Arabic, Algerian Saharan Spoken: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Luke, Mark, Matthew, Philemon, Philippians, Revelation, Romans, Titus
Formatted for Translators
©2022 Wycliffe Associates
Released under a Creative Commons Attribution-ShareAlike 4.0 International
License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal
Text, CC BY-SA 4.0. The original work of the unfoldingWord® Literal Text
is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0
International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord
translationNotes, under CC BY-SA 4.0. The original unfoldingWord work is
available at https://unfoldingword.bible/utn.
The ULB Notes is licensed under the Creative Commons
Attribution-ShareAlike 4.0 International License.
To view a copy of the CC BY-SA 4.0 license visit
http://creativecommons.org/licenses/by-sa/4.0/
Below is a human-readable summary of (and not a substitute for) the
license.
You are free to:
-
Share — copy and redistribute the material in any medium or
format.
-
Adapt — remix, transform, and build upon the material for any
purpose, even commercially.
The licensor cannot revoke these freedoms as long as you follow the
license terms.
Under the following conditions:
-
Attribution — You must attribute the work as follows: "Original
work available at https://BibleInEveryLanguage.org." Attribution
statements in derivative works should not in any way suggest that we
endorse you or your use of this work.
-
ShareAlike — If you remix, transform, or build upon the
material, you must distribute your contributions under the same
license as the original.
-
No additional restrictions — You may not apply legal terms or
technological measures that legally restrict others from doing
anything the license permits.
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
Matthew
Chapter 1
1
كتاب لولادة تاع يسوع المسيح بن داود بن براهيم:
2
ابراهيم جاب اسحاق. و اسحاق جاب يعقوب. و يعقوب جاب يهوذا و خاوتو.
3
و يهوذا جاب فارص و زارح من ثامار. و فارص جاب حصرون. و حصرون جاب آرام.
4
و ارام جاب عميناداب. و عميناداب جاب نحشون. و نحشون جاب سلمون.
5
و سلمون جاب بوعز من راحاب. و بوعز جاب عوبيد من راعوث. و عوبيد جاب يسى.
6
و يسى جاب داود الملك. و داود الملك جاب سليمان من لمرى اللي كانت زوجة اوريا.
7
و سليمان جاب رحبعام. و رحبعام جاب ابيا. و ابيا جاب آسا.
8
و آسا جاب يهوشافاط. و يهوشافاط جاب يورام. و يورام جاب عزيا.
9
و عزيا جاب يوثام. و يوثام جاب آحاز. وآحاز جاب حزقيّا.
10
و حزقيّا جاب منسّى. و منسّى جاب آمون. و آمون جاب يوشيا.
11
و يوشيا جاب يكنيا و خاوتو وقت اللي داوهم للسبي لبابل.
12
و من ورى السبي تاع بابل جاب شألتيئيل. و شألتيئيل جاب زربابل.
13
و زربابل جاب ابيهود. و ابيهود جاب ألياقيم. و ألياقيم جاب عازور.
14
و عازور جاب صادوق. و صادوق جاب أخيم. و أخيم جاب أليود.
15
و أليود جاب أليعازر. و أليعازر جاب متّان. و متّان جاب يعقوب.
16
و يعقوب جاب يوسف اللي تزوج بمريم التي تولد منها يسوع اللي يسموه المسيح.
17
مجموع لجيال من براهيم لداود ربعطاش ن جيل, و من داود حتى لزمان السبي ربعطاش ن جيل, و من زمان السبي حتى للمسيح ربعطاش ن جيل. ولادة يسوع المسيح
18
اما لولادة تاع يسوع المسيح كانت هكا: في الوقت اللي كانت مريم امو مخطوبة ليوسف, و قبل ما يجيبها لدارو حبلت من الروح القدس.
19
و كان يوسف راجلها يخاف ربي, ما حبش يفضحها, و نوى يخليها في السر.
20
و كي كان يخمم في هاذي الامور, ظهر ليه الملاك تاع ربي في لمنام و قالو: "يا يوسف بن داود, ما تخافش تاخذ مريم مرتك. على خاطر اللي في كرشها هو من الروح القدس.
21
راح تجيب طفل و تسميه يسوع. على خاطر هو اللي ينجي شعبو من الذنوب تاعهم".
22
و هاذا الكل صرى باه يتم الشيء اللي تقال من عند ربي بالنبي اللي قال:
23
"هاي العذراء تهز بالكرش و تجيب طفل, و يسموه عمانوئيل" اللي معناتو: الله معانا.
24
و كي ناض يوسف من النوم عمل كيما طلب منو الملاك تاع ربي, و جاب مرتو لدارو.
25
و ما مسهاش حتى ن ولدت و جابت وليدها البدري. و سماه يسوع.
Chapter 2
1
و كي تولد يسوع في بيت لحم في اليهودية, في وقت حكم الملك هيرودس, واحد الرجال حكماء من المشرق جاو لأورشليم
2
وقالوا: "وين هو ملك ليهود اللي كي غير تولد؟ شفنا النجمة تاعو ضاوية في المشرق و احنا جينا باه نسجدوا ليه".
3
و كي سمع هيرودس بهاذا لخبردخل في بعضاه هو و اورشليم كاملة معاه.
4
و راح لم رياس الكهنة الكل و الكتبة تاع الشعب, و سقساهم: "وين يولد المسيح؟".
5
قالوا لو: "في بيت لحم اليهودية.على خاطر مكتوب في كتاب النبي:
6
وانت يابيت لحم, ارض يهوذا, ما كيش صغيرة بين بلدان يهوذا, على خاطر منك يخرج رايس يرعى شعبي اسرائيل".
7
وقتها عيط هيرودس على حكماء المشرق بالدرقة, و تحقق منهم على الزمان الي ظهرت فيه النجمة.
8
و من بعد بعثهم لبيت لحم, و قال لهم: "روحوا فركتوا مليح على الطفل. و كي تلقاوه خبروني باه نروح انا ثاني و نسجد ليه".
9
و من بعد ما هدروا مع الملك راحوا. و كانت هاذيك النجمة اللي شافوها في المشرق قدامهم حتى جات و وقفت فوق لبلاصة اللي كان فيها الطفل يسوع.
10
و كي شافوا النجمة فرحوا ياسر خلاص.
11
و كي دخلوا للبيت, و شافوا الطفل مع مريم امو. طابسوا و سجدو قدامو. و من بعد فتحوا لكنوز تاعهم و قدموا لو هدية: من ذهب و لبان و مر.
12
و كي تكشفوا في لمنام باه ما يرجعوش لهيرودس, جابوا طريق اخرى و رجعوا لبلادهم. الهربة لمصر
13
و من بعد ما راحوا, وقف ملاك الرب على يوسف في لمنام و قالو: "نوض ادي الطفل وامو و اهرب لمصر, و ابقى لثم حتى نقولك. على خاطر هيرودس راه ناوي يحكم الطفل و يقتلو".
14
ناض يوسف من النوم و هز الطفل و امو و خرج في الليل راح لمصر.
15
و قعد لثمة حتى ن مات هيرودس. باه يتم الشيء اللي قال عليه النبي تاع ربي: "من مصر ناديت على وليدي".
16
و كي فاق هيرودس باللي الرجال الحكماء اللي من المشرق لعبولو اللعبة تغشش خلاص. و بعث قتل لولاد اللي في بيت لحم كاملة, من ولد عامين و هَبط, على حساب الزمان اللي تحقق منو من عند الرجال الحكماء.
17
و هكا تم الشيء اللي قال عليه النبي ارميا:
18
"صوت طالع من الرامة, نواح وبكاء و غواث كبير. راحيل تبكي على اولادها و ما تحبش تتعزى, على خاطر فناو و ما عادوش كاينين". الرجوع للناصرة
19
و كي مات هيرودس, ظهر ملاك الرب ليوسف في لمنام و هو في مصر
20
و قالو: "نوض هز الطفل و امو وارجع ل ارض اسرائيل, على خاطر مات اللي كان حاب يقتل الطفل".
21
ناض هز الطفل و امو و رجع ل ارض اسرائيل.
22
بالصح كي سمع باللي ارخيلاوس حكم على اليهودية في بلاصة باباه هيرودس, خاف باه يروح لثمة. و كي زاد كلمو ربي في لمنام, ولى راح لجوايه الجليل.
23
و سكن في مدينة يقولولها ناصرة, باه يتم كلام لنبياء: "راه يتسمى ناصري".
Chapter 3
1
و في هاذيك ليام جا يوحنا المعمدان ينادي في الصحراء تاع اليهودية
2
و يقول: "توبوا, على خاطر ملكوت السماوات قْرُبْ".
3
و يوحنا هو اللي هدر عليه النبي اشعياء كي قال: صوت في الصحراء ينادي ويقول: وجْدوا طريق الرب. و اجعلوا مساربو مقدودة".
4
و يوحنا هذا كان لابس قشابية من لوبر, و متحزم في نصو بحزام تاع جلد, و كانت ماكلتو الجراد و لعسل البري.
5
وقتها خرجولوا من اورشليم و من ليهودية كاملة و من لبلدان اللي دايرة بالاردن,
6
و كان يعمد فيهم في واد الاردن, بعدما يستعرفوا بذنوبهم.
7
و كي شاف باللي ياسر من الفريسيين و الصدوقيين يجيو يتعمدوا عندو, قال لهم: "يا واحد لفاعي, شكون قالكم راح تمنعوا من الهول اللي جاي؟
8
ديروا اعمال تليق بالتوبة.
9
و ما تقولوش لرواحكم: او عندنا بابانا ابراهيم. نقول لكم : الله قادر يقيم من هاذي لحجار اولاد لابراهيم.
10
الفاس راه تحط في الشِجر, و كل شجرة ما تجيبش ثمار مليحة تتقص و تترمى في النار.
11
انا نعمد فيكم بالماء على جال التوبة, بالصح اللي يجي بعدي اقوى مني, و انا ما نستاهلش حتى نهزلو صباتو. هو يعمدكم بالروح القدس و بالنار,
12
و راه هاز المذرى في يدو, و راح يصفي الطرحة, يلم القمح للمخزن, و يحرق التبن بنار ما ططفاش". معمودية يسوع
13
و في هاذاك الوقت جا يسوع من الجليل للاردن عند يوحنا باه يتعمد على يدو.
14
بالصح يوحنا ماحبش و قالو: "انا اللي محتاج ليك تعمدني, كيفاه تجي انت ليا نعمدك!".
15
جاوبو يسوع: "معليش خلي هذا يصير ضرك, على خاطر هكا نكملو كل صلاح". عاد باه قبل يعمدو.
16
و كي تعمد يسوع و وقت اللي عاد خارج من الماء, تحل عليه باب السماء و شاف الروح نازل كيما حمامة و حط فوق منو,
17
و جا صوت من السماوات يقول: " هذا هو وليدي لحبيب اللي رضيت عليه".
Chapter 4
1
و من بعد طلّع الروح يسوع للصحراء باه يجربو ابليس.
2
و بعد ما صام ربعين يوم ليل و نهار, جاع.
3
جا ليه المجرب و قال: "اذا كنت انت وليد الله قول لهاذي لحجار تولي خبز".
4
قالو يسوع: "مكتوب: مش غير بالخبز يعيش العبد, بالصح يعيش بكل كلمة تخرج من فم الله".
5
و من بعد داه ابليس لمدينة القدس, و وقفو على جناح الهيكل,
6
و قالو: "اذا كنت وليد الله ارمي روحك من هنا لتحت, على خاطر مكتوب: يوصي ملايكاتو بيك , على يديهم يهزوك و ما تدعثر بحجر رجليك".
7
قالو يسوع: "مكتوب ثاني: ما تجربش ربي إلهك".
8
و من بعد زاد اداه ابليس فوق جبل عالي خلاص, و ورالو كل المماليك تاع الدنيا و الجاه تاعها,
9
و قالو: "نمدلك هاذي الكل لوكان تسجد ليا".
10
و كي قال كيما هكا قالو يسوع: "اذهب يا شيطان! على خاطر مكتوب: غير لربي إلهك تسجد و هو وحدو اللي تعبد".
11
و من بعد راح عليه ابليس, و جاو ملايكة و بداو يخدمو فيه. يسوع يبدى الخدمة في الجليل
12
و كي سمع يسوع باللي يوحنا حكموه في الحبس, ولى راح للجليل.
13
و خلى الناصرة وراح سكن في كفرناحوم اللي على البحر في جوايه زبولون و نفتاليم,
14
باه يتم واش قال اشعياء النبي:
15
"بلاد زبولون, و بلاد نفتاليم, طريق لبحر, وراء الاردن من لهيه, جليل الامم,
16
الشعب اللي في الظلمة قاعد شاف نور عظيم الشان, اللي ساكنين في بلاد الموت وظلالها طلع عليهم نور".
17
و من هاذاك الوقت بدا يسوع يبشر و يقول: "توبوا لله على خاطر الملكوت تاع السماوات قريب يجي". يسوع ينادي التلامذة لولين
18
و كي كان يسوع ماشي على شط لبحر شاف زوز خاوة: سمعان اللي يعيطولو بطرس, و اندراوس خوه يصيدوا بالشبكة في لبحر, على خاطر همّا صيادين تاع الحوت.
19
قال لهم: "ارواحوا معايا تبعوني نجعلكم تصيدوا الناس".
20
ثم ثم خلاو الشبكة و تبعوه.
21
و من بعد و هو معدي من لثم شاف زوز خاوة اخرين: يعقوب ولد زبدي و يوحنا خوه, كانوا في وسط لفلوكة مع زبدي باباهم يرقعوا في الشبكة, عيط لهم.
22
ثم ثم خلاو لفلوكة و خلاو باباهم و تبعوه. يسوع يعلم و يشفي المرضى
23
و كان يسوع يدور في جوايه الجليل كاملة و يعلم في الجوامع تاعهم, و يبشر ببشارة الملكوت. و يشفي كل مرض و ضعف وسط الغاشي.
24
و تنشرت اخبارو في سوريا الكل. و جابو ليه كل من كان مريض و كل من كان عندو علة و كل اللي عندو حاجة توجع فيه, و المهابل و المصروعين و المعوقين, و هو شفاهم الكل.
25
و ولى غاشي كبير يتبع فيه من الجليل و العشر مدن و اورشليم و اليهودية و لبلاد اللي وراء نهر الاردن من لهيه.
Chapter 5
1
و كي شاف الغاشي طلع للجبل, و كي قعد جاو ليه التلامذة قعدوا بهذاه.
2
و بدي يهدر يعلم فيهم وقال:
3
"يا سعدهم اللي مساكن في الروح, على خاطر ملكوت السماوات راح يكون ليهم.
4
يا سعدهم اللي حازنين, على خاطر راح يفرحوا.
5
يا سعد الناس لملاح, على خاطر يورثوا لرض.
6
يا سعد العطشانين و الجيعانين للعدل’ على خاطر راح يشبعوا.
7
يا سعد اللي يرحموا, على خاطر راح يترحموا.
8
يا سعد اللي قلوبهم صافية, على خاطر راح يشوفوا الله بعينيهم.
9
يا سعد اللي يسعاو باه يديروا المصالحة, على خاطر يتسماو ولاد الله.
10
يا سعد المظلومين على جال العدل, على خاطر راح يكون ليهم ملكوت الله.
11
يا سعدكم كان عايروكم و كرهوكم و قالوا عليكم كلام ما يصلحش على جالي, هكذاك بالكذب.
12
افرحوا و زيدوا, على خاطر عندكم اجر كبير في السماوات, راهم هكا عملوا مع لنبياء اللي قبلكم. ملح لرض و نور العالم
13
"انتوما الملح تاع هاذي الدنيا, بالصح اذا كان فسد الملح باه نملحوا؟ يولي ما يصلح لحتى شيء, غير يسيحوه لبرى و يعفسوه الناس.
14
انتوما النور اتاع هاذي الدنيا. و لمدينة المبنية على راس الجبل ما تخفاش على الناس,
15
و الناس ما يشعلوش الضوء و يحطوه تحت السرير, بالصح يحطوه لفوق في لمنارة باه يضوي للناس الكل اللي في الدار.
16
خليو نوركم يضوي قدام الناس, باه يشوفوا الصلاح اللي تديروا فيه, و يمدوا المجد لباباكم اللي في السماوات. يسوع يتمم الشريعة
17
"ما تحسبوش باللي جيت باه نحي الشرع و الانبياء. لا انا ماجيتش باه ننحي جيت باه نكمل.
18
نقول لكم الحق: حتى ن تفنى السماء و لرض ما يتنحى لا حرف واحد و لا نقطة واحدة من الشرع حتى ن يتم كلشي.
19
و اللي يكسر واحدة من هاذي لحكام الصغيرة و علّم غيرو يعمل كيما هو, يتسمى صغير في ملكوت السماوات. و اما من عمل بيها و علمها لغيرو, هذا يتسمى عظيم في ملكوت السماوات.
20
نقول لكم: لو كان ما يزيدش صلاحكم على صلاح الكتبة و الفريسيين ما تتدخلوش لملكوت السماوات. الغش
21
و سمعتوا باللي قالولناس زمان "ما تقتلش, و اللي يقتل الروح يجوز فيه القتل حتى هو.
22
اما انا نقول لكم: كل من يغضب على خوه باطل يجوز فيه الحكم, و كل اللي يقول لخوه: يا جاهل, يجوز فيه حكم الجماعة, و اللي يقول: يا هايشة, يستاهل نار جاهنامة.
23
و اذا كان رحت باه تذبح الذبيحة تاعك, وثمة تفكرت باللي خوك عندو حاجة عليك,
24
خلي ذبيحتك لثم و روح قبل و رضي خوك, ومن بعد اذبح ذبيحتك على روحك.
25
رضي هاذاك اللي متعارك معاه فيساع مادامك معاه في الطريق, قبل ما يوصلك للقاضي, و القاضي يوصلك للشرطي, و تعشي في لحبس.
26
نقول لكم الحق: اذا كان لحقت لثم ما تخرجش حتى تفلس على اخر سنتيم! الزنا
27
و سمعتوا باللي قالوا للناس زمان: ما تزنيش.
28
و اما انا نقول لكم: كل من يخزر لمرى بخزرة تاع شهوة, يسمى زنى بيها في قلبو.
29
اذا كان عينك ليمنى جعلاتك تغلط نحيها و ارميها عليك, على خاطر خير ليك تخسر واحد من اعضاك و ما تروحش انت بكلك لجاهنامة.
30
و اذا كان يدك ليمنى جعلاتك تغلط قطعها و ارميها عليك, على خاطر خيرليك تخسر واحد من اعضاك و ما تروحش انت بكلك لجاهنامة. الطلاق
31
" وقالوا: اللي يطلق مرتو يعطيها ورقة تاع طلاق.
32
اما انا نقول لكم: كل من يطلق مرتو من غير سبة الزنى يجعلها تزني, و اللي يتزوج بوحدة مطلقة يزنى. الحلف باليمين
33
و ثاني سمعتوا باللي قالوا للناس زمان: ما تحلفش و تحنث, دير الشيء اللي حلفت عليه.
34
اما انا نقول لكم: ما تحلفوش خلاص, لا بالسماءعلى خاطرها العرش تاع الله,
35
و لا باللرض على خاطرها وين يحط رجليه, و لا باورشليم على خاطرها مدينة السلطان العظيم.
36
ما تحلفش براسك, اك ما تقدرش تجعل شعرة واحدة كحلة و الا بيضاء.
37
بالصح خلوا كلامكم يكون نعم اذا كان نعم و يكون لا اذا كان لا. و كل ما زاد على هاذا الشيء راهو من عند الشرير.
38
و سمعتوا باللي قالوا: العين بالعين و السنة بالسنة.
39
و اما انا نقول لكم: ما تعاندوش اللي يدير فيكم الشر, اللي يضربك على خدك ليمين زيد دوَرلو الخد لاخر ثاني.
40
و اذا كان واحد حاب يشريلك لبلاء و ينحليلك ثوبك خليه يدي حتى البرنوس ثاني.
41
و اللي كراك باه تمشي معاه ميل امشي معاه زوز.
42
و اللي طلبك اعطيه, و اللي يجيك طالب سلف ما تردوش خايب. محبة لعديان
43
"سمعتوا باللي قالوا: تحبك قريبك و تكره عدوك.
44
و اما انا نقول لكم: حبوا عديانكم. باركوا اللي يلعنوكم. ديروا الخير في اللي يبغضوكم, و صلوا للناس اللي يديروا فيكم الشر و يسحتوكم,
45
باه تكونوا اولاد باباكم اللي في السماوات, اللي يشرق بالشمس على لخيار و الاشرار و يصب لمطر تاعو على الصالحين و الظالمين.
46
على خاطر كان تحبوا غير اللي يحبوكم, واش من اجر عندكم؟ وعلاه السمسارة ما يحبوش بعضاهم هما ثاني؟
47
و اذا كان تسلموا غير على خاوتكم برك, واش من مزية عندكم؟ علاه السمسارة ما يديروش هكا حتى هما؟
48
كونوا انتوما كاملين كيما باباكم اللي في السماوات كامل.
Chapter 6
1
"عندكم لا تديروا الصداقة تاعكم باه يشوفوكم الناس, ما يكون عندكم حتى اجر عند باباكم اللي في السماوات.
2
كي تحب تصدق على واحد ما تشنعش حتى يسمعوا بيك الناس الكل, كيما يديروا الناس المنافقين في المجامع و في الزنق. نقول لكم الحق: هاذوك اداو الاجر تاعهم خلاص!
3
اما انت كي تحب تصدق حتى يدك ليسرى ما تخليهاش تعرف واش دارت يدك ليمنى,
4
كي تكون الصداقة تاعك في الستر. باباك اللي ما تخفى عليه خافية هو يجازيك قدام الناس الكل.الصلاة
5
و كي تحبوا تصيليِو ما تكونش كيما المنافقين, اللي يحبوا يوقفوا في وسط المجامع و في الطريق, باه ينعتوا ارواحهم و يشوفوهم الناس. نقول لكم الحق راهم ادّاو لجر تاعهم!
6
و اما انت كي تجي تصلي ادخل لبيتك و اقفل بابك, و صلي لباباك اللي في لخفاء. و باباك اللي ما تخفى عليه خافية يكافيك جهار.
7
و كي تصليو ما تعاودوش لكلام باطل كيما يديروا الناس لخرين, حاسبين باللي كي يكثروا من الهدرة يتقبل ربي صلاتهم.
8
ما تديروش كيما يديروا همّا. على خاطر باباكم يعرف الشيء اللي تحتاجوه قبل ما تطلبوه.
9
"صلوا انتوما هكا" : بابانا الفوقاني يا اللي في السماء موجود, اسمك بالقداسة يجود. ملكوتك قريب يعود.
10
خلي مشيئتك كيما اللي في السماء, في ارضنا تسود.
11
ارزقنا خبز نهارنا اللي يكفينا,
12
و اغفر ذنوبنا كيما نغفروا للغلطوا فينا.
13
و في المحنة لا تعدينا, و من فاعل الشر نجينا. انت مولى الملك و القوة, ليك المجد على الدوام. امين.
14
اذا كان غفرتوا لغيركم يغفر لكم باباكم اللي في السماء.
15
و اذا انتوما ما تسامحوش, حتى باباكم ما يسامحكمش. الصوم
16
و كي تصوموا ما تكونوش متغشين كيما الناس المنافقين, اللي يحبوا يبانوا للناس صايمين, نقول لكم الحق: هاذوك اداو لجر تاعهم.
17
اما انت كي تصوم امشط شعرك و اغسل وجهك,
18
باه ما تبانش للناس صايم, انت تصوم لباباك اللي في لخفاء, و باباك اللي ما تخفى عليه خافية يكافيك جهار. كنوز في السماء
19
ما تكنزوش كنوزكم في لرض و تبقى حتى ياكلها السوس و الصدأ, و الا تتسرق.
20
اكنزوا كنوزكم في السماء, لا يفسدها سوس و لا ياكلها صدأ, و واحد ما يقدر يسرقها,
21
على خاطر وين يكون كنزك يكون قلبك ثاني.
22
البصيرة هي النور تاع الانسان, اذا كانت البصيرة تاعك صحيحة يكون كل ما فيك منور,
23
و اذا كانت البصيرة تاعك مريضة يكون كل ما فيك ظلمة و الظلمة كيفاه تكون!
24
"الواحد ما يقدرش يخدم عند زوز اسياد, على خاطر اما راح يبغض واحد فيهم و يحب لاخر, و الا راح يقعد مع واحد فيهم و يحقر لاخر. ما تقدروش تخدموا الله والمال مع بعضاهم. ربي يتكفل بينا
25
"على هاذيك نقول لكم: ما تقلقوش على معيشتكم واش تاكلوا و الا واش تشربوا. و لا على بدنكم واش تلبسوا. ياخي لحياة خير الماكلة, و البدن خير من اللبسة؟
26
شوفوا لفراخ: لا تزرع لا تحصد و لا تخبي في المخزن, و باباكم اللي في السماء هو اللي يرزقها بالقوت. و علاه موش انتوما خير منها خلاص؟
27
شكون منكم اذا تقلق يقدر يزيد في الطول تاعو حتى لو كان شبر واحد؟
28
و علاش تتقلقوا على اللبسة؟ شوفوا النوّار في المرجة كيفاه ينبت لا يتعب لا يغزل.
29
نقول لكم: حتى سليمان في غزّو و جاهو كامل ما لبسش كيما واحدة منهم.
30
اذا كان نوار المرجة اللي اليوم ينبت وغدوى يحرقوه, يلّبسو ربي كيما هكّا, كيفاه ما يلبسكمش انتوما يا ضعاف الايمان؟
31
ما تخموش هكا: واش ناكل؟ واش نشرب؟ واش نلبس؟
32
هاذي لحوايج الكل تفركت عليها الناس اللي ما تامنش بربي. انتوما باباكم يعرف باللي تحتاجوا هاذي الكل.
33
اطلبوا قبل كل شيء الملكوت تاع الله و االعدل تاعو, و هاذي الكل يزيد هالكم.
34
ما تهزوش الهم تاع غدوى, غدوى يتوله بروحو. يكفي اليوم التعب تاعو.
Chapter 7
1
"ما تحكموش على الناس باه يتحكمش عليكم انتم ثاني,
2
على خاطر بالحساب اللي بيه تحاسبوا تتحاسبوا انتم ثاني, و الميزان اللي بيه توزنوا لغيركم يوزنولكم بيه انتم ثاني.
3
علاش تشوف القشة في عين خوك, و ما تشوفش العود اللي في عينك انت؟
4
و كيفاه تقول لخوك خليني نحيلك القشة, و انت عندك عود في عينك؟
5
يا واحد المنافق, خرج قبل العود اللي في عينك, و كي تولي تشوف مليح عاد خرّج القشة من عين خوك!
6
ما تمدوش الحاجة لمقدسة للكلاب, و ما ترميوَش الويز تاعكم قدّام لحلالف, تعفسوا برجليها وتزيد تدور عليكم اننتوما تنطحكم. اطلبوا, ادعيوْ, دقوا على الباب
7
"اطلبوا تنالو. ادعيوْ تلقاو. دقوا على الباب يتحل في وجوهكم.
8
كل اللي يطلب ينال, و كل اللي يدعي يلقى, و كل اللي يطبطب يفتح عليه.
9
شكون منكم كان طلبو ولدو في طرف خبز, يعطيه حجرة؟
10
و الا كان طلبو في حوتة, يعطيه حنش؟
11
و انتوما عباد مذنببن تعرفوا تمدوا لولادكم حوايج مليحة, مالا كيفاه باباكم اللي في السماوات, يرزق الخيرات للناس اللي يطلبوه!
12
الشيء اللي تحبوا الناس يديروه لكم اعملوه انتوما للناس ثاني, هاذا هو الجوهر تاع الشرع و تاع لنبياء. الباب الضيق
13
ادخلوا من الباب الضيق, على خاطر الباب اللي يوصل للهلاك واسع و طريقو ساهلة, و ناس ياسر اللي يدخلوا منو!
14
ما اضيق الباب و ما اصعب الطريق اللي يوصل للحياة, و قلال الناس اللي يلقاوه! الشجرة و ثمارها
15
"ردوا بالكم من الانبياء الكذابين اللي يجيوْكم في زي نعاج, بالصح همّا من داخل ذيوبة خطافين!
16
من ثمارهم تعرفوهم, كاش ما كاين شوك يجيب لعنب, و لا الحسك يجيب الكرطوس؟
17
كل شجرة مليحة تجيب فاكية مليحة, و الشجرة الدونية تجيب فاكية دونية.
18
الشجرة لمليحة ما تجيبش فاكية دونية, و الشجرة الدونية ما تجيبش فاكية مليحة.
19
و كل شجرة ما تجيبش فاكية مليحة تتقص و تتحرق في النار.
20
مالا من ثمارهم تعرفوهم.
21
"مش كل اللي يقول لي: يا ربي, يا ربي! يدخل لملكوت السماوات. يدخل غير اللي يعمل واش يطلب بابا اللي في السماوات.
22
في هاذاك النهار ياسر اللي راح يقولولي: يا رب, يارب! مش بإسمك اللي تنبأنا, و بإسمك خرجنا الجنون, و بإسمك درنا غرايب ياسر؟
23
في هاذاك الوقت نقول لهم بصراحة: انا ما نعرفكمش خلاص! روحوا عليا يا مذنبين! البنايين الفايقين و البنايين الجاهلين
24
كل من يسمع كلامي هذا و يعمل بيه. نشبهو براجل فايق, بنى دارو على الحجر.
25
صبت النو, و فاضت الويدان, و هبت لرياح القاوية, على هاذيك الدار بالصح ما طاحتش على خاطر كانت مبنية فوق لحجر.
26
و كل من يسمع كلامي هذا و ما يعملش بيه, نشبهو لراجل جاهل, بنى دارو على الرمل.
27
و كي صبت النو, و فاضت الويدان, و هبت لرياح القاوية, على هاذيك الدار و رابت و طاحت طيحة كبيرة!".
28
و كي كمّل يسوع كلامو حاروا الناس من التعليم تاعو,
29
على خاطر كان يعلّم فيهم كيما واحد عندو سلطان و مش كيما الكتبة.
Chapter 8
1
و كي نزل من الجبل تبعو غاشي كبير.
2
و كان واحد مريض بالبرص جاه و سجد لو و قالو: "يا سيدي, كان حبيت تقدر تطهرني".
3
مد يسوع يدو و مسو وقالو: "انا نحب, كون طاهر!". و ثم ثم برى من لبرص اللي فيه.
4
و قالو يسوع: "شوف ما تقول حتى لواحد. بالصح روح وري روحك للكاهن, و صدّق الشيء اللي قال عليه موسى ياه تشهد عليهم". الايمان تاع قايد مياة عسكري
5
و كي دخل يسوع ل كفرناحوم, جاءه واحد القايد تاع مياة عسكري باه يطلب من عندو حاجة
6
و قال: "يا سيد, لخديم تاعي مطيش في الفراش مريض معوق و قاعد يتعذب ياسر".
7
قال لو يسوع : "انا نجي معاك و نشفيه".
8
جاوبو القايد تاع مياة عسكري و قالو: "يا سيدي, انا ما نستاهلش باه تدخل لداري, بالصح قول كلمة برك يرتاح لخديم تاعي.
9
على خاطر حتى انا عندي حكومة فوق مني, و عندي عسكر تحت يدي. اللي نقولو روح يروح و اللي نقلو يجي يجي, و لخديم كي نقولو يدير حاجة يديرها!".
10
كي سمع يسوع لكلام تاعو تعجب منو, و قال للناس اللي كانوا يتبعوا فيه: "نقول لكم الحق: في اسرائيل كاملة ما لقيتش ايمان كيما هذا!
11
نقول لكم: باللي ياسر اللي راح يجيوْ من الشرق و من الغرب و يقعدوا مع براهيم و اسحاق و يعقوب في ملكوت السماوات,
12
و اما اولاد الملكوت همّا اللي يترماو لبرى في الظلمة. وين يكون غير لبكاء و النواح".
13
و من بعد قال للقايد تاع مياة عسكري: "روح, الشيء اللي أمنت فيه بالنية يكون ليك". في هاذيك الساعة بالذات برى لخديم تاعو. نسيبة بطرس تنال الشفاء هي و وحايد اخرين
14
و كي وصل يسوع لبيت بطرس, شاف نسيبتو حاكمة لفراش و عندها السخانة,
15
و كي مسها على يدها راحت السخانة, و ناضت من لفراش و بدات تخدم فيهم.
16
و كي عشّات لعشية جابولو مجانين ياسر, خرّج الجنون اللي فيهم بكلمة من عندو و رتّح كل من كان مريض,
17
باه يتم الشيء اللي قال عليه النبي: "هو ادى همومنا و هز امراضنا". الشيء اللي تخلصو باه تتبع يسوع
18
و كي شاف يسوع ناس ياسر دايرين بيه, طلب من التلامذة باه يقطعوا للجيهة الاخرى.
19
و جاء لو واحد الراجل من الكتبة و قالو: "يا معلم, انا نتبعك وين تروح".
20
قالو يسوع: "الثعالب عندها لمغاغر و لفراخ عندها لعشش, اما ابن الانسان ما عندوش حتى وين يسند راسو".
21
و قالو واحد من التلامذة ثاني: "يا سيد, سامحني نروح قبل ندفن بابا و نجي".
22
جاوبو يسوع: "انت تبعني, و خلي الموّاتى يدفنوا الموّاتى تاعهم". يسوع يركح لعجاج
23
و كي دخل للفلوكة تبعوه النلامذة.
24
شوية ناض ريح كبير في وسط لبحر و قربت لمواج تغرق لفلوكة, و هو كان راقد.
25
جاوه التلامذة يجريو ونوضوه و قالولو: "يا سيدي منعنا, رانا نغرقوا!".
26
قل لهم: "واشبيكم خايفين يا قلال ليمان؟". و من بعد وقف نهر الريح و البحر, و ركحت الحالة و صرى هدوء كبير.
27
تعجبوا الناس و قالوا: "شكون هذا؟ حتى لبحر و لرياح كلها تاخذ رايو و تطيعو!". يسوع يخرج الجنون.
28
و كي وصل للشط في جيهة الجرجسيين. خرجوا زوز مجانين من الجبانة و كانوا هايجين خلاص, و ما كان حتى واحد يقدر يعدي على هاذيك الطريق.
29
و بداوْ يعيطوا و يقولوا: "واش كاين بيننا و بينك يا يسوع ابن الله؟ جيت هنا قبَل الوقت باه تعذبنا؟".
30
و كانت واحدة المجموعة تاع حلالف مقابلتهم من بعيد تسرح.
31
و الجنون هاذوك كانوا يحاولوا في يسوع و قالوا لو: "كي عدت راح تخرجنا من هنا, خلينا نروحوا ندخلوا في هاذوك للحلالف".
32
قالهم يسوع : "روحوا". خرجوا من الرجال في زوز و راحوا دخلوا في لحلالف, و رماو رواحهم من الجرف العالي للبحر, و ماتوا في الماء.
33
و الناس اللي كانوا يسرحوا بالحلالف هربوا و دخلوا للمدينة, و حكاو على الشيء اللي صار كامل, و على المجانين في زوز.
34
تلموا اهل لمدينة الكل و خرجوا باه يقابلوا يسوع. و كي شافوه طلبوا منو يخرج من عندهم.
Chapter 9
1
ولى يسوع ركب في الفلوكة و قطَع للجيهة الاخرى و رجع للمدينة تاعو وين يسكن.
2
و جابو لو واحد مشلول هازينو في الفراش. كي شاف يسوع الايمان تاعهم قال للراجل المشلول: "تشجع يا ولدي, ذنوبك مغفورة".
3
و كاين جماعة من تاع الكتبة قالوا في قلوبهم: "هذا الراجل راه يكفر!"
4
و عرف يسوع واش قاعدين يخمموا في قلوبهم, و قال لهم: "وعلاه تخمموا غير في الشر في قلوبكم؟
5
واش هو الشيء اللي اسهل, كي نقول: ذنوبك مغفورة, و الا كي نقول: نوض امشي؟
6
بالصح باه تعرفوا باللي ابن الانسان عندو سلطان على لرض باه يغفر الذنوب". و قال لهاذاك المشلول: "نوض هز فراشك و روّح لدارك!".
7
وقف الراجل و روّح لدارو.
8
و كي شافو الناس هذا الشيء تعجبوا و سبحوا الله اللي مد للناس سلطان كيما هذا. يسوع ينادي متى
9
و كي كان يسوع معدي من لثم شاف واحد قاعد و يلم في لغرامة. اسمه متى. قالو: "تبعني". وقف و راح يتبع فيه.
10
و كي كان مريّح في الدار, جاو جماعة المكّاسين و ناس ياسر من المجرمين و قعدوا مع يسوع و التلامذة تاعو.
11
و كي شافوا الفريسيين هذا الشيء قالوا للتلامذة: "علاه المعلم تاعكم ياكل مع المكاسين و المجرمين؟".
12
كي سمعهم يسوع قال لهم: "لعباد الصحاح ما يحتاجوش للطبيب بالصح المرضى همّا اللي يحتاجوا للطبيب.
13
روحوا افهموا واش يقصد كي قال: انا نحوس على الرحمة مش على الذبيحة, ما جيتش باه نقول للصالحين يتوبوا بالصح نقول للمذنبين يتوبوا". واحد يسقسي على الصوم
14
في هاذاك الوقت جاو عندو التلامذة تاع يوحنا و قالوا لو: "علاه احنا و الفريسيين نكثروا من الصوم, اما التلامذة تاعك ما يصوموش؟". قال لهم يسوع: "يقدروا امالين العرس يحزنوا كي يكون لعريس معاهم؟
15
بالصح تجي ايامات يترفع فيها العريس من وسطهم, في هاذاك الوقت يصوموا.
16
ما كانش اللي يطبب ثوب قديم بطبة جديدة, على خاطر تتكمش الطبة و تزيد تقطع الثوب, و تولي الرقعة اكبر من قبل.
17
و ما يحطوش الشراب الجديد في القربة لقديمة, لا تتشقق القربة, يسيح الشراب و تفسد القربة. بالصح يحطوا الشراب الجديد في قربة جديدة و هكا يربحوهم في زوز". بنت يايرس تقوم من الموت و مرى عندها نزيف تنال الشفاء
18
و كي كان يكلم فيهم بهذا لكلام, جاء عندو واحد القايد و سجد ليه و قال: "بنتي ماتت ضرك برك, ارواح معايا حط يدك عليها تحيا".
19
وقف يسوع وراح معاه هو و التلامذة تاعو.
20
و كانت واحد لمرى عندها نزيف دم من اثناش ن عام جات وراه و مست الحاشية تاع قشو,
21
على خاطر قالت بينها و بين روحها: "لو كان نمس برك الحاشية تاع قشو نبرى".
22
تلفت لها يسوع وشافها, و قال لها: "ثيقي يا بنية, ايمانك شفاك". و في هاذيك الساعة بالذات ارتاحت لمرى من المرض اللي صابها.
23
و كي وصل يسوع لدار القايد, شاف الناس يندبوا و الغاشي فوق بعضاه,
24
قال لهم: "بعدوا, الطفلة ما ماتتش راهي راقدة برك". ولاو يضحكوا عليه.
25
خرْجوا الغاشي كامل برى و دخل يسوع و كي حكمها من يدها, حيات الطفلة.
26
و تنشر لخبر لهاذيك الجوايه كاملة. زوز عميان ينالوا الشفاء
27
و كي كان يسوع معدي من لثم تبعوه زوز عميان و همّا يعيطوا و يقولوا: "ارحمنا يا بن داود!",
28
و كي وصل للدار دخلوا عندو, قال لهم يسوع: "تامنوا باللي نقدر ندير لكم هذا الشيء؟". جاوبوا و قالوا: "نعم, يا سيد نامنوا!".
29
و مسهم يسوع على عينيهم و قال: "يكون لكم على حساب الايمان تاعكم".
30
و تفتحت عينيهم. و وصاهم يسوع و قال لهم: "عندكم, واحد ما يسمع بهذا الشيء اللي صرى!".
31
بالصح همّا خرجوا من لثم و نشروا لخبر في هاذيك لبلاد كاملة. واحد بكوش ينال الشفاء
32
و كي كانوا همّا خارجين من عندوا,
33
كاين وحايد جابولو راجل ساكنو جان و بكوش. و كي خرج منو الجان هدرْ و هو كان بكوش, تعجبوا منو الناس و قالوا: "هذا الشيء عمرو ما صرى في اسرائيل!".
34
اما الفريسيين قالوا: "هذا راه يخرج في الجنون والشواطن بالرايس تاع الشواطن!". الخدّامين راهم قلال
35
و كان يسوع يجول في المدن الكل و الدواور و يعلم في المجامع, و يبشر في الناس ببشارة الملكوت, و يرتح كل مرض و كل ضعف في وسط الشعب.
36
و كي شاف الغاشي كيما هكذا حن عليهم, على خاطر كانوا مقلقين و مطيشين في لرض كي لغنم اللي بلا راعي.
37
وقتها قال للتلامذة تاعو: "لحصاد ياسر بالصح لحصّادة قلال.
38
اطلبوا من مولى لحصاد يبعث حصادة للرزق تاعو".
Chapter 10
1
و من بعد عيط للتلامذة في الثناش و مدلهم القدرة على الجنون باه يخرجوها, و باه يشفيو كل مرض و كل ضعف.
2
و هاذي هي لسامي تاع الرسل في ثناش: لول سمعان اللي يعيطولو بطرس, و اندراوس خوه. و يعقوب بن زبدي, و خوه يوحنا.
3
فيليبس, و برتلماوس, و توما, و متى السمسار. و يعقوب بن حلفي, و لبّاوس المعروف بإسم تداوس.
4
سمعان القانوني, و يهوذا الاسخريوطي اللي باع يسوع.
5
و هاذوك الثناش بعثهم يسوع و وصاهم و قال لهم: "ما تحكموش الطريق للبلدان الاخرى, و ما تدخلوش لحتى مدينة تاع السامريين.
6
روحوا قبل لخرفان بيت اسرائيل الهايمة.
7
و انتوما رايحين بشروا و قولوا: المملكة تاع السماوات راهي قرْبّت.
8
اللي تلقاوهم مرضى اشفيوهم. و اللي تلقاوهم بالبرص رتحوهم. حييو الموتى. خرجوا الجنون. اديتوا بلاش, مدوا بلاش.
9
ما تهزوش معاكم لا دراهم و لا فضة و لا نحاس في جيابكم.
10
و ما تديروش حسابكم للطريق لا لبسة زايدة و لا سباط زايد و لا عصا, الخدّام عندو الحق في الماكلة تاعو.
11
" و اي مدينة و الا قرية تدخلوها حوسوا فيها على اللي يستاهل. و ابقاو عندو حتى تروحوا من لثم.
12
و كي تدخلوا لدار كاش واحد سلموا عليه.
13
اذا كان يستاهل يحل السلام تاعكم عليه, و اذا كان ما يستاهلش يرجع السلام تاعكم ليكم.
14
و اذا ما قبلوكمش و ما سمعوش كلامكم اخرجوا من هاذيك الدار و من هاذيك لمدينة, انفضوا ترابها من رجليكم.
15
نقول لكم الحق: يوم الدين راح تكون حالة سدوم و عمورة خير من حالتهم.
16
انا بعثكم كيما النعاج وسط الذيابة, كونوا فايقين كيما لحنوشة و مسالمين كيما لحمام.
17
ردوا بالكم من الناس, راح يكتفوكم و يجروكم للمحاكم, و يلموا عليكم جماعة و يضربوكم.
18
و يكركروكم للحكام و السلاطين على جال اسمي هذا الشيء اللي يشهد عليهم و على الامم اجمعين.
19
و كي يحكموكم ما تخموش واش تهدروا و واش تقولوا, في هاذيك الساعة يجيكم لكلام اللي راح تقولوه,
20
على خاطر مش انتوما اللي راح تهدروا الروح تاع باباكم هو اللي يتكلم فيكم.
21
الخو راح يسلم خوه للموت, و الاب يسلم ولدو, و لولاد يثوروا على والديهم و يقتلوهم,
22
و تكونوا مكروهين عند الناس الكل على جال اسمي. بالصح اللي يصبر حتى للخر هاذاك يمنع.
23
و كي يخرجزكم من مدينة روحوا لغيرها. نقول لكم الحق: و انتوما مازلتوا حتى ما كملتوش لمدن اللي في اسرائيل حتى يرجع ابن الانسان.
24
" اللي يتعلم ما يكونش خير من المعلم, و العبد ما يكونش خير من سيدو.
25
شرف كبير كي يكون اللي يتعلم كيما المعلم تاعو, و كي يكون العبد كيما سيدو. اذا كان قالوا على مولى الدار بعلزبول, واش راح يقولوا مالا على اهلو!
26
ما تخافوش منهم, ماكانش سر غير و يبان, و ما كانش مخبي غير و يظهر.
27
اللي نقول هولكم في ستر الليل قولوه انتوما في ضوء النهار, و اللي تتخالاو بيه في الوذن نادوا بيه فوق السطح,
28
ما تخافوش من اللي يقتلوا لبدن و اما النفس ما يقدروش يقتلوها. بالصح الاولى بيكم تخافوا من هاذاك اللي يقدر يهلك لبدن و النفس في زوز في جاهنّامة.
29
ياخي زوز فراخ يتباعوا بفلس؟ و واحد فيهم ما يطيح في لرض بلا علم باباكم.
30
و اما انتوما حتى الشعر اللي في روسكم محسوب.
31
مالا ما تخافوش! انتوما خير ياسر من لفراخ!
32
كل من يستعرف بيا قدام الناس انا ثاني نستعرف قدام بابا اللي في السماوات,
33
بالصح اللي ينكرني قدام الناس ننكروا انا ثاني قدام بابا اللي في السماوات.
34
ما تحطوش باللي جيت باه نخلي الدنيا هانية. ما جيتش باه يكون لهنى بالصح يكون السيف.
35
جيت نفرق الواحد على باباه, و البنت على امها, و الكنة على عجوزتها.
36
يوليو موالين الدار همّا العديان.
37
اللي يحب باباه و الا امو اكثر مني ما يستاهلنيش, و اللي يحب ولدو والا بنتو اكثر مني ما يستاهلنيش.
38
و اللي ما يهزش الصليب تاعو و يتبعني ما يستاهلنيش.
39
اللي يربح حياتو يخسرها, و اللي يخسر حياتو على جالي يربحها.
40
اللي يقبلكم يقبلني, و اللي يقبلني يقبل اللي بعثني.
41
اللي يقبل نبي على خاطرو نبي ينال اجر تاع نبي, و اللي يقبل واحد صالح على خاطرو صالح ينال اجر تاع واحد صالح.
42
كل من يمد لواحد من هاذوك الصغار حتى لو كان كاس ما بارد برك على خاطرو تلميذ تاعي, نقول لكم الحق: الاجر تاعو ما يضيعش".
Chapter 11
1
و كي كمّل يسوع كلامو مع التلامذة في ثناش, راح باه يعلم و يبشر في لمدن تاعهم. يسوع و يوحنا المعمدان اما يوحنا المعمدان
2
و هو في الحبس كي سمع بالحوايج اللي يديرهم المسيح, بعثلو زوز من التلامذة اللي كانوا معاه,
3
و قالوا: "انت هو اللي جاي و الا نسناو و احد آخر؟".
4
جاوبهم يسوع و قاللهم: "روحوا قولوا ليوحنا على الشيء اللي شفتوه و سمعتوه:
5
العميان يشوفوا, العياب يمشيو, البُرص يبراو, الطرش يسمعوا, الموتى يقوموا, و المساكين يسمعوا بشارة الخير.
6
يا سعدو اللي ما يشكش فيّا".
7
و بعد ما راحوا هاذوك في زوز قال يسوع للغاشي على يوحنا: "واش خرجتوا تشوفوا في الصحراء؟" قصبة يحرك فيها الريح؟
8
و الا واش خرجتوا تشوفوا؟ واحد لابس لحرير؟ الناس اللي يلبسوا لحرير راهم عايشين في قصور السلاطين.
9
واش خرجتوا تشوفوا؟ نبي؟ هذا صح, نقول لكم, و خير من نبي.
10
هذا هو اللي قال عليه لكتاب: نبعث لملاك تاعي قبلك و هو اللي يوجد الطريق قدامك.
11
نقول لكم الحق: ما كانش من بين اللي ولدتهم النساء اعظم من يوحنا المعمدان, بالصح اصغر واحد في الملكوت تاع السماوات اعظم منو.
12
و من وقت يوحنا المعمدان حتى لليوم و ملكوت السماوات قاعد يتسلب, و المغتصبين قاعدين يخطفوا فيه.
13
على خاطر الشريعة و الانبياء الكل حتى ليوحنا تنبأؤوا.
14
و اذا حبيتوا تقبلوا, هذا هو ايليا اللي كان راح يجي.
15
و اللي يحب يسمع يسمع.
16
كيفاه نشبه الجيل هذا؟ نشبههم كيما ولاد صغار قاعدين في الطريق يعيطوا على اصحابهم
17
و يقولوا: زمرنالكم ما شطحتوا! ندبنالكم ما بكيتوا!
18
جاكم يوحنا ما ياكل ما يشرب. قلتوا ساكنوا جن.
19
جاكم ابن الانسان ياكل و يشرب, قلتوا: مكراش و سكارجي, يخالط العشارين و المذنبين. بالصح الرزانة يبينوها ناسها". المدن اللي ما تابتش
20
و بدا يلوم على المدن اللي دار فيها ايات كبار بالصح اهلها ما تابوش:
21
"يا ويلك يا كورزين! يا ويلك يا بيت صيدا! على خاطر لو كان لعجايب اللي نداروا فيكم نداروا في صور و صيداء بكري, لوكان تابوا و لبسوا الخيشة و ذراو الرماد على روسهم.
22
بالصح نقول لكم: حالة صور و صيداء يوم الدين راح تكون خير من حالتكم انتوما.
23
و انت يا كفرناحوم اللي هازة راسك في السماء! راح تهودي للهاوية. على خاطر لوكان ندارت في سدوم الايات اللي ندارت فيك كانت بقات حتى لليوم.
24
بالصح نقول لكم: حالة سدوم يوم الدين راح تكون خير من حالتك انت". التعبانين يلقاو الراحة
25
و في هاذاك الوقت تكلم يسوع و قال: "نحمدك يا بابا يا رب السماء و لرض, على خاطر حجبت هاذي الامور على الحكماء و الفاهمين و بينتها للصغار.
26
نعم يا بابا, هذا الشيء اللي حكمت بيه.
27
كل شيء جاني من عند بابا, و واحد ما يعرف الابن غير الاب. و واحد ما يعرف الاب غير الابن و اللي يحب هو يبينو ليه.
28
ارواحوا ليا يا جميع التعبانين و اللي احمالكم ثقيلة, وانا نريحكم.
29
هزوا النير تاعي و تعلموا مني, على خاطرني وديع و متواضع, هكا تلقاو راحة لنفوسكم.
30
على خاطر نيري ساهل و حملي خفيف".
Chapter 12
1
في هاذاك الوقت كان يسوع يمشي في وسط الزرع هو و التلامذة تاعو و كان نهار سبت, و كي جاعوا التلامذة نحاو السبول و كلاو.
2
و كي شافوهم الفريسيين قالوا: "شوف التلامذة تاعك يعملوا حوايج محرمة نهار السبت!".
3
قال لهم: "ما قريتوش واش دار داود كي جاع هو والناس اللي كانوا معاه؟
4
كيفاه دخل لبيت الله و كلى الخبز اللي مخصص للتقدمة اللي ما يحل لحتى واحد ياكل منو غير الكهنة وحدهم.
5
و الا ما قريتوش في التوراة باللي الكهنة في الهيكل نهار السبت يتعداو على السبت و هما ابرياء؟
6
بالصح نقول لكم: هاذا اللي قدامكم هنا شانو اعظم من شان الهيكل!
7
لو كان جيتو تعرفوا واش المقصود بهاذا لكلام: انا نطلب رحمة مش ذبيحة, ما كنتوش تحكموا على الناس الابرياء!
8
على خاطر ابن الانسان هو رب السبت ثاني".
9
و من بعد خرج من هاذاك لمكان و راح للمجمع تاعهم,
10
و لقى ثمة واحد الراجل يدوا يابسة, سقساوه و قالوا: "حلال واحد يشفي المرضى نهار السبت؟" قالوا هكا باه يشكِيو بيه.
11
قال لهم: "شكون منكم اذا كان عندو غير خروف واحد برك, و يطيحلو نهار السبت في مطمور, يجبدوا والا لا؟
12
وكيفاه مالا الانسان اللي اعز من لخروف! مالا يجوز للواحد يدير الخير نهار السبت!".
13
و من بعد قال لهاذاك الراجل: "مد يدك". مدها و رجعت صحيحة كيما يدو لخرى. راجل الله المختار
14
و كي خرجوا الفريسيين تفاهموا عليه باه يقتلوه,
15
و علم بيهم يسوع و خرج من لثم. و خرج وراه غاشي كبير و شفاهم كاملين.
16
و وصاهم باه ما يبينوهش,
17
باه يتم الشيء اللي قال عليه النبي اشعياء:
18
هاذا هو الشاب اللي خايرتو, حبيبي اللي نفسي راضية عليه. نحط روحي عليه باه يخبر الشعوب بالحق.
19
لا يعارك و لا يصيح, لبرى واحد ما يسمع صوتو.
20
قصبة مشقوقة ما يكسر, و فتيلة مدخنة ما يطفي, حتى ينصر الحق.
21
و على اسمو هو يكون امل الشعوب". يسوع و بعلزبول
22
في هاذاك الوقت جابولو واحد مجنون اعمى و بكوش شفاه, هاذاك لعمى لبكوش نطق و عاد يشوف.
23
والناس الكل حاروا فيه و قالوا: "ما يكونش هاذا ابن داود؟".
24
بالصح الفريسيين كي سمعوا بهذا الشيء قالوا: "هذا ما يكون يخَرّج الشواطن غير على يد بعلربول سلطان الشواطن".
25
و كي عرف يسوع واش قاعدين يخمموا, قال لهم: "كل مملكة تتقسم على روحها تريب, و كل مدينة و الا بيت يتقسم على روحو ما يثبتش.
26
اذا كان الشيطان يخَرج الشيطان يسمى دار على روحو. كيفاه راح يثبت المُلك تاعو؟
27
و اذا كنت انا نخرج الشواطن بسلطان الشواطن, مالا ولادكم بشكون يخرجوهم؟ همّا اللي راح يحكموا عليكم!
28
بالصح اذا كنت انا نخرج الشواطن بالروح تاع الله, يكون دهم عليكم الملكوت تاع الله!
29
كيفاه يقدر الواحد يدخل لدار واحد قاوى و يديلوا مالو, لو كان ما يربطوش قبَل. و من بعد ينهبلو دارو؟
30
اللي ما يكونش معايا يكون ضدي, و اللي ما يلمش معايا يسمى قاعد يفرق.
31
على هذا نقول لكم: كل معصية و كل كذب يتغفر للناس, بالصح لكذب على الروح ما يتغفرش.
32
من قال كلمة على بن الانسان تتغفرلو, و اما اللي يقول على الروح القدس ما يتغفرلوش, لا في دار الدنيا و لا في دار لاخرة.
33
كي تكون الشجرة مليحة تكون فاكيتها مليحة, و كي تكون الشجرة بيثر تكون فاكيتها بيثر, من الفاكية تتعرف الشجرة.
34
يا ولاد لفاعي! كيفاه تقدروا تتكلموا بالصلاح و انتوما شرور؟ الشيء اللي يفيض من القلب هاذاك ينطق بيه الفم.
35
و الانسان الصالح يخرج الصلاح من كنزو الصالح اللي في قلبو, و الانسان تاع الشر يخرج الشر من كنزو الشرير اللي في قلبو.
36
بالصح نقول لكم: كل كلمة ماهيش مليحة يهدروها الناس يتحاسبوا عليها يوم الدين.
37
على خاطر بكلامك تتبرر و بكلامك يتحكم عليك". اية يونان
38
وقتها ردوا عليه جماعة من الكتبة و الفريسيين و قالوا: "يا معلم, نطلبوا منك تعمل لنا اية".
39
جاوبهم و قال: "جيل شرير و فاسق يحوس على اية, و ما ينال حتى اية غير اية النبي يونان.
40
على خاطر كيما كان يونان في كرش الحوت ثلاثة ايام و ثلاثة ليالي, هكذاك يكون ابن الانسان في قلب لرض ثلاثة ايام و ثلاثة ليالي.
41
رجال نينوي راح يقوموا يوم الدين مع هذا الجيل و يحكموا عليه, على خاطر همّا تابوا كي سمعوا تحذير يونان, و هنا كاين قدامكم اللي شانوا اكبر من شان يونان!
42
و الملكة تاع الجنوب راح تقوم يوم الدين مع هاذا الجيل و تحكم عليه, على خاطر هي جات من اخر الدنيا باه تسمع حكمة سليمان, و هنا كاين قدامكم اللي شانو اعظم من شان سليمان!
43
و كي يخرج الروح المنجوس من العبد يبقى هايم في الصحاري, يحوس على الراحة و ما يلقاهاش.
44
من بعد يقول: نرجع لداري اللي خرجت منها. و كي يجي يلقاها فارغة و مكنوسة و مزينة.
45
يروح يزيد معاه سبعة ارواح انجس منو, تدخل و تسكن لثم, و تولى اخرة هذا العبد اشر من اللي كانت المرة لولى! هكذا تكون حالة هذا الجيل الفاسق". نعمل واش يطلب الله
46
و هو مازال يهدر مع الغاشي جات امو و خاوتو و وقفوا لبرى عيطولوا حابين يهدروا معاه.
47
قالو واحد من الناس: "هاي امك و خاوتك واقفين لبرى حابين يهدروا معاك".
48
جاوبو يسوع و قالو: "شكون هي يمّا و شكون همّا خاوتي؟".
49
و من بعد مد يدو جيهة التلامذة و قال: "هاذو همّا يمّا و خاوتي.
50
على خاطر اللي يعمل رضاية بابا اللي في السماوات هو خويا و اختي و يمّا".
Chapter 13
1
و في هاذاك النهار خرج يسوع من الدار و راح قعد على شط لبحر,
2
و تلم عليه غاشي كبير, و كي شاف الناس يتزاحموا دخل للفلوكة و قعد. و الغاشي كامل كان قاعد على الشط مقابلو.
3
و كان يهدر معاهم غير بالمعاني و قال: "هاو الزارع خرج باه يزرع,
4
و كي كان يزرع طاحت شوية زريعة في الطريق, و جات لفراخ و كلاتها.
5
و طاح شوية منها فوق لحجار وين التربة قليلة و نبتت في ساع على خاطر التربة ما هيش غارقة.
6
بالصح كي طلعت عليها الشمس ذبلت, ويبست على خاطر بلا اصل.
7
و طاحت شوية زريعة فوق الشوك, و كي نبتت نبت معاها الشوك و خنقها.
8
و طاحت شوية زريعة فوق التربة الحرة و جابت الصابة الخير و البراكة, منها اللي جابت مئة و منها اللي جابت ستين و اخرى جابت ثلاثين,
9
اللي يحب يسمع يسمع".
10
و جاو عندو التلامذة و قالوا: "علاه تهدر معاهم بالمعاني؟".
11
قال لهم: "على خاطر غير ليكم انتوما المعطى باه تفهموا ملكوت السماوات, بالصح هاذوك لا.
12
اللي ليه يتزاد ليه, و اللي ما هوش ليه حتى اللي عندو يتنحالو.
13
على هذا الشيء نهدر معاهم بالمعاني, على خاطر عينيهم محلولة بالصح ما يشوفوش, و يسمعوا بالصح ما يفهموش.
14
تمت فيهم النبوة تاع اشعياء اللي تقول: السمع يسمعوا بالصح ما يفهموش, و يخزروا بعينيهم بالصح ما يشوفوش.
15
على خاطر هذا الشعب قلبو قاسي, و وذنيهم ثقيلة. و عينيهم مغمضة, باه ما يسمعوا و ما يشوفوا, ما يفهموا في قلوبهم, باه يرجعوا و نشفيهم.
16
بالصح يا سعدهم اللي عينيهم تشوف, و اللي وذنيهم تسمع.
17
نقول لكم الحق: انبياء ياسر و صالحين ياسر تمناو يشوفوا الشيء اللي انتم شفتوه و ما شافوش, و تمناو يسمعوا الشيء اللي انتم سمعتوه و ما سمعوش.
18
"اسمعوا انتوما هذا لمثل تاع الزارع اللي يزرع:
19
كل من يسمع كلمة الملكوت و ما يفهمهاش, يجي الشرير و يخطف الشيء اللي تزرع في قلبو. و هذا هو الزرع اللي طاح في الطريق.
20
و المزروع على لحجار هو هذاك اللي يسمع الكلمة, و يقبلها في ساعتها و يفرح بيها,
21
بالصح ما عندوش اصل في ذاتو, غير مدة برك. و كان جاء ضيق و الا اضطهاد على جال الكلمة ثم ثم يطيح.
22
و اللي تزرع في وسط الشوك هو هاذاك اللي يسمع الكلمة, بالصح الهم تاع هاذي الدنيا و الشهوة تاع المال يخنقوا الكلمة و ما يخلوهاش تجيب الثمرة تاعها.
23
اما هاذاك المزروع في التربة الحرة هو اللي يسمع الكلمة و يفهمها. و يجيب الثمار, اللي يجيب مئة و اخر ستين و اخر ثلاثين". لمثل تاع القمح و الزوان
24
و زادهم مثل واحد اخر و قال: "يشبه ملكوت السماوات لواحد الراجل زرع شتلة مليحة في الجنان تاعو.
25
و اليوم و غدوا كي كانوا الناس راقدين جاء لعدو تاعو و زرع الزوان في وسط هاذاك الجنان و راح.
26
و كي نبت الزرع و دار الثمار, وقتها بان فيه حتى الزوان ثاني.
27
و جاو الخدامة تاع مولى الدار و قالوا لو: يا سيد, ياخي زرعت شتلة مليحة في جنانك؟ منين جا الزوان؟.
28
قال لهم: هذا واحد عدو عمل هذا الشيء. قالوا الخدامة: تحب نروحوا نحيِوْه؟.
29
قال لهم: لا! هكا نخاف تقلعوا لقمح مع الزوان.
30
خلِيوْهم يكبروا مع بعضاهم حتى يجي وقت لحصاد, و في هاذاك الوقت نوصي الحصادبن: يلموا الزوان هو لول و يديروه حزم حزم باه يحرقوه, اما القمح يلموه يحطوه في المخزن تاعي". لمثل تاع حبة الخردل و لمثل تاع لخميرة
31
و زاد قال لهم مثل واحد اخر قال: "يشابه ملكوت السماوات حبة تاع خردل هزها واحد و زرعها عندو في الجنان,
32
و هي اصغر واحدة في الزريعة الكل. بالصح نهار اللي تنبت تولي اكبر واحدة في الخضرة الكل, و تكبر حتى تولي شجرة, و تجي لفراخ تبيت فوق لعراف تاعها".
33
و زاد قال لهم مثل واحد اخر: "يشبه ملكوت السماوات خميرة هزتها لمرى و فرقتها على ثلاثة كيلات تاع عجينة حتى تخمرت العجينة كاملة".
34
هاذي لمعاني الكل هدر بيها يسوع مع الغاشي, و كان يهدر معاهم غير بالمعاني,
35
باه يتم اللي قال عليه النبي: "نخرج من فمي امثال, و من نهار اللي بدات الدنيا ننطق بالاسرار". يسوع يفسر المثل تاع القمح و الزوان
36
و كي صرّف يسوع الغاشي و راح للدار. جاو ليه التلامذة و قالوا: "فسر لنا لمثل تاع القمح و الزوان اللي في الجنان".
37
قال لهم: "الزارع اللي يزرع شتلة مليحة هو ابن الانسان.
38
و الجنان هي الدنيا. و الشتلة لمليحة همّا اولاد الملكوت. و الزوان هو اولاد الشر.
39
و العدو اللي زرع الزوان هو ابليس. و لحصاد هو نهار اللي تفنى الدنيا. و الحصادة همّا لملايكات.
40
و كيما يتلم الزوان و يتحرق بالنار, هكذاك يصرى نهار تفنى الدنيا:
41
يبعث ابن الانسان لملايكات يلموا كل اللي يعثروا الناس و كل اللي يعملوا المعصية من الملكوت تاعو,
42
و يرميوهم في النار. وين يكون لبكاء و الخوف.
43
وقتها لبرار يضوِيوْ كي الشمس في الملكوت تاع باباهم. اللي يحب يحل وذنيه باه يسمع يسمع, لمثل تاع الكنز وتاع الجوهرة و تاع الشبكة
44
و يشابه ثاني الملكوت تاع السماوات لكنز مدفون في واحد الجنان, لقاه واحد راح خزنو. و من الفرحة تاعو راح باع كل ما يملك و شرى هاذاك الجنان.
45
ثاني يشابه الملكوت تاع السماوات واحد تاجر يحوس على الجواهر الغالية,
46
و كي لقى جوهرة واحدة اغلى من اللي عندو الكل, راح باع كل شيء وشراها.
47
ثاني يشابه الملكوت تاع السماوات شبكة منصوبة في لبحر و فيها من كل نوع.
48
و كي تعمرت الشبكة جبدوها للشط, و قعدوا يفرزوا فيها الحاجة لمليحة حطوها في الصنادق, و الحاجة اللي ما تصلحش رماوها بعيد.
49
هكذا يكون نهار اللي تفنى الدنيا: يخرجوا الملايكة و يفرزوا الاشرار من بين الابرار,
50
و يرمِيوْهم في النار. وين يكون لبكاء و الخوف".
51
قال لهم يسوع: "راكم فاهمين هاذا الشيء كامل؟". قالوا: "نعم يا سيدي".
52
قال لهم: "على جال هذا الشيء كل واحد من الكتبة متعلم في ملكوت السماوات يشابه لراجل مولى بيت يخرج من كنزو الجديد و لقديم".
53
و كي كمل يسوع هاذي لمثال خرج من لثمة. الناصرة ما تقبلش يسوع
54
و كي دخل يسوع لبلادو كان يعلم في وسط المجمع حتى حاروا فيه و قالوا: منين جاب هاذي الحكمة و هاذي الايات؟
55
ياخي هذا هو ولد النجار؟ و امو اسمها مريم, و خاوتو يعقوب و يوسي و سمعان و يهوذا؟
56
و خواتاتو لبنات الكل عندنا؟ منين جاب الحكمة هاذي كاملة؟".
57
و كانوا كل واحد واش يقول عليه. اما يسوع قال لهم: "ما كانش نبي بلا قدَر غير في بلادو و في بيتو".
58
و ما دارش لثمة معجزات ياسر على خاطر ما امنوش بيه.
Chapter 14
1
و في هاذاك الوقت كي سمع هيرودس والي الربع لخبار تاع يسوع,
2
قال للخدامين تاعو: "هاذا ما يكون غير يوحنا المعمدان حيا من بين الموتى! على هاذيك يصراو على يديه الايات".
3
و هيرودس قبل كان حكم يوحنا و كتفو و رماه في الحبس على جال هيروديا مرت فيليبس خوه,
4
على خاطر يوحنا كان يقول لو: "ما يحلش ليك تدي مرت خوك".
5
و كان حاب يقتلو بالصح خاف م الشعب, اللي كانوا حاطينوا كيما نبي.
6
و كي جاء نهار عيد ميلاد هيرودس, رقصت بنت هيروديا في الوسط و هيرودس عجبو الحال ياسر.
7
و حلف لها بالعاهد يمدلها اي حاجة تطلبها.
8
و على خاطر هي موصيتها امها قالت: "اعطيني ضرك راس يوحنا المعمدان في طبق".
9
حزن الملك. بالصح على جال العاهد اللي مدوا وسط الجماعة عطى امر باه يديرولها واش طلبت.
10
و بعث و نحى راس يوحنا في الحبس.
11
و جابوه للطفلة في طبق, و هي داتو لامها.
12
و راحو التلامذة تاعو هزوا الجثة و دفنوها. و من بعد راحوا خبروا يسوع. يسوع يوكل خمسة الاف راجل
13
و كي سمع يسوع بالخبر خرج من لثمة و ركب في فلوكة و راح لواحد لمكان خالي و قعد وحدو. و كي سمعوا بيه الناس خرجوا من المدن تاعهم و تبعوه على رجليهم.
14
و كي خرج يسوع و شاف غاشي كبير حن عليهم و رتح المرضى اللي معاهم.
15
و كي عشات لعشية جاو ليه التلامذة و قالوا: "لمكان هذا خالي و زاد راح الحال. صرف الغاشي باه يروحوا للمدن لقريبة يشرِيوْ ماكلة لرواحهم".
16
قال لهم يسوع: "ما همش محتاجين يروحوا. اعطِيوْهم انتوما ياكلوا".
17
قالوا لو: "ما عندنا كان خمسة خبزات و زوز حوتات".
18
قال لهم: "هاتوهم ليا هنا".
19
و طلب من الغاشي باه يقعدوا ف لحشيش. و من بعد هز الخمسة خبزات و الزوز حوتات, و هز عينيه للسماء و بارك و قسم الخبز و مدو للتلامذة, و التلامذو فرقوا على الغاشي.
20
الناس الكل كلاو حتى ن شبعوا. و من بعد لموا ثناش ن قفة مليانة من الخبز اللي فضال عليهم.
21
و الناس اللي كلاو كانوا قريب خمسة الاف راجل بلا ما يحسبوا النساء و الاولاد الصغار. يسوع يمشي فوق الماء
22
و حتم يسوع على التلامذة تاعو باه يركبوا ف الفلوكة و يسبقوه للجيهة لخرى حتى ن يصرف الغاشي.
23
و كي راحوا الناس طلع هو للجبل و قعد وحدو يصلي. و كي عشات لعشية كان غير هو وحدو لثم.
24
و الفلوكة اللي فيها التلامذة وصلت لوسط لبحر و كان الموج يضرب فيها. على خاطر الريح كان جايهم من لقدام.
25
و ف الربع الرابع تاع الليل راح عندهم يسوع و هو يمشي فوق لبحر.
26
و كي شافوه التلامذة يمشي على لبحر خافوا وقالوا: "هذي روحانية". و من الخوف ياسر ولاو يعيطوا!
27
و ف هاذاك الوقت هدر معاهم يسوع و قال لهم: "تشجعوا! ما تخافوش اني انا هو".
28
هدر معاه بطرس وقالو: "يا سيدي, كي عدت انت هو, قولي نجي عندك و انا نمشي فوق الماء".
29
قالو: "ارواح". هبط بطرس من لفلوكة و مشى فوق الماء باه يروح ليسوع.
30
بالصح كي شاف الريح قاوية خاف. و كي بدا يغرق ولى يعيط و قال: " يا ربي, منعني!".
31
و ثم ثم مد يسوع يدو و حكمو و قالو: "يا قليل ليمان, علاه شكّيت؟".
32
و كي دخلوا للفلوكة حبس الريح.
33
و اللي كانوا في لفلوكة جاو الكل و سجدوا ليه و قالوا: "انت صح ابن الله!".
34
و كي عداو للجيهة لمقابلة وصلوا لارض جنيسارت,
35
و عرفوه الرجال اللي كانوا لثم. و بعثوا لهاذيك الجوايه الكل و جابوا ليه المرضى اللي عندهم كاملين,
36
و طلبوا منو يخليهم يمسوا برك الحاشية تاع لباسو. و جميع اللي مسوه نالوا الشفاء.
Chapter 15
1
الطاهر و المنجوس و في هاذاك الوقت جماعة من الكتبة و الفريسيين تاع اورشليم جاو ليسوع و قالوا:
2
"علاه التلامذة تاعك يتعداو على عادة الشيوخ, و ما يغسلوش يديهم كي ياكلوا؟".
3
قال لهم يسوع: "حتى انتوما ثاني علاه تتعداو على وصية الله بالعادات تاعكم؟
4
الله وصى و قال: قدّر باباك و امك, و اللي يسب باباه و الا امو يموت.
5
بالصح انتوما تقولوا: اللي يقول لباباه و الا امو: الشيء اللي راح نمدهولكم صدقتو صداقة لبيت الله. و هكا ما يكرمش باباه و الا امو.
6
انتوما بطلتوا الشيء اللي وصى بيه الله على جال العادات تاعكم!
7
يا منافقين عمل مليح كي تنبأ عليكم اشعياء و قال:
8
هذا الشعب يقرّب ليا غير بالفم, و يقدّرني غير حد الشوارب برك. اما قلبو بعيد عليا خلاص.
9
بالباطل يعبدوني و همّا يعلموا في حوايج هي عادات الناس".
10
و من بعد عيط للشعب و قال لهم: "اسمعوا و افهموا.
11
الحاجة اللي تدخل للجسم مش هي اللي تنجس الانسان, بالصح اللي يخرج من الفم هو اللي ينجس الانسان".
12
وقتها جاوه التلامذة و قالوا: "علابالك باللي الفريسيين كي سمعوا هاذي الهدرة ما عجبهمش الحال؟".
13
قال لهم: "كل حاجة ما غرسهاش بابا اللي في السماء تتقلع.
14
خلِيوْهم. راهم عميان و يمَشٍيوْ في عميان. و اذا كان اعمى يمَشي اعمى يطيحوا في زوز في حفرة".
15
قالو بطرس: "فسّر لنا هذا لمثل".
16
قالو يسوع: "حتى انتوما مازالتوا ما فهمتوش؟
17
ما فهمتوش باللي الشيء اللي يدخل من الفم يروح للكرش و من بعد يتطرح برى؟
18
اما الشيء اللي يخرج من الفم هاذاك يخرج من القلب, و هاذاك هو اللي ينجس الانسان,
19
على خاطر من القلب يخرجوا الافكار تاع الشر: لقتيلة, الزنى. الفسق, شهادة الباطل. الكفر.
20
و هاذي هي اللي تنجس الانسان. بالصح كي لواحد ياكل بلا ما يغسل يديه هاذي ما تنجسش الانسان". ايمان لمرى الكنعانية
21
و من بعد خرج يسوع من لثم و راح لجوايه صور و صيداء.
22
و كانت واحد لمرى كنعانية خارجة من هاذيك الناحية عيطتلو وقالتو: "ارحمني’ يا سيدي, يا بن داود! بنتي مجنونة ياسر خلاص".
23
و يسوع ما جاوبها حتى بكلمة. جاوه التلامذة تاعو و قالوا: "صرفها تروّح, علاه تخلاها تعيط ورانا!".
24
قال لهم: "انا جيت للخرفان الضالة تاع بيت اسرائيل".
25
بالصح هي جات و سجدت ليه و قالتلو: "يا سيدي عاوني!"
26
قال لها يسوع: "مش مليح نهز الخبز تاع لولاد و نمدو للكلاب".
27
قالت: "صح, يا سيدي! حتى لكلاب ياكلو من لفتات اللي يطيح من مايدة سيادها!"
28
وقتها جاوبها يسوع و قال لها: "يا مرى, قداه كبيرايمانك!على هذا الشيء اللي طلبتيه يكون ليك". و في هاذيك الساعة بالذات برات بنتها. يسوع يشبع ربعة الاف راجل
29
و من بعد راح من لثم و كي وصل للحاشية تاع بحر الجليل طلع للجبل و قعد.
30
و جاه غاشي كبير, فيهم العيّاب و العميان و البكاكش و المشلولين و وحايد اخرين ياسر, و حطوهم عند رجلين يسوع. و هو شفاهم الكل
31
حتى تعجبوا الناس كي شافوا لبكاكش ينطقوا, و المشلولين يبرَاوْ, و العميان يشوفوا. و مجّدوا اله اسرائيل.
32
اما يسوع عيط على التلامذة و قال لهم: "غاظوني الناس, على خاطر ظرك عندهم ثلاثة ايام و همّا قاعدين معايا و ما عندهم واش ياكلوا, و ما نيش حاب نبعثهم يروْحوا صايمين لا يفشلوا في الطريق".
33
قالوا التلامذة: "و احنا منين راح نجيبوا في هذا الخلاء خبز يكفي هاذو الناس الكل؟". قال لهم يسوع: "قداه من خبزة عندكم هنا؟".
34
قالوا: "سبعة خبزات و شوية من الحوت الصغير".
35
و طلب منهم يقعدوا الغاشي في لرض,
36
و هز السبعة خبزات و الحوتات, و شكر و قسم و مد للتلامذة و همّا فرقوا على الناس.
37
و كلاو الكل و شبعوا. و من بعد لموا الخبز اللي فضال عليهم في سبعة قفف مليانة,
38
و الناس اللي كلاو كانوا ربعة الاف راجل بلا ما يحسبوا النساء و الاولاد الصغار.
39
و بعد ما صرف الغاشي طلع للفلوكة و راح لجوايه مجدل.
Chapter 16
1
و جاو ليه الفريسيين و الصدوقيين باه يجربوه, و طلبوا منوا يوريلهم ايه من السماء.
2
بالصح هو قال لهم: "كي تعشي لعشية: تقولوا غدوا يكون الحال صافي على خاطر السماء حمراء.
3
و في الصباح: تقولوا اليوم نهار بارد كي تشوفوا السماء حمراء مغيمة. يا واحد المنافقين! تعرفوا تميزوا وجه السماء, بالصح ما تعرفوش تميزوا العلامات تاع اوقات الله!
4
جيل شرير و فاسد تحوسوا على اية, و ما تشوفوا حتى اية غير اية يونان النبي". و من بعد راح عليهم و خلاهم. لخميرة تاع الفريسيين و الصدوقيين
5
و كي جاو التلامذة للجيهة الاخرى وين كان يسوع باه يدِيوْ الخبز.
6
قال لهم يسوع: "استحفظوا ردوا بالكم من لخميرة تاع الفريسيين و الصدوقيين".
7
و بداو همّا يخموا بينهم و بين ارواحهم و قالوا: "بلاك على خاطر ما شريناش الخبز".
8
علم بيهم يسوع واش كانوا يخمموا و قال لهم: "يا قلال ليمان علاه تخمموا بينكم و بيم ارواحكم باللي على خاطر ما جبتوش الخبز؟
9
ما زالتوا حتى لضرك ما فهمتوش؟ نسيتوا الخمسة خبزات اللي شبعت الخمسة الاف و قداه من قفة فضالت؟
10
و نسيتوا السبعة خبزات اللي شبعت الربعة الاف و قداه من قفة فضالت؟
11
كيفاه ما فهمتوش باللي ما كنتش نهدر على الخبز كي قلت لكم تردوا بالكم من الخميرة تاع الفريسيين و تاع الصدوقيين؟.
12
وقتها فهموا باللي ما كانش يقصد لخميرة تاع الخبز, بالصح كان يقصد التعليم اللي يعلموا بيه الفريسيين و الصدوقيين. بطرس يستعرف بالمسيح
13
و كي وصل يسوع لجواية قيصرية فيليبس سقسى التلامذة و قال لهم: "واش يقولوا الناس عليا انا ابن الانسان. شكون انا؟".
14
قالوا: "جماعة: يقولوا باللي انت هو يوحنا المعمدان, و اخرين يقولوا: ايليا, و وحايد اخرين يقولوا: ارميا و الا نبي من الانبياء".
15
قال لهم: "و انتوما واش تقولوا عليا, شكون انا؟".
16
قال بطرس: "انت هو المسيح ابن الله الحي!".
17
قالو يسوع: "يا سعدك يا سمعان بن يونا, ما هوش دم و لحم اللي بَينلك هذا الشيء, بالصح بابا اللي في السماوات.
18
و انا ثاني نقول لك: انت بطرس, و على هاذي الصخرة نبني كنيستي, و ابواب الجحيم ما تقدرش عليها.
19
و نعطيك لمفاتح تاع ملكوت السماوات, كل اللي تربطو على لرض يتربط في السماوات. و كل اللي تحلو على لرض يتحل في السماوات".
20
وقتها زاد وصى التلامذة باه ما يقولوا لحتى واحد باللي او هو يسوع المسيح. يسوع يخبر بالموت و الثيامة تاعو
21
و من هاذاك النهار بدى يسوع يبين للتلامذة باللي محتوم عليه يروح لاورشليم و يتعذب لثم على يد الشيوخة و رياس الكهنة و الكتبة, و يتقتل, و في ثالث نهار يقوم من بين الموتى.
22
داه بطرس وحدو على جنب و بدا يهدر معاه و قالو: "حاشاك يا رب! ما يصراش ليك هذا الشيء!".
23
تلفت يسوع و قال لبطرس: "بعّد علّيا يا شيطان! راك تعطل فيّا, على خاطر انت اللي يهمك الناس مش امر الله".
24
وقتها قال يسوع للتلامذة: "اللي يحب يتبعني ينكر روحو و يهز الصليب تاعو و يتبعني,
25
اللي يحب يمنّع روحو يهلكها, و اللي يهلك روحو على جالي يمنعها.
26
واش الفايدة كي الواحد يربح الدنيا و ما فيها و يخسر روحو؟ و الا واش يقدر الواحد يمد باه يفدي روحو؟
27
على خاطر ابن الانسان راح يرجع في مجد باباه مع الملايكة تاعو, وقتها يجازي كل واحد على حساب الفعل تاعو اللي دارو.
28
نقول لكم الحق: كاين ناس واقفين معانا هنا ما يشوفوش الموت حتى يشوفوا ابن الانسان جاي في الملكوت تاعو".
Chapter 17
1
و بعد ستة ايام راح يسوع للجبل و دا معاه بطرس ويعقوب و يوحنا خو يعقوب و قعدوا وحدهم.
2
و تبدلت حالتو قدامهم, و وجهو ولى يضوي كي الشمس, و قشو ولى يضوي كي النور.
3
و ظهر موسى و ايليا و همّا يهدروا معاه.
4
حتى ولى بطرس يقول ليسوع: "يا ربي, مليح نبقاو هنا! كان تحب ننصبوا ثلاثة خيَم: واحدة ليك, و واحدة لموسى, و واحدة لايليا".
5
و هو ما زال يهدر هبطت سحابة ضاوية و غطاتهم, و جا صوت من السماء يقول: "هذا هو وليدي لحبيب اللي رضيت عليه, اسمعوا ليه".
6
و كي سمعوا التلامذة الصوت طاحوا على وجوههم و و خافوا ياسر.
7
و جا يسوع و مسهم و قال لهم: "نوضوا, و ما تخافوش".
8
و كي جاو يشوفوا ما لقاو حنى واحد غير يسوع وحدو.
9
و كي كانوا هابطين من الجبل وصاهم يسوع وقال لهم: "ما تقولوا لحتى واحد على الشيء اللي شفتوه حتى يقوم ابن الانسان من بين الموتى".
10
و سقساوه التلامذة و قالوا: "علاه مالا الكتبة يقولوا باللي لازم ايليا هو اللي يجي لول؟".
11
جاوبهم يسوع و قال: "ايليا يجي هو لول و يرد كل شيء.
12
بالصح نقول لكم: جاهم ايليا بالصح ما عرفوهش, و داروا فيه ما داروا. هكذاك حتى ابن الانسان هو ثاني راح يتعذب على يديهم".
13
عاد باه فهموا التلامذة باللي كان يهدر على يوحنا المعمدان. شفاء شاب ساكنو جن
14
و كي وصلوا للغاشي جاه راجل و سجدلو
15
و قالو: "يا سيدي, ارحم وليدي راه يتوجع و يتصرع ياسر, و ديما ديما يطيحلي ف النار و ف الماء.
16
جبتوا للتلامذة تاعك بالصح ما قدروش يشفوه".
17
قال لهم يسوع: "يا واحد الجيل اللي بلا ايمان و غير يتلوى, حتى لوقتاه نقعد معاكم؟ حتى لوقتاه نستحملكم؟ هاتوه عندي لهنا!".
18
و كي نهر عليه يسوع, خرج منو الجن, و برى الطفل في هاذيك الساعة بالذات.
19
و من بعد جاو التلامذة عند يسوع كي كان وحدو و قالوا: "علاه احنا ما قدرناش نخرجوه؟".
20
قال لهم يسوع: "على خاطر ما عندكمش ايمان. نقول لكم الحق: لو كان جاء عندكم ايمان قد حبة الزريعة تاع الخردل لو كان كنتوا تقولوا لهاذا الجبل: هز روحك من هنا و روح لهيه كان يتهز و ما يكون حتى شيء صعيب عليكم.
21
بالصح هذا النوع تاع الجنون ما يخرج غير بالصلاة و الصوم".
22
و في الوقت اللي كانوا يروحوا و يجِيوْ فيه على الجليل قال لهم يسوع: "ابن الانسان راح يطيح في يدين الناس
23
و راح يقتلوه, و في ثالث يوم يحيا من بين الموتى". و كي سمعوا هذا لكلام حزنوا ياسر. لغرامة تاع الهيكل
24
و كي وصلوا لكفرناحوم جاو جماعة المكس تاع زوز دراهم لبطرس و قالوا: "المعلم تاعكم ما يخلصش الزوز دراهم؟".
25
قال: "يخلص". و دخل للبيت بالصح يسوع سبقوا في لكلام و قال: "واش رايك ا سمعان؟ من عند شكون يدِيوْ ملوك الدنيا لغرامة و الا المكس, من عند اولاد لبلاد و الا من عند البرانية؟".
26
قال بطرس: "من عند البرانية". قال يسوع: "مالا اولاد لبلاد راهم احرار ما يخلصوش.
27
بالصح باه ما نعثروهمش, روح للبحر و ارم الصنارة, و الحوتة لولا اللي تخرجها تلقى في فمها قطعة تاع دراهم , اداها و روح خلص عليّا و عليك".
Chapter 18
1
في هاذيك الساعة جاو التلامذة ليسوع و قالوا: "شكون هو اعظم واحد في ملكوت السماوات؟".
2
عيط يسوع لواحد الطفل صغير و حطو في الوسط
3
و قال: "نقول لكم الحق: لو كان ما ترجعوش و توليو كيما لولاد الصغار ما تدخلوش لملكوت السماوات.
4
اللي يهبط من روحو كيما هذا الطفل الصغير يكون هو اعظم واحد في ملكوت السماوات.
5
و اللي يقبل طفل صغير كيما هذا على جال اسمي يسمى قبلني انا.
6
و اللي يكون سبة على جالو يطيح واحد من هاذو الصغار المؤمنين بيّا خير ليه لو كان يروح يعلق رحى في رقبتو ويغرق في عمق لبحر.
7
يا ويل هاذي الدنيا من العثرات! لابد تجي العثرات, بالصح يا ويل الانسان اللي تجي العثرات على يدو!
8
اذا كانت يدك و الا رجلك عثرة ليك قصهم و ارميهم عليك. خير تدخل لحياة او انت بلا رجل و الا بلا يد خير من تدخل للنار الدايمة و انت بيديك و رجليك.
9
اذا كانت عينك معثرة ليك قلعها و ارميها عليك. خير ليك تدخل للحياة اعمى خير من اللي تدخل لنار جهنامة و انت تشوف. لمثل تاع لخروف اللي همَل
10
شوفوا ما تحقروا حتى واحد من هاذوك الصغار, على خاطر نقول لكم باللي لملايكات تاعهم في السماوات كل وقت يشوفوا وجه بابا اللي في السماوات.
11
على خاطر ابن الانسان جا باه يمنّع الشيء اللي ضاع.
12
واش حاسبين مالا؟ لو كان واحد جا عندو مياة خروف, و راحلو واحد منهم, ياخي يخلي التسعة و تسعين خروف في الجبل و يروح يفركت على لخروف اللي راح؟
13
و لو كان يلقاه, نقول لكم الحق: راح يفرح بيه اكثر من التسعة و تسعين اللي ماراحوش.
14
هكا حتى باباكم اللي في السماوات ما يحب حتى واحد من هاذوك الصغار يهلك. اذا خوك غلط في حقك
15
" و اذا كان خوك غلط معاك روح عندو و لوم عليه بينك و بينو وحدكم. اذا كان سمع لك تكون ربحت خوك.
16
و اذا كان ما حبش يسمع لك, زيد ادي معاك ثاني واحد و الا زوز خاوة, على خاطر كل كلمة تقوم على زوز شهود و الا ثلاثة.
17
و اذا كان ما حبش يسمع لهم قول للكنيسية. و اذا ما حبش يسمع من الكنيسية يولي بالنسبة لك كيما الوثني و الا العشار.
18
نقول لكم الحق: كل ما تربطوه على لرض يكون مربوط في السماء, و كل ما تحلوه على لرض يكون محلول في السماء.
19
و نزيد نقول لكم ثاني: اذا زوز منكم تفاهموا على اي شيء يطلبوه في لرض يكون ليهم من عند بابا اللي في السماوات,
20
على خاطر وين يتلموا زوز و الا ثلاثة باسمي انا نكون لثم في وسطهم". لمثل تاع العبد اللي ما يسامحش
21
وقتها قدّم ليه بطرس و قال: "يا ربي, قداه من مرة يغلط معايا خويا و انا نسامحو؟ سبعة خطرات؟"
22
قال يسوع: "لا ما نقولش لسبعة خطرات, بالصح سبعين مرة سبعة خطرات.
23
على هذا الشيء يشابه ملكوت السماوات واحد الراجل مولى رزق حب يحاسب الخدامة تاعو.
24
و كي بدا يحاسب فيهم جابولو واحد مديون بعشرة الاف قطعة.
25
و على خاطر ما كانش عندو باه يخلص الدين حكم عليه مولى الرزق باه يتباع هو و اولادو و مرتو و كل ما يملك و يخلص الدين اللي عليه.
26
ولى هاذاك لخديم طاح على ركايبو و سجد قدام سيدو وقالو: يا سيدي اصبر عليا و ضرك نخلصك في كل شيء.
27
حن عليه مولى الرزق و سيْبو, و سامحو في الدين اللي عليه.
28
و كي خرج من لثم لقى واحد من صحابو الخدامين, و كان مديون ليه بمياة ن دينار, حكمو و خنقو و قالو: خلصني في دراهمي اللي نسالهملك ضرك بعد.
29
طاح الراجل على ركايبو قدام صاحبو و قالو: اصبر عليا ضرك نخلصك في كل شيء.
30
بالصح هو ما حبش يسامحو و راح دخلو للحبس حتى يخلص الدين.
31
و كي شافوا صحابو لخرين الشيء اللي صرى, ما عجبهمش الحال و راحوا حكاوْ الشيء اللي صرى لسيدهم مولى الرزق.
32
و كي سمع مولى الرزق يالشيء اللي صرى عيطلو و قالو: يا واحد الشرير, انا هاذاك الدين كامل سامحتك فيه على خاطر حاولتني.
33
كان من المفروض انت ثاني ترحم صاحبك الخدام كيما رحمتك انا؟
34
و غضب عليه سيدو و سلمو باه يعذبوه حتى يخلص الدين اللي عليه.
35
هكا ثاني بابا اللي في السماوات يدير لكم اذا انتوما ما تسامحوش من قلوبكم الغلطات كل واحد لخوه".
Chapter 19
1
و كي كمل يسوع هذا لكلام راح من الجليل و وصل لجوايه اليهودية من وراء الاردن.
2
و تبعوه ناس ياسر حتى لثمة وهو شفاهم.
3
و جاو عندو الفريسيين باه يطيحوه في لكلام و قالوا: "حلال على الراجل يطلق مرتو لاي سبة؟".
4
و هو جاوبهم و قال: "ما قريتوش اللي خلقهم من لول خلقهم ذكر وانثى؟
5
و قال: "على جال هذا الشيء يخلي الراجل باباه و امو و يلصق في مرتو,
6
و يولِيوْ في زوز بدن واحد. و اللي يلموا الله ما يفرقوش العبد."
7
و زادوا قالوا: "علاه مالا موسى وصى باه نمدولها ورقة طلاق و تكون طالقة؟".
8
قال لهم: "على جال قلوبكم القاسية سمحلكم موسى باه تطلقوا نساكم. بالصح من الاول ماكانش هكَا.
9
و نقول لكم: " كل من يطلق مرتو بلا ما تكون السبًة الزنى و يتزوج من واحدة اخرى يزني, و اللي يتزوج بواحدة مطلقة يزني."
10
قالوا التلامذة تاعو: "مالا اذا كان كيما هكًا حالة الراجل مع لمرى, خيرلو كان ما يتزوجش."
11
قال لهم: "مش كل الناس يقبلوا هاذ لكلام بالصح غير اللي معطية ليهم,
12
كاين اللي من نهار ولدوا و همًا عاجزين على الزواج, و كاين اللي الناس همَا اللي جعلوهم ماهمش قادرين على الزواج, و كاين اللي وحدهم ما يتزوجوش على جال ملكوت السماوات. اللي قادر يقبل هاذا الشئ يقبلوا". يسوع يبارك لولاد الصغار
13
وقتها جابولو ذراري صغار باه يحط يدو عليهم و يصلي, بالصح بخسوهم التلامذة.
14
اما يسوع قال لهم" خلوا لولاد يجيو عندي ما تحَرموش عليهم على خاطر ملكوت السماوات يكون للناس اللي كيما هما".
15
و حط يديه عليهم و من بعد راح من لثم. الشاب اللي عندو لمال
16
و جاه واحد و قالو: "يا المعلم الصالح, واش هو الصلاح اللي لازمني نديرو باه نربح لحياة الدايمة؟".
17
قالو يسوع: " علاه تعيطلي صالح؟ كاين غير واحد برك صالح و هو الله. و اذا كان حبيت تنا ل لحياة الدايمة اعمل بالوصايا".
18
قال لو: "واش من وصايا؟". قال يسوع: "ما تقتلشز ما تزنيش. ما تسرقش. ما تشهدش بالزور.
19
قدر باباك و امك, حب كيما تحب روحك".
20
قال هاذاك الشاب: "هاذي الكل من صغري و انا نعمل بيها. واش يخصني نزيد ندير؟".
21
قال يسوع: "اذا كان حبيت تولي كامل روح بيع كل واش تملك و صدق على الفقراء, و هكا يولي عندك كنز ف السماء, و من بعد ارواح تبعني".
22
و كي سمع الشاب هاذا لكلام راح روًح و هو حزين على خاطر كان عندو اموال ياسر.
23
و قال يسوع للتلامذة تاعو: "نقول لكم الحق: صعيب ياسر على واحد غني باه يدخل لملكوت السماوات.
24
و نزيد نقول لكم ثاني: الجمل اسهل عليه كي يعدي من ثقبة لبرى من الغني باه يدخل لملكوت الله.
25
و كي سمعوا التلامذة هاذا لكلام حاروا و قالوا: "مالا شكون يقدر يمنع؟".
26
تلفت لهم يسوع و قال لهم:" هاذا الشيء ماهوش مقدور عليه عند الناس, بالصح عند الله كل شيء مقدور عليه".
27
وقتها هدر بطرس و قال: "و احنا رانا سيبنا كل شيء و تبعاك. واش تمدلنا؟".
28
قال لهم يسوع: "نقول لكم الحق: انتوما اللي تبعتوني, نهار اللي يتربع الابن على عرش المجد, وقت اللي يتجدد فيه كل شيء, انتم ثاني تقعدوا معاه على اثناش ن عرش باه تحكموا على عروش بني اسرائيل في ثناش.
29
و كل من خلى ديار, و الا خاوة و الا خواتات و الا اب والا ام و الا زوجة و الا اولاد و الا جنانات على جال اسمي يرجعوا مياة مرة و يربح لحياة الدايمة.
30
بالصح ياسر من لوالى يولوا هما التوالى و التوالى يولوا هما لوالى.
Chapter 20
1
"يشابه ملكوت السماوات لواحد الراجل مولى رزق خرج الصباح بكري باه يكري خدامين للجنان تاعو,
2
و تفاهم مع الخدامين باه يخلصهم دينار واحد في النهار, و هكا بعثهم للجنان.
3
و من بعد جوايه الثلاثة زاد خرج و لقى خدّامين واحد اخرين قاعدين في السوق بلا خدمة,
4
قال لهم روحوا حتى انتم اخدموا في الجنان و نعطيكم حقكم. ولاو راحوا يخدموا.
5
و زاد خرج على الستة و على التسعة و دار كيما المرة لولى ثاني.
6
و كي زاد خرج على لحداش لقى واحد اخرين قاعدين بلا خدمة, قال لهم: علاه راكم قاعدين بلا خدمة نهار كامل؟
7
قالوا: حتى واحد ما كرانا باه نخدموا عندو. قال لهم: روحوا انتم ثاني للجنان اخدموا و اديو حقكم.
8
و كي عشات لعشية قال مول الجنان للراجل اللي مكلفو باه يخلص الخدامين: عيط للخدامة و اعطيهم حقهم و ابدى من لخرين حتى توصل لل اولين.
9
جاو تاع لحداش و اداو الكل دينار دينار.
10
و كي وصلت دالة لولين كانوا حاسبين باللي راح يخلصهم اكثر من لخرين. بالصح اعطاهم حتى همّا دينار.
11
و هو يخلص فيهم ما عجبهمش الحال من مولى الرزق
12
و قالوا: هاذوك لخرين خدموا غير ساعة واحدة, و خلصتينا كيف كيف احنا واياهم و احنا نهار كامل واقفين للقايلة!
13
اما هو قال لواحد منهم: ا صاحيبي, انا ما ظلمتكش! ياخي تفاهمت معايا على دينار؟
14
خلاص ادي صواردك و روح, ما يهمكش فيّا انا حاب نخلص الخدّام لخر كيما انت.
15
و الا تسالني كيفاه نتصرف في مالي؟ و الا حاسدني على خاطر كريم؟
16
هكّا يكونوا لخرين همّا لوالى و لولين همّا لخرين, على خاطر المعروضين ياسر بالصح لمخيرين قلاّل". يسوع يخبر على الموت و القيامة تاعو من بين الموتى
17
و كي كان يسوع طالع لاورشليم دا التلامذة وحدهم على جيهة في الطريق و قال لهم:
18
"رانا طالعين لاورشليم, وين يطيح ابن الانسان في يد رياس الكهنة و الكتبة, و همّا يحكموا عليه بالموت,
19
و يسلموه للامم يستهزاو بيه و يضربوه و يصلبوه, و ثالث يوم يقوم من بين الموتى". الشيء اللي طلباتو ام ولاد زبدي من يسوع
20
في هاذاك الوقت قدمت ام ولاد زبدي هي و اولادها و سجدت و حبت تطلب منو حاجة.
21
قال لها: "واش تطلبي؟". قالت: "نطلب منك تخلي ولادي يقعدوا معاك في الملكوت تاعك واحد على ليمين و واحد على ليسار".
22
رد عليها يسوع و قال: "ما علابالكمش و اش قاعدين تطلبوا. تقدروا تشربوا من لكاس اللي رايح نشربها انا, و تقدروا تتصبغوا بالصبغة اللي رايح نتصبغ بيها انا؟". قالوا "نعم نقدروا".
23
رد عليهم و قال: "الكاس تاعي تشربوه, و الصبغة تاعي تتصبغوا بيها. بالصح لقعاد على يميني و على يسارى منقدرش نمدوا غير للناس اللي بابا وجدو ليهم باه يقعدوا فيه".
24
و كي سمعوا التلامذة العشرة لخرين هذا لكلام غاظهم الحال من الخاوة ولاد زبدي.
25
ولّى يسوع عيط لهم و قالهم: "راكم علابالكم باللي الرياس تاع هاذي الدنيا يسيطروا عليهم, و الزعماء يتسلطوا عليهم.
26
اما انتوما ما يكونش هاذا الشيء بيناتكم. بالصح اللي يحب يكون فيكم كبير يكون ليكم خديم,
27
و اللي يحب يكون فيكم لول يكون هو لخديم فيكم,
28
كيما ابن الانسان ما جاش باه يخدموا عليه بالصح جا باه يخدم, و باه يمد روحو فدية على ناس ياسر". يسوع يشفي زوز عميان في اريحا
29
و كي كانوا خارجين من اريحا تبعوه ناس ياسر,
30
و كان واحد الزوز عميان قاعدين على حاشية الطريق. و كي سمعوا باللي يسوع معدي من لثم بداو يعيطوا و يقولوا: "ارحمنا يا سيدي, يا ولد داود!".
31
و بداو الناس يبخصوا فيهم باه يسكتوا, بالصح همّا بقاو يعيطوا على طول اصواتهم و يقولوا: "ارحمنا يا سيدي, يا ولد داود!".
32
ولى وقف يسوع و عيط لهم و قال لهم: "واش تستحقوا واش نديرلكم؟".
33
قالوا: "يا سيدي, افتح لنا عينينا!".
34
حن عليهم يسوع و مسهم على عينيهم, و في هاذاك الوقت بالذات تحلت عينيهم ولاو يشوفوا و و بداوْ يتبعوا في يسوع.
Chapter 21
1
و كي قربوا لاورشليم و وصلوا لبيت فاجي في جبل الزيتون, وقتها بعث يسوع زوز من التلامذة
2
و قال لهم: "روحوا ادخلوا للقرية هاذي اللي مقابلتكم, راح تلقاو بهيمة موَحلة و معاها جحش, حلوها و جيبوهم.
3
و اذا كاش واحد قالكم حاجة, قولولو: ربي يحتاجهم. ضرك يخليكم تدِيوهم".
4
و هاذا الشيء كامل صرى باه يتم واش قال النبي:
5
"قولوا لبنت صهيون: سلطانك راح يجيك متواضع, راكب على بهيمة و جحش يتبع فيها".
6
و راحوا التلامذة في زوز و داروا الشيء اللي قاللهم عليه يسوع,
7
و جابوا لبهيمة و الجحش معاها, و حطوا قشهم فوقها و قعد يسوع عليهم.
8
و ناس ياسر فرشوا قشهم في الطريق. و وحايد اخرين قصوا اعراف الشجر و فرشوها في الطريق.
9
و الناس اللي كانوا يتبعوا فيه وراه و قدامو كانوا يعيطوا و يقولوا: "اوصانا لابن داود! مبارك اللي جاي بإسم ربي! اوصنا في لعلالي!".
10
و كي دخل لاورشليم لمدينة كاملة دخلت في بعضاها و الناس الكل يسقسِيو: "شكون هو هاذا؟".
11
قالولهم: "هاذا هو يسوع النبي اللي من ناصرة الجليل". يسوع ينقي الهيكل
12
و دخل يسوع للهيكل تاع الله و سحت الناس الكل اللي كانوا يبيعوا و يشرِيوْ في الساحة تاع الهيكل, و قلب الميَد تاع الصرّافة و لكراسي تاع بياعة لحمام
13
و قال لهم: "مكتوب: بيتي يسموه بيت الصلاة, و انتوما رجعتوه غار تاع سراقين!".
14
و جاو ليه ناس عميان و عيَاب للهيكل و هو رتحهم.
15
و الكتبة و رياس الكهنة كي شافوا لعجايب اللي دارهم, و كي سمعوا لولاد يعيطوا في وسط الهيكل و يقولوا: "اوصنا لوليد داود!". تغششوا
16
و قالوا لو: "اك تسمع فيهم واش قاعدين يقولوا؟". قال لهم يسوع: "نعم راني نسمع! علاه عمركم ما قريتوا: وجّدت تسبيح من فم لاولاد و الذراري؟".
17
و من بعد خلاهم و راح خارج لمدينة لبيت عنيا و بات لثمة. شجرة الكرطوس تيبس
18
و في الصباح كي كان راجع للمدينة جاع,
19
و شاف شجرة تاع كرطوس على حاشية الطريق, قصدها و كي وصل لها ما لقى فيها حتى شيء غير لورق برك. قال لها: "من ليوم عمرو ما يكون فيك ثمار!". و في وقتها بالذات يبست هاذيك الشجرة تاع الكرطوس.
20
و كي شافوا التلامذة واش صرى تعجبوا و قالوا: "كيفاه يبست شجرة الكرطوس ثم ثم؟".
21
قال لهم يسوع: "نقول لكم الحق: اذا كان عندكم ايمان و ما تشكوش, مش غير تعملوا امر الشجرة برك, بالصح حتى لو كان تقولوا لهاذا الجبل: اتهز و طيح في لبحر يصرى الشيء الي قلتوه.
22
كل ما تطلبوه في الصلاة و انتوما مآمنين باللي راح يكون تنالوه". منين جا سلطان يسوع
23
و كي دخل للهيكل جاو ليه ريّاس الكهنة و الشيوخة تاع الشعب و هو كان يعلم و سقساوه: "بواش من سلطان راك تعمل في الشيء اللي تدير فيه؟".
24
جاوبهم يسوع و قال لهم: "و حتى انا ثاني نسقسيكم على حاجة واحدة, كي تجاوبوني نقول لكم بواش من سلطان ندير هذا الشيء:
25
المعمودية تاع يوحنا المعمدان: من عند شكون كانت؟ من عند الله و الا من عند الناس؟". و كي خمموا مع ارواحهم قالوا: "لو كان نقولوا من عند الله, يقول لنا: علاش مالا ما تامنوش بيه؟
26
و اذا قلنالو: من عند الناس, نخافوا لا ينوض فينا الشعب, على خاطر يوحنا كيما نبي عند الناس الكل".
27
و لاو ردوا على يسوع و قالوا: "ما نعرفوش". قال لهم هو ثاني: "حتى اما ما نقولش بواش من سلطان ندير الشيء اللي راني ندير فيه. لمثل تاع زوز اولاد
28
"واش رايكم؟ كان واحد الراجل عندو زوز اولاد, راح لولدو لول و قالو: يا وليدي روح اليوم اخدم في الجنان.
29
قالو ولدو: ما نروحش. بالصح من بعد ندم و راح.
30
و راح لوليدو الثاني و قالو كيف كيف. قالو ولدو الثاني: معليش يا سيدي. ضرك نروح. و ما راحش.
31
شكون من هاذو في زوز عمل واش طلب منو باباه؟". قالوا: "لول". قال لهم يسوع نقول لكم الحق: السماسرة و اللي يزنيو راح يسبقوكم لملكوت الله,
32
على خاطر جاكم يوحنا في طريق الحق بالصح انتوما ما امنتوش بيه, اما السماسرة و اللي يزنيو امنوا بيه. و حتى للخر كي شفتوا بعينيكم ما ندمتوش و ما امنتوش بيه. لمثل تاع الخدامين و في جنان لعنب
33
اسمعوا نزيدكم مثل واحد اخر: و كان واحد الراجل مولى رزق غرس جنان تاع كرم, و سيج عليه, و حفر فيه معصرة, و بنى فيه برج, و سلموا للكرامين و راح سافر.
34
و كي قرب وقت اللي يحصد فيه الثمار بعث الخدامين تاعو للكرامين باه يدي المحصول.
35
راحوا الكرامين حكموا الخدامين اللي ضربوه ضربوه و اللي قتلوه قتلوه و اللي دمغوه دمغوه.
36
و من بعد زاد بعث خدامين اخرين اكثر من لولين, زادوا دارولهم كيف كيف.
37
و اخر حاجة بعث لهم ولدو قال: ضرك يخافوا من ولدي!
38
اما الكرامين كي شافوا الابن تفاهموا بيناتهم و قالوا: هذا هو لوريث! ارواحوا نقتلوه و ندِيو احنا الورثة!
39
و اداوه و خرجوه من الجنان و قتلوه.
40
و كي يجي مولى الرزق, واش يدير في هاذوك الكرامين؟".
41
قالوا: "هاذوك الاشرار يقتلهم و شوية فيهم, و يسلم الجنان لكرامين اخرين يمدولو المحاصيل في وقتها".
42
قال لهم يسوع: عمركم ما قريتوا في لكتب: الحجرة اللي رماوْها البنايين ولات هي راس الزاوية؟ هذا الشيء امر ربي و احنا نشوفوه حاجة غريبة!
43
على هاذا الشيء نقول لكم: ملكوت الله يتنحى من عندكم و يتمد لامة تخدم الثمار تاعو.
44
و اللي يطيح على هاذي الحجرة يتكسر, و اللي تطيح عليه الحجرة تدقدقو!".
45
و كي سمعوا رياس الكهنة و الفريسيين لمثال تاعو, فهموا باللي يهدر عليهم,
46
و كانوا حابين يقبضوا عليه, بالصح خافوا من الغاشي, على خاطر الناس كانوا حاطينوا نبي.
Chapter 22
1
و زاد كلمهم يسوع ثاني بأمثال و قال:
2
"يشابه ملكوت السماوات لواحد السلطان دار عرس ولدو,
3
و بعث الخدامين تاعو باه يعيطوا على الناس المعروضين للعرس, بالصح همّا ما حبوش يجِيوْ.
4
زاد بعث لهم خدامين اخرين وقال لهم قولوا للمعروضين: اني وجدت لغدا و ذبحت الثيران و لكباش المخزونة, و كل شيء راه واجد, ارواحوا للعرس!
5
بالصح هما رخفوا ارواحهم و راحوا كل واحد في حالو, اللي راح للجنان تاعو, و اللي راح للتجارة تاعو,
6
و كاين حتى اللي حكموا الخدامين سبوهم و قتلوهم,
7
و كي سمع السلطان بعث العسكر و قتل هاذوك القتّالين و حرق مدينتهم.
8
و من بعد قال للخدامين: العرس واجد, بالصح المعروضين ما كانوش يستاهلوا.
9
روحوا اخرجوا للطرق, و جيبوا كل واحد تلقاوه اعرضوه للعرس.
10
و خرجوا الخدامين للطرق و لموا كل من لقاوه يصلح و الا ما يصلحش.و تعبى هاذاك العرس بالمعروضين.
11
و كي دخل السلطان باه يتفقد المعروضين, شاف واحد ما كانش لابس لبسة تاع فرح.
12
قالّو: يا صحيبي كيفاه دخلت هنا و انت ماكش لابس لبسة العرس؟ سكت الراجل.
13
ولى السلطان قال للخدامين تاعو: كتفوه من يديه و رجليه, و هزوه ارموه لبرى في الظلمة. وين كاين لبكاء و الرجفة.
14
على خاطر المعروضين ياسر بالصح لمخيرين قلال". المكس تاع قيصر
15
و من هاذيك الساعة راحوا الفريسيين و تشاوروا باه يصيدوه بكاش كلمة.
16
و بعثولوا التلامذة تاعهم مع جماعة هيرودس قالوا: "يا معلم, احنا علابالنا باللي راك صادق و تعلم في الناس طريق ربي بالحق, و ما يهمك حتى واحد, و ما تشوفش للوجوه.
17
قول لنا: واش تقول حلال نخلص المكس للقيصر و الا لا؟".
18
عرف يسوع لخبث تاعهم و قال: "وعلاه تجربوا فيّا يا واحد المنافقين؟
19
اعطوني دينار نشوفوا". جابولو دينار.
20
قال لهم: "هاذي التصويرة و لكتيبة تاع شكون؟".
21
قالوا: "تاع قيصر". قال لهم: "مالا مدوا حق قيصر لقيصر و مدوا حق الله لله".
22
و كي سمعوا كيفاه جاوبهم تعجبوا في الهدرة تاعو و خلاوه و راحوا. لقيامة تاع الموتى
23
و في هاذاك النهار جاو ليه الصدوقيين, اللي ما يصدقوش لقيامة, و سقساوه
24
و قالوا: "يا معلم, قال موسى: لو كان واحد يموت و ما يخليش ذرية وراه, يزوج خوه بالمرى تاعو و يجيب ذرية على اسم خوه.
25
كان عندنا سبعة خاوة, تزوج لول و مات. و ما خلاش ذرية, ولى خوه رجّع لمرى.
26
و حتى هو مات بلا ما يخلي ذرية و الثالث وهكا صرى حتى ماتوا في سبعة.
27
و من بعد زادت ماتت لمرى حتى هي.
28
نهار القيامة راح تكون مرة شكون فيهم؟ على خاطر كانت متزوجة بيهم في سبعة!"
29
جاوبهم يسوع و قال: "راكم غالطين على خاطر ما تعرفوش لكتب ولا قوة الله.
30
على خاطر في القيامة لا يزوجوا لا يتزوجوا, بالصح يكونوا كيما الملايكة تاع الله في السماء.
31
اما من جيهة قيامة الموتى, ما قريتوش الشيء اللي قال عليه الله:
32
انا اله ابراهيم و اله اسحاق و اله يعقوب؟ و الله ما هوش اله تاع موتى هو اله ناس حيين".
33
و كي سمعوه الناس واش قال حاروا من التعليم تاعو. اعظم وصية
34
اما الفريسيين كي سمعوا بيه كيفاه سكّت الصدوقيين تلموا مع بعضاهم و راحوا عندو,
35
و سقساه واحد منهم, و هو واحد من علماء الشرع, باه يجربو قالو:
36
"يا معلم, وش هي اعظم وصية في شرع الله؟".
37
قال يسوع: "تحب ربي الهك من كل قلبك, و من كل روحك, و من كل فكرك.
38
هاذي هي لوصية لولى و الاعظم فيهم الكل.
39
و الثانية كيما هي بالضبط: تحب قريبك كيما روحك.
40
بهاذو الزوز وصيات يتعلق كل شرع الله و الانبياء". المسيح و داود
41
و كي كانوا الفريسيين متلميين سقساهم يسوع
42
و قال: "واش قولكم في المسيح؟ هو ولد شكون؟" قالوا: "بن داود".
43
قال لهم: "مالا كيفاه داود كي يكون في الروح يعيطلو ربي؟ وقت اللي قال:
44
"قال الرب لربي: اقعد على يميني حتى نحط عديانك تحت رجليك.
45
اذا كان داود يعيطلو ربي, كيفاه يكون ولدو؟".
46
واحد فيهم ما قدر يرد عليه بكلمة. و من هاذاك النهار واحد ما عاد يتجرأ و يسقسيه في اي حاجة.
Chapter 23
1
وقتها كلّم يسوع الغاشي و التلامذة تاعو معاهم
2
و قال لهم: "الكتبة و الفريسيين تربعوا على الكرسي تاع موسى,
3
و كل شيء يقولوا لكم تحرسوا عليه احرسوا عليه و ديروه, بالصح ما تعملوش اعمالهم, على خاطر همّا يهدروا اما لفعال ما كانش.
4
يوجدوا احمال ثقيلة بالسيف ما تتهز و يحطوها على اكتاف الناس, و همّا ما يحركوش حتى شعرة باه يعاونوهم,
5
و لعمال الكل اللي يعملوها غير باه ينعتوا ارواحهم للناس: يعرضوا في الشاش و يطولوا في البرنوس,
6
يحبوا ديما يقعدوا في اعز مكان في لعراس, و الصفوف لولى تاع المجالس,
7
و يحبوا الناس تسلم عليهم في لسواق, و يحبوا الناس كي يعيطولهم: سيدي سيدي!
8
اما انتوما ما تقولوا لحتى واحد سيدي, على خاطر المعلم تاعكم واحد و هو المسيح, و انتوما الكل خاوة,
9
و ما تعيطوا لحتى واحد فوق لرض اب, على خاطر باباكم واحد اللي هو في السماوات.
10
و ما تعيطوا لحتى واحد معلم, على خاطر المعلم تاعكم واحد و هو المسيح.
11
اكبر واحد فيكم يكون هو لخديم تاعكم.
12
اللي يعلي في يروحو يهبط. و اللي يهبط من روحو يعلى. الويلات للكتبة و الفريسيين
13
"يا ويلكم يا الكتبة و الفريسيين المنافقين! على خاطر تقفلوا ملكوت السماوات في وجه الناس, لا انتوما تدخلوا و لا تخلِيوْ لخرين يدخلوا.
14
يا ويلكم يا لكتبة و الفريسيين المنافقين! على خاطر تاكلوا مال ليتامى, و تلعبوها تطولوا في الصلاة, راح تتعذبوا عذاب شديد.
15
يا ويلكم يا الكتبة و الفريسيين المنافقين! على خاطر تجولوا لبحر والبر باه تكسبوا مؤمن واحد للدين تاعكم, و كي يجي تجعلوه يستاهل جاهنامة اكثر منكم.
16
يا ويلكم يا القادة العميان! تقولوا: اللي يحلف بالهيكل ماهوش ملزم بالحلف تاعو, بالصح اللي يحلف بالذهب تاع الهيكل يكون ملزم بالحلف تاعو.
17
يا جاهلين و يا عميان! شكون شانو اعظم من لاخر الذهب و الا الهيكل للي يقدس الذهب؟
18
و تقولوا: اللي يحلف بالمذبح ما هوش ملزم بالحلف تاعو, بالصح اللي يحلف بالذبيحة اللي تتذبح فوق المذبح يكون ملزم بالحلف تاعو.
19
يا جاهلين و يا عميان! شكون اللي شانو اعظم من لاخر: الذبيحة و الا المذبح اللي يقدس الذبيحة؟
20
اللي يحلف بالمذبح يكون حلف بيه و بكل ما فيه!
21
و اللي يحلف بالهيكل يكون حلف بيه و باللي ساكن فيه,
22
و اللي يحلف بالسماء يكون حلف بعرش الله و المتربع عليه.
23
يا ويلكم يا الكتبة والفريسيين يا واحد المنافقين! تمدوا لعشور تاع النعناع و الشبث و الكمون, و خليتوا اثقل حاجة في الشرع: الحق و الرحمة و ليمان. كان لازم تديروا هاذي و ما فرطوش في هاذيك.
24
يا القادة العميان! يا اللي تصفوا ع الذبانة و تبلعوا الجمل.
25
يا ويلكم يا الكتبة و الفريسيين يا واحد المنافقين! تنظفوا الكاس والصحفة من لبرى, و همّا مليانين من الداخل بالزنا و السرقة.
26
يا الفريسي الاعمى! نظف قبل الكاس و الصحفة من الداخل تنظاف من برى ثاني.
27
يا ويلكم يا الكتبة و الفريسيين يا واحد المنافقين! على خاطر انتوما تشابهوا للقبورة المجيرة من برى تبان مليحة, بالصح من الداخل مليان بعظام الموتى و كل نجاسة.
28
حتى انتوما ثاني هكا: من لبرى تبانوا للناس صالحين, بالصح انتوما من الداخل مليانين بالنفاق و الاثم.
29
يا ويلكم يا الكتبة و الفريسيين يا واحد المنافقين! على خاطر تبنِيوْ لقبورة تاع الانبياء و تزينوا لمدافن تاع الصالحين,
30
و تقولوا: لو كان جينا في زمان جدودنا ما كنّاش نشاركوا في دم الانبياء.
31
راكم تشهدوا على ارواحكم باللي انتوما اولاد قتالين الانبياء.
32
الشيء اللي بقى على جدودكم كملوه انتوما.
33
يا واحد لحنوشة اولاد لفاعي! كيفاه راح تمنعوا من عذاب جاهنامة؟
34
على هاذيك انا راح نبعث لكم انبياء وحكماء و كتبة, اللي تقتلوه تقتلوه واللي تصلبوه تصلبوه, و منهم اللي تضربوهم في مجالسكم, و تحاوزوهم من بلاد لبلاد,
35
هكا تتحملوا مسؤولية الدم البريء اللي ساح على لرض, من دم هابيل الصدّيق حتى لدم زكريا بن برخيا اللي قتلتوه بين الهيكل و المذبح.
36
نقول لكم الحق: هذا الشيء كامل يصرى في هاذا الجيل! يسوع يبكي على اورشليم
37
"اورشليم, يا اورشليم! يا قتالة ارواح لنبياء يا راجمة المرسولين اللي جاوك, قدّاه من مرة حبيت نلم اولادك كيما تلم الدجاجة لفلالس تحت جنحاها, بالصح انتوما ما حبيتوش!
38
هاي داركم تقعد لكم خربة.
39
نقول لكم: من اليوم ما تزيدوش تشوفوني حتى يجي النهار اللي تقولوا فيه: تبارك الله على اللي جاي باسم ربي!".
Chapter 24
1
و من بعد خرج يسوع من الهيكل و راح, جاو التلامذة عندو و وراولو البرج تاع الهيكل من بعيد.
2
قال لهم يسوع: "شفتوا هاذي الكل؟ نقول لكم الحق: ما تبقى هنا حتى حجرة فوق حجرة غير و تريب!".
3
و كي كان قاعد في جبل الزيتون’ جاو ليه التلامذة وحدهم و قالوا: "قول لنا وقتاه يصرى هاذا الشيء؟ واش هي لمارة تاع الوقت اللي ترجع فيه و وقتاه تفنى الدنيا؟".
4
رد عليهم يسوع و قال: "شوفوا! واحد ما يغلطكم.
5
راح يجيو ياسر بإسمي و يقولوا: انا هو المسيح! و راح يغلطوا ناس ياسر.
6
و راح تسمعوا بالحروب و لخبار تاع الحروب. شوفوا ما تخافوش, هاذي الكل لازم تكون, بالصح ما زال مشها لاخرة.
7
راح تجور الامم على بعضاها, و السلاطين على بعضاهم, و يكون الجوع و الامراض و زلازل في اماكن ياسر.
8
بالصح هاذي الكل ما هي غير البدية تاع لوجاع.
9
في هاذاك الوقت يسلموكم للعذاب و يقتلوكم, و تكونوا مكروهين عند الناس الكل على جال اسمي.
10
و قتها ياسر اللي يخلِيوْ الايمان و يبيعوا بعضاهم.
11
و يظهروا ياسر من الانبياء الكذبة و يغلطوا ناس ياسر.
12
و يكثر لفساد و تبرد لمحبة في قلوب اغلب الناس,
13
بالصح اللي يصبر حتى للخر هاذاك يمنع.
14
بالصح لاخرة تجي بعدما يسمعوا سكان لرض كاملين ببشارة الملكوت باه تكون شاهدة عليهم.
15
"نهار اللي تشوفوا "نجاسة لخراب" اللي قال عليها النبي دانيال قايمة في المضرب المقدس- باه اللي يقرى يفهم-
16
وقتها الناس اللي في اليهودية يهربوا للجبال,
17
و اللي في السطح ما ينزلش حتى للدار باه كاش ما يهز معاه,
18
و اللي في الجنان ما يوليش وراه باه يهز قشو.
19
يا ويل للنساء اللي بلكرش و اللي يرضعوا في هاذيك ليام!
20
صلوا باه ما يصراش هاذا الشيء في الشتاء و الا نهار سبت,
21
على خاطر راح يكون وقتها ضيق كبير عمرو ما صرى من اول ما بدات الدنيا و عمرو ما راح يزيد يصرى.
22
و لو كان مش هاذيك ليام نقصت واحد ما كان يمنع. بالصح على جال لمخيرين عند الله نقصت هاذيك ليام.
23
وقتها كان قال لكم كاش واحد: او المسيح هنا! و الا: او لهيه! ما تصدقوش.
24
على خاطر راح يقوموا مسحاء كذابين و انبياء كذابين و يديروا ايات و عجايب كبيرة, حتى كان قدروا يغلطوا حتى المخيريين ثاني.
25
انا قلت لكم كل شيء و نبهتكم من قبل.
26
و اذا كان قالوا: او في الصحراء! عندكم تروحوا. و الا راه في الديار الداخل! ما تقبلوهمش.
27
على خاطر كيما يخرج لبرق من الشرق و يبان في الغرب, كيما هكا يكون رجوع ابن الانسان.
28
على خاطر وين تكون الجيفة تتلم النسورة.
29
"و من ورى الضيقة تاع هاذيك ليام تظلام الشمس, و يطفى ضوء القمرة, و تطيح النجوم من السماء, و تتزعزع السماوات.
30
وقتها تظهر لمارة تاع ابن الانسان في السماء. وقتها راح تنوح كل لجناس اللي في الدنيا, و يشوفوا ابن الانسان جاي على سحاب السماء بقوة و بمجد كبير.
31
و يبعث لملايكات تاعو بصوت البوق القاوي خلاص, و يلموا المختارين تاعو من الجوايه في ربعة, من اخر الدنيا لاخر السماوات.
32
من الشجرة تاع الكرطوس تتعلموا لمثل: كي يكون عرفها طري و يخَرّج لورقة, تعرفوا باللي الصيف قرّب.
33
حتى انتوما ثاني هكا, وقت اللي تشوفوا هاذا كامل صرى اعرفوا باللي الوقت راه قريب و راه على الابواب.
34
نقول لكم الحق: ما يفوتش هاذا الجيل حتى يصرى هاذا الشيء كامل.
35
السماء و لرض يفناو بالصح كلامي ما يفناش. كونوا ديما واجدين
36
"اما هاذوك ليام و هاذيك الساعة واحد ما يعلم بيهم, حتى لملايكات تاع السماوات, غير الاب برك هو وحدو اللي يعلم.
37
و كيما صرى في ايام نوح هكذاك ثاني يصرى كي يجي ابن الانسان.
38
على خاطر كيما كانوا الناس قبل الطوفان ياكلوا و يشربوا و يزوجوا و يتزوجوا, حتى للنهار اللي دخل فيه نوح للفلوكة,
39
و ما فاقوش حتى دهم عليهم الطوفان و ادّاهم الكل, هكذاك يكون رجوع ابن الانسان.
40
وقتها يكونوا زوز من الناس في الجنان, يترفع واحد و يبقى لاخر.
41
و زوز نساء يرحيو على الرحى, تترفع واحدة و تبقى الاخرى.
42
"مالا اسهروا على خاطر ما تعلموش واش من ساعة يجي فيها سيدكم.
43
يكون في علمكم: لو كان جا مولى الدار يعرف وقتاه يجيه السرّاق, كان سهر و ما خلاهش يسرقو.
44
على هاذا الشيء كونوا انتم ثاني موجدين ارواحكم, على خاطر ابن الانسان يجي في ساعة ما تتوقعوهاش. لمثل تاع لخديم مولى لمانة
45
شكون هو لخديم اللي مولى امانة و رزين اللي وكلو سيدو على الخدامين لخرين باه يعطيهم الماكلة في وقتها؟
46
يا سعد هاذاك لخديم نهار اللي يرجع سيدو يلقاه يخدم في خدمتو كيما وصاه!
47
نقول لكم الحق: راح يزيد يوكلو على رزقو كامل.
48
بالصح اذا كان هاذاك لخديم ماهوش ناس ملاح و قال في قلبو: سيدي راح يبطى باه يرجع.
49
و يبدى يضرب في خاوتو الخدامين و ياكل و يشرب مع السكارجية.
50
و يجي سيدو في نهار ما يتوقعوش و في ساعة ما يعرفهاش,
51
راح يقطعوا و يجعلو مع المنافقين. وين يكون النواح و الرعدة.
Chapter 25
1
"وقتها يكون ملكوت السماوات يشابه لعشرة صبايا, هزت كل وحدة فيهم كانكي يشعل بالزيت و خرجوا يعَرضوا للعريس.
2
و كانوا خمسة منهم فايقات, و خمسة حايرات.
3
هاذوك الحايرات هزوا الكانكيات تاعهم و ما هزوش معاهم الزيت,
4
اما الفايقات هزوا الكانكيات تاعهم و زادوا هزوا معاهم الزيت.
5
شوية لعريس بطى ما جاش ولاو نعسوا كلهم و رقدوا بالنوم.
6
ونص الليل سمعوا الحس و لعياط: هاو لعريس جاي, عرضولوا!
7
فاقوا هاذوك الصبايا من النوم و قدّوا الكانكيات تاعهم.
8
و هاذوك الحايرات قالوا للفايقات: اعطونا شوية زيت معاكم الكانكيات تاعنا راح تطفى.
9
قالوا لهم الصبايا لفايقات: بلاك احنا ما و يكفيناش بالصح, روحوا عند البيّاع و اشرِيوْ واش تحتاجوا خير.
10
و كي راحوا همّا باه يشرِيوْ جاء لعريس, و الصبايا اللي كانوا واجدين دخلوا معاه للعرس, و تقفل الباب وراهم.
11
و من بعد خلاص جاو الصبايا الحايرات و بداو يعيطوا و يقولوا: يا سيدي, يا سيدي, حل علينا الباب!
12
جاوبهم و قال: الحق انا ما نعرفكمش.
13
اسهروا على خاطر ما تعرفوش لا النهار و لا الساعة اللي يجي فيها ابن الانسان. لمثل تاع كيلة الدراهم
14
"و يشابه ملكوت السماوات ثاني لواحد الراجل كان راح يسافر عيط للخدامين تاعو و كلّفهم بواش يكسب من المال,
15
مد لواحد فيهم خمسة كيلات, و مد للاخر زوز كيلات, و مد لواحد اخر كيلة. كل واحد على قد جهده. و من بعد سافر.
16
و راح هاذاك اللي ادى الخمسة كيلات و تاجر بيهم, و ربح خمسة كيلات اخرين.
17
و حتى اللي ادى زوز كيلات هو ثاني دار كيما لول و ربح زوز كيلات اخرين.
18
اما هاذاك اللي ادا الكيلة لواحدة راح و حفر حفرة في لرض و خبى دراهم سيدو.
19
و عدى زمان طويل و روّح الراجل و راح باه يتحاسب مع الخدامين تاعو,
20
جاه مولى الخمسة كيلات و زاد اعطاه خمسة كيلات اخرين معاهم و قال: اعطيتيني خمسة كيلات. هاي فوقهم خمسة كيلات اخرين ربحتهم.
21
قالو سيدو: يعطيك الصحة انت خديم صالح و مولى امانة! على خاطر كنت مولى امانة على لقليل راح نكلفك على الكثير. ادخل للنعيم و الفرحة تاع سيدك.
22
و من بعد جاه مولى الزوز كيلات و قال: يا سيدي, اعطيتيني زوز كيلات. هاي فوقهم زوز كيلات اخرين ربحتهم.
23
قالو سيدو: يعطيك الصحة انت خديم صالح مولى امانة! على خاطر كنت مولى امانة على لقليل راح نكلفك على الكثير. ادخل للنعيم و الفرحة تاع سيدك.
24
و من بعد ثاني جا مولى الكيلة لواحدة و قال: يا سيدي, انا عارف باللي انت راجل صعيب, و تحب تحصد وين ما زرعتش, و تلم حتى وين ما غرستش.
25
وليت خفت و رحت خزنتلك الكيلة تاعك في لرض. و ضرك هاو رزقك.
26
رد عليه السيد و قالو: انت خديم قلبك مش مليح و ماكش خدّام, كي علابالك باللي انا نحصد وين ما زرعتش, و نلم وين ما غرستش,
27
علاه مالا ما حطيتش الدراهم في البانكة, باه كي نجي نرجعهم مع الفايدة.
28
و قال للخدّامين نحِيوْلو الكيلة اللي عندو و مدوها لمولى العشرة كيلات.
29
على خاطر اللي عندو يزيد عليه, و اللي ما عندوش ينَقص ليه.
30
و هاذا لخديم اللي بلا فايدة ارموه لبرى في الظلمة, وين يكون النواح و الرعدة. الخرفان و الجديان
31
" و نهار اللي يجي فيه ابن الانسان في الجاه تاعو و معاه الملايكة القديسين الكل, وقتها يتربع على عرشو المجيد.
32
و تتلم قدامو الشعوب الكل, و هو يفرزهم كيما يفرز الراعي الخرفان من الجديان,
33
يحط الخرفان على ليمين و الجديان على ليسار.
34
و من بعد يقول السلطان للناس اللي واقفين على ليمين: ارواحوا يا اللي جعلكم بابا متباركين, اورثوا الملكوت اللي كان موَّجد لكم من نهار اللي خلقت فيه الدنيا.
35
على خاطر جعت و انتوما وكلتوني. عطشت و انتوما شربتوني. تغربت وانتوما لميتوني.
36
تعريت وانتوما كسيتوني. مرضت و انتوما تفقدتوني. تحبست و انتوما زرتوني.
37
وقتها يقولوا هاذوك الناس الصالحين: ياربي وقتاه شفناك جيعان و وكلناك و الا عطشان و شربناك؟
38
و وقتاه شفناك غريب و لميناك, و الا عريان و كسيناك؟
39
و وقتاه شفناك مريض و الا محبوس و زرناك؟ يرد عليهم السلطان و يقول لهم:
40
نقول لكم الحق: على خاطر درتوا هاذا الخير في واحد من خاوتي هاذوك الصغار, تسماوْ درتو الخير فيا انا.
41
"و من بعد يقول لهاذوك اللي واقفين على ليسار: روحوا عليا يا واحد الملعونين للنار اللي ما تطفاش اللي موّجدة لابليس و الشواطن اللي يخدموا فيه,
42
على خاطر جعت ما وكلتوني. عطشت ما شربتوني.
43
كنت غريب ما لميتوني. كنت عريان ما كسيتوني. كنت مريض و محبوس و ما زرتوني.
44
وقتها همّا ثاني يقولوا: يا ربي, و قتاه شفناك جيعان و الا عطشان و الا غريب و الا عريان و الا مريض و الا محبوس و ما خدمناكش؟
45
يقول لهم: نقول لكم الحق: على خاطر انتوما ما درتوش الخير في واحد من خاوتي هاذوك الصغار, تسماوْ ليا انا اللي ما درتوش الخير.
46
و راحوا هاذوك الناس للعذاب الدايم و الناس الصالحين راحوا للحياة الدايمة".
Chapter 26
1
و كي كمّل يسوع كلامو حتى للخر قال لتلامذة تاعو:
2
"علابالكم باللي بعد نهارين يجي عيد الفصح, و فيه يسلموا ابن الانسان باه يصلبوه".
3
في هاذاك الوقت تلموا ريّاس الكهنة و الكتبة و الشيوخة تاع الشعب و راحوا لدار قيافا رايس الكهنة,
4
و تشاوروا بيناتهم باه يديروا حيلة و يحكموا يسوع و يقتلوه.
5
بالصح قالوا: "ما نديروهاش نهار العيد باه تنوضش الفوضى في وسط الشعب". يسوع يدهنوه بالطيب
6
و كي كان يسوع في بيت عنيا في دار سمعان الابرص,
7
جات ليه واحدة لمرى و كانت هازة في يدها قرعة تاع ريحة سومتها غالية, و سيحتها على راسو كي كان قاعد.
8
و كي شافوا التلامذة الشيء اللي صار غاظهم الحال و قالوا: "علاش هذا التبذير؟
9
كنّا قادرين نبيعوا هاذي الريحة بالغلى و نفرقوا دراهمها على الفقراء".
10
و كي سمعهم يسوع قال لهم: "علاش تبخصوا في لمرى؟ هي دارت لي حاجة مليحة!
11
الفقراء ام معاكم ديما, اما انا ما نيش معاكم ديما.
12
و هي كي سيحت هاذي الريحة عليا اي دارت هكا توجد فيّا باه تكفنوني.
13
نقول لكم الحق: وين ما يبشروا بهاذا الانجيل في الدنيا كاملة, يهدروا ثاني على الشيء اللي عملاتو هاذي لمرى و يبقاو متفكرينها". لخيانة تاع يهوذا
14
في هاذيك الساعة راح واحد من التلامذة الثناش, اللي اسمو يهوذا الاسخريوطي, للريّاس الكهنة
15
و قال لهم: "قداه تمدولي كي نبيع لكم يسوع؟". و همّا خلصوه ثلاثين قطعة تاع فضة.
16
و من هاذاك الوقت بدى يحوس على فرصة باه يبيّع بيه. عشاء الفصح مع التلامذة
17
و في اول يوم من ايام لفطير جاو التلامذة ليسوع و سقساوه: "وين تحب نوَّجدولك لعشاء تاع الفصح؟".
18
قال لهم: "روحوا للمدينة عند فلان و قولولوا: قالك المعلم: ساعتي قربت. و في دارك انت نتعشى لعشاء تاع الفصح انا و التلامذة تاعي".
19
وراحوا التلامذة داروا كيما قالهم يسوع و وجدوا لعشاء تاع الفصح.
20
و في الليل و هو قاعد مع التلامذة في ثناش.
21
و كي كانوا يتعشاو قال: "نقول لكم الحق: واحد منكم راح يخدعني".
22
و كي قالهم هاذي الكلمة حزنوا خلاص, و بداو يسقسِيوْ فيه بالواحد: " تهدر عليا انا يا رب؟".
23
اما هو رد عليهم و قال: "اللي يدَّخل يدو معايا في المعجنة هو اللي يخدعني!
24
ابن الانسان راح يموت كيما مكتوب عليه, بالصح يا ويل هاذاك الراجل اللي يبيع ابن الانسان. كان خير لو كان ما خرجش من كرش امو!".
25
نطق يهوذا اللي باعو و قالو: "تهدر عليا انا يا سيدي؟". قال يسوع: "انت قلت". عشاء الرب
26
و كي بداو ياكلوا هز يسوع الخبز, و بارك و قسم و فرق على التلامذة و قال: "هاكم كولوا. هاذا هو البدن تاعي".
27
و هز الكاس و شكر و مدلهم و قال: "اشربوا منها كلكم,
28
على خاطر هاذا هو دم العاهد اللي يسيل على جال ناس ياسر باه تتغفر ذنوبهم.
29
و نقول لكم: انا من نهار اليوم ما نزيدش نشرب من منتوج الدالية هاذا حتى لنهار اللي نشربوا معاكم جديد في الملكوت تاع بابا".
30
و من بعد سبحوا الله كلهم مع بعضاهم و خرجوا راحوا لجبل الزيتون. يسوع يقول على بطرس كيفاه راح ينكروا
31
و قال لهم يسوع: "الليلة هاذي رايحين تشكوا فيا كلكم, على خاطر مكتوب: اضرب الراعي تتفرق لغنم.
32
بالصح من بعد ما نقوم من بين الموتى نسبقكم ل الجليل".
33
نطقلو بطرس و قالو: "لو كان يشكوا فيك الكل لنا عمري ما نشك فيك".
34
قالو يسوع: "نقول لك الحق: في هاذي الليلة و قبل ما يعوعش السردوك تنكرني ثلاثة مرات".
35
قال بطرس: "لو كان يقتلوني معاك ما ننكرش!". و حتى التلامذة لخرين الكل قالوا نفس لكلام. في جثسيماني
36
و من بعد راحوا لواحد الجنان يسموه جثسيماني, و قال للتلامذة:" اقعدوا هنا اني رايح لهيه نصلي و نجي".
37
و دى معاه بطرس و اولاد زبدي في زوز, و بدى الحزن يعصر فيه.
38
و قال لهم: "راني حزين راح يقتلني الحزن. اسناو هنا و اسهروا معايا".
39
و بعد عليهم شوية و سجد على وجهو للرض, و كان يصلي ويقول: "يا بابا, لو كان غير يتهز عليا هاذا الكاس, بالصح مش كيما نحب انا دير انت واش تحب".
40
و من بعد جا للتلامذة و لقاهم راقدين, قال لبطرس: "هكا ما قدرتوش تزيدوا تسهروا معايا حتى ساعة واحدة؟".
41
اسهروا و صلوا باه ما تدخلوش في محنة, الروح او ناشط بالصح البدن هو اللي ضعيف".
42
و خلاهم و زاد راح يصلي وكان يقول:"يا بابا, لو كان غير تبعد عليا هاذا الكاس باه ما نشربوش بالصح دير واش تحب انت".
43
و من بعد كي جا زاد لقاهم راقدين, و النوم مثقل عليهم.
44
خلاهم و زاد راح يصلي مرة اخرى و قال هاذاك لكلام بالذات.
45
و من بعد جا للتلامذة و قال لهم: "ارقدوا ضرك و ارتاحوا! هاي قربت الساعة, ضرك يتسلم ابن الانسان ليد المذنبين.
46
نوضوا هيا نروحوا! او وصل اللي خدعني!". القبض على يسوع
47
و هو مازال يهدر, وصل يهوذا اللي كان واحد من الثناش و معاه غاشي كبير من جماعة رياس الكهنة و شيوخة الشعب هازين سيوفة و قرم.
48
واللي خدعو اعطاهم امارة و قال لهم: "اللي نبوسو او هاذاك هو. احكموه".
49
و في ساع قدم ليسوع و قال: "عسلامة سيدي!" و سلم عليه و باسو.
50
قال لو يسوع: "يا صاحبي, علاه جيت؟". وقتها قدموا اللي معاه و حكموا يسوع قبضوا عليه.
51
و كان واحد من اللي مع يسوع سل السيف و ضرب بيه لخديم تاع رايس الكهنة, نحالو وذنو.
52
قال لو يسوع: "رد السيف وين كان. على خاطر اللي جاو بالسيف بالسيف يموتوا!
53
علاه تحساب باللي مانيش قادر نطلب من عند بابا يبعثلي اكثر من اثناش جيش تاع ملايكة؟
54
كيفاه مالا نكملوا المكتوب: باللي لازم يصرى هاذا الشيء كامل؟".
55
و في هاذيك الساعة قال يسوع للغاشي: "تقول عليكم خرجتوا باه تحكموا سارق جايين بالسيوفة و القرم باه تقبضوا عليا! و انا نهار كامل و انا قاعد معاكم نعلم في وسط الهيكل و ما حكمتونيش.
56
بالصح هاذا كامل صرى باه يتم المكتوب اللي قالوا عليه الانبياء". و في هاذيك الساعة خلاوه التلامذة الكل و هربوا. يسوع قدام المجلس تاع ليهود
57
و الناس اللي حكموا يسوع داوْه لقيافا رايس الكهنة, و كانوا الكتبة و الشيوخة كلهم متلميين لثمة.
58
اما بطرس بقى يتبع فيهم من بعيد حتى ن وصلوا لدار قيافا, و دخل معاه لداخل و قعد في وسط الخدامين يسنى يشوف واش راح يصرى.
59
و كانوا رياس الكهنة و الشيوخة و المجلس تاعهم كامل يحوسوا على تهمة باطلة يتهموا بيها يسوع باه يقتلوه,
60
بالصح ما لقاو باه يتهموه. و كانوا شهود باطل ياسر واقفين بالصح ما لقاوش ضده حتى حاجة. و في لخّر وقفوا زوز منهم و همّا شهود بالباطل
61
و قالوا: "هاذا الراجل قال نقدر نريَّب الهيكل تاع الله, و نبنيه في ثلاثة ايام".
62
وقف لو رايس الكهنة و قال: "كاش ما عندك حاجة تقولها؟ شوف باه شهدوا عليك هاذو في زوز؟".
63
اما يسوع بقى ساكت. وزاد قالو رايس الكهنة: "حلفتك بالله الحي تقول لنا: انت هو المسيح ابن الله؟".
64
قال لو يسوع: "راك قلتها! و نزيد نقول لكم: من اليوم راح تشوفوا ابن الانسان قاعد على يمين الله القدير, و جاي على السحاب من السماء".
65
شرّق رايس الكهنة قشو و قال: "او كفر! واش نديروا بيهم الشهود؟ انتم سمعتوه واش قال!
66
واش رايكم؟". جاوبوا الكل و قالوا: "يستاهل الموت".
67
و بصقوا على وجهو و ضربوه بالكف, واخرين ضربوه بالدبز
68
و كانوا يقولوا: "قول لنا طراه شكون ضربك يا واحد المسيح؟". بطرس ينكر
69
و بطرس كان قاعد لبرى في وسط الدار, جات واحدة لخديمة و قالت: "انت ثاني كنت مع يسوع تاع الجليل!".
70
نكر قدام الناس الكل و قال: "ما علاباليش واش قاعدة تهدري!".
71
و خرج لبرى للحوش زادت شافاتو خديمة اخرى, و قالت للناس اللي لثمة: "حتى هاذا كان مع يسوع الناصري!".
72
زاد نكر مرة اخرى و حلف: "نحلف بربي باللي ما نعرفش هاذا الرجل!".
73
و من بعد جاو الناس تلموا على بطرس و قالوا: "صح انت ثاني واحد منهم, من هدرتك باين!"
74
و بدى وقتها يسب و يحلف: "والله ما نعرف هاذا الراجل!". و في هاذيك الساعة بالذات عوعش السردوك.
75
و تفكر بطرس الهدرة اللي قالها يسوع: "قبل ما يعوعش السردوك تنكرني ثلاثة مرات". ولى خرج لبرى و بكى بالحريقة.
Chapter 27
1
و قبل ما يطلع النهار تشاوروا رياس الكهنة الكل و شيوخة الشعب على يسوع باه يقتلوه,
2
و كتفوه و راحوا داوْه للوالي بيلاطس البنطي.
3
و كي شاف يهوذا اللي خدعو باللي حكموا عليه بالموت, ندم و رجّع الثلاثين قطعة تاع الفضة لرياس الكهنة و الشيوخة
4
و قال لهم: "انا غلطت كي خليت واحد بريء يطيح بين يديكم". قالوا: "واش دخلنا فيك؟ دبر راسك!".
5
ولى رمى لهم الفضة في الهيكل و خرج, و من بعد راح شنق روحو.
6
هزوا الكهنة هاذيك الفضة و قالوا: "ما يجوزش نحطوها في الصندوق تاع الهيكل على خاطرها دراهم تاع دم".
7
و بعد ما تشاوروا راحوا شراو بيها جنان الفخاري و داروه جبانة للغريب,
8
على هاذا سماوْ هاذاك الجنان "جنان الدم" حتى لليوم.
9
وقتها تم الشيء اللي قال عليه ارميا النبي: "هزوا ثلاثين دينار من الفضة, السومة اللي ساموني بيها بني اسرائيل,
10
و خلصوا بيها جنان الفخاري, كيما طلب مني ربي ندير". يسوع قدام بيلاطس
11
و كي وقف يسوع قدام الوالي سقساه و قالو: "انت هو الملك تاع ليهود"؟. رد عليه يسوع وقال: "راك تقول".
12
و كي كانوا رياس ليهود و الكهنة يتهموا فيه ما جاوب بحتى حاجة.
13
زاد قال بيلاطس: "راك تسمع فيهم كيفاه يشكِيو عليك؟".
14
و هو ما جاوب حتى لو كان بكلمة واحدة, حتى حار فيه الوالي.
15
و كان من العادة تاع الوالي في العيد يسيْب لهم محابسي واحد, اللي يخايروه همّا.
16
و كان وقتها واحد لمحابسي معروف اسمو باراباس.
17
وكي كانوا متجمعين قال لهم بيلاطس: "شكون تحبوا نسيْب لكم؟ باراباس و الا يسوع اللي يسموه المسيح؟".
18
على خاطر كان علابالو باللي كانوا حاسدينوا على هاذيك سلموه.
19
و هو قاعد فوق كرسي الولاية بعثتلو مرتو تقولو: "عندك لا تدور بهاذاك الراجل الصالح, البارح تعذبت على جالو في لمنام".
20
بالصح رياس الكهنة و الشيوخة حرشوا الغاشي باه يخرجوا باراباس و يقتلوا يسوع.
21
رد عليهم الوالي و قال: "شكون من هاذمّا في زوز تحبوا نسيب لكم؟". قالوا: "باراباس!".
22
اما بيلاطس قال لهم: "مالا واش ندير بيسوع اللي يسموه المسيح؟". قالوا كلهم: "اصلبو!".
23
قال الوالي: "واش من شر دار؟". اما همّا زادوا في لعياط و قالوا: "اصلبو!".
24
و كي شاف بيلاطس باللي ما كانش فايدة معاهم, و خاف لا تصرى فوضى, طلب الماء و غسل يديه قدام الغاشي و قال: "انا بريء من دم هاذا الراجل الصالح! دبروا روسكم انتوما واش تديروا فيه!".
25
الشعب كامل جاوب وقال: "دمو في رقبتنا و في رقبة اولادنا".
26
ولى سيَب لهم باراباس, اما يسوع اعطاه للعسكر سوطوه و داوه باه يصلبوه. العسكر يستهزاو بيسوع
27
و داو العسكر يسوع لدار الولاية و تلموا عليه الكتبة الكل.
28
و عراوْه و لبسوه برنوس احمر,
29
و ضفروا تاج من الشوك و حطوه على راسو, و حطولو قصبة في يدو ليمنى, و كانوا يركعوا قدامو و همّا يستهزاو بيه و يقولوا: "السلام يا سلطان ليهود!".
30
و بصقوا عليه, و هزوا القصبة و ضربوه باها على راسو.
31
و من بعد ما تمسخروا بيه, نحاولو البرنوس و لبسوه قشو, و داوه باه يصلبوه. الصلب
32
و كي كانوا رايحين لقاو واحد الراجل من القيروان اسمو سمعان, جابوه باه يهز الصليب تاع يسوع.
33
و كي وصلوا لواحد لمكان يقولو عليه جلجثة, و اللي يسموه "مضرب الجمجمة"
34
مدولو الخل مخلط بالمر باه يشربو. و كي ذاقو ما حبش يشرب منو.
35
و علقوه على الصليب و داروا القرعة على قشو و قسموه بيناتهم, باه يتم الشيء اللي قال عليه النبي: "قشاتي بيناتهم قسموها, و على لباسي القرعة داروها".
36
و قعدوا ثمة يعسوا عليه.
37
و لصقوا عند راسو لفوق لوحة مكتوب فيها السبة اللي على جالها حكموا عليه: "هاذا هو يسوع الملك تاع ليهود".
38
و صلبو معاه زو ز مجرمين, واحد على ليمين و واحد على ليسار.
