ-ኻ እዉኽ፡ ጫድቅናኒክ ዲማድ ማንዳርታክ፡ ያክሲ፡ ጃርኻ፡ ኒዊክ ኒውክድ ማታን ዓቅታክ ኒትክ ሻኽድኖ ኪዳ ግብርድ ኒትክድ ጸምበላል ይትኖ፡ ጋድ ያስታኹክ እንታል ጸምበላል ይሮ ግረስታኽ ጊን፡ 10 9፡10. እማ-ኻ ፋደንተድ፡ ፈድንዲ ናብራዲ ኣካኽ ዓደላኽ፡ ኒ እንታ ፈደንሲ ዓደልዶኽርኩም ባጃኽድሮኹርልኩም ጊን፡ እንታ ፈዳና ጭጥቂሩኽክር በኮልድሮሉ ጊን፡ 11 9፡11. እንትና ኮዶ ኒትክድ እን ይናድ እሰ ጃርድ ሓምደ ካደማኽ እንጅብናርድ ታጀርትኖጊን፡፡ 12 9፡12. እን ኣገልግሎት ኒን ግብር ኒን ገሪ ሓመድናድ ጃርሲ ገሪ ጸምበላል ያክግራ፡ እን ናቃሳት ሻትካናኽ ካያ ኣኽላ እንታኽታኽ፡፡ 13 9፡13. ናው ኣጫራይድና እና ኣገልግሎት ኒስ እምና ወንገል ክርስቶ ሓከምስድናት፡ ኮዶ ናድር ናድክድርድ ኣካኽ እውን እንተካብናድ ጃርሲ ሓመደናኽ ናው፡፡ 14 9፡14. ናው-ኻ እና እንተል ቅያስ እንግጋኽ ጋድ ጃሩኽ እንታማታን ሺዉኑ ሰፍላልተናኹኩም፡፡ 15 9፡15. እን ድውስታጋኽ እውንድ ጃርድ ሓምደ ኣኺኒት፡፡
1 10፡1. ኣን እንተዲ ዋኑኻ፡ ጋሻልኻ ሉምያኽር፡ እንተልድ ሺራሴናኻ ተባኽ፡ ኣን ጳውሎስ ይላውድ ዓቅል ክርስቶስሩኽድ ኒራሕመትድር ማኻኾኩንኩም እንኩኽን፡፡ 2 10፡2. ኮዶኻ እና ይን ሲኻድ ወንተታርናሰና ሺበውና ናበልን፡ እን እንታዲ ኣኾ ፈረድዬሎም ዮ ሃቀናኽ እምንቶ ቃስብ ኣኽጊኒለ ሺዋኹንኩም እንኩኹን፡፡ 3 10፡3. ስኻድ ዋንታተርናኽ ኣክርናንኽር እካ፡ ስኻ ሰና ታሓረብለኒኒ፡፡ 4 10፡4. ይና ለማለም ጃር ጋሸል፤ ፋሕስና ተባኽ ድፋዕሲክር ሒለቱኽ ግራ፡ ስኻድ ኣኽላኒ፡፡ 5 10፡5. ኒድ-ኻ ሓሳባት ኣምር ጃሩኽ እንጠርስናኽ ክብያኽ ጋርሲ ፋሕስኑ፡ ኒውክ ኣእምሮስኽር ኣዘዝስና ክርስቶስድ ማረኽናኹሉ ጊን፡፡ 6 10፡6. እንታ ሓከምስና ታመማሴና፡ እን ኣዘስጋኽሲክ ኒትክ ኣደብኖሉ ዳለምኖ ህንብናኩን፡፡ 7 10፡7. እንትናዲ እንታ ጃብሊ ህንባክሲ ካያ ግን ማርኪስዳናኽ፡ ላኽ ድካ ክርስቶስሩኽ ኣኬት ኒ ኣኾርድ እምናኽ ኣከን፡ እን ኒኾርድ ክርስቶስሩክ ኣከት፡ ይንር ኒሳና ዋንትነት፡ ሓዲስድ ኒ ኣኾርድ ኣስተብሃልድን፡፡ 8 10፡8. እን- ይናዳራ እንታ ግብረድግራ፡ እንታፋሕሳነድ ኣኽጊ ንእዋኹ- ስልጣንድ እካ ኪዳኩን ዮ ዋርዲተን፡ እን ንድስማረሊኒ፡፡ 9 10 10፡9-10. ገለ ካው፡ እን ዳብ ዳበታት ኒው ተቃውዲ ታበውዲ ግናው፡ ኒላውድ ይናዲ ዋኑኻ ቂልሳኻ ግን፡ ኒጋብኽር ቁቡብግን፡ ያኽ እማ፡እን ዳብዳበታት ዩድ በኻኽድዬኩም ታካኽ ተካጊንኩም ዮግን ኣን ኒስ ያኽ፡፡ 11 10፡11. እና ነኒሰና ያኽኽ፡ እና ሺራኽ ዋንቱኑንሲክ ቆል ዳብዳበታቱድ፡ ኒል ዋንቱኑኽር ግብርድ ኒሰና ኣክነት ሓሰብን፡፡ 12 10፡12. እን ጋለዲ፡ ናላውድ ናፊኹሲ ሳበው፡ ይና ኣኻርሲ ሺብኖ ዋሪ እክሊስኖ ዳይዕነሉኒ፡፡ እማ ገዲም ናው ናላውድ ናርሕድ ናኣኾርሲ እክሊሰናው ኣከናውድ፡ ምኽ ሻኽኒኒ፡፡ 13 10፡13. ይን ላኪን፡ እንታል ኣርስናሲክ እካ፡ እን ጃር እዋኽ ቅያስድ ምክራድ ግራ፡ ቅያስ እንገት ቃርዲትነሊኒ፡፡ 14 10፡14. እንተል ክም ጋይእግናት፡ ይናላውድ ገሪኽ ዓንጠጥለኒ፡ ወንገል ክርስቶስሩክ እንተል ኣኽራሲክ ገይእኖ ህንብናኹን፡፡ 15 10፡15. ስድቅ ኣሪውድውድ ቅያስ እንጋት ዋርዲትነሊኒ እማ፡ እንታ እምነት ኩኑ ፈሮሰናኻ፡ ይና ዓቅማሰና ኮድናድ እንተል ክምላጌድናት ይና ሳዳ ግኒ፡፡ 16 10፡16. እን ኣሪው ደላምድናኽሊ ስብካትል ቱኖ ዋርዲግኒን፡ እን እንታ እንደራሲ ህንባኽ ሃገርሊ ወንጌል ሳበኽኖግን፡፡ 17 18 10፡17-18. እን ጃር ሳቤኽ ግራ፡ እን ኒኣኻርሲ ሳበኽ ኣኽላ ፈተንሶ ደካኽ ፡፡ እማ እን ዋርዲታኽ ጃርድ ዋርዲቲኒ፡፡
1 11፡1. ገለ ዕቅቱ ዓወድናር ዓቅል እሲትኖለ ጃረቢሪድ፡ እስከ ዓቅል እሰለ፡፡ 2 11፡2. ቅንኣት ጃሩኹ ቀንኣኹንልኩም እማ፡ ላጭሒ ድንግሊሰና ክርስቶስል ስክስዬኩም ማታን፡ ላግርወድ ሓጨዪሶኩም ህንባኩን፡፡ 3 11፡3. እማ-ኻ እን ምራዋ ኒጎርሓትድ ሄዋንቲ ሳሓደሰና፡ ኒሰናኽር ሓሳብ እንታኽ እና ዬሱስትልድ ኣካኽ ገርህናዲ ለጭሕናዲ ኣዊ ኣርእኹን ድድጊን ጉኢታኹን እኩኹን፡፡ 4 11፡4. እማ ገዲም ላኽ ድካ፡ ይን ሰክግናኽ፡ኣሪኽ ክርስቶስ ሰበካን፡ ወሪ እንትን ካብርግደናኽ ኣሪኽ መንፋስ ካለብርደናን፡ ወሪ ኣርግድናኽ ኣሪ ወንገል እንተራንኩም፡ ትክድ ተዓገስዳናኹሉ እንኩዱኑኽ፡፡ 5 11፡5. ኣን እና ኪደው ሃዋርያትልድ ላኽድ እካ ሓዬማኽር ተከሌለ፡፡ 6 11፡6. ጋብድ ዋላ ዓዌድ ኣከን፡ ኣምርድ ኒሳና ኣኽሊኒ፡ ልሳዕ ኒትክድ ኒተክልኽር እንተል ኣርእስናው ጊን፡፡ 7 11፡7. ኣው እንትን ክብ ይትኖ ዮማ ይኣኻርሲ ሉምሰ ወንገል ጃሩኽ እንዳኸድ ሳባካልኩመወ ኣኸውድ ሓራማ እሰ፡፡ 8 11፡8. እንተት ኣገልጋልድያ ዮግን፡ ናልድ ርዝቅ ካለቡንሲክ፡ እን ኣሪው መሕበራትሲማ በትባትኩናን፡፡ 9 11፡9. እንታዲ ዋኑኻ ቤሪት፡ መቆዶንዪልድ እንተው ሻን መልእድኑኹለ እማ፡ ላኽሊ ተቅድሊ፡፡ ኒትክድ-ኻ ይኣኾርዲ ታቅድጊንልኩም ጣንቃቅሳኩን እንኩኹን ጣንቃቅሲያኽር ግነ፡፡ 10 11፡10. እና ክርስቶስር እምን ይል ህንበሳና፡ እና ዋርዲትና ኒን ድውላት ኣካየትል ባሪሳኹ ሻኽላኒ፡፡ 11 11፡11. ውራማታን፡ ኣን እንከላጋኹም ኣኸውድማኒ፡ ጃር ኣርእኽ፡፡ 12 11፡12. እማ-ኻ እና ዋርዲታኹሉ ይናሰና ኣኽኖ ኣርስድኖ ማታን፡ እን ምስምሳ ጃረበውድ ምስምሳ ገረስሮሎም ዮግን፡ እን እስያ ያኽሲ እስያ ጊን፡፡ 13 11፡13. እና ነሳና ያው ካው-ኻ ሃወርያት ቡኑት፡ ምላው ካደማው፡ ናኣኻርሲ ሃዋርያት ክርስቶስሩሲ ታከው ግናው፡፡ 14 11፡14. ሸጣን እካ ኒሹሺ ሻትክ ብርሃን ተከክ እማ፡ ኒን ገረማላኒ፡፡ 15 11፡15. እማ-ኻ እኒት ኣገልጋልደው ናሹሺ ኣገልጋልዳው ጫድቃንሲ ተክሳነን፡ በሀር ጋር ኣኽላኒ፡ ናደንበሪል-ኻ ናግብርሰናክ ኣኽሮግን፡፡ 16 11፡16. ሓዲስድ ኮዶ ያኹን እንኩኩን፡ ላኽ ድካ፡ ዓወድ ኣኸኽር ተከጊንሉ፡፡ ኣካገንር፡ ኣንር ገል ዕቅቱ ኣከው ዋርዲትያ ማታን፡ ዓወድሰና እስዲነ ከለብሬለ፡፡ 17 11፡17. እን እና እምንቶሲ ዋርዲትና ያኽሉ ህንባክ፡ ዓወድናርሰና ግራ፡ ጃርድ ኣኽሊኒ ኣን ያኹኩም፡፡ 18 11፡18. ገሪው ስኻድ ዋርዲተናውልድ፡ ኣንር ዋርዲትያ ግን፡፡ 19 11፡19. እንትን ለበኪው ኣኽድንናዲን፡ እና ዓወድሲ ፋርሓትድ ምኹርዳክሎም እንክድኑኽ፡፡ 20 11፡20. ላኽ ገንጂኒሰና እሰናኩም፡ ላኽ ዋሓጠንኩም፡ ላኻ ሻከንኩም፡ ላኽ ከባርሰንልኩም፡ ላኽ እንተ ጋሺ ጣዓምበንኩም፡ ምኹርደናኩሉ እክድኽ፡፡ 21 11፡21. ይን ሓያማን ኣኽኖ ክምእርግናት፡ ውርዳትኹ ያኩን እንኩኹን፡ ኮዶኻ እና ላኽድ ደፈራኽሉ፡ ዓወድናርድ ግን እን ኣን ያኽ፡ ኣንር ዳይዓኹን፡፡ 22 11፡22. እብራውያን መናው፡ ኣንኽር፡፡ እስራኤላውያን መናው፡ ኣንኽር፡፡ ፈደን ኣብራሃምዱማናው፡ ኣንኽር፡፡ 23 11፡23. ኣገልጋልቲ ክርስቶስሩማናው፡ ግንኹሳና ኣኾ ግን ኣን ጋባኽ፡ ኣን ኪዳክንሎም፡፡ ጸዓርናድ-ኻ ደካ ህንባኩለ፡ንሽዋድ ደካ ህኹለ፡ ጣዓምበድ ገሪውድ ጸብላል ያኽ፡ ገሪ ዋክት ክሪል ገይኣኽር ግን፡፡ 24 11፡24. ኣይሁድድ ኣንካ ወክት ኣርብያስ ላኽ ከብታኽ፡ ኮርበጅሽኹን፡፡ 25 11፡25. ሰኻ ወክት ስናፈድ ከትከትስኹን፡ ለወክት ክርንድ ከትከትንኹ፡ ሰኻ ወክት እን ኣን እርጋሪ ዶንክ ካርቲቲ፡ ቂርዲ ጋርክዲ እን ቆር በሓሩኽ እርጎ ኪኹ፡፡ 26 11፡26. ገሪ ወክት ጋሺትኒል እርግኹን፡ ወራፍሊ ጉኢትናድ፡ ኣጎበውልድ ጉኢትናድ፡ ይኮቅርልድ ጉኢትናድ፡ ቆሚያልድ ጉኢትናድ፡ ዕርዲሪል ጉኢትናድ፡ ከዳንሊ ጉኢትናድ፡ ባሓርሊ ጉኢትናድ፡ ሻን ብኑትል ናበክል ጉኢትናድ ግን እን እርጋኽ፡፡ 27 11፡27. ክድማዲ ጸዓርናዲ፡ ገሪ ዋክት ናቅሕናዲ፡ ከኣርዲ ስቃናዲ፡ ገሪ ወክት ሹምንድ፡ ብርድድር ብሻጽናድር እርጉኹን፡፡ 28 11፡28. ኒድ ኣወይሲ እን ካደንሊ ህምባኽ ጋር ኒውክ እና ክሰራድ ክሰራ ሽብዋኹለ፡ ኮዶ እን ናድክድ መሕበራትድ ጋንዓክ ህንባክ ጋንዕናግን፡፡ 29 11፡29. ኣውኒ ግን ቂልሳኽ፡ ኣንኻ ቂልስጋኹ፡ ኣውኒኻ ግኒ ዓንቃፍሳኽ፡ ኣውኒኻ ሓውዪጋኽ፡ 30 11፡30. ዋርዲትያ ጀራብዳኹለ ኣከን፡ ይቂልስናድ ዋርዲትያ ግን፡፡ 31 11፡31. እን ዲማ ዳይም በኪት ጃር፡ ይና ኣዴራ ዬሱስ ክርስቶስር እኽር፡ ኣን ብኒተገት፡ ኒኣርኡኽ፡፤ 32 11፡32. ደማስቆትል እን ሓክም ኣሬጦስ ምስለኒራ ሻኽሮለ ጀረቤ፡ እን ዕርዲራ ከው ደማስቆሪት ተከዊስኹ፡፡ 33 11፡33. እማ ካፈርድ እሲነ ሕጋ ማንደቁኽድ ገምድንኹለ፡ ኒናንልድኽር ሹልቅርኹን፡፡
1 12፡1. ዋርዲትያ ናፍዓጋኹለ ዋንቱንሲክ፡ ቃስብድ ጃረብዳኹለ፡ ናና ራኢዲ ገለጥናዲ ያና ኣደሪኽሊ ደካኩን እንኩኹን፡፡ 2 12፡2. ሽካ ሰጃ ኣመራ ጃብ ላግርዋ ግርስቶስድ፡ እና ኒሰና ያኽ ሲኻር ሰማይሊ ፋረት ኣርእኹን፡፡ ሲኺል ኒዋንትናድ ኣርእሊኒክ፡ በራ ስኺል ኒዋንትናድ ኣርእሊኒ፡ ጃር ኣርእኹ፡፡ 3 12፡3. እና ንሰና ያኽ ግርወድ፡ስኺል ዋንትና ወሪ በሪል ኣርእሊኒክ፡ ጃር ኣርእኽ፡፡ 4 12፡4. ጃነትሊ ኣድሰት እማ፡ ከው ጋቢሮሉ ፋቀድሰጋኽሉ፡ ድውስቲሮ ገረስታጋኽ ጋብ ዋሰት፡ ኣርእኹን፡፡ 5 12፡5. እና ግርዋ ኒስ ታካኹድ ዋርዲትያ ግን፡ ይሹርኽድ - ኻ፡ ይቂልስነድ ኣከጋን፡ ዋርዲተሊኒክ፡፡ 6 12፡6. ዋርዲትያ ጃረባን፡ እምን ጋቢርድ እማ፡ ዓወስትጊድ እርጉኩን፡ ላኽ እካ ደኮድ እና ቃልስታኹ ህንባኽ ወሪ ደካ እና ወሰክሳኽ ሓሰብጊነ፡ ሓሰርስጊ ዶክሰክኑሉ እክኹን፡፡ 7 12፡7. ሳባት እና ኪዳኽ ራኢ ገሪኽ ከበርስጊን ኻ፡ ይስኺል ጊራጭ እውስትኹለ፡ ገሪ ከበርስጊን፡ ማላኢከት ሸጣኑኽ ኣሳቀይድሮለ እውስቱኹለ፡፡ 8 12፡8. እነኒን ይልድ ሺርዶ፡ ኒሰበትድ ጃርሲ ሲኽን ሺዊኹንሉ፡፡ 9 12፡9. ንኻ፡ ይሒል ቂልስነድ ጊን ገለጥሳኽ እማ፡ ይገድ ኣቅትረካ ይኹለ፡፡ እማ ሒልክርስቶስሩኽ ይዳግ ገምሮ ማታን፡ ገሪ ፈርሓትድ ይቂልስንድ ዋርዲትያግን፡፡ 10 12፡10. ደኣም ቂልሰን፡ እንሲንትጊን ኣን ሒለቲታኽ እማ፡ ክርስቶስር ማታን ዮ ቂልስናድ፡ ጃኸንድር፡ ጃረብነድ፡ ዳገንሰድ፡ ጅርበትድ ፋርሓኹን፡፡ 11 12፡11. ዋላ ላኽ ኣኽጊ፡ እን ገሪ ኪደውልድ ሃዋርያትልድ ሓዬምሊኒ እማ፡ እንኻ ሳቢትኖለ እርጉኹኩም፡ ኣን ዓወድስኹን፡ እንት ግን ኮዶ ቃስብ ይድናኽርለ፡፡ 12 12፡12. ትእምርትታት ሃዋርያ ትኣምራትዲ ትእምርትታዲ ግብር ሒለቱውድር እተል ኒትክ ዓቅልድ እስቲኽ፡፡ 13 12፡13. እን ኣን ይላውድ ታቅድጋኽርልኩም ኣክና ኣከገን፡ እን ኣሪው መሓብርልድ ጎደላኹኩም ውራኒኒ፡ እና ዓገብ ኒሂቲ ብሕላ ዬለ፡፡ 14 12፡14. እንተል እንትያ ደላመልድ ነኒን ይሲኻር ጊን፡ ኣና እንተትግራ፡ እንተ ሰላዲት ኣኽላኒ ኣን ጀረባኽ፡፡ ኣኻራው ናቁርሲ ግራ፡ ውላድ ኒወላዲረድ እንድቢል ገምድሮ ንቡር ኣኽላኒ እማ፡ ኣን ታቅደሊኩምኒ፡፡ 15 12፡15. ሰበት እና ኣን ገሪ እከላኹኩም ኣከውድማ፡ እንቱም ገፍጋፍ እስዲነ እንካልደናኹለ እንኩዱኑኽ፡ እንታ ሪሕ ማታን ገሪ ፈርሓትድ ኒትክ እዉኩንኩም ይርሕስኽር እውየኩም ጊን፡፡ 16 12፡16. እስከ ኣካኹክ ኣኽና፡ ኣምርድ ያኢ ጊን ምለ ሻኹንኩም ግራ፡ ተቅድሊኩምኒ፡፡ 17 12፡17. እን እንተል እንሻቀውሎምድ-ማ ገለ ታበለጽኹንኩም፡ 18 12፡18. ቲቶት ሺዊኹንሉ፡ ኒድኽር እን ላኽ ዳንሲ ፋስኽንሉ፡፡ ቲቶስማ ተበላጻኹልኩም ኣኽራ፡ ላመንፋስድ ማ ፈል ፈላኸድ ወንተተርኒማ፡ 19 12፡19. ይና ኣኻርሲ እንተል ጨራይድናትላ ሰልፍልድ ሻኽኖ ሓሰብዱኑ እርግድኑኽ፡፡ ጃር ገሻል ክርስቶስድ ግን ይን ጋብናኽ፡ እንትን እንከልሰንቲ፡ ኒውክ እንታ ግብረድ ግን፡፡፡ 20 12፡20. እንተሩ እንጉንስክ፡ ምናልባት እን ኣን ጃረበገሰና ኣኽድኖ፡ ኣርጊንኩም፡ ይትር ኮዶ እንትን ጃረቢድናኽሰና ኣርግድኒለ፡ ኣዋ ኣርእኹን ዋኻ፡ ቀንኣት፡ እንጠርስና፡ ሸሊትና፡ ልኽና፡ ሕሹክሹክ፡ ሓብ ሓብ ስና፡ ሁከት ዋነጊንኩም ጉኢታኩን እንኩኩን፡፡ 21 12፡21. ወንተሩ እንጉንሲክ፡ ይኽር ጃር እንተ ጃብል ኣዋረድጊና፡ እናር እንሰልፍ ሓጥያት እሰው እማ እን እሲነውልድ ረኻስና ቃሓብና ግኒትናኽር ጢዒስግው ገሪው ጎሃይጊን ፡ ጉኢታኹን እንኩኹን፡፡
1 13፡1. እና ይእንተርና እንተል ሲኻር ዋክት ግን፡፡ ጋብ ኣኸውክ ለና ወሪ ሰኻድ ግን ኒጫደቃኽ፡፡ 2 13፡2-3. ክርስቶስ እንተል ብርቱዕግራ ቂልሳኽ ኣኽላ እማ፡ እን ይድ ጋባኽ ክርስቶስ ምስክር ጃረብድነት ቃልኹ፡ እና ሊንር ዋክት እንተዲ ዋንቱንሲክ ያኹኩም ናንር እንተልድ ሺራኽ ዋኑንሲክ፡ እተል ወንተረን ፡ እን ሰልፍ ዋኺተውዲ እን ከብተው ኒትክሲኽር ክም ራሓመጌትሎም፡ እማና ድወ ህንባኹን፡ ጃቢቶክር ድወ ህንባኩን፡፡ 3 4 13፡4. ክርስቶስ ቂልስነድ ሳቀልሱኽ፡ ጃር ሒልድ-ኻ ዋነተኽ ኣኾ መንደርታክ፡፡ ይንር ኒል ቅልሰንቲ ጊን፡ እን እንተል ኣኻኹድ ሒል ጃሩኽ ኒዲ ይንር ማንደርቴው ኣኽኖ ማንደርትኖግን፡፡ 5 13፡5. እምነትድ ዋንትደናን፡ እንታ ኣኸርሲ ፈተና፡ እንታ ኣኸርሲ መርማራ፡፡ ወሪ ዬሱስ ክርስቶስ እንተዲ ዋነት እንታ ኣኸርድ ማ ኣርድኒ፡ ነኒን ኣከጋና፡ ወላ ተብድናኽር ኣኽድኒኒ፡፡ 6 13፡6. ይን ኻ፡ መከታ ተበውደውል ኣከግንት ኣርእትኖ፡ ሳዳ እሰኩን እንኩኹ፡፡ 7 13፡7. ዋላ ምቅላ እሲጋ፡ ጃርሊ ሺውናኩን እንኩኑኩን፡፡ ይንን ዋላ መኻታ ታብደግናኽር ኣክነን፡ እንቱም ትክያኽ እሲትኖር ማታን ግራ፡ ይና ማካታ ተብድናኽር ተክነ ቃልስኖ ኣኽኒኒ፡፡ 8 13፡8. ይን እምንድ ግራ፡ እምንዲ ተጣረራኽ እሲኖ ገሬስነሊኒ፡፡ 9 13፡9. ይን ቂልስነን፡ እንት ኪኺንትደናን ግን ይን ፋርሕናኽ፡ ኒንኽር፡ እንታኽተው ኣኽትኖ፡ ጸለይናኹን እንኩንኩን፡፡ 10 13፡10. እናንድ ማታን እን ጋበርናድ ግራ፡ ፋሕስናድ ኣኽጋኽ፡ ጃር እዋኹለ ስልጣ እንተሳና፡ ጨኮኖ ተቅድጊንኩም፡ ሺራኽ ዋኑ ከተባኹንኩም እንኩኩን፡፡ 11 13፡11. ከብተኽድ፡ ይሻን፡ ፈርሓ፡ እንተኻው ኣኻ፡ ተብድናኽር ኣኻ፡ ላሓሳብድ ኣኻ፡ ሳላምድ ማንደርታ፡ ጃር እንከሊሩኽዲ ሳላሙክዲ ኻ እንተዲ ኣኺሮግን፡፡ 12 13.12. እንተሸር እንተሹ ቅድስናድ ሰላም ይስትና፡፡ ናውክ ሻትካን ሰላም ያናኹኩም እንኩኑክ፡፡ 13 14 13፡13. ገድ ይናደራ ዬሱስ ክርስቱስሩኽር እንከሊ ጃሩኽር ሕብረት ማንፋስ ሻትኩኽዲ ናትክዲ ኣኺን፡፡ ኣሜን፡፡
1 1፡1. ጳውሎስ ፡ ሃዋርያ- ዬሱስ ክርስቶስኽር እን ክሪልድ ጉዳኹ ይናኽር ጃር፡ ግራ፡ ኣዳምርልድ ዌሪ ኣዳምድ ኣኽጌት፡ - 2 1፡2. ናውክ ይዲ ህንበው ሻን-ኻ እን ማሓብር ገላትያ፡፡ 3 4 1፡3-4. እን ይና እኽር ጃርልድ እን ምራድ ይና እኽር ጃር፡ እና ናን ህንብራሪ ምቅላ ዓለምኹድ ድኣንድሮና ማታን-ዮ፡ ይናሓራም ሰቤትድ ኒፊኹሲ እዋኽ ይና ኣዴራ ዬሱስ ክርስቶስ፡ ጌዲ ደሕኔዲ ጌምድንተት፡፡ 5 1፡5. ኒድ-ኻ ዲማ ዳዪም ካብር ኣኽኒ፡፡ ኣሜን፡፡ 6 1፡6. እንዲልድ ጌድ ዬሱስሩኽድ ሽናኹኩም ንሰናድ እሸሽድኖ ናኽዲኔ ኣሪኽ ዋንጌሊ ገላቤስና እንታኽ ጌሬሚሌ ህንባክ፡፡ 7 1፡7. ኒንር ጌሌ ዓጌርጋርዳኻኩም እን ዋንግል ክርስቶስሩኽሲ ላወጥድኖሉ ጃርባው ዋንትኔት ማለትግንግራ፡ ኣሪኽ ዋንጌል ኣኽላ፡፡ 8 1፡8. እማ ጌዲም ይን ኣክነንር ዋሪ ማልኣኽ ሳሚልድ፡ እና ይን ሳበክናኽ ዋንጌል ንኸክ፡ ኣሪ ዋንጌል ሳቤካንልኩም ውጉዝ ኣኽኒ፡፡ 9 1፡9. እን ሳልፍ ይናኹሳና፡ ናንር ሓዲስድ፡ እና እን ካሌብርዳናኹሉ ኣሪ ዋንጌል ሴባካኽ ዋኔን፡ ኒውጉድ ኣኽኒ፡ ያኹን እንኩኪን፡፡ 10 1፡10. ናኻ ኣዳምሲ-ማ እማ ጃርሲ ባህ እን ኣን እሳኽ፡ ዋሪ ኣዳምቲማ እን ባህ ሲያ ኣን ኣንጃሬባኽ፡ ልሳዕ ኣዳምሲ ፌርሕዲያ ጃሬባኽ ኣከን፡ ክርስቶስር ጋንጂና ኣኽድ፡፡ 11 12 1፡11-12. እማ ጌዲም ይሻን፡ ኣንር ኮዶ ዬሱስር ክርሰቲስ ጋሃድናድግራ፡ ኣዳምትልድ ከላብርሊሉኒክ ማሃርስሪሉክር እማ፡ እን ይድ ሳበክሳ ዋንጌል ኣዳምትልድ ቃድሕሳኽ ኣኽጌት ኣርእሲሳኽንኩም እንኩኹ፡፡ 13 1፡13. እማና ይሁድናትድ ማንደርቱ እንጉሲክ፡ እን ማሕባር ጃሩኽሲ ቅያስ እንጋት ክም ዳጌናትላክር ባዴምዴትላኽር ዋስድኖ ህንብዳናኽ፡፡ 14 1፡14. እን ዓዋዲ ይክላኽሲ ጌሪኽ ቀንኡ እንጉንሲክ-ኻ፡ እንጌሪው ህንቤው ይሜሱሩልድ ኣይሁዳ ኣክኒል ዳክኹ፡፡ 15 1፡15. እን ይጋኔር ካርስልድ ቴርሴ ሲዴኹሌ ኒጌዲድ ሽናኹለ ጃርኻ 16 17 1፡16-17. ኣን እን ቆሚያትሊ ዋንጌል ሰባክያ ዮ ኒክሬስ ይል ቃሊስሮ እንከሎሳና፡ እንሲን ኒድ ኒድ ስኻዲ ብርዲዲ ኮድናጊ፡ እን ይጃብ እርጋው ሃዋርያ፡ ዮርሳሌምሊ ፊጊ፡ ዓረብ ብሪል ፌርኹ እማ ሓዲስድ ዴማስቆ ዋንቴርኹ፡፡ 18 1፡18. ኒልድ ሴኻ ኣማራ ዴንቢ ኬፋት ኣሌላይሲንያ ዬርሳሌምሊ ፊኹን እማ ኒዲ ሽካ ኣንካ ካራ ሓቄፍኹን፡፡ 19 1፡19. ሃዋርያትልድ ኻ ያቆብ ይና ኣዴሬድ ኒዳን ንኻክ ላኽ ኣሪኽር ቃሊኒክ፡፡ 20 1፡20. እና ኣን ከቴልኩመ ህንባኽ፡ እናኻን ጃር ጌሻል ብኒትሊኒክ፡፡ 21 1፡21. ኒልድ-ኻ እንድውላት ሶርያዲ ቅልቅያዲትል እንትኹን፡፡ 22 23 1፡22-23. እን ክርስቶስድ ህብራሪ ማሕቤራት ይሁዲውኻ፡ እን ሳሌፍ ዳጌናኹና እና እማና ፋሕሲሮላ ጃሬቡ እርጋኽ ናና ሴቤካኹላ እንኩኽ፡ ይኑ ዋስኑ ካያ እርግኑኽ ግራ ፡ ይጋሺ ኣርእኑለ እርግኒኒክ፡፡ 24 1፡24. ይሳቤትድ ጃርሲ ሓሜድኑኽ፡፡
1 2፡1. ኒልድኻ ሽካ ሰጃ ካራ ዴንቢ ሓዲስድ ዮርሳለምሊ ባርናባስዲ ፊኩን ቲቶስቲኽር ይዲ ኣድኹሉ፡፡ 2 2፡2. እን ይፍናድኻ ላራኢድ ምስምሳድጊን፡፡ ዋሪ ናፍዓጋ ጋርሊ ጋኔጊን ዋሪ ጋንዮ ዋኔጊን ዮ፡ እን ቆሚያትሊ ሳቤካኽ ዋንጌል እን እውዪ ይኮት ዮውሲ ናቱትል እሳ ጋቢኹንሎም፡፡ 3 2፡3. እን ቲቶስት እን ይዲ እርጋኽ፡ ጽርኣዊራ ኣኩንሲክ፡ ሳማቴርስና ጃረብዲለሉ፡፡ 4 2፡4. ኒኻ እን ጋንሺን እሲድኖና ጃሬበውድ ታቃጫጭኖ ሕቤርሴውና፡ ናውር እንክርስቶስድ ህንባኹና ዋርዕስና ሳለይድኖ ትዋዉውና ሻን ቡኑቱግናው፡፡ 5 2፡5. እን ዋንጌል እምንዱኽ እንተል ታብሮ ማታን ፡ ኣጃ ይኖማታን ላዶንኽር ድሕር ይኒሎምኒክ፡፡ 6 2፡6. እን ቃልስታው ተካው ፡ ጃርታ ኣዳር ጋሽ ቃሎ ዳልቤባላኒ እማ፡ ኣወያው ኣካኔት ናሕስር ሻኽሊኒ፡ እን ኣዊ ይኮት ያው ላሪ ኮድኒለኒክ፡፡ 7 8 2፡7-8. እን ጰጥሮቲል ሃዋርይናትድ ሳማታርሴውሊ ካደማኽ፡ ይርኽር እን ቆምያትሊ ከዳሙኹ እማ፡ እምቲ ጰጥሮስቲ ሳማታርሴዊሊ ይድዳኣም ሳማቴርስጋውሊ ዋንጌል ዓይቡኽ እውስታኹለ ቃልናሴና፡ 9 2፡9. እን ማሲኒሴና ዳውዮ ህኔባው ታካው፡ ያቆብዲ ከፋዲ ዮሃንስዲ ፡ እን እውስቶለ ህንባኽ ጋሲ ቃልና ሴና፡ ይንኻ ቆሚያትሊ ፋርኖ፡ ናውኻ እን ሳማቴርሳውሊ፡ ኮዶኻ ይዲ ባርናባስዲት ላቱኽ ናላው ናንሲ እውኑኹ፡፡ 10 2፡10. እን ሓግላንሲ ካያ እልብድኖሎም ጃሬቢኑኽ፡ ኒስር እሲኖሉ ዮ ይላውድ ላማለም ዩ እርጉኹ፡፡ 11 2፡11. ኬፋ ኣንጾክያ እንታሴና-ኻ፡ ካሴስቶ እርጉኽ እማ፡ ኒጋሽ ጋሽሊ ተቃዌምኹንሉ፡፡ 12 2፡12. ገሌ ካው ያቆብትል እንትግኒ፡ እን ቆምያትዲ ሕቤርሴ ቁእርጉኽ፡፡እንትናሴናኻ ፡ እንካው ሴማቴርሲውሲ ጉኢቶ ስርግዩኽ፡ ኒኣኻሲኽር ሲሪኽ፡፡ 13 2፡13. እን ካብቴው ኣይሁኻ ኒዲ ዓጌልስኑኽ፡ በርናባስ ናህልክስናድ ዋቴርስራሲክ ኣኹኽ፡፡ 14 2፡14. እን ዋንጌል እምኑኽሊ ቅንዕናድ ናዋንታርና ብና ቃለሰና፡ ጰጥሮስቲ ናትካ ጃብሊ ይኹንሉ፡ እንቲ ኣይሁዳዊራ ኣክሩንሲክ ፡ ኣይሁዱኽድ ኣኽጊ ቆሚያትኹ እራኩድ ዋንትሬ ዳንቢ፡ ኣዋህብርዴ እን ቆሚያትሲ እራክ ኣይሁድውድ ዋንቲድኖ ቃስብ ይራኹንሎም፡፡ 15 2፡15. ይን ይና ጅንስ ኣይሁዱልድ ጊን፡ ሓራሙ ቆምልድ ኣኽኒኒክ፡፡ 16 2፡16. ኣዳም እምና ክርስቶስ ዬሱስኩድ ግራ፡ ግብርድ ክም ጫዴቃጌት ኣርእኖ ዳንቢ፡ ኒውክ ስኻ ፍትሕድ ክም ጫዴቃጌት ሳቤት ኣኸት፡ ይንኻ ግብር ፍቲሕኹድ ኣኽጊ እምና ክርስቶስኹድ ጫዴቅኖ ማታን ዬሱስ ክርስቶስድ እምንኹን፡፡ 17 2፡17. እማ ይን ክርስቶስድ ጫዴቅኖ ጃረብኑንሲክ፡ ይን ይናሹሺ ሓራሙ ኣኽኖ ኣርስና ዴንቢ፡ እማ ክርስቶስ ኣጋልጋሊራ ሓራሙኽ ግኒ፡ ያእ ኣኽላኒ፡፡ 18 2፡18. እን ፋሕሴኽሲ ሓዲስድ ጋቤራንሉ፡ ሓራሙኽ ኣኬት ቃሊሳኩን እንኩኩን፡፡ 19 2፡19. ኣናዲ ጃርድ ሂዌትድ ማንዳትያ፡ ፍትሕልድ ፍትሕድ ኪርኹን፡ ክርስቶስዲ ሳቃልስኹን፡፡ 20 2፡20. እማ-ኻ ክርስቶስጊኒ ይል ማንዳታኽግራ ኣንኣኽሊኒ ማንዳርታኽር፡፡ እና ናን ስኻድ ማንዳርታኹኩሉ፡ እምናትድ እን እንካላኹለ ይማታንር ኒፊኹሲ ዶክሳኽ ጃርኹረዲ ግን እንማንዳርታኽኽ፡ 21 2፡21. ጫዴቅና ሕጊሲ ኣኬን ፡ እማ ጋድም ክርስቶስ ጊምሽ ጊን ኪራኽ፡ እናዲ ጋድ ጃሩኽሲ ቃቤባሊኒ፡፡
1 3፡1. እንትን ዓዌስ ጋላትያሩ፡ ሳልፍ ክርስቶሲ እንታ ዕልልጃብሊ ሳቃልሳኹና ሳኣልሶ እርጉክ፡፡ እምንሲ ኣዜስግድኒን ውራ ዓንዜዝኹኑልኩም፡፡ 2 3፡2. እንታልድ ኒሂቲ ኣርእያ ጃሬባኩን ካያ፡ ግብር ፍትሑኽድማ ዋላ እምናድ ጊን እንቱም መንፋስ ካላብርዳናኽርር፡፡ 3 3፡3. ንድዓዳድ ኣኽራሲክማ ዓዋድ እንትን፡ ማንፋስድ ታርስዲኔማ ናን ኮዶ ስኻድ ታማምድትኖ ጃሬብደናኹን፡ 4 3፡4. ግምሽድ ኣኬን፡ ንስኮት ጅርባት ግምሽድማ ብድኑኹን፡፡ 5 3፡5-6. እማ፡ ኣብራሃም ጃርሲ እምኑኽ እማ ጭድቂ ሓሴብስኹ፡ ያኽ ፡ እማ እን ማንፋስ እዋኹኩም እንታልኽር ሒል እሴኽ ግብር ፍሕድማኒ ዋላ ዋስና እምናድ፡፡ 6 7 3፡7. እማ እን እምናትልድ ኣኻው፡ ናው ኣብራሃምር ቁር ኣኬናት ኣሌላያ፡፡ 8 3፡8. እን ክቱብኽር፡ ጃር ቆምያትሲ እምናድት ጫዳቅዳትሎም፡ ሳልፍ ቃሎ፡ ኣብራሃምቲ፡ ናኽርክ ቆምያት ኩሴባትድ ባሬኽስድኖ ጊን፡ ዮ ቤሻርዶሉ እርጉኽ፡፡ 9 3፡9. እማ-ኻ፡ እን እምናትልድ ኣኻው ኣብራሃምዲ፡ እን ኣማኒሬዲ ፡ ባሬኽስድኖጊን፡፡ 10 3፡10. እማ-ኻ ኮዶ ኣኻኽክ ኣክን እን ክታብ ፍትሕሩኽል ካታብሶ ህባክሲ ኒትክሲ እሲሮሉ ታቤጋኽ፡ እሽቴኽ ኣኽኒ፡ ያኽ ክቱም ግን እማ፡ እን ግብር ፍትሕኹድግን ያው ናውክ እሻኒ እቃይግን ናው ህንባናክ፡፡ 11 3፡11. እማ-ኻ እን ጫድቅ እምናትድ ዋንቴኽ ኣኾ ማንደርትሮጊን እማ፡ ፍሕድ ጃር ጋሼል ላኽ እካ ጫዴቃጌት እ ኣርእስታኽ ጊን፡፡ 12 3፡12. ፍትሕ እምናትልድ ኣኽላኒ፡ እማ-ኻ እን እሴኹሉ ሂዋትድ ማንዳርትሮሊጊን፡፡ 13 14 3፡13-14. ይን እን ታስፋ እምናቱኽሲ እምናትድ ካላብርኖሉ፡ እን ባርካት ኣብራሃሙኽር ዬሱስ ክርስቶስድ ቆምትድ ኣኽሮ ማታን፡ ካኒል ካርካርሳኽ እሽቴኽ ኣኽኒ፡ ካቴብሶ ህንባኽ እማ ፡ ክርስቶስ ይና ማታን እሻና ኣኹኽ፡ እን እሻና ፍትሕኹክልድ ጅቢኹና፡፡ 15 3፡15. ይሻንጌ፡ ኣዳምር ጋብሴና ጋባኹን እንኩኹን፡ እን ታባኽ ኪዳን ኣዳሙኽሲ ፋሕሳኹሉ ዋሪ ኮዳኹሉ እላኒ፡፡ 16 3፡16. እን ኣብራሃምዲ ኒፋዴንዲሲ ድውስቴ ሳዳ ኮዶ ላኽድ ይስታኹሴና፡ ኩፋዴንድ፡ ንኻ ክርስቶስጊን ግራ፡ ጌሪውድ ክም ይስቴት፡ እንታ ፌዳንድ፡ ያላኒ፡፡ 17 3፡17. እማ ሚስ ያኩን እኩኽን፡ እና ሳዳ ኒስ ግሚሽ እሲሮ ዮ፡ እን ሳልፍ ጃር ቴብዳኹሉ ኪዳን እና ኒዳንቢ ሳጃ ሊኽዲ ስኻሬንዲ ኣማሬድ እንታኽ ፍትሕ ፋሕሴላሉ፡፡ 18 3፡18. እን ሜራስ ፍትኽድ ኣካናዲ፡ እማ ጋድም ሳዴድ ኣኽጊ ሻኽጊን፡፡ ጃር ላኪን ኣብራሃምቲ ሳደድጊኒ ኒእዋኹሉ፡፡ 19 3፡19. እን ፍትሕ ደኣም ውሪኽ ጊን፡ ኒ ሓራም ሳቤትድ ኮስቱኽ፡ እን ሳዳ እውስታኽ ፈዳን እንትራሲክ፡ እን ናን ናቤካንታድ ማላኣክቲት ታሓጋግሱኽ፡፡ 20 3፡20. ናቤካዲ ኔባክዲ ላኽ ኣኽላኒ፡ ጃርኻ ላኽ ኒቱ ጊን፡፡ 21 3፡21. እማ እንፍትሕ ሳዳ ጃሩኹዲ ማ ቴጣረራኽ ኣኾ፡ ላላእ ኣኽላኒ፡፡ ህንባኽ እሲሮሉ ጌራሳኽ ፍትሕ እውስታኽ ኣከናዲ፡ እን ጭድቂ እምንድክ ፍትሕልድ ኣኽርድ፡፡ 22 3፡22. እን ሳዳ እን እምናውድ እምና ዬሱስ ክርስቶስ እውስትሮ ማታን፡ እንክቱብ ኒቲክሲ ሓራም ዓንቃይሊ ኣቤድኹሉ፡፡ 23 3፡23. እምኔት እንትግሪ፡ ይን እን እንትቶ ህንብራሪት ጫቤርኑንሲክ፡ ኣቤስትኖ ፍትሕ ዓንቃይሊ ታካውስኖ እርግንኹን፡፡ 24 3፡24. እማ-ኻ እምናድ ጫዴቅኖ ማታን፡ ክርስቶስትል ጌስኢሮና እን ፍሕ ይና ቃጽዓንታ ኣኹኽ፡፡ 25 3፡25. እምና እንተሳና፡ ጌዲም ቃጽዓኹድ ዓንቃይ ኣኽኒኒ፡፡ 26 3፡26-27. ክርስቶስድ ጠማቅስድናኽርክ ክርስቶስቲ ሴርድኑኹሉ እማ፡ እምናድት ዬሱስ ክርስቶስኹ ናውክ ጃር ቁር ጊን፡፡ 27 28 3፡28. ናውክ ክርስቶስ ዬሱስድ ላኽጊን እማ፡ ኒድ ኣይሁዳዊራ ዋይ ጽርኣዊራ ይስታኽ እላኒ፡ ኒድ ጋንጂና ዋሪ ሓይስ እላኒ፡ ኒደ ናሳኽ ዋሪ ኡሳሪ እላኒ፡፡ 29 3፡29. ክርስቶስሩ ኣኽድና ደንቢ፡ ጌዲም ፋደን ኣብራሃምዱጊን፡ እን ሳዴሳና ዋሬሳንቲጊን፡፡
1 2 4፡1-2. ኣና ያኩን እንኩኩን፡ ዋራሳኽ ኒሹግ ዋክትሊ ዋኑ፡ ኣዳራ ኒዊኩኽ ዋኑ፡ እን ኒኽር ሓሳባ ዋክት ኣኽራሲክ ኣዳምር ዓይብዲ ናቤያውዲ ጊራ፡ ኒዲ ጋንጂናዲ ናት ናቱ ኣኽኒኒ፡፡ 3 4፡3. ኒሳናኽር ይን ቆሊዕ ዋንትኑንሲክ፡ እን ምህሮ ቆልዕናቱኽ ዓላም ዓንቃይሊ ኣኽኖ፡ ጌንሺን ኣኽኖ እርግንኹን፡፡ 4 5 4፡4-5. ዋክት እንታክታኽ እንታሴናኻ፡ እን ፍሕ ዓንቃይሊ ህነባውሲ፡ ጅበ ፍድሮሎም ማታን፡ ይንር ሓቅ ኣኻርስኒኽ ኣርኖ ማታን፡ጃር እና ኣኺናትልድ ኣኻርሳኽሲ ፍትሕ ዓንቄይ ኣኻኽ ኒኽራስ እንሻቅኹ፡፡ 6 4፡6. ዕቁር ሳቤት ኣኽድናት፡ ጃር እና፡ ይኽር፡ እኽር፡ ዮኻ ሽናኽ ማንፋስ ኒኽሪኽሲ ይና ላቤኪል እንሻቁኹሉ፡፡ 7 4፡7. እማ ጋዲም ንዳንቢ ውላድግራ፡ ጋንጂና ኣኽላኒ፡፡ ውላድ ኣኽሬ ዳንቢኻ፡ ክርስቶስድ ላዋንታ ጃሩኽ ጊን፡፡ 8 4፡8. እማ እን ዋክት እንዲል ጃርሲ ኣርእግድኒሉ ዋንትዱኑ እንክድኑንሲክ፡ ጌንሺን እና ናቤህሪሲ ኣርዳት ኣኽጋውድ ኣኽድኑኽ፡፡ 9 4፡9. ናንደኣም፡ ጃርሲ ኣርእድኖ ዴንቢ፡ ኮዶኻ ኒኣርኦኩም ዴንቢ፡ ኣዋኽዲኔ እንባዳንዲ ሓግልዲ ምህሮ ቆልዒኽዲትል ሓዲስድ ዋንታርዳናኹን እንኩዱኑኹን፡ ሓዲስድ ማ ሳልፍልድ ሻኽድኖ ኒጋንሺን ኣኽትኖ ጃሬብድናኹን እንኩድኑኹን፡፡ 10 4፡10. ግርጋትር ኣርፍፍኽር ዋክታትር ኣሜታትር ታከውዳናኽ እንኩድኑኽ፡፡ 11 4፡11. እንታል ግምሽ ታዓባኽር ኣኽ ጊን፡ እንታ ሴባትድ ጉኡታኹን እንኩኹን፡፡ 12 4፡12. ይሻን እን ኣን እንታሳና ኣኻሳና፡ እንትንር ይሳና ኣኽኖ፡ ሺዋኩንኩም እንኩኹን፡፡ ላሪ እካ ጋፍዕድኒለ፡፡ 13 4፡13. እማ እን ጃባራ ዋክትሊ ኪልስን ስኺኽ ሳበትድ ዋንጌል ሳቤካትልኩም፡እርእድኑኽ፡፡ 14 4፡14. ማላኢኬት ጃሩኽሳና፡ ክርስቶስ ዬሱስርሳና ሃብዲነ ካላብርድኑኹለ ግራ፡ እን ይስኺል ፋታና ኣኩኩም እርጋኽ እካ ቃቤብድኒሉ፡ ፋንፋንትድኒሉኽ፡፡ 15 4፡15. ኣካኹም ኣኬን፡ እንታ ዕልልሲ ፍድኖኹር እውትንድለ፡ ዮማስካራኹልኩም እንኩኩን፡፡ እማ ኣዊል ህንባኩን እንታ ዓውቲትና፡፡ 16 4፡16. እማ ኻ እምንሲ ድዊናዲናኩማ ኣባይ ኣኽኑኩም፡፡ 17 4፡17. እማ ቃንእትኖሎም ማታን ይኖ ግራ፡ ጌባብድኖኩም ጀራባናክ ግራ፡ ትክያ ኮድናድ ኣኽላኒ ናው ቃናኣውልኩም፡፡ 18 4፡18. እንታዲ ዋኑእንጉንሲክ ካያ ኣኽጊ፡ ዲማ ትክያኽድ ቃንእና ትክያኽ ጊን፡፡ 19 4፡19. ይቁር፡ ክርስቶስ እንተል ሳኣልስራሲክ ሓዲስድ ጸዓራኹንንልኩም እንኩኹን፡፡ 20 4፡20. እነትድ እሳኽ ድዶሌ ህንባክ እማ፡ ናን እንታዲ ዋኒያ ይዳሃይሲኽር ቃዬሪያ እንካልዲድ፡፡ 21 4፡21. እንትን ፍትሕ ዓንቃይሊ ኣሕትኖ ጃሬብደናኽር፡ ፍትሕሲማ ዋስደኒሉ እንኩዲኒ፡ እንደ ድዋለ፡፡ 22 4፡22. ኣብራሃም ሌና ቅራቁር ክም ኣኻረት፡ እንላኻ እን ጋንጂናትል፡ እንላኻ እንሓይሲትል፡ ክቱብጊኒ፡፡ 23 4፡23. ኮዶኻ እን ጋንጂናሩኽ ስኻድ ኣኻርሱኽ፡ እን እካቅራትልድ ኣኻርሳኻ ሳዴድጊኒ ኒኣኻርሳኽ፡፡ 24 4፡24. ኒናዲ ታካኽ ጊን፡ እና ኣኺን ኔን ክዳኑጊን፡፡ እንላሪ ኪዳንኻ ዳብረ ሲና ትልድ ጋንጅናርድ ኣኻርደሪ፡ ንሪ ኣጋርግንሪ፡፡ 25 4፡25. ኣጋር ዳውላት ዓረብ ደብረ ሲና ግንሪ እማ፡ ንሪኻ እና ንኪ ንርቁርዲ ጋንጅናርድ ህንብራሪ ዮርሳሌምቲ ታካቲ፡፡ 26 4፡26. እና ኣውራሪ ዮርሳሌም ኻ እካቅራጊን፡ ንሪ ይና ጋና ግን፡፡ 27 4፡27. እንቲ ኣኻርግራኽር ኩሪርዲ፡ ፈርሒ፡ እን ግርዋ ህንባሪቁርልድ፡ እን ንርቱ ህንብራሪቁር ባጃኽኑኽ እማ፡ እንቲ እኻርናድ ታዓብግራኽር፡ እልልዪኽር ባሬጂኽር፡ ያኽ ክቱብጊን እማ፡ 28 4፡28. ይን ይሻን ኢሳቅርሰና ሲቁር ጊን፡፡ 29 4፡29. እማኻ እና እንሲንሳና እን ስኻድ እኻርሳኽ እን ማንፋስድ ኣኻርሳኽሲ ዳጌናኽሴና፡ ናንር ኒሳና ጊን፡፡ 30 4፡30. እን ክቱብኻ ውራ ያኹን፡ እን ጋንጂናኹራ እን እካቅራ ኣኻርዳኽዲ ዋራሳላኒ እማ፡ እን ጋንጂናት ንርኽራ ዳጌኒላ፡፡ 31 4፡31. እማ ጌዲም ይሻን፡ ይን እካቅራትልድ ኣኻርስናኽር ግራ፡ እን ጋንጂናቁር ኣኽኒኒክ፡፡
1 5፡1. ሓራ ኣኺኖ ማታን፡ ክርስቶስ ሓርኔት ፍድኹና፡፡ እማ ታባ፡ ሓዲስድኽር ዋኽዳምኹድ ቀራንስጋ፡፡ 2 5፡2. እናሓን ፡ ኣን ጳውሎስ፡ ሳማታርስዳኔን፡ ክርስቶስ ጌሌ እካ ጠቃማሌኩም ኒክ፡ ያኩንኩም እንኩኹ፡፡ 3 5፡3. እን ሳማታርሳኽ ኣዳማ ይስታኽስኽር፡ እን ህንባ ፍትሕሲ እሲሮሉ ተጋባኣትሉ፡ ዋንተሶ ማስካራኩን እንኩኹን፡፡ 4 5፡4. እንትን ፍትሕድ ጫደቅትኖ ጃሬብድናኽር፡ ክርስቶስትልድ ሺርድኑክ፡ ጌድልድ ላብድኑክ፡፡ 5 5፡5. ይናዲ ማንፋስድ እምናትልድ ጭድቁኽ ሳዴድ ጫቤርናኹ እንኩንኹን፡፡ 6 5፡6. ክርስቶስ ዬሱስድ፡ እን እንከሊሲ እስትረሪ እምና ግራ፡ ሳማታርስና ኣኺን ሴማታርስና ብና ኣኺን ጌለ ናፋዓት ሻኽላኒክ፡፡ 7 5፡7. ትክይድኖ ጋንዱኑ እርግድኑኽ፡፡ እምንሲ ታኣዛዝስግድኒን ውራ ጌባቦኩም፡፡ 8 5፡8. እና ሃላካስና ኒን እን ሽናኽልድኩም እንታላኒ፡፡ 9 9. ከለላ ዓቍ መኰቲው ኒትክ እን መኰተስ ብልኵደሰና፡ 10 10. ኣን ፡ ጌሌ ኣሪኽ ሓሰብግድኒኒ፡ እንታ ሳቤትድ ጃርሊ ዓይብ ዮህንባኩን፡፡እን ዕግር ግር ሳኹኩም-ኻ፡ ኣኻኹክ ኣኽኒ ፡ ኒፍርድሲ ምኹርዶግን፡፡ 11 5፡11. ይሻን ፡ ኣና ሳማታርስና ሳቤካኽር ኣኬን፡ ውራ ይኖ ዳጌናንኹለ፡ እማ ጌዲም ማስቃል ኮላፍዳኽ ማሊስቱኽ፡፡ 12 5፡12. ኣየ፡ እን ኣኮቤሳውኩም ያሬት ቃሬጭስድንድ፡፡ 13 5፡13. ይሻን፡ እንትን ሓርናት ማታን ሽንስትድናኽር ግን እማ፡ እኺር ኺርሲ እንካሊሲ ጌዝእሳ ግራ፡ እን እንታ ዋርዕስናስ ስኻድ ምስምሳ እሳጋሉ፡፡ 14 5፡14. እማ ኒውክ ፍትሕ፡ ኩጫራስ ኩሪሕሳና እስሮ እንካሊሉ፡ ይራሪ ላሪ ቆልድ ቴማማክ፡፡ 15 5፡15. እኺር ኺርኪርሲ ናካከትስዴናንር ቂስትትንድናንር፡ እንታሹር ሹር ዲግድኒኒ ጠንቃቅሳ፡፡ 16 5፡16. ኣን ፡ ማንፋስድ ዋታታራ እማ ምራድ ስኺክ ኬዳምድኒኒክ፡ ያኩንኩም እንኩኹን፡፡ 17 5፡17. ስኻ ማንፋስዲ ተጣሬርዶ ታምኔታኽ፡ ማንፋስኽር እን ስኻዲ ተጣሬራኽሲ ጊን ኒታምኔታኽ፡፡ እን ታምኔትዳናኽሲ እሲግድኒን ናኔን ተጣሬርቲ ጊናው፡፡ 18 5፡18. ማንፋስድ ማርሕስዴናን፡ ፍትሕ ዓንቃይሊ ኣኽድኒኒ፡፡ 19 5፡19. እን ስኺኽ ግብር ትብታኽ ኣኽላኒ፡ ኒኻ፡ ቃሓብና፡ ራኻስና፡ ግኒትና፡ 20 5፡20. ጣኦት ኣምላኽድና፡ ጥንቃልና፡ እንጣሪ፡ ዋኻ፡ ቃንኣት፡ ሓሩቃት፡ ፍታን(ጌብሪስና)፡ ሲድና፡ ዜራግና፡ 21 5፡21. ቅንኣት፡ ኩና፡ ሻካርና፡ ጎሊትና፡ ንስታኬው ኣሪውክርግን፡፡ እና ኔስ ታካው እሳውኻ ሕክም ጃሩኽሊ ክም ዋሬሳግናት፡ እን ሳልፍ ያኽሳናኩልኩም ናክር ያኩንኩም እንኩኹን፡፡ 22 5፡22. እን ፍሬ ማንፋሱኻ፡ እንካሊ፡ ፋርሓት፡ ኣሬክና፡ ዓቅል፡ ራሕማት፡ሳኻንትና፡ እምናት፡ ሃዳእ ይና፡ ኣቅትራለ ይና ጊን፡፡ 23 5፡23. እናኔስ ታካውሲ ተጣሬራኽ ሕክም እላኒ፡፡ 24 5፡24. እን ክርስቶስሩ ኣኼውክ ኻ ናስኻስ ኒቴምኔቲግ ኒእንኬሊዲክ ሴቃልኑኹሉ፡፡ 25 5፡25. ህይዋት ማንፋስድ ዋኔና፡ ማንፋስድ ዋንታቴርንን፡፡ 26 5፡26. ይናሹር ይናሹር ሓሬቅርናድቃንኣትድር፡ ሳቡር ጊሚሹኽ ጃሬባግኒን፡፡
1 6፡1. ይሻን፡ ላኣዳም ዓጌብድ ሻኽስ ቶሳና፡ እናኒስ ታካኽሲ እንትን ማንፋሳውያን፡ መንፋስ ህዱእድ እስዲኔ ቃንዕዳሉ፡፡ እንትኽር ኩሹሺ ፋተንስግሪን ጣንቃቅሲ፡፡ 2 6፡2-3. ላኽ ላኽ ኣኽጊ ጌሌ ኣኬት ታካንሉ፡ ኒፊኹሲ ምላክ እንኩኽ፡ እማ ጋዲም ምኽር እኺኺሩኽ ምኩር ምኽራ፡ኒሳናኽር ፍትሕ ክርስቶስሩኽ ታማምዳ፡፡ 3 4 5 6፡4-5. እማኻ ላኹክ ኒሹር ምኹር ምኽርዶ ግን እማ፡ ላኽክ ግብር ኒሺሩኽሲ ማርማርን፡ እንሲን ኣሪኹድ ኣኽጊ፡ ኒሹሩኽድ ዋርዲትሮግን፡፡ 6 6፡6. እን ቆልሲ ማሃርሳኽ እን ማሃርዳኽሲሉ ትክያኽድ ባኒንሉ፡፡ 7 6፡7. ኣዳም እን ኒፋዴውሲ እሺሪሮጊን እማ፡ ምልሳጋ፡ ጃር ምልሳላኒክ፡፡ 8 6፡8. እን ኒስኻድ ፌዴኽ ኒስኺል ድዳ እሽሪሮጊን፡ እን ኒማንፋስድ ዮ ፌዴኻ ዲማር ፋርሓት እሽሪሮጊን፡፡ 9 6፡9. እንጣርሳጋንና፡ ኒዋክትድ እሽሪኖጊን እማ፡ ኪዳ ጊብር እስኒልድ ሃኬይስግኒን፡፡ 10 6፡10. እማ ዋክት ዋኑና፡ ኒትክ ኣዳምሲ፡ ኮዶ ኻ እን ኣማንቲ ዕያልሲ ትክያኽ እስኒን፡፡ 11 6፡11. ኣዋያው ቤህሊን ፊዳላትድ ይናንድ ጻሓፋትኩም፡ ቃላ፡፡ 12 6፡12. እን ካውሲ ስኻድ ባህሲድኖ ጃሬባውክ ናውክ ማስቃል ክርስቶስሩኽድ ማታን ዳጌንሲግኒን ይኖ ካያ ጊን ሳማቴርስትኖ ቃስብ ናው ያናኹኩም፡፡ 13 6፡13. ናው እንታ ስኻድ ዋርዲድኖ ማታን፡ ሳማታርስትኖ ጃሬበናክኩም እንኩኑኽ ግራ፡ እን ሳማቴርሳው እካ ናላውድ ፍትሕ ታካዋኒኒ፡፡ 14 15 6፡14-15. ዬሱስ ክርስቶስድ እን ሓዲስ ፍጥራትጊራ፡ ሳማተርስና ኣኽን ሴማቴርስና ብና ላጋር ኣኽላኒክ እማ፡ እን ማስቃል ይና ዳራ ዬሱስ ክርስቶስሩኽ፡ ዓላም ኒድ ይድ ሳቃልስራት ኣንር ዓላምድ ሳቃልሳኽር ኣኬጋን፡ ዋርዲትና ይስታኽክር ይልድ ሺርኒ፡፡ 16 6፡16. እና ዳሪብ ኒድ ፋራውክ ጃር እስራኢልዱኽ ሳላምዲ ምሕራዲ ጌምኒ፡፡ 17 6፡17. ኣናዲ እሻራት ዬሱስሩኽ ይስኺል ምኽራኩን እማ፡ ላኽ እካ ላሕ ሴጊንሌ፡፡ 18 6፡18. ይሻንጌ፡ ጋድ ይና ኣዴሪኽ ዬሱስ ክርስቶስሩኽ እንተ ማንፋስዲ ኣኽኒ፡ ኣሜን፡፡
1 ጳውሎስ ጃር ፍቃድድ ሃዋርያ የሱስ ክርስቶስሩኹ፡ እን እፈሶንትል ህምበው ሻትካንድ ኽር፡ ክርስቶስ የሱስድ እምንሰውድኽር፡ 2 2. ይናኺር ጃርልድኽር ፡ ይና ኣደራ የሱስ ክርስቶስትልድኽር ገዲ ሰላዲ እንተዲ ኣኽኒ፡፡ 3 3. እን በረኻት መንፈሱኹድ እሰ፡ ክርስቶስድ እሰ ሰሚል ባረኻኹና ጃር፡ ይና ኣደራ የሱስ ክርስቶስር እኽር ፡ በኪት ኣኽኒ፡፡ 4 4. እን ኒእንከሊሲ ኒጃብሊ፡ ሻትካንኽር ሐኩር እንግግናኺር ኣኽኖር መታን እዲና መሃድስግሪል ጃብ፡ ኒድ ፍሪራኹና፡ 5 6 5-6. እን እንከልሳኹድ ኒድ ገዲሳኹና፡ ኒክብርድ ወደስኖ ፡ ኒጋድድ ኒእንከሊዲ ኒፊቃዲሲ እየሱስ ክርስቶስድ ኒሹቲ፡ ውላድ ኣኽኖሉ እማና የመማኹና፡፡ 8 7 7. ኒድ ኒብርድ ፡ ደኣና ማላት፡ እን ተጃርና ኒገዱኹድ ብሕልታ ሓራሙኹ፡ ሻኽንኹን፡፤ 8-10. እን ኒድ መደባኹሲና ፡ ኒስምራት እን ምስጢር ኒፍቃዱኽሲ ኣርእሲሱና፡ እን መልእና ወክቱኹሲ ፡ ኒሉክሰና ሰሚል ህምባኹዲ ብሪል ህምባኹዲ ክርስቶስትል ጠቅለልስሮል መታንታ፡ ኒድክድ ጥበብዲ ኒድክ ኣምርዲት እና ኒገድሲ ይናል ኩሪስኹሉ፡፡ 11 12 11-12. ይንጝ እማና ክርስቶስድ ፡ ሳዳ እስነኽር ኒክብርድ ወዳሰው ኣኽኖር መታን ይንን ኒድክድ፡ እን ኒኮድጛ ኒምራዱኹድ ፡ ኒሓሳብድ እሰኹ እማና መዳብስናኽር፡ እን በኽት ርስቲሩኹሲ፡ ኒድ ኣርእንኹኑ፡፡ 13 13. እንትኽር ኒድ ቆል እምኑኹ፡ እንተደኣኒኹ ዋንጌል፡ ዋስድነሰና ኒድ ኒድኽር እምንድነሳና፡ ሳዳ መንፋስ ሻትኩኹድ፡ ሓተምስድኑኹ፡፡ 14 14. ኒድኣና ተባብ ኒክብርድ፡ ወደስናኽር ዕርቡን ይናበኒኹ ግን፡፡ 15 15. እማኻ እን ይናኣደራ የሱስ ክርስቶስድ ፡ እንተል ህንብረሪ እምነዲ ፡ ናውክ ሻትካንሲ ህምባኩሎም፡ ሻምኽር ዋስነሰና፡ 16 16. ይጠሎትድ እልብዱኩም ፡ ቦኾርድጊ እንተሳበትድ ሓመደኩን እንኩኹን፡፡ 17 17. ጃር ይናኣደራ የሱስ ክርስቶስሩኹ፡ እኽር ክብሩኽ ኒኣምርዲ፡ መንፋስ ጥበብዲ፡ መንፋስ ወድሕስናዲ ፡ ኡሮኩም መታን፣ 18 18. እማ እንታ ዕልል ለባኪው፡ በርህሮ ሳዳ እንታስ ሽጚስኒኹ፡ ውራኒ ኣኸት ኣርእትኖ ጠላየኩን እንኩኹን፡፡ 19 20 21 19-21. ጃር ክርስቶስቲ ክሪልድ ጉዶ፡ ኒላውል ሰሚል ገምደሳናሉ፡ እን እንተርደሪትልኽር ግራ እና እዲና ንሂትል ካያ ኣኽጋኹ፡ ናድካ ሰየምዲ ስልጣን ፡ ሒልዲ ኣደራዲ ሽጝስታኹክ ስጙጙዲር ኣኻሊ ክብሰሳናሉ ፡ እን ዝያዳ ሻኹ በሀር ሒልሲ ፡ ይናል እን እምናኽርሊ ፡ ኒሒል ስልጣንሰና ክርስቶስትል እሰኹሉ ክብር ፡ እንትን ውራኒ ኣኸት ኣርእትኖሉ ጠለያኩንኩም እንኩኹን፡፡ 22 22.ህምባኹሲክ ፡ ኒሉኩክ ዓንቀይሊ መለኪሳኹሉ ናድካ ኣኾርሊ ፡ ርኢስ ኣኽሮል መታንኻ ፡ እን ማሕበርሊ ከሻርዳኹሉ፡፡ 23 23. ንርኻ ፡ ኒስኻ እን ኒውክ ናድከል እንታኻኹ ኒእታኽኒኹ ግን፡፡
