2 (Silsilah Yesus Kristus) 1 Kitab silsilah Yesus Kristus, anak Daud anak Abraham. v 2 Abraham adolah ayah si Ishak, Ishak adolah ayah Yakub. Yakub adolah ayah si Yehuda dan sodaro-sodaronyo. 3 Yehuda adolah ayah Peres dan Zerah, dari Tamar. Peres adolah ayah Hezron. Hezron adolah ayah Ram. 4 Ram adolah ayah Aminadab. Aminadab adolah ayah Nahason. Nahason adolah ayah Salmon. 5 Salmon adolah ayah Boas, dari Rahab. Boas adolah ayah Obed, dari Rut. Obed adolah ayah Isai. 6 Isai adolah ayah dari Rajo Daud. Daud adolah ayah Salomo, dari bokas istri Uria. 7 Salomo adolah ayah Rehabeam. Rehabeam adolah ayah Abia. Abia adolah ayah Asa. 8 Asa adolah ayah Yosafat. Yosafat adolah ayah Yoram. Yoram adolah ayah Uzia. 9 Uzia adolah ayah Yotam. Yotam adolah ayah Ahas. Ahas adolah ayah Hizkia. 10 Hizkia adolah ayah Manasye. Manasye adolah ayah Amon. Amon adolah ayah Yosia. 11 Yosia adolah ayah Yekhonya dan sodaro-sodaronyo, pas maso pambuangan ka Babel. 12 Sasudah pambuangan ka Babel, Yekhonya adolah ayah Sealtiel, Sealtiel adolah ayah Zerubabel. 13 Zerubabel adolah ayah Abihud. Abihud adolah ayah Elyakim. Elyakim adolah ayah Azor. 14 Azor adolah ayah Zadok. Zadok adolah ayah Akhim. Akhim adolah ayah Eliud. 15 Eliud adolah ayah Eleazar. Eleazar adolah ayah Matan Matan adolah ayah Yakub. 16 Yakub adolah ayah Yusuf, suami Maria. Maria malahirkan Yesus, nan di bilang jugo Kristus. 17 Jadi, samuo katurunan dari Abraham sampe ka si Daud, samuonyo adolah Ompat Bolas Katurunan, dan dari Daud sampe ka pambuangan ka Babel, banyaknyo same ompat bolas katurunan, dan sojak pambuangan ka Babel sampe Ka Kristus, banyaknyo sampe ompat bolas katurunan. (Kalahiran Yesus Kristus) 18 Kinin, kalahiran Kristus Yesus adolah macam gini. Pas Maria, omak-Nyo dah batunangan samo si Yusuf, bolum lagi orang tu hidup basamo, ruponyo dio mangandung dari Roh Kudus. 19 Untungnyo, Yusuf, lakik nyo, adolah orang elok dan tak ondak mamalukan Maria di mukak umum, sahinggo dio baniat ondak mancorekan Maria sacaro diam-diam. 20 Tak taunyo, pas Yusuf tongah mamikirkan hal tu, Tengoklah, manampakkan diri lah Malaikat Tuhan samo dio dalam mimpinyo dan bacakap, "Yusuf, anak Daud, tak usah ko takut ondak mangawini Maria jadi istri kau, korno, Anak nan dikandungnyo tu, adolah dari Roh Kudus. 21 Dio akan malahirkan saorang Anak Laki-laki dan kau buatlah namo-Nyo Yesus, korno Dio akan manyalamatkan umat-Nyo dari doso-doso orang tu. 22 Samuo hal ni tajadi ondak manggonapi nan difirmankan samo Tuhan malalui nabi-nyo. 23 "Tengoklah, saorang parawan akan mangandung dan akan malahirkan saorang Anak laki-laki. Orang tu akan manyobut namo-Nyo Imanuel," nan artinyo: "Allah basamo kito". 24 Pas Yusuf tabangun dari tidurnyo, dio malakukan, macam nan di katokan samo Malaikat Tuhan perintahkan samo dio, dan dio mangambil Maria jadi Istrinyo. 25 Tatapi tak basatubuh samo maria, sampe dio malahirkan Anak laki-lakinyo. Dan, Yusuf manami-Nyo Yesus.
(Orang-orang Majus Manyombah Yesus) 1 Kinin, satolah Yesus lahir di Betlehem, di Yudea, pas zaman Rajo Herodes, tengoklah, orang-orang Majus dari timur datang ka Yerusalem. 2 Orang tu batanyo, "Dimanonyo Dio, Rajo orang Yahudi nan dilahirkan tu? Korno, kami dah manengok bintang-Nyo di timur dan kami datang ondak manyombah-Nyo" 3 Pas Rajo Herodes mandongar hal ni, suntuklah dio dan saluruh Yerusalem basamonyo. 4 Trus, dio mangumpulkan samuo imam kapalo dan ahli-ahli taurat bangso tu. Dio batanyo samo orang tu, dimano Kristus dilahirkan. 5 Orang tu manjawab, "Di Betlehem, wilayah Yudea, karono kek ginilah nan ditulis oleh nabi: 6 'Tatapi engkau, hai Betlehem Efrata di tanah Yudea, engkau tak lagi nan takocik diantaro panguaso Yehuda, karono darimu akan bangkit untuk-Ku, saorang nan akan mamarintah Israel.'" 7 Torus tu, Herodes diam-diam mamanggil orang-orang Majus tu, minta kapastian dari orang tu, tontang waktu basinarnyo bintang tu. 8 Trus, dio manyuruh orang tu ka Betlehem dan bacakap, "Pogi dan salidikilah motan-motan tontang Anak tu. Dan, kolok kamu dah manomukan-Nyo, kasihtaukanlah samoku bak supayo aku jugo bisa datang dan manyombah-Nyo." 9 Satolah mandongarkan rajo, orang tu pun pogi, dan, tengoklah, bintang nan orang tu tengok di timur tu manuntun orang tu sampe tibo dan baronti di atas tompat Anak tu barado. 10 Pas manengok bintang tu, orang tu basukocito , dan dengan sukocito nan sangat bosar. 11 Satolah masuk kadalam rumah, orang tu manjumpoi Anak tu basamo omak-Nyo, Maria. trus, orang tu tasungkur dan manyombah-Nyo. Kamudian, orang tu mambuko tompat-tompat harto orang tu dan mamparsombahkan hadiah-hadiah samo Dio, yaitu: Omas, Kamonyan dan Mur. 12 Dan, Sasudah diparingatkan dalam mimpi bak supayo jangan balek samo Herodes, orang tu balek ka nogrinyo lewat jalan nan laen. (Parintah Bak Supayo Lari Ka Mesir) 13 Satolah orang-orang Majus tu pogi, tengoklah, Malekat Tuhan manampakkan diri samo si Yusuf dalam mimpi dan bacakap, "Bangunlah! kau bawaklah Anak tu samo omak-Nyo dan larilah ka Mesir. Ontoklah disanan sampe Aku bacakap samo kau, korno Herodes ondak mambunuh Anak tu dan mambinasokan-Nyo." 14 Torus tu, Yusuf bangun dan mambawak Anak tu samo omak-Nyo pas waktu malam ondak pogi ka Mesir. 15 Dan ontok disanan, sampek Herodes mati, bak supayo digonapilah nan difirmankan Tuhan malalui nabi, "Dan dari Mesir Kupanggila Anak-Ku." (Pembunuhan Samuo Anak Laki-Laki di Betlehem) 16 Kamudian, pas Herodes tahu, kolok dio dah dibongak'i samo orang-orang Majus tu, marah kalilah dio dan mamarintahkan ondak mambunuh samuo anak laki-laki di Betlehem dan saluruh wilayah di sakitarnyo, nan barumur duo tahun kabawah, sasuei samo waktu nan dah dio pastikan dari orang-orang Majus. 17 Maka, gonaplah nan disampekan samo Nabi Yeremia: 18 "Suatu suaro tadongar di Rama, tangisan dan ratapan nan sangat sodih. Rahel manangisi anak-anaknyo, dan tak mau dihibur, korno orang tu dah tiado. (Parintah ondak Balek ka Israel) 19 Namun, pas Herodes mati, tengoklah, malaekat Tuhan manampakkan diri dalam mimpi si Yusuf di Mesir. 20 Dan bacakap, "Bangunlah, bawak Anak tu samo omak-Nyo dan pogilah ka tanah Israel, karono orang-orang nan barusaho ondak mambunuh nyawo Anak tu dah mati. 21 Trus, dio bangun dan mambawak Anak tu samo omak-Nyo dan balek katanah Israel. 22 Tak taunyo, pas di dongarnyo, kolok Arkhelaus mamarintah di Yudea manggantikan Herodes, ayahnyo, Yusuf takut ondak pogi kasanan. Satolah diparingatkan dalam mimpi, dio pogi ka wilayah Galilea. 23 Tibo lah dio dan tinggal di satu kota nan banamo Nazaret, bak supayo gonaplah nan disampekan para Nabi, "Dia akan disobut orang Nazaret"
(Khotbah Yohanes Pambaptis) 1 Pas hari-hari tu, munculah Yohanes Pambabtis, bacaramah di padang balantaro Yudea. 2 Dio bacakap, "Batobatlah, korno Karajaan Surgo dan dokat," 3 Korno, diolah nan diucapkan Nabi Yesaya, bacakap, "Ado suaro basoru-soru :'Siapkanlah jalan di padang balantaro samo Tuhan!, ratokanlah jalan di padang gurun bagi Allah kito'. 4 Dan, Yohanes sandiri, mamake baju dari bulu onta dan ikat pinggang kulit di pinggangnyo. Makanannyo adolah balalang-balalang dan madu hutan. 5 Torus tu, orang-orang Yerusalem datang samo dio, dan saluruh Yudea, dan saluruh daerah di sakitar Yordan. 6 Trus, orang tu dibaptis samo dio di sunge Yordan, sambil mangaku doso-doso orang tu. 7 Namun, pas Yohanes manengok banyak orang Farisi dan Saduki datang samo baptisannyo, dio bacakap samo orang tu, "Kamu katurunan ular baludak, siapo nan mangingatkan kamu ondak lari dari murka nan akan datang?" 8 Karono tu, hasilkanlah buah-buah nan sasue samo partobatan, 9 Dan tak usah bapikir ondak bacakap samo diri kau sandiri, 'Kami mampunyoi Abraham, bapak leluhur kami, 'Korno aku mangatokan samo kamu, kolok dari batu-batu ni, Allah tolap mambangkitkan anak-anak untuk Abraham.' 10 Bahkan, kinin, kampak dilotakkan di akar pohon-pohon, dan satiap pohon nan tak manghasilkan buah nan elok, pasti ditobang dan dicampakkan ka dalam api 11 Sabotulnyo aku mambaptis kamu dengan air untuk partobatan, tatapi Dio nan datang sasudah aku, adolah lobih bakuaso dari padoku, nan mambawa sandal-Nyo pun aku tak layak. Dio akan mambaptis kamu samo Roh Kudus dan samo api. 12 Alat panampi ado ditangan-Nyo, dan Dio akan mamborsihkan tompat pangirikan-Nyo, dan akan mangumpulkan gandum kadalam lumbung, Namun, Dio akan mambakar rabuknyo dengan api nan tak dapat di padamkan. (Yesus Dibaptis Samo Yohanes Pambabtis) 13 Torus tu, Yesus datang dari Galilea ka Yordan kapado Yohanes ondak dibaptis samo dio. 14 Namun, Yohanes barusaho manolak-Nyo dan bacakap, "Akunyo nan porlu dibaptis samo-Kau, tatapi Kau pulak nan datang samoku?" 15 Trus, Yesus manjawab dan bacakap samonyo, "Udahlah, biarlah ini tajadi samo kito baduo, bak supayo manggonapi saluruh kabonarannyo." Dan, Yohanes pun mambabtis Dio. 16 Sasudah di Baptis, Yesus langsung kaluar dari air, dan tengoklah, surgo tabuko dan Dio manengok Roh Allah turun macam burung merpati datang kaatas-Nyo. 17 Dan, kadongaranlah suaro dari surgo bacakap, "Inilah Anak-Ku nan Kukasihi, Samo-Nyolah Aku bakonan."
(Iblis Mancuboi Yesus) 1 Torus tu Yesus dipimpin samo Roh ka padang balantaro ondak dicuboi samo iblis. 2 Dan, Dio bapuaso ompat puluh hari dan ompat puluh malam, sasudah tu, jadi lapar lah dio, 3 Torus, datanglah si iblis tu mancuboi Dio dan bacakap samo Yesus, "Kolok botul Kau tu Anak Allah, cok Kau ubah batu ni jadi roti." 4 Di jawab Diolah, dan bacakap, "Ado tatulis, 'Manusio tu hidup, bukan dari roti sajo, tatapio oleh satiap firman nan kaluar dari Mulut Allah.'" 5 Kamudian, iblis mambawa-Nyo ka kota suci dan manompatkan-Nyo di puncak Bait Allah, 6 Dan bacakap samo Dio, "Kolok botul Kau Anak Allah, campakkanlah diri-Kau ka bawah sanan, karono, ado tatulis: 'Tontang Kau, Allah akan mamarintahkan malekat-malekat-Nyo dan mangangkat Engkau di atas tangan orang tu, bak supayo kaki-Kau tak tarantuk ka batu.'" 7 Dijawab Yesus samo si iblis, "sakali lagi, ado tatulis, 'Jangan kau cuboi Allahmu sandiri.'" 8 Sakali lagi iblis mambawak Yesus ka atas bukit nan sangat tinggi dan manunjukkan samo Dio samuo karajaan dunio longkap samo kamogahannyo, 9 Dan Bacakap samo-Dio, "Ondak ku kasihkan samuonnyo ni samo Kau, tapi, kolok Kau sujud dan manyombah aku." 10 Kamudian, Yesus bacakap samo dio, "Hambuslah kau iblis! ado tatulis, "Kamu harus manyombah Tuhan Allahmu dan kapado-Nyo sajo lah kamu harus baribadah.'" 11 Sasudah tu, iblis maninggalkan Dio, dan tengoklah, malaikat-malaikat datang ondak malayani-Nyo. (Yesus Mamulei Palayanan-Nyo di Galilea) 12 Lalu, pas Yesus mandongar kolok Yohanes dah ditangkap, Dio manyingkir ka Galilea. 13 Dio maninggalkan Nazaret dan tibo di Kapernaun, trus ontok disanan, di pinggir danau, di parbatasan Zebulon dan Naftali, 14 Bak supayo digonapi apo nan dikatokan lewat nabi Yesaya : 15 "Tanah Zebulon dan Tanah Naftali, jalan dokat danau, di saborang Yordan Galilea, wilayah orang-orang bukan Yahudi. 16 Bangso nan diam dalam kagolapan manengok Torang nan bosar, dan samo orang tu nan ontok dinogri dan dalam bayang-bayang kamatian, Torang tu dah torbit. 17 Sojak waktu tu, Yesus mulai bacaramah dan bacakap, "Batobatlah, karono Karajoan Surgo dan dokat!" (Yesus Mamanggil Ompat Murid-Nyo nan Partamo) 18 Pas Yesus bajalan di pinggir danau Galilea, Dio manengok duo basodaro yaitu, Simon nan di panggil Petrus, dan Andreas, sodaronyo, tongah malempar jala di dano, korno orang tu adolah panjalo ikan. 19 Dan, Dio bacakap samo orang tu, "Moh lah ikut Aku dan Aku ondak manjadikanmu panjalo manusio." 20 Orang tu langsung maninggalkan jalo-jalonyo dan mangikut Dio. 21 Dan, pas pogi dari sanan, Dio manengok duo basodaro nan laen, Yakobus dan Zebedeus dan Yohanes, sodaronyo. Orang tu barado dalam sabuah sampan basamo Zebedeus, ayah orang tu, tongah mambolo jalo-jalonyo, dan, Dio mamanggil orang tu. 22 Dan, orang tu langsung maninggalkan sampan dan ayah orang tu, trus mangikut Yesus (Yesus Mangajar dan Manyombuhkan Banyak Orang) 23 Yesus bakaliling ka saluruh daerah Galilea, mangajar di sinagoge-sinagoge orang tu, mambaritokan Injil Karajoan dan manyombuhkan sagalo macam panyakit dan sagalo macam kasakitan diantaro banyak orang. 24 Dan, berita tontang Dio tasobar sampek ka saluruh Siria. Dan, orang tu mambawak samo Dio samuo orang sakit nan mandarito bamacam-macam panyakit dan raso sakit, dan nan karasukan ta'un, nan sakit ayan, dan nan lumpuh, dan Dio manyombuhkannyo. 25 Nan banyak'an lah Bakarumunan orang dan mangikuti Dio dari Galilea, Dekapolis, Yerusalem, Yudea, dan dari saborang Yordan.
(Caramah Yesus Dibukit {Ucapan Berkat}) 1 Pas manengok orang banyak tu, Yesus naik ka atas bukit. Dan, sasudah Dio duduk, murid-murid-Nyo datang samo Dio. 2 Dan, Dio mambuko mulut-Nyo dan mangajar orang tu, katonyo, 3 "Diborkahilah orang nan miskin dalam roh, korno orang tu nan mampunyoi Karajoan Surgo. 4 Diborkahilah orang tu nan badukocito, korno orang akan dihibur. 5 Diborkahilah orang nan lombut atinyo, korno orang tu akan mawarisi bumi. 6 Diborkahilah orang nan lapar dan haus akan kabonaran, korno orang tu akan dikonyangkan. 7 Diborkahilah orang nan mudah mangkasihani, korno orang tu akan dikasihani. 8 Diborkahilah orang nan murni atinyo, korno orang tu akan manengok Allah. 9 Diborkahilah orang nan suko badame, korno orang tu akan disobut anak-anak Allah. 10 Diborkahilah orang nan dianiayo korno kabonaran, korno orang tu nan mamiliki Karajaan Surgo. 11 Diborkahilah kamu, kolok ado orang nan mangejekmu dan manganiayo kamu, dan mancakapkan samuo macam cakap nan jahat samo kamu, dengan fitnah, karono Aku. 12 Basukocito dan bagambiralah, korno upahmu bosar disurgo, karono, kek gitulah orang tu nan manganiayo para nabi nan sabolum kamu." (Garam dan Torang Dunio) 13 "Kamu tu adolah garam dunio, tatapi kolok garam tu dah manjadi hambar, pake apo lagi lah dio ondak diasinkan balek? dio tak baguno lagi samo sakali, salain dibuang dan dipijak-pijak samo orang." 14 "Kamu tu adolah torang dunio, kota nan talotak diatas bukit, tak biso di rondokkan. 15 Orang-orang jugo tak mangidupkan api lampu dan malotakkannyo di bawah gantang, pastinyo malotakkannyo diatas tompat lampu dan dio manorangi samuo nan ado di dalam rumah. 16 Bak biarlah torangmu jugo bacahayo macam cara kek gitu jugo, bak supayo orang tu dapat manengok parbuatan-parbuatan nan elok dan mamuliokan Bapamu nan di Surgo." (Panggonapan Hukum Taurat dan Kitab Paro Nabi) 17 "Jangan kalian pikir kolok Aku datang ondak maniadokan Hukum Taurat ato Kitab paro Nabi, Aku ni datang ondak manggonapinyo. 18 Aku bacakap ni nan sabotulnyo samo kamu, sampe langit dan bumi balalu, tak ado satu iota ato satu coretan pun nan akan hilang dari Hukum Taurat sampe samuonyo digonapi. 19 karono tu, siapo nan maniadokan salah satu dari parintah-parintah nan kocik ni, dan mangajarkan orang lain ondak malakukan hal nan samo, dio akan disobut nan takocik dalam Karajoan Allah. Namun, siapo nan malakukan parintah-parintah tu dan mangajarkannyo, akan disobut bosar dalam Karajoan Allah. 20 Korno, Aku bacakap samo kamu ni, koloklah perangaimu tak lobih elok dari pado perangai ahli-ahli Taurat dan orang-orang Farisi, samo sakali kamu tu tak akan masuk kadalam Karajoan Surgo. (Tontang Orang Nan Marah samo Sodaronyo) 21 Kamu dah mandongar nan dicakapkan samo nenek moyang kito, Jangan mambunuh, dan 'siapo nan mambunuh, cocok dibawak ka pangadilan.' 22 Akan tatapi, Aku kasihtau samo kamu, kolok siapopun nan marah samo sodaronyo, pantas barado dalam hukum, dan siapopun nan bacakap samo sodaronyo "Kamu tolol", cocoknyo ado dihadapan Mahkamah Agamo, dan siapopun nan bacakap, 'kamu bodoh' cocok ado dalam narako api. 23 Karono tu, kolok kamu mamparsombahkan parsombahan di atas altar, dan disanan kamu taringat, kolok ado nan tak cocok dalam ati mu samo sodaromu, 24 Tinggalkanlah dulu parsombahanmu itu didopan altar dan pogilah dulu dan badamelah samo sodaromu itu, kolok dah salose, balek lah dan parsombahkanlah parsomabahanmu. 25 Sacopat mungkin, badamelah samo orang nan manuduhmu salagi kamu dalam parjalanan basamonya, bak supayo jangan sampe panuduhmu itu manyorahkan kamu ka Hakim, dan Hakim tu manyorahkanmu samo pagawenyo, dan kamu dijobloskan kadalam panjaro. 26 Aku cakapkan ni nan sabotulnyo samo kamu, kamu tak akan pornah kaluar dari sanan samuo kamu dah mambayar sen nan tarakhir. (Orang nan Bazinah) 27 "Kamu dah mandongar kolok dikatokan, "Jangan Bazinah". 28 Akan tatapi, Aku kasihtaukan samo kamu, kolok satiap orang nan manengok'i parampuan dan mangingininyo, sabotulnyo dio tu dah bazinah samo parampuan tu di dalam hatinyo. 29 Kolok mato kananmu mambuek kau badoso, cungkillah mato kau tu dan campakkanlah, korno, eloklah kau tu tak punyo satu mato dari pado saluruh tubuhmu dibuang ka dalam narako. 30 Dan, kolok tangan kananmu mambuek kau badoso, potong sajolah tangan kau tu, dan buang tangan kau tu, eloklah kau tak punyo satu tangan dari pado saluruh tubuh kau dibuang kadalam narako. ( Paraturan Tontang Parcorean) 31 Dah dikatokan :Siapo nan mancorekan binik nyo, harus mambuek surat core samo biniknyo tu, 32 Akan tatapi, Aku kasihtau ka kamu, kolok siapo nan mancorekan binik nyo, kacuali karono zina, dio mambuek binik nyo bazina. dan, siapo nan kawin samo parampuam ma dah dicorekan tu, dio jugo bazinah. (Tontang Sumpah) 33 Sakali lagi, kamu dah mandongar nan dikatokan samo nenek moyang kito. 'Jangan basumpah palsu, tatapi topatilah sumpahmu tu di dopan Tuhan.' 34 Namun, Aku bacakap samo kamu: Jangan sakali-kali kamu basumpah, antah itu domi surgo, korno surgo adolah takhto Allah. 35 Atopun domi bumi, karono bumi adolah tumpuan kaki-Nyo, atopun domi Yerusalem, karono itu adolah kota sang Rajo Bosar. 36 Jangan jugo kamu basumpah domi kapalamu, karono kamu tak dapat mambuek sehelai rambutpun, putih ato hitam. 37 Namun, ondaknyo parkataanmu, ya kolok ya, tidak kolok tidak, karono, salain dari itu, pasti barasal dari si Jahat. (Tontang Pambalasan) 38 Kamu dah mandongar apo nan dah dicakapkan, 'Mato ganti mato dan gigi ganti gigi.' 39 Namun, Aku kasihtaukan ka kamu, jangan malawan nan jahat, malainkan siapo nan manampar pipi kanan mu, kasihkan jugo samo dio pipi kiri kau. 40 Dan, kolok saorang ondak manuntun kau mangambek bajumu, kasihkanlah jugo jubah kau samo dio. 41 Dan, siapo nan mamaksamu bajalan 1 mil, bajalanlah samo dio 2 mil. 42 Kasihkanlah samo orang nan mamintak samo kau dan jangan manolak orang nan ondak maminjam samo kau. (Kasihilah Musuhmu) 43 "Kamu dan mandongar nan difirmankan, "Kasihilah sasamamu, dan boncilah musuhmu." 44 Namun, Aku kasihtau samo kamu, "Kasihilah musuh-musuhmu dan badoalah samo orang-orang nan manganiayo kamu" 45 Dengan kek gitu, kamu dapat manjadi anak-anak Bapamu nan di Surgo, korno Dio mamunculkan matahari-Nyo samo nan jahat dan nan elok, dan manurunkan hujan samo nan elok dan nan tak elok. 46 Korno, kolok kamu hanyo mangasihi orang-orang nan mangasihimu, apolah upah nan kau dapat? bukannyo pangumpul pajak jugo mambuek kayak gitu jugo? 47 Dan, kolok kamu mangasih salam hanyo samo sodaro-sodaromu, apolah lobihnyo parangaimu tu? bukannyo orang nan tak mangonal Allah jugo keg gitu jugo dibueknyo? 48 Karono tu, kamu tu harus manjadi sampurno, samo macam Bapamu sampurno, nan ado disurgo.
(Ajaran Tontang Mambori) 1 "Waspadolah dalam malakukan kawajiban agamamu di dopan manusio, kolok ondak di tengok manusio, Kolok kek gitu, kamu takkan kamu tarimo upah dari Bapa-mu nan di Surgo. 2 Karono tu, pas kamu mangasih sadokah, tak usah mambunyikan tarompet di dopan mu, macam nan dibikin orang-orang munafik di sinagoge-sinagoge dan di jalan-jalan bak supayo dipuji orang tu samo nan laen. Aku kasihtaukan samo kalian nan sabotulnyo, kolok orang tu sabonarnyo dah manarimo upahnyo. 3 Sabaiknyo, pas kamu mambori sadokah, tak usah pala tangan kirimu jugo tau, antah apopun nan dibuek tangan kananmu. 4 Bak supayo sadokahmu tu tasambunyi, dan Bapamu nan manengok nan tasambunyi tu, akan mangasihkan upah samo kau." (Ajaran Tontang Bado'a) 5 "Dan, pas kamu bado'a, jangan pulak kamu macam orang-orang munafik, karono orang tu suko badiri dan bado'a di sinagoge-sinagoge dan disudut-sudut jalan, bak supayo ditengok orang laen. Aku kasihtaukan samo kalian nan sabotulnyo, sabonarnyo orang tu dah manarimo upahnyo. 6 Lobih eloklah, pas kalian bado'a, masuklah kalian kadalam kamarmu, dan tutuplah pintunyo, dan bado'a lah samo Bapamu nan ado ditompat tasambunyi, pasti Bapamu nan manengok nan tasambunyi tu akan mangasih upa samo kau. 7 Dan, Pas kamu bado'a, tak usah palah pakek kato-kato nan tak ado artinyo, macam dibuek samo orang-orang nan tak konal samo Allah, korno disangko orang tu, kolok banyaknyo kato-kato, do'a orang tu pasti didongarkan Allah. 8 Karono tu, janganlah kayak orang tu, karono, taunyo Bapamu apo sajo nan kamu porlukan, sabolum kamu maminta samo-Dio. 9 Bado'alah kayak gini, : "Ayah kami nan di Surgo, dikuduskanlah namo-Mu. 10 Datanglah Karajoan-Mu, jadilah kahondak-Mu dibumi macam di Surgo. 11 Kasihkanlah samo kami, untuk hari ini, makanan kami nan sacukupnyo. 12 Dan, ampunilah kasalahan-kasalahan kami, kayak kami jugo mangampuni orang-orang nan basalah samo kami 13 Dan, jangan pulak mambawak kami kadalam pancobaan, tatapi, lopaskanlah kami dari nan jahat. Karono, Engkaulah Sang pamilik Karajoan, dan Kuaso, dan Kamulioan sampek salamo-lamonyo. Amin." 14 Karono, kolok kamu mangampuni kasalahan-kasalahan orang laen, Ayah mu nan Surgo pun pasti mangampuni kamu. 15 Cilakonyo, kolok kamu tak mangampuni kasalahan-kasalahan orang laen, Ayahmu nan di Surgo pun tak akan mangampuni kasalahan-kasalahan kau jugo. (Sikap Kito pas Kito Bapuaso) 16 "Dan, kolok kamu bapuaso, usah murung macam orang munafik, karono orang tu mangubah mukonyo, bak supayo ditengok orang laen, kolok dio tongah bapuaso, Aku kasihtaukan nan sabotulnyo samo kalian, sabonarnyo dah ditarimo orang tu nyo upahnyo. 17 Eloknyo, pas kamu bapuaso, minyakilah kapalomu dan cucilah mukakmu, 18 Bak supayo puasamu tak ditengok orang, tatapi ditengok samo Ayahmu nan ado ditompat tasambunyi, dan, Ayahmu nan manengok parbuatanmu nan tasambunyi tu, akan mambalasnyo samo kau. (Kumpulkanlah Harto Disurgo) 19 "Tak usah kau manimbun hartomu di bumi ni, dibumi ni tompat ngongat dan karat akan marusaknyo, dan tompat pancuri nan ondak mancuri hartomu. 20 Nan botulnyo, kumpulkanlah hartomu di Surgo, disanan tak ado ngongat dan karat nan ondak marusaknyo, dan tak ado tompat pancuri nan ondak mancuri hartomu disurgo. 21 Karono, dimano hartomu barado, disitu jugolah hatimu barado. 22 "Mato adolah panorang tubuh, jadi, kolok matamu elok, torang jugolah saluruh tubuhmu, 23 Cilakonyo, kolok matamu jahat, jadi golaplah saluruh tubuhmu. Jadi, kolok saharusnya torang nan ado samo kau tu jadi golap, kek mano lagilah golapnyo kagolapan tu. 24 "Tak ado orang nan biso malayani duo tuan, karono dio akan mambonci tuan nan satu dan mangasihi nan laen, ato, dio akan satio samo tuan nan satu dan maremehkan nan laen. Kamu tak biso malayani Allah dan mamon. (Tak Usah Kamu Khawatir) 25 "Korno tu Aku bacakap samo kalian, "Tak usah khawatir samo hidupmu, antah apo nan ondak kamu makan ato antah apo nan ondak kamu minum. Kekgitu jugo tontang tubuhmu, antah apo nan ondak kamu pakek. Bukannyo hidup tu lobih ponting dari pado makanan, dan tubuh tu lobih ponting dari pado pakean.? 26 Tengoklah burung-burung di langit nan tak manabur, tak mamanen, dan tak mangumpulkan kadalam lumbung, tatapi Ayahmu nan di Surgo mangasih mereka makan. Bukannyo kamu tu lobih bahargo dari pado burung-burung tu? 27 Siaponyo diantaro kalian nan karono khawatir biso manambah sahasta samo umurnyo? 28 Dan, tontang pakean, mangapo pulak kamu khawatir? tengokilah bungo bakung di padang, kek mano mereka tumbuh, mereka tak bakorjo dan jugo tak mamintal. 29 Tatapi, Aku katokan samo kamo, kolok si Salomo dalam samuo kamulioanyo pun tak bapakean saelok macam bungo-bungo tu. 30 Jadi, kolok Allah manyoleki rumput dipadang sampek kek gitu, nan hari ni ado tapi besok dah di campakkan kadalam parapian, pastilah Dio, lobih lagi akan manyolek'i kamu, kamu sakalian nan kurang iman? 31 Karono tu, tak usah kamu khawatir sambil bacakap, "Apo nan ondak kami makan?, ato, Apo nan ondak kami minum?, ato apo nan ondak kami pakek? 32 Karono, bangso-bangso laen pun mancari-cari samuo ni dan Ayah mu nan di Surgo tau, kolok kamu mamorlukan samuo ni. 33 Eloknyo, Carilah dulu Karajoan Allah dan Kabonaran-Nyo, dan samuonyo tu akan ditambahkan samo kamu. 34 Jadi, tak usah pala khawatir tontang hari besok, karono kasusahan hari besok, cukuplah besok, kolok hari ni, cukuplah hari ni ajo.
(Jangan Manghakimi) 1 "Jangan manghakimi, bak supayo kamu tak dihakimi, 2 Karono, dengan panghakiman nan kamu gunokan ondak manghakimi, kamu akan dihakimi, dan ukuran nan kamu gunokan pndak mangukur akan diukurkan samo kamu. 3 Mangapo pulak kamu manengok dobu kayu di mato sodaromu, tatapi, kau tak tau kolok ado jugo balok dimatomu sandiri? 4 Ato, kek manolah kamu biso bacakap samo sodaromu, "Bak ku kaluarkan dobu kayu tu dari mato kau,' tatapi tengoklah, ado balok di mato kau sandiri? 5 Hei, orang munafik, kaluarkan lah dulu balok nan ado di mato kau tu, abis tu, bak jolas kau menengok dan mangaluarkan dobu kayu dari mato sodaromu. 6 Jangan mangasih barang nan kudus samo anjing-anjing, jangan pulak malempar mutiaro samo babi, bak supayo mereka tak manginjak-injaknyo pakek kakinyo dan babalek mancabik-cabik kamu. (Mintaklah, Cariklah dan Godurlah) 7 "Mintaklah, dan hal tu akan dikasihkan samo kau, Carilah, dan kau akan mandapat. Godurlah, dan hal tu akan dibukokan samo kau. 8 Karono, satiap orang nan mamintak akan manarimo, dan orang nan mancari, akan mandapat, dan samo dio nan manggodur akan dibukokan. 9 Ato, siaponyo dari antaro kamu, nan kolok anaknyo mamintak roti akan dikasih batu samonyo? 10 Ato, kolok anaknyo mamintak ikan, tak mungkin dikasihkan ular samo anaknyo tu.! 11 Jadi, kolok kamu nan jahat tau kek mano mangasih anak-anakmu nan elok, talobih lagi lah Ayahmu nan di Surgo nan mangasihkan nan elok samo orang tu nan maminta samo-Dio. (Hukum Nan Tarutamo) 12 "Karono tu, sagalo sasuatu nan kamu ondak orang laen lakukan samo kamu, kek gitu jugolah kamu lakukan samo orang tu, karono inilah isi Hukum Taurat dan kitab paro Nabi." (Jalan Manuju Kahidupan) 13 "Masuklah lewat gorbang nan sompit, karono lebarlah gorbang dan luaslah jalan nan manuju kapado kabinasoan, dan ado banyak nan masuk lewat jalan tu. 14 Karono, nan sompitan gorbang dan sosaklah jalan nan manuju kapado kahidupan dan sadikit nan manomukannyo." (Paringatan Mangonoi Nabi-Nabi Palsu) 15 "Namun, waspadolah samo nabi-nabi palsu nan datang samo kamu dengan bapakean domba, tatapi sabotulnyo orang tu adolah sarigalo-sarigalo nan buas. 16 Dari buahnyolah kamu akan mangonali orang tu, dapatnyo agaknyo orang mangumpulkan buah-buah anggur dari somak-somak duri dan buah-buah ara dari tumbuh-tumbuhan baduri? 17 Kek gitu jugolah, satiap pohon nan elok manghasilkan buah nan elok, tatapi pohon nan tak elok manghasilkan buah nan tak elok jugo. 18 Pohon nan elok tak mungkin manghasilkan buah nan tak elok, ato pohon nan tak elok biso manghasilkan buah nan elok?. 19 Satiap pohon nan tak manghasilkan buah nan elok akan ditobang dan dibuang ka dalam api. 20 Jadi, dari buah-buahnyolah kamu akan mangonali orang tu. 21 Tak samuo orang nan bakato samo-ku, "Tuhan, Tuhan, akan masuk kadalan Karajoan Surgo, salain orang nan malakukan kamauan ati Ayah-Ku nan di Sorga. 22 Pas hari tu, banyak orang akan bacakap samo-Ku, 'Tuhan, Tuhan, bukannyo kami dah banubuat dalam namo-Mu, dan mangusir ta'un dalam nao-Mu dan malakukan banyak mukjizat dalam namo-Mu jugo?, 23 Torus, Aku akan manyatokan samo orang tu, 'Aku tak paronah mangonal kamu! Onyahlah dari-Ku, kamu samuo nan babuek palanggaran!'" (Mandongar dan Malakukan) 24 "Karono tu, samuo orang nan mandongar cakap-Ku ini dan malakukannyo, dio akan manjadi macam orang bijaksano nan mambangun rumahnyo diatas batu. 25 Torus, turunlah hujan dan datanglah banjir, dan angin batiup manghantam rumah tu, dan rumah tu tak rubuh, karono didirikan di atas batu. 26 Dan, satiap nan mandongar parkatoan-Ku ni dan tak malakukannyo akan manjadi macam orang bodoh nan mambangun rumahnyo diatas pasir. 27 Torus, turunlah hujan dan datanglah banjir, dan angin batiup menghantam rumah tu, dan rumah tu rubuh dan sangant bosarlah karusakannyo." 28 Pas Yesus salose mangatokan hal-hal ni, orang banyak taheran-heran samo pangajaran-Nyo. 29 Karono Dio mangajar orang tu sabage orang nan bakuaso, dan tak macam ahli-ahli Taurat orang tu.
