Babango: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Amos, Colossians, Ephesians, Ezra, Galatians, Habakkuk, Haggai, Hebrews, James, Joel, John, Jonah, Jude, Luke, Malachi, Mark, Matthew, Micah, Nahum, Nehemiah, Obadiah, Philemon, Philippians, Revelation, Romans, Ruth, Song of Solomon, Titus, Zephaniah

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Ruth

Chapter 1

1 Kaikonde ekelamali ndjo:la masiyo mango wasambisi wadjali osombisi sambo,ndjala elingelali la moki, molome mwesi alongwali la Beteleme e Yuda akiya oyabati modidi la moki mo Mwaba, inde,moli onde, la wana wande wale wa pele.
3 Mbuse eho, Elimeleke molome o Naomia aguali, Naomia atikalali inde la wana wande wale wa pele. 4 Mbuse, wana waho wa pele waikali wali wa moki mo Moaba. Mwesi kombo ende Olopa, odji kombo ende Luta. Wayabatali ongo inga mbula liomu. 5 Mbuse iwo wale, Mahalona la Kiliona waguali, Naomia atikalali inde amene, adjangali wana wande wale pe la molome onde. 6 Ayamalali inde la wali wa wana wande, alongwali la moki mo Mwaba, alikambo aokali mboli la moki e Mwaba ate Mwengei adendi wato wande pe awahi okoke. 7 Alongwali eholo edjaki inde oyabati, wali wale wa wana wande wadjaki mongindji la inde, wadjali okeli okendo la owongoyi la moki mo Yuda. 8 Naomia aasali la wali wale wa wana wande ate: kekeni, wongwani, moto la moto la monguta mo nango. Dheeni Mwengei aoyeneseni motema molanu, ndandenge ino oyeneseli walome wango sikalandjo walongoiya ogwui la pe mbai. 10 Wamoaselali ate: te ndjongo, tokokee ebete ekikima ongo ebete e wato wa owe. 11 Naomia aasali ate:wongwani, wana wa mbai. Ndandenge okokeni mongindji la mbai? Idjei aleeti la weti wana wa pele la solo djambai, iwo wakowuma pele djanu? 12 Wongwani, wana wa mbai, kekeni,la likambo iyumiga mowange, molome atiyika kine mbai. Ingate iyasa ate edjei la ondimi ate ikoki ototi molome la lilikolo laate iwote wana wa pele. 13 Okowalambelani tee wabeke? Okowabatelani la likambo la iwo ate otidjeni la pele? 14 Mbuse eho, watelisali mili mawu, walelali aleeti, Olopa amopepwali okiyo onde. Luta ahelanali la inde. 15 Naomi amoaselia ate: denda! mbanda eowe, ongo molome agwi nda ongo owe, awongoiya atie wato wande alidji atie wa engali wande. Wongwa mongindji la mbanda eowe ongo molome pe amogweli 16 Luta aasali ate: otiakonge la mbai ate iyodhee, iwongwe, iyotike, laate ebete ekokee owe mbai pe ikokee,ebete ekolangala owe mbai pe ikolangala. Wato wa owe wakowuma wato wa mbai, Mwengei eowe akowuma Mwengei o mbai. 17 Ebete ekogwa owe, mbai pe ikogwa, pe ongonde wakoomba mbai. Dhee Mwengei akele mbai ndjongo alidji abakese ndjongo, inga eeti ema, olongoli ndji logo nde ekokawola iso la owe. 18 Ango eenia Naomi ate atingamali oki mongindji la inde, adheeli omowaseli. 19 Iwo wale wa biliali mboka ewu tee ewumali iwo ongo la Beteleme. Ekelamali ndjo: ndji engele ewumali iwo ongo la Beteleme, moki kpa mayabandali la likambo lawu, alidji wali wadjali oasi ate: oholo nde Naomia? 20 Aasali la wali waho ate: otiwele ni mbai Naomia. Welani mbai Mala, alikambo Moto odjei la okulu kpaa awumeseli mbai sambo djiake. Ango ekeeli mbai idjali la iho ngbi, sikalandjo Mwengei awongosi mbai maho ohola. Ndandenge ekowelani ino mbai Naomia, ango Mwengei asambwesia mbai, alidji Moto odjei la okulu kpaa adjeelesia mbai odjidji? 22 Naomia awongwali, Luta moseka mo Moaba, moli omanaonde, adjali mongindji la inde ango ewonwali inde la moki mo Moaba, wawumali la moki la engele etenake epunga.
Chapter 2

1 Naomia adjali la manango opele, moto oho adjali la ogumake alidji moto mosungu, la oliye wo Elimeleke, kombo ende edjali Boaza. 2 Mbuse, Luta moseka mo Moaba aasali la Naomia ate: ikoyakongoko la owe, dhee mbai ike la elanga owoni pukapuka ndjinge ikokweseneke mbuse la moto ongo ikwenene olamu la maiso mande. 3 Akeli, alingelali ooni pukapuka djinge ikokweseneke mbuse la elanga. Awumali la elanga e Boaza, ongo odjali moto e oliye e Emilemeke. 4 Denda, Boaza awumali ango alongwali la Beteleme, aasali la wateni opunga ate: Mwengei adje la ino. Iwo wamowaselali ate: Mwengei aopambole. 5 Boaza aasali la mana opele ongo amobatali la otiesakoli wateni opunga ate: mana omoli oholo ndjo adjei ondai? 6 Ndjongo mana opele oho amowongoselali ate: mana omoli oholo adjei moseka mo Moaba, ongo Naomia awongwali la inde, ango elongwali inde la moki mo Moaba. 7 Aasaki ate: ikowakongoko la owe, dhee mbai iwone pukapuka djinge ikokwaka mbuse e wato wango wakotenaka opunga. Ndjongo alingeli, aamalia ndji enge engele e boo, tee sikalandjo adjia ohomi la monguta maakeke. 8 Mbuse, Boaza aasali la Luta ate: ooki mana ombai, te ndjongo? Otike ooni pukapuka la eeti elanga, alidji ewongiti kine okpandi ehele eholo la oki la eeti ebete, la eho, okodja ebete ekikima la wana wa mbai wa wali. 9 Maiso ma owe madje la elanga enge ekobukaka iwo, alidji okoki oki ebete kikima la iwo. Ihi hodha la waawana wapele ate watiyopote, te ndjongo? Ango ekooka owe ehoha, okoki oki ebete edjei teni la okengi mali mango wana wapele wakotukaka. 10 Luta akwali la elongi ende amaali mawuli tee sese, amowaselali ate: ndandenge ibalemi la maiso ma owe, alidji olwanesania mbai, mbai moto odjei modjidji? 11 Boaza apumbisali lundu amowongoselia ate: waaselali mbai kpa djinge emokelelali owe okiyo oowe mbuse e logo e molome e owe, la ndenge odheli sangwa la ngwa, la moki mo wamaangwa, odjia ebete e wato wango otiwayewali. 12 Mwengei awowongosele la djinge ikeli owe, alidji oputame enge ekoki etie Engali Mwengei o Isalayele ongo sese emambulu mande odji oluki owaisi. 13 Luta aasali ate: dhe ibalame la maiso ma owe, likumu la mbai alikambo obondesi mbai alidji owasi la motuke mo owe la ndenge eomogbutesake motema, te ndenge mbai iti penja nda mwesi ewatuke wa owe wawali. 14 Boaza amowaselali la engele elakake ate: djaka ala, ekoki la owe olake esuki e okoke, alidji olulese esuki eho ndondo e maana madjiake. Ayabatali ahue la wateni pukapuka, amohali pukapuka etumbi iwo, alakali, agbetali, eeti etikalali. 15 Aamalali owoni pukapuka djinge ikotikalaka. Boaza aasali la wana wango wapele ate modheni awone pukapuka djinge ikotikalaka la mito ma opunga enge wateni, okokitini omodhendei. 16 Otiwosanakeni omoguleli ndambo e opunga, okodheni mbuse laate atote, otimo humbeleni pui. 17 Awonoli pukapuka djinge ekotikalaka la elanga tee elangalali use, mbuse abingakolali djinge ewonoli inde,idjali inga modjangi mwesi mo opunga. 18 Atotali eho, awongwali la eho la moki, okiyo onde ayeneli opunga ungo ewonoli inde. 19 Okiyo onde amowaselia ate:eni ewoni owe pukapuka keke, alidji eni ekeli owe keke? Moto ongo owasumboi la owe apambolame. Ndjongo amowaselali okiyo onde ebete e moto ongo okeli inde, aasali alidji ate: kombo e molome ongo ekeli mbai keke etie inde edjei Boaza. 20 Naomia aasali la moli o mana onde ate: Mwengei amopambole, inde moto atilongose motema monde mo magba etie wato wa mokalo la wango wagwi. Naomia amowaselali alidji ate: Moto opele oho adjei maangbasu. Adjei mwesi la wango wakotokalesa. 21 Ndjongo Luta moseka Moaba aasali ate: inde pe aasi la mbai ate: ekoki la owe odje ebete kikima la wana wa pele wa mbai tee ekosisa iwo obuki pukapuka djinge idjei mbai la djaho. 22 Naomia aasali la Luta moli omana onde ate: mana o mbai ekoki la owe opumbake ebete ekikima la wana wande wawali, laate wato watiotungese la djeeti elanga. 23 Atikalali ebete ekikima la wana wa wali wa Boaza la owoni pukapuka djinge ekotikalaka, tee engele eoteni opunga, la obuki ndongo ewumali la gboo. Adjali ndji oyabati ebete ekikima la okiyo onde.
Chapter 3

1 Naomi, okiowonde omoli, amwaseli mana ombai omoli inga ohekeli ohomi wesi o moemu. 2 Sikandjo Boaz, moto ongo osalakali owe la watuké wande wawali aidje la elombo esu? denga, keke ehele la likolo ako pinga opunga wonde. 3 Sikadjo, owe yakpolo, mpe oyamunoli maita, mpe kpala isindje, mpe ilato wowe oke sikasikandjo, otidjainiake lainde, te asese olaki la okengi. 4 Bongo tango okende okalangali, mpe owe kengeleke ebete enge ekolangala inde. maiso, bongo keke mpe kalangale sese emakolo mande akowasela ndenge enge ekokela owe. 5 Bongo inde amowongoselia ate ikokela sambo kpa yasi owe. 6 Mpe inde akia akelia mpe sambo kpàa imwaselaliaka okio wonde omoli. 7 Boaz alakia mpe akengia motema monde motumia la mwemu. Mpe akalangalia ongo kpoo e isoki Luta akadjia petee mpe alangalia sese e makolo mande. 8 Mpe awodja elikolo, ongo moto asusoya akamoiya moli alangali sese emakolo mande. 9 Mpe amahuelia owe ndai? inde amowongoselia mbai Luta, modenga yo motuke mowe, owe odjéi la makoki ma mandulake. 10 Mpe asia Engali aopambole mana o mbai omoli! late mboli owe edjéi olamu, late otione wana wapetele to wato watundake, to wato wangumake. 11 Sikasika djo, mana ombai omoli wewange emate ekikima, ikokelela wato kpàa djinge yasi owe; late wato kpàa wango wadjéi ongo la moluhe mo moki mombai waewi ate owe odjéi moli moteteleke. 12 Edjii solo ate mbai idjéi la makoki maondulake, kasi edjéi mp la moto moesi odjéi ango liwoso odjouma ede mbai. 13 Langala yo ala bongo ekundu ala bongo ekundu akobala oundoli ekundu bo akele inga inde aebale ohundoli, mbai, ikowondula owe late Mwengéi adjéi la mokalo langala ango te bo. 14 Alangalia ango la makolo mande te bo, apudia bo diwato wauwaselia wato watiewe ate moli alingeli aladjo. 15 Mpe abakesia mpekele inde e likolo, alidji hela eho mpe ahelia amokhekelia amopimelia itotu motoba wopunga, amokpalesia mbuse awongoia la moki mosungu. 16 Luta awongoia, atie okio wonde o moli, mpe Naomi amohoelia edje owe, mana ombai omoli? Luta adimia mpe amoaselia sambo kpàa, imokeli ongo motopele. 17 Mpe asia apekeli mbai itotu motoba dja opunga, mpe alakisali otiwongwe mawo ohola ongo edje okio wowe omoli. 18 Naomi amoaselia apata logo mana ombai omoli te ekowa owe ndenge ekosuka djinge sambo, late oholo moto atiabata logo te asesele dji sambo keke.
Chapter 4

1 Ndjongo Boaza atelali ebete edjali modhuhe, ayabatali ongo. Dhenda mokalesi oho adjali oyeti, ongo Boaza adjaki owaseli. Aasali ate: owe oholo moto,djaka, pe abata ango. Adjali pe ayabatali. 2 Mbuse eho, atotali pele liomu ndondo e wiloko wa moki aasali ate: abatani ahala. Ndjongo wayabatali. 3 Ndjongo aasali la mohundoli oho ate: ehele esuki e elanga edjali e maangbasu Elimeleke, Naomia oholo awongoiga, alongoi la moki mo Moaba, akoki otambi eho kpaa. 4 Kaikonde, mbai ibunduaki ate ikoki oowaseli: somba eho liwoso la maiso ma wato wayabati la moki alidji la wiloko wa wato wa mbai. Inga obala okundoli eho, hundola. Kaiko inga otibala ohunduli, yewisa mbai iyewe, aloyi oweti moto ati ndji owe laate ohundole, alidji mbai moto oyobileyi. Aasali ate: mbai moto ikohundola. 5 Boaza aasaali ate: lisiyo linge okosomba elanga la mawo ma Naomia, okosomba pe eho la mawo ma Luta moseka mo Moaba, moli omoto mogweli, la owamalesi kombo e mogui la wihiake wande. 6 La eho, mokundoli oho aasali ate: Ikokiti ohundoli eho mbai amene, laate etibitese ehiake e mbai amene. Owe kundola eho la owe amene la maloba ma mbai maaohundoli, laate mbai itikoke ohundoli. 7 Tango egala la Isalayele, ekeleli edjali ndjo la ndenge eowundoli la ndenge pe eohi eeti ema la eholo e eeti ema. La ondjimesi djinge sambo kpaa: Molome akokali olongosi wikpokpo wande la omohi minoonde. Edjali ekaleli la Isalayele. 8 Aseko mohundoli aasali la Boaza ate: Somba eho owe amene, alongosali wikpokpo wande. 9 Boaza aasali la wiloko pe la wato kpaa ate: Ino odjeini waeni keke ate isombi meememe la mawo ma Naomia wiho kpa winge widjali wa Elimeleke alidji wiho kpa winge widjali wa Kiliona la pe Mahalona. 10 Ikosombaka alidji Luta moseka mo Moaba moli o Mahalona, adjei moli ombai, la owamalesi kombo e mogui la ehiake ende alidji kombo e mogui etilongwe etie wa maanango alidji etie modhuhe monde. ino odjeni wato waeni dji sambo keke. 11 Wato kpa wango wadjaki la modhuhe la wiloko waasali ate: Todjei wato waeni! dhee Mwengei ahe mboka la oholo moli ongo okolingelaka la monguta moowe adje nda Lasele la Leya, iwokpa waale wa maali monguta mo Isalayele. Owe pe enesa ate odjei motopele ahala la Efalata, alidji oyakelele kombo edhemiake ahala la Betelema. 12 Alidji la wa wana wango Mwengei akooha la oholo manaomoli, dhee monguta moowe modje nda monguta mo Peleze, ongo Tamala amowotelate Yuda. 13 Boaza amotali Luta awumali moli onde awanesali la inde wenge. Mwemgei amohali makoki ma okpali lemi, awotali mana opele. 14 Wali wabandali owasi la Naomia ate: Mwengei apambolame, inde moto atidhe ate mohundoli adjange etie owe keke; laate wa tiesakole kombo ende la Isalayele. 15 Alidji awumi moto ongo okoha molimo moowe okulu, alidji moto ongo okoogamisa ango ekowuma owe mowange, laate moli omana owe, ongo oobali meemene, ongo odjei olamu atie owe oeti wana wa pele sambo, awoti. 16 Naomia amototali mana oho amobatali la mokpoto monde, awumali oleli wonde. 17 Wali wango wasukali la iwo, wa mohali kombo ate: Naomia awoti mana opele. Wabandali omoweli la kombo e Obede. Inde nde sango Yese, sango Davidi. 18 Denda litoto la Peleze: Peleze amowotali Hezelone; 19 Hezelone awotali Lama; Lama awotali Aminataba; 20 Aminataba awotali Nahasona,; Nahasona awotali Salamona; 21 Salamona amowotali Boaza; Boaza amowotali Obede; 22 Obede amowotali Yese; Yese amowotali Davidi.

Ezra

Chapter 1

1 La mbula e liwoso e Sirusi likumu la Perese alikambo ate aengese djoi dja Mwengi djinge yasani la monoko mo yelemia. Mwengei a iso a molimo mo Serusi, likusumalia kumu la la Perese, ongo okeli la wasi la mongongo makasi la odingi djenge sambo kpaa la wokumu wonde. 2 Ase Sirusi asia, likumu la wapelesi: Mwengei, Mwengei olikolo, ahekeli mbai wokumu wo mbume, ase atomi mbai ate: imomele monguta mwesi la yerusaleme la Yuda. 3 Ndai ndondo enu odjei wato wande? ongo Mwengei onde e adjei la inde, ase atele la yelusaleme e Yuda apambole monguta mo Mwengei, mwengei wo Isayele! edjei Mwengei ongo odjei la Yelusaleme. 4 Wekolo kpaa wato Mwengei wango watikali wakouma wato wadjenge la wolo la wiho, la mana, la makao mango wawalesi alikambao la monguta odjei la Yelusaleme. 5 Makuma ma wawota ma Yuda la mango ma Bengamini, wanganga Mwengei la walebi wango kpaa wawahekeli Mwengei elimo wakolongwa la okila okamai monguta mo Mwengei la Yelusaleme. 6 Wato kpaa wango wadjei kelekele ewo ewu wakohekele wiho wadi, la nama, la wiho wa masio mosungu, la wiho wa makoa kpaa malamu. 7 Likumu Sirusi atomia wisaleli wa monguta mo Mwengei winge wihekeli Nebukandonozolo la yelusaleme, ase wingo wibali iwo la monguta Mwengeionde. 8 Srusi, likumu la Pelese, awapumbelisia la miteredata mwesi o wadjenge, omohekelia Sesebazara, mana olikumu la yuda. 9 Ene masio moho: base tuku isato dja woho, base koto esi e wadjange, Mapata tuku iwale iwale la libwa, 10 Kopo keke dja woho tuku isato, kopo dja wadjange kama inei la liomu dja pui djambuse, wisaleli wadi koto esi. 11 Wiho wiesi kpaa wa wolo widjali motio mo koto itano la kama inei; djinge ikeli sese Bazara la djaho kpaa ongo la Babilone e Yelusaleme, la owongoi la wotuke?
Chapter 2

1 Denga wato wango wawangwali la otili, wango Nebucadnetsar, mokodji o Babylone, wango wakirti inde laiwo otuke la Babylone, wango wawongoali la Yelusalem la Yuda moto la moto la moki mode. 2 Wakeeli la Zolobabele, Josue, Nehemie, Seladja, Reeladja, Maladosé, Biluhani, Misipala, Bigwai, Rehum, Baana. Motango mo wato wa Isalahele. 3 Wana wa Paleosch, koto yale kama motoba la liomi la iwale. 4 Wana wa Schepatia, kama isato la tuku sambo. 5 Wana wa Dalach, kama sambo la tuku sambo la itano; 6 Wana wa Pakate Moabe, wana wa Yosua mpe la Yoabe, koto iwale kama mwambi la liomùi la iwale. 7 Wana Welame:koto esi kama iwale la tuku itano la inei. 8 Wana wa Zatu: kama libwa tuku inei la itano; 9 Wana wa Zakayo, kama sambo la tuku motoba. 10 Wana wa Ani, kama motoba tuku inei la iwale. 11 Wana wa Bebayi, kama motoba tuku iwale la wasato; 12 Wana wa Azagada, koto esi kama iwale la tuku iwale la iwale; 13 Wana wa Adonikame, kama motoba la tuku motoba la motoba. 14 Wana wa Bigavai, koto iwale tuku itano la motoba. 15 Wana wa Adini, kama inei tuku itano la inei. 16 Wana wa Athela, la libota la Ezekiasi tuku libwa la mwambe. 17 Wana wa Betesai, kama isato tuku iwale la isato; 18 Wana wa Zola, kama la liomi la iwale. 19 Wana wa Hasumu, kama iwale tuku iwal la isato. 20 Wana wa Gubala, tuku libwa la itano; 21 Wana wa Betelem, kama la tuku iwale la wasato. 22 Wato wa Netopa, tuku itano la motoba. 23 Wato wa Anatote, kama la tuku iwale la mwambi. 24 Wana wa Azemaveta, tuku inei la wale. 25 Wana wa Kidjata Alimi, wa Kepila la wa Belota, kama sambo la tuku inéi la wasato. 26 Wana wa Rama mpe la Guleba, kama motoba tuku iwale la kikima. 27 Wato wa Mikemasi, kama tuku iwale la iwale. 28 Wato wa Beteleme mpe la Ayi, kama yal tuku iwale la wasato. 29 Wana wa Nebo, tuku itano la wale. 30 Wana wa magbisi, kama la tuku itano la motoba. 31 Wana wa Elame weti, koto kikima la kama iwale la tuku itano la inei. 32 Wana wa Arimi, kama isato la tuku iwale. 33 Wana wa Lode, wa Hadidi mpe lo Ono, kama sambo tuku iwale la itano. 34 Wana wa Yeliko, kama isato la tuku inei la itano. 35 Wana wa Senaa, koto isato kama motoba la tuku isato. 36 Wasali wa Engali wana wa Djedeya, mpe la libota la Yosua, kama libwa tuku sambo la isato. 37 Wana wa Imele, koto esi la tuku itano la iwale. 38 Wana wa Pakalu, koto kikima kama iwale tuku inei la sambo. 39 Wana wa Halimi, koto esi la liomi la sambo. 40 Walewi wana wa Yosuala Kademiele mpe la wana wa Hodavia, tuku sambo la wanéi. 41 Wayembi wana wa Asape, kama la tuku iwale la mwambi. 42 Wana wa Politiese wana wa Sakalumu, wana wa Atele,wana wa Talemoni, wana wa Akubu, wana wa Atita, wana wa Soba iwo kpàa kama la tuku isato la libwa. 43 Wa Netiniesi wana wa Tika, wana wa Hasufa, wana wa Tabaote. 44 Wana wa Kelose, wana wa Siaya wana wa Paledo. 45 Wana wa Lebana, wana wa Agaba, wana Akubi. 46 Wana wa Hagabe, wana wa Sakamilai Guidele, wana wa Gakala, wana wa Readja. 48 Wana wa Resini, wana wa Nekoda wana wa Gazame. 49 Wana wa Uzza, wana wa Paseke wana wa Besai. 50 Wana wa Asina, wana wa Mehunimi, wana wa Nepusimi. 51 Wana wa Bakibuki, wana wa Hakupha wana wa Halusa. 52 Wana wa Batiluti, wana wa Mehida, wana wa Haluka. 53 Wana wa Balukosi, wana wa Sisela, wana wa Tamasi. 54 Wana wa Netsiaki, wana wa Hathipha. 55 Wana wa wato wa otomu wa Salomo wana wa Sotai, wana wa Sopelete, wana wa Peluda. 56 Wana wa Jaala, wana wa Dalukoni wana wa Guidele. 57 Wana wa Sefatia, wana wa Hatili wana wa Pokelete Haisebatimi, wana wa Ami. 58 Wato kpàa wa Netini mpe la wana wa wasali wa Salomo kama isato la tuku libwa la iwale. 59 Denga wato wango wakeli la Telmelaki, wa Telesia la Kelubi Adani, wango watie wali owongoi la ibete wo wasagbau mpe te la ilombo wau, laodimesi ate wadjakali wa Hisalahele.
61 Mpe ndondo e wana wa wasali wa Mwengéi wana wa Habadja, wana wa Hakoti, wana wa Balezihai, ongo omoikali liwo mana omoli moesi kati ewana wali wamowelali la kombo elombo eu. 62 Walukkali ilombo wau iwotamake we djuali mpe wa walongosia la mosala mokelakali iwo la monguta mo Engali. 63 Mpe Likumu asia ate waelakake ilaka mosatu tee okaolenga mosali moesi la moene mo Urimi mpe Tumimi. 64 Mpo ekolo mobimba edjakali la wato kato tuku inei la iwale la kama isato la tuku motoba. 65 Odjangi otangi wasali wau wapele la wali, wadjakati koto sambo ndondo eu wadjakali kama iwale wayembi wali la pele. 66 Wadjakali la Falasa kama sambo la tuku isato la motoba, mpe la punda kama iwale la tuku inei la itano. 67 Ipongele kama inei la tuku isato la itano mpe koto motoba kama sambo la tuku iwale dja nama. 68 Makumu ebele ma mabota, tango aenia iwo la Yelusalem wakia ongo la monguta Mo Engali wakabekelia makabo la posa eu amene wa wongele enge ebete edjakali eho. 69 Wamohekelia moisi mosala, okokani la ongumake wou, koto kama motoba la kikima dja kilo ewolo koto itano dja Falanga, mpe isidjè kama dja mosala la monguta mo Engali. 70 Wasali wa Engali, la walewi, mpe wato kpàa wa mabota, wayembi, wasidili wa moluhe mpe wa Netini wayabatia la miki mau misungu mpe Isalahele mobimba wakokania la moki mou.
Chapter 3

1 Ango eumali sandja e sambo, aleeti wana wa ndjongo wato wadjaali la moki mosungu, wato wnadjaali oyakokei nda moto mwesi mo yelusalema. 2 Yesuwa mana o yeozada la wimangbawu tuke djengali Zelubabele mana o sealatiela aleeti la wamanango, wayamalaali asemamaali etukmbelo e Mwengei yelusalema la tina e ohi wa mbeka likita laho, ikotutia ungo odingami a mobeko mo Mose moto o mwengei ongo o soolo. 3 Ndjongo wamalesali etumbelo l;a ebete eho zgala, laate boo e waumelaali la tina e wato wa moki, wabandali ololei mbeke la tina e Mwengei, ololei mbeka boo la pokwa. 4 Wakelali lipate la milako dja isoki, nda edingamali laho, wa hali mpe mbeka la lolesaka lisio la lisio, oengemeni la motuya mohekelamali masio kpaa. 5 La mbuse ango, wahali likabo lilolesake hengele pe dja sadja pooli pe wilangala wilangadja lipata la Mwengei, alidi amohali Mwengei likabo la libalano. 6 Obandi lisio la poo la sandja e sambo, wabandali ohii likabo atie Mwengei likabo li lolyake. ango moboko mo Tepelo mo Mwwengei ekelamakioyo te. 7 Aladi wahali wambele ya wato wango wadjali oteni mabukeli aleeti la watowangoweewi misala m;a mawoo, aleeti wihoo wikalesake, mana; la maita; wa wahali wa Sidoniya la wa Tire laate wakee la mabaya la mite mamotulu obandi ewaleyape tee la liba, oengemenila mobeko mohali likumu Sirusi e wato wa pelese. 8 La mbula e iwale oumi owu la molako mo Engali la Yelusalema, la sadja e wale, Zolobabele, mana o shealatiele la yosuwa, mana o yehozadake, aleeti la wango weti wamanango wanganga Mwengei la wa mewi, aladi la wango walongwali la boloko e yelusalema, wabandali otomu aleeti wabatali walewi wakambi wa otumu o molako mo Mwengei o bandi mbula tuku iwale tee likolo. 9 Aseko Yosuwa, la wana wande aleeti la wamanango, kadimile la wana wande, wana wa yuda, wana wa henadada, aleeti la wamanango wa lewi wa yakokili ebete eikima la oyangeli wango wadjakali okeli otomu la molako mo Mwengei. 10 Ango wato wa otomu e mawoo awongeleli iwo Tepele e Mwengei, tuke dja Mwengei wakpali wisindje wa otomu owu wadjali la kelelo aleeti walewi wana wa asafe, wadjali la ngbendju, wa yamalali wa tina e omogumi Engali oengemeni la likakola Dawidi likumu e wa Isalayela. 11 wadjali olembi, omogumei Mwengei la ogbomi owu , laate awonginngbi, laate boboto e motema monde edjei atiee wa Isalayela etii la ndi libela: aleeti wato kpaa wadjakali ohumbi la ohumbi abooli la mwemu ogumei Mwengei laate wawongelali olamu moboko mo molako e Mwengei. 12 Ngbii e tuke dja Mwengeila walewi aleeti la wakumu wa molako mo watata wiloko wango wadjali milako magala wadjalioleli la mooli motetelake ango edjakali iwoobati mobokoliwoso la maiso mau, ango weeti wato ngbii wadjakali odjambi moli la ohumbi la mwemu. 13 Ndjongowato watiewali e okesenesi atale e mwemu la linge e willllllelo wa wato, aleeti wato wadjakali ohumbi la ohumbi lyesi litetelake, aladi etale edjakali okii lihele.
Chapter 4

1 Ango wa nguna wa Yuda la Benyamina wayokali ate wato wango wa kpalamali la moki mo wadjidji wawongoi alidji wakomomaelaka Mwengei mo Isalayele tepelo, 2 Mbala kikima wadjali atie zelebabela la wiloko e minguta e wawawa , waasali la iwo ate: Dhee to maye la ino mongindji; aloyi tokomolukaka Mwengei onu; nda ino pe todjei omohi likawo la makila opoti masiyo ma Esalehadona likumu la Sulia, ongo ototelesali ahala. 3 Zelubabela, Yesua la weeti wiloko wa minguta e wawawa wa Isalayele waasali la iwo ate: Omomaeli Mwengei osu mongota etiodhendeni, edhendji ndji iso. Aloyi isoamene tokomomaela Engali Mwengei mo Isalayele, ndji ndenge Silusu likumu la Pelese atohali hodha. 4 La eho,wato wa moki eho wadjali masiyo olembese mawo ma wato wa Yudeya, alidji awalembesi wenge laate wadhe omai. 5 Wadjali oputi wahi simbisi la obitesi mamunguene mawu masio kpa ma Silusu likumu la Pelese tee la esombeseli e Daliwusu likumu la Pelese. 6 Alidji la esombeseli e Ahasuelusa, la epoteli eesombeseli ende, wadhingali okpengbeite la owakambi wato wango wayabati la Yudeya pe la Yelusaleme. 7 Alidji,la masio ma Alatazelezesa,Bisilama,Miteledata,Tabela la weti wino wande wa otomu wamodhingelali Alatazelezesa likumu la Pelese okpengbeite, okpengbeite uwo edhengamali la madhingo ma Alameye, ekukwamali alidji la monoko mo Alameye. 8 Lehuma likumu e gbata,Simisai, modhingi, wamodhingelali likumu Alatazelezesa wu okpengbeite la okambi Yelusalema la maamaloba: 9 Ndjongo Lehuma likumu e wasali wa likumu e gbata la modhingi Simesai la weti wino wawu wa otomu, wadjodji wa makumu ma gbata mikeke ma ngambo e ewale, wadhingi, wato wa Eleka, wato wa Babilona, wato wango wayabaati la Susa eyinei oasi waelama, 10 La meeti miki mango Asenapala moto mosunu pe la otwa adjali la iwo la moki mo wadjidji, ayabatali la iwo la wa gbata e Samalia, alidji ndambo eti ewato wayabatali ngambo eeti e ewale... 11 Dhenda maloba ma okpengbeite uho watomali la likambo laho: etie likumu Alatazelezesa wato wa otomu wa owe, wapele e ngambo eeti e ewale: alidji sikala ndjo 12 Dhee likmu ayewe ate wa yuda wango watelali alandjo, wango walongoi ongo etie owe wadji ono atie esu wa wumiga la Yelusalema. Wakomaaka moki mo ewedje alidji e mbe, wabandiga osilisi omai witutu la owongeli miboko. 13 Sikala dhe likumu ayewe ate, inga mumoki momaema aleeti, alidji witutu waho wisila, edje pako, te eeti oputi,te ema ehake la okpandji, wati ha eho, eho ekokela ate falanga edjange olingeli la ebete eisake wadjange eokumu. 14 Sikalandjo ndenge ekolakaka iso mokpa la monguta mo likumu, ewongiti ate toene likumu atikalia mawo ohola, eho nde etomi iso okpengbeite alidji tomoyewisi likumu dji sambo, 15 Ate walukeluke la buku esololake e watata waowe. Ndjongo okoene la buku esololake eho okoyewa ate mu moki edjei moki mo ewedje, eho ekodjeleseke minga e makumu la miki minge mibaniami la iwo, ndondo edjali la weeti wato wango wadjali otomi weeti wakele ewedje tee la engele egala. Eho nde mu moki motikalali pamba.
17 Likumu atomali mweendji etie Lehuma likumu e wasali e likumu e moki mokeke la modhingi Simesai la wiino wawu weeti wa otomo wango wadjali oyabati la Samalia alidji weeti la ngambo eeti e ewale ate: Mbaa! Pe sikalandjo 18 Okpengbeite wungo etotomelini ino etangemi polele polele liwoso la mbai. 19 Ndjono mbai iwumisi otomu, walukiluki pe waeni ate moki muho obandji masio ma gala edjei moki mokoamalelaka makumu pe ekowumisaka ewedje la kindo. 20 Pe edjali la makumu matetelake wango wadjali la Yelusalema pe wadjali osombesi la ngambo eetikpa e ewale, wadjali owahi pako, liputi la ema ehake la okpandji. 21 Sikalandjo pumbisani hodha laate wango pele wa tetelake wadhe okeli, laate mungo moki moti maeme kine tee mbai ikoha mboka. 22 Laeho kebani ate otikeleni lu loyi la ekosako, laate obe otibakisame la owawokisi makumu odjidji. 23 Mbuse eotangi maloba eokpengbeite e likumu Alatazelezesa lihoso la lehuma la modhingi Simesai la wino wawu weeti wa otomu, wakeli obangu la Yelusalema, etie Wayuda pe wakelelali wisaneli kindo la owatekesi okeli. 24 Edjali la engele eho nde otomo e monguta e Mwengei, enge edjali la Yelusalema moamalali, pe eyamalali tee mbula ewale eesombeseli e Daliwusu likumu la Pelese.
Chapter 5

1 Agai mwaseli mo Mwengei la Sakalia mana oIdo, mwaseli, awaselia Wayuda wango wadjakali la Yudea la Yelusaleme; la nkombo e Mwengei o Isalayele. 2 Ngongo Zolubabele, ma na o Salatiele, Yosua mana o Yosadake, walongweeeali ase wopotia ondi monguta mo Mwengei la Yelusaleme; ase la iwo edjali mwakali maiwo. 3 Ndi la engele eho, tatendi likumu la enge atie ebale, Setela Bozenai, la wino wau wakia ohue la iwo ase wawaselia ndjo: ndai oohekelini lousa wo o mai muhumu monguta la otelesi witutu waho? 4 Wawaselia akidi: nkombo dja wandai dja wango wato wakomaka monguta mungo moseengu? 5 Ase lisio la Mwengei liwa kengelakeali woloko wato wa wa Yuda. Asewa deiya okeli wotomu engele etmali iwola poloatie Dalusa, tee ndiango okowongosa iwo ekpata enge etomi iwo la wungo wotomu. 6 Mdingo ma ekpata enge etmali iwo atie likumu Daliosi la Tatenai, likumu la enge atieebala. Setala Bodjanai, la wino wau alpasaki, wango wadjali wabati kelekele atie ebame. 7 Amotomelia la Polo nda e dinngali inde: atie likumu Daliasi, mbai! 8 Aselikumu aewe ate iso tokiga la woki mo Yudea ma monguta mo Mwengei mosungu, mungo moomali iwo la mbanga masungu. La mabaya madjei la witutu, wotomu woso mbai gaga wungu wototiiwo la mawo mau. 9 Iso towahuelali wato wagala ase towaaselia: ndai ohekelini ino lousa woomai muhumu mongota la otelesi wihiwi witutu? 10 Iso kota wahuelia nkombo djau la o waewi, ase toabatia o,ndingi nkombodja wato djinge idjei la mito mawu. 11 Denda e wongeseli enge etwongeseli iwo: Iso todjei wasaleli wa Mwengei o lkolo la mbume, ase iso tomaya alidi monguta mungo molukiali, mungo momali iwo mbuse e wilanga ebele, likumu lisungu la Isalayele aniaya ase aseselia. 12 ase mbuse wasangbasu wamomemelisa Mwengei o likolo, awahekelia la mawo ma Nebukadonozolo, likumu la Babilone, wakaladea wabuki mungo monguta, ase wawatomia wato waho la Babilone. 13 Mbala kpaa, elanga e poo e Sirusi, likumula Babilole likumu Sirisi ahekelia lousa o ondi alidi mungo monguta mo Mwengei. 14 Ase ndiongo likumu Sirusi alongosia la tepelo e Babilone wiho wawolo la wadjenge wa monguta mo Mwengei, mungo milongoseli Nebukadonozolo la tepeloe Yelusaleme, ase atomai ongo Tepelo e Babilone, amowongoselia Sesebazara ongo omobatali iwo likumu, 15 Ase amwaselia tota wihiwi wiho, keke okawibata la Tepelo e ekomaa iwo monguta mo Mwengei mine la ebete eho enge edjeli eho. 16 Ase Sesebadjala aumia ase akelia Pondasio e monguta mo Mwengei la Yelusaleme, teendi gala te keke hele, mokomaaka te osali te. 17 Sekahala, inga likumu aene wolamu, ate waengi oluki la monguta wiho wa likumu la Babilone alikambo la odingi inga edji wiho winge wilongoi atie likumu Sirusi lousa wungo wohi iwo la o mai mungo monguta mo Mwengei la Yelusaleme, mbuse eho, ase likumu ataewese ma mungwene mande la luhungo loi.
Chapter 6

1 Djongo Likumu Dalusu ahekelia milongolao oluki la monguta madingo mpe nda ebete ebatakali iwo iseli la Babilona. 2 Mpe wadjua la Akimeta, atuka e Mdie, ekpata esi edingali iwo la sambo ongo ndondo. 3 La elanga e liwoso la Likumu Silusi, mokodji Silusi ahekelia mitindo la likambo lidengi monguta mwe Engali la Yelusaleme ewongi ate monguta moneene, late edjé ebete enge ekohekele iso makambo ewongi edje la lipoteli lilamu ipimo tuku motoba dja likolo tuku motoba djaoluwake. 4 Milongo misato ma mabukeli mango mawongeli iwo mpe molongo mokikima mo mite miholi mpe falanga ikofutama ongo la monguta mo Likumu. 5 La weti, iho wamosala wa wolo mpe la widjinge la monguta mo Engali Mebukandezala, alongoseli la monguta Yelusaleme akia la wao ongo la babylona, ikowongoa ongo la monguta mo Yelusaleme ema esiesi lebete edjakali ewo mpe obateni ongo la monguta mo Engali. 6 Sikandjo, Tatinai,,likumu la etuka enge edjéengo ngambo emalia Setala ,Boznai, mpe la waino wowe wa Afalisaka, ino wango wakodjabataka ngambo ebale kekeni lihele lango ebete. 7 Dee wake liwoso la otomu la monguta mo Engali, Likumu la wa Yuda, la mbanga djauwame ndako e Mwengéi la ebete enge edjakali eho liwoso. 8 Denga milongo mi okeli mbai minge mi djinge sambo idengi denge enge ekoma mbange dja wa Yuda monguta mo Mwengéi wa djinge mpe iho elamu mpe Likumu ikodja ongo la winge ilombo idjéi ongo ngambo ebale mpe ikowafuta djipele ydjokelaka otomu, late otumu otidjamale. 9 Sambo dja motuya la makabo ma Engali o likolo, ngombe dja palanga kondolo dja walome mpe wanawau, pukapuka, mokpàa, mana mpe la maita, ikohekelene, okokani la wongi wou owasali wa Engali wa Yelusaleme, huse la huse mpe ito djanga. 10 Kpo eho watumbe makabo ma lumba olamu liwoso la Mwengéi o likolo mpe wayakongage la tina e Likumu la wana wande. 11 Denga mileko mihekeli mbai ni mohele moto kpàa ongo okotona maloba mao; wapumbese likule la ndako ende mpe wakomoola la mungo likule, mpe lopango lande okuma olala. 12 Dee ate Engali obati ehele ebete kombo ende awaole makumu mpe wato kpàa wango wakotana maloba ma mbai, la obuki monguta mo Mwengéi la Yelusaleme! mbai, Dalusi, mbai ihekeli minge mibeko mitosame masio kpàa ndondo eotomu. 13 Tatinai, Likumu la ngambo ebale Setala Boznai, mpe la wamangbau, wayadimisia osali otomu masio kpaa okokani l mobeko mo watomelali likumu lisungu Darisi. 14 Mbange dja Wayuda wamaiya monguta mo engele olamu, okokani la iakoeli, Agai, mosakoli, mpe la Zakalia, mana Iddo, wamaiya mpe wasesia, okokani la mobeko mp Engali owahisolayele, o landani la mibeko ma Darisi, likumu mpe L'altaxelxes, mokondimo wa Pelese. 15 Monguta mosilia huse o masio masato la sadja e Adala la elanga e motoba e okodji o Likumu Daluis. 16 Wana wahisahele, la wasali wa Engali mpe la walewi, mpe la ndambo ewato wango watikalakali la otuke, watumali la moemu la opamboli ndako e Engali. 17 Wahekelia, la obulesi monguta mo mangumba, ndjombe kama wale kondolo kama yale, kondolo keke kama inéi, ma mbeka lolimbesami obe owahisalahele, taba djapele liomi la iwale, okokani la motango mowana wahisalayele. 18 Wabatia molongo mowasali wengali, okokani la kalasi ewalewi okawani wohu o otomu o mongali la Yelusaleme, la odingami eho la ikpata wa Moize. 19 Wa wato gala wakpalemali la moki mo wadjidji wabandali okeli ekpandeli lisio e liomu la inei e ndebo e liwoso. 20 Nda ebiba e wa nganga Mwengei la wa livi wayapetololali iyo kpa wa langali, ndjongo waolali nama e ekpandeli, la likambo e wato kpa wa gala wango wakpalemali la moki mo wadjidji alidji la likambo e wamaanango wa nganga Mwengei alidji la likambo la wu amene. 21 Mbuse wana wa Yisalayele wango wa longwali la moki mo wadjidji ongo ekpalemali iwo walakali, la moto kpa ongo ayalongwesali la osoto e wiho wa moki ayaboliali la iwo la omoluki Mongali Mwengei o Yisalayele. 22 La mwemu wakelali lipati e okoke edjangi ohuti masio sambo; la likambo ate Mwengei awaemelisali, alidji akukolali motema mo likumu mo Sulia etie iwo laate atetelese mawo mawu la otomu o maake monguta mo Mwengei o memeene, Mwengei o Yisalayele.
Chapter 7

1 Mbuse e djinge sambo,la esombelesi e Alatazelezesa likumu la Pelese, Ezela mana o Selaya mana o Azalia mana o Hilikiya, 2 Mana o Saluma, mana o Zadoka, mana o Ahituba,
4 Mana o Zelahia mana o Uzi mana o Buki, 5 Mana o Abisua, mana o Finehase, mana o Eliazala, mana o Alona nganga e Mwengei likumu. 6 Ezela oho alongwali la Babilona, adjali motiesakoli e mibeko ma Moize, enge Mwengei Engali o Yisalayele ahaali, ndjongo likumu amohali djinge kpaa iyongoli inde la loi ewo e Mwengei Mongali edjali la inde. 7 Weeti wana wa Yisalayele, la weeti wa nganga Mwengei, la wa levi,wa lembi, wa sindjili e midhuhe, la wa Netimina watelali la Yelusalema la mbula e sambo eokumu e Alatazelezesa. 8 Gboo eho awumali la Yelusalema la ndebo e itano, eyinei oasi la mbula esambo eokumu. 9 La lisio e liwoso e ndebo e liwoso, inde amene abatali engele e longwake la Babilona, pe la lisio e liwoso e ndebo e itano awumali la Yelusalema po ewo elamu e Mwegei onde edjali la inde. 10 Ezela awongelali motema monde la oyekoli mobeko ma Mwengei, la okeleli eho alidji otiesakoli sambo la omemeene la Yisalayele. 11 Dhenda maloba ma okpengbeite enge likumu Alatazelezesa ahali nganga e Mwengei Ezela motiesakoli mibeko ma Moize, motiesakoli mibeko ma Moize la maloba ma mobeko ma Mwengei la malako mande mango awahali Yisalayele. 12 Alatezelezesa likumu e makumu, etie Ezela nganga Mwengei, motiesakoli mobeko ma Moize, motiesakoli mobeko ma Mwengei o likolo: odje la logoo ngbii. Pe sikalandjo 13 Mbai ehi mwendji ate, ndondo e wokumu wo mbai, moto kpaa ndondo e wato wa Yisalayele, wa nganga Mwengei, la iwo wa Levi, ongo obali oki Yelusalema mongindji la owe ake. 14 Nda mwendji mo lukalukake sambo edhendji Yudea la Yelusalema elongwali la likumu, la wahi simbisi wande sambo, la olandji mobeko mo Mwengei eowe enge edjei la ewo eowe, 15 Pe mwendji ekpalake palata la wolo enge likumu la wahi simbisi wande wahi la libalano etie Mwengei o Yisalayele, ongo ebete ende eyabatake edjei la Yelusalema, 16 La palata kpa pe la wolo enge ekotota owe la moki kpa enge ekambami la Babilona, la likawo e wato la wa nganga Mwengei enge wadjaki ohi la libalano e monguta mo Mwengei owu, ongo odjei la Yelusalema; 17 Makuta maho okosomba galagala wa ngombe wa pele,la wa meme wa pele,la wana wa meme la makowo mawu ma mbuma la makawo mawu ma maana, okoha eho la etumbeli e monguta e Mwengei onu, ongo odjei la Yelusalema. 18 Ema kpa owe la mangwa oweni olamu okeli la palata pe la wolo enge ekotikala, okokelani eho la olandji mokano mo Mwengei onu. 19 La teni djinge edjaki iwo oohi la likambo la mosala mo monguta mo Mwengei eowe, bata ehokpa liwoso la Mwengei o Yelusalema. 20 Alidji weeti wiho wilamu la monguta mo Mwengei eowe, enge owe owongi ohi, okotota eho la monguta mo iho mo motiyo e likumu alidji okoha eho. 21 Pe mbai amene,likumu Alatazelezesa, ihi mwendji la wasindjili kpa wa wiho wa motio midjei ngamboeeti e ewale, ate ema kpa enge nganga Mwengei Ezela motiesakoli mo mobeko ma Moize la motiessakoli e mobeko mo Mwengei o likolo, akoongoni ino, ehame galagala, 22 Inga edjate talata kama esi e palata,midjangi kama esi eopunga, ikoko kama esi e maana, ikoko kama esi e maita, la mokpa ndenge ebali inde. 23 Enge kpa elongoyi la otomami e Mwengei o likolo ekelame la obangu la likambo la monguta mo Mwengei o likolo, laate limemu litikwele okumu e likumu la wana wande. 24 Yewani luloi: moto kpa ndondo e wanganga Mwengei la wa levi, la walembi, wasindjili wa midhuhe, wa banetinima la wasali wa monguta mo Mwengei, otimohongoni pako, edje te liputi, te ema ehake la okpandji. 25 Pe owe, Ezela, la okenge wungo Mwengei eowe aohi, bata wa djodji la wasambisi laate wasambese engele kpa wato kpa wango wadjei ngambo eeti e ewale, wango kpa wayewi mibeko ma Mwengei eowe; alidji okotiesakolani moto kpa ongo oyewiti eho. 26 Pe moto kpa ongo otitosa mobeko mo Mwengei eowe alidji mobeko mo likumu, wamotenele etumbu galagala, edje te logo ingate owumbi la inde te lomande e wadjenge te boloko. 27 Mwengei Engali e watata wasu apambolame, inde ongo obati luloi la motema e likumu, la owumisi olamu monguta mo Mwengei enge edjei la Yelusalema, 28 Pe ayeneseli mbai motema logoo liwoso e likumu la wahi simbisi wande alidji liwoso e makumu kpa matetelake e likumu. Pe mbai, iyaheleli laate ewo e Mwengei Engali edjaki mongindji la mbai, pe idjaki obondji makumu ma Yisalayele la oteli mongindji la mbai.
Chapter 8

1 Sikalandjo ndenda makumu e minguta e wasangbau pe odhingami e wakombo la obileyi litoto e watata e waango walongwali mongindji la mai la Babilona, la engele likumu Alatezelezesa adjaki okambi. 2 La wana wa Finehasa: Gelesoma; la wana wa Itamala: Danyele; la wana wa Davidi: Hatusa; 3 La wana wa Sekania; la wana wa Palosa: Zekalia, pe mongindji la inde pele kama esi la tuku itano wango wa dhingamali kombo. 4 La wana wa Pahata-moaba: Elieho-enai mana o Zelahia, pe mongindji la inde pele kama iwale; 5 La wana wa Zatu: Sekania mana o Yahazela, pe mongindji la inde pele tuki isato; 6 Pe la wana wa Adina: Ebeda mana o Yonatana, pe mongindji la inde pele tuku itano; 7 Pe la wana wa Elama: Yesaya mana o Atalia, pe mongindji la inde pele tuku sambo; 8 Pe la wana wa Sefatia: Zebadjia mana o Mikaela, pe mongindji la inde pele tuku mwambi. 9 La wana wa Yoaba: Obadjia, mana o Yehiela, pe mongindji la inde pele kama iwale la la liomu la mwambi, 10 Pe la wana wa Bani: Selomita mana o Yosifia mongindji la inde pele kama esi la tuku motoba. 11 Pe la wana wa Bebai: Zekalia mana o Bebai mongindji la inde pele tuku iwale la mwambi. 12 La wana wa Azegada: Yohana la mana o Hakatana pe mongindji la inde pele kama esi la liomu. 13 Pe la wana wa Adonikama; wango wadjakali wato wa gboo, kombo djawu eho lele: Elifeleta, Yeyela la Semaya, pe mongindji la iwo pele tuku motoba; 14 Pe la wana wa Bigivai: Utai la Zabuda pe mongindji la iwo pele tuku sambo. 15 Ibandali obolianisi iwo la hue e ewale enge edji tee la Ahava pe toyabatali ango la lionge masio masato la owadhendeli wato la wa nganga Mwengei olamu olamu, kasi itieneli ango te mana mwesi o Levi. 16 La eho, iwelali Elizele, Aliela, Semaya, Elenatana, Natana, Yalibe, Elenatana, Natana, Zekalia la Masulama, makumu la Yoyaliba la Elenatana, wayinei. 17 Mbuse iwahali hodha la likambo la Ido ongo odjaki kumu la ebete ewelami Kasifia, pe ibatali la monoko mowu maloba maasake la Ido pe la wa maanango Banetinime la ebete ewelani Kasifia, la loyi otokpaleli iso wasali e monguta mo Mwengei osu. 18 Ndenge ewo elamu e Mwengei osu edjali mongindji la iso, watokpalelali moto opele mwesi olokenge, ndondo e wana wa Maheli hahe e Levi mana o Yisalayele, eyinei, Selebia la wana wande pe la wamaanango, liomu la mwambi; 19 La Hasabia, pe mongindji la inde Yesaya la wana wa Melali, wa maanango pe wana wawu, tuku iwale. 20 Pe la wa Banetinima, enge Davidi la makumu wahali la loyi la otomo e wa Levi: wa Benetinima kama iwale la tuku iwale, iwo kpaa watangamali la kombo ewu. 21 Ndjongo etiesakolali otoni wilaka la ewale e Ahava laate toyadjimbese liwoso la Mwengei osu, la omohueli mboka e lamu esu alidji la loyi e wana wasu wakekewakeke alidji la loyi wa wiho wasu kpa. 22 Laate iyokali soni omoongi likumu lisayi e wasoda pe la wato wango wakosombaka la punda la otogamesi la mboka liwoso la wanguna, aloyi tomowaselali likumu ate: ewo e Mwengei osu edjei la wango kpa wakomulukaka laate awakelele olamu, kaiko otetelake wonde la limemu lande ekowamalelaka wango kpa wakomodheke. 23 Ehonde tokilali ilaka alidji toyakongoli la Mwengei osu la loyi loho, ndjongo andjimali oyakongi esu. 24 Sikalandjo la wangboyo e wa nganga Mwengei, ilongwesali wato liomu la iwale, eyinei oasi, Selebia, Asabia, la wa maanango liomu mongindji la iwo. 25 Iyoamekeleli kilo e palata la wolo la wiho wikelelake, likawo la loyi e monguta mo Mwengei osu enge likumu a wahi simbisi djande la makunu mande alidji la wa Isalayele kpa wangokpa towagbotoli wahali. 26 Kilo enge imeekali la ewo ewu edjali talata kama motoba la tuku itano e palata la wikeleli kama esi e palata enge edjei la motio e talata iwale, la wolo, talata kama esi, 27 La mabakuli keke tuku iwale e wolo enge edjei la motio e makuta mbuka esi la wikeleli wiwale wilamu e motako, etanake enge edjakali ongali, enge elamu nda wolo. 28 Mbuse iyasali ;la iwo ate: odjeini ema esi osatuliwoso la Mwengei,pe wikeleli winge widjei wiho osatu, pe palata la wolo edjei likawo e libalano enge wa mohi Mwengei Mongali e wamaangbanu. 29 Angatalani alidji kebani tee engele ekomeka ino kilo eho liwoso la wato wandongo e wanganga Mwengei la wa levi pe wakumu e waa wawa wa Isalayele la Yelusalema, la wibete wilkake e monguta mo Mwengei. 30 Alidji wanganga Mwengei la wa Levi watutali kilo eho e palata la wolo alidji wikeleli la wikeleli, la okpali eho la Yelusalema la moguta mo Mwengei osu. 31 Gboh eho tosangwanali tolongwali la ewale e Ahava lisio e liomu la iwale e ndebo e liwoso la oki a Yelusalema, ewo e Mwengei osu edjali mongindji la iso, pe atokalisali la ewo e monguna pe la moto obe ongo oyaisali la mboka. 32 Ndjongo towumali la Yelusalema toyabatali ango masio masatu. 33 La lisiyo la ineyi topotali omeki kilo e palata la wolo la wikeleli wa monguta e Mwengei osu la ewo e Melomota mana o nganga Mwengei Uliya pe mongindji la inde Eleazala mana o Fineasa, pe mongindji la iwo Yozabada mana o Yesua la Naodia mana o Binui wango wadjali Walevi, 34 Obilei motio e kilo la emakpa, mbuse eho kilokpa edhingamali la engele eho. 35 Wango walongwali la otuke, wato waho gala wakpalamali la moki mo wadjidji , wamohali Mwengei o Yisalayele likawo etumbake: Ngombe epele liomu la iwale, e Yisalayele kpa, meme pele tuku libwa la motoba, wana wa meme e pele tukusambo la sambo, taba e pele liomu la iwale laate edje likawo e lisumu, kpa edjali likawo limotumbelake Mwengei. 36 Wahali hoda e likumu la wasatalape e likumu la makumu e miki mikeke e ngabo eeti e ewale, wadjali ogamesi wato pe monguta mo Mwengei o memene.
Chapter 9

1 Mbuse ango osilia djaho makumu wandongbali atie mbai la wasi ate: wato wa Isalayele, wanganga Mwengei la walewi, walongoiti la ndondo ewato wadjake wango wa djei la moki mosu, ase wakokelaka edjeli ewu e wapagano, nda enge wakanana, Baete, Bapelese, Bayehusi, Baamana, Bamoabe, Baedjipito, la Baamora. 2 Iwomene la wana wau wa pele la wa wali wa witondowaho, ndjongo etondo wadjake makumu la wato mango wakengeleke wadjali wato wa liwpso la okeli sambo mbee. 3 Ango eokia mbai dji hinge sambo, isalakolia wisindje wa mbai yatenia sue la wigigi, alikambola magba, ase yabatia la magba. 4 Yabatia ndindjongo tee engele e omohi likumu maha o ma kolokolonda ehahaneli iwo. Wato wadi wasungu wakadjia wabolei la mbai, te la gesele tee wadjakaliowangi o engele enge Mwengei o Isalayele akoha la wobe wo wato wango walongwali la watuke. 5 Ango epotali iwo omohi likumumokao ma kolokolo, motema mo mbai mo titimia, idjakali ndi la wisindje wa mbai wisalakanake la wenge, Iya imbia, itelesia mawo likalo atie likumu Mwengei o mbai, 6 Ase yakongia ndjo: o Mwengei ombai ikokasoni nde obe alikambo ate ilongose elongi atie owe. Masumu maeti ngbii, mateli tee ongo likolo. 7 Opoti tee engele e watata tee keke ehele, etondo esu ekeli wobe waeti wosungu mene ndendjongo iso la makumu lawanganga Mwengei wasu toeneli wobdidi la makumu ma wetondo wadi, adja tee la wita, la wotuke, la ndenge edjakali eokakali iso soni ndenge e kelehele. 8 Asesikahala, alikambo la engele ekeke, owe likumu Mwengei oosu, otokeli iso magba, okeli ate la ndondo e wato wango wakeli la watuke, ma ndambo watikali la mokalo, ase wawongwe la moki mo owe monsato. Ndjongo, owe Mwengei osu, otohekelia alidi wokulu, okeli ate alidi la wokulu la ndondo e wotuke wosu. 9 La memene, Mwengei osu todjeya ndi mituke, ase oto deitiiso te. Okeleli ate makumu ma Pelesia madjei la motema molamu atie su, ndindjongo nda etohali iwo iso mboka tomalese alidi monguta mo owe tomalese wituke winge wi bukakania, alikambo ate tokondje ebete elamu eabatake la Yelusaleme la Yuda. 10 Ngonga sikahala Mwengei o osu; mbuse e sambo djinge iitogboti iso, toase ikine nde? totanali pui dja owe, 11 Djinge ihekeli owe gala la minoko ma wasali wa owe: otoewesali iso ndjo: Mungomokii mokokee inookodjimodjeinmobe, te la gesele, witondo winge ongowidjei wibe, ase watoumesi eho la sambo mbemb, olongoi gbootee gbooo. 12 ngonga otikanakeni la wakango wato wadjake. Woitutiakeni wadjenge la wolamu wungowodjei iwo la wohote. Ndjongonde ekouma ino etndoe wokulu, okoemeleki la wiho wa muhungo mokii, ase okotikani wiho waho aatie wana wanu wango wakodja mbuse. 13 o Mwengeinei osu, wodiidi wungo kpaa wato djeli iso, alikambo la wobe wungo wokelali iso, ase la masumu likambo la masu mango makelali iso, kaiko nde tohekelia engele nda ndenge edjei masumu masu tee, ase awabaneya esukie wato wasu. 14 Ndjngonndenge kine towongwanele obitesi pui owe? la ndenge ate toikanane la wato wa witondo wibe? inga tokela django, limemu lowe litotosesela iwo kpaa te? 15 likumu Mwengei o Isalayale, odjei memene wengesi liwuma la owe, okeli ate esuki e wato wasu watikale la mokalo. todenda iso wobe wosu. Ase moto tweti te atiengake wa mali liwoso la owe la ehele ndenge.
Chapter 10

1 Ango edjali Ezela, oleli la omai mawuli liwoso la monguta mo Mwengei, adjali oongi la olimboli masumu, wato wa Yisalayele wayabondali mongindji la inde, limbutu lisungu pendja, wali, pele la wana laate wato walelalingbi. 2 Sika Sekenia mana o Yehelia la wana wa Elama awongosali luundu aasi la Ezela ate: iso todjangali omeemene liwoso e Mwengei osu aloyi toyikali wali wadjidji wango walongoyi la wato wa mu moki. Sikalandjo elikia edjei la Yisalayele la loyi luho. 3 Pe sikaladjo, dhe tokele ondimani la Mwengei osu la owumbi la walikpa la wana wango iwo wawoti, obilei liloba e Mwengei la wango wakodjadjaka liwoso la mitindo e Mweengei osu laate ekelame nda ndenge mobeko mowasi. 4 Amala aloyi likambo laho lidjei mokpali mo owe. Dja la okulu alidji kela otomu. 5 Ezela ayamalia, alapisali makumu ma wanganga Mwengei, wa Levi, pe Isalayele kpa ate wakele la obileyi liloba luho. Ndjongo walapali ndayi. 6 Sikalandjo Ezele ayamalali alongoiya liwoso la monguta mo Mwengei o meemene pe akeli ebete elakake e Yehohanana mana o Eliasibe. Te ndenge eki inde ongo, ati lakali okoke alidji atikengali malia, aloyi adjali oleli laate wato wango wango wawakpalali la moki mowadjidji, wadjangali meemene. 7 Mbuse wadhumbiali la Yudeya alidji la Yelusalema laate wato kpa wa gala wango wakpalamali la moki mowadjidji wagbotone la Yelusalema. 8 Moto kpa ongo otidja la owumoyi e masiyo masato, obileyi simbisi e makumu la iloko wato, wiho wande kpa wikowuma wiho wa ekila alidji inde amene akondongolama la oliye e wato wango wakpalemali la moki mowadjidji. 9 Ndjono pele kpa wa Yudea alidji wa Benyamina wagbotonoli la Yelusalema masiyo masato. Eyinei, la ndebo e libwa, la lisiyo la liomu la iwale e ndebo eho, wato kpa wayabatali eholo ehoho e monguta mo Mwengei o meemene, wadjali odjadji la loyi luho alidji la ndenge ewongo edjali oloyi. 10 Mbuse kpa nganga Mwengei Ezela ayamalali aasali la iwo ate: ino otini alima laate obatalini wali wadjidji la monguta laate obakeseni liboma la Yisalayele. 11 Sikalandjo tubelani liwoso la Mwengei Engali e watata wanu alidji kelani enge ekomoemelisa alidji katosanani la wato wa mumoki pe la wali wadjidji. 12 La eho wato kpa wawongosali alidji wadhumbiali la moli mopamake ate: Tokokela nda ndenge eyasi owe laate luho lodjei mokpali mosu. 13 wato wadjali ngbi, edjali engele enge ewongo okolooko, ndenge iyamalake saa etidjali, alidji otomu uho wokotota lisiyo liikima te iwale, la loyi tomemelali la oyeteli la likambo luho. 14 Toyakongi la owe dhee makumu masu wakele la kombo e oliye kpa, alidji wato kpa la miki masu wango wabatali wali wadjidji la monguta wadje la ehele engele ehekelami alidji mongindji la iwo wiloko wa moki mwesimwesi la wadjodji wawu, tee limemu lingalake e Mwengei osu ekolongwa atie esu, la likambo laho. 15 Yonatana mana o Asahela la Yahazeya mana Tikiva wamalelali loyi luho, Mesulama la Sabitai wango wadjei wa levi iwo wato wawagamisali. 16 Wato wa gala wango wakpalamali la moki mo wadjidji wakelali ndjongo; nganga Mwengei Ezela la pele djinge wadjali makumu e wawawa la minguta e wa sangbau, iwokpa la kombo ewu, wayakatolali alidji wayabatali lisio e liwoso e ndebo e liomu la odhendeli loyi luho. 17 La gboo eho, la lisio e liwoso e ndebo e liwoso, wasilisali loyi dja pele kpa wango wabatali wali wadjidji la monguta. 18 Eenanali ate weeti wana wa wanganga Mwengwi wabatali wali wadjidji la monguta; la wana wa Yesua mana o Yehozadaka la wa maanango: Maaseya, Eliezela, Yaliba la Gedalia. 19 Wahanali liwuna la ohani mobale la mawo ate wakowumba la wali wau, alidji ate, ndandenge edjali iwo ngambo, wakoha meme esi e pele e mongindji la ngambo ewu. 20 La wana wa Imela: Hamania, la Zabadjia. 21 La wana wa Alima: Maaseya, Eliya, Semaya, Yehiela la Uziya; 22 La wana wa Pasula: Eliyonai, Maaseya, Yisimaela, Netanela, Yozabada la Eleasa. 23 La walevi: Yozabada, Simei, Kelita, Petahia, Yuda la Eliezela; 24 La wa lembi: Eliasibe; la wasindjili wa midhuhe: Saluma, Telema la Uli. 25 Uta la Yisalayele la wana wa Palosa: Lamia, Yizia, Malakiya, Miyamina, Eliazala, Malakiya la Benaya. 26 La wana wa Elama: Matania, Zekalia, Yehelia, Abadji, Yelemota la Eliya; 27 La wana wa Zatu: Eliyonai, Eliasibe, Matania, Yelemota, Zabada la Aziza. 28 La wana wa Bebai: Yehohanana, Hanania, Zabai, Atelai. 29 La wana wa Bani: Mesulama, Maluka, Adaya, Yasube, Seala la Yelemota. 30 La wana wa Pahata-Moaba: Adena, Kelala, Benaya, Maaseya, Matania, Bezalela, Binui la Manase; 31 La wana wa Halima: Eliezela, Yisiya, Malakia, Semeya, Simeona, Maluka la Semalia; 32 Benyamina, Maluka, la Semalia; 33 La wana wa Hasuma: Matenai, Matata, Zabada, Elifeleta, Yelemai, Manase La Simei. 34 La wana wa Bani: Maadai, Amilama, Uela, 35 Benaya, Bedeya, Keluhi, 36 Vania, Melomota, Eliasibe, 37 Matania, Matenai la Yaasu. 38 La wana wa Binui: Simei, 39 Selemia, Natana, Adeya, 40 Makenadebai, Sasai, Salai, 41 Azalela, Selemai, Semalia, 42 Saluma, Amalia, Edjefu; 43 La wana wa Nebo: Yeyela, Matitia, Zabada, Zebina, Yadai, Yoela la Beneya. 44 Waawandjo kpa nde watotali wali wadjidji, alidji waumbali la wali waho la wana.

Nehemiah

Chapter 1

1 Ndjoidja Nehemia mana o hakalia: la ndembo e Kiselebe, la elanga e ntuku iwale, idjakali la shushane monguta mosungu. 2 Ndjingo hanani, mwesi o wa manima, alingelali, inde la wato wa pele wadidi wa Juda, la iwahuelali iwo mboli e wa Juda, wango wakalali, wahelami wango watikalali wawongwali la moki, la alidi mboli e Yelusaleme. 3 La ndjongo, wasali la mai ate: Wato wahawa watikali, wahelami wango watikalali wawongwali ongo la etuka enge djangelamali, wadjei la wodidi mene koto la nsoni, etutu e Yelusaleme ebuke, miluhe ma ehomene mitumbali la misa. 4 Ango saa eokali mbai djinge ndjoi, yabatia ipotia oleli la ooki magbaa masio ngbii, idjakali wingel kpaa okili wilaka la wakongi la Mwengei olikolo 5 Yasali alidi ate: Aa, Mwengei olikolo, Mwengei mosungu koto la oboo, ongo okobaniaka ondimani la motema molamu atiewango wakobalaka inde la wakotomaka ndjande. 6 Yakongi la owe, dhee litoi la owe libate huaka la maiso ma owe maduhuane, alikambo ate okeliakongi la mokeleli mo owe, linge likoakongoko mbai la owe keke, likolo la moi, alikambo la wana wa Isalayele wakeleli wa owe, ango ekotubelaka mbai masumu ma wana wa Isalayele, mango mawo monguta mo wana. 7 La memenne mene, tookeli owe sambo la ndenge mbee tobaneiti te tomaka, matio ma witeeli wa lisambesi mango mamohalowe Moize mohekeli woowe. 8 Yakongi la owe, mungwa loi wungo womohali owe Moize mokeleli moowe tomaka ate: Isalayele ino, eeino, odjangini womemene, mbai, ee mbai, ikowadjani ino la wodja wo wato wa witondo. 9 Ango ekowongwanelani ino mbai okobaniani tomaka dja mbai okokelelani djaho, te inga wato wanu wango wadjandji waumi tee la gboo e likolo olongoi ongo ekobomanesa mbai iwo ikodja la iwo mene la ebete enge eoni mbai alikambo la obati nkombo e mbai ango. 10 Wadjei wakeleli wa owe la wato wa owe, wango wawaundolali owe la wogulu wo oe wosungu koto la wokulu wo ewe e owe. 11 Aa, Mwengei, yakongi la owe, dhee litoi la owe libate huaka la liakongi la mokeleli mo owe ongo okoemeleke iwo owangi nkombo e owe, koto, yakongi la owe, mohekele mokeleli mo owe lilonga keke kela ate inde adjei moto omokeli magbaa liwoso la oholo moto pele. Kaikonde idjakali mohekeli mana ma likumu.
Chapter 2

1 La ndembo e Nisana la elanga e ntuku iwale e likumu Alata zelezese, bino edjakali liwoso lande, nda ohahani itotali bino imahali eho likumu. Ase kaiko o itienene magbamagba liwoso lande te. 2 Ndongo likumu asali la mbai ate: alikambo lande elongie owe edjei magbamagba kaikonde odjei la otii la ekoni te? Eti loi wodi te saa magbaa ma motema, La ndjong, iwangali ngbii mene. 3 Ndjnogo yasali lalikumu ate: dee likumu adjee la mokalo alikambo la engele emge ebatamiti molelo te! Elongi e mbai etdje magbamagba te dandenge ahala engumba, monguta mo kabuli dja watata wa mbai, mibitani la miluhe ma djaho mene milakani la misa? 4 La ndjongo likumu asali la mbai obali nde? La mbala kikima yakongoli la Mwengei o likolo. 5 Mbuse eho yasali la likumu ate: inga eneni wolamu la maiso ma likumu, inga mokeleli mo owe aeneni wolamu la maiso ma owe, toma mbai la Yuda, la engumba e kabuli dja watata wa mbai, alikambo ate imee moho alidi. 6 La djongo likumu asali la mbai ndjo, ango wabatakali moli onde o etemia kelekele eende: Wokendo wo owe wokoumwa wiengele woni la ookawongwa nda engele? Ndjongo eneneli wolamu la maiso ma likumu ate atome mbai, ango emokali mbai inde wuse wungo wookawongwa mbai. 7 Yasali alidi la likumu ate: Inga eneni wolamu la maiso ma likumu, Wahekele mbai wikpata alikambo la wagubelenele wa siwili edi e wowale, alikambo ate wadee mbai ileki tee ekokouma mbai la Yuda, 8 La ekpata alikambo ate adjapa moamaleli mo motulu mo likumu, alikambo ate ahekele mbai mite minge mikoke la mbai la mabaya maho miluhe ma ebete etetelake e monguta mo Mwengei, la etutu e engumba la monguta mungo mokolingela mbai. Ndjongo likumu ahekeleli mbai wikpata waho, alikambo ate ewo elamu w Mwengei o mbai edjaali monguta mongindi la mbai. 9 Gboo gboo iumali atie gubelenele osiwili edi e wowale iwahali iwo wikpata wa likumu. Alidi likumu atomali la mbai mongindi makumu ma egogo e wa soda wango wakosombaka la mpunda. 10 Ango Sanebalate moholone la Tobia mokeleli Moamone, waokali woh, waeneli loi woho wobe mene ate moto adjei wolamu wo wana wa Isalayele. 11 Gbooo gboo iumali la Yelusaleme, idjaali ango masio masato. 12 Ndjongo yamalali a likolo, mbai la ndambo epele mongindi la mbai, itimwaselali moto tweti te loi wungo Mwengei o mbai adjakali obati la motema mo mbai ate imokele Yelusaleme, nama e moli e moki teeti te edjaakali mongiti la mbai longose ndi nama enge etelali mbai. 13 Ipumbali la moluhe lobwaku la likolo ikia liwoso la eliwa e ndjoo sungu tee ndi la moluhe mo maguzama miisu ma misa, idjakali ndi odengadengi witutu wa Yelusalame, nda ebukani waho la ndenge miluhe ma eho milakami la misa. 14 Ilekali kelekele kelekele e moluhe mo eliwa tee ndi la eliwa e likumu, ebete elekake etdjaali te alikambo la enge itelali mbai. 15 Ase iteleli ndi otela la lobwaku wo mokeli alikambo, idjakali odengadengi etutu, mbuse eho yakukolali ilingelali la moluhe mo lobwaku, ndjingo ikawongwali, 16 Waamalali wasungu watiewali te atie ekeeli mbai ema nda eho edjakali mbai okeli, itiewesali tee loi te weti te atie wa Yuda la wanganga Mwengei la wato wa etemia la waamalali wasungi la wato wadi wango wadjakali okeli wotomu. 17 Gdoo dboo yasali la iwo ate: ino okweneke wodidi wungo wodjei iso la woho, nda ebitani yelusaleme miluhe ma eho mitumbami la misa. Djakani tomee etutu e yelusaleme alikambo ate todjee ndi ema ensoni te. 18 Iwawesali iwo wungo wokelali ewo e Mwengei, wolamu wungo eho ekelelali mbai, alidi ndjoi dinge yasali likumu la mbai. La ndjongo wasali ate: toamale tomme. Ndjongo wasombesali mawo alikambo la wotomu woho wo wolamu. 19 Sikahala ango Sanebalate Moholone, Tobia mokeleli Moamone, la Gesheme Moalabe waokali loi woho, wapataliotoseki iso otodengi iso la limemu wasi ate: Nda ema enge ekokeleka ino? Odjeini, nde omomemeleli likumu? 20 Ase iwawongoselali iwo yasali la iwo ate: Mwengei o likolo inde okotoha iso lilonga, iso, wakeleli wande, tokoamala tokomaa, ase ino otini la lokao te la wotumu te ema eomungoini la yelusaleme eti te.
Chapter 3

1 Eliashibe nganga Mwengei mosungu la wamanango, wanganga Mwengei, wamalali moluhe mo wampata. Iwo nde wasantesali eho, wasantesali eho tee la monguta molai mo Hananele. 2 kelekele eewu, pele dja Yeliko wamaali. Kelekele eewu Zakule mana o Imili amaali. 3 Wana wa Hasenaa wamaali moluhe mo nsu, iwo nde wabatali eho mabaya la mbuse waamalesali widiheli wa eho, winangesele wa eho wa mabaya la wa wiwonda. 4 Kelekele eewu, melemote mana o ulia mana o Hakoze awongeleli wibete winge wibitali, kelekele eewu, Meshulame mana o Belekia mana o Meshezabele awongeleli wibete winge witali, kelekele eewu, Zadoke mana o Baana awongeleli wibete winge wibitali. 5 Kelekele eewu, watekoa wawongeleli wibete winge wibitali, ase wato wau wa etemia watonali okeli wotomu wo wiloko wau. 6 Yoyada mana o Pasea la Meshulame mana o Besodela waaongeleli moluhe mo engumba e gala, iwo nde wabatali eho mabaya koto la mbuse wamalesali widiheli wa eho la winangisele wa eho wa mabaya la wa wiwonda. 7 Kelekele eewu, Melatia Mogibeone la Yodane Momelonote, wawongeleli wibete winge wibitali, iwo wato Gibelone koto wa Mizipa, wango wadjei la sese e wokumu wo gumelenele la siwili edi e wowale. 8 Kelekele eende, uzeele mana o Halaya, mwesi owakeli wiho wawolo, awongeleli wibete winge wibitali, la kelekele eende, Hanania, mwesi o wato wango wakokelaka malasi, awongeli wibete winge wibitali, wabatali wadale la Yelusaleme tee la etutu esungu. 9 kelekele eewu, Lepaya mana o Hule, nkumu o ndambo wo etuka e yelusaleme, awongeleli wibete wibitali. 10 Kelekele eewu, Yedaya mana o Halumape awongeleli wibete winge wibitali, winge widengani la monguta monde, kelekele eende, Hatushe mana o Hashabeneya awongeleli wibete wibitali. 11 Malakia mana o Alima la Asube mana o Pahata-Moaba wawongeleli esuki edji e etutu, enge epimali iwo olai woho, la monguta molai mo witumbeli e makoke. 12 Kelekele ende, Saluma mana o Alokesa likumu la esuki e moki e Yelusalema, awongeleli wibete winge wibitali, inde la wana wande wa wali. 13 Anuna la wato wango wayabati la Djanoa wawongeleli moluhe mo lopango. Iwonde wamaali eho, mbuse wamalesali widhiheli waho, winangeseli waho waho wa mabaya la wibende alidji la mapeko muka esi laa etutu tee la moluhe mo magudja ma miisu ma misa. 14 Malakia mana o Lekaba likumu e moki e Bete-hakelema, awongeleli moluhe mo magudja ma miisu ma misa; inde nde omaali eho pe amalesali midhiheli maho, winangeseli waho wa mabaya la wibende. 15 Saluma mana o Kolodja, likumu e moki mo Edjipa, awongeleli moluhe mo eliwa; inde nde amaali eho, abatali eho samba, amalesali midhiheli waho, winangeli waho wa mabaya la wibende. La etutu e eliwa e mboka e malia enge ekii la elanga e likumu tee la esikale enge eyandjimba opoti la moki mo Davidi. 16 Mbuse ende, Nehemia mana o Adjabuka, likumu e esuki e moki mo Betedjula, awongeleli wibete winge wibitali tee la ebete enge edhendani la mbila e Davidi, tee la eliwa enge wakela, tee la monguta mo wato wa okulu. 17 Mbuse ende, Walevi wawongeleli wibete winge wibitali, Lehuma mana o Bania, keleke ende, Asabia, likumu la esuki e moki e Keila, awongeleli wibete winge wibitanali la loyi e moki monde. 18 Mbuse ende, wamaangbau wawongeleleli wibete winge wibitali, Bavai mana o Hanadada likumu la esuki e moki mo Keila. 19 Ezela mana o Yesua, likumu la Midjipa, apotali owongeli kelekele ende esuki edji e etutu enge epimali iwo wolai woho, enge edhengani la ebete e oteli tee la ebete eisake wisaneli, la likule linge liheli witutu. 20 Mbuse ende, Baluka mana o Djabai akelali la egalela pe awongeleli esuki edji e etutu enge epimali iwo wolai woho, opoti la likule linge liheli witutu tee la moluhe mo monguta mo Eliasiba nganga-Mwengei mosungu. 21 Mbuse ende, Melomota mana o Uliya mana o Hakodja awongeleli esuki edji e etutu enge epimali iwo wolai woho, opoti la moluhe mo monguta mo Eliasiba tee la gboo e monguta e Eliasiba. 22 Mbuse ende, wanganga-Mwengei, pele e moki mo Yolodania, wawongeleli wibete winge wibitali. 23 Mbuse ewu, Benyamina la Hasuba wawongeleli wibete winge wibitali, winge widhengani la minguta mawu. Mbuse ewu, Adjalia mana o Maaseya mana o Anania awongeleli wibete winge wibitali kelekele e monguta monde. 24 Mbuse ende, Binui mana o Henedada awongelali esuki edji e etutu enge epimali iwo wolai woho, opoti la monguta mo Adjalia tee la likule linge liheli witutu tee la litumu. 25 Mbuse ende, Palala mana o Udjai awongeleli wibete winge wibitanali, winge widhengani la likule linge liheli witutu la monguta molai e likolo enge edjei la monguta mo wasindjili. Mbuse ende, edjali Pedaya mana o Palosa. 26 Wabetinima wadjakali oyabati pamba, wawongeleli wibete winge wibitali tee la ebete enge edhengani la moluhe mo malia la epumbeli e liwusa wuse pe la monguta molai enge epumba. 27 Mbuse ewu, Batekoa wawongeleli esuki edji e etutu enge epimali iwo wolai woho, opoti la ebete enge edhengani la monguta molai mosungu mungo mopumba, tee la etutu e pamba. 28 Likolo e moluhe mo wapunda wanganga-Mwengei wawongeleli wibete, moto kla moto la ebete enge edhengani la monguta monde. 29 Mbuse ewu, Djadoka mana o Imela awongeleli wibete winge wibitali winge widhengani la monguta monde. 30 Mbuse ende, Hanania mana o Selemia la hanuna mana o motoba o Djalapa awongeleli esuki edji e etutu enge epimali iwo wolai woho. Mbuse ende, awongeleli wibete winge wilulali, winge widhengani la esuki e monguta monde. 31 Mbuse ende, Malakia moto o limbutu e wakeli wiho wa wolo, awongeleli ebete enge ebitali tee la monguta mo Benetimina pe e wato wango wakotambaka, la ebete enge edhengani la moluhe mosindjilake tee la elangeli e likolo e litumu. 32 Awodja e elangeli e likolo e litumu la moluhe mo wameme wakeli wa wiho wa wolo la wato wa wango wakotambaka, wawongeleli wibete winge wibitali.
Chapter 4

1 Ango eokali sa Senebalata ate tokomaaka alidji etutu edji, amemeleli pe aokali limemu abolo, adjali owaseki Wayuda. 2 Apotali oasi liwoso la wamaanango la liwoso la egogo e wasoda wa Samalia, apotali oasi ate: Wayuda wango walembi lembi ndjo wakokela nde? Wakoyabatelaka nde motema? Wakohekele nde mbeka? Wakosesela nde la wuse woikima? Wakowongosa nde la mokalo mabukeli mango malongoyi la magudja ma onalili mango madhihani la miisu ano mabukeli maho malongoli? 3 Kaiko nde Tobia Moamona adjakali kelekele ende, aasali ate: Te enge ekomaaka iwo, inga lisika litelela eho, akobuka pendja etutu ewu e mabukeli. 4 Oka, Mwengei osu laate toumiga ema e mbetelake, kela ate soni ewu ewongwe la mito mau amene, wakawa iwo wapuesane la moki mo ohelami. 5 Otidhihe owungi owu la lisumu lawu liwoso la owe. Eho etilongwete, la loyi ate wakeleli wamai sambo mbembe. 6 Todjali ndji omai etutu, pe etutu eho esikpaa enangesamali tee la ndondo e odhuhuake woho; wato wadjakali ndji obati motema la wotomu. 7 Ango sa Sanabalata, Tobia, Waalaba, Waamona, la Waasedoda waokali ate otomu woowongeli witutu wa Yelusalema okokeke liwoso, la loyi ate mapokasa mapotali odhihani, wamemeleli labolo. 8 Iwokpaa wakelali likita, la loyi la odji osanesi Yelusalema la obati mbai ewedje. 9 Ase toakongoli la Mwengei osu koto, la loyi lkawu, towabatali wasindjili ate watobaniake iso likolo la use. 10 Yuda apotali oasi ate: Okulu e mokpali wiho wilitake wobingi ekikimi, onalili odjei ngbi, iso amene toengitiaka omai etutu. 11 Alidji mitone masu wadjakali sa oasi ate: Watiewa pe watiene tee ekouma iso ndondo ewu, tokowaola pendja pe tokosukesa wotomu woho. 12 Ango Wayuda wango wayabatali kelekele ewu wadjakali odji, waasali la iso mbala liomu ate: Mitone wakolongwa wiati kpaa iso tokodjaka ino okowongwani ongo. 14 Ango oeneli mbai ate wakowangaka, la mbalakikima iyamalali, iyasali la wato wa etemia la wasindjili-wagamesi la wato wadji ate: Otiwawangakeni iwo. Momungwani Mwengei inde ongo odjei mosungu pe la boo; wasanelani wamaangbanu, wana wanu wa pele la wawali, wali wanu la minguta manu. 15 Ango eokali sa mitone masu ate toewi loyi loho, pe ate Mwengei o meemene akwesi mwano mowu pe isokpaa towongwali la etutu, moto la moto la otomu wonde. 16 Opoti use woho, ndambo e ndjenga dja mbai dja pele wadjakali okeli otomu la ndambo ewu watotali makonga, nguba, matolo la pikoto ma wiwonda; pe makumu wadjakali mbuse e monguta mweesikpaa e Yuda. 17 Wamai wango wadjakali la etutu la watuke wango wadjakali okpali mikpali, moto la moto adjakali okeli otomu la ewo eikima pe la ewo edji aikali esaneli ende e elumbeli. 18 Wamai wanangali moto la moto sapia ende la libhele, ango edjakali iwo omai, pe moto ongo obhomali lihili ahuanaki la mbai. 19 Iyasali la wato waetemia pe la waamaleli-wagamesi la wato wadji ate: Wotumu wodjei osungu la oeteli, pe toyaandjia la etutu, odji eati, odji eati. 20 Ebete enge ekooka ino oleli e lihili, ebete ehonde okodjani oyabolei atie esu. Mwengei osu ende amene moto okotosanela. 21 Ango edjakali iso okeli otomu, ndambo edji e wato wadjakali oiki makonga, opoti otani o use tee opumbi wo minoto. 22 Alidji, la engele eho iyasali la wato ate: Dheeni ate pele wasindjile la likolo, moto la moto la ekeleli ende, la ndondo e Yelusalema, waongi odjei wasindjili wasu la likolo, pe wakeli-tomu la use. 23 Ase mbai la wamanima la watuke wa mbai la pele wango wadjakali osindjili, wango wadjakali mbuse e mbai, totidjakali olongosi wisindje wasu, moto la moto adjakali la esaneli ende e elumbeli la ewo ende e lilome.
Chapter 5

1 Kaikonde, wato la wali wau, walelali la bolo la loyi e wamaanango Wayuda. 2 Edjali la wango wadjakali oasi ate: Wana wasu wa pele la wa wali tokowadhee ndanga laate tokondje pukapuka tolake laate totikale la mokalo. 3 Edjali la wango wadjakali oasi ate: Wilanga wasu la wilanga wasu wa vino, pe la minguta masu tokohaka djaho ndanga la loyi ate tokondje pukapuka engele ekodjanga ilaka. 4 Edjali la wango wadjakali oasi ate: tooti nongo e wadjenge la loyi la oputi mamelo ma likumu e wilanga wasu la wilanga wasu wa vino. 5 Kaikonde moini mosu modjei ndenge kikima la moini mo wamaangbasu, wana wasu wa pele wadjei ndenge kikima la wana wau wa pele, ase dhenga sikala tokowaumesaka wana wasu wa pele la wango wa wali mituke, pe edjei la wana wasu wadji wa wali waumiga mituke; pe mawo masu mateteliti ango wilanga wasu la wilanga wasu wa vino ewumi e wato wadji. 6 Ango sa eokali mbai woleli wou la djinge sambo, imemeleli la bolo. 7 Ndjongo idhendelali loi woho la moema mo mbai pe ipotali opameli wato wa etemia la wadhengeli-wagamesi, iyasali alidji la iwo ate: Okoongokoni moto la moto maanango, asombelia la litema. Alidji iwongeleli oboliani eesi e sungu la loi lau. 8 Iyasali la iwo ate: Iso amene towundoli wa maangbasu Wayuda wango wataambanali etie witondo, la ehele ndenge eengakali iso okeli; alidji ino obalini owatambi wamaangbasu, waongi otambani nde atie esu? La oho, waumali nda wato wango watiasaka, wadjangali loi. 9 Iyasali alidji ate: Ungo loi okokelaka ino oti olamu. Owongini osumbi la owangi Mwengei osu, galagala witondo, mitone masu watookese iso soni, te ndjongo? 10 Pe mbai la wamaanima la watuke wa mbai tokowahaka nongo e wadjenge e pukapuka. Iyaakongi la ino, todhe odepesi enge eongake asumbelia. 11 Iyakongini la ino wawongoselani ndji keke wilanga wau, la wilanga wau wa vino, la wilanga wau wa oliva, la minguta mau, esi la esuki e mokama e wadjenge wa pukapuka dja vino dja poli la dja maita djinge ikoyaongoko ino asumbelia. 12 La eho waasali ate: Tokowongosa eho, totiwaongo ema. Tokokela ndji nda easi owe. Iwawelali wanganga-Mwengei iwalapesali ndai a laate wakele la otutei loi woho. 13 Alidji, ihuholali mokpoto mo mbai pe mbuse iyasali ate: Mwengei o memeene ahuhole ndjo moto kpaa ongo atikokesa lu loi la monguta monde pe la wiho wande winge witotali inde; pe dhee ahuholame ndjo pe atikale mawo ohola. La oho mongindi liesi kpaa liasali: Amena! Wapotali omotemei Mwengei. Wato wakelali la otutei loi luho. 14 Loi odji, opoti wuse wungo wohekeleli inde mbai mokpali mo odjei likumu e gbata mou, la moki e Yuda, opoti mbula e tuku iwale tee la mbula e tuku isato la iwale e okumu Alatadjeledjasa, mbula liomu la iwale, mbai la wamanima totilakali te makoke mango maengi la likumu e moki mokeke. 15 Makumu ma gbata wa gala wango wadjakali liwoso la mbai, wawaumesali wato walitake, use la use wadjakali ototi atie shekele dja palata tuku inei la loi e makoke la vino. Alidji watuke wau wadjakali owakondji wato. Ase mbai itikelali ndjongo la loi e mowangake Mwengei. 16 Olongosi djinge ndjongo, ihali mawo la otomu wo etutu ehele, ase totitotali elanga teeti; wakeleli wa mbai wayaboliali ango la loi e wotomu. 17 wayuda la wadhengeli-wagamesi, wato kama esi la tuku itano, wango wadjakali olongoi la witondo winge widjakali ahue la iso wango wadjakali odjei atie iso wadjakali la mesa ma mbai. 18 Denda wiho winge widjakali iwo olengeli usu la use; ngombe esi e molome, wapata walamu motoba, wadjakali koto olengeli mbai mbulu, la vino ngbi e ndenge kpa mbala esi mbuse e masio liomu. La djinge kpaa, itiongoli te makoke mango maongi la likumu e gbata, la loi la wotomu wo wato wadjakali ndou. 19 Mwengei o mbai, mungwa mbai pe kelela mbai olamu la la djinge kpaa iwakeleli wa wato.
Chapter 6

1 Ango sa emoyewesali iwo Sanebalata, Tobia, Gesema, Moalaba, la wadji mitone masu ate isilisigaa omai alidji etutu pe lipokosaka te leeti litikaliti ndondo eho, te la engele enge widhiheli witiamalesaliyote laa midhuhe. 2 Sanebalata la Gesema watomelali mbai moendi galagala ate: Djaka tookane la loyi e ogbotoni la miki ma lobwaku wo potatalu e Ono. Kaikonde wadjakali ondjani mbai. 3 Ndjongo iwatomelali iwo wasumbeli-mboli, wawaasele iwo ate: Ikokelaka wotomu weesi esungu, iyengiti owadjimbi. Laaate inga idhee otomu, iyadjimba atie nu, otomu okotenia. 4 Kasi watomelali mbai mwendji muho mbala inei, mbai idjakali pe owawongoli iwo sa mwendji 5 Gboo eho, Sanelabata atomelali mbai mokeleli onde sa la liloba laho mbala e tano, la ekpata ohola la ewo ende. 6 Eumali ndjo: Eokani la witondo, pe Gesema akwaselaka eho, ate owe la Wayuda okoanakani omemeli. Ehonde ekomaaka ino etutu; ate obali oumi likumu lawu, nda ekoasaka iwo. 7 Koto abati watiesakoli wadhumbiake la loyi la owe la Yelusalema esi kpaa ate: Likumu adjei la Yuda! Sikala wakomwewesa likumu sambo dja enge ndenge. Sikahala djaka tohanese mamungwene. 8 I motomelali mwendji ate: Sambo eti nda ekwasaka owe, kasi okowotaka eho la motema moowe amene. 9 La loyi ate iwo wadjakali oluki otowangesi iso, la oasi ate: Mawo mawu makalembe tee ango ekodhee iwowotomu pe wotomu wuho wotisila. 10 Ilingelali la monguta mo Semaya mana o Delaya mana o Mahetabela, ongo eyanangali inde ndondo. Aasli ate: Dhee tookane, la loyi ate togbotone la monguta mo Mwengei omeemene, la ndondo e tepelo, pe tonange miluhe ma tepelo; la loyi ate wageleli ooli owe, la likolo wakodja ooli. 11 Kasi iyasali ate: Moto nda mbai ikoki otili? Moto nda mbai, ikoki olingeli la tepelo laate itikale la mokalo? Itikoka! 12 Ndjongo ilukalukali, pe dhenda, Mwengei moto atimotomali inde, kasi aasali enge engbakpa la loyi oyamaleli mbai la loyi ate Tobia la Sanebalata wamoputali. 13 Wamoputali inde la loyi ate: Iwange, ikele ndenge eho, pe ikele amene lisumu; eho ewume amene loyi lungo wakobitisa etemia e mbai, laate waokese mbai soni. 14 Mwengei o mbai, momungwa Tobia la Sanebalata, la olandji sambo ndjinge mwesila mwesi akeli, momungwa koto Naodjia motiesakoli-moli, la watiesakoli wadji wango wadjakali engele owangesi mbai. 15 La gboo eho etutu eumali la gboo la use wo tuku iwale la itano e ndebo e Elule; wotomo wuho woumwali masio tuku itano la iwale. 16 Ango sa mitone masu kpaa waokali pe witondo kpaa winge wisukamali la iso waeneli woho, la mbala kikima waeneli ate wayadjimbi amene oyadjimbi, wayewali ate wotomu woho wokelanali la ligamesi la Mwengei osu. 17 La masio maho koto, wato wa etemia e Wayuda wamotomelali Tobia wigbata ngbi, enge pe e Tobia ewawumelali. 18 La loyi ate ngbi e Wayuda wamolapelali inde ndai e ookanake, la loyi ate adjakali molome o mana o Sekania mana o Ala, la Yeohanana mana onde o pele amoikali mana o Mesulama mana o Belekia. 19 Alidji, wadjakali wingele kpaa oleheli mbai sambo djande ndamu. Wadjakali wingele kpaa omoewesi sambo dja mbai, Tobia adjakali koto otomi wikpata la loyi ewangesake mbai.
Chapter 7

1 Ango sa esiselali iwo omai alidji etutu, la mbala kikima iyamalesali modhuhe. La mbuse wabatali wasindjili wa modhuhe walembi la Walevi. 2 La loyi e osombesi Yelusalema, imobatali Anania likumu e monguta mosungu, laate adjakali moto opele ongo awongi omobateli motema pe adjakali omowangi Mwengei o meemene oeti wadji ngbi. 3 Ndjongo iyasali la iwo ate: Miluhe ma Yelusalema mitidhukwana te tee ndji ekongala moi; pe ango eyamalia iwo ango, wakonangaka midhuhe la winangelese djaho. Pe ononi wasindjili ndondo e wato wango wayabati la Yelusalema, moto la moto la ebete enge edhengani la monguta monde. 4 Sikala gbata edjakali osungu la olai, pe ndondo eho wato wadjakali wakeke. Pe minguta minge mimaa iwo mitidjali kine. 5 Kasi Mwengei mbai abatali ndondo e motema mo mbai ate ibolianese wato wa etemia la wadhengeli-wagamesi la wato laate wadhingese kombo la otutei mokalakala e wotata e wango watelali liwoso, Pe iyeneli etidhinganali ndondo eho te. 6 Denda wana wa gbata enge esumbisami la wango walongwali la onangani, wato wango wakpalemali la moki mowadjidji, wango Nabukondanozolo likumu la Babilona awakplalali la moki mo wadjidji, wango wa mbuse wawongwali la Yelusalema koto la Yuda, moto la moto la moki monde. 7 Wango wadjali mongindji la Zelubabela, Yesua, Nehemia, Azalia, Laamia, Nahaamani, Molodekai, Bilisana, Misipeleta, Bigiwai, Nehuma, Baana. Motio mo pele e wato wa Isalayela. 8 Wana wa Palosa; mbuka iwale la kama esi la tuku sambo la iwale; 9 Wana wa Sepatia; nkama isato la tuku sambo la iwale. 10 Wana wa Ala; nkama motoba la tuku itano la iwale. 11 Wana wa Pahata-moaba la wana wa Yesua pe e Yuaba: Mbuka iwale la nkama mwambi la liomu la mwambi.
13 Wana wa Zatu; nkama mwambi la ntuku inei la isato; 14 Wana wa Zakai; nkama sambo la ntuku motoba. 15 Wanawa Binui; nkama motoba la tuku inei la mwambi; 16 Wana wa Bebai; nkama motoba la ntuku iwale la mwambi; 17 Wana wa Azegada; mbuka iwale la nkama isato la tuku iwale la iwale. 18 Wana wa Adomikama; Nkama motoba la tuku motoba la sambo. 19 Wana wa Bigibai; mbuka iwale la tuku motoba la sambo. 20 Wana wa Adina; nkama motoba la ntuku itano la itano. 21 Wana wa Atela la Izikia; ntuku libwa la mwambi. 22 Wana wa Hasuma; nkama isato la ntuku iwale la mwambi. 23 Wana wa Bedjai; nkama isato la tuku iwale la inei. 24 Wana wa Alipe; nkama esi la liomu la iwale. 25 Wana wa Gibeona; ntuku libwa la isato. 26 Pele dja Betelema la dja Netopa; nkama esi la ntuku mwanbi la mwambi. 27 Wato wa Anatota; nkama esi la ntuku iwale la mwambi. 28 Wato wa Bete-azamabeta; ntuku inei la iwale. 29 Wato wa Kiliata-yealima; Kepila la Beelota; nkama sambo la tuku inei la isato. 30 Wato wa Lama la Geba; nkama motoba la tuku iwale la eesi. 31 Wato wa Mikenasa; nkama esi lantuku iwale la wale. 32 Wato wa Betele la wa Ai; nkama esi la ntuku iwale la isato; 33 Wato wa Nebo wadji; ntuku itano la wale; 34 Wana wa Elama wadji; mbuka esi la nkama iwale la tuku itano la inei. 35 Wana wa Halima; nkama isato la ntuku iwale. 36 Wana wa Yeliko; nkama isato la ntuku inei la watano. 37 Wana wa Loda, Hadjida la Ono; nkama sambo la tuku iwale la mwesi. 38 Wana wa Senaa; mbuka isato la nkama libwa la ntuku isato. 39 Wanganga Mwengei: Wana wa Yedaya e monguta e Yesua: Nkama libwa la tuku sambo la wasato. 40 Wana wa Imela: Mbuka esi la ntuku itano la wale; 41 Wana wa Pasule: Mbuka esi la nkama iwale la ntuku inei lla sambo. 42 Wana wa Halima: Mbuka esi la liomu la nsambo. 43 Walevi: Wana wa Yesua, wana wa Kadimiela la wana wa Hodewa; ntuku sambo la wanei. 44 Walembi wana wa Asapa: nkama esi la nyuku inei la mwambi. 45 Wasindjili wa miluhe: Wana wa Saluma, wana wa Atele, wana wa Talamona, wana wa Akube, wana wa Hatita, wana wa Sobai: nkama esi la ntuku isato la mwambi. 46 Watuke wa tepelo: Wana wa Ziha, wana wa Hasupa, wana wa Zabaota. 47 Wana wa Kelosa, wana wa Sia, wana wa Padona, 48 Wana was Lebana, wana wa Hagaba, wana wa Salamai, 49 Wana wa Hanana, wana wa Gidela, wana wa Gahala, 50 Wana wa Leaya, wana wa Ledjina, wana wa Nekoda, 51 Wana wa Godjama, wana wa Udja, wana wa Pasea, 53 Wana wa Bakabuka, wana wa Hakupa, wana wa Halula, 54 Wana wa Badjiliota, wana wa Mehida, wana wa Halesa, 55 Wana wa Balakosa, wana wa Sisela, wana wa Tema, 56 Wana wa Nedjia, wana wa Hatipa. 57 Wana wa watuke wa Salomo: Wana wa Sotai, wana wa Sopeleta, wana wa Pelida, 58 Wana wa Yaala, wana wa Dalakona, wana wa Gidela, 59 Wana wa Sepatia, wana wa Hatila, wana wa Pokeleta- hadjalaima, wana wa Amona. 60 Watuke wa tepelo kpaa la wana wa watuke wa Salomo, wadjakali kama isato la ntuku libwa la wale. 61 Denda wato wango watelali olongoi la Zele-mela, Tele-halesa, Keluba, Adona la Imele, watiengali oyewisi monguta mo wasangbau pe e watata wau, inga wadjaki wato wa Isalayele: 62 Wana wa Delaya, wana wa Tobia, wana wa Nekoda: Nkama motoba la ntuku inei la wale. 63 Pe la wanganga Mwengei: Wana wa Habaya, wana wa Hakodja, wana wa Baladjilai ongo ototali moli ndondo e wana wa wali wa Baladjilai Mogileada, aumali owelami la nkombo ewu. 64 Iwonde walukali ekpata enge edjei la nkombo djau, la loyi e oenesi liwoso la wato mokalakala mo watata wau, eho etieneneli, ndjongo wayamalali nda wato wa osoto pe walongwali wa nganga Mwengei. 65 La woho, likumu e gbata aasali la iwo ate: Waengiti olaki wiho winge wileki wosatu tee engele nganga Mwengei ongo odjei Ulima pe la Tumima akwamala. 66 Liboliani kpaa lidjali egogo e wato mbuka tuku inei la iwale la nkama isato la ntuku motoba. 67 Olongosi mituke mau ma pele la wango wa wali, wango wadjakali mbuka sambo la nkama isato la ntuku isato la sambo, wadjakali la walembi wa pele la wango wa wali nkama iwale la tuku inei la watano. 68 Wapalasa wau wadjakali nkama sambo la ntuku inei la watano, 69 Wakamela wadjali nkama inei la ntuku isato la watano. Wapunda wadjali mbuka esi la nkama sambo la ntuku iwale. 70 o Edjali la ndambo e makumu ma minguta ma wa wawa wango wahekeleli likao la loi e wotomu. Likumu e gbata inde amene ahekeleli likao la loyi e ebete oisi wiho wamotio.Dalakime e wolo mbuka esi, mabakoli tuku itano, la walobe e wanganga Mwengei kama itano la tuku isato. 71 Edjali la makumu madji ma minguta e wasangbasu wango wahekeleli likao la loyi e ebete e oisi wiho wa motio e woyomu: Dalakime dja wolo mbuka tuku iwale la mina e palata mbuka iwale la kama iwale. 72 Winge wato wadji wa moki wahali widjali dalakime dja wolo mbuka tuku iowale, mina dja palata mbuka iwale la walobe e wanganga Mwengei tukumotoba la sambo. 73 Pe wanganga Mwengei la Walevi, wasindjili wa miluhe, walembi, wadji wato la watuke wa tepelo la Isalayele esi kpa waumali oyabati la wagbata djau. Engele ndebo e sambo eumali wana wa Isalayele wadjakali la engele eho ndondo e minguta mau.
Chapter 8

1 Wato kpaa wayaboliali nda moto moikima la ebete esungu e wato kpaa liwoso e moluhe mo malia. Ndjongo waasali la Ezela modhingi wikpata ate adje la buku e pui dja Moize, enge Mwengei ahali la Isalayele. 2 La woho nganga Mwengei Ezela adjali la pui liwoso la limbutu e pele la wali la wato kpaa wango wadjakali la lokenge eokake la onangi gbondo e sambo. 3 Adjakali otangi djaho la moli mopamake liwoso la wato kpaa liwoso la moluhe mo malia, opoti use otani tee la limbile, liwoso la pele la wali la wato wadji ango wango wadjakali la lokenge e ooki la onangi gbondo; matoi ma wato kpaa madjakali ooki olamu buku e pui. 4 Ezela modhingi wikpata aamalali ikolo e ngbalonda e mabaya, enge ekeleli iwo la libaku laho, Matitia, Sema, Anaya, Ulia, Hilikia la Maaseya wayamalali kelekele ende la ewo ende e lilome, pe la ewo ende e liali: Pedeya, Misaela, Malakia, Hasuma, Hasa-badana, Zekalia la Mesulama. 5 Ezela adhukolali buku eho la maiso ma wato kpaa, ango edhukolali inde eho, wato kpaa wayamalali. 6 Ndjongo Ezela amopambwali Engali Mwengei o meemene, ongo odjei mosungu; eho nde wato kpaa wandjimali: Amen! 7 Yesua, Bani, Selebia, Yamina, Akuba, Sabetai, Hodjia, Maaseya, Kelita, Azalia, Yodjabada, Hanana, Pelaya, walevi wadjakali olumboleli wato pui, ndji ango eyamalali wato. 8 Wadjakali ndji otangi buku la moli mopamake, pui e Mwengei o meemene; waenesali eho pole pole, pe walimbolali eho, wagamisali wato laate wahele gbondo e sambo djinge idjakali iwo otangi. 9 Nehemia, einei nda likumu e gbata, la nganga Mwengei Ezela, modhingi-ikpata, la Walevi wango wadjakali opundesi wato, waasali la wato kpaa ate: Keke edjei edjei use mosatu la maiso ma Engali Mwengei onu. Otidjeni la magba la oleli, la loyi ate wato kpaa wadjakali oleli ango edjakali iwo ooki sambo djapui. 10 Aasali la iwo alidji ate: Kekeni, olakeni wilaka e maita, kengani maana maleleke, tomani wiho atie moto ongo watimowongele ema teeti, la loyi ate keke edjei use mosatu la maiso ma Likumu lasu, etiobiteleni la motema, la loyi ate mwemu mo Mwengei modjei la ebete e tetelake e libanei lanu. 11 Walevi wadjakali oongi wato kpaa ate wadhee etale, waasia ate: Abatani logo! la loyi ate keke edjei use mosatu, pe otiokeni pasi la motema. 12 Ndongo wato kpaa wakeeli olaki la okengi, otomi wilaka pe la oyemeli ngbi, te pamba la loyi ate wahelali gbondo e sambo djinge iwaselali iwo. 13 La wuse wo miale, makumu ewasango e wato kpaa, wanganga-Mwengei la walevi wayaboliali iwo kpaa atie Ezela modhingi-wikpata, la loyi etotake lokenge e oyewi olamu maloma ma pui. 14 Ndjongo waenali ate edhingama la pui djinge ehekeleli Mwengei la Moize ate wana wa Isalayele waongi oyabati la ma minguta ma isoki la yenga e ndebo e sambo. 15 Pe ate waongi otiesakoli la odhumbei la wagbata wau kpaa koto la Yelusalema esi kpaa ate: Kekeni la moki e mikoli pe djakani la ongasi e olive, ngasi e mite ma maita, ngasi e milita, la loyi e kelake ma minguta mawisoki, ndenge edhingami. 16 Wato wakeeli pe wadjali la djaho, wakeleli minguta ma kasi, moto la moto la motendo mo monguta monde koto la mapango mawu, koto la mapango ma monguta ma Mwengei o meemene pe la ebete esungu e wato kpaa e moluhe mo malia pe la ebete esungu e wato kpaa e moluhe mo Efalaima. 17 Liabolei liesi kpaa la wango walongwali la ohelani wakelali ma minguta ma ngasi pe wayabatali la ma minguta djaho e ngasi; la loyi ate wana wa Isalayele wakelaliyo ndenge eho opoti la masio ma Yosua mana o Nunu tee la wusu woho, ndjongo waemelali pendja. 18 Buku e pui e Mwengei omeemene edjakali otangemi la moli mopamake wuse la wuse, opoti wuse wo poo tee la wuse wo gboo, pe wakelali yenga eho masio sambo, pe la lisio e mwambi, ogbotoni esi e sungu ekelamali, la otutei pui.
Chapter 9

1 La wuse wo ntuku iwale la inei e ndebo eho, wana wa Isalayele wayabolianali, wakilia wilaka, wakpalia makunia wayasuelia miitu. 2 Oliye e Isalayele eyakanali la wadjidji kpaa, wayamalali watubelali masumu wau amene pe mawunga e wasangbau. 3 Mbuse wayamalali ebete edjakali iwo pe la lisio laho, watangali la moli mopamake buku eho e pui e Engali-Mwengei e iwo la owumoyi e engele oeti isato; pe la owumoi engele pene e isato eeti, watubelali masumu pe wamaali mauli liwoso e Engali-Mwengei owu. 4 Yesua la Buni, Selebia, Bani la Kenani wayamalali la ngbolonda e Walevi pe wamodhumbiali Engali-Mwengei owu la moli mopamake. 5 Walevi, Yesua, Kadimiela, Bani, Hasabeneya, Selebia, Hodia, Sebania la Petahia waasali ate: Amalani, omogane Engali-Mwengei onu libela la libela. Pe dhee wapambwe nkombo e kembo enge eongi pendja la opambwe kpaa la ogani kpaa. 6 Owe odjei Mwengei, saa owe amene; owe amene nde okelali likolo lihele ongo likolo pendja, la egogo laho kpaa, mbume e kpaa la enge edjei likolo laho, ewale la djinge kpaa widjei ndondo e eho; pe okobaniaka eho kpaa la mokalo; pe egogo e likolo ekoomaliaka mauli. 7 Owe odjei Engali-Mwengei omeemene, moto omoyonoli Abalama pe amopumbesali la Ula e Wakaladeya pe owumesali nkombo ende Abayama. 8 Oenali ate motema monde modjei alima liwoso la owe; ndjongo okelali ookani la inde la omohi moki e Wakanana, Bayiti, Waamola, Wapelezi, Wayebusi, la Wagiligasa, la ohi eho la liwota lande pe oengemesali maloba ma owe, la loyi ate odjei molamu. 9 Oenali odjidji e watata wasu la Ezipeto, pe ookali wilelo wau ahue e ewale etanake. 10 Ohekeleli tondo la mahueli la omomaleli Falao, watuke wande kpaa la wato kpaa wa moki monde, laate oyewali ate waawakelelali sambo dja ogeno; pe nkombo o owe egananali nda maamasio. 11 Okawanesali ewale liwoso lawu, owakpandesali ndondo e ewale la mbume djinge iyomi; owalumbali wato wango wadjakali owatutei la olindake nda libukeli la malia masungu. 12 La likule la lipata owasombesali la use, pe la likuke la moto, la likolo, la loyi owaenesi mboka enge eongokoli iwo osombi. 13 Oyadjimbali la mokoli mo Siyona pe okpomesanali la iwo tee ongo likolo pe owahekeleli witenele wa lisambesi la pui dja meemene, miano la mitomani milamu. 14 Owayewesali iwo Sabato e owe mosatu, owahekeleli mitomani, miano la pui la mboka e Moize motuke mo owe. 15 Owahekeleli iwo makoke olongoi ongo likolo la loyi e ndjala ewu, owawumeselali malia la libukeli la loyi e ehoha ewu e malia, oasali la iwo alidji ate walingele watote moki mungo omalesali ewo e owe pe olapali ndai ate akowahekele. 16 Ase iwo, watata wasu, wakelali sambo dja ogeno waumesali moto mowu motetelake, watiokali pui dja owe. 17 Watonali ooki, watimungolali tomu dja owe kamwake djinge iwaakelelali owe, ase waumesali moto mowu motetelake, wabatali likumu la owongweli otuke owu la Ezipito. Ase owe odjei Mwengei e olimbesi, o motema magba okookaka limemu te gala, otumi la motema mologoo, otiwadheeli. 18 Ango wayakelelali iwo ekeko e mana o ngombe e ewonda enge enangolami, wapotali oasi ate: Denda Mwengei e owe, ongo oopumbesali owe la Ezipito, watikelaloi sambo e ganake te okeke. 19 Owe, owe la motema magba mungo motumi owe la muho, otiwadheeli iwo ndondo e mangana. Likule la lipata litilongwali likolo lawu la use la owasombesi la mboka, likule e misa la likolo la owaenesi enge eengi iwo osombi. 20 Ohekeleli elimo la owayangatali, otihumali monoko mowu mana, owahekeleli iwo malia la ehoha ewu e malia. 21 Owahekeleli iwo wilaka la manganga mbula tuku inei. Watidjangali ema, wisindje wau mitiguali, makolo mawu matikundakolali. 22 Owahekelali iwo ogumake e wato wa witondo, okawanesali waho ndambo ndambo; watotali moki mo Sihona, moki e likumu e Hesibona, moki mo Oga likumu e Basana. 23 Pe okelali ate wana wau waume ngbi nda minoto ma likolo. Mbuse eho owaalingesali la moki mungo mowawunelali owe watata wau ate wakolingela la ototi moho. 24 Ndjongo wana wau walingelali, watotali moki moho, odjali obati sese ewu wato wango wayabatali la moki moho, Wakanana, pe owahekeli iwo la ewo ewu, makumu mawu la wato wa moki moho, la owakeli ndenge ebali iwo. 25 Pe watotali wagbata mingi mibaniani la bolo pe mbume ndamu pendja pe watotali minguta minge mitumi la wiho wilamu, mawela mango iwo la oisi malia, wilanga wa vino, wilanga wa oliva la mite la loyi e wilaka ngbi, ndjongo wapotali olaki la ogbeti, otami matambu pe oemeli la olamu wowe esungu. 26 Kaikonde wadjangali otosi,. waomemelali owe wadjakali wiengele kpaa olumbi pui dja owe mbuse e mokongo mowu, waolali watiesakoli wa owe, wango wadjakali owaaseli la owawongosi atie owe, wadjakali okeli sambo eti la etemia. 27 La loyi luho, owahali la mawo ma mitone mawu, wango wadjakali owaenesi odjidji, ase la engele e odjidji owu, wadjakali o oweli, owe odjakali owaoki ongo likolo pe la motema magba enge edjei owe la eho, odjali owahekeli wakalesi wango wadjakali owakalesi iwo la ewo e mitone mawu. 28 Engele edjakali iwo ohomi, wadjakali alidji okeli djinge widjei obe la maiso ma owe, pe odjakali owahi la ewo e mitone mawu, wango wadjakali owanyokoli. Mbuse wadjakali owongoi la oombeleli la oongi ligamesi, pe owe amene odjakali ooki ongo likolo pendja pe odjaali owakalesi mbala la mbala, la odhendeli motema magba enge edjei owe la eho. 29 Te edjakali owe owaaseli la loyi e wawongosi iwo la pui dja owe, iwo wadjakali saa okeli sambo dja ogeno. Watiokali pui dja owe, wakelelaali witeneli wa owe wisambesake lisumu, witeneli winge inga moto atutia waho, akodja la mokalo la mboka e waho. Wadjakali saa onangi matoyi, waumesali moto mowu motetelake, watiokali. 30 Ase onangelali sambo djawu motema mbula ngbii, odjakali saa owaaseli la elimo e owe la mboka e watiesakoli wa owe, watibatali litoyi, gbo owahali la ewo e wato wa witondo wa miki maho. 31 La motema magba ngbi mungo modjei owe la moho, otiwaseselali iwo kpaa, oti wadheeli iwo, la loyi ate odjei Mwengei o ngolu la motema magba. 32 Sikahala, ee Mwengei osu, Mwengei mosungu, o okulu koto la bhoo, owe ongo okobanyaka ondimani pe motema mo lohaho, otidhee ate odjidji kpaa enge etoti iso, makumu masu, wato wa okenge wasu, watiesakoli wasu, watata wasu la wato wa owe kpaa, opoti la masio ma makumu ma Asili tee la wuse wo keke, eeneni ema esi liwoso la owe. 33 Owe odjei moto molamu la sambo kpaa djinge itokweli iso, pamba te okelali sambo dja omeemene, ase iso nde tokelali obe. 34 Makumu masu, wato wa lokenge wasu, wanganag- Mwengei wasu la watata wasu watikelelali pui dja owe, watibatali okebi la tomaka dja owe koto la demu dja owe djinge edjakali owe otoaseli iso. 35 La owumoi e okumu wou, la wiho wilamu winge witumi owe la waho, winge wiwahekeleli owe ndondo e moki mosungu la molamu mene mungo modjakali liwoso lawu, watiokelelali owe pe watiakukolali ate wadhe sambo djau mbe. 36 Denda! todjei keke mituke, moki mungo mowahekeleli owe watata wasu la olaki pukapuka djaho la wilaka waho wilamu, denda! toddjei mituke la moki muho, 37 Pe pukapuka djaho etumi botoo la makumu mango otobatelali iso la loyi e masumu masu, pe wakokondjaka wenge djasu la nama djasu dja moki, ndenge ebali iwo, pe todjei la odjidji osungu. 38 La odengeli djinge kpaa, tokokelaka ookani wungo wowongi obateli motema, enge edhingami la ekpata koto wondimisami la misei ma makumu masu, Walevi la iso pe e wanganga-Mwengei.
Chapter 10

1 Sikahala wango wandjimesali la mosei edjali: Likumu e gbata Nehemia, mana o Hakalia, Zidikiya, 2 Selaya, Adjalia, Yilimia, 3 Pasule, Amalia, Malakia, 4 Hatusa, Sebania, Maluka, 5 Halima, Melomota, Obadia, 6 Danyele, Ginetona, Baluka, 7 Mesulama, Abia, Miyamina, 8 Maadjia, Biligai la Semaya iwo wango wadjakali wa nganga-Mwengei. 9 Alidji Walevi: Yesua mana o Adjania, Binui la wana wa Henadade, Kadimiela, 10 Wamangbau Sebania, Hodia, Kelita, Pelaya, Hanane, 11 Mika, Lehoba, Hasabia, 12 Zakulu, Shelebia, Shabania, 13 Hodia, Bania la Beninu. 14 Makumu ma wato: Palosa, Pahata-moaba, Elama, Zatu, Bani. 15 Buni, azegade, Bebai, 16 Adoniya, Bigibai, Adine, 17 Atele, Hizikiya, Azule, 18 Hodia, Hashume, Bezai, 19 Halipe, Anatote, Nebai, 20 Magepiashe, Meshulame, Hezile, 21 Meshezabele, Zabele, Zadua, 22 Pelatia, Hanane, Anaya, 23 Hoshe, Hanania, Hasube, 24 Halokesa, Pila, Sobeka, 25 Lehuma, Hasabana, Maaseya, 26 La Ahiya, Hanane, Anana, 27 Maluka, Halima, Baana. 28 Wato wadji, wanganga- Mwengei, Walevi, Wasidjili wa moluhe, Walembi, Watuke wa Tepelo, la moto kpaa ongo adheneseli la wato wa miki maho, la loyi e ototei pui dja Mwengei dja Mwengei o memene, wali wau, wana wau wa pele koto la wana wau wa wali, wango kpaa wadjakali woewi wa wa Engali onangi gbondo, 29 Waananganali la wa magbau, wato wau wa etemia, walapali ndai enge la mbumakolo alikambo ate wapandje mbumakolo djaho, inga wadee osombi la puii dja Mwengei omemene, djinge ihanali la ewo e Moize mokeleli mo Mwengei o memene, inga wadee obanei la okeleli puii kpaa dja Mwengei likumu la su la witeneli wande wa lisambesi la tiesakolo djande. 30 Ate totowakele te wana wasu wa wali atie wato wa moki moho, totowatotela wana wasu wa pele la wana wasu wa wali te. 31 Wato wa moki moho, wadjaakali odjei la wiho witambake wa ndenge kpaa dja pukapuka dja okeli palini la wuse wo Sabata alikambo la otambi djaho, totokondja ema teeti atiewu la Sabata te la wuse woesi mosantu, la elanga e nsambo tokodee mbume ihome la tokodee woongi nongo kpaa. 32 Alidi toabatelali puii dja ohekeli, moto la moto la ndondo esu, esi e wisuki wisato wa shekele elanga la elanga alikambo la wotomo wo monguta mo Mwengei oosu, 33 Alikambo la makoke mango masatisama likolo la madi la likao la pukapuka dja engele kpaa la likao litumbake la wiengele kpaa wa sabata, dja ndebo poli, alikambo la mapati mango mabatama koto alikambo la wiho wisantu, koto alikambo la makao alikambo la lisumu alikambo la odihi masumu ma Isalayele, la alikaambo la wotomu kpaa wo monguta mo mwengei oosu. 34 Alidi, tobingali djege alikambo la woewi wango wakokela kula djinge wanganga Mwengei walewi la wato waengi okpali la monguta mo Mwengei oosu, la odendeli monguta mo watata wasu la wengele winge wibatama, elanga la elanga, alikambo la ololesi waho likolo la etumbele e Mwengei oosu, nda edingami la puii, 35 Koto alikmbo la okpali pukapuka dja liwoso djinge itani la mbume djasu la pukapuka dja liwoso djinge itani dja pukapuka kpaa dja mote mo ndenge kpaa, elanga, la monguta mo Mwengei; 36 La wana wa liwoso wa wana wasu wapele la wa wanama wasu wa saa, nda endingami la pui, la wana wa liwoso wa wigogo wasu wa wangombe la wa wigogo wasu wa wampata, alikambo la okpali la monguta mo Mwengei oosu, atie wanganga Mwengei wango wakokelaka wotomu oosu. 37 Alidi palini dja liwoso dja pukapuka pukapuka djinge ilongoi la pukapuka djasu dja liwoso, la makao masu, la pukapuka djasu dja mote mo ndenge kpaa, bino poli la maita, toongi okpali waho atie wanganaga Mwengei la wibete wa olaki wa monguta mo Mwengei oosu, alidi esi la esuki e liomu e wiho wa mbume djasu atie walewi, aikambo ate iwo, walewi, nde wato wakokodjaka esi e esuki e liomu e wingumba wasu kpaa winge wikokelaka tomu dja wilanga. 38 Nganga Mwengei, mana o Alona, oongi odjei mongindi la walewi engele ekokodja Walewi esi la esuki e liomu, walewi iwo mene waongi ohekeli esi la esuki e liomu la wisuki liomu wa monguta mo Mwengei oosu la wibete wa monguta mo woisi wiho. 39 Alikambo ate edjei wibete waho wa olaki nde wana wa Isalayele la wana wa Waleni waongi odjei la likao la pukapuka, bino poli la maita, nde atie wakeleli wa ebete esantu la wanganga Mwengei wango wakokelaka wotumu la wadengeli wa miluhe la walembi wadjei, toengi odei monguta mo Mwengei oosu te.
Chapter 11

1 Sikahala wankumu wa wato wadjakali wabati la Yelusaleme: ase alikambo la wato wadi, wabingali djege aikambo la omototi moto mwesi la ndondo e wato liomu adjei wabati la Yelusaleme engele mosantu, la esuki edi e libwa ndondo e wingumba wadi. 2 Alidi wato wa wapambwali wato kpaa wango waahekeleli la libalano la wumene alikambo lawabati la Yelusaleme. 3 Denda wa nkumu wa etuka enge ebaniani engeeabatakaliwa iwo la Yelusaleme; ase wango wabatakali la wingumba wa Yuda, moto la moto la ebete ende mene, l,a wingumba wau, iwo wawa: Isalayele, wanganga Mwengei la Walepi, Benetinime la wana wa wakeleli wa Salomo. 4 Alidi esuki e wana wa Yuda la esuki e wana wa Bejamine wabatali la Yelusaleme. La wana wa Yuda: Ataya mana o Uzia mana o Zekalia mana o Amalia mana o Shepatia mana o Mahalele la wana wa Peleze; 5 La maaseja mana o Boluke mana o Koloze mana o Hzaya mana o Adaya mana o Yoyalibe mana o Zekalia mana o Mashela. 6 Wana kpaa wa Peleze wango wadjakali wabati la la Yelisaleme wadjali nkama inei la ntuku motoba la mwambi, pele djinge djengi. 7 denda wana wa Bejamini Salu mana o Shehulame mana o Kolaya mana o Maaseya mana o Itiele mana o Yeshaya; 8 mbuse ende gabai la Salai: wato nkama libwa la ntuku iwale la mwambi, 9 La Joele mana o Zikili, modengeli ongo odjakali owasombesi iwo, la Yuda mana o Hasenua adjakali modengeli mo wale ongo odjakali osombesi engumba. 10 La wanganga Mwengei: Yedaya manao Yoyalibe, Yakine, 11 Selaya mana o Hilikiya mana o Meshulame mana o Zadoke mana o Melayote mana o Ahitube, modengeli mo monguta mo Mwengei omemene; 12 La wamangbau, wango wadjakali okeli wotomu wo monguta: wato nkama mwambi la ntuku iwale la wale; la Adaya mana o Yelohame mana o Pepatia mana o Amezi mana o Zekalia mana o Pashele mana o Malakiya, 13 La wamanango, wa nkumu wa minguta ma wa sango: wato nkama iwale la ntuku inei la wale, la Amashisai mana o Azalele mana o Ahazai mana o Meshilemote mana o Imele, 14 La wamangbau, mabande mapele dja wokulu: wato nkama esi la ntuku iwale la mwambi, la modengeli mwesi adjaakali owasombesi iwo: Zabediele mana o wato wasungu. 15 La Walevi; Shemaya mana o Hashube mana o azilikame mana o Hashabia mana o Buni, 16 La Shebetai la Yozabate, la wa nkumu wa Walevi, wango wadjakali osombesi tomu dja saa e monguta mo Mwengei o memene; 17 La Patania mene, mana o Mika mana o Zebedi mana o Asape, mosombesi ondjembo dja etemia, adjakali ohekeli witemia la liakongi, la Wakabukia adjakali moto o wale la ndondo e wamanango la Abada mana o Samua mana o Galale mana o Yedutune. 18 Walevi la engumba mosantu wadjakali nkama iwale la ntuku mwambi la wanei. 19 Wadengeli wa miluhe; Akube Talamone la wamangbau wango wadjakali odengeli miluhe; wato nkama esi la ntuku nsambo la wale. 20 Esuki edi e Isalayele, e wanganga Mwengei e Walevi, wadjakali la wingumba wadi kpaa wa Yuda, moto la moto la liwongoseli lande. 21 Wanetinime wadjakali wabati la Opele, la Ziha la Gihipa wadjakali osombesi Benetinime. 22 Modengeli mo Walevi la Yelusaleme edjali mana o Bani mana o Hasabia mana o Mika la mana wa Asape, walembi, ongo odjakali modengbeli mo wotomu wo monguta mo Mwengei omemene. 23 Alikambo ate likumu ahekeleli pui esi alikambo lawu wa wakelelali walembi ewongesele esi la odendeli mposa ewu e masio la masio. 24 Petania mana o Mesezabele la wana wa Zela mana o yuda adjakali kelekele e likumu alikambo la loi kpaa wungo wodengi wato. 25 La wungo wodengi miki la wilanga waho, edjaali la wana wadi wa Yuda wango wadjakali wabati la kiliate alaba l,a wasi te wango wahelami la eho, la Dibone la wasi te wango wahelami la eho, la Yekabeyele la miki ma maho, 26 La Yehua, la Malada, la Betepelete, 27 La Hazale-suale, la Beeleseba la wasite wango waheli la eho, 28 La Zikelage, la mekoni la wasite wango wahelila eho, 29 La ene-limone, la Zola, la Yalamute, 30 Zanoa, adulame la miki ma maho, lakisi la wilanga wa maho, Azeka la wasite wango wahelalini la maho. Wabatali kaaeewu opoti la Beele seba tee la lobwaku wo Hinome. 31 Wana wa Bejamini wa djakali wa Geba, Mikemase, Aidja la Betele la wasite wango wahelami la waho, 32 Anatote, Nobe, Anania, 33 Hazole, Lama, Gitaime, 34 Hadide, Zeboime, Nebalate, 35 Lode, la Ono, Lobwaku wo wato wango waewi wolamu tomu dja mawo. 36 la ndondo e Walevi edjakali la wituluku wa Yuda winge wiabatali la Bejamini.
Chapter 12

1 Denda wanganga Mwengei la Walevi wango watelali mongundi lan Zelubabele mana o Sealatiele la Yesua: Selaya, Yilimia, Ezela, 2 Amalia, Maluke, Hatuse, 3 Sekania, Lehume, Melemote, 4 Ido, Ginetoi, Abiya, 5 Miyamine, Maadia, BIliga, 6 Semaya, la Yalibe, Yedaya, 7 Salu, Amoke, Hilikiya, Yehada. Iwo wadjakali wa nkumu wa wanganga Mwengei nkoto wa wamangbau la masio ma Yesua. 8 Walevi: Yesua, Binui, Kadimiele, Selebia, Matanioa Mosombesi modjembo dja ohekeli mbongoseli e etemia, inde la wamanango. 9 Wamangbau bakabukia la uni, wibete wau wa otomu wo odengeli la iwo, 10 Yesua amowotali Yoyakime, Yoyakime amowotali Elisibe, Eliasibe amowotali Yoyada. 11 Yoyada amowotali Yonatane, la Yonatane amowotali Yodua. 12 La masio ma Yoyakime, edjakali la wanganga mwengei, mankumu ma minguta ma wawa: alikambo la Seleya, Melaya; alikambo la Yilimia, Hanania; 13 Alikambo la Ezela, Mesulame; alikambo la Amalia, Yehohanane; 14 Alikambo la Maluki, Yonatane, alikambo la Sebania, Yozepe; 15 Alikambo la Halime, Adena, alikambo la Melayote, Helekai; 16 Alikambo la Ido, Zekalia, alikambo la Genetone, Mesulame; 17 Alikambo la Abiya, Zikili; alikambo la Moadia; Pililai, 18 Alikambo la Biliga, Semua, alikambo la Semaya, Yehonatane; 19 Alikambo la Yoyalibe, Matenai, alikambo la Yodaya Uzi; 20 Alikambo la Salai; alikambo la Amoke, Ebele; 21 Alikambo la Hilikia, Hasabia. alikkambo la Yedaya, Netanele. 22 La masio ma Eliasibe, Yohada, Yahanane, la Yodua, Walevi wango wajakali wa nkumu wa minguta ma wa wawa wadingamali nkombo, la wanganga Mwengei, tee la engele e wokumu wo Daliuse Mopelese. 23 Wana wa Lewi wango wadjakali mankumu la minguta ma wa wawa wadingamali nkombo la buku e sambo dja engele ewu, ee, te la masio ma Yohanane mana o Eliasibe. 24 Wankumu wa Walevi: Hasabia, Selebia, Yesua mana o Kadimiele la wamangbau, wango wa dengani la iwo, alikambo la ohekeli witemia la ohekeli mindimo la otutei tomaka dja Davidi moto o Mwengei o memene, etuluku e wadengeli ahue la etuluku e wa dengeli. 25 Matania, Bakabukia, Obadia, Mesulame, Talamone, Akube wadjakali odengeli miluhe: etuluku esi e wadengeli la minguta ma woisi wiho winge widjakali la miluhe ma tempelo. 26 Iwo wadjakali la masio ma Yoyakime mana o Yesua mana o Yozadake tokola masio ma Gubelenele Nehemia la wanganga Mwengei Ezela, mokeli wakopi. 27 La engele e odukoli etutu e Yelusaleme wa walukali Walevi, wa watotali iwo la wibete wau kpaa wa wakpalali iwo la Yelusaleme alikambo la okeli milulu ma odukoli la woemeli, ee, la mindimo koto la lembo, la mambamba la wibingeli wa ndiki koto la wazeze. 28 Wana wa walembi waaboliali, walongoi la etuka, la ahue ahue la Yelusaleme koto la miki ma wato wa Netopa, 29 Koto la Bete-Gelegale la wilanga wa Geba la Azzemalete, alikambo ate walembi waameleli miki ahue ahue la Yelusaleme. 30 Wanganga Mwengei la Walevi waa wongeleli la wa wawongeleli wato la miluhe la etutu. 31 Ndjongo iwatelesali wankumu wa Yuda likolo la etutu. alidi, ibatali wituluku wisungu wiale walembi wango wakohaka mindimo la mikalakala ma wato wango wakosombaka esi edjaakali osombi la ewo e lilome likolo la etutu tee la moluhe mo maguza ma miisu ma misa. 32 Hosaya la esuki e wankumu wa Yuda wapotali osombi mbuse eewu, 33 Alidi adjali, Ezela la Mesulame, 34 Yuda, Bejamini, Semaya la Yilimia; 35 Alidi la wana wa wanganga Mwengei wango wadjakali la wakelelo, Zekalia mana o Yonatane mana o Semaya mana o Matania mana o Mikaya mana o Zakule mana o Asepe, 36 La wamanango Semaya, Azelele, Malalai; Gilalai, Maai, Netanele, Yuda, Hanani, la Wilomeli wa lembo wo Davidi moto o Mwengei o memene, la Ezela modingi wikpata liwoso lawu. 37 La moluhe mo Elkiwa la eamalani liwoso lawu, watelali la gbolonda e site e Davidi la ebete e oteli la etutu likolo la monguta mo Davidi ko tee la moluhe mo Malia, la eti. 38 etuluku edi e walembi wango wakohaka mindimo edjakali osombi liwoso, mbai mbuse e eho, la esuki e wato, likol la etutu e likolo la monguta molai mo Witumbele wa makoke te la etutu esungu. 39 La likolo la moluhe mo Epalayime tee la moluhe mo engumba e kala tee la moluhe mo Nsu koto la monguta malia mo Mea tee la moluhe mo wompata; waamalali la moluhe mo wadendeli. 40 Gboogboo witiluku wale walembi winge wikohaka mindimo mo Mwengei omemene, l,a mbai la esuki e waamaleli-wagamesi mongindi la mbai, 41 a wanganga Mwengei Elakime, Maaseya, Miniamine, Minania, Eionai, Zekalia, Hanania la wakelelo, 42 La Maaseya, Semaya, Eleazela, Uzi, Yehonane, Malakiya, Elame, la Ezela. La walembi mongingi la modengeli Yizilahila wadjakali ookami ngbaii. 43 Wahekeleli mbeka la wuse woho, wambeka wasungu la waemeleli, alikambo ate Mwengei o memene awaemeleseli iwo la mwemu mosungu. Alidi wali la wana waemeleli, ndjongo woemeli wo Yelusaleme wookanali lihele. 44 Alidi, wabatali la wuse woho pele djinge idjakali osombesi minguta ma woisi wiho, makao, pukapuka dja liwoso la esi, la esuki e liomu, alikambo la owanesi la ndondo wiho winge wi ongomi la pui alikambo la wanganga mwengei la Walevi, te mpamba te Mwemu mo Yuda mo djali alikambo la wanganga mwengei la Walevi wango wadjakali okeli wotomu. 45 Wapotali obanei liongomi la Mwengei oowu la liongomi la owongeleme, la walembi koto wadengeli wa miluhe, la otutei tomaka dja Davidi la dja Salomo mana onde. 46 Te mpamba la wuse wo Davidi la wo Asape la engele e Gala, edjakali wa nkumu wa walembi koto la lembo wo witemia la omohekeli Mwengei mindimo. 47 Isalayele kpaa la wuse wo Zelubabele koto la masio ma Nehemia wadjakali ohekeli wiho wa walembi la wa wadengeli wa miluhe la otutei winge wiwongoli iwo la waho wuse la wuse la wadjakali owasanteseli waho Walevi; la walevi wadjakali osantesi waho wana wa Alona.
Chapter 13

1 La wuse woho waneekolali ekpata e Moize la matoi ma wato, waeneli edingama la ndondo ate Maamone la Momoabe wa engiti tr olingi la liaboliani l Mwengei o memene alikambo la engele enge ebatamiti molelo te, 2 Alikambo ate watiwaemeleli wana wa Isalayele te la makoke koto la malia, ase wawaputali walaama alikambo ate wawabumakole iwo wobe. Kaikonde, Mwengei oosu akukolali mbumakolo mbe pambo. 3 Ango saa eokali iwo pui, wapotali okowakoli Isalayele la etuluku esi kpaa e wato ndenge la ndenge. 4 Sikahala liwoso l,a woho, Eliasibe, nganga Mwengei, ongo adjakali la mokpali mo ebete esi e olaki la monguta mo Mwengei oosu, adjaali manango la Tobia; 5 Amokelelali inde ebete esi esungu e olaki, atie edjakali iwo olaki liwoso mbala la mbala likao la pukapuka, olibana, wikeleli esi e esukib e liomu e pukapuka, bino poli la maita winge Walevi, walembi la wwdengeli wa miluhe wadjakali la wotomu wo ototi, likao alikambo la wanganga Mwengei. 6 La engele kpaa enge itidjakali la Yelusaleme te, alikambo la elanga e ntuku isato la wiale wa Atazelezese likumu la Babilone, idjali atie likumu, mbuse ema engele imwongoli likumu mboka ikee. 7 Ndjongo iumalila ,Yelusaleme yeneli wobe wungo Eliasebe akelaki nda e mokelelali inde Tobia ebete e ndondo elopangowo monguta mo Mwengei o memene. 8 Eneneli wobe mene la maiso ma mbai. Ndjongo ilumbali wiho kpaa wa monguta mo Tobia saa e ebete e olaki. 9 La mbuse ihekeleli tomaka wa wongeleli ebete eho olaki; iwongosali la ndondo e eho wikeleli wa monguta mo Mwengei o memene la likao la pukapuka la olibana. 10 Iumali woewi ate wawahekeli Walevi wiho wau te, ndjongo nde Walevi la walembi wango wadjakali okeli wotomo watilali, moto la elanga ende. 11 Ipotali owapameli wadendeleli wagamesi la wasi ate: Alikambo lande monguta mo Mwengei o memene mo deeni ndjo? La ndjongo iwabomanesai iwo la iwabotali iwo la ebete ewu e wotomu. 12 Yuda esi kpaa, ee iwo wadjali la esi la esuki e liomu e pukapuka, dja poli la dja maita la monguta mo woisi wiho. 13 La mbuse imobatali Selemia nganga Mwengei la Zadoke mokeli wakopi la Pedaya ndondo e Walevi la mokpali mo odengeli minguta ma woisi wiho, wadjaakali omosambesi Hanane mana Zakule mana o Matania, alikambo ate wadjakali owadendeli iwo ate wadjei wato wa memene, wadjakali la mokpali mo owakaweli wamangbau wiho. 14 Te Mwengei o mbai, mungwa mbai alikambo la loi woho, otilongose te tomu dja mbai dja motema molamu mungo mokeleli mbai owe monguta mo Mwengei o mbai la wotomu wo odengeli eho. 15 La masio maho, Yeneli la Yuda wato wadjali ohotokoli pukapuka la wigamele wa bono la wuse wo Sabata wadjali odji la mawoke ma pukapuka obati maho likolo la wampunda, alidi bino, pukapuka dja bino la pukapuka la Pigi landenge kpaa dja mikpali militake, wadjakaliolingesi maho la Yelusaleme la wuse wo Sabata, iwohekeleli iwo demu la wuse wungo wodjakali iwo otambi wiho. 16 Wato wa Tile wadjakali wabati la engumba, wadjakali odjwi l,a nsu koto la ndenge kpaa dja wiho witambake koto la Sabata wadjakali owatambeli waho wana wa Yuda koto la Yelusaleme. 17 Ndjongo ipotali owapameli wato wa etemia wa Yuda la wasi la iwo ate: Nda loi wobe wuhuwu wokokelaka ino, okoumesakani wuse wo Sabata ema mpamba? 18 Watata wanu wakelali ndenge eho, Mwengei oosu atodjeseleli iso, alidi engumba enge, wodidi wuhuwu kpaa te ndjongo te? Ase ino okotaliakani limemu linge likololelaka Isalayele nda ekoumesaka ino Sabata ema mpamba. 19 Ango saa epotali miluhe ma Yelusaleme oumi molili liwoso la Sabata, mbala likima ihekeleli tomaka la wapotali onangi widihele. Yasali alidi ate witiduhole waho te te la mbuse e Sabata, ibatali esuki e wakeleli wa mbai wa miluhe alikambo ate ema teeti te elitakee etilingele la wuse wo Sabata. 20 La woho wato lihoo la wango wadjakali otambi wiho wandenge kpaa wa liho walangalali likolo liesi kpaa saa e Yelusaleme mbala esi la mbala e wale. 21 Njongo iwahekeleli iwo demu yasali la iwo ate: alikambo lande ekongalaka ino likolo liesi kpaa liwoso la etutu? Inga okolani ndjongo alidi, ikoohelani ino. Opoti la engele eho watidjaakalikine odjwi la wuse wo Sabata te. 22 Yasali la Walevi ate awongelekeni wiengele kpaa wadjake odengeli miluhe alikambo asantesi wuse wo Sabata. Te Mwengbei o mbai, la wuhuwu loi koto, mungwana mbai, ndjokela mbai magba la otutei motema molamu mungo motumi owe la moho. 23 Alidi masio maho, iwaeneli wa Yuda wango wawabatali wali Waasedode, Waamone la Waamobe la monguta. 24 Wana wau, esuki wadjakali wasi monoko mo Asedode, te woeti te ndondo ewu atie wali wasi monoko mo wa Yuda, ase wadjakali nde wasi monoko ma wato wa witondo ndenge la ndenge. 25 Ipotali owapameli iwo la owabumakoli iwo wobe la owabingi pele djadi la ndondo eewu la odjengi nsue djawu la owalapesi iwo ndai la nkombo e Mwengei ate: Wongitini te ohekeli wana wanu wa wali atie wana wau wa pele, la woengitini ondinei te okeke mana oowu toeti te o moli alikambo la wana wanu wa pele te alikambo lanu mene. 26 Salomo likumu la Isalayele akelali lisumu alikambo lawu, te ndjongo te? La masio ngbii etidjali la likumu liesi te nda inde; Mwengei oonde amobali inde ndjongo Mwengei omoumesali likumu la Isalayele esi kpaa. Te inde wali wadjake wamokelesali inde lisumu. 27 Ewongiti ookani te wokeke ate okokelakani wobe wosungu wungu kpaa la ndenge ekomokelakani ino Mwengei oosu sambo dja wo memene te la ndenge ewabati ino wali wadjake la la monguta te ndjongo. 28 Mwesi mana o Yoyada mana o Eliasibe nganga Mwemngei mosungu adjakali molome o mana o Sambalate moholome. Ndjongo iumalali la inde lihele la mbai. Te Mwengei o mbai, wamungwa iwo alikambo ate walingesi pita la wonganga Mwengei koto la wondimani wo wonganga Mwengei koto wo Walevi. 30 Iwawongeleli iwo la ema kpaa e wodjake iwaali wanganga Mwengei la Walevi mikpali, moto la moto la wotomu wonde, 31 Edje alikambo la ohekeli kula la engele enge ebatama koto alikambo la pukapuka dja liwoso djinge itani. Te Mwengei o mbai, mungwa mbai la kelela mbai wolamu.

Song of Solomon

Chapter 1

1 Lembo wungo woleki nzembo kpaa la wolamu, lembo wungo wo djei wo Salomo. 2 Ambombe mbai la ombombi wo monoko monde, te mpamba te eowe eowe e woenesi lolango edjei wolamu oleki bino. 3 Lumba wo maita ma owe wo djei wolamu, nkombo eowe edjei nda maita mango makosuaka iwo. ndjongo nde wana wa wali waobala owe. 4 Gula mbai mbuse eowe, toumbe obangu. Likumu akpali mbai la wasaambele wande wa ndondo! todje la mwemu la toemele mongindi. Toasele ndenge eowe e woenesi lolango oleki bino. Waobale owe la gbondo. 5 Idjei moli moesi moindake, ase molamu. Te wana wa wali wa Yelusaleme, nda hema dja kedale, ase kondonda wisindje wa hema e Salomo. 6 Otidengeni mbai te alikambo ate Moi moindese mbai. wana wa pele waima wamemeleli mbai, wabatali mbai mobanei mo wilanga wa bino, te ndjongo elanga e mbai e bino, elanga enge edjekali e mbai, itibaniali ehote. 7 Ndjengesa mbai, Te owe moto molimo mo mbai momobala, ebete ekolakesaka owe wisolle, ebete ekolangiaka owe egogo la midi. Alikambo lande iemela ndondo wigogo wa winowa wa owe nda moli ongo walingi esindje alikmbo qte akomolelaka moto ongo ogui? 8 Inga woiwiti te, te owe moli ongo owaleki wali kpaa la wolamu, pumba otutie magilili ma egogo lakesa wana wa meme wa owe ahue la tabelena e wa banei wa mpata. 9 Iwengei owe la mpunda e mbai e moli enge edjei la makalo ma Falao, te miino o mbai o moli. 10 Makeke ma owe ma djei wolamu la ndondo e nsue dnjinge inangi iwo la mawo, nkingi eowe la ndondo e moliki wadjaka. 11 Tokokelaka owe ndiki dja wolo djinge ilimga iwo, talia koto ma pupkapuka keke dja balata. 12 Ango wabati likumu la mesa mande maalingake, malasi ma mbai ma nalade mapumbesi luumba wo maho wolamu. 13 Libalano la mbai nda saki e mpaka dja mile, akolangala likolo liesi la awodja wo mbume dja mbai. 14 Libalano la mbai adjei eati mbai nda liwoke la pulele dja hema, la ndondo e wilanga wa bino wa ene~gedi. 15 Denda! odjei wolamu, te mino ombai o moli: Denda odjei wolamu. Maiso ma owe madjei maiso ma pizo. 16 Denda! odjei wolamu, libalano la mbai, okoemeleseke koto. Epee su koto edjei epee e nkasi. 17 Mabadja masungu ma monguta mosu mango molamu madjei wasedele, mabaza ma motendo mosu madjei mite ma jenebi lidje.
Chapter 2

1 Idjei wo mbai pulele sapala mpamba e moki patatalu mo bokula, pulele liesi dja mabwaku ma patatalu. 2 Nda pulele lisi ndondo e wisoki wa keke keke, mino o mbai o moli adjei koto ndjongo la ndondo e wana wa wali. 3 Nda mote mo pome la ndondo mite ma motulu, libalano la mbai adjei koto ndjongo la ndondo e wana wa pele. Ikookaka ehoha aboolo e elili ende, la ikoabataka ongo, pukapuka e monoko monde ekoleleke la monoko mo mbai. 4 Akpalali mbai la monguta mo bino, bendele djande djinge edjakali ohohi likolo la mbai idjakali libalano. 5 Pekeleni mbai alidi wokulu la wagato wa pukapuka dja bino, tiani mbai la pukapuka dja pome; alikambo ate edjani ekoni e libalano. 6 Ewo ende eliali edjei sese e moto mo mbai; la ewo ende e lilome elingi mbai. 7 Djolapesini ino ndaila ndai, te wana wa wali wa Yelusaleme, la nkombo e malue ma wali te la nkombo e wanama wa wawelami bishe wa lisobe, te osusoli te obandi libalano ndondo e mbai tee engele ekobala la homene. 8 Mooli mo libalano la mbai. Denda! inde indingo ageleli, akotelaka mikoli, akohumbaka la mikoli mikeke. 9 Libalani la mbai adjei nda wolue te mana ewelami Selepe. Denda! inde indongo waamali mbuse e etutu esu, akolumbaka liso la kiangilo e manimisa. 10 Libalano la mbai awongosi aasi la mbai ndjo: Amala, mino ombai o moli, ombai o woenga, djaka w'owe. 11 Alikambo ate, denda! engele e ewongo eleki, ewongo mosungu asili, akii wonde. 12 Pulele ipumbi la moki, engele eengi alikambo la owongeli witee wa mote mo bino la eteneli, mooli mo pizo e motulu mookani la moki mosu. 13 Mote mo pigi motenesi wa pigi wa moho dja lipoteli, mite ma bino mitumi la pulele, miumesi luumba wo maho wolamu. Amala, djaka, tee mino ombai o moli, ombai o woenga, djaka wo owe. 14 Te pigi e mbai, la ebete edjaisake libanga, la ebete enge edjaisa e mboka enge eadjimba aboolo, djenese mbai ndenge edjei wenge wa owe, ndjokesa mbai mooli m'owe moleli, la ndenge edjei wenge w'owe edjei wolamu. 15 Tohelelani iso masika, masika makeke mango makolietesaka wilanga wa bino, alikambo ate wilanga wasu wa bino witumi la pulele. 16 Libalano la mbai adjei o mbai la mbai idjei oonde. Akobaniaka wa mpata la ndondo e wa pulele lisi. 17 Liwoso ate ehoho e Moi ehohe wokeke wokeke la wilima wisalamate, waluke, te libalano la mbai, djaa ebili e wolue te nda ebili e ma wanama wawelami selepe likolo la mikoli ma okawani.
Chapter 3

1 Alikolo, la epee e mbai, imolukia moto ongo obali molimo mo mbai. Imolukali inde, ase itimwekeli inde. 2 Yakongi laino, deeni mbai yamale aeti la engumba la balabala koto la wibete wisungu wa wato kpaa, deeni mbai, imoluke moto ongo omobali molimo mo mbai. Imolukali inde, ase itimweneli inde te. 3 Wasidjili wango wadjakali olekaleki la ndondo e engumba wandjeneli mbai: wamweni moto ongo omobala molimo mo mbai: 4 Ango saa ewalekeli mbai iwo, imweneli moto ongo omobala molimo mo mbai. Iohelali inde, la itimodeli inde te akee, tee engele emopkali mbai inde la monguta moima la sambele e ndondo e moli ongo okpalali lemi la owoti mbai: 5 Yolapeseni ino ndai, te wana wa Yelusaleme, la nkombo e malue ma wali te la nkombo e wa nama wawelami bishe wa lisobe, ate otimekani te owasusoli te owabandi libalano ndondo e mbai tee engele ekobala lahomene. 6 Nda ema enge ekopumbaka la lisobe nda ebili e makule ma milungu, mango makpulami malasi ma mile koto la olibana, ee tomaka kpaa dja pudele e luumba wolamu wo moto okotambaka? 7 Denda! edjei epee ende, epee e Salomo. Motopele o wokuluntuku motoba ndondo e pele dja wokulu wa Isalayele wadjei ahue ahue la eho, Iwo kpaa wadjei la ewuni, wawatiali iwo ndenge eosani, moto la moto la ewuni ende la ebelo ende alikambo la woabanei la sambo dja boo alikolo. 9 Edjei kipoi eakelelali likumu Salomo la mite ma Liba. 10 Akelate eho la makule ma eho la balata, wiamalesele wa eho la wolo. Ngbelengo e eho edjei e lene enge ekpulami langi wo mawotanake bule ebele eho e ndondo, wana wa wali wa Yelusaleme wawongelete eho la libalano mene. 11 Te wana wa wali wa Siona, pumbani la omodengeni likumu Salomo la magbokongo ma pulele mango mamosoneleli nango la wuse wo liwala lande la wuse wo mwemu mo motema monde.
Chapter 4

1 Denda! odjei wolamu, te mino mbai o moli. denda! odjei wolamu. Maiso ma owe ma djei maiso ma pigi, la mbuse e litambala la owe. Nsue dja owe idjei nda egogo e meme enge eadjimbi la ohumbwahumboi opoti la etuka e kolikoli e gileade 2 Maino ma owe ma djei nda egogo e wampata wa wali wango walongoi odjengengeni nsue sikandjo la wango wa teli mbuse e wakpoli, ; moesi te ndondo eewu awungesi wana wande. 3 Wiwulu wa owe widjei mene nda moliki moesindje etanake aboolo, la easele eowe edjei wolamu. Mpakatoidja owe idjei nda ndimbo e pukapuka dja gelenade la mbuse e litambala la owe. 4 Nkingo eowe edjei ndalinongi la Dabidi, linge limaateiwo la mikalakala ma mabanga, linge likolo la laho waakiate ngua nkoto esi, ngua kpaa dja waalengi dja pele tetelake. 6 Liwoso ate ehoho e Moi ehohe wokeke wokeke koto wilima wisalamate, ikooke wo mbai la mokoli mo mile la mokoli mokeke mo olibana. 7 Odjei wolamu wenge wiesi kpaa, tee min'ombai o moli, wobeteweti te wodjei ndondo eowe. 8 Te moli oliwala, la mbai mongingi olongoi la liba. Adjimbako, olongoi la songosongo e Senile, ee, Helemone, olongoi la ebetee ekoabataka wasimba, olongoi la mikoli ma mpange. 9 Otimesi mbai motema, te manima o moli, moli o mbai oliwala otimesi mbai motema moesi mo maiso ma owe, la wiho wa matoi winge wikoninganaka la moliki mo lipombo mo nkingo e owe. 10 Ndenge eowe e woenesi lolango edjei mene wolamu, te manima o moli, moli o mbai oliwala! ndenge eowe ewenesi lolango edjei wolamu oleki bino la luumba wolamu wo maita ma owe maleki mene ndenge kpaa djaa malasi. 11 Wiwulu wikodokesaka saa maita ma ngelengenze djinge edjei la monguta djaho, te moli o mbai o liwala. Maita ma ngelengenze la mawele madjei la sese e wolemi wo owe, la memene wolaamu wo wisindje w'owe wodjei nda luumba wolamu wo Liba. 12 manima omoli, moli ombai, o liwala, adjei elanga enge wanangi la ndondo e lopango, elanga enge nangiio la ndondo e lopango, e liwa enge enengani iwo la tondo. 13 Ekomba eowe edjei paladiso e mite ma Gelenade, minge midjei la pukapuka ndamu oleki mite ma hema la migigo ma nalade; 14 Nalade la pulele Sapala, ndele dja luumba wolamu la kinamono, ebete eikima la ndenge kpaa dja mite ma olibana, mile la aloe, ebete eikima la nealasi kpaa ma wolamu oleki, la eliwa e wilanga, 15 liwela la wilanga liwela lamalia molamu, la ohumbi wungo wokohumbaka olongoi la Liba. 16 Susua, te ehoho e molodi, lingela, te ehoho e sudi, hohala elanga e mbai. Malasi ma eho mahumbe, Libalano lambai alingele la elanga ende alake pukapuka dja eho dja wolamu oleki.
Chapter 5

1 Ilingeli la elanga e mbai, te manima o moli, moli o mbai oliwala. Isui mile ma mbai ebete eikima la kasi dja mbai dja luumba wolamu. Ilaki mnguta mo maita ma ngelengenze ma mbai mongindi la maita ma ngelengenze ma mbai; ikengi bino e mbai, ebete eikima la mawele ma mbai. Lakani! te win!kengani la olangweni ndenge e woenesi lolanga! 2 Ilali, ase motema mo mbai molalite te, edjei etale e libalano la mbai akobingaka kokoko! duholela mbai, te manima o moli, mino ombai o moli, mino o mbai o moli, pizo e mbai, mino ombai ongo odjangi obe! Alikambo ate moto mo mbai motumi la ligite, nsue dja mbai djalingalinga itumi la madoki ma nelia ma likolo. 3 Ilongosi djambala e mbai. Ikoenga okpali eho alidi ndandenge? Ikpoli makolo ma mbai. Ikoenga oumesi maho pita alidi nda ndenge? 4 Libalano la mbai agulali ewo ende, alongosi eho la lipokosaka la moluhe, la solo dj mbai iumali oningananingani la ndondo e mbai. 5 Yamalali, ee mbai, alikambo la omoduheleli libalano la mbai, mawo ma mbai madjakali odokesi mile la misei ma mbai midjakali odokisi mile e malia, likolo la mapokosaka ma selile. 6 Te mbai, imoduhelelali libalano la mbai, ase libalano la mbai aakukoliga wonde, alekiga. Molimo mo mbai mopumbali eati e mbai ango wasali inde. Imolukali inde, ase itimweneli inde te. Imowelali inde, ase atindimelali mbai te. 7 Wadendeli wango wadjakali osombi eati la ndondo e engumba wandjeneli mbai. Wabingali mbai, wakondjueseli mbai. Wadendeli wa witutu walongoseli mbai esindje e mbai e wadihi. 8 Yolapeseni ino ndai. te wana wa wali wa Yelusaleme, ate, inga omweneni libalano la mbai mwewesani inde ate idjei la ekoni e libalano. 9 Libalano la owe awaleki wa balani wadi lande, te owe moli owaleki walikpaa la wolamu? libalano la owe awaleki wabalani wadi lande, alikambo ate otolapese iso ndai e ndjo? 10 Libalano la mbai akongengaka la ekomba ende edjei nda mbole, inde nde ongo oleki ndondo e wato nkoto liomu. 11 Moto monde mo djei wolo, wolo wungo wowongelemi. Nsue djande djinge ilinganalingana idjei mataki ma mbile ma date. Nsue djande ndindake nda yanganga. 12 Maiso mande ma djei nda pizo ahue la mboka e malia, djinge ikoakpoloko la ndondo e miliki, yabati awodja wo milelo. 13 Makeke mande ma djei nda ma esuki e elanga e mataki ma luumba wolamu, manongi ma mataki ma luumba. Wiwulu wande widjei pulele lisi, winge wikosuaka malia mile. 14 Seidja mawo mande idjei wasilendele wa wolo, itumi la kilidjolite. Solo djande idjei etando e handa dja mbongo djinge itihami la mabanga ma Sapile. 15 Matambe mande ma djei makuke ma libanga la malabele mango mamalesi iwo likolola mawela ma wiamalesele wa wolo wungo wowongelemi. Elongi ende ekoeneneke nda Liba, wolamu nda ebili e wasedele. 16 Monoko monde moleli mene, ema kpaa enge emodengi inde edjei wolamu. Inde nde libalano la mbai, la inde mino o mbai opele, te wana wa wali wa Yelusaleme.
Chapter 6

1 Libalano la owe akii eni, te moli ongo owaleki wali kpaa la wolamu? libalano la owe aakukoli nda eati, alikambo ate tomoluke la owe mongindi? 2 Libalano la mbai adjimbila elanga ende, la ma wisuki wa elanga winge widjei la migino minge mikopumbesaka luumba wolamu, alikambo la obanei wampata la ndondo e elanga, la osui pulele lisi. 3 Idjei olibalano la mbai la libalano l,a mbai adjei ombai. Alikambo wampata la ndondo e pulele lisi. 4 Odjei wolamu, te mino ombai o moli, nda engumba e mwemu, wolamu nda Yelusaleme, okowangesaka nda wigogo wa wasoda wango waaboleiahue ahue la bendele 5 Hengese maiso ma owe, longose maho liwoso la mbai, alikambo ate maho mateni mbai motema. Nsue dja owe idjei nda egogo e mene enge eadjimbi la ohumbwahumboi opoti la Gileade. 6 Maino ma owe madjei nda egogo e wampata wa waliwango walongoi waakpoli, iwo kpaa wadjei la maasa, moesi te ndondo eewu awungesi wana wande. 7 Mpakatoi dja owe idjei ndambo e pukapuka dja gelenade la mbuse e litambala la owe. 8 Wali wa likumu waengi odjei ntuku motoba la mese ntuku mwambi koto seka tangake te. 9 Edjei la moesi ongo odjei pizo e mba, ongo adjangi sambo mbe. Inde adjei moto o wolamu wo moto ongo o mowotali inde. Wana wa wali wa mweni inde, wa motoli inde o mweni, wali wa likumu la mese, wapoti omotemei inde. 10 Moli oholo ndjo ndai, ongo okotitimesaka maiso sese nda otani wo wuse, wolamu nda ndembo enge epumbi esi kpaa, wolamu nda moi mungo mokobataka, akowangesaka nda wigogo wa wasoda wango waabolei ahuehue la bendele. 11 Dja dimbali la elanga e mite ma pukapuka dja mite mitetelake, alikambo la o dengi pulele dja lobwaku o ohumbi, alikambo la odengi inga bino ipumbesi kasi, inga mite ma gelenade mipumbesi pulele. 12 Liwoso ate djewe waho, molimo mo mbai mobatali mbai la makalo ma wato wa mbai wango wabala okelesi. 13 Wangwa, wongwa, te mano owoseka o moli Mosulame! wongwa, wongwa, alikambo ate toodenge owe! nda ema ekodengaka ino eati e mana o mili Moshulame? Ema esi nda maanga ma kaa iwale!
Chapter 7

1 Matindi ma owe maumi wolamu ndgii mene la ndondo e sandala dja owe, te mana o moli ongo obala okelesi. Ndenge edjaimba wilelo wa owe widjei nda wiho wa oongeli, wenge, wotomu wa mao wo moto ongo woewi wotomu. 2 Mosoko m'owe modjei saani e libungutulu. dee bino enge ewanesani edjangiti ndondo te. Solo dja owe edjei mopiko mo bile mungo maalengi. 3 Mawele ma owe maale ma djei nda wawa wale, maasania wolue wo moli. 4 Nkingo eowe edjei linongi la handa e mbongo. Maiso ma owe ma djei nda wiliwa wa Heshibone, ahue la moluhe Bate-la bime. Maolo ma owe ma djei nda linongi la Liba, linge lidengi la siwili e Damasi. 5 Moto m'owe likolo la owe modjei nda Kalamele, nsue dja moto m'owe idjei nda lene enge ekpulami langi wo ma wotanake bule. Likumu anangani la nsue djinge isuanasuana. 6 Ndondo e sambo djinge ikoemelseke, odjei mene wolamu, te mana moli ongo omobalate mbai! 7 Wolai w'owe wungo wodjwi nda mote mo mbila, koto mbume dja owe, nda moto mo mbila mungo motani. 8 Yaasi: ikotela la mote mo mbila, alikambo ate ihele moto mo pukapuka dja eho djinge itani djakongi la owe, mawelw ma owe maume mda ebili e wigogo wa pukapuka dja mote mo bino, luumba wolamu wo maolo ma owe nda wapome, 9 Monoko m'owe nda bino ndamu oleki, enge ekolekaka waa alikambo la libalano la mbai, ekoadjimbaka petepete la wiwulu wa wato wango wa lali wilo. 10 Idjei olibalano la mbai, ehaha ende edjei eati e mbai. 11 Djaka, libalano la mbai, tokee la elanga, toabali la mite ma hena. 12 Tosusue boo-boo tokee la wilanga wa bino, alikambo ate todende inga bino ipumbesi kasi, inga pulele iduhuani, inga mite ma gelenade mipumbesi pulele. Ongo ikowoenese owe ndenge e mbai opundesi lolango. 13 Wamadalagole walumbia luumba wolamu, ahue la wibete wasu wa olingeli widjei la ndenge kpaa dja pukapuka ndamu oleki. pukapuka poli la djinge dja gala, te libalano la mbai, iwoisele owe djaho wolamu mene.
Chapter 8

1 Teinga odjaaki te nda manima opele, ongo okomungaka mawele ma ima! Inga iwoene owe saa, ikoombombo owe. Wato wa todjenelekine mbai te. 2 Nda yosombesi owe, nda yolingesi owe la ndondo e monguta mo ima, ongo odjakaali otii mbai. 3 Ewo ende e liali ebalaki odjei la sese e mo mbai; ewo ende e lilome ebalaki waalingi la mbai. 4 Yolapeseni ino ndai, te wana wawali wa Yelusaleme, ate otimekakeni te omosusoli te omobandi libalano ndondo embai tee engele wohomene wokobala. 5 Oholo moli ndjo ndai, ongo okopumbaka la lisobe, alangeleli libalano lande? Yosusoli owe la sese e mote mo pome. Ongo edjakali ngua la ekoni e oowoti owe. Ongo inde ongo odjakali oowoti owe aokali ekoni e o woti. 6 Bata mbai nda ebili e kashe la motema mo owe, nda kashe la ewo eowe, alikambo ate libalano liteteli nda logo, woongi wungo wokoongoko moto wanangane saa la inde. Woteteli nda ebili e nkabuli. ololi wo woho wodjwi ololi misa, wolemiwo misa wo Yah. 7 Malia masungu maengiti olimi libalano te, wibale koto wiengiti okpaali woho te. Inga moto ameke ohekeli wiho kpaa wa motio wa monguta monde alikambo la libalano, wato wakobetele waho mene. 8 Todjei la engele moesi o oli ongo opumbakiyo maele te. tokokela woni alikambo la mangbasu omoli la wungo wuse wokomohuela iwo? 9 Inga adjei etutu, tokotalia likolo lande ma etutu e likolo enge okola iwo mapokosaka ma balata, ase inga inde adjei moluhe, tokomodiha inde la libalano. 10 Inga etutu, mawele ma mbai madjei manongi. La woho, la maiso mande iumi nda moli ongo odjei la logoo. 11 Salomo adjakali la elanga esi e bino la baala homone, awaheleli wabanei elanga eho e bino. Moesi moesi adjakali odjui la shekele dja balata nkoto esi alikambo esi alikambo la pukapuka dja eho. 12 Elanga e mbai e bino, enge edjui e mbai la mawo ma mbai. Nkoto enge edjui eowe, te Salomo, nkama iwale alikambo la wango wakobaniaka pukapuka dja eho. 13 Te owe ongo okoabataka la wilanga, wino wakobataka huaka la mmoli m'owe. Dee yoke moho. 14 Tila, libalano la mbai, uma nda wolue te nda mana o mana ewelami selepe likolo la mikoli ma kasi dja luumba olamu.

Joel

Chapter 1

1 loi wo Yeova wungo womozeleli yoele mana o petele: 2 okani wuhuwu loi, ino wa kumu, batani litoi, ino wato kpaa wango wabati la moki wango wabati la moki. loi wuhuwu wokelamala la masio manu? 3 Wabingelani wana wanu wegolegole waha la wana wanu wawalingele wana wau, la wana wau wawalingele e liwota linge likotutiana. 4 Linge litiki soo, apepe alaki laho, linge litiki apele ongo okoagulaka, odjanga ma papala, alaki eho; linge apepe ongo okoagulaka, ongo odjanga mapapala, odei peseli ilaka djaho. 5 susuani, ino walongoi wa mana, lelani, ino kpaa wato wango wakokengaka bino, pamani la oleli alikambo la bino leleke, te mpamba te walongosi eho la minoko manu. 6 Alikambo ate etondo esi elingeli la mokimo mbai, edjeila okulu motio mo wato wa eho moewanite te. Maino ma eho madjei maino ma simba, mikua ma mbanga ma ehomidjei mikua ma simba. 7 Eumesi mote mo mbai mo bino nda ema e waahueli, mote mo mbai mo pigi nda ekikimi: etiki maho lingbengbele wa eho wikeke wikeke wiumia pee. 8 Pama la oleli, ndenge moli olieka ongo wanangi soki la libele akomolelaka likumu lande la engele wonde. 9 Walongosi la pukapuka la likao la mana la monguta mo Yeova, wa nganga mwengei wakeleli wa Yeova, waleli. 10 Elanga epuesami, mbume iunia oleli, t mpamba te pukapuka epuesali, bino pole maita moomi petepete. 11 Waoni wilanga waokia nsoni; wakeli walanga wa bino wa humbina pui la oleli, alikambo lapukapuka dja koto alimbola pukapuka dja olodje, te mpamba te wiho wa elenga wibitani. 12 Mote mo bino mmonei, te mo pigi koto mooni. Moote mo gelenzden mote mo mbila, mote mo pome; mite kpaa ma elanga, miomakoli, te mpamba te mwemu mooki nsoni motili wana wa wato. 13 Anangani saki la libele, abingani mikpoto manu, ino wa nganga mwengei. humbani pui la oleli, ino wakeleli wa etumbele. lingelani kpalani saki likolo liesi ino wakeleli wa Mwengei ombai, te mpamba te otonelini monguta mo mwengei oonu likolo la pukapuka la likao la mana. 14 Sautisani engele esi e okili wilaka welani liabolei liesi lisungu eikima, wato kpaa wango waabati la moki, la monguta mo Yeova Mwengei oonu, moweleleni Yeova ooheleseni ino. 15 Aa! magba la wuse woho, te mpamba te wuse wo Yeova woumia ahue, wokadjaa ndande mokondji mo wokulu kpaa akopuesaka. 16 walongosi wiho wilakake liwoso la maiso masu, la monguta mo mwengei oosu, woemeli la mwemu, te ndjongo te? 17 Wa pigi waomake wango wa djei sese e pou djawu ibitanakoli, minguta ma woisi wiho mitikali mpamba. Wabuki wibele wa oisi wiho, alikambo ate pukapuka djomi. 18 Denda ndenge etileli nama e saa! wigogo wa wangombe widjandjia, wilingelia la ewodje! alikambo ate ebete e djaho e olaki wisoki eti te wigogo wa wapata wikpalihuko. 19 Te, Yeova, mbai ikowelali owe, te mpamba te mitumbi ebete enge ekolakesaka iwo nama mataki la lisobe, wolemi wo misa mite kpaa ma elanga. 20 nama dja motulu koto edjei la ehoha eowe aboolo, te mpamba te mboka dja malia djonii, misa mitunili wibete winge wikolakesaka iwo nama mataki lisobe.
Chapter 2

1 Te wato wa pele, bomani lihili la siona, humbani pui dja wita la mokoli mo mbai mosatu. Wato kpaa wango wabati la moki walengalenge, te mpamba te wuse wo Yeova wo geleli, te mpamba te wouli ahue! 2 edjei wuse wo molili la wo odjangi moinda mo boo la kesekese wungu wodjangi likolo la koli. Edjei etondo esi e wato bebeloo la wokulu, opoti wengele wa gala, etondo teeti te engate la eho koto; mbuse e eho, edi etodja te nda eho, liwota. 3 Liwoso la, misa milaki; mbuse e woho woleni womisa e woho woleni womisa wokolongosaka. La liwoso la woho, moki moho modjei nda elenga e edene, ase la mbuse e moho, edjei lisobe linge litikali wohola ema teti etikali. 4 Wakoeneseke nda ebili e wampunda, ndenge kikima la wampumba wa wita, wakoumbaka saa oumba. 5 Wakohumbwahubwaka la lokindi nda ebili e makalo masonge e neikoli, la lokindi nda misa minge mikololaka neinge miko lakaka mataki bee. Minge nda etondo esi e wokulu, minge mikeli mokalakala mo wita. 6 Alikambo laho, wato wakodja la wodidi wosungu, wilongi kpaa wikotana mene alikambo ate wawusanani. 7 wakoumbaka nda pele dja wokulu. wakotelaka la etutu nda pele dja wita. wakokeke moto la moto la mboka djande, wakodeeke mboka djawu te. 8 watindikanitiaka te. wakokeke saa ,denge moto pele motetelake akosomba, inga wadi wakpa alikambo ate wisanele wa olumbeli wiwakelili iwo, wadi waamalitiaka te. 9 Waokowaswaka la engumba. wakotikala obangu la etutu. wakotelaka la minguta wakolingelaka nda moto oiwa la maninisa. 10 Liwoso la woho moki mongulumia, likolo liningania. Moi la ndembo wiindia, minoto midedja ongengi. 11 Yeova indemene akookesa nene mooli monde liwoso la egogo e wasoda wande, te mpamba te kaa eende edjei la wato beboo, Alikambo ate inde ongo okengesaka wasi wonde odjei la wokulu, te mpamba wuse wo Yeova wodjei wosungu koto la bo ngbii, ndai okoenga wamali liwoso la woho? 12 Sikahala alidi mbongwelani mbai la mitema manu kpaa, la okili wilaka la oleli la ohumbi pui dja wilelo, ehonde wasi wo Yeova. 13 Atani mitema manu, ase te misindje wanu, mowongwaneni Yeova Mwengei oonu, te mpamba te adjei la m=ngolu koto la motema magba, atomeneleke galaa te adjei la matema mowouma ngbii, akokaka mene magba alikambo la wodidi woho. 14 ndai wowi inga akokula mamungwe la akooka mene magba mbuse e woho akodee pambo, likao la pukapuka koto la likao la mana alikambo la yeova Mwengei oonu? 15 Te wato wapele, bomani lihili la siona. Santisani engeleesi e okili wilaka. welesani liabolei liesi lisungu. 16 Bomanesani wato. wantisani liabolei. bomanesani mbande. bomanesani wana la wango wakonungika mawele. Molome oliwala apumbe la sambele eende e endondo, moli oliwala la sambele eende e liwala. 17 la ebele enge ekowanesi monguta moolingeli la etumbele, wa nganga Mwengei, wakeleli Yeova, walele, koto waase ate: te Yeova waokela wato wa owe magba, otiumese liwongoseli la owe ema ensoni te, alikambo ate witondo wiwaaleli iwo. Alikambo lande wase la ndondo e wato wa witondo ate: Mwengei oowu adjei eni? 18 Yeova akodja la egalala alikambo lamoki monde akowaokela la wato wande magba. 19 Yeova akowongosa akoasa la wato wande ndjo, denda ikotomelakaniino pukapuka la bino poli la maita, okogbetani wahomene, itowoumesakine ino alidi ema e nsoni te la ndondo e witonde. 20 Moto onolodi, ikomolongose inde atienu, ikomwandja inde mene la moki mungo modjanga malia motikala mpamba, elongi eende ekodnga la siwili e mbu e esite mokongo monde la siwili e mbu e wesiti: luumba wobe wungu wolongoi atie nde wokotela, luumba woholoke wungo wolongoi atiende ate Mwengei akokela sambo sungu mene. 21 Otiwange, te mbume. djaa la mwemuemele, alikambo ate Yeova akokela sambo sungu mene. 22 Otiwangeni te, ino nama dja lisobe, te mpamba te wisoki wiwesu wikodja la wibete waolaki wisoki la lisobe. Te mpamba te mote mokowota pukapuka dja moho. Mote mo pigi la mote mo bino mikohekele wokulu wo mokalo mo maho. 23 Ino wana wa Siona, djaani la mwemu emeleni alikambo la Yeova Mwengei oonu, alikambo ate atodjanga te oohekelini ino pukapuka la la engele e otone la ndenge enge eengi, akolueseleni ino ewongo ùosungu,ewongo wo engele e otone ewongo wo engele e melenta, nda la lipatele. 24 Wibete wa otangakoli pukapuka wikotuma la pukapuka djinge epetolami la wingamele wikotuma gboo la bino poli koto la maita. 25 Ikoputani ino wilanga winge ugono manu nelakane la wa pepe, wa pepe wango wakoagulaka, wango wadjangi mapapula, pesli la soo, egogo esungu e wasoda wa mbai wango wawatomali mbai ndondo eenu. 26 Okolakani mene, okolakani koto okogbetani, otodjangani te osandjoli nkombo e Yeova Mwengei oonu, ongo ookelelini ino sambo la ndenge e waahueli, alikambo la engele enge ebalamiti molelo te, wato wa mbai wa tooka nsoni te. 27 Okoewani mene ate mbai idjei la ndondo e isalayele, edjei Yeova Mwengei oonu weti ati te. Wato wa mbai watooka nsoni te alipkambo la engele enge ebatamiti molelo te. 28 Mbuse eeho, ekokelana mene ndjo: ikowasuela wato wa ndenge kpaa elimoo e mbai, wana wanu wa pele la wana wawu wa wali wakotiesakola. Mbange djanu wakoene wieneneli. 29 Te koto wakeleli wa pele la wakeleli wa wali, ikowasuela iwo elimo e mbai la masio maho. 30 Ikohekele maahuela ma woenesi sambo djinge ikodja likolo la mbume, makila la misa la mahule ma milungu. 31 Moi mokoakukola molili, ndebo ekokukola makila liwoo la odjei wuse wosungu la wobo e Yeova. 32 Ikokelana mene ndjo: moto kpaaa ongo okowelela nkombo e Yeova; akowelela, te mpamba te la mokoli Siona koto la Yelusaleme, ekodja la wato wango wakokala, ndenge easi Yeova woho, wakodja ndondo e wato wakali, wango wakowlaka Mwengei.
Chapter 3

1 Dhenda! la masio maho alidji la engele eho, ango ekowongosa mbai wato wa Yuda la wango wa Yelusalema wango wahelami, 2 Ikoboleya alidji miki kpa, ikowadjimba la ebete eyalangei e Yeosafata, ikowasambisa iwo la loyi e wato wa mbai, la moki mo mbai Yisalayele, enge iwo waandjali la miki; alidji wakawolali moki mo mbai. 3 Wadjakali olumbi djenge la wato wa mbai; wadjakali ohi mana o pele laate watote moli o iteba, alidji watambali mana o moli la vino laate wakenge. 4 Mbai la ino nda loyi? Ee Tila la Sidona la ino kpaa miki mikeke ma Filisitia? Ehele nde sambo odjeini okeli mbai la oputi mbai? Pe inga okokelakani mbai dji sambo, la obangu, galagala, ikowongosa la mito manu sambo djinge ikokelaka ino. 5 Laate ino ototini palata dja mbai la wolo dja mbai, pe okpaliani wiho wa mbai wilamu winge wiwongi, la wa Tepelo wanu. 6 Otambeliani wana wa Geleki wana wa Yuda la wana wa Yelusalema, laate owalongoseni lihele e mbume ewu. 7 Dhenda ikowasusolaka tee la ebete enge waatambali iwo, alidji ikowongosaka la mito manu sambo djinge ikelali ino. 8 Ikotamba wana wanu wa pele la wango wa wali la ewo e wana wa Yuda, alidji ikowatamba atie wato wa Seba, la mweeti moki molihele pendja; laate Mwengei inde amene moto oasi ndjongo. 9 Otiesakoleni lu loyi la miki: Wongeleni kindo! osusoleni wato watetelake! Wayandongbe la hue! Bamata, wato kpa wa kindo! 10 Tulani misele, la iwuni wanu wa oti wilanga iwume makonga. Moto ongo odjei ekete aase: Idjei moto o otetelake. 11 Kelesani, mbuse djakani ino kpaa miki masukani, pe yaboliani ebete ekikima. 12 Miki suswani, djakani la ebete elangeani e Yeosafata, laate ongo mbai ikoyabata la osambesi miki kpaa misukiani. 13 Etesani ewuni, pukapuka ebukake eteli. Djakani, oyadjimbeni laate ema ekamwelake e vino etumi. Wiho wikamwelake itumi pendja mekee, laate obe owu eumi ngbi. 14 Ngbi e wato pendja, ngbi e wato pendja wadjei la ebete elangeani e tenake sambo. Laate lisio la Mwengei ewumi ahue, la ebete elangeani e etenake sambo. 15 Liusa use la ndebo liko lia, la miyote midheiya ololeyi. 16 Olongoyi la Siona Mwengei inde amene akohela okulu, pe olongoyi Yelusalema akookesa moli monde. Likolo la mbume ekoduduma, kasi Mwengei akodjaa ebete eyaisake e wato wande, pe monguta mo tetelake e Yisalayele. 17 Okoyewani pendja ate mbai idjei Engali Mwengei onu, ongo okowabataka la Siona, mokoli mo mbai mosatu. Pe Yelusalema ekoki owumi ebete esi mosatu; pe wadjidji watiyeta kine ango. 18 Lisio laho ekokelama ndjo: Mikoli mikodhokisa vino elelake, mikoli mikeke mikotuma la mawele ma ngombe, pe mboka kpaa e malia e Yuda ekotuma la malia. Elindo eesi ekopumba la monguta mo Mwengei, ekoha malia la ebete e motuli mite ma Akasia. 19 Ezipito ekotikala pamba; pe Edomo ekowuma manganga enge etikali pamba, la ewedje enge wakelelali wana wa Yuda, ongo la moki mowu waswali makila e moto ongo otidjali la loyi. 20 Wato wakoyabata la Yuda la engele enge eti la osili, pe la Yelusalema oliye la oliye. 21 Pe ikodhendela makila mawu ate eti la loyi, pe Mwengei akoyabata la Siona.

Amos

Chapter 1

1 Sambo dja Amosi, ongo odjakali ndondo e wawokoli mpata la Tekoa, sambo djinge yeneli inde la eneneli alikambo la Isalayele la maiso ma udjia likumu la yuda koto la maiso ma ayeloobame mana o Yoashe, likumu la Isalayele, elanga e wale liwoso la oningani wo mbume. 2 Akeli ate: Mwengei akopama olongoi ongo la Siona, akokesa mooli monde olongoila Yelusaleme, wibete winge wikolakesaka wabanei wa mpata wa nama kasikasi wikolela, songosongo Kalamele ikooma. 3 Denda wuhuwu woasi Mwengei: alikambo la mamemu masato ma Damas, alikambo lanei, itowongosa laho mbuse te, alikambo landenge etimakola te iwo Gileade la witimakolele wa ewonda. 4 Ikotoma misa la monguta mo Hodjaele, mokolongosa mene minguta ma wabati wo Bene-Hadade. 5 Ikobuka enengesele e Damasi ikomoola moto ongo wabati la Bikate-abene, moto ongo woiki lingenda la wokumu la Bete- edene, eekoongo ate wato wa Sili wakee la kile nda wato wango wakpalami la moki mo wodjake, Mwengei asi ndjongo. 6 Denda wuhuwu woasi Mwengei: la limemu sato la Gaga, alikambo la nei, itowongosa laho mbuse te, alikambo landenge ewakpala te iwo la mokii mo wodjake egogo esi kpaa e wato wango wakpalani l moki mo wodjake alikambo la owohekeli iwo la e Edome. 7 Ikotoma misa la etutu e Gaza, mikotumba mene minguta milai ma eho ma wabati. 8 Ikoomola moto ongo wabati la Ashedode, la moto ongo oiki lingenda la wokumu la Ashekeline, ikohengese ewo e mbai la Ekolone, la wapilisitia wango watikali wakogua mene. Mwengei nkolo likumu ongo- oleki kpaa aasi ndjongo. 9 Denda wuhuwu woasi Mwengei: alikambo la mamemu masato ma Tile, la alikambo la nei, itowongosa laho mbuse te alikambo la ndenge awahelete io la ewo la ewo e Edome egogo esikpaa e wato wakpalami la moki mo wodjake, alikambo ate watimungwali te ondimani wo wamangbau. 10 Ikotoma misa la etutu e Tile, mikotumba mene minguta milai ma moho ma wabati, 11 Denda wuhuwu woasi Mwengei: alikambo Edonme, alikambo laho mbuse te, alikambo la ndenge e motu ate inde manango mene la ewuni, la alikambo libetesate inde widjeele wande wa wookeli magba, limemu lande likololaka saa olola alikambo la libela, wo mbanda wonde-abanei woho alikambo la seko. 12 Ikotoma misa la Temane, mikotuma mene minguta milai ma wabati ma bozela. 13 Denda wuhuwa woasi Mwengei Alikambo la mamemu masato ma wana wa Amone, alikambo lanei, itiwongosa laho mbuse te, alikambo la ndenge eatate iwo solo dja wali wa memi wa Gileade, alikambo la oumesi gbata eewu sungu. 14 Ikobata misa la etutu e Laba, mikotumba mene minguta milai ma eho ma wabati, la ndondo e huaka la wuse wo wita, la ehoho aboolo la wuse wo ehoho esungu. 15 Likumu lawu akototama la moki mo wodjake, inde la wa nkumu wande mongindi, Mwengei aasi ndjongo.
Chapter 2

Denda wuhuwu woasi Mwengei: alikambo la mamemu masato ma Moabe, alikambo la nei, itowongosa laho mbuse te, alikambo ate ndenge etumbate inde mikuwa ma likumu la Edome alikambo la okeli bubake. 2 Ikotoma misa la Moabe, mikotumba mene minguta milai ma wabati ma Keliote, Moabe e akogua mene la etale la tondo e huaka, la lokindi wo lihili. 3 Ikomolongose mosambesi la ndondo ende, ikowaola wa nkumu wande kpa mongindi la inde Mwengei aasi mdjongo. 4 Denda wuhuwu woasi Mwengei: alikambo la mamemu masato ma Yuda alikambo la nei, itowongoso laho mbuse te, alikambo la ndenge etona iwo pui dja Mwengei, alikambo ate watibaniali matio mande mene te, ase sambo djawu dja moleho, djinge watata wau watutiali osombi la djaho, nde ekelali ate watetatete. 5 Ikotoma misa la Yuda mikotumba mene minguta milai ma wabati ma Yelusaleme. 6 Denda wuhuwu woasi Mwengei: alikambo la mamemu masato ma Isalayele, alikambo la nei, itiwongosa laho mbuse te, alikambo owomemene saa alikambo la balata, modjangi saa alikambo la motio mo sandala. 7 Wadjei la ehoha eodjeisi limungele la mbume la moto mo wato wadjanga, wakowusesaka mboka e wato wa watitimesi, motopele moesi la sango mene wkia eati e mana molisaa moikima, alikambo la otangakoli nkombo e mbai mosantu. 8 Kelekele e etumbeli kpaa, akodjandaka la wisindje winge wihelali iwo nongo, bino e wato wango waputesani amande, wakokengaka eho la monguta mo wa Mwengei wou. 9 Asembai, imoseselali Moamole alikambo lawu, ongo odjakali wolai wonde nda wolai wo mite ma sedele, ongo otetelakali nda mite misungu misungu; edjakali oseseli pukapuka djande dja likolo la djili djande dja sese. 10 Mbai mene oopumbesani ino la moki mo Ezipito, idjakali oosombesini ino la lisobe wilanga tuku inei, alikambo la ototi moki mo Moamole. 11 Idjakali owaamalesi wadi ndondo e wana wanu watiesakoli wadi ndondo e wana wakeke wanu wanadjili. Te wana wa Isalayele, eti mene ngongo te? woho nde loiwo Mwengei. 12 Ase odjakalini owakengesi wanadjili bino, owahekelelini watiesakoli tomaka ate; wongitini otiesakoli te. 13 Denda ikoninganesaka wuhuwu wodjei sese eenu, ndi ndenge saleti enge etumi la mikalakala ma pukapuka ndjinge eteni iwo ndindjo ekoninganaka. 14 Ebete e wotili ekosalamatamene liwoso la moto ongo okotilaka obangu, moto motetelake atotetesa wokulu wonde te, moto o wokulu atokalesa molimo monde te. 15 Moto ongo oiki wotolo atoamala te, moto ongo odjei la makolo ma otili obangu atotila te, mosombesi mo mpunda atokalesa molimomonde te. 16 Moto o motema mo egalala la ndondo e wato wa wokulu, akotila lingbendbele la wuse woho, woho nde loi wo Mwengei.
Chapter 3

1 Okani loi wuhuwu woasi Mwengei alikambo lanu, te wana wa Isalayele, alikambo la liwota linge liwopumbesali mbai la moki mo Ezipito, ate: 2 Iyewali ndi ino la ndondo e ma wota kpaa ma mbume. Ndendjongo ikowongo ino owongoseni monoko alikambo la owungi wonu kpaa. 3 Wato wale wakosomba nde mongindi inga watiokane te? 4 imba ekopama nde la kite? mana -simba ongo otumi nkingo la nsue akopumbesa nde mooli mo eho olongoi la ebete eho adjaisake inga etihele ema te? 5 Mbulu ekotala nde la lisala la sese inga lisala litite alikambo la eho?lisala likobisa olongoi la mbum inga litihele te ema te? 6 Inga lihili liboma la engumba, wato koto wakokpakpaka, ndjngo te? inga huko epumba la engumba, edjei koto Mwengei nde okeli wotomu, ndjongo te? 7 Alikambo ate Mwengei nkoli likumu ongo oleki kpaa atokeli ema teeti te odjangi ate aenese loi wonde wo odjeisi eati e wakeleli wande watiesakoli. 8 Simba epami! ndai otowangate? Mwengei nkolo likumu- ongo-oleki kpaa inde mene aasi! ndai ototiesakola te? 9 Ewesani woho la minguta milai ma wabati la Ashedode koto la minguta milai ma wabati la moki mo Ezipito, asani ate: aboliani ebete eikima alikambo la osanesi la mikoli ma Samalia, dendani sambo djaa ewodje djinge idjei la ndondo edjaho la sambo dja obubi djinge idjei la ndondo e djaho. 10 Watiewali te djinge inanoani woho nde loi wo Mwengei, wango wadjakali okeli ewodje la opuesi la ndondo e minguta mi milai mawu ma wabati. 11 Ndendjongo, denda wuhuwu woasi Mwengei nkolo likumu- ongo oleki kpaa: moto moesi odjei mene ahue ahue la moki, akotitimesa owe wotetelake wo owe, la minguta ma owe milai ma wabati mikopuesama mene. 12 Denda wuhuwu woasi Mwengei ndi ndenge mobanei mo mpata akopuesaka makolo malee te esuki e litoi la monoko mo simba, ndi ndjongo wana wa Isalayele wakopuesa, wango waabati la Samalia la epe elamu koto la elengele e Damasi. 13 Okani la hekeleni demu la monguta mo Yakobi, woho nde loi wo Mwengeinkolo likumu-ongo-oleki-kpaa, Mwengei o wigogo. 14 Alikambo ate, la wungo wuse wo koongo mbai wa wongole monoko alikambo la limemu la Isalayele linge limomemeleli inde, okuongo koto wakowongola monoko alikambo la etumbeli e Betele, mahili ma etumbele makolongose mene la makokua la mbume. 15 Ikokwese monguta mo engele e mpio la monguta mo engele e ehela. Minguta ma handadja mbongo mikobitana mene, minguta ngbii mikosalamata mene, woho nde loi wo Mwengei.
Chapter 4

1 Okani wuhuwu loi, ino ngombe dja wali dja Bashane, wango wa djei la mokoli mo Samalia, wungo wokobukaka ino wato wadjanga, wungo wokohotoko ino wadjanga, wungo wo koasaka ino la wiloko wato wau ate: djaka la eho dee tokenge! 2 Mwengei nkolo likumu-ongo-oleki- kpaa alapi ndai la wosantu wonde ate: denda! maiso makodjele ino, akoodjambani ino mene la wiwo nda wakolose winge wikoaka iwo ndjini akodjamba esuki enu enge etikali la ndobani. 3 Okopumbani la mapokosaka, moesi moesi liwoso lande mbala kikima, oklumbamani la Holamone, woho nde loi wo Mwengei. 4 Djakani la Betele obukeni pui, bukani ndi pui la Giligale, Djakani la wambele wanu boo, djakani la esi endambo liomu e wiho wanu la wuse wo misato. 5 La ema enge ebatami libele, kelani ate mbeka dja oongosi keke dinge ipumbese milungu, otiesakoleni makao ma libalano; ewesani woho, alikambo ate edjei ndenge eho nde ino obala, Te wana wa Isalayele, wo honde loi wo Mwengei nkoto likumu-ongo-oleki-kpaa. 6 Mbai alidi, ee mbai, yohekelelini ino wolamu wo maino la wingumba wanu kpaa la odjangi wo wokoke la wibete wanu kpaa, ase otiwongwelalini mbai te, woho nde loi wo Mwengei. 7 Mbai, itonali koto oohekelini ino ewongo mosungu ango etikalali saa ndebo isato alikambo la ouni la engele e osui pukapuka, ilueseni ewo le engumba esi, ase la engumba edi itilueseli eho te. Ewongo edjakali olui la esuki esi e mbume, ase esuki enge etilueseli mbai ewongo te eomali suaa. 8 Wingumba wiale te wisato widjali okii la otetateti la engumba esi alikambo la okengi malia, watidjali ogbeti te, ase otiwogwelalini mbai te, woho nde wo Mwengei. 9 Itomelali wilanga wanu la okuki. Wilanga wanu la mite manu ma bino wiumali ngbii, ase mite manu ma Pigi la mite manu ma Olibe, soo idjakali olaki maho; kaikonde otiwongwelalini mbai te, woho nde loi wo Mwengei. 10 Itomali la ndondo enu ekoni ebe ndenge kikima la enge e Ezipito. Iwaolali wana wa pele wanu la ewuni, la wampunda wanu wananganali. Itelesali luymba wobe lakaa djanu tee la maolo manu, ase otingwelalini mbai, woho nde loi wo Mwengei. 11 Indjeseli obitani la ndondo eenu, nda obitani wungo wodjeseli Mwengei la Sodoma la Gomola. oumalini nda ebili e ekula enge elongoli la misa, ase otiwongwelalini mbai te, woho nde loi wo Mwengei. 12 La ndjongo, te Isalayel, woho wonde kokela mbai eati owe. Te Isalayele, nda ekokela mbai loi wungo mene eati eowwe, awongele alikambo la ongbotoni la Mwengei oowe. 13 Alikambo ate denda! mokelio mikoli la modjesi o eheho, inde ongo okomwewesaka moto ombumme nda ema edjei la mamungwene mande, inde ongo okokelaka ate otoni wowuse woume molili, kotoinde winge widjanbana la mbume, Mwengei owigogo nde nkombo eede.
Chapter 5

1 Okani loi wuhuwu wokowoumeselakani mbai ino nda ebili e lembo wo maga, te monguta mo Isalayele. 2 Olieka, Isalayele, akwi, inde aengiti wamali alidi te. Omodeini inde la mbume djande ati te. 3 Alikambo ate dende wuhuwu Mwengei nkolo likumu-ongo-oleki-kpa aasi: engumba enge mene edjakali opumbi nkotoesi ekotikala la nkama esi ekotikala liomu, alikambo la monguta mo Isalayele. 4 Alikambo ate denda wuhuu woasi Mwengei la monguta mo Isalayele, lukani mbai, otikaleni la mokalo. 5 Otilukeni Betele te, koto la Giligale wongitini odjui te Beelesheba wongitini oleki te, te mpamba te Giligale ehomene ekookpala mene la moki mo wodjake, la Betele, ekouma mene ema e waahueli. 6 Molukani Mwengei, la otikaleni la mokalo, alikambo ate inde atikele nda ebili emisa te, te monguta mo Yozefu, alikambo ate maho mitilongose te, ango eti moto te la Betele alikambo la olimi misa maho. 7 Te ino wango wakokukolaka womemene woume mbondo, ino wato wango walumba womemene la mbume, 8 Mokeli mo minoto mma kima koto mo minoto ma kesile, inde ongo okokulaka elima aboolo eume boo mene, inde ongo okelali ate moi moume molili mene nda ebili e likolo, inde ongo okowelaka malia ma mbu alikambo ate asuakole maho la etando e mbume, Mwengei nde nkombo eende; 9 Inde ongo okomodjeleke moto nda obalimi alikambo ate obitani wokwele te ebele enge ebeniani oboolo. 10 La moluhe, wamotonate motoongo okotiaka, wa motonate moto ongo okwasaka sambo dja wo memene. 11 La woho, nda ekoputesaka ino wadjenge wa wilanga la moto ongo odjanga, okototakani saa eati ende limelo la pukapuka; omeeni minguta ma mabanga mingemitemi wolamu, ase otoabatani ndi la maho te, onanimi te milamu ma bino, ase otongani ndi bino e mahote. 12 Alikambo yewi ate limemu lanu lidjei ngbii la masumu manu madjei la wokulu, te ino wango mitone ma moto owomemene ino wanngo wakokodjaka wadjenge wa oonangesini inomonoko, la wato wango wakotanaka wadjanga te loi moluhe. 13 Ndendjongo moto ongo odjei la lokenge wo okpomesani akoabata logoo la engele eho, alikambo ate ekodja esi e wodidi. 14 Lukani wungo wodjei wolamu, ase wungo wodjei wobe te, alikambo ate otikani la mokalo; ndjongo Mwengei o wigogo akodja la ino mongindi, ndi ndenge easi ino. 15 Tonani wungo wodjei wolie, balani wungo wodjei wolamu, kelani ate womemene wodjee la moluhe. Mbala edi Mwengei o wigogo akoenese wouma eati e wato wa Yozefu wango watikali. 16 La woho, denda wuhuwu Mwengei engei o wigogo, aasi: ogbami wokodja la wibete wisungu wa wato kpaa, la balabala kpaa wato wakoasa ate: Aa! ekongo la iwo wamowele mooni wilanga alikambo la oleli, la wango waewi oleli alikambo la ogbami. 17 Ndondo e wilanga kpaa wa bino ogbomi wokadjaa, alikambo la oleli awodja w'owe. Mwengei aasi ndjongo. 18 Magba la wango wadjei la ehoha e wuse wo Mwengei! ndjongo wuse wo Mwengei wokolumbola nde eati enu? wokodjaa molili, ase mo te, 19 Wokodja nda engele moto okotilaka simba, uluse egbotonia la inde, nda engele elingeli inde la monguta koto abatia ewo ende la etutu, la ndjo emotudja inde. 20 Wuse wo Mwengei wokodjaa molili, ase moi te, wokodjaala molili pui, ase la obati te, te djongo te? 21 Itina, etona mapati manu, itoemele te la luumba wo mabolei manu masungu. 22 Te ina olekeleni mbai wambeke mibimba wa tumbake, ee edjei makao manu itoemele la maho te, itodenga te wambeka wanu o wookani wo wana wa nama wa maita maita. 23 Longose liwoso la mbai etale endjmbodja owe itooka te lokindi wolamu wo wibingele wa owe wandiki. 24 Womemene wosimb nda malia, la osembo nda woliwa wokohumbaka wi engele kpaa. 25 Okpalelalini nde mbai wambeka la makao la lisobe la wou moi wo wilanga ntuku inei, te monguta mo Isalayele? 26 Okomokpalani Saku te likumu lanu la Kaiwane, wikeko wanu, monoto mo Mwengei oonu mungo moakelali ino. 27 Ikotomani ino la moki mo wodjake oleki damase, inde ongo nkombo endee Mwengei o wigogo aasi ndjongo.
Chapter 6

1 Magba la wango waabati loogo la Siona koto la wango wakobatelaka mokloli mo samalia motema! Wadjei ato wasungu wa etondo enge eleki witondo kpaa, la monguta mo Isalayele modji eati ewu. 2 Lekani la siwili e kalini woeneni, longani ango okeeni la Hamate enge etumi la wato, wadjimbli tee la Gate e Wapilisitia. Edjei nde wolamu oleki makumu hama, te gbata eenu? 3 Okolongokoseni nde mamungwene manu wuse wo wodidi, okodjesekeni ahue ebete etumi ewodje? 4 Ino wato wango walangalaka la wipe wa handa dja mbongo wakodjandaka la wilangelele wau, wakolakaka wampata wa pele wa egogo la wana wa ngombe wa maita maita, 5 Wato wango wakompubeska ndjembo dja mbalakaka la otutei lokindi wo ebingele e ndiki, nda Dabidi, waakeleli wibingele wa ndjembo; 6 Wato wango wakokengeleka la saani dja bino, koto wango, la maita olamu oleki, wakoakpulaka, waokitiaka wodidi te la huko e Yozepu. 7 La woho, wakokee la moki mo wadjake ango odjei iwo liwoso la wango wakokeeke la moki mo odjake, la mapati ma litema ma wato wango wadjandi wongi olongoi. 8 Mwengei nkolo likumu-ongo-oleki-kpaa alapi ndai la milimo monde mene, woho nde loi wo Mwengei o wigogo: Ikotonaka aboolo elolo e Yakobi; itina minguta milai mande miabatake, ikokawa engeumba la wiho winge witumesi eho. 9 Ekokelana mene ndjo: Inga wato liomu waabata la monguta moikima, iwo koto waongi ogui. 10 Ekoongo ate manango la sango a watote iwo moesi moesi, akowatumba iwo, moesi moesi alikamkbo la opumbesi mikuwa la monguta. Ekoongo la inde aase la moto kpaa ongo odjei la ndondo e mongutta ate: Odjei la moto odi ongo? inde akoasa ate: Moto te! Ekoongo la inde aase ate: Abate logoo! Alikambo ate ehele edjei engele e otoli nkombo e Mwengei te. 11 Alikambo ate denda Yeova ahekeli tomaka, akokuese mene monguta mosungu, akobukabuka moho akomesa monguta mo wokeke wisuki wisuki. 12 Mpunda ikoumba nda obangu likolo la libanga, te ongo moto akokukolaka nde mbume la ngombe? Alikambo ate woumesini wo memene mogono mongenge, waomesini mogono mongenge mbondo, 13 Ino wango wakoemeleke la ema enge eti te, wango wakoasaka ate: La wotetelake wosu mene nde tototiti mahili te? 14 Denda! ikopumbesaka alikambo la oosaneseni ino, te monguta mo Mwengei owigogo, etondo esi, wongi oobetelini ino opoti la ebete eolingeli la Hamata te la eliwa ehumbake e Alaba.
Chapter 7

1 Denda wuhuwu Mwengei nkolo likumu-ongo-oleki-kpaa andjeneli okeli liwokw la waapepe la engele epotakali migono ma gboo opumbi. Denda migono mipumbali mbuse e wisoki winge wimotenelali iwo likumu. 2 Ekelanali ndjo: Ango maseselali olakikasi dja moki, yasali ate: Te Mwengei nkolo likumu-ongo-oleki-kpaa, yakongi la owe, ndimbesa ndai okoamala la Yakobi? Alikambo ate adjei mokeke! 3 Mwengei aokali magba alikambo la woho. Etokelana te Mwengei aasali ndjongo. 4 Denda wuhuwu nkolo likumu-ongo-oleki-kpaa andjeneseli mbai, denda! Mwengei nkolo likumu-ongo-oleki-kpaa adjakali oweli wogueleni wesi la mboka e misa, misa maho miumali olaki malia malindake la milakali esuki e mbume. 5 Yasali ate: te Mwengei nkolo likumu-ongo-oleki-kpaa, yakongi la owe, dhee. Ndai akoamala la Yakobi? Alikambo ate odjei mokeke! 6 Mwengei aokali magba alikambo laho. Etokelana nkotote, Mwengei nkolo likumu-ongo-oleki-kpaa aasali ndjongo. 7 Denda wuhuwu inde adjali andjeneseli mbai, etutu esi enge ekelelali iwo moliki mo Nivo alikambo la otongi eho moliki mo Nivo modjakali la ewo ende. 8 Ndjongo Mwengei asali la mbai ate: Amosi;okweneke ende? la ndjongo yasali ate: moliki moesi mo Nivo. Mwengei asali alidi ate: Denda ikobataka miliki mo Nivo la ndondo e wato wambai, Isalayele. Itolimbesa kine moho alidi te. 9 Wibete wa Isalayele winge widjaba wikotika la mpamba, la wibete monsatu wa Isalayele wikobitesama, ikosanesa monguta mo Isalayele la ewuni. 10 Amadjia nganga Mwengei o betele amotomelali Yolomoame likumu la Isalayele wasi ate: Amosi aokeleli owe likita ndi la ndondo e monguta mo Isalayele. Moki moengiti te obati motema alikambo la sambo djandekpaa. 11 Alikambo ate denda wuhuwu woasi Amosi: Yeloboame akogua la ewuni, koto, la memene, Isalayele ekolongwa la mbume dja moho mokotomama la moki mowodjake. 12 Amadjia asali la Amosi ate: te owe moeni-wieneleli, keke, tila woowe la moki mo yuda, ongo laka makoke, ongo woengi otiesakoli. 13 Ase la Betele wongiti otiesakoli. alidi te, alikambo ate edjeiebete mosantu e likumu la edjei monguta mo wokumu. 14 Ndjongo Amosi awongosali asali la Amadjia ate: Itidjaali motiesakoli te, itidjaali koto mana o motiesakoli te, ase idjaali mobanei mo wigogo la momai mo wapigi la mite ma Sikomole. 15 Mwengei atotali mbai ango idjakali mbuse e egogo, Yeona asali la mbai alidi ate: keke, tiesakolela wato wa mbai Isalayele. 16 Sikandjo, oka loi wo Mwengei: okoasaka ate: wongiti otiesakoli Isalayele, wengiti te okweseli monguta mo Isaka ndjoi? 17 Loi woho, denda wuhuwu woasi Mwengei: Moli owe akouma moli o wohulelia la engumba. Wana wa owe wapele la wana wa owe wa wali wahua la ewuni. Mbume dja owe ikokawana la moliki mo opimi, owe mene okogua la moki mo wonalili; koto, womemene, Isalayele ekolongwa la mbume dja djaho ekototana la moki modjake.
Chapter 8

1 Denda wuhuwu Mwengei nkolo likumu-ongo-oleki-kpaa andjeneseli mbai, koto, denda! mondjangi moesi mo pukapuka dja engele e ehela. 2 Ndjongo asali ate: Amosi akweneke nde? la woho, yasali ate, modjangi moesi mo pukapuka dja engele e ehela, Mwengei asali alidi la mbai ate: gboo e waumeli wato waumbai, Isalayele. Itowalimbesa iwokine alidi te. 3 Ndjembo dja Tempelo ikoumande oleli aboolon la wuse woho nde loi wo Mwengei nkolo likumu-ongo-oleki-kpaa. Milonda mikodjaa ngbii. wakolumba maho la wibete kpaa biii. 4 Okani wuhuwu loi, ino wango wakomotuaka modjanga ee, alikambo la aseseli wato wa woatitimesi wango , alikambo adjei la mbume, 5 Ango ekwasaka ino ate: ekoongo wiengele woni alikambo ate ndebo poli eleke toenge otambi pukapuka dja okeli palini, ndenge kikima koto alikambo la sabata, alikambo ate: toenge otambi pukapuka; alikambo la okeli epa edjee ekeke koto Shekele edjee esuugu alikambo la okosi la wipemeli kilo dja okosi, 6 Alikambo la osombi wato wadjenga saa alikambo la balata la modjanga saa alikambo la motio mo sandala, koto alikambo ate, toenge otambi pumbulu mpamba dja pukapuka. 7 Mwengei alapi nda wosungu wo Yakobi ate: itowosana tomu djawu kpaa te wokeke te. 8 Edjei alikambo la djaho nde moki mokoninanga, ekoongo ate wato kpaa wango waabati la ndondo e moho walele, moho moesi kpaa mokotelamene nda Nile mokwadjambambana koto mokwandimba sese nda Nile e Ezipito, ndjongo te? 9 Ekokelana ndjongo la wuse woho, woho nde loi wo Mwengei nkolo likumu-ongo-oleki-kpaa, ikolangia moi la engele e midi, ikodjese molili la moki, ango ekodjaa moi obati. 10 Ikolongose mapati manu maume oleli la ndjembo kpaa djanu iwume lembo wo mabga, ikotelese saki la libele kpaa; ikokela ate sambo djaho idje nda oleli wungu wakolelaka mana opele saa moikima, gboo e woho nda wuse woesi wodiake. 11 Denda! masio mangeleli, woho nde loi wo Mwengei nkolo likumu-ongo-oleki-kpaa, ikotoma djala ndondo e moki, djala e makoke te, ikotoma ehoha, ehoha e malia te, ase nde e wooki wasi wo Mwengei. 12 Wakokee la otetateti olongoi la mbute la mbu, longwa la noladi tee eati ekopumbaka moi. Wakotutia osombi eati la eati alikambo l,a oluki loi wo Mwengei, ase watotota woho te. 13 La wuse woko walieka walamu wakolsila wotetalake, ndjenga dja pele nkoto, alikambo la ehoha e malia. 14 Wango wakolapaka ndai ka suwuli e samalioa, la wango wakwasaka mene ate: Nda edjei Mwengei wowe memene la mokalo, Te Dani! koto, nda mboka e beele-Sheba edjei memene la mokalo! La memene mene, iwo wakokua, watoamala alidi te.
Chapter 9

1 Imweneli Mwengei aamali likolo la etumbele, asali ate: Binga moto mo likule, ndjongo wibete wa olingeli l,a monguta wikoningana. Tena waho la moto, waho kpaa. Ikoola nda ewu e gbooo la ewuni. Motili te moikima te ndondo ewu akokoka otili, mokali te moikima te ndondo ewu akokoka okali. 2 Inga wabuka alikambo loi olingeli la kabuli, ongo ewo e mbai mene ekowatota iwo, inga watela tee likolo, ongo ikowandimba iwo sese. 3 Inga wa djaisa la songo e kalamele, ongo ikowaluka iwo wolamu wolamu la ikowatota iwo memene. Inga wadjaisa liwoso la maiso ma mbai la sese e mbu, Ongo la sese ikomohekele ndjo tomaka, lla ekowatua iwo mene. 4 Inga watotami la moki mo helami liwoso la mitone mawu, ongo ikohekele ewuni tomaka, la iwo; ikowabatela iwo maiso alikambo la wobe, ase te la wolamu te. 5 Nkolo likumu-ongo-oleki-kpaa, Mwengei owigogo, inde nde okohekelaka moki, ndjongo mokondjakwaka , ekoongo ate wato kpaa wango wabati la ndondo e moho walele; mokotela mene nda Nile, moko moesi kpaa, mokwandimba sese mda Nile e Ezipito. 6 Inde ongo okotongaka waesikaliye wande wa likolo, monguta monde mungo motonga inde likolo la mbume mungo mobatali inde mawo; inde ongo oko okowelaka malia ma mbu, alikambo ate aenge osui maho la etando e mbume e Mwengei nde nkombo eende. 7 Te wana wa Isalayele, la maiso ma mbai otiini nda wana wa Simba te? woho nde loi wo Mwengei. Mbai iti mopumbesali te Isalayele la moki mo Ezipito la Wapilisitia la Kelete, koto Sili la Kile? 8 Denda! Maiso ma Mwengei nkolo likumu-Ongo-Oleki-Kpaa likolo wokumu wo masumu, akosalamatesa woho la mbume. Te ndjongo itosalamatesa monguta moesi kpaa mo Yakobi te, woho nde loi wo Mwengei. 9 Alikambo ate denda! ikohekeleke tomaka ikoninganesa monguta mo Isalayele la ndondo e witondo kpaa, ndi nda ndenge rkoninganesaka iwo kadjongilo, ndjongo libanga te leti te likokua la mbume. 10 Wakogua la ewuni-wasumuki kpaa la ndondo e wato wa mbai, wango wakoasaka ate: wodidi wotokelana te, te wotouma eati esu te. 11 La wuse woho ikoamalesa ma monguta mo kasi mo Dabidi mungo mokua te, ikowongele mapokosaka ma moho. ikoamalesa ango obuki moho, ikomaa moho ndenge edjakali masio ma gala, 12 Alikambo ate ototeni ema enge etikali la Edome, witondo kpaa winge wiwelami la nkombo e mbai, woho nde loi wo Mwengei ongo okokelaka ndjongo. 13 Denda! masio mageleli, woho nde loi wo Mwengei, motongi mo mbume akogbotono la mosui pukapuka, mohoti pukapuka dja Bino akogbotono la mopkali migono; mikoli mikodokesa Bino leleke, mikoli mikeke kpaa mikonangwana. 14 Ikowawongola wato wa mbai, Isalayele, wango wahelamali, wakomaa wingumba winge witikalali mpamba koto wa koabata ndondo e moho wakoona mite e maho, wakokela koto wakolaka pukapuka dja maho. 15 Ikowaona iwo la mbume djawu, watobukolama alidi te la mbume djawu djinge iwaheleli mbai ewo, Mwengei w'owe aasi ndjngo.