1 2 1-2.እንትን እማና ፡ እና እድና ንሂር ሰንዓት ሰና፡ እን ኒመንፋስ ናን እን ኣዘዝሰጋውድ ቁርሊ፡ እሳኹሉ ህምባኹ፡ ሓለቃ ስልጣን ኣየሩኹድ ፡ ወንተተርደናኽር ፡ እንታዓገብድኽር ፡ እንተ ሓራምድኽር ክሪው እርግደናኽር እንተድ ዲማ ዋንትድናኽር እሲኹኩም፡፡ 3 3.ይንን ናውክኻ እንስኺኹዲ ፡ ፈከርኒኹዲር ምራድሲ እስኑ እንጉሲ፡ እማና ይስኻ ምራድድ፡ ናዲ መንደርትኑ እርግኑኹኹ፡፡ እን ኣሪውሰናኽር ይናኣደብድ ሓረቂሳኹድ ቁር እርግኑኹን፡፡ 4 4. ላኪን እን ምሕረትድ ታጂር ኣኻኹ ጃር፡ እን ንርድ እሰ እንከላኹ፡ ባህሪ ኒእንከሊኹ መታን፡፡ 5 5. ይነት ይና ሓራምድ ፡ ክሪው ዋንትኑታ ክርስቶስዲ ዋነው እሲኹና፡፡ ገድድ ግን ደኣናኹ፡፡ 6 7 6-7. ኒድኽር ጉድኹና፡ እን እተራኹ ወክትሊ፡ ኒህያውነትድ እን ትክያኹ ተጀርና ኒገዱኹሲ ክርስቶስ የሱስድ ይናል ቃሊስሮል መታን፡ ስሚልድ ክርስቶስ የሱስድ ኒዲ ገምድኹና፡፡ 8 9 8-9. ላኽ ድካ ዋርዲትጊን ፡ ግብርልድ ኣኽላኒ እማ ፡ እምነትድ ገድድ ግን ደኣናኹ፡፡ ኒንኻ እውን ጃሩኹ ግን ግራ ፡ እንተልድ ኣኽላኒ፡፡ 10 10. ኒሙሁዳን ግን እማ፡ እን ጃር ወንተተርኖሉ ዮ ፡ እማና ደለምዳኹ ትክያኹ ክብር ክርስቶስ የሱስድ መሀድስናኽር ግን፡፡ 11 11. እማ እንትን ቆምያት፡ ስኻድ እና ናኒ ስኺል እስረሪላ ፡ ሰመተርስና ይስትረሪ እማና ሰመተርስገው ክም ይስትድናት እልብዳ፡፡ 12 12. እን ዋክድ እንድድ ፡ ክርስቶስ እንገት ክም እርግድነት እስራኤልዱ ዕግሎትልድ ፡ ፈለይስድናኽር እን ማእኮት ሳዲኹልድኽር ፡ ኣጋይሽዲ ሳዳ እንገው እና እዲና ንሂትል፡ ጃር እንገት ክም እርግድነት እልብዳ፡፡ 13 13. ናን ላኪን ፡ እንትን እማና ሺርድኖ እርግደናኽር እንትን ክርስቶስ የሱስድ ፡ ብር ክርስቶስሩኹድ ስኩርድኑኹ፡፡ 14 14. ኒ እን ለጛት ላኹ እሰኹ፡ እን ነበክል እርጋኹ ገባኹ ኬለብሲ፡ ፋሕሰኹ ይና ሰላም ግን እማ፡፡ 15 15. ኒኣኾረድ ኣረኪሰና እሱ፡ እና ለጛትልድ ላኹ ሓዲስ ኣዳም መሄድሮል መታን፡ እን እንጠሪት ንኻ ፍቲሕ ትእዛዙኹ ስርዐትድ ኒስኻድ ቂልሲሶ፡፡ 16 16. ኒመስቀልድኽር እን እንጠሪት፡ ኒድ ኩዎ ለጛርትክድ ላስኻድ ጃርዲ ኣረኪኹሎም፡፡ 17 18 17-18. ለጛርትክሲ ኒድ ላመንፋስድ፡ ኣኽርሊ ቱሲሰና ፡ ዋኒነዲናኻ እንተት ሺራኹ እርግደናኽርሲ እንቶ ሰላማ አነሰርድኹኩም፡ እንተኻትሊ እርገውሲኽር ሰላም ኣበሻርድኹሎም፡፡ 19 20 19-20. እመ ገድም እንትጝ ፡ እን የሱስ ክርስቶስ ኒላውድ፡ ክርጛ መኣዝኑኹ ኣኻኹል መሰረት ነብያዲ ሃዋርያዲትል ፡ ነዳቅስድናኽር ገድም ሻትካንድ ንድ ኒቁርዲ ጃርሲ ኒዕያል ግን ግራ፡ ገሺዲ ስደተኛዲ ኣኽድኒ፡፡ 21 21.ኒል ኒውክ እን ህንጻ ፡ ኣደራድ ሻትክ ልጝን መቅደሱኹ ኣኽሮር መታን፡ እንሸሻውሱ ለገዳኹ ግን፡፡ 22 22. እንትጝኽር ኒል፡ እንድባ ጃሩኹ መንፈስድ ኣኽትኖ፡ ሕበርሲዲነ ከደምስደናኹ እንኩድኑኹ፡፡
1 1.እማ እን ጳውሎስ እንቆምያት ኣኽድናኽርክድ፡ መታን እየሱስ ክርስቶስሩኹ እንሸውሳኹ፡፡ 2 2-3. እማና ድርጝሰ ፡ ከተብስና እን ምስጢር ፡ ኣዋህበ ራኢሲ ፡ ከም ኣርእሲሰትለ ኣን እን ሰበትድ እውስታኹለ መገብና፡ ገድ ጃሩኹድ ዋስድናኹሉ ኣክደናንታ፡፡ 3 4 4.ኣንበብድናሰናኩሉ፡ እንማሕበር ክርስቶስሩኹሊ ህምባኹለ ኣምርሲ ፈሃምትኖሉ ኣኽሮልኩም ግን፡፡ 5 5. እን ናን እን ሻትካን ሃዋርያዲ ናብያዲት ፡ መንፈስድ ወድሕድሳኹሎም ሰና ኣኾ ፡ እን ኣሪው ምራድሊ ፡ ኣዳሚን ድቁርሲ ኣርእስላኒ፡፡ 6 6. ማላት ቆምያትታ ፡ ልወረንት ስኸድ ወንጌልድኽር ፡ እየሱስ ክርሰቶስድ በንስጝው ሳዲው ክም ኣኽናት፡ 7 7. እን ኒግብርሊ ሒልድ፡ እን እውስታኹሉ እውን ገድ ጃሩኹ ኣገልጋሊራ ወንጌሉኹ ኣኽኹን፡፡ 8 8. ይድ ናድካ ሻትካንልድ፡ ለተቅ ያኽር እንመርመርስጋኹ፡ ተጀርና ክርስቶስሩኹሲ ቆምያትድ ሰበኺያ፡ እና ገድ ኒን እዉስቱኹለ፡፡ 9 9. እን ተጀርና ኒትክ መሃዳኹ ጃር፡ እማነትልድ ሰወርሶ እርጋኹ ምስጢር መጋብናቱኹ ኽር፡ ኣውሰና ኣኸት ናትክሲ ፡ ወድሕድየሎም እዉስትኹለ፡፡ 10 10. ጃር እን ገሪው ጅንስሪ ኒጥበብሲ፡ ናን እን ማሕበርድ እሰ፡ ሰሚል ህምበው ሺመታትዲ ፡ ስልጣናዲ ኣርእስሲስሮሎም መታን፣ 11 11. እን ክረስቶስ የሱስ ይናኣደራ እሰኹ እማና ኒኮድጛሰና፡፡ 12 12. ክርስቶስድ እምናኽር ኣኽነዲን፡ ይንን ሓጠርዲ ፈራሰትት ቱና ኒድ ህምባኹና፡፡ 13 13. እማ ፡ እንታ ክብር ግን እማ ፡ እን እንታ ሰባትድ እንታኹለ ጅርበትክ ፡ መሸግግድግኒን ሺወኩንኩም እንኩኹ፡፡ 14 15 14-15. ንድ መታንኽር ፡ እን ሰመዲ ብረዲትል ህምባኩ ኒውክ ጅንስኽ ኒልድ ሽጝስተው፡ እኽር ይጉርብድ እብርክ ያኩን እንኩኹን፡፡ 16 16. ኒመንፋስድ እን ኣዳምር ጅዊል ፡ ሒልድ ክኺንትትኖ እን ኒክብር ተጀርኒኹ ኡሮኩም ጠለያኩን እንኩኹን፡፡ 17 17. ክርሰቶስ እንታ ለበኪል እምነትድ፡ ክሮር መታን ፡ እንከሊትል ስር ፈስትኖኽር ሰረትስትኖኽር፣ 18 18. ናውክ ሻትካንዲ ፡ ኒእዳንትነዲ ኒሺርጝዲ፡ ኒቆርትናዲ ኒጥበብዲ፡ ውረኒ ኣኸት ፈሃምና ገረስትኖ፣ 19 19. እማ እን እምርድ ዶክ ይረሪላ ፡ እንከሊ ክርስቶስሩኹ ኣርእትኖላ ኒውክ እንታኽና ጃሩኹ ፡ ኣኽራሲክ እንታኽትትኖ፡ ጠለያኩን እንክኹን፡፡ 20 20. እመኻ እን ይነል እሰኹ ሒልሰና፡ እን ይን ሺውናኹዲ ፡ ፈከርናኹዲትልድ ገሪ ትክሰ እሲሮ ገረስታኹሉ፣ 21 21. ዲመትልድ ዲመሲ ኒውክ ጅንስትል ጅንስትል ኣኽታሲክ፣ እን ማሕበርሊ ክርስቶስ የሱስድ ኒድ ክብር ኣኺኒት፡፡ ኣሜን፡፡
1 1.ገድም ኣን ኣደራድ፡ እንሸውሳኺር እን ሽጝስትናኹሉ ሽጛንሲ ወጀብደናኺር ኣኽድ፡ ወንተተርትኖ ወኾኾኩንኩም እንኩኹን፡፡ 2 2. ሃና ይናዲ ላውሃትዲ፡ ሰብርዲሲ እንተሸር እንተሹትል እንከሊሲ መኹርሱዱኑ፡ 3 3. እን ሕበርስና መንፋስድ፡ ንሽዋ ሰላምኹድ እስዲነ ተከውትኖሉ ለመለምያ፡፡ 4 4. እን ላሳዳ ሽጝነድ፡ ሽጝስትድናኽር-ኻ ፡ ላስኻዲ ላመንፋስዲ ግን፡ 5 5. ላኣደራ ላእምነት፡ ላጥምቃት፣ 6 6. እን ናድካ ኣወይስኽር ፡ ኒድክድ ኽር፡ ኒድክል ኽር ህምባኹ ላኹ ጃርኽር ናድካ እኽር ኽር ንግን፡፡ 7 7. እማኻ እውን ክርስቶስሩኹሲ መከሪሰናድ፡ ይና ላኹ ላኹድ ገድ እዊሳኹና ግን፡ 8 8. እማኻ ኣወት ዓረገሰና ኣስቶ እርጋኹሲ ፡ ማረኹኽ፡፡ኣዳሚንዱኹራስኽር እውን እዉኹ ያኽ፡፡ 9 9. እና ዓረጉኹ ያኻ፡ እን ቆር ኣካን ብሪኹል ክም ገመት ኣከጋንታ ውራኒ ማለት ግን፡፡ 10 10. እን ገማኹ ኒድትሲ ፡ እንታኽሮር መታን ናድካ ሰማ ኣወይሲ ዓረጋኹር ንግን፡፡ 11 12 13 11-13. ናውክ ማህበር እምናትኹሊ፡ ኣርእና ጃርኹሪኹዲ ታምም ግርዋዲ ኣቅታኹ በጥሕ ክርስቶስትል፡ ገይእናሲክ እን ሻትካን እን ግብር ኣገልግሎቱኹሲ፡ ስኻ ክርስቶስሩኹ ሃነጽኒል ታምማን ኣኽድኖር መታን ዮ፣ ኒ ናበልን ሃዋርያ ናበልን ናብያት፡ ናበልን ወንጌላውያን፣ ናበልንኻ ኣረስዲ ኩንሱዲ ኣኽድኖ እዉኹ፡፡ 14 14. ንደንቢ ይን እን ካውሲ ምልናዲ ከቲስናዲ እሳኹ ተንኮል፡ መሃድናድ እንተራኹ ምህሮ ኒውክ ውልዋል ናራ እንደራ ደረክስናኽር ኽር ደሃይስናኽርኽራ ጅርምቢ እኽግኒንታ፣ 15 15. ሻንድ እምንሲ ተላይኑ፡ እን ኣኾር ኣኻኹ ክርስቶስትል ለገድንን፡፡ 16 16. እን ህምባኩ ስኻክ፡ ካበና እን ኒተከኒሰናድ፡ ሻኻኽስቱኽር እንሻሻውሱኽር፡ እን ላኽሲክ እውስታኹሉ መከሪሰናድ እንከሊሲ ከዳምስሮል መታን፡ ክርስቶስትልድ ግን ልግድ ኣረርሳኹኹ፡፡ 17 17.እማ ገድም እን ቆምያት እን ብላሽ ናሙኹድ፡ ወንተተራናኹድሰና ወንተተርግድኒን፡ ኒስ ያኩን ፡ ኣደረድኽር መስከራኹን እንኩኹን፡፡ 18 18. ናው ተባ ለበኪኹ ሰባትዲ፡ እን ናል ህምባኹ ዓዋድናርዲ ናሙኹ ጨልመቱኹ፡፡ ርሕ ጃርኹልድ ሺርኑኹ፡፡ 19 19. ድንደዳን ኣኽኖኽር፡ ጌሃፍስናድ ሙቅላ እስናድ ፡ ፋይትኒል ፈርኑኹ፡፡ 20 20. እንጝ ላኪን ፡ ክርስቶስቲ ንሰና እስዲነ መሃርስድኒሉ፣ 21 21. እን እምን የሱስትል ክም ዋንትረት፡ ዋስድኖላኽር ኒልድ መሃርስደናኹላ ኣክደነንታ፣ 22 22. እን እማና ወንተተርድናኹሉ ፡ ምራድ ስሕተቱኹድ ድዳኹ ድኽና ኣዳምቲ፡ ህይድኖ፣ 23 23. እን እንታ ሙኹ መንፋስድ፡ ሓደስትድኖ እማ፣ 24 24. እን እምንዱኹ ጭድቅዲ ቅድስናዲ ፡ ዋጅህ ጃሩኹድ መሄድሳኹ፡ ሓዲስ ኣዳም ሰራ፡፡ 25 25. እማ ብጚትናስ እንደራ የሉ፡ ላኣካል ግን እማ ፡ ላኹክ ኒጨራ እምን ጋቢን፡፡ 26 26. ሰቅደምስጋ ሓራምኻ እሰጋ፡ እንተሰቅደምስጚል ካራ ለብጊንኩም፡፡ 27 27. ድያብሎስቲ ኣካን እገሉ፡፡ 28 28. እን ስወኹ፡ እን በኹሲ በነ እዋኹሉ ክሚሮታ ትክያኹ እሱ ደኣም ትክሰ ፡ ኒናንድ ከደምን ግን ግራ ወንተሮ ስወጊን፡፡ 29 29. እን ኒድ ዋሰውክ በረኸትድ ኣከው፡ ሃናጽናድኽር ጀረብዳኹ ትክታኹ ኣኻኽ ጋብ ደኣም ጋባ ግራ ፡ ናፍዓጋኹ ጋብታ እንተ ኣብሊድ ፍጊኒ፡፡ 30 30. እን እና ግርጊኹል ፡ ሓተምስድናኹሉ መንፈስ ሻትክ ጃሩኽሲ ጎሃይድጋሉ፡፡ 31 31. ህምባኩ ምረዲ ፡ ናደርናዲ ሰቅደምስነዲ ፡ ታዕታዕ ይነዲ ፡ ጀኻንዲ ኒውክ ጂበዲ ፣ ይስታኹክ እንተልድ ሺሪኒ ፡ 32 32.. እማ-ኻ እን ጃር ክርስቶስድ ፡ ብሕል ያኹድሰናኩም እንተሸር እንተሸትል ፣ ለወሃንዲ ሰኸንተውዲ ኣኽድኖ ብሕል ይስትጛ፡፡
1 1.ገድም እንከልሰው ቁርሰና፡ ጃርሲ ተለያው ኣኻ ፡፡ 2 2. እን ክረስቶስ እንከላሰነኩም ፡ ኒርሕስኽር ሞባእዲ ፍደዲ እሰ፡ ጃርሲ ትክያኹ ቂራ እስና እሰ፡ ይነማታን ደክሳኹ ኒሰና እንከሊሲ ወንተተራ፡፡ 3 3. እን ሻካንሲ ወጀባኹሰነሎም ፡ ሓምደ ግን ግራ ፋይትናዲ ኒውክ ጂበዲ ፡ ወሪ ሃርገፍ ገፍ ስነዲ፡ ኒኾርሲክ ዋስስትጊንኩም፡፡ 4 4. ስማሳኹ ወሪ ጋብ ዓወድናሩኹ ፡ ወሪ ኣከጋኁ ሃርከክና፡ ዋስስትጊንኩም፡፡ 5 5. ፋተው ኣኽን ፡ ወሪ ፍንፉን ፡ ወሪ ሃርጋፍ ንኻ ጣኦት ኣምላኽዳኹ ፡ መሪ ክርስቶስሩኹዲ ጃሩኹዲትል ፡ በና ክም እንግጋት፡ ኣርእደናክ እንኩድኑኹ፡፡ 6 6. እና ሰበብ ንድ ፡ እን ኣዘዝሰገውድ ቁርሊ ፡ ኣምር ጃሩኹ ገሙኹ እማ፡ ላኹ ድካ ኣከጋኹ ጋብድ ፡ ከቲስጊንኩም፡፡ 7 7. እማ ገድም ፡ ናዲ ሕበርስና ዋንተጊንኩም ፡፡ 8 9 10 8-10. ፍርር በሩሁ ትክያኹዲሲ ፡ ጭድቅዲ እምንዲሲ ግና፡፡ እማና ጭልም ግን እርግደናኹ ፡ እማ ኣደረድ ናን ላኪን በረህ ግን ፡ ኣደረድ ፈርሕዳኹ ፡ መሀርድዱኑ በርህድ ቁርሰና ኣኽድኖ ወንተተራ፡፡ 11 11. ዋኺተሎም ግን ግራ ፡ እን ፍርር እንጋኹ ክድምት ጭልሙኹሲ ፡ ሕበርሰጋሉ ፡፡ 12 12. እን ትብትናድ ናድ እስታኹ ፡ ጋቢቶሉ ድካ ስርዕ ግን ፡፡ 13 13. ላኪን እን ወድሕስታኹክ ኒበርህ ግን እማ ፡ኒውክ ገንሕስታኹክ እንበርህድ ወድሕስታኹ፡፡ 14 14. እማ -ኻ እንፋ ገንጅሮ ህምብራኽር ጊ እማ ክሪልድ ጊ፡ ክርስቶስኻ በርህድሮልካ ግን፡ የክ፡፡ 15 16 15-16. እማ ገድም ኒወክት በዳን ግን እማ ፡ ወክት ጅብዲነ ለበኪውሰና ግን ግራ ፡ ዓወዲትሰና ኣኽግድኒ ፈጠንድኖ ክም ወንተተርደና ፡ ምርኪሳ፡፡ 17 17. ምድኻ እንፍቃድ ኣደሪኹ ውራኒ ኣኸት ፈጠና ግራ፡ ዓወዲት ኣኽጋ፡፡ 18 19 18-19. ሙቅላ ሻክ እማ ወይኒሲ ሸከርጋ ፡ ላኪን መዝሙርዲ ሓመደዲ ፡ ቅኒት መንፈሱኹዲ እንተለባከድ አደረድ ቃነይዱኑሉኽር ፡ ሓለይዱኑሉኽር እንተሸር እንተሹትል ጋብስትጝዱኑ ፡ መንፈስ እንተኽንተት፡፡ 20 20. ጃርዲ እኽርዲት ኒድክ ሰባትድ ፡ ስኝ ይናኣደራ የሱስ ክርስቶስድ ዲማ ሓመድዱኑ ፣ 21 21. እንተሹር እንተሹትል ፡ ክርስቶስር ጉኢሲ ኣዘስደናኽር ኣኻ፡፡ 22 23 22-23. እን ክርስቶስ ኒመሓበሩኽ ኣኻር ኣኻሰና ፡ ኒደኣና ኒስኺኹር ግን ፡ግርዋኻ ኒኡኺነር ኣኻር ግን፡ እማ እንትን እኪን ኣደሪሰና እስዲነ እንታ ግርውሲ ኣዘስተሎም፡፡ 24 24. እን ማሕበር ክርስቶስቲ ኣዘዝስረሰና ኒሰናኻ ፡ እኪን ናግርውሲ ኒድክድ ኣዘዝስቲኒሎም ፡፡ 25 26 27 25-27. እን ክርስቶስ ኒማሕበርሲ ፡ እንከለሰነላ እንትጝ ግርው እንታ እኪንሲ እንከላ፡ ክርስቶስ ኒቆልድ እሰ ዓቁድ እንቃሶ ጨረይደሰናላ ቀደስሮላ መታን ዓመቅ ዋሪ ገለ ኒስ ተካኹ እንግግረሪ ሓኩር እንገት ሻትኪዲ ክብ ይረሪዲ ፡ ማሕበር እሰ ኒድ ደውሲሮላ መታን ኒኣኾር በዳ እሰ እዉኹ፡፡ 28 28. ግርውኽር ኒሰና ፡ ናእኪንሲ ናስኻሰና ሃቢነ እንከልድኖሎም ወጀባኹሎም ግን፡፡ 29 30 29-30. ኣዳም ኒስኻስ ቂሳኹሉኽር ትክሳኹሉኽር ግራ ፡ ላኹ ድካ እንጠራኹሉ እላኒ ፡፡ ኒስምጥ ስኺኹ ኣኽንነዲን ክርስቶስ ኒሰና ኒማሕበርሲ ተክሳኹላ እንኩኹ፡፡ 31 31. እማ ግርዋ ኒኺርዲ ኒገነዲት ባሮ ፡ ኒኡኺነዲ ተከናኹ፡ ለጛርክ-ኻ ላስኻ ግን ናው ኣካናኹ፡፡ 32 32. እና ምስጢር ኒን በሄር ግን፡ ኣንኻ ክርስቶስሩኹድ ኽር ኒማሕበሩኹድኽር ያኩን እንኩኹን፡፡ 33 33. እንትንርኽር ኒሰና ላኹክ ኒኢኹናት ኒፊኹድ ሰና ሃበ ፡ እንከሊንላ፣ እን ኡኺናኽር ንርግርዋስ ጉኢትርን፡፡
1 1.እንትን ኣኻርስደናኽር ፡ ኒን ትክያኹ ግን እማ ፡ እንዋልደንሲ ኣደረድ ኣዘዝሰተሎም ፡፡ 2 2. ኩኹርዲ ኩገነዲት ከበርዲ፡፡፤ 3 3. ትክያኹ ኣኽሮልካ ፡ ብሪልኽር ኩዑምር ሺርዶርልካ ኒን ሳዳ ሻኽ ሰልፋ ትእዛዝ ግን፡፡ 4 4. እንኝ እክልኽር እንታቁርሲ ኣደሩኹ መኾኹድነድ ፡ ኮድኒስናዲሰሲ ደኣም ለገድደሎም ግን ግራ ፡ ሰቅደሚስጋሎም፡ 5 5. እንትኝ ሻቃሎ እን ስኻድ ከደሚሰውሲኩም ታ ፡ ጉኢዲ ፈጥፋጥነዲ እንታለበካ ገርህድ ፡ ክርስቶስር ሰና እስዲነ ፡ ኣዘስተሎም ፡፡ 6 6. ክርስቶስር ሻቃሎርሰና ኣኽድ እንፍቃድ ጃሩኹሲ ለቤኪልድ እሳ ግን ግራ ፡ 7 7. ከውሲ ኣኽጋኹ ኣደራድ እስደናኽርሰና ኣኽድኖ፡ እንከሊሲ ከደማ፡፡ 8 8. ገንሺን ኣኽን ሓዪስኣኽን ፡ ትክያኹ እሰኹ ላኹክ ጃርልድ ክም ከለብረት ኣርኣ፡፡ 9 9. እንትኝ ኣስያም ፡ ኒሰና እሰሎም ፡ እንናኣደራዲ እንታ ኣደራዲ ሰሚል ክም ዋነት እማ ኒል ገሺ ቃሎ ቃየርና ከም ዋኒገት ኣርእድኖ ፡ ጋቂስነስ ባራ፡፡ 10 10. እማ ገድም ይሻን ኣደራዲ ኒተቢ ሒልዲሲ ፡ ሒሊታ፡፡ 11 11-12. እን የና ለመላም ኣሕሉቅዲ ፡ ኣስያምዲ ጭልሙ ሓከመው እዲንዪውዲ ፡ ኣማራን እካዩዲ ሰሚል ግን ግራ ፡ ስኻዲ ብርዲዲ ኣኽላኒ እማ ፡ ምሕካ ሰይጣኑኹሲ ወንተስና ገርስኖር መታን ፡ ኒውክ ሙኹር ጃሩኹሲ ሙኽራ፡፡ 12 13 13. እማ ሙቁላ ግርጋድ ወንተሳና ገረስትኖር መታን ፡ ኒትክ እስዲነሰናኻ ደውይና ገርስትኖር መታን ህምበውክ ምኹር ጃሩኹሲ ሰራ፡፡ 14 14. ገድም እንታ የውሲ ፡ እምንድ ደበልትድኖ ድርዕ ጭድቁኹ ሰርድኖ ደውያ፡፡ 15 15. እን ወንገል ሰላሙኹሲ ፡ ደለምኒል እንታ ልኩክሊ ሻምፍፍሰና ቱስድኖ ደው ያ፡፡ 16 16. እና ንዲ ኒውክ ፡ እን በዳናኹ ረሰናኹ ሸኻስ ዲሂስትኖሉ ገረስደናኹ ዋልታ እምናቱኹ ፣ ጉዳ፡፡ 17 17. ደኣኒኹ መንቃ ኣኾሩኹ ቱሳ ፡ ሰፍ መንፋሱኹ ማለት ቆል ጃሩኹ ሻኻ ፡፡ 18 18. ኒድክ ጠሎዲ ፣ ሺዋንዲሲ ዲማ መንፋስድ ጠለይዱኑ እና ንድኽር፣ ዲማ ዓቅል እስዱኑ ናትክ ሻትካን ሰባትድ ፡ ጠሎትድ ተግሃ፡፡ 19 19. ይመታንኽር ፡ ይኣብሲ ብደሰና እን ምስጢር ወንገሉኹ ሓጠረድ ድውያ ፣ ቆል እዉስትሮለ ፣ 20 20. ኒሰባትድ ሻኸድ እንሻውሳኽር ፡ እንሻቅሳኽር ግን እማ፣ ይድ ወጃበኹድሰነለ ኣኾ ኒድ ጋብነስ ሓጠሪያ መታን ጠለያለ፡፡ 21 21. ላኪን እንትኝ ይኣዋዪን ኣውድሰና ክም ዋነት ኣርእትኖር መታን ፡ ትኪቆስ እን እንከልሳኹ ይዳን ፣ ኣደረድኽር እምንሳኹ ኣጋልጋሊራ ኒትክ ድዊሮኩም ግን፡፡ 22 22. ይና ከባር ኣርእትኖ ፣ እንታ ለበካ ኽር ደፍእሮ ግን እንተል ፈሳኹሉ፡፡ 23 23. ሳላምዲ እንከሊዲ እምንዲ ፡ ይናኽር ጃርሊድኽር ይና ኣደራ የሱስ ክርስቶትልድ ሻንሲ ኣኽኒ፡፡ 24 24. እን ይና ኣደራ የሱስ ክርስቶስቲ ፣ ደኮጋኹድ እንከላዉሉ ናውክዲ ገድ ኣኽኒ፡፡
1 1.ጳውሎስዲ ጢመትዎስትዲ ገንሺን የሱስ ኽርስቶስሩ እን ፍሊሊጲሩ የሱስ ክርስቶሲ ህምበው ናዉክ ሻትካን፡እን አጲስቆጶሳዲ ድያቆናትዲ፡ 2 2.ጃርልድር ይና ኣደራ የሱስ ክርስቶሲ ሰላምዲ ገዲ እንተዲ ኣኽኒ። 3 4 3-4.እልብደኩኩ ሺባ ወክትሊ ይጸሎትሊ ናድካ መታን ፈረሓትድ ዲማ ጃርሲ ሓመደኹን እንኩኹን ። 5 5.እን መቅሪሕ እንታኹ ውንጌልድ እዳንድና እን ጃበሪልድ ዮ ናን ኣኽታሲ፡ 6 6.እን እንተል ተርያኹ ኪዳ ግብርኻ፡እን ግርጋ የሱስ ክርስቶስር ከም ተመምደቱሉ፡ኒስ ኣርኦ ህምበኩን። 7 7.ይንሽወድ ኣኽን ወንጌል መታን ይኣመጫረይድነዲ ይተብነዲ ኒዀርክ ገድ ይዲ በንስድነኽር ኣኽድንነዲ፡ይለበኪል ሰበት ዋንትዲነት፡ናድካ መታን ነወያኹ ሓሰብያ ትክያኹ ግን። 8 8.ራሕመት እየሱስ ክርስቶስርኹድ ኣዋህቤ ሰፍለልተትኩም ጃር ይምስክር ግን። 9 10 11 9-11.ክብሪ ጃሩኹዲ ሓምደዲ የሱስ ክርስቶስድ ኣረርሳኹ ፈደና ጨደቕኒኹ እታኽትኖ፡እን ጊርጋ እየሱስ ክርስቶስ ዕንቅፋት እንግገው ጫርያን ኣኽትኖ መታ ፡እንኪዳኹሲ መርመርትኖ፡እንታ እንከልስጝና ኣምርድር ኣስተውዓልድናድር ገሪኹ በጀኹ ፈርዶ ሺወኩን እንኩኹን። 12 12.እማኻ ይሻን እን ጌያኹለ ተዓብ እዳና ወንገሉኹድ ገሪዅ ከም ነፍዓት፡አርእትኖ ጀረበኩን እንኩኹን። 13 13.እን ይንሽዋ ክርስቶስድ ኣከት እን ዋነውክ ተከውንቲ ኣከነንር ናውክ ኣከውሊ ገሀድሱኹ። 14 14.በጀኸው እንሻንልድኽር እን ይንሽወድ ይናደረድ ተብኖ፡ጒኢ እንገት ቆል ጃሩኽሲ ድውኒል ገሪኹ ሐጠርኑኹ። 15 15.ናበልጛ ቀንአትድ ዋኸዲ፡ናበልጛ ትክያኹ ምራድድ እያሱስቲ ሰበከናኹ እንኩኑኹ። 16 16.እንላገፍኻ ወንጌል ተብነድ ከም መደብስነስ ኣርእኖ እንከሊሲ ሰበከናኹ፡ 17 17.እን ላናገፍኻ ንሽዋ ይኹድ ዳግሊ ጅርበት ናቅስድኖለ ሓሰብኖ ቅኖነድ ኣኽጊ፡ደልበብነድ ክርስቶሲ ሰበከናኹ እንኩኑዅ። 18 18. ውረኒኻኒን ? ምስምሰድር እኽን እምንድር እምንድር እኽን ክርስቶስ ሰበክሳኹ ኣንኩኹ።እማ ንድ ፈርሓኹን እንኩኹን፡ፈርሒያኽር ግን። 19 19.ኒጛ እንታ ጠሎትዲ ካባና እየሱስ ክርስቶስዲሲ ይደኣነድ ኣከት፡ ኣርኦ ህምበኩን። 20 21 20-21.ይድ ይሪሕ ክርስቶስ ግን፡ኪራ ይኹር መኽሰብ ግን።እን ይሀረር ይነዲ ይሳደዲ ገለ ላኽድክ ስማርጊን፡ናጝር ዲማ ተብነድ ፡ርሕድ ኣከንር ወሪ ክረድ ክርስቶስ ይስኸድ ከበርዶግን። 22 22.እን ይስኸድ መንደርትና ፈድና ይክድመቱኹ ኣከን፡ኣዊስ ከም ፍሪረት ኣርእሊኒ። 23 23.እና ለጛ ነድ ጨነቕሰኩን እንኩኹን።ይድ ገሪኹ ኪዳኹ ግን እማ፡ስብድስትያ እማ ክርስቶስዲ መንደርትያ ሃረር የኩን። 24 24.እማኻ እን ስኸድ ጊጅና እንተድ ገሪኹ ጀረብዱራ ግን። 25 26 25-26.ሕዲስድ እንተል ይወንተርና እንታ ወርዲትና የሱስ ክርስቶስድ ይል በጀዀሮ መታን፡ኰዶ እን እምነት እታኹድ ኩጙና ፈርሓትዲ ድየት ተረድኦ፡ናድክድኻ መንደርተት ኣርኦ ህምበኩን። 27 27-28.እን ተጣረረውልድ ላጋርድ ድኳ በኻኽርግድኒ ኒን ናድ ድዳ እንተድኻ ደኤና እሻረት ግን።ኒንና ጃርልድ ግን፡እንቶ ቋሊየኩም ኣከን ወሪ ዋነጊ፡እምነት ወንጌሉኹሊ ልፊኹትድ ይዲ ተጋደልትኖ፡ላ መንፈስድ ቀጥ ይድኖ ደውይድኖ ዋስየር መታን ፡ላርታ ወንጌል ክርስቶሲ እንታ መናበረት ኒውክ ኒድ እውስታኹ ኣኽኒ። 28 29 30 29-30.እን ይል ቋልድናኹ ናጝር ናጝር ይል ዋስደኖ ህምብደናኹ፡ናጝር ኽዕድዕ ኒሰና ያኹ ጌዩኹም፡ዮሱስር መታን ተዓብ ብትኖግን ግራ ኒድ እምንትኖ ካያ ኣኽድኒኒ ገድ ንእውስቶኩም ህምባኹ።
1 1.እማ ገድም ገለ ተጸናንዕና ከርስቶስሩኹ ወሪኽር ኮዶ ደበሳትና እንከሊሩኹ ወሪ ገለ ጨሪትና መንፈስኹ ወሪ ብሕልይናዲ ራሕመትዲ ዋነን፡ 2 2.ላ ሓሳብድ ዋንትንድ፡ላ እንከሊሲ እንታ ኣክነድ፡ላፊኹትሰና ላ ሓሰብ ሓሰብነድ ይፈርሐትሲ እንሳኻ። 3 3.ላኽ ድኳ ይድ ታሚትነለ ይነድ ወሪ ሳቡር ሳኩቱኹ እሰጋኒ።ለጥይነድኻ እን ላኹ ላኹሲ ኒሹትላድ ኪዲሶ ቋልንሉ። 4 4.ላኹክ ኒጨረስ ግን ግራ ኒሹቲ ኪዳሳኹ ኣሰ ቋልጊን። 5 5.እን እየሱስ ክርስቶስትል እርጋኹ ሓሳብ እንተልኽር ዋኒኒ። 6 6.ኒ ስፈት ጃሩኹ ኣኩንሲክ፡ጃር እኩለ ዋኑንጉሲ ወተርስኒሰና ቋለሉ። 7 7.ገንጂና ወጂህ ኣዶ ንሚሹቲ ሓወንዱኹ፡ኣዳምር ተኪኹ፡ኒመናበረትድ ኣዳምርሰና ኣኾ እርሱኹ። 8 8.ኒፊኹትሲ ክሪል ኣኽራሲክ ለጥይኹ፡ክሪል ኣኽራሲ መንከርከርሊ እኽራሲ ኣዘዝቱኹ። 9 10 11 9-11.እማ ሰሚልኽር ብሪልኽር ብራ ስቆይስኽር ህባኹ ኒውክ ግርብ የሱስር ስኙሊ ተምበርከክሮ፡ላንቃ ኣኻኹክር ክብር ጃርኹድ ዮ የሱስ ክርስቶስ ኣደራ ኣከት እምንዶግን ጃር ኒትካ ኣወይሲ ክብሰኹሉ።ኒዉኩ ሱጝልድ ኪብያኹ ስጙ እዋኹሉ። 12 13 12-13.ገድም እንትን እንከልሰንቲ ፡እን እንትክያኹ ንምራድድ ዮ እንተል ምራዲ ግብርዲ እሳኹ ጃርን እማ፡ዋነጊ ደኣም ግራ በጀኻኹ፡ዋኑ ካያ ኣኽሊ።እን ዲማ ኣዘዝትናኩሰና ጓቅትነዲ ፈጥፈድነዲሲ እንታ ደአነሳ ተመምዳ። 14 15 16 14-16.ግምሽድ ከም ጋጚገት ወሪ ግምሽድ ከም ተዓብገት፡እን ቆል ርሒኹሲ ሻኽድኖ እን ግርጋ ክርስቶስሪሲ ዋርዲትና ኣኽትኖለ፡እና ነበክ ቄናንዲ ጩጩይዲ ጅንስ ኒል ምስምሳ እንገው ጋርሃንር ገመጭና እንገው ጅንስ ጃሩ እኽድኖ፡ቲዃ ዓለምሊ ቲዃው ኣኽትኖ መታን ኒትክሲ ጉሩምርም ይግዲኒ ሸክ እሰግድኒ እሰሉ። 17 18 17-18. ለጛርትክሲ ኒድ ላመንፋስድ፡ ኣኽርሊ ቱሲሰና ፡ ዋኒነዲናኻ እንተት ሺራኹ እርግደናኽርሲ እንቶ ሰላማ አነሰርድኹኩም፡ እንተኻትሊ እርገውሲኽር ሰላም ኣበሻርድኹሎም፡፡ 19 20 19-20. እመ ገድም እንትጝ ፡ እን የሱስ ክርስቶስ ኒላውድ፡ ክርጛ መኣዝኑኹ ኣኻኹል መሰረት ነብያዲ ሃዋርያዲትል ፡ ነዳቅስድናኽር ገድም ሻትካንድ ንድ ኒቁርዲ ጃርሲ ኒዕያል ግን ግራ፡ ገሺዲ ስደተኛዲ ኣኽድኒ፡፡ 21 21.ኒል ኒውክ እን ህንጻ ፡ ኣደራድ ሻትክ ልጝን መቅደሱኹ ኣኽሮር መታን፡ እንሸሻውሱ ለገዳኹ ግን፡፡ 22 23 24 22. እንትጝኽር ኒል፡ እንድባ ጃሩኹ መንፈስድ ኣኽትኖ፡ ሕበርሲዲነ ከደምስደናኹ እንኩድኑኹ፡፡
1 1.ከብተኹድ ይሻን ይናደረድ ባህይንተት።ኒስ ወንተሶ ከተብና ይድ ጨናቅዳ ጋር ኣኽላ እማ፡እንተድ ላኪን ተብናግን። 2 2.እን ግሽጝልድ ተከውሳ፡እን ምቁል እሰውልድ ተከውሳ፡እን ካረመውልድ ኮዶ ተከውሳ። 3 3.ይን ጃርሲ መንፈስድ ኣገልግድኖ ፡እየሱስ ክርስቶስድ ተመክሕናኽር ስኸድ ሰመተርስነስ እምነግናኽር ይን ግን። 4 4.ስኸድ እኳ እምናኹሉ ዋንተንለ፡አሪኹ ላኹ ስኸድ እምናኹሉ ዋነኹ ጠኸንሉ፡ይድኻ ኮዶ ኪዳኹ ህንበኩለ። 5 5.አን ሰኾተር ኳሪል ሰመተርሳኽር፡ጀንስ እስራኤልዱልድ፡ነገድ ቢኒያምሩ፡ኣብራዊራ እን እብራውያንልድ፡ፍትሕድ ፈረሳዊ፡ 6 6.ቀንአትድ መሕበር ዳገነንታ፡ፍቲሕ ጨደቅነድ ሕበርበሮራ እንግጋኽር። 7 7.እን ይድ ረብሕዳኹ ተከለ እርጋኹ እየሱስቲ ዮ መታን ዓመጭ ሲሰና ሺብኩንሉ። 8 9 8-9.ኣዊን እማ፡እን እምነትድ ክርስቶስርኹድ እምነት ጃሩኹድ አረርሳኹ ጨደቅና ግራ፡ እን ፍተሕድ እንተራኹ ጨደቅነስ ሻኾ ኣኽሊኒ።ክርስቶሲ ከሰብያ መታን ኒዲኽር ክርድያ እምን እን ኪዳኹ አምር እየሱስ ክርስቶሲ ዮ ኒመታን እና ኒስ ኒትክ ዕመጭሳኹሲ፡ኒትክ ዓመጭስኒሰና ሺብኩንሉ፡ቀጨጭሰና ሺበኩንሉ። 10 11 10-11.ኣኻኽስክ ኣኾ እን ክሪልድ ጉኒል ተለይያ ዮ፡ኒክረድ ተኩሲክ፡ኒዲ ጉና ኒሒሉኽዲ፡ላት ህምባ ጅርበት ኒኹሲ ኣርእይእ፡ኚጥኽ ቀጨጭሰና ሺበኩንሉ እንኩኹን። 12 12.እን ኣን ኒድ ኣኽይእ ኣርሰኽር የሱስ ክርስቶሲ ኣርድየሉ ጃብራ ኣኽራሲ ደረከኩን እንኩኹን።ንጃብክ ኣርእኽርሰነሉ ወሪ ንጃብክ ላሪ ነቀሳኹ እኽገት እዀ ኣኽሊኒ። 13 13. ይሻን ይላውድ ይኣዀርድ ይላውድ ኣረኹሉ ተከኩለ እንኩላ።ላግር ላኪን ህንበኩለ፡ይደንቢረድ ህንባኹሲ ምኺሮ ይጃብል ህምባኹሲ ኣንጠጡ እንጉሲ፡ 14 14.እን ሓንጠጥሳኹ ኣስያ ህንባኹሲ ኒል ኣኽራሲ፡እን ይግብር ዓውቲኹ እን ኣዋኹ ሽጛና ጃሩኹ የሱስ ክርስቶሲ ጋጛኹን እንኩዅን። 15 15.እማ ታምማን ኣኽነኽር ናዉክ ኒስ ሓሰብንን፡ገለ ላዅድክ ሓሳብእንታኹ ኒቱ ኣከን፡ኒትር ጃር በርህድሮልኩም ግን። 16 16.ንድ ካያ እን ጌይና ዓደድ ላ ደርብድ ወንተርንን። 17 17.ይሻንጌ ይት ተካ፡እን ይን ተካኹ ቋሊስነኹኩም፡እን ኒሰና ይኖ ወንተተረውሊ ኣስተብሃልዳ። 18 18.እን ናሰበትድ ገሪ ወክት ያኹኩም ናጝር ስሩንሲ የኩን እንኩኹን።ገሪው መስቀል የሱስሩኹሲ እንጠረው ኣኽኖ ወንተተረው ህንበናኹ። 19 19.ናኣኽረትኻ ድዳ ግን፡ናጃርኻ ናጎድጉ ግን፡ናክብር ኮዶ ዑረት ግን፡ና ሃመትኻ ብሪኹ ግን። 20 20.ይጛ ኒል መንደርትኖ ህንብናኹ ሰሚል ግን።ኒልድኽር ይና ደአንዱራ፡ንኻ እየሱስ ክርስቶስ፡ጭበርናኹን እንኩንኹን። 21 21.ኒኑውክ መለክሮሉ ገረሳኹ ሒል እን ካብር ኒስኸስ ተኪስሮሉ መታን፡እና ጅርበት ይና ስኺኹሲ ለወትሮሉ ግን።
1 1.እማኻ እንትን ይሻን ፡እን ኣን እንከለውኩምር ሰፍለልሳውኩምር፡ይፈርሓትዲ ይኣኽሊልዲ፡እንከልሰንቲ ይሻን ናኽዲነ ይናደረድ ተባ። 2 2.ናሓሳብ ይናደረድ ላሪ ኣኽቶ፡ኤዎድያት መኾኻኹን፡ስንጥከትኽር መኾኻኹን እንኩኹን። 3 3.የዋ ኣንቲ እምንስረኽር ሲሲጐስ፡እንትኽር ካቢቶለን ሺወኩንካ ኣንኩኹን።ናው ኮዶ ቅሌምንጦስዲ እናስጙጝ ክታብ ርሕኹሊ ከተብሳኹ ኣሪውር ይዲ ከደመው ይዲ ወንጌሊ ተዓበው ግን። 4 4.ይናደረድ ዲማ ፈርሓ፡ኮዶኽር ዲማ ፈርሓ የኩን። 5 5.ኣን ራሕመት ኣንታኹ ኒውክ ኣዳምሊ ኣርእስትኒ፡ጃር ተኸት ግን። 6 6.እንታ ምራድ ኣኻኹሲክ ኒትክ ጠሎዲ ሺዋንዲ ኒ ሓመድናዲክ ጃርሊ ኣርእስታኹ ኣኽኒ ግራ፡ዋላ ላጋርድ ሻቀልስጋ። 7 7.እን ኒልድክ ኣምርልድ ኪዳኹ ሰላም ጃሩኽ እንታ ለበካዲ እንታ ሓሳብዲት የሱስ ክርስቶስድ ተከውሮሉ ግን። 8 8.ከብተኹዳ ይሻ፡እምን ኣኻኹ፡ተቅና ኣኻኹ ህምባኹኽ፡ቃኒዕ ኣኸኹክ፡ላጪሕ ኣኸኹክ፡እንከልሳኹ ስክ፡ኪዳ ወረ ህምባኩሉ ኣኻኹክ፡ገለ ትክያኹ ኣኻኹክ፡ገለ ሳቡር ኣከን ኒድ ሓሰባ። 9 9.እን ይልድ ከለብርድናኹዲ መሄርስድናኹዲ ዋስድናኹዲ እንይል ቋልድናኹዲ ኒስ እሳ እማ ጃር ሳላሙኹ እንተዲ ኣኽሮግን። 10 10.ገድም ሓሰብትኖለ ሓዲስ ሂዎት ሰበት አርድነት፡ዪኣደረድ ገሪኹ ፈርሓኹን እንኩኹን።ሰለጥጋኹኩም ኣዀግራ፡ሰልፍ ሓሰብድኖ እርግድኑኹ። 11 11.ኣናዲ እን ህምባኹዲክለ ኣቅትረለ ይና መሄርስኹን፡ቤ ኣኽሊኒ ኣን ነስ የኽ። 12 12.ሉምይና ኣርኡኹን፡አረርነዲ ብነዲ አርኡኹን።ከአርዲ ብትናዲ ኮዶ ህምባኹ ኒትክ ብናኽር፡ኒትክር ንድክድር ክንትስተኹ ግን። 13 13.እን ንእዋኹ ሒልድ ኒትክ ገረሳኹን። 14 14.እን ይጨገም ይኹሊ እንተ ሕበርስነድ ትክስዲኒኹ። 15 15.እንትጝ ኰው ፊሊጲሩ፡እን ሰልፉኹ ወንጌል መቄዶንዪልድ ፈሰና፡እንታ እንገት እን መሓብርልድ ኡውንዲ ኣድነዲሲ ላኹ ድኳ ይዲ ሕበርሲገት፡እንትጝ እንተላውድር አርእድኑኹ። 16 16.ተሰሎንቄትልር ላዶን ሊጛርር ጀረብደኹሲክለ ፈስድኑኹለ። 17 17.ኣናዲ ፈደና በጃኽሮኹም ዮግን ግራ፡እንታ እውን ጀረበ ኣኽሊ። 18 18.ናጛ ኒውክ ህምባኩለ፡ከብተውር ህምበኩለ።እን እንተልድ ኤጳፍሮዲጦስድ እንታኹለ ቂራ ምልምል፡ሰመራኹ ጃርሲ ፈርሕዳኹ ሰደቀት ከለብረሰና፡እታኽቶ ህምባኩን። 19 19.ይኽር ጃርኻ እን ዓደድ እንግጋኹ ኒርዝቅ ክብር የሱስርኹድ እሰ፡እንታ ምራድ ኣኻኹስክ ተመምድሮኩ ም ግን። 20 20.እማኻ ይና ጃርዲ ይናኽርዲ ዲማ ዳይም ክብር ኣኽኒት።ኣሜን። 21 21.እን የሱስ ክርስቶሲ ኣኸው ቁዱሳንሲ ላኹሲክ ሰላም የሎም።እን ይዲ ህንበው ሻን ኮዶ ሰላም የነኩኩም። 22 22.ናውክ እን ቁዱሳን፡ምናዳ እን ናልጝን ቀሳርድኹልድ ኣኸው፡ሰላም የነኩኩም። 23 23.ገድ እየሱስ ክርስቶስሩኹ እንታ መንፈስዲ ኣኽኒ።ኣሜን።
1 1.ጳውሎስ ምራድ ጃሩኹድ ሃዋርያ የሱስ ክርስቶስሩኹ፡ጢሞቴዎስ ይና ዳጝር። 2 2.ቄሎሴትል ህምበው ቅዱሳን ክርስቶሲ እምነው ሻን ፡ይናኽር ጃርልድር ይና አደራ የሱስ ክርስቶስትልድር ገዲ ሰላምዲ ገምድንተት። 3 3-4.እን የሱስ ክርስቶሲ እንታ እምና፡እን ናዉክ ቅዱሳንድ ህምባኹኩም እንከልስጝና ዋስነሰና፡ዲማ እንታ መታን ጠለይኑ እን ጃር እኽር ይናደራ የሱስ ክርስቶስሩኹሺ ሓነድናኹን እንኩንኹን። 4 5 5.እማ እን ሰሚል እክብሶኩም ህንባ ሳዳ ኒሰበትድ ሰልፍ እምን ቆል ወንጌል ዋስድናኹ፡ 6 6.እንተል እንታኹ ኒውክ ዓለምሊ ፈንተቱኽር ለገዱኽር ፈራኹ ፡እን ገድ ጃሩኹሲ እን ቆል እምኑኹሲ ዋስድናኽልድር ኣርእድናኹልድ ግርጋ ተርስዲኔ እንተል ህንበኹ፡ 7 7.እን ኤጰፍራስ፡እን ዪዲ ከደማኹ እንታ መታጝር እምንሳኹ አገልጋሊራ ክርስቶስሩኹ፡መርሀርስድናኹ፡ 8 8.እንታ እንከልስጝነስ መንፈስድ ኣርእሲሳኹና ንግን። 9 9.እማ ይጛ እን ዋስነሪላ ግርገትልድ ተርስነ፡እን ኣርእጝ ኒምራድኹድ ኒድክ ጥበብዲ አምርዲ እንተኽሮኩም፡ 10 10.ኮዶኻ ኪዳ ግብር ኣኻኽድ ኒድክድ፡ፍሪትዱኑ አምር ጃሩኹድ ለገዱኑ ኑድክድ ጃርሲ ባህስዱኑ ኒድ በቅዕድናኽር ኣኽድኖ ኒድ ወንተተርትኖ ጠለየነኩን እንኩንኹን። 11 11.ፈርሓዲ ተብነዲ ህምባኹ ኒትክ ዓቅልዲ ከሀልነዲ ኒሒል ክብረትኹድ ሒልድኖ፡ 12 12.እን በና ለውትኒኹ ቁዱሳኑኹ እን ቲዂል ጌሰኹና እኽርሲ ሓመድዱኑ፡ 13 13.እን ጭልም ሕክምልድ ፍዳኹና፡እን ሕክም እንከልሳኹ ኒኹሪኹሊ ቱሰኹና። 14 14.ኒድ ደአና ፡ማለት ሓራም ባርና ህምበኩና። 15 15.እን ኒ ስፈት ቋልስተጋኹ ጃር፡በኽር ኒድኩኹ መሀድሳኹዱኹ ግን። 16 16.ሰሚልር ብሪልር ህምባኹ፡ቋልስታኹር ቋልስተጋኹር፡ኣወይሲ ኣዀ ወሪ ኣደሪትና፡ሕልቅነት ወሪ ምልክ፡ኒዉክ ኒድ መሀድሶ ህምበኹ፡ኒዉክ ኒድ ኒሹሺ መሀድሶ ህምባኹ። 17 17.ንኻ ኒድካ ጃብግን፡እማ ኒውካ ኒድ ደውዮ ህምባኹ። 18 18.ኒ ኒስኸድ ኣዀርግን፡ማለት ማሕበርድ፡ኒድካ ጋርድ ሰልፍድ ኣኽሮ መታን፡ኒ ሰልፋ ግን።እን ክረውልድር በኽር ግን። 19 19.ኒውክ ታምም ኒል ክሮ፡እኽር ሰመሮሉ ህምባኹ፡ 20 20.ኒድ ኒብር መንከርከሩውድ ሰላም እሰሰና፡እን ብሪል ህምበውዲ ሰሚል ህምበውዲት ኒትክ ኒሹሺ አረክሲኹሉ። 21 21.እንተት ሰልፍልድ እንተ ሓሰብዲ ምቑላ ግብርዲሲ ኣፋይቲ እርግድናኽርሲ፡ 22 23 22-23.እን ዋስድናኹ ሳዳ እን ሰማ ስቆይሲ ህምባኹ ኒውኩ መሀድሳኹድ ሰበክሳኹ ውንጌል፡ ኣን ጳውሎስ ኣገልጋሊራ ኒኹ፡ነቅነቅስግድኒ፡ሰረትስድኖ ተብድኖኽር እምነድ ተብደነን፡አበርዲ ነቐፍስነዲ እንግግድናኽር ቁዱሳን እሰ፡ኒጃብል ደውሲሮኩም፡ናንኻ ስኻ ኒጐሮብኹድ ኒክረድ እሰ አረኪኹኩም። 24 24.ናን እንተመታ ኣኻኹ ይጅርበት ፈርሕደኹለ እንኩኹን።ንርኻ እን ማሕበርግን፡ይስኸድ እን ነቀሳኹ ተዓብ ክርስቶስሩኹሲ መልእደኩን እንኩኹ። 25 25.እን ኣን ይድ እውስታኹ እንተድ ኣገልግሎት ጃሩኹ፡ቆል ጃሩኹ ኒልክ መልእድያ ግን አን ኣገልጋሊራ መሕበሩኹ እን አን ኣኻኹ። 26 26.ማለትታዲ እን ዲማ ዳይም ውልዲ ወሎዶትልድ ከወልሶ ኣርጋኹ፡ ንክኻ ኒ ቁዱሳንድ በርሃኹ ምስጢር፡ 27 27.ርዱቅ ክብር እና ምስጢርሲ ኒን እን ቆምሊ ውረኒ ኣከት አርእሲስሮሎም ጀረበውሲክ፡ንኽር እየሱስ ክርስቶስ ሳዳ ክብርኹ ግን። 28 28.ይጝር፡ኒዉኩ ኣዳምቲ ክርስቶሲ ታምም እስነ ደውሲ ደውሲኖሉ፡ጥበብድ እስነ ኒትክ ኣዳምቲ ኰድጚኖ፡ኒውክ ኣዳምሲ ድውኑ መሄርድናኩን እንኩንኹን። 29 29.ኒስር ኣን ዓደድ ይል እሰኹ ሒልድ እሳኹ ኒግብርሲ ለመለም ዩ፡ከደመኩን እንኩኹን።
1 1.እንታ መታጝር፡እን ሎዲቅያል ህምበው እን ይገሺ ቃልገውለ ስኸድኻ፡አወያ በሀር ተዓብ ዋነትለ አርእትኖ ጀረበኩን እንኩኹን፡ 2 2. ኒዉክ እንከሊዲ ርድቅ አምሩኹዲ፡እን አርጝ ምስጢር ጃሩኹ፡ንኻ ክርስቶስ፡ላት ኣኽኖ ሰመርኖ ናለበካ ተጸናንዕሮ መታ፡ 3 3.ህምባ እንድባ ጥበቡኹዲ አምርዲ ኒል ከዎልሶ ህምባኹ፡ 4 4.ላኹ ድኳ ቆል አትሓለይድነድ ከቲስጊንኩም ዮ ግን ኣን ኒስ የኹንኩም። 5 5.ስኸድ ድኳ እንተዲ ዋነገን መንፈስድ እንተዲ ግን፡እንታ ስርዓዲ ተቢ እንታ እምነትኹሲ ክርስቶስድ ቋሎ ፈርሓኹን እንኩኹን። 6 6.ገድም እየሱስ ክርስቶሲ ከለብርድነሰና ኒሰና ይድኖ ወንተተራ። 7 7.ኒል ሰረትስድኖ ገበርስድኖ ሓምደድ እንታኽድኖ፡እን መሄርስድናኹሰና ኣኽድኖ ተብድኖ መንደርታ እምነትድ። 8 8.ክርስቶስርኹድሰና ኣኽጊ፡አዳምር ክኒሲ ሚህሮ ቋልዒኹሰና ኣና ዓለሚ ኒኒ ፡ጥበብ ዓለምኹዲ ብላሽ ምለናድ ላኽ ድኳ ከቲሰጊንኩም ጠንቀቅሳ። 9 9.ኒል ዋነኹክ ታምም መለኰት ስኸድ ኬሉ ህምባኹ እማ፡ 10 10.ንኻ እኽር ኒድካኹ ሕልቅነዲ ምልክዲ ግን፡እንጝር ኚድ እንተኽድኖ ህምብደናኹ። 11 11.እንትጛ ሰመተርስና ክርስቶስርኹድ እንስኻ ጐሮቡኹሲ ቃፍድኖ ሰመተርስና ናንድ ኣኽጋኹ ኒድ ሰመተርስድኑኹ። 12 12.ጥምቀትድር ኒዲ ደብትዲኒኹ፡እን ግብር ክሪልድ ጉዳኹሉ ጃርኹድ ኒዲ ጉዱኑኹ። 13 13.እን ህማባ ይና ሓራምሲ ብሕል ዮ፡እንታ ሓራምድዲ ሰመተርስና እንገት ክርድኖ እርግድናክር፡ኣንተት ኒዲ ዲማ ዳይ መንደርተው እሲኹኩም። 14 14.እን ኣፍታሓትድ ለመለም ዩና ፡ዋኺቱና እርጋኹ ናንድ ከተብሳኹ ክታብ እድኹርኹሲ ደምሰሶ፡ኒት ኒ መንከርከርሊ ከርከሮ ነበክልድ ሺሽድኹሉ። 15 15.እን ሕልቅነዲ ምልክዲት ና ምኹርሲ ገፈፎ ስማስኹሎም፡ናገሽ ገሽሊ ዋርዲቱ ስማስኹሎ። 16 16. ገድም ቁነዲ ጅእነዲ ወሪ በዓል በዓልድነድ፡ወሪ አርቢ ትብሊ ወሪ ሰንበርድ እንተራኹሊ ላኹ ፈረድጊንልኩም። 17 17.ኒን እንታራኹዱኹ ሻማ ግን፡እን ስኻ መላኪን ክርስቶስ ግን። 18 18.ላኽ ድኳ ትሕትና ተካኹድ ሉምይና መልኣትሲ እሰ፡ኒ ቋልጋኹ ጋርሊ ሕበርሰ እንዳኸድ ኒ አምሮስ ስኺኹድ ነፍሕስታኹ፡እን ተዓብድ ከደምድናኹ ዓውተት ኣድጊንልኩም። 19 19.እን ስኻ ህንበኹሉ ድንክክር ሲርስትጘው ካብስትጘው ላት ለሓሞ ልግደድ ጃር ለገዳኹሉ እን ኣዀርሊ ትብጊ ፡ላኹ ድኳ እንታ ዓውተት ባሪስጊንኩ። 20 21 22 20-22.እማ ገድም አምር ሽጉኹ ቆልዒኹ እና ዓለሙኹ ክርስቶስዲ ክርድኖ ድንቢ፡ውሪኹ ደአም ዓለምሊ ህምብደናኽርሰና እን ኣዳምርሰና ትእዛዝሰዲ ሚህሮዲ እሲነ፡ሻኽጋ፡ታምጋ፡ተመድጋ ይኖ ኣፍታሓት እሰውልኩም፦ኒውካ እስተጝር ኒደኩነድ ግን። 23 23.ኒን ላጥያኹ ሓሳብ ሓሰብነድ ስኸድ ኣስተኹ ምራድ ኩፊኹትድ ኣምለኽድና፡ሕብር ጥበቡኹ ህምበኩሉ፡እማ ስኻ ጋርድ ግራ ፡ላሪ ነፍዓላ።
1 1. ገድም ክርስቶስዲ ጉድናኽር ኣክደነን እን ክርስቶስ ጃር ላውል ኮፍዮ ህምባኹ እን ኣወት ህምባኹሲ ጀረባ። 2 3 2-3.ኪርድኑኹ እማ ርሕ እንታኹ ክርስቶስትል ከወልስሮ ህምበቲ፡ኣዋኹሲ ሓሰባ ግራ ብሪል ህምባኹሲ ኣኽላ። 4 4.ክርስቶስ ይና ርሕሊ ገለጥሰሰና እንትጝር ኒዲ ክብርድ ገለጥስትኖግን። 5 5.እማ ገድም እን ብሪል ህምበ እንተ ስኸስ ኲዋ፡ቀሓብና፡ረኸስና፡ኩና፡እንከሊ ስኺኹ፡ምቑላ ተምነትና፡ቀውሕስትና፡ነን ጣቖት ኣምላኽድና ግን። 6 6.እና ንድ ሰበትድ እን ሓከምሰገውድ ቁርሊ ሓሩቀት ጃሩኹ ገማኹ። 7 7.እንትጛር ኒል መንደርትዱኑንሲክ ኒድ መንደርትዱኑ እርግድኑኹ። 8 8.ናጛ እንትን ኒስ ኒትክ ኩና፡አንጨርጨርና፡ሙቕሊትና፡ጀኸን፡ስማሰው ጋብር እንታ አብልድ ሺሽዳ። 9 10 9-10.እንትን እን ገኖ ህምባኹ አዳምቲ ኒግብርዲ ቀለጥድኖ ፡እን ወጂው ኒ ሀበ መሀዳኹሰነኩም ሀብዲነ፡እን አርጝሲ ሓደሳኹ ሓዲስ አዳም ሰርድናኽር፡ እንተሹር እንተሹ ብጚትጋ። 11 11.ክርስቶስ ኒውክዲ ኒልክድ ግን፡ኒላዲ ጠራዊራ አይሁዳዊራ፡ሰመተርሳኹዲ ሰመተርስጋኹዲ፡አረማዊራዲ ስኪትድ፡ገጝጂነዲ ሓይስዲ እላኒ። 12 12.እማ ገድም ጃርልድ ፍሪርሰው ቁዱሳንዲ አንከልስጘውዲ አኽድኖ፡ብሕልያኹ ለበካ፡ራሕመት፡ለጥይነዲ፡ዓቕልዲ ሰብርዲ ሰራ። 13 13.እኺር ኺርሲ ምኹርዱኑ፡እንላኹ ላኹሊ ከሰሳኹ ዋነን ይቅረ ይስትጛ።እን ክርስቶስ ብሕል የሰነኩም እንትጝር ብሕል ይስትጛ። 14 14.እና ነድ አወይሲኽር እንከሊ ንሽዋ ደንጐቢርግን እማ ሰረላ። 15 15.ክርስቶስር ሰላምኻ እንታ ለበከስ ለውኒ፡ኒድ ላስኸድ ስጝስትድናኽርግን እማ ሓመደንቲ ኣኻ። 16 16. መዝሙርዲ ጀንጀነዲ መንፈስድ ቃነይናዲ እኺርኺርሲ ሜሀርዳኽር መኾኻኽር፡እንተ ለበከድ ገድድ ጃርድ ዘመርዱኑ፡ቆል ክርስቶስሩኹ ኒዉክ ጥበብድ እንታኽቶ ለውንተት። 17 17.ቆልድ ኣኽን ግብርድ ኣኽን እንትን እስዲነኹሲ ኒዉኩ ስጛ የሱስርኹድ እሰሉ፡ኒድ ኮዶ ይናኽር ጃርሲ ሓመዳ። 18 18.እንትን እኲን ይና አደረስ አስተሀላኹሰና ሀብዲነ እንታ ግርውሲ መለክሰሎም። 19 19.እንትን ግርው እንታ እኲንሲ እንከለለን፡ኮዶ መረርድገለን። 20 20.እንትን እቑር፡ኒና ይናደረድ ባህያኹግን እማ ፡እንታ ዋልደንሲ መለክሰሎም። 21 21.እንትን ዋልደን እንተቁርሲ ናሕልና ዓረብጊን እንታ ቁርሲ አተልድገሎም። 22 22.እንትጝ ሸቃላ ስኸድ እንተ አርደትሲ ገሽቋለድ አዳምሲ ባህስነድ ኣኽጊ፡ለበካ ገርሂድ ጃርሲ ጓቂዱኑ አዘዝተሎም። 23 24 23-24.እንታ ግብር ትክያኹሲ ይና አደሪልድ ከለብርደነት አርእድኖ፡እስዲነኹሲክ ኣዳምሲ ኣኽጊ ይናደረ ይድኖ እስዲነኹሰነክ እስዲነ፡ለበኪልድ እሰሉ፡ይናደራ ክርስቶሲ ግን እንትን መለክስደናኹ። 25 25.እን ዓመጫኹ እንኒ ዓመጫኹሲ ፈደይስሮግን፡ገሽ ቋልነድ ዓመጭና እላኒ።
