To view a copy of the CC BY-SA 4.0 license visit
http://creativecommons.org/licenses/by-sa/4.0/
Luke
Chapter 1
1
Maro irô niaizaka nanoratra tantara mikasiky irô raha fa niboaka tsara tamin-tsinka teto,
2
araka fagnamaizan-drô zegny tamin-tsinka, laigny efa vavolombelogno nahita maso draiky mpanompon'ny teny jusqu'à amboalohany.
3
Koa aminaka koa kara mety __ koa fanagnadihady tsara fandehany raha jiaby retsy tamboalohany __ hanaoratra tatitry kara filaharagna ninao, Teofilo mendriky be ty.
4
Izegny mba fahaizagna marigny momba irô raha nampianarigny anao.
5
Tamin'ny andran'i Heroda, mpanjakan'ny Jodia, nisy araiky tamin'ny mpisorona kahiagna hoe Zakaria, avy amin'ny antokon'i Abia. Vadin'ny avy amin'ny zanaka vavin'i Arona, agnarany Elizabeta.
6
Samy marigny talohan-dRagnahary irô jiaby io, draiky nagnaraka irô didy jiaby draiky irô lalagnany Tompo.
7
Nefa tsy nanagna zanaka irô. Satria tsy miteraka Elizabeta, sady samy efa matoe koa irô roe io tamin'ny fotoagna zegny.
8
Izegny mahakasiky Zakaria tamin'ny fanompoagna dRagnahary, nagnatantairaka irô asan'ny fisoronana araka fifandimbiasan'ny isaka-tokony.
9
Araka fomba fataon-drô amin'ny fisafidianagna mpisorona zègny tokony hanompo, voafidin'ny kodia hely hiditry angnoro fofoko mangitry agnatin'ny tempolin'ny Tompo izy.
10
Tamin'ny l'heur nagnoroagna fofoko mangitry nivavaka ta ivailany vahoaka jiaby.
11
Draiky nisy anjelin'ny Tompo niboaka taminany sady nitsangana tankavanan'ny alitara nisy fofoko mangitry.
12
Koa fanahita izy i Zakaria, nandrary navozo izy draiky nahay navozo fo.
13
Fa anjely nagnambary taminana: "Aza movozo, Zakaria, efa nitandrignaisagna vavakanao." Hitoe-jaza lelahy aminao Elizabeta vadinao. Jaona ho ataonarô agnarany.
14
Hanagna afaliagna draiky haravoagna anao, draiky maro koa ho ravoravo haterany.
15
Satria ho behy izy imason'ny Tompo. Tsy higiaka divay na raha figiagna mahery eky izy, sady ho feno Fagnahy Masigny isaka an-kibon-dreniny izy.
16
Maro amin'ny vahoakan'Israely hitodiky amin'ny Tompo dRagnahary drô.
17
Handeha alohan'ny Tompo amin'ny fagnahy draiky herin'ny Elia izy. Izegny ataony mba hitodian'ny fôn'ny ray amin'ny zanaka, mba handihanan-drô zègny tsy magnaraka fisiam-pangnahy marigny - mba hanomanagna vahoaka efa vognono ho ny Tompo nohomanigny ho Ninany."
18
Zakaria nivolagna tamin'ny anjely hoe: "Karakory ahaizako zegny? fa zaho efa anti-dahy draiky vadiko koa tegna efa antitry."
19
Anjely namaly draiky nagnabara taminany: "Zaho Gabriela, araiky mitsangana alohan-dRagnahary. Sady voairaka zaho mba agnabara aminao, hitonga vaovao tsara ty aminao.
20
Kay! Ho moha anao, tsy afaka hivolagna, mandra-pavian'ny andra hiboan-drô raha jiaby io. Satria tsy nino volagna naka anao,izegny ho tantairaka amin'ny fotoagna voafaritry."
21
Irô vahoaka sasany niambigny i Zakaria. Gaga irô Tamin'ny fijanonany aila tamin'ny l'eglise drô tao.
22
Fa koa faniboaka izy, tsy afaka nikoragna tamin-drô. Sady aihy drô fa nahita fahitagna izy taminany tagnaty l'eglise tao. Nagnano baiko moa tamindrô izy draiky nijanogno ho moa.
23
Koa fanavy andra ahatamperan'ny fanompoagna, loso nody tantragnony izy.
24
Tamin'ny andra aby io, navaisatra Elizabeta sady nisitriky nadrintra ny dimy volagna. Izy nivolagna hoe:
25
"Kara ty nataony Tompo zaho koa fa nitsinjo zaho Izy mba agnadoso haignatra naka amin'olo."
26
Tamin'ny faha tsahota fandrava, nirahin-dRagnahary anjely Gabriela nandeha amin'ny tanàna araiky ta Galilia kahiagna hoe Nazareta,
27
ho andeha amin'ny virijiny araiky fofom-badiny lehilahy kahiagna hoe Josefa. Agnisan'ny taranak'i Davida izy, Maria agnarany virijiny io.
28
Nandeha taminany izy sady Nivolagna hoe: "Balatsara, nohasoavina indrindra! Tompo aminao ao."
29
Tegna very hevitry tamin'ny volagnanany izy nagnotany taigna hoe karazagna fiarahabagna karakory zegny.
30
jely nagnabary izy: "Aza mavozo, Maria, fa efa nahita sitraka tamin-dRagnahary anao.
31
Kay, avaisatra anao hitairaka Zanaka lelahy. Agnaragna hikahianao ' Jesosy.'
32
Ho be Izy sady hikahiagna hoe Zanaka Ago Indrindra. Tompo dRagnahary hagnamia Izy sezy fiandrianan'i Davida razambeny.
33
Hanjaka mandrakizay amin'ny taranak'i Jakoba izy, sady tsisy fahatam-pairagna fanjakany."
34
Maria ny volagna tamin'ny anjely: " karakory hiboany zegny, mbala tsary niaraka nandry tamin'ny lelahy zaho?"
35
Anjely namaly sady nagnambara taminany hoe: "Hirotsaka aminao Fanahy Masigny, draiky herin'ny Avo Indrindra ho avy aminao. Ho tairaka olo masigny io ho kahiagna hoe Zanakan-dRagnahary.
36
Elizabeta havanao navaisatra koa naha fa tamin'ny fahantairagna. Efa faha tsaota fandrava ny nany zio, izy araiky nikahiagna hoe momba.
37
Satria tsisy raha tsy ho azo tanterahagna amin-dRagnahary. I Maria nagnambara:
38
"Aingane, zaho mpanompovavin'ny Tompo. Aingane ho tanteraka aminaka afatra nao zegny." Niala tankilany tio anjely.
39
Tamin'ny andra zegny i Maria Kay nandeha farany zay malaky amin'ny tany agnabo, agny amin'ny tanànan'i Jodia.
40
Nandeha amin'ny tragnon'i Zakaria izy draiky nagnano mbalatsara I Elizabeta,
41
koa fa naregny fiharahaban'i Maria I Elizabeta, nihetsiky tsaiky tagnatiny kibony tao, sady feno Fanahy Masigny Elizabeta.
42
Ny volagna mare izy hoe: "Nosoavina noho ny viavy jiaby anao, draiky nosoavina ny natairaka ny kibonao.
43
Nagnino zegny miboaka aminaka fa i renin'ny Tompoko navy hagnatogno zaho?
44
Fa kanefa, koa fanavy tan-tsofiko fiarabanao, ravoravo tsaiky tagnatin'ny kiboko.
45
Sambatra izy zaigny nino fa ho tanteraka irô raha zaigny nivolagn'ny Tompo taminany."
46
I Maria nagnabara: "Midera ny Tompo ny fanahiko,
47
ary ny fanahiko nifaly tao amin'Andriamanitra mpamonjy.
48
Fa niza fahatragnan'ny mpanompo vaviny Izy. Kay tio, manomboko zio taranaka jiaby hikaiky zaho hoe sambatra.
49
Satria nagnano raha maventy taminaka i olo nahavita raha jiaby, sady masigny agnaranany.
50
Fa maharitry honin-drô taranaka fara-mandimby zaigny mavozo Izy famindram-pony.
51
Nagnamboaka angoviny tamin'ny vatagna nany izy; draiky nagnaparitaka irô zaigny niraiharaiha tamin'ny eritreritriny fô drô.
52
Naongany tamin'ny sezy fiandrianany zanaka lahin'ny mpanjaka draiky irô ambany nampanongainy.
53
Nataony voky raha tsara irô silongno, fa mpanakarigna nampodiny tsy nanagna na ino na ino.
54
Nagnamia fagnampiagna Israely mpanompony Izy, mba hahatsiaraovany hagnaboaka famindram-pô
55
(araka nivolagniny tamin-drô raintsika) tamin'i Abrahama draiky taranaka nany mandrakizay."
56
Nijanogno nipaitraka tamin'i Elizabeta tokony ho telo fanjava i Maria draiky abako io nimpody nody ta tragnony tagny izy.
57
Navy fotoagna hitiran'i Elizabeta zanany nitairaka tsaiky lelahy izy.
58
Naregny famindram-pô naventy nataon'ny Tompo tamin-drô mpiara-monigny aminany draiky irô havany, sady niaraka niravoravo taminany irô
59
Draiky tamin'ny andra fahavalo navy hamositry tsaiky irô. Saiky ho kahian-drô hoe: "Zakaria," kara agnarany papany izy.
60
Fa mamany fo namaly draiky namaly sady nivolagna hoe: "Aha. Jaona hikaiagna izy."
61
irô nivolagna taminany: "Tsisy amin'ny havanao kaiagna amin'ny agnaragna zegny."
62
Nagnano baiko moha tamin'ny baba drô amin'ny tiany ho atao agnarany.
63
Nangataka raha nanoratgna i babany kay nanaoratra hoe:"Jaona ny agnarany." Sady sady tamin'ny zegn rô jiaby.
64
Kay niharaka tamin' ny zegn nibiagna vava nany. Nivolagna izy sady nankasitraka dRagnahary.
65
Navy tamin-drô jiaby nagnodidigny izy fahavozoagna. Draiky niparitaka airakan' ny tanàna Jodia raha jiaby niboaka tio.
66
Sady irô jiaby naregny aby io nampijiky raha igny tamin'ny fô drô, draiky nagnambara hoe: "Ho karakory eky i tsaky ty?" Fa momba izy tanan'ny Tompo.
67
Sady feno Fagnahy Masigny i Zakaria babany draiky naminany, Kai nagnambara hoe:
68
"Deraigna anie Tompo, dRagnahariny Israely, fa navy nagnapy draiky nagnatantairaka fahafagna ho ny vahoaka nany Izy.
69
Nanangana agnabo tandrom-pagnavaotagna ny tsika amin'ny tragnon'i Davida mpanompony Izy,
70
kara raha nivolagniny tamin'ny vavan-drô mpaminany masigny tamin'ny andra taloha tagny.
71
Hitonga famonjegna amin'ny fahavalontsika draiky amin'ny tagnan-drô jiaby mankahala atsika Izy.
72
Zegny no hataony mba hampisehoa ny famindram-pô amindrô babantsika sy hampatsiahivana ny fanekem-pihavanany Masigna,
73
dia ilay fianianana nambarany tamin'i Abrahama babantsika.
74
Nianiana ny hahazoantsika manompo azy tsy amin-tahotra,
75
am-pahamarinana sy am-pahamasinana eo anatrehany amin'andantsika aby izy, rehefa afaka tamin'gny tanan'ny fahavalontsika.
76
Ia, draiky anao, ry zaza, ho kahiagna hoe mpaminanin'ny Agnambo Indrindra, fa handeha halohany Tompo anao sady hagnaboatra lalagna nany,
77
mba hamiagna fahalalagnam-pamonjegna ho ny drô olo amin'ny alalan'ny famelagna helokon-drô.
78
Izegny hiboaka nohon'ny famindram-pô masign'ny dRagnaharintsika, nohon'ny amin'ny zegny hibohan'ny masoandra baka amin'ny agnabo mba ho avy hagnampy atsika,
79
hagnazavagna irô zaigny mipaitraka agnatin'ny haizigny draiky irô agnatiny aloky fahafataisagna. Hatony zegny mba hitahiagna vity tsinka amin'ny lalam-piadanagna."
80
Sady zaza nitombo draiky navy nahery amin'ny fagnahy, sady tagnefitry izy mandram-pavian'ny andra hibohan'ny amangy amin'Israel.
Chapter 2
1
Tamin'ny andra zegny, nandefa didy mibaiko zaigny mibaiko hikontegna olo jiaby miaigny eto amin'izao tontolo izao Aogosto kaisara.
2
Izegny fagnisam-bahoaka natao voalohany tamin'i Kyrenio mpanapaka ta Syria.
3
Nohony zegny olo jiaby nandeha amin'ny tanàna naviany aby mba hisaoratra agnaragna ho ny mpagnisa vahoaka.
4
Kai nandeha nanonga baka ta Galilia koa Josefa, baka tagny an-tanànan'i Davida izaigny fikahiagna hoe Betlehema, satria izy baka amin'ny tragno draiky fianakaviagnan'i Davida.
5
Nandeha tagny izy mba hisaoratra agnaragna niaraka tamin'i Maria, fofom-badiny sady navaisatra.
6
Mbala tagny fo irô, navy fotoagna hitirany zanany.
7
Nitairaka zaza lelahy izy, zanany voalohany, sady izy nandrakotro lambanin-tsaiky draiky nampandry Izy tamin'ny fihinanam-bilona, satria tsisy nisy toairagna ho ny drô ta amin'ny toeragna io.
8
Nisy mpiambigny aomby tamin'ny toairagna zegny nijanonagna ta tanim-bary, niambigny aomby nany maromaro tamin'ny aligny.
9
Nisy anjelin'ny Tompo niboaka tamin-drô, draiky voninahitry Tompo nikintakintagna magnodidigny izy, sady feno vozo naventy irô.
10
Nivolagna tamin-drô anjely agnano hoe: "Aza mavozo, fa hitonga vaovao tsara mba hitonga hafaliagna maventy ho ny nolo jiaby zaho.
11
Nihany nisy mpagnavotro teraka ho ny narô an-tanànan'i Davida! Izy zegny Kristy Tompo!
12
Ity famantaragna hamiagna anarô: Hahita zazahely mirakotro lamban-jaza sady mandry amin'ny fihinanam-bilona anarô."
13
Tampoko tio niaraka tamin'ny anjely, nisy tafiky lagnitry naventy nakalaza dRagnahary nagnano hoe:
14
"Voninahitry ho an-dRagnahary agny amin'ny avo indrindra, sady hisy fiadanagna koa eto an-tany amin'olo izaigny ankahasitrany."
15
Koa fa niala taminany tio irô nandeha an- dagnitry irô anjely, ny mpiambigny aomby nifampivolagna hoe: "Andeha atsika zio andeha Betlehema, raha fanambarany Tompo atsika izegny."
16
Nandeha malaky tagny irô sady nahita i Maria draky Josefa, draiky nahita zazahely nandry tamin'ny fihinanam-bilona.
17
Tafaran'ny nahitan-drô Izy, nambaran-drô raha jiaby nivolagniny drô momba i zaza io.
18
Izaigny jiaby naregny zegny gaga amin'ny volagna nambarany mpiambigny aomby tamin-drô.
19
Fa i Maria draiky nony nieritreritry momba raha jiaby zaigny regny, draiky nitana raha aby igny tam-pôny.
20
Nimpody irô mpiambigny aomby, hagnamia voninahitra draiky nankalaza an-dRagnahary nohony raha izaigny regnin-drô draiky hitan-drô, araka nivolagniny tamin-drô.
21
Nony tapitry andra fahavalo, koa fa nivosirigny Izy, namiagna agnaragna hoe Jesosy, i agnaragna namian'ny anjely Izy talohan'ny nametragna Izy tan-kibo.
22
Koa fa navy isan'ny andra nitakigna hagnadiovany, araka lalàn'i Mosesy, nitonga Izy nanonga ho andeha à l'eglise ta Jerosalema i Maria draiky Josefa mba hagnamia Izy amin'ny lalàn'ny Tompo.
23
Araka voasaoratra amin'ny lalàn'ny Tompo."
24
Nony zegny nagnamia lafiky araka nivolagnana lalàn'ny Tompo drô, "domona aroe na zanaka voromailala roa."
25
Tio fo, nisy lelahy baka Jerosalema, Simona agnarany, sady lela zegny marigny aviô mafana fô. Nitady fanompoagna an'Israely izy, sady tamin'ny Fagnahy Masigny tao.
26
Nambaran'ny Fagnahy Masigny taminany fa tsy hahita fahafatesagna alohan'ny ahitany Kristin'ny Tompo izy.
27
Nitaritin'ny Fagnahy, nandaiha an-tempoly tagny Simona. Koa fa nitondra an'i Jesosy Kely nidriky ray aman-dreniny, mba hagnano Izy araka fomba amin'ny lalàgna ao,
28
kay nalainy aviô ninjoniny Izy sady nidera an-dRagnahary aviô nagnano hoe:
29
"Amin'ny ziôty ambila andaiha am-piadanagna mpanomponao, ry Tompo, araka volagnanao.
30
Fa masoko nahitafamonjegna,
31
zay nomagninao olohan'ny olo jiaby tiô:
32
Zegny fahazavagna ho fagnambaragna ho an'ny Jentilisa sady voninahitra ho an'Israely olonao."
33
Babany ndraiky maman'ny tsaiky io zegny gaga tamin'ny ra nivolagniny momba Izy.
34
Nitso-drano irô Simona sady nivolagna tamin'i Maria mamany hoe: "Indro, tsaiky ty zegny voatendry ho amin'ny fandavoagna ndraiky fanandratagna olon'Israely maro aviô ho famantaragna zay nolaviny__
35
kay hisy meso be handoaka fagnahinao__ mba ho voambara dikany fô maro."
36
Kay tiô nisy mpaminany vavy araiky kahiagna hoe Ana. Zanakavavin'i Fanoela baka amin'ny foko Asera izy. Taigna matoe izy. Nipaitraka niaraka tamin'ny vadiny izy fito taogno tafaran'ny nahavirijiny izy,
37
aviô mpitondra taigna nandritra efatra amby valopolo taogno. Tsy niala tempoly feky izy fa nanompo tamin'ny fifadian-kanigny ndraiky vavaka, aligny matsagna.
38
Tamin'ny lera zegny mintsy zegny nagnatogno mariny irô izy sady nanomboko nagnamia fisaoragna an-dRagnahary sady nivolagna mikasika tsaiky io tamin'ny ol jiaby zay niambigny fagnavaotagna an'i Jerosalema.
39
Koa fa navita ra jiaby niragna nataony araka lalàn'ny Tompo zegny irô, nipody tagny Galilia, agny amin'ny tanàna-ndrô Nazareta agny.
40
Nahay be tsaiky sady nahay natanjaka, nitombo fahendregna, aviô fahasoavan-dRagnahar zegny Taminany tao.
41
Ray aman-dreniny zegny nandaiha Jerosalema tagny isan-taogno hamonjy Firavoravoan'ny Paska.
42
Koa fa roa ambin'ny folo taogno zegny Izy, nandaiha tagny araka fomba fatao amin'ny fety ndraiky irô.
43
Aviô koa fa baka nipetraka tagny tagnatin'ny andran'ny fety jiaby zegny irô, nanomboko nipody nody irô. Fa Jesosy tsaiky lelahy nijanogno tagny Jerosalema naifa tsy hainy ray aman-dreniny zegny.
44
Heverindrô fa niaraka tamin'ny olo niaraka tamindrô fo zegny Izy, nandaiha tagnatiny andra araiky jaby irô. Aviô zegny nanomboko niady Izy tamin-drô havany ndraiky namany tagny irô.
45
Koa fa tsy itandrô zegny Izy, nipody Jerosalema tagny irô kay nanomboko nitady Izy tagny.
46
Koa vita telo andra, hitan-drô zegny Izy an-tempoly tao, nidôko tagnivo-ndrô mpampianatra tiô, nitandregny irô sady nagnapaitraka fagnontaniagna tamindrô.
47
Zay jiaby naregny Izy zegny gaga tamin'ny fahaizany ndraiky volagna navaliny.
48
La fa nahita Izy zegn irô, variagna. Mamany nivolagna taminany hoe: "Zanako, nagnino anao nagnano zay kara ty? Tandrignaisa, zaho ndraiky papanao nitady anao tamin-tebiteby."
49
Nivolagna Izy tamindrô hoe: "Nagnino anarô nitady Za? Tsy hainarô mba fa tsy maintsy ho ao an-tragnon'ny Babako Zaho?"
50
Fa tsy azondrô ra tiany koragniny tamin'ny volagna zegny.
51
Nody zegny niaraka tamindrô tagny Nazareta Izy sady nankatoa irô. Mamany zegny nitana zegny ra jiaby zegny tagnaty fôny.
52
Fa Jesosy nahay nitombo fahendregna ndraiky nitombo vatagna, aviô nitombo fitia tamib-dRagnahary ndraiky olo.
Chapter 3
1
Tamin'ny taogno faha dimy ambin'ny folo nanjakan'i Tiberie Kaisara __fony Pontio Pilato governoran'i Jodia, Heroda zegny mpanapaka tao Galilia, Filipo ralahiny zegny mpanapaka tao amin'ny faritry Itoria ndraiky Trakonitisy, aviô Lysaina zegny mpanapak'i Abilena,
2
nandritry fisoronam-ben'i Aniasy ndraiky Kaiafa __kay navy tamin'i Jaona zanaka lahin'i Zakaria tambadiky volagnan-dRagnahary tagny.
3
Nandaiha tamin-drô faritry jiaby amgnodidigny an'ny Jordana Izy, nitory batisan'by fibebahagna ho famelagna irô heloko.
4
Araka voasôtra amin'ny bokin'ny volagnan'ny Isaia ao hoe: "Nisy feo araiky nikaiky mare baka ambadiky hoe: 'Ataova vôgnono lalan'ny Tompo, ataova mahitsy lalan-kalehany.
5
Matsi-matsabory jiaby ho totofagna, aviô bongo ndraiky tany agnabo agnabo hahegny , aviô lalagna mivezim-bezigny zegny amboarigny hahitsy,
6
aviô tany mikitoantoagna zegny ho atao lalagna, aviô nofo jiaby zegny hahita famonjegnan-dRagnahary.""
7
Koa nivolagna tamin-drô vahoaka zay navy hataon'i Jaona batisa hoe: "Anarô ry taranaka mainarana! Azôvy nampitandrigny anarô mba hilaifa fahatezeragna zay ho avy?
8
Dikany zegny, mamokara voa tokony fibebahagna, aviô kaza manomboko mivolagna agnatinarô ao hoe: 'Zay managna an'i Abrahama ho babany,' fa mivolagna anarô zaho fa Zagnahary zegny afaka manangana zanaka ho an'iAbrahama amin-drô vato reto.
9
Amin'ny ziôty aby zegny famaky mipetraka amin'ny fototry kakazo iô. Kay kakazo jiaby zay tsy mamoa voany tsara zegny voakapa aviô hatsipy amin'ny môtro agny."
10
Aviô irô vahoaka zegny nagnontany izy direct, nivolagna hoe: "Ino fo basy ataonay?"
11
Namaly izy kay nivolagna tami-ndrô hoe: Koa misy olo managna akanjo lava aroe, tokony mandrasa zegny amin'olo araiky zay tsay managna izy, aviô zay managna hanigny koa zegny tôkony hagnano kara zegny."
12
Irô mpamory hetra koa zegny navy mba hatao batisa, aviô nivolagna taminany hoe: "Mpampianatra o, ino tsy naintsy ataonay?" Izy nivolagna irô hoe:
13
"Kaza mamory vola mihoatra noho zay niragna halainarô."
14
Nagnontany izy koa miaramila, nivolagna hoe: "Akôry mikasiky zahay? Ino tsy maintsy ataonay?" Izy nivolagna tami-ndrô hoe: "Kaza mangala vola amin'olo an-kery, aviô kaza magnambara vandy olo. Mifalia amin'ny karamanarô."
15
Koa niambigny fiavihan'i Kristy zegny vahoaka, nagnontany tagnaty fôny mikasikan'i Jaona tsiarak'araiky, na mety ho izy na tsy Kristy.
16
Jaona namaly tamin'ny volagna irô jiaby hoe: "Koa aminaka zegny, magnano batisa anarô amin'ny rano zaho, fa misy olo araiky ho avy zay mahery mihoatra zaho, sady tsy tôkony za aby hamaha irô fehi-kirarony. Hagnano batisa anarô amin'ny Fagnahy Masigny ndraiky môtro Izy.
17
An-tagnanany iô fikororahany mba hagnadiovany tsara ao am-pomoloany ndraiky hamoriagna vary ho agny amin'ny ria. Fa hiroany amin'ny môtro tsy mety vonegna ankotry."
18
Niaraka tamin'ny fananaragna maro hafa koa, Jaona nitory vaovao tsara ho an'ny vahoaka.
19
Heroda mpanapaka koa fa nanarigny nohon'ny fanambadiagna vadin-dralahiny Herodiasy, ndraiky nohon'ny ra ratsy hafa jiaby zay vitany zegny,
20
ho fanampin'ny jiaby zegny, nafody tam-ponja tagny Jaona.
21
Aviô, koa fa vita batisa aby olo jiaby, natao batisa koa zegny Jesosy, aviô mbala nivavaka izy, kay nibiagna langitry,
22
sady Fagnahy Masigny nangala endriky kay nijotso taminany tiô kara voromailala, aviô nisy feo baka an-dangitry nagano hoe: "Anao no Zanako, malalako. Faly Zaho nohon'ny aminao."
23
Koa fa nanomboko zegny asa fanompagnany Jesosy, tiô amin'ny telo-polo taogno tiô Izy. Izy no zanaka lahin'i (araka fiheveragna) Josefa, zanak'i Hely,
24
zanak'i Matata, zanak'i Levy, zanak'i Melky, zanak'i Janay, zanak'i Josefa.
25
Josefa zegny zanak'i Matitia, zanak'i Amosa, zanak'i Nahoma, zanak'i Elsy, zanak'i Nagay, zanak'i Mata,
26
zanak'i Matatia, zanak'i Semeny, zanak'i Joseka, zanak'i Joda.
27
Joda zegny zanak'i Joanana, zanak'i Rase, zanak'i Zerobabela, zanak'i Sealtiela, zanak'i Nery,
28
zanak'i Melky, zanak'i Ady, zanak'i Kosama, zanak'i Elmadama, zanak'i Era,
29
zanak'i Josoa, zanak'i Eliezara, zanak'i Joreima, zanak'i Matata, zanak'i Levy.
30
Levy zegny zanak'i Simeona, zanak'i Joda, zanak'i Josefa, zanak'i Jonama, zanak'i Eliakima,
31
zanak'i Melea, zanak'i Mena, zanak'i Matata, zanak'i Natana, zanak'i Davita,
32
zanak'i jese, zanak'i Obeda, zanak'i Boaza, zanak'i Salmona, zanak'i Nahasona.
33
Nahasona zegny, zanak'i Aminadaba, zanak'i Adima, zanak'i Arny, zanak'i Hezrona, zanak'i Fazera, zanak'i Joda,
34
zanak'i Jakoba, zanak'i Isaka, zanak'i Abrahama, zanak'i Tena, zanak'i Nahora,
35
zanak'i Seroga, zanak'i Reo, zanak'i Palega, zanak'i Ebra, zanak'i Sela.
36
Sela zegny zanak'i Kenana, zanak'i Arpaksada, zanak'i Sema, zanak'i Noa, zanak'i Lameka, zanak'i
37
metosela, zanak'i Enoka, zanak'i Jareda, zanak'i Mahalalila, zanak'i Kenana,
38
zanak'i Enosa, zanak'i Seta, zanak'i Adama, zanakan-dRagnahary.
Chapter 4
1
Tafaran'ny zegny Jesosy, koa feno Fagnahy Masigny, nipody baaka agny amin'ny reniranon'i Jordana, aviô nindesin'ny Fagnahy Masigny tambadiky tagny
2
zay nangalan'ny devoly fagnahy Izy nandritra efapolo andra. Izy tsy nihinagna na ino na ino tagnatin'andra irô, aviô tamin'ny fotoagna arany zegny moasary Izy.
3
Devoly nivolgna taminany hoe: "Anao koa zegny zanakan-dRagnahary, avadia môfo vato ty."
4
Jesosy namaly izy hoe: "Voasoratra hoe: 'Tsy môfo fo ivilôman'olo."'
5
Aviô nindesin'ny devoly tamin'ny tany agnabo Jesosy sady naboakany Izy betibetiky tiô koa fanjakagna tany jiaby ty.
6
Devoly nivolagna taminany hoe: "Hamiako anao fahefagna jiaby ndraiky famirapiratany jiaby, fôtony fa namiagna za zio, aviô afaka amiako olo zay tiako amiagna izy.
7
Dikany zegny koa mandoaliky ndraiky manompo za zegny Anao, ho hazonao zegny."
8
Nefa Jesosy namaly kay nivolagna izy hoe: "Voasoratra hoe: 'Hidera Tompo Zagnahary anao, aviô Izy araiky fo ho tompoinao.'"
9
Devoly aviô nitondra Jesosy tagny Jerosalema sady nataony tamin'ny farany agnabo tempoly, aviô nivolagna taminany hoe: " Koa zanakan-dRagnahary Anao, mitandatsaha baka eto anao.
10
Fôtony fa voasoratra hoe: 'Hibaiko anjeliny aminao Izy, mba hiaro anao,'
11
aviô, 'Izy rô hanandratra anao amin'ny tagnany, mba tsy ho voakogno vato vitinao.'"
12
Jesosy namaly, nivolagna hoe: "Fa nambara hoe: 'Aza mangala fagnahy Tompo Zagnaharinao.'"
13
Koa fa vita fangalan'ny devoly fagnahy an' i Jesosy, nandeha izy sady niala Taminany ambara fiavian'ny fotoagna hafa.
14
Jesosy ami-zay nipody ta Galilia tagny tamin'ny herin'ny Fagnahy, sady vaovao mikasiky Izy zegny fa niparitaka isaka faritra magnodidigny jiaby.
15
Kay nanomboko nampianatra tao amin'ny Synagoga-ndrô zegny Izy sady niderain'olo jiaby.
16
Nandeha Nazareta tagny Izy, tanana araiky nahabe Izy igny, kay araka fomba fataony zegny, nidriky tamin'ny Synagoga tao tamin'ny andra Sabata Izy kay nitsangana mba hamaky teny mare.
17
Natolotra Izy horonan-taratasin' Isaia mpaminany. Nibiafiny boky io sady hitany tany nanoratagna izy,
18
"Fagnahy Tompo zegny aminaka ato, fôtony Izy nandrisiky za hivolagna vaovao mahafaly ho an'ny mahantra. Izy nandefa Zaho hagnambara fahafagna ho andrô babo, sady hagnapody fahitagna ho an'ny gila, hagnadoso irô zay ampahoriagna,
19
hagnambara taom-pankasitrahan-dRagnahary."
20
Naholony zegny taratasy baka tiô, nipody tagny amin'ny mpitandrigny, sady nipetraka Izy. Masondrô jiaby tamin'ny Synagoga tao zegny nizaha Izy.
21
Nanomboko nikoragna tami-ndrô Izy hoe: "Niany ty Soratra Masigny ty zegny tanteraka am-pitandrignaisanarô."
22
Olo jiaby tao zegny nivolagna ra tsara mikasiky Izy sady gaga irô tamin'ny tenim-pahasoavagna zay naboakany vavany, aviô irô nagnontany Izy hoe: "Fa tsy araiky zanak'i Josefa mba ty?"
23
Nivolagna tami-ndrô Izy hoe: "Azo antoko fa hivolagna ohabaolgna ty aminaka anarô: 'Dokotera, taha aigninao. Na ino na ino regninay fa nataonao tao Kapernaomy zegny, magnanaova kara zegny amin'ny taninao agny."'
24
Nefa Izy nivolagna hoe: "Volanko marigny aminarô, tsisy mpiminany voaray amin'ny taninany ao.
25
Kanaifa volaniko marigny aminarô fa maro viavy tsy mpitondra-taigna tagny Iraely tamin'ny andran'i Elia, koa nifody langitry tagnatin'ny telo taogno ndraiky tsiôta fanjava, sady misary mavety koa navy tamin'ny tany jiaby.
26
Naifa Elia tsy nilaifa na araiky tami-drô, fa tao Zerapata tagny Sidona fo koa, tagny amin'ny mpitondra taigna zay nipetraka tagny.
27
Maro irô baka tao Israely tamin'ny andran'i Elisa mpaminany, naifa tsisy na araiky tami-ndrô zagny janga koa tsy araiky Namàgna Syriana."
28
Olo jiaby tamin'ny Synagoga tao zegny feno heloko koa naregny ra jiaby zegny.
29
Nitsangana irô, nanery Izy hiala tanàna, sady nandaifa Izy tegny an-tampon'ny havoagna zay nioraignan'ny tanana-ndrô, mba hindatsagna Izy amin'ny hantsana.
30
Naifa zegny Izy nandaiha namakivaky tagnivondrô tiô nandaiha tamin'ny tany hafa tagny.
31
Izy aviô nijotso tagny Kapernaomy, tanàna araiky agny Galilia, aviô Izy nanomboko nampianatra irô tamin'ny andra Sabotsy.
32
Tegna gaga be irô tamin'ny fampianaragna natany, fôtony nivolagna tamin'ny fahefagna Izy.
33
Aviô tamin'ny Synagoga tao zegny nisy lelahy zay nindaohany fagnahy maloton'ny satana, sady nikiakiaka tamin'ny feo mare hoe:
34
"Ah! Ino ifandraisanay aminao, ry Jesosy baka agny Nazareta? Anao mba navy hamotiky zahay? Aiko hoe azôvy Anao - araiky Masignin-dRagnahary!"
35
Nivolagnin'i Jesosy mare devoly io hoe: "Aza mivolagna aviô mialà aminany ao!" Koa fa nagnatsipy lelahy tagnivon-drô tio zegny devoly, niala taminany tao, sady tsy nandratra izy feky.
36
Tegna gaga be zegny olo jiaby, kay nanohy koragna mikasiky zegny. Nivolagna irô hoe: "Mba volagna karakôry loatra zegny?" Baikoiny amin'ny fahefagna ndraiky ngôvo zegny fagnahy maloto kay miboaka."
37
Dikany zegny nanomboko niparitaka nagnairany faritany lazanany.
38
Kay niala Synagoga zegny Jesosy sady niditriky tantragnon'i Simona. Nampijalian'ny tazo mahery rafozam-bavin'i Simona, niangavy taminany ho izy irô.
39
Kay nitsangana taloahany tiô Izy sady nivolagniny mare zegny tazo io, kay niala taminany. Tiô fo zegny izy nitsangana sady nanompo irô.
40
Koa fa nilentiky zegny masoandra, nitondra olo jiaby nararin'ny aretigny maro samihafa tamin'ny Jesosy tiô olo. Nagnambela tagnana tami-ndrô tsiaraik'araiky Izy kay nagnajanga irô.
41
Irô devoly io koa zegny niala tamin'ny olo maro tao irô, nihakiaka mare sady nivolagna hoe: "Anao no Zanakan-dRagnahary!" Jesosy nivolagna irô devoly io mare kay tsy nambelany hivolagna irô, fôtony haindrô fa Izy no Kristy.
42
Vao mazava ratsy, nandeha tamin'ny tany mangingigny Izy.Vahoako maro be nitady Izy sady nagnantogno amin'ny tany nisy Izy. Irô zegny niezaka nitana Izy mba tsy hiala amin-drô iô.
43
Kay Izy nivolagna tamin-drô hoe: "Tsy maintsy mitory vaovao mahafaly mikasiky fanjakan-dRagnahary amin'ny tanàna maro hafa koa zegny Zaho fôtony, zegny antony nagnirahagna Zaho taty.
44
Aviô Izy zegny nanohy nitory tamin-drô synagoga tao magneragna an'i jodia.
Chapter 5
1
Kay kara ty ra nisy, izy koa nivorivorian-drô nagnodidigny an'i Jesosy irô olo sady nitandregny volagnan-dRagnahary, kay nitsangana amoron'ny farihin'i Genesareta tiô Izy.
2
Nahita lakana aroe nijanogno amoron'ny farihy tiô Izy. Fa niboaka tao irô mpagnarato sady nanasa haraton-drô.
3
Nidriky tamin'ny araiky tamin-drô lakana Jesosy, zay an'i Simona, sady nangataka taminany mba handefa zegny egny amin'ny rano lavidavitry tanety. Izy aviô nipetraka kay nampianatra irô olo tambadiky lakana.
4
Koa fa nijanogno nivolagna zegny Izy, nivolagna tamin'i Simoma Izy hoe: "Indesa amin'ny rano tegna lalagny agny lakana aviô halatsa haratonarô mba azahoanarô hazandrano."
5
Simona namaly Izy kay nivolagna hoe: "Tompo o, fa niasa tontolo aligny zahay, fa tsy nahazo na ino na ino, fa nohon'ny volagnanao zegny, halatsako harato reo."
6
Koa fa nataondrô ra zegny, navoavory hazandrano maro tegna maro irô, sady natriaka harato-ndrô.
7
Kay irô nagano fihetsiky tamin'ny namandrô zay tagnaty lakana araiky hafa fa tokony avy agnampy irô. Navy irô kay nameno lakana aroe, koa fa kara igny nanomboko nilentiky irô.
8
Fa Simona Petera, niaraka nahita zegny, nandoaliky tamin'ny vitin'i Jesosy tiô, nivolagna hoe: "Milala aminaka, fa lelahy mpanota zaho."
9
Kay gaga izy ndraiky iro jaby zay niaraka taminany, nony habaizan'ny hazandrano zay azondrô.
10
Tagnatin'ny zegny Jakoba ndraiky Jaona, zanak'i Zebedio, zay miaraka miasa amin'i Simona. Jesosy nivolagna tamin'ny Simona hoe: "Aza mavozo, fa manomboko ziôty zegny hagnarato olo anao."
11
Koa fa nindesindrô an-tanety zegny lakanandrô, nambelandrô ra jiaby kay nagnaraka Izy.
12
Kay kara ty ra nisy izkoa mbala tami'ny tanànandrô tao zegny Izy, nisy lelahy feno habokagna tiô. Nony nahita an'i Jesosy zegny izy, nandolaliky Taminany tiô sady nitalaho Taminany, nagnano hoe: "Tompo, Anao koa mety, afaka magnadio zaho."
13
Kay naninjitra tagnany Jesosy sady nikasiky Izy, nivolagna hoe: "Mety Zaho. Madiova." Mbala tiô fo zegny afaka taminany habokagna.
14
Nivolagniny izy mba tsy hivolagna na amin-jôvy na amin-jôvy, fa nivolagniny taminany hoe: "Mandiana amin'ny lalagnanao, mandalova amin'ny mpisorona aviô manolora sorona hoany fagnadiovagna anao, araka zay nandidian'i Mosesy, mba ho fijoroagna vavolombelogna ami-ndrô."
15
Nefa tatitry mikasiky Izy zegny niparitaka tany lavitry, maro vahoaka niaraka navy hitandregny Izy nampianatra aviô mba ho janga amin'ny aretignindrô.
16
Izy nefa matetiky mandeha amin'ny tagna foagna agny sady mivavaka.
17
Kay tamin'ny andra araiky tamin'andra nampianarany zegny, nisy Fariseo ndraiky mpampiana-dalàna nipetraka tiô zay baka amin'ny tanàna samihafa amin'ny faritany Galilia ndraiky Jodia, aviô koa baka amin'ny tanànan'i Jerosalema. Herin'ny Tompo taminany tao mba hitahagna.
18
Aviô nisy lelahy sasay navy, nitondra lelahy araiky zay voan'ny paralisisa tamin'ny fandriagna tiô, kay irô zegny niza fomba hagnandesagna izy agnatiny ao mba hagnambilagna izy alohan'i jesosy iô.
19
Tsy nahita fomba hagnampidiragna izy tagnaty tao irô nony vahoaka reo, dikany zegny nadeha amin'ny tampo-tragno irô sady ngnajotso fandriagnan'ny lelahy baka amin'ny tafo tragno, tamin'ny fandriagna, agnivon'olo tiô, talohan'i Jesosy tiô.
20
Lafa nahita finoagnandrô zegny, volagniny Jesosy hoe: "Ralelahy, voavela helokao."
21
Nanomboko nagnontany irô mpanora-dalàgna ndraiky irô Fariseo, nivolagna hoe: "Azôvy mba io mivolagna ra tsy manjary io? Azôvy no afaka mamela fahotagna koa tsy Zagnahary zaraiky fo?"
22
Fa Jesosy nahay ra nieritreretindrô, namaly sady nivolagna irô hoe:
23
"Nagnino anarô magnontany zegny agnaty fonarô ao? Ino tegna mora volagniny: 'Voavela helokao sa mivolagna hoe: 'Mitsangana aviô mandiana?'
24
Kay mba hahaizanarô fa Zanak'Olo zegny manam-pahefagna hamela heloko ambonin-tany, volanko aminao, mitsangàna, indesa fandriagnanao aviô mandiana an-tragnonao agny."
25
Mblatiô fo zegny nitsangana taloahandrô izy sady nangala fandriagna nandriany. Izy aveo niala nandeha an-tragnonany, nagnamia voninahitra an-dRagnahary.
26
Variagna olo jiaby sady nagnamia vonanhitra an-dRagnahary irô. Feno vozo irô, nivolagna hoe: "Nahita ra mahagaga atsika niany."
27
Tafaran'ny nisianndrô ra reo zegny, niala tiô i Jesosy kay nahita mpamory hetra araiky kahiagna heo Levy nipetraka tamin'ny tragno lain'ny mpamory hetra tiô. Nivolagna taminany Izy hoe: Magnara Zaho."
28
Nitsangana i Levy nagnaraka Izy, nambailany ra jiaby.
29
Nagnano fanasagna mavety tantragnony tao ho an'i Jesosy i Levy. Maro irô mpamory hetra ndraiky olo hafa nipaitraka tamin'ny latabatra tiô sady nihinagna niaraka tami-ndrô.
30
Nitaraigny tamin'ny mpaminany irô Fariseo ndraiky mpanora-dalàgna, nivolagna hoe: "Nagnino anao mihinagna sady mingiaka miaraka ami-ndrô mpamory hetra ndraiky olo mpanonta hafa?
31
Jesosy namaly irô hoe: "Olo salama tsy mila dokotera; fa irô marary fo.
32
Naviako aty tsy ra andaiha hikaiky olo-marigny ho amin'ny fibebahagna, fa hikaiky mpanota ho amin'ny fibebahagna."
33
Volagnindrô taminany: Irô mpianatr'i Jaona matetiky mifady hanigny sady mivavaka, aviô mpianatrandrô Fariseo magnano kara zegny koa. Naifa mpianatranao mihinagna sady migiaka."
34
Nivolagnin'i Jesosy irô hoe: "Mba ndraiky misy olo havan' ny tompim-bady mavita mampifady hanigny tompim-bady izy koa kay mbala midôko ami-ndrô ao izy?
35
Ho avy andra hagnadosoagna tompim-bady ami-ndrô iô, amin'andra zegny hifady hanigny irô."
36
Nagnano fagnoharagna tami-ndrô koa Jesosy. "Tsisy olo magnatriaka tapa-damba baka amin'ny lamba vao sady mampiasa zegny hagnamboaragna lamba tonta. Izy koa izy magnano zegny, handrobaka lamba vao, aviô tapa-damba baka amin'ny lamba vao io tsy mifagnaraka amin'ny lamba tonta.
37
Tsisy olo magnisy divay vao agnatin'ny signy hodriky tonta ao. Izy koa izy magnano zegny, hapmariatra hodriky divay vao, ami-zay raraka divay, aviô robaka signy hodriky.
38
Fa divay vao zegny tsy maintsy atao agnatin'ny signy hoditra vao.
39
Tsisy olo baka nigiaka divay taloha kay hagniry vao, fa izy hivolagna hoe: 'Araiky taloha no tsara."'
Chapter 6
1
Kay tamin'ny Sabotsy zegny nandaiha an-tanimbary tagny Jesosy aviô irô mpianatra naka salohim-bary, nikosendrô tamin'ny tagnana sady nihinagna voa.
2
Fa sasany tami-ndrô Fariseo ndraiky nivolagna hoe: "Nagnino anarô magnano ra tsy ara-dalàgna magnano izy amin'andra Sabotsy?"
3
Jesosy namaly nivolagna irô hoe: "Mbala tsy nivakinarô mba ra natoan'i Davida koa fa nosary izy ndraiky lelahy niaraka taminany?
4
Nandaiha an-tragnon-dRagnahary ta izy, sady nangala mofon'ny Fanatrehagna aviô nihinagna an-tsasany tamin'ny zegny, aviô namiany an-tsasany koa lelahy niaraka taminany mba hihinagna, na dia mpisorona aby aza araka lalàgna koa mihinagna zegny."
5
Izy aviô nivolagna tami-ndrô heo: "Zanak'Olo zegny Tompon'ny Sabotsy."
6
Ary tamin'ny Sabotsy magnaraka koa zegny nandaiha tamin'ny synagoga tao Izy nampianatra vahoaka tao. Nisy lelahy araiky maty tagnana havagnana tao.
7
Niza Izy mariny tsara irô mpanora-dalagna ndraiky irô Fariseo mba hahita koa hagnajanga olo amin'ny andra Sabotsy Izy, mba afahandrô mahita antony agnambara Izy.
8
Naifa fa hainy ra ra tagnatin'ny saignindrô kay Izy nivolagna tamin'ny lelahy maty tagnana io hoe: "Mitsangna, mandiana agnivon'olo jiaby eto." Nitsangana zegny lelahy io nandaiha tiô.
9
Nivolagna tami-drô Jesosy: "Za magnontany anarô, ara-dalàgna amin'ny Sabotsy mba fagnanaovagna tsara sa fagnanaovagna ratsy, magnavotro aigny sa mamotiky izy?"
10
Sady niza izy jiaby Izy kay nivolagna tamin'ny lelahy io hoe: "Ahinjagna tagnanao." Nataony zegny, kay janga tagnany.
11
Naifa feno heloko irô sady nikoragna mikasiky ra andaiha ataondrô amin'i Jesosy.
12
Tamin'ny andra zegny nandaiha tamin'ny bongo Izy mba hivavaka. Nitohizany nandritra tontolo andra fivavahagna tamin-dRagnahary.
13
Koa fa navy andra, nikaiky mpaminany aminany iô Izy, nifidy roa ambin'ny folo tamindrô Izy, nikahiagna koa Apostoly.
14
Agnarandrô Apostoly reo zegny Simona (izy kahiagna koa hoe Petera) aviô ralahiny Andrea, Jakoba, Jaona, Filipo, Bertelemeo,
15
Matio, Tomasy, Jakoba zanaka lahin'i Alfeo, Simona kahiagna hoa Zelota, Jodasy zanak'i Jakoba,
16
Jodasy Iskariota, zay nivadiky mpamadiky.
17
Jesosy aviô nijotso baka tamin'ny Bongo niaraka tami-drô kay nitsangana tamin'ny tany marigny niaraka tamin'ny mpaminany maro ndraiky vahoaka maro baka agny Jodia aviô Jerosalema ndraiky sisin-tanin'ny Tyro aviô Sidona.
18
Navy irô hitandregny Izy aviô maba ho tahagna amin'ny aretignindrô. Janga koa vahoaka korontagnin'ny fagnahy maloto.
19
Olo jiaby tami-drô vahoaka zegny niezaka hikasiky Izy directe, fôtony niboaka baka taminany hery magnajanga, janga aby izy jiaby.
20
Kay niza mpaminany Izy, nivolagna hoe: "Sambatra anarô mahantra, fa anarô fanjakan-dRagnahary.
21
Sambatra anarô mosary amin'ny ziôty, fa ho voky anarô. Sambatra anarô mitomagny amin'ny ziôty, fa hitokiky anarô.
22
Sambatra anarô koa fa tsy tia anarô olo koa fa ahilikindrô ndraiky haratsiandrô anarô, nony amin'ny Zanak'Olo.
23
Mifalia amin'ny andra zegny aviô mibitaha an-kafaliagna, fôtony azo antoko fa hahazo valisoa mavety an-dangitry agny anarô, fa mitovy amin'ny zegny nagnandesan'ny razandrô anarô mpaminany.
24
Fa loza ho anarô manan-karena, fa azonarô zay mahafa-po anarô.
25
Loza ho anarô voky amin'ny ziôty, fa mbala ho mosary anarô afara agny. Loza ho anarô mitokiky amin'ny ziôty, fa hisaona sady hitomagny anarô afara agny.
26
Loza ho anarô koa fa mivolagna tsara mikasiky anarô olo jiaby, fa mitovy amin'ny zegny nataon'ny razandrô tamindrô mpaminany sandoko.
