To view a copy of the CC BY-SA 4.0 license visit
http://creativecommons.org/licenses/by-sa/4.0/
Matthew
Chapter 1
1
La buku la vigilemulila te Isus kraist, E latu le Devit, E latu le Abraham.
2
E Abraham e tamale Aisak, E Aisak e tamale Jakob, E Jakob e tamale Juda me tabarabarala.
3
E Juda e tamale Peres me Sera te Tamar, E Peres e tamale Hezron, E Hezron e tamale Ram.
4
E Ram e tamale Amminadab,E Amminadab e tamale Nashson.
5
E Salmon e tamale Boas te Rahab, Boas e tamale Obed te Ruth, E Obed e tamale Jessi.
6
E Jessi eia tamale king Davit, E Divit e tamale Solomon te rutu le Uriah.
7
E solomon eia e talae Rehoboam,E Rehoboam e tamale Abijah E Abijah e tamale Asa.
8
E Asa a e tamale Jehoshapat,E Jehoshaphat e tamale Joram, E joram eia e tutubule Uzziah.
9
E Uzziah eia e tamale Jotam, E Jotam e tamala e Ahaz, E Ahaz e tamale Hezekiah.
10
Hezekiaheia e tamale Manaseh,E Manaseh e tamale Amon, E Amon e tamale Josiah.
11
E Josiah eia e tutubu le Jechoniah me tabarabarala te la imala tulugaluga soio e Babilon.
12
Mulimuli te la tulugaluga soio e Babilon, e Jekonia eia e tamale Seltiel, e Seltiel eia e tubule Zerubabel.
13
E Zerubabel eia e tamale Abiud, E Abiud e tamale Eliakim, E Eliakim e tamale Azo.
14
E Aso eia e tamale Zadok, E Zadok e tamale Akim,me e Akim e tamale Eliud.
15
E Eliud eia e tamale Eliazar, E Eliazer e tamale Matthan, E Matthan e tmale Jakob.
16
E Jakob eia e tamale Joseph e haruale Mary, ale pigo e Isus,ale toila e kraist.
17
Egite la hili le Abraham kara olagu te Devit la hili gite savulu sa geteva, soko te Devit golagu te la tulugaluga soio e Babilon la hili gite savulu sa geteva, loio tela tulugaluga sio e babilon golagu te kraest la hili gete savulusa geteva.
18
Oilo te la vitilimulila alele agio sibitala tela piligo le Isus kraist, E tilala, e meri, eia la utu robo te Joseph, Egira souka pou vikapopo, Egite goio hiloa mae a savulatuti te la golu la kalulu maroka.
19
Ala moli e Joseph a la tahalo ale matata sele, me eia kama masaga ge igo mahela eia tela mata gite la valua, Eia gabutala viage tou kokovu moli eia.
20
A goio gabutala mulmuli la papaga alele,Goio la angelo te uru goio sibitala tavu eia oio tela matalovi la, A vei mago,"Joseph latu le devuit , umala tataga puli eia igole rutumu, La vuhula ale a savulatuele eia savulatu tela golu la kalulu maroka,
21
Eiage taposa isa giliki, Eme ge tola leia e Isus, Eiage utululu egite la valua me hatavile loio tela vulovulo gite ale kama kokora."
22
La papaga tomi alele sibita ge vipuru muli la rova la Uru veia gite la propet, ge veipalaea,
23
"Hiloa la sobe ge savulatu ge pigo isa e giliki, Egitege toi la isala e Immanuel- ge vuloa mae,"E Deo vikapopo me tatou,"
24
E Joseph hagolo loio tela mavutala tetala me eia igoa mae la Angelo tela Uru veiala ge igoa mae vola.
25
Alamoli a kama rovi eia karamae eia taposa me a hatamale. Goio a tola la isala e Isus.
Chapter 2
1
Mulmuli te ale e Isus e tilala pigoa oilo e Betlehem te Juda oilo tela imala te King Herod, la valua mari loio te la mata la haro guvi oilo e Jerusalem egite vei mago,
2
E guliki ale e tilala pigoa me eia e king tegite Juda eiala oiove? Amite hilo la matabula oiola hilitila matala haro me amite gomai tige lotu tavu eia."
3
La imala e king Herod loloa maele,La tiala kama kora sele,Egite tomi ale oio e Jerusalem tai vikapopo me eia.
4
E Herod abi vikapopo tomi egite la mulugaluga tegite prist me skraeb me la valalua,Eia tahi egiteu," E Kraist ale ge pigoa oiove?"
5
Egite goio veiala, "Oilo e Betlehem te Juda, Ale la rova egite la propet agotola tia pala.
6
Alamoli emei, Betlehem, Oilo la magasa le Juda, kama la tapasila kabili tegite la mulugaluga tegite juda, Eme ge viguvi isa la tahalo ale auru sele eiage baumuli egite la valalua taku e Israel."'
7
Goio e Herod tola kovu moli egite la valua la mari goio tahi egite erese la imala sele la matabu sibitala.
8
Eia baha egite soio e Betlehem, veia gite mago, Amuto goio mata tahoa la pepeso bisio. Mae amuto ge poga eia, Abi rivu la merera somai taku me eau tai goioge lotu tavu eia."
9
Egite goio lolo kaluvu e king, egite goio tuga tio, goio la matabu ale egite hiloa oio la porosile la matala haro mamuga egiteu kara agoio magiri oata la ba ale pepeso bisi ovolao.
10
La imala egite hilo la matabu , egite sagege me la mogela uru sele.
11
Egite goilo la luma goio hiloa la pepeso bisio me tilala e Mery. Egite goio boru otalo lotu tavu eia. egite goio kopea la vuliti tegite viabi soio tetala la gol, Frankinsen, mela Mirrh.
12
E Deo mera vagaria gite oio tela matalovila mae egite umala ge beurivua soio te Herod, Tio egite beua soio tela mautu tegite tela gauru ale isapolo.
13
La imala egite tugati, La Angelo tela Uru sibitala te Joseph oilo tela mata lovila a veiala mago ,"hiliti oata, puli e giliki bisiele me tilala, Amuto hele soio e Egipt. Pou oiole karamae eau ge veiamu, E Herod ge pamuli eia bisiele ge igobara eia.
14
Te la logo alele e Joseph hagolo puli e giliki bisiele me tilala egite tugab soio e Egypt.
15
Eia pou oio karamae e Herod peho. Ale purumuli la rova la Uru veitia tegite e propet, Loiolo te Egypt eau tolati e latugu."
16
Goio e Herod, a hiloa mae egite la valua la mari tutugolo tia, eia igo tilo gerutio. A gio baha la merera oilo tela ba la mautu e betlehem mae egite giliki ale hatamalmale tomi ale lotalo te la leavala ilua ge bili egite.Ale tela imala sele ale eia lolo egite la valua la mari vigalia.
17
Me a purumuli sele la merera ale propet Jeremiah veipalaea
18
La golu isasa eau loloa oilo e Rama, La tilali mela malatilali, E Rachel taitali le latatula, a kama masaga isa ge siobu eia, La vuhula egite oukati."
19
La imala e Herod peho, Mata soio la Angelo te Uru sibitala tavu e Joseph tela matalovila oilo e Egipt Avei mago,
20
Eme hiti abi egira taume latu amuto goio la mautu la magasa e Israel, Egite ale veila bilile gilikiele pehoti."
21
E Joseph hiliti puli e giliki me tilala, me egite goilo la mautue Israel.
22
Alamoli la imala a lolo via e Arkelaus oio pou la pulou la uru oio e Juda eia abila mulile tamala e Herod, eia tagati via kati ge beua soio.Mulmuli te ale e Deo mera tageala Eia heletaro la gale la mautu e Galili.
23
Atuga goio mou oio la mautu uru la isala e Naseret. Ale puru muli la merera egite la propet veipalatia, viage tola leia e Nazarin.
Chapter 3
1
Oilo tela imala alele e John tela vuluhi gomai valolo oilo la kuepa le Juda a vei mago,
2
Emege vulo, La Kiingdom tela ilo lalage omai hagavitie,
3
Ale la tahalo ale e propet Aisaiah vevei eiao, A vei mago," La golu isa tatola oilo la la kuepa, 'amuto igo raragi la gauru te Uru,Igo matata la gaurula
4
La kairobo te Jon a igolula la Ivu la kamel me la kisi pou tetala eia la kulkuli la basi a kisi pou leia.La ilali tetal e komare me la magu
5
Goio e Jerusalem, egite Juda, me egite la gale mautula tomi ale polo galili la lalu e Jordan egite tomi gogala tetala.
6
E Jon vuhi egite oilo la lalu e Jordan me egite veipala la iriru tegiteu.
7
Ala moli la imala a hilo usu tegite praseo me sadusi gomai tetala viage eiage vuhi egite, A goio veia gite mago, "Amuto e latatu la pase ale kama kokora ,Amuto viage hele la hatemasi la te la Uru ale ge gomai?
8
Amuto ge vulo pala la vulovulo muto tio amuto ge viguvi la vavua muto ale tartigi.
9
La gabutala muto umala ge maraparapa veia e tubu mutou e Abraham, Eau vei selea mutou E Deo koramuli ge vigia soio tela uatati ge sibitala mae e tutubu le Abraham.
10
La tahalo uru tau lahati la pemu otalo la vuhu la obobu tomi, La obobu tomi ale viguvi la vavua gite ale kama tartigi ge tolo taroa ge pigia sotalo la havi.
11
Eau vuhi le amuto la lalu viage vimavulaha taro le amuto la iruru tamuto. Alamoli ale mulmuli taku la vagari la muga taku, Eau kama koramuli ge tuga hagavi soio tela balila, Eiage abia muto la kalulu maroka mela havi la.
12
La uru raragi ge hilovi la vulovulo gite la valua tomi, egiteu ale tartigi age puli egite soio la balila, alamoli egite ale kama kokora a ge pigi egite sotalo la havi ale karere la kaluvula ge ouka."
13
Goio e Isus guvi loio e Galili goio la lalu e Jordan via e Jon ge vuhi eia.
14
Alamoli e Jon veiage merataroa. a vei mago, " A kora muli emege vuhi eau, Eau kama kora muli ge vuhi emei,Alamoli eme gomai taku veiage vuhi omai taku,?
15
E Isus goio koli la merera te jon mago," korati,emege igoa mae ale eau veitiamu, Etala ge vipuru la masagala tela Uru ale eia veia eauge mulmuli la vulovulo tomi ale matata koramuli la igolu taku." E Jon loloa maele a goio tilimuli la masagala te Isus a gio vuhi eia.
16
E Jon goio vuhi e Isus kaluvu, Goio e Isus hiliti tuga soata, A goio taga soata , a hilo la mori kope, eia hilo la kalulu tahalo Uru a mae la malu la Uku a gotalo tetala,
17
Goio la golu la tahalo Uru tola loata la mori mago,"Ale e latugu la riau, Eau sagege pepeho leia."
Chapter 4
1
Goio la kalulu maroka abi e Isus soio la ba la kuepa viage e Satan ge tovoilai eia.
2
Tio e Isus peremu la logo savuluva ,a kama ali, eia kama liu,me eia vitolo sele.
3
Goio e Satan sibitala tavua me eia veiala mago,"Mae eme e latu le Deo sesele, Eme ge veia gite la uatati aleie ge vulo mae la bret."
4
Alamoli e Isus goio koliala mago, La buktabu veia la tahalo kamage mahuli moli la ilali la vovo,la valuage mahulila la merera tomi ale gali loilo la hare le Deo."'
5
Goio e Satan pulia soio e Jerusalem egira goio goata la varu la luma la lotu oata sele me egira magiri ovolao,
6
Tio e Satan goio veiala mago, Mae eme e latu le Deo sele, tartigi eme ge raga sotalo, La vuhula la buktabu a vei mae, La tahalo Uru ge baha taro egite la Angelo tetala ge sakoli sae moli me tela lima giteu, la vahamu kamage putua tela uati."'
7
Goio e Isus kolilou la vikarara tetala mago, la buktabu vei mae, Eme umala ge tovo lalai la Uru tame e Deo."'
8
Tio e Satan goio puli loua egira goata la gove isa la varula oata sele agoio turiala la mautula me la marasala tetala.
9
Agoio veiala mago, La papaga tomi aleie eau ge abiamu, mae eme ge tototulu otalo ge lotu tavu eau."
10
Alamoli e Isus veiala mago,"Satan emege hele taro eau, La vuhula la buktabu a vei mae,Amutoge lotu tavu moli la Uru eia e Deo,Amutoge togo moli eia sekela."
11
Tio E Satan goio hiliti taro e Isus, Mata soio egite la angelo gomai vitahoala.
12
Tio la imala e Isus lolo tia via egite sautola ti e Jon, Eia goio teterivu soio e Galili.
13
Eia goio heletaro e Naseret tuga goio mou oilo e kapernaum,Ale oio la parava le galili oilo te la ba te Zebulun me Naptali,
14
La papaga ale sibitala ge purumuli la merera ale e propet Aisaiah veitia,
15
La magasa le Zebulun me la magasa le Naptali, ale lagu solau la mago, te la gale le Jordan loio, me Galili tegite Gentael!
16
La valua me hatavila ale pou oilo la maligoma hilo ti la matagaga ale uru sele, me egite tai ale pou la gale la miau la pileho, oata tegite la matagaga porosileti."
17
Tela imala alele e Isus soko la valola me a vei mago, "Eme ge Vulo, La mautu la sagela te Deo omai hagavuiti,"
18
Eia goio tatuga la parava le Galili, A goio hilo e taume tari ilua, E saimon ale tolale Pita, me tabarala e Andrew, Egira oio pipigi la vuo solau la mago, Egira la tahalo la vilitila.
19
E Isus goio veia gira mago, "Amula gomai tilimuli eau, Me eau ge vimari le amula la ilapu la tahalo."
20
Oio moli vola egira piligi taro la vuo tegira me egira tilimuli e Isus.
21
E Isus tuga lou soio agoio hilo lou e taume tari ilua, E Jeims e latule Zebedi, me e tabarala e Jon. Egira oilo la vaga vikapopo me tamagira e Zebedi ubibi la vuo. A goio tola egira,
22
Oio moli vola egira sivo taro la vaga vikapopo me tama gira egira tilimuli e Isus.
23
E Isus polo galili tomi oilo e Galili,vimarimari e gite la valua oilo la luma la lotu tegite, Eia valolo la merera tela mautu tetala, Eia vimahuli egite la ilalea tomi oilo tela valua me hatavile,
24
La irere la goio tali tela mautula tomi oio e Siria, me egite la valua vahari tomiala egite la ilalea me la iligiligi tomi, me egite ale la kalulu kamakora oilo tegite, egite ale gulugulu, E Isus vimahuli tomi egite
25
La galela valua me hatavile ususele tilimuli eia loio e galili, egite Dikapolis, e Jerusalem, me Juda, meale loio e Jordan
Chapter 5
1
La imala e Isus hilo la valua me hatavile, A tie soata la olu gio pou otalo, tio egite la Disaipel tetala gomai tetala,
2
Eia goio kope la harela goio vimari egite a vei mago,
3
La vaibalavala a tela tahalo ale savelea oilo la tela kalulu,La mautu la sagegela a tetala.
4
La vibalavala a tegite ale ilo buruko La Uru ge siobu egite
5
La vibalavala ge tegite ale vagotalo egite,Egite ge taola tomi la mautula.
6
La vibalava la ge tegite ale vitolo ouka masaga tavu la vulovulo ale matata la Uru ge vivolu sele egite.
7
La vibalavala ge tegite ale volu mela gilogo,egitege sautola la gilogo.
8
La vibalavala a tegite ale la tia gite maroka me egitege hilo e Deo.
9
La vibalavala ge tegite ale viguvi la tia madila, ge toile gite e latatule Deo.
10
La vibalavala ge tegite ale egite igobara egite tela vulovulo ale matata, La mautu la sagela te Deo a tegite.
11
La vibalavala ge tame ale la valua mera bareamu magiri robome veiamu la merera ale kama kora vasigolo me la vigagiala la vuhula taku moli.
12
Eme ge sagege mela mogela, La mapamu ale uru sele oio raragi oio tela mautu la saggegela.Egite propet ale mahuli araura egite la valua igobara tai egite maele.
13
Eme la soli la mautu la magasa, Alamoli mae la soli alele la malamala ge kaluvu, Emege igo loua mave age malama lou? A katima koramuli isa la paga lou ge abi molia ge pigia soga la valalua ge tatoa oata vola.
14
Eme la matagaga tela mautula magasa, La mautu ale tabuli sae oata la gove akama kora muli ge tabuli kovu lou.
15
Mae tai la valalua ge vitagu la lam tegiteu egite kamage tau robo loua via la luma ge maligoma lou, egite ge uratili saea oata la agala ge matagaga tomi oilo la ilo la luma.
16
A tartigi pepeho via amuto ge pou mae la matagaga taku soio tegite la valua me hatavile me egitege hilo la vulovulo muto ale tartigi me egite ge vaisale e tamagatou ale oilo la ilo lalage.
17
Amuto umala gabutala via eau gomai ge igo bara la viturila tegite e propet. Eau kama gomai ge igo bara egite, ouka eau gomai ge vipuru egiteu.
18
Eau vei sele amutou mae la mori mela magasa ge kokovu, Alamoli la kilekesi isa kamage kokovu loio la viturila, Karamae la papaga tomi ge puru
19
Mae la tahalo isa polo la merera me eia vimari le gite la valua via egite tai ge poloa me eiage la tahalo bulahu moli oio tela la pulou la mautu la sageela.
20
Alamoli eau veia selea mutou maimoli la vulovulo mutou ale maroka kamage polo la vulovulo gite paraseo me skraeb ale maroka, Amuto kama karamuliage goilo la pulou la mautu la sagegela
21
"Eme lolo ti la merera la viturila ale vei tia gite araura la imala te tutubu gatou, 'Umala bilibili,' 'Ere tahalo bili eia ge magiri la tela ilapumatatala.'
22
Alamoli eau veia mutou mae egite tomi ale vaigo tolo vikapopo me tabara giteu ge magiri tela ilapu matatala; mae ere isa veiale tabarala mae, 'Eme la tahalo bulahu moli! emege magiri la matagite la gamala mautu; eme ere veia le isasa mae, 'Eme la maura!' emege gotalo la havi le hel.
23
Mae eme ere masagage gutu la viabila taume oata la Alta emege gabuta rivu muga soukage eme tahoka isa la iruru soio te tabaramu,
24
piligi muga la viabila taume oio tela bali la Alta, beua soio,mamuga emege vimatata eme soio te tabaramu, mulmuli goio gutu la viabila taume.
25
Igo hari tau matata eme soio te la gima taume la imala amula souka goiola vilapu matatala, souka ge la gima taume ge taume soio te la lima la tahalo la ilapu matatala, me eia souka ge abime soio te opisa me eiage taume soilo la luma la loka.
26
La seselela eau veamu, eme kama koramuli ge gali sogala karamae emege koli rivu tomi la wati ale eme makodoa.
27
Eme loloti la viturila veitia, amala ovo taro la tahalo me la tavile ale taulai.'
28
Alamoli eau ge veiamu latahalo tomi ale matavu la tavile me eia hateka tavua ale eia ovo tia oilo la hatela.
29
Mae la matamu e gata igo boru me, suba taroa pigia soio, A tartigi via la bautu la vomu isamoli ge kokovu kamage la vovomu tomi ge gotalo la havi bibila.
30
Mae la limamu e gata igo borume, valitaroa pigia soio a tartigi la bautu la vomu isamoli ge kokovu kamage la vomu tomi ge gotalo la havi bibila
31
La merera la buktabu veitia, 'Ere tahalo tou e rutula, Eia ge abiala la galau tela vipou ba la.'
32
Alamoli eau ge veiamu egite tomi ale tou e rutu gite, tela vulovulo la iriru ale igo eia la tavile la iruru sele, la tahalo ale ge puli loua mulmuli teale e haruala toua ale eia tai ruruti.
33
Oio lou vola, eme lolo ti la merera la viturila tela imala ale te tutubu gatou, 'Umala magirigri la selela tela vasi gologolola, magiri la selela oilo tela Uru.'
34
Alamoli eau ge viamu, umala magiri tela selela, kamage tela mautu la sagegela, ouka la pulou la uru te Deo.
35
ouka la mautula magasa, ouka la muli la magirigirila, ouka e Jerusalem, ouka la mautu te king ale uru.
36
Umala magiri la selela tela gamamu, Eme kama kora muli ge igo la ivumu ge kakea ouka parakurukuru.
37
Alamoli la merera taume ge ale 'Asele, me asele,' mae 'Ouka me a ouka.' La paga isa ge loata vola me alele a loio tela tahalo kama kokora.
38
Eme loloti la merera ale la viturila veitia, 'La mata a tela mata la togo a tela togo.'
39
Alamoli eau ge veiamu umala bahataro la tahalo la gima taume, maege a ge sabala la galemu e gata, vulo tai louala ale isalouo.
40
Mae isa ge tilimuli me soio la mata la ilapu matatala a goio abitaro leme la kairobo taume, akora tio age abiala.
41
Mae isage viamu ge tuga la ba ale malau isasa, tuga tomi leia ilua.
42
Viabi soio tegite ale kakame, me umala poke taro egite ale tatahi la kiloli loio taume.