1 1.እንትን አርደት እንትጝር ሰሚል አደራ ከም ዋንተትኩም አራድኖ፡እንታ ገንሺንሲ ትክያኹዲ አስተሃላኹዲ እሰሎም። 2 2.ዲማ ጠሎትሊ እሳ፡ኒድኽር ሓምደድ ተግሃ። 3 4 3-4.እን አንኒድ እንሸውሶ ህምባኹ ምስጢር ክርስቶስርኹሲ ድውዪ ፡ጋብያ ኣስተሃለትለ ገለጺያ፡ጃር እን ኒቆልድ መራ ብድሮልና ይና መታንር ጠለያ። 5 5.ወክት ጅብዲነ እን ከደን ህምበውዲ ጥበብድ ወንተተራ። 6 6.ላኹክ አስተሃለሰና ኣዋህብርዲነ ወንተተርትኖ ዋነትኩም አርእትኖ፡ጋብ እንተው ሽወድ ቀመምሰው ዲማ ገድድ ኣኽኒ። 7 7.ጥኪቆስ፡እን እንከልሳኹ ይና ዳንዲ እምንሳኹ አገልጋሊራዲ አደረድ ዪዲ ከደመንታ፡ኣዋኸ ከም ዋነት አራሲስሮኩም ግን። 8 8.ይና ዋንትና ሰበትድ አርእትኖ መታጝር እንታ ለበካኽር ሀዳሮ ግን ኒት እንተል ፈስኹንኩም። 9 9.ኒድኽር እንተልድ ኣኻኹ እምንሳኹዲ እንከልሳኹዲ ይናዳን ኦኔሲሞስቲ ፈሶሉ ህምባኹን።ናዋ እና ናራ ህምባኹሲ ኒትክ ድዊድኖኹም ግን። 10 10.እን ዪዲ ናን እዋኹ ኣርስጠርኮስ ሰላም የኩኩም እንኩኹ፡እን ኒሰበትድ ትእዛዝ እውስታኹኹም ማርቆስ፡ ባርናባሲ ኒኽርድ ኹራ፡እንተል እንተረን ከለብረሉ። 11 11.ዮስጦስ ይስታኹ የሱስኽር፡ሕክም ጃሩኹሊ ዪዲ አገልገደው ኮዶ ደብነኽር ኣኸውለ ከው ሰመተርሰውልድ፡ኒን ካያ ግን። 12 12.እን ላኹ እንተልድ ገጝጂና ክርስቶስ የሱስሩኹ፡ኒድክድ እንሳኽስድኖ ምራድ ጃሩኹ ተረደአው ኣኽድኖ ደው ይትኖ፡ዲማ ኒጠሎትድ ለመለም የኩኩም ኣጰፍራስ ሰላም ያኹኩም። 13 13.ኒ እንታ መታጝር እን ሎዲቅያዲ ሂራጵሊስዲ ህምበውዲሲ ገሪ ተዓብ ዋነቱሉ፡መስከረኩንሉ እንኩኹን። 14 14.ሉቃስ እን እንከልሳኹ ሓኪምዲ ደማስዲ ሰላም የነኩኩም እንኩኑኩ። 15 15.እን ሎዲቅያ ህምበው ሻንስዲ ኒምፋስዲ እን ኒልጝንሊ ህምብረሪ ማሕበርሲ ሰላም የሎም። 16 16.እና ጃውብ ኒኒ እንተል ነበብስረሰና፡እን ማሕበር ሎዲቅዪል ኮዶ ነበብስረት፡እን ሎዲቅያ ትልድ እንተርደሪት እትጝር ነበብድደነትላ እሳ። 17 17.ኣርኪጶስቲ ኮዶ፡እን ይናደሪልድ ከለብርዳኹ ኣገልግሎትሲ ተመምድቶ ጠንቀቅሲ የሉ። 18 18.እና ሰላምታ ኒን ይናንድ ፡ናን ጳውሎስርኹድ ግን።ይንሽወስ እልብዳ።ገድ እንተዲ ኣኽኒ።ኣሜን።
1 1. ጳውሎስዲ ስልዋኖስዲ ጢሞቴዎስዲ እን ማሕበር ተሰሎንቄ ሩሊ ይነኽር ጃር ይናኣድራ ኢየሱስ ክርስቶስ ገዲ ሰላምዲ ገመንተት፡፡ 2 3 2-3 ሌጛ ሴዃ ይነእኽር ጃርዲ ጃብሊ እንግብር እምነት እንታዂ ተዓብ እንተእንከሊሩኽ ሰብር እንተተስፊኹር እንይናድራ የሱስ ክርስቶስ ትል ባኾርድግኒ ይነጠሎትሊ ዲማ እልብ ዲነኩኑኩም፡፡ ናድካ ሰበትት ጃርሲ ሓመድ ዲነኩን እንኩንኩን፡፡ 4 4. አንትን ጃሊድ እንከል ስድናኽር ይነሻን እንተፊሪር ስነስ ዋስነሰና 5 5. እንተልር እንተመታጝር አወሃብነ ክም እርግነት እንኣርእደናኽሰና እንወንጌል ይናኽ ሕልዲ መንፋስ ቅዱስዲ ገሪ ፋሃምናዲ ግራ ፡ ቆልድ ካያ ኣኽላኒ እንትን እንትድናኽ ፡፡ 6 6. እንትጝር ጌሪ ታዓብድ መንፋስ ቅዱስ ፋርሓትድ እን ቆልሲ እንታካላብርናድ ይና ተላቱዲ ይናኣደሪው ተላይቱትዲ ኣኽድኑኽ ፡፡ 7 7. እማ እና መቄዶንያዲ ኣካያዲ ህንባው ናውክ እምናው ቃላ ኣኽድኑኹሎም ፡፡ 8 8. እንታ እምና ጃርድ ህንባ ኣካንሊ ፊቴ ግራ ፡ እን ቆል ይናዴሪኽ እንታልድ መቆዶንያዲ ኣካያዲትል ካያ ኣኽላ ንዋስታኽ እማ ፡ ጋቢኖሉ ጃሬብደላናኒክ ፡፡ 9 10 9-10. እን መንዳርታኽ እምኑኽ ጃርሲ ኣጌልጋልድትኖ ፡ እን ክርሊድ ጉዳኹሉ እማ እን እንታራኽ ሓሩቃትልድ ዳኣንዳኹና ኻ ኒኽራ ዬሱስቲ ሰሚልድ ጫበርትኖ ፡ ጣኦታትልድ ጃርሊ ኣዋህብድኔ ክም ዋንታርድና ፡ እን እንታል ይናቱና ኣዋያኽ እርጋት ፡ ይናሳበትድ ናላውድ ድዊድኖጊን ፡፡
1 1. እማ-ኻ ፡ ይሻን ፡ እን እንታል ይናቱና ሳኪት ኣኽጋት ፡ እንተላዊድ ኣርእድኖ ህንብዳናኽ ፡፡ 2 2. እን ኣርእድናሴና ፡ ሰልፍ ፍሊጲትል ጅርባት ብትናሴናኽርጃረብናሰናኽር ፡ ሒልድ ጫድፍድ እንታድ ዋንጌል ጃሩኽ ድውና ይናጃርድ ቴብኑኹን ፡፡ 3 4 3-4. እን ይና ማኻኽና-ኻ እና ይናለባካስ ሜርማራኽ ጃርግራ ፡ ኣዳምሲ ባህሲኖ ኣኽኒኒ ፡ እን ዋንገሊድ እምንሳው ኣኺኖ ጃሪድ መርማርሴውሳና ፡ ኒሰና ጋብናኹን እንኩኑኹነ ግራ ፡ ሳሓትኒልድ ፡ ዋሪኻ ርኽሳትልድ ፡ ዋሪ-ኻ ጋርሕናድ ኣኽኒኒ እማ ፡ 5 5. እን ኣርእድናኹሰና ቆል ኣትሓላዩኹድ ዋሪ ማሳመስኑ ቃውሕስናድ ዋላ እንትኒኩም ፡ ጃር ይና ምስክርጊን ፡፡ 6 6. ሃዋርያ ክርስቶስሩ ይና ኣኽናድ ተቅድኖ ጌሬስቱንሲክና ዋላ ዋኑንሲክ ፡ እንታልድ ኣኺ ዋሪ ኣሪኽልድ ፡ ኣዳምትል ክብር ጃሬቢኒ ፡፡ 7 7. እንታነባክሊታ ፡ እና ንር ውላድሲ ሓቃፍረሪናብስራሪ ኣኽኖ ዋላ ፡ ራሓመንቲ እርግኑኹን ፡፡ 8 8. ኒሰና ፡ ጌሪኽ ይና እንክልስን ኣኽድናውድ ፡ ይነሹር ርሕሲኽር ግራ ፡ ወንጌል ጃሩኽ ካያ ኣኽኒኒክ ፡ ቤኒስኖኩም እንካለውኽር ተምነትኑኽር እርግናኽር ፡፡ 9 9. ይሻን ፡ እን ይና ክድማት ይናጻዕሪዲ እልብድዳናኩሉ እማ ፡ ላኽ እንታልድ ታቅድግኒን ይኖ ፡ቂርዲ ጋርክዲ ከዳምኑ ወንጌል ጃሩኽ ሰባክንኩንልኩም ፡፡ 10 10. እንታል እምንዳናኽርሊ ፡ ቅድስናዲ ጭድቂዲ ላኽ ምስምሳ እንጋት ይና እርግነት ፡ ጃርዲ እንታዲ መሰካኪር ግን እንጝ ፡፡ 11 12 11-12. እን ኣርእደናኹሰና ፡ እና ኒሕክዲ ኒክብርዲትል ሽጛኹኩም ጃር ክኺናርድ ዋንቴታርትኖ ፡ ኣኻኽሲክ እኽር ኒውላድሲ ኣዋህቢኔ መኻኽናኹንኩምኽር ኣሽሽድኑክምር መስካርኑልኩምር እርግኑኹን ፡፡ 13 13. ኒድ ማታንጝር ፡ ይናድ ሰባኽሳኽ ቆል ጃሩኽ ካሌብርድናሰና እማ ኒእንተል እምንዳውሊ ፡ እን ከዳማኽዲ ፡ እና እምንድ ኣኾ ህንባሳና ቆል ጃሩኽ ግራ ፡ ቆል ኣዳምሩኽሰና ክም ካላብርግድናትሉ ፡ ይን ቦኮርድግኒ ጃርሲ ሓመድናኩን እንኩንኹ ፡፡ 14 14. ይሻን ፡ እንትናዲ እና ዬሱስ ክርስቶሰድ እን ይሁዳ ህንባው መሓብር ጃሩ ታለይቱ ኣኽድኖ ህንብዳናኽ እማ ፡ እን ናው ኣይሁድድ ታዓብዲ ጅርባዲ ብታው ፡ እንጝር እንታ ኮቁርድ ጅርባት ብድኑኽ ፡፡ 15 16 15-16. ይና ኣዴራ ዬሱስዲ ናባያዲት ክዋውሎም ይናትኽር ዳጋናውና ናውጊን ፡ ቆሚያት ዳኣንድኖር ማታን ድወግኒንሎም ፡ ይናት ናጋቤብና ናው ጃርሲ ባህሲኒሉኒ ኒውክ ኣዳምሲኽር ተጣራረናኩሎመ እንኩንኽ ፡፡ ኒሂሳናክ ዲማ ናሓራምሲ እንታኻክ እንኩኑኽ ፡ ማዓት ዴንጎባ ኣኽራሲክ ጌሞሎም ህንባኽ ፡፡ 17 17. ይሻን ፡ ይን ላበካድ ኣኽጊ ጌሺድ እቅቱጌ ዋክት እንታልዲ ፋለይስኑኹ ፡ እንታ ጌሺ ቃልኖ ጌሪ ሳፋላሊድ ጌሪ ሃዋክስኖ ህንብናኹን ፡፡ 18 18. እማ እንታል እንትኖ ጀሬብኒኹ ፡ ኣን ጳውሎስ ላዶጝር ሊጚጝር ጀሬቤ እርጉኹ ፡ እማኻ ሼጣን ጌባብኹ ፡፡ 19 20 19-20. ይናክብርዲ ይና ፋርሓዲ እንጝጊን እማ ፡ ይና ኣዴራ ዬሱስ ጃቢል ኒእንርናድኻ ይናሳዳዲ ፡ ዋሪ ይናፋርሓት ፡ ዋሪ ኣኽሊ ይና ዋርዲትኒኽ ፡ እንጝማ ኣኽድኒማ ፡፡
1 1. እማ ኒድ እንዳራሲ ሳብር እሲኖ ጌረሳጋኹና ኣኸውድ ፡ ኣቴናትል ይነቱ ካብቲኖ ትክያኽ ኣኾ ቃሊስትኹና ፡፡ 2 3 2-3. እና ጅርበት ኒድ ላኽ እኳ ሰንካልካል ይጊን ፡ ነኒድ ኣሜርስናድ ፡ እትጝር እንታላዊድ ኣርእድኒኹሉ እማ ፡ ጢሞቴዎስ ይናዳንሲ ወንጌል ክርስቶስሩኹድ ጃሩኽ ኣጋልጋሊራዲ ፡ ኒትብድሮኩምኽር እንታ እምናት ሳበትድር ዳፍእድሮኩም እንሻቅኒኹኑሉ ፡፡ 4 4. እማኻ እንታዲ ዋንትኒንሲ ፡ ጅርባት እንታትና ፡ ሰልፍ ድዊኒኹኑኩም ፡ እን ኣርእድናኹሰናኽር ፡ ኒሰና ኣኹኽ ፡፡ 5 5. ኣጝር ኮዶ ኒልድ ናራሲ ቴርሴ ሳብር እስያ ቃዳርና ቤሳና ፡ ኣዋ ኣርኹን እን ፋታናኽ ፋቴኖኩም ዋኔጊን እማ ይና ታዓብ ሳኪት ኣኽጊን ዮ ፡ እምናት እንታኽሲ ኣርእያ ዮጊን ኣን እንሻቃኹሉ ፡፡ 6 6. ናጛ ጢሞቴዎስ እንታልድ ይናል እቱኽ ፡ እን ይን ኣኽኖ ሳፍላልትናኹምሰና ፡ ቃልትኖና ሳፍላልትድኑንሰናክና ዲማ ትክያኹድ እልብድደናትና ፡ እንታ እምናቱኹድር እንታ እንታከሊሩኽድር በሻርደሰናና ፡ 7 7. ጋድም ፡ ይሻን እንታ እምናት ሳበትድ ኒውክ ይናጅርባትዲ ይና ታዓብዲትል እንታ ሰባትድት ደፍእኑኹን ፡፡ 8 8. ይና ኣደራድ ተብዳናን ፡ ይን ገዲም ሂወትድ መንደርትናኹን እንኩኑኹነ ፡፡ 9 10 9-10. እንታ ጋሺ ቆልኖኺር እንታ እምናትልድ ናቃሳኽሲ መልእድኖኺር ፡ ቂርዲ ጋሪክዲ ቅያስ እንጋት ጠላይኑ ፡ እን እታሰባትድ ይና ጃር ጃብል ፋርሕናኹሉ ኒውክ ፋርሓት ኣወያ ሓመድናድ ቶክ ኣኽራ እንታ ሰባትድ ጃርሲ ሐመድናኹንሉ ፡፡ 11 11. እማ ይናኽርጃር ኒላውድር ይናዳራ ዬሱስዲ ይናደሪብሲ እንታል ኣኽራሲ ኒላውድ ቄንዕድኒ ፡፡ 12 13 12-13. እን እንታርና ይናዴራ ዬሱስ ናውክ ሻትካን ኒውዲ ፡ ይናደራ ይናኽር ጃርዲል ጃብል ላጂባ እንጋት ቅድስናድ ኣርስደናት ፡ እንታ ለቤካ ተብሮ ፡ እን ይን እንተት እካልናኹሰናኩም ፡ ጃር እንታሹር ሹርዲ ኒውክ ኣዳምር እንካሊ ኮድንኩምኽር በጃኽድንታትር ፡፡
1 2 1-2. ከብተኹኻ ፡ ይኻን ፡ ይናዴራድ ዬሱስድ ኣወያውድ ትእዛዛት እውናትኩም ፡ኣርእድኑኽ እማ ፡ እን ይናልድ ካለብርድናኹሰና ኣዋህብዲነ ዋንተታርትኖ ጃርሲኽር ፋርሕትኖ ክም ኣስታሃላትኩም ፡ እን ዋንታተርድናኹሰና ኮዴክ ኒድ ፋንታትኖ ፡ ይናዴራ ዬሱስድ ሺውናኩንኩምር ማኻኽነኩንኩምር እንኩንኹን ፡፡ 3 3. ጃር ፍቃድ ኔኒንግ ፡ ቅድስና እንታኽ ፡፡ ቃሃብኒልድ ሺርትኖ እማ ፡ 4 5 4-5. እን ጃርሲ ኣርእገዊሳና እን ጃርሲ ኣርእጋው ቆሚያትሰና እንካሊ ተምነቱኽድ ኣኽጊ ፡ ኣኻኹክ ኣኽን ኒኣኺ ኒኪዳንዲት ቅድስናዲ ክብርዲሲ ናሓፍና ኣርእሮ ፡ ኔኒን ፍቃድ ጃሩኽ ግኒ ፡፡ 6 6-7. ጃርታ ቅድስናድ ግራ ፡ ርኽሰትድ ሽጝለናኒኒ እማ ፡ ጃር ኒድክድ እና ጋር ኒድ ቴሪ ፌዳያኽ ኣኸውድ ፡ ይጝር ፡ እማና ያናኹሰናኩም መስካርናኹሰናኩምር ፡ ላኽ እኳ ኒዳንሲ እና ጋርኒድ ቃበብጊንሉ ደሌበብጊንሉ ፡፡ 7 8 8. ናን ጌዲም ቃባባኽ ፡ እን እንታድ ሻትክ ኒመንፋሲ እዋኽሲ ጃርሲ ጊን ግራ ፡ ኣዳምሲ ኣኽላኒ ኒቃበባኽ ፡፡ 9 9. እን እንካሊ ሻናሩኽድኻ ፡ እንትጝ እንተላዊድ እንታሹር እንታሹ እንካልና ጃርሊድ መሃርስድኖ ህንብዳናክ እማ ፡ ከታብኖልኩም ጃረብዳላኩምኒ ፡፡ 10 10. ኒጛ ኮዶ እን ህንባ መቅዶንዪል ህንባው ናውክ ሻን እስዳናኩሉ እንኩዱኑኽ ፡፡ እማ ጌዲም ፡ እንትጝ ይናሻን ፡ ጌሪኽ ኮዱኑ ፋርትኖ ፡ ማኻኽናኩንኩም እንኩኑኹን ፡፡ 11 12 11-12. እን ኣዛዝናኹናኩም ፡ ላኽልድ እኳጌለ ጃረባግድግኒ ፡ እን ካዳን ህንባውዲ ቃንዕናድ ዋንታተርትኖ ማታን ፡ ሃድእትኖኽር ክድማት እንታሹሩኽ እሲትኖኽር ፡እንታ ናንትትድ ከዳምትኖኹር ክብር ሺብትኖሉ ፡ ማኻኽናኩንኩም እንኩንኹን ፡፡ 13 13. እማ-ኻ ፡ ይሻን ፡ እን ሳዳ ሻኽጋው ኣሪውሰና ጋሃይግድኒን ፡ እን ሰባት ጋንጆ ህምባውድ ኣርእን እንጋት ኣኽትኖ እንካለሊኒ ፡፡ 14 14. እማ ፡ ዬሱስ ክምክራትር ጌትር እምኖ ዋንትናን ፡ ኒሳናኽር ጃር እን ዬሱሲ ገጃውሲ ኒዲ ናቅስሮሎም ጊን ፡፡ 15 15. ይጛ እንታርና ይናኣደሪኽ ኣኽራሲክ ይናሂዌትድ ዲነኽር-ኻ እን ጋንጆ ህንባውሲ ዋላ በደራግናትሎም ፡ ኒስ ይናኣዴራ ቆሊድ ይናኩንኩም እንኩንኹን ፡፡ 16 16. ይናኣደራ ኒላውድ ትእዛዝ ጫርሕናድ ዳሃይ ሊቃ መላእኽትዲ መላኻት ጃሩኽዲ እን ሰሚልድ ጌምሮጊን ፡ እን ክርስቶስዲ ክራውር ሰሊፍ ጉድኖጊን ፡፡ 17 17. ኒዳንቢ ይን ሂዋድ ህንብናኽር ከላብርና ይናኣደራድ እን ሃዋሁውሊ ናዲ ላት ብኳናድ ጉኖጊን ፡ ኒሳናኽር ዲመድ ይናደራዲ መንዳርትኖጊን ፡፡ 18 18. ጌዲም እና ቆላት ኔድ እኺርኺርሲ ዳፍእዳ ፡፡
1 1. ደአም ዎ ይና ሻን፡ እን ወክትዲ ኒ አሌላትዲት ቋላዅድ ከተብስሮልኩም ጀረብደላ። 2 2. ውረድ እን አደሪ ግርጋ ላስዋና ቂር እንተረሰና እንዳኽረ እንተርደት እንትን እንተላውድ ትክስዲነ አርእድኑዅ። 3 3. ከው ሰላምዲ ዳሕነዲ ግን ዩኑ፡ እዂን ጐድጉሪዲ ምሕጭ ሻካዅሰነላ፡ እንሲን ሓሰብስጋዅድ ድዳ እንትሮሎም ግን፡ኒዀርስክር እግርኖ ፍድኖ ኣኽኒ። 4 4. ደአም ዎ ይና ሻን፡ እንትን ጭልምሊ እልድኒ እማ፡ እን ግርጋ እንዲኒ ስዋኒሰና እንተረለኩም። 5 5. ውረድ ናውክ እንትን በርህ እቑርዲ ገርካ እቑርዲ ግን፡ ቂረው ወሪ ጭልሙ ኣኽድኒ። 6 6. በጋ እን አሪው ሃበነሰና ገጝጅግኒን፡ ደአም ብርይናኽርዲ አምር ጣፍሑዲ ኣኽንን፡ 7 7. ውረድ፡ እን ገጝጀው ቂር ግን ናው ገጝጀው፡ እን ሸከረውር ቅር ግን ናው ሸከረናዅ። 8 8. ይን ደአም ገርካ እቑር ኣኽኖ ደምቢ፡ አምር ጣፍሑዲ ኣማነትዲ እጝከሊዲር ጊብስኽር፡ እን ሳዳ ደአኒዅስኽር ጊብ ኣዀርዅሰና ሰርንን። 9 9. ደአም ጃር ይና አደራ የሱስ ክስቶስሲ ደአን አርኖር መታን ግን ግራ ድዲል የመምለና። 10 10. ጒነን ወሪ ገጝጅነን ኒዲ መንደርትኖር መታን ክርስቶስ ይና መታን ክሩዅ፡ 11 11. ንድኻ እን እምንድክ እስዳናዅሰና እኺርኺርሲ ደፍእዳኽር ዳበርዳኽር። 12 12. ናን ይኸ፡ ዎ ይና ሻን እንታ ነበክል ተዓበውዲ እን አደረድ መርሓውኩምዲ መዀዃውኩምዲት ከበርድትኖሎም ሺውነኵንኩም እጝኵንዅን። 13 13. ናክድመት ሰበትድ እጝከሊሲ ገሪዅዲክ ሓሸምደሎም። እንታ ነበክል ሰላም ዋንቲኒ። 14 14. ኮዶ፡ ዎ ይና ሻን እን አደብ እጝገውሲ መዀዀሎም፡ እን ሓያማንሲ ተብደሎም፡ ቂልሰውሲ ካበሎም፡ ናድክድኻ ዓቕል እሳ ይኖ ኰድጝነኵንኩም። 15 15. ላዅ እንተልድ ምቑለስ ምቑለድ ወንተስጊን አነብስን፡ ደአም ዲማ እኺርኺርድኽር ኮዶ ናድክድኽር ትክያዅ እሲትኖ ጀረባ። 16 16. ዲማ ፈርሓ። 17 17. ካረምግድኒ ሺዋ፡ 18 18. ኣኻ ኣዋይንዲክ ሓመዳ፡ ውረድ እን ክርስቶስ ኢየስስዲ ህምባዅኩም ላናርሊ ጃር ምራድ ኒን ግን። 19 19. መንፈስ ሻትክሲ ስንስድጋ። 20 20. ነበይስነስ ቃበብጋ፡ 21 21. ደአም ኒትክ መመያ፡ ትክያዅሲካ ሸኻ፡ 22 22. ኣኻ ምቑሊልድክ ገበብታ። 23 23. እን ጃር ሰላሙዅ ኒላውድ ታምምድ ሸተክድንተት፡ ኮዶ ይና አደራ ኢየሱስ ክርስቶስር እንተርኒል፡ እንታ መንፈስዲ ሪሕዲ ገሮብዲ ናግይዲ ሓኵር እጝጋዅዲ ኣኾ ተከውስኒ። 24 24. እን ሽጛዅኩም እምንሳዅ ግን፡ እሲሮሎምኽር ግን። 25 25. ዎ ይና ሻን፡ ይና መታን ሽዋ። 26 26. ናትክ ሻንስኽር ሰለምስጝና፡ ሻትክድ ሰላም የሎም። 27 27. እና ንሽቃ ኒኒ ናልክ ሻንሊ ነበብስቶ እን አደረድ ሸሪሰኵንኩም እጙኵዅን። 28 28. እን ይና አደራ ኢየሱስ ክርስቶስር ገድ እንተዲ ኣኽኒ።
1 1.ጳውሎስዲ ስልዋኖስዲ እንማሕበር ተሰሎንቀሩሊ፡ይና እኽር ጃርዲ ያናደራ የሱስ ክርስቶስዲ። 2 2.ይና እኽር ጃርዲ ይናደራ የሱስ ክርስቶስዲ ሰላምዲ ገዲ ኣኽንተት። 3 3.እንትን ይናሽን እምነት እንታኹ ገሪኹ ሰበት ኩጘት፡እን እንከሊ ላኹሊክ ናድከል እንተሹር እንተሹትል ሰበት ኩጙረት፡ትክያኹ ግን እማ፡እንታ ሰበትድ ጃርሲ ዲማ ሓመድኖሉ ይና ጉቡእ ግን። 4 4.ይናዲ ይናላውድ እንታ ሰብርድር እምነት እንታኹድር፡እን ምኹርድናኹ ኒዉኩ ጂባ ሽብዋኹዲ፡እንተድ እን ማሕበር ጃሩኹሊ ተመክሕናኹን። 5 5.እን ንር ማታን ጅርበት አርድናኹ ሕክም ጃሩኹ፡ብቁዓን ኣኽድኖ ሺብስትትኖ ፡እን ጅርበት እንታኹ ግሁድ እሻረት ቀንዓኹ ፍርድ ጃሩኹ ግን። 6 7 8 6-7.እን ገሀድስና የሱስ ክርስቶስሩኹ እን ሰሚልድ ሻትካን መላእክት ኒሕኩሙዲ እንተድ ሽብዎኩም ህንባኹ ይነዲ ፊዃ ፡እን ሽብውደውልኩምድ ናተሪት ፈደይሮሎም፡ጃርድ ቁንዕግን እማ፡ 8.እን ጃርሲ አርእገውዲ እን ዌንገል የሱስ ክርስቶስሩኹሲ አዘዝትገውሉ ሃልሃል ያኹ ለኸድ ፈደይሮሎም ግን። 9 10 9-10.እን እንተል መስከርናኹሉ ምስክር እምንሳኹ ግን እማ፡የሱስ እን ግርጋ እንዲሂቲ እን ቁዱሳንሊ ከበርዶ እን እምነውሊ ኮዶ ፈከርስሮ እንተሰና፡ናውኻ ደንብርን ቅጽዓትድ፡ዲመር ቅጽዓት፡ይናደራ ጃብልድ ኒክብርልድ ሺርኖ፡ቀጽዕስትድኖ ግን። 11 12 11-12.ቅያስ ገድ ጃሩኹዲ ይናደሪኹ የሱስ ክርስቶስዲ፡ሱጙ ይናደራ የሱስ ክርስቶስሩኹ እንተል ከበርዶ መታን፡እንትጝር ኒድ ከበርትኖ፡ይና ጃር እና ሽጛና ኒስ ብቁዓን ሺብሮኩም፡ኒሕልድር ኒትክ ኪሰሪ ሕስንዲ ግብር እምነቱኹ ተመምድሮ ዲማ ሺውናኹን እንኩንኹን።
1 2 1-2.ገድም፡እንትን ይናሻን፡የሱስ ኪርስቶስር እንተርና ኒል እክብስና ፡ገርጋ ይናደሪቲሪ ናን ስኩርዶ ከም ዋንትረት፡መንፈስድ ወሪ ቆልድ ወሪ እን ይነልድ እንትረሪ ጀዋብ፡እን እንታ ኣእምሮትልድ እሽሽድኖ ናቕናቕስግድኒን በኻኽርግድኒንኽር ሺውናኩንኩም እንኩንኹን። 3 4 3-4.ሰልፍድ ከሓድና እክጊ፡እን ኒ ሹቲ ጃር ኣከት ቋሊሱ፡ምቅደስ ጃርኹሊ ደውይራሲክ፡ጃርዲ ቁዱስዲ ይስታኹሊ ጌ ከበርሳኹዲ ገርዋ ዓመጫኹ፡ዲዲኹራ ገሀድስጊ፡እን ግርጋ እንዲኒ እንተረላኒ እማ እኻኹዲክ እኽን ላኹ ድኳ ከቲስጊንኩም። 5 5.ኣንኻ እንተዲ ዋኑንሲክ ኒስ ከም ድወትኩምስ፡እልብድደንመሉ? 6 6.ንኻ ኒወክትድ ገሀድስራሲክ፡እና ናን ገበባኹሉ አርእድኖሉ ህንብደናኹ። 7 7.ምስጦር ፋሕስና ፍቲሑኹ እን ናን ገበባኹሉ ነበክልድ ያዕስትራሲክ ኮዶኽር ከደማኹ እንኩኹ። 8 8.እን መንፈስ ፍትሑኹ ኻ እንሲን ገሀድስሮ ግን።ኒትኻ ይናደራ የሱስ ኒመንፈስ ኣቡኹድ እሰ ዲሂስሮሉ ግን፡ገድሱንሲ ኒእንተርንድ ነፍዓገት እሲሮሉ ግን። 9 10 9-10.እን ድደው ናደአነድ ኣካኹ እንከሊ እምኑኹ ሰበት ከለበርግነት፡ናት ናን ኒ እንተርና ኒድክ ምለናዲ ገመጭና ፡ኒድካ ሒል ተአምራዲ አምርዲ ብንዲ ሒል ሰይጣንኹድ ግን እን ኣካኹ። 11 12 11-12.እማ እን ዓመጭነድ ባህየኩሎም ግራ፡እምን ኣምነገው ናዉክ ፈረድስድኖ መታን፡ጃር እን ቡንሲ፡እምንድናሲ ገሪኹ ከትና ፍኹሎም። 13 13.እማ፡እን አደረድ እንከልሰው ይነሻን፡ጃር ኒእማኒልድ መንፈስ ቅዱስኽድ ደአንዲ ሰበትድ ፍሪረትሎም፡ይን እንታ ሰበትድ ጃርሲ ዲማ ሓመድኖ ወጀበኩና። 14 14.እን ክብር ይነአደራ እየሱስ ክርስቶስርኹ፡አርትኖ መታን ዮ ግን፡ኒ ይና ወንጌልድ እሰ ንሽጛኹኩም። 15 15.ገድም፡ኣንትን ይና ሻን ተብድኖ ደውያ፡ እን ይና ቆልድ ወሪ ይና ጀዋብድ መሀርስድናኹ ምህሮታትሲ ሸኸሎም። 16 16.እማ፡ይናደራ የሱስ ክርስቶስ ኒላውድ እንከለሳና ገድ ዲመሩኹ ደፍእዳኹ ሳዳ ምልምል እዋኹና ይና እኽር ጃር፡ 17 17.ኪዳ ግብርዲ ቆልዲስ ለበካ እንታኹ ደፍእሮኽር ሒለቲትሮኽር።
1 2 1-2.ከብተኹዲካ እንትን ይና ሻን፡እምነት ኒዉክ ኣዳምሲ ኣኽላ እማ፡እን ቆል ጃር እንተል ኣኻኹሰና ጋጚሮኽር ከበርዶ መታን፡እን ዓመጨውልድር እከዩ ከውልድር ደአኖ ጠለየልና። 3 3.ንድ ሰበትድ እን ምቁሊልድ ተከዋኹኩምር ተብዳኹኩምር ይና አደራ እሙን ግን። 4 4.እን ኣዘዝናኹኩምሲ ክም እስደነትሉ ንደምብኽር እስደነትሉ፡እንተ ሰበትድ ይናደሪል ሳዳ ሻኽንኹን። 5 5.ይናደራ ኻ እንተ ለበከስ እንከሊ ጃሩኹልኽር ሰብር ክርስቶስሩኹሊ ቀንዕድኒ። 6 6.እማ እንትን ይና ሻን፡እና ይነልድ ከለብርድናኹ ምህሮሲ መንደርታጋኹ፡ስርዓት እንጋት ወንተተራጋኹ ዳንልድ ሺርትኖ፡ሱጙ ይናደራ የሱስ ክርስቶስርኹድ አዘዝናኹንኹም እንኩንኹን። 7 8 7-8.ላኹሊ እኳ ተቅድግኒን ቂርዲ ገርክዲ ጸዓርነዲ ቂልስነዲ ከደምኑንሲክ ግን ግራ፡ላኹልድ ድኳ እንዳኸድ ሳንሳዓ ቁኒኒ፡እንተል ስርዓት እንገት ወንተተርኒኒ፡ኣዋኽዲነ ወንተተርትኖ ዋነትኩም እንተላውድ አርእድኑኹ። 9 9-10.እንተዲ ዋንቱኑንሲክ፡ገለ ገደምሮ ጀረበጋኹ ዋነን ቁጊኒ፡ይኖ አዘዝነኩንኩም እማ፡ይነት ተኪትኖ መታን ግራ፡ይናሹቲ ቋልስታኹ እስነ ኡኖኩም ግራ፡ዋጅብ እንግግናኽር ኣኽኖ ኣኽኒ። 10 11 11.ማላት፡ገሪው እንተልድ፡ስርዓት እንገት ወንተተረው፡ጅልውና ግራ ላሪ ድኳ ገደመገው ዋስነኩም እን ኩንኹን። 12 12.እና ነስ ተከውሲ ሃዳእ ይነድ ከደሚነክ ናሳንሳዓ ቁድኖ ይናደራ የሱስ ክርስቶስድ መኾኹናኹንር አዘዝናኹንር እንኩንኹን። 13 13.እንትን ይና ሻን ፡እንትን ትክያኹ እስኒልድ ሃከይስጋ። 14 14.ላኹ ድኳ እና ዳብዳበ ኒስ ጋብነኹ ቆልሲ አዘዝተጋኹ ዋነን፡ስማርዶ መታን ኒዲ ጨሪትጋ፡እሻረት እሰሉ። 15 15.እማኻ ዳንሰና መኾኾሉ ግራ ኣባይሰና ሺብገሉ። 16 16.እማኻ ጃር ዓስተሩኹ ኒላውድ ኒድክድ፡ዲማ ሰላም እውንተት።ይናደራ ናድክዲ ኣኽኒ። 17 17.እና ሰላምታ ኒን ይናንኹ፡ይናን ጳውሎስሩኹ ግን።ኒን ኒዉኩ ጀዋባት ዩል አርእሲስና ግን፡ንሰና እሰ ግን አን ጸሓፋኹ። 18 18.ገድ ይናደራ የሱስ ክርስቶስሩኹ ናድክዲክ አኽኒ።ኣሜን።
1 1.ጳውሎስ ትእዳድ ጃሩኹድ ደአንዱራ የሱስ ክርስቶስ ይና ሳዳ፡የሱስ ክርስቶስሩኹ ሃዋርያ፡ 2 2.ጢሜትዎስትል፡እምነትድ እምንዱኹ ይኹራ።ይናኽር ጃርልድር እን ይናደራ የሱስ ክርስቶስትልድር ገዲ ብሕልይናዲ ሰላምዲ ኩዲ ኣኽኒ። 3 4 3-4.እን መቄዶንያትል ፈሩንሲኪ፡ናበልጝ አሪኹ ምህሮ መሄርድግኒን ወሪ እንቁርቁራታት ድጙስተጋኹ ሺብ ወለዶ አድሀብግኒን አዘዝቶ፡ኒን እንድድ ቂስና ጃሩኹ እምንሳኹ ኣክና ታዲ በጃኻኹ ከሓድስጝና ናቅሳኹ ዮ እን አፌሶንትል ከፍይቶ ኳድጛኩንካ፡ናጝር ኒሰና የኩንካ እንኩኹን። 5 5.ኒትካ ደንቢ ትእዛዝ እንከሊ ላጪሕ ለበኪልድ፡ትክያኹ ቀስልድ፡ ልጓም እንግግረሪ እምንትልድ ግን። 6 6.ናበልጛ ኒልድ ጅወልኖ እን ጋብ ሃተውተውል ወንተርንኹ። 7 7.እን የነውሲ ወሪ እን ፈሀምደነውሲ አስተብሀልደገው ኣኩኑሲክ፡መምሀራን ፍቲሕ መሀርደው ኣኽድኖ ግን ናው ጀረበናኹ። 8 8.እማ እን ፍቲሕሲ ደርብ ፍቲሕኹድ እስነንሉ ትክያኹ ኣከት ኣርእንኹን፡ 9 9.ፍትሕ ፋሕሰውድ ግራ፡ጫድቃንድ ሰርዕስትጋኹ ኣከት አርእኖ ደምቢ፡እን አዘዝተገው ጃርሲ ጓቂተገው፡ሓራሙኹር ርኹሳን፡ስዳወው፡ኩወንትድር እን ናኽርዲ ናገናዲት ኩወው፡ፊኹትሲ ኩወው፡ 10 10.እን ቃሕበንቲ፡ግብሪ ሰዶሙ እሰው፡ከው ክደው፡ቡጙትድ፡ብንድ ማሓለው፡ላኹ ኮዶኽር እን ምህሮ ሽርወዲ ተጣረራኹ ዋነን፡ናድ ግን። 11 11.ኒጝር እን ዓይብ ይድ እውስታኹሰና፡እን ወንጌል እን በኪድ ጃር ክቡሩኹ ግን። 12 12.ኣን ይድ ሒል እዋኹለ ክርስቶስ የሱስ ይናደራ ኒ አገልግሎትድ መደባኹለ፡እምንሳኹ ኣኽያ ሰበት በቅዕደትለ ሓመደኩንሉ እንኩኹን። 13 13.ኣን ሰልፍድ ጀኸንታኽር ደገነንታኽር ገፍዑ እርጋኽር ኣኩን ሲክ፡አርእጊ እምነት እንገት ሰበት አኸት፡ብሕል ይስትኹን። 14 14.ገድ ይናደራ እን የሱስ ክርስቶስ እምነዲ እንከሊዲ ቅያስ እንግጋኹ በጃኹኹለ። 15 15.እየሱስ ክርስቶስ እን ሰልፍ ሓራሙሲ ደአንድሮ ከም እንተት፡እና ቆል ኒን እምንሳኹ ግን።ኒከልብርና ኒድክድ ግቡእ ግን። 16 16.እማኻ የሱስ ክርስቶስ እን ዲመር ርሕሊ ገእይድኖ ዮ ኒድ እምነው እን ቋላ ኒድክ ኒዓቅል ሰልፋ ይል ቋሊስሮሉ፡እነንድ ሰበትድ ግን ብሕል ይስታኹ ፡ 17 17.እማ እን ዲመር ሲም፡ደኳጋኽር ቋልስተጋኹር ላኹ ጃር ዲማ ዳይም ክብርድ ሓምደዲ ኣኽኒንት ኣሜን። 18 19 18-19.ዎ ጢሜትዎስ ይኹራ፡እንሰልፍድ ይስታኹካ ትንቢታት እምነትዲ ትክያኹ ቀልብዲ ሻኽሮ፡ ኒድ ትክያኹ ሕራበት ተሓረብቶ፡እና ትእዛዝ ኒስ ተለይደኩንካ እንኩኹ።ናበልጛ እን ትክያኹ ናቀልብሲ ማልኖ፡ናእምነት መርከቡኹ ከርቲቲሎም፡ 20 20.ናልድ ኻ፡ጀኻግኒ ቀጽዕስትድኖ ዮ ሰይጣንድ ደክሶ ኡኹንሎም፡ናዋ ሄሜንዎስዲ እስክንድሮስዲ ግን።
1 2 1-2.እማ ገድም ኒድክ ኣዳምሲ፡ኒድክ ኣምለኽድነድር ተቅነድር ረግእነድር ሁከት እንገት መንደርትኖ መታን፡ሓክማንዲ ናድክ መኳንንትዲ ሺዋንዲ ጠሎትዲ ተመህለልነዲ ሓመድነዲ እስቲሮ፡ኒድካ ጃብ መኾኻኹን እንኩኹን። 3 4 3-4. ኒውክ አዳምር ጃብል ደአንዶ መታን እን አመር እምንድኹሊ እንትሮ እንከላኹ ጃር ይና ደአንደንታ ትክያኹዲ ከለብርሳኹዲ ግን። 5 5.ማለት፡ጃር ኒቱ ልኹ ግን እማ እን ጃርዲ ኣዳምዲ ነበክል ህምባኹ ነበኪታኹ፡እን ኣዳም የሱስ ክርስቶስ፡ላኹ ኒቱ ግን። 6 6.ኒወክትድ ኣኻኹ ምስክር ኒድካ መታን ዮ ኒድክ ናድካ ኣብሊ ኒፊኹትሲ ፍዳ እዉኹ። 7 7.እና ጋር ኒስኻ ኣን አወጃኽር ሃዋርያ ግን፡እምን ጋባኩን-ብጚተሊኒ፡እምነትዲ እምንዲሲ ክንሱራ ቆሙኹ ኣኽያ ሰየምስኹን። 8 8.እማኻ ገሪ ዋኻ እንገት ሸክ እሰግድኒ፡ቅዱሳን ናንትሲ ጉድኖ ናውካ ኣኾርሊ ጠለይድኖ ጀረበኩን እንኩኹን። 9 10 9-10.እኲጝር ኒሰና ናኣኾር ገደልሳኹዲ ደሀብድ ከብድ ወሪ ገሪው ኒአራኻ ሰረጝ ኣኽጊ ታዲ፡ኣስተሓለው ሰረጝ ስማርነዲ ፊኹትሲ ቀጸዕነድስር፡ጃር ዕል ጒኢተው እኲን አስተሃለሰና፡ኪዳ ግብርድ ሰገይስድኖ ጀረበኩን እንኩኹን። 11 11.እዂና ኒድክድ አዘዝትሩ ርግእ ይሮ ሜሄርስርን። 12 12-13.ኣዳም ሰልፍድ መሀድሱኹ፡ደምብርን ሄዋን እማ እዂና ረጋእ ይነድ መንደርትቶ ግራ ፡መሀርድቶ ወሪ ግርዊል ምልክ ክሚቶ ፡ፈቀደሊኒ። 13 14 14.ኣዳም ምልስቲላ፡እዂና መላኪን ምልሲቲ እማ ከቲቲ። 15 15.እምነዲ እንከሊዲ ቅድስነዲ ኒዲ ኮዶ ፊኹት ቀጸዕናድ ተበነን፡እዃርና ውላዱኹድ ደአንቶግን።
1 1.እና ቆል ኒን እምንሳኹ ግን፡ላኹ እኳ ማዓርግ ኤጲስቆጶስ ጀረበን ኻ፡ግብር ትክያኹ ተምነታኹ እንኩኹ። 2 2.እማ እን ኤጲስቆጶስ ምቁላ እንጋኹ፡ግርዋ ላሪ ኒእዂና፡ጥንቁቅ፡ኒፊኹት ቀጽዓኹ፡ኒትክ አርኣኹ ጋሻይ ከለብራኹ፡ሜሄርድኒል ባቅዕ ኣኽሮ ኣስተሃላኩሉ። 3 3.ሸከረጋኹር፡ጣዓንብስትጛጋኹር፡ኮዶኹር ሑሱን ዋኺታጋኹ፡ሰላዲ እንከለንታ ኣኽጋኹ። 4 5 4-5.እን ኒልጝንሲ መንደርድሮ ገረሰጋኹ፡እን ማሕበርሲ ጃሩኹሲ ደአም ኣዋህቤ ምቃቅሪሮ ገረሳኩን ? እማ ኒልጝን ትክሰ ናበያኹ፡ኒዊክ ተቅድ እዙዛን ወለልድ ህምበውሉ ኣኽን። 6 6.ሓብሓብሶ ፍርድ ድያብሎስሩኹሊ ለብጊን መታን፡ሓዲስ ቡክላ ኣኽጊን። 7 7.ጀኸንዲ መሀግዲ ድያብሎስሩሊ ገምጊን፡እን ከደን ህምበውልድ ትክያኹ ምስክር ዋኒሮሉ ሻኹ። 8 9 8-9.ድያቆናትኽር ኒሰና ፡እን ምስጢር እምነቱኹ እንላጪሕ ቀልብሊ ሻኽኖ፡ተቀው፡ከው ለጛ ላንቁ ኣኽገው፡ገሪው ወይኒ ጅእኒል ምራድ እንገው፡ርኹስ ረብሕና ጀረበገው ኣኽድኖ ኣስተሃለኩ። 10 10.ኔጝር ሰልፍ መርመርሲኒን፡ሓንኳሊት እንግገው ኣከነን፡እንሲን ኣገልገልዲኒን። 11 11.እኲንር ኒሰን ተቀው፡ልኸገው፡ጥንቁቃንዲ ኒድክድ እምንሰውዲ ኣኽድኖ ኣስተሃላኹ። 12 13 12-13.እን ድያቆናት ትክሲኔ ኣገልገልድነሰና፡ብሄር ማዓርግ እምነት የሱስ ክርስቶስድ ገሪኹ ተብና አረረነኩ፡እማ ላሪ እዂና ሻው፡ናቁርዲ ናልጝንትዲ ትክሲኔ መንደርደው ኣከናኹ። 14 14.ኹል እሸሾ እንትያ ሳዳ እሱንሲኺ፡ኒስ ከተበኩንልካ፡ 15 15. ሺሸጛ፡እን ልጝን ጃሩኹሊ፡ማለት፡እን እምን መሱና ሰረት አኽረሪ ማሕበር ህምባኹ ጃርትሪ፡ውራ እሲቶ ከም ኣስተሃለትካ አርእቶ ግን ኣን እንከላኹ። 16 16.እምንድ እን ምስጢር ጃሩኹ ብሄር ግን፡እን ስኸድ በርሓኹ፡መንፈስድ ጨደቃኹ፡መላእክትድ ቋልስታኹ፡እን ቆምሊ ሰበክሳኹ፡ዓለምሊ እምንሳኹ፡ክብርሊ ዓረጉኹ።
1 1.እንደንበራ ወክትሊ፡ናበልጝ ናእምነ ከሐድኖ፡መናፍስቲ ስሕተቱዲ ምሕሮ መጃኒኑኹ ከም ተለይነት፡እን መንፈስ ግሁድድ የኩ እንኩኹ። 2 2.ተቕየንስናድ ናሕላን ዕላመትድ ዓለምሰኹሰና፡ብን ጋበው ከው፡ 3 3.ተዋሰብና ገበቡኑ፡እን እምነውዲ እምን አርአውዲ፡ሓመድነድ ከለብርድኖሉ ዮ ጃር መሀዳኹ ቂስታኹሲ ሐረመናኩሉ እንኩኑኹ። 4 5 4-5.እን ጃር መሀዳኹ ኒዉኹ ምልምል ኒውክ ግን እማ ፡ሓመድሩ ከለብርደንሉ፡እን ቆል ጃሩኹዲ ጠለትድር ቀደስታኹ ሰበት አኸት፡ገለ እኳ ማልስታኹ ሻኽላ። 6 7 8 6.እን ሻንሲ ኒስ ቋሊስረንሎም፡ቆል እምነቱኩ እን እምንዶ ተለይራኹሉ ትክያኹ ምህሮ ቄኹ በኪት ኣገልጋሊራ የሱስ ክርስቶስሩኹ ኣኽቶ ግን። 7.እማኻ ጋር ስድዉኹ፡ጂጛ እኲናኹሲ ኩልድ ሺሽዲ።ኩፊኹትሲኻ ጠሎት ክንሲሉ። 8.እን ሲኸድ ክንትስትጝና ከለላ ወክትድግን ንነፍዓኹ።ኣምላኽድናኻ ኒትክድ ነፍዓኹ፡እና ናን ህንባኹ ወክትልኽር እን እንተራኹ ወክትልኽር ሳዳ ህንበኩሉ። 9 10 9.እና ቆል ኒን እምንሳኹ ግን ፡ኒከለብርናኽር ኒድክድ ጀረብዳኹ ግን። 10.ኒድክ እን ኣዳምሲ፡ምናዳኻ እን እምነውድ፡ደአንዳኹ ጃርድ ሳዳ ሰበት እስንነዲ ግን ከደምነኩንኽር ተዓብነኩንኽር እንኩንኹን። 11 12 13 11.ኒስ አዘዚኽር ሜሄርድኽር። 12.እን እምነውድ ቆልድር፡ፈርነድር፡እንከሊሲኽር፡እንትድ፡ለጭሓትድ ቋላ ኣኺሎም ግራ ኩሹግሲ ላኹ ድኳ ቃበብጊኒት። 13.አን እንትሪሲክ ፡አንበብድኒልር መኾኽድኒልር መሄርድኒርል ቀልብ ገምዲ። 14 15 16 14. እን ትምቢትድር ናን ገምድነድር ሽማገለታትድ እውስታኹካ፡እን ኩል ህምባኹ ውህበት ገድሲ ስዳውድግሉ። 15.ኒስ ትክስረ ሐሰቢ፡ኮድሩ ከም ፈርደት ወንትረት፡ኒልክ አርእስትሮ መታን፡እና ጋር ኒል ኒድክድ ኩኣኾርሲ እዊ። 16.ኩሹሺ ኩምህሮሲ ተንቀቅሲ፡እና ጋር ንድ ተቢ።ንስ እስረን፡ኩድር እን ኩት ዋሰውድር ደአንድቶ ግን።
1 1.እን ገኖ ህንባኹ ግርወስ እኽርሳና ሀብረ መኾኺሉ ግራ ሃደድግሉ።እን ግናቲትሲ ኩሻንሰና መኾኺሎም። 2 2.ገኖ ህንበው እኲንሲ ኩገንሰና፡እን ግናቲት እኲንሲ ኩሻንሰና እስረ ኒድክ ለጭሓትድ መኾኺለን። 3 3.እን መፍልታንሲ እምንድክ ኣኸውሲ ከበርዲለን። 4 4.ገለ መብልዳና ኻ ንርቁር ወሪ ንርቁራቁር ዋነንላ፡ኒን ጃር ጃብል ከለብርሳኹ ግን እማ ሰልፍ ናው ናዕያልድ ጃር ጓቂትና ቋልስድኖ ና ዋልደንድ ፈደይድኖ ሜሄርሲኒን። 5 5.እን ንርቱ መንደርትረሪ፡ንር ሳዳ ጃርሊ እስረሪ፡እምንድክ መብልዳና ኣኽረሪኻ፡ቂርዲ ገርክዲ ሺዋንዲ ጠሎዲሲ ግን ንር ተብራኹ። 6 6.እን ሕንቑቒኻ ርሕድ ዋንትሩ ክርደሪ ግን። 7 7.ገለ ጋርድ ሸኽስትግኒን፡ኒስ አዘዚ። 8 8.ላኹ ድኳ እን ኒውሲ፡ምናዳ ኒ ዕያልሲ ፡ሓሰበጋኹ ዋነን፡እምነትሲ ከሓዳኹ እን እምነገውልድ ትክሰ ጂባኹ ግን። 9 10 9-10.ኪዳ ግብርድ መስከርሳኹላ፡ውላድ ለገድረሪ፡ጋሻይ ከለብርደሪ፡ልኩኹ ሻትካኑ እንቃስረሪ፡ሽብዎሎም ህንበውሲ ረሀይድረሪ፡ኪዳ ግብር ኣኻኹሲ ተለይረሪ፡ወልትረጝን አመሪልድ ሹጐግረሪ፡ላግርዊቂ እርግረሪ መብልዳነሰና ሺብስትርን። 11 11.መፍልታን ጛ ክርስቶሲ ተጣረረናኩ እማ እንከሊ ስኺኹ ጐሰነክለን ፡ኪዃንሲድኖ ጀረበነኩ፡እና ነስ ሺሽደለን። 12 12.ናዋ፡እን ሰልፍሪ ና እምነትሲ ሰበት ጠለምነት ፍርድ ህንበኩለን። 13 13.እና ንዳግር ልጝንልድ ልጝን ጅልዊነክ ክድመት በኾርድና መሀርደነኩ፡ጀረብደገውሲ ጋቢነክር ጋብ ብጅኽድ ወልፋሳን ኣከናኹ፡ክድመት በኾርድና ካያ ኣኽኒኒ። 14 14.እማ እን መፍልታን ኪኻንሲድኖ፡ወለልድ እኻርድኖ፡ናልጝን ሻኽድኖ፡ኣባይ ጀኻኹሉ ምስምሳ ድኳ ኡግኒን ጀረበኩን እንኩኹን። 15 15.ናገለታዲ ናንትልድ ጀወልኖ፡ሸጣን ጉርጉርበት ተለየነኩ እንኩኑኹ። 16 16.ላኹ ኣማኒራ ወሪ ላሪ ኣማኒት መብልዳና ዋንትረንሉ፡ናላውድ ካቢኒንለን፡እን እምንዱ መፍልታን ኣኸው ካቢድኖ መታን እን ማሕበርሲ ታቅድግኒንላ። 17 18 17-18.እን ክቱብ፡እን ፈራኹድ ቢረስ አብሲ እንሸውግ፡ኮዶ እን ከደማኹሲ ኒታዓብሲ ኡቶሉ ኣስተሃላኹ፡የኩ እማ እን ትክሰ ከደመው ሽማገለታት፡ኒድክ አወይሲ ቆልዲ ምህሮዲ ተዓበውሲ፡እሽባ ክብር አስተሃለኩሎም። 19 19.ሽማገለ ሰበትድ፡ምስከርና ለጛ ወሪ ሰዃሲ ኣከገን፡ከሰስነስ ከለብርግ። 20 20.እን ሓራም እሰውሲኽር፡እን አሪው ጒኢትድኖር መታን ናድካ ጃብል ዋኺቲሎም። 21 21.በደራሪን ይሮ ፈረድግሪ ላሪ ድኳ ኣትሓወንድና እሰግሪ፡ኒስ ተከውቶ፡ጃር ጃብሊኽር እየሱስ ክርስቶስር ጃብልኽር እን ፍሪርሰው ሻትካን ጃብል ዓይብ የኩንካ እንኩኹን። 22 22.አሸሽነድ ላኹሊ ድኳ ኩናንሲ ገምድግ፡ሓራም አሪውድኹሊ ሕበርሰግ፡ኩፊኹትሲ ለጫሓትድ ተከዊ። 23 23.ገድም ኩጐድግ ሰበትድ እን ወንተተራኹካ ሽኹዳድር፡ከለላ ወይኒ ጅኢ ግራ ኣቁ ካያ ጅእግ። 24 24.ሓራም ገለ ከዋኹ ቋልስታኹ ግን፡ፍርዲት ኮዶ በደረኩሎም።ናበልጝስኻ ተለየኩሎም። 25 25.ኒሰናኻ እን ኪዳ ግብር ቋልስታኹ ግን፡እን ቋልስተጋኹር ሰወርስሮ ገረስተለሉ።
1 1.እን ወኽደም አንቀይሊ ህምበው ናውክ ገንሺን፡ሱጝ ጃሩዅዲ ምህሮዲት ጀኺስግኒን፡እን አርደትድ ሕሽም ኣከሰና ወጀበትሎም ሺቢኒንሎም። 2 2.እን እምነው አርደት ህምበውሎም ኮዶ፡ናሻን ኣኽነውድ ቃበብ ግኒኖም።እን ና ክድመት ትክያዅ ነፍዕስተው አመንትቲዲ እንከልሰውዲ አኽነውድ እባ ደአም ትክሲነ አዘዝቲኒንሎም።እና ጋር ኒስ መሄርዲኽር መኾዂኽር። 3 3.ላኽ እኳ ምህሮ አሪዅ መሄርደን፡እን ሽርዋ ቆል የሱስ ክርስቶስ፡እን ጃር ህንበዅሉ ትምህርቲ ሻክስተገን። 4 5 4-5. ኒ ኒክሓስጝነዲ ኮዶኻ ጂባ ጋብድ ሽዅሽቶግራ ፡ላሪ አርእጋዅ ሓብሑብ ግን።ኒልድ ግን፡ቀንአት፡ዋኻ፡ጀኸን፡ጂባዅ ተሸከክና፡እና ሓሳብ ድደውሎም ከው እምን እንገው ከው ከላእ ዋኻ ናቅሰው፡ነስ ተከውልድ ሺሪ።እና ነስ አምላኽድና ከም ኣከሰና ግን ኒ ትካዅሎም። 6 6.እማኻ ጃርዲ እን ኣቕትረለ ይና ገሪዅ መኽሰብ ግን። 7 7.ማለታዲ ኣድዪል ላሪ ድኳ ናቅስኒኒ፡ እማ ላሪ ድኳ አድኖ ገረስተለናኒ። 8 8.ይና ነብረዲ ይና ነብረዲ ዋነንና ናው ዓቅትረና። 9 9.እን ተጀርድኖ ጀረበው ጅርበትዲ ኒ ኮሰዲ ፡ገሪዅ አዳምትቲ ተበሳበስድነዲ ድዳዲ ኒዲ ተከናዅዲ ዓወድናር ጐስትናዲር ትምነት ግን ናው ለበው። 10 10.እንከሊ ሰላዲሩዅ ስር ኒውክ ምቑሊዅ ግን እማ፡ና ገለ ኒት ዓምጠጡኑ እምነትልድ ጀወልኑዅ፡ና ፊዅትልኽር ገሪ ጂባ ናቅስኑዅ። 11 11.እንቲ ኣዳም ጃሩዅ፡እንቲኻ ኒልድ እግሪ እማ ጨደቅና ጉርበት፡ኣምለኽና፡እምነት፡እንከኢ፡ሰብር ተለዪ። 12 12.ትክያ ለመለም እምነትድ ለመለም ዪ።እን ሽጝስትራዅሊ እን ገሪጃብሊ ምስክር ትክያዅ እምና ምስክሩዅሊ ሂወት ዲመሩዅ ሻኺላ። 13 14 13-14.ገሀድስና ይና አደራ የሱስ ክርስቶስሩዅ፡እን ትእዛዝሲ ገለ ሻኽጋዅ፡ዓመቅ እንግጋዅ ተከውቶሉ፡እን ኒትክ ህንባዅ እሰዅ ጃር እን ጶንጥዮስ ጲላጦስ ጃብል ትክያዅ እምነት እምንሳዅ ክርስቶስ እየሱስ አዘዘኩንካ እንኩዅን። 15 15.ኒወክትድ ገለጽታዅሉ ብጹእ ኒቱ ስልጣን ሻዅ ንጉስ ነገስታቱዅ፡አደራ አርደቱዅ። 16 16.ንኒቱ ክረጋዅ፡ላዅ አዳም እኳ ቋለጋዅሉ ቋልዶሉኽር ገረሳጋዅ፡ስኩርሰጋ በርህል መንደርታዅ፡ኒድ ክብር ዲመሩዅዲ ስልጣንዲ አኽኒ። ኣሜን። 17 17.እና ዓለምሊ ህምበው ታጅራን ከበርስግኒን፡እን ፈርሕኖሉ ዮ ኒትክ ጅቢናርድ እዋዅንስ ጃር ግራ እና ደኳ ርድቅድ እምንግኒን አዘዚሎም። 18 18.ኪሰሪ እሰው አኽድኖ፡ኪዳ ግብርድ ተጀርድኖ፡ጅብናርድ በንስጘው አኽድኖ፡ 19 19.ላዅ እምንድ ሂወት አርድኖ መታን ፡እን እተራ ወክትሲ ትክያዅ መሰረት ናሹሺ እኽብድኖ አዘዝዅሎም። 20 21 20-21.ዎ ጢሞትዎስ፡እን ናገለ እምኖሉ እምነትልድ ጀወሎ ህንበው፡ብንዳዲ አርእጝ ይስቶ ህምባዅ ሃተውተውዲ ክትዕዲ ሺሪ።እን ዓይብ እውስታዅሲካ ተከዊሉ።ገድ ኩዲ ኣኽኒ ኣሜን።
1 1.ጰውሎስ፡እን ሳዳ እን የሱስ ክርስቶስ ህንብረሪ ሂወት ፊቓድ ሃዋርያ ኣኻኹ። 2 2.እን ጢሞትዎስ እንከልሳዅ ይዅራ ይናኽርጃርትልድ ይናደራ የሱስ ክርስቶስ ኒዲ ገዲ መሓርስነት ሰላም ጃርዅ ኣኽኒ። 3 4 5 3-5.እን ኩል ህንብረሪ ልጓም እንግግረሪ ሰልፋ ሎኦስ ኩተኒ፡ አውንቈ ኩገነትል ክረሪ እምነት እልብዱንሲክላ ኩልኻ ኮዶ ከም ዋንትረት ፈሃሞ ህንበኩን።ኩእሩጝሲ እልብዲ ፈርሓትድ እንታኽትያ መታን ቋልድያካ ሰፍለልቱካ ይጸሎትዲ ቂርዲ ገርክዲ ኣብኮርድ እልብደኩንካ።እን ይእክለልድ ተርሰ ላጭሕ ቀልብድ አገልገልዳዅሉ ጃር ሓመድስኒ። 6 7 6-7.እማ ነንድ ሰበትድ ጃር መንፈስ ሒልዲ እምነትዲ ቅጽዓትዲ ግርስ፡መንፈስ ጒኢትኒ ኡለናኒ፡እን ገምድና ይናኑዅድ ኩል ህንባዅ እውን ጃሩዅሲ ሓደስቶሉ እልብዲሰኩንካ እንኩዅን። 8 8.ገድም ሒል ጃሩዅ ወንጌል መታን ዪዲ ጀረበት አሪጋር ምስክርድ ወሪ ይድ እንሸውሳኽርድ ስማርግ። 9 9.ጃር ኒፍቓድ ኒሹሩኹ ወክት ጃበረድ እውስታዅና፡ገድድ ደአንዳዅና ቅዱስ ሽጛና ሽጛዅና ግራ ይና ግብርድ አኽኒኒ። 10 10.ናን ግሁድድ ይነት ደአንዳዅ ይናኣደራ ገሃድሳኹ ኒኣኾርሲ ቋሊሳዅ ፡ክረስ ቂላዅ ሂወትዲ ድድና ብነዲት ወንጌልድ ብርሃንሊ በርህሊ ፍዳዅ። 11 11.ኒስ አን አወጀንታ፡ሃዋርያ መምህር ቆምዅ ኣኽያ ሰየምስዅን። 12 12.ንድ ሰበትድ ግን ኣን ጅርበትዲ ሕፈዲ አን ብታዅ፡እማ አውቲ ከም እምነት አርኡኹን።እን ዓይብ ማልሲ ግርጋ ኣኽራሲ ተከውያ ገረስተትለ አስተውዓልዶ ህንበኩን እማ፡ስማረሊ። 13 13.እን ይልድ ዋስራዅሲ ሽርዋ ቆል እን ክርስቶስሩዅ ህንባዅ እምነትዲ እንከሊዲ መሰሊ ሸኺሉ። 14 14.እን ከለብርዳዅ ምልምል ዓይብ እን ይነል ኬ ህንባኹ መንፈስ ቅዱስድ ተከዊሉ። 15 15.እን ኢስያ ህንበው ናውክ ፡ናልድኻ ፍሊጌስዲ ህርሞጌኔስዲ፡ ከም ከድዕነትለ፡ኒስ አርእሮ ህንብራዅ። 16 17 16-17.ኦኔሲፎሮስ ሮሜትል እንቶ ትክሰ ጀረበ አሩዅለ።ገሪ ወክት ፈርሕድዅለ።እን ይስልስልድር ስማርላኒ እማ ጃር ኒልጝንሲ ብሕል ይኒ። 18 18.እን ግርጋ እንድሂቲ መሓርስና ይና አደሪልድ አርዶ ጃር እውኒት፡ኤፌሶንትል ውሪኮት ከም አገልገልደትለ፡ይልድ አወይሲ እንቲ አርእሩዅ ።