27
Fa Za mivolagna aminarô zay mitandregny Zaho, tiava fahavalonarô aviô magnanaova tsara amin'ny zay mankahala anarô.
28
Tahia zay magnozagno anarô aviô miavavaha ho andrô magnano tsinotsinona anarô.
29
Koa misy magnamia taifaka takolaka araiky, amia izy koa ilany. Koa misy olo mangala lambanao, aza mitana na dia akanjonao aby.
30
Amia zaigny mangataka aminao jiaby. Koa misy olo mangala ra nao, aza mangataka zegny aminao.
31
Kara zaigny tianao ataon'olo aminao, tokony hataonao amin-drô koa zegny.
32
Fa koa olo tia nao fo tiavinao, ino soa ho azonao amin'ny zegny? Na mpanonta aby mba tia zaigny tia izy koa.
33
Koa amin'ny zaigny magnano soa anao fo agnanaovanao soa, ino so ho azonao amin'ny zegny? Na mpanota aby magnano kara zegny.
34
Koa tsy mampindragna koa fa tsy amin'olo zaigny hambaisanao fa hagnampody zegny aminao fo anao, ino soa ho azonao amin'ny zegny? Na mpanota aby mampindragna mpanota, mba hahazahoany kara zegny koa.
35
Tiava fahavalonarô aviô magnanaova tsara ho izy regny. Mampindrama kay aza miambigny valiny fa ho mavety valisoanarô avio ho zanaka Avo Indrindra anarô, fa Izy taignany zegny tsara fagnahy amin'ny zaigny tsy misaotra ndraiky olo ratsy fagnahy.
36
Manàgna famindram-po, kara Babanarô mpamindra fô
37
Kaza mitsra, aviô tsy tsaraigna anarô. Kaza magnasazy, aviô tsy ho saziagna anarô. Mamelâ hafa, aviô ho voavela anarô.
38
Magnamaiza, kay amiagna anarô zegny. Fahafoizagna be _ atafotafo, miara-voahontsagna aviô mitoboka _ hararaka am-pofoagnanao io. Araka fahamatranarô, hifamaragna anarô kara zegny koa."
39
Izy aviô nagano fagnoharagna tami-ndrô. "Kay olo jamba mba afaka mitariky olo jamna hafa? Koa magnano zegny Izy, hilatsaka an-kady agny irô roe sa tsia?
40
Mpianatra araiky zegny tsy be nony mpaminany, fa jiaby zaigny nahatanteraka fiofanagna zegny hitovy amin'ny mpaminany.
41
Nagnino anao miza sombin-kazo ely agnatin'ny mason'ny ralahinao ao, naifa anaot sy mahatsikaritry vatan-kazo agnaty masonao ao?
42
Akôry ivolagnanao rahinao heo: 'Ry ralahy, mamelà za hagnadoso sombin-kazo amin'ny masonao io,' kay fa tsy hitanao aby vatan-kazo amin'ny masonao iô? Ray mpiatsaravelatsihy! Adosoa amin'ny masonao aloha vatan-kazo, amin'ny zegny hahita tsara anao kay afaka hagnadoso sombin-kazo amin'ny mason'ny ralahinao iô.
43
Tsisy hazo tsara hamokatra voankazo lo, na hoe hazo lo hamokatraka voankazo tsara.
44
Fa hazo tsiaraik'araiky zegny hay amin'ny karazam-boankzao zaigny vokariny. Fa tsy afaka hioty aviavy amin'ny fatsiky olo, na hangala voalobaka amin'ny hazona voafehy.
45
Olo tsara mamokatra zaigny tsara baka amin'ny harena saon'ny fony, aviô olo ratsy mamokatra zaigny ratsy baka amin'ny haren-dratsin'ny fony. Fa zaigny aboakany fony volagnin'ny vavany.
46
Magnino anarô mikaiky Za hoe: 'Tompo, Tompo,' naifa anarô tsy mankatoa zaigny ra volanko?
47
Olo jiaby magnatogno Za ndraiky maregny volagnanaka aviô mankatoa zegny, kay anarô hivolagniko hoe kara ino izy.
48
Kara olo nanangana tragno izy, nandavaka laligny amin'ny tany tiô aviô nagnôrigny fototry tragno agnabony vatolampy tiô. Koa fa navy zegny tondra- drano, nandriaka nanohitra zegny tragno zegny rano be, fa tsy nampihaontsagna izy, fôtony tsara ôrigny izy.
49
Zaigny olo maregny volagnanaka naifa tsy mankatoa zegny, mitovy amin'ny olo zaigny nagnôrigny tragno agnabon'ny tany kay tsy nagnisy fototra. Koa fa nandriaka namely tragno io rano be, lavo direct zegny, aviô ravagna tantairaka zegny."
Chapter 7
1
Koa fa navita nivolagna ra jiaby taohan'ny vahoaka tiô zegny Jesosy, nidriky tao Kapernaomy Izy.
2
Kay nisy kapitainy araiky nanagna mpanompo tegna najaigna, aviô narary sady fa mariny ho faty izy.
3
Koa fa naregny mikasik'i Jesosy Kapiteny io, nagniraka loholon'ny Jiosy andaiha Aminany izy, hangataka Izy mba ho avy hitaha mpanompony.
4
Koa fa navy tamin'i Jesosy tiô iro, nangataka mare taminany, nivolagna hoe: "Mendrika izy hagnanaovanao zegny ho izy,
5
fôtony tiany firenenanay, aviô izy araiky nagnamboatra Synagoga ho anay."
6
Kay nanohy lalagna niaraka tami-ndrô Jesosy. Mbala tsy lavitry tragno zegny Izy, nandaifa namagna kapiteny nivolagna Taminy hoe: "Tompo o, aza manahira-taigna Anao, fôtony tsy mendriky hidiranao ambanin'ny tafo-tranoko ao za.
7
Dikany zegny tsy nihevitry taignako ho mendriky han-keo Aminao za, fa mivolagna volagna araiky fo ho janga mpanompoko.
8
Fôtony ity koa lelahy ambany fahefagna, managna miaramila ambaniko ao koa. Volaniko amin'ny araiky ty hoe: 'Mandihana,' mandaiha izy, aviô amin'ny araiky hafa: 'Avia,' tamy izy, aviô amin'ny mpanompoko hoe: 'Ataova ity,' ataony zegny."
9
Koa fa naregny zegny Jesosy, Variagna taminany Izy, nitodiky tami-ndrô vahoaka zaigny nangnaraka Izy nangnano hoe: "Volanko aminarô, fa na dia tagny Israely aza tsy nahitako finoagna kara ty."
10
Koa fa nipody tantragno tagny irô nirahagna, nahita fa salama tsara mpanompo io.
11
Tafarany zegny ely, nandaiha tagny amin'ny tanàna atao heo Naina i Jesosy, sady niaraka Taminany irô mpianatranany ndraiky irô vahoaka maro be.
12
Koa fa nariny varavaragna tanàna Izy, tiô fo, nisy lelahy araiky fa maty nindesiny vahoaka, zanaka lahy tokan'ny mamany (mpitondrataigna), aviô vahoaka maro be baka amin'ny tanàna io niaraka taminany.
13
Tompo ka fa nahita izy zegny, nalahelo izy tantairaka kay nivolagna hoe: "Aza mitomagny." Izy aviô niakatra sady nikasiky vata
14
nagnandaisandrô razagna, nijanogno irô nitondra zegny. Nivolagna Izy: "ry tovolahy, Za mivolagna aminao, miangana."
15
Niangana ilay maty kay nanomboko nivolagna, aviô Jesosy nanolotro izy tamin'ny mamany tiô.
16
Nandresy irô jiaby favozoagna, kay nanohy nidera an-dragnahary directe irô, nivolagna hoe: "Mpaminany mavety natsangana amintsika eto" avio "Zagnahary nitsinjo olonany."
17
Ity vaovao mikasik'i Jesosy ity zegny niparitaka nagnairagna an'i Jodia ndraiky faritry magnodidigny jiaby.
18
Irô mpianatr'i Jaona nivolagna taminany mikasiky irô ra reo.
19
Nikaiky aroe tami-ndrô mpianatra Jaona kay nagniraka irô ho agny amin'ny Tompo mba hivolagna hoe: "Anao mba araiky hoa avy, sa tokony mbala hiza hafa zahay?"
20
Koa fa nagnatogno mariny Jesosy zegny irô, Volagnindrô lelahy hoe: "Jaona mpanao batisa nagniraka zahay aminao aty hagnontany hoe: 'Anao mba araiky ho avy, sa tokony mbala hiza hafa zahay?"'
21
Kay tamin'ny fotoagna zegny nahajanga olo maro tamin'ny aretigny ndraiky fahoriagna aviô fanaintaignana baka ami-ndrô fagnahy ratsy Izy, aviô olo jamba nampahitavany.
22
Jesosy namaly kay nivolagna tami-ndrô hoe: "Anarô koa fa baka nandaiha tamin'ny lalagnanarô, volagna amin'i Jaona zaigny ra hitanarô ndraiky ra regnina. Nahita ny jamba, nandaiha ny malemy, nadio irô boka, naregny ny maregniny, nitsangan-ko velogno ny maty, aviô nitoriagna filazantsara olo agnatin'ny tsy fahampiagna.
23
Sambatra olo zaigny tsy mitsahatra mino Zaho nony ataoko."
24
Izy koa fa roso irô irak'i Jaona, nanomboko nivolagna tamin'ny vahoaka Jesosy mikasik'i Jaona hoe: "Hiza ino niboanarô tambadiky tagny? Volotara nahozongozognon'ny tsiko sa?
25
Fa hiza ino niboanarô tagny? Lelahy magnano akanjo tsara sa? Zahava irô zaigny magnano akanjo lafo vanga ndraiky irô miaigny amin'ny fiainagna soa ao zegny amin'ny lapan'ny mpanjaka ao.
26
Fa hiza ino niboanarô tagny? Mpaminany sa? Kay, volaniko aminarô, sady mihoatra lavitry nony mpaminany.
27
Izy araiky voasoratra hoe: 'Igny, alaifako mialoha anao mpitondra hafatra, hagnomagna lalagnanao mialoha zaho.'
28
Volanko aminarô, fa aminarô zaigny natera-biavy zegny tsisy mavety nony Jaona. Naifa araiky taigna ey amin'ny fanjakan-dRagnahary ao zegny mavety nony izy."
29
(Koa fa naregny zegny olo jiaby, agnisan'ny zegny irô mpamory hetra, nagnambara fa marigny Zagnahary, fôtony natao batisa tamin'ny batisan'i Jaona irô.
30
Fa irô Fariseo aviô mpahay lalàgna Jiosy ndraiky nandà tanjon-dRagnahary ho an'ny taignandrô, fôtony tsy nataon'i Jaona Batisa.)
31
Amin'ny ino basy afaka mampitaha olo amin'ny tarana ity? Kara ino koa mba irô?
32
Kara tsaiky misaoma amin'ny tsaina igny mba irô zaigny mipaitraka sady mifampikaiky mivolagna hoe: 'Nitsoko sodigny hoanarô zegny zahay, anarô tsy nitsinjaka. Nagnano hira fisaonagna hoanarô zegny zahay, anarô tsy nitomagny.'
33
Jaona mpagnano Batisa navy tsy nihinagna mofo sady tsy nigiaka divay zegny volagninarô fa: 'Misy devoly izy.' Zanak'Olo navy nihinagna sady niagiaka
34
zegny volagninarô fa: 'Zahava tenda-kanigny sady mpigiaka izy, namandrô mpamory hetra ndraiky mpanota!"
35
Fa fahendregna zegny voamarigny amin'ny jiaby zegny."
36
Kay araiky tami-drô Fariseo ni-invité Jesosy hihinagna miaraka aminany. Koa fa nidriky tan-tragnony Fariseo tao zegny Jesosy, nipetraka tamin'ny latabatra tiô hihinagna.
37
Tiô fo, nisy viavy zaigny mpanota tamin'ny tanàna tao. Izy koa hainy fa nipetraka tamin'ny latabatra tan-tragnony Fariseo zegny Izy, nitondra tavoagny alabastara feno menaka magnitra izy.
38
Kay izy koa zegny nitsangana tafarany mariny vitiny tiô zegny izy, nitomagny, nanomboko nandaiha tamin'ny vitiny tiô ranomasonany, kay nifafany tamin'ny fagneva nany sady niôroko aviô nagnôsotro menaka mangitry tamin'ny vitiny.
39
Fariseo koa fa nahita nanasa Jesosy, nieritreritra, nivolagna hoe: "Koa mpaminany lelahy io, tôkony ho hainy hoe karazagna viavy karakôry manafosafo Izy io, mpanota io."
40
Namaly Jesosy kay nivolagna taminany hoe: "Simona, misy ra hivolagniko aminao." Nivolagna izy hoe: "Mpampianatra o! Volagna zegny."
41
Jesosy nivolagna hoe: "Nisy mpampindra-bola nanagna mpitraosa aroe lahy. Araiky zegny tôkony agnaifa diman-jato denaria, araiky ndraiky dimam-polo.
42
Koa fa tsy voahaifandrô taminany zegny ra io, samy nambela irô roe lahy. Dikany zegny, azôvy ami-ndrô roe lahy zegny tegna ho tia Izy?"
43
Smona namlay Izy nivolagna hoe: "Heveriko fa namoizany be." Kay volagniny Jesosy taminany: "Marigny fitsaragnanao."
44
Kay nitodiky tamin'ny viavy io Jesosy sady nivolagna tamin'ny Simona hoe: "Hitanao viavy io. Nidriky tan-tragnonao tato Zaho. Tsy namianao rano hasako vitiko anao, fa izy navoakosoko vitinaka reo tamin'ny ranomasony sady namafa irô tamin'ny fagnaivany.
45
Tsy niraofinao Zaho, fa hatr'izay nidirako tato, tsy nijanogno nioroko vitinaka izy.
46
Tsy nisaoaranao dolily lohanaka, fa izy nagnosotro vitinaka tamin'ny menaka mangitry.
47
Dikany zegny, Zaho mivolagna aminao fa, irô fahotagna zaigny maro zegny, voavela fôtony izy be fitiavagna. Fa zaigny nagnambilagna ely zegny, tia ely."
48
Kay Izy nivolagna taminany: "Voavela irô fahotagna."
49
Irô niara-nipetraka nihinagna tiô zegny nanomboko nifampikoragna tami-ndrô hoe: "Azôvy mba lelahy ty kay mamela irô heloko?"
50
Kay Jesosy aviô nivolagna tamin'ny viavy io hoe: "Finoagnanao nahavonjy anao. Mandihana am-piadanagna."
Chapter 8
1
Tafarany zegny ely, nanomboko nandaiha nitety tanàna vohitra samihafa Jesosy, niotry sady nagnambara filazantsara mikasiky fanjakan-dRagnahary.
2
Niaraka Taminany irô roa ambin'ny folo lahy, kara irô viavy sasany zaigny janga tamin'ny fagnahy ratsy ndraiky aretigny: Maria kahiagna hoe Magdalena, fa nagnadosoagna devoly fito;
3
Johana, vadin'i Koza, mpitan-draharahan'i Herodia, aviô Sosana; ndraiky irô maro samihafa koa, tamin'ny fanangnandrô zegny nagnamia zaigny nilaindrô.
4
Koa mbala nisy vahoaka maro nivorivory , samy nagnantogno Izy irô olo baka amin'ny isan-tanàna, Kay Izy nagnano fagnoharagna:
5
"Nisy mpitsabo niboaka mba hamafy voany. Kay fa nafafiny zegny zigny, sasany voafafy tamin'ny agnivon-dalàgna kay voadiadia sady lanin'ny vôrogno langitry.
6
Sasany ndraiky voafafy tamin'ny vatolampy tegny, izy koa zegny fa naniry, nalazo, fôtony tsy len-deny feky.
7
Fa sasany zegny voafafy tamin'ny fatsiky, kay niaraka naniry tamin'ny voa zegny fatsiky sady nampijaly be.
8
Sasany voafafy tamin'ny tany lonaka kay namoa tsara vokatra tsara zaigny tsara lavitry mihoatra zato hagny." Tafaran'i Jesosy nivolagna ra reo, nikakiky mare Izy hoe: "Zaigny manan-tsofigny hitandrignesagna, alô mba hitandregny izy."
9
Nagnontany Izy irô mpaminany amin'ny tian'ny fagnoharagna zegny hambara.
10
Nivolagna Izy: "Namiagna anarô fahaizaka ra misitriky fanjakan-dRagnahary, fa ho an'ny hafa zegny Zaho mikoragna amin'ny fagnoharagna, mba tsy ahita irô na dia mahita aby, aviô tsy hahay na dia maregny aby."
11
Kay zao dikan'ny fagnoharagna: ny voa zegny volagnan-dRagnahary.
12
Irô voanafafy tagnivon-dalagna tegny zegny irô zaigny maregny, nefa devoly aviô koa avy mangala volagna tagnaty fony, mba tsy hino sady tsy voavonjy irô.
13
Irô tamin'ny vatolampy ndraiky zegny, irô zaigny maregny volagna, kay nangala zegny amin-kafaliagna. Nefa irô tsisy varany; betibetiky fo finoagnan-drô fa foagna, kay lavo zegny irô koa avy amim'my andra fitsapagna.
14
Irô voafafy tamin'ny fatsiky zegny, irô olo maregny volagna, fa koa mandaiha amin'ny lalagna zegny irô, ampijalian'ny fiahiagna ndraiky haregna aviô fahafinaratagnan'ity fiainagna ity, kay tsy matoe voany.
15
Fa voa voafafy tamin'ny tany tsara zegny, irô mregny volagna tamin'ny fo marigny sady tsara, aviô irô nitana izy tsara kay namokatra am-paharaitagna.
16
Bakô, Tsisy olo, izy koa mampirehitry môtro, manakotro izy amin'ny rakony na hamètraka zegny ambany fandriagna. Fa, hapètrany an-tany fasiagna môtro, mba ho hitan'olo jiaby zegny mdriky ao hazavagna.
17
Fôtony tsy ho hisy takogno zegny tsy ho ampahafantarigny, na raha misitriky zegny tsy ho hiboaka amin'ny mazava iô.
18
Kay mitandrgnèsa tsara, zegny managna, mbala hamiagna be tsy sômasôma, fa zegny tsy managna ndraiky, na zegny mbala heritretiny hanagnany alaigna aminany."
19
Bakô i reniny ndraiky ralahy nagnantogno Izy, nèfa tsy afaka nagnantogno narikitry Izy nohon'ny hamaroany vahoaka.
20
Nisy nivolagna taminany hoe: "Reninao ndraiky ralahinao mitsangana an-tany ao, tia ahita anao."
21
Fa Jesosy namaly nivolagna tamin-drô hoe: "Reniko arô zegny mitandregny volagnan-dRagnahary ziô ndraiky magnano sitrapônazy."
22
Indraiky andra nandèha lakana Izy miaraka tamin'ndrô mpiantranany, Kay Izy nivolagna irô hoe: "Andeha ampitany farihy arÿ atsika." Kay rôso irô.
23
Fa irô koa fanandeha nisoken-tôro Jesosy. Aviô nisy varatraza navy tamin'ny farihy io, kay feno rano làka, kay tandindon-doza irô.
24
Bakakô nagnantogno Jesosy irô mpianatranazy namöha Izy, nagnano hoe: Tômpo ô! Tômpo ô! Ho faty atsika!" Nifoha directy Izy nivolagna mare tsiko ndraiky rano mihetsiky io, Kay ninjanogno izy aviô, zegny vô nisy fahangignana tio.
25
Kay nivolagna tamin-drô Izy hoe: "Aia finoagnanarô?" Kay navozo salakady gaga irô, nifampagnotany hoe: Azôvy loatra mba Ity, mandroaka tsiko ndraiky rano zala, kay mgnéky Izy irô?"
26
Irô bakô nahazo faritr'i Gerasena, zegny ankilany farihin'i Galilea.
27
Kay izy koa fa hiakatra antety Jesosy, nifanôjy tamin'ny lelahy araiky baka ta-tanàna tao nisy devoly. Tsy amin'ny akanjo, bakô fa tsary nipètraka tan-tragno fa tamin'ny fasagna fo.
28
Fa Izy Koa fanahita Jesosy izy, niafatrafatra maré ndraiky nankôko ta-lohany tiô nivolagna nandrotogno sady mare hoe: " Ino iraisatsika aroé, Jesosy, zanakan-dRagnahary Agnabo indrindra éh? Mangataka aminao za, kaza ampijaligny za."
29
Fa Jesosy nandroaka fagnahy maloto io hiala taminany lelahy io tao. Fôtony fa fotoagna maro nampijaly izy izo, satria èfa nifiheziny tamin'ny silisily ndraiky gadra vy bakô niambesagna any izy, nitosany i silisily igny aviô nandesiny devoly io tan-kotaka tagny izy.
30
Jesosy nagnôntany izy hoe: " Iza azôvy agnaranao? Hoy izy hoe: "Legiona," fôtony fa maro devoly nidriky taminany tao.
31
Kay irô niangavy izy mba tsy handefa irô agnatiny lavaka tsy hita farany.
32
Kay nisy andiany komankory maronihinagna tan-kilany bongo tiô. Kay niangavy Izy irô devoly aby mba halèfany amin-drô, nikehiny Jesosy izigny.
33
Aviô hiboaka tamin'ny lelahy io irô nifindra tamin-drô komankory aby igny, directy nantrentreky tamin'ny hantsagna mijotso amin'ny farihy irô andiany komankory io kay maty.
Kay izy koa fa nahita raha jiaby mandalo igny irô tsimagnajany komankory, nilomoay nagnambara irô tan-tanàna ndraiky tan-tsabo.
35
Noho zegny hiboaka mponigny ta-tanàna mba hizaharaha nitranga tamin'ny lelahy niboahany devoly io. Kay aviô izy nipètraka tamin'ny vitiny'i Jesosy tiô, niakanjo sady nahazo jery; bakô navozo irô.
36
Kay aviô ho andrô nahita izigny nagnambara fömba nagnajanga lelahy nanjakan'ny devoly io.
37
Aviô ndraiky irô vahoaka jiaby tamin'ny faritrin'i Gerasena Nangataka Jesosy mba hiala amin-drô ao, fôtony navozo loatra irô. Noho zegny nandeha Izy miaraka amin'ny lakan-drô mba afahan-drô mipody.
38
Ilelahy niboany devoly niangavy taminany mba hamela izy andaiha hiaraka aminany, fa Jesosy nandaifa izy, salakady nivolagna izy nagnano:
39
"Mipodiana agny an-tragnonao kay magnamaizagna tatitra feno momba zay nataon-dRagnahary taminao." Abakô i ralelahy nandaiha tamin'ny lalagnany, nagnambara magnairagna tanàna jiaby tamin'ny raha nataon'i Jesosy taminany.
40
Aviô izikoa fa nipody Jesosy, nandray Izy iô vahoaka, fa irô efa niambigny Izy.
41
Igny fa nisy lelahy araiky atao hoe iro, zay araiky tamin'ndrô mpitarika tao amin'ny Synagoga, nagnantôgno salakady niankôhoko tiô amin'ny vitin'i Jesosy, mba niangavy Izy mba handaiha agny amin'ny tragnonany,
42
satria zanakanazy viavy taokana, tiô amin'ny aroe ambin'ny folo taogno tiô ny iô, ambavahoanan'ny fahafatesagna. Izikoa nandaiha tamin'ny lalagnanany Jesosy, niaraka nifaneritery nagnodidigny Izy irô vahoaka maro be.
43
Abakô nisy viavy araiky tiô zay efa nandaiha fotoagna efa nandritra aroé ambin'ny folo taogno aviô efa nandany volanany jiaby, [Fagnamarihagna: Irô manam-pahaizagna nizarazara hevitry izikoa tokony ampidiragna eto fehezanteny magnano hoe: "Nandany volanany jiaby (izy)] abakô tsary nisy nagnajanga izy na azôvy na azôvy.
44
Abakô izy nandaiha tafaran'i Jesosy sady nikasika rambon-dambanany, kay nitsahatra directy fotoagnanany.
45
Jesosy nivolagna: "Azôvy nikasika Zaha tiô?" Izikoa nandà irô olo jiaby, Petera nagnambara nagnano hoe: "Tompo, magnodidigny Anao kony irô vahoaka jiaby io sady manery Anao koa."
46
Fa Jesosy namaly izy: "Nisy nikasika Zaha, satria haiko tsara fa nisy hery niala baka tato aminaka."
47
Koafa hitany magnagy io fa tsy takotro izy, nangôrôhôrô magnagy iô ndraiky izy niankôko taminany tiô.
48
Fa Izy nivolagna taminany: «Ry zanaka vavy, ny finoagnanao no nahajanga anao. Fa mandihana am-piadanagna. »
49
Avy iô koa mbola nivolagna fo izy, nisy olo araiky avy tagny amin’ny tragnon’ny mpitarika synagoga, nagnano karaty: «Maty zanakanao magnagy. Aza sahiragninao eky mpampianatra io.»
50
Regnin’i Jesosy volagna zegny, namaliany volagnan’i Jairo avy tiô karaty: «Aza mavozo ; minoa fo anao, fa ho njanga fo izy.
51
Koafa nandaiha an-tragnony zegny Izy tsy nagneky idiran’olo kafa ankotran’i Petera, i Jaona avy iô Jakoba, ndraiky babandrô-ntsaiky sy renindrô-ntsaiky.
52
Avy iô olo jiaby nisaona ndraiky nitomoangny izy,
53
Fa Izy nivolagna karaty: «Aza mitomoangny; tsy maty izy fa mandry.» Naharegny izegny irô nitokiky Izy, satria haindrô tsara fa maty io tsaiky magnagy io.
54
Fa nalainy tamin’ny tagnanany izy ka nikaiky mare, nivolagna karaty: «Zanako, mitsangàna!»
55
Nipody fagnahinany, baka iô izy niangagna. Avy iô nagniraka irô Izy agnamia hanigny azy.
56
Gaga Ray aman-dreniny, fa Izy ndraiky nagnamafy irô baika tsy ivolagnadrô i raha aby niboaka tiô na amin’izôvy na azôvy.
Chapter 9
1
Nikaiky irô aroe ambinifolo lahy Izy sady nagnamia gôvo irô ndraiky fahefagna amin'ny setoany jiaby ary hitaha aretigny jiaby.
2
Nalèfany zegny irô andèha hagnambara fanjakanan-dRagnahary ndraiky hagnajanga ny marary.
3
Nivolagna tamin-drô Izy fa: "Kaza mitondra raha foeky amin'ny dianarô_ tsisy tihina, tsisy saka ny vatsy, tsisy mofo, tsisy vola, ary tsisy akanjo anoloagna.
4
Zay tragno hijanonanarô, mijanona ao mandra-pialanarô.
5
Tsisy tany angala anaro, izikoa fa miala amin'ny tanàna zegny anarô, adosoa posiera amin'ny vitinarô baika ho fitsaganagna vavolombelogno anohananarô irô."
6
Aviô zegny loso irô ary namakivaky irô tanàna, nagnambara tenin-dRagnahary ndraiky nagnajanga raha jiaby tagny.
7
Ary nitandrignèsan'i Heroda mpanjaka aby irô raha nandalo jiaby, sady very hevitry izy, fôtony sasany nivolagna fa Jaona mpagnano batisa zegny nitsangana tamin'ny maty,
8
ary voavolagna koa fa niboaka Elia, ary sasany ndraiky koa mivolagna fa araiky tamin-drô mpaminany aby igny nitsangana tamin'ny maty.
9
Nivolagna Heroda hoe: "Za nanapaka ny lohan'i Jaona, kay azovy koa arignèsako raha kara zegny?" Ary nièzaka nitady Azy izy.
10
Izikoa fa nimpody zegny irô apostoly, nitantara raha jiaby vitan-drô taminany irô. Aviô nandesiny niaraka taminany irô, ary nandèha nitôkana tamin'ny tanàna atao hoe Betsaida.
11
Izikoa naharegny raha mikasiky zegny irô vahoaka, nagnaraka Izy koa. Kay niraisiny irô sady nambarany irô koa ny fanjakan-dRagnahary, sady nagnajanga zay nila zegny Izy.
12
Ary koa fa ho ariva andra, nagnatogno Izy irô aroe ambin'ny folo kay nivolagna hoe: "Alifasa mody amin'ny tanàna magnodidigny ndraiky ambanivolo agny irô vahoaka aby io mba hahita anigny tôromaso ndraiky anigny, fôtony atsika io amin'ny tany tsisy raha."
13
Fa nivolagniny tamin-drô: "Aminanarô raha ho hanigny irô." Ary nivolagna koa irô hoe: "Zay tsisy raha ankatran'ny mofo dimy ndraiky laoko aroe _ ka tsy raha andèha hividy hanignin-drô olo jiaby io zahay."
14
(mandèha dimy arivo tiô zegny lehilahy tiô). Ary nivolagna tamin-drô mpianatranany zegny Izy hoe: "Apitraha ho vondrogno dimampolo isan'isany aby irô."
15
Kay nataon-dro zegny, ary sady nampipetraka irô vahoaka.
16
Nalainy irô mofo dimy ndraiky laoko aroe igny, sady niandra lagnitry Izy, nisaotra irô ary nirasainy, kay namiany irô mpianatra zigny mba amiagna irô vahoaka.
17
Nihina irô jiaby sady afa-pô, ary najarigny zay tsy lany _ kay nisy nisy pôtipôtiny roa ambin'ny folo harogno.
18
Ary izikoa fa nivavaka manôkagna Jesosy, niaraka taminany zegny irô mpianatra. Kay nagnontany irô Izy, hoe: "Azovy ma ataon-drô vahoaka aby io Za?"
19
Namaly irô hoe: "Jaona mpagnano batisa. Fa sasany ndraiky mivolagna hoe Elia, ary sasany koa mivolagna fa nitsangana tamin'ny maty araiky tamin-drô mpaminany taloha aby igny."
20
Ary nivolagna koa Izy hoe: "Fa azovy Za aminao?" Namaly Petera hoe: "Ilay Kristy Zagnahary."
21
Fa tsy niboany hivolagna zegny amin'olo zegny irô,
22
sady nivolagna hoe: "Ny Zanak'olombelogno ane tsy maintsy hijaly amin'ny raha maro ary tsy hiken-drô lohologno ndraiky lohan'ny mpisorogno ary irô mpagnano lalàgna, hivonoegny Izy ary hitsangana amin'ny andra fahatelo."
23
Ary nivolagniny tamin-drô jiaby: "Izikoa misy tiagnaraka za, tsy maintsy mandaha aigninany izy ary mitonddra hazofijaliagnanany isan'andra ary magnaraka za.
24
Zay olo tiagnavotro aigninany, nohon'ny fitiavagna za, havotro zegny.
25
Ino mba raha tsara azon'olo amin'ny fanagnana eto an-tany, kanèfa magnary na koa amamotiky aigniny?
26
Fa zay olo megnatra aminaka ndraky irô volagnanaka, ho megnatra izy koa Zanak'olo jiaby koa fa avy amin'ny voninahitrinany, ndraiky voninahitry ny Baba ndriky irô anjely masigny Izy.
27
Fa volagniko mazava aminarô, fa ny sasany amin-drô mitsangana eto tsy hahita fahafatesaga alohan'ny hahitany fanjakan-dRagnahary."
28
Ary valo andra tafaran'ny nivolagnan'i Jesosy irô volagna aby io zegny, nindesiny niaraka taminany Petera ndraiky Jaona ary Jakoba kay niaraka nanonga bongo hivavaka.
29
Izikoa nivavaka zegny Izy, niboaka endriky soranany, sady nivadiky fotsy mangilangilatra ankanjonany.
30
Tiô fo, nisy aroe lahy nikoragna taminany, Mosesy ndraiky Elia,
31
izay niseho tamim-boninahitry mangilangilatra. Nikoragna mikasiky fialany Izy, zay hidesiny ho hatao agny Jerosalema.
32
Ary Petera ndraiky irô zay niaraka taminany zegny tafandry aby, fa koafa tegna taitry tsara irô, nahita ny voninahitrinany ndraiky irô lehilahy aroe nitsangana niaraka taminany.
33
Ary izikoa niala lavitr'i Jesosy irô, nivolagnin'i Petera taminany: "Tompo, tsara amintsika midôko eto fo. Ambila zahay agnamboatra tragno ely telo, araiky ninao, araiky ny Mosesy, ary araiky ny Elia." (Tsy hainy raha nivolagniny.)
34
Tam-pivolagnana zegny izy nisy zavogno nanarogno irô, kai navozo irô koa fa nihidriky tagnaty zavogno tao.
35
Nisy fiô niboaka baka tao, nagnano hoe: " Ity Zanako lahy, araiky vohafidy; tandrignèsa Izy."
36
Koa fa nivolagna fiô igny, Jesosy zaraiky fo hita tiô kai nangigny sady tsisy olo nivolagnan-drô raha nandalo tamin'ny andra ny zegny.
37
Ary andra magnaraka zo, izikoa fa nijotso baka tamin'ny bongo tagny zegny irô, vahoaka maro nifanôjy Izy.
38
Tiô fo, nisy lehilahy araiky baka tamin-drô vahoaka tao nihiaka maré nagnano hoe: "Ry mpampianatra o, mangataka aminao za mba zahava zanako lahy ty, fa zanako tôkagna izy.
39
Hitanao, misy fagnahy mibaiko izy kai mihiaka tampoko izy; mampihenjagna izy zegny sady mampiboaka rehoko amin'ny vavany. Tsy miala aminany zegny sady manoragna izy teteraka.
40
Nangataka tamin-drô mpianatranao za mba agnadoso zegny fa ts afakan-drô."
41
namaly Jesosy nivolagna hoe: "Anarô tsy mpino ndraiky taranaka ratsy fitondran-tegna, nombiagna no tsy maintsy hipitrahako miaraka aminarô ndraiky hipitrahako miaraka aminarô? Indèsa aty zanakanao,"
42
Izikoa nagnatogno tsaiky lehila io, natsipin'ny satoany tamin'ny tany izy sady nampitsipatsipaka izy. Fa Jesosy nivolagna maré tamin'ny fagnahy maloto io sady nagnajanga tsaiky lelahy io, ary nagnampody izy tamin'ny Babany.
43
Ary aviô koa zegny gaga aby olo jiaby nahita ny habèzan'ny Zagnahary. Izikoa fa gaga tamin'ny raha jiaby nataony zegny irô,
44
nivolagniny tamin'ny mpianatranany hoe: "Ambilaha irô volagna aby ty ho tafidriky laligny an-tsofignin-drô: ny Zanak'olo zegny ho vadiagna ho an-tagna'olo.
45
Fa tsy azon-drô fagnambaragna zegny. Nasitriky irô zegny zigny, nohon'izegny, tsy azon-drô dikan'ny zegny, ary mbala navozo irô hagnontany mikasiky fagnambaragna zegny.
46
Aviô zegny nanomboko nisy tsy fitovizan-kevitry tamin-drô ny amin'ny ho tegna maventy amin-drô.
47
Fa Jesosy, nahay raha niheverin-drô tam-pô-drô tagny, kai nangala tsaiky ely araiky kai napetrakany tankilany tiô
48
ary nivolagna tamin-drô hoe: "Fa zay olo mangala tsaiky ty amin'ny agnaranaka, dikany zegny mangala Za izy; ary zay mangala Za, midika fa mangala ilay nagniraka Za. Fa zay farany madiniky aminarô no tegna maventy."
49
Jaona namaly hoe: "Tompo o, nahita olo araiky nagnadoso setoany tamin'ny agnarao kai nisakananay izy, fôtony izy tsy magnaradia miaraka aminay."
50
"Aza tohanagna izy," nivolagin'i Jesosy, "fôtony tsy manohitry anarô kai mitaha anarô."
51
Izikoa andra ampiakaragna Izy, nandeha agny Jerosalema Izy.
52
Nandèfa mpitondra hafatra Izy talohanany, ary nandèha irô nihidriky tamin'ny tanàna Samaritana araiky mba hagnomagna raha jiaby ho Azy.
53
Fa ny vahoaka tao tsy nandray Izy, fôtony nitodiky andèha Jerosalema Izy.
54
Izikoa nahita zigny Jakoba ndraiky Jaona mpianatra, nivolagna irô hoe: "Tompoko, izikoa zahay itondra môtro baka an-dagnitry agny hamotiky irô io?"
55
Fa nitodiky Izy sady nivolagna maré tamin-drô,
56
ary nandèha tamin'ny tanàna hafa irô.
57
Ary koa fa nandeha tamin'ny lalàgna zegny irô, nisy olo araiky nivolagna taminany hoe: "Agnaraka Anao za zay tany imboanao."
58
Namaly Jesosy: "Ny amboahaolo managna lavaka, ary irô vôrogno an-dagnitry misy ny akany, fa ny Zanak'olo tsisy tany asiagna lohany."
59
Ary Nivolagniny tamin'ny hafa koa hoe: "Magnaraha Za." Fa hoy izy: "Tompoko, ambèsa atsendriky za andèha andevigny Babako."
60
Namaly koa Izy hoe: "Ambilaha ny maty andevigny ny maty aminany ao. Fa anao, mandihana aviô mandria an-tany lavitry agny sady hitaro ny fanjakan-dRagnahary."
61
Ary nisy olo hafa koa nagnano hoe: "Hagnaraka Anao za, Tompo, fa amilaha akendriky za agnano veloma irô an-tragnonaka agny."
62
Nambaran'i Jesosy Izy hoe: "Tsisy olo mitana angady sady miherigny kai mendriky andèha amin'y fanjakan-dRagnahary."
Chapter 10
1
Ary tafaran'ny raha aby igny zegny, nifidy fitopolo lahy [Fanamariagna: Maro amin-drô fandikagna taloha tegna tsara zegny magnano hoe: "Fitopolo," Fa sasany ndraiky magnano hoe: "aroe abi-fitopolo."] hafa ny Tompo, ary nandèfa irô tsiaroeroe Talohanany tamin'ny tanàna jiaby ndraiky tany fandianany.
2
Nivolagniny tamin-drô fa: "Be ny vokatra, fa vitsy ny mpiasa. Noho izegny hangataha topin'ny vokatra mba handèfa mpiasa handèha amin'ny vokatra agny.
3
Mandihana amin'ny làlagnanarô. Zahava, alèfako kara zanaka ôndrikôdriky agnivon'ny ambo_ anarô.
4
Kaza mitondra sakam-bola, na raha fatao entaga, na kiraro, ary aza magnano malatsara amin'olo foeky na azovy na azovy amin'ny làlagna agny.
5
Zay trago hidiranarô, volagna aloha hoe: 'Fiadanagna anie amin'ny tragno ity!'
6
Izikoa misy olo'ny fiadanagna ao, hipetraka aminany ny fiadanagna nivolagninarô igny, fa izikoa ndraiky tsisy, himpody aminarô zigny.
7
Mipitraha amin'ny tragno io fo, minana ndraiky migia zay raha amian-drô, fa ny mpiasa mendriky karama nany. Kaza mifindrafindra tragno.
8
Fa amin'ny tanàna idiranarô, kai mandray anarô, hano zay amian-drô anarô,
9
ary sitragna zay marary ao. Volagna amin-drô hoe: 'Fa marikitry anarô ny fanjakan-dRagnahary.'
10
Na ombiagna na ombiagna anarô miditry tànana kai tsy mandray anarô irô, miboaha an-dalagna ary volagna hoe: '
11
Na fôtaka ny tànananarô mipetaka amin'ny vitinay bala fafanay fo hanohitry anarô! Ataova an-taigny fa: Efa marikitry ny fanjakan-dRagnahary.'
12
Ambarako anarô fa amin'ny andra ny fitsaragna, mbala Sodoma moramora liferigny toy izay tànana io.
13
Loza ho anao, ry Korazina! Loza ho anao, ry Betsaida! Fa izikoa asa maventy zay natao taminao no natao tagny Tyro ndraiky Sidona, efa ela irô nibebaka, nipetraka tamin'ny lamba fisaoragna ndraiky lavenogno.
14
Sitrany Tyro ndraiky Sidona mety liferigny kara ninarô.
15
Anao, ry Kapernaomy, anarô mba mieritreritry ho hatsangana andèha an-dagnitry? Tsia, hidesigny mijotso amin'ny fiainan-tsi hita agny anao.
16
Zay mitandregny anarô zegny mitandregny Za, ary zay tsy magneky anarô koa tsy magneky Za, ary zay tsy magneky Za, tsy magneky Izy nagniraka Za koa."
17
Nimpody an-kafaliagna irô fito-polo, kai nivolagna hoe: "Tompo, na setoany mbala nagneky zahay fo tamin'ny agnaranao."
18
Jesosy nivolagna tamin-drô hoe: "Nizaha satana latsaka baka an-dagnitry agny Za kara telatra igny."
19
Zahava, fa efa namiako anarô ny fahefagna handemy ny menaragna, ny maigoko, ary ambonin'ny hery ny fahavalo jiaby, ary tsisy raha andratra anarô amin'ny fomba hafa.
20
Na dia zegny ndraiky, kaza ravoravo amin'ny zegny fo, hagneky anarô ny fagnahy fa miravoravoa fa voasôratra an-dagnitry agny agnaranarô."
21
Tamin'ny andra io fo zegny izy ravoravo tamin'ny fagnahy Masigny, ary nivolaga hoe: "Midera Anao za, ry Baba, Tompon'ny lagnitry ndraiky tany, fa efa nasitrikinao raha aby ragny tamin'ny hendry ndraiky manan-tsaigny, ary nambara tamin-drô tsisy raha hay, kara ataon'ny tsaiky madiniky. Ya, Babako, fa zegny raha ankasitragna tsara amin'ny masonao.
22
Raha jiaby zegny nankinin'ny Baba taminaka, ary tsisy mahay hoe azovy Zanaka koa tsy Baba fo, ary tsisy mahay hoe azovy Baba koa tsy Zanaka ndraiky zay nisafidin'ny Zanaka haboaka Izy."
23
Aviô zegny nijotso tamin-drô mpianatra Izy kai nivolagna mangigigny hoe: "Sambatra izay mahita irô raha aby hitanarô io.
24
Ambarako aminarô, mpaminany ndraiky mpanjaka maro no nagniry ahita raha hitanarô io, fa tsy hitan-drô zegny, ary aregny raha regninaro koa, fa tsy regnin-drô koa zegny."
25
Igny, nisy mpampianatra lalàgna ny Jiosy araiky nitsangana mba hitsapa Izy, kai nivolagna hoe: "Mpampianatra o, ino mba tsy maintsy ataoko baika andova ny fiainagna mandrakizay?"
26
Namaly izy Jesosy hoe: "Ino mba raha voasôratra amin'ny lalàgna ao? Karakôry famakianao zegny?"
27
Nagnamia valiny izy hoe: "Tiava ny Tompo Zagnaharinao amin'ny fônao jiaby, amin'ny fagnahinao jiaby, amin'ny gôvonao jiaby, ary amin'ny fisaignanao jiaby sady namanao kara tegnanao."
28
Nivolagna taminany Jesosy hoe: "Marigny valinteninao. Ataova zegny, fa ho velogno anao."
29
Fa mpampianatra igny, tiankamarigny tegna zegny, nivolagna tamin'i Jesosy hoe: "Izovy mba namako?"
30
Namaly azy i Jesosy kai nivolagna hoe: "Nisy lehilahy araiky nijotso baka tagny Jerosalema handèha Jeriko. Izy zegny azin-drô mpandroba, nagnendaka fanagnana taminany jiaby, ndraiky namopoko izy, ary tsy nambèlan-drô ka tsy fa ho faty.
31
Ary sendra nisy mpisorogno nandalo tamin'ny làlagna io, ary izy koa nahita izy igny, niary tambadiky.
32
Kara zegny koa Levita araiky, koa fa nandalo tiô koa kai nahita izy, niary tam-badiky koa.
33
Fa nisy Samaritana araiky ndraiky, koa fa nadèha tany nandianany izy, navy tamin'ny tany nisy izy io. Koa fa nahita izy zegny izy, nahitsy tiô izy.
34
Kai nagnatogno izy sady namehy ny bay taminany, ary nagnidigny menaka ndraiky divay tamin'iô. Nampidroaniny bibinany izy, kai nandesiny tamin'ny tragnom-bahiny tagny, ary nikarakarainy.
35
Kiaka andra, nangala denaria aoe izy, ary nagnamia zegny tamin'ny tômpitrago, sady nivolagna hoe: 'karakaray izy, ary na otrino laninao mihotra, lera za mimpody, magnèfa izy.'
36
Azovy amin-drô telo aby igny, eritreretinao fa, naman'i araiky niravain'olo igny?"
37
Namaly mpampianatra igny: "Araiky nagnampy izy igny." Nivolagna Jesosy hoe: "Mandihana ary magnanaova kara zegny koa."
38
Ary koa niaraka nandèha irô, niditry tamin'ny tanàna araiky Izy, ary nisy magnangy araiky atao hoe Marta nampidriky Izy tan-tragnony.
39
Nisy rahavavy atao hoe Maria izy, izay nipetraka tamin'ny vitin'ny Tompo sady nitandregny volagnanany.
40
Fa Marta sahiragna nikarakara anigny hamiagna Izy. Nagnatogno Jesosy izy, nagnano hoe: "Tompo, tsy mampagnino Anao rahavaviko nangnambèla za zaraiky hanompo Anao? Kai mba volagna izy hagnampy Za."
41
Fa namaly Tompo hoe: "Marta, Marta, misahiragna amin'ny raha maro loatra anao,
42
kanèfa raha araiky fo tegna ilaigna. Maria fa nifidy raha tegna tsara, izay tsy adoso aminany eky."
Chapter 11
1
Ity raha nisy izikoa fa nivavaka tamin'ny tany araiky Jesosy, isy araiky tamin-drô mpianatranany nivolagna taminany hoe: "Tompo, mba hampianara mivavaka zahay kara nampianarin'i Jaona irô mpianatranany igny."
2
Nivolagna tamin-drô Jesosy: "Izikoa fa mivavaka anarô volagna hoe: 'Baba o, hohamasigniny anie ny agnaranao. Ho avy anie ny fanjakanano.
3
Amia zahay ny anigninay isan'andro.
4
Avela ny fahotagnanay, kara ny namelahanay izay nagnano ratsy taminany. Aza mitonga zahay amin'ny fakam-pagnahy."'
5
Nivolagna tamin-drô Jesosy hoe: "Azôvy aminarô nohisy namagna, ary handèha aminany agny sasakaligny, ary hivolagna aminany hoe: 'Ry namagna, mba ampidrama môfo telo za,
6
fa misy namako araiky navy baka lavitry, ary tsisy raha misy aminaka ao amiagna izy.'
7
Ary mety hamaly izy araiky tan-tragno tao hoe: 'Aza mangnelingeligny za.' Efa mifody varavaragna, sady za ndraiky zanako, fa agnabo fandriagna. Tsy afaka mitsangana za hagnamia môfo anao.'
8
Mivolagna aminarô Za, fa na dia tsy mitsangana ndraiky magnamia môfo anarô izy fôtony namany anarô, nohon'ny fasahiragnanarô tsisy hegnatra zegny, hitsangana izy sady hagnamia môfo ilainarô jiaby.
9
Mbala mivolagna aminarô ndraiko koa Za, mangataha, fa hamiagna anarô; mitadiava, fa hahita anarô; konkogna, fa hampidirigny anarô.
10
Fa olo jiaby zay mangataka zegny mahazo aby, ary izay mitady koa mahita; ary zay olo mangnonkogno, hampidirigny.
11
Azovy aminarô rai-pianakaviagna kai, izikoa mangataka laoko zanakanarô, kai anadeha aminanarô bibilava fa tsy laoko? [Fagnamariagna: Irô fandikagna tegna tsara misy vaki-teny fôkifôky, izay araihantsika eto. Ny fandikagna taloha ndraiky misy vaki-teny lavalava, izay hita amin'ny Matio 7: 9 koa: "Raim-pianakaviagna azôvy aminarô, izikoa mangataka mofo zanakanarô, no hagnamia vato izy? Na laoko agnamia izy bibilava?"]
12
Izikoa mangataka atody, kai amianarô raha tsy manjary?
13
Dikany zegny, anarô koa ratsy fagnahy aza magnamia raha tsara zanakanarô, kai karakôry loatra habèzan'ny Fagnahy Masigny hamian'ny Babanarô an-dagnitry agny ho an'izay mangataka aminany?"
14
Ary Jesosy nandroaka setoany moha. Koa fa niboaka setoany igny, nanjary nahay nivolagna lehilahy moha igny, ary gaga vahoaka.
15
Fa olo sasany ndraiky nivolagna fa: "Baka amin'ny Belzeboba, mpitariky setoany, nandroasany setoany."
16
Ny sasany ndraiky nitsapa Izy ary nitady sady nitady famantaragna baka amin'ny Zagnahary taminany.