Obadiah

Chapter 1

1 Eneneli e Obadia: Denda enge Yeova likumu ongoolekigbaa asalila Edome: eookimboli esi elongoi atie Yeova, motomami mwesi ongo otomami la ndondo e witondo: Amalani; la toamaleleni eho la wita. 2 Denda! iwoumesi owe mokeke ndondo e witondo. obetelemi ngbii. 3 Wogeno wo motema mo owe nde wookosi owe, owe ongo okoabataka la mapokasaka ma libanga, moto ongo okabataka la ebete etelana, ongo okosaka la motema mande ate: Ndai okodjimba mbaisese? 4 Te inga oumùesi ebete eowe likolo nda mpongo, te ate inga lima e owe eabati la ndondo e minoto, ikoondjimba owe sese, eho nde engumba e Yeova. 5 Inga wato iwa wakoolingelelaka owe la likolo, watibalake nde oodiki owe monoko te? watibalake te iwo? te inga wabuka pukapuka dja bino wakoolingelelaka owe, watibalake te odei saa ma pukapuka dja wonokoli? 6 Te denda ndenge ewaluki iwo mene wato wa Esau! denda ndenge eluki iwo wiho wande wa motio winge wisama! 7 Waotindiki owe tee la molelo ndi wato wango wakelali ondimani la owe iwo kpaa waokosi owe. wato wango wadjaki logoo mongindi la owe wakoobatele owe woya alikambo ate odjei nda moto ongo odjandgi lomungo. 8 Ekodja ndjongo la wuse woho; te ndjongo te ehonde engumdu e Yeova. Ikowabitesa mene wato wa lokenge wa edomu, la lomungo la etuka e kolikoli e Esau. 9 Te temana, wato wa owe wa wokulu wa kouma la boo aboolo, alikambo ate mwesi mwesi akolongosene la etuka e kolikoli e Esau, alikambo ate aguee. 10 nsoni ekodiha owe alikambo la ewodje enge emokelelali owe ma ngua Yakobi okolongosene mene alikambo la engele enge e ebatamini molelo te. 11 La wuse wungo woamalali owe kelekele, la wuse wokpalali wadjake egogo la engele elingelali lamoluhe monde walingali djege alikambo la la Yelusame, owe koto odjaali nda mwesi oowu. 12 Wongiti te ondengi loi woho la wuse wo mangua, la wuse wo magba: otiongoke te woemeli la obitani wo wana wa Yuda la wuse wo obitani wau, otiongoke te oduholi monoko la wuse wo wodidi wou. 13 Otiongoke te odjii la moluhe mo wato wa mbai la wuse wo huko eenu. owe mene otiongoke te odengi obitani wonde la wuse wo huko ende otiongoke te onanoleli wogumake wonde ewola wuse wo huko eende. 14 Wongiti te wamali la ebete ebomani mboka, alikambo la owaoli wato wande wango watilali; la wongiti te owakawi wato wande wango wakalali la wuse wo wodidi. 15 Te mpamba te yeova akomemelele witindo kpaa woumia ahue. wakookela owe ndenge eklaki owe. Eomidjinge ikelaki owe ikowongwenela la moto mo owe mene. 16 Te mpamba te witondo kpaa wikokenga wiengele kpaa ndenge ekengakali ino la mokoli mosantu mo mbai okokengani la okokengani mene okoumani ndande watidjaake te wuse te woeti te. 17 Wango kpaa wakokala wakodjaa la mokoli Siona, moho mokouma ema esi mosantu, monguta mo Yakobi mokokondja wiho winge wiongi okondji. 18 Monguta mo Yakobi mokouma mene misa, la monguta mo Esau nda mataki ma bee, wakowatumba iwo. Te moto toeti te omonguta mo Esau atokala; alikambo ate Yeova inde mene wasi ndjongo. 19 Wakotota mene negebe, ee, etuka e kolikoli e Esau; la Shepelea, ee, e wapilisitia. Wakotota mene moki moki Eplaime lamoki mo Samalia, Bezamina akototamene gileade. 20 Wiho winge witotali wato wa kanana tee la Zalepate wikouma wa wato wango wawakpalali iwo la moki mo wodjaake, wango wadjakali la ndondo e ma mokili mungo mokela iwo alikambo la wabanei, easi nda ate, wana wa Isalayele. Wato wa Yelusaleme wango wa wakpalali iwo la moki mo wodjake, wango wadjakali la Sepalade, wakotota wingumba wa Negebe. 21 Wakalesi wakotela mene la mokoli Siona, alikambo la osambesi etuka e kolikoli e Esau, la wokumu wokouma wo Yeova.

Jonah

Chapter 1

1 Loi wo Mwengei womodjeleli Yona mana, o Amitai ate; 2 Amala, keke la Ninibe engumba esungu, tiesakola eho ate: wobe wou wotelibtee liwoso la mbai. 3 Ase Yona aamalali alikambo ate amotile Mwengei, akee la talasisi, la mbuse, aadjambali la Yope agbotoli masua moesi ongo adjakali okii lla talasisi. ndjongo aputali tike la aadjimbali la ndondo e masua oho, alikambo ate akee mongindi la la iwo la Talasisi alikambo ate alongwe liwoso la Mwengei. 4 Mwengei atomali ehoho esi esungu la mbu, mbonge esi esungu edjali la mbu eho, masua mapotali ooyandji. 5 Ndjongo wato wango wadjakali okeli la masua wapotali o wangi moto lamoto amowelelali Mwengei oonde alikambo wongi ligamesi. Wadjakali olumbi wiho wingi widjakali la masua la mbu, alikambo la olongosi woliti wo masua. Ase Yona inde, aadjimbali la kobe e masua oho, alangalali wilo wisungu wimohelali inde. 6 Gboo gboo, kapiteni o masua aanogbali ahue la inde asali la inde ate: nda loi, owe molali wilo? amala mowelela Mwengei omemene akotomungwa iso; totogua te. 7 Wapotalai wasani iwo la iwo ate: djakani tobinge djege, alikambo ate toewe alikambo la ndai likondji iso ehele, hukowadjakali obingi djege, gboo gboo djege emokweleli Yona. 8 Ndjngo wasali la inde ate: eokongi la owe, toewese iso, tokondji ehele huko alikambo lande? la okadjia eni? Moki mo owende, la odjei moto o nda etondo? 9 Ndjongo asaali la iwo ate: idjei moebele, ikomowangaka Yeova Mwengei olikolo ongo okelali mbu la moki. 10 Ndjongo wato waho wapotali owangi aboolo, wadjakali waasi la inde ate: nda loi wuhuwu wokeli owe? Te mpamba te wato waho wadjaewali ate adjakali omotili Yeova; alikambo ate awaewesali iwo woho. 11 La gboo, wasali lainde ndjo: Toohele owe woni, alikambo ate mbu edjakali saa omemeli aboloo oleki. 12 Ndjongo inde asali la iwo ate: djambani mbai, ndumbani mbai, labmbu ekodaka logoo; alikambo Yewi ate mbonge tetelake enge eoheli ino alikambo la mbai. 13 Te ndjongo, wato waho wamekali paima alikambo la okondji mboka e ileki la owongosi masua kondolo: ase watiengali te, alikambo ate mbu edjakali saa owamemeleli iwo aboloo. 14 Ndjongo wapotali omoweleli Yeova la wasi ate: sikandjo, te Yeova, toakongi la owe, totigue te alikambo la molimo mo oholo moto! otibate te la moto mosu makila ma moto ongo otii la loi te, alikambo wungu woemeli owe la woho! 15 Ndjongo wamodjambali Yona wamolumbali inde mbu; la otomboki wombu wopotali odei. 16 Nde ndjongo, wato waho waumali omowangi Yeova aboloo, alikambo laho, wamohekeli Yeova mibeka la wakelali wilako. Kaikonde Yeova atomali nsu esi sungu emomele Yona ndjongo Yona akelali masio masato likolo la moi la ndondo e solo dja nsu eho.
Chapter 2

1 Ndjongo Yona aakongoli la Yeova Mwengei oonde la ndondo e solo dja nsu. 2 La osali ndjo: la wodidi wo mbai imowelelaliinde awongoselali mbai. La solo dja nkunda, iwelelali alikambo la wongi ligamesi, ookali mooli mo mbai. 3 Ango elumbali owe mbai la wolindake, la ndondo mene e mbu, wowale woalingali la mbai. Mbonge dja owe dja aboloo djinge ekoyandjaka la mbonge dja owe ebekelilikolo la mbai. 4 Njongo mbai yasali ate: oumbi la mbai liwoso la maiso ma owe! Nda ndenge ekodenga denga mbai alidi tepelo eowe mosantu? 5 Ebete e malia elingali mbai tee la molimo; malia malindake malingali mbai, kasi dja ndondo e malia yalingali la mbai la moto. 6 Yadjimbali tee la sese e mikoli. winangesele wa mbume widjakali likolo la mbai alikambo la engele enge ebatamiti molelo te. Ase opumbesali mokalo mo mbai la liwela, te Yeova Mwengei o mbai. 7 Ango elembeli molimo mo mbai ngbii, Yeova nde moto omomungwali mbai. La mbuse, mbondi e mbai ewoumelali owe, la ndondo e tempelo eowe monsatu. 8 Ase wango wakotemiaka wikeko wa moleho, wakodeeke motema mo wouma mungo mokowaeneseke owe iwo. 9 Ase mbai ikoohekele owe mbeka la mooli mo kekendinge. Liwualinge likelali mbai, ikoengesa laho. Mokalo mo djei Yeova. 10 La mbuse, Yeova ahekeleli nsu eho tomaka, la e moto holali Yona kondolo.
Chapter 3

1 La mbuse, loi wo Yeova womodjeleli Yona mbala ewale ate: 2 Amala, keke la Ninibe engumba esungu, tiesakala eho mboli ehele ekowoesaka mbai owe. 3 Ndjongo Yona aamalali akeeli la Ninibe ndenge easali Yeova. kaikonde, alikambo la Mwengei Ninibe edjaakali engumba esi esungu; okpandesani eho edjakali wongi osombi masio ma sato la makolo. 4 La mbuse, Yona apotali olingeli la engumba eho, asombali wuse woesi kpaa la makolo, adjakali otiesakoli la wasi ndjo: etikali masio ntuku inei mpamba; Ninibe ekwe. 5 Ndjongo wato wa Ninibe wapotali omondimeli Mwengei; watiesakolali ate wakile wilaka la wakpale saki, opoti la moto ongo oleki wosungu la ndondo ewu tee la moto ongo oleki wokeke la ndondo ewu. 6 Ango emoumelali loi woho likumu la Ninibe, aamalali la kiti ende e wokumu la alongoseli esindje ende e wokumu akpalali saki aabatali la miisu ma misa. 7 Alidi, atomali wawelele, atomali wase la Ninibe, la mboka e pui dja likumu la dja wato wa sungu wande ate: edjei moto, edjei nama e saa, edjei egogo e wangombe te egogo e wampata, te weti te aongi ogbondi te e ma esi. Te weti te aongi olaki. Waengiti okengi te malia te. 8 Balata saki, moto la nama e saa, wa welele mwengei aboolo waakukole moto la moto la mboka ende ewobe kotola ewodjeenge edjei la mawo mawu. 9 Ndai woewi inde Mwengei omemene aengi ohengesi mamunwgwene la ooki mene magba owongoi mbuse la limemu lande la ololi, alikambo ate totigue te? 10 Mwengei omemene aeneli tomu djawu, aeneli ate waakukoli la mboka djawu mbe, ndjongo Mwengei omemene aokali magba alikambo la huko enge easali inde ate akowapumbesela iwo, atipumbesali ehote.
Chapter 4

1 Kaikonde loi woho wotimoemeseli Yona te wokeke te, amemeleli aboolo. 2 La woho, aakongoli la Yeova akeli ndjo: sikandjo, te Yeova, wuhuwu woti te loi wungu wodjakali ondembesi mbai engele edjakali mbai la moki mo mbai? nde ndjongo, egueleli. 3 Ndjongo sikandjo, te Yeova, yakongi la owe, longose molimo mo mbai, alikambo ate wolamu igue la ebete eodjei la mokalo. 4 Ase Yeova akeli ndjo: odjei mene la gbondo eomemeli aboolo ndjongo? 5 La mbuse, Yona apumbali la engulba akeeli wabati la eti e engumba eho; aakelelali ma monguta moesi mo kasi ongo alikambo ate aabate sese e moho, la pio, tee la engele ekoene inde wungo wungo wokoumela engumba. 6 Ndjongo Yeova Mwengei opumbesali mogono moesi, ekoko, alikambo ate e lodihe Yona ehekele pio e eho likolo la moto monde, alikambo la omokalesi inde la wodidi wonde. Yona aemeleli ngbii mene la mogono moho mo ekoko. 7 Ase, la wuse wungu wotutianali, ango etanakali wuse, Mwengei omemene atomali nkusu si ebetese logono mongo moho moomali. 8 Ekelanali ndjo: engele saa epumbali moi, Mwengei atomali koto ehoho esi e esti enge eko omesaka, moi modjakali saa omobingi Yona la moto, etikalali wokeke akwese, adjakali wiengele kpaa wongi ate molimo monde mogue adjakali wasi mbala la mbala ate: wolamu igue la ebete e odjei la mokalo. 9 Mwengei asali la Yona ndjongo: odjei mene la gbondo eomemeli aboolo ndjo alikambo la mogono mo ekoko? 10 Ase Yeova asali ndjo: owe ookeli mogono mo ekoko magba, mungo motienele owe la moho te wodidi te, mungo motibekali owe te; ase mungo mobekali la likolo liesi mpamba la mungo mogui la likolo liesi mpamba. 11 ndjongo mbai; yongitinde nde ookeli Ninibe engumba ehele esungu magba te, engumba ehele edjei la wato oleki nkoto nkama esi la ntuku iwale wango wa emiti te wokeke te olekanesi ewo ewu elilome la ewo ewu eliali, talia ebele e nama dja moki?

Micah

Chapter 1

1 Loi wo Yeova wungo womodjeleli Mika moto o moleshete, la masio ma yotame, Ahaza, Hizikiya, makumuma Yuda, loi wungo woemeliinde la eeneneli alikambo la Samalia la Yelusaleme: 2 Te ino wato wa witondo, okani ino kpaa, te mbume la wiho winge wiotunesi owe, batani huaka koto Yeova nkumu likulu ongo oleki kpaa odjei demu alikambo la ookamwi ino, Yeova olongoi la Tempelo eende mosantu. 3 Alikambo ate denda! Yeova akopumbaka la ebete ende, akoadjimba mene koto akosomba la wibete winge witela wa mbume. 4 Mikoli mikoanangola la sese eende, la mabwaku ma patatalu makoatakana, nda ebeli e maita alikambo lamisa nda ebili e malia masuakani la ebete enge ese loi. 5 Djinge ndjongo idjei alikambo la omemeli wo Yakobi, ee alikambo la masumu ma monguta mo Isalayele. Omemeli wo Yakobi nde nde? te Samalia? wibete wine witela wa Yuda nde nde? te Yelusaleme? 6 Ikoumesa Samalia ligudja la witika wa elanga, wibete wa ooni nde mo bino, ikosua lobwaku, ikodee migindele ma eho wohola. 7 Wikeko wa, moho kpaa winge yemani, wikobukana wisuki wisuki, la makao ma eho kppaa mango makekeleli iwo nda liputi makotumbama la misa; ikobitesa wikeko wa mohokpa. Alikambo ate winge waho wiwanesali widjeindondo ewihp wingewihekeli iwo nda liputi la moli o wohulelia, koto la ema enge ehekeleli iwo nda liputi la moli owohulelia nde laho likowongwa. 8 Alikambo laho ikopama laikolela, ikosomba makolo ngulu la lingbengbele. Ikopama nda mbume, ikolela nda maligbanga o moli. 9 Alikambo ate wodidi wungo wokweli moho woengiti osali te, alikambo woumi tee la Yuda, wodidi tee la mohuhe mo wato wa mbai, tee la Yelusaleme. 10 Otiweseni woho la Gatete; oteleleni te olela te. Abulukabuluka la miisu mene la monguta mo apala. 11 Te moli ongo okoabataka la Shapile, leke lingbengbele koto la nsoni. moli ongo okoabataka la Zaanane apumbiti te. la opami wo bete-bedjele wokolongwele ino ebete ekoamalaka woho. 12 Alikambo ate moli ongo okoabataka la malote adjakali olambeli loi wolamu, ase loi wobe wolongoi la Yeova woadjimbi tee la moluhe mo Yelusaleme. 13 Te owe moli ongo okoabataka la Lakishi, hela likalo la wampunda linge linangate iwo alikambola wotomu. Inde adjaakali lipotele la lisumu lamana o moli o Siona, alikambo ate limemu la Isalayele lienene eati eowe. 14 Nde ndjongo okolohekele Moleshete gate makao ma okowauni minguta ma akadjibe midjaakali ema esi ewikasako eati e makumu ma Isalayele. 15 Te owe moli ongo pkoabataka la Malesha, ikoodjesele owe moto ongo okopuesaka. Mogano mo Isalayele moohoumatee la adulame. 16 Ate ebulu, tena nsue dja owe alikambo la wana wa owe wango wakowemeleseke owe mene. Bekesa ebuu eowe esungu nda engee ndio, te mpamba te wakii, wakpalanila moki mo wodjaki lihiele la owe.
Chapter 2

1 Magba la wangowakoanaka okeli sambo djinge ikookesaka odidi, koto la wango wakokelaka sambo djinge edjei mbe, la wipe wau! wakokelaka djaho wuse otani, alikambo ate edjei wokulu wo ewo ewu. 2 wanoni wilanga la wapuesi waho, la minguta kot, watoti maho, wamobuki moto pele motetelake la wato wa monguta monde, moto la liwongosele lande. 3 Nde ndjongo denda wungo woasi Yeova: denda ikomungwaka odjeseli lihili liwota wodidi wungo la ndondo e wiho te, ndjongo otosambani la elollo te, alikambo ate edjei engele e wodidi. 4 La wuse woho, wakowoumeselani ino loi wo liseekpela wakolelandi olela, ee wilelo. Wakwasa ate: topuesami nde opuesama! likao mene la wato wa mbai laho ndenge edi. Denda ndenge elongosi inde laho eati e mbai! mene eati e moto ongo adjngi wo memene. 5 Nde ndjongo, otodjaa la moto te ongo okolumba moliki; la djege, la ndondo e liabolei la Yeova. 6 Otiwusakeni wasi te. Wakowusaka wasi. watowusa wasi te alikambola sambo djaho; nsoni etosila te. 7 Te monguta mo Yakobi, wakoasaka nde ate: elimo e Yeova eemeliti te, te djihingendetomu djande? Waasi wombai mene wotokelaka nde wolamu eati e moto ongo okosomba alima? 8 Kolokolo wato wambai wapotali wamali nda motone mene. Okolongsekeni etetesele e etemia enge edjei liwoso la esindje eati e wato wango wakokelaka odjangi bo, nda wato wango walongoi la ita. 9 Okoumbaka la wali wa wato wa mbai la monguta, ebete enge ekoemeleke moli ngbii. okolongosekeni mogano mo mbai mungo mo djei likolo la wana wand, alikambo enge ebatamiti molelo te. 10 Amalani kekeni, te mpamba te ehenge eti ebete ehomake te. Obitani wodjei alikambo ate aumi wonalili, wotomu wo obitani wokohekeleke wodidi. 11 Inga moto moesi, ongo okotutiaka ehoho la moleho, akasia ate: ikoombela owe sambo alikambo la bino alikambo la mana mango makolangwesaka, inde koto akouma mene moto ongo okolumbelaka wato sambo. 12 Ikomobomanesa mene Yakobi, ee, owe moesi kpaa; memene mene, ikowawanesa wato wa Isalayele wango watikali ebete woikima, nda ebili e wisole la mopango, nda ebili e egogo la ndondo e ebete eolaki wisoki, etale e wato ekodjaa ongo. 13 Moto ongo okobukaka akotela mene liwoso lawu: wakobukamene. Wakoleka la moluhe, la wakopumbela ndi la moho. Likumu lawu akoleka liwoso lawu, Yeova akowasombesa iwo.
Chapter 3

1 Yaasali ate: yakongi laino okani, ino wa nkumu wa Yakobi la ino wakomanda wa monguta mo Isalayel. eti ino nde wingini woewi womemene? 2 Ino wato wango wakotonaka sambo ndamu la okobalakani sambo mbembe, ino wango wakowalongoseke wato ekomba ewu la wakolongoseke moinimowu la mikuwa mawu; 3 Ino wango walaki moini mo wato wa mbai, la olongosini wikomba waumene, obukabukini mene mikuwa mawu; la otenakolini waho nda ema enge edjei la ndondo e etni esi e monoko mosungu kotonda moini la ndondo e teni lambelake. 4 La engele eho, wakomowelela Yeova alikambo la woongi ligamesi te. Ase atowandimela iwo te. akowaisila iwo elongi ende la engele e enge, la otutei wobe wungu wokelali iwola tomu djawu. 5 Denda wuhuwu woasi Yeova alikambo la watiesakoli wango wakokelaka ate wato wa mbai watetatete, wango wakotuaka maino mawu la wango mene wako pamaka ate: logoo! kaikonde, inga moto abatiti ema la monoko mowu te, wakosantesaka mene wita alikambo la omosanesi inde: 6 Eho ndjongo ekodjaaa likolo, ndjongo eeneneli te ekikima etodjaa te la okodjaani la moleli alikambo ate otikeleni te sambo djinge eyaisa. Moi mokowalela mene watiesakoli, wuse wokowaumela iwo molili. 7 Waeni wieneneli wakooka nsoni la watiesakoli wa sambo djinge eyaisa wakolembe wenge. iwo kpaa wakodiha wigigi wau alikambo ate Mwengei wandinelitiaka iwo te. 8 Kaikonde alikambo la elimo e Yeova; etumi gboo la wokulu koto la womemene la koto la wotetelake alikambo lande la Isalayele lisumu lande. 9 Yakongi la ino okani wuhuwu loi, ino wankumu wa monguta mo Yakobi la ino wa komanda wa monguta mo Isalayele, ino wato wango wakotonaka womemene la ino wato wango wakodeke te ema enge enanuani; 10 Okomaakani Siona la tomu djosu makila la yelusaleme la tomu djinge idjangi womemene. 11 Mankumu mande wakosambesaka saa alikambo la kadjaka, la wanganga Mwengei wande mene wakopundesaka saa alikambo la liputi, la watiesakoli wande mene wakotiesakolaka sambo idjeisa saa alikambo la wadjenge, te ndjongo wakobataka ndi motema eati e Yeova, ango ekwasaka iwo ate: Yeova ati nde ndondo eesu te? wodidi wototodjele iso te. 12 Nde ndjongo alikmbo lani, Siona ekoakukola nda elanga,la Yelusaleme ekouma maguza matikalake, mokoli mo monguta lokodjaa nda ebete enge etela e motulu.
Chapter 4

1 Ekokelana mene ndjo la engele e gboo e masio, mokoli mo monguta mo Yeova mokotima oboolo likolo oleki sango e mikoli okoadjamba mene likolo oleki mikoli mikeke, wato wa witondo wa koasua ango. 2 Witondo ngbii wikokee mene la wakoasa ate: djakani totele lamokoli Mwengei o Yakobi; akotoinia iso mboka djande, tokosomba la mboka djande. alikambo ate pui ikopumba la Siona, loi wo Yeova la Yielusaleme. 3 Akotena mene sambo la ndondo e witondo ngbii akowongele samboidengi witondo wa wokulu winge widjei lihele. Wakobete wiwuni wau ate wiume witongewu ate maume mapata ma otii wisoki. Watodjamba ewuni te, etondo esi alikambo la osani la etondo edi, watotiesakola wita alidi te. 4 Wakoabata mene; moto la moto la sese e mote monde mo bono kotola sese e mote monde mo pigi, moto te weti te atodjaa alikambo la owa kpakpesi iwo, alikambo ate monoko mene mo Yeova o wigogo moasi woho. 5 Alikambo ate wato wa witondo kpaa, ee iwo, wakosomba moto la moto la Mwengei oonde; ase iso, ee eso, ee oso, tokosomba lankombo e Yeova Mwengei oosu alikambo ma engele enge ebatamiti molelo te, e libela la libela. 6 La wuse woho, woho nde loi wo eova, ikomobomanesa inde ongo odjaaki otengulu, ikowawanesa ebete eikima wango wa yadjaki, ee inde omoeneseli mbai wodidi. 7 Ongo odjaaki otengulu ikomoumesa mene inde litika, inde ongo olumbamali lihele, ikomoumesa inde etondo esi etetelake, Yeova akowaamalela mene iwo la mokoli Siona, olongoi sikandjo alikambo la engele enge ebatamiti molelo te. 8 Alikambo la owe, te monguta molayi mo egogo, ligudja la mbume la mana o moli o Siona, laho likodja tee eati eowe, ee, woamaleli woliwoso wokodja mene, wokumu wodjei wo mana o moli o Yelusaleme. 9 Sikandjo alikambo lande ekopamaka owe ndi aboolo? likumu atinde ndondo eowe te ongo okobatakamene owe ogui, alikambo atewodidi woohele owe nda wungo womoli ongo okowotaka? 10 Te mana moli o Siona, djaa la wodidi aboolo sana la owoti ndamoli ongo okowotaka, alikambo ate sikandjo okolongwa la site, okoongo wabati la motulu. Ekoongo odje tee la Babilone. Ongo nde Yeova akowondola owe la ewo e mitone ma owe. 11 Sikandjo witondo ngbii wokobomanesama mene alikambo la oosanesi owe, wango wadjakali woasi ate: aume wonalili, maiso masu ma denge Siona. 12 Kaikonde iwo, waewiti mamungwene ma Yeova te, waheliti gbondo e mwano monde te, te mpamba te akowabomanesa mene iwo ebete eikima nda mokalakala mo pukapuka djinge iteni iwo ndindjo, djinge ibatami la ebete eotangakoli pukapuka. 13 Te mana moli o Siona, amala tanga ndenge ekotangakolaka iwo pukapuka, alikambo ate ikokukola lihili laoweliume e wonda, la ikokukola wihotele wa owe wiume motako, wa okonuakola mene wato wa witondo ngbii, o koumesa ekila okomokawela mene Yeova liwongosele lawu linge likondjami la ndenge e wobe; wiho wau okomokawela likumu o memene amene o mbume djiesi kpaa.
Chapter 5

1 Ango ekoatenakolaka owe wenge, te mana moli owalingeleli, inde atolengi iso alikambo la otosanesi iso, la lingenda, wakomobinga mosambesi mo isalayele la likekz. 2 Owe, te Beteleme epalata, owe ongo odjei mokeke mene alikambo ate woenge otolini la ndondo e wankoto wa Yuda, olongoi laowe moto moesi akopumba alikambo ma mbai, ongo okouma likumu la Isalayele, ongo lipotele lande lidjei olongoi gaala, olongoi engele enge ebatamiti molelo te. 3 Nde ndjongo, akowadee iwo tee engele e ongo okowotaka a wote mene. Wamanango wango watikali wakowongwa eati e wana wa Isalayele. 4 Alikambo mene la akolakesa egogo la wokulu wo yeova, la wosungu wo nkombo e Yeova Mwengei oonde. akoabata ndi mene, alikambo ate sikandjo akodjaa mosungu tee la milelo ma gboo ma mbume. 5 Moto ohonde akodjaa logoo, kaikonde moasili, ango ekodjaa inde la moki mosu ango ekohoto inde monguta milai masu miabatake, tokomopumbesela inde wabanei wa mpata nsambo, ee wa nkumu mwambi la ndondo e wato. 6 Wakoamalela mene moki mo asali la ewuni, la moki mo Nibelade la ebete e loho elingelake. Akotoundola la mene iso la mawo ma moto o asali, ango ekodja inde miki môsu la engele ekohoto tnde te litwale eesu. 7 Wato wa Yakobi wango watikali wakouma la ndondo e ebele e wato wa witondo nda ebili e Yeova, nda ebili e e wongo mosungu likolo la migono, minge mitodengelaka moto te la mitolambelaka wana wa moto o mbume te. 8 Wato wa Yakobi wango watikali wakouma la ndondo witondo, la ndondo e ebele e wato wa witondo e nama dja motulu, ndaebili e mana simba la ndondo e wigogo wa wampata, ongo ekolekaka eho, akohotoko lla akosalakolakamene, mokalesi ati te. 9 Ewo eowe ekodjaa mene likolo la waamaleli wa owe, la mitone ma owe kpaa wakolongoseme. 10 EKokelana ndjo la wuse woho, wohonde loi wo Yeova, ikolongose wampanda wa owe la ndondo eowe laikobitesa makolo ma owe. 11 Ikolongose wingumba wa moki mo owe ikokwese wibete wa owe kpaa winge wibaniani aboolo. 12 Ikolingose tomu djaa wonganga sisa la ewo eowu, otodjaa la wato wa tomu dja maji alidi te. 13 Ikolongose wikeko wa owe winge widjemami la makule ma owe la ndondo e owe, otodjaimbela alidi ema enge ekeli owe la mawo ma owe. 14 Ikobukola mite ma owe ma kongi la ndondo eowe ikosesela wingumba wa owe ngoo. 15 La limemu koto la wombanda ikowongola wobe likolo la wotondo winge witemeiti te.
Chapter 6Yakongi laino, okani wuhuwu wokoasaka Yeova. Amala, ewesa loi w'owe la mikoli mikeke mioke mooli m'owe.

2 Te ino mikoli, okani loi wo Yeova, ino koto witondo winge wikoumwaka, ino migindele ma mbume; alikambo ate Yeova adjei laloi la wato wande koto la Isalayele nde akoasana. 3 Te wato wa mbai, yokelini ino nde? yolembeseni ino la nda loi? djewesani mbai woho. 4 Alikambo ate yopumbesalini ino la moki mo Ezipito, iwoundolalini ino la monguta mo wotuke; imotomali Moize, alona la Maliame liwoso lanu. 5 Te wato wa mbai, yakongi la ino, mungwani wungobalake likumu la Moabe, aanaliokeli, wungo Balaama mana o Beole amowongoseli inde. Mungwani wungu wokelali mbai opoti Shitime tee Giligale, alikambo ate tomu dja womemene wo Yeova djenge woewani. 6 Ikodja liwoso la Yeova la nda ema? ikodjaimbaliwoso la Mwengei olikolo la nda ema? Ikodjande liwoso lande la makao matumbake maesi kpaa, la wana ngombe wa elanga esi? 7 Yeova akoemele nde la wankotowa wampata wa pele, waukoto liomu dja ohumbi wo maita? ikohekele nde mana o mbai oliwoso opele alikambo la omemeli wo mbai, pukapuka e solo dja mbai alikambo la lisumu la molimo mo mba? 8 Te owe moto o mbume, inde awoewesi owe enge edjei wolamu, Yeova, akowongoko owe nda ema, inga te ndi woenesi womemene, obali wouma koto osombi petee mongindi la Mwengei wowe? 9 Mooli mene mo Yeova mokowelelaka la engumba, moto ongo odjei lla lokenge, akowanga nkombo eowe. Okoni lingenda la inde ongo wonoli laho. 10 Wihowa motio wa sambo mbee la epa enge etunga, enge ebumakolamiwobe, edjei ndjoo ndi ndondo e monguta mo moto mobe? 11 Yenginde odjei wolamu widjele ango edjei mbai la wipimele wolitake winge widjei wibe kotola saki e libanga eopimi woliti wungo wodjei lawikodako? 12 Alikambo ate wagumake wande mene watumi la ewodje, wato wango waabati eati ende waasi moleho, wolemi wou wodjei la wikosako la monoko mowu. 13 Mbai koto, ee mbai, ikobinga owe tee ndi ekowoana eko mene, obitani w'owe wokodjaa, alikabo la masumu ma owe. 14 Owe; ee owe, okolaka ase otogbeta te, solo dja owe ikodjaa wohola, okolongose wiho, ase okondje huko, la winge wikokpala owe otohele waho la ewuni. 15 Owe, ee owe okoona ligono, ase otosoo te. Owe, ee owe, okohoto pukapuka dja olibe, ase otoakpula maita te, la bino lelehe, aseotokenga bino té. 16 Okotemiakani tomaka dja omili la tomu kpaa dja monguta mo Ahaba, okosombakani la ndondo e matio mawu; alikambo ate iwoumese owe ema e waahueli laiwaumese wato wango waabati eati nde ema aobomeli pelele; okokpalani nsoni e wato wa witondo.
Chapter 7

1 Magba la mbai, alikambo ate iumia nda ebili e pukapuka djinge iwanesali iwo engele e ehela, nda ebili e pukapuka dja bino djinge yooni iwo la wa wanesi! etuka e pukapuka dja bino lakake iti te, pigi dja liwoso djinge molimo mo mbai moengaki ooki ehoha iti te. 2 Moto o womemene Asalamati la mbume, moto o sambo inanuani ati la ndondo e wato te. Iwokpaa, wakolambelaka la oyaisi alikambo la osui makila. Wakolukaka o moheli, moto la moto manango mene, la wodja. 3 Mawo wawu wadjei saa la sambo mbee, alikambo la okeli djaho wolamu wolamu, nkumu akoongoko ma ema, moto ongo okosambesaka akosambesaka alikambo la liputi, moto mosungu akoasaka alikambo la ehoha e molimo monde, ee e molimo monde mene; iwo wakoahelelaka la djaho. 4 Moto owu ongo oleki wolamu adjei nda moliki mo keke, moto oowu o sambo Yamalanake oleki adjei wobe ngbii oleki lopango wo kèkè. Likumu la wasindjili wa owe, ee likumu linge wa koobatela owe huaka, ekodja, ewodje ewu ekopumba sikandjo. 5 Otimodimelake mino te. Otibateke motema eati e mino o motema té. Bania sambo djamonoko m'owe liwoso la moli ongo okolangalaka la mokpoto 6 Alikambo ate mana opele akomobeteleke wana; mana o moli akomomeleleke nango, moli o mana akomomemeleke wokio wonde, mitone ma motomidjei wato wa monguta monde. 7 Ase mbai, edjei Yeova nde ikomodengela. ikoenese ate ikomolambelaka Mwengei omokalo mo mbai, Mwengei o mbai. 8 Te owe moli ongo odjei motonemo mbai, otimeleke te la wungo wogboti mbai. te inga ikwi, saa ikoamala, te inga ikoabataka la molili; Yeova akodja moi eati e mbai. 9 Ikondima wobanda wo yeova alikambo ate imokeleli inde lisumu tee engele ekoewesa inde loi wo mbai, akotena mene loi alikambo la mbai la womemene. Akopumbesa eati edjei moi; ikodenga womemene wonde. 10 Motene mo mbai akoene, nsoni ekomodiha inde, moto ongo wasaki la mbai: Yeova Mwengei woowe, adjei eni? maiso ma mbai mene makomodenga moto oho. Sikahala inde akouma ebete eohotolalake, ndamokpado mo balabala. 11 Wuse wo omai witutu wa owe wa mabanga, la wuse woho pui ikodjaa lihele. 12 La wuse woho, wakodja tee ndi eati eowe olongoi la asili koto la wingumba wa Ezipito, olongoi la Ezipito tee lla ebale; olongoi la mokili tee la mokoli. 13 Moki mokouma abete etikali mpamba alikambo la wobe wo wato wango waabati la ndondo e moho, alikambo lapukapuka dja tomu djawu. 14 Wamalela wato wa owe la lingenda la owe, egogo e solo dja owe, enge edjakaliwabati eho mene ndondo e motulu la awodja wo elanga e mite ma pukapuka. Walake la Bashane koto la Gileade la masio la engele egala. 15 Nda lamasio ma opumbi wo owe la miki mo Ezipito, ikomwenese inde sambo dja waahueli. 16 witondo wakooka koto wakoene nsoni la wokulu wou kpaa. Wakobata ewo ewu la monoko mowu; matoi mawu mene makogua. 17 Wahohele miisu nda ebili e ndjo nda ebili e nama dja mbume djinge ikoagulaka la solo, wakopumba la ogulumi olongoi la witutu wau witelelake wa libanei. Wakodja la okpakpakpakpi eati e Yeova Mwengei oonu, koto wa koowanga owe. 18 Ndai odjei Mwengei nda ebili eowe, ongo okolimbesaka oweesi akowosanaka obuki pui dja wato wa liwongosele la nde linge litikali? atohela mene limemu lande libela te, alikambo ate akoemeleke la lotema molamu. 19 Akotokeela iso alidi magba akohoto owusi wosu. akohumba masumu mawu kpaa la olindi wo mbu. 20 Okoenese womemene wo sambo eati e Yakobi, motema molamu eati e Abalayama, ongo owalapeli watata wasu ndai olongoi masio ma gala.

Nahum

Chapter 1

1 Liewesi alikambo la winibe, Boku e ennemi e Nahumu, moto o elekoshe. 2 Yeova adjei Mwengei ongo okongoko ndi onangani la inde ongo okowongosaka wobe, Yeova akowogosaka wobe, Yeova akowongosaka wobe la akodjaka ahue la ooki nkanda. Yeova akawawongoselaka waamalali wobe akowangelaka mitone mande limemu. Yeova atookaka limemu galaa te adjei la wokulu ngbii, te nda ndenge Yeova atodjanga ohekeli eguele te. Aboka eende edjei la ndondo e ehoho enge ekobitesaka koto la e ewongo o ehoho aboolo, mapata madjei nda ebili e miisu ma makolo mande. 4 akopamelaka mbu, akoomesaka eho, adjei mene oomesi wibale kpaa. Bashane la Kalamele wiomi, pulele mene dja kiba Yooni. 5 Mikoli miningani alikambo lande, mikolo mikeke minangwani. Mbume ekoadjamba alikambo la elongi ende, ndenge kikima koto mbume djinge ekowotaka, wango kpaa wakoabaka mine. 6 Ndai woengi wamali liwoso la miano mande? ndai woengi wamaleli misa ma limemulande? te omemeli wonde wokosuakana nda ebeli e misa mabanga mene makobukana alikambo lande. 7 Yeova adjei wolamu, ebele etetelake e libanei la wuse wo wodidi. Akowaewaka wango wakolukaka ebete e otili atie nde. 8 La mpela enge ekolekeke, akoseselangoo ebete e eho kpaa molili mokowatutia mitone mande mene, 9 Nda zma ekoanaka ino omokeli Yeova? Inde aseselaka djiesi kpaa ngoo. Wodidi wotopumba mbala ewale te. 10 Te inga wadjei nda mote mokeke mungo molinganalingana la wadjei nda walangoi mana mawu ma pukapuka dja bee, wakolongola mene kasi dja bee djinge yoomi djiesi kpaa. 11 Menene, moto akolongwa dje owe akoana omokeli Yeova wobe, moto oho akoanaka okeli sambo djinge iwongiti te. 12 Denda wungo waasi Yeova: te inga waeneneli ate waenga la kpaa la wadjakali ngbii la ndenge ehenge, te djongo wakolongosene, la wakoleke. Ikowoenese owe mene wodidi, la itowoenekine owe wodidi alidi te. 13 Sikandjo ikobuka mote monde mo okpale wiho alikambo ate molongwe likolo la owe; ikotena ndiki djinge djoheli owe. 14 Yeova ahekeli tomaka alikambo la owe ate: nkombo eowe etodja la motutiani alidi te. Ikolongose ekeko enge edjemami la ekeko e ewanda enge enangwemisa la monguta mo wa Mwengei wa owe. Ikookelela owe kabuli, alikambo ate oti la gbondo te. 15 Denda la mokoli, makoli ma moto ongo ogeleli la mbli ndamu, moto ongo okotiesakolaka logoo. Te Yuda, kela mapati ma owe; engesa mawuma ma owe; alikambo ate moto mpamba atopota oleki alidi la ndondo e owe te. Akolongoseme moesi kpaa mene.
Chapter 2

1 Moto ongo okoangesanaka adjei liwoso la owe. Dee ate ebele enge ebaniani aboolo ebaniane. dendela mboka. Nanga libele. Tetesa wokulu ngbii mene. 2 Alikambo ate Yeova akowongosa mene elolo e Yakobi, la elolo e Isalaele, te mpamba te wango wakodeeke mpamba, wawadei iwo mpamba, wabitesi wetee wou. 3 Ndua e wato wande wa wokulu ekkpulami langi watanake, wato wande wa wokulu wa mokolo wakpali wisendje wa langi wotanake aboobo. likalo la wita wuse wungo wokoawongeleke inde wongengi wo misa ma wiwonda winge wanangesa, makonga ma mote mo Yenebiliye mokokpakpaka. 4 La Balaba, makalo ma wita makosombaka la ndenge esi e boli. Makohumbwa humbwaka la wibete wa wato kpaa. wokoeneneke nda wongengi wotolosi wokoumbaka obangu nda obalimi. 5 Okowamungwa wato wande wa etemia. wakobinga ekikini ango ekosombaka iwo. Wakokee gaga atie etutu e moho, wakodika mboka aboolo. 6 Miloduhe ma wibale mikoduhua mene, monguta mosungu mo likumu mokobukia mene. 7 Loi woho wotenei; atikali lingbengbele, akokpalana mene, wana wa wali wango wadjei mituke mande wakotilel, nda ekokelaka wapizo, wakotimatia mitema mawu. 8 Ninibe opoti ndi ekolama moho, modjakali ebele e eliwa e malia; ase wakotilaka. Amalani! amalani ase toweti te okodenga mbuse. 9 Puesani balata; puesani wolo, alikambo ate wiho winge wiwongesena witi la gboo te. wiho wilamu wa ndenge kpaa widjei ebele mene. 10 Engumba etkali wohola, edjangi wiho eumi mpamba! motema molembi, mauli makogulumaka, libele kpaa lidjei la mwano abooli; kaikonde nda edjangi iwi, wilongi wau kpaa wiumia witanake. 11 Nda ebete ekoataka wasimba, eni buu e mabanga e wana wa simba wango kingi etumi la ngungi, eati ekosombasombaka simba epele laolingeli, atie mana simba opele adjakali, la eati moto te weti te adjakali owangesi eho? 12 Simba epele edjakali osalakoli la ndenge eenge eengi mene alikambo la wana wa eho, edjakali ohunoli nkingo alikambo la wa simba wa djoho dja wali. Edjakali otumesi mapokosaka ma djaho ma nama lakake la ebele e djaho eodjesi la nama djinge isalakoli iwo. 13 Denda! ikowamalelaka owe, woho nde wasi wo Yeova o wigogo, ikotumba likolo la eho la wita la wodja wonulung. Ewuni ekolaka wana wa simba wa owe wango nkingo etumi la ngungi. Ikolongose la mbume nama dja owe lakake, mooli mo wa kpaali eowe etokana alidi te.
Chapter 3

1 Magba la engumba enge ekosuaka makila. Eho kpaa etumi la okosi koto laiwa. nama ndakake edjangiti te! 2 Lokindi wo pimbo la lokindi wo etale e maluu madjei, la mpunda djinge ikohumbwaka la likalo linge likohumbwaka. 3 Moto ongo okosombaka la mpunda eende, la misa ma ewuni obalini wolikonga, ebele e wato wango waolani, la ebele e milonda minge mitumin la milonda meti la gboo te. Wakobingaka saa wekikimi la milonda mawu; 4 Edjei alikambo la ebele e tomu dja wohulelia wo moli. Owohulelia, ongo okowagulaka wato la wolamu wonde, moli ongo odjei moto olilando ongo woewi mene tomu dja wonganga sisa, moto ongo okodikaka dja witondo la tomu djande dja wohulelia la ma wota la tomu djande wonganga sisa. 5 Denda! ikowamalelaka owe, ikolelesa esindje eowe te la elongi ikokeka ate witondo wiene lingbele la owe, makumu maena nsoni eowe, woho nde wasi wo Yeova o wigogo. 6 Ikolumbela owe wiho wawonalili, ikokela ate oume ema eodjebeli, ikowoumesa owe ema edengake. 7 Ekokelana mene ndjo: moto kpaa ongo okowene owe akotila owe liheele akoasamene ate: Ninive epuesami! Ndai okodja omodengi inde la magba manda? Ikolukela owe mobembelesi nda eati? 8 Owe odjei nde wolamu omolekino Amane, ongo adjakali wabati kekele e mboka e malia ma Nile? malia malingali eho wiati kpaa, wogumake wo eho wodjali mbu. 9 Etiopi edjali, wokulu wo eho esi kpaa, la Ezipito, eho etidjali la gboo te. Putila wato wa libe wadjakali iwo mene wadjakali oongomesi owe. 10 Eho koto eongokoli okpalani la mokili modjake, ekeli la ohelami. Wana wa moho watenamali wesuki wisuki la lipotele la wabalaba kpaa, la walumbali djege alikambo la wato wasungu wa moho iwo pkaa wa nanganali la winangele. 11 Pwe mene koto okolangwa, okouma ema enge eisami. Owe mene okoluka ebete etetelake e liabanei liwoso la motone. 12 Wibete wa owe kpaa winge wibaniani aboolo widjei nda ebili e mote mo pigi mungo modjei la pukapuka dja liwoso djinge itani, mungo inga waninganesa moho, ikokwa mene la ndondo e monoko mo molaki. 13 Denda! wato wa owe, wadjei wali la ndondo eowe. La memene, mihule ma moki mo owe mikoduhuana liwoso la mitone ma owe. Misa mikolongosa mene winangese wa owe. 14 Euka malia alikambo la engele enge ekolenga iwo owe. etesa wibete wa owe winge wibaniani aboolo, hoto mbume dja lima, hela masini oobingi biliki. 15 Te ongo misa mikoolongosa owe. Ewuni e hoolongose owe. eho ekoolaka owe nde wange pepe wakeke wakolakaka. Yaunesa ebele mene nda ebili e wapepe. 16 Owoumesi ebele nda ebili e wa pepe otambi ngbii oleki minoto ma likolo, wapepe wakeke wa kplongoseke mene poso dja maho; la mbuse wakohumbaka. 17 Wadendeli wa owe wadjei nda ebili e wapepe, wakeleli wango wa koumaka nda ebili e walikili wadjei nda liwoke la wapepe. Wakoabataka la kaa enge edjei wopango wo mabanga la wuse wo pio. Inga ndi moimo pumba; wakotilaka mene; la ebete ewu; eati edjei iwo, eewaniti te. 18 Te likumu la asili, waabanei wa owe wa mpata waoki wilo, wato wa owe wa etemia waabati la wibete wau wiabatake wato wa owe wadjengesani la mikolo; moto oowabolei iwo ebete eikima ati te. 19 Obembelesi alikambo la huho eowe woti te. wodidi woowe wotosi te. Wango kpaa wakookamboli eowe wakobinga mawo alikambo la huho eowe, te moamba te ndai ongo wobe woowe wodjangali omoumeli inde wiengele kpaa?

Habakkuk

Chapter 1

1 Liwesi linge motiesakoli Abakuku la eeneli: E Yeova, te nda engele ekowelela mbai alikambo la woongi ligamesi, la owe atooka te, te nda engele ekowelela mbai owe alikambola wongi ligamesi alikamabo ate okalese ewodje, la owe okalesiti t? 3 Alikambo lande okokelaka ate yene sambo djinge ekokelaka wodidi, odjei omondengi mobeteli? Alikambo lande opwesi la ewodje liwoso wodjei liwoso la mbai, alikambo lande osui wodjei, alikambo lande odjeleni wokolongaka? 4 Dendjongo pui ikosilaka wotetelake, womemene wotitewokeke te. Alikambo ate moto mobe akoasaka moto molamu, dee ndjongo wo memene wokokeke. 5 Dendani la ndondo e witondo, la woeneni, la odendaneni, la waahueli. Ahuelani, alikambo ate edjei la loi wesi ndjo wungo moto mwesi akokelaka la masio manu, loi wungo watondima ino te, wa woesa ino woho. 6 Alikambo ate denda ikowa pumbesaka wakaladea; etondo e limemu a boolo, la motema misamisa, enge ekokekee la wibele wa mbume ndjinge idjei wohola alikambo la ototi wibele wa wabati winge wa moho te. 7 Etondo eho ekowangesaka la ohekeli boo. Eho mene ekobataka pui dja eho la ekohekeleke etemia. 8 Wapunda wa eho wadjei la obangu oleki mpange, idjei lalimemu aboolo, oleki mbwa dja motulu la kolokolo. Wa punda wa eho wa wita wakobika, wa punda wa eho wa wita walongoi liheele. Ikowumbwaka nda mpongo enge ekowumbwaka obangu obangu alikambo la olaki ema. 9 Etondo eho esi kpaa engeli obati ewodje. wilongi wau wedengi liwoso, wageleli nda ebeli e ehoho e eti, wakoonoko wahelami nda ebeli e ngene. 10 Etondo ehowaeneleke makumu, wakumu waho wadjei ma eoseki la maiso maeho te, ekosekeke te ebete kpaa enge ebaniani aboolo, ekokelaka liguza la miisu la opuesi ebete eho. 11 La engele enge, ekokee liwoso mene nda ebeli e ehoho ekoleka koto okpali mene huko. wokulu wo eho wolongoi mwengele o eho. 12 Te Yeova, owe odjei olongoi gaala, te ndjongo te? te Mwengei o mbai, Mosatu o mbai, owe otoguaka te. Te Yeova obati eho alikambo la osambesi, la owe, te libanga, owangeli laho alikambo loi ohekeli engele. 13 Owe odjeli la maiso la mango matoengaka te woenisambo djinge wobe; otoengnga te odengi ewodje. Alikambo lande okodengaka wango wakokelaka sambo mbe wabati logoo engele moo mobe akomomeleke moto ongo odjei molaùu omoleki inde? 14 Alikambo lande okomoumesaka moto ombume ndansu e mbu, nda ebili e nama djinge ikoagulaka la solo, djinge te moto toeti te akodjibaniaka djaho? 15 Inde adjilobi djaho kpaa saa la ndobani, akodji gulaka djaho la wodja wonde, akodji boliaka djaho la wodja wonde wo usu. Nde ngongo adjei la woemeli la mwemu. 16 Nde ndjongo akomohekele mbeka dja wande la okopumbesaka wodja wonde wousu milungu ma mbeka, te mpamba te la mboka e woho nde likambo lande libatami maita molamu, la wilaka wande wilamu. 17 Edjei alikambo la woho nde akalumbaka ndi woya wonde, la woolimene witondo wi engele kpaa, ango woenesitiaka inde motema magba tewokebe te?
Chapter 2

1 ikomala la ebete e mbai eodendeli, ikodja likolo la etutu etetelake e libanei, ikokengele; alikambo la woeni enge ekoasa inde la mboka e mbai la lisio linge likokodja mbai. 2 Yeova awongoselali mbai ikeli ate: dinge eeneneli, enese waho ngbaii la witanda, alikambo ate moto ongo okotanga djaho la mooli mosungu atbinge ekikimi te ango ekotanga inde eho. 3 Alikambo ate eeneneli edjei djo alikambo la engele enge ebatama, engeleki obangu obangu tee la gboo, etoasali moleho te. te inga eumwa, la mbela ndi eho; alikambo ate oodjangi kokia woho wokoengesama. watouma mbuse e engele te. 4 Denda! molimo monde mokundi la elolo; motidjaali alima te, Ase moto molamu, la womemene wonde akodjaa ndi la mokalo. 5 Te, alikambo la bino ekokosaka motopele motetelake akoateniaka; atoengesa mwano monde te, inde moto odjesi molimo monde mosungu nda kabuli, inde moto odjei nda ebeline logo aengiti ogbeti te. Akowanesaka witando kpaa atieinde lnde la obomanesi wato kpaa wawitondo atie ende. 6 Wango, ee, ewo kpaa wako wakomoumesela inde woasi wo lisekpe la woasi wa mbokela, woasi wo lokenge wobe, te ndjongo te, wakoasa ate: magba la moto ongo okobomanesaka wiho winge witi wande te _ee te nda engele _ ongo okoadjeseleke kpaa litake! 7 Wango wako wongoko owe benefisi wakowoumelaowe hua, la wango wakoninganesaka owe la wotetelake wakosusua; la maiso mawu okouma mene ema epuesaka; te djongo te: 8 Te mpamba te owe mene ema witondo ngbii, wato wa witondo wango watikali wakopuesaka owe, alikambo ate osuali makila mawato alikambo la ewodje enge ekeleli owe mbume, site la wango kpaa wa batiango. 9 Mango la moto ongo okototelaka monguta monde liwongosele la ndenge e wobe, alikamboate abate elako ende la ebete etela la likambo ate aalongose la magba! 10 Owe wani okeli ema esi e nsoni alikambo la monguta mo owe, oolani wo ebele e wato wawitondo; la molimo mo owe mokokelaka lisumu. 11 Te mpamba te la etutu, libanga likopama la mooli mo mahba, libaya la ehelesele e monguta ekowongosele eho la wotondo. 12 Magba la moto ongo okosuaka mokila alikambo la omai engumba, la ongo odjangi wolamu alikambo ate amee site tetelake! 13 Denda yeova o wigogo nde akokelaka wotomu ndi wo tetelake alikambo ate elole la misa, la wigogo wa wato wa witondo walembe wenge saa mpamba, te ndjongo te? 14 alikambo ate mbume ikotumala woewi wo wongengi wo Yeova nda malia matuma la mbu. 15 Magba la moto ongo okowahekeleke wino wande ema ekengake enge enangesi inde eho la limemu la owe la wobanda ate awalngwese, iwo la adenge wisuki wa wende wau la nsoni. 16 Okotuma mene la nsoni la ebete eotumi la mwemu. owe mene koto kenga, woenene nda moto ongo oteniti ekpoto te. kopo e ewo e lilome e Yeova ekowakukolela owe, nsoni ekokuele mwemu mo owe; 17 Te mpamba te ewodje enge e mokeleli iwo liba, eho nde ekodiha owe, la lituma lisungu la olaki nama nde ekowangesaka nama djaho, alikambo ate osuali makila ma wato la likambo la ewodje enge ekeleli owe mbume; site kotola wango kpaa wabati ango. 18 Ekeko enge edjemami edjei landa ewongosele, ango mokeli mo eho adjemi eho, aumesi ekeko e ewonda enge enangolami, la motiesakoli omoleho? ango mokeli o eho abateli eho motema tee wa mpamba mpamba wango watoasaka te? 19 Magba la moto ongo okoasaka la ekula ate: ee susua! la libanga linge litokpomaka te ate: amala! totiesakola iso! denda! eho edihamila wolo koto la balata; eti la ohatiai te. 20 Ase Yeova adjei la ndondo e tepelo eende mosatu. mbume djesi kpaa, abata logoo liwoso lande!
Chapter 3

1 Lipotela la motiesakoli abakuku la nzembo dja magba. 2 Te Yeova djoki mboli eowe. te yeova iumi owongi tomu dja owe. te wongosa djaho la mokalo la engele enge owongeli! kela ate woho woewane la engele enge owongoli la engele e ewongo otiwosane te otookeli iso mangba. 3 mwengei inde mene adjakali olongoi la temani, ee masautu mwesi adjakali olongoi la mokoli Palane. etemia ende etumali la likolo, la mbume itumi la matemei mande. 4 wongengi wonde woumali mene nda moindi.adjakali la wingengiseli wiale la ewo ende, la ebete e woisi wokuku wonde edjakali ango. 5 ekoni ebe edjakali osombi liwoso lande, la pepele makasi edjakali opumbi la makolo mande. 6 Aamalali logoo, alikambo ate aninganesi mbume. Aaneli, kotola mbuse akelali ate witondo wihubwahu mbwe. mikoli ma libela la libela miatiali, mikolo mikeke minge mikaumwaka libela midjambali ndenge ndjongo opoti gaala. 7 yenneli wodidi wo wahema wa kushane. wisindje wa hema wa moki mo midiane wipotali oningani. 8 Te yeova, limemu la owe lingaleli nde wibale, te wombanda nda wonde wongaleli nde mbu?alikambo ate oteli la wambunda wa owe, makaloma ma owe madjakali mokalo. 9 Wotolo woowe wotikali wohola. wandai wango walapi ma wato edjei loi wungo wa asami. opotali waati mbume la wibale. 10 koli iwoeneli owe; djokali wodidi aboolo ewongo wo ehoho esungu la olime mu alekali. malia ma lindake ma etekesali mawo ma eho likolo. 11 Ndebo moi wiamalali logoo, la wibete wa waho wa woabaati witellesani, mbanza dja owe idjakali saa okunda moi. obalimi wo likonga la owe wodjakali ongengisi. 12 Odjakali osombi la mbume la mwano. odjkali otangakoli witondo la limemi ndenge ekotangaka iwo pukapuka. 13 opumbali alikambo la mokalo mo wato wowe ongo abatami maita. omolukali ongo odjei omonguta mo moto mobe wesukiwisuki. 14 la mangenda mande mene osali moto mo wasali wande engele edjali iwo nda ehoho aboloo alikambo la woandji mbai. mwemu ma sungu mowu modjakali nda wato wango waani omolaji moto owodidi la ebete e odja isi. 15 Olekali la mbume la wapunda wa owe, la ebte etumali malia ngbii. 16 Djokali solo dja mbai ipotali oningani, ango eokanali wilengeli, mikua ma mbai mipotali oholi, laidjianali la ndenge edjakali mbai, alikambo la mboka e logooo enge ekowaumela inde wato, alikambo la osani la iwo. 17 Te inga moto mo pigi motiemese pulele te, la pukapuka ete te la mite ma bino, inga wotomu wo mote mo olibe woleki saa nepamba la wilaka wa wilanga wipumbwesi wilaka te, te inga egogo mene la wopango la wisole witi te la wilanga wa wopanga, 18 Te ndjogo, mbai ikoemele aboolo la yeova inde emene, ikodja la mwemu la mwengei omokalo mo mbai. 19 Yeova nkolo likumu ongo oleki kpaa adjei wokulu wo mokalo mo mbai, la akoumesa makolo ma mbai; nda mango ma Bishe, akokela ate mbai, isombe likolo la wibete wa mbai winge witelana. Eati motiesakoli mo djembo la wilingeli wa mbai wa ndiki.

Zephaniah

Chapter 1

1 Loi wasu wo Yeova wungo womodjeleli Sepania mana o Kushi mana o Gedalia mana o amalia mana o Hizikia, la masio ma Yosiya mana o Amone likumu la Yuda: 2 La memene mene, ikosesela ema kpaa ngoo la mbuse, woho nde loi wo Yeova. 3 Ikosesela goo moto o mbume la nama. Ikosesela ngoo ikelaùi enge ekohumbwaka likolo la nsudjambu, la wiho winge wikobingesaka ekikimi, la wato wabe, la ikowaola wato wa mbume, wohonde loi wo Yeova. 4 Ikomonanonela Yuda ewo e mbai la wato kpaa wango wabati la Yelusaleme, koto la ebebe enge, ekowaola mbai wato wa Baala wango watikali, nkombo dja wanganaga Mwengei wa Mwengei wa wadjake loi wanganga Mwengei wadi, 5 La wango wakoyaimbelaka wigogo wa likolo la mitendo ma minguta, la wango wakoyaimbelaka la omolapeli Yeova ndai la olapi ndai la omolapeli Yeova ndai la olapi ndai la nkombo e Malaka. 6 La wango wakowonguaka mbuse la odei omotutei Yeova, wango te l;a wamolukiti Yeova te la wamohueliti inde te. 7 Abata logoo liwoso la Yeova nkolo likumu ongo oleki kpaa, te mpamba te wuse wo Yeova woumia ahue, alikambo ate Yeova awongeli mbeka esi; amansatesi wato wango wawaweli inde. 8 La wuse wo mbeke e Yeova ekokelana mmene ndjo: ikowabatela wa kumu, la wango kpaa wakpali wasindje wa wadjake. 9 Okobata huaka la moto kpaa ongo okotelaka la ebete eteli likolo. la wuse xoho. Wango wakotumesaka monguta mo makumu mawu la ewodje koto la wokosi. 10 La wukungo wuse ekokelana ndjo: etale e opami ekolongwa la moluhe mo nsu la oleli aboolo la kalatia e wale, la lokindi aboolo la mikoli mikeke, wohonde loi wo Yeova. 11 pamani la woleli, ino watowango wabati la makateshe, te mpamba te wato kpaa watambake wasili ngoo, wango kpaa wakopimaka waliti wo balata waolami. 12 La engele eho, ekokelana mene ndjo: ikoluka wolamu wwolamu la miinda la ndondo e Yelusaleme, la ikobata hueka la wato wango wakohelanaka nda bino likolo la migono ma eho la wango wakoasaka la mitema mawu ate: Yeova atokela wolamu te, la atoklela wobe te. 13 wogumake wokouma mene ema eopuesami la minguta mawu mokotikala mpamba. wakouma minguta aste watoabata ango te, wakoona wilanga wa bino, ase watokenga bino e waho te. 14 wuse wosungu wo Yeova woumia ahue. Woumia ahue la wogeleli obangu mene lokindi wo wuse wo Yeova wodjei wodiake. La wuse woho, moto pele o wokulu akopama. 15 Wuse woho wodjei wuse wozua, wuse wo wodidi koto la wodidi aboolo, wuse wo z wongo wo ehoho aboolo koto abatani, wuse wo molili la woodjangi moi wuse wo mpamba la wo molili pii, 16 wuse wo lokindi lihili la watondo wo e ohuesi, alikambo la woamaleli wingumba winge wibaniani aboolo la wamaleli manangi malai. 17 Ikowahekele wato wodidi, la wakosoba mene nda ebili e wato wangua maiso, te mpamba te wamokeleli Yeova lisumu, makila mawu makosuakana mene nda miisu, la solo djawu nda tiwi. 18 Edjei balata djawu te wato wou witoenga owakalesi iwo te la wuse wo dja e Yeova; ase mbume djiesi kpaa ikolakana la misa ma egalala ende, te mpamba te wabati la mbume, ee ekodja bo mene.
Chapter 2

1 Te etondo enge eokitiaka nsoni te, bomani, ee keleni liabolei. 2 Liwoso pui iwote huko, liwoso wuse woho woleke nda poso dja bee ndjomake, liwoso limemu la oleki la Yeova liodjeleni ino, liwoso wuse wo limemu la Yeova liodjele ino. 3 Molukani Yeova, ino kpaa wato wa watitimesi l;a mbume, wango watemei eteneli ende e lisambesu. lukanemesi. Engele edi okoosamani la wuse wo limemu la Yeova. 4 alikambo ate Gaza ekouma engumba enge edee iwo, la Ashekelone ekotikala mpamba, la midi wakoumba la Ashedode, la wakobukola ekolone. 5 Magba la wango wakoabataka la etuka e mbu, etondo e wato wa kelete! loi wo Yeova wo wamalelino. Te Kanana, moki mo Wapilitia, ikobitesa owe, la moto toeti te atoabata ango. 6 Etuka embu ekouma ebete eolakesi nama mataki; engje edjei la mawela ma malia ma wabanei wa mpata l;a mapango ma mabanga ma wampata. 7 Ekouma etuka e wato wa manguta mo Yuda wango wakotikala. Wakolaka ongo. Wakodjanda la kolokolo la minguta ma Ashekelone. Alikambo ate Yeova Mwengei oowu akowabatela iwo huaka, la memene mene, akowawongosa wato wau wango wahelamali. 8 Yoki wiliko winge wilongoi la maabe la sambo dja otangi dja wana wa Amone, djinge ikeli iwo alikambo ate wa wasani bwese wato wa mbai wadjeisaa odjambeli telitoali eewu ma kolokoto. 9 Nda django, nda edjei mbai memene la mokalo, wahonde loi wo Yeova owigogo, Mwengei o Isalayele, Moabe akouma memene nda Sodama, la wana wa amone nda gomola ebele enge etumi lakasikasi dja petepete, liwela lamokpa, la ebele enge etikali mpamba, alikambao la engele enge ebatamiti molelo te. Wato wakowapwesaiwo, lawato wo etondo embai wango wakotikala wa kouma wamemene wau. 10 Enge nde ema ekokodja iwo wlikambo la ellolo ewu; te mpamba te wawasambwesali wato wa Yeova o wigogo wawadjambalali ndiwo makolokoto. 11 Yeova akowaokesa iwo nsoni; te mpamba te akowatungesa wa Mwengei kpaa wa mbume, la wato wakomoyaimbe l;a inde, moto la moto la ebete ende, wisanga kpaa wa witondo. 12 Ino koto, wato wa Ezipito okoolamani la ewuni e mbai. 13 Akonanola ewo ende la siwili e nolodi, la akobitesa asili. Akoumesa Ninibe ebele engeetkali mpamba, etuka enge edjanga malia nda lisobe. 14 wigogo, ee, nama kpaa dja motulu dja etondo esi wiko djanda ongo ndondo. Libeki la iko wakolangala likolo liesi la awodja wo mito ma mokule ma eho. Mooli moesi mokolemba la wiengele kpaa la lininisa. wobitani wokodjaa la moluhe mo monguta, te mpamba te akokpakola mene mabaya malamu mango madihi witutu. 15 Denda engumba e manu enge edjakali wabati la logoo, enge edjakali wasi la motema mo eho: mbai nde, moto odi ati te, te denda ndenge eumi ema eoyakueli, ebete ekoyandaka nama dja mitulu! moto kpaa ongo okoleka ahue la djaho akoboma pelele, akoninganesa ewo.
Chapter 3

1 Magba la engumba enge ekotombokoko la odjaumesi wonalili, engumba enge ekobeteke wato! 2 Etiokali mooli te moeti te; etimobatela Yeova lotema te. Etiandogbali ahue ahue la Mwengei o eho te. 3 Wa kumu wa wa eho la ndondo e eho wadjakali wa simba wango wakopamaka. Wasambesi wa djaho wadjali mbwa dja motulu la kolokolo wango wadjakali obuki mikua liwoso la wuse wotane. 4 Watiesakoli wa eho wadjakali la wogeno, wadjali wato wa wikosako. wango Mwengei wa eho waumesali ema e wasauti ema mpamba, wasekeneli la pui. 5 Yeova adjali moto molamu la ndondo e eho, etikelali ema teeti e odjangi wo memene. Boo kpaa, adjakali ohekeli eteneli ende e lisambesi. Etidjakali odjangi te la otani wo boo. Ase moto ongo odjongi atiokali nsoni te. 6 Iseselali witondo, manongi mawu ma matumu matikali mpamba. yadjali balabala djawu, motote woeti te okoleka ongo wingumba wau witikalali mpamba, moto te weti te adjakali ongo, la loto te weti te waabatali ongo. 7 Yasali ate: la memene; okowaunga mbai; okondima otumboli alikambo ate ebete eho e wabati etolongoseme te ikoongo eho ewongoseme monoko alikambo la djinge kpaa. La memene wakelali obangu djawu alikambo ate wabitese tomu djawu kpaa. 8 Nde ndjongo, lambelani mbai, woho nde laiwo Yeova, tee wuse wungu wokoamala mbai alikambo la ototi wiho wingo wipuesani; alikambo ateneli e mbai e lisambesi edjei e obomanesi witondo, alikambo ate iwanese makumu ebete eikima, alikambo ate ikowosuelaiwo witeneli wa mbai wa eguele; limemu la mbai; kpaa la oleki te mpamba te, mbume kpaa ikolakana la misa la egalala e mbai. 9 Ndjongo la engele eho, ikowahekele wato wa itondo monoko moesi molamu, alikambo ate iwo kpaa wawelele nkombo e Yeova, alikambo ate wamokelele inde la woikima. 10 Olongoi la etuka e wibale wa Ezipito, wango wa koakongoko la mbai, easi nda ate, mana omoli o wato wa mbai wango wayaadjaa wa kodjele mbai likao. 11 La wuse wiho, otooka nsoni te alikambo la tomu dja owe kpaa djinge ibukali owe pui dja mbai eho, ikolongose atie owe wato wa owe wango wakoemeleke la elolo. Otodjaa alidi la elolo te la mokili mo mbai mosantu. 12 Ikodee atie owe etondo esi e waatitimesi enge etoatelesaka te; wakotila mene atie nkombo e Yeova. 13 Ase wato wa Isalayele wango wakotikala watokela ema teeti te e odjangi womemene, watoasa moleho te, wolemi wo okosi wotodjaa la minoko mawu te, alikambo ate wakolaka wakolangala mene, la moto te weti te akodja alikambo owakpakpesi iwo. 14 Te mana omoli o Siona, pama la Mwemu! te Isalayele, welela la woemeli! te mana omoli o yelusaleme emele koto djaa la mwemu la motema moesi kpaa! 15 Yeova aolongeseli owe witeneli wa lisambesi. Amolekesi motone m'owe la mboka edi. Likumu la Isalayele, Yeova, adjei eatie owe. otowanga alidi huko te. 16 La wuse woho wakoasa la Yelusaleme ndjo: te Siona, otiwange te. Mawo ma owe matilembe te. 17 Yeova Mwengei w'owe adjei atie eowe nda edjei inde moto owokulu, akokalesa. akoemele la owe akodjaa la mwemu. Akoabata logoo la ndondo e libalano lande. Akoemele la owe la akopama la mwemu. 18 ikowabomanese mene wango watumi la magba alikambo ate watidjake te la engele e lipati la owe, watidjaakali eati e owe te, te mpamba te wadjakali okpali nsoni alikambo lande. 19 Denda ikowaamalelaka wango kpaa wakowoeneseke owe wodidi, la ehenge engele, wakomokalesa inde ongo okotengulaka, ikomobomanesa inde ongo oyadja te. Ikowabata iwo wande witenei la wati te nkombo la moki moesi kpaa eati wakesali iwo nsoni. 20 La engele eho, ikolingesani ino; ee la engele ekobomanesani mbai ino. Alikambo ate ikokela ate okodjeni nkombo la litemei la ndondo e wato wa witondo kpaa wa mbume, ango ekowongosa mbai la maiso manu mene wato wanu wango wanangani, Yeova aasi ndjongo.

Haggai

Chapter 1

1 La elanga e wale e likumu daluise, la ndebo e motoba, la wuse wo poo wondebo eho loi wo yeova wodjali la mboka e motiesakoli Agai alikambo la zelubabelle mana shealatiele, gubelenele o Yuda alikambo la Yosua mana o Yehozadake nganga Mwengei mosungu ate: 2 Denda wuhuwu woasi Yeova o wigogo: wato wango waasi ate: engele eumakiyate, engele e omai monguta mo Yeova. 3 Loi wo Yeova wadjalindi la mboka e motiesakoli Agai ate: 4 Ekelenfe engele ino wingini wabati mene la minguta manu minge mizesemi wolamu la mabaya, ahala manguta mungo motikali mpamba? 5 Denda wuhuwu woasa Yeova owigogo: batani mitema manu la mboka djanu. 6 Oonini migono ngbii; as minge mikolisaka ino lla eisele midjei saa mikeke. olaki okolakani, ase ogbetitiani te. okengi okengakani ase olangoitiakani te. wsindje okopkalakani, ase moto te weti te akokodjaka misa, la motoongo okobelaka alikambo la liputi lande la saki enge edjei la mapokosaka. 7 Denda wuhuwu woasi Yeova o wigogo: batani mitema manu la mboka djanu. 8 Elani la mabaja. Maani manguta, alikambo ate yemele la mohola a likambo ate ikondje mogano; Yeova aasi ndjongo. 9 olukalini okondji ngbii; ase denda okondji wibeke: olingesalini waho la monguta, ihuhe la loi waho loundu alikambo lande? wohonda loi wo Yeova o wigogo . alikambo la monguta mo mbai mungo motikali mpamba, ango okotilaka ino obangu, moto la moto la monguta monde mene. 10 Ndjongo alikambo lanu, likolo liheli ligite la laho, lambume iheli pukapuka dja djaho. 11 djomesalindi mbume; mikoli pukapuka, bino poli, maita ema kpaa enge ekopumbesa mbume, wotomu wotetelake kpaa wo mawo, ideeli woho womobeteli moto ombume, la nama dja moki. 12 zelubabele mana o shealatiele, la yosua mana o Yehozadake nganga Mwengei mosungu, la wango watikali ndondo e wato, kpaa. wapotali ooki mooli mooli mo Yeova mwengei oowu; la wasi wo motiesakoli Agai, ndenge Yeova Mwengei oowu amotomali inde; wato wamali omo wangi Yeova. 13 agai mosumbi neboli e yeova asaali ndi la wato la otutiani la tamaka djinge mosungu mosumbi atotali e Yeova ate: idjei la ino mongindi, woho nde loi Yova. 14 Yeova asusolali limo e Zelubabele mana o Shealatiele, gubelenele o yuda la elimo e yosua mana o Yehozadake nganga mwengei mosungu lla elimo e watika kpaa ndondo e wato, wapotali olingeli la okeli wotomu wo monguta mo Yeova o wigaga, Mwengeli oowe. 15 Woho wodjali la wuse wo ntuku iwale la inei ndebo e motoba la elanga e wale e likumu Daluise
Chapter 2

1 La ndebo esambo, la wuse wo ntuku iwale la woesi wo ndmbo eho, loi wo Mwengei wozali la mboka e motiesali Agai ate: 2 Yakongi la owe, ase la zelubalebe mana o sheala tiele, gubelenele o Yuda, kotola Yosua mana o Yehozadase mana, nganga mwengei, kotola la wato wango watikalali ate: 3 Ndai otikali la ndondo emu, ongo weneli monguta mungo mo mogano mo eho mo gaaba? nda ndenge ekoeneke ino moho sikahala? Tuka woengemenesi woho la wungo wogala, edjei ema mpamba la maiso, te nzongo te? 4 Ase sikanzo, Te Zelubalebe, tetela, woho nde loi wa Mwengei, la tetela, te Yosua mana o Yehozadake nganga mwesi odjei mosungu? Inokpa wato wa mohuma mokii, telelani kelani, wohonde loi wo Mwengei alikambo ate idjei mongindi la ino, wohonde loi wo Mwengei owigogo. 5 Susolani loi wungo wookanali mbai la ino engele epumba laino la Ezipit, la engele elimo embai ezakali wamali ndondo enu. otiwangeni te. 6 Denda wuhuwu woasi Mwengei o wigogo: la mbala esialidi_etikali ma engele ekeke ikininganesa likolo, lla mbuse, ma moki. 7 Ikoninganisa witondo kpaa, la wiho wilamu wa witondo kpaa wikolingela mena la monguta muhumu, laikotumesa moho la mogano, Yehova owigogo asinzongo. 8 Balata edjei e mbai, la wolo wodjei wo mbai, woho nde loi wo Yeova owigogo. 9 Mogano mo monguta mohumu moholi mokoleka mogano mo monguta mogala , yeovha owigogo asi nzongo. 10 La wuse wo ntuku iwale la inei wondebo e libwa, la elanga e wale e daliuse, loi wo Yeova womozelali motieseli Agai ate: 11 Denda wuhuwu woasi Yeova owigogo: yakongi la owe, wahuela wa nganga mwengei, iko dendela pui ate: 12 Inga moto akpala la esinze ende moini mungo mosautesami, la esine ende ebandi makoke te wilaka te maita te wiho wi lakake wa ndenge kpaa wiho waho wikosatesama? wanganga mwengei wawongosali la wasali ate: te! 13 Agai akeli alidi ate: inga moto mwesi ongo oumi wonalili la molimo mungo mogui, abandi wiho, wahowikouma wonalili?wanganga Mwengei wawongosali la wasali ate: waho wikouma wonalili. 14 Nzongo agai awongesali la wasali ate: wahawa wato wadjei nzongo, la etondo ehele edjei lisiwo la mbai, wohonde loi wo Yeova lawo tomu kpaa wo mowu wodjei nzongo, la winge winge wikohekele iwo ndjngo windjei wonalili. 15 Ase sokandjo, yakongi la ino, batani mitema manu aluhulu loi opotikeke kotola mbuse, liwoso wabate libanga lokolo la libanga la Tepelo e Yeova, 16 Opoti engele eumali ndjinge sambo moto adjakali odjei la liwoke la wiho winge wikopumbesaka wipumbeli ntuku iwale, ase waho widjali odjui la egameli otuki wepimle egamele otuki wepimeli ntuku itano wa bino, ase waho widjakali saa ntuku iwale. 17 Yohekelelini ino engele: djomesali migono, ihaleseli mahola itomeli maho ewango o malanga, ee, ibitesali wotomu kpaa wo wawo manu, te moto te weti te ndondo enu awongoselali mbai wohonde loi wo Yeova. 18 Yokani la ino, batani motma monu a luhulu loi: opoti keke, opoti la wuse wo utuku iwale la inei wo ndebo e libwa, opti la wuse wo moboko mo tepelo e Yeova mobatamali, batani la mitema manu luhulu loi: 19 Mogono mo djei alidi la ndondo e liwela la woisi puka puka? tee ndi sikandjo, bino, mote mote mo pigi, mote mo gelenade la mote mo olibe miwotiti pukapuka te, te ndjongo te? opoti keke ikoopabwa. 20 Lo wo Yeova womozeleli alidi Agai mbala e wale la wuse wo ntuku iwale la inei wo ndebo ate: 21 Ase la zelubabele gubelenele o Yuda ate: ikonenganesa likolo la mbume. 22 Ikokwese mene kiti e wokumu wo makumu ikosesela wotetelake wo makumu ma witondo ngoo, la ikokwese likalo la wasombesi wa laho; l,a wapuda la wasombesi wa laho wakoolama mene, mwesi mwesi la ewuni e manango. 23 La wuhungo wuse, wohonde loi wo Yeova owigogo, ikootota owe, te zelubabele mana o shealatiele, mokele mo mbai woho nde loi wo Yeova owigogo; ikoobata owe mene nda wopete wo oati kashe, te mpamba te odjei moto ongo omxeni mbai, wohonde loi wo Yeova owigogo.

Malachi

Chapter 1

1 Loi wo Yeova alikambo la Isalayele la mboka e Mlaki. 2 Yeova aasi ate: yobali ino. Ino woasini ate: otobali iso la nda ndenge? Esau atiedjaali manango Yakobi te? wohonde loi wo Yeova. Ase imobalali Yakobi; 3 La imotinali Esau; la gboo gboo ikelali ate mikoli mande mitikale mpamba liwongoseli wande liumu la mbulu dja lisobe. 4 Te mpamba te edomu akaasaka saa ate: watoandjakoli iso, ase tokowongwa koto tokomaa wibete winge wibetesamali, denga wungo woasi Yeova o wigogo: Iwo wakomaa, ase mbai ikokwese. Wato wakowela iwo mene ate telitwale e sambo mbe la wato wango Yeova awaokelate limemu alikambo la engele enge ebataneiti moleho te. 5 Maiso manu makwene maho, la ino mene okoasani ate: Yeova atemiane la telitwale e Isalayele. 6 Mana akomoteliaka wawa, mokeleli akomotemiaka likumu mosungu. ndjongo inga mbai wawa, eni etemia enge eongi ino ohekeli mbai? Inga idjei likumu lisungu, eni owangi wungu woengi ino owangi mbai? Yeova owigogo aasi la ino ndjong, te wanganga Mwengei, ino wango wakoeneleke nkombo e mbai. Ino woasini ate: toeneli nkombo eowe la nda ndenge? 7 La ndenge ekohekele inowokoke wowonalili la etumbele e mbai. Inowoasini ate: Towoumesi owe wonalili la nda ndenge? la nde,ge ekosaka ino ate: Mesa ma Yeova edjei ema esi e woemeli. 8 Ango ekohekeleke ino mbeka nama enge ;eguate maiso, eti wobete. Ango ekohekelekeino nama enge ekotengulaka te enge edjei la ekoni; eti wobe te. Yakongi la owe, modjeele eho gubelenele wo owe. Akoemele ndenge eowe, akowoemelende owe la wouma? Yeova o wigogo aasi ndjongo. 9 Sikandjo, yakongi la ino; motitimesani Mwengei motema, alikambo ate atoenesele iso wouma. Wolongoila ewo enu. la ndondo eenu la wouma? Yeova o wigogo aasi ndjong. 10 Ndai alidi landondoenu akodihamiluhesaa mpamba? ino okololesakani misa ma etumbele e mbai te, mpamba te. Yemelitiaka la ino te wokeke te, Yeova owigog aasi ndjongo, yemelitiaka te lalikao la ewo enu. 11 Alikambo ate opoti ebete ekopumbaka moi tee ebete ekolangalaka moho, nkombo e mbai ekodjaa sungu la ndondo e witondo, koto la awibete kpaa wakopumbesa milungu ma mbeka, makao makohekelene la nkombo e mbai, ee likao lilamu; te mpamba te nkombo e mbai ekodjaa sungu la ndondo e witondo, Yeova o wigogo aasi ndjongo. 13 Ino woasini ate: denda! tolembi waho! la woumesini waho ema mpamba, Yeova owigogo aasi ndjongo. Odjuini la ema enge epuesani, la nama enge ekotengulaka, llaengee e ekoni; ee, ino odjuini la djaho likao. yengi nde woemeli la enge elongoi la ewo emu? Yeova aasi ndjongo. 14 Moto ongo okokelaka la lokenge wobe, ango edjei nama e pele la egogo ende, la akokelaka liwuna la omohekeli Yeova mbeka e nama enge ebitani, abumakolame wobe. Alikambo ate idjei likumu lisungu, Yeova owigogo aasi ndjongo, nkombo e mbai ekodja boo la ndondo e witondo.
Chapter 2

1 Sikandjo, te wanganga Mwengei, pui djihidji edjei alikambo la muu. 2 Inga otiokeli te, inga otibateni la motema te loi wo ohekeli nkombo e mbai mogano, Yeova owigogo aasi ndjongo, mbai koto okotomela ino mbumakolo mbe, ikobumakola mpambo djamu wobe. Alikambo ate abatitiakani djaho la motema te. 3 Denda! Ikobitesaka mogono mungo moonami alikambo lanu, ikoandja tiwi la wilongi wanu, tiwi dja mapati manu, moto moesi akokee laino mene eati edjei maho. 4 Okoewani mene ate yotomelini ino tomaka djihidji, alikambo ate wondimani wo mbai la Lepi wodjei ndi odjaa, Yeova o wigogo aasi ndjongo. 5 Wondimani wo mbai wodjee mongindi la inde, wondimani womokalo la wologoo imohekeli inde woho, la owangi. Awangakali ndi mbai, ee, alikambo la nkombo e mbai inde mene adjakali la loi boo. 6 Pui dja memene idjakali la monoko monde, la sambo dja odjangi womemeli itidjaakali la wiwulu wande te. Asombali la mbai la logoo koto la womemene, wato wango wa walongoseli inde la oweisi wadjakali ngbii. 7 Alikambo ate wiwulu wanganga Mwengei nde wiongi obanei woewi, la pui nde ema enge wato waongi oluki la monoko monde; mokpaali mboli e Yeova o wigogo. 8 Ase ino odeyani mboka obingesini wato ngbii ekikimi la pui. Obetesini ondimani wo Lepi, Yeova o wigogo aasi ndjongo. 9 Mbai koto ikowoumesa ino mene ema eoneli koto e ogbutesi motema mo wato kpaa alikambo ate otbaniakeni mboka dja mbai te, ase odjakalini woeni wilongi la pui. 10 Iso kpaa todjei saa la sangbasu moikima, te ndjongo te? alikambo lande ekokelanaka iso sambodja wikosako, la ndengeekoumesaka iso wondimani wo watata wasu ema mpamba? 11 Yuda okeli sambo dja wikosako, la loi wungo wotonama wokelami la Isalayelekoto lla Yelusaleme, alikambo wosantu wo Yeova, wunguwobalakali inde, amotomana omoli o Mwengei modjake ate adjee moli oonde. 12 Yeova akolongose, la hema e Yakobi, moto kpaa ongo okokelaka ndjongo, moto ongo osusoyi la moto okomohekeleke Yeova o wigogo likao. 13 Denda loi wo wale wungu wokokelaka ino, wungo wokeli ate etumbele e Yeova edihame la po, la oleli koto la otileli, la likao lanu litidengelame alidi te la ema enu etiemelese te. 14 Ino woasini ate: la nda loi wuhuwu, ate Yeova inde mene ahekeli demu ndondo eowe la moli owolenge woowe, ongo okomokelaka owe sambo dja wikosako, te inga adjei min'owe la moli o ondimani la owe. 15 Edjei la moto moesi ongo otikelali loi woho te, alikambo ate adjakali la ma ndambo e elimo enge etikalali. moto oho adjakali oluki nde? mowote mo Mwengei. Ino wongini ohui mene alikambo loi elimo enu, moto te weti te amokelele moli o wolengi wonde sambo dja wikosako. 16 Alikambo ate inde atoni ooliliwala, Yeova mwengei o isalayele aasi ndjong, moto ongo adihi esindje ende la ewodje; yeova o wigogo aasi ndjo, wongiti mene ohui alikambo la elimo enu, woengitini okeli sambo dja wikosako te. 17 Ino omolembesini Yeova la waasi wonu, waasini ate: tomolembesini inde la nda ndenge? la ndenge ekwasaka ino ate: Moto kpaa ongo okokelaka wobe adjei wolamu la maiso ma Yeova, inde aemeli la wato ehenge ndenge; te, eni Mwengei owomemene?
Chapter 3

1 Denda ikomotomaka mokpali mboli o mbai, akowongele mene mboka liwoso la mbai Likumu la mene mene ongo okomolukaka ino akodjaa la huaa la tempelo eende la mokpali mboli o ondimani wungo wokoemeleke ino la inde. Denda! inde ageleli mene, Yeova o wigogo aasi ndjongo. 2 Ase ndai okoenga la wuse wo odjei wonde, ndai okoamala enegele ekoenene inde? Alikambo ate inde akodjaa nda misa ma monangoli wi wonda nda sabini eokpoli wisindje. 3 Inde akoabata mene nda moto ongo okonangolaka la akowongeleke balata koto akowongeleke wana Walepi; akowaumesa, bulutu nda wolo kottonda balata; la wakouma mene la maiso ma Yeova wato wango wakohekeleke likao la womemene. 4 Yeova akoemele mene lalikao la Yuda la Yelusaleme; nda la masio ma gala. 5 Ikoandongba eati enu alikambo la osambesi, ikouma moto ongo okotokoloko demu gala alikambo la owaamaleli wa wanganga sisa, la wato wa witeba, la wango wakolapaka ndai la moleho; la wango wakomobubaka mokeli la liputi la wotomu wonde; wango wakomobubaka moli ongo oguele ate la molome la mana opele ongo oguele ate sango, la wango wakomotonaka, moto ongo wabati modjake, Yeova owigogo aasi ndjongo. 6 Alikambo ate mbai idjei Yeova, yakukoliti te. Inde odjeini wana wa Yakobi, osilitini te. 7 Opoti la masio ma watata wanu odeelini mawuna ma mbai la otibanialini maho te. Mbongwelani mbai, la mbai okoowongwelani ino, Yeova o wigogo aasi ndjongo. Ino waasini ate: tokoowongwela owe nda ndenge? 8 Moto ombume akomoiwa nde Mwengei? Ase ino okondjiwakani mbai. Ino woasini ate: towoiwi owe nda ndnge? la si ewa ndambo lionu e wiho koto la makao. 9 okobumakolakani mbai wobe, la okondjiwakani mbai ee etondo enge esi kpaa. 10 Djakani la esi e wandambo liomu e wiho kpaa la monguta mo woisi wiho; alikambo ate wilaka widjee la monguta mo mbai, la yakongi la ino, mekani mbai la wuhuwu loi, Yeova o wigogo aasi ndjongo woenzni inga itooduholelani ino moluhe ma mbai ma likolo te la inga etoosuelani ino mpambo tee wongeni etodjaakine alidi te. 11 ikogbongele alikambo lanu ema enge ekolakaka, eho etoobitesela ino pukapuka djambume te la mote mo bino motodjanga te oowotelini ino pukapuka la elanga, Yeova owigogo aasi ndjongo. 12 Witondo kpaa wikootolo ino wato wa mwemu, alikambo ate ino mene okoumani moki moesi mo wemelesi, Yeova owigogo aasi ndjongo. 13 Waasi wonu alikambo la woaumeleli mbai wodjaali wotetelake; Yeova aasi ndjongo. Ino woasini ate: nda sambo yasaliisoalikambo laowaamaleli owe? 14 Ino woasini ate: omokeleli; Mwengei eti la gbondo te. woengesi mokpali monde, la osombi magba magba alikambo la o wigogo edjei landaliwongosele? 15 Sikandjo tokotoloko ino wato wa ogeno ate wadjei wato wa mwemu. Wato wango wakokelaka sambo mbe woteteli. Alidi, wamogbondo gbondi Mwengeilawa kolonga saa olonga. 16 La engele eho wango wako mowangaka yeova waasanali moto la moto la min'onde, yeova adjakali ati huaka la wooki. Ekpata e omungwesami epotali odingami liwoso lande alikambo la wango wakomo wangaka yeova alikambo la wango wakomungwaka nkombo eende. 17 Ino wakouma mene wato wa mbai, Yeova o wigogo aasi ndjongo, la wuse wungu woko pumbesa mbai ema e mbai esi. Ikowaenesele iwo motema magba, ndenge moto ekomweneseleke mana oonde ongo okomokelelaka inde magba. 18 La memene, okoenenialidi wolekani ndondo e moto molamu la mobe, ndondo e moto ongo okomokelelaka Mwengei la moto ongo omokeleli inde te.
Chapter 4

1 Alikambo ate denda! wuse wogeleli wungo wokolokaka nda ebili e ligudja la misa, wato kpaa wa wogeno la wango kpaa wakokelaka sambo mbe wakouma nda ebili e wisoki wa bee. Wuse wungo wogekeli wokowalongosa mene iwo, Yeova o wigogo aasi ndjongo, la woho wato watikela iwo modjili te, etee koto te. 2 Eati enu wango wako wangaka nkombo e mbai, moi mo womemene mokopumba mene; la okalesi la ongengi la woho, okopumbani mene la otimatimi mbume la mokalo manu nda ebili e wana wa ngombe wa maita maita. 3 okowahotoni mene wato wabe, alikambo ate wakouma nda ebili e motubu la sese e makolo ma,u, la wuse wungu wokokela mbai sambo, Yeova o wigogo aasi ndjongo. 4 Mungwani pui dja Moize mokeleli mo mbai, pui djinge imekeleli inde la Holebe alikambo la Isalayele esi kpaa, ee mawuna la witeneli wa lisambesi. 5 denda! ikotomelakani ino motiesakoli elia liwoso ate wuse wo Yeova wodje, wuse woho wosungu la wo bo. 6 Inde akowongola motema mo wa wawa eati e wana; koto motema mo wana eati e wawa, alikambo ateitidje te la itibinge mene mbume te la itibitese eho te.

Matthew

Chapter 1

1 Ehele edjei litoto e Yesu kilisito, mana o Davidi, mana o Abalama. 2 Abalama amowotali Yisaka; Yisaka amowotali Yakobo, Yakobo amowotali Yuda la wamaanango. 3 Yuda amowotali Peleze la zela, ngbau edjali Tamala; Peleze awotali Ezelona, Ezelona awotali Lama; 4 Lama awotali Aminadaba, Aminadaba awotali Nayasona, Nayasona awotali Salemoni. 5 Salemoni awotali Boazi nango edjali Lahaba, Boazi awotali Obede iwo la Luta. 6 Obede amowotali Isayi, Isayi amowotali Davidi. Likumu Davidi amowotali Salomo la moli omoki mo wato wa Ulia. 7 Salomo amowotali Loboama, Loboama amowotali Abidja, Abidja awotali Asa. 8 Asa amowotali Yozafata, Yozafata awotali Yolama, Yolama awotali Oziyasi. 9 Oziyasi amowotali Yotama; Yotama awotali Azaka ; Azaka awotali Ezekiasi; 10 Ezekiasi awotali Manase; Manase awotali Amona; Amona awotali Yoziasi; 11 Yoziasi amowotali Yekoniasi la wamanango, engele ekpalemate iwo la Babilona. 12 Mbuse ewototami owu la Babilona, Yekoniasi amowotali Silitieli; Silitieli awotali Zolobabeli; 13 Zolobabeli amowotali Abiyudi; Abiyudi awotali Eliakimi; Eliakimi awotali Azolo; 14 Azolo awotali Sadoki; Sadoki amowotali Akimi; Akimi awotali Eliyudi. 15 Eliyudi amowotali Eleyazala, Eleyazala awotali Matana; Matana awotali Yakobo, 16 Yakobo awotali Edjepu, molome o Maliya ongo omowoti Yesu, ongo okomowelaka iwo kilisito. 17 Edjei mawota liyomu la ineyi obandji la Abalayama tee la Davidi, wawotami liyomu la inei obandji la Davidi tee la ototami ewu la Babilona pe wawotami liyomu la ineyi abandji ototami la Babilona tee owotami o Kilisito. 18 Denga engele ewumali owotami o Yesu kilisito. Maliya, nango Yesu, adjakali wose o Edjepu, kasi, liwoso ate wayikane, Maliya awumali la lemi la okolu e elimo esatu. 19 EdjePu ose onde, adjali moto molamu atibalali omosamboli, alukali ndenge ate akawane la inde la oisani 20 Ndenge edjakali inde omungoli, ahumbwa e Mwengei amopumbelia la saki pe amwaselia: Edjepu, mana o Davidi, otidje la mbangi la ototi Maliya nda moli e owe, la loyi ate mana ongo odjei la solo ende alongoyi la elimo esatu. 21 Akowota mana opele pe okomohekele kombo e Yesu laate inde moto okowakalesa wato wande la obee owu. 22 Djinge sambo kpaa ikoengesama la ate sambo ekpomali likumu atie wasakoli makoyengesama: 23 Denga, mana o moseka akowuma la lemi, akowota mana opele alidji wakomowela ate Emanweli, enge easi ate Mwengei laiso mongindji. 24 Ango esusuali Edjepu, akelali ndenge emowaselali ahumbwa aleeti amototali moli onde, 25 Ati wanesali wenge la inde tee ango ewotali inde mana opele, amohekeliya kombo e Yesu.
Chapter 2

1 Mboli e owotami o Yesu la Betelema e wa Yuda la masio mango madjaakali Elode Likumu, wadenga wato walomungo wa midjoto, walongoiya ongo la epumbeli e liusause wakadjia la Betelema. 2 Waasia ate: eni Likumu o wayuda awotami? late toeneli mondjoto monde ango edjakali iso ongo la epumbelo e liwusawuse, ase todjayakongi la inde. 3 Ango eokia Likumu Elode ndjongo, mamungo ma mosambali inde la wato wa Yelusalema kpaa. 4 Ase awabolyanesia makumu ma wanganga Mwengei la wato wa lokenge kpàa apotia owahueli nda ati ewotami Kilisito?" 5 Wamwaselia ate la Betelema e wa Yuda; ase denga ndenge enge edhingamali la mboka e mosakoli. 6 Ase owe Betelema owe ma moki oeti mokeke ndondo e miki misungumisungu ma Yuda; late moto mokikima ongo okookambani, akokamba wato wa Isalayela akopumba atie owe. 7 Ndjongo Elode awawelaali wato wa lokenge la oyaisi ase awahuelia olamu olamu late ayewe nda engele mweneneli modjoto muho; 8 Ase ango ewatomali inde la Betelema, aasali la iwo ate kekeni okamolukani mana oho olamu olamu, inga omwenekeni, djakani o ndjaselani mbai late mbai mpe ikayakonga lainde. 9 Mbuse e omoki Likumu, wakeeli. Mondjoto mungo eeneli iwo ongo ekopumbaka liusause, edjakaali okii liwoso lau, tee ekayamalia likolo la mana ongo omokeke. 10 Ango eeneli iwo mondjoto muho waemeleeli ngbii. 11 Aleti ango elingelaali iwo la molako wamogbotia mana mokee ayabati iwo la nango Malia, wamaya mauli wayakongia lamano oho. Wadhukolaali ogumake owu ase wamohekelia makawo wolo, paka, la malasi. 12 Mbuse, nda ewaunelaali Mwengei la saki ate watimowongwele Elode , wa wongwali la moki mowu la eeti mboka. 13 Mbuse eiwo owongoi, denga! ahumbwa o Mwengei amopumbelaali Edjepu la saki amwaselia ate: amala, motota mana la nango ndjongo tila la Ezipito, alidji yabata ongo tee ango ekowaasela mbai ate owongwe, late Elode akobalaka omolukani mana ate amoole. 14 Ndjongo ayamalali ase amototaali mana oho la nango la likolo ase akeeli la Ezipito. 15 Ase ayabatali ongo tee la logo e Elode, late ungo owasaali Mwengéi la monoko e motuke monde moengesame: imowelaali mana ombai alongwe la ezipito. 16 Ndjongo ango eeneli Elode ate wanganga myoto wamohengi aumaali la limemu ngbii, ase atomali waole wana kpàa wa pele opoti mbula iwale tee sese wango wadjakali la Betelema aleti la miki maho kpàa, ndenge wato wa lokenge wamuaselali. 17 Laate eyengesame enge mosakoli Yilimia aasali. 18 Moli mwesi eokanali la Lama, wilelo aleti la ohumbi la wilelo ngbii, Lasele ase odjaki oleli wana wande, aleti atonaali obondesami, late watikine. 19 Ango egbaali Elode, denga! ahumbia e Mwengéi amopumbelaali Edjepu la saki la Ezipito. 20 Ase amwaselia ate: amala motota mana la nango okeeni la moki mo Isalayele late wango wadjaakali omoluki omooli mana oho wagbieke. 21 Ndjongo ayamalaali ase omototia mana oho la nango ase wawongoiya la moki mo Isalayele. 22 Aseko nda eokaali inde ate Akelosi adjakaali Likumu ongo la Yudeya ebete esango Elode, awangaali okii ongo aleeti, nda emokebesaali Mwengei la saki, akeeli ongo la moki mo Galileya. 23 Aleeti ayabataali la moki mwesi eweli iwo Nazaleta, aloi ate eyengesame wungo oasanaali la nano e wasakoli:wakomowela ate moto o Nazalete
Chapter 3

1 La enge engele ndjongo, Yowani mopatesi apumbali pe apotali otiesakoli ongo a manganga e yudeya. 2 Aasali ate: kukolani mitema manu, la loyi ate okumu o Mwengei ewumika ahue. 3 Yowani adjei moto ongo okpomali mosakoli Izaya la tina eende ate: edjei mooli mo moto ongo akopamaka la manganga: wongeleni mboka e likumu, atani mboka edje ngbai. 4 Yowani adjali okpali esinje enge edjakali la kunja e kamela pe mokaba mo ekombaka e nama alibele lande. Adjakali olaki waapepe la woi emotulu. 5 Wato wa yelusalema,la wango wa yudeya kpaa la wango wa yolodane kpaa wa djakali oki atie inde. 6 Wayewali la hoho masumu mahu, wabatisamali la inde la maliya ma yolodani. 7 Ango eenia inde Wafalizeyo la wa sadukayo wa kodjaka atie inde ate wa batisame, awaaseliya: liwota la ndjo, ndayi oosumini ate otileni limemu linge likodjaka? 8 Ndjongo kelani sambo djinge ikoyenese ate okukoligani mitema. 9 Otiaseni ino amene: Abalayama adjei sangbasu. La ndenge eho, iyowaselini ate maamabukeli Mwengei akoki omawumesi wana wa Abalayama. 10 Wabatika engboma la lidjo dja mite; motekpaa mungo mowoti pukapuka ndamu ekotenama aleeti ekolumbama la misa. 11 Mbayi, ikobatisaka la maliya la tina e okukoli mitema, kasi ongo okodja mbuse e mbayi aeti mbayi la okulu pe ikokiti otokoli moliki mo ikpokpo eende, inde akoobatisani la elimu esatu pe la misa, 12 A djei la lungu ende la ewoo; akowongele ebete ende etangake opunga, akoisa pukapuka, akolumba pulu amisa mitilimanaka. 13 Ndjongo Yesu alongwali a galileya, akeli la yolodani atie Yowani, aloyi ate Yowani amopatese, 14 kasi Yowani atonali ase aasiya ate: mbai moto ikoki odji atie owe ate opatese mbai, owe odji atie mbai nda ndenge? 15 Yesu amowongweselali ate: otitone, ewongi la iso ate tokokese sambo kpaa dja osembo, ase Yowani agemiali. 16 Mbuse e obatisami, Yesu apumali a maliya. denga likolo lihanali ngbai ase elimo e Mwengei e moyadjimbelali nda eluwa edjia ngambo ende. 17 Denda, moli molongwali la likolo mwaasali dji sambo: oholo adjei mana o mbai olibalano, ongo omobali mbai.
Chapter 4

1 Mbuse eho elimo ekeli la Yesu la esobe ate amekeme la Etota. 2 Mbuse ende okili ilaka wuse 40 la likolo 40 aokali ndjala. 3 Aseko momeki ayandngbali ati einde pe amohaselia inga odjei mana o Mwengei hasa la ma mabukeli ate makukwana makoke. 4 Yesu amohongweselali: modingami ate: moto atikala ndii la makoke, kasi la makpomi kpaa mango ma pumbi la monoko mo Mwengei. 5 Ndjongo etotaamokpalali la egbala esatu, pe amotelesali gboo e likolo la Petelo. 6 Peamohaselia inga odjei monga ayanga; alumba la mbume! la ndenge eho, endingami ate: akohekele mitindo atie waandjelu wande la tina owe pe wakookpaala la mawo, la mbangi ate ligiligi la owe lititimie libukeli te kikima. 7 Yesu amohaselia: ekomami alidi ate: okokiti ommomeki likumu, Engali e owe. 8 Etota amokpalia alidi la mokoli mohingake, amohenesia okumu kpaa wo mokii. 9 Pe amohaselia ikohekele djinge kpaa inga ondimi mbai maho pe okumesa mbai. 10 Yesu amohaselia ate longwa ahala Etota! ndenge eho, edingami ate: ndi likumu la owe Mwengei. okoki owe omokumesi pe la omokeli. 11 Mbuse eho Etota amodeyia pe hene ndjo wapumbwa wa yandongbali ati inde pe wa mosalesia. 12 Tango eyokia inde ate Yaone ahelamala, Yesu akeli la Galilea. 13 Alongwali la Nazalate pe akia la Kapelenaumu; e gbata esungu, la moki mo Zebulona pe mo Nefetali. 14 Laate mango makpoma ate mosakoli Izaya makokesame. 15 Mokii mo Zebulona la Nafetalia, mboka e malia ma mbuu, ebete enge edjei ngambo eeti e yolodani, Galileya. 16 Wato wango wayabati la ongundu waheni ngbai esi esungu, pe wango wadjakali la londe lo logo ngbai esu ewadimbeli. 17 Ndi enge tango, Yesu abandali pe otoyi ohasi wongeleni sambo; la likambo ate okumu o likolooumia pene. 18 Ndenge edjaakali inde osombi la olayi o lindanda sungu la ligalileya, ahenia lanango la manango waale, Simoni awelameli ate Petelo, pe la manaango andele, wadjakali olumbi itanga la lindanda lisungu la Galileya, wadjali pedja wa lobi wasuu. 19 Awahaselia: tutiani pe ikohumesani wa lobi dja wato. 20 Ndjongo, wadeyia itanga djawu pe wa motuteyia. 21 Akia lihele pe awahenia waeti manango la manango waale, Yakobomonga Zebedeyo, la manango Yoani, wayabatali la ebete la sangbsu Zebedeyo pe wadjaakali owongeli itanga djawu. Awawelia, 22 Pe ndi ndjongo wadeyia wato pe la sagbasu wa motuteyia. 23 Yesu asombali la Galileya kpaa; ateyaali la wa sinagoga, akpomali mboli lndamu la Mwengei pe akalesali ikoni kpaa la ilukano kpaa atie e wato. 24 Mboli inde esombali la siliya mobimba pe wamodjelesi la wato kpaa wa ikoni pe la oembi ndenge kpaa la witota, la wato wa ibubulaka, ango watisombala, pe adjakali owakalesi. 25 Wato ngbii wamotutiali, wango wadjali la Galileya, la wango wa dekapole, la wango wa yelusaleme, la wango wa yudeya, pe la wango wa eti songo edi
Chapter 5

1 Tango ehenia Yesu wato ngbii, atelia la mokoli. ayabatia pe wa tutieyi wande wa yandongbia ati inde. 2 Mbuse eho abandia owa kpomeli matio, mande ahasia:. 3 Mwemu ngbii la wato wango watundi la mitema la ate okumu o Mwengei odjei wohu! 4 Mwemu ngbii la wango wadjali la ilelo, la ate wakodjwa woemeli. 5 Mwemu ngbii la wango wadjei bosii, wakotota mu mokii! 6 Mwemu ngbii la wango wadjali la ndjala pe wakolu kaka osembo, wakogbeta! 7 Mwemu ngbii la wango wakosumaka sambo ndamu, wakowahesa olamu! 8 Mwemu ngbii l,a wango wadjei mitama milamu, wakohene olamu. 9 Mwemu ngbii la wango wakohekeke logop, wakowawela wana wa Mwengei 10 Mwemu ngbii la wango wakowanyokoloko la tina e osembo, okumu olikolo odjei woyu! 11 Mwemu ngbii mokodja la ino tango enge eko, tangemaka ino la wato pe wakohasaka la ino sambo mbe la tina e mbai. 12 Hemeleni pe mwemu mosungu modje la ino la likambo ate mbano enu ekodja esungu ongo likolo. ndenge eho eho, wawanyokolali wasakoli liwoso lanu. 13 Odjeni mokpa mo moki. kasi inga mokpa mosila esali eho, nde nda ndenge ekowongwa woleli woho. 14 Odjeini mweli ngbai mo moki. egbli enge edjei la mokili etihisana, 15 Watiloliaka otambe ate waebete sese kasi likolo la ate ewahenese wato kpaa wadjei ndondo e molako. 16 La ndenge eho, ngbii enu ekoheneke ati e wato la ate wahene ikela ndamu ongo odjei likolo. 17 Otimungoleni ate idji ate ilongose mibeko wasakoli, olongosi kasi okokesi. 18 Ndenge eho, iyohaseli la osembo; ango eti salamata likolo la mbume, lidingo teeti te lisia la lidingo eti lisalamate ndondo e mibeko yambo ate sambo kpa ikokesana. 19 Ongo okobuka mobeko mokikima pe okowahasela wato wakele ndjongo awelama moto mokeke la okumu o Mwengei: kasi ongo okoke pe okoteya atie weti wato, akowelam;a moto mosungu la okumu o Mwengei. 20 Ndenge eho, iwohaseli, inga osembo wonu woti ete mungo mo wango wabimiali mibeko pe wa Falisayo, otilingelani la okumu o moto. 21 Oyokalini ate wa wahaselali witindo: otimowol;a moto, moto ongo okowola moto akosambesama; 22 Kasi mbai iwohaselini: moto ongo oyabati la limemu la manango ndi la pamba okoki la osambesami, moto ongo oko mototaka manango nda atial kole awongi ate atote etumbu la sambi pe ongo okomotonaka manango nda boli akoki olongoli lamisa ma lifelo. 23 Inga ohumesa mabondja la otale o Mwengei, pe ango omungola obe oowe atie manangwa; 24 Dhee libondja lowe a lotale pe keke yoo owongeli sambo ino la mangwa ase mbuse djaka ohi mabondja ma owe. 25 Wongele ino la motowe la mosio, nganga eko sombaka ino lainde, la mbangi ate atilumbe atie e zozi, pe Zozi atike la owe la boloko wambele. 26 Iwowasali memene otikuba oyogo dji opute enge nyongo. 27 Ookalini ate ahasamali: oti huanesa wenge la moli o moto. 28 Kasi mbai ahasi la ino ate; moto kpaa ongo odengi moli la ndenge emolulake ahunesika lainde wenge la motema. 29 Inga lisio eowe elilome likotomaka la sambo mbe, elongose pe elumba lihele, la likambo ate ewongi la otikali la eketi la olumbami wenge kpaa la lifelo. 30 Pe inga ewo eowe elilome eotama la sambo mbe, etene pe elumba lihele, la likambo ate ewongi la owe odjei la ekete la ate olumbame wenge kpa la lifelo. 31 Ehasamali ate: moto ongo owumbi la moli onde amohekele ekpata e ooli liwala. 32 Ase mbai, iyowaselini ino ate moto ongo owumbi la moli onde inga etidje eteba aluki ate amokelese eteba. 33 Oyokali alidi ni ate ehasamali atie iloko: otibuka saka eowe, kasi okokokesa mumgo molakali owe likumu. 34 Kasi mbai iwohaseli ate otibingesaka la sambo kpaa, la kombo e liloko la likambo ate lidjei esiko e Mwengei, 35 Otibingesaka la kombo e mbume, la likambo ate edjei ebete ekobataka Mwengei magilili, alidi te kombo e Yelusaleme la likambo ate lidjei egbla e likumu lisungu. 36 Otibinge pe saka la moto, la likambo e owe te kikima. 37 Makpomi maowe matikale ndenge ekpomi owe; linge likobakesaka iwo likopumbaka la obe. 38 Oyokalini ate wahasali; maiso la tina e maiso pe maino la tina e maino. 39 Mbai ohohaseli ate otiumwe ebete kikimi la moto mobe, inga moto aobinga la litama la lilome mohekele linge la liale. 40 Inga moto aluka la owe sambi la ate atote simbi eowe eowe, modeele amidi. 41 Inga moto aluka osombesi kilometele esi kela la inde kilometele iyale. 42 Hekele ongo okohongoko pe otimotonele ongo okoluka ototi mopulu atie owe. 43 Ookalini ate wasali: okomobala miino owe pe okomotona monguna moowe. 44 Kasi mbai iwohaseli: bala wanguna wanu, pambwani wango wakoobumakolaka, kelani olamu atie wango wa otoni, pe sambelani la tina e wango wakoonyokoloko pe wakoheneseke olozi. 45 La likambo ate odjeini wana wa sangbanu ongo odjei likolo, la ndenge eho, akopumbesaka lihusahuse wonde la tina e wato walamu la wato wabe, alidi akolueseke ewongo la tina e wato wa osembo la wango wa djangi womemene. 46 Inga obala wango wa obali, nda kole ekotota ino? Waputesi wa lomeya watikelaka ndji ndjongo? 47 Inga oha mobale ndji atie wamangwa, nde ekeli ino linge litikela weti wato? wato wa maeti maembaa watikelaka ndji ndjonngo? 48 Wumani wato walamu nda ndenge edjei sangbasu o likolo moto molamu.
Chapter 6

1 Kelani sambo ndamu dja likawo atie wato la ate waoneni, inga otikele ndjongo, otidjwa mbano atie sangbasu ongo o likolo. 2 Tango enge ehi owe likawo atie moto, otibinge ndundu, ndenge ekokelaka wato wango wakohisaka wikela wau la sinagogaiwohaselini la osembo, wadjei la mbano ewu. 3 Kasi owe, ngonga ehekeli owe likawo, ewo eowe e liali etiewe linge likeli ewo e lilome, 4 La likambo ate likawo la owe likeleme la oyahi, ango sangwa, ongo okoheneke dinge ihisani, ekohenese sambo djaowe la hoho. 5 Tango ekobondeleke owe, otidja nda moto ongo okohisaka wikela wande: wabali obondeli oyemeli likolo ongo la sinagoga ple kelekelee mboka la ate wato wawahenee iwohaselini la osembo, wadjei la mbano. 6 Kasi owe, tango okobondoke lingela ndondo e monguta, liha moluhe mowe pe hongo Mwengei eowe ongo odjei la ebete ehisami, pe sangwa, ongo okoheneke la ohisami, akopumbela hoho. 7 Tango enge ekobondeleke owe nda wa pangano; otikpome sambo ngbii nda wato wa wawota maeti; wakomungolaka ate otetelake o makpomi mawu, iwongolo djawu ikondimama atie Mwengei. 8 otikeleni nda iwo, la ate sangbanu oeni ema enge ebali ino liwoso ate omowongeni. 9 Denda ndenge enge ekokela ino liwongolo: sangbasu ongo odjei likolo! kombo owe esatu ekumesame. 10 Okumu wowe wodje, mokano mowe mokeleme ahala la mbume nda ongo likolo. 11 Tohe iso keke ilaka inge ikoki, 12 limbesa iso la sambo djasu mbe, ndenge enge ekolimbesaka iso wango wakotokelaka obe. 13 Tolongose lihale la simbisi, alidi kalesa iso la sambo mbe, la ate owe odjei la okumu, otetelake la lokumu seko la seko amene. 14 Inga owalimbese wato obe sangwa o liloko okolimbasa koto owe; 15 Kasi otilimbese wato la obe owu, sangwa atilimbese kine sambo mbe dja owe. 16 Tango enge eyakilesi owe la tina Mwengei otiyabate la elongi emgba nda wato wango wakoisaka ikela djawu. la ndenge eho, wakolukaka ndenge kpaa ate wato waewe ate wakili iwoaseli la osembo, wadjei la mbano ewu. 17 Kasi owe, inga okila kpola elongi eowe pe amunola maita malumba liliamu. 18 La ate otihenese la wato ate oyakilesi kasi sangwa ongo odjei oweni la ebete ehisanake ndi inde sangwa ongo okoheneke la ohisami, ekoo wongwela. 19 Otitumeni la iwo ala la moki ebete enge mbwambwa la oholi ekobitesa alidi wa iwi wakogbangola ituti la ate wa iwe. 20 Kasi lukanini iwo dja likolo, ongo oholi la mbwambwa itibitesa pe wa iwi watikoka ogbangoli ituti pe o iwi! 21 La ndenge eho, ebete edjei iwo dja owe, ndi ebete ekodja motema moowe. 22 Liso lidjei eheneli e wenge inga liso la lidjei olamu, wange eowe kpaa ekodje ngbi; 23 Kasi inga liso la owe liti olamu wenge eowe kplaa ekodja la ongundu. inga ongbi wugo wodjei ati ndenge! 24 Moto toeti akokiti owakeleli makumu maale, laate akomotona ongo o poo pe akomo bala ongo owal;e, ndenge eti akoyahele la ongo o woso pe akomotona ongo o mbuse. okokitini okeleli mwengei la ambele mbala kikima. 25 la ndenge eho iwohaseli: otiyatungesameni la tina e olaki la ekengi wonu te la tina e okpali wonu. omoi otiete ilaka, wenge etiete isinde? 26 dengani mbulu dja likolo: watioka pe watiisasaka sangbanu o likolo awalakakesaka owaetitini lla tina kolee. 27 ndai ndondo enu; la oyatungesi onde, akoki obakesite Mwengele mwesi la maiso mande? 28 Denda ndenge ekoyatungesaka ino la tina e isindje yekola yono ndenge tooko futele ndamu la elanga mobele: watikelaka mosala; watisoloko isindje; 29 Iwohaselini ate Salomo inde amene, la okumu wonde kpaa, atidjakali la esindje elamu nda fulele eesi. 30 inga mwengei akokpalesaka fulele dja elanga ndjinge idjei keke kasi ekundu wakoelumbaa la misa, akokiti okeli ndjongo atienu, wato wa oyambi okeke? 31 Otiyatungesie kine, otihaseni ate: nde ekolaka iso? nde ekokenga iso? tokokpala nde? 32 La ndenge eho, dji sambo kpaa, wato la Maeti maemba wakolukaka, kaikoase, sangbasu ongo o likolo ayewi ate odjeini la osenga oho, 33 Lukayoni okulu la osembo o Mwengei, djeti sambo kpaa akohekeleni mbuse. 34 Otiyatungeseni la tina e ekundu la likambo ate ekundu ekoyawongele eho amene. lisio liesi likolo la sambo.
Chapter 7

1 Otisambese moto la likambo ate watiosambese mino te, 2 La likambo ate wakoosambesa ndi ndenge ekosambesaka owe pe wakootenele ndi la imekeli kikima nda owe. 3 Nda ndenge ekoheneke owe posi la maiso ma mangwa kasi otihekeke la liso laowe amene? 4 Nda ndenge ekoki owe omohaseli mangwa: dee mbai oilongose posi la maiso: ndi owe koto, linge la owe liso lidjei la posi? 5 Moto mohisake ikele, longoso yo posi la liso la owe amene, sikandjo okohene olamu lma ate olongose linge. 6 Otihekele iwo djka osatu atie wa imbwa alidi otilumbe palata eowe aite wangoya, la mbangi ate wa ehoto alidi ate eowongwele la ookondwesi. 7 Wongaa wakoohekele, lukana okokondja, binga moluhe wakooluhuela. 8 la ndenge eho, moto kpaa ongo okoongoko ako tata, ongolukaka akohene alidi wakomoluhuela ongo okombinga moluhue . 9 nda moto n_denge edjei ino ango akomohakele mana oinde libukeli inga amohonga lipa? 10 Inga ahonga suu, okomodjekele ndjo. 11 Inga ino wato wabe oyewini owahekeli wana wanu iwo ilamu, sangbanu ongo odjei likolo kodjanga ohii iwo ilaka la wana wande wango wakomowongooko nda ndenge? 12 Sambo kpaa ikobala ino ate wa okelele, ino koto, wakelelani ndi ndjongo; la likambo atie wasakoli. 13 Lingelani la moluhe mosungu! landendeni eho, mohuhe modjei mosungu, tonani mboka enge ekokpalaka la obitani, wato ngbii wakolingelaka ango. 14 Kaikoase moluhe mokeke la mboka enge eti ngbi djaho ekohekeleke omoi, kasi wato wango wakohekeleke wadjei wa keke. 15 Kebani la la wango ayawelaka iwo amene wasakoli! wakodjaka ya ino wa kpali isindje wa meme; kasi ndondoewu wadjei pange. 16 okowaewani la mabukeli, wakobukaka ndongo likolo la mabukeli, wakobuka pukapuka dja fugi likolo. 17 Mote kpaa molamu mokowotaka pukapuka ndamu kasi mote mobe mokowaka ndi pukapuka mbe. 18 Mote malamu ùotiwota mbe ndi ndjongo mote mobe motiwotaka pukapuka mdamu. 19 Mote kpaa mungo motiwotaka pukapuka ndamu akoetena pe wakoelumba la misa. 20 la pukapuka djawu ekoewani ino mite. 21 wango wakohaseka mbai: likumu, likumu! watilingele iwo kpaa la okumu o likolo, kasi ndi wango wakokelaka mungo mobali wawa o likolo. 22 Wati ngbii wakohasa la mbai lin ge lisio: likumu, likumu, toti sakolali la kombo eowe? toti humbali la itita la kombo eowe? totikelali wikamwa la kombo eowe? 23 mbuse ikowahasela la hoho: itioyewaliniti . longwani ya mbai, ino wato wabe. 24 Ehele ndenge, moto kpaa ongo okookaka makpomi mahasi mbai pe akoekelelaka, ikomokokanesa la moto o okengi ongo o mai monguta monde likolo la mabukemi. 25 Ewongo eluiya, mikalikali mikadja, ehoho mokelia atie molumbe mungo monguta; mokwiti la likambo limanali. 26 kasi ongo moto kpaa okoyokaka mango mahokasaka mbai kasi kasi aekeleliti, adjei nda bili ongo omali monguta monde likolo la zelo. 27 Ewongo eluiyaa, mikalikali mikadja, ehoho ekelia pe longolia mungo monguta, mogbangwania kpaa. 28 tango eseselia Yesu opumbesi lango makpomi, wato wayabatali la lomungo lo mande, 29 la likambo ate adjakli oteyi la okulu kasi te nda wabimiani ase nda wato wadjei wokondji.
Chapter 8

1 Yesu aadjimbali likolo la mokoli, wato ngbii wamotutiali. 2 Ndjongo moto mwesi odjéi la ekoni e mbala andongbali ahue la inde, a mali mauli liwoso lande, ase asia: Mwalimo inga obali kalesa mbai. 3 Yesu alongoseli ewo amobatelia asia: ibali okale! ndi engele eho moto oho akalia. 4 Mbuse eho Yesu asia lainde oka wolamu, otimwaselake moto tweti te ase keke oyainie djéi atie wanganga Mwengéi nda ndjongo ekali owe. 5 Ango elingelali inde la Kapalanaume, Kapiteni moesi o Roma andongbia ahue la inde, amwongia ate amokalese. 6 Asia: Mwalimo, moto o mbai o wotomu akolangaka la monguta, wenge wimoliti ndau, ekomwanaka makasi. 7 Yesu amwaselia: ikokeke omokalesi. 8 ASe Kapiteni asia Mwalimo, idjéi moto mpamba, ewongiti olingele la monguta mo mbai. Ase asa loi woikima moto o mbai owotomu akokala. 9 Mbai koto edjéi la mahumu liwoso la mbai, la idjéila wamasadje mbuse e mbai inga yasa ate keke akoke inga yasa la moesi ate wongwa akowongwa inga yasa la moto o mbai owotomu ate kelandjo akokela. 10 Ango eokali Yesu ndjongo, inde ahuelali ngbii ase asia la wato wango wamotutiakali inde: Iwaselini memene; yeneki wondimi te weti te ahala la Isalayele. 11 Iwaselini wato ngbii, wakolongwa atie ekolongwaka moi, ase la atie ekolangalaka moho wakoabatala mesa ndondo e wokumu wo Mwengéi ongo likolo ebete eikima la Abalahama la Isaka la Yakobo. 12 Ase wato wango wakelaki ate wakondje wokumu, wakowalumba iwo la molili, ongo wakolela la otuanesi maino. 13 Ndjongo Yesu amwaselia Kapiteni, wongwa la monguta mwo owe, loi lokokelama ndi ndjongo nda endimiga owe ase moto owotomu wo Kapiteni oho akalia ndi la engele eho. 14 Yesu akia la monguta mo petele, ongo amogbotia nango moli o moli o Petele la epe wenge wande widjali la miso makasi. 15 Yesu amobatelia ewo ekoni emodeya, akalia, inde apotia omokeleli inde. 16 Kolokolo eumia wamodjelia Yesu la wato ngbii wango wadjéi la wisisi wibe Yesu aumbia la waho la wasi wonde, ase inde awakalesia wato ngbii wa wikoni. 17 Inde akelali ndjongo, la wengesi loi wungo wasali mwaseli Isaya: inde atotali wodidi wosu, ase akpalia wikoni wosu. 18 Yesu awenia wato ngbii womolengi ndjongo akelia mwano mo okpandi siwili e ligbutu. 19 Mwalimo mwesi mo pui aumia ahue la inde ase asia la inde:Mwalimo ikotutiawiati kpàa winge wikoke owe. 20 Yesu amwaselia ate: mbwa dja motulu idjéi la mawela ma mbume ase mbulu idjéi la minguta, mana omoto ati la ebete elangalake te, la ohomi. 21 MOto odi ongo odjakali motutiani monde, asia la Yesu mwalimo, dee mbai ikamokunda wawa. 22 Yesu a mwaselia ate: tutia mbai, dee wato waguake wakundane. 23 Yesu alingelia la molela ase watutiani wonde walingelia lainde mongindi. 24 Galagala ehoho esungu ehohali likolo la malia ndjongo malia mapotali olingeli la molela, ase Yesu adjakali la wilo. 25 Watutiani wandongbia ahue lainde wamosusolia la wilo, ase awaselia ate Likumu tokalesa iso! toguiya. 26 Yesu awaselia ate: alikambo lande ekowangaka ino ndjongo? wondimi wonu wodjéi wokeke nda ndenge? ndindjongo inde amalia apamelia eho atie e malia maligbutu ase djiesi kpàa ititimia logoo 27 Wato kpàa wahuelali ngbii ase wapotia wasi: oholo moto adjéi nda ndenge? alikambo ate ehoho la malia ma ligbutu mamotemeya inde? 28 Ango emali Yesu siwili eligbutu, la mokimo wabagadala, wato wale waumali lakabuli, wadjali ogbotononila inde. Wato wadjakali la wisisi wibe, wadjakali wobe ngbii ndjongo moto tweti atiengakali oleki la enge mboka. 29 Wapotali opami: Mana o Mwengéi obali nde atie su? odjiala alikambo la otoni iso eguele la enge engele eoniga Mwengei. 30 Ma wokeke egogo engulu esungu idjakali olaki. 31 Wisis wibe wamwongoli Yesu ndjo: inga obali oumbi la iso: totoma iso ndondo e egogo e ngulu. 32 Yesu awaselia ate: kekeni ase waumia atie wango wato wale waho, ase walingelia ndondo e wangulu galagala egogo esi kpàa watilia obangu tée la mokoli alikambo la olengeli ndondo e ligbutu ase walindia ongo. 33 Wabanéi wangulu watilia wakia ongo la moki ongo wasumbia mboli eho la loi lungo womi atie e wato wale wa wisisi wibe. 34 Ndjongo wato kpàa a wamoki wakia ogbotoni la Yesu Ango omweni iwo wamwongia ate alongwe la moki moho.
Chapter 9

1 Yesu alingelia la molela akpandia alidi siwili eligbutu, ase aumia ongo la moki monde mene. 2 Wamodjeliaa moto ongo olangali la epe akwesi dee ango weneli Yesu wondimi wou, inde aia la moto ongo okwesi dee:« Mana ombai, ate tetesa motema makasi! ilimbesi masumu ma owe. 3 Ndjongo wapundesi wapui wadi wadjakali omungoi la mitema mawu" oholo moto akomotangakolaka Mwengéi. 4 Yesu aewalima mungwene mawu, ase asia: alikambo lande edjéi ino la mamungwana mabe eheng ndenge la mitema manu? 5 Nda ebali ino okpomakpomi: ilimbesiga masumu ma owe awasi: amala ase pota osombi? 6 Ase ibali waweni ate mbai mana o moto idjéi la wokulu ahala la mokili la olimbesi masumu" inde asia la moto ongo oliti wenge amala, tota epe eowe ase keke la moki mo owe. 7 Moto oho amalia, ase akia la moki monde. 8 Ango weneli wato wasungu ungo loi wotali owangi ngbii, ase wa mwemeleli Mwengéi, alikambo ate awahiga wokumu ehenge ndenge atie wato. 9 Yesu angwali ongo ase ango adjakali oleki, amoenia moto mwesi nkombo ende Matia, adjakali wabati la bilo uputesi mamelo, Yesu aasea la inde:" tutia mbai!" Matia amalia ase amotuteiya. 10 Ango odjakali Yesu olaki la monguta monde, wato ebele wandombe wa mamelo la wato wabe wabatia la mesa la Yesu mongindi la watutiani wande. 11 Wafalisayo waenia ndjongo wasia la watutiani wande alikambo lande ekolakaka mwalimo monu la wandombe wa oputesimamelo ase la wato wobe? 12 Yesu aokia ndjongo: asia: wato wango wadjéi wenge wolamu watomolukaka monganga te, ndi wato wango wadjée la ekoni nde wakomolukaka monganga. 13 Kekeni okayapundesi djinge sambo yasi ekpata e Mwengéi ibali wouma ase ibaliti makao ma nama tumbake te la gesele, idjiti owaweli wato walamu te ase wato wabe. 14 Ndjongo watutiani wa Yoani mopatesi wakia atie Yesu, ase wamohuelia: Alikambo lande ekokilaka iso wafalisayo wilaka mbala ngbii? asewatutiani wa owe watokilaka te alikambo lande? 15 Ase Yesu awawongoselia omungoini ate wato wango wawaweli iwo la lipati la liwa la waengi odjéi la magba engele edjéi memene ongo owaweli? memene waengiti odjéi la magba te! ase wuse wungo wogeleli ango ekolongwa molome alipati ase wakokila olaki. 16 Moto tweti atosonoko esindje e gala la limbusu la engo eholi, inga te ndjongo esindje eholi ekosalakana enge e gala lipokosaka laho likodja lisungu. 17 Watosuaka Vino poli ndondo e saki e loposo wo gala te inga wakela ndjongo saki e loposo ekosalakana, vino ekosuakana ase saki e loposo ekobitana mpamba. Ase wakoswaka vino poli ndondo e loposo wungo woholi ndjongo eho kpàa ekodja wolamu. 18 Ango wasakali Yesu ndjoi djaho, likumu la wayuda mwesi akodja, amaya mauli liwoso lande ase asia Mana o mbai omoli aguia ndisikahala ase djaka omobatele ewo likolo lande alikambo ate akale. 19 Yesu alongoya amotuteya, ase watutiani wande wakia lainde mongindi. 20 Moli mwesi, ongo odjakali la oekoni eodoki makila mbuse e mosio; wilanga liomu la wiale ndjongo inde andongbali ahuela Yesu mbuse e mokongo, ase ahelia etindje ende. 21 Alikambo ate inde asia la motema inga ihela sa esidje ende ikokala. 22 Yesu a dendia mbuse amoenia asiate: Mana o mbai dja la motema makasi! wondimi wo owe wokalesi owe ndi la engele eho moli oho akali. 23 Yesu aumia la monguta mo Likumu laho, ango oweneli inde wato wabomi wamalinga alikambo la okiiakamohundi mana oho, ase wato ebele wato wadjakali okpomi etale. 24 Inde asia umani saa alikambo ate mana omoli aguiti te , ase akolalaka wilo wa mosekia ngbii. 25 Ango aumali wato saa, Yesu alingelia la monguta amohelia mana omoli oho ewo ase mana omoli oho aamalia. 26 Mboli eho esombia wiati pkàa la mokili mwesi ngoo. 27 Yesu alongoya ongo, ase engele enge edjakali inde weti ebete eesi, wato wagui maiso wale wapotali omotutei la opami tookela iso magba mana o Davidi! 28 Ango eumali Yesu la monguta, wato wagui maiso waumia ahue la inde ase inde awahuelia: Ondimini ate yengi oduholini maiso manu? wa mowongoselia: Ndjongo mwalimo. 29 Ndjongo Yesu awahelia la maiso, asia: Loi wokelame nda edjéi wondimi wonu? 30 ASe maiso mawu madukwania. Yesu awatekesia makasi inde awaselia okani wolamu, ewongi moto tweti atie wete. 31 Ase wakia wasia mboli e Yesu Wiati kpàa ndondo e miki maho. 32 Ango odjakali wato waho okiiwakadjia la moto mwesi otokpomaka te atie Yesu alikambo ate inde adjakali la molimo mobe. 33 Ango oumbali Yesu la molimo moho, moto oho apotia o kpomi: Wato waenia ndjongo wato ngbii wahuelia wasia ewenekiyo loi nda wohowu ahala la Isalaele. 34 Ase wa Falisai wasia adjéi Likumu la wisisi wibe, nde emohi inde wokumu wo woumbi la wisisi wibe. 35 Yesu alekali wibete kpàa ndondo e gbata la miki kpàa inde adjakali opundesi la monguta mowakongi mowu woasi mboli ndamu e wokumu ase adjakali okalesi wato kpàa wawikoni la wato wawodidi. 36 Motema monde mookali magba alikambo la wato ngbii wango wawenekeli inde, alikambo ate wato waho wadjakali olembi ase wadjakali la motema molitake nda nkondolo djinge idjangi modengi. 37 Ndjongo inde asia la watutiani wande pukapuka idjéi ngbii ase wato wawotomu wati ngbii te alikambo la osui pukapuka. 38 Ndjongo akongoni la Likumu la elanga awatome wato wawotomu ngbii alikambo la osui.
Chapter 10

1 Yesu awawelali watutiani wande liomu la wale, awahelia wokulu wo oumbi la milimo mibe, la okalesi wikoni kpàa, la okalesi wikoni kpàa, la wodidi wesi kpaa. 2 Ehele edjéi nkombo dja watomani liomu la wale oliwoso Simo nkombo ende edi Petele la manango Andele, Yakobi la manango Yoani, wona wa Zebedeo. 3 Pilipo la watolome, Toma la Matia, ndombe e mamelo, Yakobi mùana o Alafeo la Zadeo. 4 Simo moto obali moki monde la Yuda Kaliota, moto omohali Yesu atie mitone. 5 Yesu awatomali watutiani waho liomu la wale awahali miano ndjo: otikekeni la telitoamle ebete e wato wati wayuda te, wango wakoabataka ongo, otilingelakeni la gbata e wa Samalia te. 6 Ase kekeni atie wa Isalaele wango wawusi mboka nda kondolo. 7 La mboka, asakani wokumu wo likolo woumiga awue! 8 Wakalesani wato wa wikoni, wasekwisani qwato waguake wakelesani wato wamba la umbani la milimo mibe. Ino okondjini mpamba. 9 Otikakeni wolo, te wadjenge, te pukapuka dja wadjenge, la wopasa wonu te 10 Otitotakeni wopasa alikambo la wosombi wonu te, te simisi iwale te, te sapato te lingenda te. 11 Inga woumani la gbata esi te la moki mwesi, molukani ndi moto ongo okowemeleni ase abatani atie nde tendi wungo wuse wokolongwa ino ango atie nde. 12 Inga olingelani la monguta mwesi, asani logoo edje laino. 13 Inga wato wa wuhungo monguta wawoemeleni, ewongi logoo enu edje la iwo. Ase inga wawemeletini ino te longoseni logo enu. 14 Inga watona owemelini ino te owoki ino, la monguta mwesi ndjongo, te la gbata esi longwani la ehenge ebete ase huholani limungele la makolo manu. 15 Iwaselini loi wo memene: la wuse wo oteni huko, enguele e wato wa gbata eho ekodja monga oleki eguele e wato wa Sodoma lo gomola. 16 okani! yotomini ino nda kondolo ndondo e pange ndjongo, djani la wokenge nda ebili ndjo la logoo nda mbulu e pidjo. 17 Huakani, alikambo ate wato wakawaino la timilali la wakobinga ino liwoso, ino pimbo ndondo e monguta mo wakongi mowu. 18 Wakokawani ino liwoso la wakawi, ase la makumu alikambo la mbai, liwoso lawu la liwoso la wadjondji. 19 Inga waokawani ino liwoso la timilali, otibatakeni motema likolo te, alikambo loi wokwasa ino, te la ndenge e wasi ikohani ino loi lungo lokwasa ino. 20 Ndjoi djaho itouma atie nu te ase ikouma ma molimo mo sangbanu okoasa ndondo enu. 21 liwota wakolaana wawa akomoolà mana, wana wakoamalila wa sangwà, pé wakowaala. 22 watokpa wakootani, aloyi la kombo embayi kasi, ongo akonanga motema, akokalàa! 23 inga wodje betelemi la moki mwesi, ladjeiti mikii. iyowaselini meemené woti sombwani mokikpa mo isalaele hatanga engé adjakiya mana o moto. 24 Moyekoli atimwetaka molakisi mondé. 25 Ewandi wamondwe moyekoli nda molakisi moondé, wamowelali yoo memenè molako ate adjei likumu mo mutimombé; aseko laino wongo waabati à molako monde. 26 otiwangeni ema teeti easiti liwoso lanu tilingé liaasi etidjanga wewani eiwoso lanu litingé liaaisi etidjanga wewani liwosolasu. 27 asani lamoli motetelaké lingé li waaselalini mbai likolo lingé ni ewasalelalini mbai la dumbiani lamoli motetelaké likolo la milako. 28 dèeni owangi wango wakoolaka wengi, kasi watiolaka molimo, wangani wango wakolaka wengé la molimo la gehene. 29 watitambaka mbulu djà sèlè iwalé la makuta la cuivele? kaakwasé, emateeti ingélikuuma inga sangbanu atigéngé. 30 edjete motango mowusé mo moto mwewani. 31 ino awietini edingé mbulu la oyiti susele. 32 aseko, motongo otatolani mbai liwoso la wato kpa, mbai pé ikomotatola iwoso ewawa ombai adjei likolo. 33 inga moto awungana mbai liwoso la wato, mbai pé ikomoungana liwoso la wawa ongoodjei o likolo. 34 Oti mungoleni te ate idji odjabati logoo ahala la mokili idjiti odjabati logoo te, ase obati mopanga. 35 Idji odjabati okawani ndondo e wawa la mana o pele la sango, ndondo e mana o moli mongindi la nango ndondo e moli mongindi la nango molome onde. 36 Watonani wa moto wakodjaa ndi wato wa liwota lande mene. 37 Moto omobali sango, te nango oleki mbai, moto oho aengiti la mbai te moto omoali mana opele te mana onde omoli oleki mbai moto oko aengiti la mbai te. 38 Moto ongo okpaliti kuluse eende te la otutei mbai te moto oho aengiti la mbai te. 39 Moto obali obanei mokalo monde akowotilesa woho ase moto okotilesa mokalo monde la gbondo e mbai akokondja woho alidi. 40 Moto okowemekeni ino akoemeleke mbai, ase moto okoemeleke mbai, akomoemeleke moto ongo otomali mbai. 41 Moto okomwemeleke mwaseli mo Mwengéi alikambo moto oho adjéi mwaseli mo Mwengéi akokondja esuki e liputi la mwaseli oho ase moto okomwemele moto memene liwoso la Mwengéi alikambo moto oho adjéi moto memene liwoso la Mwengéi akokandja esuki e liputi la moto oho. 42 Yasi la ino loi wo memene moto okomoha moto mwesi etotu esi e malia madekeke atie moto mwesi mokeke ndondo e watutiani wambai alikambo ate moto oho adjéi motutiani mo mbai, akokondja liputi.
Chapter 11

1 Ango oseselali inde owapundei watutiani wande liomu la wale inde alongoya ongo la okii owapundesi la owaseli ndondo egbata la moki moho. 2 Yoani Mopatesi adjakali la woyogo, ase aokia mboli etomu dja Kilisito, ndjongo inde awatomia watutiani wande wadi. 3 Alikambo la omohueli Yesu odjéi moto ongo wewi iso ate ageleli inga te ndjongo tomolambele odi ongo ongoli? 4 Yesu awawongoselia: kekeni omwaseli Yoani loi wungo woeni ino la wungo wooki ino. 5 Wato wagui maiso waenia wato wabukakani makolo wasombia, wato wa mbala wakalia wato wadikami matoi wopotia ooki, wato waguake wasusoya ase wato wango wadjangi wa okia mboli ndamu. 6 Mwemu la moto ongo okobamiaka wondimi wonde. 7 Ango okeli watutiani wa Yoani mopatesi, Yesu apotia wasi loi wo Yoani atie wato ngbii okadengakini nda loi ongo la lisobe? etale enge ekoninganesaka ehoho? te? 8 Ndjongo okelini odendi nde? moto ongo okali wisindje wilamu? ase wato wango wakpali wisidje wilamu wadjéi la minguta ma makumu. 9 Nde ndjongo okelini okadendi nde? mwaseli? memene yasi la ino okelini omweni moto ongo omoleki mwaseli. 10 Te la gesele Yoani adjéi moto ongo wasi ekpàata e Mwengéi alikambo lande: Mwengéi asiate imotomi toma o mbai liwoso la owe alikambo la odukoli mboka alikambo la owe. 11 Yasi la ino loi wo memene: ndondo e wato, moto tweti te adjali mosungu omoleki Yoani mopatesi. Ase moto ongo odjéi mokeke ati ndondo e wokondji wo likolo adjéi mosungu omoleki inde. 12 Obandi ndiango engele enge easakali Yoani mopatesi tee ndi kekehele, wokumu wo likolo wokondji nga monga ase wato wa paima wokolukaka opwesi woho. 13 Waaseli kpàa la pui dja Moize yasiga loi wo wokumu wungo wodji la engele e Yoani. 14 Ase inga obalini ondimi mbai Yoani adjéi Elia ongo wasali iwo ate akodja. 15 Okani wolamu inga odjéini la matoi. 16 Ikowakokesa wato wa ehele engele landai? wadjéi nda wana wango waabati ebete e lihoo, enge wabolei wesi wakopamaka la wungo wodi ate; 17 Toobomeli ino misiki, ase otiwineni te tolembaleli ndjembo dja magba, ase otilelalini te! 18 Alikambo ate Yoani mopatesi adjali inde atilakali la atikengali Vino te, ase wato wasiate: inde adjei la esisi ebe. 19 Mbai mana o moto idji ga ikolakaka la ikokengaka ase wato waasia: modendani oholo moto akomungwaka sa wolaki la okengi Vino. Inde aewani la wa ndombe wa mamelo, la wato wabe! ase lokenge wo Mwengéi wokoeneneke memene alikambo likokelaka inde djinge sambo. 20 Ndjongo Yesu apotia ogbongeli miki mingo mikeliga inde maahuele ngbii ndondo eho alikambo ate wato waho watihengeseli mitema te inde asia. 21 Magba la owe Korasini! magba la owe Betesaida alikambo ate inga wiaahueli ehele ndenge wiumiga atie nu, wiumali la Zire la Sodoma, gala wato wa mihinge miki wakpali ga saki ase wasuiga misu la mito mau, alikambo ohengesi mitema. 22 Alikambo la ndjo, yasi la ino, la wuse wo oteni huko eguele enu ekodja makasi oleki eguele e wato wa Zire la Sidona. 23 Ase owe Kapalanaumu omungwaka ate akoatelesa la oumi likolo okouma sese tee la lifelo: alikambo ate inga wiaahueli ehele ndenge, wiumiga atie owewi wumiga la Sodoma nda gbata eho eumali tee kelekele. 24 Alikambo laho, yasi la ino la wuse wo oteni huko eguele enu ekodjamakasi oleki enge e Sodona. 25 La engele eho, Yesu asia o wawa, Likumu la likolo làlá mokili, yohekeli kekedinge alikambo ate wenesiga atie wana loi wungo woisi owe atie wato wa lokenge, ase wato waho waewi ga opundesi. 26 La memene wawa edjéi ndjongo alikambo ate wonoli ndjongo la obali ndjongo. 27 Wawa abatiga wiho kpàa la wawo ma mbai moto tweti te a mwewiti mana ndi wawa omwewi ase moto tweti te amwewi wawa ndi mana omwewi inde, ase wato wango wa wabali mana owaewesi atie sango. 28 Ndjakani atie mbai ino kpàa wango walembi la mikpali ase ikohomesani ino. 29 Kpalani tomu dja mbai ase hekeleni mbai mboka ikopundesani ino alikambo ate idjéi la motema pete la wa telesi té, ase okokondja la ebete ehomake la ino mene. 30 Okpali wotomu wungo wokohani mbai woti makasi te ase mokpali mokokpalesani ino mbai moliti.
Chapter 12

1 Mbuse engele ekeke, Yesu adjakali oleki ndondo e elanga e wopunga wuse wo ohomi watutiani wande waokia ndjala wapotia ogbololi wopunga la olaki pukapuka djaho. 2 Ango weneli wa Falisai loi loho, wasia la Yesu: Denda watutiani wa owe wakokelaka wotomu wuse wo ohomi, loi wungo wotekesi pui djasu. 3 Yesu asia la iwo: otitangakeni yo te sambo djinge ikelali Davidi wuse wesi wungo wodjakali wato wande la ndjala? 4 Inde alingelali la monguta mo Mwengéi ase watidjali la obalesi wo olaki mapa maho te. pui djaho ibalesi ndi la wanganga Mwengei. 5 Alidi otitangalini ndondo e pui dja Moize ate; la wuse wo ohomi wanganga- Mwengéi wahawa ndondo etomu dja monguta ma Mwengéi watotemi aka pui la wuse wo okomi te ase wati la lisumu te? 6 Ase yasi la ino, ema esi enge edjéi ala enge eleki wasungu olaki monguta mo Mwengei. 7 Inga wewakini gbondo esambo dja ekpata e Mwengéi nda asi eho: ibali wouma ase ibaliti makao ma nama mango makohaka iwo, nda wengitini owasambesi wahawa wato wati la loi te. 8 Te legesele te mbai mana o moto idjéi Likumu la wuse wo sabata. 9 Yesu alongoiya ongo, alingelia la monguta mowu mowakongi. 10 Moto mwesi adjakali ongo ewo ende egui. Wato wango wadjakali ongo, wadjakali omotioli Yesu nda inde nde okeli wobe: la ndjongo wamohuelia Yesu pui dja su indimi omokalesi moto wuse woohomi? 11 Yesu awaselia inga moto ndondo esu adjéi la kondolo esi mpamba, ase inga kondolo esi mpamba, ase inga kondolo eho ekwa la liwela lilindi wuse wo ohomi, inde atolingela ongo la woumesi kondolo eho? 12 Motio mo moto modjéi ngbii oleki kondolo! ndjongo pui dja su indimi okeli olamu. 13 Ndjongo Yesu asia la moto oho: Djaka la ewo e owe inde amohelia ewo ase ewo ende ekalia nda enge edi. 14 Walisayo wakia, ase wamungo ya nda ndenge engi omohekeli Yesu. 15 Ango wewali Yesu loi loho, inde alongoya la ebete eho, ase wato ngbii wa motuteyainde inde akalesia wato kpàa wawikoni. 16 Ase Yesu awahali iwo wokulu wo owaewesi iwo inde adjéi ndai. 17 Edjali ndjo alikambo la woengesi loi liungo wasali mwaaseli Isaya. 18 Mwengéi asi: oholo adjéi mosali mo mbai ongo omwonoli mbai, moto ongo omobali mbai ase ibati mwemu kpàa mo mbai atie nde. Ikohekele molimo mo mbai mokotikala likolo lande akoenese atie e tomu huko djinge ibali mbai oteni. 19 Atoswa la moto te la atopama te wato moka te okpomakpomi la mboka. 20 Atoso litaki linge liyaimbi la atola mwinda mungo mopotia olimani akokela ndjongo tee ndi alongesiga womemene. 21 Ase witondo kpàa wikobata mamungwene mawu ndondo ende. 22 Ndjongo wadjia atie Yesu la moto mwesi ongo ogui maiso, la atiengali okpomi te la inde adéi la esisi ebe Yesu amokalesia moto oho ase apotia okpomi la woeni. 23 Wato kpàa waahuelia la wasia inde aengi odjéi mana o Davidi. 24 Ango ewa okali Wa Falisayo wasia: oholo moto akoumbaka la esisi ebe, alikambo la Beledjebului Likumu la wu akomohaka inde wokulu! 25 Ase Yesu aewali mamungwene mawu, ndjongo inde asia la iwo la wokumu kpàa wungo wokosanaka wato waho ndondo ewu mene gboo eho edjéi logo. Gbata kpàa te mawota kpàa mango wato waho te woabolei wou wakosanaka ndondo ewu mene, wato amala te. 26 Inga Etota aumba inde akosanaka la inde mene. Ndjongo wokumu wonde wokoamala nda ndenge? 27 Okomungwakani ate mbai ikoumbaka la wisisi wibe alikambo la Belezehuli akohaka mbai wokulu. ndjongo ndai okohaka okulu atie wayekoli wanu mongindi? 28 Kasi inga la okulu e Mwengei ekowumbaka mbai la, likumu la Mwengei edjei etie ino. 29 Alidi nda ndenge moto akoki lingeli la molako mo moto otetelake apuese iho, ndji atimo eheyo ongo moto motetelake. 30 Moto ongo oti la mbai mongindi te akosanaka la mbai moto ongo ogamesitiaka mbai te la okongoli djinge ikoandjaka inde akaa ndjaka. 31 Alikambo laho, yasi la ino wato waengi olimbesami alikambo la masumu kpàa ase alikambo la sambo kpàa djinge ikoasaka iwo ase moto ongo okoasaka sambo mbe atie molimo monsato, atolimbisama te. 32 MOto ongo okoasaka sambo mbe atie mana o moto akolimbisama ase moto ongo okoasaka sambo mbe atie molimo monsato atolimbisama te, te la ehele engele, te le engele enge egeleli. 33 Alikambo la okondji pukapuka ndamu eongi odje la motema molamu inga odjani la mote mone, okodjani la pukapuka mbe alikambo ate wato wakoewaka mote la ndenge epukapuka djinge ikowotaka mote moho. 34 Ino okani nda ndenge engi ino wasi sambo ndamu ase ino odjéini wato wabe? alikambo ate monoko mo moto mokoeneseke sambo djinge itumi la motema monde. 35 Moto molamu alikambo la wodjenge walamu la motema monde, akoumesaka sambo ndamu, moto mobe alikambo la wadjenge wabe la motema monde akoumesaka sambo mbee. 36 Yasi la ino la wuse wo oteni huko wakowasambesa wato alikambo la woasi wou ndjongo ndjongo la mango masi iwo. 37 Alikambo ate wakotena huko e owe, nda ekoasaka owe inga odje la huko te inga oti la huko. 38 Ndjongo wato wadi la wapundesi wa pui la wa Falisayo wasia la Yesu: mwalimo, tobali towene owe okele eaahuele. 39 Yesu awawongoselia ndjo: wato wa ehele engele ekéké wati wato wango wakoahelelaka la wondimi wou te atie Mwengéi wako ongoko eaahueli,ase Mwengéi atowaha iwo eaahueli teeti te, ndi enge emohali Yona. 40 Te la gesele te, nda elangalali Yona masio masato la makolo masato ndondo solo djasu sungu, ndi ndjongo mbai mana o moto ikolangala masio masato la makolo masato ndondo e mbume. 41 Wuse wo oteni huko, wato wa Ninive wakoamala liwoso la wato wa kekehele la wako wasambesa iwo alikambo ate wa hengeseli motema ango okali iwo woasi wo yona. 42 La wuse wo oteni huko, Likumu la moli o Sudi akoamala la owasambesi wato wa kekehele, la akowahela iwo alikambo ate inde alongwali la moki mo lihiele la oki sambo itumi la lokenge lo Salomo ase ema esi edjéi ahala esungu omoleki salomo. 43 Ango oumiga molimo mobe atie moto inde akokeke ase akowongwaka la wibete wiomake oluki ebete ehomake inga atigbote eho te. 44 Inde asia iwongwe la monguta la ebete enge elongwali mbai inde awoya ongo ase agbotia wonguta modjéi wohola ndi wakpasiga la wa wongeliga moho wolamu kpàa. 45 Ndjongo inde akia ototi milimo sambo wadi omoleki inde la wobe wawongoya mongindi ase wabatia ongo edjéi ndi ndjongo ate gboo emoto oho ekodja wobe oleki ongo oliwoso loi wokodjaa ndi ndjongo alikambo la wato wabe wa kekehele 46 Ango edjakali Yesu wasi yo la wato, nango la wamanango woumia wamalia ongo saa la wadjaki oluki okpomesani la inde. 47 Moto mwesi amwaselia Yesu oka ngua la wamangua waamali ongo saa ase wabali okpomesani la owe. 48 Yesu amowoselia ongo moto nda moto odjéi ima la wa manima wadjéi wa ndai? 49 Mbuse eho inde alongosia ewo atie watutiani wande asia: Dendani ima la wamanima wadjéi ahala, 50 Moto okokela nda ebali wawa o likolo, moto oho adjéi manima opele, la manima o moli.
Chapter 13

1 La wungo wuse mene, Yesu apumdesi la monguta asee akabatia kelekele e ligbutu alikambo la opudesi. 2 Wato ngbii wabolea ahue la inde, la ndjongo inde alingelali la molela, abatali ongo wato wamalia kelekele e malia. 3 Yesu adjakali wasi masekpe alikambo la wasi la iwo, sambo ngbii, ndjinge yasakali inde laiwo moto mwesi apumbali okii okaoni pukapuka. 4 Ango odjakali nde olumbakoli pukapuka djadi ikwakanali kelekele e mboka mbulu iumali mine idjilakia. 5 Esuki edi ekuali la ebete e mabanga la ebete enge etidjake mbume sungu, pukapuka itoli gala alikambo ate mbume itidjake sungu te. 6 Ango ebatali moi molongosia kasi djaho, ase kasi djaho yomali suaa alikambo ate ndjili itibekakolali te. 7 Esuki edi e pukapuka ikwakanali ndondo e keke keke iumali ihelali kasi ndamu djaho. 8 Ase pukapuka djadi ikwakanali ndondo e mbume ndamu, ase iwotali pukapuka djadi iwotali pukapuka kama esi, djadi tuku isato. 9 Yesu asali alidi: okani wolamu, inga odjéini la matoi. 10 Watutiani waumia ahue la Yesu ase wamohuelia: alikambo lande ekopomaka owe la iwo la masekpe? 11 Yesu awawongoselia ino okondjigani lokenge lowewi sambo djinge iyasi ndondo e wokumu wo likolo, wa wato wakondjaki yo woho te. 12 Alikambo ate moto ongo odjéi la wadjenge akokondja wadi ase akodjaa la wadjenge ngbii, ase moto odjéi la waho wakeke, wakopuesa ndi wango wadjéi inde la waho wakeke. 13 Alikambo laho likoasaka mbai la iwo la masekpe alikambo ate wakodendaka ase wenitiaka te, la wakokaka, ase waokitiaka gbondo eho te. 14 Ndjongo ndjoi dja mwaaseli Isaya maengesame: alikambo lawu la wasindjo Mwengéi asi okani wolamu ase otoewani gbondo te okodengani wolamu, ase otoeneni te. 15 Te la gesele molimo mo waha wa wato moumiga ndou,wadihiga matoi mawu, wanangiga maiso mawu alikambo ate maiso mawu matiene te ase matoi mawu matioke te, alikambo molimo mowu motiewe gbondo te alikambo ate watia ndondo e ahue la mbai ase iwakalese. 16 Ase ino, mwemu modjéi la ino, maiso manu makoeneke, ase matoi manu makokaka! 17 Ikwasaka la ino loi wo memene: waaseli gbii la wato ngbii wa Mwengéi wabalali weni luhulu loi wokoeneke ino, ase watieneli te la wabalakali oki luhulu loi wokaka ino, ase watiokali te. 18 Ndjongo okani gbondo e lisekpe la moto o woni. 19 Wato wa woki loi wo wokumu wo Mwengéi ase waewiti gbondo te, wadjéi nda kelekele e mboka ebete ekwali pukapuka: Etota adjia alongosia loi wungo wokwi la mitema wawu. 20 Wadi wadjéi nda mbume dja mabanga, mango makwi pukapuka ndondo eho, wakokaa sambo ase wandimia la mwemu. 21 Ase wakodeke sambo djinge ikolingelaka la mitema mawu te, wakoakelelaka maho sa engele ekeeke. Ase inga ekoni euma te wodidi alikambo la loi wo Mwengei. 22 Wadi wadjéi nda pukapuka ndondo ekeke: wakali loi ase mamungwene ma mokalo mamuhumu moki, la mwemu la wikosako wawa djenge enangami la sambo djaho, ndjongo wawotiti pukapuka te ndjongo wawotia pukapuka. 23 Ndjongo wato wadi wakondji pukapuka la mbume ndamu waoki loi ase waewi gbondo eho. Djadi kama esi djadi tuku motoba, ase djadi tuku isato. 24 Yesu awaselia lisekpe ladi: wokumu wo likolo wodjéi nda ema enge moto mwesi aonali pukapuka ndamu la elanga ende. 25 La likolo ango odjakali wato kpàa la wilo, motone mo moto oho adjia aonia wisoki wibe ndondo engano, ase akia. 26 Ango otoli ngano ase iwotia pukapuka, wisoki wibe witoiya koto. 27 Wato wa wotomu wa memene elanga wapotia wasi la inde likumu, onali pukapuka ndamu la elanga e owe ndjongo wisoki wibe wihiwi widji eni? 28 Inde awawongoselia: motone nde okelali luhulu loi ndjongo wato wa wotomu wamohuelia inde obali ate toke olongosi wisoki wibe? 29 Inde awaselia iwo: te alikambo ango okolongose ino wisoki wibe, okolongoseni koto ngano. 30 Deni djaho eume mongindi te ndi engele ekotena ino pukapuka engele ehonde ekoasa mbai la wato wa wotomu waoteni pukapuka liwoso longoseni wisoki wibe, ase owinangeni ma wokema woke alikambo la omatumbi, mbuse eho okolingesani ngano la monguta mo mbai mo woisi pukapuka. 31 Yesu awaselia iwo lisekpe ladi: wokumu wo likolo wodjéi nda pukapuka e mositade, enge etotali moto, aonia ndondo e elanga ende. 32 Idjéi pukapuka kekekeke oleki pukapuka djadi kpàa ase inga itoiga idjéi wisoki wiesi wileki wisoki wiumia mite ndjongo kpàa mbulu iumia okeli wilako wau likolo la wite waho. 33 Yesu asia la iwo lisekpe ladi wokumu wo likolo wodjéi nda le Vire enge etoti moli, ase awanesia djaho ebete eikima la kilo tuku iwale la itano dja Farine tee ndi engele enge ekovimba mapa kpaa. 34 Yesu adjakali osololi la masekpe alikambo la woasi sambo djinge kpàa atie wato ngbii; inde atiasakali la iwo te inga atiase la masekpe te. 35 INde akelakali ndjongo, alikambo aengese la wungo woasali Mwaseli ikoasa la iwo ndi la masekpe ikoasa la iwo sambo djinge iyaisi olongoi te engele e okelami wo mokili. 36 Ndjongo Yesu awadeya wato ngbii ase alingelia la monguta.Watutiani wande wakia atie nde ase wasia twasela iso gbondo e lisekpe la wisoki wibe ndondo e langa. 37 Yesu awa wongoselali ndjo: moto owoni pukapuka ndamu djéi mbai mana o moto. 38 Elanga edjéi mokili, pukapuka ndamu enesi loi lo wato wango wadjéi wato wa wokumu wisoki wibe enesi loi lo wato wango wadjéi wato wa Satana. 39 Motone mo oni wisoki wibe edjéi Satana.Engele e oki pukapuka edjéi gboo e mokili wato wa oluiki pukapuka edjéi waumbwa. 40 Nda elongosi iwo wisoki wibe alikambo la olumbi la misa, ekodja ndindjongo engele e gboo e mokili. 41 Manango o moto akowatoma aahumbwa wande wakolongose ndondo e wokumu wonde wato wa wikosako, wato wango wakokelaka maumu, wato wango wakokelaka wobe. 42 Ase wakowalumba ndondo le pulu ebete ekolela iwo la okpemeseni maino. 43 Ase; wato wa omotemei Mwengéi wakongala nda moi ndondo e wokumu wo sangbau. Okani wolamu, inga odjéini la matoi. 44 Wokumu wo likolo wodjéi nda wadjenge wayaisi la elanga. Moto mwesi agbotia wadjenge waho ase awasia alidi inde adjéi la mwemu, ndjongo nda ekii inde okatambi wiho kpàa winge widjéi inde la waho. 45 Alidi wokumu wolikolo wodjéi nda moto ootambi, ongo okolukaka mayaka mabanga ma motio mosungu. 46 Inga agbotiga liesi laho linge la motio mosungu inde akia akatambia wiho kpàa winge widjaki inde la waho, ase asombia libanga laho. 47 Alidi wokumu wo likolo wodjéi nda woya wosu, wato walumbia ndondo e ligbutu ase woya wohelia su ndenge la ndenge. 48 Inga itumiga, wato wa oluki su, wakogula wohokelekele e malia ase waabati alikambo la wonisu wabate su ndamu ndondo e modjangi ase walumbe su mbembe ndondo e malia. 49 Ekodjaa ndjongo engele gboo e mokili: waahumbwa wa kodja olongosi wato wabe ndondo e wato walamu. 50 Alikambo la owalumbi ndondo emisa lapulu, ongo wakolela la okpemeseni maino. 51 Yesu awahulia: wewigani loi loho woesi kpàa? 52 Ndjongo wapundesi kpàa wa pui wango waumia watutiani la wokumu wo likolo, wadjéi nda moto o wadjenge ongo omesi ndondo e wadjenge wande wiho wikoli la wiho wa gala. 53 Ango asesali inde wasi mango masekpe maho inde alongoya ongo. 54 Ase akia la gbata ebete enge ebekali inde inde apotali opundesi ndondo e monguta mowakongi mo wa Yuda la ebete eho, ase wato kpàa wango wadjakali ango wahuelali ngbii wadjakali woasi lainde akondji wungo wokenge eni? ndenge engi inde okeli wamohue enge ndenge? 55 Inde ati mana o sabate te? nango ati Maria te? wamanango Yakobo,Yosefu, Simoni la Yuda te? 56 Ase wa manango wa wali wati ndondo esu te? inde akondji wokulu wungo eni. 57 Ase enge ewahali iwo omondimi inde, ndjongo Yesu asia la iwo: mwaseli akokondjaka etemia wiati kpàa ase adjangia waho ndondo e gbata ende mene la ndondo e liwota lande. 58 Ongo inde akelali wiahueli ngbii te alikambo la wondimi wou.
Chapter 14

1 La enge tango, elode moaneleli mo aokia mboli e Yesu , aasia la watutiani wandé: idjei yowane mobatisi! 2 abasia la wagwi,edjei ndjongo ndé moto akokeleka waahueli. . 3 Aloi helode ndé amohelesali Yowane, amolingali, amobatalia la ogogo alikambo Helodia, moli ofilipo maanango à loyi te yowane amowaselali tè ati mototé ndà moli. 4 alukali omoholi, kasiadjaali owangi wato, aloyi wadjaali oweni yoane nda moeni sambo. 5 alukali omoli kasi adjali owangi wato, aloyi wadjaali oweni yowane nda Polifeta 6 Tango wadjaki owongeli feti a owotami é Helode; mana omoli O helodiasi awinia liwosonla wato, Helode ayemelia, 7 Ekiatée amowunelia la olapi la omohi éngé ekoonga indé kpaa. 8 oyokia ndengé emowaseli na ngo aasi mauselia: Ha mbai moto é yoane mobatisi la saani. 9 Likumu awumia magbai; kadsi odhéndi ndé olapi ondé la maiso ma wato. 10 awongia tè wamohè, aatomia à wamotené Yoane ongo la egogo. 11 moto mondé wakia leho a asani wa mohia manomoli adjei ohi nango 12 Wayekoli wa Yoane wadjia ototi wengé wandé wakia okundi, wadjia omosumbeli Yesu mboli. 13 ango eyokia Yesu a njongo atelia masu wa akia ma lihelé ebeté emanganga; ase wato waumia woewi woho ndjngo wapumbia la mokila mo tetedja inde la makolo. 14 Tango epumbia indée a andondoli, aonia wato ngbi, awa okelia magba, akalesia wakoni. 15 kolokolo é djea ewolo emanganga, limbilé likia wayekoli wa moaselia: wongola wato wake; wakasombi ilaka. 16 yesu awawongolelia: wakokiti ; wahekelini ino amene ilakà. 17 wa mwaselia : todjei ndi la okoke itano lasu iwale. 18 aasia : djakani leho. 19 awa batisia wato la isoki, abandeli mapa itano la su iwalé, atombolia maiso likolo, apambolia. abukia okoke aleti ahia la wayekoli wandé, wakabolia la wato. 20 iwokpa walakia pé wa gbetia aleti wa onia ikolo nkoto iwalé engé etikalali. 21 wango walakali wadjali oweti nkoto itano ewato té otangi wali la wana. 22 Mbuse aasia la wayekoli wandé watelé andondoli pé wake liwoso landé léeti ngambo emalia, indé awongose wato. 23 tango ewawongosia, atelia mokoli, aloyi tè bondeli ma lihélé ; aleti pkwa edjaali, adjali indé amene 24 andondoli edjaki ndondo emalia, mbongé ewadjaalia, aloyi ehoho edjaki odjei eeti ngambo. 25 ewumia ngo,nga ineyi elikolo, yesu awadjelia akosombaka likolo e malia. 26 ango eenia wayekoli tè okosombakà likolo e malia watumali, waasia: edje etota ! aleeti, la owangi ewu wa bandali odhumbeyi. 27 yesu awaaselia ndimani tè edjei mbai. 28 Petelo amoongoselia: likumu, inga edjei owè, ndimate edjè etiowe la makolo. 29 yesu aasia : djakà! petelo alongoya aandondoli, adombia likolo emalia akiya ngambo e yesu. 30 kasi owenité ahoho edjaki oweli owangi ; ndengé ebandaki indé odji, abandi olindi, adumbia : likumu, kalesa mbai. 31 Yesu anonolia ewo, amohelia, amoaselia: moto oondimi keke, woni otindimé owo? 32 wartelia a andondoli, ehoho esilia . 33 wango wadjakli ndondo é andondoli wadjia okwi amakolo ma yesu wamoaselia: odjei meemene mana o Mwengei. 34 Mbuse wadjia a moki mo nazaleti. 35 wato waengé ebeté; wamoewa Yesu wa tomia mboli kelekele eyiwo wadjelia wato wa ikoni. 36 aasaliatè wahele saa esuki esindje endé . wango wadjaki omoheli.
Chapter 15

1 Mbuse eho wa Falizeyo la wa tiesakoli wa mibeko wadjali la Yelusalema ogbotoni la Yesu pe waaasia. 2 Woni watutiani wa owe watitosaka o tata wungo elongoyi la wato wa gala? 3 Awawongoselia;" ino pe, ndjoni ekobukaka ino sambo dja Mwengéi la gbondo e otata onu? 4 La ndenge eho, Mwengéi aasali ate motemia sangwaa la ngwa, alidji: ongo okwasa obe atie sango la nango akotota etumbu e logo. 5 Kasi ino oasini ate: moto ongo okohasa inga la sango te la nango linge likokaki mbai oohi lidjéi libondja atie Mwengéi. 6 Aengiti la omotemei sango la nango. Olongosia likPomeli e Mwengéi la tina e otata wonu. 7 Wakosi, Izaya asakoli olamu la tina enu, ango eyasali inde. 8 Wawato wakoyaheneseke nda wato wa mbai wakotemiaka mbai la minoko, kaiko mitema mahu midjéi lihele la mbai. 9 Wakokotemiaka mbai ndenge e ikosako, la ohekeli mateya mango madjei mibeko ma wato. 10 Yesu awawelia wato pe aasia: ndjokani mbai pe tenani gbondo olamu. 11 Eti djinge ikolingelaka la monoko ndjawo ikoumesaka moto osoto, kasi winge ikopumbaka la monoko. Ehonde likoumesaka moto osoto. 12 Mbuse watutiani wande wayandongbia pe wa mohaselia:"oyewi ate wa Falizeyo wayatungesaali la ooki mango makpomi? 13 Awongosia mote kpàa mungo mooniti wawa o likolo mokotenama. 14 Waadhee wadjéi wagbii maiso wango wakosumaka weti wagbi maiso mboka, inga mogbii maiso akosuma oweti mogbi maio, wakokwa iwo kpàa ndondo e liwela. 15 Petelo atotia makpomi pe amohaselia" tsosolisa li lisekpe. 16 Yesu aasia" Ino koto, odjéini yo la odjangi okenge? 17 Ososolaki yo ni ate djinge ilingeli la monoko likokeke la solo, mbuse ikoke la linee? 18 Kasi ndjinge ikopumbaka la monoko lidjii la motema, djawo ikopumbaka la monoko lidji la motema djawo ikoumesaka wato osoto. 19 La ndenge eho, la motema nde ikodjaka mamungo mbee, ooli wato, ikobo, osono ohuanesi wenge moli la motopele,iwa, oasi obe la tina e moto, okpomi la moto obe. 20 Ene linge likoumesaka moto osoto; kasi olaki odjangi okpoli mawo, linge litiumesaka moto osoto. 21 Yesu alongwali ango pe akeeli la moki mo Tyli la Sidona. 22 Moli mwesi o kanana ongo odjaali la enge ngambo agbamali"Ndjoka magba, Likumu, mana ombai omoli akotungesamaka la etota eesi" 23 Atimowongweselali loi te loi kima, watutie wayandongbia pe wamoweelia"Mowongosa, la la loyi ate akohumbaka pui mbuse esu. 24 Awongosia" Itomamali la tina e meme ndjinge iwungi la liwota la Isalaele." 25 Kasi ongo moli adjia pe amayia mahuli liwoso la inde ahasia"Likumu, sunga mbai." 26 Awongosia" Eti olamu ototi okoke o wana pe owalumbeli wana wa mbwa. 27 Ongo moli aasia," Ndjongo Likumu, kasi wana wambwa wakolaka ilakelo djinge keke keke ikokwaka sese e mesa e Likumu lawu." 28 Mbuse Yesu amohaselia"Moli, oyambi oowe odjéi osungu, ekelame ndenge ebali owe" obandi enge tango, mana onde omoli akalia. 29 Yesu alongweya enge ebete pe akia kelekele e Ligbutu lisungu la Galileya. Atelia la mokoli ayabatia. 30 Wato ngbii wayandongbia atiende, ndondo ewu edjakali la watenguli, wato wagwi maiso, wabubu, wato waiketi pe wato wadjeti ikoni ndenge la ngenge, wadjia la iwo atie Yesu awakalesia. 31 Wato kpàa wahemelali oheni wabubu okpomi, wato wa iketi wa kalia, watenguli wasombia olamu, wato wa lolanda waenia, wamotemeiya Mwengéi o isalayele. 32 Yesu awawelia watutieyi awahaselia"Itumi la lomungo la tina e wa wato la likambo ate wakelia masio masato ndi wadjéi la mbai kasi wati la ema elakake. Ibaliti owawongoli la ndjala, la mbangi watilembe la mboka." 33 Watutieyi wande wa mohaselia"Nda ndenge e koki iso odjwi ehele ebete e manganga ndjo makoke laate wa wato ngbii ndjo walake? 34 Yesu awahuelia "Odjéini la makoke maenga?" wamowongoselia: sambo. 35 Mbuse wabatesia wato la mbume. 36 Atotia makoke sambo la suu, mbuse ende omotondi Mwengéi, awahekelia watutiani wande, wahekele wango wato kpa. 37 Iwo kpàa walakia pe wagbetia, mbuse eho wabatia djinge itikalaki la isaka sambo. 38 Wango walakali wadjakali wato koto inei, owalongosi wali la wana. 39 Mbuse awongosia wato, atelia la wato pe akakia la moki mo Manganga.
Chapter 16

1 Wafalisayi la wasa dukayi wa djia atie yesu, la ate wamobate la sambo, wamoweelia ate awahenese sambo dja likolo. 2 Yesu awawongoselia: la kolokolo, okohasakani ekodja olamu, la lokambo ae lipata lidjei lil:angake; pe boo. 3 Mopepe mo ewongo mokokela keke, la likambo ate likolo lilangiti; wato wayaisak;e; oyewini ososoli likalo kasi oyewiti odendi sambo ekosombaka tango. 4 Wana wa tango mbe alidi wa ekobo wakolukaka ohoni wikamwa, otihane djeti ikamwa nda enge e yonesi mosakoli mbuse alongoya atie wu pe akia. 5 Tango e kpandia iwo ngambo aatie malia; watutieyi wande wawosanali ototi mapa. 6 Yesu awahaselia: huakani, otiyaheni la llaka ma wafalisayo la wadukayo. 7 Wayekoli wa mungolia ino amene pe wahasia: ahasi ndjongo ndenge etotiti iso lipa. 8 Yesu, la oyewi mamungo mawu, awahaselia: wato wa oyambi okeke, nda ndenge ekomungolaka ino ndi inomene la ndenge etotiti ni ino mapa? 9 Ososolaki yoni alidi omungoliti kine mapa matano djinge ilaka ate wato 5000, ikolo iyenga ikpala ate ino, 10 Te mapa sambo mango malaka wato 4000, ikolo yienga ikpala ate ino? 11 Ndandenge etisosoli ino eti la tina e mapa ekpomi mbai la ino? otihahe ni la ilaka ewa falisayo la sadukayo. 12 Sikandjo wasosolia ate etindje la tina e famini e mapa ehasi Yesu la iwo ate wati yahe, kasi la tina mateya ma wa Falisayo. 13 Yesu awumia la moki moselaleya e Pilipo. awahuelia atie wande: mbai idjei ndai, ndenge ekpomaka wato, mbai monga moto? 14 Wamowongoselia: ndamo e wato wakohasaka ate odjei mobatesi; weeti ate odjei Eliya, weeti koto ate odjei Yelemia, odjei mosakoli mwesi. 15 Inoko, oyewi ni ate mbai idjei ndai? awahueli. 16 Simoni awongosia: odjei Masiya, Monga Mwengei o bomoi. 17 Yesu atotia ikpomi, amohaselia; odjei olamu, Simoni, monga Yonasi, la likambo ate eti lobundo la wato loohenesi ndjongo, kasi wawa ongo o likolo. 18 Mbai, iwohaseli ate odjei pe likolo e libukeli ikomaa Eyamba, e mbai, milihe dja masio ma logo mitilongosa libukeli. 19 Ikoohele madukweli ma okumu likolo: linge likonanga owe ahala sese la mbume likonangna ongo likolo pe linge liko duhola owe ahala sese la mbume liko luhuana koto ongo likolo. 20 Awahaselia watutieyi wandeate watimohasele moto ate adjei likolo. 21 Ndi enge tango, abandia owahenesi watutieyi wande ate akoki oki la yelusaleme, onyokami , la wa iloko, makumu ma wa nganga pe wa bimianeli mibeko oholani la osekwi lisio la isato. 22 Petelo amototia inde amene, abandia omotetesi wenge la omohaseli ate: Mwengei aobanye likumu! djinge sambo itiowumelate. 23 Yesu ayakukolia pe ahasia la Petelo: wongwa mbujse, Etota, odjei motambo atie mbai la likambo ate mabundo ma owe mati mabundo ma Mwengwei kasi mabundo ma wato wa mokii. 24 Yesu ahasia la wattieyi wande: moto ongo obali odjei motutieyi mo mbai, akpa agbongolo onde mbuse atutie mbai! 25 La ndenge eho, moto ongo okoluka okalesi bomoi onde akowungesa, kasi moto ongo okowungisa bomoi onde la tina e mbai ako etota la alidi. 26 Okodja nda litomba moto ongo okondja moki mobimba, inga awungisa molimo monde? alidi ndeema ekokukwanesa moto la molimo monde. 27 La ndenge eho, monga moto akodja la okumu o sango, la wapubwa wande, akokela moto la moto okokani la ikela wande. 28 Iohaseli la osembo, ndambo e wato ndondo e wango wadjei ahala watigbaa liwoso ate wahene ndenge ekodja monga moto la okumu
Chapter 17

1 Mbuse Yesu amototali Petelo,Yakobo,la maanango Yoani,atelali la iwo likolo la mokoli. 2 Ayakukolali liwoso lawu,elongi ende engengali nda use,alidji wisindje wande wibubaali nda mwinda 3 Mpe denga Moize la Eliya wawapumbelali wadjaali osololi la Yesu. 4 Petelo atotali maloba mpe aasia:likumu , edjei olamu la iso toyabate ala, inga obali tomaye minguta isato, eesi e owe eesi e Moize, mpe eesi e Eliya. 5 Ango edjaaki inde owaasi, ndenga lipata lingengeke ewadhihali.ndondo elipata mooli mookanali ndjo la maamaloba:oholo adjei mana ombai olibalano,iyemeli lainde ngbi:mookani! 6 Eokaali tutiani djande mungo mooli, wakwaaali ilongi wawu la mbume alidji watumaali la boo sungu. 7 Ase yesu ayandongbali la huwe ewu,awabandali alidji aasali: amalani,otidjeeni la boo. 8 wadjambali maiso wa moyeneli ndji Yesu inde amene. 9 Eyadimbaali iwo la mokoli, Yesu awaunelia ate: otiasakeni la moto tueti dji sambo iyeeti ala tee lisio mana o moto akobasa la logo. 10 Watutiani wa mohuelali ehele poopo:woni watiesakoli wa mibeko wakowasaka ate ewongi Elia adjee yo liwoso? 11 Inde awongwesi ate Eliya akodjaa ala mpe akowongele sambo kpaa. 12 Ase ikwasaaka la ino ate Eliya adjiika, kasi omwewitii kasi wamokeleli nda ebalaki iwo. ndjongo mana o mato akwene odidi la mawo mawu. 13 La mwengele eeho, tutiani wayewali ate adjaali owaasi la iwo la tina e Yoani mopatisi. 14 Ango ewumaali iwo la hue e wato,moto mwesi adjaali okwi la mawuli liwoso la Yesu,asaali: 15 Likumu, ndjokela mana ombai magba adjei la ebubuluka,akoyeneke odidi;akokwaka la misa edji mbala la malia. 16 Imogbalali etie watutiani wa owe, watilonge omokalesi. 17 Yesu awongwesia ate, ehele wuuma edjangi ondimi mpe la okeseni; tee la nda engele ikodjaa la ino? tee landa engele ikonangelani motema?djeelani mbai la inde. 18 Yesu amopamelia etota,epumbali la wenge emana,ndji la enge engele,mana akalali. 19 Watutiani wayandongbali atie Yesu, wamowaselali la oyayisi: woni etikoke iso owumbi la ehele etota? 20 Inde aasia la iwo ate , ondimi onu odjei okeeke. Iyowaselini meemene,inga odjeini la ondimi nda pukapuka e sinapi, okwasani la muu mokoli ate, somba te ate longwa ala keke tee ongo mpe ekosomba,loi tueti woti djanga okelami. 21 kasi ndenge ehele etota ekopumbaka ndji la oongi la oyakili. 22 Tango edjaki iwo osombi la galileya, Yesu aasi la iwo ate: ewongi la mana o moto ate wamokawe la mawo ma wato; 23 Mpe wakomoola, la mbuse e masio ma satu akobasa. Watumali la magba makasi. 24 Eumaali iwo la kapalanauma, wango wadjali oongi pako la tepelo wayandongbali atie petelo wamoaselia ate: likumu lanu akokiti oputi pako e mbula? 25 Awongosia,ee. Ango elingelia iwo la monguta,Yesu atotia maloba aasia:simoni,okobundolaka woni? Makumu ma mbume wakoki oongi pako inga liputi etie wandai? Etie wana wawu inga etie wadidi? 26 Amoaselia: etie, wadidi. Yesu aasia la inde ate ndjongo; wana wati puta. 27 Njongo lalikambo ate totiwahe ndundu , keke la ligbutu mpe lumba ndobani,gula suu enge e liwoso ekodja;modukola monoko,okogboto falanga.Tota eho, keke owahi lalikambo la iso la owe.
Chapter 18

1 La engele eho Watutiani wandjia ahue wo Yesu wtndai ondjéi mosungu la wokumu wo likolo? 2 Yesu amowelia mana mokeke,amobatia awondja wou. 3 Ase asiate iwaseki la memene inga ino otiatitimeseni,ase inga otiakukoleni nda wana wakeke otolingelani la wokumu wo likolo. 4 Alikambo ate ongo moto akoatitimesa nda oholo mana mokeke inde okodjaa mosungu la wokumu wolikolo. 5 Ase moto ongo okoyamba mana mokeke la nkombo e mbai ayambi mbai mene. 6 Ase inga moto mwesi amobingesa akikimi moto mwesi mokeke ondimi,mbai ewongi wolamu la inde wanange libanga lisungu la kingo,ase wamolumbe la ebale. 7 Magba la moki la likambo e wikikimi! Ase wikikimi wikoki odjei,kasi magba la moto ongo okobingisa ekikimi eho! 8 Inga ewo eowe,té ekolo eowe eobingesa ekikimi,etena ase woelumbe lihiele,ewongi wolamu olingele la mokalo,ekolo etenei la ewo elemei teaté olingele la makolo male la mawo male la misa ma libela. 9 Inga liso la owe liobingesa ekikimi,lilongose,eti wolamu odje la maiso male waolumbe la misa ma Gehena. 10 Huakani woimobetesa mwesi nda owana wakeke oholo,alikambo iwaselini ate waahumbwa wau walikolo wakoeneke wiengele kpàa,elongi e wawa ongo ondjéi ongo likolo. 11 Alikambo ate Mana omoto andji ohalesi wawungi. 12 Woenini woni? inga moto mwesi andja la pata kama esi,ase inga esi ewunga,atodee ndjinge tukulibwa la libwa ndjadi la mokoli,la akaluki enge ewungi? 13 Ase inga ayene,iwaselini la memene oemele ngbii oleki te ndjinge tuku libwa la libwa ndjinge iwungi ti. 14 Ndenge kikima,eti obali wo sangbanu ongo ondjéi ongo likolo omowu ngesi mwesi nda wana wahawa. 15 Inga mangwa aokelela Wobe,keke omotote,owe la inde ino wale inga awokela omoenese mangwa wobe. 16 Kasi inga atiwoke,motota moto mwesi te wale alikambo ate la wa demu wale te wasato loi loho wewane. 17 Inga atibale owao iwo, asa la lingomba ase inga atona koto oki lingomba andje atiowe nda mopagano alidi nda moputesi mamelo. 18 Iwaselini la memene ndjinge kpàa ikonanga ino ahala la mbume ikonangana ongo likolo ase ndjinge kpàa ikodukola ino ahala la mbume ikodukwana ongo likolo. 19 Iwaselini alidi ate inga wale kati enu waokana ahala la mbume la woongi ema esi ndjongo, ekondimana la wawa ongo ondjéi ongo likolo. 20 Inga ango wale te wasato wagbotonono la nkombo e mbai, mbai indjéi ndondo ewu. 21 Ase Petelo andongbia ahue la inde ase asiate Likumu,ikoki omokeli mino ombai magba mbala woni inga akela mbai wobe?Ekondjaa ndi mbala sambo? 22 Yesu amwaselia ate iwaseliti ate esuke mbala sambo,kasi mbala tuku sambo mbala sambo. 23 Alikambo ate wokumu wo likolo wondjéi nda likumu liesi okeli okatangi wambele wande atee wato wande wawotomu. 24 Ango ondjakali inde otangi wamondjelia la moto mwesi ongo ondjakali la wambele koto lioomu. 25 Ango otindjali inde la ema eputake likumu lande atomia ate wa motambe inde la moli onde,la wana wande,la wiho wande kpàa alikambo ate nongo ende esile. 26 Moto owotomua alumbia la mbume,alelia la inde asiate Likumu ndjokela mbai magba ikoputa nongo owe. 27 Amokelia magba Likumu la wango wato wa wotumu amodeya akia,amolimbesia nongo enge endjaki inde la eho. 28 Mbuse ende opumbi,ongo moto owotomu agbotononi a la mwesi ongo ondjakali la nongo e wambele kama esi amohelia amohunolia kingo asiato puta nongo e mbai. 29 Minonde alumbia la mbume, amwongia asiate ndjokila mbai magba ikoputa nongo eowe. 30 Kasi ongodi teobali,ase akamolumbia la woyogo,tee ndiapute nongo enge endjaki inde la eho. 31 Wino wande wenia ndjongo waokia magba ma sungu ase wakia okamwaseli likumu la wundjinge sambo ileki kpàa. 32 Ase ango memene wotomu amowelia moto onde owotomu ase amwaselia ate Moto owotomu mobe mbai yolimbesi owe nongo owe kpàa alikambo ate oleleli mbai. 33 Otikokake omokeli mino owe magba,nda ewokeli mbai owe magba? 34 Ase likumu lande amemelia, amohelesia la woyogo, tee ndiango okoputa inde nongo eende. 35 Ndi ndjongo ekokela wawa olikolo, inga mwesi onu atimokele mino nde magba la motema monde.
Chapter 19