1 1.ዎ ይዅራ እን ክርስቶስ የሱስትል ህምባ ገድድ ተቢ። 2 2.እን ገሪውድ ጃብል ምስክር ይልድ ዋስራዅሉ፡ኮዶ አሪውሲ መሀርድድኖ ገረሰውድ እሙናን ከውድ ዓይብ እዊሎም። 3 3.እን ክኺን ክርስቶስ እየሱስሩዅ ወተሀደራሰና ይዲ ጅርበት ብቲ። 4 4.ወተሃደራ እን ሓርብሊ ፈሮ፡እን ኒከደማዅሲ ሰመርድሮ ዮ ኒመናባብሮሲ ሓንኮልሳዅ እላ። 5 5.ኒሰናኽር ላዅ ለመለም ኣካንሊ ኣኾ ለመለምያዅ፡እን ፍቲሕሰና አኾ ለመለም የገን ኣኽሊል ዓውቲትኒዅ አረረላ። 6 6.እን ከደማዅ አረሳ እን ፈደውልድ ሰልፍ ኒበና አድሮ ኣስተሃላዅሉ። 7 7.ጃር ኒድክድ አምር ኡሮካ ግን እማ እና ኣን የዅሲካ ኣስታውዓልዲ። 8 8.እን ይወንጌልሰና ፈደን ዳዊትሩልድ ኣኻሰና፡እም ክረውልድ ጔዅ የሱስ ክርስቶስቲ እልብዲሉ። 9 9.ኒሰበትድ ምቑላ እሰዅድሰና ሺብስትዅን፡ንሽዊል ኣኽራሲክ ጅርበት ብትዅን እማ ጃር ቆል እንሸውሰላኒ። 10 10.እማ እን ፍሪርሰውድ መታን ናውር ኮዶ እን ክርስቶስ እየሱስ ህንባዅ እን ደንብር ክብር አርድኖ መታን ኒትክድ ዓቅል እሰኩን እንኩዅን። 11 11.እምሳዅ ቆልግን ኒዲ ክርነዲ ኒዲ ደምበር ፊዃ አርኖ ግን። 12 12.ዓቅል እስነን ንኒዲ ሰየምኖ ግን።ከሓድነንሉኻ ከሓድሮና ግን። 13 13.ይን ጠለምነንሉኻ ኒሹቲ ከሓድሮ ገረስተለሉ እማ፡ ኒ እምንሳዅ አኾ ግን ንመንደርታዅ። 14 14.እን ዋሰውሲሉ ከቲሳዅሎም፡ነፍዓት እንጋዅ ቆል ማታን ዋኺትግኒን፡ጃር ጃብል መስከርዱንሲክ ኒስ እልብዲሲሎም። 15 15.ኩሹሺ እን ቆል እምንዅሲ ቀንዓትድ በናዅ፡ስማሳዅ እንግጋዅ ፈተንሳዅ ከደመንታ ሀብረ ጃርሲ ቋሊቶሉ ተዓቢ። 16 16.እን ፍሪተጋው ጋብ ርዅሳንልድ ስርጊ፡ሓራምሊ ጂቡኑ ፈረናዅ እማ። 17 17.እን ጋብ መንሱሪሳና ለዓዩ ቋዅ ግን።ሄሜኔዎስዲ ፊሌጦስዲ ናልድ ግን። 18 18.ናው ትንሳኤ ንጃብ ኣዅዅ ዩኑ እምንልድ ጀወልኖ፡እምነት ገሪውድዅሲ ገለበደናዅ እንኩኑዅ። 19 19. እን እምኑዅ ሰረት ጃሩዅ ተከልሶ ህንባዅ፡ኮዶ እና ማሕተምኒ ህንበኩሉ፡ጃር ኒው ኣኸውሲ አርእዅሎም፡ጃር ሱጙ ሽጛዅ ኒውክ ዓመጭኒልድ ሺራዅ። 20 20.እማኻ በሄር ልጝል ካንልድ ቢውልድ ኣዅዅ እራኽ ግራ፡እራኲ ደሀብዲ ወርከዲ ካያ አኽላ ኒል አረርሳዅ፡ኒገለኻ ክብርድ ኒገለኻ ክልልድ ኣካዅ። 21 21.እማኻ ኒልድ ላዅ ኒፊዅትሲ ጨረይደን፡ኒ እራኳ ካብርዲ ቀደስታኹዲ፡ክድመት ልጝን አደረድ ነፍዓዅ፡ኪዳ ግብር ኣኻዅሊክ ደለማዅ ኣካዅ። 22 22 .እን ተምነት ሽጉዅልድ እግሪ፡እን ለበካ ላጭሕድ ጃርሲ ሽጘውዲ ፈልፈላኻ ጭድቂዲ እምነትዲ እንከሊዲ ሰላምዲ ተለዪ። 23 23.እን ካትዕስናዲ ቃየርናዲ፡ዋኻ ከም ነቅሰት አርእሮ፡ጉሺሉ። 24 24.ገንጂና ጃሩዅ ኒትክ ርሒም፡መሀርዳዅ፡ዓቅል ኣኽሮግን ግራ፡ዋኺትሮ አስተሃለላኒ። 25 25.አዊ አርእዅን ጃር እምንሲ አርእድኖ ዮ፡ናስሓ እወኖም፡ኒ እን ተጣረረውሲ ሀድአትድ አደቡ፡ 26 26.ጃር ፍቛድ እሲድኖ ዮ ፍዶሰነሎም፡ናው ሎካብ ድያብሎስሩልድ ሸሽኖ ና ለበኪል ወንተረናዅ።
1 1.እን ደንበር ግርጋትሊ በዳን ወክት ከም እንተረት ኒስ አርኢ። 2 2.እንሲን ከው ናሹቲ እንከለው ኣኽድኖ ግን፡ሰላዲ እንከለው፡ዋርዲተንቲ፡ክቡራን፡ተጣረርው፡ናዋልደንሲ ኣዘዝተገው፡ሓመደገው፡ረኸሰው፡ 3 3.እንከሊ ናዕያልድ እንግገው፡ተዳመለው፡ለኸንቲ፡ስዳወው፡ጨካናን፡ኪሰሪ እንከለገው፡ 4 4.ደኩሶ እወው፡ሀወክሰንቲ፡ዓከረርሰንቲ፡ጃርሲ እንከልኒልድ ትክሲነ ሳቡር እንከለው። 5 6 7 5-7.እንስፍሃት ጃሩዅ ሻው፡እን ኒሒልሲኻ ከሓደው፡ልጝንተል ደረክኖ ትወው፡ሓራም እንሰኽሰው እኲን ገሪ ናምራድድ ደረረክሰው፡ዲማ መሀርሰው እን አውእን እምነቱዅ ገይእድኖ መላኪን ገረስተጋዅለን እኲንሲ ምለው፡ኒንግን እማ ናልድ ሺራ። 8 8.እን እያኔስዲ ኣያምብሬስዲ ሙሴት ተቋወምነሰና፡እን ሙዅናዅ ድዳዅ እምነትድ ጀረብስገው ከውኻ ኒሰናኽር እን እምንሲ ተቛወመናዅ እንኩኑዅ። 9 9.እማኻ እንድድሰና ኣኾኻ እን ዓወድናር ኒድክድ ገሀድስሮ ግን፡ኒልድ ደኩኖ ሰለጥደኒኒ። 10 10.እንቲኻ ይንብረትዲ ምሀሮሲ፡ይምራዲ፡ይእምንዲ፡ይዓቅልዲ፡ይእንከልስጝና፡ይዓቅልዲት ትክስረ ተለይሩዅ። 11 11.እን ኣንጾክያዲ ኢቆንዩምዲ ልስጥራዲ ገእያዅለ ስደት፡ጅርበት፡ነወያዅ ጅርበት ምዅርኹን፡ያደራኻ ኒልድክ ደአንድኺለ። 12 12.እማኻ ክርስቶስ የሱስድ ጃር ጒኢትነድ መንደርትና ጀረበው ናውክ ዳገንስድኖ ግን። 13 13.እን እከዩ ከውዲ መለንትዲ ፡ምሉኑኽር ከቲሱኑኽር ጂባኹሊ ገምድኖ ግን። 14 15 14-15.እንቲኻ አውረውልድ ከም መሀርስረት አርእሩዅ፡እን ኩሹግልድ ተርስረ እምነት የሱስ ክርስቶስ ደአነድ ለበኪሳ ቅዱሳን ክቱባትሲ አርኢ፡እንመሄርስረውዲ ፈሀምስረውዲሲ ተቢ። 16 17 16-17.እንቲ ኣዳም ጃሩዅ፡ ኪዳ ግብር ኣኻዅሲ ካያ ደለሚኽር ታምም ኣኽሮ መታን መንፈስ ጃሩዅ ገእያዅሉ ክቱብ መሄርስነድ፡አደብነድ፡ቀንዕነዲ፡ጭድቅዲሲ ኣካዅ አደብነድ ነፍዓዅ።
1 2 1-4.እንቁቅናው ሲሶሎም ግን ናምራድድ ናላውድ መምሃራን እክብድኖግራ፡እን እምኑዅ ምህሮስ ሰብር እሰገው ወክት እንትሮ ግን፡እንሲ ና እንቁቅሲ እምንልድ ሲድኖ ግን፡እንቁርቁራ ትልር ወንተርድኖ ግን፡ኒውክ ዓቅልዲ መህሮዲ እንቆልሲ ድዊቶ፡ኒወክትልኽር ኒወክት ኣኽጋዅልክር ዋሲስቶ፡አደብቶ፡ቀጽዕቶ፡መኻዅቶ፡ጃር ጃብል ኒድካ ህንበውዲ ክረውዲ ፈረድሮ ህንባዅሉ ክርስቶስ የሱስቲ እን ኒገሀስናዲ ኒምልክዲሲ ዓይብ የኩንካ። 3 4 5 5.እንትኻ ኮዶ ኒልድክ ጠንቀቅሲ፡ጅርበት ብቲ፡ግብር ወንጌላዊሪዅ እሲ፡ኩ-ኣገልግሎትሲ መልእዲ። 6 6.ኣናዲ ናንትልድ ሰውእስተኩን እንኩዅን፡እን ግርጋ ይፈርኒርኽር ስኩርዶ ህንበቲ እማ፡ 7 7.ኪዳ ለመለም ለመለም ይዅን፡ጋጝ ይዅሲ ድጞ፡እን እምነትሲ ተከዎ። 8 8.ገድም ያደራ፡እንጫድቕ ሓክም፡እን ግርጋ እንዲሂትል እዋኹለ ጭድቂሩዅ ገሞለ ህንባዅ።ኒጛ ኮዶ እን ኒ ገሀድስና እንከለውዲክ ግራ ይድ ካያ ኣኽላ። 9 9.ኣሸሽሮ ይል እንትቶ ወለይዲ። 10 10.ዴማስ እና ዓልም ንሂቲ እንከልኹላ እማ ባሮለ ተሰሎንቀትል ፈሩዅ።ክሬስኬስ ገላትያትል፡ቲቶስ ደልማጥያትል ፈርኑኹ። 11 11.ሉቃስ ካያ ይዲ ህንባዅ፡ማሪቆስ ክድመትሊ ነፍዓዅለ እማ፡ናቅሲሉ፡ኩዲ እንትን። 12 12.ጢቂቆስትኻ ኤፌሶን ትል ፈሶሉ ህንባዅን። 13 13.እንተርዱንጉሲካ፡እን ጥሮኣስትል ቃርጶስዲ ባራዅሉ ባርኖስዲ እን አክትበዲት፡ኒድከስጛ እን ብራናትትሲ ንቅሲለ። 14 14.እስክንድሮስ፡እን አንጠረንያ፡ገሪዅ ምቅላ እሲዅለ፡ጃር ኒግብርሰና ፈደይሮሉ ግን። 15 15.ኒ እን ይና ቆልሲ ገሪኽ ተጣረራኹ እማ፡እንቲ ኒልድ ተከውሲ። 16 16.እን ይጃበራ መጐትኒል፡ሻከሊሎም፡ናውክ ጠለምንዅለ፡ላዅ ድኳ ይዲ እርግላ። 17 17.እንስብከት ይድ እንሳኽስሮ መታን፡ናውክ ኮውኽር ቆም ዋስድኖ መታን፡የደራ ደውይዅለ።ክኺንድዅለ እን ገመና አብልድር ደአንድዅለ። 18 18.ጃር አከይ ግብርልድ አኸኽልድ ደአንድሮለ፡እን ሰሚል ህንብረሪ ሕኪም ኒኹሊ ቱስሮለኽር ደአንድሮለኽር ግን።ኒድ ዲማ ዳይም ክብር አኽኒ። 19 19.ጵርስኪላንዲ ኣኪላስዲ ልጝን ኦኔሲፎሮስዲት ሰላም ይለ። 20 20.ኤራስጦስ እን ቁረንቶስትል ከብቲኹ፡ጥሮፊሞስ መላኪን ሽኹሽቶ መሊጦስትል ባሮሉ ህንበኩን። 21 21.ሽቕ ጃብ እንትቶ አሸሺ።ኤውብሎስዲ ጱደንስዲ ሊኖስዲ፡ቀላውድያዲ ናውክ ሻጝር ሰላም የነኩካ እንኩኑዅ። 22 22.ይና አደራ እየሱስ ክርስቶስ ኩመንፈስዲ አኽኒ።ገድ ኩዲ አኽኒ።ኣሜን።
1 1. ጰውሎስ ገንጂና ጃርኹር ያዋርያ እየሱስ ክርስቶስሩኹር፡ እምነትድ ጀርድ ፍሪርሳዅ ኤርእጝድ እምንድኹድ እን አምልኾዲ። 2 2.እን ብጚታጋኹ ጃር ወክት እማኒኹድ ጃብ ሳዳ ሳዲሰኹ ዲመር ርሕ፡ 3 3 .እማኻ ትእዳድ ጃሩዅ ይና ደኤንዱራ እን ይድ ዓይብ እዋኹለ ሰበክና እሰ ኒወክትድ ኒቆልሲ ገሀዱኹ። 4 4. እን ቲቶስትል ሕብረት እምነትድ እምነድክ ይዅራ፡እን ጃርልድር ይና እኽርልድር እን ይና አደራ ይና ደኤንደንደኡራ እየሱስ ክርስቶስትልደር ገዲ ሰላምዲ ኩዲ አኽኒ። 5 5. እን አን ኤዘዘኽሰና ሃብረ ከብተኹሲ ሰረዕቶ መታን ና-ዕርዲሪል ሽማገለታት ሸየምቶ እና ንድ ሰበትድ ግን አን ቆርንጦስትል አን ባራኹካ። 6 7 6-8. እን ኤጲስቆጶስኻ፡ምቁላ እንጋዅ፡ግርዋ ላሪ እዂናሩኹ፡ርኽሰትድ ወሪ እዘዝስትና ብነድ ልኽስተጋው እምነው ወለልድ ሻው፡ጋሺ ከበርደንታ፡ትክ እንከላኹ፡ለበኪኹ፡ቅንዑ፡ቅዱስ፡ዓቅትረለ የንታ፡ ምቁላ እንጋዅ ፡ጃሩዅሰና ቊሰንታ ግራ ኒሹቲ እንከላጋዅ፡አኽጋኹድ ዋዂታጋዅ፡መስተትል ቀልብ እንጋዅ፡ጠዓምብስትጛጋዅ፡ረኸሳኹ ነፍዓት ጀረበጋዅ ደአም ኣኽሮ ሻዅ። 8 9 9. ኒ እን ምህሮ ሽርዋድ ሙዅዅሮ መታን፡እን ተቀናቀነውሲ ዋኺትና ገረስሮ መታን እምንሰኹ ቆል ምህሮሲ ተብን። 10 10. ገሪው አዘዝተገው ጋበንቲ ሃተውተው የው ከቲሰውር ህንበናዅ፡ ነን ኮዶ እን ከው ሰመተርደውልድ ግን። 11 11.ናው እን ረኸሳኹ ረብሓ ኤርድኒኖ መታን ይኖ አከጋኹ መሀርደነው፡ልጝንትሲ ገለበበደው፡ና-አብ አበድና ዋጅብ ግን። 12 12.ላኹ ናልድ ናኹ ነቢ ከው ቅሬጥስሩ ዲማ ብጙት ምቅል ምራው፡ሃከይሰንቲ፡ ተቅደንቲ፡ግን ይኹ። 13 14 13-14.እና ምስክር ኒን እምን ግን፡እማ እምነትድ ሽርዊትድኖ መታን እን እንቁርቁራ አይሁድኹሊ እን አዘዘው እን እምንልድ ጀወሎ ህንበው ከወል አቅለብድግኒን ሽኹሺሮ ዋኺቲሎም። 15 15.እን ርኹሳትዲ አምነገውዲ መላኪን እና አእምሮዲ ቀልብዲ ርኹስ ግን ግራ ዋላ ላሪ ላጪሕ ኣኽላ። 16 16.ጃርሲ አርአውሰና ናላውድ የነኩ፡ፈንፈንሰውዲ አዘዝተገውዲ እን ኪዳ ግብር ኣኻኹሲ ነፈገው ኣከነት እን ና ግብርድ ከሓደነኩ እንኩኑኹ።
1 1.እንቲኻ፡እን ምህሮ ሽርወስ ኣከሰና እስረ ድዊ፡ 2 2.እን ገኖ ህምበው፡ጠንቀቅሰው፡ተቀው፡ለበኩው፡እምነትድ፡ሓሰነትድ፡ዓቅልድ ሽርው አኽድኖ 3 3.እን ገኖ ህምበው እኪንር ኒሰና፡እራኩ ቅዱሳኑው አከሰና፡ልኸንቲ አኽገው፡ገሪው ወይኒ ጀእኒል ገንሺን አኽገው፡ትክያኹ መሀርደው አኽድኖ፡ 4 5 4-5.እን ግናቲት እዂንሲኻ እን ጃር ቆልሲ ጀኺስግኒን፡እና ግርውዲ ናቁርዲት እንከልድኖ፡ናፊኹትሲ ቀጽዓው ላጭሓን፡ናልጝንሲ ትክሰው፡በካይት፡ግርውሲ አዘዝተው አኽድኖ ለበኪስድኖለን ምኹኺለን። 6 6.እን ኣባጥሕሲኽር ኒሰና ለበኪው ኣኽድኖ መኾኺሎም። 7 8 7-8.እን ተቀናቀነውልድ ላኹ ድኳ ይና ሰበትድ ጋር ምቁላ ቤ ስማርዶ መታን፡ላጭሕ ምህሮ፡ተቅነድ፡ሕበር እንጋኹ ጋብ፡ሽርዋ ኪዳ ግብር አኻኹድ ኩፊኹትሲ ቋልስታኹ እሲ። 9 10 9-10.እን ገዝእስተው፡እን ምህሮ ጃሩኹሲ ይና ደአንደንተስ ሰርገይድንሉ መታን ኒድክድ ደአም በኪቲ እምነቲ ቃሊስድኖ ግራ ድሕርሕር የው ኣኽገው፡ናአርደትድ ሓከመሰው፡ኣኸኹክ ኣኽን ወንተሰገው፡ኒድክድ ባህሰው አኽድኖ መኾኺሎም። 11 11.ገድ ጃሩኹ በርህኹ እማ ኒድክድ ኣዳምድ ደአና ናቅሱኹ። 12 13 12-13.እን በኪት ሰደኽር እን ዓዘዛኹ ይና ጃርኽር ይና ደአንደንታ እየሱስ ክርስቶስሩኹ በርሃኹ ክብር ጨበርኑ፡ገፍዕነዲ፡እድንያ ተምነዲ ከሓድኖ፡እና ዓለም ኒል ጠንቀቅስነዲ፡ጨደቅነዲ፡ጃር ሺውነዲሲ መንደርትኖ፡መሀርደኩና እንኩኹ። 14 14.እየሱስ ክርስቶስ ዓመጭ አኻኹልድክ ፍድሮና መታን ኒሹሺር ኪዳ ግብርሊ ቀንዓኽር ኒማል አኸው ቆም ለጨሕሮ አክሮዮ፡ይና መታን ኒፊኽትሲ በዛ እሲኹ። 15 15.ኒስ ኒድክ ስልጣንድ፡ድውኽር፡መኾኺኽር፡ዋኺትኽር።ላኹ እካ ቃበብጊንኩት።
1 1.ናኣሕሉቅዲ፡ስልጣን ሻውዲሲ ግዝእስትድኖ፡ ኮዶ ናመራሕቲሲ አዘዝስድኖ፡ኪዳ ግብር አኸኽሊ ደለመው አኽድኖ፡ 2 2.ላኹሲ ጀኺግኒን፡ዋኺተገው፡ሕሱናት፡ረሓመንቲ ኣኻ ኒትክ ኣዳምድ ቋሊሰው አኽድኖ እልብዲሲሎም። 3.ይጝር ሰልፍ፡ዓወስዲ፡አዘዝተገውዲ፡ከተውዲ፡ገሪ እንከሊ ስኺኹድ መለክስናኽር ምቅልናርድ ቀንእነዲሲ መንደርትናኽር ፈንፈንሰው እኺርኺርሲ እንጠርናኽር እርግንኹን። 4 4.እን ይና ደኤንዱራ እን ጃሩኹ በከትዲ እንከሊዲ አዳምሲ ገለጽሰሰናኻ፡ 5 5.ኒ ኒምሕረትድ፡እንቃስና ሓዲስ ልደትኹ፡ሓደስትና መንፈስ ቅዱስኹድ ግን ኒ-ደአንዳኹና ግን ግራ ይና ግብርድ አኽላኒ። 6 7 6-7.ኒ ገድድ ጸደንኹን፡ሳዳ ዲመር ፊኻ ወረሰው አኽኖ መታን ይና ደኤንዱራ እየሱስ ክርስቶስድ እሰ መንፈስ ቅዱሲ ይና አወይሊ በጀኽዶ ብቅሲኹሉ። 8 8.እና ቆል ኒን እሙን ግን፡እን ጃርድ እምነው ኪዳ ግብር እስነድ ቀንዕድኖ መታን ንድ ትክስረ ፈሀምድቶሎም ጀረበ ህንበኩን፡ኒን ትክያኽዲ ኣዳምድ ነፍዓኹዲ ግን። 9 9.ኒን ዓወድናር፡ወለዶታትኹ ሺብዲ፡እን ፍትሕ ጪጭ ሚጭ፡ዋኸዲ ነፍዓጋኹ ሳክት ግን ስርጊሉ። 10 11 10-11.እን ሻረንታ፡እና ኒስተካኽ፡ኒሹቲ ድዳኹ ኣከት እን ኒሹቲ ኮነናኹ አከት ሓራም እስና አርእሮ ላዶን ሊጝር መኾኽሮ ደምቢ ሺሽዲሉ። 12 12.እን ኖቆጶሊስሊ ሽቅያ ድጞ ህንበኩን፡አርጠምስ ወሪ ጢኪቆስ እንሸቀሰነክካ፡ኣሸሽሮ ይል ላኹ። 13 13.ዜናስ ኣምር ፍትሕኹዲ ኣጵሎስዲት ገለ ነቀስጊንሎም ትክስረ ስብዲሎም። 14 14.እን ይነውር ፈደና እንገት አኽግኒን እን ላዝም ጀረብደኹሲ ግብርሲ እሲድኖ መሀርሲኒን። 15 15.ይዲ ህምበው ናውክ ሰላም የነኩካ እንኩኑኹ።እን እምነትድ እንከለውሲና ሰላም የነኩኩ ይልና፡ገድ ናድክዲክ ኣኽኒ ኣሜን።
1 1.ጳውሎስ እንሸውሳኹ ክርሶስድ፡ጢሞትዎስ ይና ዳንዲ፡እን እንከልሳኹ ይናዳንዲ ከደመንታዲ ትል። 2 2.እን ኣጵያ ይነሻ፡እን ይነዲ ተሓረባኹ ኣርኪጶስትኽር፡እን ኩልጝል ህምብረሪ ማሕበርሲኽር። 3 3.ይና እኽር ጃርልድር እን ይና አደራ እየሱስ ክርስትስልድ ገዲ ሰላምዲ ገምንተት። 4 5 6 7 4-7.እንቲ ይዳን ለበካ እን ቅዱሳኑኹ ኩድ ሰበትድ ረይሕስተት፡እንከሊ ኩኹድ ገሪኹ ፈርሕንኹንር ሀድእናኽር አርንኹን እማ።እን እየሱስ ክርስቶዲ ቁዱሳንዲ ናውክ ህንበው እንከሊዲ እምነዲ ዋሰሰና እን ክርስቶስዲ ህምበኹኩም ናውክ ትክያኹ ጋር አርእሩ፡እና እምነት ሕብረቱኹ ሰለጥሮ ይጠሎትሊ እልብንሲክካ፡ዲማ ጃርሲ ሐመደኩን እንኩኹን። 8 8.እን ዋጅብሲ አዘዝየካ ክርስቶስ የሱስድ ገሪ ተቢ ዋነንለ ድካ፡ 9 9.ኣን እና ህምባኹሰና ጳውሎስ፡ገኖ ህምባኹ ፡ናጝር የሱስ ክርስትስሩኹ እንሸውሳኹ፡ኒእንከሊ መታን ሺወኩንካ እንኩኹን። 10 10.እን ሞቕሕል አኾ እኻራኹሉ ይኹራ ኣናሲሞስ መታን ሺወኩንካ። 11 11.ሰልፍ ነፍዕለካ፡ናኛ ኩድር ይድር ናፍዕሮና ግን፡እማ ኩል ወንተሶሉ ህምበኩን። 12 12.ይለበከሰና እስረ ከለብሪሉ። 13 13.ኣና እና ንሺዊል ወንጌል መታን ኩኣካንሊ አኾ አገልገልድሮለ መታን ይሹቲ ከብስየሉ ጀረቢሪድ እርጋኽር ግን። 14 14.እምኻ፡እን ኪዳ ግብር ኩኹ እንከሊሲ ግራ ቀስብድ ኣኽጊን ኩእንከሊሲ አኽገት ላሪ ድካ እስያ እንከሊ። 15 15.እን፡እንሲንሲ ሲራኹካ አው አርእኹን ዲምሲ አርቶሉ አኽራ። 16 16.እማ ገድም ገንጂኒልድ ኪዳኹ፡ኒልድክ ይድ አውስኮት በጀኽዶ ኩት፡ስኸድር ይናደረድር እንከልሳኹ ዳንሰና አርቶሉ ግራ፡ገንጂነሰና ኣኽላኒ። 17 17.እማ ገድም ዳንሰና ቋልዳኹለ ኣክረን ይፊኹትሰና እስረ ከለብሪሉ። 18 18.እማ፡ገለ በደለኹካ ወሪ ኣዳኽሮኹካ ኣከን ይል ሺቢሉ። 19 19.ጳውሎስ ይናንድ ጻሓፋኹሉ፡ኩሹቲ ድካ ይእድኹ ግን ይጊንካ፡ኣን ይላውድ ፈደይየሉ ግን። 20 20.የዋ ይዳንዳይ፡ኣን ኩልድ ይናደርድ ነፍዕስትሪ፡ክርስቶስድ ይለበከስ ቀሰንዲለ። 21 21.እና ኣን የውልድካ አወይሲ ከም እስተር አርኦ፡ወስረትለኽር ኣምኖ ግን ነስ ከተበውልካ። 22 22.እና ነስ ሰበትድ እንተ ጸሎትድ ኣን እውስትየኩም ሳደኩን እንኩኹን፡ኣካን ሸኸለ። 23 23.አጰፍራስ እየሱስ ክርስቶስድ ይዲ እንሸውሰንታ። 24 24.ኒሰናኽር ይዲ ከደመው፡ማርቆስ፡ኤርስጠርቆስ፡ደማስ፡ሉቃስ፡ሰላም የነኩካ እንኩኑኹ። 25 25.ገድ ይና አደራ እየሱስ ክርስቶስሩኹ እንታ መንፈስዲ አኽኒ፡ኣሜን።
1 ጃር ገሪ ወክትዲ ፡ ገሪ ደርብዲሲ እማና ይና ክልሲ ናብያትድ እሰ ጋበሰናሎም፡፡ 2 እና ደንጎቢው ግርጋትሊ ፡ ይነት እንኒትክሲ ወራሳኹ እሰኹሉ ኒድር ፡ እዲናት መሃዳኹ ፣ ኒኹረድ እሰ፡ ጋቢኹና፡ 3 ኒ ኒክብሩኹ፡ ነጸብራቅዲ ፣ ሽክል ኒኣደቡኹ ዋኑ ኒትክሲኽር ኒሒልቆልድ ምኹሮ ዋኑታ፣ ይና ሓራምሲ ለጭሕድና እሰሳና ፣ እወት ግርማ ላውል ኮፍዩኹ፡፡ 4 እን መልኣኽቲትልድ ገሪኹድ፡ ፍሪርሳኹ ስኝ ወራሳኹድ ፡ ንድ ሓድ ኣኽራሲክ ናልድ ክብዩኹ፡፡ 5 እስከ መላእክቲትልድኻ ፣ ኣውቲ እንቲ ይኹራጊን ፡ ኣን ንኪ ኣኻሩኹንካ ፡ ሓዲስድ ኮዶ ፡ ኣን እኽር ኣካኩንሉ ፣ ንኽር እኹራ ኣከኩለ ያኹሉ ፣ 6 ሓዲስድ ኮዶ፡ እን ባክርሲ እዲናትል ቱሱ እንጉሲኩሉ ፣ ናውክ መላእክቲ ጃሩ ፍግም ይኑኹሉ ያኹ፡ 7 መልኣኽቲ ሰባትድ ኻ፡ ኒመልኣኽቲት ውለውል ኒኣገልገልቲት ሃልሃልያኹ ለኻ ዩኹ፡፡ 8 ኒኹራ ሰባትድኻ፡ ዎይኽር ጃር ኩዙፋን ዲማ ደማይ ፡ መንደርታኩ ፡ ኩመሪር ግምብኻ እምንዲ ግምቢ ግን፣ 9 ጭድቅ እንካልዳኹ ፡ ዓመጭ -ኻ እንጠርዳኹ ፡ እማ ኩጃር ኩጨርልድ ክብሰ ዘድ ፈርሓቱኹድ ቃስሮካ ግን ያኩ፡፡ 10 እማ ይኣደራ እንቲ፡ እማናትልድ ብረት ሰረትሩኹላ ፡ ሰማኽር ኩናንትታ ክድመት ግን፡፡ 11 እነኔን ድድኖግን እንቲ ላኪን መንደርትቶ ግን ፡ ኒውክ ኽር ሰረናሰና በልዶግን፡፡ 12 ሽልቱት ሰናኽር ፡ ትብልቶሉ ግን ቀይርስሮኽር ግን ፡ እንቲ ላኪን ኩእማኒሰና ግን ፣ ኩኣመታትኽር ድጙስትድኖ ኣኽኒ ያኩ፡፡ 13 እስከ መልኣኽቲትልድኻ ፡ ኣውቲ ናልድ ግን ፡ ኩኣባይሲ ኩሉኩካ ዓንቀይል ፡ እሲሪሲኩሎም ፡ ይላውል ኮፍ ዪ ያኹሉ፡፡ 14 ናውክኻ እን ደአና ወረስድኖ ህምባኹሎምሊ ፡ እንሻቅሰው መናፍስቲ ኣገልግሎቱ ኣኽኒማ፡፡
1 እማ ድድግኒን መታን ፡ እንዋስናኹሲ ትክስነ ፈጠኖ ወጃባኩና፡፡ 2 እን መላኣኽቲሲ ድውስተኹ ቆል ተቦ ደምቢ፡ ኒውክ ዓገብዲ ኣዘስትና ብናዲኻ እምንድ ፈዳይኒኹ ከም ከለብራት፡ 3 - 4 እና ንድኻ ጃር ፡ ኒፍቃድድ ኣምርዲ ተኣምራዲ ኒቱሩኹ ኣኻኩ ሒልዲ ዓደልና መንፋስ ሻክዲ መስከሩኑኻ ኣደራድ ድውስቲሮ ትርያኹ፡ እን ዋሰውሎድኻ ይነል ተባኹታ፡ ይን ደኣም ንስኮት ኣከው ደኣነስ ሓሰርሰግነን ኣዋሃብነ ሽልቁርኖ ገረስታኹንና፡፡ 5 እን ንርሰባትድ ጋብናኹላ እንተርደሪ፣ እዲናት ታዲ ፡ መላእክቲ ዓንቀይሊ ገዝኢስለላ ፡፡ 6 ላኪን ላኹ ድካ ፡ ላኣካንሊ መስከሮ ህምባኩ ፡ ንሰና ዮ ፡ ኣዳምቲ እንቲ እልብድቶሉ ኣውኒ ግን ፡ ወሪ ኣዳሚንድ ክረስ እንቲ ጉድቶሉ ኣዋያኹኒ፡፡ 7 መላእክቲትልድ ግናዪሲ ፡ ሽጉድሩኹሉ ኣኽሊል ክብሩኹዲ ግርሚኹዲ ከለልዱኹሉ ፡ ኩናን ከዳማኹኻ ሲምሩኹ፡፡ 8 ኒትክኽር ኒሉኩክ ዓንቀይሊ ፡ ሓከሚስሩኹሉ ፡ ኒትክ ሓከሚስሩኹሉ ኒት ሓከምስጋኹ ላኽ ድካ ባላ፡ ላኪን ኒውክ ክም ሓከምሰቱሉ ይንን ልሳዕ ንኪ ቋልናኩንሉ እልኒኒ፡፡ 9 እን ኒክረር ስቃይ ሰባትድ ፡ መላእክቲትልድ ብንሲ ሹግ ያኹ ፡ የሱስቲ ላኪን ገድ ጃሩኹ ናድካ ካው ኣብል ፡ ክራ ታምሮር መታንታ ፡ ኣኽሊል ክብርዱኹዲ ግርሚኹዲሲ ከላልሶ ቃልናኩንሉ እንኩንኹን፡፡ 10 እን ኒውክ ኒማታን ክርነድ ኣኻኹ ፡ ገሪውድ ቁርድ ክብርሊ ቱሶሎም እን ናደኣና ኣኾርሲ ስቃይድ ተመምድሮ ገይእኹሉ፡፡ 11 12 እን ቀደሳኹዲ እን ተቀደሳኹዲ ናውክ ፡ ላኹሊድ ግን ፡ እና ሰባብ ንድኻ ኩሱኝሲ ይሻንድ ድዊየሎም ማሕበር ናበክል ኽር ዘመሪየልካግ ፡ ናት ይሽን ይነስ ስማርላኒ፡፡ 13 ገድም ኻ ኣን ኒል ወከልሲያ ግን ፡ ሓዲስድ ኽር ፣ እናሓን ይዲ እን ጃር እወዉለ ቁርዲ ያኩ፡፡ 14 - 15 እማ ገዲም እምንድክ ፡ ኣብራሃምር ፈደንሲ ጉዱኹ ግን ግራ ፣ መላእክቲትታ ጉድለሎም እማ እን ብርዲ ስኻዲር ቁር ሕበርሲነ ደምቢ ፡ ኒክረድ እን ሒል ክሪኹሲ ኒናንተል ሻኻኹሲ ቂሊስሮል መታን ፡ ንኻ ድያብሎስ ግን ፡ እን ጋቂ ክሪኹሊድ ህምባኹ ናወክትክ ገንሺናርድ ሻኺስትኖ መንደርተው ናውክ ናጻ ፍድሮሎም መታን ዮ ፡ ኒኽር ኒድ ሕበርሲኹም፡፡ 16 17 እማኻ እን ሓራመ ኣኻኹሲ ኣረግሲሮር መታን ፡ መጃሩኹ ኣኻኹሲክ ሰኸንተተነዲ ፣ እምንሳኹዲ ከዳ እዋኹ ኣኽሮር መታን ኒድክድ እን ኒሻንሲ ተኪሮሎም ወጀባኩሉ፡፡ 18 ኒ ኒላውድ ፈተንሱ እንጉንሲ ፡ ሳቀይሱኹ እማ እን ፈተንሳውሲ እልልዶሎም ግርስ ሻኩ፡፡
1 - 2 እማኻ እንትኝ እን ሽጛና ሰሚኹሊ በና ሻኽድናኽር ፡ ሻትካን ይሻን ፡ እን ሙሴኻ ኒድክ ኒልጝንሊ እሙን እርጋኹ ፡ እን ኒት ሰየማኹ የሱስሊ እምንሳኹ ኣኻኹ ይና እምኒኹ ሃዋርያዲ ከዳ እዋኹዲትል ፈጠና፡፡ 3 እን ልጝንሲ ገበራኹ ፡ እን ልጝንልድ ኣወይሲ ክብር ሻኹ ፡ ኒድኽር ሙሴትልድ ኪዳኹ ክብር ተገባኣኹሉ ህምባኹኹ፡ 4 ልኝን ኣኻኹታ ፡ ኒርቲ ከደማኹላ ህምባኩላ ፡ እን ኒትክ ደላምዳኩኻ ጃር ግን፡፡ 5 ሙሴታ እን ደንብርኝ ድውስቲሮ ፈራኹ ፡ ጋርድ ምስክር ኣኽሮር መታን ፡ ኒውክ ኒልኝንሊ እምንሳኹ እርጉኹኹ፡ 6 ክርስቶስ ላኪን ውላድሰና ፡ ኒልኝን ኣወይሲ ግን ፡፡ ይነሓጠርናድ ዋርዲትናኹ ይና ሳዲኹዲት ደንጎቢል ኣኽራሲ ተብድኖ ሳክነንጻ ኒልጝን ይንን ግን፡፡ 7 ንድ መታን መንፋስ ሻትክ ንሰና ያኩ ንኪ ኒደሃይሲ ዋስደነን ፣ 8 እን ሐሪቀትድ እን ፈተና ግርጊል ፡ ጮን ከዳንሊ እስዲነኹሉ ሰና እንታ ለበካስ ተብድጋ፡፡ 9 ኒል እንታ ክል ፡ ኒትክ ቃሉኑ ፈተንኹለ ፣ ይግብርሲኻ ኣርቢያ ኣመራ ቃልኑኹ፡፡ 10 እማ እና ጅንስ ኒስ፣ ሓረቅኹንሉ እማ ዲማ ናለባከድ ሰሓተናኹ(ከተናኹ) ፡ ይደርብሲ ላኪን ኣርእኒሉ ይኹን ፡፡ 11 ይሓሩቀትድ ኻ ፡ ይፊኸሰኒል ትዋኒ ዮ ፡ መሓልኹን፡፡ 12 - 13 እንትጝ ይሻን ንኪ ይስቱ እንጉሲ ፡ ክሰራድ ክሰራ እንተሸር እንተሸትል ፡ መኻኻ ግን ግራ ላኹድ ድካ እንተልድ ሓራም ምሉሉ ተብጊን እማ ፡ ኣርእስተላ እንተልድ ላኹሊ ዲማ ዋነኹ ጃርዲ ፣ ሺሽዳኹ እኩይ እነጋኁ ለበካ ዋነጊን ጠንቀቕሳ፡፡ 14 እን ሰልፍሪ ይና እምነትሲ ፡ ዳንጎባ ኣኽራሶክ ፡ ተብድኖ ሻክነልናታ ክርስቶስዲ በንስናኽር ኣኽኖ ህንብናኩን፡፡ 15 ንኪ ኒደሃይሲ ዋስደናን ፡ ሓሩቀትድ እንታለበካስ ተብድጋ ይስቱ እንጉሲ፣ 16 17 ዋስኑ ሓረቅደውሉኻ ኣውረው ናው ፡ እን ሙሴ መርሖ ግብጺትልድ ፍደውሎም ናውክ ኣኽገውማ፣ 18 ኣውረውሲ ኻ ፣ ኣርቢያ ኣመራ ሓረቅራኹሎም ፡እን ሓራም እሰውሲ እማ ናግናደት ከደንሊ ፡ ለባኹ ኣኽጋኹማ፡፡ 19 እምነትድ ቱድኖ ከም ገረስግነትኽር ቃልናኩን እንኩኑኹን፡፡
1 እማ ገድም ኒፊኺል ቱኖ ሳዳ ዋነና ደንቢ ፡ ኣርእስተላ ላኹ እንተልድ ደንቢራ ከብተ ዋንተጊን ጉኢትንን፡፡ 2 ይነድኽር ናሰና ፡ ብሽራት ድውስተነ ህንባኹ እማ ፣ እን ዋስናኹሉ ቆል ፡ እንዋሰውዲ እምነትድ ሕበርሲጋኹ ኣኽነዲን ላኪን ፡ ነፍዕለሎም፡፡ 3 ኒግብር እዲና መሃድሱሩ እብጉሲ ዱጙሳኹ ኣኩ ፡ እን ይሓሩቀትድ ይፊኺል ትወኒ ዮ መሓለኹሉ ፡ ያኩ ሰና ይን እምናኽር ኒፊኺል ቱኖግን፡፡ 4 እን ለጞተሪ ግርጋ ሰባትድ ፡ ገለ ኣካንሊ ኒሰና ጃርኻ ኒድክ ኒክድመትልድ እን ለጞተሪ ካረትል ፊኹኽ ዮ ህምባኩ፡፡ 5 ኮዶኻ ኒል ይፊኺል ትወኒኒ ዩኹ ፡፡ 6 እማ ገድም ገለ ካው ፡ ትወውላ ከብትረ ወንትርነዲ እን ሰልፍ ብሽራት ድዉስተውሎምስኻ ናእማና ብንድ ፣ ቱድኖ ገረስኒ፡፡ 7 እማናኻ ንኪ ፡ ንኪ ዳሃይሲ ዋስደናን እንተላበካስ ተብድጋ ይስታኹሰና፡ ገሪ ወክት ደምቢ ዳዊትድ ንኪ ፡ ኒ ይነድ ሓዲስድ ላኳራ እሙሪ ኳራ ፡ መደባኩ እንኩኹ፡፡ 8 እያሱ ፊኽዳኹሎም ኣከንታ ፡ ኒደንቢ እሪ ግርጋ ሰባትድ ጋበጊድ ሻኹግን፡፡ 9 - 10 እማ ገድም እን ኒፊኺል ትዋኹታ እን ተጃር ኒኪድመትልድ ፈኹስተና ንኽር ኒክድመትልድ ፊኾ ህምባኩ እማ ፡ እክ ጃሩውድ ፊኻ ሰንበሩኹ ከብትረሎም ህንበቲ፡፡ 11 እማ ላኽ ድካ ፡ እን ኣዘስትና ብኒልድ መሰል ኣዶ ለብጊን፡ እን ፊኻ እንድሂትል ቱኖ ለመላም ይንን፡፡ 12 ቆል ጃሩኹ ወነኹዲ ሰለጥዳኹዲ ግን እማ ፡ ለጛ ኣብ ሻኹ ሰፍልድ ጠበጣኹ ግን ፤ ፊኹዲ መንፈስዲ ይና ኣካልሲ ፈለለያኹዲ ኣንጉዕዲት ፈለይራሲክ ተከናኹ ፡ ሕልነዲ ለበካ ሓሳብዲትልኻ ፈረዳኹ ግን፡፡ 13 እን ጠብጣብ ኡዉናኹላ ኒዕልላ ጃብል ፡ ኒውክ ብስታኹ ቃልዕዲ ግን ግራ ፡ ኒጃብልድ ትብታኹ ሙሁድ እላ፡፡ 14 - 15 ገድም ሓራምድ ኣኽገትክ ኒድክድ እና ፡ ይናሰና ፈተንሳኹ ግን ግራ ይና ቂልስጝ ረሓምሮልና ገረሳጋኹ ከዳ እወጋኹ ሻኽኒኒክ፡ እማ ሰመድ ደኳኹ በሄር ከዳ እዋኹ የሱስ ጃርኹራ ዋነና ደንቢ ይና እምነትሲ ትብድኒን፡፡ 16 እማ ምሕረት ኣርኖር መታን ፡ ይናሽግር መታንልኽር ይናረድኤት ኣካኹ ኣርኖ ፡ ሓጠርድ ዝፋን ገዱኹሊ ስኩርንን፡፡
1 ከዋ ጃብልድ ኣስታኹ ከዳ እዋኹክ ፡ ሞባእዲ በደዲ ሓራም ሰባትድ ፡ በደይሮ ጃሩኹድ ሰባትድ ከዋ መታን ፡ ግን ሲምስታኹ፡፡ 2 ኒሹትኻ ቂልስጝ ተከናኹሉ ኣኽናዲን ፡ እን ፈሃመገውዲ ከታውዲ ረሓምሮሎም ገረሳኹ ግን ፡፡ 3 እማኻ እን እክ መታንሰና ፣ ኒሰናኽር ኒመታን ሓራም ሰበትድ በደይሮ ተገበኣኹሉ፡፡ 4 ኣሮንድሰና ጃርድ ሽጝስታ ግን ግራ ፡ እና ክብር ኒስ ላኹ ድካ ኒላውድ ኣደለሉኒ፡፡ 5 ኒሰናኽር እን እንቲ ይኹራ ግን ኣን ንኪ ኣኻሩኩን ካ ፡ ያኹሉሱ ከበርድሮሉ ግራ ፡ ክርስቶስ ኒላውድ ከዳ እዋኹ ኣኽሮ ዮ መታን ፡ ኒ ኣኹርሲ ከርድላኒ ፡፡ 6 ኣረኣካሊኻ እንቲ መዓርግ መልኪ ጻዲቅሰና ፡ ዲማ ከዳ እዋኹ ግን ያኹድሰና ፣ 7 ኒስኻ ወክትድ ዋኑ እንጉሲ ፡ ገሪ ዋዕይናዲ ስርነዲሲ ፡እንክሪልድ ዳኣንድሮሉ ገረሳኹሊ ጠሎዲ ምህልላዲ ስክሰሳናኽር ፡ ጃርሲ ኒጉኢትና ዋስተሰናኽር ፡፡ 8 ኡኽራ ድካ ኣኩ ፡ እን ኒሳቃይሳኹ ስቃይልድ ኣዘስትና መሀርሱኽ ፡፡ 9 - 10 ማዓርግ መለከ ጸድቅሰና ጃርድ ፡ ከዳ እዋኹ ኣኾ ፡ ሰየምሶ ታምም ኣኸሰና ኻ ፡ እን ኣዘስተውሲኩሉ ናትክሲ ዲማ ደኣናድ ምኽንያ ኣኺኹሎም፡፡ 11 ኒሰባትድ ገሪው ጋራት ይነውሎም እርጉኹናታ፡ ዋስነድ ሺሽደናኽር እኽድነዲን ፡ ኒቱርጉም ጭንቂ ግን፡፡ 12 እን ኒወክት ሺርኒልድታ ፣ ክንሱት ኣኽጽኖ ተገቡኡኩም እርጋኹ ግን፡፡ እን ሰልፉኹ ምህሮ ቁሉዑኽሲ ሓዲስድ ቆል ጃሩኹሲ መሄርድዬኩም ጀረብዶኩም ህምባክ እማ ፡ ሸብግን ግራ ተባኹ ነብራ ጀረብደላኩም፡፡ 13 ሸብ መገብሰኹ ኒውክ ቆልዓ ግን ፡ እማ ጭዱቅኽድ ሳበትድ ፈተንሳኹ ኣኽላኒ፡፡ 14 ተባኹ ቁና ላኪን እን ትክያኹዲ በዳንዲት ፈለይነስ ክንትና ፣ ናለበካስ ደላምደው ኣባጥሕ ግን ፡፡
1 2 እማ ክርስቶስር ኒሰልፍ ጋርሲ በርኖ ፡ ክሪው ክድመትልድ ነስሕስነድ ጃርሲ እምነድ ምህሮ ጥምቀቱኹድ ፡ ናን ገምነድ ፡ ጉና ክሪኹድ ዲመር ፍርድልድኽር ሓዲስድ መሳረት ሰራትግኒን እማ ዳንጎቢል ዳኩንኒን፡፡ 3 ጃር ፍቃድ ኣከንታ ፡ ኒስኽር እሲኖሉ ግን ፡፡ 4 እን ላዶን ብርሃን በሃሰነሎም ፡ እን እንው ጃሩኹስኽር ታመው ፡ መንፈስ ሻትክልድኽር በንሰው፣ 5 እን ትክያኹ ቆል ጃሩኹዲ ፣ ሒል እን ናን እንተርደሪ እድንያትኽርካ ታመው ፡ 6 ለበናን ጃርኹረስ ሓዲስድ ናሺቲ ከርከርድኑኹሉ ፣ ዋድሕድ ኮዶ ቀየረናኹሉ ኣኸውድ ሓዲስድ ንሳሓድ ሓደስትድኖ ገረስተሎምኒ፡፡ 7 እን ገሪ ግርጋት ንርትል ገማኹ ዓቁሲ ጅእረሪ ብራ እን ናሺቲ ነፍዕቶሎም ፡ ጎደውድላ ፍራ ኡረንሎም ፡ ጃርልድ በረኻት ኣቶግን፡፡ 8 እክክምዲ ዳንደርዲ በኮልድረን ላኪን ፡ልኽስትረሪዲ እሸና ገባ ዲትል ግን፤ ንር ኣኺኻ ሓውዪኒል ግን፡፡ 9 - 10 እንጝ እን እንከላው ጃር እን ሻትካንሲ ኣገልጋልድናኹዲ ፡ ኣገልገልድዱኑ ህምብደናኹ እንታግብርዲ ኒሱጙድኽር ፡ እስዲነኹሉ እንታ እንከሊሲ ሙኹራኹ ገፍዓኹ ኣኽላኒ እማ እንተዳ ፣ ኒሰናኽር ጋብነን ኪዳኹዲ ደኣናድ ኣካኹዲሲ እምናኹ እንኩኑኹን፡፡ 11 - 12 እን እምነዲ ሰብርዲሲ ፣ እንሳደት አረረውላ ተኪትኖሎም መታን ግን ግራ ፡ ድንዱዳን ኣኽግኒን ላኽ ደንጎቢል ኣኽራሲክ ፡ ኒሳዳ እንታኽነዲ ተብድነዲሲ እና ተግሃት ኒስ ቃሊያ ጀረብናኩን እንኩኑኹን፡፡ 13 - 14 ጃር ኣብራሃምቲ ሳዳ እዉ እንጉሲኩሉ ፡ ንድ መሓልኹሉ ፡ ኒልድ ኩጛኹ ነኣርጋኹ ኣኽነዲን እምንዲክ ጎውሩ ገውሪየካ ፡ በጃኽዱኽር በጀኽድየካ ፡ ግን ዮ ፣ ኒኣኾርድ መሓልኹሉ፡፡ 15 ኒሰናኻ ሰብርድ ፡ ጨበሩ እንሳዳስ ኣሩኹሉ፡፡ 16 ከው እን ናልድ ኩጛኹድ ግን ናው መሓላናኹ ፡ እን መሓልሳኻ ተብዲስና ኣኽነዲን ፡ እና ሙጉትሲ ኒትክ ድጙኩሎም፡፡ 17 እማ -ኻ ጃር ፡ እን ኒያመማኹሲ ክም ቀየራጋት ፡ እንሳደትድ ወራሰውሲ ትክሰ ቃሊስሮሎም ጀረበሳና መሓልናድ ናበክል ትዉኹ፣ 18 እን ጃር ብጚትሮሎም ገረሳጋኹ ለጛ ቃየርሰጋው ጋር እስነ ይን እን ይናጃብል ህንብረሪ ሳዳት ሻኽኒል ፡ እግርኖ ፍናኽር ገሪኹ ጭንዓትድ ኣርኖግን፡፡ 19 - 20 ንርኻ ማልህቕ ፊኹቱኹሰና ፡ ትሩዲዲ ተብረሪዲ ግን እማ ፣ እን የሱስትል ማዓርግ መልክዕ ጸዲቅሰና ዲማ ደማይሲ ከዳ እዋኹ ኣኾ ፣ መርሓይሰና ይናማታን ትዋኹሉ ጅዋ እንክራሩኹ ቱስረሪና ሳዳ ህንበቲና፡፡
1 እና መልከ ጻድቅ ሳላሙኹ ፡ ከዳ እዋኹ ጃሩኹ ኣብራሃምዲ እን ኣስያምሲ ቂልሲሶ ወንተተሩ እንጉሲ፡ ከለብራኹሉ እማ ገውራኹሉ ፡፡ 2 ኣብረሃምኻ ኒድክልድ ዕሽር በነኹሉ ፡ ሰሊፍ ንሰናድ ትርጉም ሲም ጭድቁኹ ፡ ደብንኻ ሲም ሰላሙኹ ፣ ማለት ሲም ሰላሙኹ ግን፡፡ 3 እኽር እንገት ልሳዕ ፣ ገና እንገት ፣ ሺብ ጅንሱኹ እንገት ፡ ሰልፍ ግርጋት ዋሪ ዳንጎባ ፊኹቱኽ እንግጋኹ ፣ ላኪን ጃርኹስ ተከ ዲማሲ ከዳ ኣኾ መንደርታኩ እንኩኽ፡፡ 4 ኣብረሃም እን እክላ ኣኾር ፡ እን ኣስተው መልድ ትክያውሲክ ዕሽር እዋኹሉ ፣ ንውሪኮት በሃር ኣኸት እስከ ቃላ፡፡ 5 ለዊ ቁርልድኻ ፡ እን ካዳት ከላብረው እን እክልድ ማለት ኣብራሃምልድ ያውልድ ፈው ናሻን ድካ ኣኩኑ እንጉሲ ፣ ዕሽር ኣድኖ ፍትሕድ ትእዛዝ ኣኹኑኹ ፡፡ 6 ኒን ላኪን ናጅንስ ኣኽጋኹሊድ ፡ ኣኹ እንጉሲ ኣብራሃምትልድ ዕሽር ኣዱኹ እንሳደት ኣሮ ህምባኹሲኽር ገውሩኹ ፡፡ 7 ተወላወልና እንገት ኻ ፡ እን ግናይ እን ኒልድ ቅዳኹድ ገውርሳኹኹ ፡፡ 8 ነት ታዲ ከው ክራው ዕሽር ኣደናክ ፣ እንጨዲል ላኪን ዋነኽ ኒኣክነድ መስከርሳኹሉ ፣ ግን ዕሽር ኣዳኹኹ፡ 9 ኒስ ይይናኻ ፣ ንሳና ግን ፡ ለዊ እን ዕሽርሲ ከላብራኹ ድካ ፡ ኣብራሃምድ እሰ ዕሽር እዉኹኹ፡፡ 10 ማለት መልከ ጸዲቅ ኣብራሃምቲ ኣረሩ እንጉሲኩሉ ፣ ለዊ ላኪን ንኽርድ የውል ግን እርጋኹ ፡፡ 11 እማኻ ለዋውያንዱ ፣ ከዳ ልጝንልድ ታምም ኣከንታዲ እን እክ ኒድ ፍትሕ እዉስቶሎም እርጉኹ እማ ኣሮንር ማዓርግሰና ውሪኹ ይስታጋኹ፣ ኣሪኹ ከዳ መዓርግ መልከ ጸድቅ ሰና ፡ ኣኻኹ ጉሮ ዳኣም ውሪኹ ጀራብዳኹን፡፡ 12 ማለት እክ ቀየርሶ ደምቢ ፡ ቀየርስና ፍትሕኹ ላዝም ኣኽሮ ግን፡፡ 13 እን ኒሳበትድ ፡ ኒስ ይስታኹሉ ኣሪጅንስልድ ግን፡ እን ጅንስ እንዲል ላኹ ድካ በዲኹል ኣገልገልዳኹ እላ፡፡ 14 ይና ኣደራታ ፡ ይሁዳትልድ ሙሰ ከዳ ሰባትድ ላኹ ድካ ጋቢጋኹሉ ጅንስ ከም ፈት ኣርእስታኹ ግን፡፡ 15 ናንኻ ትክሰ ዋድሕስታኹ ግን ፡ መልከ ጻድቅ ተካኹድ ክሪኹ ከዳ ኃኹልታ፡፡ 16 - 17 እንቲ መዓርግ መልኪ ጻድቅ ድሰና፡ ዲማ ደማይሲ ከዳ ግን ዮ ፣ መስከርሳኹ ግና እማ ፡ ደኮጋኹ ሒል ፊኹቱኹ ግን ግራ ፡ ትእዛዝድ ፍትሕ ስገኺኹድ ከዳ ኣኽላኒ፡፡ 18 እን ነደካኹ ትእዛዝ፣ ሓያምዲ ናፍዓጋኹዲ ኣኸውድ ግን ሳዓርሳኹ ፡፡ 19 ፍሕ ላኹድ ድካ ፣ ታመምኒል ገስኣለሉ ፣ ላኪን ጃርሊ ስኩርነሪላ ኪድረሪ ሳዳ ቱቲ፡፡ 20 - 21 ኒን ላኪነብ እን ጃር ፣ እንቲ እን መዓርግ መልከ ጻቅ ሸና ዲማ ደማይሲ ከዳ ግን ዮ ፣መሓላኹሉ ጥዕስረታላንኽር ግን ፡፡ ይስታኹሉ ማሕላ ግን ፣ ኒንኻ ማሕላ እን ገት ክምኣከጋት እንደንታ ፣ ማሕላ እንገት ከዳታት ኣኽኑኹ፡፡ 22 ኒሰናኽር የሱስ ፣ ኪዳኹ ደአንደንታ ማእኮት ኣኹኽ፡፡ 23 እንደንታ ፡ መንደርትግኒን ክረድ ገብስጚነዲን ፡ ገሪው ካዳታት እርጉኑኹኹ፡ 24 ኒን ላኪን ዲማ ደማይ መንደርታኹ ፡ ኣኽነዲንታ ደኮጋኹ ከዳ ሻኹ፡፡ 25 እማ -ኻ እን ኒድ እስነ ጃርሊ ፣ እንተራውሲ ዲማ ደማይ ናማታን ሺዉ መንደርታኹ ኣኽነዲን እምንድክ ደኣንድሮሎም ገረሳኹ፡፡ 26 ንሰና ተከኹ ጂበዲ ርኽሰዲ እንግጋኹ ፡ ሓራሙሊድ ፈላይሳኹ ሰሚልድ-ኻ ክብያኹ ሻትክ ከዳ እዋኹ ጀረብዳኩና፡፡ 27 ኒ እን ኣሪው ኣምራንዲ ከዳ እወው ሰልፍ ፡ ኒሓራም ሰበትድ ደብን ኮዶ እን ከዋ ሓራምድ ክሰረድ ክሰራ በዳ ስክስሮ ጀራብዳኹሉ ግን እማ ፡ ኒኣኽርሊ በዳ እሰ ዶክሶ እዎሰና ላዶን ዲመሲ እሲኹሉ ፡፡ 28 ፍትሕታ ከው ኒቂልስጝ ፣ ሻውድ ግን ፡ ኣምራን ካደታት ኣኽድኖ ሰየመውሲሎም እን ፍትሕድ ደምቢ እንታኹ ታምም ኣካኹ እኹራ ግን ሰየማኹ፡፡
1 - 2 ናንኻ እና ይንን ይናኹሉ ህንብናኹሲ ፡ ኣውራ ኒጋር ኒን ግን፡ ይንታዲ ሰሚል ዝፋን ግርማ ላውል ገማኹ እን ኣደሪኹ ግን ግራ ፣ ኣዳም ተከልጋኹ መቅደስዲ ድንኳንዲ እምንዲ አገልገልዳኹ ኒሰና ተካኹ ከዳ እዋኹ ህምባኩና፡፡ 3 ከዳ እዋኹክ ሞባእዲ ሰደቃዲ ስክሱሮ ፡ሰየምሳኹ እማ ኒሰናኽር ገለ ስክሳኹ ዋኒሮሉ ላዝም ግን ፡፡ 4 እማ ገድም ብሪል ኣከንታ እን ፍትሕሰና እስነ ፡ ሞባእ ስኩሳው ዋኒነዲን ኒበታተን ከዳ እዋኹ ኣኽጊት ሻኹግን፡፡ 5 እንደን እን ሰሚሪ ተካዲ ፡ እንከሊዲ ኣገልጋልደው ሙሴየት እን ድካንሲ እሲሮ ጀረቡ እንጉንሲክ ቃለድ ይስተሰነሉ ፡ ኒውክ እን ከረንሊ ቃልደኽረላ ታከሰና እሲቶ ፈጠኒ ፡ ይኹሉ፡፡ 6 ናን ላኪን ኒ ፡ ነበካ እንከድረሪ ሳደትል ሰረትሳኽ ፡ ኪዳኹ ማእኮትኽር ንድ ሓድ ኣኽራሲክ ትክያኹ ኣገልግሎት ኣሩኹ፡፡ 7 እን ሰላፍ ማእኮት ልኽስቲጋኹ ኣከን ፤ እን ለጞ ኣካን ጀረቢስተጊድሉ፡፡ 8 እማኻ ልኹሎም ንሰና ያክ፡ እናሓን-ኻ እስራኤልዱ ልጝንዲ ይሁዳ ልጝንዲት ፣ ሓዲስ ማእኮት ትዋኹለን ግርጋት እንትድኖ ግን ያኩ ጃር፡፡ 9 እን ናንድ ሻኾ ግብጺር ብሪልድ ፣ ፍዱ እንጉሲኩሎም ግርጋድ ናእክልዲ ትዋኹሉ ማእኮት ኣኽላ ፡፡ ናው ይማእኮትድ ተብኒ እማ ፡ ኣንኽር ሓሰርሰሊሎም ያኩ ጃር፡፡ 10 እን ግርጋ እንደድ ደምቢ ፡ እስራኤልዱ ኮውዲ ትዋኹሉ ማእኮት ኒን ግን ፡ ይፍትሕሲ ናሓሳብሊ ቱሲየሉ ናለበኪልኽር ከተቢየሉግን ፡ ኣን ጃር ኣኺየሎም ግን፡ ናውር እክ ኣኽድኖለ ግን ያክ ጃር ፡፡ 11 - 12 ናዓመጭሲ ብሕል የጊን እማ፡ ናሓራምስኽር ንደምቢ እልብደሊሉኒ፡ ናግናይልድ በሀሊ ኣኽራሲክ ኣርኣዉለ ኣኽንነዲን ፣ ላኹክ ኒድገኹዲ ላኹክ ኒዳንዲ ጃርሲ ኣርኢሉ ዮ መሄርደላሉኒ፡፡ 13 ሓዲስ ማእኮት ኒ ይነድ ፡ እን ጃበራስ በልድኹሉ፡፡እን ገናኹዲ በላኹዲ ላኪን ድዲል ስኩራኹ ግን፡፡
1 ገድም እን ጃበራ ማእኮትኻ ፣ ኣገልግሎት ጃርኹር ኽር ፡ እና ብሪኹ መቅደስልኽር ፍትሕ እርግጋኹሉ፡፡ 2 ድካን ተከልሶ እርጉኹ እማ ፡ እን ሰልፍል ኣረርስረሪ ቅድስተ ይስትረሪ ልጝኒ፣ ቀንደልዲ ሰደቃትዲ ሳንዓ ቃልስናዲ እርጉኹኹ፡ 3 እን ሊጞር ክራር እንደራሲ ላኪን እንድንካንሊ፣ ቅድስተ ቅዱሳን ይስትረሪ እርግቲ፡፡ 4 ንርትል ጽንሃህ ደሃብዲ ኒድክድ ደሃብድ ቃራኹ ታቦት ማእኮቱኽ እርጉኽ እማ ፣ ኒ እን ማነስ ሻኻኹ ፍዮራ (ጀን) ደሃቡኹዲ ኣሮንዲ ግምቢ ቁጥረሪዲ ጽላት ማእኮቱኹዲ ፡ ሻኻኹ እርጉኹ፡፡ 5 ኒኣወይስኻ እን ወንበር ገዱኹሲ ሻሚሰው ክብር ኩሩበልድ እርግኑኹ፡ ኒድ ሰባትድ ናን ላኹ ላኹድ ፣ ጋቢኖሉ ኣከላናኒ፡፡ 6 ኒን ነኸ ደለመሳና እን ከዳታት ዲማ ፣ እን ሰልፍድ ህባ ልጝንሊ ናኣገልግሎት ገእሲድኖ ትዋናኹ፡፡ 7 እን ልጝንሊ ላኪን እን ከዳ እዋኹ ፣ ኒቱ ኣመሪል ላዶን ትዋኹ ፡ ላኪን እን ኒኣኻርዲ እን እክ ሓራም ሰባትድ ፣ ስኩሳኹሉ ብር እንገት ትዋላኒ፡፡ 8 እን ሰልፍ ልጝንሊ ልሳዕ ደው ዮ ዋኑ እን ማቅደሱኹሊ ፡ ቱሲሳኹ ደርብ ልሳዕ ክም ወድሕስትገት መንፈስ ሻትክ ንድ ቃሊሳኹ እንኩኹ፡፡ 9 ኒ እና ናን ህምባኽ ወክትድ ፡ መሰለ ግን፡፡ ኒሰና እስነ እን ኣገልጋሪላ መቅደሱኹ ኒሕልነድ ታምም እሲሮሉ ገረስታኹሉ ሞባእዲ ሰደቀትዲ ሱክሰነኩ እንኩኑኽ ፡፡ 10 ኒን ሞባእዲ ሰደቀትዲ ፡ ናቱር ናቱ እንቃስነድ እን ወክት ትክይኒኹ ገይእራሲክ፡ ስኺኹ ስርዓት ካያ ግን፡፡ 11 ክርስቶስ ላኪን እን እንተራኹ ትክያኽ ሓጃታ ከዳ እዋኹ ኣኾ ፡ እን ተሰና እን ብሉጽዲ ታምምዲ ፡ ናንድ እስቲጋኹ ማለት እና ምህዶ ኒልድ ኣኽሃኽ ልኝን፡፡ 12 ብር ዕምብሊኹዲ ገሩኽዲሲ ኣኽጊታ ፡ ኒብርድ ዲመር ደኣኒኹ ፡ ኣሮ ላዶን እን ሻትክ ልኝንሊ ትዉኽ፡፡ 13 እማ ብር ዕፍልታትዲ ገሩዲ ፡ ባርህ ገራኽ እን ሓራሙሊ ነጨቅሶ ፡ ላጭሕድና ስኺኹል ሻትክ እሳኽ፡ ኣኾ ደምቢ ፡ 14 ክርስቶስር ብር ዲመር መንፈስድ ፡ እሰ ኒኣኽርሲ ሓኩር እንገት ፡ ጃርድ ሱክሳኽ ውሪኮት እንኝ እን ዲመሲ ዋነኽ ጃርሲ ኣገል ገልትትኖ ፡ ውሪኮት ትክሰ እንታ ሕልነስ ክሪኽ ግብርልድ ለጭሕዳጋኹሉ፡፡ 15 እና ንድ ሰባትድ ግነ ፡ እን ሰልፍ ማእኮትል እሱ ተንኮልድ ዓገብ ደኣናድ ኣኾኽ ክራ ኣኻሰና ፡ እን ሽኝስተው እንሳደት ዲመር በነት ፡ ኣርድኖር መታን ዮ ኒ ሓዲስ ማእኮቱኹድ ነበካ ኣኹኽ፡፡ 16 ፋነይና ህምባኹሉልታ ፡ ክራ እን ፋነያኹድ ኣኽሮ ላዝም ግን እማ ፡ 17 ፋነይናታ ክራደምቢ ግን ኒተባኹ፡ ግን ግራ እን ፋነያኹ ኒርሕድ ዋኒራሱክ ላኽ ድኳ ሰላጥዳኹ እላኒ፡፡ 18 እማ እን ሰልፍ ማእኮት ድኳ ፡ ብር እንገት ቀደስተላኒክ፡፡ 19 - 20 ማለት ሙሰ እን ፍትሕል ፡ ህምባኹድሰና እሰ ፡ እን ትእዛዛት ኣኸውሲክ እክሲ ድወሰና ብር ገራኹዲ ዕብላታትዲ ዓቅዲ ፡ ሰራኹ ሽብካዲ ፡ ስም ዕዛዲ ኣዶ ጃር እንተድ ኣዘዙኽ፡፡ ብር ማእኮቱኽ ኒንግን ዩኹ ፡ እን ክቱብዲ እን ክቱብዲ እን እክዲትል ነጨግኹሉ፡፡ 21 ኒሰናኽር እን ልኝንዲ ኒትክ እን ኣገልገልደው ሓጀዲት ብር ነጨግኹሉ፡፡ 22 እን ፍትሕሰና ኒውክ ብርድ ግን ኒ ለጭሓኽ ፡ ብር ቦቅተጊኽር ብሕልታ(ብሕልይና) ኣካላኒ፡፡ 23 እማ ገድም ተካ እን ሰሚል ህምባኽ ፡ ሰንዓቲኹ ንድ ላጭሕሮ እን ሰሚኽ ኒሹቲ ላኪን ኒልድ ኪዳኹድ ፍዳድ ፡ ላጭሕሮ ላዝም እርጉኽ፡፡ 24 ክርስቶስ ናን ጃር ጃብል ፡ ቃልስትሮልና ንርትል እን ሰሚል ትዉኽ፡ ግን ግራ እን እምኑኽ ታካትል እን ናንድ እስትረሪትል(ከደምስትራሪ) ፡ መቅደስል ኣኽላኒ ንትዋኽ ፡፡ 25 እን ከዳ እዋኹድሰና ፡ ኣመራ ሺባ ኣሪውር ብርድ መቅደስሊ ትዋኽ ፡ ንታዲ ገሪ ግርጋት ኒኣኾርሲ በደይሮ ቱላኒክ ፡፡ 26 ኒን ኣኽጊ እደዲንያ ፡ መሃድሰንትልድ ተርሰ ገሪ ግርጋት ጅርባትድ ብትሮ ወጀቡሉ (ተገብኡሉ) እርጉኽ ፡ ናን ላኪን ኒኣኻርሲ በዳይነድ ፡ ሓራምሲ ቂሊስሮ ዮ ግን እን ደንጎባ ወክትሊ ላኪን ዋድሕስታኹ ፡፡ 27 እን ኣዳሚንዱኽረስ ላዶን ክራ ፡ ኒደንብኻ ፈረድስና ሰርዕስታኹሉ ፡፡ 28 ኒሰናኻ እን ሓራም ፡ ገሪውሲ ሺሽድሮ ዮ ላዶን በደይሳኹ ክርስቶስ እን ኒድ ጨበራውድ ፡ ደኣነድ ሊጞር ኳራ ሓራም እንገት ዋድሕድስሮግን ፡፡