43
Eme loloti la viturila veitia, 'Emege masaga e tabarabaramu gima la gima taume.,'
44
Alamoli eau ge veiamu, masaga la gima taume kaka tegite ale magiri robome,
45
La vuhula eme ge sibitala sele mae e latu le Deo ale oilo la mautu la saggegela. La matagagala ge paga mae la haro oata tegite ale kamakora me ale tartigi, me eia baha la hura soio tegite ale matata me egite ale kama matata.
46
Mae emege masaga moli egite ale masaga eme, la mapamu ge larova? Mave egite la tahalo la ilabi la takesi kama igo taia maele?
47
Mae eme ge kakatavu moli e tabarabaramu, me eme ge igo egite ale isahari mave? Mave egite e Gentael kama igo ntaia maio?
48
Ala emege magiri matata sele, mae moli e tamamuto ale oata la mautu la sagela eia matata sele.
Chapter 6
1
"Baumuli tigi eme soukage emege kali sasae me via eme matata sele tela mata gite la valua me hatavile, Igo tigi eme kamage abi la mapamu ale oio te tamagato ale oata la mautu la sagegela.
2
Mae eme viabi soio tegite ale pou la savelela, umala pusu la vaivai mae egite hipokrit igoa oilo la luma la lotu me la gauru, Viage la valua ge vei taho egiteu. Eau veiamu la selela , Egite abiti la mapa giteu.
3
Alamoli la imala eme pusu la vaivai,La limamu e meru umala ge rovi rovi la rova la limamu e gata igigoa
4
La vuhula eme ge viabi kovu moli. Tio e tamamu ale oata la muautu la sagela ge hiloa eiage koli rivuamu.
5
La imala eme ge igo la kilaka, Umala igo mae egite e hipokrit, Egite masaga ge magiri oilo la luma la lotu mela polo lilila gauru ge igo la kilaka viage la valua ge hilo egite.Eau veiamu la selela egite abiti la mapa giteu.
6
Alamoli emei, la imala eme ge igola kilaka,goilo la kapi utu.kapi la mata kaka soio te tamamu, ale pou kovu, Tio e tamamu ge hilo mei ale pou kovu age abiamu la rova eme kakea ovola.
7
La ima eme ge igo la kilaka, Umala vipolo galili la kilaka taume mae egite Gentael igoa, egite gabuta via la valua ge lolo la bautu la kilaka tegite ale usu peho
8
Ala, umala igigo mae egiteu, La vuhula e tamamu rovi la papaga tomi ale eme masagea mulmuli eme kaka eia ovola.
9
Ala emege kaka mae, Tamamite ale oata la mautu la sagegela, Amite ge togo la isamu ale maroka.
10
La mautu taume ge gomai, mela masagala taume ge sibitala omai la mautula magasa visauru mae ale oata la mautu la sagela taume.
11
Abia mite la bret te la logo isasa.
12
Lube la iriru la makodo tamite, Amite tai ge lube la tahalo ale makodo omai tamite.
13
Umala tau amite soilo la tovolaila, Emege utu lulu amite loio tela gima tamiteu.'
14
Mae emege lube la iriru tegite la valua me hatavila,E tamamu ale oilo la mautu la sagegela taige lube la iruru taume.
15
Mae eme kamage lube la iriru tegite, E tamamu tai kamage lube la iriru taume.
16
La imala eme ge peremu, uala lagu taitali mae egiteu e hipokrit igoa, Egite ge lagu bara ge sibitala la mata gite la valua via egite ge hilo egite ale peremu. Eau veiamu la selela, Egite abiti la mapa giteu.
17
Alamoli emei, La imala emege peremu, Abiri la gamamu la veli litu la lagumu
18
La vuhu egite la valua kamage hiloa mae eme peremu, Alamoli e tamamu ale oio pou kovu, me tamamu ale hilo mei ale pou kovu ge abiamu la papaga ale eme masagea.
19
Umala taukokovu la vuliti taume otalo la mautu la magasa,E komare ge alia ouka age ropo, ouka egite la tahalo la pakalila ge sae utu ge pakalia.
20
A tartigi eme ge taukovu la vuliti taume oilo la mautu la sagela, La ba ale akamage ropo la tahalo la pakalila kamage pakalia.
21
La ba ale mave la vuliti taume ge oio vola, me la hatemu tai ge oio volao.
22
La mata gato eia la lamu tela vovo gatou, Ala mae, la matamu ge tartigi, la vovomu tomi ge volu mela matagaga.
23
Mae la matamu ge kamakora, Me la vovomu tomi ge oilo la maligoma. Ala, mae la matagaga ale oilo taume ge maligoma, ale la maligoma ale ge uru sele.
24
La tahalo isa kama koramuli ge mou lotalo la mulugaluga ilua, Age tou isa me eiage masaga isasa,me eia taige roromuli moli isa isage ouka. Eme kama kora muli ge roromuli e Deo mela wati
25
Ala eau ge veiamu, Umala emege ilo buruko tela mahulila taume, Tela rova emege alia me la rova emege liua, Ouka tela vovomu, te la rova emege kairobole mei. La mahuli gatou eia muga la ilali, me la vovogatou muga la kairobo?
26
Hilo la malumalu la mori, egite kama galugalu la ilali me egite kama vahari ololu la ilali, E tamamu ale oata la mautu la sagegela valvali egite. Mave eme kama loata tavua giteu?
27
Ere tamuto dodo mulmuli la malaula mahulila tetala?
28
Ilava la gabutalamu ge vagari moli tela kairobo tela vovo? Gabutala mulia la viroviro ale kusi oio la mahuma, Egite kusi mave. Egite kama igogolu, Egite kama ubibi la kai robo tegiteu,
29
Soloio eau ge veiamu, La marasala te solomon akama kairobo mae isa tegite aleie
30
Mae e Deo vikairobo egiteu la gala masisi oilo la mahuma, ale mahuli igoe galgeli ge pigia soio la havi, Eia ge vikairobo lou me mave, La tautaulailo taume bisi sele?
31
Ala umala gabutala papahi me la tilahi, Eauge ali larova?' ouka eau ge liu la rova?' ouka la kairobo ale mave eauge kaia?'
32
Egite Gentael moli pamuli egite la papaga aleie, me e tamamu ale oilo la ilo lalage rovia mae eme masaga la papaga alele.
33
Pamuli pala la mautu la sagegela mela vulovulola ale matata, me la papaga tomi ale ge abiamu.
34
Ala umala gabutala papahi teale galgeli, Ale galgeli ge gabutala lou eia. La logologo tomi isasa tahoka ale kama kora tetala lou.
Chapter 7
1
Ala umala tau matatea, soukage egite ge tau matata mei.
2
Teale moli eme tau matatea ,Eme taige tau matatamei, Me la urula ale eme abiasoio, me ale moliele ge abia soio taume.
3
La vuhula ilava eme matatavu la paga ale tabuli robo la mata le tabaramu, Ala moli eme lou kama koramuli ge hilo la bautu la obu ale tabuli robo la matamu?
4
Eme kama kora muli ge veiale tabaramu mae, Eauge abitaro la bautu la obu ale tabuli robo la matamu,' alamoli taume tai la bautu la obu oio tabuli roboa?
5
Amuto hipokrit! Amutoge abitaro mamuga la bautu la obu ale oio la mata mutou, La vuhula la matamu ge matagaga, Tio amuto ge abitaro la bautu la obu ale oio la matale tabaramutou.
6
Eme umala ababia la paia la paga ale maroka, Umala pipigi la vuliti taume soio tela bolobolo, Egite souka ge soha kurua, Me egite ge sile momo emei
7
Emege tahi, me eiage abiamu, Emege pamulia emege pogea. Emege tutu la mata me eiage kopeamu la mata.
8
Egite tomi ale ge tahi, egitege abia.Egite tomi alege pamulia, egitege pogea, La tahalo alege tutu, eiage kopeala la mata ,
9
Ere isa tamuto, mae e latula ge tahi eia la bret, agio ge abiala la uati?
10
Ouka mae e latula ge tahia e laia, me eiage abiala la pase?
11
Ala, mae eme ale kama rovi e Deo eme rovi la viabila ale tartigi soio te latatumu, E tamamu ale oilo la mautu la sagela eia muga e tato tomi la viabila soio tegite ale ge kaka eia?
12
Ala, la papaga tomi ale eme masaga via egite la valua ge igoamu, Emege igo tomi egite, Ale la viturila me egite e propet.
13
Tiroro soilo la mata ale bisi.La mata ale uru me la gauru ale kope age goio la ba ale kama kora, La valua me hataville usu sele hari mulimulia.
14
Alamoli la gauru ale bisi a tivura age goio la matu la mahulila, Egite kama usu mata papogea
15
Amutoge matarara tegite e propet la vasigolo gologolo la, Egite ge gomai taume vikapopo mela kairobo tela sipsip, Alamoli la selela egite mae la vulp.
16
Alamoli eme ge rovi egite tela vavua giteu. mave egite la valua pigi ololu la greip oilo te dae, ouka la fig oio te la gileu?
17
Me oilo tela gauru alele, la obu tomi ale tartigi ge vua la vavuala ale tartigi, me la obu ale kamakora age vua la vavuala kamage tartigi.
18
La obu ale tartigi kama koramuli ge viguvi la vavua la obu ale kamakora, Oio tai la obu ale kama kora kama kora muli ge viguvi la vavua la ale tartigi.
19
Egite la obobu tomi ale kama vua la vavuala ale tartigi ge tolo taroa ge pigia sotalo la havi.
20
Oio vola, emege rovi la obu tala vavuala moli ele.
21
Kama egite tomi ale veveiagu,' La uru, La uru,' via egita ge tiroro soilo la mautu la sagegela, ouka egite moli ale tilimuli la masagala te tete ale oilo la ilo lalage.
22
La valua me hatavile usu ge veiagu oilo tela logo al ele, Uru mave amite kama veipala la merera la veilahala oilo la isamu, Oilo la isamu amite kumuli taro la kalulu kama kora,me oilo la vagari la isamu a viguvi usu la papa ale urusele?
23
Eauge veipala selea gite mae, Eau kama rovi emei! hele lomai taku, eme la tahalo la iligo la irirru.
24
"Tio, Egite tomi ale lolo la merera tegaku me egite tilimulia egite ge mae la tahalo la mari ale tigi la luma tetala oata la uati.
25
La hura pu, La silali sali somai, La kalivuru vai tubu oata la luma le, Alamoli akama tavuvu, la vuhula a magiri oata la uati.
26
Alamoli la tahalo ale lolo la merera taku a kama tilimulia age mae la tahalo ale molo a tigi la luma tetala oio tela magasa la mago,
27
La hura pu, La silali sali, La kalivuru vai tubu la luma le, me atagoro, la tikumula vikaluvu tomia.
28
Tio e Isus goio vagogala la merera alele kaluvu, La valua me hatavile karutu sele la vimarila tetala,
29
A vimari egite mae la tahalo ale eia la mulugaluga. Eia kama mae egite skraeb tegiteu.
Chapter 8
1
La imala e Isus purusu loata la gove gotalo,La valua me hatavile usu sele tilimulia.
2
Mata soio la tahalo isa e vovori tubu tetala gomai tototulu tela la lagula,A vei mago, "Uru, mae eme masaga selea, Emege vai maramara eau."
3
E Isus goio vituri la limala sogala goio pilau eia, Agoio veila mago, Eau masagea, La vomu ge matagaga, Oio moli vola e vovori kaluvu la vovola malmali lou.
4
E Isus veiala mago,' La rova eme hilo tia eme umala veila tahalo isasa. Eme tuga matata moli goio vahililo le gite paraseo emei, viabila la viabila ale la viturila te moses veitia, age veipalaea soio tegite.
5
La imala eia tatuga ge goilo e Kapernaum,La mulugaluga tegite ami le Rom gomai tetala, tahi suku tia
6
A veiala mago,"Uru, La tahalo la igolula taku a gulugulu mela iligiligi ale urusele a oio la luma mavuta,"
7
Goio e Isus veiala mago, Eau gomaige vimahuli eia,"
8
La mulugaluga tegite ami veiala mago, Uru,Eau kama la tahalo ale tartigi via emege gotalo la uluvagu.Emege vei moli la merera la tahalo la igolu taku ge mahuli.
9
Me eau tai la tahalo ale pou lotalo la uluva gi te la mulugaluga,Eau tahoka tai egite Ami ale pou lotalo taku oio,Eauge veiala ale isa ge goio age tuga,Mae eau ge veiala ale isage gomai,a ge gomai,oio tai la tahalo la igolu taku, igo ale eiage igoa."
10
La miala e Isus loloa maele, a karutu sele a goio veiagite ale hari mulimuli eia mae,"La selela eau veia mutou, Eau kama mata poga isa la tautaulailo ale mae oilo e Israel.
11
Eau veiamu la selela, Usu ge hiliti loio la porosile la matala haro me la pasoru la matala haro, Egite ge pou tela pulou la ilali vikapopo me Abraham, Aisak, me Jakob oilo la mautu la sagegela.
12
Me egite e latatau la mautu sele ge pigi egite sogala la maligoma, La ba la tilali mela togo gite ge koro magege.
13
E Isus veia la mulugaluga tegite Ami,Tuga! tela tautaulailo taume le, Age sibitala sele soio tau me, La tahalo la igolu mahuli sele tela imala alele.
14
La imala e Isus goilo la luma te Pita, eia hilo e loale Pita oio mavuta eia lea.
15
E Isus pilau la limala, la ilea hele taro eia. A goio hiliti oata sokola baumuli le Isus.
16
Goio la pga maulavi, Egite la valua puliale Isus usu egite ale la hitu mou oilo tegite.Eia basimuli taro egite la kalulu kamakora tela merera A goio vimahuli egite ale lalea.
17
Alele sibitala vipuru muli la merera ale e propet Aisaia veitia,A vei mago,Eia bole la ilalea me la tikumula tegatou tomi."
18
Tio la imala e Isus hilo egite la vala pou galiti eia, A goio veia gite la merera via egite ge hele taro la ba alele ge goio la galela mago le Galili loio.
19
Goio e Skraeb isa gomai tetala a veiala mago,Tahalo la vimari, Eau ge tilimuli eme tela baba tomi ale eme ge govola."
20
E Isus veiala mago, E burekireki tahoka la hova gite oio, me egite la malulmalu la mori tahoka la loa gite oio, Alamoli e latu la tahalo kama tahoka la ba ale eiage tau la gamala ovola."
21
E Disaipel tetala isa vei taila mago, Uru, Eau goio ge ulai muga e tete,"
22
Alamoli e Isus veiala mago, " tilimuli eau kora egite ale pepeho ge ulai rivu lou egite ale peho."
23
La imala e Isus sae soilo la uaga, Egite la Disaipel tetala tilimulia goio sae tai.
24
Mata soio la mago hiliti, Hagavi la mago ge pigirobo la uaga Alamoli e Isus oio mavuta.
25
Egite la Disaipel gomai tetala goio paloa, egite vei mago, "utululu amite, amite ga pepeho tie!"
26
E Isus goio veia giteu mago, ''amuto tataga larova, La tautaulailo tamuto bisi sele ia?" Eia goio hiliti oata bahataro la lovi mela mago. Goio la mago malilo tio.
27
La tahalo isa mamali tia a goio vei mago, Ale erese la tahalo sele maleie, La lolovi mela mago loloto eia?"
28
La imala e Isus gomai la gale la mautu e Gadarenes, La tahalo ilua la hitu mou oilo tegira egira goio poga eia. Egira galiti loio la liba me egira tau sele la lagu gira. egite ale polopolo la gauru alele isa kama koramuli ge polo.
29
Mata soio egira talitio me egira vei mago, ''Amite igo larova taume, Latu le Deo? Eme gomai tige igo bara amite, La imala souka gomai?"
30
Tio la bigomu la bolobolo isa egite valivalia, hagavi moli soio tala ba alele.
31
Egite la hititu vei sukuale Isus Mago, Mae emege bahataro amiteu, Bahataro amite soio tela bigomu la bolobolo."
32
E Isus veitia giteuo,"tuga!"Egite la hititu gali sogala goio goilo tela bolobolo,'Mata soio, La bolobolo hari sotalo la balautu me egite sele molia soilo la mago egite peho oilo la mago.
33
Egite ale valvali la bolobolo hele tio egite selemolia soilo la siti veitia gite la papaga tomi ale sibitalale, Ale uru sele te la tahalo ale la hititu mou oilo tetala.
34
Matasoio egite tomi ale oilo la siti gogala tige vipoga me Isus. La imala egite hilo eia, Egite totosuku ti eia ge hele taro la ba tegiteu ele.
Chapter 9
1
E Isus sae soilo la uaga, A vore utu soio, A goio guvi oio la siti tetala.
2
Mata soio egite vahari tiala la tahalo ale gulugulu a mavuta tela mulila. A hilo ti la tautaulailo tegite,E Isus goio veiale gulugulue le, "Latugu, Emege sagage. Eau lube ti la iriru taume eme maramara ti."
3
Mata soio egite skraeb isahari vei loua kabili tegiteu, "La tahalo aleie a mera barabara."
4
E Isus rovi tila gabutala giteu a vei mago,"Ilava la gabuta ale kama kora tabuli oilo la hate mutou?
5
A kama tivura, ge veimoliala,Eme maramara ti loio la iriru taume,'Ouka ge veimoliala,hilti emege tuga?
6
La vuhula emege rovia mae e latu la tahalo tahoka la vagari otalo la mautu la magasa ge lube la iriru taume,..."A goio veiale gulugulu le,"hiliti oata, abi la mulimu, Eme goio la luma taume,"
7
Goio la tahalole hiliti tuga goio la luma tetala.
8
La imala la vala hiloa maele,egite karutu me egite visale e Deo,Ale abiagite la valua me hatavile la vagari.
9
Tio e Isus goio tetepolo oio la ba alele,A goi hilo e Metiu popou oilo la kale la ilabi la takesi.A goio veiala, "Tilimuli eau."A goio hiliti tilimuli eia.
10
La imala e Isus pouti oilo la luma ge ali,Mata soio egite la valua la ilabi la takesi me egite la valua la iriru gomai ge ali vikapopo me Isus me egita la Disaipel.
11
La imala egite parasio hiloa maele, Egite goio veia gite la Disaipel tetala mago, "Ilava la tahalo ale himarimari amuto ali vikapopo me egite la valua la ilabi la takesi me egite la valua la iriru?"
12
La ima e Isus lolotia maele, A vei mago,La valua me hatavile ale tartigi kamage goio te Dokta, Egite moli ale lalea.
13
Eme goio ge vimari lou la masova la merera aleie. Eau masaga la gilogo la viabila ouka,' Eau kama gomai tegite ale matata ge vulo, ouka egite la valua la iriru ge vulo."
14
Goio egite la Disaipel te Jon gomai tetala goio veiala, "Ilava amite me egite parasio peremuremu, me egite la Disaipel teume ouka?
15
E Isus veia gite mago, koramuli la tavile la taulaila ge ilo buruko mae e haruala solio ge vikapopo me giteu? La imala ge gomai la tahalo la taulaila ge tuga taro egite, tio egitege peremu.
16
La tahalo isa kama koramuli ge abi la kulkuli ale halaba ge vitau tomi ale mumugu,Ale mumugu ge masile, me age masile uru bara sesele
17
Me oio tai egite la valua kama koramuli ge sigili la Waen ale halaba soilo la mulila ale mumugu ti,Egite ge igoa maele age mapola ge pagele tomi la mulila ge kama kora, Tartigi egite ge tau la waen soilo la mulila ale halaba la vuhula egira tomi ge tabuli."
18
La imala e Isus veveia gite la papaga alele,Mata soio,La mulugaluga tegite Ami gomai tototulu te la lagula.Eia vei mago, " La sobe tegaku solo pepeho molie, Eme gomai ge tau la limamu oata tetala, me age mahuli lou."
19
Goio e Isus hiliti tilimulia,Egite la Disaipel tetala tai tilimulia
20
Mata soio la tavile isa tahoka la tikumula tela kasoso la leavala savulusa gete lua gomai tilimuli ti e Isus agoio pilau la gilisu la kairobo tetala.
21
Eia vei loua oilo tetala mago," maemoli eau ge pilau la kairobo tetala, eau ge tartigi lou.
22
"Alamoli e Isus vulo rivu a goio hiloa, a vei mago, La tugu,Eme ge vagari, la tautaulailo taume vi mahuli ti eme,"La tavile mahuli moli tela imala alele.
23
La imala e Isus goio ti la luma te opisa le, Eia hilo isa la tahalo ale vavai e vigogo la valua usu igo galolo.
24
Eia vei mago," Amuto tuga, La sobe le kama peho,Ale eia mavuta moli."Egite goio lege vaia me egite igo palilia.
25
La imala egite la valua me hatavile tomi pou ti ogala,Eia goilo la kapi utu goio sautola la limala, La tavile bisiele goio hiliti oata.
26
La irerela taliti soio la mautula tomi.
27
Goio e Isus tetepolo te la ba alele,La tahalo ilua matakea tilimulia,Egira goio tola suku tia veveiala mago," Eme ge gogo amila, Latule Devit!"
28
Goio e Isus goilo la luma, La tahalo ale matakea gomai tetala.E Isus veitia giteu o."Amuto tautaulailo via eau karamuli ge igo aleie?" Me egite veiala mago,"asele uru."
29
Goio e Isus pilau la mata gira me eia veia gira mago,"Age sibitala soio taume tilimuli la tautaulailo taume,'
30
La mata gira kope tio.Goio e Isus vei vagaria gira mago,"Amula ge hiloa mae isa kama rovi la paga aleie."