39
و اللي كانوا معديين من ثمة يهزوا في روسهم
40
و يقولوا: "يا اللي تهدم الهيكل و تبنيه في ثلاثة ايام, منع روحك! كي عدت وليد الله اهبط من فوق الصليب!".
41
و حتى رياس الكهنة ثاني يستهزاو بيه همّا و الكتبة و الشيوخة و قالوا:
42
"لخرين يقدر يمنعهم اما روحو ما يقدرش يمنعها! كي عاد هو الملك تاع ليهود ينزل من الصليب و ضرك نامنوا بيه!
43
راه توكل على الله و قال: انا ابن الله! يخلي الله يمنعو ضرك كي عاد راضي عليه!".
44
و حتى المجرمين اللي كانوا مصلوبين معاه كانوا يعايروا فيه بكلام كيما هاذا. الموت
45
و من الظهر حتى لثلاثة خيمت الظلمة على الدنيا الكل.
46
و على جوايه الثلاثة عيط يسوع على قوة جهدو وقال: "ايلي, ايلي, علاه شبقتاني؟ اللي معناها: الهي, الهي, علاه خليتني؟
47
و وحايد من لواقفين لثمة قالوا: "راه يعيط على ايليا".
48
و واحد زرب و شمخ طبة و ملاها بالخل و حطها في القصبة و مدها ليسوع و شرّبو.
49
و لخرين قالوا: "خليه. نشوفوا كان يجي ايليا و يمنعوا!".
50
و عيط يسوع عيطة قاوية خلاص, و طلعت منو الروح.
51
و تقطع الحجاب تاع الهيكل على زوز من لفوق للتحت. و لرض تزلزلت, و لحجار تشقت,
52
و لقبورة تحلت, و ياسر من الناس القديسين اللي ماتوا عاودوا حياو
53
و خرجوا من لقبورة بعد القيامة تاعو, و دخلوا للمدينة المقدسة, و شافوهم ناس ياسر.
54
اما القايد تاع مياة عسكري و الناس اللي معاه كي شافوا الزلزلة و كل واش صرى خافوا خلاص و قالوا: "صح كان هاذا ابن الله!".
55
و كانوا ثمة نساء ياسر يتفرجوا من بعيد, و همّا اللي كانوا يتبعوا في يسوع من الجليل باه يخدموه,
56
و منهو مريم المجدلية و مريم ام يعقوب و يوسي, و ام ولاد زبدي. الدفينة
57
و في لعشية خلاص, جا واحد الراجل غني من الرامة اسمو يوسف, و هو ثاني كان من تلامذة يسوع.
58
راح لبيلاطس و طلب لبدن تاع يسوع. و عطاهم بيلاطس الاذن باه يخليوَه يدي لبدن.
59
و ادى يوسف لبدن و لفوا في كتان طاهر,
60
و حطو في القبر الجديد تاعو اللي كان حفروا في الحجرة, و من بعد دز لحدة كبيرةعلى باب لقبر و راح.
61
و كانت معاه مريم المجدلية و مريم لخرى قاعدين مقابلين لقبر. العساسة تاع لقبر
62
و غدوة, بعدما وجّدوا للسبت تلموا رياس الكهنة و الفريسيين و راحوا لبيلاطس
63
و قالوا: "يا سيدي, تفكرنا باللي هاذاك الدجال قال كي كان حي: اني بعد ثلاثة ايام نحيا من بين الموتى.
64
لو كان تمد امر باه يعسوا على القبر ثلاثة ايام, لا يجيو التلامذة تاعو في الليل و يسرقوه, و يقولوا للناس او قام من بين الموتى, و تولي هاذي الخدعة لتالية اشر من لولى!".
65
قال لهم بيلاطس: "عندكم العساسة. روحوا ديروا احتياطاتكم كيما تشوفوا".
66
ولاو راحو و حطوا عساسة على لقبر و شمعوا لحجر.
Chapter 28
1
و بعدما عدى السبت و عند الفجر تاع نهار الاحد, جات مريم المجدلية و مريم لخرى باه يزوروا لقبر.
2
شوية ضربت زلزلة قاوية, و ظهر ملاك الرب من السماء و جا للحجرة دزها من قدام الباب و قعد عليها.
3
و كان وجهو يلمع كي لبرق, و اللبسة اللي لابسها بيضا كي الثلج.
4
و العسكر اللي كانوا يعسوا كي شافوه داخوا من الخوف و طاحوا تقول عليهم موتى.
5
هدر الملاك مع النساء في زوز و قال لهم: "ما تخافوش, علابالي باللي تحوسوا على يسوع المصلوب.
6
ما كانوش هنا, على خاطر راه حيا من بين الموتى كيما قال! ارواحوا نوريلكم وين كان محطوط.
7
و روحوا في ساع قولوا للتلامذة: او حيا من بين الموتى و او راح يسبقكم للجليل. و ثمة تشوفوه. اني خبرتكم".
8
و خرجوا من لقبر و هما خايفين و فرحانين خلاص, و راحوا يجريو باه يقولوا للتلامذة.
9
و هما رايحين باه يخبروا التلامذة تلاقاهم يسوع و قال لهم: "السلام عليكم". قدمولو و حكموه على رجليه و سجدوا لو.
10
قال لهم يسوع: "ما تخافوش. روحوا قولوا لخاوتي يروحوا للجليل و ثمة يشوفوني". الشهادة تاع الحراس
11
و كي كانوا همّا رايحين جاو جماعة من العسكر اللي كانوا يعسوا للمدينة و قالوا لرياس الكهنة على الشيء اللي صرى كامل.
12
و تلموا همّا مع الشيوخة, و تشاوروا و تفاهموا بيناتهم, و مدوا رشوة كبيرة للعسكر
13
و قالوا لهم: "قولوا باللي التلامذة تاعو جاو في الليل وسرقوه كي كنا احنا راقدين.
14
و كي توصل الهدرة للوالي احنا ندافعوا عليكم ما تخافوش".
15
داو هاذاك المال و داروا واش قالولهم, و شاع هاذا لخبر عند ليهود حتى اليوم. يسوع يظهر للتلامذة تاعو
16
اما التلامذة في حداش راحوا للجليل و طلعوا للجبل في لمكان اللي قال لهم عليه يسوع.
17
و كي شافوه سجدوا لو, بالصح كاين منهم وحايد شكوا فيه.
18
قرّب لهم يسوع و قال لهم: "نلت السلطان كامل اللي في السماء و اللي في لرض,
19
روحوا لجميع لجناس و تلمذوهم و عمدوهم باسم الاب و الابن و الروح القدس.
20
و علموهم يديروا الشيء اللي وصيتكم بيه كامل. و انا اني معاكم على طول الزمان حتى للخر". امين.
Mark
Chapter 1
1
البدية تاع انجيل يسوع المسيح ابن الله ,
2
كيما مكتوب في الكتب تاع لنبياء :" انا راح نبعث قدامك الرسول تاعي , اللي يوجد لك طريقك قدامك.
3
صوت ينادي في الصحراء و يقول :" وجدوا طريق ربي , و اجعلوا مساربو مقدودة ".
4
كان يوحنا يعمد في الصحراء و يبشر للناس بالمعمودية تاع التوبة لغفران الذنوب .
5
و جاو ليه من الجوايه الكل تاع اليهودية و القدس و تعمدوا كلهم على يديه في واد الاردن , مستعرفين بذنوبهم .
6
و كان يوحنا يلبس وبر الجمال و متحزم بحزام تاع جلد على جنابو و ياكل في الجراد و لعسل البري .
7
و كان يبشر و يقول :" يجي بعدي اللي هو اقوى مني , اللي انا ما نستاهلش تنابس و نحل السيور تاع صباطو .
8
انا عمدتكم بالماء , اما هو راح يعمدكم بالروح القدس" . المعمودية تاع يسوع المسيح و التجريبة تاعو
9
و في هاذيك ليام جا يسوع من الناصرة للجليل و تعمد على يد يوحنا المعمدان في الاردن .
10
و في الوقت اللي كان طالع فيه من الماء , شاف السماوات تشقت ’ و الروح هابط عليه كي لحمامة .
11
و كان صوت من السماوات بقول:" انت وليدي لحبيب اللي بيه فرحت".
12
وفي هاذاك الوقت بالذات اداه الروح للصحراء ,
13
و كان لثمة في الصحراء مدة اربعين يوم يتجرب من ابليس . و كان في وسط الوحوش . و جات الملايكة تخدم فيه . المسيح ينادي التلامذة لولين
14
و بعد ما تقبض على يوحنا جاء يسوع للجليل و بدا يبشر بالبشارة تاع ملكوت الله
15
و يقول :"الزمان كمل و ملكوت الله قرب , غير توبوا و امنوا بالانجيل ".
16
و كي كان يمشي على شط لبحر في الجليل شاف سمعان وخوه اندراوس يرميو في الشبكة في لبحر ’ على خاطر كانوا صيادة.
17
قال ليهم يسوع :" ارواحوا تبعوني و انا نجعلكم صيادين للناس "
18
و في هاذاك الوقت بالذات خلاو الشبكة و تبعوه.
19
و من بعد غير فات من لثمة شوية زاد شاف يعقوب بن زبدي و خوه يوحنا , في الفلوكة يخيطوا في الشبكة تاعهم .
20
عيطلهم و في هاذاك الوقت بالذات خلاو باباهم زبدي في الفلوكة مع الخدامة و مشاو وراه. الخروح تاع روح منجوس
21
و بعدها دخلوا كفرناحوم , و في هاذاك الوقت بالذات دخل للمجمع نهار السبت و بدا يقري.
22
و حاروا في التعليم تاعو على خاطر كان يقري فيهم كيما اللي عندو سلطان و مش كيما الكتبة .
23
و كان في هاذاك المجمع راجل ساكنو روح منجوس , بدا يعيط
24
و يقول :" آو! واش كاين بيننا و بينك آ يسوع الناصري ؟ راك جاي باه تهلكنا ؟ انا نعرفك شكون انت : القدوس تاع الله !"
25
نهرو يسوع و قالو :" اسكت! و اخرج منو!".
26
الروح المنجوس صرعو و غيط بصوت عالي و خرج منو .
27
الناس الكل حاروا و بداو يسقسيو في بعضاهم :" وش هذا ؟ وش هو هذا التعليم الجديد؟ على خاطر بسلطان يامر حتى على الارواح المنجوسة و تطيعو !".
28
و في هاذاك الوقت بالذات تنشر الخبر تاعو في كل الجوايه الدايرة بالجليل. نسيبة بطرس ترتاح هي و وحايد اخرين
29
و في هاذاك الوقت بالذات كي خرجوا من المجمع راحوا لدار بطرس و اندراوس مع يعقوب و يوحنا,
30
و كانت نسيبة سمعان عندها السخانة و حاكمة لفراش, حكاولو عليها و في هاذاك الوقث بالذات .
31
قرب ليها و حكمها من يدها و وقفها, ثم ثم راحت عليها السخانة و بدات تخدم فيهم .
32
و كي عشات لعشية , و غربت الشمس, جابوا ليه كل الناس المرضى و اللي مسكونين ,
33
و كانت المدينة كلها عند الباب .
34
و رتح ياسر اللي كانوا عندهم مروضات , و خرَّج شواطن ياسر , وما خلاش الشواطن تتكلم على خاطر عرفوه. التبشير في الجليل
35
و ناض في الصباح بكري خلاص و خرج و راح لواحد المضرب خالي و كان لثم يصلي وحدو,
36
وراح سمعان والناس الي كانوا معاه يتبعوا فيه .
37
و كي لقاوه قالوا لو :" آم الناس الكل يحوسوا عليك ".
38
وقال لهم :" هيا نروحوا للدشر لقريبة من هنا . باه نبشرهم هما ثاني على خاطر هاذي السبة اللي خرجت على جالها " .
39
و كان يبشر في المجامع في الجليل كلها و يخرج الشواطن . واحد ابرص يرتاح
40
و جا ليه واحد ابرص و ركع قدامو و قال لو :" كان حبيت تقدر تجعلني طاهر".
41
حن عليه يسوع و مد يدو و مسو وقالو :" نعم نحب , كون طاهر!"
42
و في هاذاك الوقت بالذات و هو مازال يهدر راح عليه لبرص و نظاف .
43
و وصاه و بعثوا في هاذاك الوقت بالذات ,
44
و قالو :" شوف , ما تقول لحتى واحد , بالصح روح وري روحك للكاهن و قدم الشيء اللي وصى بيه موسى , باه تشهد عليهم ".
45
اما هو راح و بدا يهدر على طول صوتو وينشر في لخبر, حتى ولى يسوع ما يقدرش يدخل حتى مدينة وهو باين , وولى يقعد بعيد في الاماكن الخالية , و كانوا الناس يجيو ليه من كل جيهة.
Chapter 2
1
و ثاني دخل لكفرناحوم بعد ايامات , و سمعوا بيه انو في واحد الدار .
2
و في هاذاك الوقت بالذات تلموا عليه ناس ياسر حتى الدار ما عادتش تهز و حتى لبرى معمرة . و كان يكلم فيهم بالكلام تاع الله.
3
و جاو ليه و جابولو واحد مشلول هازينوا ربعة .
4
و كي ما قدروش يوصلوا بيه عند يسوع على خاطر الغاشي ياسر , عراو السطح وين كان قاعد و بعد ما نقبوه حبطوا السرير اللي كان راقد عليه الراجل المشلول .
5
و كي شاف يسوع الايمان تاعهم , قال للمشلول:" يا ولدي مغفورة ليك ذنوبك ".
6
و كانوا جماعة من الكتبة قاعدين لثم خموا بينهم بين ارواحهم
7
:" واش بيه يهدر هاذا كيما هكا بالكفر ؟ شكون يقدر يغفر الذنوب من غير الله وحدو؟ ".
8
و في هاذاك الوقت بالذات عرف يسوع بالروح تاعو واش قاعدين يخموا في قلوبهم , و قال لهم :" علاش تخموا في حاجة كيما هاذي في قلوبكم؟
9
واشي هو اللي اسهل , كي يتقال للمشلول : ذنوبك مغفورة , و الا كي يتقال : اوقف هز سريرك و امشي؟
10
وبالصح باه تعرفوا بلي ابن الانسان عندو سلطان على لرض باه يغفر الذنوب". قال للراجل المشلول :
11
"نقول ليك : اوقف و هز السرير تاعك و روح لدارك !".
12
و في هاذاك الوقت بالذات ناض و هز السرير تاعو و خرج قدامهم الكل , حتى الناس الكل حاروا و مجدوا الله وقالوا :" عمرنا ما شفنا حاجة كيما هكا!". المسيح يستدعى لاوي
13
و من بعد زاد خرج للبحر. و جاو ليه الناس الكل باه يقريهم .
14
و كي كان معدي شاف لاوي بن حلفى قاعد في المضرب وين يلم لغرامة , قال لو :" تبعني". وقف وراح يتبع فيه .
15
و كي كان يسوع و التلامذة تاعو قاعدين في دار لاوي و كانوا قاعدين معاه ياسر من العشارين والمجرمين , على خاطر كانوا ياسرو تبعوه هما ثاني.
16
بالصح الكتبة و الفريسيين كي شافوه ياكل مع المكاسين و المجرمين , قالوا للتلامذة تاعو :" واشبيه ياكل ويشرب مع المكاسين تاع لغرامة و المجرمين؟".
17
و كي سمع يسوع قال لهم :"الصحاح مايحتاجوش للطبيب بالصح المرضى هما اللي يحتاجوا للطبيب. انا ماجيتش للاتقياء, جيت للمذنبين باه يتوبوا". الاستفسار على الصيام
18
و كانوا التلامذة تاع يوحنا المعمدان و التلامذة تاع الفريسيين يصوموا ,جاو ليه و سقساوه :" و علاش التلامذة تاع يوحنا و تاع الفريسيين يصوموا بالصح التلامذة تاعك ما يصوموش ؟".
19
جاوبهم يسوع :" وعلاه صحاب العرس يصوموا كي يكون لعريس في وسطهم؟ ما دام لعريس معاهم ما يقدروش يصوموا .
20
بالصح راح تجي ايامات يترفع لعريس من وسطهم , وقتها في هاذيك ليامات يصوموا,
21
ماكانش واحد يرقع كسوة قديمة بطبة جديدة, تولي الطبَّة الجديدة تجبد من لقديمة و تزيد تتقطع اكثر من بكري .
22
و ماكانش واحد يحط خمرجديد في قربة قديمة , على خاطر القربة تتشقق من الخمر الجديد ,و من بعد الخمر يسيح و القربة تفسد . بالصح الخمر الجديد يتحط في قربة جديدة". رب السبت
23
و عدى نهار السبت في وسط الزرع , و بداو التلامذة تاعو ينحيو في السبول و ياكلوا و هما ماشيين .
24
قالوا لو الفريسيين :" شوف ! علاش راكم تديروا في الشيء اللي ماهش محلل تديروه نهار السبت ؟".
25
قال لهم :" ما قريتوش خلاص على الشيء اللي عملو داود و اللي كانوا معاه كي احتاج و جاع ؟
26
و كيفاه دخل لبيت الله في وقت ابياثار كبير الكهنة , و كلا خبز المهبة اللي ما يحل لحتى واحد باه ياكلو غير للكهنة , و مد للي كانوا معاه و كلاو هما ثاني ".
27
و من بعد قال لهم :" السبت تجعل على جال الانسان , و مش الانسان على جال السبت.
28
و ابن الانسان هو الرب تاع السبت ثاني ".
Chapter 3
1
و من بعد زاد دخل ثاني للمجمع , و كان لثمة واحد الراجل يدو مكمشة .
2
و بقاو يعسوا عليه : زعمة يرتحو في السبت والا لا؟ باه يروحوا يشكيو بيه.
3
وقال للراجل اللي يدو مكمشة ."ارواح اوقف في الوسط !".
4
و من بعد قال لهم:" نهار السبت يحل لينا نعملوا الخير و الا نعملوا الشر؟ نمنعوا نفس والا نقتلوها؟" . الكل سكتوا .
5
خزر فيهم الكل و هو متغشش وحزين على قلوبهم القاسية , و قال للراجل :" مد يدك ". مدها و رجعت صحيحة كيما الاخرى .
6
و في هاذاك الوقت بالذات خرجوا الفريسيين و معاهم الهيرودسيين و تفاهموا عليه باه يقتلوه. الغاشي يتبع في يسوع
7
و راح يسوع هو والتلامذة تاعو للبحر , و تبعوا غاشي كبيرمن الجليل و من اليهودية
8
و من اورشليم و من ادومية ومن وراء الاردن . والناس اللي دايرين بصور و صيدا. غاشي كبير , على خاطركي سمعوا عليه واش دار جاو ليه الكل.
9
و طلب من التلامذة تاعو باه يبقى في فلوكة صغيرة باه الغاشي ما يدزوش ,
10
على خاطر كي رتح منهم ياسر .ولاو يطيحوا عليه باه كل اللي فيه داء يمسو.
11
و الارواح المنجوسة كي شفاتو سجدت و عيطت و قالت :" انت هو ابن الله ".
12
و وصاهم و اكد باه ما يبينوهش. اختيار الثناش ن رسول
13
ومن بعد طلع للجبل و هدر مع اللي خايرهم و بقاو معاه .
14
و حط ثناش باه يكونوا دايما معاه و باه يبعثهم يبشروا,
15
و مد لهم سلطة باه يشفيو الامراض و يخرجوا الشواطن .
16
و سمى سمعان باسم بطرس.
17
و يعقوب بن زبدي و يوحنا خوه , سماهم بوانرجس اللي معناه ولاد الرعد .
18
و اندراوس, و فيليبس, و برتلماوس, و متى, و توما, و يعقوب بن حلفي, و تداوس , و سمعان القانوني ,
19
و يهوذا الاسخريوطي اللي باعو , و من بعدها راحوا لدار . يسوع و بعلزبول
20
و زاد تلم الغاشي ثاني و ما قدروش ياكلوا حتى لقمة تاع خبز.
21
و كي سمعوا اماليه خرجوا باه يجيبوه, على خاطرهم قالوا :"او مهبول" .
22
و بالصح الكتبة اللي هبطوا من اورشليم قالوا :" راه معاه بعلزبول! وراه يخرج في الشواطن بالرايس تاع الشواطن".
23
عيط لهم و قال لهم بالمعاني :" كيفاه يقدر شيطان يخرج شيطان ؟
24
و الا كان مملكة تتقسم على روحها ما تقدرش تثبت .
25
و الا كان بيت يتفرق على ذاتو ما يقدرش هاذاك البيت ييثبت .
26
و اذا قام الشيطان ضد روحو و تفرق ما يقدرش يثبت , بالصح يفني روحو.
27
ما يقدرش واحد يدخل لدار واحد قاوي باه يسرقو, لو كان موش في لول يكتف القاوي , بعدها يقدر يسرق لو دارو .
28
نقول لكم الحق, الذنوب الكل يغفرها ربي للبشر, وحتى الكذب اللي يكذبوه .
29
بالصح اللي يكفر بالروح القدس هاذاك اللي عمرو ما يتغفرلو. بالصح يتحكم عليه بعذاب دايم ".
30
على خاطر هما قالوا :" او واقف معاه روح منجوس". عمل واش يطلب الله
31
وجات وقتها امو وخاوتو وقفوا لبرة وبعثوا يعيطولو.
32
وكان الغاشي ملموم بيه , قالولو:" هاي امك و خاوتك بره يعيطولك".
33
جاوبهم و قال :" شكون يومى و خاوتي ؟".
34
و بعدها شاف مع اللي قاعدين وقال :" ها هما امي و خاوتي,
35
على خاطر اللي يعمل واش يحب ربي هو خويا واختي ويومى".
Chapter 4
1
و بدا ثاني يعلّم بحذا لبحر , و تلم عليه غاشي كبير حتان دخل للفلوكة و قعد في لبحر, و الغاشي الكل كانوا قاعدين على الشط .
2
و كان يقري فيهم ياسر بالمعاني . و قال لهم في تعليمو:
3
"اسمعوا ! هاو الفلاح خرج باه يزرع ,
4
و هو يزرع طاحت شوية زريعة في عراض الطريق , وجات لفراخ و كلاتها .
5
وطاحت شوية منها في الحصوانة , وين ماكانش التربة ياسر, و نبتت في ساع على خاطر ما كانش عندها عمق في لرض.
6
بالصح كي زرقت عليها الشمس تحرقت ,و على خاطر ماكانش عندها اصل يبست .
7
و طاحت الزريعة الاخرى في الشوك , و كي طلع معاها الشوك خنقها و ما جابتش غلة .
8
و طاحت الزريعة الاخرى في لرض لمليحة , وجابت غلة تطلع و تكبر, فيها اللي جابت ثلاثين و اخرى ستين و اخرى مياة".
9
وبعد قال لهم :"اللي عندو وذنين باه يسمع يسمع "
10
و كي كان وحدو سقساوه اللي كانوا معاه هما و التلامذة تاعو على المعنى تاع لمثل,
11
قال لهم :" انتوما من حقكم تعرفوا السر تاع ملكوت الله . بالصح اللي هما من برى كل شيء يكون لهم بالمعاني ,
12
يشوفوا بعينيهم بالصح مايميزوش, و يسمعوا بالصح ما يفهموش , باه ما يرجعوش و تتغفر ليهم ذنوبهم ".
13
و من بعد قال لهم :" ما فهمتوش هاذا لمثل ؟ كيفاه مالا تفهموا جميع المعاني ؟
14
الزارع يزرع الكلمة .
15
وهاذوك اللي في عراض الطريق : كي تتزرع الكلمة , و كي يسمعوها يجي الشيطان في وقتها بعد و يخطف الكلمة من قلوبهم .
16
و هاذوك اللي تزرعوا على الحجار: هما الناس اللي كي يسمعوا الكلمة يفرحوا بيها و يقبلوها في ساع ,
17
بالصح ما عندهمش اصل في ذاتهم , غير وقتي برك . و من بعد في وقت الشدة و الا كي يجي اضطهاد على جال الكلمة في ساع يطيحوا و يتدعثروا.
18
و اللي تزرعوا في وسط الشوك : هاذوك هما اللي يسمعوا الكلمة ,
19
و الهموم تاع الدنيا وزيد يغرهم المال و الزهو وهاذي لحوايج كاملة تدخل و تخنق الكلمة و تولي بلا غلة .
20
و هاذوك اللي تزرعوا في لرض لمليحة : هما اللي يسمعوا الكلمة و يقبلوها , و يجيبوا الغلة . واحد ثلاثين و الاخر ستين و الاخر مياة". لمثل تاع المصباح
21
و من بعد زاد قال لهم :" كيفاه نجيبوا المصباح و نحطوه تحت القصعة والا تحت السرير؟ يخي يتحط على المنارة ؟
22
على خاطر ما كانش مخفي و ما يظهرش . و ما كانش مخبي و ما يبانش.
23
و اللي عندو وذنين باه يسمع يسمع ".
24
و قال لهم :" ثبتوا ف الشيء اللي تسمعوه! يا السامعين الكيل اللي بيه تكيلوا يكيلولكم بيه و زيادة.
25
على خاطر اللي عندو يتزادلو و اللي ما عندوش حتى اللي كان عندو يتنحالو ". لمثل تاع الزريعة اللي تكبر
26
و قال :" هاكذا هو الملكوت تاع الله : كان واحد الراجل يزرع في الزريعة في الحرث ,
27
و يرقد و ينوض ليل ونهار , و هاذيك الزريعة تطلع و تكبر,و هو ماعلابالوش كيفاه ,
28
على خاطر لرض وحدها تجيب الغلة . يبدأ نبتة صغيرة, و من بعد يولي سبولة , ومن بعد يولي القمح مليان في السبول .
29
و كي يجي وقت الغلة , في هاذاك الوقت بالذات يبدى المنجل على خاطر لحق وقت الحصاد ". لمثل تاع حبة الخردل
30
وقال :" واش من حاجة نشبهوا بيها الملكوت تاع الله؟ و وب واش من مثل نمثلوه ؟
31
كيما الزريعة تاع الخردل, كي تتزرع في التربة هي اصغر واحدة في الزريعة الموجودة على لرض.
32
بالصح كي تتزرع و تكبر تولي هي اكبر واحدة في الحبوب الكل, وتعمل اغصان كبيرة , حتى لفراخ يجيو و يتخزنوا تحت الظل تاعها".
33
و بمعاني ياسركيما هاذي كان يكلمهم على حساب واش كانوا يقدروا يسمعوا ,
34
و ما كانش يكلمهم بلا معاني , و اما كي يكون وحدوا مع التلامذة تاعوا كان يفسر لهم كل شيء. يسوع يهدي العاصفة
35
و في هاذاك اليوم كي عشات لعشية قال لهم:" ايا نعديو للجيهة الاخرى".
36
وكي سرحوا الغاشي راح معاهم هو في الفلوكة و عداو للجيهة الاخرى . و كانوا معاه فلايك واحد اخرين صغار.
37
و جات النو و ريح قاوية, و كانت لموجة تضرب في الفلوكة حتى بدات تتعمر بالماء.
38
و كان هو في الفلوكة من لوراء راقد على واحد المخدة , راحوا ليه نوضوه و قالوا لو :"يا معلم , احنا رانا قاعدين نغرقوا و انت ما علابالك بوالو؟"
39
و وقف و انهر الريح , و قال لبحر :"اسكت ! ابكم!". و حبست الريح و ولى هدوء كبير.
40
و قال لهم:" واشبيكم خايفين كيما هكذا؟ كيفاه ما عندكمش ايمان ؟".
41
خافوا خوف كبير , و قالوا لبعضاهم :" هاذا شكون ؟ حتى الريح و لبحر ثاني يسمعوا كلامو!".
Chapter 5
1
و كي عداو للجيهة الاخرى للدشرة تاع الجدريين .
2
و كي هبط من الفلوكة في هاذاك الوقت بالذات خرجلو من الجبانة راجل مسكون بالجنون.
3
و كان يسكن في وسط لقبورة و ما قدروش يربطوه حتى لو كان بالسلاسل ,
4
و كي كانوا يربطوه بالسلاسل يقطعها و القيود يكسرها , و ما كان حتى واحد يقدرلو.
5
و كان ديما ليل و نهار في الجبال و في لقبورة , يعيط و يجرح في روحو بالحجار .
6
و كي شاف يسوع من بعيد جا يجري و ركع ليه ,
7
و عيط بأعلى صوتو و قال :" واش كاين بيني و بينك آ يسوع ابن الله العالي؟ نحلفك بالله ما تعذبنيش!".
8
على خاطر يسوع قالو :" اخرج من هاذا الراجل يا واحد الروح المنجوس ".
9
و سقساه :" واش اسمك؟". قالو:" اسمي لاجيون, احنا رانا في ياسر".
10
و بقى يحاول فيه باه ما يخرجوش من الدشرة.
11
و كان لثم عند الجبال قطيع تاع حلالف يرعاو ,
12
و طلبوا منو هاذوك الشواطن و قالولوا:" ابعثنا للحلالف خلينا نسكنوا فيهم".
13
في ساع وافق لهم يسوع .و خرجت الجنون و راحت دخلت في لحلالف, و طاح القطيع من اعلى الجرف للبحر و غرقوا في لبحر و كانوا قريب الفين خنزير.
14
و اما هاذوك اللي كانوا يسرحوا بالحلالف هربوا يجريو و نشروا لخبر في لمدينة و في الدواور. و خرجوا الناس باه يشوفوا واش صرى.
15
و جاو عند يسوع والمجنون اللي فيه الجيش تاع الجنون قاعد و لابس و عاقل , كي شافوا هذا الشيء كامل خافوا.
16
وخبروهم الناس اللي كانوا حاضرين على الشيء اللي صرى للمجنون و قالولهم على لحلالف.
17
اما هما ولاو يحاولوا فيه باه يخرج من بلادهم .
18
و كي دخل للفلوكة جاه الراجل اللي كان مجنون و طلب باه يروح معاه,
19
بالصح يسوع ما خلاهش, و قالو :" روح لبيتك و لاهلك و و خبرهم واش عمل ليك ربي و كيفاه رحمك".
20
ولى راح و بدا ينادي في المدن العشرة و يخبر بالشيء اللي عملو معاه يسوع . و الناس كلهم تعجبوا فيه . بنت يايرس تقوم من الموتى و المرى النازفة ترتاح
21
و كي عدى في لفلوكة للجيهة لخرى , تلم عليه غاشي كبير , و كان بحذى لبحر.
22
و واحد من الرياس تاع المجمع اسمو يايرس جاء. و كي شافوا ركع عند رجليه ,
23
و كان يحاول فيه و يقول لو :" بنيتي الصغيرة قاعدة تطلع في الروح . يا ريت تجي و تحط يدك عليها باه ترتاح و تعيش!".
24
راح معاه يسوع وكان غاشي كبيريتبعوافيه و يحصروا فيه .
25
و كانت واحد لمرى عندها ثناش ن سنة و هي تنزف و دمها يجري,
26
و تضرت خلاص عند طبَّة ياسر , و صرفت اللي عندها لكل و ما نفعها والو بالعكس زادت عليها الحالة اكثر من بكري.
27
و كي سمعت بيسوع , جات في وسط الغاشي من لورى , و مست الحاشية تاع قشو,
28
على خاطر قالت :"اذا كان مسيت حتى لو كان قشاتوبرك نبرى".
29
و في هاذاك الوقت نشف دمها اللي كان يجري. و حست بروحها بلي برات من داها .
30
في هاذاك الوقت بالذات تلفت يسوع بين الناس و كان حاس في روحو بلي خرجت منو قوة , و قال :"شكون مسني؟".
31
قالوا لو التلامذة تاعو :" اك تشوف الغاشي يحصروا فيك , و تقول : شكون مسني؟".
32
و كان يفركت بعينيه باه يشوف شكون هي اللي عملت هاذا الشيء.
33
بالصح لمرى جات و هي خايفة و تترعد , و عارفة بالشيء اللي صرالها , سجدت قدامو و قالت لو الحقيقة كاملة.
34
قال لها :" يا بنية , ايمانك شفاك , روحي متهنية و كوني صحيحة من مرضك".
35
و هو مازال يهدر جاو وحايد من الدار تاع رايس المجمع و قالوا لو:" بنتك ماتت . ما كان لاه تتعب المعلم؟".
36
و سمع يسوع الهدرة اللي تقالت , و قال للرايس تاع المجمع:" ما تخافش امن برك".
37
و ما خلى حتى واحد يتبعوا من غير بطرس و يعقوب و يوحنا خو يعقوب.
38
و كي وصل لدار الرايس تاع المجمع , شاف الغاشي يبكيو و يندبوا.
39
دخل و قال لهم :"واش هاذا الحس علاش تبكيو؟ الطفلة ما ماتتش اي راقدة برك".
40
استهزاو بيه . اما هو خرجهم الكل, غير باب الطفلة و امها و الي كانوا معاه و دخل وين كانوا حاطين الطفلة ,
41
و حكم لها يدها و قال لها :" طليثا , نوضي!". اللي معناها : يا بنية , ليك نقول : نوضي!
42
و في هاذاك الوقت بالذات ناضت الطفلة وقفت على رجليها و مشات , على خاطر كانت بنت اثناش ن سنة . و هما حاروا و دهشوا دهشة كبيرة خلاص.
43
و وصاهم و نبه عليهم باه واحد ما يعلم بالشيء اللي صرى . و قال لهم مدولها تاكل .
Chapter 6
1
و خرج من لثم و رجع لبلادو و تبعوه التلامذة تاعو .
2
و كي جا نهار السبت , بدا يعلم في المجمع . و كاين ناس ياسر كي سمعوه حاروا فيه وقالوا :"منين جاب هذا الكل واش هاذي الحكمة اللي عندو حتى تصرى على يديه عجايب كيما هاذي ؟
3
ماهوش هاذا هو النجار ولد مريم , خو يعقوب و يوسي و يهوذا و سمعان , و خواتو الكل راهم هنا عندنا ؟ . و كانوا يغلطوا فيه .
4
قال لهم يسوع : " ما كانش نبي بلا قيمة غير في بلادو و بين اهلو و اماليه ".
5
و ما قدرش يدير لثم حتى اية واحدة , بالصح حط يديه على مرضى قلال و رتحهم .
6
و تعجب منهم كي ما عندهمش ايمان . و ولى يدور في المدن القريبة و يعلم . يسوع يبعث الثناش
7
و عيط على الثناش و بدا يبعث فيهم زوز ب زوز , و مدلهم سلطة باه يخرجوا الجنون ,
8
و وصاهم باه ما يهزوش معاهم حتى شيء للطريق غير عصا برك , لا مزود و لا خبز و لا صرة تاع دراهم .
9
يلبسوا غير سباط في رجليهم , و لبسة واحدة برك .
10
و قال لهم :" اذا دخلتوا لكاش دار ابقاو لثمة حتى ترحلوا .
11
و الناس اللي ما حبوش يقبلوكم و الا يسمعوكم , اخرجوا من ثم و انفضوا حتى التراب اللي في رجليكم باه تشهدوا عليهم . نقول لكم الحق :راح تكون حالة مدينة سدوم وعمورة خير من حالتهم نهار الحساب " .
12
و راحوا خرجوا و بداو يبشروا و يدعيو الناس باه يتوبوا.
13
و طردوا جنون ياسر و دهنوا مرضى ياسربالزيت و رتحوهم . قطع راس يوحنا المعمدان
14
و سمع بيه هيرودس السلطان , على خاطر ولى مشهور . و قال :" هاذا ما يكون غير يوحنا المعمدان حيا من بين الموتى على هاذيك تصرى على يديه المعجزات ".
15
و وحايد اخرين قالوا :" راهو ايليا ". وكاين اللي قالوا :"راه نبي و الا كيما واحد من الانبياء ".
16
بالصح كي سمع هيرودس قال :" هذا هو يوحنا اللي انا نحيتلوا راسو حيا من بين الموتى ".
17
على خاطر هيرودس بذاتو بعث حكم يوحنا و كتفو و رماه في الحبس على جال هيروديا مرت خوه فيليبس , اللي تزوج بيها .
18
على خاطر يوحنا كان يقول لهيرودس :" ما يحلش ليك تدي مرت خوك ".
19
و تحلفت فيه هيروديا و حبت تقتلو بالصح ما قدرتش ,
20
على خاطر هيرودس كان يهاب من يوحنا و عارف بلي راه راجل بار وقديس , و كان يحامي عليه . وكي سمع عليه بلي يدير حوايج ياسر يحب حتى هو يسمع لو .
21
و جات الفرصة , نهار اللي عمل هيرودس في ذكرى ميلادو عشاء للعظماء و القياد الكبار و الناس اللي عندهم الجاه في الجليل,
22
دخلت بنت هيروديا و شطحت , هيرودس والجماعة اللي قاعدين معاه عجبهم الحال , و قال السلطان للطفلة :" واش تطلبي نمد لك".
23
و حلف لها :" مهما واش طلبتي نمدلك حتى لو كان نص العرش تاعي" .
24
خرجت وقالت لامها :"واش نطلب؟" . قالت لها :" راس يوحنا المعمدان ".
25
دخلت في ساعتها للسلطان و طلباتو وقالت :" نحب تمد لي راس يوحنا المعمدان على طبق ".
26
حزن السلطان ياسر . بالصح كي حلف قدام الجماعة ما قدرش يردها .
27
و في ساع بعث السلطان سياف باه يجيب لو راس يوحنا .
28
راح السياف للحبس ونحالو راسو. و حط الراس على طبق ومدو للطفلة , و الطفلة مداتو لامها .
29
و كي سمعوا التلامذة تاعو, جاو وهزوا الجثة و دفنوها في قبر . خمسة الاف راجل يشبعهم يسوع
30
وتلموا المرسولين عند يسوع و خبروه بكل شيء ، كل واش داروا وكل واش علموا .
31
قال لهم يسوع :" ارواحوا انتوما وحدكم لجيهة خالية و ارتاحوا شوية " على خاطر ياسر اللي راهم رايحيين وجايين ، وما لقاوش فرصة باه ياكلوا .
32
وراحوا في الفلوكة لواحد المكان خالي و قعدوا وحدهم ..
33
وشافوهم الغاشي كي كانوا رايحين . وياسر اللي عرفوه .وخرجوا يجريو من كل المدن على رجليهم و سبقوهم لهاذاك المكان و اتلموا عليه .
34
و كي خرج يسوع شاف غاشي كبير، حن عليهم كي شافهم كي لغنم بلا راعي و بدا يعلم فيهم امور ياسر.
35
و بعد ساعات طويلة جاوه التلامذة وقالوا :" هاذا المكان راه خالي و زيد فات الحال .
36
سرحهم خلي يروحوا للدواور والقرى القريبة يشريو خبز على ارواحهم ، على خاطر ما عندهمش واش ياكلوا ".
37
جاوبهم وقال لهم :" مدولهم انتوما ياكلوا " . قالوا :" كيفاه نروحوا نشريو خبز بميتين دينار و نمدولهم ياكلوا ؟" .
38
قال لهم :" قداه من خبزة عندكم ؟ روحوا شوفوا " . كي شافوا قالوا:" خمسة خبزات وزوز حوتات".
39
قال لهم يروحوا يقعدوا الغاشي جمايع جمايع فوق لحشيش لخضر .
40
راحوا قعدوهم في جمايع تاع مية مية وخمسين خمسين .
41
حكم الخبزات في خمسة و الحوتات في زوز، و رفع عينيه للسماء ، و بارك وقسم الخبز، ومد للتلامذة تاعو باه يوزعوا على الغاشي ، و قسم الزوز حوتات ليهم الكل .
42
كلاو كلهم وشبعوا .
43
و من بعد لموا اثناش ن قفة مليانة فضالت تاع خبز وحوت .
44
و كل اللي كلاو كانوا قريب خمسة الاف راجل . معجزة المشي على الماء
45
و في ساع حتم على التلامذة تاعو يركبوا في الفلوكة ويسبقوه للجيهة المقابلة ، لبيت صيدا حتى يسرح هو الغاشي .
46
وبعد ما ودعهم راح للجبل باه يصلي .
47
و كي جات لعشية كانت لفلوكة في وسط لبحر، وكان هو على الشط وحدو.
48
وشافهم يتعذبوا، على خاطر الريح كانت عاكستهم ، و في الربع الرابع تاع الليل جاهم ماشي على لبحر، و قرب يفوتهم .
49
وكي شافوه ماشي على لبحر، حسبوه خيال وبداو يعيطوا .
50
على خاطر كلهم كي شافوه خافوا . وقتها في ساع كلمهم و قال لهم :" اتشجعوا اني انا هو ما تخافوش".
51
وكي طلع لهم للفلوكة حبست الريح , بالصح هما حاروا وتعجبوا ياسر بينهم وبين ارواحهم ,
52
و ما فهموش بالمعجزة تاع الخبز على خاطر كانت قلوبهم قاسية.
53
و كي عداو للجيهة المقابلة وصلوا لارض جنيسارت ورساو لفلوكة لثم .
54
و كيما خرج من لفلوكة في ساع الناس عرفوه .
55
و طافوا كل هاذيك لبلاد الدايرة بيهم , و بداو يهزوا كل من كان مريض في لفراش و يديوهم للمكان اللي يسمعوا بلي راه موجود فيه.
56
و وين ما كان يدخل للقرى و للمدن و الا الدواوير, حطولوا المرضى في الساحات العامة, وحاولوه يمسهم حتى لو كان بالحاشية تاع قشوا . وكان كل من يمسوا يبرى .
Chapter 7
1
و تلموا عليه الفريسيين و جماعة من الكتبة جايين من اورشليم .
2
و كي شافوا وحايد من التلامذة تاعو ياكلوا في الخبز بيدين مش نظيفة , يعني ماهيش مغسولة, لاموا عليهم .
3
على خاطر الفريسيين وليهود الكل لو كان ما يغسلوش يديهم مليح ما ياكلوش , حاكمين في تقليد الشيوخة .
4
و حتى كي يجيو من السوق ما ياكلوش لو كان مل يغسلوش . و حوايج وحايد اخرين ياسر تسلموها و بقاو حاكمين فيها كيما غسل الكيسان والبقارج و مواعن النحاس و السرة .
5
و سقساوه الفريسيين والكتبة :" علاه التلامذة تاعك ما يمشيوش على حساب تقليد الشيوخة , و ياكلوا الخبز بيدين ما هيش مغسولة ؟".
6
جاوبهم وقال لهم :" عمل مليح اشعياء كي تنبأ عليكم يا واحد المنافقين ! كيما راه مكتوب :هذا الشعب يكرمني حد الشوارب , بالصح قلبو بعد عليا بعيد ,
7
يعبدوني باطل و هما يعملوا في حوايج وصاوها الناس .
8
خليتوا وصية الله وحكمتوا في تقليد الناس : غسيل لبقارج و الكيسان , و تديروا امور اخرى ياسر كيما هاذي ".
9
بعد قال لهم :" شوفوا ! رفضتوا وصية الله باه تراعيو تقليدكم انتوما !
10
على خاطر موسى قال : اكرم باباك وامك , و اللي يسب باباه و الا امو لازم يموت .
11
بالصح انتوما تقولوا :" الا كاش واحد قال لباباه والا امو : الشيء اللي كنت نعاونك بيه مديتو صداقة .
12
يولي ما هوش ملزم باه يعاون باباه والا امو .
13
جعلتوا وصية الله باطلة بتقليدكم اللي حكمتوا فيه . و حوايج ياسر كيما هاذي راكم تديروا ".
14
و من بعد عيط على الغاشي و قال لهم : " اسمعوني كلكم وافهموا مني .
15
ما كانش حاجة من بري اذا دخلت في جسم الانسان تقدر تنجسوا , بالصح الحوايج اللي تخرج منو هي اللي تنجس الانسان .
16
و اللي عندو وذنين ويحب يسمع يسمع ".
17
و كي دخل من عند الغاشي للدار, سقساوه التلامذة على المثل .
18
قال لهم :" حتى انتوما ماكومش فاهمين ؟ ما تعرفوش بلي كل ما يدخل للانسان من برى ما يقدرش ينجسو ,
19
على خاطر مايدخلش للقلب يدخل برك للكرش ومن بعد يخرج للخلاء , وهاذاك يطهر كل شيء ".
20
و من بعد قال اللي يخرج من الانسان هو اللي ينجس الانسان .
21
على خاطر من الداخل من قلوب الناس ، يخرج الشر : زنى , فسق , قتيلة ,
22
سرقة , طمع , خبث , تمنكير , دعارة , حسد , كذب , تكبر , وجهل .
23
و هاذي الشرور كاملة تخرج من الداخل و تنجس الانسان ". ايمان لمرى اللي من كنعان
24
من بعد ناض من لثمة وراح لجوايه صور وصيدا ، و دخل لواحد البيت وكان ما ذابيه واحد ما يعلم بيه ، بالصح ما قدرش يتخبى ،
25
على خاطر واحد لمرى عندها بنتها مسكونة بالجن سمعت بيه ، و جات عندو ورمات روحها ساجدة عند رجليه.
26
وكانت لمرى برانية . فينيقية من سوريا حاولاتو يخرج الشيطان من بنتها .
27
اما يسوع قال لها :" خلي حتى يشبعوا لولاد هما لوالا, على خاطر ما يليقش خبزة لولاد تترمى للكلاب ".
28
جاوباتو وقالت :" نعم يا سيد حتى لكلاب راهم من تحت المايدة ياكلوا الفضلة تاع لولاد !".
29
و قال لها :" على جال هاذي الكلمة , روحي .او خرج الشيطان من بنتك ".
30
و راحت لدارها ولقات الشيطان خرج , و الطفلة مطروحة فوق لفراش . شفاء اطرش ومعقود
31
ومن بعد خرج ثاني من جوايه صور وصيدا , و جاء لبحر الجليل في وسط الحدود تاع المدن العشر.
32
و جابوا ليه واحد اطرش ولسانو معقود , و طلبوا منو يحط عليه يديه .
33
و اداه من وسط الغاشي على جيهة , و حط صوابعو في وذنيه وتفل ومس لسانو,
34
و هز عينيه للسماء , و توجع وقال :"افثا" . يعني اتحل .
35
و في ساع تحلت وذنيه , و تحلت عقدة لسانو, و هدر مسرح .
36
ووصاهم باه ما يقولوا حتى لواحد , بالصح على قد ما هو يوصي يزيدوا يقولوا اكثر واكثر .
37
و بقاو حايرين فيه وقالوا :" لحوايج اللي دارها الكل مليحة! خلى الطرش يسمعوا و البكاكش يتكلموا " .
Chapter 8
1
في هاذيك ليامات كثر عليه الغاشي ياسر , و ماكانش عندهم واش ياكلوا , عيط يسوع للتلامذة وقال لهم :"
2
هاذم الناس غاظوني , عندهم ضرك ثلاثة ايام و هما معايا و ما عندهمش واش ياكلوا.
3
ولو كان نسرحهم لديارهم صايمين يفشلوا في الطريق على خاطر كاين فيهم اللي جاو من بعيد ".
4
جاوبوه التلامذة :"منين يقدر الواحد يشبع هاذم الكل بالخبز هنا في الصحراء ؟" .
5
سقساهم :" قداه من خبزة عندكم ؟" قالوا :" سبعة " .
6
طلب منهم يقعدوا الغاشي ف لرض و ادا الخبزات في سبعة و شكر وقسمهم , و مد للتلامذة باه يوزعوهم على الغاشي .
7
و كان عندهم شوية من الحوت هاذاك الصغير , بارك و قال لهم :" وزعوا هاذي ثاني " .
8
كلاو حتى شبعوا . ولموا الكسور اللي فضالت : سبع قفف .
9
و كانوا اللي كلاو قريب ربعة الاف واحد . و من بعد سرحهم .
10
و في ساع دخل للفلوكة مع التلامذة تاعو و جاو لجوايه دلمانوثة .
11
خرجوا الفريسيين وبداو يناقشوا فيه طالبين منو يعمل ايه من السماء , باه يجربوه ,
12
تنهد من قلبو وقال :" علاش هذا الجيل يطلب في اية ؟ نقول لكم الحق : هذا الجيل ما يشوف حتى اية " . خميرة الفريسيين وخميرة هيرودس
13
و من بعد خلاهم و دخل للفلوكة و راح للجيهة لمقابلة.
14
و نساو يديو معاهم الخبز , و ما كانش عندهم في الفلوكة غير خبزة واحدة برك .
15
و وصاهم وقال :" شوفوا ! ردوا بالكم من خميرة الفريسيين و خميرة هيرودس ".
16
تفكروا وقالوا لبعضاهم :" ما عندناش خبز".
17
عرف يسوع كيفاه يفكروا وقال لهم : "علاش خممتوا بلي ماعندكمش خبز ؟ مازالتوا ما تفكروش وما تفهموش؟ حتى لضرك قلوبكم خشينة؟
18
كيفاه عندكم عينين وما تشوفوش , وعندكم وذنين وما تسمعوش, كيفاه ما تتفكروش؟
19
وقت اللي كسرت الخمسة خبزات للخمسة الاف, قداش من قفة مليانة خبز لميتوا؟". قالوا لو اثناش ".
20
و وقت السبعة خبزات للاربعة الاف . قداش من قفة مليانة لميتوا؟". قالوا لو :"سبعة".
21
قال لهم :" كيفاه مالا ما تفهموش؟". واحد اعمى يولي يشوف في بيت صيدا
22
وجاء لبيت صيدا, وجابولو واحد اعمى و طلبوا منويمسوا ,
23
حكم الاعمى من يدو و خرج بيه خارج القرية , وتفل في عينيه , و حط يديه عليه و سقساه : الا كاش ما شاف؟
24
شاف وقالو :"راني نشوف ف الناس كيما خيالات الشجر".
25
و زاد حط يديه على عينيه , وخلاه يشوف, رجع صحيح ولى يشوف مليح,
26
بعثو لدارو ووصاه :"ما تدخلش للقرية,وما تقول لحتى واحد في القرية". بطرس يستعرف بالمسيح
27
و من بعد خرج يسوع والتلامذة تاعو للقرى تاع قيصرية وفيليبس. و في الطريق سقسا التلامذة تاعو وقال لهم :" شكون يقولوا الناس اني انا؟".
28
جاوبوه:" يوحنا المعمدان. و وحايد اخرين يقولوا :ايليا , و اخرين : واحد من لنبياء".
29
قال لهم :"و انتوما , واش تقولوا شكون انا؟". جاوب بطرس و قال لو :"انت المسيح".
30
حذرهم باه ما يقولوا لحتى واحد عليه. يسوع يخبر بموتو وقيامتو
31
و بدى يعلمهم بلي بن الانسان لازم يتألم ياسر, و يرفضوه الشيوخة و كبار الكهنة و الطلبة , ويتقتل , وبعد ثلاثة ايام يحيا من الموت.
32
وقال هاذي الهدرة جهار. اداه بطرس على جيهة وبدا ينهر فيه .
33
تلفت وشاف التلامذة , بخص بطرس وقالو:"بعد عليا يا شيطان !على خاطر انت ما يهمكش امور الله بالصح امورالناس اللي تهمك".
34
و عيط للغاشي مع التلامذة و قال لهم :"اللي يحب يمشي ورايا ينكر روحو ويهز الصليب تاعو و يتبعني.
35
على خاطر اللي يحب يخلص روحو يهلكها . واللي يهلك روحو على جالي و على جال الانجيل هاذاك يخلصها.
36
على خاطر واش يربح الانسان لو كان يربح الدنيا كاملة و يخسر روحو؟
37
والا واش يمد الانسان باه يفدي نفسو؟
38
على خاطر اللي يحشم بيا و بكلامي في هذا الجيل الفاسق المذنب , راه ابن الانسان يحشم بيه نهار اللي يجي بمجد باباه مع الملايكات المقدسين ".
Chapter 9
1
و قال لهم :"نقول لكم الحق : كاين ناس قاعدين معانا هنا ما يشوفوش الموت حتى يشوفوا الملكوت تاع الله جاء بقوة ". التجلي
2
و بعد ستة ايام دا يسوع بطرس و يعقوب و يوحنا , و طلع معاهم لواحد الجبل عالي و كانوا غير هما برك وحدهم . و تبدلت هيأتو قدامهم ,
3
و ولى قشو يلمع ابيض كي الثلج , ما يقدر حتى صباغ في الدنيا يدير الحاجة بيضاء كيما هكذاك .
4
و ظهر لهم ايليا و معاه موسى , و كانوا يتكلموا مع يسوع.
5
بدا بطرس يقول ليسوع :" يا سيدي مليح نبقاو لهنا . خلينا ننصبوا تلاثة خيم : ليك واحدة , و لموسى واحدة , و لايليا واحدة ".
6
و ما كانش عارف واش راه يهدر على خاطر كانوا خايفين .
7
و كانت سحابة تظلل عليهم . و جاء صوت من السحابة و قال :" هذا هو وليدي لحبيب ليه اسمعوا " .
8
و تلفتوا مخلوعين و ما شافوا حتى واحد من غير يسوع وحدو معاهم .
9
و كي كانوا نازلين من الجبل , وصاهم باه ما يخبروا حتى واحد بالشيء اللي شافوه , غير بعد ما يقوم بن الانسان من بين الموتى .
10
و خلاو الكلمة في قلوبهم وو بقاو يسقسيو :" واش هو القيام من بين الموتى ؟" .
11
و سقساوه هو و قالولو:" علاش الكتبة يقولوا: بلي ايليا هو اللي لازم يجي الاول؟".
12
قال لهم :" ايليا يجي هو الاول ويرجع كل شيء . و كيفاه راه مكتوب على ابن الانسان بلي يتعذب ياسر و يتحقر.
13
بالصح نقول لكم : ايليا حتى هو جاء, و عملوا فيه كل اللي حبوا , كيما راه مكتوب عليه ". يسوع يرتح طفل ساكنو روح منجوس
14
و كي جاء للتلامذة شاف جماعة كبيرة من الكتبة دايرين بيهم و يحاوروا فيهم .
15
و في ساع الجماعة الكل كي شافوه حاروا, و راحوا يجريو و سلموا عليه .
16
سقسا هو الكتبة :" على ماه قاعدين تحاوروا فيهم ؟"
17
قالو واحد من الجماعة :"يا شيخ , انا جبت لك وليدي ساكنو روح بكوش ,
18
و كل ما يحكمو يقطعو حتى يتصرع و يحك سنيه في بعضاهم و ييبس خلاص . و قلت للتلامذة تاعك باه يخرجوه و ما قدروش ".
19
جاوب يسوع و قال لهم :" يا واحد الجيل اللي ما فيكمش ليمان , حتى لوقتاه نكون معاكم؟ لوقتاه نستحملكم؟ جيبوه عندي !".
20
جابوه . و كي شافو في ساع صرعو الروح , و طاح في لرض يتمرغ ويتصرع.
21
سقسى يسوع باباه :"من وقتاه و هو كيما هكا ؟". قالو :" ملي كان صغير.
22
و قداه من مرة يطيحو في النار و في الماء باه يقتله. بالصح الا كنت قادر تدير حاجة حن علينا و عاونا".
23
و قالو يسوع :" الا كنت تقدر تامن . كل شيء مقدور عليه للمومن".
24
و في ساع عيط باباه و الدموع في عينيه وقال :" يا سيدي نامن , عاون قلة ايماني ".
25
و كي شاف يسوع بلي الغاشي هاربين يدزوا في بعضاهم , انهر الروح المنجوس و قالو:" اسمع يا الجن البكوش و الاطرش , انا نقلك : اخرج منو و ما تعاودش تدخل فيه خلاص!".
26
رغى و صرعو بالقاوي و خرج . و طاح الطفل تقول عليه ميت , حتى كاين اللي حسبوه مات !".
27
حكمو يسوع من يديو و وقفو, و ناض.
28
و كي دخل لواحد الدار سقساوه التلامذة تاعوا كي كانوا وحدهم : " علاه احنا ما قدرناش نخرجوه؟.
29
قال لهم :" هذا الجنس ما يخرج كان بالصلاة و الصوم " . يسوع يقول لهم على موتو و قيامتو من بين الموتى
30
و خرجوا من لثم و عداو على الجليل , و ما حب ختى واحد يعلم بيه ,
31
على خاطر كان يعلم في التلامذة تاعو و يقول لهم :" بن الانسان راح يطيح في يدين الناس و يقتلوه . و من بعد ما يقتلوه يقوم في ثالث يوم من بين الموتى".
32
بالصح هما ما فهموش الهدرة . و خافوا باه يسقسيوه . شكون هو الاعظم ؟
33
و جاء لكفرناحوم . و كي كان في الدار سقساهم :" كي كنا في الطريق واش كنتوا تهدروا بيناتكم ؟".
34
سكتوا , على خاطر كانوا يتخاطروا بيناتهم في الطريق في شكون هو اعظم واحد فيهم .
35
قعد و عيط على الثناش و قال لهم :"اذا كان واحد حاب يكون هو الاول لازم يكون هو الاخر فيهم الكل و خديم ليهم الكل ".
36
جاب طفل صغير و حطوا في الوسط و حضنوا و قال لهم :
37
" اللي يقبل واحد من الصغار كيما هاذا باسمي يقبلني انا , و اللي يقبلني ما يساماش قبلني انا بالصح قبل اللي بعثني ". و اللي ماهوش ضدنا راه معانا
38
جاوبو يوحنا وقالو :" يا معلم , شفنا واحد يخرج في الجنون باسمك و هو مايمشيش معانا , حَرمنا عليه على خاطر ما هوش يتبع فينا ".
39
قالو يسوع :" ما تحَرموش عليه , على خاطر ما كانش واحد يعمل معجزات باسمي و يقدر يهدر عليا في ساع بالشر .
40
و اللي ماهوش علينا راه معانا .
41
على خاطر من سقاكم بكاس ما باسمي على خاطر انتم للمسيح , نقول لكم الحق: اجرو ما يضيعش. تحذير للي تجي من عندو العثرات
42
و اللي يعثر واحد من الصغار المومنين بيا , خير ليه لو كان يحط حجرة تاع رحى في رقبتو و يطيش روحو في لبحر .
43
و كان عثراتك يدك قصها. خير ليك تدخل الحياة بلا يد خير من اللي يكون عندك زوز يدين و تروح لجهناما, للنار اللي ما تطفاش.
44
وين دودهم ما يموتش والنارما تطفاش .
45
و كان عثراتك رجلك قصها . خير ليك تدخل للحياة عايب ولا تكون بزوز رجلين و تروح لجهناما في النار اللي ما تطفاش .
46
وين دودهم ما يموتش و النار ما تطفاش .
47
و كان عثراتك عينك نحاها. خير ليك تدخل لملكوت الله اعور من اللي يكون عندك عينين و تتطرح في جاهناما النار .
48
وين دودهم ما يموتش و النار ما تطفاش .
49
على خاطر كل واحد يملح بالنار , وكل ذبيحة تتملح بالملح .
50
الملح مليح . بالصح اذا كان الملح ماهوش مالح , باه يعدلوه؟ خلي يكون ليكم في ارواحكم ملح , و سالموا بعضاكم ".
Chapter 10
1
و ناض من لثم و جاء لحدود اليهودية على جيهة الاردن . و زاد تلم عليه الغاشي ثاني , و كي العادة تاعو كان يعلم فيهم .
2
قدموا الفريسيين وسقساوه:" حلال على الراجل كي يطلق مرتو؟". باه يجربوه .
3
جاوب يسوع وقال :" واش وصاكم موسى؟".
4
قالوا :"موسى سمح باه يكتب لها ورقة الطلاق , و تتطلق".
5
جاوب يسوع وقال لهم :"على جال قلوبكم القاسية كتب لكم موسى هاذي الوصية ,
6
بالصح من اول الدنيا . خلقهم الله انثى و ذكر.
7
على جال هذا يخلي الراجل باباه و امو و يلصق في مرتو,
8
و يوليو في زوز بدن واحد . ما يبقاوش زوز يوليو واحد .
9
واللي يجمعو الله ما يفرقوش الانسان".
10
و من بعد في الدار حتى التلامذة زادوا سقساوه,
11
قال لهم:" اللي يطلق مرتو و يتزوج بواحدة اخرى راه يزني عليها .
12
و كان طلقت مرى راجلها و تزوجت بواحد اخر راهي تزني ". يسوع يبارك لولاد الصغار
13
و جابوا ليه اولاد صغار باه يحط يدو عليهم و يباركهم. بالصح التلامذة بخصوا الناس اللي جابوهم .
14
و كي شافهم يسوع ما حبش فيهم وقال لهم :"خلوا لولاد يجيو عندي ما تحَرموش عليهم ,على خاطر ملكوت الله راه للناس اللي كيما هما .
15
نقول لكم الحق: اللي ما يقبلش الملكوت تاع الله كيما طفل صغير ما يدخلوش".
16
و حضنهم و حط يديه عليهم و باركهم . الشاب الغني
17
و كي كان خارج في الطريق , جاء واحد يجري و ركع لو و سقساه : يا المعلم الصالح , واش ندير باه نورث الحياة الدايمة ؟".
18
قال لو يسوع:" علاش تقول لي صالح ؟ ما كاين حتى واحد صالح غير واحد برك و هو الله.
19
انت تعرف واش يعَلم الشرع: ما تزنيش. ما تقتلش. ما تسرقش. ما تشهدش بالباطل. ما تظلمش .اكرم باباك و امك ".
20
جاوب وقال :"يا معلم , هاذي كلها من صغري وانا نعمل بيها".
21
شاف فيه يسوع وحبو, وقالو:" تنقصك حاجة واحدة برك : روح بيع كل اللي عندك و مد للفقراء, يولي عندك كنز في السماء , و ارواح تبعني وهز الصليب".
22
تقلق على هاذي الهدرة ورجع حزين , على خاطر كان عندو المال ياسر .
23
تلفت يسوع وقال للتلامذة تاعو:"قداه صعيب على مول المال يدخل للملكوت تاع الله !".
24
تحيروا التلامذة من الكلام تاعو . وزاد قال لهم ثاني :" يا ولدي , قداه صعيب للمتوكلين على مالهم باه يدخلوا للملكوت تاع الله!
25
اسهل للجمل يعدي من عين الابرة على مول المال باه يدخل للملكوت تاع الله ".
26
دهشوا خلاص و قالوا لبعضاهم :"شكون مالا يقدر يمنع؟".
27
شاف فيهم يسوع وقال لهم :" عند الناس ما هوش مقدور عليه , بالصح مش عند الله , على خاطر كل شيء مقدور عليه عند الله".
28
و بدا بطرس يقول لو :" هاو احنا خلينا كل شيء وتبعناك ".
29
جاوب يسوع وقال :"نقول لكم الحق :ماكانش واحد خلى بيت والا خاوة والا خواتات و الا اب والا ام و الا مرى و الا جنانات , على جالي وعلى جال الانجيل ,
30
الا و يدي مياة ضعف ضرك في هذا الزمان , ديار و خاوة وخواتات و امهات و اولاد و جنانات , مع اضطهادات , و في الاخرة الحياة الدايمة.
31
بالصح ياسر هما لولين يوليو لخرين , و لخرين يوليو لولين". يسوع يخبر بموتو و قيامتو من بين الموتى
32
و كانوا في الطريق طالعين لاورشليم و يسوع ماشي قدامهم , و كانوا متحيرين . و كانوا خايفين كي عادوا رايحين معاه . حكم يسوع الثناش وبدى يحكي لهم على الشيء اللي راح يصرالو:
33
" ها نحنا طالعين لاورشليم ,و ابن الانسان يتسلم للرؤساء تاع الكهنة و الكتبة , و يحكموا عليه بالموت , و يسلموه للامم,
34
يستهزاو بيه و يضربوه و يبصقوا عليه و يقتلوه , و في ثالث يوم يقوم ". الطلبة تاع يعقوب ويوحنا
35
وجاوه يعقوب ويوحنا اولاد زبدي و قال لو :"يا معلم , راح نطلبوك في حاجة نحبوا تدير ها لنا ".
36
قال لهم :" واش طالبين ندير لكم ؟".
37
قال لو :" اعطينا نقعدوا واحد على ليمين و واحد على ليسار في المجد تاعك ".
38
قال لهم يسوع :"ما راكمش عارفين واش تطلبوا. تقدروا تشربوا الكاس اللي راح نشربها انا, و تتصبغوا بالسبغة اللي راح نتصبغ بيها
39
قالوا لو:" نقدروا". قال لهم يسوع :"الكاس اللي نشربها تشربوها, و الصبغة اللي راح نتصبغني تتصبغوا بيها. و قالوا لو: "نقدروا". قال لهم يسوع: "الكاس اللي نشربها تشربوها, و الصبغة اللي راح تصبغني تتصبغوا بيها.
40
بالصح الجلوس على يمين و اليسار تاعي ما نقدرش نمدوا غير لماليه".
41
و كي سمعوا الثناش غاضهم الحال من يعقوب و يوحنا.
42
عيط لهم يسوع و قال لهم: "راكم عارفين باللي اللي حاسبين ارواحهم رياس على اهل الدنيا يتسلطوا عليهم, و باللي العظماء يسيطروا عليهم.
43
ما لازمش يكون هاذا بيناتكم.
44
اللي يحب يولي فيكم هو لول, لازم يكون لخديم تاع الناس الكل.
45
على خاطر ابن الانسان ما جاش باه يخدموا عليه بالصح جا باه يخدمو يمد حياتو دية على جال ناس ياسر". برتيماوس لعمى يبرى
46
و وصلوا لاريحا. و كي كان خارج من اريحا هو والتلامذة تاعو و معاهم غاشي كبير, كان برتيماوس لعمى ولد تيماوس قاعد على جنب الطريق يطلب في صداقة.
47
و كي سمع باللي يسوع الناصري هو اللي معدي, بدا يعيط على طول صوته و يقول: "يايسوع ولد داود ارحمني"
48
و كاين ياسر اللي نهروه باه يسكت, بالصح هو زاد عيط اكثر و اكثر: "يا وليد داود ارحمني".
49
وقف يسوع و قال لهم عيطولو. عيطوا على لعمى و قالوا لو: "اتشجع نوض او يعيط لك".
50
نحى عليه الرداء تاعو و قام يجري و جا عند يسوع.
51
سقساه يسوع و قالو: "واش تحب نعمل لك؟" قال لو الاعمى: "ياسيدي, نولي نشوف".
52
قال لو يسوع: "روح. ليمان تاعك شفاك". و في ساع ولى يشوف و يتبع يسوع في الطريق.
Chapter 11
1
و كي قربوا لاورشليم في جيهة بيت فاجي و بيت عنيا , بحذى جبل الزيتون , بعث زوز من التلامذة تاعو,
2
و قال لهم :"روحوا للقرية اللي مقابلتكم و في الوقت اللي انتوما داخلين تلقاو جحش مربوط مازال ما ركب عليه حتى واحد من الناس. حلوا الرباط تاعو و جيبوه ليا.
3
و كان كاش واحد قال لكم علاه والا واش راكم تديروا ؟ قولوا لو: الرب محتاج ليه . في ساعتو يبعثوا لهنا".
4
راحو كيما قال لهم و لقاو الجحش مربوط عند الباب واقف في نص الطريق , حلوه.
5
و كاين ناس من اللي موجودين لثم قالوا لهم :"واش تعملوا علاش راكم تحلوا في الرباط تاع الجحش ؟".
6
و كي جاوبوهم كيما وصاهم يسوع . خلاوهم.
7
جابوا الجحش ليسوع , و حطوا عليه قشهم باه يركب .
8
و كاين ياسر من الناس اللي فرشوا قشهم في نص الطريق , و وحايد اخرين قصوا اعراف من الشِّجر و فرشوها في الطريق ,
9
و الناس اللي كانوا قدامو و وراه كانوا يعيطوا و يقولوا :" اوصنا! يتبارك اللي جاي باسم الرب !
10
تتبارك المملكة تاع بابانا داود باسم الرب! اوصانا في لعلالي!". يسوع يدعي على الشجرة تاع الكرطوس
11
و دخل يسوع لاورشليم و للهيكل, و بعد ما شاف كل شيء كانت عشات لعشية , خرج من لثم و راح لبيت عنيا هو و التلامذة ف الثناش .
12
و ليوم وغدوة كي خرجوا من بيت عنيا جاع ,
13
و شاف شجرة تاع كرطوس من بعيد معبية بالورق , وجاء كاش ما يلقى فيها حاجة , و كي وصل ما لقى غير لورق , على خاطر مازال ماهوش وقت كرطوس.
14
تكلم يسوع و قال لها :"من اليوم ما يزيد حتى واحد ياكل من الفاكية تاعك!". و كانوا التلامذة يسمعوا فيه . تطهير الهيكل
15
و جاو لاورشليم . و كي دخل يسوع للهيكل بدا يخرج في هاذوك اللي كانوا يبيعوا و يشريو لثم , و قلب لمْيِد تاع الصرافة و لكراسي تاع اللي يبيعوا في لحمام .
16
و ما خلى حتى واحد يدخل بالسلعة للهيكل .
17
و كان يعلم و يقول:" ياخي مكتوب : بيتي يتسمى بيت صلاة للشعوب الكل ؟ و انتوما قلبتوه غار تاع سراقين ".
18
و كي سمعوا بيه الكتبة و الرياس تاع الكهنة بداو يخمموا كيفاه يقتلوه , على خاطر خافوا من الناس اللي حاروا في التعليم تاعو .
19
و كي عشات لعشية خرج من لمدينة . شجرة الكرطوس اليابسة
20
و في الصباح كي كانوا معديين شافوا الشجرة تاع الكرطوس يبست باها بعروقها ,
21
تفكر بطرس و قالو:" يا سيدي , شوف ! الشجرة اللي دعيت عليها يبست !".
22
جاوب يسوع و قال لهم :" خلي عندكم ايمان بالله .
23
على خاطر نقول لكم الحق : لو كان واحد يقول لهاذا الجبل : اتهز و ارم روحك في لبحر! و ما يكونش عندو شك في قلبو بالصح يآمن بلي الشيء اللي يقولو يصرى , مهما واش يقول يكون ليه .
24
علاها نقول لكم : كل واش تطلبوا كي تكونوا تصليو, كي تامنوا بلي راح تنالوه , يكون لكم .
25
و في الوقت اللي توقفوا باه تصليو , اغفروا اذا كان كاش واحد دار لكم حاجة , باه يغفر ليكم ثاني باباكم اللي في السماوات ذنوبكم .
26
و اذا كان انتوما ما تغفروش حتى باباكم اللي في السماوات ما يغفرش ليكم ذنوبكم". الشيوخة يسقسيو يسوع على السلطان تاعو
27
و زادوا جاو ثاني لاورشليم , و كي كان يسوع يمشي في الهيكل , جاو ليه الرياس تاع الكهنة و معاهم الكتبة و الشيوخة ,
28
و قالوا لو :" بواش من سلطان راك تعمل في هاذا الشيء؟ و شكون مدلك الحق باه تدير هكذا؟ ".
29
جاوبهم يسوع و قال لهم :" و حتى انا نسقسيكم حاجة واحدة برك . كي تجاوبوني , نقول لكم انا بواش من سلطان راني نعمل هكذا
30
قولولي المعمودية تاع يوحنا : كانت من عند الله و الا من عند الناس ؟ ".
31
و كي خمموا مع ارواحهم قالوا :" كان قلنا : من عند الله , يقول لنا : علاش مالا ما تامنوش بيه؟
32
و كان قلنا : من عند الناس ". يوليو يخافوا من الشعب . على خاطر كان يوحنا عند الناس الكل نبي تاع الصح .
33
ولاو جاوبوا يسوع و قالوا لو :"ما نعرفوش ". قال لهم يسوع :" حتى انا ما نقولش بواش من سلطان ندير واش راني ندير ".
Chapter 12
1
وبدا يعلم فيهم بالامثال و يقول : "كاين واحد الراجل غرس دوالي و سيج عليهم , و حفر حوض تاع معصرة , و بنى برج , و مدوا للكرامين و سافر .
2
و من بعد بعث للكرامين واحد لخديم في الوقت باه يجيب العنب من عندهم ,
3
حكموه و عطاوه طريحة وبعثوه هكذاك يديه فارغين .
4
و زاد بعث ثاني خديم واحد اخر , حكموا رجموه و دمغوه على راسو و داروا فيه حالة و بعثوه يرَوْح .
5
ولى بعث واحد اخر , زادوا قتلوه. و كل مرة يبعث لهم واحد , اللي قتلوه قتلوه, و اللي ضربوه ضربوه .
6
و كان عندو ثاني غير وليد فريد و عزيز عليه . على الاخر بعثوا هو , و قال :ضرك يهابوا من ولدي !
7
بالصح هاذوك الكرامين قالوا بيناتهم :هاذا هو الوريث ! ارواحوا نقتلوه و نديو احنا الورثة !
8
حكموه و قتلوه و رماوه برة الجنان تاع لكرم .
9
و ضرك واش يدير مولى الجنان ؟ يجي و يقتل الكرامين , و يمد الجنان لوحايد اخرين.
10
ما قريتوش واش تكتب : الحجر اللي رفضوه البنايين , ولى هو الراس تاع الزاوية
11
و هذا الشيء جاء من عند ربي , ويبان لنا احنا عجب !".
12
و حبوا باه يحكموه , بالصح خافوا من الغاشي , على خاطر علابالهم بلي هاذاك لمثل يهدر عليهم . ولاو خلاوه و راحوا . لغرامة تاع قيصر
13
و من بعد بعثوا لو ناس من الفريسييين و ناس من الهيرودسيين باه يطيحوه في الهدرة .
14
و كي جاو ليه قالولو:" يا معلم , رانا عارفين بلي راك صادق و ما يهمك في حتى واحد ,على خاطر انت ما تشوفش للوجوه, بالصح بالحق تعلم طريق الله قول لنا يجوز لينا نخلصوا لغرامة تاع قيصر و الا لا ؟ نمدوها و الا لا؟
15
".علم بالنفاق تاعهم اللي في قلوبهم , و قال لهم :" وعلاش راكم تجربوا فيا ؟ اعطوني دينار نشوف ".
16
كي جابو لو دينار , قال لهم: "تاع شكون هاذي التصويرة و هاذي لكتيبة؟". قالوا :" تاع قيصر".
17
جاوب يسوع وقال لهم :" امالا مدوا اللي لقيصر لقيصر و اللي لله لله ". بقاو حايرين في الجواب تاعو .
18
و جاو ليه جماعة من الصدوقيين . هاذوك اللي يقولوا القيامة ما كانش منها , و سقساوه و قالوا :
19
" يا معلم , كتب لنا موسى : اذا كان واحد مات لو خوه و خلى مرى في رقبتو و هو مازال ما جابش لولاد, ياخذ خوه لمرى و يجيب منها اولاد على اسم خوه .
20
كانوا عندنا سبعة خاوة . لول خذا مرى ومن بعد مات , بلا ما يخلي لولاد.
21
ولى تزوج بيها الثاني , و حتى هو مات بلا ما يخلي لولاد . و زاد الثالث حتى هو مات .
22
و تزوجوا بيها الخاوة في سبعة بلا ما جابوا لولاد . و زيد في لخر ماتت لمرى ثاني .
23
نهار لقيامة , كي يقوموا , لمرى هاذي لشكون منهم راح تكون ؟ على خاطر كانت زوجة ليهم في سبعة ".
24
جاوب يسوع و قال لهم :" على هاذا الشيء راكم في ضلال , على خاطر ما تعرفوش الكتب و لا القدرة تاع الله؟
25
على خاطر كي يقوموا الناس من الموت لا يتزوجوا و لا يزوجوا , بالصح يكونوا كيما لملايكات في السماوات .
26
و اما من جيهة لموتى راهم يقوموا : ما قريتوش في كتاب موسى , في لحكاية تاع شجرة العليق, كيفاه كلمو الله و قالو: انا الاله تاع ابراهيم و الاله تاع اسحاق و اله يعقوب؟
27
الله ماهوش اله تاع موتى بالصح هو اله تاع حيين . و انتوما راكم في ضلال كبير!". الوصية لكبيرة فيهم الكل
28
و جاء واحد من الكتبة و سمعهم يتكلموا , و كي شاف بلي جاوبهم مليح , سقساه:"واش هي لوصية لولى فيهم الكل؟" .
29
جاوبو يسوع و قالو :"اول وصية فيهم لكل هي : اسمع يا اسرائيل . الرب الاهنا هو اله واحد .
30
و تحب ربي الهك من كل قلبك , و من كل نفسك , و من كل فكرك , و من كل القدرة تاعك . هاذي هي لوصية لولى.
31
و الثانية كيفها بالذات هي : تحب قريبك كيما تحب روحك . ماكانش وصية اخرى اكبر من هاذو في زوز ".
32
قالو هاذاك اللي من الكتبة : " يعطيك الصحة يا معلم . قلت الحق, على خاطر الله واحد ما عندو حتى شريك .
33
و المحبة تاعو من كل القلب, و من كل الفكر,و من كل النفس , ومن كل القدرة , و لمحبة تاع لقريب كيما النفس بالذات ,هي خير من كل التقدمات و الذبايح ".
34
و كي شاف يسوع بلي جاوب برزانة. قال لو :"انت موش بعيد على الملكوت تاع الله ". ومن بعدها واحد ما قدر يزيد يسقسيه ! المسيح وسيدنا داود
35
و كي كان يسوع يعلم في الهيكل قال:" كيفاه الكتبة يقولوا بلي المسيح بن داود؟".
36
على خاطر داود نفسو قال بالروح القدس: قال الله الرب لله ربي : اجلس على يميني . باه نحط عديانك تحت رجليك .
37
اذا كان داود في ذاتو يقلو ربي . كيفاه مالا يكون ولدو؟". و كانوا ناس ياسر يسمعوا فيه و هما فرحانين .
38
و قال لهم في التعليم تاعو :" ردوا بالكم من الكتبة . اللي يحبوا يمشيو بالقنادر الطويلة و يسلموا على الناس في لسواق.
39
و يحبوا يكونوا هما لوالا في الجوامع , و في اي صايبة يكونوا هما قاعدين لقدام,
40
اللي ياكلوا مال الارامل, و يطولوا في الصلاة بالعاني . هاذوك ينالوا حساب اكبر". زوز دورو تاع الارملة
41
و قعد يسوع في الهيكل مقابل الصندوق اللي يلموا فيه الصدقة , و قعد يشوف كيفاه الناس يحطوا فيه الدراهم . و كان ناس ياسر من الاغنياء يجيو و يحطوا صرف ياسر.
42
و جات واحدة الارملة فقيرة و حطت زوز دراهم, قيمة قليلة .
43
نادى للتلامذة تاعو و قال لهم:"نقول الحق : هاذي لمرى الفقيرة حطت في الصندوق اكثر منهم لكل ,
44
على خاطر هما الكل حطوا من الشيء اللي فضال عليهم , بالصح هي على قد حالها حطت من الاحتياج تاعها الشيء الي عندها , معيشتها كاملة ".
Chapter 13
1
و كي كان خارج من الهيكل, قالو واحد من التلامذة تاعو :" يا معلم شوف ! كيفاه هاذي لحجار! و كيفاه هاذا البني!".
2
قالو يسوع :" راك تشوف في هاذي البنايات لكبيرة كاملة ؟ ما تقعد منها حتى حجرة فوق اختها غير و تتقرقع ".
3
و كي كان قاعد في جبل الزيتون , و متلفت لجيهة الهيكل , كي كانوا معاه بطرس و يعقوب و يوحنا و اندراوس وحدهم سقساوه : "
4
قول لنا وقتاه يصرى هاذا الشيء ؟" و واش هي لمارة تاع الزمان الي يصرى فيه هاذا كامل ؟".
5
جاوبهم و قال لهم :" شوفوا! ما يضللكم حتى واحد.
6
راح يجيو باسمي ناس ياسرو يقولوا : اني انا هو! وياسر اللي راح يصدقوهم .
7
و اذاكان سمعتوا بالحروب و اخبارها ما تخافوش, على خاطر هاذا كامل لازم يصرى . بالصح مازال ماهيش لاخرة .
8
على خاطر تقوم امة على امة . و مملكة على مملكة , وتكون زلازل ياسر في بلدان , و يكون الجوع و الاهوال. و هاذي ماهي غير اول لوجاع .
9
شوفوا لرواحكم انتوما , على خاطر راح يسلموكم للمحاكم , و يضربوكم في الجوامع , وتوقفوا قدام رياس و سلاطين , على جالي, باه تشهدوا عليهم.
10
بالصح قبل لازم يتنشر الانجيل بين جميع الامم .
11
و كي يديوكم باه يسلموكم , ما تخموش من قبل واش راح تقولوا و ما تقلقوش , بالصح الشيء اللي يتمد لكم في هاذيك الساعة بيه اهدروا. على خاطر الروح القدس هو اللي يهدر فيكم و موش انتوما.
12
و يولي الخو يسلم خوه للموت , و الاب يسلم وليدو, و يوقفوا لولاد لوالديهم و يقتلوهم .
13
و تكونوا مكروهين عند الناس الكل على جال اسمي . بالصح اللي يصبر حتى للاخر هاذاك يمنع.
14
و نهار اللي تشوفوا " النجاسة تاع لخراب" اللي قال عليها النبي دانيال, قايمة وين ما لازمش تكون -باه اللي يقرى يفهم- وقتها الناس اللي في بلاد ليهودية يهربوا للجبال,
15
و اللي فوق السطح ما يهبطش و ما يدخلش لداروا باه كاش ما يدي,
16
واللي في الجنان ما يرجعش باه يدي لباسو.
17
يا ويلهم النساء اللي بلكرش و اللي يرضعوا في هاذيك ليامات!
18
و ادعيو باه ما يكونش الوقت اللي تهربوا فيه في الشتاء .
19
على خاطر في هاذيك ليام يكون ضيق كيما عمرو ما صرى من اللي بدات الدنيا حتى لضرك , و موش راح يكون .
20
و لو كان مش ربي قصر في هاذوك ليام , حتى واحد ما يمنع . بالصح قصر فيهم على جال الناس اللي خايرهم .
21
في هاذاك الوقت لو كان كاش واحد يقول لكم : اهو المسيح لهنا! ولا او لهيه!ما تقبلوش.
22
على خاطر راح يجيو مسحاء و انبياء كذابين, و يديروا ايات و عجايب, باه يدخلوا الشك لو كان يقدروا حتى في لمخيرين ثاني.
23
و انتم شوفوا . اني خبرتكم بكل شيء قبل الوقت .
24
"و اما في هاذوك ليام بعد الضيقة , تظلام الشمس, و القمر ما يعودش يضوي,
25
و النجوم تطيح من السماء , و القوات اللي في السماء تتزعزع .
26
وقتها تشوفوا ابن الانسان جاي في السحاب بقوة كبيرة و مجد ,
27
و يبعث لملايكات و يلم المختارين تاعو من اطراف الدنيا في اربعة , من لخر تاع لرض حتى للخر تاع السماء
28
تعلموا لمثل من الشجرة تاع الكرطوس : كي يولي العود تاعها طري و يخرج لوراقي , تعلموا بلي الصيف قرب .
29
حتى انتوما كي تشوفوا هاذي لحوايج صايرة, اعرفوا بلي راه قريب على البيبان .
30
نقول لكم الحق: ما يفضش هاذا الجيل حتى يصرى هاذا كامل .
31
السماء و لرض يزولوا بالصح كلامي ما يزولش . اسهروا ديما "
32
اما هاذاك اليوم و هاذيك الساعة واحد ما يعلم بيهم , حتى لملايكات اللي في السماء , و حتى الابن , غير الاب برك .
33
شوفوا! اسهروا و صليو,على خاطر ما تعرفوش وقتاه يجي الوقت .
34
كان واحد الراجل مسافر خلى داروا, و مد للخدامين باه يتصرفوا في كل شيء . كل واحد و الخدمة تاعو, و وصى البواب باه يسهر .
35
امالا اسهروا حتى انتوما , على خاطر ما تعرفوش وقتاه يجي مولى الدار , في لعشية , و الا في نص الليل, والا في الصباح بكري كي يعوعش السردوك و الا كي يطلع النهار .
36
لا يجي على غرادة و يلقاكم راقدين!
37
و الشيء اللي نقول لكم نقولوا للكل : اسهروا " .
Chapter 14
1
و بقاو يومين على عيد الفصح و ايام لفطير . و كانوا الرياس تاع الكهنة و الكتبة يفكروا كيفاه يحكموا يسوع بالحيلة و يقتلوه ,
2
بالصح قالوا :" ما نديروهاش نهار العيد باه ما يثورش علينا الشعب ". يصبوا الطيب على يسوع
3
و كي كان في بيت عنيا في دار سمعان لبرص , وهو متكي لثم , جات واحد لمرى هازة قرعة ريحة تاع الناردين الحر غالية ياسر في السومة. كسرت القرعة و صبتها على راس يسوع .
4
و كاين وحايد اللي ما عجبهمش الحال و قالوا في قلوبهم :" علاش خسارة الريحة هكذاك ؟"
5
كنا نقدروا نبيعوها حتى بثلاثمية دينار و الا اكثر و نصدقوا على المحتاجين ". و لاموا على لمرى .
6
اما يسوع قال :" خليوْها! علاش تقلقوا فيها ؟
7
عملت مليح! الفقراء معاكم في كل وقت. و تقدروا تعملوا فيهم الخير وقت اللي تحبوا . اما انا مانيش معاكم ديما .
8
هي دارت اللي عليها. سبقت و دهنت بدني بالطيب توَّجد فيا باه نتكفن .
9
نقول لكم الحق : وين ما يبشروا بهاذا الانجيل في العالم كامل , يخبروا ثاني على الشيء اللي عملاتو هاذي لمرى , شهادة ليها ". الخيانة تاع يهوذا
10
و من بعد يهوذا الاسخريوطي, واحد من الثناش, راح للرياس تاع الكهنة و نفاهم معاهم باه يسلم لهم يسوع .
11
و فرحوا كي سمعوا , و وعدوه باه يمدولو الدراهم . و كان يستنى في فرصة مواتية باه يسلموا . العشاء تاع الفصح مع التلامذة
12
و في النهار لول من ايامات لفطير . كي كانوا يذبحوا في الكبش تاع الفصح , قالوا لو التلامذة تاعو :"وين تحبنا نوجدولك الفصح باه تاكل؟".
13
بعث زوز من التلامذة و قال لهم :" روحوا للمدينة , تلقاو راجل هاز جرة تاع ماء تبعوه.
14
و كي يدخل ادخلوا وراه و قولوا لمولى الدار : او المعلم يقولك :ويني البيت اللي راح ناكل فيها الفصح انا و التلامذة تاعي ؟
15
ضرك يوريلكم واحد البيت في السطح مفرشة و ساجية . وجدولنا لعشاء لثم".
16
و راحوا التلامذة في زوز ودخلوا لمدينة ولقاو كيما قال لهم . و وجدوا لعشاء تاع الفصح .
17
و كي عشات لعشية جا هو و التلامذة في ثناش .
18
و كي كانوا قاعدين ياكلوا قال يسوع :" نقول لكم الحق : واحد منكم راح يبيعني . اللي قاعد ياكل معايا !".
19
و بدا الحزن يبان عليهم , و بالواحد يسقسيو فيه :"انا هو ؟" . "انا هو ؟".
20
جاوبهم وقال :"واحد منكم في ثناش , اللي يغمَّس معايا في الصحفة.
21
هاو ابن الانسان رايح كيما راه مكتوب عليه . بالصح يا ويلو هاذاك الراجل اللي يسلم ابن الانسان . كان خير ليه لو كان ما ولدش خلاص!". لعشاء تاع الرب
22
و كي قعدوا باه ياكلوا , هز يسوع الخبز و قسمو و باركو , و مد لهم و قال :"هاكم كولوا , هذا هو البدن تاعي ".
23
و من بعد هز الكاس و شكر و مدلهم, شربوا منها الكل.
24
و قال لهم :"هاذا هو الدم تاعي اللي للعاهد الجديد , اللي يسيح على خاطر ناس ياسر .
25
نقول لكم الحق : انا ما نزيدش نذوق المنتوج تاع الكرمة حتى يجي هاذاك النهار اللي نشربو جديد في الملكوت تاع الله ".
26
و من بعد سبحوا مع بعضاهم و خرجوا للجبل تاع الزيتون . يسوع يتنبـأ بلي بطرس راح ينكروا
27
وقال لهم يسوع :"كلكم راح تشكوا فيا في هاذي الليلة ,على خاطر مكتوب : اضرب الراعي يتفرقوا الخرفان .
28
بالصح من بعد كي نقوم من بين الموتى نسبقكم للجليل".
29
قال لو بطرس :"لو كان يشكوا فيك الكل انا عمري ما نشك فيك !".
30
قال لو يسوع :"نقول لك الحق : اليوم في الليلة هاذي بالذات, قبل ما يعوعش السردوك مرتين , تنكرني انت ثلاثة مرات ".
31
زاد قالو و اكد هالو :" حتى لو كان يقتلوني معاك ما ننكركش!". و هكذاك ثاني كلهم قالوا نفس الهدرة في جنان جثسيماني
32
و راحوا لواحد الجنان اسمو جثسيماني , قال للتلامذة تاعو:" ابقاو هنا حتى نصلي".
33
و دا معاه بطرس و يعقوب و يوحنا , و بدى يتحير و يحزن ,
34
و قال لهم :"نفسي حزينة حتى للموت ! ابقاو هنا و اسهروا".
35
و بعد عليهم شوية و سجد في لرض , و كان يصلي باه لو كان تقدر تفوت عليه هاذي الساعة .
36
و قال :" يا آبا الآب . انت قادر على كل شيء . بعد عليا هاذا الكاس . بالصح مش الشيء اللي انا نحبو هو اللي يكون , خلي الشيء اللي تحبو انت هو اللي يصرى".
37
و من بعد جا و لقاهم راقدين , قال لبطرس :"يا سمعان راك راقد ! ما قدرتش تزيد تسهر حتى ساعة وحدة ؟
38
اسهروا و صلوا باه ما تدخلوش في لمحنة . البدن ضعيف , بالصح الروح ناشطة ".
39
و زاد راح يصلي و يقول في هاذاك لكلام بالذات .
40
و زاد جاهم ثاني و لقاهم راقدين , و كانت عينيهم مغمضة , و ما قدروش يجاوبوه.
41
و زاد جا لثالث مرة و قال لهم :"ارقدوا ضرك و ارتاحوا! خلاص ! اي وصلت الساعة ! الان ابن الانسان يتسلم ليد المذنبين ,
42
نوضوا خليونا نروحوا! الي راح يسلمني او قرب !". القبض على يسوع
43
و في هاذاك الوقت بالذات و هو مازال يهدر جا يهوذا, واحد من الثناش , وجاو معاه غاشي ياسر بالسيوفى و القرم مبعوثين من عند رياس الكهنة و الكتبة و الشيوخة .
44
و اللي كان راح يبيعو عطالهم امارة وقال :"اللي نبوسو او هذاك هو . احكموه , و اديوه و عندكم عليه".
45
و في هاذاك الوقت بالذات قدم ليه و قالو :" يا سيدي , يا سيدي!" . و باسو .
46
راحوا هما تلموا عليه و حكموه .
47
و واحد من اللي كانوا حاضرين سل السيف , و ضرب لخديم تاع رايس الكهنة نحالو وذنو .
48
و يسوع قال لهم :" تقول عليكم خرجتوا على سراق بالسيوفة و القرم باه تحكموني !
49
انا كنت معاكم كل يوم نعلم في وسط الهيكل و ما حكمتونيش ! بالصح باه يتم الشيء اللي جا في لكتب ".
50
و كلهم اللي كانوا معاه خلاوه و هربوا .
51
و تبعو واحد الشاب كان ساتر روحو بايزار,
52
كي حكموه خلى في يديهم الايزار و هرب عريان . قدام المجمع تاع ليهود
53
و داو يسوع للرياس تاع الكهنة , و تلموا عليه الرياس تاع الكهنة الكل و الشيوخة و الكتبة .
54
و كان بطرس يتبع فيه من بعيد حتى ن دخل للدار تاع رايس الكهنة , و كان قاعد في وسط الخدامين يتدفى على النار.
55
و كانوا الرياس تاع الكهنة و المجمع كامل يحوسوا على بيان على يسوع باه يقتلوه , و ما لقاوش .
56
على خاطر ياسر اللي شهدوا عليه بالكذب , و الهدرة تاعهم كانت متعاكسة .
57
و من بعد وقفوا وحايد و شهدوا عليه بالزور و قالوا :
58
" احنا سمعناه يقول : انا نهدم هاذا الهيكل اللي مبني باليدين , و في ثلاثة ايام نبني واحد اخر ما بناتوش يدين ".
59
و حتى هكذا و ما جاتش الهدرة تاعهم متوافقة مع بعضاهم .
60
وقف رايس الكهنة في الوسط و سقسى يسوع و قالو :"كاش ما عندك ما تجاوب ؟ هاذوا واش راهم يشهدوا عليك؟".
61
بالصح هو كان ساكت و ما جاوب حتى بكلمة . و زاد سقساه رايس الكهنة ثاني و قالو :" انت هو المسيح ابن المبارك؟".
62
قال لو يسوع :" انا هو. و ضرك تشوفوا ابن الانسان قاعد على يمين القدرة , و جاي في السحاب تاع السماء ".
63
الرايس تاع الكهنة قطع قشاتو وقال :" ما بقيناش محتاجين للشهود ضرك ؟
64
راكم سمعتوا الكفر! واش رايكم ؟ و الناس الكل حكموا عليه بلي يستاهل حكم الموت.
65
و كاين وحايد بداو يبصقوا عليه , و يغطيولو في وجهوو يقولولو :"طلع شكون ضربك؟" . و كانوا الخدامين يضربوا فيه . بطرس ينكر
66
و كي كان بطرس لتحت في الدار تاع رايس الكهنة جات واحد لخديمة .
67
و كي شافت بطرس يتدفى , بقات تخزر فيه و قالت :" و انت كنت مع يسوع الناصري!".
68
نكر بطرس و قال لها :" لا نعرف لا نفهم واش راكي تهدري!". و خرج لبرى لوسط الدار, وعوعش السردوك.
69
بقات لخديمة تشوف معاه و تقول للحاضرين :" هاذا راه واحد منهم!".
70
زاد نكر ثاني . و بعدها بشوية زادوا الحاضرين قالوا لبطرس:" صح انت راك واحد منهم على خاطر انت من الجليل و حتى الهدرة تاعك تشابة لهدرتهم !".
71
بدا يلعن و يحلف :" انا ما نعرفش هاذا الراجل اللي راكم تهدروا عليه !".
72
و زاد عوعش السردوك مرة اخرى , وقتها تفكر بطرس الهدرة اللي قالها يسوع :"قبل ما يعوعش السردوك مرتين , تنكرني انت ثلاثة مرات ". و كي خمم في هاذا لكلام بكى .
Chapter 15
1
و في هاذاك الوقت في الصباح بكري تشاوروا الرياس تاع الكهنة و الشيوخة و الكتبة و والمجمع كاملين , و كتفوا يسوع و اداوه وسلموه لبيلاطس .
2
سقساه بيلاطس :"انت هو الملك تاع ليهود؟". جاوب عليه يسوع و قالو :"راك انت تقول ".
3
و كانوا رياس الكهنة يشكيو بيه في حوايج ياسر .
4
زاد سقساه بيلاطس ثاني :"ما تجاوب بحتى شيء؟ شوف كيفاه يشهدوا عليك!" .
5
و يسوع ثاني ما زاد جاوب بحتى شيء تعجب بيلاطس و حار فيه .
6
و كان ديما في العيد يسيب لهم محابسي واحد , اللي يقولوا عليه .
7
و كان واحد اسمو باراباس محكوم هو واصحابو على جال فتنة, صرات فيها قتيلة .
8
و بدا الغاشي كامل يعيطوا و يطلبوا من بيلاطس باه يدير كيما موالف ديما في العيد .
9
رد عليهم بيلاطس و قال :" تحبوا نسيب لكم الملك تاع ليهود؟".
10
على خاطر عرف بلي رياس الكهنة كانوا حاسدينو على هاذيك سلموك .
11
و لاو رياس الكهنة حرشوا الغاشي باه يسيب لهم باراباس خير .
12
زاد رد عليهم بيلاطس و قال :" واش تحبوني ندير بهاذا اللي تسميوه الملك تاع ليهود؟"
13
كلهم ولاو يعيطوا :"اصلبو!".
14
قال لهم بيلاطس :"واش من شر دارو؟" زادوا عيطوا اكثر من لول :"اصلبو!".
15
و على خاطر بيلاطس كان حاب يرضي الناس الكل , سيب لهم باراباس , و حكم على يسوع بعدما جلدو, داوه باه يتصلب . الجنود يستهزاو بيسوع
16
اداوه العسكر , و دخلوا بيه وسط دار الولاية , و تلمت عليه الكتيبة كاملة تاع العسكر.
17
و لبسوه برنوس عنابي, و ضفرولو تاج من الشوك و حطوه على راسو,
18
و بداو تحِيوْ فيه و يقولوا :" السلام يا الملك تاع ليهود!".
19
و كانوا يضربوا فيه على راسو بالقصبة , و يبصقوا عليه,
20
و من بعد يسجدوا ليه على ركايبهم, و بعدما استهزاو بيه , نحاو عليه البرنوس العنابي و لبسوه قشاتو , و من بعد اداوه باه يصلبوه .
21
ومدوا لواحد الراجل كان معدي من لثم جاي من الجنان , اسمو سمعان القيرواني اولادو اسكندرس و روفس, باه يهز عليه الصليب الي راح يتصلب عليه . الصلب
22
و جابوه لواحد لمكان اسمو "الجلجثة " اللي التفسير تاعو "جمجمة".
23
و مدولو خمرة مخلطة بالمرار باه يشربها , بالصح ما قبلش .
24
و كي صلبوه داروا القرعة على قشاتو : كل واحد واش يدي ؟.
25
و كي صلبوه كانت الساعة الثلاثة .
26
و كانت التهمة تاعو مكتوبة :"الملك تاع ليهود".
27
وصلبوا معاه زوز مجرمين , واحد على ليمين و لاخر على ليسار .
28
و تم المكتوب اللي قال :" يتحسب مع المجرمين ".
29
وكانوا الناس المعديين من لثم يتمسخروا بيه , و يهزوا في روسهم ويقولوا :"اه يا مهدم الهيكل و بانيه في ثلاثة ايام ! .
30
منع روحك و اهبط من فوق الصليب!".
31
و حتى رياس الكهنة والكتبة يستهزاو بيناتهم , وقالوا:" وحايد اخرين منعهم بالصح روحو ما يقدرش يمنعها!.
32
لو كان نشوفوا المسيح الملك تاع ليهود يهبط من فوق الصليب , نامنوا بيه!". و هاذوك اللي تصلبوا معاه كانوا يعايروا فيه . الموت
33
و كي وصلت الساعة الستة , ظلامت الدنيا حتى للتسعة .
34
و على الساعة التسعة عيط يسوع بأعلى صوتو وقال :"ألوي , ألوي, لما شبقتني؟". الي معناها : الهي , الهي , علاش خليتني ؟
35
و جماعة من الناس الحاضرين كي سمعوه قالوا :" راه يعيط على ايلياس".
36
واحد منهم راح يجري و رنخ طبة في الخل و ربطها في قصبة و حطهالو في فمو و قال :" خلِيوه , نشوفوا كان يجي ايلياس و يهبطو!".
37
عيط يسوع بصوت عالي خلاص و طلَّع الروح .
38
وتشق الحجاب تاع الهيكل على زوز , من فوق لل تحت .
39
و كي شاف القايد تاع المية اللي كان واقف مقابلو كيفاه عيط هاذيك العيطة و طلع الروح , قال:" هاذا الانسان كان صح وليد الله!"
40
و كانوا ثاني نساء يتفرجوا من بعيد , بينهم مريم المجدلية , و مريم ام يعقوب الصغير و يوسي, و سالومة , اللي كانوا معاه و خدموه كي كان في الجليل .
41
و ياسر واحد اخرين من اللي طلعوا معاه لاورشليم . الدفينة
42
و كي عشات لعشية , و كي كانوا يسجيو قبل ما يدخل السبت ,
43
جاء يوسف اللي من الرامة , راجل رزين و شريف, وكان حتى هو يستنى في الملكوت تاع الله, تجرأ و دخل عند بيلاطس و طلب منو يخليه يدي الجسد تاع يسوع .
44
و تعجب بيلاطس كيفاه هكذا مات ليه ليه . و عيط على القايد تاع المية و سقساه :"عندو مدة من اللي مات ؟".
45
و كي عرف من القايد بلي مات , مد الجسد ليوسف.
46
شرى كتان , و هبطو و كفنو, و راح دفنو في واحد لقبر كان محفور في حجرة , ودز حجرة كبيرة على باب لقبر .
47
و كانت مريم المجدلية و مريم ام يوسي يشوفوا وين حطوه.
Chapter 16
1
و بعد ما فات السبت, مريم المجدلية و مريم ام يعقوب و يوسي و سالومة شراو الطيب و راحوا باه يدهنوه بيها.
2
و في اول الاسبوع في الصباح بكري خلاص مع طلة الشمس راحوا للقبر.
3
و كانوا يقولوا بيناتهم :" شكون راح يزحزح لنا الحجرة على الباب تاع لقبر؟".
4
و كي جاو يشوفوا لقاو الحجرة مزحزحة ! على خاطر كانت كبيرة ياسر .
5
و كي دخلوا للقبر لقاو واحد الشاب قاعد على ليمين و لابس قشات بيض, حكمتهم الدهشة من الشيء اللي شافوا .
6
قال لهم :"علاش راكم حايرين! راكم تحوسوا على يسوع الناصري المصلوب . او قام من بين الموتى!
7
بالصح روحوا و قولوا للتلامذة و لبطرس: هو راح يسبقكم للجليل. و لثمة تشوفوه كيما قال لكم ".
8
في ساع خرجوا يجريو و هربوا من لقبر, على خاطر جاتهم الحيرة و حكمتهم الرعدة , و ما قالوا لحتى واحد على خاطر كانوا خايفين . يسوع يظهر لمريم المجدلية
9
و كي قام في الصباح بكري ف اول الاسبوع اول ما ظهر ظهر لمريم المجدلية , اللي كان خرج منها سبعة شواطن.
10
و هي راحت عند اللي كانوا معاه لقاتهم يبكيو و ينوحوا و خبرتهم بالشيء اللي صرى .
11
و هما كي سمعوا بلي راه حي , و بلي هي شافاتو. ما قبلوهاش. ظهورو لزوز من التلامذة
12
و من بعد ظهربهيئة اخرى ل زوز من التلامذة , و هما ماشيين في الطريق رايحيين للصحراء.
13
و هما راحوا وخبروا لخرين , و هكذاك و ما قبلوهمش هما ثاني . يسوع يظهر للتلامذة
14
و في لخر ظهر للحداش و هما قاعدين , و لامهم على قلة ايمانهم و قساوة قلوبهم, على خاطر ما صدقوش اللي قالولهم بلي شافوه قام .
15
وقال لهم :" روحوا للعالم اجمع و بشروا بالانجيل للخلق الكل .
16
اللي يامن و يتعمد يمنع . و اللي ما يامنش يتحاسب .
17
و هاذي المعجزات تتبع المؤمنين : يخرجوا الشواطن بإسمي . و يهدروا بلغات جديدة .
18
و يهزوا لحنوشة . و كي يشربوا سم قاتل ما يضرهمش , و يحطوا يديهم على المرضى يبراو ". الرب يسوع يطلع للسماء
19
و من بعد ما كلمهم الرب تهز للسماء, و جلس على يمين الله .
20
اما هما خرجوا وراحوا يبشروا في كل مكان , و الرب يعمل معاهم و يثبت الكلام بالايات التابعة . امين .
Luke
Chapter 1
1
على خاطر كاين ناس ياسر بداو يكتبوا على الشيء اللي صرى في وسطنا.
2
كيما وصلوه الناس اللي كانوا من لول شهود و خدامين للكلمة,
3
و انا ثاني, بعدما تبعت كل شيء من المصدر تاعو بالتدقيق, قلت باللي نكتب لك, يا مولى العزة تاوفيلس,
4
باه تعرف باللي الكلام اللي وصلك صحيح. بشارة ميلاد يوحنا المعمدان
5
في ايامات هيرودس اللي كان سلطان على بلاد اليهودية كان واحد الكاهن اسمو زكريا من فرقة ابيا, و مرتو من سلالة هارون و اسمها اليصابات.
6
و كانوا في زوز يخافوا الله, ويتبعوا الشيء اللي وصى بيه كامل في الشريعة بلا ما يقصرو في حتى حاجة.
7
و كانوا ما يجيبوش لولاد, على خاطر اليصابات كانت عاقر. وكانوا في زوز شيّاب كبار في العمر.
8
و كي كان يخدم في الله في الدالة تاع الفرقة تاعو,
9
على حساب العادة تاع الخدمة, طاحت عليه القرعة باه يدخل للهيكل و يبخّر.
10
و كان الشعب يصلي لبرى وقت البخور.
11
شوية ظهر لو ملاك الرب واقف على يمين المذبح تاع لبخور.
12
و كي شافو زكريا دخل في بعضاه و خاف.
13
قال لو الملاك: "ما تخافش يا زكريا, على خاطر ربي سمع دعوتك, و مرتك اليصابات راح تجيبلك طفل و تسميه يوحنا.
14
و راح تسعد و تفرح بيه, و ناس ياسر راح يفرحوا معاك بالزيادة تاعو,
15
على خاطر راح يكون عظيم الشان عند الله, لا يشرب لا خمر و لا اي حاجة تسكر, و يتملى بالروح القدس و هو في مازال في كرش امو.
16
و راح يهدي ناس ياسر من بني اسرائيل لطريق الرب الههم.
17
و يسير قدامو بالروح و القوة تاع ايليا, و يصلح بين الاباء و اولادهم, و يهدي الاشرار لحكمة لبرار, و يكوَّن للرب شعب واجد و مستعد".
18
قال زكريا للملاك: "كيفاه راح يصرى هاذا الشيء كامل, و انا شايب كبير و مرتي عزوزة و كبيرة في لعمر؟".
19
رد عليه الملاك و قال: "انا جبريل الواقف ديما في حضرة الله, و بعثني باه نهدر معاك و نبشرك بهاذي البشارة.
20
بالصح انت راح تبكش و ما تقدرش تهدر حتى ن يجي النهار اللي يتحقق فيه هاذا الامر, على خاطر ما حبيتش تقبل كلامي اللي راح يصرى في الوقت تاعو بالضبط.".
21
و كان الشعب يستنى في زكريا باه يخرج لهم و همّا حايرين علاه بطى الداخل في الهيكل.
22
و كي خرج ما قدرش يهدر معاهم, و فهموا باللي تكَشّف على حاجة في وسط الهيكل. و كان برك يحرك في راسو و يشير لهم و قعد ساكت بكَشْ.
23
و كي كملت ايامات الخدمة تاعو رجع لدارو.
24
و من بعدها بايامات هزت اليصابات مرتو بالكرش, و خبات روحا خمسة شهر و هي تقول:
25
"هاذا من فضل ربي نهار اللي شافلي باه نحي عليا عاري من بين الناس". بشارة الزيادة بيسوع
26
و كي عادت في شهرها السادس بعث الله الملاك جبريل لواحد لمدينة في الجليل اسمها الناصرة,
27
عند واحد الصبية مخطوبة لراجل من سلالة داود اسمو يوسف, و اسم الصبية مريم.
28
دخل لها الملاك و قال لها: "السلام عليك يا اللي نعم عليها الله! ربي معاك. مبروكة انت من بين النساء".
29
و كي شافاتو خافت و حارت في كلامو, و قالت بينها بين روحها: "واش تكون زعمة هاذي التحية!"
30
قال لها الملاك: "ما تخافيش يا مريم, راكي نلتي نعمة من عند الله.
31
انت راح تحملي و تولدي طفل و تسميه يسوع.
32
و راح يكون عظيم الشان, و يسمّى ولد ربي العالي, و يعطيه الاله ربي كرسي داود جدو,
33
و يملك على بيت يعقوب على الدوام, و ما تكونش اخرة للملك تاعو".
34
قالت مريم للملاك: "كيفاه يصرى هاذا الشيء و انا ما عنديش راجل؟".
35
رد عليها الملاك و قال: "الروح القدس يحل عليك, و قوة العالي تظلل عليك, على هاذيك ثاني حتى اللي يولد منك يسمى ابن الله.
36
و هاي حتى اليصابات قريبتك في كرشها طفل ثاني و هي كبيرة في لعمر, و داخلة في شهرها السادس هاذيك اللي قالوا عليها عاقرة,
37
على خاطر ما كانش حاجة ما يقدرش يديرها الله".
38
قالت مريم: "انا لخديمة تاع الله. اللي تقول عليه يصرى". و راح الملاك من عندها. مريم العذراء تزور اليصابات
39
و في هاذيك ليام وقفت مريم و حكمت الطريق في ساع للجبال لمدينة يهوذا,
40
و دخلت لبيت زكريا و سلمت على اليصابات.
41
و كي سمعت اليصابات التسلام تاع مريم تحرك الصغير في كرشها, و تملات اليصابات بالروح القدس,
42
و عيطت على طول صوتها و قالت: "متباركة انت في وسط النساء و متباركة ثمرة رحامك!
43
واش من قدر عندي حتى تجي ام ربي عندي؟
44
انا كي سمعت صوت سلامك في وذني تحرك الصغير في رحامي.
45
من الفرحة. يا سعد اللي امنت باللي الشيء اللي قال عليه ربي كامل راح يصرى". تسبيحة مريم
46
قالت مريم: "نفسي تعظم ربي,
47
و تفرح روحي بالله مخلصي,
48
على خاطر شاف لتواضع خديمتو.من اليوم و جاي لجيال الكل تباركني,
49
على خاطر القدير دارلي حوايج عظيمة, و اسمو قدوس,
50
و رحمته من جيل لجيل للناس اللي يخافوه.
51
بذراعو صنع قوة. و المتكبرين فناهم على نية قلوبهم.
52
نزَل صحاب العز من لمقامات العالية و طلّع المتواضعين.
53
الجيّاع شبعهم بالخيرات و رجع لمرفهين فارغين.
54
وقف مع عبدو اسرائيل و تفكر رحمتو ليه,
55
كيما كلم جدودنا. ابراهيم و ذريتو على دوام الدهر".
56
و قعدت مريم عند اليصابات قريب ثلاثة شهر, و من بعد رجعت لدارها. ميلاد يوحنا المعمدان
57
اما اليصابات وصلت ساعتها باه تولد, و ولدت جابت طفل.
58
و سمعوا جيرانها و اماليها باللي ربي عظّم رحمتو من جيهتها, و فرحوا معاها.
59
و كي جاو باه يطهروا الطفل في الثامن, سموه زكريا على اسم باباه.
60
بالصح امو قالت: "لا! يسّمى يوحنا".
61
قالوا لها: "ما كان حتى واحد في العرش تاعك تسمى بهاذا الاسم".
62
و كي خزروا لباباه و سقسوه واش يحب يسميه.
63
طلب يجيبولو لوحة و كتب عليها: "اسمو يوحنا". كلهم تعجبوا من هاذا الشيء.
64
و في هاذيك الساعة تطلق لسانو و هدر و بارك الله.
65
و الجيران الكل طاح عليهم الخوف, و الناس الكل ولات تهدر على هاذي الامور اللي صرات في جبال اليهودية,
66
و خباوها في قلوبهم و قالوا: "زعمى واش راح يولي هاذا الطفل؟". و كانت يد الله معاه. تسبيحة زكريا
67
و تملى زكريا باباه بالروح القدس, و تنبأ و قال:
68
" تبارك الله اله اسرائيل على خاطر تفقد شعبو و دار له فداء,
69
و جعل لنا مخلص قدير في بيت العبد تاعو داود.
70
كيما وعد من قديم الزمان على لسان الانبياء القديسين,
71
باه يسلكنا من عدياننا و من يد جميع اللي يبغضونا.
72
و رحمة منو لجدودنا باه يتمم معاهم العاهد المقدس,
73
اللي حلف بيه لبابانا ابراهيم:
74
باه يمنعننا من عدياننا, باه نعبدوه بلا خوف
75
و بقداسة و تقوى كل ايام حياتنا.
76
و انت يا وليدي راح تكون نبي الله العالي, تسير قدام وجه الرب باه توجدلو الطريق.
77
و تعلم الشعب تاعو باللي السلاك ينالوه من غفران ذنوبهم,
78
على خاطر الهنا اله رحيم و رؤوف بالرحمة تاعوتفقدنا و نوّر علينا من لعلالي,
79
باه يضوي بنورو على اللي قاعدين في الظلمة و ظل الموت, باه يهدي خطواتنا لطريق السلام".
80
اما الطفل يوحنا كان يكبر و يتقوى بالروح, و كان عايش في الصحراء حتى للنهار اللي ظهر فيه لبني اسرائيل.
Chapter 2
1
و في هاذيك ليام صدر مرسوم من عند اوغسطس قيصر باه كل الناس يسجلو رواحهم في الاحصاء.
2
و هاذا هو الاحصاء لول اللي صرى وقت اللي كان كيرينيوس والي على سوريا.
3
و الناس الكل راحوا باه يسجلوا ارواحهم كل واحد للمدينة تاعو.
4
و طلع يوسف ثاني من الجليل من مدينة الناصرة و راح لليهودية, لمدينة داود اللي يقولولها بيت لحم. على خاطر هو من بيت داود و من العشيرة تاعو,
5
باه يسجل روحو هو ومريم اللي كانت مخطوبة ليه و كانت بالكرش.
6
و كي كانوا لثمة وصل وقتها باه تولد.
7
و ولدت و جابت وليدها البكر و قمطاتو و حطاتو في لمراح, على خاطر ما كانش عندهم مكان في الدار. الملايكة و السرّاح
8
و كان في هاذيك الجيهة سرّاح مخيمين يعسوا في الليل على الغنم تاعهم.
9
و هما قاعدين وقف عليهم ملاك الرب و ضوى عليهم مجد الرب, اما هما خافوا خوف كبير خلاص.
10
قال لهم الملاك: "ما تخافوش! انا جيت نبشر فيكم بفرحة كبيرة راح تكون للناس الكل:
11
ولد لكم اليوم في مدينة داود مخلص هو المسيح الرب.
12
و هاذي هي لمارة ليكم: تلقاو الطفل مقمط و راقد في لمراح".
13
و ظهر لهم على غرّادة مع الملاك غاشي كبير من جنود السماء و همّا يسبحوا في الله و يقولوا:
14
"العزّة لله في لعلالي, و على لرض السلام. و بالناس الفرحة".
15
و كي راحو عليهم الملايكة و طلعوا للسماء, قالوا السرّاح لبعضاهم: "هيا نروحوا لبيت لحم و نشوفوا هاذا الامر اللي صرى و اللي خبرنا بيه الرب".
16
و راحوا بالرزبة, و لقاو مريم و يوسف و الطفل في لمراح.
17
و كي شافوه خبروهم بالكلام كامل اللي تقال لهم على هاذا الطفل.
18
و الناس الكل اللي سمعوا تعجبوا من الشيء اللي قالوه.
19
اما مريم خبات هاذا لكلام كامل في قلبها و قعدت تتخمم فيه.
20
و رجعوا السرّاح و هما يسبحوا في الله و يحمدوا فيه على كل اللي شافوه و سمعوه كيما خبرهم الملاك. يسوع يطهروه و يقدموه للهيكل
21
و في كمالة ثمانية ايام اداو الطفل و طهروه و سموه يسوع, كيما سماه الملاك فبل ما تهز بيه مريم بالكرش.
22
و كي تمت ايامها باه تتطهر, على حساب الشرع تاع موسى, طلعوه لاورشليم باه يقدموه للرب,
23
كيما مكتوب في شرع الله: كل من هو ذكر فاتح لرحام يتنذر قدوس للرب.
24
و باه يقدموا ذبيحة كيما قال الشرع: طيرين حجل و الا طيرين حمام.
25
و كان واحد الراجل في اورشليم اسمو سمعان, كان صالح و يخاف الله و يستنى لفرج تاع الله لبني اسرائيل, و كان عليه الروح القدس.
26
وحى ليه الله بالروح القدس باللي ما يموتش حتى ن يشوف مسيح الرب.
27
قادو الروح باه يجي للهيكل. و كي دخلوا والدين يسوع بالطفل, باه يعملوا حساب العادة تاع الشرع,
28
هزو في حضنتو و بارك الله و قال:
29
"ضرك تسَرح عبدك بالسلامة يا سيدي على حساب قولك,
30
على خاطر شفت خلاصك بعينيا,
31
اللي وجدتو للشعوب الكل.
32
نور يهدي الامم, و عزة لشعبك اسرائيل".
33
و كان يوسف و مريم يتعجبوا م الشيء اللي تقال عليه.
34
و باركهم سمعان, و قال لمريم امو: "هاذا تجعل باه ياسر يطيحوا و ياسر يقوموا في اسرائيل, و اية تتقاوم,
35
و انتي ثاني يجوز عليك السيف يعدي في روحك, و ناس ياسر تتكشف نيات قلوبهم".
36
و كانت واحدة النبية, اسمها حنة بنت فنوئيل من عرش اشير, و هي مرى كبيرة في لعمر خلاص, عاشت مع راجلها سبع سنين بعد زواجها و من بعد مات و خلاها.
37
قعدت هجالة قريب اربعة و ثمانين سنة, ما فارقتش الهيكل, تعبد و تصوم و تصلي ليل و نهار,
38
و في هاذيك الساعة وقفت تسبح في ربي, و هدرت عليه لكل الناس اللي كانوا يسناو في الفرج في اورشليم.
39
و كي كملوا كل شيء حساب شرع الله, رجعوا ل الجليل ل مدينتهم الناصرة.
40
و كان الطفل يكبر و يتقوى بالروح, و يفيض بالحكمة, و كانت نعمة الله عليه. الطفل يسوع يبقى في الهيكل
41
و كانوا امو و باباه يروحوا مرة في العام لاورشليم في عيد الفصح.
42
و كي كان عمرو ثناش ن سنة طلعوا كيما العادة ل اورشليم في العيد.
43
و بعد ما كملوا ليامات و هما راجعين لاورشليم قعد الطفل يسوع في اورشليم, و يوسف وامو ما فاقوش بيه.
44
على خاطر كانوا حاسبينوا مع صحابو, و من بعد ما مشاو نهار كامل, جاو يحوسوا عليه بين العايلة و لمعارف.
45
و كي ما لقاوهش رجعوا لاورشليم يحوسوا عليه.
46
و من بعد ثلاثة ايام لقاوه في الهيكل, قاعد في وسط المعلمين, يسمع لهم و يسقسي فيهم.
47
و الناس الكل اللي سمعوه حاروا في العلم تاعو و جواباتو.
48
و كي شافوه لثمة حاروا. و قالت لو امو: "يا وليدي, علاش درت فينا كيما هكّا؟ انا و باباك تعذبنا و احنا نحوسوا عليك!".
49
قال لهم: "علاش كنتوا تحوسوا عليا؟ ما علاباكمش باللي لازم نكون في الامور اللي تخص بابا؟".
50
بالصح ما فهموش واش قال.
51
و من بعد هبط معاهم و راحوا للناصرة و كان طايعهم, و كانت امو تخبي هاذي الامور الكل في قلبها.
52
اما يسوع كان يكبر في الحكمة و الطول و النعمة, عند الله و عند الناس.
Chapter 3
1
و في العام الخمسطاش من حكم طيباريوس قيصر, وقت اللي كان بيلاطس قيصر والي على بلاد اليهودية, و هيرودس رايس ربوع على الجليل, و فيلبس خوه رايس ربوع على ايطورية و جوايه تراخونييتس, و ليسانيوس رايس ربوع على الابلية,
2
في ايامات رايس الكهنة حنّان و قيافا, كانت كلمة الله ليوحنا بن زكريا في الصحراء,
3
و جا للجوايه الدايرة بنهر الاردن و بدى ينادي في وسط الناس بالمعمودية تاع التوبة باه يتغفروا ذنوبهم.
4
كيما مكتوب في كتاب النبي اشعياء اللي قال: "صوت ينادي في الصحراء و يقول: وجدوا طريق ربي, اجعلوا مساربو مقدودة.
5
كل حدرة واطية تعلى و كل جبل و كدية عالية توطى, و الطرق العوجة تتسقم, و الشعبة الواعرة تسهال,
6
و سلاك الله لكل انسان يبان".
7
و كان يقول للناس اللي يجيو عندو باه يعمدهم: "يا ولاد لفاعي, شكون قالكم راح تمنعوا من الهول اللي جاي؟
8
اعملوا ثمار تليق بالتوبة. و ما تقولوش بينكم و بين ارواحكم: احنا بابانا ابراهيم. على خاطر نقول لكم: الله قادر يجعل من هاذي لحجار اولاد لابراهيم.
9
و ضرك الفاس تحط على اصل الشجرة, و كل شجرة ما تمدش ثمار صالحة تتقص و تتحرق بالنار".
10
و سقساوه الناس الكل و قالوا: "واش نديروا؟"
11
رد عليهم و قال: "اللي عندو زوز لبسات يمد للي ما عندوش, و اللي عندو ماكلة يمد للي ما عندوش".
12
و جاو عندو تاع المكس حتى هما باه يعمدهم و قالوا: "يا سيدي قلنا واش نديروا؟".
13
قال لهم: "ما تطلبوش على الناس اكثر من الشيء اللازم عليهم".
14
و سقساوه العسكر ثاني و قالوا: "و احنا واش نديروا؟". قال لهم: "ما تظلمو حتى واحد, ما تحقروا حتى واحد, اقنعوا بالشيء اللي عندكم".
15
و على خاطر الشعب كامل كان يسنى, و الناس الكل كانوا بينهم وبين ارواحكم يخمموا في يوحنا بلاك يكون هو المسيح,
16
بالصح يوحنا رد عليهم الكل و قال: "انا نعمد فيكم بالماء, بالصح يجي من بعدي اللي هو اقوى مني, اللي انا ما نستاهلش باه نحل سيور سباطو. و هو راح يعمدكم بالروح القدس و النار.
17
اللي هاز المذرى في يدو, و راح يصفي الطرحة, يلم القمح للمخزن, و التبن يحرقو بنار ما تطفاش".
18
و حوايج اخرى ياسر كان يوصي بيها الناس و كان يبشر فيهم.
19
اما هيرودس رايس الربوع على خاطر وبخوا على جال هيروديا مرت خوه فيلبس و على جال المناكر الكل اللي كان يعمل فيها,
20
و زاد كملها كي دخّل يوحنا للحبس. معمودية يسوع المسيح
21
و بعد ما تعمدوا الناس الكل جا يسوع ثاني يتعمد. و كي كان يصلي تحلت السماء,
22
و نزل عليه الروح القدس في هيئة حمامة. و جا صوت من السماء يقول: "انت هو وليدي لحبيب, بيك رضيت". نسب يسوع المسيح
23
و كي بدى يسوع الخدمة تاعو كان عمرو قريب ثلاثين سنة, و كانوا الناس يعتبروه ولد يوسف بن هالي,
24
بن متاثيا, بن لاوي, بن ملكي, بن ينّا, بن يوسف,
25
بن مثانبا, بن عاموص, بن ناحوم, بن حسلي, بن نجاي,
26
بن مات, بن متاتيا, بن شمعي, بن يوسف, بن يهوذا,
27
بن يوحنا, بن ريسا, بن زربابل, بن شألتيئيل, بن نيري,
28
بن ملكي, بن أدي, بن قصم, بن ألمودام, بن عير,
29
بن يوسي, بن أليعازر, بن يوريم, بن متثات, بن لاوي,
30
بن شمعون, بن يهوذا, بن يوسف, بن يونان, بن ألياقيم,
31
بن مليّا, بن مينان, بن متاثا, بن ناثان, بن داود,
32
بن يسى, بن عوبيد, بن بوعز, بن سلمون, بن نحشون,
33
بن عميناداب, بن ارام, بن حصرون, بن فارص, بن يهوذا,
34
بن يعقوب, بن اسحاق, بن ابراهيم, بن تارح, بن ناحور,
35
بن سروج, بن رعو, بن فالح, بن عابر, بن شالح,
36
بن فينان, بن ارفكشاد, بن سام, بن نوح, بن لامك,
37
بن متوشالح, بن اخنوخ, بن يارد, بن مهللئيل, بن قينان,
38
بن انوش, بن شيث, بن ادم, بن الله.
Chapter 4
1
و رجع يسوع من نهر الاردن و كان مليان بالروح القدس, و كان الروح يقود فيه في الصحراء
2
لمدة ربعين يوم باه يجربو ابليس. و في هاذيك ليام ما دخل في فمو حتى شيء من الماكلة. و كي كملت ربعين يوما جاع.
3
و قال ليه ابليس: "اذا كنت ابن الله, قول لهاذي الحجرة تولي خبز".
4
رد عليه يسوع و قال: "مكتوب: مش غير بالخبز وحدو يعيش الانسان, بالصح يعيش بكل كلمة تخرج من عند الله".
5
و من بعد طلعو ابليس لجبل عالى و وراه المماليك تاع الدنيا الكل في رمشة عين. و قال ليه ابليس:
6
"نمد ليك هاذا الملك كامل بيه بالعز تاعو, على خاطر هاذا كامل تمد ليا, وانا نمدو للي تحب.
7
لو كان تسجد لي هاذا كامل يكون ليك".
8
رد عليه يسوع و قال: "بعد عليا يا شيطان! على خاطر مكتوب: غير للرب الهك برك تسجد و غير هو وحدو برك اللي تعبد".
9
و من بعد اداه لاورشليم, و حط بيه على جناح الهيكل و قال ليه: "لو كان انت ابن الله صح ارمي روحك من هنا للتحت,
10
على خاطر او مكتوب: يوصي ملايكاتو بيك في طريقك يعسو عليك
11
على يديهم يهزوك ما تدعثر بحجار رجليك".
12
رد عليه يسوع و قال: "بالصح قال: ما تجربش الرب الهك".
13
و كي كمل ابليس التجربة كاملة راح عليه حتى وقت اخر. الناصرة ما تقبلش يسوع
14
و رجع يسوع بقوة الروح للجليل, و سمعوا باخبارو في هاذوك الجوايه كاملين.
15
و كان يعلم في وسط المجامع تاعهم و الناس الكل كانت تقدروا.
16
و وصل للناصرة اللي تربى فيها. و دخل للمجمع كيما العادة نهار السبت و وقف باه يقرى في لكتاب,
17
مدولوا كتاب اشعياء النبي. و حل لكتاب لقى وين مكتوب:
18
"روح ربي عليا,على خاطر دهنني باه المساكين بالخير نبشرهم, بعثني اللي قلوبهم مكسورة نداويهم, باه المأسورين للحرية نناديهم, والعميان النظر يرجع ليهم, و المظلومين للحرية نعديهم,
19
و نعلن للناس وقت ربي للقبول".
20
و من بعد طبق لكتاب و رجعو للخادم تاع المجمع, و قعد, بالصح الناس الكل بقاو يخزروا فيه.
21
و هو قال لهم: "اليوم تم هاذا لكلام المكتوب اللي سمعتوه".
22
و كلهم شهدوا ليه و تعجبوا من لكلام تاع النعمة اللي كان يخرج من فمو, و قالوا: "مش هاذا هو وليد يوسف؟".
23
قال لهم: "على كل حال راح تقولولي هاذا لمثل: يا طبيب داوي روحك! اعمل هنا في بلادك كيما سمعنا بيك تدير في كفرناحوم".
24
و قال: "نقول لكم الحق: ما كاين حتى نبي مقبول في بلادو.
25
نقول لكم الحق: كانوا كاينين هجالات ياسر بكري في اسرائيل في وقت ايليا وقت اللي ما صبتش فيه النو ثلاثة سنين و ستة اشهر. و كي كانت المجاعة في لبلاد كاملة,
26
و ايليا ما راح لحتى واحدة منهم, بالصح بعثو الله لواحدة الهجّالة, ساكنة في صرفة صيداء.
27
و كانوا ناس ياسر مرضى بالبرص في اسرائيل في زمان النبي اليشع, بالصح واحد فيهم ما برى من مرضو غير نعمان السرياني".
28
و الناس اللي كانوا في المجمع تغشوا عليه كي سمعوا هاذا لكلام,
29
وقفوا و خرجوه برى لمدينة, و جابوه للحاشية تاع الجبل اللي كانت مبنية عليه لمدينة و حبوا يرموه من لثمة.
30
اما هو عدى بيناتهم و خرج من وسطهم. راجل مسكون يبرى
31
و هبط لكفرناحوم, مدينة في الجليل, وكان يعلم لثمة ايامات السبت.
32
و الناس تعجبوا من التعليم تاعو, على خاطر كلامو كانت فيه قوة و سلطان.
33
و كان في المجمع راجل ساكنو جن, عيط بصوت عالى
34
و قال: "اه! واش كاين بينّا و بينك يا يسوع الناصري؟ جيت باه تقضي علينا! انا نعرفك مليح شكون انت: انت القدوس تاع الله!".
35
نهرو يسوع و قالو: "اسكت! و اخرج منو!". صرعو الجن و طيحو في لوسط و خرج منو و ما ضرو حتى بشيء.
36
و هاذوك الناس الكل حاروا, و كانوا يقولوا في بعضاهم: "وش هاذا لكلام؟ عندو قوة و سلطان يامر على الجنون تخرج!".
37
و شاعوا لخبار عليه في هاذيك الجوايه كاملة. نسيبة بطرس تبرى هي و اخرين
38
و كي خرج من المجمع راح لدار سمعان. و كانت نسيبتو مريضة حكمتها سخانة كبيرة, كي طلبوا منو يشفاها.
39
قرب لها و نهر السخانة تناحت لها! و ثم ثم وقفت و بدات تخدم فيهم.
40
و كي بدات الشمس تغرب, جميع اللي عندهم ناس مرضى بامراض مختلفة جابوهم ليسوع, و حط يديه على كل واحد فيهم و رتّحهم.
41
و كانت الجنون ثاني تخرج من ناس ياسر مسكونين و هي تعيط و تقول: "انت المسيح ابن الله!". و اما هو نهرهم ما خلاهمش يهدروا, على خاطر عرفوه باللي هو المسيح.
42
و كي طلع النهار خرج من الدار و راح لمكان خالي, و كانوا الناس يحوسوا عليه. و كي لقاوه حكموه و ما خلاوهش يروح و يخليهم.
43
قال لهم: "لازم عليا نبشر المدن الاخرى حتى همّا بالملكوت تاع الله, على خاطر هاذا هو الشيء اللي جيت على جالو".
44
و راح يبشر في لمجامع تاع الجليل.
Chapter 5
1
و كي كان الغاشي داير بيه باه يسمعوا كلمة الله, كان واقف وين البحيرة تاع جنيسارت.
2
و شاف زوز فلايك راسيين, و الصيادة هبطوا منهم و غسلوا الشبكة تاعهم.
3
طلع في فلوكة منهم و كانت تاع سمعان, و طلب منو يبعد شوية على البر. و من بعد قعد و بدا يعلم في الناس من لفلوكة.
4
و كي كمل كلامو قال لسمعان: "بعد للعمق و انصبوا الشبكة و صيدوا".
5
قال لو سمعان: "يا معلم, تعبنا ليلة كاملة و ما صيدنا والو. بالصح على كلمتك نرمي الشبكة".
6
و كي جبدوا الشبكة لقاوها معمرة بالحوت, حتى قربت تتقطع.
7
ولاو عيطوا على صحابهم في لفلوكة لخرى باه يجيو و يعاونوهم. و جاو و عباو لفلايك في زوز حتى قربوا يغرقوا.
8
و كي شاف سمعان بطرس الشيء اللي صرى سجد على ركايبوا قدام يسوع و قال: "اخرج من لفولكة تاعي يا ربي, على خاطر انا واحد مذنب!".
9
و هو و جميع اللي كانوا معاه حايرين في الحوت اللي صيدوه.
10
و حتى يعقوب و يوحنا بن زبدي اللي كانوا شركاء مع سمعان. قال يسوع لسمعان: "ما تخافش! من اليوم و روح تولى تصيد الناس!".
11
و كي وصلوا باللفلايك في زوز للبر خلاو كل شيء و تبعوه. واحد عندو لبرص يبرى
12
و كان في واحد لمدينة من المدن, و كان واحد الراجل معمر بالبرص. كي شاف يسوع سجد ليه و حط وجهو على لرض و طلب منو و قال: "يا سيدي, كان تحب تقدر ترتحني".
13
مد يسوع يدو و مسو وقال: "نحب, كون طاهر!". و في ساع راح عليه البرص.
14
و وصاه باه ما يخبر حتى واحد, و قال: "روح وري روحك للكاهن, و صدق الشيء اللي قال عليه موسى في الشرع باه تشهد عليهم".
15
و شاعت عليه لخبار اكثر. و تلموا عليه ناس ياسر باه يسمعوا و يبراو من الامراض اللي فيهم.
16
و اما هو كان يروح يقعد في لخلى وحدو و يصلي. واحد مشلول يرتاح
17
و في واحد النهار كان يعلم, و كانوا الفريسيين و المعلمين تاع الشرع قاعدين يسمعوا فيه و كانوا جاو من كل قرية من الجليل و من اليهودية و من اورشليم. و كانت قوة الله تشفيهم.
18
شوية جاو جماعة هازين واحد على الفراش و كان معوق, و كانوا حابين يدخلوا بيه و يحطوه قدام يسوع.
19
و كي ما لقاوش كيفاه يدخلوا بيه على خاطر كان غاشي ياسر, طلعوا للسطح ونحاو الياجور و هبطوه بالفراش تاعو بالحبال في الوسط قدام يسوع.
20
و كي شاف الايمان تاعهم قال للراجل: "يا راجل مغفورة ليك ذنوبك".
21
اما الكتبة و الفريسيين بداو يخمموا ويقولوا: "شكون هاذا اللي راه يهدر بهاذا لكلام تاع الكفر؟ شكون يقدر يغفر الذنوب من غير الله وحده؟".
22
عرف يسوع واش قاعدين يخمموا, و قال لهم: "علاش تخمموا هكا في قلوبكم؟
23
اما اسهل: كي نقول: مغفورة ليك ذنوبك, و الا كي نقول: هز فراشك و امش؟
24
بالصح باه تعرفوا باللي لابن الانسان سلطان على الارض باه يغفر الذنوب". و قال للراجل المعوق: "نقول لك: اوقف وهز فراشك و روح لدارك!".
25
و في ساع وقف قدامهم الكل, و هز فراشو اللي كان راقد عليه, و راح روّح لدارو و هو يحمد في الله.
26
و الناس الكل حكمتهم الدهشة و حمدوا الله, و خافوا خوف كبير و قالوا: "اليوم شفنا لعجب!". المسيح يستدعي لاوي
27
و من بعد ما صرى هاذا الشيء خرج من لثمة و شاف واحد السمسار اسمو لاوي قاعد يخدم في لمكان اللي يلموا فيه المكس, و قالو: "تبعني".
28
ولى خلى كل شيء و راح وراه.
29
و ضيفوا لاوي عندو في الدار و فرح بيه. و الناس اللي كانوا قاعدين معاه جماعة كبيرة من السماسرة و اخرين.
30
و الكتبة و الفريسيين كي شافوا هاذا الشيء تغشوا على التلامذة و قالولهم: "علاه تاكلوا و تشربوا مع السمسارة و المذنبين؟".
31
جاوبهم يسوع و قال لهم: "الناس الصحاح ما يحتاجوش ل طبيب, بالصح المرضى همّا اللي يحتاجوا ل طبيب.
32
ما جيتش باه ننادي الناس لبرار بالصح باه ننادي المذنبين يتوبوا". الحوار على الصوم
33
و زادوا قالوا: "علاه التلامذة تاع يوحنا يصوموا و يصلِيوْ و حتى التلامذة تاع الفريسيين ثاني, اما التلامذة تاعك راهم ياكلوا و يشربوا؟".
34
جاوبهم و قال: "تقدروا تصَوموا مالين العرس و لعريس في وسطهم؟
35
بالصح راح تجي ايامات اللي راح يترفع فيها لعريس عليهم, وقتها يصوموا في هاذيك ليام".
36
و قال لهم ثاني واحد لمثل: "واحد ما يرقع كسوة قديمة برقعة جديدة, على خاطر الجديد يقطع لقديم, و لقديم ما تجيش عليه رقعة من قماش جديد.
37
واحد ما يحط الشراب الجديد في قربة قديمة على خاطر الشراب الجديد يشقق القربة لقديمة, تولي القربة تقطع و الشراب يسيح.
38
بالصح يحطوا الشراب الجديد في قربة جديدة, و يستحفظوا عليهم في زوز.
39
و اذا كان واحد شرب من الشراب لقديم ما يحوسش على الجديد, على خاطر يقول: لقديم ابَّن".
Chapter 6
1
و نهار السبت لاخر اللي بعد السبت لول عدى يسوع في وسط الزرَع. و كانوا التلامذة تاعو ينحِيوْ ف السبول و يفركوها بين يديهم و ياكلوا.
2
و كي شافوهم جماعة الفريسيين قالوا لهم: "علاه تديروا هكا هاذا الشيء ما يحلش تديروه نهار السبت؟".
3
رد عليهم يسوع و قال: "و انتوما ما قريتوش على الشيء اللي داروا داود, كي جاع هو واللي كانوا معاه؟
4
كيفاه دخل لبيت الله و كلى من لخبز تاع الزيارة, و زاد مد للناس اللي كانوا معاه همّأ ثاني كلاو, وهاذاك لخبز ما كان يحل غير للكهنة برك".
5
و قال لهم: "ابن الانسان هو ثاني رب السبت". يسوع يرتح واحد نهار السبت
6
و نهار سبت واحد اخر دخل للمجمع و بدى يعلم و كان ثمة واحد الراجل يدو ليمنى مكمشة,
7
و كانوا الكتبة و الفريسيين يعسوا على يسوع باه يشوفوه يشفي نهار السبت و الا لا, باه يلقاو حاجة يحكموها عليه.
8
اما يسوع كان عارف واش راهم يخمموا, و قال للراجل اللي يدو مكمشة: "نوض اوقف ف الوسط". ناض و وقف في النص.
9
و من بعد قال لهم يسوع: "نسقسيكم حاجة: نهار السبت يحل لنا نديروا الخير و الا نديروا الشر؟ نسلكوا نفس والا نقتلوها؟".
10
و من بعد ما خزر فيهم الكل قال للراجل: "مد يدك". و كي مد يدو رجعت صحيحة كيما يدو لخرى.
11
تغشوا عليه الكل و بداو يتشاوروا بيناتهم واش يديروا مع يسوع. يسوع يخاير التلامذة ف ثناش
12
و في هاذيك ليام طلع للجبل باه يصلي. و قعد ليلة كاملة و هو يصلي لله.
13
و كي طلع النهار جاب التلامذة و خاير منهم ثناش ن واحد, اللي سماهم من بعد ثاني "رسل" و همّا:
14
سمعان اللي سماه بطرس و اندراوس خوه. و يعقوب و يوحنا. فيليبس و برتولماوس.
15
متى و توما. يعقوب بن حلفي و سمعان اللي يقولولوا الغيور.
16
و يهوذا خو يعقوب, و يهوذا الاسخريوطي اللي خانو من بعد. بركات و ويلات
17
و هبط معاهم حتى ن وصلوا للسهل, و كان هو و التلامذة الكل و معاهم ناس ياسر من الشعب, من بلاد اليهودية الكل و اورشليم و الشط تاع صور و صيداء, اللي جاو باه يسمعوه واش يعلم و باه يبراو من امراضهم,
18
و الناس اللي معذبين و مسكونين بالجنون. و كانوا يبراو.
19
و الناس طلبوا منو يخليهم يمسوه, على خاطر كانت تخرج منو قوة و ترتح الناس الكل.
20
و هز عينيه للتلامذة و قال لهم: "المساكين يا سعدكم, على خاطر ملكوت الله يكون ليكم.
21
يا اللي اليوم جيعانين, يا سعدكم يجيكم نهار اللي تشبعوا فيه, يا اللي باكيين اليوم, يا سعدكم يجي نهار اللي تضحكوا فيه.
22
يا سعدكم كان الناس كرهوكم, و طردوكم و عايروكم, و بغظوكم كيما العديان على جال ابن الانسان.
23
هاذاك النهار افرحوا وزيدوا, على خاطر اجركم كبير في السماء, هكذا كانوا جدودهم يديروا مع الانبياء.
24
بالصح يا ويلكم يا الاغنياء, على خاطر نلتوا فرحتكم.
25
يا ويلكم يا اللي شبعانين, على خاطر راح تجوعوا, يا ويلكم يا اللي تضحكوا اليوم, على خاطر راح تحزنوا و تبكِيوْ.
26
يا ويلكم اذا الناس الكل ذكروكم بالخير. على خاطر هكا كانوا جدودهم يديروا مع الانبياء المزورين. محبة العديان
27
"بالصح انا نقول لكم يا السامعين: حبوا عديانكم, ديروا الخير في اللي يكرهوكم,
28
باركوا اللي يلعنوكم, صلوا للناس اللي يديروا فيكم الشر.
29
اللي ضربك على خدك زيد لقيلو الخد لاخر, و اللي ادالك برنوسك ما تحكمش عليك ثوبك ثاني.
30
كل من يطلبك اعطيه, و اللي ادالك خليه.
31
و عاملوا الناس بالشيء اللي تحبوا الناس يعاملوكم بيه.
32
كان حبيتوا غير الناس اللي يحبوكم, واش من مزية عندكم؟ حتى المذنبين يحبوا اللي يحبوهم.
33
واذا عملتوا الخير غير في الناس اللي يديروا فيكم الخير, واش من مزية عندكم؟ حتى المذنبين هما ثاني يديروا هكا.
34
و كان تسلفوا برك غير للناس اللي راح يخلصوا. واش من مزية عندكم؟ حتى المذنبين همّا ثاني يسلفوا للمذنيين اللي عارفينهم يخلصوا الدين كامل.
35
حبوا عديانكم, ديروا الخير و حلوا ضيقة المحتاج بلا ما تسناو منو يرجع, هكا يكون اجركم كبير و تكونوا ولاد العالي, اللي ينعم على نكارين الخير و الاشرار.
36
كونوا حتى انتوما رحماء كيما باباكم الرحيم. الحكم على لخرين
37
"ما تطلبوا ما تكونوا مطلوبين. ما تحكموا على حتى واحد باه واحد ما يحكم عليكم. اغفروا يتغفر لبكم.
38
كيما تمدو تلقاو, كيل مليح مدكوك مهزوز فايض تلقاو بين يديكم. على خاطر الميزان اللي توزنوا بيه لغيركم يتوزن بيه ليكم انتم ثاني"
39
و زاد قال لهم هاذا لمثل: "كاش ما كاين اعمى بقدر يقود اعمى كيفو؟ في زوز يطيحوا في حفرة؟
40
التلميذ عمرو ما يكون خير من لمعلم تاعو, بالصح التلميذ اللي يولي كامل يكون كيما المعلم بالذات.
41
علاه تشوف القشة اللي في عين خوك, بالصح اللوحة اللي في عينك ما تفيقش بيها؟
42
كيفاه تقول لخوك: خليني نحيلك القشة اللي في عينك. و انت ما تشوفش اللوحة اللي في عينك انت؟ يا واحد المنافق! خرج الشيء اللي في عينك انت قبل. و من بعد كي تعود تشوف مليح خرج القشة من عين خوك. الشجرة و ثمارها
43
على خاطر ما كانش شجرة صالحة و تجي ثمارها بيثر, و ما كانش شجرة بيثر تجي ثمارها صالحة.
44
على خاطر كل شجرة من ثمارها تتعرف. الشوك عمرو ما يجيب الكرطوس, و العليق عمرو ما يجيب لعنب.
45
الواحد كي يكون ناس ملاح من صندوق قلبو لمليح يخرج الصلاح, اما الخايب من صندوق قلبو الخايب يخرج الشر. على خاطر من مكنون القلب يتكلم اللسان. البنّاية الفاهمين و البنّاية الجُهال
46
"علاه تنادِيو لي: يا ربي, يا ربي. و انتوما ما تديروش الشيء اللي وصيتكم بيه؟
47
كل من يجي عندي و يسمع كلامي و يخدم بيه نقول لكم لشكون يشابه.
48
يشابه لواحد الراجل بنى دار, حفر و غرّقْ و حط الساس على لحجار. نهار اللي جات الشتاء و فاض الواد على هاذيك الدار ما قدرش يزعزعها, على خاطر كان الساس تاعها مبني عل لحجار.
49
اما اللي يسمع كلامي و ما يخدمش بيه, يشابه لواحد بنى دارو بلا ساس, نهار اللي فاض عليها الواد ثم ثم طاحت, و كانت طيحة خايبة!".
Chapter 7
1
و كي كمل كلامو كامل اللي قالو للشعب دخل لكفرناحوم
2
و قايد لمياة عسكري, كان عندو خدّام مريض وصل للموت, و كان عزيز عليه.
3
و كي سمع بيسوع, بعث ليه الناس لكبار تاع ليهود باه يشوفوه يجي ويرتح الراجل اللي يخدم عندو.
4
و كي راحوا ليسوع قالولو: "هو واحد يستاهل تقضيلو حاجتو,
5
على خاطر يحب الامة تاعنا, و هو اللي بنى لنا المجمع".
6
و راح يسوع معاهم. و كي قرب يوصل للدار, بعث لو القايد مع صحابو و قالو: "يا سيدي, بلا ما تَّعب روحك. انا ما نتساهلش تدخل لداري.
7
و على هاذا الشيء ما حطيتش في بالي حتى كان نقدر نجيك نوقف قدامك. بالصح قول برك كلمة يبرى الراجل اللي يخدم عندي.
8
على خاطر انا ثاني عندي شكون فوق مني في المرتبة, و عندي عسكر تحت يدي. اللي نقولو روح يروح و اللي نقولو ارواح! يجي, و اللي نقولو يدير حاجة! يديرها".
9
و كي سمع يسوع هاذا لكلام تعجب فيه, و شاف ف الناس اللي كانوا معاه و قال: "نقول لكم: في اسرائيل كاملة ما لقيتش ايمان كيما هاذا!".
10
و كي رجعوا صحابو للدار لقاو لخدّام برى. ابن ارملة نايين يقوم من الموت
11
و اليوم وغدوة راح يسوع لواحد لمدينة اسمها نايين, و راحوا معاه تلامذة ياسر و غاشي كبير.
12
و كي قرب يوصل للدخلة تاع لمدينة, شافوا جنازة تاع واحد الطفل, امو ما تسعاه كان هو, و كانت ارملة و معاها غاشي كبير من لمدينة.
13
و كي شافها الرب حن علاها, و قال لها: "ما تبكيش".
14
و قدم للنعش و حط يدو عليه, ولاو الناس اللي كانوا هازينو وقفوا. و قال: "يا شاب, نقول ليك قوم من لموت!".
15
ناض الميت و قعد و بدى يهدر, و رجعو لامو.
16
الناس الكل خافوا, و مجدوا الله و قالوا: "قام في وسطنا نبي كبير, و الله تفقد الشعب تاعو".
17
و شاع عليه هاذا لخبر في بلاد اليهودية كاملة و الجوايه الكل اللي دايرين بيها. يسوع و يوحنا المعمدان
18
و راحوا التلامذة تاع يوحنا و خبروه بهاذا الشيء كامل.
19
ولى عيط لزوز من التلامذة تاعو, و بعثهم عند يسوع باه يسقسِيوْه: "انت هو اللي جاي و الا نسناو واحد اخر؟".
20
و كي وصلوا التلامذة عند يسوع و قالوا: "بعثنا ليك يوحنا المعمدان و راه يقولك: انت هو اللي جاي و الا نسناو واحد اخر؟".
21
و في هاذيك الساعة رتّح يسوع ناس ياسر من اللي كانوا مرضى و اللي كانت عندهم علة و اللي كانوا مسكونين بالجنون, و رجع النظر لناس ياسر كانوا عميان.
22
و رد يسوع على تلامذة يوحنا و قال: "روحوا ليوحنا و خبروه بالشيء اللي شفتوه و سمعتوه: العميان يشوفوا, العيّاب يمشيو, و اللي عندهم لبرص يبراو, و الطرُش يسمعوا, و الموتى يقوموا من الموت, و المساكين يسمعوا بشارة الخير.
23
يا سعد اللي ما يغلطش فيّا".
24
و كي راحوا المرسولين تاع يوحنا, بدى يحكي للناس على يوحنا: "كي خرجتوا للصحراء واش كنتوا حابين تشوفوا؟ قصبة يدي فيها الريح؟
25
و الا واش خرجتوا تشوفوا واحد لابس لحرير؟ اللي لابسين لحرير راهم يتنعموا في قصور السلاطين.
26
واش خرجتوا تشوفوا؟ نبي؟ نعم, نقول لكم" و خير حتى من نبي!
27
هاذا هو اللي مكتوب عليه: "انا نرسل الملاك تاعي قبلك باه يوجدلك طريقك قدامك!