1 ፍትሕ እን እንተራኹድ ሻማ ፡ ትክያኽ ሓጃታ ሻኽ ፡፡ ወጅህ እን ቁምነገሩኽ (ወቀይኒኽ) ኣኽጊ ታ ፡ እን አመራ ሺባ ዲማ ደማይ ፡ በደዬነውሉ እን ኒድ ሱክሰውድ በታተን ታምማን እሲሮሎም ገረስተለሉኒ፡፡ 2 - 3 ላኪን ኣመሪል ግን ኒድ እልብድና ሓራሙኽ ኣኻኽ ፡ ንሰና ኣከጋን ታዲ ፡ እን ሰዳቀትሲ ሱክሰው ላዶን ለጭሕና ሰና ፡ ናሕልኒርኽር ገድም ሓራም ዋኒጋ ደንቢ ፡ በዳ ሱክስኒልድ እማ ፊኽና እርግለመሎም ፡፡ 4 ማለት ብር ቢረውዲ ዕብላታትዲ ፡ ሓራምሲ ሺሽድሮ ገረስተለሉኒ፡፡ 5 እማ ገድም እድንዪል ትዉ እንጉንሲክ ፡ ያክ ፡ ስኻ ደለምድሩኹለ ግን ግራ ሰደቃት በረኽኒሑዲ በዳ ቁኒኹዲ ደላምድላኒ፡፡ 6 ሓረራኽ በዳዲ እን ሓራም ሰባትድ ፡ በደይሳኽድ ባህ ይለካኒ፡፡ 7 እንሲንኻ እን እናሓን እን ክቱብል ይሰባትድ ክቱብ ግን ፡ ዎ ይኽር ጃር ኩምርድሲ እሲያ ዮ ፡ እንተራኩን እንኩኹን ይኹን፡፡ 8 ኣዋኹሊ እን ፍትሕሰና እሲነ ሱኩሰውሉ ፡ በዳ ብርኺኽዲ በዳ ቁኒኹዲ ፡ ሓረራኹ በዳዲ ፡ ሓራም ሰባትድ ሓረራኹ በዳዲ ጀረቢላ ፡ ንድር ባህ ይለካ ዩኽ፡፡ 9 ደንብርንኻ እናሓን ኩምራድሲ እስያ ዮ ፡ እንተራኩን እንኩኹን ዩክ ፡፡ እን ደንቢራ ሰባትድ ፡ ተብድሮ ዮ እን ሰልፋስ ቂልኹሉ፡፡ 10 እና ፍቃድ ንድ እን ላዶን ዲመሲ ፡ ኣቅታኽ እን በደይሳኽ በዳስኻ ስኻ የሱስ ክርስቶስርኹድ ቃደስትኖ ህንብናኩን፡፡ 11 13 ከዳ ኣኻኹክ ኒውክ ፡ ክሰራድ ክሰራ ኣገልገልዱ እንጉንሲክ ደውያክ እማ ፡ እን ሓራምሲ ሺሽድሮ በታተን ገረድስጋኹሉ በዳስ ገሪ ዶል ፡ ሱክሳኩሉ እንኩኽ፡፡ 12 - 14 ክርስቶስ ላኪን እን ቀደስተውሲ ፡ ላሰደቃትድ ዲመሲ ተምምድኹሎም እማ ፡ ኒ ዲመሲ ኣክረሪ ላሰደቃድ ሓራም ኣብል ፡ ሱክሰ ሰና እን ኒኣባይሲ ኒሉክ ዳዲሰና ኣኽድናሲክ ጨበሩ ጃርላውል ኮፍያኽ (መንደርታኽ) ፡፡ 15 መንፈስ ሻትክ ኻ ፡ ጨበራኩና እንኩኽ ፡፡ 16 እን ግርጋት እንደት ደንቢ ፡ ናዲ ትዋኹሉ ማእኮት ኒን ግን ፡ የክ ይኽር ጃር ፡ ይፍትሕሲ ናለበኪል እውየሎም ናሓሳብሊኽር ከተቢያሉግን ዮሰና ፡ 17 ገድም ናሓራምዲ ናዓመጭዲ በታተን እልብደሊ የክ፡፡ 18 እማ ገድም እና ብሕልታ ፡ ንዱኽሊድ ሻኽስታ ገድም በዳይና ሓራሙኽ ጀረብደለሉኒ፡፡ 19 - 20 እማ ይሻን እን ክራርድ ፡ ማለት ኒስኻድ ቀዳሳኹና ፡ ሓዲስዲ ዲማ ዋነኽዲ ደረብ የሱስር ብርድ መቅደስሊ ፡ ቱና ሓጠርና ዋነና ደንቢ 21 ጃር ልኝንሊ በሀር ከዳ ዋነና ደንቢ ፡ 22 ይና ለበካ በዳን ሕልኒልድ ሺሮ ፡ ይናስኻኽር ዓቅ ጫርያንድ እንቃሮ ፡ እንታኽትረሪ ፈሃምነሪላ እምነት ይና ለባካ ታምምድ ፡ ፈጠንን፡፡ 23 እን ሳዳ እዋኹና እምንሳኹ ግን እማ ፡ እን እምናሪላ ሳደት ዘላለቅ ይግኒ ተብድንላ፡፡ 24 ሻምዲ ትክያኹ እስናዲ ተበራበርናዲት ፡ ይናሹር ይናሹትል ፈጠንን፡፡ 25 ኒንኻ እን ግርጋ እንዲኒ ፡ ክም ሱኩርደት ትክስዲነ ቃልደናክ እንኩድኑኽ እማ ይናሹር ይናሹ መኹኽንን ግን ግራ ፡ ናበሊን ክኒ እሰናክሰና ይና ዲመስ ባርግኒን፡፡ 26 - 27 እማኻ ኣምር እምኑኽ ኣርነሰና ፡ እን ከልኖ ሓራም እስናን ሰክሕዳክ ፍትሕ ጨበርናዲ ፡ እን ተጻረራውሲ ቁረሪ ሕልዕታ ለኺኽ ኣኽሮ ግን ግራ ፡ ገድም ሓራም ሰባትድ ሱክራኽ በዳይና እላኒ ፡፡ 28 እን ፍትሕ ሙስየሩኽሲ ፋሕሰኽ፡ ቆል ለጛሩኽ ወሪ ሰኻ ምስክርድ ግን ፡ ራሕመት እንገት ክራኽ፡፡ 29 ጃር ኹረስ ዳዳኽ ፡ እን ቀደስታኹሉ ብር ማእኮቱኽሲኻ ፡ ጂብዳኽ መንፋስ ገዱኽሲኽር ጀኻኽ ደኣም ፡ ውሪኮት ጂባኻ ቅጽዓ ወጀባኩንሉ ተካኹንኩም፡፡ 30 ይንታዲ እን ፡ ገደያ ፈደይና ዩኽ ግን ፡ ኣን ገደያ ፈደዪያ ግን ያኽ ፡ ወንተሶኻ ጃር ኒ እክሲ ፈረድሮግን ያኽሲ ኣርእንኹንሉ፡፡ 31 ዲማ ዋነኽ ጃር ናንሊ ፡ ለብና ሰክሕዳኽ ግን ፡፡ 32 እን ገሪኽ ጅርበትዲ ስቃይዲት ሰብር እስዲነ ፡ ቲኻ ከለብርድናኹለን ግርጋት ጃበርሲ እልብደለን ፡፡ 33 ላገፍድ ጀኻንዲ ጅርበዲሲ ፡ ቃየርሰንቲ ኣኽድኖ ፡ ላገፍድ ኻ ፡ እን ንሰና ተካኹ ገእያኹሎም ከውዲ በንሰኝዲነ ፡ 34 ኪዳኹዲ መንደርታኹዲ ሳላምዲ ፡ ሰሚል ዋነትኩም ኣርእድኖ እን እንሻውሰውዲኽር ፡ ኣከን ጅርበትድ ብድኑኽ፡ እንተ ሰላምዲት ወረርናኽር ኣከን ፈርሓትድ ሰብር እስዲኒኽ፡፡ 35 እማ ገድም ፡ እን ገሪኽ ማህያት ሻኽ እንታ ሐጠርሲ ማልገሉ፡፡ 36 ጃር ፍቃድሲ እስዱኑ ፡ እን ሳደት ኣርእትኖለታ ሰብር ጀረብዳኹኩም ፡፡ 37 ማለት ልሳዕ እቁቱገ ወክት ግን ፡ እን እንተራኹ እንትሮ ግን ፡ ሺሽሮ ኣኽላኒ፡፡ 38 ጫድቅ ላኪን እምነትድ ግን ፡ ኒ መንደርታኽ ፡ ደንቢራ ወንተረንኻ ይፊኹት ኒድ ባህ የለላኒክ፡፡ 39 ይንን ላኪን ፡ እን ደአና ናፊኹቱኽ ኣርድኖ እምነውዲ ግን ግራ ፡ እን ድዲል ደንቢራ ወንተራውዲ ኣኽኒ፡፡
1 እምነትኻ እን ሳዳ እስታኹሉ ሓጀተስ ርጉጽ እስና እን ቋልስተጋኹ ሓጀተስ ፈሀምና ግን፡፡ 2 ንድ ግን እን በሀሊንሲ መስከርሳኹሎም፡፡ 3 እዲና ቆል ጃሩኹድ መሀድስረሰና ኒሰናኽር እንቋልስታኹ ቋልስተጋኹልድ ክም ኣኸት እምነትድ ፈጠኖሉ ሻኽኑኹን፡፡ 4 ኣበል ሰደቐት ቓኤል ዱኹልድ ኪዳኹ ሰደቐት ጃርሲ እምነትድ ስኩስኹሉ፡፡ጃር ኒሞባእድ መስከሩዱሲ ጫድቅ ኣኸት ንርድ ምስከርስኹሉ ክሮ ዋኑዱሲኻ ልሳዕ ንርድ እሰ ጋበኩ እንኩኽ፡፡ 5 ሄኖግ ክራ ቋልጊን መታን እምነትድ ገዓዙኹ ኒገዓዝና ጃብ ጃርድ መስከርሰት መስከርሱሉ እርጉኹ እማ፡ጃር ጋዓዝድነዲንሉ አርስላኒ፡፡ 6 እምነት እንገድ ላኪን ጃርሲ ዋሲስድኖሉ ገረስተለሎም፡፡እን ጃሊ እንትሮ ጀረባኹ ኒ ክም ዋነትኽር እን ኒድ ጀረበዉሲሉ መህየት ክም እወትሎምኽር አምንዶ ወጀበኩሉ፡፡ 7 ኖህ እን ልሳዕ ቋልስተጋኹድ ሓጀታ ሰበትድ ቋላ ቋለሰና ጃር ጉኢሲ ደረክሶ እምነትድ ግን ኒልጞልሲ ደኤንድና ኣክረሪ ዱነክ ደለምዳኹ ንርድ እሰ እዲነት ኮነኑኹ፡እን እምነትድ አረርሳኹ ጭድቅሲኻ ወርሳይ ኣኹኽ፡፡ 8 ኣብርሃም እን ርስቲሲ ከለብርዶሉ ሓሰባኹ ሉ ኣካንሊ ፍሮ ሸጞስተሰና እምነትድ አዘዝቱኹ፡፡ ኤዊል ክም ፈረት አርእጊኽር ፊኹ፡፡ 9 - 10 እን ጃር ኒገበረንተዲ ኒከደመንተዲ መሰረት ሻኽረሪ ታንታርዋ ጨበሩ እርግነዲን እምነትድ እንብራ ሳዲሪትል ብራ ገብራ ኣኾ መንደርቱኹ እማ እና ሳዳ ኒሂቲ ኒዲ ኒዲ ወረሰዉ ያቆብዲ ኢሳቅዲ ያቆብዲ ልጞሊ መንደርቱ እርጉኹ፡፡ 11 ሳራ ድኳ ንርወክድ ዶኮሰና እን ሳዳ እዋኹሲላ እሙን እስረ ቋልደሪሉ ኣኽርነዲን ፈደን ተከልኒል እምነትድ ሒል አርቲ፡፡ 12 እሞኻ ላኹልድ ንኽር ክራኹድሰና ኣኩታ ሽንግሩ ሰሚዉድሰና ዲ እን ሺብስተጋኹ ሸላይል ባሓሩኽሊ ህንበዉ ቁሻሰና ናብጅኽ እዃርስኑኽ፡፡ 13 ናበልጞ ናዉክ እን ሳዳታትሲ አርእኒሎምኒ ላኪን ሺራኹልድ ቋልኖ ሰለምኑኹለን እማ እን ብራ ኒሂትል ጋሽዲ ስደተኛታትዲ ናኣክነድ ተአመኑኑ እምነትድ ክርኑኽ፡፡ 14 እን ንሰና ጠዉክ ናታንታርዋ ጀረበነት ቋሊሰነኩ እንኩኑኽ፡፡ 15 እን ታንታርዋ ናዉ ፊነሪት ሓሰበዉላ ኣከነንታዲ ወንተርድኖ ወክት እርጉኹሎም፡፡ 16 ናን ላኪን ኪድረሪ ማለት ሰሚሪት ሰፍለልተነኩ እንኩኑኽ፡፡ እሞኻ ጃር ዕርዲራ ደለምዶሎም ህንበኩ እማ ናጃር ይስትሮ ናድ ስማረላኒ፡፡ 17 - 18 ኣብርሃም ፈተንሰሰና እምነትድ ኢሳቅቲ በደይኹሉ እን ሳዳ ከለብራኹ እን ኢሳቅድ ፈደን ሽጞሰትሮልካ ግን ይስቶሉ እርጋኹ ላኹ ኒኹረስ ከሸሪስኹሉ፡፡ 19 ጃር ክሪልድኽር ጉድሮሉ ክም ገረሰት ሓሰቦ ኒልድኽር ምስለድ ወንተሶ አርኹሉ፡፡ 20 ኢሳቅ እን እንተራኹድ ጋርድ ያቆብዲ አሳዉዲት እምነትድ ባረኩኹሎም 21 ያቆብ ክሩጉሲ ዮሰፍቁርሲ ላዂ ላዂድ እምነትድ ገዉርኹሎም ኒግንቢ አብል ደገፍቶኻ ፍግም ዩኽ፡፡ 22 ዮሴፍ ክርዶ ዩጉሲ እስራአልዱዉድ ፍና ሰበትድ እምነትድ እልብዲሱኹ፡ኒናሽሽ ሰበትድኽር ትእዛዝ እዉኽ፡፡ 23 ሙሴ ኡዃርሶሰና ኒዋልደን ምልምል ኒኣክነስ ቋልኖ እምነትድ ሰዃ አርባ ትብስኑኹሉ ስምዕታ ሲሙኹሲኽር ጉኢትኒ፡፡ 24 ሙሴ ለገዶሰናኻ ፈርኦንድ ቁራ እዃርዳኹ ይስትጊን እምነትድ ጉሹኽ እማ ፡ 25 ሽጉድ ሓራምድ ባህ ያኹሉልድታ አክ ጃሩዲ ጅርበትድ ብትሮ ፍሪሩኽ፡፡ 26 እን መህየትሲ መርኪሱኹ እማ ፡ክቱብ ግብጺሩኹ ልድታ እን ጀኸና ክርስቶሩዲ ተረከረሰ ገሪኹ ርድቅ እሰ ሺቡኹሉ፡፡ 27 28 11፡27 እን ቋልስተጋኹሊታ ክም ቋለትሉ ኣኾ ሰብርድ ተቡኽ እማ፡እን ሓሩቀት ሲሙኽሲ ጉኢትጊ ፡እምነትድ ግብጺት ባሩኹላ፡፡ 11፡28 እን በኽርሲ ድሂሱ እረጋኹሲ ስኩርጊንሎም መታን ፡እምነትድ ፋጅኸዲ ብር ነጨግነዲ እሲኹ፡፡ 29 ብራ አዳናኹሰና ሃቢነ ባሓር እሪትሪኹሲ ካርንኹሉ፡ግብጺሩ ላኪን ኒሰና እሲድኖ ፈተኖሰና ሸመምስኑኽ፡፡ 30 ያሪኮር ከለብሲ ለጞታ ኳራ ጅልዉነሰነሉ እምነትድ ልቡኽ፡፡ 31 ረሃብ እን ፋይቱራ እን ሰለየዉሲ ሰላምድ ከለብርድነዲንሎም እምነትድ እን አዘዝትገዉዲ ድድላኒ፡፡ 32 እሞኻ ግደዎንደዉ፡ ባራቅደዉ፡ ሳምሶምደዉ፡ጥፍታሄደዉ፡ሳሚኤልደዉዲ ነብያትዲር ሰበትድ ዉራ የግን ፡ናሰበትድ ድወጊንኩምታ ወክት ሽጎኩለ፡፡ 33 ናዉ እምነትድ ሑኩማንሲ ቂሊስኑኹ፡ጭድቅ እሲኒኹ ፡እን ሳዳ እስተኹሉሲ አርእኑኹሉ፡ገበና ኤብሲ አበድኑኽ፡፡ 34 ለኻ ሒልሲ ድሂስኑኽ፡ጠብጥ ሰፉኹልድ ደኤኑኽ፡ቅልስጞልድ ፋርሳን ኣኽኑኽ ሓርብል ሒልትኑኽ ደሽ ቆምያተዉሲ ዳገኑኹሎም፡፡ 35 36 እኩን ናክሪዉሲ ጉናወክትድ ከለብርኑኹሎምአሪዉኽር ሳቀይስኑኽ፡እማኪዳኹ ጉና አርድኖ ይኖ ምሕረት ጀረቢኒ፡፡ 37 ናበልጞኻ ቃየርነዲ ከትከትነዲሲ ንድ አወይሲ ኽር ሙቁሑድ እንሸዉስነዲሲ ፈተንስኑኽ፡፡ 38 ክርጞ ሕንጭልነድ ክርኑኽ፡ፈተንስኑኽ፡ሰየፍስኖ ክርኑኽ፡ዒዶራ በጉኹዲ ኣኻፍንጢራኹዲ ሰርኖ ጅልዉኑኽ ብኑኽ ሽባሑሎም ጂባዲ ጅርበዲ ብትኑኽ፡፡ 39 እድንያ ናድ ወጀበግረሪ ኣኽሮታ ከደንዲ ጊትዲትል ጋኻታዲ ጎቓት ብሪኹሊክር ኮለል ይኑኽ፡፡ 40 ይነት እንገት ኣኽሊ ገእይግኒን መታንታ ጃር ይና ሰበትድ ኪዳኹ ፍሪርነዲን ነን ናዉክ እምነትድ መስከርሶሎም ህንበዉ እን ሳደት አርኒላ፡፡
1 ንድ መታን ይንኻ እና ኒስ ተካዂ ቡኳና ምስክርነቱኹድ ከለልስኖ ዋንትኑ ኒትክ እን ተቓኹሲናኽር እን ተከናኹሲናኽር ሓራምሲ ሺሽድንን እን ይና ጃብል ሓጠጥሶና ህንባኹ በደዳሪን ሲሰናድ ሰብርድ ጋጞ ይንን፡፡ 2 እን ስማርነስ ቃበቦ፡እን ኒጃብል ህንባዂ ፈርሓትድ መታን ዮ መስቀሊ ሰብር እሰኹዲ ጃር ላዉል ኮፍያኹዲ ይነእምነት ተርሲሰዲ ደንጎቢኹዲ እየሱስቲ መርኪስንን፡፡ 3 ቂልጞድግኒን መታንኽር እንተፊኹት ሓለልስግድኒን ፤እን ሓራሚንልድ ኒኣኾሊ ኒስኸስ ተጻረርናስ ሰብር እሰኹሲ እልብደሉ፡፡ 4 ሓራምዲ ልመለም እንታይነድ ልሳዕ ብርሊ ገእይትናሲክ ለመለም ይድኒ፡፡ 5 - 6 እን ኒዉላድሰና እሰ ይኹሩራይ ጃር እን ኒእንከላኹሲ ቀጽዓኩሉ እማ እን ከለብራኹሲክሉ ዉላድሲኽር ከትከተኩሉ እማ ቅጽዓት ኤደሪኹሲ ቃበብግ ገንሓንካኽር ኩሕልነስ ድሂስግ ዮ ካባኹኩም ሞኾዃኹኩምሲኻ ምኺርድኖሉ ህንብደነኩ፡፡ 7 ቅጽዓትሲ ሰብር እስደነን ጃር ሰልፉ እሰ ቋልዶኩም ግን ኒኽር ቀጽዓጋኹሉኻ አወያ ዉላድ ግን፡፡ 8 እን ናዉክ ሕበርስነሪላ ቅጽዓት ኣንገት ኣከደነን ላኪን ደቀሊት ግን ግራ ዉላድ ኣኽድኒ፡፡ 9 ንድ ኤወይሲኽር ቀጽዐዉና እክል ይናስኺዉ ዋኒነና ደንቢ እማ ስማርናኽርሎም ኣኽኖደንቢ ይና ርሕድ መንደርትኖታ እን መጃኒና እኽርሲ ትክስነ ኤዘዝትኖሉማ ወጀበለናኒ፡፡ 10 እንደንታ ከለላ ግርጋትሲ ክም ቋልስተትሎምሰና እሲነ ቀጽዕኑኹና ፡፡ኒ ላኪን ኒቅድስኒልድ በንስጞኖር መታንዮ ይነት ታሚታኹድ ግን ኒቀጽዓኹና፡፡ 11 ቅጽዓትክታ እንሲንቲ ሓሉቆትድ ግንግራ ፈርሓትድ ኣካኹ ኣኸት ተከላኒ፡ደንቢረትድ ላኪን እን ክንተዉሎምድ ሰላሙኽ ፍራ ጭድቅ ግን ኒፊሪታኹ፡፡ 12 ንድ መታን እን ፈተታሕዮዉ ናንትትዲ ወላእላእየዉ ገረፍፍዲት ትክሰልን፡፡ 13 እን ሓንከሳኹ እቢርዶግን ግራ፡ደርብልድ ፍጊን መታንታዲ እንተልኩኩሊ ትክያኹ ደርብ እሳ፡፡ 14 ቅድስና እንገት ካዂ ድኳ ጃርሲ ቋልዶሉ ኣኽላኒ እማ፡ቅድስነዲ ሰላምዲት ኒድክ ከዉዲት ተለየለን፡፡ 15 ላኹ ድዃ ገድ ጃሩኹልድ ጎደልጊን ፡ገሪዉድ ረኸስዳኹ ገለ መረራኹ ስር ቦኮሎ ጨነቅድጊንኩም ጠንቀቅሳ፡፡ 16 እን ላዶን ቁነድ ኒበኽር ኣክነስ ክዳኹ ኤሳዉ ላኹ ድኳ ፋይቱት ወሪ ርኹስ ኣኽጊን ጠንቀቅሳ፡፡ 17 ንኽርግጆ ድኳ በረኸትሲ አርዶ ጀረበን እሩጙድ ጀረባኹላ ኣኩ ነስሕስትሮ ኣካን አላኒ እማ ክም ማልስተት አርእድኑኹ፡፡ 18 እንትንታዲ እን ናንድ ተመዳኩዲ ለኸድ ሓዉ ሳኹ ከረንሊ ጣቐዲ ጭልምዲ ፡ 19 ቃና መለኸዲትልኽር አን ቆልሲ ዋሰዉሲ ወንተሶ ጋበዚነሎም ሺዊነዉሲሉ ደሀይ ቆሉኹ ገእይለሎም፡፡ 20 ናዉ ሕያይት ድኳ እን ጊረስ ተመደነንሉታ ክርጞ ሕንጭልነድ ክርን ያኹ ትእዛዝሲ ምኹርድኖሉ ገረስኒኒ፡፡ 21 ሙስየ ድኳ ጉኢተኩንኽር ፈጥፈጠኩንኽር ህንበኩን ይራሲክ እን ቛላኹ ንስኮት ኣኽራሲክ ጉኢሳኹእርጉኽ፡፡ 22 እንትን ላኪን እን ጊራ ጽዮንሩኹል እን ዕርዲራ ዋነኹ ጃሩኹል ዮርሳለም ሰሚሪትል እን ኤልፋት መላእኽቲትል ግን ገእይድናኹ፡፡ 23 እን ናድካ ዕግሎትሊ እን ማሕበር ሰሚል ከተብስኖ ህንበዉሊ በክርታትሊ ጃር ናድክሲ ፈረዳኹሊ እን መናፍስቲ ታምማንዲ ጫድቃንዲትል፡ 24 እን እየሱስ ነበካ ሓዲስ መእኮቱኹሊኽር እን ኣበልል ብርልድ ኪዳኹ ጋባኹ ነጨግነድ ብር ነጨግነድ ገእይድኖ ህንብደነኩ፡፡ 25 እንደን ብሪል ጋቡጉሲክሎም ፍና ጉሽኖ ደንቢታ ይንን እን ሰሚልድ ጋበኹድሰና ይናየዉሲ ወንተስኖ ደንቢ ደኤም ኣዋሃብነ ሽርቁርኖ እን ጋባኹሲኩም ህንባኹሲ ጉሽገሉ ጠንቀቅሳ፡፡ 26 እንሲን ኒደሀይ ብረስ ፈጥፈጥደኩ ናን ላኪን ላዶን ወንተሶ ሰማይሲ ክም ቀጥቀጥደት እስየሉ ግን ግራ ብረስ ካያ ኣኽሊ ዮ ሳዳ እዋኹ፡ 28 27 - 29 ይና ጃር ቛዂ ለኻ ግን፡ እማ ይንን ቀጥቀጥ የግረሪ መሪ ከለብርናኽር ኣኽኖ ደንቢታ ጃርሲ ፈርሕዳኹድሉ ሻትክት ከበርድነትኽር ጉኢሲኽር ኣገልገልድኑ ሓመድንን፡፡
1 ሻም ሻናር ተብኒ፡፡ 2 ናበልጞ አርእግኒ ኒድ መልእኽቲት ኣጋይሽሰና እሲነ ከለብርኖ ህንበነክ እማ ኣጋይሽሲ ከለብርነስ ምኺርጋ፡፡ 3 እን እንሸዉሰዉሲ ናዲ እንሸዉስድናኽርሰና ኣኽድኖ ጅርበትድ ብደናኽርሲ እንትን ኽር እን ስኺል ክም ዋንትድነት ኣኽድኖ እልብደሎም፡፡ 4 ፋይቱትዲ አመንዘርደዉዲትታ ጃር ፈረድሮሎም ግን እማ መዉስቦ ኒድክሊ ካብር ግን እን ሔመር ገንጂሰናኻ ከስሃጋኹ ኣኽኒ፡፡ 5 ኒ ኒላዉድ ባረሊካ ኩከበር እስና ብያ እኽሊኒ ዩኽ እማ እንተእራኩ ሰላዲር እንከሊሲ ኣኽገድ ኣኽኒ፡፡እን ህንባኹድ ገንዓ፡፡ 6 እማ ሓጠርኖ ጃር ይ እልለንታ ግን እማ ጛቑትያ ኣከለለኒ ኣዳምኻ ዉራ እሰጊንለ ፡፡ 7 እን ቆል ጃሩኹ ድወዉኩም እንተድ መርሐዉሲ እልብደሎም ናእራኩ ኣኽርሲ መርኪሰዱኑ ናእምነትድ ፈለኸስ ተለያ፡፡ 8 እየሱስ ክርስቶስ እንጀጞዲ ንኪዲ ዲመሲ ኒ ግን፡፡ 9 እንተለበካ እን ፈረዉድሉ ነፍዓጋኹሎም ቁነድ ኣኽጋኹታ ገድድ ተበን ትክያኹ ግን፡እማ ገሪዉ ጅንስ ሓዳይስ ምህሮሲ ሰሓትጋ፡፡ 10 - 11 እን ከዳ እዋኹድ ሓራም ሰበትድ መቅደስሊ ትዉ እርገዉ ብር ሕያይቱ እን ናስኻኽር በራ ከደንሊ ሓረሩ እርጉኽ እማ ፡ይንታዲ እንአብሩራ (ድንኳንሊ) አገልገልደዉ ፡ኒልድ ቁድኖ መሰል እንግገዉ ሰደቀት ህንበኩና፡፡ 12 እማ ገድም እየሱስኻ ኒብርድ ኤክሲ ቀደስሮር መታንዮ እን ከደን ታንታርዊኹሊ ጅርበትድ ብቱኽ፡፡ 13 - 14 እን እንተርደሪት ጨበርነኩን እንኩንኹን ግን ግራ ነት መንደርትረሪ ታንታርዋ ሻኽኒ እማ ናን ጅኸን ምኹርኖ በራ ከደንሊ ፍንን፡፡ 15 እማ ገድም ንድ ጃርሲ በዳ ሓምዲኹ ማለት ኒስጞሲ ተአመነዉ ፍራ ክንፉሩ ስኩስንን፡፡ 16 ጃር እና ንሰና ያኹ በደስ ተሰማመዐኩ እማ ትክያኹ እስነዲ በንስጞነዲት ምኺርጋ፡፡ 17 እን እንተድ መርሐዉሲ አዘዝተሎምኽር ገዘእስተሎምኽር ናዉ እን ሺብ እወዉሰና ኣኽኖ እንተርሕ መታን ተግህኖ ተከወነኩ እንኩኑኽ እማ፡ኒስ ፈርሓትድ እሲድኖ ግን ግራ ፡ጎሀይኖ ዋኑኑ እሰነንሉ ኒን እንተድ ነፍዐለኩምኒ፡፡ 18 ኒድክ በከትናርድ መንደርትኖ ጀረብኑጉሲ ትክያኹ ሕልና ክም ሻኽነድ አርእኖ (ፈጠኖ) ህንብነኩን እማ ጠለየልና፡፡ 19 ናን እሽሽድ ሓዲስድ እዉስትየኩም መታን ኒስ እሲትኖ ገሪኹ መኾኾኩንኩም እንኩኹን፡፡ 20 ጃር ስላሙኽ ላኪን እን ዲመር ብርድ መእኮት በሀር ኤረሳ በጉኽ ይነአደራ እየሱስ ከርስቶስቲ ክሪዉልድ ጉዳኹሉ ፡ 21 እየሱስ ከርስቶስድ ኒጃብል ባህ ሳኹሉ እንተል እስተኹ ኪዳ ግብር እኻኹድ ኒትከ ኒፍቃድ እሲትኖ ባቅዓን እሲኒተት፡፡ዲማትልድ ዲማሲ ኒድ ክብር ኣኽኒ፡፡ኤመን፡፡ 22 እንትን ይሻን እና ቆል መኾኹኒኹ ኒን ድርጞዶ ከተብኹንልኩም እማ ከለበረትኖሉ ሺወኩንኩም እንኩኹ፡፡ 23 ጢመቲዎስ ይነዳን ክም እንክስተት አርኣ ኒ አሸሾ እንተረን ኒዲ ቛልየኩም ግን፡፡ 24 ናትክ እንተት መረሐዉዲ ናዉክ ቕዱሳንዲት ሰላም የሎም፡፡ እን ኢጣልያትልድ ኣኻዉ ሰላም የነኩኩም እንኩኑኽ፡፡ 25 ገድ ናድክዲ ኣኽኒ ኤመን፡፡
1 1፡1 ያቆብ ጀሩኹዲ ይነኤደራ የሱስክርስቶዲ ገንሸን እን ፈተተሕዮ ህንባው ሽካለጛ ኒገድ ስላም የኩሎም እንኩኸ፡፡ 2 1፡2 የሸንገ ኒትኒቱር ፈተና ገእየንኩም፡ኒትከ ፈርሐትሰና ሺበሉ 3 1፡3 እን ፈተንሰና እተእምነቱኹ ሰብር ከም እሰት ኤርእድኖታ፡፡ 4 1፡4 ላኹድ ድኳ ጎደልግድኒ ላጭሓንዲ አኸትኖር መታን እን ሰብር ላጭሕ ግብረ ዋኒንላ፡፡ 5 1፡5 ላዂ እንተልድ ኤምር ነቀስንሉ ላኪን እን ስማሰጊ ኒትከ ዕሸረትድ አዋኹ ጀርሲ ሺወንሉ እውስትሮሉ ግን.ኻ፡፡ 6 1:6 እን ተጠራጠራኩታ እን ውልዋል ደረከኹዲ ወንተተሰኹዲሉ ደሃፋት ባሐሩኹሲ ግን ኒተከኹ እማ ተጠራጠርግድኒ ደአም እምነትድ ሺውን፡፡ 7 8 1፡7-8 ለጛ ኒለበካ ጉርዋ ኒደርብ ኒውከ ተባኹ አኸላኒ አማ፡እን ኒሰ ተካኹ አዳም፡አደሪልድ ገለ ከለብራኹ ተካጊንሉ፡፡ 9 1፡9 እን ለተቅያኹ ደን ለኪን ከብ ኒይነድ ዋርዲትን፡፡ 10 1፡10 እን ታጅርኹር ዕንብብዲ ሸንከዲር ሰና ደኩሮ ግን እማ፡ኒጅርብትድ ዋርዲትን፡፡ 11 1፡11 ኳራ ንርብርኒዲ ፋቲ እማ ፡እን፡ ሸንካሰ ኢዲሰቲሉ፡እን ኒዕንቦብ ኻር ኮፍከፍሳኩ ሸኻር ኒቋሊኹ.ኻ ድደኩ፡ኒሰናኻር እንታጅር ኒደርብድ ሐረርዶ ግን፡፡ 12 1፡12 ፈተንሶ ፈሰና ፡እንጃር እንኒድ እከልውሲ ሰዲሰውሎም ሰና፡አከሊል ፈከኹቱኹ ከለብርደ ግን እማ፡እን ፈተነድ ሰብር እሰኹ ጉርዋ ከለብርሳኹ ግን፡፡ 13 1፡13 ጃርታ እኩይድ ፈተንሰላ ኒለውድኻር ለኹድ ድኳ ፈተነላኒ እማ፡ላኹ ድኳ ፈተንሰሰና ጃር ፈተንኹለ ይጊኒ፡፡ 14 1፡14 ላኹካ ኒሹር ምራድድ ወተርሶኽር ሰሓሓሶኽር ግን ፈተንሳኹ፡፡ 15 1፡15 ድንብር ምራድ ጎድጉረ አኸሮሰና ሓራምሲ እዂረቲሉ፡፡ 16 1፡16 እንትን እንከልሰዳናኸር ይሻን ሰሐትጋኒ፡፡ 17 1፡17 ትከያኹ እውንዲ ታምም እውንዲ፡አዋንዲ፡አዋኹልድ ግን፡እንቃየርና ወሪ ወንተተርና ሻሚኹ እንግጋኹ ብርሃና እኸርልድ ግን ገማኹ፡፡ 18 1፡18 ባኻር ኒምሁዳንልድ አኸኖ ዩ ግን ኒምራድ ሰና ኒቆል እምንድ እኳራኹና፡፡ 19 20 1፡19-20 እንከልሰዳናኻር ይሻንገ ኒሰ እርእድኑኸ፡ሰቁዳምሰና ግርዊኹታ ጭድቅ ጃሩኹ እሰላኒ እማ ኤዩ አዳም ዋሰኒል አሸሸኹ ጋብኒል ሺሻኹ፡ሰቁደምሰኒል ሺሻኹ አኽን፡፡ 21 1፡21 እማ ርኸሰትዲ ገረኹ ምቁናርዲት ሺሸደ እን እንተፈኹትሲ ደኤንድሮላ ገረሰታኹሉ ቆልሲኽር ገርህድ ከለብረሉ፡፡ 22 1፡22 ቆልሲ እሰው አኻ፡እንተአኾርሲ ምልድኑ ዋሰንቲ.ካያ አኸጋ፡፡ 23 1፡23 ላኹ ድኳ ቆልዋሰንታ ኣኾ፡እሰንታ አከገን ኒ እን ኒገሽ መሀድሰናሰ መዓፈይድ ቋሎኹ ግርዋ ግን ኒተኹ፡፡ 24 1፡24 ኒፈኹትሲ ቋላኹ እማ ፈረኩ ኒድኒድ አውሰና አኸድ ምኺረኩ፡፡ 25 1፡25 እን እንጫ ታምም ፋትሕሊ፡ኒ.ኻ ፋትሕ ሐርነቱኹ፡ትከሰ መርኪሳኹዲ ተባኹዲ፡ግብር እሰኹ ግንግራ፡ምኺረጋኹ ዋሰንታ ላኪን፡ኒን ኒግብርድ ከለብርሰኹ አኻሮ ግን፡፡ 26 1፡26 ለኹ ድኳ ኒለባከሰ ደኤም ከተሰኹሉ ግን ግራ ኒለንቂሰ አበደጋኹ ዋነን ጃርሲ አምላኸዳኹ ሐመደኹ ሐነሉ ህንባኩ ኒአምልኾ ብላሽ ግን፡፡ 27 1፡27 ጀርጀብሊ ኸር እርዲርኻር ጃርዲ እኸዲር ጀብል ላጭሕዲ ጂባ እንጋኹዲ አምልኸ ኒን ግን፡ኩአኮርሲ ጃቢል እዲኒፋኻልድ ተከወሩ፡የታይምዲ መብልደንዲ ናጅርበትዲ ናመከረዲ ናሸከወዲትል ገእይና ግን፡፡
1 2፡1 እንትን ይሻን፡እምነት ይንኤዳራ ኢየሱሰ ክርሰቶሰ፡እደራ ከብሩኻ፡ደለለምድና እንገት ሳኸ፡፡ 2 2፡2 እንታ ጠሎት ልጛሊ ለኹ ለኹ ግርዋ ትወን፡ላኹ ሕጉድ ኻ አመቅራኹ ሰረና ሰሮ ትወን፡፡ 3 2፡3 እማ እን ባዕባዕ ያኹ ሰራኹሲ ቁልደነን እንቲ እና ትከያኹ አካንሊ መንደርቲ ይደነንሉ 4 2፡4 እንተሹር እተሹትል ደለለምድና አኸጋኹ ማበደን ሐሰብድ.ማ ፈረደው አኸድኒ.ማ 5 2፡5 የሀው እንከልሰደናኸር ይሻንገ ዋሳ እምነትድ ተጀርድኖ ሳደ እሰታኩላ መረት.ኻ ወረሰድኖ ዩ.ማ ጃር እን ሐግላን እና እዲና ኒሂሩሲ ፋረላመሎም፡፡ 6 2፡6 እንትን ላኪን እን ሐግልሲ ቃበብድኑኹሉ፡እን ታጃራን አኸገው.ማ ሒል እሰናውኩም ኸር እን ዕግሎትሊ ወተረውኩምኸር ፡፡ 7 2፡7 ናው እኸንውማ.ኻ እን ሽጛሰትድናኹሉ ክብር ሰጛሲ ጃኻናኹ ህንበናኹ፡፡ 8 2፡8 ናን ላኪን እን ከቱብሰና ኩጨረሰ ኩፈኩትሰና ሃብረ እንከሊሉ፡ያኹ እን ሲሙኹ ፈትሕሲ እምንድ እሰደነን፡ትከያኹ እሰደነኩ እንኩድኑኸ 9 2፡9 አደለውድድነን (እሰግደነን)ኻ ሓራም እሰደነኩ እንኩዱኑኻ፡፡እን ፋትሕ.ኻ ፋሕሰደናኻር አኸድነት ረትዳኩኩም፡፡ 10 2፡10 እን ፋትሕ ህንባኹሲከ ተከቃ ላኒትል ዓገበኹ ኒድከድ ግን ዓገበንታ አካኹ፡፡ 11 2፡11 እን ፋይትግ ያኹ ኩግ.ኸር ይኹ፡፡እማ ፋይትግረን ድኳ ኩራኽር አከረንታ ፋትሕሲ ፋሕሰንታ ግን 12 13 2፡12 -13 እን ብሕሊት ምሕረት እሰጋኹሲ ምሕረት እንጋኹ ፋርድ አኹሮሉ ግን ምሕረትታ ፋትሕል ዋርዲተተ እማ፡እን ሓርነቱኹ ፋትሕድ በየንሰውሎም ኒሰና ጋባ ኒሰናኻር እሰ፡፡ 14 2፡14 ይሻንገ ላአዳም እምነት ሻኹን የን፡ግብር.ኻ ዋንተገንሉ ውራ ነፍዓኹን እና እምነትኒኒማ ደአንድቶሉ ገረሰቲን፡፡ 15 2፡15 ደን ወረ ሻኒ ካይተነን ናግርጋ ነብራኻር ባነን 16 2፡16 እማ ናሰኻድ ጀረብደኹ ኡጊድኒሎምታ ላኹ እንተልድ ዳሕነድ ፈራ፡ እንብላዋ፡ብታ የንሎም ወራ ነፍዓኹን፡፡ 17 2፡17 ኒሰናኻ እምነት ግብር ዋንተገንላ ንርሹቲ ከርደረ ግን፡፡ 18 2፡18 ላኪን ላ አዳምታ እንት እምነት ሻኻሩኻ አን .ኻ ግብር ሻኹን፡ያኹ አኸራ፡፡እም ገድም እምነት ግብር እንገድ ቁሊሲለ፡አን ኻር ይግብርድ እሰ ይእምነትሲ ቋሊሰየካ፡ግን፡፡ 19 2፡19 እንቲታጃር ላኹ ኒቱ አኸት አምንደኩ እንኩሩኹ ግርም እሰረኹ፡፡መጀኒን ኻር አምነነኩኹር ፈጥፈጠነኩኹር ግን፡፡ 20 2፡20 ላኪን.ኻ እንፋ ባላሸ አከራኻር አደም አምነት ግብር አንገድ ከርደረ አኸረት አርእቶማ ጀረብራኹን እንኩሩኹን፡፡ 21 2፡21 ይነኸር አብራሃም.ማ ኒኪራ ኢሰቅቲ ሰደቀትሊ ሰኩሰሰነከሉ ኒግብርድ ጨደቅገኹማ፡፡ 22 2፡22 እምነት ኒግብርዲ አኸሮ ከም ከደምረት እምነት ግብርድ እሰረኸር ከም ተመምረት ቋልደኩ እንኩሩኹ፡፡ 23 2፡23 እን አብራሃም አምኑኩሉ እማ ጭድቅድ አኸ ሺብሸትኹሉ፡ያኹ ከቱብ ተመሙኹ፡ጀርድ እንከልሰኹ ኸር ይሰቱኹ፡፡ 24 2፡24 አዳም ኒግብርድ ከም ጨደቀት እምነትድ ካያ ከም አኸገድ ቋልደነኩ እንኩድኑኻ፡፡ 25 2፡25 ኒሰናኻር ረሃብ እን ፋይቱራ፡እን እንሸቅሰውሲ ከለብርደሰነሎም፡አራ ደርብድኸር ፋድሰነሎም ግብርድማ ጨደቅላ፡ 26 2፡26 እማ ገድም ሰኻ መንፈሰ እንገድ ከራኹ አኸት ኒሰነኸር እምነት ግብር እንግድ ከርደረ ግን፡፡
1 3፡1 ይሻንገ ጂባኹ ፋርድ ከም ከላብነድ አርእድም ገረው ከንሱት አኸጋ፡፡ 2 3፡2 ናውከ ገረው ጋራትድ ሰሓትነከን እማ፡ላኹ ቆልድ ሰሐተጋኹ ዋነን፡ ኒ ገረኹድ ኒሰኹሰ አደብሮ ገረሳኹ ባቂዕ ግርዋ ግን 3 3፡3 እነሐን እፋሩሰ አብል ኤዘዝትድኖልና መታንይኖ ልጓም እሰነኩንሎም እንኩንኹ፡ህንባኹ ናፈኩትሲ .ኻ ኒድ ግን መርሕናኹሎም፡፡ 4 3፡4 እንሐን ደናከኸር ፡ንሰኮትባህሊን አኩኑ፡ ሐለቱኻ ውልዋልድ ደይሱ እን መርሐይ ጀረባኹሊከ ከናይ እሰካንድ ግን ናው መርሕሰተናኹ፡፡ 5 3፡5 ኒሰናኻር ላንቂ ግናይ አከል ግን እማ፡በሀር ሐጀታድ ተመከሐቲ(ዋርዲተቲ)፡፡እነሐን ከናይ ላዓ ውረኮት በሀር (በበበበ)ሐው ሰግረራ፡፡ 6 3፡6 ላንቂ ኸር ለኻ ግን እዲና ዓመጭ ግን፡ላንቂ ይና ጎሮብ ነበከል መንደርትሮ፡ኒትከ ይናሰኸሰ ጀብደቲ(ረኸሰደቲ)እንኩቲ፡ጀልውዲሰና እራኳኩሲ ሐውሰቲሉ፡ገሃነብድኸር ሐው ይረራ ግን፡፡ 7 3፡7 ኒወኸ ጅንሰ ሕያይታኹዲ ጨከላኹዲ ለመም(ደሐካኹዲ) ሕየይት ባሓሩኹዲ አዳምር አደብድ ገዘእሰተኩ ገዘእሰተኩኹር እንኩኻ፡፡ 8 3፡8 አኸን ግራ ላንቅድታዲ ላሕዳም እኳ ሐከምሮላ ገረሰትለሉ፡፡ንረ ፈኸግረራ እኩየ፡ኳኹ ምንጂ እንታከሂ ግን 9 3፡9 ንርድ አሰነ ይናኤደረዲ ይናኸርዲት ገውርነኩን፡ንርድ እሰነኻር እን እን ጃር ምሰልድ መሀ ድሰውሒ ከውሲ እሸነከጓ 10 3፡10 ላኤብልድታ ገውረዲ እሸነዲ ፋኩ፡፡ 11 3፡11 ወረ ኤባማ ላዕሊትል ዓቁልድ ታሚተውዲ መረረው ዓቁ ጂብርደሪ አኸሮ፡፡ 12 3፡12 እንትን ይሻን እማ በለሰማ ካኸረር ፋራ ፋረቶ ገለሰታኩመላ አኾ ወረ ወይኒሩኸ በለሰ ፋረ ኒሰነኸር እን አባ ሸዊረ ዓቁ ታሚተው ጅብርቶ ገረሰተለኒ፡፡ 13 3፡13 አንተነበካል.ኻ ላበኪኹዲ ፈጠናኹዲ አውኒ ግን፡ኒ ኒትከያኹ ፈርነ ድ ራሕመትድ ጥበብድ እሱ ኒግብር ቋሊሰኩ፡፡ 14 3፡14 መርራኹ ቅንእትዲ ፈለለይነዲ እንተለድኪን ዋነኩም ደንቢ ላኪንእምንሲ ተጻረርዶኑ ዋርዲትጋኽር ብጞትጋክር፡፡ 15 16 3፡15-16 እን ሕሊጥተዲ ሻራ(ፍልልይነዲ)ህንባኪሊሎ ኒል ስርዓት ፋሕሰንዲ ኒውክ እክይ ክድምትዲ ህንበኩማ እናጥብብ ኒኒ ብሪሪዲ ስኺሪዲ ሰጣድሪዲ ግን ግራ አዋኹልድ ግምርሪ ኣኽላኒ፡፡ 17 3፡17 እን አወርሪ ጥብብ ላኪን ስልፍ ላጭሒግን ድንብርን ኪር ስላምሪ ግን ሎእሚ ዋሲርሪ መሕርዲ ትክያኹ ፍራዲ እንታኽትረሪ ገደይስና እንግዲ ክር ዋርዲትና እንገት ግን 18 3፡18 አን ሰላም እስው ስክር እን ፊራ ጭድቁኹ ሰላምድ ፈስተኩሎም፡
1 4፡1 እን እንተነበክል ህንባኹ ሓርብዲ ዋኸዲ አዊልድ ግን ኒእንተራኹ፡ እን እንተገሮብል ኣኾ ተሓረባኹኩም እንታ ስኻ እንከሊሩኽ ኣኽጋኹማ፡፡ 2 4፡2 ተምነደነኩ እማ ሻኽድኒ ኩደነኩር ሕሊጥ ይደነኩር እማ ላሪ ድኳ አርትኖ ገረስተለኩም ዋኺደነኩር ተሐረብደነኩር ግን ሺዊግድናኸር አኸድነዲ ሻኸዲኒኒ፡፡ 3 4፡3 ሺውዳነኹ ኸር እማ እንታ እንኪሊ ሰኺኹድ ፋሕሲትኖሉ መታን በደንድ ሺውድነዲን ኒኒ፡፡ 4 4፡4 እንትን ፍይተት እንከሊ እዲነትታ ጃርድ እጣረ አኸት.ማ ኣርእድኒኒ እማኻ እዲነዲ እንከለታ እኸሮ ጀርባኹ፡ኒጀርሲ እንጠራኹ ግን አከኹ 5 4፡5 ወራ እን ኩቱብማ ብላሸድ ያኹ ህንባኩ ተካኹንኩም እን ይነል ከሰኹሉ መንፈሰኻ፡ሕሊና ይኒል አኸራሲከማ ሃረረ ያኹ ግን፡፡ 6 4፡6 ኒለኪን በጀኸደ ገጽ እወኩ ፡፡እማ ገድም ጃር ዕቡያንሲ ተጻረረኩሎም፡ለተቅ የውሲ ላኪን ገጽ እወኩሎም የኩ፡፡ 7 4፡7 እማ ገድም ጀርሲ ገንሺንሰሉ፡፡ድያብሎስቲ ላኪን ተጻረረሉ እማኒ እንተልድ እግርደ ግን፡፡ 8 4፡8 ጃርሲ ሱኩረሉ ኒ.ኻ ሰኩርደኩም ግን እንትን ሐራሚን እንተናንትድሲ ጨርይደ፡እንትን ለጛ ለፈኩኸር እንለበከሰ ለጭሕዳ፡፡ 9 4፡9 ሸገርሳኽር ጎሀያኽር ስራኽር ፡፡ እንተ እንቋራ ስረኒል እንተፈርሓትኽር ሓዘንሊ ቀየርስን፡፡ 10 4፡10 ጃር ጃብል ለተቕ ያ ንኽር ክብ ሲሮኩም ግን፡፡ 11 4፡11 እንትን ይሸንገ እንተሹር እንተሹ ልኸጋ፡እን ኒደንሲ ልኸኹ ወረ ኒዳንሊ ፈረደኹ እን ፋትሕሲ ልኸኩሉ፡እን ፋትሕሊ ከር ፈረደ፡፡ ፋትሕሊ ፈረድ ፈረድራኸር አኸሮ ደንቢ ላኪን፡ፈረደኹ ግን ግራ ፋትሕሲ እሰኹ(ተከዋኹ) አኸላ፡፡ 12 4፡12 እን ደኤንድሮኸር ዲሂሰሮኸር ገረሰኹ እንፋትሕሲ ሐገጋኹዲ ፈረደኹዲ ላኹኒ ግን ኩጨረል ፈረድራኸር.ኻ እንቲ ኤወይራኻር ግን፡፡ 13 4፡13 እሰከ ናን.ኸ እንትን፡ንኪ ወረ አመረ እንጫ ታንታርዋ እንዲሂትል ፈርንን እማ ንርትል ኤመራ እሰኒን ሰቀጥኖኻር ረብሕኖኸር ግን ይደነኩ፡ 14 4፡14 እንትን እን ኤሜረ አከኹሲ ኤርእድኒሉኒ እንተፈኹት ደኤም ወራንንረ፡ከላላ ግርጋትሱ ቋልሱቶ፡ ደንብን ድደኹ ትደሰ ግን 15 4፡15 ይነኤደራ ፋቃድ አካን፡ይንንኸር ዋንትነደ ኒስ ወረ እንደሰ እሲኖ ግን፡ ይኒልድታዲ 16 4፡16 ናን ላኪን እንታጀሀሰነድ ዋርደሰንኩ እንኩድ ኑኻ፡፡ንሰናያኹ ዋርዲትና ኒውኸ ምቁላ ግን፡፡ 17 4፡17 እማ ገድም እን ትከያኹ እሰና ኤርአኹ እማ እሰጋኹሉ ኒድ ሐራም አከኩሉ፡፡
1 5፡1 እንትን ታጅራ፡እሰከ ናን ተራኹም ህንባኹ መገደረድ ዋይዋይ ይዱኑ ሰራ 2 5፡2 ተጀረድ ምሸምሾ፡ እንተሰረንሲ ኸር ቋኹ ቁሉ 3 5፡3 እንተደሀብዲ፡እንተወርከዲ መረቶ፡እን ኒመረትና.ኻ መሰከርደኩም ግን፡፡እና ደንበር ግርጋድሊ እንድባ እከብድኖ ህንብደነኩ፡፡ 4 5፡4 እንሐን ገድም መህየት እንተ ኪሺጛሺ ኤሸረውድ ሸቃሎ፡ እንትንኻ (ካረምድነው)ዋዕየኩ እንኩኹ፡ዋዕይና እን ኤሸራውዱኹ ኸር ጀር ደባአትል እንቁል ገአድ ህንበኩ፡፡ 5 5፡5 ብረል ሐንቀቅድ ኑኸር ታምድኑኸር፡ግርጋ ብኺኹ ሰና እንተለበከሰ ሰኹሰድኑኻ፡፡ 6 5፡6 ፈረድኑኸ፡እን ጫድቅሲ ኩዱኑ ኹሉ፡ኒተጠረረለ ኩምኒ፡፡ 7 5፡7 እማ ገድም ይሻንገ ይነአደራ እንተርና አኸራሲከ ሰብር እሰ፡፡እነሐን አረሰ እን ከብር ፋራ ብረኹሲ ጨበረኩሉ፡፡ፋይዲ ዓቁ ጭብሐቱኹዲ አርደሲከ ኸር ሰብር እሰኩ፡፡ 8 5፡8 እንትን.ኻ ይነኤደራ እዝረ ሰኩሩኸ ግን እንማ ሰብር እሰ፡እንተለበከሰ ኸር ተብደ፡፡ 9 5፡9 ይሸን.ገ ፈረድሰግድኒን እንተሹትል ኤም ይጋ፡፡እነሐን እን ፈረደኹ ልጛድ ጭምድሊ ደውዩ ህንበኩ፡፡ 10 5፡10 እንትን ይሸን.ገ እን ጃር ሰጛድ ገበው ነብያትሲ ቋላ ጂርበትዲ ዓቅልዲ እሰሎም 11 5፡11 እነሐን እን ዓቅል እሰው በከይት ግን፡፡ይነኩንሎም እንኩንኹን፡፡ዓቅልሲ ዋሰድኖ ህንብደነኩ፡ጃር.ኻ ገረኹ ራሕመትድ እንታኻኹዲ ራሐማኹዲ ግን እማ፡እን ጀር እሰኹ ሲሉ ደንጎቢል ቋልድኖሉ ህንብደነኩ 12 5፡12 ለኪን እትን ይሸንገ ፋትሕ አንቀይል ለብግድኒንታ፡እን እታ የዋ አኸንእን አኸለኒ ይድናኹሉኻ አኸላኒ አኸን ግራ፡፡ናድካ ጀብ ሰማይድ ወረብረድ ወረ አረኹ ማሐለድ መሐልጋ፡፡ 13 5፡13 እንተነበከልማ ጅርበዲ ጂባዲሲ ብታኹ ህንበኹን ጠለይን፡፡ፈርሐኹማ ህነረበኩን ዘመርን፡፡ 14 5፡14 እንተነበከል ሸኹሰታኹማ ህንባኹን እን ሸማገለ (ማህበሩሲ)ሸጛን፡ናው.ኻ ጃር ሰጛድ ዘድ ቋሱኑሉ ኒኤወይሊ ጠለይኒን፡፡ 15 5፡15 እን እምነትረ ጠሎት.ኻ እን ሸኹሰታኩሲ ደአንድቶሉ ግን፡አደራኸር ጉድሮሉ ግን፡፡ሓራም እስኹ አከኸር ባርሰትሮሉ ግን፡፡ 16 5፡16 እማ ገድም ትልልሰትኖር መታን እንተሹር እንተሹ እንተሐራም እሰናድ አምና፡እንተሹር መታንኹር ጠለያ፡፡ጠሎት ጫ ጃድቁኹ ኒግብርድ ገረኹ ሰለጥደቲ 17 5፡17 ኤልያሰ ይነሰና ቂልሰንታ አዳም ግን እርጋኹ ሰዋ እሰጊን፣ኹ ጠሎት ጠለዩኹ እማ ሰዃ ኤምራዲ ወልታ አርባዲ ብረል ሰዋእሲላ፡፡ 18 5፡18 ሓዲስድኻ ጠለዩኽ ሰማኻ ስዋ እውኹ ብራኽር ንፍርር ቦኮልድቲ፡፡ 19 5፡19 እንትን ይሻንገ ላኹ እንተልድ እምንልድ ጀወለን፡ላኹ .ዃ ወንተሰንሉ፡ 20 5፡20 እን ሓራም እስኹሲ ደርብ ከቲኒልድ ወንተሳኹሉ፡ኒርሕሲ ከሪልድ ከም ደኤንደትኽር ገሪ ሓራምኽር ከም ሰሰት አርእን፡፡
1 ጴጥሮስ ሃዋርያ የሱስ ክርስቶስሩኹ፡እን ጶንጦስትል፡ጋላትያትል፡ቀጶዶቅያዲ ኢስየዲ ቢታንያዲትል ፋሕ ዮ ህንበው ፍሪርሰው። 2 እን አርእን ሰልፍድ ይና እኽር ጃሩኹ፡ቅድስና መንፈስድ ኣዘዝስና፡ብር እየሱስ ክርስቶስሩ ነጸግነድ፡ገድዲ ሰላምዲ እንተል በጀኽን። 3 - 4 እን ደኮጋኹዲ ረኸሳጋኹዲ ጠማለልሰጋኹዲ እን ሰሚል እክብሶኩም ህምባኹ ለውስታኹ፡እን የሱስ ክርስቶስር ጉና ክሪልድ ገሪ ምሕረትድ፡ዲማ ዳይም ሳደድ ሓዲስድ እዃራኹና ጃር፡እኽር ይናደራ የሱስ ክርስቶስሩኹ ሓመድስኒ። 5 እንትን ሒል ጃሩኹድ እምነትድ እን ደምበር ወክት ገለጽስሮ ደለሞ ህምባኹ ደአነድ ተከውስድኖ ህምብደናኹ። 6 - 7 እን ፈተንስና እንተ እምነትኹ ገሀስና እየሱስ ክርስቶስሩኹ ሓመስነድ፡ክብርድ ለኸድ መረጨሳኹ ደኳኹ ደሀብልድ ገሪኹ ከበሮ አርስሮር መታን ፡ናን ገሪ ናትናቱ ፈተናታትድ ጎሀይድኖ ደምቢ፡ኒድ ፈርሕትኖ ግን። 8 - 9 እና ቋልግድኒሉ እንከልደናኹሉ፡ናጝር ቋልግድኒሉ ኒድ እምንደናኹ እን ድጞንታ እና እመነቱ ንኮዶ ደአና እንታ ፊኹቱሲ አርድነሰና፡ድውስተጋኹ ክብርዲ ፈርሓዲሲ ፈርሕትኖ ግን። 10 እን እንተ ሰበትድ መደብሳ ገድ መታን ተነበየው ነብያት፡እና ደአና ንድ ሰበትድ ጀረቢኒኹር መርመርኑኹር፡ 11 እና ናል እርጋኹ መንፈስ ክርስቶስሩኹ፡እን ስቃይ ክርስቶስሩኹ እን ኒጉርበትሊ ህንባኹ ክብርድ ጃቢሶ መስከረት፡አውን ወሪ አወያ ወክትሲ ቋሊሰት መርመርኑኹ። 12 እንተድ ግራ ናሹቲ ከም ኣገልገልድግነት በርህኹሎም።ኒጝር እን ሰመሊድ እንሻቕሳኹ መንፈስ ሻትክድ እሲነ ወንጌል ሰበክነትኩ ናን ድውስቲኹኩም፡መላእኽቲ ኒል መርኪስድኖ በሃገናኩ። 13 እማ ገድም የውትት እንታ ለበኪውሲ ደበልትድኖ ጠንቀቕስዱኑ፡እን የሱስ ክርስቶስር ገሀድስነድ አረርደናኹሉ ገድድ ገሪ ሳዳ እሳ። 14 እን ኣዘዝሰው እቑርሰና ግራ፡እን ወክት ዓወድናሩኹድ ዋንትዱኑ እስዲነ ወራትሲ እሰጋ። 15 - 16 ኣን ሻትክ ግን እማ ንትጝር ሻትካን ኣኻ ያኹ ክቱብ ዋነውድ፡እማ እን ሽጛኹኩም ሻትክ ኣኸውድ እንትጝር ኒውክ እንታ እራኩድ ሻትካን ኣኻ። 17 እን ኣኻኹሲክ ኣኽን ገሽ ቋልና እንገት እን ኒወራትሰና ፈረዳኹ፡እንትጝር አቤ ይድኖ ሽጝደናኽርሉ ኣኽድነውድ፡እና ወክት እንታ ጋሺትኒኹሊ ጒኢሲ መንደርታ። 18 - 19 እን እንታ እክልድ ከለብርድናኽሉ ሳክት እራኩድ፡እን ብር እን ኣበር ረኸስና እንግጋኹ በጋ ፡እን ክቡር ብር ክርስቶስሩውድ ግራ፡ድዳኹ ሰንዓተድ፡ወርከድ ወሪ ደሃብድ ከም ደአንግድነት አርእድኑኹ። 20 ኒ እድንጛ ተርይግሪ መደብሱኽ፡እን ኣኽርሊ ኻ እንታ መታን በርህኹ። 21 እንትናዲ እንታ እምነዲ እንታ ሳደዲ ጃርሊ አኽሮ መታን፡እን ክሪልድ ጉዳኹሉ ኮዶ ክብር እዋኹሉ ጃርድ እምንድኑኹ። 22 - 23 ዋንተኹ ዲማ ዳይም መንደርታኹ ቆል ጃሩኹ፡እን ድዳጋኹ ፈድንልድ ግራ እን ድዳኹ ፈደንልድ ኣኽድኒ ሓዲስድ እኻርስድናኽር፡እምንሲ ኣዘዝስዱኑ፡ምልልጝና እንግግረሪ እንከሊ ሻንኹድ እንተ ርሕሲ ለጭሕዳ፡ጫሪ ለበከድ እኺርኺርሲ እምንድ እንከልስጛ። 24 ኒውክ ስኻ እን ሻንክሰና ግን፡ኒውክ ክብርኽር ዕምባባ ሻንኪውሰና ግን።እን ሻንኪ ኢዳኹ እን ዕምባባ ኮዶ ከፍከፍሳኹ። 25 ቆል ጃሩኹ ዲማ መንደርታኹ፡እን ድውስተኹኩም ቆል ብሽራቱኹ ኒን ግን።