31
Alamoli la tahalo ilua tuga goio veitomia gite la merera bubura oio la mautula.
32
La imala ale la tahalo ilua tatuga moli,la tahalo isa kama meramera la kalulu kamakora oilo tetala ,egite vaharia soio te Isus.
33
Goio la imala ale la kalulu kama kora hele taroa,la tahalo ale kama meramera eia goio mera lou.La tete la valalua me hatavile karutu sele goio egite vei mago,''La paga ale maie palati kama hililoa oilo e Israel!''
34
Alamoli egite e Parasio vei mago,''Ale tela vagari la mulugaluga te gite la kalulu ale kama kora kora,male eia bahataro egite la kalulu ale kama korakorale.''
35
E Isus tuga goio tomi la siti me la mautula. Eia solo la vimari gite oilo la luma la lotu,Eia valolo la merera la mautu la sagegela me eia vimahuli tomi egite la ilalea pahi.
36
La imala eia hilo la valua me hatavile,eia gogo sele egite, La vuhula la tia gite marapa me la ilo gite buruko sele. Egite mae la sipsip ale la tahalo la vibaumuli gite ouka.
37
Eia goio veia gite la Disaipel, "La mahuma ale ge lukua usu peho,Alamoli la valua la igolu kama usu.
38
Ala igohariari kaka soio tela uru eia e tamala mahuma la ilukuluku."
Chapter 10
1
E Isus goio tola vikapopo egiteu la valua la vimari tetala ale savulusa gete lua,Agoio abia giteu la vagagarila loata tegite la kalulu ale kama korakora,via egite ge kumuli taro egite,me egite ge vimahuli egite la ilalea tomi.
2
Ale la isa gite la valua la vimari ale savulu lua gete lua.la muluga la e Pita,la isala kovula e Saimon,e Andru me tabarala e Jems e latule e Jebedi me joanes e tabarala.
3
E Pilip,me Batolom,e Tomas ,e Metiu la tahalo la ilabi la takesi,E Jems e latula e alpaes,me Tadius,
4
E Saimon te Jelot vikapopo me Judas Isikariot ale tutugolo e Isus.
5
Egite ale savulusa gete lua e Isus baha egite sogala.A veimulia giteu mago,"Amuto umala goio tegiteu ale kama e tau juda mou ovola,Oio tai umala goililo la mautu tegite e Samaria.
6
Amuto ge goio la luma tegite Israel ale kokovuti mae la sipsip.
7
Mae eme ge goio,emege valolo veia gite mae,La mautu la sagegela gomai hagavi ti.'
8
Vimahuli e gite ale lea,vailiti e gite ale pehoti,rauvei e gite ale sereka,kumuli taro egite la kalulu ale kama korakora.Eme abi bulahu molia oiovola emege abi bulahu tai molia giteu.
9
Amutou umala ababi isa la uati oilo la palo.
10
Amuto umala ababi isa la palo tela tuluga tamutou,la kairobola,la vahapolo,la toho tai.La tahalo la igolu ge ali la ilali la igolula tetala
11
La siti ouka la mautu ale mave eme ge goilo vola,matamulia ere oilo vola tartigiamu,Pou la ba alele karamae emege hiliti polo lou,
12
La imala emege goilo la luma, emege vei taho eia.
13
Mae la luma ge tartigiamu,La tia madila taume ge loata la luma alele, Mae akama tartigi,Kora la tia madila taumege beua soio taume.
14
Mae egite ale kama kaka tavu eme ouka mae egite kama lolo la merera taume,La imala emege heletaro la luma ouka la siti alele,Soroi taro la magasa la ilopulimu.
15
Eau veiamu la seselela,age eia moli tela magasa la mautu e Sodom me Gomora oilo te la logola ilapu matatala te la siti.
16
''Hiloa,Eau baha amuto mae la sip kabili te gite la vulv,ala amuto ge mari mae la papase,me amuto ge vitaumetabara taho mae la kurukuru.
17
Matarara tavu tegite la valalua !Egite ge tau amuto soata la lima gite kaunsel,me egite ge kue bara sele amuto oilo tomi la sinagog ale egite tahokea.
18
Goio egite ge vahari amuto soio tegite la mulugaluga te gite vikapopo me egite king tegite lavula taku moli,ala age mae la merera la veipalala soio tegite me egite Gentael.
19
La imamala ale egite ge bahataro amuto, umala gabutala papahi amuto ge veia mave uka amuto ge vei lava,lavula larova amuto ge veia ge abia muto te la imala alele.
20
La vuhula kama eme ge mera, ala moli la kalulu le tamamuto ge mera oilo tamuto.
21
E tabaramu lou ge sugutaro amuto soio la pileho, me tama taige igoa le latu tai. E latatu ge hilititavu e tatama gite me tatila gite ge tau egite soio la pileho.
22
Egite la valua me hatavivile ge mukupile amuto te la isagu. Ala moli ere ge magiri vagari kara la tapasila, la tahalo alele ge mahuli.
23
Mae egite ge igo malago amuto oilo la siti aleie,hele polo, la vuhula eau vei sele amutou, amuto ka ge polo soilo la siti le israel mulmuli e Latu la Tahalo ge gomai.
24
"E disaipel ka loata te la tahalo la vimari tetala, ''o'' la tahalo la igogolu loata te la mulugaluga tetala,
25
A karamuli tai la disaipel ge mae la tahalo la vimari tetala, mela tahalo la igolu mae la mulugaluga tetala.Mae egite tola ti le tao la luma e Belsebul, age lagu geru sele te laisaisa ale egite ge toi le egite tao la luma!
26
Ala umala tataga egite, la vuhula la paga isa kama tabuli kokovu vaia kama ge pala, me la paga isa kama ale tabuli kokovu via etato kama ge rovia.
27
Larova Eau veiamu oilo la maligoma, veia tela haro, larova eme lolo malmalua la gavusam, veia oata la varu la lumaluma.
28
Umala tataga egite ale ge bili la vovo ala moli kama karamuli ge bili la kalulu. Alamoli eme ge taga la tahalo ale karamuli ge bili la kalulu me la vovo oilo la mautu la iligligi.
29
Karamuli la malu ilua ge bahala la uati isa moli?Alamoli isa tegira kama karamuli ge paru via eTamamuto kama ge rovia
30
Ala la ivu la gamamuto tomi la giligi oio vola.
31
Umala tataga.Eme isapolo sele loata te la malumalu ale usu.
32
Ala egite ale veipala la eau tela mata la valua, Me eau tai ge veipala eia tala mata le tete oio la mautu la sagegela.
33
Alamoli egite ale tahitaro eau te la mata gite la valua, Eau taige tahitaro tai eia te la mata le tete ale oiolo la mautu la sagegela.
34
"Umala gabutala via eau gomai ge vahari la tia madila otalo la mautu la magasa.Eau kama gomai ge vahari la tia madila, ouka la viso.
35
Eau gomai ge vimagiri la tahalo ge tolosogi e tamala,La sobe ge tolosogi e tilala, La tavile ale taulai ge tolosogi e uala.
36
La gima taume kamage lobali age oilo moli la luma lou.
37
Eme erese la tahalo masaga sesele e tamamu me tilamu loata taku eme kama gabu tikumu eau,Eme ere isa masaga pepeho e latumu ale hatamale me ale hatavile eme kama gabu tikumu eau.
38
Mae eme kama bole la tauvalutu taume ge tili muli eau eme kama gabu tikumu eau.
39
Mae eme ere pamuli moli la papaga ale koramuli la mahulila tetala emege galo,Ala moli eme ere tau la mahulimu oilo tela masagala taku emege poga ale taritigi.
40
La tahalo ale kakatavu me ale eia kaka tavu tai eau, eme ere kaka tavu eau,ale eme kakatavu tai la tahalo ale baha eau.
41
La tahalo ale kaka tavu e propet la vuhula eia e propet eia ge abila viabila te propet, Eme ale kaka tavu la tahalo ale magiri matata la vuhula eia matata eme ge abi la viabila tela tahalo ale matata.
42
Chapter 11
1
Goio e Isus veimulia gite la disaipel tetala kaluvu,A hele taro la ba alele goio ge valolo ge vimari oilo tela siti usu,
2
Ala la imamala ale e Jon lolo lapapaga ale e Isus igoa oilo la luma la kilisi,eia baha egite la disaipel tetala goio ge rovi tigia ge tahi laia
3
me egite veiala mae,''Eme moli male ge beua somai,uka amite ge mata polo isasa?''
4
E Isus kolia veia gite mago,''Goio veipalaea le Jon la rova amuto hiloa me la rova amuto loloa.
5
E gite ale matakea matati,e gite ale gulugulu tatugati,e gite ale sereka la vovo gite tartigiti,e gite ale la gavusa gite vou lolo ti,e gite ale pehoti mahuli rivu,me egite ale pou la savele lolo la merera te uru.
6
La vibalavala te la tahalo ale lolo la merera taku me la tiala kama tikumu la.''
7
La imamala ale egite la valua tatuga pa ti,E Isus goio veveia gite la valalua me hatavile e Jon,''Amuto gogala la kuepa via ge hilo lava- la viroviro ale la lolovi vai vulovuloa?
8
Ala moli amuto gogala via ge hilo lava -la tahalo ale kairobola la kairobo ale mauave?La selela egite ale kai la kilai ale mauave ge mou oio la luma te king.
9
Ala moli amuto gogala ge hilo lava-la propet? Meie,eau veia mutou,la papaga usu sele loata te propet.
10
Ale la tahalo moli ale la merera veia mae,'Hiloa,Eau baha la bilaha taku lolagu la lagumuto, viage ragi la gaurumu lolagu taume.'
11
Eau vei sele amutou,kabili tegite ale e tila gite taposa egite isa kama mae Jon tela vuhi.Soloio la tahalo ale vagotalo eia oilo te la kingdom te Uru a loata tetala.
12
Loio tela logologo te Jon la tela vuluhi kara igoie,la kingdom le heven goilo sele la tukumula ale uru, me egite la valalua ale gabu la iligiligi ale uru abila la vagargarila oilo tela tuhaka la tegite.
13
Egite la propet tomi me la viturila veilaha kara te Jon,
14
Me mae eme masaga tavua,Eia moli e Elaija male ge gomai.
15
Ere tahoka la gavusa ale lolo,age lolo.
16
Eau ge vitoko la hili la valalua aleie soio te la rova?Soge a mai egite giliki bisisi ale lege balala oio laba la bilaha la ilalali,egite popou tatola soio te gite isasa
17
Egite vei mae,'Amite vaiamu e vigogo, Eme kama tilia.la imala amite ilo buruko, me eme kama tali.'
18
E jon vimuga somai a kama alali la bret a kama liu tai la vaen, 'Egite via la hitu oilo tetala.'
19
E latau la tahalo gomai a alali liliu egite veimago,hiloa , Eia la tahalo la ialali me la iliu, e tabara giteu la tahalo la ilabi la takes me giteu la valua la iriru!" Alamoli la vulovulola taupala la mari ale tartigi."
20
Goio e Isus soko la bahataro le gite la Citi ale kama hilo matagaga la vagari la igolu tetala,la vuhula egite kama vulo la gabutala tegite.
21
"E maura mite,korosin! E maura mite , Betsaida! Maege la vagari le Deo ale guvi oilo tamutoue,age guvi oio e Taea me Sidon,Egite ge vuloti pala, mela kairobola buburo.
22
Ala moli age isapolo sele tegite Taea me Sidon tela logola la ilapumatatala loio tamuto.
23
Eme,kapernaum, Eme gabu tala via ge vagoata me tela mori? Ouka,Eauge taume sotalo la lulu la kaluvula ouka.Mae la vagari le Deo ale sibitala oio e Sodom ge mae ale sibitala ti omae taume, A soloio ge tabuli kara igoe.
24
Alamoli eau veiam a kamage tivura te la mautu e Sodom tela logo la ilapu matatala loio taume."
25
Te la imala alele e Isus vei mago ,Eau visale eme,tete, eme e suara la mori mela magasa, La vuhula eme taukovu le gite ale mari me la gabutala ale tartigi la papaga aleie, Eme tau palaea giteu ale kama tahoka la mari mae egite giliki bisisi.
26
Meie,tete, te ale a marasa tela milatalata taume.
27
La papaga tomi e tete piligi tomitiagu,'Isa kama rovi e latu la tahalo,e tete moli rovia, Isa kama rovi e tete, E latula moli rovia,E latu la tahalo moli ge hilovi la tahalo ale ge taupala eia.
28
Gomai taku, amuto ale igolu mela tabule ale tikumu, Eau ge abia muto la mailala.
29
La tabule taku eme ge bolea tahobo somai taku, Eau vagotalo eau la hategu otalo sele,Emege poga la mailala tela kalulumu
30
La tabule taku kama tivura mela tikumula taku a mavulaga moli."
Chapter 12
1
Tela logo la ivitula, e Isus tuga oilo la mahuma la wit, me egiteu la disaipel tetala vitolole, egite goio putu isahari la wit egite alia .
2
La imamala egite paraseo hilo tia meale, Egite goio veia le Isus , "hiloa , ilava egite la disaipel taume polo pepe la viturila te lalogo la vitula."
3
Ala moli e Isus goio veia gite mago," amuto soukato gigi la rova e Devit igoa vikapopo me egiteu ale pou tomi leia la imamala eia vitolo ?
4
Eia goilo la luma te Deo, Egite ali la bret tabu, ale kama koramuli la tahalo bulahu moli ge alia, La bret alele egite moli e pris ge alalia.
5
Eme souka gigi oilo tela viturila, mae oilo tela logo vitula, egiteu e pris oilo tela luma la lotu polopepe la viturila te la logo la ivitula, ala moli egite kama ruru?
6
Ala moli eau ge veia mutou mae isasa oio uru tavua la luma la lotu,eia omaie.
7
Mae eme ge rovi la vuhu la merera aleie,Eeau masaga la gilogo kamatilou la vabila, Eme kama karamuli ge,vimagiri egiteu ale kama tahoka la iruru, oio tela ilapu matatala.
8
La vuhula e latu la tahalo, eia uru sesele loata tela logo la ivitula."
9
Mulmuli e Isus heletaro la ba alele eia goilo tela luma la lotu tegiteu e Juda.
10
Oio tela ba alele, la tahalo isasa la lima la kama kokora eia oio popou. Egiteu e paraseo goio tahi e Isus, "A taritigi moli mae ge vimahuli la tahalo ale lea tela logo la ivitula? Egite tahi goloa viage ubi leia la merera veia eia igola iriru.
11
E Isus veia giteu mago, "Maege la tahalo isa kabili tamuto tahoka moli isa la sipsip, Mae tela logo la ivitula la sipsip ele boru sotalo la luluhau, Mave eia kama koramuli ge koli la sipsip ele?
12
La tahalo, eia loata tavua la sipsip, eala eia tartigi ge vimahuli eia tela logo la ivitu la.
13
Goio e Isus veia la tahalole mago, "Lapumata la limamu ele sogala." me eia igoa mae ale e Isus veiala, la limala tartigi rivu mae te la limala ale isasa malmalio.
14
Ala moli egiteu e paraseo gogala, pamuli isahari la gauru ale mave egitege bili eia.
15
E Isus roviti la gabutatala tegiteu, Eia goio heletaro la ba alele .La valua me hatavile usu sesele tilimulia, eia vimahuli tomi egite loio tela ilea tegiteu.
16
Eia vikara vagari tegiteu, veia egite umala ge veveia gite la valua me hatavile polo mae eia ere.
17
La vuhula eia ge guvisesele, mae ale e propet Asaia veitia.
18
"Hiloa, la tahalola igoglula tegaku, ale eau hilovi tia, ale isa moli eau masaga sesele eia ,eau isu seselea oilo la hategu mela gabutalagu, Eau ge tau la kalulu gu oilo tetala, me eiage veipala la vulovulo ale matata, soio tegiteu ale kama loio e Juda.
19
Eia kama koramuli ge koli la merera,Tali kahare oata, ouka isage lolola golula oilo tela gaururu papahi.
20
Eia kama karamuli ge putu loto e tubu la viroviro,Eia kama koramuli ge igo mate la matagaga ale kama maga tigi, Eia ge igogolu karamae la vulovulo ale matata ge pepe sesele.
21
me oilo tela isala, egite la valaua me hatavivile ale kama loio e Juda, egite ge tautaulailo."
22
Goio egte puli isa la tahalo, la matala mela harela kapi soio te Isus, eia vimahuli la tahalole, la mata la mela hare la kope rivulou,
23
Egite la tete la valua me hatavile karutu sesele me egite vei mago, Ale erese la tahalo, "soioge e latule Devit ia?"
24
Tio la imamala egite e paraseo lolo la vigile mulila tela merakulo,Egite vei mago, "La tahalole bahataro egite la kalulu kama korakora tela vagarigari le Belsebul, La mulugaluga tegite la hituhitu.
25
Ala moli e Isus roviti la gabutalala tegiteu,eia goio vei mago,Egite la maututula tomi ale vilele lalua,egitege kama kora sele,Egite tomi la mautu mela luma ale ururu mapola lalua,egite kama koramuliage magiri vagari.
26
Maege e Satan ge bahataro e Satan,Eia vilele lua tilou eiale,La mautu tetala ge magiri vagari mave?
27
Mae eau ge bahataro la kalulu kama kokora tela vagarigari le Belsebul,Me egite latatu muto bahataro egite la kalulu kama korakora te la vagrigari le ere? Te la vuhula moli alele egitege sibitala mae e Jas tamuto.
28
Ala moli mae eua ge bahataro la kalulu kama korakora te la kalulu le Deo, Me alele la kingdom te Deo gomaiti loata taumele.
29
Mave la tahalo la pakalila koramuliage,goilo tela luma tela tahalo ale vagari isasa ge pakali la papaga tetala?Eiage kisi tola muga la limala mela vaha la mulmuli eiage pakali la papaga oilo tela lumale.
30
Mae la tahalo isa kama vikapopo me eau,Tiele eia la gima tegaku, Mae latahalo isa kama vikapopome eau, me eia pou ba malau taro ti eau ele.
31
Eala eau veia muto,Mae eme igo la iriru,ouka eme tahi taro e Deo,Eia ge lube la iriru taume,Ala moli mae eme ge mera bareala kalulu maroka,Eia kamage lube la iruru tame.
32
Ere tahalo mera barea le latula tahalo,eiage lube la iriru tetala,La tahalo ale mera bareala kalulu maroka, Eia kamage lube la iruru tetala otalo la magasa me ale mulmuli tamai.
33
La obu ale tartigi,la vavuala taige tartigi tatah,La obu ale kama tartigi,me la vavuala taige kamakokora,La vavua la obu louge vaihilo matagagea mu eia erese la obu.
34
Amuto e latatu la pase,Amuto igigo la vulovulo ale kama kokora,Me amuto ge veipla la papaga ale taritigi mave?La rova oilo tela hate la tahalo, la harela ge veipalaea sogala.
35
La tahalo ale tarigi,loilo tela hatela,la paga ale tartigi ge guvi loiolo vola,La tahalo ale kamakokora,loilo tela hatela ale kataritigi, ge viguvi la paga ale kama kokora.
36
Eau vei selea mutou,La imamala te la vilapumatatala,la valua ma hatavivile tomi isasa ge vei pala la merera tomi ale kama korakora egite veveia.
37
Tela merera taume tomi, emege guvi mae la tahalo ale matata sesele,Me tela la merera taume lou,emege sibitala mae la tahalo ale kama tartigi.
38
Goio egite la valua la mari tegite e paraseo koli la merera te Isus mago, "Tahalo la mari, Amite masaga ge hilo isasa la irovilala loio taume,"
39
Ala moli e Isus baolia gite mago, Amuto la valua me hatavile tela kalulu kama kora, me la matabulakalakala, amuto masagage hilo la irovilala, Ala moli la irovilala isa kamage guvi tamuto ,la irovilala te Propet Jona moli amutoge rovia.
40
Amae moli e Jona pou oilo la tia le laia uruo, lalogo itolu mela haro itolu, mae tai e latu la tahalo ge pou oilo la ilo la magasa la haro itolu la logo itolu,
41
La imamala ilapumatatala,Egiteu e Ninive ge magiri tela ilapumatala vikapopo me egite la valua me hatavile tela imamala alele,Egite lolo la valolo la te Jona egite vuvulo la tia giteu,Ala moli hiloa,La tahalo isasa eia uru,loata te Jona eia omaitie.
42
E tavile uru tela mata la lolovi ilua ge hiliti soata tela ilapumatatala,vikapopo me egite la valua me hatavile tela imamala alele,Eia hiliti loio la tapasi la mautu la magasa ge lolo la mari te Solomon,me eia goio hiloa mae la tahalo isa pepe e Solomon a omaitie.
43
La imamala ale la kalulu kama kora hele taroti la tahalole,eia polo loilo la ba ale la lalu uka, eia mamata la ba ale eiage maila ovola,Ala moli eia kama matapoga isa la ba.
44
Eia goio vei mago,Eau ge beurivua soio la luma ale eau loio vola,La imamala eia beua soio a hiloa mae lalumale egite sasapatia,tautigi tomitia lapapga oilo vola.
45
Eia beu loua goio puli la kalulu kamakora ivitu,egite ka visauru mae eia,E gite gomaige mou oilo vola .Goio la mahuli la tahalo le kati visauru mae ale mamuga,la vulovulola goio kama kora sesele.Eia ge visauru mae egite la valua ale kamakora te la tuvu ale igoe.