28
نقول لكم: من بين كل اللي جابتهم النساء ما كانش اعظم من يوحنا المعمدان, بالصح اصغر واحد في الملكوت تاع الله يكون اعظم منو".
29
و كل الناس كي سمعوا و السمسارة تاع المكس اعطاو حق الله و تعمدوا بالمعمودية تاع يوحنا.
30
اما الفريسيين و علماء الشرع ما قبلوش واش حب لهم الله, و ماتعمدوش على يدو.
31
و من بعد قال لهم الرب: "باه نشبه اولاد هاذا الجيل؟ وش هي الحاجة اللي يشبهولها؟
32
يشابهوا لذراري قاعدين في السوق يعيطوا على بعضاهم و يقولوا: زمرنالكم ما حبيتوش تشطحوا. ندبنالكم ما حبيتوش تبكِيوْ.
33
على خاطر جا يوحنا المعمدان لا يوكل خبز و لا يشرب شراب, قلتوا عليه: ساكنوا جن.
34
جا ابن الانسان ياكل و يشرب, قلتواعليه: هاذا واحد مكراش و سكارجي, و يحب العشارين و المذنبين.
35
و الحكمة تظهر بناسها". يسوع يغفر لمرى زانية
36
و عرضو واحد فريسي باه يجي يتغدى عندو, راحلو للدار و تضيَف عندو.
37
و واحدة لمرى في لمدينة كانت زانية, سمعت باللي يسوع معروض في دار الفريسي, جات و جابت قرعة تاع ريحة,
38
و قعدت عند رجلين يسوع من لورى و هي تبكي و الدموع تطيح على رجلين يسوع, و هي كانت تمسح فيها بشعرها, و كانت تبوس في رجليه و تدهن فيهم بالريحة.
39
و كي شاف الفريسي اللي عرضو واش صرى, قال بينو بين روحو: "لو كان جا هاذا نبي, راو عرف واش تكون هاذي لمرى اللي تمس فيه و واش عاملة! راهي زانية".
40
رد عليه يسوع و قالو: "يا سمعان, عندي حاجة حاب نقولهالك".قال: "يا معلم, قول".
41
"كان و احد الراجل يسال زوز من الناس. واحد يسالو خمسمياة دينار و لوخر يسالو خمسين.
42
و على خاطر ما كانش عندهم باه يخلصوا الدين اللي عليهم سامحهم في زوز. شكون منهم كان يحبو اكثر من لاخر؟"
43
رد عليه سمعان و قال: "نضن اللي سامحو بالدين لكبير". قالو يسوع: "كلامك صواب".
44
و من بعد خزر للمرى و قال لسمعان: "اك تشوف هاذي لمرى؟ انا دخلت لدارك, و انت ما جبتليش لماء باه نغسل رجليا. اما هي غسلت رجليا بالدموع و مسحتهم بشعرها.
45
انت ما سلمتش عليا حتى ببوسة واحدة, اما هي من اللي دخلت و هي تبوس في رجليا.
46
انت ما صبيت حتى قطرة تاع زيت على راسي, اما هي دهنت رجليا بالريحة.
47
على جال هاذا الشيء كامل نقول لك: ذنوبها لكثيرة الكل تغفرت, على خاطر حبت ياسر. و اللي يتغفر لو لقليل يحب قليل".
48
و من بعد قال لها: "ذنوبك مغفورة".
49
و بداو الناس اللي كانوا معاه يقولوا في قلوبهم: "شكون هاذا اللي حتى الذنوب و يغفرها؟".
50
و زاد قال للمرى: "ايمانك سلكك على خير, روحي متهنية".
Chapter 8
1
و من بعدها راح يسوع يدور في كل مدينة و قرية و هو يبشر بالملكوت تاع الله, و كانوا معاه النلامذة في ثناش.
2
و نساء من اللي كان رتحهم من الجنون و من لمرض و همّا: مريم اللي يقولولها المجدلية اللي خرّج منها سبعة شواطن,
3
و يوّنا مرة خوزي لوكيل تاع هيرودس, و سوسنة, و نساء اخرين ياسر كانوا يعاونوا فيه من مالهم. لمثل تاع الزارع و التفسير تاعو
4
و جاو ليه الناس من كل مدينة, و كي تلم الغاشي, كلمهم و قال:
5
"خرج الفلاح يزرع في الزريعة تاعو, و هو يزرع طاحت شوية زريعة على حاشية الطريق عفسوها الناس و كلاتها الطيور,
6
و طاحت شوية زريعة فوق لحجار, نبتت بالصح في ساع يبست على خاطر ما كانش ندى.
7
و طاحت شوية زريعة في وسط الشوك, و كي نبتت نبت معاها الشوك و خنقها.
8
و طاحت زريعة اخرى في التربة الحرة, و كي نبتت طلعت سبول فيه الخير و البراكة مياة مرة قد اللي كان". قال هاذا لكلام و نادى: "اللي عندو وذنين يسمع بيهم غير يسمع!
9
و سقساوه التلامذة و قالوا: "واش بقصد بهاذا لمثل؟".
10
جاوبهم و قال: "انتوما من حقكم تعرفوا لسرار تاع ملكوت الله اما الناس لخرين نهدروا معاهم على هاذي لسرار بالمعاني, على خاطر اذا شافوا ما يميزوش, واذا سمعوا ما يفهموش.
11
و هاذا هو لمعنى تاع لمثل: الزريعة هي كلام الله,
12
و اللي طاح منها على الطريق همّا الناس اللي يسمعوا الكلمة, و من بعد يجي ابليس و ينحي الكلمة من قلوبهم باه ما يامنوا و ما يمنعوا,
13
و اللي على لحجار همّا الناس اللي يسمعوا الكلمة و يقبلوها ويفرحوا بيها, بالصح همّا ما عندهمش ساس, يامنوا وقت قصير, و كي تجيهم المحنة يرجعوا كيما كانوا قبل.
14
و اللي طاح وسط الشوك همّا الناس اللي يسمعوا, و من بعد يروحوا و كي تضيق عليهم هموم الدنيا و المال و اللذات, و ما يجيبوش ثمار.
15
و اللي في لرض الحرة, همّا اللي يسمعوا الكلمة و يحفظوها بقلب طيب و صالح, و يصبروا حتى ن يجيبوا ثمار. لمثل تاع المصباح
16
ما كانش واحد يشعل كانكي و يغطيه بقصعة و الا يحطو تحت السرير, بالصح يتحط الفوق في لمنارة باه اللي يدخل يشوف الضوء.
17
على خاطر ما كانش مستور غير و يتكشف, و لا سر مخبي غير يظهر و يبان.
18
انتوما اتولهوا كيفاه تسمعوا كلام الله, على خاطر اللي عندو يتزاد لو, و اللي ما عندوش حتى اللي كان عندو يتنحالو". اللي يعمل واش يطلب الله
19
و جات ام يسوع و خاوتو عندو, بالصح ما قدروش يوصلو ليه على خاطر كان الغاشي ياسر.
20
ولاو بعثولوا يقولوا: "امك و خاوتك لبرى, حابين يشوفوك".
21
جاوبهم و قال: "امي و خاوتي همّا اللي يسمعوا كلام الله, و يطيعوه". يسوع يهدي الريح القاوية
22
و في واحد النهار ركب في فلوكة هو و التلامذة تاعو, و قالهم: "هيا نقطعوا للجيهة لخرى تاع البحر". قلعوا بالفلوكة.
23
و كي كانوا في نص لبحر رقد. و هبت ريح و صبت نو قاوية على لبحر, و تعمرت لفلوكة بالماء حتى قرّْبوا يغرقوا.
24
راحوا عند يسوع و نوضوه و قالوا: "يا معلم, يا معلم, رانا نغرقوا!". ناض و نهر الريح و لمواج العالية, و رجع كل شيء كيما كان و هدات الحالة.
25
و من بعد قال لهم: "وين راح الايمان تاعكم؟". خافوا و تعجبوا و قالوا بيناهم: "شكون هو هاذا؟ يامر حتى على الريح و لمواج و يطيعوه!". واحد الراجل مسكون بالجنون يبرى
26
و راحوا لبلاد الجدريين لمقابلة للجليل.
27
و كي نزل على الشط عرضلو واحد الراجل من لمدينة و كان مسكون بالجنون عندو مدة طويلة, و كان عريان هامل ف لخلى, ديما قاعد في الجبانة بين لقبورة.
28
و كي شاف يسوع بدى يعيط و سجد على لرض, و قال بصوت عالى: "واش كاين بيني و بينك يا يسوع ابن الله العالي؟ نطلب منك ما تعذبنيش!".
29
وامر يسوع الجن باه يخرج من الراجل. على خاطر كان مسيطر عليه مدة طويلة, و حتى كي كانوا يربطوه بالسلاسل و يكتفوه, كان ديما يقطع السلاسل و هاذاك الجن يديه للخلى.
30
و سقساه يسوع: "واش اسمك؟". جاوب و قال: "لجيون". على خاطر كان فيه جنون ياسر.
31
و طلب منو باه ما يبعثهمش للهاوية.
32
و كان قطيع كبير تاع حلالف يسرح ثمة ف الجبل, و هاذوك الجنون طلبوا من يسوع يخليهم يدخلوا في لحلالف,
33
و كي خلاهم. و خرجوا الجنون من الراجل و دخلوا في لحلالف, اللي راحو يجرِيو و طاحوا من راس الجرف للبحر و غرقوا.
34
و الناس اللي كانوا سارحين بيهم كي شافوا الشيء اللي صرى راحوا يجريو للمدينة و للدواور لقريبة و خبروهم يكل شيء,
35
و الناس الكل خرجوا باه يشوفوا. و كي وصلوا عند يسوع لقَاوْ الراجل اللي كان مسكون بالجنون لابس و في عقلوا لاباس عليه, قاعد عند رجلين يسوع, و كي شافوا هاذا الشيء خافوا.
36
و اللي كانوا حاضرين حكاو كيفاه يسوع سلك المجنون.
37
و الناس الكل تاع بلاد الجدريين قالوا ليسوع يخرج من بلادهم على خاطر خافوا خوف كبير. ولى ركب ف لفلوكة و رجع منين جاء.
38
اما الراجل اللي خرجوا منوا الجنون طلب من يسوع باه يخليه يبقى معاه, بالصح يسوع ما خلاهش و قالو:
39
"ارجع لدارك و احكي على الشيء اللي عملو الله معاك". ولى راح و هو ينادي في لمدينة الكل يالشيء اللي دارو معاه يسوع. بنت يايرس تقوم من الموت و لمرى النازفة ترتاح
40
وكي رجع يسوع عرضولوا الناس على خاطر الكل كانوا يسناو فيه.
41
و كان واحد الراجل اسمو يايرس و هو رايس المجمع , جا ليسوع و طاح عند رجليه و حاولو باه يروح معاه للدار تاعو,
42
على خاطر كانت عندو طفلة واحدة عمرها قريب ثناش سنة, و كانت في الموت. و كي كان يسوع رايح معاه بداو الناس يحصروا فيه.
43
و كانت واحدة لمرى عندها ثناش سنة و هي مريضة عندها نزيف تاع دم, و ما خلات حتى طبيب صرفت مالها الكل و ما ارتاحتش,
44
جات من ورى يسوع و مست الحاشية تاع الجبة تاعو. و في هاذاك الوقت بالذات حبس عليها الدم.
45
نطق يسوع و قال: "شكون مسني؟". الناس الكل نكروا, ولى قالو بطرس و اللي معاه: "يا معلم الناس راهم يحصروا فيك و يتزاحموا, و تقول: شكون مسني؟".
46
رد يسوع و قال: "كاين واحد مسني, على خاطر حسيت بقوة خرجت مني".
47
و كي شافت لمرى باللي تكشفت, جات و هي تترعد م سجدت ليه, و خبراتو قدام الناس الكل على السبة اللي خلاتها تمسو, و كيفاه ارتاحت في ساع.
48
قال لها: "يا بنتي , ايمانك شفاك, روحي متهنية".
49
و هو مازال يهدر, جا واحد من دار يايرس رايس المجمع و قال: "بنتك ماتت. ما كان لاه تتعب المعلم".
50
و كي سمعو يسوع قال: "ما تخافش! امن برك, بنتك تبرى".
51
و كي وصل للدار ما خلى حتى واحد يدخل معاه غير بطرس و يعقوب و يوحنا, و ام الطفلة و باباها.
52
كانوا الناس يبكيو و يندبوا عليها. قال لهم: "ما تبكِيوْش. ما ماتتش اي راقدة برك".
53
ولاو يستهزاو بيه, على خاطر على بالهم باللي ماتت.
54
و خرجهم الكل. و حكمها من يدها و قال لها: "يا طفلة, نوضي!".
55
و ثم ثم رجعت روحها و حيات في ساع. قال لهم يجيبولها تاكل.
56
و حاورا والداها في الشيء اللي صرى. و وصاهم يسوع باه ما يقولوا لحتى واحد.
Chapter 9
1
و عيط على التلامذة تاعو في ثناش, و مدلهم قوة و سلطان على جميع الشواطن و على الامراض,
2
و بعثهم يبشروا بالملكوت تاع الله و باه يرتحوا الناس المرضى.
3
و قال لهم: "ما تهزوا معاكم حتى شيء و انتم رايحين: لا عصا لا مزود و لا خبز و لا دراهم, و كل واحد فيكم يروح غير بقشو اللي لابسو ما نهزوش معاكم تبديلة.
4
و الدار اللي تدخلوها ابقاوْ فيها حتى تكملوا و تخرجوا.
5
و اذا كان ما قبلوكمش في مدينة اخرجوا منها, و حتى لغبار اللي في صبابتكم انفضوه باه يشهد عليهم".
6
و كي راحوا كانوا يعدِيوْ على كل قرية و همّا يبشروا و يشفِيوْ الناس في كل مكان. حيرة هيرودس
7
و سمع الوالي هيرودس بالشيء اللي صرى الكل و دخل في بعضاه, على خاطر كاين اللي قالوا: "هاذا ما يكون غير يوحنا حيى من بين الموتى".
8
و اخرين قالوا: "هاذا ايليا ظهر". و اخرين قالوا: "هاذا نبي من الانبياء لقدم حيى من بين الموتى".
9
قال هيرودس: "يوحنا انا طيرت لو راسو. شكون هاذا اللي قاعد نسمع عليه هاذا الشيء كامل؟. و كان حاب يشوفو.يسوع يشبع خمسة الاف راجل
10
وكي رجعوا الرسل عند يسوع خبروه بالشيء كامل اللي داروه, اداهم وحدهم على جيهة في مكان خالي في مدينة بيت صيدا.
11
و كي سمعوا بيه الناس تبعوه, و هو استقبلهم و كلمهم على الملكوت تاع الله, و اللي كانوا محتاجين للشفاء رتحهم.
12
و كي بدى يروح النهار. جاوه التلامذة الثناش و قالوا: "صرف الغاشي يروحوا للقرى و الدواور القريبة يباتوا و يلقاو ما ياكلوا, على خاطر رانا في لخلى و ما كاين والو".
13
قال لهم: "اعطوهم انتوما ياكلوا". قالوا: "ما عندنا كان خمسة خبزات و زوز حوتات, غير كان رحنا شرينا ماكلة لهاذا الشعب الكل".
14
على خاطر كانوا قريب خمسة الاف راجل. قال للتلامذة :"قعدوهم و فرقوهم كل جماعة فيها خمسين خمسين".
15
داروا كيما قال لهم, و قعدوا الناس الكل.
16
حكم يسوع الخمسة خبزات و الزوز حوتات, و هز عينيه للسماء و باركهم و قسمهم و اعطي للتلامذة باه يفرقوهم على الناس.
17
كلهم كلاو و شبعوا. و زادوا لموا الشيء اللي فضال عليهم من الكسور اثناش ن قفة. بطرس يستعرف بالمسيح
18
و كان يصلي وحدو كانوا التلامذة معاه. سقساهم و قال: "واش يقولوا الناس عليّا شكون انا؟".
19
قالوا: "كاين وحايد يقولوا يوحنا المعمدان. و اخرين يقولوا: ايليا. و اخرين يقولوا: نبي من الانبياء لقدم حيا من بين الموتى".
20
قال لهم: " وانتوما واش تقولوا شكون انا؟" رد عليه بطرس و قال: "انت المسيح تاع الله!".
21
وصّاهم مليح و حرص عليهم باه ما يقولوا هاذا الشيء حتى لواحد,
22
و قال: "لازم بن الانسان يتعذب ياسر, و يرفضوه الشيوخ و رياس الكهنة و الكتبة, و يتقتل, و في ثالث يوم يقوم من بين الموتى".
23
و كلم الناس الكل و قال لهم: "اذا كان و احد حاب يتبعني, ينكر روحو و يهز الصليب تاعو فوق كتفو كل يوم, و يمشي ورايا.
24
اللي يحب يمنّع روحو يفناها, بالصح اللي يفني روحو على جالي هاذاك يمنّعها.
25
على خاطر واش ينال الواحد اذا ربّح العالم كامل و خسر و الا هلك روحو؟
26
على خاطر اللي يحشم بيّا و بكلامي, ابن الانسان ثاني يحشم بيه نهار اللي يجي في المجد تاعو و المجد تاع الاب و الملايكة القديسين.
27
نقول لكم الحق: كاين ناس هنا بيناتكم ما يذوقوش الموت حتى ن يشوفوا الملكوت تاع الله". التجلي
28
و بعد هاذا لكلام بثمانية ايام قريب, دا معاه بطرس و يعقوب و يوحنا و طلع للجبل باه يصلي.
29
و كي كان قاعد يصلي. تبدلت الهيئة تاع وجهو, و ولّى قشو ابيض و يلمع.
30
و زوز رجال يهدروا معاه, و هما موسى و ايليا,
31
اللي ظهروا بمجد, و كانوا يهدروا على الموت تاعو اللي رايح يكملو في اورشليم.
32
اما بطرس و اللي معاه كان ثقل عليهم النوم. و كي فاقوا شافوه في المجد تاعو و شافوا الرجال في زوز اللي كانوا واقفين معاه.
33
و في الوقت اللي جاو باه يفارقوه قال بطرس ليسوع "يا معلم, مليح نقعدوا هنا. و ننصبوا ثلاثة خيم: واحدة ليك, و واحدة لموسى, و واحدة لايليا". و ما كانش علابالو بروحو واش يقول.
34
و هو مازال يهدر جات سحابة و غطاتهم. و كي دخلوا في السحابة خافوا.
35
و جا صوت من السحابة يقول: "هاذا هو ابني لحبيب, اسمعوا ليه".
36
و بعدما تكلم الصوت لقاو يسوع وحدو, اما هما سكتوا و ما قالوا حتى لواحد في هاذيك ليام على الشيء اللي شافوه. شاب ساكنو جن ينال الشفاء
37
اليوم وغدوة هبطوا من الجبل, و عرضوا لو غاشي كبير.
38
و واحد من الناس بدى يعيط و يقول: "يا معلم, نطلب منك. شوف لوليدي, ما عندي غير هو.
39
و كي يضربو الجن يبدى يعيط وحدو, يصرعو و يخليه يصكك في لرض, و ما يجي يسَيبو كان يرضرضو ما يخلي فيه والو.
40
و قلت للتلامذة تاعك باه يخرجوه منو و ما قدروش".
41
جاوب و قال: "يا واحد الجيل لمعوج اللي بلا ايمان حتى لوقتاه نقعد معاكم و نستحملكم؟ جيب وليدك هنا!".
42
و هو جايبو ضربو الشيطان وصرعو. نهر يسوع الروح المنجوس. و ارتاح الشاب و رجعوا لباباه.
43
الناس لكل حاروا ف القدرة تاع الله. و كي كانوا الناس الكل مستغربين من الشيء اللي دارو يسوع كامل, قال للتلامذة:
44
"حلوا وذنيكم و اسمعوا انتوما هاذا لكلام مليح: ابن الانسان راح يسلموه للناس".
45
اما هما ما فهموش هاذا الكلام, و كان مخبي عليهم باه ما يفهموش, و خافوا لا يسقسيوه عليه. شكون هو الاعظم فيهم؟
46
و بدات تدور في روسهم فكرة على شكون زعمة منهم اللي عندو شان كبير؟
47
و علم يسوع واش قاعدين يخمموا, ولى جاب واحد الطفل صغير و وقفو في الوسط,
48
و قال لهم: "اللي يقبل هاذا الطفل باسمي يقبلني انا, و اللي قبلني يقبل اللي بعثني, على خاطر اصغر واحد فيكم هو اللي يكون شانو كبير".
49
قال يوحنا: "يا معلم, لقينا واحد يخرج في الشواطن باسمك بالصح ما خليناهش, على خاطر ماهوش واحد منّا".
50
قالو يسوع: "ما تحَرموش عليه, على خاطر اللي ماهوش علينا يسمى معانا". قرية السامرة ترفض يسوع
51
و كي وصل الوقت اللي راح يترفع فيه للسماء قرر باه يروح لاورشليم,
52
و بعث رسل قدامو, كي راحوا و دخلوا للقرية تاع السامريين باه يوجدولو مكان يقعد فيه.
53
ما حبوش اهل السامرة يقبلوا على خاطر كان راح يروح لاورشليم.
54
و كي شافوا كيما هكا قالوا لو التلامذة تاعو, يعقوب و يوحنا: "يا رب تحب نهبطوا عليهم نار من السماء تفنيهم, كيما دار ايليا؟".
55
تلفت لهم و بخسهم و قال لهم: "ما تعرفوش نتوما من واش من روح!
56
على خاطر ابن الانسان ما جاش باه يقتل, بالصح جا باه يسلك". ولاو خرجوا من قرية السامرة و راحوا لقرية اخرى. الثمن باه واحد يتبع يسوع
57
و كي كانوا ماشيين في الطريق قالو واحد منهم: "يا سيدي, انا نتبعك وين تروح نروح".
58
جاوبو يسوع: "الثعالب عندها مغاغر, و لفراخ عندها لعشاش, اما ابن الانسان ما عندوش حتى وين يتكي راسو".
59
و قال لواحد اخر: "تبعني". رد عليه وقال: "يا سيدي, سامحني نروح قبل ندفن بابا و نجي نتبعك".
60
جاوبو يسوع وقال: "خلي الموتى يدفوا الموتى, اما انت روح و نادي بالملكوت تاع الله".
61
و واحد اخر قال: "نتبعك يا سيدي, بالصح خليني نروح نبقي اماليّا على خير و نجي".
62
رد عليه يسوع و قال: "ما كانش واحد كي يحط يدو على المحراث و يتلفت وراه يصلح للملكوت تاع الله".
Chapter 10
1
و من بعد زاد خاير الرب سبعين واحد اخرين, و بعثهم زوز بزوز باه يروحوا يسبقوه لكل مدينة و كل مضرب ناوي يروح ليه.
2
و قال لهم: "الصابة ياسر, و الحصادة قلال. اطلبوا من رب لحصاد باه يبعث حصّادة للصابة تاعو".
3
روحوا! انا نبعثكم كيما خرفان وسط الذيابة.
4
لا تهزوا شكارة و لا مزود و لا سباط زايد و لا تسلموا على واحد في الطريق.
5
و اي دار تدخلوا ليها قولوا قبل: السلام لهاذا الدار.
6
و اذا كان فيه ابن سلام السلام تاعكم يخيم عليه, و اذا ما كانش يرجع سلامكم ليكم.
7
و اقعدوا في هاذاك الدار ماكلين شاربين من الشيء اللي عندهم, على خاطر الخدّام يستاهل الاجرة تاعو. ما تبقاوش تدوروا من دار لدار.
8
و اي مدينة تدخلوها و يقبلوكم فيها, كولوا من الشيء اللي يمدولكم,
9
و اشفوا المرضى اللي فيها, و قولوا لهم: او قرّب منكم الملكوت تاع الله.
10
و اي مدينة تدخلوها و ما يقبلوكمش, اخرجوا لشوارع تاعها و قولوا:
11
حتى لغبار اللي لصق في رجلينا من مدينتكم ننفضوه. بالصح اعرفوا هاذا الشيء: او الملكوت تاع الله قَرّب منكم.
12
و نقول لكم: في هاذاك اليوم راح تكون حالة سدوم و عمورة خير من حالة هاذيك لمدينة.
13
"يا ويلك يا كورزين! يا ويلك يا بيت صيدا! على خاطر لو كان داروا في صور و في صيداء المعجزات اللي داروها فيكم, راهم تابوا بكري و قعدوا فوق الرماد و لبسوا الخيشة.
14
بالصح صور و صيداء تكون حالتهم نهار لاخرة خير من حالتكم.
15
و انت يا كفرناحوم الطالعة في السماء! راح تهبطي للهاوية.
16
اللي يسمع منكم يسمع مني, و اللي يكرهكم يكرهني, و اللي يكرهني يكره اللي بعثني".
17
و كي رجعوا التلامذة السبعين رجعوا و هما فرحانين و قالوا: "يا رب, حتى الشواطن تطيع امرنا بأسمك!".
18
قال لهم: "شفت الشيطان طايح من السماء كيما لبَرق.
19
نعطيكم سلطان تعفسوا على الحنوشة و لعقارب و كل قوة العدو, و شيء ما يضركم.
20
بالصح مش بهاذا الشيء تفرحوا: باللي الجنون تخضع لكم, بالصح افرحوا باللي اساميكم تكتبت في السماوات".
21
و في هاذيك الساعة فرح يسوع بالروح القدس و قال: "نحمدك يا الاب, رب السماء و لرض, على خاطر حجبت هاذي الامور على الحكماء و الفهماء و كشفتها للصغار. نعم يا الاب, على خاطر هاكذا تكون رضايتك".
22
و تلفت للتلامذة و قال لهم: "كل شيء جاني من عند بابا. واحد ما يعرف شكون هو الابن غير الاب, و واحد ما يعرف شكون هو الاب غير الابن, و اللي حب الابن يكشفلو عليه".
23
و تلفت للتلامذة تاعو و قال لهم وحدهم: "يا سعد العينين اللي يشوفوا واش راكم تشوفوا!
24
على خاطر نقول لكم: انبياء و ملوك ياسر حبوا يشوفوا الشيء اللي انتوما شفتوه و ما شافوش, و حبوا يسمعوا الشيء اللي انتوما سمعتوه وما سمعوش". لمثل تاع السامري الصالح
25
و وقف واحد من العلماء تاع الشريعة حب يجربو و قالو: "يا معلم, واش ندير باه نورث لحياة الدايمة؟".
26
رد عليه يسوع وقال: "واش مكتوب في الشريعة. كيفاه تفسرو؟".
27
جاوب و قال: "تحب الرب الهك من كل قلبك و من كل جوارحك, و من كل القدرة تاعك, ومن كل الفكر تاعك, و تحب قريبك كيما ذاتك".
28
قال يسوع: "هاذا هو الصواب. اعمل هاذا الشيء تحيا".
29
اما هوعلى خاطر حاب ينجي روحو, قال ليسوع: "وشكون هو قريبي؟".
30
رد عليه يسوع و قال: "كان واحد الراجل هابط من اورشليم رايح لاريحا, شوية طاحو بيه سرارقة, عروه, و ضربوه, و هربوا و خلاوه بين الحياة و الموت.
31
و كان واحد الكاهن معدي من هاذيك الطريق, و كي شافو عدى عليه و خلاه.
32
و زاد عدى واحد لاوي من ثمة, و كي وصل بحذاه شافو و عدى عليه و خلاه.
33
و كان واحد السامري من السامرة مسافر كي شافو, جا يجري و حن عليه,
34
قدملو و مسح لو لجراح تاعو, و صب عليها زيت و خمر و ركبو فوق لبهيم تاعو, و داه للفندق و تهلى فيه.
35
و غدوة كي جا رايح جبد زوز دينار و اعطاهم لمولى الفندق, و وصاه عليه و قالو: استحفظ بيه, و اي حاجة تصرفها كي نجي نخلصك.
36
بين هاذوك في ثلاثة شكون منهم ولى يقرب لهاذاك اللي طاح في يد السرارقة؟".
37
قال: "اللي دار معاه الرحمة". قالو يسوع: "روح انت ثاني و اعمل هكّا". يسوع في دار مريم و مرثا
38
و همّا ماشيين دخل لواحد القرية, عَرضاتو واحدة لمرى اسمها مريم لدارها.
39
و كانت عندها اختها اسمها مريم, جات قعدت عند رجلين يسوع و بقات تسمع فيه واش يقول.
40
اما مرثا كانت مقلقة عندها خدمة ياسر. وقفت و قالت: "يا رب, ما تولهتيش باللي اختي خلاتني نخدم وحدي؟ قول لها توقف تعاونني!".
41
رد عليها يسوع وقال: "ا مرثا, ا مرثا, انت تخممي و تقلقي على امور ياسر,
42
بالصح الحاجة غير لواحد برك. و مريم خايرت النصيب الي يصلح و اللي واحد ما ينحيه".
Chapter 11
1
و كان يصلي في واحد المضرب, و كي كمّل, سقساه واحد من التلامذة: "يا رب علمنا نصليو احنا ثاني كيما علم يوحنا التلامذة تاعو".
2
قال لهم: "كي تصليو قولوا: بابانا اللي في السماوات, يتقدس اسمك, يجي ملكوتك, تتحقق الرغبة تاعك في لرض كيما راهي في السماء.
3
ارزقنا خبزنا اللي يكفينا تاع كل نهار, و اغفر لنا ذنوبنا كيما نغفروا احنا للناس اللي يظلمونا,
4
و ما دخلناش في محنة و نجبنا من الشيطان".
5
و زاد قال لهم: "شكون فيكم اللي عندو صاحب, و يجيه نص ليل, و يقولو يا صاحيبي, سلفني ثلاثة خبزات,
6
على خاطر جاني واحد صاحبي كان مسافر, و ما عنديش واش نحطلو.
7
يرد هاذاك اللي لداخل و يقول: ما تقلقنيش! اني قفلت الباب و انا راقد مع اولادي في لفراش. ما نقدرش نوقف و نمدلك.
8
نقول لكم: اذا كان ما يونضش و يعطيه على خاطر هو صحيبو, ينوض و يعطيه واش يستحق على خاطر بقى يطبطب عليه.
9
و نقول لكم: ادعِيو تنالوا, اطلبوا تلقاو, طبطبوا يفتح عليكم.
10
على خاطر كل من يدعي ينال, و كل من يطلب يلقى, و كل من يطبطب يفتح عليه.
11
شكون منكم كي يكون عندو ولدو, يطلب منو خبز, يعطيه حجرة؟ والا يطلب منو حوتة, يعطيه افعى؟
12
و اذا طلبوا في حبة بيض, يعطيه عقرب؟
13
اذا كنتوا انتم الاشرار تعرفوا تمدوا لاولادكم الحاجة لمليحة, كيفاه مالا الاب اللي في السماء, مش راح يمد الروح القدس للناس اللي يطلبوه منو؟". يسوع و رايس الشواطن بعلزبول
14
و كان يسوع يخرج في جن من واحد بكوش, و كي خرج الجن تكلم البكوش, و تعجبت الناس من هاذا الشيء.
15
بالصح كاين جماعة اللي قالوا: "او يسوع يخرج فالجنون بالملك تاع الجنون بعلزبول".
16
و اخرين كي حبوا يجربوه طلبوا منو يدير لهم اية من السماء.
17
عرف واش قاعدين يخمموا, و قال لهم: "كل مملكة تتقسم على ذاتها تكون اخرتها لخراب, و تطيح دار بدار.
18
اذا كان الشيطان يتقسم على ذاتو, كيفاه تثبت المملكة تاعو؟ على خاطر تقولوا: اني نخرج فالجنون ببعزبزل.
19
اذا كنت انا نخرج في الجنون بالملك تاع الجنون, اولادكم بشكون يخرجوهم؟ على هاذيك همّا اللي راح يحكموا عليكم!
20
بالصح اذا كنت انا نخرج فالجنون بإذن الله, يسمى دهم عليكم الملكوت تاع الله.
21
وقت اللي القاوي يحامي على دارو و هو مسلح, كانت اموالو في امان.
22
بالصح كي جا اللي اقوى منو و غلبو, و نحالو سلاحو كامل اللي كان معول عليه, و فرقلو الاموال تاعو.
23
اللي ما هوش معايا راه عليّا, و اللي ما يلمش معايا راه يفرق.
24
و كي يخرج الروح المنجوس من الانسان, يروح يهوم في القفار يحوس على الراحة, و كي ما يلقاش يقول: نرجع لداري اللي خرجت منها.
25
يجي يلقاها مكنوسة و مزينة.
26
يروح يجيب سبعة ارواح اخرى اشر منو, و يدخل و يسكن لثم, و تولي لاخرة تاع هاذاك الانسان اشر من اللي كانت المرة لولى!".
27
و كي كان يهدر في هاذا لكلام, واحدة لمرى رفعت صوتها من وسط الغاشي وقالت لو: "يا سعد الكرش اللي هزاتك, و الصدر اللي رضّعك".
28
اما هو قال لها: "يا سعد الناس اللي يسمعوا لكلام تاع الله و يطيعوه". الاية تاع يونان
29
و كي كان الغاشي يدز في بعضاه, قال لهم: "هاذا الجيل الفاسد, يطلب في اية, بالصح ما يشوف حتى اية غير الاية تاع يونان النبي.
30
على خاطر كيما كان يونان اية لناس نينوى, هكا يكون ابن الانسان اية ثاني للجيل هاذا.
31
و الملكة تاع التيمن راح توقف نهار القيامة مع رجال هاذا الجيل و تحكم عليكم, على خاطر جات من اخر الدنيا باه تسمع الحكمة تاع سليمان, وهنا اليوم قدامكم اللي هو اعظم من سليمان!
32
و الرجال تاع نينوى يوقفوا نهار القيامة مع هاذا الجيل و يحكموا عليه, على خاطر كي حذرهم يونان تابوا, و هنا اليوم قدامكم اللي هو اعظم من يونان! العين هي الضوء تاع لبدن
33
ما كانش واحد يشعل كانكي و يخبيه, و الا يحطو تحت السرير, بالصح يحطو الفوق وين لمنارة, باه اللي يدخل يشوف الضوء.
34
الضوء تاع لبدن هو العين, اذا كانت عينك بسيطة يكون جسمك كامل منور,
35
و اذا كانت عينك مشرارة يكون بدنك كامل اظلم. اتوله باه ما يكونش الضوء اللي فيك ظلام.
36
اذا كان لبدن تاعك كامل منور ما يكونش فيه طرف اظلم, يكون كلو منور, كيما كي يضوي الكانكي بالضوء اللي فيه". يسوع يبخس الكهنة و الفريسيين
37
و هو مازال يهدر جاء واحد فريسي و عرضو باه يتغدى عندو, راح معاه و كي دخل و قعد.
38
تعجب منو الفريسي كي شافو بالي ما غسلش قبل ما يتغدى.
39
قال لو الرب: "انتم الفريسيين تنظفوا الكاس و القصعة من برى و اما قلوبكم معمرة بالسرقة و لخبث.
40
يا جهّال, هاذا اللي صنع من برى مش هو اللي صنع الداخل ثاني؟
41
صدقوا الشيء اللي عندكم, و هكا يكون كل شيء نظيف.
42
بالصح يا ويلكم يا الفرسيين! على خاطر تمدوا لعشور تاع النعناع و الثبش و لحبوب الكل, و تتعداو على الحق و محبة الله. لو كان عملتوا هاذي و ما خليتوش هاذيك.
43
يا ويلكم يا الفريسيين! على خاطر تحبوا تقعدوا انتوما لوالى في المجامع, و تحبوا التسلام ف لسواق.
44
يا ويلكم يا الكتبة و الفريسيين المنافقين! على خاطر انتما كيما لقبورة لمخبية. و اللي يمشيو فوقها ما علابهمش باللي قبر!".
45
رد عليه واحد من علماء الشريعة وقالو: "يا معلم, كي قلت هكا راك طيحت فينا احنا ثاني!".
46
قال يسوع: "يا ويلكم يا علماء الشريعة! على خاطر تحطوا احمال ثقيلة على ظهور الناس اما انتم ما تمسوهاش حتى لو كان بطرف صوابعكم".
47
يا ويلكم على خاطر تبنيو لقبورة تاع الانبياء, و جدودكم همّا اللي قتلوهم.
48
و تشهدوا و راضيين على الشيء اللي داروه جدودكم و تزيدوا تبنيو لهم لقبورة تاعهم.
49
على هاذا الشيء قالت الحكمة تاع الله: انا نبعث لهم الانبياء و الرسل, اللي يقتلوه يقتلوه و اللي يسحتوه يسحتوه,
50
باه يتحاسب هاذا الجيل على لانبياء الكل اللي ساح دمهم من اللي بدات الدنيا,
51
من دم هابيل لدم زكريا اللي تقتل بين المذبح و البيت. نعم, نقول لكم: هاذا الجيل هو اللي يتحاسب عليهم!
52
يا ويلكم يا علماء الشريعة! عندكم المفتاح تاع العلم. لا انتم دخلتوا, و لا خليتوا غيركم يدخل".
53
و كي عاد يهدر معاهم كيما هكّا, الكتبة و علماء الشريعة زادوا ولاو يحقدوا عليه اكثر من قبل, و بداو يستفزوا فيه في امور اخرى ياسر,
54
و يعسوا عليه يستناو يصيدوه ينطق بحاجة باه يشكيو بيه.
Chapter 12
1
و في هاذاك الوقت تلموا الوف الناس, و كان الغاشي فوق بعضاه, و بدى يسوع يهدر مع التلامذة و يقول لهم: "ردوا بالكم من لخميرة تاع علماء الشرع اللي هو النفاق,
2
ما كانش مستور غير و يتكشف, و ما كانش مخبي غير و يبان.
3
كل شيء قلت لكم عليه في الظلمة يتسمع في النور, و كل ما كلمتكم بيه في الستر راح يناديو بيه جهار.
4
بالصح يا حبابي نقول لكم: ما تخافوش من اللي يقتلوا لبدن, و من بعد ما يقدروا يزيدوا يديروا والو.
5
نقول لكم من شكون تخافوا: خافوا من اللي بعدما يقتل, يقدر يرمي في جاهنّامة, نعم, نقول لكم: هاذا اللي لازم تخافوا منو!
6
ياخي خمسة فراخ يتباعو بزوز دورو, و واحد منهم ما راه منسي عند الله؟
7
انتم حتى الشعر اللي في روسكم محسوب شعرة بشعرة. مالا ما تخافوش! انتم خير من الفراخ الكل!
8
و نقول لكم: اللي يستعرف بيّا قدام الناس, ابن الانسان يستعرف بيه قدام الملائكة تاع الله.
9
و اللي ينكرني قدام الناس, ننكرو قدام الملايكة تاع الله.
10
و كل من قال كلمة على ابن الانسان تتغفر ليه, اما اللي يكفر بالروح القدس هاذاك ما تتغفرش ليه.
11
و كي يحكموا عليكم في لمجامع و قدام الرياس و السلاطين ما تخموش واش تجاوبوا و الا واش تقولوا,
12
على خاطر الروح القدس يعلمكم في هاذيك الساعة واش لازم تقولوا". لمثل تاع الغني الغبي
13
نطق واحد من الناس و قال: " يا معلم, قول لخويا يقسم معايا الورث".
14
قال لو يسوع: "يا راجل, شكون حطني قاضي و لا مفتي عليكم؟".
15
و قال لهم: "شوفوا ردوا بالكم من الطمع, على خاطر اللي يملك مال ياسر حياتو ماهيش من مالو".
16
و عطاهم هاذا لمثل و قال: "واحد الراجل غني عندو اراضي جاه العام صابة,
17
خمم بينو وبين روحو وقال: واش نعمل, ما عنديش وين نحط الغلة؟
18
و من بعد قال هكّا: نريب المخازن لقديمة و نبني واحد اخرين اكبر, و نلم فيها الغلة و الخيرات تاعي الكل,
19
و نقول اروحي: عندك خيرات كبيرة, مخبية تاع سنين طويلة. ارتاحي كولي واشربي و افرحي!
20
ياخي الله قالو: "يا جاهل! هاذي الليلة تطلع منك روحك, و هاذي الخيرات اللي لميتها لشكون تخلاها؟
21
هكا يكون حال اللي يكنز لروحو في لرض و هو فقير عند الله". الله يعتني بينا
22
و قال للتلامذة تاعو: "على جال هاذا الشيء نقول لكم: ما تتقلقوش على معيشتكم واش تاكلوا, و لا على واش تلبسوا.
23
لحياة اهم من الطعام, و لبدن اهم من اللبسة.
24
شوفوا لغراب: لا يزرع لا يحصد, لا عندو دار و لا مخزن, بالصح الله يرزقو بالقوت تاعو. ياخي انتم خير من الطيور!
25
شكون منكم اذا كان تقلق يقدر يزيد في الطول تاعو و لو كان ذراع؟
26
اذا كنتوا ماكمش قادرين على الامور الصغيرة, كيفاه مالا تتقلقوا على الامور لخرى؟
27
شوفو النوار تاع المرجة كيف ينبت: لا يتعب لا يغزل, بالصح نقول لكم: حتى سليمان في الجاه تاعو كامل ما لبسش كيما نوارة منهم.
28
اذا كان لحشيش اللي يكون ليوم في الجنان و غدوة يقدِيو بيه النار يلَبسو الله كيما هكا, كيفاه مالا يلَبسكم انتوما يا ضعاف ليمان؟
29
انتم ما تطلبوش واش تاكلوا و الا واش تشربو و ما تتقلقوش,
30
هاذي لحوايج الكل يطلبوها اهل الدنيا. اما انتم باباكم يعلم باللي تحتاجو لهاذي الامور.
31
اطلبوا قبل كل شيء الملكوت تاع الله, و هاذي الكل تتزاد لكم.
32
"ما تخافش يا القطيع الصغير, على خاطر باباكم رضى باه يعطيكم الملكوت.
33
بيعوا ما عندكم و صدقوا. ديروا رصيد ما يفناش و كنز ما يخلاص في السماوات, وين لا سارق يسرق و لا سوس يفسد,
34
على خاطر وين يكون الكنز تاعكم ثمة يكون قلبكم ثاني. لمثل تاع العبيد اللي واجدين
35
كونوا واجدين اتحزموا و شعلوا المصباح تاعكم.
36
و كونوا كيما ناس يستناو في سيدهم يرجع من العرس, باه كي يجي و يطبطب في ساع يحلوا عليه.
37
يا سعد هاذوك العبيد اللي يجي سيدهم و يلقاهم ساهرين. نقول لكم الحق: راح يوقف يتحزم هو و يقعدهم و يبدى يخدم فيهم.
38
اذا كان جا في النص الثاني تاع الليل و الا النص الثالث, و لقاهم يستناو فيه. يا سعدهم هاذوك العبيد.
39
يكون في علمكم: لوكان جا مولى الدار عارف واش من ساعة يجي فيها السارق راه سهر, و ما خلاش دارو تتسرق.
40
مالا كونوا انتم واجدين, على خاطر ابن الانسان يجي في ساعة ما تتوقعوهاش". لمثل تاع لوكيل الامين
41
قال لو بطرس: "يا رب, تقول في هاذا لمثل لينا احنا برك و الا حتى للناس الكل؟
42
قال الرب: "شكون هو الوكيل الامين الحكيم اللي يجعلو سيدو مسؤول على الخدامة الكل باه يعطيهم قسمتهم تاع الماكلة في وقتها؟
43
يا سعد هاذاك العبد اللي كي يرجع سيدو و يلقاه يدير في الواجب!
44
نقول لكم الحق: راح يجعلو مسؤول على مالو كامل.
45
بالصح اذا هاذاك العبد قال في قلبو: سيدي يبطى باه يرجع, و يبدى يضرب في الخدامة و الخديمات, و ياكل و يشرب و يسكر.
46
و يجي سيد هاذاك العبد في نهار ما يتوقعوش و في ساعة ما يتوقعهاش, يخرجو و يحطو مع الخاينين.
47
اما هاذاك العبد اللي يعرف مليح واش يحب سيدو و ما يوجدش روحو و ما يديرش على حساب واش يحب سيدو, راح يخلصها غالية.
48
بالصح اللي ما يعرفش, و يدير الحاجة اللي تستاهل الضرب, يخلصها اقل. و كل اللي دا بالزايد, يطلبوا منوا يرجع بالزايد, و اللي متوكل على لكثير يرَجع لكثير. انقسام مش سلام
49
جيت باه نشعل النار ف لرض, وقداه نتمنى تشعل؟
50
عندي صبغة لازم نصبغ روحي بيها, و ما نتهنى غير كي تتم؟
51
راكم حاسبين باللي انا جيت باه يكون لهنى ف لرض؟ نقول لكم: جيت باه تكون التفرقة.
52
على خاطر من اليوم يكونوا خمسة في دار واحدة يتقسموا: ثلاثة على زوز, و زوز على ثلاثة.
53
يدور الاب على ولدو, و الولد على باباه, و الام على بنتها, و الطفلة على امها, العجوزة على كنتها, و الكنة على عجوزتها". كيفاه نعرفو الاوقات تاع الله
54
و من بعد زاد قال للناس: "كي تشوفوا السحاب طالع مع لمغارب ثم ثم تقولوا: راح تصب النو, و هكا يصير.
55
و كي تهب عليكم الريح من الجنوب تقولوا: راح يجي شهيلي, و هكا يصير.
56
يا منافقين! تعرفوا تميزوا وجه لرض و السماء, و هاذا الزمان ما تقدروش تميزوه؟
57
علاه ما تحكموش بالحق على ارواحكم قبل؟
58
كي تروح مع الخصم تاعك للحاكم, دير الشيء اللي تقدر عليه و افراها و انت معاه في الطريق باه تتفك منو, لا بوصل للقاضي, و القاضي يوصلك للحاكم, و الحاكم يرميك في الحبس.
59
نقول لك: ما تجي تخرج من ثمة حتى تصرف صواردك الكل على اخر دورو".
Chapter 13
1
و في هاذاك الوقت جاوه جماعة و قالولوا على هاذوك الناس تاع الجليل اللي قتلهم بيلاطس و تخلط الدم تاعهم مع دم الذبايح اللي قدموها.
2
رد عليهم يسوع و قال لهم: "راكم حاسبين باللي هاذوك الناس اللي من الجليل كانوا مذنبين اكثر من غيرهم على خاطر صرالهم هاذا الشيء؟
3
لا! نقول لكم: لو كان ما توبوش انتم ثاني كلكم تموتوا.
4
و الا هاذوك في ثمنطاش اللي طاح عليهم السور في سلوام و قتلهم, تحسبوا باللي كانوا مذنبين اكثر من الناس اللي ساكنين في اورشليم الكل؟
5
لا! نقول لكم: لو كان ما توبوش انتم ثاني كلكم تموتوا. لمثل تاع شجرة الكرطوس اللي بلا غلة
6
و قال لهم هاذا لمثل: "كان واحد الراجل عندو شجرة مغروسة في و سط الجنان, جا و ما لقى فيها حتى غلة.
7
قال للجنايني: هاذي ضرك ثلاثة سنين و انا نجي لهاذي الشجرة و ما نلقاش فيها غلة. قصها! علاش معطلة لرض باطل؟
8
رد عليه و قال: "يا سيدي, زيد خليها هاذا العام ثاني, ضرك نهَواها و نحطلها تربة مليحة.
9
كان جابت غلة جابت والا ماكنش نقصها". مرى ظهرها اعوج ترتاح
10
و كان قاعد يعلم نهار سبت في واحد المجمع,
11
و كانت لثم واحدة لمرى كان عندها روح الفشلة ثمنطاش ن سنة, و كانت مكهبة و ما تقدرش توقف على طولها خلاص.
12
كي شافها يسوع عيط لها و قال لها: "يا مرى, راكي محلولة من الضعف تاعك!"
13
و حط عليها يدو, و في هاذاك الوقت بالذات وقفت على طولها و حمدت الله.
14
جا الرايس تاع المجمع, و هو متغشش على خاطر يسوع رتّح نهار السبت, و قال للناس اللي كانوا حاضرين: "عندكم ستة ايام الخدمة فيها حلال, في هاذي ليام ارواحوا و ابراو على ارواحكم, بالصح مش ف نهار السبت!".
15
رد عليه الرب و قال: "يا واحد المنافق! كيفاه ما كنش فيكم اللي في نهار السبت يحل الرباط تاع الثور و الا لحمار تاعو و يخرجو من لمراح و يديه يشّربو؟
16
و هاذي لمرى راهي بنت ابراهيم, ربطها الشيطان ثمنطاش ن سنة, ما كانش لازم تتحل من الرباط تاعها حتى لو كان نهار سبت؟".
17
و كي قال هاذا لكلام حشّم الناس اللي كانوا يعاندوا فيه, اما الناس الحاضرين فرحوا بالاعمال العظيمة الكل اللي كان يدير فيها. لمثل تاع حبة الخردل و لمثل تاع لخميرة
18
و قال: "لواه يشابه الملكوت تاع السماء؟ و باه نشّبهوا؟
19
يشابه زريعة تاع خردل هزها واحد الراجل و رماها في الجنان تاعو, و كي نبتت كبرت حتى ولات شجرة كبيرة, و كانت لفراخ تبات بين لعراف تاعها".
20
و زاد قال لهم: "باه نشّبه الملكوت تاع السماء؟
21
يشابه لطرف خميرة هزتها مرى و حطتها في ثلاثة كيلات تاع عجينة حتى تخمرت لعجينة الكل". الباب الضيق
22
و هو رايح لاورشليم كان يعدي على المدن و القرى و هو يعلم,
23
جاه واحد و قال لو: "يا معلم, راح يكونوا غير شوية من الناس اللي يمنعوا؟. قال لهم:
24
"ديروا مجهودكم باه تدخلوا من الباب الضيق, نقول لكم: كاين ياسر اللي يحبوا يدخلوا بالصح ما يقدروش
25
بعد ما يكون مولى الدار قام و قفل الباب وراه, و بديتوا تتلموا لبرى قدام الباب و تطبطبوا و تقولوا: يا رب! حل علينا الباب ندخلوا, يرد و يقول: ما نعرفكمش شكون انتوما!
26
وقتها تبداو تقولوا: كلينا و شرينا معاك, و علّمت في الاحياء تاعنا!
27
يقول: نقولكم الصح: انا ما نعرفكمش شكون انتوما, بعدوا عليا يا جميع الظالمين!
28
وين يكون غير لبكاء و رعيد السنين, وقت اللي تشوفوا ابراهيم و اسحاق و يعقوب و الانبياء الكل في الملكوت تاع الله, و انتم مطيشين لبرى.
29
و يجيو ناس من الشرق و من الغرب من الشمال و من الجنوب, و يدخلوا للملكوت تاع الله.
30
لخرين يولِيو همّا لوالى, و لوالى يولِيو همّا لخرين". يسوع يبكي على اورشليم
31
في هاذاك اليوم جاو عندو جماعة من الفريسيين و قالوا ليه:"روح اخرج من هنا, على خاطر هيرودس حاب يقتلك".
32
قال لهم: "روحوا و قولوا لهاذاك الثعلب: انا نخرّج الجنون, و نشفي نهار اليوم و نهار غدوة, و النهار الثالث نكمّل.
33
لازم نمشي نهار اليوم و نهار غدوة و النهار اللي وراه, على خاطر ما كانش منها نبي يموت لبرى خارج اورشليم!
34
يا اورشليم! يا اورشليم! يا قتالة لنبياء يا راجمة المرسولين ليها, قداه من مرة حبيت نلّم ولادك كيما تلم الدجاجة ولادها تحت جنحاها, بالصح ما حبيتوش!
35
هاي داركم تقعد لكم خربة! و نقول لكم الحق: ما تزيدوش تشوفوني حتى يجي وقت تقولوا فيه: مبارك اللي جاي باسم الرب!".
Chapter 14
1
و عرضو واحد الفريسي لدارو نهار السبت باه يتغدى عندو, و كانوا يعسوا فيه واش يدير.
2
و كان واحد قاعد قدامو مريض بالاستقساء.
3
قال يسوع للفريسيين و لعلماء الشريعة: "يحل الشفاء نهار السبت؟".
4
سكتوا الكل واحد ما رد عليه. ولّى يسوع رتّح الراجل و بعثو روّح.
5
و من بعد قال لهم: "شكون منكم اللي يطيحلو لحمار و الا الثور تاعو في بير و ما يجبدوش ليه ليه حتى لو كان نهار سبت؟.
6
و ما قدروش يجاوبوه على هاذا لكلام.
7
و قال للناس المعروضين هاذا لمثل, و هو يشوف فيهم كيفاه خايروا الاماكن لولى و قال لهم:
8
"كي يعرضك واحد للعرس ما تروحش تخاير لمكان لول, بلاك يكون واحد اعلى منك في الشان معروض.
9
و من بعد يجيك السيد اللي عرضكم في زوز انت وياه و يقولك: نوض خلي هاذا الراجل يقعد. وقتها تولي حاشم و تروح تقعد في مكان اخر مع لَخّرين.
10
بالصح كي يعرضك واحد روح و اقعد ف المضرب لخّر, و كي يجي السيد اللي عرضك يقول لك: يا صحايبي روح اطلع لفوق. وقتها يكون شرف ليك قدام المعروضين معاك.
11
على خاطر كل من يعلي روحو يهبط و كل من يهَبط روحو يعلى".
12
و زاد قال للراجل اللي عرضو: "كي تدير غداء و الا عشاء ما تعرضش صحابك و خاوتك و عايلتك و جيرانك الاغنياء, باه ما يخلفوهاش ويعرضوك همّا ثاني, و يرجعولك لمزية.
13
بالصح كي تدير لمّة اعرض: الفقراء, المشوهين, العيّاب, العميان,
14
هكّا يكون عندك اجر على خاطر هما ماهمش راح يرجعولك باه يكافوك, بالصح تنال الجزاء تاعك نهار القيامة تاع الناس الصالحين". لمثل تاع الزردة لكبيرة
15
كي سمع واحد من القاعدين هاذا لكلام قال: "يا سعد اللي ياكل خبز في الملكوت تاع الله".
16
رد عليه يسوع و قال: "واحد الراجل دار زردة كبيرة و عرض الناس ياسر,
17
و بعث لخديم تاعو وقت لعشاء باه يقول للمعروضين: ارواحوا تتعشاو راه كل شيء واجد.
18
و بداو الكل يعتذروا. لول قال: اني شريت جنان, و لازم عليا نروح نتفقدو, ماذابيك تعذرني.
19
و لاخر قال: شريت عشرة بقرات, و انا رايح نشوفها. ماذابيك تعذرني. و واحد اخر قال:
20
انا تزوجت كي غير, ما نقدرش نجي.
21
رجع هاذاك لخديم و خبر سيدو بالشيء اللي صرى كامل. وقتها تغشش مولى الدار, و قال للخديم: اخرج فيساع للشوارع و الزنق تاع لمدينة, و لم كل الفقراء و المشوهين و العياب و العميان.
22
راح الخديم و رجع و قال: يا سيدي اللي قلت عليه الكل صار, هكذاك و مازال كاين مكان.
23
قال السيد للخديم: زيد اخرج للطرق و للساحات وحتّم على الناس اللي تلقاهم يجيو حتى تتعمر داري,
24
على خاطر نقول لكم : واحد من هاذوك الرجال اللي عرضتهم واحد منهم ما يذوق عشايا". الثمن باه تتبع يسوع
25
و كانوا ناس ياسر ماشيين معاه. تلفت لهم و قال:
26
"اذا كان واحد يجيني و ما يبغضش باباه و الا امو و الا مرتو و اولادو و خاوتو و خواتاتو, حتى ذاتو ثاني, ما يقدرش يكون التلميذ تاعي.
27
و اللي ما يهزش الصليب تاعو على كتافو و يمشي ورايا ما يقدرش يكون التلميذ تاعي.
28
شكون فيكم اللي يكون حاب يبني دار ما يقعدش قبل و يحسب قداه لازمو. و يشوف اذا عندو ما يلزم باه يكمل و الا لا؟
29
مش يصب الساس و من بعد ما يقدرش يكمل, حتى يوليو الناس يضحكوا عليه,
30
و يقولوا: هاذا الراجل بدى و ما قدرش يكمل.
31
و اي ملك كي يعود رايح يدير حرب مع ملك واحد اخر, مش يقعد قبل و يتشاور: و يشوف اذا كان يقدر يقابل بعشرة الاف هاذاك اللي جاي عليه بعشرين الف و الا لا؟
32
و اذا كان هاذاك مُحال يولي يبعث مرسول و يطلب الصلح.
33
هكا ثاني كل واحد منكم اللي ما يقدرش يخلي كل ما يملك وراه, ما يقدرش يولي التلميذ تاعي. لمثل تاع الملح
34
"الملح مليح. بالصح كي يفسد الملح, وش الحاجة اللي تعدلو؟
35
يولي لا يصلح لا للرض و لا للمزبلة, غير يتلوح في الطريق. اللي يحب يسمع يسمع".
Chapter 15
1
و كانوا المذنبين الكل و العشارين يقربوا ليسوع باه يسمعوه.
2
العلماء تاع الشريعة و الكتبة ما عجبهمش الحال و قالوا: "هاذا يقبل المذنبين و ياكل معاهم!".
3
ولى يسوع هدر معاهم بالمثل هاذا و قال لهم:
4
"شكون منكم اذا كان يكسب مياة خروف, و راح توَدر واحد منهم, مش يخلي التسعة و التسعين خروف وحدهم في الخلى, و يروح يفركت على هاذاك اللي توَدر حتى يلقاه؟
5
و كي يلقاه يحطو على كتافو و يفرح بيه.
6
و يروح لدارو و يعرض صحابو و جيرانو و يقول لهم: "افرحوا معايا, لقيت لخروف تاعي اللي توَدر!
7
نقول لكم: كيما هكا تكون الفرحة في السماء بمذنب واحد يتوب اكثر من تسعة و تسعين بار ما يحتاجوش للتوبة. لمثل تاع الدرهم اللي راح
8
"نقولوا مرى عندها عشرة دراهم, و ريّحت واحد منهم, مشها تشعل الشمعة م تكنس الدار كاملة و تفركت مليح حتى تلقاه؟
9
و كي تلقاه تعرض صحاباتها و جاراتها و تقول لهم: افرحو معايا لقيت الدرهم اللي ريّحتو.
10
نقول لكم: هكا ثاني تكون الفرحة قدام ملايكة الله بمذنب واحد يتوب. لمثل تاع الابن الضال
11
و قال: " كان واحد الراجل عندو زوز ولاد.
12
قال الصغيرفيهم لباباه: يا بابا اعطيني قسمتي من الورث. ولى قسم لهم كل ما يكسب.
13
و بعد مدة قليلة لم ولدو الصغير حوايجو الكل و سافر لارض بعيدة, و لثم بذر مالو و فسدو.
14
و بعدما صرف كل شيء, صرات مجاعة في هاذيك لبلاد, و بدا يحتاج.
15
ولى راح و لصق ف واحد من هاذيك لبلاد, و بعثو يسرح بالحلالف ف الجنانات تاعو.
16
و كان يسَخف حتى على الخروب اللي تاكل منو لحلالف, و واحد ما يمدلو.
17
و كي فاق مع روحو قال: قداه من خديم عند بابا يفضال عليه الخبز و انا هنا ميت بالجوع!
18
ايا نوقف و نرجع عند بابا و نقول لو: يا بابا, غلطت للسماء و غلطت في حقك,
19
ما نستاهلش حتى نكون ولدك. احسبني كيما واحد من الخدّامة تاعك.
20
وقف و راح رجع عند باباه, و هو مازال ما وصلش شافو باباه من بعيد, حن عليه و راح يجري و نقز عليه و عنقو و باسو.
21
قالو ولدو: يا بابا, غلطت للسماء و غلطت في حقك, و ما نستاهلش خلاص نكون ولدك.
22
قال باباه للخدّامة: اجبدوا الكسوة لمخيرة و لبسوه, و حطولو خاتم في يدو, و لبسوه سباط في رجليه,
23
و جيبوا لعجل المخزون و اذبحوه خلونا ناكلوا و نفرحوا,
24
على خاطر ولدي هاذا كان ميت و اليوم حيا, و كان موّدر و اليوم لقيناه. ولاو فرحوا الكل.
25
و كان ولدو لكبير ف الجنان. و هو راجع كي قرّب من الدار, سمع صوت لغناء و الطرب و الشطيح.
26
عيط على واحد من الخدامة و سقساه: واش كاين؟
27
قالو: خوك رجع و باباك ذبح لعجل السمين, على خاطر رجعلو سالم.
28
غضب و ما حبش يدخل للدار. خرج باباه يحاول فيه.
29
اما هو رد على باباه و قال: انا نخدم فيك قداه و قداه هاذي سنين, و عمري ما خالفتك في حاجة, و حتى جدّي ماعطيتنيش باه نفرح انا و صحابي.
30
بالصح نهار اللي جاء ولدك هاذا اللي كلا رزقك الكل ف الزنى, ذبحتلو العجل المخزون!
31
قالو: يا ولدي انت معايا دايما, و مالي الكل او ليك.
32
بالصح كان لازم نفرحوا و نزهاو, على خاطر خوك هاذا كان ميت و اليوم حيى, و وكان موّدر و اليوم لقيناه".
Chapter 16
1
و قال للتلامذة تاعو: "كان واحد الراجل غني عندو واحد موكلو على مالو, راحت بيه بيعة باللي قاعد يبذر و يفسد لو في رزقو.
2
عيطلو و قال: وش هاذا اللي سمعت عليك؟ حاسبني على كل شيء و نفضوها ما تزيدش تتوكل عليّا.
3
خمم لوكيل بينو وبين روحو و قال: وش ندير؟ سيدي راح ينحي لي لوكالة. و انا ما نقدرش نفلّح, و نحشم نمد يدي.
4
بالصح على بالي وش ندير, حتى كان نحالي لوكالة يقبلوني الناس في ديارهم.
5
عيط على كل واحد من الناس اللي يسالهم سيدو, و قال للاول :قداه يسالك سيدي؟
6
قال: مياة كيلة تاع زيت. رد عليه: اجبد الفاتورة تاعك و اقعد في ساع و اكتب خمسين.
7
و زاد قال للاخر: و انت قداه يسالك؟ قال: مياة كيلة تاع قمح. قالو: اجبد الفاتورة و اكتب ثمانين.
8
و شكر السيد لوكيل تاعو الخاين على الحكمة تاعو, على خاطر اولاد هاذا الزمان افيق من اولاد النور في جيلهم.
9
و انا نقول لكم: اربحوا صحاب بالمال تاع الباطل, نهار اللي يفض المال يقبلوكم في ديار دايمة.
10
اللي امين ف لقليل امين ثاني ف لكثير, و الظالم ف لقليل ظالم ثاني ف لكثير.
11
اذا ما كنتوش امناء في مال الباطل, شكون يامنكم على الحق؟
12
و اذا ما كنتوش امناء في تاع الغير, شكون يعطيكم تاعكم؟
13
ما يقدرش الواحد يخدم زوز اسياد, على خاطر يا اما يكره واحد و يحب لاخر, و الا يقعد مع واحد و يحقر لاخر. ما تقدروش تخدموا الله و المال". الطلاق
14
و كانوا العلماء تاع الشريعة يسمعوا ف هاذا لكلام كامل, و همّا معروف عليهم يحبوا المال, استهزاو بيه.
15
قال لهم: " انتوما اللي تبرروا في ارواحكم قدام الناس! بالصح الله يعرف قلوبكم. على خاطر المتكبر عند الناس مكروه عند الله.
16
"بقات الشريعة و التعاليم تاع الانبياء حتى جا يوحنا. و من بعد بدى التبشير بالملكوت تاع الله, و بدى كل واحد يجاهد باه يدخل ليه.
17
بالصح حتى لو كان تفنى السماء و لرض ما يبطلش حرف واحد من الشريعة.
18
كل من يطلق مرتو و يزوج بواحدة اخرى يزني, و كل من تزوج بملطقة من عند راجل يزني. الغني و لعازر
19
"كان واحد الراجل غني يلبس غير لحرير و القش الغالي و كل يوم يتنعم و يدير في الزرد.
20
و كان واحد الراجل زوالي مسكين اسمو لعازر, مطيش قدام بابو لحمو كامل مغطي بالحب,
21
و يتمنى حتى لوكان يشبع غير من الفتات اللي يطيح من المايدة تع الغني, و حتى لكلاب تجي و تلحس الجروح اللي فيه.
22
و مات المسكين و هزوه الملايكة لحضن ابراهيم. و مات الغني ثاني و دفنوه,
23
و هز عينيه و هو ف الجحيم في لعذاب, و شاف ابراهيم من بعيد و لعازر في الحضن تاعو.
24
نادي و قال: يا بابا ابراهيم, ارحمني, و ابعث لعازر يجي يبل صبعو بالماء و يبرد لساني, اني تعذبت ف هاذا اللهيب.
25
قال ابراهيم يا ولدي, اتفكر راك نلت حقك من الخيرات في حياتك و لعازر نال حقو من المحاين. هو اليوم يتعزى هنا و انت تتعذب ثمة.
26
و زيد على هاذا الكل, بيننا و بينكم هوة كبيرة واحد ما يقدر يعدي من عندنا و يجيكم, و واحد ما يقدر يعدي من عندكم و يجينا.
27
قال: مالا نطلب منك حاجة, يا بابا, تبعث لعازر لبيت بابا,
28
على خاطر عندي خمسة خاوة, يقول لهم على الشيء اللي شافو باه يمنعو و ما يجيوش للعذاب هاذا.
29
قالو ابراهيم: عندهم موسى و الانبياء, يسمعوا منهم.
30
قال: لا, يا بابا ابراهيم, كون يروح لهم واحد من الموتى يتوبوا.
31
قالو: اذا كان ما سمعوش من موسى و الانبياء, حتى لو كان يقوم واحد من الموتى ما يقبلوش".
Chapter 17
1
و قال للتلامذة تاعو: "لا بد تجي المسببات اللي تخلي الناس يطيحوا ف المعصية, بالصح يا ويل اللي يكون سبب فيها!
2
لو كان يحط حجرة تاع رحى في رقبتو و يرمي روحو ف لبحر, خير لو من اللي يكون سبة في طيحة هاذوك الصغار.
3
استحفظوا على ارواحكم. اذا كان خوك غلط في حقك لوم عليه, و اذا تاب سامحوا.
4
و اذا غلط في حقك سبعة مرات ف النهار, و رجع ليك سبع مرات ف النهار و قالك: سامحني غلطت, سامحوا".
5
قالوا الرسل للرب: "زيد الايمان تاعنا!".
6
قال لهم الرب: "لو كان يكون عندكم ايمان كيما حبة تاع خردل, كنتوا تقولوا لهاذي الشجرة اتقلعي من هنا و تغرسي ف لبحر تطيعكم. العبد و الواجب
7
"شكون منكم يكون عندو خديم يحرث و الا يسرح, كي يروّح من الجنان يقول لو: ايا ادخل في ساع و ارتاح اقعد.
8
و الا يقول: وجدلي لعشاء, و تحزم اخدمني حتى ناكل و نشرب, و من بعد تاكل انت و تشرب؟
9
و هاذاك الخديم مزية من عندو اذا دار الشيء اللي طلبوه منو؟ ما نظنش.
10
حتى انتوما ثاني, كي تديروا الشيء المطلوب منكم قولوا: احنا خداما عاطلين, على خاطر درنا برك الواجب تاعنا". العشرة رجال اللي مرضى بالبرص
11
و كي كان رايح لاورشليم عدى على السامرة و الجليل.
12
و قبل ما يدخل لواحد القرية عرضولو عشرة رجال مرضى بالبرص وقفوا من بعيد
13
و يداو يعَيطوا و يقولوا: "يا يسوع, يا معلم, ارحمنا!".
14
دار وقال لهم: "روحوا ورِيوْ ارواحكم للكهنة". و همّا رايحين براو و تنحى منهم لبرص.
15
و واحد منهم كي شاف روحو ارتاح, رجع و هو يحمد في الله على طول صوتو,
16
و سجد عند رجليه و شكرو, و كان الراجل سامري.
17
رد عليه بسوع و قال: "مش الكل ف عشرة ارتاحوا؟ وينهم التسعة لخرين؟
18
ما كان حتى واحد يرجع و يحمد الله من غير هاذا لغريب على ليهود؟"
19
و من بعد قالو: "اوقف و روح, ايمانك سلكك". وقتاه يجي الملكوت تاع الله؟
20
و كي سقساوه العلماء تاع الشريعة: "وقتاه يجي الملكوت تاع الله؟". رد عليهم و قال: "الملكوت تاع الله ما يجيش بالمراقبة,
21
و الا يقولوا: ها هو هنا, و الا هاو ليك لهيه! على خاطر الملكوت تاع الله او الداخل فيكم".
22
و قال للتلامذة: "تجيكم ايام تتمناو تشوفوا نهار واحد برك من ايامات ابن الانسان و ما تشوفوهش.
23
و يقولوا لكم: ها هو هنا! و الا: هاو ليك لهيه! ما تروحوش و ما تبعوش,
24
على خاطر كيما لبرق ف السماء يشالي من جيهة و يضوي في جيهة اخرى, هكذاك ثاني النهار اللي يرجع فيه ابن الانسان.
25
بالصح لازم قبل على ابن الانسان يتوجع و يترفض من هاذا الجيل.
26
و كيما كان ف ايام نوح يكون ثاني ف ايام ابن الانسان:
27
كانوا الناس ياكلوا و يشربوا, و يتزوجوا و يديروا لعراس, حتى للنهار اللي دخل فيه نوح للفلوكة, و جا الطوفان و فناهم الكل.
28
و ثاني كيما صرى ف ايام لوط: كانوا يوكلوا و يشربوا, و يبيعوا و يشريو, و يغرسوا و يبنيو.
29
بالصح نهار اللي خرج لوط من سدوم, صب عليهم الكبريت و النار من السماء و افناهم الكل.
30
حتى هكا يكون في النهار اللي يظهر فيه ابن الانسان.
31
في هاذاك اليوم اللي يكون ف السطح و حوايجو ف البيت ما يهبطش باه يهزهم, و اللي يكون ف الجنان ما يرجعش للبيت.
32
اتفكروا مرة لوط!
33
اللي طالب يمنّع روحو يفناها, و اللي يفناها يمنّعها.
34
نقول لكم: ف هاذيك الليلة يكونوا زوز ف فراش واحد, يترفَع واحد و يبقى لخر.
35
يكونوا زوز نساء يرحيو مع بعضاهم, تترفع واحدة و تبقى لخرى,
36
يكونوا زوز ف الجنان, يترفَع واحد ويبقى لاخر".
37
ردوا عليه و قالوا: "وين يا رب؟". قال لهم: "وين تكون الجيفة يتلموا النسورة".
Chapter 18
1
و زاد قال لهم مثل يوضح لهم فيه باللي لازم يصليو ف كل وقت و ما يملوش,
2
قال: "كان ف واحد لمدينة قاضي ما يخافش الله و ما يهاب حتى من واحد.
3
و كان ف هاذيك لمدينة واحد لمرى راجلها ميت. و كانت تجي ليه و تقول: جيبلي حقي من الخصم تاعي!
4
و كان ديما ما يحبش ينصفها. بالصح من بعد قال بينو و بين روحو: حتى لو كان ما نخافش ربي و ما نهاب حتى من واحد,
5
برك على خاطر هاذي لمرى بقات تقلق فيّا, ضرك نجيبلها حقها, باه ما تزيدش تقهرني!".
6
و قال الرب: "اسمعوا واش يقول القاضي الظالم.
7
كيفاه ما ينصفش الله المختارين تاعو, اللي يعيطوا لو نهار و ليل, و هو مطوَل عليهم؟
8
نقول لكم: راح ينصفهم ف ساع! بالصح زعما راح يلقى ابن الانسان الايمان ف لرض نهار اللي يرجع؟". لمثل تاع عالم الشريعة و السمسار
9
و قال هاذا لمثل للجماعة اللي يشوفوا ف رواحهم باللي همّا ابرار, و يحقروا في الناس لخرين:
10
"زوز رجال طلعوا للهيكل باه يصليو, واحد كان من علماء الشريعة و لاخر كان سمسار.
11
و هاذاك العالم تاع الشريعة وقف يصلي ف قلبو و قال: يا الله انا نشكرك على خاطر مانيش كيما الناس لخرين اللي يسرقوا و يزنيو, و مانيش كيما هاذا السمسار.
12
نصوم زوز مرات ف السمانة, و نمد لعشور تاعي كاملة.
13
اما العشار و قف من بعيد, و ما حبش حتى يهز عينيه للسماء, وكان يضرب ف صدرو و يقول: يا ربي ارحمني, انا المذنب.
14
نقول لكم: هاذا السمسار هو اللي روّح لدارو راضي عليه الله مش هاذاك العالم تاع الشريعة, على خاطر كل من يعلي روحو يهبط ف لرض و كل من يهبط روحو يعلى". يسوع يبارك لولاد الصغار
15
و زادوا جابولو اولاد صغار باه يحط يدو عليهم, و كي شافوهم التلامذة ماحبوش و بخصوهم.
16
اما يسوع عيط لهم و قال: "خليو لولاد الصغار يجيو ليّا و ما تحَرموش عليهم, على خاطر الناس اللي كيما همّا يملكوا الملكوت تاع الله.
17
نقول لكم الحق: اللي ما يقبلش الملكوت تاع الله كيما طفل صغير ما يدخلوش". الشاب لغني
18
و سقساه واحد من الناس المرفهين و قال: "يا المعلم الصالح, واش ندير باه نورث لحياة الدايمة؟"
19
رد عليه يسوع و قال: "علاه تعيطلي صالح؟ ما كان حتى واحد صالح من غير الله برك.
20
انت تعرف الفرايض: ما تزنيش. ما تقتلش. ما تسرقش. ما تشهدش بالباطل. اكرم باباك و امك".
21
قال: "هاذي كلها من صغري و انا نمشي بيها".
22
و كي سمع يسوع كلامو قالو: "تنقصك حاجة برك: بيع كل ما تملك و فرقو على الفقراء, يولي عندك كنز ف السماء, و ارواح تبعني".
23
كي سمع الراجل هاذا لكلام حزن, على خاطر كان غني ياسر.
24
و كي شافو يسوع حزين, قال: "ما اصعبها على الاغنياء الدخلة للملكوت تاع الله!
25
اسهل للجمل يعدي من ثقبة ابرة على الغني انو يدخل للملكوت تاع الله!
26
و الناس اللي سمعوا هاذا لكلام قالوا: "شكون مالا يقدر يمنع؟"
27
قال لهم: "اللي مش مقدور عليه عند الناس مقدور عليه عند الله".
28
نطق بطرس و قال: "احنا خلينا كل شيء و تبعناك".
29
قال لهم: "نقول لكم الحق: ما كانش واحد اذا خلى دار و الا والدين و الا خاوة و الا زوجة و اولاد على جال الملكوت تاع الله,
30
غير و ينال ف هاذي الدنيا اضعاف و اضعاف, و ينال ف لاخرة لحياة الدايمة". يسوع يخبر بموتو و قيامتو
31
و دا التلامذة ف ثناش على جيهة و قال لهم: "احنا طالعين لاورشليم, و راح يتم كل اللي مكتوب في كتب الانبياء على ابن الانسان,
32
راح يطيح ف يد الامم, و يستهزاو بيه, و يسبوه و يبصقوا عليه,
33
و يسوطوه بالشطرب, و يقتلوه, و ف ثالث يوم يقوم من بين الموتى".
34
اما همّا ما فهموا حتى حاجة من الشيء اللي قالو, و كان هاذا الامر مستور عليهم, و ما قدروش يفسروا واش قال. اعمى من اريحا يرجعلو النظر
35
و كي قربوا يوصلوا لاريحا كان واحد الراجل اعمى في الطريق يطلب.
36
و كي سمع الحس تاع الناس كي كانوا معديين سقساهم: "واش هاذا الحس وش كاين؟".
37
قالوا او يسوع الناصري معدي من هنا.
38
بدى يعيط و يقول: "يا يسوع بن داود, ارحمني!".
39
و الناس اللي كانوا ماشيين من القدام بخصوه و حبوا يسكتوه, اما هو بقى يعيط اكثر و اكثر و يقول: "يا بن داود ارحمني!".
40
وقف يسوع و قال لهم يجيبوه. و كي قرّب سقساه
41
و قالو: "واش تحب نديرلك؟. قال: "يا سيدي, نولي نشوف!".
42
قالو يسوع: "شوف. ايمانك شفاك".
43
و في ساع تحلوا عينيه ولى يشوف, و تبعو و هو يحمد ف الله. و الشعب اللي كانوا معاه و شافوا واش صرى ولاو الكل يحمدوا ف الله.
Chapter 19
1
و من بعد دخل و عدى ف وسط اريحا.
2
و كان واحد الراجل اسمو زكا, و هو مسؤول على العشارين اللي يلموا المكس و كان راجل غني,
3
و كان حاب يشوف شكون هو يسوع, بالصح ما قدرش على خاطر كانوا الناس ياسر, و هو كان قصير.
4
راح يجري و طلع في واحدة الشجرة باه يقدر يشوفو, كي يعدي من ثمة.
5
و كي وصل يسوع قدامو, خزر لفوق وشافو, و قالو: "يا زكّا, اهبط ف ساع, على خاطر لازم نبات ف دارك اليوم".
6
هبط يجري و استقبلو و فرح بيه.
7
و الناس الكل كي شافوا الشيء اللي صرى ما عجبهمش الحال و قالوا: "او دخل لدار واحد مذنب راح يبات عندو".
8
وقف زكّا و قال للرب: "انا يا ربي نمد نص ما نملك للفقراء, و اذا كان ظلمت كاش واحد نرجعلو قد ما ديت ربعة مرات".
9
قالو يسوع: "اليوم صرى الخلاص لهاذي الدار, انت ثاني ولد ابراهيم,
10
على خاطر ابن الانسان جا يفركت على الهالكين باه يخلصهم".
11
و كي كانوا يسمعوا فيه زاد قال لهم هاذا لمثل, على خاطر كان قريب من اورشليم, و همّا كانوا حاسبين باللي الملكوت تاع الله راح يظهر ثم ثم. لمثل تاع الخدامين الامناء
12
قال: "كان واحد الراجل من الامراء سافر لبلاد بعيدة باه يتولى امور الملك و من بعد يرجع.
13
عيط على عشرة من الخدام تاعو و مد لكل واحد منهم صوارد دينار تاع ذهب, و قال لهم: تاجروا حتى نرجع.
14
اما اهل لمدينة تاعو كانوا يكرهوه, بعثوا وراه جماعة يقولوا: ما نحبوش هاذا يكون ملك علينا.
15
و بعدما قضى امورو وادى الملك رجع, و عيط على هاذوك الخدّام اللي اعطاهم الصوارد, باه يشوف كل واحد فيهم كيفاه تاجر.
16
جا لول فيهم و قال: يا سيدي الدينار تاعك جاب عشرة.
17
رد عليه و قال: يعطيك الصحة انت عبد صالح! على خاطر كنت امين ف لقليل, نحطك سلطان على عشرة مدن.
18
و زاد جا الثاني و قال: يا سيدي الدينار تاعك جاب خمسة اخرين.
19
رد عليه هو ثاني و قال: انت تكون سلطان على خمسة مدن.
20
و من بعد زاد جا واحد اخر و قال: يا سيد, هاو الدينار تاعك اللي عندي خبيتو ف المحرمة,
21
انا خفت منك, على خاطر انت راجل واعر, تحب تدي بلا ما تمد, و تحب تحصد بلا ما تزرع.
22
قالو: كيما قلت بفمك كيما تتحاسب يا واحد العبد الشرير. كي على بالك باللي انا واعر, و نحب ندي بلا ما نمد, و نحصد بلا ما نزرع,
23
علاه مالا ما حطيتش صواردي ف البانكة, كي نجي نرجعهم بالفايدة؟
24
و من بعد قال للحاضرين: نحيولو الدينار واعطوه لمولى العشرة.
25
قالوا: يا سيدي بالصح هوعندو عشرة دنانير!
26
على هاذيك نقول لكم: كل من عندو يزيد يدي, و اللي ما عندوش يزيد يتنحالو.
27
اما عدياني اللي ما يحبوش نولي ملك عليهم, جيبوهم هنا و اذبحوهم قدامي". يسوع يدخل لاورشليم
28
و كي قال هاذا كمّل طريقو طالع لاورشليم.
29
و كي قرّب من بيت فاجي و بيت عنيا, بحذى الجبل اللي يقولولوا جبل الزيتون, بعث زوز من التلامذة تاعو
30
و وصاهم: "روحوا للقرية اللي قدامكم, و كي تدخلولها تلقاو جحش مربوط ما ركب عليه حتى انسان من قبل حلوه و جيبوه هنا.
31
و اذا كان سقساكم كاش واحد : علاه تحلوا فيه؟ قولوا: الرب محتاج ليه".
32
كي راحوا لقاو كيما قال لهم,
33
و كي كانوا يحلوا في الرباط تاع الجحش جاو ماليه وقالوا: "علاه تحلوا ف الجحش؟".
34
جاوبوهم: "الرب محتاج ليه".
35
و جابوه ليسوع, و حطوا قشهم فوق الجحش, و ركبوا عليه يسوع.
36
و زادوا فرشوا قشهم ف الطريق اللي يمشي عليها.
37
و كي وصل للهبطة تاع جبل الزيتون, بداو التلامذة الكل يسبحوا ف الله و يحمدوه بصوت عالي, على جال المعجزات الكل اللي شافوها,
38
و كانوا يقولوا: "تبارك الله على الملك اللي جا باسم ربي! سلام الله في السماوات و مجد الله ف لعلالي!".
39
و كانوا ثمة جماعة من العلماء تاع الشريعة ف وسط الغاشي قالوا ليسوع: "يا معلم, سكّت التلامذة تاعك!".
40
رد عليهم و قال: "نقول لكم: حتى لو كان سكتوا همّا لحجار تنطق!". يسوع يبكي على اورشليم
41
و كي قرّب قابلاتو لمدينة شافها و بكى عليها
42
و قال: "يا ريت تعلمي انت ثاني اليوم طريق سلامك! بالصح ضرك محجوب على عينيك.
43
تجيك ايام يدوروا بيك عديانك بالمركبات تاع لحديد, و يحصروك و يهجموا عليك من كل جيهة,
44
و يرّيبوا الديار على راس اولادك, و ما يخليو حجر راكب على حجر, على خاطر ما عرفتيش الزمان اللي تفقدك فيه الله". تطهير الهيكل
45
و كي دخل للهيكل راح و بدى يخرج ف الناس اللي يبيعوا و يشريو لثمة
46
و قال لهم: "مكتوب: بيتي بيت صلاة. و انتوما قلبتوه غار تاع سرارقة!".
47
و كان كل يوم يعَلم ف الهيكل, و كانوا رياس الكهنة و الكتبة و الزعماء تاع الشعب يحبوا يقتلوه,
48
بالصح ما قدروا يديروا والو, على خاطر الناس الكل كانوا متعلقين بيه و يحبوا يسمعوه.
Chapter 20
1
واحد النهار و هو قاعد يعلم الناس ف الهيكل و يبشر فيهم, وقفوا الرياس تاع الكهنة و الكتبة و الشيوخة,
2
و سقساوه و قالوا: "قلنا: ب واش من سلطان راك تدير ف الشيء هاذا؟ شكون اعطاك هاذا السلطان؟".
3
رد عليهم و قال: "حتى انا نسقسيكم حاجة برك, قولوا لي:
4
المعمودية تاع يوحنا: كانت من عند الله و الا من عند الناس".
5
تفاهموا بيناتهم و قالوا: "اذا قلنا من عند الله, يقول لنا:علاه مالا ما امنتوش بيه؟
6
و اذا قلنا: من عند الناس, يرجمنا الشعب, على خاطر هما مامنين باللي يوحنا نبي".
7
جاوبوه وقالوا باللي هما ما يعرفوش.
8
قال لهم يسوع: "مالا حتى انا ما نقولش ب واش من سلطان ندير الشيء هاذا". لمثل تاع الخدّامين في الكرم
9
و بدى يهدر مع الناس و قال لهم هاذا لمثل: "واحد الراجل غرس جنان تاع دوالي و كلف عليه خدّامة و راح سافر مدة طويلة.
10
و ف الوقت تاع لحصاد بعث واحد للخدامين تاع الجنان باه يعطوه الغلة. حكموه سوطوه و رجعوه فارغ.
11
زاد عاود بعث واحد اخر, ضربوه هو ثاني و رجعوه فارغ.
12
و زاد عاود بعث واحد ثالث, و هو ثاني ضربوه و سحتوه.
13
ولى قال مولى الجنان: واش ندير؟ نبعث ولدي لعزيز, بالاك كي يشوفوه يهابوا منو!
14
اما همّا كي شافوه تفاهموا عليه وقالوا: هاذا هو لوريث! هيا نقتلوه و نديو احنا الورث!
15
و خرجوه من الجنان و قتلوه. و ضرك واش يدير مولى الجنان بهاذو الخدامين؟
16
يجي و يقتلهم و يمد الجنان لخدامين اخرين غيرهم". و كي سمعوا هاذا قالوا: "حاشا كان هاذا يصير!"
17
شاف معاهم وقال: "مالا واش معناها الاية اللي تقول: الحجر اللي رفضوه البناية يولي هو راس الزاوية؟
18
و كل من يطيح على هاذاك لحجر يترضرض و كل من يطيح عليه هاذاك لحجر يقتلو!".
19
و في هاذيك الساعة حبوا رياس الكهنة و الكتبة يقبضوا عليه, بالصح خافوا من الشعب, على خاطر علابالهم باللي كان يقصدهم بهاذا لمثل. الضريبة تاع قيصر
20
و بقاو يعسوا عليه و بعثوا ناس يراقبوا فيه يبينوا ارواحهم ناس ملاح غير باه يطيحوه بكاش كلمة, و من بعد يشكيو بيه و يسلموه ليد الوالي و هو يحكم عليه.
21
سقساوه و قالوا: "يا معلم, على بالنا باللي تهدر و تعلم قدقد, و ما تشوفش بالوجوه, بالصح تعلم الحق وطريق الله,
22
يجوز لنا نمدو الضريبة لقيصر والا لا؟".
23
عرف يسوع الحيلة تاعهم و قال لهم: "علاه تجربوا فيّا؟
24
اعطوني دينار. تاع شكون هاذي التصويرة وهاذي لكتيبة؟". ردوا عليه وقالوا: "تاع قيصر".
25
قال لهم: "مالا اعطوا تاع قيصر لقيصر و اعطو تاع الله لله".
26
و ما قدروش يحكموه حتى بكلمة قدام الشعب, و تعجبوا من الجواب تاعو و سكتوا. القيامة تاع الموتى
27
و جاو جماعة من الصدوقيين, هاذوك اللي ما يقولوش بالقيامة تاع الموتى, و سقساوه
28
و قالوا: "يا معلم, كتب لنا موسى: اذا واحد مات لو خوه و خلى مرى, بالصح ما خلاش لولاد, يتزوج خوه بالمرى و يجيب اولاد على اسم خوه.
29
كانوا سبعة خاوة. لول تزوج بمرى و مات بلا ما يجيب اولاد,
30
تزوج بيها الثاني و مات بلا ما يجيب اولاد,
31
و زاد تزوج بيها الثالث, و هكّا حتى تزوجوا بيها الخاوة الكل ف سبعة, و واحد منهم ما جاب اولاد وماتوا.
32
و من بعد ف لخر زادت ماتت لمرى.
33
نهار القيامة, لشكون منهم راح تكون زوجة؟ على خاطر كانت متزوجة بيهم ف سبعة!".
34
رد عليهم يسوع و قال لهم: "اهل هاذي الدنيا يتزوجوا و يزوجوا,
35
بالصح الناس اللي راح يكونوا من اهل لاخرة و القيامة من بين الموتى, لا يتزوجوا و لا يزوجوا,
36
على خاطر راح يكونوا كيما لملايكة تاع الله ما يموتوش, و همّا اولاد الله, على خاطر همّا اولاد لقيامة.
37
اما الموتى يقوموا, هاذا برهن عليه موسى ف كلامو على العليقة كيما يقول: الرب اله ابراهيم و اله اسحاق و اله يعقوب.
38
و هو اله تاع حيين مش اله تاع موتى, على خاطر كلهم حيين عند الله".
39
جاوبوه جماعة من الكتبة و قالوا: "يا معلم, جاوبت مليح!".
40
و من هاذاك النهار ماقدروش يزيدوا يسقسيوه على حتى شيء. المسيح و داود
41
و قال لهم: "كيفاه يقولوا باللي المسيح ولد داود؟"
42
و داود ف ذاتو يقول ف كتاب المزامير: قال الرب لربي: اقعد على يميني
43
حتى نحط عديانك تحت رجليك.
44
اذا كان داود يسميه رب. كيفاه يكون ولدو؟". التحذير من العلماء تاع الشريعة
45
و كي كان الشعب كامل يسمع قال للتلامذة تاعو:
46
"ردوا بالكم من الكتبة اللي يحبوا يمشيو بقنادر طويلة, و يحبوا التسلام ف لسواق, و المجالس لولى في المجامع, و يحبوا يقعدوا ف مكان الشرف ف العرضات.
47
اللي ياكلوا مال ليتامى, و يطولوا ف الصلاة باه يشوفوهم الناس. هاذوك راح يتحاسبوا اكثر من غيرهم!
Chapter 21
1
و خزر يسوع و شاف الاغنياء يحطوا التبرعات تاعهم في الخزنة تاع الهيكل,
2
و شاف ثاني واحد الارملة فقيرة حطت زوز دورو.
3
قال لهم: "نقول لكم الحق: هاذي الارملة الفقيرة تبرعت اكثر منهم الكل,
4
على خاطر هاذوك مدوا من الفضلة تاعهم, اما هي مدت من الاحتياج تاعها و هي حطت اللي تكسبوا الكل". تدمير الهيكل و اخر الزمان
5
و كانوا جماعة ثمة يقولوا على الهيكل باللي مزين بالحجار و التحف المليحة, قال لهم:
6
"هاذي اللي قاعدين تشوفوا فيها ضرك, تجي ايامات ما يبقى فيها حتى حجر فوق حجر غير و يطيح".
7
سقساوه و قالوا: "يا معلم, وقتاه يكون هاذا الشيء؟ و اعطينا لمارة تاعو؟".
8
قال لهم: "شوفوا! واحد ما يغلطكم. على خاطرياسر اللي راح يجيو باسمي و يقولوا: اني انا هو! و باللي الزمان قرّب! ما تبعوهمش.
9
اذا سمعتوا باخبار الحروب و الثورات ما تخافوش, لابد تكون هاذي الكل قبل, بالصح النهاية ما تكونش وراه ثم ثم".
10
و زاد قال لهم: "تقوم امة على امة و مملكة على مملكة,
11
و تكون زلازل كبيرة, و مجاعات و اوبئة في بلدان ياسر, و تصرى حوايج تخوف و تبان علامات ف السماء.
12
و قبل هاذا الكل يقبضوا عليكم الناس و يضطهدوكم, و يسلموكم للمجامع و يدخلوكم للحباس, و توقفوا قدام ملوك و حكام على جال اسمي.
13
و تكون هاذي فرصة ليكم باه تشهدوا فيها.
14
بالصح ما تتقلقوش كيفاه تدافعوا على ارواحكم,
15
على خاطر انا نعطيكم كلام و حكمة ما يقدروش عديانكم لا يقاوموها و لا يردوا عليها.
16
و راح يسلموكم والديكم و خاوتكم و اهلكم و صحابكمو و كاين منكم حتى االي يقتلوهم.
17
و تكونوا مكروهين عند الناس الكل على جال اسمي.
18
بالصح شعرة من روسكم ما تتمس.
19
بالصبر و الثبات تمًنعوا ارواحكم.
20
وقت اللي تشوفوا فيه اورشليم محاصرة بالعسكر اعرفوا باللي تدميرها قرًب.
21
وقتها اللي في بلاد اليهودية يهربوا للجبال و اللي في وسطها يخرجوا منها, و اللي ف لخلى ما يدخلوهاش,
22
على خاطر راح تكون هاذي ايام نقمة من عند الله, باه يتم الشيء اللي تكتب ف الكتب المقدسة.
23
يا ويلها اللي بالكرش واللي ترضع ف هاذيك ليام. راح تكون نكبة كبيرة على لرش الكل و سخط الله على هاذا الشعب.
24
يقتلوهم بحد السيف, و يدَيوهم اسرى لجميع الامم, و تتعفس اورشليم من الاجناس الكل, حتى يتم زمانهم.
25
و تظهر امارات ف الشمس و القمرة و النجوم, و الامم تاع الدنيا الكل تحير واش تدير. لبحر يهيج و لمواج تعلى,
26
و يموتوا الناس من الخوف و همًا يستناوْ واش راح يصرى للدنيا. على خاطر قوات السماء تتزعزع.
27
في هاذاك الوقت راح يشوفوا ابن الانسان جاي ف السحاب بقوة و جاه كبير.
28
كي يبدى هاذا الشيء يصير اوقفوا و هزوا روسكم على خاطر النجاة تاعكم قربت".
29
و قال هاذا لمثل: "شوفوا الشجرة تاع الكرطوس و الشجر لخرين الكل.
30
كي تشوفوها فًرْختتعرفوا باللي الصيف قريب.
31
انتم ثاني كي تشوفوا هاذي الامور صايرة اعرفوا باللي الملكوت تاع الله قريب يجي.
32
نقول لكم الحق: ما يروحش هاذا الجيل حتى يكون هاذا الشيء كامل.
33
السما و لرض يفناو, اما كلامي ما يفناش. اسهروا و صلوا
34
استحفظوا على ارواحكم باه ما تثقلش قلوبكم بالخمر و السكرة و هموم الدنيا, و يجيكم هاذاك النهار على غرادة.
35
على خاطر يكون كيما الفخة اللي تغدر سكان لرض الكل.
36
اسهروا مالاو صلِيوْ في كل وقت, باه تكتب لكم النجاة من جميع هاذا الشيء كامل اللي راح يصرى, و باه توقفوا قدام ابن الانسان.
37
و كان ف النهار يعلم ف الهيكل, و ف الليل يخرج يبات ف الجبل اللي يسموه جبل الزيتون.
38
و كانوا الناس الكل يبكروا ليه للهيكل باه يسمعوا لكلام تاعو.
Chapter 22
1
و قرّب عيد الفطير اللي يسموه عيد الفصح.
2
و كانوا الرياس تاع الكهنة و العلماء تاع الشريعة يخموا كيفاه يلقاو فرصة و يقتلوه, على خاطر كانوا خايفين من الشعب.
3
و تلَبس الشيطان يهوذا اللي يسموه الاسخريوطي, و كان واحد من التلامذة الثناش.
4
و راح هدر مع رياس الكهنة و القياد تاع العسكر كيفاه يوريلهم يسوع باه يحكموه.
5
فرحوا و حلفولوا باللي يخلصوه.
6
ايا تفاهم معاهم, و كان يسنى ف الفرصة باه يسلمو بالدرقة على الشعب. التلامذة يوَجدوا للعيد
7
و جا نهار لفطير اللي كان لازم يذبحوا فيه الفصح.
8
بعث يسوع بطرس و يوحنا و وقال لهم: "روحوا وجدوا لنا الفصح باه ناكلوا".
9
قالوا: "وين تحب نوّجدوه؟".
10
قال لهم: "روحوا ادخلوا للمدينة ضرك تلقاو راجل هاز جرة تاع ماء. تبعوه للدار وين يدخل,
11
و قولوا لمولى الدار: المعلم يقول لك: ويني البيت اللي راح ناكل فيها الفصح انا والتلامذة تاعي؟
12
ضرك يوريلكم بيت كبيرة و مفرشة ف السطح. وجدولنا ثمة".
13
و راحوا و لقاو كيما قال لهم, و وجّدوا الفصح. لعشاء تاع الرب
14
و كي وصل وقت لعشاء قعد يسوع و التلامذة ف ثناش,
15
و قال لهم: "شهيت شهوة باه ناكل هاذا الفصح معاكم قبل ما نتألم,
16
على خاطر نقول لكم: ما نزيدش ناكل منو حتى يكمل ف الملكوت تاع الله".
17
و من بعد هز كاس و شكر وقال: "هاكم هاذا اقسموه بيناتكم,
18
على خاطر: ما نزيدش نشرب من ثمار الكرمة حتى ن يجي الملكوت تاع الله".
19
و هز الخبز و شكر و قسم و مدلهم وقال: "هاذا هو لبدن تاعي اللي نضحي بيه على جالكم. اعملوا هاذا الشيء باه تتفكروني".
20
و زاد هز الكاس بعد لعشاء و قال: "هاذا الكاس هو العاهد الجديد بالدم تاعي اللي سال على جالكم.
21
بالصح ها هي يد اللي راح يبيعني معايا فوق المايدة.
22
و ابن الانسان رايح يموت كيما مكتوب عليه, بالصح يا ويلو هاذاك الراجل اللي باعو!".
23
و بداو يسقسيو في بعضاهم: "زعمة شكون منهم اللي راح يدير هاذي العملة؟". شكون هو لكبير
24
و تجادلوا بيناتهم على شكون منهم راح يكون اكثر واحد عندو الشان كبير.
25
اما يسوع قال لهم: "الملوك تاع الدنيا يسودوا على الامم, و اصحاب السلطة يحبوا الناس يشكروهم.
26
اما انتم مايكونش هاذا الشيء بيناتكم, لكبير فيكم يحسب روحو هو الصغير فيكم, و الرايس فيكم يكون هو لخديم ليكم.
27
على خاطر شكون هو لكبير: اللي يقعد و الا اللي يخدم؟ ياخي اللي يخدم؟ على خاطر انا بيناتكم كيما اللي يخدم.
28
انتم اللي وقفتوا معايا وقت المحاين,
29
انا راح نجعل لكم كيما جعلي بابا ملكوت,
30
تاكلوا و تشربوا على المايدة معايا ف الملكوت تاعي, و تقعدوا على كراسي و تحكموا على عروش بني اسرائيل ف ثناش". يسوع يخبرهم باللي بطرس راح ينكرو
31
و قال الرب : "سمعان, سمعان, هاو الشيطان طلبكم باه يغربلكم كيما يتصفى القمح!
32
بالصح انا نطلب على جالك باه ما يروحش الايمان تاعك. و انت وقت اللي ترجع ثبت خاوتك".
33
قال بطرس: "يا ربي, انا واجد نروح معاك حتى للحبس و حتى للموت!".
34
قال: "نقولك ا بطرس: قبل ما يعوعش السردوك تكون انت نكرت باللي تعرفني ثلاثة مرات".
35
و من بعد قال لهم: "وقت اللي بعثتكم بلا زاد و بلا سباط, كاش ما خصكم؟". قالوا: "لا".
36
قال لهم: "بالصح اليوم, نقول لكم اللي عندو زاد و زواد يهزوا معاه. و اللي ماعندوش يبيع واش يكسب و يشري سيف.
37
على خاطر نقول لكم: لازم ثاني يتم الشيء المكتوب عليا: نتحسب مع المذنبين. و المكتوب عليّا لازم يتم".
38
قالوا: "يا رب عندنا هنا زوز سيوفة". قال: "يكفي!". يسوع يصلي ف جبل الزيتون
39
و خرج و راح كيما العادة لجبل الزيتون, و راحوا معاه التلامذة تاعو.
40
و كي وصل للمكان قال لهم: "صلوا باه ما تدخلوش ف محنة".
41
و بعّد عليهم شوية و سجد على ركايبو وصلى
42
و قال: "يا بابا, اذا كان حبيت تفَوت عليّا هاذا الكاس. بالصح مش كيما نحب انا اللي تحبو انت هو اللي يصرى".
43
و ظهر ليه ملاك من السماء كان يقوي فيه.
44
و كان يجاهد ف الصلاة و يدعي اكثر, و كان لعرق تاعو يقطر و يطيح على لرض كيما الدم.
45
و من بعد وقف من الصلاة و جا للتلامذة و لقاهم راقدين من الحزن.
46
قال لهم: "واشبيكم راقدين؟ نوضوا وصلوا باه ما تعدوش ف محنة". القبض على يسوع
47
و كي كان يهدر معاهم جاو جماعة, جابهم واحد اسمو يهوذا, واحد من التلامذة الثناش, و قدم ليسوع باه يسلم عليه.
48
قالو يسوع: "ا يهوذا, تسلم ابن الانسان ب بوسة؟".
49
و كي شافوا التلامذة اللي كانوا معاه واش يصرى, قالوا: "با ربي, تحب نهجموا عليهم بالسيف؟".
50
و واحد منهم ضرب لخديم تاع رايس الكهنة و طيرلو وذنو ليمنى.
51
و كي شافهم يسوع قال لهم: "جيبوه ليا هنا!". و مسو من وذنو و رتحو.
52
و قال يسوع لرياس الكهنة و القياد تاع العسكر اللي يخدمو ف الهيكل و للشيوخة اللي جاو يقبضوا عليه: "تقول عليكم خرجتوا تقبضوا على سارق جايين بالسيوفة و العصي!
53
كنت كل يوم معاكم ف الهيكل و ما حبيتوش تحكموني. بالصح هاذي الساعة ساعتكم انتم و سلطان الظلمة". بطرس ينكر
54
و حكموه و ساقوه و دخلوه لدار رايس الكهنة. و بطرس كان يتبع فيه من بعيد.
55
و كي شعلوا النار ف وسط الدار و قعدوا يتدفاو, قعد بطرس بيناتهم.
56
و كي كان قاعد يتدفى معاهم شافاتو واحدة لخديمة و بقات تخزر معاه مليح و قالت: "هاذا ثاني كان معاه!".
57
نكر بطرس و قال: "انا ما نعرفوش ا مرى!".
58
و من بعد شوية زاد شافو واحد اخر و قال: "انت واحد منهم!". قال بطرس: "يا راجل, خاطي انا!".
59
و من بعد واحد الساعة من الزمان جا واحد اخر وقال: "صح هاذا ثاني كان معاه, على خاطر هو ثاني من الجليل!".
60
قال بطرس: "يا راجل, ما علاباليش واش قاعد تقول!". و فهاذاك الوقت بالذات و هو ما زال يهدر عوعش السردوك.
61
دار يسوع و خزر لبطرس, و تفكر بطرس كلام الرب, كي قال: "قبل ما يعوعش السردوك تنكرني ثلاثة مرات".
62
و خرج بطرس لبرى و بكى بالحريقة. العسكر يستهزاو بيسوع
63
و الرجال اللي كانوا يعسوا على يسوع قعدوا يضحكوا عليه و يضربوا فيه,
64
و غطاولوا راسو و ضربوه على وجهو و قالولوا: "طلع! شكون اللي ضربك؟".
65
و كانوا يقولوا عليه حوايج اخرى ياسر يتمسخروا بيه.
66
و كي طلع النهار تلموا الشيوخة تاع الشعب: رياس الكهنة و العلماء تاع الشريعة, و اداوه للمجمع تاعهم
67
و قالولوا: "اذا كنت انت هو المسيح قلنا!". قال لهم: "لو كان نقول لكم ما تصدقوش,
68
و لو كان نسقسيكم ما تجاوبونيش و ما تسيبونيش.
69
من الساعة هاذي يكون ابن الانسان قاعد على يمين القوة تاع الله".
70
قالوا الكل: "مالا انت ابن الله؟". قال لهم: "انتم تقولوا اني انا هو".
71
قالوا: "ضرك واش نديروا بيها الشهادة؟ على خاطر هدرها بفمو".
Chapter 23
1
و تلم الغاشي الكل و اداو يسوع لبيلاطس,
2
و شْكاو بيه و قالوا: "لقينا هاذا الراجل يفسد ف الامة, و يحرم على الناس يمدوا الضريبة للقيصر, و قال: باللي هو المسيح الملك".
3
سقساه بيلاطس وقال: "مالا انت هو الملك تاع ليهود؟". رد عليه يسوع و قال: "راك انت اللي تقول".
4
ولى قال بيلاطس لرياس الكهنة و للشعب: "ما لقيت حتى ذنب في هاذا الراجل".
5
اما هم بقاو حاكمين ف الهدرة تاعهم وقالوا: "راهو يهيج ف الشعب و يعلم ف بلاد اليهودية كاملة بدا من الجليل و وصل حتى لهنا".
6
و كي سمع بيلاطس كلمة الجليل, سقسى: "هاذا الراجل من الجليل؟"
7
و كي عرف باللي هو من الولاية تاع هيرودس, بعثو لهيرودس, على خاطر كان هاذيك ليام ف اورشليم.
8
اما هيرودس كي شاف يسوع فرح ياسر, على خاطر كان حاب يشوفو هاذا زمان, كي سمع عليه حوايج ياسر, و تمنى يشوف منو معجزة يديرها قدامو.
9
و كان يسقسي فيه على امور ياسر اما يسوع ما جاوبو بحتى شيء.
10
و وقفوا رياس الكهنة و العلماء تاع الشريعة يشكيو بيه يتهموا فيه بتهم كبيرة,
11
و حقرو هيرودس هو و العسكر تاعو و استهزاو بيه, و لبسو لبسة تلمع, و زاد رجعو ل بيلاطس.
12
و في هاذاك النهار ولى بيلاطس و هيرودس اصحاب, على خاطر كانوا قبل متعاديين. الحكم بالموت
13
عيط بيلاطس على رياس الكهنة و الرجال لكبار اصحاب الجاه من الشعب,
14
و قال لهم: "انتم جبتوا لي هاذا الراجل و قلتوا عليه قاعد يفسد ف الشعب. و انا تحققت معاه قدامكم و ما لقيت فيه حتى ذنب من الشيء اللي اتهمتوه بيه.
15
و حتى هيرودس ثاني ما لقى والو ف هاذا الراجل, على خاطر بعثتكم عندو. و هو ما دار حتى حاجة يستاهل عليها الحكم بالموت.
16
ضرك نعاقبو و نسَيبو يرَّوح".
17
و كان لازم يسيب لهم في كل عيد واحد من المحابسية.
18
ولاو كلهم يعيطوا و يقولوا: "احكم هاذا! و سيّب لنا باراباس!".
19
و باراباس كان دخل للحبس على خاطر دار فتنة كبيرة و صرات قتيلة ف لمدينة.
20
زاد قال لهم بيلاطس مرة اخرى و هو حاب يسيب يسوع,
21
بداو يعيطوا و يقولوا: "اصلبو! اصلبو!".
22
زاد قال لهم للمرة الثالثة: "واش من شر عمل هاذا الراجل؟ ما لقيت فيه حتى ذنب يستاهل عليه الموت, نعاقبوا و نسَيبوا".
23
و كانوا يعيطوا باصوات عالية طالبين باه يتصلب. و قْوَات اصواتهم و اصوات رياس الكهنة.
24
ولى حكم لهم بيلاطس كيما حبوا.
25
و سيَّب اللي كان محبوس على جال الفتنة و لقتيلة, دار لهم واش طلبوا, و سلم لهم يسوع يديروا فيه كيما حبوا. الصلب
26
و كي كانوا ماديينوا يصلبوه لقاو ف الطريق واحد اسمو سمعان, راجل من القيروان كان راجع من الجنان, حطوا المادرية تاع الصليب فوق ظهروا باه يهزها و يمشي ورى يسوع.
27
و مشى وراه غاشي كبير من الشعب, و النساء كانوا يندبوا و ينوحوا عليه.
28
تلفت لهم يسوع و قال: "يا بنات اورشليم ما تبكيوش عليّا انا ابكيو على ارواحكم و على اولادكم,
29
على خاطر تجي ايامات يقولوا فيها: يا سعد اللي ما ولدت و ما جابت اولاد و ما رضعت!
30
وقتها يقولوا للجبل: طيح علينا! و يقولوا للكدية غطينا!
31
اذا كان داروا هكا مع العرف الطري, كيفاه مالا يديروا مع العرف اليابس؟".
32
و جابوا زوز مجرمين اخرين باه يقتلوهم معاه.
33
و كي وصلوا بيه للمضرب اللي اسمو "جمجمة".صلبوه ثمة مع المجرمين, واحد على ليمين و واحد على ليسار.
34
و قال يسوع: "يا بابا, اغفر لهم, على خاطر ماعلبالهمش واش يديروا". و كي كانوا يقسموا في قشو بيناتهم داروا عليه القُرعة.
35
و الشعب كامل واقفين يشوفوا, ومعاهم الرياس تاعهم و كانوا يستهزاو بيه و يقولولوا: "منّع ناس اخرين, يمنّع روحو ضرك اذا كان هو المسيح المختار تاع الله!".
36
و العسكر ثاني كانوا يستهزاو بيه يجيو و يمدولوا ف الخل,
37
و يقولوا: "كي عدت انت هو الملك تاع ليهود منّع روحك!".
38
و كانت لوحة فوق منو مكتوبة بحروف يونانية و رومية و عبرية: "هاذا هو الملك تاع ليهود".
39
و واحد من المجرمين اللي كانوا معلقين فوق الصليب بحذاه بدى يسب فيه و يقول: "كان انت هو المسيح منّع روحك و منعنا معاك!".
40
رد عليه المجرم لخر و بخسو و قال: "او انت ما تخافش ربي, راك قاعد تتعاقب كيما هو؟
41
بالصح احنا العقاب تاعنا عادل, نستاهلوا الشيء اللي يصرالنا, اما هو مادار حتى شر".
42
و من بعد قال ليسوع: "اذكرني يا ربي نهار اللي تجي ف الملكوت تاعك".
43
قال لو يسوع: "نقول لك الحق: اليوم راح تكون معايا ف الفردوس". الموت
44
و كانت قريب الساعة الستة, و لرض كاملة ظلامت حتى للتسعة.
45
ظلامت الشمس, و تقطع لحجاب تاع الهيكل من الوسط.
46
و عيط يسوع على طول صوتو و قال: "يا بابا, في يدك نودع روحي". و كي قال هاذا طلع الروح.
47
و كي شاف القايد تاع لمياة عسكري واش صرى, مد المجد لله و قال: "صح كان هاذا الراجل صالح!".
48
و الناس الكل اللي كانوا حاضرين لهاذا الشيء, كي شافوا واش صرى. رجعوا وهمّا يضربوا ف ارواحهم.
49
و كانوا جميع معارفو, و النساء جاو يتبعوا فيه من الجليل, و كانوا واقفين من بعيد و يتفرجوا. الدفينة
50
و كان واحد الراجل اسمو يوسف, عضو ف المجلس و كان راجل صالح و يخاف الله.
51
ما كانش موافق على الراي تاع المجلس و الشيء اللي داروه, و هو من الرامة لمدينة تاع ليهود. و هو ثاني كان يستنى ف الملكوت تاع الله يظهر.
52
راح لبيلاطس و طلب منو يعطيه لبدن تاع يسوع باه يدفنو,
53
و هبطو من فوق الصليب, و لفو بالكتان, و اداه حطو ف قبر منحوت ما تدفن فيه حتى واحد من قبل.
54
و كان اليوم هو النهار اللي يوجدوا فيه للسبت و كان السبت قريب يجي.
55
و تبعوه نساء ياسر جاو معاه من الجليل, و شافوا لقبر و وين دفنو.
56
رجعوا و وجدوا الطيب و الحنوط. و ارتاحوا نهار السبت كيما يقول الشرع.
Chapter 24
1
و من بعد ف اول نهار من الاسبوع, مع الفجر بكري, جاو للقبر و جابوا معاهم الحنوط و البخور اللي داروهم, و جاو معاهم ناس واحد اخرين.
2
و لقاو الحجرة اللي كانت قافلة على لقبر مجبودة على الباب,
3
و كي دخلوا ما لقاوش لبدن تاع الرب يسوع.
4
و بقاو مستغربين ف لشيء اللي صرى, شوية ظهروا لهم زوز رجال لابسين قش يبرق.
5
على خاطر كانوا خايفين هبطوا روسهم, قالوا لهم: "علاه تفركتوا على الحي بين الموتى؟
6
هو ما هوش هنا, بالصح قام! اتفكروا واش قال لكم كي كان ف الجليل
7
قال: باللي لازم على ابن الانسان يطيح ف يد ناس مذنبين, و يتصلب, و ف ثالث يوم يقوم من بين الموتى".
8
و كي تفكروا لكلام تاعو,
9
رجعوا من لقبر, و راحوا قالوا للتلامذة ف حداش و للخرين الكل الشيء اللي صرى.
10
و كانت مريم المجدلية و يونا و مريم ام يعقوب و النساء لخرين اللي كانوا معاهم, همّا اللي خبروا الرسل بهاذا الشيء.
11
و بانت لهم هدرتهم تقول يهتوْروا و ما قبلوهمش.
12
وقف بطرس و راح يجري للقبر, و كي طل شاف لكفن محطوط على جيهة وحدو, و رجع مستغرب من الشيء اللي صرى. ف طريق عمواس
13
و كانوا زوز منهم ف هاذاك النهار رايحين لواحد القرية بعيدة على اورشليم بسبعة اميال, اسمها "عمواس".
14
و كانوا ماشيين و يهدروا مع بعضاهم على واش صرى الكل.
15
و كي كانوا يهدروا و يتناقشوا, قرّب لهم يسوع ف ذاتو و بدا يمشي معاهم.
16
بالصح هما تقول عمات عينيهم ما قدروش يعرفوه.
17
قال لهم: "واش قاعدين تهدروا و انتم ماشيين و الحزن باين على وجوهكم؟".
18
رد عليه واحد منهم, اللي كان اسمو كليوباس و قال: "مالا راك غير انت وحدك لغريب ف اورشليم و ما علابالك بوالو من الشيء اللي صرى ليامات هاذي؟".
19
قال لهم: "واش صرى؟". قالوا: "الشيء اللي صرى ليسوع الناصري, اللي كان انسان نبي قادر ف الافعال و الاقوال عند الله و عند الناس الكل.
20
و كيفاه حكموا عليه الرياس تاع الكهنة و الحكّام تاعنا بالموت و صلبوه.
21
و احنا كنّا نتمناو يكون هو اللي يخلص اسرائيل. بالصح, رغم هاذا الكل, اليوم عندها ثلاثة ايام من اللي صرى هاذا الكل.
22
بالصح كاين نساء من جماعتنا راحوا الصباح بكري للقبر و جاو خبرونا ,
23
باللي ما لقاوش لبدن تاعو وقالوا: باللي شافوا ملايكة قالولهم باللي راه حي.
24
و كي راحوا وحايد منا للقبر, لقاو كيما قالوا النساء بالذات, اما همّا ما شافوهش".
25
قال لهم: "واشبيكم ما تفهموش و ثقيل ف قلوبكم الايمان بالحوايج الكل اللي قالوها الانبياء!
26
كيفاه ما كانش لازم على المسيح يقاسي لوجاع و هكا يدخل للمجد تاعو؟".
27
و بدى من موسى و من كل الانبياء و هو يفسر لهم الامور الخاصة بيه ف الكتب الكل.
28
و كي قربوا للقرية اللي كانوا رايحيين ليها, حسب روحو رايح لمدينة ابعد.
29
بالصح هما عرضوه و حتموا عليه يبقى معاهم و قالوا: "اقعد معانا, او راح النهار, و قريب يطيح الليل". ولى دخل معاهم.
30
و كي قعد معاهم, هز الخبز و بارك و كسر و مد لهم ياكلوا,
31
وقتها تحلت عينيهم و عرفوه و من بعد راح عليهم,
32
و قالوا لبعضاهم: "ما كانتش قلوبنا شاعلة فينا و هو يهدر معانا ف الطريق و يشرح لنا ف الكتب؟".
33
و وقفوا ف هاذيك الساعة و زادوا رجعوا لاورشليم, و لقاو التلامذة ف حداش متلميين, هما و الناس اللي كانوا معاهم
34
و قالولهم: "الرب صح قام من بين الموتى و ظهر لسمعان!".
35
و هما ثاني زادوا قالولهم على الشيء اللي صرى ف الطريق, و كيفاه عرفوه كي قسم الخبز. يسوع يظهر للتلامذة
36
و همّا قاعدين يهدروا على هاذا الشيء شوية ظهر يسوع بذاتو ف وسطهم, و قال لهم: "السلام عليكم!".
37
خافوا و تخلعوا, و حسبوه روح.
38
قال لهم: "واشبيكم خايفين, وعلاه بديتوا تشكوا ف قلوبكم؟
39
شوفوا يديا و رجليّا: اني انا هو! مسوا و شوفوا, الروح ما عندو لا لحم و لا عظم كيما تشوفوا فيّا انا".
40
و كي قال هاذا لكلام ورالهم يديه و رجليه يشوفوهم.
41
و هما مازالوا ماهمش مصدقين من الفرحة, و مستغربين, قال لهم: "عندكم ماكلة هنا؟".
42
جابولوا شوية حوت مشوي, و شهدة تاع عسل.
43
حكمهم و كلى قدامهم.
44
و قال لهم: "هاذا هو لكلام اللي قلت لكم عليه كي كنت معاكم: باللي لازم يتم الشيء كامل اللي تكتب عليّا ف الشريعة تاع موسى و الانبياء و المزامير".
45
وقتها فتح اذهانهم باه يفهموا الكتب.
46
و قال لهم: "هكذا مكتوب, و هكذا كان لازم المسيح يقاسي لوجاع و يقوم ثالث يوم,
47
و يبشروا باسمو بالتوبة و غفران الذنوب لجميع الامم, من اورشليم و روح.
48
و انتم شهود على هاذا.
49
و انا نبعث لكم اللي وعد بيه بابا. اقعدوا ف مدينة اورشليم حتى ن تلبسوا قوة من لعلالي". المسيح يطلع للسماء
50
و خرجهم لبرى ل بيت عنيا, و هز يديه و باركهم.
51
و هو قاعد يبارك فيهم, بعد عليهم شوية و طلع للسماء.
52
سجدوا ليه و رجعوا لاورشليم و همّا فرحانين فرحة كبيرة,
53
و كانوا ف كل وقت يروحوا للهيكل يسبحوا و يباركوا الله. امين.
John
Chapter 1
1
ف البدية كان الكلمة, و الكلمة كان عند الله, و كان الكلمة الله.
2
هاذا كان ف البدية عند الله.
3
كل شيء بيه كان, و بلا بيه ما كان شيء من اللي كان.
4
فيه كانت لحياة, و لحياة كانت نور الناس,
5
و النور يضوي ف الظلام, و الظلام ما يلحقش النور.
6
كان انسان مبعوث من عند الله اسمو يوحنا,
7
جا باه يشهد للنور, باه يامنوا الناس الكل على يدو.
8
ما كانش هو النور, بالصح جا باه يشهد للنور.
9
النور تاع الصح اللي ينوّر كل بشر كان جاي للعالم.
10
كان ف العالم, و بيه توجد العالم, بالصح العالم ما عرفوش.
11
جا لمواليه, بالصح مواليه ما عرفوهش.
12
اما كل اللي قبلوه عطاهم سلطان باه يوَليوْ اولاد الله, يعني المومنين باسمو.
13
مش هاذوك اللي ولدوا من الدم, و لا برغبة جسد, و لا برغبة راجل, بالصح من عند الله.
14
و الكلمة ولّى جسد و جا بيناتنا, و احنا شفنا الجاه تاعو جاه تاع ابن فريد من الاب, مليان بالنعمة و الحق.
15
شهد ليه يوحنا و نادى و قال: "هاذا هو اللي قلت عليه: اللي يجي ورايا يولّى قدامي, على خاطر كان قبلي".
16
من فيض نعمتو احنا الكل نلنا, نعمة فوق نعمة.
17
على خاطر الشريعة جات على يد موسى, اما النعمة و الحق نلناها بيسوع المسيح.
18
لا واحد عمرو شاف الله. بالصح الابن الفريد اللي ف حضن الاب هو اللي خبرنا عليه. يوحنا المعمدان يقول باللي هو مش المسبح
19
و هاذي هي الشهادة تاع يوحنا, وقت اللي بعثوا ليهود كهنة و لاويين من اورشليم باه يسقسيوه: "شكون انت؟".
20
استعرف و ما نكرش, و قال: "انا خاطي مش انا المسيح".
21
سقساوه: "مالا شكون انت؟ انت ايليا؟". قال: "لا خاطي انا". "انت نبي؟". قال: "لا".
22
قالوا: "شكون انت, باه نديو جواب للناس اللي بعثونا؟ واش تقول على روحك؟".
23
قال: "انا صوت ينادي ف الصحراء و يقول: اعدلوا طريق الرب, كيما قال اشعياء النبي".
24
والناس المبعوثين كانوا من العلماء تاع الشريعة,
25
سقساوه و قالوا: "مالا علاه تعمد كي عدّت مش انت هو المسيح, و لا ايليا, و لا نبي؟".
26
رد عليهم يوحنا وقال: "انا نعمد بالماء, بالصح كاين ف وسطكم اللي ما تعرفوهش.
27
هو اللي يجي من بعدي, صبّح قدامي, اللي انا ما نستاهلش نحل سيور السباط تاعو".
28
هاذا كامل صرى ف بيت عيرة ورى نهر الاردن من لهيه وين كان يوحنا يعمد. يسوع لخروف تاع الله
29
و غدوة شاف يوحنا يسوع جاي عندو, قال: "هاذا هو لخروف تاع الله اللي راح يهز المعصية تاع العالم!
30
هاذا هو اللي قلت عليه: يجي من بعدي, راجل يولي هو قدامي, على خاطر كان قبلي.
31
و انا ماكنتش نعرفو. بالصح انا جيت نعمد بالماء باه يظهر لاسرائيل".
32
و شهد يوحنا وقال: "انا شفت الروح نازل عليه كيما لحمامة من السماء و حط عليه. انا ما كنتش نعرفو,
33
بالصح اللي بعثني نعمد بالماء, هو اللي قالي: اللي تشوف الروح نزل و حط عليه, هاذاك هو اللي يعمد بالروح القدس.
34
وانا شفت و نشهد باللي هاذا هو ابن الله". التلامذة لولين
35
و اليوم وغدوة كان يوحنا واقف هو و زوز من التلامذة تاعو,
36
كي شاف يسوع ماشي, قال: "هاذا هو لخروف تاع الله".
37
و كي سمعوه التلامذة, راحوا يتبعوا ف يسوع.
38
تلفت لهم يسوع و لقاهم يتبعوا فيه, قال لهم: "واش طالبين؟". قالوا: "ربي" اللي معناها: يا معلم. "وين تسكن؟".
39
قال لهم: "ارواحوا ضرك تشوفوا". راحوا معاه و شافوا وين يسكن, و قعدوا معاه هاذاك اليوم. و كانت الساعة قريب العشرة.
40
و كان اندراوس خو سمعان بطرس واحد من التلامذة ف زوز اللي سمعوا يوحنا و تبعوه.
41
هاذا لقى قبل خوه سمعان و قال لو: "لقينا المسيّا" اللي معناه: المسيح.
42
و جابو عند يسوع. شاف فيه يسوع وقال: "انت سمعان بن يونا. نسميك صفا" اللي معناه: بطرس. يسوع يعرض فيليبس و نثنائيل
43
و اليوم و غدوة حب يسوع يروح للجليل, لقى فيليبس قال لو: "تبعني".
44
و كان فيليبس من بيت صيدا, من مدينة اندراوس و بطرس.
45
و فيليبس لقى نثنائيل و قال لو: "لقينا اللي كتب عليه موسى ف الشريعة و الانبياء يسوع بن يوسف اللي من الناصرة".
46
قال لو نثنائيل: "كيفاه من الناصرة تخرج حاجة تصلح؟". قال لو فيليبس: "ارواح تشوف".
47
و كي شاف يسوع نثنائيل جاي ليه, قال عليه: "هاذا اسرائيلي حر ماهوش مخلط".
48
قال لو نثنائيل: "منين تعرفني؟". رد عليه يسوع وقال: "قبل ما يعيطلك فيليبس كي كنت تحت شجرة الكرطوس, شفتك".
49
رد عليه نثنائيل و قال: "يا معلم, انت ابن الله! انت الملك تاع اسرائيل!".
50
قالو يسوع: "امنت كي قتلك شفتك تحت شجرة الكرطوس؟ راح تشوف ما اعظم من هاذا!".
51
و قال لو: "نقولك الحق الحق: من اليوم تشوفوا السماء محلولة, و الملايكة تاع الله يطلعوا و يهبطوا على ابن الانسان".
Chapter 2
1
و ف ثالث يوم كان عرس ف قانا ف الجليل, و كانت ام يسوع معروضة ثمة.
2
و كان يسوع و التلامذة تاعو همّا ثاني معروضين للعرس.
3
و كي فض عليهم الشراب, قالت ام يسوع ليسوع: "ما عندهمش شراب".
4
قال لها يسوع: "واش تستحقي فيّا يا مرى؟ مازالت ما جاتش ساعتي".
5
قالت امو للخدامين: "اللي يقول لكم عليه اعملوه".
6
و كانت ستة جرات تاع حجر محطوطة ثمة, يستعملوها ليهود للوضوء, كل واحدة فيهم تهز زوز كيلات و الا ثلاثة.
7
قال لهم يسوع: "عمروها بالماء". عمروها حتى للغطاء.
8
و من بعد قال لهم: "هزوا منها ضرك و مدوا للرايس تاع الوليمة". راحوا مدولوا.
9
و كي ذاق الرايس تاع الوليمة الماء اللي ولى شراب, و ماكانش علابالو منين جابوها, بالصح الخدامين اللي غرفوها من الجرة علابالهم, عيط على العريس
10
و قالو: "الناس الكل تحط الشراب لمخير هو لول, و من بعد كي يسكروا الناس يحطولهم الشراب العادي, اما انت خليت الشراب لمخير حتى لضرك!".
11
هاذي هي اول اية عملها يسوع ف قانا الجليل, و بيّن الجاه تاعو, و امنوا بيه التلامذة. تطهير الهيكل
12
و من بعدها هبط ل كفرناحوم, هو و امو و خاوتو و التلامذة تاعو, و قعدوا ثمة شوية ايامات.
13
و كي قرّب الفصح تاع ليهود, طلع يسوع لاورشليم,
14
و لقى ف الهيكل الناس اللي كانوا يبيعوا ف لبقر و لغنم و لحمام, و شاف التجار اللي يصرفوا الدراهم قاعدين.
15
دار شطرب من لحبال و خرجهم الكل من الهيكل, لغنم و لبقر, و سيح دراهم الصرّافة و قلب لهم الطاولات تاعهم.
16
و قال للتجار تاع لحمام: "هزوا هاذي من هنا ما تجعلوش بيت بابا بيت تاع تجارة!".
17
و تفكروا التلامذة باللي مكتوب: "كلاتني الغيرة على دارك".
18
جاوه ليهود و قالوا: "واش من معجزة تديرها تبرر الفعل تاعك هاذا؟".
19
قال لهم يسوع: "ريّبوا هاذا الهيكل و انا ف ثلاثة ايام نبنيه".
20
ردوا عليه ليهود و قالوا: "تبنى هاذا الهيكل ف ستة و اربعين سنة, و انت تقول تبنيه ف ثلاثة ايام؟".
21
بالصح هو كان يهدر على الجسد تاعو.
22
و كي قام من بين الموتى تفكروا التلامذة تاعو باللي قال هاذا لكلام, وامنوا بالكتاب و بالكلام اللي قالو يسوع.
23
و كي كان ف اورشليم ف عيد الفصح, امنوا بيه ناس ياسر, كي شافوا المعجزات الكل اللي دارها.
24
بالصح يسوع ما عطاهمش لمان على روحو, على خاطر كان يعرفهم الكل.
25
و ما كانش محتاج لشكون يخبرو على حتى واحد, على خاطر كان عارف واش ف لقلوب.
Chapter 3
1
كان واحد الراجل من علماء الشريعة اسمو نيقوديموس, واحد من الرياس تاع ليهود.
2
جا ليسوع ف الليل و قالو: "يا معلم, علابالنا باللي جيت من عند الله معلم, على خاطر واحد ما يقدر يدير المعجزات اللي تديرها انت غير اذا كان الله معاه".
3
رد عليه يسوع و قال: "نقول لك الحق الحق: لو كان الواحد ما يتولدش من فوق ما يقدرش يشوف الملكوت تاع الله".
4
قالو نيقوديموس: "كيفاه يقدر الواحد يولد و هو شيخ كبير ف لعمر؟ بلاك يقدر يرجع لكرش امو و يعاود يتولد؟".
5
جاوبوا يسوع: "نقول لك الحق الحق: اذا كان الواحد ما يولدش من الماء و الروح ما يقدرش يدخل للملكوت تاع الله.
6
اللي يولد من لبدن يكون بدن, و اللي يولد من الروح يكون روح.
7
ما تستغربش كي نقولك: لازم تولدوا من فوق.
8
الريح تهب وين تحب, و تسمع صوتها, بالصح ما تعرفش لا منين تجي و لا وين تروح. هكا يكون كل من يتولد من الروح".
9
رد عليه نيقوديموس و قال: "كيفاه يقدر هاذا الشيء يصير؟".
10
قالو يسوع: "انت المعلم تاع اسرائيل و ما تعرفش كيفاه!
11
نقول لك الحق الحق: احنا نقولوا الشيء اللي علابالنا بيه و نشهدوا بالشيء اللي شفناه, وما تقبلوش الشهادة تاعنا.
12
اذا كان هدرت معاكم بالامور تاع لرض و امنتوش, كيفاه مالا تامنوا كان هدرت معاكم بالامور تاع السماء؟
13
ماكان حتى واحد طلع للسماء غير اللي هبط منها, ابن الانسان اللي ف السماء.
14
" و كيما علق موسى الحية ف الصحراء هكذاك ثاني لازم يتعلق ابن الانسان,
15
باه كل من يامن ما يموتش بالصح ينال لحياة الدايمة.
16
على خاطر هكا حب الله العالم حتى بذل ابنو لفريد, باه كل من يامن ما يموتش, بالصح ينال لحياة الدايمة.
17
على خاطر الله ما بعثش ابنو للعالم باه يحكم على العالم, بالصح باه يمّنع بيه العالم.
18
اللي يامن بيه ما يتحكمش عليه, و اللي ما يامنش بيه يتحكم عليه, على خاطر ما امنش باسم ابن الله لفريد.
19
و هاذا هو الحكم: النور جا للدنيا, بالصح الناس حبوا الظلمة اكثر من النور, على خاطر اعمالهم كانت اعمال شر.
20
على خاطر كل من يعمل المعاصي يكره النور, و ما يحبش يجي للنور باه ما تتكشفش عمايلو.
21
بالصح اللي يعيش حساب الحق يجي للنور, باه تبان باللي افعالهم كانت ترضي الله". الشهادة تاع يوحنا المعمدان للمسيح
22
و من بعد راح يسوع و التلامذة تاعو لبلاد اليهودية, و قعد معاهم ثمة, و كان يعمد.
23
و حتى يوحنا ثاني كان يعمد ف عين نون بحذى ساليم, على خاطر كان الماء ياسر ف هاذاك المضرب.
24
و كانوا الناس يروحوا يتعمدوا. و يوحنا وقتها مازال مادخلش للحبس.
25
و صرات مناقشة بين تلامذة يوحنا و جماعة من اليهود على جال التطهير.
26
و جاو ليوحنا و قالولو: "يا معلم, هاذاك اللي جا ليك من ورى نهر الاردن, اللي شهدت ليه انت, راه يعمد, و الناس الكل يروحوا عندو".
27
رد عليهم يوحنا و قال: "ما يقدر حتى واحد يدي حاجة لو كان ما جاتوش من السماء.
28
انتم بذاتكم تشهدوا علّيا باللي قلت: مانيش انا هو المسيح انا المرسول اللي يجي قبلو.
29
اللي يدي لعروسة يكون هو لعريس, اما صاحب لعريس يوقف و يسمعو و يفرح بصوت لعريس. مالا انا الفرحة تاعي كملت.
30
لابد هاذاك يزيد و انا ننقص.
31
اللي يجي من فوق هو فوق الناس الكل, و اللي ف لرض هو من لرض, و يهدر بالكلام تاع لرض. اللي يجي من السماء هو فوق الناس الكل,
32
و يشهد بالشيء اللي سمعو و شافو, و واحد ما يقبلش واش يقول.
33
بالصح اللي يقبل واش يقول يشهد باللي الله صادق,
34
على خاطر اللي بعثو الله يتكلم بكلام الله. على خاطر يمد الروح بلا قياس.
35
الاب يحب الابن و دفع كل شيء بين يديه.
36
اللي يامن بالابن تكون ليه حياة دايمة, و اللي ما يامنش بالابن ما يشوفش لحياة و يغضب عليه الله".
Chapter 4
1
و كي عرف يسوع باللي علماء الشريعة سمعوا بيه يعمد و يقري تلامذة اكثر من يوحنا,
2
و زبد مش غير يسوع برك اللي يعمد بالصح حتى التلامذة تاعو يعمدوا,
3
خرج من بلاد اليهودية و رجع للجليل.
4
و كان لازم عليه يعدي على السامرة.
5
وصل لواحد المدينة من المدن تاع السامرة اسمها سوخار, قريب من الجنان اللي اعطاه يعقوب لولدو يوسف.
6
و كان ثمة البير تاع يعقوب. و كي تعب يسوع من الطريق, اتكى على البير, و كانت جوايه الساعة الستة.
7
و جات وحدة لمرى من السامرة باه تعمر الماء, قال لها يسوع: "اعطيني نشرب".
8
و التلامذة تاعو وقتها راحوا للمدينة يشريو حاجة ياكلوها.
9
ردت عليه لمرى السامرية و قالت: "كيفاه تطلب مني نعطيك تشرب, و انت يهودي و انا مرى سامرية؟". على خاطر ليهود ما يتعاملوش مع ناس السامرة.
10
رد عليها يسوع و قال: "لو كان جيتي تعرفي المعطى تاع الله, و شكون اللي قالك اعطيني نشرب, كنتي انت تطلبي منو يعطيك الماء الحي".
11
قالت لمرى: "يا سيدي, ما عندكش ماعون و البير غارق. كيفاه تعطيني الماء الحي؟
12
راح تجي انت اعظم من بابانا يعقوب, اللي اعطانا هاذا البير, و شرب منو هو و اولادو و السعي تاعو؟".
13
رد عليها يسوع وقال: "اللي يشرب من هاذا الماء يزيد يعطش.
14
بالصح اللي يشرب من الماء اللي نمدو انا عمرو ما يزيد يعطش, بالعكس الماء اللي نعطيه يولي فيه منبع يفيض بالحياة الدايمة".
15
قالت لو لمرى: "يا سيدي, اعطيني هاذا الماء باه ما نزيدش نعطش و ما بقيتش نجي هنا نعمر الماء".
16
قال لها يسوع: "روحي جيبي راجلك و ارواحي".
17
ردت عليه لمرى و قالت: "ما عنديش راجل". قال لها يسوع: "قلتي الحق: كي قلتي ما عنديش راجل,
18
على خاطر كانوا عندك خمسة رجال, و اللي معاك ضرك ماهوش راجلك. صدقتي ف هاذا".
19
قالت لو لمرى: "يا سيدي, نشوف باللي راك نبي!
20
جدودنا عبدوا الله ف هاذا الجبل, و انتم تقولوا باللي اورشليم هي المضرب اللي لازم تكون فيه العبادة".
21
قال لها يسوع: "صدقيني يا مرى راح تجي الساعة, لا ف هاذا الجبل, و لا ف اورشليم يعبدوا الاب.
22
انتم ما تعرفوش شكون تعبدوا, اما احنا عارفين شكون نعبدوا. على خاطر الخلاص يجي من عند ليهود.
23
بالصح تجي ساعة, و هي راهي اليوم, وين يسجد المومنين تاع الصح للاب بالروح و بالحق, على خاطر الاب طالب كيما هاذوك الساجدين ليه.
24
الله روح. و اللي يعبدوه لازم يعبدوه بالروح و الحق".
25
قالت لمرى: "انا علابالي باللي المسيا, اللي يقولولوا المسيح, راح يجي. و كي يجي هو اللي يخبرنا بكل شيء".
26
قال لها يسوع: "اني انا هو اللي نهدر معاك".
27
و ف هاذاك الوقت جاو التلامذة, و كانوا مستغرين كيفاه يهدر مع مرى. بالصح واحد منهم ما قدر يقول: "واش تستحق؟" و الا "علاه تهدر معاها؟".
28
و لمرى خلات جرتها بحذى البير و رجعت للمدينة و قالت للناس:
29
"ارواحوا تشوفوا كاين راجل قال لي واش درت الكل. بلاك هاذا هو المسيح؟".
30
و خرجوا الناس م لمدينة و جاو ليه باه يشوفوه.
31
و ف هاذاك ااوقت قالوا التلامذة: "يا معلم, كول".
32
قال لهم: "انا عندي ماكلة ناكلها ما تعرفوهاش انتم".
33
قالوا التلامذة لبعضاهم: "بلاك كاش ما واحد جابلو حاجة ياكلها؟".
34
قال لهم يسوع: "الطعام تاعي كي نعمل رضاية اللي بعثني و نتمم الخدمة تاعو.
35
ياخي تقولوا: بعد ربعة شهر يجي موسم لحصاد؟ انا نقول لكم: هزوا عينيكم و شوفوا الزرع بياض للحصاد.
36
و الحصّاد يدي الاجر و يلم ثمار للحياة الدايمة, و هكا يفرح اللي زرع و اللي حصد مع بعضاهم.
37
صدق لمثل اللي يقول: واحد يزرع و واحد اخر يحصد.
38
انا نبعثكم باه تحصدوا الزرع اللي ما تعبتوش عليه. غيركم زرع و انتم تلموا الغلة". ناس ياسر من السامرة يامنوا
39
و امنوا بيه من هاذيك لمدينة ناس ياسر من اهل السامرة على جال الهدرة تاع لمرى اللي كانت تشهد و تقول: "قال لي واش درت الكل".
40
و كي جاوه ناس السامرة عرضوه باه يقعد عندهم, و قعد عندهم نهارين.
41
و زادوا امنوا بيه الناس اكثر من قبل كي سمعو لكلام تاعو.
42
و قالوا للمرى: "احنا ضرك ما نامنوش بسبة كلامك, امنا على خاطر سمعنا و عرفنا باللي هاذا هو صح المسيح المخلص تاع البشرية". شفاء ولد الخادم تاع الملك
43
و بعد نهارين خرج من السامرة و راح للجليل,
44
على خاطر يسوع ف ذاتو قال باللي: "ما كاين حتى نبي بقيمتو ف بلادو".
45
و كي وصل للجليل استقبلوه ناس الجليل, كي شافوا واش دار ف اورشليم وقت العيد, على خاطر همّا ثاني جاو للعيد.
46
و زاد جا يسوع لقانا الجليل, وين حوّل الماء لشراب. و كان واحد يخدم عند الملك عندو ولدو مريض ف كفرناحوم.
47
كي سمع باللي يسوع جا من بلاد اليهودية للجليل, راح ليه و طلب منو يروح معاه و يشفي ولدو اللي وصل للموت.
48
قال لو يسوع: "ما تامنوش لو كان ما تشوفوش الايات و العجايب".
49
قال لو لخديم تاع الملك: "يا سيدي, هيا تروح معايا قبل ما يموت وليدي".
50
قال لو يسوع: "روح. ولدك حي". امن الراجل بالكلمة اللي قالها يسوع, و راح.
51
و هو هابط مروح عرضولوا العبيد تاعو و قالوا: "ولدك حي".
52
سقساهم على الساعة اللي بدى يبرى فيها, قالوا: "البارح على السبعة راحت عليه السخانة".
53
و فهم الراجل باللي هاذيك هي الساعة اللي قال فيها يسوع: "ولدك حي". و امن هو و اهلو كاملين.
54
حتى هاذي معجزة واحدة اخرى دارها يسوع كي جا من بلاد اليهودية للجليل.
Chapter 5
1
و بعد هاذا كان عيد عند ليهود, و طلع يسوع لاورشليم.
2
و ف اورشليم كاين واحد البركة ف باب الضان يسموها بالعبرية "بيت حسدا" عندها خمسة ممرات.
3
و كانوا ناس ياسر مرضى وعميان و عياب و معوقين قاعدين ثمة, يستناو وقتاه يتحرك الماء تاع البركة.
4
على خاطر كان ملاك يجي ساعة ساعة و يحرك الماء. و اللي يهبط للماء هو لول يرتاح مهما واش كان لمرض تاعو.
5
و كان ثمة واحد الراجل عندو ثمنية و ثلاثين سنة و هومريض.
6
كي شافو يسوع قاعد, و عرف باللي عندو مدة طويلة و هو يسنى, قال لو: "تحب تبرى؟".
7
رد عليه الراجل لمريض و قال: "يا سيدي, ما عندي حتى واحد يهبطني ف البركة كي يتحرك الماء. و كل ما نجي انا نهبط , يهبط واحد اخر قبلي".
8
قال لو يسوع: "اوقف. هز فراشك و امشي".
9
و ثم ثم برى الراجل و هز فراشو و مشى. و كان هاذاك النهار نهار سبت.
10
و قالوا ليهود للراجل اللي برى: "اليوم سبت! ما يحلش ليك تهز فراشك".
11
رد عليهم و قال: "الراجل اللي رتحني هو اللي قالي: هز فراشك و امشي".
12
سقساوه قالولوا: "شكون هو الراجل اللي قالك هز فراشك و امشي؟".
13
بالصح هاذاك الراجل اللي ارتاح ما كانش يعرف شكون هو, على خاطر يسوع خرج من ثمة, كي شاف الغاشي ياسر.
14
و من بعد لقاه يسوع ف الهيكل قال لو: "هاك ارتحت, ما تزيدش ترجع للمعصية, لا يصير فيك اكثر من اللي كان قبل".
15
و راح الراجل لليهود و قال لهم باللي يسوع هو اللي رتحو. العمل تاع الاب و الابن
16
و على هاذا الشيء كانوا ليهود يقهروا ف يسوع, و حابين يقتلوه, على خاطر خدَم نهار السبت.
17
رد عليهم يسوع وقال: "بابا حتى لليوم يخدم و انا نخدم".
18
هاذا الشيء اللي زاد خلى ليهود يحبوا يقتلوه, مش على خاطر كسر السبت برك بالصح ثاني كي قال باللي الله هو باباه, و حط روحو متساوي مع الله.
19
جاوبهم يسوع وقال: "نقول لكم الحق: ما يقدرش الابن يعمل حاجة من راسو يخدم برك غير واش يشوف الاب يخدم. على خاطر مهما واش يعمل الاب يعمل الابن ثاني.
20
على خاطر الاب يحب الابن و يوريه كل حاجة يعملها, و مازال يزيد يوريه حوايج اعظم من هاذي تخليكم انتم تستغربوا.
21
و كيما الاب يقوّم الموتى و يحييهم, حتى الابن ثاني يحيي اللي يحب.
22
على خاطر الاب ما يحكم على حتى واحد, بالصح مد الحكم الكل للابن,
23
باه الناس الكل تقدر الابن كيما يقدروا الاب. و اللي ما يقدرش الابن يسمى ما قدّرش الاب اللي بعثوا.
24
"نقول لكم الحق الحق: اللي يسمع كلامي و يامن باللي بعثني تكون ليه لحياة الدايمة ف لاخرة, و ما يحضرش للدينونة, على خاطر عدى من الموت للحياة.
25
نقول لكم الحق الحق: راح تجي ساعة و هاي جات اليوم, الموتى يسمعوا صوت ابن الله, و كي يسمعوه يحياو.
26
على خاطر كيما الاب فيه منبع لحياة ف ذاتو, مد للابن ثاني باه تكون فيه مصدر لحياة ف ذاتو,
27
و اعطاه سلطان ثاني باه يحكم. على خاطر هو ابن الانسان.
28
ما تستغربوش من هاذا, على خاطر تجي الساعة اللي يسمعوا فيها الناس الكل اللي ف لقبورة صوتو,
29
و يخرجوا الناس اللي داروا الصالحات للقيامة تاع لحياة, و الناس اللي عملوا المعاصي للقيامة تاع لحساب.
30
انا ما نجيب حتى حاجة من عندي. كيما نسمع نحكم, و الحكم تاعي قدقد, على خاطر ما نطلبش رضايتي نطلب رضاية اللي بعثني. الشهادة على الابن
31
"اذا كنت نشهد لروحي تكون الشهادة تاعي باطلة.
32
بالصح كاين واحد اخر يشهد لي, و انا علابالي باللي الشهادة تاعو اللي يشهد بيها عليّا هي شهادة حق.
33
كي بعثتوا مرسولين ليوحنا شهد للحق.
34
ما نعولش على الشهادة تاع انسان, بالصح نقول هاذا باه انتم تسلكوا.
35
كان هو المصباح الضاوي المنير, رضيتوا تفرحوا بالنور تاعو مدة قصيرة.
36
بالصح انا عندي شهادة اقوى من الشهادة تاع يوحنا, على خاطر الاعمال اللي اعطاني الاب باه نتممها, هاذي الاعمال هي بالذات اللي تشهد باللي الاب هو اللي بعثني.
37
و الاب بالذات اللي بعثني هو يشهد لي. عمركم ما سمعتوا صوتو, و لا شفتوه كيفاه داير,
38
و لا كانت كلمتو ثابتة فيكم, على خاطر اللي بعثو هو انتم ما امنتوش بيه.
39
فتشوا ف لكتب على خاطر تحسبوا باللي راح تلقاو فيها حياة دايمة. و هي اللي تشهد ليّا.
40
بالصح انتم ما تحبوش تجيو عندي باه تكون لكم حياة.
41
"انا ما نعوّلش على الجاه اللي يجيني من عند الناس,
42
على خاطر عرفتكم و عرفت باللي محبة الله ما هيش ف قلوبكم.
43
انا جيت بإسم بابا و ما قبلتونيش. بالصح اللي يجيكم بإسم روحو هاذاك تقبلوه.
44
كيفاه تقدروا تامنوا و انتم تقبلوا الجاه من عند بعضاكم, بالصح ما تطلبوش الجاه اللي يجي من عند الاله الواحد؟
45
ما تحسبوش باللي انا نشكي بيكم للاب. كاين شكون شكى بيكم و هو موسى, اللي حاطين عليه رجاكم.
46
على خاطر لو كان صدقتوا موسى كنتوا تصدقوني, على خاطر هو كتب عليّا.
47
اذا ما قبلتوش واش كتب هو, كيفاه تقبلوا مالا واش نقول انا؟".
Chapter 6
1
و من بعد راح يسوع للجوايه اللي ورى بحر الجليل, ل بحر طبرية.
2
و راحوا ناس ياسر يتبعوا فيه على خاطر شافوا المعجزات اللي كان يديرها مع المرضى.
3
و طلع يسوع للجبل و قعد ثمة هو التلامذة تاعو.
4
و كان عيد الفصح تاع ليهود قريب.
5
هز يسوع عينيه و شاف ناس ياسر جايين عندو, قال لفيليبس: "منين نشريو الخبز باه نوكلوا هادوا الكل؟".
6
و هو قال كيما هكا باه يجربو, على خاطر علابالو واش راح يدير.
7
رد عليه فيليبس وقال: "حتى لو كان نشريو الخبز بميتين دينار ما يكفيش حتى باه يدي كل واحد منهم طرف صغير".
8
قال واحد من التلامذة, و هو اندراوس خو سمعان بطرس:
9
"كاين طفل معانا هنا عندو خمسة خبزات شعير و زوز حوتات, بالصح هاذا الغاشي الكل واش يكفيه؟".
10
قال لهم يسوع: "قعدوا الناس". و كان لحشيش مغطي لرض, قعدوا الرجال و كانوا قريب خمسة الاف راجل.
11
و هز يسوع الخبزات و شكر, و فرقهم على التلامذة, و التلامذة فرقوا على الناس القاعدين. و زادوا فرقوا من هاذوك الزوز حوتات على قد ما حبوا.
12
و كي شبعوا الناس الكل, قال للتلامذة: "لموا الخبز اللي فضال باه ما نضيعوا حتى شيء".
13
و لموا الخبز اللي فضال و كان ثناش ن قفة تاع خبز, فضالت على الناس, من خمسة خبزات شعير.
14
و كي شافوا الناس المعجزة اللي دارها يسوع قالوا: "هاذا صح هو النبي اللي راح يجي للدنيا!".
15
بالصح يسوع كان يعلم باللي راح يخطفوه باه يجعلوه ملك, زاد راح للجبل و قعد وحدو. المعجزة تاع المشي فوق الماء
16
و كي عشات لعشية هبطوا التلامذة للبحر,
17
و ركبوا ف لفلوكة و كانوا رايحين ف لبحر لكفرناحوم. و طاح الليل, بالصح يسوع ما راحش معاهم.
18
و هبت ريح قاوية وهاج عليهم لبحر.
19
و كانوا مشاو قريب ثلاثة و الا ربعة ميال, شافوا يسوع ماشي على لبحر و قريب يوصل للفلوكة, خافوا.