17
Kanèfa hain'i Jesosy raha tagnaty lohan-drô kai nivolagniny tamin-drô: "Irô fanjakagna jiaby zay misarasaraka aby io ho ravagna aby, ary ny tragno zay misarasaraka koa ho rongana."
18
Kai setoany koa niady an-tragno, akôry koa ampaharitry fanjakagnanany? Kai anarô mivolagna fa Za mandroaka setoany amin'ny agnaran'i Belzeboba.
19
Izikoa zegny Za mandroaka setoany amin'ny agnaran'ny Belzeboba, baka amin-jôvy koa ma androahan'ny mpagnara-dia anarô izy? Dikany zegny, irô no hitsara anarô.
20
Fa izikoa mandroaka setoany baka amin'ny rantsan-tagnan-dRagnahary Za, avy amianarôny fanjakan-dRagnahary.
21
Izikoa nahampy fitaovagna tsara zegny lehilahy matanjaka araiky miambigny tragno, voaaro aregnanany,
22
fa izikoa draiky matanjaka noho izy lehilahy araiky kai mandresy izy, alain'ny lehilahy araiky maherhery aminany fiadivagna, ary ho ravainy koa fanagna'ny lehilahy.
23
Zay tsy miaraka aminaka, manohitry Za, ary zay tsy mikambagna miaraka aminaka misaka koa.
24
Izikoa fa miala amin'olo araiky ny fagnahy ratsy, rôso izy mandèha mamakivaky tany tsisy rano sady mitady fijanonagna. Ary izikoa tsy mahita, mivolagna hoe: 'Andèha himpody amin'ny tragno niaviako za.'
25
Izikoa tafimpody, izy hitany tragno io voadio sady milamigny koa.
26
Aviô rôso ndraiky koa izy mitongno fagnahy ratsy hafa koa mandèha fito miaraka aminany izy ary mihidriky mba hipètraka ao koa irô. Kai ho ahay ratsiratsy ny taloha tiô zegny ny fiafaran'olo igny.
27
Izikoa fa nivolagna irô raha aby io zegny Izy, nisy magnangy araiky nampanonga feo tagnaty ny vahoaka ary nagnano hoe: "sabatra ny kibo niteragnaka Anao ndraiky nono ninononao."
28
Fa nambarany ndraiky: "Sitrany olo mitandregny volagna Zagnahary ndraiky mitana zegny no tegna sambatra."
29
Ary izikoa mbala mitombo zegny vahoaka, nanombolo nivolagna zegny Jesosy hoe: "Ity taranaka ity zegny taranaka ratsy. Mitady famantaragna zegny Izy, kanèfa tsisy famantaragna atao eky izy koa tsy famantaragnan'i Jona fo.
30
Fa karaha ny navian'i Jona ho famantaragna tamin-drô Ninivita, kara zegny koa famantaragna Zanak'olo amin'ny taranaka ty.
31
Ny Mpanjaka vavin'ny Atsimo zegny hitsangana amin'ny fitsaragna miaraka amin-drô lehilahy amin'ity taranaka ty kai hagnasazy irô, fa navy baka amin'ny faran'ny tany agny izy mba hitandrignesan'i Solomona, ary igny, eto olo maventy noho Solomona.
32
Ny lehilahin'i Ninive zegny hiaraka hitsangana amin'ny taranaka ity amin'ny fitsaragna ary hagnasazy izy, fôtony nibebaka tamin'ny toroten'i Jona irô, ary io, misy olo maventinventi'i Jona eto.
33
Tsisy olo kaibaka nandretry môtro kai, apetrakany amin'ny tany takotro na koa ambany arogno, fa atao amin'ny fipitrahan'ny môtro, baika itan'olo midriky hazavagna igny.
34
Masonao no jiro ny vatagna. Izikoa tsara masonao, rakotro hazavagna hegninany jiaby. Fa izikoa ndraiky rasty masonao, feno hiziky tegnanao.
35
Dikany zegny, mitandrema anarô mba tsy hahiziky ny hazavagna aminarô ao.
36
Ary izikoa feno hazavagna sady hegninarô jiaby koa zegny tsisy tapany tavèla agnaty hiziky, ho kara ny jiro mampazava ny hazavagna amin'ny hegninao jiaby.
37
Koa fa vita koragnanany, nisy Fariseo nangataka Izy hiaraka hihinagna aminany an-tragnony agny, kai nihidriky Jesosy nipetraka.
38
Gaga i Fariseo io fa tsy nisasa akendriky Jesosy alohan'ny hihinagna.
39
Fa nivolagni'ny Tompo hoe: "Anarô Fariseo, zegny magnadio ambèlagna bakôly ndraiky kapila, kanèfa agnatiny ao feno loto ndraiky faharatsiagna."
40
Anarô hely jery! Tsy olo nagnano raha tagnatiny tao fo koa mba nagnano araiky hivèlany io?
41
Amèza ny mijaly agny raha agnatiny io, fa hadio ho anarô aby raha jiaby.
42
Fa loza ho anarô Fariseo, fôtony magnèfa ny ampahafolon'ny solila ndraiky rota ary kakazo an-tsaha agny anarô, kanèfa tsy nisakananarô ny fahamarignana ndraiky fitiavan-dRagnahary. Ilaigna ny magnano marigny ndraiky mankatia Zagnahary, no sady tsy magnadio magnano raha hafa koa.
43
Loza ho anarô Fariseo, fa tianarô ny pilasy voalohany amin'ny Synagoga agny ndraiky fiarabagna feno fagnajagna amin'ny tsena agny.
44
Loza ho anarô koa, fa anarô zegny mangataka fasagna tsisy famantaragna diavin'olo nèfa tsy hainy aby.
45
Araiky tamin-drô mpampianatra lalàgna nivolagna taminany hoe: "Mpampianatra o, raha volagninao zegny magnambanibany zahay koa."
46
Nivolagna Jesosy: "Loza ho anarô mpampiana-dalàgna! Fa mampitondra entagna mavèsatra tsy liôn'olo anarô, kanèfa na rantsan-tagnanarô araiky tsy mikasiky entagna zegny foeky.
47
Loza ho anarô, fôtony magnôrigny fasagnan-drô mpaminany anarô, kanèfa razambenarô no namono irô.
48
Kai vavolombelogno sady mangneky asan'ny razagnanarô anarô, fa namono irô marigny irô ary anarô no magnôrigny fasagnanany.
49
Nohon'izegny koa, no nagnambarany fahendrehan-dRagnahary hoe: "Handèfa mpaminany ndraiky apostoly amin-drô Za, ary irô hamono ndraiky hagnejiky sasany amin-drô."
50
Ity taranaka ity, zegny, no ho tômpin'andraikitry amin'ny lion-drô mpaminany jiaby nilatsaka zisaka amin'ny tany jiaby ty,
51
nanomboko tamin'ny lion'i Abela zisaka amin'i Zakaria, izay nivonegna tangnivon'ny alitara ndraiky fipetragna masigny. Ya, ambarako mazava tsara aminarô, fa taranaka ity no ho tômpin'ny antoko.
52
Loza ninarô mpampianatra lalàgnan'ny Jiosy, fôtony nalainarô ny lakilé ny fahaizagna; tsy mihidriky agnaty ao anarô, sady sakananarô koa zay olo mihidriky.
53
Tafaran'i Jesosy niala tiô, tsy nagnèky raha nivolagniny zegny irô mpagnano lalàgna ndraiky irô Fariseo ary niady hevitry taminany mikasiky raha marô,
54
sady nihèzaka namandriky Izy tamin'ny volagnanany fo koa.
Chapter 12
1
Tamin'ny zegny, koa fa niaraka nivory zegny vahoaka mandèha arivo, maro loatra irô kai nifandiadia vity irô, voalohany zegny nanomboko nivolagna tamin-drô mpanatranany Izy hoe: "Tandremo ny voafitakan-drô Fariseo, fa fiatsarambelatsihy io.
2
Fa tsisy takony raha tsy haboaka, ary tsisy misitriky raha tsy hay.
3
Kai zay raha nivolagninarô tamin'ny mahiziky tao, ho regny amin'ny fahazavagna, ary zay nivolagninarô tamin'ny sofigny tagnaty tragno tao zegny ambara amin'ny tafi-tragno ao.
4
Za mivolagna aminarô namako, aza mavozo irô mamon-tegna io, ary afaran'ny zegny, tsisy raha mety atao eky.
5
Fa hampitadrigny anarô Za amin'ny raha avozoagna. Matahôra Araiky zegny, koa fa mamono, managna fahefagna magnary anarô amin'ny môtrobe agny. Ya, Za mivolagna aminarô, matahôra Izy.
6
Tsy lafo farantsa ely aroe ma ny tsintsina dimy? Kanèfa tsisy araiky amin-drô igny adignan-dRagnahary.
7
Na fagnèvanarô mbala voakôty fo. Aza mavozo. Fa manan-danja mihoatra nohon'ny tsitsina maro anarô.
8
Za mivolagniko aminarô, zay olo magneky Za agnivon'olo, ny Zanak'olo koa zegny hagneky izy agnivon'ny Anjelin-dRagnahary,
9
fa zay mandà Za agivon'olo ndraiky ho tsy hikegna angnivon-drô anjelin-dRagnahary.
10
Zay olo mivolagna manohitry zanak'olo, liferigny aminany zegny, fa zay magnaratsy manohitry Fagnahy Masigny ndraiky, tsy ho voalefitry eky zegny.
11
Izikoa mitondra anarô amin'ny Sinagoga, irô mpanjaka, ndraiky irô manam-pahefagna zegny irô, aza miasaloha amin'ny fomba fivolagnan-drô ho fiarôvan-tegnanarô, na raha hivolagninarô,
12
fôtony Fagnahy Masigny zegny hampianatra anarô zay raha tôkony hivolagninarô amin'ny fotagna zegny.
13
Aviô nisy olo araiky baka atamin-drô vahoaka tao nivolagna hoe: "Ry mpampianatra, volagna rahalahiko mba andrasa lova aminaka."
14
Nivolagin'i Jesosy taminany: "Ralehilahy, azôvy mba nagnano fa Za mpitsara sady mpagnelagnelagna anarô?"
15
Nivolagniny tamin-drô: "Mitandrèma baika hitananarô ny tegnanarô lavitry irô fagnirahan-dratsy jiaby, fôtony fiaignan'olo araiky zegny tsy miankiny amin'ny abèzan'ny fanagnany."
16
Aviô Jesosy nagnano fagnoaragna araiky tamin-drô hoe: "Namokatra be zegny tsabo ny lehilahy mpanakarena araiky,
17
ary nagnotany tegna izy hoe: "Ino raha ataoko, fa tsisy tany agnanaovako irô vokatra naka aby io za?
18
Nivolagna izy: 'Ity raha ataoko. Ravaniko irô tragno fagnanaovako vokatra aby io ary hanangana maventiventy ndraiky za, sady amin-drô io agnanaovako vokatrako ndraiky vokatra hafa koa.
19
Kai hivolagna amin'ny fagnahiko za hoe: "Ry Fagnahy, anao magna vokatra be voatana agnatin'ny taogno maro. Mijanona tsara, mihinàna, migia, mifalia.'"
20
Fa Zagnahary nivolagna taminany hoe: 'Ralehilahy adala, niany aligny fagnahinao no halaigna aminao, kai irô raha aby nomagninao io, nijôvy irô io?'
21
Zay olo mamory haregna ho an'ny tegnany ary tsy manan-karegna amin'ny Zagnahary."
22
Jesosy nivolagna tamin-drô hoe: "Dikany zegny, volagniko aminarô, fa kaza miasaloha raha amin'ny aigninarô- zay ahaninarô, na koa momban'ny tegnanarô-zay hisikininarô.
23
Fa ny aigny zegny mihoatra noho irô fisikiny io.
24
Dinia ny goaika, tsy mamafy na mangala regny. Tsisy fasiagna vokatra zegny na tragno agnanaovagna izy, kanèfa amian-jagnahary hanigny regny. Karakôry mba fihoaranarô lanja mihoatra irô vôrogno aby io!
25
Azovy aminarô mba fa nagnampy akio andra araiky iaignany amin'ny asaloha?
26
Kai izikoa raha farany ely zegny tsy hainarô atao, nagnino anarô mbala miasaloha amin'n'ny sasany tavèla?
27
Dinia koa irô lilia_ karakôry faniriany. Tsy miasa irô igny, na mitsabo. Kanèfa ambarako anarô fa, na Solomona tamin'ny voninahitranazy jiaby mbala tsy nisikiny kara irô igny.
28
Izikoa ampisikinin-dRagnahary kara zegny irô ahitry aby angnaty ala agny, niany ity, ary amaray zigny ariagna agnaty fatagna, ino antony ampisikinigny anarô mihoatra lavitry noho irô igny, anaro ry hely finoagna o!
29
Kaza mitady raha hoaninarô ndraiky raha higianarô, ary aza miasaloha.
30
Fa irô firenena jiaby eto an-tany io mitady irô raha aby zegny, ary hain'ny Babanarô fa anarô mila raha aby zegny.
31
Fa tsakaraha ny fanjakangnanany, fa hamiany fagnampiagna ho anarô raha aby zegny.
32
Aza mavozo, ry andian'ondry vitsy, fôtony Babanarô zegny tegna ravoravo hagnamia anarô fanjakagna.
33
Alafôsa fanagnanarô ary amiaza ny mijaly. Magnanova fipitraham-bola ny haigninarô izay tsy mety ho feno_ haregna agny an-dagnitry tsy mety lany, izay tsisy mpangalatra marikitry, ary tsisy kalalao mandrobaka.
34
Fa agny amin'ny tany pitrahanarô, agny fo koa tany idôhanarô.
35
Tôkony akanjo lavanarô fo hitaonarô ny valagnanarô, ary ny jironarô hirehitry fo,
36
ary magnanaova kara irô olo miambigny tôpiny hipody baka amin'ny fetin'ny fampakaram-bady, baika izikoa fa avy izy kai mangnonkogno, hafaka agnabiagna varavaragna ho anany aby irô.
37
Sambatra irô mpanompo, zay hitan'ny tômpiny fa niambigny izy avy. Ambarako anarô tsara, fa hisikiny lambanany lava amin'ny valagnany izy, ary hampipetraka irô amin'ny latabatra, kai ho avy izy ary hanompo irô.
38
Koa ho avy amin'ny fotoagna faharoe amin'ny aligny ny tompo, na amin'ny fotoagna fahatelo, kai mahita irô vôgnono, ho sambatra irô mpanompo irô.
39
Fagnampin'izegny ataova an-tsaigny ity, fa izikoa hain'ny tômpin-tragno lèra avian'ny mpangalatra, tsy nambèlany tragnonany hivakigna izy.
40
Mivognôsa koa, fa tsy hainarô ny fotoagna avian'ny Zana'olo."
41
Nivolagna Petera hoe: "Tompo, aminay fo mba hivolagnanao fagnoaragna zegny, sa amin'olo jiaby koa?"
42
Nivolagna Tompo fa: "Azôvy basy ny mpitantagna mahatoky ndraiky hendry izay ho tidren'ny tômpony ho agnabon-drô mpanompony hafa mba agnamia irô anjara hanigni-drô amin'ny fotoagna mety?
43
Sambatra mpanompo zegny, izay hitan'ny tômpiny magnano zegny koa fa avy izy.
44
Ambarako mazava tsara aminarô fa hitindreny hitantagna fanagnanany jiaby izy.
45
Fa izikoa mivolagna am-pônany mpanompo zegny hoe: 'nahemotry ny tompoko ny fodiany,' kai manomboko mamono irô mpanompo lahy ndraiky vavy, ary mihina ndraiky migiaka, kai mamo,
46
i tômpin'ny mpanompo zegny ho avy amin'ny andra tsy ampoiziny, ary amin'ny fotoagna tsy hainy, sady hanapatapaka izy kai hagnomagna toeragnanany miaraka amin-drô tsy mahatoky.
47
I mpanompo zegny, nahay sitrapôn'ny tômpiny, kanèfa tsy niomagna na nagnano kara sitrapôny, kai hipopogna amin'ny koboay maro.
48
Fa zay tsy nahay ary nagnano raha tôkony hazahoagna popoko ndraiky, hipopogna amin'ny koboay hely. Fa irô jiaby namiagna be, tegna be raha takigna aminany, ary irô zay magnakiny be, zegny ho be lavitry raha hangatahigny aminany.
49
Navy Za hanipy môtro agnabon'ny tany, ary karakôry fagniriagnanaka mba hiriètany zigny dirèkity.
50
Fa misy fagnanôvagna batisa mba hagnaôvagna batisa Za, ary karakôry jalinaka mandra-pivitahan'y zegny!
51
Anarô mihevitry fa avy Za baika hitondra fiadanagna eto an-tany? Aha, Za ndraiky mivolagna aminarô fa fisaragna.
52
Manomboko ziôty zegny hisy dimy agnaty tragno araiky izay hisarasaraka_ olo telo manohitry ny aroe, ary olo aroe manohitry ny telo.
53
Hisarasaraka irô, baba anaohitry zanany lahy, ary zanany lahy hanohitry babany; reniny hanohitry zanany vavy ary zanany vavy hanohitry mamany; ny rafozam-bavy hanohitry ny vinanto vaviny, ary vinanto vaviny hanohitry rafozam-baviny."
54
Nivolagna tamin-drô vahoaka koa Jesosy hoe: "Izikoa mahita zavogno mifôrogno andrèfa anarô, volagninarô dirèkity hoe: 'Hisy mahaleny ho avy, ary avy marigny zegny.
55
Izikoa ndraiky misy tsiko baka atsimo, mivolagna koa anarô hoe: 'Hisy hafanagna be ho avy,' ary avy zegny.
56
Ry mpiatsaravelatsihy, hainarô mandika toetriny ny tany ndraiky lagnitry, fa ino ndraiky tsy ahaizanarô mandiniky andra zioty?
57
Nagnino anarô tsy mitsara raha marigny volagninarô?
58
Fa izikoa mandèha miaraka amin'ny mpagnandraga aminarô manoloagna mpitsara agnabo anarô, an-dàlagna agny zegny miezaha handamigny olo miaraka aminany baika tsy handianany handentiky anarô amin'ny mpitsara, ary mba tsy andifasan'ny mpitsara anarô amin'ny mpamehy agny, ary baika tsy handifan'ny mpamehy anarô am-ponja agny.
59
Kai volagniko aminarô, anarô tsy ho tafiboaka ao foeky mandra-pagnifahanarô vôla tegna madiniky."
Chapter 13
1
Tamin'ny andra zegny, nisy olo sasany tiô nivolagna taminany mikasiky irô Galiliana tsy niken-drô nafangaron'i Pilato tamin'ny sorony manôkagna.
2
Namaly Jesosy sady nivolagna tamin-drô hoe: "Anarô mba mieritreritry fa irô Galiliana aby io zegny mpanota mihoatra noho irô Galiliana hafa jiaby fôtony nijaly kara zegny?
3
Tsy marigny, Za mivolagna aminarô. Fa izikoa tsy mibebaka anarô, anarô jiaby io ho faty kara zegny.
4
Na irô olo valo ambin'ny folo tao Siloama nilavoan'ny tilikambo kai nahafaty irô, kai anarô mihevitry fa tegna mpanota ratsy mihoatra noho irô lehilehy tà-Jerosalema aby igny?
5
Tsy zegny, fa Za mivolagna. Fa anarô koa tsy mibebaka, anarô jiaby io koa ho faty aby.
6
Nagnano fagnoaragna ity Jesosy hoe: "Nisy olo nanagna kakazon'aviavy araiky natsabo tamin'ny tantsahany ary navy izy sady nizaha voan-kazo taminany tiô kanèfa tsisy raha itany.
7
Nivolagna tamin'ny mpagnano zaridaina zegny i lehilahy io hoe: 'Za navy teto nandritra ny telo taogno nizaha voany tamin'ny aviavy ity kanèfa tsy nahita foeky. Kapao io. Nagnino mba io ambè mandrobaka tany?'
8
Namaly mpagnano zaridaina igny hoe: 'Ambila io fo atsendriky izy amin'ny taogno ity mandra-pangadiako magnodidigny izy ndraiky hagnanaovako zeziky aminany.
9
Izikoa mamoa amin'ny taogno ho avy io, tsara, fa izy ndraiky koa tsy zegny, kapao agny!'"
10
Ary Jesosy zegny nampianatra tamin'ny Synagoga nandritry ny Sabata.
11
Tiô fo, nisy magnangy araiky nisy fagnahy ratsin'ny fahalimegna nandrita ny valo ambin'ny folo taogno tiô, ary nivokiny izy sady tsy navita nitsangana tsara.
12
Jesosy koa nahita izy, nikaiky izy sady nivolagna hoe: "Ry vehivavy, agaka amin'ny fahalemegnanao anao."
13
Napetrakany tamin'ny tagnany, ary niaraka tamin'igny zegny niangana viavy igny ary nidèra Zagnahary.
14
Kanèfa ny mpandidy manapaka ny Synagoga zegny neloko noho fagnajangana nataon'i Jesosy tamin'ny andra Sabata io. Nohon'izegny, namaly mpanapaka io ary nivolagna tamin'ny vahoaka hoe: "Misy tsota andra tôkony iasagna. Mavia sady sitragna, fa tsy amin'ny andra Sabata jiaby ity."
15
Namaly zegny Tompo hoe: "Ry mpiatsaravelatsihy! Anarô ndraiky ma tsy samy mamaha omby na boriky amin'ny varionany sady mitondra izy higiaka rano andra Sabata?
16
Ary kara zegny koa zanakavavin'i Abrahama ity, izay voafehy ny setoany nandritry ny valo ambin'ny folo taogno, kai tsefa tôkony vahagna fehinany amin'ny andra Sabata?"
17
Ary koa fa nivolagna raha jiaby zegny Izy, negnatra irô jiaby nanohitry Izy, fa vahoaka jiaby ndraiky ravoravo noho irô raha jiaby malaza nataony.
18
Ary nivolagna koa Jesosy hoe: "Karakôry ma fanjakan-dRagnahary zegny, ary karakôry koa avitako agnôva zegny?"
19
Izegny kara voatsinampy nalaigna ndraiky nafafin'ny lehilahy araiky tan-jaridainany, kai nanjary kakazo maventy be araiky, ary ny vôrogno lagnitry nagnaboatra tragno tamin'ny rantsagnany."
20
Mbala nivolagna ndraiky koa Izy hoe: "Ino raha afaka ampitahako amin'ny fanjakan-dRagnahary?
21
Zegny kara raha masigny nalain'ny magnangy araiky kai nafangarony tamin'ny koba in-telon'ny famoaragna mandra-piparitahany tagnatin'ny koaba tao."
22
Nandèha zegny Jesosy nitety tanàna ndraiky bongo tsaraikiaraiky tan-dalagna mandèha Jerosalema sady nampianatra irô.
23
Nisy araiky nivolagna taminany hoe: "Tompo, vitsy fo ma olo hivonjegna?" Ary nivolagna tamin-drô Izy hoe:
24
"Miadiva mihidriky varavaragna ary anarô, fôtony, Za mivolagna aminarô, fa maro olo titsôfotro, fa tsy afaka hidriky.
25
Koa fa nitsangana tômpin-tragno ary namody varavaragnanany, hitsangana an-tany io anarô hangnonkongno varavaragna sady hivolagna hoe: 'Tompo, Tompo, ampidiro zahay.' Izy hamaly kai hivolagna hoe: 'Anarô tsy haiko na tany fihavianarô.'
26
Ary hivolagna koa anarô hoe: 'Nihinagna ndraiky nigiaka talohanao tio zahay, ary Anao efa nampianatra tamin'ny lalabenay.'
27
Fa Izy hivolagna hoe: 'Za fa mivolagna aminarô, tsy haiko tany fiavianarô. Mialà aminaka eto, anarô mpagnano ratsy!'
28
Hisy fitomagniagna ndraiky fifodia-nify izikoa amin'ny anarô mahita Abrahama, Isaka, Jakoba, ndraiky mpaminany jiaby ami'ny fanjakan-dRagnahary ao, kanèfa anarô voaroaka an-tany.
29
Irô zegny ho avy baka antsignana, andrèfa, avaratra, ary atsimo kai ipetraka amin'ny latabatra ny fanjakan-dRagnahary.
30
Ataova an-tsaigny, fa irô zay tsy manan-danja no ho voalohany, ary zay tegna manan-danja no farany."
31
Tafara ely ny zegny, nisy Fariseo sasany navy nivolagna taminany hoe: "Mandiana miala eto fa Heroda ti-amono Anao."
32
Nivolagna Jesosy hoe: "Mandihana ary volagna amboahaolo zegny hoe: 'Za mandroaka demony ndraiky magnajanga niany ndraiky amaray, ary amin'ny andra fahateo ho tatrako tanjognonaka.'
33
Nino nino raha mandalo, zava-dehibe aminaka ny manohy iniany, amaray, ndraiky amin'ny andra magnaraka, fôtony tsy ikegna ny famonoagna mpaminany lavitry Jerosalema.
34
Ry Jerosalema, ry Jerosalema, zay olo mamono mpaminany ndraiky mitôpy vato irô nirahigny taminarô. Impiry Za mba nagniry hamory zanakanarô kara ataon'ny akoho mamory zanany ambany elatrany, kanèfa tsy nijirenarô zegny.
35
Igny nialagna tragnonarô. Za mivolagna aminarô, tsy ho hitanarô Za fomba fivolagnanarô hoe: "Sambatra izay amin'ny agnaran'ny Tompo."
Chapter 14
1
Ary Sabotsy nagnaraka, koa fa nanèha tamin'ny tragno ny araiky tamin-drô mpitariky Fariseo hihinagna mofo Izy, nagnara-maso Izy narikitr'irô.
2
Talohanany tiô zegny nisy lehilehy araiky nampijalin'ny edema.
3
Nagnontany irô manam-pahaizagna Jesosy amin'ny lalàgnan'ny Jiosy ndraiky Fariseo hoe: ''Azo atao ma magnasitragna amin'ny andra Sabata, sa tsy mety?''
4
Fa irô zegny nangigny fo. Nohon'izegny, nalain'i Jesosy izy, ary nisitragniny, kai nalefany nandèha.
5
Nivolagniny tamin-drô hoe: "Azôvy aminarô manan-janaka lahy na omby latsaka agnaty vôvo amin'ny andra Sabata kai tsy agnantsory izy dirèkity?"
6
Irô tsisy nahavita namaly irô raha aby io.
7
Izikoa fa tsikaritr'i Jesosy ny fomba fisafidianan-drô olo namiagna toeran-kaja, nagnano fagnoaragna Izy, nivolagna tamin-drô hoe:
8
"Izikoa kahigna amin'ny fety ny fanambadiagna anarô, aza mipetraka amin'ny pilasin'olo manan-kaja, fôtony mety nisy olo nikahiagna mbala manan-kaja noho anarô.
9
Izikoa avy olo nikaiky anarô igny, hivolagna anarô izy hoe: 'Amiagna olo araiky ity pilasinao, ary haingna-maso maventy ny andiananrô andèha ipetraka amin'ny pilasy tegnany ambany.
10
Koa fa kahiaga anarô, mandihana ary mipitraha amin'ny pilasy tegnany ambany, amin'ny zegny koa fa mandalo olo nikaika anao, mety hivolagna aminao izy hoe: 'Ry namagna, manonga agnabognabo ary.' Aviô zegny anarô amiagna haja angnivon-drô olo latabatra araiky aminarô io.
11
Fa irô olo mangnamboni-tegna, hajotso, ary zay magnambany tegna ndraiky ampanongaigna."
12
Nivolagna tamin'ny lehilahy nagnasa Izy koa zegny Jesosy fa: "Koa fa magnamia hanigny na fagnasagna anao, aza magnasa irô namanao na irô rahalahinao na irô marikitry anao na mpanankaregna manodidigny anao, baika agnasany anao koa ho solon'izegny, ary ho voavaly anao.
13
Fa izikoa fa magnano fagnasagna anao, kahia ny mahantra, ny kilemengna, ny mandringa, ary ny jamba,
14
fa ho sambatra anao, fôtony tsy afaka amaly ny nataonao irô. Fa anao zegny ho voavaly amin'ny fitsaragna n'ny marigny."
15
Koa fa naharegny irô raha aby zegny araiky tamin-drô niaraka tamin'ny latabatra tamin'i Jesosy tiô, nivolagna taminany izy hoe: ''Sambatra izay hihinagna môfo amin'ny fanjakan-dRagnahary!''
16
Fa nivolagnin'i Jesosy tamiany hoe: ''Nisy lehilahy araiky nikarakara anigny be ary nikaiky olo maro.
17
Izkoa fa voakarakara anigny jiaby, nagniraka mpiasanany izy hivolagna amin'olo nikahiny hoe: 'Mavia magnantogno, fa raha jiaby efa paré.'
18
Irô jiaby zegny nitovy jery ary nanomboko nagnano fialan-tsigny. Araiky voalohany nivoagna taminany hoe: 'Nividy tan-bary za, kai tôkony andeha za io iza zegny. Miala tsigny za.'
19
Araiky koa nivolagna fa: 'Nividy omby folo za, ary andèha hiza irô io koa zaio. Kai miala tsigny'
20
Aviô nisy lehilahy hafa koa nivolagna hoe: "Vo baka nampiaka-bady za io, kai nohon'izegny tsy afahako handèha agny.'
21
Kai navy mpiasa sasy nivolagna tamin'ny tompony irô raha aby io. Aviô zegny neloko tômpi-tragno kai nivolagna hoe: "Mandihana amin'ny lalambe ndraiky sisin-dalagna agny an-tanàna eto ary indèsa aty ny mijaly, ny mandringa, ny jamba, ary ny kilemaina.'
22
Nivolagna ilay niragna hoe: "Tompo, fa vita raha nivolagninao, fa mbala misy pilasy tavela fo.'
23
Nivolagnin'ny tompony ity tamin'ny mpanomponany hoe: ''Mandiana amin'ny lalambe ndraiky sisin-tsabo ary tiria irô ho avy aty, feno tragnonaka.
24
Fa ambarako anarô, fa tsisy hagnandragna anigninaka irô olo nikahigna aby igny.'''
25
Ary vahoaka maro no nandèha niaraka taminany, ary nitodika Izy sady nivolagna irô hoe:
26
"Koa misy aminarô magnantogno Za ary tsy mankahala ny babany, reniny, ny vadiny, ny zanany, irô rahalany ndraiky irô rahavaviny, ary na fiainagnanany, tsy ho afaka ho mpianatranaka izy.
27
Na azôvy na azôvy tsy milanja hazofijaliagna sady magnaraka Za, tsy afaka ho mpianatranaka.
28
Fa azôvy aminarô, magniry ny hanangagna tilikambo, no tsy mipetraka aloha ary magnajary ny fandaniagna koa misy raha ilaigna amin'ny fagnamboragna zegny izy?
29
Koa tsy zegny, koa fa namètraka fôtotro izy kanèfa tsy havita zeny aby, hanomboko handatsa izy irô olo mahita zegny,
30
magnano hoe: 'I lehilahy io nanomboko nanangana kanèfa tsy nahavita foeky.'
31
Na koa mpanjaka karakôry, koa andèha hisètra mpanjaka hafa amin'ny ady, no tsy hipètraka aloha ary angala hevitry koa miaraka amin'ny lehilahy folo arivo kai afaka hiady amin'ny mpanjaka hafa avy manohitry izy miaraka amin'ny lehilahy roapolo arivo?
32
Izikoa tsy zegny, koa mbala lavitry tafiky hafa koa, mitondra ekipa izy ary mangataka fepetra ho amin'ny fiavanagna.
33
Kai noho izegny, na azôvy na azôvy aminarô tsy mahafohy raha jiaby hanagnany zegny, tsy mety ho mpianatranaka izy.
34
Tsara ny sira, fa izikoa very tsiron'ny sira igny, akôry koa himpodianany ho masigny ndraiky?
35
Tsisy raha ilain'ny tany izy na zezi-tany. Ariagna fo zegny. Zay misy sofigny hidesigny mitandregny, mba hitandregny.''
Chapter 15
1
Ary irô mpamory hetra jiaby ndraiky mpanota sasany zegny navy tamin'i Jesosy tiô mba hitandregny Izy.
2
Nifampihomognomogno tiô irœ Fariseo ndraiky mpahay lalàgna, nivolagna hoe: "I lehilahy io mangala mpanonta ary mihina miaraka amin-drô feky."
3
Nagnano fagnoaragna ity tamin-drô Jesosy nivolagna hoe: "
4
Azôvy aminarô, koa misy ôndrikôdriky zato izy ary aviô very araiky amin-drô, no tsy nangnambèla irô sivam-polo sivy amby angnaty vario agny, ary andèha hitady araiky very igny mandra-pahitany izy?
5
Ary koa fa hitany zigny, apetrany amin'ny sôrokonany sady mifaly izy.
6
Izikoa avy an-tragno izy, kahiny aby irô namany ndraiky irô mpiara-monigny aminany, mivolagna amin-drô hoe: 'Miravoa miaraka aminaka, fa hitako ôdrikôdriky naka very.'
7
Kara koa, Za mivolagna aminarô, fa hisy fifaliagna agny an-dagnitry nohon'ny mpanonta araiky mibebaka, mihoatra noho irô olo marigny sivam-polo sivy amby tsy mila mibebaka.
8
Zay mangnangy misy farantsa ely folo, koa very farantsa araiky, kai tsy andrehitry jiro, hamafa tragno, ary hitady am-pazotoagna mandra-pahitany zegny?
9
Koa fa hitany izegny, hikahiny aby irô namany ndraiky mpiara-monigny aminany, kai hivolagna hoe: 'Mifalia miaraka aminaka fa hitako farantsa naka araiky very tiô igny.'
10
Karaha zegny koa, volagniko aminarô, fa misy fety amin'ny anjelin-dRagnahary amin'ny mpanonta araiky mibebaka."
11
Aviô Jesosy nivolagna hoe: "Nisy lelahy araiky nanagna zanaka aroe lahy,
12
ary ny faralahy tamin-drô nivolagna tamin'ny babany hoe: 'Baba ô, amèza za anjara lova naka.' Kai nirasainy tamin-drô fanagnany.
13
Tsy ela tafarany zigny, araiky faralahy igny namory aregnanany kai nandèha tamin'ny firenena araiky lavitry tiô, ary izy nandany haregnanany jiaby tamin'ny adalagna.
14
Ary izikoa fa laniny zegny raha jiaby, nisy fasahiragnana maventy zegny nandalo tamin'ny firenena io, kai nanomboko tsisy raha izy.
15
Nandèha izy ary nikarama tamin'olo araiky mipetraka amin'ny firenena io tao fo, kai nadèfa izy tamin'ny rôvanany tagny ampihina komankory.
16
Tengna tihinagna hanigny kosoa io izy, fôtony tsisy olo nagnamia izy raha foeky tao.
17
Fa izikoa fa tontohitry zegny i faralahy io, kai nivolagna izy hoe: 'Firy amin-drô mpiasan'ny babako agny misy hanigny mihoatra ny sahaza izy, ary ity raha mahazo za, matin'ny silôngno!
18
Za hiala eto ary andèha ody amin'ny babako agny, sady hivolagna aminany hoe: "Baba ô, efa nanonta tamin'ny lagnitry za, ndraiky taminao koa.
19
Tsy mendriky kahiagna zanakanao eky za; ataova kara mpiasanao aby io za."
20
Noho izegny nandèha izy kai nody amin'ny babany. Mbala lavitry zegny izy fa itan'ny babany, ary tohigny nalahelo, kai nilomay nagnatogno, ary nitologno ndraiky nihôroko izy.
21
Nivolagna zanany igny hoe: 'Baba ô, efa nanonta tamin'ny lagnitry za ndraiky taminao koa. Tsy mendriky kahiagna zanakanao eky za.'
22
Nivolagna tamin'ny mpiasanany Babany hoe: 'Angnandèsa akanjo tegna tsara agny malaky, ampisikina izy, ary asiava peratra tagnany, ndraiky kiraro vitiny.
23
Aviô amonoa zanaka omby vôndraka agny. Alô atsika andèha agnano fety!
24
Fôtony zanako lahy tiô maty, ary ziôty izy velogno ndraiky. Very izy, ary hita ndraiky koa.' Aviô nanomboko nikoragna amizay irô.
25
Ary araiky talagn'olo zegny tagnaty ala tagny. Izy koa fa nody ary nagnantogno tragno zegny izy, naharegny mozika ndraiky tsijaka.
26
Nikaiky araiky tamin-drô mpiasa izy ary nagnotany izy hoe mety ino ma raha zegny.
27
Nivolagna taminany mpiasa igny: 'Nody an-tragno ao rahalahinao kai namonoan'ny babanarô zanaka omby vôndraka, fôtony navy soa aman-tsara izy'.
28
Neloko talagn'olo igny, ary tsy nahèfa hidriky, kai niboaka babany, ary nanambitamby izy.
29
Kanèfa namaly ilay talagn'olo sady nivolagna hoe: 'Zahava, fa efa maro taongno nanompoako anao, ary tsaro namaly anao, ary anao tsaro mba nagnamia na zanaka bengy araiky nafahako nikoragna tamin-drô namako foeky,
30
Kanèfa koa fa navy zanakanao lahy, zay nandritry fanagnanao tamin'ny makorely, kai nivonenao noho izy zanaka omby araiky nafahy igny.'
31
Nivolagni'ny babany taminany: 'Zanaka ô, anao kony niaraka taminaka teto fo atrizay, ary zay raha naka jiaby ninao koa.
32
Kanèfa rariny loatra izikoa atsika magnano fety, fôtony i rahalahinao io tiô naty, ary velogno ndraiky; very ary hita ndraiky koa ziôty."'
Chapter 16
1
Kai nivolagnin'i Jesosy tamin-drô mpianantranany koa hoe: ''Nisy lehilahy mpanankaregna araiky nisy mpitantagna, ary nivolagnin'olo taminany tagny fa mpitantagnaio no nandany fanagnany jiaby.
2
Kai nampikaiky izy lehilahy mpanankaregna sady nivolagna taminany hoe: 'Ino koa mba raha regniko zegny? Anao magnanaova tatitry mikasiky asa fitantagnanao, fa anao tsy ho afaka ho mpitantagna eky.'
3
Ary ilay mpitantagna nivolagna tan-tsaigninany hoe: "Ino raha tôkony ataoko, fa agnadoso za amin'ny asako sefoko ity? Za tsisy angôvo hiasa tany, ary megnatra angataka za.
4
Aiko raha ataoko, izikoa fa adoso amin'ny asa fitantagnako za, hampihidriky za an-tragnon-drô olo aby io.'
5
Aviô ikay mpitan-draharaha nikaiky araiky araiky tamin-drô mpitrôsa amin'ny tompony, ary nagnontany araiky voalohany izy hoe: 'Ohatrino no anagnan'ny tompoko aminao?'
6
Nivolagna izy hoe: 'Menaka oliva zato litatra.' Nivolagna taminany izy hoe: 'Mangala taratasinao, mipitraha malaky, ary diman-polo sorata.'
7
Aviô nivolagna tamin'ny araiky koa izy hoe: 'Ohatrino trôsanao?' Nivolagna izy hoe: 'Vary zato gony.' Nivolagna taminany izy hoe: 'Alèva taratasinao' ary sorata hoe valopolo.'
8
Aviô ilay tompony igny zegny nihaiky i mpitantagna tsy marigny fôtony niasa tamin'ny afitsiagna izy. Fa fetsifetsy ny zegny koa zanak'olombelogno ambony tany ity amin'ny fifagnaragna amin'ny irô samy olombelogno noho ny zanaka fahazavagna.
9
Volagniko aminarô, fa mitadiava namagna amin'ny alalan'ny vôla tsy marigny, amin'ny raha fa lany zegny, kai mety hampidiriny an-tragnonany mandrakizay anarô.
10
Zay mahatoky amin'ny farany hely zegny mahatoky ami'ny tegnany be, ary zay tsy marigny amin'ny raha tegna hely no tegna tsy marigny amin'ny raha tegna maventy.
11
Izikoa anarô tsy mahatoky fampiasagna vôla tsy marigny, azôvy hatoky anarô amin'ny fanagnana marigny?
12
Anarô koa tsy mahatoky amin'ny fampiasagna vôlan'olo hafa, azôvy koa olo agnamia vôla anarô mania?
13
Tsisy mpanompo afaka manompo tompo aroe, fa na izy hankahala araiky kai ankatia araiky, na koa izy anolo-tegna amin'ny araiky kai agnambanimbany araiky. Tsy afaka manompo Zagnahary ndraiky haregna anarô."
14
Ary ny Fariseo, izay farany tia vôla, koa fa naharegny raha jiaby zgny, nagnaratsy Izy irô.
15
Nivolagna tamin-drô Izy: "Anarô mankamarigny tegna imason'olo io, fa Zagnahary mahay fônarô. Za zay hankatsaraigna amin'olo zegny hankahalaigna imason-dRagnahary.
16
Ny lalàgna ndraiky irô mpaminany fa nisy edy mandra-piavian'i Jaona. Fa rango tamin'ny fotoagna ny zegny, efa nitoriagna ny tenin-dRagnahary, ary ny tsiaraikiaraiky fa samy niezaka nangnitsy lalagnanany ho amin'ny zegny.
17
Fa môramôra kokoa ny hahafoagna ny lagnitry ndraiky tany noho ny sôratra tegna hely amin'ny lalàgna ao mbala tsy ho hanan-kery.
18
Zay misaraka amin'ny vadiny kai mangala magnangy hafa zegny mijangajanga, ary zay mangala magnangy fa baka nanambady koa mbala mijangajanga fo koa.
19
Ary nisy mpanan-karagna araiky zay nagnano akanjo viôlé ndraiky rongony matify ary nankamamy abèzan'ny aregnany isan'andra.
20
Nisy mpangataka araiky atao hoe Lazarosy nipetraka tamin'ny varavaragnanany tiô, feno bay,
21
ary nagniry hihinagna raha latsaka baka agnabo latabatra ny lehilahy mpanan-karegna io. Kanèfa na amboa mbala navy fo nilelatra bay nany.
22
Ary tiô fo naty mpangataka igny kai nidesin-drô anjely tangnilan'i Abrahama. Maty koa i mpanan-karegna igny kai nalevigny,
23
ary tamin'ny fahavirèzagna, koa fa nampijaligna, niangana nanipy masony izy ary nahita i Abrahama lavitry tary ndraiky Lazarosy tangnilany tiô.
24
Kai nihiakiaka maré izy sady nivolagna hoe: 'Abrahama baba, mamidrâ fo aminaka ary alifasa Lazarosy, mba hagnajobo tendron-tagnany agnaty rano ary hampanintsinintsy lelako, fa agnatin'ny fangirifiriagna marèsaka agnatin'ny môtro ity ato.'
25
Fa Abrahama nivolagna hoe: 'Zanako, tsarôva fa tamin'ny andra niaignanao anao naharo raha tsara, kanèfa ny Lazarosy raha ratsy. Fa ziôty ndraiky izy aty voatambitamby, ary anao agnatin'ny irifiry.
26
Ankoatra ny raha jiaby zegny, nisy fampagna maventy napètraka, baika tsy afaka hitsaka zay ti-hitsaka baka aty mandèha aminarô, ary tsisy afaka hitsaka baka ary andèha aminay aty.'
27
I lehilahy mpanan-karegna nivolagna hoe: 'Miangavy anao za, ry Abrahama baba, mba hangnirahanao izy andèha amin'ny tragnon'ny babako agny _
28
fa misy rahalahy dimy za _ baika afahany mampitandrigny irô, nohon'ny fahavozoagna ny havian-drô amin'ny tany fijaliagna aty koa."
29
Fa nivolagnin'i Abrahama: 'Managna Mosesy ndraiky mpaminany irô; tôkony hitandregny irô zegny irô agny.'
30
Ary namaly lehilahy mpanan-karegna hoe: 'Tsy marigny, ry Abrahama baba, fa izikoa ndraiky misy araiky baka amin'ny maty aty mandèha amin-drô agny, mety hibebaka irô.'
31
Fa Abrahama ndraiky nivolagna taminany hoe: 'Izikoa irô mbala tsy mitandregny i Mosesy ndraiky irô mpaminany agny, fa tsisy andra maharesy lahatra irô eky na misy olo mitsangana amin'ny maty.'''
Chapter 17
1
Nivolagnin'i Jesosy tamin-drô mpianatranany: "Azo antoko tsara fa hisy raha afaka hangnaposy atsika hanota, fa loza ho an'olo izay havian'ny zegny!
2
Tsara tsara aminany asiagna vato maventy amin'ny vozognonany kai atsipy agnaty ranomasigny agny, karazegny ny hahatotohitry araiky amin-drô madiniky aby io.
3
Mitandrèma anaroe. Koa manota rahalahinarô, volagna maré izy, ary izy koa mibebaka, mamelà izy.
4
Izikoa manota aminao impito izy agnatin'ny andra araiky, kai impito koa izy magnantogno anao, magnano hoe: 'Mifona za,' tsy maintsy mamela izy anao!"
5
Irô apostoly nivolagna tamin'ny Tompo hoe: "Ampitombosa finoagnanay."
6
Namaly Tompo hoe: "Anarô koa misy finoagna karaha voatsinampy io, afaka mivolagna amin'ny voroihazo io hoe: 'Miobota, ary maniria amin'ny ranomasigny agny,' hagneky anarô izy.
7
Fa azôvy aminarô, no managna mpanompo miasa tany na miambigny ondry, kai ivolagna aminany koa fa avy baka an-tsabo agny izy hoe: 'Avia malaky mipètraka hihinagna'?
8
Fa tsy hivolagna aminany hoe: 'Hagnamboara raha hoaniko agny za, ary asiava fehikibo ankanjonao io kai manompoa za mandrapilanian'ny hanigninaka ndraiky figiako. Aviô amizay anao mihina ndraiky migiaka'?
9
Tsy misaotra mpanompo igny izy fôtony nagnano raha jiaby nagnirahany izy izy, sa misaotra izy?
10
Na anarô koa zegny, anarô koa fa mahavita raha jiaby zay nagnirahagna anarô, mba tôkony hivolagna hoe: 'Zahay zegny mpanompo tsy mendriky. Raha tôkony nataonay fo nataonay."'
11
Ary izikoa nandèha Jerosalema zegny Izy, nandèha tamin'ny sisin-tany mampisaraka i Samaria ndraiky Galilia tiô.
12
Koa fa nihidriky tagnaty tanàna araiky zegny izy, nisy bola folo lahy nifanojy taminany tao. Nitsangana lavitry Izy zegny irô
13
ary nivolagna maré hoe: "Jesosy, Tompo ô, mamindrà fô aminay."
14
Koa fa nahita irô zegny Jesosy, kai nivolagna tamin-drô hoe: "Mandihana ary ampizahava irô mpisorona haigninarô." Lôso zegny irô kai nadio.
15
Izikoa nahita araiky tamin-drô fa janga izy, nimpody, niaraka tamin'ny fiô maré mankalaza Zagnahary.
16
Niôdriky tamin'ny vitin'i Jesosy izy, nagnano fisaoragna Izy. Izy zegny Samaritana.
17
Ary nivolagna Jesosy hoe: "Tsy efa voadio ma irô folo igny?
18
Fa aia ny sivy? Tsisy hafaka nimpody agnamia fisaoragna Zagnahary foeky, koa tsy vahiny ity fo?"
19
Ary nivolagniny taminany hoe: "Mitsangana, ary mandihana. Finoagnanao no nahajanga anao."
20
Koa fa nangnontanian-drô Fariseo hoe ombiagna ny fanjakan-dRagnahary no ho avy, namaly irô Jesosy kai nivolagna hoe: "Tsy taza-maso ny favian'ny fanjakan-dRagnahary.
21
Ary irô koa tsy hivolagna hoe: 'Zahava, Ity izy! na koa hoe: 'Iry izy!' Fa, efa agnatinarô ao ny fanjakan-dragnahary."
22
Nivolagniny tamin-drô mpianatranany hoe: "Avy andra angnirianarô ny hahita ny araiky amin'ny andran'ny Zanak'olo, fa anarô tsy hahita zegny.
23
Ary irô koa hivolagna aminarô hoe: 'Zahava, ary! Zahava, aty!' Fa kaza miboaka na magniagna irô,
24
fa karaha tselatra mirehitry mazava jiaby mitaratra baka amin'ny ilany araiky, karazegny ny Zanak'olo amin'ny andrany.
25
Fa voalohany zegny tsy maintsy hijaly amin'ny raha maro Izy ary tsy hikeny taranaka ity.
26
Karaha raha nisy tamin'ny andran'i Noa, ny raha hisy amin'ny andran'i Zanak'olo.
27
Nihinagna irô, nigiaka, nanambady, namiagna ho ampiakarigny, mandra-piavian'ny andra nidiran'i Noa tagnaty sambofiara _ ary navy ny safodrano kay namono irô jiaby.