1 እማ ገድም ኒውክ ምቅለስ፡ኒውክ ጎርሒስኽር ኤልከስኽር ቀንትኽር ኒውክ ልኻኽር ሺርደሉ። 2 - 3 ጃር በኪት አኸት ታምድኖሉ ዋንትደነን ፡ኒድ ደአነድ ለገትኖ መታን ናና እኻርሰው ቆሊዕሰና እን ሕበር ሻኽገው ሸብ መንፈሳውነቱስ ጀረባ። 4 እን ከውድ ቃበብሳኹ ጃርድኻ ማላኪን ፍሪርሳኹዲ ክበራኹዲ መንደርታኹ ክርጚል ስኩርዱኑ። 5 እንትጝር መንደርተው ክርጝሰና ኣኽዲነ፡እን እየሱስ ክርስቶስድ ጃርሊ ከለብርሳኹ መንፈሳዊ ፍዳ ስኩስትኖ ፡እን ቅዱስ ከዳ ኣካኹ መንፈሳዊ ልጝንድ ገበርሳ። 6 ናጛ ኮዶ እናሓን ጽዮንትል ፍሪርሳኹዲ ከበራኹዲ ክርጛ ገምዳኹን እንኩኹን ኒድ እምናኹ ስማረላኒ የኩ እን ክቱብል ህምባኹ። 7 እማ ገድም እንትን እምንደናኽርድ ክቡር ግን፡እን እምነገውድ እን እቕር ቃበበውሉ ክርጛ ኒ-ኣኾር ሓበርኒኹ ኣኹኹ። 8 ክርጛ ዓንቀፊሰናዲ ሸሻ መነስታታኹዲ ኮዶኽር ግን፡ና-ኣዘዝስና ብነድ እን ቆልድ ዓንቀፍሰነኩ፡ንድ ኮዶ መደብሰው ግን። 9 እንትን ኮዶ ትክያኹ ወራት እን ጭልምልድ ፈከርዳኹ በርህሊ ፍዳኹ ድዊትኖ መታን፡ፍሪርሰው ፈደን፡እን መንግስቲ ሕክሙኹድ ከዳታት፡ሻትካን ከው፡ማል ጃሩ ኣኻ ከው ግን እንትን። 10 እንትጝ ሰልፍ ቆም እርግግድናኽር ናጛ ቆም ጃሩ ግን፡መሓርስግድናኽር እርግድኑኹ፡ናጛ መሓርስድናኽር ግን። 11 እንትን እንከልሰው፡ኣን ጋሸሰናኽር ስደተንጛሰናኽር ኮድጛኹንኩም እንኩኹን፡እን ሪሕዲ ዋኺታኹ ስኺኹ እንከሊትልድ ሺራ። 12 እንትን እከይ እስደናኽርሰና እሲነ ልኸውኩም እንታ ኪዳ ግብርሲ ቋልኖ እን ግርጋ ውንቅረድ ጃርሲ ሓመድድኖ መታን ቆም ነበክል እንታ ወንተተርነስ ሽኻርዳ። 13 14 15 ንሰና ኪሰሪ እስዱኑ ዓውድናር እን አርእገው ከውሲ አበትኖ ጃር ፍቓድ ግን እማ፡እን ኒድካ አወይሲ ህንባኹ ንጉስ፡ወሪኸ እን ምቅላ እሰው ቀጽዕስትኖ ኪዳ ግብር እሰው ሳብስትድኖ ኒልድ እንሸቕሰው መካንንቲ ጃር መታን ይድኖ ስርዓት ኣዳምሩ ኣኻኽሲክ ሓከምሳ። 16 ናጻ ፈሰና ኣገልገልቲ ጃሩሰና ግራ፡እን ሓራ ኣክነስ ኩሲሰና ምቅሊኹ እሰውሰና ኣኽጋ። 17 ኒውክ ኣዳምሲ ከበርዳ፡ሻናር እንከላ፡ጃርሲ ጒኢታ፡ሲምሲ ኮዶ ከበርዳ። 18 እንትን ገዝእስትደናኽር፡ዓመጨውሲኽር ግራ፡እን በካይዲ ሕሱናንዲሲ ካያ ኣኻላ፡ጒኢሲ እንታ አርደትድ ኣዘዝስታ። 19 ላኽ ድኳ ጃር ጅብሊ ዓመጭሲ ጌሄይነድ ሰብር እሰን ፡ኒን ገድ ግን። 20 ሓራም እስዱኑ ጣዓምባድ ሰብር እስደነን ውራ ዋርዲትና ህንበኩንኩም፡ትክያኹ እስዱኑ ጅርበትሲ ሰብር እስደነን ኒን ጃር ጃብሊ ከለብርሳኹ ግን። 21 ንድ መታን ግን እንትን ሽጝስትድናኽር፡ክርስቶስ ኒጉርጉርበት ተለይትኖ መታን ዮ ኣራኣያ ባሮልኩም እንታ መታን ጅርበት ንብታኹ። 22 ኒ-ሓራም እሲጋኹ ጉርሒኽር ኒኣብሊ አርስጋኹ፡ 23 ጀኺነሪትሉ ወንተሶ ጀኺጋኹ፡ጅርበት ብስነሪትሉ እን ቅንዓትድ ፈረዳኹድ ኒ-ሰንዓተስ ደኩሶ እውኹ ግራ ኣትፋሪህድላ። 24 ሕራምድ ክርኖ ጨደቅነድ መንደርትኖ መታን፡ኒ ኒላውድ ይና ሓራምሲ እን ኒ-ስኺል እን ካኒል ምኹርኹሉ፡ኒ-ላኸንድ ግን እንትን እቢርድናኽር። 25 እን ፋሕይረሪ በግሰና እርግድኑኹ እማ ናን እን ምቓቓዲ ተከወንታ እንታ ሪሕኹዲትል ወንተርድኖ ህምብደነኩ።
1 - 2 እንትን እኲን፡ገለ እን ቆልሲ ኣዘዝተገው ዋንተነን፡እን ጒ ህባኹሉ እንታ ወንተተርነስ ቋልነሪ፡ቆል እንገት ናእኲና ወንተተርነድ ነፍዕስተውሰና ኣኺነ አርስድኖ መታን፡ኒሰና እንተ ግርውድ ሓከምሰሎም። 3 - 4 እንታ ከሸራ እን ትብታንድ እን ለበከ ኣዳምሩኹዲ ጃር ጃብልኽር ከበራኹ፡ራሕመትዲ፡ሃዲእ መንፈስ ኣኽኒ ግራ፡እን ገደልሳኹ ኣኾር፡እን ከደምሳኹ ሰርጎ ደሃቡኹ እንሸውና፡ሰራን ሰርዶ ጋፈሽትና ኣኽጊኒ። 5 ሰልፍኻ እን ሳድ ናኹሲ ጃርሊ እሰው ሻትካን እኲን ናግርውሲ አዘዝሱኑ ነወያ ደርብድ ግን ናው ሰርገይስናኹ። 6 ሳራ ኣብራሃምሪ ያደራ ይሮ ኣዘዝትራኹሰና፡እንትጝር እስደነን፡ላኹ በኻኽዳኹ ጋርድ ጒኢተግደነን፡እንትጝር ንርቚር ግን። 7 እንትን ግርው፡ ጠሎት እንታኹ ገበብትጒ፡ሓያማን መሀዲሰና፡እንቲ ለውተው ገድ ርሒኹ ሃብዲነ ከበርድዱኑለን፡ኒሰና እንታ እኲንዲ ኣእምሮሲ መንደርታ። 8 እን ኣኽርሊኻ ናኾርክ ላሓሳብነድ፡ራሓምስጘው፡ሻናር እንከለው፡በኸኸንቲ፡ለተቅየው ኣኻ፡ 9 ገውራ ለውትኖ መታን ሽጝስትድናኽር ግን እማ፡ገውራ ግራ ምቑላ ምቑላ ኣብሊ ወሪ ጀኸን ጀኸን ኣብሊ ወንተስጋ። 10 11 12 ዕልል ጃሩ ጫድቃንሊ ግን ናው መኸልተው፡ኒ-እንቚቚ ኮዶ ና-ጠሎትሊግን፡ገሽ ጃርኹ እን ምቁል እስውሲ ተጣረራኹሎም እማ፡እን ርሕ እንከላኹ ኪዳ ግርጋት ቋልዶ ጀረባኩ፡ኒ-ላንቀስ ምቅሊልድ፡ኒ-ከናፍርሲ እከይ ጋቢጊን ገበብኒ።ምቁሊልድ ስርግ ይን፡ኮዶ ኪሰሪ እሲን፡ሳልምቲ ጀረቢንላኽር ታከይንላኽር። 13 ኪሰሪ መታን ተዓብደነን ኣውኒ ግን እከይ እሰኹኩም? 14 ጭድቂ መታን ድኳ ይድኖ ጅርበትዲ ሕልፈትዲ ብደነን ብጹኣን ግን።እን ጒኢሰውልድ ጓቒትጋኽር በኻኽርጋኽር። 15 ይናደራ እየሱስ ክርስቶስቲ እንታ ለበከድ ቀደሰሉ ግራ፡እን እንተል ህንብረሪ ሳዳ ምስምሳ ወንቀረውሲኩም ወንተስትኖ ዲማ ደለመው ኣኻ፡መላኪን ዓቅልዲ ጒኢሲ ኣኽኒ። 16 - 17 ፍቓድ ጃሩኹ ንሰና ጀረብደን፡እከይ እስዱ ኣኽጊ ኪሰሪ እስዱኑ ጅርበት ብደነን ኪደኩኩም እማ እን ክርስቶስድ ኣኻኹ ኪዳ እንታ ፈርሲ ጀኸውኩዲ ልኸውኩምዲ ስማርድኖ መታን፡ኪዳ ቀልብ ዋንቲንኩም። 18 ክርስቶስ ኮዶ ጀርሊ ስኩስሮና ዮ ኒ እን ጫድቅ እን ዓመጨውድ ላዶን ሓራም መታን ክሩኹ፡ስኸድ ክሩኹ፡መንፈስድ ኮዶ ህምባኹ ኣኹኹ። 19 ኒድ ፈሮ እን ስጅንሊ መንደርተው መናፍስቲት ሰበኩኹሎም፡ 20 ሰብር ጃሩኹ ግርጋት ኖህሩ ጨበርደሰና እን ዶናክ ከደምስሩኒሲክ፡ንርድ ከለለው ማለት ሰኾታ ፊኹት ዓቑድ ደአንኹ፡እን ሰልፍ እምንገውሲ ሰበኹኹሎም። 21 እን ኣቑ ኮዶ ናን ተምሳለትድ ማለት ጥምቀት ደኤንዳኹኩም እንኩኹ፡ኒንኻ ጉና እየሱስ ክርስቶስሩኹድ ሺዋን ኪዳ ቀልብ ጃርሊ ግራ እንቃርና ዓማቅ ስኺኹድ ኣኽላ። 22 ኒ-ሰሚል ዓረጎ ጃር ላውሊ ህንበክ፡ኒት መላእክትዲ ስልጣናትዲ ሒል ሸኽንኹን የውዲ ሓከምሰናኹሉ።
1 2 ገድም ክርስቶስ ይና መታን ጅርበትዲ ሕልፈትዲ ብቶ ደምቢ፡ኒስኸድ ጅርበት ብታኹ፡ኒ ሓራምሲ ባርኹሉ እማ፡እን ስኸድ ከበተ ወክት እን ፍቓድ ጃሩኹድ ግራ እንከሊ አዳምርኹድ መንደርትግድኒን፡እንትጝር እና ሓሳብሲ ምኹርሰና እስዲነ ሸኸሉ። 3 እን ዓበድነድ፡እንከሊ ስኺኹድ፡ሸከርነድ፡ጎሊትነድ፡ጅእነድ፡ሩኹስ ኣምልኾሲ መንደርትዱኑ ፍቓድ ቆሙኹ እስዲነኹሉ ወክት ኣቕትራ። 4 እን ዓይግ ረኸሳኹሊ ናዲ ሰበት ጋጚግድነት፡ጀኽስትጙኑ ኒድ ፈከርሰናኹ እንኩኑኹ። 5 ናው እን ህምበውዲ ክረውዲት ፈረድሮ ደለሞ ህምባኹድ ሺብ ኡድኖ ግን። 6 ኣዳምር ሰና ስኸድ ፈረስድኖ፡እን ጃሩኹሰና መንፈስድ ኣኽኖ ርሕድ መንደርትድኖ ዮ ግን ክረውድ ብሽራት ድውስተኹ። 7 እማኻ ኣኽረት ኒድካኹ ስኩሩኹ፡ንሰበትድ እንታ ኣኾርሲ ገትኣ ጠሎት መታን ኮዶ ጓ። 8 እንከሊ ገሪ ሓራም ኩስረሪ ኣኽረውድ፡ኒድካ ጃብ እንተሹር እንተሹትል halhal ይረሪ እንከሊ ወንትሪንኩም። 9 Sdawsignidni እኺርኺርሲ ጋሺትነድ ከለበርስጛ። 10 ላኹክ እን ኒ ከለብራኹ እውን ገድሰና፡እን በካይት ከደመንቲ እን ገሪው ዓይነት ገድ ጃሩኹዱ እኺርኺርሲ ኣገልገልዳ። 11 ድዋኹ ኣከን እን ቆል ጃሩኹሰና ሃበ ድዊን፡ኣገልገልዳኹ ኣከን እን ጃር ሃበ እዋኽ ሒልሰና ሃበ ኣገልገልድን።ጃር እየሱስ ክርስቶስድ ኒድክድ ከበርዶ መታ፡ኒድ ክብርዲ ስልጣንዲ ዲማ ዳይም ኣኽኒ።ኣሜን። 12 ኣን እንከለውኩም፡እን ፈተነድ አረራኹኩም ብርና ላኺኹድ ሓዲስ ጋር ገእያኹሰነኩክም ኣኽዲነ ፈከርስጋ። 13 እን ገሀድስና ኒ ግርሚኹድ ፈርሕትኖኽር ባህኽር ይሮኩም ግን እማ፡እን ጅርበት ክርስቶስሩኹል ሕበርሰው ኣኽድነውድ ፈርሓ ደአም። 14 ስጝ ክርስቶስሩኹ መታን ጀኽስትደነን፡እን ከበራኹ ጃሩኹ መንፈስ እንተል ካኹ ኣኸውድ ብጹኣን ግን እንትን። 15 ላኽ እንተልድ ኩወንተሰና ወሪ ስዋናሰና ወሪ ምቁላ እሰኹሰና ወሪ ጋር ኣሪውድኹል ሕበርሰኽሰና ኣኾ ጅርበት ብትጊኒ። 16 ክርስትያንሰና ጅርበት ብተጛ እና ስጙ ንድ ጃርሲ ሓመድኒ ግን ግራ ስማርጊን። 17 እን ፍርዲ ልጝ ጃሩኹሊ ተርያ ወክት ተመሞ ዋነውድ፡እማ ሰልፍ ይነድ ተርየን፡እን ወንጌል ጃሩኹሲ አዘዝስትገው ና ኣዋኽር ውራ ኣኽሮ ግን። 18 እን ጫድቅ ሒለቱኹ ለመለምድ ደኣናኹ ኣኸ ደምቢ፡እን ዓመጫኹዲ ሓራም እሰኹዲ ደአም ኣዊል ቋልስትሮ ግን። 19 ደአም እን ንየት ጃሩኹሰና ጅርበት ብተው፡ኪዳ ግብር እሱኑ ናፊኹትሲ እን እምንሳኹ መሀደንተትል ዓየብዲኒንላ።
1 እማ ገድም፡እን እንታ ነበክል ህምበው ሽማገለታት፡ኣን ና-መሸማገልቲተንታ፡ስቃይ ክርስቶስሩኹድ መስካሪራ፡ደምብርጝ ገለጽስሮ ህምባኹ ክብርክር በንሳኽር፡መኾኻኹን እንኩኹን። 2 እን እንተዲ ህምባ ማል ጃሩስ ምቓቕራ፡ንየት ጃሩኹሰና እንከሊሲ ግራ ቀስብድ ኣኽጊኒ፡ፈርሓትድ ግራ ሳክት ነፍዓጋ አርጝ መታን ኣኽጊኒ። 3 እን ማልሲ ቋልስተው ኣክዱኑ ግራ እን ማሕበራሊ አርደትሰና ኣኽጋኒ። 4 እን ሓላቃ ምቃቃኽ ገለጽሰሰና ጨምለልሰጋኹ አክሊል ክብሩኹ ከለብርትኖ ግን። 5 እንቲጝ ሻሎት እን እንተልድ ቅደውሲ ገዝእስተሎም።ጃር እን ክቡዓንሲ እንጠራኹሎም፡እን ለጥ የውሲ ኮዶ ገድ እዋኹሎም እማ፡ ናውክ እኺርኺርድ መለክስትኖ መታን ለተቕይና ደበልታ። 6 ገድም ኒወክትድ ኒ ክብሲሮኩም መታን እን ተብረሪ ጃር ናን ስቖይሲ ለተቕ-ያ። 7 ኒ-ሓሰባኩልም ኣኸውድ፡ኒውክ እንታ ምኹርሲ ኒል ገምደሉ። 8 ድያብሎስ እንታ እንጠረንታ፡ኒት ወሓጣኹ ጀረበ፡ እን ገመኒሰና ሕምሕሙ ጅልዋኹ እንኩኹ እማ ተንቀቕሳ፡ነቕሓ። 9 እና ጅርበትዲ ተዓብዲ እን እድንዪል ህንበው እንታ ሻንሲ ከም ገእየትሎም ለበኪል እስዲነ፡እምነትድ ተብድኖ ተቓወመሉ። 10 እን የሱስ ክርስቶስድ ዲመር ርሕሊ ሽጛኹኩም ጃር ኒውክ ገድ ኣደራ፡ከለላ ወክት ጅርበትዲ መከረዲ ብድነሰና፡ኒ-ታማን፡ተበው፡ሰረትሰው እሲሮኩም ግን። 11 ዲማ ዳይም ኒድ ክብርዲ ሕክምዲ ኣኺኒ።ኣሜን። 12 ስልዋኖስ ይት ከም ተከትለ እምንሳኹ ይና ዳንድ እሰ ኮድጙኩም፡እና ደው ይድኖ ህምብዳናኩ እምኑኹ ገድ ጃሩኹ ከም ኣከት መስከሩ ከለለው ከተቦልኩም ህምባኩን። 13 እን ፍሪርስረሪ ባቢሎን ህምብረሪ ማሕበርዲ ማርቆስ ይኹረዲ ሰላም የነኹኩም እንኩኑኹ። 14 እንከሊር ስልምድነድ እኺርኺርሲ ስልምዳ፡ክርስቶስ የሱስድ ህምብደናኽር ሰላም ዋኒንተት።ኣሜን።
1 ስምኦን ጰጥሮስ እየሱስ ክርስቶስሩኹ ሃዋርያዲ ገንጂነዲ፡እን ናል እን ይነሪር ኣክርደሪ ከበርደሪ እምና ጨደቅነድ ይና-ጃርዲ ይና-ደአንዱራ የሱስ ክርስቶስዲ በንሰው። 2 አርእጝ ይና-ጃርኹዲ ይና-ኣደራ የሱስ ክርስቶስርኹዲ እሴ እንተል ገዲ ሰላምዲ በጀኸኒ። 3 እን አርእጝ ኒክብርኹ ኒቅድንቲ ሽጛኹና ጃር ሒል፡ ርሕዲ ጓቂ ጃሩኹዲ ኣካኹ ኒውክ እዎና ደምቢ፡ 4 ኒድ ከበራኹዲ ብሄር ሳደዲ አርናኽር፡እድንዪል ህምባ እንከሊ ስኺኹ ድዲልድ ፍድኖ፡ጃር ባህሪ በንስትኖ መታን፡ 5 ትግሃትድ ለመለም ያ፡እንታ እምነትሊ ተግህና ኮዳ፡ኮዶ ተግህኒል ኣርእጝ፡ 6 እን አርእጝሊ ኮዶ ኩፊኹት መለክና፡ኩፊኹት መለክና ዳግሊ ዓቕል፡ዓቕሊ ኮዶ ጃርሲ ጒኢትና። 7 ጃር ጒኢትኒል ሻን እንከሊ፡እንከሊ ሻንኹሊ እንከሊ ኒድ ኣድምሲ። 8 እና ጋር ኒን ዋነንኩም ኮዶ ዳበሩ ፈረን፡አርእጝ እየሱስ ክርስቶስ ፡ሃከይሰገው ኮዶ ፍሪተገው ኣኽትኖ ባረለኩም። 9 እና ጋር ኒስ እንግጋኹ፡እን ጃበራ ኒ-ሓራምልድ ጨረይና ምኺራኹ፡ዓራባኹ፡ተኸትል ህምባኹሲ ካያ መኸልታኹ ግን። 10 ገድም፡እንትጝ ይና-ሻን እንታ ሽጝነስር እንታ ፍሪርስነስ ተብድትኖ ገሪኹድክ ለመለም-ያ።ኒስ እስደነ ወላ ለተፍስደኒ። 11 ኒሰናኻ፡እን ይናደራ ደአንዱራዲ እየሱስ ክርስቶስ ዲመር ሕክምሊ ቱና ታምም እውስትሮኩም ግን። 12 እማ ዋላ ድኳ ኤርእደነንሉ፡እን ህምባኹኩም እምንሊ ተብደነን እና ጋር ኒስ ዲማ እልብዲስየኩም ይንየት ግን። 13 - 14 እን ያደራ እየሱስ ክርስቶስ ገለጸኹሰነለ፡እን ቀንጠጥስና ይ-ኣብሉሪኹ አሸሾ አከት ሰበት ኤርአት፡እና አብሉራ ኒል ዋንቲሪሲክ እልብዱ ነቅሕድየኩም ትክያኹ ኣኸ ቋልስትኹለ። 15 ኒሰና፡ይፈር ደምቢ ኒስ ኒትክ እልብድትኖሉ ዮ ለመለም የኩን እንኩኹን። 16 እን ይና አደራ የሱስ ክርስቶስሩኹ ሒልዲ እንተርነዲ እልብዲሱኩም፡እን ኒ-ግርመስ ይና-ዕልድ ቋልናኹ ሰምዕ ኣኽነ ግን ግራ፡ተጣበብናኹ እንቑርቑራ ኣኽላኒ ይን ተለይናኹ። 17 እን ዓደድ እንጋኹ ገረማኹ ክብርልድ፡ኒድ ሰመራኹ እንከልሳኹ ይኹራ ኒን ግን ያኹ ደሄይ እንተሰና፡ ኒ ይናኽር ጃርልድ ክብርሲ ግርመዲ ከለብሩኹ። 18 እን ሻትክ ጊሪል ኒዲ ዋንትኑ፡ይን ይነላውድ እና ደሄይ ኒስ እን ሰማሊድ እንተሩንሲክ ዋስንኹንሉ። 19 ገሪ ተባኹ ቆል ትንቢትኹ ሻኽንኹ፡ብራ ክስራሲክ፡ሽንግርዋ ብርክስጚ እንታ ለበኪል ፍራሲክ፡እን ጭልም ኣካንሊ ከም በርህዳ ቲዃ ሃብዲነ አስተብሃልድደነንሉ፡ኪዳ ወራት እስደናኩ እንኩድኑኹ። 20 ኒውክ ክቱብ ትንቢቱኹ ኒትርጉም፡ ኒሹትልድ ኣኽገት ኒዊ ጃብ ኒስ አርኣ። 21 ትንቢት መላኪን ሻትካን ከው መንፈስ ሻትክት ሓበርስኖ ጃርልድ ናው ጋበናኩ ግራ ኒየት ኣዳሙኹድ ኣኽላ ኒ-እንተራኹ።
1 መላኪን ነብያት ብንዱ እን ቆም ነበክል ጉኖ እርጉኑኹ እማ፡ኒሰናኽር እንተነበክል ክንሱት ብጙ ጉድኖ ግን፡ናኣኾርሊ አሸሻኹ ድዳ ናቅሱኑ፡እን ጅበኹሎም ኣደረስ ድኳ ከሓድኖሉ ግን፡ናው ድዲኹ በስጝትና ሽሉቑ ሲነ ቱስድኖ ግን። 2 ገሪው ኮዶ ና-ርኽሰዲ ተለይድኖሉ ግን፡ናሰበትድ እን ደርብ እምንዱኹ ጀኽስቲሮ ግን። 3 ቀውሕስትነዲ ጋብ ምለውድ ሃቢነ ሸቀጢሰና ሃቢድኖኩም ግን፡ናፍርዲ እን ሰልፍ ሰልፍልድ ፊዃላኒ ናድዳ ኮዶ ገንጀላ። 4 ጃር እን ሓራም መላእክቲስ ድኳ እን ገሀናፍሳትሊ ማሎ ስልስልድ ጭልምሊ እንሸውስኖ ፍርድድ ተከውስድኖ ደክሶ እውኹሎም ግራ በርእጋኹሎም። 5 እን ሰልፍሪት እድንየት በርእጋ ደምቢ፡እን ሓራሙድ እድንያ ዓቕ ኣይሂ ገምዶሰና፡ኖህ ጫድቂ ሰበካኹ ሰኾተር ኒኣኾርዲክ ተከውኹሉ። 6 እን ደምብን እንተረው ዓመጨውድ ሰክሕደት እሲኹለን፡እን ዕርዲራታትሲ ሰዶምዲ ጎሞራዲት ባሪህ እሲኹን ገለበድስድኖ ኮዶ ፈረድኹለን። 7 እን ናዓመጭነዲ ረኸሳ ናእራኩዲሲ ሳቀዩ እርጋኹ ሎጥቲ ደአንዱኹሉ። 8 እን ጫድቕ ናነበክል መንደርቱ፡ክሰረድ ክሰራ ና ምቁላ ወኣራት ቋሉ እራጋኹዲ ዋሱ እርጋኹዲ ፡እን ጫድቒ ኒርሒ ሳቀይሩ እርግቲ። 9 እማ ገድም ኣደራ እን ጃር ጒኢተውሲ ፈተኒልድ ደአንድሮሎም፡እን ዓመጭ ከደመውሲ ኮዶ ቀጽዑንሲክ እን ግርጋ ፍርዲሩኹ ኣኽራሲክ ከም ተከወትሎም አርእሲሰኩ እንኩኹ። 10 ኒድክ አወይሲ እን ሩኹስ ስኻ ወራት ጉርበት ፈረው፡ኤርደድሲ ቃበበው፡ደፈራን፡ናሹቲ እንከለው፡ከበረውሲ ጀኺድኖ ፈጥፈጠገው። 11 ሻትካን ድዃ ሒልዲ ምልክዲሲ ኪደው ኣኩኑንሲክ፡ይና ኣደራ ጃብል ናት ተጣረራኹ ጀኸን ኣኽን ፍርዲ ናቅሰኒኒ። 12 ነን መላኪን፡እን ንሽወዲ ድደዲሲ መሀድስረሪ ቢህመት ሐዋንሰና ግን፡እን አርእግናኹሲ ጀኹኑ ናድደድ ድድኖ ግን። 13 ርዝቅ ና ዓመጭኒኹ አርድኖ ግን።እን ገርጊኹ ሓንቀቕነስ ታሚታኹሰና ሃቢነ ቛለናኹሉ እንኩኑኹ፡ረኸሰውዲ ስማሰውዲ ግናው፡ናምለነድ ቁኑንሲክ እንተዲ እን መኤዲሪል ቓነኩ እንኩኑኹ። 14 ቓሓብና እንታኽታኹ እን ሓራምልድ ደውየገው ዕልል ህንበኩሎም፡እን ተብገው ፊኹትሲ ምልልጛነኩ፡ቀውሓት ክንተኹ ለበካ ህንበኩሎም፡እሸና ቑር ግናው። 15 እን ጣፊሕ ደርብሲ ባርኖ ከቲኒኹ፡እን ደርብ ዓመጭኒኹ እንከላኹ በልኣም ባሶር ድኹረስ ተለይኑኹ። 16 እን ኒ-ኣበሳ ሰበትድኻ ቅጽዓት ከለብሩኹ፡እን ብሂመት ድዃራ ጨዓንሰሪራ ደሄይ ኣዳምሩኹድ ጋቢቲ፡እን ሻማ ነቢሩኹሲ ገበብቲ። 17 ናውኻ ዓቅ እንጋኹ አፍፍ ደሃፈት ከሎሉ ህንበኹ ብኳናኽር ግን፡ናስኻ ግብ ያኹ ጭልም ደለሞሎም ህንበኩ ዲመሲ። 18 ግምሽ ጋብ ትዕቢቱኹ ጋቡኑንሲክ፡ስኻ እንከሊዲ ርኽሰትዲ እን መንደርተውልድ ከለለው እግሪ ፈውሲ ምለነኩ እንኩኑኹ። 19 ለተቕሳኹ ኣዳም እን ለተቕዳኹድሉ ኒገንጂና ኣከኹሉ እማ ናሹቲ ገንሺን ድዲው ኣኩኑ፡ናጻ ፍትኖ ግን ዩኑ ሳዲሰነኩሎም እንኩኑኹ። 20 አርእጝ ይናደራ እየሱስ ክርስቶስርኹድ እና ረኸስረሪ እድንየትልድ ፍኖ፡ሓዲስድ ንርድ ዓብለልስኖ ቂልስተነን፡እን ና-ጃበሪልድ እን ናደምበራ ጂባኹ ኣካኹ። 21 ማለት፡ናው አርኡኑሉ እን እውስታኹልድሎም ሻትክ ትእዛዝልድ ደንቢራ ወንተርነውድ፡እን ደርብ ጭድቒሩኹሲ አርእግነንሉ ኪድርድ። 22 እን መሰል እምኑኹሰና፡ግድጝ ን-ፍዲሰውሊ ወንተሩኹ፡ካንዚራ እንቃርዶ ጭቂል አንገርገርቲ ይስታኹሰና ገእይኹሎም።
1 - 2 እንትጝ እንከልሰው እና ናን ከተበሪልኩም ይሊጘሪ ጀዋብ ግን፡ሰልፍ ሻትካን ነብያትድ ይስታኹ ቆልዲ እን ሃዋርያት እንተውድር ይና-ኣደራ እየሱስ ክርስቶስ ደኤንዱራ አርድናኹሉ ትእዛዝሲ እሲትኖ መታን ዮ፡ለጘርዲሲክ እልብዱኩም እን ገሪ እንታ ሓሳብ እንታኹሲ ነቅሕዳኹኑ እንኩኹን። 3 እን ደምበር ግርጋትል ናፊኹት እንከለሰና ወንተተርው፡ቓበበውር ቃበቢሰውዲ ከም ዋንቲነት ኒድክ ጃብ ኒስ አርኣ። 4 ናውኻ ፡ሳዳ ኒእንተርኒኹ ደአም ኣዊል ህንበኹን፡እን ይና እክል ገንጅናኹ ግርጋትልድ እን ሰልፍ ኸልቀትልድ ሸኾ ኒውክ እን እርጋኹሰና ግን ኒ-ህምባኹ ይድኖ ግን። 5 ሰማ እኒ እማና ወክትልድ ቆል ጃሩኹድ ከም ዋንተት፡ ብራኽር ዓቕዲ ዓቕልድ ኣክረት ኒስ እንከልኖ ምኺረነኩሉ እንኩኑኹ። 6 እማና እርግረሪ እዲና ኒድ እን ዓቕድ ከም ሸረብስሮ ድድረት። 7 እና ናን ህንባኹ ብረዲ ሰመዲ ኒ ቆልድ ደውዮ ህምባኹ፡እን ግርጋ ፍርዱኹ ኮዶ ድዳ እን ጃርሲ ጒኢተገው ከው ላኸድ ተከውሳኹ እንኩኹ። 8 ገድም እንትጝ ይሻን እንከልሰው፡ጃርሊ ላኳራ ስሕ አመራ ሰና፡ስሕ አመራኽር ላኳራሰና ከም ኣከት እና ላሪ ጋር ኒኒ ከውሊትግሪንኩም። 9 ይና አደራታ ናውክ ነስሕስትኒል ወንተርፍኖ ግራ ላኹ ድኳ ድድሮ ጀረበጋኹ ሰበት ኣኸውድ፡እንታ መታን ሰበር እሳኹ እንኩኹ ግራ እን በልጝሰና ሺሻኹ ተካኹሎም ኒሰና ሺሻላኒ። 10 ይና-ኣደራ ግርጋ መላኪን ስዋነሰና ኣኽሮ እንትቶ ግን፡ንርድ ሰማትት ጠዋዕዋዕ ዩንሲክ ደኩሮ ግን፡መሀድ ሰሚኹ ረሰነድ መኸኽሮ ግን፡እን ብረዲ ንርትል ህምባኹ ኒውክ ሓው ይሮ ግን። 11 - 12 እማ ገድም ኒን ኒውክ ሲራኹ ኣኾ ደምቢ፡ኒመታን ሰማታት ለኸድ ሸኪሮ ሲራኹ፡መሀድ ሰሚኹ ረሰነድ ሸኪራኹሉ፡እን እንተርና ይና-አደሪኹ ጨበርዱኑ፡ኣሸሽድዱኑ ሻትካን እራኲድ ጃር ጒእትነድ አወየው ኣኽትኖ ግን ተገበኣኹኩም። 13 ይን መላኪን እን ኒ-ሳዲሰና ጫድቕ መንደርታኹሉ ሓዲስ ሰማታትዲ ሓዲስ ብረዲ ጨበርነኩን እንኩንኹን። 14 እማ ገድም እንትን ኣን እንከለውኩም፡ኒስ ጨበርዱኑሲክ፡ኣከጃህ እንገትር ገለ ሙቅላ እንገት ሰላምድ ኒጃብሊ አርስትኖ ተጋደላ። 15 እን እንከልሳኹ ይና ዳን ጳውሎስ፡እን እውስታኹሰነሉ አርእጝ ኒ-ጸሓፍኹልኩም፡እን ሰብር ይናደሪኹሲ እንታ ዴአነድ ኮሸረሉ። 16 ኒ እን ኒልክ ኒ-ጀዋብሊ እና ጋር ንድ ሰበት ጋቡ፡ኒል ኣስተብሀልድነድ ጨገምደው ገሪ ጋር ህምባኹ።እን አእምሮ እንግገውዲ ተበገውዲ፡እን ኤሪው ክቱባንሰና ድዳ ናሹሩኹድ ጨወየናኹሉ እንኩኑኹ። 17 ገድም እንትጝ ኣን እንከለውኩም፡ኒስ ጃቢቶ አርእዱኑሉ እን ከትና እን ኣከይ ደርብ ፈረውድ ወተርስድኖ እንታ ተብኒልድ ለብግድኒን ተከውሳ። 18 ይናደረዲ ደአንዱረዲ እየሱስ ክርስቶስር አርእጝዲ ገዲሲ ለገድንን።ኒድ ናጝር ዲማ ዳይምር ክብር አኽኒት፡ኣሜን።
1 1፡1 እን ሰልፍልድ እርጋኹ ይን ዋስናኹሉ እን ይነዕልድ ቋልናኹሉ ፡እን መርኪስናኹሉ ይናናንኽር ዳህሰሰዉሉ እን ቆል ርሑኹ ሰበትድ፡ 2 1፡2 ርሕኽር ወድሕስተቲ ፡እን እኽርዲ እርግረሪ ይነድ ኻ ወድሕስትረሪ ፡ዲመር ርሕሲ ቛልንኹንላ እማ መስከርነኩን ዱነኩንኩምኽር እንኩንኹን፡፡ 3 1፡3 እንትንኽር ይነዲ ላኹ ኣኽትኖ ይኖ እን ቛልናኹዲ ዋስናኹዲት እንተድ ዱነኩንኩም እንኩንኹን፡፡ላድ ይነኣክናኻ እኽርዲ ኒኹራ የሱስ ክርስቶስዲኽር ግን፡፡ 4 1፡4 ይነፈርሓት እንታኽትሮ ይኖ ኒስ ከተብነኩንኩም እንኩንኹን፡፡ 5 1፡5 ጃር በርህ ኣኸት ኒልኻ ላሪ ድኳ ጭልም ክም ዋኒገት፡ ኒልድ ዋስነሪላ እንተድኽር ዱነሪላ ንሽቃ ኒኒ ግን፡፡ 6 1፡6 ኒዲ ላኹ ኣክና ህንቦኩና ይኖታ ጭልምሊ ወንተተርነን ብጝትነኩን እምን ኽር እስነኩን እልኒኒ፡፡ 7 1፡7እን ኒ በርህሊ ህንባኹሰና ፡በርህሊ ወተተርንን፡፡ላኪን ይነሹር ይነሹ ላኹኣክና ሻኽንኹን ብር የሱስ ክርስቶስሩ ኒኹሪዉ ኻ ይነሓራም ኒድከልድ ለጭሕድሮና ግን፡፡ 8 1፡8 ሓራም ሻኽኒ ይነን፡ይነሹቲ ምልነኩንላ እንኩንኹን፡እን እምን ኽር ይነል እልላ፡፡ 9 1፡9 ይነሓራም ተናዘዝነን፡ይነሓራምሲ ብሕል ይሮልና ኒውክ ዓመጭኒልድ ለጭሕድሮና እምንድኹዲ ላጭሕዲ ግን፡፡ 10 1፡10 ሓራም እሲኒ ይነን ቡጛ እስነኩንሉ እምን ኽር ይነል እልላ፡፡
1 2፡1 እንትን ይቁርገ ሓራም እሰግድኒን ኒስ ክተበኩንልኩም እንኩኹን፡፡ላዂ ድኳ ሓራም እስኹ ዋነንን አባ እኽሊ ህንብኩና ኒ ኢየሱሰ ክርስቶስ እን ጫድቅ ግን 2 2፡2 ንካ ይንሓራምድ እረኪስና ግን፡ኒውክ እዲንር ሓራምዲ ኽር ግን ግራ ይናሓራምድ ካያ አኽላ፡፡ 3 2፡3 ይንን ኒትእዛዝ ዋነንና፡ክም አርእንትሎ ንድ ግን እርናኹ፡፡ 4 2፡4 አን እርኹንሎ ያኹ ኒትዛዝሲኻ ተከወጋኹ ኒ ብጓ ግን ፡እን እምን ኻር ኒል እልላ 5 2፡5 እን ኒልቆልሲ ተከዋኩ ላኪን እንከሊ ጀሩኹ እምንድከ ኒድ ተመመቲ(አከቲ)ኒል ከም ዋንትነድ ኒድ ግን ኤርእናኹ፡፡ 6 2፡6 እን ኒል መንደርታኩን ያኹ፡እን ኒ ወንተተራኹ ሰና ኒኽር ኒሰና አኸ ወንተተርደ ወጀበኩሉ፡፡ 7 2፡7 ይእንከልሰንቲ ገ እን ሰልፋልድ እርጋኹኩም በላኹ ትእዛዝ ግራ ሓዲሰ ትእዛዝ ኣኻላ ከተባኹልኩም ህንባኹ፡፡እን በላኹ ትእዛዝ ከተበኩልኩም እንኩኹን፡፡ 8 2፡8 ሓዲሰድ ኒድኻር እንተድኽር እምን አካኹ ሓደስ ትእዛዝ ካተበኩልኩም እንኩኹን፡፡ጭልም ደኩኻ እማ እን በርህ እምንዱኻካር ልሳዕድኳ በርህደኩ እንኩኹ፡፡ 9 2፡9 ብርህሊ ህንበኩን ያኹ፡ ኒደንሲኻ እንጠራኹ ናን አኸራሲከ ጭልምሊ ግን ኒህንባኹ፡፡ 10 2፡10 እን ኒደንሲ እንከላኹሉ በርህሊ ግን ኒ መንደርታኹ፡ጎሎቆሚሰናኽር ኒል እላ 11 2፡11 እን ኒደንሲ እንጠራኹ ላኪን ጭልምሊ ግን ኒህንባኹ፡ጭልምሊኻር ወንተተረኩ፡ጭልም ኒዕልልሲ ዓረብድነደንሉኻ፡አዊል ከም ፈረድ አርእላኒ፡፡ 12 2፡12 ይቁር ገ እንታሓራም ኒሰጛ መታን ባርሰትኹኩም እማ፡ከተበኩንልም እንኩኹን፡፡ 13 2፡13 እንትን እከል እን ሰልፋልድ እርጋኹሲ እንኩኹን፡አርእድኖሉ ህንብደነኩ እማ ከተበኩንልኩም እንኩኹን፡እንትን አባጥሕ እን ካይሲ ቂልድ ኑኹሉ እማ ከተበኩንልኩም እንኩኹን፡፡ እንትን ቆልዕ እኸርሲ አርእድነደንሉ ከተቦልኩም ህንበኩን 14 2፡14 እንትን ኤከል፡እን ሰልፍልድ እርጋኹሲ ኤርእድኖሉ ህንብደነኩ እማ ከተበልኩም ህንባኩን፡እንትን ኣባጥሕ፡ሐለቱ ኣኻድነዲንቆል ጃሩኹ እንተል መንደርታኾ ኣኻነዲን፡እን ኣከይሲኻር ቂልድናከሉ እማ ከተቦልኩም ህንበከን፡፡ 15 2፡15 እዲነት ወረ እን እዲኒል ህንባኹሲ እንከልጋ፡፡ላኹ ድኳ እዲኒት እንከለንለ እንከሊ እኸርድኽ ሻኽላ፡፡ 16 2፡16 ኒውክ እን እዲኒል ህንባኹ እንከሊ ሰኻኹዲ እንከሊ ዕልለኹዲ እራኹ ዋርዲነዲሩኻኽር ኒን እዲኒልድ ግን ግራ እኸልድታ አኸላ 17 2፡17 እደና ደኩቶ ግን ንርእንከሊኽር፡እንጀር ፋቃድሲ እሰኹ ላኪን ዲማ ደማይሲ መንደርተኩ፡፡ 18 2፡18 ይቁርገ ኒኒ እን ደጎቢራ ሰዓቲ ግን እን ክርስቶስር አንደር ሰና ከም እንተረት ዋሰድናኹሉ፡ናንትልድ ኻር ገራው ክርስቶስር አንጸር ጉኖ ህንበነኩ፡፡ኒኒ እን ደጎቢረ ሰዓቲ አኸረት ንድ ግን አርእናኹ፡፡ 19 2፡19 ይናልድ ፋኑኹ፡ላኪን ይነልድ እርግኒኒ ይናልድ እርገው አከነንታ፡ይነዲ ተብኖ መንደርትድንድ ሻኻው ግን ላኪን ናውክ ይነልድ አኸገው ናአኸና አርእሰትድኖር መታን ግን ናውፋናኹ፡፡ 20 2፡20 እንትን ኻ ቅብአት እን ሻትከልድ ሻኻድኑኽ ኒትከኸር አርእድኑኹሉ፡፡ 21 2፡21 እን እምንቲ አርእግድናኻርላ አኽድነዲን ግን ከተባኹልኩም ግን ግራ አርእግድናኻርላ አኸለኒ ኒውክ ብንኽር እምንልድ አኽላ፡፡ 22 2፡22 የሱስቲ ኒ ክርስቶስ አኻት ከሐደኹ አከገንኻ እውኒኒ እን ብጓ፡፡እን ክርስቶስር አንጻር፡፡ 23 2፡23 እን እኹረሰ ከሐደኹከ ኒውክ ኒድ እኽር፡ሻኽላኒ፡፡እን እኹረሰ አምናኹ ላኪን እን እኻር ህንበኩሉ፡፡ 24 2፡24 እንትንታዲ እን ሰልፋልድ ዋሰድናኹሉ እንተል ደኤም መንደርትኒ፡፡እን ሰልፋልድ ዋሰደናኹሉ እንተል መንደርታኹ አከን ታዲእንትንኽር እን እኹረዲ እን እኽርዲትል መንዳረትድኖ ግን፡፡ 25 2፡25 እን ኒ ሳዲሰረና ሳደ ኻ እን ዲመረ ርሕ ግን፡ 26 2፡26 እን ሰሐዲሰውኩምድ ሰበትድ ግን ኒሰ ከተባኹልኩም 27 2፡27 እንትንዲ እን ኒ ቅብአትሳና፡ኒውክ ሰበትድ መሀርደኹኩም ህንባኹ፡እምንኻር ግን፡ብን አኽላ፡እማ እን ኒ መሀርደኹ ሰናኩም አኽድኖ ኒል መንደርትድኖ ግን እም ኻ እን ኒልድ ከሉብርናኹሉ ከለብርና እንተል መንደርተኩ እንኩኹ እማ፡ላኹ ድኳ መሀርድሮኩም ጃርብደላኩም ኒ፡፡ 28 2፡28 ነን ኻ ይቁርገ ኒወድሕሰቱጉሲ ፋርሳት አርትኖር መታን ኒእንተርነድኽር ኒጀብል ሰማርግኒን ታ ኒድ መንደርታ፡፡ 29 2፡29 ኒ ጫድቅ እኸት አርእድናኽር አኽደናንታ ጭድቅ እስኹክ ኒውክ ኒልድ ከም እዃርሰት አርኣ፡፡
1 3፡1 ቋላ ጃር ቁር ይሰትኖ፡እን እኽር ኤወረሪ እንከሊ እውኹንና ኒሰናኽር ግን፡፡እማ ኻ እዲና ኒድ አርእለሉ እማ ይነድ አርእለና፡፡ 2 3፡2 እንትን ይእንከልሰንቲ ናን ጃር ቁር ግን፡ወረኒ ከም አኸነድ ኻ ልሰዕ ውድሕሰትላ፡ኒ ወድሕሰቶ ደንቢ ላኪን፡ይን ቋ ልኖሉ ግን እማ ኒድ ከምተከነድ አርእነኩን እንኩንኹን፡፡ 3 3፡3 አና ሳዳኒኒ ኒድ ህንብረኹሉ ኒዉክ እን ኒ ላጭሕ ኣኻኹሰና ኒሹቲ ለጭሕደኩ እንኩኽ፡፡ 4 3፡4 ላኹክ ሓራም እሳኹ ፍትሕ ፋሕስና ግን ኒ እሳኹ፡ሓራም ፍትሕሲ ፋሕስና ግን እማ፡ 5 3፡5 ኒ ሓራምሲ ሺሽድሮ ዮ ክም ወድሕሰተት አርእደነኩ እንኩድኑኽ፡፡ኒል ኽር ሓራም እላ፡፡ 6 3፡6 እን ኒል መንደርታኹ ኒዉክ ሓራም አሰላኒ ላኹክ እን ሓራም እሳኹ ቋለለሉ አርእለሉኽር፡፡ 7 3፡7 ይቁርገ ላኹ ድኳ ሰሓድጊንኩም እን ኒ ጫድቅ ኣኻኹሰና ፡ እን ጭድቕ እሳኹ ኽር ጫድቅ ግን፡፡ 8 3፡8 ድያብሎሰ ሰልፍልድ ሓራም እሳኹ ግን እማ፡ ሓራም እሳኹ ድያብሎሰትልድ ግን፡፡ጃር ኹራኻ ድያብሎስር ክድመትሲ ፋሕ ሲሮ ዮ ግን ኒወድሕስታኹ፡፡ 9 3፡9ጃልድ እዃርሳኹክ ኒፈደን ኒል መንደርተኩ እማ ሓራም እሰላኒ፡፡ጃልድ እዃርሳኹ ኣኸነዲን ኽር፡ሓራም እሲሮ ኣከለሉኒ፡፡ 10 3፡10ጭድቅ እሰጋኹዲ ኒዳንሲ እንከለጋኹዲ ጃልድ ኣኽላኒ፡፡ጃር ቁርዲ ድያብሎስር ቁርዲ ንድ ግን ናዉ ወድሕስተናኹ፡፡ 11 3፡11 ይነሹር ይነሹቲ እንከልስጝኖ፡ኒን እን ሰልፋልድ ዋሰድነሪላ ንሽቃ ግን፡፡ 12 3፡12 እን እኩይልድ እርጋኹሰና ኒዳንሲኻ ኳዂ ቃአልድሰና ኣኽግድኒን፡፡ ዉሪኹ ግን ኒ ኳዂሉ ኒግብር (ኒክድመት) በዳን ኒዳንዱኽ ክድመትኻ ኪሰሪ እርግነዲን ኣርግንዲን ግን፡፡ 13 3፡13 ይሻንገ እዲና እንጠርደንኩም ፈከርሰጋ፡ 14 3፡14 ይንን ሻንሲ እንከልናኽርሎም ኣኽነዉድ ክሪልድ ታ ርሕሊ ክም ካርነት አርእኖ ህንብነኩን፡፡እን እንከለጋኹ ላኪን ክሪል ግን ኒ መንደርታኹ፡፡ 15 3፡15 ኒዳነሲ እንጠራኹክ ኒዉክ ርሕ ኮንታ ግን፡፡ርሕ ኮንታ ኣኻኹክ ኒዉክኻ ዲመር ርሕ ኒል ክም መንደርተግረት አርእድኖ ህንብደነኩ፡፡ 16 3፡16 ኒ ኒርሕሲ ይነአብሊ ደኩሳኹ ኣኸዉድ ንድ እንከሊት አርእንኹንላ፡፡ይንን ኽር ይነሻን አብሊክ ይነርሕሲ ደኩስኖ ወጀበኩና፡፡ 17 3፡17 ላኪን ኣኻኹክ ኣከን ተባብ እና እዲና ኒሂሩኹ ሻኹ እማ ኒዳን ሰደድሶ ዋኑ ቋሎሉ ኒራሕመት አበዳኹሉ ሻም ጃሩኽ ኣዋሃብረ ኒል መንደርተቲን፡፡ 18 3፡18 አንትን ይቁርገ ግብርዲ እምንዲሲ ግራ ቆልዲ ላንቂዲሲ እንከልስግኒን፡፡ 19 20 3፡19-20 ወላ ድኳ ይነለበካ ነቀፈና፡ ጃር ይነለበኪልድ ኩጛኹዲ ኒትክ አርኣኹዲኽር ኣኽነዲን ይነለበከስ ኒጃብል ሃናእ ስኒንሉ እማ፡እምንልድ ኣኽነት ንድ ግን ይን አርእስትናኹ፡፡ 21 3፡21 እንትን ይእንከልሰንቲ ይናለበካ ነቀፈገና ጃሊ ፈራሰት ህንበኩና፡፡ 22 3፡22 ኒትእዛዝሲ ተከዉናኽርኽር ኒጃብል ባህ ሳኹሉ እስናኽር ኣኽንነዲን፡ እን ሺዉናኹሲክሉ ኒልድ ከለብርኖ ግን፡፡ 23 3፡23 እን ኒ እዋኹና ትእዛዝሰና ሃብነ፡ኒኹራ እየሱስ ክርስቶስር ስጞድ የነሹር ይነሹትል እንከልስ ጞኖ ኒትእዛዝ ኒን ግን፡፡ 24 3፡24 እን ኒትእዛዝሲ ተከዋኹኻ ኒል መንደርተኩ፡፡ንኽር ኒል መንደርተኩ፡፡ኒይነል ክም መንደርተድኻ ይንን እን እዋኹድና መንፈስድ አርእንኹን፡፡
1 4፡1እንትን ይእንከለንቲ ክሪዉ ነብያት ብኑ እዲኒል ፍኖ ህንበነኩ እማ እን መናፍስቲ ጃልድ ኣከነን መርመራ (ፈተሸ) ግን ግራ፡ኒትክ መንፈስ ኣኻኹሲክ አምንገሉ፡፡ 2 4፡2መንፈስ ጃሩኹሲ ንድ ግን አርእድናኹሉ፡የሱስ ክርስቶስ ስኸድ ክም እንተት አምናኹክ ኒዉክ መንፈስ ጃሩኽ ግን፡፡ 3 4፡3 እየሱስ ክርስቶሰ ስኸት እንተት አምነጋኹ ኒዉክ መንፈስኻ ጃልድ ኣኽላ፡፡ኒንኻ እን ክም እንትሮ ኣኸት ዋስድኖ ህንብደናኹ ክርስቶስር ኣንጻሩኽ መንፈስ ግን፡፡ናንኽር ዛጊድ እዲኒል ህንበኩ፡፡ 4 4፡4 እንትን ይቁርገ እንትን ጃልድ ግን፡እን እዲኒል ህንባኹልድ እንተል ህንባኹ ኩጓኹ ኣኽነዲን እንትን ቂልትኖሉ ህንበኩኩም፡፡ 5 4፡5ናዋዲ እዲኒል ግን፡እማ እዲኒልድ ጋበነኩ እንኩኑኽ፡እዲናኽር ዋሰቲሎም እንኩቲ፡፡ 6 4፡6 ይንን ጃልድ ግን ፡ጃርሲ አርኣኹ ዋሰኩና እን ጃልድ ኣኽጋኹ ዋሰለና፡፡መንፈስ ጃሩኹዲ መንፈስ ሰሓትኒኹዲት ንድ ግን አርእናኹሉ፡፡ 7 4፡7 እንትን ይእንከለነቲ፡እንከሊ ጃልድ ግን እማ ይነሹር ይነሹቲ እንከልስጞኒን፡፡እን አንከላኹክ ኒዉክ ጃልድ እዃርሳኹ ግን፡ጃርሲኽር አርእኹሉ፡፡ 8 4፡8 ጃር እንከሊ ግን እማ እን እንከለጋኹ ጃርሲ አርእለሉኒ፡፡ 9 4፡9 ጃር ኒድ ኒርሕድ መንደርትሮር መታን ዮ እን ላኹ ኒኹረስ እድኒል ኒእንሻቅነድ፡እን እንከሊ ጃሩኹ ይንድ ንድ ወድሕስትቲና፡፡ 10 4፡10 ጃር ኒላዉድ እንከልነዲንና ይነሓራምድ አረኪሰና ኣኽሮ ዮ ኻ ኒኹረስ ፈስነዲንና ግን ግራ ፡ይንን ጃርሲ እንከልነዲንሉ ኣኽላኒ፡እን እንከሊ ንድ ግን፡፡ 11 4፡11 እንትን ይእንከለንቲ ጃር ንሰና ዮ እንከሎና ድንቢታ፡ይንንኽር ይነሹር ይነሹ እንከልስጜኖ ወጀባኹና ግን፡፡ 12 4፡12 ላኹ ድኳ ጃርሲ ቋላኹሉ በታተን እላኒ፡፡ይነሹር ይነሹቲ እንከልስጞነን ጃር ይነል መንደርተኩ፡ኒእንከሊ ኽር ይነል ተመመቲ፡፡ 13 4፡13 ኒመንፈስልድ እዋኹና ኣኸዉድ፡ይንን ኒል ክም መንደርትነት፡ንኽር ይነል ክም መንደርተት ንድ ግን አርእናኹ፡፡ 14 4፡14 እን እኽር ኒኹረስ ደአንደንታ እዲኒኹ እዲኒኹ ኣኽሮ ክም እንሻቀትሉ ፡ይንን ቋልኖ መስከርነኩን እንኩንኹን፡፡ 15 4፡15 እየሱስ ጃርኹራ ኣኸት አምናኹ፡ጃርኒል መንደርተኩ፡ንኽር ጃሊ መንደርተኩ፡፡ 16 4፡16 ይንንኽር እን ይነኽር ጃሊ ህንብረሪና እንከሊት አርእኖኽር አምኖኽር ህንብነኩን፡፡ጃር እንከሊ ግን እን እንከሊትል መንደርተኹክ ካ ጃሊ ግን ኒመንደርታኹ፡ጃርኽር ኒል መንደርተኩ፡፡ 17 4፡17 እን ኒ ህንባኹሰና ፡ኒሰናኽር ይንን እና እዲና ኒሂትል ግን ህንብናኹ እማ ፍትሕ ግርገትታ ሓጠር ክሚኖ መታን ንድ እን እንከሊ ይነል ተመምቲ፡፡ 18 4፡18 ጉኢታ ምጨት ግን ኒናዕሳኹ፡፡እን ጉኢታኹ ኻ እንከሊሲ ታምም ኣኽላ፡እን ታምሚ እንከሊ ጉኢት ዳገነቲላ ግን ግራ እን እንከሊትልታ ጉኢ እላኒ፡፡ 19 4፡19ኒ ሰልፍልድ እንከሉኹና እማ፡ይንንኽር እንከለንቲ ግን፡፡ 20 4፡20 እን ቋላሲሉ ኒዳንሲ እንከለጋኹሉታ እን ቋለጋሲሉ ጃርሲ እንከልዶሉ ገረስተለሉኒ እማ፡ኒዳንሲ እንጠሩሉ ጃርሲ እንከለኩንሉ ያኹ ዋነን ኒ ብጛ ግን፡፡ 21 4፡21እን ጃርሲ እንከላኹ ኒዳንሲኽር እንከልንሉ ደአም፡እና ትእዳድ ኒን ግን ኒልድ ከለብርናኹሉ፡፡
1 5:1እየሱስ ኒ ክርስቶስ ኣኸት አምናኹክ ኒዉክ ጃልድ እዃርሳኹ ግን፡ዋልዳይሲ እንከላኹክ ኒዉክኻ፡እን ኒልድ እዃርሳኹሲኸር እንከለኩሉ፡፡ 2 5፡2 ጃርሲ እንከልነንሉ ኒትእዳድሲ ኽር ተከዉንን፡፡እን ጃርቁርሲ ክም እንከልነትሎም ንድ ግን አርናኹ፡፡ 3 5፡3 እንከሊ ጃርሲኻ ኒትእዳድ ተከዉና ግን እማ፡ኒትእዳድኽር ተቓኹ ኣኽላ፡፡ 4 5፡4 ጃልድ እዃርሳኹክ ኒዉክ እዲነት ቂልሲሰኩላ ቂልሲሳኹላ ቂልሲስናኻ ንሪ ይነእምነቲ ግን፡፡ 5 5፡5 እዲነት ቂልሲስናኹላኻ እን እየሱስ ኒጃርኹራ ኣኸት አምናኹሉ ኣከገን አዉኒኒ፡፡ 6 5፡6 እን ዓቑዲ ብርዲሲ እንታኹ ኒን ግን፡፡ማለት እየሱስ ክርስቶስ ዓቑዲ ብርዲሲ ግን ግራ ፡ዓቑድ ካያ ኣኽላ እንታኹ፡፡ 7 5፡7 እን መንፈስኽር እምን ግን እማ እን መንፈስ ግን መስከሩ ህንባኹ፡፡ 8 5፡8 እን መስከረዉኻ መንፈስዲ ዓቑዲ ብርዲ ሰዃ ግን እማ ሰዃርክ ላኹ ግን፡፡ 9 5፡9 እን ኒኹራ ሰነትድ መስከራኹሉ ምስክር፡ኒን እን ምስክር ጃሩኽ ግን እማ፡ ኣዳምር ምስክር ከለብርናኽር ኣክነንታ፡ምስክር ጃሩኽ ኒልድ ትክያኹ ግን፡፡ 10 5፡10 ጃርኹረድ አምናኹ፡እን ምስክር ኒጅዊል ህንባኩሉ ፡እን ጃርሲ አምነጋኹ እን ጃር ኒኹራ ሰበትድ መስከራኹሉ ምስክርሲ አመወነጋኹሉ ኣኸዉድ ኒድ ብጛ እሰሉ ህንበኩ፡፡ 11 5፡11 ጃር ዲመር ርሕ ክም እወትና፡እን ምስክር ኒን ግን እማ እን ርሒኒኒ ኒኹሪል ህንበቲ፡፡ 12 5፡12 እን እኹራ ሻኹ ርሕ ሻኩ፡ጃርኹራ እንግጋኹ ርሕ ሻኽላ፡፡ 13 5፡13 እንትን ጃርኹረር ስጙድ ኤምንድኖ ህንብደናኽር፡ዲመር ርሕ ክም ዋነትኩም አርእትኖር መታን ዮ ግን ኒስ ከተቦልኩም ህንባኹ፡፡ 14 5፡14 ኒምራድ ሰና እስነ ላሓጀታ ሺውነንሉ ዋሰኩና እን ኒል ህንባኹና ሓጠርናኻ ኒን ግን፡፡ 15 5፡15 እን ሺዉናኹሲክሉ ክም ዋሰትና ኤርእኖ ደንብኻ እን ኒልድ ሺዉናኹሉ ሺዋን ዛጊድ ክም አርነትሉ አርእነኩን፡፡ 16 5፡16 ላኹ ኒዳንሲ ክሪል ገእሳኹ ሓራም እሱ ቛለንሉ ሺዊን፡ጃርኽር እን ክሪል ገእሳኹ እሰዉሲታ ርሕ ኡሮሎም ግን፡ክሪል ገእሰጋኹ ሓራም ህንበኩ፡ንድ ሰበትድ ኣኽላ ሺዊን ዮኩም ህንባኹ፡፡ 17 5፡17 ዓመጭድ ኣኻኹክ ኒዉክ ሓራም ግን ፡ክሪል ገእሳኹ ሓራም ህንቦኩ፡፡ 18 5፡18 እን ጃልድ እዃርሳኹክ ኒዉክ ኒኣኾርሲ ተከወኩ፡እን እኩይኽር ተመደለሉኒ ግን ግራ እን ጃልድ እዃርሳኹክታ ክም እሰገት አርእንኹን፡፡ 19 5፡19 ጃልድ ክም ኣኽነት እዲና ንርዉክኽር እን እኩይድ ሻኽሰትሮ ክም ዋንትረድ ኤርእኖ ህንብነኩን፡፡ 20 5፡20 ላኪን እን ጃርኹራ፡እንቶታ እን እምንዱኹሲ አርእኖሉዮ ሙኽ ክም እወትና አርእኖ ህንብነኩን፡፡ይንን እን እምንዱኹሊ ኒኹራ እየሱስ ክርስቶስሊ ግን ህንብናኹ፡፡ኒን እን እምንዱኽ ጃርዲ ዲመር ርሕ ግን፡፡ 21 5፡21 እንትን ይቁርገ ጣኦትልድ ተከዉሳ፡፡
1 1 እን ሽማገለ እን ፍሪርስረሪ እትየትል እን ኣን እምንድክ እንከለዉሎም ንርቁር ኣን ይቱ ኣኽጋኽርታ እን እምንሲ አርአዉክላ ናዉክኽር እንከለዉሎም፡ 2 2 እን ይነዲ ህንብረሪ ዲመሲኻ ይነዲ መንደርትረሪ እምንሲ ይኖ እንከልነኩንሎም ህንብናኹ፡ 3 3 ይነኽር ጃርኽር እየሱስ ክርስቶስ ኒኹሪልድ እኽርዲ ገድዲ ምሕረትዲ ሰላምዲ እምንዲ እንከሊዲሲ ይነዲ ኣኽሮ ግን፡፡ 4 4 ገለ ብጅኽ የዉ ኩቁልድ እን ኣኾልድ ከለብርናኹ ትእዳድሰና ኣኽኖ እምንድ ወንተተረዉ አርነዲን፡ገሪኹ ፈርሖ ህንበኩን፡፡ 5 5 ናንኻ እትየ እን ሰልፍልድ እርጋኹና ግን ግራ ሓዲስ ትእዳድ ክም ከተበትልኪ ኣኽጋኹታ ይነሹር ይነሹቲ እንከልስጞኖ ሺወኩንኪ እንኩኹን፡፡ 6 6 እን ኒትእዳድሰና እስነ ወንተተርኖ እን እንከሊ ኒኒ ግን፡፡ንርድ ወንተተርኖ እን ሰልፍልድ ዋስድናኹሰና እን ትእዳድ እንዲን ኒን ግን፡፡ 7 7 እየሱስ ክርስቶስ ስኸት ክም እንተት እምነገዉ ገሪዉ ከቲሰንቲ እዲነትል እንትኖ ህንበነኩ፡፡እን ከቲሰንቲ እን ከቲሰንቲዲ እን ኣንጻር ክርስቶስሩኹዲ ኒን ግን፡፡ 8 8 ታምም መህየት ከለበርትኖ ግን ግራ እን ተዓብናኹሲሉ ድሂስግድኒንሉ መታን እንተሸቲ ተከዋ፡፡ 9 9 እን ጊራ ጀወላኹ ክርስቶስር ምህሮሲኽር ተበጋኹታ ጃር ሻኽላኒ እን ምህሮትል ተባኹ ኒ እኽርዲ እኹራዲ ሻኩ፡፡ 10 10 ኣኻኹክ ኣኽን እንተል እንተረን እማ እና ምህሮ ኒስ ናዕሰገን እንተልጞሊ ከለብርገሉ ስላምኽር ይገሉ፡፡ 11 11 እን ሰላም ያኹሉታ እን ኒእክይ ክድመትልሊ ሕበርሰሉ ህንበኩ፡፡ 12 12 እንተል ከተባኹሉ ገሪ ጋራት እርጉኩለታ ወረቐትዲ ቀለምዲሲ ከተብየሉ እንከሊ፡፡ላኪን ይነፈርሓት ተመምሮር መታን ታ እንተል እንትያ እማ ገሽድ ገሽል ጋብየኩም ሳዳ እሰኩን እንኩኹን፡፡ 13 13 እን ፍሪርስረሪ ኩሻኒ ቁር ሰላም የነኩኪ እንኩኑኽ፡፡