20
قال لهم يسوع: "اني انا هو ما تخافوش!".
21
و كي حبوا يطّلعوه للفلوكة. ثم ثم لقاو ارواحهم وصلوا للمضرب اللي كانوا رايحين ليه.
22
و اليوم و غدوة كي شافوا الناس اللي كانوا واقفين على شط لبحر باللي ما كانش فلوكة اخرى غير واحدة برك’ هاذيك اللي ركبوا فيها التلامذة, و باللي يسوع ما ركبش مع التلامذة ف الفلوكة بالصح التلامذة راحوا وحدهم.
23
و كي جات فلايك من طبرية للمضرب اللي كلاو فيه الخبز, وين شكر الرب.
24
و كي شافوا الناس باللي يسوع ما هوش ثمة لا هو ولا التلامذة تاعو, ولاو ركبوا همّا ثاني ف الفلايك و راحوا لكفرناحوم يفركتوا على يسوع. انا هو خبز لحياة
25
و كي لقاوه على شط لبحر, قالوا لو: "يا معلم, وقتاه جيت هنا؟".
26
رد عليهم يسوع و قال: "نقول لكم الحق الحق: انتم تحوسوا عليّا مش كي شفتوا المعجزات, بالصح على خاطر كليتوا و شبعتوا.
27
ما تعملوش للطعام الفاني, اعملوا للطعام الدايم للحياة الدايمة اللي يمدها لكم ابن الانسان, على خاطر هاذا هو اللي الله الاب ختم عليه".
28
قالوا: "واش هي لعمال اللي نديروها باه يرضى علينا الله؟".
29
رد عليهم يسوع و قال: "هاذا هو لعمل تاع الله: كي تامنوا باللي بعثو".
30
قالوا: "واش من معجزة تدير لنا نشوفوها و نامنوا بيك؟ واش تدير انت؟
31
جدودنا كلاو المن ف الصحراء, كيما مكتوب: اعطاهم خبز من السماء باه ياكلوا".
32
قال لهم يسوع: "نقول لكم الحق الحق: ماهوش موسى اللي اعطاكم الخبز من السماء, بالصح بابا هو اللي يعطيكم الخبز تاع الصح من السماء.
33
على خاطر خبز الله هو اللي هابط من السماء و هو اللي يوهب حياة للعالم".
34
قالوا: "يا سيدي, اعطينا دايما هاذا الخبز".
35
قال لهم يسوع: "انا هو خبز لحياة. اللي يجي عندي ما يجوعش, و اللي يامن بيّا عمرو ما يعطش حلاص.
36
بالصح انا قلت لكم: راكم شفتوني, و ما امنتوش.
37
كل واحد يمدهولي الاب يجي عندي, و اللي يجي عندي ما نخرجوش لبرى.
38
انا هبطت من السماء, مش باه ندير رضايتي, بالصح باه ندير رضاية اللي بعثني.
39
و هاذي هي رضاية الاب اللي بعثني: باللي كل من مدهولي ما يضيع منو حتى شيء, بالصح نحييه ف نهار لاخرة.
40
على خاطر هاذي هي رضاية اللي بعثني: باللي كل من يشوف الابن و يامن بيه ينال لحياة الابدية, و انا نحييه نهار لاخرة".
41
و ليهود ما عجبهمش الحال كي قال: "اانا هو الخبز اللي نزل من السماء".
42
و قالوا: "ياخي هاذا هو يسوع بن يوسف, اللي نعرفو امو وباباه؟ كيفاه يقول مالا: اني نزلت من السماء؟".
43
رد عليهم يسوع و قال لهم: "علاه ما عجبكمش الحال.
44
واحد ما يقدر يجي عندي لو كان ما يجبدوش الاب اللي بعثني, و انا نحييه نهار لاخرة.
45
على خاطر مكتوب ف كتب الانبياء: و يكونوا كلهم عارفين تعليم الله. و كل من سمع من عند الاب وتعلّم يجي عندي.
46
واحد ما شاف الاب غير اللي من الاب. هاذا شاف الاب.
47
نقول لكم الحق الحق: كل من يامن بيّا تكون ليه لحياة الدايمة.
48
انا هو الخبز تاع لحياة.
49
جدودكم كلاو المن ف الصحراء و ماتوا.
50
هاذا هو الخبز اللي هبط من السماء, باه كل من ياكل منو ما يموتش.
51
انا هو الخبز الحي اللي نزل من السماء. اللي ياكل من هاذا الخبز يحيا على الدوام. و الخبز اللي نمدو انا هو لبدن تاعي اللي نضحي بيه على جال حياة البشرية".
52
و تجادلوا ليهود مع بعضاهم و قااوا: "كيفاه يقدر هاذا يعطينا لبدن تاعو ناكلوه؟".
53
قال لهم يسوع: "نقول لكم الحق الحق: اذا ما كليتوش البدن تاع ابن الانسان و ما شربتوش الدم تاعو, ما تكونش فيكم لحياة.
54
اللي ياكل الجسد تاعي و يشرب الدم تاعي تكون ليه حياة دايمة, و انا نحييه ف نهار لاخرة,
55
على خاطر الجسد تاعي هو القوت تاع الصح و الدم تاعي هو الشراب تاع الصح.
56
اللي ياكل الجسد تاعي و يشرب الدم تاعي يثبت فيّا و انا فيه.
57
كيما بعثني الاب الحي, و انا حي بالاب, اللي ياكلني يحيا بيّا.
58
هاذا هو الخبز اللي نزل من السماء. ماهوش كيما المن اللي كلاوه جدودكم و ماتوا. اللي ياكل هاذا الخبز يحيا بيه على الدوام".
59
قال هاذا لكلام ف المجمع و هو يعلم ف كفرناحوم. تلامذة ياسر يتخلاو على يسوع
60
و كاين ياسر من التلامذة كي سمعوا هاذا لكلام قالوا: "هاذا لكلام صعيب! شكون يقدر يسمعو؟".
61
و عرف يسوع باللي التلامذة تاعو ما عجبهمش الحال على هاذا لكلام, و قاللهم: "قاسكم كلامي اللي قلتو؟
62
مالا كي تشوفوا ابن الانسان طالع وين كان من قبل!
63
الروح هو اللي يحيي. اما لبدن ما عندو ما يفيد. لكلام اللي نكلمكم بيه روح و حياة.
64
بالصح كاين بينكم جماعة ما يامنوش". على خاطر يسوع من لول كان عارف شكون همّ اللي ما يامنوش, و عارف شكون هو اللي راح يبيعو.
65
و قال: "على هاذا قلت لكم: واحد ما يقدر يجي ليّا لو كان مش النعمة تاع الاب".
66
من هاذا الوقت تلامذة ياسر اللي رجعوا لورى, و ما بقاوش يمشيو مع يسوع.
67
زاد قال يسوع للتلامذة ف ثناش: "بلاك انتم ثاني تحبوا تروحوا؟".
68
رد عليه سمعان و قال: "يا ربي, وين راح نروحوا؟ و لكلام تاع لحياه الدايمة عندك انت,
69
و احنّا امّنا و تيقنا باللي انت هو المسيح ابن الله الحي".
70
رد عليهم يسوع و قال: "ياخي انا اللي خايرتكم, انتم ف ثناش؟ بالصح واحد منكم شيطان!"
71
قال هاذا لكلام على يهوذا سمعان الاسخريوطي, على خاطر هاذا هو اللي راح يبيع بيه, و هو واحد م التلامذة ف ثناش.
Chapter 7
1
و كان يسوع بعد هاذا يمشي ف الجليل. و ما كانش يحب يروح لليهودية على خاطر ليهود كانوا حابين يقتلوه.
2
و كان عيد المظال تاع ليهود قريب.
3
قالوا لو خاوتو: "روح لليهودية, باه يزيدوا يشوفوا التلامذة تاعك المعجزات اللي تعملها,
4
ما كانش واحد يحب يظهر للناس و هو يخدم بالدرقة. كي تعمل هاذي لحوايج بيّن روحك للناس".
5
على خاطر حتى خاوتو ما كانوش يامنوا بيه.
6
قال لهم يسوع: "ما زال ما جاش الوقت تاعي, بالصح الوقت تاعكم انتم ف كل ساعة حاضر.
7
ما يقدرش العالم يكرهكم, بالصح انا يكرهني, على خاطر انا نشهد عليه باللي اعمالو الكل اعمال شر.
8
روحوا اطلعوا انتم عيدوا. انا مازال مانطلعش, على خاطر وقتي مازال ما وصلش".
9
قال لهم كيما هكا و قعد ف الجليل.
10
و كي راحوا خاوتو, وقتها راح حتى هو للعيد, ما كانش مبين روحو بالصح راح بالدرقة.
11
و كانوا ليهود يفركتوا عليه لثمة, ويقولوا: "وينوهاذاك؟".
12
و كانوا الناس الكل يهدروا عليه. كاين اللي يقولوا: "او راجل صالح". و اخرين يقولوا: "لا, هاذا واحد يغلط ف الناس".
13
بالصح حتى واحد ما كان يهدر جهار على خاطرالكل خايفين من اليهود.
14
و كي تناصف العيد, طلع يسوع للهيكل, و بدى يعلم.
15
و استغربوا منو ليهود و قالوا: "كيفاه يعرف هاذا الكتب المقدسة, و هو ما قراش؟".
16
رد عليهم يسوع وقال: "التعليم تاعي ماهوش من عندي التعليم هاذا من عند اللي بعثني.
17
و اللي يحب يعمل رضايتو يعرف اذا كان هاذا التعليم من عند الله, و الا انا نهدر من عندي.
18
اللي يهدر من عندو يطلب المجد لذاتو هو, اما اللي يطلب المجد للي بعثو يكون صادق و ما فيه حتى ظلم.
19
ياخي اعطاكم موسى الشريعة؟ و ما كاين حتى واحد منكم يمشي بالشريعة! علاه حابين تقتلوني؟".
20
ردوا و قالوا: "انت مسكون. شكون اللي حاب يقتلك؟".
21
قال لهم يسوع: "درت حاجة برك استغربتوا الكل.
22
اعطاكم موسى الختانة, و ماهيش من عند موسى, هي من عند الجدود. و انتم تطهروا اولادكم نهار السبت.
23
اذا كان الواحد يقبل يدير الطهور نهار السبت, باه ما يخالفش الشريعة تاع موسى, بالصح كي انا نشفي انسان بكلو نهار السبت ما يعجبكمش الحال؟
24
ما تحكموش على الظاهر احكموا بالعدل". يسوع هو صح المسيح
25
و قالوا جماعة من اهل اورشليم: "مش هاذا هو اللي حابين يقتلوه؟
26
هاهو يهدر جهار نهار و ما قالوا لو حتى شيء! ما يكونش رياس الكهنة عرفوا باللي هو المسيح صح؟
27
بالصح هاذا نعرفوه منين جا, اما المسيح واحد ما يعرف منين يجي".
28
نادى يسوع كي كان يعلم ف الهيكل و قال: "تعرفوني و تعرفوا منين انا, ما جيتش من ذاتي, بالصح اللي بعثني هو الحق, و انتم ما تعرفوهش.
29
انا نعرفو على خاطر منو جيت, و هو اللي بعثني".
30
و كانوا حابين يحكموه, بالصح واحد ما قدر يحط عليه يدو, على خاطر ساعتو مازالت ما حضرتش.
31
و امنوا بيه ناس ياسر, و قالوا: "زعمة المسيح لو كان يجي راح يعمل معجزات اكثر من اللي دارها هاذا؟".
32
و سمعوا العلماء تاع الشريعة باللي الناس يهدروا امور كيما هاذي على يسوع, راحوا همّا و الرياس تاع الكهنة بعثوا خدام باه يحكموه.
33
قال لهم يسوع: "مازال لي معاكم وقت قليل, و من بعد نرجع للي بعثني.
34
تحوسوا عليّا و ما تلقاونيش, و ما تقدروش تجيو وين نكون انا".
35
قالوا ليهود بيناتهم: "وين ناوي يروح هاذا حتى ما نقدروش نلقاوه؟ بلاك حاب يروح لليهود المتغربين ف اليونان و يعلم اليونانيين؟
36
وش هاذا لكلام او قال: تحوسوا عليّا و ما تلقاونيش, و ما تقدروش تجيو وين نكون انا؟".
37
و ف اخر نهار تاع العيد اللي هو اكبر يوم وقف يسوع و نادى و قال: "اذا كان واحد عطش يجي ليّا و يشرب.
38
اللي يامن بيّا, كيما يقول لكتاب, تجري منو ويدان الماء الحي".
39
قال هاذا على الروح القدس اللي راح يقبلوه المومنين بيه, وقتها الروح القدس مازال ما تمدش للمومنين, على خاطر يسوع مازال ما تمجدش.
40
و ناس ياسر كي سمعوا هاذا لكلام قالوا: "صح هاذا هو النبي".
41
و اخرين قالوا: "هاذا هو المسيح!". و وحايد اخرين قالوا: "بلاك المسيح يجي من الجليل؟
42
ياخي لكتاب يقول باللي من سلالة داود, و من بيت لحم, القرية اللي كان يسكن فيها داود, يجي المسيح؟".
43
و صرى انقسام بين الناس على جالو.
44
و كانوا جماعة منهم حابين يحكموه, بالصح واحد منهم ما قدر يحط عليه يدو. القياد تاع ليهود ما يامنوش
45
و جاو الخدام للرياس تاع الكهنة و علماء الشريعة. اللي قالولهم: "علاه ما جبتوهش؟".
46
ردوا الخدام و قالوا: "ما كاين حتى بشر قال كلام كيما اللي قالو هاذا الراجل!".
47
قالوا لهم علماء الشريعة: "بلاك غلطكم انتم ثاني؟
48
كاش ما شفتو واحد من علماء الشريعة و الا من الرياس امنوا بيه؟
49
غير هاذا الشعب الملعون اللي ما يفهمش الشريعة".
50
قال لهم نيقوديموس, هاذاك اللي جا ليسوع ف الليل, و هو واحد منهم:
51
"كاش ما نهار حكمت الشريعة تاعنا على واحد بلا ما نسمعوا منو قبل و نعرفوا واش دار؟".
52
ردوا عليه وقالوا: "بلاك انت ثاني من الجليل؟ اقرى و شوف! ما جا حتى نبي من الجليل".
53
و راح كل واحد روح لدارو.
Chapter 8
1
و راح يسوع لجبل الزيتون. و ف الصبح زاد جا للهيكل,
2
و جاو ليه ناس ياسر قعد و بدى يعلم فيهم.
3
و جابوا ليه الكتبة و العلماء تاع الشريعة مرى حكموها تزني. و وقفوها ف الوسط
4
و قالوا: "يا معلم, هاذي لمرى تحكمت و هي تزني,
5
و موسى ف الشريعة وصانا باللي وحدة كيما هاذي لازم تترجم بالحجار. وانت واش تقول؟".
6
قالوا هاذا لكلام باه يجربوه, و باه يحكموا عليه حاجة يتهموه بيها. اما يسوع طابس راسو لتحت و بدى يكتب بصبعو على لرض.
7
و كي كثروا عليه, وقف على طولو وقال لهم: "شكون منكم اللي ما دار حتى غلطة يهز حجرة و يرجمها هو لول!".
8
و زاد طابس و بدى يكتب على لرض.
9
اما همّا كي سمعوا واش قال تبخسوا و رجعوا على ارواحهم, و خرجوا واحد ورى واحد, بداو من الشيوخة حتى للخرين الكل. و بقى يسوع وحدو هو و لمرى واقفة ف الوسط.
10
وقف على طولو و شاف كي ما لقى حتى واحد غير لمرى وحدها, قال لها: "يا مرى, وين راحوا الناس اللي كانوا يتهموا فيك؟ واحد ما حكم عليك؟".
11
قالت: "لا يا سيدي, حتى واحد!". قال لها يسوع: "حتى انا ما نحكمش عليك. روحي و ما تزيديش تغلطي". انا هو النور تاع العالم
12
و زاد كلمهم يسوع ثاني و قال: "انا هو النور تاع العالم. اللي يتبعني ما يمشيش ف الظلمة راح يكون ليه نور لحياة".
13
قالوا لو العلماء تاع الشريعة: "راك تشهد لذاتك. الشهادة تاعك باطلة".
14
رد عليهم يسوع و قال: "حتى لو كان نشهد لذاتي الشهادة تاعي شهادة حق. على خاطر نعرف منين جيت و نعرف وين راح نروح. اما انتم لا تعرفوا لا منين جيت و لا وين راح نروح.
15
انتم تحكموا على حساب لبدن, اما انا ما نحاسب حتى واحد.
16
و حتى اذا كنت نحاسب يكون الحكم تاعي حق, على خاطر مانيش وحدي, انا مع الاب اللي بعثني.
17
و زيد ف الشريعة تاعكم مكتوب تثبت الشهادة بزوز شهود تاع حق:
18
انا هو الشاهد لذاتي, و الاب اللي بعثني شاهد ليّا".
19
قالوا: "وين هو باباك؟". رد عليهم يسوع وقال: "انتم لا تعرفوني لا انا لا بابا. لو كان عرفتوني انا تكونوا عرفتوا بابا ثاني".
20
هاذا لكلام قالو يسوع قدام الصندوق تاع التبرعات و هو يعلّم ف الهيكل. و واحد ما حكمو على خاطر مازالت ساعتو ما حضرتش.
21
و زاد قال لهم يسوع: "انا رايح و انتم راح تطلبوني, و راح تموتوا ف المعصية تاعكم. المضرب اللي راح نروحلو ما تقدروش انتم تجيو ليه".
22
قالوا ليهود: "بلاك راح يقتل روحو حتى يقول: المضرب اللي راح نروح لو ما تقدروش انتم تجيو ليه؟".
23
قال لهم: "انتم من لتحت, اما انا من لفوق, انتم من هاذي الدنيا, اما انا مانيش من هاذي الدنيا.
24
قلت لكم: راح تموتوا بذنوبكم, على خاطر لو كان ما تامنوش اني انا هو راح تموتوا بذنوبكم".
25
قالوا لو: "شكون انت؟". قال لهم يسوع: "كيما قلت لكم من لول.
26
عندي حوايج ياسر نهدر بيها و نحكم بيها من جيهتكم, بالصح اللي بعثني هو حق. و انا نقول الشيء اللي سمعتو من عندو, هو اللي نقولو للعالم".
27
و ما فهموش باللي كان يهدر لهم على الاب.
28
قال لهم يسوع: "نهار اللي تعلقوا ابن الانسان, وقتها تعرفوا باللي اني انا هو, و ما ندير حتى حاجة من عندي, نهدر برك كيما علمني بابا.
29
و اللي بعثني هو واقف معايا, و ما يخلينيش الاب وحدي, على خاطر دايما نعمل غير رضايتو". اولاد براهيم
30
و كي كان يهدر ف هاذا لكلام امنوا بيه ناس ياسر.
31
قال يسوع لليهود اللي امنوا بيه: "اذا كان بقيتوا ثابتين ف كلامي تكونوا التلامذة تاعي صح,
32
و تعرفوا الحق, و الحق هو اللي يجعلكم احرار".
33
ردوا عليه و قالوا: "احنا ولاد براهيم, عمرنا ما كنا عبيد لحتى واحد! كيفاه تقول: نوَليوْ احرار؟".
34
رد عليهم يسوع وقال لهم: كل من يعمل المعصية يكون عبد للمعصية.
35
و العبد ما يبقاش ف البيت دايما. بالصح الابن هو اللي بيقى دايما.
36
اذا كان الابن هو اللي يعطيكم الحرية تكونوا احرار تاع الصح.
37
انا علابالي بيكم باللي انتم ولاد ابراهيم. بالصح حابين تقتلوني على خاطر كلامي ما عندو حتى محل فيكم.
38
انا نهدر بالشيء اللي شفتو عند بابا, و انتم تعرفوا الشيء اللي سمعتوه من عند باباكم".
39
ردوا عليه و قالوا: "بابانا هو ابراهيم". قال لهم يسوع: "لو كان جيتوا صح اولاد ابراهيم, كنتوا تعملوا اعمال ابراهيم!
40
بالصح انتم حابين تقتلوني, و انا انسان هدرت معاكم غير بالحق اللي سمعتو من عند الله. و هاذا الشيء ما داروش ابراهيم.
41
انتم تعملوا ف عمايل باباكم". قالوا: "احنا ما راناش اولاد زنى. عندنا اب واحد و هو الله". اولاد ابليس
42
قال لهم يسوع: "لو كان جا الله باباكم كنتوا تحبوني, على خاطر خرجت من عند الله و جيت. ما جبتش من ذاتي, بالصح هو اللي بعثني.
43
علاه ما تفهموش كلامي؟ على خاطر ما تقدروش تسمعوا كلامي.
44
انتم من اب هو ابليس, و تحبوا تديروا غير واش يحب باباكم. هاذاك اللي كان من لول قتال للناس, و ما ثبتش ف الحق على خاطر ما يتسعاش فيه الحق. و كي يهدر يقول غير لكذب و الكذب ف طبعو, على خاطرو كذّاب و بو الكذّاب.
45
اما انا كي عدت نقول لكم ف الحق ما تامنوش بيّا.
46
شكون منكم اللي حكم عليّا غلطة؟ كي عدت نقول ف الحق علاه ما تامنوش بيّا؟
47
اللي من عند الله يسمع كلام الله. بالصح انتم ما تسمعوش, على خاطر انتم ماكمش من عند الله". يسوع و ابراهيم
48
ردوا عليه ليهود و قالوا: "مش عندنا الحق كي نقولوا عليك: انت سامري و ساكنك شيطان؟".
49
رد عليهم يسوع و قال: "ما نيش مسكون بالشيطان, بالصح انا نقدر ف بابا و اما انتم راكم تهينوا فيّا.
50
انا مانيش طالب الجاه ليّا. كاين شكون يطلب و يحاسب.
51
نقول لكم الحق الحق: اذا كان واحد يعمل بكلامي ما يشوفش الموت ابدا".
52
قالوا ليهود: "ضرك تأكدنا باللي فيك شيطان. مات ابراهيم و ماتوا الانبياء الكل, و انت تقول: اللي يعمل بكلامي ما يذوقش الموت ابدا.
53
راح تجي انت اعظم من بابانا ابراهيم اللي مات؟ و الا خير من الانبياء اللي ماتوا. واش حاسب روحك؟".
54
رد عليهم يسوع: "لو كان جيت نمجد في روحي المجد تاعي ما يكون عندو حتى معنى. بالصح بابا هو اللي يمجدني, اللي انتم تقولوا عليه باللي هو الاله تاعكم,
55
و انتم ما تعرفوهش. اما انا نعرفو. و اذا قلت باللي مانعرفوش نكون كذّاب كيما انتم, انا نعرفو و نعمل واش يقول.
56
باباكم ابراهيم كان متشوق باه يشوف نهاري هاذا و شاف و فرح".
57
ردوا عليه ليهود و قالوا: "ما زال ما عندكش حتى خمسين سنة ف عمرك, و تقول شفت ابراهيم؟".
58
قال لهم يسوع: "نقول لكم الحق الحق: انا كاين من قبل ما يكون ابراهيم".
59
وقتها هزوا لحجار باه يرجموه. اما يسوع تخبى منهم و خرج من الهيكل و عدى ف وسطهم و راح هكّا.
Chapter 9
1
و كي كان معدي شاف واحد الراجل اعمى من نهار اللي ولد فيه,
2
و سقساوه التلامذة و قالوا: "يا معلم, الذنب تاع شكون: تاعو هو و الا تاع والديه حتى خلق اعمى؟".
3
قال لهم يسوع: "لا ذنبو هو ولا ذنب والديه, بالصح باه تظهر فيه اعمال الله.
4
لازم ندير لعمال تاع اللي بعثني ما دام الوقت نهار. قبل ما يجي الليل و حتى واحد ما يقدر يعمل.
5
و ما دمت ف العالم انا هو النور تاع العالم".
6
قال هاذا لكلام و تفل على لرض و دار من هاذاك التفال طين و مسح بيه عينين الراجل لعمى.
7
و قال لو: "روح اغسل ف بركة سلوام" اللي لمعنى تاع اسمها: مرسول, و راح الراجل ثمة و غسل و ولى يشوف.
8
و الجيران اللي كانوا يشوفوه من قبل اعمى, كي شافوه قالوا: "مش هاذا هو اللي كان يقعد و يطلب صدقة؟".
9
و اخرين قالوا: "هاذا هو". و وحايد اخرين قالوا: "لا او واحد يشبهلو". بالصح هو قال لهم: "اني انا هو".
10
قالوا لو: "و كيفاه تحَلوا عينيك و وليت تشوف؟".
11
رد عليهم و قال: "واحد الراجل اسمو يسوع دار طين و طلاه على عينيا, و قال لي: روح لبركة سلوام و اغسل. و كي رحت غسلت وليت نشوف".
12
قالوا: "و هو وين؟". قال لهم: "ما نعرف". علماء الشريعة يديروا تحقيق
13
و راحوا داو الراجل اللي كان اعمى عند علماء الشريعة.
14
و كان نهار سبت وقت اللي يسوع دار الطين و حطو على عينين الراجل الاعمى.
15
و زادوا سقساوه العلماء تاع الشريعة كيفاه حتى ولى يشوف, قال لهم: "حط الطين على عينيا و رحت غسلت, و انا ضرك نشوف".
16
و جماعة من العلماء تاع الشريعة قالوا: "هاذا الراجل ماهوش مبعوث من عند الله, على خاطر ما يحافظش على الشريعة تاع السبت". و اخرين قالوا: "كيفاه يقدر واحد مذنب يدير عجايب كيما هاذي؟". و صرى بينهم جدال.
17
و زادوا قالوا للاعمى: "و انت واش تقول عليه مادام فتح ليك عينيك و وليت تشوف؟". قال: "او نبي!".
18
و ليهود ما صدقوش باللي هاذاك الراجل كان اعمى و ولى يشوف حتى جابوا امو وباباه.
19
و سقساوهم و قالوا لهم: "هاذا هو ولدكم اللي تقولوا كان اعمى و ضرك ولى يشوف؟".
20
ردوا عليهم و قالوا: "احنا نعرفوا باللي هاذا ولدنا, و نعرفوا باللي ولد اعمى.
21
بالصح كيفاه ولى اليوم يشوف ما نعرفوش. و الا شكون فتح عينيه ما نعرفوش. هو كبير ف العمر و يعرف. سقسيوه ضرك يهدر على نفسو".
22
و امو باباه قالوا هاذا لكلام على خاطر كانوا خايفين من ليهود, على خاطر ليهود كانوا متحلفين باللي كل من يستعرف باللي يسوع هو المسيح يخرجوه من المجمع.
23
على هاذيك باباه و امو قالوا: "او كبير ف لعمر, سقسيوه".
24
و زادوا عيطوا مرة اخرى على الراجل اللي كان اعمى, و قالوا لو: "احلف بالله. احنا عارفين باللي هاذا الراجل مذنب".
25
رد عليهم و قال: "هو مذنب و الا لا؟ هاذي ما علاباليش. علابالي بحاجة واحدة برك: باللي كنت اعمى و ضرك وليت نشوف".
26
زادوا قالوا: "واش دار لك؟ كيفاه فتحلك عينيك؟".
27
رد عليهم و قال: "انا قلت لكم و ما حبيتوش تسمعوا. علاه تحبوا نزيد نقول لكم؟ بلاك انتم ثاني تحبوا توليو من التلامذة تاعو؟".
28
سبوه وقالوا: "انت هو التلميذ تاع هاذاك, اما احنا التلامذة تاع موسى.
29
احنا نعرفوا باللي موسى كلمو الله, اما هاذا ما علابالناش منين جا".
30
جاوب الراجل و قال لهم: "شوفوا لعجب! ما تعرفوش منين جا, و هو فتح لي عينياّ.
31
و نعرفوا باللي الله ما يسمعش دعوة المذنبين. بالصح الله يسمع لواحد يتقيه و يعمل رضايتو.
32
عمرها ما صرات واحد فتح عينين واحد اعمى من نهار اللي ولد.
33
لو كان ما جاش من عند الله ما كانش يقدر يعمل حتى شيء".
34
ردوا عليه و قالوا: "انت بكلك تولدت ف الذنوب, و جاي تعلّم فينا!". و خرجوه لبرى. لعمى الروحي
35
و كي سمع يسوع باللي سحتوه و خرجوه, كي لقاه قالو: "تامن بابن الله؟".
36
رد عليه و قال: "شكون هو يا سيدي باه نامن بيه؟".
37
قالو يسوع: "اك تشوف فيه, اللي قاعد يهدر معاك هاذاك هو!".
38
رد عليه وقال: "نامن يا سيدي!". و سجد ليه.
39
قال يسوع: "جيت باه يتحاسب هاذا العالم, باه يشوفوا العميان و يعماو اللي يشوفوا".
40
و سمعوا هاذا لكلام علماء الشريعة اللي كانوا معاه, و قالوا لو: "بلاك احنا ثاني عميان؟".
41
قال لهم يسوع: "لو كان جيتوا عميان ما كان عليكم حتى ذنب. بالصح انتم تقولوا احنا نشوفوا, مالا الذنب تاعكم باقي كيما راه.
Chapter 10
1
"نقول لكم الحق الحق: اللي ما يدخلش للخرفان من الباب تاع لمراح, و يطلع من جيهة اخرى, هاذاك سارق و لص.
2
اما اللي يدخل من الباب هاذاك هو الراعي تاع الخرفان.
3
على هاذا يحل عليه العساس, و الخرفان تسمع صوتو, و ينادي على الخرفان تاعو بالاسامي تاعها و يخّرجها.
4
و كي يخّرج الخرفان تاعو يمشي هو قدامها, و الخرفان تتبع فيه, على خاطر تعرف صوتو.
5
اما كي يكون واحد غريب ما تمشيش وراه و تهرب منو, على خاطر ما تعرفش صوت البرانية".
6
قال لهم يسوع هاذا لمثل بالصح هما ما فهموش واش كان يقصد بكلامو.
7
و زاد قال لهم يسوع ثاني: "نقول لكم الحق الحق: انا هو الباب تاع الخرفان.
8
كل اللي جاو قبلي سرّاق و لصوص, بالصح الخرفان ما حبوش يسمعولهم.
9
انا هو الباب. اللي يدخل مني يمنع و يدخل و يخرج و يلقى مرعى.
10
السارق يجي غير باه يسرق و يذبح و يقتل, اما انا جيت باه تكون لهم حياة و باه تكون لهم لحياة لمخيرة.
11
انا هو الراعي الصالح, و الراعي الصالح هو اللي يضحي بحياتو على جال الخرفان.
12
اما الخدّام اللي يخدم بالاجر, و مش كيما الراعي, الخرفان خاطياتو, هاذاك كي يشوف الذيب جاي يخلي الخرفان وحدها و يهرب, يخطفهم الذيب و يفرقهم.
13
الخدّام بالاجر يهرب على خاطر يهموا الاجر, بالصح ما تهموش الخرفان.
14
بالصح انا هو الراعي الصالح, نعرف الخرفان تاعي و الخرفان تاعي تعرفني,
15
كيما الاب يعرفني و انا نعرف الاب. و انا نضحي بحياتي على جال الخرفان.
16
و عندي خرفان اخرين ماهيش ف لمراح هاذا, هي ثاني لازم نجيبها و تسمع صوتي, باه تكون رعية واحدة و راعي واحد.
17
على هاذا الاب يحبني, على خاطر نضحي بحياتي باه نزيد نرجعها.
18
واحد ما ينحيلي حياتي مني, انا نضحي بيها برضايتي. عندي القدرة نحطها و عندي ثاني القدرة نرجعها. هاذي الوصية ديتها من عند بابا".
19
و تخالفوا ليهود مع بعضاهم على جال هاذا لكلام.
20
و ياسر منهم قالوا: "هاذا الراجل ساكنوا شيطان و راه يخرف, علاه تسمعوا ف كلامو؟".
21
و اخرين قالوا: "هاذا لكلام مش تاع واحد ساكنو شيطان. علاه الشيطان يقدر يفتح عينين العميان؟". ليهود ما يامنوش
22
و كي جا عيد التجديد ف اورشليم, و كان وقتها شتاء.
23
و كان يسوع يمشي ف الهيكل ف رواق سليمان,
24
تلموا عليه ليهود و قالوا لو: "حتى لوقتاع تخلينا معلقين؟ اذا كنت انت هو المسيح قول لنا جهار".
25
رد عليهم يسوع و قال: "انا قلت لكم بالصح انتم ما تامنوش. و لحاجات اللي انا نديرها باسم بابا هي تشهد لي.
26
بالصح انتم ما تامنوش على خاطر انتم خاطيين الخرفان تاعي, كيما قلت لكم.
27
الخرفان تاعي تسمع صوتي, و انا نعرفها و هي تتبعني.
28
و انا نمد لها لحياة الدايمة, و ما تموتش ابدا, و واحد ما يخطفها من يدي.
29
بابا اللي وهبها لي هو اعظم من كل موجود, و واحد ما يقدر يخطفها من يد بابا.
30
انا والاب واحد".
31
و زادوا هزوا ليهود مرة اخرى لحجار و حبوا يرجموه.
32
قال لهم يسوع: "وريت لكم ياسر من الاعمال الصالحة من عند بابا. واش من حاجة منهم اللي على جالها ترجموني؟".
33
ردوا عليه ليهود و قالوا: "ما نرجموك على حتى حاجة تاع صلاح درتها, بالصح نرجموك على جال الكفر تاعك, انت بشر و تجعل ف روحك اله".
34
قال لهم يسوع: "ياخي مكتوب في الشريعة تاعكم: انا قلت باللي راكم الهة؟
35
اذا كان قال الهة على هاذوك اللي تكلموا بالوحي تاع الله, و الشريعة واحد ما يقدر يحَرفها,
36
كيفاه مالا تقولوا لي, انا اللي قدسني الاب و بعثني للعالم,: انت تكفر, على خاطر قلت: انا ابن الله؟
37
لو كان ما جيتش نعمل ف اعمال بابا ما تامنوش بيّا.
38
بالصح انا نعمل ف اعمال بابا, اذا ما امنتوش بيّا انا امنوا بهاذي الاعمال, باه تعرفوا و تامنوا باللي الاب فيّا و انا فيه".
39
و زادوا حبوا يحكموه بالصح هو خرج من وسطهم.
40
و زاد راح للجيهة لخرى تاع الاردن المضرب اللي كان يوحنا يعمد فيه قبل و قعد لثمة.
41
و جاو ليه ناس ياسر و قالوا: "يوحنا ما دار حتى معجزة, بالصح الشيء كامل اللي قالو على هادا الراجل صحيح".
42
و امنوا بيه ناس ياسر لثمة.
Chapter 11
1
و كان واحد الراجل مريض اسمو لعازر, من بيت عنيا من القرية اللي تسكن فيها مريم و اختها مرثا.
2
و لعازر اللي كان مريض هو خو مريم, اللي صبت الطيب على يسوع و دهنتلو رجليه بشعرها.
3
و بعثوا لخواتات ف زوز ليسوع يقولوا: "يا سيدي, اللي تحبو راه مريض".
4
و كي سمع يسوع قال: هاذا لمرض ماهوش للموت, بالصح باه يتمجد بيه الله, و يتمجد بيه ابن الانسان".
5
و كان يسوع يحب مرثا و اختها و لعازر.
6
و كي سمع باللي راه مريض زاد قعد ف المضرب اللي كان فيه نهارين اخرين.
7
و من بعد قال للتلامذة تاعو: "هيا نزيدوا نروحوا لليهودية".
8
قالوا التلامذة: "يا معلم, كي غير كانوا اليهود حابين يرجموك, و تزيد تروح لثمة".
9
رد عليهم يسوع و قال: "ياخي النهار فيه ثناش ن ساعة؟ و كي واحد يمشي ف الضوء تاع النهار ما يتدعثرش على خاطر يشوف ف الضوء تاع هاذا العالم,
10
بالصح هاذاك اللي يمشي ف الليل هو اللي يتدعثر,على خاطر ما فيهش الضوء".
11
قال هاذا, و من بعد زاد قال لهم: "لعازر حبيبنا رقد. بالصح انا رايح باه ننوضو".
12
قالوا التلامذة: "يا سيدي, اذا كان راقد ضرك يرتاح مالا".
13
و كان يسوع يهدر على النوم تاع الموت, بالصح همّا حسبوه يهدر على النوم تاع الرقاد.
14
وقتها قال يسوع جهار: لعازر مات.
15
و انا نفرح على جالكم على خاطر ما كنتش لثمة, باه تامنوا. هيا نروحوا!".
16
و قال توما اللي يقولولو التومي للتلامذة خاوتو: "هيا نروحوا احنا ثاني معاه و نموتوا معاه!". انا هو لقيامة و لحياة
17
و كي وصل يسوع لقى باللي عندو ربعة ايام من اللي تدفن.
18
و كانت بيت عنيا قريبة لاورشليم بزوز اميال.
19
و كانوا يهود ياسر جاو لمرثا و مريم باه يعزيوهم ف خوهم.
20
و كي سمعت مرثا باللي يسوع جا راحت عرضتلو, اما مريم قعدت ف الدار.
21
و قالت مرثا ليسوع: "يا سيدي, لو كان جيت هنا راه ما ماتش خويا!
22
بالصح حتى ضرك على بالي مهما واش تطلب من عند الله يعطيك".
23
قال لها يسوع: "خوك راح يقوم".
24
ردت عليه مرثا و قالت: "نعرف باللي راح يقوم نهار لقيامة نهار لاخرة".
25
قال لها يسوع: "انا هو لقيامة و لحياة. اللي يامن بيّا حتى لو كان يموت راح يحيا,
26
و كل من كان حي و امن بيّا ما يموتش ابدا. تامني بهاذا الشيء؟".
27
قالت: "نعم يا سيدي, انا امنت انك انت هو المسيح ابن الله, اللي جا للعالم". لعازر يقوم من بين الموتى
28
و كي قالت هاذا لكلام راحت و عيطت على اختها مريم بالدرقة, و قالت لها: "المعلم او جا, و راه يعيطلك".
29
و هي كي سمعت وقفت تجري و راحت ليه.
30
و مازال يسوع ما دخلش للقرية, بقى قاعد ف المضرب اللي لاقاتو فية مرثا.
31
و هاذوك الناس اليهود اللي جاو باه يعزوا فيهم, كي شافوا مريم وقفت و خرجت تجري, تبعوها و قالوا: "اي رايحة للقبر تبكي على خوها".
32
و كي وصلت مريم عند يسوع و شافاتو, رمات روحها عند رجليه و قالت: "يا سيدي, لو كان جيت هنا راه خويا ما ماتش!".
33
و كي شافها يسوع تبكي, و الناس اللي معاها يبكيو, توجَع و غاضو الحال,
34
و قال: "وين دفنتوه؟". قالوا: "يا سيدي, ارواح تشوف".
35
و بكى يسوع.
36
قالوا ليهود: "شوفوا قداه كان يحبو!".
37
و جماعة منهم قالوا: "هاذا اللي فتح عينين العميان زعمى ما كانش قادر يرد الموت على لعازر؟".
38
وزاد حزن يسوع ثاني مرة اخرى و جا للقبر, و هو مغارة و يقفلوها بحجرة كبيرة.
39
و قال يسوع: "هزوا الحجرة!". قالت لو مرثا اخت الميت: "يا سيدي, او عندو ربعة ايام من اللي مات راه نتان".
40
قال لها يسوع: "ياخي قلت لك: كان امنتي تشوفي المجد تاع الله؟".
41
و هزوا الحجرة وين كان محطوط الميت, و هز يسوع عينيه للسماء وقال: "نشكرك يا ابي, على خاطر سمعت لي,
42
و انا عارف باللي تسمعني دايما. بالصح على جال الناس اللي واقفين هنا قلت هاذا لكلام, باه يامنوا باللي انت هو اللي بعثتني".
43
و كي قال هاذا لكلام عيط بصوت عالي و قال: "لعازر, ارواح لبرى!".
44
و خرج لهم الميت و يديه و رجليه مربوطين بالقماش, و وجهو مغطي بالمنديل تاع لكفن. قال لهم يسوع: "حلوه خلوه يروح". ليهود يتفاهموا باه يقتلوا يسوع
45
و جماعة كبيرة من ليهود اللي جاو لمريم, و شافوا بعينيهم واش دار يسوع, و امنوا بيه.
46
و كاين منهم جماعة اللي راحوا للعلماء تاع الشريعة و قالوا لهم واش دار يسوع.
47
و داروا الرياس تاع الكهنة و العلماء تاع الشريعة اجتماع و قالوا: "واش نديروا؟ هاذا الراجل يدير معجزات ياسر.
48
لو كان نخليوه ضرك الناس الكل يامنوا بيه, و يجيو الرومان يرَيْبوا الهيكل و يفنيو الامة تاعنا".
49
قال واحد منهم, و هو قيافا, اللي كان رايس الكهنة ف هاذاك العام: "انتم ما تعرفوش واحدة الحاجة,
50
و ما تفهموش بالي خير لينا يموت راجل واحد من الشعب و ما تفناش الامة كاملة!".
51
و هو ما قالش هاذا الكلام من راسو, بالصح على خاطر حكم المنصب تاع رايس الكهنة ف هاذاك العام, تنبأ باللي يسوع راح يموت و يفدي الامة,
52
مش غير الامة برك بالصح ثاني باه يلم الشمل تاع ابناء الله المتفرقين و يجعلهم شعب واحد.
53
و من هاذاك اليوم تشاوروا باه يقتلوه.
54
و حتى يسوع ما كانش يمشي جهار بين ليهود, و راح من ثمة للجوايه لقريبة للصحراء, لواحد لمدينة اسمها افرايم, و قعد هو و التلامذة تاعو لثمة.
55
و كي قرّب عيد الفصح تاع ليهود. طلعوا ناس ياسر من اهل القرى لاورشليم قبل الفصح باه يطهروا ارواحهم.
56
و كانوا يفركتوا على يسوع و يقولوا بيناتهم, و همّا واقفين ف وسط الهيكل: "واش رايكم زعمى؟ يجي للعيد و الا لا؟".
57
و حتى رياس الكهنة و العلماء تاع الشريعة حطوا امر باللي كل من يعرف وين هو يخبر عليه, باه يحكموه.
Chapter 12
1
وقبل العيد تاع الفصح بستة ايام جا يسوع لبيت عنيا, المضرب اللي يسكن فيه لعازر اللي حيّاه من بين الموتى.
2
و داروا لو لعشاء, و كانت مريم واقفة تخدم, و كان لعازر قاعد مع الناس و مع يسوع.
3
هزت مريم قرعة تاع طيب حر غالي ياسر, وصبتها على يسوع و دهنتلو رجليه, و مسحتهم بشعرها, و فاحت ريحة الطيب ف الدار كاملة.
4
و قال واحد من التلامذة, و هو سمعان يهوذا الاسخريوطي, اللي راح يبيّع بيه و يسلمو ل ليهود:
5
"لو كان بعنا هاذا الطيب بثلاثمياة دينار و فرقّناها على الفقراء خير؟".
6
و هو قال كيما هكّا مش على خاطر يهموه الفقراء, بالصح على خاطر كان سارق, و كان هو اللي حاكم الخزنة تاع التبرعات و كان يهز منها.
7
قال يسوع: "خلوها! هي كانت مخبية هاذا الطيب لنهار الدفينة تاعي,
8
اما الفقراء ام عندكم ف كل وقت, اما انا ما نكونش معاكم دايما".
9
و كي سمعوا الناس الكل باللي يسوع لثم, جاو مش باه يشوفوا يسوع برك, بالصح ثاني باه يشوفوا لعازر اللي حيّاه من بين الموتى.
10
و تشاوروا رياس الكهنة باه يزيدوا يقتلوا حتى لعازر.
11
على خاطر بسبتو هو كانوا ناس ياسر يروحوا و يامنوا بيسوع. يسوع يدخل لاورشليم
12
و اليوم و غدوة سمعوا الناس الكل اللي جاو للعيد باللي يسوع راح يجي لاورشليم,
13
ولاو هزوا السعف تاع النخل و خرجوا باه يعرضولو, و كانوا ينادوا و يقولوا: "اوصنا! تبارك الله على اللي جاي بأسم الرب! الملك تاع اسرائيل!".
14
و لقى يسوع ثمة واحد الجحش ركب عليه كيما جا ف لكتاب:
15
" يا بنت صهيون ما تخافيش. هاو الملك تاعك يجي راكب فوق جحش".
16
و ما فهموش التلامذة هاذي الامور ف لول, بالصح كي تمجد يسوع, وقتها تفكروا بالي هاذي الاية كانت مكتوبة عليه هو, و بالي الناس داروا هاذا الشيء على جالو هو.
17
و كانوا الناس اللي معاه يشهدوا باللي عيط على لعازر من لقبر و حيّاه من بين الموتى.
18
على هاذا الشيء ثاني جاو الناس باه يشوفوه, على خاطر سمعوا بيه باللي دار هاذي المعجزة.
19
و قالوا علماء الشريعة لبعضاهم: "شوفوا كيفاه! ما فيكم حتى فايدة انتم! هاي الناس الكل راحت وراه!". يسوع يخبرهم على الموت تاعو
20
و كانوا ثمة جماعة من اليونانيين بين الناس اللي جاو باه يسجدوا ف العيد.
21
هاذوك جاو لفيليبس اللي من بيت صيدا ف الجليل, و سقساوه و قالوا لو: "يا سيدي, نحبوا نشوفوا يسوع".
22
راح فيليبس و قال لاندراوس, و راحوا مع بعضاهم و قالوا ليسوع.
23
رد عليهم يسوع و قال لهم: "حضرت الساعة اللي راح يتمجد فيها ابن الانسان.
24
نقول لكم الحق الحق: لو كان الحبة تاع القمح ما تطيحش ف لرض و تموت تقعد وحدها. بالصح كي تموت تجيب ثمار اخرى ياسر.
25
اللي يحب نفسو يفناها, و اللي يبغض نفسو ف هاذي الدنيا يربحها للحياة الدايمة.
26
اللي يحب يخدمني يتبعني, وين نكون انا يكون الخادم تاعي ثاني. و اللي يخدمني يكرمو الاب.
27
نفسي متضايقة ضرك. واش نقول: يا بابا نجيني من هاذي الساعة؟ بالصح انا جيت على جال هاذا الشيء بالذات.
28
يا بابا مجّد اسمك!". و جا صوت من السماء يقول: "اعطيتلو المجد, و راح نزيد نمجدو!".
29
و الناس اللي كانوا حاضرين و سمعوا قالوا: "هاذا صوت الرعد!". و اخرين قالوا: "كان يهدر معاه ملاك!".
30
قال لهم يسوع: "هاذا الصوت ما جاش على جالي انا, جا على جالكم انتم. ضرك راح يتحاسب هاذا العالم.
31
و ضرك الرايس تاع هاذا العالم راح يتسحت لبرى.
32
و انا نهار اللي نترفع من لرض نجبد ليّا الناس الكل".
33
قال هاذا لكلام يشير للميتة اللي راح يموتها.
34
جاوبوه الناس و قالوا: "احنا سمعنا ف الشريعة بالي المسيح يبقى دايما, كيفاه انت تقول باللي لازم ابن الانسان يترفع؟ شكون هو هاذا ابن الانسان؟".
35
قال لهم يسوع: "النور ما زال معاكم مدة قليلة, امشيو مادام عندكم النور قبل ما تطيح عليكم الظلمة. على خاطر اللي يمشي ف الظلمة ما يعرفش وين يروح.
36
مادام عندكم النور امنوا بالنور باه توَليو اولاد النور". قال يسوع هاذا لكلام و من بعد راح و تخبى عليهم. ليهود يرفضوا الايمان بالمسيح
37
و بالرغم اللي هو دار قدامهم معجزات ياسر, ما امنوش بيه,
38
باه يتم القول تاع النبي اشعياء: "يا ربي, شكون يصدق كلامنا؟ و لشكون ظهرت يد الرب؟".
39
على هاذا الشيء ما قدروش يامنوا. على خاطر اشعياء قال ثاني:
40
"الله عمى عينيهم, و قسى قلوبهم, باه ما يشوفوش بعينيهم, و باه ما يحسوش بقلوبهم, و يتوبوا و نشفيهم".
41
قال اشعياء هاذا لكلام وقت اللي شاف المجد تاعو و تكلم عليه.
42
و رغم هاذا الكل امنوا بيه ناس ياسر حتى من رياس الشعب ثاني, بالصح كانوا خايفين من العلماء تاع الشريعة و ما قدروش يستعرفوا بيه, باه ما يخرجوهمش من المجمع,
43
على خاطر كانوا طالبين المجد تاع الناس اكثر من المجد تاع الله.
44
نادى يسوع و قال: "اللي يامن بيّا, يأمن باللي بعثني.
45
و اللي يشوفني يشوف اللي بعثني.
46
انا جيت للعالم نور, باه كل من يامن بيّا ما يبقاش ف الظلمة.
47
و اذا كان واحد سمع كلامي و ما امنش انا ما نحاسبوش, ما جيتش باه نحاسب العالم جيت باه نمنع العالم.
48
و اللي ما يحبنيش و ما يقبلش كلامي عندو شكون يحاسبو. لكلام اللي قلتو هو اللي راح يحاسبو نهار لاخرة,
49
على خاطر انا ما نهدرش من راسي, بالصح الاب اللي بعثني هو وصاني بالشي اللي نقولو و الشيء اللي نهدر بيه".
50
و انا نعرف باللي لوصية تاعو هي حياة دايمة. الشيء اللي قاعد نهدر بيه, كيما قال لي الاب هكا نقول انا ثاني".
Chapter 13
1
و يسوع قبل عيد الفصح, و هو عالم باللي ساعتو حضرت باه يترفع من هاذا العالم و يروح عند الاب, و على خاطر حب اتباعو اللي ف هاذا العالم, حبهم ع لخر.
2
و قعد باه يتعشى مع التلامذة تاعو, و كان الشيطان حط ف قلب يهوذا سمعان الاسخريوطي باه يروح يسلمو لليهود,
3
و يسوع و هو عالم باللي الاب دفع كل شيء بين يديه, و باللي راه خرج من عند الله, و عند الله يرجع,
4
وقف على لعشاء, و نحى البرنوس تاعو, و هز منشفة حطها ف نصو,
5
و من بعد صب الماء ف القصعة, و بدى يغسل ف رجلين التلامذة و يمسح فيها بالمنشفة اللي كانت ف نصو.
6
و كي وصل لسمعان بطرس. قالو: "يا سيد, كيفاه انت تغسل لي رجليّا!".
7
رد عليه يسوع و قالو: "انت ما تعرفش واش قاعد ندير ضرك, بالصح من بعد تفهم".
8
قالو بطرس: "لا ما تغسلش رجليّا ابدا!". رد عليه يسوع و قال: "لو كان ما نغسل رجليك ما يكون ليك معايا حتى نصيب".
9
قالو سمعان بطرس: "ياسيدي, مالا ما تغسلش رجليّا برك زيد اغسل حتى يديّا و راسي".
10
قالو يسوع: "اللي غسل ما يحتاج غير يغسل رجليه برك, على خاطر هو بكلو طاهر. و انتم طاهرين بالصح مش كلكم".
11
على خاطر كان عارف شكون راح يبيعو, على هاذا قال: "ما كمش الكل طاهرين".
12
و بعد ما غسل لهم رجليهم لبس لبرنوس و قعد هو ثاني, و قال لهم: "فهمتوا الشيء اللي عملت لكم؟
13
انتم تقولولي معلم و سيد, و هاذي حاجة مليحة, على خاطر انا معلم و سيد.
14
و اذا كنت انا المعلم و السيد و غسلت لكم رجليكم, مالا انتم ثاني لازم تغسلوا رجلين بعضاكم,
15
انا اعطيت لكم مثال, باه كيما درت انا تديروا انتم ثاني.
16
نقول لكم الحق الحق: ما كانش عبد اعظم من سيدو, و لا رسول اعظم من اللي بعثو.
17
و ضرك كي عرفتوا هاذي الحقيقة يا سعدكم كي تعملوا بيها. يسوع يخبر التلامذة بالخيانة تاع يهوذا
18
"ما نقولش هاذا لكلام عليكم الكل. انا نعرف اللي خايرتهم. باه يتم المكتوب: اللي ياكل معايا الملح دار عليّا.
19
نخبركم اليوم بالامر قبل ما يصير, باه نهار اللي يصرى تامنوا باللي انا هو.
20
نقول لكم الحق الحق: اللي يقبل الناس اللي نبعثهم يقبلني انا, و اللي يقبلني انا يقبل اللي بعثني".
21
و كي قال يسوع هاذا لكلام ضاقت نفسو, و قال لهم جهار: كاين واحد منكم راح يبيّع بيّا!".
22
و بقاو التلامذة يخزروا ف بعضاهم و همّا محيرين على من كان يهدر.
23
و كان واحد من لتلامذة قاعد و يسوع محضنو, كان يسوع يحبو.
24
دارلو سمعان بطرس اشارة براسو باه يسقسيه على شكون يهدر.
25
و اتكى هاذاك التلميذ على صدر يسوع و قال لو: "يا سيدي, شكون هو؟".
26
رد يسوع وقال: "هاذاك اللي نغمس اللقمة و نمدلو!". و غمّس اللقمة و اعطاها ليهوذا سمعان الاسخريوطي.
27
و كي كلاها دخل فيه الشيطان. و قالو يسوع: "روح ازرب دير واش راح تدير ما تبطاش".
28
و ما كان حتى واحد من القاعدين فهم لهدرة اللي قالها لو,
29
و على خاطر كان الصندوق عند يهوذا, كاين جماعة اللي حسبوا يسوع بعثو و قالو: اشري واش نحتاجو للعيد, و الا وصاه يمد صدقة للفقراء. لوصية الجديدة
30
و هاذاك بعدما كلى اللقمة خرج ثم ثم. و كانت الدنيا ليل.
31
و كي خرج قال يسوع: "ضرك تمجد ابن الانسان و تمجد الله فيه.
32
و اذا كان الله تمجد فيه, يعني الله راح يمجدو ف ذاتو, و يمجدو بعد شوية.
33
يا ولادي, انا راح نبقى معاكم زمان قليل. راح تفركتوا عليا, و كيما قلت لليهود نزيد نقول لكم انتم: وين رايح ما تقدروش انتم تروحوا ضرك.
34
انا نعطيكم وصية جديدة: تحبوا بعضاكم. كيما حبيتكم انا تحبوا انتم ثاني بعضاكم.
35
بهاذا يعرفوا الناس الكل باللي انتم التلامذة تاعي: اذا كان عندكم محبة لبعضاكم". يسوع يقول باللي بطرس راح ينكروا
36
قالو سمعان بطرس: "يا سيدي وين رايح؟". رد عليه يسوع و قال: "المضرب اللي راح نروحلو ما تقدرش تتبعني ليه ضرك, بالصح يجي نهار و تتبعني".
37
قال لو بطرس: "يا سيدي علاه ما نقدرش نروح معاك ضرك؟ انا نضحي بحياتي على جالك!".
38
رد عليه يسوع وقال: "تضحي بروحك على جالي؟ نقول لك الحق الحق: قبل ما يعوعش السردوك تنكرني ثلاثة مرات.
Chapter 14
1
"ما تزعزع قلوبكم. انتم تامنوا بالله امنوا بيّا.
2
في بيت بابا ديار ياسر, و الا ما كنتش نقول لكم. انا نروح باه نوّجد لكم مكان,
3
و كي نروح و توّجد لكم مكان نزيد نجي و نديكم عندي, باه وين نكون انا تكونوا انتم ثاني.
4
و انتم عارفين وين رايح و تعرفوا الطريق".
5
قال لو توما: "يا سيدي, احنا ما علابالناش انت وين رايح, كيفاه نقدروا نعرفوا الطريق؟".
6
رد عليه يسوع و قال: "انا هو الطريق و الحق و الحياة. واحد ما يجي للاب غير بيّا.
7
كان عرفوني تعرفوا بابا ثاني. و من اليوم تعرفوه و شفتوه".
8
قال لو فيليبس: "يا سيدي, وريلنا الاب و يكفينا".
9
قال لو يسوع: "انا معاكم هاذي المدة الكل و ما تعرفنيش ا فيليبس! اللي شافني شاف الاب, كيفاه مالا تقول لي: وريلنا الاب؟
10
تامن باللي انا ف الاب و الاب فيّا؟ الهدرة اللي هدرتها لكم ما قلتاش من عندي, الاعمال اللي نعملها يعملها الاب اللي فيّا.
11
صدقوني اذا قلت انا ف الاب و الاب فيّا, و الا صدقوني على جال هاذيك الاعمال.
12
نقول لكم الحق الحق: اللي يامن بيّا هو ثاني يعمل الاعمال اللي نديرها انا, و يعمل ما اعظم منها, على خاطر انا رايح عند الاب.
13
مهما واش تطلبوا باسمي يكون لكم باه يتمجد الاب بالابن.
14
كي تطلبوا حاجة باسمي انا نديرها لكم. الوعد بالروح القدس
15
اذا كنتوا تحبوني اعملوا بالوصايا تاعي,
16
و انا نطلب من الاب يعطيكم معزي اخر يقعد معاكم على الدوام,
17
اللي هو روح الحق اللي ما يقدرش العالم يقبلو, على خاطر لا يشوفوا و لا يعرفوا, اما انتم تعرفوه على خاطر قاعد معاكم و يكون فيكم.
18
ما نخليكمش ايتامى.اني نرجع لكم.
19
بعد شوية حتى العالم ما يشوفنيش بالصح انتم تشوفوني, على خاطر انا حي انتم ثاني تحياو.
20
ف هذاك النهار تعرفوا اني انا ف بابا, و انتم فيّا, و انا فيكم.
21
اللي يعرف لوصايا تاعي و يطبقها هاذاك يحبني, و اللي يحبني يحبوا بابا, و انا نحبو, و نبين لو ذاتي".
22
قال لو يهوذا الاخر مش الاسخريوطي: "يا سيدي, كيفاه تبين ذاتك لينا احنا و ما تبينهاش للعالم؟".
23
رد عليه يسوع و قال: "اللي يحبني يطبق كلامي, و بابا يحبو, و ليه نجيو, و عندو نديروا دار.
24
اللي ما يحبنيش ما يطبقش كلامي. لكلام اللي تسمعوا فيه ماهوش من عندي بالصح من عند الاب اللي يعثني.
25
هاذا لكلام اللي قلتوا كي كنت عندكم.
26
اما المعزي. الروح القدس, اللي راح يبعثوا الاب باسمي, هو اللي راح يعلمكم كل شيء, و يفكركم بالكلام الكل اللي قلت لكم عليه.
27
"نخليلكم لهناء و السلام. نوهبكم لهناء تاعي. مش كيما يمد العالم انا نمدلكم. لا تخافوا لا تتزعزع قلوبكم.
28
سمعتوني كي قلت لكم: انا رايح و راح نرجع لكم. لو كان جيتوا تحبوني كنتوا تفرحوا على خاطر قلت لكم اني رايح للاب, على خاطر بابا اعظم مني.
29
قلت لكم هاذا لكلام اليوم قبل ما يصرى, باه نهار اللي يصرى تامنوا.
30
ما بقيتش نهدر معاكم ياسر, على خاطر رايس هاذي الدنيا راح يجي و ما عندو حتى قدرة عليًا.
31
بالضح باه يفهم العالم باللي انا نحب الآب, و الشيء اللي وصاني عليه نديروا. نوضوا هيا نروحوا من هنا.
Chapter 15
1
"انا هو الكرمة تاع الصح و بابا هو الكرّام.
2
و كل عرف فيّا ما يجيبش ثمار يقصو, و كل عرف يجيب ثمار ينقيه باه يزيد يجيب ثمار اكثر من قبل.
3
انتم اليوم طاهرين بسبة لكلام اللي قلت لكم عليه.
4
اثبتوا فيّا و انا فيكم. كيما العرف ما يقدرش يجيب ثمار من ذاتو لو ما يكونش لاصق ف الكرمة, هكذاك انتم ثاني ما تجيبوش ثمار لو كان ما تثبتوش فيّا.
5
انا الكرمة و انتم لعراف. اللي يثبت فيّا و انا فيه هاذا يجيب ثمار ياسر, على خاطر بلا بيّا ما تقدروا تديروا حتى شيء.
6
اللي ما يثبتش فيّا يطَيَش لبرى كي العرف, وييبس و يلموه و يرموه ف النار, و يتحرق.
7
اذا ثبتّوا فيّا و ثبت كلامي فيكم تطلبوا واش تحبوا يكون لكم.
8
بهاذا يتمجد بابا: كي تجيبوا ثمار ياسر و تكونوا التلامذة تاعي.
9
انا نحبكم كيما يحبني الاب. اثبتوا ف محبتي.
10
اذا طبقتوا الوصايا تاعي تثبتوا ف محبتي, كيما طبقت انا الوصايا تاع بابا و نثبت ف محبتو.
11
قلت لكم هاذا لكلام باه تثبت الفرحة تاعي فيكم و تتم الفرحة تاعكم.
12
"هاذي هي وصايتي ليكم تحبوا بعضاكم كيما حبيتكم انا.
13
ما كان حتى محبة اعظم من هاذي: كي لواحد يضحي بحياتو على جال حبابو.
14
انتم همّا احبابي اذا كان درتوا كيما وصيتكم.
15
ما نزيدش نسميكم عبيد, على خاطر العبد ما يعرفش واش راح يدير سيدو, بالصح انا سميتكم لحباب على خاطر خبرتكم بالشيء كامل اللي سمعتو من عند بابا.
16
مش انتم اللي خايرتوني انا اللي خايرتكم, و بعثتكم باه تروحوا و تجيبوا ثمار, و تدوم ثماركم, باه يعطيكم الاب كل ما تطلبوا باسمي.
17
بهاذا انا نوصيكم تحبوا بعضاكم. العالم يكره يسوع و التلامذة تاعو
18
"اذا كان كرهكم العالم اتفكروا باللي كرهني انا قبلكم.
19
لو كان جيتوا من اهل العالم العالم يحب اماليه. بالصح على خاطر انتم ماكمش من العالم, بالصح انا خايرتكم من وسط العالم, على هاذا يكرهكم العالم.
20
اتفكروا كلامي اللي قلت لكم: ما يكونش العبد اعظم من سيدو. اذا كان اضطهدوني انا راح يضطهدوكم انتم ثاني و اذا كان طبقوا كلامي راح يطبقوا كلامكم انتم ثاني.
21
بالصح راهم يديروا لكم هاذا الشيء كامل على جال اسمي, على خاطر ما يعرفوش اللي بعثني.
22
لو كان ما جيتش و ما كلمتهمش, ما يكون عندهم حتى ذنب, اما اليوم ما عندهم حتى عذر على ذنبهم.
23
اللي يكرهني يكره بابا ثاني.
24
لو كان ما درتش قدامهم اعمال حتى واحد ما يديرها غيري, ما يكون عندهم ذنب, اما اليوم شافوا بعينيهم و كرهوني انا و بابا.
25
بالصح باه تتم الكلمة المكتوبة اللي ف الشريعة تاعهم: بلا سبة كرهوني.
26
و كي يجي المعزي اللي راح نبعثهولكم انا من عند بابا, روح الحق, اللي ينبثق من عند الاب, و هو راح يشهد لي.
27
و انتم ثاني راح تشهدوا لي على خاطر كنتوا معايا من لول.
Chapter 16
1
"قلت لكم هاذا لكلام باه ما يضعافش الايمان تاعكم.
2
راح يسحتوكم من لمجامع, يجي وقت يكون فيه كل من يقتلكم يحسب روحو يدير فريضة لله.
3
يديروا فيكم كيما هكا على خاطر لا عرفوا الاب و لا عرفوني انا.
4
نقول لكم هاذا لكلام حتى كان جا الوقت تتفكروا باللي قلت لكم عليه. ما حبيتش تقول لكم من قبل على خاطر كنت معاكم. الخدمة تاع الروح القدس
5
ضرك انا رايح عند الاب اللي بعثني, و واحد منكم مايسقسيني: وين رايح؟
6
على خاطر كي قلت لكم قلوبكم حزنت.
7
بالصح نقول لكم الحق: خير ليكم كي نروح, على خاطر لو كان ما نروحش ما يجيكمش المعزي, بالصح اذا رحت نبعثوا يجيكم.
8
و هو كي يجي يوَبّخ العالم على المعصية و على البر و على الدينونة:
9
اما على المعصية على خاطر ما امنوش بيّا,
10
و اما على البر على خاطر رايح عند بابا و ما تزيدوش تشوفوني,
11
و اما على الدينونة على خاطر رايس هاذا العالم تحكم عليه.
12
"عندي امور اخرى ياسر نقول لكم عليها, بالصح ما تقدروش تستحملوا ضرك.
13
بالصح وقت اللي يجي هاذاك, روح الحق, هو يوجهكم للحق كامل, على خاطر ما يتكلمش من ذاتو, يتكلم بكل ما يسمع, و يخبركم بالامور الجاية.
14
هاذاك يمجدني, على خاطر يدي من عندي و يخبركم.
15
كل اللي للاب هو ليّا. على هاذا قلت: هو يدي من عندي و يخبركم.
16
بعد وقت قليل ما تشوفونيش, و من بعد وقت قليل ثاني تشوفوني, على خاطر انا رايح للاب". الحزن تاع التلامذة يتبدل يولي فرحة
17
جماعة من التلامذة تاعو هدروا بيناتهم و قالوا: "وش هاذا اللي يقول لنا فيه: بعد وقت قليل ما تشوفونيش, و من بعد وقت قليل ثاني تشوفوني,على خاطر انا رايح للاب؟".
18
و قالوا: وش هو هاذا الوقت لقليل اللي يقول عليه؟ ماعلابالناش واش قاعد يهدر!".
19
و علم يسوع باللي كانوا حابين يسقسيوه, قال لهم: "قاعدين تسقسيو بيناتكم, على خاطر قلت: بعد وقت قليل ما تشوفونيش, و من بعد وقت قليل ثاني تشوفوني
20
نقول لكم الحق الحق: انتم راح تبكيو و تنوحوا و العالم يفرح. انتم راح تحزنوا, بالصح الحزن تاعكم يولي فرحة.
21
لمرى كي تعود تولد تحزن على خاطر ساعة لولادة جات, بالصح كي تولد الفرحة تنساها لعذاب اللي تعذباتو, على خاطر جابت انسان للدنيا.
22
حتى انتم ثاني, ضرك عندكم حزن. بالصح كي نزيد نشوفكم مرة اخرى تفرحوا من قلوبكم, و واحد ما يسرق لكم الفرحة تاعكم
23
ف هاذاك اليوم ما تسقسيوني على حتى حاجة. نقول لكم الحق الحق: كل ما تطلبوه من عند الاب باسمي يعطيكم.
24
و حتى لضرك ما طلبتوا حتى شيء باسمي. اطلبوا تنالوا, باه تكون الفرحة تاعكم كاملة.
25
"هدرت معاكم بالمعاني, بالصح يجي وقت وين ما نزيدش نهدر معاكم بالمعاني, بالصح نخبركم على الاب بصراحة.
26
ف هاذاك اليوم تطلبوا باسمي. و ما نقولش باللي انا نطلب الاب على جالكم,
27
على خاطر الاب ف ذاتو يحبكم, كي حبيتوني, و امنتوا باللي انا خرجت من عند الله.
28
خرجت من عند الاب, و جيت للعالم, و نزيد نخلي العالم و نروح عند الاب".
29
قالوا التلامذة: "اك ضرك تهدر جهار و ما تهدرش بالمعاني.
30
ضرك عرفنا باللي على بالك بكل شيء, و ما تسناش واحد يسقسيك. على هاذا احنا نامنوا باللي راك من عند الله خرجت".
31
رد عليهم يسوع وقال: "ضرك وين امنتوا؟
32
راح تجي ساعة, و هي جات ضرك, تتفرقوا فيها كل واحد يروح ف حالو, و تخلوني وحدي. انا مانيش وحدي الاب معايا.
33
كلمتكم بهاذا لكلام باه تكونوا هانيين من جيهتي. ف العالم راح تلقاو لعذاب, بالصح تيقنوا: انا غلبت العالم".
Chapter 17
1
قال يسوع هاذا لكلام و من بعد هز عينيه للسماء و قال: "يا بابا, هاي حضرت الساعة. مجد ابنك باه حتى ابنك يمجّدك هو ثاني,
2
كي عطيت لو السلطة على كل بشر باه يوهب لحياة الدايمة لكل من وهبتهم ليه.
3
و هاذي هي لحياة الدايمة: كي يعرفوك انت الاله الحقيقي وحدك و يسوع المسيح اللي بعثتو.
4
انا مجدتك على الارض. وقت اللي كملت الخدمة اللي بعثتني باه نديرها.
5
و ضرك مجدني انت يا بابا عند ذاتك بالمجد اللي كان ليّا عندك من قبل ما يتكون العالم. يسوع يصلي من اجل التلامذة
6
"انا بينت اسمك للناس اللي وهبتهم لي من العالم. كانوا ليك انت و وهبتهم لي, و هما طبقوا كلامك.
7
و اليوم عرفوا باللي كل ما وهبتلي هو من عندك,
8
على خاطر لكلام اللي وهبتني انا وهبتوا ليهم, و همّا قبلوه و تيقنوا باللي من عندك خرجت, و امنوا باللي انت اللي بعثتني.
9
على جالهم همّا نطلب. مش على جال العالم, بالصح على جال اللي وهبتهم ليّا على خاطرهم ليك.
10
كل اللي ليّا انا هو ليك انت, و كل اللي ليك انت هو ليّا, وانا نتمجد فيهم.
11
انا ما نبقاش ف العالم اما همّا باقيين فيه, و انا جاي عندك. يا بابا القدوس, احفظهم ف اسمك الناس اللي وهبتهم ليّا, باه يكونوا واحد كيما انا واياك واحد.
12
كي كنت معاهم ف العالم كنت نحفظهم ف اسمك. الناس اللي وهبتهم ليّا انا حفظتهم, و ما خسرت حتى واحد منهم غير ابن لهلاك باه يتم لكلام المكتوب.
13
اما انا راح نجي ليك. نتكلم هاذا لكلام و انا ف العالم باه تكون الفرحة تاعي كاملة فيهم.
14
انا اعطيتهم كلامك, و العالم يبغضهم على خاطر ما همش من العالم, كيما انا مانيش من هاذا العالم.
15
ما نطلبش تهزهم من العالم بالصح نطلب تحفظهم من شر الشرير.
16
ما همش من العالم كيما انا مانيش من العالم.
17
قدسهم ف الحق تاعك. كلامك هو الحق.
18
كيما بعثتني للعالم انا ثاني نبعثهم للعالم,
19
و على جالهم انا نقدس ذاتي, باه حتى همّا يكونوا مقدسين ف الحق. صلاة يسوع من اجل كل المومنين بيه
20
"و ما نطلبش غير على جال هاذوك برك, بالصح نطلب ثاني على جال اللي رايحين يامنوا بيّا بسبة كلامهم,
21
باه يكونوا كلهم واحد, كيما انت يا بابا فيّا و انا فيك, باه يكونوا همّا ثاني واحد فينا, باه يامن العالم باللي راك انت هو اللي بعثتني.
22
انا اعطيتهم المجد اللي انت عطيتني, باه يكونوا واحد كيما انا و اياك واحد.
23
انا فيهم و انت فيّا باه تكون الوحدة تاعهم كاملة, و يعرف العالم باللي انت اللي بعثتني, و حبيتهم كيما حبيتني.
24
يا بابا هاذوك اللي وهبتهم لي نحب يكونوا معايا وين نكون انا, باه يشوفوا المجد تاعي اللي مديتلي, على خاطر حبيتني قبل تكوين العالم.
25
يا بابا البار, العالم ما عرفكش, اما انا عرفتك, و هاذوك عرفوا باللي انت اللي بعثتني.
26
و عَرّفتهم اسمك و راح نزيد نعرّفهم اكثر, اجعل ف قلوبهم الحب اللي حبيتني بيه. و نكون انا فيهم".
Chapter 18
1
قال يسوع هاذا لكلام و خرج هو والتلامذة و عداو للجيهة لخرى لواد قدرون, و كان ثمة واحد الجنان دخل ليه هو والتلامذة.
2
و كان يهوذا اللي راح يخونو يعرف هاذاك المضرب على خاطر يسوع كان دايما يقعد فيه هو والتلامذة.
3
و جاب يهوذا العسكر و رجال من عند رياس الكهنة و العلماء تاع الشريعة, و راحوا لهاذاك الجنان و هما هازين مصابيح و مشاعل و سلاح.
4
و خرج يسوع و هو عالم بكل واش راح يصرى لو. و قال لهم: "على شكون تحوسوا؟".
5
قالوا: "يسوع الناصري". قال لهم يسوع: "انا هو". و كان يهوذا اللي راح يخونو هو ثاني واقف معاهم.
6
و كي قال لهم: "اني انا هو", ساخروا لورى و طاحوا على لرض.
7
و زاد سقساهم: "على شكون تحوسوا؟". قالوا: "يسوع الناصري".
8
رد عليهم يسوع و قال: "قلت لكم اني انا هو. كي عدتوا تحوسوا عليّا انا خلِيو هاذوا يروحوا".
9
باه يتم لكلام اللي مكتوب: "اللي وهبتهم لي ما خسرت منهم حتى واحد".
10
و سمعان بطرس كان عندو سيف, جبدو وضرب بيه لخديم تاع رايس الكهنة, و نحالو وذنو ليمنى. و كان اسم الراجل ملخس.
11
قال يسوع لبطرس: "رجع السيف تاعك وين كان! كيفاه ما نشربش كاس لعذاب اللي جعلهالي الاب؟". قدام حنّان
12
و العسكر و القايد و الخدّام تاع ليهود حكموا يسوع و كتفوه,
13
و اداوه لحنّان هو لول, على خاطر كان نسيب قيافا اللي كان رايس للكهنة ف هاذاك العام.
14
و قيافا هو اللي دبّر على ليهود باللي خير لهم يموت راجل واحد يفدي الشعب. بطرس ينكر يسوع
15
و كان سمعان بطرس هو و التلميذ لاخر يتبعوا ف يسوع, و كان هاذاك التلميذ معروف عند رايس الكهنة, و دخل مع يسوع لدار رايس الكهنة.
16
اما بطرس كان واقف لبرى قدام الباب. و خرج التلميذ لاخر اللي كان معروف عند رايس الكهنة, و هدر مع البواب باه يدخل بطرس.
17
و قالت لخديمة اللي ف لباب لبطرس: "انت ثاني واحد من التلامذة تاع هاذا الراجل؟" و هو قال: "لا مانيش انا!"
18
و كانوا العبيد و الخدّام واقفين, يتدفاو على خاطر كان الحال بارد شعلوا النار, و كان بطرس واقف يتدفى معاهم. قدام رايس الكهنة
19
سقسى رايس الكهنة يسوع على التلامذة تاعو و على التعليم تاعو.
20
رد عليه يسوع وقال: "انا كنت نهدر مع الناس الكل جهار. انا كنت نعلم دايما ف المجمع و ف الهيكل اللي يتلموا فيه ليهود. و ما هدرت حتى شيء بالدرقة.
21
علاه تسقسي فيّا انا؟ سقسي الناس اللي سمعوا واش قلت. راهم يعرفوا واش قلت لهم".
22
و كي قال يسوع كيما هكا واحد من الخدّام اللي كانوا واقفين ضرب يسوع على وجهو, و قالو: "كيما هكا نردوا على رايس الكهنة؟".
23
جاوبو يسوع و قال: "اذا كان غلطت ف كلامي قلي اك غالط, بالصح انا ما غلطش علاه مالا تضرب فيّا؟".
24
و زاد بعثو حنّان و هو مكتف عند قيافا رايس الكهنة. بطرس يزيد ينكر زوز مرات اخرين
25
و كان سمعان بطرس واقف يتدفى. زادوا قالوا لو: "مش انت ثاني واحد من التلامذة تاعو؟". نكر و قال: "لا خاطي انا!".
26
و قال واحد من العبيد تاع رايس الكهنة, و هو نسيب الراجل اللي قصلو بطرس وذنو: "علاه ما شفتكش انا كي كنت معاه ف الجنان؟".
27
زاد نكر بطرس مرة اخرى. و ف هاذاك الوقت بالذات عوعش السردوك. قدام بيلاطس
28
و من بعد جابو يسوع من عند قيافا و اداوه لدار الولاية, و قتها كان الصبح. و ما دخلوش همّا لدار الولاية باه ما يتنجسوش, و يقدروا ياكلوا الفصح.
29
خرج لهم بيلاطس و قال لهم: "وش التهمة اللي تتهموا بيها هاذا الراجل؟".
30
ردوا عليه و قالوا: "لو كان ماجاش عامل الشر ما كنّاش نجيبوه عندك!".
31
قال لهم بيلاطس: "ادوه انتومّا و احكموا عليه حساب واش تقول الشريعة تاعكم". ردوا عليه ليهود و قالوا: "احنا ما نقتلوا حتى واحد هاذا الشيء محرم علينا".
32
هاذا الكل باه يتم لكلام اللي قال عليه يسوع يشر للميتة اللي راح يموتها.
33
و من بعد دخل بيلاطس لدار الولابة و عيط على يسوع, و قال لو: "انت هو الملك تاع ليهود؟".
34
رد عليه يسوع و قال: "لكلام هاذا تقول فيه من عندك, و الا ناس اخرين قالوا لك عليّا؟".
35
جاوبو بيلاطس: "علاه انا من ليهود؟ امتك و ريّاس الكهنة همّا اللي جابوك ليّا. واش درت؟".
36
رد عليه يسوع وقال: "المملكة تاعي ماهيش من هاذا العالم, لو كان جات المملكة تاعي من هاذا العالم, راهم الخدام تاعي يحاربوا باه ما نطيحش ف يد ليهود. بالصح اليوم المملكة تاعي ماهيش من هنا".
37
قالو بيلاطس: "مالا انت ملك؟". رد عليه يسوع و قال: "انت تقول: باللي انا ملك. انا ولدت, و جيت للعالم باه نشهد للحق. و كل من كان من اولاد الحق هاذاك يسمع صوتي".
38
قالو بيلاطس: "وش هو الحق؟". و كي قال هاذا لكلام زاد خرج لليهود و قال لهم: "انا ما لقيت حتى ذنب ف هاذا الراجل.
39
من عادتكم نسيب لكم ف كل فصح واحد. تحبوا نسيب لكم الملك تاع ليهود؟".
40
بداو الكل يصيحوا بصوت واحد و يقولوا: "لا ما تسيبش هاذا سيّّب لنا باراباس!" و كان باراباس سرّاق.
Chapter 19
1
وقتها عطى بيلاطس الامر باه يسوطوا يسوع على ضهرو.
2
و ضفروا العسكر تاج تاع شوك و حطوه على راسو, و لبسوه برنوس ارجواني,
3
و كانوا يقولوا: "السلام عليك يا ملك ليهود!".و كانوا يضربوا فيه على وجهو.
4
زاد خرج لهم بيلاطس وقال: "انا خرجتو باه تعرفوا باللي ما لقيت فيه حتى ذنب".
5
خرج يسوع لبرى و التاج تاع الشوك فوق راسو و البرنوس الارجواني فوق كتافو. قال لهم بيلاطس: "ها هو الراجل!".
6
كي شافوه ريّاس الكهنة و الخدّام بداو يصيحوا و يعيطوا و يقولوا: "اصلبو! اصلبو!". قال لهم بيلاطس: "ادوه انتم و اصلبوه, انا ما لقيت فيه حتى ذنب".
7
ردوا عليه ليهود: "عندنا الشريعة, و حساب الشريعة لازم يموت, على خاطر جعل روحو ابن الله".
8
و كي زاد سمع بيلاطس هاذا لكلام زاد خاف.
9
و زاد دخل لدار الولاية و قال ليسوع: "شكون انت؟". بالصح يسوع ما حبش يرد عليه.
10
قال لو بيلاطس: "ما تردش عليّا؟ ما تعرفش باللي عندي القدرة باه نصلبك و عندي القدرة باه نسيبك؟".
11
رد عليه يسوع: "لو كان ما جاتكش القدرة من لفوق, ما يكون ليك عليّا حتى قدرة. على هاذا اللي سلمني ليك هو اللي تتحسب عليه المعصية اكثر".
12
و كان بيلاطس حاب يسيبوا, بالصح ليهود كانوا يعيطوا و يقولوا: "لو كان تسيب هاذا الراجل معناها انت ما تحبش قيصر. اللي يجعل روحو ملك يكون عدو لقيصر!".
13
و كي سمع بيلاطس هاذا لكلام خرّج لهم يسوع, و قعد على كرسي الولاية و ف المضرب اللي يسموه "البلاط" و بالعبرية "جبّاثّا".
14
و كانوا يوّجدوا للفصح, و الساعة قريب الستة. قال لليهود: "ها هو الملك تاعكم!".
15
صاحوا الكل و قالوا: "اقتلو! اقتلو! اصلبو!". قال لهم بيلاطس: "كيفاه نصلب الملك تاعكم؟". ردوا عليه ريّاس الكهنة و قالوا: "ما عندنا حتى ملك من غير قيصر!".
16
وقتها اعطاهم الامر باه يصلبوه. الصلب و اداو يسوع و راحوا بيه.
17
خرج من ثمة و هو هاز الصليب تاعو و اداوه لواحد المضرب اسمو "موضع الجمجمة" و بالعبرية يسموه "جلجثة".
18
وين صلبوه, و صلبوا معاه زوز اخرين واحد منّا و لاخر منّا, و هو ف الوسط.
19
و علق بيلاطس لوحة فوق الصليب. مكتوب فيها: "يسوع الناصري الملك تاع ليهود".
20
و ناس ياسر من ليهود قراو واش مكتوب ف هاذي اللوحة, على خاطر المضرب اللي تصلب فيه يسوع كان قريب من لمدينة. و كان مكتوب بالعبرية و اليونانية و اللاتينية.
21
و قالوا ريّاس الكهنة لبيلاطس: "ما تكتبش ملك ليهود, اكتب: هاذا الراجل قال: انا الملك تاع ليهود!".
22
رد عليهم بيلاطس: "اللي تكتب تكتب".
23
و العسكر بعدما صلبوا يسوع, داو القش تاعو اللي كان لابسو وقسموه بيناتهم هما ف اربعة. كل عسكري دا حاجة. و اداو ثاني القميص. و كان قطعة واحدة بلا خياطة, منسوج من فوق للتحت.
24
تفاهموا ف بعضاهم و قالوا: "ما نقطعوهش, نعملوا عليه القرعة لشكون يطيح". هاذا باه تتم الاية اللي تقول: "قسمو بيناتهم قشي, و داروا القرعة على لباسي". و هاذا الشيء اللي داروه العسكر.
25
و كانت امو , و خالتو, مريم مرة كلوبا, و مريم المجدلية, واقفين عند الصليب تاع يسوع.
26
و كي شاف يسوع امو, و التلميذ اللي كان يحبو واقف, قال لامو: "يامرى, هاذا ولدك".
27
و زاد قال للتلميذ: "هاذي امك". و من هاذاك النهار اداها التلميذ لدارو. الموت
28
و بعد هاذا شاف يسوع باللي كل شيء كمَل, و باه يتمم الاية اللي جات ف لكتاب قال: "انا عطشان".
29
و كان ثمة ماعون مليان بالخل, غطسوا طرف قماش ف الخل, و زادولها الزوفا و قربوها لفمو.
30
و كي ذاق يسوع الخل قال: "تم كل شيء". و طابس راسو و طلّع الروح.
31
و على خاطر كانوا يوّجدوا للعيد, و باه ما تبقاش الاجساد تاع المصلوبين فوق الصليب نهار السبت, بالخصوص هاذاك السبت كان يوم عظيم. طلبوا ليهود من بيلاطس باه يكسرولهم سيقانهم و يهزوهم.
32
و جاو العسكر و كسروا سيقان الراجل لول اللي مصلوب مع يسوع و زادوا كسروا لاخر اللي معاه.
33
و كي وصلو ا عند يسوع ما كسرولوش سيقانو على خاطر لقاوه مات.
34
بالصح واحد من العسكر بعج يسوع بالسهم على جنبو, و ثم ثم خرج منو الدم و الماء.
35
واللي شاف هاذا الشيء بعينيه يشهد, يشهد بالحق, و هو عارف باللي يقول ف الحق باه انتم تامنوا.
36
و صرى هاذا الشيء باه يتم قول لكتاب: "ما يتكسر منو حتى عظم".
37
و جاء ف اية اخرى: "راح يشوفوا للي طعنوه". الدفينة
38
و يوسف اللي من الرامة, و هو واحد من التلامذة تاع يسوع, جا بالدرقة على خاطر كان خايف من ليهود, و طلب من بيلاطس باه يعطيه الجسد تاع يسوع, كي وافق بيلاطس, راح و هز الجسد تاع يسوع.
39
و جا معاه نيقوديموس, هاذاك اللي جا ليسوع المرة لولى ف الليل, وجاب معاه ما قيمتو مياة درهم من العود و المر مخلطين.
40
و مع بعضاهم هزوا الجسد تاع يسوع و لفوه ف لكفن و حطو الطيب, حساب العادة تاع ليهود كيفاه يكفنوا.
41
و كان ف المضرب اللي تصلب فيه جنان, و ف الجنان كاين قبر جديد واحد ما تدفن فيه من قبل,
42
حطوا يسوع ثمة على خاطر القبر كان قريب, و اليهود قاعدين يوّجدوا للسبت.
Chapter 20
1
و ف اول نهار من الاسبوع جات مريم المجدلية الصباح بكري للقبر, و الدنيا مازالت ظلمة. و شافت الحجرة منحية على باب لقبر.
2
راحت تجري عند سمعان بطرس و للتلميذ لاخر اللي كان يسوع يحبو, و قالت لهم: "داو الرب من لقبر, و ما نعرفوش وين حطوه!".
3
خرج بطرس و التلميذ لاخر و راحو للقبر.
4
و كانوا ف زوز يجريو مع بعضاهم. و سبق التلميذ لاخر بطرس و وصل هو لول للقبر,
5
و طل و شاف لكفن محطوط بالصح ما دخلش.
6
و من بعد وصل سمعان بطرس وراه, و دخل للقبر و شاف لكفن محطوط.
7
و لقماش اللي يغطيو بيه الراس محطوط وحدو بعيد على لكفن, ملموم وحدو على جيهة.
8
و زاد دخل التلميذ لاخر اللي كان وصل هو لول للقبر, و شاف و امن,
9
على خاطر مازالوا ما فهموش واش جا ف لكتاب باللي لازم يسوع يقوم من بين لموتى.
10
و من بعد رجعوا هاذوك الزوز تلامذة منين جاو. يسوع يظهر لمريم المجدلية
11
و بقات مريم واقفة قدام لقبر لبرى تبكي. و كي كانت تبكي طلت على لقبر,
12
شافت زوز ملايكة لابسين قش ابيض قاعدين واحد ف جيهة الراس و لاخر ف جيهة الرجلين, ف لمكان اللي كان فيه الجسد تاع يسوع.
13
قالوا لها: "يا مرى, علاش تبكي؟". قالت لهم: "داو سيدي و ما نعرفش وين حطوه!".
14
و كي كانت تهدر تلفتت وراها, و شافت يسوع واقف, بالصح ما عرفتوش.
15
قال لها يسوع: "يا مرى, علاش تبكي؟ على شكون تحوسي؟". و حسباتو الفلاح اللي يخدم ف الجنان, قالت لو: "يا سيدي, اذا كان انت هزيتو قل لي وين حطيتو, و انا نروح نديه".
16
قال لها يسوع: "يا مريم". تلفتت و قالت لو: "ربوني!" اللي معناها: يا معلم.
17
قال لها يسوع: "ما تمسينيش على خاطر ما زلت ما طلعتش عند بابا. بالصح روحي لخاوتي قوليلهم: اني طالع لبابا و باباكم و الهي و الهكم".
18
و راحت مريم المجدلية و خبرت التلامذة باللي هي شافت الرب, و باللي هاذا واش قال لها. يسوع يظهر للتلامذة تاعو
19
و ف هاذاك اليوم ف لعشية, و هو اول يوم من الاسبوع, كانوا التلامذة مجتمعين و كانت البيبان مقفولة على خاطر كانوا خايفين من ليهود, جا يسوع و وقف ف الوسط و قال لهم: "السلام عليكم!".
20
و كي قال هاذا ورالهم يديه و رجليه, و فرحوا التلامذة على خاطر شافوا الرب.
21
زاد قال لهم يسوع: "سلام ليكم! كيما بعثني الاب انا ثاني نبعثكم".
22
و كي قال هاذا لكلام نفخ و قال لهم: "اقبلوا الروح القدس.
23
اللي تغفرولهم ينالوا الغفران, و اللي ما تغفرولهمش ما ينالوش الغفران".
24
اما توما, واحد من بين الثناش, اللي يسميوه التومي, ماكانش معاهم كي ظهر لهم يسوع.
25
و كي قالوا لو التلامذة لخرين: "شفنا الرب!". قال لهم: "لو كان ما نشوفش الجرح تاع لمسامر على يديه, و نحط صبعي في الجرح, و نحط يدي على جنبو, ما نامنش".
26
و من بعد ثمانية ايام كانوا التلامذة قاعدين لداخل و كان معاهم توما, جا يسوع و البيبان مقفولة, و وقف ف الوسط و قال: "السلام عليكم!"
27
و من بعد قال لتوما: "هات صبعك هنا و شوف يدي, و هات يدك و حطها ف جنبي, و ما تكونش مشكاك كون مومن".
28
رد عليه توما و قال: "ربي و الهي!".
29
قالو يسوع: "على خاطر شفتني يا توما امنت! يا سعد اللي امنوا و ما شافونيش".
30
و دار يسوع معجزات اخرى ياسر قدام التلامذة تاعو ما تكتبتش ف هاذا لكتاب.
31
و اما هاذي اللي تكتبت هنا غير باه تامنوا باللي يسوع المسيح هو ابن الله, باه تنالوا لحياة اذا امنتوا باسمو.
Chapter 21
1
و بعد هاذا زاد ظهر يسوع للتلامذة تاعو ف بحر طبرية. و هكّا كيفاه ظهر:
2
كان سمعان بطرس, و توما اللي يسموه التومي, و نثنائيل اللي من قانا الجليل, و اولاد زبدي ف ثنين, و زوز من التلامذة لخرين كانوا مع بعضاهم.
3
قال لهم سمعان بطرس: "انا اني رايح نصيد". قالوا: "حتى احنا نروحوا نصيدوا معاك". و خرجوا ركبوا ف لفلوكة. بالصح ما صيدوا والو ف هاذيك الليلة.
4
و كي وصل الصبح, وقف يسوع على شط لبحر. و التلامذة ما كانوش عارفين باللي او يسوع.
5
قال لهم يسوع: "يا لولاد كاش ما عنكم مصيد؟". قالوا: "لا!".
6
قال لهم: "ارموا الشبكة على الجيهة ليمنى تاع لفلوكة ضرك تصيدوا". و كي رماو الشبكة كيما قال لهم, ما قدروش يجبدوها من كثرة الحوت اللي فيها.
7
قال هاذاك التلميذ اللي كان يسوع يحبو لبطرس: " هاذا او الرب!". كي سمع سمعان بطرس باللي هو الرب, لبس قشو على خاطر كان عريان, و رمى روحو ف لبحر.
8
اما التلامذة لخرين جاو بالفلوكة, على خاطر ما كانوش بعاد على الشط غير ميتين ذراع, و كانوا يجروا ف الشبكة تاع الحوت معاهم.
9
و كي وصلوا للشط لقاو الجمر شاعل و فوقو حوت و معاه الخبز.
10
قال لهم يسوع: "هاتوا من الحوت اللي صيدتوه ضرك".
11
طلع سمعان بطرس و جبد الشبكة للرض, مليانة بالحوت لكبير, ميا و ثلاثة و خمسين حوتة. هاذا الكل و ما تقطعتش الشبكة.
12
قال لهم يسوع: "ارواحوا تاكلوا!". و واحد من التلامذة ما قدر يسقسيه: شكون انت؟ على خاطر كانوا عارفين باللي هو الرب.
13
وقدم يسوع و هز الخبز و اعطاهم و زاد هز الحوت ثاني و اعطاهم.
14
هاذي المرة الثالثة اللي ظهر فيها يسوع للتلامذة بعدما قام من بين الموتى. بطرس يرجع للمكانة تاعو لولى
15
و بعد ما كلاو قال يسوع لسمعان بطرس: "ا سمعان بن يونا, انت تحبني اكثر من هاذوك؟". قال لو: "نعم يا ربي, اك عارف باللي نحبك". قالو: "ارعى الخرفان تاعي".
16
و زاد قالو للمرة الثانية: "ا سمعان بن يونا, تحبني؟". قالو: "نعم يا ربي, انت عارف باللي انا نحبك". قالو: "ارعى خرفاني".
17
زاد قالو ثالث مرة: "يا سمعان بن يونا, تحبني؟". حزن بطرس على خاطر زاد سقساه ثالث مرة: تحبني؟ قالو: "يا ربي, انت تعلم كل شيء. و تعرف باللي نحبك". قالو يسوع: "ارعى خرفاني.
18
نقول لك الحق الحق: كي كنت صغير كنت تتحزم و تروح وين تحب. بالصح كي تولي شايب انت تمد يدك و واحد اخر يحزمك. و يديك وين ما تحبش تروح".
19
قال يسوع هاذا لكلام و كان يشر على الميتة اللي راح يموتها بطرس و بيها يمجد الله. و كي قال هاذا زاد قالو: "تبعني".
20
تلفت بطرس و شاف التلميذ اللي كان يسوع يحبو يتبع فيه, و هو اللي كان متكي على صدرو وقت لعشاء, و قال: "يا سيدي, شكون راح يخونك؟".
21
كي شافو بطرس يتبع فيهم , قال ليسوع: "يا ربي, و هاذا واش راح يكون لو؟"
22
قالو يسوع: "لو كان نحب نخليه يبقى حتى نجي, واش يهمك؟ انت تبعني!".
23
و تنشر هاذا لكلام بين الخاوة: باللي هاذاك التلمبذ ماهوش راح يموت. بالصح يسوع ما قالش او مش راح يموت, بالصح قال: "اذا كان حبيت نخليه يبقى حتى نجي, انت وش يهمك؟".
24
هاذا هو التلميذ اللي يشهد بهاذا و هو اللي كتب هاذا. و عارفين باللي الشهادة تاعو حق.
25
و حوايج اخرى ياسر دارها يسوع, لو كان تكتبت واحدة بوحدة, ما نضنش باللي العالم كامل ف ذاتو يقدر يهزها. امين
Acts
Chapter 1
1
لكلام لول كتبتوليك يا تاوفيلس, على كل اللي بدا يسوع يعمل فيه ويعلم بيه ,
2
حتى للنهار اللي طلع فيه للسماء, بعد ما قدم لوصية تاعو بالروح القدس للمرسولين اللي خايرهم.
3
اللي ورالهم روحو ثاني حي ب بيانات ياسر , بعد ما تألم, و هو لمدة ربعين يوم يظهر لهم, و يتكلم على الامور تاع ملكوت الله .
4
و كي كان قاعد معاهم وصاهم باه ما يخرجوش من اورشليم, بالصح تستناو " العاهد تاع الاب اللي سمعتوه مني,
5
على خاطر يوحنا عمد بالماء, و اما نتوما راح تتعمدوا بالروح القدس غير بعد ايامات قليلة ".
6
واللي كانوا قاعدين معاه سقساوه :" يا رب, هل في هذا الوقت راح ترجع الملك لاسرائيل؟".
7
قال لهم :"ما تقدروش تعرفوا لوقات و المواعيد اللي جعلها الاب في السلطان تاعو,
8
بالصح راح تنالوا قوة كي يحل عليكم الروح القدس , و تكونوا ليا شهود في اورشليم و في كل ليهودية و السامرة و لاخر الارض".
9
و كي قال هذا ترفع قدامهم و هما يشوفوا. وحجباتو سحابة على عينيهم.
10
و كي كانوا هما يشوفوا للسماء و هو رايح لها ظهرولهم زوز رجال لابسين لبيض,
11
و قالوا:" يا رجال الجليل , واشبيكم واقفين تشوفوا للسماء؟ يسوع هذا اللي ترفع عليكم للسماء كيما شفتوه رايح ليها هكذاك راح يرجع منها ".
12
و في هذاك الوقت رجعوا لاورشليم بعد ما كانوا في الجبل اللي اسمو جبل الزيتون , الي قريب من اورشليم على طريق يقدروا يعديوها نهار السبت.
13
و كي دخلوا لاورشليم طلعوا للسطح اللي كانوا ساكنين فيها : بطرس ويعقوب ويوحنا واندراوس و فيليبس و توما وبرتولماوس و متى ويعقوب بن حلفي و سمعان الغيورو يهوذا خو يعقوب.
14
و كانوا كلهم يداوموا على الصلاة بقلب واحد , و النساء اللي كانوا معاهم , مريم ام يسوع, و خواتاتو. متياس يتحط في مكان يهوذا
15
و في هاذيك ليام وقف بطرس في وسط التلامذة, و كان قريب مية و عشرين واحد قاعد. و قال لهم :
16
"يا خاوة يا رجال, كان لازم يصرى الشيء اللي مكتوب و اللي سبق الروح القدس و قال عليه على لسان داود, على يهوذا اللي ولى دليل للي حكموا يسوع .
17
كي كان محسوب بيناتنا وكانت عندو قسمة في هاذي الخدمة.
18
وهذا راح شرى جنان بدراهم الخيانة , اللي فيه تكب على وجهو و تقسم من الوسط و طاحت مسارنو كاملة على برى.
19
و الناس الكل تاع اورشليم سمعوا باللي صرى , و سماو الجنان باللغة تاعهم " جنان دمخ" يعني: جنان الدم .
20
على خاطر مكتوب في كتاب المزامير: تخلى دارو و ما يسكن ساكن فيها. و خدمتوواحد اخريديها.
21
مالا لازم علينا نخايروا واحد من الرجال اللي كانوا متلميين معانا في كل المدة اللي قعد فيها الرب يسوع معانا .
22
من نهار اللي عمدو يوحنا حتى لليوم اللي ترفع فيه علينا, باه يولي واحد منهم شاهد معانا على قيامتو من بين الموتى ".
23
و خايروا زوز: يوسف اللي اسمو برسابا و يعيطولو يوستس, و متياس.
24
و صلوا لله وقالوا :" يا ربي يا عارف قلوب الناس الكل, من هاذو في زوز وريلنا شكون هو اللي خيارتو ,
25
باه يهز القرعة تاع هاذي الخدمة و الرسالة اللي تعدى عليها يهوذا اللي راح للمكان اللي يستاهلو".
26
و من بعد داروا القرعة تاعهم و جات على متياس, و تحسب مع الرسل الحداش.
Chapter 2
1
و كي وصل نهار الخمسين كانوا الخاوة الكل متلميين بنفس واحدة .
2
و على غرادة جاء صوت من السماء تقول عليه ريح قاوية قاعدة تهب و ملىء الدار كاملة وين كانوا قاعدين ,
3
و ظهرت لهم لسانات كي اللي من النار و حطت على راس كل واحد فيهم .
4
و كلهم تملاو بالروح القدس, و بداو يتكلموا بلغات اخرى حساب واش عطاهم الروح باه ينطقوا .
5
و كانوا رجال يخافوا ربي من ليهود من كل امة في العالم جاو لاورشليم في هاذاك الوقت.
6
و كي صرى هاذاك الصوت , تلم الغاشي و تحيروا, على خاطر كل واحد كان يسمع فيهم يتكلموا باللغة تاعو.
7
دهشوا و استغربوا وقالوا لبعضاهم : يا ترى هاذم الكل اللي يهدروا ما همش من الجليل؟
8
مالا كيفاه احنا نسمعوا كل واحد لغة لبلاد اللي تولد فيها؟
9
هاذوا فرتيين و ماديين و عيلاميين, و اللي ساكنين في بلاد ما بين الويدان و اليهودية و كبدوكية و بنتس و اسيا
10
و فريجية و بمفيلية و مصر, و جوايه ليبيا اللي في جيهة القيروان , و الرومانيين المستوطنين يهود و برانية ,
11
كريتيين وعرب, نسمعوا فيهم يتكلموا بلغتنا بعجايب الله !".
12
و تحيروا كلهم و خافوا وقالوا لبعضاهم :" واش زعمة يكون هاذا ؟".
13
وكاين وحايد اخرين اللي يستهزاو بيهم قالوا :" هاذوا راهم سكرانين خابطينها". بطرس يهدر في وسط الغاشي
14
ووقف بطرس و معاه الاحداش و رفع صوتو و قال لهم :" يا خاوتي ليهود و اللي ساكنين في اورشليم كلكم , باه يكون في معلومكم و اصنتوا لكلامي,
15
على خاطر هاذما ما همش سكرانين كيما راكم حاسبين , على خاطر راهي الثلاثة تاع النهار .
16
بالصح هذا واش قال عليه يوئيل النبي:
17
يقول الله: و يكون في اخر ليام اني نسكب من روحي على كل بشر , يتنبأوا ولادكم و بناتكم , و شبابكم يشوفوا منامات و شيوختكم يحلموا حلمات .
18
وعلى الرجال و على النساء نسكب روحي في هاذيك ليامات يوليو يتنبأوا .
19
و نمد عجايب في السماء من فوق و ايات على لرض من تحت : دم و نار و سحاب و دخان .
20
و تظلام الشمس و القمرة تولي كي الدم , قبل ما يجي نهار الرب العظيم المعروف.
21
و يكون كل من يدعي باسم الرب يمنع .
22
" يا خاوتي الاسرائليين اسمعوا هاذي لقوال : يسوع الناصري راجل تبين لكم من عند الله بقوات و عجايب عملها الله على يديه في وسطكم , كيما راكم على بالكم ثاني .
23
هذا اديتوه مسلم بالمشورة تاع الله المحتمة و حساب علمه المسبق , و بيدين اثمين صلبتوه و قتلتوه .
24
اللي الله قومو معاكس اوجاع الموت , على خاطر الموت ما يقدرش يحكمو.
25
على خاطر داود يقول فيه: كنت نشوف في ربي قدامي في كل وقت , راه على يميني باه ما نتزعزع.
26
على هاذيك يفرح قلبي و يتهلل لساني . و حتى بدني راح يرقد على رجاه .
27
على خاطرك ما تخليش روحي في الهاوية و ما تخليش القدوس تاعك يقيسو فساد .
28
وريتلي مسارب لحياة و راح تفرحني كي نشوف وجهك.
29
يا خاوتي, يجينا عادي كي نقولولكم جهار على رايس جدودنا داود بلي راه مات و تدفن, و القبر تاعو مازال عندنا حتى لليوم هذا .
30
و كي كان نبي , عرف بلي الله حلف ليه بالعاهد بلي من صلبه يجيب المسيح حساب الجسد باه يتربع على الكرسي تاعو,
31
سبق و شاف و هدر على قيامة المسيح, انه ما يخليش روحو في الهاوية و لا يقيس الجسم تاعو فساد.
32
يسوع اللي قومو الله من بين الموتى و احنا كلنا رانا شهود .
33
و كي ترفع على ليمين تاع الله, و ادا الوعد تاع الروح القدس من عند الاب , سكب هذا اللي انتم ضرك تشوفوا فيه و تسمعوا فيه .
34
على خاطر داود ما طلعش للسماوات. و هو بذاتو يقول : قال الرب لربي : اجلس على ليمين تاعي
35
حتى نحط عديانك تحت رجليك .
36
مالا باه يكون في علمكم بالحق يا بني اسرائيل بلي الله جعل هذا يسوع , اللي صلبتوه انتوما , جعلو رب و مسيح ".
37
و كي سمعوا هذا لكلام تقاسوا في قلوبهم , و قالوا لبطرس وللرسل كاملين :" واش نعملوا يا رجالة يا خاوتنا؟".
38
قال لهم بطرس:"توبوا و كل واحد منكم يتعمد على اسم يسوع على جال غفران الذنوب, وقتها تقبلوا المعطى تاع الروح القدس.
39
على خاطر العاهد هو ليكم ولاولادكم و لكل اللي راهم بعاد كل من يعيطلوا الرب الاهنا".
40
و كان يشهد لهم باقوال اخرى ياسرو يشجع فيهم ويقول : " امنعوا من هذا الجيل المنافق".
41
و قبلوا لكلام تاعو بالفرحة , و تعمدوا, و انضم في هاذاك اليوم قريب ثلاثة الاف نفس . المومنين متشاركين
42
و كانوا يداموا على التعليم تاع الرسل , واللمة تاع المومنين , وكسر الخبز, و الصلاوات .
43
و استولات الرهبة على كل نفس. و كانت عجايب و معجزات كبار تصرى على يد الرسل.
44
و كل اللي امنوا كانوا مع بعضاهم , و كانوا متشاركين في كل شيء عندهم .
45
و كانوا يبيعوا املاكهم و الحوايج الغالية اللي عندهم و يقسموها بيناتهم الكل, كل واحد يدي واش يحتاج .
46
وكانوا مداومين على الهيكل بنفس واحدة كل يوم . و حتى في الديار يكسروا الخبز و ياكلوا الماكلة و هما في البهجة والبساطة ,
47
مسبحين الله, و الشعب كامل حن عليهم . وكان ربي كل يوم يزيد للكنيسية الناس الي يقبلوا الخلاص .
Chapter 3
1
و طلع بطرس ويوحنا مع بعضاهم للهيكل وقت صلاة التسعة .
2
و كان واحد الراجل عايب من اللي تولد و كانوا يهزوه على كتافهم, و يحطوه كل يوم قدام الباب تاع الهيكل اللي يقولوا "باب الجميل" باه يطلب صداقة من عند الناس اللي يدخلوا للهيكل.
3
و كي شاف بطرس و يوحنا داخلين للهيكل طلب من عندهم صداقة .
4
بقا بطرس هو ويوحنا يخزروا معاه , و قال لو بطرس :"شوف معانا!".
5
شاف فيهم و بقى يستنى كاش ما يحنوا عليه بحاجة .
6
قال لو بطرس :" ما عندي لا فضة ولا ذهب , بالصح نمدلك الشيء اللي نكسبو: باسم يسوع المسيح الناصري اوقف امشي !".
7
و حكمو من يدو ليمنى و وقفو, و في ساع الراجل تقوات رجليه و ركايبو,
8
و نقز و وقف وولى يمشي , و دخل معاهم للهيكل وهو ينقز و يحمد في ربي.
9
و الناس الكل شافوه وهو يمشي ويسبح في ربي .
10
و عرفوه بلي هاذاك اللي كان قاعد يطلب صداقة في باب الهيكل الجميل , و دهشوا خلاص و حاروا من الشيء اللي صرى لو. الخطبة تاع بطرس في وسط الهيكل
11
و كان الراجل العايب الي رتاح مع بطرس و يوحنا ما سيَبهمش و جاو الناس يجريو للرواق اللي اسمو" رواق سليمان " وتلموا عليهم و الكل كانوا حايرين .
12
و كي شافهم بطرس كيما هكذاك قال لهم :" يا رجال اسراييل, واشبيكم تتعجبوا من هاذا الشيء اللي صرى؟ و علاه راكم تخزروا فينا تقول بقوتنا والا بالتقوى تاعنا جعلنا هاذا الراجل يمشي؟
13
راه الاله تاع ابراهيم و اسحاق و يعقوب, اله جدودنا, مد المجد لفتاه يسوع, اللي انتوما سلمتوه و نكرتوه قدام بيلاطس, وهو كان حاب يسيْبو.
14
بالصح انتوما نكرتوا القدوس البار, و طلبتو منو يخرج لكم واحد قتال ارواح.
15
و قتلتوا رايس لحياة , اللي الله قوْمو من بين الموتى, و احنا رانا شهود على هاذا الشيء.
16
و بالايمان باسمو, هو اللي رجع القوة لهذا الراجل اللي تشوفوا فيه و اللي تعرفوه مليح, الايمان بيسوع هو اللي رتحو قدام عينيكم الكل .
17
بالصح يا خاوتي , انا علابالي باللي انتم و الرياس تاعكم عملتوا هاذا الشيء بلا ما تعرفوا .
18
و الله تمم الشيء اللي قال عليه من قبل على فم الانبياء تاعو الكل , بلي المسيح راح يتألم .
19
امالا توبوا و ارجعوا باه تتمحى ذنوبكم, و باه يفرج عليكم ربي من عندو.
20
كي بيعث لكم المسيح اللي عينو من قبل ليكم انتوما.
21
اللي لازم يبقى في السماء, حتى يجي الزمان اللي يرجع فيه كل شيء, كيما قال الله من بكري خلاص على فم الانبياء تاعو الطاهرين.
22
قال موسى لجدودنا: راح بيعث لكم الرب الهكم نبي من خاوتكم كيما انا. اسمعوا ليه في كل ما يكلمكم بيه.
23
و اللي ما يسمعش ليه يفنى من وسط الشعب.
24
و جميع لنبياء من صموئيل و روح, الي هدروا الكل و تنبأوا على هاذي ليامات.
25
و انتوما راكم اولاد لنبياء, و الله عاهد جدودنا بالعاهد كي قال لبراهيم: بالذرية تاعك راح يتباركوا الشعوب تاع لرض كاملة.
26
و في لول ليكم انتم, كي قوم الله فتاه يسوع من بين الموتى, بعثو براكة ليكم باه يرد كل واحد فيكم على الشرور اللي قاعد يدير فيها .
Chapter 4
1
و هما مازالوا يهدروا مع الغاشي, دخلوا عليهم الكهنة و قايد العسكر تاع الهيكل و معاهم الصدوقيين,
2
و ماكانش عاجبهم الحال كي كانوا يعلموا ويقولوا للناس بلي يسوع قام من بين الموتى.
3
حكموهم و بيتوهم في الحبس حتى لغدوة على خاطر قريب يطيح الليل.
4
و كاين ياسراللي امنوا من الناس اللي سمعوا الكلمة, و وصلوا قريب لخمسة الاف راجل.
5
و اليوم وغدوة تلموا رياس ليهود و الشيوخة و الكتبة في اورشليم
6
معاهم حنانيا رايس الكهنة و و قيافا و يوحنا و الاسكندر, و جميع الرياس تاع الكهنة.
7
و كي حطوهم في الوسط و بداو يسقسِيو فيهم :"بواش من سلطة و بواش من اسم درتوا انتوما هاذا الشيء؟".
8
وقتها تملىء بطرس من الروح القدس و قال لهم :" يا رياس الشعب وشيوخة اسراييل,
9
اذا راكم اليوم تسقسيو فينا على الخير اللي درناه لواحد مريض, و تحبوا تعرفوا كيفاه ارتاح,
10
يكون في علمكم و في علم شعب اسراييل كامل, بلي باسم يسوع المسيح الناصري, اللي صلبتوه انتوما, و اللي قومو الله من بين الموتى, بيه هو اللي هاذا الراجل واقف قدامكم اليوم صحيح .
11
هاذا هو: لحجر اللي حقرتوه نتوما البنايين, ولى هو راس الزاوية.
12
من غيرو هو ما كان حتى واحد يقدر يخلص. على خاطر ما كان حتى اسم واحد اخر تحت السماء, تمد للناس اللي بيه يقدروا يمنعوا".
13
و كي شافوا الشجاعة تاع بطرس و يوحنا, و بلي هما ناس من عامة الشعب ماعندهم حتى علم, تعجبوا. وعرفوا بلي كانوا مع يسوع.
14
بالصح كي زادوا شافوا هاذاك الراجل اللي ارتاح واقف معاهم, ما لقاو واش يقولوا.
15
و طلبوا منهم يخرجوا لبرة حتى يتشاوروا بيناتهم
16
و قالوا:"كيفاه نديروا معاهم؟ على خاطر باينة للناس الكل بلي صرات معجزة على يديهم. و ما عندنا كيفاه ننكروا.
17
بالصح باه ما تزيدش تتنشر بين الناس, نزَيْروا عليهم باه ما يزيدوش يهدروا مع حتى واحد على هاذا الاسم".
18
عيطولهم و وصاوهم باه ما يزيدوش خلاص يجبدوا هاذا الاسم على فوامهم, و ما يعلموش باسم يسوع.
19
قال لهم بطرس ويوحنا:" احكموا و قولولنا من الاحسن نطيعوكم انتوما و الا نطيعوا الله.
20
على خاطر احنا ما نتكلموا كان بالشيء اللي شفناه و سمعناه".
21
و زادوا حذروهم و سيبوهم و و ما لقاو كيفاه يعاقبوهم على خاطر خافوا من الشعب, اللي كلهم كانوا يحمدوا في ربي على الشيء اللي صرى,
22
على خاطر الراجل الي صراتلو المعجزة هاذي, كان فايت الربعين سنة. صلاة المومنين
23
و بعد ما سيبوهم رجعوا لصحابهم و خبروهم بالشيء اللي قالوه رياس الكهنة و الشيوخة.
24
كي سمعوهم , هزوا اصواتهم لله بقلب واحد وقالوا:"يا سيدي يا ربي, انت هو الاله اللي خلق السماء ولرضو لبحر و كل ما فيهم,
25
انت اللي قلت على فم داود عبدك:علاه ثارت الامم و الشعوب في الباطل تخمم؟
26
سلاطين لرض, و رياس تتلم على الله و على مسيحو تتفاهم .
27
على خاطر صح تلموا على فتاك القدوس تاعك يسوع, اللي جعلتو مسيح, و تفاهم هيرودس و بيلاطس البنطي وبني اسراييل والغرباء,
28
باه يعملوا الشيء اللي قضات بيه مشيئتك من قبل باه يكون.
29
يا ربي شوف للتهديدات تاعهم, و امنحنا باه نتكلموا بكلامك بكل شجاعة,
30
و مد يدك للشفاء, و اعمل ايات و عجايب باسم فتاك القدوس يسوع".
31
و كي كانوا يصليوْ تزعزع لمكان اللي كانوا متلميين فيه, و كلهم تملاو من الروح القدس, و كانوا يتكلموا بكلام ربي بشجاعة. المومنين يتشاركوا في الممتلكات تاعهم
32
و الناس اللي امنوا كان عندهم قلب واحد و نفس واحدة, و ما كان حتى واحد يقول بلي الشيء اللي يملكو هو ليه وحدو, بالصح كان كلش شركة بيناتهم.
33
و كانوا الرسل يوصلوا الشهادة على القيامة تاع يسوع بقوة كبيرة, و كانت النعمة تاع ربي فايضة عليهم الكل,
34
و ما كان بيناتهم حتى واحد محتاج, على خاطر كل اللي كانت عندهم ديارو جنانات كانوا يبيعوها, و يجيبو دراهمها,
35
و يحطوها عند رجلين الرسل, و تتوزع كل واحد على قد الاحتياج تاعو.
36
وحتى يوسف اللي سماوه الرسل برنابا, اللي معناه ابن التشجيع, و هو من ذرية لاوي عندو الجنسية القبرصية,
37
كان عندو جنان باعو, وجاب دراهمو وحطهم عند رجلين الرسل.
Chapter 5
1
و كان واحد الراجل اسمو حاننيا, ومرتو اسمها سفيرة, باع واش كانوا يملكوا
2
و نقَّص من الدراهم و كانت مرتو على بالها, و جاب الدراهم اللي بقاو وحطهم عند رجلين الرسل.
3
قالو بطرس:"قول لي يا حنانيا علاه دخل الشيطان في قلبك و حبيت تكذب على الروح القدس و تسرق من السومة تاع الجنان؟
4
موش لوكان قعد ما بعتوش يبقى لك؟ و حتى كي تباع, ما كنتش قادر تخلي دراهمو ليك؟ وعلاه خممت هكذا في قلبك واشبيك؟ راك ماكذبتش على الناس بالصح كذبت على الله".
5
و كي سمع حنانيا هاذا لكلام طاح و طلعت روحو مات . و الناس اللي كانوا لثم كي سمعوا خافوا.
6
و وقفوا وحايد من الشبان و كفنوه و خرجوا داوه دفنوه.
7
من بعد قريب مدة ثلاثة سوايع, دخلت مرتو, و ما كانتش عارفة بالشيء اللي صرى لراجلها.
8
قال لها بطرس: " قولي لي هاذي هي السومة اللي بعتوا بيها الحقل؟". قالت لو: "نعم , هاذي هي سومتو".
9
قال لها بطرس: " وعلاه عليكم تفاهمتوا باه تجربوا الروح تاع الله؟ هاهما الرجال اللي دفنوا راجلك عند الباب, و راح يزيدوا يهزوك انتي ثاني".
10
في دقيقتها طاحت عند رجليه و طلعت حتى هي روحها وماتت. و كي دخلوا الشبان لقاوها ميتة ,هزوها هي ثاني و كفنوها و داوها دفنوها بحذى راجلها.
11
و صرى خوف كبير في الكنيسية كلها و في الناس اللي سمعوا بالشيء اللي صرى. الرسل يشفيوْ ناس ياسر
12
وجرات على يد الرسل عجايب و معجزات ياسرفي سط الشعب. و كانوا كلهم يقعدوا بقلب واحد في رواق سليمان.
13
وحتى واحد من برى ما قدر يدخل في وسطهم , وكانوا الناس الكل يقادروهم .
14
و كانوا المومنين بالمسيح يكثروا و يزيدوا , نساء ورجال,
15
حتى ولاو الناس يهزوا في المرضى اللي عندهم بالفراشات و السرَّة و يحطوهم في الطريق, باه كي يعود بطرس معدي يظلل بالخيال تاعوعلى المرضى يبراو.
16
و تلم الغاشي تاع المدن المجاورة لاورشليم جايبين معاهم المرضى و اللي مسكونين بالجنون و كانوا كلهم يرتاحوا. الرسل يتعرضوا للاضطهاد
17
و زاد الحقد تاع رايس الكهنة, هو و جماعة الصدوقيين اللي معاه ,
18
راحوا حكموا الرسل و رماوهم في الحبس لكبير.
19
بالصح ملاك الرب جاء في الليل و حل البيبان تاع الحبس و خرجهم
20
وقال لهم : "روحوا اوقفوا في وسط الهيكل و كلموا الشعب بكل لكلام تاع لحياة الجديدة".
21
داروا واش قال لهم و دخلوا للهيكل مع الصباح بكري و بداو يعلموا. و رايس الكهنة و الناس اللي معاه, لموا المجلس و الشيوخة تاع الشعب, و بعثوا خدامين للحبس باه يجيبوا الرسل.
22
و كي وصلوا للحبس ما لقاوهمش, رجعوا للمجلس
23
و قالوا لهم :" لقينا الحبس مقفول مليح و العساسة واقفين قدام البيبان تاع الحبس, و كي حلينا و دخلنا ما لقينا حتى واحد الداخل".
24
و كي سمع الكاهن و قايد العسكر تاع الهيكل هاذا لكلام, دخلوا في بعضاهم وحاروا كيفاه هاذا الشيء يصرى؟
25
و من بعد جاء واحد وقال لهم : " الرجال اللي حطيتوهم في الحبس راهم واقفين يعلموا في الشعب في الهيكل ".
26
وقتها راح قايد العسكر مع رجالو, و جابوهم بشوية بلا عنف, على خاطر خافوا من الشعب لا يرجمهم.
27
و وقفوهم في وسط المجلس. وسقساهم رايس الكهنة
28
و قال: "ياخي قلنا لكم ما تعلموش بهاذا الاسم خلاص؟ بالصح انتوما نشرتوا التعليم تاعكم في اورشليم كاملة, وتحبوا تلفقولنا التهمة بلي احنا قتلنا هاذا الراجل".
29
تكلم بطرس و الرسل و قالوا: "لازم علينا نطيعوا ربي اكثر من الناس.
30
اله جدودنا قوَّم يسوع من الموت اللي انتوما قتلتوه و علقتوه على الخشبة.
31
هو اللي الله رفعو و حطو على ليمين تاعو وجعلو رايس و مخلص, باه ينعم على اسراييل بالتوبة و مغفرة الذنوب.
32
و احنا رانا شهود على هاذي الامور, و يشهد ثاني حتى الروح القدس اللي مدو الله للناس اللي يطيعوه".
33
و كي سمعوا هاذا لكلام زادوا تغشوا عليهم اكثر و قرروا باه يقتلوهم.
34
بالصح وقف واحد منهم راجل فريسي اسمو غمالاييل, معلم تاع الشريعة, و الناس الكل يقادروه, طلب من الرسل باه يخرجوا شوية حتى يتشاوروا بيناتهم.
35
و قال لهم : " يا بني اسراييل ردوا بالكم تديروا الشيء اللي راكم تفكروا فيه مع هاذم الرجال.
36
شوفوا قبل جا توداس و قال على روحو: بلي هو حاجة كبيرة و تلموا عليه قريب اربعمية راجل, و من بعد تقتل و تفرقوا الناس اللي كانوا معاه و فضت حكايتهم وما بقات لهم حتى جرة .
37
و من بعد جا يهوذا الجليلي ايامات الاحصاء, و جر وراه ناس ياسر. و هاذاك ثاني تقتل, و تفرقت جماعتو.
38
و انا نقول لكم: بعدوا على هاذم الناس و خليوْهم على ارواحهم! على خاطر كان هاذا الامرو الا هاذي الخدمة من عند الناس راح تزول,
39
و اذا كان من عند الله انتوما ما تقدروش تنحيوه, و الا تلقاو ارواحكم معاديين الله ثاني".
40
ولاو خذاو برايو. و عيطوا على الرسل و جلدوهم, و حذروهم باه ما يزيدوش يتكلموا باسم يسوع,
41
بالصح هما روْحوا من المجلس فرحانيين, على خاطر ربي لقاهم يستاهلوا باه يقبلوا الذل على جال اسمو.
42
و بقاو كل يوم يعلموا في الهيكل و في الديار و يبشروا بيسوع المسيح.
Chapter 6
1
و في هاذيك ليامات كي كثروا التلامذة ، صرى تذمر من جيهة اليونانيين على العبرانيين بلي الارامل تاعهم غافلين عليهم في الخدمة تاع كل يوم .
2
ولاو الثناش لموا جماعة التلامذة وقالولهم : " ما يصلحش نخليواحنا كلمة الله و نخدموا المايدة .
3
يا الخاوة خايروا سبعة رجال منكم ، شاهدين ليهم و مليانين من الروح القدس و الرزانة ، يتهلاو في هذه الحاجة .
4
واما نحنا نركزوا على الصلاة وخدمة الكلمة . "
5
هاذا الكلام عجب الجماعة كلها ، و خايروا ستيفانوس، راجل مليان بليمان و الروح القدس ، و فيليبس.وبروخورس نيكانور و تيمون و برمناس و نيكولاوس الي كان براني انطا كي .
6
اللي جابوهم قدام المرسولين ، صلاو و حطوا عليهم يديهم .
7
وكانت كلمة الله تترعرع، و عدد التلامذة يتكاثر ياسر في اورشليم ، و جماعة كبيرة من الكهنة يطيعوا ليمان.
8
اما ستيفانوس كي كان مليان ايمان و قوة . كان يدير عجايب ومعجزات و ايات كبار في الشعب . القبض على استيفانوس
9
ناضوا وحايد من الجماعة اللي يقوللها جماعة الليبرتينيين و القيروانيين و السكندريين، ومن اللي من كيليكيا و اسيا ، باه يناقشوا استيفانوس.
10
وماقدروش على الرزانة و القوة اللي كانت فيه والروح الي كان يتكلم بيها
11
وقتها جابوا رجال يقولوا سمعناه يهدر بكلام الكذب على موسى وعلى الله
12
وهيجوا الشعب و الشيوخة و الكتبة راحوا خطفوه وجابوه و لموا عليه جماعة ،
13
وقام عليه شهود باطل يقولوا : "هذا الراجل نهار كامل وهو يتكلم في كلام كاذب على هذا المكان المقدس وعلى الشريعة ،
14
على خاطر سمعناه يقول بلي هاذاك يسوع الناصري راح يهدم هذا الموضع و يغير لعوايد اللي مدها لينا موسى " .
15
خزروا ليه جميع الي قاعدين في الجماعة و شافوا وجهو تقول عليه وجه تاع ملاك .
Chapter 7
1
قال كبير الكهنة : " صار الامور هي هكذا ؟ ."
2
قال استيفانوس " يا رجال يا الخاوا يا الاباء اسمعوا ! ظهر اله المجد لبابانا ابراهيم و هو بين الويدان قبل ما يحط في حاران
3
و قالو : اخرج من ارضك و من عرشك و ارواح للرض اللي نوريلك.
4
وقتها خرج من ارض الكلدانيين وسكن في حاران. و من لثم هزوا بعد ما توفى باباه ، لهذي لرض اللي راكم ساكنين فيها ضرك .
5
و مامدلوفيها لا ورثة ولا حتى عفسة رجل . بالصح وعد باه يمدها لو ملك ليه ولذريتو من بعدو و هومازال حتى ما ضناش.
6
وهكذا تكلم الله: ذريته تتغرب في ارض غريبة يستعبدوهم ويذلوهم على مدة اربعميات سنة ،
7
والامة التي تستعبدهم انا الي نحاسبها يقول الله ومن بعد هذا يجيو يعبدوني في هذا لمكان .
8
ومد لو عاهد الطهارة ، و هكا ولد اسحاق و طهروا في ثامن يوم . و اسحاق جاب يعقوب و يعقوب جاب اولادو الثناش الي هما اباءنا لولين.
9
و الاباء لولين حسدوا يوسف وباعوه لمصر وكان الله معاه ،
10
و منعو من كل ضيقاتو ، و مدلو نعمة وحكمة في عيين فرعون سلطان مصر ، حتى ولاه على مصر وعلى كل بيتو.
11
و بعدها صرات مجاعة كبيرة على بلاد مصر و كل بلاد كنعان و قساو جدودنا من ضيقة كبيرة و ما لقاو واش ياكلوا ،
12
و كي سمع يعقوب بلي كاين قمح في مصر، بعث جدودنا المرة لولى.
13
و في المرة الثانية استعرف يوسف لخاوتوا و ظهر اصل يوسف لفرعون .
14
بعث يوسف و عرض باباه يعقوب وكل عايلته ، وكانوا خمسة وسبعين نفس .
15
وهبط يعقوب لمصر و توفى هو و جدودنا لثم .
16
و من بعد هزوهم لشكيم وحطوهم في القبراللي شراه براهيم و خلصو بالفضة من عند بني حمور والد شكيم .
17
وعلى قد ما كان يقرب وقت تحقيق العاهد اللي حلف عليه الله لابراهيم ، كان الشعب يزيد و يكثر في مصر.
18
حتى جاء سلطان واحد اخر يحكم على مصرما يعرفش يوسف .
19
تمنكر في شعبنا و ذل جدودنا حتى جعل صغاره منبوذين باه ما يعيشوش .
20
"و في هاذاك الوقت تولد موسى وكان مليح ياسر، و تربى في بيت باباه ثلاثة شهر .
21
و كي تخلاو عليه اداتو بنت فرعون ورباتوعندها وداراتو ولدها .
22
و تربى موسى على كل الحكمة تاع المصريين ، و كان متمكن في الاقوال و الافعال .
23
وفي كمالة الاربعين سنة جاء في بالو يروح يتفقد خاوتو بني سرائيل .
24
وكي شاف واحد مظلوم حامى عليه ودافع على المغلوب ، وقتل المصري .
25
و كان حاسب بلي خاوتو راح يفهموا بلي الله راح يسلكهم على يدو، بالصح هما ما فهموش .
26
و في اليوم اللي من وراه خرج عليهم و هما يتعاركوا , صالح بيناتهم و قال لهم : يا ناس انتم راكم خاوة علاش تظلموا في بعضاكم؟
27
هاذاك اللي كان يظلم في صاحبو دز موسى و قالو : شكون حطك زعيم و قاضي علينا ؟
28
ولا حبيت تقتلني كيما قتلت المصري البارح ؟
29
و على جال هذي الكلمة هرب موسى ، وتغرب في بلاد مديان ، ولثم جاب زوز اولاد .
30
" و كي فاتت عليه اربعين سنة. ظهر لو ملاك الرب في الصحراء تاع جبل سيناء في لهيب نار في عليقة شاعلة .
31
و كي شاف موسى هذا الشيء تعجب من المنظر. و كي قرب باه يشوف واش كاين ، اذا بيه يسمع صوت الرب يناديه :
32
انا اله جدودك ، انا اله براهيم و اله اسحاق و اله يعقوب . تهز موسى و تنفض وما عادش قادر يخزر.
33
قالو الرب : نحي نعالتك من رجليك ، على خاطر لمكان الي راك واقف فيه راه ارض مقدسة .
34
راني شفت لمشقة اللي يعاني منها شعبي في مصر، و سمعت تكنديرهم و راني نزلت باه نمنعهم ، و ضرك ارواح نبعثك لمصر .
35
هذا موسى اللي نكروه و قالولو : شكون حطك علينا زعيم و قاضي ؟ هذا اللي رسلواالله رايس و فادي بالمعينة تاع الملاك اللي ضهرلو في العليقة .
36
و خرجهم بواش دار من عجايب و غرايب في ارض مصر, و في البحر الاحمر, و في الصحراء مدة اربعين سنة
37
"هذا موسى بفسه اللي قال لبني اسرائيل راح يقيم لكم الرب الهكم نبي من بين خاوتكم . ليه تسمعوا.
38
هذا هو اللي كان وسط جماعة بني اسرائيل في الصحراء يتوسط بين جدودنا و الملاك اللي كان يكلمو في جبل سيناء . اللي قبل اقوال حية باه يمد هالنا .
39
اللي رفضوا جدودنا باه يطيعوه . بالصح بعدوه و رجعوا بقلوبهم لارض مصر
40
و قالوا لهارون : اصنع لينا الهة تمشي قدامنا , على خاطر هاذاك موسى اللي خرجنا من ديار مصر ما نعرفوا واش صرالو!
41
و صنعوا في هاذاك الوقت صنم على صورةعجل و ذبحولو ذبيحة ، وفرحوا بالشيء اللي داروه بيديهم .
42
ورجع الله و سلمهم لهواهم باه يعبدوا النجوم في السماء . كيما راه مكتوب في كتاب الانبياء : يا بني اسرائيل علاه ليا انا اللي ذبحتوا الذبايح و القرابين في هاذي الاربعين سنة في الصحراء ؟
43
بالصح راكم هزيتو الخيمة تاع مولوك ونجمة الهكم رمفان ، الصنوما اللي صنعتوهم باه تسجدوا لهم انا رايح ننفيكم ل ابعد من بابل .
44
بالصح خيمة الشهادة كانت مع جدودنا في الصحراء ، هاذيك اللي عملها موسى كيما وصاه الله على حساب المثال الي نعتلو ،
45
و الي دخلوها جدودنا اللي تخلفوا عليها مع يشوع في ملك الشعوب اللي طردهم الله من قدام جدودنا ، و بقات لثم حتى ليامات داوود .
46
اللي لقى نعمة في عينين ربي , و طلب باه يبني سكنى لاله يعقوب .
47
بالصح سليمان هو اللي بنالو بيت .
48
لكن الله العالي ما يسكنش في بيوت صنعتها اليدين , كيما يقول النبي :
49
السماء العرش تاعي , و لارض الوطى تحت رجليا , واش من دار تبنولي ؟ يقول الرب , وواش من مكان لراحتي ؟
50
علاه ماشي انا اللي صنعت هاذي الحوايج كاملة ب يديا ؟
51
" يا اللي روسكم خشان , و قلوبكم و وذنيكم غير طاهرة ! انتم دايما تقاوموا الروح القدس . كيما كانوا جدودكم هكذاك انتم ثاني .
52
كاش ما كاين نبي ما اظطهدوهش جدودكم ؟ و قتلوا اللي سبق و خبروهم بقدوم الباري . اللي انتوما بعتوه وقتلتوه .
53
انتوما يا اللي ديتو شرع الله مرتب من عند الملايكات و بالصح ما عملتوش بيه" . رجم استيفانوس استشهادو
54
و كي سمعوا اعضاء المجلس كلام استيفانوس تعبات قلوبهم بالحقد و حكوا عليه سنانهم .
55
اما هو خزر في السماء و هو مليان ب الروح القدس ، و شاف المجد تاع الله وشاف يسوع واقف على يمين الله .
56
و قال : " راني نشوف في السماوات مفتوحة وبن الانسان قايم على يمين الله " .
57
صاحوا كلهم بأعلى صواتهم و قفلوا وذنيهم , و هجموا عليه كلهم مع بعضاهم ,
58
و خرجوه برى لمدينة و رجموه . و الشهود الي كانوا لثم نحاو قشهم و حطوه عند رجلين واحد الشاب يقولولو شاول .
59
و كانوا يرجموا في استيفانوس و هو يدعي ويقول : " يا ربي يسوع اقبل روحي " .
60
و سجد على ركايبوا و عيط بأعلى صوته : " يا ربي ما تحاسبهمش على هاذي الغلطة " . و كي قال هذا استشهد .
Chapter 8
1
و كان شاول راضي على قتل استيفانوس . و صرى في هاذاك اليوم إضطهاد كبير على الكنيسية اللي في اورشليم , و راحوا كلهم توزعوا في جوايه اليهودية و السامرة , بقاو غير الرسل .
2
و جاو رجال يخافوا ربي و هزوا استيفانوس دفنوه و عملواعليه مناحة كبيرة .
3
و اما شاول كان حاب يقضي على الكنيسية , و هو يدخل البيوت و يكركر الرجال والنساء و يرميهم في الحبس .
4
و هاذوك اللي تشتتوا راحوا من مكان لمكان يبشروا بكلمة الله .
5
و هبط فيليبس لواحد لمدينة في السامرة و بدا يبشر ناسها بالمسيح .
6
و كانوا الناس يصنتوا لكلامو بقلوبهم كي سمعوا بالعجايب اللي دارها وزادوا شافوا بعينيهم ,
7
على خاطر ياسر منهم اللي كانوا مسكونين بالجنون كانت تخرج منهم و تصيح بصوت كبير . و ياسر من المشلولين و العايبين رتاحوا .
8
و كانت فرحة كبيرة في الجوايه الكل تاع المدينة . سيمون السحار
9
و قبل كان واحد الراجل في لمدينة اسمه سيمون , يعمل السحور و ناس السامرة كانوا حايرين فيه . و كان حاسب روحو حاجة كبيرة .
10
و من لكبيرحتى لصغير كلهم كانوا يتبعوا فيه و يقولوا : "هذا هو قدرة الله الكبيرة ".
11
و تبعوه على خاطر كانوا مخدوعين بالسحور تاعو هذي مدة طويلة .
12
و كي صدقوا لكلام تاع فيليبس و هو يبشر بالامور تاع ملكوت الله و باسم يسوع المسيح , تعمدوا رجال ونساء .
13
و حتى سيمون في ذاتو امن . و كي تعمد كان دايما يقعد مع فيليبس , و شاف عجايب و ايات كبيرة تصرى و بقى حاير .
14
و كي سمعوا الرسل اللي في اورشليم باللي السامرة قبلت كلمة الله , بعثولهم بطرس ويوحنا,
15
اللي كي راحولهم صلاو من اجلهم باه يقبلوا الروح القدس ,
16
على خاطر ما زال ما استقرش حتى على واحد فيهم , بالصح هما كانوا متعمدين باسم يسوع المسيح .
17
و كي حطوا عليهم اليدين قبلوا الروح القدس .
18
و كي شاف سيمون اللي الحطان تاع يدين الرسل يمد الروح القدس جاب لهم صوارد
19
و قال : " مدوا لي حتى انا هاذي القدرة , باه كل من نحط عليه يدي يقبل الروح القدس " .
20
قالو بطرس : " خلي صواردك عندك يهلكوك , راك حاسب بلي تقدر تشري المهبة تاع الله بالدراهم !
21
لا عندك لا قسمة ولا نصيب في هذا الامر , على خاطر قلبك ماهوش صافي مع الله .
22
توب على شرك هذا , و اطلب من عند الله و لعل يسامحك على نية قلبك ,
23
على خاطر نشوف فيك تتخبط في مرارة المر و رباطات الظلام " .
24
جاوب سيمون وقال : " اطلبوا انتوما من ربي على جالي باه ما يصراليش واش راكم تقولوا " .
25
و من بعد ماشهد بطرس و يوحنا و تكلموا بكلمة ربي , ولاو لاورشليم بعد ما بشروا مدن كثيرة في بلاد السامريين . فيليبس و لوصيف الاثيوبي
26
أيا ملاك الرب كلم فيليبس و قالو : " نوض روح جيهة الجنوب , على الطريق الخالية المحدرة من اورشليم لغزة " .
27
ناض و راح و إذا واحد الراجل وصيف اثيوبي , وزير تاع كنداكة سلطانة اثيوبيا , متصرف على كل شؤون الخزنة , هذا كان حاج لاورشليم باه يسجد .
28
و كي كان راجع قاعد في الكروسة تاعو و هو يقرى في لكتاب تاع اشعياء .
29
و قال الروح لفيليبس :" قدم و امش بحذى هاذي الكروسة ".
30
قرب ليه فيليبس , و سمعو يقرى في لكتاب تاع النبي اشعياء , و قالو :" كاش ما راك تفهم الشيء اللي راك تقرى فيه ؟" .
31
قالو : " كيفاه نقدر نفهم لو كان واحد ما يشرحلي ؟". و طلب من فيليبس يطلع و بقعد معاه .
32
اما جزء الكتاب اللي كان يقرى فيه كان هاذا : " كيما شاة يجرو فيها للذبيحة , و كيما خروف ساكت قدام اللي يجزوا فيه هكذا ما حلش فمو .
33
و هو ذليل فكولو حقه , و في جيله شكون يخبر عليه ؟ على خاطر حياتو تقصفت من لرض " .
34
جاوب لوصيف فيليبس و قالو :" قول لي : على شكون يهدر النبي لهنا ؟ على روحو و الا على واحد اخر ؟ .
35
و بدا فيليبس من هاذ الكتاب يهدرلو و يبشر فيه بيسوع .
36
و كي كانوا ما شيين في الطريق وصلوا لواحد البقعة فيها ماء , قال الوصيف :" ها هو الماء . واش يمنع لو كان نتعمد ؟ " .
37
قالو فيليبس : " إذا راك تامن بكل قلبك يجوز " . جاوب و قال : " انا نامن بلي يسوع المسيح هو ابن الله " .
38
و حبس الكروسة , و هبطوا مع بعضاهم للماء , فيليبس و لوصيف , و عمدوا .
39
و كي خرجوا من الماء , خطف روح الرب فيليبس , و من لثم ما زادش لوصيف شافو , و راح مشى في طريقو فرحان .
40
اما فيليبس لقاوه في مدينة اشدود . و هومعدي في طريقو كان يبشر كل المدن حتى وصل لمدينة قيصرية .
Chapter 9
1
شاول يتوب و حياتو تتبدل . اما شاول ما زال مليان بالتهديد و القتيلة على تلامذة الرب، راح عند كبير الكهنة
2
و طلب منو يمد لو براوات ل دمشق ، لليهود اللي لثم ، حتى كان لقى ناس من الطريق ، رجال و الا نساء ، يسوقهم مكتفين لاورشليم .
3
وهو رايح و كي قرب يدخل لمدينة دمشق برق عليه من السماء على غرادة من السماء نور قاوي,
4
طاح في لرض و سمع صوت يقولو :"يا شاول , يا شاول وعلاه راك تضطهد فيا ؟".
5
قالو: " يا سيدي شكون انت ؟ " قالو الرب :"أنا راني يسوع اللي انت راك تضطهد فيه . صعيب عليك ترحي النوى ".
6
قالو وهو مرعوب وحاير :" يا ربي واش تحبني ندير ؟" قال لو الرب :" نوض و ادخل للمدينة ضرك يقوللك واش لازم تدير ".
7
اما الرجال اللي كانوا مسافرين معاه وقفوا ساكتين , يسمعوا في الصوت بالصح ما شافواحتى واحد .
8
وقف شاول من لرض , و كانوا عينيه محلولين بالصح ما كان يشوف في حتى واحد . قادوه من يديه و دخلوه لدمشق .
9
و كان مدة ثلاثة ايام ما يشوفش , و ما كلا وما شرب .
10
و كان في دمشق واحد من التلامذة اسمو حنانيا , و قالو الرب في المنام :" يا حنانيا " قال :" نعم يا رب " .
11
قالو الرب :" نوض و روح للزنقة اللي يقوللها المستقيم , روح لبيت يهوذا و عيط على واحد الراجل من طرسوس اسمو شاول . على خاطر كي كان يصلي ,
12
و شاف في المنام راجل اسمو حنانيا دخل وحط عليه يديه باه يولي يشوف ".
13
جاوب حنانيا :" يا ربي انا سمعت من عند ناس ياسر على هذا الراجل , و قداه من شر عمل في القديسين تاعك في اورشليم .
14
و زيد لهنا عندو الاذن من عند كبار الكهنة باه يقبض على جميع اللي يدعيو باسمك ".
15
قالو الرب:"روح ! على خاطر هاذاك ليا ماعون مخير باه يهز اسمي قدام شعوب وسلاطين و بني اسرائيل .
16
على خاطر راح نوريه قداه لازم يتعذب على جال اسمي ".
17
مشالو حنانيا و دخل للدار و حط عليه يديه و قال :" يا خويا شاول , انا بعثني الرب يسوع اللي ظهرلك في الطريق اللي جيت منو , باه تولي تشوف و تتملى من الروح القدس ".
18
و لثم بعد طاح من عينيه واحد الشيء كي لقشور , و في دقيقتها ولى يشوف , و ناض و تعمد .
19
و جابولو ماكلة تقوى بيها . و قعد شاول مع التلامذة اللي في دمشق أيامات . شاول ف اورشليم
20
و ثم ثم بدا يبشر في المجامع بالمسيح :" بلي هذا هو ابن الله ".
21
وجميع اللي كانوا يسمعوه حاروا و قالوا :" ماشي هذا هو اللي قضى في اورشليم على اللي يدعيو بهذا الاسم ؟و جاء لهنا باه يسوقهم مكتفين قدام كبار الكهنة !".
22
بالصح شاول كان يزيد يتقوى , و يحير في ليهود اللي ساكنين ف دمشق و يأكد لهم " بلي هذا هو المسيح ".
23
و بعد ما عدات ايامات ياسر تشاوروا عليه ليهود و تفاهموا باه يقتلوه ,
24
و عرف شاول بالحيلة تاعهم . و كانوا يعسوا حتى في البيبان نهار وليل باه يقتلوه .
25
شوية داوه التلامذة ونزلوه في قفة من فوق السور تاع المدينة .
26
و كي جاء شاول لاورشليم حب يبقى مع التلامذة , و كلهم كانوا يخافوا منو ما همش مصدقين بلي راه حتى هو ولى تلميذ .
27
ولى داه برنابا و جابو للرسل , و حكالهم كيفاه شاف الرب في الطريق و بلي راه تكلم معاه , و كيفاه تكلم جهار باسم يسوع ف دمشق .
28
و بقى معاهم يدخل ويخرج في اورشليم و يجاهر باسم الرب يسوع .
29
و كان يتكلم و يتناقش مع اليونانيين , حتى حبوا يقتلوه .
30
و كي سمعوا الخاوة هبطوه ل قيصرية و من لثم بعثوه ل طرسوس .
31
و بالصح الكنيسية في كل اليهودية و الجليل كانت متهنية , و كانت تتبنى و تمشي في مخافة ربي , و ب موعينة الروح القدس كانت تكثر و تزيد.
32
و صرى كي كان بطرس يتفقد في كل الخاوة , راح حتى للقديسين اللي ساكنين ف لدة ,
33
و لقى لثمة واحد الشخص اسمو اينياس حاكم لفراش هاذي مدة ثمانية سنين, و كان مشلول .
34
قالو بطرس :" يا اينياس , يسوع المسيح يشفيك . قوم وقد فراشك بيديك " ثم ثم وقف .
35
و شافوه كل الساكنين في لدة و سارون , اللي رجعوا للرب .
36
وكان ف يافا واحدة من التلامذة اسمها طابيثا , اللي معناهاغزالة . هاذي كانت فايضة بفعل الصلاح و الحسنات اللي كانت تديرها .
37
و صرى ف هاذيك ليامات انها مرضت وتوفات , غسلوها و حطوها ف بيت في السطح .
38
و على خاطر مدينة لدة قريبة من مدينة يافا , التلامذة سمعوا بلي بطرس راه لثمة ف لدة , بعثولو زوز رجال يطلبوا منو باه يعدي عليهم و ما يبطاش .
39
وقف بطرس و جاء معاهم . و كي وصل طلعوه للبيت اللي في السطح , و جاو عندو كل الارامل يبكيو و يورولو حوايج و قشات من اللي كانت غزالة تخيطهم كي كانت معاهم .
40
و خرجهم بطرس كلهم ل برى , و سجد على ركايبو و صلى , و بعد تلفت للجثة و قال :" يا طابيثا , نوضي !" فتحت هي عينيها . و كي شافت بطرس تقعدت بالقاعدة ,
41
و مد لها هو يدو و نوضها . و من بعد عيط على القديسين و الارامل و جابها لهم حية .
42
و هذا الشيء سمعت بيه يافا كاملة , و ياسر اللي امنوا بالرب .
43
و قعد بطرس ف يافا ايامات ياسر , عند واحد دباغ الجلود اسمو سمعان .
Chapter 10
1
كرنيليوس يطلب باه يقابل بطرس و كان في مدينة قيصرية واحد الراجل اسمو كرنيليوس ,قايد ميئة من الكتيبة اللي اسمها الطليانية .
2
و هو واحد تقي يخاف الله هو و كل اهل بيتو , يدير حسنات كبار للشعب و يصلي لله دايما .
3
واحد النهار جوايه الساعة تسعة تاع النهار شاف واحد المنام واضح , دخل عليه ملاك من عند الله و قالو :"يا كرنيليوس " .
4
شاف مع الملاك و استولى عليه الخوف , و قال :" يا سيد واش كاين ؟" قالو :" صلاتك و صداقتك طلعت قدام الله تذكار .
5
و ضرك ابعث ناس ل يافا و اعرض سمعان اللي اسمو بطرس .
6
راه قاعد عند سمعان الدباغ اللي دارو حذى لبحر . و هو يقولك واش لازم تدير" .
7
و كي راح الملاك اللي كان يتكلم مع كرنيليوس , عيط على زوز من الخدامين تاعو واحد منهم عسكري من اللي كانوا دايما معاه ,
8
و خبرهم بكل شيء و بعثهم ل يافا . لمنام تاع بطرس
9
اليوم وغدوا وهما مسافرين كي قربوا يدخلوا للمدينة , طلع بطرس للسطح باه يصلي جوايه الساعة السته .
10
جاع ياسر و حب ياكل , و في الوقت اللي كانوا يوجدو له , غفى و طاح عليه النوم ,
11
و شاف السماء محلولة , و قصعة نازلة عليه تقول ملاية كبيرة مربوطة من اطرافها لربعة و تتدلى على لرض .
12
و كان فيها كل الدواب تاع لرض و الوحوش و كل ما يزحف و كل طير من الطيور السماء كلها .
13
و جاء ليه صوت :" نوض يا بطرس اذبح و كول " .
14
قال بطرس :"لا يا ربي انا عمري ما كليت حاجة منجوسة والا محرمة ".
15
و زاد جاء ليه الصوت مرة اخرى :" اللي طهروا الله ما تنجسوش انت " .
16
و كان هذا على ثلاثة مرات و من بعد ترفعت القصعة كيما كانت ل السماء .
17
تحير بطرس و بدا يسقسي في روحو : واش معناه هذا المنام اللي شافو ؟ , و اذا بيه الرجال اللي بعثهم كرنيليوس , كانوا سقساو على بيت سمعان و راهم واقفين قدام الباب
18
و ناداو يسقسيو :" اذا كان سمعان اللي اسمو بطرس راه موجود لثم ؟"
19
و في الوقت اللي مازال بطرس يخمم في المنام , قالو الروح :" راهم ثلاث رجال يعيطولك .
20
نوض و اهبط و روح معاهم بلا ما تخمم على شيء , على خاطر راني انا اللي بعثتهم ".
21
و نزل بطرس للرجال اللي جاوه من عند كرينيليوس , وقال :" راني انا اللي تحوسوا عليه . واش من سبة جابتكم ؟" .
22
قالوا لو :" او كرنيليوس قايد تاع ميئة , راجل صالح , يخاف الله و كل امة ليهود شاهدة عليه , جاه الوحي من عند ملاك مقدس باه يستدعيك لبيتو و يسمع من عندك كلام ".
23
ولى بطرس استدعاهم لداخل و ضيفهم . و اليوم وغدوا راح معاهم و راحوا معاه ناس من الخاوة اللي ف يافا . بطرس يقابل كرنيليوس
24
و بعد نهار دخلوا ل قيصرية , و اما كرنيليوس كان يسنى فيهم , و عرض نسابو و اصحابوا المقربين .