1 Ango oseselia Yesu owaseli ndjinge sambo: adheiya Galilaya,ase akia la gbata e Yudea,la molelo mo Yordani. 2 Ebiba e wato wamotutiali, ase ongo awakalesia wato wa wikoni. 3 Wafalizeyo wamolingia, ase wasiate, wamomeke:Ewongi ate moto amotone moli onde sa ndjongo te loi? 4 Awawongoselia ate:otitangalini ate mokeli, la lipotele, amokelali motopele la moli? 5 Ase asiate:alikambo ate motopele akomodhee sango la nango, akoabolia la moli onde, ase iwo wale waumia moto moikima. 6 Ango wati kine wato wale wa ndjéi gaa moto moikima moto twèti atikawanesa ema enge enangi Mwengei. 7 Wamoongoselia: la ndandenge, Moize asali ate, inga omotona moli omodhingela ekpata omodhee ake. 8 awawongoselia ate: la likambo la woteteli wo mito manu, nde easali Moize ndjoongo ate owatone wali wanu: la lipotele, etidjali ndjongo. 9 Kasi iyowaselini moto ongo okomotona moli onde, amoheliti la la eteba, ase aikia moli odji akelia eteba. 10 Watutiani wande wasia la inde ate: inga likambo la molome la moli lindjéi ndjongo eti wolamu ate waikanane. 11 Awawongoselia ate: Pele kpàa watokoka loi luho, ndji wango wayahi. 12 Ndjongo edjéi la wato wango wawotama wikube tee la solo dja wa nango, la wango wayakela wikube iwo amene; edjéi wato wango wayakela wikube la okumu wo likolo. Ongo odjéi la matoi maokake, aoke. 13 Ndjiango, wamodjelia la wana wakeke, alikambo ate awabatele mawo, ase awa ongole. Kasi watutiani wawatekesia. 14 Ase Yesu asiate: wadheeni wana wakeke wadje etie mbai, ase otiwatekeseni, alikambo ate wokumu wo Mwengéi wo djéi aatie wango wakodja nda wana wakeke. 15 Awabatelia mawo,ase akia. 16 Ase dhenda, moto mwèsi aandongbia ahue ende, aseko asia la Yesu: likumu ikele woni alikambo ate ikondje wokali wo libela? 17 Amowongoselia ate: ndandenge ekohuelaka owe mbai la ndjinge sambo idjéi wolamu? Ema esi ejei wolamu. Inga obali olingeli la mokalo, dhemia dumbei. Amowongoselia: nda djinge? 18 Ase Yesu awongoselia ate: otiolake moto; otiandake moli omoto la wose; otiiwake ema emoto; otiasake moleho, modemia sangwa la ngwa. 19 Ase:mobala mino owe nda eyabali owe amene. 20 Ongo mana mwenga a mwaselia ate:ikelidjinge sambo kpàa;nda uho wotikali? 21 Yesu amwaselia ate:inga obali ate odjee moto ongo oyengi, keke tamba wiho kpàa winge widjéi owe la waho, owahee wato wango wadjangi, ase okotota ema e motio ongo likolo, ase tutia mbai. 22 Mbuse eho ango eokia inde djinge sambo; ongo mana opele akia la limemu, alikambo ate adjakali la wiho ngbi. 23 Yesu awaselia watutiani wande ate: iyowaaselini memene, moto olikodja akolingela awokumu wo likolo la monga. 24 Iwaaselini alidji ate, edjéi petee Kamela olingeli la buu etonga, oyeti olingeli e moto owogumake la okumu e Mwengei. 25 Ango eokia watutiani ndjoongo,wakamwali ngbi, ase wasi ate: ndai o kokala? 26 Yesu awa dhengia, ase a waselia ate: la wato, eyengiti okelani, kasi la Mwengéi edjéi petee. 27 Petele atotia loi, asia la inde ate: denda iso todhei wiho kpàa,ase tootuteya owe,nda ema ekokondja iso? 28 Yesu awawongoselia ate: iyowaselini la memene, ango ekouma wiho kpàa wiholi, ango ekoabata mana o moto la ngbelengo eende ewokumu,ino wango watutei mbai,okwabatani la ngbelengo ende e wokumu, liomu la iwale, okowambesani wikolo liomu la wiale wa Isalayele. 29 Ase moto ongo okodhei minguta mande te wamanango wa pele, te wamanango wawali, te sango te nango te moli onde, te wana wande, te mbume, alikambo la mbai, akokondja wiho waho mbala ngbi oyeti alidji akotota bomoi e likolo. 30 Wato wango waleki liwoso wakowongwa mbuse, ase wango wadjéi mbuse, wakodja liwoso.
Chapter 20

1 Okumu o likolo lodjei nda memene elanga ongo opumbi boo laate awatote wasali la elanga ende. 2 Aokania la iwo la liputa e likuta kikima la husee pe awatomia la elange e vino ende 3 Apumbia la engele libwa e boo pe awaenia waeti wayabati ebete eikima, wati la otomo. 4 Awaaselia: ino koto kekeni la vino e mbai, ikohekeleni likondja linge likoki. 5 Iwo koto wakia. Apumbia alidji la engele e limbile alidji la engele e isato mbuse e limbile pe akelia ndenge kikima. 6 Apumbia mbala e gboo la engele e itano e mbuse e limbile awagbotia waeti wadjaakali ndji ango, wati la otomo. awaaselia: ndjoni ekoyabatakani ino ndjoo odjangi okeli otomu? 7 Wamowongoselia, moto toeti atohi otomu. Awaaselia: Keke kotoni la elanga e vino e mbai, okototani enge ekoki. 8 Likolo lidjia, memene e elanga e vino amoaselia ongo okomoikelaka iwo: wawela wasali pe wahekela likondja, opoti la moto o mbuse osuki la moto o liwoso. 9 Wango wa engele e itano mbuse e limbile wakondjia likuta liesi moto la moto. 10 Ango ekadjia wato wa poo, wamungolia okondji ngbii, kasi wakondjia ndji likuta kikima. 11 Ango etotia iwo, wa ndungwania atie memene elanga e vino. 12 Waasia: wato wa mbuse wakeli otomo ndji engele eikima, owahekelia ndenge kikima nda iso wato wakeli la paima e liusa wuse la ehela. 13 Amowongoselia mwesi ndondo ewu: bola, iokeliti obe. otindimali likuta liesi nda likondja? 14 Tota linge lindjimaali owe pe keke. ikowahekele wango wa gboo likondja likima nda owe. 15 Endjimesamiti la mbai okeli ndenge enge ebali mbai la tina e iwo dja mbai? Okoheneke obe ndenge edjei mbai moto molamu? 16 La eho, wato wa gboo wakouma wato wa poo alidji wato wa poo wakouma wato wa gboo. wato ngbii wawelami kasi wato wakeke waononi. 17 Ango edjakaali inde oteli la yelusalema, Yesu awatotia watutiani wande liomu la waal; awaaselia la mboka: 18 Tokotelaka la yelusalema pe monga moto akotambama atie wanganga Mwengei la wabimianeli wa mibeko. wako mokwesa la sambo la ate agbee. 19 Wakomoha la mawo ma wato wango wati wa isalayele la ate wamodheende, wa mopie, wamobake la ekulusu; lisio la isato akobasa. 20 Nango wana wa Zebedeyo ayandongbia atie Yesu la wana wande, amayia mauli laate amowonge Yesu ema esi. 21 Amoaselia: obali nde? ndima ate la okumu wowe wana wa mbai wawa ndjo wayabate mwesi la ewo e owe e lilome, ongo eeti la ewo e owe e liali. 22 Yesu awongosia: oyeweti linge likowongoko owe. Okokokani okengi la kopo enge ekokenga mbai, okokoka ototi lipatesa linge likopatesama mbai? Wamowongoselia: tokokoka. 23 Awawongoselia: la ndenge eho okokengani kopo e mbai pe okototani lipatesa linge likoatesama mbai. kasi la tina eoyabati la lilome e mbai la liali la mbai, mbai amene iyewiti pe likohama la wato wango wawongelami la wawa. 24 Mbuse eooki ndjongo, watutiani waeti liomu wamemelia la wa waale. 25 Yesu awawelia pe awaaselia: oyewini ate makumu ma miki wakoyainyaka iwo okumu owu, wato wau wasungu wakwaokesaka okumu wau. 26 Etidja ndjongo ndondo enu, inga moto abala odjei osungu ndondo enu, akodja motuke monu. 27 Inga moto abali odjei moto o liwoso atienu; adjei motuke monu. 28 Nde ndjongo mana o moto adji, te ate wamokelele, kasi la okeleli la ohi bomoi onde likawo e wato ngbi. 29 Ango epumbia iyo la Yeliko, wato ngbii watuteiya Yesu. 30 Wagwi maiso wale wayabatali kelekele e mboka, ango ewokia iwo ate Yesu akoetaka ango, wahumbali pui waasali ate: Likumu mana o Davidi, tondjokela magba! 31 Wato wadjakali owatekesi laate wadhee, kasi wahumbia pui oeteli: likumu mana o Dawidi, tondjokela magba. 32 Yesu ayamalia, awawelia pe aasia: obalini iokelele nde? 33 Wamoaselia: likumu maiso masu ma luhuane. 34 Awaokia magba, ahelia maiso mawu, mbuse eho waenia wamobileya.
Chapter 21

1 Ango eyaandongbali iwo ahue e Yelusalama, waumia la Betefage, ngambo e mokoli mo Oliva Yesu atomia watutiani wande waale. 2 Awaaselia: kekeni la moki mungo modjei liwoso lanu; okogboto punda eesi wamonangi ebete kikima la enge ekeke; motokolani pe djaka la ewo atie mbai. 3 Inga moto aohuelani, mowongoselani ate: Likumu adjei la posa eho. Ndji ango akoodheni ate oete. 4 Kaikoase djinge sambo kpaa ikelamia laate linge likpomaate mosakoli likokesame. 5 Mwaaselia mana o moli o siyona: dhenga likumu la owe akodjaka atie owe, atumi la olamu pe ateli likolo la punda eesi. 6 Watutiani wakia okeli ndenge enge ewatomi Yesu. 7 Wadjia la punda eho e moli la punda enge keke, wabata isindje djawu likolo, pe Yesu ayabatelia. 8 Wato ngbii wabatili isindje djawu la mboka, waeti watenia ite dja mite, waandali djaho la mboka. 9 Wato wango wasombali liwoso la wango wa mbuse e Yesu wadjali ohumbi pui la lembo: Ozana monga Davidi! opambwe ongo okodja la kombo e likumu! Ozana ongo oyeti likolo! 10 Ango e lingelia inde la Yelusalema, egbala gbata kpa edudumali, wadjali oasi ate: wandai wango? 11 Ebiba e wato waasali: edjei Yesu, mwaaseli e Nazaleta la Galileya. 12 Yesu alingelia la Tepelo e Mwengei; awumbia la wato kpaa wadjali otambi la ndondo e Tepelo; alumbia mesa dja wakukoli wa waambele pe la ibete ewatambi wa wilua. 13 Awaaselia: edhingami ate Tepelo e mbai ekowelama ate monguta mowaatati kasi ino, oekukolia ebete e wato wa iwa. 14 Wato wagui maiso la wango wakotengulaka wadjia atie nde la Tepelo, awaakalesia 15 Kasi makumu mawa nganga wa Mwengei la wa bimianeli wa mibeko wamemelia la tina e sambo ndamu djinge ikeli inde, wana wadjaakali ohumbi pui la Tepelo: Ozana la monga Davidi! 16 Wamoaselia ate: okokokaka djinge ekwasaka iwo? Yesu awawongeselia: eee. Otitangeni dji sambo: okeli ate monoko mo wana la wana wango wakonungaka mawele e otemeye? 17 Mbuse eho awadheiya pe apumbia la gbata la oki la Betania ongo elangalali inde. 18 Ekundu boo, ango ewongoiya inde la gbata, ndjiala e mohelia. 19 Aenia mote mo Figi kelekele e mboka pe ayandongbia, agbotia ndji ngasi, aasali la mote moho: te lisiyo otiwotakine mbuma! Mote mo Figi moomia ndji enge engele. 20 Oeni ndjongo, watutiani wakamweiya, waasia: nda ndenge egbenelia mu mote mo Figi la mbala kikima? 21 Yesu awaaselia: iwowaselini meemene, inga odjaa la oyambi pe obatiti kokeeya, okokelani te ndji linge likelami la mu mote mo Figi, te ate inga oasani la mu mokoli: longwa ango alumba la ewale, enge ekokelama. 22 Linge likohongo ino la oyambi ndondo eyaakongi okototani eho. 23 Yesu akiya ndondo Tepelo; ango edjali inde otiesakoli akoli; wiloko dja wanganga Mwengei la wiloko wa wato wakadjia omowaseli: nda ndenge e okumu okokelaka owe dji sambo, alidji ndai a ohi ehele okumu? 24 yesu awaongweselia: mbai pe ikohuelani poopo esi, inga olimbolani mbai, mbai pe ekoowaselani nda okumu ekokelaka mbai dji sambo. 25 Patisa e Yoani, edji eni ? likolo , inga etie wato ? kasi wabundoiya iwo amene: inga towongosa ate: la likolo, akotowasela ate: ndandenge etimondimalini ? 26 Inga towongosa ate: la wato, tokowangaka ebiba eehele wato, a loyi iwo kpa wakomototaka Yoani nda mosakoli. 27 Wamowongoselia yesu : toyewiti. inde pe awawongoselia: mbai pe itiowaselani nda okumu ekokelaka mbai dji sambo. 28 Obundoyini woni? moto mwesi adjaali la wana wande wa pele wale. Akia atie ongo o liwoso, amoaselia: mana o mbai keke okeli keke la elanga e mbai e Vino. 29 Inde awongosia: ibaliti, kasi mbuse aokia magba akia okeli. 30 Sangbau akia atie ongo o wale, amoaselia ndenge kikima. Mana oho amowongoselia: ikoke, likumu la mbai, kasi akiti. 31 ndondo ewu wale ndai okeli mokano mo wawa ? Wamowongoselia : ongo o liwoso. Yesu awaaselia: Iyowaselini meemene, waputesi mamelo la wali wa ndumba wakoke liwoso lanu la okumu wo Mwengei. 32 Laate Yoani adjali ootiesakoli mboka e meemene, kasi ino otimondjimalini. Kaikonde waputesi mamalo la wali wa ndumba wamondjimali, kasi ino, wango waenali, otiyokeni magba la omondjimi. 33 Okani eeti lisekpe. Memene monguta mwesi , aonali elanga ende e vino. Alingali eho la mite, atongia liwela; ase amaiya ebete eisake pukapuka, aawahia watuke wande wa elanga e vino, akia okendo. 34 Ango ewumia engele ebukake, awatomia watuke wande atie watuke wa elanga e vino, laate wamohekele mogono monde. 35 Kasi watuke wa elanga e vino wawahelali watuke wande, wamobinga mwesi, wamoolia o wale, wamobingi ongo o sato mabukeli. 36 Atomia wadji watuke, motango mosungu oeti wango wa liwoso, wawakelali ndenge kikima. 37 Gboo awatomelali mana onde, aasia: Wakomotosa mana o mbai. 38 Ango e moeneli iwo mana oho, watuke wa elanga e vino wayaselia iwo amene: dhenda moto okotikala la ogumake; djakani tomoole, ogumake ekototikalela! 39 Wamototali, wamolumbia saa e elanga evigno,alidji wamoolali. 40 sikalandjo, ango memene elanga e vino akodja, akokela nde la watuke wa elanga? 41 wamowongoselali: akoyawolakola meemene, alidji akodhe elanga e vino la weeti watuke , wango wakomohekele esuki e mogono monde. 42 yesu awaaselia: otitangali te wuse ndondo e madhingo: libukeli enge elumbali wamai ndji eho nde ewumali likule e lilome; edjei otomo olongoyi atie likumu, kasi edjei ema ekamwake la maiso masu? 43 Edjei eho nde, ikowaselakani, wakolongola okumu o Mwengei atie ino, wakoha eeti moki enge ekowota pukapuka. 44 Ongo akokwa likolo la libukeli akobukia, alidji ongo libukeli likomokwele, ekomwandjakola. 45 Mbuse e ooki maloba mande, iloko e wanganga Mwengei la wafalizeyo wayewali ate edjei iwo nde Yesu awaaselaka. 46 Walukali o moheli, kasi wawangali ebiba e wato, aloyi ate iwo wadjali omototi Yesu ate adjei mosakoli.
Chapter 22

1 Yesu awawongweselali iwo aleeti la masekpe pe aasali ate: 2 Okumu e likolo edjei nda likumu mwesi ongo akelelali mana onde o molome yenga e liwala. 3 Ase atomia mituke mande wake oweli wato wango wawelanali la yenga e liwala, ase wato waho watonali odji. 4 Aleeti atomali mituke meeti pe awaaselia ate: asela wato wango wawelami ate: dhenda! iwongeli ilaka la mbai e midji, wangombe wa mbai e milome la mbahu dja mbai e maita eolami, ilaka kpaa edjei djakani la yenga e liwala. 5 Iwo waeneli ehoo pamba pe wakeeli, mwesi la elanga ende, odji la tomo djande. 6 Wango weeti wawahelia mituke mande, wawa sambwesia obe pe wawaolia iwoo kpa. 7 Ango e okia likumu ndjongo, amemelali; atomia wato, waolia wango watokpa, watumbia gbata ewu. 8 Ndjongo aasali la mituke mande ate: yenga e liwala elengelami olamu, ase wato wango wawelamali wawongiti la ehoo. 9 Eho lenge kekeni la wibhomanelo dja mboka, moto kpaa ongo okomogbotoni mowelani la yenga e liwala. 10 Ndjongo wango mituke wapumbali la wa mboka pe wawelali watokpaa wango wawagbotoli, wato wabe la wango walamu: pe monguta mo yenga e liwala etumali la wato wango wawelanali. 11 Ango likumu alingelali odhendji wato wango wawelamali, aeneli moto mwesi ongo atikpalali esindje e yenga e liwala. 12 Amwaselia ate: bola, nda ndenge olingeli alandjoo odjangi okpali e sindje e yenga e liwala? Ongo moto anangali monoko. 13 Ndjongo likumu aasali la mituke mande ate:monangani makolo la mawo, djakani la inde, molumbani la molili e saa ongo ekodja oleli la otwi maino. 14 Laate wato ngbii wawelani ase keke nde waonani. 15 Ndjongo wafalizeyo wakeli okakeli likita iwo kpaa laate wamohele la maloba mande. 16 Eho lenge wamotomelali watutiani wau, la wato wa Elode, waasali: motiasakoli, toyewi ate owe okoasaka memene pe okotiesakolaka mboka e Mwengei la meemene pe oyiwangaka moto te, laate otidhendaka ilongi djaa wato. 17 Ndjongo yewesa iso omungoli nde? ewongi oputi Kaisala limelo enge moto kpaa akoputaka inga ekokiti oputi. 18 Ase nda Yesu ayewali mamungo mbee mawu, aasia ate: woni okwalelakani mbai lisala? 19 Iniani mbai ambele enge moto kpaa akofutaka limelo. wamodjelelia ambele esi. 20 Ase awaaselia ate: elilingi ehele pe madhingo maama ma ndai. 21 Waasali ate: e kaisala ase awaaselali ate: ndjongo, hekeleni kaisala wihoo wa kaisala, ase Mwengei wihoo wango wa Mwengei. 22 Ango eokali iwo ndjongo, wakamwali, pe wamodheli inde wakia. 23 A lisio lahoo wasadukai wato wango wakoasaka ate libasi liti te, wadjali ebete edjei inde pe wamohuelia: 24 Motiesakoli Moize aasali ate: inga moto agwa, awotiti wana, maanango opele akoki amototi moli onde a liwala la owoteli maanango wana. 25 Sikalandjo edjaali la pele sambo ndondo esu, pe ongo o liwoso ayikaali p,e agwaali, ase nda eti wotali inde wana, amodheleli manango opele moli onde. 26 Ekelemali ndjongo la ongo wale pe la ongo osato tee la iwo kpaa sambo . 27 La gboo e iwo kpaa moli ongo agwaali. 28 Ndjongo la obasi e logo, akodjaa moli ondai a ndondo iwoo sambo? laate iwo kpaa wamototali nda moli. 29 Yesu awongolelali ate: odjeeni la owungi, laate oyewitini madhingo pe okulu e Mwengei; 30 Pamba te la lisekwa pele wataika pe wali watilingele mawala ase wakodjaa iwo kpa nda wahumbwa. wa likolo. 31 La likambo lidheendji obasi e logo, otitangeni enge Mwengei aaselali ino ate: 32 Idjei Mwengei o Abalayama pe Mwengei o Yisaka pe Mwengei o Yakobo? Ati Mwengei o wagwi, kasi e wato wa mokalo. 33 Ango ebiba e wato waokali ndjongo wakamwali la etiesakoli ende. 34 Ango wafalisaya wayokali ate: ahelesali wasadukai monoko, wayaboliali limbutu mwesi. 35 Ase mwesi ewu ongo oyewali mibele olamu olamu, ahuelia a tina omomeki inde ate: 36 Motiesakoli, nda mobele eeti osungu ndondo e mibele? 37 Amwaselelali inde ate: osengeli obali Mwengei Mongali e owe la motema mo owe mobimba pe la molimo mo owe mobimba pe la mamungo ma owe kpaa. 38 Ango nde mobele enge eti osungu pe e liwoso. 39 Ewale enge ehengemeni la ehoo; eho lele : eongi obale miinowe nda owe amene. 40 Mibele kpaa pe matiesakoli, ehelani la mibele mwale. 41 Kaikoase ango wafalisayi wayaboliali ebete e kikima, Yesu awahuelali: 42 Omungoini nde la tina e kilisito? adjei mana o ndai? iwo wamowongoselia ate: Mana o Davidi. 43 Inde awaaselali iwo ate: ndjongo nda ndenge Davidi la mboka e molimo santu akomowelaka inde likumu pe aasia: 44 Mwengei asia la Likumu o mbai ate abata la eho e mbai e lilome tee ikobata watonani wowe sesee e makolo ma owe? 45 Ndjongo inga Davidi amowelia inde Likumu, nda ndenge inde akoki odjei mana onde? 46 Moto te mwesi atikokali omoowongweseli loyi pe moto te mwesi atimekali opoti ungo use omohueli poopo.
Chapter 23

1 Sikalandjo, Yesu alongwali la tepelo apumbia, ndjongo watutiani wande wayandongbali la omoyinei nda ndenge emaanali tepelo. 2 Awawongoselia ate: otienekeni wiho winge kpa? La meemene iyasi la ino ate, te libukeli liikima lititikala likolo la libukeli ladji, kpaa ekokwa sese. 3 Ango eyabatali inde la Mokoli ma oliva, watutani wayandongbali atie inde ndji iwo amene wamoaselia ate: twewesa, sambo djaho ekokelama nda engele, la nda tondo ekoenese odji wowe la timei wosambo dja ehele engele? 4 militake, wakobataka la makolokoto ma wato,watibalaka okpali iwo amene la mosei. 5 Waokelaka sambo kpa laate wato waene. Alidji wa kokpalaka filakateli, wadjei la songe elayi elayi la walobe djawu 6 wakobalaka owabati ibete epoo la lipati alidji iholo elihoso la wasinagoga. 7 Wa bali owahi ewo la iholo la hoho,la owa weli la wato Rabbi,Rabbi 8 Kasi ino, otiyaweleni Rabbi;laate moto mwesi nde adjei mwalimo, odjei ino kpa wa mana ima. 9 Otiweleni moto tweti a mbume wawa; laate moto mwesi ongo odyei wawa, ango odyei likolo. 10 Otiyaweleni wa inyei,laate moyinyei monu adjei mwesi,kilisito 11 Ongo oweti osungu la ino akoki odjei motuke monu. 12 Ongo akoyadjamba wako modjilikisa,ongo akowadjilikisa wako modjamba. 13 Magba laino wa dingi wa mibeko la wa falizeyo wa hengeli;laate okodikelaka wato mboka elikolo; otilingelani ino amene,alidji otibalakate wango wabali olingeli watilingele. 14 magba la ino,wa dingi wa mibeko la wa falizeyo wa moleho laate oko pwesakani milako ma wali wango wa gweli pele,aleeti okokelakani la oyaisi maongi malayi malayi;la eho, okosambisamani la oeteli. 15 Magba la ino, wadingi wa mbeko la wa falizeyo wa hengeli! laate okokpandakani ewale la mbume la okukoli moto mwesi motema; aleeti tango ekukolia inde motema, omoumisiani mana geena mbala iwale oweti te ino. 16 Magba la ino; wato wagwi mayiso! wakwasaka: inga moto alapia la tepelo; ekeliti ema; kasi; inga moto alapia lawolo etepelo, akeli olamu. 17 wibebe! wato wagwi mayiso; la wolo la tepelo nda enge eeti osungu, wolo inga tepelo enge ekohaka wolo lokumu. 18 Okowasakani alidji:Inga moto; alapa la kombo e etombelo, ekeliti ema; ase, inga moto alapiya la likaho enge edjei la etumbelo, akoki oengemesi. 19 Wato wagwi mayiso! nde enge eeti osungu, likawo inga etumbelo enge ekohaka likawo lokumu. 20 Ongo olapi la tepelo alapi la tepelo la djinge kpaa idjei ndondo; 21 Pe moto ongo olapi la tepelo alapi la tepelo la ongo oyabati ango; 22 Aleeti ongo olapi likolo alapi la ngbelengo e Mwengei la ongo oyabateli. 23 Magba la ino wapundesi wa pui la Wafalizeyo, wakosi okohakani atie Mwengéi esuki esi ndondo e wisuki liomu la wisoki nda ebili e mete, la ndjakumini, kasi odheyani opundesi sambo ndjinge dja pui: omemene, motema mangba, la ondjimi. Edjei eho nde ekokaki ino okeli, te odhei djinge djeti. 24 Ino wato wango wakowa iniaka wato wango wagwi maiso mboka! okoumesakani koka keke ndondo e wiho wikengake kasi okokengakani nama ekamela! 25 Magba la ino wapundesi wa pui la wafalisazeyo wakosi! okokpolokoni kondolo e etotu la pepe, kasi ndondo etumi la pukapuka dja iwa djanu la ehoha e ebe. 26 Mofalizeyo mogwi maiso! kpoloyo liwoso ndondo e etotu inga esani enge etilindaka ndjongo ongo kondolo ekolanga olamukoto. 27 Magba la ino wapundesi wa pui la wafalizeyo wakosi! odjéini nda kabuli djinge ikpuli iwo mpembe iyeneni wolamu ono saa, kasi ndondo itumi la mikuwa ma wato wagwake la ndenge kpaa dja wiho wiholoke. 28 Ino odjéini ndjongo,la maiso ma wato walamu,kasi ndondo otumini la wikosako la sambo mbembe 29 Magba la ino wapundesi wa pui la wafalizeyo, wakosi! okowongelekeni kabuli dja waaseli,okowongelekeni wolamu wolamu kabuli dja wato walamu. 30 Ase woasiani ate: inga todjaki engele e watata wasu, nda totiaboliali la iwo, la osui makila ma waaseli. 31 Okondjimakani ino amene la oyakwisi ate odjeini wana wa wato wango waolali waaseli. 32 La eho, silisani otomo wungo watata wanu wapotali. 33 Wandjoo liwota la mabate! nda ndenge emungoi ino otili eguele e lifelo? 34 La ndjongo ikotomelani waaseli, wato walokenge la wapundesi wa pui. Okowaolani wadJi, okowakiani wadJi likolo la ekulusu, ase okowabingani wadJi pimbo ndondo e monguta monu mo wakongi la okowatutiani la moki mwesi la mwesi. 35 La eho ewokweleni ino makila ma wato walamu winge wisuani la mbume,opoti la makila ma Abele moto molamu tee la Zakali, mana o Belekia, ongo omolalini ino la tepelo la etumbelo. 36 Iwaselini loi lo memene, djinge sambo kpa ekokwele ehele oliye. 37 Yelusalema, Yelusalema, owe ongo okowaolaka waaseli alidji okobingaka wango waotomelini mabukeli! mbala woni ilukali oboleyi wana wa owe,nda koko ekoboliaka wana wande ndondo emambulu,ino otibaleni! 38 Dhenda minguta manu mikotila manganga. 39 Ndjongo iwaselini olongoi keke otindjenekineni mbai tée ekowasani ino : pambwa ongo okodja la kombo e likumu.
Chapter 24

1 Ango okia Yesu, apumbia la Tepelo watutiani wande wayandongbia la ahue la omoinei nda emaani eho. 2 Kasi Yesu awaaselia ate:woenini nda odjéi eho? iyowaselini la memene,etotikala ahala libukeli liesi likolo la leeti libukeli, kpaa ekokwa sese. 3 Yesu ayabatali likolo la mokoli mo oliva, ase watutiani wakia iwo amene okamohueli, waasali ate:Toasela iso,nda engele ekokelana ndjinge sambo, nda elembo ekokelana la wodji wowe, la gboo e moki? 4 Yesu awawongoselia: angatalakani moto atiokosakeni. 5 La loyi ate wasuungu wakodja la nkombo e mbai wakwasa ate.Mbai idjéi kilisito ase wakowakosakola wato ngbi. 6 Okookani mboli ewita la wita wikosana. Adhendakani, huakani otiwangakeni, la loyi ate ewongi djinge sambo ekelame, kasi gboo e moki eumakiyo. 7 Alikambo witondo wikosana la weeti witondo, wokumu la wokumu wokosana, ndjala ekodja, mbume ekoduduma wibete kpa. 8 Enge kpàa edjéi lipotele la odjidji. 9 Ango wakokawani ino la odjidji, ase wakotonani miki kpàa, la loyi e nkombo e mbai. 10 Ango nde wato ngbi koto wakobhinga ekikimi, ase wakowa ino, wato wakotonana iwo la iwo. 11 Waaseli wa moleho wakodjàa, ase wakowakosakola wato ngbi. 12 Ase,sambo dja obuki pui ikouma ngbi, libalano la wato ngbi likosila. 13 Kasi ongo moto okodjaa la egalala tee gboo akokala. 14 Ehele mboli ndamu e wokumu ekotiesakolana la mbume djiesi kpaa, alikambo la ohi demu la wibete kpàa winge widjéi wato,mbuse eho gboo ekodja. 15 Nde ndjongo, ango ekwene ino ema ebe eamali la ebete e satu, nda eyasali mwaseli Daniele ate ongo otangi ahuake. 16 Ase,wango wakodjaa la Yudea wakotila la mokoli. 17 Ongo okotela likolo la motendo atoadjimba la ototi wiho winge widjéi la monguta monde. 18 Ase ongo oki la wilanga atika wongwa mbuse ototi wiho winge witikali la mbuse. 19 Magba la wali wango wadjéi la memi la wango wakonu ngesaka wana la masiyo maho! 20 Akongokoni engele kpàa alikambo ate matili manu matidjee engele e pio makasi, te wuse wo yenga. 21 Aloyi ate, enge engele ekodjaa wodjidji woesi wasungu, wungo wokelanakiyo tee lipotele la moki,tee ndji kekehele, ase etokelana kine alidji. 22 Ase inga masio maho matiumake ahue, nda moto toeti atokala,kasi la loyi la wato wango waononi, wuse woho wokodjaa ahue. 23 Inga moto awaaselani ate: Kilisito adjéi ahala, ta ate adjei ango, otimondjimakeni. 24 Alikambo ate:wa kilisito wa moleho wakodjaa,la waaseli wamoleho;ase wakoumesa masimbo ndenge la ndenge ,ase wakokela wiahuelahueli,alikambo la awakwesi te wato wango waononi,te inga wokoki wodjéi. 25 Weneni iyowaselini liwoso. 26 Inga wa woaselani ate: Dhendani,adjéi la lisobe; otike ekeni, dhenda, adjéi la wila ngele, otindimakeni. 27 Nda ndenge ekopumaka wuse la esiti wokobataka tee la wesite, nde ndjoongo ekodjaa odji wo Mana omoto. 28 Ebete enge edjei molonda, koka ikoboliana ango. 29 Ndjiango mbuse e wodjidji e masiyo waho, moi mokolimana koto, ndebo etoumesa obhati woho, minoto mikolongwa likolo mikwe la mbume, ase wokulu wo likolo wokoduduma. 30 Ango elembo e Mana omoto ekwenene ongo likolo, ase mawota kpàa ma miki mikwabhingabinga la oleli, ase wakomwene Mana omoto ageleli la mapata malikolo la okulu koto la mogano ngbii. 31 Wahumbwa wande wakodjaa, la ndundu ikobinga, ase wakowakokia waononi wande la wihoko winei, olongoi la gboo esi e likolo tee la gboo eho edji. 32 OKani maamapundesi e mote mo Figi moenesi ango oumia witee petepete, la opumbesi kasi, woewini ate engele e ehela eumia ahue. 33 Ndji ndjongo, engele ekoene ino sambo djinge kpàa, ewani wolamu ate wuse owongwake wo mbai wodjéi ahue. 34 Lameemene iyasi la ino ate liwota lihili litoeta kpa, liwoso ate djihinge sambo kpàa iume. 35 Likolo la mbume wikoleka, ase maloba ma mbai itoeta te wokeke. 36 La loyi lidhendji lisiyo la engele,moto tueti ayewiti, edje te waahumbwa te mana, ndji wawa inde amene moto oyewi. 37 Loi wungo wokelanali la engele e Noa, ekodja ndji ndjongo engele ekodja mana o moto. 38 Ndjongo ndondo e masio liwoso ate malia matume la moki mwesi kpàa, wato wadjakali olaki la okengi, wa djakali oiki wali, te oikesi wana wau, tee ndji wuse wolingelali Noe la wato. 39 Watimungwakali loi te weti te, tee engele etumali malia eengia, ase ewaolali iwo kpàa, ekodja ndji ndjongo engele ekowongwa mana o moto. 40 Wato wale wakodjaa la mwesi akomototana, mwesi akotikala. 41 Wali wale wakohuluka wokeke ebete eikima: mwesi akototana, mwesi akotikala. 42 Ndindjongo hukani, la loyi ate wewitini nda wuse okodja Likumu la nu. 43 Ewani oho wolamu: inga memene monguta aewaki nda engele moto o iwa akodja la likolo, nda ayabatali angbilia, nda atidheli moto o iwa alingele la monguta monde. 44 La ndjongo, ino koto, abanyiani wolamu, alikambo mbai mana o moto ikodja engele enge emungoiti ino. 45 Ndjongo nda motuke molamu pe aangatali ongo likumu la nde amobati sindjili e wato wa monguta monde la owahi wilaka la engele enge ebalami? 46 Mwemu modjéi la moto o wotomu ongo inga Likumu lande akawongwa atie nde, amogbootia ayahekeleli la wotomu wonde. 47 Iyowaselini memene: Akobobata likumu e wiho wande kpa. 48 Ase inga adja motuke mobe, ongo akoyasela inde amene: LIkumu la mbai awumoi la owongoi, 49 Akopota owabingi wato wango wakokelaka wotomu la inde mongindji, ingi alaka la okokengi mongindi la wato wa molangwa. 50 Likumu laho akawongwa wuse wumgo inde atiyewa, la engele enge eyewiti inde. 51 Likumu akomoha etumbu e tetelake, akomokawela liputi e wato wa ogeno: ongo ekodja oleli la otwi maino.
Chapter 25

1 Eho lenge, okumu o likolo ekodja nda waseka liomo wango watotali matambe djawu pe wapumbali ogbotoni la molome o liwala. 2 Watano wadjaali wikete, pe watano wadjaali la okenge. 3 Wikete watotali matambe mau, kasi watitotali maita. 4 Kaiko ase wango wa lokenge watotali miinda mau la maita ndondo e milangi 5 Nda molome oliwala adjaali owumwei, waokali ilo, walangalali. 6 La ndondo e likolo moli modhumbiamali: dhenda molome o liwala, kekeni ogbotone la inde. 7 Wali wango kpaa, wayamalia pe wawongelali matambe mawu. 8 Wikete waasaali la wango wa lokenge ate: hekeleni iso ndambo e maita eenu, laate masu mapotia olimani. 9 Wongo wa lokenge wawongolali ndjo: te ndgjongo, maita matikoka okelelani iso la ino. Kekeni atie wango wakotambaka maita pe sambani djanu. 10 Ango ekeeli iwo osombi, molome o liwala aumia. wango wahuakali walingelia la inde monguta mo liwala, modhuhe edhikanali. 11 La mbuse, weeti waseka wadjia, waasia: likumu, likumu todhukola! 12 Inde awangolali ate: iyoaselini meemene iyoyewitini. 13 Angatalakani a tina ate woyewiti lisio la engele. 14 Edjei nda moto mwesi apotali okii okendo la moki mo wadjidji, awelali mituke mandee pe awahekeleli iho wande. 15 Ndjongo ahekeleli mwesi wambele itano oeti iwale, ongo oeti mwesi ahekeleli moto la moto ondeli okulu wonde, mbuse akeli okendo la moki mo wadjidji. 16 Lambala kikima, ongo ototali wambele itano akeli okeli la eho molunga, pe eho ewotali eeti itano. 17 Ndenge kikima pe la ongo ototali iwale, eeti iwale. 18 Ase ongo ototali ndji esi akeli,pe atongali mbume pe ahisali ambele eho e wimbende e likumu lande. 19 Mbuse e masio malayi likumu e watuke adjali pe awawongoli wamosubele mboli e wambele djande. 20 Ongo ototali wambele itano adjaali pe akpalali wambele eti itano aasali ate: likumu, ohekeli mbayi wambele itano; dhenga, ewotia wambele eti itano. 21 Likumu lande amoaselali ate: edjei olamu, motuke molamu pe la omeemene e sambo keke ikoobata obanyei wihoo ngbii. lingela la mwemu e likumu la owe. 22 La mbuse ongo ototali wambele iwale adjaali pe amoaselia ate: likumu, ohekeleli mbai wambele iwale, dhenda, iyokpobeli wambele etii iwale. 23 Likumu lande amoaselia ate: edjei olamu, motuke molamu pe la omeemene; odjali olamu la sambo keke, ikoobata obanyei wiho ngbii lingela la mwemu e likumu la owe. 24 La gboo ongo ototali ambele esi adjaali pe aasali ate: likumu iyewaki ate owe okodjaka moto o sambo tetelake, okobukaka, ebete etiyone owe, okoboliaka ebete etihuholali owe. 25 Ndjongo iwangali pe ikeeli oyisi ambele e owe la mbume, dhenda ambele owe lele. 26 Likumu lande amowongweselali ate: motuke mobe pe ekete, oyewali ate ikobukaka ebete ewoniti mbai, la ikoboliaka ebete etihuholali mbai. 27 Oho lenge eengali obate wambele wa mbai ewimbende la baki ase la ewongo e mbai nda itoti wambele wa mbai la asumbelia. 28 Mopwesani djinge ambele, mohani ongo odjei la wambele liomu. 29 Laate wakomoha ongo odjei la eho ngbi, kasi ongo oti la eho, wakomopwesa te enge edjaki inde la eho. 30 La enge edhendji mu mtuke mo pamba, molumbani saa: ongo ekodja ilelo la otui maino. 31 Ango mana o moto akodja la kembo ende pe wahumbwa wasatu mongindji la lainde, ndjongo akoyabata la ngbelengo ende e okumu la kembo. 32 Miki kpa mikoyabata liwoso lande. Akokabola wato wadji la weeti, nda sindjili e kondolo akokabolaka kondolo la meme. 33 Ase akobata kondolo la oho ende e lilome ase wa meme la ewo ende e liali. 34 Ndjongo likumu akwasa la wango wadjei la ewo e lilome: djakani, ino wango wapambwaami la wawa o mbai, totani mbano e okumu enge wawongelali ino tee la lipoteli e moki. 35 Laate iyokali ndjala pe ohekelelini mbai ma ema lakake; idjali la ehoha, ohekelelini mbai malia makengake. Idjali modjidji pe oyambalini mbai olamu. 36 Idjali lingbengbele pe okpalisalini mbai, idjali la boloko pe odjalini odhendji mbai. 37 Ndjongo wato walamu wakomowongolela inde ndjo, likumu nda engele toeneli, odjali la ndjala tohekeleli ilaka, inga la ehoha, tohekeleli malia makengaka? 38 Nda engele toeneli modjidji pe toyambali olamu pe odjaali lingbengbele pe tokpalesali? 39 Nda engele toeneli la ekoni te la boloko todjaali oodhendji? 40 Ase likumu awawongoselali ate meemene iyowaselini: masio kpaa enge okelali eho la mwesi la wato wango waeti wakeke ndondo la wa manima wa mbai, okelelalini mbai. 41 Ndjongo akwasa pe la wawo wa djei la eho nde eliali ate: longwani ala ino wango walakelanala obe, kekeni la misa enge etilimanaka enge ewongonali la etota la waahumbwa wande. 42 Laate iyokali ndjala, ase otihalini mbai ilaka pe idjali la ehoha, otihalini mbai malia makengake. 43 Idjali modjidji, otiyambalini mbai olumu; pe idjaali lingbengbele otikpalisalini mbai, idjali lekoni pe la boloko, otidjali odhendji mbai. 44 Ndjongo iwo pe wakomowongosela: likumu nda engele to oeneli la ndjala pe la posa e malia te modjidji pe lingbengbele te la ekoni pe la boloko pe totioyokelelali owe? 45 Ase inde akowawongolela la oasi ate: Iyowaselini meemene pendja ate: engele kpaa enge otikelali la mwesi a wato wango waheti keke ndondo e wamanima wa mbai, otikelelalini mbai eho. 46 Ase wakokela logo e libele, ase wato walamu, wakoke la mokalo mo libela.
Chapter 26

1 Ase ango oseselali Yesu oasi sambo ndjande, awaaselia watutiani wande ate: 2 Woewini ate etikali masio maale Pasika ekelane, ase wakomokawa Mana omoto la loyi ate wamwakie la kulusu. 3 Ndjoongo wiloko wa wanganga Mwengei, la watiesakoli e pui wakumu la wiloko wato wagbotonia aatie nganga Mwengei mosungu ongo omoweli iwo ate Kaifa. 4 Ase wakelia londo la ndenge ate wamohele Yesu la lokenge obe, ase wamoole. 5 Kasi wasiate: etidjee engele e lipati, la loyi ate wato watikele ewedje. 6 Ango edjakali Yesu la Betania, la monguta e Simona moto oekoni e mbala. 7 Moli mwesi ayandongbia ahue onde, aiki mokeba mo malasi modjéi la lumba wolamu,mungo modjéi la motio mosungu, ase ango odjakali inde olaki, amosuelia malasi la moto. 8 Watutiani, waenia ndjongo, ewabitelia, ase wasia ate: nda ndenge obitesi ema nda ehenge ndjongo? 9 Ewongoki ate watambe mango malasi la motio mosungu, wawahe watundake. 10 Ango ookia Yesu ndjongo, awaseselia ate:ndandenge ekomodendiaka ino oholo moli?Akeli loi wesi wolamu atie mbai. 11 Ino odjéini la watundake masio kpàa, kasi otodjaakineni la mbai masio kpàa te. 12 Nda esweli inde mbai malasi la wenge wa mbai, edjei la olengeli oombami o mbai. 13 Iwaaselini la memene, wiati kpàa wikoasana mboli ndamu, la moki mwesi kpàa, wakwasa la omungoi ndenge ekeli oholo moli. 14 Ndjiango mwesi owatutiani wande liomu la wale, omoweli iwo ate Yuda Mosikaliota, akia atie wiloko e wanganga Mwengei. 15 Ase asiate: okohani mbai nda ema laate iyokaweleni la inde? Ase wamohekelia wambele tuku isato. 16 Ndji enge engele, alukia ndenge ndaamu la omokawi Yesu. 17 Wuse wopoo e wokoke edjangi enuele watutiani wakiaa atie Yesu, wamwaselia ate: Nda eati ebali owe ate tokawongele Pasika? 18 Awawongoselia ate: Kekeni la gbata la ebete eesi, ase owaseleni ate: Likumu aasi ate: Engele e mbai ewumia ahue, ikokela Pasika la watutiani wa mbai atie owe. 19 Watutiani wakelia ndindjongo nda ewatomali Likumu. Ase wawongelelia Pasika. 20 Eumia pokwa, aabatia la mesa inde la wango liomu la wale. 21 Ango odjakali iwo olaki, asia ate: iwaselini memene, mwesi oonu akokawa mbai. 22 Waokia magba makasi, ase mwesi la mwesi apotia omwaseli: Edjéi mbai Likumu? 23 Awawongoselia ate: ongo moto obongi la mbai ewo la pepe ebete eikima, inde nde okawa mbai. 24 Mana o moto akokeke, ndenge edhingami eho la loyi lande, kasi magba la moto ongo okomotambaka mana o moto! Ekokaki odjei olamu inga moto oho atiwotamake. 25 Yuda, ongo omokawali a longosia loi asiate: Edjéi mbai Likumu? Yesu amowongoselia ate: Ndjongo nda owasi owe. 26 Ango odjakali iwo olaki,Yesu atotia okoke; ase mbuse, eende eoyakongi abukia, ase awahekelia watutiani asiate: totani, olakeni, ehenge edjéi wenge wa mbai. 27 Mbuse atotia etotu, ase mbuse ewakongi, awahekelia asiate: kengani ino kpàa; 28 Ehenge edjéi makila ma mbai makila ma wouma ma oholi, mango makoswakana la loyi la wato ngbi, la olimbesi masumu. 29 Iwaselini, itokenga kine engema elongoi la mote movino, tee wuse wungo okokenga mbai enge poli la ino mongindji, la okumu o wawa. 30 Mbuse e olembi lembo e Davidji, wakia la mokoli mo oliva. 31 Ase ongo Yesu awaaselia ate: okobingani ekikimi ino kpa la li likolo, la loyi la mbai, laate edhingami ate: ikomobinga sindjili e pata, ase mpata djaho kpàa ikowandjana. 32 Kasi ango mbuse ekosusua mbai, ikokee liwoso lanu la Galilaya. 33 Petelo aotia liloba, aasia ate: inga té wato kpàa wakosakela ekikimi a loyi la owe,mbai itisakela ekimi te okeke. 34 Yesu amwaselia ate: la memene ewaseli mbai, la li likolo ndjo liwoso ate koko ebekwe okowungana mbai mbala isato. 35 Petelo amoongoselia ate inga tate edjaki ate togue la owe mongindji mbai itowungana. Ase watutiani kpàa waasia ndji ndjongo. 36 Mbuse eho, Yesu akia la iwo la ebete esi e weli iwo ate Getesemani, ase asia la watutiani ate: abatani ahala, ango ekokeke mbai lihele oyakongi. 37 Amototia la inde Petelo la wana wa Zebedeyo wale, apotia ooki magba la oyamungoi makasi. 38 Awaselia alidji ate:Molimo mo mbai modjei la magba tée la logo. Abatani ahala djaani maiso ngbai la mbai mongindji. 39 Ase ayandongbia moke liwoso, akuya elongi la mbume ayakongia ndjo: Wawa, inga eho ekodja olamu, ehele etotu eleke lihiele la mbai! mbala kpàa, etidje wungo wobali mbai,kasi edje nda ebali owe. 40 Ase, akia ango odjéi watutiani, awagbotia walali, ase asia la Petelo ate: ino okokitini otoni la mbai té engele esi? 41 Susuani, ase wakongeni la loyi ate otikweni la mamekani, elimo edjéi la mogalia kasi moini modjéi pete. 42 Awatikia alidji ase ayakongia ndjo: wawa o mbai, inga eengaki ekelame ate eho etileke inga etikenge, mokano mo owe mokelame. 43 Awongoyia alidji akawagbotia walali ilo, ango maiso mawu malitali. 44 Awatikia, ase akia alidji, ayakongia mbala esato, awongwanelia ndji ndjongo. 45 Mbuse eho akia atie watutiani wande ase awaaselia ate: Woni odjéini la wilo, alidji okohomakani la ehele engele? dhendani, engele eumia ahue, ate Mana omoto wamokawe la mawo ma wato wa masumu. 46 Susuani, tokee dhenda ongo okawi mbai aumia ahue. 47 Ango edjiakiyo Yesu owaasi, dhenda, Yuda mwesi ndondo e watutiani liomo la iwale, aumia, adjiya la watongbi waiki mabeha la mite, walongoyi atie makumu e wanganga Mwengei la wiloko e wato. 48 Kaikonde moto ongo omotambali awahali elembo, aasali: moto ongo ikomolinga ekopi edjei inde mohelani. 49 Lambala kikima Yuda ayandogbia atie Yesu aasia: mbote mwalimo! amolinga ekopi. 50 Yesu amowongoselia: manima, enge edji owe okeli, kela eho. Ase wango wato wayandongbia wamobatia Yesu mawo, wamohelia. 51 Mwesi la wango wadjakali la Yesu mongindji aumesia sapia ende, amokotia moto o wotomu o nganga-Mwengéi mosungu, ase amotenia litoi. 52 Yesu omoaselia : wongosa sapia e owe la mokpokobo la loyi ate wango kpàa wakokelela sapia, wakogua ndji la sapia. 53 Omungoli ate itikokake oongi ligamasi atie wawa, akoki otomeli mbai ndji sikala oleki liwoke e wahumbia liomu la iyale ? 54 Ndandenge ekoengemene madhingo,ate eho ekokaki okelami ndji ndjongo? 55 Mbuse eho Yesu awaaselia liwoke la wato: odjini la wiwuni la mité la oheli mbai nda moto o iwa? Masio kpàa idjakali masio kpa oyabati la ino, otiesakoli la tepelo, otihelalini mbai. 56 Kasi djihidji kpàa iumia ndjo la loyi la woengesi madhingo ma waaseli. Watutiani kpa wamodheiya, watila. 57 Wato wango wamohelali Yesu wakeli la inde atie nganga Mwengéi mosungu, Kaifa, ongo wapundesi wa pui la wiloko wato wagbotonoli. 58 Petele adjali omotuteyi Yesu mbuse ma lihiele, tee la monguta mo nganga-Mwengéi mosungu, alingeli andondo e lopango ase ayabatia la watuke mongindji la ondhendji inga loi woho woko suka nda ndenge? 59 Wiloko wato wa wanganga Mwengéi la wiloko wato kpàa wakelali londo mosungu la oluki loyi e mohengelake Yesu laate wamoolese. 60 Kasi watieneli te likambo likikima, te ndenge wato wa moleho wadjali ngbi. Mbuse weeti wale wadjali. 61 Ase waasia ate: oholo moto aasali ate: ikobuka monguta mo Mwengéi ase ikoma la mbuse e masio masato. 62 Nganga Mwengéi mosungu aamalia ase asia la Yesu: Owongositi loi te lokikima? Woni wa wato wakokambaka? 63 Kasi Yesu aabatia logoo. Ndjongo nganga Mwengéi mosungu asia la inde ate: la nkombo e Mwengéi o mokalo iwongi otowongosele iso la memene inga odjéi Masia mana o Mwengéi? 64 Yesu amowongoselia: Owe oasi ga. kasi yasi la ino okoeneni ndji keke mana o moto ayabati la lilome e Mwengei e okulu kpaa, igeleli la mapata ma likolo. 65 Nganga Mwengéi mosungu asalakolia wisindje wande wa wenge ase asia ate: Amotangi Mwengei! nde ekolukakine iso wa demo? Ookigani nda emotangi inde Mwengei. 66 Omungoini nde? Wamowongolia ate: Akoki la logo. 67 Mbuse wamolumbelia soi la mbanda mpe wamobingia ibhotu, weeti wamobambolia la oasi: 68 La oasi: Kilisito twasela. Ndai aobingi? 69 Petele ayabatali kelekele ndondo e lopango, Moto e owotomu mwesi o moli o nganga Mwengi mosungu aumia ahue lainde ase amwaselia ate: owe koto adjaki la Yesu mongindji moto o Galilea. 70 Kasi Petele awungania la oasi: iyewiti enge ebali owe oasi. 71 Mbuse eho ango edjali inde oki liwoso la moluhe mo lopango, Moto o wotomu mwesi o moli odji amoenia awaselia wato wango wa djakali ango: oholo moto adjaki la Yesu mongindji moto o Nazaleta. 72 Ase Petele awungania alidji la olapi: Imoyewiti ohongo moto. 73 Mbuse e engele ekeke, wato wango wadjakali ango wayagugia ahue ase wasia la Petele; memene odjéi mwesi owu, easeli e owe ekoeneseke. 74 Kasi Petele apotia owabumakoli la olapi ate: Imoyewiti ohongo moto! La mbala kikima koko ebhekoiya. 75 Ase petele amungolia loi wungo woasali Yesu la inde ate: liwoso koko e ebekwe okowungana mbai mbala isato. Apumbali saa, atobheiya la ilolo la magba.
Chapter 27

1 La kesekese wiloko wato kpàa wa wanganga-Mwengéi la wiloko wato wa wa Yuda waokanali ebete eikima alikambo la omoli Yesu. 2 Wamohelali, wamokawia la wamobatia liwoso la Guvelenele Pilato. 3 Engele Yuda, moto ongo o mohali Yesu atie watone aeneli ate wateniga loi wo Yesu la omoli, inde aokali magba la motema, ase akadjia la pukapuka dja wadjinge tuku isato atie wiloko wato wa wanganga Mwengéi la wiloko Watone la wiloko wato. 4 Inde awaselia ikelali wobe omokawi moto ongo otila huka te la omoli! ase wamwaselia edjéi loi wosu? eho edjéi loi wo owe 5 Yuda akalumbia wadjenge ndondo e monguta mo Mwengéi, ase akia mbuse eho inde akia wanangi moliki la kingo ende mene. 6 Wiloko wato wa wanganga Mwengéi waonia wadjenge waho ase wasia: pui djasu itekasi obati wadjenge wahawa la sanduku e monguta mo Mwengéi, alikambo edjéi motio mo makila. 7 Ambuse e wokani ebete eikima, walumbali wadjenge waho la elanga e moto mwesi ookeli teni, alikambo la obati elanga eho ebete eowakundi wato wadjake. 8 Alikambo laho, wawelali elanga eho elanga e makila tee kekehele. 9 Ndjongo sambo dja mwaaseli Yeremia yengesame: watotali puklapuka dja wadjenge tuku isato wadjenge wango waokanali wato wa Isalaele la oputi alikambo lande. 10 Ase wasombia la djaho elanga e moto ookeli teni, nda eheleli Likumu mbai mwamo. 11 Yesu amalali liwoso la Guvenere amohulia owe odjéi Likumu la wa Yuda? Yesu awongosia, wasiga. 12 Mbuse wokeke ango wiloko wato wanganga Mwengéi la wiloko wato wamobetelia inde, inde atimowongoselali moto twti. 13 Ndjongo Pilato asia la inde okitiaka te, obeteli wuhuwu wokobeteleke iwo? 14 Ase Yesu atimo wongoselali ema teeti te ndjongo Pilato aahuelia ngbii oleki. 15 Ndondo e mapati kpàa ma Pasika, Guvelenele akomodeke moto mwesi o woyogo, moto ongo omobalaki wato kpàa. 16 Ndjongo la engele ehomoto mwesi owoyogo edjakali moto owoyo ongo omobalakali wato kpàa nkombo ende Yesu Baraba. 17 Ndjongo Pilato awahuelia wato ngbii wango waabolei: obalini imode nda moto la loi lonu? Yesu Baraba te Yesu ongo omoweli iwo Kilisito? 18 Te la gesele te inde aewali wolamu ate wamokawali Yesu atie ende, alikambo ate wadjali la ekakala. 19 Ango wabatakali Pilato la ebete e timilali moli onde a motomia moto owasi la inde: otikelake loi te weti atie oholo moto ohuko te alikambo ate keke a likolo yoki wobe ngbii la oloti la loi wonde. 20 Wiloko wa wanganga- Mwengéi la wiloko wato wa watindikia wato la omwongi Pilato Baraba, ase wamoolé Yesu. 21 Guvenele awahuelia wato waho obalini imodee ndai ndondo e wahawa wato wale? wamowongoselia: Baraba! 22 Pilato awahuelia: ndjongo obalini ikele nde la Yesu ongo omoweli iwo Kilisito? wato kpàa wawongosia: mwakiani la Kuruse. 23 Pilato ahuelia ndjongo inde akeli nde? take go Ase wopotali opami la wokulu kpàa wou: Mwakia inde la Kuruse! 24 Ango wenia Pilato ate aengiti ikine okeli loi te weti te, ase ndi etale elekali liwoso, inde atotia malia agbolia mawo liwoso la wato ase asia huko e ohoko moto eti la moto mo mbai te! edjéi loi wonu! 25 Wato kpaa wawongosi: ewongi huko eoholo e logo edje la mito masu, tee mito ma wana wasu. 26 Njongo pilato amodeya Balabasi alikambo la iwo. Inde ahekelia mwano oomobingi Yesu fimbo, awaaselia wa mohele a ekulusu. 27 Wa masaze wa Pilalato wakia la Yesu la munguta mo guvelenele, ase wa masaze kpaa waaboleya kelekele ende. 28 Wa molongosiya isindje wande, wa mokpalesia lobe etanake. 29 Mbuse eho wasonia kataka e keeke, wa mokpalesia a moto monde, wa mohelesiya ekongo la ewo e lilome, wa maiya mawuli liwoso lande, wa mosekali la owasi: Mbaa likumu la wa yuda. 30 Wamosuwelali ikaha, watotali ekongo wa mobingia la moto. 31 Ango edeiya iwo omoseki, wa molongosiya lobe etanake, wamokpalesia isindje wande amene, ase wakia la inde omobaki la ekulusu. 32 Ango oumali iwo, wagbotonia la moto mwesi o Kirene, omoweli iwo ate Simoni ase wamwaselia la makasi ate akpale kuluse e Yesu. 33 Waumia ebete esi eweli iwo ate Gologota enge easi ate ebete e mokua mo moto. 34 Wamohekelia vino ewauesi iwo la malia mabe ate akenge, kasi adetia atoni a okengi. 35 Mbuse eomogbomi la ekulusu wakania wisindjè wande, wabingia waho la likambo la okokesi ndjinge yasanali la waaseli ate wakokawana wisindjè wambai ase wakobinga kandjo e mbai la zenge. 36 Mbuse wabatia, wako denda. 37 Alikambo la ohui demu eohelani wonde, wadingia la likolo la moto monde oholondjo andjéi Yesu Likumu la wayuda. 38 Wamogbomia la kulusu inde la wato wabe wale, mwesi la ewo elilome mwesi la ewo e liali. 39 Wato waetakali la mboka wa motangakolia, la oninganesi moto. 40 La wasiate: owe moto olukaki ate obuke tepelo, ase otonge mbuse e masio ma sato, akalesa kine owe mene! inga ondjéi Mana o Mwengéi, andjimba la kulusu. 41 Wanganga-wakawi, la wadingeli la wiloko wato wapotia omoseki, ase wasiate. 42 Awakalesali wato wadi, ase akokiti wakalesi inde mene! inga andjéi Likumu la Isalaele, aandjimbe la kulusu, ase tomondime. 43 Aahi la Mwengéi, Mwengéi amokalese kine inga amobali. Ango andjakali ate mbai indjéi Mana o Mwengéi. 44 Wato wabe wango wawagbomoli lainde la kulusu mongindi, wamotangakolia ndindjongo. 45 Olongoi engele etimobatée e libwa,molili molingelali mokili mwesi kpàa. 46 Ase engele e libwa,mYesu apamia la moli mosungu Eli, Eli lama sabakatani? measite Mwengéi o mbai Mwengéi o mbai, odei mbai alikambo la nde? 47 Wato wadi wango wandjakali ango waokia ndjongo wasiate akomowelaka Elia. 48 Ase ango mwesi owu akia obangu aotia linuka aluleya la vino e ngai, ase abatia la etotu, amohia ate akenge. 49 Ksi wango wadi waasiate deeni toene inga Elia akondja omokalesi. 50 Yesu ahumbia pui alidi ase atenia motema. 51 Ase denda litambala la petelo lisaleya la wisali wiale, olongoi likolo tée sése,mbume iningania, mabanga matakania. 52 Kuli inuhama ase wansatu wango wagwaté wa susoya. 53 Wato wango walongwali la kabuli, mbuse e wosusoi wo Yesu, walingelali la moki mosatu, ase wato wasungu waweneli. 54 Wasindjili la wato wango wandjakali ango la omokengeli Yesu, waenia woningani wo mbume la ndjinge sambo ileki mine, wawangia makasi se wasiate Memene, oholo moto andjaki Mna o Mwengéi. 55 Wali ebele wandjakali odengi lalihiele wango wakeli la Yesu tée la Galilaya, la omolambeli. 56 Katikati ewu endjali Malia Magadala, Malia nango Yakobi la Yosefu, la ngbau owana wa Zebedeyo. 57 Kolokoloeumia, moto mwesi o Arimateo andjakali la wambele ebele, nkombo ende Yosefu, ongo ondjakalihoto motutia o Yesu. 58 Akia atie e Pilato, ase akaongia wenge wa Yesu. Ase Pilato asiate wamohekele la inde. 59 Yosefu atotia wenge, alingia la esindjè elamu elumbake. 60 Ase abatia la kabuli esindjè eholi enge ewongeleli iwo la mabanga. Mbuse adihue libanga lisungu la moduhe mo kabuli, ase akia. 61 Malia o Magadala, la Malia la Malia odi wandjakali ango, wabati ndiango ahuela kabuli. 62 Wunewuse,ege endjakali wuse wo woa wongeli, wanganga wakumi, la Wafalisayo wakia mongindi liwoso la Pilato. 63 Ase wasiate Likumu, iso to waseli ate ongo mosakoli asali ate akokala alidi mbuse e masio masato ako susua. 64 Watoma wato wakakengele kabuli mbuse e masio ma sato, alikambo ate watutiani wande watindjamoiwe ase la wasi la wato ate; asusoi ga la wato wagwake. Moleho mo ehele mbalandjo mokoeta té mbala eliwoso. 65 Pilato awaselia ate ondjéini la sindjili,kekeni kakengeleni ndenge ewi ino. 66 Wakia, ase walingelia la kabuli la ndenge ndamu, watindikia.
Chapter 28

1 Mbuse e sabata, la hilihili e lisio la poo e poso, Maliya Magadala la moliya weeti wakeeli odhendji mbila. 2 Eho dhenda! mbume edudumali makasi meenene, laate ahumbwa e Mwengei alongwali likolo, ayadjimbia, agulia libhukeli liwoso e modhuhe mo mila, ayabatia likolo la ho. 3 Ndenge ende edjakali nda abalimani, pe wisindje wande ebubali nda mapata. 4 Wasindjili wangilimali la owangi, waumali nda wagui. 5 Ase ahumbwa ehoo awawongoselali wali waho ate: Otiwangeni, laate eyewi ate okolukakani Yesu, ongo omobakali oyo. 6 Ati alandjo laate asusoigaa, nda eyasali inde. Djakani odhenge ebete Likumu alangalali. 7 Ase kekeni galagala pe walehela watutiani wande ate asusoi. Aki liwoso la nu la Galileya. Ongo nde okomoeneni ino. Meemene isilisiga oowaselini. 8 Walongwali obangu la mbila, la owangi la mwemu sungu, wakeeli obangu owasumbeli watuatiani wande mboli. 9 Dhnda! Yesu agbotonia la iwo pe awaaselia: mbaa! wadjali wamohelia mangbanda pe wakuya mauli liwoso lande. 10 Ndjingo Yesu awahaselia ate: oyiwangeni! kekeni owasumbeli wamanima wa mbai mboli, ate wakee a Galileya laate ongo wakohene 11 Ango edjakiyo iwo la mboka, weeti wasindjili walingelali la gbata, wawasumbelia wiloko wa wanganga Mwengei sambo kpa ekelamali. 12 Mbuse e waabondji la wiloko la olingeli likita, waahali wasoda makuta masungu. 13 Ase wawaselia: asani ate watutiani wande wadjaali oyiwi wenge ndji iso todjei la ilo. 14 Inga ewuma la matoyi ma likumu e gbata, tokomondimisa alidji tokokela ate watootungeseni. 15 Ndjongo watotali wambele eho ewibende pe wakelali ndi nda ewatiesakolali iwo; pe loi luhoo esombali atie wa yuda tee la lisio la keke. 16 Kaikowase, watuitiani liomo la esi wakeeli la Galilaya a mokoli enge Yesu awa wunelali iwo wagbotone. 17 Ango emoenia iwo, wamomayelia mauli sese kasi wadji wakokiali. 18 Ase Yesu ayandongbali pe akpomesali la iwo, aasia: wahekeli mbai okumu kpaa e likolo pe la mbume. 19 Eho lenge, kekeni pe owumeseni wato wa miki kpa watutiani wa mbai, owapateseni la kombo e wawa pe la mana pe elimo satu. 20 Watiesakolani watose sambo kpaa enge oyohekelini. Pe dhenda! edjei la ino tee gboo e moki.

Mark

Chapter 1

1 Ehele edjei mboli ndamu e Mwengei Yesu kilisito. 2 Ndenge edingami la mokanda mo Isaya, ndenga ikotoma atie owe motomani mo mbai; ongo oko wongele mboka eowe; 3 Edjei moli mongo moko kpomaka ongo la motulu: wongeleni mboka e likumu, la langiani eho olamu. 4 Yowana awumali la motulu, adjaali oti libatisi likukoleke motema la olimbisi masumu. 5 Mikii kpaa Judaya wato kpaa wa yelusaleme, wadjakali oki atie inde wadjakali owunisi la ohola masumu, Yowaniadjakali owabatisi la malia ma Yoloda. 6 Yowani adjakali okpali esindje wa suwe dja kamelamoliki mo ekomba enama o motulu. 7 Adjakali otiesakoli ndjo: motongo akodja la okulu oleti mbai; ikokiti otokoli miliki dja ikpokpo wande. 8 Mbai ikoo batisaka ino la woliwa, kasi inde akobatisaka la molimo mosatu. 9 enge tango, Yesu akeeli la Nazalete ongo la Galile Yowani a mobatisali la yuludani. 10 La tango enge awumali la malia, aenia likolo lindukwania, elimo ewadhimbielia nda pidjo. 11 leeti mooli mookanali likolo odjei mana o mbai olibalano iyemeli loowe. 12 Aleeti tango enge elimo emotomia la motulu. 13 Ongo akeliaka masio tuku ineii la omekami la etota. Adjakali la mbau dja mitulu, 14 Mbuse Yoana ahelanali akia la Galilai, okatiesaka loyi lo Mwengei. 15 Adjakali owasi ndjo ekoki okondji olikolo wowumia ohue okukolani ndima ni mboli ndamu. 16 Tango esombakali inde penepene emalia ma Galilai, amo wenia Simoni iwo la Andele, manango la Simoni walumbakali woya la malia, wadjakali wa lobi. 17 Yesu awaselia: biliani mbai, ikobatani wa lobi wa wato. 18 Wa deiya meya mawo, wa mobilia. 19 Atike lihele te, amoyenia Yakubo, manango o Zebede, la Yowane, manango ongo wadjakaali kati wato owongeli meya. 20 Ndi ehenge tango ndjo awawelia, wa déeli wa sagbasu Zebede la wasali wau, weeti wa obilia. 21 Wa keeli la kapanaume. edjààli lisioo la yenga, Yezu alikambo ndondo e losambo, mpe abandi otiesakoli. 22 wato wakamwali mingi la ndéngé edjakaliinde otiesakoli la otétélaké, etidjàli okokani la ndéngé ewa wiloko wato. 23 Adjàli ndondo ésinagogà ewu, moto mwesi adjiàli la molimombé mpe ahumbwali pwi: Ndéema edjei etiiso la owè, yesu moto ona nazarethà? odjialà ndjo otolimwesé isoo. 24 Iyewike odjéi : motuké o Mwengei. 25 Yesu àapameliya àasia, héla munoko mpé pumba la wéngé ehéle moto. 26 molimo mobé mopumba ndondo moto, eko molumbàlumbà, mpé akohumbwakà pui. 27 Watokpàa wakamwiya, wabandia ohuèlani: Epoti owasi ndjooni? edjei mateya màholi. ahotumiàka la otétélàké milimombé, ewotosaka! 28 Mboli endé éandjali galilea esi kpaa. 29 Wopumbia à sinagoga , wakiyali la molako e simoni la Andele mboka kikima la Yakobo la Yowani. 30 Nango okiyo Simoni alangalali la epée adjali la ekoni é fèfèle; mbala esi, wa mwaséli Yesu à loilandé. 31 Ayandongbia pène indé, àmohelia mahoo àmomalesià mpé mbala okikima fèfèle emomiya. Mbuse , awàkeleliyà eleka. 32 la pokwa, mbuse élolangali éusé, wamodjelia wato dja ikoni kpàa, mpé wato wa etota. 33 wato mungo moki wadjiatée à moduhe mondé. 34 Akalesià wato kpàa wongo wadjàali la ikoni pkàa. Aombia la milimo mbé ngbii, atidjàali obali milimo mbé eyasi, laate wi moyewali. 35 La ngonga eboo, ndii likolo edjeiyo, àamalia, aatè akè ébeté émangàngà, ongo adjali ndé oàkongi la Mwèngei. 36 simona lawango wadjàali landé; wakia omoluki. 37 Wa mogbotia wamwaselia: motokpa akolukaka. 38 Awaaseliya toke enge moki mo mungo modjei kelekele ikoki pe oteyi ongo, laate edjei saa loyi luwo. 39 Mpe akia otei la wa sinagoga, la moki ongo mo engali kpa pe awumbia la milimop mbe. 40 Moto o mbala adja atie inde, awalumbia la mawuli mpe a mwaselia la popoo enge magba: inga ombala, kalesa mbai. 41 Yesu atumia la magba, akokolia ewoo, amohelia mpe asiaa: ibali, iume peto. 42 Enge ngonga, mbala epumbia aseko aumia peto. 43 Yesu àmotumia mbala kikima, amwaselia la otétélaké, mpé à mwaselià, àbania 44 otimwaselé moto tweti, keke owa inye etii wutuke wa Mwengei, kèkè owà inyé étii etuké wa Mwengei, aseko, hàamakabo Moyize atomaali la moto okali. 45 ongo moto okeli osumbi mboli, la ndéngété, Yesu atikokàli aléeti olingeli la hoho. A omalali sàa, la ébété engé edjàali la manganga, wato wa moki wadjàali odji.
Chapter 2

1 Mbuse emasiyo, Yesu awongoiya akapelanawuma, wawokia aate adjei a molako. 2 wadjia wato ngbii ebeté liwoso la moduhe etiwakokali, adjali owateyi. 3 wato wadja etei indé wadja la moto ogwi makolo wato waneyi wa mopkali. 4 Ndengé etikokali olingeli ngbii wato wa djali, wabukia mohuwa momolako ebete edjaki indé, wa modimbia la egénge moto obukeyi makolo alongalaki. 5 Yesu adendia ondimi owu oasia longo moto oekoni: mana o mbai, masumu ma owe malimbisami. 6 Wateyi wamibeko wango wadjakali ongo wasia oholo motoakohasaka ndjoongo awotiolaka Mwengei. iloko wato waobatakoli, wadjakalali ongo owasia: 7 woni oolomoto akowasaka ndjoongo? awotiolakà. Ndayi okoki olimbisi masumu, inga etidjei Mwengei. 8 Yesu ayewiya mbala kikima engé edjaki iwo owasi ndondo ewu , awaaselia: woni odjei ni la momumongo amitema manu? 9 Ndé edjei obé, owasi la moto ogwi mokolo: masumu maowe malimbisami? 10 Aloyi tè oyeweni mana omoto adjei la okulu ala sese olimbisi wato mabe beba manu: 11 Aansia la moto ogwi makolo,iyowaseli, amala, tota épé owe, keke a molako owè. 12 Ndjilengé ngonga aamalia, atotia epé endé apumbwa wato kpa wakomoweneke, iwo kpa wamokumisia mweengei; waosia, tée edjei iso toeneki yo dji sambo. 13 Yesu akia aleeti ngambo emalia. wato kpà wadjia etie ndé adjali owatiesakoli. 14 La oweti amowelia Levisi mana Alafe, aabilo epako amowaselia mbai, amobilia. 15 Ongo yesu odjaki ameza amolako mo levesi, wa futisi pako, la wato wa ekaleli mbé waabatia ameza la indé alééti lawayekoli wandé ; wadjali ngbi, wadjaki omoyoki, 16 iloko la wafalizeyo wa moweliya akolakaka la wafutisi pako la wato ekaleli mbé, waasia la wa yekoli wa ndé: oweni akolakaka, aleeti akokengaka la watisi pako, la wato ekeleli mbe. 17 Yesu awokia aasia ; etidjée wango wadjei la posa ewa dokitele ndi wango wadjei la ekoni. itidjei oweli wango wadjei olamu, kasi wato wa masumu. 18 Wayekoli wa yoana la wafalizia wadjali okili ilakà. wadjia omowaseli : woni wayekoli wa yowana la wango wawa falizia wakokiaka ilakà? kasi wango wa owe watikilalka? 19 yesu awa wongoselia ! tango molomé oliwala adjei yo la wali wandé wakoki otoni ilakà? tango kpaà edjei iyo ebete esi la molomé eliwala watikoké okili ilakà. 20 Masiyo matidja molome akotela wakokila iloka engé lisiyo. 21 Moto tweti atikoké osoni esindje éndé eholi la isendje egala; inga akela ndjongo ekogulana engé eholi ekogula éngé egala, eyateli eho ekodja osungu oweti. 22 Aleeti moto tueti akobatakà maana eholi la molangi egalà, enama; inga akelandjongo, mana makoata milangi ino ikomboka. wakomboka ena. wakobotaka mana ewoli la milangi miholi dja ikombaka enama. 23 Ewumia liso eyenga. Yesu akpandia ilanga endongo. wayekoli wandé amboka wawumia obuki ndongo. 24 wa falizea wa mwaselia : denda wakokelakà engé etibalesamé lisiyo eyenga. 25 Yesu awawongoselia : otitangeni davide, tango adjali la owongi, la nda indé la wango wadjaki la indé. 26 Woni alingelali a molako mo mwengei, tango ekango emwengei likumu abatali, alakia okoké engé eingami, éngé ekoki ndjila wa konga ewengei olaki ; awahia tè wango wadjaki la inde. 27 Aaselia aleti : yenga ekelemate alikambo e moto te moto likambo e yenga 28 Mana o moto adjei likolo elisiyo e yenga.
Chapter 3

1 Yesu alingelia aleti asinagoga agbotia moto adjei la ewo ekasi . 2 wadjaki omodendi Yesu inga aomokalisa lisiyo eyenga: adjaki aloyi te wamokambe. 3 Yesu aasi la moto la ewo ekasi: amala ndondo ewu. 4 Aleeti awaaselia: endimamité lisiyo la eyenga, okeli olamu te okeli obe; omokalisi moto tè omooli? waabatiya iyo kpa logo. 5 A sombe seya masiyo mandé ngambo la ngambo la limemu mpo, awakelima la motema mobé mowu. Aasia longomoto: nanola ewoowe. ananplia, ewoendé ekalia. 6 Wafalisai wa pumbia, molingalia likita ate wapumbia wa molingialikita atewa mooli. 7 Yesu akiya ngambo ewale iyo la wayekoli wande. wato ngbi wa djaki omobili wango wa longwi apaleliya weeti ayudéa la watulu, wa sidona. 8 Awaokia sambo ngbii adjaki indé okeli, ya djaali etii ndé. 9 Aasie la watutiani wande wa wongele wato eesi laate wati
10 Alikambo aakelasi wato ngbii, wango wadjaki leekoni wadjaki omokweliate wa helewengé wande. 11 Te milimo mibé, tango edjaki iwo omweni wadjaki omombameli mpé adumbeli : odjei mana o mwengei. 12 kasi adjaki owaye wisi tè watiyase inga adjei ndai. 13 Ateliya likolo la imokoli mwesi ; awawelia wango adjaki owaweli; wakia eetiiindé. 14 Atotia wayekoli lomi e iwale wango wakodja la indé. 15 Aloyi awatomé oteyi la otetelaké lawumbi la itota. 16 Wango wato lomi la iwale awototi edjei: somina, amaleliya libukeli. 17 Yakobo mana Ozebedaya, la Yoane manako pyakobo awahia kombo wanalayesia eeinyi wa na wangombe; la Andele , la filipo, 18 la buelemia, la matia la Toma,la yakobo mana o alefa la tadea , 19 la simina okanana, la Yudasia mokeliata, ongo la mbuse amotambali. 20 Wakia atako watgi wa welonia aleeti, watidja lité la ngonga lakielaka la wu. 21 Oliye e Yesu waokia enge edjali oeti, wadjate ate wamohelé. wadjali owasi tè: okoni eboli. 22 Aleeti wiloko wango wadjimbali, tée ayelusaleme wadjaki owasi ate: adjei la belazabulu ; aleeti adjei owumisi itota la kombo e likumu eyi tota. 23 Yesu awawalia aasia la masekpe: ndandengé djambulu akoki owumbi djabulu ? 24 inga likumu likabuania la indé amane engé likumu ekokiti owumwi. 25 Inga molako mwesi mokowania indé amine, engé molako ekokiti owumwe. 26 Inga etota aa umisia indé amane modidi aleeti aakawa. 27 Moto tweti akoki alingeli landé molako emoto otetelake oyiwi iho wandé odjangi omoheli moto ongo motetelake . mbuse akoyiwa molako nonde. 28 Wowaselini menene, masumu kpa mokolisamà la wana wa wato, edendi nda ndengé émasumu, aleeti nda ndéngé é likolo engé edjei wo okeli ndengé éotangi. 29 kasi ongo moto ongo okokelali sumu a molimo satu atélisiyo akotota olimbisi : la masumu tii gboo. 30 Yesu aasia ndjongo alonyi tè wadjali awasi: adjei la molimo mobe. 31 Nango Yesu la wa maningo wadja waamalia saa wamotomelia wato wa mowelé. 32 wato ngbi wa molingaki, wa mowalesia : Ngwa, lawa magwa wadjei saa wakowelaka. 33 Awongosia : ndayi ima wandayi wa manima ? 34 Adendia wango wa sukani la indé : aasiya iwo ndé wadjei wa ima, la wa manima. 35 Ongo moto okokelaka ndengé mwengéi abali indé udé adjei manima opelé; mani o moli.
Chapter 4

1 Yesu abandali ohi mateya kelelé emalia masungu. wato ngbii wayandogbia kelekele ende ongo elingelaali indé la wato mpe ayabatia. Ndjongo wato kpa wayabatali ambumé. 2 Abandali ohi mateya la indé la masekpe. 3 Ndjokani moto mwesi akaonali, 4 La ebandali indé ooni, ndambo epukapuka ekpia amboka mbulu ekadjia elakia. 5 Eeti ekpia la mabukeli, ango ebandia eho otoyi, ango etidjali mbumé sungu, laate ndjili elingelé lambumé etikolali, 6 Ango ekadjia moyi, elongosia pe eomia. 7 Djeti pukapuka ekpia lakéké; etiwotali pukapuka laate editelelali. 8 Dinge ikpaali lambume ndamu, pukapuka eesi ewotali pukapuka ngbi, Dinge idjali tuku isato, tukuitano,pe mokama. 9 Mbuse aasia, moto odjei la iyokeli eyokake, ayoke. 10 Aabatia la wayekoli wande, makelekele, weti wato wango wadjali watutiani wande, wamohuelia aasosolise enge lisekpe. 11 Andele anbandia awaseli wato pkaa wango wadjei saa wakobanda wooki la masepke, kasi ino nde okoyewani dinge yasii la okondi la Mwengei, la ete edjei alikambo lanu, 12 laate, wango waadje la maiso. wa eneke watieneke, wango wadjei wiyokake watioke, laate wati kukole, laate masusu mahu matilimbisame. 13 Awa huelia, atitangalini ehele lisekpe? ndandange ekoyani ino masekpe djinge djei kpaa? 14 Moni akoonaka liloba, 15 Weeti wato wadjei nda mboka, ebete enge eanani liloba, la mwengala enge ewokiwo, etota edjali sia liloba linge lianamali ndondo ende. 16 Weeti, la wa weeti wakobukaka pukapuka la moyoko la ibete dja mabukeli; ango okoyokaka iwo sambo dja Mwengei, wa kotota eho la mwemu, kasi ndili. 17 Kasi watii la ndili iwo amene wakodiangaka ondimi, mpe la tango enge edjakali la tina eloi: la Mwengei, wadjaa la osakele esungu. 18 weeti wakodjaaka mogome ndondo ekeke, edjei wango wakookaka loi wo Mwengei. 19 Kasi la wango wadjei la libalano la masio ma djei la ogumake mpe lolenge ungo okoki owa lumbisi wato 20 Weeti waotota, linge lionami la mbume lilamu asewango wa okii liloba mpe wa gemeya eho olamu mpe wakowota pukapuka mbala tuke isato. 21 Ase awaesali ate: watidjaka-la-muendjii alikambo ate obongiee ha ehoko, la omekeli te la sese épee, te djongo? wawodjaka lehoo ate wabate la ebateli moendjii, djongo te? 22 alikambo ate emateeti te ebatamiii, inga hetidjakéé alikambo te epumbé a hoho; ema teeti ehisamee holamu holamu inga etidjaki ho weneni a hoho. 23 inga moto adjé la matoi ma hokaké, ahoke. 24 Awahasela alidjii : wakani lengé sambo ehoki ino. lahengeli ekoengemenese le hoo, wako otalieni le hoo sungu mpenza. 25 Ate motango adjé la hema, wako mohekele sungu aleeti, ate moto ngo atii la hema oholo adjé le hoo wakomopwesa. 26 Ate àasali alidjii: likumu la Mwengéi édjéi ndjo: édjéi nda moto mwèsi alumbi mogono àmbumé. 27 Alangali à likolo, àsusweà la usé, asé mogono motoyi aséko moiingià , aséko àyewuti ndéngé ékélami éhoo. 28 Mbume ehoo, ndi éoamene ebandi hotoi pukapuka kekèkekè la époo, isokisoki, mbuse motoo, gboo pukapuka ndondo émo éhoo. 29 Ase halobango saha pukapuka ohékelia mboka atenia la éhuni, alikambwaté, tango o buki pukapuka eumia. 30 Asaaki alidji até: toko wèngèmènese iso àokumu é Mwengéi , asé masekpè mako àasélaka iso? 31 Edjéi ndéngé kikima àpukapuka é sénévi, ingé éwonami àmbumé, édjéi kèke a mogono kpàa édjéi à mbumé; 32 Sàa longonga la oloni, étetia,éumi sungu a mbumé ihoo a matakitaki, épumbi sungu alikamboate mbulu ongo a likoo ikoki oàbati sése é elima. 33 Saa landenge dji masekpe malamu edjeki inde oteyi, wa djaali oyewiowaekeli. 34 Atidjangali owaaseli la masekpe kasi adjaki owa limboli tango edjakali iwo amene. 35 Ndji lenge lisio la pokwa awaselia tokpande ngambo e malia. 36 Mbuse éowongwi wato wamodjuàli a molela ébeté édjàali; adjakàali asé mwèti molela la indé. 37 kàiko éhoho mwèsi éokulu éowangi éebingi, éhoho édjàaki oyalumbi a molela, ase moléla ékéali otumi a malia. 38 Indé, alangalakia? wa mosusulali wamoaselaali: molakisi. otiya susubwaka la enge iso to holisaka? 39 Wadjàki osuswi, adembèsià l'éhoho, aàsià ewale: bii ! logoo! éhoho éé éhia, ewumia. 40 Mbuse awaàséli : woni adjéi la owangi? woni oti djeni la ondimi? 41 wadjokali la owangi osungu, malia o moto saka.
Chapter 5

1 Waumali leeti ngambo e malia, la mokii mo Gadalina, tango epumbia. 2 Ango epumbia Yesu la wato agbotonia la moto mwesi alongwali la wambila adjali la molimo mbee. 3 Moto oho adjali oyabati ndji la mbila, moto tweti atikokali omoheli la miliki ma ibende. 4 tango edjali iwo o moheli la mabende la makolo la miliki, adjali oteni miliki la obuki mabende, moto tweti atikakali omotitimesi. 5 Adjali masio kpaa la likolo la moyi ongo la mbila mpe ongo a mikoli; adjali ohumbi pui mpe la owakondjosi inde amene la mabukeli. 6 Ango emwenia inde Yesu adjia obangu akwiya la mauli liboso lande. 7 Awumbia la moli motetelake: nda loyi edjei iso la owe, Yesu , mana o mwengei o likolo? iyokongi la kombo e Mwemgei otihe mbai etunbu. 8 Yesu amwaselali: molimo mbe, pumba la wenge ehele moto! 9 Yesu amohuelia: kombo owe ndayi? amowongweselia kombo e mbayi ngbii, laate todjei ngbii. 10 Amobondelia atiwatome lihele la moki 11 Wangulu wadjali olaki kelekele e mokoli. 12 Djinge milimo mbee wamoongia: totoma tolingele ndondo edji ngulu. 13 Yesu awahia mboka. Milimo mbee wipumbia la wenge e moto oho, wilingelia ndondo e wangulu. Ngulu kpaa ilongoiya likolo ikuiya la malia; idjali inga mbuka iwale e wangulu, ilindali la malia. 14 Wasindjili wa wangulu wakia obangu osumbi mboli la moki mosungu la miki mikeke. Wato wadjali odendi enge eyetali. 15 Wadjaa atie Yesu, wamwenia motongo odjaki la milimo mbee aahabati, akpali isindje, awongwanelia lomungo, watumali la owangi. 16 Wango wayeneli sambo iyetali, wadjali osumbi mboli ndenge emoumelali moto omolimo mbee mpe la wangulu. 17 Wato kpaa wamoongia Yesu te alongwe la moki mowu 18 Ango etelia Yesu wato, motongo adjaki la molimo mbee amoongia ate eke lainde mongindJi. 19 Yesu atimobalesali, ase amoaseliaa: kekee la molako mowe yewisa wiino wowe sambo ndjinge likumu aokeleli la ndenge aokeli maga. 20 Ndjongo ongo moto akia okasumbe mboli la moki mo dekapolo sambo ndjinge Yesu amokeleli, iwokpaa wakamwali. 21 Yesu angbandali alidji la wato ngambo eeti e malia, wato ngbii wabolianali atie inde, adjali kondolo e malia. 22 Likumu liese e molako mo sinagoga, kombo ende Yailo. Ango imwenia inde Yesu amongumbamelia, 23 Amobondelia, aamwaselia: mana o mbai omoli adjei pene e logo! Ihongi odje omobateli mawo laate akale adje la bomoi. 24 Yesu akia mongindji la inde, wato ngbii wadjali omobilei la omohianesi. 25 Djokande moli mwesi adjakali oweni makila mbula liomo la iwale. 26 Aeniaka odjidji ngbi la mawo minganga, abitisali ndjinge kpa edjakali inde la eho, djinge kpa etimokalesali, wenge wande epotali oki ngambo e obe. 27 Aokia wakokpomaka la kombo e Yesu akia mbuse e wato, ahelia esindje ende. 28 Adjali oyaaseli: inga ipoto te esindje ende ikokala. 29 Ndji la enge engele makila matenia, awokia la wenge wande ate akali la ekoni ende. 30 Yesu aenia inde amene ate okulu, epumbi la wenge wande, alongoiya ndondo e wato pe aasia: ndai opoti wisindje wa mbai? 31 Watiesakoli wande wamwaselia, oeni wato wakoo biliaka, mpe oasia ndai oheli mbai? 32 Yesu adhendia ahue ende la omoeni ongo okelali ndjongo. 33 Molia awangia, apotia ongilimi, ayewali enge emowumelali, adjia okwi mauli la makolo mande, amoaselia sambo kpa. 34 Yesu amoaselia, mana omoli ondiimi wowe e okalesia kekée. kala la ekoni e owe. 35 Ndji edjaki inde yo oasi, weeti wato wango walongwali la monguta e likumu e sinagoga, wadjali, wamwaselia ate: mana e owe o moli agwi! Woni okomotungesaka motiesakoli alidji? 36 Ango eokali Yesu ndinge sambo, aasia la likumu e sinagoga: oti wange, djaa la ondjimi. 37 Atibalali ate moto te mokikima atimobile ndji Petelo ée Yakobo la Yoani. 38 Ango eumia inde la molako mo likumu la Sinagoga, mpe Yesu aenia ebiba e wato wakolelaka; wakohumbaka pui. 39 Mbuse e olingeli, awaaselali ate: woni okobatakani ewedje la oleli? Oholo mana agwiti, alangali ilo. 40 Wapotali omodendei. Awapumbesali amototia sango la nango mana la wango wasombali la inde mongindji, walingelia ebete mana alangalali. 41 Atotali ewo e mana oho, aasali la inde: talits kumu, enge einei: mana omoli iyasi la owe amala! 42 La mbala kikima mana o moli oho ayamalali pe apotali osombi,laate adjali la mbula liomu la iwale. Watumali la mwemu e oweteli. 43 Aasali la iwo mbala la mbala ate watiyewese moto tueti ehele sambo, mbusa awaaseli alidji wamohe mana o moli oho ema elakake.
Chapter 6

1 Yesu alongoiya ongo, aumia la moki monde. Watutiani wande wamobiliali. 2 Ango sabato eumali, apotali otiesakoli la sinagoga; watokpa wango wadjali o mooki wakamwali alidji waasali ate: oholo moto atoti dji sambo eni? Nda ndenge e maamamungo emogboti, nda ndenge akokelaka dji sambo ewangake? 3 Te oholo moto akokelaka mabaya, monga Mali, manango la Yakobo,la Yozefu, la Yuda la Simo? wa maanango wa wali watidje ala mongindji la iso? apotali owabingisi ekiikimi. 4 Yesu awaaselali: watimondjimaka polofeta la moki monde, eholo e wasango la oliye wonde. 5 Atikelali sambo teeti ekamwake, inga saa okalesi maa wato wa wikoni la owaabateli mawo. 6 Akawali odjangi ondjimi owu. Yesu akeeli miki la miki akotiesakolaka. 7 Awelali wa liomu la iwale, apotali owatomi wale wale, awahali okulu likolo la milimo mbee. 8 Awaaaselia, watitote ema teeti la okendo, ndji mote, watitote okoke, te opasa, te wadjenge ndondo e mokaba. 9 Wakpale sandala; waatibate mikoto miale. 10 Mbuse awaaselia: inga la eeti ebete olingelani la molako, abatani ango tee lisio likopamba ino. 11 Inga la gbata esi wato wabaliti ooyambi, wabaliti oowoki, pumbani ango, huholani motubu la makolo manu la oyinyei ate owatonini. 12 Wakeeli, watiesakolali la oweli moto la moto ate akukole ekaleli ende. 13 Wadjàaki owumbi la djàabulu, wamunolali wato wa wikoni maita, wadjali owakalesi. 14 Kaiko, sambo djaho eumali la matoi ma likumu Elode, a loyi kombo e Yesu ebandali oyewani, wato wadjali oasi ate: Yoani mopatesi ongo oguali abasi, ehonde akokelaka sambo dja okulu. 15 Weeti wato waasali: edjei Elia. Alidji weeti waasali: adjei polofeta mwesi owa polofeta wasu. 16 Elode, aokia djinge mboli, aasia: edjei Yoani ongo omotenali mbai kingo inde moto obasi. 17 Ndjongo Elode inde amene moto omohelate Yoani, amonangali la oyogo, la likambo la Elodjiasi, moli o maanango Pilipo. 18 Yoani amowaselai: eti olamu omoyiki moli o maangwa. 19 Elodjiasi atumali la likewe la Yoani, ehonde abalali ndji logo wonde. 20 Kasi atikokali omooli laate Elode amowangali Yoana, aewali ate adjei moto molamu; alidji mosatu; adjaate omobanei, pe , mbuse emooki adjali odjei la boo alidji abandali odjei la mwemu la omooki. 21 Lisio leesi, libaku lieneneli emgele Elode awongesali wilaka wa pokwa lisio e wotamake wonde, ahali yenga e wato wasungu wande, la makumu ma wasoda, la wato wa sungu wa Galileya. 22 Moseka Elodjiasi alingeli la molako; pe abandia wanga, pe E lode aemelia la wanga. likumu aasia la mana omoli :hongo ema enge ebali owe ikoo haa. 23 Aasia la olapi: enge ekohongo owe mbai, ikoohaa, inga te edjaaki oodja e wokumu wo mbai. 24 Opumbia ongo, amohoelia nango: ndandenge ema ekoki mbai hoongi? nango aasia: moto mo Yoani. 25 awongoiya obangu atie likumu amohia oongi wonde: ibali ate opee mbai moto mo Yoani la ehoko. 26 Likumu atumaali la magbaa kasi, latina eolapi enge elapali inde la maiso ma wato, ati kokali otoni. 27 Atoomali la obangu motuke monde amototele moto mo Yoani mopatisi. 28 Watuke wakeeli oteni Yoani moto la yogo, pe wa pkalali moto la saani. 29 a mohekelia mana moli oho, mano mano moli a mohekelia nango. Ango eokia watutiani wa Yoani djinge sambo, wadjali ototi wenge wande wakeeli okakundji. 30 Watutiani; waboliania kelekele e Yesu, waamosumbelali mboli la ndengekpa ekelali iwo, la ndengekpa edjakali iwo otangisi. 31 Yesu awaselia: djakani kelekele ndondo e ebete e manganga , ase homani maakeke. A likambo edjakali la wato sungu wadjakali oki la odji, watidjali la yengele eolaki. 32 Wakekeli ndondo é moléla, la oki kèlekèle ndondo ébeté é manganga. 33 Wato sungu waawenali wakoke, ayewali, wato wagbata kpa waakeli obangu la makolo la owalambeli ebete ekeki iwo. 34 Ango epumbia iwo la moléla, Yesu aenia wato ngbi awaokelali magba laate wadjali nda wakondolo wadjangi sindjili; ayabatali owatiesakoli sambo sungu. 35 Ndenge éngele édjàki oki, watutiani wandé wayagugia la indé, wamowaselia: ehele ebete edjei manganga, alidji limbile liki gaa. 36 Wawongosa, laaté waké ndondo émoki asé ndondo e moki mo huwé a huwé, la osombi éma elakeke. 37 Yesu awawongésélia: wahekéleni ino amène wilaka . Asé wa mo wasélia: iso toke osombi makoké la falanga kama iwalé, towahe ate walake? 38 Awasélia até, odjéni la makoké ménga? ka dhénde ni . wayabatia asé wa mowasélia: itano, la su iwale. 39 Asé awaasélia até abatani limbutu limbutu likolo la isoki. 40 Asé wayabati la molongo ékama alidji e tuku itano. 41 Atotia makoké matano a su iwalé asé adhéndia maiso likolo,aasali oongi o lipamboli; mbuse atenia makoke awahekelia Watutiani, a laaté wakawole la wato. Wakawolia pe djinge su iwale la wato kpa. 42 Kpa walakia wa gbetia 43 Asé waonoli midjàngi witumi liomo la iwale la isuki dja makoke la su. 44 Wato wango walakali makoké, édjàli wato koto itano. 45 Sika sika ndjo mbuse, awaselia la makasi Watutiani watéle ndondo é moléla; wake liwoso la nde ngambo eeti e malia, ngambo e Betesaida, inde atikale owongosi wato. 46 Ango awawongosia, akia a mokoli ; okaakongi. 47 ango ewumia Kolokolo, moléla mo djàki ébeté e malia masungu, asé Yesu adjàkali indé moikima la mbume. 48 Waenia wawumali la minga oliki laate éhoho edjakali oki eeti ngambo. Pene e gboo elikolo, Yesu akeli ngambo ewu akosombaka likolo e ligbutu lisungu, apali awaeti. 49 Ango emwenia iwo akosombaka likolo la malia, wayewalia ate edjei etota; wabandali ohumbi pui. 50 Ango émweni iwo, mito miwasombali. asé Yesu awaaselia: Yewani ate edjei mbai, otidjeni la boo! 51 Mbuse eotéli la iwo ndondo émolela, asé éhoho édhèia. wadjàkiali iwo amene, ango asé watumisamali la owangi la okamwe ; 52 Laate watiyewali ekamwesi e makoko, la loyi mitema mau matetelali. 53 Mbuse eokpandi ligbutu lisungu, wawumali la moki e Genesaleta ase wakpandjia. 54 Engele épumbia iwo la moléla, wato wamoyewali Yesu, 55 Waetali wiholo kpa, wadjali okpali wato wawikoni la wipe, wiholo djinge edjali iwo ooki ate Yesu adjei. 56 Wibeté kpa widjali inde oumi, ndondo e miki, ndondo e gbata te ndondo e mitulu, wadjali obati wato wawikoni la lingalala, wadjali omoongi ate awabalese wapote te gboo e esindje ende. Wato kpa wadjali omoheli, wadjali okali.
Chapter 7

1 Wafalizeyo la weeti watiesakoli wa pui, wa longoali la yeluseleme,wayabondali la hue e Yesu. 2 Wayenali weeti watutianiwa Yesu wakolakaka la mawo osoto,eyinei watiyakpole maho. 3 Wafalizeyo la wayuda kpaa watilakaka odjangi oyakpoli olamu mawo,ndenge e ekaleli e wiloko. 4 Tango ewongoyia iwo la liho,watilaka liwoso ate wayakpole.Wabanei yo djeti ekaleli e watata nda okpoli witutu,wikoko,la sani e bolonze. 5 Wafalizeyo la watiesakoli wa pui wa mohueli Yesu: woni watutiani wa owe watibiliaka ekaleli e watata,kasi wakolakaka wilaka wawu odjangi oyakpoli mawo? 6 Yesu awawongoselia: wato wa moleho, Isaya aaselate likambo lanu,nda ndenge edhingami:wa wato wako temeyaka mbai la wibebu,kaiko motema mowu modjei lihele la mbai. 7 Eti olamu wa temeye mbai la ohi matiesakoli djinge itomami la wato. 8 Odeini matiesakoli ma Mwengei kasi obaneini ekaleli ewato aloyi okokpolokoni teni la itutu alidji okokelakani djeti sambo iyengemeni la eho. 9 Yesu awaaselia alidji: okolumbaka olamu matiesakoli ma Mwengei la likambo la obanei ekaleli enu. 10 La eho Moize aasali ate:motemeya sangwa la ngwa:ongo okomobumakola sango inga nango akotota etumbu e logo 11 Ngambo enu, inga moto aasa la sango la nango: enge elukaki mbai oohi edjei likawo e Mwengei, 12 Ango akokiti kine omokeleli sango inga nango. 13 Okobitisakani liloba e Mwengei la ekaleli enu enge ebati ino alidji okokelakani djeti sambo eengemeni la eho. 14 Mbuse eho, Yesu awelali wato kpaa,awaaselia: okani mbai inokpaa alidji yewani. 15 Ema teeti enge edjei saa la moto ekokiti omoomisi moto osoto inga elingela la monoko monde kasi enge ekopumbaka ndondo ende ekomowumisa osoto. 16 Ongo odjei la matoyi maokake awoke. 17 Ango elingelali Yesu la monguta, lihele e wato, watutiani wande wa mohuelali la tina la enge lisekpe. 18 Awaaselia: ino pe odjangini kandela? Otiyeweni ate ema teeti enge edjei saa e moto,inga elingela ekokiti omowumisi moto osoto. 19 La eho, enge etilingelaka la motema, kasi la solo mbuse ekopumba la line. Adjali owasi ndjongo ate ilakakpaa edjei olamu. 20 Aasia alidji: enge ekopumbaka ndondo emoto nde ekomowumisaka osoto. 21 La eho, edjei ndondo, la motema mo wato nde mamungo mbee makopumbaka, witeba,ondumba,la ooli wato. 22 Iwa, ononi wiho wa wato,limemu, okosi, esombeli mbe, iliko,ogeno,njangi. 23 Djinge sambo mbe kpa, ekopumbaka ndondo e moto alidji ekomowumisaka osoto. 24 Yesu alongwali ongo, akeli la moki mo tile,la sidona.alingelia la monguta mwesi atibalali ate moto tueti ayewe. Tendjongo atikokali oyayisi. 25 Kaiko nde moli mwesi ongo mana onde adjali la molimo mbe aokali mboli e Yesu, adjali oyalumbi la makolo mande. 26 Moli oho atidjali mo yuda,moto o Sulia e fenisia, adjali o moongi Yesu ate apumbese etota eho la wenge e mana onde o moli. 27 Yesu a mowaselia: daheyo wana wa gbete, lalikambo eti olamu wilaka wa wana olumbeli wana wa mbwa. 28 Amoyongoselia,edjei ndjongo likumu,kasi wana wa mbwa sese e mesa wakolakaka witika etiki wana. 29 Yesu amowongoselia: la likambo e loyi eyasi owe, okoki owongoyi: etota e pumbiga etie mana owe o moli. 30 Ango ewongoya inde atie inde,a mogbotia mana alangali la epe: etota epumbiga 31 Yesu apumbia moki mo Tile,akadjia la Sidona ngambo e ligbutu e Galileya, okpandeli moki mo Dekapolo. 32 Wa modjelia bubu atidjali owasi, wamoongia ate a mobate mawo likolo lande. 33 Yesu akeli la inde lihele e wato, amobongia misei la matoyi,amobandia lolemi la soyi djande ndamu. 34 Mbuse atombolia maiso likolo, ahatiania makasi,aasia:efata, einyei dukuana. 35 Ndjiango,matoyi mande madukwamali,lolemo londe etokwania,abandia oasi olamu. 36 Yesu awatekesia watiyasele moto te mokikima,kasi ango akowatekisaka,iwo wakoasaka alidji oyetesi. 37 Watumali la boo,waasali: akokelaka sambo kpaa olamu, akookisaka wato wagwi matoyi,la owasesi wa bubu
Chapter 8

1 Engé lisio wato ngbi wadjali wati djali la éma elakaké, Yesu awawelia wayekoli awaaselia. 2 Idjéi la magba la wa wato; aloyi ékeliga masio masato wadjée pene émbai; wati la éma élakaké. 3 Inga iwawengosa éwawu la ndjàla, okulu ékowasila a mboka; aloyi wèeti la iwo wadji lihélé. 4 Wayekoli wamoongoselia: ndandénge ekoki iso owagbetesi la okoke, ala, ébete emanganga? 5 Yesu awaaselia: odjéini la okoke woni? sambo, wa moongoselia. 6 Waabatesia wato a mbumé, abondélia éngé okoke sambo, aleti, mbuse ahia ma ndondi, abukia awahia wayekoli wandé wakawoli wato. 7 Edjali la ndambo esu, Yesu, atondi aleeti, wakabolia aleeti. 8 Walakia pe wagbeta, wakongolia ekolo sambo itumi la itika. 9 Wadjali oyeti mbuka inei. mbuse Yesu awawongosia. 10 Ango esilisia indé atelia andondoli la wayekoli wandé wakia ngambo é Dalamalita. 11 Wa Falizeyo wadjali, wa bandia osololi la Yesu, até wa molongé, wa mohuélia elombo engé elogwi likolo. 12 Yesu, alelali andimo mondé ndondo, aasia: woni ehelé liwota ekoongo elembo? iyo waselini mèmene elembo etidja a leeti la ehelé liwota. 13 Mbuse awa deiya atelia la andondoli, la okpandi eti ngambo. 14 Wayekoli wawosanali ototi makoké, wadjali saa leesi la andondoli. 15 Yesu awahia ehele otomu: dukolani maiso la mana wa Falizia, la mango mana. 16 Wayekoli wadjali omonduyi edjei nda ndenge edjangi iso okoke. 17 Yesu awayewali aasia: woni okomungolaka ndéngé édjangi ino makoké? odjéi niyo tée sika ndi odjangini mayele, té ango oyewaki niiyo? 18 Odjéini la motema mungo motiyewaka obangu? odjéini la maiso otiyeneke ni? odjéini la matoyi, otiyokaka? aleti otini kine la lo mungo? 19 Tango ibukali okoké la wato mbuka itano, kitunga woni eitika okpalalini? lomi la iwalé wamoongoselia. 20 Tango ibukali makoké sambo la wato mbuka sambo, kitunga woni itumali la esuki okpalalini sambo,wa moongoselia. 21 Awaaselia: otiyewakiyo aleeti? 22 Wakia a Betesaida wadja otei Yesu la moto ogwi maiso, wa mobondelia amohelé. 23 ahelia moto ogwi maiso la maho, akiya laindé saa emoki; mbuse amobatia soyi likolo la maiso,amobatelia maho, amohuelia inga akoyeneke nda ema. 24 Adhendia, aasia iyeni wato, kasi ikoyeneke nda mité ekosombaka. 25 Yesu amobatia aleeti maho liko emaiso; mbuse,ango moto ongo ogwi maiso adhendia olumu akalali, ayeni kpa olamu. 26 Yesu amoongolia la molako mondé, aasia: oti lingele la moki. 27 Yesu akia, la wayekoli wandé, la moki mo Sezalia elé Filipo, awahuélia amboka élé poopo: wakowasaka té idjéi ndai? 28 Wa mowongoselia weeti: Yoane mobatisi; wèeti, Elia, weeti mwesi ewa polofeta 29 Awa melia, ino okowasaka ni idjéi ndai? Petelo amowongoselia: odjéi kilisito. 30 Yesu awaongia ate watimowasele moto tweti. 31 Abandali owateyi ekokia te mana omoto awoké odidi ngbi. alumbane la iloko, la wanganga- wa Mwengéi, la wateyi wamibeko, wako mowola, akobasa mbuse e masio masato. 32 Adjali owayewisi dji sambo molelé. Petelo, amowelia makélekéle, abandiya omotekisi 33 Kasi Yesu, awongoyia awadendia wayekoli wandé, amotekisia Petelo. amowaselia mbuse, é owe,etota aloyi oti munfgolaka sambo é Mwengei, odjéi saa la lomungu ewato. 34 Mbuse, awawelia wato ngbi la wayekoli wandé; awaaselia: inga moto abala odji mbuse embai, aatoné indé amène; akpale ekulusu éndé: mbuse abilié mbai. 35 Aloyi moto ongo akoluka okalisi omoi ondé akowangisa, kasi ango akowungi omoi ondé la loyi lo mbai, la mboli ndamu akokala. 36 Ekoki odjéi olamu moto ototi mu moki, ingo abitesia molimo mondé? 37 Nde ekoki ohi moto lo okalambesi la molimo monde? 38 Ongo okoka soni la mbai alidi la maloba ma mbai etie ehele libota wa iwiteba la wato wa masumu mano omoto akowaoka soni lisio linge likodia inde la okulu e sango la wahumbwa wa satu.
Chapter 9

1 Awasélia alidji: iwasélini mèmene, wato-weti wango wadjéi ala watigwa, até wayene likumu la Moengéi ekodjàaka la okulu. 2 Mbuse émasio motoba, Yesu awatotia la indé Petel, Yakobo la Yoane, akiya inde amene kelekele elikolo émokoli.adjàkia la mbongwana a kukolia lioso lau. 3 Wisindjè wandé iumia mpèè,mokpoli wisidjè tèeti a moki akoumisa ndjongo. 4 Elia iwo la Moize wa enenia, wakosololaka la Yesu. 5 Piele, atoti loi, aasia la Yesu: likumu édjéi olamu até to djè ala; tokele milako misato,mwèsi mo owe,mwèsi mo Elia. 6 Aseko ayewi ti owasi ndé éma, waumaki la 7 Walingamia a lipata, moli mopumbia alipata: oholo adjéi mana ombai o libalano: mookani. 8 Ndji engele eho, watutiani wadendia kelekele, asé waenia sa Yesu indé amène la iwo. 9 Ango eyadjimbia iyo ongo la mokoli, Yesu awatekesia ate: otiwaselakéni wato éma énge eni ino, ndi ndjongoo mana o moto akosuswa alogo. 10 Wawokia djingé sambo, wahueliania inga obasi eyinyei woni. 11 Watutiani wa mo huelia puopuo: woni wadingi wako asaka até Elia adjè poo? 12 Awaselia até: Elia akodjà liwoso la owengeli sambo kpàa. ango likambo até mana o moto akooka pasi sungu wakomotiola? 13 Nda iwaseli até Elia adji ga, asé wa mokeli nda ndéngé edingami ehoo alikambo lande. 14 Njongo eumi iwo, a hué la watutiani,wayeni wato ngbii wabalia a hué, la iwo, la ingé wato wabé wadingi wakogulanaka la iwo. 15 Ango ébele wato wa moenia Yesu waahuélia wakia omohia mobalé. 16 Awa huélia: nde éma ekosuanélaka ino? 17 Asé moto mwèsi la ébelé wato amowongoselia, likumu idji la mana o mbai liwoso la owe mana ombai akwèsi la ésisi ébé. 18 Wibete weti ekomoyelaka asé emolumba la mbume mana ahumésia maulo a monoko e émobatisia logo! ihalelia la watutiani até umbani la éngé ésisi iwo tookoki. 19 Yesu awa ongoselia hasia ndjo: nda tango ekokaino okéli? djàkani la indé wa moekelia la inde. 20 Ndiango mana amoenia Yesu,ndiango ésisi éhumia; akwa ambume a akukolakolia. 21 Yesu amohuélia sango: nda tango ebandi ingé ekoni o mokeli? 22 Asé ésisi omolumbaka la misa la malia até emobitese inga okoka okeli ema esi djaka toongamèse; asé okotohekele iso mapute. 23 Yesu amoaselia: inga okoki ndjingé kpàa idjéi la moto ongo ondimi. 24 Dji ango sango mana aahuélia: imogwaki até! ndjàka osalese mbai moto odjangi ondimi . 25 Yesu aenia wato wageleli, wako tumolaka ésisi ébé, ahasia ate: ésisi abata logoo ihumbi la we uma atiolo mana, oti wongwakekine. 26 Asé epumbia, la opamapami, asé abandia ohalimanihalimani. mana ahumia nda moto ogwi asé wadji wasia até ohomana agwaki dèè. 27 Asé Yesu amohélia eho, amologwèsia asé aamelia likolo. 28 Ango elingelia Yesu la monguta, watutiani wande wa mohuela iwo la iwo: nda likambo litikoke iso woumesi winge wisisi ? 29 Awaselia ate: ehenge ndenge djoongo ekumaka ndi la woaleli wosolo, 30 Wadjakià ongo, ase wakakpa ndia la Galilea. Yesu atibala kali até moto amoewé. 31 Ango owalakesakali indé watutiani wandé, ase awaselia até: Mana o moto wako mokawa la mawo ma wato ase wakomola, ase mbuse emasio masato ekogwa inde, ase akosusua. 32 Ango watutiani waokiti sambo djénge yasi indé, ase wawangia omohueli. 33 Waumia la kapalanauma ongo edjàkali iwo la monguta, Yesu awahuelia: nda ema ehuelanaki ino amboka? 34 Iyo watikalia logoo, kaikonde amboka wadjàkali woasani iwo amene até ndai odjéi moto mosungu ahala odjéi iso. 35 Ase àabatia, awawelia wango liomu la wale, awaselia: inga moto obala até adjèe liwos, adjèe moto ombuse ewato kpàa, 36 Ase amototia mana mokeke, amobatia la wodja wou, amokpalia mawo, awaselia. 37 Ongo moto okomotatolo mana mokeke la nkombo émbai ondimi mbai -mène; ongo mwèsi okondima mbai motongo ondimi mbai amondimi mbai. 38 Yoani amwaselia até: likumu, tomwèni moto mwèsi akoumbaka la wisisi la nkombo eowe, alikambo até indé abaiti ototutei iso. 39 Awawongoselia até otimotèkeseni, moto tweti okokela sambo sungusungu la nkombo émbai, likambo até wango wakodjà mbuse wakohaasa wobe alikambo la mbai. 40 Ongo oti laiso loyi adjéi moto oosu. 41 Ongo mwèsi okohani etotu emalia la nkombo embai, alikambo até ino odjéini, wato wa Kilisoto, iwaselini mèmène, atowungesa lisute landé tee. 42 Ase moto kpàa ongo wakwekelesa wato wakeke wango wandiméli mbai, ewongi até wamonangé Libukéli la kingo lingé likotangélaka iwo la pukapuka, ose walumbé la molia masungu. 43 Inga éwo éowe éobibegesa ékikima, etena, éwongi wolamu olingéli la ebete élamu. 44 Koliko olingeli mawo male la ebete enge Géhena. 45 mitolimaka. 46 La koliko olingele la makolo male la ebeté ébé engé émisa mitolimanaka la Geneya. 47 Inga liso la owe likobingisa ékikimi , lilongese, éwongi wolamu olingeli àati é Mwengei la liso likima, koliko odjéi la maiso male waolumbe la Gehena. 48 Ango otogwaka busu, ase miso mingo mitolimanaka. 49 Ango ékolongola wato kpàa la misa. 50 Mokpa modjéi éma elamu, inga mokpa modjànga oleli okowongosani woleli woho la ndé? djakani la mokpa lainolaino asé djakani la logoo
Chapter 10

1 Yesu adjaali oki, alingelia liwange e yudé pene e yuludane wato wagbotane pene hende, likambo amokii mondé ayabatia aléeti owayekolisi. 2 Wafalisasai wadjaali a ate wamomeke. Wabandia omoweli poopo, awaaselia,ate molome akoki omooli moli ondé? 3 A wahongoselia: Moise ahekeli nda wingbundu? 4 Moize, ayekeliino wingbundu laokeli ekpata eolaké liwala. 5 Yesu awaseli: latina moto makasi makasi manu, ase Moise ahekelali enge engbundu. 6 Kasi lihoso akelé mokili Moingei akelali moto opelé la omoli, 7 Eho molome akolongwa atie waboti wandé, amotota moli waoke, 8 iwo walé wakodja moto mwesi. watikine mohini miwale, wakouma moini moikima. 9 Enge Mwengei aheli moto atikoke okaboli. 10 Ango edjaki iwo lamonguta wayekoli wabandali omoweli laloi loho. 11 Awaselia:moto okomolongosa moli ondé akomoika oweti moli amokeleli ekobo; 12 Inga moliawola liwala landé akaikia eti liwala inde akeli ekobo. 13 Wabandali omodjeli wana wakeke ate awahele, wayekoli wandé waatekesia. 14 Yesu, ahenia ndjongo, emobitelia, awaaselia: deé wana wadje ebeté embai, otiwatekeséni, aate likumu la Mwengei edjei e wana. 15 Ikowaselakani méemené, moto ongo atiyamba likumu la Mwengei nda mana mokeke atilingela. 16 Awatotali wana amaho mandé abandali owapamboli awahelia maho. 17 Ango Yesu adjei laokendo, akua mahuli liwoso landé: motisakoli, amowelia, ikokela woni itote likumu la Mwengei? 18 Yesu amoaselia: woni okowelaka mbai moto molalamu? moto molamu ati ndi Mwengei. 19 Oyewi mibeko: otikelake ekobo, otimoole moto, otiase moleho, otakelé moto obé, bala sangua la ngua. 20 Amowongoselia: Motiasakoli iyewi djene sambo ndi laolenge. 21 Yesu amodendia la libalano aasia: odjangi sa ema esi; keke otambi iho wowe kpa, pe haa wadjenge la wato wa otundake. Ango odja la ogumake ongo likolo; mbuse djaka otutie mbai. 22 Kasi moto oho alembia wenge la djinge loyi awongoyia la magba. late adjaki la ogumi oweti. 23 Yesu ehegesia maiso ongo edjaki inde:aosia la tuke wande: ekodjaa monga la ate mongumei alingele la okondji o Mwengei! 24 Tuke wayaweelaalia ungo loi waasali Yesu. mpe owongwelia aleeti: aasiala iwo ndgo: wana mbai, edjei moonga la wango waa yehekeli la ogumake la olingeli la okondji enge! 25 Edjei petee la mana ee kamela alingeli la buu e egula la ebete ate mogumi; alingeli la okondji o Mwengei. 26 Wa yekoli wa kamwali,waa huelia mwesi mwesi iwo ndai ongo okolingela? 27 Yesu awa deendja, ase awaselia: edjei moonga la wato, kasi té Mwengei; sambo pkaa edjei pete atie mwengei. 28 Petelo ayamalia la waasi ate; ndenga! iso kpaa tolongwei, ewesu otutie owe. 29 Yesu awawongo selaali ndjo: ikwasaaka la ino meemene; motote moikima, ongo olongwei, alayi. ombai pe la loi emboli elamu, molako monde, inga wa maanango wa pele, tée wa wali, inga ngbau la sangbo molionde tee wana wande, tée mbume pkaa, 30 otidjaani la mwemu la muu moki ndjo, la milako la wana wa pele wango wa wali, la waima, la wana, a tee mbume, odidi la masio mango mageeli, wa kondja,la ogumake la bomoi oseko. 31 Wato wa liwoso wa kowongwa mbuse, wango wa mbuse wa ko eta liwoso 32 adjaali la mboka oteli okia yelusaleme; Yesu akeli liwoso la iwo. Wayekoli wande, wa !lingelaali modjega, mpe wa motutiali la owangi. ndjango Yesu awawelaali aleeiti wayekoli djande, ase abondia awaaseli ungo okomokawu: 33 Denda, tookeke a yelusaleme, mpe mana omoto a kotambama aatie wanganga e Mwengei la wa dingi. wakomokawa la logo, mpe wa komokowa aati wapagano, 34 Wakomoseka, wakomolumbela soyi, wakomobinga fumbo, wakomoola, akosuswa mbusi emasiyo mosato. 35 wana wa zebedeyo, Yakobo. 36 Awawongweselia: edema ebali ino ate iyokeleni? 37 Wa mwaselali, ate mwesi ayabate la lilome la oyo ongo weeti ayabate la liaali, ango ekoyabata owe la otua wowe. 38 Yesu a wa wongweselia: oyewite enge ekoongoko ina. okokini okengi etotu linge likokengela mbai, tee obatisami la libatisa linge likoki mbai obatisami? ée, tondimi, waasi ndjongo. 39 Yesu awa wongweeli: edjei olamu ate okenge ndi linge likoki mbai oken, ate okobatisama la la libatisa linge likoki mbai abatisami, 40 Kasi la oyabati la lilome la mbai inga la liali la mbai, linge lidengiti mbai, ekohama ndji la wango wongesama laho. 41 wa liomo, wa okaali ndjongo, wa bandia waasi obe la Yakobo iwo la Yoana 42 Yesu a wawelia mpe a waaselia ate: weewi ate wango wakondengaka nda makumu lamiki, wakolakisa makomu mawu, wa to wa nungu wakoheneseke wato wakeke odidi. 43 Eti ndenge kikima la ndondo enu kasi moto ongo obali ate adje eloko ndondo eenu, adjee motuke ee wamiino wande; 44 mpe ongo obali odjei moto opoo ndondo éenu, adjee motuke la sambo kpaa. 45 Laate mana o moto adii,te ate wa mokelele, kasi laa okeli mpe ahii bomoi wonde la tina emoto kpaa. 46 Wa umali la yeeliko. mpe ango epumbali Yesu, la watuke wande la wato ngbii, monga Time,Balatimai, mogwi maiso, ayabatali kelekele ee mboka. 47 Aokali ate edjei Yesu onazaleta, njongo abandali otii mpoyi, Yesu mana o Davidi, njoka mbai magba! 48 Wato ngbi wamotekesia ate atiyase, kasi ahumbali mpoyi mbalalambala la moli motetelake; monga Davidi njokela magba! 49 Yesu, ayamalia,pe aasia mowelani ala; wamowelia mogwi maiso, wamowaselia: atetesa wenge, amala, akowelaka. 50 Mogwi maiso alumbia mokoto mondé, pe aamalia, akia aatié Yesu. 51 Yesu amowaselia: ndéema ebali owo ate iyokelelé? Labuni, Balatimani awongolia njongo, ibali ate iyeene. 52 Yesu amwaselia: keké ondimi oowe ewokalesi. la mbuse aenia, amotutia, Yesu la bomoi.
Chapter 11

1 Kaikonde, ango edjaki iwo oyandongbei lahuwé e Yelusalema, la Betpage pe la Betania, lamokoli mo Oliva, Yesu awatomia wato waalé ndondo é watutiani wandé. 2 Awaaselali ate: Kèkeni, la moki mungo modjéi liwoso lasu inga olingélani ndondo ehoo, okogbotoni mana o meme, wamobati la moliki; moto twèti atelaki likolo landé modukolani odjèni laindé. 3 Inga moto aowaselani até okeli ndjongo alikambo la nde? moongoselani: likumu adjei la posa nde, akoodheni odje la inde. 4 Watutiani wandé wakagbotia mana meme wamonangi la moliki ébeté ekelekele émoki; wamodhukolia 5 Wadi wato wango wayamalaki ongo wabandia hoasi la iwo até: ndalikambo eemodhukolakani ino mana o meme? 6 Wawawongoselia ndéngé Yesu awaaselali. Asé wa amodheia wakia. 7 wamodjélia Yesu la mana o meme, asé walumbia wisindje wahu Yesu ayabatia likolo. 8 wato ngbi wadjaali obati wisindjè la mboka, weeti, mite mingi miteni iwo la wilanga. 9 Wango wa djaali liwoso la wango wambuse wa djaali ohumbi pui: pambola ongo moto akodja la kombo é likumu. 10 Likumu lo taata osu Dawidi lipoti odjii! hosana ongo oyeti likolo! 11 Yesu alingélali la moki mo Jelusalema ndondo étepélo adhendia wiholo kpa. Ango ewumali pokwa, awongoyia la Betania iwo la watutiani wande liomu la iwale. 12 Mbuse e lisiyo likima walongoyia Betania Yesu aokali ndjala. 13 La lihele aenia mote mo figuié éngé edjàki la kasikasi asé akiya o dhendi inga akogboto te maa ema likolo. Ango eumia indé ongo atigbote ema tèeti ndji kasikasi, etidjali, engele eho wotake. 14 Yesu aasia la mote muho: moto tueti atilaka kine pukapuka eowe. Watutiani wande wa mookali. 15 Ango eumali iwo la Yelusaleme, Yesu alingelali la tepelo; apotali oumbi la wango wadjali otambi la osombi ndondo e tepelo. Alumbali wa mesa ma wato wango wadjakali okalambi wambele, la ngbelengo e wato wango wadjaakali otambi mbulu. 16 Ase atitiké moto tueti ototi ema ndondo é tepelo. 17 Adjàali otéi la oasi: édhingami ti, moguta mombai ekowelana ébeté eohakongi la miki kpa? Kaiko ino okalambia eho eholo e wato wa iwa. 18 Iloko e wanganga e Mwengei la makumu mawatiesakoli mibeko, wamookali; wadjali oluki nda ndenge e kokoka iwo omooli, wadjali owangi la loyi ate watokpa wadjali ondjimi matiesakoli mande. 19 Ase ango pokwa ewumali Yesu apumbali la gbata. 20 Boo e liso lilandji, wahetali ebete e mote mo figi; watutiani waenia mote mo figi moomaali swa tee la ndjili. 21 Ndjongo petelo amoasélia: likumu moté mungo mobumakoli owe mogwi kpà tée la ndjili. 22 Yesu awawongosélia até: mondjimelani Mwengéi. 23 Mèmene iyoasélini ino, inga moto mwesi aasa la muu mokoli ate: longwa ango yalumba la malia masungu inga atikoke ndondo e motema monde, kasi andjimi ate enge easi inde ekowuma, akoene ekoengemana. 24 La ndjongo, iyowaselini: ema kpa ekoongoni ino la maongi, ndjimani ate ototigani, enge ekoohekelemani. 25 Ango eyamaliani ino likolo la oyakongi, inga odjeini la ema esi mbe likolo e maangua, molimbesa laate sangwa ongo odjei likolo alimbese obe e owe. 26 Inga ino otilimbeseni, sangbanu ongo odjei ongo likolo atiolimbesani. 27 Wakekia alidji la Yelusaleme, la enge engele Yesu adjali osombi sombi ndondo e etepelo; wiloko wa wanganga Mwengei, la watiesakoli wa mibeko la wilokowato wadjaali atie inde. 28 Wamowaselali: nda okumu e kokelaka owe dji sambo, alidji ndai aohi ehele okumu? 29 Yesu awawongoselia: mbai pe ikohuelakani poopoo esi, wongoselani mbai; mbai pe ekowaselani nda okulu ikokelaka dji sambo. 30 Patisa enge e Yoani edji likolo inga e wato? Ndjaselani mbai. 31 Wandolali iwoamene: inga towongosa ate: edji likolo, akoasa ate: woni otimondjimelalini? 32 Inga towongosa ate edji la wato,.. wawangali wato laate iwokpa wayewali ate Yoani adjali mosakoli. 33 Wamoongoselia Yesu: toyewiti. Yesu awawongoselia, mbai pe itiowaselani nda okumu ekokelaka mbai djisambo.
Chapter 12

1 Alèeti Yesu àwoasélia la masèpkè. moto mwesi aonali ilanga évinyo àalingali, atoongia liwela, alidi ahia watuké wandé wa elanga, mbuse akia ookendo 2 Lisio la obuki, oomia, otomia mosali mondé mwesi etie watuké wandé wa elanga, ate atote vinyo. 3 Wamo mo helià, wa mobingià, wa moongosia mahoo ohola. 4 Amotomia aléetsi wèeti mosali; wamobingia amoto; 5 aléeti wamookisia osambo. Amotumia ongoosatu, wa molia; aléeti; wato ngbi, waabingia ingawowaolia. 6 atikolaki la mana oondé olibalano; a motomia mbuse, aasia: wakomo tosa a likambo adjei manaombai. 7 Watuké wa elanga waasia: indé moto aotikalela élisi; djakani, tomoolé, élisi ekototikalela. 8 wa mohelai, wamoolia, wa molumbia kèlekèle: e ilanga. 9 sikandjo, memenè elakàngo akokela woni? akodja, akoola djingé tuké dja élanga, akoha elanga la djéeti wato. 10 Tangeni maamadingami? Libukeli wamai molako walumbali ewumia liklulé làandako; 11 Loyi luho lilongwi etiémwéngéi; e wungami à maiso masu. 12 walukià omoheli, wawangià wato. wayewalitè edjei likambo lawundé Yesu àasiengé lise. wamotikia, wa kia. 13 Wa motomelia Yesu wéeti wafalizéo la wéeti wato wa Elode, alikambo wa motote la eyaseli indé. 14 wadia omowaseli: mwalimo, toyewite odjéi olamu, aléeti otiasumbwaka la moto; alikambo otidendakà la elongi é moto, okwasakà sambo dja mwéengei la mèemenè. Endimami, ofuti pako ée Sezalo? Tokoki ofuti totikoké ofuti? 15 Yesu ayewia lokuta lowu, awongosia: Woni oomekaka inombai?djelani mbai la falanga ého iyene. 16 Wamodjelià falanga; Yesu awàaseli : elé edjéi elongi endai? aleti madingami ma ndai? wa mongoseli ée Sezalo. 17 Yesu àwawongoselia, hàa Sezalo engée é Sezalo et à Mwéengei ée Mwéengei wamokamoya. 18 Wasadukia, wango wakwasakà te obasi oti, wadjia etéi yesu, wa mohwélia: 19 mwalimu, Moize atokomelali: inga manango omotomwesi agwa, atikia moli, awotiti la indé, manango akoyika moli ongo ongweli, aloyite amowotele manango wana. 20 Ndjokandé, édjéi atiésu wato sambo. ongo olioso ayikia moli, agwa atikiti mana. 21 ongo owalé amototia moli omanango, angwa atikitii mana. Ikelamia ndjongo longo osato, 22 iwoo kpàa sambo watikiti mana. 23 mbuse éwu moli agwia. Lisio la Obasi, ndai akodja moli ondé? àaloyi iwo kpàa wa moyiki. moyiki. 24 Yesu àwa wongoselia: otiwungéni otiyeweni modingami tè, otétélaké é Mwéngei? 25 Lisiyo obasi pele watitota wali, te wali wati tota pelé, iwo kpàa wako djia nda wandjelu likolo. 26 aloyi edéndi obasi ewato wagi, otitangàali, ndondo ebuku Moize tè, Mwengéi amowaselali a moté mokéké: idjei mwenéi o Abalama Mwengéi o Izaka la Yakobo? 27 Mwéngei ati Mwzéngei é gbii; kasi wango wa bomoi. Odjeini laowusi. 28 Ndjokàndé mwesi ewa ilokowato owoyokia wakogulanakà, yesu awoongoliseli wa Sadukio, engbundu elamu, adjia peneindé amohwelia: ndamobéko moyeti djeti mibeko? 29 Yesu amowongoselia: engé eliwoso: okà, Isalayele, likumu, mwéengi esu, adjei indé mokikima likulu, 30 Okobala Mwéengi owe lamoteme moowe mobimba, amolimo moowe mobimba, la lomungo moowe mobimba, la otétélaké loowè. 31 Engé awalé: okomobala miino owe nda omwe amene owabali. mobeko tueti eeti mibeko mwale. 32 Eloko moto aasia: kekedhingè, mwa limo; owasi olamu te Mweengéi adjei mokikima, oweti atii ndaa indé, 33 aléeti omobali la motema moowe mobimba, la lomungo oowe, la molimo moowe mobimba, la otétélaké la oowe mobomba, mbuse mobala miino owe ndu oowe amene, éeti otumbi mbeka la ooli. 34 Yesu aeniate awongosi la okengi, amwaselia: otilihele moki e Mwengei. moto twetei atilukali omohweli popoo. 35 Yesu abandia aleeti otei ndondo etepelo, aasia: Woni iloko wa kwasakatè Klisto adjei mana o Dawidi? 36 Dawidi inde amene atumisamali la molimo mosatu, aasi: likumu aasi la likumu la mbai, abata la ewo embai epele tée ikokela wanguna waowe isuleli emakolo maowe. 37 Dawidi indé amené akomowelaka likumu, ndandenge akoki odjei mana ondé? wato wa djali omoyoki mwemu. 38 Awaaselia ndondo emateya mandé: Abania ni la iloko; wabali osombi la lobe elai, owahi mbote iholo ewato ngbi, 39 wawonoko ibete eliwoso la wasinogoga, la kiti eliwoso la wa feti. 40 wakopwesaka wali wango wagweli pelé milako, la okosi; wakokelaka mabondeli malaimalai. wakosambisama oyeti. 41 Yesu aabatali lihoso la eholo wakolumbaka mabonza, akodenda ndengé wato wakolumbaka falanga. 42 Moli otundake ongo ongweli molome, abatia wibende iwale keke keke enge ekokaki inde osombi te la okoke. 43 Yesu awelia wayekoli wandé aasia: iyowaselini meéné moli olo odjangi molome motundaké ahekeli oeti wango walumbi ngbi. 44 iwo walumbi enge elongwesi iwo la iho engé éeti; kasi inde alumbi engé edjaki indé leho, énge etikalaki laokali
Chapter 13

1 Ango yesu apumbia a tepelo, mwesi la wayekoli amohaselia a te: motyasakoli denda ndénge mabukeli maa la ma minguta 2 Yesu amonongweselia: denga mu monguta lisungu? te libukeli liesi etitikale likolo la leeti libukeli. 3 Aa batali la mokili ma olive, liwoso la tepelo, Yakobo, Yoane la Andele we mohelia. 4 To asela nda hengele ekohuma eho, ndo ilembo ekotoyinia ate dingé wihoo wikokokisama. 5 Yesu abatia awaaselia: djàa la likeli moto twet ohiokosakeni. 6 Wato wakodja la nkombo embai, la ohasi: edjei mbai wakokosa wato ngbi ino. 7 Inga oyokani mboli ate Wita, wigeleli la midudu dja kindo ohidjakeni la owangi, dingé sambo esengeli okelani, kasi gboo ehumakiyo. 8 mokii mwesii mikosana la djeti mikii okondi ikosana la djeeti okondi mbume ikoningana, ndjala ikoningana, ango edjei obandi ehodidi. 9 Tota ekenge ino amene. wako kambani la wa bilo, wakobingani mabukeli la sinagoga; wakomalesani atye wako guverner la makinji atina embai, la te ewayekele oyewani. 10 liwoso mboli ndamu ehasane la mikii kpaa. 11 Tango wakodja okawi ni ino, otiyatungiseni liwoso, engé ekowasani ino, hino kasi asani enge ekodjeleni ino la enge ngonga, laate eti dje ino okwasaka kasi elimo satu. 12 Wa huma wakoo olana, sango la mana; wana wakoyama lela waboti. sango la mana wakoholana. 13 Wato kpàa watiyobalani, la tina embai, ongo okohela motema tee la gboo akokala. 14 Inga okoheneni, libete hosoto, ekobatakà ebete ekokitii, hengele heho wango wadjei à yudea wabandi otili la mokoli. 15 Ongo odjei likolo la ndako ati adjimba ototi ema la ndako. 16 moto ongo adjei la elenga atiwongwa kine mbuse ototi isindje. 17 Magbà la wali wakodjalemi la wango wakonu nge saka mawe le maiso maho. 18 Moongoni Mwengei ate djii sambo iti ume lisiyo la piyo. 19 Laate mongo masiyo pasi ekodja makasi, laate tee Mwengei akeli moki pasi tueti ekokaniti la eho. 20 Inga likulu atete nelate wato maa masiyo laate ewume okwe, te moto tueti ati koke okali, kasi likumu akelali ndjongo la likambo la wango wa onami. 21 Igna moto asala inondjo: denga klisto adjei ala adjei Ongo. oti ndimakeni. 22 Laate waklisto wamoleho wakodjia wakokela makamwesi,la wilembo laokosi wa ononi inga ekoki odjei ndjongo. 23 Angatalani wadhengani olamu: iyoyewesini lihoso. 24 Kasi la masio maho; mbuse eodjidji, wuse ekwakukula, ndeboo etobata kine; 25 Minoto mikokpa la mbumé, okulu edjei likolo ekokpa sese. 26 Ndjongo, okoeneni mana omoto akodja la mapata laokulu kpa lamwemu. 27 akowatoma waanzelu wande, akowabatesa waonami la ihoho inei, gbo embumé la gbo elikolo. 28 Tota liteya emote emosuké. ango itape wango ilembeli, eumesia ngasi, ekoyewakate ngonga emoi ewumia pene odi. 29 Inga okoweneni djinge sambo ewumia okelani, yewakani te mana omoto awumia pene la odji. 30 Iyowaselini meemene: mamahota mati eta ndi dji sambo ekelami ga. 31 likolo la mbume ekoeta, kasi maloba ma mbai eta hete. 32 kasi lisio la edje ehengele, moto tweti ayewi waandjelu wa likolo, te mana, kasi wawa inde amene. 33 Tota okengi, sindjilani alidji wakongani oyewini ti lisio linge djinge sambo ekowuma. 34 Ekodjàa nda moto ongo oki okendo, adeiya molaka monde,ahekelia okondji la mituke wande, ahinia moto la moto la misala mandé. ahaselia moabati molango adengake. 35 Angatalami laate oyewiniti engele ekodja meemene ndako. Inga kolokolo, inga likolo inga boo. 36 Wangani ate atiyogboteni ndji olali la hiloo. 37 Inge edjeini mbai owasili ikoasaki la ino kpàà.
Chapter 14

1 Etikali masiyo maale ate feti e pasika la okoke odjangi okundji ewume. Makumu ma wa kanga e Mwengei la watie sakoli e mibeko wa lukali omoheli Yesu la ma mungo mbe te wa moole. 2 Asé waàsia até; étidjé wusé e olipati; alikambo até wato wakokéla monga. 3 Ango édjàkali indé Bétania, la molako e Simo omoto mbala, moli mwèsi alingélia ango édjàkali indé olaki,atotia molangi , mo-malasi ma lumba makasi, la matiyo mosungu, adukolia molangi mwèsi, asuakolia la moto mo Yesu; 4 Wato wadji wopotia wasi iwo mène la oki motéma mobé: nda ndéngé obitisi malasi mango ma motio ndjo? 5 Ewongokoli até watambé mango malasi la motio mosungu, wahe wato watu ndake wapotia omotoni ongo moli. 6 Asé yesu awaselia até, woni okomotungisaka ni? akéli loi wèsi wolamu àatié mbai. 7 Inga odjéni la wodjangi àatié nu, okowakélélani sambo ndamu masio kpàa. kasi otidja kine la mbai masio kpa. 8 Akéli éma éngé éengi la indé; amanoli maita ma lumba la wenge wa mbayi laate etikali, maakeki. 9 Wasélini mèmène,wibété kpàa wikoasana mboli ndamu, la moki kpàa , wakoasa la loyi wa oholo moli nda ekeli inde. 10 Yuda Mokeliota, mwès owatutiani liomu la wale, akia àatié makumu ma Mwengei laate amotambé Yesu atié éwu. 11 Ango ookia iwo ndjoongo, waémelia ngbii, wamo wonélia wambèle. asé Yuda alukia ndénge até amokawe. 12 Wusé wo poo wungo wo lindjangi mana, inge lisiyo wakolaaka iwo wusé lo Pasika. watutiani wa yesu wamwasélia éni ébali owe até tokawongèle ébete é Pasika? 13 Asé awatomia watutiani wandé wale, asé awasélia kekeni ongo la gbata, okogbotononi la moto mwèsi kpàali molugu mo malia la moto, motutiani. 14 Engé ébeté ekolingela indé , asani la mèmène mongu ta: Likumu asiaté. nda ébeté ekolakambai Pasika la watutiani wa mbai. 15 Asé akowoéngani ébete elamu, édjei la wiabatele wilamu, ango ndé ekowo ngele iso la olaki lipati la pasika. 16 Watutiani wakia, wakaumia la gbata, wagbotia wiho kpàa nda éwaselali indé ase wawongela pasika. 17 Ango odjia kolokolo, adjia la watutiani wandé liomu la wale. 18 Ongo odjakali indé la mésa olaki, yesu asiaté: iwaseli ni mèmène , mwèsi oonu, ongo okolaka la mbai, ebete eikima, inde nde okokawa mbai. 19 Wapotia okimagba, ase omwaseli, mwèsi la mwèsi ate édjéi mbai. 20 Awaseli ate, mwèsi ongo oliomu la wale, ongo okobongake iso lainde ma wo la sani. 21 Mèmene mana omoto akokeke ndenge edingamii ho ase magba la moto ongo omokawu. ekelaki ate édjé wolamu ùoto oho atiwotame. 22 Ango odjakali iwo olaki, Yesu atotia wokoké, ase, mbuse e omwongi Mwengei, abukia, awahekeyelia, asia ate, totani ehele édjéi wenge wa mbai. 23 Mbuse eho atotia ekutu; amwongia Mwengei awahekelia wakenge iwo kpàa. 24 Ase awaselia: ehele edjéi makila ma mbai, makila ma wouma, mango mahani la wato kpàa. 25 Iwaselini mèmene, ito kenga kine djiidji pukapuka dja vino ndiango okokenga mbai wuse wokokee mbai aatie Mwengei. 26 Ango aseselia iwo olembi lembo, wakia la mokili mo-oliwa. 27 Yesu asalia ate: ino kpaa okokiosakolani; nda edingami eho: iko binga sindjili ewa meeme, wakoya ndjana. 28 Kasi, mbuse embai obasi, la logo, ikoeta liwoso lanu ongo Galilai. 29 Petelo amwaselia: inga wino wa mbai wa sakela, iti sakela. 30 Leho Yesu awaselia: owe la likolo la keke, liwoso ate koko ilele, mbala iwale, owo okowungwana mbai mbala isato. 31 Kasi Petelo awongwanelia la moli motetelake: ekodja olamu mbai igwe lowe. mongindji, iti owungana, aseko iwo pkaa wasia udi djongo. 32 E wa keeli mbuse ebete eweli iwo Getesemani, Yesu asia la mongindi monde: lambela ni mbai ala ongo ekoya kongaka mbai la wawa. 33 Atelali Petelo, Yakobo la Yoani, abandali oyo kiboo la magba. 34 Awaselia: molimo mombai moyoki magba tii la logo, tikalani a la otitaleni. 35 Awongwea akua la mbume asiate Mwengei la oyakongindjo, inga obali ehele lihe ngonga like lihele la mbai. 36 Aasali alidji: abba wawa sambopkaa ekoki atie owe, longwesela mbai wu woi wodiake etidjée! linge libali mbai kasi linge libali owe. 37 ndjongo akia etie wa tutiani wa nei awa gbotia wa langali ndjongo asia la Petelo: Simoni olangali oyakongiti engali te la sa kikima? 38 wiilangaleni akongo la tina ate woti lilengele la omekame, elimo ewongelami kasi wenge etumi la okwi. 39 Awa deiya mbala ewale ayakongia alidi. 40 Ewongo onde awagboti ndi la ilo, late maiso mau madjali la oliti, watiyewali eyano e mowongoli. 41 Ewongoende mbala esato awaselia: ate langala aseni ahomesani! ase sikandjo! sa ekoki denga mana omoto wamokawia la mawo ma wato wabe. 42 amala toleke denda motongo otambi mbai ageleli. 43 Ndjii akwasaka, Yudasi mwesi la wa liomo la iwale, aumia la wato wango wakpali wiwuni, la mite wango wa tomamate la wa tuke wa Mwengei la wa dingi emibeko, la iloko wato. 44 Moto ongo omotambali awainukeiya: ongo ookalua mbai lainde, inde ongo moto helani oke la inde. 45 ango eumalinde andongbia kelekele le Yesu asia: Rabi! ayaluiya la inde. 46 asekowango wato wa mobongia mawo npe wa mahelia. 47 Mwesi la wa liomo la iwale adjakaliango; amesia auni atenia mwesi la wa tuke litoi. 48 Yesu asali la iwo: wodji late ohele mbai la iwuni la mite nda moto oyiwa? 49 Idjali la ino, masio kpa la molako e Mwengei, ikoteyaka, kasi otihelalini mbai. Kasi ehele ekelami, laate madingo, atilia. 50 Iwo kpa wa modeeli aseko atilali obangu. 51 aseko mana opele Gedhihelake, walukali omoheli. 52 Kasi alumbali esindje awatilia lingbegbele. 53 Wamohelali wakia lainde atie likumu ewatuke wa Mwengei, ongo eyabatali watuke kpaa wiloko wamolako mo engali la wa dingi kpaa. 54 Petelo awatuteya tée la ndondo e saa emolako emomotuke mo Mwengei ayabati laiho wakotoko misa. 55 Likumu ewakuke wa Mwengei la wadi kpaa wadiali oweli wato wa wahe te litatoli likikima linge likoki iwo oakei Yesu, kasi watieheneli. 56 Wato ngbi wadjaali ohi matatoli malokuta kasi mango matatoli mati djaali okokani. 57 Weti wadi la sambo owahi ndi moleho la tinde einde la hasaka: 58 Tomookali okohasa: yogbalola ehele monguta limaani la maho ma wato, mbuse e masiyo masato ikomaa eti linge limaaniti la wato . 59 Te la djinge sambo kpaa liaaki iwo ohengemeni etidjali. 60 Aseko likumu watuke wa Mwengei aamalia liwoso lau, amophuelia pwopwo Yesu, owongoliti lundu balate kikima la di sambo ekohasaka iwo owe kpaa? owongoliti te lundu? 61 Yesu ayabatali logo atiwongwesali. Likumu ewatuke wa Mwengei amohuelia aladji: odjei Masiya mana o Mwengei 62 Yesu amongoselali: edjei ndjongo. okweneni mana omoto ayabati la ewo elilome la okulu e mwengei, ayadjimbi la lipata. 63 Likumu eyatuké wa Mwengei asalakolia wisindje, ndandenge elukana iso djeeti poopo ndi inde amene aasi ga? 64 ookiniango nda etangakoli indé Mwengei. Owasini woni? Iwokpaa wamowongoselia awongi la logo. 65 Weeti wamosweelia iikahu pe wamolihia mbanda, laomobingi ibotu omowa seli aaate: ndai obingi asakine !mbuse la djenge odidi kpaa wa tuké wawongoya la indé wakomobinga 66 Petelo aabatali la lingalala aenia motuke mwesi omoli ongo ebeteé elikumu ewatuké wa Mwengei. 67 Amwenia petelo ayabati amisa amodhengia pe amwaselia: owe pe odja ebete kikima la yesu onazalete. 68 petelo awungania , aasia: iyewiti, itiyewaka ema enge ebali owo ondjaseli. Alongweiya ango, akia obatami. Koko elelia. 69 Mana omoli motuke olikumu amwenia petelo alidji, abandjia aleeti owasi la wango wadjaki la indé: oholo moto adje la wango wato. Awungania aleeti. 70 Mbuse, wango wadjaki ango waasia aleeti a petelo: edjei ndjongo odjei la wango wato, owe odjei mogalileya. 71 Abandia owabumakoli la olapi ndai: imoyewiti ongo moto okwasakani la indé. 72 Gbunduka, koko ebekua. Petelo amungolia mango ma mwasela li Yesu ate: lihoso te koko ebekwe mbala iwalé, okowungana mbai mbala isato. Amungoli enge Yesu amwasekali, alelali.
Chapter 15

1 Lamwengele mo boo, tuke dja engali wakondi wawelali wiloko la wadhindi mandigo, la wasanedrina, walingelali likita, wa motambia Yesu, wamonangia ndiki wa kia lainde okaa mohi atie Pilato. 2 Pilato amowelali Yesu: owe likumu lawayuda? ée wasigaa. 3 tuke dja Mwengei adjakaali omopelegeli bali ngbii etie likumu la mokii. 4 Pilato amohuelia aleeti, owongwesiti ema téeti? denga sambo wakoohelesaka. 5 Kasi Yesu atihali eyano, ndjongo likumu Pilato akamwali. 6 La mwengelee lipati. wadjakali omesi moto mwesi la eselegbeè (boloko), ongo odjaali iwo omoongi. 7 Enge mwengele adjaali la moto mwesi wamowelali Balabasi ongo odjaaki la mokulu ebete eikima la wato wa paima, wango wamoolali moto ango ememeleli iwo. 8 ndjoongo wato wasungu wabandalini ohongi ate akele ndenge ehahana inde la owakeleli. 9 Pilato a wawongweselaali ndjoo: obalini motike likumu awa Yuda? 10 La likambo aewali ate makumu ma engali wakondji iwo nde wamohaakali aloi la likunia. 11 Kasi tuke dja engali wakondji, wa ndongbali ebele ewato watomia awaumisele nde mobalabasi. 12 Aleeti Pilato, adjaali owa wongweselia: ikele woni la moto ongo oko mowelakani ino ate likumu la wayuda? 13 La mbala kikima wa humbia ate mobakani la ekulusu. 14 Pilato aasia la iwo aléeti ndjo; nda loi ekeli inde? tée ndjongo wa humbàali ate: inokakani la mokakani la ekusu. 15 Ndjngo Pilato, la olukani mwemu la ndjinge osungu o wato, awaumeselali Balabasi; mbuse e mopiesi, fimbo a wahiia la Yesu la oka mobati la ekulusu. 16 Masaze wakii la Yesu ndondo ée molako, ee likumu; mpe wa welia itutaki la wa masaze. 17 Ango wa mo kpalesia esindje tanake mpe wa modjabeya kéeke la moto. 18 wakomohaka mibale ate: mbaa owe likumu wayuda. 19 Wa mobingali motée la moto, wa mosuelate ikaha, amayaa magigindji, wa momeeli mahuli la omohekeli otua. 20 Mbuse wa mondjidia la mbanda , wa komotangaka, wa motubia isindje, la mbuse kiala inde oka mwakei la ekulusu. 21 Wa djuiya okulu la opkali ekulusu e Yesu, wa mwenya moto mwesi ako longwaka la mobele kombo ee ndée Simoni ongo akwayabataka la moki mo sirene,sango Alexandre, la rifisi, 22 Sikadjo wakia la Yesu la moki mokowelaka iwo Gologota, eluki waasi ate ebete enge ekokundaka iwo wato. 23 Wa mohali maana madjii ate kenge,ndjongo watibalali ototi. 24 Mbuse ee omobaki la ekulusu; wa bandia okawani isindje la weewi ungo okoki ondjuimoto la moto. 25 Ango edjaali mwengele ee isatu, mpe wamobakia la ekulusu. Wa dhingi sambo ndinge imokawi iwo, ongo likoolo la moto monde ate: owe likumu mo wa yuda. 26 Likolo la mote wakomali tina emowolali wo ongo: likumu e wayuda. 27 La mbuse eho wabakaali iwa waale mongindji la inde, iwa eesi la ewoo elilome, ongo weeti a liali, 28 Ango endjei ekokesami la ndenge e aasali engbata Mwengei: adjaali mongindi la wato wango wandjali la odidi. 29 Mpe wango wadjaali weeti la mboka wako motangaaka mpe la owangbungwanesi: owe moto, waasi ate: owe kine moto ongo opakaali obuki monguta mo Mwengei ase omee mbuse emasioo masato. 30 Yakalesa kine, yandjimba kine la enge ekulusu. 31 Ndenge kikima nda edjaali tuke dja Mwengei wakondji , wakosekeeké la wango weeti, waasi ate awakalesali wango weeti, aseko inde amene ataya kalese. 32 Klisto kumu mo isalayele ayandimbe sikandjo la enge mote mo monyoko, laate omongumye; tee wango wandjaali la inde mongindi wa omotangia. 33 Ango eumali mwengele emotoba likolo elingelaali la enge moki kpaa, tee mwengele molibwa. 34 la enge mwengele mo libwa,Yesu ahumbaali pwi la moli motetelake ate: Eli, Eli, lamasabakatani? inga wakukola ekwasaaka ate: Mwengei ombai, Mwengei ombai laande edei owe mbai? 35 Weeti wango wadjaali ango keekele, ndi enge mwengele iwo wanbandaali waasi ate: denga! akomowelaka Eli. 36 ndjongo moto mwesi aki obangu, aluliali linuka eesi la vinyo gagake abatia la mongendu,mbuse amohekelia ate angenge, aseko aasia ate modeeyo! tondenge inga Elia akodja omondimbi ango. 37 Mbuse Yesu ahumbaali pui ase ateniali motema. 38 Mbuse lido mo tepelo mosaleiya likolo tee seese. 39 Kaiko ase likumu mo wa soda aamalaali liwoso la inde, ahewali ate atenyali motema ndi la enge mwengele okelami ungo loi; aasia ate: memene oholo moto adjei mana o Mwengei. 40 Weeti wali wa dengaki la lihele,la ndondo eewu Malia magadala la Malia nango Yakobo, ongo mokeke Yose la Salome. 41 Ongo odjaali iwo sombi la inde la omokeleli la enge mwengele edjaaki iwo ongo la Galileya,la wali weeti ekeli iwo lainde ongo la yeluzaleme. 42 Liwoso ate huse alye, wadjali olengeli o sambo o la lisio la sabata. 43 yozefu onngo owa alimatayo ongo adjaali motei mosungu, ongo,okomokaaka wato wa wangali. ongo okeeliaatie pilato,la hongi wenge Yesu. 44 Pilato awelaaki toosate agbi ndji sika ndjo, owa welia wa lambiani wa nde inga agbi gala. 45 Tango mokondji ewa soda a mowaselia, Pilato amohia Yozefu ebembe. 46 ndjongo asombaali lini enge elamu mpe adimbaali molonda o molingia la line olamu amolangeya la mbila enge etongate iwo ndondo e mabukeli, mbuse akukolya modipo a lihia la monoko mo eho. 47 Mbuse Mali Magadala la Moli nango Yosefu wa ndjaali ondengi ebete enge.
Chapter 16

1 Ango lisio eyenga etali, Malia magadala la Malia nango Yakobo la Salome wasombia maita malumba enge elamu, alikambo ate wake omomunoli Yesu maita 2 lioso linge la poo wakia okandengi mbila. Tango eboo ango ekelongia wuse. 3 Wakoasaka iwo amene ndai akolongolo libukeli alikambo tolingele ongo ambila. 4 kasi ango edengali iwo waenali ate libukeli logui linge lidjali esungu eliongui. 5 Walingelia mbilia wa moenia elengi mwesi mpe opele abatia la ewo molome akpalia isidje ebubake wawangali. 6 Awaselia otiwangi moto okomolukakani Yesu Nazarete atikine ndenga ebete innge elangalaki inde. 7 Kasi kekeni oasili wahekoli wande la Petelo wa mobilia ongo la galileya ongo nde okomogbotoni la ndenge owowa selalini iwo. 8 Wapumbia a mbila wa tilia wa wongweya la owongi enge eweniho ango waesiliti moto alikambo la Mwengei. 9 Yesu abasiali boo lisio la liwoso la poso, aeenia liwoso la mali, magadala ango ewumbali nde la milomo mbe sambo 10 Malia akia wa sumbeli wa wekoli wa Yesu mboli awa gbotoli la magba la oleli. 11 ango yokia iwo mboli te adjei la bomoi alidi Malia a;oweneli wati ndimali. 12 Mbuse ewo, Yesu aapumbia wayekoli waale ndenge eeti tango edjaki iwo oke a motulu. 13 Wadja owasumbeli weeti mboli watindime. 14 Mbuse eho awapumbelia liomo lesi wango wadjakali ameza,awasemia ino odjei la motema motekelake; alikambo wadjangi ondimi mano moto abasi. 15 Awaselia kekeni, okasombi mboli la moki mobimba, wase la mboli elamu la mabota pkaa. 16 Ongo okondi mela mbai akopata watisimo akokla kasi ongo ati ndima akogua. 17 Okombo mbai okoyumba la milimo mibe wakwasa la minoko miholi 18 Denga ilembo ekowabiliaka wango wakondima kombo e mbai: wako pumbisa milimo mbe, wa kowasi minoko moholi. 19 Amgo asiselia inde owasi atelia likolo, abatia la ewo la mboli. 20 Wayekoli wa keli osakoli mboli ndamu iho kpaa likumu adjali owa sungi adjali okeli sambo mingi la ondimesi maloba.

Luke

Chapter 1

1 Wato ngbi wakeli makasi té wakome sambo djinge ikelami la iso, 2 Ndenge iwo wango wandjali oweni la maiso wato komeli tée la ebandeli ewo mpe wawumi wa minisitele e loyi; 3 Mbai mpe idjwali mokano aloyi ibiliyali djinge sambo kpa tée la ebandeli, te iyo dhingele la molongo owe Teyophila 4 Laate oyewe la meemene m tiasakoli enge etoti owe. 5 La tango e Helode, likumu e Yudeya, edjali la kanga Mwengei la kombo e Zakali, la litoto e yabiya, moli ondé adjali la oliye ewanawali e Aloni, adjali owelani Eli Sabatha. 6 Iwo kpa wadjali olamu la mayiso ma Mwengei wadjali odendeli la olamu mati ya sakoli la motomami e likumu. 7 Wati djali la wana, elizabeta atidjali owoti, iwo kpa wa wumali mbange. 8 Tango edjali Zakali okeli otomo o ende enganga Mwengei edjali ngonga ende, awona mali la djeke. 9 Mbuse ee Saselodose, la olingeli a Tepelo e likumu ate ohe palafé. 10 liwoke ewato edjaki saa la owangi, ngonga e palafe. 11 Anzelu likumu amowumelalia Zakali, aa moliya ngambo e lilome eholo e palafé. 12 Mamungo ma moyetali Zakali oyeni anzelu, alidji atumali la boo. 13 Kasi anzelu amowaselia: Otiwange Zakali, oloyi owangi oowe endimani. Moli oowe Elizabeta akowota mana opele; okomaha kombo e Yowana. 14 Akodja etie oowe ema e mwemu la alegrese wato ngbi wakoyemele la owatami onde. 15 Aloyi akondja mote mosungu liwoso e Mwengei atikenga vinyo, té masanga kpa engé ekolangwisaka, akotumisama la molimo satu tée osali e nango. 16 Akowangosa wana wa isalayele ngbi olikumu Mwengei owu. 17 Ako somba liwoso e Mwengei la molimo la okulu e Eliya, laate awongose mitema ewa wawa ngambo e wana wa ndjangi la kandela e meemene laate amowongele likumu wato wango wa koki. 18 Zakali aasiya la anzelu: ikoyewa nda ndenge? laate iwumiga mowange; alidji moli ombai masiyo mandé mpe makiya lihele. 19 Anzelu a mowaseliya: idjei Gabiliyele, ikowamalaka liwoso e Mwengei, itomani té iyo wasele, alidji iyo sumbele eele mboli ndamu. 20 Denda, oti gbuka kine, okowasa ndji lisiyo linge djinge sambo ekowuma, olikambo ati ndime maloba ma mbayi, engé ekohengemene la ngonga eho. 21 La engé ngonga, wato wadjali olambeli Zakali, la okomwi ndenge ewumweyindé ongo ndondo e Tepelo. 22 Tango epumbia inde, ati waaselali, wa yewali té ayeni saki ndondo e Tepelo, adjali owakeleli la maho, atikalali bubu. 23 Tango masiyo mande ma otomo masiliya, awongoliya atie inde. 24 Ma masiyo mbuse, Elizabeta, moli onde, awumali la lami, Aayisiya ndeboo itano, adjali owusi: 25 Edjei la ngolu likumu a kelali mbayi, olambi mayiso mandé likolo la mbayi laate alongose soni embayi liwoso la wato. 26 La sandja e motoba, anzelu Gabiliyele atomamali la Mwengei la moki mwesi mo Galileya, mowelami Nazaleta, 27 Atié mana omali mwesi atiyewali pele wose e moto mwesi la molako mo Davidi la kombo e Edjefu. kombo emana ongo otiyewe pele edjali maliya. 28 Anzelu alingeliya etié inde aasia ihoyi mbaa, owe ongo ngolu ewohekelami, likumu adjei la owe. 29 Emo etelali la enge eyaseli, maliya aahuwelia inga enge mbaa eyenga woni. 30 Anzelu amowaselia: otiwange; maliya; laate adjwi ngolu liwoso e Mwengei. 31 Denda, okokpala lemi, okowota mana pele oko mohu kombo e Yesu. 32 Akodja osungu, akowelama mana ongo oyeti likolo, likumu Mwengei ako moha ngbelengo e likumu e Davidi, sango. 33 Likumu lande likodja a molako mo Yakobo libela, alidji likumu lande liti la osali. 34 Maliya aasiya la anzelu: ekokelama nda ndenge iyewiti pele? 35 Anzelu amowongeseliya: molimo satu ekodja likolo e wowe, okulu enge eeti likolo ekodiha la elimo endé. ehonde mana osatu ongo oko wotama la owe akowelama mana o Mwengei. 36 Denda, Elizabeta, manguwa, adjei pe la lemi, mana mwesi la owange onde, ongo odjali iyo omoweli ekomba adjei la ndebo motoba elemi: 37 Laate ema teeti ekokiti odjangi atie Mwengei. 38 Maliya aasia: idjei motuke mo likumu, ekelame la mbayi ndandenge eyasi owo: anzelu omodeyia. 39 Ndi laenge engele, malia amalia, pe akeli obangu a moki mwesi dja mikoli mikoli aliwange mwesi dja wa Yuda. 40 Alingelia la monguta dja Zakalia, a mohekelia Elizabete mbaa. 41 Ndjongo Elizabete ayokali mbote malia, mana ayabandali a solo, pe atumali la molimo santu. 42 Inde apamali la moli mosungu: pe ahasali ate apambwamia kati e wali kpàa, pe pukapuka enge edjéi la solo epambwamia. 43 Nda wahaselia mbai ate nango likumu o mbai akodjaka ahue embai. 44 Denga, nda iyokali moli la mbote la owe a matoi mambai, mana ndondo esolo dja mbai ahumbwali la oemeli mingi. 45 Ohemeli edjéi la moli andimia, late sambo kpàa enge Mwengéi amohaselali wekokokisama. 46 Pe malia ahasali ate: molimo mo mbai ekokumisaka Mwengéi. 47 Pe elimo mombai ekoki ti oya tonesi ohemeli mingi a tina e Mwengéi, mokalesi mo mbai. 48 Nda oheni ate motuke monde omoli adjéi moto pamba. Denda, obandi sikalandjo mabota kpàa wakotolo mbai moto o mwemu. 49 Nda moto okulu akelelia mbai misala misungu, pe kombo ende edjéi mosatu. 50 Magba ende edjéi likolo la wato wango wa komowangaka inde mabota la mabota. 51 Akelia la okulu a mawo mande; awahandia wango wadjéi la elolo a mamungo la mitema mawu. 52 Awadimbia wato wa okulu a kiti dja makumu, pe awadjambia wato pamba. 53 Atumesia wato wa ndjala la wihoo wilamu, pe awongosia wato wa ogumake mawo ohola. 54 Adia osalesi Isalaele, mokeleli monde, late amungole aleti motema magba lende. 55 Nda ahaali lawa wawa wasu, atie Abalayama la momboto monde libele. 56 Malia ayabatali ebete kikima la Elizabeti inga sandja isato pe awongwali ebete ende. 57 Tango enge Elizabeti ekokali ate awote pê awotali mana opele. 58 Wato wango wa lisukaka la wo wonde wayokali ate Mwengéi amosu moli inde motema mo magba, pe wabandali ohemeli ebete kikima la inde. 59 La lisio la mwambe, wamotenali mana oho kombeni pe amowelali Zakalia, nkombo e sango onde. 60 Kasi nango adjali la loi woasaka, ahasia: te ndjongo, mowelakani ate Yoane. 61 Ndjongo wamohaselali inde moto mwesi a libota la owe ati la enge kombo. 62 Ndjongo wamowelia sango onde la wilembo inga abali wamowele ndai. 63 Zakalia awongoli makoti, pe adingali: kombo wende Yoane. Ndjongo iwo kpàa wakamwali. 64 Ambala esi monoko monde modukwamali, pe olemi onde opumbali, abandali owasi, pe opamboli Mwengéi. 65 Wato kpàa wango wadjali oyabati alisukaka ewu wawangali, walandali ohaseli sambo kpàa. Enge a moki mosungu dja mokoli mo Yudea. 66 Pe wato kpàa wango wayokali eho wahisali a mitema ewu, pe wandjali ohasi: oholo mana akondja ndai? late ewoo la Mwengéi edjéi penza la inde. 67 Zakalia, sango onde, otimali la molimo mo santu atiesakolali ate. 68 Opabwame Engali, mwenge o Isalaele, nda akebesi ga wato wande la owa sikoli iwo. 69 Atopumbeselio iso ndjeka dja mokalo la monguta mo Davidi, mokeleli onde. 70 Ndi nda ndenge eleholi inde a monoko la mowasakoli wande gala. 71 Ate akotokalesa iso awanguna wasu pe mawo la wango wakototonaka iso. 72 Late atohinye iso motema magba a tina ewa sangbasu pe amungole aleti ondimani onde mosantu. 73 Nda ndenge amola Pelali sangbasu Abalayama. 74 Late akoke otopûmbesi, mbuse tolongwe a mawo dja wanguna wasu, tomokelele inde otomo esatu la owangi te. 75 Osombi liwoso lande la osembo pe la omowangi masio kpàa a bomoi wose. 76 Owe, mana mokeke, okodja owelami motiesakoli molikolo; ango okosomba liwoso la elongi e Mwengéi la owongeli mboka ende. 77 Mbuse ohekeli wande kandela ate akowakelesa a mboka e olimbisi masumu mawu. 78 Atina magba e Mwengéi osu, la tina magba maho tokohene liwusawuse opumbi tokodendaka likolo. 79 La ekeli wuse la wato wango wa sese a wango wamotulu la wango walihohela la logo. Atina osombesi mangbanda masu mboka e logo. 80 Kaikoase mana oho adjali obeki aumia la okulu la elimo adjali ndi la manganga tee lisio enge eyahiniali liwoso la isalayele.
Chapter 2

1 Engé e mobeko mose zale ogisité wakele tange wato wa moki kpa. 2 tango e liwaso edjali tango kilinisi likumu e silia. 3 Watokpa wakeli oyakomesi,moto la moki monde. 4 Edjefu indé mpe ateliya a galileya, alongoya nazalette, akiya a yudeya, la moki modandi, betelema,aloyi adjali la molako alidji la oliye o Davidi. 5 Laate ake owakomesi iwo la molia, wasé onde, adjali elemi. 6 Tango edjali iwo ongo use enge malia akokali ogboti ounia, 7 Awotiyu mana onde oliwoso opele. Amolingiya, amolangesiya la elakeli ewa meme, aloyi eti djali la ebete la iwo owa buti a ndako efutelake. 8 Edjali nde lenge eholo, wa wokoli wa meme wa djali alokolo wakobate laka nama djawu. 9 Denda,anzelu olikumu awawumeliya, kembo eli kumu ewalingia. 10 kasi anzelu awaaselise: otiwa ngeni, ekodja la wato kpa ema emwemu; 11 Keke, a moki modavidi, mokalesi mowe aowata melini adjei, adjali kilisito, likumu. 12 Denda enge elembo eko yewani ino: okogbotoni mana mwesi wa molingi alidji alangali a elakeli enama. 13 Ndi lenge ngonga ongo anzelu aboliani la weeta wanzelu, wa mokumisia, mwengei waasia; 14 Kembo e Mwengai oyeti likolo, logoo a mbume la wango wadjei la mi tema milamu. 15 Tango waatikia wa wongoyia likolo, wa wakoli meme waa sania: toke tee ongo a beteleme, to dende enge ewumi ongo; enge likumu otoyewisi. 16 Wakia obangu, wagbotia maliya la edjefu, la mana mokeke alangali la elekeli e nama. 17 Mbuse e weni, waasia enge ewaaselli iwo la loyi loowolo mana mokeke: 18 Iwo kpa watumiya la okamwi lenge edjaki wa wokoli wa meme owaaseli. 19 Malia adjali oyisi djinge sambo kpa, adjali obundoli a motema. 20 Wawekoli wa meme wa wongwali, la kembo la omokomisi alidji lenge eeni iwo, eengemani leenge ewa waselali. 21 Masiyo mwambi, laate mana atename kombeni, wa mahia kombo Yesu, kombo enge easali anzelu liwoso te mana a lingeli a solo e nango. 22 Alidji, tango masiyo ma opetolami e kokali, ndende mobeko mo Moize, Edjefu la malia wakali la inde a yelusalema, laate wa mo inye la likumu; 23 Ndenge edhingami la mobeko e likumu, Mana ongo opele ongo owotami liwoso wa mohe la likumu, 24 La ohekeli likabo ilwa iwale, ndandenge edhengami la mobeko e likumu. 25 Denda edjali Ayelusaleme moto pele mwesi nkombo ende Simeona, moto ongo adjali sombi olamu pe mowangi, adjali olambeli obondisami dja Isalale, pe elimo santu edjali likolo lande. 26 Aleeti amohiniali a mboka elimo santu ate atahene logo liwoso amohene Kilisito e Mwengei. 27 Adjali a tepelo, la okulu dja elimo. Tango waboti walingesalia la mana mokeke Yesu laate a mokelele inde ndenge wingbundu ewongi. 28 Inde amototali a mawo mande apambolali Mwengéi, mpe ahasia. 29 Sikalandjo Mwengéi, owe odeiya motuke wowe ake la logo, sa ndenge ohasali. 30 La tina maiso ma mbai eheni ndja mokalesi. 31 Ongo ewangeli a maiso la wato wa miki kpàa. 32 Wuse late ehenese miki, pe kembo la Isalaele, wato wa owe. 33 Sango la nango wadjali ndi okamwi la sambo kpàa enge wadjali owasi a tina ende. 34 Simeona awapamboli iwo ahasali la malia, nango: Denda, oholo mana ayabati a tina olumbesi pe oyamalesi wato mingi la Isalaele, a tina edje lembo enge wato wako aselaka obe. 35 Pe laowe mene ewuni mosungu ekoswa molimo mo owe late mamungo ma mitema mingi ehenene. 36 Edjali pe la moeni omoli, Ana, mana o Fanwele, la libota Ashere. Moli oho ahumali la mbula ngbii pendja, pe ayabatali la molome onde mbula sambo mbuse oyikani atikalali onde. 37 Dja ndi mogweli molome, pe la mibu tuku mwambe la inéi, atiumali a tempelo, ayahekeleli la Mwengéi likolo la wuse ndondo owakilisi la oyakomgi. 38 Mamungo mawongwea, inde kine ndi la hengele ehoo, akumesia Mwengéi, pe akohasaka atina e Yeu atie wango kpàa wadjali olambeli osikolami dja yelusaleme. 39 Ango wasilisalia okeli sambo kpàa la otutei wingbndu wa Mwengéi, Josefu la malia wawongwali la Galileya, ongo la Nazarete, liwange ewu. 40 Kaiko, mana ohoo adjwali obeki la okulu, atumali la okenge, pe libalano e Mwengéi edjali likolo lande. 41 Wawoti wa Yesu wadjali oki mbula kpàa a Yelusaleme, la lipati la pasika. 42 Ango eumesi inde mibu liomo la iwale wakeli a lipati ehoo ndi ndenge wamesanali oki. 43 Aleti, ango masio epotoli oweti, wawongwali, mana Yesu atikalia a Yelusaleme. Sango la nango watiyewali. 44 Wakanisali ate adjali la ebiba wato wango wadjaki okeli la iwo konde, wasombali lisio mobimba. Mbuse ehoo wabandali omolukani atie wato wa libota pe atie wato wango wayewani la iwo. 45 Ase, nda watimoheneli inde wawongwali a Yelusaleme la omolukani. 46 Mbuse e masio masato, wamogbotoli inde a tempelo, ayabati ndando e watiesakoli, wamo mo yokaka pe akowa huelaka oopo. 47 Wango kpàa wadjali omoyoki wadjali sa okamwi a mayele mande la ewongweliseli onde. 48 Ango wawoti wande wamohenia, wakamwali, nango amohaseli ate: Mana ombai , otokelia iso ndjo la tina ende? denga, sangwa la mbai tosombia moto oolukani. 49 Ase inde awahaseli ate: a tina ende ino okolukakani mbai? ino woyewitini ate mbai ikokelaka sambo dja wawa? 50 Ango watiyewali enge ekowaselaka iwo. 51 Ase adimbali ebete kikima la iwo la oki Nazarete, pe adjali ndi oyadimbesi liwoso lawu. Nango abaniali dinge sambo kpàa a motema monde. 52 Pe Yesu abekali la kondela, pe la wenge la libalano, liwoso e Mwengéi pe liwoso la wato.
Chapter 3

1 Mbuse e liomo itano likumu wonde mokondji Cezar, ango mpe Pilato adjali Gouvelenele a Yudeya Helode likumu e Galilayi, manango Philipo likumu e Iture etuka e Talakonite, Lisaniasi likumu e Liabilene 2 Masio ma nganga e Mwengei likumu Anna e Caife moaseli mo wawa amoaseliya Yoana mana o Zakali ndondo e manganga. 3 Ango osombaki a moki mosungu kelekele e yoluani adjali osakoli patisa enge edjei elembo e okukoli motema alikambo la olimbisi e masumu. 4 Ase ango edingami la buku esaseleli e Isaya: moli e moto mongongo manganga akopamaka la motulu wongeleni mboka e Mwengei. 5 Mawela kpa ekodhikana, wa mikoli kpa miko adjimba enge wa bebesaki eko wongo, mboka enge wa bebesake mako wongo. 6 Aleeti wenge kpa ekohene ondimi e wawa. 7 Adjali owaseli wato ngbi wango wadjali ototi patisimo atié inde: wana wa ndjoo, ndai owoyinyei otili limeme ligeleli? 8 Inyani misala ma okukwami, otiabate oaselani ino amene: todjei la Abalayama nda tata? iyo waseleni la lingelibukeli Mwengei akokiopumbesi weeti wana wa Abalayana. 9 Engboma eyabatiga la masisa mo mote: mote mungo mokowota mbuma mbée wa tene walumbe la misa. 10 Wato ngbi, watomia, waasa: tokoki okeli woni? 11 Awawongoselia ongo odjei la wisidje iwale amowekele ongo odjangi,ongo adjei la ema e lakake akele ndi ndjongo. 12 Wa putesi pako wadjakali la ototi batisimo, wa moaselia: molakesi, nda ndenge koki iso okeli? 13 Awawongoselia otiwonge likolo enge easamiali ino. 14 Wa soda mpe wamowelia: iso, nda ndenge ekoki iso okeli? awa wongoselia: otitoni ema e mo la otetelake la oyiwi wato, e melani la liputi lanu. 15 Sikandjo nda ndenge wato wadjaki omolambi mpe wadjali owaweli iwoamene a mitema mawu eeti tango Yoana ase adjei Masiya. 16 Awawongoselali aasi la iwo ate mbai iko obateseniino a malia moto mwesi motetelake o eti mbai akodjaka. ehongiti odukoli miliki ma ikpokpo ende, inde akobatisa ino la elimo satu mpe la misa. 17 ende epoli mbuma edjei la ewo ende a likambo la opetoli amene ebete ende e otangi mbuma mpe ogbotonesi a molako monde mungo moisake ilaka ase akotumba mposo ewo la misa mungo motolimanaka. 18 Ango Yoana adjaaki owalendisi wato weeti sungu mpe owa sumbeli mboli mdamu. 19 Ongo yowanu adjali omotekesi ati moyike Helodiasi moli o maanango alidi la sambo mbe ekelali inde. 20 Helode abakisali alidi odjeti sambo enge omonangaki Yoana a boloko. 21 Kaiko nde engele wato kpaa wa batisamaki Yesu mpe abatisamaki ango engele adjaaki inde ohakongi likolo edukuanaki. 22 Djimbelia nda ebenga elimo satu emwa ase mooli mookali likolo e asia: odjei mana ombai olibalano iyobali ngbii. 23 Yesu engele ebanda te inde otomo wonde adjaali la mbula tuku isato wa djaaki okenesi ate adjei mana e Yozefa, mana ehele, 24 Mana e Mateo, mana o Melesi, mana Yanayim mana o Yozefu. 25 Mana o Matatiasi mana o Amosa manao naumama, mana o Elisi, mana o Nagayi. 26 Mana o Mahata, mana o Matatiasi, mana o Semeyi, mana Yosesi mana o yuda. 27 Mana o Joana, mana o Lena, mana o Zolobabel, mana o Satakiti, mana o Neri. 28 Mana o Melaki, mana o Adi, mana o Kasama, mana o Alamadama, mana o Er, 29 Mana o Yesu, mana Matha, mana o Levi. 30 Mana o Simeo, mana o Yuda, mana oYozefu, mana o Eliakime, 31 Mana o Melea, mana o Mena, mana o Malata, mana o Nata, mana o Dawidi, 32 Mana o Isaya, mana o Jobede, mana o Boze, mana o Salomo, mana o nama, 33 Mana o Aminadabe, mana o Adime, mana o Alani, mana o Esilome, mana o Falese, mana o Yuda, 34 Mana o Yakobo, mana o Isaka, mana o Abalayama, mana o Otara, mana o Nakore, 35 Mana o Serite, mana o Rago, mana o Fale, mana o Ebere, mana o Sala. 36 Mana o Kaina, mana o Afasa, mana o Seme, mana o Nowe, mana o Lamete, 37 mana o Matisala, mana o Enoki, mana o Jolede, mana o Malele, mana o Kaina, 38 Mana o Enose, mana o Adama, mana o Mwengei.
Chapter 4

1 Yesu atumesamia la molimo satu olongoya la Jordani pe molimo mo motomia ongo odjaka manganga. 2 Ongo omekehekeni la esisi masio tuku inei wuse la likolo odjangi olaki kati emango masio ndjongo, mbuse emango masio ndjongo aokia djala. 3 Esisi a mwaselia ndjo: Inga odjéi mana o mwengéi, asa la ma mabukeli makukwane makoke. 4 Yesu amowongoselia ate: madingo masiate: moto atikalaka sa la ilaka ilakake. 5 Esisi emotombolia likolo la mokoli, amoineisia okondji o mbume. 6 MPe asia lainde ikohekele u otetelake, la okumu ehele moki okodji, late waheli mbai, ikoki ohi la moto ongo omobali mbai. 7 Pe inga oya konga la mbai, mbai ikohekele uwo. 8 Yesu amohongoselia: longua longuango Etota! madhingani moasi ate: okoki omongumbameli la omokeleli ndji likumu mwengei oowe, 9 Esisi, emototia ekia lainde ongo la Yelusalem, amoyamalesia likolo la tempelo mpe asia aleti: inga odjéi mana mwenge alumba yo ongo sésé late edingami djongo. 10 Akohekele mitindo edje wadjelu la tina owe late wobatele. 11 Pe wakokpala la mawo mau late makolo maowe ma titime hesele. 12 Yesu amowongoselia: easani ate itikoke omomeki likumu Mwengéi. 13 Mbuse omomeki la sambo ebele esisi emotilia, Yesu atikalia inde 14 Yesu atumesamia la otetelake molimo awongoya a Galilea, mpe mboli ende eyandjia la miki mango ma kelekele. 15 Ateyakali la Sinagoga, pe okumu wonde osombia ibete kpaa. 16 Awongoia la Nazareth amoki mungo mobekalinde, okokani la okoko owu alingelia la Sinagoga use oyenga ayamalia late atange buku . 17 Pe wamohekelia buku e mosakoli Isaya: ohengesia kasi dja buku akadjua ebete esi ekomate. 18 Molimo mo Mwengei modjéi likolo la mbai, late amunoli mbai la maita late iteye sango ndamu etie watundake atomi koto mbai ate ikalese wato wango wadjéi la mitema mikodjoi. 19 Late tuke ikangolame, wango wakpi waiso waene ate, wango wako nyokwamaka wakale, alidji la otiesakoli mbula eholi e likumu. 20 Mbuse eho adikia madingo amongoselia mosali, mpe ayabatia. Wato wango kpàa wadjakalia la losambo wa kukolia maiso atie nde. 21 Pe abadia owaseli: keke eheli djinge sambo ilongoiya mbaio otangi makokesamioa kekehele. 22 Wato kpàa wadimia misala mande, pe wakamoya la maloba mango makumaka la monoko monde: wadjali owasi ate Teolo nde mana o Yozefu? 23 Yesu awaaselia okowaselani mbai ehele lisekpe: monganga akalesa owe amene, alidi okowasani la mbai, kela ala la moki moowe djinge samboeyoki iso okeli la Kapelenauma. 24 pe abakesia asiate: iwaselini meemene mosakoli te mokikima wakokio mondimaka la moki monde. 25 Ikowaselakani meemene: edjakali latango e mosakoli Elia wali wa gbelete pele ngbii la Isalaahele tango edikamali likolo ilanga isato la sandja motoba, edjakate la odjangi wilaka la moki mobimba. 26 Tango eho Eliya atitomanaate ebete tweti la wango wali molongose ndi moli ongo gbeleli molome ongo la Saleta la moki mo Sidon. 27 Edjakate la wato ipuisi la Isalayelela enge hengele e osakoli Elisa, tweti la iwo ati peto la mite molongose ndi Namana oto o Siliya. 28 Iwo kpàa wamemelia la sinagoga tango okia iho djinge sambo. 29 Wayamalia, pe wa humbwa la inde la moki, pe wakia lainde te la songe mokoli e liwange ongo omaliwo monguta, pe wawongoia lainde obangu te ongo sésé e mokoli. 30 Kasi Yesu aetia ndondo ehu pe akia. 31 Ayadjimbia la moki mo Capelenauma la liwange la Galile, pe abandia otei huse o Sabata. 32 Wakamwali la mateya mande odjali otei nda moto odjei la okumu. 33 Edjakali la ndondo esinagoga moto mwesi odjakali la molimo mbe ambandali ohumbi pui makai. 34 Nda loyi edjei atie iso la owe: Yesu o Nazalete owe odji ate otowungese, iyoyewi olamu odjei mosatu ongo Mwengei amotomi. 35 Yesu amokelia minga, pe asia: dika monoko mowe pe pumba atielo moto esisi emolumbia ndondo e losambo pe mopumbia ndondo ende odjaki omokeli obe. 36 Wato kpàa wawangia, wabadjia wasani osu sambo eyinyei woni? akohumbaka la isisi pe yo mowanganga! 37 Mboli ende ebengea la moki mobimba. 38 Opumbi wonde la Sinagoga akia la monguta mo simo. Okio osimo adjakali la fefele, wamwaselia likambo laho. 39 Oyakukolia ngambo ende pe aumbia la fefele eho fefele emosilia mbala kikima, pe ayamalia pe abadiaomosaleli. 40 Mbuse ehuse oli wakadjia la wato wa ikoni ndenge la ndenge, pe awabatelia mawo mwesi la mwesi pe awakalesia. 41 Milimo mbe mipumbia edje wango wato wadjali ohumbi pui la owasi: odjei mana o Mwengei, Awa kelia matata, abalakali ate wakpome late minge miliko miewakali ate inde adjéi kilisito. 42 Tango etania huse, apumbia akia ebete e manganga. Wato engbii wabandia omoluki, tee waka mokpotia watibalakali ate wakabuane lainde. 43 Awaselia ate: ewongi pe ike Ameti miki la okatei mboli poli e Mwengéi, late la tina eho nde etomami mbai. 44 Ndjongo abandali otei iholo kpaa la wasinagogo e Galilea.
Chapter 5

1 Tango Yesu aumali kelekele e ligbutu e Nazalete, mpe wato ngbii wayandogbali ongo edjaali inde la ooki luundo o Mwengei, 2 Aenia keekele emalya maamasula keekeke iwaale, ndjongo wato wanduki wayadjimbia la okpoli witanga. 3 Atelya la wato eesin enge edjaaki Simoni, amoongia ate andongbe waato lihele e mbume, sikandjo ayabata, mpe ango la wato abandia owateyiwato. 4 Ango etimei inde la waasi, aasia la Simoni: yandongba ongo ebeki malia, mpe lumba itana eowe la malia. 5 Simoni amowongweselia: moteisakoli , iso tokeli otomo likolo kpaa tooliti ema; kasi, la luundo wowe, ikolumba etanga. 6 Alumbia etanga, atotia suu sungu, mpe etanga eatiaa. 7 Wawelali wiino wahu wango wadjaaki la eeti waato la odii oasungi wadia mpe watumesia djinge waato waale, elukali olindi. 8 Ango eenia iwo ndjo, Simoni Petelo, akpia la mauli ma Yesu, mpe aasiandjo: otiyatole la mbai, la loyi atembai idjei moto omasumu. 9 Iwo la wato wango wa djali la inde la wato waumali la owangi la likambo la djinge suu eolali iwo. 10 Wadjaki iwo amene Zaki mpe la Yoani mana o Zebedeyo, watingali mongindi la Simoni, ndjongo Yesu aasia la Simoni: otiwange te, obandi keke okodja molobi ma wato. 11 Mpe wandingbia waato kondolo, wa dheyia kpaa, mpe wa motuteya. 12 Yesu adjali la moki mosungu eesindjoo, mpe denga, moto mwesi mokwe la ekoni embala, a moenia, amomaelia mauli, mpe amwaselia aya kongia lainde: likumu lambai, inga obala, kalesambai. 13 Mana o Mwengei amobatelia mawo, amohelia, aasia: kala, ndji la enge tango ekoni embala emosiha. 14 Alaho amotekesia ate atiasele moto tweti. kasi, keke oya inyei la watuke Mwengei, mpe waha likolo la tina e mokalo mowe oengemeni la mandingo ma Moyize, late enge ema ewandimese. 15 Otwa onde obangiali la moki, mpe wato ngbii wadjawali odji la omooki mpe late wakale la wikoni djau. 16 Aseko inde, aya lomolali akia la manganga, mpe aya kongali. 17 Lisio liesi Yesu akoteyaka , wafalizeyo mpe la watiasakoli wa mibeko wadjali ango wayabati, wadii ongo la wato waGalileya, la wa Yuda mpe la wato wa Yelusaleme; mpe okolu e likumu edjei waneni la okalesi. 18 Mpe denga, wato, wamodjeleli moto ogui makolo alangali la litoko, wakolukakali omolingesi la omobati liwoso e inde. 19 Nda ndenge edjangali holo emolingesake la loyi e kaka e wato, watelali likolo e molako wa soyia wa modjimbesia la litoko lande liwoso la Yesu. 20 Yesu aenia andimi owu, Yesu aasi: manima, masumu mowe malimbisami. 21 Wa tiasakali mibeko la wafalisayo wabandali omungoli mpe la waasi: oholo ndjo adjei, ndai ongo okoki olimbisi masumu, eti ndi Mwengei inde amene? 22 Yesu, ayewaali sambo dinge emungolaki iwo kpaa, atotia liloba mpe awahuelia: nda sambo emungolaki ino a loho eino? 23 Ndaeema ongo edjei pete, okoki waasi: masumu ma oye malimbisane, te waasi ate yamala, mpe somba? 24 Laate ayeweni ate mana o moto adjei ala ambume la okulu olimbisake masumu: mbai yoluhuelini mboka, ase la moto obukanaki makolo, oyotomi aasia la moto ogui ma kolo, omalakola litoko lowe keke la makolo mowe. 25 Ongo moto oyamalali, ndjinge wako mweneki watotya litoko lilangalaki inde, mpe akia la molako monde, amogumei Mwengei. 26 Iwo kpaa wadjaali la oyahueli, mpe wa mogumeya Mwengei, watumisamiali mwemu, wabandi waasi lainde: iso tweni keke sambo dinge yeenekiate iso. 27 Mbuse eeho, Yesu apumbia, mpe aenia mo putisi pako la kombo e Lewisi, moto aabotali la molako mo putesaka la inde ate: tutia mbai. 28 Mpe, adheyia kpaa, ayamalya, mpe amotuteiya. 29 Lewi amohekelali wilaka wisungu ongo la molako monde, mpe waputesi pako ngbii weeti wato walakali ebete eikima la inde. 30 Wafalisayo mpe la wadingi wabandia ondungwani, mpe waasia la wa tutiani ate: nda ndenge ekolakaka ino mpe la okengi la waputesi pako mpe la wato wango wakokalaaka obee? 31 Yesu, atotya loyi, aasia laiwo: etii wango wakokalaaka olamu nde wadjei la posa e okali, kaasi wakoni. 32 Mbai iditii owaweli wato wolamu kasi oweli wato wabe ate wa kukoli ekelelisia lande wayekoli wa Yoani la wango wa Felisayo wakokilaka wilaka, wa Yakobo mbala la mbala, kasi wango waowe wakolakaka wa koke ngaka. 33 Asi la iwo: wayekoli wa zaa, nda wango wa falizeyo, kilani wilaka la enwenwe mpe la oyatoti, tee eko enga mwengele lakake mpe la okengi. 34 Yesu awawongoselia: inga owe la wato la fete e liwala okokini owa okokini owalangalesi ndola ndji molome oliwala adjei ongo? 35 Kasi masio wakolongola molome ndondo ewu wakokila wilaka mango masio. 36 Yesu aawahali lisekpe liesi moto tweti atitotaka esuki e esindje eholi laate abambe esindje egala inga okela ndjongo abetesi esindje eholi alidji esuki eesindje epoli eengemeniti la esuki e esindje egala. 37 Mpe moto tweti atabonge mana moholi ndjongo la mokeba mo gala, tee inga mana maholi ma kwaate mokebe, ekosuakana, mpe mokeba mokobitanei; 38 Kaasi ewongi obongi mana la mokeba moholi. 39 Alidji moto tweti atibalaka okenge lihoso, maana magala mbuse maana eholi, inga ndjongo okoasa ate: Magala maeti maana poli,
Chapter 6

1 Easemia,wusé wo sabato ewelami mbuse la poo ase Yesu akpandesania la wilanga wa bule. Watutiani wandé wadjakali olongosi poso asé walaka,mbuse eodjipakisi la mowo. 2 Wafalisai wadi waasia la indé nda likambo likokelaka ino sambo ndjingé ikokiti okelani wuse wo sabato. 3 Yesu awawongoselia: otitangalini nda ekelali Davidi, ango emwanali ndjala, indé la wato wango wandjakali indé la iwo; 4 Woni nda elengelali inde la monguta mo Mwengei, aotia wokoke wungo woindjake, alakia, awahekelia wango wadjakali iwo la inde, wungo wotekesami ate moto atilake,ndji wanganga wa Mwengéi wakoki olaki? 5 Ase awaselia: mana omoto andjéi menemene e sabato. 6 Eumia, wodi wuse wo sabato, ase Yesu alingelia la sinagonga, ase abandia otiesakoli amogbotia moto mwesi ewo ende ekakati. 7 Wadingeli la wafalisai, ate wa momeke Yesu inga akomokalesa moto wuse wo sabato: edjali ngonga ate waluke ndenge eomokawi. 8 Kasi aewali mamungwene mawu, ase aasia la moto ongo djali la ewo ekakati: amala ase, ase abata ango la wodja. alongoya, ase amalia likolo. 9 Ase Yesu awaselia ate: iyohuelini inga edjéi wolamu omokalesi moto wolamu te, okeli olamu to okeli obe lisio la sabata. 10 Ase,awadedia iwo kpàa, aasia la moto ongo: nanola ewo owe. akelia ndjongo, ase ewo ende ekalia. 11 Wamemelia makasi, wabandia waasani iwo la iwo nda ema ekomokela iwo Yesu. 12 La enge engele,Yesu akia la mokoli okaakongi,ase akelia ongo likolo mobimba woakongi la Mwengei. 13 Ango otaniani wuse, awawelia watutiani wande, ase awonia liomu la wale, wango wawahali inde nkombo. 14 Simoni wamoweli petelo, Andele,manango; Yakobo; Yowane;Pilipo; Batelemi. 15 Matia,Toma,Yakobo monga Alipa,Simoni ongo owelani zelota, 16 Yuda mana o Yakobo, la Yuda mokeliota ongo motambali. 17 Adjimbia la iwo mongindi ase aamalia la ebetesi edjei wolamu, ango odjakali ebele ewato la watutiani wa nde la ebele ewato wango wakalongwali la Yudea, la Yerusaleme, la moki e Sidona.wadjali la likambo la omooki la ate wakale la wikoni wau. 18 Wango wadjakali okwesi la wisisi wibe wakalali. 19 Ase wato ngbii walukia ate wamopote wenge, alikambo ate wokulu wungo madjakali aatie ende madjakali owakalesi iwo kpaa. 20 Ango ndjoongo Yesu,alongosia maiso awadendia watutiani,aasia ate: Mwemu la ino wango wa ndjangi nde wokumu wo Mwengéi wodjei la ino. 21 Mwemu la ino wango wandjei la ndjala ango ino okogbetani mwemu la wango wakolelaka sika ahala ango ino okwemele. 22 Mwemu la ino ango okotonakaniwato, ango okoumbaka iwo la ino la otangakoli ino,la obitesi nkombo ndamu, la Mana omoto nda odjéini wato wabe. 23 Emeleni la wungo wuse, ase humbwahumbwani la woemeli, denda lisute lanu lisungu lindjéi ongo likolo; nde ndjoongo ewakelakali iwo wasangbau wawakela waaseli. 24 Kasi magba la ino,wato wagumake,alikambo ate okondjini walamu wonu kpàa. 25 Ase magba la ino wango wagbeti ase mbuse okookani ndjala. 26 Magba, ango okowaselakani wato kpàa wolamu, alikambo ate endjéi sambo ehenge nde watata wau wandjakali woasi la waaseli wa moleho. 27 Ase ikoaselakani ino wango wokoyokakani: balani wanguna wonu, wakelani olamu; la wango wako otonakani. 28 Pambolani wango wako lakelakani obe oyakongila wango wakotangakani ino. 29 Inga moto aobinga la likeke mwesi moekeli eti ase motongo a opwesi mokoto elikolo otitone mohekele te esindje enge sese. 30 Mohekele moto kpaa ongo ohongi iwe ase inga moto a opwesi iwo wowe oti wonge ate ahongwesele. 31 Aleeti ndji nda nbdenge ino okobalakani wato waheokeleni ino kelelani iwo ndji ndjongo. 32 Ase inga okobalakani wango wakobalakani ino ewo edjnei la nda litomba atie ino? laate te wapangano wakobalaka wango wakobalaka pe iwo. 33 Ase inga wokokelakani olamula wango wakokelakani ino olamu oho e djei a nda litimba atie enu? te wapanganu pe wakokelaka ndji ndjongo. 34 Aleeti inga oko,bekisakani wango weewini ate wakowongwesele ino, eho edjei nda litomba atie enu? te wapangano p,e wakobekisaka odjangi oluki matabisi atie wapangano weti laate la mbuse watote enge wahekeleli. 35 Ase balani wanguna wanu wakelani olamu wabekisani odjengi oluki matabisi likiani odjui ma ema la mbuse; ase mbano wonu ekodja osungu wakodja wana la ongo weti likolo laate inde akokelelaka wato wango wati la ondimi pe wato wabe sambo dja oemeli. 36 Djaakani wato dja motema magba ndi nda sangbanu adjei moto o motema magba. 37 Aleeti deeni osambesi laate watiosambesani te keke deeni olumbesi wato la sambo laate watiolumbesani la sambo te keke. dukolelani wato ase wako dukolelani ino. 38 Hekelekeni, ase wato wakohekeleni ino wakoswa la mabenga wonu wiwo ngbi enge epkotokoli, wadjadjesia etumia laate wakomekeleni ino la epimo enge wokomekeleni iwo. 39 Ndjongo ahekeleli iwo aleeti lisekpe mwesi: moto ngo ogwi maiso akokiti o inyei moto ngo ogwi maiso mboka. te ndjongo? iwo kpaa waale wakokwa la liwela. 40 Mano o kelasi a etiti motiesiakoli onde, ase moto kpaa ongo o inyami olamu olamu akodja nda motiesiakoli wonde. 41 Nda ndenge okoeneke okasi a maiso e mino owe, ase otieneke osoto enge edjei ndondo e maiso lowe? 42 Nda ndenge okoki ohaseli miino owe; dhee mbai ilongose osoto enge edjei ndondo e maiso lowe otieneke osoto enge edjei atie owe? moleho, longosewo osoto la maiso mo owe, ase okohene olamu ndenge ohumesi osoto enge edjei la maiso e miino owe. 43 Motee molamu etikpalaka pukapuka obe ndinda motee mobe eti kpalaka pukapuka elamu. 44 Laate mote la motee ekoyewanaka la pukapuka djande wahibukaka a motee lawa keke te. 45 Moto molamu akopumbesaka sambo dja olamu la olamu enge ehisi inde a motema monde ase moto mobe akopumbesaka sambo mbee la obe enge eyisi inde; laate monoko nonde ekohasaka ndji sambo enge etumi a motema. 46 Djongo atina ende okowelakani mbai nkolo! nkolo! ase otikelakani sambo enge mbai ikohasaka. 47 Moto kpaa ongo akodjaka atie mbai pe akoyokaka loi lo mbai ase akokelelaka eho ayengemeni la ndai? 48 Ayengemeni la moto ongo omaali monguta enge atongali liwela molindake pe ase abatali mikolo la mabukeli ndjongo ango pela edjali ewale embingambingali monguta eho, ase etikwali esungu te laate emaanali olamu. 49 Aleeti motongo akoyokaka pe aikelelaka, aengemeni la moto ongo omaali monguta likolo la ngene ase atibatali olamu, ango edjeeli pela ebingabingali ewo ase la mbala kikima ekwali.
Chapter 7