(Yesus Menahirkan Orang nan Sakit Kusta) 1 Pas Yesus turun dari bukit tu, bakarumun orang mangikuti Dio, 2 Dan, tengoklah, saorang nan sakit kusta datang samo Dio dan sujud di dopan-Nyo, dan bacakap, "Tuhan, kolok mau Kau, Kau bisa mantahirkan aku." 3 Dan, Yesus mangulurkan tangannyo jugo manjamahnyo, katonyo, "Aku mau, tahirlah kau." saat tu jugo, ditahirkanlah dio dari kusta tu. 4 Dan, Yesus bacakap samo dio, "Tengoklah, tak usah pala kau kasihtaukan samo orang, apo nan dah kau rasokan, tapi, pogilah kau dan tunjukkanlah samo imam, dan parsombahkanlah parsombahan nan diparintahkan Musa sabage kasaksian samo orang tu. (Saorang Anak Buah Perwira Romawi Disombuhkan) 5 Pas Yesus masuk ka Kapernaum, saorang parwira datang samo Dio, mamohon samo Dio. 6 Dan bacakap, "Tuan, anak buahku tongah tabaring lumpuh di rumah, dan sangat mandarito dio." 7 Dan, Yesus bacakap samo dio, "Datang pun Aku dan manyombuhkan dio." 8 Akan tatapi, perwira tu manjawab dan bacakap, "Tuan, aku tak layak untuk manarimo Engkau masuk kabawah atapku, tatapi, katokan sajolah sapatah kato, dan aku yakin, anggotaku tu pun pasti sombuh. 9 Karono, aku jugo adolah orang nan ado dibawah kakuasoan, dengan tantaro-tantaro di bawahku. Dan, aku bacakap samo nan satu, 'Pogilah, diapun pasti pogi, dan samo nan laen, ' datanglah, dan dio pun pasti datang. dan samo anggota ku, 'lakukan ini, dan dio pun pasti malakukan. 10 Pas Yesus mandongar hal ni, Dio pun kagum dan bacakap samo orang-orang nan mangikuti Dio, "Aku cakapkan nan sabotulnyo samo kalian, Bolum paronah Aku manjumpoi iman nan bosar macam ni, diantaro orang Israel. 11 Aku mangatokan samo kamu, kolok banyak nan akan datang dari timur dan barat, dan duduk makan samo Abraham, Ishak, dan Yakub dalam Karajoan Surgo. 12 Tatapi anak-anak Karajoan tu akan dibuang kadalam kagolapan nan paling golap. Dianan akan ado ratapan dan kortak gigi. 13 Dan, Yesus bacakap samo perwira tu, "Pogilah, bak biarlah tajadi samo kau macam nan kau parcayai tu." dan, Pada saat tu jugo, anggotanyo pun disombuhkan. (Omak Martua Si Petrus dan Orang Banyak Disombuhkan) 14 Pas Yesus tibo dirumah Petrus, Dio manengok omak martua nyo tongah tagolek dan domam. 15 Trus, Yesus manjamah tangan omak martuonyo dan domamnyo pun lonyap, kamudian, dio bangun dan malayani Yesus. 16 Pas manjolang malam, orang tu mambawak samo Dio banyak orang nan karasukan ta'un, dan Dio mangusir ta'un tu pakek satu kato, dan manyombuhkan samuo orang nan sakit. 17 Bak supayo Digonapilah apo nan dicakapkan oleh Nabi Yesaya: "Diolah nan mangambek kalomahan-kalomahan kito dan mananggung panyakit-panyakit kito." (Manjadi Pangikut Yesus) 18 Kinin, pas Yesus manengok orang banyak di sakaliling-Nyo, Dio mangasih parintah ondak batulak ka saborang. 19 Torus tu, saorang ahli Taurat datang dan bacakap samo Dio, "Guru, aku akan mangikuti-Mu kamano sajo Engkau pogi." 20 Dan, Yesus bacakap samo nyo, burung dilangit mampunyoi sarang, akan tatapi, Anak Manusio tak mampunyoi tompat ondak malotakkan kapalo-Nyo." 21 Salah satu murid-Dio bacakap samo Dio, "Tuhan, izinkanlah aku dulu, aku ondak manguburkan ayahku." 22 Dan Yesus bacakap samo dio, "Ikutlah Aku, dan biarlah orang mati manguburkan orang nan mati tu sandiri". (Yesus Manonangkan Badei) 23 Dan, Pas Yesus naik ka parahu, murid-murid-Nyo naik mangikuti Dio. 24 Dan tengoklah, tajadilah badei bosar di danau, sahinggokan parahu tu tatutup ombak, pas waktu tu Yesus masih tatidur. 25 Dan, murid-murid mandatangi Yesus dan mambangunkan-Dio sambil bacakap, "Tuhan, salamatkanlah kami! kito ni tongah ondak binaso!". 26 Dan, Dio bacakap samo orang tu, "Mangapolah kamu ni takut, hei kamu orang nang kurang bariman?" trus, Badirilah Dio dan malonyapkan angin ribut tu dan manonangkan danau tu, jadi tonanglah samuo. 27 Orang-orang tu taheran-heran dan bacakap, "Orang macam aponyo Dio ni sabonarnyo? sampek angin dan dano pun manurut samo Dio?" (Duo Orang Gadara Karasukan roh ta'un) 28 Pas Yesus tibo di saborang dano, didaerah orang Gadara, duo orang nan karasukan roh ta'un manjumpoi Dio. Orang tu kaluar dari kuburan dengan sangat ganas, sahinggokan, tak ado orang nan dapat malewati jalan tu. 29 Dan, tengoklah, orang tu manjoriti, katonyo, "Apo urusan Kau samo kami, hai Anak Allah? apo ondak Kau siksonyo kami? sabolum waktunyo tibo?" 30 Dan, agak jauh dari orang tu, ado karumunan bosar babi nan tongah mancari makan, 31 Ta'un-ta'un tu mamintak samo Dio dan bacakap, "Kolok ondak Kau usirnyo kami, eloklah Kau usir kami ka dalam karumunan babi tu. 32 Dan, Yeus bacakap samo ta'un tu, "Pogilah!" trus, ta'un tu kaluar dari badan orang tu dan masuk ka karumunan babi, dan babi tu pun bacampak'an dari tebing ka dano dan mati dalam air. 33 Orang-orang nan manggambalokan babi-babi tu pun malarikan diri, dan masuk kadalam kota, dan mancaritokan samuonyo, tarmasuklah apo nan tajadi samo orang-orang nan dirasuki ta'un tu. 34 Dan, tengoklah saluruh kota kaluar ondak bajumpo samo Yesus. Pas manengok Yesus, orang tu maminta samo Dio, bak supayo maninggalakan daerah orang tu.
(Yesus Mangampuni Dan Manyombuhkan Saorang Lumpuh) 1 Satolah masuk ka parahu, Yesus manyobrangi dano dan tibo di kota-Nyo sandiri, 2 Dan, tengoklah, orang tu mambawak samo Dio saorang lumpuh nan tabaring ditompat tidur. Pas manengok iman orang tu, Yesus bacakap samo orang lumpuh tu. "Toguhkanlah hatimu , anak-Ku, dosomu dah diampuni." 3 Torus tu, tengoklah, babarapo orang Ahli Taurat bacakap dalam atinyo, "Orang ni manghujat Allah!" 4 Tak taunyo Yesus tau isi pikiran orang tu, kato-Nyo, "Mangapo pulak kamu bapikir nan jahat dalan ati kau? 5 Nan manolah nan lobih mudah diucapkan, 'Doso-doso kau dah diampuni, ato bacakap, ' Bangunlah dan bajalanlah? 6 Biar kalian tau, kolok dibumi ni, Anak Manusio mampunyoi kuaso untuk mangampuni doso." Kamudian, Yesus bacakap samo orang lumpuh tu, "Bangunlah, angkatlah tompat tidurmu, dan baleklah kau karumahmu!. 7 Mako, dio bangun dan balek karumahnyo. 8 Namun, pas orang banyak manengok hal ni, orang tu manjadi tacongang dan mamuliokan Allah nan mangasi kuaso macam tu samu manusio. (Matius Pangutip Pajak, Mangikuti Yesus) 9 Pas Yesus pogi dari situ, di tengok-Nyo lah saorang nan di panggil Matius tongah duduk di tompat pangutipan pajak, torus, Yesus bacakap samo dio, "Ikutlah Aku." dan, Matius pun badiri dan mangikut Yesus. 10 Pas waktu Yesus duduk makan didalam rumah tu, tengoklah, banyak pangutip pajak dan orang-orang badoso datang, trus duduk dan makan basamo Yesus dan murid-murid-Nyo. 11 Dan, pas orang-orang Farisi manengok hal ni, orang tu bacakap samo murid-murid-Nyo, "Mangapo pulak gurumu makan basamo pangutip pajak dan orang-orang badoso?" 12 Tak taunyo, pas Yesus mandongar hal tu, backaplah Dio, "Orang nan sehat tak mambutuhkan tabib, malain nan sakitlah nan mambutuhkan tabib. 13 Namun, pogilah dan palajarilah apo artinyo ni, "Aku mangingini belas kasihan, bukannyo parsombahan,' karono Aku datang bukan ondak mamanggil nan elok, malainkan orang-orang badoso." (Partanyaan Tontang Bapuaso) 14 Kamudan, murid-murid Yohanes datang samo Yesus dan batanyo, "Mangapo kami dan orang-orang Farisi malakukan puaso? tatapi murid-murid-Mu tak bapuaso?" 15 Dan, Yesus bacakap samo orang tu, "Bisanyo agaknyo para pangiring pangantin badukocito salamo pangantin laki-laki masih basamo-samo dengan orang tu?, akan tatapi, akan tibo waktunyo pas pangantin laki-laki tu diambil dari orang tu, dan barulah orang tu akan bapuaso." 16 Tak ado saorang pun nan manambalkan kain nan baru pado pakaian nan lamo, karono tambalan tu akan manguyak pakean nan lamo dan makin bosarlah kuyaknyo. 17 Dan jugo, tak ado orang nan manuang anggur nan baru kadalam kantong kulit dan lamo, kolok kek gitu, kantong kulit tu pasti akan kuyak, dan anggurnyopun akan tumpah, dan kantong kulitnyo pun hancur. Ekoknyo, orang tu manyimpan anggur nan baru tu kadalam kantong kulit nan baru jugo, sahinggo, kaduonyo tapaliharo. (Yesus Mambangkitkan dan Manyombuhkan) 18 Samantaro Yesus mangatokan hal-hal ni samo orang tu, tengoklah, saorang pamimpin rumah ibadah datang manyombah-Nyo dan bacakap, "Anak parampuanku baru sajo mati, kuraso, datanglah dulu dan lotakkanlah tangan-Mu ka atasnyo, bak hidup dio balek." 19 Trus, Yesus bangkit dan mangikuti dio, murid-murid-Nyo pun ikut samo Dio. 20 Dan, tengoklah, saorang parampuan nan dah mandarito pandarahan salamo duo bolas tahun, mandokati Yesus dari balakang dan manjamah ujung jubah-Nyo. 21 Karono parampuan tu bacakap samo dirinyo sandiri, "Kolok ku sontuh sajo jubah-Nyo, pasti aku sombuh," 22 Tak taunyo, Yesus babalik dan manengok'i parampuan tu, trus bacakap, "Toguhkanlah hatimu anak-Ku, iman mu dah manyombuhkanmu." saat tu jugo, sombuhlah parampuan tu. 23 Pas sampek lah Yesus di rumah kapalo rumah ibadah tu dan manengok para paniup seruling dan orang banyak nan bising. 24 Dio bacakap, "Pogilah, karono tak matinyo anak parampuan ni, nan tatidurnyo dio," dan, orang tu pun manggolak'i-Nyo 25 Namun, pas orang banyak tu dah diusir kaluar, Yesus masuk, trus mamegang tangan anak tu, dan anak parampuan tu pun bangun. 26 Dan, barita ni tasobar ka saluruh daerah tu. (Yesus Manyombuhkan Duo Orang Buto) 27 Pas Yesus pogi dari situ, duo orang buto mangikuti Dio sambil batariak-tariak, "Kasihanilah kami, Anak Daud," 28 Satolah Dio mamasuki rumah tu, kaduo orang buto tu mandatangi Dio, trus Ditanyak Yesuslah ka orang tu, "Parcayonyo kamu, kolok aku tolap malakukan hal ni?" orang tu pun manjawab, "Ya, Tuhan!" 29 Kamudian Yesus manjamah mato orang tu, kato-Nyo, "Jadilah samo kalian manurut iman kalian." 30 Dan, tabukolah mato orang tu, trus, Yesus mangingatkan orang tu dengan tegas, "Tengok kalian, jangan sampe ado orang nan tau tontang hal ni" 31 Tak taunyo, orang tu kaluar dan manyobarkan berita tontang Yesus ka saluruh daerah tu. (Yesus Manyombuhkan Orang Bisu) 32 Satolah kaduo orang itu kaluar, tengoklah, orang-orang mambawak samo Yesus saorang nan bisu nan dirasuki Ta'un. 33 Sasudah roh ta'un tu diusir, orang bisu tu pun bacakap. Orang banyak tu pun manjadi taheran-heran dan bakato, "Hal macam ni bolum paronah nampak di Israel." 34 Sayangnyo, orang-orang Farisi bacakap, "Dio mangusir roh-roh jahat pakek kuaso roh-roh jahat jugo. (Banyak nan Ondak di Panen, Tapi Pakorjonyo Sadikit) 35 Dan, Yesus pogi mangalilingi samuo kota dan desa sambil mangajar di sinagoge-sinagoge orang tu. dan mambaritokan Injil Karajoan, jugo manyombuhkan sagalo panyakit dan kasakitan. 36 Pas Yesus manengok orang banyak tu, Dio maraso kasihan samo orang tu, karono orang tu lotih dan talantar macam domba-domba tanpa gambalo. 37 Kamudian Dio bacakap samo murid-murid-Nyo, "Sasungguhnyo, banyak nan di panen, tatapi pakorjo-pakorjonyo sadikit. " 38 Korno tu, mintaklah samo Tuhan nan mampunyoi Panenan, bak dikirmkan-Nyo pakorjo-pakorjo nan ondak mamanen.
(Yesus Mangutus Murid-Murid-Nyo) 1 Dan, Yesus mamanggil kaduo bolas murid-Nyo jugo mangasih orang tu kuaso atas roh-roh najis, untuk mangusir roh-roh itu dan untuk manyombuhkan sagalo macam kasakitan. 2 Inilah namo-namo kaduo bolas Rasul tu : "Nan partamo, Simon nan disobut Petrus, dan Andreas sodaronyo, dan Yakobus anak Zebedeus, dan Yohanes sodaronyo, 3 Filipus dan Bartolomeus, Tomas, dan Matius si pangutip pajak, Yakobus anak Alfeus dan Tadeus, 4 Simon orang Zelot dan Yudas Iskariot nan mangkhianati Yesus. 5 Yesus mangutus kaduo bolas Rasul tu dan mamarintahkan orang tu, "Jangan pogi kajalan bangso-bangso lain ato masuk kadalam kota Samaria. 6 Malainkan pogilah kapado domba-domba nan tasosat dari antaro umat Israel. 7 Dan, salamo kamu pogi, baritokanlah dengan bacakap, "Karajoan Surgo dah dokat. 8 Sombuhkanlah nan sakit, hidupkanlah nan mati, tahirkanlah nan kusta dan usirlah roh-roh ta'un. Kamu manarimo dengan cumo-cumo, kasihkanlah jugo dengan cumo-cumo. 9 Tak usah pala kamu mambawak omas, ato perak, ato tembago dalam ikat pinggangmu, 10 Ato tas dalam parjalanan ato duo potong baju, ato sandal, ato tongkat, korno, saorang pakorjo, pantas mandapat makanan. 11 Dan, dikota ato desa manopun nan kamu masuki, salidikilah siapo nan layak didalamnyo dan tinggallah disanan sampe kamu barangkat. 12 Pas kamu mamasuki rumah tu, ucapkanlah salam. 13 Dan kolok rumah tu layak, biarlah dame sejahtromu turun atasnyo, tatapi kolok tidak, biarlah dame sejahtromu tu balek ka kamu. 14 Dan, siapo sajo nan tak manarimo kamu ato tak ondak mandongar cakap mu, pas kamu kaluar dari rumah ato kota tu, kebaskanlah dobu kakimu. 15 Aku mangatokan nan sabotulnyo samo kamu, kolok waktu hari panghakiman, tanah Sodom dan Gomora akan lobih tolap mananggungnyo dari pado kota tu." (Kasulitan-Kasulitan Nan Akan Dihadapi Para Murid) 16 "Tengoklah, Aku mangutus kamu kayak domba ka tongah-tongah sarigalo, Karono tu, jadilah cerdik macam ular dan tulus macam burung-burung merpati. 17 Akan tatapi, bahati-hatilah samo orang-orang, karono orang tu ondak manyorahkan mu samo Sanhedrin dan akan mancambukmu di sinagoge-sinagoge orang tu. 18 Dan, kamu akan dibawak ka dopan para panguaso dan para rajo demi Aku, sabage kasaksian untuk orang tu dan untuk bangso-bangso lain. 19 Namun, pas orang tu manyorahkan kamu, tak usah pala khawatir kek mano ato antah apo nang ondak kamu cakapkan, karono, saat tu jugo, akan dikasihkan samo kamu apo nan ondak kamu cakapkan, 20 Korno, bukan kamu nan bacakap, malainkan Roh Ayahmu nan bacakap di dalam kamu. 21 Nan basodaro akan saling manyorahkan pado kamatian, dan ayah samo anaknyo, dan anak-anak akan malawan para orang tuo dan mambunuh orang tu. 22 Kamu akan dibonci samo satiap orang karono namo-Ku, tatapi orang nan batahan sampe akhir akan disalamatkan, 23 Pas orang tu manganiayo kamu dalam satu kota, larilah kakota nan laen. Aku cakapkan nan sabotulnyo samo kamu, kolok kamu tak akan salose malewati kota-kota Israel sampe Anak Manusio datang. 24 Murid tak malobihi gurunyo, kek gitu jugolah hamba tak malobihi tuannyo. 25 Cukuplah kolok murid manjadi kayak gurunyo, dan hamba manjadi kayak tuannyo. Kolok orang tu manyobut tuan rumah itu Beelzebul, batapo lobih buruk lagi kapado anggota kaluargonyo." (Takutlah Samo Allah, Bukan Samo Manusio) 26 "Karono tu, janganlah kamu takut samo orang tu, karono tak ado apopun nan tatutup nan tak akan diungkapkan, ato nan tasambunyi nan tak akan dikatahui. 27 Apo nan Aku katokan samo kamu dalam kagolapan, katokanlah itu dalam torang. Dan, apo nan kamu dongar dibisikkan ditalingamu, baritokanlah diatas atap rumah. 28 Tak usah pala takut samo orang tu nan mambunuh tubuh tatapi nan tak tolap mambunuh jiwo, tatapi, lobih takutlah samo Dio nan tolap mamusnahkan jiwo maupun tubuh di narako. 29 Bukannyo duo ekor burung pipit dijual untuk satu duit? dan tak ado saekor pun dari burungtu akan jatuh katanah diluar kahondak Ayahmu. 30 Sampek, rambut kapalomu pun samuonyo tahitung. 31 Karono tu, usah pala takut, kamu tu lobih banilai dari pado banyak burung pipit." (Mangakui Yesus Di Dopan Orang Laen) 32 "Jadi, satiap orang nan mangakui Aku didopan manusio, Aku jugo akan mangakui dio di dopan Ayah-Ku nan ado di Surgo. 33 Sabaliknyo, siapo nan manyangkal Aku di dopan manusio, Aku jugo akan manyangkal dio di dopan Ayah-Ku nan ado di Surgo. (Tujuan Kadatangan Yesus) 34 "Usah bapikir kolok Aku datang ondak mambawak pardamean di bumi. Malainkan, Aku ni datang mambawak Podang. 35 Korno, Aku datang ondak mamisahkan laki-laki dari ayahnyo, anak parampuan dari omaknyo, manantu parampuan dari omak martuonyo. 36 Dan, musuh sasorang adolah dari anggota kaluargonyo. 37 Siapo nan Lobih mangasihi ayah ato omaknyo dari pado Aku, tak layak samo-Ku, dan siapo nan lobih mangasihi anak laki-laki ato anak parampuannyo dari pado Aku, tak layak samo-Ku. 38 Dan, siapo nan tak mamikul salibnyo dan mangikuti Aku, tak layak samo-Ku. 39 Siapo nan mampartahankan nyawonyo akan kahilangan nyawonyo, dan siapo nan kahilangan nyawonyo demi Aku, akan mandapatkannyo. (Upah Dari Allah) 40 "Siapo nan manarimo kamu, manarimo Aku, dan, Siapo nan manarimo Aku, manarimo Dio nan mangutus Aku. 41 Siapo Nan manarimo Nabi dalam namo nabi, akan manarimo upah nabi. Dan, siapo nan manarimo orang bonar dalam namo orang bonar akan manarimo upah orang bonar. 42 Dan, Siapo nan mangasih minum samo salah satu dari orang-orang nan kocik ni, kolok pun hanyo sacangkir air dingin dalam namo saorang murid, Aku katokan nan sabotulnyo samo kamu, dio tak akan kahilangan upahnyo."
1 Pas Yesus salose mangasih parintah samo kaduo bolas murid-Nyo, Dio pogi dari sanan untuk mangajar dan bacaramah di kota-kota orang tu. (Yesus dan Yohanes Pambabtis) 2 Kinin, pas Yohanes, nan ado di panjaro, mandongar pakorjoan-pakorjoan Kristus, dio mangirim posan malalui murid-muridnyo. 3 Dan batanyo samo Dio, "Apo Engkaunyo nan akan datang tu? ato apo harus manunggu nan laen nyo kami?" 4 Yesus manjawab dan bacakap samo orang tu, "Pogi dan kasihtahukan lah samo Yohanes apo nan dah kamu tengok dan apo nan dah kamu dongar. 5 Nan buto manengok, nan lumpuh bajalan, nan sakit kusta ditahirkan, nan mati dibangkitkan, dan kapado nan miskin diberitakan Injil. 6 Dan, diborkatilah orang nan tak kacewa samo-Ku 7 Dan, Satolah orang tu pogi, Yesus mulai bacakap, samo orang banyak tontang Yohanes, "Apo nan ondak kamu tengok di padang balantaro? sabatang buluh nan digoyang angin? 8 Kamu pogi ondak manengok apo? saorang nan bapakean halus? orang tu nan bapakean halus tu ado diistano-istano rajo. 9 Untuk aponyo kamu pogi? ondak manengok nabi? ya, Aku katokan ni samo kamu, bahkan dio lobih bosar dari pado saorang nabi. 10 Karono, diolah orangnyo nan dah tatulis : 'Tengoklah!, AKu mangirim utusan-Ku mandahului-Mu. Dio nan akan mamparsiapkan jalan bagi-Mu dihadapan-Mu 11 Aku bacakap nan sabotulnyo samo kamu, diantaro orang tu nan dilahirkan samo parampuan, tak pornah muncul orang nan lobih bosar dari pado Yohanes Pambabtis. Akan tatapi, nan paling kocik dalam Karajoan Surgo, lobih bosar dari pado dio. 12 Sojak zaman Yohanes pambabtis sampek kinin, Karajoan Surgo mandarito kakorasan, dan orang-orang nan kojam tu malakukannyo dengan paksa. 13 Karono, samuo Nabi dan Hukum Taurat banubuat sampe zaman Yohanes. 14 Dan, kolok kamu mau manarimonyo, diolah Elia nan akan datang tu.' 15 Siapo nan mampunyoi talingo untuk mandongar, ondaknyo dio mandongar! 16 Namun, pake apolah ondak Kubandingkan generasi ini? Orang tu macam kayak anak-anak kocik nan duduk ditompat-tompat umum, nan mamanggil kawan-kawannyo. 17 Dan bacakap, 'Kami maniupkan saruling untuk mu, tatapi kamu tak manari. Kami manyanyikan lagu dukocito, tatapi kamu tak baduko.' 18 Karono Yohanes datang tanpo makan jugo tanpo minum, dan orang tu bacakap, "dio karasukan roh jahat" 19 Akan tatapi, pas Anak Manusio datang, trus makan, dan minum, dan orang bacakap, 'Tengoklah, saorang nan rakus dan pamabuk, kawan para pangumpul pajak dan orang-orang badoso.' Akan tatapi, hikmat dibotulkan samo parbuatannyo." (Paringatan Untuk Orang nan Tak Ondak Pacayo) 20 Kamudian, Yesus mulai mencela kota-kota tompat Dio malakukan paling banyak mukjizat karono orang tu tak batobat. 21 "Calakolah kamu, Khorazim! Calakolah kamu, Betsaida!, Korno, kolok mukjizat-mukjizat nan dah tajadi diantaro kamu jugo tajadi di Tirus dan Sidon, orang tu dah lama batobat dengan bapakean kabung dan abu. 22 Akan tatapi, Aku kasihtaukan ka kamu, kolok pas waktu panghakiman, Tirus dan Sidon akan lobih tolap mananggungnyo dari pado kamu. 23 Dan, kamu, Kapernaum, mungkinnyo agaknyo kamu ditinggikan sampe ka langit? Tidak, kamu akan diturunkan kadunio orang mati, karono, kolok mukjizat-mukjizat nan dah tajadi diantaro kamu tu, tajadi di sodom, kota tu akan totap ado sampe kinin, 24 Akan tatapi, Aku katokan hal ni samo kamu, kolok pas waktu hari panghakiman, tanah Sodom akan lobih tolap mananggungnyo dari pado kamu. (Kelegaan Samo Orang Nan Datang Samo Yesus) 25 Pas waktu tu Yesus bacakap, "Aku mamuliokan Engkau, ya Ayah, Tuhan atas langit dan bumi, kolok Engkau marondokkan samuo ni dari orang-orang nan bijaksano dan pande, dan mangungkapkannyo samo anak-anak kocik. 26 Ya, Ayah, Karono kayak itulah nan bakonan di hadapan-Mu. 27 Sagalo sasuatu dah disorahkan samu-Ku oleh Ayah-Ku. Dan, tak saorang pun nan mangonal Anak, salain Ayah: tak saorang pun mangonal Ayah salain Anak dan stiap orang nan di kahondaki sang Anak untuk mangungkapkannyo. 28 Datanglah kapado-Ku, samuo nan lotih losu dan baboban borat, dan Aku ondak mangasih kau kalogaan. 29 Pikullah kuk nan Kupasang, dan balajarlah dari-Ku karono Aku lomah lombut, dan kamu akan mandapatkan katonangan dalam jiwomu. 30 Karono, kuk nan Kupasang tu mudah dan boban-Ku enteng."
(Yesus adolah Tuhan Atas Hari Sabat) 1 Pas waktu tu, Yesus bajalan malewati ladang gandung pas hari Sabat, dan murid-murid-Nyo lapar, dan orang tu mulei mamotik bulir-bulir gandum dan mamakannyo. 2 Akan tatapi, pas orang-orang Farisi manengoknyo, orang tu bacakap samo Dio, Tengoklah, murid-murid-Mu itu malakukan apo nan tak botul pas hari sabat,." 3 Namun Yesus bacakap samo orang Farisi tu, "Nan bolum paronah nyo kamu mabaco apo nan dilakukan Daud pas dio dan paro pangikutnyo kalaparan? 4 Kek mano dio masuk kadalam Rumah Allah dan makan roti parsombahan nan tak dibotulkan samo-Dio untuk makanannyo, kek gitu jugolah orang-orang nan basamonyo, kacuali hanyo untuk paro imam? 5 Ato, bolum pornahkah kamu mambaco dalam Hukum Taurat, kolok pas hari sabat, para imam di Bait Allah malanggar sabat dan orang tu tak basalah? 6 Akan tatapi, Aku kasihtaukan samo kamu, kolok nan lobih bosar dari pado Bait Allah ado disinin. 7 Namun, kolok kamu dah mangatahui artinyo ni, "Nan ondak ati-Ku adolah Kasih, dan bukan parsombahan', kamu tak akan pornah manghukum nan tak basalah. 8 Karono, Anak Manusio adolah Tuhan atas hari sabat. ( Yesus Manyombuhkan Pas Hari Sabat) 9 Satolah barangkat dari sanan, Yesus tibo di sinagoge orang tu, 10 Tengok, ado saorang laki-laki nan lumpuh sabolah tangannyo, dan, orang tu batanyo samo Yesus, kato orang tu, "Apokah dibotulkan ondak manyombuhkan pas hari sabat?" bak supayo orang tu biso manyalahkan Yesus. 11 Dan, Dio bacakap samo orang tu, "Siapokah diantaro kamu nan mampunyoi saekor domba, dan kolok domba tu jatuh ka dalam lubang pas hari sabat, bukannyo dio akan manariknyo dan mangaluarkannyo? 12 Batapo lobih banilainyolah manusio dari pado saekor domba! karono tu, dibotulkan babuek baik pas hari sabat." 13 Abistu, Yesus bacakap samo orang itu, "Ulurkan tanganmu." orang itu pun mangulurkan tangannyo dan disombuhkan saponuhnyo macam tangannyo nan lain. 14 Akan tatapi, orang-orang Farisi pogi dari situ dan basubahat malawan Dio, kek mano caronyo ondak mambinasokan-Nyo. (Yesus Hamba Pilihan Allah) 15 Namun, Yesus, pas mangatahui hal ini, manyingkirlah Dio dari sanan, Banyak nan mangikuti-Dio dan Dio manyombuhkan orang tu samuo. 16 Dan mamparingatkan orang tu, supayo tidak mambuek diri-Nyo diketahui orang banyak. 17 Hal ini tajadi untuk manggonapi apo nan disampekkan lewat Nabi Yesaya : 18 "Tengoklah, hamba-Ku nan dah Kupilih, nan Kukasihi, nan samo-Nyo Aku akan manaruh roh-Ku ka atas-Nyo dan Dio akan manyatokan kaadilan kapado bangso-bangso lain. 19 Dio tak akan mambantah, ato batariak, dan tak akan ado saorangpun nan mandongar suaro-Nyo dijalan-jalan. 20 Buluh nan patah tak akan Dio putuskan, dan sumbu nan hampir padam, tak akan Dio matikan, sampe Dio mambuek kaadilan monang. 21 Dan dalam Namo-Nyo, bangso-bangso laen akan baharap. (Kuaso Yesus Barasal Dari Roh Allah) 22 Kamudian saorang nan karasukan roh ta'un, nan buto dan bisu, dibawak ka Yesus. Dan, Yesus manyombuhkannyo, sahinggo orang nan buto dan bisu tu pun bacakap dan manengok. 23 Samuo orang manjadi tacongang-congang dan batanyo, "Mungkinnyo Dio ni anak Daud?" 24 Akan tatapi, pas orang-orang Farisi mandongarnyo, bacakaplah orang tu, "Orang ni tak mungkin mangusir roh-roh ta'un kolok tak pake kuaso Beelzebul, pamimpin roh-roh ta'un." 25 Yesus tau pikiran orang tu, dan bacakap samo orang tu, "Satiap Karajoan nan tapocah-pocah, malawan dirinyo sandiri, ditinggalkan. Dan, satiap kota ato rumah nan tapocah-pocah, malawan diri-nyo sandiri dan tak akan batahan. 26 Dan, kolok iblis mangusir iblis, dio tapocah-pocah malawan dirinyo sandiri, Kolok kek gitunyo, kek manolah karajoannyo akan batahan. 27 Dan, kolok Aku, magusir roh-roh ta'un pakek kuaso Beelzebul, pakek apolagilah anak-anakmu mangusir orang tu? karono tu, orang tu akan manjadi hakimmu. 28 Akan tatapi, kolok pakek Roh Allah, Aku mangusir roh-roh ta'un, Karajaan Allah dah datang atas kamu. 29 Ato, kek manolah sasaorang tolap masuk ka rumah orang nan kuat dan marampas barang-barangnyo, kolok tak diikatnyo dulu orang kuatnyo, dan marampok rumah tu. 30 Siapo sajo nan tak basamo dengan Aku, pasti tacore-borei. 31 Karono tu, aku mangatokan samo kamu, kolok satiap doso dan hujatan manusio akan diampuni, tatapi hujatan samo Roh, tak akan diampuni. 32 Dan, siapo sajo nan mangatokan sasuatu hal nan malawan Anak Manusio akan diampuni, tatapi siapo sajo nan bacakap malawan Roh Kudus, tak akan diampuni, elok pas masa kinin maupun pas maso nan akan datang." (Pohon Dikonal Dari Buahnyo) 33 "Kolok pohon tu elok, elok jugolah buahnyo, ato, kolok pohon tu tak elok, tak elok jugolah buahnyo, karono, pohon tu dikonal dari buahnyo. 34 Hai, katurunan ular baludak, apo mungkin kamu nan jahat mangucapkan hal-hal nan elok? karono, apo nan diucapkan mulut, kaluarnyo dari hati. 35 Orang elok mangaluarkan hal-hal nan elok dari panyimpanan hatinyo nan elok, dan orang jahat dari panyimpanan hatinyo nan jahat. 36 Namun, Aku bacakap samo kamu, kolok satiap kato nan sio-sio, nan diucapkan orang, mereka akan mampartanggung-jawabkannyo pas hari panghakiman. 37 Karono oleh parkataanmu, kamu akan dibotulkan, dan karono parkataanmu, kamu akan dihukum. (Orang Farisi dan Ahli Taurat Mamintak Tando) 38 Abistu, babarapo ahli taurat dan orang Farisi bacakap samo Yesus, "Guru, kami ondak manengok tando dari-Mu." 39 Dijawab Yesus lah orang tu, "Generasi nan jahat dan bazinah ni, manuntut suatu tando. Dan, tak akan ado tando nan dikasihkan samo mereka, kacuali tando Nabi Yunus. 40 Karono, Kayak Yunus nan sompat ado diporut ikan bosar salamo tigo hari dan tigo malam, kek gitu jugo lah Anak Manusio akan barado dalam porut bumi salamo tigo hari tigo malam. 41 Orang-orang Niniwe akan badiri basamo-samo dengan generasi ini pas penghakiman dan akan manghukumnyo, karono orang tu batobat satolah mandongar caramah si Yunus. Dan tengoklah, nan lobih bosar dari pado Yunus ado disinin. 42 Ratu dari salatan akan bangkit basamo-samo generasi ini pas hari panghakiman dan akan manghukumnyo karono dio datang dari ujung bumi ondak mandongar hikmat Salomo. Dan, tengoklah, nan lobih bosar dari pado Salomo ado disinin. (Bahayo Dari Kakosongan) 43 "Pas roh najis kaluar dari manusio, dio malewati tompat-tompat nan tak barair ondak mancari tompat istirahat, tatapi tak manomukannyo. 44 Trus, dio bakato, "baleklah aku karumahku samulo," dan, pas tibo dio ka tompatnyo samulo, ditengoknyolah rumah tu kosong, dah borsih dan taratur. 45 Abis tu, pogi lah dio dan mambawak kawannyo nan lobih jahat dari dio, dan masuklah orang tu dan tinggal di rumah nan samulo tadi, tarakhir, kaadaan orang tu pun manjadi jauh lobih buruk dan jahat dari sabolumnyo. Kek gitu jugolah nan akan tajadi samo generasi nan jahat ni. (Kaluargo Yesus Nan Sabotulnyo) 46 Samantaro Yesus masih bacakap samo orang banyak, tengoklah, omak dan sodaro-sodaro-Nyo badiri diluar, barusaho ondak bacakap samo Dio. 47 Sasaorang bakato samo-Dio, "Guru, omak dan sodaro-sodaro-Mu badiri di luar, barusaho ondak bacakap samo Engkau" 48 Yesus manjawab orang nan mangasihtaukan samo Dio dan bacakap, "Siapolah agaknyo omak-Ku dan siapolah agaknyo sodaro-sodaro-Ku? 49 Dan, sambil mambontangkan tangan-Nyo ka arah murid-murid-Nyo, kato Yesus, "Inilah omak-Ku dan sodaro-sodaro-Ku! 50 Karono, siapo sajo nan malakukan kehendak Ayah-Ku nan ado disurgo, diolah sodaro laki-laki-Ku, sodaro parampuan-Ku dan omak-Ku."