46
E Isus soloio meramera soio tegite la valua me hatavile,eia matasoio,e tilala me tabararala ogala magirgiri,e gite papaea ge meramera soio tetala.
47
Egite isa veiale Isus mago, "mata sogala,e tilamu me tabarabaramu ogala magirigirio,egite papa eme ge meramera tomi le emei."
48
Ala moli e isus koliala tahalo ale veialale, "E tilagu me tabarabaragu ere?"
49
E Isus turi la limala soio tegite la disaipel tetala eia veimago, "Mata somai, etilagu me tabarabaragu maleie.
50
Egite la valalua me hatavile ale tilimuli la masagala te tete oata la ilolalage,la tahalo moli alele e tabaragu,e hatavilegu,me tilagu.
Chapter 13
1
Tela logo alele e Isus heletaro la luma goio pou olau la parava.
2
la tete la valua me hatavile ususele pou galili eia, eia goio sae soilo tela uaga pou oilo volao, la valua me hatavile magiri loilo la parava .
3
Tio e Isus vimari egite la valua e hatavile la merera la vitovomulila ususele, A vei mae, "Hiloa, la tahalo la gilalu goio galu la vavua la ilali.
4
la imamala eia galugalu la vavua la ilali isahari paru tela pepe la gauru,Egite la malumalu goio ali tomia.
5
La vavua la ilali isahari paru oata la magasa ale la uatati ovola usu,egite kusihari moli lavuhula la magasa kama usu oio la uatati.
6
La imamala la haro paga tavua, egite peho, lavuhula la ua gite kama hari malau sotalo.Me egite magolu tomi.
7
La vavua la ilali isahari paru oata te peho golo,la i mamala egite kusi soata,e peho golo kusi soata viriri loto tomi egite.
8
La vavua la ilali isahari paru oata la magasa ale tartigi taho,me egite vua, isahari salatu sa,isahari savulu volo, isahari savulu volo,isahari savulu tolu.
9
La tahalo ale tahoka la gavusala oio,eiage lolo."
10
Goio egite la Disaipel,tahi e Isus mago,"Ilava eme vigia soio tegite la valalua oilo tela vitovo mulila?"
11
E isus koli rivua gite mago,Amuto ge sagege lavuhula eau abitia muto lamari tela mautu la sagegela ale tabuli kokovu,eia tabuli palala tomiti sio tamuto,Egite la valalua aleie eau souka abia giteu.
12
Egite la valalua me hatavile ale la merera tegaku tabuli oilo la tia gite,E Deo ge abiloua gite isahari,egite ge volu sesele,Me egite ale la merera kama oilo tegite,la rova eia tahokea,ge abitaro leia.
13
Ale la vuhula eau igo la vikara la tovomulila soio te la valua me hatavivile,la vuhula,egite ge mamata,alamoli egite kama koramulia ge mata kilala tavua,egite ge lolo alamoli egite kama ge lolo vulai tavua.
14
La merera te propet Aisaia guvi sesela ti soio te gite la valua me hatavile alele,egite ge lolo,ala moli egite kama ge rovia,egite ge mamata ala moli egite kama ge mata kilala tavua.
15
La tia gite la valua me hatavile aleie vagari sesele,Egite kama karamuli ge lolo la merera te Deo,a mae ale kapi la matagite egite kama kora muli ge hilo isasa la paga,ouka,ge lolo isa la merera, ouka ge rovi lala, maege egite ge vulo lou la tia gite,me eauge vimahuli egiteu.
16
La vibalavala ge tela matamuto, ale karamuli ge mata,Me la gavusa mutou, ale karamuli ge lolo.
17
Eau veia mutou la seselela mae, egite Propet me egite la valua ale matata usu masaga ge hilo la papaga ale amuto hiloa, ala moli egite kama hiloa, Egite masagage lolo la papaga ale amuto loloa, ala moli egite kama loloa.
18
Lolo tigi la merera la vitovo mulila te la tahalo la baumuli la mahuma,ale galu la vavua la ilali tetala.
19
Mae la tahalo isa ge lolo la merera te la Mautu la matagagala te Deo,mae a kama ge rovi matagagea, La tahalo kama kokora ge pakali taro leia la rova ale galu tia oilo la hatela,Ale la vavua la ilalai ale galua tela pepe la gauru.
20
La vavua la ilali ale galua oata la magasa ale la uatati ovola,eia mae la tahalo ale lolo la merera me eia abia vikapopo mela sagegela,
21
Ala moli la uala kama kusi malau sotalo la magasa,La imamala la tikumula mela vipou barala guvi la vuhula la merera,igo hari sele a paru.
22
La vavua la ilali ale galua kabili te peho golo,A mae la tahalo ale lolola merera,ala moli la masagala mela tutugola te la maututla gomai pakali la mererale,Eia katima vua.
23
Ale galua tela la magasa ale tartigi,a mae la tahalo ale lolo la merera a matagaga tavua.A vua tau la ilalila usu sele,isahari salatu sa,isahari savulu uolo,isahari savulu tolu."
24
E Isus igo lou isa la merera la vitovomulila.Eia vei mae, la mautu la sagegela a mai la tahalo ale galu la vavua ale tartigi oio la mahuma te tala.
25
La imamala la tahalo la baumuli la mahuma mavuta,la gima tetala gomai galu la vavua la gileu ale kama tartigi oilo la wit, goio eia tuga tio.
26
La imamala la vavua la wit kusi, la gileleu ale kama kora vikusi tomi la wit.
27
Egiteu la valua la igogolu te tama la magasa gomai veiala mae, Tahalo uru eme kama galu la vavua ale tartigi oio la mahuma taume? Ilava la gileu kusiti oio vola ?
28
A veia giteu mago, 'La gima igoa maele.'Egite la valua la igogolu veiala, 'Eme masaga amite goio ge lapu taro egite?'
29
E tama la magasa vei mago, umala. La vuhula amuto soukage vilapu tomi la wit.
30
A korale, Egirage vikusi tomi karamae la imamala tela ilukuluku. la imamala la ilukuluku,eau ge veiale egite ale lukuluku mae, "Amuto lapu taro mugea la gileuo, palatolea ge selua, la wit amuto tauolu agu.""
31
Goio E Isus vei loua gite isasa la merera la vitovomulila. Eia veia gite mago,la mautu la sagegela, a mai la vavua la obu isa bisi kori moli, la tahalo abia goio galua oio la mahuma te tala.
32
La vavua la obu alele bisi kori sesele. Ala moli la imamala ale a kusi, apepe la obobu tomi oilo la mahuma. Goio la malumalu tomi goio igo la loa gite oata la halala.
33
E Isus vei loua giteu isa la merera la vitovomulila, "La mautu la sagegela te la uru,eia mai la yist,La tavile isa abia vulo tomi la kakabi la plaua itolu,karamae la plava sogo."
34
La papaga tomi aleie e Isus veia giteu la valua me hatavile oilo tela merera la vitovo mulila;Eia kama veia gite isasa la merera ale la vitovomulila oiovola ouka.
35
A igoa mae la vuhula la merera tegite propet ge sibitala sesele,La imamala eia veimae, "Eauge kope la haregu oilo tela merera la vitovo mulila. Eauge veipala la papaga ale tabuli kokovu araurati tela siloko la vipoupou."
36
La imamala e Isus heletaro egite la valaua me hatavile,eia beua soilo la luma.Egite la Disaipel tetala gomai veiala mago, "lubea amite la masova la gileu tela mahuma,
37
"Goio e Isus veia gite mago, "La tahalo ale galu la vavua ale tartigi eia e latu la tahalo.
38
La mahuma a mae la maututu la magasa,La vavua ale taritigi,ale mae egite latatu la mautu la sagegela.La gileu ale egiteu e latatau la tahalo kamakora.
39
La gima ale galu la vaua ale kamakora,eia e Satan,La mahuma ale raragi ge lukua ale la tapapasi la mautu la magasa,egite ale ge lukuluku ale egite la angelo.
40
Mae alele, La gileu ale tau vikapopo selua la havio,La kaluvu la maututula ge mae vola le.
41
E latu la tahalo ge bahataro egite la angelo tetala,ge abitaro tomi la papaga ale viguvi la iriru, me egiteu ale igigo la papaga ale kamakora.
42
Egite ge pigi egite soilo tela havi ale halela,Oilo vola la tilali mela togo gite ge vikisi tavu.
43
Ala moli egite la valua me hatavile ale maroka,la matagaga gite ge mae la pilaga la haro oilo tela mautu la sagegela te tama gite,Eme ere tahoka la gavusamu oio,emge lolo.
44
La mautula la matagagala te Deo a mae la vuliti ale tabuli kokovu oilo la ba la mahuma.La tahalo isa pogea eia goio taukovua,mulmuli eia goio bahataro tomi la papaga ale eia tahokea,eia beua goio loto la magasa ovola.
45
Maimoli vola la mautula sagegela a mae la tahalo la vuliti ale mamata la Pel ale la mapala uru,
46
La imamala eia poga isasa la pel ale mapala oata sesele,eia goio bahataro tomi la papaga ale eia tahokea,me eia lotoa.
47
La mautu la sagegela te Deo eia mae la vuo ale pigia solau la mago,eia vitilo tomi la vipopou alew isa polopolo.
48
La imamala lavuo volu,la tahalo la vuluo lapua soilo la parava,eia goio pou otalo tau vikapopo tomi ale tartigi oilo la galiu,ala moli egiteu ale kama kokora,eia pigi egiteu.
49
La kaluvuluvu la maututula . Egite la Angelo ge gomai ge hilovi egiteu la tahalo ale kama korakora loio tegite ale maroka.
50
Egite ge pigi egite soilo tela havi ale halela, Ale la tilali la iligiligi me la togo gite ge koro magege.
51
E Isus tahi egite la tahalo la vimari tetala,amuto rovi lalati la vuhu la merera la vitovomulila,eau veitia muto?"egite koliala mago,"meie."
52
Goio e Isus veia gite mae,Ere lolo la merera la vitovomulila,eia sibitala mae la tahalo la vimari tela mautu la sagegela te Deo, egite mae e tama la luma ale ababi la papaga ale mumugu ale halaba loilo la tilau tetala."
53
La imamala e Isus vei tomitia gite la merera la vitovo mulila,e Isus hele taro la ba alele.
54
E Isus goilo la gale la mautu tetala,Eia goio vimari egite la valalua oilo la luma la lotu,Egite karutu sele me egite vei mago,la tahalo ale abi la mari mela la mirakulo ale love?
55
Ale e latule kamuda molie yah? E tilala la isala e merie? me egte e tabarabarala e James, Joseph,Saimon,me Judas?
56
Egite hatavilevilela omai vikapopo me etatoue?
me eia abi la papaga aleie oiove sele?"
57
Egite tia tikumu ale Isus la papaga ale eia igoa, ala moli e Isus veia gite mago, egite la valua me hatavile tela maratatila ale isapolo,egite ge kaka tavu e propet, Egite la karakara te tala sele tela mautu tetala kama koramuli ge togo eia.
58
Eia kama igo usu la mirakulo la vuhula egite kama tautaulailo tetala.
Chapter 14
1
Te la imala alele,E Herod te la Tetrak lolo la valolo le Isus.A veia gite la valua laigolu tetala,
2
"Ale e Jon tela vuluhi, Eia hiliti rivuti loio tegite ale peho ti. Male la vagari la soloio igolugolu oilo tetala."
3
E Herod sautola e Jon, kisitolea eia, tau eia soilo la luma totorobo lavuhula te Herodias, Erutule tabarala e Pilip.
4
E Jon veiala mago, "La vitirila kama veia emege puli loua ge igole rutumu,
5
E Herod viage bilia, alamoli a taga egite la vala, La vuhula egite veia eia isa la propet.
6
Goio la logola piligo te Herod gomai, la sobe te Herodias tilia kabiliposa tegite ge igo sagege e Herod.
7
Oio moli vola e Herod igola veiselela me eia magiri la veiselela viage abiala la rova eiage tahia ovola.
8
Mulmuli teale e tilala veimuliala, la sobe le veimago,"abiagu somai,la gamale Jon tela vuluhi, taua te laen ale bolabola."
9
E King ilo buruko sele la vuhula tegiteu ale vikapopo me eia tela ba la ilali,me eiatai magiriti oata la veiselela, A vei molitia gite amuto ge igo selea.
10
v 10 Eia baha ti soio la lumala totorobo egitege valiutu la gama le Jon.
11
Goio la gamala egite abia soata laen ale bolabola egite abiala sobele me eia abia soio te tilala.
12
Goio egite la disaipel sibitala,egite vikapopo me egite ulaia,mulmuli vola, egite tuga goio veiale Isus.
13
La imala e Isus loloti la valolola,Eia heletaro la ba alele goio sae la vaga goio la ba ale isa kama oiovola.La imala la vala loloa, egite tuga moli otalo tilimulia loio tela citi usu.
14
Goio e Isus poga egite a goio hilo la vala usu sele. me la tia gogori sele le gite a goio vimahuli egite loio tela ilea tegite.
15
Goio la paga maulavi, Egite la Disaipel gomai tetala veiala mago, la ba ale a la kuepa La paga logologotie.Bahataro la valua me hatavile, Egite ge goio la mautula ale hagavi egite ge lotoa gite la ilali."
16
Alamoli e Isus veia gite mago,"Egite kamage tuga,Amuto abia gite isa la paga ge alia.
17
Egite veiala mago," amite tahoka moli la bautu la Bret ilima E laia ilua."
18
E Isus vei mago abi egite somai taku."
19
Goio e Isus karasuku egitege pou otalo la garasi. Eia abila bautula bret ilima me e laia iluao. A mata soata la ilo lalage, a vibalavea kaluvu a tovia abia gite la disaipel, me egite la disaipel abia gite la valua me hatavile.
20
Egite tomi ali egite maru.goio egite tauolu la makara la ilali tegite la kela savulusa gete lua volu.
21
Egite la valua ale ali la giligi gite la taosen ilima isapolo loio te hatavile me gilikiliki.
22
A igohari moli a tutu egite la disaipel sae soilo te la vaga vimuga soio tela gale loio, la imala eia bahataro egite la valua me hatavile.
23
Mulmuli teale a bahataro egite la valua me hatavile, Eia sekela goata la olu ge kaka.Tio la paga maligagomati eia sekela moli oata la olu.
24
La vaga olau ti la tia la utu goio la lolovi mela mago hiliti a pigi vulo ti egite, La lovi mae ale tubu tola ti tegite.
25
Te la vaiva la milatalata tela logo e Isus gomai, hagaviti somai tegite tatuga oata la kulkuli lamago.
26
La imala egite la disaipel hiloa tatuga oata la mago,Egite taga me egite veimago,"Ale la taua,egite tali kahare mela tilaga.
27
Alamoli e Isus vigia matata moli sio tegite mago,Amuto vagari,ale eau moli,Umala tataga."
28
E Pita kolia veiala mago, Uru,mae eme sele, veiagu ge gomai taume oata la lalalu."
29
E Isus vei mago,"Gomai,"Tio e Pita tuga taro la vaga tuga oata la lalalu ge goio te Isus.
30
Alamoli la imala e Pita hilo la lolovi,A gio tagatio, me eia soko la tilomula, a tali tola tio," Uru, vimahuli eau!"
31
E Isus igohari moli tau la limala sogala, sautola lalima le Pita,a veia la mago," la tautaulailo taume bisimoli ilava eme kama tautaulailo,
32
Goio la imala e Isus me Pita sae soilo la vaga la lolovi tamea.
33
Goio egite la disaipel oilo te la vaga lotu tavu e Isus egite veimago "A sesele eme e latu le Deo."
34
La imala egite sagapolo soio,Egite goio la mautu e Genesaret.
35
Goio la tahalo isa oio la ba alele rovi e Isus, Egite baha la merera soio tegite tomi ale oio la ba alele,Egite vahari tomiala egite ale lalea.
36
Egite totosukua viage egitege pilau moli la gilisu la kairobo tetala, me egite usu pilaua egite mahuli.
Chapter 15
1
Goio egite paraseo me egite ale kekesi la viturila loio e Jerusalem gomai te Isus.Egite vei mago,
2
"Ilava egite la disaipel taume polo pepe la vulovulo gite uru?Egite kama litu bakisi la lima gite,la imamala egite ali.
3
Eia koli rivua gite mago, "Me ilava amuto polo pepe la viturila te Deo goio amuto tilimuli la vulovulo gite ururu?
4
E Deo vei mae, Amuto ge togo e tamamuto me tila muto,' Eme ere ale vikara bareale tamamu me tilamu,eme ge peho.'
5
Ala moli eme vei mae , Ere isasa veiale tamala ouka e tilala "la kiloli ale mave eme abia lomai taku, eia la viabila taume soio te Deo,"
6
La tahalo alele kama koramuli ge togo e tamala.La vulovulo la tilimuli la vulovulo gite uru,eia igo la merera te Deo la paga bulahu moli.
7
Amuto la tahalo la vasi gologolola' La merera te propet Isaiah sibitala matagaga seleti omai tamuto,
8
La valua ale, latilogo tamuto eia te la hare muto moli, me la tia mutou malau sesele lomai tegaku.
9
Egite vasigologolo moli la ilotu tavu leau,la vuhula egite abimoli la viturila ale la valua bulahu moli igoa,egite vimari egite la valalua me hatavile ge lotu tavu eau ovola."'
10
Mulmuli e Isus tola egite la valua me hatavile somai tetala eia veia gite mago,"lolo abi tataho la merera aleie.
11
La papaga ale la tahalo alalia,me ale goilo la harela kama igo kama kokora la tahalo,ouka, alamoli la papaga ale la tahalo veveia me ale loilo la hare la tahalo, eia igo kama kokora la tahalo.
12
Goio egte la tahalo vimari te Isus gomai te Isus me egite veiala mago, "Eme rovi taia mae la merera ale eme veia eia igo bara la tia gite paraseo me la hate gite mamasi sele amu?
13
E Isus kolia gite mago, "La gilalu tomi ale e tamagu oata la mori kama galua age lipululu taroa.
14
Egite korale, Egite matakea, mae la tahalo ale matakea isa ge ba la tahalo ale matakea, egira timi ge boru sotalo la lulu."
15
Goio e Pita lolo la merera alele eia goio veiae e Isus mago, "akoramili eme ge veia mite la vuhula merera la vitovo mulila le."
16
E Isus vei mago, "Mave amuto souka rovi lala?
17
Amuto kama hiloa la rova goilo tela la hare age goilo la tia mulmuli age gogala mae la maroa?
18
Ala moli la papaga ale gali loilo la hare eia loilo tela hate la tahalo. me eia la papaga ale igo bara la tahalo.
19
A maie, loilo la hate la tahalo,eia viguvi la gabutalala ale kamakora,la bilili,la mata bulakalakala,la tahalo ale ovo e rutu la tahalo polo,la tahalola pakalila.la tahalola vasigologolola.
20
Ale la papaga ale igo kama kora la tahalo.Ala moli mae eme kama litu la limamu eme ali,akmage igo bara la tahalo.
21
Goio e Isus heletaro la mautu,me eia goilo la ba la mautu ale uru ilua,e taia me sidon.
22
Oio tela mautule,la tavile isa loio e kenan gomai te Isus eia tola vagari soio tetala mae,uru eme e latule Devit gogo eau,la kalulu kama kokora abiseleale latugu la iligi ale uru."
23
Ala moli e Isus kama koliala isa la merera. egite la tahalo la vimari tetala goio vei tiala mago,la tavile ale igoiti la tola kahare la,Eia hari mulimuli amite, koramuli emege veila tavile aleie ge heletaro malau amite.
24
Ala moli e Isus koligite mago, E god baha eau somai ge abi rivu moli e giteu e Israel."
25
Ala moli eia gomai tototulu otalo la vahala, Eia veila mago, "Uru, suli eau."
26
E Isus kolila mago, Akama tartigi veia ge abi la bret tegite guliki ge pigiala paia."
27
Eia vei mago, Asele,Uru, Elatu la paia bisisi tai alali la ilali ale paruparu loio tela poro te la tahalo ale uru."
28
Goio e Isus kolila mago, tavile uru la tautaulailo taume uru sale, eia ge guvi sesele mae ale eme masaga tiale, te la imamala alele, e latula mahuli rivu.
29
E Isus heletaro la mautu alele eia tuga hagavi soio la mago e Galili.Eia goio tie soata la gove,me eia goio pou oata vola.
30
La tete la valua me hatavile uru sele gomai tetala.Egite gomai vika popo me egiteu ale gulugulu,egte ale matakea, ale paua,me egite ale lea,gite vahari tomi egite soio te Isus me eia vimahuli tomi egite.
31
La valua me hatavile karutu sele la imamala egite hilo egite ale paua, meramera,egite ale gulugulu tatuga,egite ale matakea matagaga rivu.Me egite visale e God le Israel.
32
E Isus tola tomi egite la tahalo la vimari somai tetala eia veia gite mago,"Eau gogo sele egite la valua me hatavile aleie,la vuhula egte pou vikapopo me eau la logo itolu ti,egite kama ali isa la paga.Eau kama masaga ge bahataro bulahu moli egite mae egite kamage ali, egite souka ge boru la gauru."