1 Ango esesali Yesu wasi djinge sambo kpaa atie wato, ase akia la kapalanaume. 2 Ongo ndjongo likumu mwesi owa sodo adjaali la mituke monde ongo omobalakali inde ngbii, moto oho adjali la ekoni ahue e logo. 3 Ango okali inde mboli e Yesu, awatomali la weeti wiloko wato ewa Yuda wake o mokongi adje omokulesi motuke monde. 4 Waumia atie Yesu, wamowongia ate: oho a wongi la omokeleli enge. 5 Inde abali moki mosu, inde moto otomaeli ehele Sinagoga. 6 ndjongo Yesu akia la iwo mongindji. Ango ewuma inde pene imolako monde, likumu ewa soda atomali wato la omowasele Yesu ate likumu otiatungese. Mbai edjei ndai laate olingela la molako mo mbai? 7 Nde la ndjongo etiya ene olamu adjii mbai amene odjii ati owe. Kasi asa saa loyi loyikima motuke mo mbai akokala. 8 Alikambo ate mbai idjei sese e makumu ma mbai, idjei la masadje sese e mbai. Inga iyasa la mwesi, keke ase akoke, enga lya sa alidji djaka! akadja, inga yasa la moto ombai iwotomi: kela ndjo! ase akokela ndindjongo. 9 Ango okali Yesu, djihinge sambo, am ondimolioholo moto yakukolia, awaselia wato selini tee ala la Isalayeli etimowene moto otimake iyowa wango wamotuti. 10 wato wango wawatomali likumu ewa soda kapiteni,wawongoya la monguta, wa mogbotia moto owotomu, ndi akaliga wolamu. 11 Mbuse eho Yesu akia la gbata e waine watutiani wande la wato ngbii wakia la inde mongindi. 12 Ango ewana inde la moduhe mo gbata, wato wakpali molonda okii la moho la kabali, e mana opele mwesi omoli ongo ogweli molome, wato wa djaali la moli oho mongi ndje. 13 Ango e mwenali likumu moli oho, amoyokelali magba la motema amawaseliaate: otilele. 14 mbuse eho Yesu akia ahue a bandia sanduki wato wango wagbalali molonda wamalia: Yesu asia: mana opele yasi la owe! amala likolo! 15 Moto mogwake alongoya, aabatia ase apotia okpomi. Yesu amohekelia la nango. 16 wato kpaa wawangia, wamo emelia mwengei, waasia: mwaseli mosungu aumiga atie su! wasia koto Mwengei aumiga owakalesi wato wande. 17 ndondo e Yudea kpaa wibeta wa keleele kpaa wato waokia mboli a lungo loi ekeli Yesu. 18 Watutiani wa Yoani mopatesi wa mwaselia sambo djinge. Yoani awelalia wato wale ndondo ewu. 19 Ase awatomia atie likumu la omohueli ate: odjei moto ongo wewi iso ate ageleli, inga tomolambele odi? 20 ango eumia iwo atie yesu, wa moaselia; Yoani mopatesi, atotomi iso ate tohuele: odjei motoongo wewi iso ate ageleli inga tomolambele odi? 21 la engele eho Yesu awakalesia wato ngbii wa wikoni, la wato wango waliti wenge wibe la awaduholia wato ngbii maiso. 22 mbuse eho awawongoselia watutiani wa Yoani, mopatesi: kekeni omwaseleni yoani mopatesi loi wungo woeni ino wungo woki ino: wato wagbi maiso wakoeneke, wato wabukakani makolo wakosombaka, wato wa ekoni e mbala wakooka, wato wadikami matoi wakokalaka wato waguaki wakosusuaka, wato wango wadjangi wa kokaka mboli ndamu. 23 mwemu la moto ongo obanei wondimi wonde! 24 ango okio watutiani wa Yoani, Yesu apotia wasi loi wo Yoani, atie wato ngbii asia, dengakininanda ema ongo la lisobe? mboli djinge ikoni nganesaka ehoho? 25 Ndjongo okadengakini nde? moto ongo okpali wisindje wilamu? ase wato wango wakpali wisindje wa motio moatasungu, la wato wa wadjenge ngbii wadjei la minguta ma makumu. 26 Ndjongo okadendakini nde? mwaselia? memena yoiwaselini, la wato kpa moto tueti atimoete Yoani . 27 Alika mbo ate Yoani adjei moto ongo eyasi e kpa ta e Mwengei la gbondo ende: mwengei aasia: denda imotomi motomani mo mbai liwoso la owe, alikambo la odukoli mboka alikambo la owe. 28 Yesu asia alidi: yasi la ino: ndondo e wato wango wawotami la moli tweti odjei mo sunguomoleki Yoani, ase moto ongo ongo odei mokeke oleki la moki e Mwengei adjei mosungu omoleki inde. 29 wato kpaa la wandombe wa oputesimamelo; wadjali omooki Yesu, waewali ate Mwengei adjali memene; ase wapatali watisimo e Yoani. 30 Ase wafalisayo la wa mwalimo wapui watonia mwano mo Mwengei alekambo lawu, ase watonia lipatesi la Yoani. 31 Yesu asia koto: ikowa kokanesa wato wa ehele engele lande? 32 Wadjei nda wana wango wabati la ebete e liho; wakowaselaka iwo ameme ate: tobinge lalini ino malinga ase otiwinalini te! toolembali elembo dja magba ase oti lelalini te! 33 Alikambo Yoani mopatesi adjali inde atilakali wokoke te, la atikengali ase woasa lini: adjali la molimo mobe. 34 Mbai man a o moto edjia ikolakaka la ikokengaka, ase woasiani: modendani oholo moto akomungwaka ndi olaki la okengi wino, inde aewani la wato wali. 35 Ase wato wa wondimi wakoeneke la wohola ate lokenge wo Mwengei wodjei memene. 36 Mofalisayo mwesiamowelia Yesu la olaki la monguta monde yesu aumia atie nde, ase aabatia la mesa. 37 Moli mobe mwesi adjali la moki moho, angae okali inde ate Yesu akolakaka la mongutha mo Mofalisayo akadjia la molangi mokelami alibanga la malasi. 38 Aamali mbuse, la makolo na Yesu. Adjaali oleli, adjaali oluleyi makolo ma yeni la poo, la ohuholi la sue djande, ambo mbia moho alidji omonolali malasi. 39 Ango woenia ohongo mafalizayo omowelali Yesu luhungo loi asia la motema monde inde oholo motoadjaaki memene mwaseli nda amwewi ohongomoli okomobandaka ate adjei moli mobe. 40 Yesu apotia wasi la Mofalisayo simo, edjei la ma loi wokele la owaseli, Simo asia mwalimo; asa. 41 Yesu asia: wato wale wadjali la nongo e moto ongo okahaka nongo mwesi adjalila nongo e wadjenge tuku itano. 42 Nda ndenge idjangali iwo falanga efutake. Ongo moto awalimbisia iwo wale ndai okomobala ohongao moto oleki? 43 Simona awongosia: imungoli ongo odjei la nongo sungu oleki. Yesu amwaselia owongosiga wolamu. 44 Mbuse eho Yesu akukolia atie moli ase asia la Simo omweni oholomoli? mbai ilingeli la monguta mo owe, ase otihekele mbai malia ma wakpoli la makolo ma mbai te, ase oholo moli akpoliga mbai mokolo la malia ma maiso mande, ase akuholiga la sue ndjande. 45 Otihekele mbai mobale la wasasi tee ndinda elengeli mbai la monguta inde adeiti opotopoti, makolo lo mbai la ombombi. 46 Otisuele mbai maita lamoto ase inde asuiga malasi la makolo ma mbai. 47 La ngo iwaseli libalano lisungu lienesi inde, enesi ate masumu mande ngbii malimbisami kasi ongo wakomolimbisa maakeke abali keke. 48 Asembuse Yesu asia la moli oho: masumu ma owe malimbisamia. 49 Wato wandjaki olaki la Ysesu mongindinwasia la mitema mawu: oholo moto adjei ndai? ongo wongi olimbesi masumu? 50 Ase Yesu amwaselia moli: wondisi wowe wookalesi owe.
Chapter 8

1 Mbuse eho Yesu akeeli gbata la gbata, ase mokii moosaa la mokii moosaa. atie sakolia alidji awa sumbelia mboli ndambu ookumu e Mwengei wakomotutiaka. 2 La ndambo e wali wango kalali la milimo mibe la wikoni; maliya edjali iwo omoweli magadala ongo omopumbesali witita sambo. 3 La Yoani, moli o kuza kapita o Elode la Suzana la weti wali wango wadjali ohekeli wihoo djau a tina owasalesi iwo. 4 Sikalandjo ango ebiba e wato wayaboleali ebete kikima la wato wadjaali odi a mokii la mokii wakodja atie inde. awahaselali iwo la lisepke liesi: 5 Mohoni mwesi apumbali oki ohoni mboto ende pe ango edjaali inde ohoni pukapuka eheti ekwali pembeni e mboka wakpotokolali eho, pe mbulu e likolo walakali eho. 6 Ndambo eeti ekwali likolo la libukeli pe mbuse opumbi ekaukali laate etidjaali la malia te. 7 Ndambo eeti ekwali ndondo e keke, ase keke enge ebekali la eho ebete kikima ewolali eho ani. 8 Ndamboeeti ekwali a mbume enge elamu, ase mbuse ebekali e wotali, puka puka mbo kama la mokama. Ango esiselali ide owasi, aasia alidji la mooli mo pamake: ongo odjei la matoyi maake. 9 Ase watutiani wande wabamdali omoweli ndimbola la enge lisekpe. 10 Inde ahasali ate: ino okoki la oyewi wihisaneli mosantu e likumu Mwengei, ase ikohasaka la weti ndi la wingbundu laate te wakodendaka, watiyeneke, te ndenge ekoyoka iwo watihele tinate. 11 Sikalandjo ndimbola e ndakisa enge eholele: mboto edjei liloba e Mwengei. 12 Enge ekowali pembeni e mboka edjei wato wango wayoki, la mbuse etota edia alongosia liloba a mitema mawu laate watindime pe watikale. 13 Enge ekwali likolo e libukeli edjei wato wango inga wayokia liloba, wayambia eho la ohemeli, ase wati la mindili te; wandimia tango keke, ase atango amekamia iwo wadeiya ondimi. 14 Enge ekwali likolo la keke ehonde wato wango wayoki, ase nda sambo e mabundo, la ohemeli sambo dja moki, puka puka djahu eti komelali. 15 Enge ekwali likolo la mbume e olamu edjei wato wango mbuse e oyoki liloba la motema molamu, wat tike onde wawu, wa wotia mbuma. 16 Moto te mwesi mbuse ololesi mwinda, monde adhihe obati sese epee, ase okobataka eho ndi la katini alidji watibaka sese eepe,wakobandaka likolo la mesa alikambo inga motoalingela a molako ayene. 17 Laate djinge sambo eyisami ekoyewana alidji sambo djinge etiye wane ekopumba a hoho. 18 Eho enge kebani la ndenge okoyokakami, laate moto ongo odjei, la iwo ngbi, wokomohekele ngbii, ase moto ongo ati la ema te, mopuesa te enge keke enge ebateli inde motema. 19 Sikalandjo nango la wa ma nango wadjali atie inde ase ogbotoni, la inde latina ewato wadjali ngbi. 20 Ndjongo wamohaselali inde ate: ngwa la wa mangwa wahamali ongo saa, wabali ate wa ohene. 21 Inde awawongweselia ate: ima ombai a wa manima wa mbai edjei wango wakoyokaka liloba e Mwengei pe wakobalaka eho. 22 A lisio liesi, Yesu iwo la watutiani wande walingelali a masuwa, ase ahasali la iwo ate: tokpande a ngambo eti e malia ndjongo wakeeli. 23 Tango edjali iwo oki, Yesu adjali olangali ilo. Ehoho ekelali ngbii, pe malia ebandali olingeli a masuwa pe wadjali pene e olindji. 24 Mbuse wayekoli, wakeli ebete elangalaki inde pe wamosusolia wahasia; motiesi, topoti ogwi! ango esusoiya inde apamelia ehoho malia ebandali owadjimbi, ali ase logo elingelia. 25 Ndjongo awahaselia ate: eni ondimi wonu? ase wawangali ngbii, wakamwali mingi, wahasia: oholo adjei mpedja ndai? laate adjei ohekeli te la ehoho pe malia wingbundu e eho ekomoyokaka? 26 Waadjimbali la moki mo Wagesenia, mungo modendani la Galilaya. 27 Ase ango Yesu aandjimbia la mbume, motopele mwèsi o mungo moki, adjali la milimo ebele. eumoya masio atokpalaka esindjè te atidjaali owabati la molako ndji la kabuli. 28 Amoenya Yesu, apamia akuya la makolo mande,aasia la moli mosungu:iso la owe todjéi loi,Yesu mana o Mwengéi olikolo? yaleli la owe, otiudjeenese mbai wodidi. 29 Ase Yesu asia la enge esisi eume atie moto oho. Alikambo ewumuyi gaala ekomokweseke masio kpàa wani obaniakali,la omonangi seni la wibende la makolo, kasi adjakali otenakoli wiho kpàa wimonangakali iwo.ase adjali otomalali la djinge witota owabati la manganga. 30 Yesu amohuelia:nkombo owe ndai? amowongoselali: ngbii laate wadjali ngbi la wenge wande. 31 Ase wamongokoli Yesu atiwalumbe la liwele lilindake. 32 Edjakali ango, la mokoli, lihoke lisungu la walu. Ase wisisi Yesu ate walingele la liwoke laho, awandimelia. 33 Wisisi wipumbia atie motooho, wilingelia la liwoke la ngulu, owa longwali emokli, eyasuali la ligbutu iwogbali waguali 34 Ango eyenia wato wango wadjali obanei djege ngolu, watilia obangu akasumboli la gbata la miki mikeke. 35 Wato wakia okeni nda ekelani sambo djaho, wakia ahue djéi Yesu ase wamogbotia ongo moto omoumali milimo aabati la makolo mande akpali esindjè eklamu,lomungo wonde woumia wolamu ndjongo ewawangesia makasi. 36 Wango waeneli nda oleki sambo djaho wawaselia wato nda ekali moto o milimo mbe. 37 Wato kpàa wa moki Gerasa wasia la Yesu ate alongwe ahue la iwo, alikambo ewawangesali makasi Yesu atilia la wato awongoya. 38 Ongo moto omoumali milimo mbe amwongia wabate iwo la inde kasi Yesu aumbia la inde aasia ate: 39 Wongwa la ndako ase akowasela ndjinge kpàa eyokeleli Mwengéi.Akia adjawaselia la gbata ndjinge sambo kpàa imokeleli Yesu. 40 Ango ewongoya Yesu, wato ngbii wamoemelia, alikambo iwo kpàa wandjakali omolambeli. 41 Ase denda amoemia moto mwèsi nkombo ende yalusi ongo odjéi likumu la Sinagoga. Akuya la makolo mande,ase aasia lainde ate alingele la ndako eende. 42 Alikambo ate andjali la mana omoli ombula liomi la iwale anguali, ango okia Yesu wato wabandali omopotipoti. 43 Ndiango,moli mwèsi andjali la ekoni ewoumi makila mbuse ewilanga liomu la wiale,ongo osilali wambele wande kpàa aatie e minganga, tee ango moto tweti te amokaleli. 44 Aandongbia mbuse eende ase ahelia esindjè e Yesu ndila engele eho makila madeya omoumi. 45 Ase Ysu aasia ate: moto mwèsi aheli mbai? wato kpàa wawungania,Petelo la wato wango wandjakali ango waasia ate:likumu,ebele ewato watumi a la gboo ase walengi la owe, ase woasia ate:Ndai oheli mbai? 46 Kasi Yesu awongosia ate:Moto mwèsi aheli mbai alikambo yewi ate wokulu wondjumi mbai. 47 Ongo moli, aeniate loi wungo wouminga saa, akia andja kpamakpame akuya la makolo mande,aasia liwoso la wato kpàa nda emoheli inde nda ndenge ekali inde la mbala kikima. 48 Yesu amwaselia: Mana o mbai omoli wondi wo owe wokalesi, keke logoo. 49 Ango edjakali inde owasi moto mwesi alongoyi la molako mo likumu mo sinagogi asia ate: Mano owe omoli agwi, atimwaselake likumu. 50 Kasi Yesu, aokya ndjoongo amwaselia likumu la Sinagoga: otiwangete ndimela mana akokala. 51 Ango eumia inde la moguta atekesia ate moto twèti atilingele la inde mongindi, elingele ndi petelo,la Yoani ase la yakobi, ase la sango la nango ongo mana. 52 Wato kpàa walelia waokia magba masungu: ase Yesu aasia ate:deeni oleli,agwiti,kasi alali wilo. 53 Ase wamosekia,waasia ndi ate agui. 54 Kasi amohelia la mawo; aasia la moli mopambake: Mana, amala. 55 Ase elimo ende emowongoya,ndiango aamalia; ase Yesu awaseli ate wamohewilaka alake. 56 Wawoti wa ongo mana omoli waahuelia, awaselia ate watimwaselake moto te weti sambo ndjinge.
Chapter 9

1 Yesu awawelia wango liomu la wale, awahekelia wokulu la makoki likolo la ndiwa,la makoki ma okalesi wikoni. 2 Awatomia osakoli wokumu wo Mwengéi,la owakalesi wato wa wikoni. 3 Otiikakeni ema teeti ango okia ino, awaaselia ate,esuki emote,te wapasa te wokoke,te waambele woidjakeni la wisindjè wasese wiale. 4 Minguta kpàa mikolingela ino abatani ango,angonde eobalini iwo. 5 Ase inga wato watiwoemeleni, umani la enge gbata,ase huholani motuluemo makolo manu,ehoemesi wobe wou. 6 Wakia ase waumia moki la moki,osakoli mboli ndamu,la okalesi wato. 7 Herode modengeli aokia sambo ndjinge yasanali la ndjinge ilkali,ase mamungwene mamosilia. Alikambo ate wato wadi wakoasaka ate Yoane ongo asusoi gaala logo. 8 Wato wadi, waasia ate Elia ongo olimwali,ase wadi waasia ate mwesi o waaseli ongo osusoi gaa. 9 Kasi Herode asali ate,mbai imotenali Yoane moto; ndai kasi ongo,enge ekokaka mbai ndjinge sambo?ase amolukia ate omoene. 10 Waapositolu, wakawongoya,wa mwaselia Yesu sambo kpàa ndjinge ikeli iwo. Awatotia lainde mongindi, wakia ebete esi aati e gbata esi enge ewelani ate Betesaida. 11 Ebele ewato waewia,wamotuteya.Yesu awaemelia, ase awaselia likambo la wokumu wo Mwengéi; awakalesia wango wandjakali la mposa eokali. 12 Ango abandia wuse otitimi, wango liomu la wale waandogbia ahue la inde wa mwaselia ate wawongosa wato, la ate wake la miki la wibete winge windjéi ahue, wakonde ebete elangalake la ndenge eokali; la ate iso tondjéi ala la lisobe. 13 Yesu awaaselia ate ino wahekeleni wilaka. Ase wamowongoselia ate:Eondjéi sa la makoke matano la su iwale la qte toke iso mene toke okasombi wilaka wa wato kpàa. 14 Kaiko nde wato wandjaali koto itano, Yesu awaselia watutiani wande ate waaselani waabate la mbume wato la wato melengo mwèsi wato tuku itano. 15 Wakelia ndindjongo, wawaaselia iwo kpàa waabate la mbume. 16 Yesu atotia mango makoke matano la ndinge su iwale, ase alongosia maiso dendia likolo, amapamboya.mbuse abukkolia,awahekelia watutianiwawakawele wato. 17 Iwo kpàa walakia wagbetia ase waonia wisuki winge witikali, mindjangi liome la miale. 18 Wuse woesi Yesu aakongokoli saa inde mene, andjakali la watutiani wande, awahueliaate ebete e wato wakwasaka ate mbai indjéi ndai? 19 Wamowongoselia ate: Yoane mobatesi; wadi ate, Elia, mwèsi owaaseli wa gala osusoyi. 20 Awahuelia, ino okwasa kani ate mbai indjéi ndai? Petelo awangoselia ate: Kilisito o Mwengei. 21 Yesu awatekesia makasi ate watimwaselake moto twèti. 22 Aasia alidi ate ewongi wolamu ate Mana omoto aene wodidi ngbii, wato wagala wakomolumba mla wadingeli la wakawi la wato wabe, wakomoola, ase akosusua wuse wo misato. 23 Mbuse eho awaselia iwo kpàa inga moto abali ate atutie mbai, aatone inde mene, akpale mosalaba monde masio kpàa, ase atutie mbai. 24 La ate ongo obali okalesi wenge wande akowungesa, kasi ongo okowungesa wenge wande la likambo la mbai ako kala. 25 Ase nda ema ekokondja moto inga andjwa moki mwèsi kpàa, kasi awungesa wokongi wonde. 26 Alikambo ate ongo okooka nsoni la likambo la mbi la sambo nda mbai, Mana omoto akomookela nsoni, ango okondja inde la wongengi wonde, la wungo wo Wawa la waahumbwa wausatu. 27 Iwoaselini memene, wato wadi wango wandjéi ala watoguate ndi waene wokumu wo Mwengei. 28 Elekia msio mwambi mbuse ewasi ndjinge sambo,Yesu awatortia lainde Petelo, Yoani la Yakobo,ase atelia la mokoli la okaakongi. 29 Ango wakongokoli inde,elongi ende ekukwania, wisindjè wande wiumia pèe oleki. 30 Ase denda,wato wale wakokpomesanaka la inde: endjakali Moise la Elia, 31 Wango weueneli la wongengi ase wapotia woasi woki wonde wokelame la Yelusaleme. 32 Petelo la wino wande wandjakali la wilo;kasi,ango okosusoya iwo,waenia wongengi wo Yesu la watpo wale wandjéi la inde mongindi. 33 Ango edenia inde la wango wato wale la Yesu,Petelo amoaselia ate: Likumu,endjéi wolamu toabate ahala; tokele minguta misato, mwèsi mo owe,mwèsi mo Moise, mwèsi mo Elia. Atiewakali enge ema la sakali inde. 34 Ango andjakali inde woasi, lipata liesi; ase lipata liesi liwadihia; ase watutiani wa wangia wamwenia akolingela la mapata. 35 Ase mooli mwèsi mwasia la mapata, mwasia ate: oholo andjéi Mna ombai omwoni mbai mookani. 36 Ango ookania mungo mooli ndjoongo, Yesu atikalia inde moikima. watutiani wadakia longoo,ase te omwaseli moto, la enge engele la sambo ndjinge yeneli iwo. 37 Wuse wodi wolekia,ango wandjimbakali iwo la mokoli, liwoke la wato ebele wakanjia liwosa la Yesu. 38 Ase denda,awondja wo wato moto mwèsi apamia: Likumu, iwongi, modenda mana ombai opele, andjéi mana ombai moikima opele. Esisi emohelia, ndiango ahumbia pui. 39 Ase esisi emohelia makasi eomokwèse emoumesa mahulo la monoko, ekomokelaka makasi, mbuse ende okwakwi la mbume. 40 Iwaongia watutiani wa owe waumbe la eho, ase iwo te okoki. 41 Liwota lindjangi wondimi la liyaimbi, ewawongoselia Yesu, ikoumwa l ino tee nda eengele, la ikonanga ino motema la sambo ndjanu ndjaka la mana wo we. 42 Ango eumia inde ahue, esisi emolumbia la mbume, emohelia makasi. Kasi Yesu aumbia la esisi ebe, amokalesia mana ase mowongosia atie sango. 43 Ase iwpo kpàa waahuelia la wosungu wo Mwengéi. Kaiko nde mwèsi la mwèsi wandjakali waahueli la sambo kpàa ndjinge ikelakali Yesu, asia la watutiani wande: 44 La ino okani wolamu luhulu loi: Mana omoto awongi wamokawe la mawo ma wato. 45 Kasi watutiani watiokali lungo loi, loi loho woyaisali, ate watioke gbondo eho ase wawangia omohueli gbondo eho. 46 Kaiko nde mamugwene ma wadjelia la elimo, la wewi inga ndai odjéi moto mosungu la kati eewu. 47 Yesu, aenia mamunwene mau la ndondo e motema amootia mana mokeke, amobatia ahue wande. 48 Ase awaselia ate: ongo moto okomoemele mana mokeke oholo la nkombo embai, aeeli mbai amoeli ongo atomali mbai. Inga moto adja mokeke liwoso la nu kpàa, inde ondjéi mosungu. 49 Yoani aotia loi ase asia telikumu,iso to mwèni moto mwèsi akoumba la wisisi la nkomboeowe; ase iso tomotekesia, alikambo ate atotuteiti iso. 50 Otimotekeseni, Yesu awawongoselia; alikambo ate moto ongo oti motone monu adjéi atienu. 51 Ango eumia eho engele ende olongoi la mokili eumia ahue, Yesu aotia mamungwene ma okii la Yerusaleme. 52 Awatomia liwoso lande wasumbi mboli, wakia la mboka ase walingelia la ebete esi ewasamalia, alikambo lka omowongeleli ebete eabatake. 53 Kasi waeniti te, alikambo ate aanali okii la Yelusaleme. 54 Watutiani, Yakobo la Yoani, waenia ndjoongo wasia ate: Likumu obali ate toonge misa minde ongo likolo miwalongose? 55 Yesu aakukolia aatie wu, aenia ndjoongo, asia ate, awatekesia, aasia ate: wewitini enge ema akwasakani ino. 56 Inga mana omoto andji te la owungesi milimo ma wato, kasi la owakalesi. Ase wakia atie edi. 57 Ango ondakali iwo la mboka; moto mwèsi amwaselia ate: Likumu, ikotutia wiati kpàa wikoke owe. 58 Yesu amowongoselia ate: masika mandjéi la wibete wilangalake, mbulu ndja likolo indjéi l wilako: kasi Mana omoto ati la ebete ebatake moto. 59 Aasia la odi: Eutia mbai. Ase awongosia ate: Likumu dee yo mbai ike okamokundi wawa. 60 Kasi Yesu aasia la inde ate: dee wato wagwake wakundane iwo mene ase owe, keke kaase loi lo wokumu wo Mwengei. 61 Odi aasiate:Ikotutia,Likumu,dee yo mbai ikawasela wato wa monguta mo mbai. 62 Yesu amowongoselia ate: kpàa ongo obati gaa wiho wande wibukelaki la seleti, la odendi mbuse,ati wolamu la wokumu wo
Chapter 10

1 Mbuse eho, Likumu aonia watutiani tuku sambo awa tomia wale wale la miki misungu mpe ibete kpàa ibete winge ibalakali nde oki. 2 Awaselia: elanga edjéi esungu kasi watuke wadjéi wakeke. Akongani la memene elanga laate atome watuke la obuki. 3 Kekeni. Dhenga, iyotomini nda wana wa kondolo ndondo e pange. 4 Otikpaleni ema te e kikima, te wuka te wikpokpo, otihekelekeni moto ewo la mboka. 5 A minguta minge mikolingela ino asayoni liwoso: otwa e Mwenei odje la mu monguta. 6 Inga edja la moto mwesi ologoo, logoo enu ekoyabata likolo lande, inga te ndjongo okowongwa etie nu. 7 Abatani la mungo monguta, lakani pe kengani iho kpàa ekohohekeleni iwo late motuke awongi la liputa. otikeni monguta la monguta. 8 La miki misungu minge mikolingela ino, la kanio ilaka kpàa winge ikohekeleni ino. 9 Kalesani wato wa ikoni wango wakogboto ino pe waaselani ate okumu wo Mwengéi wo umi la hue. 10 Kasi la miki minge mikolingelani ino alidji mitiooyambani ino amalani la mboka pe asani ate. 11 TOhuholani la limemu te motubu e gbata enu enge ehelanaki la matindji masu; ase yewani ate okumu wo Mwengei e wumiga ahue. 12 Iyowaselini ate enge lisio, Sodome akweene odjidji maa keeke kasi enge moki ekweetela. 13 Magba la owe, Kolazina! magba laowe, Betesada laate inga sambo dja kamwake makelamali atie ino, ekelamali ongo la Tile, la Sidonia, ekokiti oeti masio ngbi late wakukule mitema mau pe wakpale saki mpe wayabate la miwutu. 14 Tile la Sidonia wa tidja la loi la use wungo osambesamake nda ino. 15 Kasi owe Kapalanauma, eyadjambi owe tee likolo la mapata, okoyadjimba sésé tee la ehomeli e logo. 16 Ongo akookani ino, andjoki mbai, ongo akootonani, atoni mbai, mpe amotoni ongo otomi mbai. 17 Wango wato tuku sambo wawongwali la mwemu wa mwaselia ate: Likumu, te mindjili, la isisi itotosi la tina e kombo e owe. 18 Yesu awawongoselia ate: imweni esisi olongwi likolo tee okpi la mbume nda libuga. 19 Dhenda mbai iyohekelini okumu ate osombeni likolo la ndjo, likolo la gake, pe otetelake likolo la moto kpàa ongo okokelaka likaka la mbai, pe ema te ekikima etiokelani. 20 Otiemeleni ango e otosini isisi, emele ate inga kombo e owe edhingami ongo likolo. 21 La enge engele Yesu atumisamali la mwemu e molimo satu, asia ate: iyodemei owe wawa, laate owe nde okelali likolo la mbume, laate oyisi dji sambo atie wato walomungo, pe wakandela, kasi oenisi sambo djao atie wana wakeke, iyemeli la ndenge ekeli owe ndjongo. 22 Iho kpàa wawa nde opekeleli mbai, moto toeti ayewi ndai adjei mana, inga etidje wawa, te ndai odjei wawa, inga etidje mana, alidji la ongo mana amoyinei. 23 Ayakukolia atie watutiani wande awaselia iwo amene ate: mwemu la maiso mango meeni sambo djinge iyeni ino. 24 Iyowaselini ate, wasakoli ngbi la makumu walukali oeni dji sambo eeni ino, kasi waeniti, alidji ooki enge ekookakani ino, kasi watioke. 25 Mwalimo o mibeko ma Moise aamalia, aasia la Yesu, la omomeki: Likumu ikele woni laate itote mokalo mo libela? 26 Yesu amwaaselia ate: edhingani woni la mobeko mo Moize? Eni e tangi owe? 27 Amowongoselia: okomobala Likumu, Mwengéi e owe la motema mo owe kpa, la molimo mo owe kpa, la otetelake e owe, la omungo o owe, alidji mobala miino owe nda owe amene. 28 Yesu amwaselia, oasi olamu; kela ndjongo, okokala. 29 Kasi inde, abalia nda ate ayagalele, asia la Yesu: ndai odjéi miino o mbai? 30 Yesu awongwanelia oasi, aasia: Moto mwesi a longwali la Yelusalema la oki la Eliko. Akpia la mawo ma wato wabe, wamopuesia ihoo kpàa,wa mobingia ibhotu, wakia, wamodheyia pene e logo. 31 Nganga Mwengei mwesi nda nano aetali ndji enge mboka, amwenia ongo moto, amolumbelia ehoi, amobabia. 32 Molevi mwesi, awumia enge ebete, amwenia, amobabia. 33 Kasi Mosamalia mwesi odjakali la okendo, awumia ango, atumali la magba ango emwenia inde ongo moto olangali la mboka. 34 Amototia amokpolia pota amomunolia maita la maana, amobatia likolo la punda ende, akamotikia la lopitalo laate wamosalese, abongia ewo la wuka wonde aumesia Falanga yale amohekelia memene lopitalo, asiaa lainde ate. 35 Mosalesa oholo moto djinge Falanga ikohungesa owe ango ekowongwa mbai ikoowongosela. 36 Ndondo e wango wato wasato ndai pendja odjéi minoongo moto akwali la mawo ma wato wabe? 37 Motiesakoli o mibeko awongosia: Ongo omookelali magba. Yesu amwaselia: keke owe mpe kela ndjongo. 38 Ango edjali osombi Yesu la watutiani wande la mboka, walingelia la moki mwesi ndjo mpe moli mwesi oyewani la kombo e Malata awa yambia la monguta monde. 39 Inde adjakali la manango koto o moli omowelakali iwo Malia, ayaabatakali la makolo ma Yesu ooki mateya mande. 40 Malata ahelanali la tomo ngbi e monguta. Akadjia asia la Yesu ate: enge edjei olamu Malia ayabati ango sa pamba te ogamesi mbai? Mwasela agamese mbai. 41 Yesu amowongoselia ate: Malata, Malata okoyatungesaka alidji okowabingakolaka la sambo ngbii. 42 Kasi Malia aoni emesi emotiyo enge eti mopuesama.
Chapter 11

1 Yesu andjakali wakongi la ebete esi ndjoongo.Ango aseselia inde, mwèsi owatutiani wande amwaselia ate: Likumu, topundesa iso waakongi, nda ewapundesali ndjooni watutiani wande. 2 Awaselia ate: Inga wakongoni, asani ndjo:wawa nkombo eowe ekumesane; wokumu wo owe wodjee. 3 Ha iso wokoke masio kpàa. 4 Tolimbesa masumu masu nda ekowalimbesaka iso wino wasu; ase otitodhe la womekami. 5 Awaselia alidji ate:inga mwèsi onu adja la mino onde, ase akamogbotia a likolo amwaselia ate: Manima, bekesa mbai makoke masato. 6 Alikambo ate manima mwesi adji atie mbai, iti la ema emohake. 7 Aseko, la ndondo e monguta, manango awongoselia ate: otilembese mbai idhihi gaa moluhe,la wana wa mbai tolangaliga, ikokiti olongoi laate iyohekele makoke. 8 Iyowaaselini, ingatate akokiti olongoi la omohi la loyi adjei maanango, akolongwa la loyi ate amotungesiga, akomoha djinge kpa idjei inde la eho posa. 9 Ase mbai, iyowaselini: ongo, wakooha; luka, okotota; binga moluhe, wakoodhukola. 10 Ongo okoongo wakomoha, ongo okoluka akotota, wakomodhuhuela ongo okobhingaka modhuhe. 11 Ndai ndondo enu sango akomoha mana onde libukeli, inga mana amoongo okoke? te inga amoongo su, amohe ndjo te ate amohe su? 12 Ate inga aongo likei, inde amohe gake? 13 Inga ino wato wabe, nda edjei ino,oyewini ohi wana wanu wiho wilamu, edjei olamu ndjongo wawa o likolo akohekele elimo satu la wango wakomoongoko. 14 Yesu aumbia la etota enge etokpomaka. Ango opumbia enge etota, moto oho abandjia okpomi,ase wato ngbi wamondjimali. 15 Weeti waasia: akowumbaka la witota la kombo e Bezebule likumu e witota. 16 Ase wadji wato,la loyi e omomekake, wamoongia elembo enge ekodja likolo. 17 Nda eyewali Yesu mamungwène ma wu, awaaselia ate: wokumu kpàa wokawani eho amene, wobhitani, ase monguta mokubhukia likolo laeti monguta. 18 Inga Etoto akawana ndondo eende amene, wokumu wonde wokoamala nda ndenge, alikambo ate ino woasini ate mbai ikoumbaka la Etota la okulu e Bezebule? 19 Ase inga mbai, ikoumbaka la itota la okulu e Bezebule, wana wanu, la kombo endai ekowumbaka iwo la witota? Edjei ndjongo wakodja iwo amene wadjodji wanu. 20 Kasi inga edjéi ate ikowumesaka witota la mosei mo Mwengéi, okumu wo Mwengéi wodji etie ino. 21 Kasi inga moto owokulu adja la wisaneli, akodhendaka monguta monde, ema teeti etobitana. 22 Kasi inga moto ongo omoleki la okulu akadjia asane la inde, akomopwèsa wisaneli kpàa winge wibatelaki inde motema, ase akokawakola kpàa wiho winge wipuesi inde. 23 Moto ongo oti atie mbai adjéi motone mo mbai, ase ongo owanesaniti la mbai, akawani la mbai. 24 Ango elimo mbe epumba la wenge e moto, ekoke la wiholo wiomake, la oluki ohomi. Ango etiene inde, akwasa: ikowongwa la monguta mo mbai ongo opumbali mbai. 25 Ase inga auma ongo akogboto ebete ekpasani wolamu mpendja. 26 Ase akoke,ase akatoti wilimo sambo winge widjéi la otetelake omoyeti, wilingelia la monguta, wiyabatia, moto oho akoumia obe oeti nda ndenge edjakali inde liwoso. 27 Ango edjakali Yesu oasi ndjongo, moli mwèsi adhumbeya ndondo e wato ngbi, aasia: mogano la solo enge eogbalate la mawele maonungesali! 28 Yesu awongosia: Mogano la wato wango wakokaka loyi lo Mwengéi, alidji wakoisaka. 29 Nda eyakokyaali wato ngbii, apotali oasi: waawato wa keke wadjei moonga; wakoongoko ikamwa; etiwahekelama eeti ikamwa ndji enge e Yona. 30 Ndenge kikima nda Yona adjali elembo e wato wa Ninive, ekodja ndjongo la mana o moto la wa wato. 31 Likumu o moli o Midji akoyamala, la lingo lisio e esambake, la wato wa maa masiyo, akowahelesa, la loyi adjali gboo e mbume la ooki kandela e Salomo, ndhenda edjei ala la ongo o moeti Salomo. 32 Wato wa Ninive wakoyamala, linge lisiyo lisambake, la wato wa ehele engele, wakowahelesa, la loyi ate wayakukolali la mateya ma Yona, mpe denda, adjei ala oyeti te Yona. 33 Moto tweti akokiti olole lotambe abate la ebete eyisani te la seese e eboka, kasi okobata nde la ebete e likolo, la ate wango wakolingela weene hoho ngbai. 34 Liso la owe edjei lotambe la wenge wowe. Inga liso la owe edja olamu, aseko wenge wowe kpaa ekodja ngbai, kasi inga liso la owe libitana, wenge wa owe ekodja la la likolo. 35 Djaa la oyabanei late hoho linge lidjei wowe etiume likolo. 36 Inga wenge wowe kpaa edjei ngbai, esuki teeti etidjaa la molili, ekodjaa masio kpaa la hoho, nda engele enge ekweneseke lotambe mbai. 37 Ango edjakali Yesu oasi, mofalizeyo mwesi amowelia ake olaki atie inde. Yesu alingelia ayabatia la mesa. 38 Mofazeyo aenia la oyahueli la ndenge enge eyakpoliti inde mawo liwoso la olaki wilaka. 39 kasi Likumu amwaselia: ino, Wafalizeo, okoyagbolokoni saa ekopo la e sani, kasi ndondo etumi la sambo mbe la omemelake. 40 Wato wadjangi sambo ndamu! Ongo okeli saa atikele pe ndondo? 41 Kawa yo enge edjei owe la eho ndondo, kpaa ekowumela langaa. 42 Kasi magba la ino, Wafalizeyo! aloyi ate okohaka mwesi la liomu e makabo ma mite milamu, la itutaki kpaa, mpe la djeti songosongo kpaa, kasi okwetakani lihele e omeemene la libalano e Mwengei. Okokakini okeli dji sambo, pe otiwosaneni djinge sambo djeti. 43 Magba la ino, wafalizeyo! la loyi ate obalini oyabati wiholo wa poo la sinagoga, la ototi mibale la witutaki. 44 Magba la ino watiesakoli wa mibeko la Wafalizeyo: la loyi ate odjeini nda mbila djinge etieneneke, enge wato wakosombaka likolo laho pe watiyewaka eho. 45 Mwesi ewatiesakoli wa mobeko atotia luundo, amwaaaseli ate: mwalimo, nda easi owe ndjongo, idjei iso pe okototangakolaka. 46 Yesu awongosia: magba la ino mpe, watiesakoli wa mibeko! a loyi ate okokpalisakani wato mikpali ma minga migbalake, enge etibandaka ino amene te la mosei moikima. 47 Magba la ino! la loyi ate okomakani mbila ewa sakoli, wango ewaolali wasangbanu. 48 Oinyeini sambo e watata wanu alidji okondjimesakani djaho, laate iwo, waolate wasakoli, ino okomaakani mbila djawu. 49 La loyi eeho akili o Mwengei easi ndjo: ikowatomela wasakoli la waposolu, wakoola weti, wakwahelesa wadji, 50 La gboo waonge wato wa ma masio motio ma midjimi e wasakoli kpaa enge eswamate tee la lipoteli e moki. 51 Opoti la midjimi M'abele tee la midjimi ma Zakalya, waolami la milako mpe la minguta ma Mwengei, ndjongo, iyowaaselini, ekohuelama motio la wato wa ma masio. 52 Magba la ino, watiesakoli wa mibeko! la loyi ate olongwesini pungola e oyewi, ase otilingeleni ino amene, alidji wango walukali olingeli, owatekesiani. 53 Ango edjali Yesu owaaseli ndjongo, watiesakoli wa mibeko la Wafalizeyo wapotali omwamaleli la omokpomesi sambo ngbi. 54 Wadjali omwaleleli masala la omoheli la maloba makupumbaka la monoko monde laate wamokambe.
Chapter 12

1 La engele eho, wato ngbi wayaboliali ebete e kikima, wadjaali wato inga mbuka, ase wadjali ohotoni, Yesu apotali owasi liwoso la watutiani ate: huakani la levile e wafalisai wadjei la moleho. 2 Ase edjeiti la ema esi, enge eyisani, edjange oeneni; alidji eti la sekele esi enge etiyewane. 3 La ndjongo, sambo djinge ekowasaka ino la likolo ekopumba la hoho, ase enge wokwasaka ino la moli mo sese la wisuki dja ndondo e monguta, ekwasana a likolo la monguta. 4 Aleeti ikoaselakani ino wino wa mbai: otiwangeni wango wakolaka wenge pe la mbuse wakokiti okeli ema teeti. 5 Ase ikoeneseni ino moto ongo okokini omowangi: wangani moto ongo mbuse e owoli adjei la okumu e olumbi la misa. Ndji ongo nde iyoyewisini ino mowangani ndji ongo moto. 6 Watitambaka susele itano la ladjene iwale e motiyo mokeke, Mwengei atiwosanaka te mwesi a tina eho. 7 Ase te swee kpaa dja mito manu etangani. otiwangeni; ino oyetini wa susele la motiyo. 8 Ndjongo ikwaselakani ongo akwasa la hoho liwoso la wato ate mbai la inde todjei la oyokani, mana o moto pe akwasa la hoho liwoso e wahumbua e Mwengei ate adjei la oyokani la inde. 9 Ase moto ongo owungani mbai liwoso la wato, wakomowungana inde liwoso e wahumbwa wa Mwengei. 10 Ase moto ongo owasi loi la oyamaleli mana o moto, wakomolimbesa ; ase moto ongo otangi elimo santu wata molimbese. 11 Ango ekookpalani ino la wasinagoga, te liwoso e wadjodji, la makumu, otiasumbweni la ndenge ekwasani ino, te la djinge ekopumbisani ino. 12 Laate elimo santu ekotiesakolani ino ndji enge engele enge ekokini ino owasi. 13 Moto mwesi ndondo ebiba e wato aasali la Yesu ate: Motiesakili, moyewesa manima o mbai akawole wiho wasu wa uma. 14 Yesu amowongweselia: owe ndai obati mbai djodji te mokawoli wa wiho wanu? 15 Ndjongo aasali la iwo ate: angatalani olamu la posa e okondji wiho, laate mokalo mo moto motidje sa la wiho, ingate adjei la wio ngbi. 16 Awahali ehele lisekpe: mbume dja moto ogumake mwesi ewotali olamu. 17 Ndjongo abandali omungoli la motema monde ate: ikokela nde sikalandjo nda eti mbai la ebete la obolei mogono mo mbai? 18 Ndjongo aasali: ikokelaka ndjo. Ikobukolaka minguta ma mbai ma isake la wiho pe ikomaa minge misungu oeti, pe ongo ikobolea pukapuka kpaa pe wihoo ndamu kpaa; 19 Ase ikwasa la molimo mo mbai ate: molimo mo mbai odjei la wihoo wilamu ngbii enge eyisami laate la mbula ngbii. Homa, laka kenga alidji hemela. oyahemelese. 20 Mwengei amwaselia ate: ekete! la likolo lili wakowongo molimo mo owe ndjongo ndai akotota wiho wiwi obondji? 21 Edjei ndjongo laate ongo oyayiseli wihoo wa wotio ase ati mogumake la maiso ma Mwengei. 22 Yesu aasia la watutiani wande ate: eho lenge ikwaselaka ino ate: dheni oyasumboyi la tina e mokalo monu la enge ekolaka te la enge ekokpala la tina e wenge wanu. 23 Laate molimo eeti wilaka alidji wenge eeti wisindje. 24 Wadhendani wayanganga, wationaka, watibukaka, wati la ebete eyisake te monguta moisake wiho, Mwengei akowaalakisaka. 25 Ndai ndondo enu la oyasumboyi wonde, akoki obakesi te engele eikima la bomoi onde? 26 Eho enge inga okokiti okeli loyi enge eeti maakeke, ndandenge okoyasumbwakani la djenge sambo? 27 Denga olamu nda ekoumaka fulele ndamu: itikelaka otomu, etisonaka esindje, etitongaka esindje; ase ikwaselakani ino: te Salomo inde amene la kembo ende kpaa, atikpalali akpaali nda mwesi le eho te. 28 Ndjongo inga Mwengei akokpalisate isoki keke wala wilanga enge ekundu wakolumba la misa, akookpalisani ino oeti, ino wato wa ogemei wokeke. 29 Eho lenge dheni obundoi enge ekolakani ino la enge ekokengani ino, ase dheni oyasumboyi. 30 Laate djinge wiho kpa, edjei wato wa ekaleli mbe wa moki nde wakolukaka. Sangbanu ayewi ate odjeini la posa eho. 31 Lukaniyo okumu wo Mwengei, djeeti wiho wikoohekelemeni oyeti. 32 Otiwangeni oliye eokeke, laate sangbanu aeni olamu oohi okumu. 33 Tambani wiho wanu ase hekeleni likawo e motema magba. Kelelani molambola enge eigbaka, likondja linge litisilaka ongo likolo enge iwa etiwumaka aliddji te ekese etibitisaka. 34 Ase ebete wihoo wamotiyo midjei motema mo owe mokodja ongo. 35 Awongeleni alidji miinda manu elole. 36 Djani nda ato wango wakolambelaka molome o liwala awongwe, laate wamodhukole modhuhe engele ekouma inde la engele ekobinga inde modhuhe. 37 Mwemu la watuke wango engele ekouma molome, akowagboto wasusoi! Iyowaselini meemene, akobata mokaba monde, akowaha ibete eyabatake, akoyandongbala owakeleli. 38 Awume te ndondo e likolo te gboo e likolo, mwemu la watuke wango inga akowagboto wa susoi. 39 Oyewini olamu ate inga memene monguta ayewake engele enge moto oyiwa akoki odji, akokaki oyabati angbilia, atikokake odhei wabuke etutu e monguta monde. 40 Ino pe yawongeleni la loyi mana o moto akodja la engele enge otiyewani. 41 Petele amowongoselia: iso nde okotowaselaka li lisekpe, inga edjei e wato kpa. 42 Yesu aasia: nda kapita ongo molamu alidji okandela, ongo likumu lande akomobata la osindjili watuke wande kpa ate awahake mawuna minge mibali iwo la engele enge ewongi? 43 Mwemu la motuke mungo likumu lande, ango ekowuma inde akomogboto ndji akokela otomo. 44 Iyowaselini meemene, akomobata ate adje sindjili e wiho kpa. 45 Kaiko nde inga ongo motuke ayaasela ate: likumu la mbai akowumwaka la odji, inga ayabata la weeti watuke wapele la wawali, la olaki, la okengi alidji la olangwi. 46 Likumu e ongo motuke akodja lisio linge inde atimolambela, la engele enge inde atiyewa. Akomoha etumbu e tetelake, akomobata eholo e kikima la wato wati la omeemene. 47 Motuke mungo ayewali posa e likumu lande kaiko atiyawongelali, alidji atikelelali posa ende te, wakomobhinga pimbo ngbi. 48 Kaikonde ongo atiyewali gbondo, kasi akelia sambo ndjinge ewongi laobingami, akobingama pimbo keeke. Moto kpa wamohi ngbi, wakomoongo ngbi, alidji moto ongo wamohekeli mokpali mosungu, wakomoongo sungu oyeti. 49 Idji ololei misa la mbume ase inga eloliana, ikoluka alidji nda ema? 50 Edjei la patisa enge ekoki la mbai ototi, ikookaka magba tee lisiyo linge ndjinge sambo ikoyengemene. 51 Okomungolakani ate idji obati logo la mbume? te ndjongo, oyowaselini; idji obati okawani. 52 Aloyi, obandji sikalandjo, inga edja la wato watano,la monguta, wasato wako amalela waale, ase waale wako amalela wasato. 53 Wato wakokawana: wawa akomomalela mana onde opele ase mana opele akomomalela sango, ima akomomalela mana o moli aseko mana o moli akomomalela nango; okio o moli akomomalela moli o mana aseko moli o mana okomomalela akio onde o moli. 54 Aasia alidji la iwo: engele enge ekoenekeni ino lipata lilongoiya la elangeli e wuse, okwasakani ate: ewongo egeleli, ekokelamaka ndjongo. 55 Aseko engele ekoenekeni ino ehoho elongoiya la mbole, okwasakani ate ehela etetelake ekodja, ekokelamaka ndjongo. 56 Wato wa moleho,oyewini odhendji olamu ndenge mbume la likolo ekoeneneke ase nda ndenge otiyeweni odhendeli olamu ehele engele? 57 Ndandenge ino amene oyewini ate lu loyi ndjo edjei meemene? 58 Engele enge ekokeke la monguna moowe liwoso la djodji, kela obangu ate ango edjei yo owe la mboka, osilisane la inde, la owangi ate aotube liwoso la djodji, alidji djidji atiohe la mawo ma likumu e wapulusu, mbuse pulusu eolumbe la boloko. 59 Ikowaselakani meemene otipumba; ndji ate opute waadjenge wa wibende e motiyo mokeke enge e gboo
Chapter 13

1 Lainge engele djongo, ndambo e wato wango wadjakali ango, wamosumbelia Yesu enge eetali la wagalileya ate Pilato awanesali makila la enge e nama. 2 Yesu awawoongoselia ate: ino ondjimi ate wango Wagalileya nde wakeli masumu oyeti wango weti? ongo okeli iwo djongo? 3 Kasi, eti djongo, mbai iwaaselini inga otikukoleni mitema manu ,okogbani mpe nda iwo. 4 Kasi wango wato liomu la mwambi wawakpeleli etutu esiloe, toase ate iwo wakelali obe oweti wato kpàa wango wayabati la Yelusalema?
6 Pe ahekelia li lisekpe: edjakali la moto mwesi adjakali la moto mwesi la elanga ende e vino, akadija late abuke mbuma adjuiti mbuma te kikima. 7 Asia la watuke wa elanga e vino ate dhenga mbula isato djidji ikodjaka ate ilake mbuma la mu mote idjuitiaka, ase tena mu mote late woni ekohelaka mbume pamba? 8 Watuke wa elanga wa mowongoselia: Likumu, modhee yo ehele mbula ndjo! ikotonga liwela kelekele eho, mbuse ikolumba isoki. 9 Etimbala masio mageleli ekowota; inga te ndjongo, okomokoto. 10 Ango Yesu atiesakolali ungo wuse la Sinagoga lisio la Sabata. 11 Edjakali la moli mwesi odjakali, la esisi, edjali omowumisi eketi; ilanga liomu la mwambi aimbamakali atakoke oyananoli. 12 Ango e mwenia Yesu ongo moli amwaselia: moli, okaliga la ekoni e owe. 13 Pe amobatelali mawo mpe moli oho akalali mpe amogemeiya Mwengéi. 14 Likumu la Sinagoga amemelia ango omokalesi Yesu moto lisio la Sabata. Asia la wato: edjéi la masio motoba mango makoki ino okeli mosala, djakani okalesame mango masiyo ndjongo, te lisiyo e Sabata. 15 Yesu amowongoselia ndjo: Moto mokosake wato! lisiyo e sabata ndondo enu moto tueti atimotokolaka ngombe ende, te punda ende ebete e lakake la omokengesi malia? 16 Oholo moli addjei mana o Abalayama, ongo etota amonangali ilanga liomu la mwambi ekokiti omotokoli la ehele moliki lisiyo la sabata. 17 Ango edjakali inde owasi djinge sambo waamaleli wande wabandali ooki soni, kasi ebiba e wato kpa wango wadjakali owemeli la djinge sambo ndamu edjakali okeli Yesu. 18 Yesu aasia alidji: nda ema ekwali la okumu o Mwengei, nda ema ekoki mbai oyengemesi la uho? 19 Edjéi nda pukapuka esi e motalada enge moto mwesi atotali, akeeli ooni la elanga ende, ekpomali, ewumali mote mosungu enge mbulu dja likolo widjali owabati la wite wao. 20 Aasia alidji: nda ema ekoki mbai oyengemesi la okumu e Mwengei? 21 Edjéi nda levile enge moli mwesi atotali alidji ayisali ndondo e wimekelo isato wisungu dja moteke tee engele mogbuku mokundali. 22 Yesu akpandali la miki mikeke mpe misungu, otiesakoli mpe obileyi mboka la oki la Yelusalema. 23 Moto mwesi amohuelia ate Likumu toase edjéi ndji la wato wakeke nde wokokala? Inde amowongoselia. 24 Kela makasi late olingele la modhuhe mungo mokeke. Laate iyowaselini wato ngbi wakoluka ate walingele kasi watilingela. 25 Ango ekoyamala memene molako adhike modhuhe, ino wango wadjéi saa kpà okobingani modhuhe, okowasani ate: Likumu, Likumu, to dhukola! Akoowongoselani ate: iyewiti inga odjeini wa ndai. 26 Alidji, okopotani owasi ate: tolakali alidji tokengali la owe ebete kikima, alidji otiesakolali la wa mboka ndjasu. 27 Akowawongesela ate: iyowaselini, iyewiti inga odjeini wa ndai, longwani ahue e mbai, ino kpaa wato wakokelaka sambo odjangi o meemene. 28 Ango nde ekodja oleli la olaki maino, late enge engele okomweneni Abalayama, Isaka, Yakobo alidji watiesakoli kpàa la okumu o Mwengéi onu akoolumbani saa. 29 Wakolongwa likolo la mbole la mabusu kpàa, la ewo e lilome la ewo e moli, la elongéweli e wuse la elangeli e wuse la okulu e Mwengei. 30 Njongo ekodja la wato wa mbuse wakowuma wato wa liwoso, wato waliwoso wakowuma wato wa wa mbuse. 31 Ndji ungo use Falizeo wadjia, wamoaselia ate: longwa alandjo keke laate Elode akolukaka aole. 32 Inde awa wongoselia asia ate: kekeni okamwaseleni enge lisika : dhenda, ikowumaka la witota, ikokalesaka wato wa wikoni keke la ekundu; lisiyo la misato ikosilisa. 33 Ewongi ate mbai isombe keke, la e kundu, alidji une use, ekokiti ate motiesakoli agbe saa e Yelusalema. 34 Yelusalema, Yelusalema, owe moto okolaka watiesakoli, alidji okwabingaka wato wango watomami mabukeli, mbala woni ebalakali mbai ate iwabole wana wowe ebete ekikima? nda ekoboleyaka koko wana wande la mabulu mande, owe otibalali! 35 Dhenga monguta mowe mokotikala pamba, kasi mbai iwaseli ndjo, otienekineni mbai, tee ekowuma engele enge okwasani: Moto ongo okodja la kombo e likumu, ademiane.
Chapter 14

1 Yesu alingelali use wesi o Sabata, la monguta mo Likumu liesi e wafalizeyo, la olaki ilaka; wa Falizeo wadjali omodendji. 2 Moto mwesi wekoni amalali liwoso lande. 3 Yesu atotia maloba asia la watiesakoli wa mibeko alidji la wa Falizeyo; etekesami, to edimisami omokalesi moto use o sabata? 4 Iwo kpàa wabatia bii, Yesu amokeeselia ongo moto ewo, amokalesia pe amowongolia. 5 Mbuse eho awahueliua: ndai ndondo enu inga mana onde te ngombe ende ekpa la liwela, atibumbesa huse o Sabbata? 6 Waedjali la eyano ewongolake. 7 Mbuse eho awahekelia lisekpe liesi etie wango wato wadjakali ango, awaenia wolukaka oyabati ebete e liwoso. awaselia: 8 Inga moto aowela la lipati otiyabatake ebete e liwoso laate ekodja la moto mwesi o lokumu okoki odji mbuse. 9 Laate ongo oweli ino atidje oowaseli: dhee ehele nbgelengo la oholo moto. Okotota soni oki okaabati eholo e gboo. 10 Kasi inga waowela la lipati balaka okabati la ngbelengo e e gbo, laate ongo moto ooweli inga adja akoowasela owe ate keke okabate la ngbelengo e liwoso, djongo ekookela mwemu liwoso la wato wango waya bati la owe la mesa kikima. 11 Laate moto ongo okoyadjamba, wakomodjimbisa, mpe moto ongo okoyadjimbisa, wakomodjamba. 12 Asia mpe la moto ongo owaweli wato: tango enge okowahekeleke owe wato ilaka wa midji te wa pokwa, otiwawelake wino wowe, te wamangwa, te pe sangwa la ngwa, te wato wasukani la owe la ogumake laate iwope watiowele eeti huse, waokelele nda owakelelali. 13 Inga owongele lipati wawela: watundake, watowabukei makolo, wato wango wo tengulaka alidji la wango wagbi maiso. 14 Okodja la mwemu late iwo watio wongosela owe ema laate okofutama lisiyo e lisekwa la wato walamu. 15 Mwesi ewato wango wadjakali la mesa, mbuse ooki mango maloba asia la Yesu: mwemu la moto okolaka ilaka la okumu wo Mwengei! 16 Yesu amowongoselia, asia ate: moto mwesi alambesali ilaka ngbi pe awawelia wato ngbi. 17 La engele eho e ilaka amotomia motuke monde ate akawawela wato, late ilaka iweliga. 18 Wato kpàa waongia bolimbisi ate wakokiti odji. Ongo oliwose asia te mbai isombali elanga, djongo iyokeke ndji keke ehele Ndjo late ikahene, limbesa mbai. 19 Ongo weti asia mbai isombali ngombe liomi, keke nde okeke mbai okawalakesi. 20 Ongo weti asia ate mbai iyikia moli ndji sikasika ndjo ilongiti oki. 21 Motuke monde awongoyia amwaselia Likumu, la limemu amwaselia motuke monde ate keke obangu la mboka owawele wato ongo la liwange, odje pe la watundake, wato wabukei makolo, wato wagbi maiso, pe watengumi. 22 Motuke monde amowongoselia: enge etomi owe, ekelami, kasi iholo widjeiyo. 23 Likumu amwaselia keke la mboka wato kpaa wango wakowene owe djaka la iho, late monguta mo mbai motume 24 Mbai iyasi ndjo ndondo e wato wango djongo wawelali mbai watilaka ilaka wa mbai. 25 Wato ngbi wamobilakali Yesu la mboka, ayakukolia pe awadhendjia pe awaaselia. 26 Inga moto abila mbai, ewongi amotone Sango, nango, moli onde wana wande, wamango wawali la wapele, ayatone pe inde amene ase akoke odjéi motiesakoli mo mbai. 27 Moto ongo atikpala ekulusu ende amene, aebilake mbai, ata koke odjéi motiesakoli mombai. 28 La ewo ndondo enu inga aenga omai monguta, ewongiyo abundole olamu odengi inga ekomongo Wadjenge woni. 29 Late engele enge ekobanda inde omai esile, late inga atisésé wato wako moseke. 30 Wakwasa la inde ate: oholo moto abandji omayi, akokiti osilisi. 31 Ndji la enge engele, inga Likumu liesi inga aluka ate asanese wita la oeti likumu, akoyabatayo la odhendji inga akoki, la wato koto liomu, tango eti, enge ngambo wadjei la wato koto tuku iwale. 32 Tango enge enika inde ate aekoka akoki o watomi wato ate waokane la kimia. 33 Inga etidje ndjongo, ndjiyo ongo eti likumu adjei yo lihele, akomotoma moto la oongi logoo. 34 Mokpa modjéi olamu ngbi , kasi inga mosila oleli oho mokodja kine la tina? 35 Eti olamu la mbume, pe la miutu. Late walumbe saa. Ongo odjéi la matoi maokake, awoke.
Chapter 15

1 Waputesi pako la wato wamasumu wadjali ahue e Yesu la omooki. 2 Wafalizeo la wa tiesakoli wa pui wadjali ondungwani la oowasi ate: oholo moto akoyambaka wato wabe pe aolakaka laiwo mongindji. 3 Awaselia li lisekpe: 4 Ndai ndondo enu inga adja la kondolo kamakikima, inga aungesa esi, ewongiti atikeyo djinge tuku libwa la libwa la esobe, late ake oluki enge esi ewungi tee ekomwene inde? 5 Ango enia inde enge esi akoekpala la mwemu la makookoto. 6 Ango ewongoiya inde la monguta, awelia wino wande la wato wango wasukami la inde, aasia la iwo ate: yemeleni mongindji la mbai, laate iyeni kondolo embai ewungi. 7 Edjéi ndenge kikima inga mopagano mwesi akukola motema ekodja la mwemu osungu ongo likolo weti wato tuku libwa la libwa wango walamu wango wakokiti kine okukoli ekaleli. 8 Alidji inga moli mwesi adjei la wadjenge liomu e wibende, inga awungesa esi, ati lolwa lotambe akpase monguta aluke olamu tee ekoene inde eho? 9 Inga aenia, akowawela waino wande la wango wayabati eholo kikima la inde akwasa: yemeleni la mbai mongindji, laate iyeni adjenge enge ewungisi mbai. 10 Edjéi ndenge kikima ekowaselakani mbai, edjéi la mwemu etie wana wa Mwengéi inga moto mwesi mopagano akukola motema. 11 Asia aleeti ate: moto mwesi adjakali la wana wapele wale. 12 Ongo elenge amoaselia sango ate: wawa pekele mbai esuki elikondja wungo okoki la mbai pe sangbu awa kawelelia ogumake wonde. 13 Mbuse emasio makeke ongo elenge atotia ogumake wonde akia la eeti moki mwesi molihele; ongo abitisali ogumake wonde la ekaleli e witeba. 14 Ango esesia inde Falanga kpàa djala EWumia la mungo moki, olaki wonde wowumia la minga. 15 Akalukia otomu etie moto mwesi; ongo Likumu amotomia ate akakengelaka nama dja nde. 16 Adjali la posa olaki wilakate wangulu, moto tueti adjali omohi te ema. 17 Inde amene abandia oyaseli la motema: wawa adjéi la watuke ngbi, pe wadjéi la ilaka ngbi mbai iyogbaka ndjala ahala ndjo. 18 Ikolongwa ahalandjo iwongwe etie wawa, ase ikomwasela ate: wawa mbai ikeli obe. 19 La maiso ma Mwengéi, alidji la maiso ma owe, wotitotekine mbai nda mana owe, tota mbai nda motuke mowe. 20 Ayamalia ayadjimbia mboka owongoi etié sango, ndji edjaki inde yo lihele, tango emuenia sango magba ma mokelia akia obangu okamokweli la kingo amolingia. 21 Mana amwaselia ate: wawa mbai ikeleli likolo obe mpe lowe okokiti kine ototi mbai nda mana owe tota mbai nda motuke mowe. 22 Sango asia la watuke wande, kelani obangu djaka la isindjè ilamu sikasikandjo omokpaleseni; mobongani mpe mopete la mosei mpe omokpaleseni wikpokpo la makolo. 23 Djakani la mana o ngombe opele omaita omooleni, tomolake, toemele. 24 Laate mana o mbai oholo ogbakali, awongoi la mokalo; awungali, awongoi. Wapotali oemeli. 25 Ndjoka manango eloko adjakali la ilanga, ango ewongoiya inde la moki aokia sa ngungu la mbonda ikobinga. 26 Amowelia mou mwesi a mohoelia tina engungu la mbonda. 27 Motuke moho a moaselia ate mangwa nde owongoi uho wungo oli sangwa mana ongombe opele omatamu, laate amweni wenge olamu. 28 Inde amemelia, atonia o lingeli ongo la lopango lou, sangbau apumbia ayakongia la inde ate alingele. 29 Kasi amohongoselia sango: denda mbula ngbi ikokelaka otomu woowe, itibukaka mibeko moowe ; owe use te okikikima ohala mbai mana ongombe opele ate ikele lipati la wino wa mbai. 30 Ango owumia mana owe ongo olaki Falanga djowe la wali wa ndumba omokelia lipati. 31 Sango amowongoselia: ate mana o mbai, owe nde odjéi la mbai ebete ekikima, iho ndjo kpàa wa mbai widjéi wowe. 32 Ewongi tokele lipati, toemele, laate maangua ongo ogwaki awongoi la makolo, awungaki aenania.
Chapter 16

1 Yesu awaselia alidji watutiani wande ate, moto mwesi ndjongo adjali moto mo gumake ngbii, ase adjali la kapita onde mwesi. Wato wadjali omwaseli ate akobitisaka wiho wande sa ndjongo. 2 Ndjongo amowelali amwaselia ate: nda loi okookaka mbai atie owe? hekele mbai laPolo wo wotomu woowe, alikambo ate otoamalela kine alidji wungo wotomu 3 Ndjongo kapita oho asia la motema monde ate; ikele woni nda epotia Likumu la mbai olongosi mbai la wotomu? Iti la wokulu wo obuki. iongolo? Ikooka soni. 4 Iyewi wungo wokela mbai alikambo ate wato wabatese mbai la minguta mawu ango okondongose iwo mbai la wotomu. 5 Ase amowelia moto mwesi la mwesi ongo odjali la nongo e Likumu lande ase amwaselia ongo opoo ate: odjei la nongo woni e Likumu la mbai? 6 Asia ate: teni kama esi e maita ma olive, amwaselia ate tota ekpata e tuku itano. 7 Mbuse eho asia la ongo odji ate, ase owe odjéi la nongo woni? asia ate: saki kama e ndongo. Amwaselia ate, tota ekpata e owe e wookani dhiga tuku mwambi. 8 Ase Likumu lande amondjimali kapita oho.Te nda etidjakali inde moto molamu, alikambo ate aeneseli lokenge wonde. Alikambo ate wana wa muu moki wadjéi la lokenge la ehele engele wou, owaleki wana wa moi. 9 Alidji iyasi la ino ate wakelesani wino wanu la mboka e wogumake enge eti la womemene, alikambo ate ango ekosila woho, iwo wakowemeleni ino la wibete e wabati libela. 10 Ongo moto odjéi memene a loi wokeke, adjéi koto memene a loi wosungu, ase moto ongo oti memene te aloi wokeke ati koto memene a loi wosungu. 11 Nde ndjongo inga otini memene a loi wowogumake wungo wodjangi womemene, ndai okohani ino wogumake wo memene amene? 12 Ase inga otidjeni memene la ema e moto odji ndai okohani ino ema enu amene? 13 Moto owotomu la ndondo e monguta aengiti odjéi motuke mo makumu male, alikambo ate akomotona ongo, la akomobala ongo odji, te okoahelela la odji la akomodhe odji. Woengitini odjéi mituke ma Mwengéi alidji ma waambele. 14 Sikahala wa Falisayo wato wabali wadjenge wadjali oki djihinge sambo kpàa, ase wapotia omoseki. 15 Yesu awaselia ate: ino ,nde wato wango wakoatoloko ino amene wato wa memene liwoso la wato ase Mwengéi aewi mitema manu, alikambo ate ema elamu la maiso ma wato edjéi ema e wonalili la maiso ma Mwengei. 16 Pui la otiesakoli edjakali tee la Yoani. Pota ndji la engele enge mboli ndamu e wokumu wo Mwengéi ekoasanaka ase wato kpàaa wakogueleke okii atie eho. 17 Memene, eti obe ate likolo la mbume lileke la ebete ate ma esuki eikima e pui engesame. 18 Moto kpàa ongo oli liwala la moli onde ase amoikia odji, akeliga eteba ase moto ongo omoiki moli ongo ooli liwala la molome onde akokelaka eteba. 19 Ase moto mwesi ndjo adjali mogumake, ase adjali okpali wisindje witanake ngbaa la oemeli wuse la wuse, adjali la wiho wilamu wilamu mene. 20 Ase moto o wiongolo mwesi nkombo ende Azalo, adjali olangali liwoso la modhuhe monde, wenge wande witumu la mpota. 21 Ase inde odjakali la ehoha e olaki wilaka winge widjakali okwakani sese emesa ma moto oho owogumake. Mbwa idjakali odji ohelekoli pota djande. 22 Ase mbuse moto wiongolo oho aguya, waahumbua wa mototia wamobatia la mokpoto mo Abalayama. Moto owogumake aguya koto wamokundjia. 23 Ase la ndondo e kabuli adhukolia maiso mande ango edjakali inde la wodjidji, ase omoenia Abalayama lihiele la Lazalo la mokpotomonde. 24 Ndjongo awelia ase asia ate wawa Abalayama ndjokela mbai magba ase motoma Lazalo alulie mosei monde la malia ase adhokesele mbai la lolemi, alikambo ate ikoeneke wodjidji wo misa minge mikololaka. 25 Ase Abalayama amwaselia ate: mana otiwosanake ate ango odjakali owe la mokalo odjakali la wiho wilamu wilamu ngbii, ase Lazalo atidjakali la wiho. Sikalandjo aumiga olamu ahala; kasi owe okoeneke odjidji. 26 Olongosi djinge sambo kpàa, liwela liesi lisungu litokawanesi iso la ino ase wato wango wabali olongoi ahala wake atie nu waengiti ase la wato wa olongoi ongo la okpandji atie su watikoke okeli. 27 Moto oogumake asia ate: nda edjéi eho ndjongo iwongi owe, wawa motoma ongo la monguta mo wawa. 28 Alikambo ate idjéi la wamanima itano wapele, alikambo ate awasele wolamu wolamu, alikambo ate iwo watindje ahala la wuhuwu 29 Ase Abalayama asia ate, wadjéi la Moize, la waaseli; wa waoke iwo. 30 Moto e ogumake aasia: Te ndjongo wawa Abalayama, inga moto mwesi ndondo e wato waguake akee atie wu wakohengese mitema. 31 Ase asia la inde ate inga watimoke Moize la waseli te, watondima koto te moto ongo agui ase abasia la logo.
Chapter 17

1 Ndjongo asia la watutiani wande ate, sambo djinge ikobingesaka ekikimi itodjangaka te. Ase magba la moto ongo okodjaka la djaho. 2 Ewongi wolamu wa monange libukeli la nkingo linge likokpotokolaka iwo la pukapuka, ase wamolumbe la ebale, la ebete ate amobingese mwesi o wato wakeke ekikimi. 3 Huakani inga mangua akela lisumu mopamela ase inga ahengese motema, molimbesa. 4 Te inga aokelela obe mbala nsambo la wuse wesi ase adjia atie owe mbala nsambo asia ate ihengesiga motema ewongi omolimbese. 5 Watutiani wasali la Likumu ate totaliela iso wondimi. 6 Ndjongo Likumu asia ate inga odjakini la wondimi wosungu nda pukapuka e Motalade, nda owasini la mote ate abukola ase keke oyawoni la ebale, mote mokootosani. 7 Ndai ndondo eenu ongo odjéi la motuke ongo okobukaka mbume, te ongo okokengeleke nama akoasa la inde engele ewongoiya inde la elanga ate djaka ahala galagala abata la mesa? 8 Akwasa ndji ate: wongele mbai ilaka, kpala esindje, hekele mbai ilaka tee ekolaka mbai alidji e e kokenga mbai, mbuse eho, owe okolaka alidji okokenga? 9 Akomoemele nde mungo motuke alikambo akeli sambo djinge imotomi iwo ate akele? 10 Ndji ndjongo ino koto ango okosesela ino okeli sambo djinge eyotomini iwo ate okeleni, asani ate todjéi mituke mpamba wungo wokeli iso ewongi tokele. 11 Ase ango ekeli inde la Yelusalema alekia ndondo e Samalia la Galilea. 12 Ase ango elingelali inde la moki mwesi ndjongo wato wapele liomu wango wadjakali la ekoni e mbala wagbotononia lainde ase wamalali lihele. 13 Wapotali omowaseli: Yesu mwalimo, ndjokela iso magba. 14 Ase ango ewaeneli inde asi ala iwo ate: kekeni okayainiani atie wanganga Mwengéi. Ndjongo ango edjakali iwo oki, wakalali ndji la mboka. 15 Ango weneli mwesi owu ate akaliga, akawongoya akomoemeleke Mwengéi la moli mopamake. 16 Ase akuiya panda la sese e makolo ma Yesu ase amohekelia keke dhinge; kaikonde adjali Mosamalia. 17 Yesu awongosia ate: te wato liomu nde wakali? ndjongo wango wadji libwa wadjéi eni? 18 Moto tweti te atiwongwali omotemei Mwengéi, ndji moto ongo o etondo edji? 19 Ase asia la inde ate, Amala, keke, wondimi wo owe e okalesi. 20 Ase wa Falizeyo wamohuelia, nda engele ekodja okumu wo Mwengéi, Yesu awawongoselia: okumu wo Mwengéi wotidja la ndenge enge wato kpàa wakoki oyewi. 21 Etiyasana ate: adjei ala, inga: adjei ongo, laate dhenda, okumu wo Mwengei wodjei mongindji la ino. 22 Ndjongo asia la watutiani: masio mageleli ango ekodja ino la ehoha e woeni wuse wesi wo mana o moto ase otieneni. 23 Ase wato wakwasa la ino ate dhendani ongo! te dhendani ahala! otiumakeni te otiwatutiakeni. 24 Aloyi ate, ndji nda ndenge ekobalimaka mokalikali ango ekongengaka muho mokoumaka opoti la ebete esi ongo likolo weneni e Mana omoto ekodja ndji ndjongo. 25 Ase awongi liwoso aene yo odjidji ngbii la wolie wungo wokomotona inde. 26 Alidi, ndenge edjakali la masio ma Noa, ekodjaa ndji ndjongo la wuse wo mana omoto. 27 Wadjakali olaki, la okengi, pele idjakali woiki wali, wadjakali woikesani tee ndji wungo wuse wo Noa alingelali la masua, ase mpela ekadjia, ase ewaolia iwo kpaa. 28 Ekodjaa koto ndenge edjali eho la masio ma Lota wadjakali olaki la okengi osombi la otambi, oni, omai minguta. 29 Ase wungo wuse wopumbali Lota la Sodoma, misa misungu milongwali ongo likolo miluya ase miwaolia iwo kpaa. 30 Ekodjaa ndji ndjongo wuse wungo wokoenene mana omoto. 31 Wungo wuse ndjongo, moto ongo okodjaa likolo la monguta, ase wiho wande widjéi la monguta atiadjimba ototi, te la moto ongo odjéi la ilanga, inde atikawongwa ototi wiho wande. 32 Momungwani moli o Lota. 33 Moto kpàa ongo okolukaka okalesi wenge wande akowiwungesa waho, ase ongo owungesi waho akobania mokalo. 34 Ikowaselakani ino la linge lisio, wato wale wakolangala la epe, mwesi akokee mwesi akotikala. 35 Wali wale wakotanga la eboka eikima mwesi akokee, mwesi akotikala. 36 Wato wale wakodja la elanga Mwengéi akomotota moesi, akomotika mwesi. 37 Ndjongo wamowongoselia ate: nda ebete likumu? awaaselia ate: ebete elangali molonda, koka koto ikwabolia.
Chapter 18

1 Ndjongo Yesu awahali ekpangele esi alikambo la owaenesi gbondo ewakongi wiengele kpàa te olembi . 2 Asia: la djodji mwesi ndjo atidjakali omowangi Mwesi ongo odjakali omowangi Mwengéi la omodemei moto tweti. 3 Ase la moki moho, edjakali la moli mwesi ongo ogueleli la molome ase adjakali oki mbala la mbala atie inde la omowaseli ate: kela ate imolonge moto ongo okosambaka mbai la inde. 4 La woumoi wo engele esindjo, adjakali okili. Ase mbuse asia lamotema monde ate: te ndenge itimowangaka Mwengéi, te itimodemiaka moto. 5 Ase nda moli oholo ogueli molome adjéi wiengele kpàa ondembesi mbai, ikokela ate alonge, laate atidje masio kpa ondembesi mbai. 6 Ndjongo Likumu abakesia: okani nda easi ohongodjodji mobe. 7 Ndjongo Mwengéi atikela ate loi lo wato wande wango awawonoli inde, wango waomowelakolaka likolo la moi lititenie la womemene nda ekowaeneseke inde motema molai? 8 Iyowaselini, akowakelela galagala meemene. Ase ango ekodja mana omoto akogboto alidji wondimi ahala la mbume? 9 Awaaselali leeti ekpangele la loyi ewango wadjali owayewi ate wadjei wato walamu, wadjali owatoni weeti wato. 10 Wato waale watelali la tepelo oyakongi; mwesi mofalizeo, ongodji moputesi pako. 11 Mofalizeo ayamalali apotia oyakongi la owasi sambo dja motema monde ate ee Mwengéi, iyodemei alikambo iti nda wato wadji te, wapuesi, wato wadjangi womemene wato wa eteba te koto nda moputesi mamelo oholo. 12 IKokilaka wilaka mbala la iwale la poso esi, ikohekeleke esi eesuki e liomu e wiho kpàa wikokondjaka mbai. 13 Ase moputesi mamelo, amalia lihiele atibalakali te odendesi maiso mande likolo, ase adjakali waabingakoli la mokpoto monde la owasi ate ee Mwengéi ndjokela mbai magba mbai moto mobe. 14 Iyowaselini ango oholo moto awongwali la monguta monde, aeneneli nda moto molamu; kasi te Mofalizeo. Eho, moto ongo okowatelesa, akoadjimba, kasi ongo okoadjimbesa, akotela. 15 Kaikonde wato wapotali omodjeli la wana wau wakeke wakeke alikambo awapote pote, ase ango weneli wa tutiani ndjongo, wapotia owapameli. 16 Kasi Yesu awawelali wana waho wakeke wakeke wadje atie nde; ase asia ate: wadheni wana wakeke wakeke wadjee atie mbai otiwatekeseni, laate okumu o Mwengei wodjei e wato wango waengeni la iwo. 17 La meemene ikowaselakani ino ate moto kpàa ongo ondjimi wokumu wo Mwengéi nda mana mokeke te atolingela la wuho te okeke. 18 Ase moto mwesi amohuelali poopoo,asia: mwalimo molamu, ikele woni alikambo ikondje liwongoseli la mokalo mo libela? 19 Yesu amwaselia ate: lalikambo lande okowelaka owe mbai molamu? moto molamu ati te, longosa sa mwesi Mwengéi. 20 Woewi pui, otikelake eteba, otiasake moleho, otiolake moto, otiwake, modemia sangua la ngua. 21 Ndjongo ongo moto asia ate: idemei djinge kpàa tee opoti wo lenge wo mbai. 22 Mbuse ewoki ndjongo, Yesu amwaselia ate: edjéi la ema esi enge edjangi owe tamba wiho kpàa winge widjéi owe la waho ase wakawela watundake ase okokondja ema e motio ongo likolo ase djaka tutia mbai. 23 Ango okia inde ndjongo aokia magba ngbii alikambo adjali la ogumake. 24 Yesu amodendia ase asia ate: ekodja loi womonga amene alikambo la wango wadjéi la wadjenge walingele la wokumu wo Mwengéi! 25 La memene, olingeli wokamela la bu etonga edjéi petee oleki olingeli wo moto mogumake la wokumu wo mwengei. 26 Wango wadjali omooki waasali: ndai okoki okali? 27 Awaaselia ate: sambo djinge iyengiti okelami, la likkambo la wato, iyengi okelami la likambo la mwengei. 28 Ase Petele asia ate denda! iso todhei wiho wasu amene ase totuteya owe. 29 Asia la iwo ate: lamemene iyasi la ino ate eti la moto tweti ongo odhei monguta monde te moli onde, te wamanango wa pele te wamanango wa wali te wawoti te wana alikambo la wokumu wo Mwengéi. 30 Ongo okodjanga okondji ngbi la ehele engele, la moki mogeleli, te la mokalo mo libela. 31 Ndjongo awawelia watutiani liomi la wale kelekele, ase asia la iwo ate denda! tokotelaka la Yelusaleme ase sambo djinge kpàa idhingamali la waseli alikambo la mana omoto yengesame. 32 La ekpangele wakomokawa, la mawo ma wato wa miki ase wakomoseke, ase wakomosambwesa wobe, la wakomosuele nsoi. 33 Ase mbuse e omobingi inde pimbo wakomola ase wuse wo misato akosusua. akosusua. 34 Kaikonde watihelali gbondo e djihinge sambo djaho, la eyaseli enge watiyewali olimboli. 35 Ango edjakali inde oumi ahue la Yeliho, moto mwesi ogui maiso ayaabatali kelekele e mboka wongongi wiho. 36 Nda eokali inde wato ngbii wakolekaka, apotali ohuela hueli inga edjéi nde. 37 Wamoewsia ate Yesu o Nazaleta indongo okolekaka. 38 Ndjongo apamia ase asia ate Yesu, mana o Dawidi ndjokela mbai magba! 39 Ase wato wango wadjakali osombi liwoso wapotia omopameli ate anange monoko, ase adjakali ndji opami abolo alidji oleki ate: mana o Dawidi ndjokela mbai magba. 40 Ndjongo Yesu amalia ase atomia wamodjele la moto oho. Mbuse eho ango oumali inde ahue, Yesu amohuelia ate: 41 Obali iyokele nde? inde asia ate Likumu ipote oeni. 42 Ndjongo Yesu asia la inde ate pota eni, wondimi wo owe wokalesi. 43 Ndji la engele eho apotia oeni ase apotia omotutei inde ase omodemei Mwengéi, alidji ango weneli wato kpàa ndjongo wamodemiali Mwengei.
Chapter 19

1 Yesu, alingelali la Yeliiko, akpandali liwange. 2 Edjali la motopele mwesi la kombo Djakayo, adjali Likumu e waputesi mamelo, alidji, adjali moto e ogumake. Alukali oeni Yesu. 3 Ase atikokalii omweni, la tina e ebiba e wato, laate adjali mokwe. 4 Atilali liwoso, atelia la mote laate amoene, late Yesu apotali oyeti la enge mboka. 5 Sikalandjo ango Yesu awumia la ebete ehoo, adhendali likolo amwaselia: Djakayo, adjimba sese; late keke ikoyabata la monguta mo owe. 6 Djakayo ayadjimbali sese, ase amototali la oyemeli. 7 Ango eenia iwo ndjongo, iwo kpàa wabandali ondungwani, pe owasi ate: alingelia oyabati atie moto ongo owungu. 8 Ase Djakayo, ayamalali liwoso la Likumu omwaaselia: dhenda, Likumu, ndambo dja wihoo wa mbai ekohekele la watundake. Pe ema kpàa epwesali mbai moto, la ohengeli, ikowongola ehoo mbala inéi. 9 Yesu amwaselia: la lisio la keke mokalo molingeli la mu moguta, late inde pe adjei mana o Abalayama. 10 Late mana o moto adjali a tina e oluki la okalesi wato wango 11 Wango wadjali ooki djinge sambo, Yesu ahekeleli alidji eeti ekpangela, late adjali ahue e Yelusaleme, pe wadjali la mamungo ate Okumu e Mwengéi wokoenene ndji enge engele. 12 Ndongo aasali ate: motopele mwesi la kita a akelali okendo la moki mwesi e lihele laate ayawumese likumu, mbuse awongwe. 13 Awelali mituke mande liomu, awahekelia wambele liomo, mbuse awaaselia: kelani milunga tee ekowongwa mbai. 14 Ase wana wa moki wa motonali, alidji wamotomelali wato mbuse ende, waasia ate: tobaliti ate moto oholo awume Likumu lasu. 15 Ango ewongwea inde mbuse, e ototi okulu e Likumu, awelali mituke wango awahekeleli iwo wambele, la oyewi nda litomba etoti iwo la milunga. 16 Ongo poo adjia, aasia: Likumu, wambele wa owe ewoti wambele liomu . 17 Ndjongo amowaselia ate: Edjéi olamu, motuke molamu, late oenesi ate odjéi la omeemene la sambo keke pendja, okotota Okumu likolo la gbata liomu. 18 Ongo wale adjia, aasia: Likumu wambele enge owe ebakesi wambele itano. 19 Aasali la inde: owepe, tota mokpali la gbata itano. 20 Weti adjali, ahasia: Likumu, dhenga wambele dja owe, ihisali ehoo la esindjè. 21 Late idjaki oowangi, la loyi odjéi moto o minga; okototaka enge otihisali alidji okobukaka mbuma enge otonali. 22 Amwaaselia ate: ikoosambesa ndji la enge eyasi owe la monoko moowe amene; motuke mobe, oyewaki ate idjéi moto ominga, ikootaka enge ehisiti mbai, alidji ikobukaka mbuma enge eoniti mbai. 23 Woni otiyisali wambele waa mbai dja wibende la baki laate ango ekowongwa mbai itote la asumbelia? 24 Alidji aasia la wango wadjali ango: mopwesani djinge falanga, mohekeleni moto ongo odjei la wambele liomu. 25 Wamwaaselia: Likumu inde adjéi la wambele liomu. 26 Iyo waselini, moto kpàa ongo odjéi la ema wako mohekele ngbi, ase ongo oti la ema, wakomopwesa te enge edjaki inde la eho. 27 Watonani wa mbai wango watibalali ate iwume Likumu la wu, djaka la iwo ahala, wawolani liwoso la mbai. 28 Mbuse oasi ndjongo, Yesu asombia liwoso la ebiba ewato, late atele la Yelusalema. 29 Ango eyandongbali inde ahue e Betefage la Betania la mokoli wakowelaka mokoli ma oliva, atomali watiesakoli wale. 30 Aasia: kekeni la moki mungo modhendani la ino; mbuse olingeli ndondo, okogbotoni mana opunda wamonangi moliki, moto tueti atelakiyo likolo lande; motokolani djakani la inde. 31 Inga moto aohuelani: nda ndenge okomotokolakani? okokini oasi ndjo: Likumu adjéi la posa eho. 32 Wango wawatomali wakeeli, wagbotoli ndji nda ndenge Yesu awaaselali. 33 Ango wadjali otokoli mana punda wamemene ehoo wawaselali ate: nda ndenge okotokolakani enge mana o punda? 34 Wawawongweselali: Likumu adjei la posa eho. 35 Wakpalali ongo mana o punda atie Yesu, walumbali wisindjè wawu likolo la ongo mana o punda pe wamobatisali Yesu likola laho. 36 Ango edjali inde osombi, wato wadjali owandji wisindjè wawu la mboka. 37 Ango ayandongbia inde la Yelusalema,ngambo eyadjimbeli la mokoli mo oliva, watutiani wapotali oemeli, alidji olembeli Mwengéi la moli likolo la loyi e sambo kpaa kamwake eenali iwo. 38 Wabandali oasi: opambwame owe Likumu ongo okodjaka la kombo e Mwengéi! logoo e likolo pe ekumesame wiholo wieti likolo. 39 Ndondo e wato, weeti Wafalisai waasali la Yesu: Motiesakoli, wapamela watutiani wa owe. 40 Yesu awawongoselali ate: ikoyewisakani inga iwo waybata logoo mabukeli ma kopama! 41 Ango ehumali inde la gbata, Yesu adhengali ateniali la ilelo liko laho, pe aasia. 42 Inga owe, ososolali a lisio la keke sambo dja logoo! sikalandjo eho eyayisi la maiso ma owe. 43 Late masio ekodja la tina owe, la tango eho watonani wa owe wakolinga lopango makasi wakokela lisukaka ahue e owe mpe wakonanga owe la lisusuka kpàa. 44 Wakoola, owe alidji wana wa owe ndondo e owe, watidhee libukeli teeti likolo la libukeli eeti, la loyi otibalali oyewi engele enge odhendamaate. 45 Alingelali la tempelo, ase abandali oumbi la wango wadjali otambi. 46 Aasali la iwo: edhingami ate: monguta mo mbai ekodja monguta mo oyatati ase ino, owumesia ehoo ebete e iwa. 47 Adjali ohinye masio kpàa la tempelo. La makumu dja mangumba, la wadingeli la wato wasungu wa miki wadjali olukani omowoli. 48 Ase watiyewali ndenge ototi, late wato kpoàa wamoyokali la owangi.
Chapter 20

1 Mwesi la enge masio, Yesu adjia otiesakoli wato ndondo e tepelo, adjali owasumbeli mboli ndamu. Wiloko e wanganga Mwengei la watiesakoli wa mibeko, la wiloko wadjaali. 2 Wamwaaselia: towasela nda okumu okokelaka dji sambo, alidji ndai aohi ehele okumu? 3 Awawongoselia: mbai pe ikohuelakani poopo esi, ndjaselani mbai, 4 Patisa e Yoani edji la likolo inga la wato? 5 Wabandali obundoyi iwo amene: inga towongosa ate: elongoyi likolo, akwasa ate, wonini otimondjimalini? 6 Alidji inga towongosa ate: elongoyi la wato, watokpa wakotobinga mabukeli, laate, watokpaa wayewi ate Yoani adjali mwaseli. 7 Wamowongoselia: wayewiti inga edji eni. 8 Yesu awaaselia: mbai pe itiowaselani nda okumu ikokelaka dji sambo. 9 Abandali owaseli wato li lisekpe: Moto mwesi aonali elanga e vino, awahia watuke, akia okendo e masiyo ngbi. 10 Ango ewumali masiyo mabukake vino, amotomia motuke monde mwesi atie watuke wa elanga e vino, laate wamohekele djinge ebuki iwo la elanga e vino. Watuke wa elanga e vino wamobingia, wamowongosia mawo ohola. 11 Amotomia weeti motuke monde, wamobhingia inde pe, wamotangia alidji wamowongosia maho ohola. 12 Amotomia ongo osato, wamokotokolia, alidji waumbia la inde. 13 Memene elanga e vino aasia: ikokela woni? Ikomotoma mana o mbai o libhalano, eti mbala, ango ekomwene iwo, wakomotosa. 14 Kasi ango watuke wa elanga e vino wamwenia, wabhundoyia iwo amene, alidji waasia: dhenda ongo okotikalela la ogumake. Tomoole, laate ogumake eume esu. 15 Wamulumbia saa e elanga e vino, alidji wamoolia. Sikalandjo memene elanga e vino akowakela woni? 16 Akodja, akoola wango watuke kpa wa elanga e vino, akoha elanga e vino la weeti wato. Ango eokia iwo ndjongo, waasia: ekokiti odjei ndjongo. 17 Kasi Yesu awadhendali, aasia: eyinei woni enge edhingami ate: Libukeli enge elumbali wamai, ewumali likule la monguta? 18 Ongo moto okokwa likolo la enge libukeli, akokondjoa, alidji ongo moto enge libukeli ekomokwela, ekomwandjakola. 19 Wiloko e wanganga Mwengei, la wiloko e watiesakoli wa mibeko, walukali ate wamohele ndji enge engele, kasi wadjali owangi wato. Wayewali ate edjei loyi ewu nde Yesu ahali linge lisekpe. 20 Wabandali omodhendji Yesu, alidji watomali wato wayakele ate wadjei wato walamu laate wamohele la eyaseli e inde amene, ase wamohe la okulu alidji la okumu e likumu e moki. 21 Wamohuelali ehele poopo: Mwalimo, toyewi ate okwasaka alidji okotiesakolaka la meemene, alidji otidhenaka elongi, kasi okotiesakolaka mboka e Mwengei la meemenekpa. 22 Endjimami, inga etindjimane ate toputa limelo e Sezale? 23 Yesu ayewali mamungo mau mbe, awawongoselia: woni okwalelekani mbai lisala? 24 Inyani mbai enge adjenge. Ehele edjei elongi e ndai alidji madhingo ma ndai? Wawongosia: e Sezale. 25 Awaaselia: hani Sezale enge e Sezale, enge e Mwengei la Mwengei. 26 Watimohelali la ema teeti e obe la enge edjali inde oasi liwoso la wato, wakamwali la ewongweseli ende, wayabatali bi. 27 Weeti Wasadukayo, wango wakwasaka ate obasi la logo oti, wayandongbali, wamohuelia Yesu ehele poopo: 28 Mwalimo, dhenda ehele Moize atodhingelali: inga moto opele ongo oyiki agwa, atikiti wana, maananga akomoyika moli ongo omotiki inde, laate awotele maanango wana. 29 Kaikonde, edjali la wana wapele sambo. ongo oliwoso ayikali, agwiyia te otiki wana. 30 Ongo o wale ayikia ongo moli ogweli, inde pe agwiyia te otiki wana. 31 Tee ongo osato amoyikia; ekeli ndenge kikima la iwokpa sambo watikiti wana. 32 Mbuse moli pe agwiyia. 33 La obasi e logo, akodja moli ondai? laate iwokpaa wamoyikali. 34 Yesu awawongoselia: pele la wali wa mu moki wakoyikanaka; 35 Kasi wango wakoenene olamu olingeli la moki mungo mokodja, mbuse e obasi e logo, watiyikana alidji. 36 Watigwa kine alidji, laate wakouma nda wahumbua, alidji wakodja wana wa Mwengei nda wana wabasi la logo. 37 Wango wagwi, wabase a logo, ndjongo nde Moize ayenyali engele e maa mote mokeke mungu modjali ololeyi, engele akowelaka likumu, Mwengei o Abalayama, Mwengei o Isaka, alidji Mwengei o Yakobo. 38 Kaiko Mwengei ati Mwengei e wato wagwake, kasi wango wakalake, laate iwokpaa wadjei la mokalo la loyi e inde. 39 Weeti wiloko e watiesakoli mibeko, watotali liloba, waasia: Mwalimo oasi olamu. 40 Watikokali kine omohueli te poopo esi. 41 Yesu awaaselia: woni okokokani oasini ate Masiya adjei mana o Davidi? 42 Davidi inde amene aasi ndondo e buku ende e lembo: Likumu amwaseli Likumu la mbai: Abata la ewo e mbai e lilome, 43 Tee ikowumisa watonani wa owe wisuleli e makolo ma owe. 44 Davidi akomowelaka likumu. Ndandenge akoki odjei mana onde? 45 Ango edjakali wato omooki, aasia la watutiani wande. 46 Otuandjimeni wiloko wawatiesakoli wa mibeko; wakokpalaka walobe ilai ilai alidji owahi mibele wiholo wisungu, wakolukaka owabati la wangbeleno e liwoso la wasinagoga, la wiholo wilamu la wafeti. 47 Wakopwesaka wali wagweli milome wiho wau, la okeli maongi malayi malayi la tina oyayisi. Wakosambisama makasi.
Chapter 21

1 yesu atombolia maiso aenia wato wagumake wokohekeleke falanga dja makabo la ekolo e likawo 2 Amoenia moli mwesi ogbeli molome ahekelia wana wa falanga wale wa kekewakeke 3 Awaaseliate: oholo moli ogbeli molone ahekeli falanga weti wato kpa wango wabongi ewo la libenga e likawo. 4 Late wango wato wagumake wahekeli falanga djinge iti la otomu kaiko inde ohekeli djinge idjaki inde ladjao ongo la monguta monde. 5 Mbuse, ndenge weeti wato wadjali oasi la loyi e tepelo ndenge etulami eho la mabukeli malamu la iho wikpalami la likawo Yesu asiate. 6 Lamasio mageleli ehele tepelo ekobukia libukeli tekikima etitikala likolo leeti libukeli ehokpa ekokua sese. 7 Wamohuelia ate nda engele kokelama djinge sambo alidji nda elembo ekoyewesa iso ate engele eho ekokia? 8 Yesu awaaseliate : yabanyani ate otiwungeni, late wato ngbi wakodja la kombo e mbai wakoasaate : mbai idjei inde, alidji ate: engele eho epotia owumi. Otiwaabile. 9 Tango ekokani ino mboli e wita alidji wato wakoamalelanaka, otiwangakeni, laate ewongi ate djinge sambo kpa ewume liwoso, kasi eho etidja gboo e moki. 10 Awaaselia ate : eeti moki ekosana kindo la eeti moki, eeti okumu la eeti okumu. 11 Mbume ekoduduma ebete la ebete, ikoni ikodja ndenge la ndenge, mpe ndjala e ilaka ilakake, ekodja, la sambo e minga, mpe ilembo isungusu ikoenene ongo likolo. 12 Liwoso la djinge sambo wakoolukani ate waowoleni, wakohengelani la makunu ma wasinagoga, wakobongani la wa boloko, wakosambesani liwoso e makumu ma miki misungu, la makumu ma miki mikeke la tina e kombo e mbai. 13 Djinge sambo okowumelani la tina ate litatoli lanu liyewane. 14 Batani la mamungo manu ate otilukeni ndenge enu esambake, 15 Late mbai ikohekeleni maloba mpe kandela liwoso la wanguna wanu watilonga owamaleli ino, te ookokeyi. 16 Te wawoti wanu wakookawani, mpe wasangbanu, la wabola wanu, mpe la wato wapembeni, wakoola ngbi ndondo enu. 17 Wato kpa wakootonani la tina e kombo embai 18 Kasi mosue te mokikima mo moto monu motiwunga. 19 La onangi mitema manu okokalesani milimo manu. 20 Inga oenekeni Yelusaleme elingamia la wasoda, yewakani ate obitani oho owumiga pene. 21 Late wango wakodja la Judea watile ngambo emikoli, wango wakodja ndondo e Yelusaleme wapumbe, wango wakodja la ilanga watiwongwe kine la moki. 22 Laate ekodja masio mawongosake limemu la oyengemani la sambo djinge idhingami. 23 Ekodja makpa etie wali wango wakodja la lemi, mpe wango wakonungia wana late wato wakogba ngbi, latina elimemu e Mwengei. 24 Wakokua la mabeha miwotake, wakokee mituke la mikikpa, Yelusalema ekowotono la wango wati Wayuda tee engele ehani la miki esile. 25 Ekodja la ilembo ndondo e liwusa wuse, ndondo e ndebo, alidji ndondo e minoto. Ahala la mbume miki mikodja la boo, watiyewa ndenge ekelake laate ewale ekoduduma la mbonge. 26 Wato wakogba la owangi ndondo e losambo enge ekodja la mbume laate okulu wolikolo wikokawana. 27 Wakomoene mana omoto ageli ongo la mapata, la okulu la mwemu. 28 Ango ekopota ino oeni djinge sambo, djambani mito manu laate mokalo munu mopotia owumi. 29 Mbuse awahali ekpangele eesi: Ndendani mote mo figi la mite meeti kpa: 30 Tango e okponaka muho ngasi ekoewaka ate engele e elanga ekokia. 31 ndenge kikima, inga oenekeni djinge sambo ewumia, ewani ate okumu wo Mwengei wowumia pene. 32 Iyowaselini meemene ehele olie otieta ndji ndjinge sambo wiume. 33 Likolo la mbume ikoeta, kasi maloba ma mbai matiyeta. 34 Angatalani inoamene laate mitema manu matilite la oetesi olaki la okengi, la mabundo ma moki, laate lisiyo luho etiowumeleni nda iwa. 35 Late ekoyabinga nda lisala likolo la watokpa wa mbume. 36 La eho oilangaleni ilo, alidji awongoni engelekpa, laate ototeni otetelake la otili djinge sambokpa igeleli, laate owawumeseni likolo liwoso e mana o moto. 37 La moi Yesu adjakali otiesakoli la tepelo, la likolo adjali oki olangali la mokoli mo weli iwo mokoli mo oliva. 38 Watokpa wadjali oki boo atiende laate wamooke.
Chapter 22

1 Lipati la mapa linge lindjangi okundji, linge liweli iwo ate Pasika, liumali ahue. 2 Wiloko wato wawa nganga Mwengéi la walimo wa pui wadjakali oluki ndenge eomoli Yesu, alikambo wadjaki owa wangi wato. 3 Ndjongo Satana alingelia la motema mo Yuda ongo omoweli iwo ate Kaliota, mwesi o watutiani wande liomu la wale. 4 Yuda akia okpomesani la wiloko wato wa wanganga Mwengéi ase la wiloko wato wa wamaleli monguta mo Mwengéi nda ndenge ekomokawa inde Yesu la mawo mawu. 5 Waumali la mwemu ase wamowunelia omohi wadjenge. 6 Yuda andimia, ase apotia oluki engele elamu e omokawi Yesu la mawo mawu, ndjongo wato ngbii watiewete. 7 Lisio e mapa edjangi okundi, use oho edjakali iwo ooli kondolo e pasika ewumali. 8 Ndjongo Yesu amotomia Petele la Yoani, awaselia kekeni okawongeli wilaka wa lipati la Pasika alikambo lasu. 9 Wamohuelia: obali ate tokawongele eni? 10 Inde awaselia okani! ango okolingela ino la gbata, okogbotononi la moto akpali molugu mo malia. Motutiani ebete enge ekolingela inde. 11 Ase asani la memene monguta, mwalimo akohuelaka ate esuki e monguta edjéi eni ebete ekolaka iso wilaka wa lipati la Pasika ebete eikima la watutiani wa mbai? 12 Inde akowoiniani ebete esungu la monguta mo likolo, ongonde ekowongelani ino wilaka wa pasika. 13 Wakia, ase wagbotia sambo kpàa nda ewaaselali Yesu ase wawongelia wilaka wa lipati la pasika. 14 Ango eengali engele, Yesu aabatia la mesa ebete kikima la watutiani wande. 15 Inde awaselia: ibalaki ngbii olaki wilaka wa Pasika ehele mongindi la ino liwoso la mbai woeni wodjidji! 16 Laate, iyowaselini, itilakakine tee ekoengene eho la okumu o Mwengei. 17 Ndjongo atotia etotu, a moongia Mwengéi ase asia: totani ehele etutu kawanani ndondo enu. 18 Alikambo, iyowaselini sikahala itokenga kine Vino alidi te wokoke tee ndjiango wuse wokodja wokumu wo Mwengei. 19 Mbuse eho, atotia mapa, mbuse eakongi la Mwengei abukia awahekelia aasia: ehele edjei wenge wa mbai ikokawa la likambo lanu; kelakanindjo la omungoi mbai. 20 Mbuse e olaki atotia etutu awahekelia aasia: kopo ehele edjéi wuuma woholi wo Mwengéi ehele edjéi makila ma mbai mango makosuakana alikambo lanu. 21 Ase dengani moto okawi mbai atie wanguna adjéi la mbai mongindji ahala la mesa! 22 Meemene, mana o moto akoke nda ndenge etenanate, ase maga la moto ongo omokawi 23 Wapotia ohuelani ndondo ewu, ndai opoti oluki okeli lungo loyi. 24 Watutiani wapotia okokiani makasi, alikambo la oyewi nda moto ndondo ewu odjéi moto mosungu oleki. 25 Yesu awaselia: makumu ma miki wakokondjaka wato wawu, la wango wakoyinyaka okulu, wawelami wakeli wa lamu. 26 Enge etidje ndjongo etie ino. Ase moto ongo odjéi mosungu oleki ndondo enu ewongi adje nda mana, ewongi moto ongo okohaka mitinda adje nda moto owotomu! 27 Ndai odjéi mosungu oleki, moto owabati la mesa inga moto owotomu? moto owabati la mesa, te ndjongo? wolamu! mbai idjéi ndondo enu nda moto owotomu. 28 Ino wabatigani la mbai mongindji engele elai ndondo ewomekami wo mbai. 29 Ndji ndjongo nda ehekeli wawa mbai wokumu, mbai pe iyohekelini ino. 30 Okolakani alidji okengani la mesa ma mbai ndondo e wokumu wo mbai, okoabatani likolo la ngbelengo dja wokumu alikambo la oteni loi la wiati liomu la wiale wa Isalaele. 31 Likumu Yesu, asia Simoni, Simoni oka! Mondjili aongiga owohehi owe nda ekoheheke wato wahehe pukapuka alikambo la odjikawi djaho la wisoki mpamba. 32 Ase iyakongi alikambo la owe ndjongo wondjimi woowe wotilembe; ango ekowongwa owe, waha wamangua woteteli. 33 Petele asia la inde; Likumu indjimi wolamu la oki la owe la woyogo mongindji, la ogui la owe mongindji. 34 Yesu amowongoselia: Petele, iwaseli kekehele, liwoso ate koko e molome ebekwe okwasa mbala isato ate ondjewiti mbai. 35 Mbuse eho Yesu asia la iwo: ango iyotomeni mbai la opasa te, la saki te ase la sapato te, odjangini nda ema? wawongosia: ema teeti te. 36 Ase inde awaselia: ase sikahala etikine ndjongo, moto ongo odjéi la opasa, ewongi alitote, ndindjongo moto odjéi la saki ase moto ongo oti la lipata ewongi atambe kasaka ende alikambo ate asombe lipata. 37 Alikambo ate, yasi la ino ewongi loi luhulu wodhingama la gbondo embai wokokisame, ate inde atangemaate ndondo e wato wabe. La meemene loi wungo wodhingama la gbondo e mbai okokisame. 38 Watutiani wasia Likumu mapata male madjéi ahala inde asia wungo wokoki. 39 Apumbia, akia nda ndenge emeseni inde la mokoli mo Olive,watutiani wande wamotuteya. 40 Ango oumia inde la ebete eho, inde awaselia yakongoni alikambo ate otikweni ndondo eomekami. 41 Mbuse eho inde ayandongbia ma lihiele la iwo, akwa la mauli ase abandali oyakongi. 42 Wawa, inga obali longose etotu e wodidi ehele atie mbai ase atikelame nda ebali mbai ase nda ebali owe. 43 Ndjongo ahumbwa mwesi olikolo aumia alikambo la omohi wokulu. 44 Yesu aokia magba ayakongia alidji makasi oleki. Malia ma wenge mande maumia nda makila mango madokakania la mbume. 45 Mbuse eoyakongi inde alongoya ongo likolo, akawongoya atie watutiani, ase awagbotia walali wilo alikambo walembali la magba. 46 Inde asia la iwo: alikambo lande ekolalaka ino wilo? Amalani likolo, oyakongeni, alikambo ate otikweni ndondo e womekami. 47 Yesu adjali wasi engele eumali wato ngbii, Yuda, mwesi o watutiani wande liomu la wale, adjali oleki liwoso inde aumia ahue e Yesu alikambo la omohi mobale mowalingi la inde. 48 Ase Yesu amwaselia: Yuda, okohaka mobale mowalingi la likambo la omohi mana o moto la mawo ma watonani? 49 Ango wato wango wadjali la Yesu mongindji iwaenia wungo loi wopotia oumi wamohulia: Likumu, ewongi tosane la mapata masu? 50 Mwesi owu amokotia moto owotomu onganga Mwengéi mosungu, ase amotenia litoi. 51 Ase Yesu asia: Otkeleni ndjongo dheni. Atotia litoi e moto oho, ase awngosia. 52 Mbuse eho, Yesu asia la wiloko wato wa wanganga-Mwengéi, ase la wiloko wato wawadendji wa monguta mo Mwengéi ase la wiloko wato wango wadji omoheli inde: Ogelelini la mapata, la mite nda idjéi iwa? 53 Masio kpàa idjaki la ino mongindJi ebete eikima la monguta mo Mwengéi ase otipotalini oheli mbai, ase ehele edjéi engele enu la engele ewokumu wo likolo. 54 Wamohelia yesu wakia la inde wakamotikia la monguta monganga Mwengéi mosungu. Petele amotuteya, ma lihele mbuse. 55 Ase ndondo egbingi waloliali misa, ase Petele ayabatia ndondo e wato wango wakotoko misa. 56 Moto owotomu mwesi omoli amwenia Petele ayabati kelekele emisa, inde amodendjia Petele makasi, ase asia: oholo moto koto adjaki la Yesu mongindji! 57 Petele amokokiali, aasiali: moli, imwewiti. 58 Mbuse eho moto odi amoenia ase asia: owe koto odjéi mwesi owu.” Ase Petele asia la moto oho ate; iti inde te. 59 Pene la engele esi mbuse, moto odji asia makasi: memene oholo koto adjaki mongindji la inde alikambo ate inde adjéi moto o Galilaya. 60 Ase Petele asia la moto oho yewiti wungo loi wokwasaka owe. La engele eho ango edjakali inde wasi koko e molome ebekoiya. 61 Likumu ayakukolia, ase amodendia Petele makasi ndjongo Petele amungolia loi wungo wasali Likumu lainde: Liwoso koko e molome ebekwe okowungana mbai mbala isato ate ondjewiti mbai. 62 Petele apumbia ase alelia la magba. 63 Wato wango wamosekeli Yesu, ase wamobingia. 64 Wamodhihia maiso ase wamohuelia: towasela inso inga ndai oobingi? 65 Ase wasia lainde sambo ngbii dja wiliko. 66 Wuse wotania wiloko wato wa wa Yuda, wiloko wato wawanganga Mwengéi la walimo wa pui wagbotononia wakadjia la Yesu liwoso la wabolei wou wosungu. 67 Ase wamohuelia towasela iso odjéi Masiya? inde asia la iwo inga iyasa laino, otondjimani mbai. 68 La inga yohuelani poopoo otowongoselani mbai ema. 69 Obandji ndji keke, mana o moto ekoabata la ewo e lilome e Mwengéi eowokulu. 70 Ndjongo wato kpàa wahuelia odjéi inde mana o Mwengéi? inde awawongoselia iwo: Owasigani, idjéi inde. 71 Ndjongo wasia: Todjeikineni la posa e wadhemei? Tooki isoamene la monoko monde.
Chapter 23

1 Wayamalia iwo kpaa wakia la Yesu ongo edjei Pilato. 2 Wabandali omokambi waasali ate : tomogboti oholo moto ndjo akwasaka la wato ate watindjime mibeko ma Moize, alidji watipute mamelo e Sezale, akwasaka alidji la wato ate inde adjei kilisito, likumu. 3 Pilato amohuelia : owe nde likumu la wayuda? e edjei mabi, owasiga koto. 4 Pilato asia la makumu ma wanganga Mwengei, la wato kpaa wadjaki ango: iyeniti loi ungo okeli oholo moto. 5 Kasi wamwamalelia waasia ate : akowatomaka wato la oya maleli mateya ma Moize obandi la yudea, galilea tee alandjo. 6 Ango eokia pilato ndjongo, ahuelia inga inde adjei moto o galilea; 7 Ango eokia inde ate adjei moto o sese e okumu e Elode, amotomia ongo edjei Elode, laate mango masio Elode adjakali la Yelusalema. 8 Ango Elode amwenyia Yesu, aemelali laate tee la gala adjali la posa e omweni la djinge sambo edjakali inde ooki, adjakali omolambeli ate amokelele ma ema ekamwesake. 9 amohuelia poopoo ngbi, kasi Yesu atiwongolali loyi te okikima. 10 Makumu ma wanganga Mwengei la watiesakoli wa mibeko wango wadjakali ango, wadjali omokambi la sambo mbe mbe. 11 Elode la sindjili djande wadjakali omokeli sambo mbe, la omoseki. Mbuse e omokpalesi esindje etanake, wamowongosia Yesu etie Pilato. 12 Ndji ungo use, Pilato iwo la Elode waumali wa bola, iwo wato wango watonanali iwo wale mbuse e mbula ngbi. 13 Pilato awaboliali makumu ma wanganga Mwengei, la watiesakoli wa mibeko, la wato; awaaselia: 14 Ino odjelelini mbai oholo moto, owasiani ate akowatomaka wato ate wamalele mibeko ma Moize, kasi imohueli liwoso lanu, mpe itimoene la likambo te likikima e sambo djinge emokambini ino. 15 Te ongo kine etie Elode, laate atowongwesi, dhenda oholo moto atikele ema enge ekoki la inde la logo. 16 Kasi mbai ikomopumbesa la boloko mbuse e omobingi pimbo 17 Yenga kpaa edjali mobeko ate wapumbesake moto mwesi la boloko ate wamoole. 18 Iwo kpaa wahumbali pui: moolesa Yesu, todheela Balanabasi. 19 Balanabasi alingelate la boloko la loyi e olake wato la djeti sambo mbe mbe. 20 Pilato aasia alidji la iwo laate amodhe Yesu. 21 Iwo kpaa wapamia la moli motetelake, wasia: agbe, agbe la ekulusu 22 Pilato awaselia, mbala esato : nda obe okelinde? iyeniti loi ungo oki inde ogbi, ikomodhe mbuse e omobingisi pimbo. 23 Kasi wapamia la moli motetelake ate agbe, opami owu obolianali la enge e makumu ma wanganga Mwengei. 24 Pilato andjimia owahi enge e ongi iwo. 25 Amopumbesia moto ongo odjakali la boloko la sambo mbe mbe,mooli o wato; awahekelia Yesu la posa ewu. 26 Ango odjaki iwo oki la inde, la mboka, wagbotonia la Simona mo Silene, adjakali owongoyi la ilanga, wamokpalesia ekulusu, late amoikele Yesu ongo mbuse. 27 Edjakali la wato ngbi wango wadjakali omobileyi, wali wadjali oyabingi mikpoto, la ooki magba la tina ende. 28 Yesu ayakukolia asia la wango wali ate: wali wa yelusalema, otileleni la tina e mbai, lelani la tina enu amene la wana wanu. 29 Late la masiyo mango mageleli wakwasa ate : mwemu la wali wango wikomba, mwemu la wali wati la wana, la wango watinungisaka. 30 Wakoyabata oasi la mokoli ate : tokpele, alidji la milindalinda, todhiha! 31 Inga wakela dji sambo la mote mowesu, ekodja woni la mote moomake? 32 Wadjakali pe oki la wato wale wango watingakali la iwo laate wawabake ebete ekikima la Yesu la ekulusu. 33 Ango eumia iwo la enge ebete eweli iwo ate mikwa ma moto wamobakia Yesu la ekulusu ebete ekikima la djinge iwa, mwesi la ewo e lilome odji la ewo e liali. 34 Yesu asali: wawa walimbesa, la loyi wayewiti ema enge ekokelaka iwo. 35 Wato wayamalali lihele wakowadhenda. Watiesakoli wa mibeko, la wango wadjakali ango, wadjakali omoseki Yesu, la oasi ate: awakalesali weeti wato; ayakalese inde amene inga adjei Masiya ongo owononi la Mwengei! 36 Wasodha koto wamosekekeli, wakia ahue ende, wamohiya mana magagake. 37 Wasia la inde ate: inga odjei likumu la wayuda, yakalesa yo owe amene! 38 Edjakali likolo lande madhingo mango madhingali iwo : oholo adjei likumu la wayuda. 39 Moto moesi ongo omobakali iwo la ekulusu ebete ekikima la yesu, amotangia asia ate : te owe nde kilisito? yakalesa yo owe amene, mbuse otokalese! 40 Ongo eti amowongoselia : owe otimowangaka Mwengei? iso kpa todjei la odjidji okikima. 41 Laiso, ekoki ate togbe la loyi tokelali obhe, kasi inde akeliti loyi te lokikima. 42 Asia la Yesu: mungolaka mbai ango ekodja owe la okumu wowe. 43 Yesu amowongoselia : iyowaseli meemene ndji keke ehele okodja la mbai ebete ekikima la Paladizo 44 Edjakali ango la engele e motoba likolo lilingelia la moki kpa tee la engele e libwa. 45 Moi molimanali, esindje e Tepelo esalanali la odja. 46 Yesu apamia la moli motetelake aasia: wawa iwongosi molimo mo mbai la mawo ma owe. 47 Ango enia sindjili ndjongo, wamodemeiya Mwengei, waasia: oholo moto adjaali sembo. 48 Wato kpaa wango wadjakali ango mbuse e oeni djinge sambo, wawongoyia wakoyabinga mokpoto. 49 Wango wato kpa wamoewakali Yesu mpe la wali wango walongwali, lainde tee la Galileya, wayamalali maa lihele, wakodhendaka djinge sambo edjakali oyeti. 50 Edjakali la moto mwesi ndondo e wahi simbisi, moto osambo ndamu, kombo e inde Edjepu. 51 Inde atiyawanesali la mungo mobeko, la djinge sambo, adjali moto o moki mo Alimateyo, liwange la wayuda, inde adjaali olambeli okumu wo Mwengei. 52 Akeli ogbotoni la Pilato, aongia wenge wa Yesu. 53 AmodjimBali la ekulusu, alingali eho la bolangiti, akeli omolangesi a mbila enge ekelami ndondo e mabhukeli, enge watimolangesaliyo moto tueti. 54 Edjakali use elengelake sabata 55 wali wango walongwali la Yesu tee la galileya wakia la Edjepu ebete ekikima la omokundji Yesu. 56 Ango ewongoyia iwo, wawongelia malasi. Lisiyo e sabata wahomali la ndenge edhingani la mobeko.
Chapter 24

1 Lisiyo la yenga ,wakeli la hilihili ongo la mbila,wakpali isokisoki elumba elamu enge ewngelali iyo. 2 Wagbotoli libukeli lilongoyi liwoso la mbila. 3 Walingelia, watigbotoli wenge e likumu Yesu. 4 Ango etidjake iwo oyewi inga enge sambo eyinyei woni,denda walome wale wawapumbelali,wakpali wisinje wingalake. 5 Watumali la owangi, wayimali wilongi wawu la mbume. Wango pele wawaselia: woni okolukakani moto omokalo ono wato wagwi? 6 Ati ala, abasi. Sumbwani enge awowaselate ino,engele edjaki inde la Galileya. 7 Ekoki ate mana o moto wa mokawe la mawo ma wato wabe, wamobake la ekulusu, abase lisiyo la misato. 8 Ango wadjaali alidi obundoyi maloba ma Yesu. 9 Tango ewongoiya iwo la mbila, wasumbia djinge sambo kpa la watutiani wande liomu la esi alidji la wato kpa. 10 Waango wadjali osumbi enge mboli la wa posotolu, edjali Malia magadala, Yoana, Malia nango Yakobo alidji la weeti wali wango wadjaali la iwo. 11 Kasi waokali djinge sambo nda pamba, watidjali owandjimeli wango wali. 12 Ase Petelo ayamalalia, akia obangu ongo la mbila. Ayayimbia , ahenia ndji isuki dja isindje ekwi la mbume, mbuse awongoiya atiende, akobunduaka la djinge sambo ewumi. 13 Ndji enge lisiyo, watutiani wale wakeli la moki mwesi moweli iwo Emawusu lihele la Yelusaleme inga wakilometele liomu la iwale. 14 Wadjali owasi iyo kpa djinge sambo iyeti. 15 Tango edaki iyo okpomi la owasani, Yesu ayandokpia inde amene, akia la iwo mongindji. 16 Kasi maiso mawu mawatekisali ate watimoyewe. 17 Yesu awaaselia: okowasakani nde la okosombakani, alidji odjeini la ilongi emagba? 18 Mwesi la ewu kombo ende Kelopasa, amowongoselia: odjei owe amene maamasiyo ala la Yelusaleme ongo oyewiti djinge sambo eeti maamasio? 19 Woni? awahuelia. Wamowongoselia: enge e mowumeli Yesu o Nazaleta,ongo odjakali mwaseli ookulu la sambo la oasi liwoso la Mwengei la liwoso la wato, 20 Ndenge wiloko wa wakanga Mwengei la wa zuzi wa su wa moheli laate wamowole wamobake alidji la ekulusu. 21 Todjaki oyewi ate inde moto akokaki okalesi Isalayele, kaiko la djinge kpaa,denda keke ehele masiyo masato djinge sambo ikelani. 22 Wali wesi la mongindji mosu watokamwesi. Waki la hilihili ongo la mbila. 23 Kasi watigbote wenge wande ; wadji oasi ate waahumbwa wawawimeli, wawaaseli te adjei la bomoyi. 24 Aseko weeti la ndondo e wato wango wadjaakali mongindji la iso wakeli la mbila eho, ase wagboti ndji ndjongo nda ndenge wango wali waasi kasi wati moene. 25 Ndjongo Yesu awaaselia ate: wato wandjangi mayele, wango mitema mawu militi la ondjimi djinge ehasemate la waaseli! 26 Etihongoli ate Masia aene odidi la dji sambo laate alingele la elolo ende? 27 Obandi la madhingami ma Moize, oki la waaseli kpaa, awaaselia ndondo e madhingami kpaa djinge sambo ewadhendali. 28 Ango eyandongbali iwo la moki modjali iwo oki,Yesu alukali oki nda ma lihele. 29 Wamotekisali la oyakongi, waasia: tikala la iso laate likolo lipotia oli. Alingelia la iwo. 30 Aseko ango eyabatali inde la iwo la mesa, atotia okoke eowasi yongolo eopamboli, abokia eho, awahia. 31 Ndjongo maiso mawu madukwania, wamoyewia, a salamatia liwoso la wu . 32 Ase wayaaselia ate: mitema masu mitidjali obingi ango edjakali inde otowaseli a mboka la otoyignei madhingami. 33 Wayamalali ndji enge ngonga, wawongwali la Yelusalema, ongo wawagbotoli wango liomu la esi la weeti ongo eyabondali iwo. 34 Wawaaselia ate: likumu abasi meemene, ayeneni pe la Simoni. 35 Asa watutiani wawaaselia djinge sambo ewawumelali la mboka, la ndenge emoyewali iwo Yesu engele ebuki inde okoke. 36 Ndji edjaki iwo owasi Yesu inde amene awapumbelia liwoso lawu awaaselia: logoo edje la ino. 37 Watumali la owangi wayewali ate waeni etota. 38 Awaaseli: woni ekowangani ino? alidji woni maa mamungo mbe makoyabataka la mitema manu? 39 Denda mawo ma mbai la makolo ma mbai, edjei meemene mbai. Potoni mbai alidji dendani: etota ti la wini la kua, la ndenge ekohenekeni ino, mbai edjei la eho. 40 Ango eyasia inde ndjono, awaaenesia maho mande la makolo. 41 La eho,la oyemeli owu, watidjaali ondimiyo,wadjaali okamwi. Ase awaaselia: odjeni la ema e lakake ahala? 42 Aseko wamohekelia esuki e su e ndjomake. 43 Ase atotia ehoo ase alakaki eho la maiso mawu. 44 Ase awaaselia ate: edjei ehonde iyoowaselalini ango edjaali yo mbai la ino: ewongoli ekokesame dji sambo kpaa edhingani la tina e mbai ndondo e buku e mibeko e Moize, la waaseli,la ndondo e lembo. 45 Ase awadukolia mayele laate wayewe olamu madhingani. 46 Ase aasia laiwo ate: ndjongo e dhinganaali ate,ekoki djinge sambo ewume, ate Masia onyokwame; agwe ase asuswe mbuse e masiyo masato. 47 laate alikambo la kombo ende okukoli mitema la olimbesi masumu ekoke otiesakolami laa miki kpaa, opoti ala la Yelusaleme 48 Ino odjeini watotoli la djii sambo. 49 Denda ikootomelani ino enge wawa awunate; la ngambo enu, abatani yo la moki mo Yelusaleme tee ekokpalani ino okulu o likolo. 50 Akia la iwo tee ongo la Betania, aseko mbuse atombolia ewo likolo, awa pambolia. 51 Ango adjali inde owapamboli, akawania laiyo ase abamdia oteli likolo. 52 Aseko iyo mbuse eomodemei, wawongoiya la Yelusaleme, watumali la oyemeli. 53 Wadjali engele kpaa ongo la tepelo, odemei la opamboli Mwengei.

John

Chapter 1

1 La lipoteli edjali engbundu, engbundu edjaali la Mwengei, engbundu koto edjaali Mwengei. 2 Inde adjaali la lipotele mongindji la Mwengei. 3 Wihoo kpaa wikelanali la mboka ende, koto ema teeti etikelanali inga te la mboka ende. 4 La inde edjaaki mokalo, mokalo koto modjaali ngbai e wato. 5 Ngbai ekongalaka la molili, ase molili molongeti eho. 6 Edjaali la moto mwesi atomanali la Mwengei, kombo ende Yoani. 7 Inde adjaali mototoli, laate ahekele litotoli la loyi e ngbai eho, laate moto kpaa agemeiye eho. 8 Inde atidjaakali ngbai eho, inde adjaali ohekeli litotoli e ngbai eho. 9 Enge ngbai edjei e meemene, edji la moki la ongalesi moto kpaa. 10 Adjaali la moki, moki koto mokelanali la mboka ende, ase moki motimoewali. 11 Adjaali atie wato wande, ase wato wande watimoyambali. 12 Ase wango wamoyambali, la wango wagemei kombo ende, owahekeli otomo e odjei wana wa Mwengei. 13 La ebili ate waononiti la makila, inga te la mwano mo wato wa moki, inga te la mwano mo molome, ase wawotani la Mwengei. 14 Engbundu eyakelia wenge, eyabatali ya iso, etumi la ngolu la omeemene, tuenia otwa wonde, otwa nda enge e mana moikima ongo odji likolo. 15 Yoani aambali mboli ende, koto ahumbali, ''Edjei inde ongo aasali mbai, 'Ongo okojaa mbuse e mbai inde nde odjei liwoso la mbai, laate adjaali mogindji la mbai.'' 16 Tototali iso kpaa Womwengei wonde, koto ngolu likolo e ngolu. 17 Pui ehekelanali la mboka e Moize, ase ngolu la womeemene la mboka e Yesu kilisito. 18 Moto tueti amoeni Mwengei; Mwengei mana, ongo odjei la liboliani la wawa, inde omoenesi. 19 Dhenda litotoli la Yaoni, engele Wayuda wawatomali ongo la yelusalaema wanganga-Mwengei la Walebi la omehueli ate, ''Owe odjei ndai?'' 20 Inde awongosali, te la owungani agemeiyesali, ''Mbai iti kilisito.'' 21 Wamohuelia, ''Odjei ndai? Odjei Elia?'' Inde awawongoselia, ''Iti inde.'' Waasali, ''Odjei motiesakoli?'' Awongosia ate, ''Te ndjongo.'' 22 Wamwaselia ate, ''Odjei ndai, laate toke owawongoseli wango watotomali? Oasi woni la loyi e owe?'' 23 Aasia, ''Mbai idjei mowelele e ongo okodhumbiaka la lisobe: 'wongelini mboka e Likumu, nda eyasali motiesakoli Isaya,' 24 wango wawatomali wdjaali Wapaliseyo, 25 wamohuelia alidji ehele poopo, ''lande ekopatisaka owe wato inga oti Kilisito, oti Eliya, oti koto motiesakoli?'' 26 Yoani awawongoselia, ''Mbai, ikopatisaka la malia, ase ndondo enu edjei la moto mwesi ongo omwewitini ino. 27 Akodja mbuse e mbai, iti la maengi matokoalke ndjiki dja ikpokpo wande.'' 28 Dji sambo ikelanali la Bethania, eeti kambo e yolodani, ongo Yoani adjaakali opatesi wato. 29 Ekundu eho, Yoani amoenia Yesu akoyandongbaka atie ende, aasia, ''Dengani, oholo adjei mana o meeme e Mwengei, ongo okolongosaka masusu ma moki! 30 Edjei inde ongo eyasali mbai, 'Mbuse e mbai, moto mwesi akodja ongo odjaali liwoso la mbai, laate awatomali liwoso la mbai.' 31 Imoewiti, ase edjei oenesi la Isalayele ate mbai idji opatesi la malia.'' 32 Yoani asumbali koto ehele litotoli, ''Ieni elimo ekoyadjimbaka likolo, nda elua, eyamalia likolo lande. 33 Itiimoewakali inde, ase inde moto otomali mbai opatesi la malia, andjaselali mbai, ongo okomoene owe elimo ayadjimbia koto eyamalia likolo lande, inde nde okopatisa la elimo satu.' 34 Mbai iyeeni koto igemei ate adjei mana o Mwengei.'' 35 Ekundu eho, Yoani adjaakali ndji ango la watutiani wande waale, 36 wamoenia Yesu akwetaka, Yoani aasia ate ''Denda, mana o meeme e Mwengei.'' 37 Ango eokia iwo ndinge sambo eyasali inde, wamotuteya Yesu. 38 Yesu ayakukulia, aenia ate wakomotutiaka, aasia la iwoo, ''Ino okolukakani nde?'' Wamowongoselia ate, ''Rabbi''( enge ekukolani ate, '' Moinyei''), ''Owe okoyabataka eni?'' 39 Awaaselia, ''Djakani, oeneni koto.'' Wakia, waenia koto ongo edjaaki inde oyabati, wayabatia ebete ekikima la inde wungo wuse, edjaali engele e nei mbuse e limbile. 40 Andele, maanango o Simoni petele, adjaali mwesi ndondo ewu wango waokali engbundu e Yoani, koto e wango wamotuteyali Yesu. 41 Agbotonia yo liwoso la manango Simoni, amoaselia, ''Togbotoni la Masia'' (ongo okuani la ''Kilisito''). 42 Akia la inde atie Yesu, Yesu amodendia, aasia, ''Owe simoni monga Yona. okowelana Kepasi'' (enge einyei ''Libukeli''). 43 Wuse wungo weeti, Yesu alukali oki la moki mo Galilea, agbotonia la Pilipo, aasia la inde, ''Tutia mbai.'' 44 Pilipo adjaali moto o Betesaida, moki mo Andele la Petele. 45 Pilipo agbotonia la Natanaeli, amoaselia ate, ''Toeniga ongo Moize adhingi la pui, koto ongo watiesakoli wamoaseleli, Yesu o Nazalete, mana o Edjepu.'' 46 Natanaeli amoaselia ate, ''Ema elamu eengi koto opumbi la Nazaleta?'' Pilipo amowongoselia, ''djaaka, oene koto.'' 47 Yesu, amoenia Nathanaeli, aasia la inde, ''Denga Moisalayele, ongo eti te la kokia!'' 48 Natanaeli amoaselia, ''Oewi mbai eni?'' Yesu mowongoselia. ''Liwoso ate pilipo aowele, ango edjaaki owe seese e mote mo Pigi, mbai ioeneki. 49 Natanaeli awongosia, ''Rabbi, owe odjei monga Mwengei! Odjei Likumu o Isalayele. 50 Yesu amowongeselia ate, ''La ebili eyasi mbai ate iyoeni seese e mote mo Pigi, nde ogemeiya? Okoene sambo sungu oeti djidji ndjo.'' 51 Amoaselia koto, ''La omeemene, la omeemene iyoaseli, okoene opoti keke likolo lidhuhuani, waahumbua wa Mwengei wakotelaka la wakoyadjimbaka koto likolo e mana o Moto.''
Chapter 2

1 Masio masato mbuse, edjaali la yenga e liwala la moki mo kanana e Galilea, nango Yesu adjaali ongo. 2 Wamowelali koto Yesu ongo la yenga e liwala eho la watutiani wande. 3 Ango maana masilia, nango Yesu amoaselia ate, ''Wati kine la maana.'' 4 Yesu amowongoselia, ''Owe oholo moli nda loi iso laowe? Engele e mbai eumakiyo.'' 5 Nango aasia la wasali ate ''Kelani ndenge ekwasa inde.'' 6 Kaikoase edjaali la teni motoba, ehekelenate la Wayuda la loyi e oyalangesi, teni djaho idjaali olingese eesi la eesi la eho wipimeli oyeti mokama. 7 Yesu aasia la iwo, ''Tumesani malia la teni.'' Watumesia tee la minoko. 8 awaaselia, ''Tukani sikandjo, katikeni atie meemene yenga e liwala.'' Wakeeli okamotikeli. 9 Ango meenemene yenga amekia malia mango mayakukolia manaa, odjangi oewi enge songo edjei maana; ase wasali wango watukali malia iwo nde waewali, amowela moto opele ongo oiki 10 amoaselia, ''Moto kpaa akohekeleke yo manaa mango mawongi, ase mango mawongiti olamu mbuse ndji wato walangoyiga, ase owe, obanyea manaa malamu tee sikalandjo.'' 11 Ndenge ekelani eho, la Kanana e Galilea; elembo e liwoso enge ekelali Yesu. Aenesia otwa wonde, watutiani wande wamogemeiya. 12 Mbuse eho, Yesu ayadjimbia la kapelanauma, mongindji la nango, wamaanango la watutiani koto, wayabatali ongo masio makeke. 13 Pasika e Wayuda eumali ahue, Yesu atelia la Yelusalema. 14 Agbotia ongo la tepelo watambi wa ngombe, e wameeme, e wilua, la wakukoli wa palanga wayabati. 15 Akelia pimbo e ndjiki, aumbia la iwo kpaa la tepelo, la wameeme, la wangombe; aandjia mbela e wakukoli, asuakolia wamesa djawu. 16 Aasia la watambi wa wilua, longoseni wihoo wanu, otiwumeseni monguta mo wawa nda ebete e lihoo. 17 Watutiani wande, wamungolia enge edhingani, '' posa e monguta emaiya mbai.'' 18 Wayuda, watotia engbundu, wamoaselia, ''Nda elembo ekoyinyaka owe iso, la okeli ehele ndenge?'' 19 Yesu awongosia, ''Bukani ehele tepelo, la masio masato ikomalesa eho.'' 20 Wayuda waasia, ''Ehele tepelo ekelanali wilanga tuku inei la motoba, ase owe omalese eho la masio masato?'' 21 Kaikoase, adjaakali oaseli wenge wande. 22 Eho lenge, ango ebasali inde, watutiani wande wamungolia ate aasali eho, wagemeiyali madhingo la engbundu enge Yesu aasali. 23 A ngo edjali Yesu la yelusalema, lisio la yenga e pasika, wato ngbii wamogemeiyali la oeni wilembo wiwangesake winge widjaakali inde okeli. 24 Ase Yesu atidjaakali owagemeiyeli, la ebili ate awayewali iwo kpaa, 25 atidjaali la posa ate wamototolele enge edhengi wato, laate ayewali inde amene enge edjei ndondo e moto.
Chapter 3

1 Edjaali la moto mwesi ndondo e Wapalisao, kombo ende Nikodeme, likumu o Wayuda. 2 Inde akeeli atie Yesu la likolo, aasia la inde, ''Moinyei, toewi ate owe odjei motiesakoli ongo odjii atie Mwengei, la ebili ate, moto toeti aengiti okeli wi wilembo wikamwake enge ekokelaka owe, inga Mwengei atidjee la inde.'' 3 Yesu aasia la inde, ''La omeemene, la omeemene, iyoaseli, inga moto atiotane mbala e wale, aengiti la okumu wo Mwengei.'' 4 Nikodeme aasia la inde, ''Nda ndenge moto aengi alidji owotani ango ooloyia inde? Aengi owongoyi mbala e wale la solo djaa nango, awotane?'' 5 Yesu awongosia, ''La omeemene, la omeemene, iyoaseli, inga moto awotaniti la malia koto la elimo, aengiti olingeli la okumu wo Mwengei. 6 Enge ewotani la moini edjei e moini, ase enge ewotani la elimo edjei e elimo. 7 Otihalimane la ndenge e oasali mbai, 'Ewongi owotani mbala e wale.' 8 Ehoho ekohohaka ongo ebali eho; okoakaka etale, ase otiewa ongo ekodjaka eho inga ongo e kokeeke eho. Ndenge kikima la moto ongo owotani la elimo.'' 9 Nikodeme atotia engbundu, aasia, ''Nda ndenge eho eengi okelani? 10 Yesu amoongoselia, aasia la inde, ''Odjei moinyei mo Isalayele, ase oewiti dji sambo? 11 La omeemene, la omeemene, iyoaseli ate, tokoasaka djinge iyewi iso, tokoasaka matotoli la djinge ieni iso. Totiasaka sambo djasu. 12 Inga ino otigemeiyeni ango ekoaselakani mbai sambo dja mbume, okogemeiyani nda ndenge inga iyoaselani sambo dja likolo? 13 Moto te mokikima ateliti ongo likolo, inga te ongo oyadjimbali likolo, monga moto ongo odjei likolo. 14 Laate nda Moize adjambaali ndjo ongo la lisobe, iengi koto ate monga moto adjambane. 15 Moto ongo okomogemeiya inde atigue, ase akondje mokalo molibela. 16 Laate Mwengei abalali moki ngbii, ahekelia mana onde moikima, laate moto okomogemeiya atigue, ase atote mokalo mo libela. 17 Laate Mwengei atimotomali monga monde la moki laate asambese mokili, ase laate moki mokale la kole ende. 18 Ongo omogemei, atisambesana, ase ongo otigemeiyaka, asambesaniga laate atigemeiye la kombo e monga moikima o Mwengei. 19 Dhenga osambesani wonde: Ngbai edjaali la moki, wato wabali molili te ngbai, laate mamungwene mawu madjei mbe. 20 Laate moto ongo okokelaka obe, atoni ngbai, atidja atie ngbai, la owangi ate sambo djande itienene saa. 21 Ase ongo okokelaka ndenge ewongi la omeemene, akodja atie ngbai, laate sambo djande ienene, akokelaka eho la kole e Mwengei.'' 22 Mbuse eho, Yesu atingali la watutiani wande, akia la Yudea; ayabatali ongo mongindji la iwo, adjaakali opatesi. 23 Yoani koto adjaakali opatesi la Enona ahue e Salimi; la ebili, ongo malia madjaakali masungu, wato wadjaakali oki ototi patisa. 24 Ango wamohelakiyo Yoani la woyogo. 25 Ondungbiani eumali la watutiani wa Yoani la Wayuda la loyi e oyalangesi. 26 Wakia atie Yoani, wamoaselia, ''Moinyei, ongo odjaaki ino la inde ongo la malia ma Yolodana ongo ototolali owo la kole ende, dhenda, akopatesaka, wato kpaa wakokeeke atie ende.'' 27 Yoani aasia, ''Moto aengi okondji ndji enge emohekelani ongo likolo.'' 28 Ino amene odjeini wa demo wa mbai, easi mbai, ''Mbai iti Kilisito, ase mbai itomanali liwoso lande. 29 Ongo odjei memene moli, edjei inde motopele. Ase manango o motopele, ongo oyamali ango akomolambelaka, adjei la mwemu mosungu ango ekookaka inde moli e motopele. Enge edjei mwemu mo mbai, mungo motumi. 30 Eengi inde atele, ase mbai iwongwe sese. 31 Ongo odji likolo, inde adjei likolo e wato kpaa. Ongo odjei la mbume, adjei ndjii ombume, akoasa koto ndji sambo dja mbume. Ongo odji likolo, adjei lokolo e wato kpaa. 32 Inde akototola djinge ieni inde la ioki inde, litotoli lande moto te mokikima abaliti. 33 Ongo oyambi litotoli lande, inde nde ososoli ate Mwengei adjei olamu. 34 Laate ongo omotomi Mwengei akoasa wingbundu wa Mwengei, la ebili ate Mwengei amohekeli elimo eti la gboo. 35 Sango amobali monga, ahekeli sambo kpaa la mawo mande. 36 Ongo omogemei monga, akondjiga mokalo mo libela, ase limemu la Mwengei liti likolo lande.''
Chapter 4

1 Ango likumu aokia ndenge Wapalisao waewali ate akopatesaka watutiani ngbii omoyeti Yaoni. 2 Ndjongo, Yesu atidjaakali opatesi inde amene, ase watutiani wande nde wadjaakali okeli, 3 alongwali la Yudea, awongoiya la Galilea. 4 Ase ango eongoli ate akpande la Samalia, 5 aumali la gbata e Samalia, enge ewalani Sikale, ahue e elanga e Yakobo enge emohali inde monga monde Edjepu. 6 Ongo edjaali la likaka e Yakobo. Yesu, agenakolali la okendo, ayabatali la litokele e likaka. Edjaali engele e motoba . 7 Moli mwesi Mosamalia adjaali otuki malia, Yesu aasia la inde, ''Hekele mbai malia makengake makengake.'' 8 Ango watutiani wande wakeeli la gbata osombi ilaka. 9 Ongo moli Mosamalia aasia la inde, Nda ndenge owo, odjei Moyuda, okoongoko mbai malia makengake, mbai moli Mosamalia?'' Wayuda watiokanaka la Wasamalia. 10 Yesu amowongoselia, ''Inga owe oewaki likao e Mwengei koto ndai ongo okoaselaka ate, 'Pekele mbai malia makengake, eengaki la owe amene omoongi malia makengake, aengaki oohekeli malia ma mokalo.'' 11 Moli oho amoaselia, ''Likumu, owe otii la ema etukelake, likaka koto li lindji. Eni ekotota owe malia maho ma mokalo? 12 Owe omoyeti sangbasu Yakobo, onge inde amene koto akengali malia maho, la wana wande koto la wameeme wande?'' 13 Yesu amoongoselia, ''Moto ongo okokenga ehele malia ndjo, akooka alidji ehoha, 14 ase ongo okokenga malia mango makomoha mbai, atioka kine ehoha, malia mango makomoha mbai ekouma atie inde moto mo malia mango makohumbaka tee la mokalo mo libela.'' 15 Moli amoaselia, ''Likumu, pekele mbaii mango malia, laate itidjee kine la ehoha, koto itidjake kine otuki malia ahala.'' 16 Yesu amoaselia, ''Kekee, mowela molome o owe, koto owongwe alidjii ahala.'' 17 Ongo moli aasia, ''Mbai iti la molome,'' Yesu aasia la inde, '' oasi olamu ate, 'iti la molomo.'' 18 Laate odjaali la pele itano, molome ongo edjei owo la inde sikandjo ati molome e owe. Ndjongo oasi meemene.'' 19 Moli aasia la inde, ''Likumu, ieni ate odjei motiesakoli.'' 20 Watata wasu wayakongali la mu mokoli, ase owo oasia ate ebete enge eyakongake edjei la Yelusalema. 21 Yesu aasia la inde, ''Gemeiya mbai, engele egeleli, enge etidjaa kine la mou mokili te la Yelusalema ate okomoganani wawa. 22 Ino okoyakongakani la enge eyewiti ino. Iso, tokoyakongaka la enge eyewi iso, laate mokalo modji la Wayuda. 23 Engele egeleli, koto edjiga, ongo wayakongi walamu, wakoyakonga la wawa la elimo koto la omeemene, laate idjei iwo wayakongi wango wawa akowalukaka. 24 Mwengei adjei elimo, ewongi la wango wakoyakongaka la inde, wayakonge la inde la elimo koto la omeemene.'' 25 Moli aasia la inde, ''Iewi ate Masia akodjaa, (ongo omoweli iwo Kilisito). Ango ekodja inde, akotoasela sambo kpaa.'' 26 Yesu aasia la inde, ''Edjei mbai, ongo okoasaka owe.'' 27 Ongo likolo eumali watutiani wande. Wakamwali la wungo wosololaki inde la ongo moli. La djinge kpaa, te mokikima aasiti ate, ''Akomohuelaka nde?'' Inga, ''Woni akosolalaka la inde?'' 28 Mbuse eho moli atikia ekoko ende, akia ongo la moki, koto aasia la wato, 29 djaakani imoeneni moto ongo okusoli sambo kpaa ikelali mbai. Etidjaa Masia?'' 30 Wakolongoiya la moki koto wakia atie inde. 31 La enge engele djongo, watutiani wamogogali, wadjaali oasi, ''Rabbi, laka.'' 32 Aasia la iwo, '' Mbai idjei la ilaka winge wiewiti ino. 33 Watutiani wapotali oyahueli iwo la iwo, ''Moto moesi nde amodjeeli ilaka?'' 34 Yesu aasia la iwo, ''Ilaka wa mbai edjei ikele mwano e ongo otomi mbai, iengese koto wotomo wonde. 35 Otiaseni ate etikali ndebo inei la obuki pukapuka? Iyoaselini, djambani maiso, dhendani elanga, etaniga la obuki pukapuka. 36 Ongo okobuka pukapuka, akotota liputi, koto akoyisa pukapuka la loyi e mokalo mo libela, laate la ongo ooni koto la ongo obuki maemele mongindji. 37 Laate enge engbundu edjei meemene, 'Ongo okoona, la ongo okobuka.' 38 Iotomini okabuki pukapuka djinge itiongalini ino otomo. Wadji wakelali otomo, koto ino olingelalini la otomo wou.'' 39 Ngbii e Wasamalia e enge gbata wamogemeiyali Yesu la sambo djinge iyasali ongo moli, ''Andjaseli mbai, djinge kpaa ikelali mbai.'' 40 Ango, wasamalia wadjaali ogbotoni la inde, wayakongia ate ayabate la iwo. Ayabatia la iwo masio maale. 41 Motango mosumo mo wato wagemeiyali la loyi e wingbundu wa Yesu, 42 waasia koto la ongo moli, ''Eeti kine sa la enge easi owe nde togemei, laate tomooki la matoyi masu amene, toewi koto ate adjei Masia, mokalesi mo moki.'' 43 Mbuse e masio maale, Yesu alongoiya ongo la okii la Galilea. 44 Laate Yesu aasali inde amene ate watimogemeiyaka motiesakoli la moki monde. 45 Ango eumia inde la Galilea, wayambanali la Wagalilea wango waeneli djinge ikelali inde la Yelusalemama ongo la yenga, Laate iwo koto wakeeli ongo la yenga. 46 go ewongoiya inde la Kanana e Galilea, ongo ekukolali inde malia maana. Edjaali la kapelanauma, motuke mosungu o likumu e likumu, monga monde adjaali la ekoni. 47 Ango eokia inde ate Yesu aumia la Yudea la Galilea, akia atie inde, amoongia ayadjimbe la inde okamokalesi monga monde, laate adjaakali ahue e logo. 48 Yesu aasia la inde, '' Inga otieneke wilembo koto wikamweseli, oengiti ogemei. 49 Motuke mosungo o likumu amoaselia, ''Likumu djaka liwoso ate monga mo mbai agwe. 50 Yesu amoaselia, ''Keke, mana owe adjei la mokalo.'' Ongo moto agameiyali engbundu enge e moaselali Yesu, ahelia mboka koto. 51 Edjaaki inde owongoyi, ango tuke djande adjaali ogbotoni la inde, wamoaselia ate, ''Monga mo owe adjei la mokalo.'' 52 Awahuelia nda engele eumali inde olamu, wamoaseliaa: kolokolo, la engele e sambo nde misa mimodheeli. 53 Wawa ayewia ate edjaali ndji enge engele nde Yesu aasali la inda ate, ''Monga mo owe adjei la mokalo.'' Agemeiyali, inde la liemba lande. 54 Yesu akelia mbala e wale ekamwiseli mbuse e owongoyi wonde la Galilea.
Chapter 5

1 Mbuse eho, edjaali la yenga e Wayuda, Yesu koto akeeli la Yelusalelema. 2 Kaikoase la Yelusalema, ahue e moluhe mo wameeme, edjaali la likaka liesi enge ewalani la ebele ate Betesada, enge edjaali la wipumbeli itano. 3 Sese e wipumbeli, wato wa wikoni ngbii walangalali, wango wagui maiso, wango wakotengwaka, wango wagwi makolo. Wadjaakali olambeli ondungbiakani e malia. 4 Laate ahumbwa adjaaki oyadjimbi la engele, moto o poo ongo okoyadjimba la malia, mbuse e ondungbakani eho, adjaakali okali, inga edjaa te nda ekoni. 5 Moto moesi adjaakali ongo, ongo oumwali la ekoni ende, wilanga toku isato la mwambi. 6 Ango Yesu amoenia ongo moto alangali, nda eyewali inde ate aetesiga wiengele ngbii la ekoni, Yesu aasali la inde ate, ''Obali mokalo?'' 7 Moto o ekoni awongosia, ''Likumu, iti la moto ongo okolumba mbai la likaka inga malia mandungbakana, ase engele ekodjaaka mbai, odji moto ayadjimbiga liwoso la mbai.'' 8 Yesu aasali la inde ate, ''Amala, tota litoko la owe, koto somba.'' 9 Mbala kikima ongo moto akalali, atotia litoko lande, apotali osombi. 10 Ndjongo Wayuda wadjaakali oasi la moto ongo okalali la ekoni ate, ''Edjei sabata, etekisani okpali litoko. 11 Awawongeselali ate, ''Moto ongo kalesi mbai aasi la mbai ate, 'Tota litoko la owe koto somba.''' 12 Wamohuelali ate, ''Ndai moto ongo oaseli ate, 'Tota eho koto somba?'' 13 Moto ongo okali la ekoni atiewali inga edjei ndai, laate Yesu alongwali ango, la loyi e ngbii e wato wango wadjaali la ebete eho. 14 Mbuse e sambo djaho, Yesu omogbotali ndondo e tepelo, amoaselia ate, ''Dhenda, okaliga, otikele kine lisumu aleeti, laate loyi teeti e mbe etiowume.'' 15 Moto oho akeeli, awaaselali Wayuda ate, edjei Yesu nde moto omokalesi. 16 La loyi luho, Wayuda wapotali omoenesi Yesu odjidji, laate adjaaki okeli sambo djaho wuse wo sabata. 17 Yesu awawongoselali ate, ''Wawa o mbai akokelaka tee sikandjo, mbai koto ikokelaka.'' 18 La wungo loyi nde Wayuda walukali ate wamole, laate adjaakali ndji obuki sabata, ase adjaali o moweli Mwengei sango, la ndenge eho ayaengesali la Mwengei. 19 Yesu awawongoselia ate, ''La omeemene, la omeemene ikoasaka la ino, mana aengiti okeli loyi te loikima la ndenge ende amene, ase ndji enge wawa akokelaka. Djinge kpaa wawa akokelaka, mana koto akokela ndji ndenge kikima. 20 Laate wawa amobali mana, akomoinyaka djinge kpaa inde amene akokelaka, akomoinya koto tomo sungu sungu oeti ehele, laate okamweni. 21 Laate, ndji ndenge wawa akobasesaka wagui, akohekeleke koto mokalo, mana koto akohaaka mokalo la moto ongo omobali inde. 22 Wawa atimosambasaka moto, ase ahekeli esambeseli kpaa atie monga monde. 23 Laate wato kpaa wamogane mana, nda ekomoganaka iwo wawa. Ongo otimoganaka mana, atimoganaka koto wawa ongo omotomali inde. 24 La omeemene, la omeemene, iyoaselini, ongo okooka engbudnu e mbai, amogemeiya koto ongo otomi mbai, adjei la mokalo mo libela. Atisambesana, ase alongoyi la logo aumia la mokalo. 25 La omeemene, la omeemene, ikoaselaka ino, engele egelesi, eumiga koto, ongo wagui wakooka moli mo mana o Mwengei, wango wamookali wakokala. 26 Laate ndji ndenge wawa adjei la mokalo ndondo e inde amene, ndenge kikima koto amohekeli mana onde mboka e odjei la mokalo ndondo e inde amene, 27 amohekeli koto okumu esambesake, laate adjei monga moto. 28 Otikamweni la loyi loho, la ebili ate engele egeleli, enge wango kpaa wadjei la mbila wakooka moli monde 29 wakopumba: Wango wakelali olamu, wakobasa la kole e mokalo, ase wango wakelali obee iwo wakobasa laate wasambesane. 30 Mbai iengiti okeli loyi te likikima la mamungo ma mbai amene, ndji ndenge ekookaka mbai, ndenge koto ekosambesaka mbai, osambesi koto ekosambesaka mbai edjei meemene, laate itilukaka mwano mo mbai amene, ase mwano e moto ongo otomi mbai. 31 Inga mbai amene ekohekeleke litotoli la mbai amene, litotoli la mbai eti e meemene. 32 Moto odji nde akohekeleke litotoli la loyi lo mbai, iewi koto ate litotoli linge likohekeleke inde la loyi e mbai lidjei meemene. 33 Otomalini wato atie Yoani, inde ahekeleli litotoli la loyi e omeemene. 34 Ase mbai itibalaka litotoli linge lilongoyi atie moto, ase ikoasaka djii sambo laate ino okaleni. 35 Yoani adjaali lotambe mungo mokololaka koto mokongalaka, obalalini oemeli la ngbai eho engele keke. 36 Mbai idjei la litotoli linge lieti litotoli la Yoani, laate tomo djinge Wawa o mbai ahaali mbai ikele, tomo djinge ikokelaka mbai, ekohaaka litotoli la kole e mbai ate Wawa atomali mbai. 37 Wawa atomi mbai, inde amene ahekeli litiotoli la kole e mbai. Otiokakiyoni moli monde te mbala kikima, oenekiyoni koto mbanda ende. 38 Engbundu ende eyabatiti ndondo e ino, la ebili ate otigemeiyakani moto ongo omotomi inde. 39 Okoluka lukakani ndondo e madhingo, laate okomungwakani ate la mboka e eho, okototani mokalo mo libela, eho koto nde ekohaaka litotoli la kole e mbai, 40 inga te ndjongo obalitini odji atie mbai laate ototeni mokalo. 41 Mbai itigemeiyaka otwa wungo wolongoyi la wato, 42 ase iewi ate ino atini la libalano e Mwengei ndondo e ino amene. 43 Mbai idji la kombo e Wawa o mbai, ase otiambakani mbai, inga moto odji adjaaki la kombo e ende amene, nda omoyambini. 44 Nda denge ekoengani ino ogemei, ango okoyambakani otwa wungu okohekelenekeni ino la ino, otilukakani koto otwa wungo wolongoyi atie Mwengei? 45 Otimungweni ate ikookambani atie Wawa. Moto ongo okookambani edjei Moize, ongo omobatelini ino motema. 46 Inga ino omogemeiyalini Moize, oengalini ogemei mbai, la ebili ate inde adhingali sambo djinge idhengi mbai. 47 Inga otigemeiyakani madhingo mande, okogemeiyani wingbundu wa mbai nda ndenge?
Chapter 6

1 Mbuse e djinge sambo, Yesu akeeli ngambo eeti e ligbutu e Galilea, inga ligbutu la Tibelia. 2 Wato ngbii wa mobilia; laate weeneli wikamwiseli wenge wekelali inde likolo e wato wa wikoni. 3 Yesu atelia likolo la mokoli, ayabatia iwo la watutiani wande. 4 (Kaikoase, pasika, yenga e Wayuda eumali ahue.) 5 Ango edjambia Yesu maiso likolo, aenia wato ngbii wadjia atie inde. Aasia la Pilipo, ''Eni ekosomba iso makoke laate wa wato walake?'' 6 (Aasali ndjongo la owameki, laate inde amene ayewali enge eengali inde okeli.) 7 Pilipo amowongoselia ate, ''Makoke e wambele kama iwale matienga laate moto mwesi atote te ma esuki.'' 8 Mwesi e watutiani wande, Andele, manango o Simoni Petele, aasia la Yesu, 9 ''Edjei la elenge mwesi opele adjei la makoke matano, la suu iwale, ase djinge ikokela woni la wa wato ngbii?" 10 Yesu asia, ''Wabatesani wango wato.'' Edjaali la isoki ngbii la ebete eho. Wayabatia mine, wadjaaali motango inga koto itano e pele. 11 Yesu atotia makoke amohia Mwengei pambo, akawolia la watutiani, wahekelia la wango wadjaaki ango, awahekelia koto suu ndenge ebalali iwo. 12 Ango egbetali iwo, aasia la watutiani, ''Ononi wisuki kpaa winge witikali laate teeti etiwunge.'' 13 Waonia kpaa, watumesia midjangi liomo la iwale e wisuki winge witikalali mbuse e olaki. 14 Ango eeneli wango wato winge wilembo wikamuake djinge ikeleli Yesu, waasali ate, ''Oholo moto adjei meemene motiesakoli ongo odji la moki. 15 Ango eyewali Yesu ate wapotali omodjambi laate wamobate likumu, alongoiya alidji la mokili inde amene. 16 Ango eumia pokwa, watutiani wande wayadjimbia la ligbutu. 17 Watelia waato la okpandi ligbutu ate wake la Kapelanauma. La enge engele likolo liliali, Yesu atidjaaliyo atie ewu. 18 Ehoho esungu, ehohia la oteteli, ligbutu lindungbakanali. 19 Ango elukali iwo inga wakilometele itano inga motoba, wamoenia Yesu akosombaka likolo e malia adjaaki oyandongbi la waato, iwo wawangia. 20 Ase Yesu awaaselia, ''Edjei mbai, otiwangeni.'' 21 Walukaka ate wamotelese la waato, etiumuali kine wato eumali ebete edjaaki iwo oki. 22 Ekundu eho, ngbii e wango watikalali ngambo eeti e ligbutu waenia ate edjaakali ango sa waato eesi, koto Yesu atitelali ndondo mongindji la watutiani wande, ase ate akeeli inde amene. 23 Maato mango malongwali Tibeliasi eumali ahue e ebete elakali iwo makoke mbuse e Likumu oongosi pambo. 24 Wato waenia ate te Yesu te watutiani wande watidjaali ango, watelali maato wakia la Kapelanauma okamoluki Yesu. 25 Wakamogbotia ngambo eeti e ligbutu, wamoaselia, ''Rabbi, nda engele eumi owe ala?'' 26 Yesu aasia la iwo, ''La omeemene, la omeemene, iyasi la ino, otilukakani mbai laate oenelini wilembo, ase laate olakalini okoke, koto ogbetalini. 27 Kelani otomo, etidjee la kole e wilaka winge wikobitanaka, ase la wilaka winge wikoumuaka la kole e mokalo mo libela, enge manga moto akohekeleni ino, laate inde nde Wawa Mwengei abati elembo ate amogemei inde.'' 28 Wamoaselali ate, ''Tokele woni la oengesi tomo dja Mwengei?'' 29 Yesu aasia la iwo ate, ''Otomo wo Mwengei edjei nde omogemei ongo omotomali inde.'' 30 Wamoaselia ate, ''Nda wilembo wikwamuake wikokelaka owe, laate toene eho koto toogemeiye? Nda otomo okokelaka owo? 31 Watata wasu walakali mana la esobe, ndenge edhingana, 'Ahali iwo okoke wungo wolongoyi likolo laate walake.''' 32 Yesu awaaselia, ''La omeemene, la omeeme, iyaasi la inde, etidjaali Moize nde aohalini okoke wungo wolongoyi likolo, ase edjei wawa o mbai nde ahekelini okoke wo meemene enge elongoyi likolo. 33 Eho lenge, okoke wo Mwengei, edjei ongo oyadjimbi la likolo, akohaka mokalo la moki. 34 Waasia la inde alidji, ''Likumu, tohekele iso enge okoke engele kpaa.'' 35 Yesu awaaselia, ''Mbai nde idjei okoke o mokalo. Ongo okodja atie mbai atidjaa kine la gbutu, koto ongo okogemeiya mbai atioka kine ehoha. 36 Ase, iyaasi la ino, oenini mbai, otigemeiyakani. 37 Wango kpaa wahekeli wawa mbai wakodjaa atie mbai, itiwumba koto la ongo odjii atie mbai. 38 Laate, iyadjimbali la likolo te la okeli mwano mo mbai, ase mwano mo ongo otomali mbai. 39 Kaikoase, mwano mo ongo otomali mbai, edjei ate, itiwungese te mwesi e wango inde ahekeli mbai, ase iwabasese wuse wo gboo. 40 Mwano mo wawa, edjei ate, moto kpaa ongo omoeni monga, amogemeiya koto, akondje mokalo mo libela, mbai ikomobasesa wuse wo gboo.'' 41 Wayuda wandugwanali la loyi lande, laate aasali ate, ''Idjei okoke wungo wolongoyi likolo.'' 42 Waasali ate, ''Te indeYesu, monga Edjepu, ongo omoewi iso sango la nango? Nda ndenge eyasia inde ate, 'Ilongoyi likolo?'' 43 Yesu awaongoselia ate, ''Otindungwaneni ino amene.'' 44 Moto tueti atienga odjii atie mbai inga atitomane la Wawa, mbai ikomobasesa wuse wo gboo. 45 Edhingani la watiesakolo ate, ''Iwo kpaa wakotiesakolana la Mwengei, moto kpaa ongo ooki sambo djinge ilongoyi atie Wawa, koto ayekolia, akodja atie mbai. 46 Moto te moikima amoeniti Wawa, olongwesi ndji ongo odji atie Mwengei, inde, omoeni Wawa. 47 La omeemene la omeemene, iyaasi la ino, ongo okogemeiya mbai, akondji mokalo mo libela. 48 Idjei okoke e mokalo. 49 Watata wanu walakali mana la esobe, waguali iwo kpaa. 50 Ehele edjei okoke enge elongoyi likolo, laate ongo okolaka eho, atigwe koto. 51 Idjei okoke e mokalo enge edjii likolo. inga moto alaka enge okoke, akodja la mokalo libela. Okoke enge ekoha mbai, edjei wenge wa mbai, enge ekoha mbai la mokalo mo moki.'' 52 Ongo likolo, Wayuda wadjaakali okokiani iwo amene, waasali ate, ''Nda ndenge oholo moto aengi otohi iso wenge wande ate tolake?'' 53 Yesu aasia la iwo ate, ''La omeemene, la omeemene, iyaasi la ino, inga otilakeni wenge e monga moto, koto inga otikengeni makila mande, otini la mokalo ndondo enu. 54 Ongo okolaka wenge wa mbai koto okenga makila ma mbai adjei la mokalo mo libela, mbai ikomobasesa wuse wo gboo. 55 Laate wenge wa mbai edjei nde ilaka, koto makila ma mbai edjei ema ekengake. 56 Ongo okolaka wenge wa mbai , koto okenga makila ma mbai akoumwa la liboleyani mongindji la mbai, mbai koto la liboleyani mongindji la inde. 57 Ndji ndenge wawa ongo odjei la mokalo atomi mbai, mbai koto idjei la mokalo la kole e Wawa, moto ongo okolakaka mbai, moto oho akodja la mokalo la kole e mbai. 58 Ehele edjei okoke enge elongoyi likolo, eti nda mana mango watata wanu walakali, iwo kpaa waguali. Ase ongo okolaka ehele okoke akodjaa la mokalo libela. 59 Yesu aasali sambo djaho ango edjaakali inde otiesakoli la sinagoga e Kapelanauma. 60 Mbuse e omooki, ngbii e watutiani wande waasali ate, ''Lu loyi eteteli; ndai okooka eho?'' 61 Yesu aewali ate watutiani wande wakondunguana la lu loyi, Aasali la iwo ate, ''Osakelini la loyi luho? 62 Inga omoeneni monga moto atelia ongo edjaakali inde liwoso? 63 Elimo nde ekokalesaka; wenge eti la kole teeti. Wingbundu winge wiasi mbai la ino edjei elimo koto edjei mokalo. 64 Ase wadji ndondo enu watigemeiyaka.'' Laate tee la lipotele Yesu aewali wa ndai wango watigemeiyaka, koto ndai ongo okomotamba. 65 Aseko ataleya alidji, '' Eho lenge iyasali la ino ate: Moto tueti aengiti odji atie mbai inga Wawa atimohekele mboka.'' 66 Ndji la enge engele, ngbii e watutiani wayagulia, wadheiya osombi la inde. 67 Yesu aasia la walimu la waale, ''Ino koto, obalitini okii?'' 68 Simoni Petele amowongoselali, ''Likumu, iso tokee atie ndai? Owe nde odjei la wingbundu e mokalo mo libela, 69 iso koto togemeiga, toewi koto ate owe odjei Mosatu e Mwengei.'' 70 Yesu awawongoselia, ''Itionalini ino liomu la waale? Mwesi ndondo enu adjei djabulu.'' 71 Adjaakali oasi la Yuda monga Simoni Mokeliota, laate inde moto abalali omotambi Yesu, inga te ate adjaali mwesi o watutiani liomu la waale.
Chapter 7

1 Mbuse e sambo djaho, Yesu adjaakali ndji osombi la Galilea, la ebili ate atibalali owumi la Yudea, laate Wayuda walukakali ate wamoole. 2 Kaikoase, yenga e Wayuda, yenga e masambo, edjaali ahue. 3 Wamanango wamoaselia ate, ''Longwa ahala, keke la Yudea, laate watutiani wa owe waene koto tomo ngbii ikokelaka owe. 4 Moto tueti atikelaka sambo la oyaisi inga akolukaka oewani la hoho . Nda ekokelaka owe dji sambo, yainya la moki.'' 5 Laate wamaanango watidjaakali omogei inde. 6 Yesu aasia la iwo, engele e mbai eengakiyo, ase engele e ino edjei kpaa. 7 Moki oengiti o otonini, ase ekotonaka mbai laate ikototoloko ate tomo djande idjei mbe. 8 Ino telani la yenga; mbai itelakiyo la yenga eho, laate engele e mbai eengakiyo pendja.'' 9 Mbuse e owaaseli ndjongo ayadjimbia la Galilea. 10 Ango wamanango watelali la yenga, inde amene atelali mbuse, te la hoho ase la oyaisi. 11 Wayuda wamolukia ongo la yenga la oasi koto ate, ''Adjei eni?'' 12 Ndondo e ngbii e wato, wadjaakali osololi sese sese la loyi wonde. Wadji wadjaakali oasi ate, ''Te ndjongo, akowungesaka wato ngbii mboka.'' 13 Moto tueti atidjaakali oasi la hoho loyi wonde, laate wadjaakali owangi Wayuda. 14 Ango eumia yenga awodja, Yesu atelia la tepelo apotali otiesakoli. 15 Waayuda wakamwali, waasia, ''Woni ekoewaka inde madhingo, inde moto otangiti?'' 16 Yesu aasia la iwo ate, ''Mateya ma mbai malongoiti atie mbai, ase atie ongo otomi mbai. 17 Inga moto akokelaka mwano mo Mwengei, akoewa inga mateya ma mbai malongoyi atie Mwengei, inga ikoasaka sambo djinge ikolongwaka atie mbai amene. 18 Moto ongo okoasaka sambo djinge ilongoyi atie inde amene, akolukaka otwa wonde amene, ase moto ongo okolukaka otwa e moto ongo omotomi inde, moto oho akoasaka meemene, koto odjangi sambo ndamu eti ndondo ende. 19 Moize atihekelalini ino pui? Ase moto tueti ndondo enu akotemeiyaka pui. Ndjoni okolukakani ondjoli mbai? 20 ngbii e wango wato wawongosia ate, ''Owe odjei djabulu. wandai wakoolukaka ooli?'' 21 Yesu awaongoselia ate, ''Ikeli sa loyi loikima, ino kpaa okamweiyani. 22 Moize aohekelalini otenani kombeni, (etidjaali ate elongoyi atie Moize, ase elongwali la watata), ino okotenakani wato kombeni wuse wo sabata. 23 Inga moto akotenanaka kombeni wuse wo sabata laate pui e Moize etibukiye, lande ino okwamalekani mbai la ebili ate imokalesi moto wuse wo sabata? 24 Oisambesakeni la otutei enge ekoeneneke, ase sambesani la omeemene.'' 25 Wadji ndondo e wango wakoyabataka la Yelusalema wapotali oasi ate, '' Te oholo moto nde wakomolukaka o mooli? 26 Dhenda, akoasaka liwoso la wato, watiasaka koto la inde te loyi. Ase makumu wamoewi ate adjei Kilisito? 27 Iso tuewi ebete elongoyi oholo moto, kaikoase engele Kilisito akodja, moto tueti atiewa ebete elongoyi inde.'' 28 Yesu atiesakolali la tepelo. Apamia, ''Ino ondjewini mbai, oewini koto ongo odji mbai. Alidji, idjiti la ndenge e mbai amene, ase ongo otomi mbai adjei pendja, ino omoewitini. 29 Mbai imoewi, laate idji atie inde, koto inde moto otomali mbai.'' 30 Walukali omoheli, ase moto te mokikima ayimopotoli, la ebili ate engele e inde etiengali. 31 Ngbii ndondo e wato waho wamogemeiyali, wapotali oasi koto ate, '' Ango ekodja Kilisito, akokela wikamwiseli oyeti wi wikeli oholo moto?'' 32 Wapaliseo waokali ngbii e wango wato wakondunganaka la sambo djaho, koto wanganga-Mwengei makumu la Wapaliseo watomali sindjili laate wamohele. 33 Yesu aasia, ''Idjeiyo la ino engele ekeke, ase ikoke atie ango otomali mbai. 34 Okolukelekeni mbai; otindjene kineni mbai, ongo ekodjaa mbai, ino otiumani ongo.'' 35 Wayuda waayaaselia iwo amene, ''Eni ekokee inde laate totimoene? Akokee atie wango wayandji aatie Wageleki, la otiesakoli koto Wageleki? 36 Einyei nde wu loyi woasi inde ate, ''Okolukani mbai, otidjeneni mbai, ongo ekodjaa mbai, otiumani ongo?'' 37 Wuse wo gboo, wuse wosungu wo yenga, Yesu ayamalia, apamia, ''Inga moto aoka ehoha e malia adje atie mbai, akokenga. 38 Ongo okogemeiya mbai, wiwale e malia e mokalo mikohumba atie inde, nda easi midhingo.'' 39 Ase aasali ndjingo la loyi e elimo enge wango wamogemeiyali wakotota. Laate la enge engele, elimo etidjaakiyo, la ebili ate Yesu atitotaliyo otwa. 40 Mbuse e ooki djinge wingbundu, ngbii ndondo e wango wato ngbii waasali, ''Oholo moto adjei motiesakoli.'' 41 Wadji waasali, ''Adjei Kilisito. Wadji waasali, ''Edjeiyo la Galilea nde ekodja Kilisito? 42 Madhingo matiase ate, Kilisito akopumba la litoto e Davidi, koto la moki mo Betelema ongo edjaakali Davidi ayabati?'' 43 Okawani olingelali ndondo e wango wato ngbii la kole ende. 44 Wadji ndondo ewu walukali nda omoheli, ase moto toeti atimopotoli. 45 Wasindjili waongwali atie wanganga-Mwengei makumu la Wapaliseo, wawaaselia, ''Woni otimoheleni?'' 46 Wasindjili waongosia, ''Moto toeti aasala nda oholo moto.'' 47 Wapalisao wawaongoselia, ''Ino koto owungesanini mboka? 48 Moesi e makumu inga e Wapaliseo amogemeiyi koto? 49 Ase ngbii e wango wato watiewali pui, wadjaali wato wawabumakoli.'' 50 Nikodeme ( ongo odjaali la likolo atie Yesu, koto ongo odjaali mwesi ndondo ewu) aasali ate, 51 pui djasu ikomohelaka moto liwosoyo emooke, inga koto etiewe enge ekeli nde?'' 52 Wamowongoselia ate, ''Owe koto olongoyi la Galilea? Luka laate oene ate te motiesakoli moikima awongiti opumbi la Galilea. 53 Moto la moto awongoyia atie inde.
Chapter 8

1 Yesu okeeli la mokoli mo Oliba. 2 Ndji boo, awongoiya alidji la tepelo, wato kpaa wadjia atie ende; ayabatia apotia owatiesakoli. 3 Wiloko la Wapalisao wadjaali la moli omogboti iwo akokelaka eteba. Wamoamalesia awodja e wato ngbii. 4 Wamoaselia Yesu, ''Moinyei, oholo moli tomoheli akokelaka eteba. 5 Moize ndondo e pui, ahekeli iso mboka obingi mabukeli la ndenge e wa wali. Owe oasi woni?'' 6 Waasali djongo la omomeki, laate waluke ndenge e omokambi. Ase Yesu ayaimbia, apotali odhingi la moseyi la mbume. 7 Ango edjaaki iwo ndji omohueli, Yesu ayamalia, awaaselia, ''Moto ongo ndondo enu odjangi lisumu, amobinge moto o poo libukeli. 8 Ayaimbia mbala edji, awongwanelia odhingi. 9 Ango eokia iwo ndjongo, wapundanali la mamungwene mawu, wapotali opumbi mwesi mbuse e odji, opoti ongo odjei eloko tee la elenge o gbo; Yesu atikalali inde moikima la moli ongo odjaaki awodja. 10 Ango eyamalia inde, amoenyia ndji inde, amoaselia, ''Moli, eni wango waopundji? Moto te moikima atiohelese? 11 Awongosia, ''Moto te moikima, Likumu.'' Yesu amoaselia, ''Te mbai koto, itiohelesa koto, keke, otikele kine lisumu.'' 12 Yesu awaaselia alidji ate, ''Mbai idjei lotambe e moki; ongo okotutia mbai atisomba la molili, ase akodjaa la lotambe o mokalo.'' 13 Wapalisao waasia la inde, ''Owe okoyatotoloko owe amene, litotoli la owe eti olamu.'' 14 Yesu awaongoselia ate, ''Inga ikoasaka litotoli la mbai amene, litotoli la mbai lidjei lilamu. Laate iyewi enge songo edji mbai koto ongo ekokeeke mbai, ase ino, oewitini enge songo edji mbai koto ongo ekokeeke mbai. 15 Ino okosambesakani la ndenge e wenge; mbai itimosambesa moto. 16 Inga isambesa, osambesi o mbai edjei emeemene. laate iti mbai moikema, ase Wawa ongo otomi mbai adjei la mbai. 17 Edhingani la pui djanu ate litotoli e wato waale lidjei lilamu. 18 Ikohaka litotoli la mbai amene, koto Wawa ongo otomali mbai akototolaka la kole e mbai.'' 19 Waasia la inde, ''Eni edjei Sangwa?'' Yesu awongosia, ''Ino oewitini te mbai, te Wawa o mbai; inga oewakini mbai, nda omoewini koto Wawa. 20 Yesu aasali wingbundu waho la ebete eisake wihoo wa motio engele edjaaki inde otiesakoli la tepelo, ase moto te moikima atimohelali laate engele ende etiengali. 21 Aasali la iwo alidji, ''Mbai ikokeke, ino okolukani mbai, okogbaani la masumu manu. Ongo ekokeke mbai, ino otiengani oumi.'' 22 Wayuda wapotali oasi ate, ''Akoyaola inde amene? Laate aasi ate, ''Otiengani odji ebete ekokeke mbai?'' 23 Yesu aasali la iwo alidji, ''Ino odjeini wato wa mbume. Mbai, idjei moto o likolo. Ino odjeini wato wa mu moki; mbai, iti moto o mu moki. 24 Eho lenge iyasali la ino ate,''Okogbaani la masumu manu. Laate inga otigemeiyakani ate MBAI IDJEI, Okogbaani la masumu manu. 25 Wapotali oasi la inde ate, ''Owe ndai?'' Yesu awawongoselia, ''Enge eyaselini mbai ino la lipotele. 26 Idjei la sambo ngbii e aasake koto e sambesake la kole ino. Ase moto ongo otomi mbai, adjei olamu, enge eokali mbai atie inde, ikoasaka eho la moki. 27 Watihelali gbondo ate akoasaka la iwo la kole e Sango. 28 Yesu aasia la iwo, ''Ango ekomodjambani ino Monga Moto, okoewani ate mbai idjei inde, koto ate itikelaka loyi te kikima la mamungo ma mbai amene, ase ndji ndenge Wawa atiesakolali mbai, ndji ndenge ikoasaka dji sambo. 29 Moto ongo otomi mbai adjei mongindji la mbai, atitike mbai moikima, laate ikokelaka ndji wungo wokomoemelesaka. 30 Ndenge Yesu adjaaki oasi djongo wato ngbii wamogemeiyali. 31 Yesu aasali alidji la Wayuda wango wamogemeiyali ate, ''Inga otikalani ndondo e engbundu e mbai, okodjaani watutiani wa mbai.'' 32 Okoewani womeemene koto womeemene ekohekeleni ino lipanda. 33 Wamowongoselali, ''Iso todjei wana wa Abalayama, toumakiyo te wuse tuke dja moto. Woni ekoasaka owe ate, ''Okototani lipanda?'' 34 Yesu awawongoselali ate, ''La womeemene, iyasi la ino ate: Moto kpaa ongo okokelaka lisumu, adjei motuke mo lisumu. 35 Kaikoase motuke motiumwaka libela la monguta, mana nde akoumwaka libela. 36 Inga mana aohiani lipanda, okoumani la lipanda. 37 Iyewi ate odjeini wana wa Abalayama; ase okolukakani ondjoli mbai, laate engbundu e mbai wolingelitiaka atie enu. 38 Ikoasaka enge ema eeni mbai atie Wawa, koto ino okelakani mango maoki ino atie sangbanu.'' 39 Wamoaselia ate, ''Sagbasu edjei Abalayama. Yesu aasali la iwo ate, ''Inga odjeini wana wa Abalayama, nda okelini tomo dja Abalayama. 40 Ase okolukakani ate odjoleni mbai, moto ongo iyasi la ino meemene wungo wooki mbai atie Mwengei. Abalayama atikelali djongo. 41 Ino okelakani tomo dja sangbasu.'' Waasali la inde ate, ''Iso toti wana wa mese; todjei la sangbasu moikima: Mwengei.'' 42 Yesu aasali la iwo ate, ''Inga Mwengei adjaaki sangbanu, nda obanili mbai, laate ekalongoyi atie Mwengei, koto eho edjei mbai ahala, mbai koto idjiti la ndenge e mbai amene, ase inde moto otomi mbai. 43 Woni etiewakani ino easeli e mbai? Edjei laate oengitini ooki engbundu e mbai. 44 Ino olongoyini atie sangbanu etotana, obalini koto oengesi posa e sangbanu. Inde adjaakali mooli-mo wato ango epotali inde, atiahelelali koto la omeemene, laate womeemene woti ndondo ende. Engele ekoasaka inde moleho, akoasaka la otutei mamungo mande amene, laate adjei moto o moleho koto sango moleho. 45 Ase nda ekoasaka mbai ndji meemene, otigemeiyakani mbai. 46 Ndai ndondo enu akogemeiyesa mbai ate idjei la lisumu? Inga ikoasaka meemene, ndjoni otigemeiyakani ino mbai? 47 Moto ongo odjei o Mwengei, akookaka wingbundu wa Mwengei. Eho lenge ino otiokakani laate otini wa Mwengei.'' 48 Wayuda wamowongweselali ate, ''Totilonge ango easi iso ate odjei Mosamalia, koto ate odjei la djabulu?'' 49 Yesu awongwesali ate, ''Iti la djabulu; ase ikomoganaka Wawa o mbai, ino okosambwesaka mbai. 50 Mbai itilukaka otwa o mbai amene; edjei la moto mwesi ongo okolukaka koto akosambesaka. 51 La omeemene, la omeemene, ikoasaka la ino ate, inga moto akotemeiyaka engbundu e mbai, atiene logo te wuse.'' 52 Wayuda waasali la inde ate, ''Sikandjo toewi ate odjei la djabulu. Abalayama agwi, watiesakoli koto wagwi, ase owe oasia, ''Inga moto akotemeiyaka engbundu e mbai, atioka te lumba e logo.' 53 Owe omoyeti sangbasu Abalayama ongo ogwi? La watiesakoli wagwi. Owe odjei ndai?'' 54 Yesu awongwesali ate, '' Inga ikoyahaka otwa wo mbai amene, otwa wo mbai woti la kole. Wawa o mbai nde moto akohaka mbai otwa , inde ongo e aasi ino ate adjei Mwengei onu. 55 Kaikoase, omoewitini, inga iyasaki ate itimoewe, iengaki odjei moto o moleho nda edjei ino. Ase imoewi, ikotemeiyaka koto engbundu ende. 56 Abalayama, sagbanuu, atumali la mwemu ango emungwali inde oeni wuse wo mbai, aeneli atumali la mwemu.'' 57 Wayuda waasali la inde ate, ''Owe oengesakiyo wilanga tuku itano, ndjongo omoene Abalayama?'' 58 Yesu aasali la iwo ate, ''La omemene, la omeemene iyasi la ino ate, ''Liwoso ate Abalayama adjee, MBAI IDJAALI.'' 59 Waonoli mabukeli laate wamobinge, Yesu ayaisali, apumbali la tepelo.
Chapter 9

1 Ango edjaakali Yesu oeti, amoenia moto mwesi ogui maiso, tee owotani wonde. 2 Watutiani wande wamohuelali ate, ''Rabbi, ndai okelali lisumu, oholo moto ,inga wawoti wande, laate awotane la maiso magwi?'' 3 Yesu owongosia ate, ''Oholo moto akeliti lisumu, te koto wawoti wande, ase laate tomo dja Mwengei ienene la hoho atie inde. 4 Ewongi ate ikele tomo djande djinge itomali inde mbai ndjiyo wuse wodjei. Likolo ligeleli, moto toeti atienga kine okeli otomo. 5 Nda edjeiyo mbai la moki, idjei ngbai e moki.'' 6 Mbuse e oasi ndjongo, asua soi la mbume, anuya mbume la soi djaho, mbuse atotia djinge mbume amunolia mokpodho muho la maiso ma moto oho. 7 Aasali la inde ate, ''Keke oyakpole la elindo e Siloama'' (enge ekukolani ''Motomani''). Akeeli ayakpolali koto, awongwali ndji akoeneke. 8 Wiino wande koto la wango wamoeneli liwoso akoongoko, waasali ate, Eti ongo moto odjaakali oyabati akoongoko?'' 9 Weeti waasali ate, ''Edjei inde.'' wango weeti waasali ate, ''Te inde, aengani nde la inde.'' Moto oho aasali ate, ''Edjei mbai.'' 10 Waasali la inde ate, ''Nda ndenge maiso ma owe madhuhuani?'' 11 Awongosali ate, ''Ongo moto omoweli iwo Yesu akelali mateke la mbume, amunolali mbai la maiso, aasali la mbai ate, ''Kekee oyakpoli la siloama. Ndjongo ikeeli oyakpoli, ipotali oeni. 12 Waasali la inde ate, ''Eni moto oho?'' Awongosali ate ''Iyewiti.'' 13 Wakpalelali Wapalisao moto ongo odjaakali liwoso mogui maiso. 14 Kaikonde, wuse wungo Yesu akelali mateke e mbume, amodhuholali maiso, edjaakali wuse wo sabata. 15 Wapalisao wamohuelali la mbala ewu, nda ndenge eeneli inde. Awaaselali ate, ''Amunolali mateke la maiso ma mbai, iyakpolali, koto ikoeneke.'' 16 Weeti Wapalisao wapotali oasi ate, ''Oholo moto alongoyiti atie Mwengei, laate atitemeiyaka sabata. weeti waasali ate, ''Nda ndenge oholo moto adjei moto o masumu aengi okeli wilembo e ehele ndenge?'' Okawani elingelali ndondo ewu. 17 Wamoaselali moto ongo oguali maiso ate, ''Nda edhuholi inde owe maiso, oasi woni la loyi lande? Moto oho aasali ate, ''Adjei motiesakoli.'' 18 Wayuda watigemeiyali ate atiguali maiso koto aumali oeni, tee wawelali wawoti e moto oho ongo oumali oeni. 19 Wawahuelali ate, ''Oholo mana onu ongo easi ino ate awotani maiso magui? Nda ndenge ekoeneke inde sikalandjo?'' 20 Wawoti wande waongosali ate, ''Toewi ate adjei mana osu koto awotanali maiso magui.'' 21 Ase nda ndenge ekoeneke inde sika, nde toewiti, inga te ndai omodhuholi maiso, toewiti koto,mohuelani inde amene, adjei eloko moto. aengi oasi inde amene.'' 22 Wawoti wande waasali ndjongo la owangi Wayuda, laate wayuda waokanali ate inga moto aasa la hoho ate amoewi Yesu ate adjei Kilisito, waumbe la moto oho la sinagoga. 23 Eho lenge wawoti wande waasali ate, ''Adjei eloko moto. Mohuelani inde amene.'' 24 Wapalisao wawelali mbala ewale moto ongo ogwali maiso liwoso, waasali la inde ate,''Mohekele Mwengei otwa. Iso toewi ate moto oho adjei la masumu.'' 25 Awongosali ate, ''Inga adjei la masumu, mbai iyewiti. Loyi liesi linge liewi mbai edjei, ''Idjaakali moto ogwi maiso, ase sikandjo, ikoeneke.'' 26 Waasali la inde ate, ''Aokelali woni? nda ndenge aodhuholali owe maiso?'' 27 Awawongoselali ate, ''Iyoaseligani, ase otiokeni! Ndjoni ebalini ino ooki eho alidji? Ino koto okolukakani nde oumi watutiani wande?'' 28 Wamotangali iliko, waasali ate, ''Owe nde odjei motutiani monde, iso todjei watotiani wa Moize. 29 Iso toewi ate Mwengei aasali la Moize, ase ohongo moto, toewiti ebete elongoyi inde.'' 30 Moto oho awawongoselali ate, ''Ehele edjei loyi likamwesake, ate ino oewitini eni elongoyi inde, kaikoase adhuholi mbai maiso. 31 Toewi ate Mwengei atiokaka wato wamasumu, ase inga moto akomowangaka Mwengei koto akokelaka mwano monde, Mwengei akomookaka moto oho. 32 Tee la gala etiokanate te wuse ate moto mwesi adhuholi maiso la moto ongo owotani maiso magwi. 33 Inga ongo moto atidjake atie Mwengei nda atienge okelani ndjongo. 34 Wamowongeselali ate, ''Owe owotami kpaa ndondo e masumu, ase okototiesakolaka?'' Waumbali la inde. 35 Yesu aokia ate waumbali la inde la sinagoga. Ango agbotonoli la inde, amoaselia, ''Omogemei monga Mwengei?'' 36 Awongosali, ''Edjei ndai, Likumu, laate imogemeiye? 37 Yesu amoaselia, ''Omoeni, ongo okoaselaka, edjei inde.'' 38 Aasia, ''Igemei, Likumu.'' Amaiyali mauli liwoso lande. 39 Yesu amoaselia, ''Idji la moki la osambesi, laate wango weeniti, waene, koto wango wakoeneke waume wato wagwi maiso. 40 Weeti Wapalisao wango wadjaali la inde, ango eokali iwo ndjongo, wamoaselali, ''Iso koto todjei wagwi maiso?'' 41 Yesu awawongoselia, ''Inga ino odjaakini wato wango wagui maiso, nda otidjeeni la lisumu, ase sikandjo okoasakani ate, 'Tokoeneke,' lisumu lanu lidjeiyo.''
Chapter 10

1 ''La omeemene, la omeemne ikoasaka la ino, moto ongo otilingela la lopango e wameme la modhuhe muho, ase alingelia la ebete eeti, moto oho adjei iwa, koto mooli. 2 Ase moto ongo olingeli la modhuhe, adjei mobanyei mo meme. 3 Sindjili e modhuhe akomodhuhuela. Wameme wakookaka moli monde, akowelaka wameme wande la kombo, akoyakpala saa. 4 Ango epumbesia inde wango wande kpaa, akoeta liwoso ewu, wameme koto wakomotutia, laate waewi moli monde. 5 Watimotutia modjidji, ase wako motila lihele, laate waewiti moli mo wadjidji.'' 6 Yesu awaselia li lisekpe, ase watiewali inga sambo djinge ekoasaka inde la iwo einyei woni. 7 Yesu awaaselali alidji, ''La omeemene, la omeemene, iyoaselini, idjei modhuhe mo wameme. 8 Wango kpaa wadjaali liwoso la mbai wadjei waiwa koto waoli, ase wameme watiwaokali. 9 Mbai idjei modhuhe. Inga moto alingela ya mbai akokala, akolingela koto akopumba; akogboto ebete e isoki elakake. 10 Wato wa iwa wakodjaaka ndji oiwi, oteni kingo koto obitesi. Mbai idji laate wameme wadje la mokalo mo libela, koto watote eho ngbii. 11 Mbai idjei mobanyei e wameme molamu. mobanyei o wameme molamu akohekeleke mokalo monde la kole e wameme wande. 12 Moto ongo omototi iwo la otomo, ongo oti mobanyei mo wameme koto ongo wameme waho wati wande, ango ekoene inde mbwa e motulu egeleli, akowadhee wameme koto akotila, mbwa e motulu ekohela wameme koto ekowandjakola. 13 Moto ongo omototi iwo la otomo akotila laate akokelaka la kole e wadjenge koto atiyasumbwa la wameme. 14 Mbai, idjei mobanyei molamu e wameme, iyewi meme dja mbai, meme dja mbai koto iyewi mbai. 15 Ndji ndenge Wawa andjewi mbai koto ndenge e moyewi mbai Wawa. Ihekeli mokalo mo mbai la kole e meme dja mbai. 16 Idjeiyo la djeeti meme winge wiumakiyo la wu lopango, ewongi koto odji la iwo; wakooka moli mo mbai, ekouma lisai liikima, ekodjaa koto la mobanyei mo wameme moikima. 17 Wawa abali mbai, laate ihekeli mokalo mo mbai, laate itote eho alidji. 18 Moto toeti apuesiti mbai eho, ase ihekeli eho mbai amene. Idjei la okumu e ohekeli eho, idjei koto la okumu e ototi eho alidji. Itoti ehele tomani atie Wawa.'' 19 Okawani elingelali alidji ndondo e Wayuda la kole e wingbundu waho. 20 Ngbii ndondo ewu waasali ate, ''Adjei la djabulu, akoni koto boli. Lande ekomookakani ino?'' 21 Weeti wadjaakali oasi ate, ''Enge eti wingbundu e moto ongo odjei la djabulu. Djabulu koto aengi odhuholi maiso e wato wango wagwa maiso?'' 22 La engele eho yenga e odhuholi edjaakali okelani la Yelusalema. Edjaakali engele e pio, 23 Yesu adjaaki osombi ndondo e tepelo la modhuhe mo Salomo. 24 Wayuda wamolengali, wapotali koto omoaseli ate, ''Tee nda engele okodhee milimo masu la oyahueli hueli? Inga odjei Kilisito toasela la hoho.'' 25 Yesu awawongoselali, ''Iyowaselalini, ase otigemeiyakani. Tomo djinge ikokelaka mbai la kombo e Wawa o mbai eho nde ekohekeleke litotoli la kole e mbai. 26 Ase otigemeiyakani, la ebili ate otini wameme wa mbai. 27 Wameme wa mbai wakookaka moli mo mbai, iwaewi koto, wakotutiaka koto mbai. 28 Ikoahekeleke mokalo mo libela, watigua alidji, moto te moikima atiwapuesa la mawo ma mbai. 29 Wawa o mbai, nde ahekeli mbai iwo, edjei esungu oyeti wihoo weeti kpaa, moto toeti akopuesa eho la mawo ma Wawa. 30 Mbai la Wawa todjei moto moikima.'' 31 Wayuda waonoli mbala edji mabukeli la omobingi. 32 Yesu awaaselali, ''Iyoinyalini tomo ngbii wilamu djinge ilongoyi atie Wawa. La tomo djaho, la loyi e nda otomo ekobingakani ino mbai mabukeli?'' 33 Wayuda wamowongoselali ate, ''Totiobingaka mabukeli la otomo eesi ndamu, ase la iliko, laate owe, te ndenge edjei owe moto, oyawumesi Mwengei.'' 34 Yesu awaaselali ate, ''Etidhingane la pui djanu ate, 'Iyaasali, ''Ino odjeini wamwengei'''? 35 Inga awelali wamwengei wango engbundu e Mwengei eyasanali, kaikoase engbundu e Mwengei eengiti olimani, 36 okoasakani la mbai enge Wawa asatesi, atomi koto la moki ate, ''Okotangaka, laate iyasi ate, 'Idjei Monga Mwengei? 37 Inga itikelaka tomo dja Wawa o mbai, otigemeiyeni mbai. 38 Ase inga ikokelaka eho, inga te otigemeiyakani mbai, gemeiyani te tomo djaho, laate oeweni koto odjaakeni ndji oewi ate Wawa adjei ndondo e mbai, mbai koto idjei ndondo e Wawa.'' 39 Walukali alidji omohele, ase atilali la mawo mau. 40 Akeeli alidji ngambo eeti e Yolodani ebete enge Yoani adjaakali opatesi la lipotele, ayabatali ongo. 41 Wato ngbii wadjaali atie inde, wapotali koto oasi ate, ''Meemene, Yoani atikelali te elembo eesi, ase sambo kpaa djinge Yoani aasali la kolo e oholo moto idjaakali meemene.'' 42 Wato ngbii wamogemeiyali ongo.
Chapter 11