(Parumpamaan Tontang Panabur) 1 Pas hari tu, Yesus kaluar dari rumah dan duduk di pinggir danau. 2 Dan, orang banyak bakumpul samo Dio. Karono tu, Dio naik ka sampan dan duduk, dan samuo orang banyak tu badiri di pinggir danau. 3 Dan Dio mangatokan banyak hal samo orang tu dalam parumpamaan, kato-Nyo, "Ado saorang panabur, pogi ondak manabur, 4 Dan pas waktu dio manabur, babarapo bonih tu jatuh di pinggir jalan, trus datang lah burung mamatuknyo sampe abis. 5 Bonih nan laen jatuh di tompat babatu, nan tak banyak tanahnyo, dan copat tumbuh karono tak punyo kadalaman tanah, 6 sayangnyo, pas sasudah matahari terbit, tanaman tu tasongat panas, dan, karono tak mamiliki akar, tanaman tu pun jadi koring dan mati. 7 Bonih nan laen jatuh di antaro somak duri, dan somak duri tu tumbuh dan mangimpitnyo. 8 Namun, bonih nan laen jatuh di tanah nan elok dan manghasilkan buah, ado nan saratus kali lipat, ado nan onam puluh kali lipat dan ado nan tigo puluh kali lipat. 9 Siapo nan batalingo, bak biarlah dio mandongar. (Yesus Mangajar Pakek Parumpamoan) 10 Dan, murid-murid Yesus datang dan batanyo samo Dio, "Mangapolah Engkau bacakap samo orang tu pakek parumpamoan?" 11 Yesus manjawab orang tu, "Samo kalian dah dikaruniokan untuk tahu rahasio Karajoan Surga, tatapi samo mereka, tak dikaruniokan." 12 Korno, orang nan mampunyoi, kapadonyo akan dikasihkan dan dio akan bakalimpahan, Namun, siapo nan tak mampunyoi, bahkan, apo nan dio punyoi akan diambil darinyo. 13 Korno itulah, aku bacakap samo orang tu pake parumpamoan, karono, pas kito bisa manengok, orang tu tak manengok, orang tu tak mandongar, jugo tak mangorti. 14 Tontang orang tu, digonapilah nubuat Yesaya nan bakato, 'Dengan pandongaran kamu akan mandongar, tatapi tak akan pornah mangorti, dan dengan manengok, kamu akan manengok, tatapi tak akan mamahami.' 15 Karono hati bangso ini dah manobal, talingo orang tu malas ondak mandongar, dan orang tu manutup mato orang tu. Kolok tidak, pastilah orang tu dapat manengok pakek mato orang tu, mandongar pakek talingo orang tu, dan dapat mangorti pakek hati orang tu, lalu babalik samo-Ku dan disombuhkan. 16 Akan tatapi, diborkatilah matomu karono manengok dan talingomu karono mandongar. 17 Aku mangatokan nan sabonarnyo samo kamu, kolok banyak nabi dan orang-orang botul nan ondak manengok apo nan kamu tengok, tatapi tak manengoknyo, dan ondak mandongar apo nan kamu dongar, tatapi tak mandongarnyo." (Panjolasan Tontang Parumpamoan Panabur) 18 "Oleh korno tu, dongarlah arti parumpamoan tontang panabur. 19 Pas orang mandongar Firman Karajoan dan tak mamahimnya, si jahat datang dan marampas apo nan dah tatabur dalam hati orang tu. Inilah orang nan bonihnyo tatabur di pinggir jalan. 20 Adopun nan tatabur di tompat nan babatu, inilah orang nan mandongar firman dan langsung manarimonyo dengan sukocito . 21 Tatapi dio tak mampunyoi akar dalam dirinyo dan batahan sabontar sajo. Dan, pas panindasan ato panganiayoan tajadi karono firman tu, dio langsung tajatuh. 22 Bonih nan jatuh di tongah somak-somak duri adolah nan mandongar firman itu, kamudian kakhawtiran dunio dan tipu daya kakayoan mandosak firman tu sahinggo tak babuah. 23 Namun, orang nan bonihnyo tatabur di tanah nan elok, diolah orang nan mamndongarkan firman itu dan mamahaminyo. Diolah nan botul-botul babuah dan manghasilkan, ado nan saratus kali lipat, onam puluh kali lipat dan babarapo lagi 30 kali lipat. 24 Yesus manyampekkan parumpamoan nan lainnyo kapado orang tu, kato-Nyo, "Karajoan Surgo tu dapat diumpamokan kayak orang nan manabur bonih nan elok diladangnyo. 25 Akan tatapi, samantaro orang-orang tidur, musuhnyo datang dan manabur bonih lalang di antaro bonih gandum, dan pogi. 26 Pas tanaman batunas dan babulir, kamudian lalang tu tatengok jugo. 27 Maka, hamba-hamba dari pamilik ladang tu datang dan batanyo, tuan, bukannyo engkau manabur bonih nan elok diladangmu? trus, dari manokah datangnyo lalang tu? 28 Dio bacakap samo orang tu, 'saorang musuh dah malakukannyo. 'lalu, hamba-hamba tu bacakap samonyo, 'apokah engkau mau kami pogi dan mangumpulkannyo?' 29 Akan tatapi, tuan tu bacakap, 'Jangan! korno, pas kamu mangumpulkan lalang-lalang tu, jangan-jangan kamu jugo mancabut gandum tu basamonyo. 30 Biarlah kaduonyo tumbuh basamonyo sampe musim panen. Dan, pas waktu panen aku akan bakato kapado para panabur, "Partamo-tamo, kumpulkanlah lalang-lalang tu dan ikatlah dalam berkas-berkas untuk dibakar. Namun, kumpulkanlah gandumnyo kadalam lumbungku." (Karajaan Allah Macam Biji Sasawi dan Ragi) 31 Abistu, Yesus mancaritokan parumpamoan nan laen samo orang tu, katonyo: "Karajoan Surgo tu kayak biji sasawi nan diambek orang dan ditaburkan diladangnyo. 32 Biji tu adolah nan takocik dari samuo jonis bonih, tatapi kolok pas tumbuh, dio lobih bosar dari samuo jonis sayuran, bahkan manjadi pohon bosar, sahinggo burung-burung dilangit datang dan basarang di cabang-cabangnyo." 33 Kamudian Yesus mancaritokan sabuah parumpamoan nan laen kapado orang tu, "Karajoan Surgo tu kayak ragi, nan diambek samo saorang parampuan dan dimasukkan kadalam adonan topung tarigu sabanyak tigo sukat sampe saluruh adonan tu tacampur ragi. 34 Samuo hal ni Yesus katokan kapado orang banyak dalam parumpamoan-parumpamoan, dan Dio tidak bacakap samo orang tu tanpo parumpamoan. 35 Dengan kek gitu, tagonapilah apo nan disampekan lewat nabi, "Aku akan mambuko mulutku dalam parumpamoan-parumpamoan, Aku akan mangucapkan hal-hal nan tasambunyi sojak dunio dijadikan." (Parumpamoan Tontang Rumput Liar di Ladang) 36 Abistu, Yesus maninggalkan orang banyak tu trus masuk rumah. Dan, murid-murid-Nyo datang kapado-Nyo dan bacakap, "Jolaskanlah samo kami, parumpamoan tontang lalang-lalang di ladang." 37 Dan, jawab-Nyo, "orang nan manaburkan bonih nan elok adolah Anak Manusio. 38 Dan ladang tu adolah dunio ni, Bonih nan elok adolah anak-anak Karajoan, dan lalang adolah anak-anak sijahat. 39 Dan musuh nan manaburnyo adolah iblis, dan musim panen adolah akhir zaman, dan para panuai tu adolah para malaikat. 40 Jadi, samo macam lalang nan dikumpulkan dan dibakar dalam api, kek gitulah nan akan tajadi pas akhir zaman. 41 Anak Manusio akan mangutus para malaikat-Nyo, dan orang tu akan mangumpulkan samuo batu sandungan, jugo orang-orang nan malakukan kajahatan dari karajoan-Nyo. 42 Dan akan malemparkannyo ka dalam tungku api. Di tompat tu akan ado tangisan dan kortak gigi. 43 Abistu, orang-orang bonar akan basinar kayak matahari dalam Karajoan Ayah orang tu, Siapo nan batalingo, bak biarlah dio mandongar." (Karajaan Surgo Macam Harto Tapondam dan Mutiaro) 44 "Karajoan Surgo adolah macam harto nan tapondam di ladang, nan di tomukan orang, trus, dirondokkannyo lagi. Dan, karono sukocitonyo, dio pogi manjual samuo nan dipunyoinyo dan mamboli ladang tu. 45 Sakali lagi, Karajoan Surgo adolah kayak saorang padagang nan mancari mutiaro nan indah, 46 Pas dio manomukan sabiji mutiaro nan banilai tinggi, dio pogi dan manjual samup nan dipunyoinyo, trus mamboli mutiaro tu." (Karajoan Surgo Macam Jala nan Ponuh Ikan) 47 Kek gitu jugolah, Karajoan Surgo adolah kayak jala nan ditobarkan kadalam laut, dan mangumpulkan barbage macam ikan. 48 Pas jala tu ponuh, orang tu manyeretnyo ka pantai dan duduk, trus mangumpulkan ikan-ikan nan bagus kadalam karanjang-karanjang bosar, tatapi mambuang nan tak bagus. 49 Jadi, itulah nan akan tajadi pas akhir zaman. Para malaikat akan kaluar dan mamisahkan nan jahat dari orang-orang bonar. 50 Dan malemparkan orang-orang jahat tu kadalam tungku api. Ditompat tu akan ado ratapan dan kortak gigi. 51 Dah mangortinyo kamu samuo nan Ku torangkan ni? mereka pun manjawab, "Ya". 52 Dan, Yesus bacakap samo orang tu, "Karono tu, satiap ahli Taurat nan dah manjadi murid Karajoan Surgo, dio macam tuan rumah nan mangaluarkan harto nan baru dan nan lamo dari kakayoannyo." (Yesus Ditolak Di Kota Asal-Nyo) 53 Pas Yesus dah manyalosekan parumpamoan-parumpamoan tu, Dio pogi dari sanan. 54 Dan, pas Dio tibo di kota asal-Nyo, Dio mangajar di sinagoge-sinagoge orang tu, sahinggo orang tu takjub dan bakato, "Dari manonyo orang ni bisa dapat kebijaksanoan dan mukjizat-mukjizat ni? 55 Bukannyo Dio ni anak saorang tukang kayu? bukannyo omak-Nyo nan dipanggil Maria, dan sodaro-sodaro-Nyo Yakobus, Yusuf, Simon, dan Yudas? 56 Bukannyo sodaro-sodaro-Nyo nan parampuan ado diantaro kito? trus, dari mano Orang ni mandapat samuo hal ni?" 57 Dan, orang tu manolak Dio. Namun, Yesus bakato samo orang tu, "Saorang nabi bukannyo tak dihormati, kacuali di tompat asalnyo dan di rumahnyo sandiri. 58 Dan, Dio tak malakukan banyak mukjizat disanan, karono katidak percayoan mereka.
(Herodes Mandongar Berita Tontang Yesus) 1 Pas waktu tu, Herodes, Rajo Wilayah, mandongar berita-berita tontang Yesus. 2 Dan, dio bacakap samo anggota-anggotanyo, "Inilah Yohanes Pembabtis. Dio dah bangkit dari antaro orang mati dan karono tu mukjizat-mukjizat ni bakorjo didalam-Nyo. (Kajadian Kamatian Yohanes Pambabtis) 3 Korno, Herodes dah manangkap Yohanes, mangikatnyo, dan mamanjarokan dio karono Herodias, istri Filipus sodaro Herodes. 4 Karono Yohanes pornah bacakap samo dio, "Tak botul lah kolok kau mangawini Herodias.: 5 Dan kolok pun Herodes ondak mambunuh Yohanes, dio takut samo orang banyak, karono orang tu manganggap Yohanes sabage Nabi. 6 Sayangnyo, pas hari ulang tahun Herodes, anak parampuan Herodias manari di mukak Herodes, 7 Sahinggo dio basumpah ondak mangasihkan apo sajo nan diminta anak gadis tu. 8 Korno itulah, sasudah didosak samo omaknyo, gadis tu bacakap, "Kasihkanlah samoku disinin, kapalo Yohanes Pambabtis, diatas nampan." 9 Walopun Rajo sodih, tatapi karono sumpahnyo dan karono orang-orang nan makan basamonyo, dio pun mamarintahkan bak supayo dilakukanlah macam tu. 10 Disuruhnyolah bak supayo mamonggal kapalo Yohanes di panjaro. 11 Dan, kapalo Yohanes dibawak di atas nampan, dikasihkannyo lah samo gadis tu dan di bawaknyolah samo omaknyo. 12 Abistu, murid-murid Yohanes datang, mangambek tubuhnyo, dan manguburkannyo. Trus, orang tu pogi dan mangasihtaukannyo ka Yesus. (Limo Roti Dan Duo Ikan Untuk Makan Limo Ribu Orang) 13 Pas Yesus mandongar hal ini, Dio manarik diri dari sanan pakek sampan, ka tompat nan sunyi sandirian. Dan, pas orang-orang mandongar ni, orang tu mangikuti-Nyo dengan bajalan kaki dari kota-kota. 14 Pas Yesus kaluar, Dio manengok karumunan bosar orang, dan kasihanlah Dio samo orang tu, dan manyombuhkan sakit orang tu. 15 Pas hari dah sonjo, para murid datang samo Yesus dan bacakap, "Tompat ni sunyi dan hari dah sonjo, suruhlah orang tu pogi ka desa-desa dan mamboli makanan untuk orang tu sandiri." 16 Yesus bacakap samo mereka, "Tak usah pala pogi orang tu. Kamu, kasihlah orang tu makan." 17 Orang tu manjawab-Nyo, "Kito tak punyo apo-apo disinin, kacuali limo roti dan duo ikan sajo." 18 Dan, Dio bakato, "Bawaklah kasinin," 19 Abistu, Dio manyuruh orang banyak tu duduk di rumput, dan Dio mangambek limo roti dan duo ikan tu, trus sambil manengok kalangit, Dio mangucap syukur dan mamocah-mocahkannyo, Abis tu, di kasihkan-Nyo lah samo murid-murid-Nyo, dan murid-murid mambagikannyo ka samuo orang banyak tu. 20 Dan, orang tu samuo makan dan dikonyangkan. Trus, orang tu mangambek potongan-potongan nan sisah, ado duo bolas karanjang ponuh lah sisahnyo. 21 Dan, orang tu nan makan, sabanyak limo ribu orang laki-laki, bolum lagi dihitung parampuan dan anak-anak. (Yesus Bajalan Diatas Air) 22 Yesus mamaksa murid-murid-Nyo masuk kasampan dan manyuruh pogi duluan dari Dio ka saborang, samantaro Dio tongah manyuruh orang banyak tu pulang. 23 Dan, satolah Yesus manyuruh orang banyak tu pulang, Dio naik ka atas gunung sandirian ondak badoa. Pas dah sonjo, Dio sandirian disanan. 24 Tak taunyo, sampan tu dah jauh dari daratan, dan diombang ambingkan ombak, karono balawanan samo angin. 25 Dan, pas jam tigo malam tu, Dio datang ka murid-murid-Nyo dengan bajalan kaki diatas air. 26 Pas murid-murid-Nyo manengok Dio bajalan diatas air, katakutan lah orang tu dan batariak, "itu anggo!", trus, orang tu manjoriti karono katakutan. 27 Tak taunyo Yesus langsung bacakap samo orang tu, Katonyo, "Kuatkanlah hati kau!, Akunyo ini, tak usah pala takut." 28 Bacakap lah Petrus samo Dio, "Tuhan, kolok botullah itu Kau, ajaklah aku samo Kau diatas air." 29 Yesus manjawab, "Sininlah!" maka, Petrus kaluar dari sampan dan bajalan diatas air, dan datang samo Yesus. 30 Tak taunyo, pas manengok angin, dio pun mulei katakutan dan tanggolam. batariak lah dio, "Tolong salamatkan aku Tuhan!" 31 Yesus langsung mangulurkan tangan-Nyo, mamogang Petrus, dan bacakap, "Kanapo pulak lah kau sangsi, kurang iman kau." 32 Pas orang tu masuk kadalam sampan, angin pun barhonti. 33 Abistu, orang tu nan ado di sampan manyombah Yesus dan bacakap, "Sasungguhnyo, Engkau adolah Anak Allah!" (Yesus Manyombuhkan Orang Sakit) 34 Satolah manyaborang, orang tu sampek di tanah Genesaret. 35 Pas orang-orang di tompat tu mangonali-Nyo, orang tu mangasihtaukan kasaluruh daerah tu, dan mambawa samuo orang sakit samo Yesus. 36 Orang tu mamohon samo Yesus, bak supayo boleh manyontuh ujung jubah-Nyo, dan samuo orang nan manyontuhnyo, manjadi sombuh.
(Hukum Allah dan Tradisi Manusio) 1 Abistu, babarapo orang Farisi dan ahli-ahli Taurat dari Yerusalem datang samo Yesus dan bacakap. 2 "Mangapo murid-murid-Mu malanggar tradisi nenek moyang kito? Korno, orang tu tak mancuci tangan pas makan roti." 3 Dan, Yesus manjawab jugo bacakap samo orang tu, "Dan, mangapo kamu malanggar parintah Allah demi tradisimu? 4 Korno Allah bafirman, 'Hormatilah ayah dan omakmu, dan 'Siapo nan mangutuki ayah ato omaknyo, harus dihukum mati.' 5 Namun, kamu bakato, "siapo sajo nan bakato samo ayah ato omaknyo, ' apo pun pamborian untuk mu dah diparsombahkan samo Allah." 6 dio tak porlu manghormati ayah ato omaknyo. Dengan kek gitu kamu mambatalkan firman Allah demi tradisimu. 7 Kamu, orang-orang munafik, memang botullah nubuatan nabi Yesaya tontang kalian. : 8 'Bangso ni manghormati Aku pakek mulut orang tu, tatapi hati orang tu jauh dari-Ku. 9 Dan, sio-sio lah orang tu manyombah Aku pakek pangajaran parintah-parintah manusio." 10 Dan, Yesus mamanggil orang banyak dan bacakap, "Dongar dan pahamilah! 11 Bukan apo nan masuk kadalam mulut nan manajiskan orang, tatapi, apo nan kaluar dari mulutnyo lah, itulah nan manajiskan orang. 12 Abistu, murid-murid Yesus datang dan batanyo samo-Nyo, "Taunyo Engkau, kolok orang-orang Farisi tasinggung pas mandongar cakap Kau ni? 13 Yesus manjawab dan bakato, "satiap tanaman nan tak ditanam samo Ayah-Ku nan disurgo akan dicabut sampe akar-akarnyo. 14 Bak biarlah orangtu, orang tu adolah panuntun-panuntun buto dari orang-orang buto. Dan, kolok orang buto manuntun orang buto, kaduonyo akan jatuh kadalam lubang." 15 Petrus bakato samo Dio, "jolaskanlah parumpamoan tu samo kami." 16 Yesus manjawab, "apo masih bolum paham jugonyo kalian? 17 Apo tak paham kalian, kolok apopun nan masuk kadalam mulut akan turun ka porut dan dibuang kadalam jamban? 18 Akan tatapi, apo nan kaluar dari mulut, muncul dari hati, dan itulah nan manajiskan orang. 19 Karono dari hati timbul pikiran-pikiran jahat, pambunuhan, parzinaan, doso-doso seksual, pancurian, kasaksisan palsu dan fitnah. 20 Hal-hal inilah nan manajiskan orang, tatapi makan tanpo mancuci tangan tak manajiskan orang." (Yesus Manolong Parampuan Kanaan) 21 Abistu, Yesus pogi dari sanan dan manyingkir ka daerah Tirus dan Sidon. 22 Dan, Tengoklah, sorang parampuan Kanaan nan barasal dari daerah tu datang dan berseru, "Kasihanilah aku, Tuhan, Anak Daud, anak parampuanku karasukan roh ta'un nan sangat parah." 23 Akan tatapi Yesus tak manjawab parampuan tu, satu kato pun tidak, dan, murid-murid-Nyo datang dan mandosaknyo, kato orang tu, "Suruh ajolah dio ni pogi, karono dio torus-torusan batariak dibalakang kito." 24 Trus, Dio manjawab dan bacakap, Aku ni hanyo diutus kapado domba-domba nan hilang dari umat Israel." 25 Kamudian, parampuan tu mandatangi dan sujud dihadapan Yesus, katonyo, "Tuhan, tolonglah aku!" 26 Yesus manjawab dan bacakap, "Tak cocok mangambek roti punyo anak-anak dan mancampakkannyo samo anjing-anjing." 27 Parampuan tu pun manjawab pulak, "Botulnyo itu Tuhan, tapi, anjing-anjing tu pun ondak jugonyo mamakan bokas pocahan nan jatuh dari meja tuannyo." 28 Abistu, Yesus bakato samo dio, Hai parampuan, iman kau tu bosar!, jadilah samo kau kayak apo nankau inginkan." Pada saat itu jugo, anak parampuannyo pun disombuhkan. (Yesus Manyombuhkan Banyak Orang) 29 Yesus pogi dari sanan, manyusuri pinggir danao Galilea. dan sasudah mandaki kaatas bukit, Dio duduk disanan. 30 Abistu, karumunan bosar orang datang samo Dio, mambawak orang-orang nan lumpuh, cacat, buto, bisu dan orang banyak nan lainnyo. Lalu, orang tu mambaringkan orang-orang tu di kaki Yesus dan Dio manyombuhkan orang tu. 31 Sahinggo orang banyak tu tacongang-congang pas orang tu manengok nan bisu bisa bacakap, nan cacat dipulihkan, nan lumpuh bisa bajalan, dan nan buto bisa manongok, dan orang tu mamuliokan Allah Israel. 35 (Yesus Mangasih Makan Samo Ompat Ribu orang Lobih) 32 Yesus mamanggil murid-murid-Nyo dan bakato, "Jadi kasihan pulak Aku samo orang-orang itu, karono mereka dah basamo-Ku salamo tigo hari dan tak mampunyoi makanan. Dan Aku tak ondak manyuruh orang tu pulang kalaparan, bak supayo orang tu tak pengsan di jalan." 33 Abistu, para murid bakato samo Dio, "Dari manolah kito ondak mandapatkan roti sabanyak itu, ditompat nan sunyi ni, ondak mangonyangkan orang tu pulak nyo. 34 Yesus batanyo samo orang tu, "Ado barapo banyak roti nan ado samo kamu?" dijawab orang tu, "ado tujuh roti dan babarapo ikan kocik." Trus Yesus mamarintahkan orang banyak tu duduk ditanah. 36 Abistu, Dio mangambek katujuh roti jugo ikan-ikan itu, dan sambil mangucap syukur, Dio mamocah-mocahkannyo dan mangasihkannyo samo murid-murid-Nyo, dan murid-murid-Nyo mambagikannyo samo orang nan banyak tu. 37 Orang tu samuo makan dan dikonyangkan, Trus orang tu mangambek potongan-potongan nan sisah, ado tujuh karanjang ponuh. 38 Orang nan makan tu samuo, jumlahnyo ompat ribu orang laki-laki, bolum tarmasuk parampuan dan anak-anak. 39 Satolah manyuruh orang banyak tu pulang, Yesus masuk ka parahu dan pogi ka daerah Magadan.
(Orang Farisi dan Orang Saduki Mancuboi Yesus) 1 Sudah tu, orang-orang Farisi dan Saduki datang buek mancuboi Yesus. Mareko mamintak bak Yesus mampartunjukkan kepado mareko suatu tando dari surgo. 2 Tapi, Yesus manjawab, ''Pas manjolang malam, kamu mambilang, 'Cuaco corah karono langit merah.' 3 Dan, pdo pagi hari, 'Hari ni ondak ado angin koncang karono langit merah dan golap.' Kamu tau comano mambedokan rupo langit, tapi tak tolap mambedokan tando-tando zaman. 4 Suatu angkatan nang jahat dan pazinah ni manuntut sabuah tando, tapi satu tando pun tak akan dibagikan kepadonyo, kacuali tando Nabi Yunus. "Lalu, Dio maninggalkan mareko dan pogi.( Panjolasan tontang Ragi Orang Farisi dan Saduki) 5 Waktu murid-murid sampe di saborang dano, orang tu lupo mambawak roti. 6 Dan, Yesus bacakap kepado mareko. "Parhatikanlah, dan waspadolah tarhadap ragi orang-orang Farisi dan para Saduki." 7 Dan, mareko mulo mambincangkan hal tu di antaro mareko sandiri dan bacakap, "Ini karono kita tak mambawak roti." 8 Tapinyo, Yesus mangatahui hal ni dan bacakap, "Hai, orang nang kurang iman, mangapo kamu mambincangkan di antaromu sandiri tontang tak ado roti? 9 Apokah kamu masih bolum mangorti dan jugo tak ingat akan limo roti buek limo ribu orang, dan barapo banyak karanjang sisanyo nang kamu kumpulkan? 10 Ato, tujuh roti buek ompat ribu orang, dan barapo banyak karanjang sianyo nang kamu kumpulkan? 11 Bagemanokah kamu tak mangorti bahawa Aku tidak tongah bacakap kepadomu tontang rotio? Tapinyo, waspadolah tarhadap ragi orang-orang Farisi dan para Saduki." 12 Sudah tu, mareko mangorti bahawa Dio tidak mambilangkan supayo waspado tarhadap rago roti, tapi tarhadap ajaran orang-orang Farisi dan para Saduki. (Yesus adolah Mesias) 13 Pas Yesus sampe di daerah Kaisarea Filipi, Dio batanyak kepado murid-murid-Nyo, "Manurut kato orang, siapokah Anak Manusio tu? 14 Mareko manjawab, "Babarapo mambilangkan Yohanes Pambabtis, nang laen mambilangkan Elia, dan nang laen lagi mambilangkan Yeremia, ato salah ssatu dari pado nabi." 15 Lalu, Yesus batanyak kepado mareko, "Tapi, manurut kamu, siapokah Aku ini?" 16 Simon Pewtrus manjawab,"Engkau adolah Mesias, Anak Alllah nang hidup!" 17 Yesus bacakap kepadonyo, "Diborkatilah kamu, Simon anak Yunus, karono bukan daging dan darah nang manyatokan ni kepadomu, malainkan AYAH-Ku nang di surgo. 18 Dan, Aku jugo mambilangkan kepadomu bahawa kamu adolah Petrus. Dan, diatas batu ni, Aku ondak mambangaun jamaat-Ku dan gorbang-gorbang Hades tak akan manguasoinyo. 19 Aku akan mambagimu kunci-kunci Karajaan Surgo. Dan, apo sajo nang kamu ikat di bumi akan tarikat di surgo. Dan, apo sajo nang kamu lopaskan di bumi akan talopas di surgo." 20 Lalu, Yesus mamparingatkan murid-murid bak supayo tidak mambagitukan siapo-siapo bahawa Dio adolah Mesias. (Yesus Mambagitahukan tontang Kamatian-Nyo) 21 Samonjak saat tu, Yesus muloi manunjukkan kepado murid-murid-Nyo bahawa Dio harus pogi ka Yerusalem dan mandarito banyak hal dari para tuo-tuo, imam-imam kepalo, maupun ahli-ahli Taurat, lalu dibunuh dan dibangkitkan pado hari katigo. 22 Lalu, Petrus manarik Yesus ka samping manogur-Nyo dan bacakap, "Tuhan, kironyo Allah manjauhkan hal tu dari Engkau! Hal ni tak kan paronah tarjadi pado-Mu." 23 Tapinyo, Yesus barbalik dan bacakap, "Lonyaplah dari dopan-Ku, hoi Iblis! Kamu adolah batu sandungan buek-Ku karono engkau tidak manotapkan pikiranmu pado hal-hal dari Allah, malainkan hal-hal dari manusio." 24 Sudah tu Yesus bacakap kepado murid-murid-Nyo, "Bilo ado nang ondak mangikuti Aku, dio harus manyangkal dirinyo sandiri, mamundak salibnyo,dan mangikut Aku. 25 Karono siapo nang ondak manyalamatkan nyawonyo akan kahilangan nyawonyo. Tapinyo, siapo nang kahilangan nyawonyo karono Aku, dio akan mandapatkannyo. 26 Apo untungnyo bilo sasaorang mamparoleh saluruh dunio, tapi kahilangan nyawonyo? Ato, apo nang sasaorang biso bagikan sabage ganti nyawonyo? 27 Karono, Anak Manusio akan datang dalam Kamulioan AYAH-Nyo basamo-samo dongan para malaekat0Nyo dan kamudian akan mambalas satiap orang manurut parbuatannyo. 28 Aku mambilangkan nang sabotulnyo kepadomu, ado babarapo oarng nang togak disinin nang tidak akan mangalami kamatian sampe mareko manengok Anak Manusio datang dalam Karajaan-Nyo."
2 (Yesus Kalihatan Basamo Musa dan Elia) 1 Onam hari kamudian, Yesus mangajak Petrus, Yakobus, dan mambawak mareko naek ka gunung nang tinggi, disinan mareko sandiri sajo. Lalu, Yesus barubah mukonyo di dopan mareko. Muko-Nyo basinar macam matahari dan baju-Nyo manjadi putih barcahayo. 3 Dan, nampaklah samoorang tu Musa, Elia, tongah bacakap-cakaop samo Yesus. 4 Petrus bacakap samo Yesus, "Tuhan, adolah elok buek kito ado disinin, aku ondak mambuek tigo kemah disini, satu buek-Mu, satu buek Musa, dan satu buek Elia." 5 Waktu Petrus masih bacakap, sabuah awan nang torang manudungi mareko, dan tengok, adao suaro dari dalam awan tu nang bacakap, "Inilah Anak-Ku nang Kucinto, kepado-Nyo Aku bakonan, dongarkanlah Dio." 6 Pas, murid-murid mandongar ni, mareko tasungkur sahinggo muko sampe ka tanah dan katakutan sangat. 7 Tapi, Yesus datang dan manyontoh mareko, kato-Nyo, "Bangkitlah dan jangan takut." 8 Waktu mareko mareko mandongakkan mato mareko, mareko tak manengok siapo pun salaen Yesus sandiri. 9 Waktu mareko turun gunung, Yesus mamarentahkan orang tu, kata-Nyo, "Jangan caritokan panengokan tu kepado siapo pun hinggo Anak Manusio dibangkitkan dari antaro orang mati." 10 Dan, murid-murid batanyak kepado-Nyo, "Lalu, mangapo ahli-ahli Taurat bacakap kalo Elia harus datang talobih dulu?" 11 Yesus manjawab, "Elia memang datang lobih awal dan ondak mamulihkan sagalo sasuatu. 12 Tapi, Aku mambilangkan kepadomu kalo Elia sudah datang, tapi mareko tidak mangonalnyo dan mamparlakukannyyo manurut kahondak hati mareko sandiri.Bagitu jugo Anak Manusio akan mandarito di tangan mareko." 13 Abis tu, para murid mangorti kalo Dio bacakap kepado mareko tontang Yohanes Pambabtis. (Saorang Anak Dibebaskan dari Roh Jahat) 14 Waktu Yesus dan murid-murid balek kepado orang banyak, ssaorang laki-laki datang kepado Yesus dan manyombah-Nyo katanyo, 15 "Tuhan, kasihanilah anakku karono dio saket ayan dan sangat mandarito.Dah korap kali dio tajatuh ka dalam aer. 16 Aku sudah mambawaknyo kepado murid-murid-Mu, tapi orang tu tak biso manyombuhkannyo." 17 Yesus manjawab, "Hoi, kamu angkatan nang tidak porcayo dan sosat! Barapo lamo lagi Aku ondak tinggal basamomu? Barapo lamo lagi Aku harus basabar samo kamu? Bawaklah budak tu kepado-Ku." 18 Lantas Yesus mambontak roh jahat tu sahinggo kaluar dari budak laki-laki tu, dan budak tu sombuh saat tu jugo. 19 Sasudah tu para murid datang kepado Yesus, waktu mareko sandiri sajo basamo-Nyo dan batanyak, "Mangapo kami tak biso mangusir rroh jahat tu?" 20 Kato-Nyo kepado mareko, "Karono imanmu kocik. Aku mambilangkan nang sabotulnyo samo kamu, kalo kamu punyo iman sabosar biji sesawi sajo, kamu biso bacakap kepado gunung ni, 'Pindah dari tompat ni ka sanan!' dan gunung ni akan pindah. Tidak adonang mustahil buekmu. 21 [Tapinyo, roh jahat jonis ni cumo biso di usir dongan doa dan puaso."] (Yesus Bacakap tontang Kamatian-Nyo) 22 Waktu Yesus dan murid-murid-Nyo tongah bakumpul di wilayoh Galilea, Dio bacakap kepado mareko, "Anak Manusio ondak disorahkan ka dalam tangan manusio, 23 dan mareko ondak mambunuh-Nyo, Dio akan dibangkitkan pado hari nang katigo." Dan, para murid-Nyo tu manjadi basodih. (Pangajaran tontang Mambayar Pajak) 24 Waktu mareko sampe di Kapernaum, para pangumpul pajak datang kepado Petrus dan batanyak, "Apokah gurumu tidak mambayar pajak duo dirham?' 25 Petrus manjawab, "Iyo." Pass dio masuk ka dalam rumah, Yesus talobih duluan bacakap kepadonyo, "Comano pandapatmu, Simon? Dari siapokah rajo-rajo di dunio ni managih bea dan pajak? Dari anak-anaknyo ato dari orang laen?" 26 Waktu Petrus manjawab, "dari orang laen," Yesus bacakap kepadonyo, "Kalo bagitu, anak-anaknyo bebas. 27 Tapinyo, bak supayo kita tak manyinggung mareko, pogilah ka dano dan campakkan pancing. Ambeklah ikan nang partamo muncul dan waktu kamu mambuko mulutnyo, kamu akan mandapatkan sakoping stater. Ambeklah duit tu dan bayarkan kepado mareko, buek-Ku dan buekmu jugo."
Siapo nang Tarbosar di Dalam Karajaan Surgo? 1 Pado waktu tu, murid-murid datang kepado Yesus dan batanyak, "Siapolah nang tabosar dalam Karajaan Sorgo?" 2 Lalu, Yesus mamanggil aorang budak kocik kepado-Nyo, dan manompatkan budak kocik tu di tongah-tongah mareko, 3 dan bacakap, "Aku mambilangkan nang sabotulnyo kepadomu, kacuali kamu batubat dan manjadi macxam budak-budak, kamu tak akan masuk ka dalam Karajaan Surgo. 4 Siapo nang marondahkan dirinyo macam budak ni adolah nang tabosar dalam Karajaan Surgo. 5 Dan, siapo nang manyambut budak kocik macam nang satu ni dalam namo-Ku, dio manarimo Aku." Paringatan tontang Panyobab Doso 6 Tapi, siapo nang manyosatkan slah satu dari budak-budak kocik nang porcayo kepado-Ku ni, talobih baek bueknyo bilo sabuah batu kilangan digantungkan pado lehernyo dan ditanggolamkan ka laut nang paling dalam. 7 Cilakolah dunio karono panyosat-panyosat nang ado di dalamnyo! Karono, panyosatan memang harus tajadi, tapi cilakolah orang nang mandatangkannyo. 8 Bilo tangan ato kakimu mambuekmu badoso, potong dan buanglah tu. Talobih elok buekmu masuk ka dalam hidup dongan tangan nang puntung ato pincang daripadomampunyoi duo tangan dan duo kaki, tapi dibuang ka dalam api kokal. 9 Bilo matomu mambuekmu badoso, cungkil dan camakkanlah tu. Lobih elok kamu masuk ka dalam hidup dongan satu mato, daripado mampunyoi duo mato tapi dibuang ka dalam api narako." 10 "Parhatikanlah, jangan kamu malayaskan satu dari budak-budak kocik ni. Karono, Aku mambilangkan kepadomu bahawa malaekat-malaekat mareko di surgo salalu mamandang muko AYAH-Ku nang di surgo. 11 [Karono, Anak Manusio sudah datang buek manyalamatkan orang nang hilang.] Parumpamoan tontang Domba nang Hilang 12 Comano manurutmu? Bilo sasaorang mampunyoi 100 ekor domba, tapi nang satu daripadonyo tasosat, tidakkah orang tu maninggalkan nang 99 ekor di gunung dan pogi buek mancari satu nang sosat tu? 13 Dan, bilo dio manjumpoinyo, sasungguhnyo Aku mambilangkanyo kepadomu, dio talobih sukocito buek satu nang tasosat tu daripado 99 ekor nang tak sosat. 14 Bagitu jugo, bukannyo kahondak AYAHmu nang di surgo bilo saorang dari budak-budak kocik ni binaso." Manasehati Orang nang Basalah 15 Bilo sudaromu badoso, pogi dan tunjukkan kasalahannyo, antaro kamu dan dio sajo. Bilo dio mandongarkanmu, kamu udah mandapatkan sudaromu. 16 Tapi, bilo dio tak ondak mandongarmu, ajaklah satu ato duo orang lagi basamomu bak supayo dongan mulut dari duo ato tigo orang saksi, satiap parkatoan ditotapkan. 17 Bilo dio tak tarimo buek mandongarkan mareko, bilangkanlah parkaro tu kepado jamaat. Dan, bilo dio malah lanjar manolak buek mandongar jamaat, biarlah dio manjadi macam bangso-bangso laen dan pamungut pajak. 18 Aku mambilangkan nang sabotulnyo kepadomu bahawwa apo nang kamu ikat di bumi akan tarikat di surgo. Dan, apo nang kamu lopaskan di bumi akan talopas di surgo." 19 Sakali lagi, Aku mambilangkan kepadomu bilo duo orang di antaro kamu sapakat di bumi tontang sasuatu nang mareko mintak, hal tu akan tajadi buek mareko oleh AYAH-Ku nang di surgo. 20 Karono di tompat duo ato tigo orang bakumpul basamo dalam Namo-Ku, Aku ado di tongah-tongah mareko. Patrumpamoan tontang Pangampunan 21 Lalu, Petrus datang kepado Yesus dan batanyak, "Tuhan, sabarapo korap kali saharusnyo aku mangampuni sudaroku nang badoso kepadoku? Hinggo 7 kali?" 22 Yesus bacakap kepadonyo, "Aku tidak mambilangkan kepadumo hinggo 7 kali tapi sahinggo 70 kali 7 kali. 23 Karono tu lah, Karajaan Surgo diumpamokan macam saorang rajo nang mambuek parhitungan samo para hambanyo. 24 Waktu Dio mulo mambuek parhitungan, ado orang nang barutang sabanyak 10.000 talenta dibawak kepadonyo. 25 Karono dio tu tak sanggup mambayar, tuannyo mamarentahkan bak supayo diuo dijual, samo binik dan anak-anaknyo, jugo samuo nang dio punyoi, dan dongantu pambayaran dibuek. 26 Lalu, hamba tu tasungkur dan manyombah tuannyo, katanyo, 'Basabarlah kepadoku dan aku ondak mambayar samuonyo kepadomu,' 27 Lantas, tuan dari hamba tu babolas kasihn, dan mambebaskannyo, dan mambagi ampunan atas utangnyo tu. 28 Tapi, waktu hamba tu kaluar dan bajumpo samo hamba laen nang barutang 100 dinar kepadonyo, dio manangkap dan mancokik hamba tu, dan bacakapo, 'Bayar balek duit nang kamu pinjam dariku!' 29 Lalu, hamba nang barutang tu basujud dan mamohon kepadonyo, katnya, 'Basabarlah kepadoku dan aku ondak mambayar samuonyo kepadomu.' 30 Tapi, dio manolaknyo dan mamasukkan kawannyo tu ka panjaro sampe dio tu biso malunasi samuo utangnyo. 31 Waktu hamba-hamba nang laen manengok kajadian tu, mareko manjadi basodih lalu datang dan manyampekan kepado tuannyo tontang sagalo sasuatu nang tajadi. 32 Lalu, tuannyo mamangil hamba nang partamo tu dan bacakap, 'Kamu hamba nang jahat. Aku mangampuni samuo utangmu karono kamu mamohonkan kepadoku. 33 Bukankah kamu jugo saharusnyo mampunyoi bolas kasihan kepado sasamomu hamba, macam aku jugo udah manunjukkan bolas kasihan kkepadomu?' 34 Dan, tuannyo, dongan ponuh kamarahan, manyorahkannyo kepado para panyikso sampe dio biso mambayar balek samuo nang dipinjamkan kepadonyo. 35 AYAH-Ku di surgo jugo akan malakukan nang samo kepadomu, bilo kamu tidak mangampuni sudaromu dari dalam hatimu."