28
Kara raha nisy tamin'ny andran'i Lota _ nihinagna sady nigiaka irô, nividy ndraiky nigiaka, nitsabo ndraiky nagnano tragno.
29
Fa tamin'ny andra zegny niboahan'i Lota baka tao Sodoma, kay môtro ndraiky solifara no latsaka baka an-dagnitry tagny namono irô tao.
30
Kay kara zegny koa amin'ny andra hiboan'ny Zanak'olo.
31
Amin'ny andra zegny, aza ambèla hijotso angala entagnanany hivèlan'ny tragno agny zay amin'ny tafi-tragno; ary aza ambèla himpody koa zay an-tanin'ny tsabo angny.
32
Tsarôva vadin'i Lota.
33
Na azovy na azovy mitady hangnavotro aigninany, hahavery izy zegny, fa na azovy na azovy koa hahavery aigninany, hagnavotro izy.
34
Za mivolagna aminarô, fa amin'ny aligny zegny hisy olo aroe agnabon'ny fandriagna araiky. Araiky zegny halaigna, ary araiky ambèla.
35
Ary hisy aroe vavy miaraka mandisa vary. Araiky halaigna ary araiky ambèla koa."
36
[Fankamarignana: irô fandikagna taloha tegna tsara zegny misy andininy faha 36 hoe: "Hisy aroe lahy an-tanin'ny tsabo; araiky halaigna ary araiky ambèla.]
37
Nagnontany Izy irô hoe: "Aia, Tompo?" Ary azôvy nivolagna tamin-drô hoe: "Zay hipitrahan'ny faty, zegny agny koa no hisy voatariky hiaraka mivory."
Chapter 18
1
Aviô Izy nagnano fangnoaragna tamin-drô mikasiky ny tôkony hivavahan-drô mandrakariva, ary tsy ho kivy,
2
nivolagna hoe: "Tamin'ny tanàna ariky zegny nisy mpitsara zay tsy navozo Zagnahary ary tsy nagnaja olo.
3
Ary nisy mpitondra-tegna araiky koa tamin'ny tanàna io tao fo koa, ary nandèha taminany tagny matetiky, nivolaga hoe: 'Ampia za mba hahazo rariny manoloagna ny fahavaloko.'
4
Fa efa ela izy tsy vôgnono hagnampy izy, fa tafarany elin'izegny nivolagna taminany tômpiny izy hoe: "Na dia tsy mavozo Zagnahary zegny za na tsy magnaja olo,
5
fa efa manahiragna za loatra mpitondra-tegna ity, fa hampiko izy mba hahazoany rariny, baika tsy handrèraka za amin'ny fimpodimpodianany lava aty eky.
6
Aviô nivolagna Tompo hoe: "Tandrignèsa raha volagnin'ny mpitsara tsy marigny zegny.
7
Ary tsy hitondra rariny amin'ny zay voafidy zay mikaiky maré Izy aligny mantsagna koa Zagnahary? Hangataka andra lava amin-drô mba izy?
8
Ambarakoa anarô fa hitondra rariny malaky amin-drô izy. Kara zegny koa, izikoa fa avy ny Zanak'olo, hahita finoagna ety an-tany marigny mba Izy?"
9
Aviô koa zegny Izy nagnano fagnoaragna ity tamin'ny sasany nahatoky tengnan-drô fa marigny ndraiky irô manèvatèva olo hafa:
10
"Nisy aroe lahy nandèha tamin'ny tempoly tao mba hivavaka _ araiky Fariseo ary araiky ndraiky mpamory hetra."
11
Ilay Fariseo nitsangana ary nivavaka irô raha aby mikasiky tany aby ireto: 'Zagnahary ô, misaotra Anao za fa tsy mitovy amin'olo hafa _ mpangalatra, olo tsy marigny, mpampirafy _ na koa kara mpamory hetra io.
12
Mifady hanigny indroe isan-kerignandra za. Magnamia ny ampahafolon'ny raha azoko jiaby za.'
13
Fa ilay mpamory hetra, nitsangana lavidavitry tary, tsy nivolagna raha manandratra masonany tamin'ny lagnitry, fa nandomi-tratra nivolagna hoe: 'Zagnahary ô, mamidrà fô aminaka, mpanota.'
14
Za mivolagna aminarô, i lehilahy io zegny nimpody nijotso tan-tragnony tagny voamarigny noho ny araiky igny, fôtony zay raha jiaby mangnambony tegna zegny hajotso, fa zay manetri-tegna ndraiky no hampanongaigna."
15
Ny olo ndraiky zegny nitondra zanany hely Taminany tiô, baika hikasiany irô, fa izikoa nahita zigny irô mpianatra, nivolagna maré irô.
16
Fa Jesosy nikaiky irô mba hagnantogno Izy, nivolagna hoe: "Ambila ny tsaiky hagnantogno Za, ary aza sakanagna irô. Fa kara irô ny fanjakan-dRagnahary.
17
Ambarako anarô mazava tsara, fa tsisy olo hahazo fanjakan-dRagnahary kara ny tsaiky madiniky kai tsy hidriky agnatin'ny zegny foeky."
18
Ary nisy mpanapaka araiky nagnontany Izy, hoe: "Mpampianatra tsara ô, ino no tsy maintsy hataoko baika handovako ny fiainagna mandrakizay?"
19
Nivolagna taminany Jesosy fa: "Nagnino mba Za kahinao hoe tsara? tsisy olo tsara, koa tsy Zagnahary zaraiky fo.
20
Hainao ndraiky irô didy _ Aza mampirafy, aza mamono olo, aza mangalatra, magnajà babanao ndraiky reninao."
21
Nivolagna mpanapaka igny: "Fa nataoko aby raha jiaby zegny rango tamin'ny fahatanorako."
22
Koa fa naharegny zegny Jesosy, nivolagna taminany hoe: "Misy raha araiky tsy ampy aminao. Tsy maintsy mivarotro raha jiaby hanagnanao anao ary mirasa izegny amin'ny mahantra, ary hanagna haregna agny an-dagnitry anao _ ary avia, magnaraka Za."
23
Fa koa fa naharegny iro raha aby io mpanapaka igny nanjary nalahelo be, fa nanan-draha loatra izy.
24
Ary Jesosy, nahita izy, nanjary nalahelo maré [Fangnamariagna: Irô manam-pahaizagna misara-kevitry koa tôkony ampidirigny eto ny volagna hoe: [Izy] zegny nanjary nalahelo maré. Ampitoviza ny And 23] ary nivolagna hoe: "Karakôry fahasarôtan'ny fidiragna amin'ny fanjakan-dRagnahary amin-drô mpanan-draha!
25
Fa môramôra amin'ny rameva ny hidriky vodim-pandraitry, nohon'ny hidriran'ny olo mpanan-draha araiky amin'ny fanjakan-dRagnahary."
26
Irô olo zay naharegny zegny nivolagna hoe: "Azôvy basy no afaka vonjegna?"
27
Namaly Jesosy: "Irô raha tsy hain'olombelogno hain-dragnahary aby."
28
Nivolagna Petera hoe: "Zahava, fa nialanay aby raha jiaby hanagnany ary nagnaraka Anao zahay."
29
Ary nivolagna tamin-drô Jesosy hoe: "Ambarako anarô mazava tsara, fa tsisy olo nahafohy tragno, na vady, na rahalahy, na ray aman-dreny, na zanaka, nohon'ny fanjakan-dRagnahary,
30
izay tsy tegna hahazo amin'ny tany ity, ary amin'ny andra ho avy, zegny fiainagna mandrakizay."
31
Koa fa baka namory irô aroe ambin'ny folo lahy taminany tiô Izy, nivolagnin'ny tamin-drô hoe: "Ziôty, andèha Jerosalema agny atsika, kai irô raha jiaby voasôratran-drô mpaminany aby mikasiky Zanak'olo igny ho tantèraka aby.
32
Fa amiagna irô Jentilisa Izy, kai hitokizagna, ndraiky halaigna baraka, ary ho gadraigna.
33
Hafaran'ny hamopoagna Izy, hivonen-drô koa Izy ary amin'ny andra fahatelo Izy hitsangana ndraiky koa."
34
Tsisy raha azon-drô tamin-drô raha aby igny, ary nasitriky tamin-drô irô volagna aby zegny, ary tsy azon-drô koa raha nivolagniny.
35
Ary koa fa narikitry Jeriko i Jesosy, nisy lehilahy jamba araiky nipetraka tamin'ny sisin-dalagna nangataka,
36
ary koa naharegny vahoaka nandalo izy, nagnontany raha nandalo izy.
37
Nivolagna taminany irô hoe: nandalo tiô Jesosy baka nazareta.
38
Kai nikaiky maré i lehilahy jamba igny, nagnano hoe: "Jesosy Zanaka Davida, mamindrà fô aminaka."
39
Fa irô olo nandeha taloha zegny nivolagna tamin'ny lehilahy jamba, kai nivolagna taminany mba hangigny. Fa vomaika nihay nikaiky maré zegny izy hoe: "Ry Zanaka Davida, mamindrà fô aminaka."
40
Nitsangana Jesosy ary nagniraka mba hagnandèsagna i lehilahy igny aminany. Ary koa fa narikitry Izy lehilahy jamba io, nangnotany izy zegny Jesosy hoe:
41
"Ino raha tianao ataoko aminao?" Nivolagna izy hoe: "Tompo, tiahita za."
42
Nivolagna taminany Jesosy hoe: "Mahitàva. Ny finoagnanao no nahajanga anao."
43
Tiô noho tiô zegny nahita izy ary nagnaraka Izy, nagnamia voninahitry zagnahary. Olo jiaby, koa fa nahita zigny, nagnamia fisaoragna Zagnahary.
Chapter 19
1
Niditry Jesosy ary nandalo tagny Jeriko.
2
Tiô fo, nisy lehilahy atao hoe Zakaiosy zaigny tio. Izy zegny lehiben'ny mpamory hetra sady manan-karegna koa.
3
Nihezaka ny ahita izy hoe azôvy Jesosy, kanèfa tsy nahita tagnatin'olo maro tao izy, fôtony izy fôhiky.
4
Kai nilomay nandèha aloan-drô olo aby io izy ary nagnaniky agnabo kakazo araiky baika ahita Izy, fôtony andalo amin'ny làlagna io Jesosy.
5
Koa fa navy tamin'ny toeragna io Jesosy, nikandrakandra Izy kai nivolagna taminany hoe: "Ry Zakaiosy, mijotsoa malaky, fa tsy maintsy hijanogno an-tragnonao ao Za niany."
6
Kai nijotso nalaky izy ary nampidriky Izy tan-karavoagna.
7
Koa fa nahita zigny olo jiaby tiô, nitaraigny aby, nivolagna hoe: "Niditry hamangy lehilahy tegna mpanonta Izy"
8
Nitsngana Zakaiosy kai nivolagna tamin'ny Tompo hoe: "Zahava, ry Tompo, ny antsasaka fanagnanko aminako hoan'ny mahantra, ary izikoa nisy raha nikatramiako olo, honerako aby regny."
9
Nivolagna Jesosy fa: "Niany famonjegna avy agnaty tokantragno ity fôtony Zanak'i Abarahama izy.
10
Fa ny Zanak'olo navy mba hitady ndraiky hagnavotro irô olo very."
11
Koa fa naharegny raha zegny irô, nanohy nivolagna Izy ary nagnano fagnoaragna araiky, fôtony narikitry Jerosalema Izy, ary irô nihevitry fa hiseho iô noho iô ny fanjakan-dRagnahary.
12
Nohon'izegny Izy nivolagna hoe: "Nisy tandapa araiky nandèha tan-tany lavitry tagny mba hahazo fanjakana hoan'ny tegnanany ary himpody amizay aviô.
13
Nikaiky folo lahy tamin-drô mpiasanany izy ary nagnamia farantsa folo irô, ary nivolagna tamin-drô hoe: 'Mivarôta raha akendriky mandra-pipodianako."
14
Kanèfa irô vahoaka tsy nankatia izy ary nandèfa solontegna nagnaraka izy, nivolagna hoe: 'Tsy tianay eky ny anjakan'ny lehilahy io aminay eto.'
15
Ary izy koa fa nimpody, baka nahazo fanjakany, kai nagniraka irô mpiasany namiay vola aby igny izy mba andèha aminany iô, baika hahaizany tombony nazon-drô tamin'ny fivarôtagna.
16
Navy tiô araiky voalohany, nivolagna hoe: 'Tompo, ny farantsanao igny nahazo tombony farantsa folo koa.'
17
Nivolagna taminany tandapa igny hoe: 'Tsara zegny, ry mpanompo tsara. Nohon'ny anao nahatoky tamin'ny raha tegna hely, kai hanam-pahefagna amin'ny tanàna folo anao.'
18
Navy koa araiky faharoe, nivolagna hoe: 'Farantsanao igny Tompo, nahazo farantsa dimy.'
19
Ary nivolagna taminany koa tandapa igny hoe: 'Hiandraikitry tanàna dimy anao.'
20
Navy koa araiky hafa, nivolagna hoe: 'Tompo, ity farantsanao, najarisoko tsara tagnaty lamba,
21
fa navozo anao loatra za, fôtony lehilahy masika anao. Kai mangala raha tsy napetrakanao, ary mahazo raha tsy nafafinao.'
22
Nivolagnin'ny tandapa taminany hoe: 'Amin'ny volagnanao manôkagna no hitsarako anao, anao mpanompo ratsy fagnahy. Hainao fa za lehilahy masiaka, mangala raha tsy napetrako, ary mahazo raha tsy nafafiko.
23
Kai nagnino napetrakanao tamin'ny mpitana vôla tagny vôlanaka, kai za koa fa nimpody mba nangala izy niaraka tamin'ny zanany?'
24
Nivolagna tamin-drô tankilany tiô i tandapa igny hoe: 'Alaiva aminany farantsa igny ary amèza ariky managna folo igny.'
25
Ary nivolagna taminany irô hoe: "Tompo, fa misy farantsa folo izy.'
26
'Za mivolagna aminarô, fa zay olo managna jiaby amiangna mihoatra, fa zay tsy managna, na ny hely anagnany igny bala ho alaigna koa.
27
Fa irô fahavaloko, irô zay tsy magniry za anjaka amin-drô ao, indèsa aty irô vonoa alohanaka eto.'"
28
Izikoa baka nivolagna irô raha aby regny izy, nandèha taloha andèha Jerosalema agny.
29
Ary koa fa navy tankilan'i Betifaga ndraiky Betania Izy, tamin'ny bongo atao hoe Oliva, nagniraka aroe tamin-drô mpianatranany Izy,
30
nivolagna hoe: "Mandiana amin'ny tanàna magnaraka agny. Koa fa mihidriky anarô, ahita zana-boriky araiky mbala tsy nindroanan'olo foeky. Vaha zegny ary indèsa aminaka aty.
31
Koa misy mangnontany hoe: 'Nagnino vahanarô zo?' Volagna hoe: 'Misy raha ilain'ny Tompo izy.'
32
Irô zay niragna igny zegny nandèha ary nahita i zana-boriky karaha nivolagnin'i Jesosy tamin-drô igny.
33
Mbala tam-pamahagna zana-boriky igny fo irô, nivolagnin'ny tômpiny tamin-drô hoe: "nagnino mba vahanarô zana-borikiko?"
34
Nivolagna irô hoe: "Misy raha ilain'ny Tompo izy."
35
Nindesin-drô tamin'i Jesosy tagny zigny, ary napetrakan-drô tangnabon'ny zana-boriky tiô lambanany ary nagnapetraka Jesosy tagnabony tiô.
36
Koa fa nandèha zegny izy, nivilarin-drô tamin'ny làlagna tiô zegny lamban-drô.
37
Ary koa fa narikitry toeragna fijotsoagna amin'ny Bongo Oliva Izy, nanomboko ravoravo irô mpianatranany maro be ary nidèra Zagnahary tamin'ny fiô marèsaka noho'ny asa maventy jiaby hitan-drô,
38
nivolagna hoe: "Deraina anie ny mpanjaka amin'ny angnaran'ny Tompo! Fiadanagna agny an-dagnitry ary voninahitry agny amin'ny tegna agnabo!"
39
Ny Fariseo sasany tamin'ny vahoaka zegny nivolagna taminany hoe: "Mpampianatra ô, volagna marèsaka irô mpianatranao."
40
Namaly Jesosy ary nivolagna hoe: "Ambarako aminarô, fa irô koa mangigny, hihiakiaka ny vato."
41
Koa fa nagnantogno tanàna Jesosy, nitomagny izy,
42
nivolagna hoe: "Izikoa mba hainao fa amin'ny andra ziôty, ary anao, irô raha mitonga fiadanagna ho anao! Nefa ndraiky ziôty regny misitriky amin'ny masonao.
43
Fa ho avy aminao irô andra, izay hanangnan'ny fahavalonao manda magnodidigny anao, ary hagnodidigny anao, ary anery anao amin'ny lafin'ny raha jiaby.
44
Irô zegny andavo anao amin'ny tany miaraka amin'ny zanakanao. Tsy hagnambèla na vato araiky mifaneginy irô, fôtony anao tsy nahay fôn-dragnahary nehèzaka ny hagnavotro anao zegny."
45
Niditry tagnaty tempoly tao Jesosy ary nanomboko nandroaka irô olo nivarotro,
46
nivolagna tamin-drô hoe: "Fa voasôratra hoe: 'Ny tragnonaka natao tragno fivavahagna, fa anarô ndraiky nagnano zegny ho famoriagna jiolahy."
47
Kai nampianatra isan'andra tagnaty tempoly tao Jesosy. Irô lohan-dohan'ny mpisorogno ndraiky irô mpagnano lalàgna ary irô mpitariky ny vahoaka zegny nitady hamono izy,
48
fa tsy nahita fomba hagnanaovagna zegny irô, fôtony nazoto nitandregny Izy aby ny vahoaka jiaby.
Chapter 20
1
Indraîky andra, izikoa fa nampianatra irô vahoaka tao amin'ny tempoly Jesosy bakô nitory filazantsara, kay nagnantôgno Izy irô lohan'ny mpisorôgno ndraiky mpanora-dalàgna niaraka tamin'drô lohôlôgno.
2
Nambaran'ndrô taminany: "Ambaraha zahay hoe amin'ny fahefagna ino hagnanaovanarô irô zaka jiaby iô? Na koa azôvy nagnamia anao fahefagna izegny?"
3
Izy namaly aviô nagnambara irô nagnano hoe: "Zaha koa hamaitraka fagnontaniagna aminarô. Volagna aminaka makasika batisan'i Jaona.
4
Fa raha zegny mba raha avy baka an-dagnitra sa baka amin'ny olombelôgno?"
5
Niady hevitry irô, nivolagna nagnano hoe: "Izikoa atsika hamaly: 'Avy baka an-dagnitra' kay nivolagna Izy hoe: 'Fa nagnino ndraiky mba anarô tsy nino Izy?'
6
Fa izikoa atsika mivolagna: "Baka amin'ny olombelôgno,' hitôra-bato atsika vahoaka jiaby, satria irô resy lahatra fa Jaona mpaminany."
7
Noho izegny irô namaly fa tsy hain'ndrô zay niaviny.
8
Jesosy nagnambara tamin'drô: "Zaha koa tsy hivolagna aminarô zay fahefagna hagnanaovako zaka jiaby ty."
9
Nambarany tamin'drô vahoaka fagnôharagna karaha ty: "Nisy lelahy araiky nanagna tanin'ny raisin, nampagnofa izegny tamin'ny mpitsabo raisin, abakô nandaiha tagny amin'ny firenena hafa nandritra fotoagna maharitra.
10
Tamin'ny fotoagna voatôndrô nandaifa mpanompo izy agny amin'ndrô mpamboly raisin, fa tokony hagnamia izy voankazon'lay tanin'ny raisin irô. Nipopohan'ndrô mpitsabo izy, aviô nalaifany nipôdy tagnam-polo.
11
Abakô nandaifa mpanompo hafa ndraiky izy aviô nipopoan'ndrô fo koa, nalainy baraka, avio nalaifan'ndrô tagnam-polo.
12
Mbola nandaifa fagnintelo izy aviô niratravin'ndrô koa izy, aviô niroahiny.
13
Noho izegny nivolagna tompon'lay tanin'ny raisin: 'Ino hataoko? Halaifako agny amin'ny zanako lahy malalako. Mety mba ho hajain'ndrô izy."
14
Fa izikoa tazagnan'ndrô mpitsabo raisin izy, nifampikoragna irô, kay nagnambara nagnano hoe: "Io araiky mpandova. Fa allô hovonoantsika izy, mbaika ho azontsika lova zegny.'
15
Niroasin'ndrô niala tamin'ny tanin'ny raisin izy aviô nivonoan'ndrô. Ino basy ataon'ny tompon'ny tany amin'ndrô?
16
Ho avy izy aviô hamotiky irô mpitsabo raizsin, abakô nagnamia lay tanin'ny raisin hoan'ny hafa." Izikoa fa naregny izegny irô, nivolagna nagnano hoe: "Sagnatria amin-dRagnahary!"
17
Fa nizaha irô Jesosy, nivolagna nagnano hoe: "Ino hevitry voasôratra magnano hoe: 'Vato zay nolavin'dro mpagnorogno tragno navy vato fehizoro'?
18
Kay ny tsiaraikiaraiky zegny lava amin'ny hototoregny. Fa na azôvy na azôvy hilavoany, hipotehigny."
19
Kay nitady hisambotra Izy tamin'ny laira iô irô mpanora-dalàgna ndraiky irô mpisorôgno, fa hain'ndrô fa nambaran'ndrô io fagnôharagna iô hanoitry irô. Kanaifa navôzo irô vahoaka.
20
Tio am-pandinihagna izy tsara, nandaifa mpitsikilo mody ho marigny irô, mbaika afahan'ndrô mahita tsigny amin'ny volagnanany, kay hagnamia Izy iô amin'ny fanapahagna ndraiky fahefan'ny governora.
21
Nagnontany Izy irô, nagnano hoe: "Ô Mpampianatra ô, hainay fa anao nagnambara ndraiky nampianatra am-pahamarinana, aviô tsy voasariky hevitr'azôvy na azôvy, fa anao mampianatra fahamarinagna momban'ny lalan-dRagnahary.
22
Ara-dalàgna ho anay mba magnaifa haitra amin'ny Kaisara, sa tsia?"
23
Fa Jesosy nahatakatra hafetsen'ndrô, aviô nivolagna tamin'ndrô nagnano hoe:
24
"Magnamboaka dinaria araiky aminaka. Ninjôvy io sary io ndraiky agnaragna aminany io?" Nambaran'ndrô hoe: nin'i Kaisara."
25
Izy nagnambara tamin'ndrô: "Noho izegny amiako i Kaisara zaka zay hoan'i Kaisara, aviô ny Zagnahary, iro zaka zay hoan-dRagnahary".
26
Tsy nahita tsigny tamin'ny zay nambarako tiô agnatrehan'ny vahoaka irô, fa nahagaga tamin'ny valin-teninany kay nangina.
27
Izikoa fa navy tiô aminany sasany tamin'ndrô Sadoseo, irô zay nivolagna fa tsisy fitsanganagna tamin'ny maty,
28
nagnontany Izy irô, nivolagna nagnano hoe: "Mpampianatra ô, Mosesy nanaoratra amintsika fa izikoa maty ralahin'ny lelahy araiky, manambady, aviô tsy manan-janaka, tokony hangala vady ny vadin-dralahiny ilay lelahy, aviô hagnamia zanaka hoan'ndrô ralahinany.
29
Nisy mpiralahy fito aviô voalohany tamin'ndrô nanam-bady, abakô naty tsy nanan-janaka,
30
aviô faharoe tamin'drô karaha izegny koa.
31
Nampakatra izy ny fahatelo, kay karaha izegny fo koa irô fito mpiralahy samy tsy nanan-janaka, aviô naty fo koa.
32
Tafaran'izegny mbola naty fo koa viavy.
33
Amin'ny fitsanganagna amin'ny maty, ho vadin'jôvy basy izy? Fa samy aifa nanambady izy aby irô fito."
34
Jesosy nivolagna tamin'ndrô: "Irô zanaka donia ty mampakatra vady ndraiky ampakarigny.
35
Fa irô zay hita amin'ny andra ziô mendriky hangala fitsanganagna amin'ny maty tsy hampakatra vady na koa hampakarigny.
36
Tsy ho faty fekiny irô, satria mitovy amin'ny anjely ndraiky irô zanakan-dRagnahary zay zanaka ny fitsanganagna amin'ny maty.
37
Fa maty natsangana, na Mosesy aby nagnamboaka, tiô amin'ny toeragna zay nisy voaroy, zay nikahiany Tompo ho Zagnaharin'i Abrahama ndraiky Zagnaharin'Isaka aviô Zagnaharin'i Jakoba.
38
Abakô Izy tsy Zagnahary ny maty, fa velôgno, satria irô jiaby velôgno ao aminany."
39
Sasany tamin'ndrô mpanora-dalàgna namaly nagnano hoe: "Mpampianatra ô, namaly tsara Anao."
40
Satria tsy nasaky namaitraka fagnontaniagna hafa taminany fekiny irô.
41
Jesosy nagnambara tamin'ndrô nagnano hoe: "Amin'ny fomba akôry ivôlagnanarô fa i Kristy zanaka lahin'i Davida?
42
Fa vata-taigna ny Davida fo koa nagnambara tao amin'ny bokin'i Salamo nagnano hoe: 'Tompo nivolagna tamin'ny Tompoko hoe: 'Mipetraha iô an-tagnana ankavanako,
43
mandra-pagnanaovako fahavalonao amin'ny plasin'ny vitinao.'
44
Noho izegny Davida nikahiagna i Kristy: 'Tompo,' kay amin'ny fomba akôry maha zanaka Davida Izy?"
45
Tiô agnatrehan'olo jiaby nivolagna tamin'ndrô mpianatranany Izy:
46
"Mitandraima amin'ny mpanora-dalàgna, zay magniry handaiha hiaraka amin'ny akanjo lava, ndraiky tia fiarahabagna manokana agny an-bazary, ndraiky sezy voalohany ao agnaty synagoga, aviô toeragna voalohany agny amin'ny fagnasagna.
47
Irô koa mandany tragnon'ndrô mpitôndra taigna, abako magnano vavaka lava mba ho fisehoagna. Lelahy karaha izegny, hahazo fagnamelohagna maventy kokoa."
Chapter 21
1
Jesosy nanôpy maso kay nahita irô lelahy manan-karena zay nandrotraka fagnatitr'ndrô tao amin'ny fandatsahan-drakitra.
2
Nahita mpitôndra-taigna masikiny araiky androtsaka farantsa aroé Izy.
3
Kay Izy nagnambara hoe: "Ambarako marigny aminarô, ity mpitôndra-taigna masikiny ty nandrotsaka taignany maro noho anarô jiaby.
4
Irô jiaby nagnamia fagnatitry araky ny haben'ny fanagnany. Fa ity mpitôndra-taigna ty, tamin'ny tsy fanagnany, nandrotsaka fivelomany jiaby."
5
Izikoa nisy maro nikoragna momba tempoly, fa voaravaka vato tsara saora ndraiky fagnatitry izegny, kay Izy nagnambara:
6
"Fa amin'ndrô zaka hitanarô io, mbola ho agny amin'ny andra zay tsisy na vato araiky aby hijanôgno amin'ny hafa kay tsy ho ravaigna."
7
Kay irô nagnontany Izy, nagnano hoe: "Ry mpampianatra, mba imbiagna eky irô zaka jiaby io hitranga? Ino famantaragna izikoa fa hitranga irô zaka aby io?"
8
Navalin'i Jesosy: "Mitandraima mbaika tsy ho voafitaka anarô. Fa maro ho avy amin'ny agnarako, hagnano hoe: 'Zaho izy,' abakô, 'Efa tsy lavitry ny fotoagna.' Aza magnaraka irô.
9
Izikoa maregny ady ndraiky fitomaniagna anarô, kay aza mihorohoro, fa irô zaka aby iô tsy maintsy hitranga aloha, fa ny taigna farany tsy hitranga io ny io."
10
Abakô Izy nagnambara tamin'ndrô: "Firenena hitsangana hanohitry firenena, abakô fanjakana hanohitry fanjakana.
11
Kay hoisy hôrohôron-tany maventy, abakô môsary ndraiky areti-mandringana agny amin'ny toeragna samihafa. Hisy tranga mampavôzo abakô famantaragna maventy baka agny an-dagnitry.
12
Fa alohan'irô zaka jiaby io, hisambotra anarô irô abakô hagnenjiky anarô, hagnamia anarô ao amin'ny synagoga ndraiky figadragna, hitôndra anarô io alohan'ndrô mpanjaka ndraiky irô mpanapaka nohon'ny amin'ny agnarako.
13
Izegny hagnamia fahafagna amin'ny fijôroanarô vavolombelogno.
14
Noho izegny manapa-kevitry ao am-pônarô mbaika tsy hagnomagna fiarovagnarô alohan'ny fotoagna,
15
fa Zaho hagnamia volagna ndraiky fahendrena anarô, zay tsy afaka toherigny ndraiky lavin'ndrô mpanohitra anarô.
16
Fa anarô koa hamainy ray aman-dreny, irô ralahy, irô havagna, ndraiky irô namagna, abakô irô hamono ho faty sasany aminarô.
17
Ho halan'ny tsy araiky araiky noho ny agnarako anarô.
18
Fa tsy hoisy ho very nata tapaka fagnaiva araiky io amin'ny lohanarô aby.
19
Amin'ny faharaitagnanarô hagnavaotagna fagnahinarô.
20
Izikoa hitanarô voadidiny miaramila Jerosalema, hainarô fa aifa tsy lavitry ny faharavany.
21
Kay aoka irô zay agny Jodia hilaifa agny an-tendrombohitra, abakô aoka irô zay agny agnivon'ny tanàna hiala, abakô koa aza ambaila hiditry ao irô zay agny ambanivolo.
22
Fa irô andran'ny valifaty, mbaika ho tantairaka irô zaka jiaby efa voasaoratra.
23
Loza hoan'ndrô zay bevaotraka ndraiky hoan'ndrô mampinono amin'ny andra izegny ! Fa hoisy fahoriagna maventy io amin'ny tany, abakô fahasosaoragna amin'ny vahoaka aby io.
24
Ho lavo sabatra irô aviô ho andesigny ho babo agny amin'ny firenena jiaby, abako Jerosalema ho voahosin'ndrô Jentilisa, mandrapa-tantairaka andran'ny Jentilisa.
25
Hisy famantaragna iô amin'ny masoandro, iô amin'ny fandrava, ndraiky iô amin'ny lakintagna, abakô eto an-tany. Ho tra-pahoriagna irô firenena, hitaintaigna nohon'izegny eron-dranomasigny ndraiky irô onja.
26
Hisy lelahy ho toragna vôzo ndraiky fiandrasagna irô zaka zay ho avy eto an-tany. Fa ho voahozôngozôgno ny tanjaka herin'ny lagnitry.
27
Abakô ho hitan'ndrô Zanak'olôgno avy baka agnambo ny rôndro miaraka amin'ny hery ndraiky voninahitra be.
28
Fa izikoa manomboko miboaka irô zaka iô, mitsangàna abakô hahandra lohanarô, satria efa tsy lavitry fagnafahagna anarô."
29
Nagnano fagnôharagna tamin'ndrô Jesosy nagnano hoe: "Zahava kakazon'aviavy, ndraiky irô kakazo jiaby.
30
Izikoa fa magnarôko irô, ho hitanarô fa efa tsy lavitry ny lohataogno.
31
Karaha izegny koa, izikoa hitanarô mitranga irô zaka jiay iô, fa efa hainarô fa efa tsy lavitry ny fanjakan-dRagnahary izegny.
32
Ambarako marigny aminarô, fa taigna marigny, ity taranaka tsy ho faty mandra-piboahany zaka io.
33
Lagnitry ndraiky tany ho levôgno, fa irô volagnanaka jiaby tsisy ho levôgno mandrakizay.
34
Fa mitandraima amin'ny taignanarô, mbaika tsy ho vesarin'ny vokatra figiahagna ndraiky fahamamoagna ny fonarô, ndraiky irô ahiahin'ny fiainagna, kay abako tsy hifody tampoko aminarô karaha fandriky izegny andra izegny.
35
Fa izegny ho avy tsy araiky araiky amin'ny magnairan-tany.
Fa mba tokony mailo amin'ny fotoagna jiaby, mivavaha mbaika ho ampy hery anarô amin'ny filifasagna irô zaka miboaka, abakô hitsanganana iô alohan'ny Zanak'olôgno."
37
Koa nandritra andra nampianatra tao amin'ny tempoly Izy, aligny nandaiha niboaka Izy aviô nijanôgno tiô amin'ny tendrombohitr'Oliva.
38
Irô vahoaka jiaby navy vao mangiran-dratsy mba hitandregny Izy tao amin'ny tempoly.
Chapter 22
1
Efa mariny ny firavoravoagna amin'ny mofo tsy misy masirasira, izay volagniny hoe Paska.
2
Irô lohan'ny mpisorona ndraiky irô mpanora-dalàgna zegny mitady hevitra baika afandrô hamonoagna Jesosy, satria navozo Azy irô.
3
Avy iô, Satana niditra tamin'i Jodasy Iskariota, ilay araiky tamindrô aroa ambin'ny folo.
4
I Jodasy nandaiha tamindrô lohan'ny mpisorona ndraiky irô kapiteny sady niady hevitra tamindrô izy ny amin'ny fomba hamadihagny an'i Jesosy amindrô.
5
Ravoravo irô, sady nagneky hagnamia vola izy.
6
Nagneky izy, abokiô izy nitady faomba hagnamaizagn'Azy amindrô lavitry vahoaka.
7
Navy andran'ny mofo tsy misy masirasira, ilay tsy maintsy hagnaovagna sôrogno zanak'ôndrikôndrikin'ny Paska.
8
Jesosy nagniraka ery Petera ndraiky Jaona, nagnano karaty: "Mandianà amboarinarô sakafon'ny Paska, baika afahantsika mihinagnazy."
9
Irô nagnontany Izy karaty: "Aia tianao hagnanaovagnay fagnomanagna?"
10
Namalian'irô nataony karaty: "Tandrignaisa, koafa miditra antanagna anarô, hisy lelahy araiky mitaondra siôn-drano fanojy aminarô. Magnaraha izy anarô amin'ilay tragno itsifaorany.
11
Volagnanarô tompon-tragno karaty: 'Mpampianatra mivolagna aminao karaty: "Aia efi-tragno fandraisagna vahiny, ilay hihinanako sakafon'ny Paska miaraka amindrô mpianatra naka?"'
12
Izy agnambara aminarô ny efitragno ambony etazy maventy misy fanaka. Ataovy ao ny fagnomagnana."
13
Irô avy tiô nandaiha, sady nahita raha jiaby araka ny volagniny tamindrô. Avy iô, irô nagnomagna sakafon'ny Paska.
14
Navy fotoagna, niarahany nipetraka tamindrô apostoly Izy.
15
Kay nivolagna tamindrô Izy karaty: "Zaho taigna nahiry hihinagna ity Paska ity miaraka aminarô alohan'ny hijaliako.
16
Fa ambarako aminarô, Zaho tsy hihinagna ity eky mandra-pahatanterak'izegny agny amin'ny fanjakandRagnahary."
17
Nangala bakôly Jesosy, avy iô koafa nisaotra Izy, nivolagna karaty: "Igiha ity, avy iô zara aminarô.
18
Fa ambarako aminarô, Zaho tsy higiaka vokatry raisin eky, mandra-pahavian'ny fanjakandRagnahary."
19
Nangala mofo Izy, avy iô koafa nisaotra, nitapahany izany, avy iô namian'irô, nivolagna karaty: "Ity vata naka izay amigna natao hoanarô. Hoana izity mba hatsiaraovanarô Zaho."
20
Nigniany kara izegny koa bakôly koafa lany mofo, nivolagna Izy avy tiô karaty: "Ity bakôly ity zegny fagnekegna vaovao amin'ny lioko, ilay nalatsako hoanarô.
21
Mitandraima. Araiky ilay hamadika Zaho zegny miaraka Aminaka eto amin'ny latabatra.
22
Fa ny Zanak'ologno zegny taigna mandaiha araka izay voatendry. Fa loza ho an'izegny lelahy ilay hamadik'Azy izegny!"
23
Irô nanomboka nifapagnontany amin'ilay araiky mety hagnano izegny.
24
Kay lasa nisy tsy fifankahazoagna koa niboaka tamindrô mikasika ilay nantenaigny fa taigna maventy amindrô.
25
Nivolagna tamindrô Izy karaty: "Irô mpanjakan'ny Jentilisa zegny da tompondrô, avy iô lay managna fahefagna amindrô zegny atao kara irô lay mpagnano tsara amin'ny vahoakany.
26
Aminarô ndraiky tsy kara zegny feky. Mifanohitra amin'izegny, aoka ilay taigna maventy aminarô ho lasa taigna hely, avy iô lay taigna manan-danja aminarô ho lasa mitovy amin'ny mpiasa.
27
Fa azôvy zegny ny taigna maventy, ilay mipetraka ambony latabatra sa lay mpiasa? Tsy araiky ilay mipetraka ambony latabatra va? Kanèfa Izaho eto aminarô kara ilay araiky mpiasa.
28
Fa anarô olo ilay nanohy niaraka taminaka tao amin'ny fakam-pagnahy nianjady taminaka.
29
Amiako fanjakagna anarô, karaha ny Babako koa Ilay nagnamia fanjakagna Zaho,
30
baika afaka hihinagna ndraiky igiaka eo amin'ny latabatranaka agny amin'ny fanjakako anarô, avy iô hipetraka eo amin'ny seza fiandrianagna hitsara fokon'ny Israely aroa ambin'ny folo anarô.
31
Simona, Simona, mitandraima fa mitady hahazo anarô Satana, mba afahany manivagna anarô kara vary.
32
Fa nivavaka ho anao Zaho, baika tsy ho faty finoagnanao. Hafaran'ny hipodiananao ndraiky zegny, ampahereza irô rahalahinao."
33
Petera nivolagna taminany karaty: "Tompo, vognono hiaraka Aminao zaho na agny amin'ny prison na hagnagny amin'ny fahafatesagna."
34
Jesosy namaly karaty: "Ambarako aminao, Petera, akoho mbola tsy magnaina amin'ny andro volagniko izegny, intelo anao magnano tsy mahay Zaho."
35
Kay nivolagna tamindrô Jesosy karaty: "Koafa nandefa anarô tsy niaraka tamin'ny tragnom-baola, kitapom-batsy, na kiraro anarô, kay nisy raha nanky ma taminarô va?" Namaly irô karaty: "Tsisy."
36
Kay nivolagna tamindrô Izy karaty: "Fa karaty, ilay managna tragnom-baola, aoka izy hangala izegny, na kitapom-batsy koa. Ilay tsy managna meso zegny tôkono mivarotra lambanany avy iô hividy araiky.
37
Fa Zaho mivolagna aminarô, ilay voasaoratra momba Zaho zegny tsy maintsy tanteraka: 'Izy zegny noraisigny kara araiky tamindrô tsy magnara-dalàgna.' Fa ilay novolagniny mialoha makasika Zaho zegny efa ho tanteraka"
38
kay nivolagna irô karaty: "Tompo, zahava baka! Ity misy meso aroa." Izy nivolagna tamindrô karaty: "Basy eky izegny."
39
Tafaran'ny finanagna zegny nandaiha Jesosy, kara ilay fataony matetika tagny amin'ny bongon'Oliva, avy iô nagnaka Izy irô mpianatra.
40
Koafa navy irô, dia nivolagna Izy tamindrô: "Mivavaha baika tsy hidiranarô amin'ny fakam-panahy."
41
Niala tamindrô tiô Izy amin'ilay tôkony mbola hitora-bato Izy, nandohalika Izy avy iô nivavaka,
42
nagnano karaty: "Babako oh, koa sitrakanao, mba adosoa aminaka ity kapoaka ity. Na dia zegny aza tsy ilay tiako atao, fa Ninao no hatao."
43
Avy tiô nisy anjely baka tagny an-dagnitra niboaka taminany, nampahery Izy.
44
Tagnatiny fangirifiriagna, nivavaka tamin-kafanam-po mafy be Izy, baka iô hevokonany zegny lasa kara lio nitete tamin'ny tany.
45
Koafa nitsangagna avy nivavaka Izy zegny, nagnagny amin'ny mpianatra, avy iô nahita irô nandry Izy,
46
kay nagnotany irô Izy karaty: "Nagnino anarô mandry? Mitsangàna, mivavaha baika tsy hidiranarô amin'ny fakam-pagnahy."
47
Koa mbola nivolagna Izy, nisy vahoaka niboaka niaraka tamin'i Jodasy, araiky tamindrô aroa ambin'ny folo, nitariky irô. Nagnatogno Jesosy izy mba hioriko Izy,
48
fa Jesosy nivolagna taminany karaty: "Jodasy, anao ma mamadika Zanak'Ologno amin'ny hôroka?"
49
Koafa nahita raha niboaka irô ilay nagnodidigny Jesosy, nivolagna irô karaty: "Tompo, tôkony hamely amin'ny meso izahay?
50
Avy iô araiky tamindrô namely mpiasan'ny mpisoronabe, avy iô nanapaka sofigninany havanagna.
51
Jesosy nivolagna karaty: "Basy eky izay!" Nikasigniny sofigninany, avy iô nojangangniny.
52
Jesosy nivolagna tamin'ny lohan'ny mpisorogno, tamindrô kapitenin'ny tempoly, avy iô tamindrô lohologno ilay navy hanohitra Izy karaty: "Navy kara hanambotra mpangalatra anarô va, miaraka amin'ny meso ndraiky saboha?
53
Tamin'Izaho niaraka taminarô isan'andro tao an-tempoly, anarô tsy nanambotra Zaho. Fa amiziô l'heuranarô ndraiky fahefan'ny haizigny."
54
Tiô am-pisambaoragna Izy zegny, notarihandrô Izy, avy iô nindesindrô tagny an-tragnon'ny mpisoronabe. Fa Petera nagnaraka avy tagny lavidavitra.
55
Koafa avy nampirehitra môtro tiô agnivon'ny tokontany avy iô niara-nipetraka irô, abakô nipetraka tagnivondrô i Petera.
56
Nisy mpiasa magnangy araiky nahita izy koafa nipetraka tiô tamin'ny fahazavan'ny môtro izy, avy iô nizaha mare izy ndraiky nivolagna karaty: "Ity lelahy ity koa niaraka taminany."
57
Fa Petera nifamatra izegny, nivolagna karaty: "Ha magnangy ty, zaho tsy mahay Izy,"
58
Tsy hailan'gny koa nisy olo hafa nahita izy, nivolagna karaty koa: "Anao koa mba agnisany namandrô." Fa Petera namaly karaty: "Ha lelahy ty, zaho tsy agnatiny."
59
Koafa fa afaka l'heura araiky tiô, nisy lelahy hafa koa nihizingizigny ndraiky nivolagna karaty: "Marigny fa niaraka taminany koa ity lelahy ity, fa izy ty Galiliana."
60
Fa Petera namaly karaty: "Ha lelahy ty, tsy haiko raha volagninao zegny." Tiô ny iô, mbola ampivolagnana fo izy zegny nisy akoho nagnaina.
61
Baka iô nitodiky Tompo nizaha i Petera, avy iô tsaroan'i Petera raha nivolagniny Tompo taminany karaty: "Alohan'ny agnainany akoho iniany ity, anao agnano tsy ahay Zaho."
62
Niboaka tagny an-tany Petera sady nitomoagny mare.
63
Fa irô lelahy niambigny Jesosy zegny nagnahiahy avy iô namopoko Izy.
64
Nisaoraognandrô Izy avy iô nagnantaniandrô karaty: "Maminanià! Azôvy olo mamono Anao izao?"
65
Nivolagna raha maro baika hanoerandrô Jesosy irô, nivolagna ratsy Azy.
66
Koafa nazava andro zegny, niara-nivoary irô lohologno, ny lohan'ny mpisorogno ndraiky mpanora-dalàgna. Nindesindrô tagny amin'ny Synedriona Izy
67
avy iô nivolagna karaty: "Koa mbola Anao no Kristy, volagna aminay." Nambaran'irô tamindrô avy tiô: "Raha ho volagniko aminarô izegny, anarô tsy hino izegny,"
68
avy iô Zaho koa agnontany anarô, anarô tsy hamaly Zaho.
69
Fa manomboka iz'iô, ny Zanak'Ologno hipetraka eo an-tagnana akavanagn'ny herin-dRagnahary."
70
Irô jiaby avy tiô nagnontany Izy karaty: "Anao dikan'izegny Zanaka Zagnahary?" Novalian'i Jesosy tamindrô karaty: "Voalazanarô fa Izaho no Izy."
71
Irô nivolagna avy tiô karaty: "Nagnino antsika mbola mitady vavolombelogno? Efa regnitsika volagna nambarany tamin'ny vavany izegny."
Chapter 23
1
Nitsangagna olo jiaby nitondra an'i Jesosy tamin'i Pilato.
2
Nanomboko nagnampanga Izy irô ary nivolagna hoe: "Hitanay lelahy ity nametaveta firenenanay, nandrara ny hagnomezagna hetra ho an'i Kaisara, baka iô nivolagna fa Izy no Kristy, mpanjaka."
3
Nagnontany Izy Pilato, nivolagna hoe: "Anao ma mpanjakan'ny Jiosy izegny?" Namaly izy Jesosy nivolagna hoe: "voalazanao."
4
Nivolagna tamindrô lohany mpisorogno ndreky irô vahoaka Pilato hoe: "Tsy mahita fahadisoagna amin'ity lehilahy ity zaha."
5
Mbola nagnizingizigny fo irô, nivolagna hoe: "Magnakorontagna vahoaka Izy, mampianatra eran'ny Jodia jiaby, manomboko avy agny Galilia ziska amin'ity toeragna ity aby."
6
Izy kofa regnin'i Pilato izegny, nagnontany izy raha toa ka Galiliana ilay lelahy.
7
Izy kofa hitany fa ambany fahefagnan'i Heroda Izy, nalefany nandeha amin'i Heroda tagny Jesosy, izay tagny Jerosalema koa tamin'io andro io.
8
Tegna ravoravo Heroda izy kofa nahita Jesosy, satria efa tehahita Izy efa ela izy. Naharegny ny mikasiky Izy izy ary nagnantegna hahita fahagagagna maro natoany.
9
Nametraka fagnontaniagna tamin'i Jesosy tamin'ny fivolagnagna maro Heroda, kanefa Jesosy tsy namaly na ino na ino izy.
10
Irô lohan'ny mpisorogno ndraiky irô mpanora-dalàgna nitsangagna, nagnampanga mafy Izy.
11
Heroda ndreky irô miaramilany nanevateva Jesosy sady nankalefaka Izy. Baka iô nampiankajo lamba tsara Izy baka iô nalefandrô nimpody tagny amin'i Pilato Izy.
12
Heroda ndraiky Pilato nanjary mpinamagna tamin'ny andron'io (talohaka izegny mpifahavalo irô).
13
Avy iô nagnantso irô lohany mpisorogno ndreky irô mpanapaka ary irô vahoaka maro niaraka tamindrô Pilato,
14
baka iô nivolagna tamindrô hoe: "Nihentinarô taminakà teto ity lelahy ity karaha lelahy mitariky olo hagnano ratsy, zahava, zaha raha nametraka fagnontaniagna taminany talohanarô tiô, tsy mahita fahadisoagna amin'ity lelahy ity mahakasiky raha ampanganarô Izy.
15
Tsia, na Heroda koa, satria nalefany nimpody amintsika aty Izy, baka iô zahava, tsisy raha nataony mendriky fahafatesagna vitany.
16
Noho izegny ho faiziky Izy, baka iô havotsotro Izy."
17
[Fagnamarihagna: Irô fandikagna tegna tsara dia tsy magnisy ny And 17 hoe: Ary Pilato dia voatery namotsotro gadra araiky ho an'irô Jiosy tamin'ny andro firavoravoagna.]
18
Fa niaraka nihiaka mafy irô, nagnano hoe: "Indesa agny lelahy io, baka iô avotsora ho anay Barabasy!"
19
Barabasy dia lelahy araiky nampidirigna am-ponja nohon'ny fikomiagna maro tantanàgna ndraiky famonoagna olo.
20
Ary nivolagna tamindrô koa Pilato, nagniry ny hamotsoragna an'i Jesosy.
21
Saingy nitabataba mafy irô, nivolagna hoe: "Fantsiaha Izy, fantsiaha Izy."
22
Nivolagna tamindrô fagnintelony izy hoe: "Nagnino, ino ma ratsy vitan'ity lelahy ity? Tsy nahita na ino na ino izay mendriky sazy famonoagna taminany zaha. Noho izegny kofa avy magnafay Izy zaha, havotsotro Izy."