1 Moto moesi adjaali la ekoni, Lazalo, moto o Betania, moki mo Malia la manango o moli Malata. 2 Edjaali Malia ongo omomunolali Likumu malasi la makolo, amohuholali koto la sue djande, edjaali manango Lazalo nde odjaali la ekoni. 3 Wamanango wa wali wamotomelali Yesu mwendji, waasali ate, ''Likumu, denga, moto ongo okomobalaka owe adjei la ekoni.'' 4 Ango e okali Yesu ndjongo, aasali ate, '' Kole e enge ekoni eti ate agwe, ase edjei nde la kole e otwa e Mwengei, laate Mana o Mwengei atote otwa la mboka eho.'' 5 Kaikoase, Yesu adjaakali omobali Malata la manango o moli, koto la Lazalo. 6 Ango e okali inde ate Lazalo adjei la ekoni, aetesia masio maale la enge ebete edjaaki inde. 7 Mbuse eho aasali la watutiani wande ate, ''Towongwe alidji la Yudea.'' 8 Watutiani wamoaselali ate, ''Rabbi, ndji sikandjo Wayuda walukali o obingi mabukeli, owongwe alidji ongo?'' 9 Yesu awongosali ate, ''Wuse woti e engele e liomu la iwale? Inga moto asomba la wuse atisakela, la ebili ate akoene ngbai e moki. 10 Ase inga moto asomba la likolo akosakela laate ngbai eti la inde.'' 11 Mbuse e winge wingbundu, awaaselia ate, ''Mangbasu Lazalo alangali, ase ikomosusola.'' 12 Watutiani wamoaselia, ''Likumu, inga alangali akokala.'' 13 Kaikoase, Yesu aaselali logo lande. Ase wamungolali ate akoaselaka ohomi e ilo. 14 Aseko Yesu aasia la iwo la hoho ate, ''Lazalo agwi. 15 Mbai ikoemeleke la kole enu la ndenge etidjaakali mbai ongo, laate ino ogemeiyeni. Tokeni ongo atie inde.'' 16 Toma, ongo wadjaakali omoweli Liasa, aasali la wiino wande watutiani ate, ''Iso koto toke, laate togwe mongindji la Yesu. '' 17 Ango eumia Yesu, akpotoli ndji Lazalo akeliga masio manei la mbila. 18 Betania edjaaki ahue e Yelusalema, wakilometele inga isato. 19 Wayuda ngbii wadjaali owabondesi Malata la Malia ndenge egbali mangbau. 20 Ango ookia Malata ate Yesu aumali, akia ogbotoni la inde, ase Malia ayabatali la monguta. 21 Malata aasali la Yesu ate, ''Likumu, inga odjaaki ahala nda manima atigbali. 22 Ase sikandjo, iyewi ate djinge kpaa ekomoongo owe Mwengei, akoohekele owe.'' 23 Yesu aasali la inde ate, ''Mangwa akobasa.'' 24 Malata amowongoselali ate, ''Iyewi, akobasa la libasi wuse wo gboo. 25 Yesu aasli la inde ate, ''Mbai idjei libasi koto mokalo; moto ongo okogemeiyaka, inga te agwa, akowongwa la mokalo; 26 moto kpaa ongo odjei la mokalo koto akogemeiyaka mbai atigba te wuse. Ogemei eho?'' 27 Malata aasali la inde ate, ''Ndjongo, Likumu, igemei ate odjei Kilisito, Monga Mwengei, ongo ogeleli la moki.'' 28 Mbuse ende oasi ndjongo, okeeli amoweli manango Malia. Aasia la inde la ondungwani ate, '' Motiesakoli adjei ahala koto akowelaka. 29 Ango e okia Malia ndjongo, ayamalali obangu, akia atie inde. 30 Yesu atilingelali yo la gbata, adjaaki yo ndji la ebete enge Malata amogbotoli. 31 Wayuda wango wadjaakali mongindji la inde la monguta, wango wadjaakali omobondesi, ango eenia iwo Malia ayamalia obangu akia, wamotutiali, wamungolali ate akokeke la mbila la okaleli. 32 Ango eumia Malia la ebete enge edjaakali Yesu, amoenali, akpali la makolo mande, aasali la inde ate, ''Likumu, inga odjaaki ahala, nda manima atigwali.'' 33 Ango Yesu amoenia akolelaka koto Wayuda wango wadjaakali la inde mongindji wakolelaka, Yusu aokali magba koto mamungwene mamosombali; 34 aasali la inde ate, ''Eni emolangeyini ino?'' Waasali la inde ate, ''Likumu djaka oene. 35 Yesu alelia. 36 Wayuda wapotali oasi ate, ''Denga ndenge edjaakali inde omobali Lazalo!'' 37 Weeti ndondo ewu waasali, ''Inde moto odhuholali maiso ma moto ongo ogwi maiso, atiengali nde okeli ate oholo moto atigbe?'' 38 Yesu atungesanali ndondo e inde amene, akeeli ongo la mbila. Edjaali mwange koto libukeli lisungu linge lidhihali iwo la modhuhe. 39 Yesu aasia, ''Longoseni linge libukeli. Malata manango o Lazalo aasia la inde ate, ''Likumu, alumbiga, laate ekeliga masio manei nde adjei ango. 40 Yesu amoaselia, ''Mbai itioasele ate, inga ogemeiya, okoene otwa wo Mwengei?'' 41 Walongosia libukeli e ebete enge emolangeyali mogwi. Yesu adjambia maiso likolo, aasia, ''Wawa, iyohekeli pambo la enge eoki owe mbai. 42 Ase atie mbai, iyewi ate okondjokaka mbai wiengele kpaa, ase iyasi la kole e wa wato ngbii walingi mbai, laate wagemeiye ate owe nde otomali mbai.'' 43 Mbuse e inde oasi ndjongo, apamia la moli motetelake, ''Lazalo, pumba!" 44 Moto ongo ogwali apumbali, makolo la mawo malingani la wisindje, mbanda ende enangani la esindje. Yesu aasali la iwo ate, ''Motokolani, koto modheeni ake.'' 45 Wayuda ngbii wango wadjaali omodhengi Malia, ango eenia iwo sambo djinge ikelali Yesu, iwo kpaa wamogemeiyali. 46 Ase wadji ndondo ewu wakeeli atie Wapalisao, wawasumbelali sambo djinge ikelali Yesu. 47 Wanganga-Mwengei makumu la Wapalisao walingesali likita lisungu, wapotali oasi ate, ''Tokele woni? Oholo moto akokelaka wilembo ngbii. 48 Inga tomodhee sa ndjongo, iwo kpaa wakomogemeiya, Waloma wakodjaa otopuesi ehele ebete esu koto ehele moki mosu.'' 49 Mwesi owu, Kaipa, ongo odjaki nganga-Mwengei mosungu la enge elanga, aasali la iwo, ''Ino otiewakani ema teeti. 50 Otimungakani ate edjei la mbano enu ate moto moikikima agbe, la ebete ate moki mosungu moolane la loyi e moto moikima.'' 51 Atiasali la ndenge ende amene. Ase nda edjaakali inde nganga-Mwengei mosungu la enge elanga, adjaakali otiesakoli ate, Yesu awongoli ogwi la kole e moki; 52 te sa la kole e moki muho, ase koto laate awanese wana wa Mwengei wango wayandji wiati la wiati liwoke liikima. 53 Opoti wungu wuse, wakelali likita laate wamoole. 54 Eho lenge Yesu atidjaakali osombi alidji la hoho ndondo e Wayuda, ase alongwali ango, akeeli la moki mwesi enge ehuani la esobe, la gbata enge ewelani Epalaima. Ayabatali ongo mongidji la watutiani wande. 55 Yenga e pasika e Wayuda eumali ahue, wato ngbii walongwali la moki muho la oteli la Yelusalema liwoso la pasika la oyalangesi. 56 Wadjaakali oluki omooli Yesu, wadjaakali oaselani iwo la iwo la tepelo, ''Omungoyini woni? Atidja la yenga? 57 Kaikoase wanganga-Mwengei makumu la Wapalisao wawatomali wato ate, inga moto mwesi ayewi ebete edjei Yesu, eongi awaewese laate wamohele.
Chapter 12

1 Masio motoba liwoso la pasika, Yesu aumali la Betania, ongo ebete edjaali Lazalo ongo omobasesali inde ndondo e wato wagbake. 2 Ongo wamowongeselali ilaka, Malata adjaaki okeli tomo, Lazalo adjaki mwesi la wango wadjaali la mesa mongindji la inde. 3 Malia atotali molangi mo maita ma lumba e palanga sungu, amomunolali Yesu la makolo alidji ahuholia maita la swe dja moto monde. Monguta motumali la lumba e malasi. 4 Mwesi o watutiani, Yuda Mokeliota, monga Simoni, inde moto okomotama inde, aasia, 5 ''Lande etitambane ma maita e lumba la palanga kama isato laate towahekele wato wa magba? 6 Asaali ndjongo te la loyi e wato wa magba, ase laate inde adjei moto o iwa, koto nda ehelali inde libenga la palanga, adjaakali ototi ndjinge edjaakali iwo oisi ongo. 7 Yesu aasia, ''Modheeni abanyali ehele maita ma lumba la lisio liombanake la mbai. 8 Ino adjeini la wato magba masi kpaa. Ase otidjaa kine la mbai.'' 9 Ngbii e Wayuda waewali ate Yesu adjaali ongo, iwo wadjaali, te sa la loyi e Yesu, ase laate wamoene koto Lazalo, ongo omobasesali inde tee ongo la wato wagbake. 10 Wanganga-Mwengei makumu walingali likita laate wamole koto Lazalo. 11 Laate la loyi lande, Wayuda ngbii wadjaakali oki ongo koto wadjaakali omogemei Yesu. 12 Ekundu eho ngbii e wato wango wadjaali la yenga e pasika, ango eokali iwo ate Yesu adjaakali odji la Yelusalema, 13 watotia mangalala ma mbila wakia liwoso lande, la opami, ''Hozana! Pambo la ongo okodja la kombo e Likumu, Likumu o Isalayele.'' 14 Yesu abgotia mana o punda ayabatia likolo lande; ndji ndenge edhinganali ate, 15 ''Otiwange mana o moli o Siona; denga, Likumu la owa ageleli, denga Likulu la owe ayabati likolo la mana o punda.'' 16 Watutiani wande watiewaliaka kole e sambo djaho liwoso; ase ango e totia Yesu otwa ase wadjaali oewi ate sambo djaho edhinganali la kole ende koto wamokelelali sambo djaho. 17 Wango wadjaali la Yesu engele emowelali inde la kunda koto amobasesali tee ongo la wato wagbake wadjaakali ndji ohekeli litotoli. 18 Eho lenge, ngbii e wato, nda eokali iwo ate akelali enge elembo, wadjaali koto wagbotonoli la inde. 19 Wapalisao wayasania iwo la iwo, ''Dengani, otilongakani; moki mokotutiaka inde.'' 20 Wageleki wadji wadjaakali ndondo e wato wango watelali la oyakongi la yenga eho. 21 Wakia atie Pilipo moto o Betania e galileya, wapotali o moongi, waasia, ''likumu tobali omoeni Yesu.'' 22 pilipo adjaali omoaseli Andele; Andele la Pilopo wadjaali omoewesi Yesu. 23 Yesu awawongoselia ate, ''Engele egeleli laate mana o moto atote otwa. 24 La omeemene, la omeemene, iyasi la ino, inga pukapuka e ndongo etikuwe la mbume, koto etigwe, ekotikala sa pukapuka eesi, ase inga egwa, engele eho nde ekowota pukapuka ngbii. 25 Ongo okobalaka mokalo monde akowungesaka eho, ase ongo kotonaka mokalo monde la mu moki akobanya akobanya eho la kole e mokalo mo libela. 26 Inga moto abala okeleli mbai, atutiye mbai, ongo ekodjaa mbai, ongo koto ekodjaa motuke mo mbai. Inga moto akelela mbai Wawa koto akomogana. 27 Sikandjo molimo mo mbai modjwika minga, koto ikoasa woni? Wawa kalesa mbai iyete ehele engele? Ase inga te djongo edjei la loyi luho nde iwumi la ehele engele. 28 Wawa kpalesa kombo e owe otwa. Ndjongo moli mwesi molongwali la likolo atw, ''Ihekeliga eho otwa koto ikohekele eho otwa alidji.'' 29 Wato wango wadjaali ango wango waokali waasali ate ''Edjei nde ngombe weeti waasia ate; ahumbwa nde okokpomaka la inde.'' 30 Yesu awongosali ate, ''Mu moli motipumbe la loyi e mbai, ase la loyi lanu. 31 Sikandjo osambesi e moki ekokelanaka: Sikala likumu e mu moki akolumbana sa. 32 Ase mbai ikolongosene ala sese ikotota moto kpaaa okodja atie mbai.'' 33 Adjaakali oasi ndjongo, la ohinyei nda logo enge ekogba inde. 34 Ngbii e wato wamowongweselali ate, ''Tookali la pui ate kilisito akoumwa libela; ase nda ndenge easi owe ate ewongi mana o moto adjambane? 35 Yesu aasali la iwa ate, ''Ngbai ekodja mongindji la ino la ma engele keke alidji. sombani engele enge edjeiyo ino la ngbai, laate molili motiolongeni. Moto ongo okosombaka la molili atiewaka eni ekokeeke inde. 36 Ango edjeini ino la ngbai eneseni ogemei ndondo e ngbai eho, laate oumeni wana wa ngbaii.'' Yesu aasali djinge sambo, mbuse eho akia oyaisi lihele la iwo. 37 Inga te ate akeleli wilembo ngbii liwoso lawu, watimogemeiyali 38 laate engbundue Isaya motiesakoli eengane, ''Likumu, ndai ogemei mateya maoki iso, ndjongo ewo e Likumu eeneni atie ndai?'' 39 Kole enge watiengali ogemei edjaali ehele, laate Isaya aasali alidji ate, 40 ''Aoli maiso mawu, atetisi mitema mawu, laate watiene la maiso mahu watitene kole la mitema mawu, watigemeiye, laate itiwakalese 41 Isaya aasali dji sambo ango eeneli inde otwa wonde, akpomali koto la loyi lande. 42 Te makumu ngbii wamogemeiyali, ase laate Wapalisao, watidjaakali omogemei la hoho laate watiumbe la iwo la wasinagoga. 43 Laate wabalali otwa dja wato oeti enge e Mwengei. 44 Yesu apamali aasali ate, ''Moto ongo ogemei mbai agemeiti sa mbai ase amogemei koto ongo otomi mbai, 45 moto ongo okoene mbai, akomoeneke koto ongo otomi mbai. 46 Idji nda ngbai la moki, laate moto kpaa ongo okogemeiya mbai, atiabate la molili. 47 Inga moto akookaka lengbundu e mbai, koto atibanyaka eho, mbai itimosambesa, laate itidje omosambesi moto, ase okalesi moki. 48 Moto ongo okodhendja mbai, ongo otiyambaka engbundu e mbai adjei la ongo okomosambesa. Engbundu enge easi mbai nde ekomosambesa lisio la gboo. 49 Laate itiase la ndenge e mbai amene, ase Wawa moto otomi mbai, inde nde andjaseli mbai inde amene engbundu ewongi iyasele koto enge ekoasaka mbai. 50 Yewi ate pui ende edjei mokalo mo libela. Eho lenge, sambo djinge ekoasaka mbai, ndji ndenge Wawa andjaselali mbai eho, ikoasaka eho ndji ndjongo.''
Chapter 13

1 Liwoso la yenga e pasika, Yesu aewali ate engele ende eumi laate alongwe la mu moiki la oki ongo odjei Sango, Yesu nda ebalali inde wato wande wango wadjaaki la moki, awabalali tee la gboo. 2 Ango edjaakali iwo olaki ilaka wa pokwa, djabulu alingelali la motema mo Yuda Mokeliota monga Simoni, amohia mamungwene matambake Yesu. 3 Nda eyewali Yesu ate Wawa akoha witondo kpaa la mawo mande koto ate alongwali atie Mwengei, koto akokeeke atie Mwengei- 4 ayamalali la wilaka wa pokwa, alangeyali wisindje wande e likolo, atotia esume ayanangali la eho. 5 Alidji aswiya malia la sani, apotali okpoli makolo ma watutiani, ahuholali eho la esume enge eyanangali inde. 6 Aumia atie Simoni Petele, petele aasia la inde, ''Likumu, okpolia mbai makolo?'' 7 Yesu amoowongoselia ate, ''Wungo okeli mbai, otiewa sikandjo, ase okwewa mbuse.'' 8 Petele amwaseli ate, ''Otikpolo mbai makolo te wuse.'' Yesu amowongoselia, ''Inga itiokpole otitota likao mongindji la mbai.'' 9 Simoni Petele awongosia ate, '' Likumu te sa makolo, ase mawo la moto.'' 10 Yesu aasali la inde ate, ''Moto ongo okpoli wenge akodjaaka la posa wamokpole sa makolo; ase inde alangi wenge kpaa. Ino alangini, ase te ino kpaa'' 11 (Laate Yesu aewali moto ongo okomotamba; eho lange aasali ate, ''Te ino kpaa nde olangini.'') 12 Ango esiselia inde owakpoli makolo koto okpali wisindje wande e likolo koto oyabati alidji la mesa, aasali la iwo ate, ''Oewini loyi wungo wokeli mbai ino?'' 13 Ino okombelakani mbai ate, moinyei, koto Likumu, oasini olamu laate idjei ndjongo. 14 Inga iyokpoloni makolo, mbai Likumu koto moinyei, ingo koto owongini okpoloni makolo ino la ino. 15 Laate iyohekelini ekpangeli, laate, ndenge ekelini ino mbai, ino koto kelani ndji ndjongo. 16 La omeemene, la omeemene, iyasi la ino ate, motuke amoetiti likumu lande, koto moto ongo otomani amoetiti moto ongo omotomi. 17 Inga wewani dji sambo, mwemu la ino inga okokelelakani eho. 18 Iyasiti la ino kpaa, iyewi wato wango iwaoni. Ase edjei laate madhingo maengane, ''Moto ongo okolakaka okoke ebete eikima la mbai ayamaleli mbai.'' 19 Opoti sikandjo, ikoewesaka la ino liwoso ate eho ekelane, laate ango ekokelana eho oeweni ate IDJEI. 20 La omeemene iyasi la ino ate, ''Ongo omoyambi moto ongo omotomi mbai, ayambi koto mbai, koto moto ongo oyambi mbai , ayambi koto ongo otomi mbai.'' 21 Mbuse e oasi djinge sambo, Yesu atungesanali la molimo monde, ahali litotoli koto aasali ate, ''La omeemene, la omeemene, iyasi la ino ate: Mwesi la ino akotamba mbai.'' 22 Watutiani wadenganali iwo la iwo, watidjaakali oewi inga ndai akomoaselaka. 23 Likolo la mokpoto mo Yesu, mwesi e watutiani wande ayabatali, ongo Yesu adjaaki omobalali ngbii. 24 Simoni petelo amokelelali elembo la moto, aasali la inde ate, ''Yewesa inga akoaselaka eho ndai.'' 25 Motutiani oho owongosali wenge mbuse e mokpoto mo Yesu, aasali la inde ate, ''Likumu, edjei ndai?'' 26 Yesu awawongoselali ate, ''Edjei moto ongo okomoha mbai esuki e okoke enge elindeyi mbai la sani. Djongo mbuse e olindeyi esuki eho e okoke, atotali, ahali koto eho la Yudasi. 27 Mbuse e ototi esuki eho e okoke, etota amolingelali. Ndjongo Yesu amoaselali ate, ''Enge ekokelaka owe, kela eho galagala.'' 28 Kaikoase, te mwesi e wango wayabatali la pesa ayewali kole enge inde aasali la iwo. 29 Weeti wadjaaki omungoyi ate, nda Yudasi adjaaki oheli libenga e mbela, Yesu adjaaki omoewesi ate, ''Somba wihoo winge todjei la eho posa la yenga, te ahe wato waotundake ma ndambo. 30 Mbuse e ototi esuki e okoke eho, apumbali mbala kikima. Edjaakali likolo. 31 Ango epumbia Yudasi, Yesu aasali ate, ''Sikandjo Monga moto atotia otwa, koto Mwengei atotia otwa la kole ende. 32 Inga Mwengei inde amene akomoha otwa, akomoha otwa la mbala kikima. 33 Wana wa mbai, idjei la ino engele keke alidji. Okolukani mbai, koto ndji ndenge iyasali la Wayuda ate, ''Ebete ekoke mbai, ino otiengani oumi, iyasi la ino ndji ndenge eho sikandjo. 34 Ikohekelekeni ino pui eholi, balanani ino l ino; ndenge ebali mbai ino, ino koto balanani ino la ino. v 35 La ndenge eho wato kpaa wakoyewa ate odjeini watutiani wa mbai, inga obalanani ino la ino.'' 36 Simoni petelo aasali la inde, ''Likumu, enii ekoke owe?'' Yesu amowongoselali ate, ''Ongo ekokeke mbai, otienga otutei mbai sikalandjo, ase okotuteya mbai mbuse.'' 37 Petele aasali la inde, ''Likumu lande itienga o otutei owe sikalandjo? Ikohekele molimo mo mbai la loyi e owe.'' 38 Yesu amowongoselia ate, ''Lande ekohekele owe molimo mo owe? La omeemene ikoasaka la owe ate, ''Koko etibekwa, inga otiwungane mbai mbala isato.''
Chapter 14

1 Mitema maniu mitiabande. mogemeiyani Mwengei; gemeiyani koto mbai. 2 La monguta mo Wawa ibete widjei ngbii, inga etidje ndjongo nda iyasi la ino ikokeke owongeli wibete. 3 Inga ekoke mbai okawongeli ino wibete, ikowongua aladji ikototani ino, la ebili ate ebete enge edjei mbai ino koto odjeeni ango. 4 Woyewini songo ekoke mbai, koto woyewini mboka. 5 Toma aasia la Yesu, ''Likumu, toewiti songo ekoke owe tokoewa mboka nda ndenge? 6 Yesu aasia la inde, ''Mbai idjei mboka, meemene koto mokalo. Moto atieta atie Wawa inga atiete la mbai. 7 woewini mbai, omoewini koto Wawa. Opoti sikandjo omoeweni omogemeini koto.'' 8 Pilipo aasia la Yesu, ''Likumu, toinyia iso Wawa ekoenga la iso.'' 9 Yesu aasia la inde, ''Masio ngbii idjei la ino mongindji, woasini ata ondjewitini mbai, Pilipo? Moto ongo ondjeni mbai amoeni Wawa. Nda ndenge okoasaka ate, ''Toinya iso Wawa? 10 Otigemeiyaka ate mbai idjei ndondo e Wawa koto Wawa ndondo e mbayi? Sambo djinge ekoaselakani mbai inoi, iyasiti mbai amene; ase Wawa ongo odjei ndondo e mbai, inde moto okokelaka sambo ndjande. 11 Gemeiyani mbai ate, idjei ndondo e Wawa koto Wawa ndondo e mbai; gemeiyani te la kole e sambo djaho. 12 La omeemene, la omeemene iyasi la ino, ongo okogemeiya mbai akokela sambo djinge ikeli mbai koto akokela sambo sungu oyeti djidji, laate ikokeke atie Wawa. 13 Kpaa ndjinge e koongoni ino la kombo e mbai ikokela eho, laate Wawa atote otwa atie mana. 14 Inga oongoni ema la kombo e mbai, ikokela eho. 15 Inga obalani mbai, banyani pui dja mbai, 16 mbai, ikomoongo Wawa, akohekeleni ino mogamesi adjee mongindji la ino libala. 17 Elimo emeemene wato wa moki watimoyamba, laate watimoene koto watimoewa. Ase ino okomoewani laate akoabata la ino koto akodja la ino. 18 Itiotika ino wana wa magba, ikowongua aladji atie ino. 19 Etikali ma keke moki motindjene kineni mbai, ase ino okondjeneni mbai. Laate mbai idjei la mokalo, ino koto okodjaani la mokalo. 20 Linge lisio okoewani ate mbai idjei ndondo e Wawa, ino ndondo e mbai koto mbai ndondo enu. 21 Ongo oiki pui e mbai koto akotemeiyaka eho, moto oho nde akobalaka mbai, Wawa koto akomobala, mbai koto ikomobala, ikoyainyia la inde.'' 22 Yudasi (dheke mokeliota) aasia la Yesu, ''Likumu, nda loyi epumbi laate oyainye la hoho atie iso ase te atie moki?'' 23 Yesu amowongoselia, ''Inga moto abala mbai, akobanya engbundu e mbai. Wawa akomobala tokodja atie inde, koto tokokela ebete eyabatake atie inde. 24 Moto ongo otibalaka mbai, atitemeiyaka wingbundu wa mbai. Engbundu enge ekookaka ino eti e mbai, ase e Wawa ongo otomi mbai. 25 Ikoasaka la ino dji sambo laate idjei la ino ebete ekikima. 26 Mogamesi oho, elimo satu ongo okomotoma Wawa la kombo e mbai akoasela ino sambo kpaa, koto akowongolela ino sambo kpaa djinge iyoaselelalini. 27 Iwotikelini logoo e mbai. Iwohekelini ino eho te ndenge moki motihaka eho. Mitema manu mitiabande koto mitigenakole la mbangi. 28 Ookalini ndenge iyasali la ino ate, ''Ikia koto ikowongwa atie ino. Inga obalalini mbai, wokodjaani la mwemu laate ikia atie Wawa. Laate aeti mbai. 29 Sikandjo iyasi la ino dji sambo liwoso ate eume, laate ango ekouma djaho ogemeiyeni. 30 Itiasa kine ndjo la ino, laate memene moki ageleli. Ati koto la okumu likolo la mbai, 31 ase moki moewe ate mbai ikomobalaka Wawa, ndji ndenge Wawa atomi mbai, ikokelaka ndji ndjongo. Yamalani, tolongweni ahala.''
Chapter 15

1 Idjei mote mo bino, Wawa adjei meemene elanga. 2 Etei enge etiwota bukabuka, Wawa akogbonda; koto etei enge okowota pukapuka, wawa akoewongele, laate e wote pukapuka olamu. 3 Ino olangigani la engbundu enge eyaselini ino mbai. 4 Abatani ya mbai, koto mbai ikoyabata ya ino. Nda etei etienga owoti pukapuka, inga etiahelele la mote, djongo ino koto otiengani owoti pukapuka, inga otiboleyaneni la mbai. 5 Mbai idjei mote, ino odjeini etei. Ongo okoyabata ya mbai, mbai koto ikoyabata ya inde, akowota pukapuka ngbii, laate inga odheeni mbai, otiengani okeli ema teeti. 6 Inga moto atiyabate ya mbai, akolumbama saa nda etei enge eomake, wakoetota koto wakoelumba la misa, ekolongola. 7 Inga oyabatini ya mbai, koto inga wingbundu wa mbai woyabati ndondo enu, ongoni ema kpaa ebalini ino, ekokelana ndjongo atie ino. 8 Wawa o mbai akototaka otwa la wu loyi, djaakani ndji owoti pukapuka ngbii koto oyinyei ate odjeini watutiani wa mbai. 9 Ndji ndenge Wawa abali mbai, mbai koto iyobalini ino. Yabatani la libalano la mbai. 10 Inga obanyani pui dja mbai, okotikalani ndondo e libalano la mbai, ndenge mbai koto itemei pui dja Wawa koto itikali ndondo e libalano lande. 11 Iyasi la ino djinge sambo, laate mwemu mo mbai modjei ndondo e ino, koto mwemu monu motume meke. 12 Pui e mbai eho lele, balanani ndenge mbai oyobalini ino. 13 Eti la libalano lisungu oeti enge e ehekeleke mokalo mo owe la kole e wiino wa owe. 14 Ino odjeini wiino wa mbai inga okelani sambo ekoaselakani mbai ino. 15 Itiowelani tuke laate motuke atiewaka enge ekokelaka likumu lande. Ase iyowelini ino wiino, laate sambo djinge eoki mbai atie Wawa o mbai, iyoaselini ino djaho. 16 Ino oonitini mbai, ase mbai nde ionini ino, koto iyobatini ino la wotomo laate okeeni, odjake kotoni owoti pukapuka laate pukapuka djanu edjaake. Laate kpaa djinge ekomoongoni ino Wawa la kombo e mbai akohani ino. 17 Enge etomini mbai ino, edjei obalaneni ino la ino. 18 Inga moki mootonani, oewini ate motonali mbai liwoso ate etoneni ino. 19 Inga odjeini wato wa moki, nda moki mobalini ino, laate odjeini wango wande. Ase nda eti ino wato wa moki, ase ionini ino la moki, eho lenge moki mootonini ino. 20 Mungolakani engbundu enge iyoaselelalino ate, Motuke amoetiti likumu lande; inga waenesali mbai odjidji, wakoenese koto ino odjidji, inga watemeiyali engbundu e mbai, wakotemeiya koto enge enu. 21 Wakokelani sambo djaho kpaa la kombo e mbai, laate wamoewiti ongo otomi mbai. 22 Inga itidjaake oasi la iwo, nda wati la lisumu; ase sikandjo wati la loyi eyalongesake la kole e lisumu lawu. 23 Moto ongo okotonaka mbai, amotoni koto Wawa. 24 Inga itikelali ndondo ewu tomo djinge moto toeti akelaki yo, nda watidjee la lisumu, ase sikandjo waeni koto watonia mbai la Wawa. 25 Ase edjei laate engbundu enge edhingana la pui djau eengesane ate, 'Watonali mbai sa pamba.' 26 Ango ekodja mogamesi, ongo okomotoma mbai ongo atie Wawa, elimo e meemene, enge elongoyi atie Wawa, inde akohekele litotoli la kole e mbai. 27 Ino koto la ngala enu, ewongi ohekeleni litotoli laate odjaalini mongindji la mbai tee epotali mbai.
Chapter 16

1 Iyoaselini dji sambo laate etidjee ebete enu esakelake. 2 Wakoumba la ino la wasinagoga. Ase engele egeleli ango moto kpaa ongo akoolani ino akomungwa ate amokeleli Mwengei otomo wosatu. 3 Wakokela ndjongo laate wamoewiti Wawa koto mbai. 4 Iyasali la ino dji sambo, laate ango engele eho ekodja omungoleni ate iyasate la ino. Itiasali la ino sambo djaho liwoso laate idjaali la ino mongindji. 5 Ase sikandjo ikokeke atie ongo otomali mbai, inga te ndjongo moto toetio ndondo enu atihuele mbai, 'Enin ekokeke owe? 6 Ase laate iyasi la ino dji sambo, magba matumi la mitema manu. 7 Ase ikoasaka la ino la omeemene ate, ''edjei la loyi e kole enu nde ekokeke mbai, laate inga etikee, mogamesi atidjaa atie enu te wokeke, ase inga ikee, ikootomelani inde. 8 Ango ekodja inde, akoha moki elembo egemeisake la kole e lisumu koto la kole e sambo ndamu koto la kole e lisambesi- 9 la wungo wodhengi lisumu, laate watigemeiyaka mbai; 10 mbuse la kole e sambo ndamu, laate ikokeke atie Wawa koto otieneni mbai alidji; 11 koto la gboo, la kole e osambesi, laate likumu e mu moki asambesani. 12 Idjeiyo la sambo la oaselini ino, ase otiewani sikandjo. 13 Ase ango ekodja inde, elimo eho e meemene, akoinyani ino ndondo e omeemene kpaa, laate atiasa la ndenge ende amene, ase sambo djinge ioki inde nde akoasa, akotiesakola koto atie ino sambo djinge igeleli. 14 Inde akoha mbai otwa laate akotota djinge idjei e mbai, akootiesakolani ino eho. 15 Wihoo kpaa winge widjei Wawa la eho, widjeei dja mbai. Eho lenge iyasali ate akototaka ndondo e ema enge edjei e mbai, akotiesakolaka eho atie ino. 16 Etikali engele keke otieneni kine mbai, etikali koto engele keke okoeneni koto mbai alidji.'' 17 Watutiani wande wadji wahuelanali iwo la iwo ate, ''Einyei woni dji sambo ekoasaka inde la iso ate, 'Etikali engele keke otieneni kine mbai, etikali engele keke okoeneni mbai alidji, koto, laate ikokeke atie Wawa?'' 18 Waasali ate, loyi linge liasi inde ate, etikali engelele keke einyei woni? Toewiti nde ekoasaka inde.'' 19 Yesu aewali ate wakobalaka omohueli poopo, aasali la iwo ate, ''Okolukakani oewi la ndondo enu lu loyi, laate iyasi ate, ''Etikali engele keke otieneni mbai alidji, koto etikali engele keeke alidji okoeneni mbai? 20 La omeemen, la omeemene, iyasi la ino ate, ''Okolelani, okopamani la ilelo, ase magba manu makoyakukola mwemu. 21 Moli, ango ekowotaka inde, akodjaaka la magba, la ebili ate engele ende eengi; ase ango awotia mana onde, atisumbwaka kine wodjidji woho alidji la mwemu enge ate moto awotani la moki. 22 Ino koto, la omeemene okookakani sikandjo magba, ase ikoeneni ino alidji, koto mitema manu mikoemele, koto moto atilongosa mwemu monu. 23 La lisio laho otihuelani mbai te poopo eesi. La omeemene iyasi la ino ate, inga omoongoni Wawa ema la kombo e mbai, akohekeleni ino eho. 24 Tee sikala oongokiyoni ema te eesi la kombo e mbai. Ongoni, okototani, laate mwemu monu motume boto. 25 Iyasi la ino dji sambo la ekpangeli, ase engele egeleli itiasa kine la ino la ekpangeli, ase ikoasa la ino la hoho sambo idhengi Wawa. 26 La lisio laho, okoongoni la kombo e mbai, iyasiti koto la ino ate ikoongo Wawa la kole enu, 27 laate Wawa inde amene akobalaka ino ngbii, laate ino obalini mbai koto ogemeini ate ipumbali nda moenesi o Mwengei. 28 Ilongwali atie Wawa idjia la moki, alidji ikodheke moki ikoongwaka atie Wawa'' 29 Watutiani wande waasali ate, ''Ndenga, sikandjo okoasaka la hoho, otiasaka la masekpe. 30 Toewi ate oewi sambo kpaa, koto kole eti ate moto aohuele poopo. Eho lenge, togemei ate olongwali atie Mwengei'' 31 Yesu awawongoselali ate, ''Ogemeiyani sikandjo? 32 Dhengani, engele egeleli, edjiga koto ango ekoyaandjani ino moto la moto la monguta monde, koto okodheeni saa mbai amene. Kaikoase iti saa mbai amene, laate Wawa adjei mongindji la mbai. 33 Iyasi la ino dji sambo ndjo laate la mboka e mbai odjeeni la logoo. La moki odjeini la odjidji, ase djaani la mogalia, mbai ilongiga moki.''
Chapter 17

1 Mbuse e oasi Yesu, andengia likolo, aasia, Wawa, engele eengia, moha mana owe otwa laate mana owe aohekele owe koto otwa- 2 la ndenge omohekeli okumu likolo e moto kpaa o wenge, laate iwo kpaa wango owahi inde, awahekele mokalo mo libela. 3 Kaikonde, mokalo mo likolo edjei waoyewe, owe, Mwengei moikima, alidji ongo omotomi owe, Yesu kilisito. 4 Iohekeli otwa la mbume laate isilisi otomo wungo wohekeleli owe mbai ikele. 5 Sikandjo owo Wawa, hekele mbai otwa ahue e owe amene, otwa wungo wodjaakali mbai la eho ahue e owe liwoso ate moki mokelane. 6 Iyewisi kombo e owo atie wato wango opekeli mbai iwo ahala la moki. wadjaali wa owo koto opekeli mbai la iwo, koto wabanyei engbundu e owo. 7 Sikandjo waewi ate sambo kpaa epekeli owe mbai elongoyi atie owe, 8 laate wingbundu winge wihaali owe mbai, iwahekeli eho kpaa, wayambi eho koto waewi amene ate ipumbali nda moenesi mo owe, wagemei koto ate otomali mbai. 9 La iwo nde ekoyakongoko mbai. Itiakongoko la kole e moki, ase wango ohekeli mbai, laate wadjei wa owe. 10 Wihoo wa mbai kpaa widjei wa owe, koto wa owe widjei wa mbai, koto itoti otwa ndondo ewu. 11 Mbai iti kine la moki, ase iwo wadjei la moki, koto mbai igeleli atie owe. Wawa mosatu, wabanya la kole e otwa e owe enge ehi owe mbai, laate wadje moikima ndenge iso koto todjei. 12 Ango edjaali mbai la iwo la moki, iwabanyali la kombo owe, iwabanyei wango wapekeli owo, koto te mwesi owu atibitesane, longosa ndji mana mbumakolo laate madhingo maengesane. 13 Sikandjo igeleli atie owe, ikoasaka sambo djaho la moki laate iwo watume la mwemu mo mbai. 14 Ihekeli iwo engbundu e owe, ase moki e watoni, laate wati wato wa moki, ndenge koto mbai iti moto o moki. 15 Iongiti la owe ate owalongose la moki, ase laate owabanye la obe. 16 Iwo wati wato wa mu moki, ndenge mbai koto iti la mu moki. 17 Wasatisa iwo la omeemene. Engbundu e owe edjei meemene. 18 Ndji nda etomi owo mbai la moki, mbai koto iwatomi la moki. 19 Laate ikoyasatisaka la kole ewu, la ebili ate iwo koto wasatisane la omeemene. 20 Itiwakongelaka saa iwo, ase koto wango wakogemeiya mbai la mboka ewu 21 laate iwo kpaa wadje la liboleyani, nda owe, Wawa, odjei la liboleyani mongindji la mbai, nda mbai koto idjei la liboleyani mongindji la owe. Laate iwo koto wadje la liboleyani mongindji la iso, laate moki mogemeiye ate otomali mbai. 22 Iwahekeli iwo otwa wungo ohekeli mbai, laate iwo koto wadje moikima ndenge iso todjei moikima: 23 Mbai la liboleyani mongindji la iwo, owe koto la liboleyani mongindji la mbai, laate wadje la liboleyani womeemene, la ebili ate moki moewe ate otomali mbai koto obali iwo ndenge koto obali mbai. 24 Wawa, ibali ate ebete enge ekodja mbai iwo koto wadje mine, laate waene otwa wo mbai wungo wohi owe mbai, laate obalali mbai liwoso la lipotele e moki. 25 Wawa o sambo ndamu, meemene moki moewiti owe, ase mbai iyoewi owe; koto iwo waewi ate otomali mbai. 26 Iwaewisi kombo e owe, koto ikoewesa eho, laate libalano linge libalali owe mbai la eho edje ndondo ewu koto mbai la liboleyani mongindji la iwo.''
Chapter 18

1 Ango esisali inde oasi sambo djaho, Yesu apumbali mongindji la watutiani wande wakpandali wakeeli ngambo edji e mokeli engele e pio e Kidelona, ebete edjaakali elanga eesi, inde la watutiani wande walingelali ongo. 2 Yudasi, ongo omotambali ayewali enge ebete, laate Yesu adjaakali mbala ngbii oboleyani la ebete eho mongindji la watutiani wande. 3 Yudasi atotali ebiba e wasoda koto wapulusi e wanganga-Mwengei makumu koto la Wapalisao wadjaali ongo la wikekene, la matambe. 4 Yesu, ayewali sambo kpaa djinge ikomoumela apumbali, aasia la iwo ate, ''Okomolukakani ndai?'' 5 Wamowongoselali ate, ''Yesu o Nazaleta.'' Yesu aasia la iwo, ''Mbai ndolo.'' Yudasi, ongo omotambali ayamalali mongindji la iwo. 6 Ango eyasali Yesu la iwo ate, ''Mbai ndolo,'' wawongali mbuse wakwiya la mbume. 7 awahuelia aleti ate, ''Okomolukakani ndai? Wawongosia alidji, ''Yesu o Nazaleta.'' 8 Yesu awongosali ate, ''Iyasiga la ino ate Mbai ndolo. Inga edjei mbai nde okomolukakani ino, wadheini iwo wake.'' 9 Aasia ndjongo laate engbundu eengesane enge eyasali inde ate, ''La wango wahi owe mbai, imoungisi te moikima.'' 10 Simoni Petele, ongo oikali kpoka, atubali eho amobingia motuke o nganga-Mwengei mosungu, amokotia litoyi e lilome. Kombo e moto opele oho, Malakusi. 11 Yesu aasia la petele ate, ''Wongola Kpoka la mokpokobo. Kopo enge epekeli Wawa ate ikenge, iengiti okengi eho?'' 12 Lisai e wasoda la makumu ma wasoda la wapulusi e Wayuda wamohelali Yesu, wamonangakolali koto. 13 Wakiya la inde yo liwoso ebete e Anasi, laate inde adjali okio wo Kaipa, ongo odjali nganga-Mwengei mosungu la enge elanga. 14 Kaipa nde moto ohali Wayuda mango mamungo ate edjei la kole ewu moto moesi agwe la kole e wato. 15 Simoni petele adjaakali omobileyi Yesu, inde la motutiani modji. Motutiani eho ayewanali la ngnga -Mwengei mosungu, alingelali koto mongindji la Yesu la lopango e nganga-Mwengei mosungu. 16 Petele atikalali ongo saa la monoko mo lopango. Motutiani oho odji, ongo oyewanali la nganga-Mwengei, apumbali okasololi la sindjili e moluhe, amolingesali Petele ndondo. 17 Motuke mo moli ongo odjaki obanyei moluhe, aasali la Petele ate, ''Owe koto otidje mwesi o watutiani wa ongo moto?'' Inde aasali ate, ''Te mbai.'' 18 Tuke la wapulusi wayamalali ango, waloliali misa e magala, la ebili ate okundu edjaali, wadjaali ooti misa. Petele koto ayabatali mongindji la iwo akootoko misa. 19 Nganga-Mwengei mosungu amohuelali Yesu la enge edhengi watutiani wande la mainyei mande. 20 Yesu amowongoselali ate, ''Iyasali la hoho la moto kpaa, idjaakali otiesakoli masio kpaa la wasinagoga koto la watepelo, ongo Wayuda wadjaakali ogbotoni, itiasali loyi te loikima la oyaisi.'' 21 Lande ekopwelaka owe mbai? wahuela wango wandjokali sambo djinge iyaasali la iwo. Dhenga iwo waewi sambo djinge iyasali.'' mbai.'' 22 Mbuse e oasi djinge sambo, mwesi o wapulusi ongo ayamalali ango amobambolali Yesu la mbanda, aasali koto la inde ate, ''Ndenge ehele nde okomowongweselaka nganag-Mwengei mosungu?'' 23 Yesu aasali la inde ate, ''Inga iyasi obe, ndjenesa obe wuho; ase inga iyasa olamu, ndjooni obingia mbai?'' 24 Anasi amotomali la miliki ongo atie Kaipa nganga-Mwengei mosungu. 25 Simoni petele adjali ango akootoko misa. Waasali la inde ate, '' Owe koto otidje mwesi o watutiani wande? Awunganali aasali ate, ''Te mbai.'' 26 Mwesi o watuke e nganga-Mwengei mosungu ongo odjaali moto e oliye e moto ongo Petele amokotoli litoyi, aasali ate, ''Itieneli owe koto la elanga mongindji la inde?'' 27 Petele awunganali alidji; ase la mbala kikima koko ebekoyia. 28 Wamolongosali Yesu atie kaipa, wakeeli la inde la monguta mo likumu o gbata. Edjaakali boo, ase iwo amane watilingelali la monguta e likumu e gbata, laate watiyabitese djongo waenge olaki yenga e pasika. 29 Pilato apumbali saa atie ewu, aasali ate, ''Okomopundakani oholo moto la nda loyi?'' 30 Wamowongoselali ate, ''Inga oholo moto atidjaakali mokeli e sambo mbe, nda totimokawe la mawo ma owe.'' 31 Pilato aasali la iwo ate, ''Mototani ino amene omosambeseni la obileyi pui djanu.'' Wayuda waasali la inde ate, ''Totihekelane mboka e olake moto.'' 32 Kpaa djinge laate engbundu e Yesu eengesane enge easali inde la oineyi logo e nda ndenge eongoli la inde ogwi. 33 Pilato alingelali alidji la monguta mo likumu o gbata, amowelali Yesu aasali la inde ate, ''Owe odjei likumu e Wayuda?'' 34 Yesu awongosali ate, ''Owe amene nde oasi ndjongo, inga wato waeti nde woaseli owe eho la kole e mbai? 35 Pilato amowongoselali ate, ''Idjei Moyuda, mbai? moki mo owe koto wanganga-Mwengei makumu waokawi owe la maho ma mbai. Okeli nde?'' 36 Yesu awongosali ate, ''Okumu wo mbai woti e ehele moki. Inga wokumu wo mbai wodjaaki la ehele moki, nda tuke dja mbai wasani laate itikawane atie Wayuda. Ase nde wokumu wo mbai elongoyiti ahala. 37 Pilato aasali la inde ate, ''Owe odjei likumu? Yesu awongosali ate, ''Owe amene oasi ate idjei likumu. Edjei la kole eho nde ewotani mbai, edjei koto la kole eho nde edji mbai la moki, laate ihekele litotoli la loyi e omeemene. Moto kpaa ongo adjei ngambo e omeemene, akookaka moli mo mbai.'' 38 Pilato aasia la inde, ''Womeemene wodjei nde?'' Mbuse e oasi ndjongo, apumbali alidji atie Wayuda aasali la iwo ate, ''Imoeniti oholo moto la obe te kikima. 39 Ase nda edjei wotata ndondo enu ate iyopumbeselakeni moto mwesi la pasika. La eho obali iyopumbeseleni likumu o Wayuda? 40 Iwo wapamali alidji ate, ''Te oholo moto, ase Balanabasi.'' Kaikoase Balanabasi adjaakali moto o iwa.
Chapter 19

1 Pilato amototali Yesu, amobingesia pimbo. 2 Wasoda wamokelelali lingboka e keke, wamokpalesia la moto, wamokpalesali koto esindje e likolo etanake-boloo. 3 Wapotali odji atie inde, la oasi ate, ''Mobale, Likumu o Wayuda!'' Wadjakali koto omobamboli inde la mbanda. 4 Pilato apumbali alidji saa, aasali la iwo ate, ''Denga, imokpali atie enu ono saa laate oeweni ate imoeniti la obe te weesi.'' 5 Yesu apumbali saa, akpali lingboka e keke koto esindje e likolo etanake-boloo Pilato aasali la iwo ate, ''Denga, Moto oho indolo!'' 6 Ango wanganga-Mwengei la makumu la wapulusi wamoenali, wapamali ate, ''Mwakiani la ekulusu, mwakiani la ekulusu!'' Pilato aasali la iwo ate, ''Mototani ino amene, mwakiani la ekulusu laate mbai imweniti la obe te kikima.'' 7 Wayuda wamowongoselali ate, ''Todjei la pui eesi, la otutei pui eho, eengi la inde ate agbe laate ayaumesi monga Mwengei.'' 8 Ango eokia pilato wungo loyi, awangali nee. 9 alingelia la ebete esambesake, aasia la Yesu, ''Owe odjei moto o nda ati?'' Ase Yesu ati wongoselali. 10 Pilato aasali la inde ate, ''Otiasaka la mbai? Otiewe ate idjei la okumu e opumbesi owe koto idjei la okumu e oaki la ekulusu? 11 Yesu amowongoselali ate, ''Otiengake odjei la okumu likolo la mbai te ma keke inga eho etihanali atie owe tee ongo la likolo. Eho lenge moto ongo okawi mbai atie owe adjei la lisumu lieti lisungu.'' 12 La loyi eho, pilato alukali omoumesi inde, ase Wayuda wapamali ate, ''Inga omoumesa oholo moto, oti miino o Kaisala. Moto kpaa ongo ayaumesi likumu ati manango o Kaisala.'' 13 Mbuse e Pilato ooki djinge wingbundu, amokpalali Yesu saa, ayabatali la ngbelengo esambesake, la ebete ewelani likputuka e mabukeli, ase la Ebele, ''Gabata.'' 14 Edjei wuse e wongelake pasika, edjaali engele e motoba. Pilato aasali la Wayuda ate, ''Dengani, Likumu lanu!'' 15 Iwo wapamali ate, ''Molongose, molongose; mwakia la ekulusu!'' Pilato aasali la iwo ate, ''Imwake la ekulusu Likumu lanu?'' Wanganga-Mwengei makumu wawongosali ate, ''Toti la likumu odji ndji Kaisala.'' 16 Pilato amokawali Yesu atie iwo laate wamwake la ekulusu. 17 Yesu akpalali ekulusu, apumbali akia la ebete eweli iwo ebete e Mokuwa mo moto, enge ewelani la Ebele, ''Gologota.'' 18 Ongo wamobakali la ekulusu, la wato wadji mongindji la inde, mwesi ngambo, mwesi ngambo, ase Yesu awodja. 19 Pilato adhingali madhingo, abatali eho likolo la ekulusu. Edhinganali ate: YESU O NAZALETA LIKUMU O WAYUDA. 20 Wayuda watangali mango madhingo, laate ebete emwakiali iwo Yesu edjali ahue e gbata. Edhinganali la Ebele, la Latini, koto la Geleki. 21 Wanganga-Mwengei makumu la Wayuda waasali la pilato ate, ''Otidhinge, 'Likumu o Wayuda,'' ase dhinga, 'Adjaki oasi ate, ''Idjei Likumu o Wayuda.''''' 22 Pilato awongosali ate, ''Enge edhingi mbai idhingiga.'' 23 Mbuse e omwakeyi Yesu, wasoda watotali wisindje wande e likolo wakawolali eho la inei, ndambo eesi atie soda mwesi mwesi; koto esindje e ndondo. Esindje eho e ndondo etitonganali la wisuki, eluanali kpaa opoti likolo tee sese. 24 Waasanali iwo la iwo ate, ''Totisalakole eho, ase tobinge djege la oewi inga ekodja e ndai. Ekelanali ndjongo la oengesi madhingo enge edhingana ate, ''Wakawanali wisindje wa mbai wa likolo, koto walumbelali esindje e mbai djege. ''Wasoda wakelelali sambo djaho.'' 25 Ahue e ekulusu e Yesu nango, manango o moli o nango wayamalali ango, la Malia moli o Kelopasi, la Malia Magadalena. 26 Ango emweneli Yesu nango la motutiani mungu inde amobalali nee wayamalali ango, aasali la nango ate, ''Moli, modhenga mana owe!'' 27 Mbuse aasali la motutiani oho ate, ''Modhenga, ngwa!'' Ndji enge wuse motutiani muho amototali la monguta monde. 28 Mbuse eho, ango Yesu aewali ate sikandjo sambo kpaa iengisani, laate madhingo maengesane, aasali ate, ''Idjei la ehoha e malia.'' 29 Teni eesi edjakali ango etumi la bino magagake, watotali mbumbundju djinge itumi la bino eho magagake wabatia la mote mo izope, wakpalali eho la monoko monde. 30 Ango ekengia Yesu bino eho egagake, aasali ate, ''Eengesani.'' Aimbali moto monde, atenali ohomi. 31 Ndjongo Wayuda, ango edjakali engele ewongelake, laate wato wagui watitikale likolo la ekulusu wuse wo sabata (laate wuse wuho wo sabata edjaakali esungu), wamoongoli Pilato atome wawabukakole makolo koto walongose wato wagui la ekulusu. 32 Wasoda wadjaali wabukakolia makolo e moto o poo, koto e moto odji ongo omwakiali iwo mongindji la Yesu. 33 Ango eumali iwo atie Yesu, nda eyewali iwo ate agwiga, watimobukakolali makolo. 34 Inga te ndjongo, mwesi o wasoda amomaali likonga la mopandji, mbala kikima makila la malia mapumbali. 35 Moto ongo oeneli eho ahali litotoli, koto litotoli lande lidjaali meemene. Moto oho aewi ate akoasaka sambo dja meemene, laate ino koto ogemeini. 36 La omeemene djinge sambo ikelanali laate madhingo mango madhingani ate, ''Te mokua monde te mokikima motibukie.'' 37 Songo eti, madhingo maasi ate, ''Wakodhenga atie moto ongo wamomaali.'' 38 Mbuse ewo, Edjepu o Alimateo, ongo odjaakali motutiani mo Yesu ase la oyaisi laate adjaakali owangi Wayuda, amoongoli Pilato alongose wenge wa Yesu; Pilato amohali mboka. Eho lenge, adjaali olongosi wenge wande. 39 Alidji Nikodema, moto ongo adjaali poo atie Yesu la likolo, adjaali la mila, la aloa, e litele inga kama eesi. 40 Atotali wenge wa Yesu walingali eho la wisuki e wisindje ebete kikima la wisoki e lumba ndamu, ndji ndenge Wayuda wadjaakali la ehahaneli ewongesake ndenge e oombi wenge wa wato. 41 Kaikoase, la ebete enge wamwakeyali la ekulusu elanga edjali ango, ndondo e elanga eho edjaali la mbila eholi, enge ndondo eho edjaali lambila enge moto toeti alangianali aho. 42 Ongo nde, la oyawongeli e Wayuda, wamolangeyali laate mbila eho edjali ahue.
Chapter 20

1 Lisio la liwoso la poso, Malia Magadala akeeli boo la mbila, ndji la hilihili, aeneli libukeli lilongoyiga la mbila. 2 Akeeli obangu atie Simoni Petele aetia koto atie motutiani odji ongo Yesu amobalali ngbii, awaaselali ate, ''Wamolongosiga Likumu la mbila, toewiti songo emodhei iwo.'' 3 Petele la motutiani muho odji wapumbali, wakia la mbila. 4 Iwo waale mongindji wapotali obangu, ase motutiani muho odji amoetali Petele la obangu, aumali ongo la mbila moto o poo. 5 Ango eyaimbia inde, aenia mambusu ma wisindje milangali, ase atilingelali ndondo. 6 Simoni Petelo amobiliali mbuse, alingelia la mbila eho. Aenia mambusu milangali la mbume 7 litambala linge limonangali iwo la moto mo Yesu litidjali ebete e kikima la mambusu maho, ase elinganali la moliki muho amene. 8 Djongo la engele eho, motutiani muho odji ongo oumali poo la mbila, alingelali koto la mbila, ania koto agemeiya. 9 Laate watiewaliyo madhingo mango ate, ''Aongoli obasi tee la wagwi. 10 Ase watutiani waho waongwali atie ewu. 11 Ase Malia adjaakaliyo ayamali saa ahue e mbila eho, adjaakali oleli. Ango edjaakali oleli, ayaimbali la odhendji ndondo e mbila. 12 Awenia waahumbwa waale wakpali wisindje wibubake, wayabati ebete e moisali iwo Yesu, mwesi la moto, mwesi ngambo e makolo. 13 waasali la inde, ''Moli okolelaka nde?'' Awawongoselali ate, ''Wamolongosi Likumu la mbai, iyewiti ebete enge e moisiga iwo.'' 14 Ango eyasali inde ndjongo, ayakukolali amoenia Yesu ayamali, ase atiewali ate edjei Yesu. 15 Yesu aasli la inde ate, ''Moli, okolelaka nde? Okomolukaka ndai?'' Nda emungolali inde ate edjei sindjili o elanga, aasali la inde ate, ''Likumu, inga omolongosi, ndjewesa mbai, inga omolangeyi eni, imotote.'' 16 Yesu aasali la inde, ''Malia.'' Ango eyakukolia inde aasia la Ebele, ''Labuni enge eyasi ate ''Mwalimo.'' 17 Yesu aasali la inde ate, ''Otipote mbai, laate itelakiyo atie Wawa, ase keke wagboto wamanima walehela ate, ''Ikotelaka atie Wawa o mbai koto Wawa onu, koto atie Mwengei o mbai koto Mwengei onu.'' 18 Malia magadalena akeli owaaseli watutiani ate, ''Imoeni Likumu,'' koto ate inde omoaseli ndjinge sambo. 19 La pokwa e linge lisio, lidjali lisio la poo e poso, midhuhe ebete edjaakali watutiani minanganali, la owawangi Wayuda, Yesu adjaali, ayamalia ndondo ewu, aasia la iwo ate, ''Logoo edje la ino.'' 20 Mbuse e oasi ndjongo, awainyali mawo mande koto mopandji monde. Watutiani waemelali ango emoenali iwo Likumu. 21 Yesu awaaselia mbala eeti ate, ''Logoo edje la ino. Nda ndenge Wawa atomi mbai; mbai koto ikootomakani.'' 22 Ango eyasali Yesu ndjongo, awahuhuelia, aasia la iwo ate, ''Tumani la elimo satu. 23 Wango ino okoalimbesani masumu inga e nda ndenge, walimbesani eho. Inga onangani enge e wato inga e nda ndenge, ekonangana.'' 24 Toma, mwesi o watutiani liomu la waale, ongo odjaakali iwo omoweli liasa, atidjaakali mongindji la iwo ango edjaali Yesu. 25 Waeti watutiani waasali la inde ate, ''Tomoeni Likumu.'' Ase inde awaaselali ate, ''Inga itiene elembo e sete la mawo mande, koto inga itilingese moseyi mo mbai la elembo e sete eho, koto inga itibate ewo e mbai ndondo e mopandji, itigemeiya te wuse.'' 26 Mbuse e masio mwambi watutiani wande wadjaali alidji ndondo e monguta, Toma adjaali mongindji la iwo. Yesu adjaali, inga te ate midhuhe minanganali, ayamalali awodja ewu, aasali ate, ''Logoo edje la ino.'' 27 Mbuse asia la Toma ate, ''Lingesa mosei mowe, koto dhenga mawo ma mbai, tota ewo e owe lingesa eho la mopandji mo mbai. Dhee kokia, ase djaa la ogemei.'' 28 Toma amowongoselia ate, ''Likumu o mbai koto Mwengei o mbai.'' 29 Yesu aasali la inde ate, '' Ogemei laate oeni mbai? Mwemu la wango wakogemeiyaka, inga te waeniti.'' 30 Yesu akelali alidji wilembo djeeti liwoso la watutiani djinge itidhinganali la ehele buku, 31 ase dji sambo idhingani laate ogemeini ate Yesu adjei Kilisito, monga Mwengei, koto ate nda ekogemeiyaka ino, ototeni mokalo la kombo ende.
Chapter 21

1 Mbuse eho Yesu ayainyali alidji atie watutiani wande la ewale e Tibeliasi. Ayaenesali la ehele ndenge: 2 Simoni Petele la Toma, ongo odjaali iwo omoweli liasa, la Natanaela moto kana e Galilea koto wana wa Zebedeo la watutiani wande wadji waale wadjaakali iwo kpaa mongindji 3 Simoni petele aasali la iwo ate, ''Ikia akaluki su.'' Iwo waasali la inde ate, ''Iso koto toke mongindji la owe. Wapumbali watelia andondoli, ase la likolo eho watihelali te ema. 4 Ango eumali otani boo, Yesu ayamalali la likitikolo, watutiani watiewali ate edjei malia kasi watoma tiewali ate Yesu awumika ala. 5 Yesu aasali la iwo ate, ''Wana otini la ema elakake? '' Wamowongolali ate, ''Toti la eho. 6 Aasali la iwo ate, ''Lumbani etanga la ewo e lilome e andondoli okotota.'' Walumbali eho, ase watiengali kine oguli eho la ebili ate su idjaakali ngbii. 7 Djongo motutiani ongo obalali Yesu aasali la petele ate, ''Likumu inde ndolo.'' Ango eokali Simoni Petele ate edjei Likumu, ayanangali esindje ende e saa laate adjaali lingbengbele, ayalumbali la ewale. 8 Wango weeti watikalali la andondoli eho ekeke, laate watidjaakali lihile e kondolo inga wametele tuku libwa, wagulali etange eho e su. 9 Ango esawoya iwo, waeneli misa e magala ebatanani ango, suu eitani la makoke. 10 Yesu aasali la iwo ate, ''Djakani la su djinge elongoiya ino ooli.'' 11 Simoni Petele atelali andondoli agulali etanga kondolo etumi la su sungu kama eesi la tuku itano la isato, ase inga te su idjaali ngbii etanga etisanali. 12 Yesu aasali la iwo ate, ''djakani tolake.'' Te mwesi o watutiani atidjaakali la okulu la omohueli ate, ''Owe ndai? Laate waewali ate edjaali Likumu. 13 Yesu ayandongbia, atotia okoke, awahekelia, ndenge kikima koto la suu. 14 Edjaali mbala esoto eyainyali inde la watutiani mbuse e obasi wonde tee atie wagwi. 15 Mbuse e olaki, Yesu aasali la Simoni Petele ate, ''Simoni monga Yoani, obali mbai oyeti ehele?'' Petele amowongoselali ate, ''Ndjongo Likumu, oewi ate ikoobalaka ngbii. Amoaselali ate, ''Lakesa wana wa meme wa mbai.'' 16 Aasali la inde mbala ewale ate, ''Simoni, monga Yoani, obali mbai?'' Petele aasali la inde ate, ''Ndjongo Likumu, oewi ate iyobali ngbii.'' Yesu aasali la inde ate lakesa wana wa meme wa mbai.'' 17 Aasali la inde mbala esato ate, ''Simoni monga Yoani, obali mbai?'' Petele aokali magba laate amoaselali mbala esato ate, '' Okobalaka mbai ngbii? Aasali la inde ate, ''Likumu owe oewi sambo kpaa, oewi ate ikoobalaka ngbii. Yesu aasali la inde ate, ''Lakesa wana wa meme wa mbai.'' 18 La omeemene la omeemene iyasi la owe ate, engele edjaaki owe elenge, odjaakali oyanangi libele owe amene koto osombi wiati kpaa wibalali owe, ase ango ekouma owe mowange okonanola mawo ma owe moto odji akoohela libele, akookpala owe eholo enge etibale owe.'' 19 Akelali ndjongo la oinei logo wungo ekoha inde la eho Mwengei otwa. Ango esisali inde oasi eho, aasali la Petele ate, ''Bilia mbai.'' 20 Petele ayakukolali aenia mbuse ewu motutiani ongo Yesu amobalali ngbii akobiliaka, edjei inde ongo, la wilaka wa pokwa alangeyali wenge la mokpoto mo Yesu aasali koto la inde ate, ''Likumu ndai akootamba?'' 21 Ango emoenia inde, Petele aasali la Yesu ate, ''Likumu, ndjongo oholo moto?'' 22 Yesu aasali la inde ate, ''Inga ibala ate awumwe tee ekodja mbai, eodhengi owo? Owe bilia mbai.'' 23 Engbundu eho esombali ndondo e wamangbasu, ate motutiani moho atigba. Kaikoase, Yesu atiasali la inde ate, atigba, ase nde, ''Inga ibala ate aumwe tee engele ekodja mbai eodhengi owe?'' 24 Motutiani moho nde moto akohaka litotoli la kole e dji sambo koto inde nde moto odhingali dji sambo, koto toewi ate litotoli linge likohaka inde lidjei meemene. 25 Edjaali koto sambo djinge ikelali Yesu, djinge inga kpaa edhinganali mwesi la mwesi eho, imungoyi, moki muho amene motiengali wabuku djinge edhingani.

Acts

Chapter 1

1 Teopile, la litanda la mbai e poo, iyasi djinge kpaa Yesu apotali okeli la otiesakoli koto, 2 tee lisiyo linge etelali inde la likolo, mbuse e inde ohi tomani la mboka e elimo satu atie tutiani wango awaonali. 3 Mbuse e oeni odjidji, ayaeneseli la mokalo atie iwo la wilembeli ngbii e omeemene. Aeneneli la iwo masiyo tuku ineyi, adjakali koto owaaseli sambo djinge edhendji okumu wo Mwengei. 4 Nda ndenge edjalikali inde la iwo, awahali tomani ate: ''Otilongwe la Yelusalema, ase lambelani ema enge Wawa awunali, enge iyoaselalini ino.'' 5 Yoani adjakali opatesi la malia, ase ino, la masiyo makeke, okopatisanani la molimo satu. 6 Ango wayutiani wabolianali wamohuelia ate: ''Likumu, ndji la ehele engele nde ekowongoselaka owe Isalayele okumu?'' 7 Awawongoselali ate: etiodhendeni ino la oyewi engele la masiyo mango Wawa abati sese e okumu wonde amene. 8 Ase okototani okulu engele molimo satu ekodja likolo lanu, okodjani watotoli wa mbai la Yelusalema, la Yudea kpaa, la Samalia, tee la gboo e moki. 9 Mbuse e oasi ndjongo, Likumu Yesu adjambanali likolo ndji wakomodhendaka, lipata limodhihia la maiso mawu. 10 Ango edjaki iwo ndji odhendji likolo, engele edjakali inde oki, dhenda, wato waale wakpali wisindje bubake wawapumbelali. 11 Waasali ate: ''Pele dja Galilea, ndjoni eyamalini ino okodhendakani likolo? Yesu ongo, odjakali la ino akpalania koto likolo, akodja koto ndji ndjongo ndenge emoenini ino akotelaka likolo.'' 12 Wawongwali la Yelusalama, walongwali la mokoli mungo moweli iwo mokoli mo Oliba, enge edjei ahue e Yelusalema, la lihele e okendo e lisio liesi. 13 Ango elingelali iwo, watelia la mwange e likolo ongo ehahanali iwo odjei, wadjakali Petelo, Yoani, Yakobo, Andele, Pilipo,Toma, Batelemi, Matia, Yakobo mana o Alope, Simoni moto o mogalia, la Yudasi mana o Yakobo. 14 Wayabondali, iwo kpaa wananganali la oyakongi, mongindji la wadji wali la Malia nango Yesu, la wamanango wa pele. 15 La mango masio, Petelo ayamalali liwoso la wamanango, iwo kpa wadjali kama esi la iwale, aasali, 16 wamanima, eongoni madhingo maengane, enge elimo satu eyasali liwoso la monoko mo Davidi la loyi e Yudasi, ongo osombesali wango wamohelali Yesu. 17 Adjali la iso, atotali lisango e wu otomo. 18 Oholo moto, asombali elanga e liputi e logo, akwali liwoso, aatanali, solo djande kpaa ipumbali. 19 Ehele loyi eyewani la wato kpaa wango wayabati la Yelusalema, eho lenge la monoko mowu, wakowelaka elanga eho ''Akeledama'' epoti oasi ''Elanga e makila. 20 ''Laate edhingani la litanda e lembo ate, ' ebete ende eyabatake etikale ohola, moto koto atiyabate ongo'; moto odji koto atote mokpali monde.' 21 Ewongi, la wango wasombali la iso masio kpaa ango edjakali Likumu Yesu la iso, 22 opoti la patisa etotali inde la Yoani tee lisio linge litotanali inde ndondo esu, mwesi la pele djaho awume mototoli e obasi wo Yesu mongindji la iso. 23 Wahia wato waale: Edjepu ongo owelani Balasabasa, wamosingiali Yusitusi, la Matiasi. 24 Wakelali ehele oyakongi: Likumu, owe nde oyewi mitema ma wato kpaa, inya iwo waale omooni ndai, 25 laate atote wu otomo koto wotutiani, enge Yudasi adheeli koto atutiali mboka ende amene. 26 Wabingia djege, djege emokwelia Matiasi, ase aboleyanali ebete esi la watutiani lomi la esi.
Chapter 2

1 Ango lisio la patekote e potali oumi; wadjakali iwo kpaa ebete kikima. 2 Mbala kikima moli epumbali likolo nda ehoho enge edjei la lihohela, etumali la monguta ongo oyabatali iwo. 3 Ndemo nda e misa eeneneli atie iwo koto eyakawanali, koto mwesi la mwesi eyabatali likolo la moto e moto ndondo ewu. 4 Iwokpaa watumali la elimo satu koto wapotali oasi la minoko madji nda elimo edjali owahekeli iwo mboka la oasi. 5 Kaikwase, Wayuda weeti, la pele djinge wakowangaka Mwengei, wadjaali oyabati la Yelusalema walongwali la mikii kpaa minge midjei sese. 6 Ndjongo, ango modudu muho mopumbali, ebiba e wango wato wayaboleali koto wakamwali ngbii, te pamba moto la moto adjaali owaoki iwo wakoasaka la monoko monde mo saa. 7 Iwo kpaa watikalali mono ohola koto watumali la okamwi, waasali koto ate: ''Dengayo, wango kpaa wakoasaka wadjei wato wa Galilea? 8 Nda ndenge tokookaka, moto la moto ndondo esu, la monoko monde enge ewotamali iso la eho. 9 Wapalate la Wamede la Waelama, la wato wango wakoyabataka la Mesopotamia, la Yudea, la Kapadosi, Poti la liwange e Azia, 10 la Piligia la Pamipilia, Ezipito la wisuki wa Libia winge widjei ngambo e Silene, la wato wango wadjei ahala, wango wadjaali la Loma, Wayuda la wa Pozelita, 11 wato wa Keleta la Walabe, tokowaokaka wakoasaka sambu sungu e Mwengei la minoko masu. 12 Iwo kpaa watumali la okamwi la osombesi koto mamungene; wadjakali oyaaseli iwo la iwo, lu loyi eengi oasi woni? 13 Kaikwase weeti wadjakali owaseki, wadjali koto oasi ate: wagbeti bino elelake. 14 Ase Petele ayamalali mongindji la watutiani liomo la esi, adjambali moli monde, aasali la wango wato ndjo: ''Pele djaa Yudea koto ino kpaa wato wayabati la Yelusalema, yewani wu loyi koto tambani litoyi la wingbundu wa mbai. 15 Meemene, wa wato walangoyiti maana nda ndenge ekomungwaka ino, laate ehele edjei engele esato e wuse. 16 Ase ehele edjei sambo djinge eyasanali la mboka e motiesakoli Yoele ate: 17 Mwengei aasi ndjo: La masio ma gboo, ikoswela wato wa ndenge kpaa ndambo e elimo e mbai, koto wana wanu wa pele la wana wanu wa wali wakotiesakala koto wilenge wanu wakoene wieneseli koto mbange djanu wakolota saki. 18 Edje te tuke dja mbai dja pele koto la tuke dja mbai dja wali ikowaswela iwo ndambo e elimo e mbai la mango masio, iwo koto wakotiesakola. 19 Ase ikohekele makamwesi la oyinyei sambo djinge ekodja ongo likolo koto wilembo la mbume ahala sese, makila koto misa la ligite e milungu. 20 Wuse ekoyakukola koto la likolo, ndebo koto ekoyakukola la makila liwoso ate eume lisio lisungu koto e otwa e Likumu ekodja. 21 Ase moto kpaa ango okodhumbeya kombo e Likumu akokala. 22 Pele dja Yisalayele, okani ehele wingbundu: Yesu o Nazaleta oholo moto Mwengei aaselali liwoso lanu la tomo e tetelake koto la makamwesi eenesake sambo djinge igeleli koto la wilembo winge Mwengei akelali la mboka ende ndondo enu, nda ndenge eyewini ino amene. 23 Oholo moto, nda moto ongo okawani la otutei mwano mungo mwananate koto la oyewi wungo Mwengei adjei la eho eyewake sambo liwoso, ino omobakali la ekulusu la mawo e wato wango wakobukaka pui koto omoolalini. 24 Ase Mwengei amobasisali, la ndenge alongosali ehelani e logo, laate etiengali okelani ate ahelane ndji la eho. 25 Laate Davidi aasi la loyi londe ate: Ikoeneke engele kpaa Likumu liwoso la maiso ma mbai, la ebili ate adjei la ewo e mbai e lilome, laate itiyabande te ma keke. 26 Eho lenge motema mo mbai modjei la mwemu, lolemu lo mbai etume la iyelo, aleeti wenge wa mbai ekohoma la liwuna. 27 Laate otitika molimo mo mbai ndondo e mbila, otiha koto mboka ate moto o owe molamu ahole. 28 Oyewesi mbai mboka e mokalo, okotumesa mbai la mwemu e mbanda e owe. 29 Wamanima, ehani la mbai iyoaseleni te la mbangi, la loyi enge emodhendji tata osu Davidi, ongo ogwali, wamoombali koto mbila ende edjei ndondo e iso tee la masio makeke. 30 Ndenge edjakali inde motiesakoli aleeti ayewali ate Mwengei amolapelali ndai ate akomobata moto mwesi la litoto lande likolo e ngbelengo e inde. 31 Aenali liwoso koto aasali la loyi e obasi wo Kilisito ate atidheeneli ndondo e mbila, koto wenge wande witihololi. 32 Edjei Yesu nde Mwengei amobasisali, todjei iso kpaa watotoli e loyi loho. 33 Adjambanali la ewo e lilome e Mwengei, atotali koto atie Wawa elimo satu enge ewunanali, aswia enge ekoeneke ino koto ekookaka ino. 34 Laate Davidi atitelali la likolo, ase aasi inde amene ate: Likumu aasali la Likumu la mbai ate: ''Abata la ewo e mbai e lilome 35 tee ekobata mbai mitone ma owe nda esuleli e makolo ma owe.'' 36 Monguta kpaa mo Yisalayele moyewe la omeemene ate Mwengei amowumesi Likumu koto Kilisito, Yesu oho ongo omobakani ino la ekolusu. 37 Mbuse e ooki ndjongo, mitema mawu mikondjuali, waasali la Petele koto la watutiani wadji ate: ''Wamangbasu tokele woni?'' 38 Petele awaaselali ate: ''Kukolani ekaleli enu alidji mwesi la mwesi onu apatisane la kombo e Yesu Kilisito, la ototi wolimbesi e masumu manu, aleeti okototani likawo e elimo satu. 39 Laate liwuna lidjei etie ino, la wana wanu koto la wango kpaa wadjei lihele, la wango kpaa Likumu Mwengei osu akowawela atie inde.'' 40 Aleeti, la wingbundu ngbii ahali litotoli koto adjakali owahekeli mogalia, aasia ate: Yakalesani la ehele oliye ehinani. 41 Wango wagemeiyali engbundu ende la motema kpaa wa patisanali, koto la lisio laho milimo inga mbuka isato ikalali. 42 Wadjakali oyahekeli la matiesakoli e watutiani, koto oboliani iwo la iwo, olaki la oyakongi. 43 Bhoo edjakali okueli molimo kpaa, koto la makamuesi eenesake sambo djinge igeleli, la wilembo wipotali okelani la mboka e watutiani. 44 Wango kpaa wagemeiyali wadjali ebete eikima, 45 wadjakali otambi wihoo wau koto la ogumake wau, koto okawoli la moto kpaa wambele etotali iwo, ndenge moto la moto adjakali la ewongoli. 46 Wadjakali masiyo kpa oboleani la Tepelo, wadjakali olaki okoke ewu ndondo e milako, aleeti wadjali ototi ilaka wawu la mwemu koto la oyahohisi motema, 47 wadjakali o mogani Mwengei, koto wato kpaa wadjakali owaenesi logoo. Aleeti Likumu adjakali olingesi masio kpaa la losambo wango wadjakali okali.
Chapter 3

1 Petele la Yoani watelali mongindji, la engele e oyakongi, edjali engele e libwa. 2 Edjali la molome mwesi motengwaka e wotamake, wadjali omokpali, koto omobati masio kpaa la moluhe mo tepelo, linge liweli iwo Olamu, laate aongake makao ma osikana atie wango wakolingelaka la tepelo. 3 Moto oho, amwenia Petele la Yoani waokeke olingeli la tepelo, apotali oongi laate atote makao ma osikana. 4 Pitele, mongindji la Yoani walumbali ehoi ya inde, ase Petele aasia ate: ''Todhenda iso.'' 5 Ase awadhengia la mwano kpaa, la odhendeli ate akotota ema te esi ya iwo. 6 Sikandjo Petele asia la inde: ''Iti la palata la wolo, ndjongo djinge edjei mbai la eho eho nde ikoha la owe: La kombo e Yesu Kilisito o Nazaleta, yamala koto somba. 7 La eho, Petele amohelali la ewo e lilome, amwaamalesia, ndji la enge engele, mangbanda e makaolo mande la mouli mande matetelali. 8 Ahumbwali ayamalia, ase apotali osombi, alingelali mongindji la iwo ndondo e tepelo, adjali osombi ohumboi la omogani Mwengei. 9 Wato kpaa wa mweneli akosombaka koto akomoganaka Mwengei. 10 Wamwewali ate edjakali inde ongo odjali oyabati la oongi makao ma osikana la moluhe Molamu e tepelo, watumali la oyahueli koto la owangi la loi wungo emowumelali. 11 Nda etiwadheli inde Petele la Yoani, wato kpaa watilali obangu ya iwo, la ebete edjakali iwo oweli etombo e salomona. 12 Ango eenali Petele ndjongo, aasali la wato waho ate : ''Pele dja Isalayele, lande ekoyahuelakani ino la wu loi ndjo? lande ekotodhendakani ino, nda edjei la otetelaki wosu amene te inga la mboka esu nde ekeli ata tomosombese oholo moto? 13 Mwengei o Abalayama, la Isaka, la Yakobo, Mwengei o watata wasu, ahekeli otwa atie motuke monde, Yesu ongo omokawalini ino koto omowungani liwoso la Pilato, ongo olukali omodhei. 14 Omowunganyani moto mosatu koto moto molamu, ase oongalini molome mwesi, mooli mo wato, ate waoeneseleni ino magba e omodhei. 15 Omooliani Likumu o mokalo, ase Mwengei amosusolali tee ongo la wagwi, iso todjei watotoli e loyi laho. 16 Eho lenge, kombo ende, la mboka e ogemei osu la kombo ende, etetelesia moto ongo okomodhendakani ino koto ongo omoyewini, koto ogemei wungo wodjei la mboka ende emoumesia oholo moto la mokalo la maiso manu kpaa. 17 Ase sikandjo, wamanima, iyewi ate okelalini la odjangi oyewi, ndji ndenge makumu manu koto wakelali. 18 Ase Mwengei aengesi wungo ounali inde atie watiesakoli wande, ate Kilisito onde akoene odjidji. 19 La ndjongo, kukolani esombeli enu, koto yakukolani laate masumu manu malimane 20 laate gboo e limbile edje atie Likumu inde amene koto laate amotome Kilisito ongo obatani la kole enu, Yesu. 21 Ongo likolo eengi omobanye tee wiengele winge Mwengei akowongosa sambo kpaa poli ndenge eyasali inde la monoko mo watiesakoli wande wasatu la engele e gala. 22 Moize aasali ate: Likumu Mwengei akowumeselani ino ndondo e wamangbanu motiesakoli mwesi nda mbai. mookani la otutei sambo kpaa enge ekoasani inde la ino. 23 Molimo kpaa ongo otimooka motiesakoli moho, akoolana ndondo e wato kpaa. 24 Edjei ndjongo, watiesakoli kpaa opoti la Samuele, la wango wamotuteali mbuse, wango kpaa waasali, watiesakolali koto ma masio la hoho. 25 Odjeini wana wa watiesakoli koto la ogemeiyani wungo Mwengei akelali mongindji la watata wanu, ango eyasali inde la Abalayama ate: La mogono mo owe maliye kpaa e mbume ekopambwana. 26 Edjei atie ino yo nde Mwengei amwamalesali motuke monde, amotomali laate aopambweni koto la olongosi mwesi la mwesi onu la tomo djande mbe.
Chapter 4

1 Kaiko nde ango Petele la Yoani wadjakali oasi la wato, wanganga Mwengei makumu la wasindjili wa tepelo koto la wasadukai wawapumbelali. 2 Wayatungesali nda edjakali iwo otiesakoli wato, koto la otiesakoli la hoho obasi e wagwi la enge emodhendji Yesu. 3 Wawabatali mawo, wawabatali koto la woyogo tee lisio linge libilei. 4 Ndji ango ngbii e wango waokali engbundu eho wagemeiyali; motio mo pele ewumali inga koto itano. 5 Wuse wungo wobilei, makumu wagbotonoli la Yelusalema. 6 La Anasi nganga Mwengei likumu la Kaipa la Yoani la Alezandele la wango kpaa wadjakali wato wa oliye e wanganga Mwengei likumu. 7 Wabatali Petele la Yoani la odja ewu, wadjakali ohueli ate: ''La nda okulu inga la kombo e ndai ekelini ino lu loyi?'' 8 La eho Petele, nda etumesalanali inde la elimo satu, aasali la iwo ate: Makumu ma wato koto la wagbolo, 9 inga tosambesana keke, la loyi e sambo ndamu enge ekelani atie moto o ekoni, la oyewi inga la mboka e ndai oholo moto akali, 10 Eewane la ino kpaa, koto la wato kpaa wa Yisalayele, ate la kombo e Yesu Kilisito o Nazaleta, ongo omobakalini ino la ekulusu, ase Mwengei amobasesia tee ongo la wagwi, la mboka ende nde oholo moto opele ayamali liwoso lanu la wenge tetelake. 11 Yesu Kilisito adjei libukeli linge lilumbali ino wamai monguta, eho nde ewumali moika e monguta. 12 Mokalo eti la oeti moto; laate kombo eeti eti ala sese enge ehani ndondo e wato, enge eongi la iso okali la mboka eho. 13 Ango eenali iwo oasi wo hoho e Petele la Yoani, ndjongo wakamwali, laate waewali ate wadjei wato wango watitange kelasi . Wadjali oewi olamu ate wadjakali mongindji la Yesu. 14 Ango edjakali iwo odhendji ohongo moto okalali ayamali mongindji la iwo, watidjakali la loyi loasake. 15 Ase wawahali mboka ate wapumbe la Sanedelina, wapotali oyahueli iwo la iwo, 16 waasali ate: Tokokela woni la wa wato? Laate la omeemene pendja elembo esi esungu ekelani la mboka ewu, enge eeneni la hoho la wato kpaa wango wayabati la Yelusalema, toengiti koto owungani eho. 17 Ase, laate loyi luho litiandjane alidji la oeteli ndondo e wato, towayewese la oani ate, watiase la kombo eho alidji la moto te moikima. 18 Wawawelali iwo, wawatekisali ate waase te watiesakole la kombo e Yesu. 19 Ase Petele la Yoani wawaongoselali ate: Inga edja sambo ndamu la maiso ma Mwengei ate tookeni ino la ebete ete tomooke Mwengei, ino amene tenani loyi. 20 Iso toengiti odhei oaseli djii sambo eeni iso koto eoki iso. 21 Ango esisali iwo owaaseli la oani, wawapumbesali, laate watieneli loyi te luesi la owahi etumbu koto la loyi e wato, la ebili ate iwo kpaa wadjakali omohi Mwengei otwa la loyi wungo wokelanali. 22 Laate oholo moto atie inde elembo eho e mokalo ekelanali adjakali la wilanga oyeti tuku inei. 23 Mbuse e opumbi, Petele la Yoani wakeeli atie wato wau amene, wawaaselali sambo kpaa djinge wanganga Mwengei la wagbolo waasali la iwo. 24 Ango eokali iwo ndjongo, wadjambali mili mau la oboliani pendja atie Mwengei, waasali koto: ''Motiesakoli, odjei Mwengei ongo okeli likolo, mbume, ewale la wihoo kpaa winge widjei ndondo eho. 25 Koto ongo la mboka e elimo satu oasali la monoko mo tata osu Davidi, motuke mo owe ate: ndjoni minga miumia la miki koto wato wa miki wakobundwaka ndji sambo djinge idjangi kole? 26 Makumu ma mbume wayamalia la makumu wayaboliali nda moto moikima la omoyamaleli Likumu, koto la omoyamaleli moto onde okpulani maita. 27 Kaikoase, Elode la Pose Pilato la wato wa miki, mongindji la wato wa Yisalayele, wayaboliali ndondo e ehele gbata, la omwamaleli motuke mo owe mosatu Yesu, ongo owe omokpulali maita. 28 Laate ikokelaka sambo djinge ewo e owe koto mwano mo owe eyanali liwoso ate ekopumba. 29 Ase sikandjo, Likumu, ene ndjangi djau, ndjongo ehekele mituke ma owe maengi eyaselake engbundu e owe la mohandja. 30 Ango okonanolaka ewo e owe la okalesi koto ango wilembo koto makamwesi eenesake sambo djinge wikodja, ekokelanaka la kombo e motuke mo owe mosatu Yesu. 31 Ango esisali iwo oyakongi, ebete enge eyaboliali iwo edudumali, iwo kpaa koto watumali la elimo satu wadjali oaseli engbundu e Mwengei la mohandja. 32 Ebiba e wango wagemeiyali wadjakali la motema sa mwesi koto la molimo sa mwesi, koto moto tueti adjakali oasi ate enge ema edjei e inde amene la wihoo winge widjakali inde la eho. Ase wawanesali wihoo kpaa mongindji. 33 La okulu wosungu watutiani wadjakali ohekeli litotoli la kole e obasi e Likumu Yesu, koto magba masungu edjakali ngbii atie iwo kpaa. 34 Moto tueti ndondo ewu adjakali la odjangi, laate wango kpaa wadjakali la wilanga inga minguta, wadjakali otambi eho koto okpali makuta ma wihoo winge witambani 35 wadjakali otiki eho la mawo ma watutiani. Mbuse eho wadjakali okawoli eho moto la moto la ndenge eengani la posa ende. 36 Edjepu, ongo watutiani wamohali kombo Balanabasi, ongo inga wakukola einei Mana o mohandja, inde Molebi, mana o moki mo Sipelelusi, 37 atambali mobele monde akpalali wadjenge abatali eho la makolo ma watutiani.
Chapter 5

1 Kaikoase, molome mwesi kombo ende Ananiasi la Safila moli onde, atambi ema ende, 2 ase aisali esuki e wadjenge, moli onde koto ayewali eho, akpalali sa esuki abatali eho koto la makolo ma watutiani. 3 Ase Petele aasali ate: ''Ananiasi ndjoni Etota aohi mogalia la omokosi elimo satu koto oisi esuki e wadjenge e elanga? 4 Engele kpaa enge edjakali atie owe, koto mbuse e otambi, etidjakali ndji la mawo ma owe? Woni eyanali owe loyi e ehele ndenge la motema mo owe? Otikose wato, ase omokosi Mwengei. 5 Ango Ananiasi aokali enge engbundu, akwali sese atenali motema, owangi wotetelake ehelali wango kpaa waokali eho. 6 Wapalanga wa pele wayamalali, wamolingali la wisindje, wamokpalali saa, koto wamoombali. 7 Mbuse e wiengele inga isato, moli onde alingelali, atiewali loyi wungo wokelanali. 8 Petele aasali la inde ate: ''Ndjasela mbai, ino waale otambalini elanga la mu motio?'' Inde aasali ate: ''Ndjongo, la mu motio.'' 9 Ndjongo Petele aasali la inde: ''Ndjoni ookanini ino waale laate omomekeni elimo e Likumu? Dhenga! makolo ma wango wamoombali molome o owe idjei la monoko mo moluhe.'' 10 La mbala kikima akwali la makolo mande atenali koto motema. Engele elingelali djinge palanga dja pele, wamogbotoli agwi, wamokpalali koto saa, wamoombali inde koto ahue e molome onde. 11 Owangi etumisanali la lingomba kpaa la wango kpaa waokali sambo djaho. 12 La mawo ma watutiani wilembo ngbii koto la sambo kamwake e eenesi sambo ndjinge ikodja edjakali ndji okelani ndondo e wato. Wadjakali oyabolei la etombo e Salomona. 13 Te mwesi ndondo e wato wadji adjakali la mogalia e oboliani mongindji la iwo. Kaikoase wato wadjakali owagani. 14 Motango mo wango wamogemeiyali Likumu, modjakali oteli, pele la wali, 15 wapumbesali wato wa wikoni te la wamboka wisungu, la owalangesi ongo la wipe wikeke koto la matoko, laate ango ekoeta Petele, inga te elima ende pamba ekomogaa te mwesi la iwo. 16 Ebiba e wato wango walongwali la wagbata winge wisukiani la Yelusalema, wadjakali oyabondji, wadjakali okpali wato wa wikoni, wango koto wahelani la milimo mbee, iwo koto kpaa wakalali. 17 Ase nganga Mwengei mosungu la wango kpaa koto wadjakali mongindji la inde, ma lingomba e Wasadukai enge edjakali la enge engele, wayamalali, koto watumalali la zua 18 wawahelali watutiani, wawabatali la woyogo e wato kpaa. 19 Ase la likolo ahumbwa o Likumu adhukolali miluhe ma woyogo, awapumbesali saa, aasali koto, 20 Kekeni, ango ekoyamalani ino la tepelo, asakani la wato wingbundu kpaa widhengi mokalo. 21 Ango eokiya iwo ndjongo, walingelali boo la tepelo, ase wapotali otiesakoli. Kaikoase ango nganga Mwengei mosungu la wango koto wadjakali mongindji la inde wadjali, waboliali Sanedelina koto limbutukele e wiloko kpaa e wana wa Yisalayele, watomali wato wake owatoti la woyogo. 22 Ase ango eumali wapulusu ongo, watiwagbotali kine ndondo e woyogo, ndjongo wawongwali, la okasumbi mboli, 23 ''iso togboti woyogo edhihani olamu, wasindjili wayamali koto olamu la miluhe, ase ango edhukolia iso, totimogbote moto te moikima. 24 Ango likumu e tepelo la wanganga Mwengei makumu waokia engbundu eho wasilali lokenge la loyi e sambo eho, wadjakali oyahueli inga ekosuka woni. 25 Ase moto mwesi adjali o waaseli: denga! Pele djinge owabatalini la woyogo, wadjei la tepelo, wayamali, wakotiesakolaka wato. 26 Ase likumu e tepelo akeeli mongindji la wapulusu wande, wadjali la iwo, te la minga, laate wadjakali owawangi wato ate watiwabinge mabhukeli. 27 Ndjongo wadjakali la iwo wawamalesali la monguta mo Sanedelina. Nganga Mwengei mosungu awahuelali, 28 wawongosali ate: Tootekisalini la hoho ate otitiesakoleni kine la ehenge kombo, ase, denga! Otumesiani Yelusalema la matiesakoli manu, okoanakani odjeesi makila e moto oho likolo lasu. 29 Petele la watutiani wadji waongosali ate: '' Toengi omotemei Mwengei laate adjei Likumu la ebete e otemei wato. 30 Mwengei e wasangbasu amobasisali Yesu, ongo omoolali ino, la omobaki la ekulusu. 31 Mwengei amoyamalesali moto oho adje Likumu koto Mokalesi la ewo ende e lilome, la ohekeli Isalayele nano ekukolake motema koto e olimbesani masumu. 32 Todjei watotoli e sambo djaho, ndenge kikima koto elimo satu, enge Mwengei ahekeli la wango wakomotemeiyaka. 33 Ango eokali iwo ndjongo, wamemelali, wapakali koto owaoli. 34 Ase Mopalizeyo mwesi kombo ende Gamaliela, motiesakoli mo pui ongo wato kpaa wakomotemeiyaka nee, ayamalali la Sanedelina, atomali ate wapumbese makeke watutiani. 35 Ase aasali la iwo ate: ''Pele dja Isalayele, huakani la wungo obali ino okeli wa wato. 36 Laate liwoso e masio mango Tedasi ayamalali, adjakali oasi ate inde pendja adjei moto, ase ebiba e pele inga kama inei, walingelali la lingomba lande. Ase aolanali, koto wango kpaa wadjakali omotemei wayandjanali, wasilala koto iwo kpaa. 37 La mbuse ende, Yudasi mo Galileya, ayamalali la masio madhingesake kombo, agulali koto wato mbuse ende. Ase moto oho aguali, wango kpaa wadjakali omotemei wayandjanali. 38 La sambo djinge ikoetaka sikalandjo, ikoasaka la ino ate: Otilingeleni la sambo e wa wato, ase wadheeni, la ebili ate inga mungo mwano, te inga wungo otomo elongoyi la wato, ekokwa. 39 Ase inga elongoi atie Mwengei, otiengani okwesi. Okahuakeni laate okodjani osanesi Mwengei. 40 Wamookelali, wawawelali watutiani, wawabingali pimbo, wawaaselali koto ate wadhe oasi la kombo e Yesu, wawadheeli. 41 Walongwali liwoso e Sanedelina, waemelali laate watoloni wato wango waongi la osambo la loyi e kombo e Yesu. 42 Masio kpaa, la tepelo koto la monguta mwesi la mwesi wadjakali oaseli la otiesakoli mboli ndamu enge edhendji Yesu Kilisito.
Chapter 6

1 La masio maho, ango motio mo watutiani modjakali otaleyani, ondunguani epumbali atie Wayuda wa monoko mo Geleki la loyi e Wayuda wa monoko mo Ebele, la ebili ate wadjakali owosani la engele ekawolake wilaka e masio kpaa wali wau wango wagueli pele. 2 Ndjongo, watutiani liomo la iwale wawawelali wango watutiani kpaa atie iwo, koto waasali ate: ''Eti olamu ate iso todhe engbundu e Mwengei laate tokawole wilaka wilakake la wamesa.'' 3 Ndjongo, wamanima , lukani ndondo enu pele sambo e mogano molamu, wango watumi la elimo koto la lokenge, laate towabate la mokpali mungo mo kole. 4 Ase iso toyahe kpaa la oyangongi la otomo e engbundu. 5 Loyi wungo woasali iwo, e emeseli ngbii e enge wato kpaa. Wamoonoli Setepano, moto ongo otumi la ogemei koto la elimo satu, Pilipo, la Polokolo, Nikanola la Timona, la Palamenasi, Nikolasi, moto o moki mo Atiokia ongo oyakukolali mo Yuda. 6 Wawabatali la odja e watutiani, mbuse e oyakongi, wawabatelali mawo. 7 Engbundu e Mwengei edjakali obeki, koto motango mo watuytiani modjakali oteli ngbii ndondo e Yelusalema, koto ngbii e wanganga Mwengei wapotali otemei ogemei. 8 Kaikoase Setepano, ongo otumali la ngolu koto la okulu, adjakali okeli makamwisi masungu eenesake sambo djinge wikodja koto wilembo wisungu ndondo e wato. 9 Ase wato wadji ndondo e wango wadjakali o welani Sinagoga e wakpolani, la wato wa Silena, la wato wa Alesandelia, la wango walongwali la Silisia la Azia, wayamalali la omokokeyi Setepano. 10 Ase watiengali oyamali liwoso e lokenge koto e elimo enge inde adjakali oasi la eho. 11 Wandongbali wato laate waase ate: ''Tomooki akoasaka wingbundu e omotangi Moize la Mwengei.'' 12 Wamemeleseli wato, wiloko la wagbolo, wamohelali, wamokpalali la Sanedelina. 13 Wapumbesali watotoli wa moleho, wango waasali ate: ''Oholo moto atidheeke oasi sambo mbe la ehele ebete mosatu koto la loyi e pui. 14 Tomooki akoasaka ate, Yesu o Nazaleta oho akobitesa ehele ebete koto akokalamba ekaleli enge etohali Moize. 15 Wango kpaa wayabatali la sanedilina wadjakali omodhendji, waeneli ate mbanda ende edjakali nda mbanda e ahumbwa.
Chapter 7

1 Nganga Mwengei mosungu aasali ate: ''Djinge sambo widjei ndjongo?'' 2 Setepano assali ate: ''Pele, wamanima koto wawawa, ookani mbai: Mwengei o otwa apumbelali tata osu Abalayama ango edjakali inde la Mesopotamia, liwoso ate apote oyabati la Halana; 3 aasali la inde ate: pumba la moki mo owe, koto wamangua, keke la moki mungo mokooinya mbai. 4 ''Apumbali la moki moho mo Wakalideya, apotali oyabati la Halana. Ongo mbuse ango sango akuali, Mwengei amolongosali la enge ebete eyabatali inde laate ake la moki mungo ino oyabati sikalandjo. 5 Atimohali lisango te liikima, te mbume enge eengani la osungu e ligilili e lokolo, ase omowunelali nde omohi eho laate edje ema ende, koto e litoto lande mbuse ende, inga te ate la enge engele atidjakaliyo la mana. 6 Mwengei aasali la loyi laho ate, lisango lande likodja wato wango wakoyabata wadjidji la moki mo wadjidji, koto wato waho wakoawumesa tuke, wakoaenese koto odjidji wilanga kama inei. 7 Ase moki muho mungo iwo wakokelela nda tuke, mbai okosambesa eho, mbuse e sambo djaho, wakopumba, wakokelela mbai koto otomo mosatu la ehele ebete. 8 Mwengei amohali koto Abalayama ogemeyani etenanake kombeni, la eho amootali Isaka, amotenali kombeni la lisio la mwambi, Isaka amootali Yakobo, Yakobo awotali makumu liomo la maale e watata. 9 Watata waumali la zua atie Edjepu, wamotambali la Ezipito; ase Mwengei adjakali mongindji la inde 10 amobanyali la odjidji wonde kpaa, amohali koto ngolu koto lokenge la maiso ma Palao likumu o Ezipito. Amobatali la osombesi Ezipito la monguta monde koto kpaa. 11 Ndjala ekwali Ezipito kpaa la Kanana, wodjidji weesi wosungu, watata wasu watidjaakali kine la ilaka. 12 Ase Yakobo aokali ate wilaka ilakake widjei la Ezipito, atomali wasangbasu mbala e poo. 13 Koto la mbala e wale Edjepu ayainyali atie wamanango, koto oliye wo Edjepu eyewanali atie Palao. 14 Edjepu awatomali wamanango wake omoweli Yakobo sango la wato kpaa e oliye wonde, iwo kpaa wadjakali wato tuku sambo la itano. 15 Yakobo ayadjimbali la Ezipito, aguali, watata wasu koto waguali. 16 Wenge wau wikpalanali la Sekema koto wawalangeyali la mbila enge Abalayama asombali la motio e wadjenge e palata atie wana wa Hamola la sekema. 17 ''Ango engele edjakali owomi la hue laate liwona wungo Mwengei atiesakolali la hoho atie Abalayama eengesane, wato waotanali ngbii, waumali ngbii la Ezipito, 18 Tee engele enge odji likumu apumbali la Ezipito, ongo otimoyewali Edjepu. 19 Akelelali moki mosu lokenge lobe, agugali wasangbasu laate wapumbese wana wau wakeke, la ebili ate watiwadhee la mokalo. 20 La engele eho, Moize awotamali, awongali koto te la maiso ma Mwengei; wamobanyali ndembo isato la monguta mo sango. 21 Ango emolumbali iwo, mana o moli o Palao amoliali koto amowokololi nda mana onde amene. 22 Moize atiesanali la lokenge kpaa e Waezipito, aumali la otetelake la ogbomeli koto la tomo djande. 23 Ango elanga ende e tuku enei edjakali oyeti, amungolali la motema ate ake awadhendji wamaanago, wana wa Isalayele. 24 Ango eeneli inde mwesi ongo wadjakali omokeli obe, amolingelali, awongosali obe la loyi e moto ongo wadjakali omoenesi odjidji la ooli ongo Moezipito. 25 Inde adjaali omungoyi ate wamanango wakoewa ate Mwengei moto obali owakalesi la ligamesi e ewo ende, ase watiewali ndjongo. 26 La lisio linge libileyi awapumbelali ango edjakali iwo osani, amekali owongosi logoo ndondo ewu, aasia: '' Pele, odjeini wana wauma. Woni ekokelanakani ino obe? 27 Ase ongo odjakali omokeli manango obe, amohilali, aasali ate: ''Ndai aobati owe likumu koto djodji osu?'' 28 Otilukaaka ate ondjole mbai nda emoolali owe Moezipito kolokolaka? 29 Ango eokia Moize enge engbundu, atilali, awumali oyabati modjidji la moki mo Midiana, ongo ewotali inde wana wa pele waale. 30 Ango eengali wilanga toku inei, ahumbwa mwesi amopumbelali la esobe e mokoli mo Sinai ndodno e lolemu wo misa e ma mote e keke. 31 Ango eenali Moize ndjongo, ayahuelali la loyi enge eenali inde; ango edjakali inde oyandongbi la odhendji olamu, moli mo Likumu mokpomali, 32 Idjei Mwengei e watata wa owe, Mwengei o Abalayama, koto o Isaka koto o Yakobo, nda ongilimi e moetelali Moize atimekali alidji odhendji ongo. 33 Ndjongo Likumu aasali la inde: tuba wikpokpo e makolo ma owe, laate ebete eyamali owe, edjei mbume mosatu. 34 Eeni wodjidji e wato wa mbai ongo la moki mo Ezipito, ioki oyatati wou, koto iyadjimbi laate iwakalese. Djaka sikandjo, ibali ate iyotome ongo la Ezipito. 35 Moize oho, ongo omowunganali iwo, waasali ate, ndai aobati owe likumu koto djodji? Inde moto oho nde Mwengei amotomali nda likumu koto nda mokalesi la ligamesi e ewo e ahumbwa ongo omopumbelali inde la ma mote enge e keke. 36 Edjaali Moize nde awapumbesali mbuse e okeli sambo kamwake e eenesake sambo djinge wikodja koto wilembo la Ezipito koto la ewale etanake koto la esobe wilanga tuku inei. 37 Inde nde Moize ongo oasali la wana wa Isalayele ate: 'Mwengei akomalesela ino ndondo e wamangbanu, motiesakoli mwesi nda mbai. 38 Inde nde odjakali ndondo e liboliani la esobe mongindji la ahumbwa ongo odjaakali oasi la inde la mokoli mo Sinai koto mongindji la watata wasu, atotali koto wingbundu mosatu e mokalo la ohekeli ino. 39 Ase watata wasu watibalali omotemei, wadjaakali omotoni, la mitema mawu wawongwali la Ezipito. 40 Waasia la Alona ate: Totulela iso wamwengei wango wakosomba liwoso lasu. Laate Moize oho, moto ongo otopumbesali la moki mo Ezipito, toewiti nda ema emoumeli. 41 Ndjongo watulaali mana ongombe, watelesali mbeka atie elima eho, wapotali oemeli la tomo e mawo mau. 42 Ase Mwengei ayakukolali, awakawali laate wakelele miyoto ma likolo, ndenge edhingani la ahala e watiesakoli, etidjakali atie mbai nde ohalini nama enge eolani koto wambeka la oumoyi e wilanga tuku inei la esobe, monguta mo Isalayele? 43 Ase edjakali nde hema e Moloke koto wenge e mwengei Lepana enge ekpalalini ino, wilima winge wikelalini ino la oyakongi la eho: ndjongo ikookpalani lihele oyeti Babilona. 44 Watata wasu wadjakali la hema e litotoli ndondo e esobe, ndji ndenge Mwenge ahekeleli pui ango edjakali inde oasi la Moize akele eho la otuteyi enge eeneli inde. 45 Watata wasu wango watotali lisango laho, walingesali koto eho mboka esi la Yosuwa la moki mo wapagano, enge Mwengei aumbali la iwo liwoso la watata wasu. Hema eho eumuali ongo tee masio ma Davidi. 46 Davidi atotali ngolu la maiso ma Mwengei, aongoli koto nano ndamu e omototeli Mwengei o Yakobo ebete eyabatake. 47 Ase Salomo moto omomayelali Mwengei monguta. 48 ''Inga te ndjongo, ongo oeti likolo atiyabataka, la minguta minge mikelani la mawo. Ndji ndenge motiesakoli akoasaka, 49 Likolo lidjei ngbelengo e okumu o mbai, mbume edjei ebete ebatelake makolo ma mbai. Monguta e nda ndenge ekomaalelani ino mbai? Likumu aasi ndjongo, koto eni ebete e mbai ehomake? 50 Eti ewo e mbai nde ekelali dji sambo kpa? 51 Ino wato wa mito mangbongi koto wango wadjangi otenani kombeni la mitema koto la ma matoyi, odjeini engele kpaa oyameleli elimo satu; ndenge watata wanu wakelali, ino koto okokelakani ndji ndjongo. 52 Ndai watata wanu watimodjebeleli ndondo e watiesakoli? Waolali wango watiesakolali poo la kole e djaake e Moto molamu, ongo ino oumiani sikala ndjo watambi koto waoli wande, 53 ino wato watotali pui enge ehanali la mboka e waahumwa ase otitemeiyalini eho. 54 Ango eokali iwo djinge sambo, wakondjoli la mitema mau, wapotali koto omolakeli Setepano maino. 55 Ase inde, nda etumali inde la elimo satu, adhendali likolo, aenali otwa wo Mwengei koto Yesu ayamali la ewo e lilome e Mwengei. 56 Setepano aasali: ''Dhenda, ieni likolo lidhukwani koto mana o moto ayamali la ewo e lilome e Mwengei.'' 57 Wahumbali pui esungu la oyadhiki matoyi, iwo kpaa wakwali likolo lande. 58 Mbuse e omolumbi saa e gbata, wapotali omobingi mabukeli. Watotoli walangesali wisindje wau e likolo la makolo e mwenga mwesi omoweli iwo Saulo. 59 Wadjakali ndji omobingi Setepano mabukeli, ango edhumbiali inde, aasali ate: ''Likumu Yesu, yamba molimo mo mbai.'' 60 Mbuse e inde okpii la mauli, ahumbali pui etetelake ate: ''Likumu, otiwatangele ehele lisumu.'' Mbuse e oasi ndjongo alangalali ndondo e logo.
Chapter 8

1 Saulo agemyali logo e Esetepano. La lisio laho, odjidji ewumelali lingomba la Yelusalema; iwo kpaa longosa ndji watutiani, wayaandjali la miki mikeke e Yudea koto la Samalia. 2 Ase pele djinge wakomowangaka Mwengei, wamokpalali Setepano la oki o moombi, wamolelali koto nee. 3 Saulo, apotali oenesi lingomba odjidji la ndenge mbe. Adjakali olingeli la monguta mwesi la mwesi opumbesi pele la wali, adjakali owalumbi la woyogo. 4 Wango wayandjali, wakeli ebete la ebete la otiesakoli mboli ndamu e engbundu. 5 Pilipo ayadjimbali la gbata e Samalia, apotali otiesakoli Kilisito atie iwo. 6 Ebiba e iwo kpaa, wadjakali oyangatali la sambo djinge Pilipo adjakali oasi, ango edjakali iwo ooki la odhendji wilembo winge widjakali inde okeli. 7 Laate woto ngbii wadjakali la milimo mibe, milimo miho midjakali ohumbi pui la otili. Wato wagui makolo la wango wakotenguaka wakondjali mokalo. 8 Mwemu esungu edjakali la gbata eho. 9 Ase la gbata eho molome mwesi adjakali, kombo ende Simoni, ongo, liwoso e djinge sambo, adjakali okeli tomo dja lilando, adjakali okamwesi moki mo Samalia, adjakali oasi inde adjei moto mwesi mosungu. 10 Iwo kpaa opoti la wana wakeke tee la wiloko wadjakali omogemei la oasi ate: ''Oholo moto adjei okulu wo Mwengei, enge eengi owelani osungu. 11 Wadjakali omogani, laate apotali owakamwesi tee la gala la tomo djande dja lilando. 12 Ase ango emogemeiyali iwo Pilipo, ongo odjakali otiesakoli mboli ndamu e wokumu wo Mwengei koto e kombo e Yesu Kilisito, wapotali opatisani, pele la wali. 13 Simoni inde amene koto aumali mogemei, ase, mbuse e opatisani, ahelanali engele kpaa la Pilipo, adjakali okamwi la oeni ndenge wilembo koto tomo sungu e okulu edjakali okelani. 14 Ango watutiani wa Yelusalema waokali ate Samalia eyambia engbundu e Mwengei, wawatomelali Petele la Yoani. 15 Iwo wayadjimbali, wakongali la loyi e iwo laate watote elimo satu. 16 La ebili ate elimo satu etimodjimbelaliyo moto te moikima ndondo ewu, ase wapatali sa la kombo e Likumu Yesu. 17 Ndjongo Petele la Yoani wawabatelali mawo, wapotali ototi elimo satu. 18 Ango eenia Simoni ate elimo satu edjakali ohekelani engele watutiani wabatelali wato mawo, alukali owahi wadjenge. 19 Aasia ate, ''Hekele mbai koto ehele okulu, laate moto kpaa ongo okomobatela mbai mawo atote elimo satu.'' 20 Ase Petele amwaselali ate: ''Dhee ate palata dja owe ebitane mongindji la owe amene, laate omungoi ototi likao e pamba e Mwengei la wambele. 21 Oti la likao koto la lisango la lu loyi, laate motema mo owe monanolaniti la maiso ma Mwengei. 22 Ndjongo, kukola motema la obe e owe, koto yakonga la Likumu, laate inga liengi likodja, oani e motema mo owe elimbesane. 23 Ikoeneke ate otumi la ngenge koto moliki monangake e odjangi sambo ndamu. 24 Simoni awongwesali ate: ''Pele ino nde yakongani la Likumu la loyi wo mbai ate te esi e sambo djinge easi ino etiwumele mbai.'' 25 Ango esisali iwo ohekeli litotoli lilamu koto la oaseli engbundu e Likumu, wawongwali la Yelusalema, wadjakali koto otiesakoli mboli ndamu la miki ngbii ma Samalia. 26 Kaikoase ahumbwa mwesi o Mwengei, amoumelali Pilipo, amwaselia: Yamala, keke la sidi, la magalasano enge eyadjimbi la Yelusalema tee la Gaza. (''Edjei mboka e esobe. ) 27 Ndjongo ayamalali, ase akeeli, dhenga, mokube mwesi moto o Etiopia, moto mosungu ongo odjakali omokeleli kandasa likumu moli e wato wa Etiopia, inde koto nde adjakali odhendeli ogumake wonde kpaa. Akeeli la Yelusalema la oyakongi. 28 Adjakali owongoi ayabati la likalo lande adjakali otangi la moli mopamake motiesakoli Isaya. 29 Elimo eyasali la Pilipo ate: ''Yandongba, yahelela la ehele likalo.'' 30 Pilipo akeli obangu la lisuka e likalo, amookali inde akotangaka la moli mopamake motiesakoli Isaya, aasali la inde ate: ''Okoewaka pendja sambo djinge ekotangaka owe?'' 31 Inde amowongoselali ate: Iengi oewi eho nda ndenge, inga moto atitiesakole mbai? Ayakongali la Pilipo atele ayabate koto mongindji la inde. 32 Kaikoase esuki e madhingo enge edjakali inde otangi la moli mopamake edjaki ehele ndjo: ''Nda meme, akpalanali la ebete eolanake, koto nda mana o meme ongo otilelaka liwoso e moteni swe djande, inde koto atidhukolali monoko monde.'' 33 La owumoi wo ayadjimbesi wonde, osambesi emolongwesanali. Ndai okoasela sambo e oliye wonde? Laate mokalo monde elongosani ahala la mbume. 34 Mokube amowongoselali Pilipo ate: ''Iyatati la owe, motiesakoli akoasaka lu loyi la kole e ndai?'' La kole ende amene inga la kole e moto odji? 35 Pilipo, adhuholali monoko, nda epotali inde la madhingo maho, amotiesakololi mboli ndamu enge emodhendji Yesu. 36 Ango edjakali iwo osombi la mboka, waumali la ebete enge edjakali malia, mokube aasali ate: ''Denga, malia maama, nde ekotekesa mbaa ate ipate? 37 Pilipo aasali: ''Inga ogemei la motema mo owe kpaa, eho eengi okelani.'' Mokube awongosia: ''Igemei ate Yesu Kilisito adjei mana o Mwengei. 38 Mokube amalesali likalo, iwo kpaa waale wayadjimbali la malia, Pilipo la mokube, Pilipo amopatisali. 39 Ango epumbia iwo la malia, elimo e Likumu emokpalali Pilipo, mokube atimweneli kine. Mokube awongwanelia okendo wonde la mwemu. 40 Ase Pilipo adjaali oyaeni ate adjei la Asedoda, akpandali koto moki muho kpaa, adjakali koto ndji otiesakoli mboli ndamu la wagbata kpaa tee eumali inde la Kaisalia.
Chapter 9

1 Ase Saulo, nda edjakali inde oani koto oluki owaoli watutiani wa Likumu, akeeli atie nganga Mwengei mosungu 2 amoongoli wikpata la loyi e wasinagoga winge widjei la Damasi, laate ahele koto akpale la Yelusalema, moto kpaa ongo okomogboto inde, ongo ogemei mango matiesakoli, edje pele inga wali. 3 Ndjongo nda edjakali inde la okendo, aumali ahue la Damasi, la gbutugbu, ngbai esi elongwali likolo, engalali la lisukasuka lande; 4 akwali la mbume, aokali moli mwesi eyasia la inde ate: ''Saulo, Saulo lande okoeneseke mbai odjidji? 5 Saulo awongosali: ''Owe ndai, Likumu?'' Likumu awongosali: ''Edjei mbai Yesu ongo okomoeneseke owe odjidji. 6 Ase yamala, lingela la moki wakoasela enge ewongi la owe okeli. 7 Pele djinge wadjakali oki la inde mongindji, wayamalali bii, waokali, la omeemene, modudu mo moli mwesi, ase watimoeneli moto. 8 Saulo ayamalali, inga te ate maiso mande maduhuanali matidjakali oeni ema. Wamohelali ewo, wamokpalali la Damasi. 9 Ayabatali masio masato odjangi oeni ,olaki, la okengi 10 Ongo la Damasi motutiani mwesi adjakali ongo, kombo ende Ananiasi. Likumu aasali la inde la mboka e saki ate: ''Ananiasi!'' Ananiasi awongosia: « Mbai ndolo Likumu.'' 11 Likumu aasali la inde: «Yamala, keke la mboka enge ewelani Alima, koto la monguta mo Yudasi, moluka moto mwesi kombo ende Saulo, moto o Talasisi. Laate denga, akoyakongaka. 12 Aenia la saki moto opele mwesi kombo ende Ananiasi alingelia, amobatelali koto mawo laate awongwanele oeni.» 13 Ase Ananiasi awongosali: ''Likumu, ioki atie wato ngbii mboli e ohongo moto pele, sambo ngbii mbembe djinge awakelali wasatu wa owe la Yelusalema. 14 Koto ango edjei inde la okumu wungo wanganga Mwengei makumu wamohekeli inde ehelake la miliki wango kpaa wakodhumbeyaka kombo e owe.'' 15 Ase Likumu aasali la inde ate: keke, laate ohongo moto opele adjei teni enge ewoni mbai la okpali kombo e mbai atie wapagano koto atie makumu, koto atie wana wa Isalayele; 16 Ikomoinya la hoho ngbii e sanbo djinge ekoenele inde odjidji la loyi e kombo e mbai. 17 Ananiasi akeeli, alingelali la monguta muho, amobatelali mawo, aasali koto ate: ''Saulo, manima, Likumu, Yesu ongo o opumbelali la mboka enge edjaki owe odji, atomi mbai ate owe oene alidji, koto otume la elimo satu.'' 18 La mbala kikima, wihoo wiesi nda poso dja su elongwali la maiso mande ekwali, apotali koto oeni, ayamalali, apatali koto; 19 alakali wilaka, oteteli ewongwali la wenge. Saulo aetesali ma masio la watutiani wango wadjakali la Damasi. 20 La mbala kikima inde apotali otiesakoli la wasinagoga ate Yesu adjei mana o Mwengei. 21 Wango kpaa wadjakali o mooki, wadjaakali oyahueli, la oasi ate: ''Oholo eti moto opele ongo odjakali oandji wato wango wakodhumbeyaka ehenge kombo la Yelusalema, koto ongo odjaki ahala la kole ehele pendja, awakpale iwo la miliki atie wanganga Mwengei makumu? 22 Ase, Saulo adjakali alidji ndji ototi okulu ngbii, adjakali koto owasukesi Wayuda wango wadjakali oyabati la Damasi ango edjakali inde oenesi ate Yesu adjei Kilisito. 23 Mbuse e masio ngbii Wayuda walingeli likita laate wamoole. 24 Mwano mowu modjali oewani atie Saulo. Wadjakali olambeyanali la moluhe use la likolo, laate wamoole. 25 Watutiani wande wamototali, wamodjimbali la likolo la mboka e ngungu esi enge edjaakali la etutu, wamodjimbali ndondo e modjangi. 26 Ango ewumali inde la Yelusalema, Saulo akeli oyakokei la watutiani, ase iwo kpaa wadjakali omowangi, laate watigemeiyali ate adjei motutiani. 27 Aseko Balanabasi adjaali omogamesi, akeli la inde atie watoma, Saulo awasumbelali mboli ndenge emoenali inde Likumu la mboka koto ate inde asololali la inde, koto ndenge eyaselali inde la mogalia la kombo e Yesu ndondo e Damasi. 28 Ayabatali mongindji la iwo, adjakali olingeli koto opumbi la Yelusalema. Adjakali oasi la mogalia la kombo e Likumu Yesu 29 adjakali osololi la obatelani kokia la Wayuda wa monoko mo Geleki. Ase iwo wadjakali olukani wa moole. 30 Ango wamanima wayewali loyi luho, wamodjimbali la Kaisalia, wamotomali la Talasisi. 31 Lingomba e Yudea kpaa, e Galilea la e Samalia elingelali la engele esi e logoo, edjakali omaani; koto nda edjakali eho osombi la omowangi Likumu la ligamesi e elimo satu edjakali obeki. 32 Petele abengeyali la meki maho kpaa, ayadjimbali koto atie wasatu wango wadjakali oyabati la Lida. 33 Ongo amogbotoli moto mwesi kombo ende Eneasi, ongo olangalali la epee wilanga mwambi laate aguali makolo. 34 Petele aasia la inde: Eneasi, Yesu Kilisito akookalesaka. Yamala, wongela koto epee e owe. Ayamalali la mbala kikima. 35 Wato kpaa wa Lida la wango wa Salona, wamweneli inde, wayakukolali atie Likumu. 36 Ase la Yope edjakali la motutiani mwesi kombo ende Tabita, ongo, inga wakukola einyei ate Dolokasi. Inde atumali la sambo ndamu koto la makao e motema magba enge edjakali inde ohekeli. 37 La masio maho akwali la ekoni, agwali. Wamokpololi, wamolangeyali la mwange mo likolo. 38 Nda Lida esukiani la Yopa, ango eokali watutiani ate Petele adjei la moki moho, wamotomelali pele iwale la oyakongi la inde ate: ''Toongi la owe, otiene minga odji atie iso.'' 39 Petele ayamalali, akeli mongindji la iwo. Ango eumali inde ongo, wakeeli la inde la mwange mo likolo, wali kpaa wango wagweli pele wadjali atie inde, wadjakali oleli la oinyei wisindji wa sese koto wa likolo winge Dolokasi awasonelali ango edjakali inde mongindji la iwo. 40 Petele apumbesali moto kpaa saa, amaali mawuli, ayakongali, ayakukolali ongo edjaaki wenge, aasia: ''Tabita, amala! Adhuholali maiso, ango emwenia inde Petele, ayabatali. 41 Petele amohali ewo, amoyamalesali, awelali wasatu la wali wango wagueli pele, awainyali iwo inde la mokalo. 42 Loyi luho, eyewanali la Yopa kpaa, wato ngbii waumali wagemei wa Likumu. 43 Petele aumwali la moki mo Yopa masio ngbii, ayabatali la monguta mo Simoni mowongeli mo ekombaka e nama.
Chapter 10

1 Kaikoase moto pele mwesi adjakali la Kaisalia, kombo ende Koloneli, likumu e liboleani e wasoda wa Italia. 2 Inde adjakali moto ongo oyahi la oyakongi koto ongo okomowangaka Mwengei mongindji la wato kpaa wa monguta monde, adjakali ohekeli wato makao e motema magba koto engele kpaa okeli iyongolo atie Mwengei. 3 Ahue e engele e libwa e wuse, aeneli ngbai la saki, ahumbwa mwesi o Mwengei alingelia atie inde, aasia la inde ate: ''Koloneli!'' 4 Koloneli amodhendali ahumbwa, ndenge eumali inde owangi, aasali ate: ''Nda loyi, Likumu?'' Ahumbwa amwaselali ate: ''Oyakongi wo owe koto makao ma owe e motema magba eteli liwoso la Mwengei, koto aosumboyi owe. 5 Sikandjo watoma wato ongo la Yopa koto mowela Simoni, ongo omoweli iwo Petele. 6 Moto oho ayabati modjidji atie Simoni mwesi ndjo, mowongeli ekombaka e nama, monguta monde mosukiani la ewale. 7 Ango ahumbwa ongo odjakali oasi alongoiya, Koloneli awelali pele e wato wande wa otomo e monguta la soda mwesi ongo oyahali la oyakongi ndondo e wato wango wakomokelelaka engele kpaa. 8 Koloneli awasumbelali mboli kpaa, awatomali la Yopa. 9 Ekundu eho, ango edjakali iwo la okendo owu, wadjakali koto oyandongbi la gbata, Petele atelali likolo la monguta ahue e engele e motoba laata ayakonge. 10 Aokali ndjala, alukali olaki, ndji wakomowongelekeyo ema ndakake, akwali la ehei, 11 aenali likolo lidhuhania, ema esi eyadjimbia nda esindje esungu ekandani songo kpaa inei, edjali oyadjimbi la mbume. 12 Ndondo eho nama ndenge kpaa e makolo manei, nama djinge ikogulumaka la mbume la mbulu dja likolo. 13 Moli mwesi emodjeleli ate: ''Yamala, Petele, wola koto laka.'' 14 Ase Petele aasai ate: ''Te ndjongo Likumu, laate ilakakiyo ema te esi e osoto inga koto e gbomoko.'' 15 Moli muho mwasali la inde alidji, la mbala e wale ate: ''Owe dhee oweli osoto wihoo winge wilangesi Mwengei.'' 16 Ekelanali ndjongo mbala esato, la mbuse eho enge esindje ewongwali likolo. 17 Kaikoase, ango adjaakali oyahueli inga ungo oeni inde la saki edjei la nda kole, dhenga! pele wango wawatomali Koloneli wadjakali ohueli monguta mungo moyabati Petele, wayamalali la moluhe. 18 Wahuelali poopo inga Simoni ongo omoweli iwo Petele akoabataka ango. 19 Ango edjaaki Petele oyahueli la loyi e saki eho, elimo easali la inde ate: Dhenga! Pele isato wakoolukanaka.'' 20 Yamala koto yadjimba sese, keke mongindji la iwo, otikokeye, laate mbai moto iwatomi. 21 Petele ayadjimbali sese atie pele djaho, aasali ate: ''Dhenge! mbai nde moto okomolukakani ino. Odjini ahala la nda kole? 22 Waasali ate: Koloneli Likumu mwesi o wasoda, moto o sambo ndamu koto moto ongo okomowangaka Mwengei, moto ongo moki kpaa mo Wayuda ekoaselaka la ndenge ndamu, inde ainyani la ahumbwa mwesi mosatu, la oowelesi owe ongo la monguta laate aoke sambo djinge widjei owe la eho la omoaseli. 23 La ndjongo, Petele awalingesali koto awabatesali. La ekundu eho, ayamalali, akeeli la iwo mongindji, koto wamanima wadji wango walongwali la Yopa wakeeli mongindji la inde. 24 La ekundu eho, walingelali la Kaisalia. Koloneli adjakali owalambeli, agbotonesali wato wa oliye wonde, koto wiino wande wa otomo. 25 Ango elingelali Petele, Koloneli adjaali ondongbani la inde, akwali sese e makolo mande, ayaimbali. 26 Ase Petele amwamalesali, aasia: ''Yamala! Mbai koto idjei ndji moto.'' 27 Ango edjaalii Petele okpomesani la inde, alingelali, agbotoli wato ngbii wayakokeyi. 28 Aasali la iwo ate, ''Ino oewini ate ewongiti la Moyuda aboleyane inga te oyandongbi ahue e moto e moki modji. Ase Mwengei aenesi mbai ate iengiti omoweli moto te mwesi osoto inga te gbomoko. 29 Eho lenge idji, odjangi obati kokeya ango ewelali ino mbai. Eho lenge ikohuelakani kole enge ewelini ino mbai.'' 30 Koloneli amuaselali ate: ''Ekeliga masio manei, ango edjaki mbai oyakongi ndondo e monguta mo mbai la engele e libwa, dhenga, moto opele mwesi awumalali liwoso la mbai la wisindje wingalake. 31 Aasali ate, Koloneli! oyakongi e owe eokani alidji egemeiyani koto, makao ma owe e motema magba emungwani la maiso ma Mwengei. 32 La ndjongo, toma wato la Yopa, mowela Simoni, ongo omohi iwo kombo Petele. Moto oho akoyabataka la monguta mo Simoni, mowongeli ekombaka e nama, ahue e ewale. 33 La ndjongo, iwatomi wato atie owe, okeli olamu la ndenge edji owe ahala. Ndjongo sikala iso kpaa todjei liwoso la maiso ma Mwengeila la ooki sambo kpaa Mwengei akoumesa atie owe. 34 Petele adhuholali monoko monde, aasali ate: ''Meemene ieni ate Mwengei atiwonoko mbanda. 35 Ase ndondo e maliye kpaa, ongo okomowanga koto okokela sambo ndamu agemeiyani la inde. 36 Awatomelali wana wa Isalayele engbundu la owatiesakoli mboli ndamu e logoo la mboka e Likumu Yesu Kilisito, inde adjei Likumu e wato kpaa. 37 Ino oewini wungo wokoasanaka wiati kpaa ndondo e Yudea, opoti la Galileya mbuse e lipatisa linge litiesakolate Yoani; 38 linge limodhendji Yesu o Nazaleta, ndenge Mwengei amomunolali maita e elimo satu koto la okulu. Akpandali moki moho kpaa, adjakali okeli olamu koto okalesi wango kpaa waeni odjidji la etota, laate Mwengei adjakali mongindji la inde. 39 Iso todjei watatoli e sambo kpaa djinge wikeli inde la moki mo Wayuda koto la Yelusalema. Wamobakali la ekulusu, wamoolali koto. 40 Mwengei amobasisali moto oho lisio la misato, amodhendesali la hoho, 41 te atie wato kpaa, ase atie watotoli wango waonanate la Mwengei liwoso, atie iso, wato wango tolakali koto tokengali mongindji la inde mbuse e obasi wonde ndondo e wagui. 42 Atomali totiesakoli wato koto la ohekeli litotoli lilamu ate inde adjei Moto ongo obatani la Mwengei la odjei mosambesi e wato wa mokalo la wango wagui. 43 Watiesakoli kpaa wakohekeleke li litotoli la kole ende, ate moto kpaa akomogemeiya inde, akolimbesana masumu la kombo ende. 44 Ndji ango edjaaki Petele oaseli sambo djaho, elimo satu ewadjimbelali wango kpaa wadjakali ooki engbundu eho. 45 Wagemei wango wadjaali la Petele mongindji, wango wadjakali weesi la wango watenani kombeni, wakamwali, laate likao e elimo esatu ekosuanaka likolo e wapagano. 46 Laate wawaokali wakokpamaka la madji minoko koto wakomogemeiyaka Mwengei. Ndjongo Petele awongosali ate, 47 ''Moto aengi nde otonesi malia laate wa wato watienge opatisani iwo wato wakondji elimo satu ndji ndenge iso koto tokondji?'' 48 Atomali ate wapatesane la kombo e Yesu Kilisito. Wamoongoli ate ayabate ma masio mongindji la iwo.
Chapter 11

1 Watutiani la wa maanango wango wadjali la Yudea waokali ate wapagano koto wayambali engbundu e Mwengei. 2 Ango etelali Petele la Yelusalema, wagemei wango watenani kombeni wapotali okokeyani la inde; 3 Wadjaali oasi ate: ''Akeeli la monguta e wato wango watenaniti kombeni, alakali koto mongindji la iwo!'' 4 Ase Petele apotali oasi koto owalumboleli loyi leesi liesi, aasia, 5 idjakali oyakongi ongo la gbata e Yopa, ndondo e ehei, ieneli saki, ema esi eengemeni la esindje ebubake enangani la wisuki waho ineii, edjali oyandjimbi likolo, epotali odji atie mbai. 6 Ango edjakali mbai odhendji olamu, ieneli nama djinge ikosombaka la makolo manei, la nama e motulu, la wandjoo, la wambulu wa likolo. 7 Iokali koto moli mwesi mokoaselaka mbai ate: Amala, Petele, ola koto laka! 8 Ase iyaasali: Te lisio, Likumu; laate ema e osoto te enge egbomoko etilingela la monoko mo mbai. 9 La mbala e wale enge moli eokanali alidji likolo easali ate, enge Mwengei alangesi, owe otidhende ate edjei osoto. 10 Moli moho mowongosali mbala esato, Mbuse eho wihoo waho kpaa wiwongwali likolo. 11 Denga, ndji la enge engele, pele isato wayamalali liwoso la monguta mungo modjaakali iso, walongwali la Kaisalia, wawatomali atie mbai. 12 Elimo easali la mbai ate keke mongindji la iwo, itikokeye te okeke. Ase wa wamanima koto motoba wakeeli mongindji la mbai, tolingelali la monguta e moto opele oho. 13 Atoaselali ndenge emoeneli inde ahumbwa ayamali la monguta monde koto ndenge emoaselali inde ate, toma wato la Yopa, mowela Simoni, ongo okomowelaka iwo Petele. 14 Akoasela sambo djiinge ekokalesa owe la wato kpaa wa monguta mo owe. 15 Ango adjali mbai oasi, elimo satu ewadjimbelali , nda ndenge etoyadjimbelali la lipotele. 16 Eho lenge imungolali alidji engbundu e Likumu, ndenge edjaaki inde oasi ate: Yoani apatesali la malia, ase ino okopatesanani la elimo satu. 17 Eho lenge, inga Mwengei awahekeli likao ndenge ahali koto iso wango tomogemeiyali Likumu Yesu Kilisito, mbai ndai laate ienge omotekesi Mwengei? 18 Mbuse e iwo ooki ndjongo, wagemeiyali, wamohali koto Mwengei otwa, waasia: ''Meemene, Mwengei ahekeli koto wapagano nano e okukoli motema la loyi e mokalo. 19 Wango wayandjali la odjidji wungu epumbali likolo e Setepano, wakpandali tee la Penisia koto la Sipele, koto la Antiokia, ase watidjakali oasi loyi atie moto te moikima, ndji atie Wayuda. 20 Ase ndondo ewu edjaakali la wato wadji wa Sipele koto wa Silena wango walongwali la Antiokia, wapotali osololi la wato wango wakoasaka monoko mo Geleki, wadjaakali otiesakoli mboli ndamu e Likumu Yesu 21 Ewo e Likumu edjali la iwo, aleeti wato ngbii wango waumali wagemei, wayakukolali ngambo e Likumu. 22 Mboli enge ewadhengi eumali la matoyi e lingomba linge lidjaakali la Yelusalema, wamotomali Balanabasi tee ongo la Atiokia. 23 Ango ewumali inde, aleeti aeneli magba ma Mwengei, aemelali, apotali owahekeli iwo kpaa mogalia ate, wanangane la Likumu la motema moikima. 24 Laate adjali moto molamu, atumi la elimo satu koto la oyambi. Ngbii e wato wadjaali atie Likumu. 25 Balanabasi akeeli la Talasisi, la omoluki Saulo wiholo kpaa. 26 Ango emobgotoli inde, adjaali la inde la Atiokia. Eho lenge ekelanali ate elanga kpaa wadjakali oboleyani mongidji la iwo la lingomba koto watiesakolali ngbii e wato, koto edjaali la Atiokia nde watutiani wawelanali mbala e poo wakilisito. 27 La masio maho watiesakoli walongwali la Yelusalema, wayadjimbia la Atiokia. 28 Mwesi la iwo, kombo ende Agabusu, ayamalali, apotali otiesakoli la mboka e elimo ate ndjala esungu ekokwele mbume kpaa enge eyabati wato. Ehele ndjala ekwali la engele e Kolode. 29 Watutiani watotali mwano, moto la moto la oengemeni la enge edjei inde la eho, la owatomeli wamangbawu wango wayabati la Yudea. 30 Wakelali ndjongo; watomali eho atie wikolo la ewo e Balanabasi la Saulo.
Chapter 12

1 Ndji la enge engele, likumu Elode atotali mwano e oenesi odjidji wadji ndondo e wato wa lingomba. 2 Amoolesali la kpoka Yakobo, manango o Yoani. 3 Nda eeneli inde ate edjaali olamu la maiso ma WaYuda, omohelesali koto Petele. Edjaali lisio e okoke edjangi maana. 4 Mbuse e omoheli la omolingesi la woyogo, abanyamali la miduhe manei, modhuhe la modhuhe modjaali la wasoda wanei, laate aanali omopumbesi liwoso la wato mbuse e pasika. 5 Petele ayisanali ndondo e woyogo, lingomba edjakali ndji oyakongi la Mwengei la kole ende. 6 Ango Elode abalali omopumbesi Petele liwoso la wato, la likolo laho Petele alangalali ilo ndondo e wasoda waale ahelani la miliki miale, wasindjili liwoso la modhuhe wadjakali obanyei woyogo. 7 Denda, ahumbwa o Mwengei ayamalali ahue ende, ngbai esi engalali la monguta mo woyogo. Amobingali Petele la mopandji, aasia: Amala galagala! mikulu mikwali la mawo mande. 8 Ahumbwa oho amoaselali ate: hela mokaba mo owe koto miliki ma wikpokpo ma owe, akelali ndjongo. Gboo ahumbwa amoaselali: kpala mokoto mo owe, koto bilia mbai. 9 Petele apumbia, amobiliali koto. Atiewali ate enge edjakali okelani la mboka e ahumbwa edjali meemene, adjakali oeni ate edjei saki. 10 Mbuse e oyeti ebiba e wasindjili wa liwoso la wawale, waumali la modhuhe mo libende epumbelake la gbata, eyadhuholali liwoso lawu eho amene. Wapumbali, wayandongbali la mboka, ahumbwa amodheeli. 11 Ango eyawongolia Petele inde amene, aasali: ieni sikandjo ate Likumu amotomali ahumbwa onde, akalesi mbai la mawo ma Elode koto la enge Wayuda wadjali olambeli. 12 Mbuse e omungoli, akeeli la monguta mo Malia, nango Yoani, ongo omohali iwo kombo Malako, ongo wato wabolianali wadjakali oyakongi. 13 Ango ebingia inde modhuhe mo monguta, mana o moli mwesi o otomo, kombo ende Loda, adjaali odhendji inga edjei ndai. 14 Ango eokali inde moli mo Petele, la mwemu atidhuholali modhuhe, ase alingelali obanu ndondo, ahali mboli ate Petele ayamali liwoso la monoko mo modhuhe. 15 Waasali la inde: okondji boli. Ase inde agemeiyesali la okulu ate edjei ndjongo. Wapotali oasi ate: Edjei ahumbwa onde. 16 Ase Petele atikalali ndji ango akobingaka modhuhe, ango odhuholali iwo, wamoenali, wakamwali. 17 Petele, adjambali ewo laate wayabate logoo, awaaselali ndenge Likumu amopumbesali la woyogo, aasali alidji ate: Moaselani Yakobo la wamangbasu dji sambo. Mbuse eho apumbali, akiya la eeti eholo. 18 Ango ewumia boo, ewedje edjakali ndondo e wasoda la oewi nde emoumeli Petele. 19 Elode, amolukali wiholo kpaa, nda etimoenali inde, asambesali sindjili, atomali ate wawahekele etumbu. Alongwali la Yudea ayadjimbali la Kaisalia ayetesali ma masio ongo. 20 Elode adjali la limemu la loyi e wato wa Tila la Sidonia. Wadjali oluki ookani la inde, mbuse e omolongi Balasitusu, ongo odjakali obanei mwange mo likumu, waongoli logoo, laate moki mowu modjali ototi ilaki ongo la moki mo likumu. 21 La kolokolo eho, Elode akpalali wisindje e okumu, ayabateli la ngbelengo ende e okumu, adjakali owaaseli sambo. 22 Wato wadhumbeyali: ''Moli mo mwengei, eti e moto!'' 23 Ndji la enge engele, ahumbwa o Likumu amobingali, la ebili ate atimohali Mwengei otwa. Agwali, kusu emolingelali mbala kikima. 24 Ase engbundu e Mwengei edjakali oteli, koto oyandjani. 25 Balanabasi la Saulo, mbuse e osilisi tomo djawu, wawongwali la Yelusalema, wadjali la Yoani, ongo wamoweli Malako
Chapter 13

1 Ndondo e lingomba linge la atiokia edjakali la watiekoli la wayinei. Iwo waawa, Balanabasi la Simeona ongo edjaakali iwo o moweli Nigela, koto Manaena ongo otangali kelasi mongindji la Elode likumu o moki, la Saulo. 2 Ango edjaaki iwo oyakongi la Likumu la okili wilaka, elimo satu aasali ate, ''Batelani mbai Balanabasi la Saulo la otomo wungo ewaweli mbai la kole eho. 3 La mbuse wakilali wilaka, wayakongali koto wawabatelali mawo, wawadheeli ate wake. 4 Balanabasi la Saulo, watomanali la elimo satu, wayadjimbali la Selukia, walongwali koto ongo wasombali la andondoli la oki ongo la Sipele. 5 Ango eumali iwo la Salamisi, wapotali otiesakoli engbundu e Mwengei la wasinagoga e Wayuda. Yoani adjaakali la iwo nda mogamesi. 6 Ango esisali iwo okpandji esii eho kpaa tee la Paposi, wagbotonoli la moto opele mwesi, ongo odjaakali lilando, motiesakoli mo moleho, Moyuda mwesi la kombo Bala-Yesu. 7 Adjaakali mwesi e wato wa memene esii, selegisi Paulosi, moto opele mwesi o lokenge. Amowelali Balanabasi la Saulo atie inde, adjaakali koto la ehoha eokake engbundu e Mwengei. 8 ASe lilando Elimasi ( kombo ende ekukolani ndjongo) awamalelali iwo, apotali oluki omowungesi memene esi la ogemei. 9 Ase Saulo ongo odjei koto Polo nda etumali inde la elimo satu, amodhengali olamu 10 aasali ate, moto otumi la moleho e ndenge kpaa koto ekaleli mbe e ndenge kpaa, owe mana o etota, owe motone mo sambo ndamu, otidhee obitesi mboka dja Likumu djinge inanolani? 11 Sikandjo dhenga, ewo e Mwengei edjei likolo la owe, maiso ma owe koto makogba, otiene kine ngbai e wuse la ma engele. Ndji la enge engele ligite la molili momokwelali, apotali otatelitateli la oluki wato wamohele ewo. 12 Memene esii, ango eeneli inde wungo loyi wokelania, aumali mogemei laate akamwali la matiesakoli ma Lkumu. 13 Wato waho mongindji la Polo watotali okendo o ewale opoti la Paposi waumali la Pelega ndondo e Pamipulia. Ase Yoani awadheeli, awongwali la Yelusalema. 14 Iwo walongwali ongo la Pelega, waumali la Atiokia e Pisidia. Walingelali la sinagoga la lisio la Sabata, wayabatali. 15 Mbuse eotangi pui, watiesakolali liwoso la wato kpaa, makumu ma sinagoga wawatomeleli wato, waasia: ''Wamangbasu, inga odjeini la loyi wungo woengi ogamesi wato asani eho. 16 Polo ayamalali, awahahelia ewo; aasali, ''Pele dja Isalayele la ino wato kpaa wango wakomowangaka Mwengei, okani. 17 Mwengei e wa wato Isalayele, aonoli watata wasu, abekisali wato waho ango eyabatali iwo wadjidji la moki mo Ezipeto, awapumbesali koto ongo la ewo etetelake. 18 Koto la engele e wilanga tuku inei ahelali motema la esombeli ewu la esobe. 19 Mbuse e inde ooli miki sambo la moki mo Kanana, akawolali moki la iwo la olumbi djege. 20 Kpaa enge la owumoyi e wilanga kama inei la tuku itano. Mbuse e sambo djaho awahali wasambesi tee la motiesakoli Samuele. 21 Opoti la enge engele wamoongoli likumu, Mwengei awahali Saulo mana o Kisi, moto opele e oliye e Benyamina, wilanga tuku inei. 22 Mbuse e omolongosi, awamaleselali Davidi nda likumu. Ongo inde ahali litotoli la loyi londe , aasali koto ate: Imooni Davidi mana o Yesa, moto opele ongo nda motema mo mbai, ongo okokela sambo kpaa djinge widjei mbai la posa eho. 23 Tee la wana e moto oho la otutei liwuna lande, Mwengei adjeleli Isalayele mokalesi, Yesu. 24 Liwoso ate Yesu aume, Yoani atiesakolali la hoho atie wato kpaa wa Isalayele patisa enge edjei elembo ekukolake motema. 25 Ango eumali Yoani ahue e gboo e mboka ende, adjakali oasi ate, ''Ino omongoini ate mbai idjei ndai? Mbai iti inde.'' Ase, denga, moto mwesi ageleli mbuse e mbai, ongo iengiti otokoli miliki e wikpokpo djande. 26 Wamanima, wana wa oliye wa Abalayama, la wadji wango wadjei ndondo enu wango wakomowangaka Mwengei, engbundu e mokalo etodjeeli iso. 27 Laate wato wango wayabati la Yelusalema la makumu mau, watimwewali Moto oho, ase, ango edjakali iwo okeli nda wasambesi, waengesali sambo djinge iyasanali la watiesakoli, sambo djinge ikotanganaka la moli mopamake sabata kpaa. 28 Inga te watieneli loyi te loikima ehekelake etumbu e logoo, waongali la la Pilato ate aolane. 29 Ango eseselali iwo oengesi sambo kpaa djinge idhingani la kole ende, wamodjimbali la ekulusu, wamolangeyali la mbila. 30 Ase Mwengei amobasesali ndondo e wagwi. 31 Inde aeneni masio ngbii la iwo wango walongwali mongindji la inde tee ongo la Galilea oteli la Yelusalema. Iwo wango wadjei sikandjo watotoli wande atie wato. 32 Iso koto tokoosumbelakani mboli ndamu la liuna enge ehani atie watata wasu, 33 ate Mwengei aengesi eho atie iso wana, la ndenge amobasesali Yesu, nda edhinganate eho la lembo e wale ate, owe odjei mana o mbai, mbai koto iumiga sangwa. 34 Loyi linge ate amobasesalii ndondo e wagwi laate atiwongo kine ndondo e oholi, aaseli eho ate: ikoohani sambo e motema magba, enge edjei meemene, enge eunali mbai la Davidi. 35 Eho lenge aasi koto la lembo edji ate, 'Otidhee mosatu mo owe ahole.' 36 Laate Davidi akelali mwano mo Mwengei enge eyewanali la engele inde, alangalali ndondo e logoo, wamolangeyali mongindji la watata wande, aholali koto. 37 Kaikoase, moto ongo omobasesi Mwengei inde atihole. 38 Eho lenge, dheeni eyewane la ino, wamanima, ate la mboka e moto oho, olimbesani e masumu etiesakolani atie ino. 39 Ndji la kole ende moto kpaa ongo ogemei alongesani la sambo kpaa, djinge litiengake ino olongi la mboka e pui. 40 Eho lenge, okakebeni ate wungo oasani la watiesakoli etikwele ino. 41 Dengani, ino wadhendeyi, yahuelani koto salamatani! laate mbai ikokelaka otomo oesi la masio manu, otomo ungo otigemyani ino te inga moto akoolumbwelakani ino la hoho. 42 Ango edjakali Polo la Balanabasi opumbi, wato wayatatia la iwo laate wawaasele djinge sambo la Sabata e mbuse. 43 Ango eyaandjia liboleyani e sinagoga, ngbii e Wayuda, la wato wa esii wango wadjakali omosambeli Mwengei wamobiliali Polo la Balanabasi, wango wakpomesanali la iwo, wawahali mogalia ate watikale la logoo e Mwengei. 44 La Sabata e mbuse, ahue e wato kpaa wa moki wayaboleyali la ooki engbundu e Likumu. 45 Ango eenia Wayuda wato ngbii, watumali la zuwa, wapotali oyamaleli, la wiliko, sambo djinge Polo adjakali oasi. 46 Ase Polo la Balanabasi waasali la mohandja ate, edjaki olamu ate engbundu e Mwengei etiesakolane liwoso atie ino. Nda ekolumbaka ino eho, okoenekeni koto ate owongitini la mokalo mo libela, denga, toyakukolia atie wapagano. 47 Laate Likumu atotomi la ehele engbundu: '' Iyobati nda ngbai e wapagano, laate odjee mokalo tee la gboo e mbume.'' 48 Ango eokia wapagano ndjongo, waemelali, la ogani koto engbundu e Likumu. Wango kpaa wadjakali la ekaleli enge ewongi la mokalo mo libela, waumali wagemei. 49 Engbundu e Likumu edjaki ndji oyandjani la moki muho kpaa. 50 Ase Wayuda wawamemelisali wali wamogano wango wadjakali omosambeli Mwengei la wato wasungu wa gbata, wapumbeselali Polo la Balanabasi minga, wawalumbali saa e milelo e moki mowu. 51 Ase Polo la Balanabasi wawahuholelali limungele e makolo mawu, wakeeli la moki mo Ikoniumu. 52 Watutiani wadjakali otumi la mwemu koto la elimo satu.
Chapter 14

1 La Ikoniumu, Polo la Balanabasi walingelia mongindji la Wayuda la sinagoga, wadjaki oasi olamu, ngbii e Wayuda la Wageleki waumali wagemei. 2 Ase Wayuda wango watigemeiyali wawamemelisali, walolisali koto limemu e milimo e wapagano laate wawatone wango wamangbasu. 3 Wayetesali engele ngbii ango, wadjakali oasi la mogalia la okumu wungo wolongoyi atie Likumu, ongo ohali litotoli la loyi e engbundu e magba mande la ndenge ahali mboka ate wilembo la makamwesi eenesake sambo djinge igeleli ekelane la mawo ma Polo la Balanabasi. 4 Wato ngbii wa gbata eho wakamwali, ndambo wadjakali ngambo e Wayuda, ase wadji ngambo e watutiani. 5 Kaikoase, ango wapagano, la Wayuda, la makumu mawu koto walukali owasambwesi, la owabingi mabukeli, 6 ango ewayewisali iwo loyi luho, watilali la wagbata wa Likaonia, Lisitela, la Deleba, koto la miki minge mihuani la djaho, 7 ongo wadjakali ndji otiesakoli mboli ndamu. 8 La Lisitela, moto opele mwesi ayabatali ongo, ongo ogua makolo, moto okotengulaka tee la solo dja nango, atisombate te ma keke. 9 Moto opele oho adjakali ooki ndenge Polo adjakali oasi, Polo amodhengali, aenali ate adjei la ogemei laate aume olamu. 10 Amoaselali la moli mompamake ate, ''Amala ngbi la makolo ma owe.'' Ahumbwali apotali osombi. 11 Ango eenali ebiba e wato loyi wungo wokeli Polo, wadjambali mili mawu, waasia la monoko mo Likaonia ate: ''wamwengei waumia nda wato, koto wayadjimbeli iso.'' 12 Wamowelia Balanabas, ''Djeusu,'' ase Polo ''Helemesi,'' laate inde adjakali moto o poo la oasi. 13 Koto nganga mwengei o djeusu, ongo tepelo ende edjakali liwoso la gbata eho, akpalali wangombe wa pele la mawoke ma pulele ongo la midhuhe, abalali ohekeli mbeka, inde la ebiba eho e wato. 14 Ase ango watutiani Balanabasi la Polo, waokia djongo wasalakolali wisindje wau walikolo, wahumbwali ndondo e enge ebiba e wato, wahumbali pui, 15 waasali ate: ''Pele, la nde ekokelekani ino ndjongo? Iso koto todjei wato wango wadjei la mageni ndenge kikima la ino, koto tokotiesakolaka mboli ndamu atie ino, laate odheeni sambo djinge dja pamba, odjeeni atie Mwengei o mokalo, ongo okelali likolo la mbume, la ewale koto la wihoo kpaa winge widjei ndondo eho. 16 La maliye mango mayeti, ahali mboka ate miki kpaa mitutie mboka djau amene. 17 Ase te nda etiyadheeleli inde odjangi ohekeli litotoli, ndenge aokelelalini ino olamu, ndenge aohekelalini ino wiwongo tee la likolo, koto wiengele ewotake pukapuka, ndenge atumesali mitema manu la wilaka wilakake koto la mwemu. 18 Te easali iwo djinge sambo, Polo la Balanabasi walongali la minga otekesi ebiba e wato waho laate watiwahe mbeka. 19 Ase Wayuda weesi ndjo wadjaali walongwali la Atiokia la Ikoniumu wawagemeiyesali ebiba e wato waho. Wamobingali Polo mabukeli, wamogulakolali saa e gbata, wamungolali ate agui. 20 Ango watutiani wamolingali, ayamalali, alingelali la gbata. Ekundu eho alongwali mongindji la Balanabasi la oki la Deleba. 21 Mbuse e otiesakoli mboli ndamu la gbata eho koto la owumesi wato ngbii watutiani, wawongwali la Lisitela, la Ikoniumu koto la Atiokia. 22 Wadjakali ohekeli milimo ma watutiani okulu, wadjakali owahekeli mogalia ate, wahelane ndondo e ogemei, la wi wingbundu, ''Ewongi la iso olingeli la okumu wo Mwengei la mboka e odjidji ngbii.'' 23 Wawabatelali wiloko la lingomba liesi liesi, wayakongali mbuse e okili wilaka, wawakawali la mawo ma Likumu ongo omogemei iwo. 24 Wakpandali Pisidia, wakeeli la Pamipilia. 25 Mbuse e osisi oasi engbundu e Pelega, wayadjimbali la Atalia. 26 Walongwali ongo, watotia andondoli wakia la Atiokia, ongo wabatanali la mawo e magba masungu ma Mwengei la loyi e otomo wungo woengesali iwo. 27 Ango eumali iwo wakokiali lingomba, wapotali oasi sambo kpaa djinge ikeli Mwengei la mboka ewu, koto ndenge adhuhuelali wapagano modhuhe mogemeiyake. 28 Wayetesali engele ngbii mongindji la watutiani waho.
Chapter 15

1 Pele djeesi walongwali la Yudea, wapotali otiesakoli la wamangbasu la Atiokia, la oasi ate: ''Inga otitenaneni kombeni la obileyi pui dja Moize, oengitini la mokalo.'' 2 Ango okawani la kokia esi e minga epumbali ndondo ewu, wamangbasu watotali mwano ate Polo la Balanabasi la weeti ndondo ewu watele atie watutiani la wiloko ongo la Yelusalema la osisi enge kokia. 3 Watomanali la lingomba, wakpandali Penisia la Samalia, wadjakali oaseli loyi liesi liesi linge lidhendji okukwani e wapagano, wadjakali ohekeli wamangbasu kpaa mwemu. 4 Ango eumia iwo la Yelusalema, wayambanali la mwemu esungu la lingomba, la watutiani, la wiloko e mangomba, wawayewisali ngbii e sambo djinge Mwengei akelali la ewo ewu. 5 Ase wato wadji e ma lingomba liesi e Wapalizeo wango wagemeiyali, wayamalali la wangbelengo djawu, waasali ate: ''Eengi owatenesi kombeni, koto owainei ate watemeiye pui dja Moize. 6 Watoma, la wiloko wa lingomba, wayakokeiyali la obundoyi loyi loho. 7 Ango eumia la kokia etetelake, Petele ayamalali, aasia la iwo ate, wamanima, ino oewini ate opoti lisio la poo Mwengei aonali ndondo enu ate la monoko mo mbai wapagano waoke engbundu e mboli ndamu koto wagemeiye. 8 Mwengei ongo okoyewaka atotolali la ndenge awahali iwo elimo satu, ndji ndenge akelali eho koto atie iso. 9 Atisombosanali koto iso la iwo, ase alangesali mitema mau la mboka e ogemei. 10 La ndjongo, lande edjei ino sikandjo omomeki Mwengei la ndenge ekoatomakani ino la otetelake watutiani waengese sambo djinge te watata wasu te iso totiengali oengesi? 11 Ase tokobataka nde motema ate tokokala la mboka e magba masungu e Likumu Yesu, ndenge kikima la iwo. 12 Wango wato kpaa wadakali bii, wapotali omooki Balanabasi la Polo ango edjakali iwo oyewisi wilembo ngbii la sambo kamwake enge eenesake sambo djinge igeleli djinge Mwengei akeli la mboka ewu ndondo e wapagano. 13 Mbuse eho wadheeli okpomi, Yakobo awongosali ate, ''Wamanima, ookani mbai.'' 14 Simeona aseseli olumboli olamu ndenge ndji liwoso Mwengei adji la ooni ndondo e wapagano wato wango wakpali kombo ende. 15 Wingbundu e watiesakoli eokani la djaho, ndji ndenge edhingana ate, 16 ''Mbuse e sambo djaho, ikowongwa, ikoma koto monguta mo isoki mp Davidi enge ekwate; ikoma alidji wiholo winge wibitani, ikomalesa eho alidji. 17 Laate wango watikali ndondo e wato wamoluke Likumu, mongindji la wapagano kpaa, wato wango wawelani la kombo e mbai, Likumu aasi ndjongo, inde ongo okokelaka sambo djaho. 18 Likumu ayewisali dji sambo tee la gala. 19 Eho lenge, imungoi ate, eti olamu obati minga atie wapagano wango wakoyakukolaka atie Mwengei. 20 Ase towadhingele ekpata ate watone wihoo winge wiumesani onalili la wilima, la pite, la nama djinge wipotani koto la makila. 21 Laate tee la masio ma gala Moize adjei la wato wango wakomotiesakolaka gbata la gbata, laate akotanganaka la moli mopamake la wasinagoga sabata kpaa. 22 Watoma la wiloko wa lingomba, mongindji la lingomba kpaa waenali olamu watome pele wango waononi ndondo ewu wake la Atiokia mboka kikima la Polo la Balanabasi. Ndjongo wamoonali Yudasi, ongo omoweli iwo Balasabasi la Sila, wato wango wakosombesaka sambo ndondo e wamangbasu. 23 Watomali ekpata la ewo ewu ate, ''Watoma la wiloko wa lingomba, wamaangbanu, atie wamangbasu wango wadjei la Atiokia koto la Silia, la Silisia wango wadjei wapagano: Mobale! 24 Nda eoki iso ate wadji wango walongwali atie iso wabatini ino la ewedje la wingbundu wau, walukali obulungi milimo manu, inga te ate iso totiwainyali ndjongo, 25 iso kpaa tookani, toeni koto olamu ooni pele laate totomeleni ino mongindji la wamangbasu wa libalano, Balanabasi la Polo, 26 wato waho wakawi milimo mawu la loyi e Likumu lasu Yesu Kilisito. 27 Towatomi Yudasi la Sila, laate iwo koto waasele sambo djaho la monoko. 28 Laate elimo satu la iso koto amene toeni olamu ate totiotalieleni alidji edji mokpali, ndji sambo djinge dja kole: 29 djaakani ndji otoni wihoo winge wihekelani mbeka la wilima koto la makila, koto la nama djinge ipotani, la pite koto. Inga oyabanyani olamu la sambo djaho, okodjani olamu. Tikalani olamu. 30 La ndjongo, ango edheeli iwo wato waho wake, wayadjimbali la Atiokia, wakokiali ngbii e wango wato, wawahali okpengbeite eho. 31 Ango esiselali iwo otangi, waemelali la mogalia moho. 32 Yudasi la Sila nda edjakali iwo amene koto watiesakoli, wahali mogalia la wamangbasu waho la sambo ngbii, wawahali koto okulu. 33 Mbuse e oetesi ma engele, wamangbasu wawadheeli wake la logoo atie wango wawatomali. 34 Sila aeneli olamu otikali. 35 Polo la Balanabasi waumwali la Atiokia, wadjakali oteyi la otiesakoli, mongindji la wadji ngbii, mboli ndamu e engbundu e Likumu. 36 Mbuse e masio Polo aasali la Balanabsi ate, towongweyo la wagbata kpaa etiesakolali iso engbundu e Likumu, la odhengi inga wamangbasu wadjei nda ndenge. 37 Balanabasi abalaki omototi Yoani, ongo owelani Malako. 38 Ase Polo atieneli olamu omokpali inde mongindji la iwo, laate awadheeli la Pamipilia, atikeeli mongindji la iwo la otomo. 39 Mosio moumali ndondo ewu, wakawanali, moto la moto la mboka ende; Balanabasi amototali Malako atelali andondoli akia la Sipele. 40 Ase Polo amoonoli Sila, akeeli koto, wamangbasu wamodheeli ate ake la logoo e Likumu. 41 Akpandali Silia la Silisia, adjakali ohekeli mogalia la mangomba.
Chapter 16

1 Polo aumali la Deleba alidji la Lisitela, denga motutiani mwesi adjaki ongo kombo ende Timoteo, mana o moli mwesi Moyuda ongo odjakali mogemei, ase sango Mogeleki. 2 wamanima wa Lisitela la wango wa Ikoniumu wadjakali oasi olamu la loyi londe. 3 polo abalali ate moto oho atinge la inde, amotenali kombeni la loyi e Wayuda wango wadjakali la winge wiholo, laate iwo kpaa wayewali ate sango adjei Mogeleki. 4 Ango edjakali iwo oeti la wagbata, wadjakali owahi wango wadjakali ongo tomani djinge watoma la wiloko wa lingomba wango wadjakali la Yelusalema watotali laate watemeeiye djaho. 5 Mangomba maumali la oteteli e ogemei, wato wadjakali otaleyani masio la masio. 6 Polo la wato wande wakpandali Piligia koto la moki mo Galatia, laate elimo awatekisali watiase engbundu la gbata e Azia. 7 Ango eumali iwo ahue e Misia wayawongelali laate walingele ongo la Bitinia, aseko elimo e Yesu etiwahali mboka. 8 Waetali ahue e Misia wayadjimbali la Tolase. 9 Aseko la likolo, polo aeneli saki: Moto mwesi o Masedonia ayamalia, adjaki oyakongi la inde la oasi ate, ''Etani la Masedonia otogamesi iso.'' 10 Ango eeneli Polo enge saki, tolukali mboka e oki la Masedonia, tohelali gbondo ate Mwengei atoweli iso la owatiesakoli iwo mboli ndamu. 11 Mbuse e owumi la Toloasi, tototali okendo wo ewale, tosombali mbala kikima tee la Samotalasi, ase la lisio linge libileyi, towumali la Napolisi. 12 Tolongwali ongo, towumali la Pilipi, gbata enge esombesani la Loma, enge eyeti kole la gbata e Masedonia. Towumwali la gbata eho, toetesali ma masio. 13 Wuse o sabata topumbali saa e modhuhe enge esukiani la ewale, ebete enge emungwali iso ate edjei ebete e oyakongi. Toyabatali topotali oasi la wali wango wayakokiali. 14 Moli mwesi kombo ende Lidia, motambi wisindje wa ngbaa-boloo, moto o gbata e Tuatila, moyakongi o Mwengei, adjaakali ooki. Likumu adhuholali motema monde laate abata mamungwene mande la sambo djinge idjakali oasi Polo. 15 Ango inde la wato wa oliye wonde watotali patisa, ayakongali la iwo ate: ''Inga oeneni ate idjei moto omeemene la maiso ma Likumu, lingelani la monguta mo mbai, yabatani.'' Atogemeisali la mohandja. 16 Ango edjakali iso oki la ebete e oyakongi, mana o moli mwesi e otomo ongo odjakali la elimo eesi, etota mwesi etiesakolake sambo djinge iyaisi, agbotonoli la iso. Adjakali olingeseli wamemene wande wambele ngbii la otomo wotiesakolake sombo djinge igeleli. 17 Mana o moli oho adjakali omotutei Polo la iso, opami koto la dji wingbundu: ''Wa wato wadjei tuke dja Mwengei Ongo-Oyeti-Likolo, wango wakotiesakolakni ino mboka e mokalo.'' 18 Akeli djinge sambo la oumoyi e masio ngbii. Polo alembali, ayakukolali, aasali la elimo eho ate: ''Iyowaseli la kombo e Yesu Kilisito ate opumbe la wenge wande.'' Apumbali ndji la enge engele. 19 Ango wamemene wande waeneli ate mwano mowu mototake wambele ekia, wamohelali Polo la Sila, wawagulali la liho atie makumu. 20 Wakeeli la iwo atie makumu ma moki, waasia: ''Wa wato wakolingesaka ewedje la gbata esu, wadjei Wayuda. 21 Wakotiesakolaka wikaleli winge witekisani la iso Waloma togemeiye, te tokelele. 22 Ebiba e wato waendjelali Polo la Sila; la makumu ma moki, mbuse e wabamboli, watomali wato wawabinge makobo. 23 Mbuse e owabingi wakobo, wawalumbali la woyogo, wamoaselali sindjili o woyogo ate awabanye olamu. 24 Ndenge emotomali owo ndjongo, awalumbali la woyogo e ndondo, ahelali koto mokolo mawu la winangeli makolo. 25 La etete, Polo la sila wadjakali oyakongi la omogani Mwengei la lembo, wato wa woyogo wadjakali owaoki. 26 La gbamuka, mbume edudumali la oteteli, makule ma woyogo koto madudumali. Miluhe midhuhuanali ndji la enge engele. Miliki minge minanganali wato kpaa mitokwanali. 27 Ango esuswali sindjili e woyogo la ilo, aenali ate miluhe ma woyogo midhukwani, agulali kpoka ende alukali owaoli, amungwali ate wato wa woyogo watili. 28 Ase Polo adhumbiali la moli mopamake ate: ''Otiakele obe, iso kpaa todjei ahala. 29 Sindjili e woyogo aongoli matambe, ahumboiya ndondo, nda owangi emohelali, akwali liwoso la Polo la Sila la mwemu, 30 awaumesali saa, aasali ate: ''Wawawa, ikele woni laate ikale?'' 31 Polo la Sila, waongolali ate: Mogemeiya Likumu Yesu okokala, owe la wato wa monguta mo owe.'' 32 Wamoaselali la wato kpaa wa monguta monde engbundu e Likumu. 33 Awakpalali ndji la enge engele e likolo, akpololi wa pota wau, iwo kpaa, inde la wato wande wapatali odjangi oumoyi. 34 Awalingesali la monguta monde, aandali pesa liwoso lau, aemelali ngbii inde la wato wamonguta monde laate sikandjo amogemeli Mwengei. 35 Ango etania wuse, makumu ma moki wawatomali wapolisi wake oasi ate: ''Wapumbesa wango wato.'' 36 Sindjili e woyogo amoaselali Polo wingbundu wau ate: ''Makumu ma moki wawatomi wato laate ino waale opumbeni. Sikandjo pumbani, kekeni logoo.'' 37 Ase Polo aasali la iwo ate: ''Watobingali pimbo liwoso la wato kpaa odjangi tokwesane la loyi, iso Waloma, watolumbia koto la woyogo, wakotyolumbaka sikandjo saa la oyaisi? Te ndjongo! Iwo amene wadje opumbesi iso saa.'' 38 Wapolisi wasumbelali makumu ma moki enge mboli, iwo wawangali ango eokali iwo ate Polo la Sila wadjei Waloma. 39 Wadjaali, wayakongali la iwo, mbuse e owapumbesi, wawaongoli ate walongwe la gbata eho. 40 Polo la Sila wapumbali la woyogo, wakeeli la monguta mo Lidia. Ango eeneli iwo wangbasu, wawahali mogalia, mbuse wakeeli.
Chapter 17

1 Polo la Sila waetali la Amipipolisi koto la Apolonia, waumali la Tesaloniki, ebete sinsgoga esi e Wayuda edjakali. 2 Polo alingelali ongo atie iwo, ndenge ehahanali inde okeli, la oumoyi e sabata isato adjakali okeleli madhingo la osololi la iwo. 3 Adjakali olimboli la ohekeli elembeteli la madhingo ate ewongoli Kilisito aene odjidji, koto abase la wagwi, adjaki koto oasi ate: ''Inde adjei Kilisito, Yesu, ongo ekotiesakolaka mbai ino.'' 4 Wadji ndondo ewu, waumali wagemei wayakokiali mongindji la Polo la Sila, koto ngbii e Wageleki wango wadjakali oyakongi la Mwengei koto wali ngbii wamogano wakelali koto ndjongo. 5 Ase nda eokali Wayuda zua, watotali mongindji la iwo wato wabe ndondo e wato wango wakobengiaka la liho, wakelali limbutukele liesi, walingesali ewedje la gbata. Wadjeleli monguta mo Yosona, wapotali oluki opumbesi Polo la Sila atie wango wato. 6 Nda etiwagbotoli iwo, wamokpalia Yasona la wamangbasu wadji atie makumu ma gbata, wapamali ate, ''Wa wato wakukoli mbume djinge eyabati wato, waumi koto ahala. 7 Yosona awayambi olamu. Wato waho kpaa wakokelaka sambo dja oyamaleli Kaisala, waasi ate likumu odji adjei, inde Yesu.'' 8 La djinge wingbundu wabatali ewodje la mito ma wato la makumu ma gbata. 9 Ase mbuse e ototi ndanga enge eengi atie Yosona la wadji nde wawadheeli ate wake. 10 Ndjiango la likolo, wamangbasu watomali Polo la Sila la Belona, ango eumali iwo ongo, walingelali la Sinagoga e Wayuda. 11 Kaikonde wa Wayuda wadjaakali la mamungwene malamu owaeti wango wa Tesaloniki, la ebili ate wayambali engbundu la ehoha etetelake oyeti, wadjaakali odhendeli madhingo olamu masio la masio la oyewi inga sambo djaho idjei ndjongo. 12 Ngbii djau waumali wagemei, ndenge kikima wali ngbii Wageleki wa mogano la pele koto ngbii. 13 Ase ango eokali Wayuda wa Tesaloniki ate Polo atiesakoli koto engbundu e Mwengei ongo la Beloya, wadjali koto ongo la owahili la omemelesi ngbii e wato. 14 La mbala kikima wamangbasu wamotomali Polo ake tee la ewale, ase Sila la Timoteo watikalali ango. 15 Wango watingali la Polo wamokpalali tee la Atene, la ewongo, mbuse e ototi ndendji ate inga eengi Timoteo la Sila wadje obangu atie inde. 16 Ango edjakali Polo owalambeli la Atene, molimo monde eokali limemu ndondo ende la ndenge eeneli inde ate gbata eho etumi la wilima. 17 La sinagoga apotali osololi la Wayuda la wapagano koto wango wadjakali omowangi Mwengei, masio la masio, la maho, mongindji la wango wadjakali ango. 18 Ase wato wadji Wapilodjope, Waepikila la Wasetoa, wapotali osololi la inde la obatani kokia, wadji wadjakali koto oasi ate, ''Nda ema ehele esopa abali oasi?'' Wadji: ''Eeneni nda ate adjei motiesakoli e wamwengei o wadjidji.'' Waasali ndjongo la ebili ate adjakali otiesakoli mboli ndamu e Yesu koto libasi. 19 Wamohelali Polo wamokpalali la Aleopadja, waasali ate, ''Toengi toewe inga matiesakoli maholi mango makoaselaka owe madjei nde?'' 20 La ebili ate okolingesaka djeeti sambo djinge eokakiyo iso la matoyi masu. Eho lenge, tobali toyewe inga sambo djaho epoti oasi wani.'' 21 (Wato kpaa wa Atene la wadjidji wango wadjakali oyabati ongo wadjakali oyetesi engele ewu e ototi ehoho te la eeti ema ndji la oyewisi inga ooki ma loyi esi e poli.) 22 Polo ayamalali la wodja e Aleopadja, aasali ate, ''Pele dja Atene, la ndenge edhendji mbai, la sambo kpaa, oenenini ate ayahekelini la owangi wamwengei oyeti wato wadji kpaa. 23 Laate, ango edjakali mbai oyeti la odhendji olamu wihoo wanu wa oyakongi, ieneli koto la etombeli esi enge likolo laho edhingani ate: ''Atie Mwengei ongo otiewane.'' Ndjongo, inde ongo ino ohelanini la inde inga te ate otimoyeweni, inde ongo ekotiesakalakani mbai ino. 24 Mwengei ongo okeli moki la wihoo kpaa winge widjei ndondo eho, nda edjei inde Likumu e likolo la mbume, atiabataka la watepelo winge wikelani la mawo. 25 Atikelanaka wotomo e mawo ma wato, nda nde akodjangaka ema, laate inde amene moto okohaka wato kpaa mokalo, ohatiani koto wihoo kpaa. 26 La loyi e moto mwesi akelali wihoo kpaa e wato, la oyabati la etando kpaa e mbume, abatali koto wiengele winge wibatana la milelo minge mibatani holi winge wato wayabati, 27 laate wamoluke Mwengei, inga eonga wamoluke la omekimeki wiati la wiati wamotote koto, inga te ndjongo, ati lihele la mwesi la mwisi osu. 28 La ebili ate la mboka ende nde edjei iso la mokalo, tokosombaka koto todjei, ndenge wadji ndondo e wapueti wanu waasa, 'Laate todjei koto oliye wonde.'' 29 Eho lenge, ndenge edjei iso oliye wo Mwengei, eengiti ate tomungwe ate Mwengei adjei nda wolo inga palata inga libukeli, nda elima enge eemani la akili koto la otomo wo moto. 30 Meemene, Mwengei anangi maiso la wiengele winge widjangi oyewi, ase sikandjo akoewisaka la wato e wiholo kpaa ate ewongi la iwo kpaa wakukole mitema. 31 La ebili ate abati wuse woesi wungo wokosambesa inde la womeemene mbume djinge wato wayabati la mboka e moto mwesi ongo omooni inde, koto awahekeli wato kpaa ndanga ndenge emobasesi inde tee la wato waguake. 32 Ango eokali iwo loyi e obasi e wato waguake, wadji wamodendjiali Polo; ase wadji waasali ate, ''Tokooka owe la wongu loyi te mbala edji.'' 33 Eho lenge Polo alongwali ndondo ewu. 34 Ase wato wadji waaboleyali mongindji la inde waumali wagemei, enge ndondo ewu Deonisiusi mosambesi e tilibinalo e Aleopage, la moli mwesi kombo ende Damalisi la wadji wato mongindji la iwo.
Chapter 18

1 Mbuse e sambo djaho, Polo alongwali la Atene, akeeli la Koliti. 2 Amogbotoli Moyuda mwesi kombo ende Akila, moto o Poti ongo olongwali sikandjo la Italia, la moli onde Pisila, la ebili ate Kolode aasali la Wayuda kpaa walongwe la Loma. Inde akeeli atie iwo, 3 nda edjaakali iwo okeli otomo woikima, ayabatali la monguta mowu, wadjaakali koto okeli otomo, laate otomo wowu wodjakali omai wahema. 4 Polo adjakali oasi la oyatii la Sinagoga sabata kpaa, adjakali owagemeisi Wayuda la Wageleki. 5 Kaikoase ango elongwali Timoteo la Sila la Masedonia wayadjimbia, Polo ayahali kpaa la otomo wodhendji engbundu, adjakali ohekeli Wayuda litotoli la oenesi ate Yesu adjei Kilisito. 6 Ase mbuse, nda edjakali Wayuda oyamaleli la oasi obe, ahuholali wisindje wande, aasali koto la iwo ate, ''Makila manu madjei la mito manu amene; mbai ilangi. Opoti sikandjo okokeeke atie Wapaganogano.'' 7 Ase apumbali ongo, akeeli olingeli la monguta e moto mwesi kombo ende Titiusi Yusutusi, moyakongi mwesi o Mwengei; ongo monguta monde mohelani la sinagoga. 8 La engele eho Kilisipusi, kumu o sinagoga amogemeiyelali Likumu, ndenge kikima koto wato kpaa wa monguta monde. Ngbii ndondo e Wakoliti wango waokali wapotali ogemei la opatisani. 9 Likumu amwaselali Polo la saki la likolo ate, ''Otiwange, djaaka ndji oasi, otidhikake monoko. 10 Laate idjei mongindji la owe, moto tueti okoodjele owe la o okeli obe, la ebili ate edjei la wato ngbii la ehele gbata.'' 11 Polo ayabatali ongo elanga esi la ndebo motoba, owapundesi engbundu e Mwengei ndondo ewu. 12 Ase ango edjakali Galio likumu o gbata e Akaya, Wayuda kpaa wamomemelelia Polo, wakia la inde la ngbelengo e lisambi; 13 waasia ate: ''Oholo moto akogemeiyesaka wato wayakonge la Mwengei ndenge eeti, enge esomboni la pui. 14 Ango Polo alukali odhuholi monoko, Galio aasali la Wayuda ate, ''Ino Wayuda, inga edjaki la ekpeli esi te la loi wesi wobe, ikelaki ate inange motema la ookini ino engele ndai. 15 Ase, inga edjaa kokia e wingbundu la wakombo koto la pui ndondo enu, enge eodhendjini ino amene. Ibaliti odjei mosambesi e sambo djinge.'' 16 Galio aumbali la iwo la ngbelengo e lisambi. 17 Ndjongo iwo kpaa wamohelali Sositenesi, kumu o sinagoga, wapotali omobingi liwoso la ngbelengo e lisambi. Ase Galio atiasumbwali te wokeke la sambo djinge kpaa. 18 Kaikoase, Polo atikalali masio masungu la Kolito. Mbuse eho ayaambia la wamananango ase alingelia la andondoli, akia la Sili, iwo la Pilisila la Akila. Ango edjengeli inde sue la Kekelea, la ebili ate adjakali la elako. 19 Waumali la Epeso, Polo amotikali Pilisila la Akila ongo, ase inde amana alingelali la sinagoga la osololi la Wayuda. 20 Inga te ate wamoongoli ate aumwe la iwo ma engele ndai, atigemeiyali. 21 Ase ahali mobale, aasali la iwo ate, ''Ikowongwa alidji atie ino inga Likumu abala.'' Atotali mboka e ewale la Epeso. 22 Ango eyadjimbia inde la Kaisalia, atelia la Yelusalema la ohekeli lingomba mobale, mbuse ayadjimbali la Atiokia. 23 Mbuse e oetesi ma engele ongo, Polo ahelia mboka, aetali la ebete esi tee la edji ebete la moki muho mo Galatia koto la Piligia, adjakali ohekeli mogalia la watutiani kpaa. 24 Moyuda mwesi kombo ende Apolo mana o moki mo Alezandelia, mwaasi sambo ndamu, aumali la Epeso, ayewali koto madhingo olamu. 25 Apolo ayinyesanali la monoko, la mboka e Likumu, nda edjakali inde ololi la elimo, apotali otiesakoli la oyinyei la ndege ndamu sambo djinge imodhendji Yesu, ase ayewali ndji patisa e Yoani. 26 Apolo apotali otiesakoli la mogalia ndondo e sinagoga. Ase ango Akila la Pilisila wamookali, wamototali mongindji la iwo, wamwenesia la hoho mboka e Mwengei la ndenge ndamu alidji oeti. 27 Ango edjakali inde la ehoha e kpanake la Akaya, wamangbasu awawadhingelali watutiani ekpata, wawahali mogalia ate wamoyambe olamu. Ango eumali inde ongo, awagamesali wango wagemeiyali la loyi e magba masungu. 28 Apolo adjakali oenesi wato la hoho ate Wayuda wausi mboka, ango edjakali inde oenesi la mboka e madhingo ate Yesu adjei Kilisito.
Chapter 19

1 Ango edjakali yo Apolo la Kolito, Polo aumali la Epeso mbuse e okpandji la mboka enge eyeti miki, agbotonoli la wadji watutiani ongo. 2 Polo aasali la iwo ate, ''ototalini elimo satu ango egemeiyalini ino?'' Iwo wamowongweselali ate, ''Tookaki yo ate elimo satu ekodjaaka.'' 3 Polo aasia la iwo ate, ''Ototini nda patisa?'' Wamoongweselia, ''Patisa e Yoani.'' 4 Polo aasali ate, ''Yoani apatisali la patisa enge edjei elembo ekukolake motema, adjakali oaseli wato ate, wamogemeiyele moto ongo ogeleli mbuse ende, iyenyei ate omogemei Yesu.'' 5 Ango eokali iwo ndjongo wapatali la kombo e Likumu Yesu. 6 Ango Polo awatambelia iwo mawo, elimo satu edjimbelali iwo, wapotali okpomi la minoko madji koto la otiesakoli. 7 Iwo kpaa wadjakali pele inga liomu la iwale. 8 Ango elingelali Polo la sinagoga, aasali la mohandja la oumoyi e ndebo isato, adjakali oasani la wato la djinge idhendji wokumu wo Mwengei la owagemeiyesi wango wadjakali omooki. 9 Ase weeti wadjaaki ndji otetelesi mitema mau, watidjakali koto ogemei, la ndenge wadjakali oaseli obe la loyi e mboka liwoso la wato ngbii, Polo alongwali atie iwo awakatolali la watutiani. Apotali otisakoli la kalasi e Tilanusi. 10 Akelali ndjongo wilanga wiale, ndjongo wato kpaa wango wadjaki oyabati la moki mo Azia waokali engbundu e Likumu, Wayuda la Geleki. 11 Mwengei koto adjakali okeli tomo sungu e okulu la mawo ma Polo, 12 wadjakali ototi mambusu la wisindji wa otomo e wenge wande, la owakpaleli wato wa wikoni, wikoni wau widjakali osili, milimo mibe koto idjakali opumbi. 13 Ase Wayuda wadji wango wadjakali osombasombi, wango wadjakali opumbesi milimo mibe, wamekali koto otoli komnbo e Likumu Yesu atie wango wadjakali la milimo mibe, waasia, ''Ikootomakani la kombo e Yesu ongo okomotiesakolaka Polo.'' 14 Kaikoase, ndjenga sambo e moto mwesi kombo ende Sekeba nganga Mwengei likumu Moyuda, wadjakali okeli ndjongo. 15 Ase elimo mbe ewongoselali iwo ate, ''Imoyewi Yesu, imoyewi koto Polo; ase ino wandai?'' 16 Moto ongo odjaaki la elimo mbe awahumbwelelali iwo kpaa, ahotokolali wesi la wesi la iwo, awaetali la okulu, ndjongo watilali la monguta muho lingbengbele, wakondjokonoli. 17 Loyi luho loewanali la wato kpaa, Wayuda la Wageleki wango wadjakali oyabati la Epeso; mbangi ewalingelali iwo kpaa, kombo e Likumu Yesu edjakali ndji ototi mogano. 18 Ngbii ndondo e wango waumali wagemei wadjakali odji olumboli la oyewesi tomo djau la hoho. 19 Ngbii e wango wadjakali okeli tomo dja malando, wakokeyali wahala wau ebete eikima, watumbali eho la maiso ma wato kpaa. Watangali motio moho kpaa waenali ate eengali la motio e wadjenge wa palata koto tuku itano. 20 La ndenge esi e okulu, engbundu e Mwengei edjakali obeki la olongi. 21 Mbuse e djinge sambo, Polo aanali la motema monde ate, mbuse e okpandji Masedonia la AKaya, akoke Yelusalema, aasali, ''Mbuse e oumi ongo iengi koto oeni Loma.'' 22 Polo atomali wato waale ndondo e wango wadjakali omokeleli la masedonia, Timoteo la Elasita, ase inde amene atikalali ma engele ekeke la moki mo Azia. 23 La enge engele minga misungu mipumbali ongo la Epeso la loyi e mboka. 24 Laate moto mwesi kombo ende Demetiliusi, motuli mo Palata, la otomo wonde emaake minguta mikeke e oyakongi e Alatemisi, adjakali olingeseli wato wa tomo wa otata wadjenge ngbii. 25 Awaboleyali koto la wango wadjakali okeli la wihoo e ndenge eho, aasali ate, ''Pele, oyewini olamu ate ogumake wosu ekolongwaka la wu otomo. 26 Okoenekeni koto okookakani ndenge Polo oho, te ndji la Epeso ase wiholo pene e kpaa la moki mo Azia, agemeiyesi wato ngbii. Awatomia wagemeiye eeti mamungo, aasia, ''Wamwengei wango watulani la mawo wati wamwengei. 27 Wuko etisuke ndji la wungo loyi ate otomo wungo wosu wokosila mogano, ase alidji ate tepelo e mwengei-moli mosungu Alatemisi ekotolono ema pamba, te wosungu wonde wungo moki kpaa mo Azia la mbume djinge wato wayabati ekoyakongaka, etikali ma keke eume pamba.'' 28 Ango eokia iwo ndjongo, nda etumali iwo koto la limemu, wato waho wapotali opami, waasia, ''Alatemesi o Waepeso adjei mosungu.'' 29 Gbata kpaa etumali la minga, iwo kpaa wayasuali la ebete e wiyoka, wakpalali la oteteli mongindji la iwo Gayusi la Alisitalakisi, Wamasedonia, wiino wa Polo la okendo. 30 Polo abalali olingeli ndondo atie wato waho, ase watutiani watimohali mboka. 31 Wadji wiloko wa Azia, wango wadjaaki wiino wande, wamotomelali mwendji la omwaseli ate atilingese mokalo monde la huko la ebete e iyoka. 32 Wadji wadjakali opami la loyi eeti, koto wadji loyi eeti, laate liboliani lidjakali la minga, ngbii ndondo e wu watiewali nda ema eyaboleyi iwo. 33 Iwo kpaa wamototali Alezandela ndondo e ngbii e wango wato, Wayuda wamohilali liwoso. Alezandela akelali elembo la ewo ende, abalali osambi la loyi e inde amene liwoso la wato waho. 34 Ase ango eyewia iwo ate inde adjei Moyuda, iwo kpaa wapamali moli sa mwesi ahue e wiengele wiale ate, ''Alatemisi e Waepeso adjei mosungu.'' 35 Ango modhingi sambo e gbata adakisali ngbii e wango wato bii, aasali ate, ''Pele dja Epeso, ndai ndondo e wato atiewe ate gbata e Waepeso edjei mobanyei e tepelo e Alatemisi mosungu koto la elima enge ekwali tee ongo likolo? 36 Ndjongo, nda sambo djaho eengiti obatani kokia, ewongi ate ogbuteseni mitema, otikeleni koto sambo la obangu. 37 Laate okpalitini wato wango wadjei wato wayiwa la watepelo, wati koto wato wango wakomotangakolaka mwengei osu o moli. 38 Eho lenge, inga Demetiliusi la wato wa tomo dja mawo wango wadjei mongindji la inde wadjei la loyi e moto mwesi ndjo, masio masambake madjei, makumu koto wadjei. Wadje opundani. 39 Ase inga okolukakani ema eeti oyeti wungo, eho ewongi otenani la liboleyani nda ehahani iso. 40 Laate todjei la huko e opundani ate todjei wato wa ewedje la loyi e keke, nda eti la ema teeti enge eengi otohekeli iso mboka e oenesi kole e ehele liboleyani e ewedje. Ango esisali inde oasi djinge sambo, aongoli liboleyani liandjane.
Chapter 20

1 Ango etitimali ewedje, Polo awelali watutiani, mbuse e owahekeli mogalia la owahekeli mobale e okawani, apumbali la oki la Masedonia. 2 Mbuse e okpandji winge gbata la ohekeli mogalia la wango wadjakali ongo la sambo ngbii, adjaali la Geleki. 3 Mbuse oetesi ndebo isato ongo, nda Wayuda wamokelelali likita ango edjakali inde ahue e oki la andondoli la Sili, atotali mwano e wongwake la Masedonia. 4 Wango wadjakali osombi mongindji la inde edjakali , Sopatela mana o Pilusi mo Yabeloya, Alisitalaka la Sekundusi wato wa Tesaloniki, Gayusi mo Yadeleba, la Timoteo, koto la Tisiki, la Tolopimi, wato wa Azia. 5 Iwo wakeeli liwoso, wadjakali otolambeli iso la Toloasi. 6 Ase iso tolongwali la Pilipi, tototali mboka e ewale mbuse e masio e makoke mango matikundaka, todjaali atie iwo la Toloasi mbuse e masio inga matano. Ongo toetesali masio sambo 7 La lisio la yenga, ango egbotonoli iso la olaki okoke, Polo apotali owatiesakoli, laate abalali oki ekundu eho, agulali matiesakoli mande tee la etete. 8 Matambe ngbii madjakali la mwange e likolo ongo eyaboleyali iso. 9 Mana opele mwesi, kombo ende Etisi, ayabatali la lininisa, adjakali la ilo. Ango Polo adjakali oguli matiesakoli mande, ilo emogulali, akwali olongoyi ngbalando esato e monguta tee la mbume, wamolongosia ndji aguiga. 10 Polo ayadjimbali la mbume, ayalumbali likolo lande, amolingali koto la mawo, aasali ate, ''Otiyasumbweni, laate molimo monde modjei ndondo ende.'' 11 Atelali alidji likolo, abukia okoke, alakia. Mbuse e okpomi engele ndai tee otani o wuse, ase akeeli. 12 Wamototali palanga oho la mokalo, wabondesanali koto. 13 Toetali sikala liwoso ongo edjakali andondoli, tokeeli la andondoli tee la Asosi. Toanali omototi Polo, la oengani la tomani djande, laate abalali okeli okendo la makolo. 14 Ango andongbanali la iso la Asosi, tomolingesali la andondoli, ase tokeeli la Mitilena. 15 Ango elongwali iso ongo ekundu eho, towumali ngambo enge edhendani la Kiosi. Ase ekundu eho toyamalali ma keke la Samosi, mbuse e lisio laho, toumali la Mileta. 16 Laate Polo atibalali oyamali la Epeso, la ebili ate atienge oetesi engele ndai la Azia; laate adjakali okeli galagala la oumi la Yelusalema lisio e yenga e Patekote inga akodja la nano. 17 Ongo la Mileta atomali wato la Epeso, la oweli wiloko wa lingomba. 18 Ango eumali iwo atie inde, aasali la iwo ate, ''Oyewini olamu ndenge, opoti lisio la poo enge ehotoli mbai mbume e moki mo Azia, idjakali mongindji la ino engele kpaa. 19 Imokelelali Likumu nda motuke la elimo eyatitimesake, la po, la omekani enge eumelali mbai la loyi e makita mbe e Wayuda. 20 Itiyatekisali oyinyei ino sambo kpaa djinge idjakali la kole inga otiesakoli ino la wibete e wato kpaa koto la munguta la monguta, 21 itotololi Wayuda la Wageleki olamu olamu sambo djinge idhendji okukoli motema atie Mwengei koto omogemeiyeli Likumu lasu Yesu. 22 Dhenga sikandjo, ihelani la elimo, ikokeeke la Yelusalema, inga te ate iyewiti nda sambo djinge ikoumela mbai ongo, 23 longosa ndji ehele, moki la moki elimo satu edjei mbala la mbala ototoleli mbai ango ekoasaka eho ate, miliki la wodjidji ekolambelaka mbai. 24 Ase itidhendelaka molimo mo mbai ate edjei la kole ngbii atie mbai, ema e kole nde iengese la mwemu obangu wo mbai la otomo wungo itotali atie Likumu Yesu, la ohekeli litotoli olamu la loyi e mboli ndamu e magba masungu ma Mwengei. 25 Dhenga sikandjo, iyewi ate ino kpaa wango itiesakolalini okumu, otieneni kine mbanda e mbai. 26 Iototini ino watotoli la lisio la keke ate ilangi la makila ma wato kpaa. 27 Laate itiatekisali oyewisini ino mwano kpaa mo Mwengei. 28 Okakebeni la kole e ino amene, koto la kole e lingomba kpaa enge elimo satu e obatini ino wabanyei la ndondo eho. Laate obanyeni liboleyani e Mwengei enge inde asombali la makila ma mana onde moikima. 29 Iyewi ate mbuse e oki wo mbai, mbwa mbe dja mitulu wakolingela ndondo enu, watikelela koto lingomba sambo ndamu. 30 Ndondo enu pele wakoyamala, wakotiesakola sambo dja moleho la oguli watutiani wabileye iwo. 31 Eho lenge otilangaleni ilo. Otiosaneni ate wilanga wisato likolo la wuse idjakali oaseli mwesi la mwesi la po. 32 Sikandjo ikoodhekeni la mawo ma Mwengei koto la engbundu e magba masungu mande, engbundu enge eengi omayi ino koto ohekeli ino lisango ndondo e wango wasatisani. 33 Itinonali palata e moto, te wolo, te wisindje koto. 34 Ino amene oewini ate ma mawo maengesali wihoha wa mbai koto e wango wadjaki mongindji la mbai. 35 Ienesini ino la sambo kpaa ate la okeli otomo otetelake ndenge eho nde oongini ogamesi wango wadjei wato wamageni, koto otiosaneni wingbundu wa Likumu Yesu, ango inde amene aasali ate,''Mwemu mokawake moeti mototake.'' 36 Mbuse e oseseli oasi djinge sambo, amaali mauli mongindji la iwo kpaa, ayakongali. 37 Iwo kpaa watobiali la wilelo nee, wamokweleli Polo la kingo, wamombomboli la magba. 38 Waokali magba masungu la engbundu enge aasali inde ate watiene kine mbanda ende alidji. Ndjongo wakeeli omotiki la andondoli.
Chapter 21

1 Ango ekawania iso la iwo la magba, tototali mboka e ewale, la obangu tosombali toumali la gbata e Kosi, ase ekundu eho la Lode, koto olongoyi ongo tee la Patala. 2 Ango egbotoli iso andondoli eesi enge ekokpandaka la Penesia, totelali eho, tokeeli. 3 Mbuse e oeni esi e Sipele, todheeli eho la ewo e liali, tobiliali Sili, toamalali la Tila laate ongo nde andondoli eongoli odjikesi wihoo waho. 4 La oluki luki toeneli watutiani, toyabatali ango masio sambo. Ase la mboka e elimo wadjakali omoaseli Polo mbala la mbala ate atike la Yelusalema. 5 Ango eseselia iso oengesi masio maho, topumbali koto tokeeli, iwo kpaa la wali la wana wadjaali otiki iso tee la saa e gbata. Tomaali mauli la kondolo, toyakongoli, 6 tohanali mobale, iso totelali andondoli, ase iwo wawongwali atie iwo. 7 Ango eseselali iso okpandji la Tila, toumali la potolemaisi. Tohekeleli wamangbasu mobale, toyabatali mongindji la iwo lisio liikima. 8 Ekundu eho, tokeeli toumali la Kaisalia, tolingelali la monguta mo Pilipo moenesi mboli ndamu, ongo odjakali mwesi e pele sambo e mogano molamu, toyabatali mongindji la inde. 9 Moto opele oho adjakali la wana wawali wanei, waseka, wango wadjakali otiesakoli. 10 Ango edjaaki iso oumoi masio ngbii, motiesakoli mwesi kombo ende Agabusi, alongwali la Yudea. 11 Adjia atie iso, atotali mokaba mo Polo, ayanangali makolo la mawo, aasali ate, ''Elimo satu easi ndjo, 'Moto ongo odjei meemene mu mokaba, Wayuda wakomohela ndjo la Yelusalema, wakomokawa la mawo ma wapagano.''' 12 Ango eokali iso ndjongo, iso la wato e eholo eho topotali oyatati la inde ate atitele la Yelusalema. 13 Polo awongosali ate, ''Okokelakani nde la ilelo koto la ogenesakoli mbai motema? Iyawongeli te saa la loyi ehelanake, ase laate ikogwa la Yelusalema la loyi e kombo e Likumu Yesu.'' 14 Nda etidjakali inde ogemei, iso togemeiyali eho la dji wingbundu, ''Mwano mo Likumu ekelane.'' 15 La mbuse e masio maho tohelali wihoo wasu koto totelali la Yelusalema. 16 Wadji ndondo e watutiani wa Kaisalia wakeeli koto mongindji la iso, la okpali iso atie moto ongo toengali oyabati atie inde Manasona mwesi ndjo, moto o Sipele, mwesi e watutiani wa poo. 17 Ango eumali iso la Yelusalema, wamangbasu watoyambali la mwemu. 18 Ekundu eho, Polo alingelali mongindji la iso atie Yakobo, koto wiloko kpaa wadjakali ongo. 19 Polo awahali mobale, apotali owaewisi ema esi la esi la sambo kpaa djinge Mwengei akelali atie wapagano la mboka ende. 20 Mbuse e owaoki iwo, wapotali omohekeli Mwengei otwa, wamoaselali koto ate, ''Okoeneke, manima, ndenge wato ngbii e wagamei wadjei la ndondo e Wayuda. Iwo kpaa wadjei la mogalia la loyi e pui. 21 Waokali ondungwani la loyi e owe ate okotiesakolaka Wayuda wango wayabati ndondo e wapagano ate wamotone Moize, okoaselaka iwo ate watitene wana wau kombeni koto watisombe la otutei wikaleli winge wiyewani. 22 Tokele woni? La omeeemene wakoewa ndji ate odiga. 23 La ndjongo kela nda ekotiesakola iso owe. Pele inei wadjei la iso ala, wango wadjei la ndai ewu. 24 Tota wango pele, keke oyalangesi mongindji la iwo, putela iwo sambo kpaa, laate wadjengene sue. La ndenge eho, moto kpaa akoewa ate ondunguani wungu waewisali iwo la loyi e owe edjei e moleho, ase ate owe okosombaka alima, owe amene koto okobanyaka pui. 25 Ase la loyi e wapagano wango wagemei, totomi eteneli enge etoti iso ate ewongi watone wihoo winge wihekelani mbeka la wilima, la otoni makila, la wihoo winge wipotoni la pite. 26 Polo akpalali pele djaho ekundu eho, ayalangesali mongindji la iwo. Alingelali la tepelo, la oyewesi masio woni eongoli oeti la loyi e olangesani wuho, tee ango likao e ongoli ehekelani la loyi e moto la moto. 27 Ango epakali masio maho sambo weengi, Wayuda weeti wango walongwali la Azia, ango e moenia iwo Polo ndondo e tepelo, wangalesia wato ngbii, wamobatali mawo. 28 Wadjakali opami, ''Pele dja Isalayele, togamesani iso. dengani moto oholo akoinyaka wato kpaa wiati la wiati ate wadendeye wato wasu, pui la ehele ebete. Aleeti awalingesi Wageleki ndondo e teplo, awumesia ehele ebete esatu onalili. 29 Laate liwoso wamoeneli Tolopimi moto o Epeso la gbata mongindji la inde, eho lenge wadjakali omungoyi ate Polo amolingesi la tepelo. 30 Moki kpaa momemelia, wato kpaa waboleyanali, wamohelali Polo, wamogulia saa e tepelo, wadhihia moluhe mo tepelo la loga. 31 Ango edjaaki iwo oluki mboka la omooli Polo, mboli emoumelia likumu o ebiba e wasoda ate Yelusalama kpaa edjei la minga. 32 Mbala kikima atotali wasoda la makumu wamu, ayadjimbali obangu atie iwo. Ango emoenia iwo likumu o wasoda la wasoda wadheeli omobingi Polo. 33 Likumu o wasoda ayandongbali ahue amopotoli Polo, awatomali ate wamohele la miliki miale. Apotali oluki oewi inga edjei ndai koto nda loyi ekeli inde. 34 Ase wadji e wango wato ngbii wapotali opami la edji loyi, waadji koto la edji loyi. Nda inde amene atiengali oyewi te loyi eesi la omeemene la ehele ewedje, atomali ate wamokpale Polo la monguta e wasoda. 35 Ango eumia inde la eteleli, sambo ebitanali la oeteli, ndjongo wasoda wamokpalali Polo la loyi e ongali o wato ngbii. 36 Laate ngbii e wato waho wadjakali ndji otutei, wadjaki opami, ''Moolani!'' 37 Ango epaki Polo olingeli la monguta mo wasoda, amoaselali likumu oho o wasoda ate, ''iengi ototi mboka la oasi loyi liesi?'' Likumu o wasoda amoaselali ate, ''Okoasaka monoko mo Geleki? 38 Eti owe Moezipito ongo, la masio mayeti apumbesali minga, akpalali la esobe pele koto inei wango wadjakali la wiwuni?'' 39 Polo aasali ate, ''Idjei Moyuda, o Talasi ndondo e Silisia. Idjei mana o moki e gbata enge eyewani olamu. Ndjongo iyakongi la owe pa mbai mboka iase la wato.'' 40 Ango likumu o wasoda amohia mboka, Polo ayamalali la witeleli, akelelali wato elembo la ewo ende. Ango elingelali logoo, aasali la iwo la monoko mo Ebele. Aasia ate,
Chapter 22