Pangajaran tontang Parcorean 1 Waktu Yesus sudah manyalosekan parkataan-parkataan ni, Dio barangkat dari Galilea dan sampe di wilayo Yudea, di saborang sunge Yirdan. 2 Dan, karumunan orang banyak mangikuti-Nyo, dan Dio manyombuhkan mareko di sanan. 3 Babarapo orang Farisi datang kepado Yesus ondak mancuboi Dio dan batanyak, "Apokah dibonarkan buek laki-laki mancorekan biniknyo dongan macam-macam alasan?" 4 Lalu, Yesus manjawab dan bacakap, "Tidakkah kamu mambaco bahawa Dio, nang manciptokan mareko dari awalnyo, manjadikan mareko laki-laki dan parompuan. 5 dan Dio bafirman, 'Karono tu, laki-laki harus maninggalkan ayahnyo dan omaknyo, dan manjadi satu samo biniknyo, dan kaduonyo tu akan manjadi satu tubuh? 6 Jadi, mareko tu bukannyo duo, tapinyo satu tubuh. Karono tu, apo nang sudah diparsatukan Allah, manusio tak boleh mamisahkannyo." 7 Mareko bacakap kepado Yesus, "Lalu, kenapo Musa mamarintahkan buek mambagikan surat core dan mancorekan binik?" 8 Yesus bacakap kepado mareko, "Karono kadogilan hatimu, Musa mangizinkan kamu mancorekan binikmu. 9 Dan, Aku mambilangkan keopadomu kalo siapo nang mancorekan biniknyo, kacuali karono zinah, lalu manikah samo parompuan laen, dio bazinah." 10 Murid-murid bacakap kepoado-Nyo, "Bilo macam ni halnyo suami samo biniknyo, elokan tak manikah." 11 Tapi, Yesus bacakap kepado mareko, "Tidak samuo orang biso manarimo parkataan ni,kacuali mareko nang dikarunioi. 12 Karono, ado orang nang tak manikah karono memang talahir bagitu dari rahim omaknyo, dan ado orang nang tidak manikah karono dimandulkan samo orang laen, dan ado jugo orang nang mandul nang mamandulkan dirinyo sandiri domi Karajaan Surgo. Barangsiapo biso manarimo hal ni, biarlah dio manarimonyo." Yesus dan Anak-Anak Kocik 13 Lalu, babrapo anak kocik dibawak kepado-Nyo supayo Dio biso malotakkan tangan-Nyo atas budak-budak tu dan mandoakan mareko. Tapi, murid-murid manogur orang-orang tu. 14 Tapi, Yesus bacakap, "Biarkanlah budak-budak kocik tu. Jangan manghalangi mareko datang kepado-Ku karono Karajaan Surgo adolah punyo orang-orang nang macam budak-budak kocik ni.'' 15 Sasudah Yesus malotakkan tangan-Nyo atas budak-budak tu, Dio pogi dari situ. Macammano Mandapat Hidup Kokal? 16 Lalu, datanglah sasaorang kepado Yesus dan batanyak, "Guru, hal baek apo nang harus aku buekkan bak supayo mandapat hidup nang kokal?'' 17 Dan, Yesus bacakap kepado orang tu, "Mangapo kamu batanyak kepado-Ku tontang apo nang baek? Cumo ado Satu nang baek. Tapi, bilo kamu ondak masuk ka dalam hidup, patuhilah parintah-parintah tu." 18 n Orang tu batanyak kepado Yesus, "Parintah nang mano?" Jawab Yesus, "Jangan mambunuh, jangan barzinah, jangan mancuri, jangan mambagi kasaksian palsu, 19 hormatilah ayahmu dan omakmu, ddan kasihilah sasamamu manusio macam dirimu sandiri." 20 Orang mudo tu bacakap kepado-Nyo, "Samuo hal tuudah aku patuhi, apo lagi nang masih kurang?" 21 Uesus bacakap kepadonyo. "Bilo kamu ondak sampurno, pogi dan juallah samuo nang kamu punyoi. Lalu, bagikanlah kepado orang miskin, dan kamu akan mampunyoi harta di surgo, dan moh ikutlah Aku." 22 Tapi, waktu orang mudo tu mandongar parntaan ni, dio pogi dongan sodih karono dio sangat kayo. 23 Lalu, Yesus bacakap kepado murid-murdi-Nyo, "Aku mambilangkan nang sabotulnyo kepadomu, sulit buek orang kayo ondak masuk ka dalam Karajaan Surgo. 24 Sakali lagi, Aku mambilangkan kepadomu bahawa talobih gampang buek saekor unto buek malewati lubang jarum daripado orang kayo masuk ka dalam Karajaan Allah." 25 Waktu para murid mandongar parkataan tu, mareko manjadi sangat taheran-heran, dan bacakap, "Kalo macam tu, siapo nang biso disalamatkan?" 26 Sambil dipandang-Nyo mareko, Yesus bacakap, "Basamo manusio, hal ni mustahil, tapi basamo Allah, samuo hal tu mungkin." 27 Lantas, Petrus bacakap kepado-Nyo, "Tengoklah, kami sudah maninggalkan samuonyo dan mangikuti Engkau. Jadi apo nang akan kami tarimo?" 28 Dan, Yesus bacakap kepado mareko, "Aku mambilangkan nang sabotulnyo kepadomu bahawa kamu, nang mangikuti Aku dalam dunio nang baru, waktu Anak Manusio duduk di takhta kabosaran-Nyo, kamu jugo akan duduk di atas duo bolas takhta buek manghakimi kaduo bolas suku Isarael. 29 Dan, satiap orang nang sudah maninggalkan rumah, sudaro laki-laki, sudaro parompuan, ayah, omak, anak-anak, atau ladangnyo karono namo-Ku akan manarimo saratus kali lipat dan akan mawarisi hidup nang kokal. 30 Tapinyo, banyak orang nang partamo akan manjadi nang tarakhir, dan nang tarakhir akan manjadi nang partamo."
Parumpamoan tontang Para Pakorjo Ladang Anggur 1 "Karono, Karajaan Sorgo adolah macam pamilik ladang nang pagi-pagi kali pogi buek mancari pakorjo-pakorjo buek ladang anggurnyo. 2 Waktu dio sudah bapokat samo para pakorjo tu buek sadinar sahari, dio manyuruh mareko ka ladang anggurnyo. 3 Dan, kiro-kiro pada jam ka tigo, dio pogi dan manengok nang laennyo tongah togak manganggur di tompat umum. 4 Lalu, dio bacakap kepado mareko, 'Kamu, pogilah jugo ka ladang anggur dan apo nang cocok akan aku bagikan kepadomu.' Dan, maareko pun pogi. 5 Sakali lagi, kiro-kiro jam kaonom dan jam kasambilan dio pogi dan malakukan hal nang samo. 6 Dan, kiro pado jam kasabolas, dio pogi dan manjumpoi nang laennyo tongah togak dan dio bacakap kepado mareko, 'Mangapo kamo togak di sinin manganggur sahari suntuk?' 7 Mareko bacakap kepadonyo, 'Korno bolum ado nang mampakorjokan kami.' Pamilik ladang tu bacakap kepado mareko, 'Kamu, pogilah jugo ka ladang anggurku.' 8 Pas, hari udah ondak malam, pamilik ladang tu bacakap kepado mandornyo, 'Panggillah para pakorjo dan bayarkan kepado mareko upahnyo, dimuloi dongan nang tarahir sampe nang partamo.' 9 Waktu mareko nang dipakorjokan pado jam kasabolas , datang masing-masing orang manarimo 1 dinar. 10 Pas, mareko nang dipakorjokan partamo kali, datang, mareko mangiro ondak manarimo talobih banyak. Tapi, matreko masing-masing jugo manarimo 1 dinar. 11 Waktu manarimonyo, mareko parotes kepado pamilik ladang. 12 Mareko bacakap, 'Orang-orang nang tarakhir cumo bakorjo salamo 1 jam sajo, dan engkau mambuek mareko samo dongan kami, nang sudah mananggung boban dan panas manggigit saharian.' 13 Tapi, pamilik ladang manjawab dan bacakap kepado satu dari mareko, 'Sudaro, aku tidak basalah kepadomu. Bukannyo kamu sudah sapakat samoku buek satu dinar? 14 Ambeklah punyomu dan pogilah, tapi aku ondak mambagi kepado orang nang tarahir ni, samo macam kepadomu. 15 Apokah aku tak dibolehkan buek malakukan apo pun nang kuondak tarhadap punyoku sandiri? Ato apokah matamu jahat karono aku baek?' 16 Jadi, nang tarahir akan manjadi nang partamo, ddan nang partamo akan manjadi nang tarhir." Yesus Bacakap Lagi tontang Kamatian-Nyo 17 Waktu Yesus ondak pogi ka Yerusalem, Dio mambawak duo bolas murid-Nyo sacaro tarpisah. Dalam parjalanan, Dio bacakap kepado mareko, 18 "Tengoklah, kito tongah manuju Yerusalem dan Anak Manusio ondak disorahkan kepado imam-imam kaplo dan ahli-ahli Taurat. Mareko ondak manghukum-Nyo dongan kamatian. 19 Lalu mareko akan manyorahkan Dio kepado bangso-bangso laen buek diejek. mancambuki, dan manyalibkan-Nyo. Dan, pado hari katigo, Dio akan dibangkitkan." Parmintaan Omak dari Anak-anak Zebedeus 20 Kamudian, ibu dari anak-anak Zebedeus basamo anak-anaknyo datang kepado Yesus dan basujud buek mamintak kepado Yesus. 21 Dan, Yesus bacakap kepadonyo, "Apo nang kamu ondak kan?" Ibu tu manjawab, "Parintahkanlah bak supayo kaduo anakku boleh duduk dalam Karajoan-Mu satu di sabolah kanan-Mu dan satu di sabolah kiri-Mu." 22 Tapi, Yesus manjawab, "Kamu tak mangorti apo nang kamu mintak. Apokah kamu sanggup minum dari mangkok nang harus Kuminum?" Mareko bacakap kepado Yesus, "Ya, kami sanggup." 23 Yesus bacakap kepado mareko, "Kamu memang akan minum dari mangkok-Ku, tapi buek duduk kanak-Ku ato kiri-Ku, bukannyo hak-Ku mambagikannyo, malainkan buek mareko nang udah disiapkan samo AYAH-Ku." 24 Waktu kasapuluh murid nang laen mandongarnyo, mareko marah kepado kaduo sudaro tu. 25 Namun, Yesus mamanggil mareko baduo dan bacakap, "Kamu tau kalo para panguaso bangso-bangso laen mamarentah atas mareko, dan orang-orang bosar mareko manjalankan kuasonyo atas mareko. 26 Tak harus jugo musti bagitu diantaro kamu, tapi siapo nang ondak manjadi bosar di antaro kamu, dio harus manjadi hambamu. 27 Dan, siapo sajo nang ingin manjadi nang partamo di antaro kamu, dio harus manjadi hambamu, 28 samo macam Anak Manusionang datang bukan buek dilayani, tapi buek malayani dan mambagikan nyawo-Nyo sabage tobusan buek banyak orang." Duo Orang Buto Disombuhkan 29 Dan, waktu mareko mninggalkan Yerikho, karumunan orang banyak mangikuti-Nyo. 30 Dan, duo orang buto nang tongah ontok di topi jalan, pas mandongar kalo Yesus lewat, mreko basoru, "Tuhan, Anak Daud, kasihanilah kami!" 31 Orang banyak manogur mareko bak supayo orang tu sonyap. Tapi, mareko samangkin koncang batariak, "Tuhan, Anak Daud, kasihanilah kami." 32 Lalu, Yesus baronti dan mamanggil mareko. Dio bacakap, "Apo nang kamu ondak Aku buek untukmu?" 33 Mareko bacakap kepado-Nyo, "Tuhan, kami ondak mato kami dibukukan." 34 Yesus tagorak oleh karono bolas kasihan kepado mareko, dan mamogang mato mareko, dan saat tu jugo mareko manarimo panengokannyo balek, dan mangikut Yesus.
3 Yesus Disambut Sabage Saorang rajo 1 Waktu mareko udah dokat kota Yerusalem dan sudah sampe Betfage, di bukit Zaitun, Yesus mangutus duo orang murid-Nyo; 2 Kata-Nyo kapado mareko, "Pogilah ka kampung nang ado didopanmu, dan kamu akan manjumpoi saekor kalodai nang tarikat dan anak kalodai basamonyo. Lopaskan ikatannyo dan bawaklah kaduonyo kepado-Ku. Bilo dao orang nang manbilangkan sasuatu kepadomu, harus kamu bilangkan, 'Tuhan mamorlukannyo,' dan Dio akan copat mambalekkannyo." 4 Hal ni tajadi bak supayo tagonapilah apo nang dbilangkan oleh nabi; 5 "Bilangkanlah kepado putri Sion, 'Tengoklah, Rajomu datang kepadomu, roondah hati, dan manunggang saekor kalodai, dongan saekor kalodai mudo, anak dari kalodai baban. Zakhria 9:9 6 Murid-murid pogi dan mangorjokan macam nang sudah Yesus parentahkan kepado mareko. 7 Mareko mambawak kalodai basamo anak kalodai tu, dan Yesus duduk di atasnyo. 8 Orang banyak nang bosar jumlahnyo tu mambontangkan jubah-jubah mareko di jalan, dan nang laennyo mamotong ranting-ranting pokok, lalu manyerakkannyo di jalan. 9 Banyak orang bajalan di dopan-Nyo dan mareko nang mangikuti-Nyo basoru, "Hosana buek Anak Daud! 'Diborkatilah Dio nang datang dalam Namo Tuhan.' Hosana di tompat nang paling tinggi!" Mazmur 118:25-26 10 Pas Yesus masuk ka Yerusalem, saluruh kota digomparkan. Mareko batanyak, "Siapokah Dio ni?" 11 Dan, orang banyak tu manjawab, "Dio adolah Nabi Yesus, dari Nazaret di Galilea." Yesus Manyucikan Bait Allah 12 Lalu, Yesus masuk ka Bait Allah dan mangusir orang-orang nang tongah bajualan di Bait Allah, lalu manjungkirbalikkan mejo-mejo panukar duit dan bangku-bangku mareko nang manjual burung-burung marpati. 13 Dio bacakap kepado mareko, "Ado tartulis, 'Rumah-Ku akan disobutkan rumah doa,' tapi kamu manjadikannyo sabage sarang parampok." 14 Dan, orang nang buto dan lumpuh datang kepado-Nyo di Bait Allah, lalu Dio manyombuhkan mareko. 15 Tapi, waktu para imam kapalo dan ahli-ahli Taurat manengok mujizat-mujizat nang sudah dibuek Yesus dan manengok budak-budak basoru dalam Bait allah, "Hosana buek Anak Daud," mareko manjadi marah. 16 Lalu, mareko batanyak kepado Yesus, "Apokah Engkau mandongar nang dibilangkan budak-budak ni?" Dan, Yesus manjawab mareko, "Ya. Bolum paronakah kamu mambaco, 'Dari mulut bayi-bayi dan budak-budak nang manyusu, Engkau sudah manyiapkan pujian buek diri-Mu sandiri?" 17 Kamudian, Yesus maninggalkan mareko dan kaluar dari kota tu ka Betania dan barmalam disanan. Yesus Manunjukkan Kuaso Iman 18 Pado saat pagi hari, waktu Yesus balek ka kota, Dio manjadi lapar. 19 Dan, waktu manengok pokok ara di pinggir jalan, didatangi-Nyo dan tak mandapat apo-apo, kacuali daun-daunnyo sajo. Dan, bacakaplah Dio kepado poko tu, "Takkan paronah ado lagi buah dari padomu sampe salamo-lamonyo!" Saat tu jugo, pokok ara tu dibuek jadi koring. 20 Waktu murid-murid manengok hal ni, taheran-heranlah para murid dan batanyak. "Macam mano pokok ara tu jadi koring kojap tu jugo?" 21 Dan, Yesus manjawab mareko, "Sasungguhnyo Aku bilangkan kepadomu, bilo kamu punyo iman dan tak ragu, kamu bukan sajo akan mangorjokan apo nang dibuekkan samo pokok ara ni, malahan bilo kamu bilangkan kepado gunung ni, 'Tarangkatlah dan tacampaklah ka dalam laut,' hal tu akan tarjadi. 22 Dan, sagalo sasuatu nang kamu mintak dalam doa, porcayolah, kamu akan manarimonyo." Pamimpin Yahudi Manyangsikan Kuaso Yesus 23 Waktu Yesus masuk kadalam Bait Allah, para imam kapalo dan para tuo-tuo bangso Yahudi datang kepado-Nyo samantaro Dio tongah mangajar dan batanyak, "Dongan kuaso apokah Engkau malakukan hal-hal ni? Dan, sipokah nang mambagi samo-Mu kuaso ni?" 24 Yesus manjawab, "Aku jugo ondak mananyakkan satu hal kepadomu, nang bilo kamu biso manjawabnyo, Aku jugo akan mambagitau dongan kuaso apo Aku malakukan samuo hal ni. 25 Dari manokah babtisan Yohanes? Dari surgo ato dari manusio?" Dan, mareko mulo mambincangkannyo diantaro mareko sandiri, katanyo, "Bilom kito mambilangkan, 'Dari Surgo,'Dio akan bacakap, 'Kalo bagitu, mangapo kamu tidak porcayo kepado Yohanes?' 26 Tapi, bilo kita bilang, 'Barsal dari manusio, 'Takut kito samo orang banyak karono mareko samuo manganggap Yohanes adolah nabi." 27 Lantas mareko manjawab, "Kami tak tau." Dan Yesus bacakap, "Kalo bagitu, Aku jugo tak akan mambagitaukan kamu dongan kuaso apokah Aku mambuek hal-hal ni." Parumpamoan tomtang Duo Orang Anak 28 "Tapi, apo pandapatmu? Ao orang nang punyo duo anak laki-laki, dan datanglnakku, pogi dan bakorjolah hari ni di ladang anggur.' 29 Dan, dio manjawab, 'Ya, Ayah,' tapi udah tu dio tak pogi. 30 Lalu ayah tu pogi kepado nang kaduo dan mambilangkan hal nang samo. Anak tu manjawab, 'Tak ondak,' tapi dio manyosal dan pogi. 31 Siapokah dari kaduo anak tu nang mamatuhi ayahnyo?" Mareko manjawab, "Nang tarhir." Yesus bacakap kepado mareko, "Sasungguhnyo aku mambilangkan kepadomu bahawa para pamungut pajak dan palacur-palacur akan masuk ka dalam Karajaan Allah mandului kamu. 32 Karono, Yohanes datang kepadomu dalam kabonaran dan kamu tidak porcayoi dio, tapi, para pamungut pajak dan palacur-palacur mamporcayoinyo. Dan, kamu, waktu manengok hal nimalah tak manyosal sasudahnyo sahinggo kamu biso mamporcayoi dio." Parumpamoan tontang Pamilik dan Panyewa Ladang Anggur 33 Dongarlah parumpamoan nang laen. Ado pamilik ladang anggur nang mananami sabuah ladang anggur, dan mamasang pagar saklilingnyo, dan manggali tompat pamorasan anggur, dan mandirikan manaro. Lalu, dio manyewakan ladang anggurnyo kepado babarapo patani, dan dio barangkat ka luar nagori. 34 Waktu musimbuah ondak tibo, dio mangutus hamba-hambanyo kepado patani-patani tu buek manarimo buahnyo. 35 Dan, para patani manangkap para palayan tu dan mamukul nang saorang, dan mambunuh nang satu, dan nang laennyo dilutari batu. 36 Sakali lagi, pamilik ladang tu manyuruh hamba-hamba nang laen, nang lobih banyak dari sabolumnyo. Dan, para patani tu malakukan hal nang samo kepado mareko. 37 Ahirnyo, pamilik ladang tu mangutus anaknyo kpado mareko, katanyo, 'Mareko akan manghormati anakku.' 38 Tapi, waktu para patani tu manengok anaknyo, mareeko bacakap di antaro mareko sandiri, ' Dio adolah ahli waris, moh kita bunuh dio dan marampas warisannyo.' 39 Lalu, mareko manangkap anak pamilik ladang tu, malemparkannyo ka luar ladang anggur, dan mambunuhnyo. 40 Karono tu, waktu pamilik ladang anggur tu datang, apo nang ondak dio buekkan kepado patani-patani tu?'' 41 Mareko bacakap kepado-Nyo, "Dio akan mambinasokan orang-orang jahat tu dongan sangat jahat, dan akan amnyewakan ladang anggurnyo kepado patani-patani nang laen, nang ondak manyorahkan kepadonyo buah-buah pado musimnyo." 42 Yesus bacakap kepado mareko, "Apokah kamu tidak paronah mambaco dalam Kitab Suci: 'Batu nang ditulak samo tukang-tukang bangunan udah manjadi batu panjuru. Hal ni tarjadi dari pihak Tuhan, dan hal ni ajaib di mato kito?' Mazmur 118:22-23 43 Karono tu, Aku bacakap kepadomu, Karajaan Allah akan diambek darimu dan akan dibagikan kepado orang-orang nang manghasilkan buah darinyo. 44 Dan, siapo nang tajatuh diatas batu ni akan dipocahkan bakoping-koping; dan siapo pun nang ditimpo batu ni akan romuk." 45 Waktu imam-imam kapalo dan orang-orang Farisi mandongar parumpamoan-parumppamoan-Nyo, mareko mangorti kalo Yesus tongah mambicarokan tontang orang tu. 46 tapi, waktu mareko barusaho ondak manangkap Yesus, mareko takut kepado orang banyak karono orang banyak tu manganggap bahawa Yesus adolah nabi.
4 Gadis yang Bodoh dan yang Bijaksana 1 "Lalu, Karajaan Sorga akan diumpamokan dongan sauluh anak daro nang mambawak palito-palitonyo dan pogi buek bajumpo mampolai laki-laki. 2 Limo diantaro orang tu adolah cak odoh, dan limo nang laennyo adolah bijaksano. 3 Waktu nang cak odoh tu mambawak palito-palitonyo, mareko tidak mambawak minyaknya jugo. Tapi, nang bijaksano mambawak minyak jugo dalam kondi kocik samo palito-palito orang tu. 5 Kinin, pas mampolai laki-laki tu manundo kadatangannyo, orang tu samuo mangantuk dan talolap. 6 Tapi, pas tongah malam ado suaro batariak, ' Mampolai laki-laki tibo! Kaluarlah buek manyambutnyo!' 7 Lantas, samuo anak daro tu bangkit dan mambereskan palito-palito orang tu. 8 Dan, nang bodok bacakap samo nang bijaksano, 'Bagilah samo kami sadikit minyak klen karono palito kami udah ondak padam.' 9 Tapi, nang bijaksano manjawab, 'Tak ondak lah baya, takkan cukup buek kami jugo buekmu. Elok lahpogi mambolik sandiri samo panjual minyak buyek kamu.' 10 Samantaro orang tu pogi ondak mamboli, mampelai laki-laki tu tibo, dan mareko siap, masuk basamo-samo dongannyo ka parjamuan kawin, dan pintu di tutup. 11 Sasudah tu, baleklah pulak anak daro nang laennyo dan bacakap, 'Tuan,tuan! Bukakkan lah pintu buek kami.' 12 Tapinyo, dio manjawab, 'Motan kubilangkan samo kamu, aku tak konal samo kamu.' 13 Oleh korno tu, bajago-jago lah karono karono kamu tak tau hari ato waktunyo." Parumpamoan tontang Tigo Palayan 14 "Karono, Karajaan Surgo samo macam sasaorang nang ondak pogi ka luar nagori, nang mamanggil hamba-hambanyo dan manyorahkan hartanyo kepado mareko. 15 Samo nang saorang, dio mambagikan limo talenta. Kepado nang laennyo, duo talenta, dan samo nang laennyo lagi, satu talenta. Masing-masing sasuai kasanggupannyo. Kamudian, pogi lah dio. 16 Orang nang manarimo limo talenta langsung barambus, dan manjalankan talenta tu dan dihasilkannyo limo talenta lagi. 17 Bagitun jugo orang nang manarimo duo talenta, dio manghasilkan duo talenta lagi. 18 Tapinyo, orang nang manarimo satu talenta tu pogi, manggali lubang di tanah, dan manyurukkan duitnyo. 19 Lamo sasudahnyo, truan dari hamba-hamba tu tibo dan mambuek bakiro samo mareko. 20 Orang nang udah manarimo limo talenta tu manghadap dan mambawak limo talenta lagi, katonyo, 'Tuan, engkau mambagikan limo talenta samoku. Tengoklah, aku sudah manghasilkan limo talenta lagi.' 21 TUannyo bacakap samo dio, 'Mantab sakali, hamba nang baek dan satio. Kamu sudah satio samo hal-hal kocik, aku ondak mangangkat kamu buek banyak hal, masuklah ka dalam sukocito tuanmu.' 22 Dan, orang nang manarimo duo talenta jugo manghadap dan bacakap, 'Tuan, engkau mambagikan duo talenta samoku. Tengok, aku udah manghasiilkan duo talenta lagi.' 23 Tuannyo manjawab, 'Bagus kali, hamba nang satio samo parkaro kocik, aku ondak mangangkat kamu buek banyak hal, masuklah ka dalam sukocito tuanmu.' 25 24 Lantas, orang nang manarimo satu talenta jugo manghadap dan bacakap, 'Tuan, aku tau engkau orang nang kojam, mamanen di tompat nang engkau tidak manabur, dan mangumpulkan di tompat nang engkau tidak manyerak bonih. Korno tuh, aku takut, dan pogi dan manyurukkan talentamu di dalam tanah. Tengok, engkau punyo apo nang manjadi punyomu.' 26 Tapi, tuannyo manjawab dan bacakap kepadonyo, 'Kamu hamba nang jahat dan pamalas! Kamu tau kalo aku manuai di tompat nang aku tidak manabur dan mangumpulkan di tompat nang aku tidak manyerak bonih. 27 Korno tuh, saharusnyo kamu manyimpan duitku di bank dan pas aku balek, aku akan manarimo punyoku balek samo bungonyo. 28 Ambeklah satu talenta tuh dari dio dan bagikan samo dio nang punyo sapuluh talenta tuh. 29 Karono, satiap orang nang mampunyoi akan dibagi lagi, dan dio akan barkalimpahan. Tapi dari orang nang tidak mampunyoi, malahan apo nang dio pnyo akan diambil. 30 Campakkanlah hamba nang tak baguno tuh ka dalam kagolapan nang paling pokat. Di tompat tuh akan ado tangisan dan badorak gigi." Panghakiman oleh Anak Manusio 31 Waktu Anak Manusio datang dalam kamulioan-Nyo, dan para malaekat-Nyo, lalu Dio akan duduk di tahta kamulioan-Nyo. 32 Samuo bangso akan dikumpulkan di hadapan-Nyo, dan Dio ondak mamisahkan mareko satu dari nang laennyo, macam gambalo nang mamisahkan domba dari kambing-kambing. 33 Dan, Dio ondak manompatkan domba-domba di sabolah kanan-Nyo, dan kambing-kambing di sabolah kiri. 34 Kamudian Rajo akan bacakap samo mareko nang di sabolah kanan-Nyo, 'Kamarilah, kamu nang diborkati oleh AYAH-Ku, warisilah Karajaan nang disadiokan buekmu dari parmuloan dunio. 35 Karono pas Aku lapar, kamu mambagi Aku makan. Aku haus dan kamu mambagi Aku minum. Aku orang asing, dan kamu mangundang Aku masuk. 36 Aku talanjang dan kamu mamakekan Aku pakaian. Aku sakit dan kamu manengok Aku. Aku di panjaro dan kamu datang samo-Ku.' 37 Lantas, orang-orang bonar tu akan manjawab-Nyo, 'Tuhan, bilo kami tengok Engkau lapar dan mambagi-Mu makan, ato haus dan mambagi-Mu minum? 38 Bilo kami manengok Engkau saorang asing dan mangundang Engkau masuk, ato talanjang dan mamakekan Engkau pakaian? 39 Bilo kami tengok Engkau sakit ato di panjaro dan kami datang kepado-Mu? 40 Rajo tu akan manjawab, 'Aku mambilangkan nang sabotulnyo samo kamu, macam mano nang kamu buek kepado satu dari sudaro-sudaro-Ku nang paling kocik ni, kamu mambueknyo untuk-Ku.' 41 Kamudian, Dio akan bacakap jugo kepado mareko nang di sabolah kiri-Nyo, 'Barambuslah dari dopan-Ku, kamu nang tarkutuk ka dalam api kokal nang sudah disiapkan buek Iblis dan malaekat-malaekatnyo. 42 Karono, Aku lapar dan kamu tak mambagi Aku makan. Aku haus dan kamu tak mambagi Aku minum. 43 Aku orang asing dan kamu tak mangundang Aku masuk; talanjang dan kamu tidak mamakekan Aku kain; sakit dan di panjaro, dan kamu tak manengok Aku.' 44 Kamudian, mareko jugo akan manjawab, 'Tuhan, bilo kami manengok Engkau lapar ato haus, ato saorang asing, ato sakit, ato talanjang, ato di panjaro, dan kami tidak malayani-Mu?' 45 Kamudian, Dio akan manjawab mareko, ''Aku mambilangkan nang sasungguhnyo kepadomu, samo macam mano kamu tidak malakukannyo tarhadap satu dari mareko nang paling kocik ni, kamu tidak malakukannyo samo-Ku.' 46 Dan, mareko ni akan pogi ka dalam panghukuman kokal, tapi orang-orang bonar ka dalam kahidupan kokal."