1 1፡ እን ሽማገለትልድ እን እንከልሳኹ እን እምንድ እንከላኹሉ ጋይዮስ፡ 2 2፡ እንቲ እንከልሰንታ ኩርሕ ታምራኹሰና ኒድክድ ዳሕና ዋኒቶ ተዓፈይቶኽር ተምነተኩንካ እንኩኹን፡፡ 3 3፡ እንቲ እን እምንድ ወንተተርደኩ ዋንትረድ ሻን እንትኖ እን ኩልህንብረሪ እምንድ ሰበትድ ናመስከርነድ ገሪኹ ፈርሕኹን፡፡ 4 4፡ ኣን እን ይቁር እምንድ ክም ወንተተርነድ ይዋስኒልድ ኩጛኹ ፈርሓት ሻኽሊ፡፡ 5 5፡ እንቲ ይእንከልሰንታ እንሻንዲ ኣጋይሽዲት እስራኹሉ ህንብራኹሲተአመንዶ እስረኩሉ ህንብረኩ፡፡ 6 6፡ ነን ኩእንከሊሲ ማሕበር ጃብል መስከርኖ ህንበነኩ፡፡ጃርሲ ክም ወጀበት እስረ ናደርብድ ስብድረንሎም እማ ትክያኹ እስረኩ ፡፡ 7 7፡ ናው እን ቆምያተልድ ላሪ ድኳ አድግኒ እን ሻን እንደድ መታን ግን እንትናኹ፡፡ 8 8፡ እማ ገድም እምንቲ ንርዲ ከደመንት ኣኽኖ ይንን እን ነስ ተከዉሲ ከለብርኖሎም ወጀባኹና ግን፡፡ 9 9፡ እን እን ማሕበሊ ላሓጀታ ከተቦ ህንበኩን፡እንቲ እን ናልድ ኪዳኹ ኣኽሮ ጀረባኹድዮትሬፌስ ላኪን ከለብረለናኒ፡፡ 10 10፡ እማ እንተረን እን ኣን ኒ እከይ ጋብድ ጃኹና እሳኹሉ ህንባኹ ግብርሲ እልብዲሉ የሉ ግን፡፡ንድኻ ዓቅትና ጉሹታ፡ኒላዉድ እን ሻንሲ ከለበረለሎም፡እን ከለብርድኖሉ ጀረበዉሲሉሲኻ ገበበኩሎም ማሕበልድኽር ፍደኩሎም እንኩኽ፡፡ 11 11 እንቲ እንከልሰንታ እን ትክያኹሲ ግን ገራ እን እከይሲታ ሕርሲትግሉ፡፡እን ትክያኹ እሳኹ ጃልድ ግን፡እን እከይ እሳኹ ጃርሲ ቋለለሉ፡፡ 12 12፡ ድሜጥሮስቲ ናዉክ መሰከረነኩሉ እንኩኑኽ፡፡እን እምን ንላዉድኻ መስከረቲሉ እንኩቲ፡፡ይንንኽር መስከርነኩንሉ እንኩንኹን፡፡ይነምስክር አምን ኣኸትኻ እንቲ አርእሩኽ፡፡ 13 14 13-14 ወለይዶ ቛልየካ ሳዳ እሰኩን እንኩኹን፡፡እንሲን ገሽድ ገሽ ጋብስትጞኖ ግን ግራ ገሪዉ ከተበዉልካ እርጉኹለ፡ላኪን ቀለምዲ ቢሮራዲሲ ከተብየልካ እንከሊ፡፡ 15 15፡ ሰላም ኩዲ ኣኽኒ እን ይነእንከልሰንቲ ሰላም የነኩካ እንኩኑኽ፡፡እን ይናእንከልሰንቲት ናስጙድ ሰላም ይሎም፡፡
1 1.ይሁዳ ገንጂና ይናደራ እየሱስ ክርስቶስሩኩ፡ያቆብር ዳን፡እን ይና እኽር ጃርድ እንከልሰው ፡ይና-ኣደራ እየሱስ ክርስቶስድ ተከውሰው፡ 2 መሓርስነዲ ሰላምዲ እንከሊዲ በጀኽንተት። 3 እንትን ኣን እንከለውኩም፡እን ደአና በንስነኹ ሰበትድ ቀንአትድ ጸሓፍየልኩም ጀሬበሰና፡እን ላሪ ቅዱሳንድ እውስትረሪ እምና ለመለም ይትኖ ከተቦ ኮድጝዬኩም ላዝም ኣኹኹለ። 4 ናላው ከው ሰልፍልድ እና ፍርድ ንድ ጸሓፍሰው፡ጒኢ ጃሩኹ እንግገው እን ገድ ጃሩኹሲ እን ረኸሰትሊ በደለውሎም እን ለኹሲ ኒቱ መለከንተዲ ይናደረዲ እየሱስ ክርስቶሲ ከሓደውሉ ሽልቁ ይኖ ቱኖኩም ህንበናኹ። 5 ስሕ ወክት ድኳ አርእደነንሉ፡ይናደራ ኒቆምሲ ብራ ግብጺሩኹልድ ደአንዶ ደንብርጝ እን እምገውሲ ከም ድሂሰትሎም እልብዲሲየኩም ጀረበኩን እንኩኹን። 6 እን ናኣካንሲ ባረው ኮዶ ናክብረት ተከውገው መላእኽቲስ ድኳ ዲማ ዳይም ሎካብሊ ጭልም ዓንቀይሊ እን ዓርድሊ እን በህሪ ግርጋ እክቦሎም ህንባኩ። 7 ኒሰናኻ ሶዶምዲ ጎሞራዲ እን ናገቢል ሰጘው ዕርዲታት ናሰና ቀሐበው ስኻ ግብር ኣኽጋኹድ ሸመምስኖ እርግኑኹ፡እን ገማኹለን ጅርበት ዲመሩኹ ላኻ ሰክህዳኹ ኣኽኖ ህንበነኩ። 8 ኒሰና ኮዶ እና ነጝር ኒሰና እስነክ ናነበኺሲ ናስኸስ ረኸስደነኩሉ ፡ኤርደሲ ስዳውደነኩ፡እን መኣርግታትሲ ከብራንሲ ጀኸነክ እንኩኑኹ። 9 ሚካኤል እን ሊቅ ሻትካኑኹ ሙሴ ሰበትድ ድያብሎስዲ ተከራኸሩንሲክ ጃር ዋኺትንኩት ይኹሉ ግራ ፍርድ ጀከን ጋቢሮሉ ደፈርላ። 10 ነን እን አርእግናኹሲ ጀኸነኩሉ እን ናበህሪሲ እን ምኹ እንግገውሰና ሄዋንሰና እሱነ ኤርአው ኒሰነድ እና ፊኹትሲ ዲሂሰናኹ እንኩኑኹ። 11 ደርብ ቃአልድኹድ ሰበት ፈርነውድ ፡ሰላዲ መታን ከቲና በልዓምርኹድ ጨደፍኑኹ፡አኮበርና ቆሬሩኩድ ኮዶ ድድኑኹ እማ ማላሎም። 12 ነን እንታ መአዲራ እንከሊሩኹሉ ጂብደንቲ ግናው፡ጒኢ እንገት እንተዲ ቋነኩ፡ናሹቲ ምቃቅረው ፡ውልዋልድ ነራኽር እንደራኽር ደረክሰው ዓቅ እንግገው ብኳና ፍሪተገው ለጛ ወክት ክረው ናስርልድ ምኩረው ፍሪተገው ካን ሓጋዩ ግናው። 13 እን አከጃህ እና አኺርኺርሲ ዓፍዓፍሰው ሒለቱ መዓበል በሓሩኹ ብርግርግ የው ሽንግርው ግን፡ነስ ግብያኹ ጭልም ዲመሲ ጨበራኩሎም እንኩኹ። 14 - 15 ሄኖክ እን ለጘተር እን አዳም ትልድ እና ነስ ሰበትድ ጋቢኹ፡እናሓን ይናደራ ናትክ ፈደይሮሎም ዮ እን ኣእላፋት ቅዱሳንዲ እንቶ ህንበኩ እን ጃር ጊእንገው ናውክኽር፡እን ምቁላ ደርብድ እሲነኩሉ ኒውክ ምቁላ ግብር፡እን ምቁል ሓራም እሰው ኒሰበትድ ጋቢነው ምቁል ጋብ ሰበትድ ቀጽዕሮሎም ግን፡ዮ ተነበይኹ። 16 ነን ጉሩምርም የውዲ ፈርሓገውዲ፡ናምራድሰና ወንተተረውዲ ግን፡ቆል ከበርስኒኹ ጋበናኹ፡እናፊኹትሲ ጠቀመናኹድ ደርብድ ገሽ ኣዳማኹሲ ሳበናኹ። 17 - 18 እንትጝ እንከልሰው እን ሃዋርያት ይናደራ እየሱስ ክርስቶስሩ እንወክት ደምበሪል ምቁል፡እንከሊሲ ወንተተረው ቃየረው ጉድኖ ግን ዮ ድወውኩም ቆልሲ እልብዳሉ። 19 19.ነን ስርርጝና ናቕሰው፡መንፈስ እንግገው፡ና ምራድ ስኺኹድ መርሕስተው ግን። 20 እንትጝ እንከልስድናኽር፡እን ኒልድ ቀደስትረሪ እንታ እምነት እንታ ሹቲ ገበርዱኒንሲክ መንፈስ ቅዱስድ ጠለያ። 21 እን ሂወት ዲመሩኹል ገእሳኹ መሓርና እየሱስ ክርስቶስሩኹሲ ጨበርዱኑ እንተሹቲ እንከሊ ጃሩኹድ ተከወላ። 22 እን ናበልጝ ተሸከክሰውሲ ፈህምደሎም። 23 ናበልጝሲ እን ላኺልድ መንጠልድኖ ኣናገፍደሎም፡ናበልጝሲኻ ኮዶ እን ስኸድ ረኸሳኹ ታኲንሲ ድኳ እንጠርዱኒንሲክ ጒኢሲ ረሓመሎም። 24 እን ኒውክ ለብና ኣኻኹልድክ ተከዋኹኩም ፈርሓትድኽር ኤክጃህ እንገት እን ክብር ጃብሊ ደው ሲሮኩም ገረስታኹሉ፡ 25 እን እየሱስ ክርስቶስ ይነደረዲ ኒቱ ይና ደአንዱራ አኻኹ ጃር ኒድክ ጃብ ወክት ናጝር ንውክ ዲማ ዳይም ክብር ግርመዲ ሒልዲ ምልክዲ አኽኒት፡ኣሜን።
1 1.እን እሽሾ ኣኽሮ ፈራኹሲ ኒገንሺንድ ቋሊስሮ መታን ዮ ጃር ኣዋኸ እን እዮሱስ ክርስቶስ ራኢ ናን ኒሻትኩኹ እንሸቆኽር፡ኒገንጂና ዮሓንሲ ቋሊስኹሉ። 2 2.ኒ እን ቆል ጃሩኹሲ ምስክር እየሱስ ክርስቶስርኹ ፡እንቋላኹሲሉ ኒውክ ሰምዕዱኹ። 3 3.እን ወክት ተኸት ግን፡እን እና ቆል ትንቢት ኒስ አንበብዳኹር እን ዋሰውር፡እን ኒል ከተብሶ ህንበውሲ ተከወው ብጹኣን ግን። 4 5 4-5.ዮሓንስ እን ኢስይል ህንበው ለጘታ መሕበር፡እን ህምባኹልድር እን ሰጛኹልድር፡እን እንተራኽልድር፡እን ዙፋን ጃብል ህምበው ለጘታ መናፍስት፡እን እምንሳኹ ምስክር፡በኽር ክረውልድ ፡ኣኾር ኣስያማኹ ብሪኹ ኣኻኹ እየሱስ ክርስቶስሩኽ ገዲ ሰላምዲ እንተዲ አኽኒ።ኒ እን እንከላኹናኽር እን ይና ሓራምልድር ኒብርድ እንቃሳኹና። 6 6.ኒኽር ጃርድ ሕክምዲ ከዳታትዲ ኣኽኖ እሰኹና፡ሕሽምዲ ሕክምዲ ዲማ ዳይም ኒድ ኣኽኒ። 7 7.እናሓን ብኳነድ እንተራኹ እንኩኹ፡ናውክ እን ሰበውሉ ና ዕልል ቋልድኖሉ ግን፡እን ህምበው ጅንስ ብሪው ስሪድኖሉ ግን።የዋ፡ኣሜን። 8 8.ኣልፋን ኦሜጋን ኣን ግን፡የኩ እን ሰጛኹዲ ህንባኹዲ እን እንተራኹዲ ኒትክ ገራሳኹ ጃር። 9 9.ኣን እንታዳን ዮሓንስ እን የሱስትል ህምባኹ ሽብውናዲ ሕክምዲ ሰብርዲትል እንታ በኒኹ፡ጃር ቆል መታን ፡ምስክር የሱስ ክርስቶስርኹ መታን እን ጳጢሞስ ይስትረሪ ደስየትል እርጉኹን። 10 11 10-11.እን ግርጋ ይናደራትሪሲ፡መንፈስድ ኣኹን፡ይጉርበት ኻ እና እንቲ ቋልዳኹሲ መጽሓፍሊ ከተቢ፡እን ኤፌሶንትል፡ስሚርናትል፡ጴርጋሞስትል፡ትያቲራትል፡ሳርዴስትል፡ፊላደልፍያትል፡ሎዲቅያትል ህንበው ለጘታ ማሕበርሊ ፈሲሉ፡ያኹ መለኸትሰና ተካኹ ደሃይ ሒለቱኹ ዋስኹን። 12 12.እን ጋባኹሲለ ደሀይሲ ቋሊያ ግልጭ ይኹን፡ግልጭ የሪት ለጘታ ቲዃ ቀንደል ደውያ ደሃቡ ቋልኹን። 13 13.እን ለጘታ ቲዃ ቀንደል ደውየው ነበክል፡ኒልኩከል ኣኽራሲ ሰራኹ፡ደሃብ ቅናቱኹድ ኒለበኪል ኣኽራሲ ደበልታኹ ኣዳሚድኹራ ተካኹ ቋልኹን። 14 14.ኒኣኾርዲ ኒሽብክዲ ጨዕዳኹ ጨብርሰና፡ጫዕዳኹር ኣሰሓይተሰና ግን።እን ኒዕልልኽር ሃልሃል ያኹ ላኺሰና ግን። 15 15.ኒልኩክ እን ጊኢል ረሰናኹሰና አስራዚራ ኣንጸባራቃኹ ሊባኖስ ተካኹ፡ኒ ደሃይ ኮዶ ደሃይ ዓቁ ገሪውዱኹ ግን። 16 16.ኒላው ናንሊ ለጘታ ሽንግርዋ ህንባኹ፡ኒኣብልድር ለጛ ኒአብድ እቡራኹ ሰፍ ፋኹ፡ኒቋላኻ እን ሒልድ በርህድረሪ ኳራ ግን። 17 18 17-18.ቋለሰነሉ ክራኹሰና አኾ ኒልኮከል ለብኹን፡ኒኻ ኒናን ላውሲ ገምድኹለ፡ንሰና ዩንሲክ ኣን እን ጃበራኸር ደምበራኽር ህምባኹር ግን፡እማ ጒኢትግ።ክሮኽር እርግኹን፡እናሓን ዲማ ዳይም ወንተኽር ግን፡መርሐር ክሪኹዲ ሲኦሉኹዲ ህምባኹለ። 19 19.እማ ገድም፡እን እንቲ ቋልዳኹሲ፡እና ህንባኹሲኽር፡እና ንደምቢ ኣካኹሲ ከተቢሉ። 20 20.ምስጢር እን ይላው ናንሊ ቃልዳኹሎም ለኛታ ሽንግርው እንደን ፡እን ሻትካን እን ለጛታ መሕበር ግን፡እን ለጛታ ደውየው ቐንደልኽር ለጛታ ማሕበር ግን።
1 1.ንሽቃ እን መልኣኽ ማሕበር ኤፌሶን ትሪትል ከተቢ፡እን ኒናንሊ ላውል ለጘታ ሽንግርው ሸኻኹ፡እን ለጘታ ደውየው ቀንደል ደሃቡ ነበክል ወንተተራኹ ንሰና የኩ እንኩኹ፡ 2 2.ኩግብርዲ ተዓብዲ ሰብርዲ፡እን ተካላን ከውስኽር ምኹርቶሉም ከም ገረስግረት፡እን ሃዋርያት ግን ይን የነውሲ እማ ኣኽገውሲ፡ቋልዶሎም ብጙት ኣኽኖ ከም አርደትሎም፡አርኦህምበኩን። 3 3.ሰብርኽር ህምባኹካ፡ይስጙ መታን ይሮኽር ምኹርዶኹ፡ ሃከይስላ። 4 4. እማኻ፡እን ሰልፍሪ ኩእንከሊት ባርዳኽርላ ኣኽረውድ ኒስ ኣሮልካ ህምባኹን። 5 5.እማ ይልድ ከም ለብረት እልብዲ እማ ተነስሒ፡እን ሰልፉኹ ግብርኩኹ እሲ።ኣከገን እንትያካ፡ተነሰሓግረን፡እን ደውያኹ ቀንደልኩኹሲ ኒኣካንልድ ጉድየሉ ግን። 6 6.እን ኣን እንጠራኹ ግብርሲ እንትኽር እንጠርዳኽሉ ኣኽረውድ ኒስ ኪዳኹ ህምበኩካ። 7 7.እንቊዋ ሻኹ እን መንፈስ መሕበርሲ ያኹሲለን ዋስን፡እን ቂላኹሲ እን ገነት ጃሩኹሊ ህምብረሪ ካና ርሕትሪትልድ ቁሮ እውየሉ ግን። 8 8.እን መልኣኽ ማሕበር ሰሚርኒኹሊ ኮዶ ከተቢ፡እን ጃበረዲ ደምበረዲ ኮዶ ክሮ እጋኹዲ ህምባኹዲ ንሰና የኩንኩኹ። 9 9.ኩሽብውነዲ ሕግላንዲ፡መላኪን ታጅር ግን፡ጀኽና እን ኣይሁድ ግን የውዱኹ፡መላኪን ማሕበር ሰይጣኑ ግራ ኣይሁድታዲ ኣኽግነት፡ኤርኦ ህመኩን። 10 10.እናሓን ፈተንስትኖር መታን ድያብሎስ እንታ በልጝሲ ማሕቡስሊ ቱስሮኹም ግን፡ሽካ ኳራኽር ጅርበት አርትኖ ግን፡እማ እን እንተራኹ ጅርበትሲ ጒኢትግሉ።ክሪል ኣኽታሲ እምንሳኹ ኣኽ፡ኣጝር ኣኽሊል ሂወቱኹ እውየካ ግን። 11 11.እንቚዋ ሻኹ መንፈስ እን ማሕበራትሲ የውሲለን ዋስን።እን ቂላኹ እን ሊጘር ክረድ ጐድስተላ። 12 12.መልኣኽ ማሕበር ጴርጋሞስርኹሊ ኮዶ ከተቢ፡እን ለጛ ኒአብ እቡራኹ ሰፍ ሸኻኹ ንሰና የኩ። 13 13.ኣዊል ከም መንደርትረ፡እን ሸጣን ዝፋን ህምባ ኣካንሊ ኣከት ኤርኦ ህምበኩን፡እማ ይስጙሲ ተብድሮ ሸኽሮሉ ህምብረኩ፡እን ሸጣን መንደርታኹሊ፡ኣንቲጳስ እን እምንሳኹ ይምስክር እንታ ነበክል ኩናኹሉ ግርጋትድ ይእምነሲ ከሓድላ። 14 14.እን እስራኤል ድቁር ጃብል ሰሓዲሰና እስቲሮ፡ጣኦታትድ በራኽሳኹ ቁድኖኽር ቀሓብድኖኽር በላቅድ ሜሀርዳኹሉ ምህሮ በልዓምሩኹ ሸኸው ከው ዋኒነትካ ግናዪ ጋር አሮልካ ግምባኹን። 15 15.ኒሰናኽር እና ደርብድ ሚህሮ ኒቆላውያድኹ ሸኸው ህምበነኩካ። 16 16.እማ ተነስሒ፡ኣከገን አሸሾ እንትያካ ግን፡እንሰፍ ይአብኹድ ተሓረብየሎም ግን። 17 17.እንቚዋ ሻኹ መንፈስ እን ማሕበርሲ ያኽሲለን ዋስን፡ቂላኹሲ እን ሐገይሳኹ መኒልድ እውየሉ ግን፡ጫዕደሪ ክርጛ እን ከለብራኹሉ ኣኽገት ላኹ ድኳ አርእጋኹላ እን ክርጛትል ከተብሳኹ ሓዲስ ስጙ እውየሉ ግን። 18 18.መልኽኣ እን ማሕበር ትያቲራርኹ ሊ ከተቢ፡እን ግኢታኹ ለኻሰና ዕልል ሻኹ፡ኒልኩክኽር አጸባረቃኹ አስራዚራ ሊባኖስስሩኹ ተካኹ ጃርኹራ ነወያኹ እንኩኹ። 19 19.ኩግብርዲ ኩእንከሊዲ ኩእምነትዲ ኩኣገልግሎትዲ ኩሰብርዲ፡እን ኩግብርኽር እን ጃበሪልድ እን ደምበራ ከም በጀኸት አርኦ ህምባኹን። 20 20.መላኪን፡እን ነቢ ግን ይረክ እን የአገልገልቲት ቃብሕድኖ፡ጣኦታትድ ሰደቅሰው ቊድኖ ሜሀርድረሪሎም ኮዶ ሰሓድረሪሎም ኢዛቤል፡እና እዂነት ትምይሮ ኩመኸልትነድ፡ኒስ አሮልካ ህምባኹን። 21 21.ተነስሕቶ ዮ ወክት ኡኹንላ፡ንርኻ እን ንር ቀሓብኒልድ ወንተርቶ ጀረቢላኒ። 22 22.እናሓን፡ኣን ዕራት ሽኹዲኹል ለብድየላ ግን፡እን ንርዲ ቀሓበውሲኽር፡እን ንር ወራትልድ ተነሰሓግነን ተቓኹ ሽብውል ቱስየሎም ግን። 23 23.ንርቁርስኽር ኩውየሎም ግን፡ኣን ለበከዲ ከላውዲ መርመራኽር ኣከት ናውክ መሕበራት አርእድኖ ግን።ለኽስክ እንታ ወራትሰና እውየኩም ግን። 24 24.እን ትያትረትል ህምብደናኽር ናውክ ከብትድነኽርድ ኮዶ፡እን ቆር ሸጣን እን ናው የአይ የነኩሲ አርእግድናኽር፡እና ሚህሮ ኒስ ሻኽግድናኽር፡እንተት አሪኹ ምኹር ምቁሲሰሊኩ የኩንኩም እንኩኹን። 25 25.እንትሪሲክ እባ እን ህምባኹሲኩም ተብድኖ ሸኸሉ። 26 27 26-27.እን ቂላኹሲ ኮዶ ኣኽር ኣኽራሲ ይወራትሲ ተከዋኹሲ፡ኣን ይኽርልድ ከለብራኹሰና፡እን ቆም ዳግል ሰየምየሉ ግን፡እን እራኳ ብሪኹሲ ከርርጛኹሰና፡ኒ-ግምቢ ሸኺኹድ ምቓቕሮሎም ግን። 28 28.ሽንግርዋ ብርክስጚኹር እውየሉ ግን። 29 29.እንቚዋ ህምባኹሉ መንፈስ እን ማሕባራትሲ የውሲለን ዋስን።
1 1.መልኣኽ ማሕበር ሰርደስሩኹል ከተቢ፡እን ለጘታ መናፍስቲ ጃሩ፡ለጘታ ሽንግርውር ህምባኹሉ ንሰና የኩ፡ኣን ኩግብርሲ አርእኹንሉ፡ህምባኹ ይስትሮ ሽጝስትራኹ እንኩሩኹ፡መላኪን ክርዳኽር ግን። 2 2.ኩግብርሲ ይኽርጃር ጃብል ታምም ኣኾ አርሊሉ፡ነቕሒ፡እን ክርድኖ ይኖ ህምበነው አሪውሲኽር አራጋ ይሎም። 3 3.ገድም ኣዋሀብረ ከም ከለብርደት ከም ዋስረት እልብዲ፡ተከዊሉኽር ተነስሕኽር።ነቕሓግረን ስዋነሰና እንትያካ ግን፡ኣወይረሪ ሰዓቲትል እንተረትካኽር አርእላኒ። 4 4.ሰርደስትል ና ሰረጝ መንከልገው ከለለው ስጙጙ ህምበነኩካ፡ናው በቕዓው ኣኽነውድ፡ሰረጝ ጫዕተው ሰርኖ ይዲ ወንተተርድኖ ግን። 5 5.እን ቂላኹ ኒሰና ሰረጝ ጫዕተው ሰርዶ ግን።ኣጝር ኒስጙሲ ክታብ ርሕኹልድ ሓከከሊሉ፡ይኽርድ ጃብልኽር ኒማላእኽቲ ጃብልኽር ኒስጝሲ እምንስየሉ ግን። 6 6.እንቚዋ ህንብረሪሉ መንፈስ እን ማሕበራትሲ የውሲ ዋስን። 7 7.መልኣኽ ማሕበር ፊላደልፍያርኹል ኮዶ ከተቢ፡እን ቅዱስ እምንሳኹ፡መርሖ ዳዊትሩኹ ህምባኹሉ፡ኒብደን ላኹ ድኳ ኣበደጋኹ፡ኒ-ኣበደን ላኹ ድኳ ብደጋኹ፡ንሰና የኹ እንኩኹ። 8 8.ኩግብርሲ አርኦሉ ህምበኩ፡ኩዓቕም ከለላኹ ግን፡ይ-ቆልሲ ተከውርኹሉ ኮዶ ይስጙሲኽር ከሓድላ እማ ላኹ ኣበድሮሉ ገረሰጋኹ ብስታኹ መራ እዎካ ህምባኩን። 9 9.እናሓን እን አይሁድ ግን ይን የውልድ ማሕበር ሰይጣኑ እማ ብጚተናኩ እንኩኑኹ ግራ አይሁድ ኣኽገው፡እወኩንካ እንኩኹን።እናሓን ናው እንተረነት ኩልኩ ጃብሊ ከም ሰገደነትር፡ኣን ከም እንከለትካኽር ከም ኤርአነት እስየሎም ግን። 10 10.እን ይቆል ሰብርኹሲ ሰበት ተከውረትሉ፡ኣጝር ኮዶ እን ብሪል መንደርተውሲ ፈተንቶል እድንጛ ኒትከል እንተርደሪ ሰዓት ፈተኒትሪትልድ ተከውያካ ግን። 11 11.አሸሾ እንተረኹን እንኩኹን፡ላኹ ድኳ ኣኽሊልኩኹሲ መንጥልጊንካ፡እን ህምባኹሲካ ተብድሮ ሻኺ። 12 12.እን ቂላኹሲ እን መቕደስ ጃሩኹሊ መሱና እስየሉ ግን፡ኒልድ ወላ ፋላኒ።ስጙ ይጃሩኹዲ ስጝ ታንታርዋ ጃርትሪዲ፡ጃርልድ እን ሰሚልድ ገምረሪ ሓዲሲ እዮሩሳሌም፡እን ሓዲስ ይስጝሲ ከተብየሉ ግን። 13 13.እንቚዋ ሻኹ መንፈስ እን ማሕበራትሲ የውሲለን ዋስን። 14 14.መልኣኽ ማሕበር ሎዶቅዪልኽር ከተቢ፡እም ኣሜን፡ እምንሳኹ እምንዱኹ ምስክር፡ሰልፍ መሄድ ጃሩኹ ነወያኩ እንኩኹ። 15 15.ቀሽቀሻኹ ወሪ ብራኹ ከም ኣኽግረት፡ኩዋራትሲ ኤርኦ ህምባኩን፡ያረት ወሪ ቀሽቀሻኹ ወሪ ብራኹ ኣኽትድ። 16 16.ነወያኹ ልጡዕ ኩኣክነድ፡ወሪ ብራኹ ወሪ ቀሽቀሻኹ ኣኽግረውድ ይኣብልድ ጡፍ ይየካ ግን። 17 17.ታጅርዲ ብቁተኹዲ ግን ኣን፡ላሪ ድኳ ኣን ጀረበሪ ሻኽሊ ኩይነድ፡ረኺስዲ ረሓምዳኹዲ ሓግልዲ ዕውርዲ ካይተኹዲ ኣክረት ኤርእሮ እልላኒ። 18 18.ተጀርቶ ለኸድ ጨረያኽ ደሀብ ይልድ ጅቢቶ መታን፡ስማሳኹ ኩጎሮብ ካይትጊንር ሰርቶ መታጝር ሰረጝ ጫዕተው፡ቋልቶ መታን ኩዕልልሲ ኪልቶ ፡ኪላ ይልድ ጅቢቶ ኮድጛኹንካ እንኩኹን። 19 19.ኣን እን እንከለውሲክ ናትክ ዋኺተኩንሎምር ቀጽዓኹኖም፡እማ ቀንእሮ ተነስሒ። 20 20.እናሓን ደንአብ ልጝሊ ደውዮ ኳሕኲሓኹን እንኩኹን።ላኹ ድኳ ይደሃይሲ ዋሶ መረስ ብደንለ፡ኒል ትውያ ግን፡ኮዶ ኒዲ ድራትያ ግን ንኽር ይዲ። 21 21.ኣጝር ቂሎ ይኽርዲ ዝፋንሊ ከፍየሰና፡እን ቂላኹሲ ይዲ ዝፋንሊ ኮፍ ስየሉ ግን። 22 22.እንቚዋ ህምብረሪሉ መንፈስ እን ማሕበራትሲ የውሲ ዋስን።
1 1. ንድ ደምቢ ይኸ፡ እነሓን ሰሚል መራ ብስታዅ ቋልዅን። እን ይዲ ጋቡጙጉሲክ ዋሳዅሉ ደሀይ ዕንድሩዅሰና ኣኻዅ ሰልፋ ደሀይ ይኸ፡ እን ንድ ደምቢ ኣኽሮ ፈረውሲ ቋሊስየካ ነራ ዓረጊ ይዅለ። 2 2. እንሲን ላዶንትል መንፈስድ ሀነንዮ ዋኑ ሰሚል ቂጦራ ሰሚዅ ገሞ ቋልዅን። እን ቂጦራ ሰሚዅሊ ይኸ፡ ላዅ ከፍ ዮ እርጉዅ። 3 3. እን ኒል ከፍዮ እርጋዅ፡ ኒቋላ ክርጛ ያስጲስዲ ስርድዮስሩዅዲት ተኩ እርጉዅ። እን ጀውዲር ገባ ይኸ፡ ሕንጩን አሸላ ተካዅ ማርያምር-ቅናት ከለቦሉ እርጉዅ። 4 4. እን ቂጦሪ ክሊትሊ ለጘረጝንዲ ሰጃ ቂጦራ እርጉዅ፡ እን ቂጦታተል ኮዶ ጫዕዳዅ ሰረና ሰረው ጀውዲ ደሀቡ ናኣኾርሊ እሰው ለጘረጝንዲ ሰጃ በህሊን ከፍ የው ቋልዅን። 5 5. እን ቂጦራ ሰሚዅልድ ተልዋሕረው ምርክዲ ህማማትዲ ጓጝጒዲ ፊዅ፡ እን ቂጦራ ሰሚዅድ ጃብል ይኸ ለጘታ ቲዃ በርሁ እርጉዅ፡ ናውኻ እን ለጘታ መናፍስ ጃሩ ግን። 6 6. እን ቂጢራ ጃብል ኮዶ በሓርሰና መዓፈይ ኣኻዅ ሕንጩና ተካዅ እርጉዅ። ጃብረዲ ደምቢረዲሲ ዕልልድ እንሳኽሰው ሰጃ ኣርዋሑ መሀድሰው እን ቂጦራ ክሊትዲ ነበክዲትል እርግኑዅ። 7 7. እን ሰክፋ ርሑዅ-መሀድ ገመና ተከዅ፡ እን ሊጘር ርሑዅ መሀድ ቢራ ተከኵ፡ እን ሲዀር ርሑዅ መሀድ ይኸ አዳምር ገሽ ተካዅ ገሽ እርግዅሉ፡ እን ሰጀር ርሑዅ መሀድር ዋዋዅ ዓያ ተካዅ ግን። 8 8. እን ሰጃ ኣርዋሑ መሀድሰው ይኸ፡ ላዅክ ወልወልታ ካንፍፍ እርግዅሎም ናከደንዲ ናኮረዲሲ ይኸ ዕልልድ እንሰኽሰው ግን። ቂርዲ ገርክዲ ካረምግኒ፡ እን አደራ ጃር ኒትክ ገረሳዅ ሰጛዅዲ ህምባዅዲ እን እንተራዅዲ ሻትክ ሻትክ፡ ሻትክ ንግን ዩኑ ዘመርኑዅ። 9 9. እን እንሱስ ኣርዋሑ፡ እን ቂጦሪል ከፍ ያዅ ዲማ ዳይም መንደርታዅድ ክብርዲ ሳቡርዲ ሙሰዲ እውኑጙጉሲክ፡ 10 10. እን ለጘረጝንዲ ሰጃ በህሊን፡ እን ቂጦሪል ከፍ ዮ ህምባዅድ ጃብል ለብኖ፡ እን ዲማ ዳይምድ መንደርታዅሊ ፍግም ይንዅሉ፡ ናጀውዲት እን ቂጦሪ ጃብል ገምድኖኻ፡ 11 11. ይና አደረዲ ይና ጃርዲ፡ እንቲ ክብርዲ ሳቡርዲ ስልጣንዲ ኣድቶ ታምም ግን። ኒትክ እንቲ መሀድርዅሉ፡ ኵኪንድር ኣኹዅ፡ መሀድስዅር፡ ዩኑ ዘመርኑዅ።
1 1. እን ፡ ላው እን ክብር ካፍ ሲሰና ህንባኽ ፡ ኮዶ ኒእንቀይረድር ከደንደድር ፡ ከተብሶ ፡ ለናታ ማሕተም ሓተምሳኽ ክታብ ቃልኹን፡፡ 2 2. ላኽ ተባኽ መላኢከት-ኻ ፡ እና ክታብ ኒስ ብድሮሉ እን ማሕተምኒኽሲኽር እንክሮሉ በቅዓኽ ኣውኒ ህምባኹን፡፡ 3 3. እን ፡ ክታብሲ ብድሮሉ ፡ ወሪ ቃልዶሉ ሰሚል ፡ ወሪ ብሪል ፡ ወሪ ብራ ዕንቃይሊ ላኹድ ድካ ገረስለሉ፡፡ 4 4. ኣን-ኻ ፡ እን ክታብሲ ብዳኹሉ ወሪ ቃላኹሉ ብቁዕ ላኽ ድካ ኣርስግናዲን ፡ ገሪኹ ስሪኹን፡፡ 5 5. እን ሽማግለታትልድ ላኽ -ኻ ፡ ስሪግ ፡ እናሓን ፡ እን ነገድ ይሁዳ ኣኸኹ ገመና፡ እን ስር ዳውትሩኽ ፡ እን ክታብሲ ብድሮሉ እን ለናታ ማሕተምሲኽር ብድሮሉኹር ቂልሲሶ ህምባኹ ፡ ይኹለ፡፡ 6 6. እን ነባክ ፡ እን ዝፋንዲ እን ሰጃ እንስሳ እን ሽማግለታት ነበክል በረኽሶ እርጋኹሰና ፡ ተካኹ በጋ ደውዮ ቃልኹን፡፡ ኒ ለናታ ጊኽዲ ለናታ ዕልልዲ ህምባኹሎም ፡ ናውኻ እና ህምብራሪትል ብሪል እንሻቅሰው ለናታ መናፍስቲ ጃሩ ግናው፡፡ 7 7. ኒ እንቶ ፡ እን ክታብሲ እን ላው ናንሊ ዝፋንሊ ኮፍያኹልድ ፡ ኣድኹሉ፡፡ 8 8. እን ክታብሲ ኣዳሰናኩሉ-ኻ ፡ እና ሰጃ እንስሳ እን ለነረን ሰጃ ሽማግሌታትዲ ፡ ናላኹክ መሰንቆራዲ ፡ ልባን እንተኻኹ ጽዋእ ደሃቡኹዲ ሻኽኖ ፡ ኒንኻ ጠሎት እን ሻትካኑ ግን ፡ እን ገንሻል ጃብል ክብርኑኽ፡፡ 9 10 9-10. ናውኻ ፡ በረኽስሮታ ኩብርድ ህምባ ዓለታትዲ ቃንቃታትልድ ከውዲ እክዲ ጃርድ ኣከው ከው ጅቢርኹሉ ፡ ይና ጃርድ ኣከው ሕክምዲ ካህናዲ እሲርኹሎም ፡ ብሪልኽር ሰየምስድኖ ግን እማ ፡ እንቲ እን ክታብሲ ኣቶሉ ፡ እን ኒማሕተምሲኽር ብቶሉ ብቁዕ ግን ፡ ይኑ ሓዲስ መዝሙር ዘመርኑኽ፡፡ 11 11. ቃልኹን ኮዶ ፡እን ጅልዋ እን ዝፋንሊ እን ሽማግሌታትዲ-ኻ ዳሃይ ገሪው መላእኽቲሩ ዋስኹን ፡ ና ቅጽሪ-ኻ ስሕ ግዝየ ስሕ ፡ ፍለንሳ ግዝየ ፍላንሳ ግናው፡፡ 12 12. ዓውያኹ ዳሃይድኻ ፡ አን በራኹሳኽ በጋ ፡ ኒ ስልጣንዲ ርዝቅዲ ኣምርዲ ሒልዲ ክብርዲ ግርማዲ ውዳሰዲ ፡ ኣድሮ ብቁዕ ግን ይኑኽ፡፡ 13 13. ሰመዲ ብረዲት ብራ ዕንቀይዲ ፡ ባሓርዲ ህምበው ፍጡር ነታተል ህምባኽ ኒውክኽር ፡ በረኸትዲ ክብርዲ ግርማዲ ስልጣንዲ ዲማ ዳይምድ ፡ እን ዝፋንሊ ኮፍዮ ህምባኹዲ እና ገንሻልዲሲ ኣኺን ይኑንሰናክ ዋስኹን፡፡ 14 14. እና ሰጃ እንስሳ-ኻ ፡ ኣሜን ፡ ይኑኽ፡፡ እን ሽማግሌታትኽር ፍግም ይኖ ሰገድኑኽ፡፡
1 1. እን ባጋ ገንሸላኻ ፡ እን ለናታ ማሕተምሲ ላኹ፡ ላኹ እንክሰሪት-ኻ ፡ ቃልኹን ፡ ላኹ ዳሃይ ጋንጊኽሰና ያኹ ኻ ፡ ላኹ እማ ቃሊ ፡ ዩንሰናክ ዋስኹን፡፡ 2 2. ቃልኹንኽር ፡ እናሓን ፡ ኣምበላይ ፈረስ ፡ እን ኮፍዮሉ ህምባኹ - ኻ ፡ ጡምጡምያኹ ህምባኹሉ ኣኽሊልኽር እውስትኹሉ ፡ ቂልሲሱ ቂልሲስሮ - ኻ ፊኹ ፡፡ 3 3. እን ሊነር ማሕተምሲ እንከሪትሉ-ኻ ፡ እን ሊነር እንስሳ ፡ ላኹ እማ ቃሊ ፡ ዩንሰናኩሉ ዋስኹን፡፡ 4 4. ኣሪኹ ጀናይ ፍርዳ ፡ ኮዶ ፡ እን ኮፍዮሉ ህምባኹ - ኻ ፡ እኺሪር እኺሪር ኩድኖ ማታንታ ፡ ሰላምቲ ብሪልድ ሺሽድሮላ እውስትኹሉ ፡ በሄር ሰፍኽር እዉስትኹሉ ፡፡ 5 5. እን ሲኻር ማሕተምሲ እንከሪትሉ-ኻ ፡ እን ሲኻር እንስሳ ፡ ላኹ እማ ቃሊ ፡ ዩንሰናኩሉ ዋስኹንሉ ፡፡ ቃልኹንር እናሓን፡ መጋል ፍርዳ ፡ እን ኮፍዮሉ ህምባኩኻ ኒናንተል ሚዛን ህምባኩሉ ፡፡ 6 6. እን ነበካ እን ሰጃ እንስሲል ኻ ፡ ደሃይሰና ያኹ ፡ ላኹ ኮይኒክስ ስርናይ ዲናርድ ፡ ሰኻ ኮይኒክስ ሽዕር-ኻ ዲናርድ ፡ አዲ ወይኒዲ ጎድእግ፡ ዩንሰናክ ዋስኹን ፡፡ 7 7. እን ሰጃር ማሕተምሲ ብዶሰናኩሉ-ኻ ፡ ድሃይ እን ሰጃር እንስሲኹ ፡ ላኹ እማ ቃሊ ፡ ዩንሰናክ ዋስኹን ፡፡ 8 8. ቃልኹንር እናሓን ፡ ቡላ ፍርዳ ፡ እንኮፍዮሉ ህምባኹር ክራ ግን ፡ ሲኣልኻ ለሸካኹሉ ፡፡ ሰፍዲ ክኣርዲ ሽኹደዲ ኣራዊት ብሪውዲ እሲነ ፡ እን ሰጃር ኣብ ብሪኹሲ ኩድኖሉ ስልጠት እውስትኹሎም፡፡ 9 9. እን ኣንካር ማሕተምሲ ብዶሰናኩሉ-ኻ ፡ ርሕ እና ቆል ጃሩድ ማታንዲ እነ እርጋኹድሎም ምስክርነትዲ በራኽሰው በደዪኹ ዓንቀይል ቃልኹን ፡፡ 10 10. ክብያኹ ዳሃይድ-ኻ ፡ ዎ ሻትክ እምኑኹ ኣደራ ፡ ኣውን ኣኽራሲክ ግን ፈረደግራኽር ፡ አና ብሪል ህምበውሲ ኣውን ኣኽራሲክ ግን ፍዳ ይና ብርዱ ፈረደግራኽርሎም ፡ ይኑንሲክ ጠርዕኑኹ፡፡ 11 11. ናልዳ ላኹድክ-ኻ ጫዕዳኹ ሰረና እውስትኹሎ ፡ እን ናሰና ክርድኖ ህምበውሎ ናጨር ገንሺንዲ ናሻንኽር እንተኽድናሲክ - ኻ ፡ ልሳዕ ግና ዘመን ፊኹድኖ ይስትኹሎም ፡፡ 12 12. እን ወልተር ማሕተም እንከሰናኩሉ -ኻ ፡ ቃልኹን እማ ሒሉኹ ኣንቀጥቀጥና ብሪኹ ኣኺኹ ፡ ካራ ስሚርሰና ኣረቢቲ ፡ ኣርበኽር ንርኹረክ ብርሰና ኣኺቲ ፡፡ 13 13. ካና በለሲኹ ፡ ሒለቱኹ ውልዋል ፡ ሰውሰው እሰሰናላ ፡ እን ቅጣንተው ንር ፈዳንሲ ከም ከፍከፍረት ፡ ኒሰናኽር ፡ ሽንግርው ሰሚው ብሪል ለብኑኹ ፡፡ 14 14. ሰማኽር ትብልሳ ክታብሰና ያዕዪሱኹ ፡፡ ዋነውክ ከዲዲ ደሰታትዲ ናኣካንልድ ጋዓድኑኹ፡፡ 15 15. ናውክ ብሪው መሳፍንቲዲ ሓለቁ ኣሻሐትዲ ታጅራንዲ ትሩዳንዲ ናውክ ፡ ገንሺናዲ ኣምራንዲ ፡ ጎቅዲ ጊትዲትል ትብትኑኹ ፡፡ 16 16. እን ጊትዲ ሽሽዲት -ኸ ፡ ጋሽእና ዝፋንሊ ኮፍዮ ህምባኽዲትል ቁጥዓ እን በጊኹልድ ይና ኣኾርሊ ለብድኖ ትብሰና ፡ ይንኹሎም፡፡ 17 17. እን በሄር ፡ ግርጋ እን ሓሩቀትሪ እንትቲ እማ ፡ እውኒ ግኒ-ኻ ደውይሮ ገረሳኹ ፡፡
1 1. ንድ ደምብኽር ፡ ሰጃ መላእክቲ እን ሰጃ መኣዝንድ ፡ ብሪል ደው ይኖ ፡ እን ብሪል ወሪ ባሓርሊ እን ካን ኣኸውሊክር ፡ ውልዋል ፡ ውልዊልትጊን፡ እን ሳጃ ውልዋል ፡ ብሪው ፡ ሻኽኖሎም ፡ ቃልኹን፡፡ 2 2. ማሕተም እን ዲመር መንደርታኹድ ጃሩኹ ፡ ህምባኹሉ ኣሪኹ መልኣኽር ፡ ብርክስዪርድ ፉንሰናክ ቃልኹን፡፡ ንኻ እን ብረዲ በሓርዲት ፡ ጎድእድኖ እውስታኹሎም ሰጃ መላእክቲ ፡ ሒለቱኽ ደሃይድ ስንኹሎም እማ ፡ 3 3. እን ገንሺን ፡ ይና ጃሩሲ እን ናብስ ብሶትሊ ፡ ሓተምናሲኩሎም ፡ ብራ ወሪ በሓር ፡ ወሪኻ ካን ሃሰይጋ፡ ዩኹ፡፡ 4 4. ሺብ ፡ እን ሕቱማንዱስኻ ዋስኹን ፡ እን ህንበክ ነገድ እስራኤል ድቁር ፡ ሊኽዲ ኣርብያዲ ሰጃ ስሕ ሕቱማን፡፡ 5 5. ነገድ ፡ ይሁዳልድ ፡ ሽካ ለና ስሕ ሓተምስኑኹ ፡ ነገድ ሮበልዱ ሽካ ሰጃ ሰሕ ፡ ነገድ ጋድ ዱልዳ ሽካ ለና ስሕ ፡ 6 6. እን ነገድ ኣሴር ዱልዳ ሽካ ለና ስሕ ፡ ነጋድ ንፍታሌም ዱልዳ ሽካ ለና ስሕ ፡ ነጋድ ምናሴ ውልድ ሽካ ለና ስሕ፡ 7 7. እን ፡ ነጋድ ስምኦንዱልድ ፡ ሽካ ለና ስሕ ፡ እን ለዊ ነገድልድ ፡ ሽካ ለና ስሕ ፡እን ነገድ ኢሳኮር ፡ ዱልድ ፡ ሽካ ለና ፡ ስሕ፡ 8 8. እን ፡ ነገድ ዛብሎንልድ ፡ ሽካ ለና ስሕ ፡ እን ነገድ ፡ ዮሰፍሩልድ ፡ ሽካ ለና ስሕ ፡ እን ነገድ ብንያብሩልዳ ፡ ሽካ ለና ስሕ ፡ ሓተምስኑኹ ፡፡ 9 9. ነደምብኽር ፡ ቃልኹን ፡ እንሓን ፡ ናተክ እክዲ ዓለታትዲ ከውታትዲ ህንባ ቃንቃታትልድ እክብስነው ፡ ላኽ ድካ ሺብሮሎም ገረስተጋኹሉ ገሪው ከው ፡ ጫዕተው ሰረን ሰርኖ ፡ ሰቲ ናናንትተል ሸኽኖ ፡ እን ዝፋን ጃብዲ እን ገንሻል ጃብዲትል ደውይኖ ቃልኹን እማ ፡ 10 10. ደኣና እን ዝፋንሊ ኮፍዮ ህምባኹ ይናጃርዲ እን ገንሸሉኹዲ ግኒ ፡ ይኑ ዋዕ ይኖ ጨርሕኑኹ፡፡ 11 12 11-12. እን ፡ መላእክትኽር ናውክ ከለው እን ዝፋንዲ ፡ እን ሽማግለታትዲ እን ሰጃ እንስሳዲ ደው ይኑኹ፡፡ እን ዝፋን ጃብልኻ ፍግም ይኖኻ ፡ ኣሜን ፡ ውዳሰዲ ግርማዲ ኣምርዲ ሓምደዲ ክብርዲ እመትዲ ሒልዲ ዲማ ዳይም ይና ጃርድ ኣኽኒ ፡ ኣሜን ፡ ይኑ ጃርድ ፍግም ይኑኹ ፡፡ 13 13. እን ፡ ሽማግለታትልድ ላኹ ኮዶ ፡ እና ጫዕተው ሰረን ሰረው ኣውዱ ግናው ፡ ኣወትልዳ እንትኑኹን ፡ ዮ ወንተስኹለ ፡፡ 14 14. ኣን ኽር ፡ ይኣደራ ፡ እንቲ ኣርእሩኹ ፡ ይኹኑ ፡፡ ንኻ ፡ እና ነሄን ተባኹ ጅርብልድ እንተው ግናው ፡ ናሰረንኻ ብር እን ገንሸሉውድ እንቃስኖ ጫዕዲስኑኹ ፡ 15 15. ደኣም እን ዝፋን ጃሩኹ ጃብል ግናው ፡ እን በዲኹልክር ቂርዲ ገርክዲ ኣገልገልደናኹሉ እንኩኑኹ ፡፡ እን ዝፋንሊ ኮፍዮ ህምባኹካ ኒ ድካንሲ ናዳግል ተከልዶሉ ግን ፡፡ 16 17 16-17. እን ነበክ ዝፋንኹል ህምባኹ ጋሰያኹሎም ኣኸውድ ፡ ዓቅ ሂወቱሊ መርሓኹሎም ኣኸውድ ፡ ጃርኽር ናዕልልድ እሩን ይስታኽሲክ ሓሰስሮሎም ግኒ እማ ፡ ነደምቢ ከኣርተኒ ስቃንተኒ ፡ካረዲ ህሩርዲ-ኻ ኣረለሎም ፡ ይኹለ፡፡
1 1.እን ለነተር ፡ ማሕተምሲ ፡ እንከሰናኩሉ-ኻ ፡ ሰሚል እን ገፍ ሰዓት ኣካኹ ትምይና ኣኺኹ፡፡ 2 2. ጃር ጃብልኻ ፡ ለናታ መኣክቲ ደው ይኖ ቃልኹን፡ ለናታ መለኻትክር እውስትኹሎም ፡፡ 3 3. ኣሪኹ መልኣኹ እንቱኹ እማ ፡ ጽሃ ደሃቡኹ ሻኾ በዲኹል ደው ዩኹ ፡ እን ጸሎት ናትካ ሻትካኑሲ ኣወት እን ዝፋን ጃብል ሀምባኹ በዲሰና ደሃቡኹ ኮድሮሉ መታና ፡ ገሪው ልባን እውስትኹሉ ፡፡ 4 4. እን ትዳ ፡ ልባኒኹ-ኻ ፡ እን ጠሎት ሻትካኑዲ ኣኾ፡ ናን እን መላኩኽልድ ጃር ጃብል ዓረጉኽ፡፡ 5 5. እን መላኣኽ ኮዶ ፡ ጽንሃህ ኣዶ ላኻ እን በዲኹልድ እንታኹኹሉ ፡ ብሪልር ሕንጭልኹሉ ፡ ጋንጋታትዲ ጭራሓታትዲ ፡ ምርክናዲ ረጃፍናዲ ብሪኹዲ ኻ ኣኺኹ፡፡ 6 6. እናነን ለናታ መላኻት ህምበውሎም-ኻ ፡ ለናታ መላእክቲ ኻ ፡ መላኸት ናፍሕድኖ ደለምኑኹ፡፡ 7 7. እን ሰልፉኹ መላኢከት መለኸት ነፍሑኹ እማ ፡ ብር ሕበርሰውሎም በረዲ ለኻዲ አኺኹ፡ ብሪልር ማልሱኹ ፡፡ ሲሶ ብረኻ ሓውዩኹ ፡ ሲሶ ካንር ሓውዩኹ ፡ ህምበክ ልምሉም ሻንኪኽር ሓውዩኹ ፡፡ 8 8. እን ሊነር መላኽር መለኻት ነፍሑኹ ፡ ጊራሰና ያኹ ሓውያኹ ላኻ - ኻ ባሓርሊ ማልሰቱኹ፡፡ ሲሶ በሓር-ኻ ብር ኣኺኹ ፡፡ 9 9. ሲሶ እን በሓርሊ መንደርተው ርሕሻው ፍጡራንኻ ክርኑኹ ፡ ሲሶ መራክብር ድድኑኹ ፡፡ 10 10. እን ሲኻር መላኢከትኻ ፡ መለከት ነፍሑኹ ፡ በሄር ሽንግርዋ መብራህቲሰና ሓውዩ ሰሚልድ ለቡኹ ፡ እን 11 ሲሶ ወርፍፍዲ ዓቃ ዕልዲትል ኻ ለቡኹ፡፡ 11. ሱን እን ሽንጉርዊኻ ምረት ይስታኹ ፡ ሲሶ እን ዓቃ መረሩኹ፡ ኒመረንተናድ እን ዓቅ ሰባትድ ገሪው ከው ክርኑኹ፡፡ 12 12. እን ሰጃር መላኢከትር መለካት ናፍሑኹ ፡ ሲሶ ካንትት ጭልምትሮ ማታን ፡ ግራጋ ንር ሲሶ በርህጊን መታንታ ቂርኽር ንርሰናክ ሲሶ ካረዲ ሲሶ ኣርበዲ ሲሶ ሽንግርውዲ ጣዓምብስቱኹ ፡፡ 13 13. ቃልንኹንር ፡ ላኹ ዓያ ሰማ ነበኪል ዘምበዩ ዋዕ ያኹ ቆልድር ፡ እን ከብቲኖ ህምበው ደሃይ መለከት እን መለካት ናፍሕድኖ ህምበውሎም ሰኻ መላኽቲ ሰባትድ ፡ እን ብሪል መንደርተው ፍዳእ ኣኺኒኹ ፡ ፍዳ ኣኺኑክ ፡ ዩንሰናክ ዋስኹን ፡፡
1 1. እን ኣንኮር ፡ መላኢከትኻ ፡ መለኻት ጠዓምቡኹ ፡ ሽንግርዋኽር ሰሚልድ ብሪል ሉቡንሰናክ ቃልኹን ፡ ባብ ኣባ ቆርኽር እውስትኹሉ፡፡ 2 2. እን ቆር ኣበሩኽስኽር ብድኹሉ፡፡ እን ኣቢልድኽር ፡ ትዳሰና ፡ በሄር እቶን ተካኹ ትዳ ፊኹ ፡፡ እን ትዳ ኣቢኹድር ካራዲ ሸማልዲ ጨልመቱኹ ፡፡ 3 3. እን ትዲልድር ኣንበጣ ብሪል ፊኹ ፡ እና ሹቅ ብሪል ምልክ ሸኻውሰና ፡ ምልክ እውስትኹሉ፡፡ 4 4. ኒትኽር ፡ እን ና ብሶትሊ ማሕተም ጃሩኹ እንግጋው ከውድ ካያ ግራ ፡ ብሪል ህንባኹድ ፡ ሻንክድ ወሪ ልምሉም ፡ ኣኻኹድ ፡ ወሪ ካንሲ ጎትጎሎም ፡ ይስትኹሉ ፡፡ 5 5. ኣንካ ኣርባ ጀረብድሮሎም ግራ ፡ ክውጊንሎም ኽር እውስትኹሉ ፡፡ እን ናጅርበትር ጅርበት ሺቃራ ኣዳምቲ ነከትራኹድሰና ፡ ግን ፡፡ 6 6. እን ፡ ግርጋት እንጨደስ ፡ ከው ፡ ክረስ ጀረቢድኖሉ ፡ ግን ፡ እማ ኣረረኒሉኒ ፡ ክርናኽር ተምነትድኖ ግን ፡ እን ክራኻ ናልድ እግርዶግን ፡፡ 7 7. እን ቃላ ኣንበጢኻ ፡ ተሓረብሮ ፡ ደለማኹ ፍርድት ፡ ተካኹ ፡ ናኻሊኽር ኣኽሊል ደሃብ ተካኹ ህምባኹሎም ፡ ኒገሻ ገሽ ኣዳሚንዱኹ ሰና ግን ፡፡ 8 8. ሽብክ ኣኺንዱሰና ያኹ ሽብክ -ኻ ፡ ህምባኹሎም ፡ ኒ እርኩክር ፡ ኮዶ እርኩክ ገበኒውሰና ግን ፡፡ 9 9. ጊብ ፡ሻኺኹ ፡ ተካኹ ፡ ጊባኻ ሻኹ ፡ ደሃይ ኒ ክንፍፉኽር ፡ ደሃይ ሰረገላታት ፡ እን ሓርብሊ ጋነው ፡ ገሪው ፍርድት ሰና ግን ፡፡ 10 10. ሽማር ሺቂኽሰባና፡ ተካኹ ሽማር መረድ ህምባኹሉ ፡ ከውሲ ኣንካ ኣርባ ጎትሮሎም-ኻ ኒ ሽማርሊ ስልጣን ህምባኹሉ ፡፡ 11 11. ሲም ህምባኹሉ ፡ ኒ መላኢከት ቆሩኽ ግኒ ፡ ኒሱን እብራይስጢሲ ኣባዶን ግን ፡ ጽርኢስኻ ኒሱን ኣጶልዮን ይስታኹ ፡፡ 12 12. እን ፡ ስልፉኹ ፍዳእ ደኩኹ ፡ ኒደንብኻ እናሓን ፡ ልሳዕ ለና ፍዳእ እንተራኹ እንኩኽ ፡፡ 13 14 13-14. እን ወልተር መላኢከትኽር መለከት ነፍሕኹ ፡ እን ሰጃ ጊኽ ፡ እን ጃር ጃብሊ ህንባኹ በዲሰና ደሃቡኹ ፡ እን መለከት ህምባኹሉ ወልተር መልኣኽ ፡ እና እን በሄር ወራባ ኤፍራጥስል እንሸውስኖ ህምበው ሰጃ መላእኽቲ እንኪሎም ፡ ያኹ ደሃይ ዋስኹን ፡፡ 15 15. እና እን ሰዓትዲ ግርጋዲ ኣርበዲ ኣመራዲ ፡ ደለመው ፤ ሰጃ መላእክቲ ፡ ሲሶ ከውሲ ኩድኖ ፡ እክስትኑኹ ፡፡ 16 16. ሺብ እን ሰራዊት ፡ ኣፍርደቱኻ ፡ ለና ሰሕ ዶል ስሕ ግን ፡ ና ሺብሲ ዋስኹን ፡፡ 17 17. ራኣስኽር ኒሰና ፡ እን ፍርድትዲ እን ጫእንስኖሎም ህምበውሲ ቃልኹን ፡፡ ለኻዲ ህያክንቶስዲ ዲንዲ ተካኹ ጊብ ሻኽኑኹ ፡፡ ኣኾት እን ፍድቱ ፡ ኣኾት ገበኒውሰና ተካኹ፡ ናኣብልድር ላኻዲ ትዳዲ ዲንዲ ፋኹ ፡፡ 18 18. እን ናኣብልድ ፋኹ ላኻዲ ትዳዲ ዲንዲ ፡ እና ሰኻ ኣመራድ ሲሶ ከው ክውስቱኹ ፡፡ 19 19. ስልጣን እን ፍርድታኹ ናኣብዲ ናሽማርዲትል ግን እማ ፡ እን ናሽማር ምራው ግን ፡ ተካኹ ፡ ኣኾትር ሻኽኑኹ ፡ ኒድ እሲነ ግን ጎተው ፡፡ 20 20. እና ፡ ግርጋ ንድ ፡ ኩስትግኒ ከብተው ካውኻ ፡ መጃኒንሲ ፡ እና ቃልድኖ ወሪ ዋስድኖ ወሪ ፈርድኖ ገረስተጋኹሎም ጣኦታት ደሃቡዲ ወርክዲ ፡ ኣስራዚራዲ ክርንዲ ካንዲ ፍግም ይግኒን እን ግብር ናናንትታኹልድ ወንተርኒኒ ፡፡ 21 21. እን ፡ ፊኹት ናኩኒልድ ፡ ወሪ ና ስንልድ ፡ ወሪ ቃሕብኒልድ ፡ ወሪ ና ስዋንልድ ፡ ወንተርኒኒ ፡፡
1 1. ላኽ ሻትክ ፡ ሒለቱኹ ብካና ፡ ወንጸፍሮ ፡ ሰማይልድ ፡ ገሙንሲክ ቃልኹን ፡ ኒኣዌስኻ ፡ ክብር ብካኒኹ ፡ ህንባኹ ፡ ኒገሽኻ ፡ ካሪሰና ፡ ግን ፡ ኒሉኩክኻ መሱን ፡ ለኺሰና ፡ ግን ፡፡ 2 2. ኒናንሊኻ ፡ ላሪ ግናይ ፡ ብስትረሪ ክታቢ ፡ ህንበቲሉ ፡ እን ፡ ላልከ ፡ ትውርት እን በሓርሊ ዳድኹላ ፡ እን ሸንገብሪ ልኪትኻ ፡ ብሪል ፡፡ 3 3. እን ገመና ህድራኹሰናኽር ፡ ክብሰ ህድሩኽ ፡ ህድርሰናኻ እን ለናታ ጋንጋታትኽር ናደሃይድ ጋቢኑኹ ፡፡ 4 4. እን ለናታ ጋንጋታት ጋቢነሪት ፡ ኣን ከተቢያ ጀሬቢኹን ፡፡ ሰሚልድኽር ፡ እን እና ለናታ ጋንጋታት ጋቢነውሲ ሓተሚሉ ከተብግሉ ፡ ያኹ ዳሃይ ዋስኹን ፡፡ 5 5. እን ባሓርዲ በረዲትል ደውዮ ቃለኹሉ መላኢከትኻ ፡ ኒላውናንሲ ሰሚል ኣኽራሲክ ዘርግሕኹላ እማ ፡ 6 7 6-7. ግርጋት እን ለናተር መላኢከትዲ ፡ ኒ መለካት ነፍሕሮ ደለመሳና ፡ እን ምስጢር ጃሩኩኻ እን እና ኒባሮትሲ በሸርደሰናሎም፡ እንሲን ኣኺሮ ግን ፡ ዮ እን ሰማይዲ ኒል ህምባኹዲ ፡ ብረዲ ኒል ህምባኹዲ ፡ በሓርዲ ንርትል ህምባኹዲ ፈጠራኹ ፡ ዲማ ዳይም ክረጋኹ ኣኾ መንደርታኹድ መሓለኹ ፡፡ 8 8. እን ሰሚልድ ዋሰኹሉ ዳሃይኻ ፡ ፈሪ እማ እን ባሓርደዲ ብረዲትል ደውዮ ህምባኹ መልኣኽ ናንሊ ህንብረሪ ግናዪ ብድስትረሪ ክታቢት ኣዲላ ፡ ዮ ሓዲስድ ይዲ ጋቢኹ ፡፡ 9 9. እን መላኣኽሊ ፈረኻ ፡ እን ክታቢት እዊለ ይኹኑ ፡፡ ናኻ ፡ ኣዲላ እማ ቂላ ፡ ኩጎድግሲ መንሻኹ እሲቶሉ ግን ፡ ኩኣብሊኻ መዓርሰና ታሚትረሪ ኣኺቶግን ፡ ይኹለ ፡፡ 10 10. እን ግናዪ ክታቢት እን መልኣኽ ናንሊድ ኣዶ ቒኹና ፡ ይኣብሊ መዓርሰና ታሚቲለ ፡ ቄሪትላኻ ፡ ይጎዱግ መረሩኽ እማ ፡ 11 11. ሓዲስኻ ፡ ከውዲ እክዲትል ቓንቃታትዲትል ነጋስታትዲ ተነበይቶ ኣስተሃለኹካ ፡ ይስትኹለ ፡፡
1 1. ዘንጊራ ታካኹ ፡ ሻንብቆራ እውስትኹለ ፡ ላኽ ኻ ፡ ጊ እማ እን መቅደስ ጃሩኹዲ መስዉኢራዲ ፡ እን ኒል ፍግም ያውሲኽር ፡ መካሪ ፡ ይኹለ ፡፡ 2 2. እን ፡ ከደንድ ህንበው ልን መቅደስኹድ ህምባኹ መንደቅ ላኪን እክድ እውስቱኹ እማ ፡ ባሪሉ መከርግሉኽር ፡ እን ሻትኪ ከታመትኻ ሰጅረንድ ሰጃ ኣርባ ዳድኖላ ግን ፡፡ 3 3. እን ለና ይምስክርኽር ፡ ስሚር ሰርኖ ፡ ስሕዲ ለና ሊኽዲ ወልትረንዲ ግርጋዲ ተነበይድኖ እውየሎም ግን ፡፡ 4 4. ኒን እን ኣዳራ ብሪኹድ ጃብል፡ ዳውየው ለና ኣውልዕዲ ለና ቀንደልዲ ግናው ፡፡ 5 5. ላኹር ጎትሮሎም ጀረበን ፡ ናኣብልድ ላኻ ፋኹ እማ ናኣፋይትስ ቃኹሎም ፡፡ ላኽር ጎትሮሎም ጀረባን-ኻ ፡ ኒሰና ክርዶ ኣስተሃላኹሉ ፡፡ 6 6. እና ነሄን እን ፡ ግርጋት ናትንቢቱት ስዋ ጣንብጊን ሰማስ ኣበድኖ ስልጣን ሻኽኑኹ ፡፡ ብርሊ ቀየርድኖሉ ዓቅ ኣኾርዲ ብረት ናው ጀረበነሰና ማዓትድ ኩድኖላ ስልጣን ህምባኹሎም ፡፡ 7 7. ናምስክርናስ ፈጸምነሪትኻ ፡ እን ቆርልድ ፋኹ ኣራዊት ናዲ ውግእ እሲሮኽር ቂልሲስሮለምኽር ኩሮሎምኽር ግን ፡፡ 8 8. ናግናዳትኻ ፡ እን ኣካን ናኣደራ ሰቀልስሪላ ፡ መንፋሳዊራ ሓሳብድኻ ሰዶምዲ ግብጽዲ ይስትረሪ በህሪ ከታማ ከብቲሮ ግን ፡፡ 9 9. ከውኻ ፡ እን ቆሚያዲ ፡ጨንስታትዲ፡ ቃንቃታትዲ፡ እክዲ ፡ እን ክከናዳት ናኹሲ ሰኻ ግርጋዲ ገፍዲ ቃላናኹሎም ፡ እን ናግናዳት ኣርብሊ ገምሮ ፈቀደኒኒ፡፡ 10 10. እና ለና ነብያት ፡ እን ብሪል መንደርተውሲ ጀረብዱኑሎም እርግኑኹ እማ ፡ እን ብሪል መንደርተው ናድ ፈርሓናኹር ባህር ያኹሎም ፡ ናሹር ናሹትላ እውን እንሻቅድኖ ግን ፡፡ 11 11. ሰኻ ካረዲ ገፍዲር ደምቢ - ኻ ፡ መንፈስ ርሑኹ ጃርልድ ትዉኹሎም ፡ ናልኩኩድር ዳው ይኑኹ ፡ እን ቃልናውሲሎምሊ-ኻ በሄር ጉኢ ገምኹሎም ፡ 12 12. ናራ ዓረጋ ፡ ያኹሎም በሄር ዳሃይ ሰማይልድ ዋስኑኹ ፡፡ ብካናድኻ ሰሚል ዓረግኑኹ እማ እን ና ኣፋይቲ ቃልንኹሎም ፡፡ 13 13. እን ሳዓት እንዲድኻ ተባኹ ኽንቀል ቃልና ብሪኹ ኣኺኹ ፡ ሽካር ናን እን ከተሚኹር ላብኹ ፡፡ እን ሓንቀል-ቃልና ብሪኹድኻ ለናታ ስሕ ከው ክውስትኑኹ ፡ እን ከብተውሲ-ኻ ጉኢ ሻኹሎም ሰሚኹ ጃርሲኽር ክብር እዉኒኹሉ ፡፡ 14 14. እን ሊነር ፍዳ ደኩኹ ፡ እናኻን ፡ እን ሲኾር ፍዳ እሽሾ እንተራኹ እንኩኹ ፡፡ 15 15. እን ለናተር መላኣኽር መለካት ናፍሑኹ ፡ ሰሚልኻ ፡ ሕክም እድንዪኹ ይና ጃርትሪ እን ቅቡእትሪ ኣኺቲ እማ ዲማ ዳይም ነገስሮግን ፡ ያኹ ዋዕያኹ ደሃያት ኣኺኹ ፡፡ 16 17 16-17. እና ጃር ጃብል ናዝፋናትሊ ኮፍይኖ ህምበው ለነራንዲ ሰጃ ሽማግለታት -ኻ ፡ ዎ ህምብራኽር እርግራኽርዲ ፡ ኒትክ ገረስራኽር ጃር ማልክ እን በሄር ኩስልጣንሲ ኣድራኹሉ ኣኽረውድር ነገስራኽር ኣኽረውድር ፡ ሓመድናኹንካ እንኩንኹን ፡ ይኑ ናብሶትድ ፍግም ይኖ ማልክድ (ጃርድ ) ፍግም ይኑኹ ፡፡ 18 18. ቆሚያት ሓረቅርኑኹ ፡ ኩቁጠዓኽር እንቱኹ ፡ እን ክረውሲ ፈረድረኹሉ ፡ ኩ ገንሺንሲ ፡ እን ናብያትዲ ሻትካንዲ ኩስኝሲ ጉኢተው ግናቲትዲ በህሪንዲ ፡ ና ዓስቢስ እውራኹርሉ ፡ እን ብራስ ዲሰውሲኽር ድሂስራኹርሉ ዘመን እንቱኹ ፡ ይኑኹ ፡፡ 19 19. እን ሰሚል ህንብረሪ ልን መቅደሱኽር ብድስትቲ ፡ እን መቅደስሊኽር ታቦት ኪዳን ቃልስቱኹ ምርክዲ ህድድናዲ ሓንቀልቃና ብሪኹዲ በሄር በረዲ ኻ ኣኺኹ ፡፡