1 ''Wamanima la wa wawa, okani osambi wo mbai liwoso lanu sikandjo.'' 2 Ango eokia iwo ate akoasaka la iwo la monoko mo Ebele, wadakali alidji bii la oeteli, waasali koto ate, 3 Idjei Moyuda, iwotami la Talasi e Silisia, ase itangi kalasi la mu moki la makolo ma Gamaliela. Itiesanate la otutei okulu e pui e wa tata. Idjakali moto o mogalia la loyi e Mwengei, ndenge ino koto kpaa odjeini la eho la masio ma keke. 4 Ibheteleli ehele mboka tee la logo. Idjakali oheli pele la wali la miliki koto owatomi la woyogo, 5 nganga-Mwengei mosungu la liboleyani kpaa e wiloko waengi ototoli la loyi e mbai. Itotali koto matanda atie iwo la loyi e wamangbasu wango wadjei la Damasi, ikeeli koto okpali wango wadjakali ongo wahelani la miliki la odji la iwo la Yelusalema laate watote etumbu. 6 Idjaaki okii ndjongo, ango eyandongbia mbai ahue e Damasi, ahue e mbile, ngbai esi engalelali mbai. 7 Ikuali la mbume, iokali mooli mwesi moasali la mbai ate, 'Saulo, Saulo, ndjoni okoeneseke mbai odjidji? 8 Mbai iwongwesali ate, 'owe ndai, Likumu?' Aasali koto la mbai ate, 'Mbai Yesu, o Nazaleta, ongo owe okomoeneseke odjidji.' 9 Kaikoase, wato wango wadjaki mongindji la mbai waeneli ngbai eho ase watiokali mooli mungu modjaki oaseli mbai. 10 Iyasali ate, 'Ikele nde, Likumu?' Likumu aasali la mbai ate, 'Yamala, keke la Damasi, ongo wakoewesa owe sambo kpaa djinge ewongi la owe okeli.' 11 Nda etidjakali mbai oeni ema la loyi e otwa e enge ngbai, iwumali la Damasi, idjaki ogulani la ewo e wango wadjaki mongindji la mbai. 12 Ongo Ananiasi, moto opele ongo okomowangaka Mwengei la obileyi pui, koto adjaki la matotoli malamu atie Wayuda kpaa wango wayabatali ongo. 13 Adjali atie mbai, ayamalali ahue e mbai, aasali la mbai ate, ''Saulo, manima, ene alidji.'' Idjambali maiso la omodhendji ndji la enge engele. 14 Aasali koto ate, Mwengei o watata wasu awoni owe laate oyewe mwano monde, koto omoene Moto molamu, koto ooke mooli mooli monde. 15 Laate okodjaa mototoli monde la wato kpaa la sambo kpaa ieni owe la wioki owe. 16 Sikandjo okolambelaka nde? Yamala, tota patisa, dhumbeya kombo ende laate okpole masumu ma owe. 17 Mbuse iwongwali la Yelusalema, idjaaki oyakongi ndondo e tepelo, ilengelali la saki. 18 Imoenia inde akoasaka la mbai ate, ''Kela obangu, pumba galagala la Yelusalema, laate watigemeiya litotoli la owe la loyi e mbai.'' 19 Iyasali ate, 'Likumu, iwo amene wayewi ate idjaaki olingesi la woyogo wango wakogemeiyaka owa, la owabingi pimbo la wasinagoga djiesi kpaa. 20 Koto ango eswani makila ma Setepano mototoli mo owe, mbai pendja iyamalali ango, idjakali ogemei, la obanyei wisindji wa mokpoto e wango wadjaki omooli. 21 Ase aasali la mbai ate, ''Keke, ikootoma lihele atie wapagano.'' 22 Wamookali tee la wungo loyi ndjongo. Wadjambali miili mawu, waasia ate, ''Molongosa moto e ehele ndenge la mbume, laate ationgoli odjei la mokalo.'' 23 Nda edjaaki iwo ohumbi la olumbi wisindje wau wa mikpoto likolo, la oyandji limungele likolo, 24 kumu o wasoda atomali wasoda ate wamolingese Polo la monguta mo wasoda, aasali koto wamobinge pimbo laate aase, ndjongo akoewa olamu nda kole enge iwo wakopamaka la loyi ende. 25 Ango emolangeya iwo laate wamobinge pimbo, Polo aasali la kumu o wasoda ongo odjaaki ango mine ate, ''Pui ehekeli ino mboka ate obingeni pimbo la moto ongo odjei Moloma ongo okwiti te la loyi loikima?'' 26 Ango eokia likumu o wasoda ndjongo, akeeli atie kumu o wasoda, amoaselali ate, ''Obali okeli nde? Denga ongo moto adjei Moloma.'' 27 Kumu o wasoda ayandongbia ahue, amoaselali ate, ''Yewesa mbai, odjei Moloma?'' Polo aasali ate, ''Eiye.'' 28 Kumu o wasoda awongwesia ate, ''mbai isombi ehele osomi e mana o moki la wambele ngbii.'' Ase Polo aasia ate, ''Ase mbai iwotani nde la eho. 29 Ndji la enge engele, wato wango wabalali omobingi pimbo laate aase, walongwali ahue ende, koto kumu o wasoda apotali owangi ango eyewali inde ate adjei Moloma la ndenge emonangali inde la miliki. 30 Ekundu eho, ango ebalali likumu oewi la omeemene kole enge Wayuda wakomopundaka, amotokolali Polo, atomali ate wanganga-Mwengei wayakokeye la likita lisungu. Amodimbali Polo, amoamalesali ndondo ewu.
Chapter 23

1 Polo adengali makumu ma likita lisungu, aasali ate, ''Wamanima, isombi liwoso la Mwengei la oewi wolangi tee la lisio la keke. 2 Nganga-Mwengei mosungu Ananiasi ahali mboka la wango wadjaki ahue ende ate wamobinge la monoko. 3 Eho Polo aasia la inde ate, ''Mwengei akoobinga, owe etutu enge emunolani mondo, oyabati la osambesi mbai la ookani e pui, la ndenge ekotomaka owe wato ate wabinge mbai? 4 Wango wayamalali ango waasali ate, ''Okomotangakolaka nganga-Mwengei mosungu o Mwengei?'' 5 Polo aasali ate, ''Wamanima, itiewake ate adjei nganga-Mwengei mosungu. Laate edhingani ate, ''Oengiti oasi obe la kumu e wato wa owe.''' 6 Ango eyewali Polo ate ndondo ewu edjakali la Wasadukai koto la Wapalisai, apotali ohumbi pwi ndondo e likita lisungu ate, ''Wamanima, idjei Mopalisai, mana o Wapalisai. Ikosambesamaka la loyi e mwano e libasi e wato waguake.'' 7 Ango easia inde ndjongo, likaka eumali ndondo e Wapalisai la Wasadukai, mongindji mokawanali. 8 Laate Wasadukai wakoasaka ate libasi liti, ahumbwa koto ati, elimo koto ati, ase Wapalisai wakogemeiyaka sambo djaho kpaa la hoho. 9 Ndjongo ondungbiani wotetelake epumbali, wiloko wadji e mongindji e Wapalisai wayamalali, wapotali oasi la mosio mosungu ate, ''Toeniti obe teeti atie oholo moto. Ase inga elimo eesi, te ahumbwa mwesi asololali la inde?'' Totisane la Mwengei. 10 Ase ango eumia likaka lisungu ndondo ewu, kumu o wasoda awangali ate wakomotenakola Polo wisuki, ndjongo aasali la wasoda ate wayadimbe omolongosi Polo ndondo ewu, wamolingese la monguta mou. 11 La likolo linge libileyi Likumu ayamalali ahue ende, aasali ate, ''Dja la mogalia, laate nda ehekeli owe litotoli lilamu la Yelusalema la sambo djinge idhengi mbai, ndenge kikima koto oengi ohekeli litotoli la Loma.'' 12 Ango otania wuse, Wayuda wakelia likita libe, walapali koto ate obe ewakwele, inga walaka te wakenga liwoso ate wamoole Polo. 13 Edjakali wato oyeti tuku inei nde wakelali linge likita libe la olapi enge enangani la mwano mbe. 14 Wakeeli atie wanganga-Mwengei makumu la wiloko, waasali ate, ''Toteniga ndai ate totilaka, totikenga koto tee ekomoola iso Polo. 15 Ndjongo ndi sikandjo, ino la likita lisungu moewisani kumu o wasoda la hoho kole enge inde awongi odjimbeseli ino inde nda odjeini nde la posa e odhendeli loyi londe la ndenge ndamu. Ase liwoso ate aume ahue, iso tokoyawongela laate tomoole.'' 16 Ase mana o manango o Polo o moli aokali mboli e lisala linge limobatelali iwo Polo, adjaali olingeli la monguta e wasoda la omoewesi Polo. 17 Polo amowelali mwesi e makumu o wasoda atie inde aasali ate, ''Mokpala oholo mana opele atie likumu o wasoda, la ebili ate adjei la ma loyi e moaselake.'' 18 La ndjongo, akeeli la inde okamotiki atie likumu o wasoda, aasali ate, ''Polo moto o woyogo aweli mbai atie inde, aongia mbai ate imokpale oholo mana opele atie owe, la ebili ate adjei la ma loyi e oaselake.'' 19 Kumu o wasoda amohelali ewo, akia kelekele, apotali omohueli iwo waale ate, ''Nde ebali owe oaseli mbai?'' 20 Mana opele oho aasali ate, ''Wayuda waokani ate waonge owe omodjimbe Polo la likita lisunu e ekundu nda wadjei nde la posa e oewi olamu enge emodhendji.'' 21 Ase loyi lo kole edjei, owe otibale ate waogemeiyese, laate pele djau oyeti tuku inei wamobateli lisala, walapi koto ate watilaka watikenga koto inga watimooleyo. Wayawongeli sikandjo, wakolambelaka ate liwuna lilongwe atie owe.'' 22 Kumu o wasoda amodheeli ongo mana opele ate ake mbuse e omoaseli ate, ''Otimoewese moto toeti ate ondjaseli mbai.'' 23 Awawelali waale ndondo e makumu ma wasoda, aasali ate, ''Wongeleni wasoda kama iwale la osombi tee la Kaisalia, la wasoda koto tuku sambo wango wakosombaka la punda, la wasoda koto kama iwale e makonga, la engele e isato e likolo.'' 24 Wongeleni koto wa nama wango wakokpalaka mikpali laate emokpale Polo, emoumese koto Polo olamu atie likumu o moki Peliki. 25 Adhingali ekpata la ehele ndenge: 26 ''Mbai Kolode Lisiasi, atie moto o mogano likumu o moki Peliki, mobale. 27 Wayuda wamoheli oholo moto opele, walukaki ate wamoole, ase mbai idjaali obangu la ebiba e wasoda, imokalesali, laate ioki ate inde adjei Moloma. 28 Nda elukali mbai oewi olamu kole enge edjaakali iwo omopundi, imodjimbali la likita lisungu ewu. 29 Idjaali oewi ate wadjaki omopundi la loyi e pui djau, ase te la loyi enge ewongi la logo inga te la woyogo. 30 Nda endjaseli iwo mbai ate likita liesi libe ekowongelanaka la omokeli moto opele oho obe, imotomi inde atie owe la loga, ihii engbundu atie wapundi wande ate waase mbe djande liwoso la owe.'' 31 Wasoda waho wamototali Polo la otutei engbundu enge etotali iwo, wamokpalali la likolo la Atipatilisi. 32 Ekundu eho, wahekeleli mboka la wasoda wango wakosombaka la punda ate wahele mboka mongindji la inde, ase iwo waongwali la monguta e wasoda. 33 Wasoda wango wakosombaka la punda walingelali la Kaisalia, wamohali likumu o moki ekpata eho, wamoinyali koto Polo. 34 Ango etangali likumu o moki ekpata eho, amohuelali Polo inga adjei moto e nda moki. Ango edjaali inde oewi ate adjei moto o Silisia, 35 Aasali ate, ''Ikooka owe olamu ango ekodja wapundi wa owe. Atomali ate wamobanye la monguta e likumu Elode.''
Chapter 24

1 La mbuse e masio matano Ananiasi nganga-Mwengei mosungu, ayadimbali la Kaisalia la ndambo e wiloko wa moki, la moaseli mwesi la kombo Teletulusi, wamopundali Polo liwoso e likumu o moki. 2 Ango emowelia iwo Polo, Teletulusi apotali omopundi atie likumu o moki, aasia, ''Nda edjei iso la logoo wosungu la owe, koto nda okalambi ekokelanaka la mu moki la kole e mamungwene ma owe ma wongesake sambo liwoso; 3 la wiengele kpaa koto alidji la wiholo kpaa, tokoyambaka eho, Moto o mogano Peliki, la dombwa ehele eyeti osungu. 4 Ase ibaliti wohelesi engele ndai la ogani owe, ndjongo iyakongi la owe ate la magba masungu ma owe otooke la ma sambo keke. 5 Laate tomoeni oholo moto opele ate adjai huko esungu, akopumbesaka koto minga atie Wayuda kpaa wango wayabati la meki kpaa. Adjei mosombesi e ma lingomba liesi e Wanazaleta. 6 Amekali koto obitesi tepelo nde emoheli iso, tolukali omosambesi la obilei pui djasau. 7 Ase Lusiasi kumu o wasoda aumali. Amolongosia la mawo masu la otetelake. 8 Ase ahia modeko atie wapundi wande laate wadje atie owe. Ango owe amana okomohuela, okoewa womeemene e sambo kpaa djinge ekomopundaka iso. 9 Wayuda koto wagemeiyali, waasali ate sambo djaho idjei ndji ndjongo. 10 Ase ango likumu o moki abandali moto la ohekeli Polo mboka easake, Polo awongosali ate, ''Nda eyewi mbai ate owe odjei mosambesi molamu e mu moki wilanga ngbii, igemei la motema mwesi osambi sambo dja mbai. 11 Oengi oewi owe amene ate opoti lisio liteli mbai la Yelusalema la oyakongi, eyetakiyo masio liomu la maale. 12 Ango egbotoli iwo mbai la tepelo, itidjaakali obati kokia la moto inga te oboleyi ebiba eesi e wato, la wasinagoga te la gbata. 13 Waengiti oenesi omeemene e sambo djinge wakopundaka mbai la eho sikandjo. 14 Ase ikoyambolaka wu loyi liwoso la owe ate, la odhendeli mboka enge ekowelaka iwo ma lingomba, la ndenge eho nde mbai ikomokelelaka Mwengei o watata wa mbai otomo wosatu, laate ikogemeiyaka sambo kpaa djinge iyaselani la pui, djinge idhingani koto la watiesakoli. 15 Ibati motema atie Mwengei, motemu mungu wa wato koto wakodjaaka la eho, ate libasi likodja, e wato walamu la wato wabe. 16 Mbai ikobata motema mo mbai la loyi wuho ate engele kpaa idje la oewi enge ekoenesaka ate ikeliti obe teeti liwoso la Mwengei la liwoso la wato koto. 17 La mbuse e wilanga ngbii iwongwali ndondo e moki mo mbai okawi makao e motema magba la ohii mbeka. 18 Ango edjaaki mbai okeli sambo djaho, wagbotoli mbai iyalangesi ndondo e tepelo la ndenge ewongoni, te mongindji la wato ngbii te koto la ewedje. Ase Wayuda wadji e moki mo Azia wadjaakali ango. 19 Ewongoki la iwo koto odjei ala liwoso la owe la ohelesi mbai, inga waeneli mbai la loyi liesi libe. 20 Inga te ndjongo, pele djinge idjei ala waase iwo amene obe wungo waeneli mbai la eho ango eyamalali mbai liwoso la likita lisungu, 21 longosa ndji loyi loesi wungo wodhumbeyali mbai ango eyamalali mbai ndondo ewu ate, ''Ikosambesamaka ndondo enu la loyi e libasi e wato waguake.'' 22 Ase Peliki, ongo oewaali olamu sambo djinge idhengi mboka, aandjali wato ate wadje nbuse. Aasali ate, ''Ango Lusiasi kumu o wasoda akoyadjimba ikotena sambo djanu.'' 23 Amotomali likumu o wasoda ate wamobanye Polo, ase watimohele miliki ongo la woyogo, atimotekese koto moto tueti e wato wande omogamesi. 24 Mbuse e ma masio, Peliki adjali iwo la moli onde Dulusila, ongo odjaakali Moyuda, amotomi moto okamoweli Polo, amookali koto la loyi lodhendji omogemeiyeli Kilisito Yesu. 25 Ase ango einyali inde sambo dja omeemene, la oyatekesi, la lisambesi wungo wogeleli, Peliki aokali boo, awongwesalii ate, ''Sikandjo kekeyo, ase inga engele eesi ndamu eenane ikoowela alidji.'' 26 Adjaaki koto la molambe ate Polo akomoha wambele, eho lenge adjaakali omoweli mbala la mbala la osololi la inde. 27 Ase la mbuse e mbula iwale Polokisi Pesitusi ayadjimbali la ebete e Peliki, ase nda Peliki abalali ate Wayuda waemele la inde, amotikali Polo anangani la woyogo.
Chapter 25

1 Masio masato mbuse e olingeli e Pesitusi la okumu wonde, alongwoali la Kaisalia, atelia la Yelusalema. 2 Wanganga-Mwengei makumu la iloko wa Wayuda, wamopundali Polo liwoso lande, wapotali oyatati la inde, 3 wadjaaki omoongi ate awaokele magba, la omokoesi Polo, atome wamowele la Yelusalema, kaikoase wadjaakali omoaleli lisala la omooli la mboka. 4 Pesitusi awongosali ate Polo adjei la woyogo e Kaisalia, inde amene koto akobalaka okii ongo la loga. 5 Aasali alidji ate, ''Wango wadjei la okumu ndondo enu, wayadjimbe mongindji la mbai wamopunde, inga loyi lopundake wodjei atie moto oho.'' 6 Pesitusi aetesali masio mwambi inga liomu ndondo ewu, ayadjimbali la Kaisalia, ekundu eho, ayabatali la ngbelengo e masambi, atomali ate wadje la Polo atie inde. 7 Ango oumali inde, Wayuda wango wayadjimbali tee la Yelusalema wayamalia ango omolingi, wadjaali omopundi la sambo ngbii koto e sungu sungu djinge etiengali iwo oenesi womeemene woho. 8 Polo awongosali la osambi ate, ''Ikeliti obe te oikima la loyi e pui e Wayuda, inga te la tepelo, inga te la kole e Kaisalia.'' 9 Ase Pesitusi nda ebalali inde ate Wayuda wamoemele, amowongoeselali Polo ate, ''Ogemei oteli la Yelusalema la osambesani liwoso la mbai la loyi e dji sambo ndjo?'' 10 Ase Polo aasali ate, ''Ikoyamalaka liwoso la ngbelengo e masambi e Kaisalia, enge owongi la mbai osambesani. Iwakeliti Wayuda obe te woikima nda ndenge owe amene okoeneke eho. 11 La ndjongo inga idjaa moto mobe, inga koto ikeli loyi liesi wungo woengi la logo, itoniti logo. Aseko inga sambo djinge ikohelesaka iwo mbai idjangi kole moto te moikima aengiti okawi mbai atie ewu saa ate awaemelese .Ibali oki osambi atie Kaisala.'' 12 Mbuse e Pesitusi osoyi ndungu la wato wande, awongosali ate, ''Nda eongi owe oki osambi atie Kaisala; okoke atie Kaisala!'' 13 Ambuse e masio, likumu Agilipa mongindi la Belenisa waumali la Kaisalia la omodhendji Pesitusi. 14 Edjaki iwo oetesi masio ngbii ongo, Pesitusi amosumbelali likumu mboli e Polo ate, ''Molome mwesi adjei ala, ongo omotiki Peliki la woyogo.'' 15 Ango edjaaki mbai la Yelusalema, wanganga-Mwengei makumu la iloko wato wa Wayuda wadjaali oasi sambo djinge imodhengi, waongoli la mbai ate imokwese. 16 Iwawongweselali ate Waloma watidjaaka la ehahaneli ekawake moto la loyi eokeli wato magba, liwoso ate moto oho ongo opundani aenane la wapundi wande atote nano esambake loyi wungo wopundani inde la eho. 17 Eho lenge ango edjaali iwo ala, itiumwali, ekundu eho iyabatali la ngbelengo e masambi, itomali ate wamowele moto opele oho. 18 Ango eyamalali wango wamohelesali, watimopundali te la eesi e sambo mbe djinge idjaaki mbai omomungweli. 19 Aseko wadjaaki ndji obatani la inde kokia la ndenge ewu eyakongake la Mwengei, la loyi koto e Yesu mwesi ndjo ongo ogwa, ase ongo Polo adjaaki ndji oasi ate adjei la mokalo. 20 Mbai iyawedjaali la kole e kokia eho likolo e djinge sambo, imohuelali inga akogemia oki la Yelusalema osambesani ongo la sambo djaho. 21 Aseko Polo aongoli ate wamobanye laate loyi lotenane la okumu wosungu, ndjongo itomaali ate wamobanye tee ango ekomotoma mbai atie kaisala. 22 Agalipa aasia la Pesitusi ate, ''Ibali ate imooke koto moto oho mbai amene.'' Pesitusi aasali ate, ''ekundu okomooka.'' 23 Ekundu eho, Agilipa la Belenisa wadjaali la ndenge e otwa, walingelali la monguta e masambi mongindji la makumu e wasoda koto la wato ngbii e gbata. Pesitusi atomali, wadjaali la Polo. 24 Pesitusi aasali ate, ''Likumu Agilipa la ino kpaa wango wadjei mongindji la iso aha, omwenini oholo moto ongo Wayuda kpaa waongoli mbai la Yelusalema koto ahala, wadjakali opami ate ewongiti kine la inde odjei la mokalo. 25 Mbai ieneli ate akeliti loyi lungo liengi la logo. Ase ango inde amene aongoli ate ake okasambi atie Moto o mogano mosungu, itotali eteneli e omotomi. 26 Ase la loyi lande, iti pendja la loyi e modhingelake Likumu la mbai . Eho lenge imopumbesi liwoso lanu, la oeteli liwoso la owe, Likumnu Agilipa. la ebili ate, mbuse eho lisambesi likokelana, ienge ototi ma loyi limodhingake. 27 Laate iyewi ate omotomi mohelani la woyogo odjangi oasi obe wonde edjei loi lo ekete.
Chapter 26

1 Agilipa aasali la Polo ate, ''Ehekemeli la owe mboka la oasi la loyi e owe amene.'' Ndjongo Polo ananolali ewo ende ase apotali oasi la osambi ate. 2 ''La sambo kpaa djinge Wayuda wakambi mbai la eho, Likumu Agilipa, ikoyatangaka moto o mwemu nda edjei liwoso la owe nde iengi osambi la lisio la keke, 3 la ebili ate, owe oewi olamu ehahaneli kpaa koto wakokia kpaa ndondo e Wayuda. Eho lenge iyakongi la owe ate ooke mbai la motema ndayi. 4 La enge edhengi mokalo mo mbai opoti olenge wungo wobeki mbai la eho tee lipotele e moki mo mbai koto la Yelusalema. 5 Wayuda kpaa waewi mbai liwoso tee la lipotele waewi, inga wabala ototoli, ate la otutei ma lingomba linge lieti sambo tetelake la losambo lasu, idjaali Mopalisayo. 6 Sikandjo ikosambesanaka la loyi e liwuna linge Mwengei ahali watata wasu. 7 Liwuna linge maliye liomu la maale masu wakolambelaka ototi liengesi laho, la okeleli Mwengei otomo likolo la wuse, edjei la lu loyi nde Wayuda wapundi mbai la eho , Likumu. 8 Lande, egemeitiaka ino ate Mwengei akosusolaka wato waguake?'' 9 Mbai ikobundwali la motema mo mbai ate, ewongi la mbai okeli sambo ngbii la owamaleli kombo e Yesu moto o Nazaleta. 10 Ikelelali eho la Yelusalema. Ibatali la woyogo wasatu ngbii, laate itotali wotomo wuho atie nganga-Mwengei likumu, engele eengali oolani, idjaakali ooni oolani. 11 Idjaaki owahekeli iwo etumbu mbala la mbala la wasinagoga kpaa, idjaakali owahili la otetelake ate waungane ogemei. Nda edjaakali mbai la limemu lawu, ikeeli lihele tee la oenesi iwo odjidji te ongo la djieti gbata. 12 Ndji la mogalia muho, ango edjaakali mbai oki la Damasi, la otomo e wanganga-Mwengei makumu; 13 la mbile, ieneli la mboka, likumu, ngbai eesi wungo woeti ongali wo wuse ebingia tee ongo likolo la lisuka suka la mbai la wango koto wadjaaki oki la mbai mongindji. 14 Ango ekwiya iso kpaa la mbume, iyokia moli mwesi moasia la mbai la monoko mo Ebele ate, 'Saulo, Saulo nda ndenge okoeneseke owe mbai odjidji? Ekodja la owe minga oyamaleli misete.' 15 Ase mbai iwongolali ate 'Owe ndai, Likumu?' ase Likumu oasali ate, 'Mbai Yesu ongo okomoeneseke owe odjidji. 16 Longwa la mbume, yamala la makolo ma owe, la ebili ate edjei la loyi e ehele kole nde iyaenesi atie owe, la ooni owe nda mokeleli la mototoli e sambo djinge ieni owe koto la sambo djinge ekoenese mbai owe la enge edhengi mbai; 17 iwooni ndondo e wa wato koto e wapagano, wango ekotomaka mbai owe atie iwo, 18 la owadhuholi maiso, la olongosi iwo la likolo laate waume la hoho koto owalongosi la okulu e mondjili laate wadje atie Mwengei, laate watote olimbesi e masumu koto lisango ndondo e wango wasatisani la mboka e ogemei wou atie mbai.' 19 Eho lenge, Likumu Agilipa, itiengali okokeyi saki eho e likolo; 20 ase atie wango wadjaakali poo la Damasi koto atie wango wadjei la Yelusalema, la moki kpaa mo Yudea, koto atie wapagano, ikpalali mboli ehele ate, ''Ewongi la iwo okukoli motema koto oyakalambi atie Mwengei koto la okeli tomo djinge ienesi ate wakukoli motema. 21 Edjei la loyi e sambo djaho nde Wayuda wahelali mbai la tepelo, walukali ondjoli mbai. 22 Kaikonde, nda ndenge etoti mbai ligamesi linge lilongoyi atie Mwengei ikohaka tee lisio la keke litotoli atie wato wakeke koto la wato wasungu, ase itidjaali oasi loyi lodji, ndji enge Watiesakoli la Moize waasali ate ewongi okeleni- 23 ate kilisito awongi oeni odjidji, nda moto o poo ongo obasi longwa la wagwi, awongoli otiesakoli ngbai atie wa wato koto la wapagano.'' 24 Ango edjaakali Polo oasi sambo djaho ndondo e osambi wonde, Pesitusi aasali la moli mopamake ate, ''Polo oyekoli ngbii e owumesia boli.'' 25 Ase Polo aasali ate, ''Ikoniti boli, Pesitusi Moto o Mogano, ikopumbesaka nde wingbundu wimeemene koto la mamungwene malamu. 26 Likumu ongo ikoasaka liwoso lande, la eyaseli wo hoho ayewi sambo djaho olamu; laate mbai igemei pendja ate la dji sambo ndjo edjeiti te la eesi enge inde adjangi oewi; laate loyi luho etikelenali la ebete eisanake. 27 Likumu Agilipa akowagemeiyaka Watiesakoli? Iyewi ate okowagemeiyaka.'' 28 Ase Agilipa aasali la Polo ate, ''La ma engele keke okogemeiyesa mbai iume Mokilisito?'' 29 Aseko Polo aasia ate ''Edjei la ma engele keke, inga koto mbuse e engele ndai, ikoemele nee liwoso la Mwengei ate te ndji owe moikima ase koto wango kpaa wakookaka mbai keke, oumeni ndenge edjei mbai, longosa ndji djii miliki.'' 30 Ase likumu ayamalali, ndenge kikima koto la likumu o moki, la Belenisa, la wato koto wango wayabatali mongindji la iwo; 31 ase ango edjaakali iwo opumbi, wadjaakali oasi iwo la iwo, ''Oholo moto ndjo akeliti loyi te lokeke linge liengi la logo te woyogo.'' 32 Alidji, Agilipa aasali la Pesitusi ate ''Waongoki omodhei oholo moto inga ationgake oki osambi atie Kaisala.''
Chapter 27

1 Ango eteneli etotanali la loyi esu ate toke la andondoli ongo la Italia, wahali Polo la wato wadji wa woyogo la mawo ma likumu mwesi o wasoda, kombo ende Yuliesu, e ebiba e Ogisito. 2 Tolingelali la andondoli enge elongoyi la Adelamitiumu, enge edjaakali oki la wibete winge wisukani la malia ma moki mo Azia. Topotali oki, Alisitalaka adjaakali mongindji la iso, inde moto o Masedonia e Tesaloniki. 3 Ekundu eho, toyamalali la Sidonia, ongo Yuliusi adjakali la motema mo wouma atie Polo, ahali koto Polo mboka e oki okawadhengi wino wande la okatoti ligamesi atie iwo. 4 Mbuse e olongoi ongo, tolekia kelekele e esii e Sipele, la ebili ate ehoho edjakali obingi liwoso. 5 Tosombali ndondo e ewale, kelekele e Silisia la Pamipilia, toyamalali la Mila e Lisia. 6 Ongo likumu o wasoda agbotoli andondoli eesi e Alezandelia enge edjaakali oki la Italia, atotelesali iso ndondo eho. 7 Ndondo e masio masungu tosombakali petee, la monga ngbii toumali la Kinidi, nda etotekesali ehoho ate totikee lihiele la mboka eho, tosombali kelekele e Keleta e Salomoni. 8 Mbuse e osombi la monga kelekele eho, toumali la ebete eesi enge ewelani, makitikolo malamu, enge edjaaki ahue e gbata Lasea. 9 Toetesali engele ngbii, eumali sikandjo huko osombi la andondoli laate otoni wilaka e lisio lidhihake masumu lietali. Polo ahaali limungoli, 10 aasali la iwo ate, ''Pele ieni ate ehele okendo e andondoli ekopumbesa huko, te sa e wihoo winge widjei la andondoli, ase koto la loyi e milimo masu.'' 11 Ase likumu o waSoda amookelali nde mosombesi andondoli la meemene andondoli la ebete e obilei sambo djinge iyasali Polo. 12 Nda etidjaakali likitikolo laho olamu la oetesi engele e pio ongo, ndjongo wato ngbii wango wadjakali ndondo e andondoli waonoli ate tolongwe ango, la oluki inga wakoenga oumi te la Penesia la oetesi engele eho. Ango nde likitikolo e Keleta enge edhukwani la nolodi-esiti koto la sudi-esiti. 13 Ango epotali ohohi ehoho e sudi maa keke, wabundoali ate mwano mowu moengesani. Watelesali longo, andondoli epotali osombi kelekele e Keleta. 14 Ase mbuse ehoho esungu enge eweli iwo ate hilikana eyadjimbia olongoi likolo la mokoli mo esii. 15 Ango andondoli ebinganali la oteteli, etiengali koto omalesi moto la ehoho, toyadheeleli, tokpalanali. 16 Toetali la Sudi e esii ekeke enge eweli iwo ate Koda, inga te ndjongo edjaakali minga laate totote te ma waato enge edjaaki mbuse e andondoli. 17 Mbuse e otelesi eho la andondoli, wapotali okeleli miliki misungu la oamalesi andondoli, nda edjaakali iwo owangi okanangani la ngene e Silitisi, wadjimbali wihoo winge wikosombesaka andondoli, la ndenge eho wayadheelia ehoho ewasombese. 18 Kaikoase, nda edjaakali iso obingani la ehoho eho la ndenge mbe, ekundu eho wapotali olongosi wihoo wilitake ndondo e andondoli. 19 La lisio esato, la mawo mau amene walumbakolali wihoo wa andondoli la malia. 20 Ango ekelali masio ngbii wuse la minoto mitidjaakali oeneni, koto nda ehoho enge edjaakali otobingi iso etidjaakali ekeke, lomungo wosu wokalake wosilali. 21 Ango ekelali iwo engele ndai odjangi olaki ilaka, Polo oyamalali awodja ewu, aasali ate, ''Pele, ewongoli ondjokini mbai, inga totihelali mboka e ewale tee la Keleta, nda totiene ehele huko. 22 Sikandjo ikoongoko la ino odjeeni la motema e mogalia, laate molimo teeti ndondo enu ekosalamata, ndji andondoli muho amene nde mokobitana. 23 Laate la likolo la keke, ahumbwa mwesi o Mwengei ongo odjei mbai moto onde koto ongo mbai ikokelelaka otomo wosatu, ayamalali ahue e mbai 24 aasia, 'Otiwange, Polo. Ewongi la owe oyamali liwoso la Kaisala, koto, dhenga! Mwengei aohiga la magba pendja wango kpaa wakokelaka okendo mongindji la owe la andondoli.' 25 Eho lenge, pele, djaani la motema e mogalia! La ebili ate ikomogemeiyaka Mwengei ate ekokelana ndji ndenge endjaseli inde mbai. 26 Ase malia makotolumba kelekele e esii eesi.'' 27 Ango likolo e liomu la inei liliali, iso todjaakali ndji okpalani wiati la wiati likolo e ewale e Adelia, awodja e ewale, wato wa otomo e andondoli wapotali oeni nda wakoyandongbaka ahue e ma mbume. 28 Wanangia longo elitake ongo gboo la moliki moesi, ase walumbia la malia Waengeya, waenia ate malia malindi metele tuku isato la sambo, wakia ma lihiele walumbia alidji moliki moho, waenia ate malia malindji ango metele tuku iwale la mwambi. 29 Nda edjaakali iwo owangi ate totinangane la mabukeli la ebete eesi ndjo, walumbali longo inei mbuse e andondoli, wamalesa eho, wadjakali olambeli la motema mohelake ate wuse wotane. 30 Wato wa otomu e andondoli wadjakali oluki ate watile, wadjimbia andondoli mokeke ndondo e malia la okosi ate wapotia olumbi longo edji liwoso la andondoli. 31 Polo asia la likumu o wasoda koto la wasoda ate, ''Inga wa wato watiabate ndondo e andondoli, watikala. 32 Wasoda watenali moliki mungo mohelali andondoli mokeke, wadheeli eho eke. 33 Ango eumia ahue e otani wo wuse, Polo apotali ohekeli wato kpaa mogalia ate walake wilaka, aasali ate, ''Denda keke edjéi masio liomu la manei okolambelakani, otilakaka kotoni te ema teeti. 34 Eho lenge, iwongini ino olakeni ilaka laate edjei libanyeli lanu, la ebili ate te swe eesi e moto monu motibitana.'' 35 Mbuse e oasi djongo, atotali koto wokoke, amohali Mwengei pambo liwoso la iwo kpaa. Abukali eho, apotali olaki. 36 Iwo kpaa waumali la otetelake, wapotali iwo amene olaki ilaka. 37 Iso kpaa todjaakali wato kama iwale la tuku sambo la motoba. 38 Ango egbetali iwo ilaka, wapotali olumbi ndongo la malia la okokoli woliti wo andondoli. 39 Ango etanali wuse, wato wa otomu e andondoli watiewali moki muho, ase waeneli ebete eesi malia malingeli la mbume la likitikolo e ngene, watotali mwano inga ekoenga, onangi andondoli la likitikolo laho. 40 Mbuse e oteni walongo wadheeli eho ekwe la ewale, ndji la enge engele watokolali miliki e wakai, mbuse e otelesi esindje e liwoso e andondoli la ehoho, watutiali likitikolo. 41 Ase waumia la mokoli mwese mongene enge ewale ekolumbelaka eho malia wiati kpaa wiale, waamalesali andondoli ango, mbanda e andondoli enanganali la oteteli, etidjaakali koto obandani, ase esuki enge mbuse epotali obitani la ndenge e bo. 42 Wasoda watotali mwano ate waole wato wa woyogo weesi kpaa, laate moto tueti aenge obingi malia la otili. 43 Ase likumu o wasoda abalali omokalesi Polo, atekesali koto iwo oengesi mwano mou. Atomali wango waewi obingi malia ate wayalumbe la ewale, wasawe kondolo. 44 Wango wadji wakowatutia mbuse, woyahelele la mite, wango wadji woyahelele la wisuki wa andondoli. La ndenge eho ekelanali ate wato kpaa wasawe kondolo odjangi huko.
Chapter 28

1 Mbuse e okali wosu, tookali ate kombo e esii eho edjaali Malita. 2 Wato wa moki muho watoeneselali magba, watoyambali la mwemu ngbii, walolesali misa la loyi e ewongo enge edjaaki oloyi koto la loyi e pio. 3 Ase Polo andukaali kula laate alumbe la misa. ndjoo mwesi epumbali la djinge kula otili ehela, eyahelelali la ewo e Polo. 4 Ango eenia wato wadjaaki ango la esii nama eho e ngenge eyaheleli la ewo e Polo, wayaasania iwo iwo ate, ''Oholo moto meemene adjei mooli mo wato, inga te ate alongwali la huko e malia, womeemene wungo ekoongoko ohekeli etumbu etimodhee ate adje la mokalo.'' 5 Ase Polo abandali ewo ende, ndjoo eho ekpia la misa, ndjongo Polo aokiti te oembi. 6 Wadjaakali omolambeli inga ewo ekomokunda te ogwi mbala kikima. Ase mbuse e olambeli engele ndai, odjangai oeni loyi te kikima emoumeli, wakukolali mamungo mau, wapotali oasi ate adjei mwengei mwesi. 7 Ahue e ebete eho, moto mosungu e esii eho, kombo ende Pubiliusi. Adjaakali la mbume djande, atoyambali olamu, atobatali koto atie inde masio masato la logoo. 8 Eumaali, sango pubiliusi aembaali ekoni e oteli misa la osolo e makila. Polo akeeli okamodhengi, ayakongali, abatali mawo likolo lande, akalali. 9 Mbuse eho, wato wadji wa esii eho wango wadjaakali la wikoni, wadjaaaki koto odji atie inde, wadjaakali ototi mokalo. 10 Watotemeiyali nee. Ango epotali iso ototi okende e andondoli, watohali ilaka kpaa winge wiengi la okendo wosu. 11 La gboo e ndebo esato, tototali andondoli eesi enge elongwali la Alezandelia, enge eetesali engele e pio la esii eho, moto mo andondoli eho edjaali la elembo,''Wana wa Djeusu.'' 12 Towumali la Sulakusa, toyabatali ongo masio masato. 13 Tolongwali ongo, tosombali kelekele, toumali la Legiuma. Mbuse e lisio liesi, ehoho eesi e sudi ehohali, toumali la Puteoli ekundu eho. 14 Togbotoli wamaangbasu la moki muho, watoongoli ate toyabate mongindji la iwo poso eesi. Edjaakali la ndenge eho nde eumali iso la Loma. 15 Ango eokaali wamaangbasu mboli esu wadjaali tee la likitikolo e Apiusi ebete elangalake edjaali ndi minguta isato, laate wandongbane la iso. Ango Polo awaeneli, amohali Mwengei pambo, atetelali koto wenge. 16 Ango eumali iso la Loma, wamohia Polo mboka e oyabati inde amene mongindji la soda ongo odjaali olambiani la inde. 17 Mbuse e masio masato Polo awelali wiloko wa Wayuda. Ango eyaboleyali iwo, apotali oasi la iwo ate, ''Pele, inga te ate itikelali ema eesi ebe atie wato, te la wihahaneli e watata wasu, ikawanali nda moto o woyogo tee ongo la Yelusalema la mawo ma Waloma.'' 18 Mbuse e Waloma osambesi mbai, wabalali odhei mbai, la ebili ate itidjaali te la loyi loikima atie mbai enge ewongoki la logo. 19 Ase nda Wayuda watonali loyi luho, ihilanali la oongi ate ike osambi liwoso la Kaisala, ase etidje nda nde idjei la loyi loesi epundake moki mo mbai. 20 Eho lenge, iongoli la oyakongi ate isolole la ino, la ebili ate edjei la loyi e mokalo mo Isalayele nde inangani la mi miliki. 21 Iwo waasali la inde ate, ''Tototakiyo ekpata teeti enge elongoyi la Yudea la loyi e owe, moto tueti ndondo e wamangbasu wango wadji atohi iso mboli inga te otoaseli iso loyi loesi lobe la kole e owe. 22 Ase tomungoyi ate edjei olamu tooke atie owe amene wungo wokomungwaka owe, laate la omeemene, la wungo wodhendji ma enge lingomba, toewi ate wiati kpaa wato wakoaselaka eho obe.'' 23 Wiloko waho ebete eikima la Polo waonoli wuse woesi, wuse woho wadjaali wato ngbii ogbotoni la inde la ebete enge edjaakali inde ayabati. Awalumbwelelali loyi luho la ohekeli litotoli lilamu la loyi e okumu wo Mwengei, la olukani owagemeiyesi la enge emodhengi Yesu, la owainyei pui dja Moize koto e watiesakoli, opoti boo tee la pokwa. 24 Wadji wagemeiyali sambo djinge iyasanali, ase wadji watigemeiyali. 25 Nda edjangali ookani ndondo ewu, wapotali oki, Polo aasali la iwo ate, ''Elimo satu aasali olamu ango edjaali oasi la watata wasu la mboka e motiesakoli Isaya. 26 Inde aasali ndjo, ' keke atie wa wato, aasa koto ate, ''Okookani, ase otihelani kole; odhengi, okodhengani ase otieneni. 27 Laate motema e wa wato eteteliga, koto la matoyi mawu, waoki odjangi okeli te ema, walimi koto maiso mawu, laate watiene la maiso mawu koto watioke la matoyi mawu, koto watihele kole la motema mowu, watiyakukole, laate itiwakalese''' 28 Paulo aasali a leeti, ate, ''Yewani ate, mokalo mo Mwengei etomani atie wapagano, iwo wakooka eho pendja.'' 29 Ango easia Polo ndjongo, Wayuda wakeeli la mosio iwo la iwo. 30 Polo ayabatali wilanga wiale kpaa la monguta monde amene eputelake, adjali owayambi wato kpaa wango wadjaakali oki omodendji. 31 Inde adjaali oinei iwo okumu wo Mwengei la otiesakoli sambo idhendji Likumu Yesu Kilisito la hoho, koto la womeemene odjangi litekesi.

Romans

Chapter 1

1 Polo, motuke mo Yesu Kilisito pe moto ongo owelani laate adje toma, ongo aononi laate atiesakole mboli ndamu e Mwengei. 2 Enge Mwengei aunaali la mboka e watotoli wande pe la madhingo masatu, 3 la loyi e mana onde ongo owotamali moto la litoto e Dawidi. 4 Ongo, ngambo e elimo satu, atangamali mana o Mwengei la okulu e libasi mbuse e logo: Yesu Kilisito Likumu lasu. 5 Ongo la mboka ende tototi magba masungo e kelake otomo mosatu e toma la oinei la mboka e kombo ende wato wa miki kpaa etemeya e ogemei; 6 miki atie ino pe owelanini laate odjeeni wato wa Yesu Kilisito. 7 Atie wato kpaa wadjei la Loma, wato wango Mwengei awabali, wango awaweli laate wadje wasatu: Magba masungu pe logoo e Mwengei sangbasu pe e Likumu Yesu Kilisito edje la ino. 8 Liwosoyo kpaa, imowongoseli Mwengei o mbai dombwa la mboka e Yesu Kilisito, la loyi e ino kpaa, laate la miki kpaa wato wakoaselaka mboli e ogemei wonu. 9 Laate Mwengei, ongo ikomokelelaka otomo mosatu la molimo mo mbai la loyi e mboli ndamu e mana onde, ayewi ndenge ikootolokoni wiengele kpaa la oyakongi wo mbai, 10 ikoyakongoko ate sikalandjo, inga ekoenga, sambo dja mbai e gboo esombe olamu la mwano mo Mwengei laate idje atie ino. 11 Laate idjei la ehoha etetelake e oeneni la ino, la ebili ate iohekeleni ma likao e elimo laate oumeni la otetelake. 12 Inga, kaikoase, laate tohekelane mohandja, moto la moto adje la mohandja la ogemeyi e odji, enge enu eumese mbai la mohandja pe enge e mbai eumese ino pe la mohandja. 13 Wamanima, ibali oyewi ate mbala ngbii ikoanaka odji atie ino, kasi tee sikalandjo itotiti mboka, laate itote pe ma pukapuka atie ino ndenge kikima pe la miki mingi mitikali. 14 Idjei la nongo e Wageleki pe e Wabalabala, e wato wa lokenge pe e wikete. 15 Ndjongo idjei la ehoha etetelake e otiesakoli ino wato wango wayabati la Loma mboli ndamu. 16 Laate itiokelaka mboli ndamu ndundu, aseko, eho nde okulu wungo Mwengei akokelelaka la ebili ate moto kpaa ongo odjei la ogemei akale, Moyuda liwoso, pe alidji Mogeleki. 17 Laate olamu wo Mwengei wokoeneneke la ogemei wungo moto adjei la eho pe eho ekobekisaka ogemei wonde ndenge edhingani ate: Kasi moto molamu la ogemei akodja la mokalo. 18 Limemu e Mwengei ekolongwaka likolo pe odjimbeli ekaleli kpaa edhendeake Mwengei pe sambo kpaa edjangake womeemene e wato wango wakodhihaka womeemenene la sambo djinge idjangi womeemene. 19 La ebili ate loyi wo Mwengei wungo waengi iwo oyewi ekoeneneke la hoho ndondo ewu, laate Mwengei akoeneseleke iwo eho la hoho. 20 Laate wikaleli wande winge witieneneke ekoeneneke la hoho tee la lipotele e moki, la ebili ate ekoeneneke la mboka e wiho winge ekeli inde, okulu wonde wo libela, pe Womwengei wonde, eho lenge wati te la ema teeti eyaselake. 21 La ebili ate, inga te ate wamoewali Mwengei, watimoganali ndenge wakomoganaka Mwengei, pe watimohali dombwa, kasi mamungwene mau eumali e wikete pe motema mou mungo modjangi lokenge eumali molili. 22 Inga te ate waasa ate wadjei wato wa lokenge, kasi waumia wato waboli. 23 Pe wadheiya omogani Mwengei ongo otiholoko waumia ogani elima e moto ongo okoholoko pe e mbulu pe e nama ikosombaka la mangbanda manei, pe la wandjoo. 24 Eho lenge la obilei wihoha e miteme mawu, Mwengei awadheiya iwo wakele sambo dja onalili, laate wenge wau amene wioke ndundu. 25 Wango waonoli ogemei moleho la ebete e ogemei meemene e Mwengei pe wayakongali pe wakelelali wiho winge wikelami la otomo wosatu la ebete e oyakongi pe okeleli Moto ongo okelali eho, ongo opambwani libela la libela. Ame. 26 Eho lenge Mwengei awadheiya watutie wihoha e wanesake wenge la ndenge e ndundu, la ebili ate wali wau wadheiya ndenge enge ewongi owanesi wenge, waumia owanesi wenge la ndenge enge ewongiti. 27 Pele pe ndenge kikima wadheiya ndenge enge ewongi owanesi wenge la moli pe waumia olongoli pendja la ehoha etetelake iwo la iwo, pele la pele, wakokelaka sambo dja ndundu pe wakototaka liputi kpaa, enge ewongi la liwunga lau. 28 Nda etoni iwo ototi oyewi wo meemmene e Mwengei, Mwengei awadheiya watotie mamungwene mango atigemeyaka, laate wakele sambo djinge iwongiti. 29 Watumi la sambo djinge idjangi omeemene, la obe, la wononi, la motema mobe, la mohela, la ekaleli e oolake wato, la mosio, la ekosako, la lokenge mbe, wadjei wato wa ndungwanake, 30 waasani sambo mbembe ndondo ewu amene, mitone ma Mwengei, wato wa ogene, wato wa elolo, wato wango wakoyaganaka, wato wango wakolukaka ndenge poli ekelake sambo mbe, wato wango watitemeyaka wa sangbau la wa ngbau. 31 Wadjangi lokenge, watiengesaka mauna mau, watibalanaka ndondo e lowela, wadjangi motema magba. 32 Inga te ate wayewi olamu pui e ekaleli elamu e Mwengei, ate wato wango wakokelaka djinge sambo wawongi la logo, wadjei ndji wakokelaka eho, watisuke ango, kasi wakoemeleke pe la wato wango wakokelaka sambo djaho.
Chapter 2

1 Odja te ndai, moto, owe moto okotenaka sambo, oti la loyi eyasake inga okosambesaka. Laate, ango ekotenaka owe sambo e wiino wa owe, okoyahelaka owe amene, la ebili ate owo ongo okosambesaka okokelaka pe ndji ndjongo nda iwo. 2 Toyewi ate Mwengei akosambesaka wato wango wakokelaka djingi sambo, pe osambesi e Mwengei ekotutiaka omeemene. 3 Kasi owe moto, omungoi ate okotila osambesi e Mwengei ango okotenaka sambo dja wato e ndenge enge, kaiko owe pe okokelaka ndjinge sambo? 4 Inga nde okodhendjiaka wogumake e wolamu wonde pe ekaleli ende enangake motema, pe e motema molai monde? la ebili ate otiewe ate womoto wo Mwengei eengi ookpali owe okukole motema? 5 Kasi nda edjei owe la motema motetelake, pe otonia okukoli motema, okoyawelelaka nde limemu lisio la gboo pe Mwengei akoenese limemu laho lisio linge akosambesa wato walamu. 6 Wuse wungo wokomoputa inde moto la moto la otutei tomo djande. 7 Akohekele mokalo mo libela atie wango wakolukaka otwa, mogano la wenge winge witiholoko la ndenge wakodjaaka la mohandja la tomo ndamu. 8 Akoenese oendji la limemu atie wato wango wabali misio pe wango watitemeyaka womeemene kasi wakotemeyaka sambo djinge idjangi womeemene. 9 Wodjidji la wilelo wikodja atie wato wango wakokelaka sambo mbembe, liwoso yo atie Moyuda, ase mbuse atie Mogeleki. 10 Otwa, mogano la logoo atie moto kpaa ongo okokelaka enge edjei olamu, Moyuda liwoso, ase mbuse Mogeleki. 11 La ebili ate Mwengei ationoko mbanda. 12 Wato wango waewiti pui, ase wakokelaka masumu, wakogua inga te ate watidjakali la pui, kasi wato kpaa wango waewi pui ase wakokelaka masumu, wakosambesama la otutei pui djaho. 13 La ebili ate, la maiso ma Mwengei, wato walamu wati wango wakookaka pui, kasi wango wakotemeyaka pui dja Mwengei nde wakotangama wato walamu. 14 Engele wato wa miki minge wati la pui wakokelaka sambo dja pui ndji nda ndege edjei iwo wato, wato waho, inga te ate watidjaka la pui, wadjei la pui la mitema mau amene. 15 Iwo nde wato wango wakoeneseke ate sambo dja pui isiakani la mitema mau, ango oewi wou ekototoloko mongindji la iwo pe, la mamungwene mau amene, ekoapundaka inga pe ekowalongisaka. 16 Eho ekokelama la lisio linge Mwengei la mboka e Yesu Kilisito akosambesa sambo dja wato djinge iisana, la otutei mboli ndamu enge ekotiesakolaka mbai. 17 Kaikonde, inga wakoowelaka Moyuda pe okobataka motema la pui pe okoyaganaka la loyi e Mwengei, 18 pe oewi mwano monde pe okogemeyaka sambo ndamu ngbii la ebili ate waotiesakolate pui la monoko; 19 pe okogemeyaka ate odjei mosombesi e wato wagwi maiso, hoho e wato wango wadjei la molili, 20 monanoli e wikete, motiesakoli e wana wakeke pe moto ongo onangi gbondo e sambo e lipoteli e oewi pe e omeemene enge edjei ndondo e pui. 21 Ase owe moto ongo okotiesakolaka wato wadji, otiyatiesakolaka owe amene? owe moto okotiesakolaka ate otiyiwe, otiyiwaka? 22 Owe moto okwasaka ate, wato watikele eteba, ndjoni ekokelaka owe eteba? Owe moto ongo otoni pui, ndjoni ekoiwaka owe la ndondo e watepelo? 23 Owe moto ongo okoyaganaka la loyi e pui, okomookesaka Mwengei ndundu okokelaka nsambo djinge itekesani la pui? 24 Laate, kombo e Mwengei ekotanganaka la miki, la loyi e ino, ndji nda ndenge edhingani. 25 Meemene, otenani kombeni edjei la kole ndji inga okotemeyaka pui, kasi inga okobukaka pui, oteneni kombeni e owe eumia odjangi otenani kombeni. 26 Eho lenge inga moto ongo otenaniti kombeni, akotemeyaka maongani ma omeemene ma pui, odjangi oteneni wonde ekotangema nda otenani kombeni, te ndjongo? 27 Pe moto ongo wenge wande eteneniti kombeni, ango ekoengesaka inde pui, akoosambesa owe moto odjei la pui enge edhingani pe otenani kombeni kasi okobukaka pui. 28 Laate Moyuda etidje moto ongo odjei ndjongo saa, ndji ndenge kikima pe otenani kombeni edjeiti ongo okoeneneke saa e wenge . 29 Kasi Moyuda omemene edjei nde moto ongo odjei ndjongo la ndondo, pe otenani kombeni e inde edjei enge e motema la elimo, kasi te e pui djinge isiakani. Mogano e moto oho elongoiti atie wato, kasi atie Mwengei.
Chapter 3

1 Moyuda aeti wadji wato la nde, inga otenani kombeni edjei la nda kole? 2 Aeti la sambo kpaa. Liwoso liwosoyo, laate wawahali iwo maloba masatu ma Mwengei. 3 Sikalandjo toase woni? Inga wadji Wayuda wadjangi ogemei, odjangi ogemei wou eengi okeli ate womeemene wo Mwengei etikele otomu? 4 Te, te wokeke! kasi dhee eenane ate Mwengei akoasaka meemene, inga te ate moto kpaa akoasaka moleho, ndji ndenge edhingani ate: Laate owe oenane moto molamu la maloba ma owe pe olonge engele ekosambaka owe. 5 Kaikoase, inga odjangi womeemene wosu epumbesia la hoho womeemene wo Mwengei, tokoasa nde? Mwengei adjangi nde womeemene ango ekopumbesaka inde limemu lande? ( ikoasaka ndenge ekoasaka moto). 6 Te, te wokeke! inga ndjongo, Mwengei akosambesa moki nda ndenge? 7 Kaiko ase inga la loyi e moleho mo mbai womeemene e Mwengei eeneni la hoho alidji la loyi e otwa wonde, nda ndenge sikandjo wakwesi mbai la loyi ate idjei moto mobe? 8 Pe nda ndenge totiase, ndenge wadji wato wakotohengelaka iso ate tokoasaka: Dhee tokele obe la ebili ate sambo ndamu edje? Wato waho wakokondja eguele esungu enge eengemani la omeemene. 9 Toase woni? iso nde todjei ebete enge eeti wolamu? Te ndjongo! La ebili ate liwoso toenesali ate Wayuda la Wageleki iwo kpaa wadjei wato wamasumu. 10 Ndji ndenge edhingani ate: Moto tueti adjei moto molamu, te te mokikima. 11 Moto tueti ati la lokenge e ookake; moto tueti akomolukaka Mwengei. 12 Wato kpaa wadheiya mboka, iwo kpaa waumia pamba; moto tueti akokelaka olamu, te te mokikima. 13 Mooli mowu edjei mbila e ohola, wakokelelaka olemu wowu la ohengeli. Ngenge e ndjoo edjei la wihulu wau. 14 Pe monoko mowu etumi la liwuna mbe pe la maloba mbe. 15 Mangbanda mawu makokeke obangu oswi makila. 16 Obitisani la magba widjei wiati kpaa ekosombaka iwo. 17 pe wayewiti mboka e logoo. 18 Omowangi Mwengei eti la iwo te wokeke. 19 Toewi ate nsambo kpaa djinge ekoaselaka pui easi djaho la wango wadjei sese e pui, laate monoko kpaa modhikane pe moki kpaa edje la huko liwoso la Mwengei. 20 Eho lenge moto te moikima akotangama moto molamu liwoso lande la sambo dja pui, la ebili ate la mboka e pui nde lisumu eyewani olamu. 21 Kasi sikahala nda ndenge pui eti kine, wolamu wo Mwengei eenani la hoho, ndenge pui pe watiesakoli watotoli la loyi laho; 22 Wolamu wo Mwengei la mboka e omogemei Yesu Kilisito, la loyi e wato kpaa wango wadjei la ogemei. La ebili ate woetisani woti. 23 Laate wato kpaa wakeli lisumu watiwumaka la otwa wo Mwengei, 24 ase edjei nda watoti likao e pamba la ndenge ekotangemaka iwo wato walamu la magba masungu mande, la okpolani enge ekpolani iwo la lisango enge Yesu Kilisito aputali. 25 Mwengei amokawali adje likao lidhihake masumu la mboka e ogemei la makila mande. Akelali ndjongo la oenesi wolamu wonde amene, laate adjakali olimbesi masumu mango makelamali gala engele Mwengei adjakali onangi motema, 26 la oenesi olamu wonde amene la ehele engele, laate adje moto molamu inga te ate ango akotangaka moto ongo okomogemeyaka Yesu ate adjei moto molamu. 27 Ndjongo, loyi eyaganake edjei eni? Eti kine. La nda pui? Enge e tomo? Te, kasi la pui enge e gemeyaka. 28 La ebili ate toeni ate moto akotangamaka moto molamu la ogemei kasi te la sambo dja pui. 29 Ndjongo Mwengei adjei saa Mwengei o Wayuda? Ati Mwengei o witondo wadji? eiyee! inde adjei pe Mwengei e witondo wadji koto. 30 Inga meemene Mwengei adjei ndji moikima, ongo okotanga wato wango watenani kombeni wato walamu la loyi e ogemei, pe akotanga wato wango watitenane kombeni wato walamu la ogemei wou. 31 Tokolongosaka nde pui la ogemei wosu? Te, te okeke! Tokogemeyesaka nde pui.
Chapter 4

1 Tokoasa woni la loyi e Abalahama, tata osu, atotali nde la otetelake wonde amene? 2 Inga Abalahama atangamate moto molamu la sambo djande, aengali oyagani, kasi te la maiso ma Mwengei. 3 Ndjongo, lidhingo liasi woni? Abalahama amogemeyali Mwengei, ase aenenali moto molamu. 4 Ase moto ongo okokelaka otomo akokondja liputi, liputi laho liti makao ma mpamba, edjei nda nongo ende. 5 Kaiko, moto ongo okelitiaka wotomo, ase amogemei inde ongo okotangaka moto ongo okomodhendjiaka Mwengei ate adjei moto molamu, wogemei wonde etangemi womeemene. 6 Ndji ndenge Dawidi pe aaselali mwemu la moto ongo Mwengei amoeni moto molamu, te loyi e tomo. 7 Mwemu e wato wango walimbesi tomo djau e bukake pui pe wango Mwengei adhihi masumu mawu. 8 Mwemu la moto ongo Likumu atitoloko masumu mande. 9 Mwemu moho modjei saa e wato wango wateni kombeni inga pe alidji koto la wato wango watenaniti? Laate tokoasaka ate: Ogemei wo Abalahama ekelali ate wamotole moto molamu. 10 Kasi nda engele wamotololi ndjongo? Mbuse e inde otenani kombeni inga ndji atenanakiyo? Eti engele etenanali inde kombeni kasi ndji atenanakiyo. 11 Abalahama akondjali elembo, epoti oasi atenanali kombeni, eho edjei elembeteli e sambo ndamu djande pe la ogemei wungo adjaakali la eho engele enge atenanakiyo kombeni, laate awume wawa e wato kpaa wango wadjei la ogemei inga te ate watitenanali kombeni, laate wawatole wato walamu. 12 Adjei pe wawa e wana wango watenani kombeni, te ndji e wato wango wakohelanaka la otenani kombeni, kasi pe la wato wango wakotutiaka mboka e ogemei enge sangbasu Abalahama adjakali la eho ndjiyo atenanakiyo kombeni. 13 Ase etidjiakali la loyi e pui nde Abalahama inga litoto lande atotali liwuna ate akodja mototi e lisango e moki mwesi ndjo, kasi edjakali nde la loyi e sambo ndamu enge elongoyi la ogemei. 14 Inga wato wango wakonanganaka la pui wadja watoti wa lisango, ogemei eumia ema pamba alidji liwuna pe elongoyi. 15 Meemene, pui ekweseke moto limemu e Mwengei, kasi ongo ebete eti pui, obuki pe pui eti. 16 Eho lenge ekelamali la loyi e ogemei, la ebili ate eho elongoi la logoo wosungu, laate litoto lande kpaa motote liwuna, ndji enge etinanganaka la pui, kasi pe enge ekonanganaka la ogemei e Abalahama. Inde adjei Wawa osu kpaa, 17 Ndji ndenge edhingama ate: Iyobati owe Wawa e witondo ngbii.Eho ekelamali la maiso ma Moto ongo inde amogemeyali, eengi oasi Mwengei, ongo okowongosaka wato waguake la mokalo pe akowelaka wiho winge witi nda widjei. 18 Inga te ate atidjakali la ema emohake mwano, adjakali la mwano pe la ogemei, ate akouma wawa e witondo ngbii ndenge eyasanali ate: Litoto la owe likodjaa ndjongo. 19 Ase ogemei wonde wotilembali, adhendelali wenge wande la engele eho nda eguala, laate adjakali la wilanga kama esi, pe alidji solo e Sala nda eguala. 20 Ase la liwuna e Mwengei, Abalahama atidjangali ogemei pe atidjakali la kokia, kasi aumali nde la okulu la loyi e ogemei wonde, amoganali Mwengei. 21 Agemeyali meemene ate aengi pe oengesi sambo djinge aunali. 22 Eho lenge, wamotololi moto o meemene. 23 Ase, liloba linge ate: wamotololi, etidhinganali la loyi e inde amene. 24 Kasi pe la loyi e iso wango wakotolama wato wa meemene, laate tomogemeye inde ongo amosusoli Yesu Likumu lasu tee ongo la wato waguake. 25 Inde akawanali la loyi e masumu masu, ase inde asusuali tee ongo la wato waguake la otoli iso wato wameemene.
Chapter 5

1 Eho lenge, nda etoloni iso wato wameemene la loyi e ogemei, dhee todje la logoo mongindji la Mwengei la mboka e Likumu lasu Yesu Kilisito. 2 Enge la mboka ende, la ogemei pe, toengi oyandongbi ahue e Mwengei la ototi logoo wosungu eho, enge akotoeneseleke iso sikandjo; pe dhee toemele la mwano mungo modjei iso la eho e ototi otwa wo Mwengei. 3 Etisuke sa ango, ase toemele pe ndondo e wodjidji, la ebili toyewi ate wodjidji ekowotaka edjeeli e odjeyi la mogalia. 4 Edjeeli e mogalia ekokelaka ate Mwengei amogemeye moto, ogemei wuho ekowotaka mwano, 5 mwano muho etiokisaka soni, laate libalano e Mwengei etumi la mitema masu la mboka e elimo satu, enge etohi inde iso. 6 La meemene, ango edjakali yo iso la olembi, la engele enge ebatana, Kilisito aguelali wato wa masumu. 7 Edjei monga mosungu ate moto agemeye omogueli moto omemene; kasi engele edji moto aengi te omogueli moto molamu. 8 Ase la oenesi ate Mwengei atobali iso, Kilisito atoguelali iso, engele edjakaliyo iso wato wa masumu. 9 Eho lenge, nda etolania iso sikandjo wato wa meemene la mboka e makila mande, tokokala pendja la limemu e Mwengei. 10 Laate inga, ango edjakali iso mitone, towongosali ookani la Mwengei la mboka e logo e mana onde, sikalandjo ango ewongosia iso ookani, tokokala la mokalo monde. 11 Etisuke sa ango, kasi tokoemeleke la Mwengei la mboka e Likumu lasu Yesu Kilisito, ongo otowongosi iso sikala la ookani. 12 Eho lenge, ndji ndenge lisumu lilingelali la moki la loyi e moto moikima pe logo la loyi e lisumu, ndenge kikima pe logo eyandjani atie wato kpaa la ebili ate iwo kpaa wakelali lisumu. 13 Laate liwoso pui edje, lisumu lidjaali la moki, kasi watimotangelaka moto lisumu inga pui etidje. 14 Ase logo esombisali opoti Adama tee la Moize, esombisali te wango watikelali lisumu nda lisumu e Adama engele ebukali inde pui, inde ongo aengali la moto ongo aongooli odji. 15 Ase pukapuka e likao esomboni la enge e liwunga. Laate inga la liwunga e moto sa mwesi wato ngbii waguali, logoo wosungu e Mwengei la likao e pamba, enge ehanali mongindji la logoo wosungu la mboka e moto sa mwesi Yesu Kilisito, ehi wato ngbii wolamu enge eenganiti la olamu teeti. 16 Pukapuka e likao eho e pamba esomboni la sambo djinge ekelamali la loyi e lisumu e moto sa mwesi oho. Laate lisambi enge edjali mbuse e liwunga sa esi enge epumbesali etumbu, ase likao linge lidjali mbuse e mawunga ngbii ekelamali ate wato watolane wato wa meemene. 17 Laate inga la liwunga e moto sa mwesi logo esombesali la mboka e moto oho, wango wadjakali ototi ngbii e logoo wosungu pe e likao e pamba e omeemene wakodja la mokalo pe wakosombesa la mboka e moto sa mwesi, Yesu Kilisito. 18 Eho lenge, nda la loyi e liwunga sa liesi, wato wa ndenge kpaa, wakwesamali, ndji ndenge kikima pe la loyi sa esi ewumesake wato meemene, wato wa ndenge kpaa watoloni wato walamu la loyi e mokalo. 19 La ndenge odjangi etemeya e moto sa mwesi ewumesali ngbii e wato wato wabe, ndenge pe etemeya e moto sa mwesi ewumesali wato ngbii wato walamu. 20 Kaikonde Pui edjali oyakpobi laate liwunga liwume ngbii. Ase ebete lisumu liwumali ngbii, logoo wosungu eenesanali ngbii alidji oyeti. 21 Ndji ndnge kikima lisumu lisombesali ebete kikima la logo, logoo wosungu pe esombese la mboka e womeemene la loyi e mokalo mo libela la mboka e Yesu Kilisito Likumu lasu.
Chapter 6

1 Ndjongo tokoasa woni? ewongi tonangane la okeli masumu la ebili ate magba ma Mwengei matume ngbii? 2 Te, te wokeke! Nda eguali iso la sambo dja masumu, nda ndenge kine eengi iso alidji oyabati ndondo e masumu? 3 Wewini ate ino kpaa wango wapatisani ndondo e Yesu Kilisito, opatisanalini ndondo e logo londe? 4 Eho lenge, toombanali mongindji la inde la patisa esu ndondo e logo e inde, ndji ndenge Kilisito abasali tee ongo la wato waguake la okulu e otwa e Wawa, iso pe todje la mokalo moholi. 5 Inga toyabondji la inde la logo nda enge e inde, edjei meemene ate tokoyabonda pe la inde engele ekobasa iso la libasi nda inde. 6 Toewi ate womoto wosu wo gala, wobakamali la kulusu la inde, laate wenge wasu e masumu etikele ema alidji, laate iso totidje kine mituke e lisumu. 7 La ebili ate moto ongo oguiga aputi nongo e lisumu lande. 8 Inga toguiya ebete ekikima la Kilisito togemei ate tokodja pe la mokalo mongindji la inde. 9 Toyewi ate Kilisito abasali tee ongo la wato waguake, atigua kine alidji; logo eti kine la okumu likolo lande. 10 La ebili ate logo wungo eguali inde aguali la olongosi lisumu mbala kikima la libela. Ase mokalo mungo modjei inde la eho, adjei la eho la loyi e Mwengei. 11 Ndenge kikima pe ino, aeneni ate odjeini meemene wato waguake la sambo dja lisumu, ase wato wa mokalo la loyi e Mwengei la mboka e Yesu Kilisito. 12 Eho lenge, otidheeni ate lisumu lisombese wenge wanu enge ekoguaka laate otemeyeni wihoha e waho. 13 Otihekeleni kine alidji wisuki wa wenge wanu laate widje wisaneli e odjangi sambo ndamu, ase yahekeleni atie Mwengei laate odjeeni wato wango waguali pe sikandjo odjeini la mokalo, pe mohekeleni Mwengei wisuki wa wenge wanu laate widje wisaneli e sambo ndamu. 14 La ebili ate, lisumu liengiti odjei la okumu likolo lanu, laate otini sese e pui, ase odjeini sese e logoo wosungu. 15 Ndjongo, nda ema? tokokela nde lisumu laate toti sese e pui, ase sese e logoo wosungu? Te, te wokeke. 16 Oewitini ate inga okoyahekelekeni la moto mwesi odjeini mituke la omotemei inde, odjeini watuke wande nda ekomotemeyakani ino? Mituke ma lisumu la ogui inga mituke ma etemeya la ototi womeemene. 17 Ase kekedhinge la Mwengei laate odjaakalini mituke ma lisumu sikala owumigani otemei la motema mateya mango makondjalini ino. 18 Nda ekpolonigani ino la lisumu, owumigani mituke ma womeemene. 19 IKoasaka la eyaseli e womoto la olembi e wenge wanu. La ebili ate ndji ndenge ehekelelini ino wusuki wa wenge wanu widje tuke dja ndenge e bukake pui, laate wibuke pui, sikala pe hekeleni wisuki wa wenge wanu widje tuke ma omeemene laate wikele sambo e wosatu. 20 Engele edjakali ino tuke dja lisumu, womeemene wotidjakali likumu lanu. 21 Nda pukapuka etotalini ino engele eho? Sambo djinge ekookakani ino sikala soni. Laate gboo e sambo djaho edjei logo. 22 Ase sikahala, nda ekaligani ino la loyi e lisumu, owumigani tuke dja Mwengei, pukapuka djanu edjei mokalo monu e wosatu, pe la gboo mokalo mo libela. 23 Laate liputi linge lisumu likoputaka edjei logo, ase likao linge lihekeli Mwengei mpamba lidjei mokalo mo libela la mboka e Yesu Kilisito Likumu lasu.
Chapter 7

1 Wamanima, eengi nde odjei ate oewitini, (laate ikoasaka la wango waewi pui,) ate pui edjei la okumu likolo e moto engele edjei inde la mokalo? 2 La ekpangele, moli ongo oiki anangani la molome onde la pui engele edjeiyo molome oho la mokalo; ase inga molome onde agua, alongoiya la pui e molome onde. 3 Eho lenge, engele edjeiyo molome onde la mokalo, inga auma moli o odji moto, wakomotolo inde moli o eteba. Ase inga molome onde agua, alongoiya la pui e inde, eho lenge inga auma moli o odji molome, ati moli o eteba. 4 Ndjongo wamanima wa mbai, la odhendeli pui, ino pe ogualini la mboka e mbeka e wenge wa Kilisito, laate oumeni wato wa odji moto, e moto ongo asusuali tee ongo atie wato waguake, laate tomowotele Mwengei pukapuka. 5 Laate ango edjakali iso obilei wihoha wa wenge, wihoha wa masumi minge misuswanali la pui, edjakali okeli otomo la wisuki wa wenge wasu laate towote pukapuka e logo. 6 Ase sikahala, topumbiga sese e pui, laate toguiya la odhendeli ema enge etonangaki iso la woyogo. Laate todje tuke la ndenge poli e elimo, ase te la ndenge e gala la pui djinge idhingani. 7 Ndjongo tokoasa nde? pui idjei nde lisumu? Te, te wokeke! Meemene nda itiewe lisumu inga pui itidjaake. Pe, la ekpangele, nda iyewiti ononi inga pui itiasake ate : oengiti ononi ema e moto. 8 Ase pui ehekeleli lisumu mboka e owoti la motema mo mbai wihoha e ndenge kpaa, pe inga pui etidjaake nda lisumu liguala. 9 Gala idjakali la mokalo liwoso ate pui idje, ase engele pui edjaali, lisumu ewongwali alidji la mokalo, ase mbai iguali 10 pe ehele pui edjakali la loyi e mokalo, mbai ieneli eho ate edjei la loyi e logo. 11 Laate pui ehekeleli lisumu mboka, ndjongo eho egulali mbai pe eolali mbai la mboka e pui eho. 12 Eho lenge, pui djaho amene idjei mosatu, alidji pui eho edjei mosatu pe e omeemene pe wolamu. 13 Ndindjongo loi wungo wodjei wolamu nde eumelali mbai logo? Te, te wokeke! Ase lisumu, laate eenane ate edjei lisumu, ewotelali mbai logo la mboka e ema enge edjei olamu, laate la mboka e pui, lisumu eume ema e masumu oyeti. 14 Toewi ate pui idjei ema e elimo, ase mbai idjei la wenge e moeni, itambanali laate idje motuke mo lisumu. 15 Laate enge ekokelaka mbai iyewiti eho. Laate enge ebali mbai, itikelaka eho, ase enge etoni mbai nde ikokelaka eho. 16 Ndjongo, inga ikokelaka loi wungo wobaliti mbai, igemei ate pui iyeti wolamu. 17 Ase sikahala ongo okokelaka eho etikine mbai, kasi nde lisumu linge liyabati ndondo e mbai. 18 Laate iyewi ate ndondo e mbai olamu etiyabataka ndondo e mbai, easi nda ate ndondo e wenge wa mbai, ikobalaka okeli olamu, ase itiwumaka okeli eho. 19 Laate olamu wungo wobali mbai itikelaka eho, ase obe wungo wobaliti mbai eho nde ekokelaka mbai. 20 Kaiko ase, inga enge ebaliti mbai eho nde ekokelaka mbai, eho eti lisumu la mbai moto ikokelaka eho, kasi lisumu linge liabati ndondo e mbai. 21 Eho lenge, ieni ehele pui atie mbai: Engele ebali mbai okeli enge edjei olamu, enge edjei obe nde edjei atie mbai. 22 La motema mo mbai, ikoemeleke la pui e Mwengei. 23 Ase ikoeneke la wisuki wa wenge wa mbai eeti pui enge ekosanaka kindo la pui e mamungwene ma mbai pe enge ekokpalaka mbai monangani atie pui e lisumu linge lidjei la wisuki wa wenge wa mbai. 24 Idjei moto o magba! ndai okokalisa mbai la wenge winge wikogulaka mbai wiengele kpaa la logo? 25 Mwengei atote pambo la mboka e Yesu Kilisitu Likumu lasu! Eho lenge, la mamungwene ma mbai idjei motuke mo pui e Mwengei, kasi la wenge wa mbai idjei motuke e pui e lisumu.
Chapter 8

1 Ase sikahala, huko eti kine atie wato wango wayabolei ebete eikima la Yesu Kiklisito. 2 Laate pui dja elimo enge ekohaaka mokalo mongindji la Yesu Kilisito elongosi owe la pui e lisumu pe e logo. 3 Ase, ema enge eengakiti okeli pui laate wenge edjakali olembesi, Mwengei akelali eho la ndenge amotomali Mana onde moikima la wenge enge edjei nda enge e masumu la olongosi lisumu, alidji atenelali lisumu etumbu la wenge. 4 Eho, womeemene enge eongoni la ogemei eengali atie iso wango wakokalaka te la ndenge esu e wenge, kasi la ndenge e elimo. 5 La ebili ate wato wango wakobiliaka wihoha wa wenge wakoyahekeleke la sambo djinge ibali wenge, ase wato wango wakobiliaka elimo la sambo dja elimo. 6 La ebili ate onangani la wihoha wa wenge ekohaka logo ase onangani la sambo dja elimo ekohaka mokalo la logoo. 7 Laate onangani la wihoha wa wenge einei motone mo Mwengei, laate eho etitemeyaka pui e Mwengei, kaiko eengiti pe otemei eho. 8 Kaikoase wango wadjei la ekaleli e wenge watimoemelese mwengei. 9 Kaikoase, ino otuteitiakani sambo dja wenge, ase okotutiakani sambo dja elimo, inga elimo e Mwengei edjei ndondo enu. Ase inga moto atidje la elimo e Kilisito, moto oho ati moto onde. 10 Ase inga Kilisito adjei ndondo enu, meemene wenge wanu wigua la loyi e lisumu ase Molimo modjei la mokalo la loyi e sambo ndamu. 11 Inga elimo e moto ongo omobasisali Yesu tee ongo la wato waguake eyabati ndondo e ino, moto ongo omobasasili Kilisito tee ongo la wato waguake akokela pe ate wenge wanu enge ekoguaka edje la mokalo la mboka e elimo e inde enge ekoyabataka ndondo e ino. 12 Eho lenge, wamanima, toongoniti otutei wenge la osombesi mokalo mosu la obilei wihoha wa wenge. 13 Laate inga osombesani mokalo monu la otutei wihoha wa wenge okoguani meemene, ase inga oolani tomo dja wenge la ligamesi e elimo, okokalani. 14 Wato kpaa wango wakosombesamaka la elimo e Mwengei wadjei wana wa Mwengei. 15 Laate otitotalini elimo e wotuke enge ekohekeleke alidji owangi, ase ototalini nde elimo enge ekeli ate Mwengei aototeni ino pe aowumeseni wana wande, enge la mboka eho tokodhumbiaka ate: Abba, Wawa! 16 Elimo eho amene ekototoloko mongindji la elimo esu ate todjei wana wa Mwengei. 17 Inga todja wana, todjei pe watoti wa lisango, watoti wa lisango e Mwengei, ase watoti wa lisango mongindji la Kilisito, inga tokoeneke odjidji mongindji la inde laate totote pe otwa mongindji la inde. 18 Ikomungwaka ate wodjidji e ehele engele eti ema liwoso la otwa enge ekoenene la mboka esu. 19 Wiho kpaa winge wikelama wikolambela la ehoha etetelake oeneni e otwa e wana wa Mwengei. 20 Laate wiho winge wikelama eumesamali ema pamba, te la ndenge eho amene ase la loyi e moto ongo oumesali eho ndjongo, la loyi e mwano 21 ate wiho winge wikelama ekolongwa pe la wotuke eholake pe ekotota lipanda e wana wa Mwengei enge etumi la otwa. 22 Laate toewi ate, wiho kpaa winge wikelama widjei ndji wikotilelaka mongindji pe wikoeneke odjidji mongindji tee sikala. 23 Etisuke sa ango, ase iso amene pe wango todjei la pukapuka e liwoso, epoti oasi elimo, iso amene tokoyatilelaka la mitema masu, ango ekolambelaka iso la ehoha etetelake Mwengei atotote pe atowumese wana wande, tokpolame la wenge wasu la mboka e lisango . 24 Laate toKaliga ango edjei iso la mwano moho. Ase mwano mungo mokoeneneke eti mwano, la ebili ate ango moto akoeneke ema, akabatelaka eho mwano? 25 Ase inga tokobatelaka ema enge etieneke iso mwano, tokolambela eho la edjeeli eikake egalela. 26 Ndenge kikima elimo pe ekotogamesaka la olembi wosu. La eho totiewaka enge eengi la oongi ndondo e oyangongi wosu, ase elimo inde amene ekotoaselelaka iso ango ekotilelaka iso, inga te ate maloba matipumbaka. 27 kaikoase moto ongo okodhendaka mitema akoewaka enge elimo ekolukaka, laate eho ekoaselelaka wasatu la obilei mwano mo Mwengei. 28 Twewi ate Mwengei akokelaka ate tomo djande kpaa ehane mawo la loyi e wolamu e wango wakomobalaka Mwengei, wango wawelani la obilei mwano monde. 29 Laate wango inde awagemeyali poo aanali pe liwoso ate waengane la ndenge enge mana onde adjei, laate adje mana o poo ndondo e wamaanango ngbii. 30 Alidji wango inde awaonoli poo, awawelali pe iwo, pe wango inde awawelali, awatololi wato walamu. La gboo, wango inde awatololi wato walamu, awahekeli pe iwo otwa. 31 Tokoasa kine alidji nde? inga Mwengei adjei ngambo esu, ndai okoki otokeli iso obe? 32 Inde ongo otimoisali mana onde amene, ase amohali la loyi e iso kpaa, ndjoni atotiha pe iso mongindji la inde wiho wadji la logoo pendja? 33 Ndai okopunda wato wango Mwengei awaoni? Mwengei inde moto okowatoloko wato walamu. 34 Ndai okokwesa iwo la loyi? Moto te mokikima, laate Yesu Kilisito aguali inde moto adjei la ewo e lilome e Mwengei, pe moto akotoaselelaka iso. 35 Ndai okokawola iso la libalano e Kilisito? Mbeti, inga ekoni, inga odjidji, inga ndjala, inga lingbengbele, inga huko, inga ewuni? 36 Ndji ndenge edhinganaate: La loyi e owe wakotobataka la logo la olayi wo wuse, wakotoeneke iso nda meme e oolake. 37 Ase ndondo edjinge sambo kpaa tokolongaka la ligamesi e moto ongo otobalali iso ngbii. 38 Laate igemei ate edje logo, inga mokalo, inga waahumbwa, inga makumu, te sambo e ma masio, te djinge wikodja, te wokulu, 39 te wolai, te wolindji, te wikelamu, wiengiti otokawoli iso la libalano e Mwengei enge edjei atie Yesu Kilisito Likumu lasu.
Chapter 9

1 Ikoasaka meemene ndondo e Kilisito. Ibukitiaka moleho, laate oyewi wo mbai ekototoloko mongindji la mbai la elimo satu 2 idjei la magba masungu pe la ekoni enge etisilaka la motema mo mbai. 3 Laate ikobala nde ate mbai amene, moto ibumakolami, ikawane la Kilisito la loyi e wamanima wa mbai, wato wa moki mo mbai. 4 Wato wa Isalayele, wango Mwengei awatotali pe awaumesali wana wande pe wango otwa, la ogemei, la likao e pui, la otomo wosatu, la mauna edjei ewu. 5 Wadjei watata, pe atie ewu nde Kilisito awotamali mana owu; Mwengei ongo odjei likolo e wiho kpaa, apambwame libela la libeala. Amen. 6 Ase, easiti ate liloba e Mwengei etilongali. La ebili ate eti ate wato kpaa wango wakowotamaka la Yisalayele nde wadjei Wayisalayele. 7 Eti pe ate la loyi ate iwo wadjei litoto e Abalahama nde iwo kpaa wadjei wana wande, ase: Enge ekowelana litoto la owe ekodja la mboka e Isaka. 8 Easi nda ate, wana wa litoto e Abalahama wati pendja wana wa Mwengei, ase wana wa liuna nde wa watoli litoto laho. 9 Laate liloba e liuna edjaakali ndjo: Igeleli la engele nda enge pe Sala akowota mana opele. 10 Kaikoase liwuna litisukali sa ango, ase ehanali alidji engele Lebeka akpalali lemi e maasa la molome sa mwesi oho, Isaka tata osu 11 laate engele etiwotamaliyo iwo pe watikelaliyo loyi te mwesi e olamu inga te e mbe, laate mwano e Mwengei ewonoke etidhendele tomo, ase nde moto ongo owelani, 12 waasali la inde ate, eloko akodja motuke e elenge. 13 Ndji ndenge edhingama ate: Imobalali Yakobo, ase imotonali Esau. 14 Ndjongo tokwasa nde? Mwengei ati la omeemene? Te, te wokeke. 15 Laate aasali la Moize ate: ikomookela magba moto ongo obali mbai omookeli magba, pe ikodja la wouma la moto ongo obali mbai odjei la inde wouma. 16 Eho lenge, etidhendelaka moto ongo omobali inde inga moto ongo okotilaka obangu, ase nde Mwengei, ongo odjei la motema magba. 17 Lidhingo liasali la Palao ate: Idhei owe odje la mokalo la loyi e ehele gbondo: laate la mboka e owe ienese okulu wo mbai, pe laate kombo e mbai etiesakolame la mbume kpaa. 18 Eho lenge, moto ongo inde abali omookeli magba akomookela magba, ase moto ongo inde abali omodhei ate aume moto motetelake, akomodhe aume moto motetelake. 19 Okoasa la mbai ate: Woni adjeiyo ndji aopamelaka wato? Woni ayamalelali mwano monde enge eenisani la hoho? 20 Ase owe, moto, odjei ndai laate omodhuhuelele Mwengei monoko? Ema enge etuli iwo eengi oasi la moto ongo omotuli ate: Ndjoni otuli mbai ndjo? 21 Motuli teni ati nde la okumu likolo e mbume e mondo la okeli la mbume sa eho kikima teni esi la loyi e otomo e mogano, edji la loyi e otomo edjangi mogano? 22 Kaikoase inga Mwengei, inga te ate abala oenesi limemu lande pe okulu wonde anangali wateni e limemu enge ewongi la oolani? 23 Toase woni inga abala oenesi wogumake e otwa wonde atie wateni e magba enge ebatali inde liwoso la loi e otwa? 24 Inga atowelali iso te sa atie Wayuda, ase koto atie wadji witondo? 25 Edjei ndenge aasali eho koto atie Hosea: Wango watidjali wato wa mbai ikowawola iwo wato wa mbai, koto moli ongo otidjakali moli o mbai o libalano ikomowela moli o mbai o libalano. 26 Koto la ebete enge waasali la iwo ate: Otini wato wa mbai, ongo nde wakoawela iwo wana wa Mwengei o mokalo. 27 Isaya koto akopamaka la loyi e wato wa Isalayele ate: Inga te ate motango mo wana wa Isalayele modja nda ngene e malia masungu, wato wango watikali nde wakokala. 28 Laate Likumu akoongo mbume awongose monoko, akokela eho galagala. 29 Ndji ndenge Isaya aasali eho gala ate: Inga Likumu e wokulu kpaa atitodheleke iso litoto, nda towumali nda Sodomo, pe nda toengali la Gomola. 30 Ndjongo tokoasa nde? Ate wato e wadji witondo, inga te ate watidjakali otutei womeemene, watotali womeemene, womeemene elongoi la ogemei. 31 Ase inga te ate Isalayele akobiliaka pui esi e womeemene, atiengesali pui eho. 32 La loyi lande? Laate atutiali eho, te la ogemei, ase la tomo. Wasakelali ekikimi la libukeli esakelake ekikimi, 33 ndenge edhinganali: Dhenda! Ikobataka la Siona libukeli esakelake pe libukeli linge likoesake, ase moto ongo ogemeli eho atioka soni.
Chapter 10

1 Wamanima, ehoha e motema mo mbai pe oyakongi wo mbai atie Mwengei la loyi ewu edjei ate wakale. 2 Laate ikowatotoloko iwo ate wadjei la mohandja la loyi e Mwengei, ase te la woewi womeemene. 3 Nda eyewiti iwo womeemene wo Mwengei ase wakolukaka obati enge ewu amene, watitemeyali womeemene wo Mwengei. 4 Laate Kilisito adjei gboo e pui, la ebili ate moto kpaa ongo odjei la ogemei adje moto o meemene. 5 Laate Moize adhingi la loyi e womeemene enge edji la pui ate : Moto ongo onanganali la omeemene e pui akodja la mokalo la mboka eho. 6 Ase womeemene wungo wolongoi la ogemei ekoasaka ate: Otiase la motema mo owe ate: Ndai okotela likolo? ( eengi oasi, laate amodjimbe Kilisito sese; 7 inga ndai okoyadjimba la liwela lilindake? (eengi oasi, laate apumbese Kilisito tee ongo la wato wa guake). 8 Ase eyasi woni? Liloba lidjei ahue e owe, la monoko mo owe koto la motema mo owe. Eengi oasi, liloba egemeyake, enge ekotiesakolaka iso. 9 Inga okoyambolaka la hoho liloba laho la monoko mo owe ate Yesu adjei Likumu, mpe okogemeyaka la motema mo owe ate Mwengei abobasisali tee ongo la wato waguake, okokala. 10 Laate la motema nde moto akogemeyaka la loyi e omeemene, ase la monoko nde moto akolumbolaka la hoho la loyi e mokalo. 11 Lidhingo ekoasaka ate: Moto tueti ongo omogemei inde akooka soni. 12 Laate osomboni woti atie Wayuda la Wageleki, laate wato kpaa wadjei wa Likumu sa mwesi ongo okopambuaka ngbii wato kpaa wango wakomodhumbiaka inde. 13 Laate moto kpaa ongo okombelela kombo e Likumu akokala. 14 Nda ndenge ekombelela iwo moto ongo omogemeiti iwo? Woni ekoyamba iwo moto ongo eokiti iwo mboli ende? Nda ndenge ekooka iwo mboli inga moto o otiesakoli ati? 15 Pe wakotiesakola nda ndenge inga watiwatome? Ndji ndenge edhingama ate: Mangbanda ma wango wakotiesakoalaka mboli ndamu e sambo ndamu edjei olamu pendja. 16 Ase, iwo kpaa watibalali mboli ndamu. Laate Isaya akoasaka ate: Likumu, ndai ogemeleli lu loyi eoki iso? 17 Ogemei ekolongwaka la loyi wungo wooki moto, pe loyi wungo wooki moto ekolongwaka la mboka e liloba e Kilisito. 18 Ase ikohuelaka: Otiokalini ndjongo? Eiye, meemene, modudu mowu eokani la mbume kpaa, pe maloba mawu tee la gboo e mbume ebete eyabati wato. 19 Kaikoase iyasi ate: Isalayele atiewali? Moize moto oasi liwoso ate: ikookesani ino zua la moki mungo moti moki, ikookesani ino limemu litetelake la moki mwesi modjangi lokenge. 20 La loyi e Isaya,aumia la mohandja pe aasia: Wango watidjakali oluki mbai waeneli mbai. Iyaeneseli atie wato wango watidjakali ohueli mbai. 21 La enge edhendji Isalayele aasi ate: Iyandji mawo ma mbai lisio kpaa atie wato wango wadjangi etemia pe wakoaselaka mbai obe.
Chapter 11

1 Ikohuelaka ate: Mwengei awalumbi wato wande? Te, te wokeke. Laate mbai mpe edjei moto o Isalayele o litoto e Abalayama la Elombo e Bezamina. 2 Mwengei awalumbiti wato wande, wango inde awagemeyali liwoso. Otieweni nde enge lidhingo liasi la loyi e Elia, engele apundali Isalayele atie Mwengei? 3 Likumu, iwo wato waoli watiesakoli wa owe, wabukakolia ibete winge wa otumbelakali iwo makao, itikali ndji mbai moikima, waolukaka koto ate wandjole mbai. 4 Ase liloba e Mwengei easi la inde woni? Idhei pele mbuka sambo la loyi la mbai amene enge liwuli litiayimbele Bala. 5 Ndenge kikima la ehele engele edjei iso, edjei la ndambo e wato wango watikali alidji waononi koto la ngolu. 6 Ase inga idja la ngolu, eti kine la loyi e tomo, inga ndjongo, ngolu etiti kine ngolu. 7 Woni? Ema enge edjakali oluki Isalayele atitotali eho, ase wato wango waononi watotali eho. Mitema ma wango watikalali mitetelali. 8 Ndji ndenge edhingama ate: Tee lisio la keke, Mwengei awahekeli iwo elimo e ilo, maiso mango matieneke, la wiyokeli winge witiokaka. 9 Davidi koto aasi ate: Mesa mau eume lisala , etanga koto ema enge ekobingisaka ekikimi alidji ndenge e liputi lawu. 10 Maiso mawu maume pii laate watiene alidji, waimba mokongo engele kpaa. 11 Ikohuelaka ate: Wasakelali nde ekikimi pe wakuali amene okwi? Te, te wokeke. Ase la ekikimi enge esakelali iwo, mokalo modjeelia wato wa witondo. Ndjongo loyi luho eokese iwo zua. 12 Sika ndjo inga ekikimi enge esakelali iwo ehekelia pambo la wato wa witondo, ndjongo motio mowu kpaa etihekele pambo ngbii oyeti? 13 Ase sikala ikoasaka la ino wato wa witindo, nda edjei mbai toma e witondo ikoyagana la wotomo wo mbai. 14 Mbuse ikookesa moki mo mbai zua la ebili ate ikalese wato wadji ndondo e iwo. 15 Laate inga engele iwo walumbania ehekelia wato wa miki mboka waongose ookani la Likumu, ekodja nda ndenge engele ekoyambama iwo? Ekodja nda waguali waongoiya la mokalo? 16 Inga ndambo enge edhendelani nda pukapuka e liwoso edjei wosatu, mogbuku kpaa e moteke pe modjei ndjongo. Inga mondjili modja wosatu, witee pe wikodja ndjongo. 17 Ase inga weeti witee witenanali ase owe, inga te ate odjei mote mo oliba e motulu, oyaekeyali la eho pe oumali ototi wolamu la mondjili e maita e mote mo oliba, 18 otiagane liwoso la witee waho. Kaikoase inga okoyaganaka liwoso laho, otiosanake ate owe okpaliti mondjili, ase mondjili nde moogbali owe. 19 Owe okoasa ate: winge witee witenali iwo, laate mbai iyakiane ango. 20 Edjei meemene. Watenali eho laate etidjakali la ogemei, ase owe okoyamalaka la loyi e ogemei. Dhee odjeyi la mamungwene e oyadjambi, ase djaa nde la owangi. 21 Laate inga Mwengei atidheeli witee e waho amene, atiodhee pe owe. 22 Dhenda logoo e Mwengei pe etumbu e inde. Etumbu la wango wakuali, ase logoo e Mwengei atie owe, inga otikaliya ndondo e logoo wonde. Inga te ndjongo, owe pe okotenana. 23 Ndjongo pe, inga wadhee odjeyi wato wango wati la ogemei, wakoyakiana, laate Mwengei aengi owaakeyi alidji. 24 Laate inga owe, waotenali la mote mo oliba e motulu amene pe waowakiali la mote mo oliba e elanga, inga te ate eengiti odjei ndjongo, ndjongo witee e mote moho amene ekoyakiana olamu oeti te la mote moho amene mo oliba? 25 Wamanima, mbai ibaliti ate ino odjangeni ehele sekele wosatu, laate otidjeeni wato wa lokenge la maiso manu amene: Ate motema mo wato wadji wa Isalayele eumia oteteli tee motio kpaa mo wato e witondo ekotuma. 26 Pe la ndenge eho Isalayele kpaa ekokala, ndji ndenge edhingama ate: Mokalesi akolongwa la Siona pe akolongosa analili la elembo e Yakobo, 27 Eho edjei ogemeyani wo mbai la iwo, ango ekolongosa mbai masumu mawu. 28 La enge edhengi mboli ndamu, iwo wadjei mitone la loyi e olamu e ino, ase la ooni enge Mwengei awaoni wadjei wato wango Mwengei abali la loyi e watata wau. 29 Laate Mwengei atioka magba la sambo ndjinge iheheli inde koto oweli wungo eweli inde. 30 Laate ndji ndenge etitemeiyakalini ino Mwengei la engele e gala ase sikala aokeli ino magba laate watitemeiyali. 31 Ndenge kikima iwo pe sikala watitemeye, pe aokeli ino magba, laate aokele pe iwo amene magba sikala. 32 Laate Mwengei awadhei iwo kpaa wahelane la woyogo e mokalo enge edjangake etemeiya, laate awaokele iwo kpaa magba. 33 Wogumake wo Mwengei pe wokenge wonde pe woewi wonde edjei ngbii pendja! Witeneli wande e lisambesi eengiti oewani pe mboka djande eengiti oeneni . 34 Ndai oewi mamungwene ma Mwengei, mpe ndai mohekeli o simbesi e inde? 35 Alidji ndai omokawelali Mwengei liwoso, laate Mwengei amowongosele? 36 Laate wiho kpaa wilongoyi atie inde pe la mboka e inde pe la loyi e inde. Adje la otwa libela la libela. Amen.
Chapter 12

1 Ndjongo wamanima, iyakongi la ino la magba ma Mwengei ate kawani wenge wanu mbeka e mokalo, e wosatu, enge Mwengei aengi ogemei. Ekodja atie ino otomo e lokenge. 2 Otiaengeseni la sambo e ma masio, ase yakalambani, wumesani mamungwene manu maholi, laate oyagemeiseni ino amene mwano mo Mwengei enge edjei olamu pe eengi ogemeiyani pe etumu la sambo ndamu. 3 La magba masungu mango waenelesi mbai ikoewesaka moto kpaa ndondo enu ate: Atibundue ate akoetaka ndenge edjei inde pendja, ase abundue nde la ndenge enge ekoenesaka ate adjei la mamungwene ndamu, moto la moto la obilei wosungu e ogemei enge Mwengei amohekeli. 4 Nda odjei iso la wisuki ngbii la wenge sa ekikima, ase wisuki kpaa witidjee sa la otomo esi. 5 Ndenge kikima nda iso, inga te ate todjei wato ngbii, todjei wenge sa esi ndondo e Kilisito,ase todjei wisuki, enge wesi kpaa edjei manango la odji. 6 Todjei la makao ndenge la ndenge la obilei magba masungu mango maeneseleli iwo iso. Inga etiesakoli, totiesakole la obilei ogemei wungo watohekeli iso. 7 Inga otomo, toyahekele la otomo wuho, inga moto ongo okotiesakolaka, ayahekele la otiesakoli wonde. 8 Inga moto ongo okohekeleke mohandja, ayahekele la ohi mohandja monde, inga moto ongo okokawaka, akele eho la ewo petee, ongo odjei likumu akele otomo monde la mwemu, moto ongo okookelaka wato magba, akele eho la mwemu. 9 Libalano lanu etidje la ekosako; tonani enge edjei obe, nanganani la enge edjei olamu. 10 La libalano e wouma, balanani la motema. La ohekelani mogano, djaakani wato wa poo. 11 Otidjeeni wikete la tomo djanu. Lolani la elimo. Mokelelani Likumu nda tuke. 12 Hemeleni la mwano. Djaani la mohandja engele e odjidji, yahekeleni la oyakongi. 13 Wakawelani wasatu la obilei wihoha wau. Djaakani la edjeeli e yambake wadjidji. 14 Pambuani wango wakoenesakani ino odjidji; wapambuakani pe otiwabumakoleni. 15 Hemeleni la wango wakoemeleke; lelani mongindji la wato wango wakolelaka. 16 Wasumbuani wadji nda ekoyasumbuakani ino amene; otidjaakeni la mamungwene e oyadjambi, ase djaakani la mamungwene e oyatitimesi, otiwumeni wato wa lokenge la maiso manu amene. 17 Otiwongoseni obe la obe. Kelakani nde sambo djinge idjei olamu la maiso ma wato kpaa. 18 Inga eenga, inga eodhendani ndji ino, djaani logoo la wato kpaa. 19 Wamanima wa libalano, moto ongo o okelini ino obe, otimowongoseleni obe ase dhelekeni nde limemu e Mwengei ebete. Laate edhingani ate: Owongosi obe edjei loyi la mbai; mbai ikoongosa obe, Likumu aasi ndjongo. 20 Inga motone mo owe adja la ndjala, mohekele ilaka alake, inga adja la ehoha e malia, mohekele malia akenge, laate ango ekokelaka owe ndjongo okobataka magala ma misa la moto monde. 21 Otidheele obe e olonge, ase kelaka olamu la olongi obe.
Chapter 13

1 Ewongi ate moto kpaa awatemeye makumu mango wadjei liwoso, laate okumu kpaa edji atie Mwengei. Okumu wou edjei la molelo enge ebatani la Mwengei. 2 Eho lenge, moto ongo okoyamalelaka wokumu amaleli pe ewongeseli e Mwengei; wango wamaleli eho wakosambesama. 3 Laate wato wango wakowangaka makmu eti wato wango wakokelaka olamu, ase nde wango wakokelaka sambo mbe. Ndjongo, owe obaliti ate owangake wokumu? Djaaka okeli sambo ndamu, pe ekoogana owe. 4 Laate okumu edjei motuke mo Mwengei atie owe la olamu e owe. Ase inga okokelaka enge edjei obe, wanga; laate etikpalaka ewuni sa pamba; laate eho edjei ekeleli e Mwengei, ekowongosaka obe la okweseli limemu la moto ongo okokelaka obe. 5 Eho lenge, ewongi la ino owaokeli, te ndji sa la enge limemu ase alidji la loyi e lokenge wonu. 6 Edjei la loyi laho nde ekoputakani ino lomeya, laate wadjei watuke wa Mwengei la loyi e olamu e wato kpaa, wakokelaka engele kpaa la kole eho pendja. 7 Wawongoselani iwo kpaa enge ewongi la iwo: Ongo oongi lomeya, lomeya; ongo oongi liputi, liputi; ongo oongi wamowange, mowangani, ono oongi mogano, mogano. 8 Otidjeeni la nongo e moto te moikima, longose ndji nongo e libalano. Laate, moto ongo okomobalaka miino onde aengesi pui. 9 Laate ahala o pui: otikelake eteba, otiolake moto, otiyiwake, oengiti ononi ema e moto, pe edji pui etangemi la okue la ehele engbundu: eoongi o mobale miino owe nda owe amene. 10 Libalano litikelaka moto obe. Eho lenge, libalano lidjei liengesani e pui. 11 Kelakani ndjongo pe laate oyewini ehele engele, engele enu esusuake la ilo eengi, laate sika mokalo musu eumia lahue, oeti engele enge eumali iso wagemei. 12 Likolo likia lihele, boo eumiga ahue la otani. Tolongose sambo kpaa dja likolo, tokpale wisaneli wa hoho. 13 Nda la use ndjo, tosombe la wikaleli wilamu, te la lipati e litema, te la olangui, te la ekaleli mbe ewanesake wenge pe te la esombeli e soni, te la mosio pe te la djua. 14 Ase mokpalani nde Likumu Yesu kilisito, otikelakeni djaho la mwemu mo wenge.
Chapter 14

1 Moyambani moto kpaa ongo oti la ogemei otetelake, ase otimosambeseni la popo djinge ikoyahuelaka inde. 2 Moto odji adjei la ogemei pe akolakaka ema kpaa, ase moto ongo oti la ogemei otetelake akolaka ngasi. 3 Moto ongo okolakaka atimodendje moto ongo otilakaka, koto moto ongo otilakaka atimosambese moto ongo okolakaka. Laate Mwengei amoyambi ongo moto. 4 Owe ndai laate omosambese motuke moeti moto? Inga okui inga oyamali emodhendji ndji likumu lande. Ase akoyamala laate Mwengei aengi omoyamalesi. 5 Moto odji akoeneke ate li lisio lieti li lisio. Moto odji akoeneke ate li lisio lidjei nda masio madji kpaa, moto la moto agemese pendja la mamungwene mande amene. 6 Moto ongo oyewi okawoli masio akokelaka eho la loyi e Likumu, koto ongo otikelaka eho akokelaka la loyi e Likumu. Moto ongo okolakaka kpaa akolakaka la loyi e Likumu, laate akomoganaka Mwengei. Alidji moto ongo otilakaka atilakaka la loyi e Likumu, kaikoase akomoganaka Mwengei. 7 Laate moto toeti ndondo esu akoyakalesaka inde amene, alidji moto tueti ndondo esu ayaguesaka la inde amene. 8 Laate inga todja la mokalo, tokokalaka la mwano mo Likumu, koto inga togua, tokoguaka la mwano mo Likumu. Eho lenge edje te totoni inga te togui, todjei wato wa Likumu. 9 Laate Kilisito aguali pe awongwali la mokalo la loyi eho, laate adje Likumu e wato waguake la wango wa waatonoke. 10 Ase ndjoni ekomosambesaka owe maangwa? alidji ndjoni ekomodendjaka owe maangwa? La ebili ate iso kpaa tokoyamala liwoso e ngbelengo esambesake e Mwengei. 11 Edhingani ate: Likumu aasi: Nda edjei mbai meemene la mokalo, mauli kpaa maimbamele mbai, koto olemo kpaa ekomogana Mwengei. 12 Moto la moto akosamba liwoso la Mwengei inde amene. 13 Totiyasambese kine iso la iso, ase huakani ate moto atibate ekikimi inga lisala liwoso la maanango. 14 Iyewi pe igemei pendja ndondo e Likumu Yesu ate ema teeti ekodjaaka la onalili, ase inga moto akodhendelaka ema esi nda edje la onalili, ema eho eumi onalili atie inde. 15 Laate inga maangwa akoyaokisaka magba la mboka e ema elakake, osombiti kine la libalano. La ema e owe elakake otibitese moto ongo Kilisito amogueli. 16 Eho lenge, otidheeni ate waaseleni ino obe la loyi e sambo ndamu djinge ekokelakani ino. 17 Laate okumu wo Mwengei einyeiti olaki la okengi, ase einyei nde sambo ndamu, logoo koto mwemu mongindji la elimo satu. 18 Laate moto ongo odjei motuke mo Kilisito pe akokelaka wungo loyi agemeiyani la Mwengei pe agemeiyani la wato. 19 Eho lenge totuteye sambo djinge ekobataka logoo alidji sambo djinge ekotohekeleke mohandja. 20 Otibitese otomo wo Mwengei sa la loyi e ilaka. Meemene wilaka kpaa wilangi, ase edjei obe olaki ema esi inga ema eho ekomobingesaka odji ekikimi. 21 Edjei olamu otoni olaki mweni e nama inga okengi bino inga okeli ema esi ndjo enge ekomobingesaka miino owe ekikimi. 22 Ogemei wungo wodjei owe la eho, djaa la eho la loyi e owe amene la maiso ma Mwengei. Mwemu la moto ongo otiyaganaka la loyi wungo weeni inde ate wodjei olamu. 23 Ase inga odja la kokia, ayakwesia la loyi inga alaka, laate atilakaka la ogemei. Ema kpaa enge etikelame la ogemei edjei lisumu.
Chapter 15

1 Iso wango wadjei la otetelake ewongi la iso tokpale olembi e wango wateteliti, pe totiyaemelese iso amene. 2 Moto la moto ndondo esu amogamese miino onde la enge edjei olamu laate emohe egalela. 3 Laate Kilisito atiyaemeleseli inde amene. Ase ndji ndenge edhinganali ate: Wiliko e wato wango wakootangakolaka, wikweli mbai. 4 Laate sambo djinge kpaa idhinganali liwoso idhinganali laate etotiesakole iso, la ekaleli esu edjaake la egalela koto la liyakongi linge lilongoyi la madhingo, todje la mwano. 5 Sikandjo Mwengei ongo okohekeleke edjeeli e odjei la egalela koto liyakongi ekelate ate ndondo odjeeni la mamungwene nda enge e Yesu Kilisito adjakali la eho. 6 Laate mongindji moikima koto la monoko moikima, moganani Mwengei koto Wawa e Likumu lasu Yesu Kilisito. 7 Eho lenge, yambanakani ndji ndenge Kilisito atoyambali iso la loyi e otwa wo Mwengei. 8 Laate ikoasaka ate Kilisito aumali pendja motuke mo wango watenani kombeni la oenesi ate Mwengei adjei la omeemene pe ogemeisi mauna mango inde awahali watata wau, 9 laate wapangano wamogane Mwengei la loyi e motema magba monde. Ndji ndenge edhingani: Eho lenge ikoogemeiya la hoho ndondo e miki pe ikobingela kombo e owe ndundu. 10 Aaasi alidji ndjo: Djaani la mwemu, ino miki, mongindji la wato wande. 11 Pe alidji: Moganani Likumu, ino miki kpaa, pe wato wa miki kpaa wamogane. 12 Isaya aasi aleeti ndjo: mana mwesi akouma la liemba e Yese, pe moto ongo okopumba la osombesi miki akodja; miki wakomobatela mwano mou. 13 Mwengei ongo okohekeleke mwano aotumeseni ino la mwemu pe la logoo kpaa la ogemei wonu, laate otumeni la mwano la okulu e elimo satu. 14 Sikala ndjo wamanima, mbai amene pe igemei ate ino otumini pe la wolamu. Laate otumini la woyewi kpaa, pe ate oengini oyani simbisi ino la ino. 15 Ase ikoodhingelakani la hoho ma sambo djeeti, nda ikoobundolakani ino alidji, la loyi e logoo wosungu enge Mwengei andjeneseleli mbai. 16 Laate idje motuke mo Yesu Kilisito atie miki la loyi e olamu wou kpaa, iyalingesi la otomo wosatu e mboli ndamu e Mwengei, laate likao, einyei, winge miki wagemeiyane, wasatisane la elimo satu. 17 Eho lenge, ikoyaganaka la loyi e Yesu Kilisito la sambo e dhengi Mwengei. 18 Itimeke kine alidji oaseli sambo teeti longosa ndji sambo djinge Kilisito akelali atie mbai laate miki mitemeye, la mboka e engbundu e mbai pe la otomo wo mbai, 19 la okulu e wilembo pe la sambo kamwake enge ekoeneseke sambo djinge ikodja, la okulu e elimo satu, eho lenge opoti Yelusalema tee la mboka e Ililikume itiesakolali olamu mboli ndamu e Kilisito. 20 La ndenge eho nde itotali mwano motiesakolake mboli ndamu, ibete winge kombo e Kilisito etiewanali, laate itimaye likolo e moboko e moto odji. 21 Ase ndji ndenge edhingani: Atie wango atitiesakolamate wakoene, wango watioke wakohela kole. 22 Edjei alidji la loyi eho nde mbala ngbii itidjali la engele e owumake ongo atie ino. 23 Ase nda sikala ndjo nda ndji gbata, itikine la moki mungo otomo otikelame pe tee ma wilanga idjei la ehoha e owumake ongo atie ino. 24 Engele ekoke mbai la Esipanye, ikoanaka liwoso yo, ango ekotota mbai okendo la oki ongo, iodhendeni ino pe okeni odhei mbai la mboka mbuse e ogbeti te maa keke la mwemu e odjei mongindji la ino. 25 Ase sikala ndjo ipoti oki Yelusalema laate ikelele wasatu. 26 Laate wango wadjei la Masedonia pe la Akaya waemeli ohekeli wilaka wau likao atie wato wa otundake wango wadjei ndondo e wasatu wango wadjei la Yelusama. 27 Iwo waemeli okeli ndjongo, ase wadjei la nongo e wasatu wango wadjei la Yelusalema. Laate inga wapagano watota pe wiho wa elimo e wango wato, wapagano iwo pe wadjei la nongo e owakeleli iwo djinge wiho kpaa wiwongi la wenge. 28 Engele ekosesa mbai okeli eho pe owaumeseli iwo pukapuka eho la ndenge ewongi pendja, ikoeta atie ino ango ekoke mbai la Esipanye. 29 Iyewi ate ango ekodja mbai atie ino, igeleli la mapamboyi ngbii e Kilisito. 30 Wamanima, sikala ndjo ikoohekelekeni ino egalela la mboka e Likumu lasu Yesu Kilisito pe la libalano e elimo satu, ate ooleni wenge mongindji la mbai la oyakongi atie Mwengei la loyi e mbai. 31 Laate wato wango wati la ogemei wango wadjei la Yudeya watikele mbai obe pe wasatu wango wadjei la Yelusalema wagemeye otomo wungo ikowakelelaka. 32 Ndjongo ango ekowuma mbai atie ino inga edja mwano mo Mwengei, ihane egalela mongindji la ino. 33 Mwengei ongo okohekeleke logoo adje la ino kpaa. Amen.
Chapter 16

1 Ikooosumakani Poibe mangasu o moli, motuke e lingomba linge lidjei la Kekeleya, 2 moyambani inde wolamu ndondo e Likumu la ndenge enge ewongi la wasatu, pe laate omogameseni la sambo kpaa enge ekodja inde la ehoha e ligamesi lanu, laate inde amene pe agamesali wato ngbii, la mbai pe. 3 MOhekeleni Pisika mobale la Akwila, wiino wa mbai wa otomo ndondo e Yesu Kilisito, 4 wango wabatali mokalo mowu la huko la loyi e molimo mo mbai, te ndji mbai amene ase mangumba kpaa e miki madji tokoahekeleke pambo. 5 Hekeleni mobale la lingomba linge lidjei la monguta mowu. Hekeleni mobale la manima o mbai o libalano Epeneto, ongo odjei pukapuka e poo la Aziya la loyi e Kilisito. 6 Hekeleni mobale la Malia ongo ookelelalini ino tomo tetelake. 7 Hekeleni mobale la Andolonikusu la Yuniasi, wato wa liemba la mbai pe wahelani nda mbai. Wango wadjei wato wasungo ndondo e watomani koto waumoyi ngbii ndondo e Kilisito oeti mbai. 8 Hekeleni mobale la Ampliatusi, miino o mbai o libalano ndondo e Likumu. 9 Hekeleni mobale la Ulubano, miino osu e otomo ndondo e Kilisito, pe la manima o libalano Sitakisi. 10 Hekeleni mobale la Apelesi, moto ongo ogemeiyanali ndondo e Kilisito. Hekeleni mobale la wato wa monguta mo Alisitobulu. 11 Hekeleni mobale la Elodiona, moto o liemba la mbai. Hekeleni mobale la wato wa monguta mo Nalasisa wango wadjei ndondo e Likumu. 12 Hekeleni mobale la Tilipana pe la Tiliposa, wali wango wakokelaka wotomo wo tetelake ndondo e Likumu. Hekeleni mobale la Pelisisi maangbasu o libalano, laate akelali tomo ngbii e tetelake ndondo e Likumu. v 13 Hekeleni mobale la Lupusi, moto ongo owononi ndondo e Likumu, pe la nango koto ima ndji ango. 14 Hekeleni mobale la Asunikilita, Pilegona, Helemesi, pe la wamangbasu wango wadjei mongindji la iwo. 15 Hekeleni mobale la pilologasa la Yulia, la Neleusi la manango o moli, pe la Olipasi, pe la wasatu kpaa wango wadjei mongindji la iwo. 16 Hekeleneni mobale la ombomboni esatu. Mangomba kpaa ma Kilisito waohini ino mobale. 17 Wamanima, sikalandjo, ikoongoko la ino, ate huakani la wato wango wakolingesaka okawani pe sambo ndjinge ikolingesaka osakeli enge etiokane la matiesakoli djinge waotiesakolini ino, pe tonani odjei mongindji la iwo. 18 Laate wato ehenge ndenge wamokelelitiaka Kilisito Likumu lasu, ase wakokelaka solo djawu amene. La eyaseli e leleke pe e emogano wakogulaka miteme e wato wango wakokosanaka pambapamba. 19 Wato kpaa waewi etemia enu atie Likumu. Ndjongo iyemeli la loyi lanu, ase ibali ate odjeeni wato wa lokenge e sambo djingi widjei wolamu, ase wato wango wati la huko e sambo djinge widjei obe. 20 Mbuse e ma engele keke, Mwengei ongo okohekeleke logoo akomobata etota sese e mangbanda manu. Magba masungu e Likumu lasu Yesu Kilisito edje la ino. 21 Timoteo, miino o mbai e otomo aohekelini mobale, la Lukiusi, Yosana la Sosipatela wato wa liemba wa mbai. 22 Ase mbai Teletiusi moto odhingi ehele ekpata iyohekelini mobale ndondo e Likumu. 23 Gayusi, moto ongo oyambi mbai la lingomba liesi kpaa aohekelini ino mobale. Elasita moto ongo okobaniaka wadjenge e gbata, aohekelini mobale, la Kwalatusi manano. 24 Magba ma Likumu lasu Yesu Kilisito madje la ino kpaa! Amen. 25 Mwengei aengi otetelesi ino la ndenge e mboli ndanu enge ekotiesakolaka mbai, matiesakoli e Yesu Kilisioto, la otutei eeneseli e sekele mosatu enge eisanali engele ndai pendja 26 ase enge eeneni sikala la hoho pe enge eyewisani la madhingo e watiesakoli ndondo e witondo kpaa la ookani e sombeli e Mwengei o libela laate wamogemeiye pe wamoteiye. 27 Mwengei, ongo inde amene nde moto o lokenge, atote otwa la mboka e Yesu Kilisito libela la libela. Amen.

1 Corinthians

Chapter 1

1 Polo, moto ongo owelani laate idje toma e Yesu Kilisito la mwano mo Mwengei, koto Sositene mangbasu, 2 atie lingomba e Mwengei enge edjei la Koliti, atie ino wango wasatisani ndondo e yesu Kilisito, enge ewelani ino laate odjeni wasatu, mongindji la wango kpaa kakodhumbiaka wiyati kpaa kombo e Likumu lasu, Yesu Kilisito, Likumu lawu koto osu. 3 Ngolu osungu pe logoo e Mwengei Sangbasu koto la Likumu Yesu Kilisito edjeni la ino. 4 Ikomohaka Mwengei pambo engele kpaa la kole enu la ngolu wosungu e Mwengei enge eeneselali inde ino la mboka e Kilisito. 5 Laate awowumesalini wato wa ogumake la loyi kpaa enge emodhendji inde, la liengi kpaa eyasake koto la oewi kpaa, 6 La ndenge pe litotoli la loyi e Kilisito emaani ngbi atie ino. 7 Inga totutia olamu, odjangitini te nano esi, ango ekolambelaka ino la motema mohelake lieneseli e Likumu lasu Yesu Kilisito. 8 Akootetelisani tee la gboo, laate otihekeleni mboka la loyi te esi enge eengi iwo o opundjini ino la eho lisio la Likumu lasu Yesu Kilisito. 9 Mwengei adjei meemene, inde moto owelali ino ate odjeeni mongindji la mana onde Yesu Kilisito Likumu lasu. 10 Iyatombi la ino, wa manima, la kombo e Likumu lasu Yesu Kilisito, ate oasakeni ino kpaa la ookani, pe ate okawani etidje ndondo e ino, ase djaakani nde liwoke liikima la esombeli eikima koto la mamungwene maikima. 11 Laate wato wa monguta mo Kolowe wandjaseli mbai sambo djanu, wamanima, ate okawani wodjei ndondo e ino. 12 Ibali oasi ndjo: mwesi mwesi onu akoasaka ate: Mbai idjei moto o Polo, ase mbai o apolosi, ase mbai moto o Kepa, ase mbai moto o Kilisito. 13 Kilisito akawani? Polo abakemali la ekulusu la kole ino? inga, opatalini la kombo e Polo? 14 Ihi pambo atie Mwengei la ndenge itimopatisali moto te moikima ndondo enu, longosa ndji Kilipusu iwo la Gaiyusu. 15 Laate moto toeti atiase ate opatalini la kombo e mbai. 16 Ipatesali koto liwota la Setefanasi. Owalongosi iwo, iyewiti inga imopatisali moto odji. 17 Laate Kilisito atitomali mbai la opatisi, ase otiesakoli mboli ndamu, te la lokenge eyaselake, laate ekulusu e Kilisito etisile okulu. 18 La ndenge eho, mwendi mo ekulusu modjei boli atie wato wango wabitani, ase iso wango wakali, modjei okulu wo Mwengei. 19 Laate edhingani ate: ikobitisa lokenge e wato wa lokenge koto ikosisa akeli e wato wa akili. 20 Eni edjei moto o lokenge? eni edjei eloko e pui? Eni edjei moto okokia la ehele mwengele? Mwengei atiumese lokenge e moki boli? 21 Laate nda lokenge e Mwengei, moki la mboka e lokenge laho, eyewiti Mwengei, Mwengei aeneli olamu ate la mboka e boli e ema enge ekotiesakolamaka, akalese wango wakogemeiyaka. 22 Wa Yuda wakoongoko wilembo, Wageleki wakolukaka lokenge. 23 Ase iso, tokotiesakolaka Kilisito ongo obakemali la ekulusu, atie Wayuda lidjei loi lobe, atie wapagano edjei boli. 24 Ase, atie wango wawelani, Wayuda la Wageleki, Kilisito adjei okulu wo Mwengei koko lokenge wo Mwengei. 25 Laate ema e Mwengei enge edjei boli, edjei la lokenge oeti wato, koto ema e Mwengei enge elembi, edjei la okulu oeti wato. 26 Laate okoenekeni owelani wungo inde aoweleni ino, wamanima: ate te wato ngbii wa lokenge e ndenge e moini nde wawelani. Te wato ngbii wa okulu. Te wato ngbii wa mogano. 27 Ase Mwengei aoni witondo wa ehele moki modjei boli, laate aenge ookesi wato wa lokenge soni, pe Mwengei aoni witondo wa mu moki mungo modjei la olembi, laate aenge ookesi miki mitetelake soni. 28 Mwengei aoni witondo wa pamba wa moki koto witondo winge witi la kole, witondo winge witi, laate aumese pamba witondo winge widjei. 29 Laate moto tueti o moeni atiyagane la maiso ma Mwengei. 30 Edjei la nano e inde nde ewumi ino wato wa Yesu Kilisito, ongo oumi atie iso lokenge wungo wodji atie Mwengei, koto womeemene koto osatisani koto osombani. 31 Laate edje pendja ndenge edhingani ate,'' Moto ongo okoyaganaka, ayagane la Likumu.''
Chapter 2

1 Ngambo e mbai, wamanima, ango edjaali mbai atie ino, itidjaali la ekpomeli e kamwesake, inga la lokenge ekamwesake laate iyotiesakoleni ino liiseli mosatu e Mwengei. 2 Laate itotali eteneli eyewake ema teeti ndondo e ino, longosa ndji Yesu Kilisito, pe inde abakemali la ekolusu. 3 Idjali atie ino la olembi pe la mbangi koto la odjadji. 4 Pe eyaseli e mbai koto sambo djinge itiesakolali mbai etidjaakali la engbundu e ogemeisi e lokenge, ase la tomo djinge edjaakali oenesi elimo pe okulu, 5 laate ogemei wonu wodje, te la lokenge wo wato, ase la okulu wo Mwengei. 6 Kaikoase, tokoaselaka lokenge atie wato wango waoloyi, ase te lokenge e ehele engele inga pe te enge e makumu ma maa masio, wango waengi oumi pamba. 7 Ase tokoaselaka lokenge e Mwengei ndondo e liiseli mosatu, lokenge wungo woisani, enge Mwengei aanali la loyi e otwa wosu liwoso wato wabate maongeseli mawu. 8 Lokenge wuho, moto te moesi e makumu e maa masio ayewala eho, laate inga wayewali eho, nda watimobakali Likumu ongo otumi la otwa la ekulusu. 9 Ase ndji ndenge edhingani: '' Liso litiene, pe litoyi litioke, pe etidjake pe la motema mo moto, sambo djinge Mwengei aongela la loyi e wango wakomobalaka.'' 10 Laate iso nde Mwengei aenesi eho la mboka e elimo ende, laate elimo ekolukalukaka ndondo e sambo kpaa, edjee te sambo elindake e Mwengei. 11 Laate ndai ndondo e wato ayewi mabundo ma moto inga etidje ndi molimo mo moto mungo modjei atie inde? Ndenge kikima pe moto tueti ayewi sambo dja Mwengei, longosa ndji elimo e Mwengei. 12 Ase iso, tototiti elimo e moki, kasi elimo enge edji atie Mwngei, laate toyewe sambo ndamu etohekeli Mwengei la nano ende. 13 Pe tokoaselaka sambo djaho, la engbundu enge etitiesane la lokenge e wato, ase la linge litiesani la elimo, ango tokowanesaka sambo dja elimo la engbundu e elimo. 14 Ase moto o moyeni atitemeyaka sambo dja elimo e Mwengei, laate lidjei nda boli la maiso mande, pe aengiti oyewi eho, laate e eengi odhengani la ndenge e emolimo. 15 Moto ongo osombesami la elimo, akodhendaka sambo kpaa pe inde amene atisambesama la moto te mokikima. 16 La ndenge eho, ndai ongo oyewi lobundo e Likumu laate amwenye inde?
Chapter 3

1 La mbai, wamanima, itiengali oasi la ino nda wato wa elimo, ase nda wato wa moyeni, nda wana wakeke la ndondo e Kilisito. 2 Iyohekelelini ino mawele, ase te ema elakake, laate otidjakaliyoni pendja la okulu; te sikalandjo pe otiniyo la okulu. 3 Laate odjeiniyo ndji wato wa moyeni. La ebili ate nda djuwa la mosio edjei ndondo enu, odjeiniyo wato wa moyeni, okosombakani nda ndenge ekosombaka wato, te ndjongo? 4 Laate ango mwesi asia ate: Mbai,edjei moto o Polo! pe weeti: Mbai, Apolosi! otidjeeni ndji wato? 5 Ase Apolosi adjei ndai? Polo adjei ndai? Wakeleli wango la mboka ewu owumalini wagemei, nda Likumu ahekeleli moto la moto. 6 Mbai iyonali, Apolosi aswali malia ase Mwengei adjaali obekesi. 7 La ehoo moto ongo okoonaka ati ema, ndenge kikima la ongo okosuaka malia, ase ndji Mwengei moto ongo okobekisaka. 8 Kaikwase moto ongo akoonaka la moto ongo akosuaka malia wadjei ndenge kikima, ase moto la moto akolia liputi lande la otutie otomo wungo okeli inde. 9 Laate todjei wato wango wakokelaka ebete kikima la Mwengei. Ino odjeini elanga e Mwengei, enge edjei oonani, la monguta mo Mwengei. 10 La odhengeli magba masungu e Mwengei enge eenesi inde atie mbai, ibatali moboko nda mobanei dja tomo oholo adjei moto o lokenge, ase oeti moto akomaaka likolo laho. Ase moto la moto ahuake la ndenge enge akomaaka likolo laho. 11 Laate moto tueti aengi obati maeti moboko longwese ndji enge ebatana, oholo edjei Yesu Kilisito. 12 Kaikwase, inga likolo e moboko moho moto amayia la wolo, la palata, la mabukeli ma motio, la mabaya, la isoki, la ndele, 13 tomo la moto la moto ekoenene la hoho, laate wuse ekoenese eho. La ebili ate ekoenene la mboka e misa. Pe misa nde ekoenese ndenge otomo e moto la moto odjei. 14 Inga wu otomo moto amayi likolo e moboko muho motikalia, moto oho akotota liputi; 15 ase inga otomo wo moto wolongolia, moto oho akotikala mawo ohola, ase inde amene akokala, kaikwase inga ndjongo ekodjaa nda aeti nde la misa. 16 Woewitini ate ino odjeini tepelo e Mwengei, pe ate elimo e Mwengei eyabati ndondo enu? 17 Inga moto abitesa Tepelo e Mwengei, Mwengei akomobitesa. La ebili ate tepelo e Mwengei edjei mosantu, tepelo eho nde ino. 18 Moto atiyakose. Inga moto mwesi ndondo enu akobunduaka ate adjei moto o lokenge la ehele engele ndjoo, aume ekete, laate aume moto o lokenge. 19 Laate lokenge e mu moki ndjo wodjei ekete la maiso ma Mwengei. La ebili ate edhingama ate ''akohelaka wato wa lokenge ndondo e mamungo mbee djau amene''. 20 Aleeti Mwengei ayewi ate mamungo ma wato; dja lokenge edjei pamba. 21 La ehoo moto atiyatelese la la loyi e wato. laate wihoo kpaa widjei wanu. 22 Edje te Polo, te Apolosi, te Kepa, te moki, te mokalo, te ogwi, te wihoo winge widjei sikalandjo, te winge wigeleli. 23 Wihoo kpaa widjei djanu, ase ino wodjeini wato wa Kilisito, pe Kilisito adjei moto o Mwengei.
Chapter 4

1 Moto, atodendele iso ate todjei tuke wasese e Kilisito, pe wabanei wiiseli esatu e Mwengei. 2 Aleeti, la wu loyi, ema enge wakolukaka atye wbanei, edjei ate moto aenane olamu. 3 Kaikwase atie mbai, edjei loyi liesi likeke ate isambesame la ino, inga te la okumu wesi djaa wato. Te mbai pe itiadhendele mbai amene. 4 Laate etieneke ema teeti enge ekokwesaka mbai. Inga te ndjongo ieneniti moto molamu la loyi eho, ase moto ongo akodhendelaka mbai edjei Likumu. 5 La ehoo otisambeseni ema teeti liwoso la engele ehoo, tee ekodjaa Likumu, inde ongo okoumesa la hohoo sambo djinge iyaisi la likolo, pe akoenese la hohoo sambo dja mitema. Pe la engele ehoo moto la moto akotota mogano monde enge edjii atie Mwengei. 6 Kaikwase, wamanima,iyenesi dinge sambo la ndenge eumesi ehoo ekpangele enge ekoaselaka mbai amene la Apolosi la olamu lanu pe la kole esu, ino oyekoleni ehele eyaseli, '' otikeni lihele oyeti sambo djinge edhingani'' laate mwesi mwesi la ino atikunde la elolo pe otiyeneni ate moto ndjoo ayeti moto ndjoo. 7 Laate ndai osombonesi owe la odji? Ndema enge edjei owe la ehoo enge watihekeleli owe ohekele? Kaikwase inga wahekeli owe eho ohekele, nda ndenge ekoyaganaka owe nda watihali owe ohi? 8 Ino ogbetigani! woumigani wato wa ogumake! iso toti, ino amene opotigani oyamaleli pe ikoemele ate opoteni oyamaleli laate iso pe toyamalele ebete kikima la ino. 9 Laate iyeni nda Mwengei alaleyi iso watoma la ebete egboo nda wato wango wabatani la loyi e logo. Laate toumia ema edhendake liwoso la moki, pe liwoso la wahumbwa pe liwoso la wato. 10 Iso todjei wikete la loyi e Kilisito; ase ino odjeini wato wa lokenge ndondo e Kilisito. iso togenakoli, ase ino odjeini la okulu. Ino odjeini la kombo ndamu, iso todjei la nsoni. 11 Tee la ehele engele enge todjei ndji tokookaka ndjala, pe alidji la posa e malia; la odjangi wisindje, pe obingamibingami, la odjangi ebete eyabatake. 12 Pe oeni odjidji la otomo enge tokokelaka la mawo masu amene. Ango wakotangakolaka iso, topambwake; ango wakotoeneseke odjidji tonangaka motema. 13 Ango wakobitesaka lokumu lasu, toyakongake. Toumia nda onalili e mokii, ema enge etonani la witondo kpaa, tee sikalandjo. 14 Ikodhingaka dji sambo ndjo laate itiokeseni ino soni, ase la oyangatalanisi ino nda wana wa mbai wa libalano. 15 Inga, te wodjeini la watiesakoli nkoto liomu ndondo e Kilisito, la omeemene otini la wasangbanu ngbii, laate ndondo e Yesu Kilisito mbai iwumia sangbanu la mboka e mboli ndamu. 16 La eho, ikoyakongaka la ino ate owumeni wakongoli wa mbai. 17 Eho lenge ikootomelakani ino Timoteo laate adjei mana o mbai o libalano pe la omeemene ndondo e Likumu pe akoobundolelani ino ndenge e mbai e okeli la otomo e Yesu Kilisito, ndji la ndenge ikotiesakolaka wibete kpaa pe la masambo esi la esi. 18 Wato weeti wakundji la elolo, nda ndenge itidja atie ino. 19 Ase mbuse ema masio makeke ikodja atie ino, inga Likumu abala. Pe itiluka ate iyewe wingbundu e wango wakokundaka la elolo, ase ndji okulu wowu. 20 Laate okumu wo Mwengei eti sambo dja oasi ase sambo e okulu. 21 Obalini nde? Idjee atie ino la mote inga la libalano pe la elimo oyadjimbesi?
Chapter 5

1 Mboli eokani ate Pite edjei ndondo e ino, pe pite ehele ndenge etidjaaka te atie witondondo, ate molome mwesi amototia moli o sango. 2 Pe otumisanini la elolo! oengalini nde odjei ndondo e magba, laate molome ongo akeli sambo djawo alongwe atie ino? 3 La mbai, inga te la wenge iti, ase la elimo idjei. Imosambesiga moto ongo okeli ndjongo, nda nde idjei ango. 4 La kombo e Likumu lasu Yesu, ango okogbotononi ino, la elimo e mbai mongindji la okulu e Likumu lasu Yesu. 5 Mohekeleni Satana moto eho laate moyeni monde mobitesane, pe ate molimo mokalesane la lisio e Likumu. 6 La kole enge ekoyaganaka ino eti olamu. Oewitini ate te ma lebile keke ekokundjisaka mogbuku e moteke? 7 Longweseni lebile e gala, laate odjeni mogbuku mo holi e moteke, nda mosisa ekundesake moti ndondo e ino. Laate Kilisito eyeteli esu ahekelani mbeka. 8 Totikele lipati laho, la lebile gala, la lebile e sambo mbe pe la ekaleli e mbe, ase la okoke eti la lebile e omeemene pe e olamu. 9 Iyodhingelini ino ekpata ate dheeni oboliani la wato wa pite. 10 Epoti oasi ate todhe oboliani la sambo kpaa e wato wa pite e mu moki inga wato wa litema la wango wakopwesaka, te la wayakongi e wilima. Inga ndjongo ewongi ate olongweni la moki. 11 Sikalandjo idhingelini ino ate dheeni oboliani la moto kpaa ongo owelani manima, ongo odjei moto o pite, te moto o litema, la ongo okoyakongoko la wilima, la motangi la molangoyi o maana la ongo okopwesaka, otilakeni ebete kikima la ongo moto okokelaka djinge sambo. 12 Laate osambesi wato wa saa, edhendi mbai la nde? Ino otisambesakeni wato wa ndondo? 13 Ango Mwengei akosambesaka wango wa saa. Molongosani moto mobe ndondo enu.
Chapter 6

1 Ndai ndondo enu, inga adja la nongo e manango nda ndenge eengi inde oongi omeemene atie wato wadjangi omeemene, ase te atie wasatu? 2 Oyewitini ate wasatu nde wakotena sambo dja wato? Alidji inga edja ate ino wato wakosambesa moki, otiongeni nde osambesi sambo kekekeke? 3 Oyewitini ate iso tokosambesa wahumbua? Ndjongo te nda ndenge etienga iso sambo dja mu mokalo? 4 Inga oengini osambesi sambo e mu mokalo, edjei wato wango wadendjiani la lingomba nde okowabatakani wasambesi? 5 Iyasi ndjongo la ookesi ino soni. Meemene, moto mwesi o lokenge ati ndondo enu ongo okoenga osambesi ndondo e wamanango? 6 Ase manango akokeeke la manango la osambi, pe eho liwoso la wato wadjangi ogemei! 7 La eho, meemene okwigani amene okwi la ndenge ekopundanakani ino la ino la osambi. Nda ndenge etigemeiyakani ino ate waokeleleni obe? Nda ndenge etiyadhelekeni ino laate waobubeni? 8 Ase ino nde okowakelelaka wato sambo mbe pe owabubakoli, kaikoase wadjei wamangbanu! 9 Oyewitini ate wato wadjangi sambo ndamu wakotota lisango e okumu e Mwengei? Otiakoseni: edje te wato wa pite, te wato wango wakoyakongoko la wilima, te wato wa eteba, te wango wayakukoli wenge ate waume wali inga pele, te pele wango wakolangalaka la wiino wau pele, 10 te wato wayiwa, te wato walitema, te walangoyi wa maana, wato wailiko, pe wapwesi iwo kpaa watitota lisango e Mwengei. 11 Kaikoase edjakali la wadji ndondo enu wadjakali la ndenge enge. Ase okpolonigani, ase osatisanigani, ase otolonigani wato wa sambo ndamu la kombo e Likumu lasu Yesu Kilisito pe la elimo e Mwengei osu. 12 ''Sambo kpaa ehameli mbai,'' ase sambo kpaa etihaka kole.'' sambo kpaa ehameli mbai'', ase itidhee ema teeti edje la okumu likolo la mbai. 13 ''Wilaka wilakake edjei olamu la loyi dja solo, pe solo koto edjei olamu la loyi e wilaka wilakake,'' ase Mwengei akoebitesa kpaa. Wenge eti la loyi e pite, ase la loyi e Likumu, pe Likumu adjei la loyi e wenge. 14 Ase Mwengei amosusolali Likumu pe akotosusola iso la logo la okulu wonde. 15 Oyewitini ate wenge djanu widjei wisuki dja wenge e Kilisito? La eho, ikolongosa nde wisuki wa wenge wa Kilisito pe iwumese eho wisuki wa wenge e moli o ndumba? Itikela ndjongo! 16 Oyewitini ate moto ongo owanesi wenge la moli o ndumba awumiga wenge kikima la inde? Laate, aasi ate: Iwo wale wakouma moyeni moikima. 17 Ase moto ongo oyabondji la Likumu adjei elimo eesi la inde. 18 Tilani pite! Madji masumu kpaa makokelaka moto madjei saa e wenge wande, ase ongo okeli pite, akokelelaka wenge wande amene lisumu. 19 Otiyeweni ate wenge djanu widjei Tepelo e elimo satu enge edjei ndondo e ino, pe enge etotalini ino atie Mwengei? Otiyeweni ate otini wato la kole ino amene? 20 Laate osombamalini la motio mosungu. La eho, mohekeleni Mwengei otwa la wenge wanu.
Chapter 7

1 La loyi e sambo djinge idhingali ino: ''Edjei olamu moto o pele atimoike moli.'' 2 Ase nda ndege pite iyandjani wiholo kpaa, molome mwesi adjee la moli onde moikima pe moli moikima adjee la molome onde moikima. 3 Ewongi ate moto pele amohekele moli onde libalano liongi la inde pe moli akele ndji ndjongo atie molome onde. 4 Moli ati la okumu likolo la wenge wande amene, ase molome onde moto odjei la okumu. Ndenge kikima, motopele ati la okumu e wenge wande, ase moli onde moto odjei la okumu. 5 Otihumelaneni eho, longosa ndji inga ino wale ookanini la engele enge ebati ino. Laate oyaheleni la okili pe la oyakongi; mbuse wongwani ebete kikima. La mbangi ate Etota atiomekeni la odjangi oyatekesi wonu. 6 Iyasi ndjongo la oenesi ate eengi okelani, ase eti nda pui. 7 Ibalali ate moto kpaa adje nda mbai. Ase moto la moto atoti likawo lande atie Mwengei, moto la moto la ndenge e inde. 8 La wango waikakiyo pe la wali wagweli pele, iyasi ate edjei olamu la iwo otikali nda mbai. 9 Ase inga watienge onangi motema, waike, laate eyeti olamu oiki la ebete ate ogue la ehoha. 10 Atie ino wango waikiga, ikoasaka, te mbai amene, ase Likumu osu, ate: Moli atikawane la molome onde. 11 Inga moli akawaniga la molome onde, atilingele kine leeti liwala, inga te ndjongo wawongele iwo la molome onde, pe molome atikawane la moli onde. 12 Ino wango waeti, ikoasaka ndjo, Mbai nde iyasi, ase te Likumu: inga mangbasu adja la moli ongo omogemeiti Mwengei, kaikoase moli oho agemei oyabati la inde, mangbasu oho atikawane la inde. 13 Inga koto moli aikania la molome ongo omogemeiti Mwengei ase agemei oyabati la inde, atikawane la molome onde. 14 La ndenge eho, molome ongo amogemeiti Mwengei akototaka mbano e osantu e moli onde, pe koto moli ongo amogemeiti Mwengei akototaka mbano e osatu e mangbasu o pele oho. Inga te ndjongo, wana wanu wakodja onalili, ase sikala ndjo wadjei wasatu. 15 Ase inga moto ongo omogemeiti Mwengei akolukaka okawani, akawane. Mangbasu o pele inga o moli ati la wotuke la loyi laho, ase Mwengei aowelini ino la logoo. 16 Laate, moli, nda ndenge eyewi owe inga otikalesa molome o owe? Te, molome, nda ndenge oyewi inga otimokalesa moli o owe? 17 Loyi liesi saa, ndenge Likumu ahekeli moto la moto likawo, moto la moto asombe la ndenge enge Mwengei amoweli inde. Ndenge eho nde ikotiesakolaka la mangomba kpaa. 18 Moto awelanali nde atenanali kombeni? Atiwume moto ongo otenani kombeni. Moto awelanali nde atitenanali kombeni? Atitenanali kombeni. 19 Otenani kombeni eti la ema, pe odjangi otenani kombeni eti koto la ema, ase ema edjei la kole nde otemei pui dja Mwengei. 20 Moto la moto atikale la ndenge edjei inde engele Mwengei amowelali inde. 21 Odjakali motuke ango ewelanali owe? otiyatungese la loyi laho, ase inga pe oengi owumi la lipanda, hela nano eho. 22 Laate moto kpaa ndondo e Likumu ongo owelanali ango edjakali inde motuke, adjei mosombani e Likumu. Ndenge kikima pe moto ongo owelanali ango edjei inde la lipanda adjei motuke mo Kilisito. 23 Osombanalini la motio mosungu: Otiwumeni tuke dja wato. 24 Wamanima, moto la moto atikale atie Mwengei ndenge ewelanali inde, abanye ookani wonde mongindji la Mwengei. 25 La enge edhendji seka, iti la pui ehake enge edji atie Likumu, ase ihekeli ndenge eeni mbai, nda moto ongo Likumu akomookelaka magba laate adje meemene. 26 La eho, ieni lu loyi eedjei olamu, la odhendeli minga minge midjei ahala atie iso, ate edjei olamu ate moto atikale ndenge edjei inde. 27 Ohelani la moli mwesi? Otiluke okatoli libalano laho. Ohelaniti la moli mwesi? Otiluke ndenge eikake moli. 28 Inga oika, okeliti lisumu, inga koto moseka aikia akeliti lisumu. Kaikoase, wango wakoikaka wakoene odjidji ndondo e moyeni mowu, ase mbai ibaliti ate wungo loyi eowumeleni ino. 29 Ase enge ebali mbai oasi, wamanima: Engele edjei ekwe. Eho lenge wango wadjei la wali wadje nda wato wango wati la wali. 30 Alidji wango wakolelaka wadje nda wango waleliti, wango wadjei la mwemu nda wango wati la mwemu, wango wakosombaka nda wango wati la ema teeti. 31 Pe wango wakoemelaka la moki nda wango watiemelaka la moki, laate sambo dja mu moki ekoyakukolaka. 32 Kaiko, ikobala ate otiyasumbweni. Molome ongo oikiti akoyasumbwaka la sambo dja Likumu, ndenge aengi ogemeiyani la Likumu. 33 Ase molome ongo oiki moli akoyasumbwaka la sambo dja moki, ndenge aengi ogemeiyani la moli onde- 34 akawani. Alidji, moli ongo oikakiyo, pe moseka, ayasumbwe la sambo dja Likumu, laate adje mosatu la wenge pe la elimo. Kaikoase moli ongo oikiga akoyasumbwe la sambo dja moki, ndenge aengi ogemeiyani la molome onde. 35 Iyasi dji sambo la olamu wonu amene, laate itiobatani moliki la kingo. laate iyokpaleni ino la enge ewongi pe la enge eenesi omokeleli Likumu otomo engele kpaa, odjangi obati mamungwene la djeeti sambo. 36 INga moto aene ate akokelelaka wose wonde obe, inga inde aetesa ema e lipoteli e wolenge, pe inga eengi okelani ndjongo, akele enge ebali inde. Akeliti lisumu. Waikane la iwo. 37 Ase inga moto ongo oyaheli la motemma monde, wamotomiti la otetelake, ase la ndenge ende amene, pe inga atota mwano inde amene ate ayabate likombe akeli olamu. 38 Ongo oikani la wose wonde, akeli olamu, ongo oikaniti la wose wonde akeli olamu oyeti. 39 Moli anangani la molome onde ango edjei yo inde la mokalo. Ase inga molome agua, akotikala ohola pe aengi oyikani la molome ongo okobala inde. Ase ndji ndondo e Likumu. 40 La mamungwene ma mbai, akodja la mwemu ngbii oyeti inga atikala ndenge edjei inde. Imungoyi ate mbai pe idjei la elimo e Mwengei
Chapter 8

1 La sambo djinge idhengi nama ndjinge ihekeli iwo la oyakongi e wilima: Toewi ate iso kpaa todjei la oyewi. Oyewi ekokundesaka la elolo, ase libalano likomaanaka. 2 Inga moto ayewa ema esi, ayewakiyo eho ndenge eengi inde oyewi ema eho. 3 Ase inga moto akomobalaka Mwengei, moto oho ayewani la inde. 4 La loyi elalakake nama djinge wihaani la oyangongi e wilima: Toewi ate elima eti ema la moki, pe ate Mwengei adjei moikima. 5 Laate edjei la wato wango wawelani wamwengei, edje likole te la mbume, ndenge wamwengei wadjei ngbii pe makumu wadjei ngbii, 6 La iso, todjei la Mwengei muesi, inde Wawa, ongo wiho kpaa widji la inde, pe koto Likumu adjei muesi, Yesu Kilisito, ongo wiho kpaa widjei, pe iso tokokalaka. 7 Kaikoase, oewitini enge edjei la wato kpaa. Ase wadji, nda ehahani iwo la elima tee sikala, wakolakaka wilaka nda ema enge ehani mbeka la elima. Pe lokenge wowu nda eteteliti eho eumia onalili. 8 Ase ema elakake etiohani ino mogano la maiso ma Mwengei. Inga totilake, totidjanga ema, pe inga tolaka, totitota pe kole teeti. 9 Ase angatalani laate edje te nda ndenge otomo wonu etiwume ekikimi ekoesake wango wadjei la olembi. 10 Laate inga moto aowene owe, owe moto ongo odjei la oyewi, oyabatia la olaki la tepelo eesi ndjo e wilaka, oyewi e moto oho ongo odjei la olembi etihana egalela tee olaki wilaka winge wihani la wilima? 11 Meemene la oyewi e owe, moto ongo olembi, akobitanaka, mangua ongo Kilisito amoguelali. 12 Ango ekowakelelakani ino wamangbanu lisumu e ndenge enge, pe olongoli oyewi wou enge eteteliti, okomokelelakani Kilisito lisumu, 13 La eho, inga ema elakake ekobingesaka manima ekikimi, itilaka kine moyeni mo nama te makeke, laate itimobingese manima ekikimi.
Chapter 9

1 Itidjee la lipanda? iti toma? Itimwenali Yesu Likumu lasu? Ino otdjeeni otomo wo mbai ndondo e Likumu? 2 Inga atie weeti wato itidjee toma, idjei pendja ndjongo atie e ino. Laate odjeini olombo e otutiani wo mbai ndondo e likumu. 3 Osambi wo mbai atie wango wakokambaka mbai eho lele: 4 Etitohekelane olaki la okengi? 5 Etitohekelane alidji okpali mongindji la iso mangbasu o moli muesi nda moli ongo omoyiki iso, ndenge wadji watoma pe wamanango wa Likumu pe Kepa wakokelaka eho? 6 Tango eeti, edjei ndji mbai la Balanabasi nde totienge okeli otomo e woyeni? 7 Ndai okokelaka otomo o soda pe akoyaputaka inde amene? Ndai ongo okoonaka elanga e bino pe atilakaka pukapuka djaho? Pe ndai ongo okobanyaka meme odjangi okengi mawele maho? 8 Dji sambo eyasi mbai, etidjaka la ekeleli e wato? Pe pui etiaselaka pe djinge sambo? 9 Laate edhingani la pui e Moize, '' eengiti la owe onangi meme monoko ango ekotaunaka inde pukapuka''. Mwengei akobatelaka mpe meme motema? 10 Inga koto edjei nde la loyi wosu nde akoasaka eho? Meemene edjei la loyi wosu nde eho edhingani, laate moto ongo okotiaka elanga ewongi la inde oti elanga la mwano pe ongo okotangakolaka pukapuka ewongi la inde okeli ndjongo la mwano etotake ndambo ende. 11 Inga toona atie ino wilaka wa elimo, edjei nde loyi losungu inga tobuka atie ino wiho wa wengé? 12 Inga weeti wato waokalelaka eho atie ino, iso toengiti okaleli eho oyeti? Inga te ndjongo totikelelake otomo oho, ase tokohelaka nde motema la dji sambo kpaa laate totidhihe mboka la mboli ndami e kilisito. 13 Otiyeweni ate wango wakokelaka sambo mosatu, wakolakaka wilaka e tepeto, la wango wakokelaka la etumbeli wadjei la ndambo ewu la etumbeli? 14 Ndenge kikima pe, Likumu ahali wango wakotiesakolaka mboli ndamu mboka ate wakalele pe mboli ndamu. 15 Ase mbai itikelelali dji sambo. Meemene, inga idhingi dji sambo etidje ate edje djongo atie mbai. Ekoeta nde olamu ate igue la ebete ate-moto tueti aumese pamba kole enge ekoyaganaka mbai. 16 Inga ikotiesakolaka mboli ndamu, eti la loyi e mbai kole eyaganake, laate edjei nde mokpali mungo wabati likolo la mbai. Pe magba la mbai inga ititiesakole mboli ndamu! 17 Inga ikokelaka eho la motema molamu, idjei la liputi. Ase inga itikelaka eho la motema molamu, ndjongo enge mokpali moyamaleli mbai. 18 Liputi la mbai edjei nde? Edjei ohi pamba mboli ndamu enge ekotiesakolaka mbai; laate itikelele la ndenge mbe wotomo wo mbai ndondo e mboli ndamu. 19 laate, inga te ate idjei la lipanda atie wato kpaa, iyakeli mutuke mo wato kpaa, laate itote wato ngbii oyeti. 20 Pe la ndenge eho atie Wayuda, idjali nda Moyuda laate itote Wayuda. Atie wango wadjei sese e pui, iwumali nda ongo odjei sese e pui, inga te ate mbai amene itidjali sese e pui. Laate iwatote wango wadjei sese e pui. 21 Atie wango wadjangi pui, iwumali nda idjangi pui, te ndenge itidjange pui atie Mwengei, ase idjei la sese e pui atie Kilisito, laate ienge ototi wango wadjangi pui. 22 Ilembeli, la wango walembi, laate itote wango walembi. iwumali ndenge e wato kpaa, laate inga la nda ndenge ikalese wato kpaa. 23 Ikokelaka ndjongo la loyi e mboli ndamu, laate itiesakole eho mongindji la wadji. 24 Otiyeweni wango wakotikalaka obangu la iyoka e otili obangu, wakotilaka obangu iwo kpaa ase mwesi nde akotota mbano? Tilani la ndenge etotake mbano. 25 Alidji, moto kpaa ongo okoyaboliaka la momekano, akoyatekisaka la sambo kpaa. Alidji wakokelaka ndjongo laate watote sapo enge ekohola. Ase iso tokele ndjongo la ototi sapo enge etiholo. 26 Mbai, ikotilaka obangu, eti nda iyoka, ikobingaka wibotu, eti nda ekobingaka ehoho. 27 Ase ikobingakolaka wenge wa mbai, pe owumesi eho nda motuke, laate mbuse e otiesakoli wadji, mbai amene itiatonese.
Chapter 10

1 Wamanima, etibale ino owosaneni ate wasangbasu wadjakali iwo kpaa sese e lipata, pe iwo kpaa wa ngbandali ewale esungu. 2 Wapatali iwo kpaa ndondo e Moize la mboka e lipata laho aleeti la ewale esungu, 3 iwo kpaa walakali ilaka e elimo. 4 Aleeti iwo kpaa wakengali malia ma elimo. La ebili ate wakengali la libukeli e elimo enge edjakali owabilei, pe libukeli laho edjali Kilisito. 5 Ase ngbii ndondo e iwo watidjali olamu la mayiso ma Mwengei, wagwali la esobe. 6 Djii sambo ewumia ekpangele esu, laate iso totidje wato wango wakodjaaka la ehoha e sambo mbe. 7 Otiwumeni wayakongi e wilima, nda wadji la iwo, ndji ndenge edhingani ate: Wato wayabatali olaki la okengi, wayamalali la iyoka. 8 Totiyahekeleni la pite, ndenge wadji la iwo wakelali pite, pe wakuali, koto tuku iwale la isato la lisio liesi. 9 Totimomekeni Kilisito, nda e momekali wadji la iwo, pe wagwali la ndjo. 10 Otidjeni pe wato wango wabali ondungwani, nda wadji la iwo wandungwanali, pe waolanali la mooli. 11 Djinge sambo ewawumelali laate etoinye nda ekpangele, aleeli edhinganali laate etotiesakole iso wango towumi gboo e ma masiyo. 12 Ndjongo, ongo oyewi ate ayamali likolo angatale laate atikwe. 13 Omekani teeti eowumelini ino enge etiwumelaka wato kpaa. aleeti Mwengei, ongo otiakukolaka, aengiti ohekeli mboka laate omekani eyete wokulu wonu, ase la mboka e omekani akowongela koto mboka e opumbi, laate oengeni oheleli eho motema. 14 La ndjongo, wamanima wa libalano, tilani oyakongi e wilima. 15 Ikoasaka nda wato wango walokenge, ino amene yadhendani la enge eyasi mbai. 16 Kopo e lipamboli enge ekopambwaka iso, einyeiti oboleyani la makila ma Kilisito? okoke enge ekobukaka iso, eyinyeiti oboleyani la wange wa Klisito? 17 Laate ango okoke edjei sa eesi, iso nda edjei iso ngbii, tokeli wenge eesi, laate tokolakaka iso kpaa ndji enge okoke eesi. 18 Dhendani Isalayele e wenge. wango walakali nama djinge ihekelanali la wambeka watiboleyanali la etumbeli? 19 Iyase woni? mweni mungo mohani mbeka e elima, edjei ema? Inga pe elima edjei ema? 20 Ase iyasi nde ate wiho winge witondo wakohaka mbeka, wakohaka eho la mindjili, ase te atie Mwengei, pe mbai ibaliti ate ino oboleyaneni la mindjili. 21 Oengitinini okengi kopo e Likumu, aleeti kopo e mindjili, oengitini olaki la meza e Likumu, aleeti la meza e mindjili. 22 Tobalini oluki limemu e Likumu? Todjei la okulu omweniti? 23 Sambo kpaa ehani mboka, ase eti sambo kpaa nde edjei la okele. Sambo kpaa ehani mboka, ase te sambo kpaa nde ekokalesaka. 24 Moto tweti atiluke liputi lande amene, ase moto la moto aluke enge e miino onde. 25 Lakani enge kpaa wakotambaka la liho, te la oyahueli la oyewi wunu. 26 Laate mbume edjei e Likumu, la enge kpaa edjei ndondo eho. 27 Inga moto ongo otigemeiye aowela, inga obali oki, laka enge kpaa wakoha, te la oyahueli la oyewi. 28 Ase inga moto mwesi aasa la ino ate, ''ehele edjei ema ehani mbeka,'' otilakeni eho, la loyi e moto ongo oenesi eho pe la loyi e oyewi. 29 Iyasi oyewi, te enge e owe amene, ase enge e moto odji. Laate, nda kole lipanda la mbai esambesane la oyewi e moto odji? 30 Inga ikolakaka la pambo, ndjoni waasele mbai obe la ema enge ihekeli pambo la loyi eho? 31 La eho, edje okolakakani inga okengi inga okeli nda ema edji, kelakani sambo kpaa la loyi e otwa wo Mwengei. 32 Huakani ate otiwumeni wato wango wakobingesaka Wayuda la Wageleki koto lingomba e Mwengei ekikimi. 33 Ndenge mbai pe ikoemeleseke wato kpaa la sambo kpaa, itilukaka kole e mbai amene ase enge e wato ngbii, laate iwo wakale.
Chapter 11

1 Djaani wakongoli wa mbai, ndenge mbai koto edjei mokongoli mo Kilisito. 2 Itioganakani ino pamba, ase la sambo kpaa okobundwakani mbai pe okonanganakani la ekaleli ndji ndenge iyohalini eho. 3 Ibali oyeweni ate likumu e molome edjei Kilisito, pe likumu e moli edjei molome, pe likumu e Kilisito edjei Mwengei. 4 Molome kpaa ongo akoyakongaka inga otiesakoli adhihi moto atimoganaka likumu lande. 5 Ase moli kpaa ongo akoyakongaka inga otiesakoli adhihiti moto, atimoganaka likumu lande. Eho edjei nda akokoli suwe djande. 6 Laate, inga moli atiyadhihe moto, akokole koto suwe. Ase inga edjei soni la moli okokoli suwe inga oteni suwe, ayadhihe. 7 Laate molome aengiti odhihi moto, laate adjei elima koto otwa e Mwengei. Ase moli adjei otwa e molome. 8 Laate molome atilongwali atie moli, ase moli alongwali atie molome. 9 Alidji molome atikelanali la kole e moli. Ase moli akelanali la kole e molome. 10 Eho lenge moli aengi odjei la elembeteli e okumu la moto monde la loyi e waahumbwa. 11 La enge kpaa, ndondo e Likumu, moli aengiti odjei inga te la mboka e molome, ndenge kikima pe molome aengiti odjei inga te la mboka e moli. 12 Laate, ndenge moli alongwali atie molome, ndenge kikima pe molome adjali la mboka e moli. Ase wiho kpaa wilongoyi atie Mwengei. 13 Dhendani ino amene: edjei olamu moli ayakonge la Mwengei odjangi odhihi moto? 14 Moki muho amene motiotiesakolakani ino ate inga molome adja la suwe ndai, edjei soni la inde? 15 Ase inga moli adja la suwe ndai, edjei otwa la inde? La ebili ate wamohate suwe la odhihi moto. 16 Inga moto mwesi abali otoni, toti la enge ekalali, te mangomba ma Mwengei mati la eho. 17 Ase ango ekoaselakani mbai ino dji sambo, itioganakani. Laate oyabati wungo ekoyabatakani ino eti la loyi ate owumeni olamu, ase la loyi ate owumeni obe. 18 Laate liwoso, ango ekoyabatakani ino eholo kikima, ikookaka ate okawani edjei ndondo e ino, pe ikogemeiyaka ma keke ate edjei ndjongo. 19 Laate ewongi pe ate okawani keke keke edjei ndondo e ino, laate wato wango wagemeiyani waenane koto la hoho ndondo e ino. 20 Eho lenge, ango endongbaniani ino ebete ekikima, iti la olaki wilaka wa olangali wo use e Likumu, 21 Laate, ango ekolakakani ino eho, moto la moto akolakakayo liwoso wilaka wande e olangali wo use, ase odji adjei la ndjala, ase odji alangwe maana. 22 Otini la minguta la olaki pe okengi? Inga okodendjiakani lingomba e Mwengei, alidji okookesi wango wadjangi soni? Iyowaseleni woni? Iyoganeni? La wungo loyi iengiti o oganini ino. 23 Laate mbai itotali atie Likumu wungo loyi ihali pe la ino, ate Likumu Yesu, la ehele likolo ewongoli la inde okawani, atotali okoke. 24 Pe mbuse e ohi Mwengei pambo, abukali eho pe aasali ate: Totani, lakani. Ehele edjei wenge wa mbai enge ebukani la loyi e ino. Kelakani ndjongo la osumboyi mbai. 25 Ndenge kikima, mbuse e olaki, ototia etutu, alidji aasia: elale kopo edjei e wuma eholi e makila ma mbai. Kelani ndjo la osumboyi mbai masiyonkpaa ekokengani ino. 26 Laate mbala kpaa enge ekolakakani ino ehele okoke la okengi ehele etutu, okotiesakolakani logo wo Likumu, tee ango ekowongwa inde. 27 La ndjongo, moto ongo okolaka okoke inga okengi ehele etutu e likumu la ndenge enge ewongiti, adjei la huko la loyi e wenge pe la makila ma Likumu. 28 Moto la moto ayagemeiyese ate awongi mbuse e ayadhendji olamu inde amene, pe la ndenge eho, alake okoke alidji akenge etutu eho. 29 Laate moto ongo akolakaka inga akokengaka la ndenge mbe, te ate ayewe olamu wenge wa Likumu, akolakaka inga akokengaka huko wonde amene. 30 Eho lenge, ngbii ndondo e ino wadjei la wileme, la wikoni, alidji ngbii wagbakani. 31 Inga toyaewigani ndenge edjei iso, totisambesana. 32 Ase, ango esambesaniya iso, edjei Likumu nde akotonanola iso, laate totikpe mongindji la moki. 33 La ndjongo, wamanima wa mbai, ango eyaabatini ino la olaki eho, okanani weesi la weesi. 34 Inga moto adjei la ndjala, alake ebete ende, laate otiyabondeni la loyi e osambesani. Alidji sambo djinge itikali ikowongele eho ango ekowuma mbai.
Chapter 12

1 Wamanima la djinge idhengi likao e elimo, ibaliti ate odjangeni oyewi. 2 Oewini ate, ango odjakalini ino wapagano, odjakalini ayadheli oki la ino la wilima winge witikpomaka, ndji ndenge edjakali ino okpalani. 3 Ndjongo, ibali oyeweni ate, moto tueti inga akoasaka la mboka e elimo e Mwengei atiasa ate: Yesu abumakolani! Alidji moto tueti atiasa ate: Yesu adjei Likumu, inga te la mboka e elimo satu. 4 Kaikonde makao madjei ndenge la ndenge, ase Elimo edjei ekikima. 5 Tomo egamesake wato idjei ndenge la ndenge, ase Likumu adjei moikima; 6 Tomo idjei ndenge la ndenge, ase Mwengei moikima, ongo okokelaka djinge tomo kpaa ndondo e wato kpaa. 7 Kaikonde, Elimo ekweneneke atie moto la moto la loyi e kole esi ndjo. 8 Laate eyaseli e lokenge ehekelani atie odji la mboka e elimo, eyaseli e oewi atie odji la obilei ndji Elimo eho. 9 La odji, ogemei la mboka ndji e Elimo eho, atie odji makao makalesake la mboka ndji e Elimo eho. 10 La odji koto okeli tomo tetelake, atie odji matiesakoli, atie odji oyewi kole e wingbundu winge widji la Elimo, atie odji minoko ndenge la ndenge, atie odji olimboli minoko. 11 Ase tomo djiesi kpaa, Elimo ndji esi eho nde ekokelaka, ekokawelaka moto la moto ndenge nda ebali eho. 12 Ndji nda edjei wenge wikima, ase la wisuki ngbii, pe la wisuki kpaa e wenge waho, inga te ate ekodjaka ngbii, edjei wenge sa esi, Kilisito adjei ndji ndjongo. 13 Laate, la omeemene, la mboka e Elimo sa esi iso kpaa topatali la wenge sa esi, Wayuda inga Wageleki, tuke la wango wa lipanda, watokengesali iso kpaa Elimo sa esi. 14 Laate wenge witi sa esuki eikima, ase wikelani la wisuki ngbii. 15 Inga ekolo easa ate, '' la loyi eti mbai ewo iti esuki e wenge, eti la ndenge eho nde ekodhee odjei esuki e wenge.'' 16 Inga litoi liasa ate,'' la loyi eti mbai liso, iti pe esuki e ewenge,'' eti la loyi laho nde ekodhee odjei esuki e wenge. 17 Inga wenge kpaa edjakali liso, ooki eengali odjei eni? Inga wenge kpaa edjekali litoi, ooki lumba eengali odjei eni? 18 Ase sikala Mwengei abati wisuki wa wenge waho, wesi la wesi eho, nda ebali inde. 19 Inga waho kpaa widjakisa esuki eikima, nda wenge wilukaki ate widjee eni? 20 Sika wisuki wa wenge widjei ngbii, ase wenge sa wikikima. 21 Liso litiasa la ewo ate, ''Iti la ehoha e owe.'' Te moto mwase la makolo ate, ''Iti la ehoha enu.'' 22 Ase wisuku wa wenge winge wikoeneneke ate wilembi, wiho nde widjei la kole esungu, 23 ase, wisuki wa wenge winge wikweneke iso ate widjei la mogano mokeke tokowitemiaka waho ngbii eyeti, pe la ndenge eho, wisuki wasu wa soni, wikowongoko ngbii oyeti. 24 Sikala wisuki wasu winge widjei wilamu witidjaaka la ehoha e ema teeti. Inga te ndjongo, Mwengei awanesali wisuki wa wenge, ahekelia mogano ngbii la esuki enge edjakali eho odjangi. 25 Okawani oti ndondo e wenge laate wenge edjei ekikima la wisuki ngbii. 26 Ase inga esuki esi ekookaka ekoni, wisuki kpaa wa wenge wikooka ekoni mongindji la eho; te inga esuki esi edja la mogano, wisuki kpaa koto wikoemele mongindji la eho. 27 Ino odjeini wenge wa Kilisito ase odjeini wisuki wande, ino kpaa, mwesi la mwesi odjeini wisuki. 28 Ase Mwengei awabati wato ndondo e lingomba, liwoso watoma, e wale waaseli, esato watiesakoli, mbuse eho sambo kamwesake, mbuse eho makao makalesake, sambo gamesake sungu, oinyei, oasi minoko ndenge la ndenge. 29 Iwo kpaa wadjei watoma? Iwo kpaa wadjei waaseli? Iwo kpaa wadjei watiesakoli? Iwo kpaa wakokelaka sambo kamwesake? 30 Iwo kpaa wadjei la makao makalesake? Iwo kpaa wakokpomaka minoko ndenge la ndenge? Iwo kpaa wakokukolaka minoko? 31 Lukani la egalela makao mango mayeti olamu. Kaikoase ibali oinyei ino mboka enge eyeti kpaa.
Chapter 13

1 Inga ikokpomaka la minoko ma wato te e waahumbwa. Ase inga itidjee la libalano, idjei nda esuki e engbongolo enge edjangi ema ndondo te nda ngelengele enge ekobingaka iwo. 2 Ase, inga idjei la likao e witiesakoli pe iyewi koto sambo eyaisake esatu kpaa, pe iyewi sambo kpaa, la inga idjei la ogemei wosungu wungo oengi olongosi te mikoli. Ase inga itidjee la libalano iti ema. 3 Inga iwakawela wato wango wadjangi wilaka, inga ikawa wenge wambai ate, laaate iyagane, inga itidjee la libalano, ase ogemei wo mbai woti la ema. 4 Libalano lidjei la motema molai lidjéi la wouma. Libalano liti la zua, litiaganaka, litiahutoesaka la elolo 5 litikelaka sambo dja soni, litilukaka ototi la oeteli, litihaka limemu, litiisaka limemu. Litiisaka sambo mbe la motema. 6 Litiemeleke la sambo djinge idjangi womeemene, ase ibali sambo djinge idjei meemene. 7 Likolimbesaka kpaa, likogemeiyaka sambo kpaa, edjei la mwano la sambo kpaa, ekodjaaka la mohandja e sambo kpaa. 8 Libalano litisilaka te keke. Inga edjaa sambo djinge iyaisi ikosila, edje minoko, ekosuka, edje oewi, wokosalamata. 9 Laate todjei la woewi wokeke, ase tokwasaka sambo iyaisi la wokeke. 10 Ango ekodja ema enge edjei kpaa, enge ekeke ekosalamata. 11 Ango odjakali mbai mana mokeke, idjakali okpomi nda mana mokeke, idjakali omungoi nda mana mokeke, ango oumia mbai eloko moto iwosania djinge dja wolenge. 12 La keke tokweneke ma pii, la talatala, ase tokoene maiso la maiso. La keke iyewi ma ndambo, ase ikoewa olamu, ndji ndenge eyewani mbai. 13 Sikahala wi wiho wisato witikali: ogemei, mwano la libalano. Ase enge eyeti kpaa edjei libalano.
Chapter 14

1 Lukani libalano, lukani la egalala makao ma elimo, ase la oyeteli enge etiesakolake. 2 Laate moto ongo okwasaka la monoko mwesi ndjo, aasiti la wato, ase la Mwengei. Laate moto atioka, ase akwasaka wasekele esatu la mboka e elimo. 3 Kaiko nde moto ongo okotiesakolaka, akomaaka koto la ohi mohandja koto la ohekeli egalela. 4 Moto ongo okoasaka la monoko mwesi ndjo, akoyamaaka inde amene, ase ongo okotiesakolaka, akomaaka lingomba. 5 Ikoemele inga ino kpaa oasani la minoko madji, ase ibali pendja ate otiesakoleni. Moto ongo okotiesakolaka amweti ongo okwasaka la minoko madji, longosa ndji inga akukola eho laate Lingomba limaame. 6 Ase sikahala, wamanima inga iyasa la ino minoko madji, ikookelelani ino nde inga itiase la eeneseli inga te la wewi, inga te etiesakoli, inga te la litio liesi ndjo? 7 Inga winge widjangi ohatiani, wikoumesaka moli, nda mweka, te esandjo inga etietesane nda ndenge ema enge ekobinganaka la mweka inga te esandjo ekwewana? 8 Ase inga lihili litiwumese sambo la hoho, ndai okoawongele la wita? 9 Ndindjongo pe inga ino, la mboka e wolemi, okoumesakani sambo djinge iti petee la ohelesi gbondo, nda ndenge ekwewana sambo djinge iyasani? Meemene okwasani nde la ehoho. 10 Eengi odjei ate ndenge easake edjei ngbii la moki, ase ndenge teeti edjangi olumbolani. 11 Ase inga itiewe gbondo e loi wungo oasani, ikodjaa modjidji la maiso ma moto ongo okwasaka, koto moto ongo okoasaka akodjaa modjidji la maiso ma mbai. 12 Ndji nda ino, nda edjei ino la ehoha e makao ma elimo, lukani otumeni la eho, laate lingomba limaame. 13 La ndjongo, moto ongo okwasaka la monoko mwesi ndjo, akonge laate aenge okukoli eho. 14 Laate inga ikoyakongoko la monoko mwesi ndjo, edjei likao la mbai e elimo nde ekoyakongoko, ase lomungo wo mbai woti ema teeti. 15 Ekelane woni? Ikoyakongo la likao e elimo, ase ikoyakongo koto la mamungwene ma mbai. Ikolemba lembo dja oemeli la likao e elimo, ase ikolemba koto lembo e oemeli e mamungwene ma mbai. 16 Inga edjei ndjongo, inga okohekeleke mwemu la likao liesi ndjo e elimo, nda ndenge moto ongo oyabati la ebete e moto mpamba akoasa ''Amen'' la mwemu ma owe, nda atiewe sambo djinge ikoasaka owe? 17 Okowongosaka pambo la ndenge ndamu, ase odji amaaniti. 18 Ikomowongoselaka Mwengei pambo nda ekwasaka mbai la minoko oleki ino kpaa. 19 Ase, la ndondo e lingomba ikoemele nde oasi wingbundu itano la lokenge wo mbai, laate ienge koto oinyei wadji la monoko moholi e wingbundu koto liomu la monoko mwesi ndjo. 20 Wamanima, otidjakeni wana la ndenge e okpomi, ase djaani wana la obe. Kaikonde djaani wiloko wato la ndenge e okpomi. 21 Edhingani la Pui ate, ''Ikwasa la waa wato la minoko ma wadjidji, koto la wingbundu e wadjidji, ase te ndjongo watondjoka mbai, ndjongo eyasi Likumu. 22 La ndjongo, oasi la minoko madji edjei elembo, te atie wagemei. Ase atie wango wati la ogemei, kaiko nde otiesakoli wodjei atie wato wango wadjangiti ogemei, ase atie wato wango wadjei la ogemei. 23 La ndjongo, inga lingomba liesi kpaa liabolia ebete eikima, ase iwo kpaa wakokpomaka la minoko madji, ase wato pamba te wato wango wadjangi ogemei walingelia ndondo, watoasa ate ino odjeini la ekoni e boli? 24 Ase inga ino kpaa okotiesakolaka ase moto mwesi ongo oti la ogemei, te moto mpamba alingelia, apamelania la wato kpaa, adhendelania olamu la wato kpaa. 25 Wasekele dja motema monde eenania la hoho, ndjongo akokua la panda ende, koto akoyakongo la Mwengei, akoasa: Mwengei adjei ndondo enu. 26 Tokele woni, wamanima? Ango obolianiani ebete eikima, mwesi adjei la lembo esi ndjo, odji adjei la litio liesi ndjo, odji adjei la eeneseli esi ndjo, odji adjei la monoko mwesi ndjo, odji adjei la olumboli esi ndjo. Sambo kpaa ikelana la omaani. 27 Inga moto akwasaka la monoko mwesi ndjo, esuke la wango wale te wasato, pe moto la moto la mokombe monde, pe moto mwesi akukole. 28 Ase inga moto ongo okukolake monoko ati, moto oho adake bi la lingomba, pe aase la inde amene koto la Mwengei. 29 Alidji, watiesakoli wale te wasato waase, ase wango wadji wadhenge wolamu wolamu. 30 Ase inga eeneseli esi edja atie moto odji engele oyabati inde ango, ongo o liwoso adhike monoko. 31 Laate ino kpaa oengini otiesakoli moto la moto la ngala ende, la ebili ate wato kpaa wapundesane koto wato kpaa wadje la mohandja. 32 Laate makao ma elimo e watiesakoli ewongi otekisani ndji la watiesakoli. 33 Laate Mwengei ati Mwengei o ewodje, ase o logoo. Nda la Mangomba ma wasatu kpaa. 34 Wali wadake bi la mangomba, laate watiwahe mboka eyasake, ase wayatitimese nda eyasi pui. 35 Inga wabali oewi loi wesi ndjo, wawahuele walome wau la monguta, laate edjei osambo moli aase la lingomba. 36 Edjei nde atie enu engbundu e Mwengei epumbali? Inga ndji atie ino nde eho eumali? 37 Inga moto mwesi agemeiya ate adjei motiesakoli, te akondji likao e elimo, agemeiye sambo djinge ikoodhingelakani ino, laate edjei pui e Likumu. 38 Ase inga moto mwesi adjangia oyewi, atikale sa ndjongo. 39 La ndjongo, wamanima, lukani la egalala witiesakoli, ase woitekesakeni eyaseli e minoko madji. 40 Ase sambo kpaa ikelane la ndenge e mogano koto la ekalakala.
Chapter 15

1 Sika ndjo wamanima ikoaselakani ino mboli ndamu enge ewaselalini mbai, enge ekondjali ino, enge ndondo eho oyamaliani, 2 enge ndondo eho koto okaligani, la wingbunu winge iyotiesakolalini ino mboli ndamu, inga okoyahelelakani la eho, inga te ndjongo ogemei wonu woti la kole. 3 Iyopundesalini ino liwoso la sambo kpaa mapundesi mango makondjali mbai amene, ate Kilisito agwali la loi e masumu masu la odhendeli Madhingo, 4 alidji aombanali, ase inde asusuali mbuse e masio masato la odhendeli madhingo. 5 Inde amopumbelali Kepa, la mbuse eho watutiani wande liomu la wale. 6 Mbuse eho, awapumbelali wamaangbasu wadji oyeti kama itano mbala kikima. Wango ngbii djawu wadjei yo tee sikandjo, ase wadji waguali gaa. 7 Mbuse eho amopumbelali Yakobo, koto mbuse watutiani kpaa. 8 La gboo, mbuse ewu kpaa andjumelali mbai koto, nda atie mana ongo owotami mangombe. 9 Laate mbai idjei mokeke owaleki watutiani kpaa. Iyengiti koto owelani motutiani, la ebili ate iyeneseli lingomba la Mwengei wodjidji. 10 Ase la loyi e magba ma Mwengei, idjei ndji nda edjei mbai. Koto magba mango mabatali inde atie mbai etikeeli pamba, ase ikelali wotomu owaeti watutiani wadji kpaa. Kaikoase eti mbai, ase magba ma Mwengei mango madjei la mbai mongindji nde makokelaka. 11 Nde ndjongo inga te loi wolongwa atie mbai, inga te wolongwa atie wu loi wungo wokoasaka iso wodjei wungo wogemeiyali ino. 12 Inga tokoasaka ate Kilisito asusoi gaa ndondo e wato wagwake, ndjongo nda ndenge wato wadji ndondo enu wakoasaka ate obasi e wato waguake eti? 13 Ase inga meemene obasi e wato waguake eti, Kilisito koto atisusuali; 14 Ase inga Kilisito atisusuali, te oasi wosu wodjei pamba. 15 Alidji, toenani koto ate tokoasaka moleho la kombo e Mwengei, la ebili ate tomohengeli Mwengei sambo la ndenge toasi ate inde amosusolali Kilisito, kaikoase atimosusolali, inga meemene, wato waguake watisusuaka. 16 Laate inga wato waguake watisusua, Kilisito koto atisusuali. 17 Ase inga Kilisito atisusuali wogemei wonu wodjei mpamba, odjeiniyo ndondo e masumu manu. 18 La wango walangali ndondo e logoo mongindji la Kilisito wawusigaa mboka. 19 Inga ndji la ehele mokalo nde tomobatelali Kilisito mwano, todjei amene wato wa magba owaleki wato kpaa. 20 Ase sika ndjo, Kilisito asusoi tee atie wato waguake, inde pukapuka e liwoso e wango walangali ndondo e logo. 21 Laate ndji nda edjali logo la mboka e moto moikima, ndji ndjongo, obasi e wato waguake edji koto la mboka e moto moikima. 22 Ndji ndenge wato kpaa wakoguaka ndondo e Adama, wato kpaa koto wakowongosana la mokalo ndondo e Kilisito. 23 Ase moto la moto adjei la mokalakala monde: Kilisito adjei moto osusoi liwoso la wu, mbuse eho wato wa Kilisito ango ekouma inde. 24 Mbuse eho, gboo ekouma, ango ekowongola inde okumu atie Mwengei onde koto Wawa, ango ekoola inde oyamaleli kpaa, okumu kpaa, okulu kpaa. 25 Laate eengi Kilisito aamalele tee engele Mwengei akobata mitone mande kpaa sese e makolo mande. 26 Motone mo gboo mungo mokomola inde modjei logo. 27 Laate Mwengei ''abatali wihoo kpaa sese e makolo mande''. Ase ango easia inde ate wihoo kpaa wibatani sese, ekoeneseke la hoho ate atitange moto ongo abatali wihoo kpaa sese ende. 28 Engele ekobata Mwengei wihoo kpaa sese ende, Mana inde amene koto akoyabata sese e Moto ongo abatali wihoo kpaa sese e wokumu wonde, laate Mwengei adje sambo kpaa atie moto kpaa. 29 Inga te ndjongo, wango wakopatisamaka laate wadje wato waguake wakokela woni? Inga wagbaakana watisusua, ndjoni iwo koto wakopatisamaka laate wadje ndenge eho? 30 Ndjoni koto todjei ndondo e huko engele kpaa? 31 Lisio la lisio ikodjaaka liwoso la logo! Wamanima ikogemeisaka eho la mboka e mwemu enge edjei mbai la eho la loyi enu ndondo e Yesu Kilisito Likumu lasu. 32 Inga la ndenge e wato, isanali la wambau mbe la Epeso, eho edjei la nda kole atie mbai? Inga wato waguake watosusua, ''tolake tokenge koto, la ebili ate lekundu tokogua. 33 Otiakosakeni: '' Wabola mbe wakobitesaka wikaleli wilamu''. 34 Susuani! Wongwelelani mamungwene manu malamu la nenge enge eokani la sambo ndamu, otikelakeni koto lisumu, laate wadji watimoyewe Mwengei. Ikoasaka ndjongo laate iyokese ino soni. 35 Moto odji akoasa ate: Wato waguake wakosusua nda ndenge? Wakodja la wenge e nda ndenge? 36 Odjei ekete! Ema enge ekoonaka owe itiwongwaka la mokalo inga etiguakeyo liwoso. 37 Ema enge eoni owe la mbume, eti pukapuka enge ekotoo. Edjei pukapuka mpamba, eengi koto odjei pukapuka e mondongo te pukapuka e ema edji kpaa. 38 Ase Mwengei akohekeleke eho wenge ndenge inde amene abali, koto la mogono mwesi la mwesi la wenge waho amene. 39 Moeni kpaa etidjaaka moeni e ndenge kikima, ase moeni modji modjei mo wato, moeni modji modjei mo nama, moeni modji modjei mo mbulu, modji koto modjei mo su. 40 Wenge wa likolo koto widjei, wenge wa moki widjei. Ase otwa e wenge wa likolo edjei la ndenge eho, enge e mbume koto edjei la ndenge eho edji. 41 Otwa e wuse edjei la ndenge eho, otwa e ndebo koto edjei la ndenge eho, otwa e minoto edjei la ndenge eho. Wenge la wenge edjei la otwa eho. 42 Edjei koto ndjongo la loyi e obasi e wato waguake. Eho eonani ndondo e oholi, esusuani la odjangi oholi. 43 Eonani ndondo e soni, esusuani ndondo e otwa. Eonani ndondo e olembi, esusuani ndondo e okulu. 44 Eonani wenge e moeni, esusuani wenge e elimo. Inga wenge wa moeni modjei, enge e elimo koto edjei. 45 Edhingana koto ate, '' Moto o poo Adama aumali elimo e mokalo''. Adama o mbuse aumali elimo enge akohaka mokalo. 46 Ase eti enge e elimo nde ekodjaka poo, edjei enge e wenge, enge e mbuse nde enge e elimo. 47 Moto o liwoso alongwali la mbume akelanali la miisu . Moto o wale alongoyi ongo likolo. 48 Ndenge moto ongo okelanali la miisu adjei, wango koto wakelani la miisu wadjei ndji ndjongo, ndenge moto o likolo adjei, wango wadjei wato walikolo wadjei ndji ndenge eho. 49 Ndji ndenge tokpalali elima e moto ongo okelanali la miisu, tokokpala koto elima e moto oho o likolo. 50 Wamanima, ehele edjei loi wungo wopotia mbai woasi, ate moeni la makila eengiti okondji lisango e wokumu wo Mwengei. Oholi koto eengiti ototi lisango e odjangi oholi. 51 Dhenda! Ikoaselakani ino sekele esi mosatu: Iso kpaa totilangala ndondo e logo, ase tokouma ndenge eti iso kpaa. 52 Mbala esi nda olimi maiso ango ekoboma mweka mo gboo. Laate mweka mokobomana, wato waguake wakosusua, wato wango watiholo, iso koto tokowuma ndenge eti. 53 Laate wenge winge wiholoke wikokpala winge witoholoko, pe wenge winge wiguake wikokpala winge witiguaka. 54 Ase ango enge eholoke ekokpala odjangi oholi, enge koto eguake eengi okpali odjangi ogui, engbundu eho ekoenga enge edhingana ate: ''Logo elongosani libela.'' 55 Logo, wolongi wo owe wodjei eni? Logo esueli e owe wodjei eni? 56 Esueli enge ekohekeleke logo edjei lisumu, ase wokulu e lisumu elongoyi la pui. 57 Ase kekedhinge la Mwengei ongo okotohaka iso lilonga la mboka e Likumu lasu Yesu Kilisito! 58 Ndjongo, wamanima wa mbai wa libalano, yamalani gboo. Otiabandeni, kelani wotomu wo Likumu la motema mohelake, laate oyewini ndondo e oboliani wonu mongindji la Yesu wotomu wungo wokokelakani ino woti pamba.
Chapter 16

1 La enge edhengi okongoli makao mango ma wasatu, ndji ndenge iwahali mangomba ma Wagalatia matiesakoli, ino koto kelani ndjongo. 2 Lisio kpaa e liwoso la poo e poso, mwesi la mwesi la ino ndondo e monguta monde ayise ma ema la odhendeli wihoo winge widjei inde la eho, ndjongo ango ekodjaa mbai makao matikongolane la engele eho. 3 Ango ekodja mbai, wato kpaa wango ekowagemeiyani ino la mboka e ekpata, ikowatoma wakpale likao lanu e magba la Yelusalema. 4 Inga ewongi la mbai okii koto ongo, ikotinga la iwo mongindji la mbai. 5 Ase ikodjaa atie enu ango ekosilisa mbai okpandji Masedonia, laate ikokpandaka Masedonia. 6 Imungoi ate ikoyabata inga ikoetesa engele e pio mongindji la ino, laate okeni otiki mbai la mboka ongo ekoke mbai. 7 Laate ibaliti oeni ino ndji ango ekoeta mbai. Ikoanaka oyabati maa keke mongindji la ino, inga Likumu aha mboka. 8 Ase imungoi oyabati ahala la Epeso, tee wuse wo Patekote, 9 laate modhuhe mosungu, enge ekohekeleke mboka la otomu, edhukuani liwoso la mbai, ase wayamaleli wadjei ngbii. 10 Inga Timoteo auma, kelani la ndenge enge ekoenese ate okomuemelekeni wolamu, laate inde akokelaka wotomu wo Likumu, nda mbai. 11 Ewongiti ate moto tweti amoenele. Mogamesani la okendo ewongwake atie mbai la logoo. laate awume atie mbai, ikomolambalaka mongindji la wamangbasu. 12 Laate, la loi wo mangbasu Apolosi, iyakongoli la inde ngbii ate adje atie enu mongindji la wamangbasu, ase mwano monde motidjali te okeke la odji sikala. Ase akodja ango ekotota inde nano ndamu. 13 Huakani, ahelelani la ogemei, djaani wato wa mohandja, wato watetelake. 14 Kelani wotomu wonu kpaa la libalano. 15 Ikoohekelekeni ino egalela, wamanima, oyewini ate liwota e Setepano wadjei pukapuka e poo e Akaya, wayahi koto la owakeleli wasatu, 16 Ino koto yadjimbesani liwoso e wato e ehenge ndenge liwoso koto o moto kpaa akohaka mawo pe okokelaka otomo etetelake. 17 Idjei la mwemu la odji e Setepano la Polutunatusi la Akaikusi. wadjei ahala, laate wakokelaka ebete enu la ebili ate otini ahala. 18 Laate wahekele mohandja la molimo mo mbai koto enge enu. La eho gemeiyani wato e enge ndenge. 19 Mangomba ma Mwengei mango madjei la moki mo Azia waohekelini mobale. Akila la Pisika mongindji la lingomba linge lidjei la monguta mou waohekelini ino mobale la motema kpaa ndondo e Likumu. 20 Wamangbasu kpaa wango wadjei ahala waohekelini ino mobale. Hanani mobale la ombomboni esatu. 21 Mbai Polo, iyohekelini mobale la mawo ma mbai amene. 22 Inga moto atimobale Likumu eongi wamobumakole. Likumu lasu, djaka! 23 Magba masungu e Likumu Yesu Kilisito edjee la ino. 24 Libalano la mbai lidje la ino kpaa mongindji ndondo e Yesu Kilisito.