Roncano buek Mambunuh Yesus 1 Pas Yesus sudah manyalosekan samuo nang dibilangkan nih. Dio bacakap samo murid-murid-Nyo. 2 "Taunyo kamu kalo duo hari lagi hari Paskah, dan ondak di sorahkan buek disalibkan." 3 Lalu, para imam kapalo dan tatuo-tuo bangso tu bakumpul basamo di istano Imam Bosar, nang banamo Kayafas. 4 Dan, orang tu baopokat buek manangkap Yesus dongan tipu dayo dan mambunuh-Nyo. 5 Tapinyo matreko bacakap, ''Jangan pas salamo parayaan bak supayo tak ado karusuhan di antaro orang banyak." Yesus Diurapi oleh Saorang Parompuan 6 Kinin, pas Yesus ado di Betania, di rumah Simon si kusta, 7 saorang parompuan datang kepado-Nyo dongan sabotol pasu pualam kocik barisi minyak wangi nang sangat mahal, dan parompuan tu manuangkannyo ka atas kapalo Yesus pas Dio tongah duduk makan. 8 Waktu murid-murid manengoknyo, maralah mareko dan bacakap, "Kenapao pamborosan ni? 9 Korno, minyak wangi tu biso dijual buek hargo mahal dan dibagikan samo orang nang minskin." 10 Tapi, Yesus mangatahui hal ni, bacakap samo mareko, "Mangapo kamu manyusahkan parompuan ni? Karono, dio mangorjokan parbuatan baek samo-Ku. 11 Karono, kamu salalu punyo orang miskin basamo kamu, tapi kamu tak salalu mampunyoi Aku. 12 Saat parompuan ni mancurahkan minyak wangi ka tubuh-Ku, dio mambueknyo bak manyiapkan panguburan-Ku. 13 Aku mambilangkan nang sabotulnyo kepadomu kalo di mano sajo Injil ni dibaritokan ka saluruh dunio, apo nang sudah dikorjokan parompuan ni akan dibicarokan pulak sabage paringatan buek dio." Roncano buek Mangkhianati Yesus 15 16 14 Kamudian, satu dari kaduo bolas murid, nang banamo Yudas Iskariot, pogi kepado imam-imam kapalo, dan bacakap, "Apo nang ondak kamu bagikan samo aku bilo aku manyorahkan Dio kepadomu?" Dan mareko manotapkan 30 koping perak bueknyo. Dan, samonjak tu dio mancari kasompatan baek buek manyorahkan Yesus. Hidangan Paskah 17 Kinin, pado hari partamo Roti Tak Baragi, para murid datang kepado Yesus dan batanyak, "Dimano Engkau ondak kami mamparsiapkan makan Paskah buek-Mu?" 18 Yesus manjawab, "Masuklah ka kota, kapado sasaorang dan bilangkan samo dio, 'Guru bacakap,"Waktu-Ku sudah dokat. Aku ondak marayakan Paskah di rumahmu basamo murid-murid-Ku." 19 Para murid malakukan macam nang Yesus udah posankan samo mareko, dan mamparsiapkan Paskah tu. 20 Sakarang pas muloi malam, Yesus duduk makan basamo dongan ka duo bolas murid. 21 Dan, waktu mareko tongah makan, Dio bacakap, "Aku mambilangkan nang sabotulnyo kepadomu kalo salah satu dari klen akan mangkhianati Aku." 22 Mareko sangat sodih dan masing-masing mulo bacakap kepado-Nyo, "Pasti, bukan aku, Tuhan?" 23 Dan, Dio manjawab, "Dio, nang mancolupkan tangannyo ka dalam mangkok basamo-samo Aku, diolah nang ondak mangkhianati Aku. 24 Anak Manusio akan pogi macam nang tartulis tontang Dio. Tapi, cilakolah orang tu, nang oleh kornonyo Anak Manusio dikhianati! Akan talobih elok buek orang tu bilo dio tak paronah di laherkan." 25 Lalu, Yudas nang ondak manyorahkan Yesus, bacakap kepadonyo, "Pasti bukan aku ya, Rabi? Yesus bacakap kepadonyo, "Kamu sudah mambilangkannyo." Paringatan buek Tubuh dan Darah Yesus 26 Waktu mareko tongah makan, Yesus mangambek roti. Dan sasudah mamborkatinyo, Yesus mamocah-mocahkan dan mambagikannyo kepado para murid sambil bacakap, "Ambek dan makanlah, ini adolah badan-Ku" 27 Lalu, Dio mangambek mangkok, mangucap syukur, dan mambagikannyo kepado mareko, kato-Nyo, "'Kamu samuo minumlah darinyo. 28 Karono, ini adolah darah-Ku, darah parjanjian, nang dicurahkan buek pangampunan doso-doso. 29 Aku mambilangkan kepadomu kalo Aku tidak akan maminum hasil pokok anggur ni, muloi sakarang sampe hari tu pas Aku maminum anggur nang baru basamo kamu dalam karajaan Bapak-Ku." 30 Sasudah manyanyikan sabuah pujian, mareko pogi ka bukit Zaitun. Petrus Akan Manyangkal Yesus 31 Kamudian Yesus bacakap kepado murid-murid-Nyo, "Kamu samuo akan tasandung karono Aku malam ni. Karono ado tatulis, 'Aku ondak mamukul gombala, dan domba-domba dari kawanan tu akan core-bore.' Zakharia 1:7 32 Tapi, sasudah Aku bangkit, Aku akan mandului kamu ka Galilea." 33 Bacakap Petrus, "Sakalipun samuo tasandung karono-Mu, aku tak akan tasandung." 34 Kata Yesus kepadonyo, "Aku mambilangkan nang sabotulnyo samo kau kalo pado malam ni, sabolum bakokok ayam, kau akan manyangkal Aku tigo kali." 35 Petrus bacakap kepado-Nyo, "Sakalipun aku harus mati basamo-Mu, aku tak ondak manyangkal-Mu!" Samuo murid nang laen jugo mambulangkan hal nang samo. Yesus Badoa di Getsemani 36 Kamudian Yesus tibo basamo murid-murid-Nyo di tompat nang banamo Getsemani dan Dio bacakap kepado murid-murid-Nyo, "Ontoklah disinin, samantaro Aku ondak badoa ka sanan." 37 Dan, Dio mambawak Petrus dan kaduo anak Zebedeus basamo-Nyo, dan Dio mulo basodih dan susah hati. 38 Lantas, Dio bacakap kepado mareko, "Hati-Ku sangat baduka macam nang ondak mati rasonyo. Ontok tinggal disinin dan totaplah bajago-jago basamo-Ku." 39 Dan, Dio sadikit manjauh, lalu sujudsampe muku-Nyo manyontuh tanah dan badoa, kato-Nyo, "AYAH_Ku, kalo mungkin, biarlah mankok ni balalu dari pado-Ku. Akan tatapi, janganlah macam nk, malainkan kahondak-Mu." 40 Lalu, Dio pogi kepado murid-murid-Nyo dan manjumpoi mareko tongah tidor. Lantas, Dio bacakap kepado Petrus, "Jadi, tak sanggup kamu bajago-jago basamo-Ku salamo satu jam?' 41 Bajago-jago dan badoalah bak supayo kamu jangan jatuh ka dalam pancuboan. Roh memang panurut tapi daging lomah." 42 Pogi lagi Yesus ka duo kalinyo buek badoa, kata-Nyo, "AYAH_Ku, bilo ini tak bisa balalu kacuali Aku maminumnyo, kahondak-Mu lah nang akan tajadi." 43 Sakali lagi, Dio datang dan manjumpoi mareko tongah tidor karono mato mareko borat rasonyo. 44 Hinggo, Dio maninggalakan mareko, dan Dio pogi balek, lalu badoa buek ka tigo kalinyo, mangucapkan kato-kato nang samo. 45 Kamudian Yesus balek kapado murid-murid-Nyo dan bacakap, "Tidorlah sakarang dan rehatlah. Tengok, waktunyo makin dokat dan Abnak Manusio disorahkan ka tangan orang-orang badoso. 46 Bangkitlah, moh kito pogi. Tengok, orang-orang nang ondak manyorahkan Aku sudah dokat." Panangkapan Yesus 47 Samantaro Yesus tongah bacakap, Yudas, satu dari kaduo bolas murid tu datang. Basamo-samo dongan dio, karumunan bosar orang banyak dongan podang dan pamukul, dari imam-imam kapalo dan tatuo-tuo bangso tu. 48 Sakarang, dio nang manyorahkan Yesus mambagi mareko tando, katanyo, io, tangkaplah Dio." 49 Yudas lokas mandokat kepado Yesus dan bacakap, "Salam, Rabi!" Dan, Yudas mancium-Nyo. 50 Yesus bacakap kepadonyo, "Kawan, korjokanlah maksud kadatanganmu." Kamudian orang banyak tu mandokat, malotakkan tangan kepado Yesus, dan manangkap-Nyo. 51 Dan, tengok, satu dari mareko nang basamo Yesus mangulurkan tangannyo, manarik podangnyo, dan manyorang hamba imam bosar tu, dan mamotang talingonyo. 52 Kamudian, Yesus bacakap kepadonyo, "Balekkan podangmu ka tompatnyo, karono samuo nang manggunokan podang akan binaso oleh podang. 53 Ato, kamu pikir Aku tak sanggup mamohon kepado AYAH-Ku, dan Dio, sakarang jugo, akan mambagi lobih duo bolas pasukan malaekat buek Aku? 54 Tapi, macam mano kamudian Kitab Suci ondak dogonapi nang mambilangkan kalo harus tarjadi bagitu?" 55 Pado waktu tu, Yesus bacakap kepado orang banyak tu, "Apokah macam malawan parampok kamu kaluar dongan podang dan pamukul buek manangkap Aku? Satiap hari, Aku ontok mangajar di Bait Allah dan kamu tak mangangkap Aku. 56 Tapinyo, samuo ni tarjadi bak supayo kitab-kitab para nabi digonapi." Kamudian, samuo murid maninggalkan-Nyo dan malarikan diri. Para Pamimpin Yahudi Manghakimi Yesus 57 Mareko nang manangkap Yesus mambawak-Nyo kepado Kayafas, sang Imam Bosar, tompat para ahli Taurat dan tatuo-tuo bakumpul basamo. 58 Lalu, Petrus mangikuti Yesus dari jauh sampe ka halaman rumah imam bosar. Dan , Petrus masuk, duduk basamo para pangawal buek manengok kasudahannyo. 59 Sakarang, para imam kapalo dan saluruh Sanhedrin mancai kasaksian palsu tarhadap Yesus bak supayo biso manghukum mati Dio. 60 Tapi, mareko tak biso mandapatkannyo walopun banyak saksi dusta nang datang. Kamudian, ado duo orang muincul, 61 dan bacakap, "Orang ni bacakap, 'Aku sanggup maruntuhkan Bait Allah dan mambangunnyo balek dalam tigo hari." 62 Kamudian, Imam Bosar togak dan bacakapm kepado Yesus, "Apokah Engkau tak punyo jawapan? Apo nang orang-orang ni saksikan tarhadap-Mu?" 63 Namun, Yesus totap diam. Dan, Imam Bosar tu bacakap kepado Yesus, "Kusumpahi Kau domi Allah nang hidup bak Engkau mambilangkan kepado kami, apokah Engkau adolah Mesias, Anak Allah?" 64 Yesus bacakap kepadonyo, "Kamu udah mambilangkannyo sandiri. Tapi, Aku mambilangkan kepadomu bahawa muloi dari sakarang kamu akan manengok Anak Manusio duduk di sabolah kanan Yang Mahakuaso, dan datang di atas awan-awan di langit." 65 Kamudian, Imam Bosar manguyak bajunyo dan bacakap, "Dio, sudah manghujat! Apo lagi porlunyo para saksi? Tengok, sakarang kamu sudah mandongar hujatan-Nyo. 66 Macam mano pandapatmu?" Para pamimpin Yahudi tu manjawwab, "Dio cocok dihukum mati." 67 Kamudian, mareko maludahi muko-Nyo dan malongsut-Nyo. Dan, nang laen manampar-Nyo. 68 Mareko bacakap, "Barnubuatlah tarhadap kami, hai Mesis; siapolah nang mamukul Engkau?" Petrsu Tidak Mangakui Yesus 69 Kinin, Petrus duduk di luar halaman dan saorang palayan parompuan datang kepadonyo dan bacakap, "Kamu jugo basamo dongan Yesus, orang Glilea tu." 70 Tapi, Petrus manyangkalnyo di dopan mareko samuo, katanyo, "Aku tak tau apo nang kamu bilangkan." 71 Pas Petrus kaluar ka pintu gorbang, palayan parompuan nang laennyo manengok dio dan bacakap kepado orang-orang nang ado di sanan, "Orang ni basamo-samo dongan Yesus dari Nazaret tu." 72 Dan, sakali lagi Petrus manyangkalnyo dongan sumpah, "Aku tidak mangnal Orang tu." 73 Tak lamo kamudian, orang-orang nang togak disitu mandokati Petrus dan bacakap, "Pasti kamu jugo adolah salah satu dari mareko korno logatmu mambueknyo jolas." 74 Kamudian, Petrus molui mangutuk dan basumpah, katanyo, "Aku tak mangonal Orang tu." Dan, tibo-tibo, ayam jantan bakokok. 75 Dan, Petrus taringat akan kato Yesus, "Sabolum ayam jantan bakokok, kamu akan manyangkali Aku tigo kali." Kamudian, Petrus kaluar dan manangis dongan sodihnyo.
Yesus di Hadapan Gubernur Pilatus 1 Sakarang, waktu pagi tibo, samuo imam kapalo dan para tuo-tuo bangso tu mangambek kaputusan basamo tontang Yesus buk manghukum mati Dio. 2 Dan, mareko mangikat Yesus, lalu mambawak dan manyorahkan-Nyo kepado Gubernur Pilatus. Yudas Bunuh Diri 3 Pas YUdas, nang manyorahkan Yesus manengok kalo Yesus dijatuhi hukuman mati, manyosal lah dio dan dibalekkannyo 30 koping perak kepado imam-imam kepalo dan para tuo-tuo, 4 katanyo, "Aku udah badoso karono mnyorahkan darah orang nang tak basalah." Tapi, mareko bacakap, "Apo ursannyo samo kami? Itu urusanmu!" 5 Dan, Yudas mancampakkan koping-koping perak tu ka dalam Bait Allah dan maninggalkannyo. Lalu pogi dan manggantung dirinyo. 6 Tapin imam-imam kapalo mangambek koping-koping perak tu dan bacakap, "Tak dibolehkan buek manyimpannyo dalam parbandaharoan karono ini adolah hargo darah." 7 Makonyo, mareko mambuek kaputusan basamo dan dipake duit tu, mareko mamboli tanah tukang pariuk sabage tompat buek orang-orang asing. 8 Itulah sobabnyo tanah tu disobut 'Tanah Darah' sampek kinin. 9 Dongan bagitu, gonaplah apo nang dibilangkan Nabi Yeremia: "Kamudian, mareko mangambek 30 koping perak. Itulah hargo buek diri-Nyo nang udah ditaksirkan samo orang-orang Israel. 10 Dipake orang tu 30 koping perak buek mamboli tanah tukang pariuk, macam nang sudah Tuhan parentahkan kepadoku." Yesus dan Gubernur Pilatus 11 Sakarang Yesus togak di dopan Gubernur dan Gubernur batanyak kepado-Nyo, "Apokah Engkau Rajo orang Yahudi?" Jawab Yesus, "Ya, macam nang kamu bilangkan." 12 Tapi, pas Dio dituduh oleh imam-imam kapalo dan para tuo-tuo, Dio tak manjawab apopun. 13 Kamudian, Pilatus bacakap kepado-NYo, "'Apokah Engkau tidak mandongar sahinggo nang banyak mareko manuduh Engkau?" 14 Tapi, Yesus tidak manjwab Pilatus, lanjar satu tuduhan pun sahinggo Gubernu tu sangat taheran. Pilatus Gagal Mambeb askan Yesus 15 Sakarang ni, pado satiap hari rayo, Gubernur biaso mambebaskan buek orang banyak, saorang tahanan nang dikahondaki oelh mareko. 16 Pado waktu tu, mareko mampunyoi saorang nang tarkonal nang dibilang Barabas. 17 Jadi, pas orang banyak bakumpul, Pilatus batanyak kepado mareko, "Siapo nang kamu ondak buek kubebaskan, Barabas ato Yesus nang disebut Kristus?" 18 Karono, Pilatus tau karono dongki, mareko udah manyorahkan Yesus kepadonyo. 19 Waktu Pilatus tongah duduk di kursi pangadilan, bininyo mangkirim posan kpadonyo, "Jamgam korjokan apo pun tarhadap Orang Botul tu. Karono, aku udah mandarito banyak hal hari ni dalam mimpi karono Dio." 20 Tapi, imam-imam kapalo dan para tuo-tuo manyakinkan orang banyak buek mamintak Brabas dan mambunuh Yesus. 21 Btanyaklah Gubernur samo orang tu, "Nang mano dari kaduo orang tu nang kamo ondak bak kubebaskan buekmu? Dan, nareko bacakap, "Barabas!" 22 Pilatus bacakap samo orang tu, "Kalo bagitu, apo nang harus kubuek samo Yesus, nang disobutkan Kristus?" Mareko bacakap, "Salibkan Dio!" 23 Dan, Pilatus batanyak, "Mangapo? Kajahatan apo nang Dio dah buek?" Akan tapinyo, mareko bartariak lobih koncang lagi, "salibkan Do!" 24 Waktu Pilatus manengok kalo dio tak manyalosekan apo pun, lanjar karusuhan muloi tarjadi, dio mangambek aer dan mancuci tangannyo di doipan orang banyak tu dan bacakap, "Aku tak basalah atas darah Orang ni. Itu ursanmu sandiri." 25 Dan samuo orang tu manjawwab, "Darah-Nyo ado atas kami dan anak-anak kami!" 26 Lalu Pilatus mambebaskan Barabas buek mareko dan sasudah mancambuki Yesus, Pilatus manyorahkan Dio buek disalibkan. Tantaro P{ilatus Mangolok-olok Yesus 27 Kamudian, para tantaro gubernur mambawak Yesus ka markas tompat tinggal gubernur dan mangumpulkan saluruh pasukan Romawi mangalilingi Dio. 28 Mareko manamnggalkan pakean Yesus dan mamakekan jubah ungu kepado-Nyo. 29 Dan, sasudah mangnyam sabuah mahkota baduri b asamo-samo mareko mamakekannyo di kapalo Yesus, sabatang buluh pado tangan kanan-Nyo, dan basujud di dopan-Nyo, dan mangejek Dio, kato mareko, "Salam Rajo orang Yahudi!" 30 Mareko maludahi-Nyo, mangamil bukuh tu, lalu mamukulkannyo ka kapalo-Nyo. 31 Sasudah mareko mangejek Dio , mareko malopaskan jubah ungu tu dari Yesus, dan mamakekan balek pakaian-Nyo sandiri, dan mambawak-Nyo pogi buek manyalibkan-Nyo. Yesus Disalibkan 32 Pas para tantaro tu kaluar, mareko manjumpoi saorang laki-laki dari Kirene nang banamo Simon. Mareko mamaksa Simon buek mamikul salib Yesus. 33 Dan, waktu mareko sampe di sabuah tompat nang barnamo Golgata, nang artinyo "Tompat Tangkorak," 34 mareko mambagi-Nyo anggur buek diminum nang dicampur dongan empedu, dan sasudah mangocapnyo, Dio tak ondak maminumnyo. 35 Waktu mareko manyalibkan Yesus, mareko mambagi-bagikan pakaian-Nyo dan mambuang undi. 36 Lalu mareko ontok mangawasi-Nyo disinan. 37 Dan, di atas kapala-Nyo, mareko mamasang tuduhan tarhadap-Nyo, "INILAH YESUS RAJO ORANG YAHUDI." 38 Pado waktu tu, adolah duo orang panjahat nang disalibkan basamo Yesus. Satu di sabolah kanan dan nang satu di sabolah kiri. 39 Dan, orang-orang nang lewat manghujat Dio sambil manggeleng-gelengkan kapalo, 40 dan bacakap, "Engkau nang ondak maruntuhkan Bait Allah dan mambangunnyo balek dalam tigo hari, salamatkanlah diri-Mu sandiri! Bilo Engkau Anak Allah, turunlah dari salib tu!" 41 Bagitu jugo imam-imam kapalo, basamo ahli-ahli Taurat, dan para tuo-tuo mangejek Yesus, kata mareko, 42 "Dio manyalamatkan orang laen, tapi Dio tak biso manyalamatkan Diri-Nyo sandiri. Bilo Dio adolah Rajo Israel, biarlah Dio turun dari salib tu sakarang dan kito ondak parcayo kepado-Nyo. 43 Dio porcayo kepado Allah, lantas biarlah Allah manyolamatkan-Nyo sakarang, bilo Allah mangkahondaki-Nyo. Karono Dio sandiri mambilangkan, 'Aku adolah Anak Allah." 44 Para panjahat nang disalibkan basamo dongan Dio juga mangejek-Nyo. Kamatian Yesus 45 Sakarang, dari jam kaonam, kagolapan atas saluruh tanah tu, sampe jam kasambilan. 46 Kira-kira, pado jam ka sambilan, Yesus basoru dongan suaro koras, kato-Nyo, "Eli, Eli, Lama sabakhtani?" Nang artinyo, "Allah-Ku, Allah-Ku, mangapo Engkau maninggalkan Aku?" 47 Dan, babarapo dari mareko nang togak di sanan, pas mareko mandongar tu, mareko bacakap, "Orang ni tongah mamanggil Elia." 48 Tibo-tibo, satu dari mareko balari, dan mangambel bungo karang, mambasahino dongan anggur asam, dan mangkatkannyo pado sabuah bukuh, dan mambagikannyo kepado Yesus buek diminum. 49 Tapi, nang laennyo bacakap, "Mah kita tengok, apokah Elia ado datang buek manyolamatkan-Nyo." 50 Dan, Yesus basoru balek sakali lagi dongan suaro koras dan manyorahkan Roh-Nyo. 51 dan, tengoklah, tirai dalam Bait Allah kuyak duo bagian, dari atas sampe ka bawah, dan bumi baguncang, dan batu-batu tabolah. 52 Kuburan-kuburan tarbuka, dan banyak tubuh orang-orang suci nang udah mati dibangkitkan. 53 Dan, sasudah kaluar dari kuburan-kuburannyo, sasudah kabangkitan Yesus, mareko masuk ka kota kudus dan manampakkan diri kapado banyak orang. 54 Sakarang, kapalo pasukan, dan mareko nang basamo dongannyo manjago Yesus, pas mareko manengok gompo bumi dan sagalko hal nang tarjadi ni, manjadi katakutan dan bacakap, "Botullah, Dio adolah Anak Allah." 55 Disanan, ado banyak parompuan nang manengok dari jauh, nang mangikuti Yesus dari Galilea buek malayani Dio. 56 Diantaro mareko ado Maria Magdalena, maria omak Yakobus dan Yusuf, jugo ibu dari anak-anak Zebedeus. Yesus Dikuburkan 57 Waktu hari mulo malam, datanglah saorang nang kayo dari Arimatea banamo Yusuf, nang jugo sudah manjadi murid Yesus. 58 Dio pogi kapado Pilatus dan mamintak tubuh Yesus. Lalu, Pilatus mamarentahkan bak tubuh Yesus disorahkan kepado Yusuf. 59 Dan, Yusuf mangambil tubuh Yesus dan mambalut-Nyo dongan kaen lenan nang borsih, 60 dan malotakkan-Nyo dalam kuburan nang baru, punyo dio sandiri, nang sudah digali pado bukit batu. Lalu, Yusuf manggulingkan sabuah batu togap ka pintu kuburan tu ddan pogi. 61 Dan, disanan, ado Maria Magdalena dan Maria nang laen tongah ontok di hadapan kuburan tu. Kuburan Yesus Dijago 62 Pado hari barikutnyo, yakni hari sasudah parsiapan buek Sabat, imam-imam kapalo dan orang-orang Farisi dikumpulkan ka hadapan Pilatus. 63 Mareko bacakap, "Tuan, kami taringat kalo waktu si pambongak tu masih hidup, Dio paronah bacakap, 'Sasudah tigo hari, Aku ondak bangkit balek.' 64 Karono tu, parentahkanlah bak supayo kuburan tu dijago sampe hari nang katigo, bilo tidak murid-murid-Nyo mungkin datang dan mancuri-Nyo, dan bacakap samo orang banyak, 'Dio sudah bangkit dari antaro orang mati.' Dan, panipuan nang tarahir ni akan talobih buruk daripado nang partamo." 65 Pilatus bacakap samo orang tu, "Kamu puyno panjago. Pogilah jago macammano nang kamu tau." 66 Lalu, mareko pogi dan mangamankkan kuburan tu basamo dongan kalompok regu panjago, jugo manyegel batu panutup kubur.
2 Paristiwa Kabangkitan Yesus 1 Sakarang, sasudah Sabat, pas manjolang fajar, pado hari partamo minggu tu, Maria Magdalena dan Maria nang laen pogi ondak manengok kuburan tu. Dan, tengok, tarjadi gompo bumi nang bosar karono malaekat Tuhan turun dari surgo dan manggulingkan batu tu, kamudian ontok di atasnyo. 3 Mukanyo bagekan kilat dan bajunyo putih macam salju. 4 Karono maraso katakutan kepadonyo, mareko nang manjago tu taguncang dan manjadi kek macam orang-orang mati. 5 Dan, malaekat itu bacakap kepado parompuan-parompuan tu, "Jangan takut karono aku tau kalo kamu mancari Yesus nang sudah disalibkan. 6 Dio tak ado disini karono Dio sudah bangit macam nang dibilangkan-Nyo. Moh, tengoklah tompat Dio baring. 7 Copatlah pogi dan bagitau murid-murid-Nyo kalo Dio sudah bangkit dari antaro orang mati, dan tengok, Dio mandului kamu ka Galilea. Disanan kamu akan manengok Dio. Parhatikanlah aku sudah mambilangkannyo kepadomu." 8 Dan, mareko copat-copat maninggalkan kuburan tu dongan katakutan jugo mogah hati; dan balari buek mambagitaukan tu kepado murid-murid-Nyo. 9 Dan, tengok, Yesus manjumpoi mareko dan bacakap, "Salam!" Lalu, mareko datang kepado Yesus, mamogang kaki-Nyo. 10 Lalu, Yesus bacakap kepado mareko, "Jangan takut; pogi dan bagitaulah sudaro-sudaro-Ku buek barangkat ka Galilea, dan orang tu akan manengok Aku." Para Panjago Kubur Dibayar buek Mambongak 11 Samantaro mareko tongah pogi, babarapo panjago pogi ka kota dan mambagitau imam-imam kapalo tontang samuo hal nang tarjadi. 12 Dan, waktu mareko dikumpulkan basamo para tuo-tuo. Sasudah bapokat, lalu mareko mambagikan banyak duit kepado para panjago tu, 13 dan bacakap, "Bilangkanlah, 'Murid-murid Yesus datang pado malam hari dan mancuri-Nyo pas kami tidor,' 14 Dan, bilo parkaro ni kadongaran samo gubernur, kami akan mayakinkan dio dan mambuekmu tak comas." 15 Lantas, mareko manarimo duit tu, dan mangorjokan macam nang udah diajarkan kepado mareko; dan kato-kato tu masih tarsobar diantaro orang Yahudi sampe hari ni. Amanat Agung Yesus 16 Lalu, kasabolas murid tu pogi ka Galilea, ka bukit nang sudah ditunjukkan Yesus kepado mareko. 17 Waktu mareko manengok-Nyo, mareko manyombah-Nyo. Tapinyo babarapo orang sangsi. 18 Lalu, Yesus datang dan bacakap kepado mareko, "Sagalo kuaso sudah dibagikan kepado-Ku, di surgo maupun di bumi. 19 Karono tu, pogilah dan muridkanlah samuo bangso, babtiskanlah mareko dalam namo Bapa, dan Anak, dan Roh Kudus, 20 ajarkanlah mareko buek mamatuhi samuo nang Aku parentahkan kepadomu; dan tengoklah, Aku salalu basamomu, malahan sampe kepado akhir zaman."
(Tontang Manyombuhkan Pas Hari Sabat) 1 Pas suatu hari Sabat, Yesus ka rumah salah saorang pamimpin orang-orang Farisi ondak makan roti basamonyo dan orang tu samuo mangawasi-Nyo. 2 Waktu tu ado saorang nan mandarito busung air di dopan-Nyo. 3 Yesus bacakap samo orang-orang Farisi dan ahli-ahli Taurat, "Apo bolehnyo manyombuhkan orang pas hari sabat?" 4 Tapinyo, orang tu dak manjawab-Nyo. Torus tuh, Yesus pun mamegang orang sakit tu dan manyombuhkannyo, trus manyuruh orang tu pogi. 5 Yesus bacakap ka ornag tu, "Siaponyo dari antaro kalian nan kolok anaknyo ato sapinyo jantannyo jatuh kadalam sumur pas hari sabat, tak langsung manariknyo kaluar? 6 Mako, orang tu pun tak lalu mambantah cakap-Nyo itu. (Tompat Kahormatan) 7 Torus tu, Yesus mancaritokan sabuah parumpamaan samo tamu-tamu undangan pas Dio manengok kek mano orang tu mamilih tompat-tompat duduk nan tarhormat disakitar meja makan, katonyo ka orang tu, 8 "Kolok kamu diundang samo orang ka sabiah pesta parnikahan, tak usah kamu langsung duduk di tompat nan tarhormat, korno, mungkin ajo tuan rumah tu dah mangundang orang nan lobih tarkamuko dari kamu." 9 Trus, tuan rumah tu akan mandatangi kamu dan bacakap, "kasihkanlah tompatmu itu kapado orang ni!," dan kamupun harus pindah ka tompat nan paling rindah dengan maraso malu. 10 Namun, kolok kamu diundang, duduk ajo ditompat nan paling balakang, bak supayo pas nan mangundang kau tu datang, dio akan bacakap ka kamu, 'hai Sahabat, pindahlah katompat nan lobih tarhormat." dengan kek gitu, kamu akan mandapat panghormatan di hadapan orang-orang nan duduk makan basamo dengan kamu. 11 Korno, samuo orang nan maniinggikan dirinyo akan dirondahkan, tatapi dio nan marondahkan dirinyo akan ditinggikan." (Undangan Makan dan Balasan) 12 Lalu, Yesus bacakap kapado orang nan mangundang-Nyo tu, "Kolok kamu mangadokan jamuan makan siang ato makan malam, jangan mangundang toman-toman, sodaro-sodaro, kaum kaluargo ato tetanggamu nan kayo, karono orang tu akan mambalasmu dengan mangundangmu ondak makan basamo orang tu. 13 Akan tatapi, kolok kamu mangadokan pesta, undanglah orang-orang miskin, orang-orang cacat, orang-orang lumpuh, dan orang-orang buta. 14 Dan, kamu akan diborkati karono orang-orang ni tak dapat mambalas mu balek, kamu akan mandapat balasanyo pas waktu kabangkitan orang-orang bonar." (Umpamo Mangonoi Undangan Jamuan Makan) 15 Pas salah saorang nan makan basamo-Nyo mandongar parkatoan ni, orang tu bakato kapado-Nyo, "Diborkatilah orang nan akan makan roti didalam Karajaan Allah." 16 Akan tatapi, kato Yesus kapado orang tu, "Ado saorang nan mangadokan jamuan makan malam nan bosar dan dio mangundang banyak orang. 17 Dan pas waktu makan malam dah tibo, orang tu manyuruh hamba-Nyo ondak bacakap kapado para tamu undangan tu, "Datanglah, karono samuonyo dah siap," 18 Namun, samuo tamu undangan tu mulai mambuat alasan-alasan. Orang partamo bacakap, 'aku baru mamboli sabuah ladang dan aku harus pogi manengoknyo, tarimolah parmintaan maafku ni,' 19 Nan lainnyo bacakap, 'aku baru mamboli limo pasang sapi dan aku harus pogi ondak mamarikso sapi-sapi tu, tarimolah parmintaan maafku.' 20 Santaro nan laen lagi bacakap, 'aku baru ajo kawin, karono tu, aku tak biso datang.' 21 Lalu, palayan tu pun balek dan malaporkan samuonyo kapado tuanyo. Mako, majikannyo tu pun jadi marah, trus bacakap samo palayannyo, 'Copatlah! pogi ajolah ka jalan-jalan dan satiap gang di kota ni, bawalah orang-orang miskin, orang-orang lumpuh, orang-orang pincang, dan orang-orang buta ka pestaku.' 22 Kamudian, palayan tu bacakap ka padonyo, 'Tuan, aku dah malakukan apo nan engkau cakapkan, tatapi masih ado tompat kosong.' 23 Tuan tu bacakap ka palayannyo, 'pogilah ka jalan-jalan rayo dan satiao gang, ajaklah orang-orang di sanan bak supayo datang kamari, supayo rumahku manjadi ponuh. 24 Aku bakato ka kamu, "tak saorang pun dari orang tu nan aku undang sabolumnya tu akan manikmati makanan sajianku." (Tontang Mangikut Yesus) 25 Banyak orang bajalan basamo-samo dengan Yesus. Kamudian, Dio manoleh kapado orang tu dan bacakap, 26 "Kolok sasaorang datang kapado-Ku, tatapi tak mambonci ayah dan ibunyo, istri dan anak-anaknyo, sodaro laki-laki dan sodaro parampuannyo, bahkan hidupnyo sandiri, dio tak biso manjadi murid-Ku. 27 Siapopun nang tak mamikul salibnyo dan mangikut Aku, dio tak biso manjadi murid-Ku. 28 Siapokah diantaro kamu nan ondak mandirikan sabuah menara, tatapi tak duduk dulu dan manghitung biayo bak supayo tau apokah dio mamiliki cukup uang ondak manyalosekannyo? 29 Kolok kek gitunyo, pas dio malotakkan fondasi dan tak sanggup manyalosekanyo, pas samuo orang nan manengoknyo akan manggolakinyo, 30 Orang-orang tu akan bacakap, 'orang ni mulai mambangun, tatapi dio tak sanggup manyalosekannyo.' 31 Ato, rajo mano nan ondak pogi baporang malawan rajo lain, tapi tak duduk dulu dio dan mampartimbangkan apokah dio dengan 10.000 tantaronyo tolap malawan musuhnyo nan mamiliki 20.000 tantaro? 32 Kolok dio tak dapat mangalahkan rajo lain tu, dio akan mangirim saorang utusan dan mananyokan syarat-syarat pardamean pas pasukan lawannyo tu masih jauh. 33 Kek gitu jugo kamu masing-masing, tak ado saorang pun di antaromu nan dapat manjadi murid-Ku kolok dio tak manyorahkan saluruh kapunyaonnyo. 35 (Garam Nan Tawar Tak ado Gunonyo) 34 "Garam tu elok, tatapi kolok garam tu dah kahilangan raso asinnyo, kek manolah ondak mangasinkannyo balek? Ondak dipake untuk apopun, garam tu dah tak elok lagi, ondak kaladang maupun pupuk, dicampakkan jugo nan botul. Siapo nan mampunyoi talingo untuk andongar, bak lah dio mandongar."
Saudaro-saudaro Yesus tak percayo Kepada-Nyo 1 Sasudah tu, Yesus bajalan barputar Galilea. Io tidak mau bajalan di Yudea sobab orang-orang Yahudi ondak mau membunuh Dio. 2 Waktu tu, hari royo Yahudi, atau hari royo Pondok Daun, dah dokat. 3 Sobab tu, saudaro-saudaro Yesus bekato Kepada-Nyo, " Berangkotlah dari sini ke Yudea supayo murid-murid Kau akan menengok korjo yang Kau lakukan. 4 Sobab, tidak ado orang nan melakukan apo pun dengan secara tarondok jika di konal orang banyak. Jika kau mambuat hal tu, nampakkan mukak-Mu ke dunia ni". 5 Oleh karena tu, saudaro-saudaro Yesus sandiripun tidak percayo pada Kepada-Nyo. 6 Yesus becakap kepada mereka, "Waktu-ku bolum tibo, tetapi waktumu tak akan selalu ado. 7 Dunio ni tak dapot bonci kau, totapi dunio ni bonci akan Aku, karona Aku membori kesaksian tontang dunia, kareno kelakuannyo jahat. 8 Pogilah kalian samuo ke pesta tu. Aku bolum sompat ke Pesta tu, kareno waktu - Ku bolum tibo. 9 Setolah becakap tu, Yesus ontok di Galilea. 10 Namun , setelah tu saudaro-saudaro Yesus pogi ke pesta tu, Yesus juga pogi kesana, tetapi dengan diam-diam. 11 Orang - Orang Yahudi tu mencari Dio dalam pesta tu, dan bercakap, " Di mana Dio?" 12 Ado banyok cakap orang mengenai Dio. Ado yang bekato, "Io orang baik". ado pula becakap, " Tidak, Io menyesatkan kito." 13 Sobab tu, tak ado yang berani becakap mengenai Dio karono takut kepado orang-orang Yahudi tu. Yesus menjadi guru di Bait Allah. 14 Ketiko pesta tu masih berjalan, Yesus becakap dalam Bait Allah tu. 15 Orang-orang Yahudi takjub dan berkato, "Kok bisa orang ni pintar, padahal tak belajar?" 16 Jawab Yesus kepado mereka, " Ajaranku tidak berasal dari aku, totapi dari Dio yang menyuruh Aku. 17 Jiko ado orang melakukan kehendak Allah, io tau ajaran-Ku, apakah dari Allah atau dari diriku Sendiri. 18 Orang yang becakap tentang dirinya sendiri untuk di hormati, tapi orang tu mencari hormat tuk Dia yang mengutusnya, ia benar dan tidak ado yang salah dalam dia. 19 Bukankah usah sudah mengkasihkan Hukum Taurat padamu, tak ondak kalian mengikuti aturan hukum tu? Kenapo kau mau membunuh Aku?". 20 Orang banyak tu menjawab, " Kau di masuki Ta'un! siapo yang ondak membunuh-Mu?". 21 Becakaplah Yesus kepado mereko, " Aku melakukan karejoku, dan kamu semua heran. 22 Musa memberimu sunat, yang bonar itu bukan dari Musa, totapi dari nenek moyang, dan kau menyunat sendiri waktu hari Sabat. 23 Apa bilo sasaorang di sunat waktu hari sabat sehinggo Hukum Musa tak di langgar, mengapo kau marah kepada-Ku karono Aku membuek sasaorang sombuh sapenuhnya pada hari sabat? 24 Jangan menghakimi apo nang nampak, melainkan adililah dengan penghakiman nang elok." Apokah Yesus adalah Sang Mesias? 25 Satolah tu, babarapo orang nang tinggal bak Yerusalem bacakap, " Diokah orang nang ondak orang tu bunuh? 26 Akan tetapi, tengoklah, io becakap secara torang-torangan dan orang tu tak mangatokan apo-apo kepada-Nyo. Apo mungkin pamimpin itu bonar-bonar sudah tau io adolah Kristus? 27 Sobat tu, kito tau asal orang ni. Pas tu, Ketiko Kristus datang, kalau Kristus datang, tak ado sasaorang yang tau dari mano io berasal." 28 Sobab tu, pas tu Yesus mengajar di Bait Allah, Ia bekato, " Kau sudah kenal Aku dan tau dari mano asal-Ku. Sobab, Aku tak ondak datang dari -Ku sendiri, totapi Dio nang nyuruh Aku adaloh bonar, tak konal Dio. 29 Sobab tu Aku mengenal Dio karona asal-Ku berasal dari-Nya dan Diolah yang menyuruh Aku." 30 30 Pas tu, mereka berusaho menangkap Dio, Totapi tak seorang pun yang biso menyentuh Dio karona waktunya bolum topat. 31 Pas tu, orang banyak tu percayo kepado Yesus. Becakaplah mereka, " Apbilo Kristus datong, ia akan melakukan tando-tando heran dari yang di lakukan orang lain?" Pamimpin Yahudi totap mau manangkap Yesus 32 Orang Farisi tu madongar apo nang di cakapkan orang banyak tontang Yesus. Sobab tu imam-imam kapala dan orang Farisi mayuruh panjaga Bait Allah manangkap Dio. 33 Sobab tu, Yesus bacakap, " Waktu-Ku tinggal dikit sasudah tu aku ondak bali kepada Dio yang manyuruh Aku. 34 Kau tu akan mencari Aku, Totapi tak kan jumpa dengan-Ku. Dimano aku ado, kau jugo datong ke sana". 35 Orang-orang Yahudi tu bacakap ke yang lain, "Ondak kemanokah orang ni porgi sahinggo kito tak dapot jumpo Dio? Apo io porgi ke orang Yahudi yang beserak diantoro orang-orang Yunani, dan mamukul orang-orang Yunani? 36 Apo maksud cakap-Nyo berkato, " kau akan mencari Aku, Totapi tak akan jumpa dengan-Ku. Sobab tu, dimana Aku ado, kau tak dapat porgi kesana?" Yesus Bacakap tontang Roh Kudus 37 Hari terakhir tu, puncak pesta, Yesus bardiri dan berteriak, kata-Nyo, " Jiko ado yang haus datonglah kepada-Ku tuk minum. 38 Orang yang percayo kepada-Ku, samo yang ditulis di kitab suci, dalam dirinya akan ado air hidup yang mengalir". 39 Ondak yang dinginkan Yesus adalah Roh, yang akan di terimo orang percayo kepada-Nyo. Sobab tu, Roh itu belum diberi karona Yesus bolum dimuliakan. adu mulut cerito tontang Yesus 40 Pas tu mereka madongar cakap tu, beberapo dari mereko becakap, " Orang ni bonar-bonar saorang nabi." 41 Orang yang lain bacakap, "Io ni Kristus." Orang yang lain becakap jugo, " Mungkinkah Kristus datang dari Galilea? 42 Sudah dikatakan Kitab Suci bahwo Kristus asalanya dari keturunan daud dari Betlehem, kampung tempat daud dulu monotap?". 43 Pas tu, torjadilah pertikean diantaro mareko karona Dio. 44 Babarapo orang dari mereka tu mau manangkap Yesus, totapi tak ado satu orang pun yang barani mayuntuh-Nyo. Pamimpin Yahudi babarapa tak parcayo 45 Sobab tu, para panjaga Bait Allah kembali kepado imam-imam kapalo dan orang-orang Farisi, yang bartanyo kepado mereko. "Mengapo kalian tak membawo Yesus?" 46 Panjaga Bait Allah tu manjawab, "Tak ado orang bacakap kayak orang ni!" 47 Orang Farisi tu manjawab mareko, " Apo kalian jugo sudah di sesatka? 48 Ado saorang dari antaro pamimpin atau orang Farisi yang tolah parcayo kepada-Nyo? 49 Pas tu, orang banyak tak tau hukum Taurat ni adalah terkutuk!" pambelaan Nikodemus 50 Sobab tu, Nikodemus, yang pernah bejumpo dengan Yesus, bekato kepado mereka, 51 Apakah hukum Taurat kito mengadili sasaorang di dongar dan tau yang di lakukanyo?" 52 Orang tu menjawab, " Apakah kau orang Galilea? Salidiki dan liat bahwo tak ado nabi yang datang dari Galilea.Betina nang tertangkap Berzina 53 Waktu tu, mereko samuo pulang ke rumah masing-masing.