23
Fa irô nagnizingizigny tamin'ny feo mafy, nangataka Izy mba hifantsiahagna. Ny feondrô dia nandresy lahatra an'i Pilato.
24
Kay nanapakevitry hagneky ny fangatahandrô Pilato.
25
Navotsony araiky nangatahindrô izay nalefa tagny am-ponja nohon'ny fikomiagna ndraiky famonoagna olo. Fa natolony ho amin'ny sitrapondrô Jesosy.
26
Ary tampitondragna Izy tiô irô, nitagna an'i Simona avy agny Syrenia, izay avy agny ambanivolo, ary napetrakandrô taminany ny hazofijaliagna mba ho entiny, nagnaraka an'i Jesosy.
27
Maro tamindrô vahoaka, draiky irô magnangy nalahelo mafy abakô nisaogno Izy, nagnaraka Izy.
28
Izy kofa nitodiky amindrô Jesosy, nivolagna tamindrô Izy hoe: "Ry zanakavavin'i Jerosalema, aza mitomoagny Zaha, fa mitomoagnia ho an'ny tegnanarô ndraiky ho an'ny zanakanarô.
29
Fa indro, ho avy ny andro hivolagnandrô hoe: 'Sambatra irô momba ndraiky irô votraka tsy niteraka, ndraiky nono tsy nampinono tsaiky.'
30
Ary dia hanomboko hivolagna amindrô bongo irô irô hoe: 'Milavoà aminay,' ary amin'ny havoagna hoe: 'Manarogna zahay.'
31
Izy koa magnano zegny raha zegny irô raha mbola maitso ny kakazo, ino eky raha hitranga izy kofa maiky zegny?"
32
Nisy lelahy hafa, olon-dratsy aroe, nihentigny niaraka taminany mba ho vonegny
33
Izy kofa tonga tiô amin'ny toeragna araiky antsovigny hoe: "Ikarandoha" irô, dia tiô no namantsaihandrô Izy, ndraiky irô olon-dratsy, araiky tamin'ny havanagnanany ary araiky tankavianany.
34
Jesosy nivolagna hoe: "Ah Baba e, mamela irô, fa tsihaindrô raha aby ataony." Avy iô niloka irô nizarazara fitafiagnanany.
35
Nitsangagna nizaha tiô irô olo raha mbola nankalefaka Izy irô mpanapaka, nivolagna hoe: "Namonjy irô hafa Izy. Ambilà Izy hamonjy ny vatagnanany, izy koa Izy edy Kristin'Andriamanitra, araiky voafidy."
36
Irô miaramila koa nangala baraka Izy, nagnatogno Izy, nagnamia Izy vinaingra,
37
sady nivolagna hoe: "Izy koa Anao edy mpanjakan'ny Jiosy, vonjia vatagnanao."
38
Nisy famantaragna koa tamboniny tiô hoe: "Ity no mpanjakan'i Jiosy."
39
Araiky tamindrô olondratsy araiky nihantogno tiôno namingavinga Izy tamin'ny nivolagnany hoe: "Tsy Anao ma Kristy? Vonjeo vatagnanao ndraiky zahay."
40
Fa araiky nivolagna mafy Izy, nagnano hoe: "Tsy mba mavozo an'Andriamanitra ma anao, raha samy ambanin'ny fagnamelohagna mitovy fo?
41
Atsika aketo aradrariny izegny, fotony mandray zay mendriky ny asantsika atsika. Fa ity lelahy ity tsy nagnano raha ratsy."
42
Baka iô izy nivolagna hoe: "Jesosy ô tsarovy zaha izy kofa tonga amin'ny fanjakagnanao Anao."
43
Jesosy nivolagna taminany hoe:" Volagniko marigny aminao, fa niany anao dia hiaraka aminakà agny amin'ny paradisa."
44
Ary tamin'ny lera fahatsota teo ho eo tamin'izegny, navy ny aizigny nandrakotro tany jiaby ziska tamin'ny lera fahasivy
45
izy kofa nahay nahiziky fo ny hazavagnan'ny masoandro. Avy eo nizara aroe tagnivo ny lamban'ny tempoly.
46
Nihiaka tamin'ny feo mafy Jesosy nivolagna hoe: "Baba ô, antagnagnanao no ametrahako ny fagnahikà." Izy kofa avy nivolagna izegny, maty Izy.
47
Kofa hitan'ny kapiteny iô raha nitranga nitranga izegny, nagnamia voninahitra an'Andriamanitra izy, nivolagna hoe: "Azo antoko marigny fa olo marigny lelahy ity."
48
Izy kofa hitandrô vahoaka jiaby niaraka tonga tiô ho vavolombelogno nagnatrimaso raha jiaby nitranga tiô, dia nimpody nitahatratra irô.
49
Fa irô jiaby izay nahay Izy, ndraiky irô magnangy izay nagnaraka Izy avy agny Galilia, dia nitsangagna lavidavitry, nizaha raha izegny.
50
Ary indro, nisy lelahy araiky kahiagna hoe Josefa, izay mpikambagna tamin'ny Synedriona. Olo tsara sady marigny izy.
51
Io lelahy io dia tsy nagneky ny fanapahankevitry ny Synedriona sy ny asandrô. Avy agny amin'ny tanagnan'ny Jodiana tagny Armatia izy; ary izy dia nikatsaka ny fanjakan'Andriamanitra.
52
Io lelahy io, raha nagnatogno an'i Pilato dia nangataka ny vatagnan'i Jesosy.
53
Nalainy nijotso izany, nirakofagny hariry madiniky, ary napetrany tagnaty fasagna araiky izay nivakigny tamin'ny vatolampy, izay tsy mbola nisy olo nilevigny.
54
Andron'ny fiomanagna tamin'izegny, ary efa antombotro ny Sabata.
55
Irô magnangy niaraka tamin'i Jesosy niala tao Galilia, dia nagnaraka avy tafara ary nahita ny fasagna baka iô ny fomba namitrahagna ny fatiny.
56
Nimpody irô, ary nagnomagna raha magnitry ndraiky menaka magnitry. Ary tamin'ny Sabata dia nitsahatra irô araka ny didy.
Chapter 24
1
Mbala nandraigny tamin'ny andra voalohany tamin'ny herignandra, nandeha tam-pasagna tagny irô, nitondra raha mangitry efa nikarakaraindrô.
2
Hitandrô avy lavitry fa efa nikodia vato tamin'ny fasagna iô.
3
Niditry tao irô, kanefa tsy nahita vatagnan'ny Tompo Jesosy.
4
Ary, raha mbola sahirantsaigny momba izany irô, tampoko teo, dia nisy lelahy aroe nagnano fitafiagna mamirapiratra nitsangagna teo agnilandrô.
5
Mbola very hevitry tamin'izegny fo irô, nisy lelahy aroe niseho tamindrô nagnano fitafiagna mamirapiratra. Ary izy kofa navozo mafy irô magnangy irô, dia niankohoko tamin'ny tany, nivolagna tamindrô magnangy irô hoe: "Nagnino anarô no mitady ny velogno aty amin'ny maty?
6
Tsy ato izy, fa efa natsangagna! Tsarova ny nivolagniny taminarô tamin'izy mbola tagny Galilia,
7
nagnambara fa ny zanak'Olo dia tsy maintsy hatolotro antagnan'olo mpanota ka hifantsiahagna amin'ny hazo fijaliagna, ary amin'ny andro fahatelo dia hitsangagna ndraiky."
8
Nahatsitaro volagnany irô magnangy irô,
9
kay nimpody avy tamin'ny fasagna tagny ary nivolagna raha jiaby izegny tamindrô araiky ambin'ny folo ndraiky tamin'ny namandrô jiaby.
10
Ary Maria Magdalena, Johana, Maria renin'i Jakoba ndraiky irô magnangy hafa niaraka tamindrô nitatitry raha aby izegny tamindrô Apostoly.
11
Kanefa hafatra izegny nataondrô Apostoly irô raha tsisy dikany, kay tsy nino irô magnangy irô irô.
12
Kanefa nitsangagna Petera, nihazakazaka nandeha tamin'ny fasagna tagny, niondriky nizaha tao izy ary nahita lambam-paty nitokagna. Boaka iô nody tan-tragnonany tagny Petera, sady nagnontany tegna tamin'ny raha nitranga izegny.
13
Avy iô, tamin'andra iô, lehilahy aroe tamindrô nandeha ho agny amin'ny tanàgna atao hoe: Emaosy, izay tsaotampolo stadio miala Jerosalema.
14
Nikoragna mikasiky raha nitranga iô irô.
15
Niaraka nikoragnna ndraiky nagnapetraka fagnontaniagna irô, boaka iô nagnatogno irô Jesosy ary niaraka nandeha tamindrô Izy.
16
Fa nisakanagna mba tsy hahay Izy masondrô.
17
Nivolagna tamindrô Jesosy hoe:"Mikoragna ino ma anarô ampandihanagna aty?"
18
Nijanogno irô sady nalahelo tarehy. Araiky tamindrô kaihigny hoe: Kleopasy, namaly Izy hoe: "Anao araiky fo ma tsy nahay raha nitranga tamin'ny andra izegny?"
19
Jesosy nivolagna tamindrô hoe: "Raha ino?" Irô namaly Izy hoe: "Raha mikasiky Jesosy ilay Nazarena, izay mpaaminany, natanjaka tamin'ny asa ndraiky tamin'ny teny talohan'Andriamanitry ndraiky talohan'olo jiaby,
20
ndraiky fomba nanolorandrô lohan'ny mpisorogno ndraiky irô mpanampaka Izy mba hahatonga Izy hofoaty ndraiky namantsihagna izy tamin'ny hazo fijaliagna.
21
Kanefa zahay nagnantegna fa Izy no ilay hagnafaka ny Isiraely. Ie, ankoatra ny raha jiaby izegny, telo andra niany nitrangan'ny raha jiaby izegny.
22
Kanefa koa, irô magnangy sasany tamin'ny namanay nahavariagna zahay, tagny fasagna tagnny irô nandraigny.
23
Izy kofa tsy nahita vatagnananany irô, nivolagna irô fa nahita fahitagna anjely nivolagna fa velogno Izy.
24
Lelahy sasany niaraka taminay nandeha tamin'ny fasagna tagny, ary nahita izegny koa karaha raha nivolagnindrô magnangy irô koa. Fa irô ndraiky tsy nahita Izy."
25
Jesosy nivolagna tamindrô hoe: "Ry lehilahy adala sady votsa saigny tsy mino raha ambaran'ny mpaminany!
26
Tsy nilaigny ho an'i Kristy ma ny nijaly tamin'ny raha aby igny mba hidirany amin'ny voninahitry?"
27
Nanomboko tamin'ny Mosesy jiska tamindrô mpaminany jiaby Izy nambarany tamindrô ny dikan'ny Soratra Masigny mikasiky Izy.
28
Izy kofa ho navy tamin'ny tanàgna handihanandrô irô, Jesosy nivolagna fa mbala handeha lavidavitry.
29
Fa irô nanery Izy kay nivolagna hoe: "Mijanona aminay eto, fa efa hariva andra sady efa hifaragna andra iô." Kay niditry mba hijanogno niaraka tamindrô Jesosy.
30
Izy kofa nipetraka hiaraka hihinagna tamindrô Izy, nangala mofo Izy, boaka iô Izy nisaotra avy iô namaky mofo iô ary nagnamia izegny irô.
31
Avy iô nisokatra masondrô kay nahay Izy, avy iô nanjavogno tamasondrô tiô Izy.
32
Nifampivolagna irô hoe: "Tsy niredareda tagnatintsika ma fontsika tamin'Izy nivolagna tandalagna igny, tamin'Izy nanokatra Soratra Masigny tamintsika?"
33
Nitsangagna irô tamin'ny lera zegny, kay nimpody tagny Jerosalema tagny. Nahita irô araiky ambin'ny folo nivory irô, irô izay niaraka tamindrô,
34
nivolagna hoe: "Nitsangana marigny ny Tompo, ary niseho tamin'i Simona."
35
Kay nivolagnindrô raha nitranga tamin'ny lalagna, ndraiky fomba nisehoan'i Jesosy tamindrô tamin'ny fanapahagna mofo.
36
Mbola nivolagna mikasika izegny fo irô, nitsangagna tagnivondrô tiô Jesosy, sady nivolagna tamindrô hoe: "Fiadanagna ho anarô."
37
Taitry sady navozo mafy irô, sady nihevitry irô fa nahita hangatra irô.
38
Nivolagna tamindrô Jesosy hoe:"Nagnino ma anarô mavozo? Nagnino misy fagnontaniagna amin'ny fonarô?
39
Zahava tagnananakahy ndraiky vitinakahy fa Zaha ity. Kasiaha zaha abokô zahava. Fa hangatra tsy managna nofotro ndraiky taholagna karaha ahitanarô Zaha iô."
40
Izy kofa nivolagna izegny izy, naboakany tamindrô tagnanany ndraiky vitinany.
41
Mbola tsy nino izegny fo irô noho ny hafaliagna, ary gaga irô. Nivolagna tamindrô Jesosy hoe: "Managna raha hoanigny ma anarô?"
42
Namandrô loko voatono Izy,
43
kay nalainy izegny ary nioaniny talohandrô tiô.
44
Nivolagna tamindrô Izy hoe: "Tamin'ny Zaha niaraka taminarô, nivolagna taminarô Zaha fa izay voasoratra tamin'ny lalàgnan'i Mosesy ndraiky irô mpaminany ndraiky irô Salamo dia tsy maintsy tanteraka."
45
Nisofiny sagnindrô, mba hahazahoandrô Soratra Masigny.
46
Nivolagna Izy hoe: "Izao ny voasoratra, Kristy dia hijaly, abakô nitsangagna amin'ny maty amin'ny anda fahatelo.
47
Ary ho torigny amin'ny agnaragnanany ny fibebahagna sy familàgna fahotagna amin'ny firenena jiaby manomboko Jerosalema.
48
Anarô vavolombelogno raha jiaby igny.
49
Halefako aminarô ny nampagnantenain'ny Babako taminarô. Mijanôna antanàgna mandra-panafiagna anarô hery avy agnabo agny."
50
Ary Jesosy nitariky irô mandra-pahatongavandrô tagny Betania tagny. Nasandrany tagnanany, ary nitahiny irô.
51
Izy kofa nitsodrano Izy irô, Niala tamindrô tiô Izy ary nampiakarigny tan-dangitry.
52
Nidera Izy irô, ary nimpody tagny Jerosalema tamin'ny fifaliagna be.
53
Nitohy nandeha tamin'ny Tempoly irô, nankalaza Andriamanitry.
Romans
Chapter 1
1
Paoly, mpanompon'i Jesosy kristy, voakaiky ho apostoly, ary nataoka ho mpitory filazan-tsaran-dragnahary.
2
Io i filazan-tsara efa nampagnatenainy taloha, baka tamin'ny iro mpaminany tagnatiny soratra masigny.
3
Zegny mikasiky zanany lahy, avy mbaka tamin'ny taranaka Davida.
4
Tamin'ny fitsanganany tamin'ny maty, nambara fa zanaka maherin'i zagnahary tamin'heriny fanahy masina Izy_dia Jesosy tompontsika.
5
Mbaka tamin'ny nangala tsika fahasoavagna draiky maha-apostoly fagnikiagna finoagna amin'ny firenena jiaby nohon'ny agnarany.
6
Amindro firenena iro, anao ho voakaiky nohon'i Jesosy Kristy.
7
Taratasy ity ho olo jiaby ao Roma, izay mahay zagnahary, izy voakaiky ho olo masigny. Hoaminaro agny fahasoavagna draiky fiadagnany dragnahary baban-tsika sy Jesosy Kristy tompo.
8
Voalohany, hisaorako zagnahary mbaka amin'i Jesosy Kristy aminaro jiaby. Fotony finoagna naro fa nambara amin'izao tontonlo izao.
9
Fa Dragnahary vavolombeloko tompoko ao amin'ny fagnahiko ao amin'ny filazan-tsara ny zanany, fa tsy mijanogno mivolagna aminaro za.
10
Mangataka fo za amin'ny vavaka ataoko mba ahombiazako amin'ny fomba jiaby amin'ny sitrapon-dragnahary hoavy aminaro.
11
Fa za mba magniry ahita anaro, mba ahafako magnamia anaro fagnamezan-panahy sasantsany ho anaro, mba ampahery anaro.
12
Zegny, magniry za hifankaherezan-tsika eto agnivontsika. Mbaka amin'ny finoagna tsika tsirairay, ny naro avio ninaka.
13
Niany, sty tiako anaro tsy ahay, ry rahalahy, matekiky zaho managna fikasagna agnatogno anaro, (nefa za voasakana ka hatramin'ny zio), mba hahazoagna vokatra aminaro, kara nazahoako ambiny iro Jentilisa koa.
14
Za mpitrosa amin-dro Grika sy iro vahiny, amin'ny misy jery draiky adala.
15
Nohony zegny, aminaka, vognono koa za hitory filanzan-tsara ho anaro agny Roma.
16
Fa za tsy megnatra amin'ny filazan-tsara, zegny herin-dragnahary indesigny amonjy iro jiaby mino, ho an'ny Jiosy aloha avio ho an'ny Grika.
17
Fa zegny agnambaragna famarignan-dragnahary, mbaka amin'ny finoana ho an'ny finoana, araka ny voasoratra hoe : "Ny marigny dia ho velogno amin'ny finoana."
18
Fa heloko dragnahary namboakany mbaka tan-dagitry manohitra haratsiam-pagnahy, draiky tsy fahamarignan'olo, izay manakana ny fahamarignana amin'ny tsy fahamarignana.
19
Zay raha hay momba dragnahary hitan-dro maso. Fa nazavain-Dragnahary tamin-dro.
20
o endriny tsy hita maso, zegny heriny tsisy fetrany, maha Dragnahary Izy, Hita nazava tsara, nanomboko namorogno izao tontonlo izao, tamin'ny raha jiaby niforogniny. Nohon'ny zegny dia tsy managna fialan-tsigny iro.
21
Fotony na fa nahay momba Dragnahary iro, fa tsy nagnamia voninahitry maha Dragnahary Izy, na koa nankasitraka Izy. Loso adala tao saigny dro, avio nahay nahiziky fo dro.
22
Iro mivolagna iro misy jery, nefa nahay adala.
23
Voninahitry Dragnahary tsy mety motraka natakalo dro sarintsary nolobelogno mety motraka, vorona, biby managna vity efatra draiky raha mikisaka.
24
Zegny namian-Dragnahary iro, nohon'ny fahalotoany fo dro. mba ho voa baraka amin'ny aigny dro iro.
25
Iro nanakalo fahamarignan-Dragnahary amin'ny vandy, ary iro midaira manompo zava-boary fa tsy Dragnahary, deraina mandraikizay. Amen.
26
Nohon'ny zegny nalefa Dragnahary agny amin'ny filan-dratsy iro, fa viavy dro nanakalo fifandraisagna voajanahary tamin'iro tsy voajanahary.
27
Kara zegny iro lelahy nagambela fifandresan-dro voajanahry miaraka amin'ny viavy ka niheritreritry filàgna ara-nofo amin-dro samy iro. Zegny iro lelahy nagnano fehitsiky mahametraka miaraka amidro samy iro Ary navoa iro, ny sazy mifagnaraka aminy fahavetavetagna nataon-dro.
28
Fotony tsy nagneky hanagna Dragnary mifagnaraka amin'ny heritreritry dro, ka namiany saigny tsy mendriky iro, mba anaovan-dro raha tsy mety.
29
Iro feno tsy fahamarignana, faharatsiagna, fanafo, draiky lolompo jiaby. Iro feno famamogna, fanafo, fifanoheragna, fitaka, draiky fikasagna ratsy.
30
Iro mpitsiko, mpagnedrikendriky, ary mpankahala Dragnahary. Iro io mahery andra, miavogno, draiky mirehareha, iro mpamoro raha ratsy ary tsy magnaja ray aman-dreny.
31
Iro tsisy raha hay ary tsy azo hatokisagna, tsisy fitiavagna voajanahary, tsy mamindra fo.
32
Aidro lalàgnan-dragnahary, fa iro magnano rah kara zegny, mendriky fahafatesagna. Fa tsy zegny fo raha ataony fa mbola magneky iro magnano zegny koa.
Chapter 2
1
Dikan'izegny, tsisy fialantsigny azonao atao, ho andrô olo tia mitsara olo io satria amin'ny hitsaranao ny hafa fo no hitsaragna anao koa. Zegny magnambara fa nata anao magnano mitsara olo io, mba karaha zegny fo koa.
2
Kanefa haintsika tsara fa ny fitsaran-dRagnahary zegny, miankigny amin'ny ataontsika fo koa.
3
Mba etritrereta baka, anao magnano mitsara olo hafa io, anao mitovy irô fo koa. Kay ataonao akory hilaifa fitsaran-dRagnahary zegny ?
4
Sa, tsisy dikany aminao ny hariagnan'ny hatsaram-pagnahiny ndraiky fandiferagna ndraiky faharetagna ? Tsy hainao ma hatsaram-pagnahy zegny natao hitariky atsika amin'ny fibebahagna?
5
Fa izegny noho ny hamafin'ny fonarô ndraiky ny tsy fahaizanarô mibebaka mahatonga anarô hamory heloko amin'ny tegnanarô amin'ny andro fahatezeragna, amin'io fotoagna io tegna anehoagna ny fitsaragnan-dRagnahary.
6
Ny fanagnanarô ny faharetagna ndraiky ny fahaizagna magnano tsara isan'andro,
7
mety ahazahoanao ny dera, voninahitra, ndraiky ny tsy fahafatesagna amin'ny fiainagna mandrakizay.
8
Ho an'izay mitady ho an'ny tegnany ndraiky tsy magneky ny marigny fa magnaraka ny fahamarignana, ho avy aminany ny heloko ndraiky ny sazy.
9
Zagnahary hitondra fahoriagna ndraiky jaly amindrô olo jiaby nagnano ratsy tamin'ny Jiosy taloha ndraiky amindrô Grika koa.
10
Fa kanefa ho andrô olo magnano tsara amindrô Jiosy ndraiky Grika io, hahazo laza ndraiky fiadanagna.
11
Fa tsisy fiangaragna miaraka amin-dRagnahary.
12
Fa ho andrô olo izay nanota tsy nanagna lalàgna, ho very sady ts managna lalàgna. Abakô hoandrô olo jiaby nanota niaraka amin'ny tsy fagnajagna lalàgna ho tsaraigny araka ny lalàgna koa.
13
Tsy voatery irô olo mandray lalàgna no mahazo ny marigny ao agnatrehan-dRagnahary, fa ho an'izay mampihatra lalàgna, mahazo ny fahamarinagna.
14
Fa irô jentilisa tsy managna lalàgna, izikoa fa magnano raha momba ny lalàgna araka ny voajanahary, kay irô zaigny samy magnano lalàgna ho an'ny tegnany, nata tsy managna lalàgna aby irô
15
Kay baka amin'izegny, ahafahagna magnaboaka irô ny asa angatahin'ny lalàgna voasaoratra am-pondrô. Ny fieritreretandrô fo koa ho vavolombelognon-drô, avy iô, ny dinikindrô manaokagna nata magnameloko, na miaro irô amin'ny tegnandrô.
16
Ndraiky amin'ny Zagnahary izaigny hiboaka amin'ny andro hitsaran-dRagnahary irô tsy ambaratelon'olo jiaby, araka ny filazantsara amin'ny alalan'ny Jesosy Kristy.
17
Izy koa Jiosy hikaianao ny tegnanao sady miankigny amin'ny lalàgna ndraiky mirehareha amin-dRagnahary,
18
aviô, mahay sitrapony ndraiky mamantatra raha tegna tsara fotony nampianarigny tamin'ny lalàgna anao;
19
aviô, izikoa resy lahatra anao fa ny tegnanao mpitariky jamba, fahazavagna ho andrô mbala agnatin'ny aizigny.
20
Mpagnitsy ny adala mampianatra ny tsaiky hely, abakô, anagnanao ny endriky ny fahalalagna ndraiky ny marigny. Kay karakory ny fiandraikan'izegny amin'ny fiainagna iaignanao ?
21
Ho anarô mampianatra irô sasany, tsy mampianatra ny tegnanarô ma anarô iô ? Ho anao manohitra ny lahatra, mangalatra anao dikan'izegny ?
22
Ho andrô mivolagna fa tsy tokony hijangajanga, mijangajanga anao dikan'izegny ? Karaha zegny koa anao mandrobaka ny tragnon-dRagnahary, mankahala ny sampy anao dikan'izegny ?
23
Anao magnano faly mipoerapoera amin'ny lalàgna iô, mangala baraka an-dRagnahary anao dikan'izegny ?
24
Fa ny agnaran-dRagnahary efa afa-baraka tamindrô jentilisa aby iô araka izay voasoratra.
25
Anarô mahazo tombony amin'ny famoraognana raha ohatra ka magnaraka lalàgna, karaha zegny koa anao directy mivadiky tsy voavositry nata efa voavositry aby anarô.
26
Araka izegny ho andrô olo tsy voavositry mitandrigny izay takin'ny lalàgna, tsy atao agnisan'ny voavositry ma izy nata tsy voavositry ?
27
Aviô, tsy ho sazigny ny olo araiky tsy voavositry ara-boajanahary mba anao raha ohatra ka mitandrigny lalàgna izy ? Izegny tsy managna lalàgna voasoratra ndraiky ny famosiragna nefa mbola mandika lalàgna !
28
Fa izy tsy jiosy amin'ny endriky ivelany fo na famosiragna izay miboaka amin'ny endriky ivelan'ny vatagna.
29
Fa izy jiosy ao agnatiny, aviô famoragna izay an'ny nofotro, ao amin'ny fagnahy, fa tsy amin'ny soratra. Ny fideran'olo karaha zegny, tsy avy amin'olo fa avy amin-dRagnahary.
Chapter 3
1
Kay ino zeny tombon-tsoa anagnan`ny Jiosy? ndraiky ino koa tombon-tsoan`ny famoragna?
2
amin`ny fomba jiaby tsara zegny. voaloany, nankinigny tamin-dro jiosy aby fagnambaragna baka amin-Dragnahary.
3
Raha nagnino fo ma tsy nanagna finoana iro Jiosy sasany? kay tsy finoagnan-dro zegny natonga tokin-Dragnahary tsy tanteraka?
4
donc tsy ho hisy zegny. kanefa ndraiky, ambila ho hita fa marigny Ndragnahary, na mavandy olo tsaraiky raiky. Araka voasoratra kara ty: "Aboaka amin`ny tegnanaro fa olo marigny anaro, aboaka ndraiky izy ka aro avy amin`ny fitsaragna."
5
Fa rahoatra tsy fahamarignantsika magnaboaka fahamarignan-dRagnahary, ino zaka mety hivolagnitsika? Afaka mivolagna atsika fa tsy marigny Ndragnahary amin`ny fagnaboany heloko Nany amintsika,sa tsy zegny? (Mampiasa fandaminam-bolagnan`olombelogno za.)
6
Donc tsy hisy zegny! fotony amin`ny toetry karakory hitsaran-dRagnahary zao tontolo zao?
7
Fa izy ka mitovy fahamarinan-dRagnahary magnamia fideragna maro andeha Aminazy baka amin`ny vandinaka, karakory fo basy za mbala tsaraigna mpanota?
8
Fa nagnino tsy mivolagna, araka tatitry diso ambara fa volagnitsika, bakako hamafisin`ny sasany ka fa nivolagnitsika kara ty: "Ambila zahay agnano raha tsy manjary, mba ho avy ny meva"? Rariny fitsaragna atao amidro.
9
Kay ino fo basy? Magnamia rariny tegnatsika basy atsika? Tsy zegny fekny. Fa atsika efa nagnasazy Jiosy ndraiky Grika,iro jiaby, ho mpanota.
10
Araka ny voasoratra hoe: "tsisy olo marigny, nata araiky.
11
Tsisy na araiky mahay,tsisy ka nata araiky mahay mitady Ndragnahary.
12
Roso niataka iro jiaby. Ndraiky tsisy zaka nilagna iro jiaby ka. tsisy magnano raha manjary, taisy ata voany araiky ka.
13
Tendan-dro fasagna misokatra. Lelan-dro mamitaka.
14
Poison`ny bibilava ambanin`ny saokon-dro. Vavan-dro feno ozogno ndraiky fanafo.
15
Vitin-dro malaky mandatsa-dra.
16
Ny fanimbana ndraiky fijaliagna agny amin`ny lalagnan-dro.
17
kay olo regny tsy mahay lalagnan`ny fiadagnana.
18
Tsy mba misy fatahoragna devant Ndragnahary."
19
L`heur zio haitsika fa na ino na ino ambaran`ny lalagna, miantefa aminaro zegny ambany lalagna. Zegny mba hattonga vavan`ny tsaraiky araiky hangigny, mba ahita valiny baka amin-dRagnahary zao tontolo zao.
20
Zegny fotony tsy hisy eky nofotro hamarigniny baka amin`ny lalagna devant masony. Fa baka amin`ny lalagna haviany fahaizagna fahotana.
21
kay l`heur zio koa nampafantarigny fahamarign-dRagnahary tsy amin`ny lalagna. Nabaribaryn`ny lalagna ndraiky iro mpaminany,
22
fa zegny, fahamarignana zegnybaka amin`ny finoagna Jesosy Kristy andeha amin`olo jiaby zegny mino. Fotony tsisy fagnavahagna.
23
Fa nanota olo jiaby tsy managna voninahitry Ndragnahary,
24
maimaimpoagna fahasoavagna baka amin`ny fagnavotagna tamin`i Kristy Jesosy.
25
Fa zagnahary nagnamia Kristy Jesosy ho fagnatitra finoagna ny ranazy. Namiany mba ho porofon`ny fahamarignany Kristy, dikany tsy jireny ota tagny taloha
26
salakady faharaitany. Niboaka raha jiaby zegny hagnaboagna fahamarignany ami`zio fotoagna l`heur zio. Zegny mba hafahagna magnaporofo fa marigny vatany, Ndraiky mba hagnaboagna amin`olo jiaby fa Izy magnamarigny finoana Jesosy.
27
Aia koa rehareha? Fa nifafa zegny. kay ino dikany zegny? Aha, fa baka amin`ny finoana.
28
Manapa-kevitry atsika fa olo araiky fo zegny hamarigniny amin`ny finoagna tsisy asan`iregny.
29
Sa Zagnahariny Jiosy regny fo Zagnahary? Sa tsy Zagnaharin-dro Jentilisa regny ka Izy.
30
Izy ka araiky fo Zagnahary, dikany zegny hamarigniny amin`ny finoagna iro vita fora regny, fa iro tsy vita fora ndraiky amin`ny alalan`ny finoana.
31
I foagnatsika amin`ny finoagna ma lalagna zegy? Donc tsy hisy fekiny dikan'izegny? Fa kanefa ndraiky magneky lalagna atsika.
Chapter 4
1
Ino raha tokony koragnin-tsika, nefa raha fahitan'i Abrahama razan-tsika taloha tamin'ny nofo ?
2
Izy koa asa edy raha nagnariagna abrahama, misy tokony hampirehareha izy, fa tsy amin-dRagnahary.
3
Ino mba raha nambaran'ny soratra masigny ? "Abrahama zegny nino Zagnahary".
4
" Avio irô zegny miasa, tsy atao agnatin'ny fahasoavagna karamany, fa atao kara trôsa .
5
Iro zegny tsy miasa, nefa mino izay ratsy fagnahy, atao agnatiny fahamarignana finoagnany.
6
Davida fo koa zegny magnognono tso-drano amin'olo zegny ataon-dRagnahary marigny nefa tsy miasa.
7
Raha nivolagniny : "sambatra irô zegny voavaila heloko, ndraiky irô rakotron'ny fahatagnany.
8
Sambatra koa zaigny hisain'ny Tompo heloko."
9
Kay fahasambaragna jiaby zegny ma atao amindrô voavositry koa ? Atsika mivolagna fa : "Natao fahamarignana Abrahama ny finoagna."
10
Kay karakory nagnany zegny ? Tamin'izy fa voavositry, sa tamin'izy tsy voavositry ? Tsy tamin'izy efa voavositry fa tamin'izy mbola tsy voavositry.
11
Nahazo famataragna famosiragna Abrahama. Zegny famantaragna zegny, marikin'ny finoagna marigny fa misy fahaila tamin'i Abrahama retsy izy mbola tsy voavositry. Nanjara baban'olo jiaby izy, na irô mbola tsy voavositry izy, fa natao hoandrô ny famarignana.
12
Zegny koa midika fa mbola tsy voavositry izy, avio hoandrô, taloha zaigny tsenjiky voavositry nefa magnaraka dian'ny finoagna Abrahama razan-tsika.
13
Tsy avy baka amin'ny lalàgna fa avy baka amin'ny finoagna marigny ny fampagnatenagnan'i Abrahama ndraiky irô takanany handova ny tany.
14
Ho foagna zegny finoagna ndraiky fampagnatenagna, izy koa irô miaigny amin'ny lalàgna handova tany ty.
15
Fotony lalàgna io. mitondra heloko, fa amin-drô tsisy lalàgna agny, tsisy fandikagna lalàgna zegny.
16
Kay baka amin'ny lalàgna zegny tegna hiboan'ny finoagna, amin'ny zegny mimpetraka ambaniny fahasoavagna fampagnatenagna sady azo antoko irô tarak'i Abrahama zaigny mandrasa finoagna ndraiky iro jiaby zegny fihezin'ny lalàgna. Babatsika izy,
17
araka voasoratra : "Nataoko rain'ny firenena maro anao", talohan'i Zagnahary araiky mamelogno ny maty ndraiky raha tsisy mba hisy.
18
Natoky zagnahary tantairaka fa zegny i Abrahama, na maro ra mitranga tamin'ny fiainagnany draiky hoaviny. Kay rosô baban'ny firenena maro izy, araka koragna fa nambara fa : "Ho kara zegny taranakanao."
19
Tsy kivy tamin'ny finoagnany izy, nefa hainy tsara, fa tsy afaka hanan-janaka izy (fotony fa tagny amin'ny zato taogno tagny izy). Hainy tsara fa tsy mety miteraka i Saraha.
20
Kay nony fampagnatenagna nataon-dRagnahary, kay izy tsy misalasala izy tamin'ny tsy finoagna i Abrahama. Fa nahay nahery tamin'ny finoagna fo izy sady nidera Zagnahary mare.
21
Izy tegna resy lahatra fa tanteraka aby zaigny raha nampagnatenai-ndRagnahary zegny, tsy maintsy tantairaka.
22
Koa fa zegny ra nisy, natao famarignana izegny.
23
Kanefa tsy izy tsy nisoratagna tombotsoanany zaraiky fo zegny fa natao ninazy zegny.
24
Nisoratagna ho antsika koa zegny, zaigny mino Izy, nanangana Jesosy Tompontsika tamin'ny maty.
25
Izy araiky natolotro baka tamin'ny fahotagnatsika avio natsangana mba mba hamarigny atsika.
Chapter 5
1
Satria namarignigny tamin'ny finoagnantsika atsika, noho zaigny, managna fiadanagna miaraka amin-dRagnahary amin'ny alalan'ny Tompontsika Jesosy Kristy atsika.
2
Navy baka aminany koa no anagnantsika lalagna amin'ny finoagna midriky amin'izegny fahasoavagna zegny, izay itsanganantsika. Miravoravo amin'ny fahatokiagna amian-dRagnahary zahay amin'ny ho avy zahay, fahatokiagna izay horasaintsika ao amin'ny voninahitrin-dRagnahary.
3
Tsy aminjegny fo fa atsika koa miravo ao amin'ny fahoriagnantsika. Haintsika tsara fa fahoriagna zegny miteraka faharetagna.
4
Faharetagna koa miteraka fagnikiagna. Abôko, ny fagnikiagna miteraka fahatokiagna amin'ny ho avy.
5
Ary zegny toky zegny tsy magnadiso fagnantenagna, fotony fitiavan-dRagnahary zegny efa narotsaka tagnatin'ny fontsika tamin'ny alalan'ny Fanahy Masigny namiagna atsika.
6
Tamintsika mbala nalemy, maty amin'ny lerany ho an'olo ratsy fagnahy Kristy.
7
Sarotro amin'olo araiky baka ny hofoaty ho amin'olo marigny. Fa ndeky, mety ho hisy donko olo hahasaky hofoaty ho an'olo tsara.
6
8
Fa Zagnahary efa nagnaboaka fitiavagnanany manokagna tamintsika, fotony, tamintsika mbala mpanota, maty hagnavotra atsika Kristy.
9
Mbala mihoatran'izaigny aby, aminiziô io. Izy kofa namarigniny tamin'ny lionany atsika, abokô, voavonjin'izegny amin'ny fahamelohan-dRagnahary.
10
Tamintsika mbala fahavalo, nihavagna tamin-dRagnahary baka avy amin'ny fahafatesan'ny Zanakanany atsika, ary mbala mihoatry ny zaigny aby, fotony, izy kofa navy nampihavaniny, ho voavonjy baka avy amin'ny aigninany atsika.
11
Abokô, tsy izaigny fo fa miravo ao amin-dRagnahary koa atsika baka avy amin'ny Tompontsika Jesosy Kristy izay nazahoantsika fihavanagna zegny amin'iziô ty.
12
Noho izegny, mitovy tamin'ny nidiran'ny ota tamin'olo araiky tamin'izao tontolo izao, karaha zegny koa nidiran'ny fahafatesagna tamin'ny alalan'ny ota. Abokô, niparitaka tamin'olo jiaby ny fahafatesagna, fotony, samby nanota aby olo jiaby.
13
Nandrapisian'ny lalàgna, lasa navy teto amin'izao tontolo izao teto ny ota, fa tsisy fagnisana fahotagna izy kofa tsisy lalàgna.
14
Kanefa na zegny na tsy zegny, fahafatesagna zegny nanjaka nanomboko tamin'ny Adama ziska tamin'i Mosesy, na tamindrô tsy nanota nitovy tamin'ny fanotagnan'i Adama aby zegny, izay alokon'ilay ho avy.
15
Na zegny ndreky, fagnomezagna zegny tsy mitovy amin'ny fahadisoagna. Fa izy kô baka avy amin'ny fahadisoan'olo araiky fo hamono olo maro, mihoatra lavitrin'izegny ny nataon'ny fahasoavan-dRagnahary ndraiky fagnomezagna baka avy amin'ny fahasoavan'olo araiky, Jesosy Kristy, namiagna be ho an'olo maro.
16
Abokô, fagnomezagna zegny tsy mitovy amin'ny vokatra baka avy amin'ny araiky nanota igny. Fa amin'ny lafiny araiky, navy fitsaragna zaigny ho fagnasaziagna navy tamin'ny fahadisoagnan'olo araiky. Fa amin'ny lafin'ny araiky hafa ndreky, fagnomezagna mifaragna amin'ny fagnamarinagna zegny navy tafaran'ny fahadisoagna maro.
17
Izy kô baka avy amin'ny fahadisoan'olo araiky edy no hanjakan'ny fahafatesagna amin'ny olo araiky, mihoatra lavitr'izegny ny hanjakan'irô mandray fahasoavagna maro ndraiky fagnomezagnan'ny fahamarinagna baka avy amin'ny fiainan'ilay olo araiky, Jesosy Kristy zegny.
18
Dikan'izegny, satria baka avy tamin'ny fahadisoagnan'olo araiky fo no niteraka fagnamelohagna tamin'olo, dikan'izegny, baka avy amin'ny fahamarinan'olo araiky koa zegny ny fagnamarinagna ho an'ny olo jiaby.
19
Satria baka avy amin'ny tsy fagnarahan'olo araiky lalàgna no nahavian'olo maro ho mpanota, dikan'izegny, baka avy amin'ny fagnarahan'olo araiky lalàgna koa zegny no hagnamarigny ny maro.
20
Fa navy ny lalàgna, hampitombo fahadisoagna. Kanefa, izy kofa nitombo ny fahotagna, vao maika nitombo koa ny fahasoavagna.
21
Nitranga raha zegny baiky karaha nanjakan'ny fahotagna tamin'ny fahafatesagna koa ny hanjakan'ny fahasoavagna baka avy amin'ny fahamarinagna ho amin'ny fiainagna mandrakizay baka avy amin'ny Jesosy Kristy Tompontsika.
Chapter 6
1
Ino basy hivolagnitsika? Tokony hanohy amin'ny fahotogna fo mba atsika hanogan'ny fahatsaragna?
2
Tsisy feky zegny. Atsika zegny maty amin'ny adalagna, amin'ny fomba akory koa bola hiaignatsika amin'ny zegny?
3
Tsy hainarô mba irô jiaby natao batisa tao amin'i Kristy Jesosy natao batisa tao amin'ny fahafatesany?
4
Izy koa voalevigny, niaraka taminany baka tamin'ny alalan'ny batisa andeha amin'ny fahafatesagna atsika. Nitranga raha zegny mba hitovizagna amin'ny nanaganagna iKristy tamin'ny maty tamin'ny voninahitry Baba, andihianantsika amin'ny fiainagna vaovao koa.
5
Izy koa mitambatra Aminany mitovy amin'ny fahafatesany atsika, hitambatra amin'ny fitsanganany koa.
6
Hay tsika zegny, vatagnatsika taloha nifantsiagna niaraka taminany, mba androtoegna ota. Nitranga zegny mba tsy hiboten'ny ota feky atsika.
7
Izy maty io kony nambara fa marigny sady afaka amin'ny fahotogna.
8
Izy koa maty niaraka tamin'i Kristy atsika, matoky fa hiaraka velogno Aminany koa.
9
Atsika mahay fa nitsangana tamin'ny maty i Kristy, bakô tsy maty feky Izy. Tsy manjaka Aminany feky fahafatesagna.
10
Izy koa momba fahafatesagna, maty baka amin'ny fahotagna Izy, maty indraiky mandeha ho an'olo jiaby Izy. Kanefa, fiainagna hiaignany iaignany an-dRgnahary.
11
Izy koa zegny, tsy maintsy miheritreritry tegnanarô efa maty amin'ny fahotagna koa anarô, fa velogno an-dRagnahary ao amin'i Kristy Jesosy.
12
Izy koa zegny aza ambela hanjaka ao amin'ny vatagnanarô mety maty ny ota mba hagnarahanarô filany.
13
Aza amezagna fahotagna ratsam-batagnanarô, ho fitaovagna ampiasaigny amin'ny tsy fahamarignana. Fa ameza an-dRagnahary vatagnanarô, kara nitsanganany tamin'ny maty velogno amizio ty. Ameza an-dRagnahary ratsam-batagnanarô mba fitaovagna ampiasaigna amin'ny fahamarignana.
14
Aza ambela hanjaka aminarô adalagna. Fôtony tsy ambany lalàgna anarô, fa ambany fahatsaragna.
15
Ino basy? Tokony hagnano hadalagna zegny atsika fotony tsy ambanin'ny làlagna, fa ambanin'ny fahatsaragna? Tsisy feky izegny.
16
Tsy hainarô fa i araiky agnamezanarô vatagnanarô ho mpanompo araiky hankatoavinarô? Marigny zegny na mpanompo fahotagna mitariky anarô agny amin'ny fahafatesagna, na mpanompo fakantoavagna mitariky agny amin'ny fahamarignana.
17
Fa ankasitrahigny Zagnahary! fotony efa mpanompo fahotagna anarô, kanefa tafidriky am-pônarô fomba fampianaragna namezagna anarô.
18
Nadoso tamin'ota anarô, bakô natao mpanompo fahamarignana.
21
Noho zegny, koa fa nataoko asa ary nagnamafy fa voaray dro vokatra izay navory, andeha a Espaina za hitsidika anaro no diako.
29
Aiko fa za koa mandeha aminaro ka hiditry agnatiny fitahian'i kristy.
22
Amizio ty izy koa nadoso tamin'ny adalagna anarô bakô navy mpanompon-dRagnahary, mahazo ny fahamasignana. Fiaignana mandrakizay raha azo.
23
Raha azo amin'ny adalagna fahafatesagna, fa fagnamezagna azo avy amin'ny Zagnahary fiainagna mandrakizay ao amin'i Kristy Jesosy Tompontsika.
Chapter 7
1
Tsy hainarô ma,Ralahy (fôtony mikoragna amin`olo mahay lalàgna za), fa lalàgna io micomandy olo araiky zegny ty ho velogno?
2
Ny magnangy zegny mbala manambady voafeny lalàgnan`ny vadiny izy ka izy mbala velogno, fa koa fa maty vadiny kay, dikany zegny.
3
Ka mbala velogno, mandèha mandry amin`ny lelahy hafa izy,mandrànto izy zegny,fa izy ka maty vadiny kay, tsy voafehy lalàgna izy, kay tsy mandrànto izy zegny na mandry amin`ny lelahy hafa.
4
Dikany zegny, ralako ô,natao maty tamin`ny lalàgna ka arô tamin`ny alalan`i Kristy. Natao zegny mba hitambaranarô amin`ny hafa, mídikà zegny,ami-Nazy maty nimpody velogno, havitantsika mamoa voa amin-Dragnahary.
5
Taminntsika tagnatin`ny nôfotro,irô fitiavagna fahotagna,zegny nataitaitry lalàgna,niasa tamin`ny sampagnatsika hamoa voany amin`ny fafatèsagna.
6
Izio ty nadoso tamin`ny lalàgna atsika. maty tami`zegy namèhy atsika atsika. Zegny hafatsika manômpo amin`ny fagnahy vaovao,fa tsy amin`ny sôratra fakày.
7
Kay ino zaka ambaratsika? tsisy ané dikany zegny ai. Kanèfa, tsy nahay fahotagna zegny fekny za,izy ka tsy tamin`ny lalàgna zegny. Tsy honohono nahay nagniry fekny za izy ka tsy baka tamin`ny lalàgna nivolagna hoe. "Aza magniry loatra.
8
"Fa nangala vahagna tamin`ny didy ny fahotagna naviany fagniriagna rôso loatra aminaka ato. Fa izy ka tsisy lalàgna igny,maty ota.
9
Fa èla za velogno tsisy lalàgna, fa ka fa navy didy,velogno ndraiky ota,kay maty ka za.
10
Didy tôkony hitòndra fiainagna nivadiky fafatèsagna taminaka.
11
Fa fahotagna niraikitry baka tamin`ny didy namitaka za. Baka tamin`ny zegny namonoagna za.
12
Dikan`izegny masigny lalàgna, Masigny ka didy, marigny, salakady tsara.
13
Kay hivadiky fafatesagna aminaka raha tsara? Tsy hisy fekny zegny. Fa ota, mba hiboany andèha amin`ny fahotagna amin`ny alalan`ny raha manjary, nitòndra fafatesagna tagnàtiko. Zegny mba andeha baka amin`ny didy, Fahotagna io mety mbala hihôva fahotagna araiky fo.
14
Kanèfa haitsika ara-pagnàhy lalàgna, fa za baka amin`ny nôfotro. Èfa nalafo andèha amin`ny fagnadevozagnan`ny ota za.
15
fa raha ataòko, tsy dia haiko loatra, fôtony zegny tiako fo ataò, kay tsy ataòko, fa zaka tsy tiako ndraiky, atao.
16
Fa izy ka za magnano raha tsy tiako, minkôn-doa amin`ny lalàgna fa tsara lalàgna zegny.
17
Fa l'heur ziô tsy za eky magnano zegny, fa fahotagna velogno agnatiko ato.
18
Fa haiko fa agnatiko zegny ndraiky amin`ny nôfotro naka, fa fagniriagna raha manjàry aminaka ato, kanèfa tsy afaka magnano zegny za.
19
Fa raha mananjary tiako tsy vitako, fa ny tsy manjàry ndraiky, nataoko.
20
Fa za ka magnano raha tsy tiako atao, dikany zegny tsy za eky miasa zegny, fa fahotagna mihaigny agnatiko ato.
21
Izo ndraiky fa hitako, fitsipiky agnatiko ato tia agnano kabàro manjàry, kanèfa kabàro tsy manjàry fo agnatiko ziô.
22
Fa za ravoravo amin`ny lalàgnan-Dragnahary amin`ny fagnahy maha olo.
23
Kanèfa mahita fitsiky hafa ka za mahakasiky tègnako. Zegny raha mampiady fitsiky vaovao agnatin`ny saigniko zegny. Mitàna za ho laifakan`ny fahotagna mahakasiky vatagna naka zegny.
24
Olo mampalahelo za! kay azôvy agnadoso za amin`ny tègnan`ny fafatesagna ty?
25
Fa ankasitrahagnan-Dragnahary tamin`ny alalan`n`i Jesosy Kristy Tompontsika ah! dikany zegny, za vatagna naka manompo lalàgnan-Dragnahary amin`ny jeriko. Kanèfa ndraiky, za manompo fitsipikin`ny fahotagna amin`ny nôfotro.