1 1. በሄር ተኣምራትኻ ሰሚል ቃልስቱኹ ፡ እኺና ፡ ካራ ሰርዶ ፡ ኣርባኻ ንር ልኩክ ዓንቀይሊ ፡ ኣኽሊል ሽካ ለና ሽንግርኻ ንር ኣኾርሊ ሻኽርደሪ ፡ ቃልስትቲ ፡፡ 2 2. ጎድግርግንኻ ፡ ቅልው ላው ኣኻርኒኹድር ዋዕ ይረሪ ፡ ኣኻርቶኻ ጸዓርደሪ እርግቲ ፡፡ 3 3. ኣሪኹ ትእምርቲ -ኻ ፡ ሰሚል ቃልስቱኹ ፡ እናሐን ፡ ለናታ ኣኾትዲሽካ ጊኽዲ ፡ እን ኣኾትልኽር ለናታ ዘውዲ ህምበውሎም በሄር ሰራኹ ሰበራ ፡ 4 4. እን ኒሽማርድኻ ሲሶ መላእኽቲ ሰሚልድ ወተሩኹ ፡ ብሪልር ማልኹሎም ፡፡ እን ሰበራ-ኻ ፡ ኣኻርደሪ እን ንርኹራስ ዋሓጥሮሉ ማታንዮ ፡ እን ኣኻርደሪል ኣኺና ጃብል ደው ዩኹ ፡፡ 5 5. ኒ ናትክ ቆምያትሲ ግምቢ ሸኺኹድ ጋሴይሮሎም ህምባኹሉ ጅና ፡ ናሳኹራ ፡ ኣኻርቲ ፡፡ እን ንርውላድኻ መልካይዲ ኒዝፋንዲትል መንጠልሱኹ ፡፡ 6 6. እን እኺናኻ ፡ ስሕዲ ለና ሊኽዲ ወልትረንዲ ካራ ቂስድኖላ ፡ እን ጃር ደለምዳኹሊላ ኣካንሊ በረኺል እግርቲ ፡፡ 7 7. ሰሚላ ሐርብ ኣኺኹ ፡ ሚኪኤልዲ ኒመላእክትዲ እን ሰበርዲ ተሓረብኑኹ ፡፡ እን ሰበርዲ ኒመላእክትዲ ኻ ተሓረብንኹሎም ፡፡ 8 8. ቂልሲስኒሎም ኻ ፡ ኒደንቢ ናኣካን ሰሚል አርስላኒክ ፡፡ 9 9. እን ህንበክ እድንያት ሰሓትዳኹላ ህምባኹ ድያብሊስዲ ሰይጣንዲ ይስተው በሄር ሰበር ፡ እን እማኒኹ ምራዋ ማልስቱኹ ፡ ኒመላእኽቲኽር ኒዲ ማልሰትኑኹ ፡፡ 10 10. ሰሚልኻ ዋዕያኹ ደሃይድ ፡ እን ቂርዲ ገርክዲ ይና ጃር ጃብል ከሰሱሎም እርጋኹ ከሳሲራ ይናሻኑኹ ማልስቱኹ እማ ፡ ናን ደኣናዲ ስልጣንዲ ሕክምዲ ይና ጃሩኹ ኣኺኹ ፡ ምልክ-ኻ እን ቅቡኡኽ ግን ፡ ዩንሰናክ ዋስኹን ፡፡ 11 11. እን ገንሻል ጀላብዲ እን ቆል ምስክር ጃላብዲ ኻ ፡ ቂልሲስንኹሉ ፡ ናርሕስኽር ክራ ኣኽራሲክ እንከልኒላ ፡፡ 12 12. እማ እንትን ሰማያት ፡ ንርትል መንደርትደናኽር ፡ ፈርሓ ፡፡ እንትን ብረዲ በሓርዲ-ኻ ፡ ድያብሎስ ከላላ ዝበን ዋነትሉ ኣርኦ ፡ ተባኹ ሕርቅርቆትድ ገሞኩም ህምባኹ እማ ፡ ፍዳ ኣኽድኒኹ ፡፡ 13 13. እን ሰበር-ኻ ብሪል ማልስተት ፡ ቃለሰና ፡ እን ናሳኹራ ቁራ ኣኻርደረሪ ዳገንኹላ ፡፡ 14 14. እን እኺናት-ኻ ፡ ጋሽ እን ምራዊኹልድ ሺርዶ ዘበንዲ ዘበናትዲ ገፍዲ ዘበነዲ ቂቶ ፡ በረኺር እን ንር ኣካንሊ ባንጉርቶ ማታን ፡ ለና ክንፍፍ እን በሄር ንስሪሩኹ እውስትኹላ ፡፡ 15 15. እን ምራዋ-ኻ ፡ ኩራ ኣድሮላ ማታን ፡ እን እኺናት ንር ጉርጉርበት ኩራ ኣኸኹ ዓቅ ኒኣብሊድ ፍዱኹ ፡፡ 16 16. ብረኻ እን እኺነት እልልቲላ ፡ እን ብራ ንር ኣብሲ ብድሮ ፡ እን ሰበር ኒኣብልድ ፍዳኹሉ ኩረስ ወሓጥኹሉ ፡፡ 17 17. እን ሰብርኻ እን እኺናት ቆጥዕስኹላ እማ እን ትእዛዛት ጃሩውስ ተከዋው መስክር የሱስ ሸኽኖ ህምበነው ከብተው ንር ፈደንዲ ተሓረብሮ ፈሩኹ ፡፡ 18 18. ቑሻ ባሓሩሊኽር ደው ዩኹ ፡፡
1 1. ለናታ ኪኽዲ ለናታ ኣኾርዲ ፡ እን ኒጊኽሊኻ ሽካ ዘውዲ ፡ እን ኒኣኻትሊኻ ስኑን ጀኻን ህምባኹሉ ኣራዊት ባሓርልድ ፉንሰናክ ቃልኹን ፡፡ 2 2. እን ቃለኹሉ ኣራዊትኻ ይባ ግን ንተካኹ፡ ኒልኩክ ድቢሪውሰና ፡ ኒኣባ ኣብ ገበኒኹሰና ግን ፡፡ እን ሰበራኻ ሒልዲ ክብርዲ ገሪው እዉኹሉ ፡፡ 3 3. ላኽ እን ኣኾትልድኽር ክረድ ሰብስታኹሰና ኣኺኹ እማ እን ክሪትሊ ለኻን እቢርቲ ፡ ህምባክ ብራ ፈካርስሮ አን ኣራዊት ጉርጉርበት ተላይቲ ፡፡ 4 4. ናውኻ ፡ እን ኣራዊትድ ስላጣን ምልክ ሰባት እወትሉ ፡ እን ሰበርድ ፍግም ይኑኹሉ ፡ እን ኣራዊትስኽር ፡ እና ኣራዊት ኒስ ኣውኒ ተካኹንሉ ፡ ኣውኒ ተሓረብሮሉ ገራሳኹን ፡ ይኑንሰናክ ፍግም ይኑኹንሉ ፡፡ 5 5. ቆል ትዕቢቱኽዲ ፡ ጀኻንዲ ጋባኹ ኣብ እውስትኹሎም ፡፡ኣርብያዲ ለና ኣርባ ኒግብርሲ እሲሮ ምልክ እውስትኹሉ ፡፡ 6 6. ጀኻንል ፡ ጃርድ ፡ ኒስንዲት ኒመስከብዲት እን ሰሚል ፡ መንደርተውሲኽር ጀኽሮሎም ኒ ኣብሲ ብዱኹ ፡፡ 7 7. እን ሻትካንዲ ውግ እሲሮኽር ቂልዶሎምኽር ፡ እውስትኹሉ ፡፡ እን ናልክ ዓለታትዲ እክዲ ቃንቃታትዲትል ቆሚያትልር ምልክ እውስትኹሉ ፡፡ 8 8. እን እዲና ሰረሰረንስር ተርሰ ፡ ናሱን እን በራኹሳኹ ገንሸሉ ክታብ ህይወቱኹሉ ከተብስጋኹ ፡ ብሪልመንደርተው ናውክ ፍግም ይድኖሉግን ፡፡ 9 9. ኣዳም ፡ ዕንቃ ዋነንሉታዲ ዋስን ፡፡ 10 10. ማረኻኹ ዋነን ፡ ተማረኾ ፈርን ፡ ሰፍድ ክዋኹ ዋነን ፡ ኒ ሰፍድ ክውስትሮ ኣስተሃላኹሉ፡፡ እን ሻትካንዲ ሰብርዲ እምነዲ ፡ ኒል ግን ፡ እኒ ህንባኹ፡፡ 11 11. ላኹ ኣሪኹ ኣራዊትኽር ብሪልድ ፉንሰናክ ቃልኹን ፡፡ ገንሸሉኹ ተካኹ ለና ጊኽር ህንባኹሉ ፡፡ ሰበርሰና ኽር ግን ኒጋባኹ ፡፡ 12 12. ኒጃብልኽር ፡ ህንባ ምልክ ፡ እን ጀበራ ኣራዊት እሰኩሉ ፡፡ ኒ እን ኒለኸን ኒክሪኹ እቢርደሪሉ ሰልፉኹ ኣራዊት ፡ ብረዲ እን ኒል መንደርተው ፡ ፍግም ደገደነትሉ ፡ እሲኹሎም ፡፡ 13 13. ኣዳምር ጃብልዳ ላኻ ድካ ሰሚልድ ብሪል ገምራሲክ፡ በህሊን ትእምርቲ እሳኹ፡፡ 14 14. እን ብሪል መንደርተው ፡ እና ሰፍድ ጣምብስቶ ለኻንታኹ እማ እቢራኹ ኣራዊት ፡ ተካ እሲድኖሉ ዩእንጉንሲክ ፡ እን ኣራዊት ጃብል እሲሮሎም እን እውስታኹሉ ትእምርትታት ፡ እን ብሪል መንደርተውሲ ሰሓዱሎም እርጉኹ ፡፡ 15 15. እን ጣቆት ኣራዊቱኹ ፡ ጋቢሮ ማታን ፡ እን ጣቆት ፡ እን ኣራዊትል ሰገደውሉ ፡ ናትክሲ ኩሮሎም ፡ ማታን እን ታካ እን ኣራዊትድ ትንፋስ እውሮ እውስትኹሉ ፡፡ 16 16. ናትክሲኻ ፡ በህሊንዲ ግናቲትዲት ፡ ታጅራንዲ ሓግለንዲት ፡ ኣምራንዲ ገንሺንዲት ናላው ናንሊ ወሪ ና ብሶትል መሕተም ከለብርድኖ እሳኹ እንኩኹ ፡፡ 17 17. ላኽ ድካ ማተም ስን እን ኣራዊቱኹ ወሪ ቁጽሪ ኒሱኑኹ ክመገን ፡ ጅብሮኹር ክድሮኽር ክም ገረሰገት እሳኹ ፡፡ 18 18. ኣምር ኒል ግን ንሪህንብረሪ ፡፡ ቁጽሪ እን ኣራዊቱኹ ቁጽሪ ኣዳሙኹ ግን እማ ፡ ኣምር ህንባኹሉ ሺብንሉ ፡፡ እን ቁጽሪ-ኻ ወልታ ሊኽዲ ወልትራንዲ ዋልታ ግን ፡፡
1 1. እናሓን ገድም ፡ እን ገንሻል እን ደብሪ ጽዮንሊ ደውዮ ፡ ኒሱንዲ ኒኽርድ ሱንዲ ናብሶትሊ ከተብሰውሎም ሊኽዲ ኣርቢያዲ ሰጃ ስሕ ኻ ፡ ኒዲ ቃልኹን ፡፡ 2 2. እን ደህይ ገሪ ዓቅሰና ፡ ገሪኹ ደሃይ ህድድኒኹ ያኹ ሰሚልድ ዳሃይ ዋስኹን ፡፡ እን ዋሰኹሉ ደሃይኻ ዳሃይ እን ከው መሰንቆርው ሰና ፡ መሰንቆታት ደርደርኑ እንኩኑንሲክ ሰና ግን ፡፡ 3 3. እን ዝፋን ጃብዲ እን ሰጃ እንስሳ ጃብዲ እን ሽማግለታት ጃብዲትል ሓዲስ መዝሙር ዘመርኑኹ ፡፡ 4 4. ኒን እን ደናግል ግን እማ ፡ እኺንዲ ረኸስኒ ፡፡ ናው እን ገንሸል ፋራኽሊክ ተለየውሉ ግናው ፡፡ ናው ጃርዲ እን ገንሸልዲሲ ባቅልል ኣኽድኖ ፡ እን ኣዳምር ቁርልድ ጅብስተው ግናው ፡፡ 5 5. ናኣብሊ ብን ኣርስላኒ እማ ሕፍቲራ ሻኽገው ግናው ፡፡ 6 6. እና ብሪል መንደርተውዲ ናውክ ቆሚያዲ ዓለታትዲ ቃንቃታትዲ እክዲ ሰበክሮሎም ኻ ፡ ዲማ ዳይሙኹ ወንገል ህንባኹሉ ኣሪኹ መልኣኽ ሳማይ ነበክሊ ሰለል ዩንሰናክ ቃልኹን ፡፡ 7 7. ሒለቱኹ ደሃይ-ኻ ፡ እን ፈረዳኹላ ወክት ገይእቲ እማ ፡ ጃርሲ ጉኢተሉ ክብርኽር እወሉ ፡ እን ሰመዲ ብረዲ በሓርዲ ዕልል ዓቀዱሲ እሳኹሲ ፍግም የሉ ፡ ዩኹ ፡፡ 8 8. ኣሪኹ መልኣኽ-ኻ ፡ እን ወይኒ ንርሓርቆቱኹ ንርቃሓብና ናትክ ቆሚያትሲ ጅእስረሪሎም ፡ በሄሪ ባቢሎን ለብቲ ፡ ለብቲ ፡ ዩንሰናክ ተለይኹሉ ፡፡ 9 9. ኣሪኹ ሲኸር መልኣኽ ኻ ተለይኹሎም ፡ ሒለቱኹ ደሃይድ ንሰና ዩ ፡ ላኽ ድካ እና ኣራዊት ኒዲ ኒተካዲት ፍግም የን ፡ ኒብሶትሊ ወሪ ኒናንሊኽር ማሕተም ከለበን ፡ 10 10. ንኻ ኮዶ ጸዋእሊ ኒሓሩቀትሲ ሕበር እንገት ፡ ቀድሕስታኹ ወይኒ ማዓት ጃሩኹ ጅእሮግን ፡ እን ሻትካን መለእክቲ ጃብሊ እን ገንሸል ጃዲትል ላኻዲ ዲነዲ ሰቀይሮ ግን ፡፡ 11 11. ትዳ ስቃዩኹ ዲማ ዳይም፡ ፍከ እን ኣራዊትድ ፡ ኒተካዲ ፍግምያነው ፡ ላኽ ኻ ፡ ማሕተም ኒስኑኽ ከለበን ፡ ቂርዲ ገርክዲ ዕርፍቲ ሸኽኒ ፡፡ 12 12. እን ትእዛዛት ጃሩዲ እምነት የሱስ ተከወው ሻትካን-ኻ ፡ ናትዕግስቲ ናራ ግን ኒህንባኹ ፡ ዩኹ ፡፡ 13 13. ሰሚልዳ ፡ ከተቢ ፡ እን ንደንቢ ኣደራድ ክረው ክረው ሻትካን ግን ፡፡ የዋ ፡ ናግብር ተለይሮሎም ግን እማ ፡ ናጻዕሪትልድ ፊኹድኖግን ፡ ያኹ መንፈስ ፡ ያኹለ ዳሃይ ዋስኹን ፡፡ 14 14. ቃልኹ ኽር ፡ እናሓን ፡ ጫዕዳኹ ብካና ፡ ኒኣኾርሊ ኣኽሊል ደሃቡኹ ፡ ኒናንተልር ጣብጥ ማሽር ህንበኹሉ ኣዳሚንዱኹራ ተካኹ እን ቡካኒል ኮፍዮ ቃልኹን፡፡ 15 15. ኣሪ መልኣኽ-ኻ መቅደስልድ ፎ እና እን ቡካኒል ኮፍዮ ህንባኹሲ ፡ ወክት እሽርኒኹ ኣቅቱኹ ፡ ዮ ዋዕ ያኹ ደሃይድ ሽንኹ ፡፡ 16 16. እና እን ቡካኒል ኮፍዮ ህንባኹ-ኻ ፡ ኒ ማሽርሲ ብሪል ገምዱኹ ፡ ብራኽር እሽርሲቲ ፡፡ 17 17. ኣሪ መልኣኽር እና እን ሰሚል ህንብረሪ መቅደስልድ ፊኹ ፡ ኒኽር ጣብጥ ማሽር ሻኹኽ ፡፡ 18 18. እን መስዊኢልድ ኻ ለኻዳግን ምልክ ሻኹ ላኹ መላኢከት እንቱኹ ፡ እን ጣብጥ ማሽር ሻኻኹሲ-ኻ ዋዕያኹ ደሃይድ ሽኑሰናክሉ ፡ እና እስካል ወይኒ ጊኹ እማ ፡ እን ጣብጥ ማሽር ኩኹሲ ፈስርዶ ፡ እን ብሪው ኣስካል ወይኒ ኽተቲሉ ፡ ዩኽ ፡፡ 19 19. እን መላኢከታ ፡ ኒማሽርሲ ብሪል ገምዶ ፡ እን ብሪው ወይኒት ከተትኩሉ እማ ፡ እን በሄር ጸመቂሰኒል ጃሩኽ ቁጥዒል መልኹሉ ፡፡ 20 20. እን ጸመቂሰና ኻ ፡ እን ከደን ዕርዲሪኹሊ ጸማቅሱክ እማ ፡ እን ጸሞቂሰኒልድ ስሕዲ ወልታ ሊኽዲ እስታድዮስ ኣካኹ ፡ ልጋማት አፍራሱሊ ገይእራሲክ ብር ፊኹ ፡፡
1 1. ኣሪኹ በሄርዲ ገረምዳኹዲ ትእምርቲ-ኻ ሰሚል ቃልኹን ፡ እን ሓሩቅሩቀት ጃሩኽ ናድ ተመምሮግን እማ ፡ እን ለናታ መላእክቲ ሸኽኖንለን ህንበው ደንበር ለናታ መዓት ቃልኹን፡፡ 2 2. ለኻዲ ሕበርሰኹ በኻርሰና መርጸን ታካኹ እማ ፡ እን ኣራዊትዲ እን ኒተካዲድ እን ሺብዲት ቂልሰው ፡ መሰንቆ ጃሩኹ ሸኽኖ ፡ እን በኻር መርጸን ደውይኖ ቃልኹን እማ ፡ 3 4 3-4. እንቲ ኒትክ ገረስራኽር ሻጽክ ጃር ፡ ኩግብር በሄርዲ ገረምዳኹዲ ግን ፡፡ እንቲ ሲም ቆሚያትሩኹ ፡ ኩደርብ ጭድቅዲ እምንዲ ግን፡፡ እንቲ ኩቱግን ሻትክ እማ ፡ ዎ ጃር ፡ ጉኢተጋኹካኽር ኩስንሲ ከበርደጋኹ ኣውኒ ህንበኹን ፡ እን ቅኑዕ ፍርድ ኩኹ ቀልዕሱኹ እማ ፡ ደኣም ናውክ ቆሚያት እንትድኖ ኩጃብልር ፍግም ይድኖ ግን ፡ ይኑ ፡ መዝሙር ሙሰሩ ፡ እን ከደመንታ ጃሩኽዲ ፡ መዝሙር እንገሸልዱኹዲ ዘመርኑኹ ፡፡ 5 5. ኒደንቢኺር ቃልኹን ፡ እን መቅደስ ድካን ምስክሩኹ እን ሰሚል ብስትቲመ ፡፡ 6 6. እን ለናታ መዓት ሻኻው ለናታ መላእክቲ ልህጢ እንጣጥዕልድ እስተኹ ፡ ባዕባዕ የኹ ጭሩይ ሰረን ሰርኖ ፡ ናኣብ ለበኪልር ቃናታት ደሃቡኽ ደበልትኖ ፡ መቅደስልድ ፍኑኹ ፡፡ 7 7. ላኽ እን ሰጃ እንስሲልድ-ኻ ቀጥብ እንዲማ ዳይም መንደርታኹ ጃር እንታኽታኹ ለናታ ጼዋእ ደሃቡኽ እን ለናታ መላእክቲሲ እዉኹሎም ፡፡ 8 8. እን መቅደስር ኮዶ እን ጃሩኹ ግርመዲ ሒልዲትልድ ትደድ እንታኽጺ ፡፡ እና እን ናለናታሩ መላእክቲ ለናተርክ መዓት ድኑሰራሲክ ፡ ላኽ ድካ እን መቅሰሊ ቱሮ ገረሰላኒ ፡፡
1 1. እን መቅደስልድ-ኻ እን ለናታ መላእኽቲ ፡ ፈራ ፡ እን ሓርቅሩቄት ጃሩኽሲ ለናታ ጽዋእ ብሪል ብቅሰሎም ፡ ያኹሎም ሒለቱኹ ዳሃይ ዋስኹን ፡፡ 2 2. እን ሰልፉኹ ፈሩኹ እማ እን ኒጽዋእሲ ብሪል ቦቅሲኹ ፡፡ እን መሕተም እን ኣራዊቱኹ ሻውሲ ኒተኪልር ፍግም የው ከውሲ -ኻ ምቁላ ሒለቱኹ ለኻን ፍኹሎም ፡፡ 3 3. እን ለነርር ኒጽዋሲ ብሪል ብቅሲኹሉ ፡፡ እን በሓርኽር እን ክራኽ ኣዳምር ሰና ተከኹ ብር ኣኺኩ፡ እን በሓርሊ ዲያኹ ትንፋስ ሻኹ ኒውክ ህንባኹ ኮዶ ክሩኽ፡፡ 4 4. እን ሲኾርኽር ኒጽዋእሲ እን ኣብሑርዲ ኤፍዲትል ብቅሲኹ ብርር ኣኺኹ ፡፡ 5 5. እን መልኣክ ዓቃኽ ኮዶ ፡ እንቲ ሻትክ ፡ ህብራኽርር መንደርትራኽርር ፡ ኒስ ኩፈረድነድ ሻትክ ግን እንቲ፡፡ 6 6. ብር ሻትካኑዲ ነብያቱዲ ብቅሰው ግን እማ ፡ እንትኽር ብር ጅእድኖ እውርኹሎም ፡ ኣስተሃላኹሎምር ፡ ዩንሰናክ ዋስኹን ፡፡ 7 7. እን መስውኢራ ኻ ፡ ዬዋ፡ እንቲ ኒትክ ገረስራኽር ሻትክ ጃር ፡ እን ኩፍርድታት ቅንዕናዲ እምንዲ ግን ፡ ዩ ዋስኹን ፡፡ 8 8. እን ሰጃር-ኻ ጽዋእ ካሪል ብቅሲኹ ፡ ንርትኽር ኣዳምቲ ለኻድ ሓውሲቶ እውስትኹላ፡፡ 9 9. እን ከውር ገሪ ሃሩርድ ሓውይኑኹ ፡ እን ስን እና ግርጋት ነል ምልክ ሻኽ ጃርሲ ጀኺንኹሉ ፡ ክብር እዉድኖሉኽር ተነስሕስኒኒክ ፡፡ 10 10. እን ኣንካርኽር ጽዋእ ዝፋን እን ኣራዊቱኹሊ በቅሲኹ ፡፡ እን ኒሕክምር ጭልምቱኹ ፡ እን ስቃይ ሰብትዳ ናላንቅቅሲ ካንኑኽ ፡፡ 11 11. እን ቃንዛ ሰበትድር ላኸንትነድር እን ጃር ሰሚኹሲ ጀኺኒኹሉ ፡ ናግብርልድር ተነስሕስኒኒክ ፡፡ 12 12. እን ወልተርኽር ኒጽዋእሲ እን በሄር ወራባ ኤፍራጥስሊ በቅሲኹ ፡፡እን ብርክስኒልድ እንተረው ነጋውስድ ኮዶ ደርብ ደለምድድኖሎም መታን ፡ እን ዓቅ ኢዱኹ ፡፡ 13 13. እን ኣብ ሰብሪኸልድኻ እን ኣራዊት ኣብልድኻ እን ኣብ ንና ነቢልድኻ ቆርዕራ ተከው ሰኻ ምቁላ መናፍስቲ ፉኑንሰናክ ቃልኹን ፡፡ 14 14. ነን ትእምርቲ እሱኑ እንጉሲክ እን ነገስታትሲ ነውክ እና እዲኒውሲ እን በሄር ግርጋ ኒትክ ገረሳኹ ጃር እን ሓርብሲ ካቢድኖ ፋው ምቁል መናፍስቲ ግናው ፡፡ 15 15. እናሐን ፡ ስዋነሰና እንተራኩን እንኩኹን ፡፡ ካያ ፈርጊን መታን ኒሕፍረትሲኽር ቃልግኒሉ፡ እን ነቅሓኹ ኒታኪንስኽር እክባኹ ብጹእ ግን ፡፡ 16 16. ናውኻ እን እብራይስጢሲ ኣርሜጌዶን ይስታኹ ኣካንሊ እክብንኹሎም ፡፡ 17 17. እን ለነተርር ጽዋእ ኣየርሊ በቅሲኹ ፡፡ እን መቅደስልድ እን ዝፋንልድኻ ፡ ኣኺኹ ፡ ያኹ ሒለቱኹ ደሃይ ፊኹ ፡፡ 18 18. ምርክናዲ ደሃይታትዲ ጋንጋዲ ኻ ኣኺኹ ፡፡ ኒሰና ያኹ ንስኮት ኣካኹ በሄር ረጀፍና ብሪኹታ ፡ ኣዳም ብሪል ፈጠርሰንትልድ ዋላ ኣኽጋኹ በሄር ረጀፍና ብሪኹ ኣኺኹ ፡፡ 19 19. እን በህሪ ዕርዲራኻ ሰኻትል በንሲቲ ዕርድታት ቆምያቱኽር ለብኑኹ ፡፡ እን በሄሪ ባቢሎን ኽር እን ሒለቱኹ ጽዋእ ወይኒ እውሮላ ጃር ጃብል እልብርሲቲ፡፡ 20 20. ዋና ደሰታት እግርኑኹ ፡ ጊትር ኣርስኒኒክ፡፡ 21 21. ኣላ በና ኒታቅና በሄር በረድ ሰሚልድ እን ኣዳምትል ገሙኹ ፡፡ እን ማዓት ገሪኹ ምቅላ ሰበት ኣኸውት ፡ እን ከው እን ማዓት በረድ ሰበትድ ጃርሲ ጃኺንኹሉ ፡፡
1 1. እን ለናታ ጽዋእ ሸኻው ለናታ መላእክቲኻ ላኽ እንቶ ፡ ፍርድ እን ገሪው ዓቅታት ገምረ ህንብረሪ በህሪ ቃሓበንታ ቃልሲየካታ ፡ ላኹ ነራ ፡፡ 2 2. ነጋውስ ብሪው ንርዲ ቓሓብኑኹ ፡ እን ብሪል መንደርተውር እን ወይኒ ንር ቃሓብኒውድ ሸከርኖ ዩሰናክለ ፡ ጋቢኹለ ፡፡ 3 3. መንፋስካ በረኺል ኣኽራሲክ ኣድኹለ ፡፡ ለናታ ኣኻርዲ ሽካ ጊኽኽ ህንባኹሉ ስኑን ጃኻን እንተኻኹሉ ሰራኹ ኣራዊት ገመሪላ እኺና ቃልኹን ፡፡ 4 4. እን እኺና-ኻ ሰራኹ ግምጃዲ ሰራኹ ውጹእ ሰረን ሰርገይሶ ፡ ደሃብዲ ቃሊ ክርናዲ ከብታትዲ ሰርገይስሮ እርግቲ ፡ ርኸስና ቃሓብና እንታክታኹ ፈንፈንዳኹ ጽዋእ ደሃቡኹ ንር ናንሊ ሸኽርዶ እርግቲ ፡፡ 5 5. እንንር ብሶትል ኻ ምስጢር እን በሄሪ ባቢሎን ፡ ገና ቃሐበውድሪ ገና ርኹሳን ብሪውዲ ፡ ያኹ ክቱብ ግን ፡፡ 6 6. እን እኺና-ኻ እን ብር ሻትካኑውዲ እን ብር ምስክር እየሱስሩውድ ሸከርዶ ቃልኹና ፡፡ ቃለሰናላ ገሪኽ ገረምና ገረሙኹለ ፡፡ 7 7. እን መልኣክኻ ፡ ውራመታን ተገረምስሩኹን ፡ ምስጢር እን እኺናሩኹዲ ምስጢር እን ምኽሮላ ህንባኹዲ ለናታ ኣኾርዲ ሽካ ጊኽዲ ህንባኹሉ ኣራዊትዲ ኣን ድውያካ ግን ፡ ዩኹለ ፡፡ 8 8. እን እንቲ ቃልዳኹ ኣራዊት እርጉኹ ላኪን እላኒክኻ ፡ ቆርልድ ፍሮ ድዲልር ፈርዶ ግን ፡፡ ዓላም ተር ይኒልድ ተርሶ ናሱን መዝገብ ሂወቱኹል ከተብስገው ብሪል መንደርተው ፡ እን ኣራዊት ሰናትር ዋኒገትር ከም እንተረትር ቃልነሰና ፡ ተገረምስድኖ ግን ፡፡ 9 9. ጥበብ ህንባኹላ እእምሮ ነትግን ኒህንባኹ ፡፡ እን ለናታ ኣኻት ታ እን እኺና ኮፍይሮሎም ህንብራኹ ለናታ ጊት ግናው ፡፡ 10 10. ለናታ ነገስታት ግን ናው ፡ እን ኣንካ ለብኑኹ ፡ እን ላኹ ህንባኹ ፡ እን ላኽ ልሳዕ እንትላኒ ፡ እንተሪትኻ ዕቱገ መንደርትሮ ኣስተሃላኹሉ፡፡ 11 11. እርጋኹዲ እርግጋኹዲ ኣራዊት ፡ ንኻ ናሰኾትር ግን ፡ እን ለናታትልድ ግን ፡ ድዲልር ፈራኹ ፡፡ 12 12. እን ቃልደውሎም ሽካ ጊኽ ኻ ሕክም ልሳዕ ከለብርው ሽካ ነጋውስ ግን ፡፡ እማኽር እነ ኣራዊትዲ ነጋውሰና ኣኽኖ፡ ላሰዓት መለክና ከለብረው ግን ፡፡ 13 13. ነን ላሓሳብ ህንበኩሎም ፡ ናሒልዲ ናምልክዲት ኻ እን ኣራዊትድ እውድኖሉ ግን ፡፡ 14 14. ነን እን ገንሸልዲ ተሓረብድኖ ግን፡ እን ገንሸልኻ ፡ ኣደራ አርደትኹ ንጉስ ናጋውስሩኹ ግን እማ ቂልዶሎም ግን ፡፡ 15 15. እን ቓሐበንታ ኮፍ ይሮሉ ህንብራኹ ቃልዳኹሉ ዓቅዲ ቆምያትዲ ገሪው ከውዲ እክታትዲ ቃንቃታትዲ ግን፡፡ 16 16. እን ቃልደውሎም ሽካ ጊክክ እን ኣራዊትዲኻ እን ቃሐበንተት እንጠርድኖላ ማሰንድድኖላኽር ካያ እሲድኖላኽር ንርስኻስ ቁድኖኽር ለኸድር ሓው ሲድኖላ ግን ፡፡ 17 17. ማለት ፡ ጃር ፡ ኒሐሳብ እሲድኖ ላኽ ሓሳብ ኣኽድኖኽር ፡ ቆል ጃሩኹ ተመምራሲክ ኻ ፡ናሕክም እን ኣራዊትድ እውድኖ ናለበኪል ቱሶ ህንባኹ ፡፡ 18 18. እን ቓልደሪላ እኹና-ኻ እን ነጋውስ ብሪውሊ ሕክም ሸኽርደሪ ብሄሪ ዕርዲራ ግን ፡፡
1 1. ንደምቢ ኻ በሄር መእርግ ስልጠት ህንባኹሉ ሊነር መልኣኽ ሰሚልድ ገሙ ቃልኹን ፡፡ ኒክብርድር ብራ በርህቲ ፡፡ 2 3 2-3. ንኻ ፡ እን በሄሪ ባቢሎን ለብቲ ፡ ለብቲ ፡ መስከብ መጃኒናኹ መስከብ ናድካኹ ርኹሰናኹ መናፍቲዲ ፡ መስከብ ርኹሰ ፈንፈንዳኹ ይስታኹ ኒውክ ጀከልኽር ኣኺቲ ፡፡ ናውክ ቆሚያት እን ቀጥብ ወይኒ ንርቀሓበቱኸ ጅእኑኹ ፡ ነጋውስ ብሪው ንርዲ ቃሓብሉኹ እን ነጋዶው ብሪውር ሒል ብትና ንሩኹድ ተጀርኑኹ ፡ ዩንሲክ ሒለቱኹ ደሃይድ ዋዕ ዩኹ ፡፡ 4 5 4-5. ሰሚልድር ኮዶ ኣሪኹ ደሃይ ዋስኹን ፡ ንሰና ያኹ ፡ እንትን ይ እክ ፡ ሓራም ንሩኹ ሰሚል ኣኽራሲክ ኮሞርሱኹ ፡ ጃርኻ ኮዶ ንር ዓመጭነስ እልብዱኹ እማ ፡ እን ንር ሓራምሊ ሕበርስግድኒን ፡ እንር መዓትልድር በንስድኒን ማታን ፡ ንርትልድ ፋ ፡፡ 6 6. እን ንር ፈደይረሰናኩም ፈደያላ ፡ እንር ግብርሰና እሽባ እሽበላ ፡፡ እንር መከርዳኹሉ ጽዋእ ካዕበት(-) እስዲነ መከራላ ፡፡ 7 7. ንር ለበካድ ሲሚ ኣኾ መንደርትያ ፡ መፍልታና ኣከሊ ፡ ሓዘንኽር ቃለሊኒ ፡ ይሮ ህምበቲ እማ ፡ እንር ኣኮር ከበርደረትር ሓንቅደረትር ኒሰና እስዲነ ፡ ኒኣካንሊ ስቃይዲ ሓዘንዲ እወላ፡፡ 8 8. እማ እን ፈረዶላ ህንባኹ ጃር ሒለቱኹ ግን እማ ፡ እንር ማዓት ፡ ክራዲ ሓዘንዲ ከኣርዲ ፡ ላካረድ እንትሮላ ግን ፡ ላኻድር ሓው ይቶግን ፡፡ 9 9. እንርዲ ቀሓበውዲ ሓንቀቃውዲ ነጋውስ ብሪው ኻ ፡ ትዳ ንር ሓውይኒኹ ቃልኖ ፡ ስሪድኖላ ግን ፡፡ 10 10. ጉኢ ስቃዩኹ ሰበትድ ሺራኹል ደው ይኖ ፡ እንቲ በሄሪ ዕርዲራ ፡ እንቲ ሒለትሪ ዕርዲራ ባቢንትሪ ፡ መላልኪ ፡ መላልኪ፡ ፍርድ ላሰዓትድ እንቶኪ ህምባኹ፡ ይድኖ ግን ፡፡ 11 11. እን ናጋዶ ብሪው-ኻ ፡ ንደምቢ ናእራክሲ ጅባኹሎም እላ እማ ፡ ስርኒኹላ፡፡ 12 12. እራክ ደሃብዲ ወርከትዲ ክቡር ክርናዲ ሉልዲ ሻሽዲ ሰራኹ ፈኹ ሰረንዲ ሃርዲ ሰራኹ ጉምጃዲ ቅዱይ ናቂራ ህንበኹሉ ዋነኹ ከንዲ እራኩ እርኩክ ካንዚሩኽ ኣኻኩ እራክ ኣስራዲሪኹዲ ሻኺኹዲ ክርና በረዱኹዲ ፡ 13 13. ቃርፍዲ ቃረና አምሙንኽር ልባንኽር ቃዲ ቐረናኽር ከርበራዲ ወይኒዲ ዘድር እተው ላቅኽር ሰርናይር ወስዲ በግዲ ኣፍራዲ ከርሾታትዲ ገንሺንዲ ርሕ ኣደሙኽር ፡ 14 14. እን ኩፊኹት በሃግራኹሉ ፋደን ኩሉድ ደኮ ፡ ታሚታኹዲ ድሙቅዲ ክልድ ድዶ ፡ ንደምቢኻ ኒን ዋላ አርስሮ ኣኽላኒ ፡፡ 15 16 17 15-17. እና ንዲ እናንዲሲ ነገዱኑ ንርትል ተጀረው ነጋዶ ጉኢ ንርስቃይድ እንር ካርንሊ ደው ይኖ ፡ ነስኮት ኣከው ርዝቅ ላሰዓትሊ ድዱኹ እማ ፡ እና ሻሽዲ ሰራኹ ፈኹ ታውናዲ ሰራኹ ጉምጃዲ ሰርደሪ ፡ ደሃብዲ ወርከትዲ ክርና ቃልዲ ሉልዲ ቃርደሪ በህሪ ዕርዲራ መላላ ፡ መላላ ፡ ይኑ ስሪኒኹላ ፡፡ ናኹርክ እሕሉቅ መራክብዲ መራክብድ ናና ኣክንሊ ፈረውዲ ያው ባሕረናታትዲ ባሓርሊ ከደመውክ ኻ ሺራኹል ደው ይነኹ ፡፡ 18 18. እን ትዳ ንር ሓውይኒኹሲ ቃልነሰና ኻ ፡ እና በህሪ ዕርዲራ ንሂቲ ኣውኒ ተካኹንላ ፡ ይኑ ዋዕ ይኑኹ ፡፡ 19 19. ናኣኾርሊር ብታ ከፍከፍኑኹ ፡ ስሩኑኹር ሓዘኑኑኽር ኻ ፡ እን መራክብ ባሓርሊ ህንበውሎም ናውክ ቃሊ እራኩድ ተጀረው ፡ ላሰዓትድ ዓነውቲ እማ ፡ እና በሄሪ ዕርዲራ መላላ ፡ መላላ ፡ ዩኑ ጨርሕኑኹ ፡፡ 20 20. እንቲ ሰማ ፡ ንርድ ፈርሒ ፡፡ እንትን ሻትካን ሃዋርያዲ ነብያትዲ ፡ ጃር ንርትል እንታ ፍርድ ፈደይሱኹ እማ ፡ ንርድ ፈርሓ ፡፡ 21 21. ላኹ ሒለቱኹ መልኣኽ ኻ በሄር መጥሓን ኣካኹ ክርና ጉዶ በሓርሊ ማልኹሉ ፡ ንሰና ዩ ፡ ባቢሎን ፡ እን በሄሪ ዕርዲራ ፡ ንሰና ይሮ ነሃርነድ ማልስትቶ ፡ ንደምቢኻ ዋላ ኣረርሰላኒ፡፡ 22 22. ሰሃይ ቃነየው መሰንቆርውር እን ጎሊተያታትዲ እን እንብልውረረ እን ከው መለኸትር ገድም ኩል ዋላ ዋስስታላኒ ፡ ንደምቢታ ደሃይ መጥሓኑኹ ኩል ዋላ ዋስስተላኒ፡፡ 23 23. ናጋዶ ኩ ማልከን ብሪው እርግኑኹ ፡ ናውክ ቆሚያት ኩጥንቁልነድ ሰሓትኑኹ እማ ፡ ንደንቢ ኩል ብርሃን ቀንደል ዋላ በርሃላኒ ፡ ንደምቢ ኩል ደሃይ መርዓዊሪኹዲ ስርጊሩኹዲ ዋላ ዋስስተላኒክ ፡፡ 24 24. ብር ነብያት ሻትካንዲ እን እና ብሪል በረኽሰው ናውክዱ ንርትል ኤርሱኹ ፡ ዩኹ ፡፡
1 2 1-2. ኒደንቢ እን ሰሚል ከው ገሪውሰና ሒለቱኹ ደሃይ ፡ ሃለሉያ ፡ ኒፍርድ እምንዲ ጭድቅዲ ሰበት ኣኸውድ ፡ ኒ እን ንርቃሓበት እን ብረስ ዲሂስረሪ በህሪ ቃሓበንታት ሰባት ፈረዳትላ ፡ ብር ኒገንሺውሩሲኽር ንርናትትልድ ሰበት ፈደይሰት ፡ ደኣናዲ ክብርዲ ሒልዲ ይና ጃሩኽ ግኒ ፡ ዩንሰናክ ዋስኹን ፡፡ 3 3. ሊነር ወክት ኮዶ ፡ ሃለሉያ ፡ ይኑኹ ፡፡ ንር ትዳኽር ዲማ ዳይም ፍኒ፡፡ 4 4. እና ለረንዲ ሰጃ ሽማግለታትዲ እን ሰጃ እንስሳዲ ኻ እን ዝፋንሊ ኮፍዮ ህምባኹ ጃር ፡ ኣሜን ፡ ሃሌሉያ ፡ ይኑ ፍግም ይኖ ሰገድንኩሉ ፡፡ 5 5. እን ዝፋንልድር ፡ እንትን ጊኢደናኽርሉ በህሊንዲ ግናቲትዲ ናኽርክ ገንሺን ፡ ይና ጃርሲ ሓመደሉ ፡ ያኽ ደሃይ እንቱኹ ፡፡ 6 6-7. ደሃይ ገሪው ከውሰና ደሃይ ገሪው ዓቅሰነዲ ሒለቱኽ ጋንጋታትዲ ያኻ ፡ እን ኒትክ ገረሳኹ ይና ጃር ነገሱኹ እማ ፡ ሃሌሉያ ፡፡ ክኻን እን ገንሸሉኹ ገይኡኹ ፡ ኒሱርጊኽር ደለምሮ ህንበቲ እማ ፡ ፈርሕንን ባህር ይንና ፡ ኒድር ክብር እውኒን ፡ ዩንሰናክ ዋስኹን ፡፡ 7 8 8. ብን ያኹ ጫዕዳኹ ሻስዲ ላጭሕ ሰረንዲ ሰርቶ እውስትኹላ ፡፡ እን ሻሽ እንዲንኻ ጭድቅ እን ሻትካኑኹ ግኒ፡፡ 9 9. ኒኻ ፡ እና እን ድራር ክሓን እን ገንሸሉኹር ዓደምሰው ሻትካን ግን ፡ ከተቢ ይኹለ ፡፡ 10 10. ኣንኻ ሰገዲየሉ ዮ ፡ ኒልኩካ ጃብል ፍግም ይኹን ፡፡ ንኻ ፡ እሲግሉ ጠንቀቅሲ ፡፡ ምስክር የሱስ እን መንፈስ ትንቢት ግኒ እማ ፡ ኣናዲ ኩሰና እን ምስክር የሱስ ሸኸው ህንበው ሻንሰና ገንጂና ግን፡ ጃርሲ ዳኣም ሰገዲ ይኹለ ፡፡ 11 11. ሰማኻ ብስቶ ቃልኹን ፡፡ እናሓንኽር ፡ እንበላይ ፍርዳ ፡ እን ኮፍ ዮሉ ህንባኹካ እምንሳኹዲ እምኑኹዲ ይስታኹ ፡ ጭድቅድ ግን ዳኔያኹር ተሃረባኹር ፡፡ 12 12. ኒዕልል ሃልሃልታ ለኺሰና ግን ፡ ኒኣኾርሊኽር ገሪው ዘውድታት ህምባኹሉ ፡ ኒ እንገት ላኹር ኣርእጋኹሉ ክቱብ ስን ኻ ህንባኹሉ ፡፡ 13 13. ብር ከለስታኹ ታውይና ወንደፍሮ ግን ፡ ኒስን ቆል ጃሩኽ ግን ፡፡ 14 14. ሰሚል ህንበው ሰራዊታ ፡ ጫዕዳኹዲ ላጭሕዲ ሻሽ ሰርኖ ፡ ኣምበለታት ፍርድትሊ ኮፍ ይኖ ተሌንኹሉ ፡፡ 15 15. ኒኣብልዳ ቆሚየትሲ ጠዓንባኹ ጣብጥ ሰፍ ፊኹ ፡፡ ኒ ግምቢ ሸኺኹድ ምቃቅሮሎም ግን ፡ እን ወይነ ደቅደቅሰኹሉ እን ገሪ ቀጥብ ኒትክ ገረሳኹ ጃር ኻ ኒ ዳደኹሉ ፡፡ 16 16. ኒታውኒልር ኒሕቀትልር ኮዶ ፡ ንጉስ ነጋውሳኹ ፡ ኣደራ ኣርደቱኹ ፡ ያኹ ክቱብ ህምባኹሉ ፡፡ 17 18 17-18. ላመላኣኽ ካሪል ደውዮ ቃልኹን እማ እና እን ሰማ ነበኪል ባንጉተው ጀከልሲ ፡ ስኻ ነጋስታትዲ ስኻ ሓለቃታትዲ ስኻ ሒለቱዲ ስኻ ፍርድዲ እን ኮፍየነውሎምዲ ፡ ሰኻ ናውክ ኣምራንዲ ገንሺንዲ በህሪን ግናቲትሩዲ ቂትኖታ ፡ ላኻ ፡ እን በሄር ኣዳሪኹ ድራርሊ እክብሳ ፡ ዪንሰናክ ዋዕ ያኹ ደሃይድ ጨደሩኹ ፡፡ 19 19. እን ኣራዊዲ እን ነጋውስ ብሪውዲ ናሰራዊዲኻ ፡ እን ፍርዲል ኮፍዮ ህምባኹዲ ኒሰራዊትዲት ተሓረብድኖ እክብስኖ ቃልኹ ፡፡ 20 20. እን ኣራዊት ሸኽሱኽ ፡ እን ማሕተም እን ኣራዊቱኹሲ ከለብረው ኒተኪል ፍግም የውዲ ሰሓደኹሎም ትእምርቲ ናጃብል እሰኹ ነቢ ብኑኽር ኒዲ ሻኽሱኹ ፡ ለነርትክሲ ኒርሕድ ዋኑኑሲ ፡ እን ዲንድ ሓውያኹ ባርላኺኹል ማልንኹሎም ፡፡ 21 21. እና እን ከብተዋ እን ኣብ እን ፍርዲል ኮፍ ዮ ህንባኽልድ ፋኹነ ሰፍድ ክውስትኑኹ ፡ ናውክ ጀከልር ናስኻስ ቅኖ ብትኑኹ ፡፡
1 1.ባብ ቆሩኹ ላኽ በሄር ስልስላ ኒናንተል ሻኻኹ መልኣኽ ኻ ሰሚልድ ገሙእንጉሲ ቃልኹን ፡፡ 2 2. ኒኽር እን ሰብርሲ ፡ እን እማኒኹ ምራወስ ፡ ሻኹሉ ፡ ኒን እን ድያብሎስ እን ሰይጣን ግኒ ፡ ሰሕ ኣመራኽር እንሸውኹሉ ፡፡ 3 3. እን ስሕ ኣመራ ተመምራሲክኻ ፡ ቆርሊ ማልኹሉ ፡፡ ኒደምቢ ቆሚያትሲ ሰሓድጊንሎም ዮ ኽር ፡ ኣበዶ ኒዳግል ሓተምኹሉ ፡፡ ኒደንቢ ከለላ ወከት ደምቢ እንክስትሮ ኣስተሃላኹ፡፡ 4 4. ዛፋናትር ቃልኹን ፡ ናልኽር ኮፍ ይኑኹ ፡ ፍረድር እውስትኹሎም ፡፡ ርሕ እና ምስክር የሱስ መታንዲ ቆል ጃሩኹድ ማንኽር ሰየፍሰው ፡ እን ሰብርዲ ኒተካዲት ሰገድጋው ፡ መሕተምር ናብሶትል ዋሪ ናናትተል ከለብርገውኻ ቃልኹን፡፡ እነን ክረገው ኣኽኖ ክርስቶስዲ ስሕ ኣመራ ነገስኑኹ ፡፡ 5 5. እና እን ከብተው ክረው ላኪን እን ስሕ ኣመራ ተመምራሲክ ርሕ ኣርኒኒክ፡፡ እነኒን እን ጃበራ ጉና ክረዉኹ ግን ፡፡ 6 6. እን ጃበራ ጉኒል ዕድል ሻኹ ብጹእዲ ቅዱስዲ ግን ፡፡ ጃሩኹዲ ክርስቶስሩኹዲ ካህናት ኣኺድኖ ፡ ኒድኽር ስሕ ኣመራ ነገስድኖ ግራ ፡ እን ሊነር ክራ ነል ስልጣን ሻኽላ ፡፡ 7 7. እና ስሕ ኣመራ ተመመሴናኻ ፡ ሸጣን ንሽዊልድ እንክስትሮ ፡ 8 8. እማ እን ሰጃ መኣዝን ብሪውል መንደርተው ቆሚያትሲ ፡ ጎግዲ ማጎግዲት ሰሓድሮሎም ፡ ሓርብድር እክብሮሎም መታን ፡ ፊሮ ግን ፡ ናሺብር ብታ በሓሩርሰናክ ግን ፡፡ 9 9. እን እዳናኹ ብራ ኣወይሲኻ ፍኑኹ ፡ እን መስከብ እን ሻትካንዲ እንከልሱራ ዕርዲራዲት ከለውንኹላ ፡፡ ሰሚልዳ ላኻ ገሞ ቂኹሎም ፡፡ 10 10. እን ሰሓደኹሎም ድያብሎስ ኽር እን ኣራዊትዲ እን ነቢ ብኑኹዲ ማልስናኹሉ ዲጋ ላኺኹዲ ዲንዲትል ማልስቱኹ ፡፡ ዲማ ደይምድር ቂርዲ ገርክዲ ጀረብድኖ ግን ፡፡ 11 11. በሄር ጫዕዳኹ ዝፋንዲ ኮፍያኹሉዲ ቃልኹን ፡፡ ብረዲ ሰማዲ ኒገሽልድ እግርኑኹ ፡ ኣካንኽር እረርስለሎም ፡፡ 12 12. ክረው ኽር ፡ በህሊንዲ ግናቲትዲ ፡ እን ዝፋን ጃብል ደውይኖ ቃልኹን ፡ ኣክትበትር ቀልዕሱኹ ፡፡ ኣሪኹ ክታብር ቃልዕሱኹ ፡ ኒንኻ ክታብ ሂወት ግን ፡፡ እን ክረውር ፡ እን ኣክትበትል ድያሰና ፡ ናናግብርሰና ፈደይስኑኹ ፡፡ 13 13. ባሕርል እን ንርትል ህምበው ክረውሲ እውቲ ፡ ክራዲ ሲኦልዲኽር ናል ህምበው ክረውሲ እዉኑኹ ፡፡ ላኹክ ናናግብርሰና ፈረድስኑኹ ፡፡ 14 14. ክረዲ ሲኦልዲ እን ዲጋ ላኺኹሊ ማልስትኑኹ ፡፡ ኒን እን ሊነር ክራ ግኒ ፡ ማለት ዲጋ ለኺኹ ፡፡ 15 15. ኣኻኹ ኣኺን ክታብ ሂወትኹል ከተብሶ ኣረርስጋኹ ፡ እን ዲጋ ላኺኹል ማልስቱኹ ፡፡
1 1. እን ሰልፉ ሰማዲ እን ሰልፉ ብረዲ ደኩኑኹ ፡ ባርኽር ገድም እላ እማ ፡ ሓዲስ ሰማዲ ሓዲስ ብረዲ ቃልኹን ፡፡ 2 2. እን ሻትኪ ዕርዲራ ፡ እን ሓዲሲ ዮርሳለም ፡ ንር መርዓዊረድ ሰርገይስረሪሰና ስርጊ ደለምሮ ፡ ሰሚልድ ጃርልድ ገምሩንሲክ ቃልኹን ፡፡ 3 3. እን ዝፋንልድር ክብያኹ ደሃይድ ፡ እናሓን ድካን ጃሩኹ ኣዳምዲ ፡ ንኽር ናዲ መንደርትሮ ግን ፡ ናውኻ ኒ እክ ኣኺድኖ ግን ፡ ናጃርር ኒላውድ ናጃር ኣኺሮ ግን ፡፡ 4 4. ጃርኻ ህንባክ እሩንሲ ናዕልልድ ሓሰስሮ ግን ፡፡ እን ጃባራ ደኩኽ እማ ፡ ኒደንቢ ክራ ኣከላኒክ ፡ ኒደንቢኽር ሓዘን ፡ ወሪ ጫውጫው ፡ ወሪ ጻዕሪ ኣከላኒክ ፡ ዩንሰናክ ዋስኹን ፡፡ 5 5. እና እን ዝፋንሊ ኮፍያኻ ፡ እናሓን ፡ ኒትክሲ ሓደሳኹንሉ እንኩኹን ፡ ዩኹ ፡፡ እና ቆል ኒን እምንሳኹዲ እምንዲ ግን እማ ፡ ከተቢ ፡ ይኹለ ፡፡ 6 6. ኮዶ-ኻ ፡ኒን ኣኺሮ ግን ፡ኣልፋዲ ኦሜጋዲ ፡ ሰልፍዲ ደንበራዲ ኣን ግን ፡፡ ኣን ስቃንታኹድ ዕል ዓቅ ሂወትኹልድ እንዳኸድ እውየሉ ግን ፡፡ 7 7. እን ቂሊሳኹ ኒስ ወረስሮሉ ግን ፡፡ ኣን ኒጃር ኣኽየሉ ፡ ንኽር ይኹራ ኣኺሮለ ግን ፡፡ 8 8. እና ጉኢተንትዲ እምናገውዲ ፈንፈንሰውዲ ርሕክወንተንዲ ቀሓብበውዲ ጠንቃለውዲ ጣኦት ኣምለኽደነውዲ ናውክ ብኒትዲ ህምበውክ ፡ ናበና እና ለኸዲ ዲንዲ ሓውያኹ ዲጊል ግን ፡ ኒን እን ሊነር ክራ ግን ፡ ይኹለ ፡፡ 10 9 9. እን ደንብር ለናታ ማዓት እንተኻ ለናታ ጽዋእ ሻኸው ለናታ መላእክቲ ኻ ላኹ እንቱኹ እማ ፡ እን ስርጊት ፡ እኪና እን ገንሸልትሪት ፡ ቃሊስካታ ላኹ ፡ ዩንሰናክ ፡ ጋቢኹለ ፡፡ 11 10-11. መንፈስድር በሄርዲ ሺራኹ ጊሪል ኣድኹለ፡ እና ክብር ጃሩኹ ህንበሪትላ ቅድስቲ ዕርዲራ የሩሳለም ሰሚልድ ጃርልድ ገምሩእንጉሲክ ቃሊስኹለ ፡፡ እን ደመቅና ንር ብርሃኑኽር እን ገሪኹ ከበራኹ ክርና ፡ ብልጭልጭ ያኹ ክርና ያስጲሰና ግን ንተካኹ ፡፡ 12 12. በሄርዲ ሺራኹ ከለብ-ኻ ህምባኹላ ፡ ሽካ ለና ባባት ፡ እን ባባትልር ሽካ ለና መላእኽቲ ፡ ስንር ከተብሶ ህምባኹ ፡እና ስንር እና እን ሽካ ለና ነገድ እስራኢልድቁርዱ ግንናው ፡፡ 13 13. ብርክስናድ ሰኻ ባብ ፡ ሰሚንደ ሰኻ ባብ ፡ ደቡብድ ሰኻ ባብ ፡ ካራ ለበድ ሰኻ ባብ ህምባኹላ ፡፡ 14 14. ሐጠት እን ዕርዲሪኻ ሽካ ለና መሰረት ህምባኹሉ ፡ ኒልኻ ሽካ ለና ስን እን ሃዋርያት እን ገንሸሉ ህምባኹ ፡፡ 15 15. እን ጋባኹለ -ኻ ፡ እን ዕረዲ እን ባባትዲት ንርሐጠትዲት መከርዶሉ መታን ፡ መከሪሰና ፡ ዘንጊራ ደሃቡኹ ፡ ህምባኹሉ ፡፡ 16 16. እን ዕርዲራኻ ሰጃ መኣዝን ሸኽረሪ ግን ፡ ንረ ሺርንር ንር እዳነርሰና ግን ፡፡ እን ዘንጊረድር እን ዕርዲረት ሽካ ለና ስሕ እስድዮስ መከርኹላ ፡፡ ንርሺርንዲ ንር እዳነዲ ንር ክብ ይነዲ እኩላ እኩላ ግን ፡፡ 17 17. እን ሐጠትሲኻ ኣመት ግርዊኹድ ፡ንኻ መላኢከቱኹድ ፡ሊኽዲ ኣርቢያዲ ሰጃ ኣመት ኣመትኹሉ ፡፡ 18 18. እን ሒጠትር እያስጲስድ ነደቅሳኹ ግን ፡ እን ዕርዲራኽር ጫሪ ደሃብሰና ጫሪ መርጸን ግን ንሪ ተክረሪ ፡፡ 19 19. እን መሰረት ሖሽ እን ዕርዲሪኹ-ኻ ቃሊ ክርና ይስታኹድ ሰርገይሱኹ ፡፡ እን ሰልፉኹ መሰረት እያስጲስ ግን ፡ እን ሊነር ሰፉሮስ ግን ፡ እን ሲኾር ከልቄዶን ፡ እን ሰጀር ስመራግዶስ ፡ 20 20. እን ኣንኮር ሰርዶንክስ ፡ እን ወልተር ሰርድዮስ ፡ እን ለናተር ክሪሶሊት ፡ እን ሰኻተር በሪሎስ ፡ እን ሰሴር ቶጳዝዮን ፡ እን ሽከር ክሪሶጵራስ ፡ እን ሽካ ላኽ ህያክንቶሰ ፡ እን ሽካሊነርኻ ኣሜትስጦስ ግን ፡፡ 21 21. እን ሽካ ለና ባብኻ ሽካ ለና ሉል ግን ፡፡ ላበብክ ላሉልድ እስተኹ ግን ፡፡ ደንኣብ እን ዕርዲሪኻ ላጭሕ ደሃብ ጫሪ መርጸን ሰና ግን ፡፡ 22 22. እን ኒትክ ገረሳኹ ጃርዲ ገንሸልዲ መቅደስ ግናው እማ ፡ መቅደስ ንርትል ቃሊኒክ ፡፡ 23 23. እን ከተማኻተ ቲኻ ጃሩኹ በርህዶላ ህምባኹ ፡ ንር ቲኻ እን ገንሸል ግን እማ ፡ ካራ ወሪ ኣርባ በርህድሮላ ጀረብደላላኒክ ፡፡ 24 24. ቆሚያት ንር ብርሃንድ ወንተተርድኖ ፡ ነጋውስ ብሪውር ናክብርሲ ንርትር ናቅስድኖ ግን ፡፡ 25 25. ንርትል ቂር ኣካላኒክ እማ ፡ ንር ባባት ግርክድ ዋላ ኣበድሰላኒክ ፡፡ 26 26. እን ቆሚያቱኽ ክብረትዲ ክብርዲኻ ንርትል ናቅስድኖሉ ግን ፡፡ 27 27. እና እን ክታብ ሂወት ገንሸሉኹል ከተብሰው ግራ ፡ ገለ ረኸስና ወሪ ፈንፈንዳኹ ብንዲ እሳኹክ ንርትል ትወላኒክ ፡፡
1 1. እን ክሪስታሊት ኒጨረይና ወረቢው ዓቅ ሂወትኻ ቃሊስኹለ ፡ ኒን እን ይና ጃሩኹ እን ገንሸሉኹ ዝፋንልድ ፉእንጉሲ ፡ 2 2. እን ኣዳባባይ ነበክድ ኩሪታኹ ፡፡ እን ወረባስ ለና ኒ ሸልድ ኻ ኣርባ ሺበክ ፈረይሩ ሽካ ለና ፈደን እውረሪ ካና ሂወትሪ ህንበቲ ፡፡ ቀጠፍ እን ካኒሩክ -ኻ ትላ ቆሚያቱኹ ኣኾ ህምባኹ፡፡ 3 3. ኒደንቢ እሻ ወላ ኣከላኒክ ፡ ጃሩኹዲ እን ገንሸሉኹዲ ዝፋን ኒል ኒል ኣኽሮ ግን ፡ እን ኒገንሺንር ኣገልገልድኖሉኽር 4 4. ኒገሺ ቃልድኖኽር ግን ፡ ኒስንር ናብሶትል ኣኺሮ ግን ፡፡ 5 5. ጃር በርህድሮሎም ፡ ዲማ ዳይምር ነገስድኖ ግን እማ ፡ ንደቢታ ቂር ኣከላኒክ ፡ ቲኻ ቀንደል ወሪ ካራኽር ጀረብደለሎም ኒክ ፡፡ 6 6. ንኻ ፡ እና ቆላት ነን እምንሰውዲ እምንዲ ግን ፡ ጃር ፡ እና ጃር መናፍስቲ ነብያቱኹ ፡ እና እሽሾ ኣካኹሲ ኒ ገንሺንድ ቃሊስሮሎም ፡ ኒ መልኣኽሲ እን ሸቆ ህምባኹ ፡፡ 7 7. እናኻን ፡ እሽሻኹድ እንተራኹን እንኩኹን ፡ እን ቆላት ትንቢ እና ክታቡኹሲ ተከዋኽ-ኻ ብጹእ ግን ፡ ይኹለ ፡፡ 8 8. እና ጋር ኒስ ዋሰኹሉኽር ቃላኹሉኽር ኣን ዮሃንስ ግን ፡፡ ዋሰናኽር ቃለሰናኽር ኻ ፡ እን ልኩክ ጃብል እን እና ጋርኒስ ቃሊሳኹለ መላኣኽ ሰገድያ ፍግም ይኹን ፡፡ 9 9. ንኻ ፡ እሰግሪንሉ ጠንቀቅሲ ፡ ኣን ኩሰናዲ እን ኩሻን ነብያዲ ፡ እና ቆላት እና ክታቡስ ተከወውሰና ገንጂና ግን ፡ ጃር ፍግም ዪ ፡ ይኹለ ፡፡ 10 10. ዳኣምር ፡ እን ወክት ተኸት ግን እማ ፡ ቆላት እን ትንቢት እና ክታቡኹሲ ሓተምግሉ ፡፡ 11 11. እን ገፋዓንታ ትክሰ ገፍዕስን ፡ እን ሩኹስ ትክሰ ረኸስን ፡ እን ጻድቅ ትክሰ ጽድቂ እሲን ፡ እን ሻትክር ትክሰ ሸተክን ፡ ይኹለ ፡፡ 12 12. እናሓን ፡ እሽሾ እንተራኹን እንኩኹን ፡ ላኹክሲክ ኒግብርሰና ፈደይየሉ ግን ፡ ይዓስቢ ይዲ ግን ፡፡ 13 13. ኣልፋዲ ኦሜጋዲ ፡ ጃበረዲ ደንጎበዲ ፡ ተርስናዲ ድንሰናዲ ኣን ግን ፡፡ 14 14. እን ካና ሂወትትል መሰል ኣርድኖ መታን ፡ እን ዕርዲራትልር ንር ባባትድ ቱድኖታ ፡ እና ናሰረንሰ እንቃሰው ሻትካን ግን ፡፡ 15 15. እን ገንሺንር ጠንቆልትኽር ቃሓበንትኽር ክወንትኽር ጣቆት ኣምለኽደውር ብንሲ እንከለውዲ እሰውር ናውክ ከደንሊ ግናው ፡፡ 16 16. ኣን የሱስ ፡ እን ማሕበራትሊ ኒስ መስከሪየልኩም ዮ ፡ ይመልኣኽሲ ፈሶሉ ህምባኹን ፡፡ ኣን ክር ዳዊትሩኹዲ ኒፈደናዲ ፡ እን ባርህ ሽንግርዋ ብርክስኒኹ ግን ፡ 17 17. እን መንፈስዲ እን ስርጊዲ ፡ ላኹ ፡ የናኹ እንኩኑኹ ፡፡ እን ዋሳኹር ፡ ላኹ ፡ ይን ፡፡ ስቃንታኸ-ኻ እንትን ፡ ጀረበኹር ዓቅ ሂወቱኹ እንዳኸድ ኣድን ፡፡ 18 18. ኣን ቆላት ትንቢት እና ክተቡኹሲ ዋሰውሲ ናውክሲ መሰከራኹንሎም እንኩኹን ፡ ላኹር ኒል ኮደን ፡ ጃርኻ እና ክታብል ከተብሶ ህምባኹ ማዓት ኮድሮሉ ግን ፡፡ 19 19. ላኣዳምኻ ቆላት ትንቢት እና ክታቡኹልድ ጎደልደናን ፡ ጃርኻ እናነት እና ክታብ ኒል ከተብሶ ህምበና ካና ሂወትዲ እና ሻትኪ ዕርዲራዲ ኒበና ጎደልዶሉ ግን ፡፡ 20 20. እና ናነሰንዓተስ መስከራኹ ፡ የዋ ፡ እሽሻኹድ እንተራኹን እንኩኹ ፡ ያኹ እንኩኹ ፡፡ ኣሜን ፡ ይና ደራ የሱስ ፡ ላኹ ፡፡ 21 21. ገድ ይናኣደራ የሱስሩኹ ናውክ ሻትካንዲ ኣኺኒ ፡፡ ኣሜን ፡፡