Orang buta sejak lahir disembuhkan 1 Waktu tu Yesus sodang bajalan, Ia menongok orang nang buta sejak lahirnya. 2 Murid-murid betanyo kepada Yesus, " Guru siapo nang badoso, orang ni atau ayah omaknyo sahingga io dilahirkan buto?" 3 Yesus manjawab, "bukan dio ataupun orang tuanyo badoso, malainkan supayo pekerjaan-pekerjaan Allah dinyatokan di dalam dio. 4 Kito harus mangkorjokan pekerjaan-pekerjaan Dio nang mangkirim Aku salamo hari masih siang; malam kan tibo saat tak ado saorang pun dapat karojo. 5 Salama Aku masih bak dunio, Akulah torang dunia." 6 Satelah mancakapkan begitu, Yesus maludah ke tanah dan mengaduk ludah-Nya dengan tanah, lalu mangoleskannyo pada mato orang tu. 7 dan bacakap kepadanyo, "Pogi, basuhlah diri kau bak kolam siloam." Siloam artinya "diutus". Lalu, orang itu pogi, mambasuh dirinyo, dan dio balek dengan manengok. 8 Para tetanggo dan orang tu nang sabelumnya manengok dio nang buto becakap, "Bukankah orang ni nang biasanyo duduk bak mengemis?" 9 Sebagian orang bacakap, "Io, diolah pengemis tu." Yang lain bacakap, "Bukan, dio hanya sarupo dengan pangemis tu." Namun, orang nang tadinyo buto bacakap, "Awaklah pengemis tu." 10 Lalu, orang-orang tu batanyo kepadanyo, "Bagaimano mata kau bisa di celikkan?" 11 Orang tu manjawab, "Orang nang banamo Yesus tu mangaduk tanah dan mangoleskannyo di mata awak. Satolah tu, Io bacakap kepadaku, 'Pogilah ke Siloam dan basuhlah diri kau', jadi awak pogi bak mambasuh diri, bak awak dapot manengok." 12 orang tu bacakap kepadanyo, "Dimanakah Orang tu?" Io manjawab , " tak tau awak." 13 Kemudian, orang tu mambawa orang nang tadinyo buto kepado orang-orang Farisi. 14 Adapun hari ketiko Yesus mengaduk tanah bak mambuko mato orang tu pada hari Sabat. 15 Maka, Orang-orang Farisi sakali lagi mananyokan pada orang tu bagaimano io biso manengok. Io berkato kepada orang tu, "Io mangoleskan adukan tanah ka mataku, bak awak mambasuh diri dan awak biso manengok." 16 Karena tu, babarapo orang Farisi bacakap, "Orang tu tak berasal dari Allah karono Io tak mamatuhi hari Sabat." Nang lain bacakap, "Akan Tetapi, macam mano mungkin orang nang badoso bisa malakukan tando ajaib saperti ini?" Mako, timbullah pertengakaran diantaro orang tu. 17 Jadi, orang tu balek betanyo kepado orang buta tu, apo pandapot kau tontang Dio karono Dio sudah mambukakkan mata kau?" Orang tu manjawab, "Io adalah saorang Nabi." 18 Orang-orang Yahudi tu totap tak percaya kepadanyo, bahwa orang tu tadinyo memang buta tapi saat ni dapat manengok, sampai orang tuo dari orang nang sekarang dapat manengok tu, 19 dan betanyo pada orang tu, " Apokah ni anakmu, nang kau cakapkan buto sejak lahir?" 20 orang tuanya manjawab orang tu dan bacakap, " Kami tak tau bahwo dio anak kami dio buto sejak lahir, 21 tetapi macam mano sakrang io dapot manengok kami tak tau; atau siapo nang sudoh mambukak matanyo, kami tak tau kau. Tanyakan saja kepadanyo io sudah dewaso; ia akan bacakap untuk dirinya sendiri." 22 Orang tuanyo membilangkan begitu karono orang tu takut pada orang-orang Yahudi. Sobab, orang-orang Yahudi sudah sapakat, bahwo satiap orang nang mangakui Yesus sebagai Kristus akan di kucilkan dari sinagoge. 23 Itulah sobabnyo orang tuanyo bacakap, "Io sudah dewasa, tanyakan sajo kepadanyo." 24 Jadi, untuk kadua kalinya orang-orang Yahudi mamanggil orang nang tadinyo buto tu, bak bacakap kepadanyo , "Berikan kemuliaan buat Allah, kami tau bahwa orang ni badoso." 25 Ia manjawab, Apokah orang tu orang badoso atau tidak, awak tak tau; satu hal nang awak tahu, sabelumnyo awak buto, tetapi sakarang awak manengok." 26 Mareka bacakap kapadanyo, "Apo nang io lakukan padamu? Bagaimana Io mambuka matamu? " 27 Io manjawab mareko, " Aku sudah bacakap padamu, tapi kau tak mau mandongarkannya; mangapo kau ondak mandongarkannya lagi? Apo kau ondak menjadi murid-Nyo jugo?" 28 Maka, mereko mengejek dio dan bacakap, " Kau Murid Orang tu, tapi kami adalah murid-murid Musa. 29 Kami tahu Allah sudah bacakap pada Musa, tapi tontang orang tu, kami tak tau io dari mano asalnyo!" 30 Orang tu manjawab dan bacakap pada mereka, " Sungguh aneh kau tak tau dari mano Dio barasal, Padahal Dio sudah mambuka mata kau. 31 kita tau bahwo Allah tak mandengarkan orang badoso, tapi siapo pun nang takut akan Allah dan melakukan kehendak-Nyo, Allah mandengorkannyo. 32 32 Dari dulu sampai sekarang ni, bolum pernah di dongar ado saseorang mambuko mato orang buto sojak lahir. 33 Jiko orang tu tak berasal dari Allah, Dio tak dapot barbuta apo-apo." 34 Orang-orang Yahudi tu manjawab dan bacakap padanyo, " Kau lahir penuh dengan dosa, dan kau mau jadi guru kami?" Maka, orang tu di usir. 35 Yesus mandongar bahwa orang-orang Yahudi tu tolah mangusir orang buta tu; katiko Yesus bajumpo dengan dio, Yesus bacakap, " Apo kau parcayo pado Anak Manusio?" 36 Orang tu manjawab, "Siapo Dio tu, Tuhan, supaya Aku percayo pada-Nyo?". 37 Yesus becakap kepadanyo, "Kau sudah malihat Dio. Dio adalah yang sodang bacakap padamu." 38 Orang tu manjawab, " Tuhan, aku percayo!" Kamudion, io sujud mayombah-Nyo. 39 Yesus bacakap, " Tuk penghakiman Aku datang ke dunia ni supayo mereko yang tak melihat, dapat melihat dan mereko yang melihat, manjadi buto." 40 Baberapo orang Farisi yang ado di dekat-Nyo mandengar, dan bacakap pada-Nyo, " Apokah kami juga buto?" 41 Yesus bacakap pada mereka, " jika kau buto, ku tak mamiliki dosa; tapi kau bacakap, 'Kami malihat', dosamu masih ado.'
Kematian Lazarus 1 ado saorang jantan yang sodang sakit, namanyo Lazarus dari Betania, Kampung Maria dan saudarinya, Marta. 2 Maria ni adalah batina yang pornah maminyaki kaki Yesus dongan rambutnyo, nan saudaro laki-lakinyo, Lazarus waktu tu sodang sakit. 3 Sebab tu, kedua saudari ni mangkirimkan kabar kepada-Nyo, nang becakap, "Tuhan, orang nang Engkau kasihi sedang sakit." 4 Namun, katiko Yesus mandongar kabar tu, ia becakap, "Penyakit tu tak akan manyobabkan kamatian, tetapi akan menyatokan kamuliaan Allah supayo Anak Allah dimuliakan lewatnyo. " 5 Yesus memang mengasihi Marta, dan saudaro batinonyo, bak Lazarus. 6 Jadi, katiko Yesus mandongar bahwa Lazarus sakit, Io sangajo tinggal salomo 2 hari lagi di tempat io berado. 7 Sasudah tu Yesus becakap buek murid-murid-Nyo, "Moh kito pogi lagi ka Yudea." 8 Paro murid becakap kepado Yesus, " Guru, orang-orang Yahudi bolum lamo nih barusaho melempari Engkau dengan batu, apokah Engkau totap akan ka sanan lagi?" 9 Yesus manjawab, " Bukankah ado 12 jam dalam sahari? Bilo sasaorang bajalan waktu siang hari, io tak tarsandung karono io manengok torang dunio ni. 10 Akan totapi, bilo sasaorang bajalan waktu malam hari io tasandung karono torang tu tak ado padanyo." 11 Sasudah Yesus becakap begitu, Io becakap buek orang tu, "Kawan kito, Lazarus, sudah ta tidur, totapi Awak akan pogi untuk mambangunkan dio." 12 Murid-murid becakap pada-Nyo, " Tuhan, bilo io sudah tatidur, io akan sombuh." 13 Yesus becakap nang botul tontang kematian Lazarus, totapi dikiro murid-murid io becakap tontang tatidur dalam arti istirahat. 14 Karono tu, kamudian Yesus becakap dongan torus torang buek orang tu, "Lazarus sudah mati, 15 dan awak sonang demi kapontingan kau, Aku tak ado disanan supayo kau bisa pacayo. Jadi moh kita pogi padanyo." 16 Satolah tu, Tomas nang disebut Didimus, bacakap buat murid-murid nang lain, "Moh kito pogi jugo supayo kito dapat mati bersama-Nyo." 17 Katiko Yesus tibo, Io mandapati Lazarus sudah tak ado dalam kuburan salamo 4 hari. 18 Adopun Betania tarlotak limo bolas stadia jauhnyo dari Yerusalem. 19 Banyak orang Yahudi sudoh datang manjumpoi Maria bak Marta, untuk manghibur orang tu berkaitan dongan soudaronyo tu. 20 Katiko mandongar bahwa Yesus sudah tibo, Marta porgi bak manyambut-Nyo, totapi Maria totap tinggal bak rumah. 21 Marta bacakap buek Yesus, "Tuhan, seumpayonyo waktu tu Engkou ado disini saudaroku pasti tak akan mati. 22 Akan totapi, sekarang ni awak tau bahwo apo pun nang Engkau minto dari Allah, Allah akan mengkasihkannyo kepada-Mu." 23 Yesus becakap kepadanyo, "Saudaramu akan bangkit." 24 Marta manjawab Dio, " Awak tau io akan bangkit pada hari kebangkitan pado akhir zaman." 25 Yesus becakap padanyo, "Awaklah kebangkitan dan kehidupan; siapopun nang parcayo kepada Awak, io akan hidup walaupun io sudah mati, 26 dan satiap orang yang hidup dan parcayo kepada Awak tidak akan pornah mati. Apo kau percayo akan hal ini?" 27 Marta becakap kepada-Nyo, " Tuhan, awak percayo bahwo Engkoulah Kristus, Anak Allah, yang sudah datong ka dunia ni." Yesus Manangis 28 Satolah bacakap tontang hal tu, Marta porgi nan mamanggil Maria, saudarinya, dan bacakap sacara pribadi, "Guru ado di sini dan Io mamanggilmu." 29 Mandongar tu, Maria sagora bardiri nan jumpai Yesus. 30 Pas tu, Yesus bolum tibo ke kampung tu, totapi Marta ondak bajumpo dengan-Nyo. 31 Orang-orang Yahudi nang basamo Maria di rumah tu, sodang manghibur dio, malihat Maria bargegas bangkit dan porgi kaluar; mereka ondak mangikuti dio karono mangira io akan porgi ke kubur tuk manangis di sano. 32 Katiko Maria tibo di tompat Yesus berado, io malihat Yesus dan mayombah di kaki-Nyo, dan bacakap pada-Nyo, "Tuhan, kalo Kau di sini waktu tu, taklah mati saudaroku ni." 33 Katiko Yesus malihat Maria manangis, dan orang-orang Yahudi yang ado bersamanyo jugo ikut manangis, barteriaklah Yesus dalam Roh dengan sangat. 34 Yesus bacakap, " Dimano Lazarus kau kubur?" Jawab Dio, "Tuhan, mo ondak ikut dan lihatlah". 35 Yesus ikut manangis. 36 Sobab tu, orang-orang Yahudi becakap, " Tengoklah! Betapo Io sangat mengasihi Lazarus!" 37 Akan totapi, babarapo orang di antaro mereko ado yang becakap, " Gak bisakah Io yang tolah mambuka mata orang buto ni mambuat Lazarus tidak mati?" Lazarus dibangkitkan dari Kematian 38 Yesus, sangatlah hati-Nyo sodih sakali, sahinggo io porgi ka kuburan. Di kuburan tu ada sabuah goa, dan sabuah batu di lotakkan tuk manutupnya. 39 Yesus bacakap, " Buang batu tu!" Marta, saudara yang maninggal tu, becakap pada-Nya, "Tuhan, ado bau busuk kaluar karono dio sudah maninggal salamo ompat hari." 40 Yesus manjawab dio, " Aku sudah pornah becakap padamu jiko kau percoyo, kau akan tengok kamuliaan Allah?" 41 Maka, mereko mangangkat batu tu. Kamudian Yesus manengadah dan becakap, " Bapa, Aku bersyukur pada-Mu karono Engko tolah mandongar-Ku. 42 Aku tau bahwo Engko salalu mandongarkan-Ku, totapi karono orang-orang yang bardiri di sekeliling-Ku, Aku becakap ke orang tu agar percoyo bahwo Engkaulah yang tolah mangutus Aku." 43 Satolah bacakap tu , Yesus ber tariak dengan suara koras, "Lazarus, kaluarlah!" 44 Orang nang mati tu kaluar, tangan nan kakinya masih tarikat tali kafan, dan mukanyo masih tar tutup kain kafan. Yesus becakap pada orang tu, "Lepaskan kain-kain tu darinyo dan biarkan io pogi". Rencano tuk bunuh Yesus 45 Orang-orang Yahudi mou bajumpo Maria, dan manengok apo yang tolah Yesus lakukan, manjadi parcoyo kepada-Nyo. 46 Akan totapi, babarapo dari orang tu mandatangi orang -orang Farisi dan membilangkan ke orang tu apo yang tolah di lakukan Yesus. 47 Maka, imam-imam kapala dan orang-orang Farisi sepakat bajumpo dongan Sanhedrin dan becakap, "Apo yang kito lakukan? Sobab, Orang ni ondak malakukan tando-tando ajaib. 48 Jiko kito bebaskan Dio torus, maka samuo orang tu parcoyo pada-Nyo dan orang-orang Roma ondak datang tuk marampas tompat ni dan bangso kito." 49 Akan totapi, saorang dari orang tu yang bernamo Kayafas, nangtu manjadi imam bosar pada tahun tu, becakap pado orang tu, " Kalian tak tau apo-apo, 50 io mempartimbangkan bahwo lobih baik satu orang mati tuk saluruh bangso, daripado saluruh bangso binaso." 51 Io tak bacakap tontang dirinyo sandiri, totapi sebagai Imam Bosar tahun tu, io barnabuat bahwo Yesus akan mati tuk bangsonyo. 52 Dan, bukan hanya tuk bangso Yahudi sajo, malainkan jugo tuk mangumupulkan manjadi satu anak-anak Allah yang sudah baserak. 53 Maka, sejak hari tu, orang tu sapakat tuk mambunuh Yesus. 54 Sobab tu, Yesus tak lagi bajalan sacara torang-torangan diantaro orang Yahudi, totapi Io porgi dari sano ka wilayah dokat padang balantara ka sabuah kota barnama Efraim; dan Io ontok di sana bersamo murid-murid-Nyo. 55 Saat tu, Paskah orang Yahudi dah dokat, dan banyak orang dari Wilayah tu porgi ke Yerusalem sabolum Paskah tuk mamborsihkan diri orang tu. 56 Lalu, orang tu mancari Yesus dan bacakap satu kepado yang lain samantaro orang tu bardiri dalam bait Allah, orang tu saling bartanyo, "Bagaimano manurutmu? 57 Adapun imam-imam kapalo dan orang-orang Farisi tolah mangaluarkan perintah bahwo jiko ado sasaorang tahu dimano io barada, orang tu harus malaporkannyo supayo mereko dapot manangkap-Nyo.
Maria Mamiyaki Kaki Yesus di Betania 1 Anam hari sabolum Hari Raya Paskah, Yesus porgi ke Betania, Tompat tinggal Lazarus, yang dulu pornah di bangkitkan Yesus dari kematian. 2 Disana, tolah disiapkan jamuan makan malam tuk Yesus; nan Marta sodang molayani, totapi Lazarus adalah salah satu dari mereka yang duduk di meja barsamo Yesus. 3 Kamudian, Maria mangambil sotongah kati minyak narwastu nang asli dan sangat mahal, lalu maminyaki kaki Yesus dan mangeringkannyo dongan rambutnyo. Maka, rumah tu ponuh wangi minyak tu. 4 Namun, Yudas iskariot, salah satu murid-Nyo, yang akan mengkhianati Dio, becakap, 5 Mangapo minyak wangi tu tidak dijual sajo sahargo tigo ratus dinar dan diborikan pado orang-orang miskin?" 6 Io bekato demikian bukan karono io paduli pado orang susah, malainkan karono io adalah saorang pancuri, dan io mambawo kotak uang, io mangambil uang yang di masukkan ke dalam kotak tu. 7 lalu, Yesus manjawab, " Biarkanlah batino tu, io malakukannyo sabagi parsiapan tuk panguburan-Ku. 8 Sobab, orang miskin selalu dokat denganmu, totapi Awak tak selalu ado barsamomu," Para Imam Kapalo ondak bunuh Lazarus 9 Katiko sajumloh bosar orang Yahudi mandongar bahwo Yesus ado di Betania, orang tu porgi ke sano, bukan karono Yesus, malainkan ondak manengok Lazarus yang tolah bangkit dari kematian. 10 Lalu, imam-imam kapalo barencano ondak mambunuh Lazarus jugo. 11 Sobab Lazarus, banyak orang Yahudi tu maninggalkan orang tu dan parcayo pado Yesus. Yesus masuk ka kota Yesrusalem saperti Raja 12 Kaesokan harinyo, orang banyak yang menghadiri pesta tu, katiko mandongor Yesus ondak ke Yerusalem, 13 orang tu mangambil Dio dan bersorak-sorak, " Hosana! Diberkatilah Dio yang datang dalam namo Tuhan, Raja Israel!" Mazmur 118:25-26 14 Satolah mandapatkan saekor kaledai mudo, Yesus duduk diatasnyo, seporti yang torsirat : 15 Jangan takut, hai betino Sion! Tengoklah! Rajamu datang, duduk di atas saekor kaledai mudo." Zakharia 9:9 16 Sobelumnya, murid-murid tu belum paham semuo karona tu, ketika Yesus dimuliakan, setelah tu mereka paham bahwa semuo tu tolah di tulis tontang Dio, dan mereka tolah melaksanakan tuk Dio. Orang banyak tu bacakap tontang Yesus 17 Jadi, orang-orang nang barsamo Yesus saat Io mamanggil Lazarus kaluar dari kubur dan mambangkitkan dio dari kamatian tu torus barsaksi. 18 Sobab tu, orang banyak tu mayambut Yesus karono orang tu mandongar bahwo Diolah yang tolah malakukan mukjizat tu. 19 Maka, orang-orang Farisi becakap satu samo yang lain, " Kau tengok, apo yang kito rencanakan tak berhasil. Tengoklah, saluruh dunia tolah ikut Dio!" Yesus becakap tontang Kahidupan dan Kamatian 20 Pada saat tu, ado orang-orang Yunani diantaro orang tu yang porgi tuk ibadah pado perayaan tu. 21 Orang tu manemui Filipus, yang berasal dari Betsaida di Galilea, dan becakap padanyo, "Tuan, kami ondak mou bajumpa dengan Yesus." 22 Filipus porgi dan barcarito ke Andreas; lalu Andreas dan filipus porgi dan momboritahu Yesus 24 23 Yesus manjawab mereka, " Waktunyo tolah tibo bagi Anak Manusia tuk dimuliakan. Sasungguhnyo, Awak becakap padamu, kecuali biji gandum jatuh dan mati, biji tu totap satu aja; tapi jika biji tu mati, io menghasilkan banyak buah. 26 25 orang yang mancintai nyawonyo, akan kehilangan nyawonyo, tapi nang tidak mancintai nyawanya di dunia ni, akan mameliharanyo tuk hidup nang kokal. Jika sasaorang malayani Awak, io harus mangikuti Awak; dimano Awak ado disitu pulo pambantu-Ku barado; Jiko sasaorang malayani Awak, Ayah akan manghormati dio." Yesus bacakap tontang kamatian-Nyo 27 "Saat ni, jiwo-Ku golisah. Apo nang akan Kucakapkan? 'Ayah, salamatkanlah Awak dari saat ni. 28 Ayah, muliakanlah nama-Mu!" Lalu, tadongarlah suaro dari surga, "Awak sudah mamuliakan nama-Ku bak Awak mamuliakannyo balek." 29 Banyak orang nang bardiri di situ bak mandongarnnyo membilangkan bahwa itu suaro guntur totapi nang lain bacakap, "Saorang malaikat tolah bacakap kepado-Nyo!" 30 Yesus manjawab bak bacakap, "Suaro itu tardondar bukan tuk kepentingan-Ku, malainkan tuk kepenganmu. 31 Saat nilah penghakiman bagi dunio ni, saat ni lah penguaso dunio akan diusir. 32 Dan, jika Awak di tinggikan dari dunio ni, Awak akan manarik samuo orang kepada-Ku." 33 Yesus membilangkan hal ni untuk manunjukkan dongan kematian seperti apo io akan mati. 34 Orang banyak tu manjawab Dio, "Kami sudah mandongar dari hukum Taurat bahwa Kristus akan totap tinggal selamo-lamonyo; bagaimano mungkin Engkau becakap, 'Anak Manusio tu harus ditinggikan?' Siapo Anak Manusia tu? 35 Yesus manjawab orang tu, "Tinggal sebentar lagi torang itu ado sama kau. Bajalanlah salagi terang tu masih ado supayo kegelapan tak kan manguasai kau; sobab orang nang bajalan dalam kegolapan tak tau kemano io porgi. 36 Saat kau mampunyoi torang tu, percayolah kepada torang tu supayo kau menjadi budak-budak terang." Satolah mancakapkan demikian Yesus porgi dan mamborondokkan diri dari orang tu. Babarapo orang Yahudi tak percayo kepado Yesus 37 Meskipun Yesus tolah melakukan banyak tando ajaib di depan orang tu, totap tidak percayo kepada-Nyo. 38 supayo gonaplah perkataan yang disampaikan oleh Nabi Yesaya, "Tuhan, siapakah yang percayo kepado berita kami? Dan, kepado siapakah tangan Tuhan tolah dinyatakan?" Yesaya 53:1 39 itulah sobabnyo, orang tu tidak dapot percayo karono Yesaya jugo bacakap, 40 "Io tolah mambutokan mato orang tu dan mangoraskan hati orang tu, supayo orang tu tak manengok dengan mato orang tu bak memahami dengan hati orang itu, lalu babalik sahinggo Awak manyombuhkan orang tu," Yesaya 6:10 41 Yesaya mebilangkan samuo ni karono io sudak manengok kamuliaan Yesus bak io barcarito mangonai Dio. 42 Meski demikian, banyak jugo para pamimpin nang parcayo kepado Yesus, namun karono takut kepado orang-orang Farisi, orang tu tan membilangkannyo torus torang karono takut akan dikucilkan di sinagoge. 43 Sobab, orang tu lebih suko manerimo kemuliaan dari manusio dari pado kemuliaan dari Allah. Ajaran Yesus Akan Menghakimi Manusio 44 Satolah tu, Yesus bartariak, kata-Nyo, "Satiap orang nang parcayo kepada-Ku, tidak percayo kepada-Ku, melainkan kepada Dio nang mangkirim Awak, 45 Dan, satiap orang nang sudah manengok Awak, tolah manengok Dio nang mangkirim Awak. 46 Awak sudah datang sebagai Torang ka dunia ni, supayo satipa orang nang parcayo kepada-Ku tak tinggal dalam golap. 47 Jika sasaorang mandongarkan cakap-Ku, tetapi io tak menurutinyo, Awak tak menghakimi dio; sobab Awak datang bukan untuk menghakimi dunio, melainkan tuk manyolamatkan dunio. 48 Siapo nang manolak Awak dan tak manarimo cakap-Ku, maka firman nang Awak cakapkan akan menhakimi dio pada akhir zaman. 49 Karono Awak tak bacakap atas kemauan-Ku, melainkan Ayah nang mengkirim awak mambori-Ku perintah atas apo nang harus Awak cakapkan dan Awak caritokan. 50 Dan, Awak tau bahwo perintah-Nyo adalah hidup kokal. Sobab tu, hal nang Awak sampaikan, Awak sampaikan saporti nang di cakapkan Ayah kepada-Ku."
(Kabar Tontang Kabangkitan Yesus) 1 Pas hari partamo minggu tu, Pas hari masih golap, Maria Magdalena pogi ka kuburan dan manengok batu panutup kubur tu dah tageser dari kubur tu. 2 Karono tu, dio balari dan manjumpoi Simon Petrus dan murid nan laennyo, nan dikasihi Yesus, dan bacakap samo orang tu, "Orang tu dah mangembek mayat Tuhan kito dari kubur, dan kami tak tau dimano orang tu malotakkan-Nyo." 3 Abistu, Petrus dan murid nan lain tu pogi ka kubur. 4 Kaduonyo balari basamo-samo, tatapi murid nan laen tu balari lobih copat dari pado Petrus, sahinggo dio sampek lobih dulu kakuburan. 5 Dio malongok dan manengok kadalam, dan manengok kain linen pambungkus mayat Yesus tagalotak disanan, tatapi dio tak masuk kadalam. 6 Kamudian, Simon datang manyusul dio, dan masuk kadalam kubur, dio manengok kain linen pambungkus tagalotak disanan, 7 Kain panutup wajah nan mambalut kapalo Yesus tak tagalotak basamo kain linen pambungkus tadi, tatapi dah tagulung ditompat nan babeda. 8 Abistu, murid nan laen tadi, nan lobih dulu sampek ka kuburan tu, jugo masuk, dio manengok dan parcayo. 9 Karono, sabolum kajadian tu, orang tu bolum mangorti Kitab Suci, kolok Yesus harus hidup balek dari kamatian. (Yesus Manampakkan Diri Samo Maria) 10 Jadi, kaduo murid tu pulang ka rumah. 11 Tak taunyo Maria badiri diluar kuburan dan manangis. dio malongok kadalam kuburan sambil manangis. 12 Dan dio manengok duo malaikat bapakaian putih tongah duduk di tompat mayat Yesus dibaringkan sabolumnyo, nan satu duduk dibagian kapalo dan nan satunyo lagi dibagian kaki. 13 Kaduo Malekat tu batanyo samo Maria, "Perempuan, mangapo kamu manangis?" Maria manjawab malekat tu, "Mereka dah mangambek mayat Tuhanku, dan aku tak tau dimano orang tu malotakkan-Nyo." 14 Sasudah dikatokannyo macam tu, Maria manoleh kabalakang dan manengok Yesus badiri di situ, tatapi tak sodar dio kolok itu adolah Yesus. 15 Yesus batanyo samonyo, "Parampuan, mangapolah kamu manangis?" Siapo nan kamu cari tu?" Karono disangko Maria, Yesus tu adolah panjago taman kuburan, Maria bakato samo-Nyo, "Tuan, kolok Tuan dah mamindahkan-Nyo, kasihtaukanlah samo kami, dimano Tuan dah malotakkan-Nyo, dan aku ondak mangambek-Nyo balek!" 16 Yesus bakato samonyo, "Maria." Maria pun manoleh dan bakato samo-Nyo dalam bahaso Ibrani, "Rabuni", nan artinyo adolah, "Guru". 17 Yesus bacakap samonyo, "Usah dulu kau jamah Aku, karono Aku bolum lagi pogi samo Ayah-Ku, Akan tatapi, pogilah samo sodaro-sodaro-Ku dan katokanlah samo orang tu, 'Aku akan pogi kapado Ayah-Ku dan Ayah mu, samo Allah-Ku dan Allah mu. 18 Maria Magdalena pogi dan mangasihtaukan ka murid-murid, "aku tadi dah manengok Tuhan." dan kolok Yesuslah nan dah mangatokan hal-hal ni samonyo (Yesus Manampakkan Diri Samo Murid-Murid-Nyo) 19 Pas hari tu dah malam, yaitu hari partamo dalam minggu tu, dan pintu-pintu tatutup, ditompat para murid bakumpul, karono orang tu takut samo orang-orang Yahudi, Yesus datang dan badiri di tongah-tongah orang tu samuo sambil bakato, "Dame sojahtralah samo kalian samuo!" 20 Sasudah mangatokan kek gitu, Yesus manunjukkan tangan dan lambung-Nyo samo orang tu, para murid sangat basukocito pas orang tu manengok Tuhan. 21 Abistu, Yesus bakato lagi samo orang tu, "Dame Sojahtra samo kalian samuo, samo kayak Ayah dah mangutus Aku, kek gitu jugolah kinin Aku mangutus kamu." 22 Dan, sasudah Dio mangatokan kek gitu, Yesus mangombusi orang tu dan bacakap, "Tarimolah Roh Kudus! 23 Kolok kamu mangampuni doso sasaorang, doso orang tu diampuni, Kolok ado orang nan doso-dosonyo tak kamu ampuni, doso orang tu pun tak akan diampuni." (Yesus Manampakkan Diri Samo Tomas) 24 Tomas, salah saorang dari kaduo bolas murid, nan disobut Didimus, tak ado basamo orang tu pas Yesus datang. 25 Karono tu, murid-murid nan laen mangasitaukan samo dio, "Kami dah manengok Tuhan.: Namun Tomas bakato samo orang tu, "Tak yakin aku, kolok tak ku cucukkan jariku ni kadalam bokas paku tu dan kolok tak kutengok langsung, tak yakin aku doh." 26 Dalam hari kamudian, murid-murid balek bakumpul di rumah, dan Tomas ado basamo dengan orang tu. Walopun pintu-pintu tatutup, Yesus datang dan badiri ditongah-tongah orang tu, jugo bacakap, "Dame Sojahtra samo kalian samuo." 27 Kamudian, Dio bakato samo Tomas, "Cucukkanlah jarimu disinin dan tengoklah tangan-Ku, dan cucukkan jugo tanganmu ka lambung-Ku, tapi yakin dan pacayolah!." 28 Tomas manjawab Yesus, "Ya, Tuhan dan Allahku!" 29 Yesus bakato samonyo, "Apo dah pacayo kau samo-Ku sakarang? karono kau dah manengok, mangkonyo kau pacayo? diborkatilah orang tu nan tak manengok, tatapi pacayo." (Tujuan Yohanes Manulis Kitab Ini) 30 Masih banyak tando ajaib lain nan dilakukan Yesus didopan murid-murid-Nyo, nan tak tatulis dalam kitab ni. 31 Akan tatapi, samuo ni ditulis, bak supayo kamu pacayo, kolok Yesus adolah Kristus, Anak Allah, dan bak supayo lewat kayakinanmu tu, kamu mandapatkan hidup dalam namo-Nyo.
(Yesus Manampakkan Diri Samo Tujuh Murid-Nyo) 1 Abistu, Yesus manampakkan diri-Nyo lagi, samo murid-murid-Nyo di dokat danau Tiberias. Dio manampakkan diri-Nyo dengan caro sabage barikut: " 2 Simon Petrus, Tomas nan disobut Didimus, Natanael dari Kana di Galilea, anak-anak Zebedeus, dan duo murid nan lain tongah bakumpul. 3 Simon Petrus bacakap samo orang tu, "Aku ondak pogi manangkap ikan." mereka bakato samo Petrus, "Ikut kami samo kau pogi." orang tu pun pogi kaluar dan naik sampan, tatapi malam tu, orang tak manangkap apo-apo. 4 Pas subuh manjolang, Yesus badiri di pantai, tatapi murid-murid tak sodar kolok itu adolah Yesus. 5 Dio bacakap samo orang tu, "Anak-anak, ado nyo ikan samo kamu?" dijawab orang tu, "Tak ado." 6 Dio bakato samo orang tu. bontangkan jalo kau tu ka sabolah kanan parahu, pasti kau dapat ikan." trus di bontangkan orang tu lah jalo orang tu, tatapi tak tolap manariknyo kadalam parahu, karono nan banyak'an ikannyo. 7 Korno itulah, murid nan disayangi Yesus bacakap samo Petrus, "Tengok, Itukan Tuhan?!" pas Simon Petrus mandongar kolok itu Tuhan, trus dipakeknyo bajunyo balek, korno dilopasnyo tadi pas korjo, dan malumpat ka danau. 8 Murid-murid nan laen datang pakek sampan dan manarik jalo nan ponuh dengan ikan, Korno orang tu tak jauh dari darat, kiro-kiro 200 hasta. 9 Pas orang tu sampe didarat, orang tu manengok bara api samo ikan nan talotak di atasnyo dan ado jugo roti. 10 Yesus bacakap, "Bawaklah babarapo ekor ikan tu nan baru sajo kamu tangkap tu," 11 Simon Petrus naek ka sampan dan manarik jalo nan ponuh ikan bosar tu ka darat, banyaknyo 153 ekor. Walopun ikan tu bagitu banyaknyo, tapi jalonyo tak kuyak. 12 Yesus bacakap samo orang tu, "Moh lah dan makanlah." Tak ado satupun dari murid-murid tu barani batanyo samo Dio, "Siaponyo Engkau" karono orang tu tau kolok Dio tu adolah Tuhan. 13 Yesus datang dan mangambek roti tu, jugo mangasihkannyo samo orang tu. Kek gitu jugo dibuek-Nyo samo ikan tu. 14 Inilah katigo kalinyo Yesus manampakkan diri-Nyo samo murid-murid-Nyo sasudah Dio dibangkitkan dari antaro orang mati. (Yesus Mamintak Petrus Manggambalokan Domba-Domba-Nyo) 15 Sasudah orang tu salose makan, Yesus bacakap samo Simon Petrus, "Simon, Anak Yohanes, "apo kau mangasihi Aku lobih dari pado samuonyo ni?" Petrus manjawab, "Botul Tuhan, taunyo Kau kolok aku ni mangasihi Engkau. abistu Yesus bakato, "kolok gitu gambalokanlah domba-domba-Ku!" 16 Ditanyak Yesus lagi untuk nan kaduo kalinyo, "Simon anak Yohanes, apokah kau mangasihi Aku?" dijawab Petrus lagi, botul Tuhan, taunyo Kau kolok aku mangasihi Engkau, Yesus bakato lagi, "gambalokanlah domba-domba-Ku." 17 Yesus batanyo lagi untuk nan katigo kalinyo, "Simon, anak Yohanes, "apokah kau botul mangasihi Aku?" jadi sodih lah hati Petrus, karono Yesus batanyo sampe tigo kali. "Apokah kau mangasihi Aku?" trus, Petrus pun manjawab, "Tuhan, Kau taunyo sagalo sasuatu, taunyo Engkau kolok aku mangasihi Engkau!" Yesus bacakap, "Gambalokanlah domba-domba-Ku!. 18 Aku mangasihtaukan nan sabotulnyo samo kamu, pas kamu mudo, kamu sandiri nan mangikat pinggangmu dan bajalan kamanopun kamu ondak, tatapi pas kamu manjadi tuo, kamu akan mambontangkan tangamu dan orang lain akan mangikat pinggangmu, dan mambawakmu ka tompat nan tak kau ingini. 19 Maksud Yesus mancakapkan ni, ondak mangasitaukan samo Petrus, kek mano dio mati karang, akan mamuliokan Allah. Dan, Satolah mangatokan hal tu, Dio bacakap samo Petrus, "Ikutlah Aku!" 21 (Apo Nan Akan Tajadi samo Murid Nan Sangat Dikasihi Yesus?) 20 Petrus manoleh dan manengok murid nan sangat dikasihi Yesus tongah mangikuti orang tu. Dio adolah nan duduk dokat dada Yesus pas parjamuan malam dan batanyo, "Tuhan, siapokah orang nan ondak mangkhianati Engkau tu?" 22 Yesus manjawab, "Saandainyolah Aku ondak dio totap hidup sampe Aku datang balek, apolah urusanmu? Kamu, ikutlah Aku!" 23 Abistu, parkatoan Yesus ni tasobar diantaro sodaro-sodaro tu, kolok murid tu tak akan mati, padahal Yesus tak mangatokan macam tu samonyo, kolok dio tak akan mati, malainkan hanyo bakato, "saandainyolah Aku ondak, dio totap hidup sampe Aku datang balek, apolah urusanmu?" 24 Diolah murid nan basaksi mangonoi samuonyo ni, dan dah manuliskan samuonyo ni, dan kito tahu, kolok kasaksiannyo tu botul. 25 Masih ado banyak hal laen lagi nan dah Yesus lakukan, nan kolok dituliskan satu per satu, aku raso agaknyo, saluruh dunioni pun tak akan cukup untuk dituliskan samuo kitab tu.