33
Egite la tahalo la vimari viala mago,"La ba ale la tahalo isa kama pou hagavi omai vola,"E tato ge abi la bret oiove ge valile egite la tete la valua me hatavile urue?"
34
E Isus tahi egite mago,"la bautu la bret iriva amuto taolea?"Egite vei mago ivitu,me e laia ilua bisisi."
35
Goio e Isus veia gite ge pou otalo la magasa.
36
Eia goio abi la bautu la bret ivitu me laia, a kaka ovola, eia tovila bret abia gite la tahalo la vimari,me egite la tahalo la vimari tetala abia gite la vaua me hatavile.
37
La valua ali,egite maru pepeho,me egite tovo la kela la ivitu volu la makara la ilali ale piligi.
38
Egiteu ale aliele la giligi gite la taosen iva,ale la valua moli.
39
Tio e Isus bahataro egite la tetela valua,eia gio sae soilo te la uaga,eia goio la gale la mautu e Magadan.
Chapter 16
1
Egiiteu e paraseo me gite sadusi gomai tovolai e Isus, egite tahia viage va hililoa gite isa la irovilala oata la mori.
2
Ala moli e isus kolia gite mago, "Mae la paga ge maulavi, la mori ge magese amuto ge vei mae galgeli la haro tartigi sele.'
3
La kavkoki,amuto ge veimae gageie la hura ge pu,la vuhula la haro magese la sosobu ubi robo ti louao.' Amuto koramuli ge rovi la taba oata la mori, ala moli amuto kama koramuli ge lube la taba tela imamala.
4
Egiteu la valua me hatavile la iriru me egiteu ale mata bulakalaka pamulimuli la irovi lala, ala moli la irovilala kama ge abia muto, la irovi lala moli te Jona."goio e Isus hele taro egite eia tuga.
5
La imamala egite la tahalo la vimari guvi oio la gale loio, egite vahula ge abi la bret.
6
E Isus veitia gite mago, amuto ge matarara te la yist tegite paraseo me sadusis.
7
Egite la tahalo la vimari vivei baoli le giteu lou mago, "Asoge la vuhula etato kama abila bret. "
8
E Isus rovitia maele eia goio veimago, "La tauataulailo tamuto bisi sele, la vuhula ilava amuto viveila via amuto kama ababi la bret?
9
Amuto kama gabutala la bret ilima,eau abia gite la taosen ilimao,me la kala iriva amuto vitau kapopo egite?
10
Ouka la bautu la bret ivitu koramuli egite la valua la taosen iva,la kela irirva amutoge abia?
11
Ilava amuto kama rovia mae eau kama veveila bret? Amuto ge matarara te la yist tegite paraseo me sadusis."
12
Tio egite gio rovia mae eia kama veveia gite ge mata rara la yist oilo la bret,ouka egite ge matarara la vimari tegite paraseo me sadusis.
13
La imamala e Isus goio la gale la mautula ale hagavi te sisiria me filipai, eia tahi egite la Disaipel tetala mago, "Egite la valalua veia e latu la tahalo eia ere?"
14
Egite vei mago, Isahari veia e Jon te la vuluhi, isahari veia, Elaija, isahari veia, e Jerimia, ouka ge egite la propet isa."
15
Eia tahi egite mago, Me amuto veia eau ere?"
16
E saimon pita koliala mago, "Eme e krais, e latule Deo, ale mahulihuli.
17
E Isus koliala avei ala mago, "Eme balava sele, Saimon Bajona, ale la tahalo la vovo kama veipaleamu, ala moli ale e tamagu ale oata la mautu la sagegela.
18
Me eau ge veiamu eme e Pita, oata la uati aleie, eau ge vimagiri la luma la lotu taku. La vagari la matala la liba kama koramuli ge vagotaloa.
19
Eau ge abiamu la ki la mautu la sagegela, la rova eme ge kisi tolea otalo la mautu la magasa, eia ge kisi tola taia oata la mautu la sagegela,me la rova eme lubea otalo la magasa,me eiage lube taia oata la mautu la sagegela.
20
Goio e Isus vikara vagaria gite la Disaipel via, egite umala ge veia gite isa mae eia e Krais.
21
Tela la imamala alele e Isus soko la vileia gite la Disaipel tetala mae eia ge gio e Jerusalem, me eia ge bole usu la tikumula loio tegite paraseo me skraeb, egite ge bilia pehoa me eia ge hiliti rivu lou te la vai tolu la logo.
22
E Pita pulia goio egira moli pou eia soko la vileiala," uru, la papaga alele kamage gomai hagavi oio tai a kama ge givi taume,
23
"Ala moli e Isus vulo soio te Pita eia veiala mago, "Eme ge vulo sotigu taku, Satan' eme magiri roborobo la gaurugu, eme kama gabu tikumu la papaga te Deo, la gabutala mu volu moli la papaga tela la valua,"
24
E Isus goio veia gite la Disaipel tetala, "mae ereisa masage ge tilimuli eau, eiage vagotalo eia, me eia ge bole la tauvautu tetala,eia ge tilimuli eau.
25
Latahalo ale gabutala moli la mahulila tetala,eia ge galo, la tahalo ale tau la mahulila oilo taku,eia ge abi la mahulila.
26
Mae la tahalo isa masaga ge abi tomi la papaga la mautula, eia ge tau la mahulila tomi
oio vola, age abi la rova oio vola? La rova la tahalo ge abia,mae la kiloli la mahulila tetala?
27
E latula tahalo ge gomai oilo la marasala te tamala vikapopo me egite la angelo tetala. Eiage loto tomi egite la valua me hatavile te la rova egite igotia.
28
La selela eau veia mutou, isahari oio tamutou ale omai magirigiri, Egite kamage peho kara egite ge hilo e latu la tahalo ge gomai tomila mautu la sagegela tetala."
Chapter 17
1
La logo ivolo polo e Isus pulie Pita,e Jems e tabarala e Jon,A puli egite goata malau sele la varu la olu egite sekela moli.
2
La tarola vulo kabili tegiteu,La lagula paga mae la haro,me la kairobo tetala kaha mae la matagaga.
3
Mata soio,e Moses me Elaija sibitala tavu e gite gio vigia tomile Isus.
4
E Pita kolia le Isus aveiala mago,Uru a tartigi sele amite gomai la ba aleie, '' Uru mae eme masaga,Eau ge tigi la kale itolu omai la ba aleie-isa taume, isa te Moses, me isa ge te Elaija.''
5
La imala eia soloio meramera, mata soio la sosobu pigirobo egiteu, lolo soio, lagolu isa loio tela sosobu, a vei mago,"Ale e latugu ale eau masaga selea,La ilisulisu taku oilo tetala.lobagele tavua ."
6
La imala egite la disaipe loloa, egite boru lagutugu me egite taga geru.
7
Goio e Isus gomai pilau egite me a veia gite mae," Hiliti oata umalati tataga."
8
Egite mata soata egite kati hilo isasa e Isus moliti oio magirigiri
9
La imala ale egite bebeua loata la olu,E Isus mera vagari soio te gite ,avei mago,''umala veia gite isa la rova amuto hilotia kara mae Latu laTahalo ge hiliti lou loio tegite ale pehoti.''
10
Egite disaipel tetala tahia mae,''Ilava egite la valua la mari veia e Elija ge mamuga somai?''
11
E Isus koli gite mago,"E Elija ge gomai ge vahiliti rivu la papaga tomi.
12
Alamoli Eau veiamutou,E Elija gomai ti, Alamoli egite kama rovi matagaga eia. Oilo tela gauru alele, E latu la tahalo taige abila iligi te la limagite."
13
Goio egite la disaipel rovia mae a veia gite e Jon te la vuluhi
14
La imala ale egite gomai te gite la valua me hatavile,la tahalo isa gomai tetala,tototulu otalo lagula avei mago,
15
''Uru,gogo e latugu, eia akama tatuga me a gabu la iligiligi ale uru sele. A boruboru soilo lahavi me la lalu la imala isahari.
16
Eau varia soio te gite disaipel taume,alamoli egite kama sulia.''
17
E Isus kolia gite mago,"amto e latatu la igo marapa mela tautaulailo ouka, Eau ge pou tomi le amuto kara mave? Eau ge vitomi le amuto kara gaisa, vahari eia somai taku."
18
E Isus bahataro la kalulu kama kora, A gali taro eia la imala alele e giliki bisiele mahuli rivu
19
Goio egite la disaipel gomai kovu moli te Isus egite tahia mago,"ilava amite kama koramulige bahataro galea?"
20
E Isus veia gite mago,La vuhula la tautaulailo tamuto bisi moli. Eau veiselea mutou, mae emege tahoka la tautaulailo bisi moli mae la vavua la obu, emege veiala olu aleie, suku lomae goio,Age suku la paga isa kage tivura.
21
22
Egite pou oilo e galili, E Isus veia gite la disaipel tetala mago,Egite ge tau e latu la tahalo soio tela lima gite valua,
23
Egite ge bilia, me tela vaitolu la logo age hiliti rivu lou," La ilo gite la disaipel buruko sele
24
La imala egite gomai e kapernaum, la tahalo ale ababi la uru la wati la takes gomai te Pita aveiala mago, la tahalo la vimari tamuto lotoloto tai la takesi?"
25
Meie, Alamoli la imala e Pita goilo la luma, E Isus vigia pala soio tetala a veiala mago, Eme gabutala mave,Saimon? La ba ale mave egite ababi la takes ovola? me egitege lotalo tegite le?
26
E Pita veimago, loio tegite la moimosi,"E Isus koliala mago,Emege maramara eme kage pigi isa la wati.
27
soukage etato ge igo egite ale ababila takesi ge boru,Golau la mago pigi la togo e laia ale eme lapu palaea.emege kope la hare la emege poga la wati,abia gite ale ababi la wati la takesi ale tegala."
Chapter 18
1
Tela imamala alele egiteu la Disaipel gomai te Isus egite viala mago, "Ere isasa eiage uru tela mautu la sagegela tela la uru?"
2
Tio e Isus goio tolea e guliki isa Bisi,eia vimagiri posea kabili tegiteu,
3
eia goio veia giteu mago,Eau vei selea mutou, Mae amuto kamage vulo la vulo mutou ge sibitala maroka mae e guliki bisiele,Amuto kama karamuli ge goilo tela mautu la sagegela.
4
Mae la tahalo isasa eiage vagotalo lou eia mae e guliki bisie le, Eia moli koramuli ge tiroro soilo tela mautu la sagegela te la tahalo uru.
5
Eme ere kaka tavu isa e guliki bisisi mae aleie oilo tela isagu,Me alele eme abi eau soilo taume.
6
Mae la tahalo isasage viruru isasa egite bisisi ale roromuli eau,A taritigi moli mae ge kisia la holola isauru la wati ge pigi tilomua olau la tia la utu.
7
La tikumula ge tela mautu la magasa lavuhula la imala buroru! La imala alele ge gomai sele Age la ilo burukola te la tahalo ale poga tavu la imala alele
8
Maege la limamu me la vahamu ge virurumei,eia taritigi emege vali taroa ge pigia.A tartigi ge abi la mahulila ale la tapasila ouka, mae la vahamu ge isasa moli, eala moli akama taritigi mae ge goio la havi vikapopo mela limamu mela vahamu tomi.
9
Mae la matamu igo boru mei, Eia taritigi emege suba taroa pigia, eia taritigi emege abi la mahulila ale la kaluvula ge ouka vikapopo mela matamu isasa moli,eala moli eia kama kokora mae emge goilo la havi bibila vikapopo mela matamu ilua.
10
Emege mata tigi taho,soukage emege muku pile isa tegite bisisisi ele, Eau veiseleamu,oilo tela la ilo lalage egite tahoka e angelo tegite oio, egite pou sele tela lalagu le tete, ale oata la ilo lalage.
11
E latula la tahalo gomaige vimahulli la valua me hatavile ale kokovuti tela vulovulo ale kama kokora.
12
Eme gabutala mave? Mae la tahalo isa taola la sipsip salatu sasa, me isa goio ruru, Eia ge piligi egite la sipsip ale savulu valasiu gete valasiu oio tel vai la olu,me eia kama goio ge pamuli ale isasa kokovuo?
13
Mae eiage pogea,Eau veiseleamu, eiage sagege pepeho teale isamoli eia suvititia le, loio teale savulu valasiu gete valasiu egite kama ruru.
14
Tela gauru moli alele, E tama mutou ale oata la mori kama masaga isasa tegite guliki ge kokovu.
15
Maege e tabaramu isa ge igo la iruru soio tame, goio veiala la iruru tetala, age kabili tamulua moli, mae eiage lolome,emege abi rivu e tabaramuele me amula ge vipuhi tigilou.
16
Ala moli mae eia kamage lolo la merera taume,puli lou tahosa ouka taholua, Amuto ge pou vikapopo ge lapu matata la iruruele.
17
Maege eia kamage lolo la merera tegiteu, emge abila la paga alele soio tela lotu, maege eia kamage lolo la merera tegite la ururu la lotu, hilo eia mae la tahalo la ilabila wati ouka la tahalo e Juda
18
La selela eau ge veia mutou,la papaga tomi ale eme kisitolea otalo la magasa,la tahalo uru tai ge kisia oata la ilo lalage,me larova tomi eme kopea otalo la magasa,la tahalo uru tai ge kopea oatala la ilo lalage.
19
Eau ge vei loua mutou,Mae taholua ge vikapopo la tia gira ge isasa moli,larova egira kakea,Me e tamagu oata la mori ge abia gira la rova egira kaka eia ovola.
20
Tela ba ale mave taho lua ouka taho tolu, egite vikapopo oiolo te la isagu,me eau ge pou kabili vikapopo me giteu.
21
Mulmuli Pita goio tahi e Isus, Eau ge lube la iruru te tabaragu tagara iriva, mae eia ge igo la iruru somai taku? soioge vaka vitu ia?
22
E Isus veiala mago, eau kama veiamu vaka vitu, ouka, emege lube la iruru tetala karamae savulu vitu gete vitu.
23
La mautu la sagegela te tahalo uru eia mae e king isasa,masaga ge lapu matata la makodo vikapopo me egite la valua la igogolu tetala.
24
La imamala eia soko la ilapu matata la makodo,egite puli isa la tahalo la igogolu tetala somai, eia makodo la beki la wati la silva 1000, oio te king.
25
Eala moli eia kama tahoka la wati ge koli la makodo tetala, La mulugaluga te tala igo isa la merera ale vagari,viage baha la tahalo la igogolu tetala, e rutula me latatula vikapopo mela golgolu tetala tomi,ge koli la makodo tetala .
26
Tio, la tahalo la igogoluele boru lagutugu otalo,eia veiala mulugaluga tetala mago, emege gogo eau, eauge koli rivuamu la papaga tomi.
27
Ala la mulugalua tetala,gogo seselea la tahalo la igogolu tetalale,eia goio lube la iriru tetala,me eia bahataroa eia tuga.
28
Goio la tahalo la igogolu tuga goio poga isa la tahalo ale egira vigogolu tomi, la tahalole makodo oio tetala la salatu isasa, eia goio beberoboa,eia viala mago,abirivuagu la makodo tegaku.
29
la tahalole goio lagutugu otalo, eia goio veiala mago, eme gogo eau, eauge koli rivu la makodo taku soio taume.
30
Alamoli la muluga la tahalo la igolu kama masaga,Goio a tuga goio laba eia soilo la luma la totorobo karamae age loto rivuala la makodo tetala.
31
La imala la tahalo la igolu tetala hilo larova sibitala,La ilo gite buruko sele, Egite gomai tela la mulugaluga tegite veiala la rova tomi ale sibitala tio.
32
La mulugaluga tela tahalo la igolu tola eia, Goio veiala,Eme la tahalo la igolu ale kamakora, Eau lube la iriru taume tela makodo taume, la vuhula eme kaka tavu eau.
33
Mave eme kama gogo la tahalo la igolu taume,mae ale eau gogome?
34
La mulugaluga tetala igotolo a tau eia soio tegite ale ge abiala la iligiligi karamae age loto la makodo.
35
E tamagu tai oata la mori ge igo taia muto,Mae moli isasa tamuto kamage lube la iruru te tabarala loilo la hatela
Chapter 19
1
A goio tela imala ale e Isus vikaluvu la merera,A heletaro e Galili, agoio la ba e Judea tela la gale la lalu e Jodan loio.
2
La valua me hatavile usu sele tilimuli eia,Eia vimahuli egite.
3
Egite paraseo gomai tetala,"viage tovolai eia,egite tahia mago,La viturila veia la tahalo ge tou e rutula mae la vuhula ouka?"
4
E Isus koluia gite mago,"Amuto kama gigila merera veia Eia ale vipou egite tela silokoloko igolu egite isahari hatamale isahari hatavile?
5
Eia ale vipou egite vei tai mae, Tela vuhula molialeie la tahalo ge heletaro e tamala me tilala me eiage vikapopo me e rutula, te ale ilua la vovo gira ge isasa moliti?
6
Egira katima ilua, ouka lavovo gira isa moliti. Ala larova e Deo vikapopo tia, isa oukatige lele luea,"
7
Egite veiala mago,"Me ilava e Moses veia mite ge abi la galau la vipou ba la goioge bahataro la tavile ge tuga?"
8
Eia veia gite mago,"La tia muto vagari sele ala e Moses veia mutoge tou e rutu muto,Ala moli tela silokoloko akama maele.
9
Eau veia mutou, Ere isa tou e rutula, mae akama mavuta tomi latahalo polo a goio taulai polo, ale eia igola vulovulo ale kama kora,Mae la tahalo isa pulipolo la tavile ale e aruala toua a igola vulovulo ale kama kora."
10
v 10 Egite la disaipel veiale Isus mago,"Mae aleiege la tikumula te la tahalo me rutula, Akama tartigi ge taulai."
11
Alamoli e Isus veia gite mago,"Kama amuto tomi ge abi la vimari aleie, Egite moli ale egite koramuli ge abia.
12
Egite la valua isahari maele loio ti la tia le tila gite, alamoli isahari egite vala egite, ale la tahalo igoa, Me egite isahari sibitala maele, tela mautula la sagegela tela Uru, Ere koramuli ge abi la vimari aleie, eia ge abia."
13
Goio egite abi isahari egite giliki soio tetala veiage a ge tau la limala oata tegite ge kaka, Alamoli egite la disaipel bahataro egite.
14
Alamoli e Isus vei mago, litaro egite gilikie le, Umala marataro egite, ale gomai taku, La mautu la ilo lalage a tegite ale maele."
15
A tau la limala oata tegite gilikiele goio eia tuga taro la ba alele.
16
Mata soio,la tahalo isa gomai te Isus a vei mago," Tahalo la vimari,La rova tartigi eau ge igoa via eau ge abi la mahulila ale la kaluvula ouka?"
17
E Isus veiala mago, "Ilava eme tahi le eau la paga ale tatigi? Isasa moli tartigi,Alamoli mae eme masaga ge tiroro soilo tela mahuli,Sautola vagari la viturila."
18
Goio la tahalo veiala mago,"La viturila ale mave? "E Isus veimago, Umala bilibili, umala igigo la vulovulo ale kama kora, umala pakalikali,umala vasigologolo,
19
Togo e tamam me tilamu, masaga e tabarabaramu maemoli eme masaga eme lou."
20
E maure halaba le veiala mago," La papga tomi ale eau roromuli tomi tia. La rovalou eau soloio ge igoa?"
21
E Isus veiala mago,Mae eme masagage maroka, goio baha tomi la papaga ale eme tahokea, Emege viabi soio tegite ale pou la savelela,Eme ge tahoka la vuliti oio la mautu tela sagegela.' Tio eme gomai tilimuli eau."
22
La imala e maure halaba le lolo la rova e Isus veveia a tuga soio la ilola buruko sele, la vuhula eia tahoka papaga usu sele.
23
E Isus veia gite la disaipel tetala mago,"La selela eau veiamu, A vagari te la tahalo ale tahokala vuliti ge tiroro soilo la mautu la sagege la te Deo.
24
Eau vei louamu akama tivura tela kamel ge tiroro soilo la ova la lili la somapi,oiotai la tahalo la vuliti ge tiroro soilo la mautu la sagegela te Deo."
25
La imala egite la disaipel loloa, Egite karutu sele me egite vei mago, "me ere koramulige mahuli?"
26
E Isus matavu egite a vei mago," te la tahalo age tivura sele, Alamoli te Deo la papaga tomi isa kama tivura."
27
Goio e Pita koli la Merera tetala mago. Hiloa amite piligi tomiti la papaga tomi me amite tilimuli tieme.Larova lou amite ge tahokea.?"
28
E Isus veia giteu,"La selela eau veia mutou, OIlo la mulou ale halaba la imala e latu la tahalo ge pou oata la pulou la marasa,Eme ale tilimuli eau ge pou tai oata la pulou ale savulusa gete lua,ge lapu matata la maratatila savulusa gete lua, te Israel.
29
Amuto tomi ale heletaro ti la luma,tabaragu,hatavilegu, tamagu, tilagu,gilikiliki, la magasa tela isagu, ge abi la salatu isasa ge abi lamahulila la kaluvula ouka,
30
Alamoli usu tegite ale mamuga age mulmuli, egite ale mulmuli ge mamuga.
Chapter 20
1
La mautu la sagege la te Deo a mae la tahalo ale tahoka la magasa la kavkoki age tuga goio ge puli egite la valua ale ge igogolu oio tela mahuma la vaen tetala.