25
و كي دخل بطرس استقبلو كرنيليوس و نزل ساجد على رجليه .
26
نوضو بطرس و قالو :" نوض حتى انا انسان زيك " .
27
و بعد دخل وهو يهدر معاه و لقى ناس ياسر متلميين .
28
قال لهم :" راكم عارفين كيفاه محرم على راجل يهودي يقعد مع واحد براني و الا حتى يجي عندو . بالصح انا ورا لي الله باه ما نقول على حتى واحد انو محرم والا منجوس .
29
على هاذيك جيت بلا مناقشة كي عيطوا لي . و ضرك نستخبر منكم على واش من سبة استدعيتوني ؟".
30
قالو كرنيليوس :" عندها اربعة ايام حتى لهاذي الساعة كنت صايم . و على الساعة التاسعة كنت نصلي في بيتي . و اذا واحد الراجل بلبسة ضاوية وقف قدامي
31
و قال :" يا كرنيليوس , صلواتك تسمعت و صدقاتك تذكرت قدام الله .
32
ابعث ل يافا و استدعي سمعان اللي اسمو بطرس . راح قاعد في بيت سمعان راجل دباغ ساكن حذى لبحر . و هو كي يجي يكلمك .
33
بعثت لك ليه ليه . و انت راك عملت مليح كي جيت . و ضرك احنا كلنا رانا حاضرين قدام الله باه نسمعوا جميع اللي قال لك عليه . خطبة بطرس في دار كرنيليوس
34
بدا بطرس يتكلم وقال :" الحق انا لقيت بلي الله ما يقبلش الناس بالوجوه .
35
بالصح في كل امة يقبل برك هاذوك اللي يخافوا اسموواللي يعملوا العدل .
36
الكلمة اللي بعثها لبني اسرائيل يبشرهم بالسلام بيسوع المسيح . هذا اللي هو رب ل الناس الكل .
37
راكم عارفين الامر اللي صرى في بلاد اليهودية و بدا في الاول من الجليل , بعد المعمودية اللي بشر بيها يوحنا .
38
يسوع اللي من الناصرة و كيفاه مسحوالله بالروح القدس و القوة , و اللي راح يجول و يعمل الخير و يشفي كل المتسلط عليهم ابليس , على خاطر الله كان معاه .
39
واحنا رانا شهود على كل واش عمل في بلاد ليهود و في اورشليم . واللي كذلك قتلوه معلق فوق مادرية .
40
هذا الله حياه من الموت في ثالث يوم , و خلاه يكون ظاهر ,
41
مشي لجميع الناس بالصح للشهود اللي سبق وخايرهم الله . لينا احنا اللي كلينا وشربنا معاه بعد قيامتو من بين الموتى .
42
و وصانا باه نبشروا للشعب , و نشهدوا بلي هذا هو اللي حطو الله ديان للحيين و للموتى .
43
ليه يشهدوا كل الانبياء بلي كل من يامن بيه ينال باسمو الغفران تاع الذنوب ". الروح القدس يجي حتى على الامم
44
و كي كان بطرس يتكلم بهاذي الامور جاء الروح القدس على كل اللي كانوا يسمعوا في الكلمة .
45
المومنين اللي من اهل الختانة حاروا , كل من جاء مع بطرس , على خاطر الوهبة تاع الروح القدس تدفقت حتى على الامم هما ثاني .
46
على خاطر كانوا يسمعوا فيهم يتكلموا بلغات و يعظموا ف الله . وقتها جاوب بطرس :
47
" شكون ضرك يقدر يمنع عليهم المعمودية تاع الماء هاذوك اللي قبلوا الروح القدس كيما احنا بالذات ؟" .
48
و امر عليهم باه يتعمدوا باسم الرب يسوع . هكذا و طلبوا منو يبقى عندهم ايامات .
Chapter 11
1
و كي سمعوا الرسل و الخاوة اللي كانوا في بلاد اليهودية بلي حتى الامم قبلوا الكلمة تاع الله.
2
و كي طلع بطرس لاورشليم, تعاركوا معاه اهل الختان,
3
و قالوا لو: "كيفاه تدخل لديار ناس ماهمش مختنين و تاكل معاهم".
4
وبدى بطرس يشرح لهم واش صرى وقال :
5
" كي كنت في مدينة يافا و انا نصلي, غفيت في النوم و شفت منام: شفت قصعة نازلة من السماء كيما ملاية تدلى من ربعة اطراف و تحطت قدامي.
6
و كي شفتها مليح, لقيت فيها الدواب تاع لرض كاملة و الوحوش و كل ما يزحف و كل ما يطير.
7
و سمعت صوت من السماء قالي: بطرس اوقف, اذبح و كول.
8
قلت لو: لا يا ربي! عمري ما دخلت في فمي حاجة محرمة والا ناجسة.
9
زاد قالي الصوت اللي من السماء: اللي طهرو ربي ما تنجسوش انت.
10
و تعاود هاذا الشيء ثلاثة مرات. و من بعد ترفع كل شيء للسماء كيما كان.
11
و اذا بيه في هاذاك الوقت بالذات وقفوا ثلاثة رجال قدام الدار اللي كنت فيها, كانوا مبعوثين ليا من قيصرية.
12
و قال لي الروح امشي معاهم و ما تخاف من حتى شيء. و رحت انا و الخاوة في ستة اللي كانوا معايا. و كي دخلنا لدار الراجل,
13
حكالنا كيفاه شاف الملاك في دارو و كيفاه وقف عليه وقال لو: ابعث رجال ليافا, و عيط على سمعان اللي يقولولو بطرس,
14
و هو راح يكلمك كلام تتخلص بيه انت واهل بيتك كاملين.
15
و كي بديت نهدر, جاء عليهم الروح القدس كيما جاء علينا نحنا في لول.
16
و تفكرت كلام ربي كي قال: يوحنا عمد بالماء و اما انتوما راح توليوْ تعمدوا بالروح القدس.
17
اذا كان الله وهبهم كيما وهب لينا احنا نهار اللي امنا بالرب يسوع المسيح, واش نكون انا؟ نقدر نقول لله لا؟".
18
و كي سمعوا الحاضرين هاذا لكلام سكتوا, و سبحوا الله و قالوا: "امالا حتى اللي ما همش يهود انعم عليهم الله هما ثاني بالتوبة باه ينالوا لحياة!". الكنيسية في انطاكية
19
اما المومنين اللي تفرقوا على جال المحنة اللي صرات بعدما تقتل استيفانوس راحوا قطّعوا ل فينيقية و قبرص و انطاكية, وكانوا مايبشروا حتى واحد بكلمة الله من غير ليهود برك.
20
بالصح كاين منهم ناس وهما رجال من قبرص والقيروان , اللي كي دخلوا لانطاكية كانوا يهدروا مع ناس اليونان ويبشروا فيهم بالرب يسوع.
21
و كانت يد ربي معاهم, و ناس ياسر اللي امنوا و هداهم ربي لطريقو.
22
و وصل لخبر تاعهم و سمعوا بيه في لكنيسية في اورشليم, ولاو بعثوا برنابا لانطاكية.
23
و كي جا وشاف نعمة ربي فرح, وشجعهم وصاهم الكل باه يثبتوا في ربي و يحكموا فيه بكل قلوبهم.
24
على خاطر هو كان راجل صالح و مليان من الروح القدس ومن الايمان. وزاد رجع غاشي كبير للرب.
25
و من بعد راح برنابا ل طرسوس يحوس على شاول. و كي لقاه جابو معاه للكنيسية اللي في انطاكية.
26
و بقاو لثم يجتمعوا في الكنيسية مدة عام كامل و علموا ناس ياسر. ولثمة في انطاكية لاول مرة اللي التلامذة تاع المسيح تسماو "مسيحيين".
27
و في هاذيك ليامات جاو انبياء من اورشليم ل انطاكية.
28
و وقف واحد من التلامذة واسمو اغابوس, و تنبأ بالوحي تاع الروح القدس بلي راح تصرى مجاعة كبيرة على لرض كاملة, هاذيك اللي صرات عهد القيصر كلوديوس.
29
و على هاذاك قرروا التلامذة باه كل واحد يبعث الشيء اللي يقدرعليه, و يعاونوا الخاوة الساكنين في اليهودية.
30
و هاذاك واش داروا و بعثوا الشيء اللي لموه مع برنابا وشاول.
Chapter 12
1
و في هاذاك الوقت قرر الملك هيرودس يضطهد ناس من لكنيسية,
2
و قتل يعقوب خو يوحنا طيرلو راسو بالسيف.
3
و كي شاف بلي هاذا الشيء يعجب ليهود, زاد قبض على بطرس ثاني. و صرى هاذا في ايامات لفطير.
4
و كي حكمو رماه في الحبس, و حط اربعة فرق تاع عسكر يعسوا عليه, و كان ناوي يقدمو للشعب بعد عيد الفصح.
5
و كان بطرس محطوط في الحبس تحت العسة, و كانت لكنيسية تصلي على جالو ليل و نهاربلا ما يحبسوا. بطرس يخرج من الحبس
6
و في الليلة اللي كان هيرودس ناوي يسلمو فيها, كان بطرس راقد بين زوز عساسة و كان مسلسل بالسلاسل, و كانوا العسكر يعسوا قدام الباب تاع الحبس.
7
و اذا ملاك الرب جاء, و ضوى النور في الحبس, و ضرب بطرس على جنبو و نوضو وقالو: "نوض ازرب!". و طاحوا السلاسل من يديه.
8
و قال لو الملاك : " اتحزم و البس سباطك". كي كمل زاد قالو: " البس ثوبك و تبعني".
9
و خرج يتبع فيه. و هو ما علابالوش اذا كان هاذا الشيء صح, وكان حاط روحو يحلم.
10
و عداو على العسة لولى و زادو الثانية, حتى وصلوا للباب تاع لحديد اللي يخرَّج على لمدينة, و وحدو وحدو تحل, خرجوا و مشاو غير زقاق واحد, و لثمة فارقو الملاك.
11
وقال بطرس, بعد ما فاق مع روحو: "ضرك تأكدت بلي ربي بعث الملاك تاعو و منعني من يد هيرودس, و من كل شيء كانوا ليهود يحبوا يديروه فيا".
12
ومن بعد خمم شوية وراح لدار مريم ام يوحنا اللي يعطيلو مرقس, و كان في هاذيك الدار جماعة كبيرة من المومنين قاعدين يصليو.
13
و كي طبطب بطرس على الباب تاع الدار جات واحدة الخديمة اسمها رودا باه تتصنت.
14
و كي عرفت بطرس من الصوت تاعو من الفرحة ما حلتش الباب, بالصح راحت تجري لداخل و خبرتهم بلي بطرس راه جا و راه واقف قدام الباب.
15
قالوا لها: " راكي تتخيلي برك!". واما هي بقات تأكد لهم بلي هو. قالوا لها: " بلاك ملايكاتو!".
16
و بقى بطرس لبرى يطبطب حتى حلوا عليه و كي شافوه حاروا.
17
شار عليهم بيدو باه يسكتوا, و حكالهم كيفاه خرجو ربي من الحبس. و قال لهم: "خبروا يعقوب و الخاوة لخرين بالشيء اللي صرى". و من بعد خرج من لثمة و راح لمكان اخر.
18
و كي طلع النهار صرات فوضى كبيرة بين العسكر: زعمة واش صرى لبطرس؟
19
و كي طلب هيرودس باه يجيبوه و ما لقاهش استجوب العساسة, و صدر منو امر باه يقتلوهم . و من بعد هبط من اليهودية لقيصرية و سكن لثمة. موت هيرودس
20
و كان هيرودس غاضب على اهل صور واهل صيدا, راحوا هما تلموا الكل مع بعضاهم و تفاهموا و ميلوا بلاستس الحاجب تاع الملك لصفهم و طلبوا الصلح على خاطر بلادهم تسترزق من المملكة تاع هيرودس.
21
و في النهار اللي راح يتقابلوا فيه لبس هيرودس قشات المٌلك , و قعد على كرسي العرش و بدا يخطب عليهم .
22
و الشعب كامل بداو يعيطوا: "هاذا صوت تاع اله ما هوش صوت انسان!".
23
و في دقيقتها ضربو ملاك الله على خاطر ما مدش المجد لله, و بدى الدود ياكل فيه و مات.
24
اما كلمة الله كانت تتنشراكثر و تزيد.
25
و رجع برنابا و شاول من اورشليم بعد ما كملوا الخدمة تاعهم, و داو معاهم يوحنا اللي يعيطولو مرقس.
Chapter 13
1
و كان لثمة في لكنيسية في انطاكية معلمين و انبياء: برنابا, و سمعان اللي يعيطولو نيجر, و لوكيوس من القيروان, و مناين اللي تربى مع هيرودس الوالي, و شاول.
2
و هما يخدموا في ربي و يصوموا, قال الروح القدس: " خليو برنابا و شاول على جيهة على خاطر نحتاجهم في واحد الخدمة".
3
وقتها صاموا و صلاو و حطوا عليهم يديهم, و من بعد خلاوهم راحوا. برنابا و شاول في قبرص
4
و هما كي بعثهم الروح القدس هبطوا لسلوكية , و من ثمة سافروا في لبحر ل قبرص.
5
و كي وصلوا لسلاميس بداو يناديوْ بالكلمة تاع الله في وسط لمجامع تاع ليهود. و كان معاهم يوحنا يعاون فيهم.
6
و كي فاتوا في الجزيرة كاملة حتى وصلوا لمدبنة بافوس, تلقاو مع واحد الراجل سحَّارحاسب روحو نبي بالكذب و هو يهودي اسمو باريشوع,
7
و كان من لحاشية تاع سرجيوس بولس الحاكم تاع لمدينة, اللي كان راجل مثقف, عرض برنابا و شاول و طلب منهم باه يسمعوه كلام الله.
8
بالصح هاذاك السحَّار عليم وهاذي الترجمة تاع اسمو, كان يعكس فيهم حاب يبعد الحاكم على الايمان.
9
و اما شاول اللي اسمو ثاني بولس, تملى من الروح القدس و خزر فيه
10
و قالو: "يا واحد المعمر بالكذب و بالخبث الكل! يا ولد ابليس! يا عدو الخير! ما زالك برك تعوج في الطرق الله الصحيحة؟
11
ضرك تجيك ضربة من عند ربي, تعمى و ما تشوفش ضو الشمس حتى يحب ربي". و في ساعتها طاحت عليه ضبابة و ظلامت عينيه, ولى يدور و يحوس على شكون يقودو من يدو.
12
و الحاكم كي شاف واش صرى امن , و حار من التعليم تاع الرب. في انطاكية بيسيدية
13
و من بعد سافر بولس و اللي كانوا معاه من بافوس و راحوا ل برجة بمفيلية. بالصح يوحنا ماراحش معاهم هو رجع لاورشليم.
14
و هما زادوا من برجة راحوا لانطاكية في بيسيدية, ودخلوا للمجمع نهار السبت و قعدوا.
15
و من بعد ما قراو جزء من شريعة موسى و الانبياء, بعثولهم رياس المجمع وقالوا لهم: " يا لخاوة, اذا كان عندكم حاجة توعظوا بيها الشعب قولوا".
16
وقف بولس و شارعليهم بيدو وقال: "يا رجال اسراييل و يا اللي تخافوا ربي, اسمعوا!
17
الاله تاع شعب اسراييل خاير جدودنا, و على من قدرو كي كان متغرب في ارض مصر, و من بعد خرجهم منها بقوة اعمالو.
18
و استحملهم في الصحراء مدة ربعين سنة.
19
و محى سبع امم من ارض كنعان و قسم عليهم ارضهم بالقرعة.
20
وعلى مدة ربعمية وخمسين سنة جعل لهم قضاة حتى لعاهد النبي صموييل.
21
و من بعد طلبوا من الله يعين لهم ملك, حط لهم شاول بن قيس, واحد من عشيرة بنيامين, حكم عليهم مدة ربعين سنة.
22
و من بعد عزلو الله و حط في مكانو داوود ملك, اللي شهد ليه ثاني, كي قال: لقيت في داوود عبدي راجل على حساب قلبي, راح يدير كل واش نحب.
23
و من الذرية تاع داوود, على حساب الوعد, جعل الله يسوع مخَلِص, لبني اسراييل.
24
و قبل ما يجي هو جا يوحنا قبلو وبشَّر بالمعمودية تاع التوبة لشعب اسراييل كامل.
25
و قبل ما يكمل المهمة تاعو قال: شكون تحسابوني أنا؟ انا خاطي هو, بالصح هو راح يجي بعدي وانا ما نستاهلش نحل حتى سيور سباطو اللي في رجليه
26
يا خاوتي يا بني ابراهيم, ويا كل الناس اللي بيناتنا اللي تخافوا ربي, لينا احنا جات كلمة هاذا الخلاص.
27
على خاطر اهل اورشليم والرياس تاعهم ما عرفوش المسيح. و ما فهموش لقوال تاع الانبياء اللي يقراوها كل نهار سبت بالصح تموا بيها كي حكموا عليه بالموت.
28
و مع انهم ما لقاو فيه حتى سبب واحد باه يحكموا عليه بالموت هكذاك و طلبوا من بيلاطس باه يقتلو.
29
و كي تتموا كل واش تكتب عليه, هبطوه من الصليب وحطوه في قبر.
30
بالصح الله قومو من بين الموتى.
31
وهو ظهر مرات ياسر للناس اللي طلعوا معاه من الجليل لاورشليم, و هما اللي ولاو الشهود تاعو عند الشعب.
32
و احنا نبشروكم بالعاهد اللي تحقق للجدودنا,
33
و بلي الله حقق هاذا لينا احنا اولادهم, كي قوم يسوع من بين الموتى كيما راه مكتوب في المزمور الثاني: انت وليدي انا اليوم ولدتك.
34
و كي قومو من بين الموتى, باه ما يعاودش يفنى, وهاكذا قال: اني راح نعطيكم المراحم تاع داوود الصادقة.
35
و ثاني زاد قال في مزمور واحد اخر: ما تخليش القدوس تاعك يموت ويفنى.
36
على خاطر داوود بعد ما عمل المشيئة تاع الله في حياتو, مات و تدفن بحذى جدودو, و تحلل الجسم تاعو و فنى.
37
بالصح اللي قومو الله من بين الموتى ما يفناش.
38
يكون في علمكم يا الخاوة, بلي بيه هو نبشروكم بغفران الذنوب,
39
و هكذا كل اللي يامن يتبررمن كل حاجة ما قدرتش الشرع تاع موسى يبرركم منها .
40
اتولهوا و عندكم يصرى لكم الشيء اللي قالوا عليه الانبياء:
41
شوفوا, انتوما يا اللي ستهزاو! و تعجبوا و اهلكوا ارواحكم! على خاطر راح ندير حاجة في اياماتكم. لو كان يقولو لكم عليها ما تصدقوش".
42
و من بعد ما خرجوا ليهود من المجمع بداو الناس تاع الامم الاخرى يحاولوا فيهم باه يزيدوا يكلموهم بهاذا لكلام نهار السبت الجاي.
43
و كي تفرقت الجماعة, ياسر من ليهود و الغرباء اللي يعبدوا الله تبعوا بولس وبرنابا, و هما كانوا يهدروا معاهم و يشجعوا فيهم باه يثبتوا في نعمة ربي.
44
و نهار السبت لٌخرْ تلمت قريب لمدينة كاملة باه تسمع كلمة الله.
45
و كي شافوا ليهود الشيء اللي صرى غاروا, و بداو يعارضوا واش يقول بولس و يكذبوا فيه.
46
قال لهم بولس وبرنابا بكل شجاعة: "كان لازم انتم اللوالى اللي تبشروا بكلة الله, بالصح انتوما رفضتوها, و بينتوا بلي راكم ما تستاهلوش الحياة الدايمة, علاها احنا ضرك نتوجهوا للامم,
47
على خاطر هذا واش وصانا الرب: جعلتك نور للامم, باه تهز الخلاص لاطراف الدنيا".
48
و كي سمعوا الامم اللي ما همش يهود هذا لكلام فرحوا ومجدوا كلام الرب. و امنوا كل اللي كانوا معنيين بالحياة الدايمة.
49
و تنشرت كلمة ربي في كل هاذيك لبلاد.
50
بالصح ليهود راحوا حرشوا النساء الشريفات اللي كانوا يعبدوا الله و الوجهاء تاع لمدينة, و داروا الفتنة على بولس وبرنابا وخرجوهم من بلادهم.
51
بالصح هما نفضوا عليهم لغبار تاع رجليهم, و راحو ل ايقونية.
52
بالصح التلامذة كانوا مليانين بالفرحة و الروح القدس.
Chapter 14
1
و في ايقونية دخلوا مع بعضاهم في زوز للمجمع تاع ليهود و تكلموا,حتى امنوا ناس ياسر من ليهود و ناس اليونان.
2
بالصح ليهود اللي ما حبوش يامنوا حرشوا الناس اللي من الامم على الخاوة و فسدوا لهم نية قلوبهم.
3
بالصح بولس وبرنابا سكنوا لثمة مدة طويلة كانوا يجاهروا بيسوع اللي كان يشهد لكلامهم على النعمة تاعو, و كان يأيد فيهم بآيات و عجايب تصرى على يديهم.
4
و الناس تاع لمدينة تقسموا على زوز فرَق, منهم اللي تبعوا ليهود و منهم اللي تبعوا الرسل بولس و برنابا.
5
و كي صرى هجوم من جيهة الامم و ليهود و الرياس تاعهم على الرسل باه يطَيْحوا بيهم و يرجموهم,
6
فاقوا بيهم, و هربوا ل ليكأونية لمدينة لسترة و دربة, و للجوايه الدايرة بيهم.
7
و كانوا حتى لثمة يبشروا. في لسترة و دربة
8
و كان في لسترة واحد الراجل دايما قاعد لثمة عايب من رجليه من نهار اللي ولد , عمرو ما مشى.
9
و كان يسمع في بولس و هو يتكلم, خزر فيه بولس, و كي شاف بلي عندو ايمان وقادر يبرى,
10
قال بصوت عالى: "نوض اوقف على رجليك!". نقز الراجل وقف و ولى يمشي.
11
و كي شافوا الناس واش عمل بولس, ناضوا الكل يعيطوا باللغة تاعهم تاع ليكأونية و قالوا: " الالهة تشبهوا بالناس ونزلوا لنا".
12
و برنابا سماوه "زفس" و بولس سماوه "هرمس" على خاطر دايما هو اللي يتكلم لول.
13
و جاهم كاهن زيوس اللي المعبد تاعو كان في الدخلة تاع لمدينة. و جاب لهم البقر و اكاليل تاع النوار و حطوها قدام البيبان هو والغاشي اللي معاه و كان حاب يذبح لهم الذبايح .
14
و كي سمع بولس و برنابا, قطعوا قشهم, و خرجوا للغاشي يجريو ويعيطوا
15
و قال لهم: "يا ناس, واش راكم تديروا؟ احنا رانا عباد ضعفاء كيما انتوما, جينا نبشروا فيكم باه تخليوْ هاذا الباطل و تتوبوا للاله الحي اللي خلق لرض و السماء و البحار و كل ما فيها,
16
اللي خلى الناس في لجيال الفايتة يمشيوْ على هواهم
17
بالصح هو دايما يشهد على روحو بالخير اللي يديروا مع الناس: ينزل لمطار من السماء و يجيب لمواسم في وقتها, و يرزقنا بالقوت و يملي قلوبنا بالفرحة".
18
و بعد هاذا لكلام و بجهد كبير باه قدروا يمنعوا الناس ما يذبحوش الذبايح.
19
و من بعد زادوا جاو ليهود اللي من انطاكية و ايقونية و حرشوا عليهم الناس, و راحوا رجموا بولس و كركروه لبرى خارج لمدينة و رماوه, حاسبينوا بلي مات.
20
بالصح كي داروا بيه التلامذة, وقف ودخل للمدينة, و اليوم و غدوا خرج هو و برنابا و راحوا ل دربة.
21
و لثمة في دربة بشروا و لموا تلامذة ياسر. الرجوع لانطاكية في سورية و من بعد رجعوا ل لسترة, و من ثم راحوا لايقونية وانطاكية,
22
يشددوا في التلامذة و يشجعوا فيهم يثبتوا في الايمان, و يقولو لهم بلي لابد نعديو على صعوبات ياسر باه ندخلوا للملكوت تاع الله.
23
و حطوا قساوسة في كل كنيسية, و صاموا و صلاو و خلاو الخاوة بين يدين الرب اللي امنوا بيه,
24
و كي كانوا جايين من بمفيلية عداو على بيسيدية.
25
و نشروا الكلمة في برجة, و من بعد هبطوا ل اتالية.
26
و من ثمة سافروا في لبحر ل انطاكية, اللي خرجوا منها في لول بالمهمة اللي داروها وكملوها بالنعمة تاع ربي.
27
و كي وصلوا لموا لكنيسية كاملة, وحكاو لهم على الشيء اللي عملو ربي معاهم, و كيفاه فتح للامم باب للايمان هما ثاني.
28
و قعدوا لثمة مع التلامذة مدة .
Chapter 15
1
و هبطوا جماعة من اليهودية وبداو يعلموا في الخاوة بلي: " لو كان ما تتختنوش كيما قال موسى, ما تقدروش تتحصلوا على الخلاص".
2
و صرى جدال و خلاف كبير و بين بولس و برنابا, و في لخر تفاهموا باه بولس و برنابا و و ناس اخرين معاهم يروحوا للرسل و للشيوخة اللي في اورشليم باه يفرزوا هاذا المشكل.
3
و شيْعتهم لكنيسية على خير و كي راحوا عداو على فينيقية و السامرة و خبروهم كيفاه حتى الامم هداهم ربي لطريقو, الشيء اللي فرحوا بيه الخاوة ياسر.
4
و كي وصلوا لكنيسية اورشليم فرحوا بيهم و الرسل و الشيوخة, و زادوا خبروهم حتى هما بالشيء اللي عملوا ربي معاهم.
5
و قفولهم جماعة من المومنين اللي كانوا قبل يتبعوا في المذهب تاع الفريسيين, و قالوا لهم: "لازم على اللي ماهمش يهود يتختنوا و يعملوا بالشرع تاع موسى قبل".
6
و تلموا الرسل و الشيوخة باه يلقاو حل.
7
و صرى بيناتهم جدال كبير و من بعد وقف بطرس و قال لهم: "يا الخاوة, راكم عارفين بلي الله قبل خلاص خايرني من بينكم باه انا اللي نخبر الامم على كلمة الانجيل و يامنوا.
8
و الله اللي عارف لقلوب, شهد لهم حتى هما كي مدلهم الروح القدس كيما مد لنا احنا بالذات.
9
و ما ميَّزش بينا و بينهم في حتى شيء, على خاطر هو اللي طهر قلوبهم بالايمان.
10
و ضرك علاه تجربوا في الله و تحطوا في رقبة التلامذة هاذا النير اللي عجزنا احنا و جدودنا باه نهزوه؟
11
بالصح نامنوا بلي بالنعمة تاع ربنا يسوع المسيح احنا ننالوا الخلاص و حتى هما ثاني".
12
و لاو سكتوا الكل. و بقاو يسمعوا في برنابا و بولس و هما يتكلموا على كل الايات و العجايب اللي عملها الله على يديهم بين الامم.
13
و كي كملوا كلامهم تكلم يعقوب و قال: " يا خاوتي, اسمعوني.
14
كيما قال سمعان بلي الله من لول كان حاب يدي من بين الامم شعب على اسمو.
15
و هاذا الشيء اللي جاء في كلام الانبياء, كيما راه مكتوب:
16
نزيد نرجع من بعد لخيمة داوود اللي تهدمت و نبنيها, نزيد نبنيها من فوق الردم و نعليها,
17
باه كل الناس ترجع لي, و حتى الامم اللي اسمي تحط عليها, هكذا يقول الله وهاذي الامور كلها يجريها.
18
معروفة من بكري وجميع اعمالو خبر عليها.
19
على هاذيك انا نشوف بلي ما نزيدوش نثقلوا على الناس اللي رجعوا لله من الامم,
20
بالصح نكتبولهم و نوصيوْهم باه يمنعوا النجاسات تاع الاصنام, و الزنا, و الجيفة, و الدم.
21
و شريعة موسى من قبل راهي منتشرة في كل مكان من لجيال لقديمة حتى لضرك, في كل مدينة كاين معلمين يقراوها كل سبت في لمجامع". رسالة لكنيسية للمومنين اللي من الامم
22
وقتها تفاهموا الرسل و الشيوخة تاع لكنيسية باه يخايروا زوز رجال من وسطهم, و يبعثوهم لانطاكية مع بولس وبرنابا: خايروا يهوذا اللي يعيطولوا برسابا, و سيلا, و هما ناس عندهم مكانة كبيرة بين الخاوة.
23
و سلمولهم هاذي البرية اللي كتبوها بيديهم قالوا فيها: "سلام من عند الرسل و الشيوخة و الخاوة الكل للخاوة اللي من الامم في انطاكية وسورية و كليكية:
24
رانا سمعنا بلي كاين ناس خرجوا من عندنا و جاو عندكم و قلقوكم و شوْشوا عليكم, كي طلبوا منكم تتختنوا و تعملوا على حساب الشرَع تاع موسى, و هاذو الناس احنا ما طلبناش منهم يعملوا هاذا الشيء,
25
على هاذيك تفاهمنا و خايرنا نبعثولكم زوز رجال مع خاوتنا لعزاز بولس وبرنابا,
26
رجال مدوا حياتهم على جال الاسم تاع ربنا يسوع المسيح.
27
بعثنالكم يهوذا و سيلا, باه يخبروكم بنفس الامور اللي كتبناها.
28
على خاطر الروح القدس و احنا شفنا, بلي ما نزيدوش عليكم حمل واحد اخر, من غير هاذي الحاجات اللي واجبة:
29
تبطلوا الذبايح اللي تتذبح للاصنام, و الدم, و الجيفة, و الزنا, اذا كان صنتوا ارواحكم من هاذي الامور تعملوا الصواب, يعطيكم الصحة ".
30
و راحوا في لول ل انطاكية, و لموا جماعة المومنين و سلمولهم لبرية.
31
و كي قراوها فرحوا خلاص بالتشجيع اللي جاء فيها.
32
و على خاطر يهوذا هو و سيلا كانوا ثاني انبياء, وعظوا الخاوة لثمة بكلام ياسر و شجعوهم.
33
و بقاو مدة من الزمان و من بعد سيبوهم على خير باه يرجعوا للرسل.
34
بالصح سيلا حب يبقى في انطاكية,
35
و بولس هو برنابا سكنوا في انطاكية و بقاو يعلموا و يبشروا مع الخاوة لخرين حتى هما بالكلمة تاع الرب. بولس و برنابا يتفارقوا
36
و من بعد ايامات قال بولس لبرنابا: "هيا نرجعوا نروحوا نتفقدوا الخاوة في كل مدينة بشرنا فيها بكلمة ربي, و نشوفوا احوالهم كيفاه".
37
طلب منو برنابا باه يديو معاهم ثاني يوحنا اللي يقولولو مرقس,
38
بالصح بولس ما حبش على خاطر مرقس تفارق معاهم في بمفيلية و ما راحش معاهم للخدمة.
39
و صرى بيناتهم نزاع حتى تفارقوا على بعضاهم. برنابا دا معاه مرقس وسافروا في لبحر لقبرس.
40
و بولس دا معاه سيلا و خرج من انطاكية بعدما ودَّع الخاوة و خلاهم للنعمة تاع ربي.
41
و راح لسوريا و كليكية يشجع في الكنايس و يقوى فيهم .
Chapter 16
1
و من بعد كي وصل لدربة و لسترة, لقاو لثمة واحد التلميذ اسمو تيموتاوس, امو يهودية مومنة و باباه يوناني,
2
و كانوا الخاوة في لسترة و في ايقونية يشهدوا لو شهادة مليحة.
3
و حب بولس باه يديه معاه, ولى ختنو على خاطر ليهود اللي لثمة كلهم كانوا على بالهم بلي باباه يوناني.
4
و كانوا يروحوا عند المومنين في المدن اللي يعديو عليها و يبلغولهم الاوامر تاع الرسل اللي في اورشليم و الحكم تاعهم في القضايا الهامة باه يعملوا بيها. لمنامة تاع بولس على الراجل المكدوني
5
و كانت الكنايس تتقوى في ليمان و يزيد العدد تاعها يوم بعد يوم.
6
و من بعد كي عداو في بلاد فيريجية و جوايه غلاطية, منَّع عليهم الروح القدس باه يبشروا بالكلمة لثمة في اسيا.
7
و كي وصلوا لميسيا حبوا يروحوا ل بيثينية, وزاد منَّع الروح القدس ثاني عليهم باه يدخلوا.
8
ولاو عداو على بيسية و هبطوا ل ترواس.
9
و كي كان بولس راقد في الليل شاف منامة: راجل من مقدونية واقف و يحاول فيه و يقولو: "عدي لمقدونية و عاونَّا!".
10
و بعدما ما شاف بولس لمنامة لثمة بعد وجَّدنا ارواحنا باه نسافروا لمقدونية, و كنَّا متيقنين بلي الله دعانا باه نبشروا الناس لثمة. ايمان ليدية في فيليبي
11
و ركبنا لبابور من ترواس و رحنا طول ل ساموتراكي, و اليوم وغدوة رحنا ل نيابوليس.
12
و منها رحنا ل فيليبي, و هي اكبر مدينة في ولاية مكدونية, وكانت تابعة لروما. و قعدنا ايامات في هاذي لمدينة.
13
و نهار السبت خرجنا و رحنا بحذى الواد, و من العادة كانوا ليهود يصليو صلاتهم لثمة, و لقينا جماعة تاع نساء مجتمعين قعدنا و بدينا نحكيو معاهم.
14
و كانت واحدة لمرى قاعدة تسمع فينا اسمها ليدية, بياعة تاع ارجوان من مدينة تياتيرا, ومومنة تعبد الله, فتح الله قلبها باه تقبل لكلام اللي كان بولس يقول فيه.
15
تعمدت هي و اهل بيتها و حاولتنا وقالت: "اذا كان حكمتوا عليا بلي راني مومنة بالرب, ارواحوا ادخلوا لداري و اقعدوا عندي". و كي حتمت علينا رحنا. بولس و سيلا في الحبس في فيليبي
16
و واحد النهاركي كنا رايحين لاجتماع الصلاة, تلاقتنا واحد لخديمة فيها روح تاع كزّانة و كانت تكسب صوارد ياسر لاسيادها من الخدمة تاعها.
17
بدات تتبع فينا و تعيط على طول صوتها و تقول: "هاذم الناس راهم يخدموا في الله العالي, و يبشروكم بطريق الخلاص".
18
و كانت كل يوم تعمل كيما هكا. حتى واحد النهار قلق منها بولس و تلفت و قال للروح اللي فيها: " انا نقولك باسم يسوع المسيح باه تخرج منها!". و في ساعتها بعد خرج منها.
19
و كي شافوا مواليها بلي ما بقاوش يكسبوا منها مال كيما قبل, حكموا بولس و سيلا و كركروهم للساحة تاع لمدينة قدام الحكام,
20
و كي جابوهم للمحكمة قالوا: "هاذم الرجال راهم يديروا ف الفوضى في بلادنا, و راهم من ليهود,
21
قاعدين يناديو بعادات ما يجوزش لينا احنا الرومانيين, نقبلوها و الا نعملوا بيها".
22
و هاج عليهم الغاشي, و قطعولهم الحكام قشهم اللي فوق منهم و امروا العسكر باه يضربهم بالعصا.
23
كثروا عليهم بالضرب و رماوهم في الحبس, و وصَّاو مامور الحبس باه يحط عليهم العسة مليح.
24
و كي جا هاذا الامر للمأمور ولى حطهم في الحبس الداخل خلاص. و ربط لهم رجليهم في المقطرة.
25
و عند نص الليل كان بولس وسيلا يصلِيو و يسبحوا في الله, والمحابسية كانوا يسمعوا فيهم.
26
و على غرادة صرى زلزال قاوي خلاص حتى ن الساس تاع الحبس تحرك, و تحلت البيبان الكل, و تفكت السلاسل تاع لمحابسية الكل.
27
و كي فاق المأمور تاع الحبس من النوم و لقى البيبان الكل محلولة, جبد السيف و كان حاب يقتل روحو, على خاطر كان حاسب بلي لمحابسية هربوا.
28
عيط عليه بولس بأعلى صوتو و قالو: "ما تعمل في روحك حتى شيء! رانا الكل هنا!".
29
طلب منهم يشعلوا الضوء و دخل يجري لداخل, و طاح على ركايبوا قدام بولس وسيلا و هو خايف يرتعد,
30
و من بعد خرَّجهم و قال: "يا سيادي, واش لازمني ندير باه نخْلص؟".
31
قالوا لو: "امن بالرب يسوع المسيح تخْلص انت و اهل بيتك".
32
و كلموه هو والناس الكل اللي في دارو بالكلمة تاع الرب.
33
و داهم في هاذاك الليل في هاذيك الساعة و نضف لهم الجروح تاعهم, واتعمد ثم ثم هو وكل اللي كانوا معاه في الدار.
34
و كي طلَّعهم لداروا عمل لهم عشاء, و فرح بيهم هو واهلوا الكل على خاطر امنوا بالله.
35
و كي طلع النهار بعثوا الحكام العسكر و قالولهم: "سيب هاذوك الزوزالرجال".
36
خبَّر المأمور بولس بلي الحكام بعثوا امر باه نسَّيبكم, اخرجوا ضرك و روحوا في لمان.
37
قالو بولس : "كيفاه يضربونا جهارو بلا محاكمة, و احنا عندنا الجنسية الرومانية, و زادوا رماونا في الحبس, و ضرك يطردونا في السر؟ لا! لازم هما اللي يجيو ويخرجونا".
38
رجعوا العسكر و خبروا الحكام بكلام بولس. و كي سمعوا بلي هما عندهم الجنسية الرومانية خافوا.
39
و جاو طلبوا منهم السماح و خرجوهم, و طلبوا منهم يخرجوا من لمدينة.
40
و كي خرجوا من الحبس راحوا عند ليدية, و شافوا الخاوة لثمة و شجعوهم و من بعد راحوا.
Chapter 17
1
و عداو على امفيبوليس و ابولونية, و وصلوا لتسالونيكي وين كاين المجمع تاع ليهود.
2
دخل عندهم بولس كيما العادة وقعد يتحاجج معاهم من الكتب المقدسة ثلاث سبوت وراء بعضاهم.
3
كان يشرح لهم و يبين بلي كان لازم على المسيح يتألم و يقوم من بين الموتى, و بلي راه هاذا المسيح هو يسوع اللي انا قاعد نبشر لكم بيه.
4
و كاين منهم جماعة اقتنعت و جات في صف بولس وسيلا, و من بينهم ياسر من اليونانيين اللي يعبدوا ربي, و ثاني نساء ياسر من لكبار في لعمر.
5
و غاروا منهم ليهود اللي ما همش مومنين و راحوا كراو عصابة تاع اشرار من السوق داروا الفوضى و الشغب في لمدينة, و راحوا لدار ياسون يحوسوا على بولس و سيلا باه يسلموهم للشعب.
6
و كي ما لقاوهمش كركروا ياسون و معاه خاوة اخرين للحكام تاع لمدينة و هما يعَّيطوا: "هاذم هما اللي داروا الفتنة ف لرض كاملة و زادوا جاو لهنا ثاني.
7
و راه مضَّيفهم ياسون عندو. و هما كاملين يخالفوا الامر تاع قيصر ويقولوا بلي عندهم ملك واحد اخر هو : يسوع!".
8
و الناس الكل و الحكام تاع لمدينة تقلقوا و ما عجبهمش الحال كي سمعوا هاذي الهدرة.
9
و طلبوا كفالة من عند ياسون و لخرين و سَّيبوهم. في بيرية
10
حكموا الخاوة خرجوا بولس وسيلا ثم ثم و بعثوهم ل بيرية. و كي وصلوا دخلوا للمجمع تاع ليهود.
11
و كانوا ناس ملاح خير من ناس تسالونيكي, و قبلوا الكلمة برغبة كبيرة وكل يوم يفركتوا في الكتب المقدسة: باه يشوفوا اذا كانت هاذي الامور صحيحة؟
12
و امنوا منهم ياسر, منهم ياسر من النساء اللي يخافوا ربي, و ياسر ثاني من الرجال.
13
و كي سمعوا ليهود الي في تسالونيكي بلي بولس يبشر ثاني بالكلمة في بيرية, لحقوه لثمة وبداو يحرشوا عليه في الناس.
14
ولاو الخاوة ركَّبوا بولس في لبابور و بعثوه, اما سيلا و تيموتاوس بقاو في تسالونيكي.
15
و اللي راحوا مع بولس وصلوه حتى ل اثينا, و رجعوا و وصاهم بولس باه يقولوا ل سيلا وتيموتاوس يلحقوا عليه في اقرب وقت. في اثينا
16
و كي كان بولس يستنى فيهم ف اثينا تقَّلَق و ما قدرش يستحمل, كي شاف لمدينة مليانة بالاصنام.
17
و كان يكلم ليهود اللي يجيو يعبدوا الله في المجمع, وحتي هاذوك اللي يتلاقى بيهم في السوق كل يوم.
18
و تجادلوا معاه جماعة من الفلاسفة الابيكوريين و الرواقيين, وحايد منهم قالوا: "يا درى واش يحب يقول لنا هذا الهدَّار؟". و وحايد اخرين قالوا: "الظاهر عليه قاعد ينادي بالهة غريبة". بالصح هو كان يبشر فيهم بيسوع و قيامتو من بين الموتى.
19
و داو بولس للمجلس تاع لمدينة في اريوس باغوس, و قالوا لو: "نحبوا نعرفوا واش هو هاذا التعليم الجديد اللي قاعد تتكلم عليه.
20
على خاطر راك تقول في امور غريبة علينا, مادابينا نفهموها".
21
و كانوا ناس اثينا الكل بالمواطن بالغريب, كلهم ما عندهم حتى حاجة اخرى يديروها في الوقت الفارغ تاعهم, غير يهدروا و الا يسمعوا حاجة جديدة.
22
وقف بولس في وسط المجلس اريوس باغوس و قال: " يا ناس اثينا! راني نشوف فيكم متدينين ياسر من الجوايه الكل,
23
على خاطركي كنت ندور في لمدينة و نشوف في المعابد تاعكم, شفت واحد المذبح مكتوب عليه:"ل الاله المجهول". و هاذا اللي تعبدوا فيه بلا ما تعرفوه, هاذا هو اللي انا ننادي لكم بيه.
24
الاله اللي خلق الدنيا و كل ما فيها, هاذا, هو رب السماء و لرض, ما يسكنش في معبد مبني باليدين,
25
و ماهوش هو اللي الناس يخدموه بيديهم كي اللي راه محتاج ليهم, على خاطر هو اللي يمد للناس الكل حياة و نفس و كل شيء.
26
و خلق البشر الكل اللي على وجه لرض من اصل واحد, و عطاهم الزمان و لمكان اللي يسكنوا فيه,
27
باه يطلبوه لعلهم يحوسوا عليه ويلقاوه, و هو ماهو بعيد على حتى واحد.
28
على خاطر بيه نحيا و نتحرك و نكون, كيما قالوا وحايد من الشعراء تاعكم ثاني: حتى نحنا رانا من الذرية تاعو.
29
و اذا كنا احنا اولاد الله, ما لازمش نحسبوا االاولوهية كيما الذهب والفضة و الا حجرة منقوشة من الشيء اللي يصنعو الانسان.
30
الله ضرك يامر الناس الكل في كل مكان يتوبوا, و يغمض عينو على زمانات الجهل.
31
على خاطر حدد نهار راح يحكم فيه على المسكونة كاملة بالعدل, على يد واحد الراجل خايرو هو, و الدليل بلي خايرو هو كي قومو من بين الموتى".
32
و كي سمعوه يهدر على القيامة من بين الموتى ولاو وحايد يستهزاو بيه, و قالوا وحايد اخرين: "لازم نزيدوا نسمعوك تكلمنا على هاذا الامر ثاني!".
33
و كيما هكذا خرج بولس من وسطهم.
34
و كاين اللي امنوا وبقاو معاه ما حبوش يخلِوه, و منهم ديونسيوس الاريوباغي, و مرى اسمها دامرس و معاهم وحايد اخرين.
Chapter 18
1
وبعد هاذا خرج بولس من اثينا و راح لكورنتوس,
2
و لثمة تلاقى مع واحد الراجل يهودي اسمو اكيلا, بنطي من اهل البنط, و كان كي غير جا من ايطاليا, هو ومرتو برسكيلا, على خاطر القيصر كلوديوس قال لازم على ليهود الكل يخرجوا من روما. جاهم بولس.
3
و كي كان مولى صنعة كيما هما قعد عندهم و ولى يخدم معاهم في الصنعة تاع لخيَّم.
4
و كان كل نهار سبت يجادل ليهود و اليونانيين في المجمع و يقنع فيهم.
5
و كي هبطوا سيلا و تيموتاوس من مكدونية, و كان بولس حاصر انشغالو كامل في التبشير بالمسيح يسوع لليهود.
6
و كي ما حبوش وسبوه نفض يديه منهم و قال لهم : " ذنوبكم في رقبتكم! انا بري منكم. من ليوم نروح نبشر غيركم من الامم".
7
و راح من لثمة و سكن عند واحد الراجل اسمو يوستس, كان يعبد الله, و كانت دارو لاصقة في المجمع.
8
و كريسبس الرايس تاع المجمع امن هو ثاني بالرب هو واهل بيتو الكل, و ناس ياسر من كورنتوس سمعوا و تعمدوا.
9
و كلم الرب بولس في منامة في الليل و قالو: "ما تخافش, اهدر و ما تسكتش,
10
على خاطر راني معاك , واحد ما ياذيك, على خاطر عندي شعب كبير في هاذي لمدينة".
11
و قعد عام ونص بيناتهم يعلم بالكلمة تاع الله.
12
و كي كان غاليون والي على اخائية, ليهود الكل مع بعضاهم تفاهموا على بولس, و جابوه للمحكمة
13
و قالوا: "هاذا الراجل يميل في الناس باه يعبدوا الله عبادة تخالف الشيء اللي في الشرع تاع موسى".
14
و كي جا بولس راح يبدى يهدر قال غاليون لليهود: " يا ليهود لو كان جات لحكاية حكاية ظلم و الا جريمة خطيرة, كنت نقضيلكم بالحق و نستحملكم.
15
بالصح كي عادت المسألة مسألة كلام, و اسامي, في الشريعة تاعكم, انتوما تدبروا روسكم. على خاطر انا ما نحبش نكون قاضي لهاذي الامور".
16
و سحتهم من لمحكمة.
17
و حكموا ناس اليونان سوستانس الرايس تاع المجمع, و ضربوه قدام المحكمة, و اما غاليون ما هموش الامر خلاص. بريسكلا و اكيلا و ابولس
18
و قعد بولس لثمة مدة طويلة في كورنتوس, ومن بعد ودَّع الخاوة و سافر في البابور ل سوريا, و راحوا معاه بريسكلا و اكيلا, بعدما حفف شعرو في كنخريا على جال وعد كان عليه.
19
و كي وصل ل افسس خلاهم لثمة. و دخل هو للمجمع تاع ليهود باه يتجادل معاهم.
20
و طلبوا منو يزيد يقعد عندهم اكثر بالصح ما حبش.
21
و ودعهم وقال لهم: " لازم نعيد العيد الجاي في اورشليم, بالصح نرجع لكم مرة اخرى ان شاالله". و ركب في البابور من افسس وسافر.
22
و كي هبط في قيصرية راح سلم على الكنيسية, وبعد هوَّد ل انطاكية.
23
و بعد ما قعد لثمة مدة خرج و راح في جوايه غلاطية و فريجية يشجع في التلامذة و يقوي العزيمة تاعهم.
24
و من بعد جا واحد الراجل ل افسس اسمو ابولس يهودي, من اهل الاسكندرية, يعرف يهدر مليح و فاهم الكتب المقدسة.
25
و كان يعرف مليح طريق الرب. وكان عندو حماس يتكلم و يعلم تعليم صحيح كل واش يخص يسوع. و كان يعرف غير المعمودية تاع يوحنا برك.
26
و بدا يجاهر في المجمع. و كي سمعوه اكيلا و برسكيلا داوه عندهم, و زادوا شرحولو طريق الرب بالتدقيق.
27
و كي كان حاب يروح ل اخائية, شجعوه الخاوة و بعثوا برية للتلامذة لثمة و وصاوهم باه يستقبلوه و يرحبوا بيه. و كي وصل كان بالنعمة يعاون ياسر الناس اللي امنوا,
28
على خاطر يتحاجج مع ليهود و يسكتهم جهار, و يبين لهم بلي يسوع هو هو المسيح.
Chapter 19
1
و في الوقت اللي كان ابولس في كورنتوس, وصل بولس ل افسس بعدما عدى على الجوايه اللي لفوق الكل. و كي تلاقى مع التلامذة
2
قال لهم: "كي امنتوا قبلتوا المعمودية تاع الروح القدس؟". قالوا لو:" عمرنا ما سمعنا بلي كاينة معمودية تاع الروح القدس".
3
قال لهم. "مالا بواش من معمودية تعمدتوا؟". قالوا: "بالمعمودية تاع يوحنا".
4
قال لهم بولس: "يوحنا كان يعمد بالمعمودية تاع التوبة, وقال للشعب باه يامنوا باللي يجي من بعدو, يتكلم على المسيح يسوع".
5
و كي سمعوا ولاو تعمدوا باسم يسوع المسيح.
6
و كي حط بولس يديه عليهم نزل عليهم الروح القدس, و بداو يتكلموا بلغات جديدة و يتنبأوا.
7
وكانوا قريب اثناش ن راجل.
8
و من بعد دخل للمجمع, و قعد يجادل و يقنع في الناس بالامور تاع ملكوت الله لمدة ثلاثة شهر.
9
و كي شاف بولس بلي كاين وحايد من اللي ماحبوش يامنوا قاعدين يطيحوا في لكلام و يسبوا في طريق الرب للناس, ولى بعَّد عليهم و ادا التلامذة و بدا كل يوم يعلم فيهم في مدرسة واحد الراجل اسمو تيرانس.
10
و بقى يعمل هكذاك مدة عامين, حتى الناس اللي ساكنين في اسيا الكل يهود و يونانيين سمعوا كلمة الرب يسوع.
11
وكان الله يعمل على يد بولس معجزات عجيبة.
12
حتى ولاو الناس يديوْ لمحارم و لقمايج اللي تمس البدن تاع بولس و يحطوها على المرضى, يروح عليهم لمرض و الي فيهم جنون يخرجوا منهم.
13
و كاين جماعة من ليهود اللي يطوفوا و يعَّزموا على الناس ويخَّرجوا في الجنون باسم يسوع المسيح, و يقولوا: "نحلفوك تخرج بالاسم تاع يسوع المسيح اللي يبشر بيه بولس!".
14
و اللي عملوا هذا الشيء هما اولاد سيكاوا في سبعة, و معاهم واحد يهودي رايس تاع كهنة.
15
جاوبهم هاذاك الجن و قال لهم: " انا نعرف يسوع, و نعرف شكون هو بولس, بالصح انتوما واش تكونوا؟".
16
وهجم عليهم الراجل المسكون بالجن, و غلبهم و دار فيهم حالة, حتى هربوا من هاذيك الدار عريانين و مجروحين.
17
وهاذا الشيء اللي صرى سمعوا بيه الناس الكل ليهود و اليونانيين الساكنين في افسس. و خافوا خوف كبير و كان اسم الرب يسوع يتعظم.
18
و كانوا ناس ياسر من اللي امنوا يجيو يتوبوا و يستعرفوا بالشيء اللي داروه,
19
و ياسر من اللي يديروا السحور لموا الكتبَّة تاعهم و حرقوها قدام الناس الكل. و كي حسبوا السومة تاعها لقاوها خمسين الف تاع فضة.
20
و كيما هكذا كانت كلمة ربي تتنشر و تتقوي في النفوس. الشغب اللي جرى في افسس
21
و كي فاتت هاذي الامور الكل, خمم بولس باه يعدي على مكدونية واخائية و من لثمة يروح لاورشليم, و قال: " و بعدما نكمل من لثمة لازمني نروح حتى لروما ثاني".
22
و بعث ل مكدونية زوز من اللي كانوا يخدموا معاه: و هما تيموتاوس وارسطوس, و قعد هو في اسيا مدة من الزمان.
23
و صرات في هاذيك ليام فتنة و اعمال شغب بسبة طريق الرب,
24
على خاطر كان واحد الراجل اسمو ديمتريوس, صايغي و يخدم في تماثيل تاع الالهة ارطاميس بالفضة و يبيع فيهم و كان يكسب منهم مال ياسر.
25
تلم هو و الصياغ و اصحاب المهنة و قال لهم: "يا رجال راكم عارفين باللي لمعيشة تاعنا من هاذي الحرفة.
26
و راكم تشوفوا و تسمعوا كيفاه بولس قنَّع وميَّل ناس ياسر مش برك في افسس بالصح في جوايه اسيا الكل و قاعد يقول لهم: "الالهة اللي تتصنع باليد ماهيش الهة.
27
و ما بقاش برك رزقنا احنا اللي مهدد, حتى الهيكل تاع الالهة ارطاميس, الالهة العظيمة, مهدد تروح الهيبة تاعو, و يولي ما عندو حتى قيمة, و هي اللي يعبدوها كل الناس في اسيا و في الدنيا الكل".
28
و كي سمعوا هاذا لكلام تغشوا و بداو كلهم يعيطوا و يقولوا: " عظيمة ارطاميس الالهة تاع ناس افسس!".
29
و دخلت لمدينة كاملة في بعضاها, و راحوا الكل هجموا على غايوس و ارسترخس اللي كانوا مع بولس في الرحلة تاعو و هما من مكدونية و كركروهم للمعلب.
30
و كي حب بولس يدخل في وسط الشعب, ما خلاوهوش التلامذة.
31
و ناس اصحابو من الوجهاء تاع لمدينة, بعثوا و وصاوهم باه ما يسلمش روحو و ما يروحش للملعب.
32
والناس كانوا كل واحد ينادي بحاجة من زي, على خاطر الملعب كان خايض, و اكثر الناس ماعلابالهمش علاش تلموا!
33
و خرجوا اسكندر من وسط الغاشي, و كانوا ليهود يدزوا فيه. شار ليهم بيدو كان حاب يهدر معاهم.
34
و كي عرفوا بلي هو يهودي, ولاو الكل يعيطوا بصوت واحد لمدة قريب ساعتين و يقولوا: "عظيمة ارطاميس الالهة تاع ناس افسس!".
35
و من بعد جا الكاتب حاكم لمدينة و هدى الناس و قال: " يا ناس افسس, شكون ما يعرفش بلي مدينة افسس تعبد في الالهة العظيمة ارطاميس و للتمثال اللي نزل من زفس؟
36
و هاذي حاجة ما فيهاش حتى هدرة, على هاذا لازم عليكم تكونوا هاديين و ما تتهوروش.
37
و انتوما جبتوا هاذوا الرجال في زوز اللي لاهما سراقين تاع معابد و لا قاسوا الحرمة تاع الهتكم.
38
و اذا كان ديمتريوس و الصنَّاع اللي معاه عندهم شكاية على كاش واحد, كاين محكمة و كاين قضاة يروحولهم.
39
و اذا كان عندكم شكاية في اي امور اخرى, عندنا القانون.
40
على خاطر التجمع تاعنا اليوم ماهوش قانوني و نتحاسبوا على الفتنة و الشغب و ما عندنا حتى سبة نقدموها".
41
و صرَّف الناس راحوا روْحوا.
Chapter 20
1
و كي فضت الفوضى, عيط بولس للتلامذة و بقَّاهم على خير, و خرج في طريق مكدونية.
2
وعدى على الخاوة اللي في طريقو و شجعهم ياسر, حتى ن وصل ل هلاَّس,
3
و قعد فيها ثلاثة اشهر. و كي كان معول يطلع لسوريا, تفاهموا عليه ليهود باه يقتلوه, ولى رجع على الطريق تاع مكدونية.
4
و راح معاه ل اسيا سوباترس اللي من بيرية, و راحوا معاه من تسالونيكي: ارسترخس و سكوندس و غايوس اللي من دربة و تيموتاوس. و من اسيا راحوا معاه: تيخيكس و تروفيمس.
5
اللي سبقونا لترواس و بقاو يستناو فينا لثمة.
6
واحنا كي فاتوا ايامات لفطير ركبنا في البابور من فيليبي و لحقنا عليهم ل ترواس بعد خمسة ايام, و قعدنا لثمة سبعة ايام. اقامة افتيخوس من الموت في ترواس
7
و نهار الاحد كي كانوا التلامذة مجتمعين باه يكسروا الخبز مع بعضاهم, و وقف بولس يوعظ فيهم على خاطر كان ناوي يسافر اليوم وغدوة, و طوَّل في كلامو حتى نص الليل.
8
و كانوا قاعدين في الغرفة اللي في السطح و مكثرين من الضوء.
9
و كان واحد الشاب اسمو افخيتوس قاعد بحذى الطاقة طاح عليه النعاس. و كي بقى بولس يهدريهدر غلبو النوم و طاح من الطاقة من الطابق الثالث حتى للرض, و هزوه ميت.
10
هود بولس يجري ورمي روحو عليه و عنْقو و قال لهم: "ما تخافوش! او مازال فيه النفس!".
11
و من بعد طلع و كسر الخبز وكلى و زاد بقى يشجع فيهم حتى للفجر. بعدها خرج.
12
و هما جابوا الشاب حي, وفرحوا فرحة كبيرة خلاص. من ترواس ل ميليتس
13
و اما احنا سبقنا للبابور و قلعنا رحنا ل اسوس, باه نديو بولس من لثمة و على خاطر هو حاب يسافر في البر.
14
و كي عرَّضنالو ل اسوس اديناه معانا في البابور و رحنا ل ميتيليني.
15
قعدنا نهار لثمة و اليوم وغدوة زدنا عدينا على خيوس. و بعدها بنهار وصلنا ل ساموس, و قعدنا في تروجيليون, و نهار من بعد رحنا ل ميليتس,
16
على خاطر بولس حب يفوت على افسس في لبحر باه ما يبطاش في اسيا, وكان حاب يزرب باه يقدر يكون في اورشليم يوم الخمسين. بولس يودع لكنيسية في افسس
17
و كي كنا في ميليتس بعث و عيط على القسوس تاع لكنيسية في افسس.
18
و كي جاو قال لهم: "راكم عارفين كيفاه من اول يوم دخلت فيه ل اسيا,
19
كيفاه كنت في هاذيك المدة كاملة اللي عقبتها معاكم. نخدم في ربي بتواضع كبير و دموع ما تفضش, و قاسيت لمحاين الكل من عند ليهود.
20
و كيفاه ما قصرت معاكم في حتى حاجة تفيدكم بالعكس كنت نقول لكم و نعلم فيكم جهار لبرى و في الديَّار,
21
نناشد في ليهود و في اليونانيين باه يتوبوا لله و يامنوا بربنا يسوع المسيح.
22
و ضرك انا راه يدفع فيا الروح القدس باه نروح لاورشليم, و ما علاباليش واش يسنى فيَّا لثمة.
23
بالصح الروح القدس راه خبرني بلي في كل مدينة كاين السلاسل و لمحاين تستنى فيا.
24
بالصح ما نعمل حساب حتى لشيء, و حياتي ما عندها حتى قيمة, حتى نتمم المهمة و الخدمة اللي تحطت امانة في رقبتي من عند الرب يسوع المسيح, و هي باه ننادي ببشارة النعمة تاع الله.
25
و راني علابالي بلي ما تزيدوش تشوفوني, انتوما الكل اللي مشيت في وسطكم نبشر فيكم بالملكوت تاع الله.
26
على هاذيك نشهد اليوم قدامكم بلي راني بريء من دمكم الكل,
27
على خاطر ما قصرتش معاكم باه نخبركم بالمشورة تاع الله.
28
استحفظوا مالا على ارواحكم و على الرعية اللي حطكم الروح القدس اساقفة عليها, باه ترعاو لكنيسية تاع الله اللي شراها بالدم تاعو.
29
على خاطر علابالي باللي بعد ما نروح انا عليكم يدخلوا بيناتكم الذيابة الخطافين ما يرفقوش بالرعية.
30
و حتى من بينكم انتوما يخرجوا ناس يتكلموا بالكذوبات باه يجبدوا التلامذة وراهم.
31
على هاذيك مالا اتولهوا, و اتفكروا بلي وانا بيناتكم ثلاثة سنين ليل و نهار, نبكي بالدموع و انا ننصح في كل واحد منكم.
32
و ضرك يا خاوتي نستودعكم لله و لكلمة نعمتو, القادرة باه تبنيكم و تعطيكم ميراث بين كل القديسين.
33
عمري ما طمعت في ذهب و لا في فضة و لا في حوايج تاع اي واحد.
34
و راكم علابالكم باللي كنت نخدم بيديا هاذو و بعرق جبيني باه نوفي حاجتي وحاجة اللي يخدموا معايا.
35
وريت لكم في كل شيء كيفاه لازم نتعبوا و نعاونوا الضعفاء, و اتفكروا ديما كلام الرب يسوع كي قال: اللي يمد يتبارك اكثر من اللي يدي".
36
و كي كمل كلامو ركع على ركايبو قدامهم الكل و صلى.
37
وكانوا كلهم يبكيو, و يعنقوا فيه و يسلموا عليه
38
و اكثر حاجة وجعتهم, كي قال لهم:ما عدتوش تشوفوا وجهي مرة اخرى. و راحوا معاه شيعوه حتى للبابور.
Chapter 21
1
و كي تفارقنا معاهم قلّعنا و رحنا طول ل كوس, و اليوم و غدوا رحنا لرودس, و منها رحنا لباترا.
2
و لقينا بابور خارج ل فينيقية ركبنا فيه و قلَّعنا.
3
و من ثمة طلعنا لقبرس, و خليناها على ليسار و سافرنا ل سورية, و كي وصلنا ل صور نزلنا على خاطر البابور راح يفرغ السلعة اللي فيه.
4
و لثمة تلاقينا تلامذة قعدنا معاهم سبعة ايام. و كانوا يقولوا لبولس بالوحي تاع الروح القدس باه ما يطلعش لاورشليم.
5
بالصح احنا كملنا هاذوك ليامات معاهم و من بعد حكمنا الطريق, و جاو معانا هما الكل بنساهم و ولادهم و شّيعونا حتى للخرجة تاع لمدينة. و كي وصلنا للشط ركعنا على ركايبنا و صلينا.
6
و سلمنا عليهم احنا طلعنا للبابور. و هما رجعوا لديارهم.
7
و رحنا من صور, و كي وصلنا ل بتولماوس, سلمنا على الخاوة لثمة وقعدنا معاهم نهار واحد.
8
و من بعد احنا اللي كنا مع بولس خرجنا اليوم و غدوة و رحنا ل قيصرية, عند فيليبّس المبشر, على خاطر كان واحد من السبعة و قعدنا عندو.
9
و كان عندو ربعة بنات صبايا و كانوا يتنبأوا.
10
و بعد ما قعدنا عندو مدة ايامات ياسر, واحد النبي اسمو أغابوس هبط من بلاد اليهودية.
11
وجاء عندنا, و هز لحزام تاع بولس, و كتّف بيه يديه و رجليه و قال: " الروح القدس يقول لكم: الراجل مولى هاذا لحزام راح يكتفوه ليهود في اورشليم و يسلموه للناس اللي من الامم".
12
و كي سمعنا واش قال اغابوس قعدنا نحاولو فيه احنا والناس اللي من قيصرية باه ما يروحش لاورشليم.
13
قال لهم بولس: " واش بيكم تبكيوْ و توَجعولي في قلبي, راني واجد موش غير للسلاسل برك, بالصح حتى للموت ثاني ف اورشليم على جال الاسم تاع الرب يسوع المسيح".
14
و كي ما قدرناش نقنعوه سكتنا و قلنا: " اللي عاملها ربي تتعمل".
15
و بعدها بأيامات وجّدنا رواحناو طلعنا لاورشليم.
16
و جاو معانا ثاني تلامذة من قيصرية ورحنا قعدنا عند مناسون راجل من قبرص و تلميذ قديم. بولس يوصل ل اورشليم
17
و كي وصلنا لاورشليم فرحوا بينا الخاوة اللي لثمة ياسر.
18
و اليوم و غدوة راح معانا بولس لدار يعقوب, و كانوا الشيوخة الكل حاضرين.
19
سلّم عليهم بولس و بدى يحكيلهم على كل شيء اللي عملو ربي معاه و على يديه بين الامم.
20
و كي سمعوا هاذا الشيء كامل حمدوا ربي و مجدوه. و قالوا لبولس: " راك تشوف يا خونا بولس باللي كاين ياسر من ليهود اللي امنوا, وهما كلهم متعصبين للشرع تاع موسى.
21
و راهم سمعوا بيك باللي انت تعلم في ليهود اللي متغربين بين الشعوب لخرى باه مايعملوش بالشيء اللي جا بيه موسى, و تقول لهم ما يطهروش اولادهم و ما يديروش كيما موالفين حساب العوايد.
22
و كيفاه نديروا ضرك؟ على خاطر راح يسمعوا بيك باللي راك هنا, ولابد يلموا عليك الغاشي.
23
مالا اعمل هاذا الشيء اللي نقولوا لك عليه: عندنا ربعة رجال عليهم نذْر.
24
اديهم و اغسل انت و ياهم حساب الشرع و خلص عليهم يحجموا روسهم, باه كي يشوفوك الناس يعرفوا باللي الشيء اللي سمعوه عليك ما هوش صحيح و باللي انت ثاني تمشي على حساب الشرع تاع موسى.
25
و اما من جيهة اللي امنوا من الامم, كتبنا لهم احنا و قلنالهم ما يثقلوش ارواحهم بالشرع تاع موسى, بالصح برك يحفظوا ارواحهم من الذبايح تاع الاوثان, و من الدم, و من الجيفة, و من الزنى".
26
ولى بولس اليوم و غدوة دى الرجال في ربعة, و راح غسل حساب الشرع و دخل للهيكل, و خبّر وقتاه تفُض ليام تاع التطهير, باه يجيو و يقدموا الضحية على كل واحد. القبض على بولس
27
و كي قرّبت ليامات السبعة تفض, شافوه ليهود اللي من بلاد اسيا في الهيكل, و هيْجوا عليه الناس و حكموه
28
وهما يعيطوا: " يا رجال اسراييل, اجريو لينا! هاذا هو الراجل اللي يعلّم في الناس الكل تعليم يعادي شعبنا و الشرع تاعنا ويعادي هاذا لمكان, و ضرك زاد دخّل اليونانيين ثاني للهيكل و دنس هاذا البيت المقدس".
29
على خاطر شافوا معاه في لمدينة تروفيمس اللي من افسس, و حسبوا باللي بولس دخْلوا معاه للهيكل.
30
و هاجت لمدينة كاملة, و الشعب يجري و يدزوا في بعضاهم و حكموا بولس و كركروه لبرى. و ثم ثم قفلوا البيبان.
31
و في الوقت اللي كانوا حابين يقتلوه, سمع القايد تاع كتيبة العسكر الروماني باللي اورشليم كاملة مقلبة.
32
ثم ثم لم العسكر جنود و ضباط و جا يجري,والغاشي كي شافوا القايد و العسكر معاه سيْبوا بولس.
33
و قدملو القايد و حكموا, و عطا امر باه يكتفوه بزوز سلاسل, و بدى يدير في تحقيق عليه شكون هو؟ و واش دار؟
34
و كان كل واحد واش يقول. و ما قدرش يوصل للصح على خاطر كانت فوضى ياسر, ولى عطى امر للعسكر باه يديوَه للكزرنة,
35
و كي وصلوا بيه للدروج هزوه على خاطر خافوا لا يطيح في يد الشعب,
36
اللي كانوا يتبعوا فيهم و هما يعيطوا: " اديوه اقتلوه!". بولس يدافع على روحو
37
و كي قرب بولس يدخل للكزرنة قال للقايد: "معليش نقول حاجة؟" قالو: "تعرف اللغة اليونانية؟
38
ماكش انت هو المصري اللي دار الفتنة قبل بايامات, و خرّج معاه للصحراء اربعة الاف راجل قتالين ارواح؟".
39
قالو بولس: "انا راجل يهودي من طرسوس, من واحد لمدينة ماهيش بعيدة على كيليكية. من فضلك كان تقدر تخليني نهدر مع الشعب".
40
سمح لو القايد باه يهدر, وقف بولس على الدروج و مد اشارة بيدو للشعب, كلهم سكتوا خلاص: و بدى بولس يهدر باللغة العبرية و قال:
Chapter 22
1
"يا خاوتي الرجال و يا سيادي اللي مقامكم في مقام بابا, خلوني ندافع على روحي قدامكم".
2
و كي سمعوه يهدر باللغة العبرية سكتوا خلاص. وقال لهم:
3
" انا يهودي مولود في طرسوس في كيليكية ,بالصح تربيت هنا في هاذي لمدينة و قريت شرع جدودنا قراية صحيحة عند غمالائيل. و كنت كيفكم انتوما اليوم الكل نغير على الشرع تاع ربي.
4
و كنت نعادي طريق يسوع و نقتل اللي يتبعوه, و حكمت منهم رجال و نساء و كتفتهم و وصلتهم للحباس,
5
و رايس الكهنة و الشيوخة تاع الشعب كلهم يشهدوا عليا, و من عندهم هما اللي ديت بريات للخاوة ليهود اللي في دمشق, و رحت لثمة باه نحكم اللي امنوا بيسوع و نكتفهم و نكركرهم لاورشليم باه يتحاسبوا لهنا.
6
و كي كنت رايح و انا قريب نوصل لدمشق جوايه نص النهار, برَق عليا من السماء نور قاوي.
7
حتى ن طحت في لرض, و سمعت صوت يقول لي: شاول, شاول! علاه راك تضطهد فيا؟
8
جاوبتو و قلت: شكون انت يا سيدي؟ قال لي: انا يسوع الناصري اللي راك تضطهد فيه.
9
و الرجال اللي كانوا معايا شافوا النور وكانوا خايفين, بالصح ما سمعوش الصوت اللي كلمني.
10
قلت لو: يا ربي واش تحبني ندير؟ قال لي الرب: نوض و ادخل لدمشق ضرك يقولوا لك واش لازم تدير.
11
و على خاطر عينيا عماو من قوة هاذاك الضوء, قوْدوني الناس اللي كانوا معايا من يدي حتى دخلت لدمشق.
12
و من بعد واحد الراجل يخاف ربي و يمشي حساب الشرع تاعو. و يشهدوا لو ليهود الكل اللي في دمشق
13
جاء عندي, و قال لي: يا خويا شاول, حل عينيك! و في ساعتها تحلوا عينيا خزرت معاه و و عدْتْ نشوف.
14
و قالي: الاه جدودنا خايرك باه تتعرف على واش حاب يدير, و تشوف البار, و تسمعو يكلمك.
15
على خاطر راح تكون شاهد ليه عند الناس الكل بالشيء اللي شفتو و سمعتو.
16
و ضرك خف روحك نوض اتعمد و اغسل ذنوبك و ادعي باسمو.
17
و من بعد ايامات كي رجعت لاورشليم, و انا نصلي في الهيكل, صرات لي واحد الغفوة رحت في النوم,
18
وانا نشوف فيه يقول لي: ازرب! اخرج من اورشليم في ساع, على خاطر الناس لهنا ما يقبلوش الشهادة تاعك عليا.
19
قلت لو: يا ربي, راهم عارفين كيفاه كنت في كل مجمع نضرب الناس اللي يامنوا بيك و ندخلهم للحبس.
20
و نهار اللي قتلوا استفانوس الشهيد تاعك و كنت حاضر لثمة و راضي على الشيء اللي داروه. و كنت نعس على قشات الناس اللي قتلوه.
21
قال لي: هيا روح, انا راح نبعثك بعيد لشعوب واحايد اخرين من غير ليهود".
22
و كان الغاشي يسمع فيه و كي وصل للكلمة هاذي, بداو يعيطوا على طول اصواتهم و يقولوا: "افْنِيوْ هاذا الراجل من الدنيا, حرام يعيش!".
23
و كي كانوا الكل يعيطوا و و ينحِوْ في قشاتهم و يرمِوْ في التراب ف لهواء,
24
اعطا الرايس تاع الكتيبة امر للعسكر باه يدِيوَه للكزرنة, و طلب منهم يضربوه حتى ن يقول على واش من سبّة الناس هاجوا عليه كيما هكذا. بولس مواطن روماني
25
و كي حطوه في لرض و ربطوه باه يضربوه, قال بولس للقايد الواقف لثمة: "عنكم الحق باه تضربوا مواطن عندو الجنسية الرومانية بلا ما يعدي على المحكمة؟".
26
و كي سمع هاذا القايد واش قال بولس راح للقايد تاع الكزرنة و قالو: "على بالك واش كنت راح تدير؟ هاذا الراجل عندو الجنسية الرومانية".
27
جاء عندو يجري و سقساه: "قول لي: انت روماني؟". قال بولس: "نعم".
28
ولى القايد قالو: "انا باه وصلت اديت الجنسية حتى ن خلصت سومة غالية خلاص". قالوا بولس: "اما انا من اللي ولدت وانا عندي الجنسية".
29
و ثم ثم بعدوا عليه هاذوك اللي كانوا راح يستجوبوه. و خاف القايد كي عرف باللي بولس مواطن روماني, و هو كتفو. قدام الرياس تاع ليهود
30
و اليوم و غدوة القايد كان حاب يفهم: وعلاه ليهود شكَاو بيه؟ جابوا و حلوا من يديه, وامر باه يجيبوا رياس الكهنة هما و المجمع تاعهم كامل, و من بعد جابلهم بولس.
Chapter 23
1
خزر بولس في الناس اللي قاعدين في المجمع و قال لهم: "يا خاوتي, راني عشت صافي مع ربي حتى لهاذا اليوم".
2
كي قال هكّا ولى حنانيا الرايس تاع الكهنة طلب من اللي واقفين بحذاه باه يضربوه على فمو.
3
قالو بولس: " يضربك ربي انشالله يا واحد السور المطلي بالجير! انت قاعد تحكم عليا حساب الشرَع و انت تخالف في الشرَع كي تقولهم يضربوني؟".
4
قالوا لو الناس اللي لثمة لكل: "كيفاه تسب في رايس الكهنة تاع ربي؟" قال بولس:
5
"ما كنتش على بالي يا خاوتي باللي راه الرايس تاع الكهنة, على خاطر مكتوب: ما تحكيش بالسوء على الرايس تاع شعبك".
6
و كي عرف بولس باللي النص فيهم صدوقيين و النص لاخر فريسيين, قال على طول صوتو في المجمع: "يا خاوتي, انا فريسي و بن فريسي. و انا ضرك نتحاكم على خاطر نامن بالقيامة تاع الموتى".
7
و غير كي هدر هاذي الهدرة صرات عركة بين الفريسيين و الصدوقيين, و تقسمت الجماعة على زوز,
8
على خاطر الصدوقيين يقولوا: ما كانش قيامة من بين الموتى و ما كانش لا ملاك و لا روح, اما الفريسيين يقولوا العكس و يامنوا بالقيامة و الملايكة و الروح.
9
و صرات فوضى كبيرة, و ناضوا الكتبة تاع الفريسيين وبداو يعاركوا و يقولوا: "ما لقينا حتى تهمة على هاذا الراجل! و بلاك هدر معاه ملاك و الا روح احنا ما نحاربوش الله".
10
و كبرت العركة خلاص حتى خاف القايد لا يقسمو بولس على زوز, و قال للعسكر باه يهبطوا و يخطفوه من وسطهم و يرجعوه للكزرنة.
11
و في الليلة لخرى ظهر الرب لبولس و قال لو: " بولس اتشجع! على خاطر كيما شهدت ليا في اورشليم, هكذاك ثاني راح تشهد ليا حتى في روما". المؤامرة لقتل بولس
12
و كي طلع النهار كاين جماعة من ليهود تفاهموا بيناتهم, و حلفوا ما ياكلوا ما يشربوا حتى يقتلوا بولس.
13
و كانت الجماعة فيها قريب اربعين واحد.
14
و راحوا عند رياس الكهنة و الشيوخة و قالوا لهم: "حلفنا ما ناكلوا و ما نشربوا حتى نقتلوا بولس.
15
برك عليكم انتوما جماعة المجمع تقولوا للقايد يزيد يجيبهولكم غدوا, كي اللي راكم حابين تزيدوا تتحققوا من الشيء اللي راه يقول فيه. و احنا, مستعدين باه تقتلوه قبل ما يوصل عندكم".
16
و سمع ولد اخت بولس بالخطة, و راح للكزرنة و قال لبولس على كل شيء.
17
عيط بولس على واحد من الضباط و قال لو: روح ادي هاذا الشاب للقايد, على خاطر عندو حاجة يحب يقولها لو".
18
و داه وصلوا للقايد و قال: " عيطلي لمحابسي بولس, و قال لي نجيبلك هاذا الشاب, و هو عندو حاجة يحب يقولها لك".
19
حكموا القايد من يدو و اداه وحدو بعيد, و سقساه: "واش الحاجة اللي عندك تقولها لي؟".
20
قالو: "ام ليهود تفاهموا باه يطلبوا منك تهبط لهم بولس غدوة للمجمع, زعمى حابين يتحققوا من الشيء اللي قاعد يقول فيه.
21
ما تاخذش رايهم, على خاطر كاين اكثر من ربعين راجل حاطين عليه بالعين, و حلفوا بليمين ما ياكلوا ما يشربوا حتى يقتلوه. و راهم يستناو فيك ترد عليهم". بولس يديوه عند فيليكس في قيصرية
22
صرّف القايد الشاب و وصّاه: "واحد ما يعلم باللي راك قلت لي على هاذا الشيء".
23
و من بعد عيّط على زوز من الضبّاط و قال لهم: "وجدوا ميتين جندي, وسبعين فارس و ميتين جندي مسلحي, باه يروحوا لقيصرية على الثلاثة تاع الليل.
24
و وجْدا حصان لبولس باه توصلوه سالم عند الوالي فيليكس".
25
و كتب برية قال فيها:
26
"كلوديوس ليسانس, يبلَغ السلام للعزيز فيلكس الوالي:
27
هاذا الراجل حكموه ليهود و كانوا رايحين يقتلوه, و جيت انا مع العسكر و منعتو, كي سمعت بيه باللي روماني.
28
و كي حبيت نفهم السبة اللي على جالها حبوا يقتلوه,هبطتوا للمجمع,
29
و لقيت باللي همّا يشكيو عليه على امور تخص الشرْع تاعهم. بالصح من جيهة القانون ما عندو حتى مخالفة تستاهل الاعدام و الا الحبس.
30
و كي سمعت باللي داروا خطة باه يقتلوه, بعثتو عندك في ساع, و قلت لليهود اللي يشكيو بيه يجيو عندك انت و يشكيو. يعطيك الصحة".
31
و اداو العسكر بولس و راحوا بيه في الليل ل انتيباتريس.
32
واليوم وغدوة رجعوا من لثمة و خلاوه برك مع الفرسان يكملوا بيه و همّا رجعوا للكزرنة.
33
و كي وصلوا الفرسان لقيصيرية, دخّلوا بولس للوالي و مدولوا لبرية.
34
و كي قرى لبرية سقسى بولس واش من ولاية هو, و كي قالو من كيليكية,
35
قالو الوالي: "كي يحضروا الناس اللي يشكيو بيك نسمع لكم".و حطوا في لقصر تاع هيرودس و حط عليه العسة.
Chapter 24
1
و من بعد خمسة ايام هبط حنانيا رايس الكهنة و معاه الشيوجة و واحد المحامي اسمو ترتلّس. وشكاو على بولس للوالي.
2
وكي جابوا بولس, بدا المحامي ترتلّس يهدر و قال:
3
"يا سيدي لعزيز فيلكس, قدرك عالي, راه بفضلك انت اللي رانا عايشين في لهناء, و راك تخدم على مصلحة الامة بحسن تدبيرك و حكمتك, و راك داير فينا خير كبير و ونحنا نشكروك ديما في كل مكان و زمان.
4
ما نحبش نطول عليك اكثر من هكا, ماذابيك تصبر علينا و تسمعنا نكلموك باختصار علاش جينا:
5
احنا لقينا هاذا الراجل مفسد و يدير في الفتنة بين جماعة ليهود في كل بقعة يروح لها, و راهو قايد على بدعة النصارى,
6
و زيد فوق هاذا الكل كان حاب يدنس الهيكل ثاني, على هاذا الشيء حكمناه و حبينا نحكموا عليه كيما يقول الشرَع تاعنا.
7
بالصح جاء ليسياس القايد و فكوا من يدينا بالقوة,
8
و قال اللي عندو شكاية عليه يطلع ليك انت يا سيدي. و انت تقدر تتحقق من هاذا الشيء كامل كي تسقسيه".
9
و وافقوا ليهود على هاذي الهدرة كاملة و قالوا: "هاذي الامور صحيحة". الدفاع تاع بولس على روحو قدام الوالي فيلكس
10
و مد الوالي الامر لبولس باه يهدر, و قال: "انا على بالي باللي من سنوات طويلة وانت قاضي على هاذي الامة, على هاذا راح ندافع على روحي وانا متهني.
11
تقدر تتحقق باللي هبطت باه نعبد ربي في اورشليم ما عنديش اكثر من ثناش ن يوم.
12
و واحد فيهم ما شافني نلم في الغاشي و نعمل في الفوضى لا في الهيكل, و لا في المجامع و لا في المدينة.
13
و نتحداهم الا كان يقدروا يمدولك دليل على الشيء اللي يقولوا فيه.
14
بالصح نستعرف لك بهاذا: باللي انا نعبد في اله جدودي حساب المذهب اللي همّا يقولوا عليه "بدعة", و نامن بكل اللي مكتوب في الشرَع و لكتب تاع لنبياء.
15
و عندي رجاء في الله كيما هما ثاني: باللي راح تكون قيامة للموتى الكل, اللي داروا الخير و اللي داروا الشر كيف كيف.
16
و على هاذا انا نجاهد مع روحي ديما باه نكون نيتي صافية من جيهة ربي و عبادو.
17
و جيت هنا لشعبي و لأمتي بعد غربة سنين طويلة و جبت معايا مساعدات و باه نقدم القرابين.
18
و هكا لقاوني جماعة من يهود اسيا في وسط الهيكل, و كنت قاعد نغسل حساب الشرع, ما كنت ندير لا في تجمع ولا في فتنة,
19
و همّا اللي لازم يجيو يشكيوعندك اذا كان عندهم واش يقولوا.
20
و هاذمَّ الحاضرين هنا خلي يقولوا لك واش من ذنب لقاوه فيّا, كي كنت قدامهم في المجمع,
21
غير من جيهة هذا الشيء للي ناديت بيه : باللي اني قاعد نتحاكم اليوم على خاطر نامن بالقيامة تاع الموتى". بولس في الحبس تاع قيصرية
22
و بعد ما سمع فيلكس هاذا لكلام, اعطاهم فرصة اخرى, على خاطر كان يعرف امور ياسر على هاذا الطريق, و قال لهم: "نزيد نتحقق من الامور تاعكم كي يحضر القايد ليسياس".
23
ومد امر لواحد من الضبّاط باه يعس على بولس, و يمدلو رخصة, و يخلي اصحابو اذا حبوا يزوروه و الا يخدموه.
24
و من بعد ايامات جاء القايد فيلكس هو و دروسلا مرتو, و هي كانت يهودية, و عيط على بولس و سمع منو لكلام على الايمان بالمسيح.
25
و كي هدرلو بولس على الصلاح و العفة و يوم لحساب اللي راح يجي, خاف فيلكس, و قالو: "خلاص ضرك روح, و كي يكون عندي وقت نزيد نعيطلك".
26
و كان فيلكس يستنى كاش ما يعطيه بولس دراهم و يسيبو, علاها كان ديما يعيطلو ويهدر معاه.
27
و كي كمْلوا عامين, جاء في المنصب تاع فيلكس واحد اسمو بوركيوس فستوس. وهاذا على خاطر كان حاب يكسب ليهود في صفو, خلى بولس مرمي في الحبس.
Chapter 25
1
و كي ولّى فستوس والي طلع من قيصرية لاورشليم بعد ثلاثة ايام.
2
و جاوه الزعماء تاع ليهود و رايس الكهنة معاهم وزادوا شكاولو على بولس, وترجاوه
3
و طلبوا منو يعمل فيهم مزية, يجيبهولهم لاورشليم, و همّا كانوا عاملين خطة باه يقتلوه في الطريق.
4
قال لهم فستوس يبقى بولس في الحبس في قيصرية, و باللي هو او قريب يهبط لثمة.
5
و قال: "يجِيوْ معايا الزعماء تاعكم اللي قادرين. و اذا كان هاذا الراجل مٌذنب في حاجة يشكيو بيه لثمة".
6
و قعد الوالي في اورشليم اكثر من عشرة ايام و من بعد هوَد لقيصرية. و اليوم و غدوة قعد في المجلس على كرسي الولاية ومد امر باه يجيبولو بولس.
7
و كي جاء بولس, داروا بيه ليهود اللي جاو من اورشليم, و اتهموه بتهم كبيرة و ثقيلة بلا ما عندهم حتى دليل باه يثبتوها.
8
و كان هو يدافع على روحو و يقول: "ما غلطت حتى في حاجة, لا في حق الشَرْع تاع ليهود و لا في حق الهيكل و لا في حق قيصر".
9
و على خاطر فستوس كان حاب يرضاو عليه ليهود, قال لبولس: "تحب تروح لاورشليم و تتحاكم لثمة على هاذي الامور؟".
10
قال بولس: " انا قابلت قدام المحكمة تاع قيصر و نتحاكم في المحكمة تاع قيصر. وانت تعرف مليح باللي ما ظلمت ليهود في حتى شيء.
11
و اذا كان عندهم اثبات باللي انا مذنب, و الا درت حاجة نستاهل عليها الموت, ما نتهربش من الموت. بالصح هما يتهموا فيا بالباطل, و ما يجوز لحتى واحد يسلمني ليهم. انا نرفع القضية تاعي لقيصير!".
12
ولى فستوس تشاور مع القضاة تاعو, و قالو: " انت رفَعت القضية تاعك للقيصير, مالا تروح تتحاكم عند قيصير!". فستوس يشاور الملك اغريباس
13
و بعد مدة جاء الملك اغريباس هو برنيكي ل قيصرية باه يسلموا على فستوس.
14
و بعد ايامات, حكى فستوس للملك على الامر تاع بولس, و قالو: "كاين هنا واحد الراجل خلاه فيلكس في الحبس,
15
شاكيين بيه رياس الكهنة تاع ليهود و الشيوخة تاعهم وكي رحت لاورشليم و طلبوا مني نحكم عليه.
16
قلت لهم باللي مش من العادة تاع الرومانيين يسلموا واحد للموت بلا ما يمدولو فرصة يدافع على روحو قدام الناس اللي يشكيو بيه.
17
و كي جاو لهنا فتحت القضية بلا ما نستنى, و طلبت يجيبو الراجل من الحبس.
18
و كي وقفوا الناس اللي شكاو عليه و هدروا, ما لقيت فيه حتى تهمة من اللي كنت نتوقعها.
19
بالصح كانت التهمة تاعو الكل على جال امور في الدين تاعهم, و على واحد اسمو يسوع كان مات, و بالصح بولس يقول: باللي راه حي,
20
و كي حرت في هاذي لحكاية قلت: بلاك يحب يروح لاورشليم, و يتحاكم لثمة على هاذي الامور الكل؟
21
بالصح بولس رفع القضية تاعو للقيصير اغسطس باه يحكم ليه, وليت خليتو في الحبس حتى ن نبعثوه لقيصير".
22
قال اغريباس لفستوس: "مادابيا انا ثاني نسمع هاذا الراجل واش يقول". قال فستوس: "غدوا تسمعو". بولس يقابل قدام اغريباس
23
و اليوم و غدوة جاء اغريباس و برنيكي في وسط محفل و جاه كبير, و دخلوا للدار اللي يعملوا فيها الجلسات و معاهم الامراء و الوجهاء تاع لمدينة, و بعث فستوس وجاب بولس.
24
و قال فستوس: " حضارات الملك اغريباس و الحاضرين الكل, راكم تشوفوا في هاذا اللي ليهود الكل في اورشليم و لهنا حاولوني, و هما يعيطوا باللي مالازمش يزيد يعيش حتى نهار واحد اخر.
25
بالصح كي لقيت باللي ما دار حتى حاجة يستاهل عليها الحكم بالاعدام, و زيد هو رفع القضية تاعو ل اوغسطس قيصير, قررت نبعثو ليه.
26
و ما عنديش حاجة ثابتة من جيهتو باه نكتبها لجلالة القيصر.على هاذا الشيء جبتو اليوم قدامكم, و خصوصا قدام حضرتك الملك اغريباس, حتى تتحقق و تقول لي واش نكتب.
27
على خاطر كيفاه نبعث محابسي و ما نبعثش معاه بيان بالتهمة تاعو".
Chapter 26
1
و قال اغريباس لبولس: "مسموح ليك تهدر و تدافع على روحك". دار بولس اشارة بيدو وبدا يهدر و يدافع على روحو و قال:
2
"حضرات الملك اغريباس انا فرحان اليوم, على خاطر راح ندافع على روحي قدامك و نرد على الشيء اللي يتهموني بيه ليهود.
3
حضرتك تعرف العادات و الامور الكل اللي بين ليهود, على هاذا نترجاك تصبر عليا و تسمعني للخر.
4
ليهود الكل يعرفوا السيرة تاعي من صغري و كيفاه تربيت في اورشليم و عشت في وسط اهلي وناسي,
5
و علابالهم من بكري, لو كان حبوا يشهدوا عليا بالحق, كيفاه كنت نتبع اصعب مذهب في العبادة تاعنا كي كنت فريسي.
6
و انا ضرك واقف نتحاكم على جال الوعد اللي مدوا ربي لجدودنا,
7
و اللي العشاير تاع بني اسراييل في تناش يستناو باه يتحقق لهم و ينالوه, يعبدوا في ربي ليل ونهار. و انا على جال هاذا الرجاء ليهود اليوم يتهموا فيا حضرات الملك اغريباس.
8
علاه ما تصدقوش باللي الله يحيي الموتى؟
9
و انا كنت حاسب روحي قادر ندير امور ياسر معادية للاسم تاع يسوع الناصري.
10
و بديت حتى في اورشليم, و دخلت ياسر من المومنين بيه للحباس, و كنت ندي الاذن من عند الرياس تاع الكهنة. و كي كانوا يقتلوهم كنت موافق.
11
و في كل مجمع كنت نعاقبهم و نعذبهم بلا حساب, و نحتم عليهم ينكروا الايمان تاعهم. و كنت من كثر ما نكرههم نزيد نحاوزهم حتى و هما خارج من اليهودية في مدن اخرى.
12
و رحت لدمشق نفركت على اتباع هاذا الطريق, و انا هاز معايا الاذن من عند رياس الكهنة,
13
و في نص النهار و انا مسافر في الطريق, حضرات الملك, واحد النور اقوى و ابهى من النور تاع الشمس, برَق علينا انا و الناس اللي كانوا معايا.
14
طحنا الكل على لرض, و سمعت صوت يهدر معايا باللغة العبرية و يقول: شاول! علاه تضطاهد فيا؟ النوى صعيب يترحى.
15
قلت لو: شكون انت يا سيدي؟ رد عليا و قال: انا يسوع اللي راك تضطاهد فيه.
16
بالصح نوض و اوقف على رجليك على خاطر ظهرت لك على هاذي السبة, خايرتك باه تكون خادم ليّا و شاهد على الشيء اللي شفتو و الشيء اللي راح نزيد نبينو ليك.
17
و راح نمنعك من ليهود و من الامم اللي راح نبعثك ليهم,
18
باه تتفتح البصيرة تاعهم و يرجعوا من الظلمة للنور, ومن سيادة الشيطان عليهم للسيادة تاع الله, حتى ينالوا كي يآمنوا بيا الغفران لذنوبهم و يكون عندهم حتى هما قسمة مع القديسين.
19
"و من هاذاك النهار حضارات الملك اغريباس ماعصيتش هاذي الرؤيا اللي من السماء,
20
و خبرت في الاول الناس اللي في دمشق, و اللي في اورشليم و اللي في الجوايه تاع بلاد ليهود كاملة, و من بعد الامم, باه يتوبوا و يرجعوا لله و يعملوا اعمال تليق بالتوبة.
21
و على جال هاذا الشيء حكموني ليهود في الهيكل و كانوا حابين يقتلوني.
22
بالصح الله عاونني , حتى لليوم هاذا, و انا نشهد للصغير و للكبير. و انا ما نقول في حتى الشيء اخر من غير اللي قالوه لنبياء و موسى وتنبأوا بيه راح يصرى.
23
باللي المسيح راح يتوجع, و يكون هو اول واحد يقوم من بين الموتى, و تجي لبشارة لليهود و للامم بالنور تاع الخلاص".
24
و كي كان بولس يدافع على روحو بهاذا لكلام, قال فستوس بصوت عالي: "راك هبلت يا بولس! هبلاتك كثرة لكتب!".
25
قالو بولس: "ما نيش مهبول يا لعزيز فستوس, انا نقول في كلام الحق و الصواب.
26
و الملك اللي قاعد اليوم نكلم فيه جهار, يعلم بهاذي الامور الكل, و ما نظنش باللي راح تخفى عليك حاجة كيما هاذي, على خاطر هاذا الشيء ما صرات في ركن اظلم, واحد ما علابالو بيه.
27
حضرات الملك اغريباس تامن بالانبياء؟ على بالي بيك تامن".
28
قال اغريباس لبولس: "مازال شوية برك و تقنعني نولي مسيحي!".
29
قالو بولس: " بالقليل و الا بالكثير, صلاتي لله ليك و لجميع اللي يسمعوا فيا اليوم, يوليو كيما انا, بالصح بلا سلاسل".
30
و كي قال هاذا وقف الملك و الوالي و برنيكي و الناس اللي كانوا حاضرين معاهم,
31
و خرجوا و هما يهدروا بيناتهم و يقولوا: " هذا الراجل ما عندو ما دار مش حاجة يستاهل عليها الموت و الا الحبس".
32
و قال اغريباس لفستوس: " كنا قادرين نسيبوه لوكان ما رفعش القضية تاعو للقيصر".
Chapter 27
1
و كي تمت المفاهمة باللي يديونا لايطاليا في البابور, سلموا بولس و محابسية اخرين كانوا معاه لواحد الضابط من كتيبة اوغسطس اسمو يوليوس.
2
و ركبنا في بابور من ادراميت, و قلعنا و كنا معولين نعديو على كل الشواطي تاع اسيا. و كان معانا واحد الراجل مقدوني من تسالونيكي اسمو ارسترخس.
3
و النهار اللي من وراه وصلنا ل صيداء, كان يوليوس يحن على بولس, و خلاه يروح يشوف اصحابو باه يعاونوه و يتهلاو فيه.
4
و من بعد خرجنا في البابور وسافرنا وعدينا بحذى قبرس, على خاطر الريح كانت معاكستنا.
5
و من بعد عدينا في لبحر بحذى كليكية و بمفيلية, و هبطنا في ميراليكية.
6
و كي لقى الضابط بابورمن الاسكندرية رايح لايطاليا طلّعنا فيه.
7
و مشا بينا البابور وحدة وحدة لمدة ايامات ياسر, وبالسيف ما وصلنا لمدينة كنيدس, بالصح الريح كان قاوي و ما قدرناش ندخلوا لها, ولينا مشينا بحذى جزيرة كريت قريب لسلموني.
8
و بالسيف ثاني ما عديناها حتى ن وصلنا لواحد البقعة اسمها "المواني الصالحة" اللي قريبة من مدينة لسائية.
9
و هكا عدى علينا وقت طويل, حتى ن فات الصيام تاع الكفارة, و ولى لبحر هايج و السفر صعيب, قعد بولس يحذر فيهم و يقول لهم:
10
"يا جماعة او السفر خطير علينا في هاذا الوقت و راح نتضرروا و نخسروا ياسر, مش غير في السلعة والبابور برك, بلاك نخسروا حتى حياتنا ثاني".
11
بالصح الضابط كان مقنع بهدرة القبطان و مولى البابور اكثر من الهدرة تاع بولس.
12
و على خاطر حتى المرسى ما كانش صالح باه يفتوا فيه الشتاء, الاغلبية تاعهم شافوا باللي لازم يقلعوا من لثمة, بلاك يقدروا يوصلوا ل فينكس و يشتِيوْ فيها. وهي مرسى متلفتة للجنوب الغربي و الشمال الغربي.
13
و كي نسْمت ريح الجنوب حسبوا باللي نالوا مقصودهم, طلعوا المرساة وبقاو يسيروا بحذى الشط تاع كريت مش بعاد ياسر. العاصفة
14
بالصح من بعد غير شوية ثار عليهم ريح شمالي شرقي في عاصفة يقولوا لها "اوروكليدون".
15
وضربت البابور وما قدرناش نقاوموا الريح, ستسلمنا, وخلينا لبحر هازنا.
16
و عدينا تحت واحد الجزيرة يقولولها "كلودي" و بالسيف ما قدرنا نمّنعوا لفلوكة تاع النجاة.
17
و كي دخلوها للبابور ولاو يستعملوا في الالواح و ربطوها مليح, على خاطر خافوا لا يطيح البابور في الرمال المتحركة, و هبطوا القلوع, و خلاو البابور تهز فيه لمواج.
18
و قوات الريح خلاص, واليوم و غدوة بداو يفرغوا السلعة في لبحر.
19
و النهار اللي من وراه رمينا الادوات تاع البابور.
20
و عدّات علينا ايامات ياسر ما شفنا لا الشمس و لا النجوم, و بقات الريح تهب بقوة, حتى قطعنا الامل خلاص في لحياة.
21
و كانوا الرجال لا ياكلو ولا يشربوا من مدة طويلة, وقتها وقف بولس في وسطهم وقال: " كون سمعتوا لي من النهار لول, و ما خرجتوش خلاص من كريت, كنا نمنعوا من هاذي المضرة ولخساير.
22
و ضرك نطلب منكم تتشجعوا و تفرحوا, على خاطر واحد منا ما راح يموت نمنعوا الكل , غير البابور.
23
على خاطر البارح جاني ملاك من عند ربي اللي انا ليه و نعبد فيه, و قالي:
24
ما تخافش يا بولس. لازم توقف قدام قيصر. و هاو الله وهبلك لحياة انت و جميع اللي مسافرين معاك.
25
افرحوا يا جماعة, على خاطر عندي ثقة في الله انو يكون كيما قال لي.
26
بالصح لمواج تدينا و ترمينا على جزيرة". البابور يغرق
27
و في الليلة الربعطاش, كنا تايهين في لبحر تاع ادريا و لمواج هازة البابور, و عند نص الليل, لبحاّرة حسبوا بلي وصلنا على الشط,
28
قاسوا الماء لقاوه عشرين وحدة . و زادوا قدموا شوية وقاسوه لقاوه خمستاش وحدة.
29
و كي خافوا لا يدخل البابور في لوعر, رماو من لوراء المراسي في اربعة, و بقاو يسناو في النهار وقتاه يطلع.
30
و حبوا البحارة يهربوا وحدهم و يخليونا في البابور, هبّطوا لفلوكة للبحر و داروا رواحهم راح يمدوا المرساة من لقدام,
31
شوية بولس قال للضابط و العسكر تاعو: "لو كان تخليوْهم يهبطوا من لبابور واحد فينا ما يمنع".
32
وقتها ولاو العسكرقطعوا لحبال تاع لفلوكة و خلاوها طاحت في الماء.
33
و كان بولس يحاول في الجماعة الكل ياكلوا شوية حتى ن قريب يطلع النهار, قال لهم: "هاذا النهار الرابعطاش وانتوما تستناو صايمين على رياقكم ما كليتوا حتى شيء.
34
كولوا حتى شوية, باه يكون عندكم الجهد و تقدروا حتى نمنّعوا ارواحكم, و ما تخافوش شعرة منكم ما تتقاس".
35
و كي قالهم هاذا لكلام هز الخبز وشكر ربي و قسم قدامهم و بدا ياكل.
36
ولاو الكل فرحوا و كلاو هما ثاني.
37
و كانوا كلهم اللي في البابور ميتين و ستة و سبعين واحد.
38
و من بعد ما كلاو رماو القمح في لبحر باه يخففوا على البابور.
39
و كي طلع النهار ما شافوا حتى بر, بالصح شافوا واحد الشط صغير, و تفاهموا باه يجبدوا البابور و يوصلوه لثمة اذا كان قدروا.
40
قطّعوا المراسي خلاوها تطيح في لبحر, و زادوا حلوا لحبال اللي في الدفة ثاني, و حلوا الشراع للريح اللي تهب, و توجهوا للشط.
41
بالصح البابور حصُل في الرمل اللي في القاع, من لقدام ما يقدرش يتحرك. و من لورى تكسر من قوة لمواج.
42
و العسكر كانوا حابين يقتلوا المحابسية على خاطر خافوا لا يعوموا حتى للشط و يهربولهم.ْ
43
بالصح الضابط, كان حاب يمنع بولس, قال للي قادرين يعوموا يرميو ارواحهم و يعوموا حتى يوصلوا للشط,
44
و لخرين اللي يحكم في لوحة و الا اي حاجة من الطروفة تاع البابور, و هكا منعوا الكل و وصلوا للشط سالمين.
Chapter 28
1
و كي منعنا لقينا باللي الجزيرة اسمها مليطة.
2
و اهلها من البربر داروا فينا واحد الخير اللي ماكانش خلاص, فرحوا بينا وشعلوا لنا النار ودفاونا من البرد.
3
و راح بولس يلم في اللوح من لرض ويحط فيه في النار, شوية خرجت افعى من قوة السخانة و لصقت في يد بولس.
4
و كي شافوا الناس اللي من البربرالافة لاصقة في يد بولس, ولاو يقولوا: "هاذا الراجل باين عليه قاتل روح, حتى و لو منع من لبحر ما خلاتوش العدالة تاع ربي".
5
بالصح بولس نفض لفعى من يدو في النار و ما صرالو والو
6
و اما همّا قعدوا يسناو فيه يتنفخ و الا يطيح يموت على غرادة. و قعدوا يستناو و يستناوْ و كي ما صرالو والو , ولاو بدلوا رايهم و قالوا: "هاذا ما يكون غير اله!".
7
و كان في هاذيك الجوايه جنانات تاع يوليوس الحاكم تاع الجزيرة. اللي فرح بينا و ضيفنا ثلاثة ايام.
8
و كان باباه مريض عندو سخانة وحاكم لفراش. دخل ليه بولس وصلى و حط عليه يديه و شفاه.
9
و كي شافوا السكان تاع الجزيرة اللي صرى ولاو همّا ثاني جابوا المرضى اللي عندهم وكانوا ينالوا الشفاء.
10
و كرمونا اكرام كبير. و كي خرجنا من الجزيرة مدولنا الشيء اللي نحتاجوا ليه. الوصول الى روما
11
و من بعد ثلاثة شهرْ ركبنا في بابور من الاسكندرية كان عقب الشتاء في الجزيرة, عليه الرمز تاع الجوزاء.
12
و نزلنا في سراكوسا و قعدنا فيها ثلاثة ايام.
13
و بعد دُرْنا وحكمنا الطريق ل ريغون. و احنا في لبحر بعد يوم واحد هبت علينا ريح من الجنوب, و وصلنا ثاني نهار ل بوطيولي,
14
و تلاقينا بالخاوة اللي كانوا لثمة و حكمونا عندهم و ضيفونا سبعة ايام, و من بعدها رحنا لروما.
15
و كي سمعوا بينا الخاوة لخرين خرجوا عرضولنا في فورن ابيوس و الثلاثة حوانيت. و كي شافهم بولس حمد ربي و تشجع.
16
و كي وصلنا لروما وصّل الضابط لمحابسية للكزرنة, بالصح بولس سمحلو باه يسكن وحدو هو و العسكري اللي كان يعس عليه. بولس يوعظ في روما و هو تحت العسة
17
و من بعد ثلاثة ايام عيط بولس الوجهاء تاع ليهود. و كي تلموا قال لهم: "يا جماعة يا خاوتي, انا ما عملت حتى شيء ضد الشعب و الا ضد العادات تاع جدودنا, ورغم هاذا كتفوني وسلموني ليد الرومانيين,
18
اللي كي داروا التحقيق في الموضوع كانوا حابين يسيبوني, على خاطر ما لقاو فيّا حتى تهمة صحيحة نستاهل عليها حكم الموت.
19
و بالصح كي ليهود ما حبوش يقبلوا بنتيجة التحقيق, ما لقيت حتى حل اخر غير اني نرفع القضية تاعي للقيصر, موش على خاطر حاب نشكي حاجة على الشعب تاعي و على امتي.
20
و على هاذا السبب حبيت نشوفكم و نهدر معاكم, على خاطر راني مسلسل بهاذي السلاسل على جال الرجاء تاع بني اسراييل".
21
قالوا لو: "ما وصلتنا عليك حتى برية من عند ليهود, و ما كان حتى واحد من الخاوة جانا و خبرّنا عليك بحاجة خايبة.
22
بالصح مليح كي نسمعوا منك انت, على خاطر احنا عارفين باللي الناس في كل مكان تقاوم هاذا المذهب".
23
و تفاهموا على نهار, جاو عندو جماعة كبيرة من ليهود للدار وين يسكن, و قعد يشهد لهم على الملكوت تاع الله, و يقنع فيهم بالامر تاع يسوع من لكتب تاع موسى, من الصباح للعشية.
24
و منهم اللي امن و منهم اللي ما امنش.
25
و راحوا وهمّا ما همش متفاهمين مع بعضاهم, كي قال لهم بولس هاذي الكلمة برك: "عمل الروح القدس مليح كي كلّم جدودنا على لسان اشعياء النبي
26
و قال لو: روح لهاذا الشعب و قل لهم: بوذنيكم تسمعوا بالصح ما تفهموش, و بعينيكم تخزروا بالصح ما تشوفوش.
27
هاذا الشعب راسو خشين, و ثقلت وذنيهم, و غمضوا عينيهم. باه ما يسمعوا بوذنيهم, و ما يشوفوا بعينيهم, و ما يفهموا في قلوبهم حتى يرجعوا و يتوبوا, و نشفيهم.
28
يكون في علمكم باللي الخلاص تاع الله توجه للامم, و همّا راح يسمعوا ليه و يقبلوه!"
29
و كي قال هاذا الشيء كامل راحوا ليهود روْحوا وهما بيناتهم نقاش كبير.
30
و سكن بولس مدة عامين كاملين في الدار اللي كراها. و كان يفرح بكل واحد يجيه و يدخْلو للدار,
31
و يبشر بالملكوت تاع الله, و يعلم بالامر تاع يسوع المسيح جهار, بلا ما تمنعو حاجة.
Romans
Chapter 1
1
بولس, العبد تاع يسوع المسيح, المسمي مرسول, المختار للانجيل تاع الله ,
2
اللي وعد بيه من بكري بالانبياء و ف الكتب المقدسة ,
3
على وليدو اللي جاء من ذرية داود من جيهة الجسد,
4
و تعين وليد الله من جيهة روح القداسة . بالقيامة من بين الموتى : يسوع المسيح ربنا .
5
اللي بيه, وعلى جال اسمو, قبلنا نعمة و رسالة باه الامم الكل يجيو لطاعة ليمان ,
6
اللي بينهم انتوما ثاني المعروضين تاع يسوع المسيح.
7
ل جميع اللي موجودين ف روما, حباب الله, اللي مسميين مقدسين: ليكم النعمة و السلام من عند الله بابانا و الرب يسوع المسيح. بولس متشوق باه يزور روما
8
اول حاجة , نشكر الهي بيسوع المسيح من جيهتكم الكل , بلي ايمانكم يحكيو بيه ف كل العالم
9
, راه الله اللي نعبد فيه بروحي, ف انجيل وليدو , شاهد عليا كيفاه نخمم فيكم دايما,
10
نطلب دايما ف صلاتي كاش ما تصلح لي حتى لو كان مرة اذا كان حب الله نجي عندكم .
11
غلى خاطر راني متوحش نشوفكم, باه نمد لكم براكة روحية تثبتكم,
12
باه نتشجعوا بيناتكم بليمان اللي فينا كلنا , ايمانكم و ايماني .
13
و زيد مانحبش يخفى عليكم خاوتي بلي راني قداه من مرة قصدت باه نجيكم , وراني معطل حتى لضرك , باه تكون عندي فاكية فيكم حتى انتوما كيما مع كل الامم .
14
راني مديون لناس اليونان و البربر, للحكماء و الجاهلين .
15
و هكذا انا بكل ما عندي واجد باه نبشركم حتى انتوما اللي ف روما ,
16
راني ما نحشمش بانجيل المسيح ,على خاطرهو قدرة الله للخلاص لكل من يامن: لليهودي قبل و من بعد لليوناني ,
17
على خاطر يظهر فيه برالله بليمان , للايمان , كيما راه مكتوب :"اما البار راه بليمان يعيش".الغضب تاع الله على الجنس البشري
18
على خاطر غضب الله ظاهر من السماء على الفجور تاع الناس و الاثم تاعهم, للي يحجبوا الحق بالباطل .
19
هاذاك على خاطرمعرفة الله باينة بيناتهم , على خاطر الله بينها لهم ,
20
على خاطر الامور تاعو اللي ما تتشافش ظاهرة من نهار اللي خلق الدنيا نلقاوها في المخلوقات , قدرتو الدايمة و لاهوتو, و ما بقى لهم حتى عذر.
21
على خاطر هما كي عرفوا الله لا مجدوه و لا شكروه كيما الاه, بالصح جهلوا بافكارهم, و ظلامت قلوبهم بالجهل.
22
و كي كانوا حاسبين ارواحهم حكماء ظهروا جهال,
23
و بدلوا مجد الله اللي ما يفناش بتصويرة تشابه للانسان الفاني , والطيور , والدواب , واللوايف .
24
على هاذيك سلمهم الله لشهوة قلوبهم للنجاسة , باه يذلوا اجسادهم في بعضاهم.
25
هاذوك اللي بدلوا الحق تاع الله بالباطل, و خافوا من المخلوق و عبدوه هو و خلاو الله الخالق , اللي راه للابد متبارك . امين .
26
على هاذيك سلمهم الله لهواهم في الذل , على خاطر الاناث تاعهم بدلوا الطبيعة تاعهم اللي خلقهم الله عليها بهاذيك اللي مخالفة للطبيعة ,
27
و حتى الذكورة ثاني خلاو الطبيعة اللي تخلقت عليها الانثى, و ولات عندهم شهوة لبعضاهم, يديروا الفاحشة , وداو في نفوسهم العقاب تاع ضلالهم الكبير .
28
و كيما ما حبوش يخليو الله في معرفتهم , سلمهم الله لتفكير مرفوض باه يديروا حوايج ما تليقش .
29
مليانين بكل ذنوب و زنا و شر و طمع و خبث , فايضين بالحسد و القتيلة و العراك و الحيلة و السوء,
30
نمامين ظالمين , يكرهوا الله , شتامين متكبرين , متفاخرين , يتفننوا في الشرور, و ماهمش طايعين للوالدين ,
31
لا عندهم لا فهامة و لا امانة و لا حنانة ولا رضاية و لا رحمة .
32
اللي راهم عارفين حكم الله بلي كل اللي يعملوا امور كيما هاذي يحق فيهم الموت , و هما ماشي برك يديروها بالصح يفرحوا بالناس اللي يعملوها .
Chapter 2
1
على هاذيك ما عندك حتى عذر يا اللي تحاسب في غيرك . على خاطرالشيء اللي تحكم بيه على غيرك تحكم بيه على روحك . على خاطر انت اللي تدين راك تعمل في هاذيك الامور بالذات!
2
واحنا رانا عارفين حساب الله الحقاني على الناس اللي يديروا هاذي الامورالكل .
3
و انت يا اللي تحاسب ف اللي يديروا هاذي الامور, وانت تديرها, راك حاسب بلي راح تمنع من الحساب تاع الله؟
4
والا راك حاقر كثرة لطفو و صبرو بالو الواسع, و ما كش عارف بلي لطف الله يدفعك باه تتوب ؟
5
بالصح انت على خاطرك قاسي وقلبك ماهوش تايب , قاعد تخزن لروحك سخط نهار الغضب ونهار اللي يبان فيه حساب الله العادل ,
6
اللي راح يجازي كل واحد حساب عمالو .
7
اما الناس اللي يعملوا ف الخير وهما صابرين طالبين المجد و الكرامة و الخلود , يجازيهم بالحياة الدايمة .
8
اما اللي راهم من اهل الخصومات, وما يطيعوش الحق بالصح للاثم تلقاهم طايعين , ينزل عليهم السخط و الغضب تاع الله,
9
الشدة والضيق على كل واحد يعمل ف الشر: اليهودي هو الاول و من بعد اليوناني.
10
ومجد و كرامة وسلام لكل من يعمل الصلاح: ليهودي لول من بعد اليوناني.
11
على خاطر الله ما عندوش حيالة.
12
على خاطر اللي يغلط و هو ما عندوش شرع بلا شرع يتحاسب. و اللي يغلط وعندو الشرع بالشرع يتحاسب.
13
على خاطر مش اللي يسمعوا للشرع همّا اللي راهم ابرار عند الله , بالصح اللي يعملوا بواش مكتوب في الشرع هما لبرار.
14
على خاطر الامم اللي ما عندهمش شرع, وقت اللي يديروا بالطبيعة واش كاين في الشرع, وهاذوك كي ما عندهمش شرع داروا شرع لرواحهم ,
15
اللي يبينوا بلي الشرع مكتوب في قلوبهم, شاهد عليهم ضميرهم و تخمامهم ساعات تحكم عليهم و ساعات تبرءهم ,
16
في النهار اللي يحاسب فيه الله الناس حساب انجيلي بيسوع المسيح. ليهود و الشريعة
17
إذا كنت تقول بلي راك يهودي و معول على شرع الله, و تفخر بالله,
18
و تعرف واش يحب و تميز الامور المتخالفة اللي تعلمتها من الشرع.
19
و شايف روحك راك قايد للعميان و ضوء للناس الي ف الظلمة ,
20
و مربي للجهال, و معلم للاولاد, و عندك في الشرع تاع الله تصويرة العلم و الحق.
21
و انت مالا يا اللي تعلم ف غيرك, ما تعلمش روحك ؟ اللي تعلم: ما تسرقش, تسرق انت ؟
22
يا اللي تنهي على الزنى, تزني انت؟ انت يا اللي ما ترضاش بالاصنام, تسرق المعابد؟
23
انت يا اللي تفخر بالشرع, تحقر الله كي تخالف الشرع تاعو؟
24
على خاطر اسم الله يكفروا بيه بين لمم على جالكم, كيما راه مكتوب.
25
الطهارة تنفعك اذا كان مشيت حساب شرع الله. بالصح الا كنت متعدي على شرع الله, تولي الطهارة تاعك كي اللي ما هيش طهارة!
26
اذا كان اللي ماهوش مطهر يمشي باحكام الشرع, ماشي يتحسب كي اللي مطهر؟
27
و تولى عدم طهارتو بالطبيعة وهي تكمل ف الشرع , تحكم عليك انت اللي عندك الكتاب والطهارة بالصح انت تتعدى على الشرع؟
28
ماهوش يهودي من كان يبان من برى يهودي, ولا الطهارة اللي باينة في اللحم تتسمى طهارة,
29
بالصح ليهودي اللي ما يبانش هو ليهودي و الطهارة هي طهارة القلب بالروح ماشي اللي بالكتاب, و هذا ينال الشكر ماشي من عند الناس بالصح الله يرضى عليه.
Chapter 3
1
مالا فاش خير ليهودي, و واش الفايدة تاع الطهارة؟
2
ياسر على كل حال! اما اول حاجة على خاطر الله حط اقوالو امانة بين يديهم.
3
وش لو كان كاين منهم اللي ماهومش امناء؟ و لعل كي هما ماهمش امناء هذا يعطل الامانة تاع الله؟
4
حاشا! بالصح يكون الله صادق و كل انسان كذاب. كيما راه مكتوب:" باه تتبرى في كلامك, و تغلب كي تشارع".
5
بالصح كي عاد الاثم تاعنا يبين عدالة الله مالا واش نقولوا؟ و لعل الله الي يجيب العقاب راه اله ظالم؟ راني نتكلم بحساب العقلية تاع البشر.
6
حاشا! مالا كيفاه الله يحاسب الناس؟
7
على قد ما انا نزيد نكذب يبان الصدق تاع الله و المجد تاعو, علاش مالا يحاسبني كلي راني غالط؟
8
ولى رانا مظلومين, ولى كيما يقولوا وحايد:" كي نعملوا الشرور تجينا الخيرات "؟ هاذوك يتعاقبوا على حساب الحق. ما كاين حتى واحد بار
9
مالا واش؟ احنا خير من غيرنا؟ لا ما كانش منها خلاص! احنا قبل قلنا بلي ليهود و اليونانيين كلهم تحت المعصية.
10
كيما راه مكتوب: "ما كانش حتى واحد بار حتى واحد".
11
ما كانش شكون يفهم. ما كانش شكون يطلب الله.
12
كلهم ضلوا وفسدوا كاملين. ما كانش شكون يعمل الصلاح ما كاين حتى واحد.
13
قراجمهم قبورة معرية. بلسانتهم يمكروا. سم لفاعي تحت شواربهم .
14
و فامهم مليانة دعاوي ومرارة .
15
رجليهم تجري باه تسيح الدم.
16
في جرتهم الظلم والعنف.
17
و طريق السلام ما يعرفوه.
18
و مخافة ربي ما تجيش بين عينيهم خلاص".
19
رانا عارفين بلي كل ما تقولو الشريعة تتكلم بيه للناس الي تحت الشريعة, باه كل لفام تتسد, و يولي العالم كامل تحت عقاب الله.
20
على خاطر بالاعمال اللي في الشرع تاع الله ما يتبرر حتى واحد قدامو. على خاطر الشرع يزيد يخليك تعرف المعصية. البراءة وليمان
21
بالصح ضرك بانت العدالة تاع الله بلا شرع, و شرع الله ولنبياء راهم شاهدين ليه,
22
العدالة تاع الله بليمان بيسوع المسيح, لجميع و على جميع من بامنوا بيه . على خاطر ما كاين حتى فرق .
23
على خاطرالكل غلطوا و راهم محتاجين للمجد تاع الله،
24
يديو البراءة بلاش بالنعمة تاعو بالدية اللي خلصها بيسوع المسيح،
25
اللي بالايمان بيه مد الله كفارة الذنوب بالدم تاعو, باه يبين العدالة تاعو، و يغفرالذنوب اللي فاتت في الوقت اللي الله كان يتأنى على الناس،
26
باه يبين العدل تاعو في الزمان الحاضر ، باه يكون عادل و يبرئ كل اللي عندو ليمان بيسوع.
27
مالا وين راهي الفخرة؟ ما كانش تنحات. بواش من شرع؟ بالشرع تاع لفعال؟ لا ابدا. بالصح بالشرع تاع ليمان.
28
مالا نحسبوا بلي الانسان يتبرى بليمان بلا ما يعمل لفعال الي يطلبها الشرع.
29
والا الله غير لليهود وحدهم؟ علاش ماشي للامم ثا ني؟ نعم, الله حتى للامم ثاني.
30
على خاطر لله واحد, و هو اللي يبرر لمختنين بليمان واللي ماهمش مختنين باليمان ثاني.
31
مالا نعطلوا الشرع بالايمان؟ حاشا بالصح هكذا نثبتوا الشرع .
Chapter 4
1
مالا واش نقولوا على بابانا في الجسد ابراهيم؟
2
على خاطر اذا كان تبرر على حساب لعمال عندو الحق يفخر, بالصح موش قدام الله.
3
على خاطر واش يقول في لكتاب؟ "كي امن ابراهيم بالله تحسب ليه التبرير".
4
اما اللي يعمل لعمال تاع الشرع ما يتحسبش ليه الاجر بالنعمة, بالصح من حقو يدي الاجر تاعو.
5
و اما اللي ما عملش باعمال الشرع, بالصح يامن بهاذاك اللي يبرر الفاجر. الايمان تاعو يتحسب ليه تبرير.
6
و هاذا واش يقول داود و هو يمدح في الانسان اللي يحسبلو الله التبرير بلا ما يعمل لعمال تاع الشرع:
7
يا سعدهم الي ذنوبهم تغفرت و اثامهم تسترت.
8
يا سعد الراجل اللي ما يحاسبوش ربي على معاصيه".
9
و هاذي الفرحة هي للناس اللي مطهرين برك و الا حتى للناس اللي ما همش مطهرين؟ على خاطر احنا نقولوا: باللي الله حسب الايمان تاع ابراهيم تبرير.
10
وقتاه حسبلو؟ كي كان مطهر و الا مازال ما تطهرش وقتها؟ حسبلو هاذا التبرير وهو ما زال ماهوش مطهر!
11
و دار الطهارة كيما امارة على البر اللي يجي من الايمان اللي كان عندو قبل ما يتطهر, باه يقدر يكون اب للمومنين الكل اللي ماهمش مطهرين, و يتحسب لهم هما ثاني التبرير.
12
و اب للي مطهرين موش برك على جال الطهارة, بالصح ثاني على خاطر تبعوا طريق بابانا ابراهيم اللي كان ماشي عليه حتى قبل الطهارة.
13
على خاطر موش بالشرع جاء العاهد لابراهيم و لذريتو باه يورثوا العالم, بالصح بالايمان اللي تبرر بيه.
14
على خاطر لو كان جاو الوراثة همّا اهل الشرع, يتعطل الايمان و يبطل العاهد:
15
على خاطر الشرع يجيب السخط تاع الله, على خاطر كي ما يكونش شرع ما تكونش معصية.
16
على هاذا الورثة تجي من الايمان, باه يكون نعمة من عند ربي, و هكذا يتحقق العاهد للذرية كاملة. موش برك لاهل الشرع, بالصح ثاني للناس اللي تبعوا الايمان تاع ابراهيم, اللي هو بابانا الكل.
17
كيما مكتوب: "انا جعلتك اب لامم ياسر". قدام الله اللي امن بيه, وهواللي يحيي الموتى, و هو اللي يقول للشيء اللي موش موجود كون فيكون.
18
و الوقت اللي غاب فيه الامل, امن ابراهيم و صدّق باللي راح يكون اب لشعوب ياسر, حساب الشيء اللي جا في لكتب "قد هكا راح تكون الذرية تاعك".
19
و ما ضعفش في الايمان و ما دارش حساب لعمرو اللي فات لمياة سنة و ما دارش حساب لرحام زوجتو سارة اللي ذبال.
20
وما شكش في العاهد تاع الله, بالصح ثبّت روحو بالايمان ومد المجد لله.
21
و صدّق باللي الله قادر يتمم العاهد تاعو معاه ثاني.
22
و على هاذيك زاد: تحسبلو التبرير".
23
و ما كانش هاذا لكلام تكتب على ابراهيم وحدو هو برك,
24
بالصح على جالنا, راح يتحسب لنا احنا ثاني, على خاطر امنا باللي قوم يسوع المسيح ربنا من بين الموتى,
25
اللي مات على جال ذنوبنا و حيا من بين الموتى على جال تبريرنا.
Chapter 5
1
و احنا كي تبررنا بالايمان ولّينا في امان مع الله بيسوع المسيح ربنا,
2
اللي دخلنا بالايمان بيه, لهاذي النعمة اللي رانا ساكنين فيها, و عندنا فُخرة باه نشاركوا في المجد تاع الله.
3
و موش هاذا برك, تزيد الفخرة تاعنا حتى في الصعوبات, عارفين باللي الشدّة تعلم الصبر,
4
و الصبر امتحان, و الامتحان رجاء,
5
و رجانا ما يخيب, على خاطر لمحبة تاع الله تصبت في قلوبنا بالروح القدس اللي عطانا الله.
6
على خاطر و احنا مازلنا في الضعف, مات المسيح في الوقت المطلوب على جال المذنبين.
7
و قليل وين يموت واحد على جال واحد تقي. و بلاك يقدر واحد يموت على جال واحد صالح.
8
بالصح الله بيّن لمحبة تاعو لينا, حتى واحنا مازلنا في الذنوب مات المسيح على خاطرنا.
9
و بالخصوص ضرك كي زدنا تبررنا بالدم تاعو راح نمنعوا بيه من السخط تاع الله.
10
على خاطر و احنا كنّا لعديان تاع الله صالحنا بالموت تاع ابنو, مالا كيفاه راح يكون ضرك و احنا متصالحين معاه, راه نمنعوا بحياتو!
11
و موش هاذا برك, بالصح نزيدوا نفخروا بالله ثاني, بربنا يسوع المسيح, اللي بيه هو نلنا المصالحة ضرك. الموت من ادم و الحياة بالمسيح
12
و على هاذا كيما دخلت المعصية بانسان واحد للعالم, و بالمعصية دخل الموت, و هكذا عدّى الموت للناس الكل, على خاطر كلهم غلطوا.
13
و المعصية كانت في العالم قبل ما يكون شرع الله لموسى. و بالصح على خاطر ما كانش الشرع موجود المعصية ما تتحسبش.
14
و الموت ساد على الناس من ادم حتى لموسى, و حتى الناس اللي ماداروش معصية كيما المعصية تاع ادم, و كان ادم هو المثال على اللي راح يجي من بعدو.
15
بالصح المفعول تاع المعصية ماهوش كيما المفعول تاع الهِبة. على خاطر اذا كان الموت ساد على الناس بالمعصية تاع راجل واحد, مالا كيفاه تفيض النعمة تاع الله, و المعطى اللي وهبها بالنعمة بالانسان الواحد يسوع المسيح تفيض على ناس ياسر!
16
و النتيجة تاع معصية انسان واحد ما هيش كيما نتيجة المعطى تاع الله. على خاطر الحكم على المعصية يجيب لهلاك, اما الهبة تاع الله جابت التبرير على ذنوب ياسر.
17
اذا كان الموت ساد على جال المعصية تاع راجل واحد, مالا كيفاه تفيض النعمة تاع الله للناس اللي ينالوا فيض النعمة و المعطى تاع التبرير, راح يملكوا لحياة بالواحد يسوع المسيح!
18
مالا كيما بمعصية واحدة جاء الحكم بالهلاك على الناس الكل, ثاني بالبر تاع واحد صرات الهبة للناس الكل, التبرير اللي يمد لحياة.
19
على خاطر كيما المعصية تاع الانسان الاول جعلت الناس الكل مذنبين, هكذاك ثاني الطاعة تاع الواحد راح تجعل ناس ياسر ابرار.
20
و كي توجد الشرع كثرت المعصية. بالصح وين كثرت المعصية زادت النعمة اكثر و اكثر.
21
حتى كيما ملكت المعصية في الموت, ثاني تملك النعمة في البر, للحياة الدايمة, بيسوع المسيح ربنا.
Chapter 6
1
مالا واش نقول؟ نبقاو نديروا في المعصية باه تكثر النعمة؟
2
حاشا! احنا اللي متنا على المعصية, كيفاه نزيدوا نعيشوا فيها؟
3
و الا ما علابالكمش باللي احنا اللي تعمدنا واتحدنا مع المسيح تعمدنا باه نموتوا معاه,
4
و تدفننا معاه بالمعمودية و اتحدنا معاه في موتو, باه كيما قام المسيح من بين الموتى, بالمجد تاع الآب, حتى احنا ثاني نقوموا للحياة الجديدة؟
5
على خاطر اذا كان اتحدنا بالمسيح في موت يشابه للموت تاعو, هكذاك ثاني نتحدوا بيه في قيامتو.
6
و احنا عارفين هاذا الشيء: باللي الانسان لقديم اللي فينا تصلب مع المسيح باه ينحي السيادة تاع المعصية اللي فينا.
7
على خاطر اللي مات تحرر من المعصية.
8
و اذا كنا متنا مع المسيح, نامنوا باللي راح نحياوْ معاه.
9
عارفين باللي المسيح بعد ما قام من بين الموتى ما يزيدش يعاود يموت. و الموت ما بقاتش عندو سيادة عليه.
10
على خاطر الموت اللي ماتها ماتها مرة واحدة على المعصية, و الحياة اللي يحياها يحياها لله.
11
حتى انتوما ثاني احسبوا ارواحكم موتى على الذنوب, بالصح حيين لله بالمسيح يسوع ربنا.
12
مالا ما تخليوْش المعصية تسود على اجسادكم الفانية و تبعوها في الشهوات تاعو,
13
و ما تقدموش الاعضاء تاعكم الات اثم للمعصية, بالصح قدموا ارواحكم كي اللي قاموا من بين الموتى حيين لله و الاعضاء تاعكم الات للخير لله.
14
و هكذا ما تسودش عليكم المعصية, على خاطرانتوما ماكمش تحت حكم الشرع بالصح تحت الحكم تاع النعمة. عبيد للخير
15
مالا كيفاه؟ نبقاو نغلطوا على خاطر احنا تحت النعمة و ماناش تحت الحكم تاع الشرع؟ حاشا!
16
علاه ما علابالكمش باللي اللي تطيعوه, تولِيوْ عبيد ليه: اما للمعصية توصلكم للموت و الا الطاعة للخير؟
17
بالصح الحمد لله, حتى كي كنتوا عبيد للمعصية, تبعتوا التعاليم اللي تسلمتوها من كل قلوبكم.
18
و تحررتوا من المعصية و وليتوا عبيد للخير.
19
و هنا نهدر هدرة كيما تاع الناس على جال الضعف الجسدي اللي فيكم. على خاطر كيما قدمتوا الاعضاء تاعكم للنجاسة و الاثم و خدمتوا بيها الشر, حتى ضرك ثاني قدموا اعضاءكم للقداسة و اخدموا بيها الخير.
20
في الوقت اللي كنتوا عبيد للمعصية, كنتوا احرار تديروا واش تحبوا.
21
و شوفوا واش جابت لكم غير حوايج اللي تحشموا بيها ضرك؟ على خاطر هاذيك الامور اخرتها توصل للموت.
22
و ضرك كي تحررتوا من المعصية, و وليتوا عبيد الله, ولات عندكم ثمار تاع قداسة, اللي توَصل للحياة الدايمة.
23
على خاطر اجرة المعصية هي الموت, بالصح هدية الله هي لحياة الدايمة بالمسيح يسوع ربنا.
Chapter 7
1
ما يخفاش عليكم يا خاوتي- اني نهدر مع ناس عارفين مليح الشرع تاع الله - ياخي الشرع يسود على الواحد مادام مازال عايش؟
2
لمرى اللي متزوجة براجل يربطها الشرع بالراجل مادامو مازال حي, بالصح لو كان يموت الراجل يولي الشرع ما يربطهاش بيه.
3
و كون تتزوج بواحد اخر وراجلها حي تولي زانية. بالصح اذا كان مات راجلها هي حرة من الشرع, و كان تزوجت بواحد اخر ما تسماش زانية.
4
هكذاك يا خاوتي انتم ثاني راكم متّوا على الشرع بالجسد تاع المسيح, باه توليو ملك لواحد اخر, لهاذاك اللي قام من بين الموتى, و نوليو نثمروا لله.
5
على خاطر كيما كنا نعيش حياة بالجسد كان الشر تاع الذنوب اللي بينها الشرع تخدم بالاعضاء تاعنا باه نثمروا للموت.
6
و ضرك رانا تحررنا من الشرع, و متنا على الحاجة اللي كانت رابطتنا, حتى نقدروا نعبدوا الله بالنظام الروحي الجديد موش بالنظام الحرفي لقديم. الجهاد ضد المعصية
7
مالا واش نقولوا؟ قادر الشرع يكون هو المعصية؟ حاشا! ما عرفنا المعصية غير كي عرفنا الشرع. و لو كان الشرع ما قالش :" ما تحسدش" ما كنتش نعرف الحسد.
8
بالصح المعصية لقات فرصة في الوصية و زادت خلقت فيا حسد اكثر من اللي كان. على خاطر بلا شرع المعضية ميتة.
9
و كي كان ما عنديش شرع كنت عايش ما نيش ميت. بالصح كي جات لوصية عاشت المعصية, و انا متت,
10
و ولات الوصية اللي توصل للحياة , هي نفسها سبب تاع موت.
11
على خاطر المعصية, لقات الوصية فرصة, ييها خدعتني وقتلتني.
12
الشرع في ذاتو مقدس, و الوصية مقدسة و صحيحة و صالحة.
13
كيفاه الحاجة الصالحة تولي سبب للموت؟ حاشا! بالصح المعصية باه تبان معصية هي اللي خلقت لي الموت من حاجة صالحة. وهكذا تولي المعصية معصية تاع الصح.
14
ونحنا نعرفوا باللي الشرع حاجة روحية, بالصح الانسان تباع عبد للمعصية.
15
و على خاطر ما نعرفش واش ندير, نولي نعمل الشيء اللي مانيش حاب نديرو, الشيء اللي نكرهو هو اللي نديرو.
16
وكان عملت الشيء اللي مانيش حاب نديرو, معناها اني موافق باللي الشرع عندو الحق.
17
مالا مانيش انا اللي ندير في الشيء اللي ما نحبوش, بالصح المعصية اللي ساكنة قيا هي اللي عملاتو,
18
معناها ما يسكن في جسمي حتى شيء صالح. على خاطر الارادة حاضرة عندي, بالصح باه نديرالحاجة لمليحة ما نقدرش.
19
على خاطر الصلاح اللي حاب نديروا ما نقدرش نديرو, بالصح الشر اللي مانيش حاب نديروا نلقى القدرة باه نديروا.
20
و اذا كان الشيء اللي ما نحبوش هو بالذات اللي نديرو, مالا مانيش انا اللي ندير فيه, بالصح المعصية اللي ساكنة فيا.
21
و هكذا نلقى في الحكم تاع الشرع باللي انا حاب ندير الخير بالصح ما نقدر ندير غير الشر.
22
و انا لداخل في روحي كانسان نفرح بالشرع تاع ربي.
23
بالصح كاين في اعضاءي شرع واحد اخر يحارب الشرع الي في عقلي, و يخليني نولي عبد للشرع تاع المعصية اللي ساكن في اعضاءي.
24
يا ويلي انا الانسان المسكين! شكون يمنّعني من هاذا البدن تاع الموت؟
25
نشكر الله بيسوع المسيح ربنا! على خاطر انا بعقلي نخدم في الشرع تاع الله, بالصح بالبدن نخدم في الشرع تاع المعصية.
Chapter 8
1
من ضرك ما كاين حتى حكم على الناس اللي راهم في المسيح يسوع, اللي يمشيو بالروح و ما يمشوش بالجسد.
2
على خاطر شرع روح لحياه في المسيح يسوع حررني من شرع المعصية و الموت.
3
و الشيء اللي عجز عليه الشرع, عجز عليه على خاطر الجسد ضعيف. و كي بعث الله وليدو في جسم يشابه للجسم تاع المعصية, باه يكون كفارة على المعصية, حكَم على المعصية في الجسد,
4
باه يتم فينا الحكم الشرعي, احنا اللي ماشيين بالروح موش بالجسد.
5
على خاطر اللي هما في الجسد يهمهم الجسد, و اللي هما في الروح تهمهم الروح.
6
و الاهتمام تاع الجسد هو موت, و الاهتمام تاع الروح هو حياة وهناء.
7
اهتمام الجسد هو عداوة لله, على خاطر ماهوش خاضع لشرع الله, و ثاني ما يقدرش يكون خاضع ليه.
8
و الناس اللي يمشيو بالجسد ما يقدروش يرضيو الله.
9
واذا كان الروح تاع الله ساكن فيكم, انتوما ما كمش في الجسد, انتوما في الروح. بالصح اذا كان واحد ما فيهوش الروح تاع المسيح, هاذاك ماهوش للمسيح.
10
و اذا كان المسيح فيكم, الجسد راح يموت بسبة المعصية, اما الروح تكون لها حياة بسبة التبرير.
11
و اذا كان الروح تاع اللي قوَّم المسيح من بين الموتى ساكن فيكم, مالا اللي قوّم المسيح من بين الموتى راح يحييكم انتم ثاني بالروح تاعو اللي ساكن فيكم.
12
مالا يا خاوتي ما ناش ملزمين بالجسد باه نعيشوا حساب الجسد.
13
على خاطر كان عشتوا للجسد راح تموتوا, بالصح اذا كنتوا بالروح تقتلوا لعمال تاع الجسد رايحين تحياو.
14
على خاطر كل اللي يقودهم الروح تاع الله, هاذوك هما اولاد الله.
15
و انتوما ما ديتوش روح العبودية باه تخافوا, انتوما ديتوا روح التبني اللي بيه ننادي: "يا آب الآب".
16
و الروح بذاتو يشهد للارواح تاعنا باللي رانا اولاد الله.
17
و اذا كنا احنا اولاد نكونوا احنا همّا الوراثة و وارثين مع المسيح. اذا كنا نتعذبوا معاه هذا الكل باه نتمجدوا ثاني معاه. المجد اللي راح يجي
18
و نشوف باللي لعذاب تاع هاذي لحياة ما يتقاسش بالجاه الي راح يظهر فينا.
19
على خاطر الدنيا كاملة تستنى غير وقتاه يظهروا اولاد الله.
20
على خاطر الدنيا كاملة تحطت في الباطل - بلا ما كانت حابة, بالصح على جال اللي حطتها - حتى يجي الوقت,
21
على خاطر الدنيا في ذاتها راح تتحرر من العبودية تاع لفساد و يبان فيها الجاه تاع اولاد الله.
22
رانا عارفين كلنا كيفاه الخليقة كاملة قاعدة تتوجع اوجاع كيما تاع لولادة.
23
و موش هاذا برك, حتى احنا اللي لينا الباكورة تاع الروح, احنا ثاني نتوجعوا في ارواحنا, نستناو في التبني باه تتفدى اجسامنا.
24
على خاطر منعنا بالرجاء. و الرجاء اللي نشوفوه ما بقاش رجاء, على خاطر الواحد ما يرجاش حاجة يشوف فيها قدامو؟
25
بالصح الرجاء تاعنا مازال ما بانش و رانا صابرين نستناو فيه.
26
و حتى الروح ثاني يعاوننا على ضعفنا, على خاطر احنا ما نعرفوش كيفاه نصلِيوْ كيما لازم. بالصح الروح في ذاتو هو اللي يشفع فينا عند الآب بواحد الانّات ما تتوصفش.
27
على خاطر الله هو كاشف لقلوب و عارف واش هو الاهتمام تاع الروح. و كيفاه يشفع في القديسين حساب واش يحب الله.
28
و احنا عارفين باللي لحوايج الكل مع بعضاها تعمل للخير للناس اللي يحبوا ربي. اللي ناداهم على حساب قصدو.
29
على خاطر اللي خايرهم من قبل خصصهم باه يكونوا مشابهين للصورة تاع وليدو, اللي هو البكر بين خاوة ياسر.
30
و اللي خايرهم من قبل, هاذوك ناداهم ثاني. واللي ناداهم, برّرهم , واللي برّرهم, مدلهم الجاه ثاني. شكون راح يفصلنا على محبة المسيح
31
واش نزيدوا نقولوا بعد هاذا الكل؟ اذا كان الله معانا, شكون يقدر يكون ضدنا؟
32
الله اللي ما شفقش على وليدو. بالصح سلْموا للموت على جالنا احنا الكل, كيفاه ما يمدلناش معاه كلشيء؟
33
شكون يقدر يشكي على اللي خايرهم الله؟ الله هو اللي يبرر.
34
شكون اللي يقدر يدين؟ المسيح هو اللي مات, و هو ثاني اللي قام, و هو ثاني اللي على ليمين تاع الله. و هو ثاني اللي يشفع فينا.
35
شكون يفصلنا على لمحبة تاع المسيح؟ الشدّة و الا الضيق و الا القهرو الا الجوع و الا لعرى و الا الخطر و الا السيف؟
36
كيما مكتوب: "على جالك كل يوم نتقتلوا. و كي لغنم نتذبحوا ".
37
و بالصح في هاذي الصعوبات الكل نصرتنا كبيرة باللي حبْنا.
38
و انا مثبت باللي لا لموت ولا لحياة, و لا ملايكات ولا سلاطين و لا قوات, و لا الحاضر ولا اللي جاي,
39
ولا علو و لا عمق, و لا اي خليقة واحدة اخرى, تقدر تفصلنا على محبة الله اللي في المسيح يسوع ربنا.
Chapter 9
1
نقول لكم الحق في المسيح, و ما نكذبش, و الضمير تاعي شاهد عليا بالروح القدس:
2
انا حزين ياسر و قلبي يوجع فيا خلاص.
3
كنت نتمنى لو كان جيت انا محروم من المسيح على جال خاوتي اولاد شعبي,
4
اللي همّا بني اسراييل, اللي مدلهم الله التبني و الجاه و العهود و الشرَع و العبادة و الوعود,
5
و اللي منهم جاو جدودنا الانبياء, و منهم جاء المسيح حساب الجسد, و هو الكاين على كل شيء اله يتبارك اسمو للابد. امين.
6
و مانيش نقول باللي كلمة الله خابت. على خاطر مش كل بني اسراييل هما اسرائيليين,
7
و موش على خاطر همّا من اولاد ابراهيم يعني همّا كلهم اولاد, بالصح الله قال: " تكون عندك ذرية من اسحاق".
8
يعني باللي اولاد الجسد ما همش اولاد الله, بالصح لولاد اللي جاو بالعاهد تاع ربي همّا اللي يكونوا الذرية.
9
على خاطر هاذي هي كلمة العاهد: "نجي في هاذا الوقت العام الجاي وتكون سارة عندها طفل".
10
و موش هاذا برك, حتى رفقة ثاني, كانت بالكرش من راجل واحد و هو جدنا اسحاق.
11
و قبل ما يولدوا التوام اللي في كرشها, و لا داروا لا خير ولا شر, باه يثبت ربي القصد تاعو حساب الاختيار, وموش على حساب لعمال بالصح اللي يناديه ربي هاذاك هو,
12
و قال لرفقة: " لكبير يولي هو لخديم للصغير".
13
كيما جاء في لكتاب: " حبيت يعقوب وكرهت عيسو".
14
مالا كيفاه؟ ربي زعمى يظلم؟ حاشاه!
15
يقول لموسى: "نرحم اللي نرحم و نشفق على من نشفق".
16
مالا الامر موش للي هو يحب و الا للي يسعى باه يترحم, ربي هو اللي يرحم.
17
على خاطر في لكتاب قال الله لفرعون: " انا حطيتك في هاذا المنصب باه نبين فيك القوة تاعي, و باه في كل الدنيا الناس يدعيو باسمي".
18
هو يرحم اللي يحب, و يقسي قلب اللي يحب.
19
بلاك واحد يقول: "مالا علاه يلومنا الله ويحاسبنا؟ على خاطر شكون يقدر يقول لا لله؟"
20
شكون انت يا انسان حتى تعارض الله؟ لعل الطين يقول للملاس: "علاه صنعتني هكا؟".
21
و الا الملاس ما يتصرفش في الطين, ياخي من عجنة واحدة يخدم ماعون شريف ويخدم واحد اخر دوني؟
22
كيفاه؟ اذا كان الله و هو حاب يبين سخطو و قوتو, استحمل بصبر مواعن السخط المخدومة للهلاك.
23
باه يبين فيض الجاه تاعو على مواعن الرحمة اللي وَجدْها قبل للجاه,
24
و خايرنا احنا ثاني باه نكونوا مواعن تاع رحمة, موش من ليهود برك بالصح حتى من الامم ثاني.
25
كيما قال ثاني على لسان النبي هوشع: " الشعب اللي ما كانش ليا راح يولي هو الشعب تاعي, و اللي ماهيش محبوبة راح تولي هي المحبوبة تاعي.
26
و يكون وين قالوا لهم: انتوما ماكمش الشعب تاعي. لثمة بالذات يتسماو اولاد الله الحي".
27
و اشعياء ينادي ويقول من جيهة اسراييل: "حتى لو كانوا بني اسراييل على قد الرمل تاع لبحر, راح يمنعوا منهم غير شوية.
28
على خاطر ربي راح يتمم امر محكوم بيه على لرض. يقضيه بالعدل و يتم بيه".
29
و كيما قال اشعياء من قبل: " لو كان موش اله الجيوش خلى لنا ذرية, ولينا كيما سدوم وشابهنا عمورة". اسراييل ما تامنش
30
مالا واش نقولوا؟ الشعوب اللي ما كانوش يحوسوا على التبرير لقاو التبرير, التبرير اللي بالايمان.
31
بالصح امة اسراييل, اللي كانوا يسعاو للتبرير بالشرع, ما وصلوش للتبرير اللي المفروض يكون بالشرع!
32
علاه؟ على خاطركانوا يسعاو باه يوصلوا للتبرير بالاعمال تاع الشرع, و مش بالايمان. و دعثروا في حجرة عثرة,
33
كيما راه مكتوب: "انا راح نحط في صهيون حجرة في طريق الشعب و صخرة عثرة, و كل من يامن بيه ما يخزاش".
Chapter 10
1
يا خاوتي, الحاجة اللي يفرّح بيها قلبي و ديما ندعي لله على جال بني اسراييل باه ينالوا الخلاص.
2
نشهد عليهم باللي عنهم غيرة على الله, بالصح مش بمعرفة صحيحة.
3
على خاطر اذا كانوا ما يعرفوش كيفاه الله يبرر الناس, و يحبوا يثبتوا برهم همّا بالطريقة تاعهم, و ما استعرفوش بالتبرير اللي عملوا الله.
4
و الغاية من الشريعة اللي هي: كل من امن بالمسيح ينال التبرير من عند الله. الخلاص هو للناس الكل
5
على خاطر موسى كتب كيفاه يتبرر الواحد بالشريعة: " كل من يعمل بالاحكام اللي جات في الشريعة يحيا بيها".
6
اما البر اللي بالايمان هاذا واش يقول: " ما تقولش في قلبك: شكون اللي يطلع للسماء؟" يقصد باه يهبّط المسيح,
7
"والا: شكون يهبط لاعماق الهاوية؟" يقصد باه يحيي المسيح من بين الموتى.
8
بالصح واش يقول؟ "الكلمة قريبة ليك, هي في فمك و في قلبك" يقصد الكلمة تاع الايمان اللي قاعدين نبشروا بيها:
9
باللي اذا كان استعرفت بفمك بالرب يسوع المسيح, و امنت بيه في قلبك باللي الله لرجعلو لحياه و قوْموا من بين الموتى, تنال الخلاص.
10
على خاطر الايمان تاع القلب ينال بيه التبرير, و اللي يستعرف بفمو ينال بيه للخلاص.
11
على خاطر مكتوب في كلام الله: " كل من يامن بيه ما يخزاش".
12
و ما كاين حتى فرق بين ليهودي واليوناني, و كاين اله واحد للناس الكل, كريم يجود يخيراتو على كل اللي يدعيو ليه.
13
على خاطر " كل من يدعي باسم ربي يمنع".
14
بالصح كيفاه يدعيو لواحد ما امنوش بيه؟ و كيفاه يامنوا بلا ما يسمعوا؟ و كيفاه يسمعوا بلا ما واحد يبشرهم؟
15
و كيفاه يروحوا يديو لخبارتاع الخير لو كان واحد ما يبعثهم؟ كيما يقول لكتاب: "ما بهاها خطوات اللي يبشروا بالخير, الي يبشروا بالهناء".
16
بالصح ماهمش الناس الكل قبلوا الانجيل, على خاطر اشعياء يقول: "ياربي, شكون اللي امن بالشيء اللي قلناه؟".
17
مالا الايمان يجي كي يسمعوا بالخبر, و الخبر يتنشر كي يبشروا بكلمة الله".
18
بالصح نقول : بلاك ما سمعوش؟ بالعكس سمعوا! "للدنيا الكل وصلت اصواتهم, و لاطراف لرض تهزت اقوالهم".
19
بالصح نقول: لعل بني اسراييل ما فهموش؟ قال موسى من قبل: " نخليكم تحسدوا اللي ما كانت محسوبة امة. و نغّيركم باللي ما كان محسوب شعب".
20
و يزيد لهم اشعياء ويقول: "لقاوني الناس اللي ما فركتوش عليا, و بينت روحي للي ما كانوش يحوسوا عليا".
21
و من جيهة اسراييل يقول: " النهار بطولو وانا نمد في يدي لشعب متمرد ومعاند".
Chapter 11
1
نقول: بلاك ربي رفض الشعب تاعو لقديم؟ على خاطر انا ثاني واحد منهم و من ذرية ابراهيم من عرش بنيامين.