(Rasul-Rasul dan Mahkamah Agamo Yahudi) 1 Pas Petrus dan Yohanes bacakap samo orang banyak, datanglah para imam manjumpoi orang tu, kapalo panjago Bait Allah dan orang-orang Saduki. 2 Orang tu datang dengan sangat marah, karono Petrus dan Yohanes mangajar orang banyak dan mambaritokan didalam Yesus ado kabangkitan dari antaro orang mati. 3 Trus orang tu manangkap Petrus dan Yohanes dan mamasukkannyo ka dalam panjaro sampe keesokan harinyo karono hari dah malam. 4 Namun, banyak dari orang tu nan sudah mandongar parkatoan para Rasul dan manjadi parcayo, dan jumlah orang tu, kiro-kiro manjadi limo ribu orang. 5 Pas besoknyo, pamimpin-pamimpin, tuo-tuo dan ahli-ahli Taurat, orang tu bakumpul basamo di Yerusalem, 6 Basamo dengan Imam bosar Hanas, kan Kayafas, Yohanes, Aleksander, dan samuo orang dari kaluargo Imam Bosar. 7 Pas orang tu manompatkan Petrus dan Yohanes di tongah-tongah, orang tu batanyo, "pake kuaso apo ato dengan namo siapo kau malakukan samuo hal ni?" 8 Trus, Petrus di ponuhi samo Roh Kudus, bakato samo orang tu, "Para pamimpin bangso dan tuo-tuo. 9 kolok kami di priksa hari ni karono suatu perbuatan elok nan dah kami lakukan samo orang nan lomah ni, dengan caro apo orang ni tolah di sombuhkan? 10 Biarlah hal ni diketahui samo kamu samuo dan samuo orang Israel, kolok oleh namo Kristus Yesus, orang Nazaret, nan kamu salibkan, nan dah Allah hidupkan dari antaro orang mati, orang ni badiri di hadapanmu dalam kaadaan sehat. 11 Yesus ni adolah, Batu nan ditolak samo kamu tukang-tukang bangunan, tapi dah manjadi Batu Panjuru. 12 Dan, tak ado kasalamatan di dalam siapopun lainnyo, karono tak ado namo lain dibawah langit dikasihkan diantaro manusio nan oleh namo tu, kito dapat di salamatkan." 13 Pas orang tu manengok kabaranian Petrus dan Yohanes dan mangorti kolok orang tu adolah orang-orang tak tapalajar dan awam, orang tu manjadi tacongang dan mulai mangonali, kolok kaduonyo pornah basamo-samo Yesus. 14 Dan, satolah manengok orang nan tolah disombuhkan tu togak disamping Petrus dan Yohanes, orang tu tak dapat mambantahnyo. 15 Akan tatapi, pas orang tu mamarintahkan Petrus dan Yohanes ondak maninggalkan Sanhedrin, orang tu barunding satu dengan nan lainnyo, 16 Dengan bacakap "Apo nan harus kito lakukan samo kaduo orang ni? korno, sabuah tando ajaib nan luar biaso dah tajadi lewat orang tu dan bagitu nyatonyo samo samuo orang nan tinggal di Yerusalem dan kito tak biso manyangkalnyo. 17 Akan tatapi, supayo hal ni tak samakin manyobar diantaro orang-orang, moh lah kito mangancam orang tu bak supayo tak lagi bacakap samo siapopun dalam namo tu. 18 Trus tu, orang tu mamanggil Petrus dan Yohanes, trus mamarintahkan kaduonyo supayo tak bacakap lagi ato mangajar apopun pake namo Yesus. 19 Akan tatapi, Petrus dan Yohanes manjawab dan bakato samo orang tu, "Putuskanlah, mano nan elok dalam pandangan Allah, ondak ati kalian, kami mandongarkan kalian lebih daripado Allah?" 20 Korno, kami tak biso bakato lain, salain apo nan kami dah tengok dan apo nan kami dah dongar. 21 Mako, pas orang tu torus mangancam Petrus dan Yohanes, orang tu mambiarkan Rasul-Rasul tu pogi, satolah tak manomukan caro ondak manghukum kaduonyo, oleh korno orang banyak nan mamuji Allah atas apo nan dah tajadi. 22 Korno, orang nan samonyo ado tando kasombuhan tu dah dinyatokan, dan barumur lobih dari ompat puluh tahun. (Petrus dan Yohanes balek ka Sodaro-sodaro Saiman) 23 Pas dah dilopaskan, Petrus dan Yohanes pogi ka toman-tomannyo dan mancaritokan sagalo sasuatu nan dikatokan samo para imam kapalo dan tuo-tuo ka orang tu. 24 Dan, pas kawan-kawannyo tu mandongarnyo, orang tu mangangkat suaro orang tu kapado Allah dengan sahati dan bacakap, "Ya Tuhan, Engkaulah nan dah manjadikan langit dan bumi, laut dan sagalo isinyo" 25 Nan bacakap lewat Roh Kudus, lewat mulut hamba-Mu, Daud, nenek moyang kami, 'mangapolah bangso-bangso lain mangamuk dan orang-orang mamparhatikan nan sio-sio?' 26 Rajo-rajo dunio basiap-siap, dan para panguaso bakumpul basamo malawan Tuhan dan malawan nan diurapi-Nyo.' 27 Korno, sabotulnyo di kota ni da bakumpul basamo, ondak malawan Yesus, Hamba-Mu nan Kudus, nan Engkau Urapi, itulah Herodes dan Pontius Pilatus, basamo dengan bangso-bangso laen, dan orang-orang Israel, 28 Ondak malakukan sagalo sasuatu nan oleh tangan-Mu dan rancana-Mu dah ditontukan sabolumnyo untuk tajadi. 29 Dan kinin, Tuhan, tengoklah ancaman-ancaman orang tu dan karuniokanlah hamba-hamba-Mu ini ondak mambaritokan Firman-Mu dengan sagalo kabaranian, 30 Samantaro Engkau mangulurkan tangan-Mu ondak manyombuhkan dan tando-tando jugo kaajaiban-kaajaiban tajadi oleh namo Hamba-Mu nan Kudus, Yesus' 31 Dan, satolah orang tu badoa, baguncanglah tompat orang tu bakumpul basamo dan orang tu diponuhi dengan Roh Kudus, jugo torus mambaritokan Firman Allah dengan berani. (Kahidupan Orang Parcayo) 32 Dan, kumpulan orang tu nan pacayo basatu hati dan jiwo, tak ado saorang pun nan bacakap kolok barang kapunyoannyo adolah miliknyo sandiri, tatapi sagalo sasuatu adolah milik orang tu basamo, 33 Trus, dengan kuaso nan bosar, para Rasul mambori kasaksian orang tu tontang kabangkitan Tuhan Yesus dan anugrah nan bosar ado atas orang tu samuo. 34 Tak ado saorang pun nan kakurangan diantaro orang tu karono samuo orang nan mamiliki ladang ato rumah, manjualnyo, dan mambawak hasil panjualannyo, 35 Trus malotakkannyo di kaki para rasul dan dibagi-bagikan kapado masing-masing orang sasuei samo kabutuhannyo. 36 Bagitu jugo Yusuf, orang Lewi, katurunan Siprus, nan jugo dipanggil oleh rasul, Barnabas, nan bararti "Anak Penghiburan" 37 Manjual ladang nan dimilikinyo dan mambawak uangnyo, trus malotakkannyo di kaki para Rasul.
(Pembelaan Stefanus) 1 Torus tu, Imam bosar bacakap, "Apo botul kek gitu rupanyo?" 2 Dan, Stefanus bacakap, "Sodaro-sodaro dan bapak-bapak, dongarkanlah aku, Allah Nan Mahamulio tatengok samo nenek moyang kito, Abraham, pas dio masih ado di Mesopotamia, sabolum dio tinggal di Haran, 3 Dan bacakap samonyo, 'Pogilah dari tanahmu dan dari sanak sodaromu, trus datanglah katanah nan akan Kutunjukkan samo kau. 4 Torus tu, Abraham maninggalkan tanah orang Kasdim dan ontok di Haran. Dan dari sanan, sasudah ayahnyo maninggal, Allah manyuruhnyo pindah ka tanah ini, tompat kinin kamu tinggal. 5 Sayangnyo, tak dikasih Allah warisan samo dio, satapak pun tak ado dapatnyo warisan tu, tatapi bajanji ondak mangasihkannyo samo Abraham sabage miliknyo dan katurunan sasudah dio. kolokpun Abraham bolum punyo anak. 6 Tak taunyo, bacakaplah Allah macam ni, 'kolok katurunannyo akan manjadi paranto di tanah nan asing dan orang tu akan di parbudak jugo dianiaya salamo ompat ratus tahun lamonyo. 7 Namun, Aku akan manghukum bangso nan mamparbudak orang tu', kek gitu lah cakap Allah, 'dan, sasudah tu, orang tu akan kaluar dari sanan dan baribadah kapado-Ku di tompat ni.' 8 Trus, Allah mangasihkan samo Abraham parjanjian sunat, mangkonyo Abraham manjadi ayah Ishak dan manyunatnyo pas barumur dalapan hari, dan Ishak manjadi ayah Yakub, dan Yakub, ayah dari kaduo bolas bapa laluhur. 9 Korno iri samo si Yusuf, bapa laluhur kito manjualnyo ka Mesir, tapi, Allah manyortoi Yusuf, 10 Dan manyalamatkannyo dari samuo pandaritoan, jugo mangasihnyo anugrah dan kabijaksanoan di dopan Firaun, Rajo Mesir, nan mambuatnyo manjadi pamimpin di Mesir dan saluruh Istananyo. 11 Pas tibo-tibo tajadi bencano kalaparan nan tajadi di saluruh Mesir dan Kanaan, jugo manyobabkan pandaritoan nan sangat bosar, dan nenek moyang kito tak tolap mandapat makanan, 12 Tak taunyo, pas Yakub mandongar kolok ado gandum di Mesir, dio manyuruh nenek moyang kito pogi kasanan untuk nan partamo kalinyo. 13 Pas kunjungan nan kaduo, Yusuf mambuek dirinyo dikonali samo sodaro-sodaronyo, dan kaluargo Yusuf manjadi jolas samo Firaun. 14 Sadudah tu, Yusuf mangirim posan dan mangundang Yakub, ayahnyo, dan samuo sanak sodaronyo, samuonyo bajumlah 75 jiwo. 15 Korno tu, Yakub turun ka Mesir dan dio mati disanan, dio dan nenek moyang kito. 16 Dari sanan, orang tu dipindahkan ka Sikhem dan dilotakkan di kuburan nan dah di boli Abraham pake uang dari anak-anak Hemor di Sikhem. 17 Tak taunyo, pas makin dokat waktu parjanjian tu nan dah Allah ikrarkan samo Abraham, bangso tu batambah dan dilipatgandokan di Mesir. 18 Sampe rajo laen bangkit atas saluruh Mesir, nan tak konal tontang Yusuf. 19 Rajo tu mampardayo bangso kito dan manganiayo nenek moyang kito, sahinggo mamakso ornag tu mambuang bayi-bayi orang tu, sahinggokan, orang tu tak tolap batahan hidup. 20 Pas waktu tu, Musa lahir dan dio sangat elok di mato Allah, dan Musa diasuh di rumah ayahnyo salamo tigo tahun. 21 Dan, pas dio dah dibuang, putri Firaun mangambeknyo dan mambosarkannyo macam anaknyo sandiri. 22 Mako, Musa didik dalam sagalo hikmat orang-orang Mesir dan dio bakuaso dalam parkataan dan parbuatannyo, 23 Namun, pas Musa gonap barumur ompat puluh tahun, muncul didalam hatinyo ondak mangunjungi sodaro-sodaronyo, yaitu katurunan Israel. 24 Dan, pas manengok salah satu dari orang tu dibikin tak adil samo orang Mesir, Musa datang dan mambela orang nan dianiaya tu dan mambalas dengan mambunuh ornag Mesir tu. 25 Disangka Musa kolok sodaro-sodaronyo akan mangorti kolok Allah mangasih orang tu kasalamatan lewat dirinyo, taktaunyo orang tu tak paham jugo. 26 Pas hari barikutnyo, Musa mandatangi orang Israel nan tongah bakalahi, dan dio barusaho mandamekan orang tu, dengan bacakap, 'hei, kalian tu bukannyo ado hubungan sodaro?, kok saling manyakiti pula kalian?' 27 Namun, orang nan manyakiti sodaronyo tu mangkaiskan Musa ka samoing sambil bacakap, 'siapo pulak kau nan ondak jadi panguaso dan hakim samo kami? 28 Nan ondak kau bunuh jugonyo kami pas macam kau mambunuh orang Mesir tu kamarin? 29 Mandongar cakap orang tu, Musa malarikan diri dan manjadi paranto di tanah Midian, Disanan, dio manjadi ayah dari duo orang anak laki-laki. 30 Sasudah gonap ompat puluh tahun, saorang malekat manampakkan diri samo Musa dipadang balantaro gunung Sinai, dalam lidah api di somak duri. 31 Pas Musa manengoknyo, dio takojut samo panampakan tu, dan pas dio mandokat ondak mangamatinyo, Basuarolah Tuhan. 32 'Akulah Allah nenek moyangmu, Allah Abraham dan Allah Ishak, dan Allah Yakub,' Manggalotarlah Musa katakutan dan tak barani ondak mangamatinyo. 33 Torustu, Tuhan bacakap samonyo, 'Lopaskanlah solop kau tu, korno tompat kau togak sakarang ni, adolah tanah Suci.' 34 Dah botul-botul Ku tengok pandaritoan umat-Ku nan ado di Mesir dan dah mandongar rintihan orang tu. Dan, Aku dah turun ondak manyalamatkan ornag tu. Dan kinin, marilah, Aku ondak mangutus kau ka Mesir 35 Musa, nan dah ditolak dengan bacakap, ' Siapokah nan manjadikanmu panguaso dan hakim atas kami? Dio adolah nan Allah utus manjadi panguaso maupun panyalamat, lewat tangan malekat nan manampakkan diri kapadonyo di somak duri. 36 Orang ni mamimpin orang tu kaluar, sambil mambuat mukjizat dan tando-tando ajaib di tanah Mesir, dan diLaut Merah, dan dipadang balantaro salamo ompat puluh tahun. 37 Si Musa inilah nan bacakap kapado bangso Israel, 'Allah ondak mambangkitkan samo kau saorang nabi macam aku dari antaro sodaro-sodaromu. 38 Dio ni adolah orang nan ado diantaro jamaah di padang balantaro basamo malekat nan bacakap samonyo di gunung Sinai, dan basamo nenek moyang kito, dan dio dah manarimo Firman nan hidup ondak dikasihkan samo kito. 39 Nenek moyang kito manolak ondak taat samo Musa, tapi ondak manyingkirkannyo dan ondak balek ka Mesir, dalam hati orang tu. 40 Dengan bacakap samo Harun, 'Bueklah samo kami dewa-dewa nan ondak bajalan di dopan kami, korno si Musa ni, nan mamimpin kami kaluar dari tanah Mesir, tak tau kito antah apo nan tajadi samo dio, 41 Pas waktu tu, orang tu mambuek sabuah patung anak lombu, dan mangasihkan parsombahan samo bahalo tu, sambil basorak-sorai dengan pakorjoan-pakorjoan tangan orang tu. 42 Tak taunyo, Allah bapaling dari orang tu dan mambiarkan orang tu manyombah bala tantaro langit, macam nan tatulis dalam kitab para nabi. "Apokah kamu mambawa samo-Ku binatang sembelihan dan parsombahan salamo ompat puluh tahun di padang balantaro, hei umat Israel?" 43 Kamu bawak pulak kemah Molokh dan bintang dewa Refan, patung nan kamu buek ondak manyombahnyo, dan Aku akan mambuangmu ka saborang Babel." 44 Nenek moyang kito mampunyoi Kemah Kasaksian di padang balantaro, macam nan Allah parintahkan pas bacakap samo Musa, ondak mambuek sasuei samo gambaran nan dah dio tengok, 45 Satolah manarimo kemah tu, nenek moyang kito mambawaknyo masuk basamo Yosua, masa parobutan tanah orang tu dari bangso-bangso laen. nan dah Allah singkirkan dari dopan nenek moyang kito, sampe pada zaman Daud. 46 Daud mandapatkan kasih karuino di hadapan Allah dan minta ondak mandapatkan tompat kadiaman bagi Allah Yakub. 47 Akan tetapi, Salomo nan mambangun rumah bagi Dio, 48 Namun, nan Maho Tinggi tak tinggal dalam rumah nan dibuek samo tangan manusio, macam nan dicakapkan samo nabi, 49 'Langit adolah takhto-Ku, dan bumi adolah tumpuan kaki-Ku. Rumah apokah nan ondak kamu bangun samo-Ku?' Allah bafirman, 'Ato, apokah tompat paristirahatan-Ku?' 50 Bukankah tangan-Ku nan mambuek samuonyo tu?' 51 Hei, kamu orang-orang nan gingging, dengan hati dan talingo nan tak basunat, kamu salalu manontang Roh Kudus, macam nan dilakukan samo nenek moyang mu!. 52 Nabi-nabi mano nan tak disiksa samo nenek moyangmu? dan, orang tu mambunuh orang-orang sabolumnyo dah mangumunkan kadatangan sang Kabonaran, nan kinin dah manjadikan dirimu sandiri sabage pangkhianat dan pambunuh. 53 Kamu, nan dah manarimo Hukum Taurat macam dah disampekkan samo para malekat, tapi tak kamu jagonyo,!" (Stefanus Dibunuh) 54 Pas orang tu mandongar hal-hal ni, hati orang tu tatusuk dan mengertakkan gigi orang tu samo Stefanus. 55 Tak taunyo, Stefanus nan diponuhi samo Roh Kudus manengok kalangit dan manengok kamulioan Allah, dan Yesus badiri disabolah kanan Allah. 56 Stefanus bacakap, "Dongar,! Aku manengok langit tabuko dan Anak Manusio badiri di sabolah kanan Allah." 57 Namun, orang tu batariak-tariak dengan suaro koras, dan manutup talingo orang tu, jugo basubahat ondak manyorbu Stefanus. 58 Trus, orang tu manyeretnyo kaluar dari kota dan mulei malemparinyo pake batu. Satolah tu, para saksi mato mananggalkan jubah orang tu di kaki saorang pamuda banamo Saulus. 59 Dan, orang tu torus marajam Stefanus nan tongah basoru dan bacakap, "Tuhan Yesus, tarimolah rohku." 60 Torus tu, satolah balutut, dio basoru dengan suaro koras, "Tuhan, jangan tanggungkan dosa ini samo orang ni," dan, sasudah mangatokannyo, matilah dio.
(Petrus Balek Ka Yerusalem) 1 Samantaro tu, para rasul dan sodaro-sodaro saiman nan ado di Yudea mandongar kolok orang-orang nan bukan Yahudi jugo dah manarimo firman Allah, 2 Karono tu, pas Petrus naik ka Yerusalem, orang-orang nan basunat basalisih paham samo dio. 3 Dengan bacakap, "Kamu pogi samo orang-orang nan tak basunat dan makan basamo orang tu." 4 Akan tatapi Petrus mulai manjolaskan sacaro urut samo orang tu, katonyo, 5 "Aku tongah badoa di kota Yope, dan dalam kaadaan tak sadar aku manengok satu panampakan, sasuatu macam salombar kain lebar turun, nan tarulur samo kaompat sudutnyo dari langit, dan bonda tu mandokat samoku. 6 Satolah ku tengok, aku mamparhatikan dan ku tengok ado binatang-binatang barkaki ompat di bumi, binatang-binatang liar, binatang-binatang malata, dan burung-burung di udaro. 7 Kudongar jugo ado suaro bacakap samoku, 'Bangun, Petrus, kau potong dan kau makanlah!.' 8 Namun, aku bacakap, 'tidaklah Tuhan, korno tak pornah ado nan haram ato nan najis masuk kadalam mulutku ni. 9 Tak taunyo suaro tu manjawab untuk nan kaduo kalinyo dari langit, ' Apo nan dah Allah tahirkan, jangan pulak sakali-kali kamu bilang haram!' 10 Hal ni tajadi tigo kali, trus samuonyo tu ditarik balek kalangit. 11 Tengoklah, saat tu jugo, ado tigo orang nan diutus datang samoku, karumah, tompat aku manginap, di Kaisarea. 12 Torus tu, Roh bacakap ka aku, bak supayo aku pogi samo orang tu dan tak usah sangsi,. Kaonam sodaro saiman ni jugo pogi basamoku dan kami masuk ka rumah orang tu. 13 Trus, dio manyampekkan samo kami, kek mano dio dah manengok malaikat badiri dirumah dan bacakap, 'Suruhlah orang ka Yope dan mintaklah Simon nan di bilang jugo Petrus, bak supayo datang kasinin. 14 Dan dio akan mangatokan posan samo kamu nan korno posan tu, kamu akan disalamatkan, kamu dan samuo orang nan tinggal di rumahmu.' 15 Samantaro tu, aku mulei bakato-kato, Roh Kudus turun ka atas orang tu, samo kayak nan pado mulonyo tajadi samo kami. 16 Mako tu, taringat lah aku samo cakap Tuhan, pas Dio bakato, "Yohanes mambaptis pake air, tapi kamu akan dibaptis samo Roh Kudus." 17 Jadi, Kolok Allah mangasihkan karunio nan sarupo samo orang tu, macam nan Dio kasihkan jugo ka kito, sasudah parcayo di dalam Tuhan Yesus Kristus, Siapo kali ruponyo aku, sampe aku biso manghalangi Allah? 18 Pas orang tu mandongar hal-hal tu, orang tu manjadi tonang dan mamuji Allah sambil bakato, "Kolok gitunyo, Allah jugo dah mangaruniokan samo orang-orang nan bukan Yahudi partobatan nan manuju kapado hidup. (Injil Sampe Ka Anthiokia) 19 Torus tu, orang-orang nan tacore-bore karono panganiayaan nan tajadi samo Stefanus, manyobar sampe ka Fenisia, Siprus, dan Antiokhia, tapi tak mambaritokan Firman Tuhan samo siapopun, kacuali samo orang-orang Yahudi. 20 itupun, ado babarapo orang dari orang tu, yaitu orang-orang Siprus dan Kirene, nan datang ka Antiokhia dan jugo bacakap samo orang-orang Helenis, sambil mambaritokan tontang Tuhan Yesus. 21 Tangan Tuhan manyortoi orang tu, sajumlah banyak orang nan manjadi pacayo babalik samo Tuhan. 22 Brita tontang orang tu sampe ka kuping jamaah di Yerusalem, dan orang tu mangutus Barnabas ka Antiokhia. 23 Pas Barnabas tibo dan manengok kasih karunio Allah, dio basukocito dan manasehati orang tu samuo bak supayo totap satio samo Tuhan denga hati nan toguh. 24 Karono Barnabas adolah orang nan elok, ponuh dengan Roh Kudus dan iman, nan banya'an orang dah dibawaknyo samo Tuhan. 25 Torus tu, Barnabas pogi ka Tarsus ondak mancari Saulus. 26 Dan satolah dio manomukannyo, dio mambawaknyo ka Antiokhia, salamoSatahun, orang tu bajumpo samo jamaah dan mangajar banyak orang. dan, di Antiokhia, murid-murid ondak partamo kalinyo di sobut "Orang Kristen." 27 Pas hari-hari tu, babarapo nabi turun dari Yerusalem datang ka Antiokhia. 28 Salah saorang dari orang tu banamo Agabus, badiri dan maramal dengan partolongan Roh, kolok akan tajadi kalaparan nan hebat di saluruh dunio, dan kalaparan tu tajadi di maso pamarintahan Klaudius. 29 Mako, para murid mamutuskan ondak mangirim sumbangan, sasuei dengan kamampuan orang tu masing-masing, samo sodaro-sodaro saiman nan tinggal di Yudea. 30 Dan, nan jugo orang tu lakukan, mangirimkan sumbangan tu samo para penatua malalui tangan Barnabas dan Saulus.
(Yakobus Dibunuh dan Petrus Ditangkap Oleh Herodes) 1 Pas waktu tu, Raja Herodes mangangkat tangannya atas babarapo orang jahat dari jamaat ondak manganaiaya orang tu. 2 Dio mambunuh Yakobus, sodaro Yohanes, pakek podang. 3 Pas Herodes manengok, kolok kalakuannyo manyonangkan hato orang-orang Yahudi, dio malanjutkannyo dengan manangkap Petrus jugo. Hal tu tajadi salamo Hari Rayo Roti tak Baragi. 4 Sasudah tu dio manangkap Petrus jugo, dio mamasukkannyo kadalam panjaro dan manyorahkannyo kapado ompat pasukan prajurit supayo manjagainyo, jugo bermaksud, sasudah paskah, mambawanyo ka dopan orang banyak. 5 Jadi, Petrus dikurung dalam panjaro, tatapo doa bagi Petrus torus-torusan dipanjatkan kapado Allah samo jamaah. (Malekat Tuhan Malopaskan Petrus dari Panjaro) 6 Pas malam hari, pas Herodes ondak mambawak Petrus kaluar, Petrus tongah lagi tidur diantaro duo orang prajurit, diikat samo dio rante, dan para panjago di dopan pintu tongah manjagoi panjaro. 7 Dan, tengok, ado saorang Malekat Tuhan badiri didokat Petrus dan cahayo basinar di sel panjaro tu, trus, malekat tu manopuk rusuk Petrus dan mambangunkannyo, dan bacakap, "Copat bangun," dan rante-rante tu jatuh talopas dari kaduo tangannyo. 8 Trus malekat tu bacakap ka dio, "Ikat pinggang kau, dan pakeklah solopmu." Dan Petrus malakukan apo nan dicakapkan malekat tu, trus, dio bacakap ka dio, "Pake jugo jubah mu dan ikuti aku." 9 Trus, kaluarlah Petrus dan mangikuti malekat tu, dio tak tahu kolok apo nan tongah tajadi malalui malekat tu nyato, tapi, disangkonyo dio tongah manengok satu panampakan. 10 Pas orang tu dah malewati panjago partamo dan kaduo, orang tu sampe di pintu gorbang bosi nan manuju ka kota. Pintu gorbang tu tabuko dengan sandirinyo, trus kaluar lah orang tu dan bajalan sampe di sabuah lorong, dan tikbo-tibo malekat tu maninggalkan Petrus. 11 Pas Petrus sadar dengan apo nan tajadi atas dirinyo, dio bacakap, kinin, aku botul-botul tahu, kolok Tuhan mangutus malekat-Nyo dan manyalamatkan aku dari tangan Herodes dan dari samuo hal nan diharapkan samo orang-orang Yahudi. 12 Sasudah Petrus manyadarinyo, dio pogi ka rumah Maria, omak Yohanes nan jugo dibilang Markus, pas waktu tu banyak orang tongah bakumpul basamo dan badoa. 13 Pas Petrus mangotuk pintu gorbang, saorang palayan parampuan banamo Rode datang mambukonyo. 14 Sasudah dio mangonali suaro Petrus, karono sangat basukocitonyo dio tak mambukokan pintu tu, tatapo balari kadalam dan mangasitahukan, kolok Petrus tongah badiri dimukak pintu gorbang. 15 Orang tu bacakap ka Rode, "nang dah gilonyo kau ni," tapi si Rode torus mangatakan kolok memang botul nan dicakapkannyo, dan orang tu totap mambilang, "Malekatnyo nyo itu nang kau dongar tu." 16 Padahal, Petrus torus-torusan mangotuk pintu, dan pas dibuko orang tu pintunyo, trus manengok Petrus, takojut lah orang tu, 17 Torus si Petrus mambuat isyarat pakek tangannyo bak supayo orang tu sonyap, dijolaskannyo lah samo orang tu ke mano TUhan dah mambawaknyo kaluar dari panjaro. Dan, dio bacakap, "kasihtaukan hal ni samo si Yakobus dan samo sodaro-sodaro saiman kito," trus, dio bagorak pogi ka tompat nan lainnyo. 18 Pas dah siang hari, tajadilah kajobuan diantaro prajurit tontang apo nan tolah tajadi samo si Petrus. (Kamatian Herodes) 19 Pas Herodes mancari Petrus dan tak manomukannyo, dio mamarikso para panjago dan mangasih porintah bak supayo orang tu dibunuh. Herodes turu dari Yidea ka Kaisarea dan manotap disanan. 20 Pas hari tu, Herodes sangat marah samo orang-orang Tirus dan Sidon, trus basubahat, orang tu datang manjumpoi Herodes, dan sasudah mambujuk Blastus, pangurus rumah tanggo rajo, orang tu mamohon ondak pardamean, karono wilayah orang tu mandapat pasokan makanan dari wilayah Herodes. 21 Pas hari nan dah ditontukan orang tu, Herodes mamakek pakaian karajaan, duduk di takhto pangadilan, dan mayampekan pidato kapado orang tu, 22 Rakyat torus batariak, "ini adolah suaro Allah, bukan manusio"! 23 Pas saat tu jugo, saorang malekat Tuhan manamparnyo karono dio tak mamborikan kamulioan kapado Allah dan dio dimakan cacing-cacing, trus mati. 24 Tak taunyo, Firman Tuhan samakin batumbuh dan balipat gando, 25 Trus, Barnabas dan Saulus balek dari Yerusalem satolah orang tu manyalosekan palayanan orang tu, sambil mangajak jugo Yohanes nan jugo dibilang Markus.
(Paulus dan Barnabas di Kota Ikomium) 1 Dan, tajadilah, di Ikonium, Paulus dan Barnabas masuk basamo ka Sinagoge orang Yahudi dan bacakap sadamikian rupo, sahinggokan banyak kali orang, antah itu orang Yahudi maupun orang Yunani, manjadi parcayo. 2 Tapi orang-orang Yahudi nan tak parcayo manghasut ornag-orang bukan Yhaudi dan maracuni pikiran orang tu malawan orang-orang parcayo. 3 Mako, orang tu tinggal disanan dalam waktu nan lamo, sambil bacarito-carito dengan berani untuk kamulioan Tuhan. nan mangasih kasaksian tontang berita anugrah-Nyo, jugo mangaruniokan tando-tando ajaib dan mukjizat-mukjizat nan tajadi lewat tangan orang tu. 4 Tak taunyo orang-orang nan ki kota tu tabagi-bagi pulak, sabagian bapihak kapado orang-orang Yahudi dan sabagian lago kapado para Rasul. 5 Pas satu usaha di bikin, antah itu orang-orang bukan Yahudi maupun orang-orang Yahudi, dengan para pamimpin orang tu, ondak manganiaya dan malutari para Rasul pake batu, 6 Pas tau orang si Paulus dan Barnabasa, larilah orang tu pogi ka Listra dan Derbe, kota-kota di Likaonia dan ka wolayah di sakitarnyo. 7 Dan disanan orang tu torus mambaritokan Injil. (Palulus di Kota Listra dan Kota Derbe) 8 Di Listra, ado satu orang tongah taduduk nan kakinyo lomah, lumpuh samonjak di kandungan omaknyo, dan bolum paronah bajalan, 9 Orang tu tongah mandongarkan Paulus pas dio tongah bacakap, satolah Paulus manengoknyo dan manatapnyo, kolok orang tu mampunyoi iman ondak disombuhkan. 10 Paulus bacakap dengan suaro koras, "badirilah togak pakek kaki kau. Torus tu malompat dan cobak kau bajalan." 11 Pas orang banyak manengk apo nan tongah Paulus lakukan, orang tu mangangkat suaro orang tu dengan bacakap dalam bahasp Likaonia, dewo-dewo dah turun katongah-tongah kito dan manjadi sarupo dengan manusio. 12 Orang-orang tu mambilang Barnabas sebage Zeus dan Paulus sebage Hermes, karono dio nan mamimpin cakap. 13 Imam dewo Zeus, nan kuilnyo barado diluar kota, mambawak lombu-lombu jantan dan rangkaian bungo ka pintu gorbang kota, Dio dan orang banyak tu ondak mamparsombahkan kurban kapado Paulus dan Barnabas. 14 Tak taunyo, pas rasul Barnabas dan rasul Paulus mandongar hal tu, orang tu mangoyakkan pakean orang tu dan balari masuk ka tongah-tongah orang banyak tu sambil batariak 15 Dan bacakap, "sodaro-sodaro, kanapo pulak kamu mambuek macam ni? manusio biaso jugonyo kami ni ha, samonyo kito, dan mambawak kabar Elok ka kamu, bak supayo kamu babalik dari hal-hal nan sio-sio ni kapado Allah nan Hidup, nan manciptokan langit dan bumi, dan laut dan sagalo isinyo, 16 Di generasi-generasi nan lewat, Dio mambiarkan samuo bangso bajalan manurut jalannyo masing-masing, 17 Namun, Dio tak mambiarkan diri-Nyo tanpo saksi. Korno, Dio mambuek nan elok denan mangasihkan ka kamu hujan dari langit dan musim-musim babuah nan mamuaskan hatimu dengan sagalo makanan dan kasonangan", 18 Sakalipun dengan mangatikan samuo hal tu, orang tu susah manghontikan orang banyak tu bak supay tak mamparsombahkan kurban samo orang tu. 19
(Paulus Dan Silas Di Kota Tesalonika) 1 Suatu saat, pas Paulus dan Silas dah malewati Amfipolis dan Apolonia, orang tu sampe di Tesalonika, disanan ado sabuah Sinagoge orang Yahudi. 2 Torus tu, sasuei kabiasoan Paulus, dio masuk ka antarao orang tu, dan salamo tigo hari Sabat babicaro dengan orang tu dari Kitab Suci. 3 Sambil manorangkan dan mambuktikan, kolok Kristus harus mandarito dan bangkit dari antaro orang mati, dengan bacakap, " Yesus ni, nan lagi kucaritokan ka kamu, adolah Kristus." 4 Torus, Sabagian dari orang tu diyakini dan bagabung dengan Paulus dan Silas, basamo dengan sajumlah bosar orang Yunani nan takut akan Allah dan tak sadikit wanita-wanita tarhormat. 5 Namun, orang-orang Yahudi manjadi dongki dan mangajak babarapo orang jahat nan bakaluyuran di tompat umum, orang tu mangumpulkan banyak orang dan mambuek kakacoan di kota, torus, manyorbu rumah Yason sambil mancari Paulus jugo Silas ondak mambawa orang tu kaluar kapado orang banyak. 6 Pas orang tu tak manomukan Paulus dan Silas, orang tu manyeret Yason dan babarapo sodaro saiman ka dopan para pajabat kota, dengan basoru, "orang-orang ni, nan tolah mangacokan dunio, dah datang jugo kasinin. 7 Dan, Yason manyambut orang tu, dan orang tu samuo batindak nan malawan hukum Kaisar dengan mangatakan kolok ado raja laen, yaitu Yesus." 8 Orang banyak dan para pajabat kota manjadi rosah pas mandongar hal tu. 9 Dan, satolah orang tu manarimo jaminan dari Yason dan nan lainnyo, orang-orang tu pun malopaskannyo. (Paulus Dan Silas ka Kota Berea) 10 Sodaro-sodaro saiman langsung manyuruh Paulus dan Silas, malam tu jugo, ka Berea, dan pas orang tu sampe, orang tu pun pogi ka Sinagoge orang Yahudi. 11 Orang-orang Yahudi disanan lobih baek hatinyo dari pado orang-orang nan di Tesalonika, karono orang tu manarimo Firman dengan ponuh samangat, sambil manyalidiki Kitab Suci satiap hari ondak mangatahui kolok hal-hal tu memang botul. 12 Korno itulah, banyak dari orang tu manjadi parcayo, tarmasuk jugo parampuan dan laki-laki Yunani nan tarhormat nan jumlahnyo tak sadikit. 13 Akan tatapi, pas orang-orang Yahudi di Tesalonika mangatahui kolok Firman Allah jugo dibritakan oleh Paulus di Berea, orang tu pun jugo datang ke Berea ondak manggoyahkan dan marosahkan banyak orang. 14 Trus, dengan copat, sodaro-sodaro saiman manyuruh Paulus pogi sampe ka pantai, tatapi Silas dan Timotius totap tinggal disitu. 15 Orang-orang nan mangawani Paulus mambawaknyo sampe ka Atena, dan satolah manarimo sabuah posan dari Paulus untuk Silas dan Timotius, bak supayo datang kapadonyo sacopatnyo, orang tu pun barangkat. (Paulus Di Kota Atena) 16 Samantaro Paulus manunggu orang tu di Atena, rohnyo maraso disusahkan di dalam dirinyo, karono dio manengok kota tu ponuh dengan patung-patung barhalo. 17 Korno itulah, dio batukar pikurang di Sinagoge dengan orang-orang Yahudi dan orang-orang daro bangso lain nan takut akan Allah, jugo ditompat umum, satiap hari, dengan orang-orang nan kabotulan ado di sanan. 18 Babarapo ahli pikir dari kalompok Epikuros dan Stoa jugo bacakap-cakap dengannyo, dan babarapo bacakap, "Aponyo nan ondak di cakapkan si palemak ni?" nan laen pun bacakap, "Kayaknyo, dio ni, adolah saornag pambarito dewa-dewa asing," korno dio mambaritokan Yesus dan kabangkitan. 19 Torus, orang tu mangajaknyo dan mambawaknyo ka Areopagus, sambil bacakap, "Bolehnyo kami mangatahui ajaran baru aponyo nan kamu baritokan ni? 20 Korno, engkau tongah mambawa babarapo hal nan mangherankan di talingo kami. Kami ondak tau apo maksud hal- hal tu. 21 [pas waktu tu, samuo orang Atena dan orang-orang asing nan tinggal di sanan tarbiaso manghabiskan waktu orang tu dengan rak malakukan apopun selain mangatokan ato mandongar sasuatu nan baru.] 22 Maka, Paulus badiri ditongah-tongah Areopogus dan bacakap, "Hei orang-orang Atena, aku mangamati, kolok dalam sagalo hal kamu sangat baragamo, 23 Kormo, pas aku tonga bakaliling dan mangengok-nengok bonda-bonda nan kamu sombah, aku jugo manjumpoi sabuah altar dengan tulisan ni, "KAPADA ALLAH NAN TAK DIKONAL". Korno tu, apo nan kamu sombah tanpo mangonalnyo, itulah nan aku baritokan ka kamu. 24 Allah nan manciptokan dunio dan sagalo sasuatu nan ado didalamnyo, korno Dio adolah Tuhan atas langit dan bumi, tak tinggal didalam kuil-kuil nan dibuat dengan tangan orang, 25 Tak jugo Dio dilayani samo tangan-tangan orang, saolah-olah Dio mambutuhkan sasuatu, korno Dio sandiri nan mangasih samo siapo sajo kahidupan dan napas dan sagalo sasuatunyo. 26 Dan, Dio manciptokan, dari satu orang, samuo bangso umat manusio untuk tinggal di saluruh muko bumi ni, sasudah manotapkan musim-musim dan batas-batas tompat hidup orang tu. 27 Bak supayo orang tu mancari Allah, dan kolok memang mungkin orang tu dapat manyontuh-Nyo dan manomukan-Nyo, kalok pun Dio tak jauh dari kito msing-masing. 28 Korno, didalam Dio, kito hidup, bagorak dan ado jugo macam pujangga-pujanggamu sandiri, nan bacakap, "Korno kito jugo adolah katurunan-Nyo. 29 Jadi, korno kito adolah katurunan Allah, kito saharusnyo tak bapikir kolok kaadaan Ilahi tu macam omas, ato perak, ato batu, ato sabuah nan diciptakan dari katarampilan dan pamikiran manusio. 30 Oleh karono tu, sasudah mangabekan maso-maso kabosohan, kinin Allah mangasihtaukan samuo orang dimano-mano bak supayo batobat. 31 Korno Dio dah manontukan suatu hari, pas Dio akan manghakimi dunio no dalam kaadilan lewat satu orang nan tolah ditontunkan-Nyo, sasudah Dio mangasihkan bukti samo samuo orang dengan manghidupkan balek orang tu dari antara orang mati. 32 Dan, pas orang tu mandongar tontang kabangkitan dari antaro orang mati, babarapo orang mulei mangejeknyo, tatapi nan lain bacakap, "kami ondak mandongarkanmu lagi tontang hal ni." 33 Mako, Paulus pogi dari tongah-tongah orang tu. 34 Tak taunyo, babarapo orang bagabung samonyo dan manjadi parcayo, diantaronyo jugo ado Dionisius, anggota Areopagus, dan saorang wanita banamo Damaris, jugo babarapo orang lain nan basamo orang tu.