2
A puli egite goio vigia matagaga tegite mae la mapagite ge la denaius isa tela logo isasa, a gio bahataro egite soio tela mahuma la vaen tetala.
3
Gio la vaitolu la matala haro atuga goio hilo egite la valua la igiglu oio magiri bubu moli oio la ba ale egite babaha la ilali ovola.
4
A goio tahi egite mago,amuto tai,goilo la mahuma la vaen, Eau ge abi seseleamu la rova a taume,Tio egite goio la igolu.
5
A goio tuga lou tela matala haro ivolo me la matala haro valasiu, a igo maigo lou.
6
Tagarasa lou tela matala haro savulusa getesa a tuga goio poga isahari oio magiri bubumoli. A veia gite,"La logo uru malaue amuto magiri bubu moli?'
7
Egite veiala mago,La vuhula isa kama abia mite la igolula,'A veia gite mago,me amuto tai goilo la mahuma la vaen.'
8
La paga logologo ti, E tama la mahuma la vaen veiagite la tahalo ale baumulila mahuma,' Tola egite la valua la igolu loto egite la mapa giteu,sokoa oio tela tapasila goio tela kaluvuluvula.'
9
La imala egite la valua la igolu ale goilo te la matala haro savulusa getesa gomai,isasa tegite abi la denarius isa.
10
La imala egite ale mamuga soio la igolu gomai, Egite gabutala via egitege abi uru, Alamoli egite tai abi moli la denarius isasa.
11
La imala egite abi la mapa gite,Egite vikara galolo tiala tahalo la magasa.
12
Egite veimago,Egite ale gomai mulmuli igolu moli la mata laharo isasa,Ilava la mapa gite visauru moli mae tamiteue,Amite igolu soko la kavkoki la haro kue amite.'
13
E tao la mahuma kolia avigia soio te isa tegieu,Tabaragu, Eau kama igo isa la iriru soio taume, Eme kama tia tigiagu te la mapa tela logo isasa?
14
Abila la mapamu eme tuga.Eau lou masaga ge abiala tahalo ale igolu mulmuli la mapa visauru moli mae taume.
15
Mave eiau kama taoka la merera loata la papaga ale eau taolea?Uka ale eme ateka lavuhula eau taoka la papaga usu?'
16
Ala egite ale mulmuli ge mamuga ,egite ale mamuga ge mulmuli.''
17
La imamala ale Isus tatuga soata e Jerusalem,avimagiri gale egite la disaipel ale savulusa gete lua oio la gauru, aveia gite mago,
18
Male,etato goatata e Jerusalem,me e Latu la Tahalo ge goio la lima gite la mulugaluga tegite pris me egite la valua la mari.Egite ge mera geru ala kara la pilehola
19
me egite ge tau eia soio la lima gite la valua polo ge mera geruala,ge kue bara selea,me egite ge bilia.Ala moli la vaitolu la logo a ge hiliti rivu lou.''
20
Goio etilale latatu le Jebedi gomai te Isus vikapopo me latatula.A lagutugu olagu la lagula tahia isasa la paga.
21
E Isus veiala mago,''Eme gabutala mave?''E tila gite goio veiala mago,''Mera vagari seleale latatugu ilua ge pou,isa ge pou oio la galemu e gata me isa ge oio te meru.oio la kingdom taume.''
22
E Isus koliala,mago eme kama rovi larova eme tatahila.Eme karamuli ge liu la kap ale eau hagaviti ge liua?''Egite veiala mago,''Amite karamuli.''
23
E Isus goio veia gite mago,''La kap taku amuto karamuli ge liua.Alamoli ale ge pou oiola galegu egata uka e meru kama la paga ale eau ge abi molia muto,alamoli a tegite ale e Tete raragia viage tegite.''
24
La imamala ale egite la disaipel ale savulusa loloale,egite igotolo sele egira ilua taume tariele.
25
Alamoli e Isus tola egite soio tetala me a veia gite mae,''Amuto rovia mae egite la mulugaluga te gite la valua polo tau egite sotalo,me egite la valua tegite ale taoka la isaisa tovo lai ge muga egite.
26
Alamoli akama ge maele kabili tamutou.Ere masaga ge abi la muli soatata kabili tamuto eia ge guvi pala mae la tahalo la igogolu tamuto
27
me ere masaga ge mamuga kabili tamuto a ge guvi pala mae la tahalo la igogolu tamuto,
28
maimoli e Latu la Tahalo kama gomai egite ge valia,A ge vali la valua,me A ge vabila la mahulila tetala ge loto usu la valua me hatavile.''
29
Laimala ale egite heletaro e Jeriko valaua me hatavile usu tilimuli egite.
30
La matakea ilua popou oio la gauru ele.La imala ale egira loloa via e Isus oio polopolo,egira tola,''Uru,latu le Devit,gogo amila.''
31
La karakara la valua me hatavile bahataro egira,veia gira ge makovu,alamoli egira tola vagari peho lou,''Uru,Latu le Devit,gogo amila.''
32
E Isus magiri makovu moli goio Atola soio te gira vei mago,''Amula masaga eau ge igoa mula la rova?''
33
E gira veiala mago,''Uru,la mata mila ge kope.''
34
Goio e Isus,la gilogo volu oilo tetala,pilau la mata gira.Kama taba la matagira kope me egira tilimuli e Isus.
Chapter 21
1
La imamala e Isus me egiteu la tahalo la vimari tetala gomai hagavi e Ierusalem, egite guvi oio lamautu e Betpas , hagavi la olu e Oliv , goio e Isus baha taholua e guliki la vimari tetala.
2
Eia veia gite mago , amuto goilo la mautu aleio , amuto ge hilo isasa la Donki me latula egite kisitola leia la mota .amutoge lulutaro la mota gira,me amuto tata egra somai taku.
3
Mae egte la valalua ge tahi amuto ovola, amutoge veia gite mago, la Uru tahoka la igogolu oio tela Donki aleie. la tahalo lege sugutaro molia muto la Donki somai.
4
La paga aleie ge puru muli la rova e propet veipalaea araura, e Isus vei maele,
5
Veia la sobe le Saion, hiloa e suara taume goio taume le, Eia vagotalo sesele eia,me eia pou oata te latu la Donki halaba.
6
Goio egite guliki la vimari tetala igoa mae ale eia veitia gite mamuga.
7
Egite abila Donki vikapopo me e latula bisi halabao,goio egite tau la kairobo tegite me la kulkuli oata la Donki ilua le,E Isus pou oata la kairobo me la kulkuli oata tela Donkie le.
8
La valalua me hatavile usu pigi la kairobo mela kulkuli tegite otalo la gauru ,me la valua isahari vali la veve la obu la Rou, me egite pigi taia otalo la gauru.
9
La valua me hatavile isahari vimuga lolagu te Isus, isahari ale tilimulimulia,me egite tola mae, bole vauru la isala uru te latule Devit, sagege leia,la vuhula eia gomai tela isala uru,bole vauru la isala uru, eia pou oata sesele.
10
La imamala e Isus goilo e ierusalem,Egite tomi la valua me hatavile ale oilo la taon,igo la merera usu sesele, me egite tahi,ale erese tahalo maleie?
11
La tete la valua me hatavile ale tilimuli e Isus kolia gite mago,ale e Isus, Eia isasa la propet loio e Naseret,oilo e galili.
12
Goio e Isus goilo la luma la lotu,eia goio bahataro tomi egite la valua me hatavile la iloto, me la bilaha oilo tela luma la lotu, me eia tigitaro la poro la vululo la wati, me la pulou tegiteu ale babaha la malu la kuru.
13
Eia gio veia gite mago,La merera te God veimae,la luma tegaku, eiage la luma la kilaka,eala moli amuto vuloa mae la luma tela tahalo la pakalila.
14
Mulmuli egite la matakea,egite ale gulgulu gomai te Isus oilo la luma la lotu,Eia vimahuli egite loio tela ilea tegiteu.
15
La imamala egite la mulugaluga ,me egite la valua la mari te la viturila hilo la papaga ale tartigi eia igo tia ,me egite goio lolotai egite guliki oilo la luma la lotu ,tola mae bole vauru la isale latule Devit, la hate gite mamasi sesele,
16
Egite goio veiale Isus mago,eme lolotai la rova egite la valalua veveia? E Isus goio kolia gite mago,meie,mave amuto souka gigi la merera ale oio poutio,loilo tela hare gite guliki me egiteu la pepeso ale solo sususu, egitege bole vauru la isa la uru.
17
E Isus goio heletaro egite ,eia goio la Taon ale uru,eia goio e Betani pou la logo isasa.
18
Tela kavikokila la imamala eia beua loio la Taon ale uru, eia vitolo.
19
Eia goio hilo isasa la obu la Fik oio la pepe la gauru,eia goio tuga suku soio,agoio hiloa mae la obuele la vavuala ouka,la galagalala moli usu sesele,goio e Isus veiala obuele mago,eme katige vua lou kara mulmuli,kama taba la obu la Fik ele magolu.
20
La imamala e gite guliki la vimari hiloa maele , egite karutu sesle ,egite vei mago ,La rove sesele igo la uobuele magolu hari sesele.
21
E Isus baoli rivua giteu mago , la selela eau veia mutou ,mae amuto ge tautaulailo la gabutatalala kama ge ilua , amuto kama koramuli ge igo la rova sibitala ti oio tela obu la Fik, eala moli amuto koramuli ge igo la paga ale uru mae ,veia la olu ge hiliti taro la ba alele golau la mago, age sibitala.
22
La rova amuto tahia oilo tela kilaka ,vikapopo mela tautaulailo,amuto ge abia .
23
La imamala e Isus goilo la luma la lotu, eia vimari egite la valua me hatavile oilo volao,goio egite la gama giteu e Prist me egite la valua ururu goio te Isus,goio egite tahia mae, "La igogolu tomi ale eme igigoa,ere sesele veiamu ge igoa?"
24
Goio e Isus kolia giteu mago, "Eau ge tahi amuto tai isasa la tilahi,Amuto ge koli la tilahi taku,Eau ge veipalea mutou la pulou ale mave eau tahokea,me eau igigo la papaga aleie.
25
La imamala e Jon vuhi egiteu la valua me hatavile, Eia abi la vagarigarila oio tere? Loio tela uru,ouka la tahalo la vovo moli isasa? mae etato ge veiala mae la tahalo uru, me eia ge veia rivua gatou,Ilava amutoa kama tautaulailo tetala?
26
Eala moli mae etatoge veiala mae;la tahalo la vovo moli isasa,Etato ge taga la vuhula, egite la valua tomi veia eia isa la propet "
27
Goio egite koli rivuale Isus go,"amite kama rovia" me eia goio veirivua gite mago,Eau tai kamage via mutou,ere baha eau ge, igo tomi la papaga aleie.
28
Eala moli amuto gabutala mave? La tahalo isa tahoka e latula ale hatamale ilua,a goio te latula ale laposolaguo a goio veiala mago,latugu,gageie eme ge gorivo ge igolu oio la mahuma la vaen.
29
E latula kolirivuala mago,eau ka masaga,goio mulmuli eia vulo lou la gabutalala a tuga lou gorivo.
30
Mulmuli la tahalole goio te latula la vailuala eia vei lou ala la merera ale a veitiala ale laposolaguo.E latula la vailuala veiala mago' eiau ge tuga, tahalo uru' ealamoli a kama tuga.
31
E latula ilua, ere tegira tilimuli la masagala te tamagirua?" Egite koli rivuala mago, "E latula ale laposolagu "E Isus veia giteu, " la seselela eau veia mutou,Egiteui ale ababi la wati,me egite hatavile ale polopolo ogala egite ge vimuga soio tela mautu te God mulmuli amuto.
32
La vuhula e Jon gomai vikapopo mela vulovulo ale maroka, eala moli amuto kama tautaulailo tetala. Egiteu ale ababi la wati,me egite hatavile ale polpolo ogala, egite moli tautaulailo tetala,eala moli amuto hilo egite la papaga aleie, amuto kama vulo la tia muto ge tautaulailo tetala.
33
Lolo la merera la vitovo mulila isa lou. La tahalo isa taoka la magasa, me eia galu la mahuma la vaen oio vola, eia bigomua kaluvu, a goio igolu la muli la vululo la vaen, me eia tigi la kale la pahautu la mahuma, me eia goio piligia giteu la valua la baumuli la vaen la mahuma le, eia goio tuga goio la gale malau isasa, pou oio volao.
34
La imamala la ilali matuha, eia baha isahari egiteu la valua la igogolu te tala soio te giteu ale boumuli la mahuma, veia eiage abi bakisi la mapala mahuma tetala.
35
Eala moli egiteu ale baumuli la mahuma la vain,sautola egite la valua la igogolu tetala, egite kue isasa, bili isasa,ale isasa lou egite ubila la wati.
36
Goio etama la magasa, bahalou isahari, egiteu la valua la igogolu,pepe egite ale mamuga. Eala moli egite la valua la gilalu la vaen, Egite igo lou egite mae egite ale igoitio.
37
Mulmuli vola e tamala magasa baha e latula sesele soio tegite, eia vei mago,egite ge togo e latugu ele.
38
Eala moli egite la valua la gilalu la vaen hilo e latula, egite viveila kabili tegite mae,Etatoge bilia soukage eiage balava la mahuma te tamala, ioge etatoge bilia, mumuli etatoge abipolo la mahuma te tamalale.
39
Egite puli taroa loilo la mahuma la vain goio egite bilia.
40
La imamala e tamala mahuma la vaen gomai, eiage igo lou larova soio tegiteu la valua la gilalu la vaen?
41
Egitege veia la mago,eia ge igo geru egite, me eiage abi poloa gite isasa la mahuma la vaen, egite ale, la mahuma ge matua,egitege lukuluku,me egitege abi polo te tama la mahuma.
42
E Isus veia giteu mago, "amuto souka gigi la merera te uru, La wati ale kama tartigi oio la milatalata giteu ale kaukatu,egite mukupile la wati alele,eia sibitalati mae la sosole la luma isasa ale vagari esesle,ale eia guvi oilo tela masaga la uru sesele,me eia isapolo sesele oio tela mata miteu?
43
Eala eau veia mutou, E God ge abitaro le amuto la kindom tetala, me eiage abia giteu la valua ale ge visibitala la ilalila.
44
Egiteu la valua me hatavile ale ge boru loata la watiele egitege mapola geregere.eala moli mae la wati alege paru loata te la valua me hatavile egitege kama kokora sesele,
45
La imamala egiteu la gama giteu e prist me egite u e parisaio lolo la merera la vitovomulila te Isus,egite mata kilala tavua mae,eia igo la merera soio tegite.
46
Egite pamuli la gauru alege sautola e Isus,eala moli egite taga, la vuhula egite la valua me hatavile usu oio,La vuhula la valua me hatavile usu hilo e Isus vea eia isa la prpet.
Chapter 22
1
E Isus vigia lou soio tegiteu oilo tela merera la vitovo mulila.
2
La mautu la sagegela eia mae e King isa raragi la ilali la taulaila te latula ale hatamale.
3
Eia goio baha egite la valua la igolula tetala goio ge puli egite ale eia baha tavu egite ge gomai tela ilali la taulaila,alamoli egite kama gomai.
4
Eia goio baha lou isahari egite la valua la igolula, me a veia gite mago,'Veia gite ale eau bahatavu egite le,Hiloa eau raragiti la ilali.Eau bili ti la kau eau raragiti la ilali la paga tomi raragiti.gomai la ilalli la vitirorola ""
5
Ala moli egite kama lolo la merera tetala egite tuga, Egite isasa goio la mahuma tegite, isahari goio la igolula tegiteu.
6
Egite ale isahari laotola egite la tahalo la igolula te King, igo mahela egite goio bili egiteu.
7
Tio e King igotolo tio, a goio bahataro egite Ami tetala goio bili tomi egite la valua ale bilibili goio selu la siti tegiteu,
8
A goio veia gite la valua la igolula tetala, 'La vitirola raragiti,Alamoli egite ale eau bahatavu egite kama gabu tikumua.
9
Ala amuto goio tela matala gauru ale uru tolatomi egiteu la valua ale amuto ge poga egiteu puli egiteu somai tela ilali la vitirorola.'
10
Egite la valua la igolu gogala tela gauru tola vikapopo tomi egite la valua me hatavile ale egite poga egiteu, egite ale kama korakora me ale taritigi tai,Tio la luma la vitirola volu la valua me hatavile.
11
Laimala ale e king goilo a mata soio te egite la valua ale egite tola egite,eia hilo isa la tahalo kama kai la kairobo la vitirola.
12
E king veiala mago,'tabaragu,eme gomai la ba ale mave eme kama kai la kairobo la tirola?'Alamoli la tahalole pou makovu moli.
13
Goio e king veia gite la valua la igolu mago,kisi la limala me la vahala,labea sogala la masori,soio la ba la tilali me la koromagela.'
14
La uru tola la valua usu,alamoli eia hilovi moli lolosa.''
15
Goio egite Paraseo tuga goio viputumulila via egite ge tubigoloa ge eia ge boru oio la merera te tala lou.
16
Goio egite bahataroala egite la valua la vimari te gite,vikapopo me egite la valua te Herod.Egite goio veale Isus mago,''Tahalo la vimari,amite rovia mae eme magiri tela selela, me eme vimari la gauru te God oilo la selela.Eme kama lolo isa la gabutalala te la tahalo isa,me eme kama vitaumetabara gologolo vikapopo me la valalua me hatavile.
17
Ala veia mite,eme gabutala mave?La viturila ale ge loto la uati soio te Sisa a tartigi?''
18
Alamoli eIsus rovi matagaga la birare te gite goio vea gite mago,''Ilava amuto tovolalai eau,amuto la valua ale kama korakora?
19
Vahiloagu la uati ale ge pigia.''Goio egite variala la galela isasa.
20
Goio e Isus veia gite mago,ale la kalulu me la isaisa le ere mite?''
21
Egite veiala mago,''tegite Sisa.''Goio e Isus vea gite mago,me goio abiale Sisa la papaga tetala,me la papaga ale te God abile God.''
22
La imala ale egite lolo alele,egite arepalala sele.Goio egite heletaroa egite tuga.
23
Te lalogo alele egite Sadusi isahari,ale vea la hilitirivula uka,gomai tetala.Egite tahia,
24
mago,''Tahalo la vimari,e Moses vei mae,Mai la tahalo isa taulai akama savu isa e latula, a goio peho,etabarala sele isa ge puli e rutula lavuhula eia ge viguvi e latatu.'
25
E taume rabarabara ivitu, Ale lapusolagu taulai me eia kama savu isa e latula a goio peho, a piligi polo e rutula soio te tabarala.
26
Goio e tabarala la vailuala igo maigo lou, goio la vaitolula, selea goio la vaivitula.
27
Mulmuli tegite tomi, la tavile le peho,
28
Tio tela hiliti rivu la,Eia ge e rutu le ere sele oilo tegite taume tari ivitu ele? La vuhula egite tomi puli eia."
29
Alamoli e Isus goio koli rivua gite a vei mago,"Amuto ruru la vuhula amuto kama rovi la merera mela vagari le Deo.
30
Oilo tela hiliti rivila la taulaila ge oukati mela vitirorola.Alamoli egite ge mae egite la angelo oilo la mautu la sagegela.
31
Alamoli oilo tela hiliti rivula tegite ale pehoti,Mave amuto kama gigi la rova e Deo veita muto, a veimago,
32
Eau e deo te Abraham, e Deo te Aisak, Me e deo te Jacob'? E Deo kama e Deo ale peho ouka eia e Deo ale mahulihuli."
33
La imala egite la valua me hatavile loloa eia ale vei maele,Egite karutu sele la vimarila tetala.
34
La imala egite parasio loloa via e Isus biliti la havi tegite sadusi,egite tomi goio vikapopo tio.
35
Isa tegite ,rovi taho sele la viturila,goio tahia isa la tilahi viage tovo lai eia--
36
Tahalo la vimari, la merera ale mave sele uru tomi oilo la viturila?"
37
E Isus goio veiala mago,"Emege masaga e Deo taume oilo tela hatemu tomi, mela kalulumu,vikapopo mela gabutalamu tomi.'
38
Ale la viturila ale uru me ale la mulugala sele.
39
Me la vailuala viturila a mae moliele~'Masaga e tabaramu mae moli eme lou.'
40
La viturila ilua tabuli moli oata la viturila me egite la propet."
41
Tela imala ale egite paraeio soloio vikapopo,E Isus tahi egite isa la tilahi.
42
A vei mago, " Eme gabutala mave te kraest? Eia e latu le ere?" Egite veiala mago, "E latu le Devit."
43
Goio e Isus veia gite mago, " Me ilava e Devit oilo la kalulu tola leia la ruru, A vei mago,
44
La uru veia la uru mago, " pou tela limagu e gata, karamae eau ge tau egite la gima taume otalo la muli la tilaloa taume'''?
45
Mae e Devit tola le kraest la uru,'Me eia sibitala mae e latu le Devit mave?"
46
La tahalo isa kama kora mulia ge koli la merera tetala,isa tegite katima tahi loua isa la tilahi soko tela logo alele goio tio,
Chapter 23
1
Goio e Isus vigagia soio tegite la valua me hatavile vikapopo me egite la valua la vimari tetala.
2
Eia vei mago, "Egite la valua ale tahoka la mari me egite paraseo pou oilo la pulou te Moses.
3
Eala mae la rova egite viamu ge igoa tilimulia.eme ge igoa matamulia.umala tilimulila vulovulo gite, egite mera bubu moli me egite lou kama tilimulimulia.