Chapter 8
1
Dikany zegny tsisy fanameloagna eky zio ty hoan-drô zegny ao amin`i Kristy Jesosy.
2
Fa fitsipikin`ny fanahin`ny fiainagna ao amin`ny Kristy Jesosy nagnafaka za tamin`ny lalàgnan`ny fahotagna ndraiky fafatesagna.
3
Fa zegny tsy afaka nataon`ny lalàgna nohon`ny fahalemegnan`izegny tamin`ny nôfotro, nandefa Zanany lahy Izy tamin`ny tarehy nôfotro feno fahotagna mba ho hay ho an`ny ota, ndraiky nagnameloko ota tagnatin`ny nôfotro izy.
4
Atao zegny mba ho tanteraka amitsika raha takin`ny lalàgna, atsika zegny mandeha tsy araka ny nôfotro, fa araka ny fagnahy.
5
Irô zegny miaigny araka ny nôfotro, fa irô zegny velogno araka ny fagnahy mifantoko amin`ny raha ny fagnahy.
6
Fôtony fisaignana miôrigny amin`ny nôfotro fafatesagna, fa fisaignana miôrigny amin`ny fagnahy ndraiky fiadagnana avio fiaignana.
7
Ny fiaignana miôrigny amin`ny nôfotro miteraka rafy ankilan-dRagnahary, fa tsy mifagnaraka amin`ny lalàgnan-dRagnahary zegny, salakady tsy hainy fekny magnano zegny.
8
Kay irô zegny mbala agnatiny nôfotro tsy ho afaka ho ankasitrahan-dRagnahary.
9
Kanefa, anarô tsy agnatiny nôfotro fa agnatiny fagnahy, ka marigny fa miaigny aminarô fagnahin-dRagnahary. Fa izy koa misy olo tsy managna fagnahin`i Kristy, tsy ninazy izy zegny.
10
fa izy ka ao agnatinarô i Kristy, maty nohon`ny fahotagna ny vatany, fa fagnahy velogno baka amin`ny fahamarignana.
11
Izy ka fagnahiny zegny nagnatsangana Jesosy tamin`ny maty velogno aminarô, Izy nagnatsangana i Kristy tamin`ny maty baka hagnamia tegnany fiaignana koa andeha amin`ny tegnanarô mety maty amin`ny alalan`ny Fagnahy, zegny velogmno ao aminarô.
12
Dikany zegny, ralahy, mpitraosa atsika fa tsy ao amin`ny nôfotro mba hiaignana araka ny nôfotro.
13
Fa ka miaigny araky ny nôfotro anarô, ho faty, fa izy ndraky koa amin`ny fagnahy amonoanarô asan`ny taignanarô, ho velogno anarô.
14
Fa kara irô raha voatsariky ny fagnahin-dRagnahary, irô zegny zanakan-dRagnahary.
15
Fa tsy nangala fagnahin`ny andevo arô kay havozo. fa ndraiky, nangala fagnahy fananganan-janaka arô, zegny dràdràdràgna hoe: "Aba, Baba ô!"
16
fagnahy marigny vavolombelogno amin`ny fagnahitsika fa zanakan-dRagnahary atsika.
17
kay izy koa zanaka atsika, mandova baka zegny, mpandova ndRagnahary. Avio lova araiky ao amin`i Kristy atsika, raha tegnany miaraka aminany marigny atsika amiam-boninahitry miaraka Aminany koa.
18
aoko fa irô fijaliagna magnerantany ty tsy tôkony ampitovigny amin`ny voninahitra zegny aboaka amitsika.
19
Fa raha jiaby nahary magnantegna maré miambigny ny fagnaboagna zanakan-dRagnahary amin-drô.
20
Raha jiaby eto ambon`ny tany natao tsisy dikany, tsy baka amin`ny sitrapônany manaokagna, fa baka amin`izy nagnano zegny. Izegny baka amin`ny toky namiany koa
21
fa raha jiaby eto ambon`ny tany ho vótsaoragna amin`ny fagnandevozan`ny hozogno, bakô hitaondra agny amin`ny fahafagna amin`ny voninahitry zanakan-dRagnahary.
22
Haintsika fa raha jiaby eto ambony tagny miaraka malahelo bakakô miaraka miasa agnatiny horohoro zisaka izio ty aza.
23
Tsy zegny fo, na vatagnatsika aza, managna vokatra voalohany fagnahy, na tegnatsika ka aza mihaimbe agnatitsika ao, izegny fagnavotagna atsika. Fa tamin`izegny fatokisagna zegny namonjegna atsika.
24
Fa zegny atokisantsika efa hiboaka na mbala tsy hita, azovy ka hiambigny hampatokiagna zaka efa hitany?
25
Fa izy ka matoky amin`ny raha mbala tsy hitatsika atsika, miambigny zegny ampaharaitagna atsika.
26
Kara zegny koa ataon`ny fagnahy magnampy ao amin`ny fahalemegnatsika. Fa atsika tsy mahay vavaka tôkony ataotsika, fa fagnahy tegnany mibabako ho antsika amin`ny alahelo tsy hay volagniny.
27
zegny mandiniky ny fô, mahay diniky fagnahy, fôtony Izy mibabako ho atsika mpino araka ny sitrapôn-dRagnahary.
28
haintsika miara-miasa hagnatsara zegny raha tian-dRagnahary, voakaiky araka ny fikasany koa, [Fanamariagna: Tôkony "miaraka ampiasaigny ho amin`ny tsara raha jiaby," dikany volagna taloha magnano hoe: "raha jiaby miaraka miasa ho amin`ny tsara."] Ho an-drô voakaiky ho amin`ny fandaharany.
29
Fôtony irô fa hainy taloha, nitindreny mba hitovy bika amin`ny zanany, mba ho talagnolo agnivon-drô ralahy maro izy.
30
Irô nitindregny taloha, nikahigny ndraiky. Irô zegny nikahigny, namarigniny ndraiky koa. Irô zegny namarigny, namiany voninahitra koa.
31
Ino basy raha tôkony volagnitsika mahakasiky irô raha rô? Izy ka manaogna atsika ndRagnahary, azovy mahasaky atsika?
32
Izy tsy niaro zanany tôkana fa namiany atsika jiaby,kay nagnino tsy hagnamezany atsika bôjo miaraka amin`ny zaka jiaby zegny koa?
33
Azôvy irô hagnampanga hicontre irô olo nifidin-dRagnahary? Zagnahary araiky magnamarigny zegny.
34
Azôvy araiky hagnasazy? Kristy araiky maty ho antsika,kay mandilatra zegny, natsangana koa Izy, manapaka miaraka amin-dRagnahary amin`ny toèram-boninahitry Izy, ndraiky Izy mibaboko ho atsika.
35
ôvy hagnasaraka atsika amin`ny fitiavan`i Kristy? Fahoriagna sa fijaliagna, sa fanenjehagna, sa mosary, sa fitanjahagna, sa loza, sa raha marangitry?
36
Araka ny voasaoratra hoe: "Baka aminao maty lalandava zahay. Nalaigna kara ôndrikôndriky zahay."
37
Ao agnatiny rah jiaby zegny zahay mandilatra noho ny mpandresy zahay amin`ny alalan`Izy araiky tia zahay.
38
Fa resy lahatra za fa na fafatesagna, na fiaignana, na irô anjely, na irô fanjakagna, na irô raha jiaby ziô ty, na irô zaka ho avy, na irô angôvo,
39
na ny agnabo, na aligny, na zavaboary hafa, tsy mahasaraka atsika amin`ny fitiavan-dRagnahary, izegny ao amin`ny Kristy Jesosy Tompontsika.
Chapter 9
1
Magnabara marigny ao amin'ny Kristy zaho. Tsy mavandy zaho, bakô eritreritry naka vavolombelogno miaraka aminaka ao amin'ny fagnahy Masigny,
2
fa haminaka misy alahelo maventy bakô fijaliagna tsy mijanogno ato am-pôko.
3
Afaka nagniry zaho fa zaho vatako ho voaozogno ka hiala amin'i Kristy baka am-drô ralahiko, draiky irô zegny razagna araiky aminaka ara-batagna.
4
Irô io Isiraelita. Irô io managna fananganana, voninahitry, fankatoavagna irô, fagnamezagna lalàgna, fideragna an-dRagnahary, bakô irô fampagnatenagna.
5
Ninany io kony irô razagna nahavy an'i Kristy ho avy vatagna, Izy Zagnahary ambonin'ny jiaby. Deraigna mandrakizay Izy. Amena.
6
Tsy foagna ir I zeny nampagnategnan-dRagnahary. Tsy baka agny Isiraely tegna Isiraely.
7
Na irô taranak'i Abrahama jiaby tegna zanany. "Baka amin'Isaka hikahiagna irô taranakanao."
9
19
Baka io hagnambaragna aminaka anarô: "Nagnino mbala mahita tsigny fo Izy? Azovy mba azovy mavoatohitry raha tiany fôny?"
20
Mifanohitry amin'ny zegnylelahy ty oe, azovy mba anao mamaly manohitra Zagnahary? Izio mba efa nivolavolaigny hagnambara amin'ny mpamolavola: "Nagnino mba nataonao Kara ty zaho?"
21
Izio mba mpagnaboatra vilagny tsy managna zo hagnamboatra fipitragna bolongany araiky amin'ny tanimanga amin'ny andra voatokana, bakô fipitragna araiky hafa isan'andra?
10
Tsy zegny fo, avy io koa Rebeka hiteraka amin'ny lelahy araiky, Isaka babatsika_
11
mbala tsy teraka aby irô tsaiky bakô mbala tsy nagnano raha tsara na ratsy, mba Kara tanjogno Zanahary araka ny fisafidianany, tsy baka amin-drô asa io, fa baka aminany mikaiky io_
12
nambara-dro tamin'ny viavy io: "zokiny hanompo zandriny.
13
Izegny Kara raha voasoratra fa: "Jakoba tiako, fa Esao halako."
14
Ino basy hivolagnitsika? Misy adisoagna mba miaraka amin-dRagnahary?
15
Tsisy feky zegny. Nambarany tamin'i Mosesy: "Hamindra fô amin'izegny tiako hamindragna fô Zaho."
16
Dikany zegny, tsy baka aminany tia hagnano zegny, na baka aminany milomoay, fa baka amin-dRagnahary, nagnaboaka famindram-pô.
17
Soratra Masigny nagnambara tamin'i Farao: "Baka amin'izegny antony zegny nampanogako anao, mba hagnaboako aminao tanjako, bakô hagnambaragna agnarako eran-tany."
18
Dikany zegny, Zagnahary mamindra fô amin'izegny tiany, bakô zegny tiany hamafisiny fô.
19
Baka io hagnambaragna aminaka anarô: "Nagnino mbala mahita tsigny fo Izy? Azovy mba azovy mavoatohitry raha tiany fôny?"
20
Mifanohitry amin'ny zegny, lelahy ty oe, azovy mba anao mamaly manohitra Zagnahary? Izio mba efa nivolavolaigny hagnambara amin'ny mpamolavola: "Nagnino mba nataonao Kara ty zaho?"
21
Izio mba mpagnaboatra vilagny tsy managna zo hagnamboatra fipitragna bolongany araiky amin'ny tanimanga amin'ny andra voatokana, bakô fipitragna araiky hafa isan'andra?
22
Karakory Izy koa Zagnahary, ty agnaboaka helokonany draiky hampahay fahefagnany, Kay niaritry tam-paharetagna irô fipetraka heloko handrobaka raha?
23
Karakory izy koa nataony raha zegny mba hagnambarany voninahitrinany amin'irô fipetraka famindram-pô?
24
Karakory izy koa nataony amitsika draiky irô nikahigna koa zegny, tsy amin'ny samy Jiosy fo, fa amin'ny irô Jentilisa koa?
25
Kara raha nambarany tao amin'i Hosea koa: "Kahiko oloko zegny tsy oloko, bakô tiaviko zegny tsy tia.
26
Baka io agny amin'izegny nagnimbaragna tamin-drô: 'Tsy oloko anarô,' agny hikahiagna irô: 'zanaka Zagnahary velogno.'"
27
Isaia mare irô Isiraely: "Izykoa Kara jia agny amin'ny ranomasigny zanaka Isiraely, ho avotro zegny tavela ambiny,
28
fa Tompo hitonga volagnanany eto an-tany, feno bakô tsy ela."
29
Araka nambarany Isaia mialoha: "Izy koa Tompo tompin'ny maro nagnambela taranaka how antsika, ho Kara i Sodoma atsika, bakô lôso kara I Gomora
30
Ino basy hambaratsika? Irô Jentilisa, tsy nitady fahamarignana, nahazo fahamarignana tamin'ny finoagna.
31
Isiraely, nitady lalàgnan'ny fahamarignana, tsy navy tamin'izegny.
32
Nagnino kè? fôtony irô tsy nitady zegny tamin'ny finoagna, fa tamin'ny asa. Tafitohigny vato fanafintohinagna irô,
33
araka voasoratra: "Zahavan-drô, ao Ziona no ambilako vato fanafintohinagna draiky vatolampy fandikan-dalàgna. Zegny matoky tsy megnatra."
Chapter 10
1
Ô! ralahy, ny rin'ny fôko draiky angatahako amin'DRagnahary mbaha ho ninany irô, draiky fagnavaotagna irô.
2
Mijoro vavolombelogno drô zaho fa mafana fô amin-dRagnahary irô, nefa tsy araka ny fahaizagna.
3
Fa tsy mahay famarignan-dRagnahary irô, sady mitady hamaitraka famarignana manaokana irô. Tsy magneky famarignan-dRagnahary irô
4
a Zagnahary faharaitagna lalàgna mba amin'ny fahamarinagna amin'ny olo jiaby mino.
5
Fa Mosesy nanaoratra momban'ny famarinagna avy amin'ny lalàgna hoe: " Olo zaigny magnano fahamarignan'ny lalàgna hiaigny amin'ny famarinagna zegny."
6
Famarinagna avy amin'ny finoagna magnabara hoe: " Aza mivolagna kara ty am-pô hoe: ' Azovy anoga andangitry?' (izegny, mampidrotso i Kristy);
7
sady aza mivogna hoe: ' Azovy hijiky amin'ny laligny?''' (izegny, mampiakatra i Kristy amin'ny maty).
8
Ino ambara ny zegny? " Ankilanao eo volagna, am-bavanao sady am-ponao." Izegny volagnany finoagna, zaigny nambarany.
9
Fa koa amin'ny vavanao ny ekenao Jesosy Tompogna, sady amin'ny fô nao fa natsangan-dRagnahary tamin'ny maty Izy, hivonjeny anao.
10
Fa amin'ny fô inoagnan'olof famarinagna, draiky amin'ny vava agnekegny famonjegna.
11
Nagnambara soratrta hoe: " Tsy ho maignatra zaigny mino Izy."
12
Fa tsisy mampiavaka Jiosy draiky Grika. Fa Zagnahary araiky fo tompon-tsika, Abako Izy araigm-pasohavagna zaigny mikaiky Izy.
13
Fa olo jiaby mikaiky agnarany Zagnahary vonjegna.
14
Karakory ataon-drô hikaiky irô tsy ninoany? Akory ataon-drô aregny koa tsisy mpitory?
15
Akory ahafan-drô mitory, koa tsisy nagniraka? Araka voa soratra hoe: " Zahava atsaragna ny vitin-drô mpagnabara filazantsara!"
16
Kanefa tsy irô zaraiky naregny filazantsara. Isaia nagnabara hoe: " Zagnahary è, azovy nino afatra nay?"
17
Dikany zegny finoagna io baka amin'ny fitandrignaisagna, ary fitandrignaisagna avy amin'ny volagna Kristy.
18
Ambaroko fa: "Ia tegna marigny". Feho drô fa regny nagnairantany, ary nivolagny drô fo farany fiainagna ty."
19
Ankoatrany zegny, nambarako: " Tsy naregny mba Israely?" Tamin'ny volohany Mosesy ny volagna hoe: "Hatako saropiaro amin'ny tsy firenene anarô.Amin'ny firenena tsisy raha ahy.
20
Tio nasaky Isaia izy koa fa ny volagna hoe: " Hitan-drô tsy ny tady zaho za. Niboaka tamin-drô tsy nagnatogno zaho za."
21
Nagnambara izy tamin'Israely hoe: " Faritry nany namotsaorako tamin'ny olo tsy mijery draiky maditry."
Chapter 11
1
Kai nivolagna za fa, narian-Dragnahary foeky ma olo nany? sagnatria. Za koa ane Israelita, taranak'i Abrahama ary karazagna naka Benjamina.
2
Zagnahary tsy nagnary olo nany fa hainy taloha zegny. Tsy hainarô ma raha nivolagnin'ny soratra Masigny mikasiky Elia, nitaraigny tamin-Dragnahary nisazy Israely? hoe:
3
Tompo, irô io namono mpaminaninao, nagnapotiky làtabatra masigninao. Za fo tavela eto, sady tiamono za foeky ka irô."
4
Ino navalin-Dragnahary Izy: "Efa niaro olo mandeha fito arivo izay tsy nandohaliky tamin'ny Bala ho anakahy Za."
5
Kai karaha zegny koa zioty, misy ely fo koa araka ny fifidianagna amin'ny fahasoavagna.
6
Iziko draiky boaka amin'ny fahasoavagna zegny, tsy avy amin'ny asa foeky zegny. Sady tsy ho fahasoavagna eky fahasoavagna.([fagnitsiagna ely: ankamarozan'ny taratasy sasany taloha magneky fa: " Izikoa boaka amin'ny asa i zegny, fa tsy fahasoavagna eky; izikoa draiky zegny, tsy asa eky koa ny asa."])
7
Kai ino basy? Ny raha tadiavin'i Israely tsy azony, fa izay voafidy fo nahazo, sady nankamafisigny ambiny tio.
8
Zegny baka araiky voasoratra fa: "Zagnahary nagnamia irô fagnahin'ny adindiriagna, maso mba tsy ahitan-drô, sofigny koa mba tsy harignesn-drô, zisaka niany."
9
kai nivolagna i Davida nagnano hoe: "Alô latabatra mba ho harato draiky fandriky, ho vato hamitaka sady hamaly faty amin-drô.
10
Mason-drô hizigniny baika ts hahita, sady hiôdriky mandrakizay tahèzangnan-drô
11
i za mivolagna fa: "Asa mba ho ahay meloko fo irô koa lavo? Sagnatria. Kanefa, boaka amin'ny fahalavoan-drô fo nahatonga famonjegna tamindrô jentilisa, baika ampafana fô drô.
12
Kai izikoa fahavalondro harehan' olo jiaby eto an-tany, sady i fahaverezagnan-drô io koa naren-drô jentilisa, agnano karakory eky ankabeazan' ny fahavitan-drô.
13
Amin'ny zioty, za mikoragna amin-drô jentilasa, ary izikoa za mbala ampostolin-drô jentilisa, mankasitraka fanompoagna naka fo za.
14
Asa mety ampafana fô drô izay boaka amin'ny haigny naka manokagna. Ary mety hagnavotro sasany amin-drô io atsika.
15
Izikoa fangnilikiliagna irô midika fampiavanagna ambony ny tany ity, kai ino koa ma hangnanovandrô fa boaka amin'ny fahafatesagna fiainagna ity?
16
Izikoa voatokagna ny vokatra vohalohany, dikany zegny ny ampahany amin'ny onga. Izikoa draiky fakany, karaha zegny koa irô tagnantagnany.
17
kanefa koa nitapagna tagnantagnany sasany, ary koa anao, sampagna olivadia, zegny natambatra tamin'drô tio, sady izikoa nifampizara tamin'drô tio zegny vahin'ny kakazo oliva anao,
18
azendriky mipoera amin-drô vahitra sasany. Fa anao koa nipoera, manjary tsy anao mitondra vahiny, fa vahiny mitondra anao.
19
Kai ivolagna amizay anao fa: "Nitapagna hiala tagnantagnany baika havitako mifandray aminany."
20
Marigny zegny. Nohon'ny tsy fisiandrô finoagna nahatonga irô nitapagna, fa anarô draiky ny hipetraka tsara boaka amin'ny finoagnanarô. Kaza magnambony tegna anarô, fa mba matahora.
21
Fa izikoa tegna sampagna tsy nambelan-Dragnahary, anao mba tsy ambelany koa.
22
Mba zahava baka, fahatsoragna draiky aratsiam-pagnahy ny Zagnahary. Amin'ny lafiny araiky, ny arantsiam-pagnahy zegny boaka amin-drô jiosy lavo aby igny. Fa amin'ny lafiny araiky draiky, ny hatsaram-pagnahin'Dragnahary avy aminarô, izikoa maharitry amin'ny hatsaram-pagnahiny anarô. Fa koa tsy zegny, hitapagna koa anarô.
23
Fa na dia zegny draiky, izikoa irô tsy mino kara io fo, hatambatra foeky. Fa zagnahary afaka mipody mampitambatra irô draiky.
24
Fa izikoa draiky nitapagna tamin'ny kakazo oliva anarô, kai natambatra tamin'ny kakazo oliva tsara, asa ho karakory fihoran'ny ankabeazan-drô jiosy aby sampagnana vojanahary, natambatra tamin'ny kakazo oliva-drô manôkana?
25
Tsy tiako ny tsy hahay anarô rahalako, ny raha misitriky zegny, baika tsy agnanaovanarô fa anarô misy jery. I raha misitriky zegny ane fa nampiherign'olo irô Israely aby io, zisaka irô tao feno Jentilisa.
26
Dikany zegny, hivojegn Israely jiaby, karaha ny voasoratra hoe: "Hiboaka baka agny Ziona ny mpamafaka. Hagnadoso harantsiam-pagnahy ny Jakoba Izy,
27
sady zegny koa fagnekem-piavanagna nataoko tamin-drô izikoa fa hagnadosoagna fahotangnan-drô Za."
28
Amin'ny lafiny araiky mikasiky tenin-dRagnahary, irô fahavalo alohalohanarô. Fa amin'ny lafiny araiky draiky, araka safidin-dRagnahary, irô mahay halohan-drô Razagna.
29
Fa irô fagnomezagna draiky kaiky ny Zagnahary tsy miôva foeky.
30
Fa anarô zegny tsy mankasitraka Zagnahary taloha, kanèfa anarô zioty draiky zegny nangala famelan-keloko boaka anin'ny tsy fankasitrangnan-drô.
31
Karazegny koa, irô Jiosy zioty zegny tsy mankasitraka koa. Vokatra zegny, boaka tamin'ny famelan-keloko nataonarô mety azahoandrô famelan-keloko zioty koa.
32
Fa zagnahary fa nagnadoso ny tsy fankasitragna jiaby, baika ahavitany mamela heloko amin'olo jiaby.
33
Zahava fa, ny alalignan'ny irô haren'ny fahendregna ndraiky fahaizan-dRagnahary! Tsy takatra jerin-drô ny fitsarany, draiky irô lalagna nany zegny tsy hay faritigny!
34
"Azovy ma nahay heritreritrin'ny Tompo, sady azovy koa najary mpagnamia hevitry Izy?
35
Azovy koa nagnamia raha Zagnahary taloha, kai tsy maintsy agnaregnan-dRagnary izy draiky koa?"
36
Fa avy Aminany draiky boaka Aminany sady ho Anany ny raha jiaby. Ho ninany mandrakizay ny voninahitra. Amèn.
Chapter 12
1
Zaho mangataka aminarô zegny ralako nohon'ny famindram-pon-dRagnahary, mba hanolotra ny vatagnanarô ho sôrôgno masigny sady eken-dRagnahary. Araka ny tôkony izy fanompoanarô.
2
Aza magnaraka fanaony izao tontolo izao, fa miövà amin'ny fagnavaozagna ny saigninarô, mba hamantaranarô tegna sitrapon-dRagnahary tsara sady ankasitrahany, marigny.
3
Nohon'ny fahasoavagna namiagna zaho, agnambarako amin'olo jiaby aminarô. fa tsy tôkony hanagnanarô menimeny agnambon'ny tegnany mihoatra ny tôkony ho eritreretiny. Fa izegny ndraiky, tôkony eritreretriny am-pahendregna irô iô, karah nagnamaizan-dRagnahary lanjam-pinoagna ny tsirairay.
4
Fa managna rantsagna maro amin'ny vatagnatsika,
5
kanefa tsy mitovy aby ny asan-ndrô rantsagna iô.
6
Managna ny fanomezam-pahasoavagna samihafa atsika,arakany fahasoavagna.
7
Raha ny faminaniangna ny fagnamaignazagna ny fahasoavagna. Kay atao araka ny haben'ny finoagnany. Raha ny fanompoagnany fagnamaizagnam-pahasoavagna, kay aoka atao izy hanompo. Fa raha nisy olo araiky nahazo fanomezam-pahasovagna hampianatra,aoka izy hampianatra.
8
Raha ny fampaherezagna ny fanomezam-pahasovagna araiky, aoka izy hampahery.Raha magnamia ny fanomezam-pahasoavagna araiky, aoka izy agnano izay ampelatagnanany. Raha ohatra hitarika ny fanomezam-pahasoavagna araiky, kay aoka izegny ho vita am-pitandremagna. Raha agnaboaka fangoraham-po ny fanomezam-pahasoavagna araiky, aoka izy ho vita hampiravoravogna.
9
Aoka ny fitiavagna tsy hisy fitsaram-belatsihy. Mankahalà ny ratsy; mifikira mafy amin'ny tsara.
10
Mifankatiava mitova amin'ny mpirahalahy; mifankatiava aby anarô tsy araiky araiky, mifagnamezam-boninahitra ary mifagnajàha.
11
Mazotoa, fa kaza kamo, Aoka hafana fo amin'nyfanompoagna ny Tompo. Mifalia amin'ny fahatokiagna hanagnanao mômba ny ho avy.
12
Maharetà amin'ny probleminao jiaby. Mivavaha hatrany.
13
Mifampizarà amin'ndrô mpino. Mitadiavà fomba maro mba hahatonga olo hiditry an-tragnônao.
14
Misaôra amin'ndrô olo magnenjiky anao; misaôra salakady aza magnozogno.
15
Mahaizà miaraka mifaly amin'ndrô olo ravoravo koa miarahà mitomoangny amin'ndrô mitomoangny.
16
Mitovia fisaignana amin'olo tsy araiky araiky. Aza misaigna amin'ny fomba fireharehagna, fa ekeo irô olo ambany. Aza mihevitry tegnanao tegna misy jery.
17
Aza mamaly ny ratsy. Magnanaôva zaka maro tsara amin'ny mason'olo jiaby.
18
Raha azo atao, mivavaha hoan'olo jiaby, arak'izay vitanao.
19
Aza mamaly ny ratsy tegnanarô, fa amaizà lalagna ny fahatezeran-dRagnahary. Satria efa voasoratra tagny: '"Ninaka ny vali-faty, donc zaho hamaly izy; nambaran'i Tompo."
20
Izy koa mosâry ny fahavalonao, aza misalasala eky fa amaiza anigny izy.raha mangetaheta izy,amaiza rano higiagna izy. Raha ohatra nagnano zegny anao hamoro ny vain'ny môtro anambo ny lohany."
21
Reseo amin'ny tsara ny ratsy fa aza mety resen'ny ratsy
Chapter 13
1
Alô zegny olo jiaby samby hagneky fa maventy fahefagna zegny. Tsisy fahefagna eky koa fa tsy baka amin-dRagnahary. Aviô, fa voatôndron-dRagnahary irô manam-pahaifagna jiaby misy.
2
Dikany zegny, zaigny tsy magneky fahaifagna zegny miragna tsy magneky didin-dRagnahay; kay hahazo fitsaragna amin'ny irô zaigny tsy magneky didy na fahaifagna zegny.
3
Fôtony ny mpanapaka tsy avozoandrô magnano asa tsara, fa irô magnano asa ratsy fo. Magniry tsy havozo ikambagna amin'ny fahaifagna mba anarô? Magnanaova ra manjary fa hideraigna amin'ny zegny anao.
4
Mpanompon-dRagnaharinarô amin'ny tsara izy. Fa anarô ndraiky koa ra tsy manjary, mila mailo, fôtony izy tsy mitondra fahasambaragna aminarô koa fa amin'ny ra ratsy. Fa izy mpanompon-dRagnahary mpamaly ny ratsy amin'ny olo magnano ra tsy manjary.
5
Dikany zegny tôkony hankatoa anarô, tsy amin'ny heloko fo, fa amin'ny fieritreretagna koa.
6
Dikany zegny, magnaifa hetra koa anarô. Fa mpanompon-dRagnahary irô manam-pahefagna, araiky miandraikitry ra zegny tsisy farany.
7
Ifaiha amin'olo tsy araiky araiky ra toky nindrô: magnifa hetra amin'ny olo tokony agnifagna izy; magnifa fadin-tseragnana amin'ny zaigny tokony agnifagna izy; magnajà zaigny tokony mety ajaigna.
8
Kaza magnano misy traosa na aminjovy na aminjovy, ankoatrany fifankativagna. Fa zaigny tiamagnodidigny izy nahavoaboaka lalàgna:
9
Maro irô didy: "Aza mangala-badin'olo, aza mamono olo, aza mangalatra, aza magniry," izy koa misy misy didy hafa ankoatrany irô igny, fehezan-teny ty mavoafehy izy: "Tiava namanao kara fitiavanao taignanao."
10
Tsy mandratra magnodidigny fitiavagna zegny; dikany zegny, fitivagna fahatantern'ny lalàgna.
11
Dikany zegny, ainarô fotoagna, fa laira hifoazanarô amin'ny tôromaso ziôty. Amiziôty fa tsy lavitry fagnavaotagna araiky ninoantsika retsy tamin'ny voalohany igny.
12
Avy aligny, magnantogno andra. Dikany zegny, alô ariagna agny asany setoany jiaby, aviô alô atsika andaiha hitafy fiadagna.
13
Alô andaiha amin'ny làlagna mihitsy, kara atao mandaiha amin'ny andra matsagna igny, fa tsy kara irô ravoravo tsy ampahedraigna na amin'ny hamamoagna igny; fa alô tsy andaiha amin'ny fahavaitavaigna na amin'ny filàgna tsy voatana ndraiky amin'ny fifanohairagna na amin'ny hafanam-po.
14
Fa magnara an'i Jesosy Kristy Tompo aviô aza magniraka nofo hahantatairaka filàgna.
Chapter 14
1
Halaiva jiaby malemy amin'ny finiagna, kaza mitsara mikasiky fanohoanan-kevitra.
2
Olo araiky managna finoagna hihinagna raha jiaby, fa araiky malemy tsy mihinagna izy koa tsy legume.
3
Zegny mihinagna raha jiaby, alo izy tsy hagnaratsy zegny tsy mihnagna raha jiaby; bako zegny olo tsy mihinagna raha jiaby tsy hitsara koa irô olo mihinagna raha jiaby. Fa zagnahary efa nagneky izy.
4
Azovy mba anao, anao mitsara mpanompo'olon-kafa ? Eo alohan'ny Tompony izy mitsangana na lavo. Fa hatsangana izy, fotony Tompo afaka manangana izy.
5
Olo araiky miheritreritry fa misy andra tsara ankoatran'ny andra hafa. Olo hafa koa miheritreritry fa mitovy fo andra jiaby. Ambila olo tsiaraikiaraiky ho resy lahatra araka saigniny.
6
Zegny mitandrigny andra, mitandrigny zegny ho an'ny Tompo; bako zegny mihinagna ho an'ny Tompo; izy koa mankasitraka ndRagnahary.
7
Tsisy miaigny amin'ny vatagnanany atsika, bako tsisy maty ho an'ny vatagnanany.
8
Izy koa miaigny atsika, miaiagny ho an'ny Tompo, izy koa maty atsika, maty ho an'ny Tompo. Dikany zegny na velogno na maty atsika, nihin'ny Tompo.
9
Baka amin'ny antony zegny nahafatesan'i Kristy draiky nahavelogno Izy, mba haviany sady Tompon'ny veelogno.
10
anao nagnino mitsara rahalahinao ? Bako anao malaigny rahalahinao ? Atsika jiaby mbola hitsaraigny alohan'ny sezy fitsaran-dRagnahary.
11
Efa voasoratra : "Izy koa mbola velogno Zaho", Nambaran'ny Tompo, "hiforitry io alohako lohaliky jiaby, bako lela jiaby hihira ndRagnahary."
12
Dikany zegny atsika tsiaraikiaraiky, hagnano tatitry ny vatany io amin-dRagnahary.
13
Kay, alo atsika tsy hifampitsara feky, aleo miheviry, tsy hasigny fandavoagna na fandriky io alohan'ny ralahiny.
14
Mahay zaho, bako resy lahatra amin'ny Tompo Jesosy, fa tsisy tsy madio amin'ny vatany. Fa zegny mangala raha jiaby tsy madio zegny aminany.
15
" Fotony izy koa anao malahelo baka amin'ny hanigny rahalahinao, tsy mandeha am-pitiavagna feky anao. Aza robatigny baka amin'ny hanigninaro, iro raha jiaby namoizan'i Kristy aigniny.
16
Kaza magnambela zegny raha herisetreretinaro tsara, andeha haratsiagna.
17
Fa fanjakan-dRagnahary, tsy momba hanigny draiky rano figiagna, fa momba fahamariagnana, fiadagnana, bako firavogna ao amin'ny Fagnahy Masigny.
18
Zegny manompo Kristy arak'izegny, ankasitrahan-dRagnahary bako iken'olo.
19
Dikan'izegny, alo atsika hiezaka hitady raha mikasiky fiadanagna draiky momba fifampandrosoagna.
20
Aza rombatigny baka amin'ny hanigny, asan-dRagnahary. Tegna madio raha jiaby, fa ratsy amin'olo mihinagna izy bako mampameloko izy.
21
Tsara izy koa tsy mihinan-kena na tsy migiaka divay, na raha jiaby tokony hampameloko ralahinao.
22
Finoagna anagnanao, hakajia ao aminao draiky amin-dRagnahary. Sambatra zegny tsy mampameloko vatany amin'izegny raha ekeny.
23
Zegny misalasala, meloko izy koa mihinagnay fotony tsy tamin'ny finoagna. Bako izay raha jiaby tsy baka amin'ny finoagna dia fahotagna.
Chapter 15
1
Atsika matanjaka tokony handefitry amin'ny fahalemeny drô mahalemy, sady tsy tokony agnano izay mahafalifaly tegnany.
2
Hiangaviagna ny tsirairay mba agnanao raha mahafalifaly ny mpiara-monigny aminazy, fa zegny tsara mba hiposigna izy.
3
Fa na kristy tsy nagnano raha mahafinaritra tegnany. Zegny araka voasoratra hoe :" fagnambanian'olo anao, natreky aminaka."
4
Na ino na ino voasoratsara taloha, igny voasoratra mba fampianaragna atsika. Mbaka amin'ny faharetan-tsika draiky mbaka amin'ny soratra masigny no hanagnan-tsika toky.
5
Dragnahary faharetagna draiky fampaherezagna hagnamia fisaignana mitovy atsika jiaby araka an'i Kristy Jesosy.
6
Izy mba agnano zegny mba ho fisaignana araiky draiky vava araiky mba hideranaro Dragnahary draiky baban'i Tompotsika.
7
Noho zegny, mitambara, mitovy nandraisan'i Jesosy Kristy anaro koa, mba fideragna Zagnahary.
8
Ambarako anaro fa i Kristy mpanompo'ny voavositry (iro Jiosy) ho an'ny fahamarignan-Dragnahary, mba hahafagna magnamarigny iro fampagnatenagna iro razana,
9
ho an-dro Jentilisa mba hagnamezagnn-boninahitra Dragnahary nohon'ny famindram-pony. Zegny araka voasoratra hoe : "Noho zegny agnamia fideragna Anao amin'ny Jentilisa Za ary hihira fideragna agnaranao."
10
Mbola voavolagna koa hoe : "Miravoravo miaraka amin'ny vahoakany, ry Jentilisa.
11
"Ary ko a hoe : "Derao ny Tompo, ry Jentilisa jiaby, hambila olo jiaby hidera Azy."
12
Volagniny Isaia koa hoe : "Hisy vahatran'i Jese, ary araiky hitsangana hanapaka eo amin'ny Jentilisa. Hanagna fahatokisagna amin-dro Jentilisa."
13
Dragnahary fahaokisagna ane agnamia anaro firavoravogna draiky fiadanagna jiaby amin'ny finoagna, mba ho feno fahatokisagna anaro mbaka amin'ny herin'ny fagnahy masigny.
14
Tegnako io koa resy lahatra momba anaro, ry rahalahy. Resy lahatra koa za fa anaro feno fahatsaragna, feno fahaizagna jiaby. Resy lahatra koa za fa anaro mahavita mifagnanatra.
15
Manoratra ampasahiagna aminaro za, mba ampatsiavagna anaro raha sasany draiky, nohon'ny fagnamezan-pahasoavagna namiany Dragnahary za.
16
Zegny fagnamezan-pasoavagna zegny tokony hanompoako i Kristy Jesosy tany Jentilisa, mba agnamia filazantsaran-Dragnahary. Tokony ataoko zegny mba azo ekegna fagnatitry (raha ateriny) Jentilisa, voatokan'ny fagnahy masigny.
17
Nohony zegny ny hafaliako ao amin'i Kristy Jesosy draiky raha Dragnahary.
18
Za tsy hasaky hikoragna na ino na ino koa tsy raha vitan'i Kristy mboka taminaka mba ho fagnikihany Jentilisa za. Iro raha jiaby io vita tamin'ny teny draiky asa,
19
tamin'ny herin'ny famantagna, fahagagana, draiky tamin'ny herin'ny fagnahy masigny. Zegny mbaka agny Jerosalema, draiky lavidavitry mitovy Ilyrikioma, hahafako magnatanteraka filazantsaran'i Kristy.
20
Amin'ny zegny fagniriako hitory filazantsara, fa tsy hahaizagna agnaran'i Kristy fo, mba hagnoregnana amin'izay efa nagnoregnany hafa.
21
Zegny araka voasoratra hoe : "Tamin-dro tsy nahita Izy, hahita Izy, draiky iro tsy naharegny no hahazo."
22
Noho zegny voavasaka matetiky tsy handeha matetiky aminaro za.
23
Aminy zio, Za tsy managna fahefagna amindro toeragna aby io. Efa taogno nagniriako mare andeha aminaro.
24
Noho zegny, na imbiagna na imbiagna andehanako agny Espana, magnategna za hahita anaro koa fa mandalo, avio aterinaro antany andianako, koa mbaka mankafy fiharagna naro betibetiky Za.
25
Fa amin'ny zio andeha a Jerosalema Za hanompo iro mpino.
26
Fa faravoravognan' i Makedonia sy Akaia hagnano fandraisagna anjara ho an-dro mpino agny Jerosalema.
27
Ia, haravoagna ho an-dro zegny, ary, mpitrosa aminazy koa iro. Fa koa Jentilisa nizara raha masigny dro, tokony hanompo iro ara-materialy.
28
Noho zegny, koa fa nataoko asa ary nagnamafy fa voaray dro vokatra izay navory, andeha a Espaina za hitsidika anaro no diako.
29
Aiko fa za koa mandeha aminaro ka hiditry agnatiny fitahian'i kristy.
30
Niany mampirisiky anaro za, ry rahalahy, amin'ny Jesosy Tompontsika, draiky amin'ny fitiavan'ny Fanahy, mba hiharaka hiady aminaka anaro amin'ny vavaka ataonaro amin-dragnahary.
31
Mivavaka mba ho avotro amin-dro izay tsy mankasitraka agny Jodia za, ary mba heken-dro mpino any Jerosalema ny fanompoako.
32
Mivavaha mba hihaviako aminaro ankaravoagna amin'ny sitrapo-Dragnahary, ary hahafako, mahita fitsaragna, miaraka aminaro.
33
Zagnahary ny fiadanagna anie hiaraka aminaro jiaby. Amen.
Chapter 16
1
mbelako aminarô i Foiby anabavitsika, mpivavaka agny Kenkrea,
2
mba hiraisanaro ao amin`ny Tompo izy. Ataova zegny fomba tsara ndrô mpino, ndraiky hatrèha izy amin`ny problème mety hilany fagnampianarô. Fa ndray tegnany koa roso mpagnampy olo maro, ndraiky za koa.
3
Magnanaova veloma Presila ndraiky Akoila, mpiara-miasa aminaka amin`n`i Kristy Jesosy,
4
zegny nafoy irô amin`ny haigniko. Fa regny l`eglise Jentilisy regny koa.
5
Magnanaova veloma l`eglise amin`ny tragnon-drô ao. Magnanaova veloma agny ami`i Epaineto tiako, voalohany vokatr`i Asia amin`i Kristy.
6
Magnanaova veloma amin`i Maria, niasa maré taminarô.
7
Magnanaova veloma i Androniko ndraik Jonia, havako marikitry, ndraiky niaka nigadra taminaka. Malaza agnivony apostoly irô, iro niaraka tami`i Kristy taloha naka koa.
8
Magnanaova veloma ami`ny Ampliato, tiako baka ami`ny Tompo.
9
Magnanaova veloma i Orbano, mpiara miasa amitsika ato amin`i Kristy, ndraiky Staky, tiako.
10
Arahaba Apela, izy ankasitrahagna ato amin`ny Jesosy Kristy. Arahaba irô zegny ato amin`ny tòkantragnon`i Aristobolo.
11
Magnanaova veloma amin`i Herodiona, havako. Magnanaova veloma ami-drô agny antòkantragnon`i Nakisa, amin`ny Tompo.
12
Magnanaova veloma amin`i Tryfena ndraiky tryfosa, zegny miasa maré ato amin`ny Tompo. Arahaba Perysa tiako, zegny miasa maré tao tamin`ny Tompo.
13
magnanaova veloma i Rofosy, izegny voafidy tao amin`ny Tompo, bakako reniny ndraiky reniko.
14
Magnanaova veloma i Asynkrito, Flegona,Hermesy, Patroba, Herma, ndraiky irô ralahy zegny miaraka amin-drô.
15
Magnanaova veloma i Filologia ndraiky Jolia, Nerea ndraiky anabaviny, baka iô Olimpa, avio ka irô mpino miaraka amin-drô.
16
Mifagnanaova veloma mifagnôroko masigny. Irô l`eglise ny Kristy magnano veloma anarô.
17
heur zio mampirisiky anarô za,ralahy, mba handiniky mahakasik`irô zegny mahatònga raha mampameloko ndraiky fisarasaragna. Fa irô, mandilatra fampianaraka nahazonarô. Mialà marikitry irô.
18
Fa tsy mivavaka amin`ny Kristy Tompontsika olo kara regny, fa kibony manaokana fo. Amin`ny volagna malemy ndraiky roboko amitahan-drô olo tsy manan-tsigny.
19
kara regny fankatoavagna tafitsa agny amin`ny tsaraiky araiky. dikany zegny,ravoravo za, aminarô, fa tiako mba hisy jery amin`ny raha tsara anarô, fa tsy hagnitsy amin`zegny ratsy.
20
Zagnaharin`ny fiadanagna hanôrotôro Satana iô ambanin`ny vitinarô afaka fotoagna fohy. Andeha aminarô Tompontsika Jesosy Kristy.
21
Timoty, mpiara-miasa aminaka, kay magnano veloma anarô, ndraiky Losio, Jasona ndraiky Sosipatro, havako.
22
Zaho, Tertio, nanaòratra epistily ity, magnano veloma anarô ao amin`ny Tompo.
23
Gaio, mpagnamia tragno za ndraiky mpivavaka jiaby, kay magnano veloma anarô. Erasto, mpitam-bòla amin`ny tanàgna, kay magnano veloma anarô koa miaraka amin`i Koarto ralahy.
24
[Fanamariagna: fandikagna taloha tegnany tsara magnadoso ity andiny ity. (zahava Romana 16: 20). and 24: "Andeha aminarô jiaby fahasoavan`ny Tompontsika Jesosy Kristy. "]
25
Ndraiky voninahitra aminazy mahavita magnitsy anarô araka ny filazantsarako ndraiky fitoriagna Jesosy Kristy, araka ny fagnambaragna tery nitanagna ho secré fa èla be tagny aloha tagny,
26
kanèfa ambara l`heur zio, tamin`ny alalan`ny bokin`ny faminaniagna nampafantarigny tamin`ny firenene jiaby, araka ny didin-dRagnahary hankatoavagna finoagna.
27
Andeha amin`Izy ndRagnahary taòkan`ny fisiagna jery, voninahitra mandrakizay, baka amin`ny alalan`i Jesosy Kristy.
1 Corinthians
Chapter 1
1
Paoly, nikahin'i Kristy Jesosy mba ho Apostoly baka amin'ny sitrapon-dRagnahary, ndraiky Sostena ralahintsika,
2
ho an'ny fiangonan-dRagnahary ao Korinto, ho an'irô nahamasigniny tao amin'i Kristy Jesosy, voakaiky ho olo masigny. Manoratra amin-drô jiaby zegny mikaiky agnaran'i Jesosy Kristy Tompontsika amin'ny toeragna jiaby koa izahay, Tompon-drô ndraiky nintsika.
3
Ho amin-drô fahatsaragna ndraiky fiadanagna bak'amin-dRagnahary Babantsika ndraiky Jesosy Kristy Tompontsika.
4
Izaho tsy mijanogno magnamia fankasitrahagna ndRagnahary ho anarô nohon'ny fahatsaran-dRagnahary namezany i Jesosy Kristy anarô.
5
Nataony manankaregna tamin'ny fomba jiaby anarô, tamin'ny fivolagnana jiaby ndraiky fahaizagna jiaby,
6
izy koa fa voaporofo tiô aminarô fa marigny fagnabaragna mikasik'i Kristy.
7
Baka amin'izegny tsy hijalianarô fagnamezagna fahatsaragna iô ampiambesanarô fagnambaragnan'i Jesosy Kristy Tompontsika.
8
Mbola izy koa hampahery anarô zisika farany, mba tsy hanagna tsigny anarô amin'ny andran'i Jesosy Kristy Tompontsika.
9
Matokisa Zagnahary, izegny nikaiky anarô hiaraka amin'ny zanany lahy, Jesosy Kristy Tompontsika.
10
Amin'iziô, mamporisiky anarô zaho, ralahy, amin'ny agnaran'i Jesosy Kristy Tompontsika, mba hifagnaraka anarô jiaby, bakô tsy tôkony hoisy fisarahagna aminarô. Mamporisiky anarô zaho mba ho jery ariky aviô ho tanjogno araiky anarô.
11
Nambaran'ny vahoakan'i Kloe taminaka tsara, ralahy, fa misy fifampiandaniagna aminarô.
12
Kara ty tiako ambara: Tsiaraikiaraiky aminarô samy magnano: "Izaho miaraka amin'i Paoly," na "Izaho miaraka amin'i Apolosy," na "Izaho'miaraka amin'i Kefasy," na "Izaho miaraka amin'i Kristy".
13
Voarasarasa mba i Kristy? Paoly ma voafantsiky ho anarô? Anarô ma natao batisa tamin'ny agnaran'i Paoly?
14
Mankasitraka ndRagnahary zaho fa tsisy nataoko batisa anarô, izy koa tsy Kripo ndraiky Gaio fo.
15
Izegny mba tsy hafahany olo mivolagna fa tamin'ny agnarako nagnanaovagna batisa anarô.
16
(Izaho koa nagnano batisa fianakaviagnan'i Stefanasy. Ankoatran'izegny, tsy haiko na nisy hafa nataoko batisa)
17
Tsy hampagnano batisa nagnirahan'i Kristy zaho fa hagnambara filazantsara. Izy tsy nandefa zaho hitory amin'ny volagna fisiagna jerin'olombelogno, mba tsy ho foagna herin'ny hazofijaliagnan'i Kristy.
18
Fa hafatra mikasiky hazo fijaliagna, hadalagna amin-drô zegny ho faty. Iô amin-drô zegny ho vonjen-dRagnahary ndraiky, herin-dRagnahary izegny.
19
Fa voasoratra: "Ho potehiko fahendregnan'ny hendry. Ho foagnana fahaizan'ny mahay."
20
Aia olo misy jery? Aia ny manam-pahaizagna? Aia koa olo mpiady hevitra an'izao tontolo izao? Izio mba tsy navadiky Zagnahary ho hadalagna fahendren'izao tontolo izao?
21
Fotony tsy nahay Zagnahary izao tontolo izao tao amin'ny fahendregnany, sitraka Zagnahary hagnavotro irô zegny mino baka amin'ny hadalagnan'ny fitoriagna.
22
Irô Jiosy mangataka famantaragna mahagaga fa irô Grika ndraiky mitady fahaizagna.
23
Fa izahay magnambara an'i Kristy fa voafantsiky, izegny vato mampameloko amin-drô Jiosy sady fahadalagna amin-drô Grika.