2
الله ما نكرش شعبو اللي خايرو من لول. و ما يخفاش عليكم واش قال لكتاب على ايليا؟ كيفاه كان يشكي من شعب اسراييل لله وقالو:
3
"يا ربي, قتلوا الانبياء تاعك و ريْبوا المذابح تاعك, وبقيت غير انا وحدي, و ها همّا حابين يقتلوني!".
4
بالصح واش جاوب عليه الوحي تاع الله؟ "خليت لروحي سبعة الاف راجل عمرهم ما ركعوا على ركايبهم لبعل".
5
و حتى في الزمان تاعنا الحاضر ثاني خلى الله جماعة مخصصة ليه خايرها بالنعمة تاعو.
6
اذا كان خايرهم بالنعمة معناها خايرهم موش على حساب اعمالهم, و الا النعمة ما بقاتش نعمة. و اذا كان خايرهم على حساب لعمال و موش بالنعمة, تولي لعمال ماهيش اعمال. مالا كيفاه؟
7
اللي كان يحوس عليه شعب اسراييل ما نالهش. بالصح المختارين منهم نالوه. اما لخرين اللي بقاو قساو قلوبهم,
8
كيما قال لكتاب: "عطالهم ربي روح باردة, وعينين ما تبصرش, و وذنين ما تسمعش, حتى لليوم هاذا".
9
و داود يقول عليهم: "اجعل مايدتهم فخة ليهم و منداف و حجرة عثرة بيها تجازيهم.
10
باه ما يشوفوا ظلّمْ عينيهم, و احمال على ظهورهم ديما تعييهم". الخلاص تاع الامم
11
و انا نقول: زعمى الطيحة هاذي تاع بني اسراييل باه يفناو خلاص؟ حاشا! بالصح بالطيحة تاعهم همّا ولات الشعوب لخرى مقبولة باه يغيروا.
12
اذا كان الطيحة تاعهم فيها فايدة كبيرة للعالم, و نقصانهم فيه زيادة للشعوب, مالا واش نقولوا على الفايدة اللي راح تكون لو كان همّا يثبتوا؟
13
و انا هنا نقول للناس اللي ما همش من ليهود: على خاطر انا رسول للشعوب من غير ليهود عندي فخرة بالخدمة تاعي بيناتهم,
14
كاش ما يغيروا اهلي واماليا و يمنعوا حتى لو كان شوية منهم.
15
اذا كان رفضهم همّا مد مصالحة للعالم, قبولهم ما راح يكون غير حياة من بين الموتى؟
16
و اذا كانت لخميرة مقدسة حتى لعجينة تكون مقدسة! و اذا كانت الجدرة مقدسة حتى لعراف تكون مقدسة!
17
و اذا كان قص شوية عراف, و جابك انت من زيتونة برية و طعمك فيها, و وليت شريك في الاصل تاع الزيتونة و في زيتها,
18
مالا ما تهزش روحك على لعراف لمنحية. كي تتكبر, مشك انت اللي هاز الاصل, او الاصل هو اللي هازّك!
19
راح تقول: "تقصت هاذيك لعراف باه انا نتطعم!".
20
مليح! هي تقصت على خاطر ما عندهاش ايمان, وانت ثبتت على خاطر عندك ايمان. مالا ما تتكبرش خيرلك خاف على روحك!
21
اذا كان الله ما شفقش على لعراف الاصلانية قادر حتى انت ثاني و ما يشفقش عليك!
22
و هنا يبان اللطف تاع الله و السخط تاعو: السخط تاعو على الناس اللي طاحوا, و اما اللطف تاعو عليك انت, مالا اثبت في اللطف لا تتنحى انت ثاني.
23
و همّا لو كان يرجعوا للايمان راح يطَّعمهم, على خاطر الله قادر يزيد يطَّعمهم مرة اخرى.
24
اذا كنت انت نحاك من زيتونة بيثر و طعّمك على خلاف العادة في زيتونة حرة, و هما عندهم الحق اكثر منك باه يطّعمهم في زيتونتهم الحرة؟ رحمة ربي واسعة للناس الكل
25
ما دابيا ما يخفاش عليكم هاذا السر, باه ما تحسبوش ارواحكم فاهمين خير من لخرين: باللي مجموعة من بني اسراييل قسّاو قلوبهم حتى ن يدخلوا الشعوب لخرين الكل.
26
و من بعد عاد يخْلصوا بني اسراييل الكل. كيما جاء في لكتاب: " من صهيون يخرج المخلص و ينحي الكفر من بني يعقوب.
27
و يكون هاذا هو العاهد تاعي معاهم كي نمحي ذنوبهم".
28
من الجيهة تاع الانجيل همّا ولاو عديان على جالكم. و اما من جيهة الاختيار همّا احباب على جال الجدود,
29
و الهبات تاع الله و الاختيار تاعو همّا بلا ندامة.
30
انتوما قبل ما كنتوش طايعين لله, و رحمكم بالعصيان تاعهم همّا,
31
و بالصح همّا ضرك ماهمش طايعين باه يترحموا كيما ترحمتوا انتم,
32
على خاطر الله خلى الناس الكل محبوسين في العصيان, باه كي يرحم يرحم الناس الكل. تسبيح لله
33
قداه واسع الغنى تاع الله و حكمتو و العلم تاعو! و قداه صعيب علينا باه نعرفوا احكامو و باه نفهموا الطُرق تاعو!
34
"على خاطر شكون عرف تخمام الله؟ و الا شكون كان يدبّر عليه؟
35
و الا شكون دار فيه مزية و يستنى فيه يرجعلو الخير؟".
36
على خاطر منو هو و بيه هو و ليه هو لحوايج الكل. ليه المجد للابد. امين.
Chapter 12
1
نطلب منكم يا خاوتي على وجه لحنانة تاع ربي قدموا اجسادكم ذبيحة حية مقدسة مقبولة عند ربي, اللي هي عبادتكم الروحية.
2
و ما تكونوش كيما اهل هاذي الدنيا, بالصح بدّلوا العقلية تاعكم, باه تقدروا تعرفوا واش يحب الله: لحوايج تاع الصلاح و اللي ترضيه و اللي ما فيها حتى شوهة.
3
بالنعمة اللي مد هالي ربي نقول لكم, لكل واحد فيكم: ما يكَبّرش روحو اكثر من اللازم, و يرَزن روحو, على قد واش قسَملو ربي من الايمان.
4
و كيما عندنا اعضاء ياسر في بدن واحد, بالصح موش كل الاعضاء تخدم نفس الخدمة,
5
هكذاك احنا على قد ما رانا ياسر: بالصح نبقاو بدن واحد في المسيح, و اعضاء تاع بعضانا, كل واحد فينا يكمل لاخر.
6
و عندنا مواهب متنوعة حساب النعمة اللي عطاهالنا ربي: اللي عندو الموهبة تاع النبوءة يتنبأ بالايمان ,
7
و اللي عندو الموهبة تاع الخدمة, يخدم, واللي عندو الموهبة تاع التعليم يعلّم,
8
و اللي عندو الموهبة تاع الوعظ يوعظ, و اللي يحب يمد يكون كريم, و اللي يسَيَر يكون مجتهد, و اللي يرحم يرحم و هو فرحان. لمحبة
9
خليوْ لمحبة تكون بلا نفاق. بعْدوا على الشر, و الصقوا في الخير.
10
ودّوا بعضاكم بالمحبة كيما الخاوة تاع الصح, قدْروا بعضاكم.
11
ما تفْشلوش اخدموا باجتهاد, كونوا في الروح شاعلين, لله عابدين ,
12
في الرجاء كونوا فرحانين, وقت الضيق كونوا صابرين, متعودين على الصلاة,
13
متعاونين مع بعضاكم باه تساعدوا الخاوة القديسين, ضيْفوا دايما الغرباء.
14
باركوا اللي يقهروكم. باركوهم و ما تدعيوش عليهم.
15
افرحوا مع اللي يفرحوا و ابكِيوْ مع اللي يبكيوْ.
16
كونوا متفاهمين الكل ما بعضاكم, ما تشوفوش للامور اللي لفوق بالصح كونوا متواضعين, ما تحسبوش ارواحكم حكماء.
17
ما تكافيش الشر بالشر. اعملوا غير لحوايج لمليحة قدام الناس.
18
و اذا كان قدرتوا سالموا الناس الكل على قد ما تقدروا.
19
يا لحباب, ما تفدِيوْش الثار تاعكم, وكّلوا ربي, على خاطر قال في لكتاب: "خليوْ النقمة ليّا انا و انا نجازي, يقول الرب".
20
"كان عدوك جاع وكّلو. و كان عطش ارويه. كي تدير كيما هاكذا تلم لو الجمر فوق راسو".
21
ما تخليش الشر يغلبك بالصح بالخير اغلب الشر.
Chapter 13
1
على كل واحد منكم يكون طايع للسلطات, ما كانش سلطة ماهيش قايمة من عند ربي, و كل سلطة هي مرتبة من عند ربي,
2
واللي يعاند اللسلطات يسمى يعاند في التدبير تاع ربي, و يستاهل العقوبة.
3
و اللي يعمل الخير ما عندو من واه يخاف واللي يعمل الشر هو اللي يخاف. تحب ما تخافش من السلطات؟ اعمل الصلاح راح يشكروك عليه,
4
على خاطر السلطات كي تخدم ليك الصلاح تسمى قاعدة تخدم في ربي! بالصح كان عملْت الشر خاف, على خاطر السلطة ما تعاقبش هكاك باطل و هي الخادمة تاع الله, وتعاقب على الشر.
5
على هاذيك طاعة السلطات لازمة, موش برك خوف من العقاب و بالصح حتى على جال الضميرثاني.
6
و على هاذا تخلصوا لغرامة ثاني, و اصحاب السلطة راهم يخدموا في الله كي يعملوا هاذا الشيء.
7
كل واحد مدولوا حقو: لغرامة في الحاجة الواجبة فيها لغرامة. و الضريبة وين واجب الضريبة. و الهيبة للي لازم تكون ليه هيبة. و الاكرام للي لازم يكون ليه الاكرام. احكموا في لمحبة على خاطر نهار الرب قريب
8
ما تكونوش مديونين لحتى واحد بحتى شيء غير بالمحبة لبعضاكم, على خاطر اللي يحب غيرو راهو تمم الشريعة كاملة.
9
على خاطر الوصية اللي تقول "ما تزنيش, ما تقتلش, ما تسرقش, ما تشهدش بالزور, ما تحسدش". و اي وصية واحدة اخرى, كلها مجمولة في هاذي الكلمة: "تحب قريبك كيما نفسك".
10
لمحبة ما تديرش الشر للقريب, والمحبة هي كمالة الشريعة.
11
هاذا و راكم عارفين الوقت اللي احنا فيه, وصل الوقت باه تفيقوا من النوم, و الخلاص تاعنا ولى اقرب لينا ضرك من النهار اللي امنا فيه.
12
الليل قاعد يتسل و قريب يطلع النهار, خلينا نطرحوا علينا اعمال الظلمة و نلبسوا سلاح النور.
13
باه نمشيو كيما يليق بينا في النهار: موش بالتفرعين والشراب, و لا بالفجور و الفاحشة, ولا بالعراك و الحسد.
14
بالصح البسوا الرب يسوع المسيح, و ما تهتموش بالجسد و تبعوا الشهوة تاعو.
Chapter 14
1
و كي يكون واحد فيكم ضعيف في الايمان اقبلوه, و ما تحاسبوهش على افكارو,
2
كاين اللي قادر ياكل كل شيء و اما الضعيف ياكل برك الحبوب.
3
و كي يكون واحد ياكل كل شيء ما يستهزاش باللي ما يقدرش ياكل, و اللي ما ياكلش ما يلومش اللي ياكل, على خاطر هو مقبول عند الله.
4
شكون انت باه تحكم على غيرك؟ يثبت والا يسقط بينو و بين مولاه, بالصح راح يثبت, على خاطر الله قادر باه يثبتو.
5
كاين اللي حاط نهار مهم على الايام لخرى, و كاين اللي بالنسبة ليه الايام الكل كيف بعضاها. كل واحد حر في رايو:
6
اللي يراعي نهارعلى كل الايامات لخرى, هو يراعيه على جال الله. واللي ما يراعي حتى نهار, على جال الله ثاني, و اللي ياكل, يكرم في الله و يشكرو. و اللي ما ياكلش, ما ياكلش يكرم الله و يشكرو ثاني.
7
ما كانش واحد منا يعيش لنفسو هو, و ما كانش واحد يموت لنفسو هو.
8
على خاطر كان عشنا للرب نعيشوا, و كان متنا للرب نموتوا. عشنا و الا متنا احنا للرب.
9
على خاطر على هاذا الشيء مات المسيح و قام من بين الموتى, باه يسود على الحيين و الميتين.
10
كيفاه مالا انت, تحكم على خوك؟ و كيفاه تستهزى بخوك؟ احنا الكل راح نوقفوا قدام العرش تاع المسيح,
11
على خاطر جاء في لكتاب: "انا حي يقول الرب, ليّا تسجد كل ركبة, و بحمد الله يسبح كل لسان".
12
كل واحد منا راح يتحاسب على نفسو قدام الله. ما تكونش سبب لخوك باه يطيح,
13
و ما نحكموش على بعضانا, و اذا حكمنا نحكموا بهاذا الشيء: واحد ما يكون عثرة لخوه.
14
و انا عارف و متأكد باللي في الرب يسوع ما كانش حاجة ناجسة في ذاتها, غير اذا اعتبرتها انت ناجسة, تكون ناجسة ليك.
15
اذا كان سببت الحزن لخوك بسبة الماكلة تاعك, معناها انت ما مشيتش بالمحبة. ما تسببش بالماكلة تاعك لهلاك لخوك اللي على جالو مات المسيح.
16
ما تخليوش الناس يهدروا بالسوء على الصلاح تاعكم,
17
على خاطر الملكوت تاع الله ماهوش ماكلة وشراب, بالصح هو عدل وسلام و فرحة في الروح القدس.
18
و اللي يخدم المسيح في هاذا الشيء يرضى عليه ربي وعبادو.
19
خلينا مالا نخدموا الحاجة اللي فيها السلام, و اللي تبنينا مع بعضانا.
20
ما تهدّمش الشيء اللي عملو الله على جال الماكلة. لحوايج الكل طاهرة, بالصح موش مليح تكون عثرة لكاش واحد بالماكلة اللي تاكلها.
21
مليح ما تاكلش لحم و ما تشربش خمرو لا اي حاجة تعثر خوك و تضعفو.
22
عندك ايمان بالشيء الي راك تدير؟ خلي هاذا بينك و بين نفسك قدام الله! يا سعدو اللي ما يحكمش على روحو في الشيء اللي يشوفو مليح ليه.
23
بالصح كي واحد يشك يولي يحكم على روحو, على خاطر ما دارش هاذاك الشيء بالايمان. و اي حاجة ما هيش من الايمان تولي معصية.
Chapter 15
1
لازم علينا احنا القاويين في الايمان نستحملوا الضعف تاع الضعفاء في الايمان, و ما نحوسوش نرضيو ارواحنا.
2
كل واحد منا يعمل مجهود و باه يرّضي خوه للخير باه نبنيو بعضانا.
3
على خاطر المسيح ثاني ما طلبش الشيء اللي يرضيه هو و كيما جاء في الكتاب: "لمعايرة اللي عايروك بيها جات فيا انا".
4
و كل حاجة تكتبت قبل تكتبت باه نتعلموا منها, كيفاه يكون عندنا رجاء بالصبر و التشجيع.
5
و اله الصبر و التشجيع يعطينا نكونوا بيناتنا موحدين في الراي, كيما تعلمنا من يسوع المسيح,
6
باه تمدوا المجد لله الاب تاع يسوع المسيح. بقلب واحد و فم واحد.
7
مالا اقبلوا بعضاكم كيما قبلنا المسيح, باه نمدوا المجد لله.
8
نقول لكم : باللي المسيح يسوع ولى الخادم لاهل الختان, حتى يبين باللي الله صادق, و يوفي بالعاهد تاعو اللي وعدو لجدودنا.
9
واما الشعوب لخرين مجدوا الله على جال الرحمة, كيما جاء في الكتاب: "على هاذيك نسبح بحمدك بين الشعوب و نرتل لاسمك".
10
و يزيد يقول: "يا شعوب الارض افرحوا مع شعب الله".
11
وثاني: "يا كل الشعوب سبحوا ربي, وامدحوه يا كل الامم".
12
و يزيد يقول على لسان اشعياء: "يخرج عرق من اصل يسى ويقوم باه يسود على الامم, و عليه يكون رجاء الشعوب".
13
و اله الرجاء يملاكم بكل فرحة و سلام في الايمان, باه تزيدوا في الرجاء بالقوة تاع الروح القدس. الخدمة تاع بولس الرسول بين الامم
14
و انا من جيهتكم ثاني متأكد, يا خاوتي, باللي راكم معمرين بالخير, و فايضين بالعلم, قادرين تنصحوا بعضاكم.
15
بالصح كتبت لكم بعض الامور لهنا بجرأة اكثر, برك باه نفكركم, بالنعمة اللي عطاهالي ربي,
16
باه نكون خادم تاع المسيح للشعوب, و انا نبشر بالانجيل تاع الله كيما كاهن, باه يوليوْ الشعوب اللي من غير ليهود قربان مقدس مقبول عند الله بالروح القدس.
17
عندي الحق نفخر في المسيح يسوع بالخدمة تاعي لله.
18
على خاطر ما نقدرش نهدر على حاجة ما دارهاش المسيح بيّا باه الامم يطيعوا الله بالقول و بالفعل,
19
بقوة معجزات و آيات, بالقوة تاع روح الله. من اورشليم و ما داير بيها و وصلت حتى ل الليريكون, و كمّلت التبشير بانجيل المسيح.
20
و كنت ديما نحرص باه نبشر بالطريقة هاذي: وين الناس مازالوا ما سمعوش بالمسيح, باه ما نبنيش على ساس حطو واحد اخر.
21
ندير كيما جاء في لكتاب: "اللي عمرهم ما جاهم خبر عليه راح يشوفوه, و اللي عمرهم ما سمعوا بيه راح يفهموه".
22
على هاذيك كنت نتعطل قداه من مرة باه نجي عندكم. بولس حاب يزور روما
23
و انا ضرك ماعنديش خدمة في هاذيك الجوايه, بالصح من قداه من سنة و انا متشوق باه نجي عندكم.
24
و انشالله كي نعود رايح لاسبانيا نجيكم. نعدي عليكم وتشايعوني من لثمة. بعد ما ننعم بشوفتكم حتى لو كان شوية.
25
بالصح انا ضرك رايح لاورشليم باه نخدم الخاوة القديسين,
26
على خاطر اهل مكدونية و اخائية حبوا يتبرعوا ويعاونوا الخاوة المحتاجين اللي في اورشليم,
27
هما حبوا يعاونوا, و زيد هو دين في رقبتهم! على خاطر كي شاركوا جميع الامم في الخيرات الروحية, راح يزيدوا يشاركوهم في الخيرات الارضية ثاني.
28
و كي نكمل هاذي الخدمة, و نسلم لهم المعاونة تاع الخاوة, نعدي عليكم في طريقي لاسبانيا.
29
وانا عارف باللي كي نجي عندكم نجي بالفيض تاع البراكة تاع المسيح.
30
نطلب منكم يا خاوتي, بجاه ربنا يسوع المسيح, و بالمحبة تاع الروح, تجاهدوا معايا في الصلاة لله على جالي,
31
باه ربي يمنّعني من الناس اللي ماهمش مومنين في اليهودية, و ثاني باه تكون الخدمة تاعي على خاطر اورشليم مقبولة عند الخاوة القديسين,
32
حتى ن نجي عندكم و انا فرحان ان شاء الله, و نرتاح عندكم.
33
و الاله تاع السلام يكون معاكم اجمعين. امين.
Chapter 16
1
نوصيكم على اختنا فيبي, اللي تخدم في الكنيسية تاع كنخريا,
2
تقبلوها في المسيح كيما يليق بالخاوة القديسين, و تعاونوها في اي شيء تحتاجو منكم, على خاطر عاونت خاوة ياسر وعاوْنَتْني حتى انا ثاني.
3
سلموا على بريسكلا و اكيلا اللي يعاونوا فيّا في المسيح يسوع,
4
اللي عرّضوا حياتهم للخطر باه يمنعوني, و مش غير انا وحدي نشكرهم جميع الكنايس تشكرهم ثاني,
5
و سلموا على الكنيسية اللي في دارهم. سلموا على لحبيب ابينتوس, اول واحد قبل المسيح في اخائية.
6
سلموا على مريم اللي تعبت ياسر على جالنا.
7
سلموا على اندرونكوس و يونياس اللي هما من العايلة تاعي, و اللي كانوا معايا في الحبس, ومعروفين في وسط الرسل, بالصح همّا امنوا قبلي بالمسيح.
8
سلموا على اميلياس الحبيب في المسيح.
9
سلموا على اوربانوس اللي يعاون فينا في خدمة المسيح, و على استاخيس لحبيب.
10
سلموا على ابّولس اللي تزكى في المسيح. سلموا على اهل ارستوبولس كاملين.
11
سلموا على هيروديون اللي من العايلة تاعي. سلموا على اهل نركيسوس اللي همّا في الرب.
12
سلموا على ترفينا و تريفوسا اللي يتعبوا ياسر في خدمة الرب. سلموا على برسيس المحبوبة اللي تعّبت روحها ياسر في الخدمة تاع المسيح.
13
سلموا على روفس المختار في الرب, و سلموا على امو اللي هي كيما يوما.
14
سلموا على ااسينكريتس, و فليغون, وهرماس, و بتروباس, و هرميس, و على كل الخاوة اللي معاهم.
15
سلموا على فليلوغس و جوليا, و نيريوس و اختو, و اولمباس, و على كل الخاوة القديسين اللي معاهم.
16
سلموا على بعضاكم ببوسة مقدسة. تسلم عليكم الكنايس تاع المسيح كاملة. توصيات ختامية
17
نوصيكم يا خاوتي تديِوْ حذركم من الناس اللي يديروا المشاكل و الفُرقة, ويخرجوا على التعليم اللي تعلموه, هاذو الناس بعدوا عليهم.
18
على خاطر اللي كيما هاذوك ما يخدموش ربنا المسيح يسوع بالصح يخدموا كروشهم. بكلامهم المعسول و اقوالهم اللي تبان مليحة يخدعوا الناس الطيبين.
19
ما كانش واحد ما سمعش بالطاعة تاعكم, و انا فرحان بيكم, كونوا حكماء في الخير و ابرياء من جيهة الشر.
20
والاله تاع السلام ثم ثم يعّفس على الشيطان ويحطوا تحت رجليكم. النعمة تاع ربنا يسوع المسيح تكون معاكم اجمعين. امين.
21
يسلم عليكم تيموتاوس اللي يخدم معايا, و يسلم عليكم لوكيوس و ياسون و سوسيباترس اللي من العايلة تاعي.
22
انا ترتيوس اللي كتبت هاذي الرسالة بخط يدي, نسلم عليكم الكل في الرب.
23
يسلم عليكم غايس اللي مضَيفنا عندو احنا ولكنيسية كاملة. يسلم عليكم اراستس الخزناجي, و خونا كوارتس.
24
النعمة تاع ربنا يسوع المسيح معاكم كاملين. امين. تسبيح ختامي
25
نحمد ربي اللي قادر يثبتكم, على حساب الانجيل اللي سمعتوه مني و المناداة بيسوع المسيح, و كشف السر اللي كان مخبي من بكري خلاص,
26
ضرك ظهر و بان, و سمعوا بيه الشعوب الكل من الكتب تاع الانبياء كيما حب الله الدايم الوجود, حتى يطيعوه و يآمنوا بيه.
27
المجد لله الحكيم وحدو, بيسوع المسيح. -تْكتْبت لناس روما من كورنتوس على يد فيبي الخادمة تاع الرب في لكنيسية تاع كنخريا-
1 Corinthians
Chapter 1
1
بولس, المسمي رسول تاع يسوع المسيح كيما حب الله, والاخ سوستانس,
2
للكنيسية تاع الله اللي في كورنتوس, المقدسين في يسوع المسيح, المسميين قديسين مع جميع من يدعي باسم ربنا يسوع المسيح في كل مكان, ليهم و لينا:
3
نعمة ليكم و سلام من الله بابانا و الرب يسوع المسيح. الشكر
4
نشكر الهي دايما من جيهتكم على النعمة تاع الله اللي تمدت ليكم في يسوع المسيح ,
5
راكم في كل شيء استغنيتوا فيه ف كل كلمة و كل علم ,
6
كيما تثبتت فيكم االشهادة تاع المسيح ,
7
و زيد ما راكمش ناقصين في اي موهبة, ف الوقت اللي فيه تستناو يظهرربنا يسوع المسيح ,
8
اللي مزال يثبتكم حتى للآخر بلا لوم ف نهار ربنا يسوع المسيح.
9
الله راه مولى امانة اللي بيه عرضكم باه تدخلوا ف شركة ابنه يسوع المسيح ربنا. الانقسامات ف الكنيسية
10
بالصح انا نطلب منكم يا خاوتي , باسم ربنا يسوع المسيح , باه كلكم تكونوا كلمة واحدة , و ما يكونش بيناتكم فرقة , بالصح كونوا كاملين ف تخمام واحد و راي واحد ,
11
على خاطر سمعت عليكم يا خاوتي من عايلة خلوي بلي كاين بيناتكم عراك.
12
هذا واش راني نقصد: بلي كل واحد منكم يقول: " انا راني مع بولس", و" انا راني مع ابولس", و" انا مع صفا", و"انا مع المسيح".
13
واش مالا المسيح تفرق؟ بلاك بولس هو اللي تصلب على جالكم, والا باسم بولس تعمدتم؟
14
الحمدلله انا ما عمدت حتى واحد منكم غير كريسبس و غايس,
15
باه ما يقول حتى واحد اني عمدت الناس باسمي.
16
و عمدت ثاني بيت استيفانوس. فوق هاذوا مانيش عارف الا عمدت واحد اخر,
17
على خاطر المسيح ما بعثنيش باه نعمد بالصح بعثني باه نبشر, مش بالحكمة تاع الهدرة باه ما يتعطلش الصليب تاع المسيح. المسيح هو الحكمة تاع الله و القوة تاعو
18
على خاطر كلمة الصليب جهل عند الهالكين, بالصح عندنا احنا المسلكين راهي قوة الله,
19
على خاطر مكتوب: " نفني حكمة الحكماء, و نرفض فهامة الفاهمين".
20
وين راه الحكيم؟ وين راه الكاتب؟ وين راه اللي يجادل في هذا الزمان؟ مش الله يجهل الحكمة تاع هذا العالم؟
21
على خاطرالعالم في حكمة الله ما عرفش الله بالحكمة, الله شاف بلي خير يخلص المؤمنين بالجهالة تاع التبشير.
22
على خاطر ليهود يحوسوا على اية, و اليونانيين يطلبوا في الحكمة,
23
بالصح احنا رانا نبشروا بالمسيح مصلوب: عثرة لليهود, و جهالة لليونانيين!
24
بالصح للمدعوين: يهود و يونانيين, راه بالمسيح قوة الله و حكمة الله.
25
على خاطر جهالة الله احكم من الناس! و ضعف الله راه اقوى من الناس!
26
شوفوا للدعوة تاعكم يا خاوتي, ماكانش ياسر اللي راهم حكماء حساب الجسد, ماكانش ياسر الي راهم قويين, ما كانش ياسر الي راهم شرفاء,
27
بالصح الله خاير الجهال تاع هذي الدنيا باه يحشم الحكماء. و خاير الله الضعفاء تاع هاذي الدنيا باه يحشم القاويين.
28
و الله خايرالضعفاء تاع هاذي الدنيا و المحقورين و اللي غير موجود باه يبطل الموجود,
29
باه ما يفخر حتى واحد قدامو.
30
و منو انتم بالمسيح يسوع, الي ولى لنا حكمة من عند الله وبر و قداسة و فداء.
31
حتى كيما راه مكتوب: " اللي يحب يفخريفخربالرب".
Chapter 2
1
و انا كي جيتكم يا خاوتي , جيت بالصح مش بالكلام المزوق ولفهامة باه ننادي بيناتكم بالشهادة تاع الله,
2
على خاطر كنت عازم باه ما نعرف بيناتكم غير يسوع المسيح و زيد نعرفو مصلوب.
3
و انا كنت عندكم بالضعف و بالخوف و رعدة كبيرة.
4
و كلامي وتبشيري ما كانوش بكلام لفهامة تاع الناس بالصح بالقوة تاع الله.
5
باه ما يكونش ايمانكم مبني على الحكمة تاع الناس بالصح بالقوة تاع الله. الحكمة اللي من الروح القدس
6
بالصح رانا نتكلموا بالحكمة بين الفاهمين, بالصح ماهيش الحكمة تاع هذا الزمان, و لا هي من عند المتعظمين تاع هاذا الزمان اللي بلا فايدة.
7
بالصح رانا نتكلموا بالحكمة تاع الله في سر: الحكمة المخبية, اللي وجدها الله من قبل الدهور على جال مجد نا احنا.
8
اللي واحد من عظماء هذا الزمان ما علم بيها, على خاطر لو كان جاو عارفين ما كانوش يصلبو رب المجد.
9
بالصح كيما راه مكتوب: " الشيء اللي عمرو ما تسمع و اللي عمرو ما جا على بال بشر: الشيء اللي وجدوالله للناس اللي يحبوه".
10
و بينو لينا احنا بالروح تاعو. على خاطر الروح يميز كل شيء حتى اعماق الله.
11
على خاطر شكون من الناس يعرف امور الانسان غير الروح تاع الانسان اللي فيه؟ هكذاك امور الله مايعرفها حتى واحد غيرالروح تاع الله.
12
و احنا ما ديناش روح هذا العالم, بالصح ادينا الروح اللي من عند الله. باه نعرفوا لحوايج اللي تمدت لنا من عند الله,
13
اللي نتكلم بيها ثاني, مش بهدرة تعلمها الحكمة تاع الناس, بالصح بالشيء اللي يعلمو الروح القدس, قارنين الحوايج تاع الروح بالحوايج الروحية.
14
بالصح الانسان الطبيعي ما يقبلش الحاجات التي جاية من عند الروح تاع الله على خاطر يشوفها جهل, و ما يقدرش يعرفها على خاطر الشيء اللي يحكم فيها شيء روحي.
15
بالصح الروحي يحكم في كل شيء, بالصح هو واحد ما يحكم عليه.
16
" على خاطر شكون اللي يعرف فكر الله باه يعلمو للناس؟". بالصح بالنسبة لينا احنا عندنا فكر المسيح .
Chapter 3
1
و انا يا خاوتي ما قدرتش نكلمكم كيما ناس روحيين, بالصح نهدر معاكم كيما ناس جسديين كي اللي راكم اولاد صغار في المسيح,
2
شربتكم لحليب مش الماكلة, على خاطر مازلتوا ما تقدروش, و مازالكم حتى لضرك ما تقدروش,
3
و مازال راكم جسديين.على خاطر فيكم الحسد و العراك و التحزب, و الا ماراكمش جسديين وتمشيو حساب الناس؟
4
على خاطروقت اللي واحد يقول : "انا مع بولس" و واحد اخر يقول : "انا مع ابولوس" ماتكونوش جسديين هكذا؟
5
شكون هو بولس؟ و شكون هو ابولوس؟ هما برك خدام امنتوا على يديهم, و كيما مد ربي لكل واحد فيهم:
6
انا غرست و ابولوس سقى, بالصح الله هو اللي ينبت,
7
لا اللي يغرس راه حاجة ولا اللي يسقي, بالصح الله اللي ينبت.
8
كي الغارس كي الساقي, بالصح كل واحد يدي اجرو على حساب التعب تاعو.
9
احنا رانا خدامين مع الله وانتم راكم الفلاحة تاع الله, البنية تاع الله.
10
حساب النعمة تاع الله اللي مد هالي كيما بناي عندو لفهامة انا حطيت الساس, و واحد اخر يبني عليه. بالصح يتوله كل واحد كيفاه يبني عليه.
11
ما يقدرش واحد يحط ساس اخر غير هاذاك اللي تحط, يسوع المسيح.
12
بالصح اذا كان واحد يبني على هذا الساس: ذهب, فضة, جوهر, لوح, حشيش, قش,
13
كل واحد الخدمة تاعو راح تبان في يوم الحق. على خاطر بالنار راح يظهر, و النار هي اللي تخبرنا واش هي الخدمة تاع كل واحد.
14
و اذا واحد بقات الخدمة تاعو اللي بناها راح يدي عليها الاجر.
15
و اذا تحرقت الخدمة تاع كاش واحد راح يخسر اما هو يمنع, بالصح كي اللي بالنار.
16
ما علابالكمش بلي انتوما الهيكل تاع الله, و باللي الله يسكن فيكم؟
17
و الا كان واحد يفسد الهيكل تاع الله الله يفسدو, على خاطر الهيكل تاع الله مقدس اللي هو انتوما.
18
واحد ما يخدع روحو. اذا كان واحد بيناتكم حاسب روحو فاهم في هذا الزمان, خير يكون جاهل باه يولي فاهم!
19
على خاطر الحكمة تاع هذا الدنيا راهي جهل عند الله, على خاطر مكتوب:" اللي يدي الفاهمين بحيلتهم".
20
و ثاني:" ربي عارف تخمام الحكماء بلي راه باطل".
21
مالا حتى واحد من الناس ما يفخر! الحوايج الكل راهي ليكم:
22
بولس, و الا ابولوس, و الا صفا, و الا الدنيا, و الا الحياة, و الاالموت, و الا الحاجات الحاضرة, و الا الجاية. كل شيء راهو ليكم.
23
و اما انتوما راكم للمسيح, و المسيح لله.
Chapter 4
1
هكذا الانسان يحسبنا كيما الخدامين تاع المسيح, و المتوكلين على اسرار الله,
2
و المطلوب من المتوكلين يكونوا امناء.
3
و اما انا اقل حاجة عندي كي يتحكم عليا من جيهتكم, و الا من جيهة اي بشر, و حتى انا ما نحكمش على روحي.
4
على خاطرانا في ذاتي ما نحس بحتى شيء. مارانيش نتبرربهذا. بالصح اللي يحكم عليا هو الرب.
5
ما تحكموا على حتى حاجة قبل الوقت, حتى يجي الرب اللي ينور اعماق الظلام و يبين واش في القلوب. وقتها يكون الشكر لكل واحد من عند الله.
6
و هذا يا خاوتي جبتوا تشبيه على روحي وعلى ابولوس على جالكم, باه تتعلموا فينا احنا:" باه ما تحوسوش تفكروا فوق الشيء المكتوب", باه واحد ما ينفخ روحو على الاخر.
7
على خاطر واش يميزك انت؟ واش الحاجة اللي عندك و ما تمدلكش؟ و اذا كنت اديت, علاش مالا تفخر كي اللي ما ديتش؟
8
راكم شبعتوا! تغنيتوا! ملكتوا بلا بينا! و يا ريتكم ملكتوا باه نملكوا حتى احنا معاكم!
9
و راني نشوف بلي الله خلانا احنا الرسل لخرين, تقول محكوم علينا بالموت. على خاطر ولينا فرجة في العالم, عند الملايكة و عند الناس.
10
احنا جاهلين على جال المسيح, اما انتوما راكم حكماء في المسيح! احنا الضعاف, اما انتوما قاويين ! انتوما مكرمين, اما احنا رانا بلا كرامة!
11
حتى الساعة هاذي نعطشوا و نجوعوا ونتعراو و نتضربوا وما عندناش وين نسكنوا,
12
و نتعبوا خدامين بذراعاتنا. كي يسبونا نباركوا. و كي يقهرونا نستحملوا .
13
و كي يكذبوا علينا نوضحوا, ولينا كي الخماج تاع الدنيا والوسخ تاع كل شيء حتى لضرك.
14
ما كتبتش هذا باه نحشمكم, بالصح كيما اولادي لعزاز عليا نوصيكم.
15
على خاطر حتى لو كان عندكم الاف المرشدين في المسيح, بالصح ما عندكمش اباء ياسر. على خاطر انا ولدتكم في المسيح يسوع بالانجيل.
16
و نطلب منكم تكونوا متشبهين بيا.
17
على هاذيك بعثت لكم تيموتاوس, اللي راهو وليدي لحبيب و الامين في الرب, الي يفكركم بالطرق تاعي في المسيح كيما راني نعلم في كل مكان, و في كل كنيسية.
18
و ناس منكم نفخوا ارواحهم حسبوا بلي مانيش راح نجيهم.
19
بالصح انا قريب نجيكم ان شاء الله. و نشوف القوة تاع الناس الي نفخوا ارواحهم موش لكلام تاعهم.
20
على خاطر ملكوت الله ماهوش بالهدرة, راه بالقوة.
21
واش حابين؟ نجيكم بالعصا والا بالمحبة والعقالة؟.
Chapter 5
1
راه شاع لخبر بلي بيناتكم كاين زنى. و زنى كيما هذا ماكانش منو حتى في وسط الامم, بلي راجل منكم يعاشر في مرت باباه.
2
و هكذاك راكم تنفخوا في رواحكم و تتكبروا, كان خير ليكم تنوحوا حتى يتنحى من وسطكم اللي عمل هذا الشيء؟
3
و انا كان كنت غايب عليكم, بالصح راني حاضر معاكم بالروح, و كي اللي راني حاضر حكمت على اللي عمل هذا الشيء, هكذا:
4
باسم ربنا يسوع المسيح -كي تتلموا انتم مع بعضاكم و روحي معاكم مع القوة تاع ربنا يسوع المسيح -
5
يتسلم هذا الشخص للشيطان باه يهلك جسمو, بالصح الروح تاعو تخلص في النهار تاع يسوع.
6
الفخرة تاعكم ماهيش مليحة. علاه ما علابالكمش بلي "خميرة صغيرة تخمر العجينة كاملة؟ "
7
امالا نقيو من ارواحكم لخميرة لقديمة, باه تكونوا عجينة جديدة كيما راكم انتوما فطير. على خاطر الفصح تاعنا المسيح حتى هو تذبح على جالنا.
8
خلينا نعيدوا امالا ماشي بخميرة قديمة, و لا بخميرة الشر و لخبث, بالصح بفطير الامانة و الحق.
9
كتبت لكم في لبرية لولى باه ما تخالطوش الزانيين.
10
و مانيش خلاص نحكي على الزانيين تاع هاذا العالم, و الا الطماعين, والا السراقين, و الا اللي راهم يعبدوا في الاوثان, لو كان هكذا لازمكم مالا تخرجوا من العالم!
11
بالصح انا هذا واش كتبت لكم: اذا كان واحد مسمي اخ و هو زاني و الا طماع و الا عابد اوثان و الا شتام و الا يشرب والا سراق, هاذوا باه ما تخالطوهمش و حتى الماكلة ما تاكلوش معاهم.
12
على خاطر واش يهمني حتى نحاسب الناس اللي برى؟ ياخي انتوما تحاسبوا الناس اللي من الداخل؟
13
اما اللي من بري الله هواللي يحاسبهم."امالا اعزلوا الخبيث من بيناتكم ".
Chapter 6
1
كيفاه يقدر الواحد منكم اللي عندو دعوة على خوه يروح يشارع عند الظالمين, و مش عند القدبسين؟
2
ما علابالكمش بلي القديسين هما اللي راح يحكموا على العالم؟ اذا كان العالم راح يتحكم عليه بيكم, كيفاه ما تكونوش قادرين على الشروعات الصغيرة؟
3
ما علابالكمش بلي احنا راح نحكموا حتى على الملايكات؟ نبداو قبل بأمور هاذي الدنيا!
4
اذا كان عندكم شروعات في هاذي الدنيا, قعدوا آخرالناس في الكنيسية باه يكونوا هما الجواج!
5
و باه نزيد نحشمكم نقول. كيفاه هكا ماكانش بيناتكم حتى واحد حكيم, حتى واحد يقدر يقضي بين خاوتوا؟
6
بالصح راه الخو يشارع خوه, و زيد عند الغير مومنين!
7
راه عيب كبير, على خاطر عندكم شروعات بيناتكم. علاش مالا ما تزيدوش تظلموا و خلاص؟ علاه ما تزيدوش تسرقوا؟
8
بالصح انتوما تظلوا و تسرقوا في خاوتكم!
9
علاه ما علابالكمش بلي الظالمين ما يورثوش الملكوت تاع الله؟ ما تغلطوش. لا اللي زانيين و لا اللي يغبدوا في لوثان و لا اللي فاسقين ولا الي مأبونين ولا اللي شواذ,
10
و لا السراقين ولا الطماعين و لا اللي يسكروا و لا اللي يسبوا و لا اللي يخطفوا يورثوا ملكوت الله.
11
و كاين ناس منكم كانوا هكذا. بالصح تغسلتوا, و زيد تقدستوا, و اكثر من هاذا تبررتوا بإسم الرب يسوع و بالروح تاع إلاهنا. مجدوا ربي في ابدانكم و في أرواحكم
12
"الحوايج كاملة حلال عليا", بالصح مش كل الحوايج تليق بيا. "الحوايج كاملة حلال عليا", بالصح حتى حاجة ما تتسلط عليا.
13
الطعام للكرش و الكرش للطعام, و الله راح يفني هاذا و هاذاك. البدن ماهوش للزنا بالصح لله. و الله للبدن.
14
والله قوّم الرب من الموت, و راح يقيمنا احنا ثاني بالقوة تاعو.
15
ما علابالكمش بلي اجسادكم هي لعضاء تاع المسيح؟ كيفاه ندي انا اعضاء المسيح و نجعلها اعضاء زانية؟ حاشا!
16
كيفاه ما تعرفوش بلي اللي يلصق بواحدة زانية بولي جسد واحد هو و ياها؟ على خاطر يقول:" يكونوا لثنين جسد واحد".
17
و اما من لصق بربي يولي هو و ياه روح واحد.
18
اهربوا من الزنا. كل معصية يديرها الانسان هي بعيدة على البدن. بالصح اللي يزني يغلط في حق بدنو.
19
و الا ما علابالكمش بلي البدن تاعكم هو هيكل للروح القدس اللي راه فيكم, و اللي تمد لكم من عند الله و بلي راكم ما كمش ملك ارواحكم؟
20
على خاطرتشريتوا بثمن. مالا مجدوا الله في اجسامكم و في ارواحكم اللي هي لله.
Chapter 7
1
واما من جيهة الامور اللي كتبت لكم عليها: يكون مليح للراجل كي ما يمس حتى مرى.
2
بالصح على جال سبة الزنا, مليح كل واحد تكون عندو المرى تاعو, و كل واحدة يكون عندها راجلها.
3
على الراجل يمد لمرتو حقها اللازم,
4
وحتى لمرى ثاني تمد حق راجلها. لمرى ما عندهاش حق على جسمها بالصح راجلها هو اللي عندو الحق هاذا و حتى الراجل ما عندوش هو ثاني حق على جسمو بالصح مرتو هي اللي عندها الحق هاذا.
5
واحد ما يتعدى على الحق تاع لاخر, غير كي تكونوا متفقين, لمدة باه تفرغوا ارواحكم للصوم و الصلاة, و بعدها ترجعوا لعلاقتكم كيما موالفين باه ما يجربكمش الشيطان في النزاهة تاعكم.
6
بالصح هاذا الشيء انا نقولوا برك كيما نصيحة ما هوش امر.
7
انا ما دابيا الناس الكل كيما انا. بالصح كل واحد و الموهبة اللي مدهالو الله. كل واحد كيفاه.
8
بالصح نقول للناس اللي ما همش متزوجين و للناس الارامل, مليح لوكان يبقاو كيما انا.
9
بالصح الا ما قدروش يتحكموا في ارواحهم, يتزوجوا خير. على خاطر الواحد يتزوج خير من يبقى محروق.
10
بالصح الناس المتزوجين, نوصيهم, موش من عندي لكن من عند ربي, ما تفارقش لمرى راجلها,
11
و الا كان فارقاتو, تبقى بلا زواج, و الا تتصالح مع راجلها. و الراجل ما يخليش المرى تاعو.
12
اما الي بقاو, انا نقول لكم, ماشي الرب: اذا كان واحد اخ مؤمن و عندو مرتو ماهيش مآمنة, بالصح راضية تبقى معاه, ما يسمحش فيها.
13
و لمرى اللي راجلها ماهوش مآمن, بالصح هو راضي يبقى معاها, ما تسمحش فيه.
14
على خاطر الراجل اللي ماهوش مآمن يتقدس في مرتو المومنة, و لمرى اللي ماهيش مآمنة, تتقدس في راجلها المومن. و لو كان ما يكونش هكذا يوليو لولاد منجسين, بالصح ضرك راهم مقدسين.
15
بالصح اللي ما هوش مومن منهم و حاب يفارق, يفارق. الاخ و الاخت ما همش ملزمين في احوال كيما هاذي, وبالصح الله هو اللي نادى علينا في السلام.
16
على خاطر كيفاه تعرفي اختي لمرى بلي انتي تكوني سبة باه يتخلص راجلك؟ و لا كيفاه تعلم خويا الراجل بلي انت تكون سبة باه تتخلص مرتك؟
17
بالصح كل واحد, يمشي على حساب واش كتبلو ربي كيما ناداه. و هكا انا نوصي كل الكنائس.
18
اذا كان واحد ناداه ربي و هو مختن. ما يرجعش اغلف. و اذا كان واحد ناداه ربي وهو اغلف, ما يتختنش.
19
على خاطرما هيش حاجة مهمة لا الطهارة و لا غيرها, بالصح كي نحفظوا لوصية تاع الله.
20
كل واحد يثبت على الدعوة اللي دعاه الله عليها.
21
اذا ناداك ربي و انت عبد ما يهمكش. بالصح اذا كان قدرت تولي حر خيرلك تديرها.
22
على خاطر اللي ناداه ربي وهو عبد. يولي متحرر من عند ربي. و ثاني حتى الحر اللي ناداه ربي وهو عبد المسيح, راح حر بالرب.
23
راكم تشريتوا بثمن, ما توليوش عبيد عند الناس.
24
و كل واحد كيما ناداه الله يا خاوتي يثبت كيما راه مع الله, اللي ماهمش متزوجين و الارامل
25
بالصح للصبايا, ماعندي حتى حاجة من عند الرب نقولها فيهم, بالصح نمد رايي على خاطر ربي رحمني و جعلني امين.
26
انا نظن على حساب الضروف اللي نعيشوها ضرك, خير لو كان الواحد يكون هكذا:
27
اذا راك متزوج! ما تطلبش الانفصال. و اذا راك منفصل بلا مرى! ما تحوسش على مرى.
28
بالصح الا كان تتزوج ما تكونش غالط. و الا كان تتزوج الصبية ثاني ما هيش غالطة. بالصح هكذا يكون لهم ضيق في اجسامهم. وبالصح انا نحن عليهم برك.
29
يا خاوتي هذا واش نقول لكم: راه الوقت يٌقرب, على هذا الناس اللي عندهم نساء يتصرفوا كي اللي ما عندهمش,
30
و اللي يبكيو كي اللي راهم ما يبكيوش, و اللي يفرحوا كي اللي راهم ما يفرحوش, و اللي يشريو كي اللي راهم ما يملكوش,
31
و اللي عندهم في هاذي الدنيا كي اللي ماعندهمش. على خاطر هاذي الدنيا فانية.
32
و ما دابيا ما تكونوش مقلقين, اللي ماهوش متزوج يخمم في لحوايج تاع ربي و كيفاه يرضي ربي,
33
بالصح المتزوج يخمم في هموم الدنيا و كيفاه يرضي مرتو.
34
و المرى المتزوجة ما هيش كي الصبية: اللي ما هيش مزوجة تخمم في لحوايج تاع ربي و كيفاه تكون مقدسة روح و جسد. و المتزوجة تخمم في الدنيا و كيفاه ترضي راجلها.
35
هذا نقولو على جال الفايدة تاعكم, مش باه ندير لكم فخة, بالصح باه توصلوا للشيء اللي يليق بيكم و تخليو اهتمامكم كامل بربي وبلا تشويش.
36
بالصح اذا كان الواحد شايف بلي راه يغلط في حق روحو اذا كان فاتو الوقت, و شاف بلي لازم, خير يعمل واش حاب, على خاطر ما يغلطش كان تزوج.
37
بالصح اللي معول في قلبو, وماهوش مضطر, و يقدر يتحكم في روحو, و عول على هذا في قلبو باه يبقى بلا زواج, يعمل مليح.
38
أمالا, اللي يتزوج يعمل مليح, و اللي يبقى بلا زواج خير و خير.
39
لمرى مرتبطة بالشرع ما دام راجلها حي. بالصح اذا كان مات راجلها, هي حرة باه تتزوج بلي تحب, بالصح برك في الرب.
40
بالصح تكون مرتاحة لو بقات كيما راهي, حساب رايي. و نضن بلي حتى انا عندي الروح تاع الله.
Chapter 8
1
الماكلة اللي يقدموها ذبيحة للاوثان و من جيهة الشيء اللي يتذبح للاوثان: معلوم باللي كلنا عندنا لفهامة. الفهامة تنفخ, بالصح لمحبة تبني.
2
اذا كان واحد حاسب روحو باللي عارف حاجة او مازال ما عارف والو كيما لازم.
3
بالضح اذا كان واحد يحب الله, هاذا او معروف عندو.
4
من جيهة الماكلة تاع لحوايج اللي تذبحت للاوثان: احنا نعلموا باللي ما كاين حتى وثن في هاذا العالم, و باللي ما كاين حتى اله واحد اخر غير واحد.
5
على خاطر كان وجدت اللي تتسمى آلهة, كان في السماء و الا فوق لرض, كيما كاين آلهة ياسر و ارباب ياسر.
6
بالصح لينا احنا الله واحد: الاب اللي منو كل شيء, و احنا ليه. و رب واحد يسوع المسيح اللي بيه جميع الاشياء, و احنا بيه.
7
بالصح مش العلم عند الناس الكل. كاين ناس عتندهم ضمير من جيهة الوثن و همَا ياكلوا كيما اللي تذبح للوثن, و على خاطر ضميرهم ضعيف يتنجس.
8
على خاطر الماكلة ما توثلناش لله, كان كلينا ما عندنا ما نزيدوا و كان ما كليناش ما عندنا ما ننقصوا.
9
بالصح اتولهوا باه ما تكونش الحرية تاعكم هاذي فخة للناس الضعاف.
10
على خاطر لو كان واحد ما يعرفش و يشوفك قاعد تاكل في ماكلة تاع الاوثان, يتشجع و هو ضعيف و ياكل من الشيء تاع الاوثان؟
11
يولي خوك الضعيف اللي مات المسيح على جالو يتهلك بسبتك انت.
12
و هكا تغلطوا في حق خاوتكم و تجرحوا شميرهم الضعيف, و تغلطوا في حق المسيح.
13
على هاذا اذا كانت الماكلة تطيح خويا ما ناكلش اللحم خلاص, باه ما نعثرش خويا.
Chapter 9
1
علاه مانيش انا رسول؟ مانيش حر أنا؟ علاه أنا ماشفتش يسوع المسيح ربنا؟ وانتم مش الخدمة تاعي في الرب؟
2
اذا كنت مانيش رسول للاخرين, أنا ليكم انتم رسول! على خاطر انتوما هما الختم تاع رسالتي في الرب.
3
هذا هو دفاعي عند اللي حاطين عليا بالعين:
4
بلاك تحسبوا بلي احنا ما عندناش الحق ناكلوا و نشربوا؟
5
بلاك حاسبين ما عندناش الحق نجولوا باخت تكون زوجة لينا كيما الرسل لخرين و خاوة الرب و بطرس؟ وإلا
6
غير أنا و برنابا ما عندناش الحق باه ما نخدموش؟
7
شكون اللي يتجند في حاجة و يكون مصروفو على حسابو هو؟ شكون اللي يغرس كرمة ومن فاكيتها ما ياكلش؟ شكون اللي يرعى رعية و من حليبها ما يشربش؟
8
بلاك راني هنا نتكلم كيما انسان؟ و علاه ماشي حتى الشرع يقول هكا؟
9
راه مكتوب في الشرع تاع موسى:" ما تحطش كمامة على فم الثوروهو يدرس". بلاك الله تهمو الثيران؟
10
ولا ما قالش هذا على جالنا؟ راه مكتوب على جالنا احنا. اللي يحرث يحرث وهو يامل, و اللي يدرس يامل باه يكون شريك في الرجاء.
11
اذا كنا أحنا زرعنا لكم حوايج روحية, يكون ياسر علينا نحصدوا منكم حوايج مادية؟
12
حتى لو كان كاين وحايد اخرين عندهم حق عليكم, مش أحنا اولى؟ بالصح أحنا ما استعملناش هذا الحق, و استحملنا كل شيء باه ما نكونوش عثرة لإنجيل المسيح.
13
علاه ما علابالكمش بلي اللي يخدموا في الحوايج المقدسة, ياكلوا من الهيكل؟ و اللي يلازموا المذبح يشاركوا في الذبايح؟
14
و حتى هكذا ثاني جاء أمر ربي: اللي يخبروا بالإنجيل. من الإنجيل يعيشوا.
15
بالصح انا ما استعملت حتى حق من هذا. و لا كتبت هذا باه يولي عندي حق. على خاطر نخير نموت و ما يحكي حتى واحد عليا بحاجة موش مليحة.
16
و إذا كنت نبشر موش باه نَّعت روحي, بالصح على خاطرها حاجة لازمة عليا نديرها, و يا ويلي لو كان ما نبشرش.
17
ؤ إذا كنت ندير هذا بجونتي عندي أجر, بالصح إلا بالسيف عليا يولي كاين شكون وكلني على أمانة.
18
إمالا واش هو الأجر تاعي؟ حتى و أنا نبشر جعلت إنجيل المسيح بلا نفقة, و حتى ما استعملتش حقي في الإنجيل.
19
و أنا على خاطر حر نفسي من الناس الكل, جعلت نفسي عبد للناس الكل باه نربح ناس ياسر.
20
وليت لليهود يهودي باه نربح ليهود. و للناس اللي تحت حكم الشريعة كي اللي راني كيفهم تحت الشريعة باه نربحهم.
21
و للناس اللي بلا شريعة كي اللي راني بلا شريعة -رغم اللي أنا مانيش بلا شرع الله, بالصح راني تحت شريعة المسيح - باه نربح اللي ماعندهمش شريعة.
22
وليت ضعيف للضعاف باه نربحهم, وليت لكل الناس كلشيء, باه كاش ما جماعة تتخلص.
23
و هذا الشيء أنا نديروا على خاطر الإنجيل, باه نكون شريك فيه.
24
ياخي على بالكم بلي اللي يشاركوا في السباق كلهم يجريو, بالصح غير واحد برك اللي يفوز؟ هكا انتم ثاني اجريو باه تنالوا.
25
و كل واحد يجاهد تلقاه يسيطر على روحو في كل شيء. بالصح هاذوك تاع السباق يديو تاج يفنى, بالصح التاج تاعنا احنا ما يفناش,
26
امالا انا نجري هكا كي اللي عندي ضمان. و هكا نتضارب كي اللي ما نضربش في الهواء.
27
و نقمح جسمي و نذلو, باه مانوليش انا مرفوض بعد ما بشرت للخرين.
Chapter 10
1
ما دابيا يا خاوتي ما يخفاش عليكم بلي جدودنا الكل كانوا تحت السحابة, و بلي كلهم عداو في لبحر,
2
و كلهم تعمدوا على يد موسى في السحابة وفي لبحر,
3
و جميعهم كلاو ماكلة روحية واحدة,
4
و جميعهم شربوا شربوا شراب روحي واحد, على خاطر كانوا يشربوا من حجرة روحية كانت تَّبع فيهم, وهاذي الحجرة كانت هي المسيح.
5
بالصح الاغلبية منهم ما رضاش الله عليهم, على خاطر طرحهم في الصحراء.
6
و هاذي الامور كلها صرات باه تكون مثَل لينا احنا, باه مانكونوش احنا عندنا شهوة للشرور كيما كانت عند هم هما.
7
ماتكونوش من اللي يعبدوا الاوثان كيما كانوا وحايد منهم, كيما راه مكتوب :"قعد الشعب للماكلة والشراب, ومن بعد وقفوا للزهو".
8
و ما تزنيش كيما زناو ناس منهم, حتى فنى في نهار واحد ثلاثة وعشرين ألف منهم.
9
و ما نجربوش المسيح كيما جربوه ناس منهم, حتى هلكتهم الحنوشة.
10
و ما تتدمروش عليه كيما داروا وحايد منهم, حتى اداهم الهلاك.
11
وهاذي الامورالكل اللي صابتهم هي دروس لينا, و تكتبت باه تحذرنا أحنا اللي وصلت لينا آخرة الزمان.
12
مالا اللي حاسب روحو ثابت, يحرز لا يطيح.
13
ما تصيبكم حتى محنة الا و كانت بشرية. بالصح الله امين, ما يخليكمش تتجربوا فوق جهدكم, على خاطر يجعل مع المحنة مخرج, باه تقدروا تستحملوا.
14
علاها يا لحباب اهربوا من العبادة تاع الاوثان. الزردة تاع لوثان و لعشاء تاع الرب
15
اللي نقولو كيما للناس الفاهمين: احكموا انتوما في واش نقول:
16
الكاس تاع البراكة اللي نباركوها, ماهيش هي الشركة تاع دم المسيح؟ و الخبز اللي نقسموه, ماهوش هو البدن تاع المسيح؟
17
و احنا اللي رانا ياسر خبز واحد, بدن واحد. على خاطر كلنا نتشاركوا في الخبز الواحد.
18
شوفوا لاسرائيل على حساب الجسد. اللي ياكلوا الذبايح ماهمش شركاء تاع المذبح؟
19
واش نقول مالا؟ الصنم عندو قيمة, و الا الشيء اللي تذبح للصنم عندو قيمة؟!
20
و زيد الشيء اللي يذبحوه الامم راهم يذبحوه للشواطن, مش لربي. و انا ما نحبش تكونوا شركاء تاع الشواطن.
21
ما تقدروش تشربوا كاس ربي و كاس الشواطن. و ما تقدروش تشاركوا في مايدة ربي و مايدة الشواطن.
22
و الا نحبوا نغيروا ربي؟ بلاك رانا اقوى منو؟ الحرية تاع المومن
23
"كل شيء حلال عليا", بالصح ماشي كل لحوايج تصلح." كل شيء حلال عليا", بالصح ماش كل لحوايج تبني.
24
ما يحوسش الواحد غير على روحو برك, بالصح خلي كل واحد يشوف واش يساعد لخرين.
25
كل ما يتباع عند الجزار كلوه بلا ما تحوسوا تفهموا, على جال الضمير
26
على خاطر"ربي ليه لرض و ما فيها".
27
و اذا كان واحد من غير المومنين استدعاكم, و حبيتوا تروحوا, كول من الشيء اللي يحطلك بلا ما تحوس تفهم, على جال الضمير.
28
بالصح اذا كان قاللكم واحد: "هاذا مذبوح للوثن" ما تاكلوش على جال هاذاك اللي خبركم, وعلى جال الضمير. على خاطر" ربي ليه لرض و ما فيها".
29
و كي نقول" الضمير"ما نحكيش على ضميرك انت, بالصح الضمير تاع لاخر. على خاطر و علاش يحكم فيا ضمير تاع واحد اخ؟
30
اذا كنت انا ناكل و نشكر, علاش واحد اخر يحاسبني على الشيء اللي نشكر عليه؟
31
و اذاكنتوا تاكلوا و الا تشربوا و مهما واش كنتوا تعملوا, اعملوا كل شيء للمجد تاع الله.
32
كونوا بلا غلطة لليهود و لليونانيين و للكنيسية تاع ربي.
33
كيما انا راني نرضي في الناس الكل في كل شيء, و ما نشوفش واش يساعدني انا بالصح واش يساعد لخرين, باه يتخلصوا حتى هما.
Chapter 11
1
اتمثلوا بيا كيما راني أنا متمثل بالمسيح. العبادة كيما تليق
2
يا خاوتي انا راني نشكر فيكم على خاطر ديما تتفكروني في كل شيء, و تعملوا بالتعليم اللي سلمتهولكم.
3
بالصح ما دابيا تعرفوا بلي الراس تاع كل راجل هو المسيح, و الراس تاع لمرى هو الراجل, و راس المسيح هو الله.
4
لو كان الراجل يصلي و الا يتنبأ و هو مغطي راسو, يطيح بروحو.
5
و اما كل مرى تصلي ؤ الا تتنبأ و راسها عريان, تتطيح بروحها, على خاطركيما هي كيما اللي محفة شعرها خلاص.
6
و المرى اذا كانت ما تغطيش راسها مالا تقص شعرها, و على خاطر عيب على المرى تقص شعرها و الا تحفوا خلاص, مالا تغطيه.
7
و الراجل مالازمش يغطي راسو على خاطرو يمثل الصورة تاع الله و المجد تاعو. بالصح لمرى هي المجد تاع الراجل.
8
على خاطر الراجل ما تخلقش من لمرى بالصح لمرى هي اللي تخلقت من الراجل.
9
و على خاطر الراجل ما تخلقش على جال لمرى, بالصح لمرى هي اللي تخلقت على جال الراجل.
10
على هذا لازم على لمرى تحط حاجة على راسها, على جال لملايكات.
11
بالصح الراجل ماهوش اقل من لمرى, و لا لمرى اقل من الراجل في الرب.
12
على خاطر كيما راهي لمرى من الراجل, و ثاني الراجل هو بالمرى. بالصح لحوايج الكل هي من عند ربي.
13
احكوا انتوما وحَّدكم: يليق بالمرى تصلي لله وهي راسها مكشوف؟
14
شوفوا هاي الطبيعة وحدها تعلمكم بلي عيب على الراجل كي يطول شعرو و الا لا؟
15
بالصح لمرى الا كانت تطول شعرها يولي فخرة ليها, على خاطر الشعر تمد في عوض غطاء.
16
بالصح كان واحد يحب يتخاصم, احنا ماناش موالفين على هذا الشيء, و لا حتى الكنيسية تاع الله. لعشاء تاع الرب
17
و بالصح انا كي نوصيكم على هاذا, ما نيش نشكر فيكم, على خاطر كي تتلموا مش باه تديروا حاجة مليحة بالصح بالعكس.
18
على خاطر اول حاجة كي تتلموا في الكنيسية, نسمع بلي بيناتكم انقسامات, و نصدق شوية,
19
على خاطر لابد يكون بيناتكم حتى البدع ثاني, باه يكونوا المخيرين فيكم باينين.
20
و كي تتلقاو مع بعضاكم مش باه تاكلوا لعشاء تاع الرب,
21
على خاطر كل واحد يسبق و يدي عشاه من الماكلة, الواحد يجوع و لاخر يسكر. و
22
علاه ماعندكمش ديار تاكلوا و تشربوا فيها؟ و الا تحقروا الكنيسية تاع الله و تحشموا الناس اللي ما عندهمش؟ واش نقول لكم؟ تحبوا نشكركم على هاذا الشيء؟ لا ما نشكركمش!
23
على خاطر الشيء اللي تسلمتو من عند ربي نسلمهولكم ثاني: بلي الرب يسوع في الليلة اللي سلموه فيها. هز خبز
24
و صلى و قسم, و قال: "هاكم كولوا هاذا هو الجسد تاعي المكسور على جالكم. اعملوا هاذا باه تتفكروني".
25
و ثاني حتى الكاس بعد ما تعشاو, و قال: " الكاس هاذي هي العاهد الجديد بالدم تاعي. اعملوا هاذا كلما شربتوا باه تتفكروني".
26
على خاطر كل ما كليتوا هاذا الخبز و شربتوا هاذا الكاس, تخبروا بالموت تاع الرب حتان يجي.
27
امالا كل من كلا من هذا الخبز, و الا شرب من الكاس تاع الرب, بلا ما يستاهل, يكون مذنب في حق جسد الرب و الدم تاعو.
28
بالصح على كل واحد يفحص روحو, و من بعد يقدر ياكل من الخبز و يشرب من الكاس.
29
على اللي ياكل و يشرب بلا ما يستاهل ياكل و يشرب دينونة على روحو, بلا ما يميز الجسد تاع الرب.
30
على جال هذا فيكم ياسر مرضي و ياسر راقدين.
31
على خاطر كان حكمنا احنا على ارواحنا واحد ما يحكم علينا,
32
و بالصح كي فات منو وتحكم علينا, نترباو من عند الرب باه ما نتحاسبوش مع الناس لخرين.
33
امالا يا خاوتي, وقت اللي تتلموا باه تاكلوا, استناو بعضاكم.
34
واذا واحد يجوع ياكل في دارو, باه كي تتلموا ما تحكموش على بعضاكم. و الامور لخرى الي بقات كي نجي نفرزها.
Chapter 12
1
ومن جيهة المواهب الروحية يا خاوتي ما دابيا ما يخفاش عليكم.
2
علابالكم بلي قبل كنتوا من الامم تمشيو وراء الاصنام الي ما تهدرش, كيما كنتوا تتبعوا.
3
على هاذيك نخبركم بلي ما كانش واحد و هو يتكلم بالروح تاع الله يقول: " يسوع اناثيما". و ماكانش واحد يقدر يقول: " يسوع رب" غير بالروح القدس.
4
كاين انواع تاع المواهب, بالصح الروح واحد.
5
و كاين انواع تاع خدمات, بالصح الرب واحد.
6
و كاين انواع تاع اعمال, بالصح الله واحد, و هو اللي يعمل الكل في الكل.
7
و بالصح لكل واحد يمدلو كيفاه يظهر فيه الروح على جال المنفعة.
8
يمد لواحد كلام تاع الحكمة بالروح, و يمد لواحد اخر كلام تاع العلم حساب الروح الواحد.
9
و لواحد اخر يمد الايمان بالروح الواحد, و لاخر مواهب تاع الشفاء بالروح الواحد,
10
و لواحد اخر يمدلو يدير المعجزات. و اخر نبوءة, و واحد اخر يمدلو كيفاه يميز الارواح, و اخر انواع تاع لغات, و واحد يمدلو الترجمة تاع اللغات.
11
بالصح هاذي كلها يعملها الروح الواحد بذاتو, كيما يحب. جسم واحد و اعضاء ياسر
12
على خاطر كيما الجسم هو واحد بالصح عندو اعضاء ياسر, و الاعضاء تاع الجسم الواحد حتى لو كانت ياسر هي جسم واحد, هكذاك المسيح ثاني.
13
على خاطر كلنا بروح واحد تعمدنا كلنا لجسم واحد, يهود و الا يونانيين, عبيد و الا احرار, كلنا شربنا روح واحد.
14
و حتى الجسم ثاني ماهوش عضو واحد بالصح هو اعضاء ياسر.
15
و اذا كان الرجل قالت: "على خاطر مانيش يد, مالا انا مانيش من الجسد". مالا هكذا تقدر ما تكونش من الجسد؟
16
و اذا الوذن قالت: "على خاطر مانيش عين, ما نيش من الجسد" مالا هكذا تقدر ما تكونش من الجسد؟
17
لو كان جاء الجسم كامل عين, وينو السمع؟ و لو كان جاء الكل سمع, وينو الشم؟
18
بالصح الله حط الاعضاء في الجسم كل واحد منها كيما حب.
19
بالصح لو كان تكون كلها عضو واحد, وينو الجسم؟
20
على هذا كاين اعضاء ياسر بالصح الجسم واحد.
21
ما تقدرش العين تقول لليد: "انا ما نحتاجش ليك!". و الا الراس يقول للرجلين: "انا ما نحتاجكمش!".
22
و زيد الاعضاء تاع الجسم اللي تبان هي الضعيفة هي اللي ضرورية.
23
و الاعضاء تاع الجسم اللي نحسبوها ما عندها حتى قيمة هي اللي نمدولها قيمة اكبر. و الاعضاء اللي ما هيش مليحة فينا عندها جمال احسن.
24
و هاذيك اللي مليحة ما نحتاجوش ليها. بالصح الله خلط الجسم, و الناقص هو اللي اعطاه قيمة خير على الاخرين.
25
باه ما يكونش انقسام في الجسم, بالصح كل الاعضاء يكون عندها اهتمام واحد مع بعضاها.
26
و اذا كان واحد يتألم كل الاعضاء تتألم معاه. و اذا كان عضو واحد يزيد شانو كل الاعضاء تفرح معاه.
27
بالصح انتوما راكم الجسد تاع المسيح و الاعضاء تاعو بالواحد.
28
ربي حط ناس في الكنيسية: في لول, الرسل, ومن بعدهم لنبياء, و من بعدهم المعلمين, و من بعدها تاع المعجزات, و بعدهم تاع مواهب الشفاء, و خدام, و مدبرين, و انواع تاع لغات.
29
يا ترى كلهم رسل؟ يا ترى كلهم انبياء؟ يا ترى كلهم معلمين؟ يا ترى كلهم يعملوا المعجزات؟
30
يا ترى كلهم عندهم المواهب تاع الشفاء؟ يا ترى كلهم يتكلموا بلغات؟ يا ترى كلهم يترجموا؟
31
بالصح مليح تجتهدوا في المواهب. و نزيد نوريلكم طريق ما خير.
Chapter 13
1
لو كان جيت نهدر بجميع لغات الناس و الملايكات و انا ما عنديش محبة, نولي كي النحاس يقربع وكي الصنج يرن.
2
و لو كان جات عندي النبوة. و نعرف جميع لسرار و العلم بكلو, و لو كان جا عندي ليمان حتى نزعزع لجبال, بالصح ما عنديش محبة, ما نسوى والو.
3
و لو كان صدقت مالي كامل, ورميت روحي في النار, و انا ما عنديش محبة, ما راح نربح والو.
4
لمحبة تصبر و تشفق. لمحبة لا تحسد. لمحبة لا تفخر لا تتكبر,
5
لا تتقبح و لا تطلب مصلحتها. و لا تتعصب, ولا تقرى لحيلة,
6
و للشر ما تفرح بالصح للحق تفرح,
7
و تستحمل كلشيء, و تصدق كلشيء, و تتوقع كلشيء. و تصبر على كلشيء.
8
لمحبة عمرها ما تطيح. بالصح النبوات يجي نهار وتحبس, واللغات راح تزول, والعلم راح يفض.
9
على خاطر رانا نعرفوا من العلم غيرالقليل و نتنبؤوا غير على القليل,
10
بالصح كي يجي الكامل يبطل لقليل.
11
كي كنت طفل صغير كنت نتكلم و نعمل ونفكر كيما طفل صغير. بالصح نهار اللي وليت راجل حبست لحوايج تاع طفل صغير,
12
و ضرك رانا نشوفوا لحوايج كي اللي في مراية, ماهيش مفهومة, بالصح يجي نهار نشوفوها قدامنا. ضرك نعرف معرفة قليلة, بالصح في هاذاك الوقت نولي نعرف كيما لازم.
13
و بالصح ضرك هاذم في ثلاثة يدوموا: ليمان و الرجاء ولمحبة, بالصح لمحبة هي الاعظم فيهم.
Chapter 14
1
تبعوا لمحبة, بالصح اجتهدوا للمواهب تاع الروح, و بالخصوص باه تتنبأوا.
2
على خاطر اللي يتكلم بلغة مايتكلمش مع الناس راه يتكلم مع الله. على خاطر واحد ما يفهمها بالصح هو بالروح يتكلم بالاسرار تاع الله.
3
و اللي يتنبأ , يكلم الناس باه يبنيهم بالتشجيع و التعزية.
4
اللي يتكلم بلغة يبني روحو, واللي يتنبأ يبني الكنيسية.
5
انا ما ذابيا كلكم تتكلموا بلغات, بالصح يكون خير كي تتنبأوا. على خاطر اللي يتنبأ اعظم من اللي يتكلم بلغة, غير كان لقى شكون يترجم لو, باه الكنيسية تتبنى.
6
و ضرك يا لخاوة, كان جيتكم و انا متكلم بلسانات غريبة, باه راح ننفعكم, لو كان ما نكلمكمش اما باعلان, و الا بكلام علم, و الا بنبوة, و الا بتعليم؟
7
الحاجات اللي ما عندهاش روح الي تمد اصوات: زمارة و الا قيتارة, بالصح بالرغم من هاذا تمد صوت مخالف. كيفاه تعرفوا صوت الزمارة و الا الحاجة اللي عزفوا بيها؟
8
و حتى البوق لو كان يمد صوت ماهوش باين, شكون يوجد روحو للحرب؟
9
حتى انتوما ثاني كيفاه تمدوا بالالسنة كلام يتفهم, و كيفاه الناس يعرفوا واش راكم تقولوا؟ و الا تروح هدرتكم في لهواء.
10
بلاك كاين انواع تاع لغات ياسر خلاص في الدنيا, و ما كان حتى واحد منها بلا معنى.
11
واذا كنت ما نعرفش اللغة نكون غريب عند المتكلم, و حتى المتكلم يكون غريب عندي.
12
هكذا انتم ثاني, و اذا راكم تطلبوا المواهب الروحية, اطلبوا على جال البنيان تاع الكنيسية باه تزيدوا.
13
على هاذا اللي يتكلم بلغة يصلي باه يترجمولو,
14
على خاطر كان كنت نصلي بلغة, معناها الروح تاعي قاعدة تصلي, بالصح في فكري ما كاين حتى ثمار.
15
امالا كيفاه؟ نصلي بالروح, ونصلي ثاني بالفكر. نرتل بالروح, و نرتل ثاني بالفكر.
16
على خاطر اذا انت باركت بالروح, كيفاه الشخص العادي يقول: "امين" كي انت تشكر؟ على خاطر ما يفهمش واش راك تقول!
17
حاجة مليحة كي انت تشكر, بالصح لاخر ما يتبناش.
18
نشكر ربي اني نتكلم بلغات اكثر منكم الكل.
19
بالصح, في الكنيسية, ما ذابيا نتكلم خمسة كلمات بفكري باه حتى لخرين ثاني يتعلموا, اكثر من اللي نقول عشر الاف كلمة بلغة اخرى.
20
يا لخاوة, ما تكونوش صغارفي تفكيركم, بالصح كونوا اولاد في الشر, و في الفكر كونوا كاملين.
21
مكتوب في الشرع: "راح نكلم هاذا الشعب بلسان و لغة اخرى غريبة, و حتى كيما هاكذا ما يسمعوليش, يقول الرب".
22
امالا الهدرة ياللغات هي معجزة, موش للمومنين بالصح للي ما هومش مومنين.
23
اذا كان تلمت الكنيسية كاملة في مكان واحد, و كانوا الناس الكل يتكلموا بلغات, و دخل عليكم شخص عادي و الا شخص ما هوش مومن, ماهمش راح يقولوا عليكم راكم تخرفوا؟
24
بالصح اذا كانوا كلهم يتنبأوا, و دخل واحد ما هوش مومن والا واحد عادي, راح يتلام من عند الناس الكل, و راح يحكموا عليه الكل.
25
و هكذا تولي الحوايج الي مخباها في قلبو باينة. و هكذا يركع و يسجد لله, و ينادي: ان الله بالحق فيكم. النظام في العبادة
26
امالا يا لخاوة كيفاه: كي تتلموا للعبادة خلي يكون لكل واحد منكم مزمور, و عندو تعليم, و عندو لغة, وعندو اعلان, و عندو ترجمة. خلي كل شيء يكون للبنيان.
27
اذا كان واحد يتكلم بلغة, كل زوز مع بعضاهم, و الا ثلاثة ثلاثة, و بنظام و واحد يترجم.
28
بالصح الا ما كانش كاين مترجم يسكت هاذاك الي يهدر بلغة, و يهدر بينو وبين روحو و الله.
29
بالصح الانبياء يتكلموا زوز والا ثلاثة, و لخرين يحكموا.
30
بالصح اذا كاين واحد اخر قاعد وجاه كلام من عند الله يسكت هاذاك لول و يخليه يتكلم.
31
على خاطر تتقدروا تتنبأوا بالواحد بالواحد, باه الكل يتعلموا و يتشجعوا.
32
و لنبياء يقدروا يسيطروا على ارواحهم.
33
على خاطر الله ماهوش اله فوضى هو اله تاع سلام. هكذاك ثاني في جميع لكنايس تاع القديسين,
34
النساء يسكتوا في لكنايس, مايجوزش ليهم يتكلموا, لازم عليهم يخضعوا كيما وصى الشرع.
35
بالصح اذا كان حبوا يتعلموا حاجة, يسقسيو رجالهم في الدار, على خاطر عيب لمرى تتكلم في لكنيسية.
36
و الا من عندكم انتوما خرجت الكلمة تاع الله؟ و الا عندكم انتوما برك و فضت؟
37
و اذا كاش واحد حاسب روحو نبي والا انسان روحي, يكون في علمو بلي الشيء اللي كتبتو هو لوصية تاع الله.
38
و اذا دار روحو ما علابالوش, انتم ثاني ماعلابلكمش بيه!
39
امالا يا خاوتي اسعاو للتنبؤ, و ما تمنعوش التكلم بلغات.
40
بالصح ديروا كل شيء كيما يليق وبنظام.
Chapter 15
1
نحب نفكركم يا لخاوة بالانجيل اللي بشرتكم بيه, و قبلتوه, و اللي راكم فيه ثابتين,
2
و بيه ثاني تتخلصوا, لو كان تعملوا بالكلام الي بيه بشرتكم. و الا راح يكون ايمانكم باطل!
3
من لول سلمت لكم الشيء اللي انا ثاني قبلتو: بلي المسيح مات على جال ذنوبنا حساب واش جا في لكتب,
4
و بلي راه تتدفن, و بلي قام من الموتى في ثالث يوم حساب واش جا في لكتب,
5
و بلي راه ظهر لبطرس و من بعد للثناش.
6
و من بعد ظهر لاكثر من خمسمياة اخ دفعة واحدة, معظمهم ما زالوا حيين لضرك. بالصح كاين فيهم اللي ماتوا.
7
و بعد هاذا ظهر ليعقوب, ومن بعد ظهر للرسل اجمعين.
8
و اخر واحد _كي اللي لواحد مرمي _ ظهر ليا انا. و ما انا غيراصغر الرسل, و مانيش حاط روحي نستاهل خلاص باه يسموني رسول,
9
على خاطر اضطهدت لكنيسية تاع الله.
10
و اذا انا على الشيء اللي راني عليه اليوم غير بالنعمة تاع الله. و نعمتو اللي انعم بيها عليا ما كانتش باطل, بالصح انا تعبت اكثر منهم الكل. و مش انا اللي جاهدت بالصح النعمة تاع الله الي كانت معايا.
11
و سواء انا و الا هما, هاذا هو الشيء اللي احنا نبشروا بيه و هذا هو اللي انتم بيه امنتوا. قيامة الموتى
12
بالصح اذا كنا نبشروا بلي المسيح قام من بين الموتى, كيفاه امالا كاين بيناتكم ناس يقولوا: " ماكانش قيامة تاع الموتى"
13
اذا كان الموتى ما يقوموش امالا حتى المسيح ما قامش!
14
و اذا كان المسيح ما قامش يكون تبشيرنا باطل و يكون ايمانكم ثاني باطل,
15
و نوليو احنا شهود تاع زور على الله, على خاطر شهدنا عليه بلي هو قوم المسيح و هو ما قوموش, كي عادوا الموتى ما يقوموش.
16
على خاطر اذا كان الموتى ما يقوموش حتى المسيح ما يكونش قام.
17
و اذا كان المسيح ما قامش يكون ايمانكم باطل. و انتم راكم باقيين في ذنوبكم!
18
و حتى اللي ماتوا وهما مسيحيين تهلكوا!
19
اذا كان الرجاء تاعنا في المسيح غير في هاذي لحياة برك, نوليو احنا اكثر وحايد في الشقاء نعانيو.
20
بالصح في الحقيقة المسيح قام من بين الموتى و هو الباكورتاع الموتى.
21
اذا كان الموت جاء على يد انسان واحد, حتى القيامة ثاني تجي على يد انسان واحد.
22
على خاطر اذا كان في آدم الناس الكل يموتوا, حتى في المسيح ثاني راح يحياو الناس الكل.
23
بالصح كل واحد و المنزلة تاعو: المسيح هو الاول, و من بعد الناس اللي هما للمسيح في الرجوع تاعو.
24
و من بعد تكون لاخرة وين يسلم المسيح الملك لله الآب, بعدما يقضي على كل سيادة و كل سلطة و كل قوة.
25
على خاطر لابد عليه يملك باه "يحط العديان تاعو كاملين تحت رجليه".
26
و يكون الموت هو اخر عدو يقضي عليه.
27
على خاطر حط كل شيء تحت رجليه. بالصح كي يقول: "بلي كل شيء تحط تحت رجليه" باين بلي يستثني الله الي كل شيء خاضع ليه.
28
و كي يحط كل شيء تحت رجليه, وقتها حتى الابن في ذاتو يخضع لله اللي كل شيء خاضع ليه, و يكون الله هو الكل في الكل.
29
و الا كيفاه يعملوا المعمودية على جال الموتى؟ اذا كانوا الموتى ما يقوموش خلاص, و علاش امالا يتعمدوا من اجلهم؟
30
و احنا علاش رانا نواجهوا الصعوبات في كل وقت؟
31
كل يوم نشوف الموت بعينيا غير باه تكونوا انتم هما الفخرة تاعي في المسيح يسوع ربنا.
32
لو كان كي حاربت الوحوش في افسس كان عندي هدف باه نرضي الناس, واش الفايدة تاعي؟ لو كان جاو لموات ما يقوموش, "خلي امالا ناكلوا و نشربوا واخرتها موت!".
33
ما تغلطوش ارواحكم: "الخلطة البالية تفسد لخلاق العالية".
34
فيقوا و ما تغلطوش, على خاطر كاين ناس ما يعرفوش ربي خلاص. نقول هذا الشيء باه تحشموا على ارواحكم! البدن تاع لقيامة
35
لو كان كاش واحد يقول: "كيفاه يقوموا لموتى؟ و بواش من بدن يجيو؟".
36
يا جاهل! الشيء اللي يتزرع ما يعاودش يحيا الا اذا كان مات.
37
و الشيء الي تزرعو هو غير حبة برك نقولوا مثلا حبة تاع حنطة و الا اي زريعة واحدة اخرى, ماهوش هاذاك النبات اللي راح ينبت و يظهر من بعد.
38
بالصح الله هو اللي يمدلها جسم كيما يحب هو. و كل زريعة تجيب النبات تاعها.
39
و الاجساد كلها ماهيش كيف كيف, الانسان عندو جسم, و الحيوان عندو جسم, و الحوت عندو جسم, و الطير عندو جسم.
40
و كاين اجسام تاع سماء, و كاين اجسام تاع لرض, تاع السماءعندها لبهاوة تاعها, و تاع لرض عندها لبهاوة تاعها.
41
بهاوة الشمس حاجة, و بهاوة القمرة حاجة, و بهاوة النجوم حاجة. كل هاذا و عندو لبهاوة تاعو.
42
و هكذاك يكون في قيامة الموتى: يتزرع جسم فاني و يقوم جسم يخلد.
43
يتزرع بالذل و يقوم بالعز, يتدفن بالضعف و يقوم بالقوة.
44
يتزرع جسم بشري و يقوم جسم روحاني. يكون جسم بشري و يولي جسم روحاني.
45
و مكتوب ثاني: "ولى آدم, الانسان لول نفس حية ", و كان آدم لخر روح يحيي.
46
بالصح الروحاني ما يكونش سابق على البشري, يجي في لول الجسم البشري, و عاد من بعد يجي الجسم الروحاني.
47
الانسان لول تخلق من التراب على خاطرو ارضي. و الانسان لخر اللي هو الرب جا من السماء.
48
و كيما اللي تخلق من التراب اهل لرض كلهم يكونوا كيفوهو, و كيما اللي من السماء اهل السماء كاملين يكونوا كيفوهو.
49
و كيما لبسنا صورة اللي جاي من التراب, نلبسوا ثاني صورة اللي جاي من السماء.
50
نقول لكم يا خاوتي: بلي الدم و اللحم ما يقدروش يورثوا الملكوت تاع الله. و الفاني ما يقدرش يورث لحياة الدايمة.
51
و هاذا سر نقول لكم عليه: ما نموتوش كلنا, بالصح كلنا نتبدلوا,
52
في لحظة في رمشة عين, كي نسمعوا البوق لخر, على خاطر راح ينفخوا في البوق, الموتى يقوموا بجسم الخلود, و احنا الحيين تتبدل الهيئة تاعنا.
53
على خاطر هاذا الجسم الفاني لازم يلبس اللي ما يفناش, و هاذا اللي يموت يلبس اللي ما يموتش.
54
و كي يلبس هاذا الفاني اللي ما يفناش, و يلبس اللي يموت هاذاك اللي ما يموتش. وقتها تتحقق الكلمة المكتوبة: "تبلع الموت في النصرة".
55
"وين شوكتك يا موت؟ وين غلبتك يا هاوية؟"
56
و شوكة الموت هي الذنوب, و قوة الذنوب تجي من الشرع.
57
بالصح الحمد لله اللي دايما ينصرنا بربنا يسوع المسيح.
58
امالا يا خاوتي لعزاز عليا, كونوا ثابتين, راسخين, متحمسين ديما في لخدمة تاع الله, و اعلموا بلي التعب تاعكم ما راحش يروح باطل.
Chapter 16
1
و اما من جيهة كيفاه نعاونوا القديسين, كيما وصيت في الكنايس تاع غلاطية هكذا انتم ثاني اعملوا عندكم.
2
في اول تاع كل اسبوع, كل واحد يحط الشيء اللي القادر عليه, باه كي نجي نلقاهم واجدين ما نبقاوش نلموا.
3
و كي نجي, نبعث الناس اللي خايرتوهم باه يوصلوا الشيء اللي لميتوه لاورشليم.
4
و اذا كان لزم باه نروح انا ثاني, يروحوا معايا. طلبات خاصة
5
بعد ما نعدي على مكدونية نجي عندكم. على خاطر غير نعدي عليها ليه ليه.
6
و بلاك نبقى عندكم نشتي معاكم و من بعد تشايعوني باه نكمل طريقي.
7
و ما نيش حاب نشوفكم شوفة تاع زربة, انا حاب نقعد عندكم مدة طويلة كان حب ربي.
8
بالصح ضرك اني قاعد هنا في افسس حتى للعيد تاع يوم الخمسين
9
,على خاطر ربي فتح باب واسع و فعال للخدمة, حتى واذا كاين المعارضين ياسر.
10
و اذا جاكم تيموتاوس, ما دابيكم يكون مرتاح عندكم. على خاطر حتى هو ثاني راح يخدم في الخدمة تاع الرب كيما انا.
11
و ما تحقروهش, سهلولوا و ابعثوه على خير باه يجيني, على خاطر انا نسنى فيه مع الخاوة.
12
و من جيهة الاخ ابولس, نحاول فيه باه يجيكم هو و الخاوة, بالصح ماهوش حاب يجي ضرك, يجيكم وقت اللي تكون الفرصة مواتية.
13
تيقضوا. اثبتوا في ليمان. كونوا رجال. قووا ارواحكم.
14
وخلي كل اموركم تكون بمحبة.
15
يا خاوتي راكم تعرفوا العيلة تاع استفاناس هم اول ناس امنوا بالمسيح في اخائية وراهم سلموا ارواحهم باه يخدموا الخاوة القديسين,
16
نطلب منكم تسمعوا لهم, و لكل من يخدم و يتعب معاهم.
17
فرحت كي جاني استيفاناس و فرتوناتوس واخائيكوس, على خاطر هما عوضوني على غيابكم,
18
و فرحوا قلبي و قلوبكم. اعرفوا كيفاه تكرموهم. تحيات ختامية
19
تسلم عليكم الكنايس في اسيا. يسلم عليكم ياسر في الرب اكيلا و برسكلا هما و الكنيسية اللي في دارهم كلهم يسلموا عليكم.
20
الخاوة كلهم يسلموا عليكم. سلموا على بعضاكم ب بوسة مقدسة.
21
هذا السلام بخط يدي انا بولس.
22
و اللي ما يحبش الرب يسوع المسيح راه اناثيما! ماران اثا.
23
النعمة تاع ربنا يسوع المسيح معاكم.
24
و محبتي ليكم اجمعين في المسيح يسوع. امين
2 Corinthians
Chapter 1
1
من عند بولس الرسول تاع يسوع المسيح كيما حب الله, و من عند تيموتاوس الاخ, للكنيسية اللي في كورنتوس, لجميع القديسين اللي في اخائية الكل:
2
ليكم نعمة و سلام من عند الله بابانا و الرب يسوع المسيح. الله تاع كل التعزية
3
يتبارك الله الاب تاع ربنا يسوع المسيح, الاب الرحيم و اله كل عزاء,
4
اللي يشجعنا في وسط الصعوبات اللي نعديو بيها الكل, باه نكونوا حتى احنا قادرين نشجعوا الناس اللي يكونوا في محنة, كيما عزانا الله نعزيوهم.
5
على خاطر على قد ما تكثر لوجاع تاع المسيح فينا, تكثر فينا ثاني التعزيات تاعو.
6
اذا كنا احنا في المحنة باه تتشجعوا انتم و تخلصوا, و اذا كان تعزينا على خاطر انتم تشجعتوا و ربحتوا الخلاص.
7
يبقى دايما الرجاء تاعنا من حيهتكم ثابت. عارفين باللي كيما كنتوا شركاء تاع المسيح في لوجاع تاعو, هكا راح تكونوا شركاء في التعزية ثاني.
8
ما نحبوش نخبِيو عليكم يا الخاوة المشاكل اللي صرات لنا كي كنا في اسيا, و كيفاه كانت صعيبة علينا ياسر اكثر من اللي نقدروا نستحملوا, حتى يأسنا من لحياة,
9
و كنا حاطين ارواحنا راح نموتوا, باه ما نتكلوش على ارواحنا بالصح نكونوا متوكلين على الله اللي يحيي الموتى,
10
اللي منعنا من هذا الموت و مازال يزيد يمنعنا. نعم عندنا فيه رجاء انو مازال يزيد يمنعنا.
11
و انتم ثاني من جيهتكم تعاونوا فينا بالصلاة, و كي يباركنا الله باستجابة صلاة ناس ياسر, راح يكونوا ناس ياسر اللي يشكروا الله على جالنا. بولس يبدل الخطط تاعو
12
بهاذا احنا نعتزوا: الضمير تاعنا يشهد لنا باللي سلوكنا في هاذي الدنيا كان في البساطة و التقوى حساب النعمة تاع الله, مش بالحكمة تاع البشر, بالخصوص من جيهتكم انتم.
13
و احنا ما نكتبوا لكم غير الشيء اللي كي تقراوه تفهموه. و نتمنى تفهموا مليح حتى للخر,
14
كيما فهمتونا شوية احنا ثاني, احنا نعتزوا بيكم و انتم ثاني تعتزوا بينا في نهار الرب يسوع.
15
اول حاجة حبيت نجيكم بهاذي الثقة, و ثاني باه تزيد تكون لكم نعمة اخرى.
16
كي نعدي عليكم في طريقي لمكدونية, و ثاني حتى كي نرجع من مكدونية, باه نشبع منكم و من لثم تسافر لليهودية.
17
بلاك نكون متسرع كي حبيت ندير هاذا الشيء؟ و الا بلاك نخمم تخمام تاع بشر؟ و نكون بين هيه و لا لا في وقت واحد؟
18
بالصح الله شاهد باللي كلامنا ماهوش بين البينين.
19
على خاطر يسوع المسيح ابن الله, اللي بشرنا بيه في وسطكم, انا و سلوانس و تيموتاوس. ما كانش نعم و لالا, بالصح كان كله نعم.
20
على خاطر مهما كانت الوعود تاع الله هو دايما فيه "النعم" و "الامين", للمجد تاع الله.
21
بالصح الله هو اللي يثبتنا احنا و اياكم في المسيح, و هو اللي اعطانا المسحة
22
و هو اللي ختم علينا ثاني, و اعطالنا عربون الروح في قلوبنا.
23
بالصح الله شاهد عليا, باللي ما جيتش لكورنتوس على خاطر شفقت عليكم,
24
ما نحبوش نكونوا مسيطرين على الايمان تاعكم, بالصح نخدموا معاكم باه تكونوا فرحانين. راكم ثابتين في الايمان.
Chapter 2
1
بالصح عزمت ما نزيدش نجيكم باه ما تحزنوش مرة اخرى.
2
على خاطر كان سببت لكم الحزن, شكون راح يفرحني انا غير اللي سببت لهم الحزن؟
3
و كتبت لكم هاذا الشيء بالذات باه كي نجي ما نحزنش على الناس اللي كان لازم نفرح بيهم, متيقن فيكم الكل باللي الفرحة تاعي هي الفرحة تاعكم الكل.
4
على خاطر كتبت لكم و قلبي مليان بالحزن و عينيا بالدموع, باه ما تحزنوش, بالصح باه تعرفوا لمحبة اللي عندي بالخصوص من جيهتكم. المذنب سامحوه
5
و اللي كان سبب في الحزن, ما سببش الحزن غير ليا انا وحدي, بالصح سبب الحزن ليكم الكل حتى و لو قليل.
6
واحد كيما هاذا يكفيه العقاب اللي نالوا من عند الاغلبية,
7
و من الافضل ضرك تسامحوه و تشجعوه, باه ما تقضيش عليه كثرة الحزن.
8
نوصيكم تزيدوا تحبوه.
9
كتبت لكم هاذا الشيء باه نشوف تطيعوني في كل شيء و الا لا؟
10
اللي تسامحوه انتم انا ثاني نسامحو, على خاطر كان غفرت في حاجة تستاهل يكون على جالكم في حضرة المسيح,
11
باه واحد ما يطمع فيه الشيطان, على خاطر ما تخفاش علينا مقاصدو. الفوز في المسيح
12
بالصح كي جيت لترواس, على جال التبشير بالمسيح, و كي فتح لي ربي الباب لثم,
13
ما كنتش مرتاح, على خاطر ما لقيتش خويا تيطس. و ليت بقيتهم على خير و خرجت رحت لمكدونية.
14
بالصح نشكر الله اللي دايما يقودنا في المحفل تاع الانتصار في المسيح يسوع, و ينشر بينا ريحة المعرفة تاعو في كل مكان.
15
على خاطر احنا الريحة الطيبة تاع المسيح لله, في الناس اللي يمنعوا و في الناس اللي يهلكوا.
16
لهاذوك ريحة موت توصل للموت, لهاذوك ريحة حياة توصل للحياة. شكون قادر يدير هاذي الامور؟
17
احنا ما نتاجروش بكلام الله كيما ناس ياسر, بالصح نتكلم كلام ناس صادقين, كلام الرسل تاع الله قدام الله.
Chapter 3
1
بدينا نشكروا في ارواحنا؟ و الا نحتاجوا كيما واحد الناس تتوسطولنا ببريات من عندكم و الا ليكم؟
2
انتم همّا لبرية تاعنا, المكتوبة في قلوبنا, معروفة و مقرية عند الناس الكل.
3
باينين باللي انتم لبرية تاع المسيح, مخدومة بينا احنا, مكتوبة بروح الله مش بالحبر, في لقلوب تاع اللحم مش في اللوحة تاع الحجر.
4
هاذي ثقتنا في المسيح عند الله.
5
مش على خاطر حاسبين ارواحنا عندنا القدرة, بالصح القدرة تاعنا جات من عند الله,
6
و هو اللي جعلنا قادرين نكونوا الخدّام تاع العاهد الجديد. العاهد تاع الروح مش تاع الحرف. على خاطر الحرف يقتل اما الروح يحيي. المجد تاع العاهد الجديد
7
اذا كانت الخدمة تاع الموت اللي حروفها منقوشة في الواح من لحجار, مغطية بالمجد, حتى انو بني اسرائيل ما قدروش يخزروا في وجه موسى بسبة المجد الفاني,
8
كيفاه مالا يكون المجد تاع خدمة الروح؟
9
اذا كانت الخدمة اللي تدين البشر مجد, مالا الخدمة اللي تبرر البشر تعداها في المجد!
10
الحاجة اللي كانت من قبل عندها مجد كبير يزول المجد تاعها كي تجي اللي اكثر منها في المجد.
11
على خاطر اذا كان الفاني عندو مجد, كيفاه مالا يكون المجد تاع الدايم!
12
على خاطر عندنا رجاء كيما هاذا احنا نسلكوا بجرأة كبيرة.
13
مش كيما موسى اللي كان يغطي وجهو بقناع باه بني اسرائيل ما يشوفوش لاخرة تاع الفاني.
14
اما همّا زادت عمات البصيرة تاعهم, على خاطر حتى لليوم مازال هاذاك الحجاب ماهوش مكشوف كي يقراو العاهد لقديم, اللي ما ينحيه غير المسيح.
15
بالصح حتى اليوم, ما زال هاذا الحجاب على قلوبهم وقت اللي يقراو شريعة موسى.
16
و ما ينحي هاذا الحجاب غير الاهتداء للرب.
17
اما الرب هو الروح, و وين يكون الروح تاع الرب تكون الحرية.
18
و احنا الكل نعكسو تصويرة المجد تاع الرب بوجه مكشوف, كي شغل في لمراية, نتبدلو لهاذيك التصويرة بالذات, و هي تزيد مجد على مجد, من فضل الرب اللي هو الروح.
Chapter 4
1
على جال هاذا الشيء الله مدلنا هاذي الخدمة ـبالرحمة تاعوـ مالا ما نفشلوش,
2
بالعكس رفضنا كل تصرف مخبي و يحّشم, و ما مشيناش بالحيلة, و ما حرفناش كلمة الله, بالصح ظهّرنا الحق, و علِّينا قدرنا في ضمير الناس الكل قدام الله.
3
بالصح اذا كان الانجيل تاعنا مكتوم, يكون مكتوم برك عند الهالكين,
4
عند غير المومنين اللي الاله تاع هاذا الزمان عمى البصيرة تاعهم, باه ما يشوفوش النور اللي يضوي, النور تاع انجيل مجد المسيح, اللي هو تصويرة الله بالذات.
5
احنا ماناش قاعدين نبشروا بأرواحنا احنا نبشروا بالمسيح يسوع رب, و رانا غير الخدامين تاعكم على جال يسوع.
6
على خاطر الله اللي قال: "من الظلمة يخرج النور", هو اللي ضوى في قلوبنا, باه تشرق معرفة مجد الله اللي في وجه يسوع المسيح.
7
بالصح عندنا هاذا الكنز في ماعون فخّار, باه تكون القوة اللي فينا من فضل الله مش منا احنا.
8
تضياق علينا من الجوانب الكل, بالصح ما نتدمروش. نحيروا في امورنا واش نديروا, بالصح ما نيأسوش.
9
الناس يضطهدونا, بالصح الله ما يخليناش. نطيحوا في لرض, بالصح ما نموتوش.
10
في كل وقت هازين الموت تاع المسيح في اجسامنا, باه تظهر فينا ثاني حياة المسيح في اجسامنا.
11
و مادام مازلنا في هاذي لحياة, دايما نتسلموا للموت على جال المسيح, باه تظهر حياة المسيح في اجسادنا الفانية حتى هي.
12
مالا الموت يخدم فينا احنا, و لحياة تخدم فيكم انتوما.
13
و على خاطر عندنا روح الايمان بالذات, على حساب واش مكتوب: "امنت على هاذيك تكلمت", حتى احنا نامنوا على هاذيك نهدروا ثاني.
14
عارفين اللي حيّا الرب يسوع من بين الموتى راح بحببنا احنا ثاني بيسوع, و يجعلنا احنا و اياكم بين ايديه.
15
على خاطر هاذي لحوايج الكل هي على جالكم, باه على قد ما تكثر النعمة يكثروا الشاكرين للمجد تاع الله.
16
مالا ما نفشلوش, حتى وان كان الانسان اللي ظاهر من لبرى يفنى و يموت, بالصح من الداخل يتجدد يوم ورى يوم.
17
و هاذي الشدة الوقتية اللي نقاسِيو فيها راح تعدي و تفوت بالصح توجدلنا مجد دايم ما يفناش.
18
ما نسناوش في لحوايج اللي تتشاف ضرك, بالصح نسناو لحوايج اللي ما تتشافش. على خاطر اللي نشوفوها وقتية برك, اما اللي ما نشوفوهاش هاذيك هي الدايمة.
Chapter 5
1
رانا عارفين باللي نهار اللي تتهدم فيه خيمتنا اللي احنا ساكنين فيها في لرض, راح تكون لنا في السماوات سكنة, دار دايمة ماهيش مخدومة باليدين.
2
و احنا ضرك مشتاقين نستناو غير وقتاه نلبسوا فوقها دارنا اللي من السماء.
3
على خاطر كي نلبوسوها ما نبقاوش عرايا.
4
و مادام احنا في وسط الخيمة تاع لرض مازلنا نتوجعوا تحت احمالنا الثقيلة, على خاطر ما نحبوش ننحيوها نحبوا نلبسوا فوق منها, حتى تبلع الحياة الفاني اللي فينا.
5
بالصح الله هو اللي دارنا لهاذا الشيء, و زاد اعطالنا العربون تاع الروح.
6
رانا متاكدين و عارفين باللي واحنا مستوطنين في الجسد, نسماو متغربين على الرب.
7
و على خاطر نمشِيو بالايمان مش بالشيء اللي نشوفوه بالعين.
8
و عندنا ثقة و ما دابينا نتغربوا على هاذا الجسد باه نسكنوا عند الرب.
9
و سواء كنا مستوطنين و الا متغربين نحرصوا دايما ـباه ننالوا رضاية الرب ـ
10
على خاطر لابد لينا الكل نوقفوا قدام عرش المسيح باه كل واحد ينال الجزاء تاعو حساب واش دار كي كان في الجسد خير و الا شر. خدمة المصالحة
11
و على خاطر نعرفوا مخافة الرب نقنعوا الناس. اما الله يعرفنا مليح, و نتمنى انتم ثاني تعرفونا مليح في الضماير تاعكم.
12
و احنا مش القصد تاعنا ننفخوا ارواحنا قدامكم, بالصح نحبوا نزيدوا نمدوا لكم سبة باه تفتخروا بينا, و باه يكون عندكم جواب على الناس اللي يفخروا بالمظاهر مش بالشيء اللي في القلب.
13
اذا كنّا مهابل هاذا على جال لله, و اذا كنا بعقولنا هاذا على جالكم.
14
على خاطر محبة المسيح تحصرنا. بعدما ما فهمنا باللي اذا كان واحد مات على جال الناس الكل, معناه الناس الكل ماتوا.
15
و هو مات على جال الناس الكل باه منّا و جاي الحيين ما يعيشوش لارواحهم همّا, بالصح يعيشوا للي مات و قام من بين الموتى على جالهم.
16
مالا احنا من اليوم ما نعرفوا حتى واحد على حساب الجسد. و اذا كان عرفنا المسيح على حساب الجسد, احنا من ضرك ما نعرفوهش كيما هكذاك.
17
على خاطر اذا كان واحد في المسيح هو مخلوق جديد: لحوايج لقديمة راحت, و كل شيء ولّى جديد.
18
و هاذا الكل من عند الله, اللي صالحنا مع ذاتو بيسوع المسيح, و اعطانا احنا الخدمة تاع هاذي المصالحة,
19
يعني الله صالح العالم مع ذاتو في المسيح , و ما حاسبهمش على ذنوبهم, و مد لنا احنا باه نوصلوا خبر هاذي المصالحة.
20
احنا كيما سفراء تاع المسيح, تقول الله ذاتو يهدر على فوامنا. نطلبوا منكم باسم المسيح: تصالحوا مع الله.
21
على خاطر هاذاك اللي بلا معصية جعلو معصية على جالنا, باه نولِيوْ احنا البر تاع الله فيه.
Chapter 6
1
و هكا في الخدمة تاعنا مع الله نطلبوا منكم باه ما يكونش القبول تاعكم لنعمة الله بلا فايدة.
2
على خاطر يقول: "في وقت الرضى سمعتك, و في يوم السلاك عاونتك". هاو هاذا وقت مقبول. و هاذا اليوم يوم سلاك. الضيقات تاع بولس
3
ما نحبوش نكونوا عائق في طريق حتى واحد باه ما تتلامش الخدمة.
4
بالصح في كل شيء نبينوا باللي احنا الخدام تاع الله, بالصبر تاعنا: في الصعوبات, في الاحتياج, في الضيق,
5
في الضرب, في لحبس, في الاهوال, في التعب, في السهر, في الصوم,
6
في الصفاء, في العلم, في وسع البال, في اللطف, في الروح القدس, في لمحبة بلا نفاق,
7
في كلام الحق, في قدرة الله بالسلاح تاع الحق في الهجوم و في الدفاع.
8
بالجاه و بالمذلة, بالسمعة لخايبة و لمليحة, الناس يحسبونا كذّابين و احنا صادقين,
9
يحسبونا بلا اصل واحنا معروفين, ميتين و احنا حيين, متعذبين و احنا ماناش مقتولين,
10
حازنين و احنا دايما فرحانين, فقراء بالصح نجعلوا ناس ياسر اغنياء, تقول ما عندنا حتى شيء و احنا نملكوا كل شيء.
11
هدرنا معاكم بكل صراحة يا ناس كورنتوس, و فتحنا لكم قلبنا لكبير.
12
ما تضَيقوش علينا احنا بالصح الضيق راه في قلوبكم انتوما,
13
نهدر معاكم كيما نهدر مع اولادي: ديروا معانا كيما درنا معاكم, افتحوا لنا قلوبكم انتم ثاني! ما تكونوش تحت نير واحد مع اللي ماهمش مومنين
14
ما تكونوش تحت نير واحد مع اللي ماهمش مومنين, على خاطر واش من خلطة كاينة بين الخير و الشر؟ و واش من علاقة بين النور و الظلمة؟
15
واش من مفاهمة بين ابليس و المسيح؟ واش من شركة بين المومن و اللي مش مومن؟
16
واش من توافق للهيكل تاع الله مع الاوثان؟ راكم انتوما همّا الهيكل تاع الله الحي, كيما قال الله: "راح نسكن فيهم و نمشي في وسطهم, و نكون ليهم اله, و همّا يكونوا ليّا شعب.
17
على هاذيك اخرجوا من وسطهم اعزلوا ارواحكم, يقول الرب. ما تمسوا حتى حاجة منجوسة باه نقبلكم,
18
و نكون ليكم اب, و انتوما تكونوا ليّا بنات و اولاد, يقول الرب, اللي على كل شيء قدير".
Chapter 7
1
كي عادت عندنا هاذي الوعود الكل يا لحباب مالا نطهروا ارواحنا من كل ما ينجس الجسد و الروح, و نكملوا القداسة في مخافة الله. الفرحة تاع بولس
2
اعطونا مكان في قلوبكم. ما ظلمنا حتى واحد, و ما ضرينا حتى واحد, و ما طمعنا في حتى واحد.
3
ما نقولش هاذا لكلام باه نحاسبكم, على خاطر قلت لكم من قبل باللي راكم في قلوبنا, نعيشوا مع بعضانا و الا نموتوا مع بعضانا.
4
عندي ثقة كبيرة فيكم و فخر كبير بيكم. رغم كل الصعوبات اللي نعدِيو بيها قلبي فايض بالفرحة و متعزي بيكم ياسر.
5
على خاطر ملي وصلنا لمكدونية ما ذقناش الراحة كانت الصعوبات تجينا من كل جيهة: من لبرى الخصومات, و من الداخل الخوف,
6
بالصح الله اللي يعزي المتواضعين عزّانا كي جا لنا تيطس.
7
و ما فرحناش برك كي جاء بالصح فرحنا ثاني بالتشجيع اللي انتوما كنتوا سبة فيه, و كي قال لنا كيفاه توحشتوني و كيفاه حزنتوا و غاظكم الحال عليّا, و هاذا الشيء اللي زاد من الفرحة تاعي اكثر.
8
حتى اذا كان سببت لكم الحزن بالبرّية اللي بعثتها, ما ندمتش, بالصح ندمت في لول كي شفتكم حزنتوا.
9
ضرك انا فرحان, مش على جال الحزن تاعكم, بالصح على خاطر الحزن وصلكم للتوبة. و الحزن تاعكم كان من عند الله باه ما تنالوا منا حتى خسارة.
10
على خاطر الحزن اللي يجي من عند الله يوصل للتوبة اللي فيها الخلاص و ما عليها حتى ندامة. اما الحزن تاع هاذي الدنيا يوصل للموت.
11
الحزن تاعكم هاذا بالذات هو من عند الله, شوفوا قداه خلق فيكم من اهتمام, و من اعتذار, و من ندم, و من خوف, ومن شوق, و من غيرة, و من عقاب. في كل شيء بينتوا باللي انتوما ابرياء في الامر اللي صرى.
12
مالا انا ما كتبتش لكم على جال الظالم و لا على جال المظلوم, بالصح كتبت لكم باه يبان قدام الله التعب تاعنا على جالكم.
13
و احنا تشجعنا كي انتم تشجعتوا. بالصح زدنا فرحنا اكثر بالفرحة تاع تيطس, على خاطر لقى فيكم الكل الشيء اللي ريّح بالو.
14
و اذا كان فخرت ليه بحاجة من جيهتكم ما حشمتونيش, و كيما هدرنا معاكم انتوما بكل صراحة, ثاني حتى كان فخرنا بيكم قدام تيطس كنّا صادقين.
15
و تزيد لمحبة تاعكم في قلبو, كي يزيد يتفكر الطاعة تاعكم الكل, و كيفاه قبلتوه بخوف و رعدة.
16
انا فرحان كي حطيت ثيقتي فيكم في كل شيء.
Chapter 8
1
و نحب نخبركم يا خاوتي بالشيء اللي داراتو النعمة تاع الله في مكدونية,
2
همّا و رغم كثرة الصعوبات لكبيرة فاضت الفرحة تاعهم و الفقر الشديد تاعهم ولى غنى بسبة الكرم تاعهم,
3
على خاطر مدوا على قد جهدهم, و فوق من جهدهم, و انا شاهد عليهم, من ارواحهم,
4
و يحاولوا فينا, ياسر, باه نقبلوا النعمة و المشاركة في الخدمة للقديسين.
5
مش كيما توقعنا, مدوا رواحهم قبل للرب, و لينا احنا, بالمشيئة تاع الله.
6
و طلبنا من تيطس انو يتمم عندكم هاذي النعمة كيما بداها قبل.
7
باه تتباركوا في كل شيء: في الايمان و لكلام و العلم و كل اجتهاد و في محبتكم لينا, يا ريتكم تزيدوا تتباركوا في هاذي النعمة ثاني.
8
ما نقولش هاذا لكلام باه نأمركم, بالصح باه نشوف اذا انتوما مخلصين ثاني في لمحبة تاعكم كيما الحماس تاع لخرين و الا لا.
9
راكم تعرفوا النعمة تاع ربنا يسوع المسيح, اللي فقر روحو على جالكم و هو الغني, باه تستغناو انتوما بالفقر تاعو.
10
هاذا رايي انا في الامر, و هو ينفعكم انتم لولين اللي بديتوا تديروا فيه من العام اللي فات, و زيد اول من حب يديروا.
11
كملوا اليوم في هاذي الخدمة, باه يكون قد النية قد لعمل
12
على خاطر كي يظهر النشاط في الخدمة, يكون الرضى تاع الله على الانسان على حساب الشيء اللي عندو مش على حساب واش ما عندوش.
13
ما نقصدش باه تكونوا انتم محتاجين و غيركم يكون مرتاح,
14
نقصد تكونوا متساويين, الزايد عليكم يغطي احتياجهم, و الزايد عليهم هما يغطي احتياجكم.
15
كيما مكتوب: "اللي يلم ياسر ما يفضال عليه حتى شيء, و اللي يلم قليل ما ينقصو حتى شيء". الخدمة تاع تيطس في كورنتوس
16
بالصح الحمد لله اللي جعل هاذا الاهتمام على جالكم انتم بالذات في قلب تيطس,
17
اللي مش غير قبل واش طلبنا منو. بالصح من اهتمامو ياسر بيكم جاء عندكم وحدو بلا ما واحد يطلب منو.
18
و بعثنا معاه الاخ اللي الكنائس الكل تشكر فيه على خدمتو للانجيل.
19
مش هاذا برك الكنايس خايراتو باه يرافقنا في السفر, مع هاذي النعمة اللي نديروا فيها على جال المجد تاع الرب الواحد بالذات, و على جالكم اتنوما.
20
و نحرصوا باه واحد ما يلومنا على كيفاه نديروا مع هاذي الهبة لكبيرة.
21
على خاطر الهدف تاعنا نديروا الصلاح, مش قدام الله برك بالصح حتى قدام الناس.
22
و بعثنا معاهم خونا, اللي جربناه في امور ياسر قداه من مرة و لقيناه خدّام. و ضرك زاد ولى متحمس اكثر على الثقة الكبيرة اللي درتوها فيه.
23
اما من جيهة تيطس هو شريك ليّا و خدّام معايا على جالكم. اما خاوتنا لخرين في زوز همّا الرسل تاع الكنايس, و بيهم يبان المجد تاع المسيح.
24
ورولهم و للكنايس الدليل على محبتكم, و بينوا ياللي كي شكرناكم كنّا صادقين.
Chapter 9
1
من جيهة مساعدة الخاوة, يسمى فضول من جيهتي كي نكتب لكم على هاذا الموضوع.
2
على خاطر نعرف كيفاه راكم متحمسين و انا نشكر فيكم لناس مكدونية, باللي اخائية واجدة من العام اللي فات. و الحماس تاعكم شجع ناس ياسر.
3
بالصح بعثت الخاوة باه ما يكونش الشكر تاعنا ليكم باطل من هاذي الجيهة, باه تكونوا واجدين كيما قلت.
4
باه كي يجيو معايا ناس مكدونية و لقاوكم مازال مش واجدين ما تحشموناش احنا ـ باه ما نقولش انتم ـ كي شكرناكم ياسر.
5
على هاذا شفت باللي ضروري يسبقونا الخاوة عندكم, و يوجدوا البراكة اللي قلتوا عليها من قبل. باه تكون ساجية من عند ناس كرماء مش بخلاء.
6
و تفكروا هاذا اللي يزرع قليل يحصد لقليل, و اللي يزرع الخير و البراكة يحصد الخير و البراكة.
7
كل واحد واش نوى في قلبو, مش تاع بالسيف و يندم على واش مد. على خاطر اللي يمد و هو فرحان يحبو الله.
8
و الله قادر يزيدكم من كل نعمة, باه تكونوا مكفيين دايما في كل شيء, و تزيدوا اكثر في كل صلاح.
9
كيما مكتوب: "فرق على الفقراء و كان كريم. الجود تاعو بيقى للدوام".
10
و الله اللي يمد الزريعة للفلاح و الخبز للجيعان, يبارك لكم في زرعكم و يكثروا و يزيد ثمار الجود تاعكم.
11
و يغنيكم في كل شيء كل كرم منكم يخلق فينا الشكر لله.
12
على خاطر كي تديروا هاذي الخدمة مش تسدوا احتياج القديسين برك,
13
بالصح يزيد يفيض الحمد و الشكر لله, و زيد برهان على ايمانكم, و يمجدوا الله على الطاعة تاعكم واعترافكم بانجيل المسيح, و على الكرم تاعكم ليهم و للناس الكل.
14
و يدعيو لكم بالخير, و يتوحشوكم على جال النعمة تاع الله الظاهرة فيكم,
15
الحمد لله على المعطى تاعو اللي ما نقدروش نوصفوه.
Chapter 10
1
نطلب منكم بالوداعة و الصبر تاع المسيح, انا الذليل كي نكون حاضر معاكم, بالصح جريء كي نكون بعيد عليكم.
2
نتمنى باه كي نكون في وسطكم ما تخلونيش نحكي معاكم بهاذيك الجرأة اللي نشوفها مناسبة للناس اللي يحسبوا فينا نمشيو بالجسد.
3
حتى اذا كنا نعيشوا بالجسد, بالصح ما نحاربوش بالجسد.
4
على خاطر السلاح تاعنا في الحرب ما هوش جسدي, بالصح يطيح الحصون بالقدرة تاع الله.
5
نهدم كل شكوك و كل عقبة تعلى على حساب معرفة الله, و نأسروا كل تخمام لطاعة المسيح,
6
واجدين باه نعاقبوا كل معصية, وقت اللي تكون فيه الطاعة تاعكم كاملة.
7
تواجهوا الامور بالحقيقة؟ اللي واثق من روحو انو للمسيح, بينو و بين روحو يدير في حسابو: كيما هو راه في المسيح, احنا ثاني رانا في المسيح!
8
ما نحشمش اذا كان زدت شوية و فخرت بالسلطان اللي مد هو لنا الرب, مش باه نهدموكم بالصح باه نبنِيوكم.
9
باه ما نبانش كي شغل راني نخوف فيكم بالبريات تاعي.
10
على خاطر كاين اللي يقول: "في البريات كلامو عنيف و قاسي, اما كي يكون حاضر هنا ضعيف, و كلامو تافه".
11
واحد كيما هاذا يدير في بالو: احنا في لكلام تاعنا بالبريات و احنا غايبين, كيما لكلام تاعنا بالفم و احنا حاضرين.
12
ما نحطوش ارواحنا مع الناس اللي يشكروا في ارواحهم, و ما نقارنوش ارواحنا بيهم. على خاطر همّا يقيسوا في ارواحهم على ارواحهم, و يقارنوا في ارواحهم مع ارواحهم, ناس ما يفهموش.
13
و احنا ما نفخروش بالشيء اللي يعدي حدود خدمتنا, بالصح على قد القانون اللي قسمهولنا الله, على قد الشيء اللي وصلنا لو معاكم ثاني.
14
احنا ما نقولوش الشيء اللي ما صراش تقول ما وصلناش عندكم. على خاطر وصلنا عندكم صح و معانا انجيل المسيح.
15
و ما نتعداوش هاذيك الحدود و نفخروا بالخدمة تاع غيرنا, بالصح متمنيين ـ يزيد الايمان تاعكم ـ و تزيد تتوسع خدمتنا في وسطكم في الحدود تاعنا,
16
و نزيدوا نروحوا حتى لأبعد من بلادكم. باه ما نفخروش بالخدمة اللي دارها غيرنا في الحدود تاع خدمتهم.
17
بالصح: "اللي يحب يفخر يفخر بالرب".
18
على خاطر اللي يشكرو الله هو اللي يكون مقبول عند الله مش اللي يشكر روحو.
Chapter 11
1
يا ريت تستحملوني حتى كان بينت شوية غباء! نعم استحملوني.
2
انا نغير عليكم كيما يغير عليكم الله, على خاطر خطبتكم لراجل واحد و هو المسيح, باه نقدمكم ليه عذراء عفيفة.
3
بالصح نخاف تبعد البصيرة تاعكم على الحق و الولاء للمسيح, كيما خدعت الحية بالمكر تاعها حواء.
4
على خاطر كان جاكم واحد و هو يبشر بمسيح واحد اخر مش اللي بشرناكم بيه احنا, و الا يعرض عليكم روح واحد اخر غير الروح اللي ديتوه, و الا انجيل اخر مش كيما اللي قبلتوه. كنتوا تستحملوه مليح!
5
و انا ما يخصني حتى شيء على الرسل العظماء.
6
و اذا كان خصتني الفصاحة في لكلام ما يخصنيش العلم, و هاذا اللي ظاهر علينا في كل شيء عند الناس الكل.
7
و الا غلطت غلطة كي طيحت من روحي باه نعليكم, على خاطر جبت لكم لبشارة تاع الانجيل بلاش؟
8
حرمت كنايس اخرين و اديت من عندهم اجرة باه نخدمكم انتوما, و كي كنت عندكم و كنت محتاج ما ثقلت على حتى واحد.
9
على خاطر الخاوة اللي جاو من مكدونية عاونوني في الاحتياج تاعي. و في كل شيء صنت روحي باه ما نكونش ثقيل عليكم, و مازال نصونها.
10
و بحق المسيح اللي فيّا. واحد ما يسلب مني هاذا الافتخار في بلاد اخائية.
11
قولولي علاه؟ على خاطر ما نحبكمش؟ الله يعلم قداه نحبكم.
12
و الشيء اللي نعمل فيه عملتو باه نقص الدعاية تاع الناس اللي قاعدين يفخروا و يقولوا باللي راهم يديروا كيما نديروا احنا.
13
على خاطر ناس كيما هاذوك همّا رسل مزورين, خدّامين خدّاعين, يبدلوا في زيّهم باه يتشبهوا بالرسل تاع المسيح.
14
و ما تجيكمش عجب. على خاطر الشيطان في ذاتو بدّل زيّو ولى يشابه للملاك تاع النور!
15
و ماهيش حاجة كبيرة كي الخدّام تاعو ثاني يبدلوا زيّهم و يولِيو كيما الخدّام تاع البر. اللي اخرتهم راح تكون على حساب اعمالهم. بولس يفخر بالصعوبات اللي يعاني فيها
16
نزيد نقول لكم: واحد ما يظن باللي راني جاهل. و الا اقبلوني كي واحد جاهل, باه نفخر انا ثاني شوية.
17
الشيء اللي نقول فيه هنا ما نقولوش حساب الرب, بالصح نقول فيه كلام تاع واحد جاهل تجرأ و بدى يزوخ.
18
مادام كاين ياسر اللي يفخروا بالامور تاع البشر. مالا حتى انا ثاني نفخر.
19
انتوما تستحملوا الناس الجهلاء بقلب واسع, على خاطر انتم بعقولكم!
20
انتم تستحملوا: كان واحد حقركم! كان واحد كلالكم حقكم! كان واحد نهبكم! كان واحد تكبر عليكم! كان واحد ضربكم على وجوهكم!
21
حشومة: كيفاه كنّا ضعفاء! بالصح الشيء اللي يقدر يزوخ بيه اي واحد, نقول كيما واحد جاهل: حتى انا نقدر نزوخ بيه.
22
هما عبرانيين؟ انا ثاني. هما من بني اسرائيل؟ انا ثاني. هما من سلالة ابراهيم؟ انا ثاني.
23
همّا الخدام تاع المسيح؟ كي المهبول نقول, انا خير منهم: كان في التعب تعبت اكثر منهم, كان في الضرب تضربت اكثر منهم, كان في لحباس تحبست اكثر منهم, و كان في الموت وصلت للموت قداه من مرة.
24
على يد ليهود سوطوني على ظهري خمسة مرات ربعين جلدة غير مرة واحدة تسعة وثلاثين ضربة.
25
ضربوني ثلاثة مرات بالعصى, مرة رجموني, تكسر بيّا البابور ثلاثة مرات, ليلة و نهار و انا في قلب لبحر.
26
في كل مرة نسافر, هاذا خطر الويدان, و هاذا خطر السراقين, وتهديد من اهلي لحمي و دمي, تهديد من البرانية, خطر في لمدينة, و خطر في البر, و خطر في لبحر, و خطر من اللي حاسبين ارواحهم خاوة بالكذب.
27
في التعب و في لمقاسية, نبات قاعد مرّات و مرّات, في الجوع و العطش, في الصيام دايما, في البرد و العرى.
28
زيد على هاذا الكل: الشيء اللي نقاسي فيه كل يوم متوله بالكنايس الكل.
29
شكون اللي يضعف و انا ما نكونش معاه؟ و شكون اللي يطيح و انا ما يحرقنيش عليه قلبي؟
30
اذا كان لازم نفخر, راح نفخر بالضعف تاعي.
31
الله بو ربنا يسوع المسيح, يتبارك على الدوام, هو اللي عالم بيّا اني ما نكذبش.
32
في دمشق, و الوالي الحارث اللي كان ملك على دمشق عطى امر باه يحطو العسة في لمدينة و يحكموني,
33
بالصح هربت هبطوني في زنبيل من الطاقة في السور تاع لمدينة, و منعت من شرو.
Chapter 12
1
ما يليقش بيّا نفخر. نهدر ضرك على لمنامات اللي عطاهالي الرب و الاعلانات تاعو.
2
نعرف واحد الراجل مومن بالمسيح قبل ربعطاش ن سنة. طلع للسماء الثالثة. كان بالبدن؟ ما نعرف, كان من غير بدن؟ ما نعرف. الله هو اللي يعلم.
3
و نعرف هاذا الراجل ـ كان في لبدن و الا خرج من لبدن تاعو؟ ما نعرف. الله هو اللي يعلم ـ
4
انو الله طلعو للفردوس, و سمع كلام ما يقدر حتى بشر ينطق بيه, و ما يجوزش لحتى واحد يتكلم بيه.
5
من هاذي الجيهة نفخر. بالصح من جيهة نفسي ما نفخر غير بالضعفات تاعي.
6
حتى كان حبيت نفخر ما نكونش جاهل, على خاطر نقول في الحق. بالصح ما نحبش نهدر عليه باه واحد ما يظن فيّا حاجة اكثر من الشيء اللي يشوفو و يسمعو مني.
7
و حتى باه ما نتنفخش و نتكبر من الجاه تاع الشيء اللي شفتو, صابتني شوكة في البدن تاعي, تقول عليها رسول من عند الشيطان يضربني باه ما نتكبرش.
8
و صليت لله ثلاثة مرات باه يرفعها عليّا.
9
قالي: "نعمتي تكفيك, في ضعفك تظهر قوتي كاملة فيك". مالا انا نفخر راضي فرحان بالضعف تاعي, حتى تضللني القوة تاع المسيح.
10
على هاذيك انا نفرح بالضعفات و الاهانات و الضيقات و الاضطهادات و الصعوبات على جال المسيح. على خاطر في الوقت اللي نكون فيه ضعيف انا قاوي. العلامات تاع الرسول
11
وليت كي الجاهل, و انتوما اللي حتمتوا عليّا! كان من المفروض انتوما اللي تشكروني, على خاطر ما ينقصني حتى شيء على الرسل لخرين, رغم اللي ما نسوى شيء.
12
العلامات تاع الرسول بينتها في وسطكم بالصبر, و بالايات و العجايب و المعجزات.
13
وش الحاجة اللي خصتكم على بقية الكنايس, كي ما ثقلتش عليكم؟ سامحوني هنا ظلمتكم!
14
انا مستعد باه نزيد نجي عندكم هاذي ثالث مرة و ما نثقلش عليكم. على خاطر انا نحوس عليكم انتم ما نحوسش على مالكم. مش لولاد اللي يخبيو لوالديهم, بالصح الوالدين هما اللي يذخروا لولادهم.
15
اما انا نمد لكم كل اللي عندي و انا راضي فرحان, تجي منها على قد ما تكثر محبتي ليكم تنقص محبتكم انتوما لياّ!
16
نعم. انا ما ثقلتش عليكم, بالصح هل كنت حيلي معاكم و مكّار!
17
هل طمعت فيكم وحكمت من عندكم حاجة مع الناس اللي بعثهتم؟
18
طلبت من تيطس و بعث معاه هاذاك الاخ. طمع فيكم تيطس؟ ياخي مشينا بروح واحد؟ و طريق واحدة بالذات؟
19
و الا حاسبين نلوموا عليكم؟ قدام الله في المسيح نهدروا. بالصح كل شيء يا لحباب باه انتم تتبناو.
20
على خاطر نخاف لا نجيكم و ما نلقاكمش كيما تمنيت, و انتم ما تلقاونيش كيما تمنيتو. نخاف يكون بيناتكم خصام و حسد و سخط و انقسام و مذمة و نميمة و تكبر و تشويش.
21
نخاف كي نجي مرة اخرى بيناتكم يذلني الله عندكم, و نبكي على ياسر منكم اللي غلطوا من قبل و ما تابوش على النجاسة و على الزنا و الدعارة اللي داروها.
Chapter 13
1
هاذي المرة الثالثة اللي راح نجيكم. "على فم زوز شهود و الا ثلاثة تثبت الشهادة".
2
قلت قبل, و قلت كي كنت حاضر معاكم المرة الثانية, و انا اليوم غايب, نكتب للناس اللي غلطوا قبل, و للخرين الكل: اذا كان زدت جيت ثاني راني ما نشفقش.
3
مادام تطلبوا في دليل باللي المسيح هو اللي يتكلم فيّا, المسيح مش ضعيف بالصح قوي فيكم.
4
حتى و ان كان تصلب بالضعف تاعو على الصليب, بالصح هو حي بالقوة تاع الله. حتى احنا ضعفاء فيه, بالصح بالقوة تاع الله راح نحياو من جيهتكم.
5
جربوا شوفوا ارواحكم, اذا انتم في الايمان؟ جربوا ارواحكم. و الا ما تعرفوش ارواحكم, و بالي يسوع المسيح هو اللي ساكن فيكم, غير اذا كنتوا مرفوضين؟
6
بالصح نتمنى تكونوا عارفين باللي احنا ماناش مرفوضين.
7
و ندعي الله باه ما تديروش حاجة مش مليحة, مش على جالنا احنا باه نبانو ناجحين, بالصح باه انتوما تعملوا الصلاح, و احنا نكونوا كي الموفوضين.
8
على خاطر ما نقدروش نديروا حاجة ضد الحق, بالصح نخدمو على جال الحق.
9
نفرحوا كي نكونوا احنا ضعاف و انتم اقوياء. و هاذا اللي نطلبوا من عند الله: تكونوا كاملين.
10
نكتب اكم هنا و انا غايب, باه ما نكونش صعيب معاكم و انا حاضر, بالسلطان اللي مد هولي الرب باه تتبناو مش باه تتهدموا. تحية الختام
11
اخر حاجة يا خاوتي كونوا فرحانين. كونوا كاملين. كونوا متشجعين. اهتموا اهتمام واحد. عيشوا بالسلام, و الاله تاع السلام و لمحبة يكون معاكم.
12
سلموا على بعضاكم ببوسة مقدسة.
13
جميع القديسين يسلموا عليكم.
14
النعمة تاع ربنا يسوع المسيح, و لمحبة تاع الله, و الشركة تاع الروح القدس تكون معاكم الكل. امين.
Galatians
Chapter 1
1
من عند بولس اللي هو رسول لا من عند الناس و لا من عند اي بشر, بالصح من عند يسوع المسيح و الله الاب اللي حياه من بين الموتى,
2
و من عند جميع الخاوة اللي معايا, للكنايس تاع غلاطية:
3
ليكم النعمة و السلام من عند الله الاب, و من عند ربنا يسوع المسيح,
4
اللي ضحى بروحو على جال ذنوبنا, باه يمنعنا من العالم الشرير حساب واش حب الله وبابانا,
5
اللي ليه الجاه على طول الزمان. الانجيل الواحد
6
انا نتعجب منكم كيفاه هكا في ساع تتبدلوا على اللي ناداكم بالنعمة تاع المسيح لانجيل واحد اخر!
7
ماكانش انجيل واحد اخر, بالصح كاين ناس يقلقوا فيكم و يحبوا يبدلوا الانجيل تاع المسيح.
8
بالصح لو كان بشرناكم احنا ولا حتى ملاك من السماء بخلاف الشيء اللي بشرناكم بيه, يكون "ملعون"!
9
كيما قلنا من قبل و نزيد نقول اليوم ثاني: اذاكان واحد بشركم بخلاف الشيء اللي قبلتوه, يكون "ملعون"!
10
و ضرك نطلب القبول تاع الله و الا لقبول من عند الناس؟ و الا نطلب رضاية الناس؟ لو كان جيت طالب رضاية الناس, ما كنتش عبد للمسيح. دعوة بولس
11
يكون في علمكم يا خاوتي باللي الانجيل اللي بشرت بيه, ما جانيش من عند بشر.
12
على خاطر لا قبلتو من عند انسان و لا تعلمتو من عند انسان. بالصح بالوحي من عند يسوع المسيح.
13
سمعتو بالسيرة تاعي و كيفاه كنت ملتزم بالديانة اليهودية, و كيفاه كنت متطرف نضطهد في كنيسة الله و نقضي عليها وين تكون.
14
و كيفاه كنت اكثر واحد متقدم في الديانة اليهودية اكثر من كل اللي من جيلي و من جنسي, و كيفاه كنت نحرص على عادات الجدود اكثر منهم الكل.
15
بالصح الله خايرني من قبل و انا في كرش يمّا, و ناداني بالنعمة تاعو باه نكون خادم ليه,
16
كي حب يعلن ابنو فيّا باه نبشر بيه بين الامم, ساعتها ما شاورت حتى بشر,
17
و ما طلعتش لاورشليم, باه نقابل للرسل اللي قبلي, بالصح رحت لبلاد لعرب, و من بعد رجعت لدمشق.
18
و من بعد ثلاثة سنين طلعت لاورشليم باه نتعرف على بطرس, و قعدت عندو خمسطاش ن يوم.
19
بالصح ما شفتش الرسل لخرين غير يعقوب خو الرب.
20
و يشهد الله باللي الشيء اللي نكتب فيه ليكم ما زدت عليه حتى كلمة.
21
و من بعدها جيت لبلاد سورية و كيليكية.
22
بالصح ما كنتش معروف بالوجه عند الكنايس اليهودية اللي في المسيح.
23
رغم انهم كانوا يسمعوا: "اللي كان من قبل يضطهد فينا, و لّى اليوم يبشر بالايمان اللي كان يقضي عليه".
24
و كانوا يحمدوا الله على جالي.
Chapter 2
1
و من بعد ربعطاش ن سنة زدت طلعت لاورشليم مع برنابا, و ديت معايا تيطس.
2
و رحت بالوحي من عند الله, و عرضت عليهم همّا قدام المومنين لكبار الانجيل اللي قاعد نبشر بيه بين الامم, باه ما يروحش التعب تاعي اللي تعبتو قبل و اللي قاعد نتعب فيه اليوم باطل.
3
و ما حتموش على تيطس اللي كان معايا باه يتطهر, و هو يوناني.
4
بالصح على جال الناس اللي حاطين رواحهم خاوة بالكذب اللي دخلوا في وسطنا بالتخبية باه يتجسسوا على الحرية تاعنا في المسيح و يسيطروا علينا,
5
بالصح ما استسلمناش ليهم خلاص حتى ساعة , باه نحافظوا على الحق اللي في الانجيل كيما عرفتوه.
6
اما اللي كانوا من كبار المومنين ـ مهما واش يكونوا ما عندي حتى فرق, الله ما يشوفش بالوجوه ـ همّا ما شاروا عليّا بحتى شيء.
7
بالعكس, شافو باللي الله عطاني الانجيل امانة بين يديّا للامم اللي ما عندهمش ختانة كيما عطاه امانة لبطرس لليهود لاهل لختانة.
8
و اللي عمل في بطرس للرسالة تاع لختانة عمل فيّا انا ثاني رسالة للامم.
9
و كي علموا بالنعمة اللي نعم بيها الله عليّا, يعقوب و بطرس و يوحنا و همّا العرسة تاع لكنيسية, مدولي انا و برنابا يمين الشركة باه نكونوا احنا خدّام للامم, و يكونوا همّا خدّام لليهود.
10
بالصح طلبوا منّا باه نتفكروا الفقراء. و هاذا بالذات الشيء اللي حرصت عليه بالجهد اللي عندي. بولس يواجه بطرس
11
بالصح كي جا بطرس لانطاكية وقفت في وجهو و قاومتو, على خاطر كان ملام.
12
قبل ما يجيو جماعة من عند يعقوب كان ياكل مع الامم, و كي جاو وخر و جبد روحو, و خاف من اهل الختانة.
13
و تبعوه ليهود لخرين هما ثاني في النفاق تاعو, و حتى برنابا مشى معاهم في النفاق تاعهم!
14
و كي شفتهم ما مشاوش قدقد على حساب الحق اللي في الانجيل, قلت لبطرس قدامهم الكل: "اذا كنت و انت يهودي تعيش كيما الامم مش كيما ليهود, علاه مالا تحتم على الامم يعيشوا كيما ليهود؟"
15
و احنا بالطبيعة يهود ماناش كيما الامم المذنبين,
16
نعرفوا باللي الانسان ما يوليش بريء بالاعمال تاع الشريعة, بالصح غير بالايمان بيسوع المسيح, و احنا ثاني امنّا بيسوع المسيح, باه نكونوا ابرياء بالايمان بيسوع مش بالاعمال اللي تطلبها الشريعة. على خاطر واحد ما يتبرر بالاعمال تاع الشريعة.
17
اذا كنا احنا طالبين التبرير في المسيح, نلقاو ارواحنا مذنبين, مالا المسيح خادم للمعصية؟ حاشا!
18
على خاطر كان وليت نبني في الشيء اللي ريبْتو, نزيد نبين روحي باللي انا متعدي.
19
على خاطر متت بالشريعة على الشريعة باه نحيا لله.
20
مع المسيح تصلبت, مالا مش انا اللي نحيا, المسيح هو اللي يحيا فيّا. اللي نحياه ضرك في لبدن, نحياه في الايمان, ايمان ابن الله, اللي حبني و ضحى بروحو على جالي.
21
ما نحبسش النعمة تاع الله. على خاطر اذا كانت الشريعة تمد التبرير, مالا المسيح مات بلا سبّة!
Chapter 3
1
يا ناس غلاطية الاغبياء, شكون سحر عقولكم حتى ما تسمعوش للحق؟ انتوما اللي قدام عينيكم ترسم يسوع المسيح مصلوب بينكم!
2
حاب نفهم برك منكم هاذا الشيء: انتوما نلتوا الروح القدس بالاعمال تاع الشريعة و الا بالخبر تاع الايمان؟
3
للدرجة هاذي انتم اغبياء! بعدما بديتوا بالروح تكملوا بالجسد؟
4
استحملتوا هاذا الكل هكذاك باطل؟ اذا كان باطل!
5
اللي يعطيكم الروح, و يعمل المعجزات في وسطكم, دارها بالاعمال تاع الشريعة و الا بالخبر تاع الايمان؟
6
كيما "امن براهيم بالله و تحسب ليه بر".
7
يكون في علمكم باللي الناس اللي همّا في الايمان هاذوك همّا اولاد براهيم.
8
و الكتاب سبق و شاف باللي الله يبرر الامم بالايمان, سبق و بشر ابراهيم و قالو: "فيك انت تتبارك جميع الامم".
9
مالا اللي هما من الايمان يتباركوا مع ابراهيم المومن.
10
و جميع اللي همّا من الاعمال تاع الشريعة همّا تحت اللعنة, على خاطر مكتوب: "ملعون كل اللي ما يعملش بجميع الفرايض اللي جاءت في الشريعة و ما يثبتش فيها".
11
واضح باللي واحد ما يتبرر بالشريعة عند الله, على خاطر "البار يحيا بالايمان".
12
بالصح الشريعة ماهيش من الايمان, " الانسان اللي يخدم بيها يعيش بيها".
13
المسيح فدانا من اللعنة تاع الشريعة, كي ولي على جالنا لعنة, على خاطر مكتوب: "ملعون كل من يتسمر على لوحة".
14
باه نولِيو احنا براكة ابراهيم للامم في المسيح يسوع, باه ننالوا بالايمان الوعد تاع الروح القدس. الشريعة و الوعد
15
يا خاوتي, على حساب المنطق تاع البشر نقول: واحد ما يفسخ و لا يزيد على عاهد اذا كان ثابت حتى لو كان من انسان.
16
اما الوعود اللي تقالت على ابراهيم و على النسل تاعو. ما يقولش: "الانسال" تقول عليه يهدر على قداه من نسل, بالصح هو يهدر غير على واحد: "و في نسلك" اللي هو المسيح.
17
بالصح هاذا اللي نقول: الشريعة اللي جات بعد ربعميا و ثلاثين سنة, ما تفسخش عاهد ثبتو الله قبل من جيهة المسيح حتى يبطل الوعد.
18
على خاطر اذا كان الورث تاع الله مبني على الشريعة, مالا ما يكونش وعد. بالصح الله وهبو لابراهيم بالوعد. الهدف من الشريعة
19
علاه الشريعة؟هي تزادت على جال المعاصي, حتى ن يجي النسل اللي جعل الله بيه الوعد. و خبرت بيها الملايكة على يد وسيط,
20
و الوسيط يقدر يكون اكثر من واحد. بالصح الله واحد.
21
هل الشريعة تخالف الوعود تاع الله؟ حاشا! على خاطر لو كان جات الشريعة قادرة تحيي يكون صح التبرير بالشريعة.
22
بالصح لكتاب حط الناس الكل تحت سلطان الذنوب, باه يمد الوعد اللي يجي بالايمان بيسوع المسيح للناس اللي يامنوا.
23
بالصح قبل ما يجي الايمان كنا كلنا محبوسين تحت حكم الشريعة, حتى ن يبان الايمان اللي يستناو فيه الناس.
24
الشريعة كانت هي اللي تربينا حتى يجي المسيح, باه نتبرروا بالايمان.
25
بالصح بعد ما جا الايمان, ما بقيناش تحت يد المربي. ابناء الله
26
على خاطر انتم الكل اولاد الله بالايمان بالمسيح يسوع.
27
على خاطر انتم الكل اللي تعمدتوا بالمسيح لبستوا المسيح:
28
ما بقاش فيها يهودي و لا يوناني. لا عبد و لا حر. لا ذكر و لا انثى, على خاطر كلكم واحد في المسيح يسوع.
29
اذا كنتوا للمسيح, انتوما مالا نسل ابراهيم, و على حساب الوعد انتوما وراثة.
Chapter 4
1
نزيد نقول: مادام الوريث مازال قاصر ما كاين حتى فرق بينو و بين العبد, رغم اللي هو مولى المال.
2
بالصح يبقى تحت حكم المتوكلين عليه حتى ن يوصل الوقت اللي قال عليه باباه.
3
حتى احنا ثاني: كي كنا قاصرين, كنا عبيد خاضعين للقوى تاع الكون لولى.
4
بالصح كي تم الزمان, بعث الله ابنو المولود من مرى, عاش تحت حكم الشريعة,
5
باه يفدي الناس اللي تحت حكم الشريعة, باه نوَلِيوْ احنا ابناء الله.
6
و الدليل باللي راكم وليتوا اولاد الله, بعث الله الروح تاع ولدو لقلوبكم ينادي: "ابابا, ا بابا".
7
مالا ما بقيتش عبد وليت ولد, و كي وليت ولد معناها انا الوريث تاع الله بالمسيح. بولس قلقان على اهل غلاطية
8
بالصح وقت اللي كنتوا ما تعرفوش الله, كنتوا عبيد لالهة هي في الحق ماهيش الهة.
9
واليوم كي عرفتوا الله, في الحقيقة الله هو اللي عرفكم, كيفاه ترجعوا مرة اخرى للاركان الضعيفة الفقيرة اللي تحبوا تعبدوها كيما كنتوا قبل؟
10
تراعوا ايام و شهورى و اوقات و سنين؟
11
نخاف لا نكون تعبت روحي على جالكم باطل!
12
نحاول فيكم يا خاوتي, كونوا كيما انا, على خاطر انا ثاني كيما نتوما. ما ضريتوني بحتى شيء.
13
على بالكم باللي كنت مريض كي بشرتكم اول مرة.
14
و كانت حالتي حالة بالصح ما حقرتونيش و ما كرهتونيش, بالعكس قبلتوني تقول عليا ملاك من عند الله, تقول عليا المسيح يسوع.
15
وين راحت هاذيك الفرحة؟ انا نشهد لكم لو كان جيتوا قادرين تنحيو عينيكم و تمدوهالي.
16
اليوم وليت عدو كي قلت لكم الحق؟
17
اذا كانوا لخرين غايضهم الحال عليكم, مش صادقين, يحبوا يبعدوكم عليّا باه تكونوا في صفهم.
18
مليح كي يغيظهم الحال عليكم بالصح كي تكون النية صافية و كي تكون في كل وقت, مش غير كي نجي عندكم برك.
19
يا اولادي اللي قاعد نتوجع بيكم كيما لوجاع تاع لولادة باه تتشكل فيكم التصويرة تاع المسيح.
20
نتمنى لو كان جيت حاضر بيناتكم اليوم باه نبدل لهجتي, على خاطر اني حاير فيكم! لمثل تاع هاجر و سارة
21
انتوما اللي تحبوا تكونوا تحت حكم الشريعة, قولولي: ما سمعتوش واش كاين في الشريعة؟
22
مكتوب: كان ابراهيم عندو زوز اولاد, واحد من لجارية و لاخر من الحرة.
23
بالصح ولد الجارية تولد على حساب الجسد, اما ولد الحرة تولد حساب الوعد تاع الله.
24
و هاذا الكل فيه رمز, على خاطر هاذو الزوز نساء يمثلوا العهود في زوز, لول من جبل سيناء, اللي يولد العبودية, اللي هو هاجر.
25
و جبل سيناء في بلاد لعرب, و هاجر هي اورشليم تاع اليوم اللي هي واولادها في العبودية.
26
اما اورشليم تاع السماء, اللي هي امنا الكل, هي الحرة.
27
على خاطر مكتوب: "افرحي ا العاقرة اللي ما تولديش. اهتفي و سبحي يا اللي عمرها ما عرفت اوجاع لولادة, على خاطر اولاد المتروكة اكثر من اولاد اللي براجلها".
28
اما احنا يا خاوتي رانا كيما اسحاق بالذات, اولاد الوعد.
29
بالصح كيما كان في هاذاك الوقت المولود بحكم الجسد يضطهد في المولود حساب الروح, هكا نفس الحال اليوم.
30
بالصح واش يقول لكتاب: "سحت عليك الجارية هي و ولدها, على خاطر ولد الجارية ما يورثش مع ولد الحرة".
31
مالا يا خاوتي احنا ماناش اولاد الجارية احنا ولاد الحرة.
Chapter 5
1
اثبتوا مالا في الحرية اللي حرركم بيها المسيح, و ما ترجعوش للنير تاع العبودية.
2
انا بولس نقول لكم: اذا كان درتوا الختانة ما ينفعكم المسيح في حتى شيء!
3
بالصح نقول مرة اخرى لكل واحد مختن باللي لازم عليه يمشي بالاحكام تاع الشريعة الكل.
4
و الناس اللي طالبين التبرير بالشريعة انتوما قطعتوا كل علاقة بالمسيح. و طحتوا من النعمة.
5
اما احنا نستناو رجاءنا ف الله يبررنا بالايمان بالقدرة تاع الروح.
6
على خاطر في المسيح يسوع سواء يدير لختانة و الا ما يديرهاش ما راح تنفع في شيء. ينفع غير الايمان اللي يعمل بالمحبة.
7
كنتوا ماشين مليح. شكون صدكم باه ما تطاوعوش الحق؟
8
هاذا الشيء ما هوش من عند اللي ناداكم.
9
"خميرة صغيرة تخمر لعجينة الكل".
10
بالصح عندي فيكم ثقة في الرب باللي انتوما ما عندكمش تخمام واحد اخر. بالصح اللي قاعد يشوَش عليكم يستاهل العقاب يكون واش يكون.
11
اما من جيهتي انا يا خاوتي اذا كان مازلت نبشر بالختانة, علاه مالا يضطهدوا فيّا؟ على خاطر هكا العقبة تاع الصليب تبطل.
12
يا ريت الناس اللي يشوشوا عليكم يقطعوا هما ثاني!
13
انتم الله ناداكم للحرية يا خاوتي. بالصح ما تجعلوش من الحرية فرصة باه ترضِيو الجسد, اخدموا بعضاكم بالمحبة.
14
على خاطر الشريعة كاملة تتلخص في كلمة واحدة: "تحب قريبك كيما نفسك بالذات".
15
اذا راكم تنهشوا و تاكلوا في بعضاكم, ردوا بالكم لا تفنِيو بعضاكم. الروح و الجسد
16
بالصح نقول: سيروا بالروح وقتها ما تخدموش شهوة الجسد.
17
على خاطر الشهوة تاع الجسد هي ضد الروح و الشهوة تاع الروح هي ضد الجسد, و كل واحد فيهم يقاوم لاخر. حتى تولِيو تديروا لحوايج اللي ما تحبوهاش.
18
بالصح اذا مشيتوا بالروح ما تكونوش تحت الشريعة.
19
و الاعمال تاع الجسد باينة, و هي: الزنى, الفسق, النجاسة, الدعارة,
20
الاصنام, السحر, لعداوة, لخصام, الغيرة, السخط, النفاق, التفرقة, البدعة,
21
الحسد, القتل, الشراب, القسوة, و كل ما يشابهّا اليوم نحذركم كيما حذرتكم من قبل: جميع اللي يديروا هاذي الامور الكل ما يورثوش الملكوت تاع الله.
22
اما الثمار تاع الروح هو: محبة, فرحة, هنى, صبر, لطف, صلاح, امانة,
23
حذاقة, عفة. و ما كان حتى شريعة تنهي على هاذي الحاجات.
24
بالصح الناس اللي للمسيح صلبوا الجسد مع الرغبات و النزوات.
25
اذا كنا عايشين بالروح, مالا نزيدوا نمشيو بالروح ثاني.