4
A sele, Egite matevuvu la tikumula ale a tivura etato ge bolea, goio egite vibole la valua me hatavile. Ala moli egite lou kama koramulige saulaia viage bolea.
5
Egite igo la vulovulo gite viage la valua me hatavile ge hiloa . Egite kope uru la mulila viturila me egite suku uru la gilisu la kairobo tegite.
6
Egite masaga moli la muli gite la uru la mautu tela imala la pou golula me la pulou tegite la mulugaluga la lotu oilo tela luma la lotu,
7
me la valua me hatavile oilo tela luma la bilaha la golgolu,ge vei taho egite,me egite ge tolale gite tahalo la mari tela kalulu maroka.
8
Egite umala ge tatola leme 'Rabi,' eme tahoka moli isa la tahalo la vimari, amuto tomi vitame tabarabara.
9
Umala tatola le isa otalo la magasa e tete,Eme tahoka moli isa etamamu oata la ilolalage.
10
Me egite umalage tatola le me la tahalo la 'vimari,' eme tahoka moli isa la tahalo la vimari, e Christ.
11
Ala moli ere uru kabili tamuto eia ge guvi mae la tahalo la igolu moli taume.
12
Erese tahalo vagoata eia e God ge vagotaloa, Mae erese hahalo vagotalo eia e God ge vagoatea
14
13
Emaura mite,la tahalo la mari me Paraseo,me la valua ale kalamea lalua: amuto taurobo la mautu la ilo lalage soio tela valua me hatavile. alamoli amto lou kama koramuli ge tiroro soilo, me egite ale viage tiroro egite kati goilo.
15
Maura mite la valua la mari me Paraseo, egite ale kalamea lalua! Amuto hiliti loio la gale la mago loio goio la gale la mautu loio viage vulo isa la tahalo,la imala a vulo,amuto igoa mae e latu la maligoma mae amuto.
16
Emaura eme ale egite baba me mae la matakea, eme ale vei la veiselea tela luma la lotu, a la pagabubu moli, Eme ere ale vei la selela tela wati la luma la lotu,eme lotalo la kilisi tela merera ale eme igoa.'
17
Amuto ale matakea la gabutala ale tartigi ouka, la rova uru, la wati meme ouka la luma la lotu igo la wati meme maroka viuviu?
18
Eme ere ale vei la selela te la poro tabu, a la paga bulahu moli, eme ere ale vei la selela tela viabila a oata ovola, eme lotalo la kilisi tela merera ale eme igoa.'
19
Amuto ale matakea' Ale mave uru, la viabila ouka la poro tabu igo la viabila maroka viuviu?
20
A mae alele, ere veila seselela te poro tabu, la merera alele avu robo tomia.
21
Me la tahalo ale vei la selela tela luma la lotu,a me a tela tahalo ale pou oilo vola.
22
La tahalo ale vei laselela tela ilo lalage,a veia tela pulou la uru te God me tela tahalo ale popou oata vola.
23
Mata rara,amuto la tahalo la mari me Paraseo me egte ale la kalamea gite ilalua, amuto viababi la vavua la Mint mela Dill la vavua la Kumin alamoli amuto kama tilimuli la papaga ale ururu tela viturila mae la vulovulo ale matata mela gilogo mela tautaulailo.amuto karamuli ge igo la papaga aleoie alamoli amuto piligi taroa goio igo sapolo isa.
24
Amuto la matakea vahililoa gite polo la gauru,amuto abitaro e lovo bisisie alamoli amuto sogomu la kamel.'
25
Emoura mite, la valua la mari me paraseo me hipokrit,amuto rauvei la vovo la kapu mela pilete ale logala,alamoli la ilola loilo volu mela paramurahala kali sasaela.
26
Amuto paraseo matakea, igo matagaga muga la ilo la kapu mela pelete, La vuhula la vovola logala taige maroka tai.
27
Emaura mite la valua la mari me paraseo me hipokrit, amuto mae la hova la uati la pileho,ale vovola logala maroka taho, alamoli la ilola iolo volu la tatuha gite ale pepeho me a mugu sele.
28
Oio tela gauru alele, emetai ale logala sibitala matata soio tela valua, alamoli ale oilo volu mela kalisasaela mela mumugu.
29
Emoura mite la valua la mari me paraseo me hipokrit, amuto tigi laluma la wati tegite propet tokoromola la vulovulo ale matata.
30
Eme veimago, maige amite ge mahuli tela imila te tama gatou,e tato kama ge vikapopo me egiteu ge bili e gite la propet.'
31
Ala amuto veipalaea mae amuto latatu gite ale bili egite propet.
32
Amuto tai vivolu la malau la mahulila te tama mutou.
33
Amuto la pase, amuto la hili la pase ale bilibili, amuto ge hele la ilapu matatala tela la mautu la havi mave?
34
Ala moli, hiloa,eau ge bahea amuto egite propet me egite la valua la mari tela viturila. isahari tegite ge peho oata la tovolautu; isahari amuto ge lubi malago e gite me ge basimuli egite sogala la siti.
35
La masovala via oata tamuto la kasoso ale magiri matata pagele otalo la magasa, loio tela kasoso le Abel ale matata, goio tela kasoso le Sakaria e latu le Barakaia, ale eme bilia kabili laluma la alta.
36
Eau veiamuto la selela, la papaga tomi aleie ge guvi loata tela hilimutou.
37
Jerusalem, Jerusalem, amuto ale bili egite propet me egite ale amite baha egite somai tamuto'' Vakariva e iau gabutala ge vikapopo e latatu muto, mae tila la kireko ale pigirobo e latatula lotalo tela palpalala,ala moli amuto ka masaga.
38
Hiloa, la luma taume katima tartigi.
39
Ale eau veiamu,eme katige hilo eau sokoa gageie kara ememge vei mae, 'La vaibalavala te la tahalo ale gomai tela isa la uru."
Chapter 24
1
E Isus gali loilo la luma la lotu me eia tatuga la gauru.Egite disaipel gomai vituriala la luma la lotu.
2
Alamoli e Isus kolia gite mae,'amuto kama hilo la papaga aleie? Eau veiselea mutou,la uatati ale tabuli soatata sotalo isa kama ge piligi via akama ge paru,
3
Eia goio pou oata la olu e Oliv, egite la disaipel gomai kovu tetala me egite veiala mago,"veia mite la papaga aleie ge guvi gaisa? Erese la irovilala ge veipalaea mite la gomai la taume me la kaluvu la mahulila aleie?
4
E Isus kolia gite mago,"mata rara soukage isage viruru amutou.
5
Egite usu ge gomai te la isagu.Me egite ge veimae, 'Eau e Kraist,;me egite ge viruru amuto usu.
6
Eme ge lolo la vaubila me la rere la vaubila.Matamulia mae la ilomu umala ge ruru, la papaga ale ge guvi muga,alamoli la tapasi lalogo souka.
7
La mautula ge vahugu tavu,me la kingdom ge vahugu tavu.La vitolola me lamalugulugu ge guvi te la mautula isahari.
8
Alamoli la papaga aleie egite la siloko la iligiligi tela taposala.
9
Goio egite ge taume soio tela tikumula ge bili me.Egite la maututula ge gima me tela isagu moli.
10
Goio usu ge boru, me egite ge vipou bara, Egite kamage masaga egite isasa
11
Egite propet la vasigologolola ge hiliti me egitege viruru usu tamuto.
12
La vuhula la vulovulo ale kamakora ge guvi uru sele, Usu la ilisulisu tegite te God ge maigi.
13
Alamoli la tahalo ale magiri vagari kara la tapasila age mahuli.
14
La merera te la kingdom tela uru ge gogala tela maututula tomi.Goio la tapasila mahulila ge guvi.
15
Ala mae,eme ge hilo la papaga ale e propet Daniel veipalaea, a magiri oilo la ba ale maroka " [ la tahalo ale gigigi age rovi lala],
16
Egite ale oilo e Juda hele soata la Olu,
17
La tahalo ale oatala varu la luma umalage sosivo sotalo ge abi isa la pagaoilo la luma tetala,v
18
18La tahalo ale orivo kamage beua soluma ge abi isa la kairobo tetala.
19
E maura miteu ale savu me egite ale boko peso oilo tala logologo aleie.
20
Emege kaka via la tulugaluga taume umalage sibitala tela imala lolovi ouka la sabat.
21
La imala alele la tikumula uru sele ge guvi soko palati te la silokoloko karati igoe isa kati koramuli lou.
22
Maege la logologo ale iele ge boto la vovo kama koramuli ge mahuli, Alamoli tegite ale e God hilovi ti egite .Egite la logologo alele ge boto moliti.
23
Goio mae isa ge veiamu mae, Hiloa,e Christ male. oka, E Christ maleio, umala tautau lailo ovola.
24
Egite Christ me propet la vasigologolola ge gomai ge vailo amu la irovilala,teale ge virumei,age koramuli mae eme masagea.
25
Hiloa, eau valoka ti me mamuga tela imala.
26
Alamoli, mae egite ge veiamu mago, hiloa, eia male oio la kuepa,umala gogala la kuepa,uka,hiloa,la tahalole oilola kapi utu,'umala tautau lailo vola.
27
Tela matagagala ale kakaha lomuli e Ist goale e ves,la gomaila te latule God ge maiele.
28
La ba ale mave la kalia ale peho ovola,la malu ururu ale alali la kalia ale peho ge vikapopo ovola.
29
Ala moli lotigu moli tela tikumula te la lalogologo alele la logoharo ge guvi, la taio ka ge paga, la matabu ge paru loata la mori,me la vagargari la ilolalage ge malugu.
30
Goio la irovilala te latu la Tahalo ge guvi oata tela mori, me egite la maratatila ale otalo tela magasa ge robe. Egite ge hilo la tula Talo ge loata tela mori vikapopo mela vagargarila me la marasala tetalala ale uru sele.
31
Eia ge baha eigite la angelo vikapopo mela tilali la vaivai ale uru sele, me egite ge vikapopo tomi egite ale eia hilovi ti egite loio te la mata la lolovi iva, loio tela tapasi la mori goio te isa.
32
Abi la vimarila loio tela fig tri.la imala ale la halala ge taro me eia ge tau halaba la galagalala,Eme ge rovia la imala haro mela lovi hagaviti ge ali.
33
Me oio tai, mae eme ge hilo la papaga aleie, Eme ge rovia eia hagaviti, omai la mata piro.
34
Eau veiamu la seslela,egite la hilimu aleie kamage kokovu me egite ge hilo la papaga aleie ge sibitala.
35
La ilo lalage mela magasa ge kokovu, Alamoli la merera tagaku kage kokovu.
36
Gabu tikumu la logo me la matala haro alele Isa kama rovia,Egite la angelo la ilo la lalage ka rovia taia, E latula tai ouka,E God tamagato moli rovia.
37
La imala te Noah sibitala, La gomaila te latu la tahalo ge mae volale.
38
La logologo isahari mamuga tela karoro egite alali liliu, taulai vitiroro kara tela logo ale e Noa h tiroro soilo te Sipi,
39
Egte kama rovi isa la paga kara mae la karoro gomai sali taro tomi egite --La gomaila te latu la tahalo ge mae moli volale
40
Mae la tahalo iluage orivo tela mahuma--La uru ge abi isa, isa ge pou rivu.
41
la tavile ilua ge mumu la vaua la grein-- isategira ge tuga, isage pou rivu.
42
Eme ge matarara, La vuhula eme kama rovi la logo sele ale mave la uru taume ge gomai
43
Ala moli eme ge rovi taho aleie, mae e tao la luma ge rovia mae la logo la tahalo la pakaklila ge gomai,eia ge matarara lavuhula egite souka ge sae utu la luma tetala.
44
Ala eme ge raragi,E latu la tahalo ge gomai tela imala eme kama raragi.
45
Ala ere isa tautaulailo a mari me eia la tahalo la igolula, la mulugaluga tetala ge abiala la muli oilo tala luma me eiage abiala la ilali te la imala sesele?
46
La vaibalavala ge tela tahalo la igolula ale la mulugaluga tetala ge poga tavua ale eia igigo alele la imala ale age gomai.
47
Eau veiamu la seselela la mulugaluga tetala ge vipoua loata la paga tomi ale eia taolea.
48
Alamoli la tahalo la igolula ale kamakora veia oilo la hatela mae,Lamulugaluga oio kati gomai harari,'
49
Me eia goio soko la kulue gite ale egite vigolu tomi,Eia goio ali liu tomile gite la tahalo la iliu.'
50
Goio la mulugaluga tela tahalo la igolula ge gomai tela logo ale eia kama gabuta via age guvi me tela imala ale eia kama rovia.
51
La mulugaluga tetala ge vali momo eia me ge tilimuli la vasigologolola tetala age tali ge koromagege.
Chapter 25
1
La mautu la sagegela te God age mae la tavile savulusa souka mavuta tomi la tahalo isa egite abila la lamu tegite via goioge polo utu la tahalo la taulaila.
2
Taho lima momolo taho lima mari.
3
Egite ale taho lima momolo kama tamasi la weli ge vabi vikapopo mela la lamu tegite.
4
Egite ale taho lima mari tamasi la weli abi vikapopo mela la lamu tegite.
5
La imala la tahalo la taulaila kama guvi hari la matagite tabibi egite mavuta.
6
Goio la logo uru vali posa la tilali, 'gomai hilo la tahalo la taulaila,gali sogala kakatavua.'
7
Egite tomi hagolo hiliti tulua la lamu tegite.
8
Egite ale molo veia gite ale mari mago, 'Abia mite bakisi la weli tamuto la vuhula la lamu tamite mate tie.
9
Alamoli egite ale mari kolia gite mago,Ale bakisie kama koramuli etato tomi, goio tegite ale baha la weli loto tamuto.'
10
La imala egite tuga viage loto,la tahalo la taulaila gomai guvi, Egite ale raragi tuga vikapopo me eia soio tela ilali la taulaila,la mata kapi tio.
11
Mulmuli egite ale taho lima gomai guvi egite vei mago,uru, uru, kope amite,
12
Alamoli eia goio kolia gite mago, la selela eau veia muto, Eau kama rovi amuto.'
13
Matarara la vuhula eme kama rovi la logo mela imala.
14
Amai moli la tahalo isa tuga goio la mau tu sobali.Eia tola vikapopo egite la valua la igolu tetala me eia abia gite isasa la vuliti tetala.
15
Te ale isa eia abiala la uati ilima, Ale isa eia abiala ilua, teale isa eia abiala isasa, Egite abi la uati karamuli la vagari gite isasa, la tahalole tuga soio tela ba malau.
16
La tahalo ale abi ilima goio vigolu tetala a visibitala lou ilima.
17
A igo maigo La tahalo ale abi la uati ilua tau lou ilua loata.
18
Alamoli la tahalo ale abi la uati isasa tuga goio oli la lulu sotalo la magasa, me eia tau kovu la uati te la mulugaluga tetala.
19
Goio la imala malau la mulugaluga tegite la valua la igolu gomai ge abi rivu la uati mela uru la vikapopo me giteu.
20
La tahalo la igolu ale abi la uati ilima gomai tomi la uati ilima lou. Eia vei mago 'Tahalo uru, eme abiagu la uati ilima. Hiloa, Eau viguvi lou ilima loata,'
21
La mulugaluga tetala veiala mago, 'Eme igo taho selea, tartigi eme la tahalo la igolu ale la tiamu omai taku, Eme tartigi te la paga ale bakisi. Eau ge taume ge baumuli la paga ale usu.Tiroro soilo la sagela te la mulugaluga taume.
22
La tahalo la igolu ale abi la uati ilua gomai vei mago, 'Tahalo uru eme abiagu la uati ilua. Hiloa eau igolu lou ilua taua loata vola.'
23
La mulugaluga tetala veiala mago,' Eme igo tigi sele! Eme la tahalo la igogolu ale tartigi sesele te la boumuli la papaga ale bisisi . Eau ge taume ge boumuli la papaga ale usu.Tiroro soilo la sagela te la mulugaluga taume.
24
Goio la tahalo la igolu ale abi isasa gomai veiala mago, tahalo uru, Eau rovia eme la tahalo ale vagarisele . Eme luku la gilalu ale eme kama galua, eme ali loio lailali ale eme kama galua.
25
Eau taga, ala Eau goio ulai kovu la uati ta ume. Male, la uati taume.'
26
Alamoli la mulugaluga te tala koliala mago, ''Eme la tahalo ale kama kora me la tahalo la silahala, eme rovia mae Eau kama la tahalo la gilalu me Eau tai kama la tahalo la ilukuluku.
27
Ala eme karamuli ge tau la uati taku oio la luma la uati, La imala Eau ge gomai eau ge abi la uati taku vikapopo me la uru la.
28
Ala abi taro leia la uati abia la tahalo la igolu ale tahoka la uati savulusa robo.
29
Egite tomi ale tahoka, ge abi louala usu peho- ala moli la tahalo ale kama tahoka isa la paga, ouka la paga ale eia tahokea ge abi taro leia.
30
Sautolea la tahalo la igolu ale kama tartigi pigia sogala la maligoma tela ba ale eiage tali ge koro magege.'
31
La imala e latula tahalo ge gomai oilo tela matagagala tetala vikapopo me gite la angelo me eiage pou oata la pulou la marasala tetala.
32
Mulmuli tetala la mautu la magasa tomi ge vikapopo, me eiage vilele la valua me hatavile kabili tegite lou, maemoli la tahalo la vibaumuli la sip vilele la sip loio tela Gout.
33
Eiage tau egite la sipsip soio tela limala ew gata
34
Goio e king ge veia gite ale pou te la lima la e gata, 'Gomai, la vibalavala te tete a taume pou la mautu la sagegela ale viraragitia taume te la silokoloko la maututu la magasa.
35
La imala Eau vitolo eme abiagu la ilali; La imala Eau malehu eme abiagu la lalu; Eau mae la mosi eme kaka tavu eau soio taume;
36
La imala Eau kalakalaka eme vikai robo eau; La imala Eau lea eme baumuli eau; La imala Eau pou oilo tela luma la torobo eme gomai tete lai eau.'
37
Goio la tahalo ale maroka ge koliala mago,Tahalo uru, La imala ale mave amite hilo me vitolo amite abiamu la ilali? O Eme malehu amite abiamu la lalu?
38
La imala ale mave amite hilo me la mosi amite kaka tavu me soilo? o la imala ale mave eme kalakalaka amite vikairobo me?
39
La imala ale mave amite hilo me lea o eme oilo la luma la totorobo amite gomai taume?'
40
Goio e King goio kolia gite mago, 'La selela Eau veiamu, larova eme igoa te tabarabaragu bisisi, ale eme igoa somai taku.'
41
A goio veia gite ale te la limala e meru, 'Hele taro eau, eme kamakora, goilo la havibibila ale raragitia te la hitu me egite la angelo tetala,
42
lavuhula Eau vitolo, alamoli eme kama abiagu la ilali; Eau malehu, eme kama abigu la lalu;
43
Eau la mosi, eme kama kaka tavu eau soilo taume, Eau kalakalaka, eme kama vikairobo eau; Eau lea me oilo la luma la totorobo, alamoli eme kama bomuli eau.'
44
Egite kolila mago, 'Tahalo uru, Laimala ale mave amite hilo me vitolo, O malehu o La mosi,o kalakalaka, o Lea, o oilo la luma La totorobo, amite kama mamata taume?'
45
Eia goio kolia gite mago, 'La selela eau veia muto, La rova eme kama igoa soio te isasa maie, Eme kama igoagu.'
46
Aleie ge goilo la iligiligi ale la kaluvula ge ouka alamoli egite ale magiri matatata te la mata la uru ge goilo la mahulila ale tapasila ge ouka."
Chapter 26
1
A gomai tela imala e Isus ge vikaluvu la merera aleie, Aveia gite la disaipel tetala,
2
"Eme rovia mae mulmuli tela logo ilua la pasova ge gomai, e Latu la Tahalo ge goio egite ge taua oata la tovolautu."
3
Goio la mulugaluga tegite prist me egite ururu tegite la valua ale vikapopo oilo tela luma tegite prist,la isala e Kaiapas.
4
Egite viputu mulia viage sautola kovu moli e Isus ge bilia.
5
Egite veimago, kamage te la pou golula, la vuhula la valalua soukage hiliti tavu egiteu."
6
Tio la imala e Isus oilo e Betani oio tela luma te Saimon la sereka,
7
Eia pou te la pulou tela ba la ilali, La tavile isa gomai tetala me eia ababi la botoli la Alabasta la weli la abirila ale maliae la mapala uru sele,me eia goio tigitaroa oata la gamala.
8
La imala egite disaipel hiloa maele, egite igotolo me egite vei mago, "La vuhula ilava eme vikaluvu bubu molia?
9
La paga ale koramuli ge bahea ge abi la uati ge abia gite ale pou la savelela,"
10
Alamoli e Isus, rovi tia, agoio veia gite, '' La vuhula ilava amuto tiabaraea la tavile aleie? Eia igoagu isa la paga ale tartigi sele.
11
Egiteu ale pou la savelela pou vikapopo le amuto tela imala tomi, Alamoli amuto kamage vikapopo me eau la imala tomi.
12
La weli la abirila ale eia tigitaroa oata la vovovgu, Eia igoa tela ulaigu.
13
La seselela eau veiamu, La ba ale mave ge valolo la merera te uru ovola otalo tela mautu la magasa, La rova latavile igotia age sibitala mae la vigile muli polola tetala."