24
Fa irô zegniny voakaikin-dRagnahary, na irô Jiosy na irô Grika, mitory an'i Kristy kara hery ndraiky fahendregnan-dRagnahary.
25
Fa hadalagnan-dRagnahary hendry tohizay olo, bakô fahalemen-dRagnahary matanjaka tohizay nin'olo.
26
Heritrerete ny fikahiagna anarô, ralahy. Tsy maro aminarô misy jery raha amin'ny maha olombelogno. vitsy aminarô mahery. Vitsy aminarô koa agnambo firazagnana.
27
Zagnahary nifidy irô adalan'izao tontolo izao mba hampamegnatra irô misy jery. Zagnahary nifidy irô malemy amin'izao tontolo izao mba hampamegnatra irô matanjaka.
28
Zagnahary nifidy irô alan'olo ndraiky irô ambany amin'izao tontolo izao. Izy koa nifidy irô raha niheverigny atao tsiontsino, mba hagnamboahany fa zegny raha atao manandanja, tsisy dikany.
29
Nataony izegny mba tsisy raha hanagna antony hireharehagna eky iô alohany.
30
Baka amin'ny raha nataon-dRagnahary, amin'iziô anarô nanjary ao amin'i Kristy Jesosy, izegny lôso fisiagna jery hoantsika baka amin-dRagnahary. Izy lôso fahamarignantsika, fahamasignantsika bakô fahafahantsika.
31
Baka amin'izegny, araka nambaran'ny soratra masigny: "Ambila izegny mirehareha, hirehareha ao amin'ny Tompo"
Chapter 2
1
Izy koa fa nandeha amin-drô zaho, ralahy, tsy navy niaraka tamin'ny volagna na fahendregna raha nambara fa misy tery mikasiky Zagnahary. [Fagnamarihagna: dikany volagna maro hafa vakigna kara ty: Izy koa nagnambara fijoroagna vavolombelogno mikasiky Zagnahary zaho."]
2
Nanapa-kevitry tsy hahay na ino na ino zaho izy koa taminarô tiô, izy koa tsy Jesosy, ndraiky Izy nifantsihigny fo.
3
Niaraka taminarô zaho tiô amin'ny fahalemegna, ndraiky tiô amin'ny favozoagna, bakô tio amin'ny fangorohoroagnz maventy.
4
Hafatro ndraiky fagnambarako tsy tamin'ny volagna fandresen-dahatra ny fahendregna. Nefa ndraiky, raha jiaby io tamin'ny fanehoagna Fagnahy ndraiky hery,
5
mba tsy ho agnatiny fahendren'olombelogno finoagnanarô, fa hagnatin'ny herin-dRagnahary.
6
Amin'izio ty, mikoragna fahendregna io amin'irô matotro atsika, fa tsy fahendregna io amin'izao tontolo izao, na irô mpanapaka iziô andra iziô, izegny mandalo io fo.
7
Kanefa, mivolagna fahendren-dRagnahary amin'ny fahamarignana misitriky atsika, i fahendregna misitriky izegny nitindren-dRagnahary talohalohan'irô fotoagna jiaby ho voninahintsika.
8
Tsisy tamin-drô mpanapaka iziô andra iziô nahay fahendregna io, izy koa nahatakatra izegny irô tamin'ny fotoagna izegny, tsy nifantsihin-drô i Tompon'ny voninahitry.
9
Fa araka izegny voasoratra: "Irô raha zegny tsisy maso nahita, tsisy sofigny naharegny, tsisy saigny nahazo eritreritry, irô raha zegny nomanin-dRagnahary ho an'irô tia Izy."
10
Kara zegny raha naboakan'i Zagnahary taminay tamin'ny alalan'ny Fagnahy.Fa fagnahy mitady raha jiaby, na irô raha lalignin-dRagnahary aby.
11
Azovy mahay fisaignan'ny olo araiky izy koa tsy fagnahin'ny olo ao aminany? Kara izegny koa, tsisy mahay irô raha lalignin-dRagnahary izy koa tsy fagnahin-dRagnahary.
12
Tsy nangala fagnahin'izao tontolo izao atsika, fa nangala Fagnahy baka amin-dRagnahary, mba hafahantsika mahay irô raha amezagna atsika bôjo baka amin-dRagnahary.
13
Mivolagna mikasiky irô raha io amin'ny volagna zegny tsy hain'ny fahendregnan'ny olombelogno ampianarigny izahay, fa ampianarin'ny Fagnahy zahay. Fagnahy mandika volagna ara-panahy miaraka amin'ny fahendregna ara-pagnahy.
14
Olo zegny tsy ara-pagnahy, tsy mangala irô raha zegny nihin'ny Fagnahin-dRagnahary, fôtony hadalagna aminany iregny. Tsy afaka mahay iregny izy fôtony famantaragna ara-pagnahy iregny.
15
Izegny ara-pagnahy mitsara raha jiaby, fa tsy hitsarainy hafa izy.
16
Fa azovy afaka mahay fisaignan'ny Tompo, sady afaka hampianatra Izy? Fa zahay managna fisaignan'i Kristy.
Chapter 3
1
Bakô zaho, ralahy, tsy afaka nivolagna taminarô kara olo ara-pagnahy, fa kara olo ara- batagna, kara tsaiky hely ao amin'i Kristy.
2
Namezako ronono anarô, fa tsy ventin-kanigny, fôtony anarô tsy vôgnono tamin'izegny; bakô na amin'iziô mbola tsy vôgnono amin'izegny fo anarô.
3
Fôtony anarô mbola araka ny vatagna. Na aia misy fahasarotam-piaro ndraiky tsy fifankazahoagna iô aminarô, tsy miaigny araka ny vatagna mba anarô, tsy mandeha amin'ny tôkony hoizy mba ny olombelogno?
4
Izy koa misy araiky mivolagna: "Zaho magnaraka nihin'i Paoly," araiky ndraiky mivolagna: "Zaho magnaraka nihin'i Apolosy," tsy miaigny kara olombelogno fo ma anarô?
5
Azovy Apolosy? Azovy i Paoly? Mpanompo izegny baka aminany ninoanareo, zegny namezany Tompo asa aby.
6
Zaho nitsabo, Apolosy nandrôzy, fa Zagnahary nampitombo.
7
Dikany zegny, na araiky mitsabo na araiky mandrôzy tsisy misy dikany. Zagnahary mampitombo.
8
Araiky mitsabo ndraiky araiky mandrôzy olo araiky, bakô samy mahazo karamany araka ny asany aby ny tsiaraikiaraiky.
9
Fa zahay mpiara-miasa amin-dRagnahary. Anarô sahan-dRagnahary, sady tragnon-dRagnahary.
10
Araka fahasoavan-dRagnahary namezany zaho kara mpagnano tragno mahay, nametraka fôtony zaho bakô hafa koa magnorigny iô agnambony. Mba alo lelahy tsiaraikiaraiky hitandrigny amin'ny fomba hagnoregnany io amin'izegny.
11
Fa tsisy olo magnampetraka fôtony izy koa tsy olo araiky napetraka, tsy azovy izegny fa i Jesosy Kristy.
12
Amin'iziô izy koa misy olo magnorigny iô agnambon'ny fôtony amin'ny volamena, volafotsy, vato lafo vidy, kakazo, bozaka, na mololo,
13
haboaka asanany, andra mazava hagnaboaka izegny. Fôtony haboaka amin'ny môtro izegny. Môtro hitsapa hatsaragnan'ny nataon'ny tsiaraikiaraiky.
14
Izy koa mipetraka asany olo io, hahazo valiny tsara izy;
15
fa izy koa may asany olo io, matiantoko izy, fa izy vatany ndraiky ho vonjegna, kara nialany tamin'ny môtro igny fo.
16
Tsy hainarô fa anarô tragnon-dRagnahary bakô Fagnahin-dRagnahary mipetraka ao aminarô?
17
Izy koa misy olo mandrombaka tragnon-dRagnahary, handrombaka i olo zegny Zagnahary. Fa masigny tragnon-dRagnahary, kara zegny koa anarô.
18
Aza ambela hoisy olo hamitaka tegna. Izy koa misy olo iô aminarô mihevitry fa izy hendry amin'iziô vanim-potoagna iziô, ambila izy ho lôso "adala" amin'izegny mety ho lôso hendry izy.
19
Fa fahendren'izao tontolo izao hadalagna iô amin-dRagnahary. Fôtony voasoratra: "Nahatakatra hendry tao amin'ny hafitsiagnan-drô Izy."
20
Bakô koa: "Tompo mahay fa fihevitry hendry tsisy dikany."
21
Dikany zegny tsisy fireharehagna mikasiky olo feky! Fa raha jiaby ninarô,
22
na Paoly, na Apolosy, na Kefasy, na izao tontolo izao, na fiainagna, na fahafatesagna, na raha amin'iziô, na raha ho avy. Raha jiaby ninarô,
23
aviô anarô nihin'i Kristy, bakô Kristy nihin'i Zagnahary.
Chapter 4
1
Kara ty tôkony handraisan'ny olo atsika, kara mpanompon'i Kristy sady mpitandrina irô raha misitrisitrikin-dRagnahary.
2
Amin'izegny fifandraisagna izegny, fepetra takigna amin-drô mpitandrigny ny maha mendriky atokisagna irô.
3
Aminaka raha hely tôkony hitsaranarô na hitsaran'olombelogno jiaby zaho. Na zaho tsy mitsara tegnako.
4
Zaho tsy mahay fiampangagna natao taminaka, fa izegny tsy midika fa tsy managna tsigny zaho. Tompo mitsara zaho.
5
Dikany zegny, kaza manognotognony fitsaragna mikasiky raha jiaby alohan'ny fotoagna, alohan'ny fihavian'ny Tompo. Izy hitonga irô raha misitrisitikin'ny hiziky amin'ny fahazavagna sady hagnamboaka fikasan'ny fô. Baka iô hahazo fideragna avy amin-dRagnahary ny tsiaraikiaraiky.
6
Amin'iziô, ralahy, nagnatanteraka irô lalàgna taminaka ndraiky tamin'i Apolosy zaho nohon'ny aminarô, mba hafahanarô mianatra aminay dikan'ny fivolagnana: "Aza mandeha mihoatra zegny voasoratra." Amin'izegny mba tsisy araiky aminarô hipoerapoera amin'ny fankasitrahagna ny araiky noho ny hafa.
7
Azovy mahita tsy fitovizagna iô aminarô ndraiky irô hafa? Ino raha anagnanarô kay tsy nazonarô bôjo? Izy koa nahazo zegny bôjo anarô, nagnino anarô mipoerapoera kara tsy nagnano kara izegny?
8
Efa anagnanarô raha jiaby tadiavinarô! Fa lôso mpagnarivo anarô! Fa nanomboko nanjaka koa anarô_ zegny tsy baká taminay! Zaho tegna magniry ny nanjakanarô, mba hafahanay manjaka miaraka aminarô.
9
Nandiniky zaho fa Zagnahary nagnambela atsika ho Apostoly miharihary kara farany amin'ny laharagna ndraiky kara olo voasazy ho faty. Zahay nanjary fampisehoagna hoan'izao tontolo izao_ hoan'irô anjely, sady hoan'ny olombelogno.
10
Adala nohon'i Kristy zahay, fa anarô hendry ao amin'i Kristy. Malemy zahay, fa anarô mahery. Anarô namezagna voninahitry, fa zahay ndraiky tsy nalaigny barakà.
11
Ndraiky isaka zio zahay mosary bakô mangetaheta, masikiny ankanjo, voakobay mare, ndraiky tsy managna tragno hipetragna.
12
Miasa mare zahay, miasa amin'ny alalan'ny tagnanay fo. Izy koa fa latsaigny zahay, miaritry.
13
Izy koa hiagniny zahay, magnano tsodrano. Izy koa nahihigny zahay, mivolagna amin-katsaram-pagnahy. Niôva zahay, ndraiky mbola nalainy ho, fakon'izao tontolo izao ndraiky faikany raha jiaby.
14
Zaho tsy nanoratra raha jiaby iô mba hahamegnatra anarô, fa magnitsy anarô kara zanaka tiako.
15
Fa na managna mpiambigny araiky aligny ao amin'i Kristy aza anarô, tsy managna babà maro be. Fa zaho lôso babànarô ao amin'i Kristy Jesosy tamin'ny alalan'ny filazantsara.
16
Nohony zegny mampirisiky anarô zaho mba ho kara zaho.
17
Izegny nagnadifasako anarô an'i Timoty, zanaka tiako sady matoky ao amin'ny Tompo. Izy hampatsiaro anarô lalagnanaka ao amin'ny Kristy, kara nampianarako irô na aia na aia ndraiky ao amin'ny tragno NdRagnahary jiaby.
18
Amin'iziô ty lôso miavogno sasany aminarô, magnano kara fa tsy ho avy aminarô zaho.
19
Fa hoavy tsy ela aminarô zaho, raha sitraky Tompo. Bakô tsy hahay koragna ndrô zay tegna miavogno fo zaho, fa hahita tanjakan-drô.
20
Fôtony fanjakan-dRagnahary tsy miankiny amin'ny koragna fa amin'ny hery.
21
Ino raha tadiavinarô? Tokony ho avy aminarô miaraka amin'ny tsorany kakazo zaho sa miaraka amin'ny fitiavagna feno halemem-pagnahy?
Chapter 5
1
Zahay naharegny fa misy fijangajangagna ao aminarô, Karazagna fitondran-tegna tsy tsara zay tsy azo atao feky eo amin-drô jentilisa.Misy hafatra fa misy araiky aminarô mandry miaraka amin'ny vadin'i babàny.
2
Anarô tegna miavognavogno! Fa tsy tokony alahelo anarô? Araiky nagnano zegny tsy maintsy hadoso eto aminarô.
3
Fa na tsy iô ara- batagna aza zaho fa mbola iô ara- pagnahy, efa nitsara araiky zegny nagnano izegny sandra, kara tio fo zaho.
4
Izy koa fa miaraka mivory amin'ny agnaran'Jesosy Tompontsika anarô, iô koa fagnahiko amin'ny herin'Jesosy Tompontsika, efa nitsara io olo io sandra zaho.
5
Nataoko zegny mba hanoloragna izegny lehilahy izegny ho an'i Setoany ho fandrombatagna vatagna , mba ho vavoanjy fagnahy amin'andran'ny Tompo.
6
Tsy tsara fireharehagnanarô! Tsy hay narô fa lalivay ely magnova mofo jiaby?
7
Diova tegnanarô amin'ny lalivay taloha mba ho hanjary mofo vaovao anarô, ka mba hanjary mofo tsisy lalivay. Fa Kristy, zanak'ondrintsika tamin'ny Paska, nataony sorogno.
8
Nohony zegny alo atsika hankalaza firavoravoagna , tsy amin'ny lalivay taloha, lalivain'ny fitondran-tegna ratsy ndraiky faharatsiagna. Nefa ndraiky, aoka atsika hankalaza amin'ny mofo tsy misy lalivain'ny fahadiovam-pô ndraiky fahamarignana.
9
Zaho nanoratra ho anarô tao amin'y taratasiko mba tsy hiarahanarô miasa amin-drô olo mpijanganjanga .
10
Kanefa tiako volagny tsy olo mpijanganjanga jiaby eto amin'izao tontolo izao, na irô tsy mahafehy tegna , na irô mpamitaka, na irô mpanompo sampy, fôtony mba hialagna amin-drô mila miala amin'izao tontolo izao anarô.
11
Nefa amin'iziô ty zaho manoratra ho anarô mba tsy hiaraka hiasa amin-jôvy na amin-jôvy zegny kahiagna rahalahy nefa miaigny ao agnatiny fijangajagagna, na zay tsy mahafehy tegna, na mpanompo sampy, na mpagnasaha, na mpigiakatoaka, na mpangalatra. Aza mihinagna hanigny miarka amin'olo kara zegny feky.
12
Fa karakôry idirako amin'ny fitsaragna irô zegny agny ambadiky fiangonagna? Mifanohitry amin'ny zegny , anarô tsy tokony hitsara irô ao agnatin'ny fiangonagna?
13
Fa Zagnahary mitsara irô zegny agny ivelany. "Adosoa aminarô olon-dratsy."
Chapter 6
1
Raha misy araiky aminarô managna ady amin'ny araiky hafa , masakia handeha agny amin'ny fitsaragna eo alohan'ny mpitsara tsy mpino izy, fa tsy eo alohan'irô mpino?
2
Zio ma tsy hay narô fa irô mpino no hitsara an'izao tontolo izao? Izy koa zegny anarô hitsara an'izao tontolo izao, zio ma tsy mahavita mandamigny raharaha mandiniky anrô?
3
Zio ma tsy hay narô fa hitsara irô anjely atsika ? Karakôry, nohony zegny, ny fihoaragna fahafantsika mitsara irô raharaha amin'ity fiaignana ity?
4
Raha ohatra afaka mitsara raha zay miboaka amin'ny andavanandrom-piaignana anao, fa nagnino anao mametraka karazagna tranga kara zegny eo anolohan'irô zay tsinontsinona eo amin'ny fiangonagna?
5
Hahamegnatra anarô hivolagnako izegny. Zio ma tsy mba misy ampy fahendregna na araiky fo amirô handamigny malomalo amin-drô mpirahalahy?
6
Kanefa , misy mpino araiky mandeha mifagnatriky amin'ny mpino hafa iô amin'ny fitsaragna, izegny raharaha izegny ambailà iô alohan'ny mpitsara zay tsy mpino!
7
Fisian'ny ady aminarô Kristiana jiaby efa faharisiagna ho anarô sandra. Fa tsy alô mijaly amin'ny fahadisoagna? Fa tsy alô ambela ho voafitaka tegnanarô?
8
Fa anarô nandiso ndraiky namitaka irô hafa , bakô rahalahinarô koa irô!
9
Zio ma tsy hay narô fa ny tsy marigny tsy handova fanjakan-dRagnahary? Aza mino vandy. Irô raha tsy manjary, irô mpanompo sampy, irô mpijangajanaga, irô lelahy mpivaro-tegna, irô zay miara- mandry amin'ny samy lelahy,
10
irô mpangalatra, irô tsy mahalala onona, irô mamolava, irô mpagnaratsy , irô mpagnano an- keriny _tsy misy araiky amin-drô irô handova ny fanjakan-dRagnahary.
11
Kara zegny koa irô aminarô. Fa efa voadio, ndraiky voamarigny tamin-dRagnahary anarô tamin'ny agnaragna Tompo Jesosy Kristy ndraiky Fagnahin-dRagnahary.
12
"Raha jiaby aran-dalàgna aminakà", fa tsy raha jiaby no maha tsara. "Raha jiaby magnaran-dalàgna aminakà," fa tsy ho andevozin'ny araiky amin-drô zaho.
13
"Ny hanigny nihin'ny kibo, aviô kibo natao nihin'ny hanigny," fa Zagnahary hagnadoso irô roé. Vatagna tsy natao ho an'ny fijangajangana. Kanefa ndraiky, vatagna natao ho an'ny Tompo, aviô Tompo hagnamia ho an'ny vatagna.
14
Zagnahary efa nanagnana Tompo ndraiky hanagnana atsika amin'ny tanjakanazy koa.
15
Zio ma tsy hainarô fa tegnanarô ratsam-batan'i Kristy? Ka hindesigny ve izegny irô ratsam-batan'i Kristy aviô hampitambatra irô amin'ny mpivaro-tegna? Tsy hisy anie izegny!
16
Zio ma tsy hainarô fa zay mitambantra amin'ny mpivaro-tegna lôso nofo araiky aminazy? Kara zegny voalazan'ny Sôratra Masigny hoe: "Ho nôfo araiky fo irô roé."
17
Fa izy zay miaraka amin'ny Tompo lôso Fagnahy Masigny araiky Aminazy.
18
Hialà fijangajangana! Ny fahotagna jiaby hafa ataon'ny olo ivelan'ny tegna, fa olo mpijangajanaga manota ho amin'ny tegnany araiky fo.
19
Zio ma tsy hainarô fa vatagnanarô tragnon'ny Fagnahy Masigny, zay mipetraka agnatinarô , zay azonarô bakà amin-dRagnahary? Zio ma tsy hainarô fa tsy ninarô tegnanarô?
20
Fa olom-boavidy anarô. Nohony izegny mankalazà ndRagnahary amin'ny tegnanarô. [Fagnamariagna: Irô dikany volagna taloha sasany vakigna kara ty: "Nohony izegny mankalazà an-dRagnahary amin'ny tegnanarô ndraiky amin'ny fagnahinarô, zay an-dRagnahary." Fa dikany volagna tegna tsara tsy mivaky kara io.]
Chapter 7
1
Mikasiky irô nisorantanarô: "Tsara aminarô lelahy tsy mikasiky viavy."
2
Kanefa nohony irô fakam-pagnahy amin'y raha tsy manjary maro isan-karazany, tôkony hanagna vady manôkagna aby lelahy Tsiaraikiaraiky, bakô viavy tsiaraikiaraiky tôkony hanagna vady manôkagna koa.
3
Ny lelahy tokony hagnamia irô zo ara-panambadiagna ho an'ny vadiny, aviô kara izegny koa ny viavy hon'ny vadiny.
4
Tsy ny viavy no managna fahefagna amin'ny vatagnany manôkagna, fa ny vadiny. Kara izegny koa ,tsy ny lelahy no managna fahefagna amin'ny vatagnany manôkagna, fa vadiny no managna.
5
Aza mifanakatsakagna anarô tsiaraikiaraiky, Izy koa tsy amin'ny fifagnarahagna nifanôvagna ndraiky amin'ny fotoagna natôkagna amin'izegny. Ataovà izegny mba hafanarô, manokan-tegna amin'ny vavaka. Aviô tôkony hiaraka hoandry indraiky anarô,mba tsy hafan'ny devoly mangala Fagnahy anarô nohon'ny tsy fagnarahanarô fifehezan-tegna.
6
Kanefa zaho mivolagna irô raha jiaby aminarô am- pahalalahagna fa tsy didy akory.
7
Tegnany tikao olo jiaby kara zaho. Fa tsiaraikiaraiky samby managna fanomezam-pahasoavagna manôkagna bakà amin-dRagnahary. Araiky managna ity karazam-panomezam-pahasoavagna ity, ndraiky araiky hafa managna karazany hafa koa.
8
Hoan'irô zay tsy managna vady ndraiky irô mpitondrategna mivolagna zaho fa tsara ho azy irô raha mijanogno tsy manambady irô, kara zaho.
9
Kanefa zay irô tsy afaka mifehy tegnany, tôkony hanambady. Satria tsara kokoa irô manambady toy zay aviliviliny filàgna ara-batagna.
10
Aviô irônzay manambady magnamia didy ty zaho_tsy zaho, fa Tompo_ viavy Tsy tôkony hisaraka amin'ny vadiny,
11
(fa raha misaraka amin'ny vadiny , tôkony hijanogno ts hanambady na koa mipody mihavagna amin'ny vadiny)_ bakô lelahy tsy tôkony hisaraka amin'ny vadiny.
12
Fa hoan'irô tavaila mivolagna zaho, fa tsy Tompo_hoe raha misy ralahy araiky managna vady tsy mpino, bakô raha maharavoravo izy miara-miasa aminazy, tsy tôkony hisaraka amin'ny vadiny izy.
13
Raha viavy araiky no managna vady tsy mpino, ndraiky raha maharavoravo izy miaraka miaigny aminazy, tsy tôkony misaraka amin'ny vadiny izy.
14
Satria lelahy tsy mpino natokagna noho amin'ny vadiny, ndraiky viavy tsy mpino natokagna nohoniny amin'ny vadiny rahalany. Fa raha tsy izegny ho maloto zanakandrô, nefa raha marigny efa vaotôkagna irô.
15
Izy koa vady tsy kristianina miala, ambila izy andeha. Amin'ny raha kara zegny, ralahy na ranabavy tsy voafehin'ny vavan-drô. Zagnahary nikaiky atsika mba hiaigny am-piadanagna.
16
Anarô viavy, amin'ny fomba karakory ahaizanao, fa ho voahavotronao vadinao? Anarô lelahy, amin'ny fomba karakory koa ahaizanao, fa ho voahavotronao vadinao?
17
Ambila fo ny tsiaraikiaraiky hiaigny amin'ny fiainagna efa nagnanaovan'ny Tompo izy, bakô araka zegny efa nikahian-dRagnahary izy. Io fitsipikinaka ao amin'ny fiangonagna jiaby.
18
Efa voavositry mba olo araiky izy koa fa kahigna mba hino? Izy tsy tôkony hiezaka hisehoseho kara olo'tsy voavositry. Tsy voavositry mba olo araiky izy koa nikahigna amin'ny finoagna? Tsy tôkony vosiragna izy.
19
Fôtony tsy ny famosiragna na ny tsy famosiragna ny tegna izy. Tegna izy ny fagnanaovagna didin-dRagnahary.
20
Tsiaraikiaraiky tôkony hijanogno amin'ny fikahiagna zegny nisy izy rahoatra koa nikahiny Zagnahary mba hino izy.
21
Andevo mba anao tamin'ny nikahian-dRagnahary anao? Aza miasaloha amin'izegny. Izy koa mety ho afaka anao, araraota izegny.
22
Fôtony olo araiky nikahin'ny Tompo ho andevo, olo afaka ny Tompo. Kara zegny koa, andevon'i Kristy olo afaka tamin'ny nikahiagna izy mba hino.
23
Anarô olo voavidy, dikany zegny aza magnano kara irô andevon'olo.
24
Anarô ralahy, na ino na ino fiainagna nisy atsika tsiaraikiaraiky tamin'ny atsika nikahigna mba hino, aoka atsika hijanogno ho kara zegny.
25
Mahakasiky irô nzegny tsy manambady feky, zaho tsy managna didy baka amin'ny Tompo. Nefa zaho magnamia hevitriko kara araiky zaigny, baka amin'ny famindram-pôn'ny Tompo, tôkony atokisagna.
26
Nohony zegny, mieritreritry zaho fa baka amin'ny loza ho avy, tsara amin'ny lelahy mijanogno amin'ny maha izy izy.
27
Voafehy amin'ny viavy mba anarô? Aza mitady ho afaka aminany. Afaka amin'ny vadinao mba anao? Aza mitady vady. Nefa tsy nanota anarô izy koa manambady.
28
Izy koa manambady ny viavy tsy manambady, tsy nanota izy. Hanagna karazagna olagna maro irô zegny manambady rahoatra ka mbola velogno, fa za ndraiky ty hagnadoso anarô amin'izegny.
29
Fa kara ty raha ambarako, anarô ralahy: Foky fotoagna. Manomboko ziô, alô irô zegny efa manambady hiaigny ho kara olo tsy managna.
30
Irô zegny mitomagny tôkony hagnano ho kara olo tsy mitomagny, irô ravoravo ho kara tsy ravoravo, bakô irô zegny mividy ho kara olo tsy managna na ino na ino;
31
bakô irô zegny mampiasa izao tontolo izao tsy tôkony hagnano kara olo mampiasa izegny tanteraka. Fôtony izao tontolo izao amin'ny endrik'izio ho avy amin'ny fiafaragna.
32
Tiako anarô ho afaka amin'ny ahiahy irô. Lelahy tsy manambady miahiahy amin'ny raha ny Tompo, ny amin'ny fomba hamparavoravoagna Izy.
33
Fa lelahy manambady ndraiky miahiahy amin'ny rahan'izao tontolo izao, ny amin'ny fomba hamparavoravoagna vadiny_
34
mandasandra izy. Viavy tsy manambady na virijiny miahiahy amin'ny raha ny Tompo, ny amin'ny fomba hanokanagna amin'ny tegna ndraiky fagnahy. Fa viavy manambady ndraiky miahiahy amin'ny rahan' izao tontolo izao, ny amin'ny fomba hamparavoravoagna vadiny.
35
Hambarako zegny mba tombotsoanarô manokagna, fa tsy hagnapetraka raha jiaby hanakantsakana iô aminarô. Magnambara izegny zaho nohon'ny raha marigny, amin'izegny anarô mba hanolo-tegna amin'ny Tompo tsisy raha manabataba.
36
Izy koa misy olo araiky mihevitry fa tsy mitonga tsaikitsaikinany am-pagnajagna_ izy koa mihoatra taognon'ny fanambadiagna i viavy io sady tsy maintsy kara izegny_ tôkony hagnano izegny tiany izy. Tsy manota izy. Tôkony hagnano fivadiany irô.
37
Izy koa ndraiky nanagna fikasagna tsara tao am-pôny izy, izy koa tsisy faniritiriagna fa afaka mifehy sitrapôny manokagna, sady nanapa-kevitry tao am-pôny koa izy hagnano izegny, mba hitanany tsaikitsaikinany ho virijiny, tsar nynataony.
38
Magnano ny tsara izegny manambady tsaikitsaikinany, avio zegny misafidy tsy hanambady hagnano ny tegna tsaratsara.
39
Viavy voafehin'ny vadiny izy koa mbola velogno i lelahy io. Izy koa ndraiky fa maty vadiny, malalaka tsara izy hanambady zegny tiany vadigny, fa tegna tsara ao amin'ny Tompo fo.
40
Nefa amin'ny fitsaragnako tôkony ho ravoravo izy koa miaigny amin'izao fo. Heveriko fa zaho araiky koa managna Fagnahin-dRagnahary.
Chapter 8
1
Bakô mikasiky hanigny atao sorogno amin'ny sampy_ haintsika fa: "Atsika jiaby manam-pahaizagna." Fahaizagna mampimpoerampoera, fa fitiavagna manangana.
2
Izy koa misy olo araiky mihevitry tegnany fa mahay raha, mbola tsy mahay araka tôkony hahaizany aby i olo izegny.
3
Fa izy koa misy olo araiky tia ndRagnahary, hainy i olo izegny.
4
Izy koa mikasiky fihinanagna hanigny natao sorogno amin'ny sampy_ haintsika fa " sampy eto amin'izao tontolo izao atao tsinotsino" sady "efa tsisy Zagnahary afa eky izy koa tsy araiky fo."
5
Fa mety misy irô atao sary kahigna zagnahary, na agny an-dagnitry na eto an-tany, kara hamaroan'irô "zagnahary" ndraiky hamaroan'irô "tompo."
6
Fa amintsika "Araiky fo Zagnahary Baba, izegny avy aminany raha jiaby, Izy koa antony hivilomantsika, bakô araiky koa Tompo Jesosy Kristy, baka taminany nisian'ny raha jiaby, bakô baka taminany koa nisiantsika."
7
Na zegny, izegny fahaizagna zegny mbola tsy ao amin'ny tsiaraikiaraiky. Nefa ndraiky koa, sasany tiô aloha nampihatra fanompoan-tsampy, nihinagna i hanigny zegny kara raha natao sorogno amin'ny sampy izegny. Noho izegny robaka fieritreretan-drô fôtony malemy izegny.
8
Fa tsy hanigny hanolotro atsika iô amin-dRagnahary. Fa tsy tegna ratsy atsika izy koa tsy mihinagna, na koa tegna tsara izy koa mihinagna izegny.
9
Tandrema mba tsy fahaizagnanarô antony hampameloko irô olo tsy ampy finoagna.
10
Ataova kara misy olo mahita igny anao, manam-pahaizagna io, mihinagna hanigny ao amin'ny tragnon'ny Sampy. Tsy fahalemen'ny fieritreretagna mba nasakiany hihinagna zegny namezany ho an'ny sampy?
11
Kay baka amin'ny fahaizanao toetra marigny mikasiky sampy, nahavery i ralahy araiky malemy finoagna, zegny nahafatesan'i Kristy.
12
Dikan'izegny, izy koa manota amin'ny ralahinarô anarô ka mandrobaka saigny malemin-drô, manota manohitry i Kristy anarô.
13
Dikan'izegny, izy koa hanigny mahatonga ralahiko ho meloko, tsy hihinan-kena feky zaho, mba tsy baka aminaka hahalavo ralahiko.
Chapter 9
1
Tsy olo afaka mba zaho? Tsy apostoly mba zaho? Tsy nahita i Jesosy Tompontsika mba zaho? Tsy asako ao amin'ny Tompo mba anarô?
2
Izy koa tsy Apostoly ho an'ny hafa zaho, farafaratsiny Apostoly ho anarô. Fa anarô porofo amin'ny maha-apostoly zaho ao amin'ny Tompo.
3
Ara ty fiarovako amin-drô zegny magnotanitany zaho:
4
Izio mba zahay tsy mahazo lalagna hihinagna ndraiky higiaka?
5
Izio mba zahay tsy mahazo mitonga vady mpino, kara ataon-drô apostoly sasany, ndraiky irô ralahin'ny Tompo, bakô Kefasy?
6
Sa zaho ndraiky Barnabasy fo tsy maintsy miasa?
7
Azovy magnano fanompoagna miaramila amin'ny fandaniany manokagna? Azovy mitsambo voaloboko tsy mihina voany? Azovy mpiambigny ondrikondriky kay tsy migiaka ronono azo amin'izegny?
8
Izio mba zaho magnambara irô raha mifototro amin'ny fahefagnan'ny olombelogno? Tsy magnambara zegny koa mba lalàgna?
9
Fa izegny efa voasoratra ao amin'ny lalàgna Mosesy hoe: "Aza fihezigny tady vavany aomby izy koa miasa." Ilainy aomby marigny hiahian-dRagnahary?
10
Tsy mikoragna mikasiky zay mba izy? Efa nisoratagna ho atsika, fa zay miasa tany tôkony hiasa amin'ny fagnatenagna, bakô zay hamopoko tôkony hamopoko amin'ny fagnatenagna hahazo anjara amin'ny vokatra.
11
Raha namafy raha ara-pagnahy tio aminarô izahay, Zio ma maro loatra aminay mijinja raha ara-materialy baka aminarô?
12
Raha atao izegny zo izegny avy aminarô irô hafa, zio ma zahay tsy managna mandilatra? Na izegny aza , tsy nitaky izegny zo izegny zahay. Fa kanefa, naleonay niaritry raha jiaby toy zay ho sakagna ho an'ny filazantsaran'i Kristy.
13
Zio ma tsy hainarô fa irô zay manompo ao amin' ny tragnon-dRagnahary, mahazo sakafon-drô irô baka ao amin'ny tragnon-dRagnahary? Bakô ma zio tsy hainarô fa irô zay manompo iô amin'ny alitara mahazo anjara aminy zay natao fagnatriky tio amin'ny alitara?
14
Kara zegny koa, Tompo nandidy fa irô zay mitory filazantsara tôkony hahazo fivelomagna irô bakà amin'ny filazantsara.
15
Nefa tsy nitaky araiky tamin'irô zo irô zaho. Avio tsy manoratra raha kara ty mba mety hisy raha jiaby hatao zaho. Alo zaho maty toy zay hisy olo hagnadoso aminaka izegny rehareha zegny.
16
Fa izy koa mitory filazantsara zaho, tsy misy antony tôkony ireharehako, fôtony tsy maintsy magnano izegny zaho. Bakô loza aminaka izy koa tsy mitory filazantsara zaho!
17
Fa raha magnano izegny an-tsitrapô zaho, managna valisoa. Fa raha tsy an-tsitrapô ndraiky, mbola managna andraikitry zay nambela taminaka zaho.
18
Ino izegny no valisoako? Izegny rehefa mitory zaho, afaka magnamia filazantsara tsy misy fagnifam-bôla ka mba tsy hampiasa tanteraka zonaka amin'ny filazantsara.
19
Fa na afaka amin'ny jiaby aza zaho, ho avy mpanompo ho an'ny jiaby, mba hahazaoko maromaro koa.
20
Tio amin'ny Jiosy lôso kara Jiosy zaho, mba hahazaoko Jiosy. Tamindrô zay amban'ny lalàgna zaho, lôso kara olo zay amban'ny lalàgna zaho mba hahazaoko irô zay amban'ny lalàgna. Nagnano izegny zaho na tsy tio amban'ny lalàgna aza tegnako.[fahamariagnana: Ny baiboly ULB ndraiky UDB mivaky hoe:"Nagnano izegny zaho na tsy tio amban'ny lalàgna aza tegnako."Ny dikan-teny taloha tsy magnisy izegny.]
21
Tamin-drô zay ambandiky lalàgna, loso kara olo ambandiky lalàgna zaho, na tsy ambandiky lalàgnan-dragnahary aza tegnako, fa ambanin'ny lalàgnan'i Kristy. Nagnano izegny zaho mba hahazaoko irô zay ambanin'ny lalàgna.
22
Tio amin-drô malemy lôso malemy zaho, mba hahazaoko irô malemy. Nanjary raha jiaby ho an'olo jiaby zaho, mba hamonjeko sasany amin'ny fomba jiaby.
23
Magnano raha jiaby zaho ho an'ny filazantsara, mba hafahako mandry anjara amin-drô fitahiagna izegny.
24
Zio ma tsy hainarô fa amin'ny filomahizagna araiky ny mpilomoay jiaby magnano filomahizagna, nefa araiky fo no mahazo loka? Koa milomahiza mba hahazo loka.
25
Mpilomoay araiky magnano fifehezan-tegna amin'ny fanazaragna tegnany jiaby. Magnano izegny irô mba handray satro-boninahitra zay mety rombaka, kanefa ndraiky milomahiza mba hahazoantsika satro-boninahitra tsy mety rombaka.
26
Nohony izegny tsy milomoay amin'ny tsisy dikany zaho na mamango tombokôndry amin'ny tsiko.
27
Fa fiheziko tegnako bakô ataoko andevo, mba hikegny tegnako, rehefa bakà nitory tamin'ny hafa zaho.
Chapter 10
1
Tiko hainarô , rahalahy, fa irô babàtsika tao ambanin'ny rôndro jiaby bakô namakivaky ranomasigny.
2
Olo jiaby natao batisa ho amin'i Mosesy tao amin'ny rôndro ndraiky tao amin'ny ranomasigny,
3
aviô olo jiaby samy nihinagna sakafom-pagnahy mitovy.
4
Olo jiaby nigiaka ranom-pagnahy mitovy. Fa irô nigiaka tamin'ny vatolampim- pagnahy zay nagnaraka irô, Kristy izegny vatolampy izegny.
5
Fa Zagnahary tsy nagneky tsara ny ankamaroan-drô, bakô fatin-drô naparitaka tagny an'efitra.
6
Amin'izo ty raha jiaby regny ohatra ho atsika, mba tsy hagniriantsika raha ratsy kara nilain-drô.
7
Aza manompo sampy, kara sasany tamin-drô. Izegny araka voasôratra hoe:" Irô olo nipetraka mba hihinagna ndraiky higiaka, bakô nitsangana mba hisôma."
8
Alô atsika tsy hijangajanga, kara nataon'ny maro tamin-drô. Agnatiny andra araiky, olo telo amby roapolo arivo no maty nohon'izegny.
9
Alô atsika tsy hitsapa Kristy, kara nataon'ny maro tamin-drô kay naripaka bibilava irô.
10
Aza mimenimenigny koa, kara nataon'ny maro tamin-drô kay naripakan'ny anjelin'ny fahafategna.
11
Raha jiaby regny no nitranga tamin-drô mba ho ohatra ho atsika. Nisoratagna mba ho fampianaragna atsika izy regny_ho amintsika zay niavian'ny faranandrà.
12
Dikan' izegny zegny mieritreritry tegnanany efa mitsangana mitandrema tsara mba tsy ho lavo.
13
Tsy nisy fakam-pagnahy nahatakatra anarô kay tsy hitambaran'olombelogno jiaby. Fa kanefa, Zagnahary mahatoky. Tsy hagnambaila anarô halaim-pagnahy mihoatra zakanarô Izy. Miaraka amin'ny fakam-pagnahy, hagnamia anarô lalagna hilifasagna koa Izy, mba hafanarô miaritry izegny.
14
Dikan'izegny , ry tiako, milifasa lavitry fanompoan-tsampy.
15
Mivolagna aminarô kara olo manan-tsaigny zaho, mba hafahanarô mitsara zay volagniko.
16
Kapoakan'ny fisaoragna zay isaorantsika, zio ma izegny tsy fiombonagna amin'ny lion'i Kristy? Mofo zay vakiantsika, zio ma izegny tsy fiombonagna amin'ny vatagnan'i Kristy?
17
Fôtony araiky fo mofo, atsika zay maro vatagna araiky. Atsika jiaby mandray amin'ny mofo araiky fo.
18
Zhava irô vahoakan'Israely: zio ma irô zay mihinagna irô fagnatriky tsy mpandray anjara eo amin'ny alitara?
19
Ino basy raha volagniko? Hoe tsisy dikany izegny sampy? Sa hanigny zay natao fagnatriky tamin'ny sampy no tsisy dikany?
20
Fa mikoragna mikasiky raha jiaby ataon-drô Jentilisa mpanompo sampy fagnatriky zaho, fa amaizan-drô irô devoly raha jiaby regny fa tsy an-dRagnahary. Tsy tiako anarô ho jery araiky amin'ny devoly!
21
Tsy afaka migiaka kapoakan'ny Tompo ndraiky kapoakan'ny devoly anarô. Tsy afaka miaraka eo amin'ny latabatra Tompo ndraiky latabatran-drô devoly anarô.
22
Sa magnano zay mahasaro-piaro Tompo atsika? Mahery noho Izy ma atsika?
23
"Raha jiaby ara-dalàgna ," fa tsy raha jiaby mahatsara." Raha jiaby ara-dalàgna," fa tsy raha jiaby no mampandroso olo.
24
Tsisy tôkony hitady tombontsoany manôkagna. Kanefa, tsiaraikiaraiky tôkony hitady tombotsoany namany.
25
Afaka mihinagna raha jiaby alafo agny amin'ny tsena anarô, fa aza magnotanitany eritreritry eky.
26
Fa "nihin'ny Tompo tany, ndraiky zay raha jiaby misy ao aminazy."
27
Raha misy tsy mpino magnano karibo anarô hihinagna, kay magniry handeha anarô, hahana zay raha jiaby mipetraka eo alohanarô kaza mametraka fagnontaniagna amin'ny eritreritry eky.
28
Fa raha misy mivolagna aminao hoe: " Ity hanigny ity bakà amin'ny fagnatitra mpanompo sampy," aza mihinagna izegny. Izegny nihin'ny nampahay anarô, ndraiky nihin'ny fieritreretagna. [fanamarihagna: Ny dikany volagna taloha sasany manampy hoe:"Fa tany ndraiky raha jiaby ao aminy nihin'ny Tompo". Fa dikan-teny tsara indrindra tsy misy izegny.]
29
Tsy mivolagna zaho hoe eritreritrinao manôkagna, fa fieritreretan'olo hafa. Nagnino fahafako tôkony tsarainy fieritreretana hafa?
30
Izy koa mandray anjara amin'ny hanigny am-pakansitragna zaho, nagnino no tivativaigny amin'ny zay namiako fisaoragna?
31
Dikan'izegny , na mihinagna na migiaka anarô, na ino na ino ataonarô, ataova ho voninahitry Zagnahary jiaby.
32
Aza magnamia raha mampameloko Jiosy na ny Grika, na fiangonan-dRagnahary.
33
Miezaka haharavo olo jiaby amin'ny raha jiaby zaho. Tsy mitady tombontsoako zaho, fa nihin'ny maro. Ataoko izegny mba ho voavonjy irô.
Chapter 11
1
Alaiva tahaka zaho, kara zaho mangala tahaka an'i Kristy.
2
Aviô midera anarô zaho fôtony mahatsiaro zaho amin'ny raha jiaby anarô. Midera anarô zaho mitana maré fombafomba araka zay nagnanaovako izy irô tio aminarô .
3
Bakô tiako ho azonarô fa Kristy no lohan'ny lelahy jiaby fa lahy no lohan'ny viavy, bakô Zagnahary no lohan'i Kristy.
4
Aviô magnadoso voninahitry lohany irô lelahy zay mivavaka na maminany ka mifogno loha.
5
Fa magnadoso voninahitry lohany irô viavy zay mivavaka na maminany tsy mifogno loha. Fa tsy hafa bakô mitovy amin'ny viavy manaratra lohany izegny.
6
Fa raha tsy mifogno loha viavy, tôkony tapahagna fagnevany. Raha mahamaignatra viavy manapaka fagneva na manaratra lohany, alô izy hanarogno lohany.
7
Fa tsy tôkony hanarogno lohany lelahy ,satria izy no sary ndraiky voninahitran-dRagnahary. Fa viavy voninahitry lelahy.
8
Fa lelahy tsy natao baka tamin'ny viavy. Fa kanefa, viavy no natao baka tamin'ny lelahy.
9
Fa tsisy lelahy niforôgniny ho an'ny viavy. Fa kanefa, viavy no niforôgniny ho an'ny lelahy.
10
Izegny tôkony hanagnany viavy mariky fahefagna iô amin'ny lohany, nohony irô anjely.
11
Na izegny aza, ao amin'ny Tompo, tsy matondra tegna amin'ny lelahy ny viavy, na lelahy matondra tegna amin'ny viavy.
12
Fa izy koa baka amin'ny lelahy ny viavy, lelahy koa baka amin'ny viavy. Aviô baka amin-dRagnahary raha jiaby.
13
Tsarao tegnanarô: Mety amin'ny viavy ma mivavaka amin-dRagnahary tsy mifogno loha?
14
Tsy natiora feky ma mampianatra anarô fa raha lelahy no lava fagneva, fahafaham-baraka ho nazy izegny?
15
Tsy mampianatra anarô ma natiora fa raha viavy lava fagneva, voninahitry ho nazy izegny? Fa namezagna izy fagnevany mba hanarognany izy.
16
Fa raha misy ti-hiady hevitry amin'izegny, tsy managna ohatra hafa zahay, na irô fiangonan-dRagnahary.
17
Fa agnatin'irô torolalagna magnaraka, tsy midera anarô zaho. Fa izy koa miaraka havy anarô, tsy ho amin'ny tsara izegny fa ho amin'ny tegna ratsy.
18
Fa tamin'ny voalahany, regniko fa rehefa miaraka mivory ao amin'ny fiangonagna anarô, misy fisarasaragna eo aminarô bakô mino izegny amin'ny ampahany zaho.
19
Fa tsy maintsy misy fitsitokotokoagna iô aminarô, mba hankasitrahagna iô aminarô irô zay nikegna.
20
Fa izy koa miangona anarô, tsy Fagnasan'ny Tompo no hoaninarô.
21
Izy koa mihinagna hanigna anarô, samy mihinagna hanigny manokagna tsiaraikiaraiky alohan'ny hinanagnan-drô hafa. Mosary ny araiky, bakô ny hafa loso mamo.
22
Tsy managna tragno ihinanagna ndraiky giagna ma anarô? Ho tsinontsiniavinarô ma fiangonan-dRagnahary ka hahetrinarô zay tsy managna na ino na ino ? Ino tôkony volagniko aminarô? Tôkony hidera anarô ma zaho? Tsy hidera anarô amin'izegny zaho!
23
Fa nalaiko baka amin'ny Tompo koa zay ampitaiko aminarô, fa Jesosy Tompo, tamin'ny aligny zay namadihagna Izy, nangala mofo.
24
Izy koa fa baka nankasitraka Izy, nanapaka izegny Izy aviô nivolagna hoe: "Ity ny vatagnanaka, zay nihin'anarô. Ataova ty ho fahatsiarovagna Zaho."
25
Mitovy amin'izegny koa nalainy kapoaka raha baka nihinagna hariva, aviô nivolagna Izy: "Ity kapoaka ity fagnikehagna vaovao ao amin'ny lioko. Ataova ty na ombiagna na ombiagna anarô no migiaka, ho fahatsiarovagna zaho."
26
Amin'ny fotoagna jiaby zay hinananarô ity mofo ity ndraiky higianarô amin'ny kapoaka ity ,magnambara fahafatesagnan'ny Tompo mandra-piaviny anarô.
27
Na azôvy na azôvy, dikan'izegny, mihinana mofo na migiaha amin'ny kapoakan'ny Tompo amin'ny fomba tsy mendriky, ho diso amin'ny vatagna ndraiky lion'ny Tompo.
28
Alo mandiniky tegna tsendriky olo, bakô amin'izegny alo hihinagna mofo aviô higiaka amin'ny kapoaka izy.
29
Fa izy zegny mihinagna ndraiky migiaka ka tsy mahay vatagna, mihinagna ndraiky migiaka fitsaragna ho an'ny tegnany.
30
Izegny no mahatonga maro aminarô ho osa ndraiky marary , aviô sasany aminarô ho faty.
31
Fa izy koa ndraiky mandinin-tegna atsika , tsy ho tsaraigny.
32
Fa izy koa voatsaran'ny Tompo atsika, mpagnara-dalàgna , mba tsy ho voaheloko miaraka amin'izao tontolo izao.
33
Dikan'izegny, ralahiko, rehefa miangona mba hihinagna anarô, mifampiambesa.