26
ما نكونوش متكبرين نغضبوا و نحسدوا بعضانا.
Chapter 6
1
اعملوا الخير للناس الكل يا خاوتي, اذا كان واحد منكم غلط غلطة, رجعوه للطريق انتوما الروحيين بالروح تاع الوداعة. و كل واحد يعس على روحو باه يطيحش هو ثاني.
2
تعاونوا و هزوا لحمال الثقيلة مع بعضاكم, و هكّا تمموا شريعة المسيح.
3
على خاطر كان واحد حاسب روحو حاجة و هو حتى شيء, هاذاك بخدع في روحو.
4
كل واحد فيكم يحاسب روحو على افعالو, وقتها يقدر يزوخ بافعالو هو برك, مش بافعال غيرو.
5
على خاطر كل واحد يهز لحمل تاعو.
6
اللي يتعلم الكلمة يشارك مع اللي يعلمها في جميع الخيرات.
7
ما تخدعوش ارواحكم! ما تستهزاوش بالله. الواحد ما يحصد غير الشيء اللي زرعو.
8
اللي يزرع للجسد من الجسد يحصد لفساد, و اللي يزرع للروح من الروح يحصد حياة دايمة.
9
ديروا الخير و ما تفشلوش على خاطر اذا كنا ما نفشلوش راح نحصدوا في الوقت المناسب.
10
ما دام عندنا فرصة نديروا الخير في الناس الكل, و بالخصوص اهل الايمان. الخليقة الجديدة
11
شوفوا, قداه كبيرة الحروف اللي كتبتها هنا بيدي!
12
هاذوك اللي يحبوا ينعتوا ارواحهم و يزوخوا بالظاهر تاع الجسد, اللي يحتموا عليكم لختانة, غير باه يمنعوا من الاضطهاد في سبيل صليب المسيح.
13
على خاطر حتى اللي يتختنوا ما يمشيوش بالشريعة, بالصح يطلبوا منكم انتم تختنوا باه يفخروا بالجسد تاعكم.
14
من جيهتي انا, حاشا ليّا كان نفخر غير بالصليب تاع ربنا يسوع المسيح, اللي بيه تصلب العالم ليّا و انا بيه تصلبت للعالم.
15
على خاطر في المسيح لختانة كي تديرها و الا ما تديرهاش ما تنفعك في والو, بالصح اللي ينفع كي تولي مخلوق جديد.
16
السلام و الرحمة على كل من يسير حساب هاذا القانون, و على اسرائيل الله.
17
من اليوم واحد ما يزيد عليا التعب, على خاطرني هاز الصفات تاع الرب يسوع في بدني.
18
النعمة تاع ربنا يسوع المسيح تكون معاكم يا الخاوة. امين.
Ephesians
Chapter 1
1
بولس, الرسول تاع المسيح يسوع بالارادة تاع الله, للقديسين اللي راهم في افسس, المومنين في المسيح يسوع:
2
نعمة وسلام عليكم من الله بابانا و الرب يسوع المسيح. بركات روحية في المسيح
3
تبارك الله الاب تاع ربنا يسوع المسيح, اللي انعم علينا بكل براكة روحية في السماوات في المسيح,
4
كيما خايرنا قبل ما يخلق الدنيا, باه نكونوا قديسين و بلا حتى لوم قدامو في لمحبة,
5
اللي سبق و خصصنا باه يتبنانا ليه بيسوع المسيح, حساب واش حب و واش بغى,
6
باه نمدحوا مجد نعمتو اللي نعم بيها علينا في المحبوب.
7
اللي لينا فيه الفداء بالدم تاعو, غفران الذنوب, حساب غنى نعمتو,
8
اللي فيضها علينا بكل حكمة و تدبير,
9
كي كشف لنا سر ارادتو, اللي قصدها في ذاتو كيما حب,
10
للتدبير تاع الزمانات الكل, باه يلم كلشيء في المسيح, اللي في السماوات و اللي على لرض.
11
اللي فيه ثاني عندنا قسمة, كي خصصنا من قبل حساب واش قضى القصد تاعو اللي يعمل كلشيء حساب واش يحب بالمشيئة تاعو,
12
باه نكونوا مسبحين لمجدو, احنا الي حطينا رجانا في المسيح من قبل.
13
الي فيه حتى انتوما ثاني, كي سمعتوا كلمة الحق, انجيل سلاككم, كي امنتوا تختمتوا بالروح القدس الي كان موعود بيه,
14
اللي هو العربون تاع الورثة تاعنا حتى يفدي اللي شراهم باه يسبحوا المجد تاعو. شكر و صلاة
15
على هاذيك حتى انا ثاني كي سمعت بالايمان تاعكم بالرب يسوع, و المحبة تاعكم لجميع القديسين,
16
مازالت لضرك نشكر في ربي على جالكم, نذكر فيكم ديما في صلاتي,
17
باه اله ربنا يسوع المسيح باباة المجد يمد لكم روح تاع حكمة و اعلان باه تعرفوه,
18
و ينور لكم البصاير تاعكم, باه تفهموا الرجاء الي دعاكم ليه, و تشوفوا كنوز المجد الي جعلها ليكم ميراث بين القديسين,
19
و قداه قدرة العظمة تاعو من جيهتنا احنا المومنين,
20
حساب واش عمل لنا في المسيح بقوتو الكبيرة, كي قومو من بين الموتى, و جعلو على ليمين تاعو في السماوات, فوق كل رياسة و سلطان و سيادة,
21
وفوق كل اسم يتسمى موش برك في هاذا الزمان بالصح حتى في الزمانات الجاية ثاني,
22
و ركَّع كل شيء تحت رجليه, و جعلو فوق كل شيء راس للكنيسية,
23
اللي هي لبدن تاعو و هو اللي يملي الكل في الكل.
Chapter 2
1
و انتوما قبل كنتو موتى بالذنوب و المعاصي,
2
اللي كنتو ماشيين فيها ماديكم الزهو تاع الدنيا و تتبعوا في السلطان تاع لهواء, الروح اللي قاعد يسيطر على اولاد المعصية,
3
اللي احنا كلنا قبل كنا نمشيو حساب الشهوات تاعنا, و كنا نتبعوا في هوانا ورغباتنا, و كنا بالطبيعة تاعنا اولاد الغضب كيما لخرين الكل.
4
بالصح الله برحمتو الواسعة, و بمحبتو لكبيرة اللي حبنا بيها,
5
رجعلنا لحياة مع المسيح بعدما كنا موتى بالذنوب ـ منعتوا بالنعمة تاع الله ـ
6
و قومنا معانا, و قعَّدنا معاه في السماوات في المسيح يسوع,
7
باه يبين في الزمانات الجاية الغنى تاع نعمتو لكبيرة, بحنانتو اللي حن بيها علينا في المسيح يسوع.
8
راكم منعتو بالنعمة تاع الله, بالايمان,
9
و هذا ماجاش من عندكم. هو مهبة من عند الله. و ماهوش بالاعمال تاعكم باه واحد ما يفخر.
10
على خاطر احنا هما الخليقة تاع الله, خلقنا في المسيح يسوع باه نعملوا اعمال صالحة, اللي وجدها لنا الله من قبل باه نمشيو فيها. الوحدة في المسيح
11
قبل كي كنتوا من الامم في الجسد, كانوا الناس المختنين في اجسادهم و باليد, يسميوكم ماكمش مختنين,
12
عليها اتفكروا بلي في هاذاك الوقت كنتوا بلا مسيح, برانيين على جماعة اسرائيل, وعهود الله و الوعد تاعو ماكانش يخصكم انتوما, و لا عندكم لا رجاء و لا اله في هاذي الدنيا.
13
بالصح ضرك في المسيح يسوع, انتوما اللي كنتوا قبل بعاد, وليتوا قراب بالدم تاع المسيح.
14
على خاطر هو السلام تاعنا, اللي خلى لثنين يوليو واحد, و هدَّم الحيط اللي كان يفصل بيناتهم,
15
الحيط تاع لعداوة. اللي بجسمو نحى لوصايا و لفرايض تاع الشرع, باه يخلق في ذاتو من هاذو لثنين انسان واحد جديد, بعدما دار السلام بيناتهم,
16
و يصالحهم في زوز في جسد واحد مع الله بالصليب, اللي بيه قتل لعداوة.
17
و جاء و بشركم بالسلام, انتوما كي لبعاد كي لقراب.
18
على خاطر بيه لينا كلنا طريق الوصول لله الاب في روح واحد.
19
و انتوما ضرك ماكمش غرباء و الا برانية, انتوما وليتوا مواطنين مع القديسيين و موالين الدار دار الله,
20
مبنيين على الساس تاع الرسل و لنبياء, يسوع المسيح هو بذاتو الحجرة تاع الزاوية,
21
اللي مركبة عليه لبنية الكل مع بعضاها, و يكبر باه يولي هيكل مقدس في الرب.
22
اللي فيه انتم ثاني مبنيين مع بعضاكم باه توليو السكنى تاع الله في الروح.
Chapter 3
1
على جال هذا انا بولس المتحدث، محبوس المسيح يسوع على خاطركم انتوما الامم,
2
اذا كان سمعتوا بدبارة نعمة الله اللي مدها لي على خاطركم.
3
بلي راه عرّفني على السر بالاعلان. كيما كتبت لكم قبل باختصار.
4
اللي على حسابو كي تقراوه تقدروا تفهموا علمي بالسر تاع المسيح.
5
اللي في اجيال واحد اخرين البشر ما عرفوا عليه حى شيء كيما، توضح ضرك للرسل لمقدسين و لنبياء بالروح و هذا هو السر:
6
بلي الامم ولاو شركاء في الورثة و في الجسد و ينالو الوعد تاع الله في المسيح بالانجيل.
7
الي وليت انا خدام ليه حساب وهبة نعمة الله اللي تمدت لي حساب واش دارت قوته.
8
ليا انا الصغيرفي القديسين مجمولين، تمدت ليا هذه النعمة، باه نبشر بين الامم بجاه المسيح الي ما يتوصفش،
9
وننور للكل على واش هي الشركة في السر المخبي من بكري في الله خالق كل شيء بيسوع المسيح.
10
باه يتعرف ضرك عند الرياس والسلاطين في السماوات، على طريق الكتيسية، بحكمة الله المنوعة،
11
حساب قصد الدهورالكل اللي دارو في المسيح يسوع ربنا.
12
اللي بيه ولات عندنا شجاعة باه نقدموا لله بايمان و ثقة.
13
على هذا نطلب باه ما تتقلقوش عليا في المقاسية الي نعدي فيها على جالكم الي هي لمجدكم انتم. صلاة لناس افسوس
14
على جال هذا نسجد على ركايبي ل بابا ربنا يسوع المسيح،
15
الي منو تسمى كل عرش في السماوات وعلى لرض.
16
باه يمد لكم على حساب جاه المجد تاعو، باه بالقوة الي في الروح تاعو تتقواو انتوما في اعماقكم من الداخل،
17
باه يسكن المسيح باليمان في قلوبكم ،
18
و انتوما متاصلين و مبنيين على الساس في المحبة حتى تقدروا تفهموا انتوما و كل القدبسين، واش هو الطول والعمق و لعلو،
19
و تعرفوا محبة المسيح اللي تفوت العلم، باه تتملاو من كل الملء تاع الله.
20
والي قادر يديرفوق كلشيء، اكثر خلاص من الي نطلبوا و الا نتخيلوا بحساب القدرة الي تخدم فينا،
21
ليه المجد في الكنيسية في المسيح يسوع لجميع لجيال و في كل الزمانات. امين.
Chapter 4
1
نطلب منكم انا المحبوس على جال المسيح: باه يكون السلوك تاعكم على حساب الدعوة اللي دعاكم ليها الله.
2
كونوا متواضعين و لطفاء و عندكم صبر باه تستحملوا بعضاكم في لمحبة.
3
و اجتهدوا باه تحافظوا على الوحدة تاع الروح برباط السلام.
4
جسد واحد, و روح واحدو كيما كانت ثاني عندكم دعوة برجاء واحد.
5
رب واحد, و ايمان واحد, و معمودية واحدة.
6
اله واب واحد للكل, اللي هو فوقهم الكل و يعمل بيهم الكل و في وسطكم الكل.
7
بالصح لكل واحد منا قسمة من النعمة على قد ما وهب لو المسيح.
8
على هاذيك يقول في لكتاب: "كي طلع للعلالي اسرى و مسبيين سباهم وكل الناس الهدايا اعطاهم".
9
و ما يكون "طلع". غير على خاطرو هبط في لول للاعماق التحتانية تاع لرض.
10
و هاذا اللي هبط هو في ذاتو اللي طلع ثاني فوق كل السماوات , باه يملى كل شيء.
11
و هو اللي مد لوحايد باه يكونوا رسل, و وحايد اخرين باه يكونوا انبياء, و وحايد اخرين باه يكونوا مبشرين, و وحايد اخرين رعاة و معلمين,
12
باه يكوْنوا القديسين اللي يعملوا الخدمة, و هكذا يتبنى الجسد تاع المسيح, باه نوصلوا احنا كلنا لوحدانية الايمان و المعرفة تاع ابن الله.
13
باه نوصلوا كلنا للانسان الكامل اللي قياس قامتو على قد ملء المسيح.
14
باه ما نكونوش كيما لولاد الصغار خايفين و اي ريح تاع تعليم اللي يجي يدينا, بالحيلة و المكر تاع الناس حتى يوصلوهم للضلال,
15
بالصح نكونوا صادقين في لمحبة, حتى نكبروا في كل شيء في المسيح اللي هو الراس,
16
اللي بيه الجسم كامل مركب مع بعضاه لاصق بكل مفصل, باه يقدر يخدم, كي كل عضو يخدم الخدمة تاعو, هكذا يكبر الجسم يكمل البنيان تاعو بالمحبة. السلوك تاع اولاد النور
17
هاذا واش نقول لكم و نشهد في الرب: من ضرك ماتزيدوش تمشيو في السيرة تاع الامم بتفكيرهم الباطل,
18
اللي البصيرة تاعهم ظلمة, اللي على جال جهلهم و قساوة قلوبهم راهم غرباء على حياة ترضي الله.
19
اللي ما بقاش عنهم حتى احساس سلموا ارواحهم للفجور باه يعملوا كل نجاسة بلا ما يشبعوا.
20
بالصح انتوما مش كيما هكذا اللي تعلمتوا المسيح, و
21
على خاطراذا كان سمعتوا بيه و تعلمتوا التعليم اللي مطابق للحق اللي في يسوع,
22
نحيو عليكم السيرة لولى تاع الانسان لقديم اللي فسداتو الشهوات الخداعة,
23
اتجددوا بالروح في افكاركم,
24
و البسوا الانسان الجديد المخلوق على صورة الله في البر و القداسة و الحق.
25
و ارميو عليكم لكذب, و كل واحد يكلم قريبو بالصدق, على خاطر احنا كلنا لعضاء تاع بعضانا.
26
اغضبوا بالصح ما تغلطوش. ما تخليوش الشمس تغرب عليكم وانتم في غيظكم,
27
و ما تخليوَش ابليس يدخل بيناتكم.
28
الي كان يسرق يبطل السرقة من هنا وجاي , يتعب و يخدم و خيربعرق جبينو, باه يقدر هو ثاني يعاون المحتاجين.
29
ما تخرجش كلمة العيب من فوامكم, بالصح كي تهدروا, اهدروا غير بالكلام الصالح اللي يفيد السامعين و يبنيهم.
30
وما تحزنوش روح الله القدوس اللي بيه تختمتوا حتى يجي نهار الفداء.
31
بعدوا عليكم كل مرارة و نقمة و غضب و صياح و سبان و كل خبث.
32
و كونوا حَّنان مع بعضاكم, رحماء, متسامحين كيما سامحكم الله ثاني في المسيح.
Chapter 5
1
كونوا متمثلين بيا كيما اولاد محبوبين,
2
و امشيو في لمحبة كيما حبنا ثاني المسيح و بذل حياتو على جالنا, قربان و ذبيحة لله طيبة الريحة.
3
و اما الزنا و كل نجاسة و الا طمع ما تتذكرش خلاص بيناتكم كيما يليق بالقديسين,
4
و لا لقباحة و لا الكلام السفيه و لا التمسخير اللي ما يليقش, بالصح خير كي تلهجوا بالشكر لله.
5
راكم عارفين ك بلي كل زاني و الا ناجس والا طماع ـ راه عابد اوثان ـ ما عندوش نصيب في الملكوت تاع الله و المسيح.
6
ما يغركم حتى واحد بالكلام الباطل, على سبة هاذي الامور الكل يجي السخط تاع الله على اولاد العصيان.
7
ما تكونوش مشاركين معاهم.
8
من قبل كنتوا ظلمة, بالصح انتوما اليوم راكم نور في الرب. امالا خلي السيرة تاعكم كيما اولاد النور.
9
على خاطر الثمار تاع الروح هو في كل صلاح و بر و حق.
10
اتعلموا الحوايج اللي ترضي ربي.
11
و ما تشاركوش في لعمال تاع الظلام اللي ما هيش مثمرة بالعكس خير لكم كي تكشفوها.
12
على خاطر الامور اللي يعملوها في السر, عيب حتى تتحكى.
13
بالصح كل حاجة تتكشف تظهر في النور. و كل اللي يظهر هو نور.
14
على هاذيك قالوا: "يا الراقد نوض و قوم من بين الموتى باه يشرق عليك النور تاع المسيح".
15
اتولهوا مليح كيفاه تمشيو, موش كيما الجهلاء بالصح كيما الحكماء,
16
و اغتنموا الفرصة على خاطر ليام ما ليهاش لامان تدور.
17
على هاذا ما تكونوش اغبياء بالصح كونوا فاهمين واش هي الارادة تاع الله.
18
ما تسكروش بالخمرة اللي فيها لخلاعة, خير تتملاو بالروح,
19
احكيو مع بعضاكم بالمزامير و التسبيحات و الاناشيد الروحية, مترنمين و مرتلين في قلوبكم لربي.
20
اشكروا في كل وقت على كل شيء في اسم ربنا يسوع المسيح, لله و الاب.
21
اخضعوا لبعضاكم في المخافة تاع الله. الزوجات و الازواج
22
يا نساء اخضعوا لرجالكم كي شغل راكم خاضعين لله,
23
على خاطر الراجل هو الراس تاع لمرى كيما راه المسيح هو الراس تاع لكنيسية, و هو مخلص الجسد.
24
و كيما تخضع لكنيسية للمسيح, كيما هكذاك يخضعوا النساء لرجالهم في كل شيء.
25
و انتوما يا رجال, حبوا نساكم كيما حب المسيح الكنيسية و مات على خاطرها,
26
باه يقدسها, كي نقاها و غسلها بالماء و بالكلمة,
27
باه يقدمها لروحو كنيسية مجيدة, ما فيها حتى عيب و لا شوهة و لا حتى حاجة تشوهها, بالصح تكون مقدسة و بلا عيب.
28
ثاني لازم على الرجال يحبوا نساهم كيما اجسادهم. اللي يحب مرتو يحب نفسو.
29
ما كان حتى واحد يكره البدن تاعو, بالصح يقوتو و يرعاه, كيما يرعى المسيح بالكنيسية.
30
على خاطر احنا رانا لعضاء تاع جسمو من عظامو و من لحمو.
31
"على جال هاذا يخلي الراجل باباه و امو و يلصق في لمرى تاعو, و في زوز يوليو جسد واحد".
32
هاذا سر كبير, السر تاع المسيح و الكنيسية.
33
اما انتوما الافراد, كل واحد منكم يحب مرتو كيما يحب نفسو, ولمرى لازم عليها تهاب رجلها.
Chapter 6
1
انتوما يا لولاد طيعوا والديكم في الرب, على خاطر هاذا هو الصواب.
2
" اكرم باباك و امك", هاذي هي اول وصية مربوطة بوعد من عند الله,
3
" باه تنال الخير, و يطولك ربي في عمرك".
4
و انتوما يا الوالدين, ما تغَضبوش اولادكم, و ربيوْهم على وصية ربي و لمخافة تاعو. العبيد و السادة
5
و انتوما يا لعبيد, طيعوا سادتكم اللي في لرض بخوف و رهبة و قلب صافي كيما تطيعوا المسيح,
6
موش باه يشوفوكم برك باه ترضِيو الناس, بالصح كي اللي راكم تخدموا في المسيح, عاملين واش يحب ربي من القلب,
7
اخدموا بنية صافية كيما تخدموا لربي, موش للناس.
8
عالمين بلي مهما واحد يعمل الخير ربي يكافيه, عبد كان و الا حر.
9
و انتوما يا سادة, عاملوهم بالمثل, و خليو عليكم التهديد, و اعلموا بلي انتم ثاني سيدكم في السموات, و ما يحايل على حتى واحد. السلاح الكامل تاع الله
10
و في لخر يا خاوتي, تقووا في ربي و قدرة قوتو.
11
و البسوا السلاح الكامل تاع الله باه تقدروا تثبتوا في وجه المكايد تاع ابليس.
12
على خاطر الحرب تاعنا ماهيش مع دم و لحم, بالصح راهي مع الرياس, مع السلاطين, مع الوُلية تاع هاذا العالم عالم الظلام تاع الدنيا, الارواح جنود الشر في الجو تاع السماء.
13
على هاذيك هزوا السلاح الكامل تاع الله باه تقدروا تقاوموا في نهار الشر, و تقدروا تثبتوا بعد ما تكملوا كل شيء.
14
امالا اثبتوا متمنطقين بالحق, هازين الدرع تاع البر,
15
و لابسين في رجليكم الاستعداد باه تنشروا انجيل السلام.
16
رافعين فوق الكل الترس تاع ليمان, اللي بيه تقدروا تطفيو كل السهام الشاعلة تاع لعدو.
17
و حطوا على روسكم الخوذة تاع الخلاص, و السيف تاع الروح اللي هو الكلمة تاع الله.
18
صليو في كل و قت في الروح بكل صلاة و كل طلبة, و اتولهوا على هاذا الكل بالصلاة و الدعاء, للقديسين الكل,
19
و ليا انا, باه يعطيني ربي كلام كي نفتح فمي, و نبدى نعلم جهار بالسر تاع الانجيل,
20
اللي على خاطرو راني سفير مسلسل, باه نجاهر بيه كيما لازم نتكلم. تحيات ختامية
21
و باه تعرفوا على احوالي انا ثاني, و واش راني ندير, ضرك يخبركم تيخيكس الخو لعزيز و الخادم الامين في المسيح,
22
اللي على جال هاذا بعثتو عندكم, باه تعرفوا احوالنا و تفرح قلوبكم.
23
سلام لكل الخاوة, و محبة باليمان من عند الله الاب و الرب يسوع المسيح.
24
النعمة لكل اللي يحبوا ربنا يسوع المسيح محبة عمرها ما تزول. امين ـ تكتبت هاذي لبرية لناس افسس من روما بيد تيخيكس ـ
Philippians
Chapter 1
1
من عند بولس و تيموتاوس العباد تاع يسوع المسيح, لجميع القديسين اللي في المسيح يسوع, اللي في فيليبي, و كل الاساقفة و الشمامسة:
2
نعمة و سلام ليكم من الله بابانا و الرب يسوع المسيح. شكر و صلاة
3
نشكر الهي كلما نذكركم في صلاتي,
4
و ندعي ليكم الكل دايما وانا فرحان,
5
على جال المشاركة تاعكم في الانجيل من اول يوم حتى لضرك.
6
متيقن من هاذا الشيء بالذات باللي اللي بدى معاكم عمل صالح يكملو حتى ن يجي النهار تاع يسوع المسيح.
7
من حقي نفكر هاذا الشيء من جيهتكم الكل, على خاطر حافظت عليكم في قلبي, في سلاسلي, و في الدفاع على الانجيل و تثبيتو, انتوما الكل الشركاء تاعي في النعمة.
8
و الله شاهد عليا كيفاه توحشتكم الكل بحنانة يسوع المسيح.
9
و هاذا الشيء اللي ندعيه في صلاتي: باه تزيد لمحبة تاعكم اكثر و اكثر في المعرفة و الفهامة كاملة,
10
حتى تقدروا تميزوا الامور المتخالفة, باه تكونوا مخلصين و بلا حتى لوم حتى ليوم المسيح,
11
فايضين بثمار البر اللي في يسوع المسيح, لمجد الله و لحمده. السلاسل تاع بولس ساهمت في نشر الانجيل
12
حبيتكم تعرفوا يا خاوتي باللي الشيء اللي صرالي زاد ساهم باه الانجيل يتقدم اكثر و اكثر,
13
و حتى وجودي في الحبس على جال المسيح ولى معروف في دار الولاية كاملة و في الاماكن لخرى الكل.
14
و حتى اغلبية الخاوة تشجعوا بالسلاسل تاعي في الرب, ولاو يبشروا بكلمة الله بحماس اكثر, و بلا خوف.
15
و كاين جماعة اللي قاعدين يبشروا بالمسيح بالحسد و المكرة, و اخرين يبشروا بيه بنيتهم.
16
هاذوك يناديو بالمسيح بالتحزب بلا اخلاص, حاسبين باللي يزيدوا على ما بيا من سلاسل و ضيق.
17
و هاذوك يناديو بيه محبة فيا, عارفين باللي الله جعلني باه ندافع على الانجيل.
18
بالصح واش يهمني؟ مادام التبشير بالمسيح قاعد يتم على كل حال سواء بالحق و الا بالسبة, و هاذا الشيء اللي فرحني. و مازال يزيد يفرحني.
19
على خاطر نعرف باللي هاذا الكل يوصل للخلاص بالصلاة تاعكم و بالمعينة تاع روح يسوع المسيح,
20
كل ما نتمناه و كل ما نرجاه اني ما نخيبش ابدا في حتى شيء, ونكون اليوم و في كل يوم عندي الجرأة باه نخدم بكل كياني للمجد تاع المسيح, سواء كان بالحياة و الا بالموت.
21
على خاطر بالنسبة ليا لحياة هي المسيح و الموت هي الربح.
22
اما اذا كنت بحياتي ندير خدمة مثمرة, واش راح نخاير؟ ما نعرف!
23
انا محصور بينهم في زوز: ماذابيّا نروح و نكون مع المسيح, هاذاك خير و خير.
24
بالصح كي نبقى بيناتكم هاذا ضروري ليكم انتم.
25
و راني متيقن باللي راح نبقى بيناتكم الكل على جال التقدم تاعكم و الفرح تاعكم في الايمان,
26
و يزيدكم مرة اخرى حضوري في وسطكم فخرة بالمسيح يسوع.
27
المهم اليوم تكون سيرتكم في لحياة كيما يليق بانجيل المسيح, حتى كان جيت و شفتكم, و الا حتى اذا كنت غايب و سمعت اموركم باللي راكم ثابتين بروح واحد, و تجاهدوامع بعضاكم بقلب واحد في سبيل الايمان بالانجيل.
28
ما تخافوش من خصومكم في حتى شيء, على خاطر هاذاك هو دليل على هلاكهم همّا, كيما هو دليل على سلاككم انتم, و هاذا من فضل الله.
29
اللي وهب لكم باه تقاسيو على جال المسيح, مش تامنوا بيه برك.
30
و تجاهدوا الجهاد نفسو اللي شفتوه فيّا, و اللي راكم تسمعوا بيّا نجاهد فيه.
Chapter 2
1
اذا كان وعظ يكون في المسيح. و اذا كانت تعزية تكون في لمحبة. و اذا كانت مشاركة تكون في الروح. في لحنانة و الروف,
2
تزيدوا تفرحوني كي يكون عندكم راي واحد و محبة وحدة بقلب واحد و فكر واحد.
3
بعدوا على التحزب و الغرور, اسلكوا بالتواضع, حطوا خاوتكم خير من ارواحكم.
4
و ما يشوفش الواحد فيكم غير لمصلحتو, بالصح كل واحد يفضل الاخرين على نفسو هو.
5
فكروا كيما هاذا الفكر تاع يسوع المسيح:
6
هو اللي كان التصويرة تاع الله, ما حطش باللي المساواة تاعو مع الله فرصة.
7
بالصح حط من روحو, و جا في صورة عبد, ولي كيما واحد من الناس.
8
و جعل ذاتو في هيئة تاع بشر, هبط من ذاتو, و طاع حتى للموت, الموت على الصليب.
9
على هاذا ثاني, رفعو الله, و اعطاه اسم فوق الاسامي الكل,
10
باه تركع لاسم يسوع كل ركبة في السماء, و فوق لرض, وتحت لرض,
11
و يستعرف كل لسان باللي يسوع المسيح هو رب, للمجد تاع الله الاب. كونوا نور يضوي في الدنيا
12
مالا يا لحباب, كيما كنتوا دايما طايعين, مش غير نكون حاضر معاكم برك, بالصح بالاخص حتى في غيابي, تموا الخلاص تاعكم بخوف و رعدة,
13
على خاطر الله هو يعمل فيكم باه يجعلكم راغبين وقادرين على رضايتو.
14
اعملوا كل شيء بلا ما تدمروا و بلا ما تتجادلوا,
15
حتى تكونوا صافيين بلا لوم في حتى شيء, و ابناء الله حاجة ما تعيبكم في وسط جيل اعوج و فاسد, تضوِيوْ في وسطهم كي النجوم في السماء.
16
حاكمين في كلمة لحياة, نفخر بيكم في نهار المسيح, باللي ما تعبتش و ما سعيتش على جالكم باطل.
17
بالصح حتى لو كان دمي يسيح ضحية على جال فايدة الايمان تاعكم, نسعد و نفرح معاكم الكل.
18
على هاذا الشيء بالذات اسعدوا انتم ثاني و افرحوا معايا. تيموتاوس وابفرودتس
19
نتمنى في الرب يسوع المسيح باه نبعث لكم تيموتاوس في اقرب وقت باه نعرف احوالكم و نتهنى عليكم.
20
على خاطر ما عندي حتى واحد اخر الا تيموتاوس يتوله باحوالكم كيما نفسي,
21
على خاطر لخرين الكل يحوسوا على مصالحهم مش على الامور اللي تخص يسوع المسيح.
22
و انتم تعرفوا الخبرة تاعو وكيفاه خدم معايا الانجيل كيما خدمة الابن مع باباه.
23
و ضرك نبعثو عندكم اول ما تبان لخبار على احوالي هنا.
24
و عندي ثقة في الرب باللي انا ثاني راح نشوفكم قريب.
25
و شفت باللي لازم نبعث لكم ابفروديتس خويا, رفيقي و متجند معايا, و المرسول من عندكم باه يساعدني في حوايجي.
26
راه توحشكم الكل و حزن كي عرف باللي سمعتو انو كان مريض.
27
على خاطر مرض و قرّب يموت, بالصح الله حن عليه و حن عليا انا ثاني معاه, باه ما يزيدنيش حزن على حزن.
28
الشيء اللي خلاني نبعثو عندكم بالزربة, باه كي تشوفوه انتوما تفرحوا و انا حزني ينقص.
29
اقبلوه في الرب و افرحوا بيه, و الناس اللي كيما هو اكرموهم.
30
على خاطر وصل للموت على جال خدمة المسيح, و عرض روحو للخطر باه يكمل النقص تاع خدمتي ليكم.
Chapter 3
1
اخر حاجة يا خاوتي, افرحوا في الرب. ما يقلقنيش كي نكتب لكم هاذي الامور بالذات, بالصح كل ما نعاودها لكم تكون فيها سلامتكم.
2
ردوا بالكم من لكلاب. ردوا بالكم من اهل الشر. ردوا بالكم من هاذوك اللي يشوهوا البدن.
3
احنا همّا اهل الختان تاع الصح, اللي نعبدوا الله بالروح, و نفخروا بالمسيح يسوع, و ما نعولوش على امور لبدن.
4
بالرغم اللي من حقي نعول عليها انا ثاني. اكثر من اي واحد اخر.
5
على خاطر من جيهة الطهارة مطهر و انا عمري ثمانية ايام, يهودي من عرق اسرائيل, من عشيرة بنيامين, عبراني من العبرانيين, و من جيهة الشرع فريسي.
6
من جيهة الغيرة على الدين: مضطهد للكنيسية. من جيهة التقوى في الشرع: ما يعيبني حتى شيء.
7
بالصح كل حاجة كانت فايدة ليا, حسبتها على جال المسيح خسارة.
8
و زيد نخسر واش نخسر باه نرنح اعظم شيء: باه نعرف المسيح يسوع ربي, اللي خسرت على جالو لحوايج الكل, و ما كان ليها حتى قيمة عندي غير باه نربح المسيح,
9
و نكون فيه, و ما نتبررش بالشريعة, بالصح نتبرر بالايمان بالمسيح, و هو البر اللي يوهبو الله بالايمان.
10
باه نعرفو هو, و قوة قيامتو, و نشارك معاه في اوجاعو, و نتشبه بيه في موتو,
11
على خاطر عندي رجاء فيه راح نقوم معاه.
12
و هاذا مش على خاطر انا فزت و الا وصلت للكمال, بالصح مازلت نسعى لعلي نفوز بالشيء اللي على جالو فاز بيا المسيح يسوع.
13
ياخاوتي, انا مانيش حاسب روحي فزت. بالصح تهمني حاجة واحدة ننسى اللي ورايا و نجاهد باه نوصل للشيء اللي يسنى فيّا لقدام,
14
نسعى باه نوصل للهدف و ننال جايزة دعوة الله اللي من السماء في المسيح يسوع.
15
علينا احنا الكل اللي رانا نسعاو للكمال, نفكروا كيما هكّا, بالصح اذا فكرنا بخلاف هاذا الشيء الله راح يبين لنا هاذا ثاني.
16
اما اليوم نحكموا بصدق في الشيء اللي وصلنا ليه.
17
يا خاوتي كونوا متمثلين بيّا, و تبعوا السلوك تاع الناس اللي يسيروا على المثال تاعنا,
18
كيما كنت نقول لكم قداه من مرة, و نزيد نقول لكم و الدموع في عينيّا, باللي كاين ياسر من اللي يسلكوا سلوك اعداء صليب المسيح,
19
اللي اخرتهم لهلاك, اللي الاله تاعهم كروشهم و عارهم هو المجد تاعهم, اللي يخمموا غير في الامور تاع الدنيا.
20
اما احنا سيرتنا هي في السماء, اللي منها نسناو المخلص تاعنا يسوع المسيح يرجع,
21
اللي راح يبدل الشكل تاع لبدن تاعنا الوضيع و يرجعوا على صورة البدن تاعو المجيد, بالقدرة تاعو اللي بيها يخضع ليه كل شيء.
Chapter 4
1
مالا يا خاوتي يا لحباب, انا متوحشكم, انتم الفرحة تاعي, و تاجي, اثبتوا هكا في الرب يا لحباب. نصائح
2
نطلب من افودية و سنتيخي باه يكون عندهم فكر واحد في الرب.
3
و نطلب منك انت ثاني يا شريكي الامين, باه تعاونهم في زوز على خاطر جاهدوا معايا في سبيل الانجيل, و معاهم اكليمندس ثاني و الخدّامين لخرين اللي خدموا معايا, اللي اساميهم مكتوبة في كتاب لحياة.
4
افرحوا في الرب في كل وقت, نقولها و نعاودها: افرحوا.
5
باه الصبر تاعكم يكون معروف عند الناس الكل. الرب قريب يرجع.
6
ما تتقلقوا على حتى شيء, بالصح في كل شيء بالصلاة و الدعاء مع الشكر, باه تتعرف طلباتكم عند الله.
7
و السلام تاع الله اللي ما يقدر حتى واحد يتصورو, يحفظ قلوبكم و افكاركم في المسيح يسوع.
8
اخر حاجة يا خاوتي, كونوا مهتمين, بكل ما هو حق, كل ما هو شريف, كل ما هو عادل, كل ما هو طاهر, كل ما يفرّح, كل اللي يجيب سمعة مليحة, مهما كانت فضيلة و الا شكر.
9
و اعملوا بالشيء اللي تعلمتوه, و اللي تسلمتوه, و اللي سمعتوه مني, و اللي شفتوه فيّا, و اله السلام يكون معاكم. الشكر على المعونات
10
فرحت ياسر في الرب كي شفت باللي وليتوا تتولهوا بيّا كيما كنتوا قبل, غير كي ما جاتش الفرصة برك.
11
ما قلتش هاذا لكلام على خاطرني محتاج, انا تعلمت كون مستكفي بالشيء اللي عندي.
12
نعرف نعيش بالقليل و نعرف نعيش بالكثير. في كل شيء ربيت روحي نشبع و ربيت روحي نجوع, ربيت روحي باه نفّضل على ما عندي و باه ننقص عليه.
13
نقدر على كل شيء في المسيح يسوع اللي يقويني.
14
بالصح درتوا مليح كي شاركتوني في المحنة تاعي.
15
و انتم ثاني راكم عارفين يا ناس فيليبي باللي من اول ما خرجت نبشر بالانجيل من مكدونية, ما كان حتى كنيسية شاركتني في لحسابات تاع الجمع و التوزيع غير انتوما وحدكم.
16
و حتى كي كنت في تسالونيكي بعثتوا ليّا مرة و الا زوز كي كنت محتاج.
17
ما نقولش هاذا لكلام باه تمدولي هدية. بالصح نحب نشوف الربح يزيد في لحساب تاعكم.
18
انا ضرك عندي كل ما نحتاج ليه و بزيادة. ما خصني حتى شيء بعدما جابلي ابفرودتس لحوايج اللي بعثتوهم معاه, اللي هي هدية لله ريحتها طيبة, يجعلها الله مقبولة و يرضى عليها.
19
و الله يوفي الاحتياجات تاعكم الكل على حساب الغنى و الجاه تاعو في المسيح يسوع.
20
المجد لله بابانا على طول الدهور الكل. امين. تحيات الختام
21
سلموا على كل قديس في المسيح يسوع. الخاوة اللي معايا الكل يسلموا عليكم.
22
القديسين الكل يسلموا عليكم و بالخصوص اللي في بيت قيصر.
23
النعمة تاع ربنا يسوع المسيح نكون معاكم اجمعين. امين. ـتكتبت بيد ابفرودتس لناس فيليبي من روماـ
Colossians
Chapter 1
1
من عند بولس, الرسول تاع يسوع المسيح كيما حب الله, و تيموتاوس الاخ,
2
للقديسين اللي في كولوسي, و الخاوة المومنين بالمسيح: عليكم النعمة و السلام من عند الله بابانا و الرب يسوع المسيح. صلاة و شكر
3
نحمد الله الاب تاع يسوع المسيح, في كل وقت نرفعوا فيه صلوات على جالكم,
4
على كل ما سمعناه على ايمانكم بالمسيح يسوع, و محبتكم للقديسين الكل,
5
على جال الرجاء اللي وجدهولكم الله في السماوات, الشيء اللي سمعتوا بيه قبل في كلمة حق الانجيل,
6
اللي وصلت ليكم انتمّا كيما وصلت ثاني للعالم كامل, اللي بدات تجيب ثمارها و تتنشر فيه, كيما جابت ثمارها و تنشرت بينكم انتوما من نهار اللي سمعتوا و عرفتوا النعمة معرفة تاع الصح.
7
و هاذا هو اللي تعلمتوه من عند ابفراس زميلنا لعزيز في خدمة الله و الخادم الامين تاع المسيح عندكم,
8
و هوثاني اللي خبرنا بمحبتكم في الروح.
9
على جال هاذا الشيء احنا نصلِيو ليكم من نهار اللي سمعنا عليكم هاذي لخبار طالبين من الله يفيض عليكم من معرفة الارادة تاعو, في كل حكمة و فهامة روحية,
10
باه تسيروا في حياتكم كيما يحق للرب و يرضيه رضاية تامة, و يجعلكم مثمرين في كل صلاح و تزيدوا تعرفوا الله اكثر و اكثر,
11
متقويين بكل القوة اللي في القدرة تاعو المجيدة, باه تتحملوا و انتم فرحانين كل شيء بثبات و صبر,
12
شاكرين الاب اللي جعلكم اهل باه تتشاركوا مع القديسين في ملكوت النور.
13
اللي نجانا من سلطان الظلمة, و عدانا للملكوت تاع ابن محبته,
14
اللي بيه نلنا الفداء, و بالدم تاعو غفران الذنوب. جاه المسيح و العظمة تاعو
15
هو تصويرة الله اللي ما يتشافش والبكر تاع كل المخلوقات.
16
بيه خلق الله كل شيء: اللي في السماوات و اللي على لرض, اللي يتشاف و اللي ما يتشاف, مهما كانت عروش و الا سيادات و الا رياسات و الا سلاطين. الكل بيه هو و ليه هو تخلق.
17
هو اللي كان قبل كل شيء, و فيه يكون كل شيء,
18
هو الراس تاع لبدن: لكنيسية. هو لبدية, و بكر من قام من بين الموتى و باه يكون هو لول في كل شيء.
19
على خاطر الله حب باه يكون فيه الملء بكلو,
20
و حب باه يصالح بيه هو كل شيء مع ذاتو, مهما كان على لرض و الا في السماوات, عمل الصلح بالدم تاعو اللي ساح على الصليب.
21
و انتم اللي كنتوا من قبل غرباء على الله و عديان بافكاركم و اعمال الشر اللي تديروها, و ضرك تصالح معاكم
22
في بدن الانسان تاع المسيح, اللي سلمو للموت باه يجعلكم تكونوا قدام الله قديسين بلا عيب و لا لوم,
23
اذا كان ثبتوا في الايمان راسخين ما تتزعزعوش على رجاء الانجيل, اللي سمعتوه, و اللي وصلت اخبارو لكل مخلوق تحت السماء, و اللي جعلني انا بولس خادم ليه. الجهاد تاع بولس على جال لكنيسية
24
و انا نفرح بالوجاع اللي نقاسيها على جالكم, و نكمل في لبدن تاعي على الالام اللي قاساها المسيح, على جال لبدن تاعو اللي هو لكنيسية,
25
اللي جعلني خادم ليها, على حساب تدبير الله اللي تمدلي على جالكم, باه نتمم كلمة الله.
26
السر لمخبي من قديم الدهر على طول اجيال, بالصح كشفو اليوم للقديسين تاعو,
27
اللي راد الله باه يخليهم يعرفوا قداه كا ن هاذا السر غني و مجيد عند الامم, اللي هو المسيح فيكم رجاء المجد.
28
اللي بيه ننادِيو و نبشروا في كل الناس, و نعلموهم بكل رزانة, باه نجيبوا كل واحد كامل في المسيح يسوع.
29
الشيء اللي راني نتعب على جالو و نجاهد, على حساب قدرتو اللي تعمل فيا بقوة.
Chapter 2
1
نحبكم تعلموا واش من جهاد نجاهد فيه على جالكم, و على جال المومنين اللي في لاودكية, و جميع حتى اللي عمرهم ما شافوا وجهي,
2
باه تفرح قلوبهم و تمتان روابط لمحبة بيناتهم و ينالوا كل كنور الفهامة, اللي بيها يفهموا سر الله الاب و المسيح,
3
اللي فيه تتلم جميع كنور الحكمة و العلم.
4
انا نقول هاذا باه واحد ما يخدعكم بكلام معسل.
5
على خاطر حتى و لو كنت غايب عليكم في البدن بالصح حاضر معاكم بالروح, فرحان كي نشوفكم منظمين و ثابتين في الايمان تاعكم بالمسيح. لحياة مع المسيح
6
كيما قبلتوا المسيح يسوع الرب هكذاك اسلكوا فيه,
7
متأصلين راسخين فيه, ثابتين في الايمان, اللي تعلمتوه, فايضين فيه بالشكر.
8
عسوا على ارواحكم باه واحد ما يسبيكم بالفلسفة, و يغر بيكم في الباطل, على حساب تقاليد البشر, و اركان العالم, مش على حساب المسيح.
9
على خاطر فيه يحل ملء الالوهية بكلو في لبدن.
10
و اللي فيه انتوما توصلوا للكمال, اللي هو راس على كل رياسة و سلطان.
11
و اللي بيه ثاني طهركم طهارة ماهيش معمولة بيد انسان, بالصح كي نحى لبدن البشري تاع الذنوب, و هاذي هي طهارة المسيح.
12
نهار اللي تعمدتوا في المسيح, تدفنتوا معاه و قمتوا معاه ثاني, على خاطر امنتوا بقدرة الله اللي حياتو من بين الموتى.
13
انتوما كنتوا موتى بالذنوب تاعكم و مش طاهرين في بدنكم, بالصح هو حياكم معاه, و غفر لكم كل ذنوبكم,
14
كي محى الدين اللي علينا في الفرايض, و اللي كان ضدنا, و نحاه وقت اللي هزو في الوسط و سمرو على الصليب,
15
و جرد اصحاب السيادة و السلاطين و جعلهم عبرة, و اداهم اسرى في المحفل تاعو الغالب.
16
واحد ما يحكم عليكم في الشيء اللي تاكلوه و اللي تشربوه, و الا في لعياد و الا راس الشهر و السبت,
17
هاذي الكل ما هي غير ظل للامور الجاية تاع المستقبل, اما الحقيقة هي في المسيح.
18
واحد ما يخسركم في الاجر تاعكم, كي يطلب منكم التواضع و العبادة تاع الملايكة, و المنامات, وتلقاه ينفخ في روحو بالتفكير تاعو البشري الباطل,
19
و ما هوش حاكم في الراس اللي منو هو يتقوى الجسم كامل ويكون مربوط في بعضاه بالمفاصل و العروق باه يكبر كيما يحب الله.
20
اذا كنتوا متّوا مع المسيح و نحيتوا عليكم اركان هاذي الدنيا, علاه مالا تعيشوا تقول عليكم من اهل هاذي الدنيا؟ علاه تتقيدوا بهاذي الفرايض:
21
"ما تمسش! ما تذوقش! ما تحكمش!"
22
اللي هي كلها حوايج تزول مع الوقت, على خاطر هي احكام و تعاليم تاع بشر,
23
اللي تبان باللي فيها حكمة, في عبادة خاصة, و تواضع, و السيطرة على البدن, بالصح ما عندهاش فايدة باه تضبط الاهواء تاع الانسان.
Chapter 3
1
و اذا كان حييتوا مع المسيح مالا اطلبوا الامور اللي لفوق, وين المسيح قاعد على يمين الله.
2
اهتموا بالامور اللي في السماء مش بالامور تاع لرض,
3
على خاطر انتوما متّوا و حياتكم مستورة في الله مع المسيح.
4
و النهار اللي يظهر فيه المسيح و هو حياتنا و قتها تظهروا انتم ثاني معاه في الجاه تاعو.
5
مالا اقتلوا لحوايج الارضية اللي فيكم كيما: الزنا, النجاسة, الميولات, و الشهوة الفاسدة, الطمع, ـاللي هو عبادة اصنام ـ
6
الامور اللي على جالها يحل الغضب تاع الله على اولاد المعصية,
7
كيما كان حالكم انتم من قبل كي كنتوا عايشين فيها.
8
اما اليوم اطرحوا عليكم هاذي الامور الكل: الغش, الانتقام, الخبث, الشتم, ما تخرجوش لكلام لقبيح من فوامكم.
9
ما تكذبوش على بعضاكم, على خاطر نحيتوا عليكم الانسان لقديم بكل افعالو,
10
و لبستوا الانسان الجديد اللي يتجدد في المعرفة على المثال تاع الخالق تاعو,
11
و ما يبقاش هاذا يهودي و هاذا يوناني, هاذا مختن و هاذا ما هوش مختن, هاذا اعجمي و هاذا بربري, هاذا عبد و هاذا حر, بالصح يولي المسيح هو الكل في الكل.
12
انتوما اللي اختاركم الله و قدسكم و حبكم, البسوا مشاعر لحنانة, و اللطف, و التواضع, و الوداعة, و الصبر,
13
مستحملين بعضاكم, و متسامحين بيناتكم, اذا كان واحد منكم عندو شكاية على واحد اخر, اغفروا لبعضاكم كيما غفر لكم المسيح ثاني.
14
و فوق هاذي الكل البسوا لمحبة اللي هي الرابطة تاع الكمال.
15
و السلام تاع الله يملك على قلوبكم اللي نداكم ليه باه تولِيو جسد واحد, كونوا شاكرين.
16
و خلِيو كلمة المسيح تسكن فيكم بكل الغنى تاعها, باه تعَلموا و تولهوا بعضاكم بكل رزانة, بمزامير و تسابيح و ترنيمات روحية, بالنعمة, رافعين الشكر لله من كل قلوبكم.
17
و اي شيء تعملوه بالاقوال و الا بالافعال اعملوا الكل باسم الرب يسوع, حامدين بيه الله الاب. توصيات للعايلة المسيحية
18
يا نساء اخضعوا لرجالكم كيما يليق بالحياة اللي تعيشوها للرب.
19
يا رجال حبوا نساكم, و ما تكونوش قاسيين عليهم.
20
يا اولاد طيعوا والديكم في كل شيءعلى خاطر فيها رضاية الرب.
21
يا والدين, ما تغضبوش اولادكم باه ما يفشلوش.
22
يا عبيد طيعوا سيادكم في هاذي الدنيا في كل شيء, مش على عينين الناس برك, بالصح بالقلب الصافي و مخافة ربي.
23
و كل شيء مهما تعملوه اعملوه من القلب كي شغل لربي مش للناس,
24
و كونوا عارفين باللي الرب هو اللي راح يجازيكم بالورث, على خاطر انتم تخدموا في الرب المسيح.
25
اما الظالم راح ينال الجزاء تاعو, بلا محايلة.
Chapter 4
1
يا سادة عاملوا العبيد تاعكم بالعدل و المساواة, عالمين باللي انتم ثاني عندكم سيد في السماوات. توصيات الختام
2
داوموا على الصلاة ساهرين فيها على الشكر,
3
و صليو على جالنا احنا ثاني, باه يفتح لنا ربي باب و نهدروا بالسر تاع المسيح, اللي على جالو انا ثاني راني مسلسل في الحبس,
4
باه كي نخبر بيه تكلم كيما لازم الحال.
5
كونوا حكماء كيفاه تتصرفوا مع الناس اللي من برى لكنيسية, الفرصة اللي تكون اغتنموها.
6
خلي كلامكم ديما يكون بالنعمة لطيف مليح, باه تعرفوا كيفاه تجاوبوا كل واحد. تحيات الختام
7
احوالي كاملة ضرك يخبركم بيها الاخ لحبيب تيخكس, و الخادم الامين, و العبد معانا في الرب,
8
اللي بعثتو على جال هاذا الشيء بالذات, باه يعرف احوالكم و يفرح قلوبكم,
9
مع انسيمس الاخ الامين لحبيب اللي هو واحد منكم, و هما في زوز راح يخبروكم بكل واش صرى هنا عندنا.
10
يسلم عليكم ارسترخس رفيقي في الحبس, و مرقس ولد اخت برنابا, و هو اللي وصيتكم عليه, كان جا عندكم رحبوا بيه.
11
و يسوع اللي يعيطولو يسطس, راهم غير هما برك من ليهود اللي خدموا معايا للملكوت تاع الله, و كانوا معينة ليّا.
12
يسلم عليكم ابيفراس, اللي هو واحد منكم, عبد للمسيح, يجاهد في كل وقت على جالكم في الصلاة. باه تثبتوا في الكمال و تديروا الارادة تاع الله بالتمام.
13
انا نشهد ليه باللي يتعب ياسر في الخدمة على جالكم, و على جال المومنين اللي في لاودكية, و اللي في هيرابوليس.
14
يسلم عليكم الطبيب لوقا لحبيب, و ديماس,
15
سلموا على الخاوة اللي معاكم في لاودكية, و على نمفاس و على لكنيسية اللي في البيت تاعو.
16
و بعد ما تتقرى هاذي لبرية عندكم زيدوا اقراوها في لكنيسية تاع اللاودكيين, و انتم تقراو ثاني لبرية اللي بعثتها للكنيسية تاع لاودكية.
17
و قولوا لارخيبس: "احرص باه تمم الخدمة اللي قبلتها في الرب".
18
هاذا السلام بخط يدي انا بولس. اتفكروا السلاسل اللي مسلسلتني. النعمة تكون معاكم. امين. تكتبت هاذي لبرية لاهل كولوسي من روما على يد تيخكس و انسيمس.
1 Thessalonians
Chapter 1
1
من عند بولس و سلوانس وتيموتاوس, للكنيسية اللي في تسالونيكي, اللي في الله الآب و الرب يسوع المسيح: ليكم سلام و نعمة من عند الله بابانا و الرب يسوع المسيح. شكر لله على جال المومنين اللي من تسالونيكي
2
نشكروا ربي دايما على جالكم, و دايما نذكروكم في صلاتنا,
3
و ديما نذكروا قدام الهنا و بابانا, جهاد ايمانكم, و تعب محبتكم, و صبركم و رجاكم, اللي تعملوهم للرب يسوع المسيح.
4
و احنا متيقنين يا خاوتنا لعزاز علينا باللي الله هو اللي خايركم,
5
على خاطر نهار اللي جبنالكم الانجيل ما كانش غير بالكلام برك, بالصح ثاني بالقوة تاع الله, و بالروح القدس, و بتأكيد ثابت, كيما على بالكم الكل كيفاه كنا نخدموا فيكم و احنا بيناتكم.
6
و انتوما تمثلتوا بينا وبالرب, على خاطر تحملتوا صعوبات كبار نهار اللي قبلتوا لكلام تاع الله, بالصح مع هاذا كانت عندكم الفرحة تاع الروح القدس,
7
حتى وليتوا انتم مثالا لجميع المومنين اللي في مكدونية و في اخائية.
8
و من عندكم انتوما اللي تنشرت الكلمة تاع ربي, موش برك في مقدونية و اخائية, و في كل مكان تنشر خبر ايمانكم بالله, حتى لقينا ارواحنا ما عندنا ما راح نزيدوا نقولوا على كلامكم.
9
و ولاو همّا اللي يحكيوْ علينا, كيفاه قبلتونا نهار اللي جيناكم, و كيفاه هداكم ربي وتخليتوا على الاوثان و رجعتوا تعبدوا في الله الحي الحقيقي,
10
و تستناو وقتاه يرْجع وليدو من السماء, اللي احياه من بين الموتى, يسوع اللي راح ينجينا من الغضب تاع ربي.
Chapter 2
1
يا خاوتنا على بالكم باللي احنا ما جيناش عندكم باطل,
2
بعدما قاسينا الصعوبات و تحقرنا في فيليبي كيما تعرفوا, كانت عندنا الشجاعة في الله باه نهدروا معاكم جهار بالانجيل تاع الله, رغم اللي كانت كاينة معارضة كبيرة.
3
و احنا كي وعظناكم ماوعظناش على ضلال, و الا على دنس, و الا بالخدّع,
4
بالصح هدرنا معاكم هدرة تاع ناس ربي استأمنهم على الانجيل, موش باه نرّضيوْ الناس بالصح باه يرضى علينا ربي اللي عارف واش في لقلوب.
5
وكيما تعرفوا ما كانش لكلام تاعنا ليكم باه نجاملوكم, و لا كنّا طامعين فيكم. ربي شاهد علينا.
6
و لا كنّا طالبين جاه من الناس, لا منكم و لا من غيركم, رغم اللي كان عندنا الحق باه تقادرونا على خاطر مهما يكون رانا الرسل تاع المسيح.
7
بالصح احنا كنا نعاملوا فيكم بالحنانة كيما تربي الام اللي ترضع اولادها,
8
كنا حنان عليكم و كنا نرضاو نمدولكم حياتنا ثاني موش برك الانجيل, على خاطر حبيناكم.
9
و شفتوا بعينيكم كيفاه تعبنا وجاهدنا جهاد تاع الصح, و احنا نبشروا فيكم بالنجيل تاع الله, ليل و نهار واحنا نخدموا باه ما نثقلوش عليكم.
10
انتوما شهود, و ربي ثاني شاهد علينا, كيفاه كنّا بيناتكم انتوما المومنين.
11
و كيفاه عاملناكم بنزاهة و عدل و بلا ما نقيسوا حتى واحد فيكم. وكنا ننصحوا كل واحد فيكم كيما ينصح الاب اولادو, و نشجعوا فيكم,
12
و نوصيو فيكم ديما باه تمشيو على حساب الحق تاع الله اللي دعاكم للملكوت و الجاه تاعو.
13
على هاذا الشيء احنا نشكرو ربي دايما, على خاطر كي قبلتوا خبر كلمة الله, ما قبلتوهاش كي اللي راهي كلمة من عند ناس, بالصح قبلتوها باللي هي بالحقيقة الكلمة تاع الله صح, اللي تخدم فيكم انتوما المومنين.
14
و وليتوا يا خاوتنا كيما لكنايس تاع الله في المسيح يسوع اللي في بلاد اليهودية, على خاطر حتى انتوما قاسيتوا من اهلكم, كيما قساو همّا ثاني من عند اهلهم ليهود,
15
اللي قتلوا الرب يسوع كيما قتلوا لنبياء تاعهم, و اضطهدونا احنا. و همّا ما يرضيوْش الله وعديان للناس الكل.
16
ما يخليوْناش نهدروا للشعوب لخرى على الخلاص تاع الله, و هما كل مرة يزيدوا في الذنوب على ارواحهم. حتى ن نهار اللي ينزل عليهم السخط تاع الله. بولس مشتاق يشوف الخاوة
17
يا خاوتنا احنا, عندنا مدة ما شفناكمش, بالصح لقلوب عند بعضاها, توحشناكم ياسر و حبينا نشوفوكم.
18
و كنّا حابين نجيوْ عندكم - انا و بولس - مرة و الا زوز و الشيطان عطلنا.
19
شكون راح يكون رجانا وفرحتنا وتاج روسنا؟ موش بيكم انتوما اللي راح يكون لنا هاذا الشيء قدام ربنا يسوع المسيح نهار اللي يجي؟
20
على خاطر انتوما مجدنا و فرحتنا.
Chapter 3
1
و كي شفنا ارواحنا ما قدرناش نصبروا عليكم قعدنا احنا وحدّنا في اثينا.
2
و بعثنالكم خونا تيموتاوس, و خادم الله, اللي يخدم معانا في التبشير بالانجيل تاع المسيح, باه يشجعكم و يثبتكم في ايمانكم,
3
باه ما تفْشلوش في الصعوبات هاذي. راكم عارفين باللي هاذي هي قسمتنا.
4
قلنا لكم من قبل, كي كنا عندكم: باللي راح نعديوْ على الصُعوبات, و هاذا الشيء اللي صرى, كيما على بالكم.
5
و هاذا الشيء اللي ما خلانيش نزيد نصبر, و بعثتو باه نتهنى عليكم, لا يكون المٌجَرب جرّبكم في ايمانكم, و يروح التعب تاعنا باطل. تيموتاوس يرجع باخبار مليحة
6
و كي رجع لنا تيموتاوس من عندكم, و حكالنا على ايمانكم و محبتكم, و باللي راكم دايما تذكرونا بالخير, و باللي راكم توحشتونا وتحبوا تشوفونا, كيما احنا ثاني حابين نشوفوكم,
7
الايمان تاعكم عزّانا و شجعنا يا لخاوة - في وسط الضيق و في الشدة اللي نعديوْ بيهم -
8
و ترجع فينا الروح كي تكونوا انتوما ثابتين في المسيح.
9
و على قد ما نشكروا ربي من جيهتكم على هاذي الفرحة الكل اللي فرّحتونا بيها ما نقدروش نوفيوْه حقو؟
10
ليل و نهار نطلبوه يرزقنا نشوفوكم, و نكملو الشيء اللي ينقصكم في الايمان.
11
و الله في ذاتو بابانا و ربنا يسوع المسيح يسهل لنا نجيوْكم.
12
و ربي يكبركم و يزيدكم في لمحبة لبعضاكم و للناس الكل, على قد ما احنا ثاني نحبوكم,
13
و هو اللي يثبت قلوبكم و تكونوا في قداسة كاملة بلا لوم, قدام الله بابانا و نهار اللي يجي فيه ربنا يسوع المسيح مع جميع القديسين تاعو.
Chapter 4
1
وعلى هاذا يا خاوتي نطلب منكم و نترجاكم في الرب يسوع المسيح, باه تزيدوا تكملوا في السيرة تاعكم كيما تعلمتوا منّا و كيما لازم و ترضَيوْ الله اكثر و اكثر.
2
و انتوما تعرفوا الوصايا اللي مدينالكم في الرب يسوع.
3
على خاطر هاذا واش يحب ربي: القداسة تاعكم. تمنعوا ارواحكم من الزنا,
4
و كل واحد منكم يعرف كيفاه يصون جسمو بقداسة وكرامة,
5
و ما يخليش الشهوة تاع الوثنيين اللي ما يعرفوش الله تسيطر عليه,
6
و واحد ما يتعدى على خوه و الا يطمع فيه في هاذا الامر, على خاطر الله ينتقم من جميع هاذي لحوايج كيما قلنالكم من قبل و شهدنا بيه.
7
على خاطر ربي ما دعاناش للنجاسة بالصح دعانا للقداسة.
8
و اللي يرفض هاذا التعليم ما هوش يرفض انسان, بالصح يرفض الله بذاتو اللي مد لنا ثاني الروح تاعو القدوس.
9
و اما لمحبة بين الخاوة مانيش محتاج نكتب لكم عليها, على خاطر انتوما من عند ربي تعرفوا كيفاه تحبوا بعضاكم.
10
و هاذا الشيء اللي راكم تعملوا فيه للخاوة الكل اللي في مكدونية كاملة. ونطلب منكم تزيدوا منها اكثر و اكثر, و
11
احرصوا باه تعيشوا في هدوء, و كل واحد يهتم بامورو الخاصة, و تكسبوا رزقكم بعرق جبينكم كيما وصيناكم,
12
باه تكون سيرتكم مليحة قدام الناس اللي خارج لكنيسية, و ما تكونوش محتاجين لحتى واحد. الرجوع تاع الرب
13
ما ذابيا يا خاوتي ما يخفاش عليكم هاذا الامر من جيهة اللي ماتوا, باه ما تحزنوش كيما لخرين اللي ما عندهمش رجاء.
14
على خاطر اذا كنا نامنوا باللي يسوع مات و قام من الموت, هكذاك حتى اللي ماتوا و هما في يسوع, الله راح يقوَّمهم همّا ثاني معاه.
15
انا نقول لكم هاذا بكلمة الرب: باللي احنا اللي ما زلنا حيين حتى يجي الرب يسوع المسيح, ما نسبقوش اللي ميتين.
16
على خاطر ربي في ذاتو في وسط الهتاف, و بصوت رايس لملايكات و البوق تاع الله, راح ينزل من السماء و اللي ماتوا في المسيح همّا اللي راح يقوموا لولين.
17
و من بعد احنا الباقيين كلنا نتخطفوا معاهم في السحاب باه نلاقيو الرب في لهواء, و هكا نكونوا في كل وقت معاه.
18
على هاذا شجعوا بعضاكم بهاذا لكلام.
Chapter 5
1
اما لوقات و الزمانات تاع الله ماكمش محتاجين نكتب لكم عليها يا خاوتي,
2
على خاطر تعرفوا مليح النهار اللي راح يجي فيه الرب كيما يجي السراق في الليل على غفلة.
3
وقت اللي يقولوا فيه: "لهناء و لمان", وقتها يجيهم لهلاك على غرادة, كي لوجاع للمرى اللي بلكرش, ما يقدروش يمنعوا.
4
و بالصح انتوما يا خاوتي ما راكمش تعيشوا في الظلمة حتى يدهم عليكم هاذاك النهار كي السرّاق.
5
انتوما الكل اولاد النور و اولاد النهار. احنا ماناش من الليل و لا من الظلام.
6
مالا ما نرقدوش كيما لخرين, لازم علينا نسهروا و ننوضوا.
7
على خاطر الللي يرقدوا يرقدوا في الليل, و الللي يسكروا يسكروا في الظلمة.
8
و اما احنا اصحاب النهار, نكونوا نايضين لابسين درع الايمان و لمحبة, و خوذة رجاء الخلاص.
9
على خاطر الله ما جعلناش للغضب تاعو, بالصح جعلنا للخلاص بربنا يسوع المسيح,
10
اللي مات على جالنا, حتى كان سهرنا في لحياة و الا رقدنا في الموت كلنا راح نحياو معاه.
11
على هاذيك شجعوا بعضاكم و كل واحد فيكم يبني لاخر, كيما راكم تديروا اليوم. توجيهات ختامية
12
و نطلب منكم يا خاوتي تكرموا الناس اللي يتعبوا بيناتكم و يرعاوكم في الرب وينصحوكم,
13
و تقادروهم و تحبوهم على جال الخدمة تاعهم. عيشوا في سلام بيناتكم.
14
و نطلب منكم يا خاوتي: انصحوا الناس اللي بلا ترتيب, شجعوا الخايفين. عاونوا الضعاف. اصبروا على الناس الكل.
15
اتولهوا و عندكم لا ترَجعوا على الشر بالشر.
16
ديما اسعاو للخير لبعضاكم و للناس الكل.
17
افرحوا في كل وقت.
18
صلوا ديما ما تحبسوش. احمدوا ربي على كل حال, على خاطر هاذي هي المشيئة تاع الله في يسوع المسيح من جيهتكم.
19
ما تطفيوَش الروح.
20
ما تحقروش النبوات.
21
امتحنوا كل شيء, و اللي هي خير احكموا فيها.
22
بعدوا على كل حاجة تجيبلكم شبهة تاع شر.
23
و اله السلام بذاتو يقدسكم بالتمام, و يحفظ ارواحكم و انفسكم و اجسادكم و يعطيكم النزاهة حتى تكونوا بلا عيب كي يجي ربنا يسوع المسيح.
24
و اللي دعاكم هو امين يوفي بالعاهد تاعو.
25
يا خاوتي صليوْ من اجلنا.
26
سلموا على الخاوة الكل بسلام مقدس.
27
و نطلب منكم على وجه المسيح باه هاذي البرية تتقرى على كل الخاوة القديسين.
28
و النعمة تاع ربنا يسوع المسيح تكون معاكم. امين
2 Thessalonians
Chapter 1
1
من عند بولس و سلوانس وتيموتاوس, للكنيسية اللي في تسالونيكي, اللي في الله بابانا و الرب يسوع المسيح:
2
ليكم نعمة و سلام من عند الله بابانا و الرب يسوع المسيح. شكر وصلاة
3
ما بقالنا غير نشكروا الله ديما كيما لازم على جالكم يا خاوتنا, على خاطر ايمانكم يكبر ويزيد, و لمحبة تاع كل واحد منكم لبعضاكم الكل قاعدة تكبر,
4
حتى ولينا نفخروا بيكم في الكنايس تاع الله, على الصبر اللي عندكم و الايمان تاعكم في وسط الاضطهادات و الصوعوبات اللي احملتوها,
5
و هي دليل باللي حكم الله عادل, و قاعد يوَجد فيكم لملكوت الله اللي تقاسيوْ على جالو.
6
على خاطر من العدل تاع الله انو يجازي بالضيقات الناس اللي يقلقوكم,
7
و يكافيكم انتوما اللي قاعدين تتعذبوا معانا بالراحة, وقت اللي يظهر فيه الرب يسوع من السماء هو و ملايكات قوتو,
8
في لهيب النار, و ينتقم من الناس اللي ما يعرفوش الله, و ما يطيعوش انجيل ربنا يسوع المسيح,
9
اللي راح يتعاقبوا بهلاك دايم بعيد من وجه الرب ومن جاه الجبروت تاعو,
10
وقت اللي يجي و يتمجد في القديسين تاعو ويتعجبوا منو جميع المومنين. في هاذاك اليوم على خاطر صدقتوا الشهادة اللي شهدنالكم بيها.
11
و الحاجة اللي في صلاتي ديما من جيهتكم: ان يجعلكم ربي صالحين لدعوتو, و يكمل فيكم كل فرحة و صلاح و عمل الايمان بقوة,
12
باه يتمجد اسم ربنا يسوع المسيح فيكم, و انتم فيه, بنعمة الهنا والرب يسوع المسيح.
Chapter 2
1
و اما النهار اللي راح يجي فيه ربنا يسوع المسيح و كيفاه راح نكونوا معاه, نطلب منكم يا خاوتي,
2
ما تخليوْ حتى حاجة تزعزع افكاركم, و ما تخافوش, لا من روح و لا من كلمة ولا من برَية تجيكم و تحاسبوها من عندنا: تقول باللي او المسيح جاء.
3
واحد ما يخدعكم باي حاجة, على خاطر هاذاك النهار ما يجيش حتى ن يسود الكفر قبل, و يبان راجل المعصية, ابن لهلاك,
4
لعدو اللي يطّلع روحو فوق كل من يتسمى اله ومعبود, ويقعد في الهيكل تاع الله, و يجرب باه يكون هو بذاتو اله.
5
تتفكروا انا كي كنت عندكم كنت نقول لكم هاذا لكلام؟
6
راكم تعرفوا واش الحاجة اللي ما تخليهش يظهر ضرك حتى ن يجي وقتو.
7
السر تاع المعصية قاعد يعمل في خدمتو حتى ن تتنحي الحاجة اللي معطلاتو ضرك,
8
وقتها يظهر راجل المعصية, اللي تقضي عليه نفخة من فم الرب, و يفنيه بظهورو كي يجي.
9
و يكون ظهور راجل المعصية الاثيم بالقدرة اللي يعملها الشيطان, بكل قوة, و بايات و معجزات كاذبة,
10
و كل لخدع تاع الاثم, في الناس الهالكين, على خاطر هما ما قبلوش محبة الحق اللي بيها ينالوا الخلاص.
11
و على جال هاذا الشيء يبعث لهم الله قوة التضليل, حتى يصدقوا لكذب,
12
و يحاكم جميع اللي ما قبلوش الحق, و فرحوا بالشر. اثبتوا
13
نحمدو ربي و نشكروه دايما على جالكم يا خاوتنا لعزاز عند الرب, باللي الله خايركم من لول للخلاص, بالقداسة اللي يمدها الروح و بالايمان بالحق,
14
هاذا الامر اللي دعاكم ليه الله بالانجيل اللي جبناه احنا ليكم, باه تنالوا الجاه تاع ربنا يسوع المسيح.
15
مالا يا خاوتي اثبتوا واحكموا في التعاليم اللي تعلمتوها, ان كانت بالكلام و الا بالبريات اللي كتبناهالكم.
16
و ربنا يسوع المسيح في ذاتو, و الله بابانا اللي حبنا و مدلنا تشجيع ما يفناش و رجاء صالح بالنعمة تاعو,
17
يشجع قلوبكم و يثبتكم في الصلاح ان كان في لكلام و الا في لفعال.
Chapter 3
1
في لخر يا خاوتي صليوْ من اجلنا, باه تتنشر كلمة ربي و تتمجد, كيما صرى عندكم انتم ثاني,
2
باه ربي ينجينا من الناس الضالين الاشرار, على خاطر مشِّي الناس الكل مومنين.
3
بالصح ربي امين و هو اللي يثبتكم و يحفظكم من الشرير.
4
و احنا متأكدين باللي راكم عملتوا و راح تعملوا الشيء اللي وصيناكم بيه كامل.
5
و ربي يهدي قلوبكم لمحبة الله, و للصبر اللي في المسيح. تحذير من الكسل
6
و نوصيكم يا خاوتي, باسم الرب يسوع المسيح تبعدوا على كل اخ بطال يخالف الشيء اللي تعلمتوه منا.
7
و راكم عارفين كيفاه لازم يكون متمثل بينا, على خاطر ما كناش قاعدين حاطين يد على يد كي كنا بيناتكم,
8
و ما كليناش الخبز بوبلاش من عند حتى واحد, بالصح كنا نخدموا و نتعبوا ليل ونهار, باه ما نثقلوش على حتى واحد منكم.
9
موش على خاطر ما عندناش الحق, بالصح حبينا نكونوا قدوة ليكم تتمثلوا بينا.
10
و كي كنا عندكم, ياخي وصيناكم بهاذا الشيء: اللي ما يحبش يخدم ما عندوش الحق ياكل".
11
على خاطر سمعنا باللي بيناكم ناس ما يحبوش يخدموا, بالصح لاتيين برك بالحوايج اللي بلا فايدة.
12
هاذوك نوصيوْهم و ننصحوهم بربنا يسوع المسيح يروحوا يخدموا و يبقاو هاديين, و ياكلوا بعرق جبينهم.
13
يا خاوتي ما تفشلوش و انتوما تديروا في لخير.
14
و اذا كان واحد ما يطيعش كلامنا اللي كتبناه هنا, انذروه و ما تخالطوهش باه يحشم على روحو.
15
ما تعاملوهش كي اللي عدو, بالصح انصحوه كي اللي خو. تحيات ختامية
16
و رب السلام بذاتو هو اللي يعطيكم السلام دايما و في كل حال. ربي معاكم الكل.
17
هاذا السلام كتبتو بخط يدي انا بولس. اللي هو لمارة في كل برية بعثتها ليكم, و هاذي هي لكتيبة تاعي.
18
النعمة تاع ربنا يسوع المسيح تكون معاكم اجمعين. امين.
1 Timothy
Chapter 1
1
بولس الرسول تاع يسوع المسيح حساب الامر تاع الله اللي خلصنا, و ربنا يسوع المسيح, الرجاء تاعنا.
2
ل تيموتاوس ولدي تاع الصح في الايمان: نعمة و رحمة و سلام من عند الله بابانا و المسيح يسوع ربنا. بولس يحذر من المعلمين لمزيفين
3
كيما قلت لك تقعد في افسس, على خاطر انا كنت رايح لمكدونية, نوصي واحد الناس باه ما يعلموش تعليم واحد اخر,
4
و باه ما يسمعوا لحتى خرافات و انساب ما تفضش, اللي تسبب غير المجادلات و ما تخدمش تدبير الله المبني على الايمان.
5
واش تكون الفايدة من لوصية غير لمحبة من قلب طاهر, و ضمير صالح, و ايمان بلا نفاق.
6
هاذي الامور اللي كاين ناس بعدوا عليها, و مالوا لكلام باطل.
7
و يحبوا يولِيوْ معلمين تاع شرع, و همّا ما يفهموش واش قاعدين يقولوا, و لا واش قاعدين يقرروا.
8
بالصح على بالنا باللي الشرع صالح, اذا كان الواحد يستخدموعلى اساس انه شرع.
9
على خاطر علابالنا باللي الشرع ما تحطش للناس الابرار, بالصح تحط للناس العاصيين و المتمردين, الفاجرين و المذنبين للناس الناجسين و المستبيحين, للقتالين بيّانهم و امّاتهم, و اللي يقتلوا ف الناس,
10
للزانيين, و للناس اللي يحبوا الشذوذ, اللّي يخطفوا الناس و يبيعوهم, للكذابين, للّي يحلفوا بالباطل و لكل واحد يخالف التعليم الصحيح,
11
اللي على حساب انجيل مجد الله المبارك اللي تحط امانة بين يديا, بولس يشكر الله على النعمة تاعو
12
انا نحمد ربنا يسوع المسيح اللي قواني, و اعتبرني مولى امانة, كي جعلني خادم ليه,
13
و انا اللي كنت من قبل نكذب عليه و نضطهد و نسب فيه. بالصح ترْحَمت, على خاطر ما كنتش مؤمن و كنت نتصرف بجهل.
14
و فاضت عليّا النعمة تاع ربنا و ما فيها من ايمان و محبة في المسيح يسوع.
15
الكلمة صادقة و تستاهل لقبول كامل: باللي المسيح جا للدنيا باه يسلك المذنبين اللي انا اول واحد فيهم.
16
بالصح على جال هاذا الشيء نلت الرحمة: باه يبين يسوع المسيح فيّا انا لول الصبر تاعوو يجعلني مثال للناس اللي يأمنوا بيه باه ينالوا لحياة الدايمة.
17
و ملك الدهور اللي لا يفنى و لا يتشاف, الاله الحكيم وحدو, ليه الكرامة و المجد على طول الدهور. امين
18
يا ولدي تيموتاوس نحط هاذي لوصية امانة بين يديك على حساب النبوءات اللي تقالت عليك من قبل, باه تجاهد فيها الجهاد الطيب,
19
بالايمان و الضمير الصالح, اللي كاين ناس ياسر رفضوه, و زاد تكسر بيهم مركب الايمان,
20
اللي من بينهم هيمينايس و الاسكندر, اللي سلمتهم للشيطان باه يترباو و ما عادوش يكذبوا.
Chapter 2
1
اول حاجة نطلبها منكم, ادعيو الله و صلِيوْ و سبحوا و اشكروا لجميع الناس,
2
للسلاطين و كل مسؤول, باه نعيشوا مرتاحين هانيين بكل تقوى و كرامة,
3
على خاطر هاذا شيء مليح و مقبول عند الله اللي سلكنا,
4
الله اللي يحب جميع الناس يمنعوا, و لمعرفة الحق يوصلوا.
5
على خاطر كاين غير اله واحد و وسيط واحد بين الله و الناس: اللي هو يسوع المسيح,
6
اللي ضحى بروحو باه يفدي جميع الناس, و الشهادة على هاذا الشيء تمت في وقتها,
7
و الله جعلني ليها مبشر و رسول. نقول الحق في المسيح و ما نكذبش, معلم للامم في الايمان و الحق.
8
نحب الرجال يصلِيو في كل مكان , هازين يدين طاهرة, بلا غش و بلا عراك.
9
و النساء ثاني يزينوا ارواحهم بلباس الحشمة, و يزيدوا عليها لحياء و لعقالة, مش بالضفاير و الذهب و المجوهرات و القش الغالي,
10
بالصح كيما يليق بنساء يعيشوا في رضاية الله و لعمال الصالحة.
11
و على لمرى تتعلم و هي ساكتة و في خضوع كامل.
12
بالصح ما نسمحش للمرى تعلم و الا تتسلط على الراجل, و تكون هادية,
13
على خاطر ادم هو اللي نخلق لول و من بعد جات حواء,
14
و ادم ما تغرش, بالصح لمرى هي اللي تغرت و وقعت في المعصية.
15
بالصح الامومة تمَنّعها, اذا كانت ثابتة في الايمان و المحبة و القداسة مع الرزانة.
Chapter 3
1
القول هاذا صادق: كان واحد حب يولي اسقف, راه طالب الصلاح.
2
الاسقف لازم ما يكون فيه حتى حاجة يتلام عليها, متزوج بمرى واحدة, فايق, عاقل, حشّام, مضياف كريم, يقبل التعليم,
3
ما هوش سكارجي, ما هوش عنيف, يكون لطيف يكره لعراك, و ما يكونش طمّاع يحب المال,
4
يعرف يدبر بيتو مليح, اولادو يطيعوه و يحترموه.
5
اذا كان الواحد ما يعرفش يدبر امور دارو, كيفاه يقدر يتهلى في كنيسية الله؟
6
ما يكونش جديد في الايمان باه ما يتكبرش و ينال العقاب اللي نالو ابليس.
7
و ثاني لازم الناس اللي من برى لكنيسية يشهدولو بالخير, باه ما يجيبش العار و يحصل في فخ ابليس. الشمامسة
8
والشمامسة ثاني لازم عليهم يكونوا محترمين, مش خدّاعين, و مش مولوعين بالشراب, و لا طمّاعين ف الربح الباطل,
9
و لازم عليهم يحافظوا على سر الايمان بضمير طاهر.
10
و لازم يتجربوا قبل, و من بعد كي ما يتلاموا بحتى شيء يتحطوا شمامسة.
11
و ثاني حتى النساء لازم يكونوا محترمات, مش تاع نميمة, فايقات, امينات في كل شيء.
12
الشمامسة كل واحد يكون عندو مرى واحدة, يحسنوا تربية اولادهم و يدبروا امور ديارهم مليح,
13
على خاطر كان داروا خدمتهم كيما لازم, يجيبوا لرواحهم درجة عالية و ثقة كبيرة في الايمان اللي بالمسيح يسوع.
14
نكتب لك هاذا الشيء و نتمنى نجيك عن قريب.
15
بالصح اذا كان تعطلت تكون عارف كيفاه تتصرف في بيت الله, اللي هو كنيسية الله الحي عرسة الحق و الساس تاعو.
16
ما فيهاش هدرة سر التقوى عظيم: الله ظهر في الجسد, تبرر في الروح, شافوه الملائكة, كان بشّارة للامم, امنوا بيه في العالم, و ترفع في الجاه.
Chapter 4
1
بالصح الروح يقول يصراحة: باللي في اخر الزمان يرتدوا ناس ياسر على الايمان, و يتبعوا ارواح تاع ضلال و تعاليم تاع شواطن,
2
تاع ناس منافقين كذّابين الضمائر تاعهم ماتت,
3
ينهيو على الزواج, و يحرّموا في ماكلة خلقها الله باه ياكلوها الناس المومنين و اللي يعرفوا الحق و يحمدوا عليها الله.
4
على خاطر كل ما خلقو الله مليح, و ما كان حتى حاجة تترفض بالصح كي شيء يتقبل بالحمد لله,
5
على خاطر كلمة الله و الصلاة يقدسوا كل شيء.
6
لو كان تفكر الخاوة بهاذا الامر, تكون خادم صالح ليسوع المسيح, متشبع بكلام الايمان و التعليم الصحيح اللي قاعد تتبع فيه.
7
بعّد على الخرافات تاع الباطل و حكايات لعزايز. و درب روحك على التقوى.
8
على خاطر رياضة لبدن نافعة ف بعض الامور, اما التقوى نافعة للامور الكل, على ما فيها من وعد للحياة تاع ضرك و تاع المستقبل,
9
هاذا القول صادق و يستاهل يتقبل بكل ما فيه.
10
و على هاذي السبة رانا نتعبوا و نتعايروا, على خاطر حطينا رجانا على الله الحي. و هو اللي يسلك جميع الناس, بالخصوص المومنين.
11
هاذا الشيء وصي بيه و علمو,
12
ما تخلي حتى واحد يحقرك كي يشوفك صغير, كون انت قدوة للمومنين: في لكلام, في السلوك, في لمحبة, في الروح, في الايمان, في العفة,
13
احرص على لقراية و الوعظ و التعليم حتى نجي.
14
ما تفرطش في الموهبة اللي فيك, اللي تمدتلك بالنبوءة نهار اللي حطوا عليك جماعة الشيوخة يديهم.
15
اهتم بهاذا. كون فيه, باه يكون التقدم تاعك باين في كل شيء.
16
لاحظ روحك و التعليم و داوم عليه, على خاطر كان عملت هاذا الشيء تسلك روحك و تسلك ثاني اللي يسمعوك.
Chapter 5
1
ما تبخصش راجل كبير بالصح اهدر معاه كيما باباك, و الصغار اهدر معاهم كيما خاوتك,
2
و العزايز كيما امك, و النساء الصغار كيما خواتاتك, بكل عفة.
3
كون كريم مع الارامل اللي يكونوا صح ارامل.
4
بالصح اذا كانت الارملة عندها اولادها و الا اولاد اولادها, قبل كل شيء يتعلموا كيفاه يعاملوا الاهل تاعهم بالتقوى و يديروا الواجب مع والديهم, على خاطر هاذا شيء تاع صلاح و مقبول عند الله.
5
بالصح اللي تكون ارملة صح و وحدانية, و حاطة رجاها على الله, تصلي و تدعي ليه ليل و نهار.
6
بالصح اللي استسلمت للملذات هاذيك تسمى ماتت بالحياة.
7
وصيهم بهاذا الشيء باه يكونوا بلا لوم.
8
و اذا كان الواحد ما يقدرش يتهلى في اهلو, و بالخصوص اماليه, يسمى نكر الايمان, و هو اشر من اللي ما يامنش.
9
تتسجل ارملة, كل واحدة ما يقلش عمرها على ستين سنة, متزوجة مرة واحدة,
10
مشهود ليها بالصلاح, تكون ربات لولاد, و ضيفت الغرباء, و غسلت رجلين القديسين, عاونت الناس اللي كانوا في ضيقة, و دارت لحوايج الكل تاع الصلاح.
11
اما الارامل اللي صغار في لعمر ما تسجلهمش, على خاطر كان حبوا يتزوجوا يتخلاو على المسيح.
12
و هكا يتخلاو على عهدهم لول ليه, و يكونوا اهل للدينونة,
13
و زيد يتعلموا الكسل, و يقعدوا يدوروا من دار لدار. و يتعلموا غير الهدرة بلا فايدة و و الاهتمام بالامور اللي ما تخصهمش.
14
على هاذا الشيء نطلب من الارامل الصغار في لعمر يتزوجوا و يجيبوا لولاد و يتولهوا بديارهم, باه ما يكونش للخصم حتى شيء يحكموا علينا.
15
على خاطر منهم وحايد اللي راحوا في طريق الشيطان.
16
اذا كان لواحد مؤمن و الا مؤمنة ارامل, يعاونوهم و ما يثقلوش على لكنيسية, اللي قاعدة تعاون في الارامل المحتاجين صح.
17
اما شيوخة لكنيسية اللي يقوموا بالواجب تاعهم على احسن وجه يستاهلوا تقدير اكبر, و بالخصوص اللي يتعبوا في التبشير و التعليم,
18
لكتاب يقول: "ما تحطش كمامة على فم الثور و هو يدرس", و "اللي يخدم يستاهل الاجرة تاعو".
19
كي واحد يجي يشكي من شيخ تاع كنيسية ما تقبلش لكلام تاعو غير كي يجيب زوز شهود و الا ثلاثة,
20
اللي يغلطوا لومهم قدام الناس الكل, باه لخرين يخافوا.
21
نطلب منك بالجاه تاع الله و الرب يسوع المسيح و الملايكة المختارين, باه تمشي بهاذي لوصية بالمساواة, و ما تعمل حتى شيء تفضل فيه واحد على واحد.
22
ما تتسرعش في حطان يدك على اي واحد و ما تكونش شريك في ذنوب غيرك. احفظ نفسك دايما طاهر.
23
من اليوم و رايح ما تشربش غير الماء وحدو, بالصح اشرب شوية شراب مليح ليك للمعدة و امراضك اللي كثرت.
24
كاين ناس اللي ذنوبهم باينة حتى قبل ما يتحاسبوا, و كاين اخرين ما تبانش ذنوبهم حتى يتحاسبوا.
25
هكذاك ثاني الاعمال تاع الصلاح باينة, و اللي ما تبانش ما هيش راح تبقى مستورة.
Chapter 6
1
جميع اللي هما عبيد و ما يحكموش في ارواحهم يعتبروا السادة تاعهم مستاهلين كل احترام, باه واحد ما يظلم اسم الله و التعليم تاعو.
2
واللي السادة تاعهم مومنين, ما يتهاونوش معاهم على خاطرهم خاوة, بالعكس يخدموهم اكثر من قبل, على خاطر اللي يتشاركوا في الفايدة همّا مومنين و عزاز. علّم هاذ ا و اوعظ بيه. محبة المال
3
اذا كان واحد يعلم تعليم واحد اخر, ما يتوافقش مع الكلمات الصحيحة تاع ربنا يسوع المسيح, و مع التعليم اللي على حساب التقوى,
4
ما يكون غير واحد عماه التكبر, و هو ما يفهم حتى شيء, فكرو مشغول بالمباحثات و المناقشات اللي يجي منها الحسد و التفرقة و الظلم و سوء الظن,
5
منازعات تاع ناس مخاخهم خامجة ضيعوا الحق, حاسبين باللي التقوى تجارة. الناس اللي كيما هاذو بعّد عليهم.
6
اما التقوى مع القناعة هي ربح كبير.
7
على خاطر احنا جينا للدنيا ما جبنا معانا حتى شيء, و باين باللي ما راح نقدروا نديو معانا حتى شيء.
8
يكفينا اللقمة اللي تقوتنا و الطبّة اللي تكسينا.
9
اما الناس اللي حبوا يستغناو, يطيحوا في المحنة و الفخ و ياسر من الرغبات العمياء اللي تضر, اللي تدمر الناس و توصلهم للهلاك.
10
على خاطر محبة المال هي اصل الشرور الكل, اللي كي استسلموا ليه وحايد بعّدوا على الايمان و صابوا ارواحهم باوجاع ما تفضش. الجهاد لمخير
11
اما انت يا انسان الله اهرب من هاذي لحوايج الكل, و تبع البر و التقوى و الايمان و لمحبة و الصبر و الضرافة.
12
جاهد الجهاد لمخير تاع الايمان, احكم في لحياة الدايمة اللي دعاك ليها الله, اللي شهدت ليها و استعرفت بيها قدام شهود ياسر.
13
نوصيك قدام الله اللي يحيي كل الناس, و المسيح يسوع اللي شهد اعظم شهادة قدام بيلاطس البنطي:
14
باه تمشي بوصيتي بكل نزاهة بلا عيب و بلا لوم حتى للنهار اللي يظهر ربنا يسوع المسيح,
15
اللي يظهر في الوقت تاعو المبارك لعزيز لفريد: الملك تاع كل الملوك و رب على كل الارباب,
16
اللي وحدو لا يفنى لا يموت, اللي ساكن في نور ما يتقربش, اللي عمرو واحد ما شافوا و ما يقدرش يشوفو, اللي ليه الجاه و العزة الدايمة. امين.
17
وصي الاغنياء في هاذي الدنيا باه ما يتكبروش, و مايعولوش على المال الفاني, بالصح يتوكلوا على الله اللي يفيض علينا بكل ما قاعدين نتنعموا بيه.
18
و باه يديروا الخير, و يكونوا اغنياء في الصلاح و يكونوا كرماء في الاحسان تاعهم, يشاركوا غيرهم في الخيرات اللي عندهم,
19
و يكنزوا لرواحهم ساس مليح لغدوة, باه ينالوا لحياة الدايمة.
20
يا تيموتاوس, صون لمانة. و بعّد على لكلام الفارغ و النقاش الباطل و المجادلات اللي الناس حاسبينها علم,
21
اللي اذا اداو عليها وحايد بعدوا على الايمان.
22
النعمة تكون دايما معاك. امين.
2 Timothy
Chapter 1
1
من عند بولس الرسول تاع المسيح على حساب المشيئة تاع الله, على جال عاهد لحياة اللي في يسوع المسيح.
2
ل تيموتاوس ولدي لحبيب: عليك نعمة و رحمة و سلام من عند الله الاب و المسيح يسوع ربنا. التشجيع على الامانة
3
نحمد الله اللي نعبد فيه بضمير صافي كيما عبدوه جدودي, انا نذكر فيك ليل و نهار في صلاتي بلا ما نحَبس,
4
كي نتفكر دموعك نزيد نتوحشك و نتمنى نشوفك باه تفيض فيا الفرحة,
5
كي نتفكر الايمان تاعك اللي بلا نفاق, و اللي سكن في قلب جداك لوئيس و امك افنيكي من قبل, و راني متأكد باللي ساكن في قلبك انت ثاني.
6
على هاذي السبّة نحب نفكرك باه تشعل الهبة تاع الله اللي جعلها فيك نهار حطيت يدي عليك,
7
على خاطر الله ما عطناش الروح تاع الخوف, بالصح اعطانا روح القوة و لمحبة و الذكاء.
8
ما تحشمش كي تشْهَد لربنا, و ما تحشمش ثاني بيا انا المحبوس على جالو, و كون شريك في لوجاع اللي نقاسيوها على خاطر الانجيل و انت متوكل على القدرة تاع الله,
9
اللي سلكنا و ندانا نداء مقدس, مش على جال اعمالنا, بالصح على جال القصد و النعمة اللي وهبها لنا في المسيح يسوع قبل الازل,
10
و اللي بانت اليوم كي بان المخلص تاعنا يسوع المسيح, اللي قضى على الموت و نوّر لحياة و الخلود بالبشارة تاع الانجيل.
11
اللي جعلني عليها مبشر و رسول و معلم للامم.
12
و ثاني هاذي هي السبّة اللي خلاتني نستحمل هاذي الامور. بلا ما نحشم, على خاطر عارف بشكون امنت, و متيقن منو باللي قادر يستحفظ على لمانة اللي حطها بين يديا حتى ن يوصل هاذاك اليوم.
13
لكلام الصحيح اللي سمعتو مني اعمل بيه, في الايمان و في لمحبة اللي في المسيح يسوع.
14
صون لمانة الصالحة و الروح القدس اللي ساكن فينا يكون في عونك.
15
راك عارف باللي الجماعة الكل اللي في اسيا سمحوا فيّا, منهم فيجلس و هرموجانس.
16
رحمة ربي في بيت انيسيفورس, شجعني و ما حشمش بيا انا لمحابسي,
17
و حتى كي جا لروما حوَّس عليا ياسر حتى ن لقاني.
18
ربي ينَعمو و ينال رحمة من عندو في هاذاك اليوم, و انت تعرف مليح كيفاه خدمني في افسس.
Chapter 2
1
وانت يا وليدي اتْقَوى بالنعمة اللي في المسيح يسوع.
2
و الشيء اللي سمعتو من عندي قدام شهود ياسر, سلموا لناس امناء, يكونوا قادرين يعلموه لواحد اخرين ثاني.
3
كون شريك في استحمال الصعوبات كيما عسكري صالح تاع يسوع المسيح.
4
ما كانش واحد يتجند و يبقى مقلق على امور الدنيا اذا كان حاب يرَضي القايد تاعو.
5
و المصارع ما ينالش تاج الفوز غير اذا صارع حساب القانون.
6
الفلاح اللي يحرث و يتعب, يكون هو اول واحد ياكل من الغلة.
7
افهم واش نقول. ربي يجعلك قادر تفهم كل شيء.
8
اتفكر يسوع المسيح اللي قام من بين الموتى, اللي جا من سلالة داود حساب بشارة الخير اللي قاعد نعلن فيها,
9
اللي على جالها قاسيت الصعوبات وصلت تكتفت كي المجرم. بالصح كلمة الله ما تتكتفش.
10
على جال هاذا انا صابر على كلشيء في خاطر المختارين, حتى ينالوا هما ثاني السلاك اللي بالمسيح يسوع مع الجاه الدايم.
11
صادق هاذا لكلام: اذا كنا متنا معاه نحياو ثاني معاه.
12
اذا كان صبرنا نملكو معاه. و اذا نكرناه هو ثاني ينكرنا.
13
اذا ما كناش امناء يبقى هو مولى امانة, ما يقدرش ينكر ذاتو. الخادم المقبول عند الله
14
فكرهم بهاذي الامور, واطلب منهم على وجه الله باه ما يتجادلوش بالكلام. هاذا الامر اللي ما يصلح لحتى شيء, يدمر برك الناس اللي يسمعوه.
15
اجتهد باه تكون راجل مقبول عند الله, باه تكون خادم ما عندو باه يحشم, باه تعلم كلام الحق باستقامة.
16
بعّد على لقوال الباطلة الفارغة, اللي ما تزيد اصحابها غير كفر,
17
كلامهم يسري كي الافة اللي منهم هيمينايس و فيليتس,
18
اللي زاغوا على الحق, كي قالوا: "بالي القيامة قامت و تمت" و دمروا ايمان بعض الناس.
19
بالصح الساس لمتين تاع الله يبقى ثابت, و مختوم بهاذا القول: "الرب يعرف الناس اللي ليه". و "و كل من يسمي اسم المسيح لازم يبعد على الشر".
20
بالصح في الدار لكبيرة مايكونش المواعن الكل غير من الذهب و الفضة برك, كاين ثاني تاع اللوح و تاع الفخار, كاين اللي يخدموا بيها حاجة شريفة و كاين اللي يخدموا بيها حاجة دونية.
21
و اذا كان الواحد نقى روحو من كل هاذي الشرور, يكون ماعون شريف طاهر, نافع لسيدو, واجد لكل فعل صالح.
22
اما النزوات تاع الصغر اهرب منها, و تبّع البر و الايمان و لمحبة و السلام مع الناس اللي يدعيو ربي بقلب صافي.
23
بعد على المباحثات اللتافهة واللي ما عندها حتى فايدة, على خاطر يجي منها غير العراك كيما تعرف,
24
و الخادم تاع ربي ما لازمش يعارك, بالصح يكون حنين على الناس الكل, قادر يعلم لخرين, صابر على المشقة,
25
يهدر غير بالشوية مع الناس اللي يقاوموا, و لعل يهديهم الله و يتوبوا و بعرفوا الحق,
26
و يفيقوا مع ارواحهم و يخرجوا من الفخة تاع ابليس اللي حصلهم فيها و خلاهم يطيعوه.
Chapter 3
1
يكون في علمك باللي في اخر الزمان راح تجي اوقات صعيبة,
2
ايام يكونوا فيها الناس انانيين و يحبوا المال, حقارين, متكبرين, يسبوا, ما همش طايعين الوالدين, نكارين الخير, فاجرين,
3
لا عندهم لا حنانة لا رضاية, يديروا النميمة متهورين, عنفاء, ما يحبوش الصلاح,
4
يخونوا, و يجوروا, عماهم التكبر, يحبوا يعيشوا في اللذات و يبعدوا على محبة الله,
5
من لبرى تبان عليهم التقوى, بالصح ينكروا القوة تاعها. ناس كيما هاذو بعد عليهم.
6
على خاطر كاين منهم اللي يدخلوا للديار, و يغروا بالنساء الضعاف في الايمان اللي مثقلين بالذنوب, اللي تمَشي فيهم اللذات المتنوعة.
7
دايما يتعلموا بالصح عمرهم ما يوصلوا باه يعرفوا الحق.
8
و كيما قاوم ينيس و يمبريس موسى, هكذاك همّا ثاني يقاوموا الحق, ناس مخاخهم خامجة, ما يصلحوش للايمان.
9
بالصح ما يروحوش لبعيد على خاطر الغباء تاعهم راح يظهر للناس الكل كيما صرى مع ينيس و يمبريس. لوصية تاع بولس لتيموتاوس
10
اما انت راك تبعتني في تعليمي, و في سيرتي, و مقاصدي, و ايماني, و صبري, و محبني, و ثباتي,
11
و كيفاه استحملت الاضطهاد و لعذاب, و الشيء اللي صرالي في انطاكية و ايقونية و لسترة. و شحال عانيت ضطهاد! بالصح ربي منعني منها الكل.
12
جميع اللي يحبوا يعيشوا حياة التقوى في المسيح يسوع يصيبهم الاضطهاد.
13
اما الناس الاشرار و المزورين راح يزيدوا يوليو اشر, خدّاعين و مخدوعين.
14
اما انت ابقى ثابت على الشيء اللي تعلمتو علم اليقين, و انت عارف على يد شكون تعلمت.
15
من صغرك تعرف الكتابات لمقدسة, اللي قادرة تعطيك الحكمة و تهديك للخلاص, بالايمان اللي في المسيح يسوع.
16
لكتاب كامل بكل ما فيه اوحى بيه الله, و نافع للتعليم و للتوبيخ, و للتقويم و التأديب, اللي في البر,
17
باه يكون الانسان تاع الله كامل, واجد باه يعمل كل ما فيه الصلاح.
Chapter 4
1
نتوسل ليك قدام الله و الرب يسوع المسيح اللي راح يدين الحيين و الموتى نهار اللي يبان و يجي الملكوت تاعو.
2
بشّر بكلام الله و اوقف عليه في كل وقت مناسب و غير مناسب. لوم, و انذر, اوعظ بكل صبر في التعليم.
3
على خاطر راح يجي وقت يولِيو الناس ما يستحملوش فيه التعليم الصحيح, بالصح يتبعوا اهواهم و يحطوا معلمين يكلموهم بالشيء اللي يحبوا يسمعوه,
4
يبعدوهم على الحق و يجروهم للخرافات.
5
اما انت كون دايما متوله لكل شيء. استحمل المشقات. اعمل عمل المبشر, تمم خدمتك على احسن حال.
6
انا ظرك راني قاعد نَطْفَى بالشوية و ساعتي قرّبت.
7
جاهدت الجهاد الطيب, و تممت رحلتي و حافظت على الايمان,
8
و راه يسنى فيّا تاج البر, اللي راح يكافيني بيه الرب الدّيان العادل في هاذاك اليوم. و مش غير ليّا انا وحدي بالصح ثاني لجميع المتشوقين ليه وقتاه يظهر. لوصية لخرى
9
ازرب روحك باه تجيني,
10
على خاطر ديماس خلاني و راح يطلب في هاذي الدنيا هو سافر لتسالونيكي, و كريسكيس سافر لغلاطية, و تيطس سافر ل دلماطية.
11
قعد معايا غير لوقا برك. جيب معاك مرقس على خاطر ينفعني ياسر في الخدمة.
12
اما تيخيكس راني بعثتو ل افسس.
13
كي تجي, جيبلي معاك البرنوس تاعي اللي خليتو عند كاربس في ترواس, و ثاني جيبلي الكتب و بالخصوص المصاحف تاع الجلد.
14
اسكندر النحاس دار فيّا شر كبير, ربي يجازيه على الشيء اللي دارو.
15
رد بالك منو انت ثاني, على خاطر ما قبلش لكلام اللي قلناه و عارضو معارضة كبيرة.
16
واحد ما وقف معايا كي دافعت على روحي في المرة لولى, الكل خلاوني. ربي يسامحهم.
17
بالصح ربي وقف معايا و قواني, حتى كملت التبشير, و سمّعت الامم الكل, منعت من فم الصيد.
18
و مازال ربي يزيد ينجيني من كل شر و يحفظني للملكوت تاع السماوات. اللي ليه الجاه لدهر الدهور. امين. تحيات الختام
19
سلم على فرسكا و اكيلا و بيت انيسيفورس.
20
اراستس قعد في كورنتوس. اما تروفيمس خليتو مريض في ميليتس.
21
ماذابيك تجي قبل ما يدخل الشتاء. يسلم عليك افبولس و بوديس و لينس و كلافدية و الخاوة الكل.
22
الرب يسوع المسيح يكون معاك. النعمة معاكم الكل. امين.
Titus
Chapter 1
1
من عند بولس, عبد الله, و الرسول تاع يسوع المسيح,على جال ايمان الناس اللي خايرهم الله و على جال باه نعرفو الحق, اللي على حساب مخافة الله,
2
راجيين لحياة الدايمة, اللي وعدنا بيها الله اللي عمرو ما يكذب, قبل ما تبدى الدنيا.
3
بالصح بيّن كلمتو في الوقت تاعها. بالتبشير اللي حطو ربي امانة بين يديا, على حساب حكم الله اللي يخلصنا.
4
ل تيطس, ولدي تاع الصح على حساب شركة ليمان: نعمة و رحمة و سلام من عند الله الاب و ربي يسوع المسيح اللي يخلصنا. خدمة تيطس في كريت
5
على هاذي السبّة انا خليتك في كريت باه تكمل تنظم لحوال اللي ما كملتهاش أنا, و تحط على كل مدينة شيوخة كيما وصيتك.
6
اذا واحد ما يعيبو حتى شيء, عندو غير مرى واحدة, و اولادو مومنين, ما همش عايشين في النجاسة و عاقلين.
7
الشيخ لازم يكون بلا عيب على خاطر هو لوكيل تاع الله, ما يكونش يتكبر, و لا يتغشش في ساع, و ما يكونش سكارجي, و لا تاع عراك و مشاكل, و ما يكونش طماع في مال لحرام.
8
يكون كريم يضيف الناس الغرباء, يحب يدير الخير, عاقل, يخاف ربي, عادل, يعرف يتحكم في روحو,
9
لاصق ديما في لكلمة الصادقة حساب التعليم, باه يكون قادر يشجع بالتعليم الصحيح و يجاوب على الناس الي تحب تعكس.
10
على خاطر كاين ياسر من الرافضين اللي يهدروا بكلام الباطل, و يخدعوا في الناس و بالخصوص جماعة الختانة,
11
هاذوك اللي لازم لواحد يقفل لهم فوامهم, يحطموا ديار بكمالها, يعلموا في حوايج ما تصلحش, على جال مال لحرام.
12
قال واحد منهم, و هم نبي تاعهم: "ناس كريت ديما كذابين. ذيابة واعرين, غير تاع كروشهم".
13
وهاذي هدرة حق. لازم تكون واعر معاهم باه يولِي ايمانهم صحيح.
14
و ما يسمعوش للخرافات تاع ليهود, و باه ما يتبعوش هدرة الناس اللي بعدوا على الحق.
15
كل شيء للطاهرين طاهر, اما المنجوسين و اللي ماهمش مومنين ما عندهم حتى حاجة طاهرة, على خاطر مخهم خامج و حتى الضمير تاعهم ثاني.
16
يقولوا باللي همّا يعرفوا ربي, بالصح ينكروه بأفعالهم همّا منجوسين وعاصيين لله, ما يعرفوش يعملوا حتى حاجة صالحة.
Chapter 2
1
اما انت اتكلم بالشيء اللى يليق بالتعليم الصحيح.
2
علم الشيوخة باه يكونوا فايقين, عندهم هيبة, و متعقلين, صحاح في ليمان و المحبة و الصبر.
3
و النساء لكبار ثاني علمهم يتصرفوا بسيرة تليق بالقداسة, ما يكونوش تاع نميمة و لا تاع شراب, يعرفوا يعلموا الصلاح,
4
باه ينصحوا الصغارات يحبوا رجالهم و يحبوا اولادهم,
5
يكونوا عاقلين, طاهرين, حاكمين ديارهم, صالحين, يطيعوا رجالهم, باه واحد ما يتهاون بكلمة ربي.
6
و ثاني وصي لولاد يكونوا عاقلين,
7
كون انت مثال ليهم في فعل الصلاح, رزين و منزه على كل شيء ما يعيبك والو في التعليم تاعك,
8
خلي كلامك يكون صحيح ما فيه حتى شوهة, باه لعدو تاعك يتخزى و ما يلقى فيك حتى شر.
9
و الخدامين يطيعوا سيادهم, و يخلوهم راضيين عليهم في كلشي, و ما يخالفوش رايهم,
10
و ما يسرقولهم حتى شيء, و يكونوا صحاب امانة, باه في كل شيء يعلوا من شان تعليم الله اللي خلصنا.
11
على خاطر انعمة الله بانت و هي اللي تمنّع جميع الناس,
12
و تعلمنا نبَعدوا على الكفر وعلى ملذات الدنيا هاذي, و نعيشوا برزانة و صلاح و مخافة ربي في دار الدنيا,
13
و احنا نستناو في النهار السعيد اللي راح يظهر فيه جاه الله العظيم الشان و المخلص تاعنا يسوع المسيح.
14
اللي ضحى بنفسو على جالنا, باه يفدينا من كل شر, و يجعلنا طاهرين باه نكونوا الشعب تاعو اللي يغير على فعل الخير.
15
هكذا اتكلم بهذا لكلام, شجع, و انصح بكل عزيمة و سلطان, واحد ما يحقرك.
Chapter 3
1
فكر المومنين باه يكونوا طايعين للحكام و اصحاب السلطة و يكونوا خاضعين و واجدين باه يعملوا كل ما هو صالح,
2
ما يسبوا حتى واحد, ما يكونوش مخاصمين, يكونوا مربيين و بالقدر مع الناس الكل.
3
حتى احنا ثاني كنا قبل ما نعرفوش, و ما نُوخْذُوش الراي واعرين, كنا نجرِِيوْ وراء الشهوة و جميع الملذات, عايشين في الخبث و الحسد, و في البغض لبعضانا.
4
بالصح نهار اللي ظهرت محبة الله و اللطف تاعو لجميع الناس,
5
خلصنا_مش بفعالنا احنا, بالصح بالرحمة تاعو_ بالغسل تاع لولادة الثانية لحياة جديدة بالروح القدس.
6
اللي فاض بيه علينا بيسوع المسيح المخلص تاعنا.
7
حتى ولينا بالنعمة تاعو ابرار, و نكونوا وراثة للحياة الدايمة اللي نرجاوها.
8
الكلمة صادقة. و ما ذابيا تركزوا على هاذي الامور, باه المومنين بالله يتقواو و يعملوا اعمال الخير. امور صالحة و تنفع الناس.
9
اما الهدرة اللي ما عندها حتى معنى, ولنساب, ولحسايف و المنازعات تاع الشرع بعّد عليها, ما فيها حتى فايدة, و لا منفعة.
10
اما صاحب البدع الظالمة انذرو مرة و زوز, من بعد اجبد عليه.
11
راك عارف واحد كيما هاذا غالط, و في ظلال حكم على روحو بروحو. ملاحظات اخيرة
12
نهار اللي نبعثلك ارتيماس و الا تيخيكس, في ساع ازرب ارواحلي ل نيكوبوليس, على خاطر ناوي نعدي الشتاء لثمة,
13
على قد ما تقدر عاون زيناس عالم شرع الله و ابولس باه يوجدوا ارواحهم للسفر و باه ما ينقصهم شيء.
14
علم جماعتنا ثاني يعملوا الخير باه يوفروا لحوايج اللازمة, باه ما تكونوش بلا ثمار.
15
جميع اللي معايا يبلغولك السلام. و سلم انت ثاني على حبابنا في ليمان. النعمة تاع ربي تكون معاكم اجمعين. امين
Philemon
Chapter 1
1
من عند بولس, لمحابسي تاع يسوع المسيح, و من عند الاخ تيموتاوس, ل فليمون خونا لحبيب و الخدّام معانا,
2
و ل ابفية الاخت المحبوبة, ول ارخيبس المتجند معانا في الخدمة, و للكنيسية اللي في دارك:
3
ليكم السلام و النعمة من عند الله بابانا و الرب يسوع المسيح. شكر وصلاة على جال فليمون
4
نشكر ربي في كل وقت نذكرك فيه في صلاتي,
5
كي نسمع على المحبة و الايمان اللي عندك من جيهة الرب يسوع المسيح, و لجميع الخاوة القديسين,
6
ندعي للربي باه تكون المشاركة تاعك في الايمان مثمرة باه تبّين الصلاح اللي فيكم على جال المسيح يسوع.
7
على خاطر فرحتنا كبيرة و نتشجعوا بالمحبة تاعك, يا خونا راك فرّحت قلوب الخاوة. بولس يهدر مع فليمون على انسيمس
8
على هاذيك, حتى ولو عندي الحق في المسيح باه نٌأمرك,
9
بالصح على وجه لمحبة, نطلب منك- ادي بخاطري انا بولس واحد شايب وكبير, و زيد ضرك محبوس على جال يسوع المسيح ثاني-
10
حبيت نهدر معاك على ولدي انسيموس, اللي جبتو للايمان وانا مربوط بالسلاسل,
11
اللي كان قبل ما هوش نافع ليك, بالصح اليوم ولى نافع ليّا وليك,
12
انا بعثتو باه يرجع ليك. اقبلو, تقول عليّا بعثتلك قلبي.
13
و كنت حاب نخليه يقعد معايا باه يعوضك انت ويخدمني و انا في السلاسل تاع الانجيل,
14
بالصح ما حبيت نعمل حتى شيء بلا ما نشاورك, باه يكون الخير اللي راح تعملو تعملو من قلبك و موش بالسيف عليك.
15
و هو بلاك يكون فارقك ساعة غير باه يرجع ليك مرة واحدة و ما عادش يفارقك خلاص,
16
و منّا و جاي موش كيما خديم بالصح خير من خو عزيز, هاذا ليّا انا, مالا كيفاه يكون ليك انت خو في الدم و خو في المسيح مع بعضاهم!
17
اذا كنت حاسبني شريك ليك في الايمان, اقبلوا كيما تقبلني انا.
18
و اذا كان ظلمك في حاجة, و الا كان عندك دين عليه, احسبوا عليّا انا.
19
انا بولس هاذا وعد مني كتبتو بيدي: انا نخلص كل شيء. باه ما نقولكش اك مديون ليّا بالنفس تاعك انت ثاني.
20
نعم يا خويا, على وجه ربي فرحني و هنيني عليه في المسيح.
21
انا كتبت ليك, و علابالي باللي موش راح تخيبني, وعارف باللي راح تدير اكثر خلاص من الشيء اللي طلبتو منك.
22
حاجة اخرى ثاني وجدلي بيت, على خاطر نتمنى ربي يسمع صلاتكم و يرجعني ليكم. تحيات ختامية
23
يسلم عليك ابفراس اللي محبوس معايا على جال المسيح يسوع,
24
و يسلم عليك مرقس و ارسترخس و ديماس و لوقا اللي يخدموا معايا.
25
و النعمة تاع يسوع المسيح ربنا تكون مع الروح تاعكم. امين.
Hebrews
Chapter 1
1
الله, بعد ما كلم جدودنا قبل بالانبياء, و ثاني بطرق اخرى ياسر,
2
كلمنا احنا اليوم في هذا الحين لخر بولدو, اللي جعلو وارث لكل شيء,
3
و اللي بيه ثاني كوّن العالمين, اللي هو بهاوة الجاه تاعو, و التصويرة تاعو هو بالذات, لحوايج الكل هازها بكلمة قدرتو, بعدما دارلنا هو بذاتو تطهير لذنوبنا, قعد على يمين العظيم الجاه في لعلالي,
4
و لى عظيم اكثر خلاص من كل الملايكات على قد ما ورث اسم خير منهم.
5
على خاطر لشكون من لملايكات قال الله: "انت وليدي, انا ليوم ولدتك"؟ و ثاني: "انا نكون باباه, و هو يكون ولدي"؟
6
و كي بعث ولدو البدري للدنيا قال ثاني: "كل ملايكات الله تسجد ليه".
7
و قال على لملايكات: "الي صنع ملايكاتو من الريح, و خدامو من لهيب النار".
8
بالصح على الابن قال: " عرشك يا الله يدوم على دهر الدهور. و صولجان العدل صولجان ملكك.
9
تحب الحق, و تكره الباطل. على هاذيك مسحك الله بزيت الفرحة اكثر من كل صحابك".
10
و" انت يا ربي من لول خلاص درت لرض, و السماوات عملتها بيديك.
11
هي تفنى وانت تدوم, كلها ترشى كي الجرود,
12
و كيما لغطاء كي تطبقها تتبدل. و انت هو هو, وسنينك ما تفناش".
13
و زيد لشكون من لملايكات ربي عمرو قال: " اقعد على يميني حتى نحط عديانك تحت رجليك"؟
14
ياخي كلهم ارواح خدّامة مبعوثة باه تخدم الناس اللي راح يورثوا الخلاص!.
Chapter 2
1
على هاذيك لازم علينا نكونوا متولهين اكثر للشيء اللي سمعناه باه ما يفوتش علينا,
2
على خاطر لكلام اللي قالوه لملايكات ثبّت, و كل من تعدى عليه و عصاه تحاسب عليه حساب حقاني,
3
كيفاه مالا نمنعوا احنا كان سبّلنا في خلاص كيما هذا؟ ثبتو ربي بذاتو في لول, و زادوا ثبتوه الناس اللي سمعوه,
4
و حتى الله كان شاهد معاهم بآيات و عجايب ومعجزات ياسر و مواهب من الروح القدس, يوزعها كيما يحب هو. يسوع يشابه لخاوتو
5
على خاطر العالم تاع المستقبل اللي نهدروا عليه ماهوش راح يكون خاضع للملايكات.
6
و كاين واحد الشاهد في الكتب المقدسة يقول: "واش يكون الانسان حتى تذكرو؟ و الا واش يكون ابن الانسان حتى تسال عليه؟
7
نقصت من قيمتو اقل من الملايكات مدة قليلة. و من يعد كللتو بالجاه و الكرامة,
8
و حطيت كل شيء تحت رجليه". و اذا كان الله حطلو كل شيء تحت السلطان تاعو ما خلاش حاجة ما هيش خاضعة ليه. بالصح في هذا الزمان ما نشوفوش باللي كل شيء خاضع ليه.
9
بالصح هاذاك اللي قيمتو هبطت شوية على لملايكات, نقصد يسوع, نشوفوه مكلل بالجاه و الكرامة, على خاطر استحمل لوجاع تاع الموت, و ذاق الموت على جال كل واحد بالنعمة تاع الله.
10
على خاطر بيه اللي يليق يكمل رايس خلاصهم بالاوجاع, اللي كل شيء ليه هو و بيه هو, و هو اللي يجيب اولاد ياسر للجاه.
11
على خاطر اللي تقدس و اللي يتقدس الكل ليهم اصل واحد, هاذي هي السبة اللي على جالها ما يحشمش بيهم و يسميهم خاوة,
12
كي قال: "نخبر خاوتي على اسمك, و في وسط لكنيسية نسبحلك".
13
و قال ثاني: "انا متوكل على الله". و ثاني: "راني انا والاولاد اللي عطاهم لي الله".
14
و على خاطر لولاد متشاركين في الدم و اللحم تشارك هو ثاني معاهم في الطبيعة تاعهم, باه الموت يفني هاذاك اللي عندو السلطان على الموت, اللي هو ابليس,
15
و يحرر هاذوك اللي كانوا طول حياتهم عايشين في العبودية على خاطر خايفين من الموت.
16
على خاطر ما جاش باه يحكم لملايكات, بالصح جاء باه يحكم ذرية براهيم.
17
و على هاذا كان لازم يكون كيما خاوتو في كل شيء, باه يكون رحيم, و رايس تاع كهنة امين في كل واش يخص الله حتى يكفر على الذنوب تاع الشعب.
18
على خاطر كيما هو تعذب و جرب كل شيء يقدر يعاون الناس المتعذبين.
Chapter 3
1
مالا يا خاوتي القديسين لمشاركين في اللمة تاع الله, شوفوا ليسوع المسيح رسول اعترافنا و رايس الكهنة تاعنا,
2
كيفاه كان مولى امانة للي خايرو, كيما كان موسى ثاني مولى امانة على جميع بيت الله.
3
بالصح يسوع يستاهل جاه اكثر من تاع موسى, كيما الجاه اللي يديه الواحد اللي يبني الدار اكثر من جاه الدار في ذاتها.
4
على خاطر كل بيت كاين شكون بناه, و اللي بنا كل شيء هو الله.
5
موسى كان مولى امانة على جميع بيت الله على خاطر كان يخدم و يشهد على الشيء الجاي اللي راح يبينو الله.
6
اما المسيح هو مولى امانة على خاطر هو ابن الله في بيت الله. و احنا همّا البيت تاعو اذا كان حكمنا بثقة في الرجاء و فخرة ما تتزعزعش حتى للاخر. التحذير من عدم الايمان
7
على هاذيك كيما يقول الروح القدس: "اليوم, اذا كان سمعتوا صوتو,
8
ما تقسِيوْش قلوبكم, كيما درتوا نهار العصيان, نهار المحنة في الصحراء
9
وين جربوني جدودكم. جربوني وشافوا اعمالي مدة ربعين سنة.
10
على هاذيك غضبت على الجيل تاعهم, و قلت: ديما كاين الكفر ف قلوبهم, و عمرهم ما عرفوا طريقي.
11
و حلفت عليهم باليمين وقت الغُش: باه مايدخلوش في لهناء تاعي".
12
اتولهوا يا خاوتي, ما يكونش بينكم اللي قلبو معمر بالشر و بالكفر واللي يبعد على الله الحي.
13
بالصح كل يوم شجعوا بعضاكم, ما دامنا مازلنا نقولوا اليوم, باه ما تغركمش المعصية و تقسي قلوبكم.
14
على خاطر ولينا متشاركين مع المسيح, اذا كان حكمنا حتى للاخر في الثقة تاع لمرة لولى,
15
كيما يقول لكتاب: " اليوم, اذا كان سمعتوا صوتو, ما تقسِيوْش قلوبكم. كيما درتوا نهار المحنة".
16
و شكون همّا اللي عصاوه بعدما سمعوا صوتو؟ مش هاذوك الكل اللي خرج بيهم موسى من مصر؟
17
و على من غضب الله مدة ربعين سنة؟ مش على هاذوك اللي داروا المعصية, حتى طاحوا في الصحراء ميتين؟
18
و على من حلف باليمين: "ما يدخلوش في لهناء تاعو", غير على هاذوك اللي ما حبوش يطيعوا؟
19
و نشوفوا باللي ما قدروش يدخلوا على خاطر ما عندهمش ايمان.
Chapter 4
1
وحتى اذا كان الوعد باه ندخلوا للراحة تاع الله مازال قايم هكذاك و نخافوا لا نلقاو رواحنا تحرمنا منو!
2
على خاطر احنا ثاني سمعنا لبشارة كيما سمعوها همّا, بالصح لكلام اللي سمعوه ما نفع فيهم والو. على خاطر ما كانش ايمان في الناس اللي سمعوه.
3
اما احنا المومنين راح ندخلوا في الراحة تاع الله, كيما قال: "حتى حلفت عليهم باليمين وقت الغُش باه ما يدخلوش للراحة تاعي" رغم اللي لعمال الكل كمْلت من الوقت اللي بدات فيه الدنيا.
4
و قال هذا لكلام كي تكلم على سابع يوم: "وريَّحْ الله من جميع اعمالو في سابع يوم".
5
و ثاني قال: "ما يدخلوش في الراحة تاعي".
6
و اذا كان الناس اللي سمعوا لبشارة في لول ما دخلوش على جال العصيان تاعهم, كاين ناس واحد اخرين راح يدخلولها.
7
على هاذيك يرجع الله ويعمل يوم كي يقول على لسان داود: "اليوم" بعد هذا الزمان كامل, كيما قال: "اليوم, اذا كان سمعتوا صوتو, ما تقسِيوْش قلوبكم".
8
على خاطر لو كان جا يشوع رتحهم ما يزيدش يهدر على نهار واحد اخر.
9
مالا ما زالت كاينة راحة لشعب الله!
10
على خاطر اللي يدخل في الراحة تاع الله يرتاح هو ثاني من اعمالو, كيما ريَّح الله من اعمالو.
11
مالا خلي نديروا مجهودنا باه ندخلوا في هاذيك الراحة, باه واحد ما يطيح في عصيان كيما هاذاك بالذات.
12
على خاطر كلمة ربي حية و قادرة في فعالها و امضى من كل سيف بجيهتين, و تدخل في لعماق لمفرق النفس والروح ولمفاصل و حتى للمخ تاع لعظام, وتميز افكار القلب و نيتو.
13
و ما كاين حتى مخلوق يخفى عليه, كل شيء عريان و مكشوف قدامو اللي امرنا بيديه. يسوع المسيح هو اعظم رايس كهنة
14
و على خاطر عندنا رايس تاع كهنة عظيم عدى في السماوات, يسوع ابن الله, نبقاو حاكمين في الايمان تاعنا.
15
على خاطر رايس الكهنة تاعنا ماهوش عاجز باه يحن على ضعفنا, هو تجرب في كل شيء كيما احنا بالذات بالصح هو بلا معصية.
16
خلونا تقدموا للعرش تاع النعمة بكل ثقة باه ننالوا رحمة و نلقاو نعمة تعاوننا وقت اللي نحتاجولها.
Chapter 5
1
و كل رايس تاع كهنة يدِيوه من بين الناس و يحطوه يقدم خدمة للناس في الامور اللي تخص الله, باه يقدم قربان و ذبايح يكفر بيها على الذنوب,
2
و يكون قادر باه يرفق بالجاهلين و بالضالين, على خاطر هو ثاني عندو ضعوفات كيما لخرين.
3
و على هاذا الشيء ملزم يمد كفارة على روحو هوثاني كيما يمد كفارة على الشعب .
4
و واحد ما يقدر يحط روحو بروحو في هاذي الخدمة, غير اذا كان دعاه الله كيما هارون.
5
هكذاك ثاني المسيح ما اداش الجاه هو لروحو باه يولي رايس تاع كهنة, بالصح الله هو اللي قالو: "انت ولدي, انا اليوم ولدتك".
6
كيما يقول ثاني في موضع واحد اخر: "انت كاهن على طول الزمان في مرتبة ملكي صادق".
7
و هو اللي كان في ايام حياتو البشرية يرفع في الصلاوات والدعاء و يعيط بالدموع لله القادر باه يمنعو من الموت, و استجاب لو على جال التقوى تاعو,
8
حتى وهو ابن تعلم الطاعة بالشيء اللي توجع بيه.
9
و كي وصل لدرجة الكمال ولى سبب خلاص ما يفناش للناس اللي يطيعوه,
10
مرَّسم من عند الله كاهن على مرتبة ملكي صادق. التحذير من الارتداد
11
و عندنا كلام ياسر من جيهة هذا الموضوع, بالصح التفسير تاعو صعيب باه نهدروه, على خاطر وليتو ثقال باه تسمعوا.
12
على حساب المدة انتوما كان من المفروض تكونوا معلمين بالصح راكم مازلتوا تحتاجوا لشكون يعلمكم الاركان لولى تاع اقوال الله, و وليتوا محتاجين للحليب, مش للماكلة القاوية.
13
على خاطر كل واحد مازال يشرب في لحليب ماعندوش خبرة في كلام البر على خاطرو مازال طفل صغير,
14
اما الماكلة القاوية للناس البالغين, اللي دربوا الحواس تاعهم باه يعرفوا كيفاه يميزوا بين الخير و الشر.
Chapter 6
1
على هاذيك احنا رانا ماشيين للقدام للكمال وما نرجعوش للكلام على الاركا ن لولى اللي قايمة على ساس التوبة من الاعمال الميتة, و الايمان بالله,
2
و المعمودية, و لحطان تاع ليدين, و قيامة الموتى, و لحساب الابدي,
3
و هذا الشيء اللي رايحيين نديروه بإذن الله.
4
على خاطر الناس اللي فات منهم تفتحت البصيرة تاعهم, و ذاقوا الموهبة الفوقانية, ولاو شركاء مع الروح القدس,
5
و ذاقوا كلمة الله الصالحة و المعجزات تاع الدنيا لخرى اللي جاية,
6
و من بعد طاحوا, ماهوش ممكن يتجددوا بالتوبة مرة اخرى, على خاطر بالخسارة تاعهم يزيدوا يصلبوا ابن الله و يحَّشموا بيه.
7
و كل ارض روَات قداه من مرة من الماء تاع النو اللي صب عليها, و مدت زرع صالح للناس اللي فلحوها, تنال براكة من عند الله.
8
بالصح اذا كان خرجّت غير الشوك و الحسك, تكون محقورة و تلحقها دعاوي الشر, و تكون اخرتها للنار تاكلها.
9
حتى واذا كنا نتكلموا كلام كيما هاذا يا لخاوة, احنا متيقنين من جيهتكم باللي عندكم امور على الخلاص تاعكم خير ياسر من غيرها.
10
على خاطر الله ماهوش ظالم حتى ينسى واش درتوا و اعمال لمحبة اللي بينتوها على جال اسمو, وقت اللي خدمتوا الخاوة القديسين و مازلتوا تخدموا فيهم.
11
بالصح احنا نتمناو باه كل واحد فيكم يبين هذا الحماس حتى للآخر,
12
حتى ن يتحقق الرجاء تاعكم. باه ما تفشلوش و ديروا كيما هاذوك اللي امنوا وصبروا حتى نالوا الوعود تاع الله. وعد الله الصادق
13
نهار اللي الله وعد براهيم, ماكانش حتى واحد اعظم من هو, ولّى حلف بروحو هو بالذات,
14
و قال: "راح نباركك بالبركة و نكثْرك ياسر خلاص".
15
و هكا صبر براهيم و نال الوعد من عند ربي.
16
و الناس يحلفوا بالشيء اللي اعظم منهم, و الحلف هو اللي يثبت اقوالهم و هو اللي يفض كل عركة بيناتهم.
17
هكذاك الله كي حب يبين للي راح ينالوا الوعد تاعو باللي هو صادق باه يوفي الشيء اللي وعد بيه, ثبتو كي حلف,
18
و كان لنا الوعد و العاهد في زوز ما يتبدلوش, و عمرو الله ما يكذب فيهم, الشيء اللي يشجعنا ياسر, احنا اللي حاكمين في الله على جال الرجاء اللي دارهولنا.
19
هذا الرجاء اللي هو لنفوسنا كيما المرسى الآمن و الثابت, اللي يدخل لداخل خلاص وراء الحجاب,
20
وين دخل يسوع قبلنا و على جالنا, و ولّي رايس تاع كهنة بمرتبة ملكي صادق على طول الزمان.
Chapter 7
1
كان ملكي صادق, الملك تاع ساليم, و كاهن لله العالي, كي عاد ابراهيم راجع بعدما غلب الملوك و كسر شوكتهم, عرّضلو ملكي صادق و تلاقى بيه و باركو,
2
و مدلو ابراهيم لعشور من كل حاجة. و المعنى تاع اسمو من لول "ملك العدل", و ثاني "ملك ساليم" يعني "ملك السلام"
3
و هو لا عندو لا أب و لا أم, و لا جدود, ولا بدية أيام و لا آخرة حياة, بالصح مشابه لابن الله بالذات. يبقى كاهن على طول الزمان.
4
شوفوا قداه الجاه تاعو حتى ن ابراهيم وهو الرايس تاع الجدود الكل مدلو لعشور من خيار لغنم اللي عندو!
5
بالصح الكهنة اللي من بني لاوي تطلب منهم الشريعة باه يدِيوْ لعشور من عند الشعب, يعني من عند خاوتهم, حتى و لو كانوا من ذرية ابراهيم.
6
و ملكي صادق ما كانش من بني لاوي بالصح حكم لعشور على ابراهيم وباركو و هو اللي ادا الوعد من عند الله في ذاتو!
7
و هاذي حاجة ما فيهاش هدرة: لكبير هو اللي يبارك الصغير,
8
و الناس اللي اداو لعشور هما ناس فانيين, و اما هاذاك يشهد عليه لكتاب باللي راه حي.
9
و نقدر نقول: باللي حتى لاوي اللي هو يدي لعشور تاع الشعب هو ثاني مد لعشور تاعو مع ابراهيم.
10
على خاطر كان في صلب باباه ابراهيم نهار اللي جا ملكي صادق وقابلو. الرب يسوع و ملكي صادق
11
لو كان جا الكهنوت تاع لاوي كامل - و هو الساس تاع الشريعة عند الشعب - ما كانش لازم يقوم كاهن واحد اخر على مرتبة ملكي صادق؟ و ما قالش على مرتبة هارون.
12
على خاطر اذا كان تبدل الكهنوت, تولي حتى الشريعة تتبدل ثاني.
13
و هاذا اللي قاعدين نهدروا عليه راه من عشيرة واحدة اخرى عمرو ما واحد منها خدم في المذبح.
14
و الشيء اللي ظاهر باللي ربنا جا من عشيرة يهوذا, اللي عمرو موسى ما قال حاجة عليها من جيهة الكهنوت.
15
و الحاجة اللي تزيد تبين اكثر باللي ظهر كاهن واحد آخر كيما ظهر ملكي صادق,
16
و مش كيما تطلب الشريعة من جيهة النسب, بالصح عل ساس قوة لحياة اللي ما تفناش.
17
على خاطر يشهد عليه لكتاب ويقول: "انت كاهن على طول الزمان على مرتبة ملكي صادق".
18
و هكا تبطل لوصية تاع قبل على جال ضعفها و قلة فايدتها,
19
على خاطر شريعة موسى ما وَصْلتش الناس للكمال. و جاء في عوضها رجاء خير منها اللي بيه نتقربوا لله.
20
و هاذا الشيء ماتمش بلا ما يحلف عليه الله باليمين,
21
الكهنة اللاويين ولاو كهنة بلا أي يمين, و اما يسوع ولى كاهن و حلفلو الله باليمين و قال: "حلف الرب و عمرو ما يندم, راك كاهن على طول الزمان على مرتبة ملكي صادق".
22
و هكا ولى يسوع ضامن لعاهد خير من لعاهد لول.
23
و هاذوك الكهنة كثروا ياسر خلاص على خاطر كل مرة يموتوا و يجيو وراهم وحايد اخرين,
24
اما يسوع على خاطر يبقى حي طول الزمان, عندو كهنوت ما يفناش.
25
و هو قادر باه يخلص للتمام الناس اللي يتقربوا بيه لله, و هو حي ديما في كل حين باه يشفع فيهم.
26
على خاطر كان لازم لنا رايس تاع كهنة كيما هذا. قدوس بلا شر و بلا عيب, فْصَلْ روحو على المذنبين و طلع في العالي اعلى من السماوات.
27
اللي ماهوش محتاج باه كل يوم يقدم ذبايح على ذنوبو هو و من بعد على ذنوب الشعب كيما رياس الكهنة. على خاطر هو دار هاذا الشيء مرة واحدة, كي قدم روحو ذبيحة.
28
على خاطر الشريعة تنَصب ناس ضعاف همّا رياس الكهنة. اما الكلمة تاع الحلف باليمين تنَصب ابنا كامل على طول الدهر.
Chapter 8
1
اما راس الكلام كامل هو: باللي عندنا رايس تاع كهنة بهاذا الجاه كامل, قاعد على يمين عرش العظيم الجاه في السماوات,
2
يخدم في قدس لقداس تاع الله و في الخيمة تاع الصح اللي نصبها الله مش اللي نصبها العبد.
3
على خاطر كل رايس تاع كهنة يتحط باه يقدم ذبايح و قرابين. و هو ثاني لازم يكون عندو واش يقدم لله.
4
و لو كان جا يسوع في الارض مايكونش كاهن, على خاطر كاين الكهنة اللي يديروا هاذا الشيء وعلى حساب الشريعة,
5
و همّا يورولنا المثال للشيء اللي كاين في السماوات, كيما موسى نهار اللي جاء ينصب الخيمة, وحى ليه الله و قالو: "اعمل كل شيء كيما المثال اللي وريتهولك الفوق في الجبل".
6
بالصح المسيح نال خدمة خير ياسر على قد ما هو وسيط لعاهد اعظم من العاهد لول, على خاطر تثبت على ساس وعود خير وخير.
7
على خاطر لو كان جا العاهد لول بلا عيب, ما كانش لازم يكون عاهد واحد اخر.
8
و الله يلوم في شعبو و يقول لهم: "راح تجي ايامات, نعاهد فيها بني اسراييل و بني يهوذا بعاهد جديد.
9
مش كيما العاهد اللي عملتوا مع جدودهم نهار حكمتهم من ايديهم و خرجتهم من ارض مصر, و كي ما كانوش ثابتين على عهدي, انا سيّبتهم يقول الله.
10
على خاطر هاذا هو العاهد اللي نعاهد بيه بني اسرائيل في ليامات الجاية , يقول الله: نجعل الشريعة تاعي في روسهم, ونكتبها على قلوبهم, وانا نكون لهم الها, و همّا يكونوا ليا شعب.
11
و واحد ما يعلّم صاحبو و واحد ما يقول لخوه: اَعرف ربي, على خاطر كلهم راح يعرفوني من الصغير للكبير.
12
راح نغفر لهم ذنوبهم, و ما نزيدش نذكر معاصيهم و اثامهم.
13
و اذا كان قال: "جديد", معناها العاهد لول ولى قديم, و الشيء اللي يقدام و يعَّجز تسمى قرب يفض.
Chapter 9
1
و زيد العاهد لول كان عندو ثاني شعاير دينية و قدس ارضي,
2
على خاطر كاين البيت لول منصوب اللي يسميوه: "القدس", اللي كانت فيه لمنارة و المايدة و الخبز اللي يقدموه.
3
و وراء الحجاب الثاني بيت واحد اخر يسميوه: "قدس لقداس",
4
فيه مبخرة تاع ذهب, و ثابوت العاهد اللي مرصع بالذهب من كل جيهة, و في وسطو ماعون تاع ذهب حاطين فيه المن, و فيه ثاني لعصا تاع هارون اللي خرجت لورق, و فيه اللوحات تاع الشريعة في زوز,
5
و فوق منو الملايكة تاع الجاه مظللين بجنحيهم على لغطاء. حوايج ما نقدروش نهدروا عليها الكل بالتفصيل.
6
و كي تعمَل كل شيء كيما هكا ولات الخيمة واجدة, يدخلوا الكهنة للبيت لول في كل وقت, على جال الخدمة اللي يعملوها.
7
و اما للبيت الثاني اللي لداخل يدخل ليه برك غير رايس الكهنة مرة واحد في العام, و ما يقدرش يدخل غير بالدم اللي يقدموا على روحو هو وعلى ذنوب الشعب اللي داروها و همّا جاهلين بيها,
8
و بهاذا الشيء يبين لْنا الروح القدس باللي الطريق لقدس لقداس ما زالت ماهيش باينة,
9
و هاذا الترتيب يرمز للوقت الحالي, و مادام البيت لول مازال قايم, اللي فيه يذبحوا الذبايح و يقدموا القربان, و حتى هكذا و ما تخليش الكاهن كامل,
10
على خاطر هي شعاير تخص لبدن و خاصة برك بالماكلة والشراب وكل انواع لوضوء, محطوطة حتى ن يجي الوقت اللي يتعدل فيه كل شيء. المسيح هو الوسيط تاع العاهد الجديد
11
بالصح المسيح, و هو رايس الكهنة اللي جاء و جاب معاه الخيرات اللي راح تكون في المستقبل, و عدى في خيمة اعظم و اكمل من الخيمة لولى, خيمة ماهيش مخدومة باليد, اللي ماهيش من هاذي الدنيا,
12
و ما دخلش بدم عتارس و عجول, بالصح دخل بدمو هو, دخل مرة واحدة لقدس لقداس, و فدانا بواحد الفداء لا يفنى لا يزول.
13
على خاطر اذا كان الدم تاع لعجول ولعتارس ورماد تاع عجلة كي يترش على المنجوسين, يقدس و يطهر لبدن,
14
قداه مالا يكون الدم تاع المسيح, اللي بروح ما يفناش قدم نفسو لله قربان ما فيه حتى حاجة تعيبو, قادر يطهر قلوبنا من لعمال الميتة باه نعبدوا الله الحي!
15
و على جال هاذا هو الوسيط تاع العاهد الجديد, باه الناس اللي دعاهم ربي ينالوا الوعد تاع الورث الدايم, على خاطر الموت تاعو كان كفارة على الذنوب اللي صرات وقت العاهد لول.
16
و كي تعود كاينة وصية, لازم بيان يثبت باللي مولاها توفى.
17
على خاطر لوصية تثبت غير على الموتى, و كي يكون مولى لوصية حي تولي ماعندها حتى مفعول.
18
و العاهد لول ما تخصصش بلا دم,
19
على خاطر موسى بعد ما كلم الشعب كامل بالوصايا الكل اللي في شرع الله, هز الدم تاع العجول و العتارس, و خلطهم بالماء و صوف احمر و نبات الزوفا, و رش على لكتاب في ذاتو و على الشعب الكل,
20
و قال: "هاذا هو الدم تاع العاهد اللي وصاكم بيه الله".
21
و البيت و المواعن تاع الخدمة الكل رشهم ثاني بالدم.
22
وكل حاجة تقريب تتطهر بالدم على حساب الشرع تاع الله, و بلا ما يسيح الدم ما تكونش مغفرة للذنوب!
23
و كان يلزم على هاذي لحوايج اللي تشابه للحوايج اللي في السماء تتطهر كيما هكا, و اما لحوايج اللي في السماوات صح, لازمها تتطهر بذبايح خير من هاذي.
24
على خاطر المسيح ما دخلش لقداس مخدومة باليد و تشابه برك لهاذيك تاع الصح, بالصح هو دخل للسماء بالذات, باه يوقف اليوم في حضرة الله على جالنا.
25
و هو ما يقدمش نفسو في كل مرة, كيما يعمل رايس الكهنة كي يدخل لقدس لقداس كل عام بالصح بالدم تاع واحد اخر.
26
على خاطر هاذاك كان لازم يتوجع و يعاود يتوجع قداه من مرة من اللي بدات الدنيا, بالصح اليوم ظهر مرة واحدة في كمال الدهر باه يبْطل المعصية بذبيحة نفسو هو.
27
و كيما جعل الله للناس يموتوا مرة واحدة و من بعد يجي يوم لحساب,
28
هكا ثاني المسيح مات مرة واحدة باه ينحي الذنوب على ناس ياسر, و راح يزيد يظهر مرة اخرى مش على جال الذنوب بالصح على جال الخلاص للناس اللي يستناو فيه.
Chapter 10
1
و على خاطر الشريعة ما هيش هي الصورة بذاتها تاع هاذي لحوايج هي ظل برك للخيرات اللي جاية, و الذبايح اللي يذبحوها في كل عام لله ما تجعلهمش كاملين.
2
و لو كان جعلتهم كاملين كانوا يحبسوا ومابقاوْش يذبحوا, على خاطر اللي يعبدوا الله كان تنقاو مرة واحدة يروح عليهم الشعور بالمعصية.
3
بالصح هاذيك الذبايح كل عام تزيد تفكرهم بذنوبهم.
4
على خاطر الدم تاع الثيران و تاع لعتارس ما ينحيش المعصية.
5
على هاذيك كي جا المسيح للدنيا قال لله: "ما طلبت لا ذبيحة و لا قربان, بالصح وجدّت ليا بدن انسان.
6
لا ترضيك ذبيحة المعصية و لا الذبيحة المحروقة بالنار.
7
وليت قلت: "انا نجي, في لكتاب تقال عليا. ندير مشيئتك يا الله اللي تكتبت عليا".
8
على خاطر قال قبل: "لا حبيت ذبيحة و لا قربان و لا ذبيحة معصية ترضيك". هاذي الكل تتقدم كيما يقول الشرَع.
9
و من بعد زاد قال: "انا نجي باه ندير مشيئتك اللتي تكتبت عليا يا الله". و هكا يتنحى الترتيب لول و يثبت الثاني.
10
و هاذي هي المشيئة اللي تقدسنا بالبدن تاع يسوع المسيح اللي قدموا مرة واحدة.
11
و كل كاهن يخدم و يقدم في هاذيك الذبايح بالذات كل يوم على الدوام, هاذي الذبايح اللي ما تقدرش تنحي منا الذنوب.
12
بالصح المسيح بعد ما قدّم ذبيحة واحدة فْريدة كفارة على الذنوب الكل, و من بعد جلس على يمين الله,
13
حتى ن يجي النهار اللي عديانوا الكل يتحطوا تحت رجليه.
14
على خاطر بذبيحة واحدة جعل الناس اللي قدّسهم كاملين بالتمام.
15
و حتى الروح القدس ثاني يشهد لنا. بعد ما قال قبل:
16
"هاذا هو العاهد اللي نعاهدهم بيه في ليامات الجاية, يقول الرب, نحط الشرع تاعي في قلوبهم و نكتبه في عقولهم,
17
و منّا و جاي ما نزيدش نذكر ذنوبهم ومعاصيهم".
18
على خاطر كي يكون السماح على هذا الكل ما لازمش يكون قربان نقدموه كفارة على ذنوبنا. دعوة للثقة
19
و احنا عندنا اليوم هاذي الثقة باللي نقدروا ندخلوا ل "قدس لقداس" بالدم تاع يسوع,
20
طريق حي جديد فتحو بالحجاب, اللي هو الجسد تاعو,
21
و عندنا اليوم كاهن عظيم الجاه قايم على بيت الله,
22
نتقدموا بقلب صافي وايمان صادق, نطهروا قلوبنا من النية اللي ما هيش مليحة, ونغسلوا اجسادنا بماء طاهر نقي .
23
و نَحكموا في رجانا اللي ثابت فيه, على خاطر اللي وعدنا مولى امانة.
24
و نحْرسوا على بعضانا في المحبة وعمال الخير,
25
و ما نخلِوْش لجتماع تاعنا كيما العادة تاع واحد الناس, بالصح ديما نشجعوا بعضانا, على قد ما نشوفوا هاذاك النهار قاعد يقرب.
26
و اذا كان خايرنا باه نغلطوا بالعاني بعدما عرفنا الحق, ما بقاتش حتى ذبيحة تنفع للذنوب,
27
بالصح يَخَوف لقْضاء تاع الله, و النار اللي راح تاكل العاصيين.
28
اللي يخالف الشريعة تاع موسى و يشهدوا عليه زوز شهود والا ثلاثة كان يتقتل بلا شفقة ولا رحمة.
29
مالا كيفاه يكون لعذاب للي حاسب روحو قادر يحط ابن الله تحت رجليه, و يقول على الدم اللي نتقدسوا بيه باللي ناجس, ويستهزى بروح النعمة؟
30
نعرفوا شكون اللي قال: "انا اللي نفدي الثار, وانا اللي نجازي, يقول الرب". و ثاني يقول: "ربي يحاسب شعبوا".
31
و يا ويل اللي يطيح في يدين الله الحي!
32
بالصح اتفكروا ليامات الفايتة اللي بعدما تنورتوا فيها زدتوا صبرتوا واستحملتوا محاين كبّار.
33
من جيهة جاتكم لمحاين و لمعايرة و من جيهة اخرى وليتوا شركاء مع اللي صرالهم كيما انتوما.
34
غاضكم الحال عليا انا ثاني كي عدت في الحبس, و قبلتوا و انتوما فرحانين كي سلبولكم اموالكم, عارفين في قلوبكم باللي عندكم مال لا يفنى لا يزول محفوظ ليكم في السماوات.
35
مالا ما تفرطوش في الثقة تاعكم اللي عندها اجر كبير.
36
على خاطر تحتاجوا للصبر باه نهار اللي تعملوا واش يحب ربي تنالوا الوعد تاعو.
37
على خاطر غير شوية برك "و اللي جاي يجي و ما يبطاش".
38
اما البار يحيا بالايمان, و اذا كان راح ارتد ما نرضاش عليه".
39
اما احنا ماناش من الناس اللي يرجعوا للهلاك, احنا من اهل الايمان اللي يسلك النفس.
Chapter 11
1
اما ليمان هو الثقة في الشيء اللي نستناو فيه و نصدقوا امور ما تتشافش.
2
وبيه هو اللي شهد الله لناس زمان.
3
بالايمان نعرفوا باللي ربي خلق الدنيا بكلمة من عندو, و خرج لنا حوايج نشوفوها من حوايج ما نشوفوهاش.
4
بالايمان ذبح هابيل ذبيحة لله خير من ذبيحة قايين. و بالايمان شهد عليه ربي باللي راه بار من لبرار, و رضى عليه. و حتى لو كان مات مازال ليمان تاعو يهدر!
5
بالايمان رفع الله اخنوخ بلا ما يموت, و واحد ما زاد شافو على خاطر ربي رفعو عندو. وشهد عليه لكتاب باللي قبل ما يرفعو الله عندو كان راضي عليه.
6
على خاطر بلا ايمان ما نقدروش نرضيو الله, اللي يجي عند الله لازم قبل يامن باللي راه موجود, و باللي يكافي الناس اللي يطلبوه.
7
بالايمان نوح نهار اللي وحى ليه الله على امور راح تصرى خاف, و بنى فلوكة باه يمنع عايلتو, و جاء لهلاك للعالم الكل, اما هو ورث البر اللي كان الثمرة تاع الايمان.
8
بالايمان ابراهيم نهار اللي دعاه الله باه يخرج من ارضو اللي كان راح يورثها, خرج و هو ما علابالوش وين يروح.
9
و تغرب في لرض للي وعدو بيها الله تقول عليه في الغربة, و سكن في القيطون مع اسحاق و يعقوب الشركاء تاعو في العاهد تاع الله بالذات.
10
على خاطر كان يرجى في مدينة مبنية على الساس اللي ربي هو صانعها و بانيها.
11
و بالايمان حتى سارة, وهي العاقرة و زاد فاتها لعمر, جعلها تهز بالكرش و تولد, على خاطر عرفت باللي هاذاك اللي وعد صادق.
12
و جابت من واحد قرب يموت, ذرية قد نجوم السماء, و قد الرمل اللي في شط لبحر من كثرتها ما تتحسبش.
13
و كلهم ماتوا و هما في الايمان, و ما نالوش لمور اللي وعد بيها الله, بالصح شافوها من بعيد و صدقوها و حياوها, و استعرفوا باللي راهم غرباء و ما همش دايمين في الدنيا.
14
و اللي يقولوا كيما هكا يبينوا باللي راهم طالبين وطن.
15
و لو كان جاو يهدروا على لبلاد اللي خرجوا منها, كانت عندهم الفرصة باه يرجعولها.
16
بالصح همّا يرجاو وطن اخر خير وخير, وطن سماوي. على هذا الشيء الله ما يحشمش بيهم كي يكون هو الاله تاعهم. و هو اللي وجّد لهم مدينة.
17
بالايمان قدم ابراهيم وليدو لفريد اسحاق ذبيحة نهار اللي جربو الله. قدم هاذاك اللي اعطاه الله العاهد,
18
اللي قال عليه: "من اسحاق يكون ليك نسل".
19
على خاطر عارف باللي الله قادر يعاود يحييه من بين الموتى, و على هذا رجع ليه وليدو اسحاق, و هذا الشيء فيه معنى.
20
بالايمان اسحاق بارك يعقوب و عيسو من جوايه ياسر.
21
و بالايمان يعقوب قبل ما يموت بارك ولاد يوسف في زوز كل واحد وحدو, و سجد لله و هو متكي على العكاز تاعو.
22
و بالايمان يوسف و هو قاعد يموت ذكر خروج بني اسرائيل من ارض مصر و وصاهم باه يهزوا لعظام تاعو معاهم.
23
و بالايمان موسى, بعد ما ولد خزنوه والديه ثلاثة شهر, على خاطر شافوه طفل مليح, و ما خافوش من امر السلطان.