2 Corinthians

Chapter 1

1 Polo ntoma e Yesu Kilisito la mwano mo Mwengei, la mangbasu Timoteo, la lingomba la Mwengei linge lidjei ongo la Kolito, la wasatu kpaa wango wadjei la Akaya djiesi kpaa. 2 Wouma wosungu la logoo e Mwengei sangbasu, koto la Likumu Yesu Kilisito edjeeni la ino. 3 Mwengei koto Wawa o Likumu lasu Yesu Kilisito apambwame ngbii. Wawa o motema magba koto Mwengei o obondisami kpaa. 4 Ongo okotobondisaka iso ndondo e wodjidji wosu kpaa, laate iso koto towabondese wango wadjei ndondo e wodjidji, la obondesami wungo wobondisami iso atie Mwengei. 5 Laate ndenge e wodjidji la loyi e Kilisito wotumi atie esu ndji la ndenge eho wobondisami wungo wokokondjaka iso wotumi la mboka e Kilisito. 6 Kaiko nde edja te ate todjei ndondo e wodjidji, edjei la obondisami wonu, koto la mokalo monu. Edja te ate tobondisami, edjei la obondisami wonu enge ekokelaka la ohekeli ino mohandja, la wodjidji e ndenge kikima la enge iso koto tokoeneke. 7 Ase mamungwene masu atie ino matiabandaka, nda eyewi iso ate, ndenge ino okoenekeni odjidji mongindji la iso, ndji ndjongo okobondisamani la iso mongindji. 8 Wamangbasu ndondo e Kilisito, tobali ate oeweni sambo djinge idhendji wodjidji wungo wotoumelali iso la moki mo Azia. Laate todjakali ndondo e wodjidji wosungu wungo woetali wokulu wosu. Ndjongo todjakali owangi te la loyi e mokalo mosu.
10 Ongo otokalesi iso la logo, akotokalesa koto, mwano mosu modjei atie inde ate akotokalesa iso alidji. 11 Ino koto oengini otogamese iso la ndenge oyakongi wonu la loyi wosu. Laate wato wahekele pambo la kole esu, la loyi e enge ema etohekeli iwo la wouma la wapanda wa wato ngbii wango wakoyakongoko. 12 Tokoyaganaka la loyi eho, enge koto oyewi wosu ekohekeleke litotoli lasu, eho lele: Toyasombesali la moki, la oeteli atie ino, la osatu pe la omeemene enge elongoyi atie Mwengei, te la lokenge e moto o moeni, ase la wouma wosungu e Mwengei. 13 Totiodhingelalini ino djeeti sambo, longosa ndji ndjinge iyewini ino wolamu la ndjinge ikogemeiyakani ino, la djinge iyeni mbai ate okogemeiyani eho tee la gboo. 14 Ndji ndenge koto ogemeiyalini ino ate iso todjei mogano monu, ndji ndjongo ekodja eho wuse e Likumu lasu Yesu. 15 La ndjongo nda ebati mbai motema la enge ndenge, iyanali odji liwoso atie enu, laate okondjeni nano e wale la odjei la mwemu. 16 Ibalaki ate iyete liwoso atie enu, liwoso ate eleke la Masedonia, ase ango ekolongwa mbai la Masedonia, okeni otiki mbai la mboka la oki wo mbai la Yudea. 17 La ndjongo, ango eanali mbai ndjongo, ititotali sambo la ndenge e iyoka. Inga sambo djinge ikoanaka mbai, ikoanaka eho la ndenge e moeni, laate ekodjaa atie mbai mbala kikima, ndjongo la te ndjongo. 18 Edjei meemene ate Mwengei moto ewongi omobateli motema la sambo djinge toaselalini ino etidjaali ndjongo la te ndjongo. 19 Laate Mana o Mwengei, Yesu Kilisito, ongo otiesamakolali atie enu la mboka esu, epoti oasi ate, la mboka e mbai la Silibano, la Timoteo. Etidjali ''ndjongo pe te ndjongo.'' Ase atie inde edjakali ndji '' ndjongo''. 20 Laate djinge idhengi mauna ma Mwengei kpaa, madjei ndji ''ndjongo'', alidji edjei koto atie inde nde tokoasaka ''Amen'' atie Mwengei, la loyi e otwa wonde! 21 Moto ongo otowanesi iso la ino ate todjei wato wa Kilisito, la moto ongo otokpuli iso maita edjei Mwengei. 22 Abatia koto elembo ende likolo lasu, ase atohekelia iso liwuna ema enge egeleli, easi ate elimo la mitema masu. 23 Sikala ikomombelelaka Mwengei adje mototoli la loyi e molimo mo mbai amene ate edjei la loyi e obanyei ino nde idjitiyo la Kolito. 24 Eti ate todjei makumu e ogemei wonu, ase todjei wiino wa otomo la loyi e mwemu monu, la loyi e ogemei wonu nde oyamalini.
Chapter 2

1 Imungoi mbai amene ate itiwongwe kine atie enu alidji la magba. 2 Laate inga iwookesani ino magba ndai kine odji okopekele mbai mwemu, ingate moto ongo omookesi mbai magba? 3 Idhingali loyi luho, laate ango egeleli mbai itiwume la magba la loyi e wango iyengali odjei la mwemu! Laate iyobatelini ino kpaa motema ate mwemu mungo modjei mbai la eho edjei enge e ino kpaa. 4 Edjei la odjidji, la magba la motema, la poo ngbii nde iyodhingelini ino, eti ate iokeseni ino magba, ase laate oeweni libalano linge likoobalakani mbai ino. 5 Inga moto mwesi aokesia magba, eti mbai nde amookesi magba, ase ino kpaa la omeki wesi ndjo, iyasi ndjongo laate engbundu e mbai itidjee la otetelake oyeti molelo. 6 Pamela enge wato ngbii wahekeli eengi ndjongo atie ongo moto. 7 Ndjongo, sikahala, oengini omookeli magba, la wouma, la omobembelesi, edjee te la nda ndenge, moto oho alinde la magba mande mango mayeti molelo. 8 Ikoohekelekeni mogalia ate woeneseleni alidji libalano linge likomobalakani ino. 9 Laate edjei koto la loyi luho nde ikoodhingelakani ino, la oewi olamu womeemene e loyi wungu e odhendjini ino, inga okomotemeiyakani Mwengei la sambo kpaa. 10 Loyi kpaa wungo ekomolimbesani ino moto la magba, mbai koto ikomolimbesa. Inga ilimbesi ema esi atie moto mwesi, ikeli ndjongo la loyi enu, liwoso la Kilisito. 11 Laate Mondjili atitolonge iso, la ebili ate tomoewi olamu la lokenge wonde. 12 Kaiko nde ango eumali mbai la Toloasi, la otiesakoli mboli ndamu, la kole e Kilisito, modhuhe moesi moduhuanali liwoso la mbai, la wotomu wo Likumu. 13 Itihomali la molimo mo mbai la ndenge etimogbotoli manima Tito, ase iwahali mobale ase ikia la Masedonia. 14 Mwengei atote pambo, inde moto adjei otosombesi iso engele kpaa, la mokalakala mo walongi ebete eikima la Kilisito, adjei ookesi lumba e woewi wonde wiati kpaa la mboka esu. 15 Laate atie Mwengei todjei la lumba wolamu wo Kilisito, ndondo e wango wakokalesamaka, la ndondo e wango wakogwaka. 16 Atie wadji, lumba e logo, enge okohekeleke logo, atie wadji lumba e mokalo, enge ekohekeleke mokalo. Ase ndai owongi la djinge sambo? 17 Edjei iso, laate toti wango wakotambaka engbundu e Mwengei, nda ekokelaka wadji wato, ase iso tokoasaka la womeemene, nda wato watomani la Mwengei, la maiso ma Mwengei, la Kilisito mongindji.
Chapter 3

1 Topotia nde alidji oyaaseli iso amene? Mbala edji todjei la ehoha e wikpata, nda wato wadji laate etoasele iso atie ino inga enge edji ongo odjei ino? 2 Ino nde ekpata esu, enge edhingani la mamungwene masu, enge eewani pe enge ekotangamaka la wato kpaa. 3 Eenesi la hoho ate ino odjeini ekpata e Kilisito enge edhingani la iso nda wikeleli, edhinganiti la malia ma ekpata, ase la elimo e Mwengei o mokalo, te likolo e mabukeli, ase likolo la witando e moeni, likolo la mitema. 4 Edjei la loyi e Kilisito nde ekomobatelaka iso Mwengei motema la ndenge eho. 5 Easiti ate iso towongi la ndenge esu amene la oeni ate ema ehele elongoyi la iso amene, ase owongi esu elongoyi atie Mwengei. 6 Atowongeli iso mpendja, la odjei wakeleli wa ogemei eholi, te la pui djinge idhingani, ase la elimo. Laate pui djinge idhingani ikohaka wodjidji wo logo, ase elimo ekohaka mokalo. 7 Inga pui djinge idhingani ekohaka logo, la djinge itenali iwo madingo la mabukeli edjaali la otwa, ndjongo wana wa Yisalaele watiengali odhengi mbanda e Moize, la loyi e otwa e mbanda ende, otwa wungo woengali olongosani. 8 Nda ndege wotomo wohake elimo wotidjee la otwa ngbii oyeti? 9 Inga pui djinge idjakali ohekeli etombu edjei la otwa, wotomu woumesake wato la wolamu wungo woleki, edjei la otwa wosungu oleki ! 10 Ema enge eumesali iwo la engele egala ema e otwa, elongosani otwa la loyi luho, la loyi e otwa wungo woleki eho. 11 Laate inga ema enge edjaki ate walongose, walingesali eho la otwa, ema enge edjei eumwake, ewongi odjei la otwa ngbii oleki. 12 Nda odjei iso la mwano e ehele ndenge, tokoasaka la hoho pendja la omeemne. 13 Tokeliti nda engele ebatali Moize litambala la mbanda ende, laate wana wa Yisalaele watidhenge la woangatali gboo e ema enge ewongokoli olongosani. 14 Ase mamungwene mawu malembali. Laate tee lisio la keke, litambala linge lidukwanaki yo engele ekotangaka iwo ogemei wo gala, laate elongosani nde la mboka e Kilisito. 15 Tee lisio la keke, engele kpaa enge wakomotoloko Moize, litambala lidjei la mitema mawu. 16 Ase inga moto ayakukolia atie Likumu, litambala likolongwaka. 17 Kaikonde Likumu adei elimo, laate ebete edjei elimo e Likumu, lipanda wodjei koto ango. 18 Ase iso kpaa, la mbanda djinge idhuhuani, nda talatala, tokongengisaka otwa wo Likumu , tokoyakukolaka la owumi la ndenge enge e elima esi ndjongo, olongoyi la otwa tee la otwa, ndenge pendja Likumu, ongo odjei Elimo, akokelaka.
Chapter 4

1 La eho, la ebili ate la motema mowouma wo Mwengei tokondji dji tomo, toengiti owungesi mwano. 2 Tolumbi sambo djinge ikoisanaka, djinge ikookisaka soni, tobaliti aleeti esombeli e be, totibitesa kine engbundu e Mwengei. Ase la ndenge ekoeneseke iso womeemene la hoho, la maiso ma Mwengei tokoumaka ekpangele ndamu la loyi e oyewi wo meemene atie wato kpaa. 3 Inga mboli ndamu enge ekotiesakolaka iso edhihana, edhihani nde atie wato wango waguake. 4 Wato wango ndondo ewu Mwengei o ehele engele adhihi mamungwene ma wato wango wadjangi ogemei, la ebili ate ongali wo mboli ndamu e otwa enge emodhendji Kilisito, ehele edjei elima e Mwengei. 5 Laate enge ekotiesakolaka iso, eti iso amene, tokotiesakolaka nde Yesu kilisito ate adjei Likumu pe iso amene ate todjei tuke djanu la loyi e Yesu. 6 Laate Mwengei nde moto aasali ate: wuse wongale tee ongo la molili.'' Pe angali ndondo e mitema masu, la ongali woho la oyewi e otwa wo Mwengei la mboka e mbanda e Kilisito. 7 Todjei la ema e motio ndondo e teni e mbume, laate okumu wungo woyeti otetelake edjee e Mwengei, ase te enge elongoyi atie iso. 8 Topotoni la ndenge kpaa ase totiatane, tosilali lokenge ase totidjangali mboka e pumbake. 9 Tokoeneke wodjidji, ase todheeniti, tokolumbamaka la mbume, ase togbakaniti. 10 Engele kpaa, tokokpalaka wiholo kpaa la wenge wasu wodjidji wo logo mungo wamueneseli Yesu, laate mokalo mo Yesu moenane koto la hoho la wenge wasu wungo ekoguaka. 11 Laate iso wango todjei la mokalo, todjei wiengele kpaa oeni logo la maiso la loyi e Yesu, laate mokalo mo Yesu moenane la hoho la wenge wasu enge ekoguake. 12 Logo esukami la iso, ase mokalo koto mosukami la ino. 13 Nda edjei iso la elimo egemeiyake eikima, enge edhinganali la loyi luho ate: ''Mbai igemei, eho lenge iyasali, ''iso koto todjei la ogemei, eho lenge tokoasaka. 14 Toewi ate moto ongo omosusolali Likumu Yesu, okotosusola koto mongindji la Yesu, akotoyinya koto mongindji la ino. 15 Laate sambo djinge kpaa edjei la loyi lanu, laate magba masungu enge etaleyanali ngbii etume la loyi e pambo enge wato ngbii wakohaka, la loyi e otwa wo Mwengei. 16 Totiungese mwano, ase inga ndenge e moto enge todjei saa ekobitanaka, meemene, ndenge e moto enge todjei ndondo ekowumaka oholi masio la masio. 17 Inga te ate wodjidji wodjei e engele ekue, ehohi koto, ekotootelaka otwa elitake la oyeteli pe enge edjei e libela. 18 Tokodhengaka te enge ekoeneneke, ase enge etieneke. Laate wihoo winge wikoeneneke widjei engele ekue, ase wihoo winge witieneneke widjei e libela.
Chapter 5

1 Toewi ate inga wenge wasu wa mbume, ehele hema, ebitania, tokotota pendja wenge winge wilongoyi atie Mwengei, wenge winge wikelaniti la mawo, enge edjei libela ongo likolo. 2 Laate ndondo e wenge enge eyabatake, tokotilelaka, todjei la ehoho etetelake la okpalake enge e iso amene e likolo 3 laate mbuse e okpali eho, totitotane kine lingbengbele. 4 Iso wango todjei ndondo e hema enge ekotilelaka iso, toeni odjidji. Laate ema enge ebali iso eti ate tolongose eho, ase edjei nde okpali enge edji, laate mokalo molindese ema enge ekoguake. 5 Ongo otokelali iso edjei Mwengei, ongo otohekeli iso nanga e Elimo. 6 Todjei engele kpaa la mogalia toewi koto, engele kpaa todjei ndondo e wenge, todjei lihele la Likumu. 7 Laate tokosombaka la ogemei, ase te la oeni. 8 Todjei la mwano, tokoemeleke koto odjei lihele e wenge la oyabati mongindji la Likumu. 9 Oho wungo tokokelaka la oteteli ate edje te ate toyabati ebete eikima la inde, te todjei lihele la inde, togemeiyane la inde. 10 Ewongi la iso toenesane la hoho liwoso la ngbelengo e osambesi e Kilisito. Laate moto la moto akondje enge eongi la inde la loyi e sambo djinge ikelamali la wenge. L a odhendeli sambo djinge edjakali inde okeli, edje djinge ndamu, te djinge mbe. 11 Nda eyewi iso gbondo ewangake Likumu, todjei ndji tokowagemeiyesaka wato, ase toenani la hoho la maiso ma Mwengei. Kaikonde, idjei la mwano ate toeneni koto la hoho la lokenge wonu. 12 Totiyaasela kine atie ino, ase tokohekelekeni ino nano eyaganake la loyi e iso, laate odjeeni la engbundu ewongolake atie wango wakoyaganaka la sambo djinge ikoeneneke saa, ase te la djinge ikolongwaka la motema. 13 Inga tokonoli boli, edjaali la mogano e Mwengei. Ase inga todjei wato wa mamungwene ndamu, edjei la loyi enu. 14 Laate libalano linge lidjei Kilisito la eho etokpalesi mokpali. Laate enge eeni iso eho lele: Kilisito aguelali wato kpaa, ndjongo, la ndenge eho, wato kpaa waguali. 15 Kilisito aguelali wato kpaa , laate wango wadjei la mokalo, watidjee kine la mokalo la loyi ewu amene, ase la loyi e moto ongo oguali pe asusuali la loyi ewu. 16 Eho lenge, opoti sikandjo, tomoyewiti moto te moikima la ndenge e wenge. Inga te ate tomoyewali Kilisito la ndenge e wenge, sikandjo, tomoyewiti kine alidji ndjongo. 17 Inga moto mwesi aboliana mongindji la Kilisito, awumiga ekelamu eholi. Sambo djande dja gala iyeti, ndenga sambo djande kpaa okowuma sambo poli. 18 Wihoo kpaa widji atie Mwengei. Inde moto otoongosi la ookani mongindji la inde amene la mboka e Kilisito. Atohi koto otomo ate towongosane ookani. 19 Epoti oasi, Mwengei ndondo e Kilisito akoongosaka moki la ookani la inde amene, atidhengali maunga mawu, atohali koto engbundu ewongosake ookani. 20 Iso todjei watoma la ebete e Kilisito. Nda nde Mwengei akoyakongaka la iso. La ebete e Kilisito, tokoyakongoko ate: Wongwani la ookani mongindji la Mwengei. 21 Kilisito moto ongo otiewali lisumu, Mwengei amowumesali lisumu la kole esu, laate towume wato walamu wa Mwengei la mboka e inde.
Chapter 6

1 Nda ekokelaka iso otomo mongindji la Mwengei, iso koto toyakongi la ino ate otigemeiyeni magba ma Mwengei, mbuse oosaneni kole eho. 2 Laate Mwengei asi ate: La engele enge egemeiyani, iookalini, koto la lisio liesi e mokalo, iyogamesalini. Dhenga, sikalandjo nde engele enge egemeiyani, Dhenga sikalandjo nde lisio e mokalo. 3 Totibingesaka wato ekikimi te la loyi loikima, laate watitote loyi liyasake la otomo wosu. 4 La sambo kpaa, tokohekeleke ekpangele ndamu ate todjei tuke dja Mwengei, la ekaleli eyikake mogalia la sambo ngbii, la odjidji, la iyongolo, la magba. 5 La obingani, ndondo e woyogo, ndondo e minga, ndondo e sambo tetelake, ndondo e odjangi ilo la likolo, ndondo e wiengele edjangake wilaka wilakake. 6 Tokoyinyaka koto ndondo e olangi, ndondo e oyewi, ndondo e motema molayi, ndondo e magba, ndondo e elimo satu, ndondo e libalano linge lidjangi ekosako. 7 La engbundu e omeemene, la okulu wo Mwengei, la mboka e wisaneli e sambo ndamu e ewo e lilome la ewo koto e liali. 8 Ndondo e otwa koto ndondo e osambo, ndondo e kombo mbe la mogano koto molamu; nda wato wamoleho kaikonde wato wango wakoasaka womeemene. 9 Nda wato wango watiewane kaikonde wato wango wayewani, nda wato wango wakoguaka kaikoase, wato wango watoni, nda wato wango wahelani, kaikoase watihelane la logo. 10 Todjei nda wato wa magba, ase tokoemeleke engele kpaa, todjei nda wato waotundake, ase tokowaumesaka wato ngbii wato waogumake, nda wato wango wati la ema kaikoase todjei la wihoo kpaa. 11 Todhukoli minoko masu laate toaseleni ino la hoho, Wakolito, mitema masu midhukoania. 12 Otihianeni ndondo esu, ase ohianini ndondo e libalano e motema monu amene. 13 Eho lenge, nda liputi la loyi laho-ikoasaka nda nde atie wana wakeke-ino koto yadhukolani. 14 Otihelaneni la ekaleli e mbe ebete eikima la wato wango wati wagemei. La ebili ate nda wobola wodjei ndondo e sambo ndamu pe obuki pui? Inga koto ngbai la likolo ekowanesana la nde? 15 Alidji, nda wookani wodjei ndondo e Kilisito la Biliali? Inga nda ema moto o sambo ndamu adjei la eho mongindji la moto ongo oti mogemei? 16 Nda ookani wodjei ndondo e tepelo e Mwengei la wilima? La ebili ate iso todjei tepelo e Mwengei o mokalo, ndji ndenge Mwengei aasali ate: ''Ikoyabata ndondo ewu, ikosomba koto ndondo ewu, ikodja koto Mwengei owu, iwo koto wakodja wato wa mbai.'' 17 Eho lenge, pumbani ndondo ewu, yakatolani la iwo, Likumu aasi ndjongo, otipoteni koto ema enge edjei gbomoko, mbai koto ikooyambani ino. 18 Mbai ikodja sangbanu, ino okodjani wana wa mbai wa pele la wa wali, Likumu moto okondji okulu kpaa nde oasi ndjongo.
Chapter 7

1 La eho, nda edjei iso la mawuna maho, wamanima wa libalano, toyalangese la gbomoko kpaa e wenge koto e molimo. Toenesake ate tokomowangaka Mwengei laate wosatu wosu wodjee wungo woengi. 2 Tohekeleni iso ibete la mitema manu. Tomokeleliti moto obe, tomobitesiti moto, tomolakeliti moto. 3 Itiasaka ndjongo laate iokweseni ino. Laate ilongoyi oasi eho liwoso ate odjeini ndondo e mitema masu la logo, la odjei koto la mokalo mongindji la iso. 4 Ikoasaka la ino la hoho koto la omeemene. Ikoyaganaka la loyi enu. Itumi la obondisani, itumi la mwemu ngbii la odjidji kpaa wungo wokoeneke iso. 5 Ango ewumali iso la Masedonia, wenge wasu witihomali, todjali oeni odjidji e ndenge kpaa, kindo edjali saa, owangi ndondo e motema. 6 Kaikonde Mwengei, ongo okobondjisaka wango wagenakoli wenge, atobondjisali la owumi wo Tito. 7 Eti djaali sa la owumi wonde, ase la libondjisi linge inde abondjisamali la eho la loyi enu, la ndenge atokpalelali iso alidji mboli e ehoha etetelake e ino, magba manu, egalela koto e ino la loyi e mbai. Ndjongo iyemelali alidji oyeti. 8 Eho lenge inga te ate iokesalini ino magba la ekpata e mbai, itiasumbwaka la loyi laho. Inga te ate la lipoteli iyasumbwali la loyi laho, ieni ate ekpata eho eokesali ino magba, inga te ate la engele ekeke. 9 Mbai idjei sikandjo la mwemu, iti sa laate ookalini magba, ase laate ookalini magba tee la okukoli motema. Laate ookalini magba mango maengani la mwano ma Mwengei, laate otiwungeseni ema te eikima atie iso. 10 Laate magba mango maokani la mwano ma Mwengei ekokpalaka la okukoli motema la mokalo mungo moto atiene eho obe mbuse. Ase magba ma moki ekowotaka logo. 11 Laate dhenga lu loyi pendja: magba mango maokalini ino eokani la mwano e Mwengei, ewotelali ino, nda olimbesi, nda oyalangesi, nda limemu, nda mbangi, nda ehoha etetelake, nda egalela, nda owongisani e obe! La sambo kpaa, ino oyaenesalini ate olangini la sambo kpaa. 12 Inga iodhingelalini ino, itikelali eho la loyi e moto ongo okelali obe, te la moto ongo wamokelelali obe, ase nde olimbesi enu atie iso eenane la hoho ndondo enu la maiso ma Mwengei. 13 Eho lenge iso tobondjisani. Kaikoase, longosa obondjisani wosu, toemelali alidji ngbii la oyeteli la loyi e mwemu mo Tito, la ebili ate molimo monde mowumi la mohandja la kole e ino kpaa. 14 Laate inga iyagana ma keke atie inde la loyi e ino, itiaokese soni. Nda esisiga iso oaseli ino sambo kpaa la omeemene, ndenge kikima oyagani wosu liwoso la Tito eenani ate edjei enge e meemene! 15 Alidji, libalano lande e motema enge akoobalakani ino etumi alidji, ango akobunduaka etemeya wonu kpaa, ndenge omoyambalini la owangi koto la odjadji. 16 Idjei la mwemu laate la sambo kpaa, iengi odjei la egalela la loyi wonu.
Chapter 8

1 Wamanima, tobali weeweni nda ndenge magba ma Mwengei maeneni ndondo e mangomba ma Masedonia. 2 La engele e omekani weesi wosunu ndondo e odjidji, mwemu mowu esungu koto wotundake wowu etetelake ekelali ate likao lawu lieenene alidji ngbii. 3 Laate ekelanali la odhendeli maengi mawu, ikototoloko eho, oyeti te maengi mawu, 4 ango iwo amene wadjakali oyakongi la iso ate wakondje mano ndamu ehekeleke wilaka wa magba la ohi koto mawo la otomo wungo woengali okelani la kole e wasatu. 5 Wakelali loyi wungo weyetali mwano mosu, liwoso liwoso wayahali atie Likumu koto atie iso la mwano mo Mwengei. 6 Eho etotomali iso la omohekeli Tito egalela ate, nda inde moto apotesali eho ndondo e ino, ndji inde koto asukese atie ino wotomo wuho e ohekeli wihoo wa libalano. 7 Kaikonde, ndji ndenge etumuni ino la wihoo kpaa, la ogemei, koto la engbundu koto la oyewi, koto la etingia kpaa, la libalano wungo iso tokoobalakani ino, yahekeleni la enge otomo ehekeleke wihoo wa magba. 8 Iyohitini mopele, ase la loyi e etingia e wadji wato koto la loyi eyewake womeemene e libalano lanu, nde ikoasaka ndjongo. 9 Laate oyewini magba masungu e Likumu lasu Yesu Kilisito, ate inga te ate adjaali moto e ogumake, aumali moto o otundake la loyi e ino, laate owumeni wato wa ogumake la mboka e otundake wonde. 10 Ndjongo ikoohakani mamungo ma mbai ndondo e wu loyi: laate lu loyi edjei la gbondo atie ino, laate eyetiga elanga esi otidjaakalini okeli, ase odjaakalini koto obali okeli. 11 Sikalandjo, dheeni koto okeli eho, laate ndji ndenge ekelalini ino obangu la loyi wungo wodhendji obali okeli, ndenge kikima dheeni okeli loyi luho, la odhendeli enge edjei ino la eho. 12 Inga liwoso liwoso ehoha etetelake edjei, ekogemeiyana ngbii pendja la odhendeli enge moto adjei la eho, ase te la odhendeli enge moto ati la eho. 13 Laate ibaliti ate etidjee petee atie wadji. Ase odjidji atie ino. 14 Ase ate, la mboka e owokani, wihoo winge wiyeti ngbii atie ino edhihe sikala otundake wowu, laate wihoo winge wiyeti ngbii atie iwo edjee koto odhihi otundake wonu, ndjongo weengani wodje. 15 Ndji ndenge edhingana ate: ''Moto ongo odjakali la ngbii atidjakali la ngbii oyeti, koto ongo odjakali la maa keke atidjakali la maa keke oyeti.'' 16 Tomowongosele Mwengei pambo la ndenge abati la motema mo Tito etingia ndenge kikima atie ino. 17 Inde agemei loyi eongi iso atie inde, ase, nda edjei inde la etingia etetelake, akodjaaka atie ino la mwano monde amene. 18 Tokomotomaka ebete eikima la mangbasu ongo mogano monde la loyi e mboli ndamu eyandjani la mangomba kpaa. 19 Aleeti, mangomba wamooni laate adje miino osu e okendo la loyi e likao laho e magba enge eongi la iso okawoli la loyi e otwa e Likumu koto la oenesi ehoha etetelake esu ekelake. 20 Tokokelaka ndjongo laate totoni ate moto atote loyi etoaselake iso obe la loyi e enge likao lisungu linge eongi la iso okawoli. 21 Iso tokowongeleke sambo la omeemene, te ndji la maiso ma Likumu, ase la maiso ma wato kpaa. 22 Alidji, tokowatomaka mongindji la mangbasu ongo toeneli mbala la mbala la sambo ngbii ate adjei la etingia , ase ongo sikala adjei la etingia ngbii oyeti laate akoobatelakani ino motema. 23 Kaikoase inga popo edjei la loyi e Tito, inde adjei miino o mbai koto moto ongo ikokelaka la inde la kole enu; inga koto la loyi e wamangbasu, iwo wadjei watoma wamangomba koto otwa e Kilisito. 24 Wadhendesani elembeteli e libalano linge lidjei ino la laho koto la sambo djinge iyagali iso la loyi enu, liwoso la mangomba.
Chapter 9

1 Kaikoase la loyi wungo wodhendji otomo wuho la wasatu, eti te la kole ate iyodhingeli ino. 2 Laate iyewi ehoha enu enge ekoyaganaka mbai la eho atie wato wa Masedonia la loyi enu ate Akaya eyawongeli ekeliga sikala elanga esi. Koto mogalia monu mosusoli ngbii ewu. 3 Ase ikowatomaka wamangbasu, laate oyagani wungo ekoyaganaka iso la loyi enu etidjee ohola la loyi laho, ase nde oyawongeleni, ndji ndenge eyasali mbai eho ate okoyawongelani. 4 Inga te ndjongo, edje la nda ndenge, inga wato wa Masedonia wadja mongindji la mbai koto waogbotia ino oyawongelitini, iso-itoni oasi ino-tooke soni la ndenge ebatali iso motema ndjongo. 5 La eho, iyeneli olamu ohekeli mogalia la wamangbasu wadjee atie ino liwoso, wawongele koto libela la libela likao lanu e motema molamu, enge esilali owunani liwoso, laate la ndenge eho, elambelane nda likao enge ehekelani la motema molamu, ase te nda ema enge epuesani. 6 Ase la likao laho, moto ongo otionaka ngbii, atibuka koto ngbii; moto koto ongo okoonaka ngbii akobuka koto ngbii. 7 Moto la moto akele ndenge emungoyi inde la motema monde, te la ondungwani koto te la ohilani, laate Mwengei akobalaka moto ongo okohekeleke la mwemu. 8 Mwengei aengi okeli ate magba masungu mande kpaa etume atie ino, ate, ango edjei ino engele kpaa la enge eengi la ino la sambo kpaa, odjeeni la eho ngbii pendja la tomo kpaa ndamu. 9 Ndji ndenge edhingana ate: ''akawi wihoo ngbii, ahekeli wato wa otundake, olamu wonde wokowumua libela la libela.'' 10 Mwengei ongo okohaka mooni mogono ngbii la okoke koto elakake akoha koto akotalia mogono laate ooneni, akotalia koto pukapuka ngbii e sambo ndamu enu. 11 La sambo kpaa okotumakani la ogumake la ndenge e likao linge likopumbaka la mboka esu pambo atie Mwengei. 12 Laate otomo wungo okokelanaka la wolamu e wato kpaa , etidjee sa la oengesi olamu wihoha e wasatu, ase edjei laate pambo ngbii ehekelane atie Mwengei. 13 Laate la elembeteli enge otomo wuho ekohekeleke, wakomohaka Mwengei otwa laate ino okotemeiyakani mboli ndamu enge emodhendji Kilisito, ndenge ekoaselakani ino eho la hoho ate okotemeiyakani, koto laate odjeini la okawi la makao manu atie iwo koto atie wato kpaa. 14 Mongindji e oyakongi wungo wokokelaka iwo la loyi enu wakookaka koto ino ehoha etetelake la loyi e magba masungu e Mwengei enge eyeti atie ino. 15 Pambo la Mwengei la loyi e likao lande esunu, enge eengiti olimbolani.
Chapter 10

1 Sikandjo, mbai, Polo, iyakongi la ino la motema mo dee koto la magba ma Kilisito, inga te ate ikoeneneke moto mokeke ndondo enu, kaikoase engele enge eti mbai ongo ikoaselakani ino sambo la mogalia!- 2 Iyakongi la ino, otitomeni mbai ate iinye mogalia, ango ekodja mbai ongo, ndenge eyani mbai ototi witeneli witetelake atie wango wakotoeneke nda nde tokosombaka sa ndenge edjei iso la wenge. 3 Laate inga te ate tokokalaka la ndenge e wenge, totisanaka kindo la odhendeli ndenge edjei iso la wenge. 4 Laate wisaneli wa kindo djasu widjei la okulu wungo wodji atie Mwengei la okwesi wihoo winge wimaani la oteteli. 5 Laate tokokweseke mamungwene koto ema kpaa edjambani enge ekoyamalelaka oyewi wo Mwengei, todjei koto owumesi lomungo kpaa mohelani laate emotemeiye Kilisito. 6 Toyawongeli koto la ohekeli etumbu la sambo kpaa edjangake etemeiya, ndji engele enge etemeiya enu ekoenga. 7 Okodhendakani ema kpaa nda ekweneneke eho saa. Inga moto mwesi akoyaenaka ate amogemei Kilisito, ayewe koto inde amene lu loyi: Ate nda emogemei inde Kilisito, iso koto tomogemei. 8 Laate inga te ate eengi mbai oyagani ma ngbii la loyi e wokumu wungo Likumu atohekeli iso la omaani wonu ase te la obukiani wonu, itiokisana soni. 9 Ibaliti odjei la ehoha e oluki owangesi ino la madhingo ma mbai. 10 La ebili wakoasaka ate: ''Wadhingo mande maliti ndowu la otetelake, ase odjei wonde amene moto edjei la mageni eyaseli ende edjei pamba.'' 11 Ewongi moto ongo okoasaka ndjongo ayewe olamu ate, ndji ndenge iso todjei la wingbundu wasu la wikpata engele eti iso ongo, ndji ndenge tokodja la tomo engele ekodja iso ongo la ino. 12 Totimekaka oyabati la mongindji e wadji inga oyaenganesi la wadji wango wakoyaaselaka iwo amene. Meemene, ndenge wakoyamekaka la iwo amene la oyaenganesi la iwo amene wati la lokenge. 13 Atie iso, totiayagana la saa e milelo e ebete enge watohali, ase la odhendeli molelo e moki mokeke mungo Mwengei atohali iso, ndenge awumesali eho tee atie ino. 14 Meemene, tokiti lihele oyeti molelo nda nde totiwumali tee atie ino, ango todjaaki otiesakoli mboli ndamu enge edhendji Kilisito. 15 Totiyaganaka la saa e molelo e ebete enge watohali iso, la tomo mitetelake e odji moto, ase todjei nde la mwano ate, nda ogemei wonu ekobekaka, towume wato wasungu ndondo enu la odhendeli moki mokeke mosu. Ndjongo tokowuma wato wasungu oyeti. 16 Laate tokotiesakola mboli ndamu la miki minge midjei lihele oyeti ino, laate totiyagane la ebete enge ewongeliga moto odji. 17 Ase nda eyasi madhingo ma Mwengei: ''Moto ongo okoyaganaka, ayagane la Likumu.'' 18 Ndjongo, eti ate moto ongo okoyaaselaka inde amene nde agemeiyani, ase nde moto ongo Likumu amogemei.''
Chapter 11

1 Ibali oheleni motema la ma boli e mbai. Kaikoase, meemene okonangakani motema la sambo dja mbai. 2 Laate ikookelakani ino zua, zua enge eokani la mwano mo Mwengei, laate mbai pendja iwunali oikesi ino la molome sa mwesi, laate iyopumbeseni ino nda moseka mwese olangi atie Kilisito. 3 Ase ikowangaka ate edje la nda ndenge, nda ndjo emogulali Eba la mamungwene mbe djande, mamungene manu ebitesane koto elongwe la omeemene koto la olangi la wikaleli winge wiyongi la Kilisito. 4 Laate meemene, inga moto adja otiesakoli Yesu ongo osomboni la ongo iso tomotiesakolali, inga koto ototani elimo enge esomboni la enge etotalini ino, inga koto mboli ndamu enge esomboni la enge eokalini ino, nangakani motema la sambo e moto oho, la odjangi otenani. 5 Laate ieni ate edjeiti te la loyi liesi linge mbai idjei sese la watoma wasungu. 6 Ase inga ehaneliti mbai la oasi, meemene iti ndjongo la oyewi. Kaikoase la ndenge kpaa toenesali ino eho la hoho la sambo kpaa. 7 Inga koto ikelali nde obe nda eyadjilikisali mbai laate ino odjambane? La ndenge iyotiesakolalini ino mboli ndamu e Mwengei la libalano, odjangi oongi liputi? 8 Mangomba madji, iwapuesali enge edjaakali iwo la eho la ndenge egemeiyali mbai okondji wihoo wau laate oyogameseni. 9 Kaikonde ango edjakali mbai mongindji la ino koto idjangali, itimokpalesali moto te moikima mokpali, la ebili ate wamangbasu wango walongwali la Masedonia wahekelali mbai wihoo ngbii winge widjangali mbai. Itonali la ndenge kpaa oliti ndowu atie ino ikodja koto ndji ndjongo. 10 Engele kpaa enge womeemene wo Kilisito ekodja ndondo e mbai, oyagani kpaa enge ekoyaganaka mbai la loyi e gbata e Akaya etisila. 11 Lande easi mbai ndjo? Laate itiobaleni ino? Mwengei ayewi ate iyobalini nee. 12 Ikodjaa ndji okeli enge ekookelelakani mbai, laate isukese ekosako e wango wadjei la ehoha e moleho la oenesi ate waengani la iso ndondo e otomo wungo wokoyaganaka iwo. 13 Wato waho wadjei watoma wa moleho, wakeli wa tomo e ohengeli, wango wokoyapumbesaka nda watoma wa Kilisito. 14 Loyi ehuelake eti. Laate Etota inde amene akoyainyaka nda ahumbwa e liwusawuse. 15 Ndjongo, eti loyi losungu inga tuke djande koto wakoyainyaka nda wato walamu. Ase gboo ewu ekodja la obiliani la tomo djau. 16 Iyaasi aleeti, eengiti ate moto mwesi adhenge mbai nda moto okoni boli. Kaikoase inga omungwani ate idjei ndjo, gemeiyani mba te ndenge eho nda boli, laate mbai koto ienge oyagani ma keke. 17 Enge ekoasaka mbai, itiasaka eho la ndenge etutiake Likumu, ase nda woboli, la oyabateli motema oyeti molelo mungo mokoeneneke atie moto ongo okoyaganaka. 18 Nda wato ngbii wakoyaganaka la wenge, mbai koto okoyagana. 19 Laate ino okohelakani motema la mwemu pendja, e sambo e wato wa boli, la ebili ate odjeini wato wa lokenge. 20 Okonangakani motema la sambo e moto ongo okoowumesakani ino tuke, moto kpaa ongo okolakaka wilaka winge widjei ino la eho, moto kpaa ongo okoyadjambaka likolo la ino, moto kpaa ongo okoobingakani la mbanda. 21 Idjei la soni e oasi, toyinyali mageni la loyi luho. Ase inga moto odji akoeneseke mogalia la loyi esi ndjo-ikoasaka la woboli-mbai koto ikoeneseke mogalia la eho. 22 Wadjei Waebele? Mbai koto idjei. Wadjei wa Isalayele mbai koto. Wadjei la litoto e Abalayama? mbai koto. 23 Wadjei tuke dja Kilisito? Ikowongosaka nda moto okoni boli, mbai iyeti pendja: La sambo tetelake ngbii oyeti, la wawoyogo ngbii oyeti, la kutuki oyeti molelo, la owumi ahue e logo mbala la mbala. 24 Mbala itano, Wayuda wabingali mbai pimbo tuku inei longosa esi. 25 Mbala isato ibinganali mabolo, ibinganali mabukeli mbala kikima, mbala isato ilindali la andondoli, iyetesali likolo liikima la wuse woikima ndondo e malia malindake. 26 La okendo mbala la mbala, la mabhoma e wiwale, la mabhoma e wato wayiwa wango wakoyiwaka la mboka, la mabhoma mango malongoyi atie wato wa mbai amene, la mabhoma mango malongoyi atie wadjidji, la mabhoma ndondo e gbata, la mabhoma ndondo e esobe, la mabhoma ndondo e libandji, la mabhoma ndondo e wato wamoleho. 27 La otomo etelake, la oameli koto, la walikolo ondjangi ilo mbala la mbala, la ndjala koto la ehoha e malia, la odjangi olaki wilaka mbala ngbii, la piyo la lingbengbele. 28 Longose ndjinge sambo dja saa, edjei la ema esi ekoeneseke mbai odjidji masio kpaa, oyasumboyi la loyi e mangomba kpaa. 29 Ndai ogenakoli, ase mbai igenakoliti? Ndai osakeli, ase ihutiti la limemu? 30 Inga ewongi la oyagani, ikoyagana la sambo djinge idhendji mageni ma mbai. 31 Mwengei koto Wawa e Likumu Yesu, ongo oengi la mogano libela la libela ayewi ate itihengaka. 32 Ongo la Damasi, likumu e gbata e likumu Aletasi adjaali obaneyi moki mo wato wa Damasi la oheli mbai. 33 Ase wadjimbali mbai ndondo e modjangi mwesi mo mbohi, la lininisa linge lidjaali la etutu, ase itilali la mawo mande.
Chapter 12

1 Iyengi oyagani, eti la kole, ase ikoyeta nde la wieneneli wikamwake koto la wieneseli wa Likumu. 2 Imoyewi moto mwesi ongo, la liboliani mongindji la Yesu Kilisito, ekeliga wilanga liomu la inei, inga la wenge, iyewiti, inga koto saa e wenge, iyewiti, Mwengei moto oyewi- adjambanali la esuki esato e likolo. Inga akeli la wenge e inde inga koto te la wenge e inde, mbai iyewiti, ase Mwengei oyewi. 3 Imoyewi moto oho-inga la wenge inga koto saa e wenge, iyewiti, Mwengei ayewi- 4 ate akpalanali ongo la paladiso aokali koto wingbundu winge wiengiti oasani, enge ehaniti mboka la moto akpome eho. 5 Ikoyagana la loyi e moto oho, ase itiyagana la loyi e mbai amene, longosa ndji mageni ma mbai. 6 Inga ibala oyagani mbai amene, itidja ekete, laate ikoasa nde meemene. Ase itoni, laate moto mwesi atitaliele mbai djeeti sambo oyeti enge ekoeneke inde atie mbai te enge ekookaka inde atie mbai. 7 Ndji ndenge wieneseli wiyeti ngbii. Eho lenge, laate itiyadjambe oyeti molelo, wahali mbai keke la wenge, ahumbwa mwesi e Etota, laate adjake ndji obamboli mbai, la ebili ate itienge oyadjambi oyeti molelo. 8 Mbala isato iyatombali la Likumu ate amolongose lihele la mbai. 9 Ase inde aasali la mbai: " Magba masungu ma mbai atie owe eengi ndjongo. Laate okulu wo mbai ekowumaka la oengi ndondo e mageni. La eho, la mwemu oyeti, ikoyagana nde la loyi e mageni ma mbai, laate okulu wo Kilisito wodje nda hema likolo la mbai. 10 La ehele ndenge ikoemeleke la magani, la wiliko, la iongolo, la odjidji, la magba, la loyi e Kilisito. Laate engele edjei mbai la mageni, engele eho pendja nde edjei mbai la oteteli. 11 Idjakali boli ango edjakali mbai oyagani, ase ino otonesalini mbai. Laate ino nde oengalini oaseli. Laate itiyaenesali inga te la loyi loikima ate idjei sese e watoma wasungu wanu, te ndenge eti mbai ema. 12 Wilembo e watoma eenesanali ndondo enu la odjei la mohandja e ndenge kpaa, la wilembo koto la sambo kamwake enge ekoeneseke sambo djinge ikodja koto la tomo e okulu. 13 La nda loyi linge liumalini ino sese e mangombna madji mango matikali! Inga etidje sa la loyi lungo ate mbai itilitali ndowu atie ino. Limbesani mbai la ungo wodjangi womeemene! 14 Denga! Ehele edjei mbala esato ekoyawongelaka laate idje atie ino, kaikoase itidja mokpali monu. Laate itilukaka wihoo winge widjei ino la eho, ase ino amene. Laate eti wana nde waengi oyisi wilaka la loyi e wawoti wau, ase wawoti la loyi e wana wau. 15 La ndenge e mbai, la mwemu eyetelake, ikohekele wihoo wa mbai kpaa koto ikohekele kpaa la loyi e milimo manu. inga ikoobalakani ino ngbii ndjo, iengi nde obalani ma keke? 16 Inga te ndjongo, itiokpalesalini mokpali, kaikoase, okoasakani ate idjei la lokenge e be koto iototalini la lokenge e ekosako. 17 La wato wango iwatomi atie ino, itiolakelalini la mboka e moto moikima, te ndjongo? 18 Iyakongali la Tito koto imotomali mangbasu adje mongindji la inde. Tito atiolakelalini te ma keke, te ndjongo? Tosombali la elimo eho esi, te ndjongo? La obilei lipopo eikima, te ndjongo? 19 OKomungwakani ate ehele gala tokolukaka oyalongesi atie ino? Edjei liwoso la Mwengei nde tokoasaka la loyi e Kilisito. Ase, wamanima wa libalano, sambo kpaa idjei laate omaaneni. 20 Idjei la mbangi, ate, la owumi wo mbai atie ino itiogboteni ndenge ebali mbai koto itienene atie ino ndenge ebali ino, ase idjei la mbangi ate igbote nde mosio, djua, mihela, ogulani, otongoni, ondungwani, okundji la elolo, ewedje. 21 Idjei la mbangi laate ango ekowuma mbai alidji, etimbala Mwengei o mbai aengi ookesi mbai soni ndondo enu, koto iengi oleli la loyi e wato ngbii wango gala wakelali masumu ase watikukolali mitema la onalili wou koto pite koto esombeli e soni enge eyahekeleli iwo la eho.
Chapter 13

1 Ehele edjei mbala esato enge ekodjaka mbai atie ino. La monoko mo watotoli wale te wasande nde loyi kpaa eengi ogemeiyani. 2 Iyaaselali eho poo koto, nda nde idjei alidji ongo la mbala ewale kaikoase sikalandjo iti kine ongo, ikoasaka libela la wango wakelali masumu liwoso koto la wadji kpaa wango watikali, ate inga pendja idja alidji, itimodhee moto te moikima. 3 La ebili ate ino okolukakani sambo djinge ikoenese ate Kilisito akoasaka ndondo e mbai. La ndenge eho. Inde ati moto o mageni atie ino, ase adjei moto o okulu ndondo e ino. 4 Ndjongo, Kilisito abakemali la ekulusu la loyi e mageni, ase adjei la mokalo la loyi e okulu e Mwengei. Edjei koto meemene ate todjei wato wa mageni mongindji la inde, ase tokodja la mokalo mongindji la inde la loyoi e okulu e Mwengei atie ino. 5 Yamekani ino amene inga odjeini ndondo e ogemei. Yadhendani inga odjeini nda ndenge. Ino otiyayewakani ate Yesu Kilisito adjei ndondo la ino? Aasa nde inga odjeini nde wato wango walongosani. 6 Imungoi olamu ate iso, toti wato wango walongosani. 7 Sikandjo, toyakongi la Mwengei ate otikeleni loyi luesi e mbe, eti ate iso amene toenene nda wato wango wagemeiyani, ase nde laate ino okelakeni enge edjei olamu amene, inga te ate iso toeneni wato wango watitolane. 8 Laate toengiti okeli ema teeti la oamaleli omeemene, ase ndji enge edjei la loyi e omeemene. 9 Iso tokoemeleke masio kpaa makodjaka ino la okulu Inga te ate iso todja te la mageni. Linge likoongoko iso la lu loyi edjei onanolani wonu. 10 Dhenda ndenge eho nde edhingi mbai ndjo te ndenge edjei mbai lihele: Laate, ango ekouma mbai, itienene nda moto o monga, la otutei okumu wungo wohekeli Likumu mbai e wongelake ase eti ate ebitesake. 11 Wamanima, la osukesi, abatani la mwemu, wongeleni sambo djanu, helanani mawo manu la ookani koto la logoo. Mwengei ongo obali wato kpaa koto ongo obali logoo akodja la ino. 12 Hananani mobale la ombomboni esatu. Wasatu kpaa waohekelini mobale. 13 Magba ma Likumu Yesu Kilisito, koto libalano la Mwengei koto oyabondji e elimo satu edje la ino kpaa.

Galatians

Chapter 1

1 Polo, motomami, atibatane la wato, koto te la mboka e wato, ase itomani la Yesu Kilisito koto la Mwengei Wawa, ongo omobasisali yesu ndondo e wato wagbake. 2 koto wamanima wango wadjei la mbai ongo la mangomba ma Wagalatia: 3 Magba ma sungu la logoo e Mwengei Wawa osu koto la Likumu Yesu kilisito edjeni la ino. 4 Ongo oyahekeleli inde amene la kole e masumu masu, laate atolongose la dji sambo mbembe dja moki mo ehele engele, la ookani e mwano mo Mwengei osu koto Wawa. 5 Inde odjei la otwa libela la libela. Amena! 6 Ikokamwaka ndenge ekolongwaka ino galagala pendja atie moto awowelalini ino la logoo esu e Kilisito, koto okobiliakani eeti mboli ndamu. 7 Kaikonde, eti eeti mboli ndamu; edjei nde la weeti wato wango wakoobatakani la ewedje koto wakolukaka obitesi mboli ndamu e Kilisito. 8 Kaikonde, inga mwesi la iso, te ahumbwa mwesi ongo olongoyi likolo, adja ootiesakoli ino mboli ndamu enge eengiti la enge tootiesakolini, abumakolame. 9 Ndenge elongoi iso oasi, mbai pe iyaseli eho alidji sikala ate: moto ongo okootiesakolani mboli ndamu enge eengiti la enge eyambalini ino, abumakolane. 10 Sikala, ikolukaka ogemeisi wato Mwengei? Inga ikolukaka oyemelesi wato? Inga idjei yo oyemelesi wato, iti motuke mo Kilisito. 11 Ikowaaselakani, wamanima, ate mboli ndamu enge etiesakoli mbai etidje la wato. 12 Ititotali eho atie wato, moto toeti koto atitiesakolali mbai eho, ase Kilisito nde ayinyali mbai eho. 13 Ookalini mboli e esombeli e mbai e gala la losambo e Wayuda, ate idjali oenesi odjidji liboliani wo Mwengei pe idjali oluki owandjakoli. 14 Pe idjali oki liwoso ndondo e losambo e Wayuda, oyeti wato ngbi wango wadjei mimbati ma mbai ala la moki mo mbai, laate idjalikali la egalela pendja la loyi e ekaleli e watata wa mbai. 15 Kasi esi engele Mwengei, ongo opumesi mbia la solo dja ima pe ongo owelali mbai la logoo ende. 16 Ango aenali olamu omwenesi mana onde la mboka e mbai, la otiesakoli wiondo mboli ndamu ende, itikeli omohueli moto tueti. 17 Mpe mbai ititelali la yelusalema, etie wango wadjakali watoma liwoso la mbai, kasi ikeli liwoso la Alabia mpe iwongwali alidji la Damasi. 18 Mbuse e mbula isato, itelali la Yelusalema la yewesani la Kepasi, mpe ikelali masio liomu la matano etie inde. 19 Kasi itieneneli la weeti Watoma, omolongosi Yakobo manango e Likumu. 20 Itibubukaka lokuta ladji sambo ikokodhingaka mbai, liwoso la maiso ma Mwengei. 21 Mbuse ikeli la miki ma Sulia mpe la Silisia. 22 Kasi mangomba ma Yudea mango madjakali la ookani la Kilisito etiyewali elongi e mbai. 23 Waokakali sa wato wakoasaka: Moto ongo odjakali otonyokoli liwoso, adje sikala otiesakali mboli ndamu e ondjimi enge inde adjakali liwoso owandjakoli. 24 Wadjakali omotemei Mwengei la loyi e mbai.
Chapter 2

1 Mbuse e mbula liomo la inei itelali alidji la Yelusalema mongindji la Balanabasi mpe la Tito. 2 Itelali ongo la tina e saki eeneli mbai, pe iwayinyali mboli ndamu enge edjei mbai otiesakoli ndondo e witondo; itiwayewesali eho la maiso ma wato kpaa, kasi liwoso la wango wadjakali wato wasungu, laate etidje ate adjaki otili obangu te itilali obangu saa pamba. 3 Kaiko, Tito ongo odjakali la mbai, atieneli obe otanani kombeni te ndenge edjakali inde mo Geleki. 4 Kasi la wa maangbasu wa moleho wango walingelali la mayele, wango wayalingesali la oyewi lipanda laa su enge edjaki iso la eho la odjei mongindji la Kilisito Yesu, la otowumesi mituke pendja. 5 Totiwaokali wango wato, te ma mokeke, laate odjeni la meene e mboli ndamu engele kpaa. 6 Kasi wango wayenali ate wadjei wato wa tina edje wadjakali wato wa nda ndenge gala, eho edhenditi mbai, Mwengei atidhendaka elongi e moto, wango wato wasungu atihali te ema ekikima enge eholi. 7 Kaiko ango waenali ate itoti mboli ndamu la otiesakoli wango watitenane kombeni, ndenge Petele atotali eho la wato wango watenani kombeni. 8 Mwenge, ongo omokeleli Petele toma o watenani kombeni, akeli mbai pe toma e wato wa witondo. 9 Ango wadjali oyewi logoo esungu enge Mwengei aeneseleli mbai, Yakobo la Kepa la Yoani, wango wadjakali makule, wahali mbai la Balanabasi ewo e lilome la oenesi ate wandjimi iso toke etie witondo, kasi iwo etie wato wango watenani kombeni. 10 Watoaselali tosumbwake wato watundake. Pe ikelali ndenge kpaa ate ikele ndenge eho. 11 Kaikonde ango edjia Kepa la Atiokia, omoyamalelali makasi laate aenganakali la okwisami. 12 Liwoso ate wato wango walongwali atie Yakobo wadje, adjakali olaki mongindji la wato wa witondo; kasi ango edjali iwo, apatali otili pe oguli wenge la owangi wato wango watenani kombeni. 13 Weeti Wayuda pe la wango watikalali wamobiliali la ekosako eho. Te Balanabasi pe awabiliali la ekosako ewu. 14 Ango eeneli mbai watidjakali osombi alima la ookani wo meemene e mboli ndamu, iyasali la Kepa liwoso la wato kpaa ate: Inga owe, Moyuda, odjei la mokalo nda wato wa witotondo, kasi te nda Wayuda, nda ndenge okondjimaka ate wato wa witondo wabiliyi ekaleli e Wayuda la mokalo mo wu? 15 Iso todjei Wayuda e wotamake, kasi te wakeli mbe e witondo. 16 Nda eyewi iso ate moto aktangamaka moto molamu, te la tomo dja pui, kasi saa la ondjimi enge amondjimeli Kilisito Yesu, iso pe tomondjimeli Kilisito Yesu, laate totangemate wato walamu la ondjimi enge tomondjimeli Kilisito, kasi te la tomo dja pui, laate moto tueti atitangema moto molamu la tomo dja pui. 17 Sikala iso, ango edjei iso oluki otangemi wato walamu la mboka e Kilisito, kasi tueneni iso amene pe nda wato wabe, Kilisito akoki okeleli obe? te, te maa keke. 18 Laate inga sambo enge saa ebukali mbai imayia eho alidji, ikoenesaka ate mbai amene ekobukaka pui. 19 Kasi mbai , la mboka e pui iguali la sambo dja pui laate iwume moto o mokalo la sambo dja Mwengei. 20 Iyakiamali la ekulusu ebete ekikima la Kilisito. Eti mbai aleeti moto odjei la mokalo, kasi edjei nde Kilisito moto odjei la mokalo la mongidji la mbai. Meemene, mokalo mungo modjei mbai la eho sika la wenge idjei la eho la ondjimi enge emondjimeli mbai mana o Mwengei, ongo obalali mbai pe ayahekelali la loyi e mbai. 21 Itilumbaka logoo e sungu e Mwenei; laate inga omeemene ekodjaka la mboka e pui, Kilisito agwali saa pamba.
Chapter 3

1 Ino wagalatia wato wadjangi lokenge, ndai aokpalini la mboka mbe? Ino waa wato, la maiso manu, Yesu Kilisito aasame ohola ate aakamali la ekulusu. 2 Dengayo dji sambo idjui mbai etie ino: Ototalini elimo nde la tomo dja pui inga la ndenge endjimali ino sambo djinge eokali ino? 3 Odjeini nde wikete ndjo? Opotini yo obateli sambo dja elimo motema, sikala osukiani obateli motema sambo dja wenge? 4 Oenelini odjidji ngbii saa pamba? Inga ekodjaka saa pamba. 5 Moto ongo akohakani ino elimo pe akokelaka sambo dja okulu ndondo enu, akokelaka eho nde la smbo dja pui inga laate ondimalini sambo djinge eokalini ino? 6 Saa ndenge Abalayama amondjimali Mwengei, wamowelali moto molamu. 7 Oyewini ate wango wakonanganaka la ondjimi nde wadjei wana wa Abalayama. 8 Kaikonde edhingo, nda ndenge eenanali liwoso ate Mwengei atanga wato wa weeti witondo wato walamu la loyi e ondjimi, etiesamakolali mboli ndamu etie Abalayama ate: La mboka e owe witondo kpaa wikopambwama. 9 Eho nde, wakonanganaka la ondjimi wakopambwamaka mongindji la Abalayama moto molamu. 10 Wango kpaa wakobataka motema la sambo dja pui, walakelami obe; laate edhingama ate: moto kpaa ongo odjei okeli sambo djinge kpaa etidhingame la buku dja pui alakelame obe. 11 Alidji toeni la hoho ate Mwengei atitangaka moto toeti moto molamu la loyi e pui, laate moto molamu akodja la mokalo la ondjimi. 12 Kaikonde pui etioongoko odjei la ondjimi, kasi moto ongo okotosaka eho akodja la mokalo la mboka eho. 13 Kilisito atosombali pe atolongosali la elakeli mbe e pui la ndenge aumali elakeli mbe la eholo esu, laate edhingama ate: moto kpaa ongo aakami la ekulusu alakelame obe. 14 Gbondo eho edjei ate lipamboli la Abalayama edje la mboka e Yesu Kilisito la loyi e witondo, po la mboka e ondjimi esu, totote elimo enge ewunanate. 15 Wamana ima wa pele pe wa wali, ikwasaka ahala nda ndenge e wato. Ondjimani enge endjimani, ingate edjei e moto, moto tueti atilumba eho te ate asumbeliye djeeti sambo likolo laho. 16 Kaiko nde mawuna mango, wamoyewisali eho Abalayama pe liwota lande. Etiase ate: Etie moto, nda ndenge edjakali ngbi, kasi nde etie moto saa mwesi ate: Etie wana wa owe, enge edjei Kilisito. 17 Ikwasaka ndjo: Ondjimani enge Mwengei andjimaate gala, pui enge edjate mbula kama inei la ntuku isato mbuse etidje olongosi eho pe liwuna laho etiolame. 18 Inga libula ekototama la pui, etikine la tina e liwuna, kaikonde Mwengei ahali eho Abalayama la logoo la mboka e liwuna. 19 Gbondo e pui edjei nde? Eho eboliamate la oenesi la hoho sambo e obuki pui, tee ango liwota eho wamohali liwuna akodja, pe ahamali la mboka e waahumbwa la ewo e moto ongo odjei nda polongo. 20 Kaikonde moto ongo odjei nda polongo atidjaka la ebete enge moto adjei saa inde amene, kasi Mwengei adjei saa inde amene. 21 Pui edjeinde owamaleli mawuna ma Mwengei? Te te ma okeke! Inga wakohaka pui eesi ndjo enge eengi ohi mokalo, nda moto atangami moto molamu la gbondo e pui. 22 Kasi edhingo enangali wiho kpaa la boloko e lisumu, laate liwuna enge elongoyi la omondjimeli Yesu Kilisito ehekelame la wango wandjimate. 23 Kaikonde liwoso ate ondjimi edje, pui edjakali otobanei, etonangali iso la boloko, todjakali olambeli ondjimi enge e ongoli oeneni. 24 Eho enge, pui ewumali moinei mosu ongo odjakali ototiesakoli etie Kilisito, laate totangeme wato walamu la ondjimi. 25 Kasi sikalandjo nda ndenge ondjimi edji, totitiesamaka kine la moinei. 26 Meemene, odjeini ino kpaa wana wa Mwengei la mboka e ondjimi enge e mondjimelalini ino Kilisito Yesu. 27 Wato wango kpaa wapatali la malia la tina e kilisito wamokpaliga kilisito. 28 Moyuda ati kine te Mogeleki, motuke atikine, moto ootwa pe te, molome atikine, moli pe te; laate odjeini ino kpaa moto mokikima ndondo e Kilisito Yesu. 29 Inga odjani wato wa Kilisito, odjeini pendja litoto la Abalayama, watoti wa libola owunanake.
Chapter 4

1 Ikoasaka ate ango mototi o libola adjei yo mana mokeke atikesene la motuke, te ndenge edjei inde memene wiho kpaa. 2 Adjei la mawo ma wakapita pe la wato wa otomu, tee lisio linge sango awonate gala ate apote. 3 Ndenge kikima pe la iso ahala, ango edjaki iso wana wakeke, tonanganali la wotuke jda sambo keke dja moki. 4 Kasi ango angele eho eengali, Mwengei amotomali mana onde, ongo moli mwesi amowotali, pe ongo odjakali sese e pui 5 laate awalongose wango wadjakali sese e pui, pe awakalese, ndjongo iso pe Mwengei atotote pe atowumese wana wande. 6 Kaiko nde nda edjei ino wana, Mwengei atomi elimo e mana onde la mitema masu pe ekopamaka ate: Abba, Wawa. 7 Eho enge, oti alidji motuke kasi mana; pe inga odja mana, odjei pe mototi e libula la ligamesi e Mwengei. 8 Kaiko nde, ango etimoyewalini ino Mwengei, la engele eho odjakalini watuke la wango wati pendja wamweingei. 9 Kasi sikalandjo nda emoyewi ino Mwengei, te sikala nda Mwengei owoyewini, nda ndenge alidji okowongwelakani sambo keke keke dja pamba pe enge edjangi gbondo pe obalini alidji edjei watuke waho?. 10 Okotemeiyaka masio la ndebo pe wiengele pe la wilanga! 11 Ikoyangelaka ino, laate edjei nda iyowenelini odjidji saa pamba. 12 Wamanaima, iyakongini la ino, owume ndenge edjei mbai pe mbai idjakali nda ndenge edjei ino. 13 Oyewini ate edjei ndenge edjakali mbai la ekoni la wenge nde oyotiesakolalini mbala e liwoso mboli ndamu. 14 Te ekoni enge edjakali la wenge wa mbai, eomekalini, otitonani eho, otilumbalini te soi pe otiwokalini mbai ndowu, kasi oyambalini mbai nda ahumbwa e Mwengei, nda Kilisito Yesu inde amene. 15 Ndjongo eni olamu enge edjei ino la eho? Laate ikoohekelekeni eyaseli ate, inga eho ekoki odjei olamu, okokini olongosi maiso manu ohekeleni mbai. 16 Pe sikalandjo, iwumi monguna monu la ndenge ikoowaselakani ino meemene? 17 Wakoolukakani la egalela, eti ndenge elemu, kasi wabali ate wakawole mbai la ino, laate owalukeni la egalela. 18 Kaikonde, eti olamu engele kpaa waolukeni la egalela la gbondo eesi elamu, kasi te ndji engele enge edjei mbai la ino. 19 19 Wana wa mbai, wango idjei alidji la ekoni e wotake tee engele Kilisito akokelama ndondo e ino. 20 Kasi idjaki la posa ate edje la ino mongindji sikala pe osololi la ino ndenge eeti, laate mayele masili mbai la tina enu. 21 Ndjaselani mbai, ino wango obali odjei sese e pui, otiokakani pui? 22 La eho, edhingamate ate, Abalayama adjakali la wana wapele waale, mwesi la mana o moli motuke pe mwesi la moli moikake. 23 Kasi mana o moli motuke awotamate ndenge wato wakowotamaka, ongo o moli moikake la mboka e liwuna. 24 Sambo djaho edjei nda elima, laate wali waho wainei libalano liwale, eesi e mokoli mo Siona, eho edjei owoti wana wadje watuke, pe eho nde Agai. 25 Kaikonde Agai oho einei Siona, mokoli mwesi mo Alabia, pe aengi la Yelusalema maamasio, laate adjei motuke mongidji la wana wande. 26 Kasi Yelusalema mboka e likolo edjei la lipanda, pe adjei ngbasu. 27 Laate edhingama ate: Yemele, owe moli ekomba ongo otiwotaka, pama pe humba pui, owe moli ongo otiokaka ekoni e wotake, laate wana wa moli ongo omotonali iwo wadjei ngbii oleki wana wa ongo odjei la molome. 28 Kaikonde iso, wamanaima, todjei wana wa liwuna ndenge edjakali Yisaka. 29 Kasi edjei saa ndenge eho, ongo awotamali ndenge wato wakowotamaka, apotali oenesi odjidji ongo owotamali la ndenge e elimo la engele eho, sikala ndjo pe ndenge kikima. 30 Kaikonde lidhingeli liasi wono? Umba la moli motuke la mana onde laate mana o moli motuke atitota te maa keke libula mongindji la mana o moli odjei la liwala. 31 Eho enge, wamanaima, iso totidje wana wa moli motuke, kasi o moli ongo odjei la liwala.
Chapter 5

1 La lipanda e ndenge eho nde Kilisito atokalesali. Eho nde, amalani la otetelake, pe otidheeni ate waobateni alidji la ohianesi la enanganeli enge e otuke. 2 Dhenda! mbai Polo, ikoasaka la ino ate inga otenanani kombeni, Kilisito atidja la tina atie inu. 3 Alidji, ikoaselaka moto kpaa ongo okotenaka kombeni ate akoki oengesi pui kpaa. 4 Okawani la Kilisito ino kpaa wango wakolukaka otangemi wato walamu la sambo dja pui; olongoini la logoo e sungu e inde. 5 Nde iso, la mboka e elimo tokolambelaka la motema mo misa olamu wungu tokobatelaka motema enge elongoyi la kondjima. 6 Laate, la sambo e Kilisito Yesu, otenani kombeni eti la tina, edje te inga otitenane kombeni, kasi ondjimi enge ekokelamaka la mboka e libalano ehonde edjei la tina. 7 Odjakali otili obangu. Ndai ootekesalini otosi meemene? 8 Mamunguene e ndenge eho elongoyiti atie moto ongo aowelalini ino. 9 Ma levile ekokundjisaka mogbuku mo moteke. 10 Indjimi pendja ate ino wango waboliani la likumu otibunduaka ndenge eeti. Kasi moto ongo akoobatakani la ewedje akosambisama, edje te ndai. 11 Kasi mbai, wamanaima, inga idjeiyo otiesakoli otenani kombeni, nda ndenge idjeiyo oeni odjidji? 12 Ikoki oemeli ate wato wango wakolukaka oolingeseli ewedje, wayawumese te mituke. 13 Wamanaima wa pele la wango wa wali owelanini la lipanda. Kasi otikelelakani lipanda laho nda mboko o oyengesi posa dja wenge, kasi la mwemu kelanani nda watuke . 14 Laate pui kpaa eengeisani la liloba li liloba: Okoki omobali miino owe nda owe amene. 15 Kaikonde, inga odjeiniyo ndji otuani maino la olakani, huakani ate otisilisaneni. 16 Kasi ikoasaka ate: Sombani la elimo pe otikokeseni posa te esi e wenge. 17 Laate wenge, la posa eho, ekoaamalelaka elimo, elimo pe ekoaamalelaka wenge; laate eho iale etiokanaka, eho enge sambo djinge ekobalakani ino okeli, otikelakani eho. 18 Alidji, inga okosombisamakani la elimo, otini sese e pui. 19 Sambo dja wenge ekoeneneke ohola: Eteba, pite, osoto, esombeli e soni. 20 Mangomba ma wikeko, lilando, mohela, oswi, zua, limemu, oswameli, okawani, maa masambo. 21 Oluli, olangoi maana, maigo ma litema, pe la sambo djinge eengani la djidji. La sambo djaho, ikookebisakani nda ndenge iyokebisalini liwoso, ate wango wakokelaka sambo dja ndenge eho watitota libula e okumu e Mwengei. 22 Kaikonde, pukapuka dja elimo edjei libalano, mwemu, logoo, motema molai, olamu, ondjimi, 23 motema molamu, owatekesi. Eti la pui eesi enge ekwamalelaka sambo djaho. 24 Alidji, wango wadjei wato wa Kilisito Yesu omoakia la ekulusu wenge la ononi eho pe la posa eho. 25 Inga todja amokalo la elimo, todjake pe osombi mongindji la elimo. 26 Totilukake oaenesi ate toayeti wadji.
Chapter 6

1 Wamanima, inga te moto asakela liwoso ate ayewe eho, ino wango wadjei la makoki ma elimo, mekani omonanoli la elimo e logoo. La engele eho owe amene pe awadhende, gala te owe omekame. 2 Kpalanani migbali ino la ino, la eho nde eengiani pui e Kilisito. 3 Inga moto abundua ate adjei moto o otwa engele edjei inde moto pamba, akokosaka mamungwene mande amene. 4 Moto la moto ameke tomo djande ndjongo nde akotota loyi eyakumisake la eho la inde amene, laate atiaengesaka la oeti moto. 5 Laate moto la moto akomeka mogbali monde amene. 6 Ewongi moto kpaa okotiesamaka liloba ahakale ndambo e iho djande kpaa la moto ongo okomotiesakolaka. 7 Otiakoseni: Mwengei ati moto modendiake. Laate enge moto akoonaka eho nde akobuka. 8 Laate moto ongo okoonaka la wenge ende akobuka bumakolo enge elongoyi la wenge wande, kasi moto ongo okoonaka la elimo akobuka mokalo mo libela enge elongoyi la elimo. 9 Eho enge, totidhe okeli enge edjei olamu, laate tokobuka la engele enge eengi, inga totilembe. 10 Inga todja ngonga enge ewongi la eho,towakelele wato kpaa enge edejei olamu, kasi oetesi wango wadjei wamaangasu ndondo e ondjimi. 11 Dhendani ndene edhingi mbai la madhingo masungu masungu la mawo ma mbai amene. 12 Wango kpaa wakolukaka oeneni olamu la wenge iwo nde wakootomakani otenane kombeni, laatewatiene odjidji la loyi e ekulusu e Kilisito. 13 Laate te iwo wango watenani kombeni watitosaka pui, kasi wabali ino otenane kombeni laate watote ema eyakumisake la eho la wenge wanu. 14 La ngambo e mbai, itiakumesa la ema teeti, olongwesi ndji ekulusu e likumu lasu Yesu Kilisito. La mboka ende moki mwaakiani la ekulusu la gbondo e mbai pe mbai la gbondo ewu. 15 Laate otenani kombeni eti la tina, ndenge kikima inga otitenane kombeni, kasi odjei mowotami moohola la Yesu eho nde edjei la tina. 16 Wato kpaa wango wakobilia maa matiesakoli, logoo la motema magba edjei la iwo, la Isalayele e Mwengei 17 Opoti keke moto tueti atibate mbai la ewedje, laate ekogbalaka la wenge wa mbai wihaleli wa LIkumu Yesu. 18 Wamanaima, logoo e sungu e Likumu lasu Yesu Kilisito edjei la elimo enge ekoeneseke ino. Amina.

Ephesians

Chapter 1

1 Paulo, motutiani mo Yesu kilisito la mwano mo Mwengei, atie wasatu wango wadjei la Epeso alidji la wango wamogemei Yesu kilisito. 2 Magba masungu la logoo e Mwengei wawa osu alidji e likumu Yesu kilisito edjeni la ino. 3 Mwengei pe Wawa o likumu lasu Yesu kilisito apambwame, laate atopamboi iso la opamboi kpaa e elimo la wibete e likolo la liboliani mongindji la kilisito; 4 La inde Mwengei atowoni liwoso la lipotele e moki, laate todje wasatu alidji wango wati la owungi lihoso la nde ndondo e libalano. 5 Iso towononi ndondo e libalano e nde odjei wana wande la mboka e Yesu kilisito; ndenge ebalali inde la olamu wonde. 6 Laate wamogane la magba masunu mande e otwa enge atoeneseleli la magba pendja la mboka e mana onde. 7 La inde, tosombani la mboka e lisango e makila mande, la olimbisi masumu masu, la otutei ogumake e magba masungu mande, 8 Mwengei atohali iso eho ngbii, la oyewi kpaa alidji la lokenge kpaa. 9 Atoenesali sekele mosatu e mwano monde, eho e ookani la sambo djinge aemelali okeli la obilei mwano monde, 10 la otomo e sombesake sambo e gboo e wiengele winge wibatana, epoti oasi, obolei alidji wiho kpaa eholo kikima sese e okumu wo Kilisito, wiho winge widjei la mbume, sese e okumu wonde. 11 Ongo la liboliani mongindji la inde tobatani pe watoti wa lisango, la ndenge eyanali iwo eho liwoso la loyi esu la obilei mwano e moto ongo okokelaka sambo kpaa ndenge mwano monde moinyei. 12 Laate todje kole e osangoli pe e omohi otwa, iso wango todjei wato wa poo, wango wamodhendelali kilisito. 13 Kasi ino pe obatalini mwanmo atie inde mbuse e ooki liloba wo meemene, mboli ndamu enge edhendji mokalo monu. La mboka e inde, mbuse e ogemei, obatamalini eleme e elimo satu enge ewunamali. 14 Ehele edjei ndanga e lisango lasu enge ehami libela la libela, la osombani la mboka e lisango ema e Mwengei inde amene, la osangoli kombo e inde. 15 Eho lenge mbai mpe, tee e ookali mbai mboli e ogemei enge edjei ino la eho la Likumu Yesu pe atie wasutu kpaa, 16 Itidheeke kine owongosi dombwa la loi enu. Idjei ndji ikootolokoni ino la oyakongi wo mbai. 17 Laate Mwengei o Likumu lasu Yesu kilisito, Wawa o otwa, aohini ino elimo e lomungo pe la oyewi womeemene e omoyewi inde; 18 Alidji akoduhola maiso ma motema manu, laate oyeweni nde edjei mwano mungo inde aowelelalini, ogumake wo otwa wungo eyisi inde laate edje lisango e wasatu. 19 Alidji osungu e okulu wonde enge eyeti kpaa atie iso wagemei. Eho eeneni la otomo e okulu wonde osungu, 20 Atomali okulu woho atie kilisito, ango e mosusolali inde tee ongo la wagwi pe amobatali la ewo ende e lilome ndondo e wiholo wiyeti likolo, 21 lihele oyeti makumu kpa pe okumu kpaa pe okulu kpaa pe woeloko kpaa pe la kombo kpaa enge ehani, te ndji la ehele engele, kasi pe le engele enge egeleli. 22 Abati kpa sese e makolo mande, alidji amowumesali inde likumu e wiho kpaa winge widhendji lingomba; 23 enge edjei wenge wande, enge etumi la mboka e moto ongo okotumesaka wiho kpaa ndondo e kpaa.
Chapter 2

1 Enge e odhendjini ino, ogwalini la mawungi manu pe masumu manu; 2 enge gala wodjaali osombi la eho, la otutei sambo dja mu mokii, la otutei likumu e okulu e ehoho, elimo enge edjei sikalandjo okeli otomo ndondo e wana wango wadjangi etemeya. 3 Iso kpaa koto todjakali ndondo e motango mowu, todjakali oyasombesi la obilei wihoha wa wenge wasu, todjakali okeli sambo djinge wenge pe mamungo madjakali obali, pe todjakali wana waendji nda wadji wato. 4 Ase Mwengei, ongo otumi mpedja la motema mo magba, la libalano lande esungu enge atobalali iso, 5 Ango todjaliyo wagwi ndondo e sambo mbe, atowongolali iso la moki ebete kikima la kilisito, la magba masungu wokaliani, 6 pe atosusolali iso ebete kikima mpe atobati iso ebete kikima la wibete e likolo, la weesi mongindji la Yesu kilisito; 7 la ebili ate la sambo e engele ehele ekodja ogumake enge e magba masungu mande enge eyeti kpaa eenge oyahinyei ndondo e motema molamu monde atie iso la liboliani mongindji la Yesu kilisito. 8 La magba masungu maho nde wokaliani la mboka e ogemei mpe okali woho elongoiti atie ino, edjei likao e Mwengei. 9 Edjiti la tomo laate moto tueti atitote kole e oyagani 10 laate iso todjei pukapuka e otomo wonde mpe tokelamali la liboliani mongindji la Yesu kilisito la loyi e tomo ndamu; enge Mwengei awongeleli liwoso laate iso tosombe la ehoo. 11 Eho lenge, otiwosaneni ate gala odjaakalini wato wa miki la moini, owelamalini wato wango watenaniti kombeni atie wato wango wakoyaselaka ate watenani kombeni, enge ekelani la mawo la ndondo e moini 12 ate la engele eho otidjaalini la Kilisito, wato wango waumbi la iwo lihele la mokii mo Yisalayele mpe odjaalini wadjidji e ogemeyani wo gala, pe otidjaakalini la mwano pe otidjaakalini la Mwengei la moki. 13 Ase sikalandjo, la liboliani mongindji la Yesu Kilisito, ino wa wato odjaakalini gala lihele, owumiani ahue la ligamesi e makila ma Kilisito. 14 Laate inde adjei logoo esu, inde moto okelali ate winge mambutu miale miume esi, mpe abukali etutu e ndondo enge edjaali okawoli eho. 15 La ligamesi e wenge wande e moini, alongwesali likewe, pui djinge idjaakali la tiesami djaho pe la wisombeli waho, laate aenge okelesi miki maho miaale, laate eume moto mwesi oholi, la liboliani mongindji la inde; mpe eenge obatisi logoo; 16 pe aenge obalenesi miki kpaa maho miale eume wenge ndji esi, la loyi e Mwengei la mboka e ekulusu, laate awolali likewe, la ligamesi e inde amene. 17 Adjali mpe atiesakolali mboli ndamu e logoo atie ino wato wango wadjaakali lihele, mpe logoo atie wango wadjaakali ahue, 18 laate ligamesi lande, iso miki maho miale tototia mboka e oyagoli ahue e Wawa la elimo ndji esi. 19 La ehoo, meemene otini kine wadjidji mpe wato wango wayabati la odjidji, kasi odjeini nde wana wa mokii ebete ekikima la wasantu mpe odjeini wato wa monguta mo Mwengei. 20 Mpe omaanini likolo e moboko e watutiani mpe watiesakoli, kaikwase Yesu kilisito inde amene adjei libukeli mpe likule e monguta. 21 La liboliani mongindji la inde, monguta moho kpaa, nda eboleani liwoke liikima la ookani amene, ekotelaka laate eume tepelo mosantu e Likumu. 22 La liboliani mongindji la inde, ino mpe okomaanakani mongindji la odjei ebete enge Mwengei aengi oyabati la elimo.
Chapter 3

1 La loyi laho nde mbai Polo moto o woyogo la loyi e Yesu Kilisito la kole enu wato wa mikii 2 inga ookini mboli edhengi otomo enge ehi iwo mbai e kapita e womoto osungu e Mwengei la loyi lonu. 3 Ate la mboka e eeneseli eesi nde waaselali mbai liiseli mosatu ndji ndenge idhingali eho liwoso la okwee; 4 la loyi laho nde ino, ango ekotanga ino eho, okoeneni ate iyewi amene liiseli mosatu e Kilisito 5 la meeti maliye, liiseli laho etiyewisanali atie wana wa wato ndenge eenenya sikala atie watutiani wande wasatu pe iwo watiesakoli eho la ligamesi e elimo. 6 Epoti oasi ate, wato wa mokii, waengi odjei watoti wa lisango ndenge kikima la iso mpe wisuki dja wenge ndenge kikima la iso mpe wato wango wakotota liwuna ndenge kikima la iso mpe ndondo e oboliani ebete kikima la Kilisito Yesu la mboka e mboli ndamu; 7 Iumali mokeleli moho la odhendji likao e pamba e magba masungu ma Mwengei enge eenisami atie mbai la ookani la ndenge enge okulu wonde wokokelaka. 8 Atie mbai, moto mokeke oyeti moto ongo oyeti mokeke ndondo e wasatu kpaa, magba masungu maho maenisanali, laate itiesakole la mikii mboli ndamu enge edhengi ogumake wo Kilisito enge eengiti omekami; 9 pe ihinye wato ndenge liiseli mosatu eho ekosombisamaka, li liiseli tee engele e gala eyisamakate ndondo e Mwengei ongo okeli wiho kpaa. 10 Edjaakali ndjongo laate silalandjo la mboka e lingomba lokenge wo Mwengei enge edjei ndenge la ndenge, eyewane atie okumu kpaa pe la makumu ma wibete e likolo. 11 La otuteyi mwano mo libela enge ewongelali inde la loyi lungo edhendji Yesu Kilisito Likumu lasu. 12 Ongo la ligamesi lande, tokoasaka la hoho mpe la omeemene mpe tokoyandongbaka ahue odjangi owangi la ebili ate tomogemei inde. 13 Eho lenge, ikoongoko la ino ate otilembeni, la loyi e odjidji wungo ekoeneke mbai la kole enu, laate eho edjei otwa atie ino. 14 La loyi laho nde, ikomaaka mauli liwoso la Wawa, 15 ongo la loyi londe liwota kpaa la likolo mpe la mbume etoti kombo, 16 la ebili ate, la obilei ogumake e kombo e inde akoohekeleni ino nano e oumi otetelake e womoto wonu wo ndondo, mongindji la okulu mpe ligamesi e elimo ende. 17 Laate la mboka e ogemei wonu, omobateseni Kilisito la mitema manu la libalano, laate ino omayeni mindili mpe oamaleni la otetelake likolo la moboko, 18 laaate ino oengeni oyewi la mamungwene mongindji la wasatu kpaa osungu, mpe oyingi, oluani mpe olindji, 19 pe oyewi libalano e Kilisito, enge eyeti oyewi laate otumeni la wiho kpaa enge Mwengei akohaka. 20 Kaikwase, la moto ongo, la ookani e okulu enge ekokelaka otomo ndondo esu, aengi okeli ngbii oyeti sambo kpaa enge tokoongoko, te enge ekotodjeleke iso la mamungo. 21 Otwa edje la inde la mboka e losambo mpe la mboka e Yesu Kilisito; la loyi e mawota kpaa libela la libela! Amen!
Chapter 4

1 La eho, mbai moto o woyogo la loyi e Likumu, iyakongi la ino ate sombakani la ndenge enge owongi la owelani enge owelanalini, 2 la elimo enge e oyadjimbesi mpe e logoo, la motema ndai, nangakani motema moto la moto la sambo e odji la libalano, 3 Kelani kpaa la obanyei liboliani e elimo la enanganeli e logoo enge ekowanesaka. 4 Wenge edjei ndji esi, mpe elimo edjei ndji esi, ndenge pe owelanalini la mwano ndji esi enge owelanalini la eho. 5 Likumu adjei ndji mwesi; ogemei woikima, patisa ndji esi. 6 Mwengei ndji woikima pe Wawa o wato kpaa, ongo odjei likolo e sambo kpaa, mpe akokelaka la mboka e kpaa mpe ndondo e kpaa. 7 Kaikwase atie mwesi la mwesi osu, magba masungu maenesanali ndenge enge Kilisito akawolali likao laho pamba. 8 Eho lenge aasa: ango otelali inde likolo akpalali wahelami, ahali makao enge edjei wato. 9 Kaikwase eyinyei nde: atelali, inga te nda ate ayadjimbaliyo la wibete wisese kpaa oyeteli la mbume? 10 Moto ongo oyadjimbali edjei pe ndji ongo otelali lihele oyeti likolo kpaa laate aenge otumi la sambo kpaa. 11 Mpe ahekeli wadji wadje watutiani, wadji watiesakoli wadji wasombesi mboli ndamu, wadji wabanye wa mpata la wamwalimo, 12 la onanolesami e wasantu, la loyi e otomo egamesake, laate wenge e Kilisito eyamale, 13 Tee ango iso kpaa tokouma la liboliani e ogemei mpe e oyewi wo meemene e mana o Mwengei, la ndenge e moto ongo obeki pendja la ebekeli kpaa e kilisito. 14 Laate totidjee kine alidji wana wakeke, wango wokogulanaka nda mbonge pe okpalani iyati la iyati la ehoho kpaa e matiesakoli la mboka e ekosako e wato, la mboka e mamungwene mbe enge ewotake liwunga; 15 ase ango ekoasaka iso meemene, todje la libalano e sambo kpaa la ookani la oholo moto ongo odjei moto, Kilisito. 16 Tee ongo la inde wenge kpaa, nda eyabolei eho ebete kikima la ookani womeemene mpe ewongelami la okeli mongindji la mboka e wisuki kpaa winge wikohaka kpaa djinge iengi, la otuteyi otomo e esuki esi esi ndenge eengi la wisuki waho laate eyamaye eho amene ndondo e libalano. 17 Denda enge ekoasaka mbai pe ototoli eho ndondo e Likumu, ate otidjaakeni ndji osombi aladji ndenge miki mikosombaka la mamungwene mawu madjangi kole. 18 Ango edjei iwo la mamungwene mbe pe wadjei wadjidji lihele e mokalo mo Mwengei, la odjangi lokenge wowu, la loyi e mitema mitetelake mawu. 19 Nda ewusisali iwo wikaleli kpaa ndamu djau, wayahekeli la wisombeli wa ndundu, la okeli osoto la ndenge kpaa e litema. 20 Ase ino otitiesanalini ate Kilisito adjei ndjongo; 21 Inga meemene, omookalini inde pe otiesamalini la mboka ende, ndji nda ndenge meemene edjei la Yesu, 22 ate ewongi la ino olongosi ekaleli e gala enge e ookani la wisombeli wanu e liwoso pe enge ekoholoko la otutei waposa waho wa moleho. 23 ate ewongi la ino oyawumesi oholi la elimo ndondo e mamungwene manu, 24 laate ewongi la ino okpali womoto wo holi enge ekelamali la ookani la mwano wo Mwengei la sambo ndamu pe la osembo wo meemene. 25 Eho lenge, sikalandjo nda elongosini ino moleho, oasakeni meemene mwesi la mwesi la miino onde; laate todjei wisuki winge mwesi la mwesi eho edjei maanango e odji. 26 Inga ino woyabatani la limemu, wotikeleni lisumu. Wuse wotilangale ndji ino odjeiniyo ndji la likewe, 27 pe otimodheeleni etota ebete. 28 Iwa atiyiwe kine; kasi akele otomo, akele la mawo mande otomo wungo wodjei olamu, laate adje la ema ekawelake moto ongo odjei la otundake. 29 Liloba liholoke etipumbe la monoko monu, kasi nde liloba kpaa enge edjei olamu la omai la engele enge ehoha edjei, laate ehekele waoki, ema ndamu. 30 Aleeti otiokesakeni elimo santu e Mwengei magba te, enge la mboka eho obatesamini elembo la lisio liesi e okalesani la mboka eho. 31 Sambo kpaa edjiake enge ekohekeleke pasi mpe limemu la likewe pe opami pe sambo dja wiliko, elongwe lihele lanu, la sambo mbe kpaa. 32 Kasi odjakeni la libalano ino la ino; ookelanakani magba ino la ino, limbisanakani la motema mwesi, ndenge nda Mwengei pe la mboka e Kilisito aolimbisalini ino la motema mwesi.
Chapter 5

1 Eho lenge, umani wingbangeli wa Mwengei, nda wana wa libalano; 2 pe sombani ndondo e libalano, nda Kilisito pe awobalalini ino pe ayakawali likolo lonu nda likao mpe mbeka atie Mwengei nda malasi enge lumba ndamu. 3 Pite la osoto e ndenge kpaa inga te litema etiasane te oasani atie ino; ndji nda ndenge ewongi la wasantu. 4 Te pe esombeli e ndundu, masolo matidje e wikete, iyoka e ndundu te, sambo djaho iwongiti, kasi hekelekeni nde dombwa. 5 Laate oyewini lu loyi, ogemeini eho ino amene, ate moto tueti o pite te ongo o osoto te ongo o litema, enge eyinyei odjei moyakongi e wilima, adjei la lisango e wokumu wo Kilisito mpe wo Mwengei. 6 Moto atiokoseni la sambo dja mpamba; la ebili ate edjei la loyi e dji sambo eyasani ahala nde limemu la Mwengei ekodjeleke wana wango wadjangi etemeya. 7 La eho, otiyawaneseni la iwo. 8 Laate wodjalini gala la molili, sikalandjo odjeini la hoho la ookani la Likumu. Potani osombi nda wana wa hoho, 9 Laate pukapuka e hoho ekalani la ndenge kpaa e olamu pe e sambo ndamu pe e omeemene, 10 Yahekeleni oluki oyewi olamu ema enge eengi ogemeyani atie Likumu. 11 Dheeni oyabati la tomo dinge djau enge edjangi owoti pukapuka; enge edjei e likolo, kasi pamelakani ndji pamela. 12 Laate sambo ndjinge iwo wakokelaka la oisani, edjei ndundu oaseli eho. 13 Kaikwase sambo kpaa enge eeneni la hoho, ekoeneneke la hoho, laate sambo kpaa djinge ekoeneneke ndjongo, edjei hoho. 14 Eho lenge aasi ate: Owe suswa, owe molangali ilo, pe amala tee ongo la wagwi, pe Kilisito akooenesa hoho. 15 Eho lenge, huakani ate ndenge e esombeli enu etidje nda wato wango wadjangi lokenge, kasi nda wato wango wa lokenge, 16 Yasombelani engele enge ewongi, laate masio mabiti gaa. 17 Eho lenge, dheeni owumi wikete, kasi yewani inga mamungo ma Likumu madjei nda ndenge. 18 Otilangwakeni bino, laate ekaleli e osoto edjei ongo ndondo eho, kasi tumisanani la elimo, 19 Ango okodjaakani osololi ino la ino la lembo pe la mogano la loyi e Mwengei pe la lembo e elimo, lembani la ndundu la mitema manu kpaa la loyi e Mwengei. 20 La kombo e Likumu lasu Yesu Kilisito, hekeleni Mwengei pe sangbasu dombwa engele kpaa la sambo kpaa. 21 Yadjimbesani moto la moto liwoso la odji, ndondo e owangi Mwengei. 22 Wali, wayadjimbese liwoso la pele djau, nda atie Likumu; 23 laate molome adjei likumu e moli onde, nda kilisito adjei likumu e mangumba, inde mokalesi e wenge woho. 24 Meemene, ndji ndenge mangumba ekoyadjimbesaka liwoso la Kilisito; ndenge kikima pe wali wayadjimbese liwoso la walome wau la sambo kpaa. 25 Pele, balani wali wanu nda kilisito abalali mangumba pe ayakawali likolo laho, 26 laate aenge osatisi eho, olangesi eho pe okpoli eho la malia la mboka e liloba, 27 laate aenge owumesi mangumba atie inde amene la owongi woho, te la litono, te la onalili, te la oimbani inga te la ema teeti e ndenge eho, ase edje nde mosatu pe edjange obe. 28 La enge ndenge nde pele waengi obali wali wau nda wenge wau amene. Moto ongo okomobala moli onde akoyabalaka inde amene. 29 Laate moto tweti akotonaka wenge wande amene; kasi akolakisaka eho mpe akowongeleke eho, nda Kilisito akokelaka pe la kole e mangumba, 30 la ebili ate todjei wisuki wa wenge wande. 31 Eho lenge molome akodhee sango la nango mpe akohelana la moli onde, iwo waale wakouma mweni mwesi. 32 Liiseli mosatu enge edjei esungu. Ikoasaka ndjongo la kole e Kilisito mpe la mangumba. 33 Te ndjongo, mwesi la mwesi la ino abale moli onde ndjongo nda ekoyabalaka inde amene; pe moli ewongi la inde amotemeye molome onde.
Chapter 6

1 Wana, temeyani wawoti wanu la ookani la Likumu, laate eho edjei loyi elamu. 2 Motemeya sangwa la ngwa; ehele edjei pui e poo mongindji la liwuna. 3 Laate sambo dja owe esombe olamu mpe owumwe engele elayi la mokii. 4 Pe ino, wa wawa, otimemelesakeni wana wanu, kasi wawokoloni la owahekeli mitiesakoli ndamu, la owayinye sambo djinge wikodjaka atie Mwengei. 5 Ino watuke djaakani la etemeya atie makumu manu ma moini, la owangi mpe la modjadjo la omeemene la mitema manu, nda atie Kilisito. 6 Oidjakeni nda waemelesi wato wango wakokelaka otomo ndji ango wakowadhendaka, kasi nda watuke wa Kilisito, ango ekokelakani ino mwano mo Likumu la motema kpaa. 7 Wakelelani la mamungwene malamu, nda okomokelelakani nde Likumu te wato, 8 la ebili ate, oyewini olamu kpaa enge moto la moto akokela, akotota eho alidji atie Likumu, adje te motuke inga te moto o lipanda. 9 Alidji, ino wiloko, djaakani owakeleli ndinge sambo, dheeni owabandji, laate oyewini ate Likumu lawu pe onu adjei ongo likolo, pe inde ationoko mbanda. 10 La osukesi djaakani ototi okulu ndondo e Likumu pe la osungu e okulu wonde. 11 Kpalani wisindje kpaa wa wita enge elongoi atie Mwengei; laate oengeni oyamali ngbi liwoso la etota. 12 La ebili ate totisanaka kindo la moto, kasi la wagbata la makumu la wango wakoamalelaka miki e likolo, la milimo mibe la wibete e likolo. 13 Eho lenge, totani wisaneli wa Mwengei, laate oengeni owamali la lisio libe, pe oyamali ngbi mbuse e olongi mimekani. 14 Yamalani ngbi: lingani la libele lanu omeemene nda mokaba; kpaalani esindje ebanyake mokpoto e sambo ndamu, 15 Batani nda wikpokpo la makolo manu ekeleli la otiesakoli mboli ndamu e logoo. 16 Loyi liyeti kole, totani nguba esungu e ogemei, enge ndondo eho, okoengani olimi miandja e misa mibe; 17 Alidji totani ekoti e mokalo; la kpoka e elimo, eyasi nda ate liloba e Mwengei, 18 kelakani engele kpaa maongi e ndenge kpaa la elimo pe la wiongolo. Kelani eho la mohandja kpaa pe la oongi la kole e wasatu kpaa. 19 Yakongani la kole e mbai pe, laate ango ekodhukolaka mbai monoko, liloba lihekelene mbai la oenesi la omeemene liisani mosatu e mboli ndamu, 20 ehele la kole eho, idjei Toma la miliki; la oaseli eho la egalela ndenge iengi oasi. 21 Kaikwase laate oyeweni pe sambo djinge edhendji mbai, ndenge edjei mbai, Tisiki maangbasu o libalano pe motuke omeemene ndondo e Likumu, akoaselani ino sambo kpaa enge etodhendji. 22 Ikootomelakani ino inde, la loyi eho pendja, laate oyeweni sambo djinge etodhendji pe atitimese mitema manu. 23 Logoo la libalano mongindiji la ogemei enge elongoi atie Mwengei Wawa pe Likumu Yesu kilisito edje la ino wamanima. 24 Logoo edje la wango kpaa wakomobalaka Likumu lasu Yesu Kilisito la libalano linge liengiti obitani.

Philippians

Chapter 1

1 Polo la Timoteo ,wato wa wotomu wa Yesu Kilisito, atie wasatu kpaa wango waboliani la Yesu Kilisito, wango wadjei la Pilipo, wasindjili la wakeli wa tomo. 2 Magba masungu la logoo e Mwengei sangbasu, la Likumu lasu Yesu Kilisito edje la ino. 3 Ikowongosaka engele kpaa dombwa atie Mwengei o mbai, mbala kpaa ango ekomungwakani mbai ino. 4 La oyakongi wo mbai kpaa la loi lanu, ikohaka oyakongi wo mbai la mwemu. 5 La ebili ate ohalini mawo la mboli ndamu opoti lisio la poo tee sikala. 6 Igemei meemene ate ongo moto opotali la ino wu wotomu wolamu, akoumesa tee gboo tee wuse wo Yesu Kilisito. 7 Ewongi wolamu iobundweni ino kpaa ndjongo, la ebili ate iyokpalini la motema mo mbai, la laate ino kpaa okototakani magba masungu mongindji la mbai la ndenge ehelanini ino la ndjiki ndja mbai, edje te ndenge ekolingelelaka ino mboli ndamu, la ndenge odjeini obatesi eho la mboka e pui. 8 Laate Mwengei adjei demu e mbai, ango ekookakani mbai ehoha e ino kpaa, la libalano la motema, nda ndenge Yesu Kilisito adjei la eho. 9 Ndenda enge ekoongoko mbai la maongi: libalano lanu lidje ndji likotalianaka la woewi wo meemene ase la lokenge wosungu 10 laate olukeni oyewi sambo ndjinge iyeti kole, la ebili ate odjeni langaa ase otiwabingeseni wato wadji ekikimi tee lisio la Yesu Kilisito. 11 Otumeni la pukapuka e sambo ndamu enge ekodjaka la mboka e Yesu Kilisito, la loyi e otwa pe mogano mo Mwengei. 12 Sikala, wamanima, ibali ino oyeweni ate sambo dja mbai isombi olamu laate mboli ndamu eke liwoso, 13 ndjongo wohelani wo mbai woeneni la hoho atie wasindjili kpaa wa Likumu alidji la wadji wato kpaa ate ihelani la loyi e omokeleli Yesu Kilisito. 14 Ase wamaangbasu ngbii ndondo e Likumu, wakototaka oteteli la loyi e ndjiki dja mbai, wakoeneseke mohandja ngbii alidji la otiesakoli liloba e Mwengei te la mbangi. 15 Meemene, wadji wato wakomotiesakolaka Kilisito la otonani pe la misio, kasi wadji la mamungwene malamu. 16 Wango wa mamungwene malamu wakomotiesakolaka la libalano, la woewi ate wabati mbai ahala, la olingeleli mboli ndamu. 17 Ase wango wadji wakokelaka eho la loyi e misio, la mamungwene mango malangiti. Laate wakomungwaka opumbeseli mbai wodjidji e ndjiki dja mbai. 18 Nda ema? La ndenge kpaa edje te moleho inga te meemene, Kilisito akotiesakolanaka, pe la loyi laho nde ikoyemeleke. Kaiko ikodja ndji oyemeli alidji, 19 laate iyewi ate eho ekohekele mbai mokalo la mboka e oyakongi wonu, ase e elimo enge etotali Yesu Kilisito. 20 Eho eokani la wolambeli wo mbai la ehoha etetelake pe dombwa wo mbai ate itooka ndundu te wokeke, kasi sikala, la masio kpaa Kilisito akoganana la wenge wa mbai, edje te la mokalo mo mbai, edje te la logo wo mbai. 21 Laate Kilisito adjei mokalo mo mbai ase logo wodjei kole. 22 Kasi inga eengi odjei la mokalo la wenge, edjei pukapuka e otomo wo mbai, kasi itiyewa oasi enge ebali mbai. 23 Ilutani la ngambo iyale, kasi enge edjei mbai la ehoha eho, edjei osombami pe odjei ebete ekikima la Kilisito, laate meemene, eho nde ema enge eeti olamu. 24 Kaikonde, otikali wo mai la wenge edjei la kole enu. 25 Eho lenge, nda ndenge ekogemeyaka mbai loyi luho, iyewi ate ikotikala pe ikoyabata mongindji la ino kpaa laate obekeni pe odjeni la mwemu e ogemei enu, 26 laate odjeni la sambo ngbii e oyagani ndondo e Yesu Kilisito la loyi e mbai la ndenge ikowongwaka alidji atie ino. 27 Kaikonde yasombesani la ndenge enge ewongi la mboli ndamu e Kilisito, laate edje ate idji oodhendji ino te idjiti, iyoke mboli ate okoyamalakani ngbi la elimo saa esi, la motema saa esi okosanakani mongindji la ogemei mboli ndamu. 28 Otiadheleni la mbeti e mitone. Loyi luho ekoeneseke la hoho obitani wou, kasi mokalo monu; pe eho edjei elembo enge elongoyi atie Mwengei. 29 Laate ototini nano ndamu e ogemeli te ndji Kilisito, kasi pe e oeni odjidji la loyi e inde. 30 Laate ino pe okosanakani kindo nda enge oenelini mbai ikosanaka pe nda enge okookakani ino sikala la loyi e mbai.
Chapter 2

1 Eho lenge, inga ndondo enu ma ligamesi lidjei ndondo enu laate obolianini la Kilisito, inga ma mwemu elibalano edjei, inga moto la moto akoyasumbuaka la loyi e miino onde, inga ma libalano e motma la magba madjei, 2 Tumisani mbai la mwemu, la odjei la iyelo likima, la libalano likima, la molimo moiki, la lomungo liikima. 3 Otikelakeni ema teeti la oswameli, inga e mogano modjangi kole. Kasi la oyadjimbisi edhendelake wadji nda wadjei likolo la ino. 4 Moto kpaa ndondo e ino atiyewe sa liputi lande kasi liputi la wiino wande. 5 Djaakani ndondo e ino la mamungo mango madjaali Yesu Kilisito la mango, 6 inde ongo odjakali nda Mwengei, kasi atitotali lomungo ma pwesake okumu, easi nda ate aume nda Mwengei. 7 Kasi ayawumisali pamba, la ototi ekaleli e watuke, la owumi nda wato, aumali nda wato. 8 Ango eumali inde la ndenge e moto, ayadjimbesali pe ademeyali tee la logoo, logoo e ekulusu. 9 Eho lenge pe Mwengei amodjambali likolo, alidji amohali kombo enge eeti kombo kpaa, 10 laate la kombo e Yesu mawuli kpaa ma wango wadjei likolo, pe e wango wadjei la mbume pe e wango wadjei sese e mbume e maame. 11 Alidji minoko kpaa migemeye la hoho ate Yesu Kilisito adjei Likumu la otwa e Mwengei Wawa. 12 Ndjongo, wa manima wa libalano, ndji ndenge ekotemeyakani ino wiengele kpaa, te ndji engele enge edjei mbai, kasi ngbii sikala engele enge edjeiti mbai, kelakani ndji ndjongo la loyi e mokalo monu amene, la owangi alidji la ongilimi. 13 Laate Mwengei nde moto ongo, ndenge ebali inde okeli, akokelaka ndondo e ino la ebili ate ino obaleni pe okeleni. 14 Kelani ema kpaa te la ondungwani pe te la kokia 15 laate odjeini wato wadjangi ekpeli, alidji wati la huko, wana wa Mwengei wango wadjangi ekweli ndondo e lowela wungo etangama alidji eyaimbi, ango okopumbisakani misa nda moendji mo moki. 16 Nangani la otetelake e liloba e mokalo, laate itote ema eyaganake la lisio e Kilisito, la ebili ate ititilali obangu pamba, alidji itikelali otomo pamba. 17 Inga te ate makila ma mbai makoswana nda likao pe otomo e ogemei wonu, idjei la mwemu pe ekoemeleke mongindji la ino kpaa. 18 Ino pe, ndenge kikima djaani la mwemu pe emeleni mongindji la mbai. 19 Ikomungolaka ndondo e Likumu Yesu, iyotomeleni sikandjo Timoteo, laate molimo mo mbai motume la mwemu ango e kooka mbai sambo djanu. 20 Laaate iti la moto tueti ongo odjei la mamungwene nda inde, pe ongo okoyasumbuaka la kole enu. 21 Laate wadji kpaa wakolukaka ndji olamu owu amene, te enge e Yesu Kilisito. 22 Oyewini ndenge aenesali ate aongi wamobatele motema, la ebili ate nda mana la sango akelali nda motuke mongindji la mbai laate mboli ndamu eke liwoso. 23 Ibundoyi omotomi etie ino mbuse e oyewi ndenge sambo dja mbai ekosomba. 24 Alidji idjei la ogemeyi ndondo e Likumu ate mbai amene igeleli mbuse e ma engele ekeke. 25 Iyeni olamu oyotomelini ino Epapolodite, nanima pe miino o mbai e otomo pe soda nda mbai, moto oholo omotomi ino alidji motuke mo mbai pendja la ndenge e wihoha wa mbai. 26 Laate adjei la ehoha e oeneni la ino kpaa, alidji adjei la magba ngbii la ndenge e ookini ino ate adjaali la ekoni. 27 Adjaali la ekoni pendja, la ahue e logo; kasi Mwengei amookelali magba, te ndji la loi la inde amene, kasi la mbai pe, laate ititote magba likolo e magba. 28 Eho lenge ikomotomaka gala gala, laate ango ekomoeneni ino oyemeleni, alidji magba ma mbai isile olamu olamu. 29 Moyambani ndondo e Likumu la oyemeli kpaa, alidji djaakani olambeli ndenge ehele e wato. 30 Laate edjei la otomo e Kilisito, adjaali pene e logo, abatali molimo monde la huko laate akele olamu eholo enu la ndenge ino amene otini ahala la okeleli mbai.
Chapter 3

1 La osukisi, wamanima emeleni ndondo e Likumu. Owongoli o odhingelini ino sambo djinge edhingali mbai etitungisaka mbai, kasi edjei ate e obanyeni ino. 2 Huakani la wambua, huakani la wato wango wakokelaka obe. Huakani la wato wango watenani kombeni obe. 3 Laate iso nde wato wango watenani kombeni olamu, iso nde tokokelaka otomo mosatu la ligamesi e elimo e Mwengei pe tokoyaganaka la Yesu Kilisito, pe totibatelaka wenge motema. 4 La eho, mbai amene ikoki obati dombwa e mbai la wenge wa mbai. Inga moto mwesi ongo okobundwaka ate aengi obateli wenge motema, mbai ibateli oyeti. 5 Itenanaate kombeni lisiyo e mwambi, idjei moto o Isalayele, e moki mo Bezame, Moebele mana o Waebele; la enge edhendji pui idjali Mopalisai. 6 La enge edhendji egalela, idjaali moenesi odjidji lingomba; la enge edhendji omeemene e pui idjali moto odjangi obe. 7 Te ndjongo ndji djinge pui idjakali ohekeli mbai kole, ieneli nda ema e wungake la loyi e Kilisito. 8 La loyi laho, la motio mosungu eyewake Yesu Kilisito Likumu la mbai, ikodhendelaka wiho kpaa nda wiho winge wiunga. La inde igemei owungisi wiho kpaa alidji ikodhendelaka eho nda edjei osoto, la ebili ate itote Kilisito. 9 Ieneni ate idjei mongindji la inde, eti la womeemene wo mbai amene, enge elongoi la pui, kasi enge elongoi la omogemei Kilisito, womeemene wungo ekolongwaka la Mwengei alidji emaemi la ogemei. 10 Laate imoyewali pe okulu e obasi wonde alidji ieneli wodjidji wungo inde aeneli, igemeyali ogwi nda inde, 11 laate iyene inga ikouma edje te la nda ndenge obasi wo poo tee ongo la wagwi. 12 Easiti ate itoti eho inga te ate iwumi moto oengi, kasi ikobiliaka la oeni inga iengi pe oheli ema ehele Yesu Kilisito pe ahelali mbai la loyi luho. 13 Wamanima itienekeyo ate iheli eho, kasi edjei la ema esi ikokelaka, iwosani wiho winge widjei mbuse alidji ikokelaka ndenge kpaa laate itote wiho winge widjei liwoso, 14 ikokeke obangu tee la gboo la ototi likawo e oki likolo ndenge Mwengei aweli mbai la mboka e Yesu Kilisito. 15 Eho lenge, iso kpaa wango waumi wagbolo, todjei la djinge mamungo maho, alidji inga odjani la mamungo maeti e loyi esi ndjo, Mwengei okoenesani ino mamungo mango ma wongi. 16 Ndenge kikima, ebete edjei iso, tosombe mboka kikima alidji tokale la ookani. 17 Wamanima, djani ino kpaa watuteyi wa mbai, alidji dhendakani wango wakosombaka la ndenge enge e ookani la esombeli enge etoti ino atie iso. 18 La eho, wato ngbii wakoyasombisaka nda mitone e ekulusu e Kilisito; iyowaselalini la loyi ewu, pe ikokelaka sikalandjo la ilelo. 19 Gboo e iwo edjei liwunga, Mwengei owu edjei solo ndjawu, otwa owu nde soni ewu, pe wakodhendelaka ndji sambo dja mu moki. 20 Kasi iso todjei wana wa moki mo likolo, ongo ekomolambelaka iso Mokalesi mosu Likumu Yesu Kilisito. 21 Inde akowongela alidji wenge wasu enge e magba la owumisi ndenge kikima la wenge wande e otwa la okulu enge edjei inde le eho, akobataka wiho kpaa sese e okumu wonde.
Chapter 4

1 Eho lenge, wamanima wa libalano wa mbai, la wamanima wango wakookaka mbai ehoha etetelake, mwemu mo mbai pe motole mo mbai, amalani ngbi ndondo e Likumu, wamanima wa libalano. 2 Ikohaka mohandja la Ebodia, pe ikohaka mohandja la Setisa, wadje la limungwene likima atie Likumu. 3 La owe koto, mino o mbai o wotomu, ndji ndjongo, iwongi owagamese wango wali waolali wenge wau la mbai mongindji la loyi e mboli ndamu mongindji la Kelema, la wino wa mbai wa wotomu, wango nkombo ndjawu edhingani la ahala e mokalo. 4 Emelekeni masio kpaa ndondo e Likumu. Iyasi alidji, emeleni. 5 Laate wolamu wonu wewane la wato kpaa. Likumu aumia ahue. 6 Otiyasumbweni la loi te loeti, kasi la sambo kpaa yewesani wihoha wanu atie Mweengei la oyakongi, la iyongolo pe la ndenge e omowongoseli dombwa. 7 Ase logoo e Mwengei enge eyeti mamungwene kpaa ekobania mitema manu, la mamungwene manu, la ndenge e Yesu Kilisito. 8 Wamanima, enge etikali eho lele, sambo kpaa dja meemene, sambo kpaa dja mogano, sambo kpaa djinge iwongi, sambo kpaa djinge ilangi, sambo kpaa djinge iengi obalani, sambo kpaa djinge iyasani wolamu, inga edjeli esi elamu edjei pe inga ema esi enge eongi la mogano edja, bundwakani djinge sambo. 9 Sambo djinge waotiesakolalini ino, ase ogemeyalini, ase ookalini pe oenalini atie mbai, kelakani ndji ndjongo, ase Mwengei o logoo akotinga la ino. 10 Idjei pendja la mwemu ngbii la ndondo e Likumu laate gboo sikalandjo osusoliani mamungwene manu la loi lo mbai, loi lungo edjaki ino omungoi, kasi odjangalini nde ekikimi. 11 Eti la wodjangi wo mbai nde ekwasaka mbai ndjongo, la loi ate iyekolali, odjei la mwemu la ndenge edjei mbai. 12 Iyewi pendja odjangi wiho, iyewi pendja odjei la wiho ngbii. La ema kpaa pe la sambo kpaa iyekoli ogbeti la odjei la ndjala, la odjei la wiho ngbii, la odjangi. 13 La sambo kpaa idjei la wokulu la ligamesi e moto ongo okohaka mbai wotetelake. 14 Inga te ndjongo, okelalini wolamu la ndenge eeneli ino wodjidji la mbai mongindji. 15 Ino Wapilipo, ino amene oyewini la lipotele e otiesakoli mboli ndamu, ango elongwali mbai la Masedonia, lingomba te leeti litigamesali mbai inga pe litigemeyali ate iwagamese, longose ndji ino. 16 Okelalini la ndenge enu, otomelalini mbai wiho mbala epoo la ewale ongo la Tesaloniki la loi e wihoha wa mbai. 17 Iyasiti ate ikolukaka likao la engbalangbala, kasi ikolukaka la engbalangbala pukapuka enge ekobekesa alidji ogumake wonu. 18 Ikondjali djiesi kpaa, ase idjei la wiho ngbii, iyemeli sikahala nda ekondji mbai wiho atie Epapolodi, wiho winge wilongoi ongo atie ino, malasi ma lumba malamu, likao linge ligemeyani atie Mwengei. 19 Ase Mwengei o mbai akoengesa wihoha wanu kpaa, la ndenge enge eengi la ogumake wonde la otwa la mboka e Yesu Kilisito. 20 Sika ahala Mwengei oosu, la sangbasu adje la otwa libela la libela. Amen. 21 Hekeleni mobale la mosatu kpaa ongo oyaabondji la Kilisito Yesu. Wamaangbasu wango wadjei la mbai waotomelini mobale. 22 Wasatu kpaa, la oyeteli wango wadjei la monguta mo Kaisala, waotomelini mobale. 23 Magba masungu e Likumu Yesu Kilisito edje la elimo enu.

Colossians

Chapter 1

1 Polo aposotolu o Yesu kilisito la oani e Mwengei, pe la Timoteo maangbasu, 2 atie wasatu pe wa maangbasu wa meemene, wango waboliani mongindji la Kilisito, wango wadjei ongo la Kolosia. Otua osungu pe logoo e Mwngei Wawa osu edje la ino. 3 Tomohekele Mwengei, Wawa o likumu lasu Yesu Kilisito matondji ango ekoyakongaka iso la kole e ino. 4 Watosumbelali mboli e ogemei onu atie Yesu Kilisito la libalano linge lidjei ino la eho atie wasatu kpaa, 5 La oani enge waoyiselini ino ongo likolo. Ookalini sambo ndjanake eho liwoso engele waasali meemene e mboli ndamu, 6 enge edjali atie ino, ndenge pe ekowotaka pukapuka pe ebekiga la moki kpaa, ndenge pe ekokelaka ndondo enu, opoti lisio linge liokali ino pe oyewalini olamu otua wosungo wo Mwengei ndondo e meemene. 7 Eho enge eyekolalini ino atie Epapalasi, motuke pe miino osu e libalano ongo odjei moto o otomo molamu o Kilisito atie ino, 8 ongo otosumbelali mboli e libalano lanu la sambo dja elimo. 9 Eho enge iso pe, tee lisio liokali iso eho, totidjaali odhei oyakongi la kole enu pe oongi ate otumeni la oyewi o meemene e oani wonde, la lokenge kpaa pe ososoli e elimo, 10 La osombi ndenge ewongi e Likumu la omoyemelesi ango ekowotaka ino pukapuka e tomo kpaa ndamu pe la obeki e oyewi omeemene e Mwengei, 11 okotumani la okulu kpaa tee owumi la osungu e okulu wonde, laate odjeni la egalela pe la motema molai pe la mwemu, 12 Ango okoongosakani matondji la Wawa ongo owumesi ino wato wawongi oboliani la lisango e wasatu ndondo e hoho. 13 Atokalesi iso la okolu o likolo mpe atolingesi la okumu e mana onde o libalano, 14 La inde tosombani, tolimbisami la masumu masu. 15 Inde adjei elima e Mwengei ongo otieneneke, mana o poo la wiho kpaa wikelama. 16 Ndji la mboka e inde wiho wadji kpaa wikelamate la likolo pe la mbume, wiho winge wikoeneneke la winge witieneneke, edje wangbelengo e okumu, te oloko e okumu, te makumu, wadji wiho kpaa wikelami la mboka e inde pe la kole e inde. 17 Inde adjei liwoso e wadji wiho kpaa pe la mboka e inde wadji wiho wikelamali. 18 Adjei moto e wenge, enge edjei losambo. Adjei lipotele, mana o poo tee atie wagwi, laate awume moto o poo e sambo kpaa. 19 Laate Mwengei aenali olamu ate kpaa etumi botoo eyabate ndondo e inde, 20 pe la mboka e inde, awongose alidji ambeya ndondo e inde la djeeti wiho kpaa, ango ebati inde logoo la ligamesi e makila enge esui inde likolo la ekulusu, edje wiho winge widjei la mbume te winge widjei likolo. 21 Mpe ino wango, wadjakali poo lihele la Mwengei pe mitone laate mamungwene manu edjakali la sambo mbe. 22 Sikala awongosiani ino alidji la ambeya ndondo e ewenge e mweni e enge moto la mboka e logo e inde, la opumbesi ino liwoso lande wasatu, wato wati la obe, wango wakokiti o wakambi la likambo te leeti. 23 Inga meemene otikalini la ogemei, owamalini la otetelake likolo e limbutukele pe oyamaiyani pe otiyabandakani la mwano e mboli ndamu eho enge eokalini ino pe enge etiesakolamali la wikelamu wa miki kpaa minge midjei sese e likolo. Mbai Polo iwumi motuke e mboli ndamu eho. 24 Mbai iyeemeli sikandjo la odjidji okweneke mbai la kole enu, mpe mbai la mokombe mo mbai ikoengesaka enge edjangi la odjidji wo Kilisito, la wenge wa mbai e ndjini la olamu e wenge wonde, enge edjei losambo. 25 Iwumiga motuke mo losambo eho la ookani e mokpali enge Mwengei ahekeli mbai la loyi enu, laate itiesakole liloba e Mwengei. 26 Sekele esatu enge eisamali la wiengele kpaa la maliye kpaa, kasi sikalandjo eenisani la hoho atie wasatu wande. 27 Enge Mwengei abali owaaseli iwo ogumake e kembo e sekele esatu eho atie miki, eho nde Kilisito la oboliani mongindji la ino, mwano mo kembo e inde. 28 Inde nde tokotiesakolaka, ango tokomokebisaka moto kpaa pe otiesakoli moto kpaa la kandela kpaa, laate toenese moto kpaa ate edjei moto ongo aengi la sambo kpaa la oboliani mongindji la Kilisito. 29 Edjei la loyi luho nde ikokelaka otomo la otetelake, ikoolaka wenge la ookani la okulu wonde, enge ekokelaka otomo ndondo e mbai.
Chapter 2

1 Ibali oyeweni kindo sungu enge ekosanaka mbai la kole enu pe la kole e wango wadjei la Laodikia pe la wango kpaa waenakiyo la maiso mbanda e mbai. 2 Ikosanaka laate mitema mau mitume la otetelake, laate wayabonde ebete e kikima la ookani la libalano pe la ototi ogumake kpaa enge elongoyi la obati motema enge iwo wabati la sambo djinge iyewi iwo, la owumi la oyewi wo meemene e sekele e satu e Mwengei, inde Kilisito. 3 Sambo kpaa dja lokenge la dja oyewi eisani atie inde. 4 Ikoasaka enge loyi laate moto tueti atiokoseni la maloba ma ogemei. 5 Laate inga te iti la mweni, kasi la elimo idjei mongindji ndondo la ino pe otetelake e ogemei onu atie Kilisito. 6 Ndjongo, nda egemei ino Yesu kilisito odjei likumu lanu, sombani la inde mongindi. 7 Lingisani ndjili pe maanani ndondo e inde pe amalani ngbii la ogemei, ndenge etiesakolamalini ino, ongo etumiani ino la ogemei ango ekowongosaka ino melesi. 8 Yabanyani laate moto tweti atiowumeseni tuke djande la mboka e oaasi moleho mpe la lundo litii lakola, enge ebiliake ekaleli e wato, la obilei sambo kekekeke dja moki kasi etibiliaka Kilisito. 9 Laate ndondo e inde nde eyabati wenge kpaa e Mwengei. 10 Otumigani la sambo kpaa la mboka e inde, inde ongo odjei likumu e okulu kpaa pe la okumu kpaa. 11 La ambeya enge ekelia ino la inde, otenanini pe kombeni, eti enge etenanake la mawo enge ekolongosaka iwo mweni la wenge, kasi otenani kombeni enge edjei e Kilisito. 12 Laate oombanalini mongindji la inde la patisa e inde, pe la ambeya enge ekeli ino la inde, obasalini pe mongindji, la mboka e ogemei onu la okulu wo Mwengei, ongo omobasisali tee ongo la wagwi. 13 Te ango egwalini ino la mawunga manu pe ndenge etitenanalini ino kombeni la wenge wanu wa mweni, Mwengei aowongosiani ino la mokalo mongindji la inde. Atolimbesi iso la mawunga masu kpaa. 14 Alongosali masia mango madhingani la mawo, enge edjakali otokwesi, enge edjakali la pui pe enge edjakali otoamaleli. Inde alongwesia eho abakia eho la ekulusu. 15 Atikali makulu pe la makumu lingbengbele, awayinyali liwoso la wato kpaa ate awalongi, ango edjali inde owasombesi mongindji la wato walongi la mboka e ekulusu. 16 La eho, moto atiosambeseni la olaki pe la okengi te la lipati te la ogani ndebo e holi, te la lisio e Sabata. 17 Laate dji sambo ndjo edjei wilima dja sambo djinge igeleli, kasi omeemene edjei atie kilisito. 18 Moto tueti atiodjangeseni likawo, inde ongo okoemeleke la oyatitimisi e moleho pe la ndenge eeti e ooongi e wahumbua. Ongo oyamai la saki djande, ongo otumi la lolendo e ondjangi kole e sambo djande dja mweni. 19 Atinangane la ongo odjei moto. La moto ongo la mboka e inde, wenge kpaa, nda elakisami pe enangani liwoke liesi la matonga pe la winanganeli waho, wikoasaka la obeki enge Mwengei akohekeleke. 20 Inga ogwini mongindji la kilisito la sambo keekekeke dja moki, nda ndenge ekosombaaka ino nda wato wa moki, okogemeikani sambo djaho: 21 Otitote, otikenge, otibande? 22 La wiho winge eengi eho kpaa obitani inga wakela, la obilei pui mitiesakoli ma wato. 23 Meemene, djinge sambo ekoeneneke nda edjei sambo dja lokenge, la mboka e losambo enge moto ayabateli inde amene pe oyatitimesi e moleho, oenesi wenge odjidji, kasi eti la kole teeti la osanesi posa e wenge.
Chapter 3

1 Inga obasalini mongindji la kilisito, lukakani sambo dja likolo, ebete enge eyabati kilisito la ewo e lilome e Mwengei. 2 Djakani obati mamungwene manu la sambo dja likolo, te sambo dja sese. 3 Laate ogwalini, pe mokalo monu moyaisi ebete ekikima la Kilisito la limbutukele mongindji la Mwengei. 4 Ango kilisito, mokalo mosu, akoyainya la hoho, engele eho ino pe okoenesanani la hoho mongindji la inde ndondo e otwa. 5 La eho, olani wisuki wa wenge wanu wa mbume la sambo dja pite, osoto, posa e wanesake wenge, mamungwene mbe,ononi, enge edjei losambo e wilima. 6 La sambo djaho nde limemu la Mwengei ligeleli la wato wango wa ongeno. 7 Ino pe odjakalini liwoso osombi la sambo djaho ango edjakali ino ayabati la eho. 8 Kasi sikalandjo longosani dji sambo kpaa lihele lanu, limemu, mohela, obe, iloko, maloba ma soni la monokomonu. 9 Otihengelaneni, laate omolumbigaani moto ogala mongindji lasambo djande kpaa, 10 mpe omokpaligani moto moholi, ongo la mboka e oyewi o meemene enge ekoenesaamaka sikala la obilei elima e ongo okelesali eho. 11 Eti kine te Mogeleki, te Moyuda, otenani kombeni eti kine, te kine pe odjangi otenani kombeni, modjidji ati, te moto o asili, te motuke, te moto o lipanda, kaasi kilisito adjei kpaa ndondo e kpaa. 12 Eho enge, nda wato wango Mwengei awaoni, wasatu pe wamaangbasu wa libalano, dhendani libalano la motema mungo molonongoyi la magba, logoo, ayatitimisi, motema petee, la motema molayi. 13 Djaakani onangi motema moto la moto la sambo dja miino onde pe olimbesani la motema eesi inga mweesi onu adja la likambo e miino onde. Ndji ndenge Mwengei aolimbesalini la motema mweesi, ino pe kelani ndjongo. 14 Ase likolo e djinge sambo kpaa, yakpalesani libalano enge edjei enanganeli eengi la oyewi. 15 Dhee ate logoo e Kilisito esombese mitema manu. Laate owelamalini ndondo eho la wenge saa kikima. Alidji djaakani la oyewi. 16 Dhee ate liloba e Kilisito eyabate ndondo eenu la kandela kpaa, tiesakolani pe djakani okebisani la lembo, la masandjoli la Mwengei, la lembo e elimo mongindji e lembo ndamu, eho okolembelakani Mwengei la mitema manu. 17 Kpaa djinge okokelakani la oasi inga te la tomo, kelani kpaa la kombo e Likumu Yesu. Mowongoselani Wawa Mwengei matondji la mboka e inde. 18 Ino wali, atitimisani liwoso la walome wanu, laate ewongi ndjongo ndondo e Likumu. 19 Ino mpele, wabalani wali wanu, pe otiwaokeleni limemu litetelake. 20 Ino wana, watemiani wawoti wanu la sambo kpaa, laate enge ndjongo edjei olamu ndondo e Likumu. 21 Ino wawawa, otimemeleseni wana wanu, laate watilembe wenge. 22 Ino watuke, temeyani la sambo kpaa wango wadjei wiloko wanu wa mweni, otidjakeni nda wayemelesi wato wango wakokelaka otomo ndji la engele wakoadhendaka, kelani nde la omeemene e motema, la owangi Mwengei. 23 Kpaa djinge ikokelaaka ino, kelani eho la elimo enu kpaa nda pe Mwengei, kasi te la wato. 24 Laate weewini ate edjei atie Mwengei okototani liputi e lisango enge eengi. Kelani nda tuke la kole e Likumu Kilisito. 25 Moto ongo okokelaka obe akotota obe enge ekeli inde, pe eti la ooni mbanda.
Chapter 4

1 Ino iloko, hekeleni watuke wanu sambo ndamu pe la omeemene, laate oyewini ino pe odjei la Likumu ongo likolo. 2 Helanani la oyakongi, yangbiliani ndondo eho pe hekeleni matondji, 3 yatatakani pe la kole esu, laate Mwengei atoluhuele moluhe mwaasake, la otiesakoli sekele e Kilisito, enge la loyi eho inangani la mikulu. 4 Ndjongo ikoenese eho la hoho la ndenge enge ekoki mbai oaseli. 5 Sombakani la akili liwoso la wato wa saa, yasombelani engele enge eongi. 6 Liloba lanu lidje engele kpaa la olamu. Edjesake oleli wo mokpa, la oyewi ndenge enge okokini omowongose moto la moto eyano. 7 Tisiki, manaima o libalano pe motuke mo meemene, pe miino o mbai motuke ndondo e Likumu akowaaselani sambo kpaa dja mbai. 8 Imotomi yaino la oyewisi ino sambo djiinge etodhendji pe laate atitimese mitema manu. 9 Imotomi mongindji la Onesimo, manaima o meemene pe olibalano, ongo odjei moto onu. Wakowaselani sambo kpaa idjei ahala. 10 Alisatalaka ongo ohelami nda mbai aotomelini mobale, ndenge kikima pe Malako manango Balanabasi ( ongo waowaselalini ate inga awuma ongo atie ino moyambani olamu), 11 la Yesu, ongo owelami Yusutusi. Iwo wadjei ndondo e wato wango watenani kombeni, ndji iwo nde wadjei wiino wa mbai wa otomo la loyi e okumu wo Mwengei. Iwo nde wadhingi li ligamesi likohaka mbai otetelake. 12 Epafalasi ongo odjei moto onu, aotomelini mobale. Inde motuke mo Kilisito yesu, adjei engele kpaa ooli wenge la kole enu la oyakongi wonde, laate la gboo odjeni wato waengi la sambo kpaa pe wango wadjei la ogemei ndondo e oani kpaa e Mwengei. 13 Ikotatolaka la kole e inde ate akokelaka kpaa la kole e ino pe la kole e wato wa Laodikia pe la kole e wato wa Helapolisi. 14 Luka monganga pe miino osu o libalano la Damasi waotomelini mobale . 15 Haani mobale la wamangbasu wango wajdei la Laodikia pe la Nimupa mpe la lingomba linge lidjei la monguta monde. 16 Engele ehele okpengbeite ekotangema yaino, kelani ate etangeme pe la lingomba e wato wa Laodikia pe ate ino pe otange enge e Laodikia. 17 Aasani la Alasipi ate, dhendaka olamu otomo enge endjimaate owe atie Likumu, laate otumese eho. 18 Iyohekelini mobale, mbai Polo, la ewo e mbai amene. Sumbwakani ekalaleli e mbai e mikulu. Logoo wo sungu odjeni la ino.

1 Thessalonians

Chapter 1

1 Polo la Siliba la Timoteo atie lingomba e Tesalonika,linge lidjei la liboliani mongindji la Mwengei wawa pe la Yesu kilisito likumu. Magba masungu la logoo edjeni las ino. 2 Tokohaka engele kpaa Mwengei matondji ango tokootolokoni ino kpaa la maongi masu. 3 Tokosumbuaka tomo djanu dja meemene pe tomo tetelake enu e libalano pe la egalela enu la oani wonu atie Likumu lasu Yesu Kilisito liwoso la Mwengei Wawa osu. 4 Laate, ino wamanima wango wabalani la Mwengei, toyewi ate inde aobalini ino, 5 Laate mboli ndamu enge ekotiesakolaka iso itidjaate atie ino saa la maloba, kasi la otetelake, pe la elimo satu, pe la otumake e ogemei. Ndji ndenge eyewi ino nda ekalelali iso atie ino la loyi wonu. 6 Ino amene, odjali wabiliami wasu aleeti wango wa Likumu, laate ogemeyalini liloba ndondo e odjidji ngbii, la mwemu e elimo satu. 7 Ndjongo owumini wa dendeli e wagemei kpaa ongo la Masedonia la Akaia. 8 Te saa ate, liloba e Mwengei ewumali atie ino la Masedonia la Akaia, kasi wiholo kpaa, ogemei wonu atie Mwengei eyandjani, eho lenge kole easake te loyi eti. 9 Laate iwo amene wakoasaka ndenge elingelali iso atie ino pe nda ndenge edheeli ino wilima pe oyakambalini atie Mwengei la okeli nda tuke la loyi e Mwengei o mokalo pe o meemene, 10 la olambeli ongo la likolo mana onde, ongo inde amobasisali la wagwi, inde Yesu, ongo okotopumbesaka la limemu linge ligeleli.
Chapter 2

1 Wamanima, ino amene oyewini ate odji wungo odjali iso oodhendji ino etidjangali opumbesi kole . 2 Mbuse e oeni odjidji la osambo ongo la Pilipo ndji ndenge oyewini, tototali egalela la ligamesi e Mwengei osu la oaaseli ino mboli ndamu e Mwengei ndondo e kindo. 3 Laate egalela enge ekohaka iso etilongwe la owusisani, te la osoto, te la ekosako. 4 kasi ndji ndenge tomekamali la Mwengei pe toenali ate towongi ototi mokpali e mboli ndamu, pe tokoasaka ndjongo te ate toyemelese wato, kasi Mwengei ongo okomekaka mitema masu. 5 Te mbala kikima todjali la maloba malelake, ndji ndenge eyewi ino te la mbanda e ekosako la oluki wilaka e wato, Mwengei akoeneke. 6 Totilukali pe otwa atie wato, edje atie ino te atie wadji, te ndenge eengali iso odjei la oliti wosungu laate todjei waposotolu wa Yesu. 7 kaiko nde towumali wato wa motema ndai ndondo e ino, nda engele ima ongo okonungisaka akolengeleke wana wande. 8 Nda ndgenge toobalalini ino la libalano e motema, toyemelali ngbi ate toohekeleni ino, te ndji mboli ndamu e Mwengei, kasi pe milimo masu amene, laate owumalini wamaangbasu wa libalano. 9 Wamanima, otiosanakani tomo djasu tetelake la oameli djasu. Edjei la mboka e tomo tetelake likolo la use, la obateli moto tueti ndondo enu oliti, nde totiesakolali mboli ndamu e Mwengei. 10 Ino amene oenini alidji pe Mwengei aeni, ndenge todjali wato wameemene pe wato walamo pe wato wadjangi sambo mbe atie ino wagemei. 11 Oyewini olamu ate ndenge Wawa akokelaka la wana wande, 12 todjakali oohekeli egalela , la oohekelini okulu, la owatati la ino ate osombeni la ndenge ndamu e Mwengei 0ngo okoowelakani ino la okumu wonde pe la otwa wonde. 13 Edjei la gbondo eho nde totidheeke omohi Mwenge dombwa, laate engele oyambalini liloba e Mwengei, enge eokalini ino atie iso, ogemeyalini eho, nda eti liloba e wato, kasi nda liloba e Mwengei enge ekokelaka pe otomo atie ino wagemei. 14 laate ino, wamanima, owumiani wamekoli wa mangomba e Mwengei enge edjei la Yudea la liboliani mongindji la Yesu Kilisito, laate ino pe opotiani oeeni odjidji la mawo e wana wa moki wanu amene la sambo ndenge kikima la enge iwo pe wakoeneke odjidji la djaho la mawo ma Wayuda 15 wango wamoolali te Likumu Yesu la watiesakoli, pe wakotoeneseke odjidji. Watiemelesaka Mwengei, kasi wakowamalelaki wato kpaa. 16 Wakototekisaka tosolole la wato wa miki laate watikale, pe la ndenge eho, wadjei wiengele kpaa otumesi masumu mawu. Gboo eho limemu lande ewadjeelia. 17 Atie iso, wamanima, ango tokawanali la ino la ma engele keke, la wamanda, kasi te la motema, tokelali kpaa ate toene mbanda djanu la posa kpaa. 18 Eho lenge todjei la posa e odji atie ino, mbai Polo mbala esi pe mbala eti, kasi mondjili atoheleli mboka. 19 Laate oani wosu te mwemu mosu te sapo e okumu wosu liwoso e Likumu Yesu la ewongo ende edjei nde? Eti ino? 20 Meemene, ino nde otwa wosu pe mwemu mosu.
Chapter 3

1 Eho lenge, ango etikokali iso alidji onangi motema, toenali olamu totikale iso amene la Atena. 2 Pe tomotomali Timoteo, mangbasu pe motuke mo Mwengei la loyi e mboli ndamu enge edhendji Kilisito, laate aohekeleni otetelake pe otitimisi ino la ogemei wonu, 3 laate moto tueti atibandesame la odjidji woho. Laate ino amene oyewini ate edjei la eho nde towelani. 4 Pe meemene, ango edjakali iso mongindji la ino, todjakali oaseli ino ndji ango ate eengi la iso oeni odjidji, ndji ndenge eho ekelani pe ndenge eyewi ino. 5 Eho lenge, ango etikokali mbai alidji onangi motema, imotomali moto la oyewi sambo mango madhendji womeemene wonu, inga mbala eeti momeki aomekiani, pe alidji tomo djasu tetelake ekia pamba. 6 Kasi Timoteo, alonoyi atie ino, awumia ahala ndji sikandjo pe aohekelini ino mboli ndamu enge edhendji omeemene wonu pe libalano lanu, pe ate odjeini masio kpaa ndji otobundoi la ndenge ndamu, okookakani posa e otoeni nda iso pe, 7 eho lenge, wamanima, toyatitimisi la ino la otundake wosu kpaa pe odjidji wosu la loyi e omeemene enge ekoenesekeni ino. 8 Laate, sikalandjo todjei la mokalo inga ino okoamalakani ngbi ndondo e Likumu. 9 Laate nda ndenge e matondji tokoki omowongoseli Mwengei la kole enu la loyi e mwemu kpaa mungo iso tokwemeleke la eho la kole enu liwoso la Mwengei osu? 10 Likolo la wuse tokoatataka la mohandjia kpaa laate toene alidji mbanda djanu pe alidji la okpobeli ino sambo djinge edjangi ndondo e ogemei onu. 11 Dhee Mwengei inde amene, sangbasu pe Likumu lasu Yesu Kilisiyo wasombese olamu mboka esu edjake atie ino. 12 Dhee Likumu aobekeseni, aotumeseni la libalano ino la ino pe e wato kpaa, ndji ndenge pe iso todjei la eho atie ino. 13 Laate awumese mitema manu ngbi, edjange obe ndondo e osatu liwoso la Mwengei osu pe Wawa la engele e owongwake e Likumu lasu Yesu mongindji la wasatu kpaa.
Chapter 4

1 La osukesi, wamanima, tokoongoko la ino la egalela la sambo e Likumu Yesu. Ndji ndenge ototalini atie iso mohala la enge edhendji ndenge eengi ino osombi pe oemelesi Mwengei, ndji ndenge okosombakani meemene, ate odjakeni ndji okeli ndjongo. 2 Oyewini pui tohalini ino la kombo e Likumu lasu Yesu. 3 Laate dhenda ema Mwengei abali, osatisami wonu, ate otoneni pite, 4 ate mwesi mwesi onu ayewe otekesi wenge wande ndondo e osatisami pe la mogano, 5 te la posa e litema ewanesake wenge nda ndenge minge miki miyewiti Mwengei. 6 Ate moto tueti awume tee omokeli maanango obe pe opuesi tomo djande e sambo djaho, laate Mwengei nde akohaka etumbu e djinge sambo, ndji ndenge tooyewisalini ino eho liwoso pe toeneeli. 7 Laate Mwengei atowelali, te la ogemei obe, kasi la osatisami. 8 La eho, moto ongo okodhendjiaka, atimodhendjiaka moto, kasi Mwengei, ongo okobataka elimo satu ende ndondo enu. 9 Kaikonde, la loyi lidhendji libalano e wamaangbasu, otini la posa ate toodhingelakeni ino, laate ino amene otiesamini la Mwengei ate obalaneni. 10 Pe meemene, okokelakani eho atie wamaangbasu kpaa ongo la Masedonia kpaa. Kasi tokoasaka la ino la egalela wamanima, djaakani ndji okeli eho olamu oyeti. 11 Pe oyabateli oani e odjei logoo pe odhendeli ndji sambo dja owe amene pe okeli tomo la mawo ma owe, ndji ndenge toowaselalini ino, 12 laate osombeni la ndenge eganake liwoso la wato wa saa pe otidjangakeni ema. 13 Alidji, wamanima, tobali oyeweni sambo enge edhendji wato wango wakolelaka ndondo e logo; laate otidjiakeni la magba nda weeti wango wati la oani. 14 Laate inga ogemei wosu edjei ate Yesu agwali pe abasali, ndji ndenge kikima pe, wango walangali ndondo e logo la mboka e Yesu, Mwengei akowawongosa la mokalo mongindji la inde. 15 Laate dhenda enge tokoaselakani ino la obileyi liloba e Likumu, ate iso wato wa mokalo wango tokotikalaka tee la odjei e Likumu totieta te makeke liwoso la wango walangali ndondo e logo. 16 Laate Likumu inde amene akwadjimba tee ongo likolo. La elembo enge ehami, la mbelele e ahumbwa likumu, pe la lihili e Mwengei, pe wango wagwa ndondo e liboliami mongindji la Kilisito, wakobasa liwoso. 17 Mbuse iso wato watonoke, wango watikali tokokpalama mongindji la iwo la mapata laate togbotone la Likumu la ehoho. Ndji la ndenge eho tokodja wiengele kpaa mongindji la Likumu. 18 La eho, djakani ohani okulu la ma maloba.
Chapter 5

1 Kaikonde, wamanima, la loyi linge lidhendji wiengele la malili, kole ate toodhengeleni ino te ema esi eti. 2 Nda oyewi ino amene wolamu ate wuse wo Likumu wokodja nda moto oyiwa la likolo. 3 Ango ekwasa wato ate: logoo la ebhanya, kaiko nde paima suungu ekowadjela la mbala kikima nda ekoni ewotake ekomodjeleke moli o lemi. Pe watitila te maa keke. 4 Kasi ino, wamanima, otini la molili, laate wungo use ewopumbeleni gbamua nda iwa. 5 Odjeini ino kpaa wana wa moi la wana wa wuse. Totikine wana wa likolo la wa molili. 6 La eho, totilangale kine wilo nda ndenge wadji wakokelaka, kasi todje maiso ngbaii ase tobanye mamungwene masu. 7 La loyi ate wango wakolangalaka wilo, wakolangalaka nde la likolo, pe wango wa kolangwaka, wakolangwaka la likolo. 8 Kasi iso wango wadjei wato wa moi, tobanye lomungo wosu, tokpale ebhanyeli mokpoto e ogemei la e libalano pe tokpale sapo enge edjei oani e mokalo. 9 Laate Mwengei atitoonali la sambo dja limemu, kasi laate totote mokalo la mboka e Likumu lasu Yesu kilisito. 10 Ongo ogwali la likambo lasu, la loyi ate, inga edja ate tosusoyi te ate tolangali, todje la mokalo la inde mongindji. 11 La ndjoongo djaakani oyatitimisi ino la ino pe okelesani egalela, ndji ndenge ekokelakani ino. 12 Toyakongi la ino, wamangbasu, ate odjeeni la otemei atie wango wakokelaka tomo tetelake ndondo enu, pe ooyinyeini atie Likumu pe la wango wakoasaka la ino ate owangataleni. 13 Ase wahekelekeni mogano la libalano la loyi e otomo wowu. Djaani la logoo ino la ino. 14 Toowongini ino wamangbasu: Wakebisani wato wa ewedje, asakani la ndenge e oyatitimesi la wango walembi, wagamesani wikete, djaani la motema molai atie wato kpaa. 15 Huakani wolamu ate moto tueti atimowongosele mino onde wobe la wobe. Ase, tutiani wolamu masio kpaa atie ino la ino pe la wato wadji kpaa. 16 Yemeleni masio kpaa. 17 Yakongoni wiengele kpaa. 18 La sambo kpaa, wongosani ate keke dhinge. Laate enge edjei oani e Mwengei la liboliani mongindji la Yesu Kilisito la kole enu. 19 Otilimakeni elimo. 20 Otitonakeni maaseli. 21 Lukani oyewi loi kpaa pe helanani la djinge idjei olamu. 22 Tonani sambo mbee kpaa. 23 Laate Mwengei ongo odjei logoo aosatiseni ino kpaa. Ase la sambo kpaa, dhee elimo pe molimo pe wenge enu wamaangbassu ebhanyane la ndenge e odjangi obe la engele ewongwake e Likumu lasu Yesu Kilisito. 24 Ongo o owelini ino adjei meemene, ase inde akokela eho. 25 Wamanima yakongoni la loyi esu. 26 Wahekeleni wamangbanu mobale la ombomboni esatu. 27 Iyohekeleni mokpali la mboka e Likumu ate wungo wokpengbeite wotangame liwoso e wamangbasu kpaa. 28 Ase logoo wosungu e Likumu lasu Yesu Kilisito wodje la ino.

2 Thessalonians

Chapter 1

1 Polo la silivano mpe la Timoteo, atie lingomba e Watesaloniko enge edjei la liboliani mongindji la Mwengei Sangbasu pe la Likumu Yesu Kilisito. 2 Ate magba masungu la logoo e Mwengei Wawa pe e Likumu Yesu Kilisito edjeni la ino. 3 Tokoki omowongoseli Mwengei dombwa engele kpaa la kole enu, wamangbasu, laate ewongi ndjongo ate ogemei wonu ekobekaka pe libalano e mwesi la mwesi la ino kpaa atie weeti ekotalianaka. 4 Iso tokoyaganaka la loyi enu ndondo e mangomba ma Mwengei la egalela enu pe ogemei wonu la mamekani manu kpaa la wodjidji wungo wokonangelaka ino motema. 5 Eho edjei elembeteli e osambesami omeemene e Mwengei, enge ekookpalakani ino otangeme wato wawongi la okumu wo Mwengei, enge la kole eho okoenekeni odjidji. 6 Eho, edjei olamu la maiso ma Mwngei owongosi odjidji la wango wakoenesekeni ino odjidji, 7 kasi atie ino wango wakoeneke odjidji, homani mongindji la iso la engele e eeneseli e Likumu Yesu tee ongo likolo mongindji la wahumbua wande wa okulu 8 ndondo e misa milolake, engele ekowongosa inde obe atie wango wamoyewiti Mwengei pe la wango watitosaka mboli ndamu enge edhendji Likumu lasu Yesu. 9 Wakotota etumbu ebitake e libela lihele e Likumu pe la okulu wonde, 10 Ango ekodja inde ototi otwa la loyi e wasatu wande pe laate wamoene la lisio laho, la loyi e wango kpaa waenesali ogemei, laate litatoli linge tohekeleli eyambamali la ogemei ndondo e ino. 11 La loyi eho nde tokoyangogaka engele kpaa la kole e ino, laate Mwengei osu aotangeni wato wawongi la owelami la inde pe la okulu, aengese olamu enge ebali inde okeli pe otomo e gemeyake. 12 Laate kombo e Likumu lasu Yesu edje la otwa atie ino, pe otwa wonu atie inde, la ookokani e magba masungu ma Mwengei osu pe e Likumu Yesu kilisito.
Chapter 2

1 La enge edhendi owongoi e likumu lasu Yesu kilisito, la obondani wosu atie inde, tokoyangongaka la ino, wamangbasu, 2 otiadheleni galagala la ekeleli elamu e ino pe otidjeni motema likolo la liloba liesi linge lieneni, te la mboli esi enge esumbani la monoko, te la okpengbeite esi nda elongoyi atie iso la oasi ate lisio e Likumu edjiga. 3 Moto tweti atiokoseni te nda ndenge. Laate ekokiti odji inga owungi edjakiyo alidji mobuki pui aenenekiyo, inde mana obitani. 4 Akoamalelaka pe oyamalesi likolo o moto kpaa ongo owelami mwengei inga ema e oyakongi, tee oyabati la tepelo e Mwengei, pe oyaenesi la hoho ate adjei mwengei. 5 Owosanya ate, ango edjaakiyo mbai mongindji la ino idjaaki owaseli ino djinge sambo? 6 Pe sikalandjo oyewini ema enge ekohelaka mboka, laate inde aenesame engele eengi la inde. 7 La eho liisani ebukake pui enge epotiga okeli otomo. 8 La engele eho mobuki pui akoenene, inde ongo Likumu Yesu akola la elimo e monoko monde alidji akowumisa ema pamba la oenesi owongo e inde. 9 Kasi odjei e mobuki pui eokani la otomo dja mondjili mongindji la tomo kpaa e okulu pe wihaleli dja moleho pe la sambo kamwake mango makoeneseke sambo djinge makodjaka, 10 Pe la ekosako enge elongoyi la sambo kpaa enge edjangi omeemene la loyi e wango wakobitanaka libela, nda liputi la ndenge watieneseli ate wabali omeemene laate wakale. 11 Eho lenge Mwengei adheyi tomo ewusisanake ekelame atie iwo, laate wagemeye moleho 12 laate iwo kpaa wasambesame la loyi ate watindjimali omeemene, kasi wayemelali la sambo edjangi omeemene. 13 Kasi iso, tokoki omohekeli Mwengei dombwa engele kpaa la loyi enu, wamangbasu wango Mwengei awabali, laate Mwengei owonali ino tee la lipoteli la kole e mokalo la ndenge esati ino la elimo pe la mboka e ogemei wonu ndondo e meemene. 14 La ngbondo eho nde inde aowelali ino la mboka e mboli ndamu enge ekotiesakolaka iso, la ototi otwa e Likumu lasu Yesu Kilisito. 15 La eho, wamanima, amalani ngbi pe helanani la ekaleli enge totiesakolali ino, la monoko pe la madhingo. 16 Alidji, Likumu lasu Yesu Kilisito inde amene pe Mwengei sangbasu, ongo otobalali iso pe ahekeleli libondjisi e libela la oani e olamu la mboka e magba masungu, 17 wabondese mitema manu pe wahekele ino otetelake la otomo kpaa ndamu pe la liloba kpaa ndamu.
Chapter 3

1 La osukesi, wamanima, akongani la kole esu, laate liloba e likumu lasu esombe galagala pe liganane ndenge edjei atie ino, 2 la loyi ate tokawane la wato wakookesaka odjidji pe la wato wabe, laate iwo kpaa wati la ogemei. 3 Kasi Likumu adjei olamu, pe akohekeleni otetelake pe akoobanyani la wato wabe. 4 Toobatelini ino motema ndondo e Likumu, laate okokelakani pe kelakani sambo djinge tokootiesakolakani ino. 5 Likumu asombese mitema manu olamu la libalano e Mwengei mpe odjei la egalela la loyi e Kilisito. 6 Toowongi la ino wamanima, la kombo e Likumu Yesu kilisito ate odjeeni lihele e moto kpaa ongo okosombaka la ewedje, kasi te la obileyi ekaleli enge etotali ino atie iso. 7 Oyewini ino amene ndenge okokini otokongoli, laate totiasombesali la ewedje atie ino. 8 Totilakali makoke ma moto tueti la gesele. Kasi la otomo otetelake mpe la oameli likolo la wuse todjakali okeli otomu laate totikpalese moto tueti ndondo enu mokpali mosungu pe molitake. 9 Eti ate toti la okumu, kasi laate toyahekeleli iso amene nda egbangele atie ino laate otutieni iso. 10 Ango edjakali iso ongo tie enu, todjakali oasi la ino: inga moto atibale okeli otomo atilake. 11 Laate Tokookaka ate weeti wato ndondo enu wakosombaka la ewedje, watikelaka otomo teeti, kasi wakoyalingesaka la sambo djinge ewadhendjiti. 12 Toweli wango wato pe towatomi la kombo e Likumu lasu Yesu kilisito, ate wakele otomo la logoo, walake makoke mango iwo amene watoti. 13 La ino wamanima oti dheekeni okeli sambo ndamu. 14 Kasi inga moto abaliti enge eyasani la ma madhingo, molongoseni mpe otisombekeneni la lainde laate aoke soni. 15 Inga te ndjongo otimodhendeni nda monguna monu, mokebesani nda mangbanu. 16 Kaikonde, Likumu o logoo inde amene aohekeleni engele kpaa logoo e ndenge kpaa. Likumu adjee la ino kpaa. 17 Ihohini mbaa, mbai polo, la mawo ma mbai, ehele edjei elembo e madhingo kpaa; ndjongonde ekodhingaka mbai. 18 Magba masungu e Likumu lasu Yesu kilisito edjee la ino kpa. Amina.

1 Timothy

Chapter 1

1 Polo motutiani mo Yesu Kilisito la otomo e Mwengei Mokalesi mosu Pe la Yesu Kilisito Elikia esu. 2 Atie Timoteo, mana ombai omeemene ndondo e ogemei: Magba masungu, moteme magba, logoo e Mwengei Wawa pe e Yesu Kilisito Likumu lasu edjee la owe. 3 Ango ebalali mbai oki la Masedonia, iyowaselali otikale la Efeso, laate owahekele wadji mitindo ate watitiesakolake djeti mateya. 4 Watiyahelese la masekpe ma moleho pe la matoto ma watata mango mati la kole, kasi enge ekopumbesaka ewedje la ebete okeleli otomo e Mwengei enge ekoengaka la ogemei. 5 Gbondo e ma matiesakoli edjei libalano enge ekodjaka la moteme molangi, la oyewi enge elamu pe la ogemei enge edjangi moleho. 6 Wadji walongoyi la ehele mboka wayahia la okpomakpomi edjangi ema. 7 Wabali odjeyi watiesakoli wa pui, kasi watitenaka gbondo e sambo ndjinge ekoeneseke iwo la mohandja ate edjei meemene. 8 Sikala toyewi ate pui ekodjaaka olamu inga moto akelela eho la ndenge ewongi. 9 La oyewi olamu ate etikelamali la wato walamu kasi la wato wadjangi omeemene, wato wa minga, wato wango wakodhendjiaka Mwengei la wato wa masumu, wato wango wadjangi motema magba pe wato wango wakodhendjaka wiho wisatu. 10 Wato wa ndumba, wato wango wakolangalaka pele la pele pe wali la wali, watambi wa wato, wato wa moleho, wato wango wakolapaka la moleho pe la sambo kpaa enge ekoyamalelaka mateya mango makohaka kole. 11 La obilei mboli ndamu e dombwa e Mwengei e mwemu enge wahekelali mbai. 12 Ikomodombwaka Yesu Kilisito Likumu lasu, ongo ohekeli mbai okulu, laate aeneli mbai meemene la ndenge ahali mbai otomo, 13 te liwoso idjakali otangi pe oenesi odjidji pe idjakali moto o minga. Kaikonde wandjokelali mbai magba, laate itidjakali la oyewi pe itidjakali la ogemei. 14 Kasi magba masungu e Likumu lasu etumali likolo la mbai la ogemei la libalano la ookani la Yesu Kilisito. 15 Li liloba lidjei meemene pe ewongi ondjimi ate Yesu Kilisito adjali la moki la okalesi wasumuki. Ndondo ewu mbai moto o liwoso. 16 Kaikonde, waokelali mbai magba laate la mboka e mbai moto o liwoso, Yesu Kilisito aenesali motema molayi monde kpaa laate idje ekpangele e wango wakomogemeya inde la mokalo mo libela. 17 Sikalandjo, Likumu o libela, ongo okokiti oholi, ongo otieneneke, inde Mwengei mwesi, atote mogano la otwa libela la libela. Amina. 18 Mana o mbai, Timoteo, ikohekeleke ehele otomo, la maokani e matiesakoli enge e oaselali, laate la mboka eho osanake kindo e molimo. 19 Obanye ogemei pe mamungwene malamu, mango wadji walumbi pe ogemei wowu elindji nda andondoli. 20 Imena la Aledjandela wango iwalumbi la mawo ma mondjili laate wayewe ate watimotangaka Mwengei.
Chapter 2

1 Eho lenge, liwoso idjakali ohandjei ate wiyongolo, oyatati, owaongeli wadji, oho dombwa okelake eho la loyi e wato kpaa; 2 la loyi e makumu pe la wango kpaa wadjei la wisuleli wisungu, laate todjake oyabati logoo pe te la ewedje la mokalo la ekaleli e nanganake la Mwengei, 3 eho edjei olamu pe endjimami la maiso ma Mokalesi mosu Mwengei; 4 ongo oani onde edjei ate wato wa ndenge kpaa wakale pe watote oyewi o meemene. 5 Laate edjei la Mwengei sa mwesi, pe mookanesi sa mwesi ndondo e Mwengei la wato, moto mwesi Yesu Kilisito, 6 ongo ayahali inde amene likawo likalesake enge eengi la wato kpaa. Eho nde loyi enge eengi ototolami la engele eho. 7 Wabati mbai motiesakoli pe motutiani la ototoli eho-ikoasaka meemene, itikosaka-la otiesakoli witondo ogemei pe omeemene. 8 Ibali ate pele wayatatake wiholo kpaa la odjambi mawo malangi, te la limemu te la kokia. 9 Ndenge kikima, ibali pe wali wawongele wenge wau la wisindje wiwongi, watietese molelo pe wadje la oyatitimisi, watinangake sue pe la wolo te la mapengo te la wisindji wa motio motetelake, 10 Kasi la ndenge enge ewongi la wali wango wakoasaka ate wakomowangaka Mwengei. 11 Moli ayabate bii pe ayekole oyatitimisi. 12 Ibaliti atiesakole te odjei la okumu likolo la molome, kasi oyabati bii. 13 Laate Adama akelamate liwoso, Eva mbuse. 14 Adama atikosamate, kasi moli akosamate pe abukali pui. 15 Kaikonde, wali wakobanyana la ligamesi e watake wana, inga wahelana la ogemei pe la libalano pe la osatisani mongindji la mamungwene malamu.
Chapter 3

1 Lu loyi edjei meemene, inga moto abala odjei sindjili, abali otomo olamu. 2 Ekoki ate sindjili adje moto ongo odjangi opundami la wato, molome o moli moikima, moto ongo otietesaka molelo la ekaleli ende, moto o mamungo malamu, moyambi wato, moto ongo ayewi matiesakoli. 3 Akokiti odjei mokengi mo maana, moswi mo wato, motobi mo wato, te moto o sambo tetelake, te moto ongo obali wita, te moto ongo okobalaka wadjenge. 4 Moto ongo akotiesakolaka monguta monde amene la ndenge elamu, ongo wana wande wadjei la otosi pe watitotaka sambo la odendeyi; 5 meemene inga moto atiyewe osombisi monguta monde amene, nda ndenge ekoki inde osombisi molako mo Mwengei? 6 Akokiti odjei moto ongo ogemei oholi, la owangi ate atitume la elolo pe atikwe la etumbu enge ekwate etota. 7 Adje moto ongo wato wa saa wakomoaselaka sambo ndamu laate atikwe la soni pe la lisala e etota. 8 wa diakona iwo pe wakoki odjei wato wango watitotaka sambo la mosimbo, wato wango wati la minoko miale, wango watiahe la bino, watidje wato walitema wango wakolukaka ototi asumbelia la ndenge mbe; 9 Wakoyisaka liisami esatu, e ogemei la mamungwene malangi. 10 Wakowamekaka liwoso la oyewi inga waengi, mbuse wadje wasali wa Mwengei, inga watipundane la loyi te liikima. 11 Wali iyo pe waengi odjei wato wango watitotaka sambo nda mosimbo, wango watibukelaka wato moleho, wango watietesaka molelo la ekaleli ewu, wato wa meenene la sambo kpaa. 12 Wadiakono wakoki oiki moli moikima, wato wango wakokambaka wana wawu olamu la watu wa minguta mawu la ndenge ndamu 13 wango wakokelaka otomo owu la ndenge ndamu, wakototaka eholo e mogano, oasi la hoho pe la omeemene la ogemei enge wamogemei Yesu Kilisito. 14 Iyodhingeli dji sambo, te ndenge ekoanaka mbai odji atie owe mbuse e engele maa keke; 15 kasi inga itidje sikala, laate oyewe ndenge okoki oyasombesi la munguta mo Mwengei enge edjei lingomba e mwengei o mokalo kpaa, likule aleti ema enge eheli omeemene. 16 Iyowaseli te la ekosako, liyisami e wosatu enanganake la Mwengei edjei osungu : aeneneli la hoho la wenge, wamotangate moto owongi la elimo, aenanali la waahumbwa, wamotiesakolali la witondo, wamondjimelali la moki, akpalamate likolo la dombwa.
Chapter 4

1 Ase elimo easi la hoho ate, engele e gboo, wadji wakodhe ogemei, la oyaheleli la easeli e milimo ma ekosako alidji la matiesakoli ma mindjili 2 la ekosako e wato wango wakoasaka moleho, wango wabatani eleme nda enge e ebeha e misa la oyewi owu; 3 wakotekisaka oikani, otomi wato watone olaki wilaka winge Mwengei akeli laate wato wango wadjei la ogemei pe wayewi omeemene walake eho la dombwa. 4 Laate wiho kpaa winge Mwengei akeli edjei olamu, ase ema teeti ekokiti olumbami inga walaka eho la dombwa, 5 laate esatisami la liloba e Mwengei pe la oyakongi enge wakeleli eho. 6 Inga owaasela wa maangbasu dji sambo, okodjaa motuke molamu mo Yesu Kilisito, ongo olakesi mamungwene mande la maloba magemeyake pe la matiesakoli malamu enge ebilei owe olamu. 7 Tona masekpe ma moleho e mbange wali. Alidji kela kpaa owume la ekaleli enanganake la Mwengei. 8 Laate galasisi e wenge edjei olamu la maa sambo keke; ase enge enanganake la Mwengei edjei olamu la sambo kpaa, laate eho edjei la liwuna e mokalo mo keke pe la masio mageleli; 9 Loyi luho edjei meemene pe ewongi ogemei eho te la oyaisi. 10 Tookelaka otomo otetelake pe la oli wenge, laate tobati dombwa esu atie Mwengei mwesi o mokalo, ongo odjei mokalesi o wato wandenge kpaa. 11 DJaaka ohi djinge tomani pe tiesakola eho. 12 Moto tueti atidendje olenge wo owe; kasi dja ekpangele atie wato wameemene la eyaseli, la esombeli, la libalano, la ogemei, la ekaleli elangi. 13 Liwoso ate idje, yahekela otangi liwoso la wato kpaa, laate wato kpaa waene ate okokeeke liwoso. 14 Otiene pamba likawo linge lidjei atie owe, enge ehekalami la owe la mboka e totoli pe la limbutukele e wiloko wabatali mawo likolo la owe. 15 Sumbua djinge sambo, yahekele kpaa la eho, laate wato kpaa waene la hoho ate okokeeke liwoso. 16 Bata wokenge atie owe a mene pe la oineyi wowe; yahela la sambo djawo, laate inga okela ndjongo okoyakalesa pe okokalesa wato wango wakookaka.
Chapter 5

1 Otimopamelake eloko moto la maloba matetelake, kasi yakongo la inde nda wawa, ndjenga dja pele nda wamaangwa wa pele; 2 wali wiloko nda waima , wilenge wali nda wamaangwa wa moli la mamungene malangi. 3 Mogano la wali wango wangweli walome wango wati la moto owagamesi. 4 Kasi inga moli mwesi agweli molome adja la wana , te wahahe, iwo wayekole okeleli ekaleli e nanganake la Mwengei liwosoyo la monguta mowu amene alidji wadjaake owakeleli wango wamoomusi la moki la wahahe wawu olamu enge waengi owawongoseli, laate eho endjimame la maiso ma Mwengei. 5 Moli ogweli molome omeemene, edjei ongo otikali inde amene, abateli Mwengei elikya pe akoyahaka la yongolo pe la oyakongi likolo la wuse. 6 kasi moli ongo oyahi la mwemu mo wenge, agwi inga ate atoni. 7 waasela dji sambo laate watidje la obe te okikima . 8 inga moto mwesi atiwahaka wato wande, la oyeteli oliye wonde, awungani ogemei, adjei obe oeti moto ongo otigemeye. 9 Moli ongo ogweli molome laate adhinge kombo e inde la masia ma wango waengi owagamesi, wilanga wande witidje sese e tuku motoba, adjakali pe moli o molome sa mwesi, 10 atidjaake moli mobe, inga awokolali wana olamu, inga okoyambakali wadjidji, inga akpoloki makolo ma wasatu, inga agamesali wango wadjei la otundake, inga abiliali la egalela otomo elamu kpaa. 11 Kasi, longose seka djinge igweli pele laate ango ekowadjele posa ewu ewanesake wenge ekowatilesa atie Kilisito, wakoluka alidji oyiki, 12 wakokuwaka laate watoni oengesi maloba mawu ma poo. 13 Kasi la engele eho, watibala aladji okeli otomo, wakosomba somba sa la minguta, watikelaka kine otomo, wadjei wato wakokpomakpomaka, wakoyalingesaka la sambo dja wato, wakoaselaka sambo djinge eengiti iwo oasi. 14 Eho lenge ibali ate seka wango wagweli pele waike, wawote wana, wabanye monguta laate watimohekele monguna mboka e otowaseli iso obe. 15 kaiko ase, wadji wawungi la obilei mboka e mondjili. 16 Inga mogemei mwesi o moli te o pele adjei la wali wagweli pele la olie wonde, inde awagamese, pe lingomba etikpale mungo mokpali. Djongo lingomba ewagamese wali wango wagweli pele wango wati la wato la owagamesi. 17 Dhe ate wikolo wango wosombesaka ndenge ndamu, watangame wato wawongi la mogano mbala iwale, la oeteli wango wakokelaka otomo otetelake e oasi pe e otiesakoli. 18 Laate lidhingo liasi ate: Watihelaka ngombe bu e motonoko engele ekotaunaka inde pukapuka; pe alidji ate moto ongo okokelaka otomo awongi la liputa. 19 Otindimake loyi lungo emopundi iwo eloko, olongosi inga easama la wato waale, inga te wasato. 20 Pamela la maiso ma wato kpaa wango wadjei la ekaleli ekelake lisumu. 21 Ikoyakongoko la owe liwoso la Mwengei, pe liwoso la Yesu Kilisito pe la wahumbwa wango waonana ate obanye dji sambo te la mamungwene mbe, ango ekokelaka owe sambo , otionoke mbanda e moto. 22 Otimobatelake moto mawo obangu obangu, otiyaboliake pe la masumu ma wato, langa masio kpaa. 23 Otikengake sa malia, kenga pe ma bino la kole e likundu la owe pe la wikoni wingo wikookelaka. 24 Masumu ma weeti wato ekoeneneke la hoho, ekokpalaka mbala kikima la masambi, kaiko masumu ma weeti wato ekodjaka oeneni mbuse la hoho. 25 Ndenge kikima, sambo ndamu ikoeneneke la hoho, koto djinge iti ndamu itdhihanaka.
Chapter 6

1 Wango kpaa wadjei mituke, adhendele makumu mawu laate waengi la mogano, laate kombo e Mwengei la matiesakoli mande matitonane. 2 Alidji, wango wadjei la wiloko wango wadjei wagemei watiwadendjiake, la ndenge edjei iwo wamaangbasu; kaiko wawakelele alidji olamu oeti, laate wango wakototaka kole la otomo owu e olamu wadjei wagemei pe wamaangbasu wa libalano. Tiesakola djinge sambo pe la ohekeli djinge egalela. 3 Inga moto akotiesakalaka djeti matiesakoli pe atindjimaka maloba mango makohaka kole, enge e Likumu lasu Yesu Kilisito, pe litiesakoli linge liokani la ekaleli e nanganake la Mwengei, 4 Akundji la elolo, ayewiti ema, adjei la ekoni la moto, la obatani kokia pe la osuameli maloba; djinge sambo ekopumbesaka mohela, oswi, maloba ma iliko, obundoli weeti obe. 5 Owumesani maloba obe la sambo pamba e wato wango wabiti mamungo pe wati la omeemene, wango wakobundwaka ate onangani la Mwengei edjei mboka etotake kole. Yakatola la ndenge eenge wato. 6 Ekaleli enge enanganake la Mwengei la ekaleli e oemeli la enge edjei owe la eho edjei mboka etotake kole e sungu. 7 Laate totidjaali la ema la moki, pe totike la ema. 8 Eho lenge inga todja la ilaka la wisindje, toemele la wiho waho. 9 Wango wakobalaka wawume wagumake, wakokwaka la omekani, la lisala pe la posa ngbii e ekete pe enge ekookesaka ekoni, enge ekolindjisaka wato la obitani pe la libhoma. 10 Laate libalano e wambele edjei ndjili e sambo mbe e ndenge kpaa, pe nda wadji wabekesi libalano laho wawusiga mboka pe wayalumbia iwomene la odjidji. 11 La owe, moto o Mwengei, tila djinge sambo, tutia olamu, ekaleli eyahelake la liloba, ogemei, libalano, odjéi la egalala, odjei logoo. 12 Sana kindo elamu e ogemei; hela mokalo mo libela enge woowelelali owe pe ondjimaali la hoho lihoso la watotoli ngbii. 13 Liwoso la Mwengei, ongo okohaka mokalo la wiho kpaa, liwoso la Yesu kilisito, mototoli ongo oasali la hoho liwoso la Poso Pilato, ikootomaka, 14 ate otemeye pui wuho e olangi alidji otipundane la loyi tee la oeneneni e Likumu lasu Yesu Kilisito. 15 Oeneni woho, Likumu sa mwesi e mwemu akoinya la engele eho enge ebatana; inde Memene e wamemene, Likumu e makumu, 16 ndji inde amene ongo oengiti ogwi, akoyabataka la hoho enge moto tueti akokiti omoeni; Atote mogano la okulu wo libela. Amina. 17 Waasela wagumake e ma masio watidje la elolo, alidji watibate mamungwene mawu la ogumake enge ekoki owungi keke te leekundu, kasi atie Mwengei, ongo okotohaka iso wiho kpaa sa bingo laate iso toemele. 18 Wakele sambo ndamu, wadje wagumake e sambo ndamu, wadjake mawo petee, wato wayewi okawi; 19 Wakoyaisela wiho wa motio la masio mageleli enge eyabati la esuleli elamu enge emayi iwo laate wahele mokalo mo libela. 20 Ee Timoteo, bania ema enge eisami atie owe, tona okpomakpomi pamba enge ekobitesaka sambo djinge edjei osatu pe maloba ma kokia e yewake moleho; 21 nda wadji waenesali la elolo ate wadjei la oyewi ehonde wadhei ogemei.

2 Timothy

Chapter 1

1 Polo, toma e Yesu kilisito, la libalano la Mwengei, la obilei liwuna e mokalo enge ekodjaaka la mboka e ookani la Yesu kilisito, 2 atie Timoteo, mana o mbai o libalano: logoo o sungu, motema magba, logoo e Mwengei Wawa pe la Yesu Kilisito Likumu lasu edje la owe. 3 Ikomowongoselaka Mwengei dombwa, ongo okomokelelaka mbai, ndenge watata wa mbai wamokelelali, pe ikokelaka eho la oyewi elangake, laate itiowosanaka likolo la use la maongi ma mbai, 4 idjei la posa e oeni, ango ekomungolaka mbai po dja owe, laate igbete la mwemu. 5 Laate ikomungwaka alidji ogemei enge edjei owe la eho, enge edjangi moleho, pe enge liwoso tata e owe Loisa pe la ngwa Enisa wadjakali la eho. 6 La eho ikoaselaka alidji ate oonge nda misa likawo e Mwengei enge edjei atie owe la ndenge iyobatelali mawo. 7 Laate Mwengei atitohali elimo e mbangi kasi e okulu pe la libalano, la mamungwene malamu. 8 Eho lenge, otioke soni la la litotoli linge lidhendji Likumu lasu, pe la mbai moto ongo odjei la boloko la loi londe kasi gemia oeneli mboli ndamu odjidji la okulu e Mwengei. 9 Atokalesaali pe atowelaali todje wasatu, akeli ndjongo te la tomo djasu, kasi la oani wonde amene, pe la magba masungu mande; etohamelali la ookani la Yesu Kilisito tee la gala. 10 Kasi eho eeneni sikalandjo la hoho la mboka e oeneni e mokalesi mosu, Yesu Kilisito, ongo olongwesi logo kasi atoenesi iso hoho ndenge etotake mokalo pe wenge enge etiholaka la mboka e mboli ndamu. 11 Enge la loyi loho ibatamali motiesakoli, toma pe mwalimo. 12 Eho lenge ikoeneke odjidji la sambo djaho kasi itidja la ndundu, laate imoyewi moto ongo emogemelali mbai, pe idje la ogemei ate akoki obanei ema enge eisi mbai atie inde tee la lisio laho. 13 Nangana engele kpaa la ekpangele e maloba mango makohaka kole enge eokali owe atie mbai, dja la ogemei pe la libalano enge edjei la ookani la Yesu Kilisito. 14 Ema eho e motio enge eisi eho atie owe, bania eho la ligamesi e elimo satu enge edjei atie iso. 15 Oyewi ate wato kpaa e moki mo Aziya wadhei mbai. Pigela la Helemogena wadjei ndondo e wato waho. 16 Dhee ate Likumu aokele monguta mo Onesipola magba, laate adjali mbala la mbala otetelesi mbai, pe atiokelali miliki ma mbai ndundu. 17 Ango eumaali inde la Loma alukali mbai la mogalia pe agbotoli mbai. 18 Likumu akele ate Mwengei amookele magba la lisio laho. Pe tomo kpaa enge ekelali inde la Efeso oyewi eho olamu.
Chapter 2

1 Owe, mana o mbai, djaaka ototi otetelake ndondo e magba enge edjei atie Yesu Kilisito, 2 Pe sambo djinge eokali owe atie mbai enge watotoli ngbii pe waaselali, waha wato wa meemene sambo djaho, ndjongo iwo pe wakoyewa otiesakoli weeti wato. 3 Ene odjidji nda mbai, ango edjei owe masadje e Yesu Kilisito. 4 Eti la masadje ongo oengi oyalingesi la milunga nda wato wango wati wamasadje, laate moto ongo omototali la otomo e masadje amogemeye. 5 Moto o ioka akoki ototi motole ndji inga akela eho la obiliani la pui. 6 Moti ilanga ongo okokelaka otomo otetelake akoki odjei moto o liwoso o obuki pukapuka. 7 Mungola engele kpaa sambo enge ekoasaka mbai; Likumu akoha owe oyewi e sambo kpaa. 8 Otiwosanake ate Yesu kilisito abasali la wagwi pe alongwali la litoto e Davidi, la ookani e mboli ndamu enge ekotiesakolaka mbai, 9 enge ekoeneleke mbai odjidji tee enangani mbai la miliki nda moto mobe. Inga te ndjongo, liloba e Mwengei etihelaniti. 10 Eho lenge, ikohelelaka sambo kpa mogalia la loyi e wato wango waononi, laate iwo pe watote mokalo mungo mokodjaaka la mboka e Yesu Kilisito, la otwa o libela. 11 Ehele liloba lidjei meemene: Inga togba mongindji la inde, tokodjaa pe la mokalo mongindji la inde. 12 Inga todja ndji la mohandja, tokokamba pe mongindji la inde; inga tomowungana, inde pe akotowungana. 13 Inga totidje meemene, inde akotikala ndji meemene, laate aengiti owawungani. 14 Djaaka ndji owasumbwesi djinge sambo, kpoma la iwo la moli mopamake liwoso la Mwengei laate watiaswemele la oasi, eho eti la kole laate ekobulungaka wato wango wakookaka. 15 Kela kpaa enge ekoki la owe, laate odje moto ongo ogemiani liwoso la Mwengei, motuke mungo otiokaka ndundu la otomo wonde, ongo okonanolaka olamu liloba lo meemene. 16 Tona okpomakpomi pamba pamba enge ekobitisaka sambo djinge idjei mosatu; laate engele kpaa, wakokee liwoso la ekaleli edhendjiake Mwengei; 17 liloba lawu ekoandjanaka nda pota enge ekolakaka wenge. Himena iwo la Pileto wadjei mongindji e wango wato; 18 wango wato wadhei omeemene, wakoasaka ate obasi ekelaniga, pe wakobataka ogemei e weeti wato la ewedje. 19 Te ndjongo, moboko mobatani la Mwengei moyamali ngbii pe modjei la ehele eleme: Mwengei ayewi wato wande, pe: Moto kpaa ongo okotoloko kombo e Mwengei adhee sambo djinge edjangi omeemene. 20 Ndondo e monguta mosungu eeti sa wikeleli wa wolo la palata, kasi wiho wa mabaya mpe la mbume, koto djeeti la otomo wo etemia, kasi djeeti la otomo wungo wodjangi etemia. 21 Inga moto ayakatola la wikeleli winge widjangi etemia, akodja ekeleli e etemia, enge esatisami, enge edjei la kole liwoso la Likumu laho, ewongisami la otomo kpaa e olamu. 22 Tila posa kpaa e olenge, kasi biliande olamu, ogemei, libalano, logoo, ebete kikima la wango wakombelelaka Likumu la motema molangi. 23 Tona kokia e ekete pe enge edjangi kole, laate oyewi ate ekopumbesaka mosio. 24 Kaiko motuke mo Likumu aengiti la mosio, kasi akokinde odjei la logoo la wato kpaa, moto ongo oyewi otiesakoli, moto omotema molayi, 25 ongo okotiesakolaka la otitimi wango wati la ekaleli ewongi; laate eti mbala Mwengei akoaha mboka ate wakukole motema laaate waume la oyewi womeemene. 26 Laate wawongole mamungwene mawu malamu, walongwe la lisala e mondjili, laate awaheli la mokalo la loyi e oani wonde.
Chapter 3

1 Kasi yewaka ate masio ma gboo ekodja la engele e minga. 2 Laate wato wakoyabala iwo amene, wato wa minga, wato wabali wambele, wato wa elolo, wato wakodendjiaka sambo dja Mwengei, wango watitemiaka wasangbau la wangbau, wato wango wadjangi dombwa, wato wango wadjangi omeemene, 3 wango watibalanaka ndondo e liloba, wango watibalaka okeli ookani, wato wa mohela, wato wa paima, wato wa ndundu, wato wango watibalaka sambo ndamu. 4 Watambi wa wato, wato wa mito mitetelake, wato wango wakundji la elolo, wato wango wabali mwemu omoeti Mwengei. 5 Wakoeneseke ate wadjei la ekaleli enanganake la Mwengei kaikonde wakowunganaka okulu e ekaleli eho; pe owe tila wango wato. 6 Weeti ndondo ewu, wakolingelaka la minguta pe wakokpalaka wahelani wa wali wango wati la otetelake, wango wakobiliaka wa posa ndenge la ndenge, 7 Wango engele kpaa wakotiesamaka, kasi watiwumaka la oyewi womeemene. 8 Ndji ndenge kikima Yanesi la Yambelesi wamomalelali Moize, wato waho pe wakomalelaka omeemene, wabita la mamungwene, Mwengei awatonala la odhendeli sambo dja ogemei. 9 Kasi watike lihele, laate wato kpaa wakoene boli ewu la hoho, ndenge waeneli boli e wango wato waale. 10 Kasi owe obiliali matiesakoli ma mbai, mokalo mo mbia, oani o mbai, ogemei o mbai, motema molai mo mbai, libalano la mbai, ekaleli e mbai e odjei la mohandjia, 11 odjidji wo mbai, wikoni wa mbai, sambo djinge ewumelali mbai ongo la Atiokia, la Ikoniumu, la Lisitala, wodjidji wungo wonangelali mbai motema, kasi Likumu akalesali mbai la sambo djaho kpaa. 12 Wango kpaa wadjei la posa e odjei la mokalo la ekaleli enanganake la Mwengei la ookani la Yesu Kilisito iwo pe wakoene odjidji. 13 Kasi wato wabe pe wato wa ekosako wakokela obe oeti, okosi wato pe iwo pe wakowakosamaka. 14 Kasi owe, nangana la sambo djinge eyekolali owe pe enge eyewi owe ate edjei meemene, oyewi atie wa ndai otiesamali eho. 15 Tee la olenge wowe, oyewi madhingo masatu, enge eengi o owumesi moto o kandela la loyi e mokalo la mboka e ogemei enge edjei la ookani la Yesu Kilisito. 16 Madhingo kpaa ehomami la Mwengei, pe edjei la kole la oteiesakoli, opameli, onanoli sambo pe la ohekeli oyewi ndondo e olamu. 17 Laate moto o Mwengei aengi, adje la kpaa enge eengi la otomo kpaa e olamu.
Chapter 4

1 Eho lenge iyakongi la owe liwoso la Mwengei pe liwoso la Yesu kilisito, ongo okosambisa wato wa mokalo la wato wagwa, la engele e ewongo wonde la okumu wonde. 2 Tiesakola liloba, kela eho la mohandja la engele elamu pe la engele e odjidji, pamela, nanola, ha egalela, la motema ndayi pe la mamungwene matiesakolake. 3 Laate engele egeleli wato watigemia kine matiesakoli mango makoha kole, kasi la obileyi posa djawu amene, wakotota watiesakoli ngbii laate wawaokese sambo djinge matoyi wawu mabali ooki, 4 pe matoyi mawu makotona ooki omeemene, kasi wakobilia masekpe ma moleho. 5 Kasi owe, banya mamungwene ma owe la sambo kpaa, gemia oeni odjidji, kela otomo e mwandji e mboli ndamu, engesa otomo o owe olamu. 6 Laate iyahi nda likawo e maana mango makoswaka iwo, pe engele e mbai e mokalo ewumia ahue. 7 Isani kindo e olamu, itili obangu tee la gboo, ibanei ogemei. 8 Opoti keke, waiseli mbai sapo e omeemene, enge Likumu, mosambesi ongo odjei meemene, akohekele mbai liputi la lisio laho, te ndji mbai kasi la wango wakolambelaka la mwemu ewongo wonde. 9 Kela kpaa ate odje atie mbai la loga. 10 Laate Demasi atili mbai, la loyi ate abalali sambo e maa masio, pe aki la Tesaloniki; Kelesasi, aki la Galatia pe Tito la Dalamatia. 11 Luka ndji inde amene moto odjei la mbai mongindji. Motota Malako pe djaka la inde, laate akogamesa mbai la otomo. 12 Kasi imotomi Tisiki la Efeso. 13 Ango ekodja owe, kpalela mbai mokoto enge edheeli mbai ongo la Toloasi atie Kalapusi pe wabuku, la oeteli enge e ekombaka e nama. 14 Alesandela motuli wibende akeleli mbai obe ngbii. Mwengei akomowongosela la obilei tomo djande. 15 Owe pe angatala la inde, laate ayamalelali maloba masu la otetelake. 16 Osambi wo mbai mbala e poo moto tuueti atidjaali ngambo e mbai, kasi iwo kpaa wadheli mbai, Mwengei atiwatangele eho. 17 Kaiko Likumu agamesali mbai pe atumisali mbai la okulu, laate la mboka e mbai, otomo otiesakolake ekelame olamu pe witondo kpaa waoke eho; pe ikalali la monoko mo simba. 18 Likumu akokalesa mbai la sambo kpaa mbembe pe akokalesa mbai pe akolingesa mbai la okumu wonde e likolo. Mogano modje la inde libela la libela. Amina. 19 Ha mobale la Pilisika la Akila pe la wato wa monguta mo Onesipola. 20 Elasite atikalali la Koliti, kasi imodhei Tolopina la ekoni ongo la Mileta. 21 Kela kpaa enge eengi la owe laate odje liwoso la engele e okundu. Ebulusi aotomeli mobale, la Pudenesi, Linusi, Kolodjia, pe la wamangbasu kpaa. 22 Likumu adje a elimo e owe! Magba masungu mande edje la ino!

Titus

Chapter 1

1 Polo, motuke mo Mwengei, mpe toma e Yesu kilisito la obileyi ogemei e wango Mwengei awaoni, pe la oyewi wo meemene enge eokani la ekaleli enanganake la Mwengei, 2 la elikia liesi e mokalo ,mo libela enge Mwengei, ongo okokiti obuki moleho, awunate tee la gala. 3 Pe la engele ende aenasali liloba lande ohola la otomo etiesakolake enge wahekeli mbai, la otomami e Mokalesi mosu, Mwengei; 4 Atie Tito monga mo mbai e ogemei enge edjei iso kpaa la eho: Magba masungu la logoo e Mwengei wawa pe la Kilisito Yesu mokalesi mosu edje la owe. 5 Iyodheli la mokii mo Kelete, laate , owongele sambo djinge itisombaka olamu pe obate wiloko la gbate esi la esi, obileyi malako ma mbai. 6 Inga wadja pele wango wati la pamela, molome o moli moikima ongo odjei la wana walamu, wango watipundane la ekaleli e osoto pe wati mito mitetelake. 7 Laate mobanei akoki odjei moto ongo otipundane, laate adjei kapita e Mwengei, ati matioke, atimemelaka saa ndjongo, atidje mokengi o mona, atiswaka la wato, atitobaka wato, atidje moto o litema ongo okolukaka ototi wasumbelia la ndenge mbe. 8 Kasi adje moto ongo okoyambaka wadjidji, moto ongo okobalaka sambo ndamu, moto o mamungwene malamu, moto molamu, moto o meemene, mosatu, moto ongo okoatekisaka. 9 Ongo ohelani la sambo ndamu djinge itiesakolami, laate ayewe oaseli weeti matiesakoli masatu alidji ayewe opameli wango wakomalelaka. 10 Laate edjei la wamatioke, wato wango wakoasaakolaka saa ndjongo, wato wango wakobitesaka mamungwene, la oeteli wango wanangani la oteni kombeni. 11 Okoki owahelesi monoko, lawato waho wakolingesaka ewedje la maliye ango ekotiesakolaka iwo sambo djinge ekokiti iwo otiesakoli, laate watote asumbelia ndenge ebe. 12 Mwesi ndondo ewu motiesakoli mowu amene, aasali ate: Wato wa Geleta wakodjaka masio kpaa wato wa moleho, mbau mbe e motulu, wato wa litema wango watibalaka otomu. 13 Li litatoli edjei meemene. Eho enge, wapamelaka la otetelake, laate wadje la otetelake e ogemei, 14 Laate watiahelanese la sambo pambapamba e Wayuda mpe la pui e wato wango wakohaka meemene mokongo. 15 Wiho kpaa elangi atie wato wango walangi. Kasi atie wato wa osoto la wango wadjangi ogemei ema teeti edjangi olangi, tee mamungwene mawu la oyewi wau wowumiga gbomoko. 16 Wakoasaka la ohola ate wamoyewi Mwengei, kasi wakomowunganaka Mwengei la tomo djawu, laate wadjei wato wa onalili pe wati la otosi pe watiwonge la tomo teeti elamu.
Chapter 2

1 Kaikonde, owe asaka saa sambo djinge ewongi la matiesakoli enge ekohekeleke olamu. 2 Asa ate mbange dja pele watilekese likamiti la ekaleli ewu, watitote sambo la lisimbo, wadje la mamungo malamu, otetelake e ogemei, la libalano, la ekaleli e egalela. 3 Ase mbange dja wali pe wadje la esombeli enge eengi la watuke wa Mwengei, watibukele wato mileho, watidje watuke wa maana, watiesakoli dja sambo ndamu; 4 ase waklotiesakola seka wabale pele djau la wana wau, 5 wadje la mamungwene malamu, walange, wakeli tomu dja monguta, wato walamu, wango wakoyatitimisaka liwoso la pele djawu, laate liloba e Mwenge etitangeme wailiko. 6 Djaka oaseli wana wa pele wadje la mamungwene malamu. 7 La sambo kpaa odje owe amene ndakisa e sambo ndamu, otiesakolake djinge idjei meemene, etidje la mbeti, 8 maloba ma owe malange enge ekokiti okwi, laate moto ongo odjei eeti ngambo atume la soni, ango edjangi inde ema ebe etwaseli iso. 9 Asela watuke watemei makumu mawu la sambo kpoaa, pe wawayemeleseke olamu, watiwawongoselake maloba mbe, 10 watiyiwe, kasi wadje meemene la ndenge enge eengi, laate watemeye la ohola matiesakoli ma Mwengei Likumu lasu. 11 Ango logoo e sungu e Mwengei, enge ekokalesaka wato wa ndenge kpaa eenani ohola. 12 Etoyinyei totone ekaleli edhendeyake Mwengei alidji la posa dja moki pe toyabate la mamungwene malamu pe la omeemene pe la ekaleli enanganake l;a Mwengei masio kpaa, 13 ango ekolambelaka iso oemeli elamu pe oeneni e Mwengei mosungu la ongali pe la mokalesi osu, Kilisito Yesu. 14 Ongo ayahali la kole esu laate atokalese la sambo kpaa e obuki pui pe akpololi wato wango wango wadjei wato wande amene, wango wadjei la egalelela la tomo ndamu. 15 Djaaka ndji oasi djinge sambo la otomi pe la opami e okumu kpaa. Te moto tueti atiodhende.
Chapter 3

1 Wamungolela ate wayadjimbese pe watemeye wadjodji la makumu, wayawongele la tomo kpaa ndamu, 2 watiasele moto obe, watidje wato wabali kindo, watidje wato wasambo tetelake, wayatitimese atie wato kpaa. 3 Laate iso, todjakali liwoso wikete, wato waminga, wato wawungi, watuke wa posa ndenge la ndenge pe la mwemu. Tokalali la minga pe la mohela, todjakali otonani iso amene. 4 Kaikonde, ango olamu e Mwengei mokalesi mosu la libalano lande atie wato eenanali, 5 etidjake la tomo ndamu enge ekelaki iso, kasi motema magba ende atokalesi iso ndenge atokpoli pe atokpali la mokalo, pe atoumesi wato waholi la ligamesi e elimo satu. 6 Atoswelali iso elimo eho ngbii la mboka e Yesu Kilisito mokalesi mosu, 7 laate mbuse e oeneni wato walamu la logoo esungo ende, towumia watoti wa libula la ookani e olambeli mokalo mo libela. 8 Liloba laho lidjei meemene. Pe la sambo djaho, ibali ate oenesake eho engele kpaa la egalela ate edjei meemene, laate wato wango wamogemei Mwengei wabatake mamungo mawu la okeli tomo ndamu. Dhenda enge edjei olamu pe la kole atie wato. 9 Ase tona ogulani wo boli, matoto, oswi, mihela ma sambo dja pui, laate sambo djaho etiakole pe edjei pamba. 10 Inga moto apumbesa okawani moumisa lihele la owe, mbuse e omokebesi mbala e liwoso la enge ewale, mbuse motona, 11 Yewa ate moto o ndenge eho aungi mboka, pe akokelaka lisumu, ayakwesi la loyi inde amene. 12 Engele ikootomela Aletemasi inga Tisiki owe tila, kela ndenge kpaa laate odje atie nbai la Nikopolisa, laate ongo nde ebundoi mbai oetesi engele e pioo. 13 Mohekele Zenasi, ongo oyewi pui olamu, la Apolosa enge kpaa eengi la okendo wou, laate watidjange ema teeti. 14 Wato wasu pe wayekole okeli tomo ndamu la oengemesi posa djau enge edjei la kole, laate watidjange owoti pukapuka. 15 Wato kpaa wango wadjei mongindji la mbai wa ohi mobale. Ha mbaa la wato wango wakotobalaka iso ngbii ndondo e ogemei. Logoo osungu edje la ino kpaa.

Philemon

Chapter 1

1 polo mohelani mo Yesu kilisito, la maangbasu Timote, atie Pilemo maangbasu olibalano ongo mongindji mosu la huu otomo, 2 la maangbasu o moli Afiya, pe atie Alisipa, mongindji mosu ewiita pe la losambo linge lidjei la molako moowe, 3 dhe ate magba la logoo e sungu e Mwengei wawa osu pe la Likumu osu Yesu Kilisito edje la ino. 4 Ikowongoselaka Mwengei ombai matondi, ango ekootoloko mbai la maongi ma mbai, 5 laate ikookaka sa mboli e libalano e owe pe ogemei enge edjei owe la eho atie Likumu Yesu alidji atie wasatu kpaa. 6 Laate ogemei enge owe la weeti odjeini la eho ekele otomu la ndenge oyewi ate ema ndamu kpaa ndondo esu ehelami la Kilisito? 7 Laate iyokali mwemu ngbii pe ligamesi ngbii e libalano e owe, laate libalano e motema e wasatu ewumi la egalela la loyi e owe, manaima. 8 Eho enge, inga te la kombo e Kilisito ikoki oasi ohola pe la o meemene la oohekeli litomani okele enge ewongi, 9 ikoaselaka la egalela e libalano, laate idjei ndenge idjei, Polo mowange, sikala pe mohelami la loyi e Kilisito Yesu. 10 Ikoongoko la owe la tina e monga mombai Onesima, ongo ewumi mbai sango ahala edjei mbai ndondo e boloko. 11 Ongo otidjakali la kole liwoso atie owe, ase sika ndjo aumiga la kole atie owe pe atie mbai. 12 Ikomowongwesaka atie owe, owe moyamba, inde adjei motema mo mbai. 13 Idjaki la posa ate itikale la inde mbai amene laate, la ebete e owe adjake okeleli mbai ango ehelami mbai la mikulu enge ekokpalaka mbai la loyi e mboli ndamu. 14 Kasi ikokiti okeli eme teeti inga owe otindime, laate olamu wo owe etidje egugake, kasi elongwe la motema mo owe amene. 15 Eti mbala edjakali la loyi eho nde atilali la ma engele eesi, laate omotote alidji libela. 16 Te aleeti nda motuke, kasi oyeti motuke, nda manima o libalano. Ngbiiyo atie mbai, kasi la oeteli la owe edje la wenge e mweni pe ndondo e Likumu. 17 Inga otota mbai nda miino owe, moyamba nda inga edjaaki mbai. 18 Pe inga aokelelali obe, te inga adja la nongo e owe, bata eho la moto mo mbai. 19 Mbai polo, mbai idhingi la mawo ma mbai amene, - ikowongosa eho, kole eti e owaseli ate odjei la mopulu mo mbai, edjei owe amene. 20 Ndjongo manaima, dhe ate itote litomba atie owe la loyi ungo edhendji Likumu: Titimesa motema mo mbai ndondo e Kilisito. 21 Nda ibateli motema ate okogemiya, ikoodhingelaka ma masia laate iyewi ate okokela oeti te sambo djinge eyasi mbai. 22 Alidji, wongelela mbai pe ebete eyabatake, laate idjei la mondimo wakodhee mbai la maongi ma ino. 23 Epafalasi mohelani nda mbai ndondo e Kilisito Yesu aotomeli mobale. 24 La Malako, Alisitalaka, Demasi la Luka wiino wa mbai wa otomo. 25 Logoo osungu e Likumu Yesu Kilisito edje la elimo e owe.