34
Izy koa misy olo araiky mosary, alo izy hihinagna agny an-tragno, amin'ny zay koa miangona anarô tsy ho amin'ny fitsaragna izegny. Bakô mahakasiky irô raha hafa zay nosoratanarô, hagnamia toro-lalagna zaho izy koa fa avy.
Chapter 12
1
Mikasiky irô fanomezam-pagnahy, rahalahy, tsy tiako tsy hahay anarô.
2
Hainarô fa taminarô mbola mpanompo sampy, voavily nadeha amin-rô sampy tsy manam-peo anarô, tagny amin'ny zay lalagna jiaby nitarihin'ny anarô regny.
3
Nohon'izegny tiako ho hainarô fa tsisy olo zay mivolagna amin'ny Fagnahin-dRagnahary afaka mivolagna hoe: "Jesosy dia voaozogno." Tsisy afaka mivolagna hoe: "Jesosy dia Tompo", afa-tsy amin'ny alalan'ny Fagnahy Masigny.
4
Bakô misy fanomezam-pagnahy samihafa, fa Fagnahy mitovy fo.
5
Misy fanompoagna samihafa, fa Tompo mitovy fo;
6
bakô misy karazan'asa samihafa, fa Zagnahary mitovy fo no magnano izy irô ho azo atao amin'ny tsiaraikiaraiky.
7
Bakô ho an'ny tsiaraikiaraiky namiagna fanehoagna ambadikin'ny Faganhay ho an'ny Tombontsoany jiaby.
8
Fa ho an'ny olo araiky namiagna baka amin'ny Fagnahy ny volagna fahendregna, aviô ho an'olo araiky hafa volagnan'ny fahalagnana amin'ny alalan'ny Fagnahy mitovy fo.
9
Ho an'ny araiky hafa namiagna finoagna amin'ny alalan'ny Fagnahy mitovy, bakô ho an'ny araiky hafa irô fanomezam-pahasoavagna hanjanga amin'ny alalan'ny Fagnahy araiky.
10
Ho an'ny araiky hafa nagnamia irô asan'ny hery ,aviô ho an'ny araiky hafa faminaniana. Ho an'ny araiky hafa nagnamia fahafahagna magnavaka irô fagnahy, ho an'ny araiky hafa irô karazagna fivolagnana samihafa, aviô ho an'ny araiky hafa fandikagna volagna.
11
Fa Fagnahy araiky sady mitovy fo miasa ao amin'ny raha jiaby izegny, magnamaiza irô fanomezam-pagnahy ho an'ny olo tsiaraikiaraiky aby, araka zay nofidiany.
12
Fôtony vatagna, araiky aviô managna rantsagna maro sady jiaby rantsagna ny vatagna fo, dikan'izegny miaraka amin'i Kristy izegny.
13
Baka tamin'ny Fagnahy araiky nagnanaovagna batisa atsika jiaby ho vatagna araiky, na irô jiosy na irô Grika, na voafehy na afaka, bakô ijiaby natao mba higiaka amin'ny fagnahy araiky.
14
Ny vatagna tsy rantsagna tôkana, fa maro.
15
Izy koa mivolagna ny vity: "Fôtony tsy tagnana zaho, tsy rantsagna amin'ny vatagna zaho," izegny tsy hely amin'ny rantsagnan'ny vatagna aby.
16
Izy koa sofigny hivolagna: "Fôtony tsy maso zaho, tsy rantsagna amin'ny vatagna zaho," izegny tsy hely amin'ny rantsagnan'ny vatagna aby.
17
Izy koa maso ny vatagna jiaby, ino raha arignaisagna? Izy koa sofigny ny vatagna jiaby, hagnaia ny fahitagna?
18
Fa Zagnahary nandamigny rantsan'ny vatagna tsiaraikiaraiky araka ny namorognany izegny.
19
Izy koa rantsagna mitovy fo izy jiaby, agnaia hoisy vatagna?
20
Kay izegny naviany izio rantsagna maro, fa vatagna araiky fo.
21
Maso tsy afaka mivolagna amin'ny tagnana hoe: "Tsisy raha ilaiko anao." Na loha tsy hivolagna amin'ny vity hoe: "Tsisy raha ilaiko anao."
22
Fa irô rantsagna amin'ny vatagna zay miseho ho malemy kokoa tegna ilaigna,
23
bakô irô rantsan'ny vatagna zay heverintsika fa tsy manan-danja , amiantsika lanja maventy kokoa irô, aviô rantsantsika tsy famboaka managna fahamendrehagna mihoatra.
24
Bakô rantsantsika famboaka tsy mila indesigny amin'ny fahamendrehagna. Fa irô efa misy fahamendrehagna. Fa Zagnahary nampikambagna rantsana jiaby miaraka, aviô izy nagnamia lanja kokoa an'irô zay tsy ampy izegny.
25
Nagano izegny Izy mba tsy hisy fisarahagna iô amin'ny vatagna, fa mba hifampikarakara amin'ny fitiavagna mitovy irô rantsagna.
26
Dikan'izegny izy koa mijaly rantsagna araiky, miaraka mijaly rantsagna jiaby; na izy koa amiagna lanja rantsagna araiky, miaraka ravoravo rantsagna jiaby.
27
Bakô anarô vatagn'i kristy aviô rantsagna amin'izegny ny tsiaraikiaraiky.
28
Bakô Zagnahary nanendry tao amin'ny fiangonagna irô apostoly aloha, faharoé mpaminany, fahatelo irô mpampianatra, aviô irô zay magnano asa mahagaga, bakô irô fanomezam-pahasoavagna hagnanjanga, irô magnamia fagnampiagna, irô zay managnano asan'ny fitanan-draharaha, aviô irô zay magnano karazagna fivolagna samihafa.
29
Apostoly ma irô jiaby? Mpaminany aby? Mpampianatra aby? Magnano asa mahagaga aby jiaby?
30
Managna fanomezam-pagnahay hajanga ma izy jiaby? Mivolagna amin'ny fivolagna tsy hay ma izy jiaby? Mandika volagna ma izy jiaby?
31
Tadiava maré irô fanomezam-pagnahay maventiventy. Fa hagambara aminarô lalagna tsaratsara kokoa zaho.
Chapter 13
1
Na atao mivolagna amin'ny fivolagnan-drô olo ndraiky irô anjely aza zaho. Fa raha tsy managna fitiavagna, manjary vy magnena na kipantsona mikarantsam-peo zaho.
2
Na atao managna fanomezagna faminaniagna bakô mahay irô misitery ndraiky fahaizagna jiaby zaho, managna finoagna jiaby afahagna mamindra irô bongo. Fa izy koa ndraiky tsy manam-pitiavagna, tsinontsinoagna zaho.
3
Na atao magnamia zay jiaby anagnako hamahanagna masikiny aza zaho, bakô magnamia tegnako hiroagna. Fa izy koa tsy manam-pitiavagna tsy mahazo na ino na ino zaho. [Fagnamarihagna: Ny ULB ndraiky UDB samy managna dikany volagna maro, mivaky kara ty: " Hamiako mba hiroagna tegnako." Ny dikany volagna sasany ndraiky mivaky kara ty: " Hamiako tegnako mba ho reharehako."]
4
Fitiavagna mahari-po sady tsara fagnahy. Fitiavagna tsy magnirigniry na mirehareha. Tsy miavogno
5
na magnano zegny tsy mahamendriky. Tsy tia tegna. Tsy mora meloko, na mikaonty fahadisoagna.
6
Tsy miravoravo amin'y tsy fahamarignana. Kanefa, miravoravo amin'ny fahamiragnana.
7
Fitiavagna mandefitry amin'y raha jiaby, mino raha jiaby, matoky raha jiaby, bakô miharitry raha jiaby.
8
Tsy ho tapitry mandrakizay fitiavagna. Izy koa misy faminaniagna, ho ravagna irô zegny. Izy koa misy fivolagnana amin'ny volagna tsy hay, hijanogno irô zegny. Raha misy fahaizagna, ho ravagna izegny.
9
Fa atsika mahay amin'ny ampahany ndraiky maminagny amin'ny ampahany.
10
Fa izy koa navy tegna meva, ho ravagna zay tsy tanteraka.
11
Taminy mbola ntsaiky, nikoragna kara ntsaiky, nieritreritry kara ntsaiky, nisaigny kara ntsaiky. Rehefa be zaho, nambelako fahazazagna.
12
Fa amin'iziô atsika nahita tsy mivantagna amin'ny fitaratra, fa letry zay, hifagnatriky sôra. Amin'iziô zaho mahay amin'ny ampagnahy, fa baka io zaho fahay tanteraka kara nahaizagna zaho tanteraka.
13
Fa amin'iziô irô telo irô no mipetraka: finoagna, fanatenagna letry zay, bakô fitiavagna. Fa tegna maventy amin'ny raha irô, fitiavagna.
Chapter 14
1
Mitadiava fitiavagna bakô managnà zotom-pô amin'irô fagnamaizam-pagnagny, indrindra fa mba haminanianarô.
2
Fa zegny mivolagna amin'ny fivolagna tsy hay tsy mikoragna amin'olo fa amin-dRagnahary. Fa tsisy mahazo izegny fôtony mikoragna raha misitriky ao amin'ny fagnahy izy.
3
Fa zegny maminany mikoragna amin'olo mba ho fampioregnana irô, ho famporisiagna irô, bakô fampiononagna irô.
4
Zay mivolagna amin'ny fivolagna tsy hay magnorigny tegnany, fa zay maminany magnorigny fiangonagna.
5
Amin'iziô magniry anarô jiaby hivolagna amin'ny fivolagna tsy hay zaho. Fa mbola mihoatra nohony izegny aza, magniry zaho ny haminanianarô. Zay maminany misy lanjany kokoa noho zay mivolagna amin'ny fivolagna tsy hay (raha tsisy olo araiky mandika volagna ka mba hitsanganany fiangonagna).
6
Fa amin'iziô, rahalahy, raha navy aminarô amin'ny fivolagna tsy hay zaho, ino mba raha tsara amiako anarô amin'izegny? Tsy afaka zaho, izy koa tsy mikoragna aminarô amin'ny fagnambaragna, na fahaizagna, na faminaniana, na fampianaragna.
7
Izy koa magnamboaka fiô irô raha-magnaina tsy manan'aigny_kara sodina na lokanga_sady tsy magnamboaka lantom-peo samihafa irô, akory hahaizan'olo zay hira amboakan'ny sodina na lokanga?
8
Fa izy koa magnano fiô hafahafa trompetra, akory hahaizan'olo jiaby fotoagna hiomagnana amin'ny ady?
9
Ka kara zegny koa aminarô. Izy koa tsy mazava volagna amboakan'ny vavanarô, akory hahaizan'olo raha nivolagninarô? Hivolagna anarô, sady tsisy hahazo anarô.
10
Misy fivolagna maro samihafa eto amin'izao tontolo izao, bakô tsisy aminy regny tsisy dikany.
11
Fa izy koa tsy mahay dikany fivolagnana araiky zaho, ho vahiny amin'izegny mivolagna zaho, aviô zegny mivolagna ho vahiny aminaka.
12
Kara zegny koa aminarô. Fôtony magniry mare fihetsehan'ny Fagnahy anarô, managnà zotom-pô mba handeha tsara amin'ny fagnoregnana fiangonagna.
13
Dikan'izegny zay mivolagna amin'ny fivolagna tsy hay tôkony hivavaka mba hafahany mandika volagna.
14
Fa izy koa mivavaka amin'ny fivolagna tsy hay zaho, mivavaka fagnahiko, fa saigniko tsy mamoa.
15
Ino tôkony ataoko? Hivavaka amin'ny Fagnahiko zaho, sa hivavaka amin'ny saigniko koa zaho. Hihira miaraka amin'ny Fagnahiko zaho, bakô hihira miaraka amin'ny saigniko koa .
16
Raha tsy izegny, izy koa midera an-dRagnahary miaraka amin'ny Fagnahy anarô, akory no hivolagnan'ny vahiny hoe:"Amena" izy koa magnamia fisaoragna anao izy koa tsy hainy zay volagninao.
17
Fa anao tegna magnamia fisaoragna tsara koa, fa olo hafa tsy miorigny.
18
Misaotra an-dRagnahary zaho fa mivolagna amin'ny fivolagna tsy hay mandilatra noho anarô jiaby.
19
Kanefa agny am-piangonagna aleoko mivolagna fivolagna dimy araka fazahoako mba hafahako mampianatra irô hafa, toy zay volagna folo arivo amin'ny fivolagna tsy hay.
20
Ralahy, aza mba ntsaiky amin'ny fihevitry anarô. Kanefa ndraiky, raha amin'ny ratsy, manaova kara ntsaiky. Fa amin'ny fihevitrinarô alo ho matotro anarô.
21
Voasoratra ao amin'ny lalàgna fa: "Amin'olo hafa fivolagna ndraiky amin'alalany sogny vahiny Hikoragnako amin'ireto olo ireto. Na tsy haregny zaho aby irô," Hoy Tompo.
22
Dikan'izegny fivolagnana tsy hay famantaragna, tsy amin-drô mpino, fa amin-drô tsy mpino. Fa faminaniagna ndraiky, famantaragna tsy nihin-drô tsy mpino, fa nihin-drô mpino.
23
Dikan'izegny, izy koa miara-miangona fiangonagna jiaby aviô mivolagna amin'ny fivolagna tsy hay aby jiaby, bakô miditriky irô vahiny ndraiky tsy mpino, tsy ho ambaran-drô fa adala ma anarô?
24
Fa izy koa ndraiky maminany aby anarô jiaby ka nisy tsy mpino na vahiny nidriky, ho resy lahatra aminy zay jiaby regniny izy. Ho tsaraigny amin'alalany raha jiaby nambara izy.
25
Ho ambara ny sekire am-ponany. Vokatr'izegny, handohaliky izy bakô handiniky an-dRagnahary. Hagnambaragna izy fa tegna ao aminarô Zagnahary.
26
Ino izegny magnaraka , ralahy? Izy koa fa tafiaraka anarô, tsiaraikiaraiky managna salamo, fampianaragna, fagnambaragna, fivolagna tsy hay, na fandikam-bolagna. Ataova raha jiaby mba hagnoregnanarô fiangonagna.
27
Izy koa misy mivolagna amin'ny fivolagna tsy hay, ambilà hisy aroé na farafabeny telo io, aviô mandeha tsiaraikiaraiky, bakô tôkony araiky handika volagna zay voalaza.
28
Fa izy koa tsisy mpandika volagna , ambilà tsiaraikiaraiky amin-drô hitana fahanginagna ao am-piangonagna. Ambilà tsiaraikiaraiky hikoragna mitokagna amin'ny tegnany ndraiky amin-dRagnahary.
29
Ambilà hivolagna mpaminany aroé na telo, bakô ambilà irô hafa hitandregny amin'ny fahaiza-magnavaka zegny nambara.
30
Fa izy koa misy fahitagna amaizagna zegny mipetraka iô ami'ny fanompoagna, ambilà hangigny araiky zegny mivolagna.
31
Fa tsiaraikiaraiky aminarô afaka mifandimby maminany mba hafahany tsiaraikiaraiky mianatra bakô mba jiaby hahery.
32
Fa fagnahin-drô mpaminany iô ambanin'ny fagnaraha-maso-drô mpaminany.
33
Fa Zagnahary tsy Zagnaharin'ny fikorontagnana, fa fiadanagna. Izegny fitsipiky fiangonagnan-drô mpino jiaby.
34
Viavy tôkony hitanà fahanginagna ao am-piangonagna. Satria tsy mahazo alalagna hivolagna irô. Fa kenefa, tôkony hagneky irô, kara nambaran'ny lalàgna.
35
Izy koa misy tianan-drô hianaragna, ambilà hagnotany vadiny agny atragno irô. Fa mahamegnatra viavy mivolagna ao am-piangonagna.
36
Bakà aminarô ma niavin'ny volagnan-dragnahary? Anarô fo ma voakasikin'izegny?
37
Raha misy mieritreritry tegnany ho mpaminany na ara-pagnahy, tôkony hagneky izy fa irô raha jiaby zay soratako aminarô, didin'ny Tompo.
38
Fa izy koa misy tsy magneky izegny, alo izy tsy hikegny. [fagnamarihagna: Ankamaroan'ny dikany volagna, ao agnatin'izegny ny ULB ndraiky UDB, mamaky fa: "Fa izy koa misy tsy magneky izegny, alo tsy ho ekegna izy." Ny dikan-teny sasany taloha magnano hoe: "Fa izy koa misy tsy mahay izegny, alo izy tsy hahay izegny."]
39
Koa amin'izegny, ralahy, magniria maré haminany, aviô aza manakagna na azôvy na azôvy hivolagna amin'ny fivolagnana tsy hay.
40
Fa ambilà raha jiaby atao araka tôkony ho izy ndraiky am-pilaminagna.
Chapter 15
1
Niany mampatsiaro anarô zaho, ralahy, amin'ny filanzantsara zegny nambarako taminarô, zegny niraisinarô sady itsangananarô.
2
Baka amin'ny filanzantsra zegny hampahàvotro anarô, izy koa mitana mare amin'ny volagna nambarako taminarô anarô, izy koa tsy minomino fahatany.
3
Namezagna ho zava-dehibe voalohany anarô sady nazoko koa: fa maty amin'ny fahotantsika i Kristy araka Soratra Masigny,
4
nalevigny Izy, bakô Izy natsangana tamin'ny maty tamin'ny andra fahatelo araka Soratra Masigny
5
Kristy niboaka tamin'i Kefasy, bakô tamin-drô aroe ambin'ny folo,
6
avy iô niboaka ndraiky tamin-drô ralahy mihoatra ny dimanjato Izy. Mbola velogno ankamaroan-drô, fa sasany maty.
7
Bakô Izy niboaka tamin'i Jakoba, ndraiky tamin-drô apostoly jiaby.
8
Tegna farany, niboaka taminaka Izy, kara tamin'ny tsaiky teraka tsy feno fanjava. Fa zaho tegna hely amin-drô apostoly.
9
Zaho tsy magnaiva kahigna apostoly fôtony zaho nagnejiky fiangonan-dRagnahary.
10
Fa nohon'ny fahatsaragnan-dRagnahary naha kara ty zaho, sady tsy foagna ato aminaka fahatsaragnany. Nefa ndraiky, niasa mare noho izy jiaby zaho. Nefa tsy zaho aby zegny, fa fahatsaran-dRagnahary miaraka aminaka.
11
Dikany zegny na zaho izegny na irô, araka nitorianay kara izegny ninoanarô
12
Amin'iziô izy koa nambara fa Kristy natsangana tamin'ny maty, akory hafahan'ny sasany aminarô mivolagna fa tsisy fitsanganagna amin'ny maty?
13
Nefa izy koa tsisy fitsanganagna amin'ny maty, tsy natsangana aby Kristy;
14
Izy koa tsy natsangana Kristy, foagna fitorianay, bakô foagna koa finoagnanarô.
15
Hita ho vavolombelogno diso mikasiky zagnahary zahay fôtony nitsangana vavolombelogno nanohitry ndRagnahary, nivolagna fa natsangany Kristy izy koa fa tsy nagnano izegny Izy.
16
Izy koa tsy nitsangana ny maty, na Kristy tsy nitsangana koa;
17
rahoatra tsy nitsangana Kristy, foagna finoagnanarô sady mbola ao amin'ny fahotagnanarô anarô.
18
Bakô jiaby zegny maty ao'amin'i Kristy efa very koa.
19
Izy koa fiainagna ty fo anagnantsika toky amin'ny ho avy ao amin'i Kristy, atsika tegna mampalahelo amin'olo jiaby.
20
Amin'iziô efa natsangana tamin'ny maty Kristy, araiky voaloahany tamin-drô zegny maty.
21
Fôtony baka tamin'ny alalan'ny olo araiky fahafatesagna, baka tamin'ny alalan'ny
olo araiky koa nahavian'ny fitsanganagna amin'ny maty.
22
Kara nahafatesan'ny jiaby tao amin'i Adama, ho vilomigny ao amin'i Kristy koa olo jiaby.
23
Kanefa samy amin'ny filaharany manokagna ny tsiaraikiaraiky: Kristy, araiky voaloham-bokatra, baka iô irô zegny nihin'i Kristy ho atao velogno amin'ny fiaviany.
24
Baka iô ho avy ny farany, izy koa fa hamezan'i Kristy ho ndRagnahary Baba ny fanjakagna. Izegny izy koa fa hagnafoagna fitsipiky jiaby ndraiky fahefagna jiaby bakô hery Izy.
25
Tsy maintsy manjaka Izy mandrapaha hagnabilany ny fahavalony jiaby ao'ambani'ny vitiny.
26
Fahavalo farany ho haripaka ny fahafatesagna.
27
"Napetrany tiô ambanin'ny vitiny raha jiaby." Fa nambara fa: "Izy nametraka raha jiaby," mazava tsara fa tsy tafiditry ao agnatin'izegny araiky nametraka raha jiaby hagneky tegnany.
28
Izy koa fa magneky Izy raha jiaby, Zanaka feky hagneky araiky nampagneky raha jiaby ho Nihinany. Hiboaka izegny mba ho jiaby ao'amin'ny jiaby Zagnahary Baba.
29
Na koa ino ilaigna irô zegny vita batisa ho an'ny maty? Izy koa tsy natsangana feky ny maty, nignino irô natao batisa ho an'izy iregny?
30
Nagnino atsika am-bava loza isan-dera?
31
Miatriky fahafatesagna isan'andra zaho! Izegny azo antoko kara fireharehako ny aminarô, izay azoko amin'i Kristy Jesosy Tompotsika.
32
Ino tombony azoko, baka amin'ny fomba fizahavan'ny olombelogno, izy koa niady tamin'ny biby tao Efesosy zaho, izy koa tsy natsangana ny maty? Alô atsika hihinagna sady higiaka fôtony ho faty atsika hamaray.
33
Kaza mety ho fitahigny: "Mandrombaka fisaignana tsara namagna tsy manjary."
34
Mandiniha! Miaigna am-pahamarignana! Kaza manohy manota! Fa sasany aminarô tsy
managna fahaizagna ndRagnahary. Magnambara izegny amin'ny haignatranarô zaho.
35
Olo araiky hivolagna fa: "Karakory nananganagna ny maty, hitsangana amin'ny karazagna vatagna karakory irô?
36
Tsy mahay na ino na ino anarô! Zegniny hafafinarô tsy hanomboko hitombo izy koa tsy maty izegny.
37
Zegny nafafinarô tsy vatagna zegny ho avy, fa voany fo. Izegny mety hanjary vary na raha hafa.
38
Fa hamezan-dRagnahary izy vatagna araka safidinany, bakô samy amin'ny vatany aby ny voany tsiaraikiaraiky.
39
Tsy nofo jiaby mitovy. Fa kanefa araiky nofon'ny olombelogno, hafa nofon'ny biby, nofo hafa koa nin-drô vôrogno, hafa koa nin-drô laoko.
40
Misy koa vatagna agny an-dagnitry, misy vatagna eto an-tany. Fa karazagna araiky fo voninahitry vatagna agny an-dagnitry, hafa koa voninahitry ny eto an-tany.
41
Araiky voninahitry masoandro, hafa voninahitry fanjava, avy iô voninahitry hafa koa nin-drô kintagna. Fa voninahitry koa mampiavaka kintagna araiky amin'ny kintagna araiky hafa.
42
Kara zegny koa fitsanganagna amin'ny maty. Zegny afafy mety rombaka, fa zegny atsangana tsy mety rombaka.
43
Afafy amin'ny fahafaham-baraka, natsangana amin'ny voninahitry. Afafy amin'ny fahalemegna, natsangana amin'ny tanjaka.
44
Afafy amin'ny vatagna voajagnahary izegny, atsangana ho vatagna ara-pagnahy. Izy koa misy vatagna voajagnahary, misy koa vatagna ara-pagnahy.
45
Efa voasoratra koa fa: "Lôso fagnahy velogno Adama araiky lelahy voalohany." Araiky Adama farany lôso fagnahy magnamia fiainagna.
46
Tsy ny ara-pagnahy avy voalohany fa ny voajagnahary, avy iô ny ara-pagnahy.
47
Olo voalohany baka amin'ny tany, namboarigny tamin'ny fotaka. Olo faharoe baka agny an-dagnitry.
48
Kara araiky namboarigny tamin'ny fotaka, kara zegny koa olo agny an-dagnitry, kara zegny koa irô baka agny an-dagnitry...
49
Kara nitongasantsika bikan'olon'ny fotaka, hitonga bikan'olon'ny lagnitry koa atsika.
50
Kara ty ambarako, anarô ralahy, nôfotro miaraka amin'ny lio tsy afaka handova fanjakan-dRagnahary. Na zegny mety rombaka handova zegny tsy mety rombaka.
51
Indriô! Raha marigny misitriky ambarako anarô: Tsy ho faty aby atsika jiaby, fa hivoagna aby atsika jiaby.
52
Hiova atsika amin'ny fotoagna araiky, agnatin'ny mipi-maso indraiky, amin'ny trompetra farany. Hagnena ny trompetra, irô maty hatsangana tsy ho mety lo, bakô hivoagna atsika.
53
Fa ity vatagna mety rombaka ity tsy maintsy hisikiny izegny tsy mety lo, bakô ity vatagna mety maty ity tsy maintsy hisikiny tsy fahafatesagna
54
Fa izy koa misikiny ny tsy mety rombaka ity vatagna mety rombaka ity, aviô izy koa misikiny ny tsy fahafatesagna ity vatagna mety maty ity, ho avy amin'ny volagna zegny voasoratra, "Voateligny tamin'ny fandrisiagna ny fahafatesagna."
55
"Fahafatesagna, aia ny fandrisiagnanao? Fahafatesagna, aia ny fanindronanao?"
56
Ota fanindron'ny fahafatesagna, bakô herin'ny ota lalàgna.
57
Fa ankasitrahigny Zagnahary, zegny nagnamia atsika fandrisiagna baka amin'ny Jesosy Kristy Tompontsika!
58
Dikany zegny, ralahy tiako, mioregna tsara bakô kaza miozongozogno. Kaza mipondy afara amin'ny asan'ny Tompo, fôtony hainarô fa tsy very foagna asanarô ao amin'ny Tompo
Chapter 16
1
Mikasiky famoriagna vola nin-drô mpino, araka ny nagnambarako lalagna fiangonan'i Galatia, kara zegny koa tôkony ataonarô.
2
Amin'ny andra voalohan'ny herigniandra, tôkony hanokagna raha ny tsiaraikiaraiky aminarô sady hikajy zegny araka zegny vitanarô. Magnanaova zegny mba tsy hisian'ny famoriagna vola izy koa fa avy Zaho
3
Izy koa fa avy zaho, na azovy na azovy ikenarô, alefako miaraka amin'ny taratasy mba hanolorako fagnatrikinarô ho agn'i Jerosalema.
4
Izy koa mety aminaka mandeha, handeha hiaraka aminaka irô.
5
Fa ho avy agny aminarô zaho izy koa mandalo agn'i Makedonia. Fa handalo agny Makedonia zaho.
6
Mety afaka hijanogno miaraka aminarô zaho na mandritra ny ririgniny, mba hahafahanarô magnampy zaho amin'ny diako na aia na aia himboako.
7
Fa tsy magniry hahita anarô mandritra ny fotoagna fôky zaho iziô. Fa magnategna hipetraka maharitraritry miaraka aminarô, izy koa ambelan'ny Tompo.
8
Hijanogno ao Efesaosy zaho mandra-pahavian'ny Pentekosta,
9
fa efa varavaragna malalaka nimbiagna aminaka, aviô misy fahavalo maro.
10
Izy koa fa avy Timoty, ezaho mba tsy havozo izy miaraka aminarô, fa magnano asan'ny Tompo izy, kara ny ataoko.
11
Kaza ambela hoisy olo hagnano tsinontsino izy. Ampia izy amin'ny lalany fiadanagna, mba hafahany mandeha iô aminaka. Magnantegna izy mba ho avy hiaraka amin-drô ralahy zaho.
12
Mikasiky i Apolosy ralahintsika, namporisiky izy mare zaho mba hamangy anarô miaraka amin-drô ralahy. Fa mbola tsy vognono tanteraka ho avy izy iziô. Na zegny ndraiky, ho avy izy koa fa mety ny fotoagna.
13
Madigniasa, mitsangana tsara amin'ny finoagna, miasa kara ny lelahy, mahereza.
14
Mba alô atao am-pitiavagna raha atanao jiaby.
15
Hainarô fianakaviagnan'i Stefanasy, irô niova fô voalohany tao Asaia, bakô koa irô nametraka tegnan-drô ho amin'ny fanompoagna irô mpino. Mamporisiky anarô zaho, ralahy,
16
mba hagneky olo kara zegny ndraiky amin'olo jiaby magnampy amin'ny asa ndraiky miasa miaraka aminay
17
Ravo amin'ny fahavian'i Stefanasy, Fortinatasy, bakô Akaiosy zaho. Nameno ny tsy naha-tiô anarô irô.
18
Namelombelogno fagnahiko ndraiky ninarô irô. Dikany zegny, ataova hay olo kara zegny.
19
Irô fiangonan'i Asia magnano veloma anarô. Akila ndraiky Pritsila magnano veloma anarô ao'amin'ny Tompo, miaraka amin'ny fiangonagna ao amin'ny tany mpitra-drô.
20
Ralahy jiaby magnano veloma anarô. Mifagnanaova veloma amin'ny oroko masigny.
21
Izaho, Paoly, manoratra ity amin'ny tagnako.
22
Izy koa misy olo tsy tia Tompo, enga anie mba ho voaozogno izy. Ho avy, ny Tompontsika!
23
Ho aminarô anie fahasoavan'ny Jesosy Tompo.
24
Ho aminarô jiaby ny fitiavako ao amin'i Jesosy Kristy. [Fagnamarihagna: Dikan'ny volagna taloha magnampy fa: "Amena." Fa ny vaovao maro hafa, ao agnatiny zegny ULB ndraiky UDB, magnadoso izegny.]
Colossians
Chapter 1
1
Paoly, apostolin'ny Kristy Jesosy baka amin'ny sitram-pô dRagnahary, ary Timoty rahalahantsika,
2
ho an-drô mpino draiky rahalahy mahatoky agnatin'ny Kristy zaigny andeha Kolosia. Aminarô fasohavagna' draiky fiadanagna avy amin'ny dRagnahary babatsika. [ Fanamariagna ambanin'ny pejy: misy dikam-bolagna sasany manampy hoe: " draiky Tompo Jesosy Kristy"].
3
Magnamaiza fisaoragna dRagnahary atsika, araiky baban'ny Tompotsika Jesosy Kristy, draiky mivavaka jusqu'à riva zahay.
4
Faregny nay finoanarô i Kristy Jesosy draiky fitiavanarô zaigny voatokana ho an'dRagnahary.
5
Managna fitiavagna zegny anarô nony fanantenagna azo antoko nataokana ho anarô agny an-dagnitry. Tandrignaisanarô momba fanatenagna azo antoko io talohan'ny volagna fahamarinagna, filazantsara,
6
izaigny avy aminarô. filazantsara ty mitondra vokatra draiky efa natao izegny taminao nanomboko tamin'ny andra narignaisagna sady nihanaranao momban'ny fahasoavan'dRagnahary amin'ny marigny.
7
Ity filazantsara araka nianaranarô tamin'ny Epafra, araiky mpiara-mivavaka tiantsika, izegny mpanompo mahatoky Kristy amin'ny agnarantsika. [ famarignana ambanin'ny pejy: " Amin'ny agnaranarô "]
8
Nampahaizan'ny Epafra zahay fitiavanarô fagnahy.
9
Nony fitiavagna io, retry tamin'ny andra nagnaboany izegny tsy nitsahatra nivavaka ho anarô zahay. Nangataka zahay mba feno fahaizanana sitrapôny amin'ny fisiagna jery jiaby draiky fahaizagna ara-pagnahy anarô. Nivavaka zahay mba handeha anarô am-pisianjery amin'ny Tompo amin-drô fomba ankasitrahan-dRagnahary.
10
nivavaka zahay mba hamokatra amin'ny asa tsara jiaby anarô draiky mba hitombo falalagna an'dRagnahary.
11
Mivavaka zahay mba hahazo angovo amin'ny voninahitry amin'ny fiaraitagna draiky fiharaitagna.
12
Mivavaka zahay mba hagnamia fisaoragna Raintsika am-piravoagna anarô, izaigny nahafanarô hanagna anjara amin'ny lovan-drô mpino amin'ny fahazavagna [ Famarignana ambany pejy: misy dikam-bolagna sasany mivaky hoe: " izaigny nahafantsika nanagna anjara"].
13
Nagnavotro antsika tamin'ny fanapahan'ny haizigny draiky namindra atsika ho andeha amin'ny fanjakan'ny zanany lelahy tiany Izy.
14
Amin'ny zanany lelahy anagnatsika fagnavaotagna, famelagna irô fahotagna. [ Fagnamarignana amban'ny pejy: misy dikan-teny sasany mivaky hoe: " Amin'ny Zanany anagnatsika fagnavaotagna baka amin'ny lihony, kay, ny famelagna irô fahotagna."]
15
Zanaka lelahy vatan-dRagnahary tsy hita maso. Izy araiky teraka voalohany tamin'ny fagnaboaragna.
16
Fa baka taminany nagnaboaragna raha jiaby, irô zaigny an-dagnitry draiky irô zaigny eto ambonin'ny tany, irô raha hita maso draiky tsy hita. Na irô sezy fiandrianagna, na irô fanapagna, na irô pitondram-panjakagna, na irô manam-pahefagna, irô raha jiaby namboarigny baka taminany draiky mba ninany.
17
Izy alohan'ny raha jiaby,draiky aminany haraitany raha jiaby.
18
Izy lohan'ny vatagna, draiky tragno dRagnahary. Izy voloany draiky tèraka voalohany tagnivon-drô raha jiaby.
19
Satria sitrakan-dRagnahary tokony hiaignan'ny fahatsaragna jiaby agnatiny,
20
sady ampihavagna amin'ny Zanaka lahy amin'ny raha jiaby amin'ny tegnany. Zagnahary nihavagna tamin'ny alalan'ny ràn'ny hazo fijaliagna. Zagnahay nampihavagna raha jiaby tamin'ny tegnany, na raha jiaby eto ambonin'ny tany na irô raha jiaby an-dagnitry agny.
21
Tamin'ny fotoagna raiky, anarô koa, vahiny tamin-dRagnahary draiky fahavalony tagnatiny saigniny draiky tamin-drô asa ratsy.
22
Fa zioty izy nampihavagna anarô tamin'ny vatagnany jiaby tamin'ny alalan'ny fahafataisagna. nataony zegny mba hanaovagna anarô masigny, tsy anam-pondro ankilany, draiky nagnala baraka izy noho ny fanaratsiagna,
23
koa tohizagna amin'ny finoagna narô, miorigny draiky mafy origny, kay aza mihataka amin'ny fagnatenagna mahatoky filazantsara zaigny regninarô . Ity filazantsara izaigny nambara tamin'ny olo jiaby naraigny ambanin'ny lagnitry. Ity tegnany filazantsara zegny, nahatonga zaho, Poly, ho mpanompo.
24
Zioty zaho ravoravo amin'ny fijaliako baka aminarô, sady zaho nagnamia vatagna zaigny tsy ampy amin'irô fahorian'i Kristy nohony vatagnany, fiangonagna zegny,
25
Noho ny fiangonagna nahampanompo zaho, Araka andraikitry avy amin-dRagnahary izaigny namiagna zaho ho ny narô, mba ahatanteraka volagna Zahary.
26
Io marigny misitriky nandritra taogno maro draiky ny drô taranaka. Fa izioty fa niboaka zegny tamin-drô mino azy.
27
tamin-drô tian-dRagnahary aihin-drô haraignan'ny voninahitr'ity famarinagna misijiky ity tio agnivon'ny Jentilisa. Dikany zegny Kristy agnatinao, tokony voninahitry ho avy.
28
Izy araiky ny torinay. Nagnanatra olo jiaby zahay, draiky nampianatra olo jiaby tamin'ny fahendregna jiaby, mba agnaboatsika olo jiaby feno agnatin'ny Kristy.
29
Nohony zegny miasa mare zaho draiky miaizaka araka angovy zaigny miasa aminaka.
Chapter 2
1
Tiako ho hainarô ny haben'ny ady nataoko ho anarô, ho andrô tagny Laodikia tagny, ndraiky hoandrô olo mbala tsy nahita saorako tamin'ny nofotro.
2
Miasa zaha mba hampahery fon-drô mba hifampiraisagna irô miaraka amin'ny fitiavagna agnatindrô ndraiky fanagnana jiaby amin'ny fahalalagna azo antoko, andeha amin'ny fahalalagna ny fahamarignana tsy hita amin-dRagnahary, dikan'izegny Kristy.
3
Ao aminany harem-pahendregna ndraiky fahalalagna jiaby tsy hita.
4
Mivolagna zegny zaha mba tsy hisy hitariky anarô amin'ny kabaro mandresy lahatra.
5
Nata tsisy miaraka aminarô amin'ny nofo aby zaha, kay mbola miaraka aminarô agnatin'ny fagnahy. Ravoravo zaha mahita filaminanarô ndraiky tanjakan'ny finoagnanarô amin'ny Kristy.
6
Raha ohatra anarô mandray an'i Kristy Tompo, izegny midika fa mandeha aminany.
7
Mifantohà aminany, mioregna aminany, mioregna amin'ny finoagna izay efa nampianariny anarô, aviô mazotoa magnano fisaoragna.
8
Mitandrema mba tsy hagnambela olo hisambotro anarô amin'ny filozofia na koa fitaka araka ny fataon'olo magnaraka ny endrik'izao tontolo izao, fa tsy arakan'i Kristy.
9
Fa ao agnatinany tegna mipetraka ny fahatsaragnan'ny tegnan-dRagnahary.
10
Feno anarô aminany. Izy lohan'ny hery ndraiky fahefagna jiaby.
11
Taminany koa anarô nivosiragna tamin'ny vositry tsy nataon'olombelogno tamin'ny tsy fikitihagny nofotry ny vatagna, fa tamin'ny famosiran'i Kristy.
12
Niaraka nalevigny tamin'ny batisa anarô, avio tao aminazy nananganagna anarô tamin'ny alalan'ny finoagna herin-dRagnahary izay nananganagna Izy tamindrô jiaby maty igny.
13
Mbala anarô fo maty tamin'ny fahotagna ndraiky tsy fahavitan'ny nofotronarô tamin'ny famosiragna, kay Izy namenologno anarô niaraka taminany ndraiky nagnambela atsika tamin'ny fahotagnantsika jiaby.[Fagnamarihagna : Misy dikan-teny sasany taloha nivadiky karaha ty : " Nagnambela fahotagnantsika jiaby."]
14
Nifafany ny raki-tsaoratran'ny trosam-panafahana ndraiky fitsipika jiaby mifanohitra tamintsika. Nadosony raha jiaby zegny ndraiky fagnitsiagna.
15
Nadosondrô ny hery ndraiky ny fahefagna baka aviô izy nagnano fampisehoagna ampahabe maso raha zegny, nadresy raha zegny tamin'ny hazo fijaliagna.
16
Kay, aza ambela hisy hitsara anarô na amin'ny fihinanagna na amin'ny fisotroagna, na amin'ny fiantomboham-panjava na amin'ny andro Sabata.
17
Izegny taratra ny raha ho avy, fa tegna Izy Kristy.
18
Aza ambela hisy na azovy na azovy mila ny fanetriantegna ndraiky ny fideran'ny anjely hitsara anarô kay tsy ahazahoanarô ny lokanarô. Olo karaha zegny miditra amin'ny raha hitany ndraiky manjary mipoerapoera amin'ny fisaignan'ny vatagna.
19
Tsy mihazogno ny lohany izy. Izegny avy amin'ny loha namian-dRagnahary ny vatagna jiaby magneragna vanin-taolagnanany jiaby ndraiky ny hozany izay magnamia kay mitana raha jiaby avio mitana raha jiaby mikambagna. Raha zegny mitombo miaraka amin'ny fampitomboagna namiany Zagnahary.
20
Raha maty miaraka tamin'i Kristy anarô,tamindrô endrik'izao tontolo izao,Kay karakory ndraiky anarô miaigny karah voatery amin'ny tany.
21
" Aza miodigny, aza magnandragna, aviô aza mikasika ? "
22
Raha jiaby zegny ho an'ny fahalovagna, araka ny torolalagna ndraiky fampianaran'olo.
23
Fitsipika zegny mampahory ny vatagna. Fa irô tsy manan-danja amin'ny fanoheram-pandeferagna ny filàn'ny nofotro.
Chapter 3
1
Izy koa Zagnahary zegny no nampitsangagna anarô niaraka tamin'i Kristy, mitadiava raha agnabo agny anarô, izay ipitrahan'i Kristy an-tagnan-kavanan-dRagnahary.
2
Mieritrereta raha ambony agny anarô, fa tsy raha eto an-tany eto.
3
Fa efa maty anarô , abôko, ny fiainanarô koa misitriky miaraka amin'i Kristy ao amin-dRagnahary.
4
Kristy izay fiainanarô kofa miboaka amin'ny rondro, anarô koa hiaraka hiboaka aminany amin'ny voninahitra. [Fagnamarihagna egny ambanin'ny pejy : Irô dikan-teny taloha sasany irô mivolagna hoe: " Izy kofa miboaka amin'ny rondro i Kristy, izay fiainanarô, anarô koa hiaraka hiboaka aminany amin'ny voninahitra.]
5
Vonenarô ny mahakasika ny tegnanarô izay aty an-tany aty: ny filan-dratsy, ny fahalotoagna, firihetan'ny filàgna, fagnirian-dratsy, ny fahatendàgna, izay fanompoan-tsampy.
6
Navy baka amininirô raha aby irô no avian'ny helokon-dRagnahary aminirô zanaky ny tsy fankatoavagna. [ Fagnamarihagna egny ambanin'ny pejy: Ny dikan-teny taloha sasany vakigny hoe: " Navy baka amin'irô raha aby irô no avian'ny helokon-dragnahary."]
7
Izegny koa no nandihananarô taloha taminarô mbola velogno taminany.
8
Amin'iziô ty, adosoanarô raha jiaby reto : heloko, fahasosoragna, irô fikasagna ratsy, fanevatevagna, ndraiky teny fanevatevagna avy amin'ny vavanarô.
9
Aza mifampavandy, fa efa narianarô ny toetranarô taloha miaraka amin'ny fagnanaovanarô izy.
10
Efa nisikininarô ny toetra vaovao izay navaozigny ao amin'ny fahalalagna tsara karaha endrik'ilay namorogno izy.
11
Kay aminjegny, tsisy Grika ndraiky Jiosy na voavositry ndraiky tsy voavositry, barbariana, Skytiana, andevo, olon' afaka, fa Kristy no raha jiaby sady amin'olo jiaby.
12
Misikina famindram-po, hatsaram-pagnahy, fagnetren-tegna, fahalemem-pagnahy ndraiky faharetagna, amin'ny maha olom-boafidin-dRagnahary anarô, sady masigny no tiany.
13
Mifampitondra tsara anarô. Mifamelà. Izy kô misy olo araiky managna fitaraignagna mikasiky olo hafa, mamelà karaha namelan'ny Tompo anarô.
14
Ambonin'ny raha jiaby zegny, manàgna fitiavagna izay mamehy atsika amin'ny fahatanterahagna.
15
Ambilà ny fiadagnan'i Kristy hanapaka amin'ny fonarô. Fa avy baka aminjegny fiadanagna zegny no nikaiagna anarô ho vatagna araiky fo. Abôko, mankasitraha.
16
Ambilà ny tenin'ny Kristy hipetraka maro aminarô amin'ny fahendrena jiaby, abôko, mifampianara ary mifagnanara amin'ny salamo, ndraiky amin'ny fihiragna, ndraiky amin'ny tonon-kiram-pagnahy, mihirà amin'ny fahasoavagna ao am-ponarô ho an-dRagnahary.
17
Na ino na ino raha ataonarô, na amin'ny volagnagna na amin'ny asa, ataovanarô amin'ny agnaran'ny Tompo Jesosy raha jiaby. Magnamaiza fankasitrahagna ho an-dRagnahary amin'ny alalany.
18
Anarô magnangy, magnikia vadinarô, fa zegny no mety ao amin'ny Tompo.
19
Anarô lelahy, tiavà ny vadinarô, ary aza masiaka amindrô.
20
Anarô zanaka, magnikia ray aman-dreninarô amin'ny raha jiaby fa zegny no ankasitrahigny ao amin'ny Tompo.
21
Anarô baba, aza magnano raha mampalahelo zanakarô baiky irô tsy ho kivy.
22
Anarô andevo, magnikia ny tomponarô amin'ny raha jiaby amin'ny maha olo, tsy amin'ny asa ataonarô alohanany baiky hahazoanarô fankasitrahagna fo fa amin'ny fo tsotra. Matahora ny Tompo.
23
Na ino na ino ataonarô, ataovanarô amin'ny fo, karaha ny ho an'ny Tompo fa tsy ho an'olo.
24
Satria hainarô tsara fa avy baka amin'ny Tompo no hazahoanarô valisoan'ny lova ho anarô. Izy no Kristy izay Tompoinarô.
25
Fa olo jiaby izay magnano tsy fahamarinagna, tsy maintsy hahazo sazy baka avy amin'ny tsy fahamarinagna izay nataony, ary tsy misy fizahagna tarehin'olo.
Chapter 4
1
Anarô tompo, ataova amin'ny mpanomponarô zay marigny ndraiky ny mety jiaby, fotony, hainarô fa anarô koa mba managna Tompo andangitry agny.
2
Mahareta amin'ny fivavahagna. Miambesa amin'ny fagnamaizagna fisaoragna zegny.
3
Mivavaha ho anay koa, mba hanokafan-dRagnahary varavaragna ho an'ny teny, mba hilazagna fahamarignana araiky misitrik'i Kristy. Dikan'izegny, voafahy zaha.
4
Mivavaha mba hahavitako magnano ny tokony hivolagniko.
5
Mandihana amin'ny fahendregna amindrô agny ivailany, aviô, araraota tsara ny fotoagna. Aoka ny teninarô hiaraka amin'ny fahasoavagna mandrakariva.
6
Aoka irô ho feno sira, mba hahafahanarô mahay ny fomba tokony hamalianarô olo jiaby.
7
Ka izy koa raha mikasiky zaha, dia i Tykyko no hampahafantatra anarô zegny. Rahalahy malala izy, mpanompo mahatoky sady mpiara-manompo amin'ny Tompo.
8
Baka avy amin'izegny no nandifasako izy aminarô agny, mba hahafahanarô mahay raha mikasiky zahay, aviô, afahanay koa mampahery fonarô. [Fagnamarihagna ambanin'ny page: Ny dikan-teny sasany taloha vakigny hoe: "Baka avy amin'izegny no nandifasako izy aminarô agny, mba hahafahanarô mahay raha mikasiky zahay, aviô, afahanay koa mampahery fonarô." ]
9
Nalefako niaraka tamin'i Onesimosy izy, ralahy araiky mahatoky sady malala, hampahay anarô raha jiaby.
10
Magnano veloma anarô Aristarka, mpiara-migadra aminaka, ndraiky Marka, havan'ny Barnabasy ( araiky nahazahoanarô baiko; izy koa mandaiha aminarô agny izy, alaiva),
11
ndraiky Jesosy kaiagna koa hoe : Josto. Irô baka amin'ny voafôra io fa koa mpiara-miasa aminaka ho an'ny fanjakan-dRagnahary. Fankaherezagna zaha jiaby zegny.
12
Miarahaba anarô i Epafra. Araiky aminarô izy sady mpanompon'ny Kristy Jesosy. Mivavaka maré ho anarô fo izy, mba hatantairaka anarô sady hahzahoanarô antoko tantairaka amin'ny sitrapon-dRagnahary jiaby.
13
Fa mitsangagna vavolombelogno ho izy zaho, miasa maré ho anarô izy, ndraiky ho andrô agny Laodika agny, aviô, amindrô zay agny Hierapolia.
14
Miarahaba anarô i Lioka araiky mpitaha malalantsika igny ndraiky i Demasy .
15
Arabainarô irô lahalahy agny Laodika, ndraiky irô agny Nymfa, ndraiky irô fiangonagna an-ntragnonany ao.
16
Izy koa fa voavaky agnivonarô iô taratasy ty, ataova vakigny amin'ny eglizin'ny Laodikiana koa, aviô, ataova voavakinarô koa taratasy baka agny Laodikia.
17
Volagna Arikipo hoe: " Tandraima ny asa fanompoagna zay nalainao tamin'ny Tompo, fa tokony ho tantirahinao zegny."
18
Fagnanaovagna veloma ty zegny, ataon'ny tagnako manôkagna Paoly. Tsarova fifatorako. Ho aminarô anie ny fahasoavagna.