(Paulus di Kota Korintus) 1 Sasudah tu, Paulus maninggalkan Atena dan pogi ka Korintus, 2 Dan, Paulus bajumpo samo orang Yahudi banamo Akwila, katurunan Pontus, baru ajo sampek dari Italia samo bini nyo, Priskila, karono Klaudius dah manyuruh samuo orang maniggalkan Roma, Paulus datang kapado orang tu, 3 Dan karono orang tu mampunyoi pakorjoan nan samo, Paulus tinggal basamo orang tu dan bakorjo, korno pakorjoan orang tu samo-samo pambuat tenda. 4 Dan Paulus batukar pikiran disonagoge satiap hari sabat dan barusaho ondak mayakinkan orang-orang Yahudi dan Yunani. 5 Namun, pas Silas dan Timotius turun dari Makendonia, Paulus mule mangabdikan diri saponuhnyo ondak mambaritokan Firman, sambil basaksi dengan singguh-sungguh kapado orang-orang Yahudi, kolok Yesus adolah Kristus, 6 Akan tatapi, pas ornag tu manontang dan mamki Paulus , dio mangobaskan pakaiannyo dan bacakap kapado orang tu, darahmu ado diatas kapalu sandiri, aku borsih. Mulei kinin, dan satorusnyo, aku ondak pogi ka bangso-bango laen. 7 Torus tu, dio maninggalkan tompat tu dan pogi ka rumah sasaorang nan banamo Titus Yustus, orang bukan Yahudi nan manyombah Allah, nan rumahnyo ado di sabolah sinagoge. 8 Krispus, kapalo sinagoge, manjadi parcayo didalam Tuhan dengan samuo orang nan tinggal di rumahnyo, dan banyak orang Korintus nan sasudah mandongarkan Paulus manjadi parcayo dan dibaptis. 9 Trus, Tuhan bacakap ka si Paulus di suatu malam dalam sabuah panampakkan, dan bacakap, "tak usah kau takut, tapi, toruslah bacakap dan jangan diam, 10 Korno Aku ado basamamu, dan tak ado saorang pun nan akan manyorangmu ondak manganiayamu, korno ado banyak umat-Ku di kota ni. 11 Mako, Paulus tinggal disanan salamo 1 Tahun 6 bulan, sambil mangajarkan Firman Allah diantaro orang tu. (Paulus Dijumpokan Kapado Galio) 12 Namun, pas Galiomanjadi prokonsul Akhaya, orang-orang Yahudi dengan sahati bangkit malawan Paulus dan mabawanyo di hadapan kursi pangadilan, 13 Dengan bacakap, "dio ni tongah mampangaruhi banyak orang ondak manyombah Allah nan balawanan dengan Hukum Taurat." 14 Tak taunyo, pas Paulus hampir ondak mambuko mulutnyo, Galio bacakap ka orang-orang Yahudi tu, "kolok ni adolah suatu parsoalan palanggaran ato kajahatan nan koji, hei orang-orang Yahudi, aku nan akan batangung jawab atas pekaramu. 15 Tapi, kolok ini adolah parsoalan tontang kato-kato dan namo-namp dan hukummu sandiri, kau uruslah sandiri, tak ondak aku manjadi hakim atas hal-hal macam ni," 16 Trus, Galio mangusir orang tu dari ruang pangadilan, 17 Sasudah tu, orang tu samuo manangkap Sostenes, kapalo sinagoge, dan mamukulinyo di dopan ruang pangadilan, tapinyo, Galio tak mamparhatikan hal-hal tu. (Paulus Balek ka Kota Antiokhia) 18 Sasudah tu, Paulus tinggal babarapo hari lagi, trus permisi samo sodaro-sodaro saiman dan balayar ka Siria, basmo dengan Priskila dan Akwila. Di Kengkrea, Paulus dah mancukur rambutnyo, korno dio dah banazar. 19 Udah tu, orang tu sampe di Efesus dan Paulus maninggalkan Priskila dan Akwila disanan, tetapi dio sandiri masuk ka sinagoge dan batukar pikiran degan orang-orang Yahudi. 20 Pas orang tu maminta Paulus supayo tinggal lobih lamo, Paulus tak satuju. 21 Tatapi barpamitan dengan orang tu dan bacakap, "balek laginyo aku karang ka kamu samuo, kolok diijinkan Allah", dan, dio balayar dari Efesus. 22 Sasudah dio turun di Kaisarea, dio naik dan mambori salam kapado para jamaah, trus turun ka Antiokhia. 23 Dan, sasudah manghabiskan babarapo waktu disanan, dio maninggalkan tompat tu dan mangalilingi satu tompat ka tompat lainnyo di wilayah Galatia dan Frigia, sambil manguatkan samuo murid. (Apolos di Kota Efesus dan Kota Korintus) 24 Suatu saat, ado orang Yahudi banamo Apolos, katurunan Aleksandria, datang ka Efesus, dio adolah saorang nan tapalajar dan mahir dalam hal Kitab Suci. 25 Orang ni dah diajarkan tontang Jalan Tuhan dan basamangat didalam roh. Dio bacakap dan mangajarkan dengan taliti hal-hal tontang Yesus, tatapi dio hanya tau baptisan Yohanes. 26 Dio mulei bacakap dengan barani didalam sinagoge, tatapi, pas Priskila dan Akwila mandongarkannyo, orang tu manariknyo ka samping dan manjolaskan kapadonyo jalan Allah dengan lobih topat. 27 Dan, pas Apolos ondak manyaborang ka Akhaya, sodaro-sodaro saiman manoguhkannyo dan manulis kapado murid-murid supayo manyambut kadatanganyo, Pas dio dah sampek, dio banyak manolong orang tu nan korno anugrah dan jadi pacayo, 28 Karono dio dengan koras mambantah orang-orang Yahudi di mukak umum, sambil manunjukkan dari Kitab Suci, kolok Kristus adolah Yesus.
(Paulus di Kota Efesus) 1 Tajadi lah hal ni, samantaro Apolos barado di Korintus, Paulus malewati daerah padalaman dan sampe di Efesus, disanan, dio bajumpo dengan babarapo murid. 2 Paulus bacakap kapado orang tu, apokah kalian manarimo Roh Kudus pas kalian dah manjadi parcayo? 3 Trus bacakaplah Paulus, "didalam apo pulak mangkonyo kalian di baptis?" dijawab orangtu lah, "didalam baptisan Yohanes". 4 Bacakaplah Paulus, "si Yohanes membaptis dengan baptisan partobatan, sambil mangasihtaukan orang-orang bak supayo parcayo samo sasaorang nan akan datang sasudoh dio, itulah Yesus nan dimaksudkannyo tu," 5 Pas sasudoh didongar orang tu cakap tu, orang tu pun dibaptis didalam nama Tuhan Yesus. 6 Torus tu, pas Paulus tolah manumpangkan tangannyo atas orang tu, datanglah Roh Kudus atas orang tu samuo, mulai lah orang tu bacakap, basuaro dalam macam-macam bahaso dan sambil banubuat. 7 Orangtu samuo kiro-kiro bajumlah duo bolas orang laki-laki. 8 Jadi, masuklah Paulus ka Sinagoge dan bacakap dengan barani salamo tigo bulan, sambil batukar pikiran dan mayakinkan orang tu tontang Karajaan Allah. 9 Tak taunyo, adolah babarapo orang mangoraskan hati dan manolak pacayo, sambil mangatokan hal-hal nan jahat tontang jalan tu didopan orang banyak, Paulus maninggalakan orang tu dan mangajak para murid pogi, sambil batukar pikiran satiap hari di sakolah Tiranus. 10 Hal tu balangsung salamo duo tahun, sahinggo samuo orang nan tinggal di Asia mandongar Firman Tuhan, antah itu orang-orang Yahudi maupun jugo orang-orang Yunani. (Anak-anak Skewa) 11 Allah malakukan banyak mukjizat nan luar biaso lewat tangan si Paulus. 12 Sampek saputangan dan celemeknyo pun nan pornah manyontuh kulit si Paulus, dibawa kapado orang-orang sakit, lantas panyakit orang tu pun hilang dan roh-roh jahat pun kaluar dari orang tu. 13 Namun, babarapo pangusir setan Yahudi nan bajalan bakaliling barusaho manyobut namo Tuhan Yesus atas orang-orang nan karasukan roh-roh jahat sambil bacakap, "ku sumpahi kamu dalam namo Yesus nan Paulus baritokan tu!". 14 Tujuh anak laki-laki Skewa, salah saorang imam bosar Yahudi nan malakukanyo. 15 Tak taunyo, roh jahat tu manjawab dan bacakap ka orang tu, "Yesus ku konal dan taunyo aku tontang si Paulus, kolok kau, siapo kau ruponyo?". 16 Torus tu, orang nan karasukan roh jahat tu malompat ka arah orang tu, dan bakuaso atas orang tu, jugo mangalahkan orang tu samuo sahinggo orang tu samuo malarikan diri dari rumah tu dalam kadaan ralanjang dan luko-luko. 17 Kajadian tu diketahui samo samuo warga Efesus, elok itu orang-orang Yahudi maupun orang-orang Yunani. Dan orang tu samuo manjadi katakutan dan namo Tuhan Yesus samakin dimuliokan. 18 Banyak jugo dari orang tu nan sudoh pacayo totap datang, sambil mangakui dan mambaritokan parbuatan-parbuatan orang tu. 19 Trus, banyak jugo dari orang tu nan pornah malakukan sihir, mangumpulkan buku-buku orang tu dan mambakarnyo di mukak samuo orang. Dan, orang tu manghitung nilai buku-buku tu dan nilai harganyo sampe 50.000 koping perak banyaknyo. 20 Jadi, Firman Tuhan tu torus batumbuh dan bakuaso. (Paulus Marancanokan Parjalanannyo) 21 Sasudah hal-hal tu salose, dalam Roh, Paulus bamaksud pogi ka Yerusalem satolah dio lewati Makedonia dan Akhaya, dengan bacakap, "Kolok dah nyampe aku disanan, aku jigo harus manengok Roma. 22 Dan, sasudah mangutus dio orang nan malayaninyo ka Makedonia, diolah Timotius dan Erastus, dio sandiri tinggal babarapo waktu di Asia. 24 (Demetrius Mambuat Jobu di Kota Efesus) 23 Pas waktu tu, disanan ado tajadi karusuhan nan tak kocik tontang jalan tu, korno, ado orang nan banamo Demetrius, saorang pangrajin perak, nan mambuat kuil-kuil perak Dewi Artemis, mangasihkan pangahasilannyo nan tak sadikit ka tukang-tukangnyo. 25 Para tukangnyo di kumpulkannyo basamo dengan pakorjo-pakorjo di bidang sarupo dan bacakap "sodaro-sodaro, taunyo kamu kolok kamakmuran kito barasal dari parusahaan ni? 26 Trus, kamu tengok dan kamu dongar, kolok, bukan hanyo di Efesus sajo, malainkan hampir di saluruh Asia, Paulus dah mayakinkan dan mambuek banyak orang babalik dengan mangatokakan, kolok allah nan dibuek dengan tangan manusio tu bukanlah Allah. 27 Hal ni barbahayo, bukan hanyo usaho kito sajo nan akan jatuh kadalam kahinaan, tetapi jugo kuil Dewi Artemis nan agung tu tak akan sadikit pun di parhitungkan, dan dio nan disombah di saluruh Asia dan dunio, akan kahilangan keagungannyo." 28 Pas orang tu mandongar hal ni, orang tu manjadi sangat marah dan batariak-tariak, "bosarlah Artemis, dewi orang Efesus!" 29 Trus, kota tu diponuhi dengan kakacaoan dan orang tu copat-copat basamo-samo ka godung kasonian sambil manyeret Gayus dan Aristarkhus, orang Makedonia nan adolah teman saparjalanan Paulus. 30 Jadi, pas Paulus ondak pogi masuk diantaro orang banyak tu, para murid tak mambiarkannyo. 31 Bahkan, babarapo pambosar Asia nan batoman denganyo mangirim posan kapadonyo dan barulang kali mamohon kapadonyo bak supayo tak manyorahkan diri ka godung kasonian tu. 32 Korno tu, sabagian manariakkan sasuatu dan sabagian nan lainnyo, karono kumpulan tu ado dalam kakacoan dan sabagian bosar dari orang tu tak tahu apo alasan orang tu dah datang bakumpul. 33 Sabagian dari orang banyak tu manyimpulkan Aleksander karono orang-orang Yahudi dah mandorongnyo ka mukak, dan satolah Aleksander mangasihkan isyarat dengan tangannyo, dio bamaksud mambuek pambelaan di dopan orang banyak, 34 Namun, pas ornag tu mangonal, kolok Aleksander adolah orang Yahudi, salamo kiro-kiro duo jam orang tu samuo batariak dengan satu suaro, "Bosarlah Artemis, dewi orang Efesus.!" 35 Satolah panitera kota manonangkan orang banyak tu, dio bacakap, "hei orang-orang Efesus, siapo orang nan tak tahu, kolok kota Efesus adolah panjago kuil Dewi Artemis nan agung dan nan turun dari langit. 36 Jadi korno hal-hal tu tak dapat dibantah, kamu saharusnyo totap tonang dan tak batindak gegabah. 37 Korno, kamu dah mambawak orang-orang ni kasinin, nan tak marampok kuil ato manghujat dewi kito." 38 Oleh korno tu, kolok Demetrisu dan tukan-tukang nan basamo dengannyo mampunyoi koluhan samo sasaorang, pangadilan dibuka dan ado prokonsul. Biarlah orang tu mangajukan tuntutan satu tarhadap lainnyo. 39 Namun, Kolok kamu ondak satu hal nan laen, hal tu dapat disalosekan dalam sidanga rakyato manurut hukum. 40 Korno, kito barado dalam bahayo untuk dituduh atas karusuhan hari ni, korno, tak ado alasan apopun nan dapat kito jolaskan tontang partomuan nan kacau ni, 41 Sasudah dio mangatokan hal-hal ni, dio mambubarkan kumpulan orang tu.
(Paulus ka Nogri Makedonia dan Nogri Yunani) 1 Satolah karusuhan tu salose, Paulus mangundang para murid, dan satolah manguatkan hati orang tu, dio berpamitan samo orang tu dan pogi manuju ka Makedonia. 2 Satolah dio manjalajahi wilayah-wilayah disanan dan mangasihkan kapado orang tu banyak nasehat, sampelah dio di Yunani. 3 Dan disanan Paulus tinggal salamo 3 bulan lamonyo, korno orang-orang Yahudi basubahat ondak malawannyo pas dio ondak balayar ka Siria. dio mamutuskan ondak balek lewat Makedonia. 4 Paulus dikawani samo Sapoter dari Berea, anak Pirus, samo Aristarkhus dan Trofimus dari Asia. 5 Orang tu barangkat duluan dan tongah maninggu kami di Troas. 6 Tatapi kami balayar dari Filipi satolah hari Rayo Roti tak baragi, dan datang kapado orang tu di Troas dalam 5 hari, di sanan kami tinggal salamo 7 hari. 8 (Kunjungan Paulus nan Tarakhir di Kota Troas) 7 Pada hari partamo minggu tu, pas kami tongah bakumpul basamo ondak mamocahkan roti, Paulus bacakap samo orang tu karono dio bermaksud ondak barangkat pada hari barikutnyo, dan dio mamparpanjang posannyo sampe tongah malam. Ado banyak lampu di ruangan atas, tompat kami bakumpul. 9 Dan disanan ado penudo banamo Eutikhus tongah duduk dijandela dan talolap tidur, pas Paulus tongah asik bacakap, dalam waktu nan lamo, dio samakin talolap dalam tidunyo dan tajatuh dari lante tigo ka bawah, dan diangkat lah dio dalam kaadaan tak banyawo. 10 Lantas, si Paulus turun kabawah, trus di golekkannyo lah badan nyo ka atas orang nang sudoh mati ni, di poluknyo sambil bacakap, tak usah kalian ribut, korno nyawonyo masih ado didalam dio. 11 Pas paulus balek naik katas, trus mamocah-mocahkan roti dan makan, dio bacakap kapado orang tu dalam waktu nan lamo, sampe subuh, sasudah tu, dio barangkat, 12 Orang tu mambawa pamuda tu pulang dalam kaadaan hidup dan maraso sangat tarhibur. (Parjalanan dari Kota Troas ka Kota Miletus) 13 Namun, satolah duluan pogi ka kapal, kami balayar ka Asos dengan maksud manjomput Paulus disanan, karono dio dah marancanokannyo kek gitu, dio sandiri bamaksud pogi kasanan dengan bajalan kaki. 14 Dan, pas dio bajumpo samo kami di Asos, kami manjomputnyo, trus pogi ka Metilene. 15 Satolah balayar dari sanan, sampeklah kami besoknyo di Khios. Besoknyo, kami mandokati Samsos, dan sahari kamudian kami sampek di Miletus. 16 Korno, Paulus dah mamutuskan ondak balayar malewati Efesus, supayo dio tak manghabiskan waktu di Asia korno dio ondak copat-copat same di Yerusalem, kolok lah mungkin, pas pada hari Pentakosta. (Paulus Bacakap Kapado Penatuo Efesus) 17 Dari Miletus, Paulus mangutus orang ka Efesus dan manyuruh para penatuo jamaah datang kapadonyo. 18 Dan, pas orang tu datang kapadonyo, dio bacakap kapado orang tu, "kamu sandiri tau, kek mano aku hidup diantaro kalian sapanjang waktu, mulei hari partamo aku manginjakkan kakiku di Asia ni. 19 Sambil malayani Tuhan dengan sagalo karondahan hati, dan dengan air mato, dan dengan pancobaan-pancobaan nan manimpaku lewat parsakongkolan orang-orang Yahudi. 20 Kek mano aku tak manahan diri ondak mangasihtaukan ka kamu sagalo sasuatu nan baguna dan mangajar di dopan umum dan dari rumah ka rumah. 21 Basungguh-sungguh mangasih kasaksian, antah itu ka orang-orang Yahudi maupun orang-orang Yunani tontang partobatan kapado Allah dan bariman kapado Tuhan kito. 22 Dan, kinin, tengoklah, dengan diikat oleh Roh, aku tongah dalam parjalananku ka Yerusalem, tanpo tahu apo nan akan tajadi kapadaku disanan, 23 Kacuali kolok Roh Kudus basaksi dengan sungguh-sungguh di satiap kota kapadaku kolok panjaro dan siksaan dah manungguku. 24 Namun, aku tak manganggap hidupku bahargo bagi diriku sandiri, sahinggo aku dapat manyalosekan tugasku dan palayanan nan aku tarimo dari Tuhan Yesus, yaitu ondak basaksi dengan sungguh-sungguh tontang Injil anugrah Allah. 25 Dan kinin, tengoklah, aku tahu kolok tak ado diantaramu, nan kapadamu aku bakaliling mambaritokan karajaan Allah, akan manengok mukoku lagi. 26 Korno tu, aku basaksi kapadamu hari ni, kolok aku tak basalah atas darahmu samuo. 27 Korno, aku tak mabahan diri ondak mambaritokan kapadamu samuo rancano Allah. 28 Jagolah dirimu sandiri, dan samuo kawanan, nan atasnyo Roh Kudus dah manjadikanmu pangawas ondak manggambalokan jamaah Allah nan tolah Dio paroleh dengan darah-Nyo sandiri. 29 Aku tahu, kalok nanti sasudah aku barangkat, sarigalo-sarigalo buas akan datang diantaro kamu, tak manyayangkan kawanan tu, 30 Dan, dari antaro kamu sandiri akan bangkit orang-orang nan bacakap tontang hal-hal manyosatkan, ondak manarik murid-murid dari orang tu. 31 Korno itulah, bajago-jagolah, sambil mangingat, siang dan malam, salamo 3 tahun, aku tak barhonti mamparingatkan kamu masing-masing dengan air mato. 32 Dan kinin, aku manyorahkan kamu kapado Tuhan dan kapado Firman Anugrah-Nyo nan sanggup mambangun dan mamborikan warisan diantaro samuo orang nan dikuduskan. 33 Aku tak manginginkan perak, ato omas, ato pakean siapopun. 34 Kamu sandiri tahu kolok tanganku ni malayani kaporluanku dan orang nan basamo-samo aku. 35 Dalam sagalo hal, aku dah manunjukkan kapadamu, kolok dengan bakorjo koras macam caro ni, kito harus manolong nan lomah dan mangingat parkatoan Tuhan Yesus, kolok Dio sandri bacakap, lobih elok mambori dari pado manarimo. 36 Dan, pas dio dah mangatokan hal-hal tu, dio balutut dan badoa basamo orang tu samuo. 37 Trus, ado banyak tangisan diantaro orang tu samuo dan orang tu mamoluk leher Paulus, jugo manciumnyo, 38 Orang tu sangat basodih, tarutamo korno kato-kato nan dio cakapkan, kolok orang tu tak akan manengok mukonyo lagi, trus, orang tu manomani Paulus ka kapal.
(Paulus Pogi Ka Kota Yerusalem) 1 Satolah kami bapisah dari orang tu, dan sudah batolak, kami langsung balayar ka Kos, dan hari barikutnyo ka Rodos, dan dari sanan ka Patara, 2 Sasudah kami manomukan kapal nan ondak manyaborang ka Fenisia, kami naik kapal tu dan balayar. 3 Pas kami dan mulei manengok Siprus, kami malewati disabolah kiri kami, dan totap balayar ka Siria, lalu turun di Tirus, korno kapal ondak manurunkan muatannyo. 4 Satolah bajumpo dengan paro murid, kami tinggal disanan salamo tujuh hari, Dan, malaui Roh, orang tu torus manesahti Paulus supayo tak naik kapal ka Yerusalem. 5 Pas waktu kami disanan sudah habis, kami barangkat dan malanjutkan parjalanan kami. Orang tu samuo, basamo istri dan anaknyo, mangantarkan kami sampe kaluar kota. Lalu, satolah balutut di pantai dan badoa, 6 Kami bapamitan satu samo lainnyo, kamudian kami naek ka kapal dan orang tu pulang lagi ka rumah masing-masing. 7 Satolah kami mangakhiri parjalanan dari Tirus, kami sampe di Ptolemais, dan kami manyapo sodaro-sodaro saiman, jugo tinggal basamo orang tu salamo satu hari. 8 Pas hari barikutnyo, kami barangkat dan pogi ka Kaisarea, trus masuk karumah Panginjil Filipus, nan adolah satu dari tuju orang tu, lalu tinggal basamonyo. 9 Dio mampunyoi ompat anak parawan nan banubuat. 10 Samantaro tu kami tinggal disitu salamo babarapo hari, saorang nabi banamo Agabus turun dari Yudea. 11 Lalu, satolah mandatangi kami, dio mangambil ikat pinggang Paulus dan mangikat tangan dan kakinyo sandiri, trus bacakap, Inilah nan Roh Kudus katokan, "kek ginilah karang caro orang-orang Yahudi di Yerusalem akan mangikat orang nan mampunyoi ikat pinggang ni dan manyorahkan ka tangan bangso-bangso lain. 12 Pas kami mandongar hal tu, kami dan orang-orang nan tinggal disanan mamohon Paulus supayo tak naik ka Yerusalem. 13 Kamudian, Paulus manjawab, "Aponyo nan kamu lakukan ni, manangis dan manghancurkan hatiku? korno, aku siap, bukan hanyo diikat, tapi jugo untuk mati di Yerusalem domi namo Tuhan Yesus". 14 Dan, karono Paulus tak biso diyakinkan, kami diam dan bacakap, Biarlah kahondak Tuhan nan jadi. 15 Satolah hari-hari tu, kami basiap-siap dan barangkat ka Yerusalem. 16 Babarapo murid dari Kaisarea jugo pogi basamo dengan kami, sambil mambawak kami ka rumah Manasin, orang Siprus, saorang murid sojak lamo, nan dengannyo kami tinggal. (Paulus Mangunjungi Yakobus) 17 Satolah kami sampe di Yerusalem, sodaro-sodaro saoman manyambut kami dengan gambiro. 18 Trus, pado haro barikutnyo, Paulus pogi basamo kami mangunjungi Yakobus, dan samuo penatuo datang. 19 Satolah manyampekan salam kapado orang tu, Paulus mulei mancaritokan satu parsatu hal nan tolah Allah lakukan diantaro bango-bangso lain malalui palayananyo. 20 Dan, pas orang tu mandongarnyo, orang tu mamuji Allah. Lalu, orang tu bacakap kapado Paulus, "tengoklah, sodaro, barapo ribu orang diantaro orang-orang Yahudi disanan nan manjadi parcayo dan orang tu samuo giat akan Hukum Taurat, 21 Dan orang tu tolah dikasihtaukan tontang engkau, yaitu, kolok kau mangajar samuo orang Yahudi diantaro bangso-bangso lain ondak manyimpang dari hukum Musa, sambil mangasitau orang tu supayo tak manyunat anak-anak orang tu ato bajalan manurut adat istiadat kito. 22 Lalu, apo nan harus kito lakukan? orang tu pasti akan mandongar, kolok engkau dah datang. 23 Oleh korno itulah, parbueklah apo nan kami katokan ni kapado kau. Ado ompat orang dari kami nan ado dibawah nazar. 24 Bawaklah orang tu dan sucikan dirimu basamo dengan orang tu, trus, bayarlah biayo-biayo orang tu, sahinggo orang tu biso mancukur kapalo orang tu, dengan kek gitu, samuo orang akan tau, kolok omong kosong hal-hal nan tolah dikasihtaukan kapado orang tu tontang kau, tatapi, kolok engkau sandiri jug hidup manurut hukum taurat. 25 Namun mangonai bangso-bangso lain nan manjadi parcayo, kami tolah manulis surat dan mamutuskan, kolok orang tu harus manghindar dari daging nan sudah diparsombahkan kapado barhalo-barhalo dan dari darah, dan dari apo nan dah dicokik, dan dari doso-doso seksual. (Paulus Ditangkap) 26 Kamudian, Paulus mambawak orang-orang tu, trus hari barikutnyo, satolah dio dah manyucikan dirinyo basamo dengan orang tu, dio masuk kadalam Bait Allah dan mambaritahukan maso penyucian akan salose, pas kurban parsombahan dikasihkan kapado masing-masing orang tu. 27 Pas hampir gonap tujuh hari, orang-orang Yahudi dari Asia, satolah manengok Paulus di dalam Bait ALlah, manghasut ornag banuak dan manangkap Paulus, 28 Sambil batariak, woi orang-orang Israel, tolong! orang inilah nan mangajarkan satiap orang dimano-mano, malawan bangsi kito, dan Hukum Taurat, dan tompat ini, dan parahnyo lagi,, dio bahkan mambawak orang-orang Yunani ka dalam Bait Allah dan tolah manajiskan tompat suci ni, 29 Korno, sabolumnyo, orang tu dah manengok Trofimus, orang Efesus, basamo dengannyo di dalam kota dan orang tu manyangko Paulus dah mambawak masuk kadalam Bait Allah. 30 Kamudian, saluruh kota manjadi heboh, dan orang-orang datang bakarumun, Orang tu manangkap Paulus dan manyeretnyo kaluar dari Bait Allah, trus pintu-pintu Bait Allah sagora ditutup. 31 Samantaro orang tu barusaho ondak mambunuhnyo, sampeklah laporan ni kapado kapalo pasukan Roma, kolok saluruh Yerusalem tongah dalam kakacoan. 32 Saat tu jugo, dio mambawak para prajurit dan para perwira, trus balari turun kapado orang tu, dan, pas orang banyak tu manengok kapalo pasukan dan para prajurit, orang tu barhonti mamukuli Paulus. 33 Satolah tu, kapalo pasukan mandokati Paulus dan manangkapnyo, jugo manyuruh supayo Paulus diikat dengan duo rante, trus, dio mulai batanyo siapo Paulus dan apo nan tolah diparbueknyo. 34 Tak taunyo, sabagian dari orang banyak tu manariakkan sasuatu dan sabagian nan lainnyo. dan pas dio tak dapat tau pasti karono karusuhan tu, dio mamarintahkan supayo paulus dibawa ka markas. 35 Pas dio sampe di tangga, Paulus harus digotong samo para prajurit, karono amukan karumunan ornag. 36 Korno orang banyak tu torus mangikuti orang tu, sambil batariak, Onyahkan dio!... 37 Samantaro Paulus ondak dibawak masuk ka markas, Paulus bacakap kapado kapalo pasukan, "bolehnyo aku mangatokan sasuatu ka kamu?" dan kapalo pasukan tu manjawab, "bah taunyo kau bahaso Yunani? 38 Kolok gitu, bukan orang Mesir kau berarti? nan babarapo waktu nan lewat manimbulkan pambarontakan dan mamimpin ompat ribu orang pambunuh ka padang gurun? 39 Namun, Paulus bacakap, "aku ni adolah orang Yahudi dari Tarsus, Kilikia, saorang warga dari kota nan ponting, Aku mohon, izinkan aku bacakap kapado orang-orang tu." 40 Dan, pas kapalo pasukan mangasih izin, Paulus badiri di tanggo dan mangasih isyarat kapado orang-orang dengan tangannyo, trus, pas suasana dah manjadi sangat honing dio bacakap kapado orang tu dalan bahaso Ibrani dengan bakato
(Paulus di Pulo Malta) 1 Sasudah kami malewatinyo dongan salamat, taulah kami kalo pulo tu disobut Malta. 2 Panduduk asli pulo tu manunjukkan kabaikan hati nang luar biaso. Karono, mareko manyalakan api dan manyambut kami samuo korno waktu tu mulo hujan dan udaranyo dingin. 3 Waktu Paulus mamungut satumpuk ranting-ranting dan malotakkannyo di atas api, kaluarlah saekor ular baludak karono panasnyo api tu, lalu mambolit tangan Paulus. 4 Pas panduduk asli manengok binatang tu targantung di tangan Paulus, bacakaplah orang tu satu samo nang laen, "Tak disangsikan lagi, orang ni adolah saorang pambunuh. Walopun dio udah salamat dari laut, kaadilan tak ondak mambiarkan dio hidup." 5 Tapi, Paulus mangkibaskan binnatang tu ka dalam api dan dio tak mandarito luko apo pun. 6 Orang-orang tu bapikir Paulus akan bongkak ato tarjatuh dab mati saat tu jugo. Tapi, sasudah lamo ditunggu mareko dan tak manengok sasuatu nang salah tarjadi padonyo, mareko barubah pikiran dan mambilangkan kalo Paulus adolah dewa. 7 Suatu waktu, di sakitar tompat tu, ado tanah punyo pamimpin di pulo tu nang namanyo Publius, nang manyambut kami dan manjamu kami dongan ramahnyo salamo tigo hari. 8 Waktu tu, ayah Publius tagolek di tompat tidur karono domam dan menceret. Paulus tibo ondak manengok dan mandoakannyo, lalu malotakkan tangannyo ka atas orang tu dan manyombuhkannyo. 9 Sasudah paristiwa tun tarjadi, orang-orang laennyo di pulo tu nang tongah sakit lanjar badatangan kepadom Paulus dan disombuhkan. 10 Mareko jugo samakin manghormati kami dan waktu kami siap ondak balayar, mareko manyadiokan sagalo sasuatu nang kami porlukan. Paulus Manuju Kota Roma. 11 Sasudah tigo bulan lewat, kami balayar di dalam sabuah kapal dari Alekdi sandria, nang balabuh di pulo tu salamo musim sojuk dongan mamakek Dioskuri sabage lambangnyo. 12 Sasudah tibo di Sirakusa, kami tinggal di sanan salamo tigo hari. 13 Dari sana, kami balayar manysuri pantai dan sampe di Regium. Besoknyo, angin selatan bartiup, danpado hari barikutnyo, kami tibo di Putioli. 14 Disanan, kami manjumpoi babarapo sudaro saiman dan diundang bak tinggal basamo mareko salamo tujuh hari. Lalu, kami barangkat ka Roma. 15 Dan, sudaro-sudaro saiman disanan, pas mandongar mangonai kami, datang dari sana sampe ka Forum Apius dan Tres Taberne ondak manjumpoi kami. Pas Paulus manengok orang tu, dio basyukur kepado Allah dan hatinyo dikuatkan. Paulus di Kota Roma 16 Waktu kami sampe di Roma, Paulus dibolehkan buek tinggal sandirian, samo saorang parajurit mangawalnyo. 17 Tigo hari kamudian, Paulus mangumpulkan pamimpin-pamimpin Yahudi tompat tu, dan sasudah mareko bakumpul, bacakaplah dio sama mareko, "Sudaro-sudaro, walopun aku tak malakukan appo pun nang malawan bangso kito ato adat istiadat nenek moyang kito, tapi aku disorahkan sabage saorang tahanan dari Yerusalem kepado tangan orang-orang Roma. 18 Waktu mareko sudah mamareksa aku, mareko ondak mambebaskan aku karono tak ado alasan hukuman mati buek aku. 19 Tapi, karono orang-orang Yahudi kaboratan, aku tarpaksa naek banding kepado Kaisar, bukan bararti aku punyo tuduhan buek malawan bangsoku. 20 Jadi, itulah sobabnyo aku sudah mamintak buek manengokmu dan bacakap samo kamu karono aku diikat samo rante ni domi pangharapan Israel." 21 Lalu, mareko bacakap kepado Paulus, "Kami tidak manarimo surat tontang kau dari Yudea dan tak ado satupun dari sudaro-sudaro saiman nang satang ka sinin buek mambagi kabar ato mambilangkan sasuatu nang buruk tontang kau. 22 Tapi, kami ondak jugo mandongar darimu apo pandapatmu tontang sekte ni, kamu tau kalo domano-mano orang-orang manontangnyo." 23 Waktu mareko sudah manotapkan satu hari buek Paulus, mareko datang kepado Paulus di tompat panginapannyo, basamo sarombongan orang banyak. Dari pagi hinggo malam, Paulus manjolaskan kepado orang tu samo basaksi tontang Karajaan Allah dan barusaho mayakinkan mareko tontang Yesus, baek dari Hukum Taurat Musa, atopun kitab para nabi. 24 Babarapo orang manjadi yakin malalui apo nang dibilangkan Paulus, tapi nang laennyo manolak buek pocayo. 25 Waktu mareko tidak satuju satu samo nang laen, mareko pun pogi sasudah Paulus mambilanhgkan parnyataan ni, "Memang botul apo nang dibilangkan Roh Kudus kepado nenek moyangmu malalui nabi Yesaya, 26 Pogilah kepado bangso ni dan bilangkanlah: Kamu akan mandongar, tapi tidakkan paronah mamahami, dan kamu akan manengok, tapi takkan pornah mangorti. 27 Karono, hati bangso ni udah tobal dan talingonyo borat buek mandongar. Mareko sudah manutup matonyo. Bak supayo jangan mareko manengok dongan matanyo, mangorti dongan hati mareko dan balek kambali. Kamudian, Aku akan manyombuhkan mareko.' YUesaya 6:9-10 28 Karono tu, biarlah parkaro ni kamu tau kalo kasalamatan nang dari Allah ni sudah disampekkan kepado bangso-bangso laen dan mareko akan mandongarkan." 29 [Sasudah Paulus manyampekan parkatoan-parkatoan tu, orang-orang Yahudi pogi dongan banyak partontangan pandapat diantaro mareko.] 30 Paulus tinggal salamo duo tahun di rumah nang disewanyo sandiri dan manyambut sanuo orang nang datang kepadonyo, 31 sambil mambaritokan Karajaan Allah dan mangajar tontang Tuhan Yesus Kristus dongan ponuh kabaranian dan tanpo rintangan apo pun.