Hebrews

Chapter 1

1 Mwengei, ongo la engele e gala, adjali oasi la watata wasu la mboka e watiesaakoli mbala la mbala pe la ndenge ngbii. 2 Kasi la gboo e ma masio, atoaselia la mboka e Mana, ongo omobati inde moto o lisango e wiho kpaa, pe la mboka e inde akelali wiho kpaa winge widjei la molongo kpaa. 3 Mana oho akoeneseke dombwa e Mwengei pe adjei elima e inde, pe akohelaka wiho kpaa la liloba e otetelake wonde. Mbuse e okpoli masumu masu ayabatia la ewo e lilome e okumu la wibete wiyeti likolo. 4 Awaetia waahumbwa, laate atoti lisango e kombo eesi elamu oyeti enge ewu. 5 Nda ekpangele, ndondo e waahumlbwa asala la ndai ate: Owe odjei Mana o mbai, kekehele mbai iwumia sangwa? Pe alidji: Mbai ikowuma sango pe inde akowuma Mana o mbai? 6 Kasi ango emotomia inde alidji mana o inde o liwoso la mbume enge wato wayabati, akoasaka ate: Waahumwa kpaa wa Mwengei wamomayele mauli. 7 Alidji, akoaselaka la waahumbwa ate: Akokelaka waahumbwa milimo, pe watuke wande la olamu e wato kpaa olemi o misa. 8 Kasi aasali la Mana ate: Mwengei adjei ngbelengo e owe e okumu libela la libela. Ekongo e okumu e owe edjei ekongo e omeemene. 9 Obalali odjei moto molamu, otonali sambo e bukake pui. Eho lenge Mwengei, Mwengei e owe, aokpulia maita ma mwemu owaeti wiino wa owe. 10 Ase alidjii, owe, likumu la lipotele,okelali mbume la likolo widjei tomu dja mawo ma owe. 11 Eho mene ekobitaka, kasi owe okotikala libela, kasi eho ekosulika nda esindje. 12 Pe okobalaka eho nda kasaka, ase eho ekwahengese nda esindje. kasi owe odjei ndji nda ekodjaka owe ase wilanga wowe witisila. 13 Kasi la ndondo e waahumbwa aasali la ndai ate : Abata la ewo e mbai e lilome tee ndji ekowabata mbai watonani wa owe nda esiko la makolo ma owe? 14 Iwo kpaa watidje wilimo winge wikokelaka wotomu, la loyi e wolamu wo wato kpaa, wawatomi la loyi e owakeleli wato wango wakotota lisango e libela?
Chapter 2

1 Eho lenge, tokoki obateli dji sambo tookali motema, laate totikpalame lihele la mboka. 2 Laate inga lu loyi eyasamali la mboka e waahumbwa eyamalali gboo, pe loyi kpaa ebukake pui pe loyi kpaa e odjangi otemei etotali etumbu e omeemene, 3 Tokotila nda ndenge inga totona mokalo mosungu? Mungo mokalo ndjongo likumu lasu aasali liwoso, pe enge wato wango wamookali watoeneseli ate edjei meemene. 4 Mwengei agemesali demu ewu la wienesi e sambo ndjinge sungusungu la sambo dja oyahueli ase la likao la Elimo-Santu lihami la ndenge e obali wonde. 5 Ase ndjongo, eti la okumu e waahumbwa nde Mwengei abati moki mungo mogeleli nde moho mokoaselaka iso. 6 Kasi mwaseli mwesi ainyaali la ebete esi: Moto adjei ndai laate omomungole? Te mana o moto laate amobanye? 7 Omokelali mokeke la sese e waahumbwa, omokpalesali wokumu wo dombwa pe e etemia, ase omobatali Likumu e tomu dja mawo ma owe. 8 Obatali wiho kpaa sese e makolo mande. Kaiko nde, sikalandjo, totienekeyo wiho kpaa sese e okumu wonde. 9 Kasi tokomoeneke yesu, ongo obatami maa keke sese e waahumbwa, akpali elembo e dombwa pe e mogano, laate aeneli wodjidji pe aguali, la loyi ate, la mboka e magba masungu e Mwengei aguele moto kpaa. 10 Ewongoki ate oholo moto wiho kpaa widjei la dombwa e inde ase la mboka e inde wiho kpaa widjei, ango okeli inde ate wana ngbii wadjee la dombwa, amomesali kapita ongo wakokalaka la mboka e inde moto oengi la mboka e wikoni. 11 Laate moto ongo okosatisaka, la wango wasatisami, iwo kpaa walongoi atie moto moikima, nde eho lenge atiokaka ndundu la owaweli ate wamanango. 12 Ango okwasaka inde ate: Ikotiesakola wamanima nkombo e owe, ikogana owe la lembo la ndondo e liboliani. 13 Ase alidji ate: Ikomobatela motema. Ase alidji ate: Denda, mbai la wana wakeke wango wapekeleli Mwengei mbai. 14 Ndendjongo, nda wana wakeke wadjei la makila, la moini mo ndenge e womoto, inde koto adjali ndji ndjongo la loyi ate, la mboka e logo wonde, abitese kpaa moto ongo oengi ohekeli logo, einei ate mondjili. 15 Pe ahekele wohola la wato kpaa wango, la loyi e wangake logo wabatamali la otuke la wokali wou oesi kpaa. 16 La memene, atiwagamisaka waahumbwa, kasi akogamesaka liwota la Abalayama. 17 Nde ndjongo, aengaki oumi nda wamanango la sambo kpaa, la loyi ate aume nganga-Mwengei mosungu o motema magba, ongo omemene e sambo dja Mwengei, la loyi ate, ahekele likao lodhihake masumu ma wato. 18 Ndji ndjongo, nda eeneli indemene wodjidji, ango odjakali inde omekami, aengi owagamesi wango wakomekamaka.
Chapter 3

1 Eho lenge, wamanima wasatu, ino wango wawelami la oki likolo, momungwani wolamu motomani la nganga-Mwenei e ogemei ongo okomogemeyaka iso la hoho, Yesu. 2 Adjakali moto molamu atie Moto ongo omobatali inde ndjongo, nda ndenge koto Moize adjali moto molamu la monguta monde kpaa atie Moto oho. 3 Laate inde atangamate ate awongi la dombwa ngbii omoleki Moize, la loyi ate moto ongo okomaaka monguta akodjaka la etemia ngbii oleki monguta. 4 Monguta kpaa moto nde okomaka, kasi ongo omaali wiho kpaa edjei Mwengei. 5 Moize adjakali moto o wotomu molamu la monguta mwesi kpaa mo ohongo Moto ndjongo. 6 Kasi Kilisito adjakali Mana molamu la monguta mo Moto oho. Iso todjei monguta mo Moto oho, inga tee la gboo todjei engele kpaa oasi la hoho, pe la memene pe la oyaheleli la sambo djinge ikototomaka iso toyagane la molambia mungo wodjei iso la woho. 7 Eho lenge, ndji ndenge ekoasaka Elimo-santu: La wuse wokeke inga ookani moli monde 8 Otitetesakeni motema monu, nda e ngele ememelake e otetelake, nda lisio wungo womekami wopumbate la lisobe. 9 Ebete enge emekali watata wanu mbai, te nda eeneli iwo tomu dja mbai la woumoi wo wilanga tuku inei. 10 Eho lenge, ilembali li liwota, ase ndjongo iyasali ate wawu ngake wiengele kpaa mboka dja mitema mawu, pe watiewe mboka e mbai. 11 Ase ndjongo ilapali ndai la limemu la mbai ate: Watilingela la ohomi wo mbai. 12 Wamanaima angatalakani laate mwesi onu aume la motema mobe, mungo modjangi ogemei, laate amodhee Mwengei o mokalo. 13 Kasi djaakani ohani egalela lisio la lisio la engele enge owelami ate keke, moesi onu, oume motema motetelake, la loyi e okulu e ekosako e lisumu. 14 Laate, tokoumaka wato wango wakowanesanaka la sambo dja kilisito, ndji inga toahelela la oteteli la sambo djaho ibatelali iso motema la lipotele ase tee la gboo. 15 La engele ekwasaka iwo ate: La wuse wokeke, inga wookani moli monde, otidjeni la limemu la mitema mamu nda engele e ookake limemu enge etetelake. 16 Laate, wandai, waokali pe te ndjongo watumolali limemu wo Mwengei? Edjali wato kpaa wango wapumbali la Ezipito la esombeseli e Moize? 17 Alidji wandai wango Mwengei awalembali la owumoi wo wilanga tuku inei? Edjali wato wango wakelali lisumu, wango milonda mau milangalali la lisobe, te ndjongo? 18 Kasi wandai wawalapelali inde ndai ate: Watolingela la ohomi wonde, eti wango wadjangali etemia? 19 Eho lenge, tokweneke ate, watilingelali, laate wadjangali ogemei.
Chapter 4

1 Kasi toyawangese, la loyi ate liwuna lilingelake la ohomi wonde wodjeiyo, tohuake ate moesi onu toeti atitikale mbuse. 2 Laate watotiesakolali iso mboli ndamu, ndenge wawatiesakolali iwo, kasi sambo djinge iwaselali iwo etiwakelali ema teeti, la liloba enge eokali iwo, laate watidjali la ogemei la wango wagemeyali. 3 Laate, iso wato wango wagemei, tokolingela la wohomi woho, ndenge eyasali inde ate: Ilapali ndai la limemu la mbai ate: watilingela la ohomi wo mbai, te ndenge tomo djande esukali tee la lipotele e moki. 4 Laate, aaselali lisio la sambo la ebete eesi ate: Pe Mwengei ahomali la lisio la sambo la tomo djande kpaa djinge ekelali inde, 5 pe la ebete eho, asia alidji ate: watilingela la ohomi wo mbai. 6 Eho lenge, nda etikali ate wango wadji wakolingela la ohomi woho, pe wango wadji waokali mboli ndamu liwoso watilingelali, laate wadjangali etemia, 7 Mwengei abatia alidji wuse weesi ndjo, ango iyasia inde, mbuse e engele elai, la lembo e Davidi ate: Kekehele, ndji nda ndenge eyasamali liwoso ate: Kekehele inga ookani dumbei dja nde, otiumeseni mitema manu mitetelake. 8 Laate inga Yosua awalingesali la ebete esi ehomake, nda mbuse, Mwengei atiyaselali eeti wuse. 9 Eho lenge, etikali ohomi weesi wo sabata, la loyi e wato wa Mwengei. 10 Laate moto ongo olingeli la ohomi wo Mwengei, ahomi koto la tomu djande, ndji ndenge ehomali Mwengei la tomu djande. 11 Tokele kpaa djinge iyengi, laate tolingele la ohomi woho, galaa moto mwesi akue ase atutie ekpangele eho e odjangi etemia. 12 Laate liloba e Mwengei wodjei la mokalo, pe wodjei la woteteli, pe wowoti oleki ewumi kpaa enge edjei la maino maale, ase ekolingelaka tee la okawanesi molimo la elimo, pe matonga la maita maho, pe eengi oyewi mamungene la miano ma mitema. 13 Eti la ekelamo teeti enge edjangi woeneni la hoho la maiso mande, kasi wiho kpaa widjei lingbengbele, pe wikweneneke la hoho la maiso ma moto ongo okowongosa monoko atie inde. 14 Nda odjei iso la nganga-Mwengei mosungu ongo olingeli likolo, Yesu, mana o Mwengei, tonangane la oenesi la hoho ate tomogemei. 15 Laate nganga-Mwengei mosungu ongo odjei iso la inde, eti moto ongo oengiti otookeli iso magba la olembi wosu, kasi edjei nde moto ongo okpalemali la sambo kpaa nda iso, kasi ati la lisumu. 16 Toandongbe la eyaseli e hoho, pe la omemene, la hue e ngbelengo e okumu o magba masungu, laate Mwengei atookele iso magba pe atoenesele magba masungu engele edjei iso la ehoha e ligamesi.
Chapter 5

1 Laate nganga-Mwengei mosuungu ongo omokondji iwo la ndondo e wato, wakomobataka la loyi e wolamu wo wato la sambo dja Mwengei, laate ahe makao la mbeka, la loyi e masumu. 2 Aengi oenesi magba atie wato wango wadjangi oyewi, la wango wawusi, laate inde koto adjei la olembi wonde. 3 Nde la ndjongo, aengi ohie makao, la loyi e masumu mande amene pe la mango ma wato. 4 Moto atitotaka ehele etemia la ndenge ende amene, kasi ndji la engele enge emoweli Mwengei, nda emowelali inde Alona. 5 Ndenge kikima nda kilisito atiahali dombwa inde mene laate aume nganga-Mwengei mosungu, kasi akondjali dombwa atie moto ongo omwaselali ate: Owe odjei mana o mbai, keke mbai iumia sangwa. 6 Ndi nda ndenge easi inde la ebete edjii ate: Odjei nganga-Mwengei libela la libela nda Melekisedeki. 7 La masio mango edjakali inde la wenge wa moeni, Kilisito ayatatali pe alidji aongali ongo odjakali la makoki e omokalesi la logo, la opami pe la po, ase amookali ase amogemeyali la edjeli e inde ewangake Mwengei. 8 Te ndenge edjakali inde mana, ayekolali etemeya la sambo djinge egbotonoli inde la djaho. 9 Ase, mbuse ewoumi moto ongo weengi la sambo kpaa, akondjali mokpali moyinyake wato la mokalo mo libela, wato kpaa wango wakomotemiaka. 10 Laate Mwengei amowelali nganga-Mwengei mosungo nda Melekisedeki. 11 Todjei la sambo ngbii dja oasi la loyi la inde, pe olumboli djaho edjei monga laate odjeini ma toi gboo. 12 Laate meemene la odhendeli engele enge elekesali ino, edjakali ate odjeeni watiesaakoli, kasi odjeni alidji la posa ate moto mwesi aotiesakoleni, olongoi la lipotele, la matio ma lipotele, dja maloba mosato e Mwengei, pe odjeini nda moto ongo odjei la ehoha e mawele, kasi te wilaka witetelake. 13 Kaikonde, moto kpaa ongo okonungaka mawele, ayewiti loi lungo wolamu laate adjei mana mokeke. 14 Kasi wilaka witetelake widjei wa wiloko wato, wango makoki mawu mayewake, nda ndenge wakokelelaka eho, emeseni okawoli obe la olamu.
Chapter 6

1 Eho lenge, nda sikandjo edhei iso matio ma lipotele ma Kilisito, tokele kpaa todje wiloko wato, totibatekine alidji moboko, eyasi nda ate oyekoli alidi matio ma ohengesi motema la odhei tomo djinge iwotitiakapukapuka, pe omogemei Mwengei, 2 matio mango madhengi patisa pe la omobateli moto mawo, obasi e wato waguake, la osambesi wo libela. 3 Pe ehonde, eengi la iso inga pendja Mwengei abala. 4 Laate wango wadjei ngbai mbala kikima libela, pe wango waoki oleli e likao e pamba e likolo, pe la wango wakondji Elimo Santu, 5 pe wango waoki oleli e liloba lilamu e Mwengei pe etetelake e sambo ndjinge igeleli. 6 Kasi wadheiya eho, waengiti kine owongosami laate wahengese motema laate wadjei iwo amene omobaki alidji Mana o Mwengei la ekulusu pe omookesi soni la maiso ma wato. 7 Inga mbume djinge ikokengaka malia ma ewongo enge ekoluelaka eho mbala la mbala, pe la mbuse eho ekotooko ndunda djinge ikolakamaka la wato wango waonelali eho, ekototaka koto opamboyi wo Mwengei. 8 Kasi inga eho iwota keke la ma mbuku wakondjilumba la hue e mbumakolo, gboo eho wakolongosa eho. 9 Kaiko nde la loyi lanu, ino wamanima wa libalano, te ndenge ekoasaka iso djongo togemei memene ate odjeini olamu owaeti iwo pe okotutiakani sambo djinge ikookpalani la mokalo. 10 Laate Mwengei adjangiti olamu laate awosane wotomu wonu la libalano lieneseleli ino nkombo e inde, la ndenge ewakelelani ino wasantu pe odjeini ndji okowakelakani. 11 Tobali ate mwesi la mwesi la ino aenese egalala e ndenge eho laate adje la elikia etetelake tee gboo, 12 laate otiwumeni wisekeleke, kasi watutei e wango wakokondja lisango e liwuna la mboka e ogemei pe la motema molai. 13 Laate ango Mwengei amohali Abalayama liwuna lande nda etiengali inde olapi ndai la nkombo e odji moto ongo omoeti inde, alapali ndai la nkombo e inde amene. 14 Aasia: meemene ikoopambwa ngbii mpendja pe ikoowumesa ngbii pendja. 15 Eho lenge, Abalayama mbuse e oenesi motema molai akondjali liwuna laho. 16 Kaikonde, wato wango wakolapaka ndai la nkombo e moto ongo owaleki iwo, ase la ndai ndjawu ekoseselaka kokia kpaa, laate edjei nanga ewu enge egemei pui. 17 Ndenge kikima pe Mwengei, ango eanali nde oenesi la hoho wakondji wa lisango e liwuna ate mwano monde motikukuanaka, akelali eho la ndai. 18 Laate la sambo iwale djinge itokukuanaka djinge la loyi eho Mwengei aengiti te maa keke obuki moleho, iso wango watili ase tokia okayaisi atie Mwengei toaselane la otetelake laate tohele elikia enge ebatani liwoso lasu. 19 Elikia wungo wodjei iso la eho wodjei nda longo la molimo, ase eteteli gboo, ase elikia eho ekotolingesaka iso mbuse e lido, 20 atie moto ongo oleki liwoso alingelali la loyi esu, Yesu, ongo oumi nganga-Mwengei mosungu nda Melekisedeki libela la libela.
Chapter 7

1 Laate Melekisedeki oho, likumu mo Saleme, nganga-Mwengei o Mwengei ongo oeti likolo, ongo ogbotonoli la Abalayama ango elongwali inde ooli makumu ase amopambwali. 2 Ase ongo Abalayama amohali esi la esuki e liomu e wiho kpaa, adjei liwoso liwoso, inga wakukola Likumu e wato walamu, alidji adjei koto nda likumu la Saleme, easi nda ate Likumu e logoo. 3 Nda eti inde la sango, ati la nango, ati la mokalakala mo watata, masio ma nde mati la lipotele, pe okali wonde woti la gboo kasi adjei nda Mana o Mwengei, adjei nganga-Mwengei libela la libela. 4 Dendani adjakali moto mosungu mene! Moto oho Abalayama likumu la liwota ahekeleli esi la esuki e liomu e wiho winge wipundjali inde la wita. 5 Wana wa Lebi wango wakototaka wotomu wowu wo onganga-Mwengi, watoti tomani e okeli moloko atie wato, esi la esuki e liomu la otutei pui, einei atie wamangbau, te ango olongoyi iwo la liwota la Abalayama. 6 Kaiko Moto ongo mokalakala mo watata wande molongoiti atie ewu akondjali esi e esuki e liomu atie Abalayama ase amopambwali moto ongo okondjali mawuna. 7 Kaiko nde kokia iti, moto ongo odjei mokeke apambwamia la moto ongo omoeti. 8 Ase wato wango wakondjali liwoso esi e esuki e liomu edjei wato wango wakoguaka, kasi ongo omoaseli iwo mbuse, edjei moto ongo omotondoli iwo ate adjei la mokalo. 9 Alidji, dhee ikelele li liaseli, la mboka e Abalayama te Lebi ongo okokondjaka esi e esuki e liomu akoputaka esi e esuki e liomu, 10 Laate adjakali la solo e tata e inde engele Melesesedeki agbotonoli la Abalayama. 11 Inga edjei eengake ekodjaka meemene la ligamesi e wonganga-Mwengei ewalebi ( laate wonganga-Mwengei wuho wodjali la mboka kikima la Pui djinge wawahali wato ase edjali loi lo gbondo,) nda gbondo, edjakali alidji ate nganga-Mwengei odji aume nda Melekisedeki ase waase ate adjei nda Alona? 12 Laate, nda wonganga-Mwengei ekokukwanaka, pui koto iengi okukwani. 13 Laate moto ongo waaseli dji sambo adjei moto o liwota ladji, ongo moto tweti akelala wotomu ongo la etumbeli. 14 Laate eyewani lahoho ate Likumu lasu alongwali la Yudea, liwota linge Moize atiaselali ema teeti enge edendji wonganga-Mwengei. 15 Ase eyewani alidji la hoho e oleki ate, nda Melekisedeki nganga-Mwengei odji akopumba. 16 Ongo oumi ndjongo, te la otutei sambo djinge idhingami ndondo e pui enge edhendi sambo djinge idjei ahala la mbume kasi nde otutei wokulu wo mokalo weesi wungo wokokiti obitani. 17 Laate edhingami ndjo: Odjei nganga-Mwengei libela la libela nda Melekisedeki. 18 Eho lenge, walongosali pui dja liwoso laate itidjakali la okulu, alidji itidjakali la kole. 19 Laate pui itiumesali ema teeti ema eengake, kasi odji e oani wesi wungo woleki olamu ekelali eho, enge la mboka eho tokoyandongbaka la hue e Mwengei. 20 Alidji ndenge eho ekelamali la olapi ndai. 21 Kasi edjei la wato wango watiume wanganga-Mwengei la ndai, kasi edjei la moto mwesi ongo oumi nganga-Mwengei la ndai e moto ongo omoaselali ate: Mwengei alapi ndai ase atioka magba ate odjei nganga-Mwengei libela la libela. 22 Edjei ndjongo nde Yesu aumi moto ongo ohami nanga e ogemei enge eyeti olamu. 23 Alidji, ngbii waongoli ate waume wanganga-Mwengei mbuse e wango wadji laate logo etidjiakali owahi mboka e okeli ndjongo. 24 Kasi inde nda edjei inde la mokalo libela la libela ati la moto ongo oengi ototi eholo e inde e wonganga-Mwengei. 25 Nde ndjongo aengi koto owakalesi wato wango wakwandongbaka atie Mwengei la mboka ende, laate adjei engele kpaa la mokalo e oasi la loyi ewu. 26 Laate nganga-Mwengei mosungu e ndenge enge, edjei meemene ongo owongi la iso, moto omeemene, ongo oti la obe, ati la osoto, akatolani la wato wabe, adjambani oleki likolo. 27 Ati la ehoha e ohekeli mbeka masio la masio nda ekokelaka wango wanganga-Mwengei wasungu, liwoso la loyi e masumu mande amene ase la mbuse mango ma wato. Laate akelali ndjongo mbala kikima la libela ango eyakawali inde. 28 Laate pui idjali owabati wato wango walembi wanganga-Mwengei wasungu, kasi loi e ndai linge lidjali mbuse e pui likobataka nde Mana moikima ongo oumesami moto ongo oengi la djiesi kpaa libela la libela.
Chapter 8

1 Sambo djinge ikwaselaka iso, limungwene la gbondo laho leli: Todjei la nganga-Mwengei mosungu e ndenge eho, ase ayabati la ewo e lilome e ngbelengo e wokumu la wokumu wosungu ongo likolo. 2 Moto owotomu la loyi e wato kpaa la ebete e santu, ase la hema ememene enge emali likumu kasi moto te. 3 Laate nganga-Mwengei mosungu kpaa abatami la ohekeli makao la mbeka; eho lenge ewongoki inde koto adje la likao la ohekeli. 4 Kaiko nde inga adjaki ahala la mbume, nda ati nganga-Mwengei laate edjei la wato wango wakohaka makao la otutei pui. 5 Kaikonde wakokelaka wotomu mosantu wungo wodjei ekpangele pe elima e sambo djinge idjéi ongo likolo, nda Moize ango elukali inde omai hema akondjali wotomu atie Mwengei aasia ate: huaka ate okele sambo kpaa la otutei ndenge enge wowenesi ongo la mokoli. 6 Kasi sikahala Kilisito okondji otomu weesi wolamu oleki la loyi e wolamu wo wato kpaa, eho lenge adjei koto mookanisi mo ogemani wesi wolamu oleki, enge ebatanii la otutei pui, pe ehelami la mawuna wilamu oleki. 7 Inga ogemani wungo wo liwoso wotidjake la wobe nda wungo wo wale woti la kole. 8 Laate Mwengei akowapamelaka wato ango okwasaka inde ate: Likumu asiate, Dhenda masio mageleli ase ikokela wogemani woholi la monguta mo Isalaele la mongula mo Yuda. 9 Etidja la otutei ogeimani wungo wokelali mbai la watata wau la wuse wungo wohelali mbai ewo ewu, la owapumbesi iwo la mokili mo Ezipito, laate watiabatali ndondo e ogemani wo mbai, eho lenge edheli mbai owabanei, Likumu aasi ndjongo. 10 Kasi denda wogemani wungo wokokela mbai la monguta mo Isalaele, mbuse e masio maho nda easi Likumu: Ikobata pui dja mbai la mamungwene mawu pe ikodjidhinga la mitema mawu; pe alidji ikodja Mwengei owu, pe iwo wakodjaa wato wa mbai. 11 Wato tueti watitiesako mana o moki, te maanango ate: Moyewa Likumu, alikambo ate iwo kpaa wakondjewa mbai, olongoi ongo odjei mokeke la ongo odjei mosungu la ndondo ewu. 12 Alikambo ate ikowaokela magba la tomu djawu idjangi wolamu, la itomungwa kine alidji masumu mawu. 13 Ango eyasia inde: Ogemani woholi aseseli mokombe enge egala, kaiko nde ema nge esili mokombe pe ewoloyia ewumia ahue e osalamati.
Chapter 9

1 Sikaalandjo wogemani wo gala wodjakali la pui la wotomu monsatu, pe la ebete esantu eho la moki. 2 Laate wamalisali esuki eliwoso e hema ase ndondo, edjakali la emaleseli e matambe, la mesa la makoke maenesake, ase wawelia eho ebete esantu. 3 Mbuse e lido e wale, edjakali la esuki e hema enge eweli iwo ate ebete enge eeti wosantu. 4 Edjali la ema etumbake mpaka la malasi enge ekelami la wolo la sanduku e wogemei enge edihami eesi kpaa la wolo enge edjakali la etotu e wolo, enge edjakali la mana, la motongo mo Alona linge litooli fulele la wipe e ogemani. 5 Likolo laho edjakali la wakeluba wa dombwa enge elima ewu edjakali odhihi edhiheli e odhihake masumu. Ase ehele eti engele eyaselake loyi liesi liesi e djinge wiho. 6 Mbuse e omai wiho waho ndjongo, wanganga-Mwengei wadjakali olingeli la esuki e liwoso e hema eho iengele kpaa la okeli tomu esatu. 7 Ase enge esuki e wale ndji nganga-Mwengei mosungu inde amene nde odjakali olingeli mbala esi la elanga esi, atilingelakali te inga ati la makila, enge edjakali inde ohi la loyi lande amene ase la loyi la masumu ma wato, mango ma djakali iwo okeli la odjangi oyewi. 8 Elimo santu edjakali woenesi la hoho ate mboka e olingeli la ebete monsatu etienenekeeliyo engele enge hema e liwoso edjakali ango. 9 Eho edjei ekpangele la engele enge ebatama, enge eengi sikala, pe tee sikandjo, makao ma mbeka makohanaka, kaikonde maho makokiti omohi moto ongo okokelaka wotomu wosantu woyewi wolamu wungo wowongi. 10 La enge edhengi wilaka, Maana la patisa ndenge la ndenge. Eho edjakali iongolo dja pui enge edhendji wenge, pe eongani tee la engele enge ebatama laate enanole sambo. 11 Ase ango odjali Kilisito Nganga-Mwengei mosungu o sambo ndamu ndjinge ikelami, aetali la hema sungu enge ekoki oleki, enge ekelamiti la mawo easi nda ate eti ndondo e wiho winge wikelami la moki. 12 Ase alingelali la mbala kikima libela, la ebete esantu, te la makila ma meme, te la makila ma wana wa ngombe, kasi la makila mande amene, ase atokondjelali wosikolami wo libela. 13 Inga makila e wameme pe e wangombe wapele, pe la miisu ma ngombe e moli minge mikomisaka iwo likolo la wato wango wadjei la wonalili, makosatisaka tee okpoli wenge, 14 ndjongo makila ma kilisito, mango la mboka e elimo esi e libela, ayakawali atie Mwengei, te la litono, ekokpolo woyewi wolamu wosu, te la oyeti tomu ndjinge itiwotaka pukapuka laate tomokele Mwengei o mokalo wotomu wosantu? 15 Eho lenge adjei mookanesi e ogemiani oholi, la ebili ate, wango wawelani wakondje liwuna e lisango wolibela; laate logo londe lodjali la owasikoli la mboka e lisango e sambo e bukake pui djinge ikelamali la ogemiani wo gala. 16 La ebili ate ebete enge edjei ogemiani, moto ongo okeli ogemiani woho, ewongi ate ague. 17 La ebili ate ogemiani ekogemianaka la wa mbeka enge e olami laate etigemianaka la engele enge moto ongo okeli adjei la mokalo. 18 Eho lenge ogemiani wo gala etipotali odjangi makila. 19 La ebili ate ango Moize awayewisali wato kpaa mitomani kpaa etutiake pui, atotali makila ma wana wangombe wapele la mango ma meme la malia la lene tanake ngbaa la mote mo izope ase amiselali ahala, inde amene la wato kpaa waasali ate. 20 Ehele ndjo edjei makila mango Mwengei aohekelini ino tomani ate oengeseni. 21 Amisali makila pe la hema ase la teni kpaa dja wotomu la wolamu wo wato kpaa. 22 Wiho wiesi kpaa wikokpolonoko la makila la otutei pui ase inga makila matisuakane wookeli magba woti. 23 Ewongoki ate ekpaangele e dji sambo djinge idjei ongo likolo ilangake la ndenge ndjongo, ase sambo mene dja likolo ilangi la wambeka mango maleki djinge mbeka. 24 Laate Kilisito alingelali la ebete esantu enge ekelamiti la mawo, enge edjei elima e sambo dja meemene, kasi nde ongo likolo mene laate aenene sikahala liwoso la Mwengei mene la loyi e esu. 25 Eti pe ate ayakawali mbala la mbala, ndenge nganga-Mwengei mosungu akolingelaka elanga la elanga la makila mande amene. 26 Inga edja ndjongo, nda akweneke wodjidji mbala la mbala tee ndiango epota mokili. Kasi sikahala aeneni mbala kikima la libela la osukesi sambo dja ehele engele la olongosi lisumu la mbeka lande amene. 27 Nda ekolambelaka wato logo mbala kikima la libela, kasi mbuse eho osambesami, 28 Kilisito akawamali mbala kikima la libela laate akpale masumu ma wato ngbii, ase mbala ewale enge ekouma inde etodja kine la olongosi masumu ase wato wango wakomolukaka la ehoha etetelake la loyi e wokali wou wokomwene.
Chapter 10

1 Laate nda edjei pui elima e sambo ndamu djinge igeleli, ase eti omenemene wosambo, la makao mango makohaka iwo wiengele kpaa elanga la elanga, wato waengiti, te wokeke owumesi wango wakoandongbaka ahue, wato wango wakoki. 2 Inga ndjongo, wambeka matiengake ohani? Laate wango wakokelaka wotomu mosantu, la wango walangi mbala kikima la libela watiengake kine alidji woewi masumu. 3 Kasi wambeka mango madjei nde ohundoli masumu elanga la elanga. 4 La ebili ate makila ma wangombe dja pele la mango ma meme maengiti olongosi masumu. 5 Eho lenge, ango edji Kilisito la moki, akoasaka ate: otibalali mbeka la makao, kasi owongeseleli mbai wenge. 6 Otindimali makao matumbake pe likao la loyi emasumu. 7 Ndjongo iyasali ate: Denda! idji nda ndenge edhikami la loyi la mbai, la elingani e ahala, okeli mwano mo owe Mwengei. 8 Mbuse e oasi liwoso ate: Otibalali pe otigemeyali wambeka e makao, alidji la makao matumbake, la likao e loyi e lisumu; wambeka djinge ikohanaka la otutei pui. 9 Mbuse eho asia ate: Denda! idji okeli mwano mo owe. Alongosi ema e poo laate abate ema enge e wale. 10 La mwano moho, iso tosatisami la likao la wenge e Yesu-Kilisito mbala kikima la libela. 11 Alidji nganga-Mwengei kpaa akoamalaka wuse la wuse la okeli wotomu mosantu, la loyi e wolamu wo wato kpaa pe la ohekeli wambeka waho mbala la mbala la ebili ate maho maengiti olongosi masumu. 12 Ase Kilisito, mbuse e ohekeli mbeka kikima la loyi e masumu libela pe ayabatali la ewo e lilome e Mwengei. 13 Opoti ndjiango akolambelaka tee mitone mande wakohotono nda esuleli e makolo mande. 14 La loyi e mbeka sa kikima awaumesi wato wango wadjakali osatisami wato wango waengi libela la libela. 15 Alidji Elimo santu ekototoloko la loyi esu, laate la mbuse easali ate, 16 Likumu aasi ate: Denda wogemeyani wungo wokokela mbai la iwo, mbuse e masio maho. Ikobata pui dja mbai la mitema mawu ikodjidinga djaho la mamungwene mawu. 17 Easi alidji ate: Itomungwa alidji masumu mawu pe la tomu djawu dja obuki pui. 18 Kaiko nde ongo olimbesi iwo masumu maho, likao e loyi e lisumu liti kine. 19 Eho lenge, wamanima, nda edjei iso la egalala la okeleli mboka e lingelake la ebete esantu eho, la ligamesi e makila ma Yesu. 20 Enge etodhuhuelelali inde iso nda mboka poli pe e mokalo enge eleki la lido, nda oasi ate wenge wande. 21 Ase nda edjei iso la nganga-Mwengei mosungu moikima ongo okobaniaka monguta mo Mwengei, 22 dhee ate, la mitema ma omeemene, toyandongbe ongo la ogemei wotetelake, nda okpolomi mitema masu la sambo mbe pe wenge wasu wikpolomi la malia mango malangi. 23 Toaselake mwano mosu la hoho pe totiabingabinge la ebili ate moto ongo ohali liwuna adjei wolamu. 24 Toluanake laate tohanake egalela la ebili ate todje la libalano pe tokele tomo ndamu. 25 Totidhee ogbotononi wosu, nda ehahani wato wadji okeli, kasi tohane egalela pe tokelake ndjongo la oeteli ango ekweneke iso wuse woho woumia ahue. 26 La ebili ate inga tohahana okeli lisumu la wogeno mbuse e okondji woewi wungo wolamu wo memene, mbeka edji eti la la olimbesi masumu. 27 Kasi tokolambelaka ndji lisambesi liesi liwangesake, pe la olemo wo misa minge mikolongosa wayamaleli wa Mwengei. 28 Moto kpaa ongo odhendei pui dja Moize akogwaka la monoko e watotoli wale, te wasato, pe watimookelaka magba. 29 Ndjongo la limungwene lanu moto ongo omohoti mana o Mwengei pe la ongo oeni makila ma ogemeyani pamba enge emosatisali iwo la maho, la ongo otangi elimo e magba masungu pe adendeiya eho aengiti okondji etumbu e sungu oyeti? 30 La ebili ate tomoyewi moto ongo oasali ate: owongosi wobe edjei loi wombai, mbai nde okowongosaka; pe alidji ate: Likumu akowasambesa wato wande. 31 Edjei loi weesi e wangesake okwi la mawo ma Mwengei o mokalo. 32 Kaiko nde mungwani engele kpaa masio ma poo mango mbuse e oenisami ngbai, odjalini la egalela e wita wiesi wisungu la ndondo e wodjidji. 33 La wiengele wadji, waotangakolalini ino pe waowenesalini ino odjidji liwoso la wato nda ebete e wioka, ase la wiengele wadji waowenesalini wodjidji mongindi la wango wadjakali ogbotoni la sambo djaho. 34 La ebili ate ookelalini wango wadjakali la woyogo magba pe ogemeyalini la mwemu wato wango waopuesalini wiho wanu laate oyewalini ate odjeini la ema esi elamu oleki pe enge ekoumwaka. 35 Otidhekeni oaasi la hoho pe la omeemene, laate liwongoseli laho lidjei lisungu. 36 Laate oengini odjeni la edjeli e odjei la mohandia, laate mbuse e okeli mwano mo Mwengei, okondjeni ema enge e owunelalini inde. 37 La ebili ate etikali ma engele keke, ase moto ongo ogeleli akodja pe atoumwa. 38 Kasi moto molamu o mbai akokala la ogemei ,ase inga awongwa mbuse, molimo mo mbai motiemele la inde. 39 Iso toti wato wango wakowongwaka mbuse la obitani, kasi todjei nde wato wango wadjei la ogemei laate tobanye molimo mo mokalo.
Chapter 11

1 Ogemei wodjei edjeli e olambeli la motema moesi kpaa wiho winge wikomungwaka owe okondji, edjei elembeteli enge ekweneseke womemene wosambo inga te etieneneke. 2 Laate la mboka eho nde litotoli ehamali la loi e wato wa engele e gala. 3 La ogemei tokoewaka ate la liloba Mwengei, wiho winge widjei la milongo ewongisami, eho lenge enge ekoeneneke elongoyi la wiho winge witieneneke. 4 La ogemei nde Abele amohali Mwengei mbeka e motio mosungu, oyeti enge e Kaina, la mboka e ogemei woho litotoli lihanali ate adjei moto molamu, Mwengei ahali litotoli la loi e likao lande; pe la ogemei wonde, inga te agwi, adjeiyo ndji akokpomaka. 5 La ogemei Enoka akpalamate ebete edji laate atiene logo, ase atieneneli ebete teeti la ebili ate Mwengei amokpalali ebete edji; laate liwoso akpalame ebete edji akondjali litotoli ate amoemeleseli Mwengei. 6 Inga moto atidje la ogemei akokiti omoemelesi inde te wokeke laate moto ongo okoyandongbaka ahue e Mwengei ewongi agemeye ate inde adjei , pe aumake moto ongo okohaka liwongoseli la wato wango wakomolukaka inde la ehoha etetelake. 7 La ogemei Noa, mbuse e okondji huaka e Mwengei, la sambo djinge itienenekeli yo, amowangali Mwengei pe amaali masuwa la owakalesi wato wa monguta monde; ase la ogemei uho akpeseli moki la loi, ase aumali mototi e lisango e olamu linge lilongoi la ogemei. 8 La ogemei Abalayama ango ewelamali inde, atemiali la ndenge ekeeli inde la ebete enge ewongokoli la inde okondji lisango; ase akeeli, te ndenge etiyewali inde atie eni edjakali inde okii. 9 La ogmei ayabatali modjidji la moki mo liwuna, nda ase moki mo wadjidji, ase ayabatali la wahema ebete eikima la Isaka la Yakobi, wakondji wa lisango e liwuna liesi eho mongindji la inde. 10 Laate adjakali olambeli gbata enge edjei la miboko ma meemene, gbata enge Mwengei inde amene moto omai pe akeli. 11 La ogemei pe Sala inde amene atotali okulu e okpali lemi e litoto, inga ate aetesali wilanga wa owoti, la ebili ate adhendelali moto ongo ohali liwuna ate adjei meemene. 12 Eho lenge pe la moto sa moikima ongo oengi iso oasi ate odjaki moto mogwake, wana wawotamali ngbii, nda minoto ma likolo pe koto nda ngene dja kelekele e ewale, watiengakali otangemi. 13 Iwo kpaa wagwali la ndondo e ogemeit, inga te etitotali iwo wiho winge wiwawunelali iwo , kasi waeneli la lihele, pe waemelali la waho ase waasali la hoho ate wadjei wadjidji pe wato wango wayabati la moki moho la engele ekuwe. 14 Wango wakwasaka djinge sambo wakoeneseke la hoho ate wakolukaka amene ebete ewu amene. 15 Kaiko nde inga wadjakali saa omungoi ebete enge elongwali iwo, nda waengali owongwi. 16 Kasi sikahala wadjei la ehoha e ebete enge eleki wolamu, easi nda ate e likolo. Eho lenge Mwengei atiwaokelaka ndundu, ate awelame Mwengei owu, laate awawongeleli gbata. 17 La ogemei Abalayama, ango emekamali inde, toengi oasi ate amokawali mana onde Isaka mbeka, pe moto ongo ototali liwuna la mwemu, aengali okawi mbeka mana onde saa moikima ongo omowotali inde, 18 inga ate easanali atiende ate: Enge ekowelana momboto mo owe, ekodja la mboka e Isaka. 19 Abalayama amodhendelali Mwengei aengali omosusoli tee ongo la wagwi, pe tee la logo, amototali alidji la ndenge e elima. 20 La ogemei Isaka amopambwali Yakobi la Esau la sambo djinge wiengali ogeleli. 21 La ogemei Yakobi ango eumali inde ahue e logo amopambwali mana mwesi mwesi la wana wa Yodjepu, ase ayakongoli ango oyaimbali inde la gboo e motongo monde. 22 La ogemei Yodjepu, ango eumali gboo e wokali wonde, aaselelali wopumbi wo wana wa Isalaele; pe ahali tomani la loyi e mikwa mande. 23 La ogemei Moize la owotami wonde wawoti wande wamoisali ndebo isato mbuse e owotami wonde, la ebili ate wamoeneli mana ayetali owongi, ase watiwangali tomani e Likumu. 24 La ogemei Moize, ango ebekali inde, atonali watimowele ate mana o mana moli o Falao. 25 Agemeyali oeni wodjidji la wato wa Mwengei mongindji, ebete ate adje la mwemu engele ekue enge elongoi la lisumu. 26 Laate adhendelali nsoni e Kilisito nda ogumake wo sungu oyeti wiho wa motio wa Ezipito, la ebili ate adjakali odhendji la wangatali atie ekodja oputami. 27 La ogemei Moize alongwali la Ezipito. Atiwangali limemu la likumu te, atetelali gboo, nda edjakali inde weni Moto ongo otoeneneke. 28 La ogemei akelali Pasika pe akpulali makila la ebili ate mooli atiwabande wana wango wawotami liwoso la Isalaele. 29 La ogemei waakpandali ewale e tanake nda mbume ndjomake, kasi wato wa Ezipito walindali ango emekali iwo okpandji eho. 30 La ogemei witutu wa Yeliko wikwali mbuse e olingami masio sambo. 31 La ogemei Lahaba moli o ndumba atigwali te mongindji la wango watidjali la etemia, la ebili ate awayanbali wadjake la logoo. 32 Ikwasa kine nde alidji? engele ekodjanga mbai inga iyasela alidji Zedeo ,Balake, Samisona, Yepeta, Davidi la Samuele la waaseli wadji. 33 Wango la mboka e ogemei walongali makumu ma wita, wakelali wolamu womeemene, wakondjali mawuna, wahelali minoko ma wasimba. 34 Wasesali okulu wo misa, watilali maino ma ewuni, wadjakali olembi kasi waumali la wotetelake, waumali mabande ma wita, wawatilesali mawoke ma wasoda ma wadjidji. 35 Wali wagbotonoli la wato wau wagbake la obasi; ase wadji wato waeneli wodjidji wotetelake la ebili ate watigemeyali okpolami la mboka e lisango e ndenge esi ndjo, laate watote libasia linge lileki olamu. 36 Wadji wakondjali omekami wou la ndenge ewasekeli iwo pe wawabingali pimbo, oyeti te enge, wawanangali mindjota ase la woyogo. 37 Wawabingali mabukeli, wamekamali. Wagwali logo e wiwini. Wadjakali oki wiati la wiati, wakpalali wikombaka dja kondolo la e wameme, wadjakali odjangi, waeneli wodjidji, wawabeteleli. 38 Ase moki motiwongoli la iwo te, wadjakali oki wiati la wiati la wisobe, la mikoli, la buu dja mabukeli, la mawela ma mbume. 39 Kaikonde iwo kpaa, inga te ate litotoli ehamaali la loyi ewu la ogemei owu, watikondjali ema enge e wawunelali iwo. 40 La ebili ate Mwengei adjakali otoeneli iso lihiele ema esi e olamu oyeti, la ebili ate iwo watiwume wato wango waengi inga te iso.
Chapter 12

1 Iso koto, nda edjei iso la lipata lisungu ndjo e watotoli linge litolingi iso, tolongose woliti kpaa e lisumu linge likotohelaka petee. Pe todje la egalela ango ekotilaka iso obangu la migbondo minge midjei liwoso la su. 2 Ango okomodhendelaka iso kapita pe moengesi e ogemei wosu, yesu. La mwemu mungo mobatamaali liwoso lande adjali la mogalela e omobaki la ekulusu, atiokali soni, ase ayabati la ewo e limo e ngbelengo e wokumu wo Mwengei. 3 Momungwani moto ongo odjei la egalala la sambo dja oyamaleli e ndenge enge e wasumuki, laate otiadheleni la okuwi e elambake. 4 La wita winge wikosanaka ino la lisumu laho, osanakiyoni te tee la makila. 5 Kasi owosanini mohandja enge ekoaselaka ino nda wana ate: Mana o mbai otidheeke etemia e Likumu pe otilembeke wenge ango eonanoli inde. 6 Ndindjongo Likumu akonanolaka moto kpaa ongo omobali inde; akobingaka pimbo moto ongo inde akomotoloko nda mana. 7 Odjeini la mohandja la loyi e witumbu. Mwengei akookelakani sambo nda ebili e wana. Laate nda mana ongo sango atimohaka etumbu? 8 Kasi inga odjangiani etumbu enge ekondjaka wato kpaa ondjeini mene wana wa mese, kasi te wana wa monguta. 9 Alidi wasangbasu wadjei wato nda iso wango wakotohekeleke iso witumbu. Ase todjakali owatemei, ndjongo Wawa o mokalo mosu e elimo, tokokiti owadjikisi liwoso lande oleki laate todjee la mokalo? 10 Wasangbasu watohali iso witumbu la masio makeeke ndenge nda eenekeli iwo olamu; kasi Mwengei akotohaka ndjongo la wolamu wosu la ebili ate iso todje wasantu nda inde. 11 Etumbu teeti etodjaka loi lo mwemu engele enge ekohanaka eho, kasi ekodjaka nde magba, kaikonde mbuse eho, ekowotelaka wango watiesakolami la eho pukapuka e logoo, easi nda ate wolamu wo meemene. 12 Hani egalela la mawo mango malembi pe la mauli mango ma teteliti. 13 Ase nanolani mboka dja makolo manu la ebili ate esuki enge elembi etilongwe la litonga, kasi ekale nde okala. 14 Tutiani odjei logoo la wato kpaa, pe tutiani wu wosatisami, inga wotidje moto tweti atomoene Likumu. 15 Huakani mene la ebili ate moto tweti atidjange magba ma Mwengei laate mondjili te mweeti mokombeni mowotame alidji molingese ewedje pe etiwumese wato ngbii la wonalali. 16 Moto o pite atidje, te moto ongo otitemiaka sambo mosantu nda Esau, ongo okawali wotomu wonde wo mana o poo la loyi e maa ema elakake. 17 La ebili ate oyewini ate mbuse alidji, ango obalakali inde ototi lisango e opamboi, wamotonali inde laate te ango olukakali inde la wilelo mene okukoli mamungwene ma sango, atiengali kine. 18 Laate ino otiandongbeni ahue e ema enge eengini ino opoti mungo moalengi la misa, te linge lidjei la lipata e molili la e likolo te e ehoho. 19 Te enge ekolelaka nda lihili, te enge eengani la etale, ango ookali wato mungo moli, wayakongoli ate watiwakpobele kine loi lodji. 20 La ebili ate wu wotomu wodjakali minga atie iwo: inga nama esi etima mu mokoli, ewongi wabinge nama eho mabukeli. 21 Eeneneli eho edjakali la bo, eho lenge Moize aasali ate: Ikowangaka pe ikodjadjaka! 22 Kasi ino oyaandongbini ahue e mokoli mo Siona pe la gbata e Mwengei o mokalo, Yelusalema e likolo, pe la wambuka e waahumbwa wande. 23 La wogbotononi wosungu pe la oboleani wo wana wa poo wango wadhingama nkombo ongo likolo, ase la Mwengei mosambesi o wato kpaa, ase la mokalo mo elimo mo wato walamu wango waumi wato wango waengi. 24 La Yesu mookanesi e ogemeyani e eholi, ase la makila ma omisi, enge ekoasaka wolamu oleki makila mango ma Abele. 25 Huakani ate otitoneni moto ongo okwasaka. La ebili ate inga watikalali, laate watonali omooki moto ongo odjakali ohekeli ohuake e Mwengei ahala la mbume, iso koto totikala te wokeke, inga tokuka maleke la moto ongo okwasaka olongoi ongo likolo. 26 La engele eho moli monde modudumisali mbume la oeteli, kasi sikahala ahekeli liwuna aasi ate: Etikali mbala kikima alidji enge itidudumisa sa mbume, kasi pe la likolo. 27 La wungo woasi ate: Etikali mbala kikima alidji eenesi ate olongosami wo wiho winge wikodudumaka la oeteli, nda wiho winge wikelana, laate wiho winge witidudumaka witikale. 28 Eho lenge, nda ewongi la iso okondji wokumu weesi wungo woengiti odudumi, todjaake ndji tokokondja logoo wosungu, wungo la mboka eho toengi omokeleli Mwengei wotomu mosantu la ndenge egemeyani, la owangi Mwengei o bo. 29 Laate Mwengei osu adjei pe misa minge mikolongosaka.
Chapter 13

1 Djani la libalano, nda ekobalanaka wana wa akali. 2 Otiwosanakeni ekaleli eyambake wadjidji, laate la mboka eho nde wadji wayambali waahumbwa, ase watiyewali. 3 Wamungwakani wango wahelami la woyogo nda ohelamini la iwo mongindji; pe la wango wakoeneke odjidji, la ebili ate ino koto odjeiniyo ndondo e wenge. 4 Liwala lidje la etemia ndondo e wato kpaa, pe epe e liwala etidje la wonalali laate Mwengei akowasambesa wato wapite la wato wa iteba. 5 Wokali wonu wotidje la libalano e wadjenge, emeleni la wiho winge widjei ino la waho sikahala. Laaate asi ate; itiodhe owe te wokebe pe itookila te wokeke. 6 Laate todje la egalala mene ase toase ate: Likumu adjei mogamesi mo mbai; itowanga. Moto aengi okeli mbai nde? 7 Wa mungwakani wango wakokambakani ino, wango wakoaselakani ino engbundu e Mwengei, pe ango o kodhendaka ino pukapuka elamu e esombeli ewu, tutiani esombeli ewu. 8 Yesu Kilisito adjei ndenge kikima kolokolo, keke libela pe libela la libela. 9 Otihahaneni la matiesakoli ma weeti wato. Laate edjei olamu motema motume la wouma wosungu kasi te la wiho wilakake, winge wango ayahekeli la djaho, watotiti kole. 10 Todjei la etumbeli eesi enge wango wakokelaka wotomu mosantu la hema waengiti olaki wilaka waho. 11 Laate milonda e wanama Winge wikokpalaka nganga-Mwengei mosungu makila maho, la ebete esantu, la loyi e masumu, makotumbamaka kelekele e Moki. 12 Eho lenge Yesu koto, laate asantise wato la makila mande aeneli wodjidji kelekele e moluhe. 13 Eho lenge topumbali atie inde kelekele e moki, tokpale nsoni enge ekpalali inde. 14 Laate toti la moki temweti ahala mungo mokoumwaka seko, kasi tokolukaka nde la ehoha etetelake moki mungo mogeleli. 15 La mboka ende, tohekele Mwengei mbeka e mogano wiengele kpaa, easi nda ate pukapuka dja wiwulu wasu wingo wikotoloko nkombo ende la hoho. 16 Ase otiwosanakeni okeli wolamu pe la owakaweli wato wadji wiho, la ebili ate Mwengei akoemeleke la makao eenge ndenge. 17 Watemiakani wango wakopundesakani ino pe oyatitimesakeni liwoso la wu, laate wakobaniaka milimo manu nda wato wango wakowongosa monoko, laate wakelake eho la mwemu, kasi te la walelaleli, laate ekodja liboma atie inu. 18 Akongokoni la loyi la su laate togemei meemene ate todjei la woewi wo meemene laate tobali todje memene la sambo kpaa. 19 Ikoohekelekeni ino mohandja, kelakani ndjongo, laate iyowongweleni alidji. 20 Sikala Mwengei o logoo, ongo owumesali tee ongo la wato wagwake mobanyei mosungu mo wapate, la makila ma ogemeyani e libela, Likumu la su Yesu, 21 Aohekeleni ema kpaa enge elamu, la okeli mwano monde, akele ndondo esu, la mboka e Yesu Kilisito sambo ndamu la maiso mande, adje la mogano libela la libela! Amen! 22 Iyowongini, wamanima, nangani motema la loi wungo wo mohandja, laate, meemene, itiodhingeleni ekpata e sambo ngbii. 23 Yewakani ate maangbasu Timoteo apumbi ga la woyogo, inga adja gala, ikodja la inde mongindi odjaodengi ino. 24 Wahani mobale wango wakokambakani ino, pe la wasantu kpaa. Wango wadjei la Italia waotomelini ino mobale. 25 Logoo wosungu edje la ino kpaa! Amen.

James

Chapter 1

1 Yakobo motuke mo Mwengei mpe la Likumu Yesu kilisito, atie malye liomu la iwale wango wayaandi: Mbaa! 2 Wamanaima, eneni eho mwemu pendja, ango ekogbotonokoni ino la omekami ndenge la ndenge. 3 Weewini ate omekami e ondimi wanu ekodjesaka egalya. 4 Dhee ate ekaleli e egalia ekele otomo wou kpaa, laate odjeni wato wango wakoki la sambo kpaa pe wawongi la sambo kpaa, wato wango watidjangaka ema. 5 Inga mwesi la ono andjanga akili, aonge la Mwengei, laate inde akohekeleke wato kpaa la motema mo meemene, te la opami, akomohekele eho. 6 Kasi ayatate la ondimi, atidjee la kokya, laate inde ongo okokokya adjei nda mbonge e ewaale enge ehoho ekogbalaka la ekosombisaka wibete kpaa. 7 Enge ndenge e moto ndjongo atibundue ate otota ema aatie Likumu; 8 Adjei moto mo loho iwale, la olemalemi la esombeli djande kpaa. 9 Dhee ate maagbasu ongo odjei motundake ahemele la odjambemi onde. 10 Ase mogumi ahemele la otitimi onde laate akosalamata nda fulele e mote. 11 Laate liusawuse likoumaka la ehela eho pe ekoomesaka isoki, pe fulele djaho ekokuaka, pe owongi woho wungo ekoeneneke la maiso ekosalamataka. Ndenge kikima mogumi akooma mboka e mokalo monde. 12 Mwemu la moto ongo okodja la ondimi ndondo e omekami, mbuse e olongi djinge omekami, akotota okumu e mokalo, enge ewunate Mwengei la wango wakomobalaka. 13 Moto tueti, ango ekomekamaka inde, atiase: Mwengei akomekaka mbai. Laate Mwengei akokiti omekami la sambo mbembe alidji inde amene akikiti omomeki moto la ndenge eho. 14 Moto la moto akomekama la posa ende amene enge ekomogbalaka alidji ekomogulaka. 15 La mbuse posa eho, engo egbalia eho lemi, ekowota lisumu, ango ekelamia lisumu, ewotia logo. 16 Otiakoseni, wamanaima wa libalano. 17 Sambo ndamu kpaa alidji likawo kpaa ekolongwaka likolo, laate ekolongwaka atie wawa e miinda. Pe inde atiakukolaka nda elima. 18 La mokano monde amene, atowoti la mboka e liloba e meemene, laate iso todje ndondo pukapuka e poo wiho e wikelamu wande. 19 Yewani lu loyi, wamanima wa libalano: Moto kpaa akoki ookani obangu, ndou la oasi, ndou la ooki limemu. 20 Limemu la wato etikelaka olamu e Mwengei. 21 Eho enge, lumbani obe kpaa la ekaleli enge e limemu, pe ndjimani la logoo liloba linge ekoki o okalesi milimo manu pe eyabate ndondo enu. 22 Wumani watemei wa liloba, te ndji waoki la ekosako e ino amene la mamungwene mbe. 23 Inga inde ongo okooka liloba ase atikelele adjei nda moto opele ongo oyadengi mbanda e ende la talatala. 24 Ongo mbuse e waadendi, akia, awosania ndenge edjei inde. 25 Kasi moto ongo okodendakolaka la pui ndamu, pe e lipanda pe akoyakika la eho, moto oho, nda oumia inde mooki ongo otiosanaka, kasi moto ongo okokelaka otomu, akodja la mwemu ndenge ekokelelaka inde eho. 26 Inga moto akoeneke ate akoakongoko la ndenge ndamu, kaikonde atitekisaka lolemu londe, akokosaka loho londe amene, oyakongi e moto oho edjei pamba. 27 Oyakongi enge elangi pe eti la onalili la maiso ma Mwengei osu pe wawa eho lele: Ogamesi watike, wali wango wagueli pele la odjidji wowu, otoni owudjani la moki.
Chapter 2

1 Wamanima wa mbai, okomondjimelakani Likumu lasu Yesu Kilisito, mwemu la iso, ndjongo okoonokoni wambanda. 2 Laate inga moto mwesi akpalia pete e wolo la misei mande la wisindje wilamu alingelia la losambo lanu, ase motundake mwesi ongo okpali widjadje adjia pe alingelia. 3 Kasi ino okoyemela la moto ongo okpali wisindje wilamu pe okoasani ate: Abata ala la ehele ebete elamu. Kasi okoasani la motundake ate: Owe amala ango, te: abata ongo ahue e esuleli e makolo ma mbai. 4 Okawoliani wato la mambutu ndondo enu alidji owumiani wa djodji wango wakotenaka sambo la ndenge e obe, te ndjongo? 5 Okani, wa manima wa libalano; Mwengei atiwonoli wango wadjei watundake la moki laate wadje wakumi ndondo e ondjimi pe watote libula e okumu, enge awunelate wango wakomobalaka? 6 Kaasi ino, okodhendiakani motundake! eti wangumi nde wakoenesakani odjidji la wakookulakani la witenelo? 7 Eti iwonde, wakotangakolaka kombo elamu enge ekpalini ino? 8 Ase inga weengesani pui dja Okumu asakate okelini olamu, nda easi madhingo: Okomobala maangwa nda eyabali owe amene. 9 Kaasi inga okoonoko mbamda, okokelakani masumu, laate pui e opamelini ate odjeini wato wango wakobukaka pui. 10 Laate inde ongo okoengesa pui kpaa ase asakeliia la loyi liesi, abukiga pui djaho kpaa. 11 Ase, inde ongo waasi ate: Okokiti okeli eteba, aasi aleeti ate: Otimoole moto. Ndjongo, inga otikelaka eteba, kasi okoolaka wato, owumiga moto ongo obuki pui. 12 Asani pe kelani nda wato wango wakosambisama la pui e wato walipanda. 13 Moto ongo oti la motema magba, atisambisama la motema magba. Motema magba ekolongaka lisambisi. 14 Wamanima, eni mokalo inga moto aasa ate adjei la ogemei kasi ati la tomo? Ogemei oho ekoki omokalesi? 15 Inga moto pele te mana o moli adjei lingbengbele ati la ema elakake la lisio. 16 Moto mwesi laino awaaselia ate: Kekeni logo, alulani la misa pe gbetani, kaikonde owahiti wilaka winge wiengi la wenge wau, gbondo eho edjei eni? 17 Edjei ndenge kikiima la ogemei: Inga edjanga tomo, egwiga eho amene. 18 Ase moto mwesi akwasa ate: owe odjei laogemei; mbai moto idjei la tomo.ndjinnya mbai ogamei wowe ungo odjangi tomo, mbai koto la tomo dja mbai ikooyinya ogemei. 19 Owe ogemei ate Mwengei adjei inde moikima? Okeli olamu, ase milimo mibe wakogemei pe ndjongo la odjadji. 20 Obali ate oyewe, moto odjangi lokenge, ogemei enge edjangi tomo edjei pamba? 21 Abalayama, sangbasu, atitangamate moto molamu la tomo djande mbuse e omokawi mana onde Isaka mbeka la etumbelo? 22 Weeni ate ogemei onde ekelali mboka eikima la tomo djande pe la mboka e tomo djande ogemei onde eengali. 23 Ndjongo, madhingo eengesami linge lyaasi ate: Abalayama a mogemei Mwengei la eho nde motangali moto molamu: Eho ewelami inde ate miino o Mwengei. 24 Weenini ate moto moalmu la tna e tomo djande eti saa la tina e ogemei. 25 Eti ndjongo nde, Lahaba, moli o mpite, atangamali moto molamu la tomo djande, mbuse e waayambi wa sumbi mboli la owayetesi eeti mboka? 26 Eho nde wenge wungo wodjangi elimo egui, ndenge kikima pe ogemei wungo wodjangi tomo wogui.
Chapter 3

1 Wamanima wa mbai, otilukeni odje inokpaa watiesakoli, laate, oyewini ate iso tokodjaa la osambesami ungo otetelake. 2 Laate iso kpaa tokosakelaka la sambo ngbii. inga moto atisakelaka la luundo londe, inde adjei moto okoki, ongoekesi wenge wande kpaa. 3 Tokobonga witogo la monoko mo wapunda laate watotose ase tokosombisaka wenge wau kpaa. 4 Ndegaayoni masuwa, ekodjaka esungu pe wihoho e tetelake ekokpalaka eho, ekosombesama la edolo e keke wiholo kpaa mosombesi aheli edolo abali. 5 Ndenge kikima, olemo edjei motunga mokeke ase ekoyatemeaka la sambo sungu. Denga nda maa misa mikeke ekolongosaka motulu mosungu. 6 Olemo edjei misa, la wisuki wa wenge wasu olemo edjei moki mungo motumi la sambo djinge edjangi omeemene, laate ekobitesaka wenge, ekobitesaka mokalo kpaa alidji ekolongosaka eho la Lifelo. 7 Laate wato wakoki okeli ate mitomani dja mbau e motulu la mbulu pe wiho winge wikoagulaka la solo pe la wikelamu winge wikoabatanga la ewale e watose, pe ekowatosaka. 8 Kaasi moto tueti akokiti okeli ate olemo emotose. Eho edjei ema ebe, enge moto akokiti otekisi, etumisami la ngenge e logo. 9 La eho tokomotemeaka, sangbasu, ase la eho pe tokowabumakolaka wato wango wakelami la elima e Mwengei. 10 Ndenge kikima monoko ekopambwaka la ekobumakolaka. Wamanima eengiti eho edje ndjongo. 11 Eliwa ekumesaka malya maleleke la malya madiake ebete e kikima? 12 Wamanima, mote mo Figi makokiti owoti pukapuka dja Oliva te mote mo vino pukapuka e Figi? Malia ma mokpa ekokiti owumesi malia malamu. 13 Ndai ndondo enu adjei la lokenge pe la akili? Aenese tomo djande la esombeli ende elamu la logoo enge ekoeenesaka lokenge. 14 Kasi inga odjani la ononi e etelake la oswameli la mitema manu, otiatemeakeni alidji otibukeleni meemene moleho. 15 Eho edjei lokenge enge longoiti likolo kasi malongoi la mokii, lokenge e wenge, enge e etota. 16 Laate ebete edjei ononi la makaka, ewedje la sambo kpaa mbeembe edjei pe ango. 17 Ase lokenge enge elongoi likolo edjei yo liwoso olangi ekodja pe la odaki, logoo, otosi, etumi la magba la pukapuka ndamu, etiwonoko mbanda pe eti la ekosako. 18 Wato wango wakobataka logoo, wakoonaka pukapuka elamu la logoo pe wakobukaka eho.
Chapter 4

1 Mohela molongoi nda songo pe kindo enge edjei ndondo enu elongoi nda songo? Etilongwaka la posa enu mbe e mwemu e wenge enge ekosanaka la wisuki wa wenge djanu? 2 Odjeini la posa kaasi otitotani; okoolakani wato la okononokoni wiho wa wato, kasi otitotakani. Odjeini la kindo la mihela. Otitotakani laate otiongokoni. 3 Inga okoongokoni, otitotani laate okoongokoni obe, laate oyemelese mwemu manu ma wenge. 4 Ino wato wa witeba! Oyewini ate odjei mino e moki edjei odjei monguna mo Mwengei? Ongo obali odjei miino e moki aakeliga monguna mo Mwengei. 5 Ino omungolini ate elimo ekoasaka la odjangi kole? Edjei la mohela nde Mwengei akobalaka molimo enge eyabati atie iso. 6 Ase akotoha nano ungo obeki, eho nde madhingo maasi ate: Mwengei akowamalelaka wato wa ogeno, ase akohekeleke nano la wango watitimi. 7 La ndjongo yadjimbisani liwoso la Mwengei, kasi amalelekani etota akotila liwoso lanu. 8 Andongbani ahue e Mwengei, pe inde akoandongba ahue enu. Langisani mawo manu, ino wato wa masumu, pe langisani mitema manu, ino wato wa mitema miale. 9 Okani magba, lelani pe wumesani po! Oseki wonu wowume ilelo, mwemu monu nda magba. 10 Yadjimbisani liwoso la Mwengei ase inde akoodjambani. 11 Wamanima,otitonganeni. inde ongo okomotonga miinonde, inga akomosambesa maanango, ndjongo akotongooko pui pe akosambisaka pui. Inga okosambesaaka pui oti motemei, otila o pui, kasi mosambesi. 12 Mohi mo pui mpe mosambesi adjei ndji moikima; inde ongo okoki okalesi la ooli. Kasi owe odjei ndai la omosambesi miino owe? 13 Okani ino wato wakwasaka ate: Keke inga leekundu tokokee la ehele gbata, tokoetesa ongo mbula eesi, tokokela sambo ongo alidji tokouma la adjenge. 14 Oyewetini ndenge mokalo monu ekodja ekundu. Laate odjeini ligite linge likopumbaka la engele ekeke mbuse esalamatia. 15 Eengi la ino owaasi ate: Inga Mwengei abala, tokodja la mokalo, mpe tokokela ndjongo. 16 Ndji sikandjo okoyagumyaka la sambo djanu dja elolo. Oyatemei la ndenge eho kpaa edjei obe. 17 Eho enge, inga moto ayewa okeli enge edjei olamu, kasi atikelaka eho, akeli lisumu.
Chapter 5

1 Djakani sikala ino, lelani, humbani pui e tetelake la magba enge ekoodjelakani ino. 2 Wogumake wonu woholi, wisindje djanu wilakami la wapekese. 3 Wolo la palata djanu wigugi, pe ogugi woho ekodja demo etie ino pe ekolaka mweni monu. Oyisini ema esi nda misa la masio magboo. 4 Denga, ohelini liputi enge e wasali wango wabukali pukapuka la wilanga wanu enge eengali iwo ototi, edjeiyo ndji ekodhumbiaka pe la ilelo e wabuki pukapuka wango wakoongoko egameseli, elingeli atie Likumu o wita. 5 Oyabatini la wiho wilamu la mbume pe oyahini la mwemu mo wenge. Owumesini mitema manu nda nama e maita la lisio wakoolaka eho. 6 Omokpeesini, omoolini moto molamu, te okeli ino minga. 7 Wamanima, djaani la loho e ndai tee lisio la ewongo e Likumu. dengani, motii mo ilanga akolambelaka pukapuka ndamu e mbume, adjei la loho ndai la tina eho, tee ewongo e liwoso la enge egboo ekolua. 8 Ino koto, djaani la loho ndai, okalendeseni loho djanu laate ewongo e Likumu eumiga ahue. 9 Wamanima, otiakongeni ino la ino, laate otisambesameni. Denga mosambesi ayamali liwoso la moluhe. 10 Wa manima, totani ndakisa e nangake motema la odjidji, pe eneseni motema ndayi etie watiesakoli, wango waasali la kombo e Mwengei. 11 Denga, tokwasaka ate wato wango wadjei la mohandja wadjei wato wa mwemu. Ookalini mboli e odjei la mohandja e Yobo pe oenalini ndenge Mwengei asukisali sambo djande, ate Mwengei adjei la libalano ngbii pe akoeneseke motema magba. 12 Wamanima wa mbai, liwoso la sambo kpaa, otilapeni, inga te likolo, inga te la mbume, inga te eeti ndenge e olapi. Ase dhee ate ogemei wonu odjei ogemei, okili wonu odjei okili, laate otikweni la osambisami. 13 Mwesi ndondo onu adjei la odjidji? Ayakonge. Moto mwesi ndondo enu adjei la mwemu? Alembe lembo. 14 Mwesi ndondo enu adjei la ekoni? Awele wiloko wa lingomba, wayatate la tina ende, wamomonole maita la kombo e Mwengei. 15 Ndjongo oyatati e ondjimi ekomokalesa moto o ekoni pe Mwengei akomomalesa. Te inga akalali masumu, akomolimbisa. 16 Ndjongo, limbolani masumu manu ino la ino, pe yakongani ino la ino laate okaleni. Oyatati e moto molamu edjei la okulu ngbii, ekokelaka mpe otomu. 17 Eliya adjaali moto nda iso. Ayatatali ngbii ate e wongo etilwe, ase etilwaali la mokii moho, tee mbula isato la ndebo motoba. 18 Ayatatali alidji, likolo litumali la ewongo pe moki moho epumbisali pukapuka djaho. 19 Wamanima wa mbai, inga moto mwesi ndondo enu awusesania lihele e meemene alidji oeti amowongosia, 20 yewani ate moto ongo omolangosi moto mobe la mboka ende e owusi wonde akokalesa molimo monde la logo pe akodhiha masumu mande ngbii.

1 Peter

Chapter 1

1 Petele motutiani mo Yesu kilisito, atie wato wango wayabati la engele ekuwe, wango wayaandji la Poti, la Galatia, Kapadosi, Azia pe la Bitinia; 2 pe atie wato wango waonani la obileyi oyewi enge Wawa Mwengei adjei la eho eyewake sambo liwoso, wango wasatisami la elimo, laate wadje wato wa etemia pe wango wawamiseyi makila ma Yesu Kilisito: Magba masungu pe logoo ngbii edjeni la ino. 3 Mwengei pe Wawa o Likumu lasu Yesu Kilisito apambwame, la loyi e motema magba mande masungu atowotali alidji la mwano e mokalo, la mboka e obasi e Yesu Kilisito tee ongo la wagwi. 4 La loyi e lisango linge liengiti oholi, enge eti la onalili, enge ebitanakiyo. Eyisani la loyi enu ongo likolo. 5 Ino wango okulu o Mwengei ekoobanyakani la mboka e ogemei la loyi e mokalo enge etikali ma keeke ate eenane la engele e gboo. 6 La loyi loho odjeini la mwemu ngbii, te sikala, ewongi la ino ooki magba la omekami ndenge la ndenge e ma engele ekeke. 7 Laate ogemei wonu enge emekami, enge edjei la motio mosungu oyeti wolo, enge ekobitanaka inga ate emekama la misa, ekokelaka ate ototeni longonya, otwa la mogano engele ekoenene Yesu Kilisito. 8 Inga te ate otimoenalini, okomobalakani. Inga te ate otimoenekeni sikala, okomogemeyakani pe odjeini la mwemu ngbii eti la oasi pe e sungu. 9 Laate okototakani pukapuka e ogemei wonu, mokalo mo milimo manu. 10 Laate, la mokalo moho, watiesakoli wango watiesakolali la loyi e logoo wusungu enge ewunanate la loyi enu wahuela huelali la mohandja pe waluka lukali. 11 Wakolukaka oyewi nda ema inga engele e nda ndenge sambo djinge elimo enge edjakali ndondo ewu eyinyesali la loyi e Kilisito ate ekoenga. Edjakali ototoli wodjidji wo Kilisito pe otwa enge eengakali odji mbuse . 12 Wawaenesali ate etidjali la loyi ewu, kasi la loyi e ino nde wadjakali otiesakoli dji sambo ikokelamaka sikala atie ino la mboka e wango waotiesakolalini ino mboli ndamu la mboka e elimo satu enge etomamali tee ongo likolo. Sambo djaho nde waahumbwa walukakali olumbi ehoi. 13 Eho lenge wongeleni mamungwene manu la otomu. Susolani mamungwene manu. Batani mwano monu la magba masungu enge ekotota ino ango ekowongwa Yesu Kilisito. 14 Nda wana wa etemia, dheeni obilei wa posa dja gala djinge idjakini ino la eho, engele etidjaake ino la oyewi. 15 Kasi la ookani la Mosatu ongo oowelalini ino, ino pe owumeni wasatu la esombeli e ino kpaa. 16 Laate edhingama ate: Eongi la ino odjeeni wasatu, la ebili ate, mbai idjei Mosatu. 17 Alidji, inga okombelelakani Wawa ongo otionaka mbanda ango ekosambesaka inde la obilei wotomu e moto la moto, yasombesani la mbangi engele eyabatiniyo ino la mbume. 18 Oyewini ate etidjakali la wiho winge wikoholoko, nda palata, la wolo, nde osombamalini ino la esombeli enu enge etiwotaka pukapuka enge etotalini ino la ekaleli enge elongwate la watata wanu, 19 kasi edjakalinde la makila ma Kilisito, ongo okawanali nda mana o pate ongo odjangi obe pe odjangi litono. 20 Ayewanate gala liwoso la lipotele e moki, kasi aeneneli la wiengele wa gboo la loyi enu. 21 La inde, omogemeini Mwengei, ongo omobasisali pe amohali otwa, la ebili ate ogemei wonu la mwano monu edjee atie Mwengei. 22 Okpolini milimo manu la ndenge ekotemeyaka ino omeemene pe eho ewoti libalano e wouma enge eti la ekosako, balanakani la oteteli la motema mwesi. 23 Owotamini alidji, etidje la mboka e mogono mungo mokoholoko, kasi la mboka e mogono mungo motiholoko, la mboka e liloba la Mwengei o mokalo pe o libela. 24 Laate wato kpaa wadjei nda wisoki, pe otwa woho kpaa nda pulele e wisoki, wisoki ekondjomaka , pe pulele wikokwaka, 25 kasi liloba e Likumu ekoumwaka libela la libela. Liloba laho nde mboli ndamu enge waotiesakolini ino.
Chapter 2

1 Eho lenge yakatolani la paima kpaa, la ekosako kpaa, la moleho, la mohela pe la otongi e ndenge kpaa. 2 Nda wana wango waotani sika, okodjakani la posa etetelake e mawele enge edjei la liloba e Mwengei, enge wawanesiti la ema teeti, laate obekeni tee la mokalo la mboka e eho, 3 inga oeneni ate Likumu adjei logoo. 4 Djakani atie inde nda atie libukeli e mokalo, enge elumbi wato, kasi eonami pe edjei la motio, la maiso ma Mwengei. 5 Ino amene pe nda mabukeli ma mokalo, okomaanakani monguta mo elimo la loyi e wonganga-Mwengei weesi wosatu, la ohekeli mbeka e elimo enge Mwengei agemei la mboka e Yesu Kilisito. 6 La ebili ate eyasani la madhingo ate: Dhenda, ikobataka libukeli liesi la Siona, enge eononi, pe edjei la motio. Ongo okomogemeya, atioka soni. 7 Eho lenge, edjei la motio la maiso manu, laate odjeini wagemei; kaiko atie wango wati la ogemei, ndji enge libukeli linge wamai-monguta walumbali, eumia libukeli lisungu e motio mo monguta, 8 pe libukeli lisakelake pe libukeli linge likokweseke. Wakosakelaka la ebili ate watigemeyaka liloba. 9 Kasi ino odjeini olie enge eononi, wonganga-Mwengei e wokumu, moki mwesi mosatu, wato wango waengi odjei ema e Mwengei amene, laate otiesakoleni wikaleli wilamu e moto ongo aowelalini ino ate olongweni la molili , olingeleni la hoho ende e mwemu. 10 Laate liwoso otidjakalini wato wa Mwengei, kasi sikalandjo odjeini wato wande, odjakalini wato wango watiwaokelali magba, kasi sikala odjeini wato wango wawaokeli magba. 11 Wamanima wa libalano, nda ndenge edjei ino wadjidji pe wato wango wayabati la engele ekue, ikohekelekeni ino mohandja ate otoneni waposa wa wenge, edjei posa eho nde ekosanisaka wenge. 12 Djaakani la esombeli ndamu ndondo wato wa masumu, la loyi wungo wakoaselakani obe nda wakoasaka la wakeli sambo mbe, wamohekele Mwengei otwa la lisio linge likodja inde,la ebili ate waeni la maiso mau sambo djanu ndamu. 13 La loyi e Likumu temeyakani mawongeseli kpaa mango makelani la mawo ma wato: Inga ate okumu, la ebili ate adjei likolo la wato kpaa 14 inga ate makumu ma gbata laate watomani la inde la ohekeli etumbu la wakeli wa sambo mbe, kasi ogani wato wango wakokelaka sambo ndamu. 15 Laate edjei mwano mo Mwengei, ango ekokelakani ino olamu okodjikisakani la petee odjangi oyewi e wato wango wadjangi sambo ndamu. 16 Djaani nda wato wa lipanda, kaikonde otidhendeleni lipanda lanu la odhihi sambo mbe, kasi nda mituke ma Mwengeie. 17 Watemiani wato kpaa, wabalani wamaangbasu, mowangani Mwengei, motemiani likumu. 18 Watuke, djaani la etemia atie makumu manu la mbangi kpaa enge ewongi, te ndji wango walamu pe wa logoo, kasi pe la wango wakodjaka la minga. 19 La ebili ate inga moto mwesi, la oyewi wonde liwoso la Mwengei, akonangaka motema la sambo dja minga pe akoeneke odjidji inga te ate atikele obe, edjei olamu. 20 Laate nda kole edjei inga ango ekokelakani ino lisumu pe waobamboliani, okodjakani la mohandja? Kasi inga, ango ekokelakani ino olamu pe okoenekeni odjidji, okodjakani la mohandja, edjei olamu la maiso ma Mwengei. 21 Meemene, edjei la mboka eho nde owelanalini, laate Kilisito pe aenali odjidji la loyi enu, atikeli ino ekpangele laate omobileini olamu. 22 Atikelali lisumu, pe moleho etieneneli la monoko monde. 23 Ango etangamali inde, atidjakali owongosi iliko. Ango edjakali inde oeni odjidji, atimwanali moto, kasi adjaki engele kpaa oyadhei la mawo e moto ongo okosambisaka la omeemene. 24 Inde amene akpalali masumu masu la wenge wande la ekulusu, laate todhe masumu pe todjei la mokalo molamu. Pe la pota djande ino okaliani. 25 Laate odjakalini nda wapate, wango wawungi mboka; kasi sikala omowongoliani mobanei mo pate pe mobanei mo milimo manu.
Chapter 3

1 Ndenge kikima pe, ino wali, yatitimisani liwoso la walome wanu amene, la ebili ate, inga wadji watitemeyaka liloba, watihelane la liloba kasi la esombeli e wali wau, 2 la oeni la maiso mawu amene esombeli enu elangake, la etemeya enu etetelake. 3 la mondjedhe monu motidje mungo mo saa e onangi suwe mpe la okpali wiho wa wolo inga okpali wisindje wilamu. 4 Kasi edje nde omoto wungo woisani, enge e motema, la ekpaleli enge etiholoko e elimo e logoo pe e magba, enge edjei la motio mosungu la maiso ma Mwengei. 5 Laate ndenge eho nde, la engele e gala wali wasatu wango wabatali dombwa atie Mwengei wadjakali owongeli wenge, wadjakali oyatitimesi atie pele djau. 6 Ndenge Sala adjakali omotemei Abalayama mpe omoweli likumu mpe ino owumiani wana wande, inga okokelakani olamu mpe otiwangaka ema eeti e ehalili. 7 Ndenge esi mpe ino pele, yabatani la iwo la oyewi, waganakani laate wadjei teni enge eyeti petee, enge e omoli, la ebili ate odjeini pe watoti wa lisango e magba masungu e mokalo mongindji la iwo, laate oyakongi wonu etihelane mboka. 8 La osukisi, ino kpaa djakani la omungo oikima, yabatakani la eholo e wadji, mpe balanakani la wamagbanu, wato wango wakookelaka wadji magba, wato wango wakoyatitimesaka. 9 Otiwongosakeni obe la obe, inga eliko la eliko, kaiko ino pambuakani, laate waowelalini ino obilei mboka eho, laate ototeni lisango e opamboyi. 10 La ebili ate, moto ongo obali mokalo pe la oeni masio malamu, atekese olemu wonde oasi sambo mbe, pe wiwulu wande oasi sambo dja moleho. 11 Kaiko akotilaka enge edjei obe, akokelaka enge edjei olamu, akolukaka logoo pe akotutiaka eho. 12 La ebili ate maiso ma Likumu makodhendaka wato walamu, pe matoyi mande ekookaka maongi mawu. Kasi mbanda e Likumu ekomalelaka wango wakokelaka sambo mbembe. 13 Ndai ongo akookelani ino obe inga owahekeleni la otomo olamu? 14 Kasi inga te ate okoenekeni odjidji la loyi e sambo ndamu, odjeini wato wa mwemu. Kaikonde ema enge iwo wakowangaka, ino otiwangaka eho, pe otidjakeni motema likolo. 15 Kasi mosatisani Likumu Kilisito ndondo e mitema manu. Yawongeleni wiengele kpaa la oasi liwoso e moto kpaa ongo akohuela ino gbondo e dombwa enge edjei ino la eho, kasi kelakani eho la logoo pe la etemeya etetelake. 16 Djakani la oyewi wolamu, la loyi wungo wakoaselakani ino obe, wango wakodendjiaka esombeli enu elamu e odjei watutiani wa Kilisito waoke soni. 17 Kaiko eyeti olamu oeni odjidji la ebili ate okokelakani olamu, inga mwano mo Mwengei ebala ndjongo, la ebete ate oeneni odjidji la ebili ate okokelakani obe. 18 Kilisito agwali mbala kikima la libela la loyi e masumu, moto molamu mwesi la loyi e wato wango wadjangi sambo ndamu, laate akpale wato atie Mwengei. Aolanali la wenge, kasi awongosanali la mokalo la elimo. 19 Ndenge eho nde akeeli otiesakoli milimo minge midjei la woyogo. 20 Enge gala watitemeyali ango motema molai mo Mwengei edjakali olambeli la masio ma Noa, ango edjakali omayemi andondoli, enge ndondo eho wato wakeke, e poti oasi wato mwambi, wakalali la malia. 21 Ema enge eengani la eho edjei pe sikala ookalesi ino, epoti oasi, patisa, eti nde olongosani e onalili e wenge, kasi nde oongi Mwengei oyewi olamu la mboka e obasi e Yesu Kilisito. 22 Adjei la ewo e lilome e Mwengei, laate akeeli likolo; pe waahumbwa la makumu ma okulu kpaa wayabatali sese e inde.
Chapter 4

1 Ndji ndjongo, nda eeneli kilisito wodjidji la wenge, ino mpe wongeleni ,mamungwene manu la ndenge eho. La ebili ate moto ongo oeni edjidji la wenge inga te ate adhei masumu, 2 laate alekese engele enge etikali la mokalo monde e womoto, laate posa dja wato etienge alidji, kase nde mwano mo Mwengei. 3 La ebili ate engele enge eyetiga eengi ndjongo enge ino okelalini mwano e miki ango esombalini ino la tomo e esombeli e soni, la posa etetelake, la oetesi molelo, la bino, la maigo ma litema, la okengi la oeteli, pe la losambo mbe e wikeko. 4 Nda etialingesaka kine ino la iwo mongindi la liwela eho e mateke e ekaleli ebe, wakoyawedjaka pe wakootangakolakani ino. 5 Wakowongosa monoko atie moto ongo aengi owasambesi wato wango wadjei la mokalo, la wango wagwake. 6 Edjei la kole eho nde mboli ndamu etiesamali pe atie wato wagwake, laate la maiso ma wato, wasambesame la sambo mango makoeneneke la hoho, kasi wadje la mokalo e elimo la maiso ma Mwengei. 7 Gboo e wiho kpaa eumia ahue. Eho lenge djaakani wato wa mamungwene malamu pe djaakani la lokenge, yakongakani. 8 Liwoso la sambo kpaa, balanani ino la ino la ebili ate libalano likodihaka sambo mbembe. 9 Yambanakani ino la ino, te la ondungwani. 10 La odhengeli ndenge enge moto la moto atoti likao, wakelele eho iwo la iwo nda kapita molamu e magba masungu ma Mwengei enge eenisani la ndenge ngbii. 11 Inga moto akoasaka, aase nde nda edjei maloba masatu ma Mwengei, inga moto akoakelelaka wiino wande, awakelele nda moto ongo akodhendelaka ndji mamungwene mango makohekeleke Mwengei; la ebili ate la sambo kpaa Mwengei atote otwa la mboka e Yesu Kilisito. Otwa pe okulu wodjei wonde libela la libela. Amen. 12 Wamanima walibalano, otiasumbweni la loyi e misa minge midjei ndondo enu, enge ekololaka laate eomekeni ino, nda loyi e eyahueli ekookwelekeni ino. 13 Kaiko, djaakani ndji la mwemu laate okoenekeni wodjidji wungo Kilisito aeneli, laate oyemeleni pe otumeni la mwemu ango otwa wonde wokoenene. 14 Mwemu la ino inga wakootangakolakani ino, la loyi e nkombo e Kilisito, la ebili ate elimo e otwa , elimo e Mwengei ekoyabataka likolo lanu. 15 Kasi moto tweti ndondo e ino aeneli wodjidji la ebili ate adjei mooli mo wato, inga moto oiwa, inga mokeli o sambo mbe, inga moto ongo okoyalingesaka la sambo dja wato. 16 Inga moto akoeneke wodjidji la ebili ate adjei moKilisito, atioke soni, kasi amohe Mwengei otwa la ndenge adjei la kombo eho. 17 Ehele nde engele enge ebatana laate osambesi epote la monguta mo Mwengei. Kaikonde inga epota liwoso atie iso, ndjongo wango watitemeyaka mboli ndamu e Mwengei, wakosuka nda ndenge? 18 Inga moto molamu akokalaka la odjidji, moto ongo okomodendjiaka Mwengei pe la moto o masumu akoenene eni? 19 Eho lenge, dhee wango wakoeneke odjidji la ookani la mwano mo Mwengei wadjaake ndji odhei milimo mawu la mawo ma mokelesi mwesi o meemene ango ekokelaka iwo enge edjei olamu.
Chapter 5

1 Eho lenge, ikohekeleke wiloko wango wadjei ndondo enu mu mohandja, la ebili ate mbai pe idjei eloko mongindji la iwo alidji mototoli e wodjedji wo Kilisito ongo okotota otwa enge ekoenene: 2 Banyani etonga e Mwengei linge lihi iwo la mawo manu, otikeleni eho la oyagogi, kasi kelani la motema mwesi, etidje la loyi e obali liputi linge litotani la ndenge mbe, kasi la motama mo mwemu. 3 Otiaumeseni makumu e wango wadjei lisango e Mwengei, kasi wumani waekpangele e etonga. 4 Ango mobanyei o wapate likumu akoenene la hoho, okototani motole mo otwa enge etibitanaka. 5 Ndenge kikima pe la ino, palanga, yatitimisani liwoso e wiloko wato. Kaikonde, ino kpaa kpalani edjeli e oyatitimesi ndondo e ino, la ebili ate Mwengei akomalelaka wato wa elolo, kasi akoeneseleke wato wakoyatitimisaka magba masungu. 6 Eho lenge, yatitimisakani sese e ewo e okulu e Mwengei, laate aodjambeni ino la engele enge eengi. 7 Djilikisani mikpali manu kpaa atie inde, laate inde aoluaneseni. 8 Banyani mamungo manu, huakani. Motono monu, etota, akosombaka ebete kpaa nda simba enge ekombelelaka, pe olukani o molaki moto. 9 kasi, moamalelani, djaani la otetelake la ogemei, yewani ate wikoni dja enge ndenge ikowaumelaka pe wamangbanu kpaa la moki. 10 Mbuse e oeni odjidji, la ma engele keke, Mwengei ongo o magba masungu, ongo owelalini ino la otwa wonde e libela mongindji la Kilisito, inde amene akosisa owongelini ino, akoomalesani ino ngbi, akootetelisani. 11 inde adje la okulu libela la libela. Amen. 12 Iyodhingelini ino la ma maloba makeke, la mboka e Silivano, mangbasu o meemene, ndenge ekomototaka mbai, laate ihekele mohandja pe itotole la egalela ate magba masungu enge Mwengei aoeneselini ino edjei loyi lo meemene; amalani ngbi ndondo eho. 13 inde ongo odjei la Babilone, moli ongo owonani nda ino, aotomelini mobale, ndenge kikima la Malako mana o mbai. 14 Hekeleneni mibale la ombombwani enge etumu la libalano. Logoo edje la ino kpaa wango wadjei la okikima la Kilisito.

2 Peter

Chapter 1

1 Simoni Petelo, motuke pe motomani mo Yesu Kilisito, atie wango watoti ogemei, wango watoti mogano nda iso, la sambo ndamu e Mwengei osu pe e mokalesi Yesu Kilisito. 2 Magba masungu pe logoo ngbii edje la ino la oyewi womeemene e Mwengei pe e Yesu Likumu lasu. 3 Laate okulu e womwengei wonde etohekeli iso la motema kpaa wiho kpaa winge wa mokalo pe edjeeli enanganake la Mwengei, la ligamesi e oyewi womeemene e moto ongo atowelali iso la otwa pe edjeeli elamu. 4 La mboka e wiho waho atohekelali iso la motema kpaa liwuna e motio pe e osungu, laate la mboka eho, owumeni wilimo nda Mwengei, nda etili ino obitani enge edjei la moki la loyi e ehoha etetelake. 5 Eho lenge la omowongoseli olamu wungo wokeli inde, kelani ndenge kpaa laate okpobeni ogemei wonu la widjeli wilamu wiyewi ino, 6 La lokenge wonu e oyatekesi, la oyatekesi e ino edjei e odjei la mohandja, edjei enanganake la Mwengei, 7 la esombeli enu enanganake la Mwengei libalano e wouma, la libalano lanu e wouma libalano. 8 Laate inga odjani la djinge sambo pe otumiani la eho, ekootekisani odjeni wato wango watikelaka wotomo te wato wango watiwotaka pukapuka la oyewi wo meemene e Likumu lasu Yesu Kilisito. 9 Laate inga moto atidje la djinge sambo, adjei moto ongo ogwi maiso, ongo okonangaka maiso liwoso la hoho, pe akowusaka ate alangaali la masumu mande ma gala. 10 Eho lenge, wamanima, kelakani kpaa enge eengi la ino la oyeteli la ebili ate obanyeni owelani wonu pe oononi wonu, laate inga okokelakani ndji djinge sambo otikwani te ma keke. 11 Ndenge eho nde wakohekeleni ino mboka e lingelake la okumu e libela e Likumu lasu pe mokalesi mosu Yesu Kilisito. 12 Eho lenge, engele kpaa ikoemele o okundueli ino sambo djaho, inga te ate oyewi eho pe omaanini la omeeene enge edjeini ino la eho. 13 Kasi ikoeneke ate edjei olamu la ehele engele edjeiyo mbai la ehele ngoomba esatu, iyokundueleni ino sambo laate iyosusoleni. 14 Nda eyewi mbai ate etikali ma keke ngoomba esatu e mbai elongwe, ndji ndenge Likumu lasu Yesu Kilisito pe aeneseli mbai eho. 15 Eho lenge, ikokela pe kpaa enge eengi la mbai engele kpaa, laate mbuse e oki wo mbai, ino amene oaseleni sambo djaho. 16 Eho lenge, eti la obilei masekpe ma moleho nde toinyali okulu wongo wodji atie Likumu lasu Yesu kilisito, kasi la ndenge toeneli wosungu wonde la maiso masu amene. 17 Laate Wawa Mwengei amohekeleli mogano la otwa, ango ma maloba madjali tee atie inde la otwa wosungu: Oholo adjei mana o mbai o libalano, ongo mbai amene igemei. 18 Tookali ango maloba maho malongwali ongo likolo edjali ango todjakali la inde la mokoli mosatu. 19 Eho lenge, ogemei wungo wogemeli iso liloba e etiesakoli eumia alidji oteteli oyeti; pe okokelakani olamu la ndenge edjei ino obateli eho motema nda mwendji mungo mokololaka la ebete esi e molili ndondo e mitema manu, tee ango bhoo ekopota otani pe monoto mo bhoo mokopumba. 20 Laate oyewini liwoso lu loyi, etiesakoli teeti e masia elongoi la ndjimbola esi e moto. 21 La ebili ate etiesakoli etidja te mbala esi la mwano mo moto, kasi wato waasali sambo djinge ilongwali atie Mwengei ndenge elimo satu edjakali owatomi.
Chapter 2

1 Kaikonde edjei pe la watiesakoli wa moleho ndondo e wato, ndenge kikima pe ekodja la wamwalimo wa moleho ndondo enu. Wato waho wakolingesa la lokenge ma masambo mango makobitisaka, pe wakomowungana te Likumu ongo owasombali iwo, wakoyadjeesele obitani galagala. 2 Ngbii wakobileya sambo djawu e esombeli e ndundu, pe la loyi e iwo mboka e meemene ekotangema. 3 La ononi owu, wakoolakelani ino wiho la maloba ma moleho. Kasi etumbu enge wawatenela iwo opoti gala etiumua kine, pe obitani wowu wotilangala kine ilo. 4 Inga Mwengei atiyatekisali ohekeli waahumbwa wango wakelate masumu etumbu, kasi awayetelali galagala, awanangali la mindjota pe awalumbia la liwela e molili, laate walambele osambisami. 5 Pe inga atiatekisali ohekeli moki mo gala etumbu, kasi amobanyali Noa, motuke mo sambo ndamu, la wadji wato nsambo, ango edjeesali inde pela la moki mo wato wango wadjakali omodendeyi Mwengei. 6 Pe inga aumesali gbata dja Sodomo la Gomola miwusu ma misa akweseli eho la loyi, ahekelali wato wango wakomodendjiaka Mwengei ekpangele e sambo djinge igeleli. 7 Inga akalesali Lota moto o sambo ndamu, ongo odjakali oyakongi la bolo la loyi e wato wango wakobukaka pui wango wayahali la esombeli e ndundu- 8 laate moto molamu oho, la loyi e sambo enge edjakali inde oeni pe ooki ango edjakali inde oyabati lisio la lisio ndondo ewu, adjakali ookesi molimo monde mo sambo ndamu magba la sambo djau e bukake pui- 9 likumu ayewi okalesi la omekani wato wango wakonanganaka la Mwengei, kasi oyisi la lisio e osambisi wato wango wadjangi sambo ndamu laate waolame. 10 Kaikonde, wango wakotutiaka wenge la ehoha e obitesi eho, pe wango wakodendjiaka okumu. Watiwangaka sambo, wadjei wamatioke, watingilimaka liwoso la wato wango wadjei la otwa, kasi wakotangaka. 11 Waahumbwa inga te ate wayeti otetelake la okulu, watiwapundaka la maloba ma wiliko, la ebili ate wakomotemeyaka Likumu. 12 Kasi wango wato, la sambo djinge eyewiti iwo pe wakotangakolaka, wakobitisana la mboka ewu enge ekokeke la logo, nda nama djinge idjangi lokenge wango wakowotamaka ndji ate wanangame pe waolame. 13 Wakoyakelelaka obe iwo amene pe eho nde liputi dja tomo djau mbe. Atie ewu oemelisi wenge la use nde mwemu. Wato waungi mboka pe wato wa onalili, wakoyahekeleke la mwemu e matiesakoli mawu ango ekolakaka iwo yenga enu. 14 Maiso mawu etumi la iteba, pe etiengaka odhei lisumu, pe wakogulaka milimo minge mimaaniti. Motema mou ehahani la ononi. wadjei wana wa mbumakolo! 15 Wadheiya mboka enge enanolani, waungi, watuteya mboka e Balama, mana o Beolo, ongo obalali liputi e sambo mbe. 16 Kasi atotali pamela laate abukali pui; punda enge ekokpalaka mikpali pe enge etiasaka, easali la moli nda moto pe enangelali wokete e motiesakoli moho mboka. 17 Wadjei wiliwa witii la maliya, pe ligite linge ekokpalanaka la eheho etetelake, pe wawaiseli likolo eindake. 18 La ebili ate wakopumbesaka maloba ma elolo enge eti akole, pe la ehoha e wenge la ekaleli e soni wakogulaka wango wapoti otili wato wango wakoyasombesaka la liwunga. 19 Wakowawunelaka iwo lipanda, kaikonde iwo amene wadjei mituke ma obitani. Laate ongo olongami la odji moto aumiga motuke e ongo moto. 20 Inga mbuse e otili osoto e moki la mboka e oyewi wo meemene e Likumu pe mokalesi Yesu Kilisito, wawongosia alidji sambo djaho pe walongania, gboo ewu eumia obe oyeti ndenge edjakali iwo liwoso. 21 laate eengali odjei olamu inga watiyewake pendja mboka e sambo ndamu la ebete ate wayewe eho ase mbuse wakukie mokongo la pui mosatu enge wawahali iwo. 22 Liloba e li lisekpe enge e meemene eengisami atie iwo: Mbwa ewongwanelia wilaka winge witoholi inde, pe ngoya enge ekpoli iwo ewongoiya alidji oyabuluki la mokpodho.
Chapter 3

1 Wamanima wa libalano, ehele edjei sikala ahala o wale mungo mokoodhingelakani mbai ino, enge ndondo eho, nda ahala e mbai e poo, idjaaki o okundueli ino sambo laate isusole atie ino lokenge enge elamu 2 laate obundweni alidji maloba mango maasanali gala la watiesakoli wasatu alidji pui e Likumu pe Mokalesi la mboka e watomani wanu. 3 Oyewini liwoso lu loyi, la masio ma gboo wadendei wakodja la dendjia djau. Wakosomba la ototieyi wihoha wau amene. 4 Wakoasa ate: eni owongoyi wonde enge ewunanali? Kaiko tee lisio linge lipotate ogwi watata wasu, sambo kpaa edjaki okelani ndji ndenge kikima nda lipotele e moki. 5 La otutei ehoha ewu, loyi lokoosanaka iwo lele: Likolo lidjei tee gala la mbume tetelake enge epumbate la malia pe la ndondo e malia e liloba e Mwengei, 6 pe la mboka eho moki e engele eho ebitanate ango e lindate eho la malia. 7 Kasi ndji la mboka e liloba eho likolo la mbume enge edjei sika, eisani la gbondo e misa pe ekobanyanaka la obilei lisio lisatisamake pe e obitesi wato wango wakodendjiaka Mwengei. 8 Kaiko nde, wamanima wa libalano, otiosanakeni lu loyi, la maiso ma Likumu lisio liesi lidjei nda wilanga mbuka esi pe wilanga mbuka esi nda lisio liesi. 9 Likumu atiwumisaka sambo la liwuna lande, ndenge wadji wato wakodhendelaka oumisi sambo, kasi edjei nde oeneseli ino motema molai laate abaliti moto te mwesi aolane kasi abali nde wato kpaa wakukole motema. 10 Kaiko nde, use wo Likumu wokodja nda moto iwa: Ase la use wuho likolo likoeta la modudu motetelake, kasi wiho waho nda ekouma eho misa wikosalamata, pe mbume la tomo djinge idjei ango ikoenene la hoho. 11 Ndenge moki mosu kpaa mokosalamata, bundwani nda ndenge e wato wango waengi ino odjei? Oengini nde odjei wato e esombeli esatu pe la okeli tomo djinge ekoeneneseke ate onanganini la Mwengei. 12 Lambelakani pe banyakani la mamungwene manu lisio liwongwake e Mwengei, lisio linge likolo likolongola la misa, pe ekosalamata la wiho waho, nda ekouma eho misa mitetelake, ekonangwana. 13 Kasi tokolambelaka likolo liholi pe mbume eholi, ndenge euni inde, pe ongo, sambo ndamu ikodja. 14 Eho lenge, wamanima walibalano, nda ekolambelaka ino djinge sambo, kelani djinge kpaa eengi la ino laate gboo eho atiogboteni la litono te la obe kasi la logoo. 15 Alidji, dhendelani motema molai mo Likumu lasu ate edjei mokalo, ndji ndenge mangbasu o libalano Polo aodhingelalini pe ino la lokenge lungo wamohekeleli. 16 Polo aaselali sambo djaho ndji ndenge pe akokelaka eho la waahala wande kpaa. Kaikonde la ndondo, djeeti sambo widjei paima ate moto ahele kole eho, enge wato wango watitiesame pe wango wamaaniti wakokukolaka eho ndenge eeti, ndji ndenge ekokelaka iwo la madhingo madji kpaa matikali, la obitani ewu amene. 17 Eho lenge, ino wamanima wa libalano, nda eyewi ino eho liwoso, huakani laate otikpalaneni mongindji la iwo la liwunga e wato wango wakobukaka pui pe otidheeni edjeeli enu e omaani etetelake laate otikweni. 18 Kasi djaakani ndji obeki ndondo e magba masungu pe e oyewi e Likumu lasu pe Mokalesi Yesu Kilisito. Otwa odje la inde keke pe la masio kpaa. Amen.

1 John

Chapter 1

1 Enge edjakali la lipoteli, engo ewokali iso la enge toenali la maiso masu, la enge iso todhengi la owangatali pe mawo masu mapotoli, la enge edhengi liloba e mokalo. 2 Mokalo, eenani ngbai, toeni pe todjei wademo alidji tokootiesakolakani ino mokalo mo libela enge edjei mongidji la wawa pe eenisani la iso. 3 Enge iso toenali la tookali, tokootiesakalakani ino eho laate ino pe oboliane la iso. Alidji, limbutukele aho enge etobondji iso edjei mongidji la wawa pe mongindji la mana onde Yesu Kilisito. 4 La eho, tokoeneke dji sambo laate mwemu musu motume botoo. 5 Mboli enge tookali atie inde pe tokootiesakolakani eho lele: Ate Mwngei adjei ngbai pe likolo liti la inde mongindji. 6 Inga toasi ate toboliani lainde, kaikonde tokosombaka la likolo, tokobukaka moleho pe totibiliaka meemene. 7 kasi inga tosomba la hoho nda edjei inde amene ndondo e hoho, toboliani limbutukele, pe makila ma Yesu mana onde ekotolangisaka la obe kpaa . 8 Inga toasa ate toti la masumu, tookoakosaka iso amene pe meemene eti la iso. 9 Inga tolimbola masumu masu, inde adjei meemene pe moto molamu la otolimbesi iso la masumu masu pe akotolangisa la sambo kpaa enge edjangi o meemene. 10 Inga toasa ate, tokeliti masumu, tokomowumisaka moto o moleho pe liloba la inde eti ndondo esu.
Chapter 2

1 Wana wa mbai, ikoodhingelakani dji sambo, laate otikeleni lisumu. Kaikonde, inga moto akela lisumu, todjei la mwaseli mwesi atie wawa, Yesu Kilisito moto molamu. 2 Adjei inde amene mbau e mbondji la odhihi mawunga masu, eti saa enge esu amene, kasi pe e moki kpaa. 3 La lu loyi nde tokoyewaka ate tomoyewi, ebali aasi ate, inga tokobaniaka pui djande. 4 Ongo akoasa: imoyewi, kasi atikelelaka pui djande, adjei moto o moleho, pe meemene eti ndondo e inde. 5 Kasi ongo okobaniaka loyi londe, libalano la Mwengei liengemeni ndondo e inde. La likambo eho toyewi ate todjei ebete e kikkima mongindji la inde. 6 Ongo okwasaka ate ayabati lainde akoki osombi mpe ndji nda inde amene. 7 Wamana ima wa libalano, eti pui e holi enge liodhingelini mbai ino, kasi pui e gala enge etotate ino tee la lipotele. Pui eho e gala, edjei loi lungo liokalini ino. 8 Mbala kpaa edjei pui esi e holi nde ikoodhingelakani, ehele edjei loyi lo meemne la ino pe la inde, laate likolo e koyetaka pe hoho e meemene etaniga. 9 Moto ongo oasi ate adjei la ngbai, ndjongo akomotonaka manango, adjei ndi ndondo e likolo. 10 Moto ongo omobali manango adjei ndondo e ngbai la eho ati la ndenge teeti esakelake ekikimi. 11 Kasi moto ongo okomotonaka manango adjei ndondo e molili, akosombaka la molili mpe akoleiti eni ekokeke inde, late molili limolihi maiso. 12 Ikoodhingelakani, wana, laate masumu manu malibisami la gbondo e kombo e inde . 13 Ikoodhingelaka, wawawa, laate omoyewini moto ongo odjei tee la lipotele. Iyodhingeli, ndjenga; laate omolongini moto mobe. Iyodhingeliani, wana wa keke, laate omoyewini wawa. 14 Iyodhingeliani wawawa, laate omoyewalini inde ongo odjei tee la lipotele. Iyodhingeliani ino, ndjenga odjeini la oteteli, pe liloba e Mwengei liabati ndondo e ino, pe olongiani moto mobe. 15 Wotibalakeni mu moki, te wiho winge windjei lainde. inga moto mwesi abala moki, libalano e wawa eti ndondo e inde. 16 Laate wiho djinge edjei la moki, posa dja wenge, posa e maiso, la elolo e wiho e okaleli, lidjiti atie wawa, kasi lidji la moki. 17 Kasi moki mokoeta, la sambo djaho meemene,kasi ongo okokelaka enge ebali Mwengei akokala libela la libela. 18 Wana wakeke, engele e gboo mumu, la linge liokate ino ate moamaleli o Kilisito ageleli, opoti sikalandjo ngbii la iwo wango wakoamalelaka Kilisito wadji. La eho nde toewi ate edjei engele e gboo. 19 Wapumbiaka ndondo esu, kasi watidjakali wato wasu, laate inga wadjakali wango wasu nda watikalali mongindji la iso. Kaiko wapumbali la oenesi la hoho ate te iwo kpaa nde wadjei wato wasu. 20 Aseko ino wango wamunolami maita masatu, odjeini ino kpaa la akili. 21 Odhingi iyodhingelini ino, eti ate otiyeweni meemene, kasi laate oyewini eho, pe laate moleho te mokeke etilongwaka la meemene. 22 Ndai odjei moto o moleho, inga te ongo okotonaka ondimi ate Yesu adjei kilisito? Inde ongo mwamaleli e kilisito, moto ongo okowunganaka wawa la monga monde. 23 Moto ongo okowungana monga awungani wawa. Moto ongo omogemei monga adjei pe la wawa. 24 Nde ino, enge eokalini ino tee la lipotele eyabate ndondo e ino. Inga linge liokali ino tee la lipotele eyabati ndondo e ino, ino pe okotikalani la limbutekele mongindji ndondo e mana pe ndondo e wawa. 25 Aseko ema eunanate enge inde amene atowunelate edjei mokalo mungo moti la gbo. 26 Iyoodingelini ino dji sambo la loyi e wato wango wakolukaka ookosakoli. 27 Nde ino, maita mango inde aobatalini ino eyabati ndondo enu, pe otini la posa ate mwesi aotiesakoleni. Kasi nda maita mango inde abatali ekootiesakolakani la sambo kpaa, pe edjei meemene pe eti ekosako, pe ndenge saa eotiesakolini, tikalani limbutukele mongindji la inde. 28 La eho sikandjo, wana wa keke, tikalani limbutukele ndondo e inde, laate, ango ekwenene inde, toase la hoho pe la meemene, pe otitile la soni lihele lande ango ekodja inde. 29 Inga oyewini ate edjei meemene, okoyewakani ate moto kpaa ongo okokelaka sambo ndamu awotani la inde.
Chapter 3

1 Denga nda ndenge e libalano linge litohekeli wawa, laate iso towelane wana wa Mwengei; mpe iso todjéi ndjongo. Eho enge moki etitoyewaka, laate etimoyewe pe inde. 2 Wamaangbasu wa libalano, sikasikandjo, todjéi wana wa Mwengei, kasi ndenge enge ekodjaa iso enenekiyo la hoho. Ndjongo iso toyewi ate ango ekoenene inde iso tokodja ndenge kikima lainde; late tokomoene ndenge edjei inde. 3 Moto kpaa odjei awungo lomungo ayawongele ndenge kikima nda moto oho alangi. 4 Moto kpaa ongo okokelaka obe akobukaka pe pui, laate obe edjei obuki pui. 5 Wewini ate Kilisito aeneneli laate alongose obe wosu, inde ati la obe ndondo ende. 6 Moto kpàa ongo oboliani la inde ebete ekikima atikelaka obe; moto tweti ongo okokelaka obe amoenate, te omoyewi. 7 Ino wana wakeke, moto atiokoseni, moto ongo okelaka sambo ndamu adjéi moto molamu, ndenge kikima inde pe adjei moto molamu. 8 Moto ongo okokelaka obe adjéi mana mondjili, laate mondjili akokelaka obe te la lipoteli. Edjei la gbondo eho nde eho mana o Mwengei eneneli la hoho; laate abukakole tomo dja mondjili. 9 Moto kpaa ongo owotami la Mwengei atikelaka obe, laate momboto monde moyabati ndondo e moto oho, mpe atikelaka obe, laate inde awotami la Mwengéi. 10 La ndjongo wana wa Mwengéi la wana wa mondjili wakoyewanaka la lu loyi: Moto kpaa ongo otikelaka sambo ndamu alongoyiti atie Mwengei, ndenge kikima la moto ongo omobaliti maanango. 11 Laate ehele edjei mboli e okali ino tee la lipotele: Ewongi ate iso amene tobalane. 12 Eti nda Kaina, ongo olongwali atie moto mobe mpe amolali manango. Nda loyi e molali inde? Laate sambo djande amene edjakali mbe, kasi enge e maanango edjakali sambo ndamu. 13 Otikamweni, wamana ima, inga moki e kootonakani. 14 Toyewi ate tolongoyi la logo to wumia la mokalo, laate tobali wino wasu. Moto ongo otibalaka adjei la logo. 15 Moto ongo omotoni maanango adjei mooli, alidji oyewini ate mooli toeti mokalo mo libela modjei la inde. 16 La lu loyi nde toyewi libalano, ndenge Kilisito ahekeli mokalo monde la iso; iso mpe, tokoki ohi mokalo mosu la wino wasu. 17 Inga moto kpaa ongo odjei la wiho wa mu moki, aenia mino onde la otundake, ahelia motema, nda ndenge libalano e Mwengei edjei la inde? 18 Wana wakeke, totibale la oasi pe la olemu, kasi la tomo pe la o meemene. 19 La eho nde tokoyewa ate tolongoyi la o meemene, tokogemeika mitema masu liwoso lande. 20 Laate inga motema mosu motolumba Mwengei adjei mosungu oeti motema mosu, ayewi sambo kpaa. 21 Wamanima e libalano, inga motema mosu motitolumbe, todjei la elikiya atie Mwengei. 22 Inga tokoongo, inde akotohekela, laate totemeika pui djande, alidji tokokelaka ndenge ebali inde. 23 Ehele nde edjei mobeko monde: tondime kombo e mana onde Yesu Kilisito, tobalane iso la iso, ndji ndenge atohekeleli iso mobeko. 24 Ongo oisi mobeko monde akotikalaka la limbutukele mongindji la Mwengei, la loyi luho tokoyewaka ate inde atikali la limbutukele mongindji la iso ndondo e elimo atohekeli.
Chapter 4

1 Wamanaima wa libalano, otindjimakeni elimo kpaa, kasi mekakani elimo eho la oyewi inga wadjei wa Mwengei, kasi mekekeni maloba maho la oenesi inga elongoyi pendja atie inde, laate ngbii e watiesakoli wa moleho wapumbiga la moki. 2 Yewani liloba e elimo elongoyi atie Mwengei la lu loyi: Elimo kpaa enge ekondjimisaka Yesu Kilisito ate adjali la wenge e mwini elongoyi atie Mwengei. 3 Kasi elimo kpaa enge etiganaka Yesu, etilongwe atie Mwengei. Eho edjei elimo e moyamaleli mo Kilisito enge eokalini ino ate ageleli, pe sikalandjo edjiga la moki. 4 Ino wana wakeke, olongoyini atie Mwengei , pe olongini wango wato, laate moto ongo odjei la oboliani mongindji la ino aeti moto ongo odjei la oboliani mongindji la moki. 5 Iwo walongoyi la moki; eho enge wakoasaka sambo djinge elongoyi la moki pe moki mokwaokaka. 6 Iso tolongoyi atie Mwengei. Moto ongo ototi oyewi e Mwengei akotookaka; moto ongo alongoyiti atie Mwengei atitookaka. Edjei la ndenge eho nde tokoyewaka elimo e meemene la e limo e liwunga. 7 Wamanima wa libalano, tobalane iso la iso, laate libalano elongoyi atie Mwengei, pe moto kpaa ongo akobalaka, awotami la Mwengei pe ayewi Mwengei. 8 Moto ongo otibalaka amoyewiti Mwengei laate Mwngei adjei libalano. 9 La lu loyi nde libalano la Mwengei eenisani la hoho la iso, laate Mwengei atomali la moki mana onde saa mwesi ongo owotamali laate iso tokoke ototi mokalo la mboka ende. 10 Libalano laho, eti ate iso nde tomobalali Mwengei, kaiko nde ate inde moto otobalali iso pe amotomali mana onde adje likawo la odhihi masumu masu. 11 Wamanaima wa libalano, inga edja ndenge eho nde Mwengei atobalali iso, iso amene pe tokoki obalani. 12 Moto tweti atimoeneli Mwengei. Inga tobalana iso la iso, Mwengei ayabati la iso pe libalano la inde lilamu eengi la iso. 13 Tokoyewaka ate toyabati la inde pe inde ayabati pe la iso laate atohekeli elimo e inde. 14 Iso amene toeni pe togemei ate wawa amotomi mana nda mokalesi e moki. 15 Moto kpaa ongo okoasa la hoho ate Yesu adjei mana o Mwengei, Mwengei ayabati la inde, pe inde la Mwengei. 16 Pe iso amene toyewi pe togemei libalano linge Mwengei adjei la eho atie iso. Mwengei adjei libalano, pe moto ongo ayabati la libalano, ayabati la Mwengei, pe Mwengei la inde. 17 Libalano ewumi eengake atie iso la ndenge ehele, ate iso toase la hoho pe la omeemene lisio la osambisi laate ndenge ohongo moto adjei, iso pe todjei ndjongo la mu moki. 18 Ndondo e libalano owangi etidjaka, kaikonde libalano liengake ekoumbaka la owangi, laate owangi ekobataka ohiani. Moto ongo odjei ndondo e owangi, libalano lande liengakiyo. 19 Nde iso, tokomobalaka laate inde koto atobalali liwoso. 20 Inga moto aasa ate: Ikomobalaka Mwengei, kaikonde atimobalaka miino onde, adjei moto o moleho. Laate moto ongo otimobalaka maanango, ongo omoeni inde, aengiti omobali Mwengei, ongo otimoeneke inde. 21 Pe tototi pui ehele atie inde, ate moto ongo okomobalaka Mwengei akomobala pe miino onde.
Chapter 5

1 Moto kpaa ongo okondima ate Yesu adjei Kilisito awotomi la Mwengei, pe la moto kpaa ongo okomobalaka wawa, akomobala pe mana. 2 Toyewi ate tobali wana wa Mwnggei: ango ekomobalaka iso Mwengei la okeleli pui djande. 3 Laate libalano e Mwengei einei ndjo: ate totemeyake pui djande. Kaiko pui djande wolititi. 4 Laate ema kpaa ewotami la Mwengei, ekolongaka moki. Pe libalano linge lilongi moki eho lele, ogemei wosu. 5 Ndai ongo olongi moki? Inga etidje moto ongo okogemeyaka ate Yesu adjei mana o Mwengei. 6 Edjei inde, Yesu kilisito, ongo odjali la ligamesi e malia pa la makila, etidje saa la malia pamba, kasi la malia pe la makila. Pe edjei elimo nde ekohaka litatoli, laate elimo adjei meemene. 7 Laate wiho wisato nde wikohaka litatoli. 8 Elimo la malia pe makila, pe eho kpaa isato edjei la ookani. 9 Inga tokoyambaka litatoli linge wato wakohaka, litatoli likinge Mwengei akohaka eyeti, laate edjei litatoli la Mwengei linge liasi inde la loyi e mana onde. 10 Moto ongo okogemeyaka mano o Mwengei atoti litatoli la inde amene. Moto ongo otigemeyaka Mwengei amowumesi moto o moleho, laate atigemeye litatoli linge lihami, enge Mwengei ongo odjei motatoli, ahi la mana onde. 11 Denga litatoli laho: Mwengei atohekeli iso mokalo mo libela, pe mokalo moho modjei ndondo e mana onde. 12 Moto ongo odjei la mana adjei la mokalo moho. Moto ongo oti la mana o Mwengei ati la mokalo moho. 13 Iyodhingelini sambo djaho laate oyeweni ate odjeini la mokalo mo libela, ino wango wakogemeyaka kombo e mana o Mwengei. 14 Tokomobatelaka motema la lu loyi ndjo: inga toongo ema la ndenge ebali iso, akotooka. 15 Inga toyewa ate akotooka la ema kpaa enge tokoongoko, toyewi ate tokotota wiho waho enge eongani laate tomoongi eho. 16 Inga moto aenia manango akokelaka lisumu linge litikpalaka la logo, akoongo, pe Mwengei akomoha manango mokalo. Ikoasaka ahala la wango wakokelaka lisumu linge litikpalaka la logo. Edejei la lisumu linge likokpalaka la logo, eti enge lisumu nde ikoasaka ate oyakongeni. 17 Sambo kpaa edjangi omeemene edjei lisumu, kasi edjei la lisumu linge litikpalaka la logo. 18 Toyewi kpaa ate moto ongo owotami la Mwengei atikelaka lisumu, kasi ongo owotami la Mwengei akoyabanyaka inde amene pe obe etimopoto. 19 Toyewi ate tolongoyi atie Mwengei, kaiko moki kpaa modjei sese e okulu e mbe. 20 Toyewi alidji at mana o Mwengei adji, atohia iso akili laate toyewe moto o meemene. Pe todjei la limbutukele mongindji la moto oho o meemene, la mboka e mana onde Yesu Kilisito. Inde ongo Mwengei o meemene pe mokalo mo libela. 21 Wana, wakani la wilima.

2 John

Chapter 1

1 Eloko atie moli ongo aononi pe atie wana wande, enge e koyemeleka mbai meemene, te ndji mbai amene, kasi la wango kpaa wayewi meemene, 2 la o meemene enge eyabati ndondo esu, pe ekoyabata la iso libela la libela. 3 Logoo wosungu ekodja mongindji la iso, la motema magba la logoo e Mengei wawa pe la Yesu Kilisito mana o wawa mongindji la o meemene pe la libalano. 4 Idjei la mwemu ngbii, laate iyeni wadji wana wa owe wakosombaka ndondo e meemene, ndji ndenge tototali pui atie Wawa. 5 Ndjongo sikalandjo, moli, ikoongoko la owe, nda moto ongo otiodhingelaka pui e poli, kasi enge etotali iso tee la lipotele ate tobalane. 6 Pe dhenda enge libalano eyinei, tosombake ndenge pui djande e oongi. Dhenda pui eho, ndenge saa e ookali ino tee la lipotele ate, osombi ndji ndondo eho. 7 Laate ngbi e wato wa moleho wapumbi ndondo e moki, wato wango watitiesakolaka ate Yesu Kilisito adjali la mweni. Inde ongo moto o ekosako pe mwaamaleli e Kilisito. 8 Kebani ino la ino, laate otiwungeseni pukapuka e otomo ekelali, iso kasi totote liputi kpaa. 9 Moto kpaa ongo oki lihele pe atikaliti ndondo e litiesakoli e Kilisito, ati la Mwengei. Moto ongo okowumwaka ndondo e litiesakoli luho, inde ongo odjei la Wawa pe la Mana. 10 Inga moto adja atie ino pe akpaliti ma matiesakoli, otimoyambakeni pe otimohakeni mobale. 11 Laate moto ongo omohekeli mobale, ayakpuliga la sambo djande mbe. 12 Te ndenge edjei mbai la sambo ngbii e odhingeli ino, ibaliti odhingi uho la okpengbeite pe la malia ma masia, kasi ikounaka ate idje atie ino laate tosolole maiso la maiso, laate mwemu munu motume mekee. 13 Wana wa maangua, moli ongo oononi, wa otomeli mobale.

3 John

Chapter 1

1 Gala, atie Gaius, ongo omobali mbai la omemene. 2 Manima o libalano ikoyakongoko la owe ate odje olamu la sambo kpaa odje koto la wenge olamu ndenge molimo mo owe modjei. 3 Idjei la oteteli ango wamana ima wadjali koto watotololi la omeemene wungu wodjei owe la eho, ndenge ekoasaka owe osombi ndondo e omeemene. 4 Iti la ohemeli sungu. la ooki wana wambai wakosombaka ndondo e omemene. 5 Mobalani molamu, okokelaka otomo womeemene la djinge kpaa ekokelaka owe la kole e wamanima, inga te wadjei wadjidji. 6 Wango wawaewesia libalano wowe, sika ebete em onguta e Mwengei okokela olamu la odjui otomu e okendo mou la ndenge ndamu e Mwengei. 7 Alikambo la Yesu Kilisito ase waki wadjangia odjwi ema teeti la mawo ma wapagano. 8 Eengi la iso oyambi wato wa ndenge eho, towume wiino e otomo ndondo e meemene. 9 Idhingeli lingomba ma loyi, ase Diotelepe, ongo obali odji liwoso la iwo atitoyambe. 10 Woni inga abali ate owene: ikowela la sambo djinge wakokelaka. enge widengi iso. wato waminga owongeli enge ewaemelesiti le hoo etidjwa wa manango. 11 Manaima, otitutiane asa mbo ,mbé, kelandi olamu moto ongo akokelaka olamu adjéi Mwengéi, ongo akokelaka obé atimoene Mwengéi. 12 Wato kpà asé mèmene ehoo amene ekohekela eyaseli olamu, a moki mo Demotroce, iso pe tomowongoseli pe la hoasi asi asé oyewi até eyasani wosu édjéi olamu. 13 Ikodja la sambo ngbi la odingi asé ikokiti okeli ehoo la olimi la odingi. 14 Imungolia até iyonene sikandjo, asé tokowasela monoko la monoko. 15 Ate logo odjei la owe. Wino wa owe waoekili mbaa. hekelali wino wa owe, moesi la weeti.

Jude

Chapter 1

1 Yuda, motuke mo Yesu kilisto, monango o Yakobo, atie wato wango wawelami; wango wadjei wamanima e libalano la ookani e Mwengei wawa, pe waisami la Yesu kilisto: 2 Magba la logoo la libalano etetele mbala la mbala! 3 Wamanima wa libalano, te ndenge ekokelaka mbai mohandjia kpaa laate iyodhingeleni la mokalo enge edjei iso kpaa la eho, iyeni ate edjei la gbondo o odhingeli la o otetelesini ate osaneni kindo e ogemei enge ehamate la wasatu mbala kikima. 4 Ikeli ndjongo, edjei laate weeti wato wayalingesi ndondo enu la mamungo mbe, wango wadhingo eenanali tee la gala ate wakotota ehele osambesi, wato waanngo wakomodhendeaka Mwengei, wango wakokukolaka olamu osungo e Mwengei osu la esumbeli mbe pe wakomowunganaka Mwengei, mwalimo moikima, pe likumu lasu Yesu Kilisito. 5 Ibali oowongoleli ino, te oyewini dji sambo, ate Mwengei, mbuse okalesi wato la owapumbesi la moki mo Ezipito, mbuse awolesia wato wango watieneseli ogemei. 6 Mpe waahumbua wango watiisali eholo ewu e lipotele, kasi wadheli eholo ewu amene eyabatake, awanangi la mikulu ma libela la ebete e molili la olambeli osambesami wo lisio lisungu. 7 Ndenge kikima Sodoma la Gomola la miki misukami la djaho, wago wayahekeleli la wondumba nda iwo la olangali la djeeti wikelamu, wahami atie iso nda ndakisa pe wakotota etumbu e misa ma libela. 8 Ndji ndjongo, wango wato pe nda eyahi iwo la wasaki, wakobitesaka wenge la mweni pe odhendei wotata la owatangakoli wato wa mwemu. 9 Kaiko nde ango Mikayele, ahumwa likumu, adjakali la minga la etota pe adjakali oswameli la loyi e wenge e Moize, atimekali omokwesi la loyi la maloba ma wiliko, kasi aasali ate: Mwengei inde amene aopamele. 10 Inga te ndjongo, wato waho wakoasaka obe la sambo kpaa watiyewe, kasi wambo kpaa djinge wahelate gbondo saa ndjongo, nda wanama edjangi akili, ndondo e sambo djaho wakoyabumakolaka iwo amene. 11 Magba la iwo! laate wabilei mboka e kaina, pe wayalumbi la mboka ewusake e Balaama la oluki liputi, pe wagwi la maloba mayamalelake e Kola. 12 Iwo wadjei mabukeli enge iyaisi ndondo e malia la wayenga djanu dja mwemu ango ekolakaka iwo yenga mongindji la ino. Wayengemeni la mapata mango matidjimbisaka ewongo. Edjei mapata madjangi malia, enge ekokeke iyati la iyati la ehoho, mite ma engele egbo e otone; kasi edjangi pukapuka, egwi mbala iyale, ebukwami, 13 Mbonge ebe e ewale, enge ekowumesaka sambo mbe, wa djai nda miyoto minge mikosombasombaka, enge wayiseli molili mo libela la libela. 14 Moto o sambo e liwota enge epoti la Adama, inde Enoka atiesakolali pe la gbondo ewu, engele aasali ate: Dhenda Likumu ageleli la wibiba wande esatu; 15 La oteni sambo e wato kpaa, pe okwesi wango kpaa wakomodhendjiaka Mwengei la tomo djau kpaa e dhendjiake Mwengei enge ekelali iwo la ndenge e omodhendei Mwengei, pe la sambo kpaa ekondjosake wato wabe, wango wakomodhendjiaka Mwengei, waasali la gbondo e inde. 16 Edjei wato wango wakondungwanaka, wato wango wakoyasumbuaka la mokalo mowu, wakotutiaka posa djawu, wakopumbisaka sambo dja ogeno, wakoganaka wato laate waluke liputi lawu amene. 17 Kasi iwo, wamanima wa libalano, mungolani alidji maloba mango watutiani wa Likumu lasu Yesu waasali liwoso; 18 ndenge wadjakali oasi la ino ate: La masio ma gboo waseki wakodja, wango wakobilia wa posa ewu e sambo edhendiake Mwengei. 19 Iwo wadjei wato wango wakolingesaka okawani, wato wa wenge, wango wadjanga elimo. 20 Kasi ino, wamanima, wa libalano, ango ekoasonaka ino likolo la ogemei enu enge eeti osatu, pe nda edjei ino owatati la elimo satu. 21 Tikalani ndondo e libalano e Mwengei, ango ekolambelaka ino motema magba e Likumu lasu Yesu Kilisito la mokalo mo libela. 22 Wato wango wadjei la kokia wayokelani magba; 23 Wakalesani pe walokwesani la misa. Kasi djakani owaenelesi weeti motema magba, kelani ndjongo la owangi, ango ekoinaka ino te esindje e ndondo, enge wenge ebati litono. 24 Kaikonde etie inde ongo oengi obanyei ino laate otisakeleni pe omalesi ino odjangi litono liwoso la otwa wonde e libalano lisungu. 25 Atie Mwengei inde amene mokalesi mosu la mboka e Yesu Kilisito Likumu lasu, kembo, osungu, okulu la okumu edjei seko la wiengele kpaa enge eeta pe sikala pe la wiengele kpaa seko. Amina.

Revelation

Chapter 1

1 Ehele edjei eeneseli e Yesu Kilisityo enge Mwengei amohali inde la oenesi tuke djande sambo djinnge iengali okelani mbuse e ma engele keke. Amotomali ahumbwa onde, koto la mboka ende aenesali eho la wilembo atie motuke monde Yoani, 2 ongo ototololi la kole e engbundu enge Mwengei ahali koto la kole e litotoli linge lihali Yesu Kilisito, la sambo djinge kpaa ieneli inde. 3 Mwemu la moto ongo okotangaka la moli mo pamake koto la ongo okookaka sambo e ehele Buku e sakweli, koto la ongo okotemeiyaka sambo djinge idhingani ndondo, laate engele enge ebatana eumia ahue. 4 Yoani atie e masambo sambo mango madjei la moki mo Azia: Ngolu la logoo edje la ino enge elongoyi atie ongo odjei koto ongo odjaakate, koto ongo ogeleli, atie milimo sambo minge midjei liwoso la ngbelengo ende e okumu, 5 koto la Yesu Kilisito mototoli mo meemene, Mana o poo koto moto o poo ongo obasali, koto likumu e okumu wo mbume. Inde ongo otobali koto otolongosi iso ndondo e masumu masu la makila mande 6 inde ongo otoumesi iso makumu, wanganga-Mwengei la kole e Mwengei onde koto Sango inde Yesu adje la otwa libela la libela. Amen. 7 Dhenga, ageleli ongo la mapata, liso kpaa likomoene, te wango wamoolali, la wango wamomaali likonga, maliye kpaa dja mbume wakoyabanya la odjidji la kole ende. Ndjongo. Amen. 8 Likumu Mwengei aasia ate, ''Idjei Alapa koto Omega,'' ongo odjéi, ongo adjaakali koto ongo okodjaa, Mokondji e okulu kpaa. 9 Mbai, Yoani magbanu ndondo e odjidji la okumu la okandi motema mongindji la ino ebete eikima la Yesu. Wakpalali mbai la esi enge eweli iwo patimosi la kole e engbundu e Mwengei la omototoli Yesu. 10 Itotanali la elimo wuse e Likumu iokali mbuse e mbai moli motetelake nda kelelo. 11 Mokoasaka ate ''Djinge sambo ikoeneke owe dhinga djaho la buku koto toma djaho ndondo e masambo sambo-ongo la Epeso ,Sumuluna, Pelagame Tiatila,la Salada,Piladelepia koto Laodikia.'' 12 Iyakalambali la oewi nda moli mungo modjaakali oaseli mbai. Mbuse e mbai oyakalambi ienia yaamalelo e matambe sambo ma wolo. 13 la odja e yamaaleselo wa matambe sambo ma wolo imoenia moto mwesi ongo okuani la Mana o Moto akpali lobe, ayanangi litambala e wolo la mokpoto. 14 Moto monde to sue djande idjaali buluu nda mapata mabubake-maiso mande nda ligbagba e misa. 15 Ihoteli wande nda motako molangake engele ekokalaka eho ndondo e ligbagba e misa, moli monde nda modudu mo malia masungu makohumbaka. 16 La ewo ende e lilome aiki Minoto sambo, adjaaki opumbesi kpoka enge ewoti wiati kpaa la monoko monde, mbanda ende ekobataka nda wuse. 17 Ango emoenia mbai, ikpia la makolo mande nda moto mogbaake. Abatelia mbai ewo ende e lilome la oasi ate, ''Otiwange. Idjei moto o poo koto o gboo 18 moto o mokalo, igbali dhenga idjei la mokalo la masio madjangi gbo. Iyiki mapungola ma logo e mbila. 19 Dhinga djinge sambo ieni owe djinge idjei koto djinge ikouma mbuse. 20 Maisani dja minoto sambo minge mieni owe ma ewo ende e lilome koto wiyamaleselo wa matambe sambo ma wolo: Minoto Sambo milimboli nda tuke djande Sambo ndondo e masambo saambo koto wiyamaleselo wa matambe sambo einei mangomba Sambo.''
Chapter 2

1 Modhingela ahumbwa e lingomba la Epeso: 'Dhenga sambo iyaasi moto ongo oheli minoto sambo la ewo ende e lilome ongo okosombaka awodja e iyamaleselo wa matambe sambo ma wolo. 2 iyewi sambo dja owe la tomo dja owe la okandi motema mo owe. Iyewi ate otiwakandelaka wato wabe motema. Owameki wango wadjaki oyaenesi nda watutiani kaikoase wati watutiani, oeni koto ate wadjei wato wa moleho. 3 Okandi motema koto oeni odjidji la kole e kombo e mbai, koto otiadheelali. 4 Ase sambo djinge iwoeni obe sa ndenge edheyi owe libalano la owe e poo. 5 Mungola ebete enge ekpali owe kukola motema mo owe koto wongwanela tomo dja owe dja poo. Inga te ndjongo ikodja galagala ilongose emaleselo e lotambe e owe la ebete eho inga otikukole motema. 6 Denga ema enge edjei owe la eho: Okotonaka tomo dja lingomba e Nikolausi djinge mbai koto ikotonaka. 7 Ongo odjei la matoi aoke sambo djinge ikoasaka elimo la mangomba. Ongo okolonga ikomohekele alake pukapuka e mote mo mokalo mungo modjei la Paladiso e Mwengei.'' 8 Modhingela ahumbwa e lingomba e Similuna: Dhenga sambo iyaasi moto o poo koto o gboo, ongo ogbaali koto owongoiya la mokalo: 9 Iyewi tomo dja owe, odjidji wa owe, otundake wa owe kaikoase odjei la ogumake. Iyewi wiliko e wato wango wakoasaka ate wadjei Wayuda, kaikoase wati Wayuda. Wadjei nde sinagoga e Etota. 10 Otiwangake sambo djinge ikoene owe odjidji. Dhenga! Djabulu akowahelesa weeti wato ndondo enu la woyogo laate ino omekeneni koto okototani masio liomu ma magba. Amala ngbii tee la logo, ikohekele lingboka e mokalo. 11 Ongo odjei la matoi aoke djinge sambo ikoasaka elimo la mangomba: Ongo okolonga atiene odjidji wo logo wungo wo wale.'' 12 Modhingela ahumbwa e lingomba e Pelegame: Denga sambo djinge iyasi moto ongo oiki kpoka enge ewoti ngambo kpaa iyale: 13 Mbai iyewi ebete enge ekoyabataka owe, iyewi ate edjei eyabatelo e djabulu. Ase ohelani la kombo e mbai koto owunganiti ogemei atie mbai, inga te la masio mango Atipasi, mototoli mo mbai, ongo omoolali iwo liwoso lanu, ebete eyabati Djabulu. 14 Ase iyoto la obe e dji sambo: Odjei la wato wango wagemei matiesakoli ma Balama ongo omotomate Balaka abate ema esakelake liwosa la wana wa Isalayele laate walake nama djinge wihekelani mbeka la wilima koto wakele oseka. 15 Ndenge kikima la owe koto odjei la wato wango wabaliti odhei matiesakoli e ma lingomba e Nikolanusi. 16 Eho lenge kukola motema mo owe. Inga otikele ndjongo, ikodjaaka galagala, ikosana la iwo kindo e kpoka e ndai e monoko mo mbai. 17 Moto ongo odjei la matoi aoke sambo djinge ikoasaka elimo la mangomba. Ongo okolonga, ikomohekele ndambo e mana enge eisani koto ikomohekele libukeli libubake koto la libukeli laho kombo eesi eholi edhingani enge moto te moikima ayewiti, longosa ndji moto ongo ototi eho.'' 18 Modhingela ahumbwa e lingomba la Tiatila: Monga Mwengei, ongo odjei la maiso nda lolemo o misa, koto makolo mande nda motako molangi aasi dji sambo: 19 Iyewi sambo dja owe, koto libalano la owe koto ogemei wa owe koto otomo wa owe koto edjeeli e owe enangake motema, iyewi koto ate sambo djinge ikokelaka owe sikandjo idjei ngbii oyeti djinge dja poo. 20 Ase djinge ieni mbai obe etie owe: Omodheeli Zezabele, oholo moli ongo oyaumesi motiesakoli. Akotiesakolaka koto akowungesaka tuke dja mbai laate wakele oseka koto walake wilaka winge wihekelani mbeka e wilima. 21 Mbai imohekeleli engele laate akukole motema, ase atibalaka okukoli motema ate adhe oseka wonde. 22 Dhenga! Etikali ma keke imolumbe la epe e ekoni, koto iyokese wango wakokelaka eteba la inde odjidji, inga watikukole motema ate wadhee tomo djande. 23 Ikowaola wana wande la odjidji wo logo, mangomba kpaa makoewa ate idjei ongo okodhendaka ndondolindo la mitema. Ikoputa moto la moto la tomo djande. 24 Ase ikoasaka ndjongo atie wadji wanu wango wadjei la Tiatila, wango wagemeiti matiesakoli maho, wango waewiti olindake o Djabulu, ndenge iwo amene wakoasaka ate, 'itiotaliani meeti mikpali.' 25 Sa nde, enge edjei ino la eho, heleni eho olamu tee ekodja mbai. 26 La ongo okolonga koto la ongo okela tomo dja mbai tee la gboo, ikomoha okumu likolo la miki kpaa. 27 Akosombesa wato la motongo monde mo ebende, wakoyandjana nda teni e mbume, ndenge mbai koto itotali okumu atie Wawa o mbai. 28 Mbai ikomohekele monoto mo boo. 29 Ongo odjei la matoi aoke sambo djinge elimo ekoasaka la mangomba.'''
Chapter 3

1 Modhingela ahumbwa e lingomba e Salade: Dhenga sambo djinge iyasi moto ongo odjei la milimo sambo ma Mwengei la minoto sambo. ''Iyewi tomo dja owe. oewani ate odjei la mokalo, kaikoase ogbala. 2 Huaka koto ehekele mogalia la wihoo winge witikali winge wiumali ahue e logo, laate igboti ate otiengese sambo dja owe kpaa liwoso la Mwengei o mbai. 3 Mungola engele kpaa ndenge ekondji owe koto ndenge eoki owe koto djaaka ndji obanyei eho koto kukola motema. Inga otisuswe, ikodja nda iwa, koto otiewa te ma keke engele enge ekoopumbela mbai. 4 Sikandjo ongo la moki mo Salade odjei la wato wango watiumesali wisindje wau wa mokpoto onalili, wakosomba mongindji la mbai la wisindje winge wibubi, laate waongi la eho. 5 Ongo okolonga akokpala wisindje wibubake, itilongosa kombo ende la buku e mokalo, ikoasa kombo ende liwoso la wawa la waahumbwa wande. 6 Ongo odjei la matoyi aoke sambo djinge ikoasaka elimo la mangomba.'' 7 ''Modhingela ahumbwa e lingomba e Piladelepi: Dhenga enge eyasi Moto ongo odjei Mosatu-ongo okoasaka meemene, ongo odjei la pungola e Davidi, ongo okodhuholaka koto moto toeti akoenga onangi. 8 '''Iewi tomo dja owe. Dhenga, ibati liwoso la owe modhuhe moluhuani enge moto toeti akoenga odhihi, laate odjei la okulu makeke koto obanyei engbundu e mbai koto owunganiti kombo e mbai. 9 Dhenga! Ikohekele wato wa sinagoga e etota wango wakoasaka ate wadjei Wayuda, kaikoase wati Wayuda-ase akokosaka, ikokela ate wadje oyaimbi la makolo ma owe koto ikokela ate waewe ate mbai iyobali. 10 Nda ebanyei owe engbundu enge eokali owe la kole e edjeeli e mbai e nangake motema, mbai koto ikoobanya owe la engele emekanake, enge ekodja la mbume kpaa ebete wato wayabati, la omeki wato wango wayabati la mbume. 11 Ikodjaaka sikasika ndjo. Hela la oteteli enge edjei owe la eho, laate moto atitote lingboka la owe. 12 Ongo okolonga ikomobata likule la tepelo e Mwengei o mbai. Atipumba kine aleeti ikodhinga likolo lande kombo e Mwengei koto kombo e moki mo Mwengei o mbai (Yelusalema epoli, enge ekolongwaka la likolo atie Mwengei o mbai koto oyadjimbi), koto kombo e mbai epoli. 13 Ongo odjei la matoi aoke sambo ikoasaka elimo la mangomba.''' 14 Modhingela ahumbwa e lingomba la Laodikia: Dhenga enge easi Amen, mototoli molamu koto omeemene. Lipotele e wokelesani e Mwengei aasi! 15 Iyewi tomo dja owe. Iyewi ate oti dee, oheliti koto. Ibalaki odje dee inga pioo. 16 Nda edjei owe djongo oti pio oti koto misa mbai ikootohola owe la monoko mo mbai. 17 Laate owe oasi ate, idjei la okumake koto ipundji ogumake koto iti la posa e ema teeti, ase oewitini ate odjei la moto o ekoni koto moto o magba, moto o otundake, la moto ongo ogwi maiso koto lingbengbele. 18 Ikohekeleke owe toli laate osombe edjei mbai wolo wungo wolangesani la misa laate oume moto o ogumake, osombe koto wisindje wibubake laate okpale laate soni e lingbengbele e owe etienene, koto osombe mosisa mo maiso laate omunole la maiso ma owe, djongo okoene. 19 Ikopamelaka koto ikohaka etumbu la wango kpaa iwabali. Eho lenge nanga motema koto kukola motema. 20 Dhenga, mbai iyamali la moluhe ikobingaka kokoko. Inga moto aoka moli mo mbai koto adhuholia moluhe ikolingela la monguta monde koto ikolaka mongindji la inde, inde koto mongindji la mbai. 21 Ongo okolonga ikomoha mboka ayabate mongindji la mbai la ngbelengo e mbai e okumu ndenge koto mbai ilongali, iyabati koto mongindji la Wawa o mbai la ngbelengo ende e okumu. 22 Ongo odjei la matoi aoke sambo ekoasaka elimo e mangomba.'''
Chapter 4

1 Mbuse eho, mbai idhengakali iyenia maluhe modhukoania ongo likolo. Moli mo liwoso mungo mookali mbai, nda moli mo kelelo mokaosaka la mbai ate, ''Tela alandjo, okoinia sambo ndjinge ikouma mbuse e masio mango mageleli.'' 2 Mbala kikima ihelanali la elimo, dhenga, ngbelengo eesi e okumu e likolo, koto moto mwesi ayabati la ngbelengo eho e okumu. 3 Moto ongo oyabatelali adjaali nda libukeli e yasipe koto nda libukeli e motio etanake, koto monama mwesi edjaali olingi ngbelengo eho. Edjaakali nda emelode. 4 Ngbelengo e okumu tuku iwale la inei elingali ngbelengo e okumu eho, ieneli mbange tuku iwale wayabati. Wakpalali wisindje wibubake, wakpalali mangboka ma wolo la mito mawu. 5 Mikalikali la miili la wakake edjaakali opumbi la ngbelengo eho e okumu, koto matambe sambo e misa edjaakali ololi liwoso la ngbelengo eho e okumu, matambe maho mainyei milimo sambo e Mwengei. 6 Liwoso e ngbelengo e okumu eho edjei la ewale eengani la malia mango maanangi libukeli. Awodja koto la kelekele e ngbelengo e okumu eho wikelamu winei e mokalo winge witumi la maiso liwoso koto la mbuse. 7 Ekelamu e liwoso e mokalo edjei nda simba, ekelamu ewale edjaali nda mana o ngombe opele, ekelamu esato edjakali nda moto o moki, ekelamu onei adjakali nda ndjio enge ekohumbwaka. 8 Wikelamu wiho inei, widjei la mapapu motoba motoba, witumi la maiso wenge kpaa koto la ndondo. Koto witihomaka, likolo la wuse ndji oasi, ''Mosatu, mosatu, mosatu Likumu Mwengei e okulu kpaa ongo odjaali odjei koto ogeleli.'' 9 Engele kpaa wikelamu e mokalo wikohekeleke otwa la mogano la pambo atie Ongo oyabati la ngbelengo e okumu, ongo odjei la mokalo libela la libela, 10 djinge mbange tuku iwale la inei wakoyaimbaka liwoso la Ongo oyabati la ngbelengo e okumu, wakolumbaka mangboka mawu liwoso la ngbelengo e okumu, wakoasaka, 11 ''Owe oengi, Likumu lasu koto Mwengei osu, owe mosatu, tota otwa, mogano la okulu, laate okelali wihoo kpaa alidji la mwano mo owe wihoo kpaa wikelani koto widjei.''
Chapter 5

1 Mbuse eho iyenia la ewo e lilome e ongo oyabati la ngbelengo e okumu aiki Buku esi edjei la madhingo ndondo koto sa, winangani la wilembo sambo. 2 Imoenia koto ahumbwa mwesi motetelake akolumbolaka la moli motetelake, ''Ndai owongi odhukoli buku la otokoli wilembo waho?'' 3 Moto te mokikima ongo likolo, te ahaka la mbume te sese e mbume, aengali adhuholi buku inga te odhengi. 4 Mbai idjaakali oleli ngbii la ebili ate moto te moikima ationgoli odhuholi buku inga te odhengi eho. 5 Mwesi o mbange aaselia mbai, ''Dhee ilelo. Dhenga! Simba e etondo e Yuda, mondjili mo Dawidi, inde olongi odhukoli buku eho koto obuki wilembo waho sambo.'' 6 Iyenia awodja e ngbelengo e okumu koto wikelamu inei wa mokalo koto awodja e mbange, mana o meme ayamali nda ahani la mbeka. Adjaali la ndjeka sambo, la maiso sambo, djinge idjei milimo sambo minge mitomani la mbume kpaa. 7 Akadjia, atotia buku la ewo e lilome e ongo oyabati la ngbelengo e okumu. 8 Ango etotia inde buku, wikelamu inei e mokalo koto mbange tuku iwale la inei wayaimbali liwoso e mana o meme. Mwesi la mwesi ewu aikali mote la kopo e wolo etumi la malasi, djinge idjei mayakongi ma wasatu. 9 Walembali lembo epoli: ''Owongi la ototi buku la otokoli wilembo waho sambo. Laate oolanali koto la makila ma owe osombelali Mwengei wato e maliye kpaa koto la miki kpaa koto la witondo kpaa. 10 Owaumesia iwo makumu koto wanganga-Mwengei la kole e Mwengei, koto wakokondja mbume.'' 11 Idengakali koto iyokia moli mwesi e ebiba e waahumbwa wango wadjaki la lisuka suka e ngbelengo e okumu koto wikelamu inei e mokalo koto la mbange, motango mowu modjaali miliade la milaide, koto la koto. 12 Wadjaki oasi la moli mopamake, ''Mana o meme ongo oolanali, awongi ototi okulu, ogumake, kandela, otetelake, otwa la pambo.'' 13 Wikelamu winge widjei ongo likolo, koto la mbume, koto sese e mbume, ndondo e ewale, koto wihoo kpaa winge widjei ndondo eho, ekoasaka ate, ''La ongo oyabati la ngbelengo e okumu koto la Mana o meme lipamboli koto mogano koo otwa koto otetelake edje libela la libela.'' 14 Wikalamu waho inei e mokalo easali ate, ''amen! Mbange wayaimbali, wayakongali.
Chapter 6

1 Mbai idhengakali, iyenia mana o meme adhuholia elombo esi ndondo e wilembo sambo, iokia mwesi o wikelamu eho inei e mokalo easia la moli nda mo ngombe ate, ''Djaka.'' 2 Mbai idhengakali, ienia punda bubake koto la Moto ongo odjakali likolo laho adjakali la otolo. Wamohali lingboka, apumali akolongaka koto la olongi tee gboo. 3 Ango edhuholia inde elembo ewale, iokia ekelamu ewale e mokalo easia ate, ''Djaka!'' 4 Punda tanake epumbali, wahali Moto ongo odjakali likolo lande mboka elongosake logoo la mbume laate wato waene. Wamohali kpoka esi esungu. 5 Ango edukolia Mana o meme elembo enge esato, Iokia ekelamu esato e mokalo easia ate, ''Djaka!'' Idhendali, ienia punda esi eindake, ongo odjakali likolo laho wamohekelia emekeli oliti la ewo ende. 6 Mbai iokia nda moli ndondo e wikelamu inei e mokalo easia, ''Oliti esi e opunga la lopata wesei, koto oliti isato e ologa la lopata weesi. Ase otibitese maita la bino. 7 Ango edhukolia inde elombo enei, iokia ekelamu enei e mokalo easia, ''Djaka.'' 8 Mbai idengia, ienia mpunda esi edjei la langi ndenge landenge, ongo odjakali likolo laho wamowelakali ate logo, koto masio ma logo mamobiliakali. Wamohekelia okulu laate aole wato ndambo enei e mbume la mongonga, la gbutu, la pese koto la mbau mbe e mbume. 9 Ango edhukolia inde elembo etano, ienia sese e etumbeli milimo ma wato wango waolanali la loyi e engbundu e Mwengei koto la otomo etotolake enge edjaakali iwo la eho. 10 Wapamali la moli motetelake, ''Tee la nda engele Motiesakoli Mosatu koto Molamu ekoumwa owe osambesi, koto owongweseli wato wango wayabati la mbume obe la kole e makila masu?'' 11 Wawahekelali moto mwesi mwesi owu lobe ebubake, wawaselia ate wahome ma keke alidji, tee engele enge motango e wiino wau tuke koto wamangbau wango wadjaki ahue e oolani nda iwo mokoenga. 12 Mbai idengakali, ango eluholia inde elembo e motoba, mbume kpaa edudumia. wuse woumia pii nda likolo, ndebo kpaa eumia nda makila. 13 Minoto ma likolo mikpia la mbume, nda mote mo pigi engele ekoyabandaka eho la ehoho, ekokoesaka wapigi eho enge etaniti. 14 Likolo liyawongolia nda ekoimbaka eho litoko, koto wisii la mikoli milongoiya la ebete eho. 15 Makumu ma mbume, wato wasungu wasungu, makumu ma wasoda, wato wagumake, wato watetelake, tuke, koto wato wa lipanda, wayahisia sese e mawela ma matale koto ma mikoli. 16 Wakoasaka ndji la mikoli koto la matale ate, ''Tokpeleni iso toisani iso liwoso la mbanda e ongo oyabati la ngbelengo e okumu koto liwoso la limemu e Mana o meme. 17 Wuse wosungu e limemu lande eumia, ndai okokala?''
Chapter 7

1 Mbuse eho ienia waahumbwa wanei wayamali la gboo enei e mbume, wadjaaki oheli wihoho winei e mbume laate etihohe la mbume, te la ewale, te koto la mote. 2 Imoenia ahumbwa odji alongoiya la epumbeli e wuse, akotelaka, adjaaki la elembo e Mwengei o mokalo. Apamia la moli motetelake wa waahumbwa wanei wahaani mboka e obitesi mbume la ewale: 3 Otikeleni obe la mbume koto te la ewale, koto te la mite , lambelaniyo tee ango ekosesa iso obati tuke wa Mwengei osu wilembo la mbanda ewu.'' 4 Iokali motango mo wango wabatanali elembo koto kama la tuku inei la inei e wango wabatanali wilembo la maliye kpaa e Isalayele. 5 La elombo e Yuda koto liomu la iwale e wango watotali elembo, la elombo e Lubeni koto liomu la iwale, la elombo e Gada koto liomu la iwale, 6 La elombo e Asele, koto liomu la iwale, la elombo Napitali, koto liomu la iwale, la elombo e Manase, koto liomu la iwale, 7 La elombo e Simeona, koto liomu la iwale, la elombo e Lebi, koto liomu la iwale, la elombo e Isakala, koto liomu la iwale, 8 la elombo e Zabuluni, koto liomu la iwale, la elombo e Edjepu, koto liomu la iwale, la elombo e Bezamina, koto liomu la iwale wango wakondjali elembo. 9 Mbuse e sambo djaho ieneli mbai, dhenga! Ebiba e wato wango Moto te moikima akoenga otangi motango, walongoyi la miki kpaa, witondo kpaa, minoko kpaa, wayamali liwoso la mana meme, wakpali wisindje wibubake, waheli mangalala la mawo, 10 koto waahumbwa kpaa wayamalali kelekele e ngbelengo e okumu koto e mbange koto e wikelamu inei e mokalo, waimbali mbanda sese liwoso la ngbelengo e okumu koto wayakongoli la Mwengei, waasia, ''Mokalo edjei atie Mwengei osu ongo oyabati la ngbelengo koto la mana o meme!'' 11 Waahumbwa kpaa wayamalali kelekele e ngbelengo e okumu koto e mbange koto e wikelamu inei e mokalo, waimbali mbanda la mbume liwoso la ngbelengo e okumu. Wayakongali la Mwengei, 12 waasia, ''Amen! Lipamboli, la otwa, la lokenge, la pambo, la mogano, la okulu, la otetelake edje la Mwengei osu libela la libela! Amen!'' 13 Mwesi ndondo e mbange aasia la mbai ate, ''Wango wakpali walobe wibubake, iwo nde wandai, walongoi eni?'' 14 Iasaali la inde, ''Likumu, owe oewi,'' Inde andjaselali mbai ate, ''Iwo wadjei wato wango walongoi la odjioji wosungu, wakpoli walobe wau koto waumesia eho ebubake la makila e mana o meme. 15 Eho lenge, wadjei liwoso e ngbelengo e okumu e Mwengei, wakomokelelaka otomo mosatu likolo la wuse la tepelo ende. La ongo oyabati la ngbelengo e okumu akoanda monguta monde likolo lawu. 16 Watioka kine gbutu, watioka ehoha e malia, wuse koto etiwabinga, koto ehela etetelake. 17 Laate Mana meme ongo odjei awodja e ngbelengo e okumu akoasombesa tee la moto mo malia ma mokalo, Mwengei akohuhola poo kpaa la maiso mau.
Chapter 8

1 Ango edhukolia inde kpaka esambo, likolo litikalia logoo ahue e esuki eengele kikima. 2 Ienia koto waahumbwa sambo wayamali liwoso la Mwengei, wawahali kelelo sambo. 3 Ahumbwa odji adjaali, ayamalali koto la etumbeli, adjaali la ekeleli e wolo e paka la malasi, wamohali ngbii e paka la malasi la ohekeli eho likao ebete ekikima la oyakongi e wasatu kpaa likolo e etumbeli e wolo enge edjaaki liwoso la ngbelengo e okumu. 4 Miliengu ma paka la malasi milongwali la ewo e ahumbwa oho, etelali mboka kikima la oyakongi e wasatu liwoso la Mwengei. 5 Ahumbwa oho atotia ekeleli eho e paka la malasi, atumesali eho la ma mdambo e misa e etumbeli eho, wakaki wibingali, miili miokanali, wiseseleki epumbali koto mbume edudumali. 6 Waahumbwa sambo wango wadjaki la mahili sambo wayawongelali la obomi eho. 7 Ongo o liwoso abomia lihili lande, ewongo e malanga ma misa ewanesani la makila, elumbania la mbume,eesi e wisuki isato e mbume elongolali, eesi e wisuku isato e mite elongolia, koto ngasi mbesu ilongolia. 8 Ahumbwa owale abomia lihili lande, ema eesi nda mokoli mosungu enge edjaaki ololeyi misa elumbanali la ewale. Eesi e wisuku sambo e ewale eumali makila, 9 eesi e wandambo isato e wikelamu winge wikodjaaka la ewale, winge widjei la milimo migbaali, eesi e ndambo esato e wandondoli ebitanali. 10 Ahumbwa osato abomali lihili lande, monoto mwesi mosungu enge edjaakali ololoyi nda lotambe elongwali la likolo, ekwiyia, ekwelali eesi e ndambo esi wiwale koto e wilindo. 11 Kombo emungo monoto edjei Mbondo. Eesi e wisuki isato e eumali djia, wato ngbii wakwali la kole e malia eho, laate edjiali. 12 Ahumbwa o nei abomali lihili lande, eesi e wisuki isato e wuse la eesi e wisuki isato e ndebo la enge e minoto ebitanali, laate eesi e wisuki waho isato elie pii koto lisio e wisuki isato e wuse etidje la ngbai e liwusa wuse la likolo koto ndenge kikima. 13 Mbai idengakali, koo iokia ndjio eesi enge edjaaki ohumboyi awodja e likolo ekoasa la moli motetelake ate, ''Magba, magba, magba wa wato wango wayabati la mbume, la kole e mahili mango matikali, winge waahumbwa wasato wapotia obomi.''
Chapter 9

1 Ahumbwa otano abomali lihili lande. Ienia monoto molongoiya likolo mokuya la mbume. Wamohekelia pungola e liwela lilindake. 2 Adhukolia liwela lilindake, milungu mitelia likolo la enge liwela nda milungu ma misa minge misungu, liwusa wuse elimanali la ehoho koto la milungu e liwela laho. 3 Ndondo e milungu wapepe wahumbia, wayandjia la mbume, wawahekelia okumu wungo oengani la okumu wungo wodjei gake la eho ala la mbume. 4 Wawaaselia ate watikele obe la isokisoki wa mbume, te la migono miikima, te la mote moikima, ase ndji wato wango wadjangi kpaka e Mwengei la mbanda djau. 5 Ehekeleni aleti la iwo ate watiwole wato, ase wawaenese odjidji ndebo itano koto monga mokokela iwo ekodja nda monga mokokelaka gake inga etwa moto. 6 La mango masio, wato wakoluka logo, ase watitota logo, wakodja la ehoha e logo ate wague, ase logo ekotila lihele lau. 7 Wango wapepe wakwani la punda djinge iwongelani la kindo. Likolo la mito mau wadjei la magbaka makwani la wolo, koto mbanda djau ikwani la mbanda e wato. 8 Wadjei la sue ikoani nda sue dja wali koto maino mau makoani la maino ma Simba. 9 Wadjakali la ngwa ikoani la ngwa dja ibende, koto modudu mo mambulu mau, makwani la modudu mo mokolo e wapunda wango wakotilaka obangu la wita. 10 Wadjakali la mikondo koto la wikuseli nda wagake, okulu djau eenesake wato odjidji ndebo itano idjei la mikondo mau. 11 La mito mau, edjaali nda likumu, ahumbwa o liwela lilindake. La Ebele kombo ende Abadona, la Geleki kombo ende Apoliona. 12 Magba mango ma liwoso maetia. Dhenga magba male mageli mbuse eho. 13 Ahumbwa o motoba abomia lihili lande, iokia moli mwesi mopumbia ndondo e ndjeka inéi djinge idjakali likolo e etumbeli e wolo liwoso la Mwengei, 14 easia la ahumbwa o motoba ate, ''Tokola wahumbwa wanei wango wanangani ahue e ewale Epalata.'' 15 Adhuholali waahumbwa waho wanei, wango wawongelanali la kole e engele eho koto lisio laho koto ndebo eho koto elanga eho, la ooli mwesi e wisuki isato e wato. 16 Motango mo wato wango wakomaka wita modjakalali miliadee miale e wamiliade. Mungo motango mookali mbai. 17 Mbai ieneli motango mo wapunda la saki, koto wango wadjakali likolo la djinge punda wakpali wibanyei mikpoto nda langi e misa koto e boloo nda yaseti koto e langi e mosaka nda supulu edjaaki opumbi la minoko mawu. 18 Eesi e wisuki isato e wato wagbali la madjidji maho masato: Misa, milungu koto supulu enge edjaaki opumbi la minoko mawu. 19 Okulu e wapunda edjaaki la minoko mau koto la mikondo mau, laate mikondo mau midjaaki nda wandjo koto widjaaki la mito, widjaki oenesi wato odjidji la mito. 20 Wato wango watigbali la djinge odjidji watikukolali mitema la sambo mbembe dja mawo mau, laate watimaeli mauli mindjili, wilima ma wolo, koto e palata, koto e ebende, e libukeli, e mote enge etieneneke, etiokaka, etisombaka. 21 Watikukolali mitema laate wadhee ooli, koto tomo djau e milimo mibe, la oseka ewu koto la iwa.
Chapter 10

1 Ieneli ahumbwa odji motetelake akoyadjimbaka likolo, akpali palata koto manama adjei likolo la moto monde. Mbanda ende edjaaki nda liwusa wuse, makolo mande madjaki nda misa. 2 Aikakali la ewo ende ma buku esi keke edhukoani. Abatia ekolo ende e lilome la ewale, koto ekolo ende eliali likolo la mbume. 3 Adhumbeya la moli motetelake, nda ekohumbaka simba. Ango edumbiali inde ngombe sambo iokesia mili mau. 4 Ango eokesia ngombe sambo miili mau, ipakali odhingi, iokakali ongo likolo moli mwesi mokoasaka ate, ''Isa djinge sambo easi ngombe sambo, koto otidhinge djawo.'' 5 Ahumbwa ongo omoenali mbai ayamali likolo la ewale koto likolo la mbume adjambia ewo ende e lilome ongo likolo. 6 Alapia la kombo e ongo odjei la mokalo libela la libela, ongo okelali likolo koto la wihoo winge widjei ndondo, mbume la wiho winge widjei ndondo, koto la ewale koto la wihoo winge widjei ndondo, ahumbwa oho aasia, ''Engele edjaake etidja kine. 7 Ase la masio mango ahumbwa o sambo akobinga, ango akouma ahue e obomi lihili lande, sekele mosatu e Mwengei ekoengana la otutei mboli ndamu engo atiesakolali tuke djande.'' 8 Moli, mungo mookali mbai ongo likolo, mwaselia mbai alidji ate, ''keke, tota ehele ma buku keke edhuhuani enge edjei la ewo e ahumbwa ongo oyamali la ewale la mbume. 9 Ikeeli atie ahumbwa oho, imoaseli ate apekele mbai ma buku enge keke enge edhuhuani. Andjaselia mbai ate, ''tota buku eho koto mele eho, ekodja djaa la solo dja owe, koto la monoko mowe ekolele nda wei.'' 10 Itotia enge buku la ewo e ahumbwa imelesia, edjakali la monoko mo mbai nda woyi, ase ango emelesia mbai solo dja mbai itumia la odjiake. 11 Mpe wandjaselia ate, ''Itiesakole aleeti atie wato wa miki koto la witondo, koto minoko, koto makumu ngbii.''
Chapter 11

1 Wapekelia mokombe nda motongo. La oasi ate, ''Owe amala, pima osungu e ebete mosatu e tepelo e Mwengei koto e etumbeli koto la wato wango wakoyakongoko ongo. 2 Lopango enge edjei saa e ebete mosatu e tepelo, dhee eho saa, otipime wosungu woho, laate wahekeli eho wapagano. Iwo wakohoto gbata mosatu la makolo ndebo tuku inei la iwale. 3 Ikotoma watotoli wa mbai waale wakpali makunya ate watiesakole masio koto esi la kama iwale la tuku motoba.'' 4 Iwo nde mite miale ma olibe koto wiyamaleselo wa matambe wiale widjei liwoso la kumu o mbume. 5 Inga moto abala ate awakele obe, misa mikouma la minoko mau la owoli mitone wau, inga moto aluka ate awakele obe akogba la enge ndenge djongo. 6 Wadjei la okulu enangake likolo ate ewongo etilue la masio mango matiesakoli iwo, wadjei la okulu ekukolake malia makila koto e ohekeli ,mbume odjidji e ndenge kpaa la enhele kpaa enge ebali iwo. 7 Ango ekosesa iwo litotoli lawu, nama e mbume enge ekotelaka la liwela lilindake ekoasanesa wita, akowalonga, koto akowawola. 8 Milonda mau mikodja la lingalala lisungu e liwange (enge eweli iwo la engbundu e Sodomo koto e Ezipito), ongo e mobakali iwo la ekulusu Likumu lau. 9 Wato wa miki, la maliye, la minoko, la witondo wakodhenda milonda mawu masio masato la ndambo. Watihekele mboka ate milonda mawu milangesane la mbila. 10 La wato wango wayabati la mbume wakookaka mwemu iwo amene, wakoemeleke koto, wakotomelana koto makao, laate watiesakoli waho waale wakoeneseke wato wango wayabati la mbume odjidji. 11 Ase mbuse e masio masato la ndambo, elimo e mokalo e Mwengei enge edji atie Mwengei ewalingelali. Wato wango wadjaaki owadhendji wawangali. 12 Waokia moli mwesi motetelake molongoiya likolo moasia la iwo ate, ''Telani alandjo!'' watelia ongo likolo la lipata, koto mitone mawu wadjaaki owadhengi. 13 La engele eho mbume e dudumali koto eesi e esuki liumu e liwange akwali. Odudumi wuho e mbume eolali wato koto sambo, wango watikalali wawangali, wamoganali Mwengei o likolo. 14 Magba ewale eyeti. Dhenga! Magba esato egeleli sikandjo. 15 Ahumbwa o sambo abomali lihili lande, miili mitetelake mipumbali ongo likolo, miasali ate, ''Okumu e moki eumia okumu o Likumu lasu koto e Kilisito, akosombesa libele la libela.'' 16 Mbange tuku iwale la inei, wango wayabataki liwoso la Mwengei, la wangbelengo ewu e okumu, waimbali mbanda sese, wayakongoli la Mwengei. 17 Waasia ate, ''Tohekeli owe pambo, Likumu Mwengei mototi e okulu kpaa, ongo odjei koto adjaaki, laate ototi okulu e owe osungu koto opotia osombesi. 18 Maliye wamemelia, koto limemu la owe edjaali, la engele enge ebatani laate wato wagwake wasambesane, koto ohekele liputi la tuke dja owe watiesakoli koto wasatu koto la wango wakotemeiyaka kombo e owe, wato wakeke la wato wasungu, koto obitese wango wakobitesaka mbume.'' 19 Ebete mosatu e tepelo e Mwengei enge edjei likolo edhuhuanali, koto sanduki e ogemei onde eeneneli ndondo e ebete mosatu e tepelo nde. Ongbungwani epumbali, miili miokanali, koto ngombe egbamali, koto la mbume edhudhumali, ewongo e malanga eluali.
Chapter 12

1 Elembo eesi esungu epumbia ongo likolo: Moli mwesi okpali liwusa wuse, ndebo edjaaki sese e makolo mande, lingboka eesi e minoto liomu la iwale la moto monde. 2 Adjakali la leni, adjaaki opami la ekoni koto la otomo e wotake. 3 Eeti elembo koto eenenia ongo likolo: Dhenga! Dalagona mwesi mosungu enani ngbaa, adjei la mito sambo koto la ndjeka liomu koto la mangboka sambo la mito mande. 4 Mokondo monde mogulaka eesi e ndambo e isato e minoto dja likolo, koto adjilumbia ono sese. Dalagona ayamalali liwoso la moli oho ongo obalali owoti, laate ango ekowota inde, emolake. 5 Awotali mana, mana opele, ongo okosombesa maliye kpaa la pimbo e ebende. Mana onde akpalanali ongo likolo atie Mwengei koto ongo la ngbelengo e okumu wonde. 6 Moli oho atilali ongo la esobe, la ebete enge emowongeselali Mwengei, laate wamolakese ongo masio koto esi la kama iwale la tuku motoba. 7 Wita wimaya ongo likolo. Mikaeli la waahumbwa wande wamaiya wita la Dalagona, koto Dalagona la waahumbwa wande wasanali. 8 Ase Dalagona atidjaali la okulu. Watidjali kine la ebete ongo likolo. 9 Dalagona eho mosungu alumbanali sese-inde ndjo e ebende, enge emoweli iwo Djabulu koto Etota, ongo okokosaka mbume kpaa ebete eyabati wato, alumbania la mbume, koto waahumbwa wande walumbania la mbume mongindji la inde. 10 Iokali ongo likolo moli mopamake mokoasaka ate: ''Sikandjo mokalo, motogbotia, koto okulu, la okumu e Mwengei osu, la okumu o Kilisito onde edji, laate mopundi o wamangbasu alumbani la mbume, inde moto okopundaka wamangbasu likolo la wuse liwoso la Mwengei osu. 11 Wamolongali la kole e makila ma mana o meme koto la kole e engbundu e litotoli lawu, watibalali koto milimo mau odjangi owangi logo. 12 Eho lenge, eengi la ino oemeli, likolo, koto ino wango wakoyabataka likolo, magba la mbume koto la ewale, laate Etota eyadjimbeli ino, adjei la limemu litetelake, laate ayewi ate adjei la engele keke! 13 Ango enia dalagona ate alumbani la mbume, emoenesali moli ongo omowotali mana opele odjidji. 14 Wamohali moli oho mambulu maale e ndjio mosungu laate ahumbwe la esobe tee la ebete ende, ongo omolakesali iwo la oumoyi e engele eesi koto la miengele lihele e mbanda e ndjo eho. 15 Ndjo eho etoholali malia nda ewale la monoko monde mbuse e moli oho, laate emolindese la wale eho. 16 Ase mbume emogamesali moli, koto mbuse iluholali monoko muho emelia malia ma ewale mango matoholali ndjo la monoko monde. 17 Dalagona amemelali la moli oho, koto akeeli omai wita la litoto e moli oho wango watikalali, wango wakotemeiyaka tomani dja Mwengei, koto wadjei la otomo e ototoli la kole e Yesu. 18 Ayamali likolo la ngene e ewale.
Chapter 13

1 Ienia koto mbau mbe epumbia la ewale, edjei la ndjeka liomu la mito sambo, la ndjeka djaho mangboka liomu, ase la mito maho kombo dja iliko. 2 Mbau mbe enge eeneli mbai edjali nda mpange. Makolo mande madjali nda Uluse monoko monde nda simba. Dalagona amohali mbau eho okulu wonde koto ngbelengo ende e okumu koto okumu osungu. 3 Yenia moto monde mwesi nda ekondjoi ahue logo, okondjoi wonde wo logo wokalia. La mogano mbume kpaa emobiliali mbau mbe eho. 4 Wamogani dalagona laate amohali mbau mbe eho okumu, koko wayakongoli la mbau mbe eho la ehele engbundu, ''Ndai odjei nda ehele mbau mbe?'' Koto ''Ndai oengi osani la inde wita?'' 5 Wamohekelia monoko mokwasaka sambo mbe sambo ndjinge ileki obe, wamohekelia okumu laate akondje ilanga tuku inei la iwale. 6 Aluholia monoko monde la omoaseli Mwengei sambo mbe, la otangi nkombo ende la ebete ekwabataka inde, la wango koto wakwabataka ongo likolo. 7 Wamohekelia ate asane la wasatu koto awalonge. Wamohekelia okumu laate awakondje wato wango wadjei ahala la mbume, wato wa minoko kpaa, la miki kpaa. 8 Wato kpaa wango wakwabataka la mbume wakoyakonga la inde, wango nkombo djau itidhinganali la buku e mokalo e Mana o meme ongo oolanali, tee la lipotele e moki. 9 Ongo odjéi la wiokelo aoke! 10 Ongo moto okoke la wombo, akoke ndi la wombo, ongo okola la etogo wakomoola ndi la etogo. ango nde oiki mpiko la ondimi o wasantu. 11 Alidji iyenia mbau mbe eeti epumbia la mbume, adjéi la ndjeka iwale nda enge e meme, adjaki owasi nda Dalagona. 12 Nama eho ekelelakali okumu wo mbau enge e liwoso ndji ango mine edjei mbau eho, mbau eho ekelakali ate wato kpaa wango wadjei la mbume wayakonge la mbau enge e liwoso enge mpota ende e logo ekaliaga. 13 Edjaaki okeli sambo sungu sungu. Edjaaki okeli ate inga te misa milongwe likolo eyadjimbe tee la mbume la maiso ma wato. 14 ekoakosaka la wato wango wayabati la mbume la makamwisi mango ma mohekeleli iwo mboka liwoso la mbau mbe, ekoewesaka wato wango wayabati la mbume ate wakele elima e mbau mbe eho ease koto eolese wato kpaa wango watiakongoko la elima e mbau mbe eho. 15 Wamohekelia okulu okpomesake mbau mbe eho, mbuse eho mbau mbe ekpomia koto easia ate moto kpaa ongo oti la elombo e mbau wamoole. 16 Edjaaki otomi moto kpaa; wato wakeke la wango wasungu, wato waogumake la wango waotundake, wato wa lipanda la tuke, watote elembo la ewo ewu epele te la mbanda ewu. 17 Ate moto te mokikima atienge osombi te otambi inga atidje la elembo, la kombo e nama koto motango mo kombo ende. 18 Alandjo ongo odje la lokenge. Ongo odjéi la lomungo obolesane motango mo nama, laate edjei motango mo moto pele, koto motango monde modjei kama motoba la tuku motoba la motoba.
Chapter 14

1 Idhendia, koto ienia, mana omeme ayamali la mokoli e siona, mongindji la inde wato koto kama la tuku inei la inei, wango wadjali la nkombo ende la nkombo e sango, idhingani la mbanda wa ewu. 2 Iokia ongo likolo etale, nda etale e malia masungu minge makohumbaka koto nda etale e ngombe enge egbami, etale eokaki mbai edjeiyaka nda walembi wango wakolembaka la djegedje, wakobingaka djegedje ewu. 3 Walembakali lembo epoli liwoso la ngbelengo e okumu, liwoso la wikelamu winei winge widjei la mokalo la mbange. Moto tweti atiewakali lungo lembo, inga te wato koto kama tuku inei la inei, wango wakalesanali la mbume. 4 Edjali wango watiyabitesali la wali, wadjei seka. Wakomobiliaka mana o meme ibete kpaa ekokeke inde. Wakalesamiaka ndondo e pele, nda pukapuka dja liwoso dja Mwengei, dja mana omeme koto. 5 La minoko mau ekosako etieneneli, laate watieneneli la obe. 6 Imwenia koto ahumba mwesi akohumbwaka ongo likolo aiki mboli ndamu enge eengiti osili, laate awasumbele wato wango wakwabataka la mbume, la miki kpaa la maliye kpaa, la minoko kpaa, la wato koto kpaa. 7 Asakali la moli mopamake ate, ''Mowangani Mwengei, mohani odongo, la ebili ate engele ende esambesake ewumia, eho lenge yakongoni la Ongo okeli likolo la mbume, ewale la wilua.'' 8 Oeti koto- ahumbwa-ahumbwa ongo owale, abiliali, adjaaki oasi koto ate, ''Akpia, akpia, babilona mosungu, ongo okengesiaka miki kpaa mana mande malangwesake ma ondumba wonde.'' 9 Oeti koto ahumbwa ongo osato awabilioali, adjaki oasi la moli mopamake, ''Inga moto ayakonga la mbau la ema enge emokwi, inga koto adja la elembo la elongi ende te la ewo ende, 10 Inde koto akokenga, bino e limemu la Mwengei, enge etiwanese iwo la ema koto etiswane la kopo e limemu lande, akoene odjidji la misa koto la supulu liwoso la waahumbwa wasatu koto liwoso la Mana o meme. 11 Milungu ma odjidji mawu mikotelaka libela la libela, likolo la wuse wango wakoyakongoko mbau mbe eho koto elima eho koto moto kpaa ongo okondji elembo e kombo eho watihomaka. 12 Ahala nde wasatu, wango wakotemeiyaka tomani dja Mwengei, koto wakomogemeiyaka Yesu, waongi onangi motema.'' 13 Iokia koto moli mwesi molongoyia likolo, moasia, ''Dhinga ndjo: Mwemu la wagui ndondo e Likumu, elimo easi ate, ''Wahome laate wakelali tomo tetelake, laate sambo djau ekoabilia.'' 14 Idendia, koto ienia, lipata libubake, ongo likolo la lipata moto mwesi ayabati okwani wonde nda Mana o moto, likolo la moto monde adjei la lingboka e wolo, aiki la ewo ende ema ewotake. 15 Oeti ahumbwa apumbali la ebete mosatu e tepelo, adhumbeiya moto ongo oyabati la lipata eho la moli motetelake: ''Lumba ewuni eowe enge ewotake, buka pukapuka, laate engelenge ebukake pukapuka eumia, laate pukapuka itania''. 16 Ongo oyabatiaka ongo la lipata alumbia ewuni ende la mbume, wabukali pukapuka e mbume. 17 Ahumbwa odji koto apumbali la ebete mosatu e tepelo enge edjei likolo, ende koto aheli ewuni ewotake. 18 Ahumbwa odji koto apumbali la etumbeli adjaki la okumu likolo la misa. amodhumbeyali ongo oiki ewuni enge ewotake la moli motetelake ate, ''Lumba ewuni e owe ewotake, kokeya mambutu ma pukapuka e mote mo bino e mbume, laate pukapuka eho etaniga'' 19 Ahumbwa alumbia ewuni ende ewotake la mbume, akokeiya bino e mbume, alumbali eho koto la epoteli esungu e bino e limemu e Mwengei. 20 Wahotoli pukapuka la epoteli eho e bino saa e liwange, koto makila mapumbali la epoteli eho e bino etelia tee la wibende e magago e punda, la olayi e metele koto esi la kama motoba.
Chapter 15

1 Yenia koto ongo likolo elembo eti esungu enge eyahueli: Waahumbwa sambo waiki madjidji sambo, eho nde madjdji ma gboo, laate la mboka eho nde limemu la Mwengei ekoenga . 2 Ienia ema enge edjaaki nda ewale etalatala enge ewanesani la misa, wato wango walongali mbau mbe koto elima eho koto motango e kombo eho wayamali ahue e ewale eho e talatala, wadjei la wadjegedje e Mwengei. 3 Wakolembaka lembo e Moize, motuke mo Mwengei, koto lembo e Mana o meme, waasi ndjo: ''Likumu Mwengei Mokondji e okulu kpaa, tomo dja owe midjei sungu. Likumu o libela, mboka dja owe widjei wilamu koto meemene. 4 Ndai otiowanga owe, Likumu, koto atiha kombo e owe otwa? Laate ndji owe nde odjei meemene. Witondo kpaa wakodja oyakongi liwoso la owe, laate sambo ndamu e pui dja owe eeneni la hoho.'' 5 Mbuse e sambo djinge ieneli mbai, koto tepelo e hema e litotoli, edhukoania ongo likolo. 6 Waahumbwa sambo wango wadjaaki la madjidji sambo wapumbali la ebete mosatu, wakpali wisindje wilangi e ngelingeli, wakpali koto mikaba ma wolo la mikpoto mau. 7 Mwesi e wikelamu inei e mokalo ahali waaumbwa sambo djaho teni dja wolo winge witumi la limemu e Mwengei, ongo odjei la mkalo libela la libela. 8 Tepelo etumali la milungu la kole e otwa e Mwengei koto la kole e okulu wonde. Moto te moikima atiengali olingeli la ebete mosatu tee engele madjidji maho sambo e waahumbwa waho sambo eengali.
Chapter 16

1 Iokia moli mwesi motetelake elongoi la tepelo easia la waahumbwa waho sambo ate, ''Kekeni osuakoli teni sambo e limemu e Mwengei la mbume.'' 2 Ongo o liwoso akia, asuia teni ende la mbume; pota mbe ewabingia wato wango wadjali la elembo e mbau mbe, la wango wayakongoli la elima eho. 3 Ongo o wale asuia teni ende la ewale. Eumali makila nda enge e moto ongo ogwi, koto milimo kpaa e mokalo eguali, koto wikelamu kpaa e mokalo winge widjaali la ewale igwali. 4 Ongo osato asuia teni ende la ewale asuia koto la wiloa wa malia, eumali koto makila. 5 Imookia ahumbwa ongo o malia aasia ate, ''Owe ongo odjei koto odjaali, Moto omeemene, odjei moto molamu, laaate ototi witeneli eho. 6 Laate wasuali makila ma wasantu koto e watiesakoli, owahekelia makila laate wakenge, waengi la maho. 7 Iokia etumbelo easia ate, ''Ndjongo, Likumu Mwengei Mokondji e okulu kpaa, witeneli e lisambesi e owe edjei meemene koto olamu.'' 8 Ongo onei asuia teni ende likolo la liwusa wuse, emohekelania awalongose wato la misa. 9 Wato walongolia la ehela esungu, waaselia obe kombo e Mwengéi ongo odjei la okumu likolo la djinge sambo mbe. Watonia oongi olimbesi la omohekeli Mwengei mogano. 10 Ongo otano asuia teni ende ndondo e okumu e mbau mbe, okumu wonde eumali la molili, wato wayatwakolia malemi. 11 Wamoaselia Mwengei obe Mwengei ongo o likolo, la odjidji wou, watonia omoongi Mwengei olimbesi la tomo djawu. 12 Ongo o motoba asuia teni ende likolo la ewale Epalate. Malia maho mahuali, laate mboka ewongesani la makumu wango walongoyi ongo la epumbeli e liwusa wuse. 13 Ienia wingbundu isato e elimo mbe enge edjaaki nda monoko mo ndjoo, nda monoko mo mbau mbe, koto la monoko mo motiesakoli o moleho. 14 Laate edjei wingbundu e milimo mibe, minge mikokelaka wikamweseli koto minge mikokeke atie okumu e mbume kpaa, ebete eyabati wato wango wa mbume, la owabolei la kindo e wuse wo Mwengei ongo oteteli. 15 Dhenga! Ikodjaaka nda iwa! Mwemu la wango walangaliti ilo, la ongo okowongeleke wisindje wande, laate atisombe lingbengbele laate atiene soni ende.'' 16 Awaboleia la ebete eweli owo la Ebele Alamagedo. 17 Ongo o sambo asuia teni ende la ehoho. Moli mwesi motetelake e pumbali ongo la tepelo, elongoi la ngbelengo e okumu moasia ate: ''Ekelania!'' 18 Mikalali mipumbali, miili miokanali, ngombe engbumali, mbume edudumali la ndenge enge ekelanakiyo opoti oyabati e wato la mbume. 19 Gbata enge esungu ekawania la isuki isato, mawange dja mikuali, Mwengei amomungolali Bbilona mosungu, laate amohekele teni ende e logo. 20 Wisii kpaa itilia, mikoli itieneneli kine. 21 Ewongo e malanga esungu enge libukeli liesi liesi edjaakali la oliti inga e mbela eesi, elongwali la likolo, eyadjimbelia wato. Wamotangali Mwengei la odjidji woho e ewongo e mabukeli, laate odjidji woho wodjaali osungu.
Chapter 17

1 Mwesi o waahumbwa sambo wango wadjaki la teni sambo, adjaali akpomesanali la mbai ate, ''Djaka iyoenese esambeselo e moli o ndumba, ongo oyabati likolo la malia masungu, 2 ongo makumu ma mbume wakelali la inde ondumba, koto wato wa mbume wakengeli la inde bino e ondumba wonde.'' 3 Akpalia mbai la okulu e elimo la lisobe, imoenia moli ayabati likolo la mbau mbe e langi etanake enge etumi la nkombo e wiliko. Edjei la mito sambo la ndjeka liomu. 4 Moli oho akpalali esindje etanake-boloo koto etanake ngbaa, ayawongeli wenge la wihoo wa wolo, la mabukeli e motio, la wangbengbe. Aikali la wo ende teni e wolo, etumi la sambo mbe djinge dja ondumba wonde. 5 La mbanda ende nkombo, edhingani ndjo: ''Babilona mosungu, nango o wali wa ndumba la sambo mbe djinge dja mbume.'' 6 Imwenia ongo moli alangoia makila ma wasantu la makila ma watotoli wa Yesu. Ango emoenia mbai, okamwi wosungu egbotoli mbai. 7 Ahumbwa andjaselia mbai ndjo, ''Nde ekokamwaka owe? Ikoewesa sekele e moli koto e mbau mbe enge emokpali, ongo odjei la mito sambo la ndjeka liomu. 8 Mbau mbe enge eeni owe edjaki, ase eti kine, inga te ndjongo etikali makeke epumbe la liwela lilindake, ekoke ongo la obitesani. Ango ekoene iwo ndenge mbau mbe enge edjaki ase eti kine, inga te ndjongo ekodja, wato wango wayabati la mbume wakokamwa la mwemu, ase kombo djau idhingani la buku keke e mokalo tee la lipoteli e moki. 9 Mine ahala ewongi odjei la kandela enge eboliani la lokenge. Mito sambo mienesi nda mikoli sambo, djinge iyabati moli. 10 Edjei koto la makumu sambo: Watano wakwi, mwesi adjei, ongo odji adjaki yo, ango ekodja inde, atiumwa. 11 Mbau mbe enge edjali, enge etikine, eho amene edjei likumu o mwambi. Ase elongoi la iwo sambo, koto ekokeeke la obitesani. 12 Ndjeka liomu djinge ieneli owe einyei makumu liomu, wango watotakiyo okumu, ase wakondjiga okulu wadje makumu la engele eesi mongindji la mbau mbe enge. 13 Iwo kpaa wadjei la lomungo lokikima, eho lenge wakohaka mbau mbe okulu koto okumu wou. 14 Wakosana wita la Mana o meme, mana omeme akowalonga, ongo edjei inde Eloko e wiloko, Likumu la makumu-wato wango wawelani koto waononi koto wango wadjei meemene wakolonga mongindji la inde.'' 15 Ahumbwa aasia la mbai, ''Malia mango maeneli owe, mango mayabati moli o ndumba, mainei wato, miki, minoko. 16 Ndjeka liomu djinge ieni owe la mbau mbe, wakomotona moli oho o ndumba, wakomolongosa wisindje, wakomotika lingbengbele, wakolaka ndjini ndjande, wakomolongosa koto la misa. 17 La ebili ate Mwengei abatiga la mitema mau waengese mamungo mande, la oengesi mamungwene mau amene ehake mbau mbe okumu wou, tee engele wingbundu wa Mwengei wikoengesana. 18 Moli ongo omoeneli owe, edjei gbata lisungu enge edjei la okumu likolo e makumu ma mbume.''
Chapter 18

1 Mbuse e sambo djaho, imoenia ahumbwa odji alongoi ongo likolo. Akoyadjimbaka la okumu wosungu, mbume engalali la otwa wonde. 2 Apamali la moli motetelake ate, '' Akwia, akwia, Babilona mosungu! eumia eyabatelo e milimo mbe, koto ebete ekwabataka milimo kpaa minge mbe, ebete ekwabataka mbulu kpaa ndjinge mbe, koto nama kpaa itonani. 3 Laate miki kpaa wakokengaka bino ende e ondumba, makumu ma mbume miyalumbia ongo ndondo e ondumba wonde, wato wagumake wa mbume wayagumesia la okulu e ogumake wonde.'' 4 Iokia moli modji ongo likolo moasia ate, ''Pumbani ndondo ende, wato wa mbai, laate otilingeleni ongo ndondo e masumu mande, otiyawaneseni koto la odjidji wonde. 5 Laate masumu mande makaumiga tee ndji ongo likolo koto Mwengei asumboiya obe wonde. 6 Moputani ndenge kikima nda eputiaka inde, mowongweselani mbala iwale la oengani la tomo djande. La teni enge esuiyaka inde mosuelani mbala iwale. 7 Ndenge eyaganali inde koto eyabatali inde la ngbii e wihoo wamotio enge etidjakali inde ookeli soni, mohani koto nongo e ndenge eho. La motema monde akoasaka ndji ate, ''Idjei likumu, iti moli ongo ogueli molome, itiene koto odjidji te ma keke,' 8 La ndenge eho, la lisio likikima, odjidji wonde ekouma, logo, la magba, la ndjala, akolongola la misa ngoo laate Likumu Mwengei ongo omosambesi, ateteli.'' 9 Makumu kpaa ma mbume, wango wayalumbali la inde ebete ekikima la ondumba wonde la ogumake wonde, wakoswa poo wakoyasumbwa la kole ende, ange ekoene iwo milungu ma obitesani wonde. 10 Wakoyamala lihehe la owangi odjidji wonde, wakoasa ate, ''Magba, magba, Babilona mosungu, moki mo okulu! La engele ekikima e sambeselo e owe eumia. 11 Wato wa ogumake wa mbume wakoumesa poo la kole ende, laate moto te mokikima atisomba kine wihoo wau- 12 Wihoo winge wa wolo, wa palata, mabukeli mango ma motio, e maayaka, la lini ewongake, la wisindje tanake ngbaa, la wihoo kpaa winge winge wikelani la pembe e mbongo, la wiho paa wikelani la mabaya e lumba ndamu, e motako e wibende koto e malabe, 13 la kinamoni, la amomo, la paka e malasi, la maita e lumba ndamu, la maita ma olibe la mteke ndamu, la ndongo, la nama, la wameme, la wapunda, la makalo, la tuke, la milimo ma wato. 14 Pukapuka djinge ibaliaka molimo mo owe ikia lihele la owe, wihoo winge wilamu koto wihoo wa owe wingengake ebitania, watiene koto eho alidji. 15 Wato wa mombongo e winge wihoo, wango wayagumesali lai nde, wakwamala lihele, la owangi odjidji wonde, wakopumbesa poo wakodja koto la oleli wo logo. 16 Wakoasa, ''Magba, magba! moki mosungu mungo mokpaliaka wisindje wamondjele alingamiaka la wolo, la mabukeli ma motio, la engele ekikima likondja lande kpaa libitisania! 17 Wato kpaa wango wakosombelaka la enge ebete ndjongo, la wato wango wakosombaka la andondoli la wasombesi wa andondoli, wakoyamala lihele.'' 18 Wahumbali pui, ango eenia iwo milungu ma odjidji wonde. Waasali ate, '' Nda gbata eengani la ehele gbata esungu? 19 Waswakali limungele la mito mau, walelakali wadjakali la magba, wahumbakali pui ndjo: Magba! magba! gbata esungu ebete eyagumesali wato kpaa wango wadjei la wihoo winge wikosombaka la ewale, la engele ekikima abitesania.'' 20 Likolo emela la kole ende, la ino koto wasantu, wa toma, la watiesakoli, ino koto emeleni! laate Mwengei aokeleliani oyengebene ango emosambesi inde.'' 21 Aseko ahumbwa mwesi atotia libukeli enge ekuani la enge ekonuelaka eho pukapuka alilumbia la ewale, asia ndjo, ''Ndjo nde ekolumbana Babilona, gbata esungu la mbala kikima, atienene kine alidji. 22 Watioka kine atie owe etale ewango wakobingaka kidale, la wango wakobingaka ndundu, la wango wakelelo, la wango wakotulaka, waigboto kine atie owe etali enuake pukapuka. 23 Ngbai e lotambe etingala kine atie owe, moli mo molome o liwala te mo moli o liwala motiokana kine atie owe, laate wango watambesakali wihoo wo owe wadjakali wato wango waewanake la mbume, la ebili ende miki kpaa midjimbisamiaka la owe. 24 La ebili ende yainde waeniaka makila ma watiesakoli la mawasantu ma wato kpàa wango wa wateniaka iwo kingo ahala la mbume.''
Chapter 19

1 Mbuse e sambo djaho, iokali moli mwesi etetelake nda moli e ngbii e wikelamu wa likolo, wokoasaka ate, '' Alleluia! okalesani, otwa, koto okulu edje atie Mwengei. 2 Laate wisambeselo wande widjei meemene koto wilamu, laate amosambesi inde moli ondumba ongo obitesali mbume la ondumba wonde, awongoselia ewo e moli oho obe la makila ma tuke djande.'' 3 Wasia mbala ewale: ''Alleluia! Milungu mande mikotelaka libela la libela.'' 4 Mbange tuku iwale la inei la wikelamu winge widjei la mokalo inei wamosembelia Mwengei ongo oyabati la ngbelengo e okumu, waasia ate, ''Amen. Alleluia!'' 5 Moli mwesi mopumbali la ngbelengo e okumu, moasali ate, ''Modombani Mwengei osu ino kpaa tuke djande ino wango wakomowangaka, wana la wiloko wato.'' 6 Iokali moli mwesi enge edjaki nda moli e ngbii e wikelamu koto nda modudu e malia masungu enge ekohumbaka la otetelake, koto nda ogbami wo ngombe, easia ate, ''Alleluia! Laate Likumu, Mwengei osu Mokondji e okulu kpaa, abatia okumu onde. 7 Toemeleni koto todje la mwemu, tomohe koto otwa, laate elambo e mana o meme eumia, koto moli onde ayawongeli. 8 Amohekelia esindje enge ekongengeke, la ongengi wungo wolamu, esindje eho elamu edjei tomo ndamu ma wasantu. 9 Ahumbwa andjaselia mbai ate, ''Dhinga: Mwemu la wato wango wawelani la ilaka e liwala e Mana o meme.'' Aewesali mbai alidji ate, ''Ehenge edjei engbundu e meemene e Mwengei.'' 10 Ikwia la makolo mande laate iyakonge la inde, aasia la mbai ate, ''Otiakonge la mbai! Idjei mangwa o wotomo, koto motuke mo wamangwa wango wadjei la otomo e ototoli Yesu. Yakonga la Mwengei laate witiesakoli wihekelani nde la omototoli Yesu.'' 11 Yenia koto likolo liluhuania, yenia punda e langi bubake. Ongo oyabatakali likolo la punda kombo ende omeemene koto olamu, akosambesaka akosanaka koto wita la oyengebene. 12 Maiso mande madjali nda misa, la moto monde wilembo ngbii, adjeiaka koto la nkombo esi ekomiaka iwo moto tweti atiewakali nkombo eho, ndi inde amene. 13 Akpaliaka esindje edjeiaka la makila, kombo ende engbundu e Mwengei. 14 Wasoda wango wadjei ongo likolo wamotutiakali likolo la punda bubake, wakpali isindje wibubake. 15 La monoko monde ewuni ewotake epumbakali, laate abinge la eho miki, akowasombesa la pimbo e ebende. Akohotoko koto pukapuka la eboteli e bino e limemu e Mwengei Mokondji e okulu kpaa. 16 La esindje ende la ebelo ende wadhingali kombo: Likumu e makumu, engali e waengali.'' 17 Imoenali ahumbwa ayamali ongo la liwusa wuse, apamali la moli motetelake, aasali la mbulu kpaa ikohumbwaka ndondo e likolo ate, ''Djakani ahala, gbotononi la yenga esungu enge ekeli Mwengei. 18 Laate olakeni ndjini dja makumu, la ndjini dja makumu ma wasoda koto la ndjini dja wato kpaa, tuke, wato wakeke wakeke la wango wasungu wasungu.'' 19 Yenia koto mbau mbe, koto la makumu ma mbume, la wasoda wawu wayaboleiya laate wasane wita la ongo oyabatali likolo la punda la wasoda wande. 20 Mbau mbe ehelanali mongndji la motiesakoli o moleho, ongo okelakali liwoso lande wikamwiseli winge indjimesakali inde wango watotali elembo e mbau mbe la wango wayakongoli la elima eho, wawalumbali iwo kpaa la misa minge mikololaka la supulu. 21 Wango weti wagwia la ewuni enge epumbakali la monoko mo ongo oyabatakali likolo la punda, mbulu kpaa wigbetia la ndjini djau.
Chapter 20

1 Yenia ahumbwa akoyadjimbaka ongo likolo, aiki pungola e ebete e logo koto la mindjota la ewo ende. 2 Ahelia dalagona, ndjo enge egala, enge emoweli iwo djabulu, inga etota, amokandjia la mindjota wilanga koto eesi. 3 Amolumbia la ebete e logo, alihia abatia elembo la ebete enge elingelake, laate atikose kine wato, ndji ango ekoenga wilango koto. Mbuse ango wakomoluhola ma engele keke. 4 Yenia koto wangbelengo e okumu, edjaali la wango wayabatelali eho, wawahali okulu esambesake. Yenia milimo ma wato wango watenanali mito la omototoli Yesu la kole e Mwengei, la wango watiyakongoli la mbau mbe koto la elima eho, la wango watitotali wilembo la wilongi wau koto la mawo mau wawongoia la mokalo, wakondjia la Kilisito wilanga koto eesi. 5 Wato wagbake wango watikalali watiwongwali la mokalo tee ango ilanga koto eengali. Ehele nde obasi wo poo. 6 Mwemu la wango wasuswali mbala e liwoso! logo lo wale loti la okumu atie ewu; wakodja wanganga-Mwengei wa Mwengei koto wa Kilisito, wakokala la inde ilanga koto eesi. 7 Ango ekoenga ilanga koto, Satana akopumba la woyogo ende. 8 Akopumba la owakosi wato wango wayabati la wisuki inei e moki Goge la Magoge, la kole e kindo. Motango mowu modjaali nda ngene e ewale. 9 Wayaandjali la mbume kpaa, walingali ebete edjaki oyabati wasatu koto gbata enge ebala iwo. Ase misa milongwali likolo eyadjimbia ewalakia. 10 Djabulu ongo odjaakali owakosi wato alumbanali la misa e supulu ebete mbau mbe la motiesakoli o moleho wadjaakali, wakoene odjidji likolo la wuse libela la libela. 11 Yenia ngbelengo esungu e okumu ebubake, la moto ongo oyabatali likolo laho. Mbume la likolo etilali litilali liwoso lande, etidjaakali kine la ebete. 12 Iwenia wato wagwake wato wasungu wasungu la wato wakeke wakeke, wayamalia liwoso la ebete e okumu. Buku iluhuania. Ase buku enge eeti edjaali buku e mokalo. Wato wango wagbake wasambesanali la sambo djinge idhingani la wabuku waho, la otutei tomo djau. 13 Ewale ewongolia wato wagbake wango wadjeiaka ongo, logo wo mbila ewongwesali wato wagbake wango wadjaali ongo, moto la moto asambesanali la otutei tomo djande. 14 Logo la mbila elumbania ongo la misa. Logo lo wale wuho, misa. 15 Moto ongo otidhingiaka iwo kombo ende la buku e mokalo wamolumbali la misa.
Chapter 21

1 Yenia likolo poli la mbume poli, laate likolo egala la mbume gala eetali, koto ewale etidjaakali kine. 2 Yenia koto gbata mosatu, Yelusalema poli, elongoyi likolo atie Mwengei, ekoyadjimbaka ewongesani koto nda moli o liwala ongo owongeli wenge la kole e molome onde. 3 Iokia moli mwesi motetelake elongoiya la ngbelengo e okumu, easia ate, ''Dhenga ebete eyabatake e Mwengei edjei ebete eikima la wato, akoyabata la iwo koto wakodja wato wande. Mwengei inde amene akodja la iwo. 4 Akohuhola poo e maiso mau kpaa, logo etidja kine, etidja kine te logo, te odhumbeyi, te ekoni koto etidja kine, odjidji etidja kine. Sambo dja gala iyeti. 5 Ongo oyabatali la ngbelengo e okumu aasali ate, ''Denga! ikokelaka sambo kpaa poli. Asia koto, ''Dhinga, dji sambo idjei dja meemene.'' 6 Aasali koto la mbai, ''Ekelania! Mbai idjei Alipa koto Omega, moto o liwoo koto o mbuse. Ongo odjei la ehoha e malia ikomoha pamba malia mango malongoyi la likaka e malia ma mokalo. 7 Ongo okolonga akotota lisango e wihoo waho, ikodja Mwengei onde, inde koto akodja mana o mbai. 8 Ase wato wa mbangi la wango wadjangi ogemei, la wango wa osoto koto wa onalili, la waoli wato, la wato wa pite, la wango wakokelaka tomo e milimo mbe, la wango wakoyakongoko la wilima, la wato wa moleho likao lawu ekodja ndondo e misa minge mikololaka. Enge einyei logo e wale.'' 9 Mwesi o waahumbwa sambo wango waikakali teni sambo djinge itumi la odjidji sambo ongo o gboo adjia, aasali ate, ''Djaka ahala. Ikoinya owe moli o liwala o mana o meme. 10 Akpalia mbai la okulu a elimo likolo mokoli mosungu koto ndai andjineia mbai moki mosantu, Yelusalema, ongo odil kakali olongoi ongo likolo atie Mwengei, la otwa e Mwengei. 11 Yelusalema edjei la otwa wo Mwengei, koto ongali woho wodjei nda libukeli e motio , nda libukeli e yasipe enge ekongalaka nda malia ma malanga. 12 Olai woho wodjeiaka wosungu adjali la milango liomu la miale, likolo la minge milango ndjongo waahumbwa liomu la wale, la kombo idhingani, djinge dja mawota liomu la male ma wana wa isalaele. 13 Ngambo ekolongwaka liwusawuse milango misato, ngambo e likolo milango misato, ngambo e midi milango misato, ngambo ekolangalaka moi milango misato. 14 Etutu e gbata eho edjakali la mabukeli liomu la iwale e moboko, likolo la minge miboko ndjongo nkombo liomu la iwale dja watutiani wa mana omeme. 15 Ongo odjakali wasi la mbai adjakali la mokombe nda ema epimelake nda wolo, la opimi moki milango mande la witutu wande. 16 Moki muho modjali nda ma enge edjei la wisuki winei, olai wo moki wokokanali la wokwe. Apimia moki la mokombe, atotia wipimo koto liomu la iwale; wolai, okwe la ango awodja ienganali. 17 Apimia etutu, atotia wipimo kama la tuku inei, epimo e moto enge edjali e aahumbwa. 18 Etutu eho wakeliaka la ema eweli iwo ate yasipe, moki modjali mo wolo mokwania la ema eweli io ate talatala. 19 Miboko ma enge etutu ndjongo e moki miwongesanali la mabukeli ma motio ma ndenge kpaa: moboko mungo mo liwoso modjali la ema eweli iwo ate yasipe, mungo mo wale modjali mosapili, mosato mo kalasedwane mungo monei mo Emelode. 20 Mungo motano mo Salodonisi, mungo mo motoba mo Saladwone, mungo mo sambo mo kilizolia, mungo mo mwambi mo Belila, mungo mo libwa mo Topaze, mungo mo liomu silisopalase, mungo mo liomu la moikima mo yaseti, mungo mo liomu la iwale mo Ametisiti. 21 Milango liomu la miale maho midjali la mabukeli ma motio mpe ombeli wesi wesi adjakali la libungeli liesi liesi la motio ebete e liwange edjakali la wolo olamu, nda kopo enge ekoeneneke ngambo kpaa. 22 Itieniaka kine molako ndondo e moki; laate Mwengei inde amene aumiga molako inde amene, la mana omeme. 23 Moki muho moidjali kine la mposa e moi posa e sandja la ongengesi moki, laate otwa o Mwengei ekomongengeseke, mana o meme bendele ende. 24 Miki kpaa mikosomba la ongengi wonde, makumu ma mbume wakomoha otwa djau. 25 Milango mande mitilihana la wuse, laate likolo litidja. 26 Wakomoha otwa la mogano e miki kpaa, 27 ase ema kpaa enge eti mosatu koto moto kpaa ongo okokelaka loyi eesi e osoto koto akobukaka moleho atilingela ongo, ndji wango wadhingani la buku e mokalo e Mana o meme nde wakolingela.
Chapter 22

1 Andjineia mbai e wale eesi e malia ma mokalo, elangi nda malanga. Makopumbaka liwoso la ngbelengo e okumu e Mwengei koto e mana omeme. 2 Tee la wodja e lingalala eho esungu. La ngambo e ewale, la ngambo eetiedjaaki la mite ma mokalo enge edjaki owoti pukapuka mbala liomu la maale, edjaki ohi pukapuka eho ndebo la ndebo. Ngasi e mite maho edjaali la okalesi miki. 3 Ema ebe etidja kine. Okumu wo Mwengei la omana omeme wokodja ndondo e moki, wasali wande wakomokelela wakoene koto mbanda ende. 4 Nkombo ende ekodja la mbanda djau. 5 Likolo litidja ikine, watidja kine la posa e lotambe, laate Mwengei inde amene akowangengele. Wako kala ilanga la ilanga. 6 Asia la mbai: Dji sambo idjei meemene, Engali Mwengei o milimo ma watiesakoli, amotomia ahumbwa wonde la owainei wasali wande sambo djinge ikuma ndjindjo. 7 ''Denda! Igeleli ndi ndjo. Mwemu la ongo okobanya sambo dja etiesakoli dja ehele buku.'' 8 Mbai Yoani, ongo ookali ongo koto oeneli dji sambo. Ango eokiaka mbai koto eeniaka mbai, ikwia la makolo ma ahumbwa ongo ondjiniakali mbai djinge sambo, la oyakongi la inde. 9 Asia la mbai, ''Otiakonge la mbai! Idjei mangwa o wotomo, ongo koto o wamangwa watiesakoli, la wango wakobanyaka sambo dja ehele buku. Yakonga la Mwengei.'' 10 Asia la mbai: Otikande sambo dja esakweli dja ehele buku. Laate engele enge ebatana eumiga. 11 Moto ongo okokelaka sambo mbe akele alidji sambo djaho mbe, moto o osoto akele alidi osoto. Moto molamu akele alidji wolamu, koto mosatu aume alidji mosatu.'' 12 Denda, igeleli ndi ndjo, owongosi obe edjei atie mbai, koto omoputi moto la moto oengani la tomo ikelali inde. 13 Idjei ALipa koto Omega, moto o liwoso koto ongo ogboo. 14 Mwemu la wango wakokpoloko wisindje wawu, la odjui mote mo mokalo, la olingeli ongo la molako mo moki. 15 Ono saa mbua, wato wa osoto, wakeli sambo djinge mbe mbe, wasambeli wikeko, la wango wabali obuki lokuta! 16 Mbai Yesu, imotomi ahumbwa o mbai laate awoeneseni dji sambo la mangomba idjei ongo omolumbiaka iwo moto o liwota la Davidi, monoto mungo moko ngengeke boo. 17 Elimo la moli o liwala wakoasaka ate, ''Djaka. Ongo odjei la ehoha e malia adje, moto kpaa ongo obali, ototi malia ma mokalo e pamba. 18 Ikomwaselaka ongo okokaka sambo dja esakweli dja ehele buku: Inga moto ataleya ema esi Mwengei akomotaliela odjidji enge edhingani la ehele buku. 19 Inga koto moto alongese ema esi sambo djinge idjéi la ehele buku e esakweli, Engali koto akomolongese ongo la mote mo omoi ongo koto la moki mosato, midingami la ehele buku. 20 Ongo odji sambo asi ndjo, Ee, igeleli ndindjo. Amen! djaka Likumu osu Yesu! 21 Ngolu e Yesu edje la ino kpaa! Amen.