14
Goio isa tegite ale savusa gete lua, La isala e Judas Iskariot, tuga tavu la mulugaluga tegite prist
15
Avei mago, "La rova eme masaga ge abiagu mae eau ge tau eia tela limamu." Egite goio abi la bari itolu abiala.
16
Oio moli volale eia soko la milata la gauru ale ge tau eia soio te la lima giteu.
17
Te la siloko lalogo te la bret ale la ist kama ovola egiteu la dissaipel gomai te Isus egite vei mago, "Eme masaga amite ge raragiamu la ilali la pasova oiove?"
18
Eia vei mago, goilo tela tahalo isa oilo la siti veiala mago, "La tahalo la vimari vei mago, "La imala tegaku omai ti. La pou golula tela pasova ge omai tela luma taume vikapopo me gite la disaipel tegaku."
19
Egite la disaipel igoa mae ale e Isus veia giteu, Me egite raragi la ilali la pasova.
20
Goio lapaga logo, Eia pou otalo viage ali vikapopo me egite la disaipel savulusa getelua.
21
La imala egite alali, a veia gite mago, "La seselela eau veia mutou mae isa tamutoge tau eau soio te la lima gite la gima."
22
La tia gite tikumu sesele, goio isasa tegite soko la tilahila, "ale kamage eau, uru?"
23
Eia goio kolia gite mago, "Isa amila ge vitau tomi la limamila sotalo la dis me eia moli ge tau eau tela lima gite la gima.
24
E latu la tahalo ge tuga, tilimuli la merera veitia. Alamoli la tikumula ge tela tahalo ale sugutaro e Latu la Tahalo soio tela gima! Age tartigi moli mae e tilala umala ge taposa eia."
25
Judas, alege tau eia tela gima vei mago,"Eau moli, tahalo la vimari ia? a veiala mago, "Me eme lou vei tiale."
26
La imala egte alali,E Isus abi la bret vibalavea,kaluvu eia tovia.Eia goio abi gite la disaipel a vei mago,Abia,alia.Ale la vovogu."
27
Eia abi la mapa a vei taho la uru ovola,me eia goio abia gite a vei mago, "Amuto tomi ge liua.
28
Ale la kasosogu tela vitaume tabarala a pagele tela valua me havile tomi tela ilube la iriru temuto.
29
Alamoli eau viamu, Eau katige liu lou la vavua la vain aleie. Kara te la logo ale eau ge liu ale halaba vikapopo le eme oilo la mautu la sagegela te tete."
30
Goio egite bau isa la bilau la lotu,Egite gali sogala goata tela olu e Oliv.
31
Goio e Isus veia gite mago,"Amuto tomi ge boru galogo la vuhula eau, La merera veia, Eau ge kue la tahalo la baumuli la sip me egite la sipsip ge hele marapa."
32
Alamoli la imala eauge hiliti rivu, eau ge vimuga soilo e Galili."
33
Goio e Peter veiala, Egite tomi ge boru la vuhula eme, Ala moli eau kama koramuli ge boru taro eme.
34
La seslela eau veiam, Galogo mamuga la kukureko ge tali emege tahi taro eau tagara itolu."
35
E Pita veiala mago, me Eau taige peho tomile emei,Eau kamage tahi taro mei," Egite tomi la disaipel la vikara tegite visauru moli mae te Pita.
36
Goio e Isus tuga tomi le egite goio tela ba isa la isa la e Getsemane a goio veia gite la disaipel, "Popou omaie eau goio ge kaka,"
37
Eia puli e Pita me e latu le Zebedi ilua vikapopo me eia goio la tia gite gori marapa sele."
38
Goio a veia gite mago, "La kalulugu oilo gogori sele, te la pileho Amuto pou moli omae E tato ge mamata."
39
Eia goio tuga suku lou bakisi lou soio,A boru lagutu otalo a kaka,A vei mago,"Tete,, Mae akamage tivura, akora la kap ale ge abitaroa lomai taku. Akamage, la masagagu, Tilimuli la masaga mu."
40
A gomai tegite la disaipel poga egite mavutati, Agoio veiale Pita, Mave, eme kama koramuli ge Hagologolo tomi le eau la aoa ge isas?
41
Mamata kaka eme soukage tiroro soilo la tovolaila. La masaga la tela kalulu oio, alamoli la vovo bare sele."
42
Atuga lou la vailua la me eia kaka. A vei mago, "Tete, amae kamage abilelea akora euage liua, La masagala taumemge guvi."
43
A gomai lou poga egite soloio mavuta,La mata gite tabibi.
44
A piligi lou egite me eia tuga goio kaka tela vai tolula, a vei loua la merera a veia igoitio.
45
Goio e Isus gomai tegite disaipel aveia gite mago,"Amuto solo mavuta ababi la mailala? Hiloa, La imala omaiti, E latu la tahalo oio tila lima gite latahalo lairiru.
46
Hiliti,tatoge tuga. hiloa, La tahalo ale ge tau eau te la limala la gima hagaviti.
47
La imala a solio meramera, e Judas,isa tegite ale savulusa gete lua,gomai. La valua usu sele gomai tomi leia loio tegite la mulugaluga tegite prist me egite ururu tegite la valua.Egite gomai tomi la viso me la tahalo la vaitolu la ale tokoromo taho,
48
Goio la tahalo ale ge tau e Isus tela lima la gima igoa gite la irovolala, a vei mago, "ale eau ge piua,Eia la malele, sautola eia.
49
A igoharari moli goata te Isus veiala mago, "La logo' "tahalo la vimari,"A goio piu eia,
50
E Isus veiala mago, tabaragu,igo la rova eme masaga gomai ge igoa."Goio egite gomai,tau la lima gite oata te Isus, egite sautolea
51
Mata soio isa tegite ale te Isus taula lima la sogala, abi la viso tetala, goio sabala la tahalo la igolula te la mulugaluga tegite prist, a goio valiutu la gavusala.
52
E Isus veiala mago,Taurivu la viso taume soio la mulila,Egte ale ababi la viso ge peho la viso.
53
Eme soge gabutala via eau kama koramuli ge tola soata te tete, age baheagu egite la angelo?
54
La merera ale agoa ge puru mave, mae ale kamage sibitala?"
55
Tela imala alele e Isus veia gite la valalua, Amuto gomai tomi la viso mela valua usu ge sautola eau mae la tahalo la pakalila? Eau popou la hararao oilo la luma la lotu vimarimari, amuto kama sautola eau.
56
Alamoli la papaga tomi ale sibitalati la vuhula la ilago la merera tegite Propet ge puru."Goio egite la disaipel tomi hele tio.
57
Egite ale sautola e Isus lapu eia soio te kaiapas la mulugaluga tegite prist, La ba ale egite la valua la mari tela turila me gite ururu pou vikapopo ovola.
58
E pita harimuli egite alamoli a taua gite e ba goilo la babulahu moli oilo tela luma tegite la mulugaluga tegite prist. Eia goilo pou tomi le gite gat ge hiloa la rova ge guvi.
59
Egite la mulugaluga tegite prist me gite kaonsel mata isahari la merera ale kama sesele ge ubile Isus, viage egitege bilia.
60
Egite kama poga isasa,alamoli lavalua la vasigolola usu sele golagu mera, Mulmuli taholua lua tuga solagu.
61
Egirea vei mago,"La tahalo ale veimago,'Eau koramuli ge lobe la luma la lotu te God kabili tela logo itolu eau ge vimagiri rivu loua."
62
La mulugaluga tegite prist magiri oata a veiala mago, "Eme kama tahoka isa la kiloli la merera? Tela rova egite pipigiamu?"
63
Alamoli e Isus kama meramera.La mulugalu tegite prist veiala mago, "Eau tahime te God ale mahulihuli, Veia mite eme e kraist, e latule God,"
64
E Isus koliala mago eme lou veitiale.Alamoli eau veiam, soko igoe goio eme ge hilo e latu la tahalo ge pou oio te la limala e gata ale vagarisele. age gomai oio tela tuluvu la mori la mautu te God
65
Goio e prist sile la kairobo tetala goio veimago,''eia merabara'.Ilava etato solo masaga egite ale ge magiri labali gato? Hiloa, igoie eme sele lolo la vikara malagola tetala.
66
Eme gabutala mave?"Egite koliala mago,''Eia ge peho''.
67
Goio egite kapute volu la lagula kuea,me egite sabala leia la lima gite,
68
Egite vei mago,"Veia mite,Eme e kraist.Ere male sabala me?"
69
E Pita popou oio la ba bulau moli oiola luma tegite prist,La tavile la igolu gomai veiala mago, Eme tai vikapopo me Isus le Galile."
70
Alamoli eia tahi taro te la matagite tomi, Mago, "Eau kama rovi la paga ale eme vevia."
71
La imala a gogala la mata la gauru, La tavile la igolu isa lou gomai hiloa a veia gite ale oio la ba alele mae, " La tahalo aleie atai vikapopo me Isus le Naseret."
72
Eia goio tahitaro lou me a valima,"Eau kama rovi la tahalo alele."
73
Goio kamataba egite ale magiri oio la balila goma veiale pita," Asele emetai isa tegite, La meramera taume tau pala me."
74
Agoma sokola mera barala me a valima,"Eau kama rovi la tahalo alele,"Kama taba la kureko tali.
75
Goio e Pita gabutala la merera e Isus veia,"La kureko soukage tali emege tahitaro eau vaka tolu."Agoio gogala me a tali geru sele.
Chapter 27
1
Goio lapaga utupola,egite la mulugaluga tegite prist me egite la valua ururu kisi isahari la merera ale ge ubi leia ge bilia.
2
Egite kisi tolea,tutua soio te Paelat.
3
Goio laimala ale e Judas,ale tau eia soio la lima la gima ,hiloa mae egite vivomaelati e Isuso,avulo la gabutalala tetala me a goio vahari rivu la bautu la uati itolu soio tegite la mulugaluga tegite Prist me egite la valua ururu,
4
Me eia vei mago,''Eiau igoti la iruru tau ti la kasoso ale kama rovi isa la paga soio la lima la gima,''Alamoli egite vei mago,''Ale larova somai tamite?Eme sele hilo mulia.''
5
Eia goio laba la bautu la silva itolu oilo la tempel,me eia goio heletaro egite,eia goio tili ogala.
6
Egite la mulugaluga te gite Prist abi la baututu la silva vei mago,akama la merarobo viage taua soilo la luma la uati,la vuhula ale la uati la kasoso.''
7
Egite tomi viveila la paga alele me la uatio egite loto la ba te la tahalo ale pupuhi la kabalbala viage ulai la moimosi oiovola.
8
Te la vuhula moli aleie la ba alele egite toila ''La ba la kasoso ''kara igoie.
9
La papa tomi ale e propet Jeremiah veveia sibitala igoe, Mago,"Egite abi la uati savulu tolu, la mapala ale la valua e Israel taua,
10
Egite abia viage la ba puluhi la kabala, ale la uru vuriagu."
11
Goio e Isus magiri la mata le gavana, tio e gavana goio tahia," Eme e king tegite Juda?"E Isus koliala mago,"Eme vei loua."
12
Egite la mugaluga tegite prist me gite ururu ubileia la merera ala akama koli isa la merera.
13
Goio e paelat veiala mago,"Eme kama lolo la merera ale veiamu?"
14
Ala moli eia kama koli isa la merera, E gavana karutu sele.
15
Te la pougolula a la viturila te gavana ge bahataro isa la tahalo ale oio la lumala totorobo tela masaga gite la valalua.
16
Te la imamla alele egite tahoka isa latahalo ale kama kora sele oio la luma la torobo la isala e Banabas.
17
La imala egite vikapopo e Paelat tahi egite, "Amuto masaga eau ge lubea muto ere? E Banabas, ouka e Isus?"
18
A rovia egite abi e Isus soio tetala la vuhula la tiabarala.
19
La imala eia pou te la pulou la ilapu matatala, Erutu la baha la merera soio tetala veiala mago," Umala igigo isa la paga soio tela tahalo ale maramara, Eau omai gabu la iligi igoe la vuhula eau matalovi eia."
20
Egite la mulugaluga tegite prist me gite ururu totosuku egite la vala ge kaka e Barabas,e Isus egitege bilia.
21
E gavana goio tahi egite, "Ere tegira ilua amuto masaga eau ge piligia muto?"Egite vei mago, " E Barabas."
22
E Paelat goio veia gite, Eau ge igo e Isus ale egite toila e kraest mave?" Egite tomi kolia mago, "bilia oata la tovolautu."
23
A goio veimago, "Ilava, Erese la iruru eia igoa?" Alamoli egite tola vagari oata, Bilia oata la tovolautu."
24
La imala e Paelat hiloa mae a kama koramuli ge igo isa la paga, alamoli la vala tuhatavutia me egite soko tila kulue la, a goio abi la lalu litu la limala mamuga la lagu gite la vala, a vei mago, "Eau maramara loio tela kasoso la tahalo ale kama tahoka la iriru. Amuto lou ge matamulia."
25
Egite la vala veimago, "Akora la kasoso la ge oata tamite me latatu mite."
26
A goio piligi e Barabas soio tegite, Agoio mereala me a tau eia soio ge bilia oata la tovolautu.
27
Goio egite Ami te gavana abi e Isus soilo tela luma la viturila ale uru me egite vikapopo tomi egite Ami.
28
Egite kaitaro leia la kairobo tetala goio vikai le eia la kulkuli ale magesegese.
29
Egite abila mota ale la oroala ovola igoa mae e vevea me egite taua oata la gamala, me egite abila toho taua la limala e gata. Egite tototulu mamuga tala me egite sakiria, mago "male e king tegite Juda!"
30
Egite kapute volua, egite abila toho katu loloa oata la gamala.
31
La imala egite igo mumuli eia, Egite abitaro la kulkuli magesegese goio vikai lou leia la kairobo tetala,goio egite lapua soio ge bilia oata la tovolautu.
32
La imala egite gogala, Egite poga isa la tahalo la isala e Saimon, amale egite totosukua tilimuli egite Lavuhula a ge bole la tovolautu te Isus.
33
Egite goio la ba isa egite toila e Golgata, la masovala mae "La ba la rio."
34
Egite abiala la vaen ale vulo tomila paga ale ama.La imala eia game laia , A katima liua.
35
La imala egite lilia oata la tovolautu, Egite tabari la kairobo tetala tela ilaba la lot,
36
E gite pou lago robo eia.
37
Oata la gamala egite tau la merera ale tolo sogi eia,A vei mae "ale e Isus, e king tegite Juda."
38
La tahalo la pakalila ilua egite lili tai egira oatala tovolautu vikapopo me Isus,isa oio te la limala e gata isa tela limala e meru.
39
Egite ale polopolo la balila giloa,lugulugu la gamagite.
40
Egite veiala,Emege alege lobe la luma la lotu ge vimagiri loua tela logo itolu,Vimahuli rivu mei! mae eme e latu le God, sivo loata la tovolautu!"
41
Igo maigo tai egite la mulugaluga tegite prist igo barabareala, vitomi le gite la valua la mari tela viturila me gite ururu,vei mago,
42
Avimahuli egite isapolo,Alamoli a kama koramuli ge vimahuli eia. Eia e king tegite Israel. Piligia age sivo loatala tovolautu,Ila e tatoge tautaulailo oilo tetala.
43
Eia tau la ilola oilo te God, kora e God ge utululu eia gageie,Mae e God gabutala ge vimaramara eia. Eia lou veimae, 'Eau e latu le God.'"
44
Oio tela gauru alele La tahalo la pakalila ilua oata la tovolautu vitomi leia vikara bara tai soio tetala.
45
46
Te la matala haro valasiu e Isus tali la golula oata sele a vei mago,"Eli,Eli, Lema Sabaktani?" La masovala mago,God taku,God taku, Ilava eme litaro eau?"
47
Isahari tegite ale magirigiri la balila loloa, Egite vei mago,"Eia tatola e Elaijah."
48
La igohararila isa tegite hari goio abi la spons, la vaen ale ama volu oilo vola,Egite tau la toho la viroviro, abiala viage liua.
49
Egite tomi vei mago,"piligi eia. Etatoge hiloa soukage e Elaijah ge goma ge utu lulu eia.
50
Goio e Isus tali la golula oata sele me piligi la kalulula.
51
Hiloa, la kulkuli tela lumala lotu masile posati loata la varula gotalo la vuhula, E malugulugu humu, La watati mapola posa kabili.
52
La liba kope ,la vovo gite ale te God mamavuta egite hiliti tomi.
53
Egite gali loilo la liba mulmuli tela hilitirivula tetala,goilo la mautu ale maroka me a sibitalatavu egite usu.
54
La mulugaluga tegite ami vikapopo me egite ale matatavu e Isus hilo e malugulugu me la paga ale sibitala, Egite taga geru egite veimago," A sele ale e latu le God."
55
Egite hatavile usu tilimuli e Isus loio Galili viage baumulia egite magiri malau moli loio mamata soio.
56
Kabili tegite e mery Magdalen, E Mery e tilale James me Josep,me tila gite e latatule Zebedee.
57
Goio lapaga maulavi, La tahalo la vuliti isa loio e Arimatea gomai, la isala e Josep, Eia tai la disaipel te Isus,
58
A tuga tavu e Paelat tahia la vovole Isus.E Paelat veia gite ge abiala.
59
E Josep abila vovo le Isus, avurobo laisa la kulkuli ale halaba sele,
60
Agoio vitabulia oio la liba tetala ale halaba sele egite valia oilo tela uati. Agoio buli robola matala isauru la uati me a tuga.
61
E Mery megdalen me e taola oio tai popou oio tela gale la liba loio.
62
Galgeli mae,a lalogo mulmuli tela iragila,La mulugaluga tegite prist me gite paraseo pou vikapopo me e Paelat.
63
Egite veimago, Tibo, Amite gabutala loua la tahalo la vasigologolola soloio mahulihuli, a veimago, 'Mulmuli tela logo la itolula Eauge hiliti rivu lou,'
64
Ala emege mera vagari ge pou robo la liba karamae la logo la itolula, Soukage egite la disaipel tetala ge gomai ge pakali eia me egitege vasigolo la vala mae eia hiliti rivuti loio tegite ale peho,' La tapasila vasigologolola ge kamakora tavua la ale mamuga."
65
E paelat veia giteu, "magiri roboa,Goio pou roboa isa kag goio,
66
Tio egite goio magiri roboa, buli robo tahola la uati tau isahari pou roboa.
Chapter 28
1
Hagaviti la kaluvuluvu la logo la Ivitu, La silokoloko la logo tela wiki, E Mery Magdalen me taola gomaige hilo la liba,
2
Hiloa e malugulugu isauru,La angelo te uru loio la mautula sagege la te God, gomai buli taro la uati,goio pou oata vola.
3
La tataro la mae la sima, me la kai robo tetala kea mae la tuluvu la mori.
4
Egite la valua ale lago robo la liba taga la vovo gite pariri me egite mae la tahalo ale peho.
5
La angelo tola la tavile a veiagira mago, "umala tataga, Eau rovia amula pamuli e Isus, ale egite lilia oata la tovolautu.
6
Eia katima omaie, A hiliti rivu ti, Mae moli eia veia. Gomai hilo la ba ale la Uru tabuli oio vola,
7
Igoharari soio veia gite la disaipel, 'Eia hiliti rivuti loio tegite ale peho.Hiloa, Eia mamugati soio e galili.Eme ge hilo eia ovola.'Hiloa, Eau veitiamu."
8
Goio la tavile igoharari moli heletaro la liba me eia taga eia sagege tai, a hari soio veia gite la disaipel.
9
Hiloa,E Isus sibitala tavu egite,me a kavkokiagite, "La tavie gomai, sautola la vahala me a lotu tavu Eia.
10
Goio e Isus veia giteu mago, "Goio veiale tabarabaragu ge goio e galili. Egite ge hilo eau oio vola.
11
La imala la tavile tatuga soio, Mata soio,Egite gat goilo la citi veia gite la gama gite prist la papaga tomi ale sibitala tio.
12
Tio Egite prist tola vikapopo egite ururu ge vikara muli la papaga alele vikapopo me gite, Egite abia gite Ami isa la gale la wati
13
Goio veia gite, "Veia gite isahari,Egite disaipel te Isus gomai la logo pakali la vovola la imala ale etato oio mavuta.'
14
Maige la valolo aleie ge poga e Gavana, etato ge ubi la tiala ge abitaro isahari la gabutala papahila tamuto.''
15
Ala egite ami abi la uati me egite igoa mai ale egite veia gite.Lamerera ale pologalili tomi oilo te gite jew me a soloa kara igoie tai.
16
Alamoli egite disaipel ale savulusa gete sa tuga soio e Galili,soio la olu ale e Isus vituria gite.
17
Laimamala ale egite hilo eia ,egite lotu tavua, alamoli isahari gabutala pahi.
18
E Isus gomai tegite mera soio tegite veia gite mago,''La vagarila tomi oata la mori otalo la magasa omaiti taku.
19
Tuga soio puhi egite la valalua ge guvi mae la disaipel oio la ba tomi.Vuhi egite soilo te la isale Tama,e Latula,me la Kalulu la marokala.
20
Vimari egite ge tilimuli tomi la nerera vagarila ale eiau veitia mutou.Hiloa, Eiau vikapopo le amuto la imala bibi, kara sele te la gilisula maututula tomi otalo la magasa.''