24
و موسى كي كبر ما حبش يتسمى ولد بنت فرعون,
25
وخاير يكون في الذل مع شعب الله و ما يكونش في المتعة اللي مادومش تاع المعصية,
26
عندو هو العار تاع المسيح اغنى من كنوز مصر, على خاطر كان يشوف في الاجر اللي يسنى فيه.
27
و بالايمان خلى مصر وما كانش خايف من السلطان لا يغضب عليه, و عقد العزم و ثبت روحو, تقول عليه كان يشوف في حوايج ما تشوفهاش العين.
28
بالايمان دار الفصح و رش الدم باه كي يعدي ملاك الموت اللي يهلك كل بدري, ما يمس حتى واحد من بني اسرائيل.
29
بالايمان عداو في لبحر تقول عليه بر, و كي حبوا المصريين يلحوقهم غرقوا.
30
بالايمان طاحت لسوار تاع اريحا بعد ما طافوا عليها سبعة ايام.
31
بالايمان منعت راحاب الزانية من لهلاك اللي لحق المذنبين, كي ضيفت عندها الجواسيس في زوز.
32
واش نزيد نقول ثاني؟ ما يكفيش الوقت كان خبرتكم على جدعون, و باراق, و شمشون, و يفتاح, و داود, و صموئيل, و لنبياء,
33
اللي بالايمان قهروا مماليك, داروا العدل, و نالوا وعود الله, و سدوا للصيودة فوامهم,
34
طفاو قوة النار, و منعوا من السيف, و تقووا من الضعف, و ولاو في الحرب ابطال, و غلبوا جيوش البرانية.
35
نساء رجعوا اللي ماتولهم بالقيامة. و اخرين تعذبوا و ما رضاوش يمنْعوا ارواحهم على خاطر حابين ينالوا قيامة اخرى خير.
36
و اخرين قاساو العار و الجلد, و سلاسل وحباس,
37
ترجموا, قصوهم بالمنشار, نحاو لهم روسهم تشردوا في البلدان هاربين في جلود لغنم ولمعيز محرومين مقهورين مظلومين,
38
هاذي الدنيا ما تستاهلش وحايد كيما هما. هاملين في الصحاري و في الجبال ولمغاغر و الكيفان.
39
هاذوك الكل مشهود ليهم بالايمان, ما نالوش العاهد,
40
على خاطر وجّد لنا احنا ما خير, و راد الله باه ما يتكملوش غير بينا.
Chapter 12
1
و احنا اليوم على خاطر هاذي السحابة لكبيرة تاع الشهود دايرة بينا, ما لازم علينا غير نطرحوا كل ثقل, و كل معصية لاسقة فينا, و نجريو في الميدان تاع الجهاد اللي يستنى فينا بالصبر,
2
نشوفوا لرايس ايماننا و مكملو يسوع, اللي استحمل الصليب ماهموش العار على جال الفرحة اللي تستنى فيه و جلس على يمين عرش الله.
3
تفكروا في هذا اللي استحمل من المذنبين عداوة كيما هاذي باه ما تملوش وتفشلوش.
4
ما زال ما قاومتوش حتى ن يسيح الدم وانتوما تجاهدوا في المعصية,
5
و بلاك نسيتوا لكلام اللي قلناهولكم تقول عليكم اولادنا: "يا ولدي, ما تحقرش ضربة ربي, و ما تفشلش اذا كان عزْرّك.
6
على خاطر اللي يحبو ربي يربيه, و يجلد اللي راضي عليه".
7
استحملوا التأديب على خاطر ربي يعامل فيكم كيما ولادو. و كاش ما كاين ابن ما يربيهش باباه؟
8
بالصح اذا ما كانش عندكم قسمة في التأديب اللي هو غير للولاد, مالا انتوما ولاد زنى ما كمش ولادو صح.
9
واذا كان والدينا تاع الدنيا يربونا, و نهابوا منهم. مايكونش اولى بينا نخضعوا لبابانا في الروح, باه ننالوا لحياة؟
10
هاذوك كانوا يربيو فينا ساعة ساعة و كيما يحبوا همّا, اما الله يأدبنا لمصلحتنا, باه نشاركوه في القداسة تاعو.
11
بالصح التأديب الكل في ساعتو يحزّن ما يفرّحش. بالصح في لخر يخرج للناس اللي عاناو منو ثمار الصلاح و لهناء.
12
على هاذيك زيْروا يديكم المرخوفة وركايبكم الضعيفة,
13
و اعملوا لرجليكم طرق مقدودة, باه العايب ما يكْوَعش بالصح يبرى. عندكم لا ترفضوا الله.
14
تبعوا السلام مع الناس الكل, و عيشوا حياة القداسة اللي بلا بيها واحد ما يقدر يشوف ربي.
15
عسوا ارواحكم باه واحد منكم ما يخيب من نعمة الله. عندكم لا ينبت فيكم عرق تاع مرارة يجيب التقلاق و يتنجسوا بيه ناس ياسر.
16
و ما يكونش فيكم واحد زاني و الا سفيه كيما عيسو اللي باع حقو في الورثة على جال كرشو.
17
و راكم عارفين من بعد كي حب يورث البرَكة خاب, و ما لقاش كيفاه يتوب, رغم اللي طلبها و هو يبكي بالدموع.
18
على خاطر انتوما ما جيتوش لجبل تاع الصح شاعل بالنار, و ضبابة و ظلمة و ريح قاوية.
19
و صوت بوق و صوت هدرة, الناس اللي سمعوه طلبوا ما يزيد لهم حتى كلمة اخرى,
20
على خاطر ما قدروش يستحملوا واش طلب منهم: "و حتى الحيوان اللي يمس الجبل, يترجم الا يتقتل بالسهم".
21
و كان هاذاك المنظر مرعب يخوف حتى قال موسى: "راني خايف نترعد".
22
بالصح انتوما قربتوا من جبل صهيون, و من مدينة الله الحي, اورشليم السماوية والاف لملايكات في محفل كبير,
23
قربتوا من كنيسية لبكار المكتوبين في السماوات, و لله ديان العالمين, قربتوا من لرواح تاع لبرار لكاملين,
24
و قربتوا للوسيط تاع العاهد الجديد, يسوع, قربتوا من دم مرشوش كلامو فصيح اكثر من دم هابيل.
25
عندكم لا ترفضوا المتحدث. اذا كان اللي رفضوا المتحدث بكلام الوحي في لرض ما منعوش من العقاب, كيفاه مالا نمنعوا احنا كان رفضنا المتحدث اللي من السماء!
26
اللي صوته زعزع لرض في هاذاك الوقت. اما اليوم وعد و قال: "مرة اخرى راح نزيد نزلزل مش لرض برك حتى السماء ثاني".
27
و كي قال: "مرة اخرى", دليل باللي لحوايج المخلوقة تزعزع و تفني و تبقى لحوايج اللي ما تتزعزعش.
28
نكونوا شاكرين ديما على خاطر نلنا ملكوت ما يتزعزعش, بالشكر نعبدوا الله عبادة يرضى عليها بخشوع و تقوى.
29
على خاطر: "الهنا نار آكلة".
Chapter 13
1
حافظوا على لمحبة تاع الخاوة بيناتكم.
2
ما تنساوش تضَيفوا البرّانية الغرباء, على خاطر بيها اللي ناس بكري ضَيفوا الملايكات بلا ما يعرفوا.
3
اذكروا المحبوسين كي شغل راكم محبوسين معاهم, و اذكروا المتعذبين كي شغل راكم انتوما اللي قاعدين تتعذبوا.
4
الزواج لازم يكون مكرْم عند كل واحد, و فراش الزواج لازم يكون طاهر. اما الناس الفاسقين و اللي يزنيو يحاسبهم الله.
5
اجعلوا سيرتكم بعيدة على محبة المال. كونوا قانعين بالشيء اللي عندكم, على خاطر قال: "ما نسبلش فيك و ما نخليكش",
6
حتى نقدروا نقولوا بكل ثقة: "ربي معايا ما عندي من واش نخاف. واش يقدر يديري بنادم؟".
7
اذكروا المعلمين تاعكم اللي كلموكم بالكلمة تاع الله. ادِيوْ العبرة من حياتهم و موتهم و تمثلوا بالايمان تاعهم.
8
يسوع المسيح هو هو البارح و اليوم و على طول الزمان.
9
ما تبعوش الظلال و ما تروحوش ورى تعاليم اخرى غريبة, على خاطر خير لكم تتقوى قلوبكم بالنعمة, مش بالماكلة اللي ما عندها ماتنفع.
10
عندنا مذبح ما يحقش للناس اللي يخدموا في خيمة العاهد باه ياكلوا منو.
11
على خاطر الحيوانات اللي يدخل رايس الكهنة بالدم تاعها لقدس لقداس كفارة على المعصية تاكلها النار لبرى خارج المحل.
12
على هاذيك حتى يسوع ثاني, باه يقدس الشعب بالدم تاعو, تعذب و مات لبرى خارج الباب تاع لمدينة.
13
هيا مالا نخرجوا ليه, لبرى من المحل و نهزوا العار تاعو.
14
على خاطر ما عندناش مدينة دايمة لهنا, رانا نسعاو للمدينة تاع المستقبل.
15
هيا نتقدموا لله بالمسيح ذبيحة الحمد في كل وقت, نقولوا كلام ثمار الفم المستعرف باسمو.
16
ما تنساوش اعمال الخير و الصدقة, على خاطر هاذي الذبايح يرضى بيها ربي.
17
اسمعوا كلام المرشدين تاعكم وطيعوهم, على خاطر يسهروا على نفوسكم تقول يحاسبهم الله عليها, يخدموا فيكم و هما فرحانين, موش بالحسرة , على خاطر هذا ما ينفعكمش.
18
صلوا لنا, احنا واثقين و ضميرنا مرتاح, و ماذابينا نحسنوا في كل شيء.
19
بالصح نطلب منكم و نحاولكم اكثر تصلِيوْ باه يرجعني ربي ليكم في اقرب وقت. صلاة
20
و الالاه تاع السلام اللي قوّم راعي الخرفان العظيم الجاه, ربنا يسوع من بين الموتى, بدم العاهد اللي ما يفناش,
21
يجعلكم كاملين في كل حاجة صالحة باه تتمموا واش يحب الله, و يعمل فيكم الشيء اللي يرضيه بيسوع المسيح ليه المجد على طول الزمانات الكل. امين. تحية ختامية
22
نطلب منكم يا خاوتي توسعوا بالكم و تستحملوا كلام الوعظ, على خاطر كتبت لكم بكلام قليل.
23
نخبركم باللي خونا تيموتاوس خرج من لحبس, و كي يجيني عن قريب نجيو عندكم انا وياه.
24
سلموا على جميع المعلمين تاعكم و على كل القديسين. ناس ايطاليا يبلغولكم السلام.
25
النعمة تكون معاكم الكل. امين. -للعبرانيين, تكتبت من ايطاليا, على يد تيموتاوس-
James
Chapter 1
1
من عند يعقوب, عبد الله و عبد يسوع المسيح, يبعث السلام للعشاير في اثناش اللي مشتتين في الغربة. صعوبات و محاين
2
يا خاوتي اذا كنتوا تعديوْ في صعوبات احسبوها فرحة كبيرة,
3
عارفين باللي الامتحان تاع ايمانكم يوَلد فيكم الصبر.
4
و الصبر هو اللي يوصلكم باه تكملوا الخدمة تاعكم, و هكا تكونوا كاملين و ما يخصكم حتى شيء.
5
و اللي تخصو الحكمة, يطلبها من عند الله يمدلو, هو كريم و يمد للناس الكل و ما يعايرش.
6
و كي يطلب يطلب بايمان بلا ما يشك خلاص, على خاطر المشكاك كيما الموجة في لبحر يدزها الريح و يهيجها.
7
و انسان كيما هاذا ما ينال حتى شيء من عند الرب.
8
الانسان اللي عندو قداه من راي تلقاه دايما متردد في كل شيء.
9
الانسان المتواضع يفخر بالقْدََرْ تاعو,
10
و الانسان الغني يفخر بالتواضع تاعو, على خاطر المال ما يدومش كيما النوار اللي يطلع مع لحشيش.
11
تشرق عليه الشمس قاوية, ييبس لحشيش, و النوّار يطيح و يفنى بهاه. هكذاك يذبل طالب المال و هو يجري وراه.
12
يا سعدو اللي يصبر وقت المحنة, على خاطر اذا كان تزكي ينال " تاج لحياة" اللي وعد بيه الرب للناس اللي يحبوه.
13
واحد ما يقول اذا كان عدّى في لمحاين: "راه الله يجرب فيا", على خاطر الله ما يتجربش بالشر, و الله ما يجرب حتى واحد بالشر.
14
بالصح الواحد يتجرب اذا كان غواتو الشهوة و خدعاتو.
15
و الشهوة تولد المعصية, و المعصية كي تكبر و تطيب تطّلع الموت.
16
يا خاوتي لحباب ما تغلطوش.
17
كل حاجة صالحة, و كل موهبة كاملة راهي نازلة من فوق, من عند اب الانوار, اللي ما يتبدّل و ما فيه ظل يدور.
18
و هو اللي حب و ولدنا بكلمة الحق باه نكونوا باكورة على كل ما خلق. اسمعوا و اعملوا
19
يا خاوتي لحباب, كل واحد منكم يكون يسمع ياسر و يهدر شوية, و يصبر ما يغضبش,
20
على خاطر الانسان كي يغضب ما يديرش الحق اللي يطلبو ربي.
21
على هاذيك طيْشوا عليكم كل ما هوَ نجاسة و كل ما هوَ شر, و اقبلوا بضرافة الكلمة اللي يغرسها فيكم الله و اللي قادرة تمّنع نفوسكم.
22
و كونوا عاملين بالكلمة, موش تسمعوا برك و تخدعوا في ارواحكم.
23
اذا كان واحد يسمع برك و ما يدير والو بالكلمة,
24
يكون كيما واحد يشوف مع روحو في لمرايا, و من بعد يروح و في ساع ينسى واش شاف.
25
بالصح اللي يشوف في الشريعة الكاملة - شريعة الحرية - و يثبّت معاها, و يولي يعمل بالكلمة موش يسمع و ينسى, هاذا يربح و يسلك على خير.
26
و اذا كان واحد حاسب روحو مدّين, و هو ما يحكمش فمو, هاذا يخدع في روحو, و التدّين تاعو باطل.
27
التدّين الطاهر النقي عند الله الآب هو هاذا: كي يتفقد ليتامى و الارامل في ضيقهم, و كي يصون نفسو من لفساد تاع هاذي الدنيا.
Chapter 2
1
ردوا بالكم من المحايلة يا خاوتي, و انتوما في الايمان تاعكم بالرب يسوع المسيح, رب المجد, ما تديروش المحايلة.
2
اذا كان دخل عندكم واحد لابس الذهب و قش مليح, و ثاني دخل واحد فقيرو قشوا موَسخ,
3
وكي شفتوا هاذاك اللي لابس مليح و قلتولوا: "ارواح اقعد هنا خير". و قلتوا للفقير: "انت روح اقعد لهيك" و الا : "اقعد في لرض".
4
موش لو كان تخمموا مع ارواحكم تلقاو باللي تخمامكم شر؟
5
اسمعوا يا خاوتي لعزاز: يا خي الله هو اللي خاير الفقراء تع هاذي الدنيا باه يكونوا اغنياء في الايمان, و يكونوا وراثة للملكوت اللي وعد بيه الناس اللي يحبوه؟
6
و انتوما تحقروا الفقير. ياخي الاغنياء همّا اللي يتسلطوا عليكم و يكركروكم للشروعات؟
7
و همّا اللي يعايروا في الاسم لمخير اللي تسميتوا بيه؟
8
و اذا كنتوا تمشيو بشريعة الشرايع كاملة اللي في لكتاب اللي تقول: "تحب قريبك كيما تحب روحك", تكونوا عملتوا مليح.
9
بالصح اذا كنتوا تحايلوا بين الناس. توليو تديروا في المعصية, و يحكم عليكم شَرْع الله على خاطر خالفتوه.
10
على خاطر اللي يدير كل واش يقول عليه شرع الله, و يخالف غير حاجة وحدة برك, يسمى خالف شرع الله كامل.
11
على خاطر اللي قال: "ما تزنيش", قال ثاني: "ما تقتلش". اذا كان ما زنيتش بالصح قتلت, تسمى خالفت شرع الله.
12
اهدروا و اعملوا كيما الناس اللي راح يحاكمهم الله بالشَرْع تاع الحرية.
13
اللي ما يرحمش غيرو حتى الحكم ما يرحموش, و الرحمة تغلب الحكم. الايمان و لعمال
14
واش الفايدة يا خاوتي اذا كان واحد يقول باللي عندو الايمان بالصح ما عندوش لفعايل تاع الايمان, كيفاه يقدر الايمان كيما هاذا يمنعوا؟
15
اذا كان اخ و الا اخت عرايا و ما عندهم ما ياكلوا,
16
واش الفايدة كي يجي واحد منكم و يقول لهم: "روحوا متهنيين, ادفاو و اشبعوا",بالصح ما يعطيهم حتى شيء يستنفعوا بيه؟
17
هكا ثاني حتى الايمان, اذا ما كانتش عندو فعايل تبينوا, يكون هو في ذاتو ميت.
18
بالصح كي الواحد يقول: "انت عندك ايمان, اما انا عندي لفعايل. وريلي ايمانك بلا فعال, وانا نوريك فعايلي بإيماني".
19
راك تامن باللي الله واحد. تعمل مليح. حتى الشواطن يامنوا و يترعدوا من الخوف!
20
تحب تعرف يا الانسان الفاني كيفاه يكون الايمان ميت بلا فعايل؟
21
جدنا براهيم ياخي تبرر بالافعال تاعو, نهار اللي قدم اسحاق ولدو على المذبح؟
22
تشوف باللي الايمان عندو لفعايل تاعو, و بالفعال يتم الايمان و يولي كامل,
23
و هكا تمم المكتوب عليه في لكتاب اللي يقول: "كي امن براهيم بالله اعطاه الله البر على جال ايمانو", و تسمى ابراهيم الخليل.
24
شفتوا كيفاه يتبرر الانسان بالفعال تاعو, موش برك بالايمان وحدو.
25
و حتى راحاب الزانية ثاني, حتى هي تبررت بالفعال, نهار اللي ضيْفت الرسل عندها و من بعد هرْبتهم في طريق اُخرى؟
26
هكا كيما يكون لبدن اللي بلا روح ميت, يكون ثاني الايمان اللي بلا فعال ميت.
Chapter 3
1
ما لازمش يكثروا فيكم الناس اللي يعلموا يا خاوتي, و راكم عارفين واش من حساب نتحاسبوا احنا المعلمين!
2
على خاطر كلنا نغلطوا في حوايج ياسر. و اللي ما يغلطش في كلامو هاذاك راجل كامل و قادر ثاني يحكم في بدنو الكل.
3
شوفوا لحصُنَّه, نحطوا اللجام في فمها باه تطاوعنا, و نقدروا نسوقوها.
4
و حتى البابور ثاني على قد ما هو كبير و على قد ما الريح قاوية, اللي يحركو دفة صغيرة خلاص يدَورها الرايس وين يحب.
5
هكا ثاني اللسان, عضو صغير و هو يدير حوايج كبار. شوفوا نار صغيرة خلاص قداه من غابة تحرق!
6
اللسان نار! عالم تاع ذنوب. هكا تحط في الاعضاء تاعنا اللسان, اللي قادر ينجس البدن كامل, يشعل النيران في الدنيا الكل بنار من جهنامة.
7
يقدر بنادم يربي الوحوش و الطيور و حتى الحيوانات اللي يزحفوا كل ما في البر و البحر, تتربى وتخضع للانسان.
8
اما اللسان, واحد ما يقدر عليه. هو شر ما تقدرش تسيطر عليه, مليان بالسم القتّال.
9
بيه نباركوا الله الآب, و بيه نسبوا الناس اللي خلقهم ربي على صورتو.
10
من فم واحد تخرج دعوة الخير وتخرج دعوة الشر! و هاذا الامر ما لازمش يكون يا خاوتي!
11
كاش ما كاين عين تاع ماء تخرج من ينبوع واحد ماء حلو و ماء مالح؟
12
يا خاوتي كاش ما كاين كرمة تجيب الزيتون, و الا دالية تجيب الكرطوس؟ هكا حتى عين تاع الماء الواحدة ما تقدرش تخرج ماء مالح و ماء حلو! زوز انواع تاع حكمة
13
اللي فيكم حكيم و فاهم, يبين فعالو بالحكمة و الوداعة و حسن التربية.
14
بالصح اذا كانت في قلوبكم لمرارة تاع الحسد و الغيرة, ما تفخروش بارواحكم و تكذبوا على الحق.
15
حكمة كيما هاذي ماهيش نازلة من عند الله, راهي حكمة دنياوية انسانية شيطانية.
16
على خاطر وين يكون الحسد و النزاع, يكون التشويش و الشرور الكل.
17
و اما الحكمة اللي جاية من لفوق هي قبل كل شيء طاهرة, و ما تأذي حتى واحد, و متسامحة, و حنينة, و مليانة بالرحمة و الصلاح, لا فيها شك و لا نفاق.
18
و البر هو الثمرة تاع الشيء اللي زرعوه في السلام الناس اللي يسعاو للسلام.
Chapter 4
1
منين تجي لقتيلة و العراك بيناتكم؟ موش من هنا تجي: من الشهوات تاعكم اللي قاعدة تحارب فيكم في اجسادكم؟
2
تحبوا تملكوا و كي ما تقدروش تقتلوا. و تحسدوا وكي ما تنالوش. تتعاركوا و تتقاتلوا, و انتوما محرومين على خاطر ما تطلبوش.
3
و كي تطلبوا ما تنالوش, على خاطر تطلبوا باه تديروا اللي في هواكم انتوما.
4
يا واحد الخاينين, ما علابالكمش باللي محبة الدنيا هي عداوة لله؟ و اللي حاب يكون من طلّاب الدنيا, يولي عدو لله.
5
و الا حاسبين لكتاب يهدر باطل كي يقول: الروح اللي فاض علينا ولّى يغير؟
6
بالصح هو يجود علينا بنعمة اكبر. على هاذيك يقول: "ربي يرد المتكبرين, بالصح المتواضعين ينعم عليهم".
7
طيعوا لله. قاوموا ابليس يهرب منكم.
8
قربوا لله يقرب ليكم. نظفوا ايديكم يا لمذنبين, و نقيوْ قلوبكم يا لمنافقين.
9
احزنوا و نوحوا و ابكيو. بدّلوا الضحكة بالدموع, و بدّلوا الفرحة بالحزن.
10
تواضعوا قدام ربي يرفعكم.
11
ما تهدروش على بعضاكم بالشر يا خاوتي. اللي يهدر في خوه بالشر يسمى هدر في شرْع الله و اللي يطّيَح في خوه يسمى طيّح في شرع الله, و اللي يطّح في شرع الله, ما يسماش يمشي بيه, بالصح يسمى حاكم عليه.
12
كاين واحد برك اللي حط الشرع, و هو اللي يحكم بيه, و هو اللي يقدر يهلك و قادر يمنّع. شكون تكون انت باه تحاسب غيرك؟ ما تفخروش بغدوة
13
و ضرك الناس اللي يقولوا: "اليوم والا غدوا نروحوا لمدينة هاذيك و الا للمدينة الاخرى و ثمة نقعدوا عام واحد برك نخدموا على ارواحنا و نربحوا".
14
انتوما ما علابالكمش غدوة واش يكون! على خاطر واش هي حياتكم؟ راهي بخار, يظهر شوية و من بعد يفنى.
15
خير لو كان قلتوا: "نشالله كان عشنا ندير هكا و هكا".
16
بالصح راكم تفخروا بالتكبر تاعكم. و كل هاذا الزوخ و الفوخ شر.
17
اللي يعرف يعمل الصلاح و ما يعملوش, يتحسب عليه معصية.
Chapter 5
1
نهدر ضرك مع الناس الاغنياء, ابكوا و نوحوا على المصايب الي راح تصيبكم.
2
مالكم فنى, وقشكم كلاتو العثة.
3
و الذهب و الفضة تاعكم صددوا, وهاذاك الصديد يشهد عليكم, و ياكل لحومكم كي النار! هاذا واش تخزنوا للاخرة تاعكم.
4
و لعرق تاع الخدامين اللي حصدولكم لراضي تاعكم, سلبتوه, حقهم يطلب فيكم عند ربي و سمعهم الله رب الجنود.
5
تنعمتوا في الدنيا, ترفهتوا شبّعتوا قلوبكم, كي اللي راكم توجدوا في ارواحكم للذبيحة.
6
حكُمتوا على اللي يتقي الله. و قتلتوه. و هو ما دافعش على روحو! الصبر وقت الضيقات
7
اصبروا يا خاوتي حتى لنهار اللي يجي فيه الرب. شوفوا كيفاه الفلاح يخدم لرض و يقعد يسنى في الثمار الغالية. صابر يسنى في لمطر تاع لخريف و لمطر تاع الربيع.
8
اصبروا انتم ثاني و ثبتوا قلوبكم, على خاطر قرّب النهار اللي راح يجي فيه الرب.
9
ما تتذمروش على بعضاكم يا خاوتي باه ما يحاسبكمش ربي. هاو الديّان واقف قدام الباب.
10
اصبروا كيما صبروا الانبياء اللي تكلموا باسم الرب اللي تعذبوا بالصح صبروا.
11
يا سعد الناس الصابرين. سمعتوا على الصبر تاع ايوب و شفتوا كيفاه جازاه الله في لخر. على خاطر الله رؤوف و رحمتو واسعة.
12
بالصح قبل كل شيء يا خاوتي, ما تحلفوش, لا بالسماء, و لا بلرض, و لا بأي شيء واحد اخر. اذا كان نعم قولوا نعم, و اذا كان لا قولوا لا, باه ما يحاسبكمش ربي. الصلاة تاع ليمان
13
اذا كاين واحد فيكم يعاني في الصعوبات؟ ما عليه كان يصلي. اذا كان واحد فيكم فرحان؟ ما عليه غير يحمد ربي و يسبحو.
14
كان فيكم واحد مريض؟ يعيط على الشيوخة تاع لكنيسية يصليو عليه و يدهنوه بالزيت باسم الرب,
15
و صلاة الايمان تشفي لمريض, وربي يعافيه ويشفيه, واذا كان دار ذنوب يغفرها لو.
16
استعرفوا لبعضاكم بذنوبكم, و صلوا لبعضاكم, باه تبراو. على خاطر صلاة الانسان الصالح عندها مفعول كبير.
17
كان ايليا بشر كيفنا في كل شيء, و صلى صلاة باه ما تصبش لمطر, قعدت ثلاث سنين وستة شهر ما صبتش لمطر.
18
و من بعد زاد صلى ثاني, صبت لمطر و خرجت لرض خيراتها.
19
يا خاوتي, كان واحد منكم بعَدْ على الحق و ردو واحد اخر,
20
يكون في علمكم باللي اللي يرد مذنب للطريق الصواب, يمنّع نفس من الموت , ويستر ياسر معاصي.
1 Peter
Chapter 1
1
من عند بطرس الرسول تاع المسيح يسوع, للمتغربين و المشتتين في بنتس و غلاطية و كبدوكية و اسيا و بيثينية, المختارين من عند الله
2
اللي خايرهم الله الآب من قبل و هو العالم بكل شيء, و قدّسهم بالروح باه يطيعوا يسوع المسيح, و رش عليهم الدّم تاعو: ليكم نعمة فايضة و سلام كبير. نحمدوا الله على الرجاء الحي
3
تبارك الله الاب ابو ربنا يسوع المسيح, اللي بالرحمة تاعو لكبيرة ولدنا مرة اخرى في رجاء حي, بالقيامة تاع يسوع المسيح من بين الموتى,
4
و لورثة ما تفناش و ما تزولش و ماتفسدش, اللي مخبية في السماوات على جالكم,
5
انتوما اللي بالايمان القدرة تاع الله تعس عليكم, للخلاص اللي راح يظهر في اخر الزمان.
6
اللي تفرحوا بيه, حتى و اذا انتوما اليوم - اذا كان لابد منو- راح تحزنوا شوية وقت بمحاين متنوعة,
7
اللي بيها يتزكى الايمان تاعكم, كيما يعدي الذهب في النار, و ايمانكم اغلى من الذهب الفاني, راح يكون شرف و كرامة و جاه نهار اللي يظهر فيه ربنا يسوع المسيح,
8
اللى تحبوه بلا ما شفتوه. و حتى اذا كنتوا ما تشوفوهش بالصح تامنوا بيه, و انتوما فرحانين بفرحة مجيدة ما تتوصفش,
9
حتى ن توصلوا نتالوا غاية ايمانكم وهي خلاص نفوسكم.
10
هذا الخلاص اللي حوسوا و فركتوا عليه لنبياء, و تنبأوا بالنعمة اللي نلتوها انتم اليوم.
11
وحبّوا يعرفوا وقتاه و كيفاه راح تجي هاذي النعمة اللي دلّهم عليها الروح تاع المسيح اللي فيهم, كي شهد لهم في هاذاك الوقت على الاوجاع اللي راح يقاسيها المسيح و الامجاد اللي راح تجي من وراها.
12
اللي تكشفت لهم موش على جالهم همّا, بالصح كانوا يخدموا فيكم انتوما, بهاذي الامور اللي بينها لكم اليوم واللي وصلتكم لبشارة عليها في الروح القدس المبعوث من السماء. اللي حتى لملايكة تتمنى تشوفها. كونوا قديسين
13
على هاذا حلوا مخاخكم مليح و اتولهوا, و اجعلوا رجاكم الكل على النعمة اللي راح تجيكم نهار اللي يظهر يسوع المسيح.
14
و كيما اولاد طايعين, ما تبعوش الشهوات تاعكم اللي كنتوا تديروا فيها قبل ما تامنوا,
15
بالصح كونوا قديسين في كلش, كيما القدوس اللي ناداكم.
16
على خاطر جا في لكتاب: "كونوا قديسين على خاطر انا قدوس".
17
و اذا كنتوا تقولوا باللي الله اب ليكم و هو اللي يحاسب الناس الكل على اعمالهم كيف كيف ما يشوفش بالوجوه, مالا خافوا الله في زمان غربتكم على لرض.
18
عالمين باللي فداكم من سيرتكم الباطلة اللي ورثتوها من عند الجدود, موش بالحوايج الفانية كيما الفضة و الذهب,
19
بالصح بدم كريم, دم لخروف اللي بلا عيب ولا نجاسة, الدم تاع المسيح,
20
اللي خايروا الله قبل ما تتخلق الدنيا, بالصح ظهر على جالكم انتوما في هاذي الزمانات لخّرى,
21
و هو اللي جعلكم تامنوا بالله اللي قَوْمو من بين الموتى ومدلو الجاه, و ولى الله هو غاية ايمانكم و رجاكم.
22
نقِيوْ نفوسكم بالطاعة تاع الحق بالروح و بالمحبة لبعضاكم بلا نفاق, حبوا بعضاكم محبة طاهرة خارجة من القلب.
23
مولودين مرة اخرى, موش من زرع يفنى, بالصح من هاذاك اللي ما يفناش, بالكلمة تاع الله الحية الدايمة.
24
على خاطر: "كل بنادم كي القَّش. و كل جاه بنادم كي نوّار المرجة, القَّش ييْبس والنوار يطيح,
25
اما كلمة ربي تبقى ثابتة دايما". و هاذي هي الكلمة اللي بشرناكم بيها.
Chapter 2
1
نحيو عليكم كل خبث و خدع و نفاق و حسد و نميمة,
2
و كي اللي راكم اولاد غير كيما ولدتوا, اشربوا لحليب العقلي الصافي باه تكبروا بيه,
3
اذا كان ذقتوا قدّاه ربي صالح. الحجر الحي و الشعب المختار
4
كي تجِيؤْ ليه, هو لحجر الحي اللي ما قبلوهش الناس, بالصح هو المختار لكريم من عند الله,
5
كونوا انتوما ثاني حجار حية بانيين بيت روحي, كهنوت مقدس, باه تقدموا ذبايح روحية مقبولة عند الله بيسوع المسيح.
6
و لكتاب تاع الله ثاني يقول: "انا راح نحط في صهيون حجر زاوية مختار كريم, و كل من يامن بيه ما يخِيبش".
7
يمد الكرامة للناس المومنين بيه, و اما الناس اللي ما يطيعوش, "الحجر اللي رفضوه البنايين, ولى هو راس الزاوية"
8
و "حجر صدمة و صخرة عثرة". و هما يتدعثروا على خاطر ما كانوش طايعين لكلمة الله, هاذا هو المصير تاعهم.
9
و اما انتوما سلالة مختارة, كهنوت تاع ملوك, امة مقدسة, شعب مخصص, باه تخبروا على الفضايل تاع اللي ناداكم من الظلمة لنورو العجيب.
10
اللي من قبل ما كنتوش شعب, و اما اليوم انتوما شعب الله. اللي كنتوا قبل بعاد على رحمة ربي, اما اليوم وليتوا مرحومين. احترام السلطات
11
يا لحباب, نطلب منكم كي اللي راكم غرباء و ضياف في هاذي الدنيا, تصونوا ارواحكم من الشهوة تاع الجسد اللي تحارب النفس,
12
و خلِيوْ السيرة تاعكم بين الناس تكون مليحة, حتى اذا كانوا يتهموكم باللي راكم تديروا في الشر, بالصح كي يشوفوا اعمالكم الصالحة يمجدوا ربي نهار اللي يتفقدهم.
13
اكرام للرب اخضعوا لكل سلطة موضوعة بين الناس. للملك على خاطر هو الحاكم لكبير فوق الناس الكل,
14
و للحكام تاعو اللي حطهم باه يعاقبوا الناس الفاسدين, و يكافؤوا الناس الصالحين.
15
على خاطر هاذي هي الارادة تاع الله: كي انتوما تديروا الخير تسَكتوا الجهل تاع الناس الاغبياء.
16
كونوا احرار, بالصح ما تديروش كيما الناس اللي يتخباو بالحرية باه يديروا الشر, انتوما ديروا واش يليق بالعبيد تاع الله.
17
احترموا الناس الكل. حبوا الخاوة. خافوا ربي. احترموا الملك.
18
و انتوما يا اللي تخدموا عند الناس كونوا خاضعين لسيادكم و قادروهم, موش غير للصالحين و الناس لملاح برك, بالصح حتى للقاسيين ثاني.
19
على خاطر كي تعرفوا ارادة الله نعمة, و تصبروا على لعذاب و تحملوا الظلم.
20
على خاطر واش من مزية عندكم كي تصبروا و نتوما قاعدين تخلصوا في الغلطات تاعكم؟ بالصح اذا عملتوا الخير وتوجعتوا و صبرتوا, تنالوا اجر عند الله,
21
على خاطر الله ناداكم لهاذا الشيء. المسيح هو ثاني توجع على جالنا, و خَلالْنا مثال باه نتبعوه.
22
" اللي عمرو ما دار المعصية, و لا كان في فمو خدع",
23
اللي كان كي يسبوه ما يرجعش, و كي كان يتوَجع ما كانش يهدد بالصح كان يسلم امرو للي يقضي بالحق.
24
و هو اللي هز ذنوبنا في البدن تاعو على المادرية تاع الصليب, باه نموتوا من جيهة الذنوب و نحياو من جيهة الحق. اللي بالجروح تاعو شفاكم.
25
على خاطر كنتوا كي الخرفان السايبة, بالصح اليوم رجعتوا لراعي نفوسكم و حارسها.
Chapter 3
1
الزوجات و الازواج و انتم ثاني يا نساء, كونوا خاضعين لرجالكم, حتى واذا كان فيهم اللي ما يامنوش بالكلمة تاع الله, تجبدهم السيرة تاع نساهم بلا ما يهدروا,
2
كي يشوفوا الطهارة و مخافة ربي فيكم.
3
و ما تكونش الزينة تاعكم من برى, في الشعر المضفور و الذهب و القش الغالي,
4
بالصح تكون الزينة اللي من داخل الخارجة من القلب اللي ما تفسدش, زينة الروح الهادية الظريفة, اللي غالية ياسر عند الله.
5
على خاطر بهاذي الزينة اللي كانوا نساء زمان القديسات يتزينوا بيها وهمّا متوكلات على الله,
6
كيما كانت سارة تطيع ابراهيم و تعيطلو "سيدها". و بناتها اليوم, هما اللي يعرفوا كيفاه يتصرفوا و يديروا الخير, و ما يخافوا حتى من شيء خلاص.
7
و انتم ثاني يا رجال, عيشوا مع نساكم عارفين باللي همّا اضعف منكم, و كرموهم على خاطر هما وارثين معاكم نعمة لحياة, باه حاجة ما تعيق لكم صلاتكم. لمقاسية في فعل الخير
8
و في لخر, كونوا الكل متحدين في الراي بقلب واحد, عندكم محبة اخوية لبعضاكم, حنَان على بعضاكم, ضراف,
9
ما تكافيوْش الشر بالشر والا السب بالسب, بالصح بالعكس انتوما باركوا, على خاطر هاذا هو الشيء اللي ناداكم ليه ربي باه تورثوا البركة.
10
و:"اللي يحب يعيش حياة هانية, و يشوف ايام سعيدة, يحكم لسانو على الشر, و يحكم فمو على كلام لخدع,
11
يبعد على الشر, ويدير الخير, يطلب السلام, و يسعى ليه.
12
على خاطر ربي عينو على الابرار, و وذنيه تسمع دعاهم, وبالصح يحجب وجهو على الناس اللي يديروا في الشر".
13
شكون ياذيكم اذا كنتوا تحرصوا على فعل الخير؟
14
و حتى كان قاسيتو على جال الحق, يا سعدكم. ما تتقلقوش وما تخافوا من حتى واحد,
15
و قدسوا الرب الاله في قلوبكم, و كونوا دايما موّجدين ارواحكم باه تجاوبوا على كل من سيقسيكم على سبّة الرجاء اللي عندكم, بضرافة و احترام,
16
حافظوا على نقاوة ضميركم, باه الناس اللي يهدروا على السيرة تاعكم الصالحة في المسيح, يخيب ضنهم كي ظلموكم تقول عليكم تديروا في الشر.
17
خير تقاسِيو وانتوما تعملوا في الصواب, اذا كان حب الله باه تقاسِيوْ, خير من تقاسِيو انتم تعملوا في الشر.
18
هاو المسيح ثاني تعذب مرة واحدة على جال الذنوب, البار على جال المذنبين, باه يقربنا لله, و مات في البدن بالصح الله حيّاه في الروح,
19
اللي فيه ثاني راح و بشّر للارواح المحبوسة,
20
اللي عصات ربي بكري, كي كان الصبر تاع الله يستنى فيهم من ايامات نوح, كي كان يصنع في البابور, اللي منعوا فيه من الطوفان تاع الماء غير شوية خلاص من الناس, ثمانية عباد برك.
21
هاذا اللي كان رمز للمعمودية اللي بيها منّعنا, مش بالغسيل تاع وسخ البدن, بالصح بالنية الصادقة تاع الضمير الصالح مع الله, بالقيامة تاع يسوع المسيح, اللي طلع للسماء,
22
و هو على يمين الله, خاضعة ليه لملايكة و السلاطين و القوات.
Chapter 4
1
وكي عاد المسيح قاسى لوجاع في الجسد على جالنا, انتوما ثاني تسلحوا بهاذي النية.
2
باللي كل من يقاسي لوجاع في الجسد, يبّطل المعصية, باه يعيش اللي بقالو من عمرو وهو يدير في المشيئة تاع الله, و يبعد على المعصية.
3
و يكفينا الزمان اللي عدى من حياتنا واحنا نعيشوا كيما الناس اهل الدنيا, ماشيين في الدعارة و الشهوة, و الشراب, و لفساد, و التفرعين, ونعبدوا في لصنام المحرمة,
4
الشيء اللي يخليهم اليوم يستغربوا كيفاه ما تجريوْش معاهم وراء هاذي الامور بالذات كيما موالفين, و يطّيحوا فيكم.
5
و ربي اللي راح يدين الحيين و الموتى راح يحاسبهم.
6
على جال هاذا الشيء حتى الموتى ثاني تبَشروا, باه يتحاسبوا كيما الناس لخرين بالجسد, و يحياو عند الله بالروح.
7
او كل شيء قريب يفُض, ارزنوا و اتولهوا للصلاة.
8
بالصح قبل كل شيء, خليوْ لمحبة اللي بيناتكم تكون قاوية, على خاطر لمحبة تستر ذنوب ياسر.
9
كونوا مضيافين مع بعضاكم بلا ما تشكيوْ.
10
و كل واحد منكم يخدم لخرين بالموهبة اللي مدهالو ربي, كيما ناس صالحين وكّلهم ربي على النعمة تاعو المتنوعة.
11
اللي يتكلم يتكلم باقوال الله. و اللي يخدم يخدم بالقدرة اللي مدهالو الله, باه يتمجد الله في كلش بيسوع المسيح, اللي ليه الجاه و العزة على طول الزمان دايما. امين. لمشاركة في لوجاع تاع المسيح
12
يا لحباب, ما تستغربوش لمحاين الكاوية اللي تصرى بيناتكم, اللي بنارها تجرب ايمانكم, تقول حاجة غريبة قاعدة تصرالكم,
13
افرحوا راكم كيما تشاركوا المسيح في لوجاع تاعو, تزيدوا تفرحوا اكثر و اكثر نهار اللي يبان في الجاه تاعو.
14
يا سعدكم كان عايروكم على جال اسم المسيح, على خاطر روح المجد, روح الله يستقر عليكم. همّا يكفروا على الله, اما انتوما يتمجد فيكم الله.
15
ما يقاسيش الواحد منكم و هو قتال ارواح و الا سرّاق والا ماهوش ناس ملاح و الا يدّخل روحو في حوايج خاطينوا.
16
بالصح اذا كان يقاسي على خاطرو مسيحي, ما يحشمش, و يمجد الله على جال هاذا الاسم.
17
وصل الوقت باه يبدى لقضاء تاع الله باهل بيت الله. و اذا كان بدى بينا احنا, كيفاه راح تكون لاخرة تاع الناس اللي ما قبلوش الانجيل تاع الله؟
18
و "اذا كان المتّقي بالسيف يمنع, وين راح يبان الفاجر و المذنب؟"
19
مالا الناس اللي قاعدين يقاسيوْ كيما حبْ ربي, يعملوا الخير يتوكلوا على الله الخالق الامين.
Chapter 5
1
نطلب من الناس لكبار اللي بيناتكم, انا صاحبهم الشيخ, واللي كنت شاهد على الالام تاع المسيح, و شريك في الجاه اللي راح يظهر,
2
ارعاوا الرعية تاع الله اللي بيناتكم و اتولهوا عليها, موش على خاطر مضطرين بالصح من قلوبكم, و موش طمع في الفايدة بالصح بنشاط,
3
و موش باه تسيطروا على المناصب و تتسلطوا على الرعية. كونوا مثال ليهم.
4
باه نهار اللي يبان الرايس تاع الرعاة تنالوا تاج المجد اللي ما يرشاش.
5
و انتوما ثاني يا شباب, اخضعوا للناس لكبار, و كونوا كلكم خاضعين لبعضاكم, و البسوا كسوة التواضع, على خاطر: "الله يوقف في وجه المتكبرين, اما المتواضعين ينعم عليهم".
6
مالا تواضعوا تحت يد الله القديرة على خاطر يجي نهار و يرفعكم,
7
ارميوْ عليه همومكم كاملة, و هو يتهلى فيكم.
8
اتولهوا و اسهروا. على خاطر عدوكم ابليس راه كيما الصيد اللي يزأر, يجول كاش ما يلقى فريسة يبلعها.
9
اثبتوا في ايمانكم و قاوموه, و ما تنساوش باللي خاوتكم في العالم كامل قاعدين يقاسيوْ كيما انتوما بالذات.
10
و اله النعمة كاملة اللي نادانا للجاه تاعو الدايم في المسيح يسوع, بعدما قاسيتو شوية, راح يجعلكم كاملين, ويثّبتكم, و يقويكم, و يعطيكم القدرة.
11
ليه الجاه و السلطان على طول الزمان و للابد. امين. تحيات ختامية
12
بعثت لكم هاذي لبرية بكلمات قليلة المكتوبة بيد سلوانس اللي لقيتو خو مولى امانة باه نشجعكم و نشهد لكم, باللي هاذي اللي ذكرتها هي نعمة الله تاع الصح اللي راكم عايشين فيها.
13
تسلم عليكم لكنيسية اللي في بابل, اللي حتى هي مختارة من عند الله كيما انتوما, و يسلم عليكم ولدي مرقس.
14
سلموا على بعضاكم بالبوسة تاع لمحبة. جميع اللي في المسيح الكل ليكم السلام. امين.
2 Peter
Chapter 1
1
من عند سمعان بطرس عبد يسوع المسيح و الرسول تاعو, للناس اللي عطاهم الهنا ومخلصنا يسوع المسيح ايمان غالي كيما مد لنا احنا بالذات,
2
ليكم نعمة فايضة وسلام كبير كي عرفتوا الله و يسوع ربنا. تأكيد الدعوة الالهية والاختيار الالهي
3
و زيد القدرة الالهية تاعو مدت لنا كل ما لازم للحياة و للتقوى, و هاذا على خاطر عرفنا اللي نادانا بالجاه و الفضيلة,
4
اللي بيهم وهب لنا اغلى العهود واعظمها, اللي بيهم نهربوا من لفساد اللي تنشروا الشهوة في الدنيا, و نوليو شركاء في الطبايع الالهية.
5
و على هاذا بالذات- ديروا مجهودكم- باه تزيدوا على الايمان تاعكم فضيلة, و تزيدوا على الفضيلة علم,
6
و تزيدوا على العلم عفة, و تزيدوا على العفة صبر, و تزيدوا على الصبر مخافة الله,
7
و تزيدوا على مخافة الله الاُخوة, و تزيدوا على الاُخوة محبة.
8
على خاطر اذا كانت فيكم هاذي الفضايل الكل و على قد ما تكثر, تجعلكم نافعين و مثمرين و تعرفوا اكثر ربنا يسوع المسيح.
9
و اللي ما عندوش الاخلاق هاذي, هو اعمى و ما يشوفش بعيد, و نسى باه ينظف روحو من الذنوب تاعو اللي دارهم قبل.
10
على هاذيك ديروا كل ما في مجهودكم باه تثبتوا باللي الله ناداكم و خايركم. على خاطر الا درتوا هاذا الشيء ما تطيحوش خلاص.
11
و هكا يتفتح الباب قدامكم على وسعو باه تدخلوا للملكوت الدايم تاع ربنا و مخلصنا يسوع المسيح. الوحي المقدس
12
و على هاذيك انا نحرص دايما باه نعاود نفكركم يهاذي الامور, حتى و اذا كنتوا عارفينها و مثبتين في الحق اللي عندكم.
13
و ما دامني مازلت في هاذي الدنيا من حقكم ديما نفكركم و نوصيكم,
14
و انا عارف باللي ما بقاليش ياسر معاكم و نفارق السكنى تاع لبدن, كيما ورالي ربنا يسوع المسيح ثاني.
15
و ما دابيا حتى بعد ما نروح عليكم, دايما تتفكروا هاذي الامور.
16
على خاطر نهار اللي عرفناكم بالقوة تاع ربنا يسوع المسيح و بالرجوع تاعو ما كنّاش نتبعوا في الخرافات لملفقة, بالصح كنّا نشوفوا في الجاه تاعو قدام عينينا.
17
على خاطر هو ادى من عند الآب الكرامة و المجد, كي جاء ليه هاذا الصوت من عند الله تعالى: "هاذا هو وليدي لحبيب اللي بيه فرحت".
18
و احنا سمعنا هاذا الصوت من السماء, كي كنا معاه في الجبل المقدس.
19
و زدنا تأكدنا اكثر, من لكلام تاع الانبياء اللي عندنا, اللي تديروا مليح كي تثبتوا انتوما ثاني فيه, كيما اللي يمشي على كانكي يضوي بيه في الظلمة, حتى ن يطلع النهار, و يطلع كوكب الصبح في قلوبكم,
20
عالمين قبل كل شيء: باللي كل نبوءة في الكتاب المقدس, واحد ما يقدر يفسرها من عندو.
21
على خاطر عمرها ما جات نبوءة من ارادة انسان, بالصح الروح القدس اللي كان يقود في ناس الله القديسين باه يتكلموا.
Chapter 2
1
و ثاني كيما خرجوا انبياء كذّابين في وسط الشعب بكري, راح يكونوا ثاني بيناتكم انتوما معلمين كذّابين, اللي يدّخلوا المذاهب اللي تهلك. و همّا ينكروا الرب اللي شراهم, و يجُروا على ارواحهم و يهلكوا و هلاكهم ما يبطاش.
2
و كاين ناس ياسر يتبعوا الفجور تاعهم. و يكونوا سبة باه الناس يكفروا على طريق الحق.
3
و همّا بالطمع تاعهم ينافقوا في لكلام و يتاجروا بيكم. و اللي الحكم عليهم من بكري خلاص ما يُبطلش. و هلاكهم ما يغفاش.
4
على خاطر كان الله ما شفقش على لملايكة اللي غلطوا, و سلسلهم في الظلمة و رماهم في جاهنامة, و خلاهم محبوسين حتى ن يوصل نهار لقضاء,
5
و ما شفقش على العالم تاع ناس بكري, و جاب الطوفان على العالم تاع الفجّار و منّع برك غير ثمانية عباد من بينهم نوح اللي كان ينادي للصلاح.
6
و جعل سدوم و عمورة رماد, و قضى عليهم بالهلاك, و خلاهم عبرة للناس الفجار في الزمانات الجاية,
7
و منّع لوط البار, اللي ماكانش عاجبوا الحال على السيرة تاع الناس الفاسدين في الدعارة.
8
اللي كان ساكن في وسطهم و كل يوم يشوف بعينيه و يسمع بوذنيه, و قاعد يتعذب دخلاني في قلبو الصالح بفعايلهم الفاسدة.
9
و ربي هو اللي عارف كيفاه يمّنع الناس اللي يخافوه وقت المحنة, و يخلي الناس الفاسدين للعذاب اللي يسنّى فيهم نهار لحساب,
10
و بالخصوص الناس اللي يتبعوا في الشهوات المنجوسة تاع الجسد, و يحقروا في السيادة تاع الله. ما يحشموش, و عاجبتهم ارواحهم, ما يخافوش كي يهينوا الكاينات اللي عندها المجد,
11
رغم اللي لملايكة- و همّا اعظم منهم في القوة و القدرة - ما يقولوش عليهم حتى كلمة خايبة قدام الرب.
12
و هاذوك راهم كيما الحيوانات اللي بلا عقل خلقهم ربي للصيادة و للهلاك, ما علابالهمش في شكون قاعدين يحقروا, و راح يفناو في لفساد تاعهم,
13
و يتحاسبوا على الشر اللي يديروا فيه. و حاسبين اللذة كي يعملوا الفجور جهار نهار. عيب و عار عليهم, و زيد تعجبهم ارواحهم كي يتلموا معاكم و يخدعوكم.
14
عينيهم مليانة بالخبث, ما تشبعش من المعصية, يخدعوا في الناس اللي نفوسهم ضعيفة. قلوبهم موالفة بالطمع. عليهم دعاوي الشر.
15
خلاو الطريق المستقيم, و بعدوا على الحق, و مشاو في طريق بلعام بن بعور اللي كان حاب يدي اجرة على الشر.
16
بالصح ادى اللوم على المعصية تاعو, وقت اللي نطق حمار ابكم بصوت انسان و حَبَّس الجهل تاع النبي.
17
هاذوك راهم ابيار بلا ماء, و غيوم هازتها الريح. اللي ربي موّجد لهم الظلام الدامس للابد.
18
على خاطر راهم يقولوا في باطل كبير. يخدعوا بالشهوات تاع الجسد و بالفجور الناس اللي عاشوا في الضلال بالصح كانوا قراب من الخلاص,
19
و يوعدوا فيهم بالحرية, و همّا في ذاتهم عبيد للفساد. على خاطر اي حاجة تغلب لواحد, يولي مستعبد ليها ثاني!
20
على خاطر اذا كانوا, بعد ما منعوا من النجاسة تاع الدنيا هاذي, نهار اللي عرفوا الرب و المخلص يسوع المسيح, يزيدوا يرجعولها و يطيحوا في الشبكة تاعها و يتغلبوا, و يوليو اشر من اللي كانوا في لول.
21
كان خير لهم لو كان ما عرفوش طريق الصلاح, خير من اللي يعرفوه و من بعد يرتدوا على الوصية المقدسة اللي تسلموها.
22
و صدق فيهم لمثل اللي يقول: "كلب و عاود كلى القيء تاعو", و "حلوفة عامت و رجعت تتمرغ في الغرقة".
Chapter 3
1
هاذي يا لحباب اليوم لبرية الثانية اللي كتبتها لكم, و في لبريات في زوز, نولّهكم و نشجع تفكيركم النقي,
2
باه تتذكروا لكلام اللي قالوه الانبياء القديسين قبل, وتتفكروا واش وصيناكم احنا الرسل, و تتفكروا واش وصاكم الرب المُخلِص.
3
قبل كل شيء لازم تعرفوا: في اخر الزمان راح يجيو ناس مستهزيين, يمشيو على هواهم,
4
و يقولوا: "وَيْنو ياخي وعد باه يرجع؟ او من نهار اللي ماتوا جدودنا كل شيء باقي كيما راه من اللي بدات الدنيا".
5
و ماهمش حابين يستعرفوا باللي : السماء و لرض من بكري كاينين و باللي بكلمة من عند الله تكَوْنوا من الماء و بالماء,
6
و بيها لرض بكري غرقت في الطوفان كي فاض عليها الماء و فنات.
7
اما السماوات و لرض اللي كاينة اليوم, راهي محفوظة بهاذيك الكلمة بالذات, مخبية للنار ليوم الدين اللي فيه يفني الناس الفجّار.
8
بالصح كاينة حاجة ماذابيا ما تخفاش عليكم يا لحباب: باللي نهار واحد عند ربي كي اللي الف سنة, و الف سنة كي اللي نهار واحد.
9
ربي ما يبطاش في الوعود تاعو كيما حاسبين وحايد, بالصح يصبر علينا, على خاطر ما يحب يهلك حتى واحد بالصح يحب الناس الكل يتوبوا ليه.
10
و راح يجي كيما يجي السرّاق في الليل, يوم الرب, في هاذاك النهار تزول السماوات بحس قاوي يرعد, و تتحل العناصر بالنار, و تتحرق لرض و كل ما فيها.
11
اذا كانت هاذي الكل راح تتحل من بعضاها, انتوما كيفاه راح تكونوا مالا لازم عليكم تمشيو في طريق القداسة و مخافة الله؟
12
و تستناو و تحبوا هاذاك النهار يجي في ساع, اللي فيه تتحل السماوات بالنار, و العناصر تذوب.
13
بالصح على حساب العاهد تاعونستناو سماوات جديدة وارض جديدة, يسكن فيها العدل.
14
مالا يا لحباب, و انتوما تستناو في هاذا الكل يصرى, ديروا مجهودكم باه يلاقيكم الله بسلام, و ما يلقى عيب فيكم لا لوم عليكم.
15
و احسبوا الصبرتاع ربنا هو فرصة للخلاص, كيما كتب لكم ثاني خونا لحبيب بولس بحساب الحكمة اللي مد هالو ربي,
16
و تكلم في كل لبريات تاعو على هاذي الامور, اللي فيها حوايج واعرة, ويفهموها الناس الجاهلين و الضعاف اللي ما همش ثابتين بالغالط, كيما داروا مع الكتب المقدسة الكل, يهلكوا في ارواحهم.
17
اما انتوما يا لحباب, احنا قلنالكم هاذا الشيء كامل من قبل, اتولهوا على ارواحكم باه ما تروحوش ورا الضلال تاع المرتدين, و تطيحوا بعدما كنتوا ثابتين.
18
بالصح اكبروا في النعمة و في المعرفة تاع ربنا و المخلص تاعنا يسوع المسيح. ليه المجد اليوم و على طول الزمان للابد.امين.
1 John
Chapter 1
1
اللي كان من لول, اللي سمعناه, اللي شفناه بعينينا, اللي لاحظناه, و اللي مساتو يدينا, من جيهة كلمة لحياة.
2
لحياة تجلت و احنا شفنا و نشهدوا و نخبروكم بالحياة الدايمة اللي كانت عند الآب و ظهرت لينا احنا.
3
اللي شفناه و سمعناه نخبروكم بيه, باه تكون عندكم شْركة معانا. و الشركة تاعنا احنا راهي مع الاب و مع ولدو يسوع المسيح.
4
و نكتب لكم هاذا الشيء باه تكون الفرحة تاعكم كاملة السيرة في النور
5
و هاذا هو لخبر اللي سمعناه من عندو و احنا نخبروكم بيه: باللي الله نور وما فيه حتى ظلمة خلاص.
6
و كان قلنا: باللي عندنا شركة معاه واحنا نمشيو حساب الظلمة, نكذبوا على ارواحنا و ما نعملوش الحق.
7
و كان مشينا في النور كيما هو في النور, تكون عندنا شركة مع بعضانا, و الدم تاع يسوع المسيح يغسلنا من كل معصية.
8
كان قلنا : باللي ما عندنا حتى معصية نغَلطوا ارواحنا و ما يتسعاش فينا الحق.
9
والا كان استعرفنا بذنوبنا هو مولى امانة وعادل, حتى يغفر لنا ذنوبنا و يطهرنا من كل شر.
10
و كان قلنا: باللي احنا ما غلطناش نجعلوه هو كذاب, و الكلمة تاعو ماهيش فينا.
Chapter 2
1
يا ولادي نكتب لكم هاذا لكلام باه ما تغلطوش. و اذا كان واحد غلط عندنا واحد يشفع فينا عند الآب و هو يسوع المسيح البار.
2
و هو الكفارة لذنوبنا. مش غير لذنوبنا احنا برك, حتى للذنوب تاع العالم كامل.
3
و الشيء اللي يبين باللي احنا عرفناه: هو كي نمشيو بالوصايا تاعو.
4
اللي يقول: "اني عرفتو" و هو ما يعملش بالشيء اللي وصّى بيه, يكون كذاب و ما يكونش فيه الحق.
5
و اما اللي يعمل بالكلمة تاعو, تكون صح لمحبة تاع الله كملت فيه. و هذا الشيء اللي يخلينا نعرفوا باللي رانا فيه:
6
اللي يقول باللي راه ثابت فيه لازم يمشي كيما مشى يسوع ثاني.
7
يا خاوتي, مانيش نكتب لكم في وصية جديدة, هي وصية قديمة كانت عندكم من قبل. لوصية لقديمة هي الكلمة اللي سمعتوها من لول.
8
و نزيدكم عليها وصية جديدة نكتبها لكم, و هي حق في المسيح و فيكم: الظلمة راحت, و النور تاع الصح قاعد يضوي اليوم.
9
و اللي يقول: باللي هو عايش في النور و هو يكره خوه, او مازال حتى لليوم عايش في الظلمة.
10
و اللي يحب خوه يثبت في النور وعمرو ما يتدعثر.
11
واما اللي يكره خوه او مازال في الظلمة, و يمشي في الظلمة, و ما يعرفش وين يروح, على خاطر الظلمة عماتلو عينيه.
12
يا اولادي نكتب لكم, على خاطر ذنوبكم تغفرت على جال اسمو هو. و
13
نكبت لكم يا الاباء, على خاطر عرفتوا اللي كان من لول. و نكتب لكم يا شبان على خاطر غلبتوا الشرير. نكتب لكم يا لولاد على خاطر عرفتوا الآب.
14
كتبت لكم يا الاباء, على خاطر عرفتوا اللي كان من لول, و كتبت لكم يا الشبان, على خاطركم اقوياء, و الكلمة تاع الله ثابتة فيكم, وانتوما غلبتوا الشرير. ما تحبوش العالم
15
ما تحبوش الدنيا و لا لحوايج اللي في الدنيا, اذا كان واحد حب العالم ما تكونش محبة الآب فيه.
16
على خاطر كل ما في الدنيا: شهوة البدن, و شهوة العينين, و الجاه تاع لمعيشة, كلها ماهيش من الآب هي من الدنيا.
17
الدنيا تفنى و يفنى معاها كلشيء, اما اللي يعمل واش يحب الله هاذاك يثبت للابد. تحذير من اضداد المسيح
18
يا ولادي, راهي قريب توصل الساعة. و كيما سمعتوا باللي المسيح الدجال راح يجي, و كاين اليوم قداه من مسيح دجال. و من هنا نعرفوا باللي رانا قريب للساعة لخرى.
19
خرجوا من وسطنا, بالصح همّا ما كانوش منّا خلاص, على خاطر لو كان كانوا منّا كانوا قعدوا معانا. بالصح همّا خرجوا باه يبان باللي ما كانوش منّا.
20
و اما انتوما عندكم مسحة من عند القدوس وتعرفوا كل شيء.
21
و انا نكتب لكم مش على خاطر ما تعرفوش الحق, بالصح على خاطر تعرفوه و تعرفوا باللي ما كان حتى كذبة تخرج من الحق.
22
شكون هو الكذّاب, غير اللي ينكر باللي يسوع هو المسيح؟ هاذا هو المسيح الدجال. اللي ينكر الآب و الابن.
23
كل من ينكر الابن ما يكونش عندو نصيب في الآب ثاني, و اللي يستعرف بالابن يكون عندو نصيب في الآب ثاني.
24
و اما نتوما خليوْ الشيء اللي سمعتوه من لول يثبت فيكم. كان ثبّت فيكم الشيء اللي سمعتوه من لول, تثبتوا في الابن و في الآب.
25
و هاذا هو الوعد اللي وعدنا بيه: لحياة الدايمة.
26
كتبت لكم هاذا لكلام نقصد بيه هاذوك اللي كانوا حابين يضللوكم.
27
و اما انتوما المسحة اللي ديتوها منو ثابتة فيكم, و ماكمش محتاجين لحتى واحد باه يعلمكم, هاذي المسحة في ذاتها تعلمكم كل شيء, و هي حق ماهيش باطل. اثبتوا في المسيح كيما علمتكم. ابناء الله
28
نعم يا ولادي اثبتوا فيه, باه نهار اللي يظهر المسيح نكونوا واثقين وما نحشموش منو كي يجيء.
29
راكم عارفين باللي هو بار, مالا اعرفوا باللي كل اللي يعمل الحق يكون مولود من الله.
Chapter 3
1
شوفوا واش من محبة اعطاهالنا الآب حتى ولينا نسماو ولاد الله! و على هاذا الشيء العالم ما يستعرفش بينا, على خاطر ما يستعرفش بيه هو.
2
يا لحباب, احنا اليوم رانا اولاد الله, و مازال ماهوش باين واش راح نكونوا. بالصح نعلموا باللي كي يظهر هو راح نوليو كيما هو, على خاطر راح نشوفوه كيما راه.
3
و كل اللي عندو هاذا الامل فيه, لازم يطّهر روحو كيما هو طاهر.
4
كل من يعمل المعصية يسمى تعدى ثاني. و المعصية هي التعدي.
5
و تعرفوا باللي المسيح ظهر باه يرفع علينا ذنوبنا, و هو اللي بلا ذنوب.
6
كل من يثبت فيه ما يعملش المعصية. و كل من يعمل المعصية لا شافو و لا عرفو.
7
يا اولادي, واحد ما يغلطكم: اللي يدير الخير هو بار, كيما المسيح بار.
8
و كل من يعمل المعصية هاذاك راه من ابليس, على خاطر ابليس من لول يعمل المعصية. و على جال هاذا الشيء ظهر ابن الله باه يهَدم فعايل ابليس.
9
و كل الي مولود من الله ما يديرش المعصية, على خاطر الزرع تاع الله ثابت فيه, و ما يقدرش يعصي الله على خاطر هو مولود من الله.
10
وبهاذا الشيء اولاد الله باينين و اولاد ابليس باينين: كل واحد ما يديرش الخير ماهوش من عند الله, و حتى اللي ما يحبش خوه ما هوش من عند الله. حبوا بعضاكم
11
على خاطر هاذا هو لخبر اللي سمعتوه من لول: نحبوا بعضانا.
12
مش كيما كان قايين من الشرير و ذبح خوه. و علاه ذبحو؟ على خاطر كانت فعايلو شريرة و فعايل خوه كانت صالحة.
13
ما تجيكمش حاجة غريبة كان كرَهكم العالم.
14
على بالنا باللي احنا عدينا من الموت للحياة, على خاطر نحبوا الخاوة. و جميع اللي ما يحبش يبقى في الموت.
15
و كل من يكره خوه يسمى قتال ارواح, و انتم تعرفوا باللي قتال لرواح ما عندوش حياة دايمة ثابتة فيه.
16
و هاذا هو الشيء اللي بيه عرفنا لمحبة: كي ضحّى المسيح على جالنا بنفسو, احنا لازم علينا نضَحيوْ بانفسنا على جال الخاوة.
17
و كان واحد لاباس عليه و يتنعم في الخيرات, و شاف خوه محتاج, و ما حنّش عليه, كيفاه لمحبة تاع الله راح تثبت فيه؟
18
يا اولادي, ما تكونش لمحبة تاعنا غير هدرة برك باللسان, خليوْها بالفعال و بالحق!
19
و بهاذا الشيء نعرفوا باللي احنا من الحق و تتطمان قلوبنا قدام الله.
20
على خاطر كان لامتنا قلوبنا الله اعظم من قلوبنا, ويعلم كلشيء.
21
يا لحباب, و كان ما لامتناش قلوبنا, تولى عندنا ثقة من جيهة الله.
22
و مهما طلبنا ننالوا منو, على خاطر نعملوا بالوصايا تاعو, ونعملوا الشيء اللي يرضى عليه.
23
وهاذي هي الوصية تاعو: نامنوا باسم وليدو يسوع المسيح, و نحبوا بعضانا كيما وصانا.
24
و اللي يخدم بالوصايا تاعو هو يثبت في الله و الله يثبت فيه. و نعرفوا باللي الله ثابت فينا: من الروح تاعو اللي مد هولنا.
Chapter 4
1
امتحنوا الارواح يا لحباب, ما تصدقوش كل روح, امتحنوا الارواح: اذا كانت من عند الله و الا لا؟ على خاطر كاين انبياء ياسر خرجوا للعالم.
2
بهاذا الشيء نعرفوا الروح اللي من عند الله: كل روح يستعرف باللي يسوع المسيح جاء في الجسد راهو من عند الله,
3
و كل روح ما يستعرفش باللي يسوع المسيح جاء في الجسد, هاذاك ماهوش من عند الله. و هو الروح تاع ضد المسيح اللي سمعتوا باللي راح يجي, و راه موجود في العالم اليوم.
4
انتوما من عند الله يا اولادي, و غلبتوهم على خاطر اللي فيكم اعظم من اللي في العالم.
5
همّا من هاذا العالم, على هاذيك يهدروا من العالم, و العالم يسمع لهم.
6
و احنا من عند الله, و كل من يعرف الله يسمع لنا, و اللي ماهوش من عند الله ما يسمعلناش. كيما هكا تعرفوا روح الحق و روح الضلال. الله محبة
7
يا لحباب, خلينا نحبوا بعضانا, على خاطر لمحبة جاية من عند الله, و كل اللي يحب يكون ولد من الله و يعرف الله.
8
و اللي ما يحبش ما عرفش الله, على خاطر الله محبة.
9
و الله بين لمحبة تاعو لينا: كي بعث وليدو الوحيد للعالم باه نحياو بيه.
10
وهاذي هي لمحبة: موش على خاطر احنا حبينا الله, بالصح هو اللي حبنا, و بعث وليدو كفارة لذنوبنا.
11
يا لحباب, اذا كان الله حبنا كيما هكذا, لازم علينا احنا ثاني نحبوا بعضانا.
12
الله عمرو ما واحد شافو, و كي احنا نحبوا بعضانا, الله يثبت فينا, و تكون محبتو تكملت فينا.
13
و بهاذا الشيء نعرفوا باللي احنا ثابتين فيه و هو ثابت فينا: كي مدلنا من الروح تاعو.
14
و احنا شفنا و نشهدوا باللي الله الآب بعث الابن باه يكون مخلص للعالم.
15
و كل من يستعرف باللي يسوع المسيح هو ابن الله, الله يثبت فيه و هو يثبت في الله.
16
و احنا عرفنا و صدقنا لمحبة تاع الله اللي فينا. الله محبة, و وكل من يثبت في لمحبة يثبت في الله و الله يثبت فيه.
17
و لمحبة تاع الله تكملت فينا بهاذا الشيء: يكون عندنا ثقة يوم الدين, على خاطر كيما كان هو في هاذي الدنيا , هكذاك احنا ثاني.
18
ما كاين حتى خوف في لمحبة, لمحبة الكاملة ترمي عليها كل خوف لبرى على خاطر الخوف يجي من لعقاب. و هاذاك اللي يخاف مازال ما كملش في لمحبة.
19
و احنا نحبوه على خاطر هو اللي حبنا لول.
20
كان واحد قال: "انا نحب ربي" و كره خوه يسمى كذّاب. على خاطر اللي ما يحبش خوه اللي قاعد يشوف فيه, كيفاه يقدر يحب الله اللي ما يشوفوش؟
21
و هاذي الوصية جات من عندو هو: اللي يحب ربي يحب خوه ثاني.
Chapter 5
1
الانتصار على العالم كل اللي يامن باللي يسوع هو المسيح هاذاك تولد من الله. و كل واحد يحب الوالد يحب اللي مولود منو ثاني.
2
و بهاذا الشيء نعرفوا ارواحنا باللي نحبوا اولاد الله: اذا كان حبينا الله و عملنا بالوصايا تاعو.
3
على خاطر هاذي هي محبة الله: كي نعملوا بالشيء اللي وصانا بيه. و الوصايا تاعو ماهيش ثقيلة علينا,
4
و كل واحد ولد من الله يغلب العالم. و الحاجة اللي نغلبوا بيها العالم هي: الايمان تاعنا.
5
و شكون هو اللي يغلب العالم, من غير اللي يامن باللي يسوع هو ابن الله؟ الشهادة ليسوع المسيح
6
و يسوع المسيح هو اللي جاء بالماء والدم, مش غير بالماء برك, بالصح بالماء والدم. و الروح هو اللي يشهد, على خاطر الروح هو الحق.
7
و اللي يشهدوا في السماء همّا ثلاثة: الآب, و الكلمة, والروح القدس. و هاذوا الثلاثة همّا واحد.
8
واللي يشهدوا في لرض همّا ثلاثة: الروح, و الماء, و الدم. و الثلاثة همّا في الواحد.
9
اذا كنا نقبلوا الشهادة تاع الناس, الشهادة تاع الله اعظم, على خاطر هاذي هي الشهادة اللي شهد بيها الله على ابنو.
10
كل واحد يامن بابن الله هاذاك عندو الشهادة تاع الله في نفسو. و اللي ما يصدقش الشهادة تاع الله, يسمى يكذّب في الله, على خاطر ما امنش بالشهادة اللي شهد بيها الله على ولدو.
11
و هاذي هي الشهادة: باللي الله عطانا حياة دايمة, و هاذي لحياة هي في ابن الله.
12
اللي كان الابن من نصيبو تكون ليه لحياة, و اللي ما عندوش نصيب في ابن الله ما تكونش ليه لحياة. ملاحظات ختامية
13
كتبت لكم هاذا لكلام, انتوما المومنين باسم ابن الله, باه تعرفوا باللي عندكم لحياة الدايمة, و باه تامنوا باسم ابن الله.
14
و الثقة اللي عندنا في الله: هي كي نطلبوا منو حاجة حساب المشيئة تاعو يستجيب لنا,
15
و كي نكونوا عارفين باللي راح يستجيب لنا في كل واش نطلبوا منو, نكونوا متهنيين باللي راح ننالوا واش طلبنا.
16
و اذا واحد منكم شاف خوه يغلط في غلطة ما توصلش للموت. يصلي لله باه يعطيه حياة هذا على الناس اللي ذنوبهم ما توصلش للموت. على خاطر كاين ذنوب توصل للموت. موش على هاذيك نطلب منكم تصليو.
17
كل اثم هو معصية, و كاين معصية ما هيش للموت.
18
نعرفوا باللي كل واحد مولود من الله ما يخطأش, بالصح المولود من الله يصون الله نفسو, و الشرير ما يمسوش.
19
و نعلموا باللي احنا من الله, و العالم كامل تحط في الشرير.
20
و نعرفوا باللي ابن الله جا و مدلنا بصيرة باه نعودوا نعرفوا الحق. و احنا رانا في الحق في ابنو يسوع المسيح. هاذا هو الاله الحق و لحياة الدايمة.
21
يا اولادي بعدوا على الاوثان. امين.
2 John
Chapter 1
1
من عندي انا الشيخ, ل كيرية السيدة اللي خايرها الله, و ل اولادها اللي نحبهم في الحق, و موش غير انا برك, بالصح كل اللي يعرفوا الحق يحبوهم.
2
على جال الحق اللي ثبّت فينا و راح يكون معانا ديما و للابد:
3
تكون لْكم النعمة و الرحمة و السلام من عند الله الآب و من عند الرب يسوع المسيح, وليد الآب بالحق و بالمحبة. سلوك الحق و المحبة
4
فرحت ياسر على خاطر شفت من اولادك اللي يمشيو بالحق, حساب الوصية اللي اديناها من عند الآب.
5
و نزيد نوصيك ضرك يا كيرية, ماهيش وصية جديدة, بالصح لوصية اللي كانت عندنا من لول: و هي نحبوا بعضانا.
6
و المحبة هي: كي نمشيو حساب واش وصانا. و هاذا هو الشيء اللي وصانا بيه: اللي من لول سمعتوه وتسلكوا فيه. ردوا بالكم من المضليلين
7
دخلوا للعالم ناس ياسر من المضلين, ما يستعرفوش بيسوع المسيح اللي جاء في الجسد. هاذا هو المضلل. و المسيح الدجّال.
8
اتولهوا على ارواحكم و ما تخلِوْش التعب تاعنا فيكم يروح باطل. خلي الاجر تاعنا يكون كامل.
9
كل من يتعدى و ما يثبتش في التعليم تاع المسيح ما يكونش الله من قسمتو. و اللي يثبت في التعليم تاع المسيح تكون عندو قسمة مع الآب و مع الابن مع بعضاهم.
10
اذا كان جاكم كاش واحد و ما جابش هاذا التعليم, لا تقبلوه ولا دخلوه للبيت و حتى السلام و ما تسلموش عليه.
11
على خاطر اللي يسلم عليه يسمى مشارك في فعايلو الخبيثة. خاتمة
12
عندي حوايج ياسر كنت حاب نقول لكم عليها, بالصح موش بالحبر و الورق, كي نجي نتكلمو فيها في الوجه خير, باه تكمل الفرحة تاعنا.
13
اولاد اختك المختارة يبلغولك السلام. امين
3 John
Chapter 1
1
من عند يوحنا الشيخ,
2
للحبيب غايوس اللي نعزو في الحق. يا لعزيز, نتمنى تكون بخير و لاباس عليك في كل شيء, في صحتك و في نفسك.
3
راني فرحان بيك ياسر كي جاو عندي واحد الخاوة و شهدوا بالحق اللي راك متمسك بيه و تمشي بيه.
4
ما كانش فرحة اكثر من هاذي: كي نسمع باللي اولادي يمشيو حساب الحق. مدح غايس
5
يا ولدي لحبيب, انت راك امين في كل حاجة تديرها ان كان مع الخاوة و الا مع البرانية,
6
اللي يشهدوا بالمحبة تاعك قدام لكنيسية. و تعمل مليح لو كان تشايعهم باه يكملوا السفر تاعهم كيما لازم لله,
7
اللي خرجوا على جال اسمو, و راهم ما يقبلوش حتى شيء من عند اللي ما همش مومنين.
8
لازم علينا احنا نرحبوا بيهم باه نكونوا متشاركين معاهم في خدمة الحق. توبيخ ديوتريفس
9
كتبت للكنيسية, بالصح ديوتريفس ـ اللي يحب يكون رايس عليهم ـ ما يحبش يقبلنا.
10
كي نجي نقول لكم واش راه يدير, و يهدر علينا بكلام موش مليح. و ما كفاهش هاذا كامل , ويزيد هو ما يقبلش الخاوة, وما يخليش اخرين يقبلوهم, و يسحتوهم من لكنيسية.
11
يا ولدي لحبيب, تبَّع الخير و بعد على الشر, على خاطر اللي يدير الخير راهو من عند ربي, و اللي يعمل الشر, عمرو ما شاف الله. شهادة لديمتريوس
12
و ديمتريوس الناس الكل تشهد عليه و حتى الحق في ذاتو يشهد عليه, و احنا ثاني نشهدو لو, و راكم عارفين باللي الشهادة تاعنا صادقة.
13
كاين عندي حوايج ياسر باه نقول لكم عليها, بالصح موش بالقلم و الحبر, خاتمة
14
بالصح ماذابيا نشوفك فيما قريب و نتكلموا خير.
15
نخليك على خير. يسلموا عليك لحباب الكل. و انت ثاني سلم على لحباب الكل كل واحد باسمو.
Revelation
Chapter 1
1
الاعلان تاع يسوع المسيح اللي وهبو الله باه يكشف لعبادو الشيء اللي راح يصرى عن قريب, بعث الملاك تاعو باه يخبر بيه العبد تاعو يوحنا,
2
اللي شهد بكلمة الله و بشهادة يسوع المسيح بالشيء اللي شافو كامل.
3
يا سعد الناس اللي يقراو و اللي يسمعوا اقوال النبوة, و يطبقوا الشيء المكتوب فيها, على خاطر قرّب الوقت. سلام للكنايس السبعة
4
من عند يوحنا, للكنايس السبعة اللي ف اسيا: عليكم النعمة و السلام من الكاين و اللي كان و اللي جاي, و من عند السبعة ارواح اللي قدام العرش تاعو,
5
و من عند يسوع المسيح الشاهد الامين, البكر اللي حيا من بين الموتى, و رايس ملوك لرض: اللي حبنا, و غسلنا من ذنوبنا بالدم تاعو,
6
و جعلنا ملوك و كهنة لله باباه, ليه الجاه و القدرة على دوام الدهور. امين.
7
ها هو جاي فوق السحاب, و راح يشوفوه الناس الكل, و حتى الناس اللي طعنوه, و تنوح عليه القبايل الكل تاع الدنيا. نعم امين.
8
"انا هو الالف و الياء, البدية و التمام" يقول الرب الكاين و اللي كان و اللي جاي, القادر على كل شيء. واحد يشابه لابن الانسان
9
انا يوحنا خوكم و شريككم ف المحنة و ف الملكوت تاع يسوع المسيح و الصبر تاعو. كنت ف الجزيرة اللي يسموها بطمس منفي على جال كلمة الله, و على جال الشهادة اللي شهدت بيها ليسوع المسيح.
10
كنت ف الروح ف يوم الرب, و سمعت من ورايا صوت عظيم تقول عليه صوت تاع بوق
11
يقول: "انا هو الالف و الياء. لول و لاخر. و الشيء اللي راح تشوفوا اكتبوا ف كتاب و ابعثو للكنايس ف سبعة اللي ف اسيا: لكنيسية افسس, و لكنيسية سميرنا, و لكنيسية برغامس, و لكنيسية تياتيرا, و لكنيسية ساردس, و لكنيسية فيلادلفيا, و لكنيسية لاودكية".
12
تلفتت باه نشوف الصوت اللي هدر معايا. و كي تلفتت شفت سبع مناير تاع ذهب,
13
و ف وسطهم كاين واحد يشابه لابن الانسان, لابس ثوب ابيض يوصل حتى لرجليه, و محزم صدرو بحزام تاع ذهب.
14
اما راسو وشعرو كانوا ابيض من الصوف تقول عليهم ثلج, و عينيه كيما اللهيب تاع النار.
15
و رجليه يشابهوا للنحاس الصافي, تقول عليهم مصقولين ف السامور. و صوتو تقول عليه صوت الماء لغزير.
16
و ف ايدو ليمنى سبعة كواكب, و من فمو يخرج سيف مسنون من لجيهتين, و وجهو كي الشمس كي تعود ضاوية ف عز قوتها.
17
كي شفتو طحت عند رجليه تقول عليّا ميت, حط عليّا ايدو ليمنى و قال لي: "ما تخافش, انا هو لول و لاخر,
18
و الحي. كنت ميت, و انا اليوم حي على دوام الدهور! امين. و بيدي مفاتح الموت و الهاوية.
19
اكتب الشيء اللي شفتو, و الشيء اللي كاين ضرك و الشيء اللي راح يكون من بعد.
20
السر تاع الكواكب السبعة اللي شفتها على ايدي ليمنى, و السر تاع مناير الذهب السبعة: الكواكب السبعة هي الملايكة تاع الكنايس السبعة, المناير السبعة اللي شفتها هي الكنايس السبعة".
Chapter 2
1
اكتب للملاك تاع كنيسية افسس: "هاذا واش يقول اللي حاكم الكواكب ف سبعة في ايدو ليمنى, اللي يمشي وسط مناير الذهب ف سبعة:
2
انا عارف لعمال و التعب و الصبر تاعك, و عارف انك ما تقدرش تستحمل شر لشرار, و تحققت من الناس اللي قالوا باللي راهم رسل بالصح ماهمش رسل, و لقيتهم كذّابين.
3
و استحملت و صبرت, و تعبت على جال اسمي و ما مليتش.
4
بالصح نلوم عليك ف حاجة: انت خليت محبتك لولى. اتفكر منين طحت و توب, و ارجع للاعمال تاعك لولى,
5
ما كانش نجي عن قريب و نزحزح لمنارة تاعك من مضربها, لو كان ما تتوبش.
6
بالصح هاذا الشيء اللي يعجبني فيك: انت تكره لعمال تاع النيقولاويين اللي نكرها انا ثاني.
7
اللي يحب يسمع يسمع واش يقول الروح للكنايس. اللي يغلب راح نعطيه ياكل من شجرة لحياة اللي ف وسط الفردوس تاع الله". ل الكنيسية ف سميرنا
8
و اكتب للملاك ف كنيسية سميرنا: "هاذا واش يقول لول و لاخّر, اللي كان ميت و حيا:
9
انا عارف اعمالك و محنتك و فقرك بالرغم اللي انت غني. و النفاق تاع الناس اللي يقولوا: همّا يهود بالصح ماهمش يهود, همّا مجمع تاع الشيطان.
10
ما تخافش خلاص من لعذاب اللي رايح يعدي عليك. الشيطان راح يدّخل جماعة منكم للحبس باه يجربكم, و تكونوا ف شدّة مدة عشرة ايام. كون امين حتى للموت و راح نعطيك تاج لحياة.
11
اللي يحب يسمع يسمع واش يقول الروح للكنايس. اللي يغلب ما يضروش الموت الثاني". ل الكنيسية ف برغامس
12
اكتب للملاك ف كنيسية برغامس: "هاذا واش يقول مول السيف المسنون من الجيهتين:
13
انا عارف اعمالك, و عارف وين تسكن وين كرسي الشيطان. و انت حاكم ف اسمي, و ما نكرتش الايمان بيّا حتى ف الوقت اللي استشهد فيه الشهيد الامين ليّا اللي تقتل عندكم وين يسكن الشيطان.
14
بالصح نلوم عليك ف الحاجة هاذي: عندك ثمة جماعة مازالوا حاكمين ف تعليم بلعام, اللي كان ينصح بالاق باه ينصب شبكة لبني اسرائيل: يخليهم ياكلوا من الذبايح المذبوحة للاصنام, و يزنِيوْ.
15
و عندك ثاني جماعة حاكمين ف التعليم تاع النيقولاويين اللي نبغضو.
16
توب ما كانش نجيك عن قريب و نحاربهم بالسيف اللي ف فمي.
17
اللي يحب يسمع يسمع واش يقول الروح للكنايس. اللي يغلب نعطيه ياكل من المن المخبي, و نعطيه حصوة بيضاء, و على الحصوة البيضاء منقوش اسم جديد واحد ما يعرفو غير اللي ينالو". ل الكنيسية ف ثياتيرا
18
و اكتب للملاك اللي ف كنيسية ثياتيرا: "هاذا واش يقول ابن الله, اللي عينيه تقول عليهم لهيب نار, و رجليه كيما النحاس المصقول:
19
انا عارف الاعمال تاعك وعارف قداه عندك من محبة و خدمة و ايمان و صبر, و عارف باللي اعمالك التالية اكثر من اعمالك لولى.
20
بالصح عندي واش نلوم عليك: انت مسيّب لمرى ايزابل اللي حاسبة روحها نبية, تعلّم و تغوي ف عبادي باه يزنيو وياكلوا الذبايح المذبوحة للاوثان.
21
انا عطيتها مهلة باه تتوب على الزنا تاعها بالصح هي ما حبتش تتوب.
22
راح نرميها ف فراش لعذاب, و نرمي اللي قاعدين يزنيو معاها ف ضيقة كبيرة, لو كان ما يتوبوش على اعمالهم.
23
و نقتل اولادها قتل. باه الكنايس الكل تعرف باللي انا هو كاشف النوايا و لقلوب, و نجازي كل واحد منكم على حساب اعمالو.
24
بالصح نقول لك و للاخرين اللي ف ثياتيرا, انتم اللي لا تبعتوا هاذا التعليم, و لا عرفتوا الشيء اللي يقولوا عليه, اسرار الشيطان: ما نزيديش نثقل عليهم ب حمل اخر,
25
بالصح احكموا مليح ف الشيء اللي عندكم حتى نجي.
26
كل من يغلب و يحافظ على خدمتي حتى للاخر نعطيه سلطان على الامم,
27
يرعاهم بعصا تاع حديد, كيما ماعون الفخّار يتكسروا, كيما الشيء اللي نلتو انا من عند بابا.
28
و راح نعطيه كوكب الصبح.
29
اللي يحب يسمع يسمع واش يقول الروح للكنايس".
Chapter 3
1
و اكتب للملاك اللي ف كنيسية ساردس: "هاذا واش يقول اللي ليه ارواح الله السبعة و ليه لكواكب السبعة: انا عارف اعمالك, مسمي حي بالصح انت ميت.
2
اسهر و منّع لقليل تاع لحياة اللي بقالك, قبل ما يخطفو الموت, على خاطر ما لقيتش اعمالك كاملة قدام الله.
3
اتفكر التعليم كيفاه سمعت بيه و كيفاه قبلت بيه, و اعمل بيه و توب, لو كان ما تسهرش, نجيك كيما السارق, و ما تعرفش الساعة اللي راح نجي فيها.
4
بالصح عندك جماعة قليلة ف ساردس ما نجسوش قشهم, و راح يمشيو معايا ف المحفل تاعي و همّا لابسين لبسة بيضاء على خاطر يستاهلوا.
5
اللي يغلب يلبس اللبسة البيضاء, و ما نمحيش اسمو من كتاب لحياة, و نستعرف بأسمو قدام بابا و قدام الملايكة تاعو.
6
اللي يحب يسمع يسمع واش يقول الروح للكنايس". ل الكنيسية ف فيلادلفيا
7
و اكتب للملاك اللي ف كنيسية فيلادلفيا: "هاذا واش يقول القدوس الحق, اللي يملك مفاتح داود, اللي كي هو يفتح واحد ما يقدر يقفل, و اللي كي هو يقفل واحد ما يقدر يفتح:
8
انا عارف اعمالك. انا جعلت قدامك باب مفتوح واحد ما يقدر يقفلو, على خاطر حتى ف ضعف قوتك, حافظت على كلمتي و ما نكرتش اسمي.
9
راح نجعل هاذوك الناس اللي من مجمع الشيطان, اللي يقولوا باللي راهم يهود بالصح ما همش يهود, راهم يكذبوا, راح نخليهم يجيو و يسجدوا قدام رجليك, و يعرفوا باللي انا حبيتك.
10
و على خاطر صبرت كيما وصيتك, و انا ثاني راح نحميك ف ساعة المحنة اللي راح تجي على العالم كامل باه تجرب سكان الارض الكل.
11
انا قريب نجي. احكم مليح ف الشيء اللي عندك باه واحد ما يديلك تاجك.
12
اللي يغلب نجعلو عرصة ف الهيكل تاع الهي, و ما يزيدش يخرج لبرى, و ننقش عليه اسم الهي, و اسم مدينة الهي, اورشليم الجديدة النازلة من السماء من عند الهي, و ننقش اسمي الجديد.
13
اللي يحب يسمع يسمع واش يقول الروح للكنايس". ل الكنيسية ف لاودكية
14
و اكتب للملاك اللي ف كنيسية اللاودوكيين: "هاذا واش يقول الامين, الشاهد الامين الصادق, راس خليقة الله:
15
انا عارف اعمالك, انت لا بارد لا سخون, يا ريتك كنت بارد و الا سخون!
16
على خاطر انت ملذلذ, لا بارد و لا سخون, انا راح نردك من فمي.
17
على خاطر تقول: انا اني غني و استغنيت, و ما نحتاج حتى شيء, و ما علابالكش باللي انت البائس المسكين الفقير لعريان لعمى.
18
ننصحك تشري من عندي ذهب مصفي بالنار باه تستغنى صح, و تشري من عندي قش ابيض باه تتكسى, و تستر روحك و ما يبانش عارك. و تشري من عندي كحل تكحل بيه عينيك باه تولي تشوف.
19
اللي نحبو هاذاك هو اللي نلوم عليه و نربيه. دير قلب و توب.
20
انا اني واقف قدام الباب نطبطب. اللي سمع صوتي و حل الباب, ندخل ليه و نتعشى معاه و هو معايا.
21
اللي يغلب راح نعطيه يقعد معايا ف العرش تاعي, كيما غلبت انا و قعدت مع بابا ف العرش تاعو.
22
اللي يحب يسمع يسمع واش يقول الروح للكنايس".
Chapter 4
1
و من بعد شفت لقيت باب محلول ف السما, و الصوت لول اللي سمعتو اللي تقول عليه صوت بوق هدر معايا وقالي: "اطلع هنا باه نوريك الشيء اللي لابد يصير من بعد".
2
و ف ساع خطفني الروح, شفت عرش محطوط ف السماء, و على العرش قاعد واحد.
3
ف المنظر تقول عليه حجر اليشب و العقيق لحمر, داير بالعرش قوس قزح ف لون الزمرد.
4
و دايرين بالعرش ربعة و عشرين عرش. و على العروش ربعة و عشرين شيخ قاعدين و لابسين كساوي بيُض, و فوق روسهم تيجان ذهب.
5
و يخرج من وسط العرش اصوات و برق و رعد. و سبعة ضواو شاعلة تقدي قدام العرش. هي ارواح الله السبعة.
6
و قدام العرش بحر تاع قزاز تقول عليه بلور. و ف وسط العرش و دايرة بيه ربعة حيوانات مليانة بالعينين من قدام و من لورى:
7
الحيوان لول يشابه للصيد, و الحيوان الثاني يشابه للعجل, و الحيوان الثالث يشابه وجه الانسان, و الحيوان الرابع يشابه للنسر الطاير.
8
و لربعة حيوانات لكل واحد منها ستة جنحين, مرصعة بالعينين من داخل و من برى, و ها تحبسش من التسبيح ليل و نهار و هي تقول: "قدوس, قدوس, قدوس, الرب الاله القادر على كل شيء, اللي كان و الكائن و اللي يجي".
9
و ف الوقت اللي الحيوانات نقدم فيه التمجيد و الاكرام و الحمد للقاعد على العرش, الحي على دوام الدهور للابد,
10
الربعة و عشرين شيخ يهَبطوا روسهم قدام المتربع على العرش, و يسجدوا للحي على دوام الدهر للابد, و يطرحوا تيجانهم قدام العرش و همّا يقولوا:
11
"يا ربنا و الاهنا, بيك يليق التمجيد و الاكرام و القدرة, على خاطر انت اللي خلقت لحوايج الكل, و هي بمشيئتك تخلقت و توجدت".
Chapter 5
1
و شفت على يمين المتربع على العرش كتاب مكتوب من الجيهتين, مشمّع بسبعة اقفال.
2
و شفت ملاك جبّار ينادي بصوت عالي ويقول: "شكون يستاهل يحل هاذا لكتاب و يفك عليه الاقفال؟".
3
و ما كان حتى واحد قدر يحل لكتاب و لا يشوف فيه لا ف السماء و لا على لرض و لا تحت لرض.
4
و بكيت بالحريقة على خاطر ما كان حتى واحد يستاهل باه يحل لكتاب و يقراه و لا يشوف فيه.
5
نطق واحد من الشيوخة و قال لي: "ما تبكيش. او غلب الصيد اللي من عشيرة يهوذا, نسل داود, باه يحل لكتاب و يفك عليه الاقفال السبعة".
6
و شفت و اذا خروف تقول عليه مذبوح ف وسط العرش و الحيوانات ف ربعة و الشيوخة, هاذاك لخروف عندو سبعة قرون و سبعة عينين, هي لرواح تاع الله ف سبعة اللي بعثها للرض كاملة.
7
جا و هز لكتاب من يمين المتربع على العرش.
8
و كي هز لكتاب سجدوا الحيوانات ف ربعة و الاربعة و عشرين شيخ للخروف, و كل واحد فيهم كانت عندو قيتارة و كاس تاع ذهب معمر بالبخور اللي هي الصلوات تاع القديسين.
9
و همّا يرنموا ف ترنيمة جديدة يقولوا فيها: "انت هو اللي تستاهل تدي لكتاب و تحل الاقفال, على خاطر تذبحت و دمك سال و بدمك شريتنا لله من كل شعب و امة و كل قبيلة و لسان.
10
و جعلت منا ملوك و كهنة لالهنا, باه نكونوا ملوك على لرض".
11
و شفت و سمعت صوت ملايكة ياسر بلا حساب دايرين بالعرش و الحيوانات و الشيوخ, و كانوا الاف الاف مؤلفة,
12
و هما ينشدوا باعلى اصواتهم: "يستاهل الخروف المذبوح باه ينال القدرة و الغنى والحكمة و الجبروت و الاكرام و الجاه و البراكة!".
13
و كل خليقة من اللي ف السماء و اللي على لرض و اللي تحت لرض, و اللي ف لبحار, الكون كامل و ما فيه, سمعتها تقول: "البراكة و الاكرام و الجاه و السلطان للمتربع على العرش و للخروف ل ابد الدهور و دوامها".
14
و كانت الحيوانات ف اربعة تقول: "امين" و الشيوخة الاربعة و عشرين ركعوا ساجدين للحي ل ابد الدهور و دوامها.
Chapter 6
1
و شفت لخروف كي فك واحد من الاقفال ف السبعة, سمعت واحد من الحيوانات الاربعة و هو يقول بصوت عظيم تقول عليه رعد: "ارواح تشوف!".
2
و شفت حصان ابيض, و كان راكب فوقو واحد هاز قوس, نال تاج, و خرج و هو غالب و باه يغلب.
3
و كي فك الختم الثاني, سمعت الحيوان الثاني يقول: "ارواح تشوف!".
4
و شفت حصان اخر احمر خرج, و اللي كان راكب فوقو عندو القدرة باه ينحي السلام من لرض, و يجعل الناس يقتلوا بعضاهم. و نال سيف كبير.
5
كي فك الختم الثالث, سمعت الحيوان الثالث يقول: "ارواح تشوف!". و كي شفت لقيت حصان اكحل, و راكب فوقو واحد هاز ف يدو ميزان.
6
و سمعت صوت ف وسط الحيوانات الاربعة يقول: "كيلة القمح بدينار, و ثلاثة كيلات شعير بدينار. اما الزيت و الشراب ما تفسدهمش".
7
و كي فك الختم الرابع, سمعت صوت الحيوان الرابع يقول: "ارواح تشوف!".
8
و كي شفت لقيت حصان اخضر, و كان فوق منو واحد اسمه الموت, و الهاوية تتبع فيه, و نالوا القدرة على ربع سكان لرض باه يقتلوهم بالسيف و بالجوع و ب الموت و بالوحوش البرية.
9
و كي فك الختم الخامس, شفت تحت المذبح النفوس تاع المذبوحين ف سبيل كلمة الله, و ف سبيل الشهادة اللي شهدوا بيها,
10
و عيطوا بصوت عظيم و قالوا: " وقتاه يا صاحب السيادة القدوس والحق, تقضي و تنتقم لينا على دمنا من الساكنين ف لرض؟"
11
و نال كل واحد منهم كسوة بيضاء و طلبوا منهم يرتاحوا زمان قليل حتى يزيدوا يلحقوا خاوتهم و رفاقهم, اللي رايحين يموتوا كيما همّا.
12
و كي فك الختم السادس, شفت و اذا زلزلة كبيرة صرات, و الشمس ولات كحلة كيما لبسة الحزن, و القمرة ولات حمرا كي الدم,
13
و طاحت نجوم السماء على لرض كيما تطَيح شجرة الكرطوس الحب اليابس اللي فيها وقت اللي تهزها الريح القاوية.
14
و تتلم السماء كي اللفافة, و كل الجبال و الجزر تتزحزح من مضاربها.
15
و الملوك تاع لرض و العظماء و الاغنياء و الاقوياء و الزعماء و العبيد و الاحرار كلهم هربوا للغيران و للكيفان تاع الجبال,
16
و همّا يقولوا للجبال و للحجار: "طيحي علينا و خزنينا من وجه المتربع على العرش و من الغضب تاع لخروف,
17
على خاطر حل بينا نهار الغضب العظيم, شكون يقدر يوقف على رجليه؟".
Chapter 7
1
و بعد هاذا شفت اربعة ملايكة واقفين على اطراف لرض ف اربعة, حاكمين الرياح تاع الجوايه ف اربعة باه ما تهبش لاعلى لرض, و لا على لبحر, و لا على الشجر.
2
و شفت ملاك اخر جاي من المشرق تاع الشمس و هو هاز الختم تاع الله الحي, و نادى بصوت عظيم على الملايكة ف اربعة, اللي نالوا القدرة باه يضروا لرض و لبحر,
3
و قال لهم: "ما تضروا لا لرض و لا لبحر و لا الشجر, حتى نختم العباد تاع الهنا كل واحد فيهم على جبهتو".
4
و سمعت باللي الناس اللي ختم عليهم ف جبهتهم كانوا اربعة و اربعين الف, مختومين من كل عشيرة من عشاير بني اسرائيل:
5
من عشيرة يهوذا اتناش الف مختوم, و من عشيرة راوبين اثناش الف مختوم, و من عشيرة جاد اثناش الف مختوم.
6
و من عشيرة اشير اثناش الف مختوم. و من عشيرة نفتالي اثناش الف مختوم. و من عشيرة منسى اثناش الف مختوم.
7
و من عشيرة شمعون اثناش الف مختوم. و من عشيرة لاوي اثناش الف مختوم. و من عشيرة يساكر اثناش الف مختوم.
8
و من عشيرة زبولون اثناش الف مختوم. و من عشيرة يوسف اثناش الف مختوم, و من عشيرة بنيامين اثناش الف مختوم. ناس ياسر ب القش ابيض
9
و من بعد شفت غاشي كبير واحد ما يقدر يحسبو, من كل الامم و القبايل و الشعوب و اللهجات, واقفين قدام العرش و قدام لخروف, لابسين قش ابيض و هازين ف ايديهم سعف تاع نخل
10
و هما يعيطوا بصوت عظيم و يقولوا: "الخلاص لالهنا المتربع على العرش و للخروف".
11
و الملايكة الكل كانوا واقفين دايرين بالعرش, و معاهم الشيوخة و الحيوانات ف اربعة, كلهم ركعوا على وجوههم قدام العرش وسجدوا لله
12
و همّا يقولوا: "امين! لالهنا الحمد و المجد و الحكمة و الشكر و الاكرام و القدرة و القوة على دوام الدهور للابد. امين!".
13
تكلم واحد من الشيوخة و قالي: "هاذوك اللي لابسين لبيض, شكون همّا؟ و منين جاو؟".
14
رديت عليه و قلت: "يا سيدي, انت اعلم". قال لي: "هاذوك همّا اللي منعوا من المحنة لكبيرة, غسلوا قشهم و جعلوه ابيض بالدم تاع لخروف
15
على جال هاذا الشيء همّا اليوم قدام العرش تاع الله, ف الهيكل تاعو يحمدوا فيه نهار و ليل, و المتربع على العرش يظللهم و يخيّم عليهم.
16
لا يجوعوا, و لا يعطشوا, و لا تضربهم الشمس و لا تقيسهم سخانة,
17
على خاطر لخروف اللي ف وسط العرش يرعاهم, و يهديهم للينابيع تاع ماء لحياة, و يمسح الله كل دمعة من عينيهم".
Chapter 8
1
و كي فك الختم السابع ساد السكات ف السماء قريب نص ساعة.
2
و شفت الملايكة السبعة اللي واقفين قدام الله, و كل واحد منهم عندو بوق.
3
و جاء ملاك واحد اخر و وقف عند المذبح و كان هاز كانون تاع ذهب, و اعطاوه بخور ياسر باه يقدموا مع الصلوات تاع القديسين الكل على المذبح تاع الذهب اللي قدام العرش.
4
و طلع دخان لبخور مع الصلوات تاع القديسين من يد الملاك قدام الله.
5
و من بعد هز الملاك الكانون تاع لبخور و عباه من النار تاع المذبح و صبها على لرض, كي صبها صرات اصوات و رعود و بروق و زلزلة. الابواق السبعة
6
و من بعد هاذوك الملايكة ف سبعة اللي عندهم الابواق وجدوا ارواحهم باه ينفخوا ف الابواق,
7
و كي نفخ الملاك لول, صب البرد و النار مخلطين بالدم على لرض, و تحرقت بيهم الثلث تاع الشجر, و كل عشبة خضرا.
8
و كي نفخ الملاك الثاني ف البوق اللي عندو, طاح ف لبحر شيء تقول عليه جبل كبير يقدي بالنار, و الثلث تاع لبحر ولى دم,
9
و ثلث المخلوقات الحية اللي ف لبحر ماتت, و ثلث السفن اللي ف لبحر تكسرت.
10
و كي نفخ الملاك الثالث ف البوق اللي عندو, هبط من السماء كوكب كبير يقدي تقول عليه شعلة تاع نار, و طاح فوق الينابيع تاع الماء.
11
و اسم هاذاك الكوكب "العلقم". و تحول ثلث الماء لعلقم, و ناس ياسر ماتوا كي شربوا منو على خاطر ولى مرّ.
12
و كي نفخ الملاك الرابع ف البوق اللي عندو, ضرب ثلث الشمس و القمر و ثلث النجوم, حتى ظلام الثلث منها, و النهار و الليل راح ثلث الضوء اللي كان فيهم.
13
و شفت و سمعت ملاك طاير ف وسط السماء و هو ينادي بصوت عظيم و يقول: "يا ويلهم! يا ويلهم! يا ويلهم سكان لرض كي يزيدوا ينفخوا الملايكة الثلاثة لخرين ف الابواق اللي ما زالت!".
Chapter 9
1
و من بعد زاد نفخ الملاك الخامس ف البوق اللي عندو, و شفت واحد الكوكب طاح من السماء على لرض, و كان عندو مفتاح بير الهاوية.
2
و كي حل بير الهاوية, طلع دخان من البير تقول دخان تاع سامور كبير ياسر, و تحجبت الشمس و ظلام الحال من هاذاك الدخان.
3
و من الدخان خرج جراد غطى لرض كاملة, و كانت عندو القدرة يلسع كيما لعقارب تاع لرض.
4
و ادى الامر باه ما يضرش العشب تاع لرض, و ما يمس حتى شجرة و لا اي نبات اخضر, يضر برك الناس اللي ما عندهمش الختم تاع الله على جبهتهم.
5
و ادى الامر باه ما يقتلهمش بالصح يعذبهم مدة خمسة شهر. و لعذاب تاعو كيما لعذاب تاع العقرب كي تلسع الانسان.
6
و ف هاذيك ليام يحوسوا الناس على الموت و ما يلقاوهاش, و يتمناو يموتوا بالصح الموت تهرب منهم.
7
و الهيأة تاع الجراد كان تقول عليه خيل واجد باه يدخل للحرب, و فوق روسها حاجة تقول عليها تاج ذهب, و وجهها تقول عليه وجه تاع بشر.
8
و عندها شعر طويل كي شعر النساء و سنيها تقول عليها سنين الصيودة,
9
و كان عندها درع كيما الدروع تاع لحديد, و صوت جنحاها تقول عليه الحس تاع مركبات لحديد اللي داخلة تجري للحرب.
10
و عندها ذيل كيما تاع لعقارب, فيه اباري, و عندها القدرة باه تاذي الناس مدة خمسة شهر.
11
و الملاك تاع الهاوية هو السلطان تاعها, اسمو بالعبرية "ابدون", و يسموه باليونانية "ابوليون".
12
هاذا الويل لول عدى و مازالوا زوز واحد اخرين.
13
و كي نفخ الملاك السادس ف البوق اللي عندو, سمعت صوت خرج من لقرون الاربعة تاع مذبح الذهب اللي قدام الله,
14
و قال الصوت للملاك السادس اللي عندو البوق: "روح اطلق الملايكة ف اربعة اللي مكتفين ف واد الفرات العظيم".
15
و تفكت السلاسل تاع الملايكة الاربعة اللي واجدين للساعة و للنهار و للشهر و للعام, باه يقتلوا الثلث تاع سكان لرض.
16
سمعت باللي جيوش الخيالة كانو ميتين الف الف.
17
و هكا بانت لي الخيل و فرسانها ف الرؤيا, كان عندهم دروع من النار, و من الياقوت لصفر و من الكبريت, و رؤوس الخيل كيما رؤوس الصيودة, و يخرج من افوامها نار و دخان و كبريت.
18
و ماتوا ثلث البشر بهاذي الثلاثة حوايج, النار و الدخان و الكبريت اللي خارجة من افوامها,
19
على خاطر كانت قوة الخيل ف افوامها و ف اذيالها, و اذيالها كانت تقول عليها حنوشة , عندها رؤوس تضر بيها الناس.
20
اما الناس اللي منعوا ما ماتوش بهاذي الضربات, و ما تابوش على افعالهم, و بقاو يسجدوا للشواطن و للاصنام تاع الذهب و الفضة و النحاس و لحجر و اللوح اللي لا تشوف و لا تسمع و لا تمشي,
21
و لا تابوا على القتيلة و لا على السحر و لا على الزنا و لا على السرقة.
Chapter 10
1
و من بعد شفت ملاك اخر جبار هابط من السماء, لابس سحابة و فوق راسو قوس قزح, و وجهو كيما الشمس, و رجليه كيما زوز عُرص تاع نار,
2
و كان هاز ف يدو كتاب صغير مفتوح. حط رجلو ليمنى على لبحر و ليسرى على لرض,
3
و عيط بصوت عظيم كيما يزأر الصيد. و بعد ما عيط هو تكلمت الرعود السبعة بأصواتها.
4
و بعد ما تكلمت الرعود السبعة بأصواتها, و كنت راح نكتب بالصح سمعت صوت من السماء يقول لي: "اكتم لكلام اللي تكلمت بيه الرعود السبعة و ما تكتبوش".
5
و الملاك اللي شفتو واقف على لبحر و على لرض, هز يدو للسماء,
6
و حلف بالحي على دوام الدهور للابد, اللي خلق السماء و ما فيها, و لرض و ما فيها, و لبحر و ما فيه: بالي ما بقاش يزيد يبطى!
7
غير يجي الوقت اللي ينفخ فيه الملاك السابع ف البوق اللي عندو, يتم سر الله حتى هو, كيما بشّر بيه عبادو الانبياء.
8
و الصوت اللي سمعتو من قبل ف السماء زاد كلمني و قال: "روح هز لكتاب الصغير اللي ف يد الملاك الواقف على لبحر و على لرض".
9
رحت للملاك و قلت: "اعطيني لكتاب الصغير". قال لي: "هاك هزو و ابلعو راح تلقاه ف جوفك مر, بالصح ف فمك يكون حلو عسل".
10
هزيت هاذاك لكتاب الصغير من يد الملاك و بلعتو, و كان ف فمي حلو كي لعسل. و بعد ما بلعتو ولى ف كرشي مر.
11
قال لي: "لازم تزيد تتنبأ مرة اخرى على شعوب و امم و لهجات و ملوك ياسر".
Chapter 11
1
و من بعد اعطاني واحد منهم قصبة كيما لعصا, و وقف الملاك و قالي: "نوض و قيس الهيكل تاع الله و المذبح و الناس الساجدين فيه.
2
اما الدار اللي ف الهيكل من برى, خلاها ما تقيسهاش, على خاطر هي للامم, و راح يعفسوا على المدينة المقدسة ثنين و اربعين شهر.
3
و راح نبعث زوز شهود, باه يتنبأوا الف و ميتين و ستين يوم, و همّا لابسين المسوح".
4
هاذوما الزوز شهود همّا الزوز زيتونات و المنارتين المنصوبين قدام رب لرض.
5
و كي واحد يحب ياذيهم, تخرج من فمهم نار و تاكل عديانهم. هكا لازم يموت كل من يحب ياذيهم.
6
و عندهم القدرة باه يقفلوا السماء باه ما تصبش النو ف ليامات اللي يتنبؤوا فيها. و عندهم القدرة باه يبدلوا الماء يولي دم, و باه يضربوا لرض بكل انواع المصايب كيما يحبوا همّا.
7
و كي يكملوا الشهادة تاعهم, يجي الوحش اللي خرج من الهاوية و يدخل معاهم ف حرب و يغلبهم و يقتلهم.
8
و تكون الجثة تاعهم مرمية ف شوارع لمدينة لعظيمة اللي اسمها الروحي سدوم و مصر, المضرب اللي مات فيه ربنا مصلوب.
9
و يشوفوا ناس ياسر من الشعوب و من لقبايل و اللهجات و الامم الجثث تاعهم مدة ثلاثة ايام و نص, و ما يخليو حتى واحد يدفنهم و يحطهم ف لقبورة.
10
و يشمتوا فيهم سكان لرض و يفرحوا, و يبعثوا يهنيو بعضاهم بالهدايا على خاطر هاذوا الانبياء ف زوز عذبوا سكان لرض عذاب شديد.
11
وف كمالة الثلاثة ايام و نص, تدخل فيهم لحياة من عند الله, و يوقفوا على رجليهم. و الناس اللي كانوا يشوفوا فيهم خافوا خوف كبير.
12
و سمعوا صوت عظيم من السماء يقول لهم: "اطلعوا لهنا". و طلعوا للسماء ف السحابة, و كانوا العديان تاعهم يشوفوا فيهم.
13
و ف هاذيك الساعة صرى زلزال كبير, طاح العشر تاع لمدينة, و مات من الناس سبعة الاف بشر, و لخرين الكل خافوا خوف عظيم, و بداو يمجدوا ف اله السماء.
14
هاذا الويل الثاني فات, و راح يجي الويل الثالث من وراه ف ساع.
15
و من بعد نفخ الملاك السابع ف البوق اللي عندو, و علات اصوات عظيمة ف السماء تقول: "ولى مُلك العالم لربنا و للمسيح تاعو, و راح يملك لأبد الابدين".
16
و الشيوخة الاربعة و العشرين اللي قاعدين على لعروش تاعهم قدام الله, و ركعوا على وجوههم و سجدوا لله,
17
و قالوا: "نشكرك ياربنا الاله القدير على كل شيء, الكاين و اللي كان و اللي راح يجي, على خاطر بينت الجبروت تاعك و ملكت.
18
غضبت الامم و جات ساعة الغضب تاعك و ساعة الحكم على الموتى, باه تكافي عبادك الانبياء و القديسين و الناس اللي يخافوا اسمك, الصغار و لكبار, و يهلك الناس اللي كانوا يهلكوا ف لرض".
19
و تفتح الهيكل تاع الله ف السماء, و ظهر الثابوت تاع العاهد ف الهيكل, و صرى برق و رعد و اصوات و زلزلة و برد عظيم.
Chapter 12
1
و ظهرت ف السماء معجزة كبيرة: مرى لابسة الشمس, و القمر تحت رجليها, و فوق راسها تاج فيه ثناش ن كوكب,
2
و كانت بالكرش و كانت تصيح حكمها لوجاع تاع لولادة.
3
و ظهرت اية اخرى ف السماء: تنين عظيم احمر, عندو سبعة روس و عشرة قرون, و فوق كل راس تاج.
4
و بالذيل تاعو كان يجر ثلث نجوم السماء و رماها ف لرض. و وقف التنين قدام لمرى اللي راح تولد, باه كي تولد يبلع ولدها.
5
و ولدت جابت طفل ذكر و هو اللي يحكم ف الامم الكل بعصا تاع حديد. بالصح ولدها تخطف لله و للعرش تاعو,
6
و لمرى هربت للصحراء, وين وجّد لها الله ملجأ تقعد فيه مدة الف و ميتين و ستين يوم.
7
و صرات حرب ف السماء: بين ميخائيل و الملايكة تاعو و بين التنين, وحاربهم التنين بالملايكة تاعو
8
بالصح ما قدرش عليهم, و خسروا المكانة تاعهم ف السماء.
9
و طرحوا التنين العظيم, الحية لقديمة اللي اسمو ابليس و الشيطان, اللي ينشر الضلال ف العالم كامل, طرحوه للرض, هو و الملايكة اللي معاه.
10
و سمعت صوت عظيم ف السماء يقول: "اليوم تم النصر و العزة و الملك لالاهنا و السلطان للمسيح تاع الله, على خاطر اللي كان يتهم ف خاوتنا رماوه للرض, اللي كان يشكي بيهم لله نهار و ليل.
11
غلبوه بالدم تاع لخروف و بالكلمة اللي شهدوا بيها ليه, و ما حبوش يمنعوا حياتهم و واجهوا حتى الموت.
12
على جال هاذا افرحي يا سماوات و افرحوا يا الساكنين فيها. الويل للبر و للبحر, على خاطر هبط عليهم ابليس و هو غاضب غضب عظيم! على خاطر عارف باللي ايامو قصيرة".
13
و كي شاف التنين روحو باللي تطرح للرض, ولى يضطهد ف لمرى اللي ولدت الطفل الذكر,
14
اما لمرى اعطاوها جنحين تاع نسر عظيم باه تطير للصحراء للمضرب تاعها, وين كانت تكمن من وجه الحية, زمان و زمانين و نص زمان.
15
18
و سيبت الحية من فمها ماء يجري كي الواد باه يغَرّق لمرى و يديها.
16
و عاونت لرض لمرى, و حلت فمها و بلعت الواد تاع الماء اللي سيبو التنين من فمو.
17
و غضب التنين من لمرى, و راح باه يحارب الذرية تاعها اللي بقات اللي يطبقوا الوصايا تاع الله, و عندهم شهادة يسوع المسيح.
Chapter 13
1
و من بعد وقفت على شط لبحر, و شفت وحش طالع من لبحر عندو سبعة روس و عشرة قرون, و فوق كل راس منهم تاج, و على الروس تاعو اسم الكفر.
2
و الوحش اللي شقتو كان يشابه للنمر, و قوايمو كيما تاع الدب, و فمو كيما فم الصيد. و اعطاه التنين القدرة و العرش تاعو و سلطان واسع.
3
و شفت كيما واحد من الروس تاعو تقول مذبوح للموت, بالصح الجرح تاعو برى. وتعجبت منو لرض كلها و راحت تتبع ف الوحش,
4
و سجدوا للتنين اللي اعطى القدرة للوحش, و سجدوا للوحش و قالوا: "شكون كيما الوحش؟ شكون يقدر يحاربو؟".
5
و نال الوحش فم ينطق بكلام التكبر و الكفر على الله, و عندو القدرة باه يخدم مدة اثنين و اربعين شهرا.
6
و بدى يكفر على الله, و يكفر على اسمو و على مقامو, و على اللي ساكنين ف السماء.
7
و نال القدرة باه يحارب القديسين و يغلبهم, و نال القدرة على كل قبيلة و لغة و امة.
8
و جميع سكان لرض راح يسجدوا ليه, الناس اللي اساميهم ماهيش مكتوبة من نهار اللي بدات الدنيا ف كتاب حياة لخروف اللي تذبح.
9
اللي يحب يسمع يسمع!
10
اللي تكتب عليه يتساق للاسر, يروح للاسر. و اللي تكتب عليه يتقتل بالسيف, لازم يتقتل بالسيف. هنا الصبر تاع القديسين و الايمان تاعهم. الوحش اللي خارج من لرض
11
و من بعد شفت وحش اخر طالع من لرض, و كان عندو زوز قرون كيما تاع لخروف, و كان ينطق كيما التنين,
12
و يمارس القدرة تاع الوحش لول و هو يشوف, و يجعل لرض و سكانها يسجدوا للوحش لول اللي شفى من الجرح القاتل.
13
و يعمل معجزات كبار, و قادر حتى يجعل النار تنزل من السماء على لرض قدام الناس,
14
و يضلل سكان لرض بالايات اللي نال القدرة باه يديرها قدام الوحش, و اعطى امر للناس باه يصنعوا تصويرة للوحش اللي تذبح بالسيف و رغم هاذا عاش.
15
و نال القدرة باه يعطي الروح ف التصويرة تاع الوحش, حتى تولي تهدر, و يقتل الناس الكل اللي ما يحبوش يسجدوا للتصويرة تاع الوحش.
16
و يجعل الناس الكل كبار وصغار, اغنياء و فقراء, عبيد و احرار, يعملولهم امارة على ايديهم ليمنى و الا على جبهتهم,
17
و حتى واحد ما يقدر لا يشري و لا يبيع لو كان ما تكونش عندو لمارة تاع الوحش و الا العدد تاع اسمو.
18
و هنا الحكمة لازمة! اللي يكون ذكي يحسب العدد تاع اسم الوحش, هو عدد تاع اسم بشر, و العدد تاعو: ستة ميا و ستة و ستين.
Chapter 14
1
و من بعد شفت خروف واقف على جبل صهيون, و معاه مية و اربعة و اربعين الف, و اسم باباه مكتوب على جبهة كل واحد فيهم.
2
و سمعت صوت من السماء كيما لهدير تاع المياه الغزيرة و كيما صوت الرعد القاوي. و سمعت صوت كيما صوت انغام يعزفوا فيها على القيتارة.
3
و هما يرنموا ف ترنيمة جديدة قدام العرش و قدام الحيوانات الاربعة و الشيوخة, و ما قدر حتى واحد يتعلم الترنيمة غير المية و اربعة و اربعين الف المفديين من لرض.
4
هاذوك همّا اللي ما تنجسوش مع النساء على خاطر طاهرين. هاذوك همّا اللي يتبعوا ف لخروف وين يروح يروحوا. هاذوك اللي فداهم من بين البشر باكورة لله و للخروف.
5
و ما نطق لسانهم بالكذب, و لا فيهم عيب قدام عرش الله. الثلاثة ملايكة
6
و من بعد شفت ملاك واحد اخر طاير ف السماء و هو هاز بشارة ابدية, راح يبشر بيها سكان لرض من كل امة و قبيلة و لغة و شعب,
7
و قال بصوت عظيم: "خافوا الله, و مجدوه, على خاطر جات ساعة لحساب, اسجدوا للي خلق السماء و لرض اسجدوا للي خلق لبحر و ينابيع الماء".
8
و من بعد جا وراه ملاك واحد اخر و هو يصيح و يقول: "طاحت! طاحت بابل لمدينة العظيمة, على خاطر شربت جميع الامم من فورة لغضب تاع الزنى اللي زناتو!".
9
و من بعد تبعهم ملاك واحد اخر و هو يقول بصوت عظيم: "اللي يسجد للوحش و للتصويرة تاعو, و يقبل لمارة تاعو على جبهتو والا على يدو,
10
حتى هو راح يشرب من كاس الغضب تاع الله, و يتعذب بالنار و الكبريت ف محضر الملايكة القديسين و ف محضر لخروف.
11
و يطلع دخان لعذاب تاعهم لابد الابدين, و ما يلقاو راحة لا ليل ولا نهار لكل من يسجد للوحش و للتصويرة تاعو و لكل من يقبل لمارة تاع اسمو".
12
هنا يبان الصبر تاع القديسين. اللي يحفظوا لوصايا تاع الله و الايمان بيسوع.
13
و سمعت صوت من السماء يقول لي: "اكتب: يا سعد الموتى اللي يموتوا ف الرب من ليوم". "نعم" يقول الروح: "باه يرتاحوا من التعب تاعهم, على خاطر اعمالهم فيها التعب". حصاد لرض
14
و من بعد شفت سحابة بيضاء, و على السحابة قاعد واحد يشبه لابن الانسان, فوق راسو تاج تاع ذهب, و ف يدو منجل ماضي.
15
و خرج ملاك اخر من الهيكل, و هو يصرخ بصوت عظيم يهدر مع القاعد فوق السحابة: "ابعث المنجل تاعك و احصد, على خاطر جات ساعة لحصاد, و المحصول تاع لرض يبس".
16
و رمي القاعد على السحابة المنجل تاعو على لرض, و حصد لرض.
17
و من بعد خرج ملاك اخر من الهيكل اللي ف السماء, و هو ثاني هاز منجل ماضي.
18
و خرج ملاك اخر من المذبح عندو القدرة على النار, و عيط بصوت عظيم على الملاك اللي عندو المنجل الماضي, و قال: "ابعث المنجل الماضي اللي ف يدك و اقطف لعناقد تاع الدوالي اللي ف لرض, على خاطر لعنب طاب".
19
و رمى الملاك المنجل اللي ف يدو على لرض و قطف لعنب اللي ف لرض, و ارماه ف المعصرة تاع الغضب العظيم تاع الله.
20
و تعفست المعصرة خارج لمدينة, و خرج منها دم حتى وصل ل اللجام تاع الخيل, مسافة ميتين ميل.
Chapter 15
1
و من بعد زدت شفت معجزة اخرى عظيمة و عجيبة ف السماء: سبعة ملايكة هازين سبعة ضربات و هي اخر الصربات اللي راح تكون على خاطر بيها يتم الغضب تاع الله.
2
و شفت كيما لبحر تاع قزاز مخلط بالنار, و شفت الناس اللي غلبوا الوحش و التصويرة تاعو و العدد تاع اسمو, شفتهم واقفين على لبحر تاع لقزاز, و كانت عندهم قيتارات تاع الله,
3
و كانوا يرتلوا ف النشيد تاع موسى عبد الله, و النشيد تاع لخروف و كانوا يقولوا: "اعمالك عظيمة اعمالك عجيبة, يا ربي الاله القادر على كل شيء! طريقك صحيحة و قويمة, يا ملك القديسين!
4
شكون اللي منك ما يخاف شكون ما يمجد اسمك؟ انت القدوس وحدك, كل الامم تجيك و تسجد بين يديك, على خاطر عدل احكامك ظهر و بان لكل عين".
5
و من بعد تلفتت و شفت الهيكل تاع خيمة الشهادة يتفتح ف السماء,
6
و خرجوا الملايكة ف سبعة من الهيكل و معاهم الضربات السبعة, و همّا لابسين كتان نقي يلمع, و على صدورهم حزمات تاع ذهب.
7
و واحد من الحيوانات الاربعة مد للملايكة السبعة سبعة كيسان تاع ذهب معمرين بالغضب تاع الله الحي لابد الابدين.
8
و تملى الهيكل من دخان مجد الله و من القدرة تاعو, و ما كان حتى واحد يقدر يدخل للهيكل حتى يكملوا الملايكة ف السبعة الضربات السبعة.
Chapter 16
1
و سمعت صوت عظيم ف الهيكل يقول للملايكة ف سبعة: "روحوا صبوا كيسان غضب الله على لرض".
2
راح الملاك لول و صب الكاس اللي ف يدو على لرض, ة ظهرت جراح مقيحة لونها وردي على الناس اللي عندهم لمارة تاع الوحش و اللي يسجدوا للتصويرة تاعو.
3
و من بعد صب الملاك الثاني الكاس اللي ف يدو على لبحر, تحول الماء تاعو لدم كيما دم الميت. و ماتت كل نفس حية ف لبحر.
4
و من بعد صب الملاك الثالث الكاس اللي ف يدو على الوديان و ينابيع الماء الكل, و لات دم.
5
و سمعت الملاك تاع الماء يقول: "انت عادل ف احكامك يا القدوس الكائن و اللي يكون.
6
على خاطر سيحوا دم القديسين و الانبياء, شَرّبتهم الدم. يستاهلوا واش يصرالهم!".
7
و سمعت واحد اخر من المذبح يقول: "نعم ا الرب الاله القادر على كل شيء! احكامك عدل و حق".
8
و من بعد صب الملاك الرابع الكاس اللي ف يدو على الشمس, و نالت القدرة باه تحرق الناس بالنار,
9
و تحرقوا الناس بالسخانة القاوية, و ما تابوش و ما مجدوش اسم الله, بالصح سبوا اسم الله اللي عندو السلطان على هاذي الضربات الكل.
10
و من بعد صب الملاك الخامس الكاس اللي ف يدو على العرش تاع الوحش, و ظلامت المملكة تاعو ولاو الناس يعضوا ف لسانتهم من لعذاب.
11
و ما تابوش على اعمالهم, بالصح سبوا اله السماء من كثرة ما كانت لجراح تاعهم توجع فيهم.
12
و من بعد صب الملاك السادس الكاس اللي ف يدو على نهر الفرات لكبير, و نشف الماء تاعو باه يولي طريق للملوك تاع المشرق.
13
و شفت ثلاثة ارواح شريرة تخرج من فم التنين, و من فم الوحش, و من فم النبي الكذّاب, تشابه للجران,
14
و هي ارواح تاع شواطن عندها القدرة باه تدير المعجزات, تخرج على الملوك تاع الارض الكل و و تلمهم للحرب ف اليوم العظيم, اليوم تاع الله القادر على كل شيء.
15
" انا راح نجي كيما يجي السارق! يا سعد اللي يسهر و يوجد قشو باه ما يمشيش عريان و يشوفوه الناس".
16
و جمعهم الكل ف واحد المضرب اسمو بالعبرية "هرمجدّون".
17
و من بعد صب الملاك السابع الكاس تاعو على لهواء, و خرج صوت عظيم من هيكل السماء من العرش يقول: "تم الامر!".
18
و صرات اصوات و رعد و برق. و زلزلة قاوية, عمرها لا صرات زلزلة قاوية كيما هاذي من نهار اللي توْجدوا فيه البشر على لرض,
19
و تقسمت لمدينة العظيمة لثلاثة اقسام, و طاحت المدن تاع العالم, و تذكر الله بابل لقديمة باه يسقيها كاس تغلي بمرارة الغضب تاعو.
20
و هربت الجزر الكل, وتخبات لجبال.
21
و صب من السماء برد كبير وثقيل على قد الوزنة طاح على الناس. حتى ولاو يسبوا ف الله على هاذي المصيبة لكبيرة.
Chapter 17
1
و من بعد جا واحد من الملايكة السبعة اللي عندهم الكيسان السبعة, و تكلم معايا و قال لي: "ارواح نوريلك العقاب تاع الزانية العظيمة القايمة على جنب لمياه لكثيرة,
2
اللي ملوك لرض زناو معاها, و اللي سكان لرض سكروا من خمر الزنى تاعها".
3
و داني الروح للصحراء, و ثمة شفت مرى راكبة على وحش احمر مليان بالاسامي تاع الكفر, عندو سبعة روس و عشرة قرون.
4
و لمرى اللي كانت لابسة الارجوان و القرمز, و متحلية بالذهب و اللولو و الجوهر, وعندها كاس ذهب ف يدها مليان برجاسة الزنا تاعها و نجاستو.
5
و على جبهتها اسم مكتوب: "سر. بابل العظيمة ام الزواني و رجاسات لرض".
6
و شفت لمرى سكرانة من الدم تاع القديسين ومن الدم تاع شهداء يسوع. و كي شفتها حرت فيها و تعجبت منها ياسر!
7
و من بعد قال لي الملاك: "علاه تعجبت؟" اانا نقولك سر لمرى و الوحش اللي راكبة عليه اللي عندو سبعة روس و عشرة قرون:
8
الوحش اللي شفتو, كان قبل بالصح ضرك ما عادش كاين, بعد شوية يطلع من لهاوية و يروح للهلاك. و يتعجتوا سكان لرض, اللي اساميهم ماهيش مكتوبة ف كتاب لحياة من اول ما تخلقت الدنيا, كي يشوفوا الوحش اللي كان و من بعد ما عادش كاين, و راح يزيد يظهر.
9
و هنا لابد من الحكمة و الذكاء! السبعة روس هي سبعة جبال قاعدة عليها لمرى.
10
و سبعة ملوك: خمسة طاحوا, و واحد مازال يملك, و لخر ما زال ما جاش. و كي يجي لازم يبقى غير شوية.
11
و الوحش اللي كان و ما عادش كاين هو ملك ثامن, رغم انو مع السبعة, و يروح للهلاك.
12
و العشرة قرون اللي شفتها هي عشرة ملوك ما زالوا ما ملكوش, بالصح يملكوا غير ساعة واحدة مع الوحش.
13
و يكون عندهم راي واحد, و يمدوا القدرة و السلطان تاعهم للوحش.
14
هاذوك هما اللي راح يحاربوا لخروف بالصح لخروف يغلبهم, على خاطر هو رب الارباب و ملك الملوك, و الناس اللي معاه مدعوين و مختارين و مومنين".
15
و زاد قال لي: "الماء اللي شفتيه وين كانت الزانية قاعدة, هي شعوب و اجناس و امم و لغات.
16
و هاذيك العشرة قرون اللي شفتها على الوحش همّا اللي راح يبغضوا الزانية, و يعزلوها و يعروها, و ياكلوا اللحم تاعها و يحرقوها بالنار.
17
على خاطر الله جعل ف قلوبهم باه يديروا امرو, و يتفاهموا باه يمدوا للوحش سلطان ملكهم حتى تكمل اقوال الله.
18
و لمرى اللي شفتها هي لمدينة العظيمة اللي تتسلط على ملوك لرض".
Chapter 18
1
و من بعد شفت ملاك واحد اخر هابط من السماء, و عندو قدرة كبيرة. و ضوات لرض من بهاه.
2
و عيط بصوت قاوي وقال: "طاحت! طاحت بابل العظيمة! ولات سكنى للشواطن و ملجأ لكل روح شرير, و لكل طير ناجس و مكروه,
3
على خاطر جميع الامم شربت من الخمر الزنا تاعها, و ملوك لرض زناو معاها, و تجار لرض استغناو من كثرة النعيم تاعها".
4
و من بعد زدت سمعت صوت اخر من السماء يقول: "اخرجوا منها يا شعبي, باه ما تشاركوش ف ذنوبها, و باه ما تتقاسوش بنكباتها.
5
على خاطر ذنوبها وصلت للسماء, و ذكر الله الشر تاعها.
6
ديروا فيها كيما دارت فيكم, و زيدوها قد ما دارت فيكم زوز مرات. ف الكاس اللي شربتهالكم, زيدوها لها اضعاف.
7
على قد ما مجدت روحها و تنعمت, اعطوها لعذاب و الحزن. على خاطر تقول ف قلبها: انا قاعدة هنا ملكة, مانيش ارملة, ما نذوقش الحزن.
8
على جال هاذا ف نهار واحد تجي ضرباتها: موت و حزن و جوع, و تتحرق بالنار, على خاطر اللي يحاسبها هو الرب الاله القدير.
9
و راح يبكيو و ينوحوا عليها ملوك لرض, اللي زناو و تنعموا معاها, كي يشوفوا دخان لهيبها طالع,
10
واقفين من بعيد خايفين من عذابها, يقولوا: يا ويلها! يا ويلها! لمدينة لعظيمة بابل! لمدينة الجبارة! على خاطر ف ساعة واحدة جا لحساب تاعك.
11
و يبكيو و ينوحوا عليها تجار لرض, على خاطر واحد ما عاد يشري سلعتهم,
12
سلعة تاع ذهب و فضة و حجار كريمة و لولو و در و ارجوان و حرير و قرمز, و انواع الطيب و مصنوعات لخشب و النحاس و لحديد و الرخام,
13
و القرفة و البخور و الطيب و اللبان و الخمر و الزيت و السميد و القمح, و الحيوانات و لغنم و الخيل, و عربات, واجساد عبيد و نفوس بشر.
14
راحت عليك الثمار اللي فيها شهوتك, و يروح عليك كل الترف و لبهاء, و ما بقيتيش تشوفيه.
15
التجار تاع هاذي لحوايج اللي استغناو منها, واقفين من بعيد خايفين من عذابها, يبكيو و ينوحوا,
16
و يقولوا: يا ويلها! يا ويلها! لمدينة العظيمة اللي كانت تلبس الكتان و الارجوان و القرمز, و تتحلى بالذهب و لحجر الكريم و اللولو!
17
على خاطر ف ساعة واحدة راح هاذاك الغنى كامل. و ريّاس الفلايك, و البحارة و كل من يخدم ف لبحر, وقفوا من بعيد,
18
و ولاو يصيحوا و يعيطوا كي شافوا الدخان تاع لهيبها طالع, و هما يقولوا: واش من مدينة عظيمة كيما هاذي؟
19
و ذراو التراب على روسهم, و بداو يبكيو و ينوحوا و يصيحوا و يقولوا: يا ويلها! يا ويلها! لمدينة لعظيمة اللي فيها استغناو صحاب لفلايك ف لبحر! ف ساعة واحدة راح كل ما فيها!
20
افرحي يا سماء, و الرسل و القديسين و الانبياء, على خاطر الله عاقبها على الشيء اللي داراتو فيكم".
21
و هز ملاك واحد اخر جبار حجرة كبيرة كيما الحجرة تاع الرحى, و رماها ف لبحر و قال: "هكا تتطيش بابل لمدينة العظيمة بعنف, و ما تبقالها حتى ذاكرة.
22
و الصوت تاع العازفين بالقيتارة و المغنيين و النافخين ف الابواق, ما يزيدش يتسمع فيك. و كل صاحب صنعة ما يزيدش يكون فيك, و صوت رحى ما يزيدش يتسمع فيك.
23
و ما يزيد يضوي فيك ضوء مصباح. و لا يتسمع فيك صوت عروسة و عريس. على خاطر التجار تاعك كانوا عظماء ف لرض. على خاطر بالسحر تاعك غويتي كل الامم.
24
و فيها ساح دم انبياء و قديسين, و كل اللي تقتلوا ف لرض".
Chapter 19
1
و من بعد سمعت صوت جبار صادر من ناس ياسر ف السماء يقولوا: "هاليلويا! الخلاص و المجد و الكرامة و القدرة للرب الهنا,
2
على خاطر احكامو حق و عادلة, على خاطر حاسب الزانية لكبيرة اللي فسدت لرض بالزنا تاعها, و انتقم منها للدم تاع عبادو".
3
و زادوا قالوا: "هاليلويا! دخانها يبقى يدخن لابد الابدين".
4
و ركعوا لاربعة و عشرين شيخ و الحيوانات الاربعة و سجدوا لله المتربع على العرش و قالوا: "امين! هاليلويا!".
5
و خرج من العرش صوت يقول: "سبحوا الهنا يا جميع عبادو, اللي يخافوه كبار و صغار!".
6
و سمعت كيما صوت غاشي كبير, و كيما صوت مياه غزيرة, و صوت رعود قاوية تقول: "هاليلويا! الملك للرب الاله القادر على كل شيء.
7
نفرحوا و نهللوا و نمدولوا المجد! على خاطر جا عرس لخروف, و عروستو وجدّت روحها.
8
و راح يلبسوها الكتان لبيض النقي, و الكتان هو اعمال القديسين الصالحة".
9
و قال لي: "اكتب: يا سعد المعروضين للعشاء ف عرس لخروف!". و قال: "هاذي هي اقوال الله الصادقة".
10
و ركعت قدام رجليه باه نسجدلو, قال لي: "لا! ما تسجدش ليّا! انا عبد كيما انت و كيما خاوتك اللي عندهم شهادة يسوع. اسجد لله! على خاطر شهادة يسوع هي روح النبوة". الراكب على لحصان لبيض
11
و من بعد شفت السماء مفتوحة, و شفت حصان ابيض اللي راكب عليه اسمو الامين الصادق, و بالعدل يحكم و يحارب.
12
و عينيه كيما لهيب النار, و فوق راسو تيجان ياسر, و عندو اسم مكتوب واحد ما يعرفو غير هو.
13
و كان لابس ثوب مغطس ف الدم, اسمو "كلمة الله".
14
و العسكر تاع السماء كانوا يتبعوا فيه راكبين فوق خيل بيضاء, لابسين كتان ابيض صافي.
15
و من فمو يخرج سيف ماضي باه يضرب بيه الامم. و هو اللي راح يرعاهم بعصا تاع حديد, و يعفس معصرة خمر نقمة غضب الله القادر على كل شيء.
16
و على فخذو و على لبستو اسم مكتوب: "ملك الملوك و رب الارباب".
17
و شفت ملاك واقف ف الشمس, و صاح بصوت عظيم و قال لجميع الطيور الطايرة ف السماء: "ارواحي اتلمي هنا ف وسط لعشاء العظيم تاع الاله,
18
باه تاكلي لحم الملوك, و لحم الرياس, و لحم الزعماء, و لحم الخيل و اللي راكبين فوقها, و لحم جميع الناس: عبيد واحرار, صغار و كبار".
19
و شفت الوحش و الملوك تاع لرض و العسكر تاعهم الكل مجتمعين باه يحاربوا االراكب على لحصان مع العسكر تاعو.
20
و حكموا الوحش و حكموا معاه النبي الكذاب, اللي كان يدير المعجزات اللي بيها ضلل الناس و جعلهم يقبلوا لمارة تاع الوحش و يسجدوا للتصويرة تاعو. و رماهم ف زوز حيين ف وسط قلتة النار القادية بالكبريت.
21
و اللي بقاو قتلهم بالسيف الخارج من فم الراكب على لفرس, و الطيور الكل شبعت من اللحم تاعهم.
Chapter 20
1
و شفت ملاك نازل من السماء و عندو المفتاح تاع الهاوية, و سلسلة كبيرة ف يدو.
2
و قبض على التنين, الحية لقديمة, اللي هو ابليس و الشيطان, و كتفو لمدة الف سنة,
3
و رماه ف الهاوية و قفل عليه, و ختم عليه باه ما بقاش يضللش الامم, حتى كمالة الف سنة. و من بعد لابد يسيبوه لمدة قليلة.
4
و شفت عروش تربعوا عليها الناس اللي عندهم سلطة القضاء. و شفت النفوس تاع الناس اللي ماتوا على جال الشهادة تاع يسوع و على جال الكلمة تاع الله. و الناس اللي ما سجدوش للوحش و لا للتصويرة تاعو, و اللي ما قبلوش لمارة تاعو على جبهتهم و لا على يديهم, و عاشوا و ملكوا مع المسيح الف سنة.
5
اما الموتى لخرين ما يعيشوش حتى تتم الالف سنة. هاذي هي لقيامة لولى.
6
مبارك و مقدس كل من كان ليه نصيب ف لقيامة لولى. هاذوك اللي الموت الثاني ما عندوش القدرة عليهم, بالصح راح يكونوا كهنة لله و للمسيح, و راح يملكوا معاه الف سنة. الحكم على الشيطان
7
و ف كمالة الالف سنة يتسيب الشيطان من الحبس تاعو,
8
و يخرج باه يضلل الامم اللي ف الجوايه الاربعة تاع لرض: جوج و ماجوج, باه يجمعهم للحرب, و كان العدد تاعهم قد الرمل تاع لبحر.
9
و طلعوا على وجه لرض و حاصروا المعسكر تاع القديسين و المدينة المحبوبة, و نزلت نار من السماء من عند الله و كلاتهم.
10
و ابليس اللي كان يضلل فيهم تطرح ف قلتة النار و الكبريت, وين كاين الوحش و النبي الكذّاب. و راح يتعذبوا نهار و ليل لابد الابدين. الدينونة تاع الموتى
11
و من بعد شفت عرش ابيض عظيم, و القاعد عليه, اللي من وجهو هربت لرض و السماء, و ما بقى لهم حتى اثر!
12
و شفت الموتى صغار و كبار واقفين قدام الله, و تحلت الكتب, و تحل كتاب اخر هو كتاب لحياة, و تحاسبوا الموتى على الشيء اللي مكتوب ف لكتب حساب اعمالهم.
13
و خرج لبحر الموتى اللي فيه, و سلمت الموت والهاوية الموتى اللي فيهم. و كل واحد تعاقب على حساب اعمالو.
14
و تطرح الموت و الهاوية ف قلتة النار. هاذا هو الموت الثاني.
15
و كل اللي ما كانش اسمو مكتوب ف كتاب لحياة يتطرح ف قلتة النار.
Chapter 21
1
و من بعد شفت سماء جديدة و ارض جديدة, على خاطر السماء لولى و لرض لولى فناو, و البحر ما بقاش موجود.
2
و انا يوحنا شفت لمدينة المقدسة اورشليم الجديدة نازلة من السماء من عند الله واجدة كيما لعروسة المزينة لراجلها.
3
و سمعت صوت عظيم من السماء يقول: "ها هو المسكن تاع الله مع الناس, و هو يسكن معاهم, و همّا يكونوا ليه شعب, و الله ف ذاتو يكون معاهم اله ليهم.
4
و راح يمسح الله كل دمعة تسيل من عينيهم, و ما راح يكون لا موت و لا حزن و لا بكى و لا وجاع, على خاطر الامور لقديمة راحت".
5
و قال المتربع على العرش: "انا راح نجعل كل شيء جديد!". و قال لي: "اكتب: هاذا لكلام صدق و حق".
6
و زاد قال لي: "تم كل شيء! انا هو الالف و الياء, البداية و النهاية. انا نسقي العطشان من المنبع تاع ماء لحياة بلاش.
7
اللي يغلب يورث هاذا الكل, و نكون ليه اله و هو يكون ليّا ابن.
8
اما الجبناء و اللي ماهمش مومنين و الاوغاد و القتالين و الزانيين و السحارين و اللي يعبدوا الاوثان و جميع الكذّابين, هاذوك النصيب تاعهم يكون ف القلتة الشاعلة بالنار و الكبريت اللي هو الموت الثاني". اورشليم الجديدة
9
و من بعد جاء واحد من السبعة ملايكة اللي عندهم الكيسان السبعة المعمرة من الضربات السبعة لخرة, و تكلم معايا و قالي : "ارواح نوريلك لعروسة مراة لخروف".
10
و هزني بالروح لواحد الجبل عالي, و ورالي لمدينة العظيمة اورشليم المقدسة نازلة من السماء من عند الله,
11
و عليها هالة تاع مجد الله, و كانت تلمع كيما حجر كريم نادر يشابه لليشب النقي كيما لقزاز.
12
و كان عندها سور عظيم و عالي, و عندها اثناش ن باب, و ف قدام كل باب واقف ملاك, و مكتوبة اسامي تاع عشاير بني اسرائيل ف اثناش.
13
من جيهة الشرق ثلاثة بيبان, و من جيهة الشمال ثلاثة بيبان, و من جيهة الجنوب ثلاثة بيبان, و من جيهة الغرب ثلاثة بيبان.
14
و سور لمدينة كان عندو ثناش ن عرصة, مكتوب عليها اسامي الرسل تاع لخروف ف ثناش.
15
و الملاك اللي كان يهدر معايا عندو ف يدو قصبة تاع ذهب باه يقيس بيها لمدينة و البيبان تاعها و السور تاعها.
16
و لمدينة كانت مربعة, قد طولها قد عرضها. و كي قاس لمدينة لقاها الف و خمسمياة ميل. الطول والعرض و العلو كلها قد بعضاها.
17
و قاس السور لقاه: مية و اربعة و اربعين قيس ذراع بشر كيما قاس الملاك.
18
و كان السور مبني من اليشب, و لمدينة بالذهب الخالص تقول عليه قزاز صافي.
19
و الساسات و السور مزينين بالاحجار الكريمة على كل نوع. الساس لول من اليشب. و الثاني من الياقوت لزرق. و الثالث من لعقيق لبيض. الرابع من الزمرد الذبابي
20
و الخامس من لعقيق الغامق. و السادس من لعقيق لحمر. و السابع من زبرجد. و الثامن من الزمرد السلقي. و التاسع ياقوت اصفر. و العاشر عقيق اخضر. الحادش فيروز. الثانش جمشت.
21
و البيبان ف ثناش كانوا عبارة عن ثناش حبة تاع لولو, كل باب من البيبان هو حبة لولي واحدة. و سوق لمدينة ذهب خالص كيما لقزاز الصافي.
22
و ما شفتش فيها هيكل, على خاطر الرب الله القادر على كل شيء, هو و لخروف همّا الهيكل تاعها.
23
و لمدينة ما تحتاجش للشمس و لا للقمر باه يضوِيوْ فيها, على خاطر الجاه تاع الله نوّرها, و لخروف هو المصباح تاعها.
24
و تمشي شعوب المخلصين ف النور تاعها, و يجيوها الملوك تاع لرض بالمجد و الكرامة تاعهم.
25
و بيبانها ما تقفل لا ليل و لا نهار, على خاطر ما يكونش فيها ليل.
26
و يجيو ليها بالمجد تاع الامم و الكرامة تاعهم.
27
و ما يدخل ليها حتى شيء منجوس و لا من يعمل الرجس و الكذب, غير الناس اللي اساميهم مكتوبة ف كتاب حياة لخروف.
Chapter 22
1
و زاد ورالي واد صافي يجري بالماء تاع لحياة يلمع كي لقزاز, خارج من العرش تاع الله و لخروف.
2
و في وسط السوق تاعها و على جوانب الواد منا و منّا, شجرة حياة تخَرج ثناش ن ثمرة, و كل شهر تخّرج ثمارها, و لورق تاع الشجرة فيه الشفاء للامم.
3
و ما تزيدش تكون حتى لعنة. و عرش الله و لخروف يكونوا فيها, و العباد تاعو يخدمو فيه.
4
و راح يشوفوا الوجه تاعو, و يكون اسمو على جباههم.
5
و ثمة ما يكونش ليل, و ما يحتاجوش لا للمصباح و لا للضوء تاع الشمس, على خاطر الرب الاله ينّور عليهم, و راح يملكوا لابد الابدين.
6
و من بعد قال لي: "هاذي الاقوال امينة و صادقة. و الرب الاله تاع لنبياء و القديسين يعث الملاك تاعو باه يكشف لعبادو واش لازم يصير ف لقريب العاجل". المسيح راح يجي ف لقريب العاجل
7
"انا راح نجي ف لقريب العاجل. يا سعد اللي يعمل باقوال النبوة اللي ف هاذا لكتاب".
8
و انا يوحنا اللي يشوف و يسمع ف هاذا الكلام. و كي سمعت و شفت, ركعت باه نسجد عند رجلين الملاك اللي كان يوريلي ف هاذا الشيء كامل.
9
بالصح هو قال لي: "لا ما تسجد ليّا! انا عبد كيما انت كيما خاوتك الانبياء, اللي يعملوا بالاقوال تاع هاذا لكتاب. اسجد لله!".
10
و قال لي: "ما تخبيش اقوال النبوة اللي ف هاذا لكتاب, على خاطر الوقت قريب.
11
اللي كان يظلم يداوم على الظلم. و اللي كان منجوس يبقى ف نجاستو. و اللي كان صالح يداوم على الصلاح. و اللي كان قديس يبقى ف قداستو".
12
" و انا اني جاي عن قريب و معايا الجزاء باه نجازي كل واحد على حساب اعمالو.
13
انا هو الالف و الياء, البدية و التمام, لول و لاخر".
14
يا سعد الناس اللي يعملوا بالوصية باه يكون عندهم سلطان على شجرة لحياة, و يدخلوا للمدينة من البيبان,
15
على خاطر خارج لمدينة كاين لكلاب و السحارين و الناس الزانيين و القتالين و عبادين لوثان, وكل كذّاب يحب لكذب.
16
"انا يسوع, بعثت الملاك تاعي باه يشهد بهاذي الامور ف الكنايس. انا اصل داود و ذريتو. انا كوكب الصبح الضاوي".
17
و الروح و العروسة يقولوا: "تعالى!". و كل من يسمع يقول: "تعالى!". و من كان عطشان يجي. و كل من يحب يدي ماء لحياة بلاش.
18
انا ننبه كل من يسمع هاذي لقوال تاع النبوة اللي ف هاذا لكتاب: كل من يزيد عليه, يزيدو الله على الضربات المكتوبة ف هاذا لكتاب.
19
و كل من ينقص منو, ينحي الله نصيبو من كتاب لحياة, و من لمدينة لمقدسة, و من الشيء اللي مكتوب ف هاذا لكتاب.
20
الشاهد على هاذي الامور يقول: "نعم! انا راني جاي ف لقريب العاجل". امين. تعالى يا ربي يسوع.
21
النعمة تاع ربنا يسوع المسيح تكون معاكم اجمين. امين.